#, ,RGYA GAR SKAD DU, HE TU BIN DU N'A MA PRA KA RA nA, BOD SKAD DU, GTAN TSIGS KYI THIGS PA ZHES BYA BA'I RAB TU BYED PA, 'JAM DPAL GZHON NUR GYUR PA LA PHYAG 'TSAL LO, ,DON LKOG TU GYUR PA SGRUB PA'I RTEN NI, RJES SU DPAG PA NYID YIN PAS, DE BYE BRAG TU RTOGS PAR @238B BYA BA'I PHYIR, MDOR BSDUS NAS 'DI BRTZAM MO, ,PHYOGS CHOS DE'I CHAS KHYAB PA NI, ,GTAN TSIGS DE NI RNAM GSUM NYID, ,MED NA MI 'BYUNG NGES PHYIR RO, ,GTAN TSIGS LTAR SNANG DE LAS GZHAN, ,PHYOGS NI CHOS CAN TE, YAN LAG LA SPYI NYE BAR BRTAGS PA'I PHYIR RO, , GAL TE DGOS PA MED PA'I PHYIR NYE BAR GDAGS PAR MI BYA'O ZHE NA, MA YIN TE NYE BAR GDAGS PA NI CHOS CAN GYI CHOS THAMS CAD DGAG PA'I PHYIR TE, DE LTAR NA MIG GIS GZUNG BAR BYA BA YIN PA'I PHYIR RO ZHES BYA BA LA SOGS PA YONGS SU SPANGS PA YIN NO, ,GAL TE CHOS NI GZHAN LA BRTEN PA YIN PAS KYANG, RTEN CHOS CAN 'GRUB LA, CHOS CAN SMOS PAS KYANG NYE BA YIN PA'I PHYIR, BSGRUB PAR BYA BA'I CHOS CAN YIN PAR 'GRUB PO ZHE NA, DPE'I CHOS CAN YANG NYE BA YIN PA'I PHYIR RO, ,DE'I CHOS KHYAB PAS DPE'I CHOS CAN LA YOD PAR GRUB PA'I PHYIR; CHOS CAN GYI CHOS SMOS PAS NI, BSGRUB PAR BYA BA'I CHOS CAN YONGS SU BSDUS SO, ,BSGRUB KYANG NGES PAR BYA BA'I PHYIR YANG SMOS SU DOGS PAR 'GYUR TE, MTHUN PA LA YOD PA KHO NAS LDOG PA LA DE MED PAR GRUB MOD KYI, BSGRUB PAR BYA BA MED PA LA MED PA ZHES SMOS PA BZHIN - DU; DE'I CHOS KHYAB PA SMOS PAS, DPE'I CHOS CAN LA YANG YOD PAR GRUB MOD KYI, DE NYID LA YOD PAR NGES PAR BYA BA'I PHYIR, CHOS CAN SMOS SU DOGS PAR 'GYUR RO, ,DE BAS NA SHUGS KYIS DON GO YANG NYE BAR BRTAGS PA TZAM YI GE MNYAM PAS SGRUB DKA' BA YANG YONGS SU SPANGS PA YIN NO, ,GAL TE PHYOGS KYI CHOS NYID YIN NA, DE'I KHYAD PAR LA LTOS PA GZHAN DU MI 'JUG GO ZHE NA, MA YIN TE MA 'BREL PA RNAM PAR BCAD PAS BYE BRAG TU BYAS PA'I PHYIR DPER NA NAG PA GZHU THOGS SO ZHES BYA BA LTA BU YIN GYI, DPER NA SRID SGRUB GZHU THOGS PA LTA BU'O, ZHES GZHAN DANG 'BREL PA RNAM PAR BCAD PAS NI MA YIN NO, ,DE'I CHA NI DE'I CHOS SO, ,KHYAB PA NI DE LA KHYAB PAR BYED PA YOD PA KHO NA 'AM, YANG NA DE KHO NA LA KHYAB PAR BYA BA YOD PA'O, ,'DIS RJES SU 'GRO BA'AM, LDOG PA DANG PHYOGS KYI CHOS RANG GI TSAD MA JI LTA BDAG GIS NGES PAR BSHAD @239A *, ,PA YIN TE, GTAN TSIGS THAMS CAD LA BSGRUB PAR BYA BA'I CHOS MED NA, KHYAB PA MI 'GRUB PA'I PHYIR RAM, YANG NA KHYAB PAR BYED PA LOG NA LDOG PA MED PA'I PHYIR RO, ,RJES SU 'GRO BA DANG, LDOG PA NGES PA DAG GIS NI, DE'I CHOS KHYAB PA NGES PA YIN NO, ,DE LA BSGRUB PAR BYA BA'I CHOS CAN LA, PHYOGS KYI CHOS MNGON SUM MAM, RJES SU DPAG PA'I SGO NAS RAB TU GRUB PA NI NGES PA STE, DPER NA PHYOGS NA DU BA 'AM, SGRA LA BYAS PA NYID LTA BU'O, ,DU BA DANG BCAS PA'I PHYOGS DON GZHAN GYIS DPE NA PA'I NGO BO CAN THUN MONG MA YIN PA'I BDAG NYID DU MNGON SUM GYIS MTHONG BA LA, JI LTAR MTHONG BA THA DAD PA'I YUL CAN DRAN PA RTAGS SHES PA SKYE'O, ,DE LA DANG PO YUL THUN MONG MA YIN PA MTHONG BA GANG YIN PA DE KHO NA TSAD MA YIN NO, ,DE DE LTAR MTHONG NAS MNGON SUM GYI STOBS KYIS DE DANG DANG GANG GIS THUN MONG MA YIN PA DE'I... THUN MONG MA YIN PA NYID DE LAS THA DAD PA MNGON PAR BRJOD PA DE MA YIN PA LAS LOG PA'I YUL CAN GYI DRAN PA SKYES PA NI, JI LTAR YONGS SU MTHONG BA'I RNAM PA 'DZIN PA'I PHYIR TSAD MA MA YIN TE, SNGAR THUN MONG MA YIN PA MTHONG NAS, THUN MONG MA YIN PA 'O ZHES MNGON PAR BRJOD... PAS NI, SNGON MA RTOGS PA'I DON RTOGS PA MED PA'I PHYIR RO, ,DON BYED PA SGRUB PA MTHONG ZIN PA'I PHYIR, RNAM PAR RTOG PAS NI RJES SU DPAG PA NI DE SGRUB PA'I RANG GI NGO BO MA MTHONG BA YANG RTOGS PA MED PA'I PHYIR RO, ,DON BYED PA DON DU GNYER BA RTOGS PA DANG LDAN PA THAMS CAN NI TSAD MA'AM, TSAD MA MA YIN PA TSOL NA, SPYI NI DON BYED CUNG ZAD KYANG MI NUS TE, RANG GI MTSAN NYID RTOGS PA'I 'OG TU DE'I MTHU LAS SKYES PA RNAM PAR RTOG PA CAN GYI RNAM PAR SHES PA'I GZUNG BA YIN PAS, DPER NA SNGON PO MTHONG NAS SNGON PO'O MTHONG NAS SNGON PO'O SNYAM PA'I RNAM PAR... SHES PA LA SNANG BA BZHIN TE, SNGON PO'I RANG GI MTSAN NYID DE NYID DE LTA BUS BSGRUB PAR BYA BA, DON BYA BA BYED PA YIN LA, DE YANG DE'I BDAG NYID DU MNGON SUM GYIS MTHONG BA KHO NA YIN NO, ,DE'I RANG GI MTSAN NYID GZUNG BA'I 'OG TU 'BYUNG BA SNGON PO RNAM PAR RTOG PA'I YUL @239B GYIS NI, SNGON PO DON GYIS BSGRUB PAR BYA BA'I DON BYA BA SGRUB PAR MI BYED DE, DE LTA BAS NA DON MA RTOGS PA'I YUL CAN TSAD MA YIN ZHES BYA BA YANG RANG GI MTSAN NYID MA RTOGS PA ZHES KHYAD PAR DU BYA'O, ,RANG GI MTSAN NYID RTOGS NAS DE'I MTHU LAS SKYES PA CAN RNAM PAR RTOG PA DE DANG MTHUN PAR BYED PA NI BYA BA'I SGO NAS DE'I YUL CAN YIN PA'I PHYIR DRAN PA KHO NA YIN GYI, TSAD MA NI MA YIN TE, DNGOS PO'I NGO BO MA RTOGS PA MED PA'I PHYIR RO, ,TSAD MA RNAM PAR GZHAG PA NI DNGOS PO LA BRTEN PA CAN NYID YIN PA'I PHYIR RO, ,DE'I DON DU 'JUG PA NI DON BYED PAR RUNG BA'I YUL CAN YIN PA'I PHYIR RO, ,DNGOS PO NI DON BYED PAR RUNG BA'I MTSAN NYID CAN YIN PA'I PHYIR RO, ,RNAM PAR RTOG PA DE LAS KYANG DE LA LHAG PAR CHAGS PAS, DNGOS PO KHO NA LA 'JUG PA'I PHYIR RO, ,ZHUGS NAS MNGON DANG RNAM PAR RTOG PA GRUB PA DANG BDE BA MI DAD PA'I PHYIR RO, , GAL TE MNGON SUM SNGA MA DANG PHYI MA RNAMS SU 'GA' ZHIG LA NYE BAR SBYOR BA THA MI DAD PA'I PHYIR RO, ,TSAD MA NYID MA YIN PAR THAL BAR 'GYUR RO ZHEN, MA YIN TE SKAD CIG MA'I BYE BRAG GIS BSGRUB PAR BYA BA'I DON DU 'DOD PA LA GRUB PA DANG, BDE BA THA DAD PA'I PHYIR RO, ,'BRAS BU THUN MONG BA LA NI DE DAG GI MTHU THA DAD PA MED DO, ,ME TZAM GYI BSGRUB PAR BYA BA'I DON LA DU BA GZHAN DANG GZHAN GYIS GZHAL BA'I ME NYE BA BZHIN NO, ,'DIS NI CHOS DANG CHOS CAN DANG RTAGS LA SOGS PA'I RNAM PAR RTOG PA TSAD MA'I RJES LA 'BYUNG BA TSAD MA NYID DU BSAL BA YIN NO, ,RJES SU 'GRO BA... NGES PA YANG RANG BZHIN GYI GTAN TSIGS GYI NI BSGRUB PAR BYA BA'I CHOS DNGOS SU NA DE'I NGO BO CAN NYID YIN PAS, SGRUB PA'I CHOS KYI NGO BO TZAM DANG RJES SU 'BREL PAR GRUB PA YIN NO, ,DE NI BSGRUB PAR BYA BA LAS BZLOG PA LA GTAN TSIGS KYI GNOD PA CAN GYI TSAD MA 'JUG PA YIN TE DPER NA GANG YOD PA DE NI SKAD CIG MA KHO NA YIN NO, ,SKAD CIG MA NYID MA YIN NA DON BYED PA DANG 'GAL BA'I PHYIR DE'I MTSAN NYID DNGOS PO NYID NYAMS PAR 'GYUR BLTA BU'O, ,'BRAS BU'I TSIGS KYI RGYU DANG 'BRAS BU'I NGO BO GRUB PA YIN TE, 'DI LTA STE 'DI DMIGS NA DMIGS PA'I @240A *, ,RIG BYAR GYUR PA SNGON PO MI DMIGS PA 'DI DMIGS PA YIN NO, ,RGYU GZHAN DAG YOD KYANG 'DI MED NA MED PA'I PHYIR, DE YOD NA NI YOD MED NA NI MED BAS, RGYU DANG 'BRAS BU'I NGO BO NI MNGON SUM DANG MI DMIGS PA'I GRUB PA CAN YIN TE, DE GRUB PA'O, ,DE LTAR NA RGYU DANG 'BRAS BU'I NGO BO NI DON THA DAD PA KHO NAR 'GYUR LA, GANG NA DU BA YOD PA DE NA GDON MI ZA BAR ME YOD DE, ME YOD NA YOD PA KHO NA DE'I 'BRAS BU NYID DU BA YIN PA'I PHYIR RO, ,MI DMIGS PA'I RJES SU 'GRO BA NGES PA YANG MED PA'I THA SNYAD DMIGS PA'I RIG BYAR GYUR PA MI DMIGS PA TZAM 'JUG PA'I SGRUB PA CAN YIN TE, RGYU MTSAN GZHAN MED PAR MTHONG BA'I PHYIR RO, ,LDOG PA NGES PA YANG 'BRAS BU DANG RANG BZHIN GYI GTAN TSIGS DAG GIS NI RGYU DANG 'BRAS BU DANG KHYAB PAR BYA BA DANG, KHYAB PAR BYED PA'I NGO BO GRUB NA YUL BLTAR RUNG BA RGYU DANG KHYAB PAR BYED PA DAG MI DMIGS PAS; BSGRUB PAR BYA BA MED NA GTAN TSIGS 'GRUB PA'O, ,YUL BSTAN PA CAN MED PAR NYE BAR STON PA LA, DE LTA MA YIN NA DMIGS PA'I RIG BYAR MA GYUR PA GANG DU YANG MED PAR MI 'GRUB PA'I PHYIR RO, ,YUL MA BSTAN PA CAN NI BSGRUB PAR BYA BA MED NA MED PAR STON PA YIN TE, 'BREL PA TZAM GRUB NA 'GRUB PAS DE LAS NI LDOG PA BSGRUB PAR BYA BA MI DMIGS PA YUL LTAR RUNG BA LTOS PA MA YIN NO, ,MI DMIGS PA'I LOG PA NGES PA NI DMIGS PA'I RIG BYAR GYUR PA MI DMIGS PA MED PA NYE BAR STON PA'O, ,MTSAN NYID DE LTA BU CAN DE NI RNAM PA GSUM, GTAN TSIGS NI RNAM PA GSUM KHO NA STE, RANG BZHIN DANG 'BRAS BU DANG, MI DMIGS PA YIN TE, DPER NA 'GA' ZHIG MI RTAG PA BSGRUB PAR BYA BA LA YOD PA LTA BU DANG, ME DANG LDAN PA'I PHYOGS LA DU BA LTA BU DANG, MED PA LA DMIGS PA'I RIG BYAR GYUR PA MI DMIGS PA ZHES BYA BA LTA BU'O, ,RNAM PA GSUM PO 'DI KHO NAR, MED NA MI 'BYUNG NGES PHYIR RO, ,PHYOGS KYI CHOS KYI KHYAB PA JI SKAD DU, BSHAD PA NI MED NA MI 'BYUNG BA YIN TE, DE NI GTAN TSIGS RNAM PA GSUM LAS MED PAS 'DI NYID DU NGES PA ZHES BYA'O, ,DE LA SGRUB PA'I CHOS KYI NGO BO TZAM DANG LDAN @240B PA CAN NI BSGRUB PAR BYA BA'I CHOS KYI RANG BZHIN GYI GTAN TSIGS YIN NO, ,PHAN TSUN LDOG PA'I BYE BRAG GIS CHOS THA DAD PA YIN YANG, DNGOS SU NA GTAN TSIGS NI RTAGS CAN GYI RANG BZHIN KHO NA YIN NO, ,RANG BZHIN LA RJES SU 'GRO BA 'KHRUL PA MED PA LAS MTSAN NYID LA GZHAN GYI LUGS LA LTOS NAS, DE TZAM DANG LDAN PA CAN GYIS KHYAD PAR DU BYAS SO, ,GZHAN DAG NI DON GZHAN GYI RGYU MTSAN CAN DE'I NGO BO TZAM DANG LDAN PA MA YIN PA'I CHOS KYANG RANG BZHIN DU 'DOD PAS, KHYAD PAR GYIS DE LTA BU RANG BZHIN MA YIN PA NYID DANG, BSGRUB PAR BYA BA DE LA GTAN TSIGS 'KHRUL PAR BSTAN DE, DPER NA 'JIG PA RGYU DANG LDAN PA LA BYAS PA LTA BU'O, ,DE'I SBYOR BA NI RNAM PAR GNYIS TE, CHOS MTHUN PA NYID CAN DANG, ,CHOS MI MTHUN PA CAN GNYIS KYIS SO, ,DPER NA GANG YOD PA DE THAMS CAD NI SKAD CIG MA STE, DPER NA BUM PA LA SOGS PA LTA BU'O, ,SGRA YANG YOD PA YIN PAS ZHES BYA BA DANG, DE BZHIN DU SKAD CIG MA NYID MED NA YOD PA YANG MED PA YIN NA, SGRA NI YOD PAS ZHES BYA BA LTA BU STE, RJES SU 'GRO BA'AM, LDOG PAS THAMS CAD NYE BAR BSDUS NAS, KHYAB PA RAB TU STON PA'I MTSAN NYID CAN GYIS CHOS MTHUN PA CAN DANG, CHOS MI MTHUN PA CAN GYI SBYOR BA DAG YIN NO, ,'DIR NI SHUGS KHO NAS DAM BCAS PA'I DON RTOGS PA'I PHYIR DAM BCAS PA'I SBYOR BA MI BYA'O, ,GAL TE GZHAL BYA'I... DON RAB TU MA BSTAN NA, DE CI LTAR RTOGS SHE NA, BDAG NYID KYIS RTOGS PA LA GZHAN BYA NYE BAR STON PAR BYED PA SU ZHIG YOD DE, PHYOGS NA YOD PA'I DU BA NYE BAR DMIGS PAS DE LA MES KHYAB PA DRAN NA, DE'I MTHU KHO NAS 'DI NA ME YOD DO SNYAM DU SHES SO, ,DE NA 'DI LA 'GA' YANG 'DI NA ME YOD DO ZHES STON PAR YANG MI BYED LA, BDAG NYID KYIS KYANG CUNG ZAD KYANG MI RTOGS TE, TSAD MA MA RTOGS PAR DE LTAR RTOGS PA'I RGYU MTSAN MED PA'I PHYIR RO, ,RTOGS NA NI RTOGS DON MED PA NYID DU 'GYUR RO, ,BDAG NYID KYIS BAB COL DU 'DI NA ME YOD DO SNYAM DU @241A *, ,GZHAL BYA RNAM PAR BZHAG NAS, PHYIS DE RAB TU SGRUB PA'I YAN LAG GI RJES SU 'BRANG NGO SNYAM NA, RTOGS PA'I RIM PA 'DI NI CI ZHIG YIN, DE GZHAN GYIS BRJOD NA YANG DGOS PA MED PA'I PHYIR CHA CHUNG NGO, ,GAL TE DGOS PA YUL BSTAN PA YIN NO ZHE NA, RE ZHIG BSTAN PA DE NYID KYIS CI ZHIG PHAN, GAL TE GZHAN DU NA RTOGS PAR MI 'GYUR NA NI, THAMS CAD LEGS PAR 'GYUR RO, ,DE LTA BAS NA 'DIS BDAG NYID KYIS RTOGS PA NA, YUL NYE BAR 'GOD PA 'GA' YANG MED PAR RTOGS LA, KHO BO DON DU GNYER BA MTHONG NAS, DUS STON GYI BRAM ZE BZHIN DU, GSAL BAR RNGAN PA SGUGS PAR BYED PA YIN NO, ,KHO BOS BRJOD KYANG BDAG NYID GRUB ZIN PA'I RTAGS KHO NA'I RJES SU 'BRANGS NA RTOGS PAR 'GYUR BAS GNAS SKABS 'DI GNYIS LA KHYAD PAR CI ZHIG YOD, DAM BCA' BA SMOS PA MED PAR YANG PHYOGS KYI CHOS DANG 'BREL PA SMOS PA TZAM GYIS RTOGS PA YANG MTHONG BA'I PHYIR DE DGOS PA CI ZHIG YOD, RANG LA NGES PA BZHIN DU GZHAN DAG LA NGES PA BSKYED PAR 'DOD PA'I PHYIR SGRUB PA ZHES BYA'O, ,DE LA 'DI DAG NYID KYIS GZHAL BYA NYE BAR BSTAN PA MED PAR YANG RTOGS LA, GZHAN KHONG DU CHUD PAR BYED PA NA, DON GYI RIM PA SNGON MA BYUNG BA MA BSTAN TO ZHES BYA BA 'DI LA RGYU CI ZHIG YOD, DE LTA BAS NA GZHAN DU NA YANG RTOGS PA SKYE BA'I PHYIR, GZHAL BYA SMOS PA NI CUNG ZAD KYANG KYANG MI DGOS SO, ,'DIS NI NYE BAR GTOD PA DANG, MJUG SDUD PA LA SOGS PA YANG SPANGS PA YIN TE, SBYOR BA 'DI TZAM KHO NAS RTOGS PAR BTUB PA'I PHYIR RO, ,RE ZHIG KHA BYA'I CHAGS PA YONGS SU BOR LA MIG TSUMS TE, CI 'DI TZAM GYIS RTOGS PAR BTUB BAM, 'ON TE MI BTUB CES SOMS SHIG ,BTUB PA LTAR NA NI SPROS PA'I PHRENG PAS CI ZHIG BYA, SGRUB PA'I TSIG LA SBYOR BA 'DI TZAM KHO NA ZHIG SBYAR BAR BYA'O, ,'DI LA YANG PHYOGS KYI CHOS DANG 'BREL PA SMOS PA DAG GI RIM PA NGES PA NI 'GA' YANG MED DE JI LTAR YANG RTOGS PAR BYED PA'I PHYIR RO, , @241B 'BREL PA SMOS PA LA YANG SBYOR BA 'BA' ZHIG THA DAD PAR ZAD DE, GNYI GA LTAR YANG CHOS THA DAD KYANG DE'I NGO BO KHO NA STON PA'I PHYIR RO, ,DE'I RANG BZHIN MA YIN PA YOD NA GZHAN YOD PAR NGES PA MED DE, BYAS PA NYID YOD NA BRTZAL NAS 'BYUNG BA'I CHOS NYID BZHIN NO, ,DE'I RANG BZHIN MA YIN PA LOG NA YANG 'BRAS BU MA YIN PA DE LDOG PA MED DE, DPER NA CHOS 'DI GNYIS KHO NA BZLOG PA BZHIN NO, ,DE LTA BAS NA RJES SU 'GRO BA DANG LDOG PA DAG LAS MTSAN NYID JI LTA BA GCIG RAB TU SBYAR BAS KYANG GNYIS PA 'PHEN PAS SGRUB PA'I TSIG GCIG LA GNYI GA SBYOR BAR MI 'DOD DE, DON MED PA'I PHYIR RO, ,DE'I RANG BZHIN YIN PA NYID KYIS RJES SU 'GRO BA GRUB NA, DE MED NA MED PA 'GRUB PA'I PHYIR LA, DE MED NA MED PA GRUB NA DE'I RJES SU 'GRO BA GRUB PA'I PHYIR RO, ,LDOG PA SBYOR BA NI, JI LTAR NA DE MED PA KHO NA LA MED PA YIN PAR STON PAR 'GYUR BA STE, GZHAN LA YANG MA YIN LA 'GAL BA LA YANG MA YIN NO ZHES NGES PAR BSTAN PA'I DON DU YANG NGES PAR MA YIN TE, GZHAN DANG 'GAL BA DAG KYANG MI MTHUN PA'I PHYOGS YIN PA'I PHYIR RO, ,GANG GIS NA RJES SU 'GRO BA DANG LDOG PA DAG TU 'GYUR BA YOD PA GDON MI ZA BAR 'JIG PA'I RANG BZHIN YIN NA ZHES BYA BA 'DI JI LTAR KHONG DU CHUD CE NA, 'JIG PA'I RGYU MI RUNG BA'I PHYIR RO, ,DNGOS PO RNAMS NI RANG GI NGO BO KHO NAS 'JIG PA YIN GYI GRUB PA RNAMS GZHAN LAS 'JIG PA 'BYUNG BA 'DI NI MED DE, DE LA NUS PA MED PA'I PHYIR RO, ,'JIG PA'I RGYUS DNGOS PO'I RANG GI NGO BO KHO NA BYED PA NI MA YIN TE, DE GRUB ZIN PA'I PHYIR RO, ,NGO BO NYID GZHAN ZHIG BYED NA YANG DNGOS PO DE'I SO NA 'DUG PA LA CUNG ZAD KYANG MI BYED PAS, DE BZHIN DU DMIGS PA LA SOGS PAR THAL BAR 'GYUR RO, ,NGO BO NYID GZHAN NI 'DI'I SGRIB PA YIN TE, DE'I SO NA 'DUG NA DE LA SGRIB PAR YANG MI RUNG BA'I PHYIR RO, ,'JIG PA'I RGYUS DNGOS PO MED PAR BYED PAR YANG MA YIN TE, MED PA'I TSUL DU KHAS LEN NA THA DAD PA DANG, THA DAD PA MA YIN PAR RNAM PAR RTOG PA LAS MA 'DAS PA'I PHYIR RO, ,DNGOS PO DGAG PA'I NGO BO NYID GCIG YIN NA NI, DNGOS PO MI BYED CES BYA BAR... @242A *, ,'GYUR RO, ,DE LTA NA BYED PA PO MA YIN PA NI RGYU NYID MA YIN PAS 'JIG PA'I RGYU 'GA' YANG MED DO, ,DON MED PA'I YANG PHYIR TE, GAL TE DNGOS PO RANG GI NGO BOS 'JIG PA YIN NA, DE LA 'JIG PA'I RGYU CUNG ZAD KYANG MI DGOS TE, DE'I NGO BO NYID YIN PA KHO NAS BDAG NYID 'JIG PA'I PHYIR RO, ,GANG ZHIG GANG GI NGO BO NYID YIN PA DE NA RING GI RGYU KHO NA LAS SKYE BA NA DE LTA BUR 'GYUR GYI, DE NGO BOR BYA BA LA RGYU GZHAN LA NI MI LTOS TE, GSAL BA DANG, GSHER BA DANG, DRO BA DANG, SRA BA LA SOGS PA'I RDZAS DANG 'DRA'O, ,GSAL BA LA SOGS PA DE DAG GI... BDAG NYID DU BYUNG BA RNAMS NI YANG GSAL BA LAS NGO BOR BYA BA'I PHYIR, RGYU GZHAN LA MI LTOS TE, DE'I BDAG NYID LA DE'I BDAG NYID MED NA BDAG NYID MED PAR THAL BAR 'GYUR RO, ,DE DANG 'DRA BAR GAL TE MI GNAS PA'I CHOS CAN ZHIG YIN NA NI, NGO BO NYID KYIS GRUB PA YANG DE'I BDAG NYID DU BYA BA'I PHYIR RGYU GZHAN LA MI LTOS SO, ,GAL TE SA BON LA SOGS PA BZHIN DU MA NGES PA YIN NO SNYAM STE, 'DI SNYAM DU SA BON LA SOGS PA MYU GU LA SOGS PA BSKYED PA'I RANG BZHIN YANG, CHU LA SOGS PA RGYU GZHAN LA LTOS PA'I PHYIR 'BA' ZHIG GIS NI... SKYED PAR MI BYED DO, ,DNGOS PO 'JIG PA YANG DE DANG 'DRA BAR 'GYUR RO SNYAM DU SEMS NA MA YIN TE, DE'I NGO BO NYID SKYE BA'I PHYIR LA, SKYED PAR BYED PA MA YIN PA YANG DE'I NGO BO NYID MA YIN PA'I PHYIR RO, ,DE NYID KYI PHYIR GNAS SKABS DE GNYIS PO THA DAD PAR NGES TE, DNGOS PO RNAMS KYI NGO BO NYID GZHAN DU 'GYUR BA NYID MED PAS, DE'I NGO BO NYID NI PHYIS BZHIN DU SNGON PO YANG SKYED PAR THAL BAR 'GYUR BA'I PHYIR RO, ,DE LTA BAS NA GNAS SKABS KYI BYE BRAG THA MA GANG YIN PA DE NYID MYU GU LA SOGS PA SKYED PA'I NGO BO NYID YIN NO, ,SNGON GYI GNAS SKABS NA... YOD PA'I BYE BRAG RNAMS NI RGYU'I RGYUD NYID YIN PAS MA NGES PA NYID YIN NO, ,DE LTA BAS NA DNGOS PO SKAD CIG MA RNAMS LA GZHAN DANG GZHAN SKYE BAS GCIG PA NYID MED PA'I PHYIR RO, ,GAL TE THA MA DAG NUS PA YIN NA CI'I PHYIR SKYED PAR MI BYED CE NA, SKYED PAR BYED PA KHO NA'O, , @242B 'DI LA GZHAN DU 'GYUR BA MED DE NGO BO NYID BZLOG PA MED PA'I PHYIR RO, ,GAL TE LHAN CIG BYED PA DE DAG THAMS CAD NUS PA'I NGO BO NYID YIN PA LA, GZHAN GYI NYE BAR SBYOR BA CI ZHIG DGOS SHE NA, DNGOS PO RNAMS LA NI GANG GIS NA 'DI GCIG PUS KYANG NUS NA BDAG GIS CI... ZHIG BYA ZHES GZHAN DAG LDOG PAR 'GYUR BRTOG PA SNGON DU GTONG ZHING BYED PA CAN DAG NI 'GA' YANG MED PA KHO NA STE, SEMS PA MED PAR BYED PA CAN RANG GI RGYU YONGS SU GYUR PAS 'DU BA'I CHOS CAN DAG YIN LA, DE'I RANG BZHIN LAS DE LTA BUR 'GYUR BA LA KLAN KA BTZAL BAR 'OS PA MA YIN NO, ,GAL TE NUS PA DAG CI'I PHYIR GZHAN DANG GZHAN SKYED PAR MI BYED CE NA, MA YIN TE DE KHO NA LA NUS PA'I PHYIR RO, ,GCIG PU DE NYID BSKYED PAR BYA BAR NUS KYI, GZHAN LA NI MA YIN PAS, GZHAN DANG GZHAN SKYED PA MA YIN NO, ,GAL TE MIG LA SOGS PA... LHAN CIG BYED PA NGO BO NYID THA DAD PA DAG LAS 'BRAS BU GCIG SKYE NA RGYU'I BYE BRAG LAS 'BRAS BU'I BYE BRAG TU MI 'GYUR RO ZHE NA, MA YIN TE BDAG NYID JI LTA BA'I NGO BO NYID KYI BYE BRAG GIS DE'I KHYAD PAR LA NYE BAR SBYOR BA'I PHYIR, DE'I NYE BAR SBYOR BAS BYA BA'I KHYAD PAR 'CHOL BA MED PA'I PHYIR RO; ,DPER NA 'JI BA'I GONG BU DANG, RDZA MKHAN DANG SKUD PA LA SOGS PA DAG LAS BUM PAR 'GYUR BA LA, 'JI BA'I GONG BU LAS NI 'JI BA'I NGO BO NYID MA YIN PA SHING LA SOGS PA LAS GZHAN PA'I NGO BO NYID, RDZA MKHAN LAS NI 'JI BA'I BDAG NYID YIN PA DE NYID DBYIBS KYI BYE BRAG GI BDAG NYID KYIS DE LAS GZHAN PA DAG LAS THA DAD PA, SKUD PA LAS NI 'JI BA DANG DBYIBS KYI BYE BRAG GI BDAG NYID CAN DE NYID 'KHOR LO LA SOGS PA LAS RNAM PAR PHYE BA'I NGO BO NYID DU 'GYUR BA LTA BU STE, DE LTAR NA RDZA MKHAN LAS NI 'JI BA'I NGO BO NYID MA YIN LA, 'JI BA LAS KYANG DBYIBS KYI BYE BRAG MA YIN NO, ,DE GNYIS KYI NUS PA'I BYE BRAG GI YUL THA DD KYANG DES BSKYED PA'I KHYAD PAR GYI BYE BRAG GI 'BRAS BU'I NGO BO NYID DI THA DAD PA MA YIN TE, 'JI BA DANG DBYIBS DAG PHAN TSUN GYI BDAG NYID CAN MA YIN PA NYID KYIS, DE GNYIS DBYIBS DANG 'JI BA'I NGO BO DAG TU MI SNANG BAR @243A *, ,THAL BAR 'GYUR BA'I PHYIR RO, ,GAL TE YON TAN DBYIBS NI RDZAS LAS GZHAN PA KHO NA YIN TE, DES NA RDZA MKHAN DANG, 'JI BA'I NYE BAR SBYOR BA'I YUL NGO BO NYID THA DAD PA YIN NO ZHE NA 'DI LAS BSHAD ZIN TO, ,GZHAN YANG 'JI BA LA DBYIBS THA DAD PA ZHIG YIN NA, RDZA MKHAN GYIS CI'I PHYIR LOGS SHIG TU MI BYED, GAL TE YON TAN NI RDZAS KYIS GZHAN GYI DBANG YIN PAS LOGS SHIG TU MI BYED DO, ,GAL TE RANG BZHIN GYI RDZAS DE DBYIBS DE'I RTEN GYI BDAG NYID CAN YIN PA'AM, DBYIBS DE DE LA RAG LAS PA'I BDAG NYID CAN ZHIG YIN NA, RDZA MKHAN LA LTOS CI DGOS SHE NA MA YIN TE, DE LAS PHAN TSUN 'BREL DU RUNG PA NYID THOB PA'I PHYIR RO, ,DE LTA MA YIN TE DNGOS PO'I CHOS NYID RUNG BA KHO NAS, SNGON YANG 'JI BA'I GONG BU DBYIBS KYI KHYAD PAR DANG 'BREL DU RUNG BA NYID GCIG YIN NA NI DBYIBS KYI KHYAB PA DANG 'BREL PA'I KHYAD PAR DU THAL BAR 'GYUR RO, ,DE LTA YIN NA NI 'O NA RDZAS 'JI BA'I RUNG BA DE RDZA MKHAN LAS 'GYUR BAS 'DI GNYIS NGO BO NYID THA DAD PA YANG MA YIN NO, ,THA DAD PA YIN NA NI, SNGA MA BZHIN DU THAL BAR 'GYUR BA'I PHYIR RO, ,RE ZHIG NGO BO NYID GCIG PA NYID LA YANG RKYEN DU MAS PAR DU BYA BA... 'GA' YOD PAS, 'JI BA DANG DBYIBS DAG NGO BO NYID GCIG TU BSGRUB PAR MI 'DOD DO, ,DES NA DNGOS SU 'BRAS SU NGO BO NYID GCIG PA NYID YIN YANG, LHAN CIG BYED PA'I RKYEN DAG NYE BAR SBYOR BA'I YUL GCIG PA CAN MA YIN NA, JI LTAR 'DIR RGYU THA DAD PA'I NYE BAR SBYOR BA'I YUL GCIG PA CAN MA YIN NO, ,JI LTAR 'DIR RGYU THA DAD PA'I NYE BAR SBYOR BA'I YUL THA DAD PA'I PHYIR 'BRAS BU GCIG PA MA YIN PA DE BZHIN DU, MIG LA SOGS PA LA MIG GI RNAM PAR SHES PA SKYE BA LA YANG RIG PAR BYA STE, 'DI LTAR MTSUNGS PA DE MA THAG PA'I RKYEN LAS NI MIG GI RNAM PAR SHES PA DMIGS PA'I BDAG NYID YIN LA DMIGS PA'I BDAG NYID MIG GI DBANG PO LAS NI GZUGS 'DZIN DU RUNG BA NYID DU SO SOR NGES PA YIN, YUL LAS NI DE DANG 'DRA BA'I NGO BO CAN NYID CES BYA BA YIN NO, ,DNGOS SU 'BRAS BU THA DAD PA'I NGO BO NYID MA YIN YANG, RGYU'I NGO BO NYID THA @243B DAD PA DAG LAS KHYAD PAR THA DAD PA KHO NA DAG TU 'GYUR BAS, RGYU THA DAD PA YIN YANG DES BYA BA'I KHYAD PAR THA MI DAD PA YIN NO, ,RGYU'I NUS PA THA DAD PA DE DAG KHO NA SKAD CIG PA YIN PA'I PHYIR, BDAG NYID JI LTA BA BZHIN SO SO'I KHYAD PAR CAN GYI 'BRAS BU SKYED PAR NUS PA CHOD PA MED PA NYID DU NYE BAR GNAS PA NI TSOGS PA'I 'BRAS BU'I NGO BO NYID GNAS PA'I GZHI DAG YIN ZHES BYA STE, 'DI LTAR DE NI DE MTHA' DAG LAS DMIGS PA'I BDAG NYID DANG, GZUGS 'DZIN PAR SO SOR NGES PA DANG, YUL DANG NGO BO CAN ZHES BYA BA SO SO'I KHYAD PAR CAN GYI NGO BO NYID GCIG SKYES SO, ,GAL TE NUS PA 'GOG PA MED PA 'BRAS BU MJUG THOGS PA SKAD CIG PA KHYAD PAR DU BOGS DBYUNG DU MED PA DAG GI RKYEN RNAMS LA, PHAN TSUN LHAN CIG BYED PA'I DON CI ZHIG YIN ZHE NA, LHAN CIG BYED PA NI THAMS CAD DU BOGS 'BYIN PA SKYED PA 'BA' ZHIG KYANG MA YIN NO, ,'O NA CI ZHE NA, MANG PO DAG DON GCIG BYED PA GANG YIN PA YIN TE, DPER NA TSOGS THA MA LTA BU'O, ,'DI NYID DNGOS SU LHAN CIG BYED PA RNAMS KYI LHAN CIG BYED PA YIN TE, THA MA DE NYID RGYU YIN PA'I PHYIR RO, ,SKAD CIG MA DE LA NGO BO NYID GCIG LA DBYE BA MED PAS KHYAD PAR DU BYA BAR MI NUS PA'I PHYIR TE; KHYAD PAR 'BYUNG BA'I MTSAN NYID NI, NGO BO NYID GZHAN 'BYUNG BA'I PHYIR RO, ,NGO BO NYID GZHAN 'BYUNG NA NI THA MAR MI 'GYUR TE, DE'I PHYIR MNGON SUM GYI RGYUR MI 'GYUR RO, ,DE LTA BAS NA LHAN CIG BYED PA RNAMS LAS RGYU'I KHYAD PAR 'BYUNG BA MA YIN NO, ,GANG DAG LA SNGON DANG PHYIS DANG THA DAD PA'I NGO BO MED PA, GANG GI MJUG THOGS SU 'BRAS BU 'BYUNG BA'I RKYEN THA MA NGO BO NYID KYIS NUS PAR SKAD CIG PA DE DAG LHAN CIG SKYE STE, DE LA BYA BA GCIG PA KHO NA LHAN CIG BYED PA NYID YIN NO, ,GAL TE NUS PA DE DAG GA LAS BYUNG ZHE NA, RANG GI NGAG LAS SO, ,GAL TE DE DAG GIS 'DI RKYEN GZHAN DANG NYE BA MED PA KHO NA CI STE MI SKYED DE RES 'GA' GZHAN DU YANG 'GYUR RO, ,DE'I PHYIR LA LAR GCIG PUS KYANG SKYE BAR 'GYUR RO ZHE NA, 'DU BYED RGYU MA GZHAN DANG GZHAN GYI RKYEN DANG LDAN PAS, SKAD CIG MA RE RE LA NUS PA THA DAD PA CAN DAG 'GA' ZHIG GIS MTSUNGS PAS NGO BO 'DRA BAR SHES MOD KYI, DE @244A *, ,LA 'DI DAG GI NGO BO NYID THA DAD PA KHO NA YIN TE, DES NA 'GA' ZHIG KHO NA 'GA' ZHIG GI RGYU YIN NO, ,DE LA GZUGS DANG DBANG PO LA SOGS PA'I TSOGS YUL CHOD PA MED PA LA SOGS PA DANG LDAN PA CAN GANG YIN PA DE NI, RNAM PAR SHES PA SKYED PAR NUS PA'I RGYU YIN NO, , DE DAG PHAN TSUN NYE BAR 'GRO BA LA SOGS PA'I RTEN RKYEN GYI KHYAD PAR GANG YIN PA DE NI DE'I RGYU SKYED PAR NUS PA YIN NO, ,DE DAG KYANG SNGON YANG MED, PHYIS KYANG MED, SO SO NA YANG MED PAS NUS KYANG SNGON DANG PHYIS KYANG SO SO NA YOD PA LAS 'BYUNG BA'I NYES PA DAG GIS MI GOS SO, ,DE DAG NA 'DI DAG PHAN TSUN NYE BAR 'GRO BA LA SOGS PA'I RGYU GANG YIN PA DE NUS PA'I RGYU YIN PAS, DE LA NAM YANG GZHAN DU 'GYUR BA MED DO, ,TSUL 'DIS THAMS CAD LA RGYU DANG 'BRAS BU'I NGO BO SO SOR NGES PA KHONG DU CHUD PAR BYA'O, ,DNGOS PO'I NUS PA SKAD CIG MA RE RE LA NGO BO NYID KYI BYE BRAG GZHAN DANG GZHAN GYI RJES SU 'GRO BA CAN DAG LA YIN GYI DNGOS PO BSTAN PA GCIG PU'I NGO BO NYID CAN DAG LA NI MA YIN TE, NGO BO NYID GZHAN DU 'GYUR BA MED PAS NUS PA DANG MI NUS PA'I NGO BO NYID DAG LA BYED PA DANG MI BYED PA MI RUNG BA'I PHYIR RO, ,GAL TE LHAN CIG BYED KYI 'GA' ZHIG NI MA YIN NO ZHE NA, CI 'BA' ZHIG GIS 'BRAS BU BSKYED PAR NUS SAM, MI NUS SO, ,CI'I PHYIR MI BSKYED, MI BSKYED NA JI LTAR NUS, GAL TE THA GA LA SOGS PA RAS YUG LA SOGS PA BYA BAR NUS MOD KYI, THAMS CAD DU NI MI BYED DO ZHE NA, BRTZE BA'I DANG TSUL CAN BLUN PO RNAMS DGA' BA SKYED DE BAR BSKYED PA NI BYAS SHING BYAS PA LA YANG DANG YANG BYED DU GZHUG STE, 'DI LTAR 'DI NI SA BON LA SOGS PA NYE BAR 'GOD PAR DPYAD ZIN TO, ,DE LTA BAS NA NGO BO NYID GZHAN DU 'GYUR BA MED PA'I PHYIR RO, ,DE'I CHOS CAN GYI NGO BO NYID DE LTA BU NI THA MA'I GNAS SKABS BZHIN DU BZLOG TU MI RUNG NGO, ,THA MA'I GNAS SKABS NA SNGON NUS PA MED PA LAS NUS PA SKYE NA, NUS PA DE'I NGO BO NYID YIN NA NI, SNGON MED PA SKYE BA KHO NA YIN NO, ,DE'I NGO BO NYID MA YIN NA NI BYED PA PO MA YIN PA NYID DE, NUS PA ZHES BYA BA'I DNGOS PO LAS 'BRAS BU SKYE BA'I PHYIR RO, ,GZHAN YANG RE ZHIG DE NYID LHAN CIG BYED PA MTHA'... @244B DAG DANG LDAN PA 'BRAS BU JI STE SKYED, BSKYED PA MTHONG STE, DES NA BSKYED DO ZHES SMRA'O, ,MTHU CHEN PO CAN GYI MTHONG BA DNGOS PO DE'I NGO BO NYID MA YIN PA DAG KYANG, RANG GI NGO BO TZAM GYIS BYA BA SNA TSOGS PA RNAMS LA SBYOR BA NI NUS PA CHEN PO CAN YIN NO, ,BRGYA ZHIG LA 'GA' ZHIG JI ZHIG LTAR 'DIR KHYOD KYI MTHONG BA'I LAM LAS 'DAS NA, KYE MA MI SKYED PA'I CHOS CAN YIN TE, RGYU MED PA CAN DU 'GYUR BAS BSAM PA 'DI NI SEMS LA GDUNG NGO, ,KHO BO NI DE'I NGO BO NYID MA YIN PA LAS BDAG GIS MTHONG BAS 'BRAS BU BSKYED DO ZHES MI ZER RO, ,'O NA CI ZHE NA DE DAG NI NGO BO NYID KYIS DE SKYED PA'I CHOS CAN YIN LA, DE DAG MTHONG NA 'DI DAG NI SKYED PA PO YIN NO ZHES BYA BAR SHES PAR ZAD DO, ,'DI YANG YOD PAR BDEN NA DE DAG 'BRAS BU BSKYED PA'I CHOS KYI NGO BO NYID YIN PA DES NA, RKYEN MTHA' DAG DANG LDAN PA RNAMS MA BSKYED PAR BTANG SNYOMS SU 'KHOD DO... ZHES BYA BA NI MA YIN NO, ,CI DE DAG GI MI SDOD PAR BSKYED PA'I CHOS CAN GYI NGO BO NYID DE, THA MA'I GNAS SKABS DE KHO NA'I TSE 'BYUNG NGAM, 'ON TE SNGON YANG YOD DE MA NYAMS MA BYUNG BA BRTAN PA GCIG PU'I NGO BO NYID CAN RNAMS LA NGO BO NYID 'GA' MED BA 'GAL BA'I PHYIR RO, , DE NI CI DE MA YANG YIN MO GSHAM YANG YIN NAM, MI SDOD PAR SKYED PA'I CHOS KYI NGO BO NYID KYANG YIN LA, MI SKYED PA YANG YIN NO ZHES SMRAS PA 'DI'I DON CI YIN, GAL TE DE'I NGO BO NI LHAN CIG PA YIN GYI, 'BA' ZHIG NI MA YIN NO ZHE NA, 'O NA NI 'BA' ZHIG KYANG GZHAN LA LHAN CIG PA YANG GZHAN YIN TE, DNGOS PO THA DAD PA'I MTSAN NYID NI, NGO BO NYID THA DAD PA YIN PA'I PHYIR RO, ,LHAN CIG PA NYID YIN YANG GZHAN GYI NGO BOS BYED PA PO NI MA YIN LA, 'DI'I RANG GI NGO BO NI SNGON YANG DE KHO NAR ZAD NA, JI LTAR RES 'GA' SKYED PA DANG 'BRAL, GANG GI... DNGOS PO SKAD CIG PA YIN PA DE'I LTAR NA YANG JI STE 'BA' ZHIG GIS MI SKYED, GAL TE YIN NA NI SKYED PA KHO NA'O, ,MA YIN NA SKAD CIG MA YIN PA'I PHYIR RO, ,JI LTA BU ZHIG BSKYED PA NI BSHAD ZIN TE, SKAD CIG MA 'BYUNG BA CAN DE JI LTAR GZHAN DU 'GYUR, GANG ZHIG 'GYUR BA DE NI DE NYID @245A *, ,MA YIN PAS THAL BA 'DIR MI 'GYUR TE, BYED PA PO DANG, BYED PA PO MA YIN PA DAG GI NGO BO NYID DANG DE'I RGYU DAG 'GAL BA'I PHYIR RO, ,GANG ZHIG DE'I NGO BO NYID DE NI MI SDOD PAR SKYE BA'I CHOS CAN KHO NA YIN PAS, DE NI LHAN CIG PA NYID LA MI LTOS SO, ,'BRAS BU NI RKYEN... GZHAN LA LTOS PAS, LHAN CIG PA KHO NA LAS SPYI'I 'BA' ZHIG LAS NI MA YIN NO SNYAM DU SEMS NA, DE LTAR NA YANG CI LTAR DE 'BA' ZHIG GIS KYANG SKYED PA KHO NA YIN LA 'BRAS BU YANG DE LAS MI SKYE ZHES BYA STE, GNAS SKABS DE NI 'GAL LO, ,GAL TE 'BA' ZHIG GIS SKYED PA KHO NI MA YIN NO ZHE NA, DA NI JI LTAR NA MI 'DOD PAR SKYED PA'I NGO BO NYID YIN TE, 'DI SKAD DU SKYED PA KHO NA'O ZHES YONGS SU BSTAN PA MA YIN NAM, 'DI 'BA' ZHIG KYANG NUS PA YIN NA, 'BRAS BU GZHAN LA LTOS NA YANG JI LTAR BTANG SNYOMS SU 'JOG STE, GZHAN LA MI 'CHOL BAR 'DI GSAL BAR SKYED PAR 'GYUR RO, ,DE LTA NA 'DIS BDAG NYID KYI NUS PA BSTAN PA YIN NO, ,'BRAS BU GZHAN LA LTOS SO ZHES BYA BA NI DE 'BA' ZHIG LAS MI SKYE BAR SMRA BA YIN LA, DE 'BA' ZHIG KYANG NUS PA'I NGO BO NYID YIN NO ZHES BYA BA NI, DE LAS SKYE BAR SMRAS PA YIN NA, 'DI DAG GCIG LA JI LTAR 'GYUR TE, DE LTA BAS NA PHRAG DOG GI ZUG RDUS GNAD DU BRGYAB PA CAN 'DI 'CHAL ZHING 'KHANG BAR ZAD PAS, BTANG SNYOMS SU DOR BAR 'OS SO, ,DE LTA BAS NA GCIG SKYED PA'I MTSAN NYID KYI LHAN CIG BYED PA NYID NI, DNGOS PO SKAD CIG PA RNAMS KHO NA'I YIN GYI SKAD CIG PA MA YIN PA SO SO NA YOD PA SRID PA CAN RNAMS KYI NI MA YIN TE, SO SOR SKYED PAR SRID PAS LHAN CIG BYED PA NYID DU NGES PA MI RUNG PA'I PHYIR RO, ,GANG DU RGYUN GYIS PHAN 'DOGS PAS DNGOS PO RNAMS RKYEN NYID DU STON PA DPER NA 'BRAS THUG PO CHE DANG SA BON LA SOGS PA LAS 'BRAS CHAN DANG MYU GU LA SOGS PA 'BYUNG PA LAS, ME DANG CHU DANG SA LA... SOGS PA LTA BU DE LA NI, RGYU LA BRTEN NAS KHYAD PAR 'BYUNG BA LA, RKYEN RNAMS KYI LHAN CIG BYED PAR BSHAD KYI, RDZAS LA BRTEN NAS NI MA YIN TE, RDZAS SKAD CIG PA LA KHYAD PAR 'BYUNG BA MED PA'I PHYIR RO, ,'BRAS THUG PO CHE LA SOGS PA ME LA SOGS PA LA RIM GYIS NGO BO NYID KHYAD PAR GYUR PA MI 'BYUNG @245B NA; 'BRAS CHAN LA SOGS PA 'GRUB PA'AM, SNANG BA NAS MUN KHANG DU ZHUGS PA'I DBANG PO LA RANG GIS PHAN 'DOGS PA DAG LAS RGYUN GYI KHYAD PAR MI 'BYUNG NA DON RTOGS PA SKYE BA MED DO, ,THOGS PA MED PAR SKYED PA'I DBANG PO LA SOGS PA NI, PHAN TSUN LAS KHYAD PAR 'BYUNG BA MED DE, DER NI PHAN TSUN NYE BAR 'GRO BA LA SOGS PA'I RTEN BDAG NYID JI LTA BA'I RKYEN RNAMS KYIS RUNG BA'I YUL LA SOGS PAR GNAS PA CAN SKYED PA DE DAG LHAN CIG NGO BO NYID GRUB PAS, ,SHES PA'I RKYEN NYID DU SHES PAS DON GCIG BYED PA KHO NA LHAN CIG BYED PA NYID YIN NO, ,GANG DU KHYAD PAR BSKYED PAS LHAN CIG BYED PA RNAMS RKYEN NYID PA DER NI, RGYU'I RGYUN RKYEN LA LTOS PA YIN PAS, DE LAS NGO BO NYID GZHAN THOB BO ZHES BYA'O, ,DE LA RGYU DANG RKYEN RNAMS KYI SKAD CIG MA SNGA MA RANG GI NGANG GIS LOG NA, DE DAG KHO NA LAS SKAD CIG MA KHYAD PAR CAN 'BYUNG BA'I PHYIR, RIM GYIS KHYAD PAR DU GYUR PA DANG LDAN PA RGYU'I TSOGS THA MA LAS 'BRAS BU'I BAR DU 'BYUNG NGO, ,LHAN CIG BYED PA LAS YANG DAG PAR BYUNG BA'I RGYU LAS 'BRAS BU SKYEN NI, KHYAD PAR NYID DU 'BYUNG BAR MI RUNG NGO, ,KHYAD PAR CAN MA YIN PA LAS KHYAD PAR SKYE NA NI, 'BRAS BU YANG 'GYUR TE, LHAN CIG BYED PA KHYAD PAR PHAN TSUN 'BYUNG PA LA MI LTOS PAS KYANG 'BRAS BU SKYED PAR 'GYUR RO, ,DES NA SKAD CIG PA MA YIN PA LHAN CIG BYED PA LA MI LTOS PA RNAMS KYANG RGYU NYID DU 'GYUR LA, LTOS PAR BYA BA RNAMS LAS NGO BO NYID KHYAD PAR DU GYUR PA 'BYUNG BA NI MED DO, ,'ON TE KHYAD PAR 'BYUNG NA YANG LHAN CIG BYED PAS BYAS PA'I KHYAD PAR KHO NA NYE BAR GNAS PAR 'GYUR TE, DE LTA NA, THUG PA MED PAR 'GYUR RO, ,LHAN CIG BYED PA RNAMS NI GANG GIS NA 'DI DAG PHAN TSUN BYAS PA'I KHYAD PAR DANG RTAG TU RJES SU 'BREL BAR 'GYUR BA PHAN TSUN NAS 'BRAS BU SKYE BA DANG, MTHUN PA'I KHYAD PAR SKYED PAR RUNG BAR RTAG TU GNAS PA CAN YANG MA YIN TE; DE YOD PA DANG MED PA DAG GI 'BRAS BU GSAL BA DANG, BRAL BA PMTHONG BA'I PHYIR RO, ,DES NA KHYAD PAR DANG PO NI LHAN CIG CIG BYED PA DAG GIS PHAN MA BTAGS PA YIN PAR MI 'THAD DO ZHE NA, KHO BO NI YANG DANG YANG DU SMRA BA LA SKYO BA 'GA' YANG MED DE, GAL TE DE LHA NA YANG 'JIG RTEN @246A *, ,GYIS RIGS PA GO BAR 'GYUR BA LTAR NA DA DUNG YANG SMRA BAR BYA'O, ,LHAN CIG BYED PA RNAMS NI GANG GIS NA DE MED PA'I PHYIR, KHYAD PAR SKYED PA LA LHAN CIG BYED PA DAG TU MI 'GYUR BA KHYAD PAR SKYED PA KHO NAS LHAN CIG SKYED PA NYID YIN PA YANG MA YIN NO, ,'O NA CI ZHE NA DON GCIG BYED PAS KYANG YIN NO, ,GAL TE PHAN TSUN NAS KHYAD PAR MED PA RNAMS LA DE YANG MED DO, ,'ON TE YOD NA NI SO SO LA YANG 'GYUR RO, ,DE LTA NA NI KHYAD PAR DE LAS 'BYUNG BA CAN GYI 'BRAS BU YANG 'BA' ZHIG LAS 'BYUNG BAR 'GYUR RO ZHE NA, SKAD CIG RE RE LA RKYEN GZHAN DANG GZHAN DAG GIS JI LTAR... DNGOS PO'I RGYUN LA KHYAD PAR SKYE BA DANG, YUL RUNG BA CAN NYID LA SOGS PA'I GNAS SKABS KYI BYE BRAG PA DAG 'BRAS BU SKYED PA DANG, DE DAG KYANG GANG LAS SKYE BA DANG, SO SOR NUS KYANG JI LTAR 'BA' ZHIG GIS MI SKYED DE, BYED PA PO'I KHYAD PAR SO SO NA YOD PA MED PA'I PHYIR DANG, 'BRAS BU RNAM PA GNYIS PO LHAN CIG BYED PAS SKYED PA'I KHYAD PAR BRGYUD PA LAS BYUNG BA'I CHOS CAN DANG, GZHAN TE MYU GU LA SOGS PA LTA BU DANG, MI SDOD PAR SKYED PA'I DBANG PO'I RNAM PAR SHES PA LTA BU STE, 'BRAS BU DANG, RGYU'I NGO BO NYID THA DAD PA'I PHYIR RO ZHES BYA BA THAMS CAD BSHAD ZIN TO, ,DE LA LHAN CIG BYED PA... DAG LAS RGYUN GYIS PHAN 'DOGS PA LA LTOS PA'I 'BRAS BU'I RGYU SKYE BA LA LHAN CIG BYED PA'I KHYAD PAR DANG PO NI LHAN CIG BYED PAS KHYAB PA'I KHYAD PAR LAS SKYE BA CAN MA YIN TE, 'BRAS BU MJUG THOGS CAN LTA BU'O, ,DE PHAN CHAD KYI KHYAD PAR GANG YIN PA DE DAG NI DE LAS SKYE BA CAN YIN TE, DE DANG DE DAG NI DE'I RANG BZHIN CAN YIN PA'I PHYIR, THUG PA MED PA MA YIN NO, ,GAL TE KHYAD PAR DANG PO'I RGYU BZHIN DU SKAD CIG PA MA YIN PA'I DNGOS PO KHYAD PAR DU GYUR PA MA BSKYED PAS KYANG 'BRAS BU BSKYED PAR 'GYUR RO ZHE NA, BSKYED LA NI RAG STE, GAL TE 'DI'I NGO BO NYID DE MI SDOD PAR SKYED PAR BYED PA'I CHOS CAN ZHIG YIN NA NI, SO SO NA YOD PA SRID PAS 'BA' ZHIG GIS KYANG DE LTAR 'GYUR RO ZHES BSHAD ZIN TO, ,DE'I NGO BO NYID MA YIN NA NI DE'I TSE YANG SKYED PAR BYED PA MA YIN PA NYID DO, ,DE LTA BAS NA SKAD CIG PA MA YIN PA'I RGYU DAG LAS, DON GCIG BYED PAS 'GA' YANG LHAN... @246B CIG BYED PA NYID DU NGES PA MED DO, ,RGYUN GYIS PHAN 'DOGS PAS KYANG MA YIN PAS, DE'I LHAN CIG BYED PA 'GA' YANG MED DE, DE'I PHYIR 'BA' ZHIG GIS KYANG BSKYED PAR 'GYUR RO, ,DNGOS PO'I RGYUN TSOGS PA LA GNAS PA CAN NI, PHAL CHER LHAN CIG BYED PA'I RKYEN GYI KHYAD BAR BSKYED PAS RANG GI 'BRAS BU SKYED PA MTHONG STE, SA BON LA SOGS PA BZHIN NO, ,RGYU RTAG PAR SMRA PA'I LTAR NA RKYEN LA LTOS PA YIN NA NI, SKYED PAR BYED PA'I NGO BO NYID GZHAN ZHIG 'BYUNG NGO ZHES BYA BAR GSAL BA YIN TE, 'BRAS BU LA LTOS PA ZHES BYA'O, ,SKYED PAR BYED PA'I NGO BO NYID SNGON YANG YOD NA NI, MI BSKYED PA MI RUNG NGO, ,DE LTA BAS NA GANG GI BDAG NYID GANG YIN PA DE NI, YOD PA TZAM GYIS DE LTA BUR 'GYUR GYI, GYUR NAS YANG DE'I DNGOS POR BYA BA'I PHYIR GZHAN GYIS MNGON PAR 'DU BYA BA LA LTOS PA NI MA YIN NO, ,DNGOS PO NGO BO NYID KYIS MI GNAS PA'I CHOS CAN LA NI, 'JIG PA'I RGYU DAG CUNG ZAD KYANG MI DGOS SO, ,DNGOS PO GNAS PA'I CHOS CAN LA YANG SUS KYANG NGO BO NYID GZHAN DU BYA BAR MI NUS PA'I PHYIR, 'JIG PA'I RGYU DAG GIS CI ZHIG BYA, 'ON TE GZHAN NYID DU 'GYUR NA NI DE'I NGO BO NYID KHO NAR MI 'GYUR BAS BRTAG PA SNGA MAR ZAD DE DE LA YANG BSHAD ZIN TO, ,PHA ROL LAS GZHAN DU 'GYUR BA GANG YIN PA DE NI, GZHAN GYI NGO BO NYID YIN LA, GANG ZHIG GZHAN YIN PA DE JI LTAR DE'I YIN TE, DNGOS PO THA DAD PA NI NGO BO NYID THA DAD PA'I MTSAN NYID YIN PA'I PHYIR RO, ,DE LTA NA DNGOS PO SNGA MA 'PHO BA MED PA'I CHOS LA GNAS PAS DES GZHAN DU 'GYUR BA MED DE, ,'DIS NI ZANGS LA SOGS PA'I SRA BA LA SOGS PA ME LA SOGS PA LAS SNYI BA LA SOGS PA'I NGO BO NYID GZHAN DU 'GYUR BA BSAL BA YIN TE, DE LA YANG SNGA MA RANG GI NGANG GIS 'JIG PA CAN YIN PA'I PHYIR ZHIG NA, ME LA SOGS PA DANG, NYE BAR LEN PA LAS SNYI BA LA SOGS PA'I NGO BO NYID GZHAN KHO NA ZHIG 'BYUNG BA YIN NO, ,DE NI RANG GIS GNAS PA'I CHOS CAN KHO NA YIN TE, 'JIG PA'I RGYU MI SRID NA GNAS PA'I PHYIR RO, ,DE NI GZHAN GYIS 'JIG LA 'JIG PA ZHES BYA BA NGO BO NYID GZHAN YANG MED DE, DNGOS PO 'PHO BA KHO NA 'JIG PA YIN NO ZHE NA, LAN 'DI NI RNAM PAR BRTAG PA GNYIS @247A *, ,LAS MI 'DA'O, ,CI DNGOS PO NGO BO NYID KYIS BRTAG PA ZHIG GAM MI RTAG PA ZHIG CES BRTAG PAR BYA BA LA, SNGAR RTAG PAR GYUR NAS PHYIS MI RTAG PAR 'GYUR RO ZHES SMRA NA NI, RTAG PAR 'DOD PA SNGA MA THAMS CAD DU RTAG PA DANG MI RTAG PA'I NGO BO NYID THA DAD PA CAN GYI DNGOS PO GNYIS DANG, RANG GIS 'JIG PA DANG, MI 'JIG PAR RAB TU SMRA BA YIN TE, DE LTAR NA SNGA MA LA 'JIG PA'I RGYU NUS PA MED DO, ,SNGAR RTAG PAR GYUR NAS PHYIS MI RTAG PAR 'GYUR BA NI MA YIN NO, ,'O NA CI ZHE NA, PHYIS KYANG RTAG PA KHO NA YIN TE, NGO BO NYID GCIG PA'I PHYIR RO, ,'O NA DNGOS PO DE NGO BO NYID KYIS 'JIG PA DANG MA 'BREL NA 'JIG PA ZHES BYA BA JI LTA BU YIN TE, DE'I NGO BO NYID DANG 'JIG PA DAG NI PHAN TSUN GYI NGO BO CAN MA YIN PA NYID KYI PHYIR RO, ,DE LTA BAS NA 'DI LA 'JIG PA YOD PA DANG, 'DI 'JIG PA'I NGO PO NYID DU 'GYUR DGOS TE, DE LTA NA YANG 'JIG PA'I RGYU DON MED DO ZHES BSHAD TO, ,DES NA DNGOS PO'I NGO BO KYIS 'JIG PA YIN YIN YANG RUNG, MI 'JIG PA YIN YANG RUNG STE, 'JIG PA'I RGYU DGOS PA MED DO, ,DE LTA BAS NA DNGOS PO 'JIG PA LA LTOS PA MED PAS DE'I NGO BOR NGES PA YIN NO, ,YOD PA GANG YIN PA DE NI 'JIG PA YIN LA; 'JIG PA LOG NA YOD PA LDOG PAS RJES SU 'GRO BA DANG LDOG PA GRUB PA'O, ,GAL TE NGO BO NYID KYIS 'JIG PA NYID YIN NA YANG, LA LA DE'I NGO BO NYID MA YIN PAR YANG 'GYUR TE, THAMS CAD KYI NGO BO NYID THAMS CAD YIN PA NI MED PAS RJES SU 'GRO BA DANG, LDOG PA MA GRUB PO ZHE NA, MA YIN TE, SKAD CIG PA NYID MA YIN NA DNGOS PO MED PA NYID DU THAL BAR 'GYUR BA'I PHYIR RO, ,DNGOS PO'I MTSAN NYID NI NUS PA YIN NO, ,NUS PA THAMS CAD BRAL BA NI DNGOS PO MED PA'I MTSAN NYID YIN NO, ,SKAD CIG PA MA YIN PA NI 'GA' YANG GANG DU NUS PA MED DE RIM DANG CIG CAR DAG GIS DON BYED PAR 'GAL BA'I PHYIR RO, ,DE LTA BAS NA GANG YOD PA DE NI SKAD CIG PA KHO NA YIN PAS KHYAB PA GRUB BO, ,DON GZHAN SHES PAR BYA BA LA 'BRAS BU GTAN TSIGS YIN TE 'KHRUL PA MED PA'I PHYIR RO, ,GAL TE RGYU DANG 'BRAS BU'I DNGOS PO RTAGS SHES PAR BYED PA NYID YIN NA, RNAM PA THAMS CAD DU SHES PAR BYA @247B BA DANG, SHES PAR BYED PA'I DNGOS PO YIN TE, RNAM PA THAMS CAD DU BSKYED PAR BYA BA DANG, SKYED PAR BYED PA'I DNGOS PO YIN PA'I PHYIR RO ZHE NA, MA YIN TE DE MED PAR 'BYUNG BA NI DE LAS 'BYUNG BA NGES PA MED PA'I PHYIR RO, ,DE LTA BAS NA RGYU'I NGO BO NYID JI SNYED GCIG MED PAR 'BRAS BU MI 'BYUNG BA DE DAG RGYU YIN TE, DE'I 'BRAS BU NYID DU NGES PA'I PHYIR RO, ,GANG DAG DE DAG MED NA MI 'BYUNG BA'I CHOS DE DAG NYID KYIS SO, ,GAL TE CHA SHAS KYIS BSKYED PAR BYA BA DANG, SKYED PAR BYED PA NYID DU THAL BAR 'GYUR RO ZHE NA, MA YIN TE DES BSKYED PAR BYA BA'I KHYAD PAR DANG, RTAGS KYI KHYAD PAR GYI BYE BRAG CAN GYI SPYI RNAMS 'DZIN NA, 'DOD PA'I PHYIR RO, ,KHYAD PAR CAN MA YIN PA'I SPYI'I BRJOD PAR 'DOD NA, 'KHRUL PA'I PHYIR MI 'DOD DO, ,GAL TE 'GA' ZHIG RES 'GA' ZHIG LAS 'BYUNG YANG DE DANG 'DRA BA THAMS CAD DE LAS SKYE'O ZHES BYA BA GO GA LAS, DE LTA NA RJES SU 'GRO BA DANG, LDOG PA NI MA YIN NO ZHE NA, MA YIN TE, DE LAS 'BYUNG BA CAN MA YIN PA DE NI, LAN 'GA' YANG DE LAS MI 'BYUNG BA'I PHYIR TE, PHAN TSUN LTOS PAS BSKYED PAR BYA BA DANG, SKYED PAR BYED PA'I NGO BO NYID KYI MTSAN NYID CAN GYI 'BRAS BU DAG YIN NO, ,DE LA GAL TE DU BA ME LA SOGS PA'I TSOGS PA LAS GZHAN PA LAS KYANG 'BYUNG BAR 'GYUR NA, DE NI DES BSKYED PAR BYA BA'I NGO BO NYID MA YIN PAS, LAN 'GA' YANG 'BYUNG BAR MI 'GYUR TE, DON GZHAN BZHIN NO, ,TSOGS PAS KYANG DE SKYED PAR MI 'GYUR TE, DE SKYED PA'I NGO BO NYID MA YIN PA'I PHYIR TSOGS PA GZHAN BZHIN NO, ,DU BA NI DE DANG DE MA YIN PAS BSKYED PAR BYA BA'I NGO BO NYID DU YANG RIGS PA MA YIN TE, NGO BO NYID GCIG PA'I PHYIR RO, LAN 'GA' YANG DE LAS MI 'BYUNG BA'I PHYIR TE, PHAN TSUN LTOS PAS BSKYED PAR BYA BA DANG, SKYED PAR BYED PA'I NGO BO NYID KYI MTSAN NYID CAN GYI 'BRAS BU DAG YIN NO, ,DE LA GAL TE DU BA ME LA SOGS PA LAS GZHAN PA LAS KYANG 'BYUNG BAR BAR 'GYUR NA, DE NI DES RO; ,DE LTA BAS NA DU BA SKYED PAR BYED PA GANG YIN PA DE NI, ME LA SOGS PA'I TSOGS PA'I KHYAD PAR YIN LA ME LA SOGS PA'I TSOGS PA'I KHYAD PAR GYIS BSKYED PA GANG YIN PA DE NI DU BA YIN TE, DE LTAR NA RGYU DANG 'BRAS BU DAG GI NGO BO NYID NGES PA'I PHYIR RIGS MI MTHUN PA LAS BYUNG BA MA YIN NO, ,DE LTA @248A *, ,BAS NA 'BRAS BUS RGYU 'KHRUL PA MED DO, ,DES RGYU DANG 'BRAS BU'I DNGOS PO GRUB NA 'BRAS BU LA RGYUS KHYAB PAR GRUB PA YIN NO, ,RIGS MI MTHUN PA LAS KYANG CUNG ZAD 'BYUNG BA MTHONG STE, DPER NA PA LANG GI LCI BA LA SOGS PA LAS SHA L'AU KA LA SOGS PA LTA BU MA YIN NAM ZHE NA, RIGS MI MTHUN PA LAS 'BYUNG BA NI MA YIN TE, DE LTA BU KHO NA DE 'DRA BA'I DANG PO'I RGYU MTSAN YIN PAS, RGYU THA DAD PA MA YIN NO, ,RGYUN GYIS 'BYUNG NA NI, 'DAM BU LAS 'BYUNG NGO, ,YANG NA BA LANG GI LCI PA DANG, CIG SHOS SKYE BA CAN DAG GZUGS THA MI DAD KYANG NGO BO THA DAD PA YOD DO, ,DNGOS PO RNAMS KYE RNAM PA MTSUNGS PA KHO NA NI DE NYID KYI RGYU MA YIN TE, RNAM PA THA DAD PA MA YIN PA RNAMS KYANG KHA CIG KHYAD PAR GZHAN GYI SGO NAS RIGS THA DAD PA MTHONG BA'I PHYIR RO, ,DE LTA MA YIN TE, TSOGS PA MTSAN NYID MI 'DRA BA LAS KYANG MTSAN NYID MI 'DRA BA MA YIN PA 'BYUNG NA NI, RGYU'I THA DAD PA KYANG 'GA' YANG MED PAS, DNGOS PO RNAMS RGYU MED PA CAN MA YIN PA'I PHYIR RTAG TU YOD PA'AM, MED PA ZHIG TU 'GYUR TE, LTOS PAR BYA BA MED PA'I PHYIR RO, ,DNGOS PO RNAMS NI LTOS PA'I PHYIR RES 'GA' BA YIN NO, ,BSGRUB PAR BYA BA DAG LA SGRUB PA NYE BAR SBYOR BA RNAM PAR GNAS PA DANG LDAN PAR YANG MI 'GYUR TE, RGYU'I NUS PA SO SOR NGES NA 'GA' ZHIG 'GA' SGRUB PAR BYED PAR GZUNG GI GZHAN NI MA YIN NO, ,DE KHO NA DE LA NUS PA'I PHYIR LA, GZHAN NI MI NUS PA'I PHYIR TE, DE GNYIS NI BSKYED PA DANG CIG SHOS KYI NGO BO NYID KYIS THA DAD PA'I PHYIR RO, ,DE BSKYED PA'I NGO BO NYID DANG MTSAN NYID MI 'DRA BA LAS KYANG DE 'BYUNG NA NI DE BSKYED PAR NUS NA NGES PA MED PAS CI YANG RUNG STE, GANG YANG RUNG BA LAS 'BYUNG BAR 'GYUR RO, ,DE BSKYED NUS PAR MTSUNGS NA NI DE NYID YIN PAS 'BRAS BU RGYU 'KHRUL PA MA MTHONG NGO, ,DMIGS PA'I RIG BYAR GYUR PA MI DMIGS PA NI, DNGOS PO MED @248B PAR THA SNYAD GDAGS PA'I GTAN TSIGS YIN NO, ,DE LA DMIGS PA DMIGS PAR BYED PA'I CHOS YIN NA NI, DE'I SHES PA DMIGS PA YIN NO, ,BRJOD PAR 'DOD PA'I DMIGS PA LAS GZHAN YIN PA'I PHYIR, DE LAS GZHAN PA'I DMIGS PA NI MI DMIGS PA YIN TE, MA YIN PAR 'JUG PAS BZAR MI RUNG BA DANG REG TU MI RUNG BA BZHIN NO, ,DMIGS PAR BYA BA'I CHOS NYID YIN NA NI, DMIGS PA YUL GYI NGO BO NYID RANG GI YUL CAN GYI SHES PA SKYED PAR RUNG BA NYID KYI MTSAN NYID CAN YIN TE, RUNG BA NYID NI DNGOS PO'I NGO BO YIN PA'I PHYIR RO, ,DE LAS GZHAN PA'I DMIGS PAR RUNG PA KHO NA NYID MI DMIGS PA STE, SNGA MA BZHIN NO, ,RUNG PA NYID DU KHYAD PAR MED PA'I PHYIR, GANG DU GANG ZHIG DMIGS NA, GANG ZHIG NGES PAR DMIGS PAR 'GYUR BA DE NI DE DANG 'BREL PA YIN TE, SHES PA GCIG DANG 'BREL PA'I PHYIR RO, ,DE GNYIS YOD NA NGO BO GCIG NGES PAR GTOGS PA MA YIN TE; MI SRID PA'I PHYIR RO, ,DE LTA BAS NA 'DIR GZHAN NYID NI RUNG BA NYID KYI NGO BO KHYAD PAR MED PA CAN SHES PA DANG 'BREL PA CAN DAG PHAN TSUN LTOS PA KHO NA YIN PAR 'DOD DO, ,DE 'BA' ZHIG DE LA LTOS NAS GZHAN YIN PAS, DE'I NGO BO NYID DE SHES PAR BYED PA'AM, SHES PAR BYA BA'I CHOS KYI MTSAN NYID NI MI DMIGS PA YIN TE, DE NI ZLA BO DNGOS PO MED PA'AM, DNGOS PO MED PAR THA SNYAD GDAGS PAR SGRUB PA YIN NO, ,JI LTAR NA GZHAN YOD PA DE MED PA YIN, GANG GIS NA DNGOS PO MED PA'I NGO BO'I MI DMIGS PAS DNGOS PO MED PAR THA SNYAD GDAGS PA SGRUB PAR BYED CE NA, 'DIR CI LTAR MA YIN... PAR 'JUG PA LA LTOS PA'I SGO NAS DNGOS PO MED PA'AM, DNGOS PO MED PAR THA SNYAD GDAGS PAR SGRUB PA YIN NO, ,JI LTAR NA GZHAN YOD PA DE MED PA YIN, GANG GIS NA DNGOS PO MED PA'I SGRUB PAR BYED CE NA, 'DIR CI LTAR MA YIN BA'I PHYIR RO, ,'BREL PA MED PA'I NGO BO DE YOD PAR GRUB PA NYID GZHAN MED PAR GRUB PA YIN PAS, GZHAN MOD PA YANG DE MED PA MA YIN NO ZHES THA SNYAD GDAGS SO, ,GZHAN YOD PA'I MTSAN NYID KYI DNGOS PO MED PAR RANG GI TSAD MAS 'GRUB PA'AM, DE GRUB PAS DE MED PAR GRUB PA DE DNGOS PO MED PAR THA SNYAD GDAGS PA SGRUB PAR BYED PA LA KHYAD PAR 'GA' YANG MED NA GANG GIS NA MI DMIGS PAS DNGOS PO MED @249A *, ,PAR THA SNYAD GDAGS PAR 'GRUB PA 'GAL BAR 'GYUR, GZHAN YOD PA DE NYID DANG DE'I YUL CAN GYI SHAD PA DNGOS PO MED PA'I SGRUB PA CI STE MA YIN, CI'I PHYIR GZHAN YOD PAR GRUB PA NYID DE MED PAR GRUB PA YIN ZHES BYA ZHE NA, SO SOR MA GRUB PA'I PHYIR DANG, 'BREL PA MED PA'I PHYIR TE, RE ZHIG GZHAN YOD PA NI SGRUB PA MA YIN NO, ,GANG ZHIG GRUB PA NA GANG MI 'GRUB PA NI DE'I RTAGS YIN TE, ME DANG DU BA LTA BU YIN NO, ,GZHAN YOD PAR GRUB PA NYID KYIS, DE MED PAR GRUB STE DE LAS GZHAN PA DANG 'BREL PA MED PA'I NGO BO CAN DE'I DE NYID RNAM PAR 'JOG PAR BYED PA'I TSAD MA KHO NAS GZHAN RNAM PAR BCAD PA 'GRUB PA'I PHYIR RO, ,'BREL PA MED PA'I PHYIR DANG, DE DE'I RTAGS YIN NA DE DANG DER 'BREL PA 'GA' ZHIG TU 'GYUR TE, DPER NA BYAS PA NYID DANG, MI RTAG PA NYID DAG DON GCIG LA 'DU BA DANG RTAGS DON GCIG LA 'DU BA'AM, RTEN DANG BRTEN PA'I DNGOS PO'AM BSKYED PAR BYA BA DANG, SKYED PAR BYED PA'I DNGOS PO LTA BU ZHIG YIN GRANG NA, DNGOS PO YOD PA DANG, MED PA DAG LA NI GANG GIS NA 'DI'I BSGRUB PAR 'GYUR BA'I 'BREL PA DE LTA BU 'GA' YANG MED DO, ,GAL TE YUL DANG YUL CAN GYI DNGOS PO YOD DE, SGRA DANG DON 'BREL PA BZHIN NO ZHE NA, SGRA DANG DON DAG NI DE STON NA SBYOR BAS DE DANG LHAN CIG GI RGYU DANG 'BRAS BU'I MTSAN NYID DAM MED NA MI 'BYUNG BA'I MTSAN NYID KYI 'BREL BAR 'GRUR NA, RNAM PA 'DI YANG 'DI LA MED PAS JI LTAR YUL DANG YUL CAN GYI DNGOS PO YIN, DE GNYIS BSGRUB PAR BYA BA DANG, SGRUB PA'I DNGOS POR GRUB NA NI, DE'I SGO NAS YUL DANG YUL CAN GYI DNGOS POR 'GYUR NA, DE NYID NI 'BREL PA MED NA MI 'GRUB PO, ,DE MA GRUB NA YUL DANG YUL CAN GYI DNGOS PO YANG MA YIN NO, ,DE LTA MA YIN NA 'DI GCIG LA GCIG BRTEN PA YIN PAR 'GYUR RO, ,GZHAN YOD PA LAS MED PA GRUB NA SPYI BSGRUB PAR BYA BA MA YIN PAR 'GYUR RO, ,DE LTA NA NI DE LAS GZHAN PA YOD PA'I PHYIR BUM PA MED DO ZHES BYA BA LAS BUM PA THAMS CAD NA THAMS CAD DU MED PAR 'GYUR RO, ,GAL TE MA YIN TE PHYOGS LA SOGS PA CHOS CAN MED PAR SGRUB PAR BYED PA'I PHYIR RO SNYAM STE, 'DI SNYAM DU PHYOGS LA SOGS PA CHOS CAN KHYAD PAR DU GYUR PA'I MED PA SGRUB PAR BYED @249B KYI; 'BA' ZHIG NI MA YIN NO, ,DES NA SPYI MI SGRUB PA YANG MA YIN LA, YOD PA DANG PHYOGS LA SOGS PA CHOS CAN DU 'BREL PA'I PHYIR RTAGS DANG RTAGS CAN 'BREL PA MED PA YANG MA YIN NO SNYAM DU SEMS NA MA YIN TE, PHYOGS LA SOGS PA NYID DE GZHAN PA YOD PA'I PHYIR RO, ,PHYOGS GANG KHO NA NA GANG ZHIG MED DO ZHES BYA BA DE NYID DE DANG 'BREL PA MED PA'I GZHAN YOD PA YIN TE, DE MTHONG BA KHO NAS 'DI BUM PA MED DO SNYAM DU SEMS NA, JI LTAR DE KHO NA RTAGS DANG RTAGS CAN GYI DNGOS PO YIN, 'DIR GANG GIS NA SPYI NI GTAN TSIGS SU 'GYUR LA KHYAD PAR NI CHOS CAN DU 'GYUR ZHES BYA BA SPYI DANG KHYAD PAR GYI DNGOS PO RNAM PAR BRTAG PA YANG MI SRID DE, DE'I KHYAD PAR RTOGS PA KHO NAS DE MED PAR RTOGS PA'I PHYIR LA, DE LA RJES SU 'GRO BA YANG MED PA'I PHYIR RO, ,DAM BCAS PA'I PHYOGS GCIG YIN PA'I PHYIR YANG RTAGS NYID MA YIN NO, ,GANG NA PHYOGS TZAM YOD PA DE NA BUM PA MED PA YANG MA YIN NO, ,GAL TE PHYOGS 'BA' ZHIG YIN PA DE LTA BU NI MED PA KHO NA YIN NO ZHE NA, DE 'BA' ZHIG CES BYA BA BUM PA DANG BRAL BA ZHES BYA BA MA YIN NAM, 'DIR RTAGS SU GYUR PA DE YANG PHYOGS RTOGS PA KHO NAR GRUB PA YIN NA, DE DE GANG GI RTAGS YIN, RJES SU 'GRO BA SMOS PA YANG DON MED PA YIN NO, ,DE LTA BAS NA GZHAN YOD PA NI DNGOS PO MED PA'I SGRUB PA MA YIN NO, ,GAL TE 'GAL BA'I 'BREL PA YOD DE DE'I PHYIR GZHAN YOD PA LAS DNGOS PO MED PA 'GRUB PO ZHE NA, GANG ZHIG GANG DANG 'GAL, GZHAN YOD PA DANG ZLO BOR RO, ,CI GANG GIS RTAGS DANG RTAGS CAN 'GAL BA'I 'BREL PAR 'GYUR BA ZLO BO GZHAL BAR 'DOD DAM, DNGOS PO MED PA NI ZLA BO BUM PA YOD PA DANG 'GAL BA MED DE, LHAN CIG GNAS PA'I PHYIR RO, ,GZHAL BYA DE LA RTAGS DANG RTAGS CAN DAG JI LTAR 'GAL , DE BAS NA 'BREL PA MED DO, ,'DI LA YANG SPYI BSGRUB PAR BYA BA NYID MA YIN BDE'I SO NA 'DUG GO; ,DE MED PA DANG, GZHAN YOD PA DAG 'BREL PA MED NA, GZHAN YOD PAR RTOGS KYANG DE RTOGS PAR MI 'GYUR BA YIN NAM ZHE NA, 'BREL PA GANG LAS KYANG GZHAN YOD PA DE MED PA'I SHES PAR BYED PA YIN PAR MI 'DOD KYI, 'ON KYANG GZHAN YOD PA NYID DE MED PA YIN TE, JI SKAD SNGAR BSHAD PA YIN @250A *, ,NO; ,GZHAN DANG 'BREL PA MED PA'I NGO BO 'BA' ZHIG PA BDAG NYID GCIG PU RNAM PAR GNAS PA DE, DE'I BDAG NYID DU YONGS SU GCOD PA NYID GZHAN RNAM PAR GCOD PA YIN PA'I PHYIR, 'BA' ZHIG NYID GZHAN DANG BRAL BA YIN PAS, DE LAS GZHAN PA YOD PA NYID DE MED PA YIN LA, DE LAS GZHAN PA RTOGS PA NYID DE MED PAR RTOGS PA ZHES BYA'O, ,DE LTA MA YIN TE YONGS SU BCAD PAS DE LAS GZHAN RNAMS MI GCOD NA, DE YONGS SU BCAD PA NYID DU MI 'GYUR TE, DE DANG DE MA YIN PA'I NGO BO DAG RNAM PAR MA PHYE BA'I PHYIR RO, ,LA LAR 'GA' ZHIG MTHONG NAS THOB PA DANG, MED PA YIN NO ZHE NA NI, MED PA DE JI LTAR 'GA' ZHIG RTOGS PA'AM, RTOGS PA'I RGYU YIN, DE YANG JI LTAR RTOGS, DE 'AM DE LAS GZHAN PA YANG RUNG 'GA' YANG MA RTOGS PAR YANG YIN NA NI, GNYID LOG PA DANG MYOS PA DANG BRGYAL BA DANG, CHOS PA DANG, RGYAB KYIS PHYOGS PA LA SOGS PA'I GNAS SKABS DAG TU YANG CI STE, DNGOS PO MED PA MA RTOGS, GZHAN YANG TSAD MA RNAM PAR GTAN LA DBAB PAR DPYAD ZIN TO, ,DE LTA BAS NA 'DIS MI MTHONG YANG 'DI NI ME YIN GYI, CHU MA YIN NO ZHES BYA BAR MI SHES PAS, 'DUG PAR YANG MI BYA, 'GRO BAR YANG MI BYA BA'I PHYIR, BRGAL DKA' BA'I SKABS SU CHUD PAR GYUR TO, ,GAL TE GCIG MTHONG BA DE KHO NAS GZHAN MED PAR RTOGS PAR 'GYUR RO ZHE NA, JI LTAR GCIG MTHONG BAS GZHAN MED DO ZHES BYA BAR RTOGS PAR 'GYUR, GAL TE 'BA' ZHIG MTHONG BA'I PHYIR RO ZHE NA, 'DI NYID KHO BOS BSHAD PA NA, CI STE KHYOD 'DI LA MA RANGS PA LTAR STON, DE LTA BAS NA 'GRAM MA MTHONG BA'I BYA BZHIN DU RING DU SONG YANG PHYIR 'ONG DGOS PAS, GTING MI TSUGS PA CAN GYI PHYOGS SGRUB PAS NI CHOG GO, ,GAL TE DE LTAR GCIG YONGS SU BCAD PA KHO NAS GZHAN RNAM PAR BCAD PA 'GRUB PA NA, DE NA KHYAD PAR MED PAR @250B GZHAN THAMS CAD MED PAR 'GRUB PAR 'GYUR BAS, DMIGS PA'I RIG BYAR GYUR PA RUNG BAR MTSUNGS PAR GNAS PA KHO NA MI DMIGS PA DNGOS PO MED PA'I SGRUB PA YIN NO ZHES BYA BA'I KHYAD PAR YANG BRJOD MI DGOS TE, DER DMIGS PA'I RIG BYAR MA GRUB PA RNAMS KYANG RNAM PAR BCAD PA'I PHYIR RO, ,DE'I BDAG NYID GCIG YONGS SU BCAD PAS DE LAS GZHAN PA'I BDAG NYID RNAM PAR BCAD PA YIN TE, DE'I BDAG NYID DU NGES PAR SNANG BA SHES PA'I PHYIR RO, ,DE'I BDAG NYID NI DE LAS GZHAN PA'I BDAG NYID MA YIN NO, ,GZHAN GYI BDAG NYID RNAM PAR MA BCAD NA, 'JUG PA DANG LDOG PA DAG MED PAS THAL BA SNGA MAR 'GYUR RO, ,YUL DANG DUS DANG NGO BO NYID DANG GNAS SKABS SU NGES PA DE BLOS DE'I BDAG NYID DU DMIGS PA NA 'DI'I DE KHO NA NYID MED PA RNAM PAR GCOD DO, ,GAL TE GZHAN GYI DNGOS PO RNAM PAR BCAD PAR GYUR NA, DE LTAR NA GDONG DE DES YONGS SU BCAD PA DANG, DE KHO NA NYID KYANG DE DE KHO NA'I YIN GYI GZHAN GYI MA YIN NO ZHES BYA BA YIN TE, GZHAN DU GYUR PA RNAM PAR GCOD PA NYID DE YONGS SU GCOD PA YIN NO, ,DE BAS NA TSAD MA GCIG 'JUG PA NI DNGOS PO THAMS CAD PHUNG PO GNYIS SU RNAM PAR 'JOG PAR BYED DE, DE NI RJES SU 'GRO BA DANG LDOG PA'I BLO'I RGYU NYID KHO NAS 'BRAS BU DANG BCAS PA NYID YIN PA'I PHYIR RO, ,DE LAS MA GTOGS PA MA LUS PA RNAM PAR BCAD PAS KHYAB PA SGRUB PA KHO NAS RNAM PA GZHAN MED PAR GYUR PO, ,DE DE LAS GZHAN PA NYID KYIS MA KHYAB PAR, DES DON DE RNAM PAR MA BCAD PA'I PHYIR YANG DNGOS PO YONGS SU MA BCAD PAR THAL BAR 'GYUR RO, ,DE LTA BAS NA, TSAD MA'I BYED PA NI 'GA' ZHIG LA TSAD MA 'JUG PA DE NI, YONGS SU GCOD CING DE LAS GZHAN PA NI RNAM PAR GCOD LA, ,RNAM PA GSUM PA GZHAN NI MED PAR SGRUB PAR BYED PA ZHES BYA BA 'DI YIN NO, ,'DI LTAR 'GA' ZHIG LA TSAD MAR 'JUG PA NI, DE LAS GZHAN PA LAS RNAM PAR GCOD DE, DE NYID YONGS GSU GCIG PA DANG DE LAS GZHAN PA NYID DE LAS RNAM PAR GCOD PA DANG DE LAS YONGS SU MI GCOD PA'I PHYIR RO, ,DE'I PHYIR TSAD MA DE NYID RNAM PA GZHAN MED PAR SGRUB PAR BYED DE, DE SNANG NA MI SNANG PA THAMS CAD NI DE @251A *, ,LAS GZHAN PA NYID DU RNAM PAR 'JOG PA'I PHYIR LA, DE LAS GZHAN PA MA YIN PA NYID NI DE NYID DU RNAM PAR 'JOG PA'I PHYIR RO, ,'DIS NI RIM DANG RIM MA YIN PA LA SOGS PA PHAN TSUN RNAM PAR GCOD PA'I NGO BO CAN DAG KYANG RNAM PAR BCAD PA YIN NO, ,DE LTA BAS NA DE LTAR GCIG DMIGS PAS DE'I DE LAS GZHAN PA'I BDAG NYID RNAM PAR GCOD PA YIN GYI, DE'I YUL DANG DUS DAG TU GZHAN YOD PA THAMS CAD RNAM PAR GCOD PA NI MA YIN NO, ,DE LTA BAS NA DE'I BDAG NYID MA YIN PAR YANG 'GYUR LA, DE'I YUL DANG DUS DAG TU 'ANG 'GYUR TE, RO DANG GZUGS LA SOGS PA BZHIN NO, ,DE LTA BAS NA JI SKAD BSHAD PA'I MI DMIGS PA KHO NA LAS RES 'GA' LA LA ZHIG TU 'GA' ZHIG DNGOS PO MED PAR 'GRUB BO, ,GZHAN YOD PA'I YUL CAN GYI DMIGS PA YANG DE MED PA'I SGRUB PAR BYED PAR 'DOD PA KHO NA YIN GYI RTAGS NYID DU NI MA YIN TE, DER YANG DNGOS PO MED PA LOGS SHIG TU SGRUB PAR BYED PA NYID YIN LA, 'BREL PA MED PAR MTSUNGS PA'I PHYIR RO, ,RTAGS 'BYUNG BA'I DUS SU KHO NA NA DE MED PAR 'GRUB PA'I PHYIR TE, GZHAN YOD PA RTOGS NAS 'DOD DE RTOGS PA'I RJES SU 'GRO BA DANG LDOG PA DAG RAB TU BSGRUBS NAS DE MED PAR RTOGS PA MA YIN NO, ,'O NA CI ZHE NA, DE LAS GZHAN PA RTOGS PA KHO NA NI DE MED PA RTOGS TE, MTHONG MA THAG TU CHOD PA MED PAR 'DI NI YOD DO, ,'DI NI MED DO ZHES BYA BAR SHES PA'I PHYIR RO, ,DE NI GANG ZHIG GANG GIS RJES SU 'GRO BA DANG LDOG PA DE'I RTAGS YIN PA'I DPE MA GRUB PA'I PHYIR RO, ,'DI SKAD DU, GANG NA GZHAN YOD PA'I DMIGS PA YOD PA DE NA DE MED DO ZHES BSTAN PAR NI MI NUS TE, DMIGS PA GCIG PU DE NI GANG NA YANG MED PA'I PHYIR RO, ,SPYIR RAB TU BSTAN PA'I DPE LA YANG TSAD MA GZHAN MED PA'I PHYIR DE LAS GZHAN PA YOD PA DMIGS PA DE NYID BSGRUB PAR BYA BA'I CHOS KYI SGRUB PAR BYED PA YIN PAS, DPE THUG PA MED PA NYID KYI PHYIR RTOGS PA MA YIN NO, ,DE LTA BAS NA RTAGS GANG LAS KYANG DNGOS PO MED PA MI 'GRUB BO, ,MNGON SUM GYI MTSAN NYID KYI MI DMIGS PAS GRUB PA GZHAN YOD PA DE NI RTOGS PA LA DNGOS PO MED PAR THA SNYAD GDAGS PA SGRUB PAR BYED PA YIN PAS ZHAR LA 'ONGS PAS CHOG @251B GO; ,MI DMIGS PA DE NI RNAM PA GSUM STE, RGYU DANG 'BRAS BU'I DNGOS PO GRUB LA, DNGOS PO MED PAR GRUB PA'I RGYU MI DMIGS PA DANG, KHYAD PAR BYA BA DANG, KHYAD PAR BYED PA GRUB LA, DNGOS PO MED PAR GRUB PA'I KHYAD PAR BYED PA'I MI DMIGS PA DANG, RANG BZHIN MI DMIGS PA'O, ,DE LA RGYU DANG KHYAB PAR BYED PA DAG GI NGO BO NYID DNGOS PO MED PAR THA SNYAD GDAGS PA 'GRUB PA YANG GZHAN YOD PA GRUB PA KHO NA LAS YIN NO, ,DE LTAR GRUB PA DE NI 'BRAS BU DANG, KHYAB PAR BYA BA DAG DNGOS PO MED PA'AM, DNGOS PO MED PAR THA SNYAD GDAGS PA GRUB PAR BYED PA YIN NO, ,RANG BZHIN MI DMIGS PA LA NI MI DMIGS PA RTAGS SU GYUR PAS THA SNYAD GDAGS PA KHO NA SGRUB PAR BYED PA YIN NO, ,GAL TE RGYU DANG KHYAB PAR BYED PA DE LAS GZHAN YOD PAR GRUB PA'I NGO BO MI DMIGS PAS GRUB PA DAG ,GZHAN DNGOS PO MED PA'AM DNGOS PO MED PAR THA SNYAD GDAGS PA SGRUB PAR BYED LA, DE YANG MI DMIGS PA'I RIG BYAR GYUR PA DE GNYIS KHO NA'I MED PAR THA SNYAD GDAGS PA'I SGRUB PAR BYED PA YIN NA, DE GNYIS JI LTAR LKOG TU SBYOR BA YIN, RTAGS MA NGES PA'I PHYIR TSAD MA NYID KYIS NI, SBYOR BA MA YIN PA KHO NA'I RGYU DANG KHYAB PAR BYED PA 'BREL PA GRUB PA DAG GAL TE MED NA GZHAN GDON MI ZA BAR MED PAR NGES SO ZHES BSTAN PAR BYA BA'I PHYIR 'DI DAG SBYOR BA 'BA' ZHIG TU ZAD DO, ,DE LTA BAS NA PHYOGS KYI CHOS 'DI RJES SU 'GRO BA DANG, LDOG PA DANG LDAN PA YIN PAS, DE'I CHAS KHYAB PA MTSAN NYID GSUM PA'I GTAN TSIGS RNAM PA GSUM KHO NA SHES PAR BYED PA YIN TE, RANG GI BSGRUB PAR BYA BA'I CHOS LA 'KHRUL PA MED PA'I PHYIR RO, ,GZHAN DAG NI GTAN TSIGS MTSAN NYID DRUG PA'O ZHES ZER TE, GSUM PO DE DAG DANG, GNOD PAR MA BYAS PA'I YUL CAN NYID DANG, GRANGS GCIG PA BRJOD PAR 'DOD PA CAN NYID DANG, SHES PA NYID CES BYA BA YIN NO, ,DE LA RE ZHIG GNOD PAR MA BYAS PA'I YUL CAN NYID NI MTSAN NYID THA DAD PA NYID MA YIN TE, GNOD PA DANG MED NA MI 'BYUNG BA DAG 'GAL BA'I PHYIR RO, ,MED NA MI 'BYUNG BA NI BSGRUB PAR BYA BA'I CHOS YOD PA KHO NA GTAN TSIGS YOD PA YIN NO, JI LTAR CHOS CAN LA @252A *, ,DE LTA BU'I MTSAN NYID KYI GTAN TSIGS KYANG YOD PAR 'GYUR LA, 'DI LA BSGRUB PAR BYA BA'I CHOS KYANG MED PAR 'GYUR, MNGON SUM DANG, RJES SU DPAG PA BSGRUB PAR BYA BA'I CHOS LA GNOD PAR ZHUGS PA DAG NI, DE CHOS CAN DE LAS ZLOG PAR BYED LA, DE YOD PA KHO NAS GTAN TSIGS YOD PA NI, DE CHOS CAN DE LA 'JUG PAR BYED PAS, KYE MA DNGOS PO RNAMS RAB TU NYAM NGA BAR GYUR TO, ,GAL TE GZHAN LA GTAN TSIGS BSGRUB PAR BYA BA'I CHOS MED NA NI MI 'BYUNG BA YIN GYI, CHOS CAN KHO NA LA NI MA YIN NO ZHE NA, DE CI STE NYON MONGS 'DI MA NING BCIBS NAS BU TSOL BAR BYED DAM, GANG ZHIG CHOS CAN LA BSGRUB PAR BYA BA MED KYANG YOD PA DE NYE BAR BSTAN NAS, CHOS CAN DE BSGRUB PAR BYA BA'I CHOS DANG LDAN PA ZHES JI SKAD DU BYA, GAL TE DE NYID KYI PHYIR GNOD PA MED PA SMOS TE, 'DI SNYAM DU GANG GI PHYIR, KHO NAR GTAN TSIGS GZHAN DU YANG YOD PAR 'GYUR BA DE KHO NA'I PHYIR TSAD MA DAG GIS GNOD PAR MA BYAS PA'I CHOS DANG LDAN PA'I CHOS CAN ZHES BYA'O SNYAM DU SEMS NA, DE DAG GNOD PA MED PA KHO NAS BSGRUB PAR BYA BA GRUB PA'I PHYIR GTAN TSIGS LA NUS PA CI ZHIG YOD, BSGRUB PAR BYA BA MED PAS GNOD PAR BYED PA'I TSAD MA 'JUG PAR NGES PA ZHIG YIN NA NI GNOD PA MED NA BSGRUB PAR BYA BA 'GRUB PAS GTAN TSIGS DON MED DO, ,GNOD PA YOD NA YANG SGRUB PA NUS PA MED PA'I PHYIR RO, ,MA NGES PA ZHIG YIN NA NI, GNOD PAR BYED PA'I TSAD MA YANG MED PAR 'GYUR LA, BSGRUB BAR BYA BA MED PA YANG SRID PAS GNOD PA MED PA LA NUS PA MED PA YIN NO, ,GNOD PA MED PA NI GNOD PA MED PA YIN NO, ,'O NA CI ZHE NA, GNOD PA MI DMIGS PA YIN TE, DE YANG LA LAR GNOD PA SRID KYANG SKYES BU LA YOD PAR 'GYUR BAS, DE NI GTAN TSIGS SBYOR BA'I YUL YIN NO, ,GTAN TSIGS GNOD PA DMIGS PA LA'ANG 'JIGS KYI, GNOD BA LA MI 'JIGS SAM CI NA GANG GIS NA GNOD PA TSOD YOD PAR BYAS TE MI DMIGS PA LA'ANG SBYOR BAR 'DOD, GTAN TSIGS DE NI DON DAM BAR GNOD PA YOD DAM MED KYANG RUNG STE, MI LTOS PAR GNOD PA MI DMIGS PA LA SBYAR BAR BYA BA'AM, CI'I PHYIR SBYAR BAR BYA, BSGRUB PAR @252B BYA BA BSGRUB PAR BYA BA'I PHYIR RO, ,DES LA LAR GNOD PA YIN BZHIN DU YANG BSGRUB PAR BYA BSGRUB PAR BYED DAM CI GANG GIS NA 'DI MED PAR NGES PAR BYA BA LA 'BAD PAR YANG MI BYED LA, GTAN TSIGS KYANG SBYOR, DE LTA NA YANG GNOD PAR BYAS PA'I YUL CAN NYID, GTAN TSIGS KYI MTSAN NYID MA YIN TE, GNOD PA YOD BZHIN DU YANG 'DIS NUS PA'I PHYIR RO, ,DE LTA NA YANG THE TSOM CAN LA KHAS MA BLANGS NA, 'JUG PA MI RUNG BA'I PHYIR, JI LTAR MI DMIGS PA LA GNOD PA YOD PA SRID NA YANG KHAS BLANGS NAS, SBYOR BA DE BZHIN DU, GNOD PA MI DMIGS PA LA YANG SBYOR BAR 'GYUR RO, , KHAS LEN NA KHYAD PAR MED PA'I PHYIR RO, ,GAL TE GNOD PA YOD NA MI NUS SO ZHE NA, GAL TE DE LTA NA SBYAR KYANG MI NUS PAR 'GYUR DU 'ONG BAS, GNOD PA MI SRID PAR GTAN LA MA BAB PAR SBYOR BAR 'OS PA MA YIN NO, ,GAL TE GNOD PA MI DMIGS NA, NUS SO SNYAM NA, DMIGS PAS GNOD PA LA KHYAB BA MA CI NA, GANG GIS NA 'DI LTAR GTAN TSIGS GNOD PA SRID PAS BYAS PA'I NUS PA MED PAR MI 'GYUR BA DE LOG NA, GNOD PA LDOG ,DE LTA NA YANG GNOD PA MI DMIGS PA KHO NA LAS BSGRUB PAR BYA BA 'GRUB PA'I PHYIR, GTAN TSIGS DON MED PA YIN TE, MI DMIGS NA GNOD PA MI SRID PA'I PHYIR RO, ,DMIGS PA LOG KYANG GNOD PA MI LDOG NA NI, GTAN TSIGS NUS PA MED PA DE'I SO NA 'DUG PAS SBYOR BA MA YIN NO, ,DE LTA BAS NA CHOS CAN LA RANG GIS BSGRUB PAR BYA BA YOD PA DANG, MED PA DAG LAS GZHAN DU YANG YOD PA NI CUNG ZAD KYANG SGRUB PAR MI BYED 'JIG PAR YANG MI BYED PAS, DE NYE BAR BKOD PA NI NUS PA MA YIN NO, ,DE LTA BAS NA GNOD PA DANG MED NA MI 'BYUNG BA DAG NI LHAN CIG YOD PA MA YIN TE, DES NA GNOD PA MED PA'I NGO BO GZHAN MA YIN NO, ,DE DE LAS KHYAD PAR GZHAN NAM MTSAN NYID GCIG TU SMOS PAR 'OS PAR 'GYUR NA, GANG ZHIG YOD BZHIN DU YANG GANG ZHIG GZHAN DU 'GYUR BA STE, DPER NA PHYOGS KYI CHOS NYID DANG MTHUN PA'I PHYOGS LA YOD PA ZHES BYA BA LTA BU ZHIG YIN GRANG NA, MED NA MI 'BYUNG BA YOD BZHIN DU GNOD PA SRID PA 'DI NI MED PAS BSGRUB PAR BYA BA DANG, BZLOG PA MED NA MI 'BYUNG BA GTAN TSIGS @253A *, ,DANG 'GAL BA DAG GI YUL LA GNOD PA MI SRID PA'I PHYIR, DE MED PA NI, LOGS SHIG TU 'DI GNYIS KYI MTSAN NYID NYID DU BRJOD PAR BYA'O, ,DE LTA BAS NA GTAN TSIGS SBYOR BA LA DAM BCAS PA'I NYES PA RNAMS MI SRID DO, ,DAM BCAS PA 'BA' ZHIG SBYOR BA YANG MED PAS DAM BCAS PA'I NYES PA BRJOD PAR MI BYA'O, ,'DIS NI GRANGS GCIG BRJOD PAR 'DOD PA CAN YANG BSAL BA YIN NO, ,CI LTA BU GCIG NI RANG GIS BSGRUB PAR BYA BA YOD PA KHO NAS YOD PA'I PHYIR, DER 'KHRUL PA MED PA CAN YIN NO, ,DE NYID LA DE LAS GZHAN PA DE GNOD PAR BYED PA KHO NA YANG YOD PA'I PHYIR DE DANG 'GAL BAS 'DIR GNOD PA DANG MTSUNGS SO, ,GZHAN YANG CI DNGOS SU GTAN TSIGS KYI ZLA BO MI SRID PA DE YANG DAG PA'I SHES PA'AM, BZLOG PA'I RGYU YIN NAM, 'ON TE GTAN TSIGS KYI ZLA BO RAB TU MA BSTAN PA ZHIG YIN, CIR 'GYUR, GAL TE GTAN TSIGS KYI ZLA BO MA BSTAN PA ZHIG YIN NO ZHE NA NI, NGES PAR BYA BAR MI NUS PA'I PHYIR, 'DI MTSAN NYID MA YIN NO, ,GTAN TSIGS MED PA YANG MA YIN TE, SGRUB BAR BYED PA'I CHOS MA NGES PA'I BDAG NYID NI, DE'I MTSAN NYID MA YIN TE, PHYOGS KYI CHOS THE TSOM CAN BZHIN NO, , THE TSOM CAN GYI MTSAN NYID NI, GTAN TSIGS KYANG MA YIN PAS, 'GA' YANG GTAN TSIGS SU MI 'GYUR TE, MTSAN NYID MTSUNGS PA LA ZLA BO SRID PA MTHONG NA, ZLA BO MA MTHONG BA LA YANG DOGS PA SKYED PAR BYED DE KHYAD PAR MED PA'I PHYIR RO, ,KHYAD PAR YOD NA NI GTAN TSIGS KYI MTSAN NYID YIN TE, DES GNYEN PO GCIG TU BSAL BA'I GTAN TSIGS KYIS RANG GI BSGRUB PAR BYA BA NGES PAR BYED PAS DE'I MTSAN NYID CAN MA YIN PA GTAN TSIGS SU MI 'GYUR RO, ,DE LTA NA GRANGS GCIG BRJOD PAR 'DOD PA CAN DON MED PA YIN NO, ,'DI'I PHYIR 'GAL BAR 'KHRUL PA MED PA'I MTSAN NYID NYAMS PAR 'GYUR TE, RANG GI MTSAN NYID DANG LDAN PA'I GTAN TSIGS DAG CHOS CAN GCIG LA 'GAL BAR 'DU NA 'GAL BA 'KHRUL PA MED PA ZHES BYA'O, ,GANG ZHIG RTOGS NAS ZLA BO SRID DAM MI SRID PA DAG BLTA BAR BYA BA KHYAD PAR DE'I NGO BO YANG MI STON TAM, DE LTA BAS NA KHYAD @253B PAR MED PA KHO NA YIN PAS, THAMS CAD DU DOGS PAR 'GYUR RO, ,ZLA BO'I GTAN TSIGS MTHONG BA'I GTAN TSIGS KYANG, DANG POR CIG SHOS DANG, KHYAD PAR CUNG ZAD KYANG MI DMIGS SO, ,ZLA BO'I GTAN TSIGS SRID PA RNAMS KYI YANG DE THAMS CAD DU MI DMIGS PA NI MA YIN NO, ,SHES... RAB PHUL DU BYUNG BA DANG LDAN PAS BRTAGS NA MTHONG STE, DES NA SRID PA DANG MI SRID PA DAG MA NGES PAS MTSAN NYID MA NGES PA'I PHYIR, 'GA' YANG GTAN TSIGS SU 'GYUR RO, ,'ON TE ZLA BO'I GTAN TSIGS RAB TU MA BSTAN PA ZHIG YIN TE, JI SKAD DU 'O NA NI GANG GI TSE SGRA NYID RTAG PAR KHAS LEN PA DE'I TSE 'DI'I GTAN TSIGS KHO NAR 'GYUR RO, ,GAL TE 'DI LA MI RTAG PA NYID KYI GTAN TSIGS BYAS PA NYID LA SOGS PA 'GA' ZHIG KYANG BSTAN PAR MA GYUR NA'O ZHES BSHAD PA LTA BU'O ZHE NA LA MI RTAG PA NYID KYI GTAN TSIGS BYAS PA NYID LA SOGS P 'GA' BAS MI BZAD PA'I SKABS SU CHUD PA YIN NA, JI LTA ZHIG TU BRGAL BAR NUS, GTAN TSIGS 'DIS JE DNGOS PO RNAMS KYANG RANG GIS BSGRUB PAR BYA BA'I DE NYID KYI RANG BZHIN DU BYAS SHING, DE'I TSAD MA CAN GYI SKYES BU RNAMS KYANG, MNGON PAR MTHO BA DANG, NGES PAR LEGS PA DAG LA YANG DAG PAR SBYAR NAS, YANG PHYIR KHYOD KYIS SKYES BUS GTAN TSIGS GZHAN BSTAN PAS SGRUB PAR BYED PA'I NUS PA MED PAR BYAS TE, DNGOS PO DE DAG DANG, SKYES BU DE DAG KYANG DE'I DNGOS PO DANG PHUN SUM TSOGS PA LAS NYAMS PAR BYAS NAS, RGYAL PO RGYAL SRID SHOR BA LTAR DKA' THUB KYI NAGS TSAL DU 'GRO BAS 'DIR JI SKAD SMRA BAR BYA, SGRUB BA NYID SKYES BU'I SPOBS PAS BYAS PA YANG YIN TE, DE NI DNGOS SU SMRA BA'AM, SGRUB PA MA YIN PA CI ZHIG YOD, GTAN TSIGS KYI NGO BO NYID KYIS CHOS DE YOD PA CAN ZHIG YIN NA NI, JI LTAR GZHAN DU BYED PAR 'GYUR TE, DNGOS PO RNAMS KYI NGO BO NYID GZHAN DU 'GYUR BA DANG, NGO BO NYID 'GAL BA GNYIS KYANG MED PA'I PHYIR RO, ,CHOS DE'I YOD PA CAN MA YIN PA ZHIG YIN NA YANG GZHAN DU YANG JI LTAR 'GA' ZHIG GIS SGRUB PA YIN, DE LTA BAS NA NGO BO NYID KYIS RANG GIS BSGRUB PAR BYA BA MED NA MI 'BYUNG BAR BSHAD PA'I MTSAN NYID CAN 'BRAS BU DANG RANG BZHIN DAG GI DE'I MTSAN NYID LA ZLA @254A *, ,BO'I GTAN TSIGS MI SRID PA'I PHYIR RO, ,GRANGS GCIG BRJAD PAR 'DOD PA CAN NI MTSAN NYID MA YIN TE, RNAM PAR GCAD PAR BYA BA MED PA'I PHYIR RO, ,SHES PA NYID NI RTAGS KYI CHOS MA YIN NA JI LTAR RTAGS KYI MTSAN NYID DU 'GYUR, RTAGS NGO BO JI LTA BU ZHIG LAS DON RTOGS PAR BYA ZHES BSAM PAR BYA BA LA, RTOGS PAR BYED PA LA SLU BAR MI BYED PA'I NGO BO LA BYA STE, GANG ZHIG MTHONG NAS 'DIS SGRUB PA DANG, SGRUB PA MA YIN PA DAG RNAM PAR PHYE NAS, DE LA 'DOD PA'I DON NYE BAR 'JOG PAR BYED PA LA YID CHES NAS 'JUG PAR 'GYUR BA YIN NO, ,DE LA 'DI'I BDAG GI NGO BO GANG YIN PA DE NI MTSAN NYID YIN GYI GZHAN GYI NGO BO NI MA YIN NO, ,RTOGS PA SKYE BA LA NYE BAR SBYOR BA TZAM GYIS DE'I MTSAN NYID YIN NA NI, HA CANG THAL BAR 'GYUR RO, ,DE LTA NA NI GZHAL BYA DANG SKYES BU LA SOGS PA YANG DE'I MTSAN NYID DU 'GYUR TE, DE DAG MED PAR NI RTAGS CAN LA SHES PA MI SKYE'O, ,'O NA NI NGES PA SMOS PAR MI BYA'O ZHE NA, MI BYA BA MA YIN TE, DE NI GZHAN GYI DON DU YIN PA'I PHYIR RO, ,MTHONG BA DANG MA MTHONG BA DAG GIS GTAN TSIGS SHES PAR BYED PA YIN PAR 'DOD PA DAG GIS GTAN TSIGS NUS PAR MI 'GYUR BA KHO NA STE, MTHONG BA DANG, MA MTHANG BA DAG YOD BZHIN DU YANG SHES PAR BYED PA NYID MA YIN PA MTHONG BA'I PHYIR RO, ,DES NA YOD PA DANG MED PA DAG GIS SHES PAR BYED PA YIN NO ZHES SHES PAR BYA BA'I PHYIR NGES PA SMOS SO, ,DES NA GZHAN GYI NGO BO NI MTSAN NYID MA YIN TE, DES RTAGS KYI NGO BO'I KHYAD PAR MI STON PA'I PHYIR RO, ,YOD PA DANG MED PA DE DAG NI DE'I NGO BO SGRUB PA 'JUG PAS KHONG DU CHUD PAR BYA STE, THABS GZHAN MED PA'I PHYIR RO, ,DES NA YOD PA DANG, MED PA SMOS PA TZAM GYIS KYANG DE BSGRUB PA'I TSAD MA 'PHEN MOD KYI, 'DI GNYIS GSAL BAR BYA BA'I PHYIR, MTSAN NYID LA LAS NGES PA ZHES BYA BA'I SGRA RAB TU SBYOR BA YIN NO, ,DE LTA MA YIN NA SHES BYA YOD PAR RNAM PAR GZHAG PA NI SHES PA YOD PA'I RGYU RKYEN YIN PA'I PHYIR, DE GNYIS NYID YOD PAR RAB TU MI 'GRUB PAS THAMS CAD LA YOD PA RNAM PAR GZHAG PA NYID DE SGRUB PA DANG LDAN PA'I TSAD MA 'DREN PA YIN NO,, @254B BSTAN BCOS BYED PA NI GZHAN GYI DON YIN PA'I YANG PHYIR TE, TSUL GSUM PA'I RTAGS YOD PA NI, DON 'DOMS PAR BYED PA YIN NO ZHES BYA BA LA, GANG DAG TSUL DE MI SHES PA DE DAG NI, DES MI 'JUG PAS GZHAN SHAS PAR BYED PA YIN PA'I PHYIR SHES PA GRUB MOD KYI, 'ON KYANG KHA CIG YOD PA DANG, MED PA DE DAG KHO NA MTHONG BA DANG, MA MTHONG BA TZAM GYIS RNAM PAR 'JOG PAR BYED PAS, DE DGAG PA'I PHYIR NGES PA'I SGRA SMOS SO, ,YOD PA DANG MED PA DAG YOD KYANG RJES SU 'GRO BA DANG, LDOG PA DAG YOD PA LA THE TSOM ZA BA'I PHYIR, YOD PAR RAB TU 'GRUB PA NI TSAD MA GANG LAS 'DI GNYIS NGES PA DE LA RAG LUS PA YIN NO ZHES SHES PAR BYA BA'I PHYIR, KHO BOS SMOS PAR BYAS PA YIN NO, ,GANG GI PHYIR YOD PA DANG MED PA SMOS PA TZAM GYIS DE SGRUB PA'I TSAD MA 'PHEN PAR 'GRUB PA DE'I PHYIR YANG SHES PA NI MTSAN NYID THA DAD PAR GYUR PA MA YIN TE, DE NYID KYI DON RTOGS PA'I PHYIR, PHYOGS KYI CHOS NYID LAS NYE BAR GTOD PA'I DON BZHIN NO, ,'O NA NI RJES SU 'GRO BA DANG LDOG PA DAG KYANG SO SO NYID MA YIN TE, GCIG SBYAR BAS GNYI GA RTOGS PA'I PHYIR RO ZHE NA MA YIN TE, MTHUN PA'I PHYOGS DANG MI MTHUN PA'I PHYOGS DAG LA GTAN TSIGS YOD PA DANG, MED PA DAG NI PHAN TSUN LTOS NAS TSIG GCIG GIS GNYI GA GO BAR BYED DO ZHES BYA'I, GNYIS PA DANG DON GCIG PA NI MA YIN NO, ,DE KHO NA LA YOD PA DANG MED PA LA MED PA ZHES BYA BA'I TSIG PHAN TSUN 'PHEN PA MA YIN NAM ZHE NA, NGES BSTON PA GCIG KYANG 'PHEN PA GNYIS PA MED NA MED PA'I PHYIR TSIG 'DIS NI SHUGS KYIS GNYI GA 'PHEN PAR BYED KYI, YOD PA DANG MED PA 'BA' ZHIG 'PHEN PAR BYED PA NI MA YIN NO, ,NGES PA DANG LDAN PA DAG NI 'BA' ZHIG PA DAG MA YIN TE, NGES PA NI GNYI GA'I NGO BO YIN PA'I PHYIR RO, ,DE LTA BAS NA GANG GIS NA YOD PA'AM, MED PA GNYIS PA 'PHEN PAR 'GYUR BA DE LA YOD PA NYID CES BYA BA YANG YOD PA 'BA' ZHIG LA MI BYA LA, CIG SHOS KYIS KYANG MED PA 'BA' ZHIG MA YIN NO, ,SHES PA NI DE LTAR GZHAN SHES PAR BYED PA'I MTSAN NYID GSUM PA LAS THA DAD PA MA YIN PAS, MTSAN NYID GZHAN MA YIN NO, ,DE LTA BAS NA GTAN TSIGS @255A *, ,NI MTSAN NYID DRUG PA MA YIN NO, ,GTAN TSIGS KYI THIGS PA SLOB DPON CHOS KYI GRAGS PAS MDZAD PA RDZOGS SO,, ,,RGYA GAR GYI MKHAN PO PRADZNYA'A WA RA MA DANG ZHU CHEN GYI LO TZ'A BA DGE SLONG DPAL BRTZEGS RKIshA TAS BSGYUR CING ZHUS TE GTAN LA PHAB PA,, ,,