@261B #, ,RGYA GAR SKAD DU, PRA M'A n'A BA T'A RA TI KA BRi TTI, BOD SKAD DU, TSAD MA RNAM 'GREL GYI 'GREL PA, BAM PO DANG PO, THAMS CAD MKHYEN PA LA PHYAG 'TSAL LO, ,RTOG PA'I DRA BA RNAM BSAL ZHING, ,ZAB CING RGYA CHE'I SKU MNGA' BA, ,KUN TU BZANG PO'I 'OD ZER DAG ,KUN NAS 'PHRO BAR PHYAG 'TSAL LO, ,SKYE BO PHAL CHER PHAL LA CHAGS SHING SHES RAB RTZAL MED PAS NA LEGS BSHAD RNAMS, ,DON DU MI GNYER KHO NAR MA ZAD PHRAG DOG DRI MA DAG GIS SDANG BAR YANG, ,YONGS GYUR DES NA BDAG LA 'DI NI GZHAN LA PHAN PA YIN ZHES BSAM PA'ANG MED, ,SEMS NI YUN RING LEGS BSHAD GOMS PAS LHUR LEN BSKYED PHYIR 'DI LA DGA' BA SKYES, ,DON DANG DON MA YIN PA RNAM PAR 'BYED PA NI RJES SU DPAG PA LA BRTEN PA YIN PA'I PHYIR LA, DE LA LOG PAR RTOGS PAS DE RNAM PAR GZHAG PA'I PHYIR BSHAD PA, PHYOGS CHOS DE'I CHAS KHYAB PA YI, ,GTAN TSIGS DE NI RNAM GSUM STE, ,MED NA MI 'BYUNG NGES PHYIR RO, ,GTAN TSIGS LTAR SNANG DE LAS GZHAN, ,PHYOGS NI CHOS CAN NO, ,GAL TE DGOS PA MED PA'I PHYIR NYE BAR GDAGS PAR MI BYA'O ZHE NA, MA YIN TE, CHOS CAN GYI CHOS THAMS CAD YIN PA DGAG PA'I PHYIR TE, DE'I PHYOGS GCIG YIN PA'I PHYIR, DE NYE BAR GDAGS SU RUNG BA'I CHOS CAN YIN PAR RTOGS PAR BYA BA'I PHYIR RO, ,DE LTA YIN DANG MIG GIS GZUNG BAR BYA BA YIN PA'I PHYIR ZHES BYA BA LA SOGS PA SPANGS PA... YIN NO, ,GAL TE CHOS ZHES BRJOD PAS KYANG CHOS CAN YIN PAR GZHI LTA GRUB STE, CHOS CAN ZHES SMOS PA'I SHUGS KYIS NYE BA YIN PA'I PHYIR BSGRUB PAR BYA BA'I CHOS CAN YIN PAR GRUB PO ZHE NA, MA YIN TE, DPE'I CHOS CAN YANG NYE BA YIN PA'I PHYIR RO, ,DE'I CHAS KHYAB PA ZHES BYA BAS DPE'I CHOS CAN LA YOD PA GRUB PAS CHOS CAN GYI CHOS ZHES SMOS PA'I PHYIR BSGRUB PAR BYA BA'I CHOS CAN YIN PAR YONGS SU GZUNG NGO ZHE NA, GRUB BZHIN DU BSNAN PA'I PHYIR YANG SMOS PA YIN PAR YANG DGOS PAR 'GYUR TE, MTHUN PA KHO NA LA YOD PA ZHES BYA BA MI MTHUN PA @262A *, ,LAS LDOG PA GRUB MOD KYI, BSGRUB PAR BYA BA MED PA LA MED PA SMOS PA BZHIN NO, ,SHUGS KYIS DON GO NA RTOGS PAR DKA' BA YONGS SU SPANG BA'I PHYIR YANG PHYOGS ZHES SMOS PA YIN NO, ,GAL TE PHYOGS KYI CHOS NYID YIN NA DE'I KHYAD PAR LA LTOS PA GZHAN LA MI 'JUG PA'I PHYIR THUN MONG MA YIN PA NYID YIN NO ZHE NA, MA YIN TE, DPER NA NAG PA 'PHONG SKYEN NO ZHES BYA BA LTA BUR MI LDAN PA RNAM PAR BCAD PAS KHYAD PAR DU BYAS PA'I PHYIR YIN GYI, DPER NA SRID SGRUB 'PHONG SKYEN NO, ,ZHES BYA BA LTA BUR GZHAN DANG LDAN PA RNAM PAR BCAD PAS NI MA YIN NO, ,BSHAD PAR BYA'O, ,DE'I CHA NI SMRA BA PO'I BSAM PA'I DBANG GIS DE'I CHOS YIN GYI, DE'I PHYOGS GCIG NI MA YIN TE, PHYOGS ZHES BYA BA'I SGRA SPYI LA MI BYA BA'I PHYIR RO, ,KHYAB PA NI DE LA KHYAB PAR BYED PA YOD PA KHO NA'AM, YANG DE KHO NA LA KHYAB PAR BYA BA YOD PA YIN NO, ,'DIS NI RJES SU 'GRO BA DANG LDOG PA NGES PA DAG KYANG BDAG NYID JI LTA BA'I TSAD MAS BSHAD LA, PHYOGS KYI CHOS KYANG BSHAD PA YIN NO, ,DE DAG NI 'BRAS BU DANG, RANG BZHIN DANG, MI DMIGS PA'I MTSAN NYID CAN GYI GTAN TSIGS GSUM YIN TE; DPER NA DU BA LAS NI 'DI NA ME YOD DO, ,SHING SHA PA YIN PA'I PHYIR 'DI NI SHING YIN NO, ,PHYOGS KYI KHYAD PAR 'GA' ZHIG NA BUM PA MED DE, DMIGS PA'I MTSAN NYID KYIR GYUR PA MI DMIGS PA'I PHYIR RO ZHES BYA BA LTA BU YIN NO, ,GAL TE YOD NA DMIGS PAR RUNG... BA'I YOD PA CAN KHO NAR 'GYUR GYI, GZHAN DU NI MA YIN NO, ,DES NA DMIGS PA'I MTSAN NYID KYIR 'GYUR BA'I YOD PA CAN ZHES BSHAD PA YIN NO, ,DE LAS GNYIS NI DNGOS PO SGRUB PA YIN LA, GCIG NI DGAG PA'I GTAN TSIGS YIN TE, RANG BZHIN DANG 'BREL PA YOD PA DON GYIS DON 'KHRUL PA MED DE, DE NI DE'I BDAG NYID YIN PA'I PHYIR RO, ,GAL TE DE'I BDAG NYID YIN NA BSGRUB PAR BYA BA DANG, SGRUB PA'I BYE BRAG MED DO ZHE NA, MA YIN TE, CHOS KYI BYE BRAG KUN BRTAGS PA'I PHYIR RO, ,ZHES BSHAD PAR BYA'O, ,DE SKAD DU RJES SU DPAG PA DANG, @262B RJES SU DPAG PAR BYA BA'I THA SNYAD 'DI THAMS CAD NI BLO LA YOD PA'I CHOS DANG CHOS CAN GYI BYE BRAG KHO NAS YIN NO ZHES BSHAD DO, ,CHOS DANG CHOS CAN NYID DU THA DAD PA BLO'I RNAM PAS BYAS KYI DON KYANG NI MA YIN TE, BLO'I BYE BRAG RANG DGA' BA RNAMS NI DON GYI RTEN MA YIN PA'I PHYIR RO,, DE DAG GIS BRTAGS PA'I YUL GYIS DON GO NA NI DON MI 'THOB PA KHO NAR 'GYUR RO, ,'BRAS BU YANG RANG BZHIN DANG 'BREL PA YIN TE, DE'I RANG BZHIN DE LAS BYUNG BA'I PHYIR RO, ,RJES SU DPAG PAR BYA BA SHES PA 'DI GNYIS NI DNGOS LAS MA SKYES PA'I PHYIR DER SNANG BA NYID MA YIN YANG; DE LAS SKYES PA'I PHYIR DER 'KHRUL PA MED PA DAG YIN TE, DES NA MTSAN MA YIN TE MNGON SUM BZHIN NO, ,MNGON SUM GYI TSAD MA NYID KYANG DON 'KHRUL PA MED PA KHO NA YIN TE, DE MED PAR 'BYUNG BA NI DER 'KHRUL PA'I PHYIR RO, ,GZHAN GYI MI 'KHRUL PA YANG DE LAS... SKYES PA LAS GZHAN CI ZHIG YOD DE, RAG MA LAS PA'I NGO BO RNAMS NI LHAN CIG 'BYUNG BAR NGES PA MED PA'I PHYIR RO, ,GAL TE DE LAS SKYE BA'I PHYIR, 'BRAS BU GO BAR BYED PA YIN NA RNAM PA THAMS CAD DU GO BAR BYA BA DANG GO BAR BYED PA'I NGO BO YIN TE, RNAM PA THAMS CAD DU BSKYED PAR BYA BA DANG SKYED PAR BYED PA YOD PA'I PHYIR RO ZHE NA, MA YIN TE, DE MED PAR 'BYUNG BA NI DE LAS SKYE BA NGES PA MED PA'I PHYIR RO, ,DE LTA BAS NA, RGYU LA RANG BZHIN JI SNYED CIG ,MED NA MI 'BYUNG 'BRAS BU NI, ,DE DAG GI GTAN TSIGS YIN TE, DE DAG GI 'BRAS BU NYID DU NGES PA'I PHYIR RO, ,GANG DAG DE DAG MED NA MI 'BYUNG BA DE DAG KHO NAS YIN NO, ,GAL TE CHA SHAS KYIS BSKYED PAR BYA BA DANG, SKYED PA YIN PAR THAL BAR 'GYUR RO ZHE NA, MA YIN TE, DES BSKYED PAR BYA BA'I KHYAD PAR DANG, RTAGS KYI BYE BRAG GI KHYAD PAR CAN GYI SPYI RNAMS... GZUNG NA YIN PAR 'DOD PA'I PHYIR RO, ,SPYI KHYAD PAR DU MA BYAS PA BRJOD PAR 'DOD NA NI 'KHRUL PA'I PHYIR MI 'DOD DO, ,RANG BZHIN YOD TZAM DANG, 'BREL PA CAN GYI NGO BO YANG GTAN TSIGS YIN ZHES BYA BAR SBYAR TE, GTAN TSIGS KYI DE'I BDAG NYID NI DE TZAM DANG 'BREL PA @263A *, ,CAN KHO NA'I PHYIR RO, ,GZHAN LA RAG LAS PA'I NI MA YIN TE, DE YOD NA YOD PAR MA GYUR PA'I PHYIS 'BYUNG BA NI NGES PA MED PA'I PHYIR RO, ,RGYU RNAMS NI 'BRAS BU LA 'KHRUL PA YOD PA'I PHYIR RO, ,TSAD MA RNAMS NI MI 'JUG PA MI DMIGS PA YIN TE, MED LA MI 'JUG 'BRAS BU CAN, YOD PA'I SHES PA DANG, SGRA DANG THA SNYAD DGAG PA'I 'BRAS BU CAN YIN TE, DE DAG NI DMIGS PA SNGON DU 'GRO BA CAN YIN PA'I PHYIR RO, ,'DI NI YOD PA DANG MED PA DGAG PA DANG SGRUB PA'I GTAN TSIGS DAG GI 'DRA BA'I NGO BO YIN TE, 'DI LTAR DMIGS PA NYID YOD PA MA YIN TE, DNGOS PO RUNG BA'I MTSAN NYID YIN PA'AM, YANG NA DE'I RTEN CAN GYI SHES PA 'JUG PA YIN TE, DE LAS YOD PA'I SHES PA DANG SGRA DANG THA SNYAD 'JUG PA'I PHYIR RO, ,MI DMIGS PA NI MED PA RNAMS KYI MED PA YIN NO, ,GTAN TSIGS BYE BRAG LA LTOS NAS, ,LA LA MED SHES 'BRAS BU CAN, ,GTAN TSIGS NI MI DMIGS PA'O, ,DE'I BYE BRAG NI KHYAD PAR TE, DMIGS PA'I MTSAN NYID KYIR 'GYUR BA'I YOD PA CAN YIN NO, ,'DIR MI DMIGS PA'I RTAGS KYIS MED PA BSGRUB PAR BYA BA YIN NA, DMIGS PA MED PA YANG MI DMIGS PA GZHAN GYIS BSGRUB PAR BYA DGOS PAS THUG PA MED PAR THAL BAR 'GYUR BA'I PHYIR RTOGS PAR BYED PA MA YIN PAR 'GYUR RO, ,'ON TE DMIGS PA MED PAR YANG MI DMIGS PAR 'GYUR NA NI, DE BZHIN DU YOD PA MED PAR YANG 'GYUR TE, MI DMIGS PA DON MED PA YIN NO, ,CI STE GZHAN DMIGS PAS MI DMIGS PA 'GRUB PAS MI DMIGS PA MNGON SUM GYIS GRUB PO ZHE NA, DE BZHIN DU GZHAN YOD PAS KYANG MED PA CI STE MI 'GRUB, GANG GI TSE MED PA DAG GI MED PA DE LTA BU'I MI DMIGS PA KHO NA YIN PA DE'I TSE NI YUL GRUB TU ZIN KYANG RMONGS PAS YUL CAN SHES PA DANG, SGRA DANG THA SNYAD DAG KHONG DU MI CHUD PA YUL RAB TU BSTAN PAS BRDA LA 'JUG PAR BYED DE, DPER NA 'DI NI BA LANG YIN TE LKOG SHAL LA SOGS PA 'DUS PA'I BDAG NYID YIN PA'I PHYIR RO ZHES BYA BA LTA BU'O, ,DE LTA YIN DANG DPE MA GRUB... @263B PAR RGOL BA YANG BSAL BA YIN NO, ,YUL RTOGS SU ZIN KYANG YUL CAN MA RTOGS PA DAG SNANG BA'I PHYIR RO, ,DE LTAR MI DMIGS PA 'DI GNYIS NI RANG DANG BZLOG PA'I RGYU MED PA DANG, YOD PA DAG GI PHYIR YOD PA'I THA SNYAD DGAG PA'I 'BRAS BU CAN NYID DU 'DRA STE, GCIG LA NI THE TSOM YOD PA'I PHYIR LA, GZHAN LA NI BZLOG PA'I PHYIR RO, ,DE LA DANG PO NI YOD PA'I THA SNYAD DGAG PAR DGONGS PA'I PHYIR TSAD MAR BSHAD KYI, LDOG PA MTHONG BA LA SOGS PA LA NYE BAR SBYOR BA NI MA YIN TE, THE TSOM YOD PA'I PHYIR RO, ,GNYIS PA NI DE LA TSAD MA YIN TE, NGES PA'I 'BRAS BU CAN YIN PA'I PHYIR RO, ,DE YANG SBYOR BA'I BYE BRAG GIS, ,'GAL DANG 'BRAS BU DAG GRUB DANG, ,RGYU DANG NGO BOR BLTAR RUNG BA'I, ,BDAG NYID DAG NI MA GRUB PA'I, ,MED DON CAN MI DMIGS RNAM BZHI, ,DGAG PA GANG JI SNYED PA THAMS CAD NI MI... DMIGS PAS YIN NO, ,'DI LTAR DE NI RNAM PA GNYIS KYIS BYED DE, 'GA' ZHIG SGRUB PAS SAM, DGAG PAS SO, ,BSGRUBS NA NI 'GAL BA'AM, MI 'GAL BA BSGRUB PAR 'GYUR TE, MI 'GA' BA BSGRUBS NA NI LHAN CIG YOD PAR 'GAL BA MED PA'I PHYIR BKAG PA MA YIN NO; ,'GAL BA YANG MI DMIGS PA MED PAR 'GAL BA MI RTOGS TE, 'DI LTAR RGYU MA GTUGS PA CAN 'BYUNG BA GZHAN YOD NA MED PA'I 'GAL BAR RTOGS LA, DE YANG MI DMIGS PA LAS YIN NO, ,PHAN TSUN DMIGS PA SPANGS TE, DMIGS PA'I MTSAN NYID KYANG 'GAL BA YIN TE, RTAG PA DANG MI RTAG PA BZHIN NO, ,DE LA YANG GCIG DMIGS PAS GZHAN MI DMIGS PA KHO NAR BRJOD DO, ,DE LTA MA YIN NA DMIGS PA MA BKAG PA CAN MED PA MI 'GRUB PA'I PHYIR RO, ,GCIG BKAG PAS GZHAN MED PAR GRUB PA LA NI MI DMIGS PA GRUB PA KHO NA YIN TE, DGAG PA NI MI DMIGS PA'I NGO BO YIN PA'I PHYIR RO, ,DON GZHAN DGAG PA DE LA YANG RGYU DANG 'BRAS BU DAG GAM, GNYI GA MA YIN PA ZHIG YIN TE, DE LA GNYIS KA MA YIN PA NI 'BREL PA MED PA'I PHYIR TE, DE MED NA GZHAN MED PAR 'GYUR RO, ,ZHES BYA BA DER LTA GA LA 'GYUR, 'BRAS BU @264A *, ,MI DMIGS KYANG, RGYU NI GDON MI ZA BAR DE DANG LDAN PA MA YIN PAS DE MED PAR LTA GA LA 'GYUR, DE'I PHYIR RGYU MI DMIGS PA KHO NA MED PA GO BAR BYED PA YIN NO, ,RANG BZHIN MI DMIGS PA NI RANG MED PA KHO NA YIN TE, DE LA NI YUL CAN SGRUB PAR BYED PA 'BA' ZHIG TU ZAD DE, 'DI LA YANG GANG GI TSE KHYAB PAR BYED PA'I CHOS MI DMIGS PAS KHYAB PAR BYA BA MED PAR STON PA DE'I TSE NI MED PA YANG YIN NO, ,DGAG PA'I YUL CAN GYI MI DMIGS PA 'DI NI SBYOR BA'I BYE BRAG GIS RNAM PA BZHI YIN TE, 'GAL BA GRUB PAS NI DPER NA 'DI NI GRANG BA'I REG PA MED DE, ME YOD PA'I PHYIR RO ZHES BYA BA LTA BU'O, ,'DIS NI KHYAB PAR BYED PA 'GAL BA GRUB PA YANG BSHAD PAR RIG PAR BYA STE, DPER NA 'DI NA BA MO'I REG PA MED DE, ME YOD PA'I PHYIR RO ZHES BYA BA LTA BU'O, ,'GAL BA'I 'BRAS BU GRUB PAS NI, DPER NA 'DI NA GRANG BA'I RIG PA MED DE DU BA YOD PA'I PHYIR RO ZHES BYA BA LTA BU'O, ,RGYU MA GRUB PAS NI DPER NA 'DI NA DU BA MED DE MED PA'I PHYIR ZHES BYA BA LTA BU'O, ,RANG BZHIN MA GRUB PAS NI DPER NA, 'DI NA DU BA MED DE MI DMIGS PA'I PHYIR RO ZHES BYA BA LTA BU'O; ,'DIS NI KHYAB PAR BYED PA'I RANG BZHIN MA GRUB PA YANG BSHAD DE, DPER NA 'DI NA SHING SHA PA MED DE SHING MED PA'I PHYIR RO ZHES BYA BA LTA BU'O, ,MED PA SGRUB PA'I MI DMIGS PA 'DI THAMS CAD LA YANG BLTAR RUNG BA'I BDAG NYID DAG KHO NA DE DAG DANG; 'GAL PA GRUB PA DANG MA GRUB PAR RIG PAR BYA STE, GZHAN DAG LA NI MED PA DANG 'GAL BA MI 'GRUB PA'I PHYIR RO, ,GAL TE 'GAL BA'I 'BRAS BU DMIGS PAS KYANG MED PA 'GRUB NA, DE'I RGYU DMIGS PAS CI STE 'GRUB PAR MI 'GYUR ZHE NA, DE DANG 'GAL BA'I RGYU MTSAN NI, ,DMIGS PA SBYOR BA GANG YIN TE, ,RGYU MTSAN DAG NI 'GAL BA NYID, ,MED NA 'KHRUL PA CAN YIN TE, ,DPER NA 'DI NA GRANG BA'I REG PA MED DE SHING YOD PA'I PHYIR RO ZHES BYA BA LTA BU'O, ,RGYU MTSAN DAG 'GAL BA NA NI GO BAR BYED PA KHO NA YIN TE, DPER NA 'DI NA BA SPU LANGS PA LA SOGS PA'I @264B KHYAD PAR MED DE, ME'I KHYAD PAR NYE BA CAN NYID YIN PA'I PHYIR RO ZHES BYA BA LTA BU'O, ,'DIS NI DE'I 'BRAS BU LAS KYANG DE DANG 'GAL BA'I 'BRAS BU MED PAR RTOGS PAR BSHAD PA YIN TE, DPER NA PHYOGS 'DI NA BA SPU LANGS PA LA SOGS PA DANG LDAN PA'I SKYES BU CAN YIN TE, DU BA YOD PA'I PHYIR RO ZHES BYA BA LTA BU'O, ,DE DANG 'GAL BA GRUB PA DE YANG GONG DU RGYU MA GRUB PA KHO NAS BSTAN PA YIN NO, ,DE LTAR NA MI DMIGS PA 'DI NI SBYOR BA'I BYE BRAG GIS RNAM PA BRGYAD DO, ,DE LA 'GAL BA'I 'BRAS BU DMIGS PA BSHAD PA GANG YIN PA DE LA, 'GAL 'BRAS LA YANG YUL DANG NI, ,DUS LA SOGS LA LTOS PAR 'DOD, ,GZHAN DU 'KHRUL 'GYUR MI GRANG BA, ,SGRUB PA LA NI THAL BA BZHIN, ,'O NA RGYU TSOGS PAS 'BRAS BU SKYE BAR RJES SU DPOG PAR BYED PA GANG YIN PA DE JI LTAR GTAN TSIGS RNAM PA GSUM GYI NANG DU 'DU ZHE NA, RGYU TSOGS PA YIS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,'DI YANG JI LTAR NYE BA LAS GZHAN LA MI LTOS TE, DES NA NGO BO'I DE TZAM DANG 'BREL PA'I RANG BZHIN YIN NO, ,DE LA NI RGYU TSOGS PA LAS 'BRAS BU SKYE BAR SRID PA RJES SU DPOG PA 'BA' ZHIG TU ZAD DE, TSOGS PA RNAMS KYI 'BRAS BU BSKYED PAR RUNG BA NYID RJES SU DPOG PA'I PHYIR RO, ,RUNG BA NYID KYANG TSOGS PA TZAM DANG 'BREL PAS RANG BZHIN DU 'GYUR BA KHO NA RJES SU DPOG PA YIN NO, ,YANG CI'I PHYIR TSOGS PA LAS 'BRAS BU KHO NA RJES SU DPOG PAR MI BYED CE NA, TSOGS PA'I 'BRAS BU NUS PA NA, ,'GYUR BA DANG 'BREL 'BRAS BU LA, ,MA NGES PA NI NYID YIN TE, ,GAGS BYED PA DAG SRID PHYIR RO, ,RGYU'I RJES TSOGS PA DAG KHO NAS RANG GI 'BRAS BU SKYED PAR BYED PA NI MA YIN TE, 'BRAS BU SKYE BA NI TSOGS PA LAS SKYE BA CAN GYI NUS PA RNAMS KYI 'GYUR BA LA LTOS PA'I PHYIR RO, ,BAR 'DIR GAGS BYED PA SRID PA'I PHYIR 'BRAS BU RJES SU DPAG PA MA YIN NO, ,RUNG BA NYID NI RDZAS GZHAN LA MI LTOS PA'I PHYIR, RJES SU DPAG PA LA 'GAL BA MED DO, ,NUS PA PHYI MA PHYI MA 'GYUR BAS RGYU @265A *, ,TSOGS PA 'DI 'BRAS BU BSKYED PAR NUS PA YIN TE, NUS PA 'GYUR BA'I RKYEN GZHAN LA LTOS PAR BYA BA MED PA'I PHYIR RO, ,NUS PA SKYE BA NI RANG GI RIGS SNGA MA TZAM GYI RGYU CAN NYID YIN PA'I PHYIR, TSOGS PA'I RUNG BA NYID NI GZHAN LA MI LTOS PA ZHES BYA'O; ,'O NA RGYU DANG 'BRAS BUR MA GYUR PA GZHAN RO LA SOGS PAS GZUGS LA SOGS PA RTOGS PA GANG YIN PA DE JI LTAR ZHE NA, DE YANG, ,TSOGS PA GCIG LA RAG LUS PA'I, ,GZUGS LA SOGS PA ROS RTOGS PA, ,RGYU'I CHOS RJES SU DPAG PAS TE, ,DU BAS BUD SHING 'GYUR BA BZHIN, ,DE LA NI RGYU DE LTA BU KHO NA RJES SU DPOG PAR BYED DO, ,RO'I RGYU DE LTA BU NI GZUGS KYI NYE BAR LEN PA'I RGYU NUS LA ZHUGS PA CAN GYI LHAN CIG BYED PA'I RKYEN YIN ZHING RO SKYED PAR BYED DE, ME BUD SHING 'GYUR BA'I KHYAD PAR GYI NYE BAR LEN PA'I RGYU'I LHAN CIG BYED... PA'I RKYEN YIN ZHING DU BA BSKYED PA DANG 'DRA'O, ,'DI LTAR NUS PA 'JUG PA STE, RANG GI RGYU'I 'BRAS BU BSKYED PAR BYA BA LA MNGON DU PHYOGS PA MED PAR NI, RO MED DE NYID GZHAN GYI RGYU, ,GZUGS KYI NYE BAR LEN PA'I RGYU RNAMS KYI 'JUG PA'I RGYU YIN NO, ,RO'I NYE BAR LEN PA'I RGYU 'JUG PA DE YANG GZUGS KYI NYE BAR LEN PA'I RGYU 'JUG PA'I LHAN CIG BYED PA CAN YIN TE, DE'I PHYIR RGYU JI LTA BU LAS BYUNG BA'I ROS DE LTA BU RJES SU DPOG PAR BYED PA NA GZUGS RJES SU DPOG PAR BYED PA YIN NO, ,DE LA YANG, DE LTAR 'DAS DUS GCIG RNAMS RTOGS KYI MA 'ONGS PA RNAMS NI MA YIN TE, 'KHRUL PA'I PHYIR RO, ,DE LTA BAS NA, DE NI 'BRAS BU'I RTAGS LAS SKYES, ,DE'I PHYIR GO BAR BYED PA'I GTAN TSIGS GZHAN NI MED DE RANG BZHIN MA 'BREL PA NI MED NA MI 'BYUNG BAR NGES PA MED PA'I PHYIR RO, ,'DIS NI GROG MA 'PHO BA DANG, NYA 'PHAR BA... LA SOGS PA LAS CHAR PA LA SOGS PA RJES SU DPOG PA YANG BSHAD PA YIN TE, DE LA YANG CHAR PA'I RGYU 'BYUNG BAR 'GYUR BA KHO NA GROG MA LA SOGS PA 'KHRUG PA LA SOGS PA'I RGYU YIN NO, ,RGYU MA TSOGS PAS 'BRAS BU NI, ,RJES SU DPOG PA GANG YIN DE, ,LHAG MA DANG LDAN @265B NUS MED PHYIR, ,LUS LAS 'DOD CHAGS RJES DPOG BZHIN, ,RUNG BA NYID KYANG RGYU TSOGS PA DAG KHO NAS RJES SU DPOG PAR BYED DE, MA TSOGS PA LA SHIN TU NUS PA MED PA'I PHYIR, DPER NA LUS DBANG PO DANG BLO DAG LAS 'DOD CHAGS LA SOGS PA RJES SU DPOG PA BZHIN NO; ,'DOD CHAGS LA SOGS PA NI BDAG DANG BDAG GIR ZHEN PA SNGON DU 'GRO BA CAN YIN TE, NYES PA THAMS CAD SKYE BA'I SNGON DU 'GRO BA NI TSUL BZHIN MA YIN PA YID LA BYED PA YIN PA'I PHYIR RO, ,LUS LA SOGS PA RGYU NYID NI YIN MOD KYI 'BA' ZHIG PA RNAMS LA NI NUS PA MED PAS MI MTHUN PA'I PHYOGS LA 'JUG PA MA MTHONG DU ZIN KYANG RJES SU DPAG PA LHAG MA DANG LDAN PA'I PHYIR, THE TSOM ZA BA YIN NO, ,DE BZHIN DU, MI MTHUN PHYOGS LA MA MTHONG BA, ,TZAM GYI 'BRAS SPYI MTHONG BA LAS, ,GTAN TSIGS SHES PA TSAD LTAR SNANG, ,TSIG LAS CHAGS CAN LA SOGS BZHIN, ,GA-YO BA DANG TSIG LA SOGS PA NI 'DOD CHAGS LA SOGS PA KHO NA'I 'BRAS BU MA YIN TE, BRJOD PAR 'DOD PA SPYI'I RGYU CAN NYID YIN PA'I PHYIR RO, ,GAL TE DE NYID 'DOD CHAGS YIN NO ZHE NA, 'DOD PA YIN PA'I PHYIR CUNG ZAD KYANG GNOD PAR MI 'GYUR RO,, 'DOD CHAGS NI SEMS KYI MNGON PAR ZHEN PA RTAG PA DANG BDE BA DANG BDAG DANG BDAG GIR LTA BAS 'PHANGS PA ZAG PA DANG BCAS PA'I CHOS KYI YUL CAN YIN PAR SMRA'O, ,SNYING RJE LA SOGS PA NI DE LTA BU MA YIN TE, GZHAN DU YANG SRID PA'I PHYIR RO ZHES BSTAN PAR BYA'O, ,JI LTAR CHAGS PA SMRA BA LTAR 'DOD CHAGS DANG BRAL BA YANG DE DANG 'DRA BAS TSIG TZAM LAS MI RTOGS SO, ,KHYAD PAR LAS KYANG MA YIN TE, BSAM PA NI RTOGS PAR DKA' BA'I PHYIR, THA SNYAD 'CHOL BAS THAMS CAD 'KHRUL PA'I PHYIR RO, ,GAL TE DGOS PA MED PA'I PHYIR MI SMRA'O ZHE NA, MA YIN TE, GZHAN GYI YOD YIN PA'I PHYIR RO, ,GAL TE 'DOD CHAGS DANG BRAL BA'I PHYIR RIGS PA MA YIN NO ZHE NA, MA YIN TE, SNYING RJES KYANG 'JUG PA'I PHYIR RO, ,CI STE DE NYID 'DOD CHAGS YIN NO ZHE NA, 'DOD PA YIN TE, PHYIN CI MA LOG PA LAS BYUNG BA'I PHYIR NYES PA MED DO, , @266A *, ,SNYING RJE NI BDAG TU 'DZIN PA MED KYANG SDUG BSNGAL GYI KHYAD PAR MTHONG TZAM GYIS GOMS PA'I STOBS LAS SKYE BA YIN TE, 'DI LTAR BYAMS PA LA SOGS PA NI SEMS CAN DANG CHOS LA SOGS PA LA DMIGS PA YIN PAR 'DOD DO, ,DE DAG KYANG RIGS MTHUN PA LA GOMS PAS 'BYUNG BA CAN YIN GYI, 'DOD CHAGS LA LTOS PA CAN NI MA YIN NO, ,'DOD CHAGS LA SOGS PA NI DE LTA MA YIN TE, PHYIN CI LOG MED NA MED PA'I PHYIR RO, ,GAL TE SNYING RJE CAN GYI RTZOM PA 'BRAS BU MED PA YANG PHYIN CI LOG LAS YIN NO ZHE NA, MA YIN TE, GZHAN GYI DON KHO NA 'BRAS BU NYID DU 'DOD PA'I PHYIR RO, ,'BRAS BU'I MTSAN NYID NI 'DOD PA YIN PA'I PHYIR RO, ,RNAM PA THAMS CAD DU YANG DAG PA MA YIN PA SGRO 'DOGS PA MA YIN PA'I PHYIR NYES PA MED DO, ,DE LAS GZHAN PAS NYES PA DANG LDAN PA NYID DU BSGRUBS NA NI MI 'DOD PA CUNG ZAD KYANG MED DO, ,SMRA BA PHO BDAG LA 'DOD CHAGS LA SOGS PA MTHONG BAS GZHAN LA DE RJES SU DPOG NA NI HA CANG THAL BAR 'GYUR RO, ,'KHRUL PA'I PHYIR GZHAN RJES SU MI DPOG NA NI 'DI LA MI 'KHRUL LO ZHES BYA BA'I NGES PA CI ZHIG YOD, TSIG GIS NI BYED PA'I YON TAN DANG BRJOD PAS 'DOD PA NYID DAG RJES SU DPOG PAR BYED DO, ,'DOD CHAGS BSKYED PAR RUNG BA NYID DANG BRAL BA LA SMRA BA MA MTHONG BA'I PHYIR, DE RJES SU DPOG NA YANG HA CANG THAL BAR 'GYUR RO ZHES BSHAD ZIN TO, ,'DOD CHAGS KYIS PHAN MI 'DOGS NA NI, JI LTAR DE'I NUS PAS PHAN 'DOGS PAR 'GYUR, NUS PAS PHAN 'DOGS NA NI, DE NYID KYIS PAN BTAGS PAR 'GYUR BA ZHIG NA, DE NI MED DO ZHES BSHAD ZIN TO, ,DE LTA BAS NA MED NA MI 'BYUNG BA'I 'BRAS BU KHO NAS RGYU RJES SU DPOG PAR BYED DO, ,DE LA RAG LAS PA YIN PA'I PHYIR RO, ,GZHAN NI MI MTHUN PA'I PHYOGS LA MA MTHONG BA YANG MA YIN NO, ,THAMS CAD GZIGS PA'I GZIGS PA LOG PAS NI, THAMS CAD NA MED PA GO BAR BYED DO, ,LA LA NA DE LTAR MTHONG BA RNAMS KYANG DUS DANG 'DU BYA BA'I KHYAD PAR LAS GZHAN DU SNANG PA'I PHYIR TE, DPER NA SGYU RU RA'I SHING DAG @266B 'O MAS BCUS NA 'BRAS BU MNGAR PO CHAGS LA, PHAL CHER NI DE LTAR MI SNANG BA LTA BU'O, ,DES NA 'DI SKAD DU BDAG LTA BU'I SMRA BA PO NI 'DOD CHAGS CAN YIN NO ZHES BRJOD PAR RIGS PAR 'GYUR TE, 'DOD CHAGS SKYE BA'I RKYEN GYI KHYAD PAR BDAG TU LTA BA DANG, TSUL BZHIN MA YIN PA YID LA BYED PA DANG LDAN PA'I PHYIR RO, ,DE'I TSE YANG SMRA BA DPE BRJOD PA NI DON MED DE, DE'I PHYIR MI MTHUN PA'I PHYOGS LA MA MTHONG BA NI GTAN TSIGS SU MI RUNG NGO, ,MI MTHUN PHYOGS LA MA MTHONG BA, ,TZAM GYIS 'KHRUL PA MED PA MIN, ,'KHRUL PA SRID PA CAN NYID PHYIR, ,PHRU BA'I 'BRAS NI TSOS PA BZHIN, ,MANG PO ZHIG TSOS PA MTHONG DU ZIN KYANG PHRU BA'I NANG DU 'DUG PA TZAM GYIS TSOS PAR MI 'GRUB STE, 'KHRUL PA MTHONG BA'I PHYIR RO, ,'DI LTAR 'DI LTA BU'I RANG BZHIN LA, 'DI DANG TSOGS PA'I RGYU 'DRA BA CAN DAG NI TSOS SO ZHES BYA BAR NI RUNG NGO, ,DE LTA MA YIN NA NI RJES SU DPAG PA DE LHAG MA DANG LDAN PA'I 'KHRUL PA CAN YIN NO, ,YANG LHAG MA DANG LDAN PA ZHES BYA BA 'DI CI ZHIG CE NA, GANG ZHIG MA MTHONG BA TZAM GYIS, ,LDOG PA RAB TU STON BYED PA, ,DE NI THE TSOM RGYU YIN PHYIR, ,DE LA LHAG MA LDAN ZHES BRJOD, ,DE'I LDOG PA DE NI MA NGES PAS MI MTHUN PA'I PHYOGS LA 'JUG PAR THE TSOM ZA BAR 'GYUR TE, LDOG PA SGRUB PA MA MTHONG BA TZAM NI THE TSOM GYI RGYU YIN PA'I PHYIR RO, ,MI DMIGS PA THAMS CAD NI RTOGS PA BYED PA MA YIN NO, ,DE'I PHYIR GCIG LOG... PAS GZHAN LDOG PAR 'DOD PAS NI DE GNYIS RANG BZHIN 'BREL PA 'GA' ZHIG KYANG 'DOD PAR BYA DGOS SO, ,DE LTA MA YIN NA GTAN TSIGS GO BAR BYED PA MA YIN PAR 'GYUR RO, ,GTAN TSIGS KYI NI TSUL GSUM LA'ANG, ,DE YIS MA GRUB BZLOG DON DANG, ,'KHRUL PA CAN... GYI GNYEN POR NI, ,NGES PA BRJOD PAR MDZAD PA YIN, ,'BREL PA MED PAR NI RJES SU 'GRO BA DANG LDOG PA NGES PA MED DE, DES NA DE NYID STON PAR MDZAD PA NI NGES PA BSHAD PA YIN NO, ,DE LA RJES SU 'GRO BA NGES PAS NI 'GAL BA DANG DE'I PHYOGS DANG MTHUN PA RNAMS BSAL... @267A *, ,LO; ,LDOG PAS NI MA NGES PA DANG DE'I PHYOGS DANG MTHUN PA LHAG MA DANG LDAN PA LA SOGS PA'O, ,GNYI GA LA ZHES BYA BA NI GCIG LA GRUB PA DGAG PA YIN NO, ,RAB TU GRUB PA ZHES SMOS PAS MTHUN PA'I PHYOGS DANG, MI MTHUN PA'I PHYOGS DAG LA LHAG MA DANG LDAN PA DANG, THUN MONG MA YIN PA'I THE TSOM ZA BA DAG KYANG NGO, ,DE LTA MA YIN TE 'BREL PA MED PAR MA MTHONG BA TZAM GYIS LDOG NA NI, 'KHRUL PA CAN GYI GNYEN POR NI, ,MI MTHUN CHOS BRJOD GANG YIN PA, ,RE ZHIG 'GAL BA DANG MA NGES PA'I GNYEN POR GNYI GA BRJOD PAR BYA BA GANG YIN PA 'DI NI RIGS SO ZHES BSHAD PA GANG YIN PA STE, CHOS MI MTHUN PA SMOS PA NI MA NGES PA'I GNYEN POR RO, ,GAL TE MA MTHONG 'BRAS CAN TE, GAL TE DES MI MTHUN PA'I CHOS LA MA MTHONG BA STON PAR BYED NA, DE MA SMOS KYANG RTOGS PAR 'GYUR, ,DE LA SNGON BRJOD PAS LOG PAR 'GYUR BA MTHONG BA'I 'KHRUL PA GANG YIN PA NI MED DO, ,GAL TE TSIG GIS MA MTHONG BA LA DRAN PAR BYED DO ZHE NA, MTHONG BA MA RTOGS PA NI YAN LAG MA YIN PAS DE LA NI DRAN PA GZHAG PAR RIGS NA, MA MTHONG BA NI MTHONG BA MED PA YIN TE, DE LA NI MTHONG BAS GNOD PAR 'GYUR RO, ,DE MED NA GRUB PA KHO NA YIN PAS DE GRUB PAR BYA BA'I PHYIR BRJOD PA DON MED DO, ,GAL TE MI DMIGS PA'I TSE DE TZAM GYIS MED DO ZHES BYA BA MA YIN PAS DE'I PHYIR BRJOD DO ZHE NA, MED CES BYA BA'I TSIG GIS KYANG, ,DE MED KHO NA MIN GAL TE,, JI LTAR MED RIGS DE BRJOD NA, ,DE TSE MED CES BYA BAR RTOGS, ,GAL TE MA DMIGS PAS MED DO CES BYA BAR MI RTOGS NA BRJOD PAS KYANG MI RTOGS PA KHO NAR 'GYUR TE, DE YANG MI DMIGS PA KHO NA...RJOD PAR BYED PA YIN NO, ,GCIG MA DMIGS PAS NI GZHAN MED PA SGRUB PAR BYED PA YANG MA YIN TE, HA CANG THAL BAR 'GYUR BA'I PHYIR RO, ,DES MED DO ZHES BRJOD PAS KYANG DE LTAR 'GYUR BA MA YIN TE, HA CANG THAL BAR 'GYUR BA'I PHYIR RO, ,DE BAS NA JI LTAR CHOS MI MTHUN PA SMOS PAS MA NGES PA SPANGS PA YIN, DE LTA BAS NA LDOG PAR 'DOD @267B PAS DE LA GANG GI NA 'DI LA LDOG PA ZHES BYA BAR 'GYUR BA'I RIGS PA BRJOD DGOS SO, ,DE MED PA LA MI DMIGS PAS LDOG PA GRUB PA MA YIN NAM ZHE NA, GAL TE MA MTHONG BAS LDOG 'GYUR, ,CI STE LHAG LDAN 'KHRUL CAN YIN, ,DPER NA 'BRAS BU 'DI DAG NI SMIN PA'AM RO 'DI BRO BA YIN TE, GZUGS KHYAD PAR MED PA'I PHYIR RAM, GCIG LAS SKYES PA'I PHYIR, ZOS PA DANG 'DRA'O ZHES BYA BA LTA BU'O, ,'DI LA YANG BRJOD PAR 'DOD PA MA LUS PA PHYOGS SU BYAS NA BSGRUB PAR BYA BA MED PA LA GTAN TSIGS MI DMIGS PA YOD PAS JI LTAR 'KHRUL PA YIN KHA CIG NA RE MNGON SUM GYIS GNOD PAR DOGS PA'I 'KHRUL PA YIN NO ZHES ZER RO, ,MA YIN TE PHYOGS SU BYAS PA'I YUL LA MED PA'I PHYIR RO, ,CI STE GAL TE NA 'GYUR RO ZHE NA, DE LTA BUS DGOS NA HA CANG THAL BAR 'GYUR TE, GZHAN LA YANG MED BAR NGES PA MED PA'I PHYIR RO, ,TSAD MA ZHUGS PA GNOD PAR BYED PA YIN GYI, MZHUGS PAR GNOD NA NI THAMS CAD LA YID BRTAN DU MED DO, ,LDOG PA NI GRUB PA KHO NA BSGRUB PA YIN TE, DE'I PHYIR DE LTA BU'I NGO BO NI NGES PA LA LTOS SO, ,MI DMIGS PA'I SGO NAS NI 'GA' ZHIG LA MED PA GRUB TU ZIN KYANG 'BREL PA MED PA NI DE MED KYANG THAMS CAD LA MED PA MI GRUB PAS, THE TSOM ZA BA'I PHYIR LDOG PA MED PA NI LHAG MA DANG LDAN PA'I 'KHRUL PA YIN NO, ,GZHAN YANG, LDOG PA CAN YANG GTAN TSIGS 'GYUR, ,GSON PO'I LUS 'DI NI BDAG MED PA NA YIN TE, SROG LA SOGS PA DANG LDAN PA DANG LDAN PA MA YIN PA NYID DU THAL BAR 'GYUR BA'I PHYIR RO, ,BDAG MED PA BUM PA LA SOGS PA MTHONG BA DANG MA MTHONG BA DAG LA SROG LA SOGS PA MA MTHONG BA'I PHYIR RO, ,DE LAS LDOG PAS BDAG YONG PAR RTOGS PA'I PHYIR RO, ,BLTAR MI RUNG BA MI DMIGS PAS MED PA MA GRUB NA, BUM PA LA SOGS PA BDAG MED PAR MA GRUB PA'I PHYIR SROG LA SOGS PA LDOG PA MED DO, ,GAL TE KHAS BLANGS PA'I PHYIR 'GRUB PO ZHE NA, DA NI JI LTAR NA BDAG 'GRUB, GZHAN BDAG MED PA TSAD MA MA YIN PA YANG JI LTAR 'GRUB PAR @268A *, ,'GYUR; KHAS BLANGS PAS NI BDAG DANG BCAS PA DANG, BDAG MED PA DAG RNAM PAR PHYE NAS DE LA MED PAS RTOGS PAR BYED PA NYID YIN PAR RJOD PAR BYED PAS KYANG, BDAG LUNG LAS BYUNG BA NYID DU KHAS BLANGS PAR 'GYUR GYI, RJES SU DPAG PAR BYA BA NI MA YIN NO, ,DE LTA BAS NA MA MTHONG DU ZIN KYANG BDAG LDOG PA MA GRUB PA'I PHYIR RO, ,'GA' ZHIG LA DE LOG STE, SROG LA SOGS PA LOG KYANG 'BREL PA MED PA'I PHYIR, THAMS CAD LAS LDOG PA MI 'GRUB PAS RTOGS PAR BYED PA MA YIN PA NYID DO,, GANG YANG MA GRUB PA'I SBYOR BA DE BZHIN DU MTHUN PA'I PHYOGS LA YOD PA DANG, MED PA ZHES BYA BA LA SOGS PA LA YANG CI RIGS PAR BRJOD PAR BYA'O ZHES BYA BA DE LTA BU LA SOGS PA, MA GRUB SBYAR BA DE YANG BRJOD BYA MIN, ,MI DMIGS PA KHO NAR ZAD NA THE TSOM ZA BA'I PHYIR TE, DMIGS NA DE MED PA'I PHYIR RO, ,MI DMIGS PA'I PHYIR LDOG GO ZHES BYAS NA THE TSOM DU GYUR PA YANG MA BZLOG PAR 'GYUR RO, ,GAL TE CI RIGS PAR ZHES SMOS PA PHYIR MA LDOG PA KHO NA YIN NO, ,ZHE NA, CI YIN TE, BRJOD PA GANG ZHIG GNYI GA LA NGES PA KHO NA ZHES BYA BA LA SOGS PA 'BYUNG BA'I PHYIR RO, ,DE'I PHYIR MI DMIGS KYANG THE TSOM ZA BAS LDOG PA MED PAR DGOS TE, DE DGAG PAR BSHAD PA YIN NO, ,GZHAN YANG, KHYAD PAR RNAM PAR GCOD PA YI, ,GTAN TSIGS SU 'GYUR MA MTHONG PHYIR, ,MNYAM PAR BYA BA NYID KYANG RTAG PA DANG MI RTAG PA DAG LA MA MTHONG BA'I PHYIR LDOG PAS, DE DAG RNAM PAR GCOD PA'I GTAN TSIGS NYID DU 'GYUR RO, ,RNAM PAR GCOD PA NI DE DAG LAS LDOG PA LAS GZHAN PA YIN NO, ,RNAM PAR GCOD PA MA YIN PA NI GANG LAS KYANG LOG PA NYID DU MA NGES PA'I PHYIR RO, ,GANG ZHIG GANG LA MED DO ZHES BYA BAR NGES PA DE YOD NA JI LTAR DE MED PAR RTOGS PAR MI BYED DE, GAL TE TSAD MA GZHAN GYIS GNOD, ,CI STE GNYI GA RNAM PAR GCOD PA YIN NA GNOD PAR BYED PA'I TSAD MA GZHAN YOD DO, ,PHAN TSUN RNAM PAR GCOD PA'I NGO BO CAN RNAMS NI GCIG RNAM @268B PAR GCOD PAS GZHAN SGRUB PA'I PHYIR DGAG PA MA YIN TE, SGRUB PA DANG DGAG PA DAG NI 'GAL BA'I PHYIR RO ZHE NA, DA NI MA MTHONG LAS MED MIN, ,DE LTAR NA MA MTHONG BA NI TSAD MA MA YIN TE, GNOD PA SRID PA'I PHYIR RO, ,DE BZHIN DU NI GZHAN LA YANG, ,TSAD MA GZHAN GYIS GNOD PA SRID, ,MTSAN NYID DANG LDAN PA LA GNOD PA SRID NA, DE'I MTSAN NYID SUN PHYUNG BA KHO NAR 'GYUR BAS THAMS CAD LA YID BRTAN DU MI RUNG NGO, ,GAL TE RJES SU DPAG PA'I YUL LA YANG MNGON SUM DANG RJES SU DPAG PA DANG 'GAL BA MTHONG BAS YID BRTEN DU MI RUNG BAR THAL BAR 'GYUR RO ZHE NA, MA YIN TE, JI SKAD BSHAD PA LTA BU LA MI SRID PA'I PHYIR RO, ,SRID NA NI DE'I MTSAN NYID KYANG MA YIN PA'I PHYIR, GAL TE 'GAL BA 'KHRUL PA MED PA CAN GYI BRJOD PAR 'GYUR RO ZHE NA, RJES SU DPAG PA'I YUL LA MA BRJOD PA'I PHYIR 'DOD PA YIN TE, 'DI'I YUL NI BSTAN PAR BYA'O, ,GZHAN YANG, MA MTHONG PHYIR REG MTHONG BA DANG, ,MI LDAN 'KHRUL PA MED PA CAN, ,GAL TE MI DMIGS PAS LDOG PA 'GRUB PAR 'GYUR NA, GAL TE MA MTHONG BA TZAM GYIS MCHONGo? BA LA LAS 'GOG PAR BYED NA, DE YANG RIGS PA MA YIN NO ZHES GANG BSHAD PA JI LTAR RIGS PA MA YIN TE, MI DMIGS PAS MED PA GRUB PA'I PHYIR RO, ,REG PA DMIGS PA'I MTSAN NYID KYIR GYUR PA DGAG PA RIGS PA KHO NA MA YIN NAM ZHE NA, RIGS PA MA YIN TE, SNANG BA DANG DE'I RANG BZHIN GYI YUL TZAM LA 'GOG PA MA YIN PA'I PHYIR RO, ,DES NI SA LA SOGS PA SPYIR BZUNG NAS DGAG PA SMRAS SO, ,DE LA SHING BAL DANG RDO BA DANG LO MA LA SOGS PA LA DE YOD KYANG REG PA THA DAD PA MTHONG BA'I PHYIR RO, ,'DI YANG KHYAD PAR 'GA' ZHIG LA SRID PAR DGOS PAR 'GYUR BAS THAMS CAD LA NI MTHONG BAS DGAG PAR RIGS PA MA YIN NO, ,DE LTAR NA SLOB DPON MI DMIGS PAS MED PA SMRA BA 'GA' ZHIG GIS KLAN KA BTZAL BA YIN NO, ,GZHAN YANG, YUL LA SOGS PA'I KHYAD PAR LAS, ,RDZAS LA NUS PA THA DAD SNANG, ,DE LA GCIG MTHONG... @269A *, ,BAS GZHAN NA DE YOD PAR NGES PAR NI RIGS PA MA YIN NO, ,GAL TE JI ZHIG LTAR MI MTHUN PA'I PHYOGS LA MTHONG BA TZAM GYIS 'BREL PA MED PA YANG DE 'KHRUL PA MED DO ZHE NA, YUL 'GA' ZHIG NA RDZAS KHA CI ZHIG LTAR MTHONG BA GZHAN NA GZHAN DU YANG SNANG NGO, ,DPER NA SMAN KHA CIG ZHING KHYAD PAR CAN LAS RO DANG NUS PA DANG KHYAD PAR DU SMIN PAR BYED PA KHYAD PAR CAN DU 'GYUR LA, GZHAN LA NI MA YIN PA LTA BU STE, DUS DANG LEGS PAR BYA BA'I KHYAD PAR LAS KYANG DE DANG 'DRA'O, ,YUL DE PA RNAMS KYIS DE LTAR MTHONG ZHES TE, THAMS CAD DE NYID DU DE LTA BU YIN PAR NI 'GRUB PAR MI 'GYUR TE, YON TAN GYI KHYAD PAR RNAMS NI RGYU'I KHYAD PAR LA LTOS PA'I PHYIR RO, ,RGYU'I KHYAD PAR MED NA NI RJES SU DPAG TU RUNG STE, BYED PA PO MA MTHONG BA CAN GYI TSIG KYANG SKYES BU'I 'DU BYED PA SNGON DU.. 'GRO BA CAN YIN TE, TSIG LA KHYAD PAR MED PA'I PHYIR RO ZHES BYA BA LTA BU'O, ,RNAM PA THAMS CAD SKYES BU DAG GIS BYED PAR MTHONG BA'I PHYIR RO, ,LEGS PAR BYA BA'I BYE BRAG LAS KHYAD PAR RTOGS PA'I PHYIR, YON TAN THAMS CAD LA KHYAD PAR MTHONG BAS NA GANG GIS NI TSIG LA SOGS PA CUNG ZAD TZAM CHOS MTHUN PAS RNAM PA THAMS CAD DU MTHUN PAR RJES SU DPAG PAR 'GYUR BA DE LTA BUR SKYES BU DAG NI RGYU'I KHYAD PAR MED PA CAN MA YIN PA NYID DO, ,DE BZHIN DU GZHAN LA YANG SRID PA'I PHYIR RO, ,MI SRID PAR RJES SU DPAG PA YANG GNOD PAR BYED... PA'I GTAN TSIGS MED PA'I PHYIR TE, 'DOD CHAGS DANG BRAL BA MA MTHONG BA'I PHYIR LA, MA MTHONG BAR YANG GNOD PAR BYA BA DANG, GNOD PAR BYED PA'I DNGOS PO MI 'GRUB PA'I PHYIR RO, ,'DOD CHAGS LA SOGS PA'I 'BRAS BU 'KHRUL PA MED PA CAN MED PA'I PHYIR RO, ,SRID KYANG KHYAD PAR RNAMS BLTA BAR MI NUS PA'I PHYIR RO, ,DE LTA BU DAG NI SPANG BAR 'OS PA YANG MA YIN NO, ,TSIG RNAMS NI DE LTA BU MA YIN TE, KHYAD PAR BLTAR RUNG BA'I PHYIR RO, ,BLTAR MI RUNG BA ZHIG YIN NA YANG KHYAD PAR MA MTHONG BA RNAMS RIGS MI MTHUN PA NYID DU KHAS LEN PA... @269B 'GAL BA'I PHYIR RO, ,DE'I KHYAD PAR RNAMS NI GZHAN LA YANG BYA BAR NUS PA'I PHYIR RO, ,SGRA MNGON SUM PA RNAMS LA MNGON SUM MA YIN PA'I NGO BO NYID MED PA'I YANG PHYIR RO, ,'KHRUL PA'I RGYU MTSAN MED PA'I PHYIR TE, GNOD PAR BYED PA MED PAS 'KHRUL PA MI 'GRUB PA'I PHYIR RO,, SKYES BU DAG NI KHYAD PAR MTHONG BA GNOD PAR BYED PA YIN PA'I PHYIR MTSUNGS PA MA YIN NO, ,TSIG GI KHYAD PAR GZHAN GYI NGO BOR GYUR PA NI DE'I KHYAD PAR MA YIN PA'I PHYIR RO, ,DE'I PHYIR KHYAD PAR MED PA'I RANG BZHIN THAMS CAD SKYES BUS BYED DO, ,YANG NA NI 'GA' YANG MA YIN NO, , GZHAN YANG; ,BDAG DANG SA LA SHES YOD SOGS, ,MED PA RAB SGRUB BYED MIN PA'I, ,MI DMIGS GANG YIN DE KHO NA, ,GTAN TSIGS MED SGRUB YIN NAM CI, ,MI DMIGS PA TSAD MAR BYED PA 'DE'I BDAG DNGOS SU SMRA BA YANG DMIGS PA MED PAR 'GYUR TE, BDAG MNGON SUM MA YIN PA'I PHYIR DANG, 'BRAS BUM GRUB PA'I PHYIR RO, ,DBANG PO LA SOGS PA NI 'BRAS BU RNAM PAR SHES PA RES 'GAG PA YIN PA'I PHYIR LTOS PA DANG BCAS PA NYID DU GRUB PAS RAB TU 'GRUB PAR BRJOD DE, 'DI LA RGYU CI ZHIG YOD DO ZHES BYA BA YIN GYI 'DI LTA BUR GYUR BA ZHIG GO ZHES BYA BA NI MA YIN NO, ,'BRAS BU BDE BA LA SOGS PA RAB TU BSGRUBS PA NI DE LTAR DON CUNG ZAD KYANG RGYAS PAR MI BYED DE, GANG YANG RUNG BAS RGYU DANG LDAN PAR KHAS BLANGS PA'I PHYIR RO, ,DE LTA YIN DANG, BDAG MI DMIGS PA KHO NAR 'GYUR NA, DES DE SEL BA NA CI STE.. MI DMIGS PA BSGRUB PA MA YIN NO ZHES BSAL, LDOG PA JI LTAR SGRUB PAR BYED, ,YANG LA LA NI SA LA SHES PA YOD PAR MI DMIGS PAR 'DOD BZHIN DU YANG MA MTHONG BAS TSIG LA SOGS PA LDOG PAR SMRA'O, ,GZHAN NI 'O MA LA SOGS PA ZHO LA SOGS PA STE, GZHAN GYI DON MA YIN PA DAG LA 'DUS PA NYID MA MTHONG BAS LDOG PA'O, ,'DI LA 'DUS PA DAG NI GDON MI ZA BAR GZHAN GYI DON YIN PAR 'GYUR RO, ,ZHES BYA BA'I NGES PA CI ZHIG YOD, 'O MA LA SOGS PA LA ZHO LA SOGS PA DMIGS PA RJES SU DPAG PA KHO NA STE, MI NUS PA LAS MI 'BYUNG @270A *, ,BA'I PHYIR RO, ,ZHE NA, YANG NUS PA 'DI CI YIN, CI YOD PA DE NYID YIN NAM, 'ON TE GZHAN NYID CUNG ZAD CIG YIN, ,GAL TE DE NYID YIN NA NI, ,DE KHO NA BZHIN DU DMIGS PAR 'GYUR TE, KHYAD PAR MED PA'I PHYIR RO, ,CI STE GZHAN ZHIG YIN NO ZHE NA; JI LTAR GZHAN YOD NA DE YOD DE, NYE BAR GDAGS PA TZAM DU NI 'GYUR RO, ,'DI NI 'DI DAG GI PHAN TSUN 'GAL BA YIN NO, ,DE PHYIR DE TZAM DANG 'BREL PA'I, ,NGO BO NYID KYIS NGO BO NYID, ,BZLOG PAR 'GYUR BA 'AM, DPER NA SHING GIS SHING SHA PA LTA BU STE, YAL GA LA SOGS PA DANG LDAN PA'I KHYAD PAR 'GA' KHO NA ZHIG LA DE SKAD DU GRAGS PA'I PHYIR DE NI DE'I RANG GI NGO BO YIN NO, ,RANG GI NGO BO YONGS SU BOR NAS KYANG JI LTAR YOD PAR 'GYUR TE, RANG GI NGO BO KHO NA NGO BO YIN PA'I PHYIR RO, ,DE'I PHYIR DE NI RANG BZHIN 'BREL PA'I PHYIR 'KHRUL PA MED DO, ,RGYU YIS NI, 'BRAS BU 'KHRUL PA MED PA'I PHYIR, ,RGYU LDOG PA LAS 'BRAS BU LDOG PAR BYED DO, ,GZHAN DU NA DE NI DE'I 'BRAS BU NYID MA YIN PAR 'GYUR RO, ,RGYU DANG 'BRAS BU'I NGO BO GRUB PA NI NGO BO NYID NGES PAR BYED DE, DE BAS NA GNYI GA RANG BZHIN 'BREL PA KHO NAS LDOG GO, ,DE LTA YIN NA GCIG LOG PAS, ,JI LTAR GZHAN NI LDOG PAR 'GYUR, ,MI LA RTA MI BDOG CES TE, ,PHYUGS KYANG BDOG PA MIN NAM CI, ,DE BZHIN GCIG CIG NYE BA'I PHYIR, ,JI LTAR GZHAN NI NYE BAR 'GYUR, ,MI LA PHYUGS NI BDOG CES TE, ,DE BZHIN RTA YANG BDOG GAM CI, ,DE'I PHYIR RANG BZHIN 'BREL PA KHO NAS GTAN TSIGS KYIS BSGRUB PAR BYA BA GO BAR BYED DO, ,DE'I NGO BO'I MTSAN NYID DAM, ,DE LAS BYUNG BA'I MTSAN NYID YIN NO, ,MED NA MI 'BYUNG BA NYID DPE DE DAG GIS RAB TU STON TO, ,DE PHYIR CHOS MI MTHUN DPE LA; ,NGES PAR 'DI LA GZHI MI 'DOD, ,DE DAG MED NA'ANG DE MED CES, ,BRJOD PA LAS KYANG DE RTOGS PHYIR, ,'DI LTAR, DPE LA DE YI NGO BO DANG, ,RGYU DNGOS DE DAG MI SHES LA, ,STON TE, DPE LA NI BSGRUB PAR BYA BA'I CHOS NI DE'I NGO BOR DE TZAM DANG 'BREL PAS DE'I RANG GI.. @270B NGO BO STON TO, ,BYAS PA'I NGO BO NYID SKYED PAR BYED PA GANG YIN PA DE NI MI RTAG PA'I NGO BO NYID MED NA SKYED PAR BYED DO ZHES TSAD MA DPES RAB TU STON TO, ,DE LTA MA YIN NA CHOS GCIG YOD PA'I PHYIR DE LAS GZHAN PA YANG YOD PAR 'GYUR RO ZHES BYA BAR NGES PA MED PA'I PHYIR 'KHRUL PAR DGOS PAR 'GYUR RO, ,TSAD MA NGES KYANG BSGRUB PAR BYA BA'I CHOS KYI DE TZAM DANG 'BREL PA STON TE, RANG GI RGYU KHO NA LAS BYAS PA 'JIG PA'I NGANG TSUL CAN SKAD CIG MAR GNAS PA'I CHOS GANG YIN PA DE LTA BU SKYES TE, GZHAN LAS DE YOD PA BKAG PA'I PHYIR RO, ,YANG NA RGYU'I DNGOS POR TE, YOD PA NYID YIN NA YOD PA'I PHYIR RO ZHES DON GZHAN RAB TU STON TO, ,DE LTAR DE'I NGO BO DANG RGYU'I DNGOS PO RAB TU GRUB NA MI RTAG PA NYID MED NA BYAS PA NYID MED LA ME MED NA YANG DU STE, 'DI LTAR DE NI RANG GI NGO BO DANG RGYU YIN NA, JI LTAR RANG GI NGO BO DANG RGYU MED PAR YOD PAR 'GYUR; DE BAS NA GZHI MED PA YANG CHOS MI MTHUN PA'I DPE LA LDOG PA RAB TU GRUB PO, ,GANG DAG LA DE'I NGO BO DANG RGYU'I DNGOS PO DAG RAB TU GRUB PA'I MKHAS PA RNAMS LA NI, GTAN TSIGS 'BA' ZHIG BRJOD PAR ZAD, GANG GI DON DU DPE BRJOD PA'I DON DE GRUB PA KHO NA YIN PAS DE'I TSE DE BRJOD PAS CI ZHIG BYA, DE RAB TU BSTAN NA YANG CHOS MI MTHUN PA'I DPE'I GZHIS CI ZHIG BYA SNYAM DU DGONGS SHING GZHI SPANG BAR MDZAD DO, ,DE NYID KYI PHYIR 'BREL SHES NA, ,GNYIS LAS GANG YANG RUNG SMRAS PAS, ,DON GYIS GO BAS CIG SHOS LA'ANG, DRAN PA YANG DAG SKYE BAR 'GYUR, ,YANG NA DON GYIS GO BAS GANG YANG RUNG BAS GNYI GA RAB TU BSTAN PA'I PHYIR RO ZHES BSHAD PA GANG YIN PA STE, DER YANG DPES DE'I NGO BO DANG RGYU'I DNGOS PO RAB TU STON PAR DGONGS TE, DON GYIS GO BAS GCIG BRJOD PAS CIG SHOS 'GRUB PAR BSHAD DO, ,'DI LTAR GANG BYAS PA DE NI MI RTOG PA'O ZHES SMRAS NA, DON THA DAD PA MED NA, GSAL BAR 'DI NI 'DI'I NGO BO NYID DE TZAM DANG 'BREL PA TSAD MAS MTHONG BA YIN NO ZHES BYA BAR NGES PAR 'GYUR TE, DE YOD PAR NGES PA'I PHYIR RO, ,DE BAS NA DE'I NGO BOR SHES BAS NI DON GYIS GO @271A *, ,BAS MI RTAG PA NYID MED NA BYAS PA NYID MED DO, ,ZHES BYA BAR 'GYUR RO, ,RANG GI NGO BO MED PAR YOD PAR MI 'GYUR TE, THA DAD PA MED PA'I PHYIR RO, ,DE LTA MA YIN NA DE YOD DO ZHES BYA BA NYID DU MI 'GYUR RO, ,DE BZHIN DU DE MED NA MED DO ZHES SMRAS NA, DE'I NGO BO NYID DU RIG PA LAS 'DI LTAR 'DI NI 'DI'I NGO BO NYID YIN TE, DES NI DE MED NA MED DO, ,DE LTA MA YIN NA MI RUNG BA'I PHYIR RO, ,DE'I PHYIR DE'I NGO BO NYID DU RTOGS PAS RJES SU 'GRO BA DRAN PA 'BYUNG NGO, ,DE BZHIN DU GANG NA DU BA YOD PA DE NA ME YOD DO ZHES SMRAS NA, DU BA NI ME'I 'BRAS BU YIN NE, ,DES NA DU BA YOD NA GDON MI ZA BAR ME YOD DO, ,DE LTA MA YIN NA DON GZHAN DE DANG 'BREL PAR NGES PA MED PA'I PHYIR NGO BO RANG DBANG CAN DU 'GYUR RO, ,DES NA DE MED KYANG RANG GI NGO BO MA TSANG BA MED PA'I PHYIR MED PAR MI 'GYUR RO, ,'BRAS BU YIN NA NI GDON MI ZA BAR RGYU YOD DO, ,RGYU RGYU NYID YIN PA NI DE KHO NA YIN TE, DON GZHAN YOD NA RANG GI NGO BO NYE BAR 'JOG PA GANG YIN PA'O, ,'BRAS BU YANG DE YOD PA NYID NA YOD PA YIN NO, ,DE YANG DU BA LA YOD DO, ,DE LTA BAS NA DU BA NI 'BRAS BU YIN NO ZHES RJES SU 'GRO BAS DE'I 'BRAS BU NYID SHES PAS ME MED NA DU BA MED DO ZHES DON GYIS GO BAS LDOG PA RTOGS PAR 'GYUR RO, ,DE BZHIN DU ME MED NA DU BA MED DO ZHES SMRAS NA, ME LAS DU BA GDON MI ZA BAR 'BYUNG NGO ZHES SHUGS KYIS RJES SU 'GRO BA RTOGS SO, ,DE LTA MA YIN NA DE MED NA CI STE YOD PAR MI 'GYUR, RTAG PA DANG MI RTAG PA'I DON GYI 'BRAS BU NYID MA YIN YANG DE DAG MED NA NYAN PA'I SHES PA MED PA MA YIN NA MA ZHE NA, MED PA NYID MA YIN TE, DE LAS DE DAG NYID THE TSOM ZA BA'I PHYIR RO, ,DE LTA MA YIN NA MED PAS NGES PA'I PHYIR, JI LTAR DE DAG GI NGO BO LA LTOS NAS THE TSOM DU 'GYUR, YOD PAR NGES PA MED PA'I PHYIR MED DO ZHES BYA BA 'BA' ZHIG TU ZAD DO, ,GANG GI TSE DPES ME DANG DU BA DAG RGYU DANG 'BRAS BU'I DNGOS POR MI STON PA DE'I TSE NI 'BREL PA MED PA'I PHYIR, GANG NA DU BA YOD PA DE NA ME YOD DO ZHES BYA BA NYID DU YANG MI 'GYUR NA, ME MED NA DU BA MED DO ZHES @271B SHUGS KYIS LDOG PA 'GRUB PA DANG, DE BZHIN DU CHOS MI MTHUN PAS MED PA MI 'GRUB PA'I PHYIR, ,RJES SU 'GRO BA DRAN PAR LTA GA LA 'GYUR, GANG GI PHYIR DE MED NI MI SRID PAS GCIG YOD NA GZHAN RAB TU GRUB PAR BYA BA'I PHYIR, DPES JI SKAD BSHAD PA'I RANG BZHIN... 'BREL PA 'DI KHO NA RAB TU STON PA, DE'I PHYIR RGYU DANG RANG BZHIN DAG ,MED PA 'GA' ZHIG SGRUB PA'I YANG, ,GTAN TSIGS YIN TE, DE DAG KHO NA LDOG PA NA RANG GI 'BREL PA ZLOG PAR BYED PAS DE'I PHYIR DON GZHAN 'GA' ZHIG DGAG PA DANG SGRUB PAR 'DOD PAS, , RGYU'AM RANG BZHIN KHYAB PAR BYED PA LDOG PA'I GTAN TSIGS NYID DU BRJOD PAR BYA'O, ,MA 'BREL NA NI JI LTAR GCIG LOG PAS GZHAN LDOG PA SGRUB PAR BYED, DMIGS PAR NI, RIGS LDAN DE MI RIGS PAR YANG, ,DGAG PA'I GTAN TSIGS YIN NO, ,DGAG PA'I YUL CAN GYI THA SNYAD KYI GTAN TSIGS LA DE'I GTAN TSIGS ZHES BSHAD DE, DE LTA BU'I MI DMIGS PA NI RANG NYID KYID DGAG PA'I NGO BO YIN PA'I PHYIR, RGYU DANG KHYAD PAR BYED PA MI DMIGS PA NI GNYI GA'I GTAN TSIGS YIN NO, ,DE LTAR MI DMIGS 'DI RNAM GSUM, ,BSHAD KYANG RNAM PA DU MA STE, ,DE DANG DE 'GAL LA SOGS PA, ,MI RTOGS RTOGS DBYE'I SBYOR SGO NAS, ,DGAG PA'I GTAN TSIGS NI RNAM PA GSUM KHO NA STE, RGYU DANG KHYAB PAR BYED PA DE LTAR NGES PA DANG, RANG GI BDAG NYID DMIGS SU YOD PA MI DMIGS PA'O, ,DE NI SBYOR BA'I DBANG.... GIS DE DANG 'GAL BA LA SOGS PA MA RTOGS PA DANG, RTOGS PA'I DBYE BA'I SGO NAS RNAM PA DU MAR BSHAD DE, DE MA RTOGS PA DANG, DE DANG 'GAL BA RTOGS PA DANG, 'GAL BA'I 'BRAS BU RTOGS PA ZHES BYA BA LA SOGS PA'I DBYE BA'I SBYOR BA DAG GIS SNGAR JI SKAD BSHAD PA BZHIN NO, ,RGYU DANG 'BRAS BU'I DNGOS PO 'AM, ,RANG BZHIN NGES PAR 'BYED PA LAS, ,MED NA MI 'BYUNG NGES PA STE, ,MA MTHONG LAS MIN MTHONG LAS MIN, ,GZHAN DU GZHAN NI GZHAN DAG DANG, ,NGES PAR YOD PA'I NGES PA GANG, ,DON GZHAN RGYU MTSAN CAN GYI CHOS, , @272A *, ,YIN NA GOS LA TSON BZHIN NO, ,BAR SKABS KYI TSIGS SU BCAD PA DAG GO, ,GZHAN YANG, CHOS DON GZHAN GYI RGYU MTSAN CAN, ,YIN PAR GYUR NA DE GZHAN NYID, ,DE GRUB NA MA GRUB PA'AM RGYU THA DAD PA NI DE'I RANG BZHIN DU RIGS PA MA YIN NO, , DNGOS PO RNAMS KYI THA DAD PA'AM, RGYU THA DAD PA NI 'DI KHO NA YIN TE, CHOS 'GAL BA GNAS PA'AM, RGYU THA DAD PA YIN NO, ,GAL TE DE DAG KYANG THA DAD PAR BYED PA YIN NA GANG YANG GANG LAS KYANG THA DAD PAR BYED PA MED PAS RIL RDZAS GCIG TU 'GYUR RO, ,DES NA LHAN CIG SKYE BA DANG 'JIG PA DAG DANG THAMS CAD LA THAMS CAD NYE BAR SBYAR BAR 'GYUR RO, ,DE LTA MA YIN NA GCIG CES BYA BA NYID DU MI 'GYUR BA 'AM, MING THA DAD PAR ZAD DE, DON KHAS BLANGS NAS DE SKAD DU BRJOD PA'I PHYIR RO, ,RGYU DON THA DAD PA NYID MED KYANG DNGOS PO'I DUS NA; MI RTAG PA NYID MA GRUB PA'I PHYIR DE'I RANG BZHIN MA YIN PAR MTSUNGS PA MA YIN NAM ZHE NA, MI RTAG PA NYID CES BYA BA GANG PHYIS 'GRUB PAR 'GYUR PA GZHAN NI 'GA' YANG MED PA YIN TE, DNGOS PO SKAD CIG MAR GNAS PA'I CHOS KHO NA MI RTAG PA NYID YIN NO, ,CHOS DANG CHOS CAN GYI TSIG THA DAD PA LA YANG RGYU MTSAN BSHAD PAR BYA'O, ,RANG GI RGYU KHO NA LAS DE LTAR SKYE BA'I PHYIR 'DI'I RANG BZHIN SKAD CIG MAR GNAS PA'I CHOS NYID DE NI MTHONG BZHIN DU YANG BLO GZHAN PA YOD PA DMIGS PAS RTAG TU DE LTAR YOD PAR DGOS PAS BSLUS PA'AM, 'DRA GZHAN 'BYUNG PAS BSLUS PAS MI RTOGS SO, ,SKAD CIG MA THA MA MTHONG BA RNAMS LA NGES PA'I PHYIR, PHYIS 'DI MI DMIGS PAS MI GNAS PAR RTOGS PA'I PHYIR DE'I TSE NGES PA'I DUS YIN PAS MI RTAG PA NYID DU RNAM PAR GZHAG GO, ,'BRAS BU BSKYED PA'I NUS PA RGYU'I DNGOS PA NYID YIN YANG 'BRAS BU MA MTHONG BA RGYU MTHONG DU ZIN KYANG DE'I NGO BO MA RTOGS PAS 'BRAS BU MTHONG BAS RTOGS PA BZHIN NO, ,DE LTA MA YIN NA GZHAN GYI RGYU MTSAN NYID YIN NAM, RGYU MTSAN MED PA CAN NYID YIN YANG RUNG STE, MI RTAG PA NYID DON GZHAN KHO NAR 'GYUR RO, ,DE LTA NA NI DNGOS @272B PO DE DANG LDAN PAR MI 'GYUR TE, DE LA MI DGOS PA'I PHYIR RO, ,'ON TE DGOS NA NI DE NYID 'DI'I RANG GI BDAG NYID DU GYUR PA'I MI RTAG PA NYID YIN PAS GZHAN GYIS CI ZHIG BYA, RANG BZHIN GYIS MI GA-YO BA NI DON GZHAN DANG LDAN YANG DE'I NGO BOR MI 'THAD PA'I PHYIR RO, ,MI RTAG PA NYID DAM CHOS GZHAN DE YANG DON GZHAN LAS 'BYUNG BA NA RGYU YIN PA'AM, 'BRAS BU YIN PA ZHIG TU 'GYUR GRANG NA, RGYU DANG 'BRAS BU MA YIN PA NI 'BREL PA MED PA'I PHYIR, DE LA YOD PAR RJES SU DPAG PAR MI SRID PA'I PHYIR RO, ,DE LA, PHYIS 'BYUNG PHYIR NA RGYU NYID... MIN; ,'BRAS BU NA YANG GA LA NGES, ,DE DNGOS PO GRUB NAS PHYIS DON GZHAN LAS 'BYUNG NA JI LTAR DE'I RGYU YIN, 'BRAS BU YANG RGYU LA GDON MI ZA BA MA YIN PAS DE'I GO BAR BYED PA'I GTAN TSIGS MA NGES PA NYID YIN NO, ,DE'I PHYIR DON GZHAN GYI RGYU MTSAN CAN GYI CHOS NI DNGOS PO LA GDON MI ZA BAR YOD PA MA YIN PAS RJES SU DPAG TU MED DO, ,'O NA GAL TE MTHONG BA DANG MA MTHONG BA DAG RJES SU 'GRO BA DANG LDOG PA RTOGS PA'I RTEN MA YIN NA JI LTAR DU BAS MER 'KHRUL LO ZHES BYA BAR RTOGS SHE NA, 'DI LTAR, ME YI 'BRAS BU DU BA... STE; ,'BRAS BU'I CHOS KYI RJES 'JUG PHYIR, ,DE'I MTSAN NYID KYIR GYUR PA MI DMIGS PA LAS GANG DAG DMIGS NA DMIGS LA, DE LAS GCIG MED NA YANG MI DMIGS PA GANG YIN PA DE NI DE'I 'BRAS BU YIN TE, DE YANG DU BA LAS YOD DO, ,DE MED PAR NI DE YOD NA,, RGYU DANG LDAN PA LAS 'DAS 'GYUR, ,LAN CIG DE LTAR MTHONG BAS KYANG 'BRAS BU GRUB STE, 'BRAS BU NYID MA YIN NA, RGYU MA YIN PA LAS LAN CIG KYANG MI 'BYUNG BA'I PHYIR RO, ,'BRAS BU YANG RANG GI RGYU MED PAR YOD NA NI RGYU DANG MI LDAN PA KHO NAR 'GYUR TE, GANG ZHIG GANG... MAD PAR YOD PA DE NI DE'I RGYU MA YIN NO, ,ME MED PAR YANG DU BA YOD DE, DES NA DE'I RGYU MA YIN PAR 'GYUR RO, ,GAL TE GZHAN GYI RGYU CAN YIN PA'I PHYIR, RGYU MED PA CAN NYID MA YIN NO ZHE NA, DE LTA MA YIN TE, DE LA YANG MTSUNGS PA'I PHYIR TE, DE MED NA YANG MI YOD NA @273A *, ,YOD PAS SO, ,YANG DE'AM GZHAN YANG RUNG, DE BSKYED PA'I RANG BZHIN MA YIN PA LAS NI JI LTAR 'BYUNG BAR 'GYUR TE, DE'I RANG GIS DE'I RANG BZHIN MA YIN PAS MI BSKYED PA'I PHYIR RO, ,DE RGYU MED PA NYID DU 'GYUR RO, ,DE NYID NI MA YIN PA KHO NA STE, DE DANG 'DRA BA 'BYUNG BA'I PHYIR RO ZHE NA, MI 'DRA BA LAS 'BYUNG BA JI LTAR DE DANG 'DRA BAS YIN TE, DE NI DE DANG 'DRA BA LA MA BYUNG BA'I PHYIR DE DANG 'DRA BAR 'GYUR RO, ,MI 'DRA BA LAS DE DANG 'DRA BA 'GYUR NA NI, DE DAG GI NUS PA MA NGES PA'I PHYIR RGYU'I THA DAD PA THA DAD PAR BYED PA MA... YIN PAS, MTHA' DAG GI SNA TSOGS NYID RGYU MED PA CAN DU 'GYUR PA'AM, THAMS CAD LAS THAMS CAD SKYE PAR 'GYUR RO, ,DE LTA BAS NA RGYU'I THA DAD PA DANG THA DAD PA MA YIN PA DAG GIS 'BRAS BU THA DAD PA DANG THA DAD PA MA YIN PA DAG YIN NO, ,DE BAS NA DU BA NI MTHONG... PA'I RNAM PA DANG RIGS MI MTHUN PA'I DON LAS MI 'BYUNG STE, RGYU MED PA NYID DU THAL BAR 'GYUR BA'I PHYIR RO, ,DE LTA MA YIN TE, ,RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ,DNGOS PO RNAMS NI RES 'GA' ZHIG ,'BYUNG BA LTOS PA LAS YIN NO; ,DU BA DE RGYU MED PA LAS 'BYUNG NA NI LTOS PA MED PA'I PHYIR NAM YANG MI 'BYUNG BAR MI 'GYUR TE, DE 'BYUNG BA LA MA TSANG BA MED PA'I PHYIR 'DOD PA'I DUS BZHIN NO, ,YANG NA NI DE'I TSE YANG 'BYUNG BAR MI 'GYUR TE, MED PA'I DUS DANG KHYAD PAR MED PA'I PHYIR RO, ,DNGOS PO LTOS PA... RNAMS NI RES 'GA' BAR 'GYUR TE, YOD PA DANG MED PA'I DUS DAG NA DE 'BYUNG BAR RUNG BA DANG MI RUNG BA NYID DANG LDAN PA'I PHYIR RO, ,YUL DANG DUS RUNG BA DANG MI RUNG BA NYID 'DRA BA CAN DAG LA NI DA DANG LDAN PA DANG, CIG SHOS DAG TU NGES PAR MI RUNG BA'I PHYIR RO, ,RUNG BA NYID DE YANG RGYU'I DNGOS PO LAS GZHAN YIN NAM CI, DE'I PHYIR YUL DANG DUS 'GA' ZHIG SPANGS NAS YUL DANG DUS GZHAN DAG NA YOD PA'I DNGOS PO NI DE DAG LA LTOS PA DANG BCAS PA ZHES BYA BA YIN TE, 'DI LTAR DE LTAR YOD PA NYID LTOS PA YIN NO, ,DE DAG GIS BYAS PA'I PHAN PA LA MI... @273B LTOS PA NI DER NGES PAR MI RUNG BA'I PHYIR RO, ,DE BAS NA YUL DANG DUS NGES PA'I PHYIR GANG NA DU BA LAN CIG MTHONG LA MA TSANG NA MA MTHONG BA NI 'DI'I DES BSKYED PAR BYA BA'I NGO BO NYID YIN TE, GZHAN DU NA DON LAN 'GA' YANG MED PA'I PHYIR RO, ,DE DER NGES PA YIN NA JI LTAR... GZHAN PA LAS 'BYUNG BAR 'GYUR, 'BYUNG BA NA NI DU BA MA YIN PAR 'GYUR TE, DU BA NI DES BSKYED PA'I RANG BZHIN GYI KHYAD PAR YIN NO, ,DE BZHIN DU RGYU YANG 'BRAS BU DE LTA BU BSKYED PA'I RANG BZHIN YIN NO, ,DE GZHAN LAS KYANG 'BYUNG NA NI DE DE'I RANG BZHIN MA YIN PAS LAN 'GA' YANG BSKYED PAR MI 'GYUR RO, ,YANG NA DE DU BA MA YIN TE DU BA BSKYED PA'I RANG BZHIN MA YIN PA LAS BYUNG BA'I PHYIR RO, ,DE'I RANG BZHIN NYID YIN NA NI DE NYID MA YIN PAS 'KHRUL PA MED DO, ,GAL TE BRGYA BYIN SPYI BO ME'I, ,RANG BZHIN YIN NA DE NYID ME, ,'O NA TE DE ME'I RANG BZHIN MIN, ,JI LTAR DE LAS DU BA 'BYUNG, ,DU BA'I RGYU YI RANG BZHIN ME, ,DE YI NUS PA'I BYE BRAG LDAN, ,DU BA DU BA'I RGYU MIN LAS, ,'BYUNG NA DE NI RGYU MED 'GYUR, ,ZHES BYA BA NI BSDU BA'I TSIGS SU BCAD PA'O, ,'O NA DA NI JI LTAR LHAN CIG BYED PA THA DAD PA LAS 'BRAS BU SKYE STE, DPER NA MIG DANG GZUGS LA SOGS PA LAS RNAM PAR SHES PA LTA BU'O ZHE NA, DE'I RANG BZHIN GCIG PUS SKYED PAR BYED PA NI CUNG ZAD KYANG MED DO, ,'ON KYANG TSOGS PAS SKYED PAR BYED PA NI DE'I RANG BZHIN YIN TE, DE KHO NA RJES SU DPAG GO, ,TSOGS PA DE NYID 'BRAS BU'I RANG GI NGO BO GNAS PA'I RTEN YIN NO, ,DE NYID KYI PHYIR LHAN CIG BYED PA RNAMS KYANG RNAM GRANGS MED PAR SKYED PAR BYED PA YIN NO, ,GANG YANG CUNG ZAD LCI BA LA SOGS PA RIGS MI MTHUN PA LAS AUTPAL LA SOGS PA 'BYUNG BAR MTHONG BA DE LA YANG DE SKAD DU BRJOD KYANG RANG GI SA BON LAS RAB TU BYUNG BA CAN YIN PA'I PHYIR RANG GI NGO BO THA DAD PA YOD PA KHO NA STE, RGYU'I RANG GI NGO BO THA DAD PA'I PHYIR DPER NA CHU SHING GI SA BON DANG SDONG BU LAS SKYE BA CAN LTA BU'O, ,DE LTA BU NI 'JIG RTEN NA GSAL BA KHO NAR RNAM PAR THA DAD PA'I SGO NAS RNAM PAR 'BYED DO, ,DE LTA... @274A *, ,BAS NA SHIN TU RNAM PAR PHYE BA'I RNAM PA CAN GYI 'BRAS BUS NI RGYU 'KHRUL PA MED DO, ,RJES SU 'GRO DANG LDOG PA LAS, ,GANG ZHIG GANG GI RJES 'GROR MTHONG, ,DE YI RANG BZHIN DE'I RGYU CAN, ,DE PHYIR MI MTHUN LAS MI 'BYUNG, ,ZHES BYA BA NI BSDU BA'I TSIGS SU BCAD PA'O, ,DE LTA BAS NA LAN CIG MTHONG BA DANG, MA MTHONG BA DAG GIS KYANG RGYU DANG 'BRAS BU'I DNGOS PO GRUB PA'I PHYIR, DES DE RTOGS KYI GZHAN DU NI MA YIN TE, RJES SU 'GRO BA DANG LDOG PA DAG MA LUS PAR MTHONG BA DANG, MA MTHONG BA LA RAG LUS PA'I PHYIR RO, ,LUS CAN MA YIN PA NYID 'GA' ZHIG LA RTAG PA NYID MTHONG YANG GZHAN LA GZHAN DU MTHONG BA'I PHYIR DANG, RTAG PA NYID MED PA 'GA' ZHIG LA MA MTHONG BA YANG MTHONG BA'I PHYIR RO,, ,,BAM PO GNYIS PA, 'BRAS BU NI DE LAS SKYE BA'I PHYIR RGYU MED NA MI 'BYUNG BA YIN LA RAG NA, DA RANG BZHIN JI LTAR MED NA MI 'BYUNG BA YIN NO ZHE NA, RANG BZHIN LA YANG MED MI 'BYUNG, ,YOD PA TZAM DANG 'BREL PA YIN, ,GANG ZHIG YOD PA TZAM DANG 'BREL PA'I RANG BZHIN YIN PA DE LA NI YOD PA MED NA MI 'BYUNG BAR 'DOD DE, DE MED PAR NI YOD PA DAG ,MED 'GYUR THA DAD MED PHYIR RO, ,NGO BO GANG KHO NA YOD PA TZAM LA RAG LAS PA'I RANG BZHIN YIN PAR BRJOD PA DE KHO NA RANG GIS DNGOS SU YOD PA YIN NO, ,DE YANG BDAG NYID BOR NAS JI LTAR YOD PAR 'GYUR, 'O NA NI THA DAD PA MED PA'I PHYIR BYAS PA GANG YIN PA DE NYID MI RTAG PA YIN PAS DAM BCAS PA'I DON GYI PHYOGS GCIG GTAN TSIGS SU 'GYUR RO ZHE NA, DE NI NYES PA MED DO, ,GANG PHYIR DNGOS KUN RANG BZHIN GYIS, ,RANG RANG NGO BO LA GNAS PHYIR, ,MTHUN DNGOS GZHAN GYI DNGOS DAG LAS, ,LDOG PA LA NI RTEN PA CAN, ,DE PHYIR GANG DANG GANG LAS DON, ,LDOG PA DE YI RGYU CAN GYI, ,RIGS DBYE DE YI KHYAD PAR GYIS, ,RTOGS 'GYUR BA DAG RAB TU BYED, ,DE PHYIR KHYAD PAR GANG ZHIG CHOS, ,GANG GIS GO BAR 'GYUR BA DE, ,DE LAS GZHAN GYIS NUS MA YIN, ,DES NA THA DAD RNAM PAR GNAS,, @274B DNGOS PO THAMS CAD NI RANG GI NGO BO LA GNAS PA CAN KHO NA YIN NO, ,DE DAG NI RANG DANG GZHAN DU 'DRE BAR MI BYED DE, ,DE GZHAN MA YIN PA NYID DU THAL BAR 'GYUR RO, ,GANG YANG 'DI DAG GI RANG BDAG NYID DU GYUR PA'I NGO BO THA MI DAD PA DE NI DE DAG GI MA YIN TE, DE'I TSE DE DAG MED PA'I PHYIR RO, ,DE KHO NA YIN PAR 'GYUR TE, THA MI DAD PA YIN PA'I PHYIR DANG, DE LAS MA GTOGS PA THA DAD PA YANG MED PA'I PHYIR RO, ,DE NYID THA DAD PAR NI 'GAL BA'I PHYIR RO, ,DE YANG BDAG NYID LA RNAM PAR GNAS PAS MA 'DRES PA KHO NA YIN NO, ,DON GZHAN YANG DU MA DANG 'BREL DU ZIN KYANG DE NI DE DAG GI SPYI MA YIN TE, DE'I NGO BO MA YIN PA'I PHYIR RO, ,GNYIS NYID LA SOGS PA DANG LDAN PA DANG, 'BRAS BU'I RDZAS DAG LA YANG THAL BAR 'GYUR BA'I PHYIR RO, ,'BREL PA CAN GZHAN GYIS KYANG GZHAN DAG MTSUNGS PA NI MA YIN GYI DE DANG LDAN PA DAG TU NI 'GYUR TE, 'BYUNG PO'I MGUL CHINGS LTA BU'O, ,SHES PA THA MI DAD PA'I YUL YANG MA YIN TE, 'BYUNG PO BZHIN NO, ,BLO NI DE DAG GI BDAG NYID KHO NA BSRE ZHING SPYI'I YUL CAN DU SNANG GI GCIG DANG 'BREL BA CAN DAG GO ZHES BYA BA NI MA YIN TE, 'BYUNG PO LTA BU'O, , GAL TE DE NI DE MTHONG BA'I 'KHRUL PA YIN NO ZHE NA, DE MTHONG NGO ZHES BYA BA GANG LAS, GAL TE 'KHRUL PA SA BON MED PA CAN MI RUNG BA'I PHYIR RO ZHE NA, 'BRAS BU DE GCIG PA CAN DE DAG KHO NA SA BON YIN NO, ,GRANGS DANG LDAN PA DANG, 'BRAS BU'I RJES LA SOGS PA DANG LDAN PA DAG DANG, 'BYUNG PO LA SOGS PA LA YANG MED PA'I PHYIR RO, ,DE BAS NA DE LTAR SPYI'I BLO LA ZHEN PA MED PA'I PHYIR SPYI NI GZHAN MA YIN NO, ,YOD DU CHUG NA YANG DE YANG RANG GI BDAG NYID LA RNAM PAR GNAS PA'I PHYIR GZHAN DANG MA 'DRES PA YIN NO, ,DE LTA BAS NA DNGOS PO 'DI DAG NI RIGS MI MTHUN PAR 'DOD PA DANG GZHAN LAS LOG PA YIN TE, RANG GI NGO BOS NGO BO GCIG PA'I PHYIR RO, ,GANG DANG GANG LAS THA DAD PA DE'I DBYE BA SHES PAR BYA BA'I PHYIR, THA SNYAD DU BYAS PA'I SGRA DAG GIS DE DANG DE LAS THA DAD PA RGYUR BYAS NAS NGO BO NYID THA MI DAD KYANG CHOS DU MA SHES PAR @275A *, ,BYED DO, ,SGRA DE DAG KYANG THA DAD PA THAMS CAD MI 'PHEN YANG THA DAD PA GCIG BRJOD PAS DE'I RANG GI MTSAN NYID DBYIS PHYIN PA KHO NAR 'GYUR TE, DE GCIG DANG YANG DE THA DAD PA YANG BAS SO, ,DE LTA BAS NA DNGOS PO GCIG LA GZHAN GYI NGO BO JI SNYED PA DE LA LTOS NAS LDOG PA DE SNYED YOD DE, DE LA MED PA'I RGYU DANG 'BRAS BU CAN NI DE LAS THA DAD PA'I PHYIR RO, ,LDOG PA JI SNYED PA DE'I RGYU DANG 'BRAS BU CAN MA YIN PA YONGS SU SPANG BAR THA SNYAD KYI DON CAN GYI SGRA DAG KYANG DE SNYED DE, DPER NA SGRA NI STZAL MA THAG TU 'BYUNG BA CAN DANG NYAN PA CAN YIN NO... ZHES BYA BA DE'I RGYU DANG 'BRAS BU CAN MA YIN PA YONGS SU SPANG BA'I DON YIN PA LTA BU'O, ,DE'I PHYIR NGO BO NYID THA MI DAD KYIS KYANG KHYAD PAR GYI BYE BRAG GANG ZHIG MING GI CHOS GANG GIS GO BAR 'GYUR BA DE NI GZHAN GYIS GO BAR MI NUS PAS SGRA THAMS CAD NI DON GCIG PA MA YIN NO, , DE BAS NA DAM BCAS PA'I DON GYI PHYOGS GCIG GTAN TSIGS MA YIN NO, ,YANG SGRA DANG RTAGS DAG GIS RNAM PAR BCAD PA RTOGS PAR BYED KYI, BSGRUBS PAS DNGOS PO'I RANG GI NGO BO KHO NA MA YIN NO ZHES BYA BA JI LTAR SHES SHE NA, TSAD MA GZHAN DANG SGRA GZHAN 'JUG PA'I PHYIR TE, 'DI LTAR; DON GYI RANG GI NGO BO GCIG, ,BDAG NYID MNGON SUM YIN PA, TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,DON GYI BDAG NYID GCIG PA DE NI MNGON SUM PA YIN TE, CHOS CAN MA GRUB N SGRUB NA SGRUB PA MI SRID PA'I PHYIR RO, ,DPER NA... MI RTAG PA BSGRUB PAR BYA BA LA SGRA LTA BU STE, DE'I MNGON SUM KHO NAS GRUB PAS RNAM PA THAMS CAD 'GRUB STE, DE LAS GZHAN PA MA GRUB PA MED PA'I PHYIR RO, ,'ON TE YONG NA NI DE'I NGO BO NYID MA YIN NO, ,GANG ZHIG GANG DANG GRUB PA DANG BDE BA GCIG PA CAN MA YIN PA DE NI DE'I NGO BO NYID YIN PAR RIGS PA MA YIN TE, THA DAD PA'I THA SNYAD KYI RGYU NI DE TZAM DU ZAD PA'I PHYIR RO, ,DE LTA MA YIN NA MED PAR THAL BAR 'GYUR RO ZHES BSHAD ZIN TO, ,DE'I PHYIR CHOS CAN MNGON SUM PA DE'I NGO BO NYID MTHA' DAG YONGS SU BCAD PA'I PHYIR, DE LA TSAD MA GZHAN 'JUG @275B PA'I GO SKABS MED PAR 'GYUR RO, ,GZUGS CHOS MTHUN PA MTHONG BA LAS, ,NYA PHYIS LA DNGUL RNAM PA LTAR, ,GAL TE 'KHRUL PA'I RGYU MTSAN GYIS, ,YON TAN GZHAN SBYOR MI BYED NA, ,GAL TE DNGOS PO DE KHO NA NYID THAMS CAD MTHONG BA CAN LA YANG JI LTAR NYA PHYIS LA... DNGUL GYI RNAM PA LTA BUR DE LTAR NGES PA'I GAGS SU GYUR PA'I KHRUL PA'I RGYU MTSAN GYIS YON TAN GZHAN SBYOR BAR MI BYED NA'O, ,NYA PHYIS LA NI MTSUNGS PA DANG, KHYAD PAR CAN DANG NGO BOS GNYIS YOD PA NI MA YIN TE, DE LTAR RTOGS PAR THAL BAR 'GYUR BA'I PHYIR RO, ,BYE BRAG TU MI RTOGS NA NI GNYIS NYID DU RTAG PA MI RUNG BA'I PHYIR DANG, HA CANG THAL BAR 'GYUR BA'I PHYIR RO, ,DE LTA BAS NA NYA PHYIS KYI GZUGS MTHONG BAS KHYAD PAR KHO NA MTHONG LA, NGES PA'I RKYEN MA TSANG BA'I PHYIR GTAN LA MA PHEBS PAS DE'I SPYI MTHONG NGO SNYAM DU RLOM PAR BYED DO; ,DE'I PHYIR 'DI DNGUL DU SGRO 'DOGS SHING DE LTAR 'DRA BA GZHAN SKYE BAS THA DAD PA NYID DU MA 'KHRIGS PAS DE'I NGO BOR SGRO BTAGS PA'I PHYIR GNAS PAR 'KHRUL LO, ,'DI LA GZHAN GYI DNGOS PO JI SNYED PA RANG GI RGYU MTSAN JI LTA BA LAS 'BYUNG BA'I SGRO 'DOGS PA YANG DE SNYED KHO NA YIN PAS DE RNAM PAR GCOD PA'I TSAD MA RNAMS 'BYUNG BA NI 'BRAS BU DANG BCAS PAR 'BYUNG NGO, ,RNAM PAR GCOD PA'I 'BRAS BU CAN DE DAG NI DNGOS PO'I CHA SHAS MA RTOGS PA RTOGS PAR BYA BA'I PHYIR 'JUG PA MA YIN TE, CHA SHAS MED PA LA PHYOGS GCIG MTHONG BA MI RUNG BA'I PHYIR DE NI MTHONG ZIN PA'I PHYIR RO, ,DE PHYIR DNGOS PO MTHONG BA YI, ,YON TAN MTHA' DAG MTHONG BA NYID, ,'KHRUL PAS NGES PAR MI BYED PAS, ,SGRUB PA RAB TU 'JUG PA YIN, ,ZHES BYA BA NI BSDU PA'I TSIGS SU BCAD PA'O, ,DE LTA BAS NA MTHONG BA LA MTHONG BA GZUNG BA'I PHYIR, TSAD MA GZHAN 'JUG PA NI MA YIN NO, ,RJES SU DPAG PA LAS KYANG DNGOS, ,'DZIN NA CHOS GCIG NGES GYUR PAS, ,CHOS CAN 'DZIN TE SEL BA LA, ,NYES PA 'DIR NI THAL MI 'GYUR, ,GANG ZHIG MNGON SUM GYIS MTHONG BA LA TSAD MA GZHAN MI 'JUG PA 'GA' ZHIG TU MA ZAD KYI @276A *, ,GANG GI TSE RJES SU DPAG PAS KYANG BSGRUBS PAS DNGOS PO RTOGS PAR BYED KYI RNAM PAR GCOD PAR BYED PA NI MA YIN PA DE'I TSE, CHOS GCIG NGES NA DE DANG THA MI DAD PA'I PHYIR CHOS THAMS CAD NGES PAS TSAD MA GZHAN MI 'JUG STE, DE NGES NA DE'I BDAG NYID MA NGES PA NI RIGS PA MA YIN NO, ,GANG GI TSE RJES SU DPAG PAS SGRO 'DOGS PA RNAM PAR GCOD PAR BYED PA DE'I TSE NI GCIG GIS SGRO 'DOGS PA RNAM PAR BCAD PAS GZHAN RNAM PAR BCAD PA BYAS PA MA YIN PA'I PHYIR RO, ,DE'I DON DU GZHAN 'JUG PAR 'GYUR RO, ,MA RTOGS PA NGES PAR 'GYUR BA NI PHYIN CI LOG SNGON DU 'GRO BA CAN KHO NA YIN PAR NGES PA MA YIN NAM, DPER NA DU BA GLO BUR BA LAS ME RTOGS PA LTA BU STE, DE LA NI ME MA YIN PAR SGRO 'DOGS PAR MI SRID DO, ,DE BAS NA THAMS CAD LA RNAM PAR GCOD PAR BYED PA NI MA YIN NO ZHE NA, 'DI LA CHOS CAN RTOGS NA THA MI DAD PA'I PHYIR THAMS CAD RTOGS PAR 'GYUR RO, ,'ON TE THA DAD NA MA 'BREL PA NI DE LA RTOGS PA MED DO, ,ZHES BSHAD ZIN TO, ,DE'I PHYIR DE LA YANG DE MTHONG BA LA DE'I RANG GI NGO BO MA NGES PA NI GA LAS SHE NA, PHYIN CI LOG KHO NA LAS YIN NO, ,DA YANG PHYOGS DE BLO ME DANG LDAN PAR 'DZIN PA DANG BRAL BAS, DES DBEN PA'I NGO BOR NGES PAR BYED PA NA JI LTAR PHYIN CI LOG MA YIN, DE'I RNAM PAR SGRO 'DOGS PA DANG THE TSOMS DANG BRAL BA NI DE RTOGS PAR BYA BA LA RTOGS KYI RJES SU 'BRANG BAR YANG MI BYED, DE'I RJES SU 'GRO BA DANG LDOG PA DAG LA GUS PAR YANG MI BYED DO, ,DE PHYIR DE LTAR RTAGS SEL BA'I, ,YUL CAN YIN PAR RAB TU BSGRAGS, ,GZHAN DU CHOS CAN GRUB GYUR NA, ,DE LAS MA GRUB GZHAN CI YOD, ,CES BYA BA NI BSDU BA'I TSIGS SU BCAD PA'O, ,MTHONG BA 'GA' LA SHES PA GANG, ,SPYI YI DON CAN RNAM RTOG PA, ,GZHAN GYI CHA SGRO MA BTAGS PA, ,DE TZAM SEL BA'I SPYOD YUL CAN, ,GZUGS LA SOGS PA MTHONG BA'I MJUG THOGS SU RTAGS CAN MA YIN PA'I NGES PA'I SHES PA SKYE BA GANG YIN PA DE SGRO 'DOGS PA MED NA JI LTAR RNAM PAR GCOD PA'I YUL CAN DU... @276B 'GYUR ZHE NA, SGRO MA BTAGS PA'I YUL LA YOD PA'I PHYIR RO, ,GANG LA 'DI'I SGRO 'DOGS PA DPER NA BRTEN PA'O ZHES PA'AM, BDAG DANG BCAS BA'O SNYAM PA'I KHYAD PAR DE LA NGES PAR MI 'GYUR TE, ,NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, , DNGOS PO THAMS CAD LAS THA DAD PA MTHONG YANG DE KHO NA BZHIN DU MNGON PAR SHES PA NI MA YIN TE, KHYAD PAR 'GA' ZHIG LA BAR DU GCOD PA SRID PA'I PHYIR, DPER NA NYA PHYIS KYI DKAR PO NYID LTA BU'O, ,GANG LA RTOGS PA PO'I 'KHRUL PA'I RGYU MTSAN MED PA DE KHO NA LA NI DE MTHONG BA KHYAD PAR MED KYANG 'DI'I DRAN PA NGES PAR 'GYUR TE, SGRO 'DOGS PA DANG NGES PA DAG GNOD PAR BYA BA DANG GNOD PAR BYED PA'I NGO BO YIN PA'I PHYIR RO, ,NGES PA, 'DI NI SGRO 'DOGS DBEN PA LA, ,'JUG CES BYA BAR SHES PA YIN, ,DES DBEN BA NYID GZHAN SEL BA YIN NO, ,DE LTA BAS NA DE YANG DE TZAM GYIS SEL BA'I SPYOD YUL CAN YIN GYI DNGOS PO'I RANG GI NGO BO NGES PAR BYED BA'I BDAG NYID NI MA YIN TE, DE LTAR NGES PA LA YANG GZHAN MA RTOGS PA MTHONG BA'I PHYIR RO, ,DE'I RANG GI NGO BO NGES PA LA NI DE MI RUNG BA'I PHYIR RO, ,CHA SHAS SGRO 'DOGS JI SNYED PA; ,DE BSAL PHYIR NI NGES PA DANG, ,SGRA YANG DE SNYED KHO NA DES, ,DE DAG SPYOD YUL THA DAD CAN, ,GZHAN DU DNGOS PO GCIG PU LA, ,SGRA 'AM BLO GCIG GIS KHYAB NA, ,GZHAN YUL MA YIN DE YI PHYIR, ,RNAM GRANGS PA NI NYID DU 'GYUR, ,ZHES BYA BA NI BAR SKABS KYI TSIGS SU BCAD PA DAG GO, ,GANG GI LTAR BLO KHYAD PAR NI, ,SNA TSOGS CAN DON THA DAD 'DZIN, ,GANG ZHIG KHYAD PAR RNAMS NI PHAN TSUN DANG RTEN LAS THA DAD PA KHO NA YIN LA, DE'I RGYU CAN GYI GNYEN PO DAG NI DE DAG GI RTEN NAM DE DAG KHO NA LA 'JUG GO, ,DE BAS NA THAL PA 'DIR MI 'GYUR RO SNYAM DU SEMS PA DE'I LTAR NA YANG, ,KHYAD PAR SNA TSOGS LA PHAN PA'I, ,YAN LAG NUS LAS MI GZHAN PA'I, ,BDAG NYID BDAG NYID KUN GZUNG NA, ,PHAN BYA'I BYE BRAG GANG MA NGES, ,KHYAD PAR THA DAD PA DAG KHO NA DON LA SGRA DANG, SHES PA GZHAN DAG GI RGYU MTSAN YIN DU @277A *, ,ZIN KYANG DE DAG LDAN PA GCIG PU NYID DE NI DE DAG GIS NYE BAR LEN TO, ,KHYAD PAR SNA TSOGS PA LA PHAN PA'I RTEN NUS PA'I NGO BO NYID DE NI BDAG NYID LA THA DAD PA MED PA'I PHYIR, BDAG NYID THAMS CAD DU GZUNG NA KHYAD PAR GYI BYE BRAG MA NGES PA GANG ZHIG YOD DE, KHYAD PAR THAMS CAD LA PHAN 'DOGS PAR BYED PA NYID DU GZUNG BA'I PHYIR RO, ,RANG GI NGO BO GZUNG BA DE'I PHAN PAR BYED PA NYID MA BZUNG BA GZHAN NA NI MED PA KHO NA'O, ,DE'I PHYIR 'DI'I RANG GI NGO BOR GZUNG BA GANG YIN PA DE NYID PHAN PAR BYED PA NYID DU YANG YIN NO, ,DE DAG BDAG NYID LA 'BREL PHYIR, ,GCIG SHES NA NI GNYI GA GZUNG, ,KHYAD PAR DE DANG LDAN PA PHAN PAR BYA BA DANG, PHAN PAR BYED PA'I NGO BO BDAG NYID DU GYUR PA GZUNG BA'I PHYIR GCIG SHES NA GNYI GA GZUNG BAS DE KHYAD PAR DU BYAS PA GZUNG NA YANG KHYAD PAR THAMS CAD GZUNG BA YIN TE; KHYAD PAR DANG LDAN PA 'DZIN PA NI DE 'DZIN PA MED NA DE MED PA'I PHYIR RO, ,GZHAN DU NA DE LTAR YANG 'DZIN PAR MI 'GYUR RO, ,GZHAN LA PHAN PAR BYED PA GANG ZHIG MA BZUNG BAR GYUR PA GZHAN NI MED PA NYID DO, ,PHAN PAR BYED PA DE LTAR GZUNG NA PHAN BAR BYA BA MA BZUNG BA YANG MED DE; DE LA YANG MA BZUNG BAR THAL BAR 'GYUR BA'I PHYIR RJE KHOL BZHIN NO, ,DE'I PHYIR KHYAD PAR DON GZHAN YIN PAR SMRA BA LA YANG THAL BAR 'GYUR BAR MTSUNGS SO, ,'ON TE GANG DAG GIS KHYAD PAR LA PHAN 'DOGS PA'I NUS PA DAG NI THA DAD PA KHO NA STE, DE'I PHYIR THAL BA 'DIR MI 'GYUR RO SNYAM DU SEMS NA, CHOS PHAN NUS RNAMS THA DAD NA, ,DE DAG DE'I CI YIN GAL TE, ,DE LAS DE DAG LA PHAN MED, ,DE LTA YIN NI THUG MED 'GYUR, ,GAL TE KHYAD PAR RE RE LA PHAN PAR BYED PA NYID DAG YIN NA NI DE'I RANG GI BDAG NYID DU GYUR PA NGAG MA YIN PA KHON STE; DE LAS PHAN PA NYAMS SU MYONG BA YANG MED NA CI STE DE'I DE DAG YIN ZHES BYA, 'ON TE PHAN NA 'DI GCIG PUS RANG GI BDAG NYID DU GYUR PA'I NUS PA DAG GIS NUS PA LA PHAN PA BYED PA NA KHYAD PAR GCIG GIS GZUNG NA YANG BDAG NYID THAMS CAD DU GZUNG BA KHO NA YIN TE, 'DI LTAR @277B KHYAD PAR GZUNG NA DE LA PHAN 'DOGS PA'I NUS PA BZUNG BA YIN NO, ,DE GZUNG NA DE LA PHAN PAR BYED PA'I DNGOS PO NUS PA LA PHAN PA RANG GI BDAG NYID DU GYUR PA MTHA' DAG DANG LDAN PA GZUNG BAS THAMS CAD KYI NUS PA 'DZIN PAR BYED LA, DE DAG GIS KYANG KHYAD PAR RNAM PAR 'DZIN PAR BYED PAS THAL BAR 'GYUR PA SO NA 'DUG PA YIN NO, ,'ON TE NUS PA LA PHAN 'DOGS PA'I NUS PA DE DAG KYANG DNGOS PO LAS THA DAD PA KHO NA YIN NA, DE LTAR NA KHYAD PAR DANG DE'I NUS PA RNAMS NUS PA GZHAN DAG KHO NA LA MTHAR THUG PA MED PAR SBYOR BA'I PHYIR, ,DE LA PHAN PA'I BDAG NYID DE GCIG PU NAM YANG DE DAG DANG MA BZUNG BAS DE DANG LDAN PA NYID DU 'DZIN PAR MI 'GYUR RO, ,YANG GAL TE SGRA DANG SHES PA RNAMS KYI KHYAD PAR BDAG NYI TSE LA NYE BAR SBYOR BAR 'GYUR LA, DE'I TSE DE DANG MA 'BREL BA'I PHYIR DE RTOGS PA'I SGO NAS THAMS CAD... RTOGS PAR MI 'GYUR RO ZHE NA, DE'I TSE YANG SGRA DAG GIS DE MA 'PHANGS PA'I PHYIR, DE LA SGRA MI 'JUG PAS SGRA SBYOR BA DE MED PAR 'GYUR TE, SGRUB PA DANG DGAG PA DAG GIS THA SNYAD THAMS CAD NI DON BYED PA'I RTEN CAN YIN PAS SO, ,KHYAD PAR RNAMS KYIS NI DER MI NUS LA NUS PA NI MI BRJOD PAS SGRA SBYOR BA DAG GIS CI ZHIG BYA, DE'I PHYIR KHYAD PAR RNAMS NI KHYAD PAR YANG MA YIN PAR 'GYUR TE, 'GA' ZHIG LA ZHUGS NA NI GTZO PO 'GA'I YAN LAG TU GYUR PA'I PHYIR, DE LA LTOS NAS DE SKAD CES BRJOD DO, ,SGRA DAG GIS DE MI 'PHEN NA NI DE DAG GANG GI YANG YAN LAG TU GYUR PA MA YIN PAS CI STE KHYAD PAR DAG YIN, GAL TE SHES PAR BYAS PAS MTSON PA'I PHYIR NYES PA MED DO ZHE NA, THAL BAR 'GYUR BAR MTSUNGS TE, RE ZHIG MED NA MED PA'I PHYIR KHYAD PAR DE DAG GIS DE NYE BAR MTSON PA NA GCIG GIS NYE BAR MTSON NA YANG BDAG NYID THAMS CAD NYE BAR MTSON PA YIN PAS THAL BAR 'GYUR BA SON 'DUG PA YIN NO, ,'DI SGRAS NYE BAR MTSON PAR BYED KYANG RUNG, DES NYE BAR MTSON PA'I KHYAD PAR DAG GIS NYE BAR MTSON PAR BYED KYANG RUNG STE, 'DI LA KHYAD PAR CI ZHIG YOD, @278A *, ,RE ZHIG DE'I TSE DE THAMS CAD LA PHAN PAR BYED PA PO YIN NO ZHES BYA BAR NGES PAR BYED PAS DE NI GYI NA'O, ,DE'I PHYIR, GCIG LA PHAN BYED GZUNG NA NI, ,DE LAS MTHONG LA MA MTHONG BA, ,PHAN PA GZHAN MIN DE YI PHYIR, ,DE GZUNG NA NI THAMS CAD GZUNG, ,ZHES BYA BA NI BSDU PA'I TSIGS SU BCAD PA'O, ,GAL TE 'KHRUL PA BZLOG PA'I PHYIR, ,GZUNG BA LA YANG GZHAN 'DOD NA, ,GAL TE 'DI SNYAM DU DNGOS PO CHA MED PA GZUNG NA, DE'I TSE MA BZUNG BA GZHAN CI ZHIG YOD DE, DE NI 'KHRUL PAS NGES PAR MI 'DZIN PAS TSAD MA GZHAN 'JUG GO SNYAM DU SEMS NA, GAL TE DE LTA NA, ,DE RNAM GCOD PA'I YUL CAN GRUB, ,DE LAS GZHAN LA'ANG DE DANG 'DRA, ,SGRO 'DOGS MED PA'I YUL LA NI, ,'JUG PHYIR, 'KHRUL PA BZLOG PA'I PHYIR ZHUGS PA'I TSAD MA DE NI GZHAN SGRO 'DOGS PA... RNAM PAR GCOD PA'I 'BRAS BU CAN YIN NAM, GZHAN SEL PA'I YUL CAN DU GRUB LA, GZHAN YANG DE DAG 'DRA STE, SGRO 'DOGS PA MED PA'I YUL LA 'JUG PA'I PHYIR RO, ,GANG LA 'DI'I SGRO 'DOGS PA YOD PA DE LA NGES PA MED PA DE'I PHYIR SGRO 'DOGS PA MED PA LA 'JUG PA NI GZHAN SEL BA'I YUL CAN DU 'GRUB BO, ,GZHAN YANG NGO BO GANG, ,NGES PA RNAMS KYIS MA NGES PA, ,DE NI JI LTAR DE DAG YUL, ,NGES PA RNAMS KYIS RANG GI DON RTOGS PA NI NGES PA GANG YIN PA 'DI KHO NA YIN NA, GAL TE RNAM PA GZHAN BZHIN DU MA NGES NA, JI LTAR DE DAG GIS GZUNG BA YIN, DA NI JI LTAR MA NGES PA MNGON SUM GYIS KYANG GZUNG BA YIN ZHE NA, MNGON SUM NI GANG GI YANG NGES PAR BYED BA MA YIN TE, DES GANG ZHIG 'DZIN PA DE YANG NGES PA NI MA YIN NO, ,'O NA CI ZHE NA, DER SNANG BAS SO, ,DE BAS NA NGES PA DANG MA NGES BA'I DBANG GIS MNGON SUM GYIS 'DZIN PA DANG MI 'DZIN PA DAG MA YIN NO, ,NGES PA RNAMS KYIS NI DE LTAR MA YIN TE, 'GA' ZHIG NGES KYANG GZHAN LA MA NGES PAS 'JUG PA THA DAD PAS 'DZIN PA DANG MI 'DZIN PA YIN NO, ,DE'I PHYIR NGES PA GANG YIN PA DE NYID 'DI 'DZIN PA YIN NO,, @278B DE LTA MA YIN NA RNAM PA GCIG LA YANG DER MI 'GYUR RO, ,YANG CI'I PHYIR THAMS CAD PAS THA DAD PA'I DNGOS PO'I NGO PO LA NYAMS SU MYONG BA SKYES KYANG DE KHO NA BZHIN DU DRAN PA'I NGES PA MI 'BYUNG ZHE NA, LHAN CIG BYED PA MA TSANG BA'I PHYIR RO, ,DE BAS NA, ,KHYAD PAR CHA SHAS RNAM SPANGS PA, ,MNGON SUM GYIS NI GZUNG BA'AM, ,KHYAD PAR GANG LA RTOGS PA YI, ,RKYEN YOD DE NI RTOGS PAR 'GYUR, ,THAMS CAD LAS THA DAD PA CHA SHAS DANG BRAL BA'I NGO BO NYID NYAMS SU MYONG MOD KYI 'ON KYANG DE TZAM GYIS KHYAD PAR THAMS CAD LA NGES PAR MI GYUR TE, RGYU GZHAN LA LTOS PA'I PHYIR RO, ,NYAMS SU MYONG BA'I RNAM PAR RTOG PA LA JI LTAR GOMS PA BZHIN NGES PA'I SHES PA SKYED PAR BYED DO, ,DPER NA GZUGS MTHONG BA LA KHYAD PAR MED KYANG, RO MYANG BA DANG, NYAL PO BYA BA DANG, BZA' BAR BYA BA'I RNAM PAR RTOG PA DAG LTA BU'O, ,DE LA NI BLO GSAL BA DANG, 'DI BAG CHAGS GOMS PA DANG, SKABS SHES BYA BA LA SOGS PA YANG NYAMS SU MYONG BA LAS KHYAD PAR NGES PA SKYE BA'I LHAN CIG BYED PA DAG YIN NO, ,DE DAG KHO NA SHIN TU NYE BA DANG, CHES SHIN TU NYE BA LA SOGS PA'I BYE BRAG GIS SNGA PHYI NYID DU 'GYUR TE, DPER NA SKYED PAR BYED PA DANG, 'DON DU 'JUG PAR BYED PA NYID DU KHYAD PAR MED KYANG PHA 'ONG BA MTHONG NAS BDAG GI PHA 'ONG NGO SNYAM GYI MKHAN PO 'ONG NGO SNYAM PA NI MA YIN PA LTA BU'O, ,NGES PA DER YANG 'GYUR BA NA 'KHRUL PA'I RGYU MED NA NI 'GYUR RO, ,DE'I PHYIR NYAMS SU MYONG BA KHO NAS NI RNAM PA THAMS CAD CES PA MA YIN NO, ,DE LA'ANG GZHAN LAS LDOG PA DANG, ,GZHAN LAS LOG PA ZHES BYA YI, ,SGRA DANG NGES PA NYID DAG NI, ,BRDA YI RJES SU BYED PA YIN, ,GZHAN SEL BA DE LA YANG LDOG PA YANG GZHAN LOG PA YANG RGYU GZHAN PA NYID MED DE, DE LAS LDOG PA LAS LOG PA LA DE YOD PAR THAL BAR 'GYUR BA'I PHYIR RO, ,DE LTA YIN NA NI LDOG PA YANG MED DO, ,DE'I PHYIR LDOG PA GANG YIN PA DE NYID LOG PA YIN NO, ,SGRA DANG RTOGS PA'I THA DAD PA NI BRDA'I BYE BRAG GIS YIN GYI, BRJOD PAR BYA BA LA NI THA DAD PA MED DO, ,BRJOD PAR @279A *, ,BYA BA THA DAD PA MED PA'I PHYIR BRDA'I BYE BRAG KYANG MI RUNG STE, GNYI GAS GCIG BRJOD PA'I PHYIR RO, ,DE LTAR NA THA DAD PAR 'BYED PA'I RNAM PA DBYE BA YANG MI SBYAR BAR 'GYUR TE, DE NI THA DAD PA LA BRTEN PA'I PHYIR RO ZHE NA, GNYI GAS GCIG CIG BRJOD MOD KYI,, BRJOD BYA'I SHAN GYI KHYAD PAR GYIS, ,RNAM DBYE THA DAD 'BYED PA YIS, ,THA DAD DON BZHIN SGRUB PAR BYED, ,SGRA RNAMS KYI 'JUG PA YUL GYI RANG GI NGO BO LA RAG LAS PA NI 'GA' YANG MED DE, 'DOD PAS 'JUG PA MED PAR THAL BAR 'GYUR BA'I PHYIR RO, ,DE DAG THA DAD PA'AM THA DAD PA MA YIN PA LA JI LTAR SBYAR BAR 'DOD PA DE LTAR SBYAR BA NI DON DE GEGS BYED PA MED PAR RAB TU STON PAR BYED DO, ,DE'I PHYIR BA LANG DANG BA LANG NYID CES BYA BAS DON GCIG BRJOD MOD KYI, KHYAD PAR 'GA' ZHIG SHES PAR BYA BA'I PHYIR, BRDAS KHYAD PAR BYAS NA DON GZHAN... MA YIN KYANG THA DAD PA'I DON CAN GYI RNAM PAR DBYE BAS DON THA DAD PA LTA BUR STON PAR SNANG STE, DE LTAR SBYOR BA MTHONG BA LA GOMS PA'I PHYIR RO, ,DE TZAM GYIS THAMS CAD LA THA DAD PA NI MA YIN TE, GZHAN LA YANG SKYES BU'I 'DOD PA'I DBANG GIS 'JUG PA LA GAGS BYED PA... MED PA'I PHYIR, DPER NA GCIG LA 'GA' ZHIG TU GCIG GI TSIG GIS SGRO 'DOGS LA, DER KHYAD PAR MED KYANG GUS PA LA SOGS PA BRJOD BA'I PHYIR, MANG PO'I TSIG GIS SGRO 'DOGS PA LTA BU'O, ,DGOS PA MED PA'I PHYIR BRDA THA DAD PAR MI 'GYUR RO ZHE NA, DE YANG... YOD PA KHO NA STE 'DI LTAR, KHYAD PAR GZHAN NI SPONG BA DANG, ,MI SPONG BA DAG DE GNYIS KYI, ,BRDA YI BYE BRAG RTOGS PA PO'I, ,'DOD PA'I RJES SU BYED PA'I GZHI, ,GANG GI TSE RTOGS PAR BYED PA 'DI DE LAS GZHAN RNAM PAR BCAD PA YOD PA LA MI LTOS PAR GONG DU KHYAD PAR LA RTA RNAM PAR BCAD PA TZAM SHES PAR 'DOD PA NA, DE LTA BU SHES PAR BYA BA'I PHYIR DE LTAR BRDAR BYAS PA'I SGRAS 'DI LA RTA MA YIN PA NYID YOD DO ZHES BYA BAR RAB TU SHES PAR BYED DO, ,GANG GI TSE RNAM PAR BCAD PA GZHAN GYIS MI 'DOD PA MED PAR DE SHES PAR 'DOD PA DE'I @279B TSE NI DE LTAR RAB TU BSTAN PA'I PHYIR, RNAM PA GZHAN PA GZHAN YONGS SU MA SPANGS PA LA 'DI NI RTA MA YIN PA YIN NO, ,ZHES RAB TU SBYOR RO, ,DE NYID KYI PHYIR SNGA MA LA NI SGRA 'JUG PA KHYAD PAR GZHAN SPANGS PA'I PHYIR GZHI MTHUN PA NYID DAM, KHYAD PAR DANG KHYAD PAR GYI GZHI... DNGOS PO MA YIN TE, 'DI'I BA LANG NYID DKAR PO ZHES BYA BA LTA BU'O, ,DE TZAM GYI KHYAD PAR GYIS BLO DE'I RTEN DU GYUR PA GCIG PA NYID DU MI SNANG BA'I PHYIR DANG, 'DOD PA MED PA'I PHYIR RO, ,GNYIS PA LA NI YOD DE DE LTA BU'I BRDA'I RJES SU 'BRANG BA'I PHYIR, RNAM PAR BCAD PA'I CHOS MTHA' DAG BSDUS PAS RNAM PAR DBYE BA DANG LDAN PA GCIG LTA BUR STON PAR SNANG BA'I PHYIR DANG, RNAM PAR BCAD PA GZHAN 'DOD PA DANG BCAS PA'I PHYIR RO, ,KUN LA RDZAS DANG DNGOS BRJOD PA'I, ,SGRA YI KHYAD PAR 'DI NYID DE, ,DE'I PHYIR DE DAG BRJOD BYA LA, ,KHYAD PAR 'GA' YANG YONG MA YIN, ,DE LTA BAS NA THAMS CAD DU CHOS DANG CHOS CAN BRJOD PA'I SGRA DAG GIS BRJOD PAR BYA BA'I DON LA NGES PA'I SHES PA'I YUL NYID DU KHYAD PAR 'GA' YANG MED DE, GCIG GIS NI DE NYID SHES PAR BYED PA LA KHYAD PAR GZHAN SPANGS TE SHES PAR... BYED PA LA, GZHAN GYIS NI MA SPANGS TE, SHES PAR BYED PAS KHYAD PAR NI DE YOD DO, ,DON DE SHES PAR BYED 'DOD PAS, ,DE LA PHAN PA'AM BYED LDAN PA'AM, ,GAL TE GZHAN GYIS BRJOD KYANG RUNG, ,DE LAS KHYAD PAR GZHAN MED DO, ,KHYAD PAR DE TZAM KHO NA STON PAR BYED PA NA DE LTA BU'I SHES PAR BYA BA'I PHYIR RO, ,BRTZED PA NYID CES DE LA PHAN PAS STON KYANG RUNG, BRTZED PA ZHES BYED PA DANG LDAN PAS KYANG RUNG, RANG GIS BYAS PA'I GZHUNG LUGS GZHAN GYIS KYANG RUNG, DE SKAD DU BRJOD PA TZAM GYIS NI DE DON GZHAN PA NYID DU 'GYUR TE, DE LTA BU KHO NA SHES PAR BYA BA'I PHYIR SGRA BRDAR BYAS PA'I PHYIR RO, ,BRTZED PA NYID CES BYA BA 'BREL PA LA BYA BA MA YIN NAM, 'TSED PA NYID NI MA YIN NO ZHE NA, JI SKAD DU BRJOD PA LTA BUR 'TSED PA DANG, 'TSED PA PO GZHAN 'GA' KHO NA ZHIG BRJOD PA NI MA YIN NO, ,'DI'I @280A *, ,BRJOD PAR BYA BA GANG YIN PA DE NI BSTAN ZIN TO, ,DE NYID 'TSED PAS KYANG BRJOD DO, ,GTING MI TSUGS PA LOG PA'I RNAM PAR RTOG PA DAG GIS CHOG GO, ,JI LTAR BYA BA DON GZHAN DU GYUR PA 'AM, DE DAG GI 'DU BA MA YIN PA DE NI 'OG NAS SHES PAR BYA'O, ,DE PHYIR GZHAN SEL YUL LA NI, ,DE LDAN PHYOGS LA BRJOD PA BSAL, ,RIGS DANG DE DANG LDAN PA DAG ,THA DAD NYID NA NYES PAR 'GYUR, ,SGRA'I DON GZHAN SEL BA CAN LA YANG DES KHYAD PAR DU BYAS PA BRJOD PA'I PHYIR, DE DANG LDAN PA'I PHYOGS LA... BRJOD PA'I THAL BA THAMS CAD MTSUNGS PAR 'GYUR RO, ,ZHES SMRAS PA GANG YIN PA DE YANG 'DIS BSAL TE, DE LA NI DON GZHAN LA BRTEN NAS 'JUG PA'I SGRA RANG DBANG MED PA LA SOGS PA'I NYES PAS GNOD PAR 'GYUR RO, ,GZHAN LAS LDOG PA NI LOG PA LAS... DON GZHAN PA YANG MA YIN TE, GNYI GAS GCIG BRJOD PA'I PHYIR RO ZHES BSHAD ZIN TO, ,DA NI LOG PA GZHAN GYI RJES SU MI 'GRO BA'I PHYIR, JI LTAR GZHAN LAS LDOG PA SPYI YIN ZHE NA, DE'I BLO LA DE LTAR SNANG BA'I PHYIR RO, ,SPYI ZHES BYA BA NI 'GA' YANG MED KYI, SGRA'I RTEN CAN GYI BLO THOG MA MED PA'I BAG CHAGS KYI MTHUS CHOS MA 'DRES PA DAG KYANG BSRE ZHING SKYE'O, ,DON MED BZHIN DU YANG DE SNANG BA'I DBANG GIS SPYI DANG GZHI MTHUN PA NYID DU RNAM PAR GZHAG STE, DON RNAMS LA 'BREL PA DANG THA DAD PA MED PA'I PHYIR RO, ,DE THAMS CAD... KYI RTEN NI DE'I 'BRAS BU DANG RGYU CAN NYID KYIS GZHAN DAG LAS THA DAD PA'I DON RNAMS YIN LA, SGRAS KYANG MI 'DOD PA SPANGS TE 'JUG PAR BYED PA GZHAN SEL BA'I YUL CAN DU BSHAD DE, DE LA PHYI ROL GYI DON GYI DE KHO NA NYID LA MI LTOS PA BLO SNANG BA'I DBANG GIS GCIG... PU DU MA LAS LOG PA SGRA RNAMS DANG, DE NYAMS SU MYONG BA'I BAG CHAGS SAD PA LAS SKYE BA CAN GYI RNAM PAR RTOG PA DE'I DNGOS PO NGES PA'I DON CAN RNAMS KYI YUL DU BYED CING DE NYID LA CHOS DANG CHOS CAN GYI THA DAD PHAN TSUN DE NYID DANG GZHAN DAG TU BRJOD PAR BYA BA MA YIN PA 'DI @280B SPRO BAR BYED DO, ,CHOS NI CHOS CAN LAS GZHAN PA YANG MA YIN TE, DON GZHAN MI BRJOD PA'I PHYIR RO, ,DE NYID KYANG MA YIN TE, DE BRJOD PA DAG BZHIN DU CHOS BRJOD PA RNAMS KYIS KYANG RNAM PAR GCOD PA GZHAN 'PHEN PAR THAL BAR 'GYUR BA'I PHYIR RO, ,DE LTA NA NI... 'DOD PA'I SHES PAR MI 'GYUR BA'I PHYIR BRDA'I KHYAD PAR MI BYA BAR MI 'GYUR RO, ,CHOS DANG CHOS CAN DAG BRJOD PAR BYA BA MA YIN PA NYID 'DI NI SGRA'I DON LA YIN NO, ,DNGOS PO LA NI RANG GI MTSAN NYID LAS SPYI'I MTSAN NYID BRJOD PAR BYA BA MA YIN TE MED PA'I PHYIR RO, , CHOS DANG CHOS CAN DAG THA DAD PA MA YIN NA, THA DAD PA LA DRUG PA LA SOGS PAR RNAM PAR DBYE BA MTHONG BA DANG, CHOS MANG BA'I PHYIR DE LA MANG PO'I TSIG GI BYE BRAG MTHONG BA YANG CHOS CAN GCIG LA MI RUNG BA MA YIN NAM ZHE NA, 'DI LA SGRA RNAMS LA RANG DBANG CAN NYID NI MED DO ZHES BSHAD ZIN TO, ,GZHAN YANG, GANG DAG GI TSIG DNGOS BO'I DBANG, ,LHUR BRJOD 'DOD LA MI BRTEN PA, ,DE DAG LA NI DRUG PA DANG, ,TSIG DBYE LA SOGS KLAN KA RIGS, ,GAL TE SGRA 'DI DAG SKYES BU RNAMS KYIS 'GA' ZHIG LA BYA BAR 'DOD DU ZIN KYANG DU BA LA SOGS PA BZHIN DU DNGOS PO DANG 'BREL PA'I PHYIR BYA BAR MI NUS NA DE'I TSE JI LTAR DRUG PA LA SOGS PAR 'GYUR, ZHES BYA BA'I KLAN KA 'DIR 'GYUR GYI, GANG GI TSE, PHYIR ROL DON LA MI LTOS PA'I, ,TSIG GANG SMRA BOS JI LTA BUR, ,RJOD BYED NYID DU NGES BYED PA, , DE DE BZHIN DU BRJOD BYED YIN, ,THA DAD PA LA NI DRUG PA'O, ,MANG PO LA NI BYED PA PO RNAMS SO, ,ZHES BYA BA LA SOGS PA DE YANG SKYES BU'I 'DOD PA LA MI LTOS PA NYID DU DNGOS PO NYE BA TZAM GYIS RANG NYID ZHUGS PA NI MA YIN TE, DE DAG NI DE LA DE LTAR SBYOR BAS DE LTAR GO PAR 'GYUR RO; ,DE BZHIN DU GZHAN LA LA YANG DE DAG GIS JI LTAR YANG RUNG RAB TU SBYAR BA DE KHO NA BZHIN DU GO BA'I RGYU DAG TU 'GYUR RO, ,DE LA NI BRJOD PAR BYA BA DAG SKYES BU LA RAG LAS TE, 'JUG PA'I SGRA DNGOS PO YANG DAG PAR MI STON PA JI LTAR GOMS PA BZHIN RNAM PAR RTOG @281A *, ,PA SAD PA'I RGYUR GYUR PA RNAMS 'JUG PA SEMS PA DANG, DE'I DBANG GIS DNGOS PO RNAM PAR 'JOG PA NI BLUN PAR STON PA 'BA' ZHIG TU ZAD DO, ,CHOS DANG CHOS CAN LA SOGS PA LA SGRA DAG DE LTAR RNAM PAR GZHAG PAR BYAS KYI, LDOG PA... DANG DNGOS PO THA DAD PA'I SGO NAS NI MA YIN NO ZHES BYA BA 'DI GA LAS SHE NA, DE LTAR NA THA SNYAD MI RUNG BA'I PHYIR TE, CHOS DANG CHOS CAN DAG THA DAD PA 'AM, DE'I NGO BO YIN PA'AM, SGRA RNAMS DNGOS PO JI LTA BA BZHIN DU 'JUG PA YIN NO, ,SPYI DANG DE DAG GI 'BREL PA DANG, GZHI MTHUN PA NYID DANG, KHYAD PAR DANG KHYAD PAR GYI GZHI'I DNGOS PO DAG MI RUNG NGO ZHES 'CHAD PAR 'GYUR RO, ,GANG YANG SGRA 'JUG PA'I KHYAD PAR 'DI NI THAMS CAD DU DNGOS POS BYAS PA KHO NAR 'DOD PA DE'I, BTZUN MO RNAMS GRONG DRUG LA SOGS, ,THA DAD THA DAD MIN GZHAN PA 'AM, ,NAM MKHA'I RANG BZHIN NAM MKHA' NYID, ,CES BYA BA 'DI LA RGYU CI YOD, GANG GI TSE BUD MED GCIG LA YANG BTZUN MO RNAMS ZHES BYA BA DANG, BYE MA GCIG LA YANG BYE MA RNAMS ZHES THA SNYAD 'DOGS PA DE LA GANG GIS NA DE LTA BUR 'GYUR BA'I MANG PO NYID CI ZHIG YOD, GAL TE NUS PA THA DAD PA YIN NO ZHE NA, DE NI THAMS CAD DU GCIG GIS TSIG NYAMS PA YIN TE, NUS PA GCIG PA MED PA'I PHYIR RO, ,'BAD PA YANG DON MED DO, ,GAL TE DNGOS PO THA MI DAD PA'I PHYIR GZHAN LA GCIG GI TSIG TU 'GYUR RO ZHE NA, 'DI LA YANG 'GYUR RO, ,DE'I PHYIR NGES PA DNGES PO MA YIN PA 'DI BYED PA NA, SGRA SBYOR BA LA 'DOD PA RANG DBANG CAN DU STON PA YIN NO, ,GRONG KHYER DRUG CES BYA BA YANG JI LTAR MANG PO DAG LA GCIG GI TSIG TU 'GYUR, GRONG KHYER NYID KYANG CUNG ZAD KYANG MED NA, DE RNAMS LA SDUD PA LTA GAL YOD, KHANG BZANGS DANG SKYES BU LA SOGS PA RIGS MI MTHUN PA RNAMS KYIS MI RTZOM PA'I PHYIR, DE RNAMS KYI SPYI LTA ZHIG RDZAS GANG LA YIN TE, LDAN PA MED PA'I YANG PHYIR RO, ,LDAN PA NI MA YIN TE, KHANG BZANGS RANG NYID LDAN PA'I BDAG NYID... @281B YIN PA GZHAN DANG MI LDAN PA'I YANG PHYIR RO, ,DE NYID KYI PHYIR GRANGS KYANG MED DE, GAL TE GONG KHYER NI LDAN PA DE DANG SKYES BUS KHYAD PAR DU BYAS PA'I YOD PA YIN NO ZHEN, BOGS DBYUNG DU MED PA 'DI LA KHYAD PAR CI ZHIG YOD, YOD PA YANG GCIG YIN PA'I PHYIR, GRONG KHYER MANG PO NYID LA YANG GRONG KHYER RNAMS ZHES MANG PO'I TSIG TU MI 'GYUR RO, ,GAL TE GNYIS PHAN TSUN GROGS BYED PA NYID YIN NO ZHE NA, PHAN PAR BYA BA DANG PHAN PAR BYED PA PO MA YIN PA DAG LA GROGS BYED PA'I DNGOS PO CI ZHIG YOD, SKYES BU DANG LDAN PA DANG, YOD PA RNAMS KYANG MANG BA'I PHYIR, JI LTAR GRONG KHYER ZHES GCIG GI TSIG TU 'GYUR, GAL TE DE LTA BU RNAMS DON 'GA' ZHIG LA NUS PA THA MI DAD PA YOD PAS DE RGYU MTSAN YIN NO ZHE NA, MA YIN TE, NUS PA NI DNGOS PO'I NGO BO LAS THA MI DAD PA'I PHYIR RO,,BAM PO NAM MKHA'I RANG BZHIN NAM MKHA' NYID CES BYA BA THA DAD PA'I RTEN GYI DRUG PAR YANG MI 'GYUR TE, DE LA SPYI NI MED DO, ,KHYAB PA NYID LA SOGS PA YON TAN RNAMS LA DE SKAD DU BRJOD PA YANG MA YIN TE, DON GZHAN PA NI DE'I RANG BZHIN YIN PA NYID DU MI RUNG BA'I PHYIR DANG, DE DAG KYANG RANG BZHIN MED PA NYID DU THAL BA'I PHYIR RO, ,DE YANG RANG BZHIN DON GZHAN PA CAN YIN NA NI HA CANG THAL BAR 'GYUR TE, DE LTA NA YANG RTOGS PA MED DO, ,DE BZHIN DU DNGOS PO DRUG GI TSOGS LA SOGS PA LA YANG BRJOD PAR BYA STE, DE LA SPYI DANG GRANGS DANG LDAN PA NI MI SRID DO, ,DA NI KHYAD PAR MED NA JI LTAR NAM MKHA'I RANG BZHIN ZHES BYA'I, NAM MKHA' ZHES BYA PA KHO NA NI MA YIN ZHE NA, NAM MKHA'I DON GZHAN DANG THUN MONG BA'I NGO BO LA MI LTOS PAR NAM MKHA' ZHES BYA BA'I SGRA 'JUG PA'I RGYU'I NGO BO LA DE LTA BUR SHES PAR 'DOD PA DE SKAD DU BRJOD DO, ,THAMS CAD @282A *, ,LAS SOG PA'I RANG GI NGO BO BRJOD PAR MI SRID BA MA YIN NAM ZHE NA, NGO BO NYID DE BLO LA 'JOG PA NI MA YIN TE, DBANG POS MI SOD PA NYID MA YIN PAR THAL BAR 'GYUR BA'I PHYIR RO, 'DI NI DE LTA BU SHES PAR BYA'O SNYAM NAS SGRAS NYAN PA PO LA RNAM PAR RTOG PA'I GZUGS BRNYAN DE'I RANG GI NGO BO DANG MA 'BREL PA GTOD PAR BYED PA 'BA' ZHIG TU ZAD DE, 'DI LTAR DON MA MTHONG BA LA NI DON GYI RNAM PAR RTOG PA TZAM MO ZHES BSHAD BA LTA BU'O, ,DE LTAR NA RTOGS PAR BYA BA DANG, RTOGS PAR BYED PA DAG GIS RANG GI MTSAN NYID RTOGS PA... DANG; BSTAN PA NI MA YIN TE, MTHO RIS LA SOGS PA THOS PA LA YANG DE NYAMS SU MYONG BA DAG DANG 'DRA BAR SNANG BA THA DAD PA MED PAR THAL BAR 'GYUR BA'I PHYIR RO, ,DE'I PHYIR 'DIS DNGOS PO'I RANG GI NGO BO MA RTOGS SU ZIN KYANG RNAM PAR RTOG PA'I GZUGS BRNYAN DE LTA BU KHO NA LA DER LHAG PAR ZHEN PAS MGU BAR 'GYUR TE, SGRA'I DON RTOGS PA NI DE LTA BU KHO NA YIN PA'I PHYIR RO, ,DES NA RANG GI MTSAN NYID BSTAN TO ZHES DE SKAD DU BRJOD KYI, RANG GI NGO BO SNANG BA'I RNAM PAR SHES PA KHO NA BSKYED PA'I PHYIR NI MA YIN NO, ,DA NI 'O NA JI LTAR GCIG TU LOG PA'I NGO BO CAN RNAMS LA SPYI ZHES BYA STE, DE DAG MA 'BREL BA'I PHYIR DANG, GZHAN YANG MED PA'I PHYIR RO ZHE NA, SPYI JI LTA BU YIN PA NI BSHAD ZIN TE, MA 'DRES PA RNAMS KYI CIG SHOS DANG MA 'BREL BA DE NI DE LAS LDOG PA CAN RNAMS KYI 'DRA BA NYID YIN NO ZHES BSHAD DO, , GZHAN YANG; THA DAD DNGOS RNAMS LA BRTEN NAS, ,DON GCIG TU NI SNANG BA'I BLO, ,GANG GI RANG GI NGO BO YIS, ,GZHAN GYI NGO BO SGRIB BYED PA'I, ,KUN RDZOB DES BDAG THA DAD KYANG, ,THA DAD PA NYID BSGRIBS PA YI, ,DNGOS RNAMS NGO BO 'GA' ZHIG GIS, ,THA DAD... MIN PA LTA BUR SNANG, ,DE LA BSAM PA'I DBANG GIS NA, ,SPYI YOD PAR NI RAB TU BSGRAGS, ,DE YIS JI LTAR KUN BRTAGS PA, ,DE NI DAM PA'I DON DU MED, ,RNAM PAR RTOG PA CAN GYI BLO NI DE DAG LAS GZHAN PA LAS LDOG PA CAN GYI DNGOS PO RNAMS LA BRTEN NAS SKYE BA NA, RANG @282B GI BAG CHAGS KYI RANG BZHIN BYED CING DE DAG GI NGO BO THA DAD PA MI SNANG BAR BYAS NAS, BDAG NYID KYI RNAM PA THA DAD PA MED PA ZHEN PAR BYAS TE, DE RNAMS 'DRES PAR KUN DU STON TO, ,BSGRUB PAR BYA BA DANG, SGRUB PA GCIG PA CAN NYID KYIS NA GZHAN LAS THA DAD PA'I DNGOS... PO RNAMS DANG, RNAM PAR RTOG PA DE'I BAG CHAGS KYI RANG BZHIN NA DE DAG LAS SKYE BA CAN 'DI DE LTA BUR SNANG BA GANG YIN PA DE YIN NO, ,DA NI KUN RDZOB STE 'DIS RANG GI NGO BOS GZHAN GYI NGO BO SGRIB PA'I PHYIR RO, ,DE DAG NI DES THA DAD PA BSGRIBS PAS BDAG NYID KYIS THA DAD KYANG NGO BO 'GA' ZHIG GIS THA MI DAD PA BZHIN DU SNANG NGO, ,DE BAS NA RJES SU BYED PA RNAMS KYI BLO'I SNANG BA LA BLO LA SNANG BA'I DNGOS PO LA RNAM PA'I KHYAD PAR YONGS SU 'DZIN PAS PHYI ROL LTA BUR KUN TU 'PHRO BA DE DAG KHO NA'I SPYI YIN BAR BRJOD DO, ,DA NI JI LTAR GZHAN SEL BA'I SPYI... YIN ZHE NA, DE NYID GZHAN SEL BA YIN TE, DE NA DE KHO NA 'DZIN PA'I RNAM PAR RTOG PA RNAMS NI RANG BZHIN GYIS 'KHRUL PA'I PHYIR DNGOS PO 'DZIN PA LTA BUR SNANG NGO, ,DE NI DE LAS GZHAN PA LAS THA DAD PA'I DNGOS PO RNAMS KHO NA LA SKYE BA NA THA DAD PA'I YUL CAN ZHES BYA BAR SHES... SO; ,PHYI ROL PA RNAMS THA DAD PA YIN NA DE DAG LA NI RNAM PAR RTOG PA MI 'JUG PA YIN NAM, JI LTAR DE DAG LA SKYE ZHE NA, 'CHAD PAR BYED PA RNAMS DE LTAR RNAM PAR 'BYED PAR BYED KYI, THA SNYAD 'DOGS PAR BYED PA RNAMS NI MA YIN TE, DE DAG NI RANG GI DMIGS PA KHO NA DON BYED PAR RUNG BAR SEMS SHING SNANG BA DANG, RNAM PAR BRTAG PAR BYA BA'I DON DAG GCIG TU BYAS NAS 'JUG GO, ,DE DAG GI BSAM PA'I DBANG GIS DE SKAD CES BYA BA DANG, DE BZHIN DU SGRAS DE BYED PA NYID KYIS DE BYED PA MA YIN PA DAG LAS LOG PA RNAMS STON PAR BYED DO... ZHES BRJOD DO, ,DE KHO NA NYID SEMS PAR BYED PA RNAMS NI, SNANG BA THA DAD PA LA SOGS PA'I SGO NAS THA DAD PA MED PAR MI SEMS SO, ,GAL TE RTOGS PA PA'I BSAM PA'I RJES SU BYED NA GZHAN SEL BA YANG SPYI YIN PAR 'GYUR TE, DE LTAR RTOGS PA NI MED DO ZHE NA, DE LTAR... @283A *, ,MI RTOGS PA 'BA' ZHIG TU MA ZAD KYI BSAL BA LAS THA DAD PA DANG THA MI DAD PA DANG, GCIG PA DANG KHYAB PA NYID LA SOGS PA'I RNAM PAS KYANG MI RTOGS PA NYID DO, ,BLO RNAM PA THA MI DAD PA CAN SKYE BA DE'I RTEN GANG YIN ZHE NA, GZHAN SEL BA YIN NO... ZHES BRJOD PA 'BA' ZHIG TU ZAD DE, DE NI DNGOS PO RNAMS LA YOD PA'I PHYIR DANG, 'GAL BA MED PA'I PHYIR DANG, SGRA'I RTEN CAN GYI THA SNYAD KYANG DE LTAR SNANG BA'I PHYIR RO, ,BLO 'DI JI LTAR SNANG BA LTA BUR SPYI ZHES BYA BA DNGOS POR GYUR PA NI CUNG ZAD KYANG MED DE, 'DI LTAR, BSAL BA RNAMS NI RJES MI 'GRO, ,RJES 'GRO GZHAN NI SNANG BA MED, ,BSAL BA 'DI DAG NI PHAN TSUN RJES SU 'GRO BA MA YIN TE, THA DAD PA MED PAS SBYI NYID MED PAR THAL BAR 'GYUR BA'I PHYIR RO, ,DE RNAMS LAS GZHAN PA THA DAD PA YANG CUNG ZAD KYANG DE LTA BU'I BLO LA MI SNANG STE, MI SNANG NA JI LTAR BDAG NYID DU GZHAN 'DZIN PA'AM THA SNYAD 'DOGS PAR BYED DE, DE DAG DANG 'BREL PA GCIG YOD PA'I PHYIR YANG SPYI YIN PAR MI 'GYUR TE, HA CHANG THAL BAR 'GYUR BA'I PHYIR RO ZHES BSHAD ZIN TO, ,GAL TE THA MI DAD PA'I BRJOD PA DANG, BLO'I RGYU MTSAN DU GYUR PA GCIG SPYI YIN GYI THAMS CAD NI MA YIN NO ZHE NA, JI LTAR GZHAN GYI SGO NAS GZHAN LA SHES PA 'JUG ,DE DANG 'BREL PA'I PHYIR RO ZHE NA, GRANGS DANG 'BRAS BU'I RDZAS LA SOGS PA YOD NA YANG THAL BAR 'GYUR RO, ,GAL TE SPYI'I BDAG NYID MA YIN... PA'I PHYIR RO ZHE NA, SPYI'I BDAG NYID 'DI GANG YIN ZHES DE NYID DPYOD PA MA YIN NAM, DE LA 'BREL PA YOD NA SHES PA 'JUG STE, DES NA SPYI YIN NO ZHES SMRAS PA DE LA BSHAD PA RGYU MTSAN SRID PA'I PHYIR RDZAS LA SOGS PA DU MA DANG 'BREL PA CAN DAG LAS KYANG SHES PA 'JUG STE; DE'I PHYIR SPYI'I BDAG NYID YIN NO, ,DE LTA MA YIN NA GZHAN LA YANG MI 'JUG STE, KHYAD PAR MED PA'I PHYIR RO, ,DE LTA NA NI RDZAS DANG YON TAN DANG SPYI RNAMS KYI NGO BO 'CHOL BA YIN NO, ,DE LTA NA 'O NA NI, BLO'I SNANG BA KHO NA SHES PA'I NGO BO YIN PA'I PHYIR YOD PA NYID... @283B PAS SPYI YIN NO ZHE NA, DE NI MA YIN TE, 'DI LTAR, SHES DANG THA DAD MA YIN PA, JI LTAR DON GZHAN 'BRANG BAR 'GYUR, ,SHES PA PO'I NGO BO JI LTAR DON GZHAN RNAMS KYI SPYI YIN TE, DE NI DE RNAMS LA MED PA'I PHYIR RO, ,GAL TE DE'I NGO BO ZHEN PA'I PHYIR, DE LTAR 'KHRUL PAS THA SNYAD 'DOGS SO ZHE NA, DE LA DE LTAR SHES PA SKYE BA'I RGYU GANG ZHIG YIN, RTEN MED PAR SKYE NA NI THAMS CAD LA 'GYUR RO RNAM PA GCIG TU NA SHES PA GCIG DANG, THA DAD PA MA YIN PA JI LTAR SHES PA GZHAN BSAL BA GZHAN LAS BYUNG BA'I... NGO BO YIN, DE'I PHYIR SHES PA GZHAN DANG BSAL BA GZHAN LA KHYAD PAR BYED PA MA YIN PA JI LTAR SPYI YIN PAR 'GYUR, DE LTAS DON LA GCIG BDAG TU, ,'DZIN PA'I RNAM RTOG 'DI 'KHRUL PA, ,DON RNAMS NI THA DAD PA 'AM THA DAD PA MA YIN PAS KYANG RUNG... BDAG NYID GANG GIS KYANG MTSUNGS PA MA YIN PAS DE RNAMS LA DE LTAR 'DZIN PA'I RNAM PAR RTOG PA NI 'KHRUL PA YIN NO, ,MING DON GANG LDAN PHAN TSUN DU, ,THA DAD PA 'DI'I SA BON YIN, ,BSGRUB PAR BYA BA THA MI DAD PA CAN GYI DNGOS PO RNAMS DE'I BSGRUB PAR BYA BA... CAN MA YIN BDAG LAS SHES BYA STE, DE DAG YONGS SU SPANGS NAS 'JUG PAR 'GYUR BAR GANG ZHIG SHES PAR BYA BA'I PHYIR BRDAR BYED PA PHAN TSUN THA DAD PA DE NI NOR BA'I RNAM PAR RTOG PA GCIG GI BDAG NYID DU SNANG BA CAN DE'I SA BON TE, RNAM PAR RTOG PA 'DI NI DE KHO... NA 'DZIN PA NA RANG GI BAG CHAGS KYI RANG BZHIN LAS DE LTAR SNANG NGO, ,YANG JI LTAR NA GANG GIS NA DE MA YIN PA DAG LAS LOG PA'I PHYIR THA MI DAD PA ZHES BRJOD PA, THA DAD PA RNAMS KYI 'BRAS BU THA MI DAD PA YIN ZHE NA, DNGOS PO RNAMS KYI RANG BZHIN NI 'DI LTA BU YIN TE; ,GCIG RTOGS DON SHES LA SOGS PA, ,DON GCIG BSGRUB LA KHA CIG NI, ,THA DAD YIN YANG RANG BZHIN GYIS, ,NGES TE DBANG PO LA SOGS BZHIN, ,JI LTAR DBANG PO DANG YUL DANG SNANG BA DANG, YID LA BYED PA RNAMS SAM, BDAG DANG DBANG PO DANG YID... @284A *, ,DANG DON DANG DE RNAMS PHRAD PAS DE'I NGO BOR NGES PA'I SPYI MED KYANG, GZUGS KYI RNAM PAR SHES PA GCIG BSKYED PA DE BZHIN DU, SHING SHA PA LA SOGS PA THA DAD PA DAG KYANG PHAN TSUN RJES SU MI 'GRO BA YANG RANG BZHIN KHO NAS RNAM PA GCIG TU MNGON... PAR SHES PA'AM, GZHAN ME DANG KHYIM LA SOGS PA SHING GIS BSGRUB PAR BYA BA'I DON BYA BA RKYEN JI LTA BA BZHIN DU SKYED PAR BYED DO, ,THA DAD PA KHYAD PAR MED KYANG CHU LA SOGS PA NI MA YIN TE, GZUGS LA SOGS PA'I RNAM PAR SHES PA LA RNA BA LA SOGS PA LTA BU'O,, DPER SMAN KHA GCIG THA DAD KYANG, ,LHAN CIG PA'AM MA SO SO YIS, ,RIMS LA SOGS PA ZHI BYED PA, ,GZHAN GYIS MA YIN MTHONG BA BZHIN, ,YANG NA DPER NA SLE TRES KYIS BSAL BA LA SOGS PA LHAN CIG PA'AM, SO SOR RIMS LA SOGS PA ZHI BA LA SOGS... PA'I MTSAN NYID KYI 'BRAS BU GCIG BYED PA LTA BU'O, ,DE LA SPYI LA LTOS PA NI MED DO, ,THA DAD KYANG DE'I RANG BZHIN YIN PA'I PHYIR RO, ,DER KHYAD PAR MED KYANG ZHO DANG GA GON LA SOGS PA LAS NI MA YIN NO, ,GAL TE 'DI SNYAM DU DE LTA BU DE DAG LA SPYI NYID CUNG ZAD CIG YOD DE, DE KHO NA LA 'BRAS BU GCIG PA DER 'GYUR RO SNYAM DU SEMS NA, DE NI RIGS PA MA YIN TE, SPYI KHYAD PAR MED PHYIR SPYIS 'BRAS BU DE BYED PA MA YIN NO, ,DE DAG ZHING SOGS THA DAD KYANG, ,KHYAD PAR MED PAR THAL 'GYUR ZHING, ,GAL TE SPYI LAS RIMS LA SOGS PA... ZHI BA'I 'BRAS BUR 'GYUR NA, DE LA KHYAD PAR MED PA'I PHYIR, ,BSAL BA RNAMS KYI ZHING LA SOGS PA THA DAD KYANG, ZHI BA MYUR BA DANG, BUM PA LA SOGS PA'I KHYAD PAR DANG, YON TAN MCHOG DANG, CHES MCHOG TU YANG MI 'GYUR RO, ,'ON TE SPYI LA KHYAD PAR YOD NA NI NGO BO NYID THA DAD PA'I PHYIR RANG GI NGO BO NYAMS PA YIN NO, ,SPYI BRTAN PAS PHAN 'DOGS MED PHYIR YANG GAL TE 'DIS PHAN 'DOGS PAR BYED NA NI, BOGS DBYUNG DU MED PA NI GZHAN LA MI LTOS PA'I PHYIR, RANG GI 'BRAS BU THAMS CAD CIG CAR SKYED PAR 'GYUR RO, ,YANG NA NI BSKYED @284B PA'I RANG BZHIN MA YIN NO, ,BSAL BA DUS DANG, YUL DANG LEGS PAR BYA BA'I DBANG GIS KHYAD PAR 'BYUNG BA CAN RNAMS NI 'BRAS BU KHYAD PAR CAN BYED PA ZHES BYA BA LA 'GAL BA MED DO, ,DE BZHIN DU DON KHA CIG KYANG RANG GI NGO BO THA DAD KYANG, GCIG TU MNGON PAR SHES PA LA SOGS PA'I DON BYA BA BYED PA NA, DE MI BYED PA CAN DAG LAS THA DAD PA'I PHYIR RAM, GCIG GIS DU MA BSKYED PA NA DES BSKYED PAR BYA BA MA YIN PA DAG LAS THA DAD PA'I PHYIR, THA MI DAD PA ZHES BYA'O, ,YANG CI MTSAN NYID THA DAD PA CAN GYI SPYI 'DI RANG GI MTSAN NYID DANG MTSUNGS SO ZHES BYA BAR SHES PAR BYA'AM, 'ON TE GZHAN KHO NA DANG YIN ZHE NA, DE LAS CIR 'GYUR, GAL TE RANG GI MTSAN NYID YIN NA NI JI LTAR RNAM PAR RTOG PA'I YUL YIN, YANG NA NI GZHAN GYI JI LTAR DON BYED, RANG GI MTSAN NYID LA MI RTAG PA NYID LA SOGS PA MI RTOGS PA'I PHYIR DE'I NGO BO MA YIN LA, DE DAG KYANG DNGOS PO'I CHOS NYID MA YIN NO ZHE NA, DES NI NYES PA MED DE, SHES PA LA SNANG BA'I DON LA SPYI DANG GZHI MTHUN PA DANG, CHOS DANG CHOS CAN GYI THA SNYAD RNAMS 'DOGS TE, DNGOS PO'I RANG GI NGO BO 'DZIN PAS NYAMS SU MYONG BAS GZHAG PA'I BAG CHAGS LA BRTEN NAS RNAM PAR RTOG PA'I BAG CHAGS SKYE BA GANG YIN PA 'DI NI DE'I YUL CAN MA YIN YANG, DE'I YUL CAN LTA BU DE NYAMS SU MYONG BAS GZHAG PA'I BAG CHAGS LAS SKYES PA'I RANG BZHIN YIN PA'I PHYIR, DE'I DNGOS POR LHAG PAR ZHEN PA'I RANG GI NGO BO CAN 'BRAS BU THA MI DAD PA'I DNGOS PO LAS SKYE BA'I PHYIR, DON THA MI DAD PA 'DZIN PA LTA BU DON DAM PAR NA DE LAS GZHAN PA LAS THA DAD PA DANG, RNAM PA MTSUNGS PA CAN YIN TE, DE LA DON GYI RNAM PA YOD PA NI THA SNYAD 'DOGS PA RNAMS DE LTAR LHAG PAR ZHEN NAS 'JUG PA'I PHYIR, PHYI ROL LTA BU DANG, GCIG PA LTA BU DANG, DON MI BYED KYANG DE BYED PA LTA BUR SNANG STE, GZHAN DU NA 'JUG PA MI RUNG BA'I PHYIR RO, ,DE NI DON BYA BA BYED PA NYID DU SNANG BA'I PHYIR, DE NI BYED PA DAG LA THA DAD PA LTA BU STE, DE YANG BRTAG PA'I YAN LAG MA YIN PA'I PHYIR, DE KHO NA NYID MA YIN NO ZHES BSHAD PAR BYA'O, ,BLO LA GNAS PA'I DON DE @285A *, ,DAG NI DE DANG MTSUNGS SO ZHES BYA BAR 'DZIN TE, 'GA' ZHIG LAS LOG PAR SNANG BA'I PHYIR RO, ,RANG GI MTSAN NYID NI MA YIN TE, DE LA MI SNANG BA'I PHYIR RO, ,DE DAG NYID 'GA' ZHIG LAS LOG PA NA GZHAN YANG LDOG PA DANG LDAN PA DANG, THA MI... DAD PAR YANG SNANG NGO, ,BDAG NYID KYIS MED KYANG BLOS DE LTAR STON PA'I PHYIR, NOR BA'I DON KHO NA LA SPYI DANG GZHI MTHUN PA'I THA SNYAD 'DOGS SO, ,'DI THAMS CAD RANG GI MTSAN NYID DAG KHO NA MTHONG BAS GZHAG PA'I BAG CHAGS KYIS BYAS PA'I BSLAD PA YIN PA LAS... DE DANG 'BREL PA LAS SKYE BA'I RNAM PAR RTOG PA RNAMS NI DE DE SNANG BA NYID MA YIN YANG DNGOS PO LA MI BSLU STE, NOR BU'I 'OD LA NOR BU'KHRUL PA LTA BU'O, ,GZHAN DAG NI MA YIN TE, DE'I KHYAD PAR LAS RAB TU SKYE BA YIN YANG JI LTAR MTHONG BA'I KHYAD PAR GYI RJES SU 'BRANG BA YONGS SU... BOR NAS 'DRA BA CUNG ZAD TZAM GZUNG BAS KHYAD PAR GZHAN SGRO 'DOGS PA'I PHYIR MAR ME'I 'OD LA NOR BU'I BLO LTA BU'O, ,DE'I PHYIR RNAM PAR RTOG PA'I YUL GYI DON RNAMS LA DON BYA BA BYED PA NYID MED DO, ,RANG GI MTSAN NYID LA MI RTAG PA NYID LA SOGS PA MED PA YANG MA YIN TE, 'DI LTAR DNGOS PO GA-YO BA LA MA RTOGS PA NYID CES BYA BA NI CUNG ZAD KYANG MED KYI, DE DE LTA BU LA SKAD CIG MAR GNAS PA'I CHOS NYID DU GZUNG BA'I PHYIR, 'DI SNYAM DU 'DI NI MI RTAG PA'O, ,'DI NI MI RTAG PA NYID DO SNYAM DU SEMS SO, ,RNAM PAR RTOG PA RNAMS NI DE'I CHOS NYID KHO NA LA 'JUG PA NA CHOS DU MA DANG GCIG PA DANG THA DAD PA DAG TU STON PAR BYA'O, ,DE RNAMS RTEN MED PA YANG MA YIN TE, DE'I KHYAD PAR MTHONG BA LA BRTEN PA'I PHYIR RO, ,DNGOS PO MED PA'I CHOS NYID KYANG MA YIN TE, DE'I RANG GI NGO BO KHO NA DE LTAR SNANG BA'I PHYIR RO, ,DNGOS PO LA DU MA DANG GCIG PA DANG THA DAD PAR 'DZIN PA NI 'KHRUL PAR 'GYUR TE, DON GCIG DANG DU MA BYED PA DE LA DE LTAR SHES PAR 'DOD NA DE LTA BU'I NGO BO BSTAN PA'I CHED DU DE LTAR GZHAG PAR BYAS PA'I PHYIR RO, ,DNGOS PO'I KHYAD PAR GYI SGO NAS NI MA YIN TE, GCIG PO DE LA DU... @285B MA NYID MI RUNG BA'I PHYIR DANG, DU MA LA'ANG GCIG PA NYID MI RUNG BA'I PHYIR DANG, THA DAD PA YANG BKAG PA'I PHYIR RO, ,DE RNAMS KYI RANG BZHIN THA DAD PA'I PHYIR, SGRA'I DON DNGOS PO JI LTA BA BZHIN YIN PAR KHAS LEN NA GZHI MTHUN PA NYID MI RUNG BA'I PHYIR RO, ,GAL TE KHYAD PAR DE DAG DANG LDAN PA GCIG BRJOD PA'I PHYIR, NYES PA MED DO ZHE NA, PHAN MI 'DOGS PA LA GZHAN GYI DBANG NYID MI RUNG BA'I PHYIR KHYAD PAR MA YIN NO, ,GZHAN GYI DBANG NYID YIN NA NI BSKYED PAR BYA BA DANG SKYED PAR BYED PA'I DNGOS PO YIN PAS LHAN CIG MI GNAS PA'I PHYIR, GNYIS SU BRJOD PA MA YIN NO, ,BLOS GCIG SGRO BTAGS NA NI SGRA DNGOS PO'I YUL CAN DU MI 'GYUR RO, ,BLO LA SNANG BA'I YUL CAN NYID GCIG YIN NA NI THAMS CAD KYANG DE KHO NA DANG 'DRA BAR 'GYUR TE, 'DZIN PA LA DE LTA BU'I KHYAD PAR THA DAD PA DANG LDAN PA GCIG PU MI... SNANG BA'I PHYIR RO, ,GAL TE KHYAD PAR DE DANG LDAN PA PHAN PAR BYA BA DANG, PHAN PAR BYED PA DAG KYANG LHAN CIG GNAS PA'I PHYIR NYES PA MED DO ZHE NA, MA YIN TE, GRUB PA LA GZHAN GYI DBANG MED PA'I PHYIR KHYAD PAR NYID MA YIN NO, ,MA GRUB PA YANG MA YIN TE, RANG GI NGO... BOR MA RENG PA'I PHYIR RO, ,RNAM PA THAMS CA DU GZHAN GYI DBANG NYID MED PAS RTOGS PAS SGRO GDAGS PAR BYAS NAS, THA SNYAD 'DOGS NA NI THAMS CAD DU BLO DE KHO NA CI STE MI SBYOR, SGRA DANG TSAD MA GCIG GIS YUL DU BYAS NA DNGOS PO'I STOBS KYIS KHYAD PAR MA LUS PA... 'PHANGS PA'I PHYIR, DE LAS GZHAN PA DON MED PAR YANG MI 'GYUR TE, BLO LA SNANG BA NI DNGOS PO MED PA'I PHYIR, DNGOS PO'I MTHU LAS 'BYUNG BA RNAMS SU THAL BA MED DO, ,DE THA MI DAD PA YANG RNAM PA GCIG GI YUL DU BYAS KYANG RNAM PA GZHAN MA NGES PA RNAMS RNAM PA GZHAN LA RE BA DANG BCAS PA'I BLOS GZUNG BAR BYA BA DANG, SGRA'I DON THA DAD PA BSGRUB PA DAG KYANG THA MI DAD PAR BLO LA SNANG BAS SPYI DANG KHYAD PAR DANG KHYAD PAR GYI GZHI'I DNGOS PO DANG, GZHI MTHUN PA RNAMS JI LTAR SHES PA BZHIN MI 'GAL LO, ,'DI'I CHOS DANG CHOS @286A *, ,CAN GYI KHYAD PAR DAG KYANG DON DU MA LAS THA DAD PA LA, DON GCIG CIG LAS THA DAD PA DE SGRUB PA DANG, DGAG PA SHES PAR 'DOD PA DANG DNGOS PO DE KHO NA CHOS ZHES BYA BA'I SGRA KHYAD PAR GZHAN SPANGS PAS BRJOD NAS BLO LA DE LTAR SNANG BA'I ... PHYIR; CHOS THA DAD PA LTA BU DANG BYE BRAG TU MA PHYE BAR 'DI'I NGO BO NYID GZHAN CHOS CAN NYID DU RNAM PAR BZHAG NAS RAB TU STON TO, ,DE TZAM GYI CHAS CHOS DANG CHOS CAN DAG THA DAD PA'I PHYIR, BLO THA DAD PA DANG LDAN PA LTA BUR SNANG GI DNGOS PO THA DAD PA'I PHYIR NI MA YIN TE, JI SKAD... BSHAD PA'I NYES PAR 'GYUR BA'I PHYIR RO, ,THA DAD PA DE LTA BU MANG PO BRJOD PAS TSIG THA DAD PA DANG BSGRUB PAR BYA BA DANG, SGRUB PA THA DAD PA CHOS SNANG BA'I KHYAD PAR DE'I RANG GI NGO BO LA BRTEN PA CAN DAG GIS, DE'I RANG GI NGO BOS RTOGS PAR BYA BA'I PHYIR BYED DO, ,RANG BZHIN DE 'DZIN RNAM RTOG BLO, ,DON MED KYANG DE'I DON CAN 'DRA, ,DE YI 'BRAS CAN MIN DON LAS, ,THA DAD MTHAR THUG SKYE BA DANG, ,DE LA NGO BO PHYI ROL DANG, ,GCIG LTAR GZHAN LAS LOG LTA BUR, ,SNANG BA GANG YIN BRTAG PA YI, ,YAN LAG MED PHYIR DE NYID MIN, , SHES PA YOD PA'I DON DE RNAMS, ,'DI LTAR LDOG PA'I NGO BO CAN, ,DES NA THA DAD MIN LTA BUR, ,DE NYID GZHAN LAS LOG PAR YANG, ,SNANG STE DE LA SPYI DANG NI, ,GZHI MTHUN SPYOD YUL CAN DAG GI, ,SHES PA DANG NI BRJOD PA YIS, ,THA SNYAD NOR DON CAN RGYAS BYED, , DNGOS PO KUN GYI DE KUN KYANG, ,PHAN TSUN MED LA BRTEN PA STE, ,DES NA GZHAN SEL YUL CAN DANG, ,GANG LA DNGOS DANG 'BREL YOD PA, ,DNGOS PO MED PA'I RTEN YIN TE, ,RJES DPAG JI SKAD BSHAD JI BZHIN, ,'KHRUL PAR 'DRA YANG GZHAN LA MIN, ,MAR ME'I 'OD LA NOR BU BZHIN, ,DE LA'ANG DU MA 'BRAS GCIG CAN, ,DE 'BRAS CAN MIN GZHAN RTEN CAN, ,BRJOD DANG SHES PAS GCIG NYID DU, THA DAD RAB TU 'JUG PAR BYED, ,DE BZHIN GCIG KYANG DU MA BYED, ,DE'I DNGOS YONGS SU BSTAN PA'I PHYIR, ,DE YI 'BRAS CAN MIN DON @286B LAS; ,THA DAD PAS CHOS SNA TSOGS SHES, ,SGRA DON 'DI DANG GZHI MTHUN NYID, ,YOD PA MIN YANG JI LTA BUR, ,GRAGS PA BZHIN DU BRJOD BA STE, ,DNGOS PO 'DI NI MI SRID DO, ,CHOS DANG CHOS CAN RNAM GZHAG DANG, ,THA DAD THA DAD MIN CI 'DRA, ,DE NYID DON NI MA BRTAGS... PA; ,'JIG RTEN JI LTAR GRAGS DE LA, ,DE BZHIN KHO NAR BRTEN NAS NI, ,BSGRUB BYA SGRUB PA KUN GZHAG PA, ,DAM PA'I DON LA 'JUG BYA'I PHYIR, ,MKHAS PA RNAMS KYIS BYAS PA YIN, ,DAM PA'I DON GYIS DON RNAMS NI, ,RANG GIS 'DRA DANG THA DAD MED, ,DE LA NGO BO GCIG PA DANG, ,DU MA BLO YIS BSLANG PA YIN, ,DE SPYI KHYAD PAR ZHES BYA BA'I, ,BYE BRAG 'DI NI BLO DON LA, ,DE NYID LA GZHAN LAS LDOG PAS, ,CHOS KYI BYE BRAG RAB TU BRTAG ,BSGRUB BYA SGRUB PAR RTOGS PA LA, ,DNGOS PO MTHONG BA NYAMS PA'I PHYIR, ,KHYAD PAR SPYI... DANG 'DRES PA 'DIR, ,RANG GI MTSAN NYID GZUNG BYA MIN, ,DE NI SPYI DANG KHYAD PAR GYI, ,RNAM SOGS CIR YANG GZUNG BYA MIN, ,BYE BRAG KHYAD PAR MANG PO RNAMS, ,DE GCIG LA NI MI RUNG PHYIR, ,DE YI NGO BO KUN LAS LOG ,DE DE BZHIN DU RTOGS BYED PA'I, ,SGRA YOD MA... YIN RTOGS PA YANG, ,SPYI NYID DU NI 'JUG PHYIR RO, ,ZHES BYA BA NI BSDU BA'I TSIGS SU BCAD PA'O, ,YANG CI'I PHYIR RANG GI MTSAN NYID LA SGRA RNAMS MI SBYOR ZHE NA, SGRA RNAMS KYIS NI BRDAR BTAGS STON, ,DE NI THA SNYAD CHED DU BYAS, ,DE TSE RANG GI MTSAN NYID MED, ,DES... NA DE LA BRDAR MA YIN, ,SGRA RNAMS KYIS NI BRDAR BTAGS PA'I DON RAB TU STON PAR BYED LA, BRDA YANG CI NAS KYANG DUS PHYIS BRDAR BYAS PA'I SGRA 'DI LAS DON 'DI RTOGS PAR 'GYUR SNYAM NAS THA SNYAD KYI DON DU 'DOGS NA, SNGAR RANG GI MTSAN NYID LA BRDAR BYAS PA'I SGRA... PHYIS SBYOR BA NI RIGS PA MA YIN TE, DE NI BSAL BA YUL DANG DUS KYI THA DAD PA LA MI 'BRANG BA'I PHYIR RO, ,DE LTA BAS NA RANG GI MTSAN NYID LA BRDAR BYED PA MA YIN NO, ,'O NA CI THA DAD PA'AM THA MI DAD PA KHYAD PAR ZHIG SGRA RNAMS KYIS BRJOD DE, DE BSAN THA SNYAD KYI DUS NA @287A *, ,MED PA'I NYES PA MED DO ZHE NA, DE NI MA YIN TE, 'DI LTAR, CI LTAR SKYES BU DON BYED PAR, ,NUS PA SHES NAS DE BSGRUB PHYIR, ,'JUG PAR 'GYUR ZHES DON RNAMS LA, ,RJOD PAR BYED PA SBYOR BAR BYED, ,'JIG RTEN LA NI 'DI BRNGA... MI BYED PA'AM, SGRA MI SBYOR BAS SDUG BSNGAL BAR 'GYUR BA'I NYA MANG BA GANG YIN PA 'DI NI MED PA NYID DO, ,'O NA CI ZHE NA, 'DI'I RTZOM PA 'BRAS BU'I DON CAN RIL MKHO BA KHO NAR BRTZI STE, RTZOM PA 'BRAS BU MED PA NI YAL BAR DOR BAR BYA BA YIN PA'I PHYIR RO, ,DE... BAS NA 'GA' ZHIG LA SGRA SBYOR BA 'DIS KYANG 'BRAS BU 'GA' KHO NA LA BLTA BA'I RIGS SO, ,DE NI THAMS CAD KYANG 'DOD PA DANG MI 'DOD PA DAG 'DOR BA DANG THOB PA'I MTSAN NYID YIN TE, DE'I PHYIR 'DOD PA DANG MI 'DOD PA DAG GI BSGRUB PA DANG SGRUB PA MA YIN PAR SHES PAR... BYAS NAS, DE LA 'JUG PA DANG LDOG PA DAG BYA BA'AM, BYED DU GZHUG PA'AM, SBYOR BA LA GUS PAR 'GYUR BA'I SGRA RNAMS SBYAR BAR BYA'O, ,DE LTA MA YIN NA YAL BAR DOR BAR BYA BA YIN PA'I PHYIR RO, ,DE LA RIGS DON BYED RUNG MIN, ,RIGS NI GZHON PA DANG BZHO BA LA... SOGS PA 'GA' LA YANG NYE BAR GNAS PA MA YIN NO, ,DE LTA BU'I SKABS MED PAR 'JIG RTEN NA THA SNYAD DAG LA SGRA SBYOR BA YANG MED DO, ,GAL TE GSAL BAR BSTAN PAR MI NUS PA'I PHYIR, MTSON ZIN PAS MTSON PAR BYA BA'I RIGS BRJOD DO ZHE NA, 'BREL PA YIN DU ZIN KYANG... SGRAS MA BRJOD PA LA JI LTAR 'JUG PAR 'GYUR TE, 'GA' ZHIG LA 'KHAR BA CHOD CIG CES SMRAS NA, 'KHAR BA THOGS PA GCOD PA NI MED DO, ,MI SRID PA'I PHYIR BSAL BA LA 'JUG PA YANG MA YIN TE, DE LTAR NA RNAR MI 'ONG BA SMRA BAR 'GYUR GYI, DE LAS GZHAN LA 'JUG PA MA YIN TE; GLANG 'JO BAR BRJOD PA BZHIN NO, ,DON GZHAN BRJOD NA DON GZHAN MTSON PA YANG MA YIN TE, 'BREL PA YIN DU ZIN KYANG 'KHAR BA ZHES BYA BA'I SGRAS 'KHAR BA THOGS PA RTOGS PA NI MED DO, ,GAL TE 'BREL PA MA NGES PA CAN NYID KYI PHYIR DE LA MI 'JUG GO ZHE NA, DE NI RIGS @287B LA YANG MTSUNGS TE, BSAL BA RNAMS BSAL NA RIGS 'BA' ZHIG 'DUG PA'I PHYIR RO, ,SPUN DRUNG ZHES BYA BA LA SOGS PA'I SGRA RNAMS NI 'BREL PA CAN GYI SGRA YIN PA'I PHYIR GZHAN 'PHEN PAR 'GYUR GYI, BA LANG NYID LA SOGS PA'I SGRA NI DE LTAR 'BREL PA CAN RJAD... PAR BYED PA MA YIN TE, RIGS BSAL BA DANG BRAL BA CAN DAG GIS KYANG DE'I SGRA DAG LAS RTAG TU RJES SU 'GRO BAR THAL BAR 'GYUR BA'I PHYIR RO, ,GAL TE DUS THAMS CAD DU DE DANG 'BREL BAR RUNG BA NYID DU SHES PA'I PHYIR 'DOD PA KHO NA'O ZHE NA, 'O NA NI DUS THAMS CAD DU... BA LANG ZHES BYA BA'I SGRA LAS 'JUG PAR MI 'GYUR TE, LHAN CIG PA DANG LHAN CIG PA MA YIN PA'I GNAS SKABS DAG TU KHYAD PAR DU MA 'PHANGS PA'I PHYIR RO, ,GAL TE BSAL BA DANG 'BREL PA CAN GYI RIGS BRJOD PA'I PHYIR NYES PA MED DO ZHE NA, 'O NA NI DE YANG DE'I KHYAD PAR NYID DU... GNAS PAS BSAL BA 'PHANGS PA KHO NA'I PHYIR DE DANG LDAN PA BRJOD PAR BYA BA YIN PAR 'GYUR RO, ,RIGS PA DANG BSAL BA DAG 'BREL BA YANG 'GA' YANG MED DE, PHAN TSUN BSKYED PAR BYA BA DANG SKYED PAR BYED PA NYID DU PHAN 'DOGS PA MED PA'I PHYIR RO, ,DE'I PHYIR MTSON PAR YANG... RIGS PA MA YIN NO, ,DE LTA BAS NA RIGS LA SGRA SBYOR BA NI MA YIN TE, 'BRAS BU MED PA'I PHYIR RO, ,DE LTA NA 'O NA, DE LTA NA, DON BYED, NUS PA ZHES BYA BA DE LA SGRA SBYOR RO ZHE NA, DE YANG NI, CI'I PHYIR DNGOS SU SBYOR MI BYED, ,GAL TE BSAL BA LA SGRA SBYOR BAS 'BRAS BU DANG LDAN PA YIN NA SGRA DE CI'I PHYIR BSAL BA RNAMS LA DNGOS SU MI SBYOR, DE LA BAR DU GCOD PAS GZHAN GYIS CI ZHIG BYA, GAL TE MTHA' YAS PHYIR 'DI MTSUNGS, ,GAL TE 'DI SNYAM DU BSAL BA RNAMS NI MTHA' YAS PA'I PHYIR SGRAS BRJOD PAR MI NUS SO SNYAM DU ... SEMS NA, DE LTA YIN NA MTHA' YAS PA 'DI NI DE DANG LDAN PA LA YANG MTSUNGS SO, ,RIGS KYI KHYAD PAR DU BYAS PA'I BSAL BA DAG KYANG BRJOD PAR BYA BA KHO NA YIN PAS 'BREL PA MA BYAS PA CAN NI BRJOD DU MI RUNG BA'I PHYIR GDON MI ZA BAR DE LA 'BREL PA BYA DGOS NA DE... @288A *, ,YANG MI NUS SO, ,GAL TE DE DANG 'BREL PA CAN LA BYAS PA'I PHYIR, DE LA YANG BYAS PA KHO NA YIN NO ZHE NA, 'DI LA BSHAD ZIN TE, 'BREL PA YOD DU ZIN KYANG GCIG LA BYAS PAS GZHAN LA RTOGS PA NI MED LA, 'BREL PA YANG MED DO ZHES BYA BA... YIN NO; ,GZHAN YANG, DE BYED DE BYED MA YIN LAS, ,LOG PAR MTSUNGS PA CIS MA BYAS, ,DON BYED PA GANG GI DBANG DU BYAS NAS DON RNAMS GZHAN DAG LAS THA DAD PA'I PHYIR, DE DAG GI THA DAD PA KHO NA LA SGRA CI STE MI SBYOR, GAL TE DE LDAN NYES MTSUNGS PHYIR, ,BLA STE... RIGS GZHAN MI DGOS SO, ,GAL TE 'DI SNYAM DU SGRA'I DON DE LAS GZHAN PA LAS LDOG PA LA YANG LDOG PAS KHYAD PAR DU BYAS SHING DE DANG LDAN PA BRJOD PA'I PHYIR DE'I PHYOGS LAS KHYAD PAR MED DE, LDOG PA DANG RIGS DANG, LDOG PA DANG LDAN PA DANG, RIGS DANG LDAN PA... ZHES BYA BA 'DI LA KHYAD PAR CI ZHIG YOD SNYAM DU SEMS NA, DE DANG LDAN PA'I NYES PA LTA BUR GYUR KYANG BLA STE, RIGS GZHAN NI MI DGOS SO, RIGS KHAS LEN PAS KYANG GDON MI ZA BAR DNGOS PO RNAMS KHAS BLANGS DGOS TE, DE MED NA DE YANG MED PAR THAL BAR 'GYUR BA'I PHYIR RO, ,GCIG LAS THA DAD PA DE LAS GZHAN PA RNAMS KYI THA MI DAD PA DE NYID DES KHYAD PAR DU BYAS PA'I DON RNAMS LA RTOGS PAR 'GYUR TE, RNAM PA THAMS CAD DU NYES PA YONGS SU SPANG BAR BYA BAR MI NUS BA'I PHYIR RO, ,DON GZHAN KHAS BLANG DU NI DGOS PA MED... PA'I PHYIR RO, ,DON DE NI GZHAN GYIS BSGRUB PA'I PHYIR RO, ,DE LA KHAS BLANGS PA YANG GDON MI ZA BAR BYA DGOS PA'I PHYIR RO, ,GZHAN YANG, DE LAS GZHAN PA YONGS SPANGS NAS, ,'JUG 'GYUR ZHES KYANG SGRA BRJOD DE, ,DE YIS DE DAG RNAMS LAS 'DI, ,RNAM MI GCOD PA DE JI LTAR, ,'DI DON RNAMS LA SGRA SBYOR BA NA MI 'DOD PA YONGS SU SPANGS NAS 'JUG PAR 'GYUR SNYAM NAS SBYOR TE, DE DANG GZHAN LA YANG 'JUG TU SNANG LA, 'JUG PA DANG LDOG PA YANG 'JUG TU SNANG NA NI MING SMOS PA DON MED PA'I PHYIR RO, ,GZHAN LAS LDOG PA MI... @288B BRJOD NA NI GCIG BRJOD PA LA MI GUS PA'I PHYIR, BRJOD PAR BYA BA MA YIN PA KHO NAR 'GYUR RO, ,DE LTA BAS NA GDON MI ZA BAR RNAM PAR BCAD PA BRJOD DGOS SO, ,DE YANG DE LAS GZHAN PA DAG LA THA MI DAD PA YIN LA RIGS KYI CHOS KYANG YOD DO, ,DE NGES PAR KHAS BLANG BA CAN DANG, GDON MI ZA BAR BRJOD PA CAN DANG, RIGS KYI DON RAB TU SGRUB PA YONGS SU BOR NAS DON GZHAN DU RTOG PA NI DON MED PA LA GTZIGS PO CHER 'DZIN PA 'BA' ZHIG TU ZAD DO, ,DE LTAR BRTAGS PA BZHIN DU DE MI RUNG BA'I PHYIR RO, ,RNAM PAR GCOD PAR MI BYED PA NI MA YIN GYI 'JUG PA'I YUL BRJOD PAS RIGS SMRAS SO ZHE NA, GAL TE 'DI LA RNAM GCOD YOD, ,SGRA RNAMS DGOS PA DE TZAM DU, ,ZAD PA MIN NAM KHYED LA DER, ,SPYI GZHAN GYIS NI CI ZHIG BYA, ,'JUG PA'I YUL RAB TU STON TO ZHES SMRAS PA MA YIN NAM ZHE NA, DE SKAD NI SMRAS NA RIGS PAR NI MA SMRAS TE, 'DI LTAR DE NI 'JUG PAR RUNG BA NYID MA YIN NO ZHES DE SKAD DU BSTAN ZIN TO, ,DE'I SGO NAS MA BRJOD PA LA 'JUG PA LA YANG BSAL ZIN TE, DE DANG LDAN PA BRJOD NA NI BAR DU GCOD PA YOD DO, ,RIGS DANG DE DANG LDAN PA DAG 'JUG PA'I YUL NYID YIN NA LDOG PA DANG, DE DANG LDAN PA DAG YIN PAR CI STE MI 'DOD, GAL TE LDOG PA DNGOS PO MED PA NYID KYIS SGRUB PA MA YIN PA'I PHYIR RO ZHE NA, DE NI RIGS PA YANG MTSUNGS SO, ,GAL TE DE DANG LDAN PAS BSGRUB PA'I PHYIR NYES PA MED DO ZHE NA, DE NI LDOG PA DANG LDAN PAR YANG MTSUNGS SO, ,LDOG PA SMRA BA RNAMS KYI LTAR NA SGRA'I SHES PA DNGOS PO MI 'DZIN PA NYID YIN TE, DE NI 'KHRUL PA'I DBANG GIS BYED PA PO MA YIN PA LA YANG BYED PA POR LHAG PAR ZHEN PAS 'JUG PAR BYED DO, ,DNGOS PO 'THOB PA NI DNGOS PO LAS SKYE BAS DE DANG 'BREL PA YIN NA 'GYUR GYI GZHAN DU MI 'GYUR BA KHO NA'O, ,GAL TE DNGOS PO LAS SKYE BA'I PHYIR MI 'KHRUL PAR 'GYUR RO ZHE NA, MA YIN TE, DE MI SNANG BA DER LHAG PAR ZHEN PA'I PHYIR DANG, 'OD LA NOR BUR 'KHRUL BAR SNANG BAS 'KHRUL PA'I PHYIR RO, ,GAL TE 'KHRUL PA'I PHYIR DNGOS PO THOB PA @289A *, ,MA YIN NO ZHE NA, MA YIN TE, JI SKAD BSHAD PA LTA BU KHO NAS 'KHRUL PA'I PHYIR RO, ,'KHRUL PA'I MTSAN NYID NI LOG PAR SNANG BA YIN LA, THOB PAR BYED PA NI DE MED NA MI 'BYUNG BA NYID KYIS YIN GYI, SNANG BA LA LTOS PAS NI MA YIN NO, ,DNGOS PO LA NGO BO JI LTA BA BZHIN SEMS GTAD PAS 'JUG NA NI GZUNG BAR BYA BA SPYI DON BYED PAR RUNG BA MA YIN PA'I PHYIR, DE LA NI 'JUG PAR MI 'GYUR RO, ,GZHAN LA YANG 'JUG NA NI HA CANG THAL BAR 'GYUR BA'I PHYIR RO, ,DE DANG LDAN PA 'DZIN NA YANG SPYI DON MED PA LA SOGS PAR BSHAD ZIN TO; ,GAL TE RIGS GZUNG NA YANG 'BREL PA'I PHYIR RO, ,'DRES PAR SNANG BA'I BLOS 'JUG PAR BYED DO ZHE NA, DE'I TSE GCIG GI YANG RANG GI NGO BOR GNAS PA MA BZUNG BA'I PHYIR, RIGS KYANG MA YIN LA DE DANG LDAN PA YANG MA YIN PAS GZHAN GYI SMRA BA KHO NA LA BRTEN PAR 'GYUR RO, ,DE LTA NA NI 'O NA RJES SU 'GRO BA 'GA' YANG MED PA'I PHYIR, RANG BZHIN GYIS THA DAD PA'I DON RNAMS LA DE NYID 'DI YIN NO, ,ZHES NGO SHES PAR YANG MI 'GYUR RO ZHE NA, NYES PA MED DE, 'DI LTAR, ,THA DAD KYANG NI SHES SOGS DON, ,BYA BA DE DANG DE BYED PA'I, , DE RNAMS MTHONG NAS GZHAN MTHONG YANG, ,DE LAS GZHAN DANG BRAL BA YI, ,YUL CAN GYI NI SGRA RNAMS KYIS, ,LHAN CIG SBYOR NAS NGO SHES BYED, ,'DI NI BSHAD ZIN TE, DNGOS PO THA DAD KYANG DON 'DRA BA DAG BYED PA YIN TE, MIG LA SOGS PA BZHIN NO ZHES BYA BA YIN NO; ,DE DAG LA SHES PA LA SOGS PA'I DON BYED PA GCIG PA DE MTHONG BA LA GZHAN DAG LAS THA DAD PA'I DNGOS PO RNAMS KYI CHOS NYID KHO NAS DE NYID 'DI YIN NO SNYAM PA'I SHES PA DE LAS LDOG PA'I YUL CAN GYI SGRA DANG 'BREL PA KHYAD PAR BSRES PA RANG NYAMS SU MYONG BA'I BAG CHAGS SAD PAS SKYED PAR BYED DO, ,DE LTA MA YIN NA BLO KHYAD PAR CAN BSRE BA CAN DU MI 'GYUR TE, DPER NA LTUNG LA BRGYUS PA DAG LTA BU'O, ,DE LA LTUNG BA GCIG DANG LDAN PA YANG GZHAN LA DE NYID 'DI YIN NO SNYAM DU MI SEMS KYI, 'ON KYANG DE 'DI LA YOD DO SNYAM @289B MO, ,NGO SHES PA NI DE LTA YANG MA YIN NO, ,'O NA CI ZHE NA, DE NYID 'DI YIN NO SNYAM PA YIN NO, ,DE BAS NA GCIG CIG TU MA MTHONG BA LA YANG KHYAD PAR BSRE BA DANG LDAN PAR RIGS PA NI MA YIN NO, 'KHRUL PA'I DBANG GIS DE LTAR SNANG BA LA NI 'GAL BA MED DO, ,GAL TE RGYU MTSAN MED PA'I PHYIR 'KHRUL PAR RIGS PA MA YIN NO ZHE NA, DNGOS PO DON DE GCIG BYED PA DE DAG NYID NYAMS SU MYONG BA'I SGO NAS RANG BZHIN GYIS 'KHRUL PA'I 'BRAS BU CAN GYI RNAM PAR RTOG PA'I BAG CHAGS KYI RGYU YIN PA'I PHYIR RGYU MTSAN YIN NO, ,SMIG RGYU LA SOGS PAL CHU LA... SOGS PAR 'KHRUL PA'I RGYU YANG THA DAD KYANG RNAM PA THA MI DAD PAR BSNYEMS PA'I SHES PA'I RGYU MTSAN NYAMS SU MYONG BA SKYED PAR BYED PA'I NGO BO DE DAG NYID YIN NO, ,DE LA GANG DE LTAR SHES PAR 'GYUR BA GZHAN SPYI NI CUNG ZAD KYANG MED PA KHO NA'O, ,'ON TE YOD NA NI DON YOD PA 'DZIN PA'I... BLO 'KHRUL PAR MI 'GYUR RO, ,GAL TE YANG DAG PA MA YIN PA'I RNAM PA SGRO 'DOGS PA'I PHYIR 'KHRUL PA YIN NO ZHE NA, 'O NA NI DES DE DAG GI SPYI 'DZIN PA MA YIN TE, DES RNAM PA GANG KHO NA SGRO 'DOGS PAR BYED PA DE NYID 'DI'I YUL YIN NO, ,YUL DU MA BYAS PA LA NI SGRO... GDAGS PAR MI NUS PA'I PHYIR TE, RNAM PA GZHAN BZHIN NO, ,DE YANG DE LA MED PAS SPYI MA YIN NO, ,GAL TE SPYI 'DZIN PA YOD NA DER SGRO 'DOGS KYI GZHAN DU NI MA YIN TE, HA CANG THAL BAR 'GYUR BA'I PHYIR RO ZHE NA, 'BRAS BU GCIG BYED PA CAN 'DZIN PA YOD NA CI STE MI 'DOD, SPYI 'DOD PAS KYANG GDON MI ZA BAR BSAL BA RNAMS KYI DON GCIG BSKYED PA'I NUS PA NI 'DOD PAR BYA DGOS SO, ,DE'I PHYIR GZHAN DAG LAS THA DAD PA DE DAG KHO NAS SHES PA DE LTA BU BSKYED NA, DE LA SPYIS CI ZHIG BYA, GAL TE DNGOS PO JI LTA BA BZHIN KHYAD PAR MA 'DRES PA CAN KHO NA CI STE MI RTOGS SHEN, MA RIG PA'I MTHUS RNAM PAR RTOG PA RNAMS LA NUS PA 'DI MED DO, ,PHYI ROL GYI DON KHO NA LA LTOS NAS 'KHRUL PAR 'GYUR BA YANG MA YIN GYI, 'ON KYANG NANG GI BSLAD PA LAS KYANG 'GYUR TE, SKRA LA SOGS PAR 'KHRUL PA BZHIN NO, ,MA RIG PA @290A *, ,LAS 'BYUNG BA'I PHYIR BSLAD PA YIN NA MIG LA SOGS PA LA YANG THAL BAR 'GYUR RO ZHE NA, MA YIN TE, DE'I MTSAN NYID NI RNAM PAR RTOG PA MED PA'I PHYIR RO, ,RNAM PAR RTOG PA NYID MA RIG PA YIN TE, DE NI NGO BO NYID KHO NAS PHYIN CI LOG PA YIN NO,, DBANG PO'I SHES PA RNAMS NI DE LTAR RNAM PAR RTOG PA MA YIN NO, ,YANG NA DE DAG LA'ANG 'DI NYES PA MED DE, GNYIS MED PA DE DAG GNYIS SU SNANG BA'I PHYIR RO, ,ZHES BSHAD PAR BYA'O, ,THAMS CAD BSLANG BA YIN YANG TSAD MA DANG DER SNANG BA'I RNAM PAR GZHAG PA NI JI SRID GNAS GYUR PA MA YIN GYI, BAR DU DON BYED PAR RUNG BA DANG 'DOD PA THOB PAR BYED PA'I PHYIR RO, ,NOR PA NYID YIN YANG RAB TU ZHI PA DANG MTHUN PA'I PHYIR TE, MA LA SOGS PAR 'DU SHES PA BZHIN NO, ,SMIG RGYU LA CHUR 'DU SHES PA DANG, GZHAN DNGOS PO THA DAD PA LAS SKYE BA... DANG 'KHRUL PAR KHYAD PAR MED KYANG MNGON PAR 'DOD PA'I DON BYA BAR RUNG BA DANG, MI RUNG BA LAS SKYA BA'I PHYIR DON THOB PAR BYED PA DANG, CIG SHOS DAG YIN NO, ,GAL TE MI RUNG BA LAS JI LTAR SKYE ZHE NA, RNAM PAR RTOG PA RNAMS DON DANG 'BREL PAR NGES PA MED PA'I PHYIR TE, RNAM PAR RTOG RNAMS NI DON JI LTA BA BZHIN SKYE BA MED PA NYID DO, ,SMIG RGYUR MTHONG BA YOD NA CHUR 'KHRUL PAR 'GYUR BAS DE LAS SKYE BA ZHES BYA'I CHU MA YIN PA DANG BRAL BA'I DON GYI RANG GI NGO BO JI LTA BA BZHIN RANG GI NGO BO'I RJES SU BYED PA 'JOG PAS BSKYED PA'I PHYIR NI MA YIN NO, ,DE NI KHYAD PAR MTSON PA LA MI BSAL BA'I PHYIR, RANG GI BAG CHAGS SANG PA RKYEN LA LTOS PAS BSKYED DO, ,DE LTA BAS NA 'KHRUL PA'I RNAM PAR RTOG PA DNGOS PO THA DAD PA LAS SKYE BA CAN 'KHRUL PA LAS DE NYID 'DI YIN NO SNYAM DU NGO SHES PA YIN TE, SPYI THA DAD PA MTHONG BA LAS NI MA YIN NO, ,THA MI DAD PA YANG MA YIN TE, BSAL BA BZHIN DU RJES SU 'GRO BA MED PA'I PHYIR RO, ,GZHAN YANG, GZHAN GYI LTAR NA'ANG BLO DE NI, ,SPYI NI 'BA' ZHIG NYID LAS YIN, ,GZHAN GYIS KYANG BLO 'DI NI SPYI 'BA' ZHIG LAS 'BYUNG BAR BRJOD PAR RIGS PA MA YIN TE, RTAG TU DE TZAM RNAM... @290B SHES NA; ,BSAL BA MI SHES THAL 'GYUR PHYIR, ,GAL TE BLO 'DIS RTAG TU SPYI KHO NA 'DZIN PAR BYED NA SHES PA 'DIS BSAL BA MI RTOGS PA KHO NAR 'GYUR RO, ,DE YI TSE NA NAM YANG NI, ,DE LDAN 'BREL PA MA BZUNG NA, ,DE DANG LDAN NGES MI 'GYUR NA, ,DE LAS JI LTAR THA SNYAD... 'DOGS; ,GANG GI TSE SPYI 'DZIN PA'I RNAM PAR SHES PAS KHYAD PAR RNAMS DMIGS PA NYID DU NYE BAR MI SBYOR BA DE'I TSE NAM YANG DE DAG 'BREL PAR MA BZUNG BAS 'DI NI 'DI'I SPYI'O, ,'DI NI DANG LDAN PA'O ZHES BYA BAR YANG MI 'GYUR RO, ,DE LTA NA NI DE RTOGS PAS DE DANG LDAN PA LA... 'JUG PAR MI 'GYUR TE, DON GZHAN BZHIN NO, ,GAL TE DNGOS GCIG GROGS BYED PA'I, ,BSAL RNAMS SHES PA'I RGYU ZHE NA, ,GAL TE 'DI SNYAM DU BSAL BA RNAMS NI DE'I DMIGS PA'I DNGOS PO'I RGYU YIN LA, 'BA' ZHIG PA RNAMS NI MA YIN TE, GANG GI TSE 'DI DAG LA GCIG LHAN CIG BYED PA YONG PA DE'I TSE DE DANG LHAN CIG TU 'DZIN TO SNYAM DU SEMS NA, DNGOS PO GCIG DES DE RNAMS KYI, ,THA DAD PA NYID SEL TAM CI, ,THA DAD PHYIR NI DE DAG LA, ,GCIG RNAM SHES KYI RGYUR MI 'DOD, ,GCIG PU DES DE RNAMS KYI THA SNYAD PA NYID SEL TAM, CI STE THA DAD PA NYID NI DE DAG LA GCIG GI RNAM PAR SHES PA MI BSKYED PA NYID KYI RGYU YIN PAR BRJOD DO, ,GAL TE DU MA'ANG GCIG LTOS NAS, ,THA DAD MIN BLO SKYED CE NA, ,THA DAD PA'I PHYIR DU MAS GCIG GI SHES PA MI BSKYED DO ZHES NI MI SMRA STE, THA DAD PAS SKYE BA LA 'GAL BA MED DO, ,'O NA CI ZHE NA, BRAL BAS 'GAL TE, DES NA GCIG DANG LHAN CIG PAS SKYED PAR BYED PA KHO NA'O ZHE NA, DE LTAR NA 'O NA NI, DE DAG RE RE MED PAR YANG, ,DE GCIG GIS KYANG BSKYED BYA BA'I, ,BLO LA DE RNAMS NUS MED PHYIR, ,BLO YIS 'DZIN PA MED PA YIN, ,DE NI 'DI LTAR SHES PA DE LA BSAL BA RNAMS KYI NUS PA RTOGS TE, DE RNAMS LAS RE RE MED KYANG DE YOD PA'I PHYIR DANG, SPYI MED NA MED PA'I PHYIR LA GZHAN DU MA YOD PA'I PHYIR RO, ,'DI NI NYES PA MED DE JI LTAR SNGON PO LA SOGS PA LA RE RE BSAL KYANG MIG GI RNAM PAR SHES PA SKYE LA DE DAG GI TSOGS PA LA YANG @291A *, ,NUS PA MED PA MA YIN PA DE BZHIN DU 'DI LA YANG SO SOR RE RE BSAL NA YANG SKYE BAS DUS THAMS CAD DU NUS PA MED PA MA YIN NO ZHE NA, MI MTHUN PAR NYE BAR BKOD PA STE, 'DI LTAR, SNGO SOGS MIG GI RNAM SHES LA, ,NUS PA SO SOR MTHONG BA'I PHYIR, , TSOGS LA'ANG NUS GRUB BSAL BA LAS, ,JI LTAR YANG NA DE LTAR MIN, ,DBANG PO LA SOGS PA LA MIG GI RNAM PAR SHES PA LA SO SO'I NUS PA YANG MTHONG BAS TSOGS PA LA YANG NUS PA MI 'GAL LO, ,BSAL BA RNAMS NI SPYI LA MI LTOS PAR NAM YANG DE LTAR RJES SU 'GRO BA'I RNAM PAR SHES PA SKYED PAR BYED PA MA YIN NO, ,DE LTA BAS NA BSAL BA RNAMS KYIS DE LA MI NUS PA KHO NA YIN PAS DE RNAMS MI 'DZIN PAR 'GYUR RO, ,GAL TE DE DAG 'GA' ZHIG LA, ,LTOS NAS DE NUS 'BA' ZHIG MIN, ,'ON TE THA GA PA THAG ZONG MED PAR RAS YUG MI 'THAG LA, THA GA PA THAG ZONG RE RE MED KYANG 'THAGS PAS DE KHO NA LAS RAS YUG 'BYUNG BA NI MA YIN NO, ,DE BZHIN DU BSAL BA RE RE BSAL BA LA RNAM PAR SHES PA SKYE BA LA YANG SPYI 'BA' ZHIG PA DE NI RGYU MA YIN NO, ,'O NA CI ZHE NA, BSAL BA RNAMS KYI NANG NAS GCIG 'BA' ZHIG LA LTOS NAS RNAM PAR SHES PA BSKYED DO SNYAM DU SEMS NA, DE LTA YIN NA, DE DAG DE GCIG LA PHAN NA, ,JI LTAR BLO GCIG NYID MA YIN, ,DON THA DAD PA RNAMS DON GCIG LA SBYOR BA 'GAL BAS 'DI THAMS CAD BRTZAMS PA YIN LA, GAL TE BSAL BA DE DAG KYANG SPYI GCIG LA PHAN... 'DOGS PAR BYED NA, DE RNAMS LA RNAM PAR SHES PAS GANG GIS NA DE MI BSKYED PA'I NYES PA CI ZHIG BYAS, DE LA BAR MA DOR LHAG MA SPYIS CI ZHIG BYA STE, JI LTAR 'DI DAG THA DAD KYANG SPYI GCIG LA PHAN 'DOGS PA'I NUS PA YOD PA DE BZHIN DU RNAM PAR SHES PA DE GCIG KHO NA BSKYED LA RAG MOD, GZHAN YANG, 'DI DE RNAMS KYI 'BRAS BUR 'GYUR, ,PHAN 'DOGS GANG YIN BSKYED PA YIN, ,SNGON ROL BZHIN DU BOGS MED PA'I BDAG NYID 'DZIN PA 'DI LA NI PHAN PA ZHES BYA BA 'GA' YANG MED NA, HA CANG THAL BAR 'GYUR RO, ,DON 'GA' ZHIG BSKYED NA @291B NI DES DE LA CI ZHIG BYED, ,DE DE'I RTEN NYID YIN DU PHAN 'DOGS PA MED PA LA RTEN DANG BRTEN PA'I DNGOS PO 'DI CI ZHIG YOD, YANG NA NI HA CANG THAL BAR 'GYUR RO, ,PHAN 'DOGS NA YANG DE KHO NA LA DE 'BREL PAS DE BYED PA'I PHYIR DE LA PHAN PAR BYED PA GZHAN CI DGOS, DE LA LTOS PA'I RTEN GYIS DE LA SBYOR NA NI PHAN PAR BYA BA MA YIN PA NYID LA LTOS PA ZHES BYA BA 'DI CI ZHIG YOD DE, DE LAS SKYE BA'I CHOS CAN NI RANG BZHIN 'BREL PA'I PHYIR LTOS PA ZHES BYA'O, ,BOGS DBYUNG DU MED PA CAN GYI BDAG NYID CAN YANG YIN LA, GZHAN DAG LA LTOS SO ZHES BYA BA 'DI NI NYAMS PA YIN NO, ,DE LTA BAS NA GANG CUNG ZAD 'GA' ZHIG LA LAR 'BREL PA DE THAMS CAD NI BSKYED PAR BYA BA'I KHONGS SU GTOGS SO, ,GZHAN GYI DNGOS PO BSKYED NA NI DE LA PHAN PA MED PA'I PHYIR RO, ,CUNG ZAD KYANG MI BYED PA LA YANG PHAN PAR MED PA'I PHYIR RO, ,DE'I PHYIR BSAL BAS PHAN BTAGS PA'I SPYIS RNAM PAR SHES PA BSKYED NA 'DI 'DI'I 'BRAS BU NYID DU 'GYUR BAR GSAL LO, ,'GA' ZHIG GIS NUS NA NI BSAL BA RNAMS KYIS NAM YANG GANG LA YANG NUS PAR MA GRUB PA'I PHYIR GZUNG BAR BYA BA NYID MA YIN NO, ,GAL TE RNAM PAR SHES PA LA SNANG BA'I PHYIR BSAL BA RNAMS KYIS NUS SO ZHE NA, PHAN 'DOGS PAR MA GRUB PA CAN RNAMS JI LTAR SNANG STE DE NYID SPYI KHAS LEN NA BSAM PAR BYA BA YIN NO, ,'DI LTAR PHAN PAR BYED PA MA YIN PA NI YUL MA YIN TE, HA CANG THAL BAR 'GYUR BA'I PHYIR RO, ,YUL MA YIN PA NI RNAM PAR SHES PA LA MI SNANG NGO, ,GAL TE PHAN PA MED PA YUL NYID MA YIN NA 'DAS PA LA SOGS PA YUL NYID MA YIN TE, MED PA RNAMS LA PHAN 'DOGS PA'I MTHU MED PA'I PHYIR RO ZHE NA, DE DAG GI SHES PA RNAMS YUL MED DU ZAD MOD, YUL MED DU ZAD KYANG NYAMS SU... MYONG BA DE LTA BUS GZHAG PA'I BAG CHAGS LAS SKYE BA'I PHYIR DE'I RJES SU BYED PA NI RNAM PAR SHES PA'I BDAG NYID DU GYUR PA KHO NA YIN NO, ,YOD PA DANG MED PA'I RJES SU BYED PA'I PHYIR NUS PA YIN GYI SNANG BA'I PHYIR NI MA YIN TE, BSAL BA LA MA GTOGS PA SPYI MI SNANG BA'I BYED PA YOD @292A *, ,PA'I PHYIR DANG, SGRA LA SOGS PA NYAMS PAR SNANG YANG DE RNAMS LA BYED PA MED PA'I PHYIR RO, ,GAL TE THA DAD MI SNANG BLO, ,THA DAD RNAMS LA MI 'DOD NA, ,DU MAS 'BRAS BU GCIG MI BYED DO ZHES NI MI SMRA'O, ,'O NA CI ZHE NA, DON THA DAD PA RNAMS LA DE DAG GI RNAM PAR GZHAG PA CAN GYIS BLO THA MI DAD PAR SNANG BAR MI 'GYUR RO, ,SPYI 'DZIN PA RNAMS LA NI RANG GI MTSAN NYID MI SNANG BA NYID DE, DE MED KYANG DE DAG YOD PA'I PHYIR DANG, RANG GI RNAM PAR SHES PA LA RNAM PA GZHAN DU SNANG BA'I PHYIR DANG, GCIG LA RNAM PA DU MA MI RUNG BA'I PHYIR DANG, HA CANG THAL BAR 'GYUR BA'I PHYIR RO, ,DE'I PHYIR 'DI NI DE LAS BYUNG ZHING DON THA DAD PA 'DZIN PA YIN NA THA MI DAD PAR SNANG BAR MI 'GYUR RO, ,DE MI SNANG BAS KYANG LHAG PAR ZHEN PA'I 'KHRUL PAS 'JIG RTEN THA SNYAD 'DOGS PAR BYED DO, ,DE LA SNANG BA'I RNAM PA DE DON RNAMS LA MED DE, THA DAD PA'I THA MI DAD PA NI MA GTOGS SO, ,DE NI MED PA'I NGO BO YIN TE, DES DE KHO NA 'DZIN PA NA DE LTAR BSLAD PAR 'GYUR RO ZHES SNGAR BSHAD ZIN TO, ,GZHAN YANG SPYI DNGOS POR SMRA BA'I, ,LTAR NA YANG GSAL BA RNAMS THA DAD PA KHO NA YIN NA JI LTAR DE DAG LA BLO RNAM PA THA MI DAD PA CAN YIN TE, KLAN KA MTSUNGS SO, ,MTSUNGS PA MA YIN TE, DE LA SPYI THA MI DAD PA'I PHYIR RO ZHE NA, DE LA DE YOD KYANG SNANG BA MI RTOGS PA MA YIN NAM, DE NI KHA DOG DBYIBS SU SNANG BAR LDAN PAR YID CHES SO, ,SPYI NI DE LTA BU MA YIN NO,, ,, BAM PO BZHI PA, DE LA MA GTOGS PA THA MI DAD PA'I RNAM PA YANG 'GA' YANG MED DO, ,RNAM PA SPYI YIN PAR SMRA BA'I LTAR NA YANG DE KHYAD PAR BZHIN DU THA MI DAD PA'I SGO NAS DON GZHAN LA MI 'JUG PAS THA MI DAD PA'I PHYIR, THA MI DAD PAR SNANG BAR MI RUNG NGO, ,YANG NA YIN DU ZAD DE, BLO YI SNANG BA THA DAD DE, ,DE DAG MTSUNGS ZHES 'DZIN PHYIR RO, ,DE DAG LA THA MI DAD PAR SNANG BA NI MED PA KHO NA STE, MTSUNGS PA ZHES 'DZIN PA'I PHYIR RO, ,GCIG TU SNANG BA LA MTSUNGS SO SNYAM PA NI RIGS PA MA YIN NO, ,'O NA CI'I ZHE NA, DE NYID 'DI YIN NO SNYAM MO, ,GAL TE GNYI GA 'DZIN PA'I @292B PHYIR NYES PA MED DO ZHE NA, 'ON KYANG DE 'DI LA'O SNYAM PAR 'GYUR GYI MTSUNGS SO SNYAM PA NI MA YIN NO, ,GAL TE DE NYID DE DAG GI MTSUNGS PA YIN NO ZHE NA, JI LTAR GZHAN DANG GZHAN DU MTSUNGS PA YIN, GAL TE DE DAG DANG 'BREL PA'I PHYIR RO, ,ZHE NA MA YIN TE, RAG MA LAS PA LA 'BREL PAR MI RUNG BA'I PHYIR DANG, HA CANG THAL BAR 'GYUR BA'I PHYIR RO, ,GAL TE DE DAG MTSUNGS NA NI, ,JI LTAR THA DAD BLOS GZUNG BYA, ,MTSUNGS PA'O ZHES GZUNG BA MTHONG NAS 'DI DAG LA THA MI DAD PAR SNANG BA MA YIN NAM ZHE NA, DE MTHONG BA LAS THA DAD PA DANG THA MI DAD PA DAG SNANG BA'I PHYIR MTSUNGS PAR GTOGS PA NI MA YIN NO, ,'O NA CI ZHE NA, 'BRAS BU GCIG 'DRA, KHO BOS NI DON GYI SHES PA LA RNAM PA GNYIS MA MTHONG STE, MA MTHONG NA JI LTAR DON GNYIS RAB TU BRTAGS PAS BDAG NYID BSLU BAR BYA, BSAL BA 'BRAS BU GCIG CAN RNAMS NI RTOG PA'I YUL DU NYE BAR 'GRO STE, DE'I PHYIR 'DIS 'KHRUL PAS DE LTAR BSRE BAR BYED DO, ,ZHES BYA BA 'DI NI SKYON MED DO, ,DE DAG GI, 'BRAS BLO DE YANG THA DAD DO, ,DNGOS PO RE RE LA DE SNANG BA'I RNAM PAR SHES PA YANG DE DANG 'DRA BAR THA DAD PA'I PHYIR RO, ,JI LTAR 'BRAS BU GCIG PA CAN DAG YIN, DE DAG GI 'BRAS BU NI DE YIN NA DE YANG THA DAD DO, ,BUM PA LA SOGS PA'I 'BRAS BU CHU CHU BA LA SOGS PA GCIG PO GANG YIN PA DE YANG RDZAS RE RE'I KHYAD PAR GYI THA DAD PA KHO NA YIN PAS THA DAD PA RNAMS LA 'BRAS BU GCIG PA MED DO ZHE NA, DE NI NYES PA MED DE, 'DI LTAR, GCIG TU RTOGS PA'I RGYU YI PHYIR, ,BLO NI THA DAD MED PA YIN, ,BLO GCIG RGYU YI DNGOS PO YIS, ,BSAL BA RNAMS KYANG THA MI DAD, ,JI LTAR DNGOS PO RNAMS LA RANG BZHIN 'BREL PA MED PA 'DI YANG BSHAD ZIN TE, DE LA BSRE BA'I RNAM PA CAN GYI BLO NI 'KHRUL PA KHO NA YIN LA, DE NI DNGOS PO THA DAD PA RIM GYIS RNAM PAR RTOG PA'I RGYUR GYUR PA RNAMS KYI NGO BO NYID KYIS BSKYED DO, ,ZHES KYANG BSHAD ZIN TO, ,'DI DAG GI THA DAD PA DE BYED PA MA YIN PA'I NGO BO NYID LAS THA DAD PA'I DE NI THA MI DAD PA ZHES BYA STE, SHES PA @293A *, ,LA SOGS PA GCIG 'BA' ZHIG BYED PA'I PHYIR RO, ,DE YANG RDZAS RE RE LA THA DAD KYANG RANG BZHIN GYIS GCIG TU RTOGS PA THA MI DAD PAR SNYEMS PA'I RGYUR GYUR BA NA THA MI DAD PAR SNANG NGO, ,RTOGS PA DE LTA BU'I RGYU THA MI DAD PAR SNANG PA'I SHES PA LA SOGS PA'I DON GYI RGYU YIN PA'I PHYIR, BSAL BA RNAMS KYIS KYANG RANG BZHIN GYIS GCIG GI SHES PA RNAM PAR BSRE PA RANG GI NGO BO'I KHYAD PAR DON DAM PA LA BRTEN PA CAN BSKYED DO, ,ZHES LAN CIG MA YIN PAR BSHAD ZIN TO, ,DE LTA BAS NA 'BRAS BU GCIG PA KHO NA DNGOS PO RNAMS KYI THA MI DAD PA YIN NO, ,DE, DE YI 'BRAS CAN MIN BRAL BA, ,KHO NA YIN TE, DE LAS GZHAN RJES 'GRO BA YI, ,DNGOS MA MTHONG PHYIR BKAG PA'I PHYIR, ,LTAR RUNG BA RNAM PAR DBYE BAR MI SNANG BA NI MED DO ZHES BYA BA DANG, YOD NA YANG GANG LA YANG MI BRTEN NA JI LTAR SHES PA'I RGYU YIN ZHES DE NI BSHAD ZIN TO, ,BKAG PA BYAS PA'I YANG PHYIR, DER BRTAG PA NI RIGS PA MA YIN NO, ,DE'I PHYIR, BRDA NI YANG DE RIG DON CAN YIN PA KHO NAR RIGS TE, BRDA ZHIG TU BYAS NA YANG DNGOS PO RNAMS KYI PHAN TSUN THA DAD BA GANG YIN PA DE KHO NAR SHES PAR BYA BA'I PHYIR, DE MI BYED PA LAS THA DAD PAS 'JUG PA NYID DU BYED NA MDZES SO, ,GAL TE DE SHES PAR BYA BA'I DON DU BRDAR 'NGOGS PA MA YIN NA, DE THA SNYAD KYI DUS SU YANG MI REG PA'I PHYIR GZHAN SPANGS NAS 'JUG PAR MI 'GYUR TE, DE RNAMS KYI DE DAG LAS THA DAD PA DE SGRAS BRJOD PA NI MA YIN NO, ,MNYAN PA DE NI, DE BYED MIN LA DE BYED DANG, ,'DRA BA'I NGO BO SNANG BA CAN, ,DNGOS PO THA DAD DNGOS TZAM GYIS, ,SA BON CAN DON MED PA'I BLO, ,SKYED PAR BYED PA 'ANG DE MI BYED, ,YONGS SPONG YAN LAG NGO BO'I PHYIR, ,DNGOS PO THA DAD RTEN CAN PHYIR, ,DON LA MI BSLU YIN PAR 'DOD, ,DE'I PHYIR GZHAN SEL YUL CAN DE, ,DE BYED BRTEN PA'I NGO BO'I BYED, ,NGO BO NYID GCIG DANG BRAL BA'I DON RNAMS LA DE SGRO BTAGS NAS SKYE BA'I BLO PHYIN CI LOG TU SNANG BA'I PHYIR BYA BA BYED PA MA YIN YANG DE BYED PA LTA BUR... @293B LHAG PAR ZHEN PA'I DNGOS PO THA DAD PA'I NGO BO TZAM GYIS SA BON CAN MTSUNGS PA NYID DU LHAG PAR ZHEN PA PHYIN CI LOG PA BSKYED PA'I MNYAN PA YANG DE LAS GZHAN PA'I YONGS SU SPONG BA'I YAN LAG GI NGO BO'I PHYIR, DON DAM PAR DE LAS THA DAD PA'I DON DAG LA MI SLU BA ZHES BYA'O,, 'DI LTAR THA DAD PA DE NI DE DAG LA YANG DAG PA YIN TE, RNAM PA THAMS CAD DU 'DA' BAR BYA BA MA YIN PA'I PHYIR RO, ,THA DAD PA'AM THA MI DAD PA NI MA YIN TE, RNAM PA THAMS CAD DU MI RUNG BA'I PHYIR RO, ,DE DNGOS PO LA 'GOD NA NI SGRA DANG SHES PA DAG LAS DNGOS PO THAG BSRINGS PA KHO NAR 'GYUR TE, DE'I YUL DU 'DOD PA MED PA'I PHYIR DANG, DNGOS PO'I CHOS GZHAN YANG 'GAGS LA YANG REG PA MED PA'I PHYIR RO, ,DE NYID KYI PHYIR MNYAN PA DE NI GZHAN SEL BA'I YUL CAN ZHES BYA STE, GZHAN LOG PA'I DON RNAMS LA BYE BRAG MED PAR LDOG PA'I KHYAD... PAR LA BRTEN NAS BKOD PA'I PHYIR DANG, THA SNYAD LA YANG GZHAN SPANGS NAS 'JUG PA'I PHYIR RO, ,SHING MA YIN LAS LDOG PA NI, ,SHING DON 'DZIN NA GNYIS PO NI, ,PHAN TSUN BRTEN PA YIN PAS GCIG ,'DZIN PA MED NA GNYIS MI 'DZIN, ,DE YI PHYIR NA BRDAR GDAGS PA; ,MI SRED DO ZHES KHA CIG SMRA, ,KHA CIG NA RE GAL TE SHING NI SHING MA YIN PA DAG LAS THA DAD PA YIN NA, DE NI SHING MA YIN PA 'DZIN PA MED PAR DE LTAR GZUNG BAR MI NUS PA'I PHYIR DANG, SHING MA SHES PA CAN GYIS DE RNAM PAR GCOD PA'I NGO BO SHING MA YIN PA YANG YONGS SU MI SHES BA'I PHYIR; BLO LA MI GNAS PA'I DON LA BRDAR GDAGS PAR MI NUS SO ZHES 'DZIN TO, ,DE DAG GI NI BRDAR 'DOGS LA, ,SHING MIN RNAM BAR GCOD DAM CI, ,GANG DAG DE LTAR SPYOD DNGOS PO CIG KHAS BLANGS NAS GZHAN RNAM PAR GCOD PAS BRDAR 'DOGS PA LA PHAN TSUN BRTEN PA YIN PAR RGOL BA DE DAG GI DE LA YANG BRDAR BYED PA NA, SHING MA YIN PA RNAM GCOD DAM, ,'ON TE MA YIN TE, GAL TE RNAM GCOD SHING GI DON, ,'DZIN PA MAD NA JI LTAR SHES, ,DE'I TSE RTOGS PA POS SHING YANG MI SHES SHING MA YIN PA YANG MI SHES TE DE SHES PAR BYA BA @294A *, ,KHO NA'I PHYIR, DE DON DU GNYER BA ZHIG TU NYE BAR 'GRO BA'I PHYIR RO, ,DE MI SHES PA DES JI LTAR BRDA LA SHING MA YIN PA RNAM PAR GCAD PA RTOGS PAR 'GYUR, MI RTOGS NA YANG DE LAS GZHAN PA YONGS SU MA SPANGS PA CAN 'GOD PA DANG LDAN PA'I SGRA LAS, BRDA LAS DE DAG MI SEL NA, ,THA SNYAD 'DOGS PAR BYED PA RNAMS, ,DE YONGS SPANGS NAS 'JUG PAR NI, ,MI 'GYUR SHING GI KHYAD PAR BZHIN, ,BRDA'I TSE GZHAN RNAM PAR MA BCAD PAR BKOD PA'I SGRA LAS THA SNYAD KYI TSE SHING MA YIN PA YONGS SU SPANGS NAS 'JUG PAR RIGS... PA MA YIN TE, SHING SHA PA LA SOGS PA KHYAD PAR BZHIN NO, ,'ON TE, GAL TE GZHAN BKAG MI BSGRUB PAR, ,MDUN NAS GCIG CIG RAB BSTAN NAS, 'DI SHING YIN ZHES BRDAR BYED PA, ,THA SNYAD 'DOGS PA'I TSE NA YANG, ,DE RTOGS 'GYUR TE DE YI PHYIR, ,NYES PA 'DI NI MED SNYAM NA, ,SPYI DNGOS POR SMRA BA NI 'GA' ZHIG RNAM PAR BCAD PAS CUNG ZAD CIG BRJOD PA NI MA YIN NO, ,'ON CI ZHE NA, MDUN NA 'DUG PA'I DNGOS PO GCIG CIG YANG DAG PAR BSTAN NAS 'DI NI SHING YIN NO ZHES BRDAR BYED LA, 'DIS BRDA'I DUS NA DE LTAR MTHONG BA'I DON KHO NA 'AM, DE DANG 'BREL PA CAN NI THA SNYAD KYI TSE YANG RTOGS PAR 'GYUR BAS THAL BAR 'GYUR BA MTSUNGS PA MA YIN NO ZHE NA, MI MTSUNGS PA MA YIN TE, 'DI LTAR DE LA YANG, 'DI YANG SHING 'DI KHO NA ZHES, ,BYA BAR THAL BAR LDOG PA MED, ,GCIG RAB TU BSTAN... NAS 'DI NI SHING YIN NO ZHES SMRA BA YANG 'DI YANG YIN NO ZHE 'AM, 'DI KHO NA YIN NO ZHES BYA BA'I TSUL GNYIS LAS NI MI GDA' LA, DE DAG LA YANG NYES PA DE NYID YOD DO, ,MTHONG BA LAS BZLOG PA NI NYES PAR SLA BA'I PHYIR NYES PA MED DO, ,GCIG 'GA' ZHIG MTHONG ZHING GZHAN LA DE'I... RNAM PAS DBEN PA'I BLO NYAMS SU MYONG BA LA NI JI LTAR NYAMS SU MYONG BA BZHIN DE LAS GZHAN NO SNYAM PA CHOS MI MTHUN PA NGES PA DE LAS 'BYED PA SKYE'O, ,DES NI DE KHO NA SHING YIN NO ZHES RAB TU BSTAN NAS BYE BRAG TU SHES PAR BYA STE, GANG KHO NA LA DE MI SNANG BA DE KHO NA SHING MA YIN PAR RANG @294B NYID KYIS RTOGS PAR 'GYUR RO, ,RNAM PAR GCOD PA SMRA BA LA NI 'DI MI SRID DE, GCIG NA MTHONG BA'I NGO BO NI GANG LA YANG RJES SU 'GRO BA MED PA'I PHYIR RO, ,MTHONG BAR RTOGS NA NI GSAL BA GZHAN PA YANG DE LTAR RTOGS PAR MI 'GYUR RO ZHE NA, DE LTAR NA 'O NA NI 'DI NI DE LA YANG MTSUNGS TE, 'DI LTAR, GCIG RTOGS SHES BYA'I SHES PA NI, ,GCIG LA GNAS PA'I RTOGS PAS SO, ,DE DANG DE MIN RGYU DON RNAMS, ,BDAG NYID RNAM PAR 'BYED PAR BYED, ,'DI NI GONG DU JI LTAR DNGOS PO 'DI DAG RANG BZHIN GYIS THA DAD KYANG KHA CIG SHES PA LA SOGS PA'I 'BRAS BU GCIG BYED KYI GZHAN DAG NI MA YIN PA LTAR BSHAD ZIN TE, 'DIS DE RNAMS BDAG NYID KYIS RNAM PAR PHYE NAS, DE'I RGYU DANG DE'I RGYU MA YIN PA DAG RTOGS PAR 'GYUR RO, ,DE'I, BLO DE LA NI YOD PA'I DNGOS, ,BLO'I RGYU NYID DU SNANG BA DANG, ,RGYU MIN NGO BO BRAL BA DANG, ,NGO BO GCIG 'DRAR BDAG NYID KYIS, ,THA DAD PAR NI SHES 'GYUR BAR, ,THA DAD PA YI SKAD SBYOR TE, ,DE LAS DE RTOGS 'GYUR BA'I BLO, ,'KHRUL PAS DNGOS PO GCIG LTAR RTOGS, ,DE RNAMS NI RNAG BZHIN KHO NAS RKYEN GYI DBANG GI RNAM PAR RTOG PA DE LTA BU'I RGYU... RNAMS KYI RJES SU 'GRO BA'I PHYIR TE, DE MTHONG BA'I BLO LA YOD PAR SHES PA DE'I RGYU NYID DANG, DE LAS GZHAN PA LAS LDOG PAS, ,DE LTA BU MA YIN NA YANG DE LTA BUR LHAG PAR ZHEN PA, PHYI DANG NANG GI SNYAM NAS KHYAD PAR RNAM PAR MA PHYE BA CAN RNAMS RNAM PAR RTOG PA LA RNAM PAR GNAS PAS RTOG PA'I RJES SU 'BRANGS TE, 'DI DAG NI SHING YIN NO ZHES RANG DANG GZHAN GYI RNAM PAR RTOG PA LA GCIG TU SNANG BA KUN DU BSTAN NAS RNAM PAR SHES PA DE'I RGYU YIN PAR THA DAD PAR SHES PAR 'GYUR SNYAM NAS DE'I RGYU MA YIN PA DAG LAS THA DAD PA LA DE SKAD SBYOR TE, DES LAS DE RTOGS PA'I BLO RNAM PAR RTOG PA CAN NI 'KHRUL PA'I DBANG KHO NAS DNGOS PO GCIG CIG 'DZIN PA LTA BUR SNANG NGO, ,DE LA THA DAD PA MTHONG BA YANG GANG ZHIG MTHONG BA DANG MA MTHONG BA DAG GI SHING DANG SHING MA YIN PA 'DI RNAM PAR 'BYED PAR BYED PA DNGOS PO LTAR RUNG BA CIG NI MED DE, @295A *, ,DE NI YAL GA LA SOGS PA SNANG BA LAS THA DAD PAR KHAR BA THOGS PA LA KHAR BA BZHIN DU MI 'DZIN PA'I PHYIR DANG, GZHAN LAS THA DAD PAR MA BZUNG BAR MI MNGON PA'I PHYIR RO, ,RNAM PA GCIG LA MTHONG BA YANG GZHAN LA BLTA BAR MI NUS PA'I PHYIR, DE... DANG DE MA YIN PA DAG SHING DANG SHING MA YIN PA NYID YIN NA, GSAL BA GCIG KHO NA SHING YIN PAR 'GYUR RO, ,BUM PA LA SOGS PA'I SGRA LA NI DON GZHAN, RNAM PAR GCOD PA YOD GRANG NA, ,ZHES BYA BA LA SOGS PA'I TSIG LA GO JI LTAR YOD, GANG LAS THA DAD PAR 'GYUR BA ZHES BYA BA MA YIN PA NI CUNG ZAD KYANG MED DE, DE LAS THA DAD PA YUL DU BYED PA NYID KYIS DE SHES BYA YIN NO ZHE NA, DE NI NYES PA MED DE, 'DI LTAR, BLO DON 'GA' LAS RNAM BZLOG NAS, ,DON 'GA' ZHIG LA 'JUG BYA'I PHYIR, ,SGRA NI RAB TU SBYOR BYED DE, ,DE'I DON NGES PAR BZUNG PHYIR RO, ,GZHAN DU SBYOR BA DON MED 'GYUR, ,DES NA SHES BYA LA SOGS TSIG ,THA SNYAD DU NI RTOGS RNAMS LA'ANG, ,RNAM PAR GCOD PA 'GA' ZHIG YOD, ,SGRA RAB TU SBYOR BAR BYED PA THAMS CAD NI RJES SU 'GRO BA DANG LDOG PA DAG LAS MI 'DA' STE, DE NI 'JUG PA DANG LDOG PA'I DON YIN PA'I PHYIR RO, ,GAL TE 'DIS 'GA'I BLO GANG LAS KYANG LDOG PAR MI BYED PA'AM, 'JUG PAR MI BYED NA JI LTA BA BZHIN DU GNANG BA'I PHYIR, THA SNYAD THAMS CAD LA 'GA' YANG THA SNYAD GDAGS PAR MI 'GYUR TE, THA SNYAD NI NGES PAR GZUNG BA... MED NA MED PA YIN PA'I PHYIR RO, ,DPER NA BUM PAS CHU 'ON CIG CES BYA BA LTA BU LA, GAL TE BUM PA DANG SNYIM PAS CHU CI 'DRA YANG RUNG BA ZHIG BLANG BAR 'DOD PAR GYUR NA NI, CHU 'ON CIG CES BYA BA KHO NA BRJOD PAR BYA BAR 'GYUR GYI, BUM PAS ZHES BYA BA NI MA YIN NO, , DE BZHIN DU PHYAG DAR RAM, GZHAN GANG YANG RUNG BA ZHIG BLANG BAR DGOS PAR 'DOD PA ZHIG TU GYUR NA NI, 'ON CIG CES BYA BA BYED PA DANG, LAS MA 'PHANGS PA CAN KHO NA BRJOD PAR BYA BAR 'GYUR RO, ,DE BZHIN DU BLANG BA 'AM BSGRUB PAR BYA BA'AM BSGRUB PAR BYA BA MA... @295B YIN PA GZHAN CUNG ZAD CIG YIN PAR 'DOD NA NI, DE'I TSE 'ON CIG CES BYA BA YANG BRJOD PAR BYA BAR MI 'GYUR TE, TSIG DON MED PA'I PHYIR RO, ,DE BZHIN DU ZHES BYA BA LA SOGS PA'I TSIG THA SNYAD DU GTOGS PA RNAMS LA YANG RNAM PAR BCAD PAR BYA BA 'GA' ZHIG YOD PAR 'GYUR TE, GZHAN DU DOGS PA MED NA SBYOR BA MI RUNG BA'I PHYIR RO, ,DE LA NI BLO GROS RMONGS PA'I DOGS PA'I GNAS GANG YIN PA DE NYID BZLOG PAR BYA BA YIN NO, ,'ON TE DOGS PA MED NA NI GZHAN GYIS GDAMS PA CI ZHIG LTOS PAR 'GYUR RO, ,NYAN PA PO 'BYANG BAR... BYA BA MED PA CAN SMRA NA YANG JI LTAR