[#THE FOLLOWING TEXT HAS INCOMPLETE SECTIONS, WHICH ARE ON ORDER] @001A #, ,RGYA GAR SKAD DU, PHRA M'A nA BI NI SHTZA YA tI' K'A, BOD SKAD DU, TSAD MA RNAM PAR NGES PA'I 'GREL BSHAD, 'JAM DPAL GZHON NUR GYUR PA LA PHYAG 'TSAL LO, , GANG ZHIG CHAGS PA SPANGS KYANG DPAL LDAN THAMS CAD DON GRUB DON DU GNYER BA'I GZHAN DBANG GYUR, ,GANG ZHIG 'KHRUG PA ZAD KYANG SNA TSOGS BSAM PA 'GOG LA BAR CHAD MED PAR BRTZON MDZAD PA, ,GANG ZHIG BDAG LTA SPANGS PA LAS KYANG BDAG GI DE NYID LEGS PAR ZAD PAR THUGS SU'ANG CHUD, ,STON PA DE YID GSUNG RAB RIGS PA'I MTHU YIS GZHUNG LUGS NGAN PA RNAM PAR 'JOMS PAR MDZAD PA RGYAL, ,GANG ZHIG SHAR NA PHUR BU LA SOGS SKAR MA RNAMS NI RTZIS MED CING, ,MNGON DU GYUR NA'ANG DNGOS PO'I YUL LA LTA 'JUG MTHA' DAG NYAMS 'GYUR DANG, , RTAG TU LTA BRTZON RAB RIB ZAD CING YANG DAG DNGOS MTHONG SKYES GYUR PA, ,CHOS KYI GRAGS PA MI PHAM DE NI NYI MA ZLA BA SNANG BA'ANG YIN, ,GZHAN GYIS BYAS PA'I 'GREL DANG 'GREL BSHAD DAG , @002A *, ,DE YI BZHED DANG 'GAL BAR MTHONG NAS NI, ,BLA MA'I MAN NGAG LAS NI TSIG RNAMS CI TZAM PA'I, ,DNGOS PO RNAM PAR DPYAD PA TZAM ZHIG BDAG GIS BYA, ,SHIN TU SPROS PAS 'JIGS PA'I PHYIR, ,GZHAN GYIS BSHAD PA MI DGOS DE, ,LAM NGAN SPONG BAR 'DOD PAS NI, ,SLAR YANG DER 'JUG BYED MA YIN, ,GANG PHYIR CHEN PO RNAMS KYIS 'GREL BSHAD MDZAD GYUR PA, ,DE NYID PHYIR NA KHO BO'ANG RTZOL BAR RIGS PA YIN, , MKHA' LDING NAM MKHA' LA NI 'PHUR BAR BYED PA NA, ,DE YI PHRU GU MA TSAR BAR YANG SLOB PA BZHIN, ,BDAG NYID SHES PA YIN PAS GAL TE SKYE BO SKYON BRJOD SMRA BAR BYED NA YANG, ,BDAG LA CI CHAD GANG 'DI RTZOM PAR BYED PA'ANG DE NYID RTOGS PAR BYA PHYIR YIN, ,MANG LA GRAGS NA DGE ZHES 'JIG RTEN NA YANG RAB TU SMRA BA 'DI YOD DE, ,DE YANG MED PA NYID DU GSAL BAR RTOGS NAS SMRA BA SMAD PA'I GNAS NYID YIN, ,PHRAG DOG KYANG NI LTA RJES 'BRANGS NAS BRTAN LDAN ZHING, ,GNOD MED BRTAG 'OS DON LA'ANG KHYAB PAR BYED PHYIR DANG, ,DUG 'JOMS LEGS BSHAD 'O MA LAS KYANG 'PHEL 'GYUR PHYIR, ,DE DANG LDAN PA MIG DUG YIN PAR KHO BOS MTHONG, ,CI STE YANG DAG PA'I @002B SHES PA BSTAN PAR BYA BA LA, SGRUB PAR BYED PA DANG BSGRUB PAR BYA BA DAG TSAD MA KUN LAS BTUS PA'I MDO'I BRGAL BA DANG, LAN DANG BSHAD PA'I KHYAD PAR LA GUS PAR 'GYUR BA'I PHYIR MNGON PAR 'DOD PA'I TSAD MA BSTAN PA'I GAGS SU 'GYUR BA MA YIN NAM, CI'I PHYIR KHYOD TSAD MA RNAM PAR NGES PA RNAM 'GREL DU BYED CES RGOL ZHING RTOG PA LA, SLOB DPON GYIS GANG LA ZHES BYA BA LA SOGS PAS RNAM PAR NGES PA RNAM 'GREL DU BYED PA'I RGYU GSUNGS SO, ,SDUG BSNGAL DANG SDUG BSNGAL GYI RGYU LAS BSGRAL BAR 'DOD PA'I SNYING RJE DE NI BRTZE BA STE, DE RGYUR GYUR PAS GANG LA 'PHAGS PAS RJES SU GZUNG BA DE'I GZHUNG KHO BOS DGROL BAR BYAS TE, DE'I MDO'I RNAM 'GREL BYA'O, ,GANG GI PHYIR 'BRAS BU'I MTSAN NYID NI 'DOD PA YIN LA 'GRO BA SDUG BSNGAL DANG BRAL BA YANG KHO BO 'DOD PA YIN NO, ,DE NYID KYI PHYIR CI LTAR LOG PA'I SHES PA LAS 'JUG PA SDUG BSNGAL GYI RGYU SPANG BA'I PHYIR YANG DAG PA'I SHES PA BSTAN PA DE BZHIN DU, 'JIG RTEN SLOB DPON LA SMOD PA'I SDUG BSNGAL GYI RGYU LAS BSGRAL BA'I DON DU DE'I GZHUNG 'CHAD PA YIN NO, ,RNAM PAR NGES PA RANG DBANG DU BYAS NA NI PHYOGS KYI GLANG PO'I ZHAL SNGA NAS LA RTOG GE MI SHES SO ZHES SKYE BO MI MKHAS PA DAG SLOB DPON LA SMOD PAR 'GYUR LA, DE YANG NYE BAR BSTEN TE BSNYEN PAR BYAS PA YANG DE YIN LA 'JIG RTEN YANG YIN PA DE RGYAS MDZAD DE, ,RGYAS PAR BYED PA'I NGANG TSUL CAN NO, ,NYE BAR BSTAN PA'I BYA BA LA YANG NYE BA'I PHYIR RGYAS MDZAD NYID BYED PA PO YIN NO, ,BYANG CHUB SEMS DPA' NI RGYU MED PAR BYAMS PA'I PHYIR, 'JIG RTEN GYI DON DU MA GNYER YANG SBYIN PA LA SOGS PAS 'JIG RTEN BSTEN CING RNAM PAR GROL BA'I SKAL BA CAN DU BYAS PAS RGYAS PAR BYED PA YIN NO, ,GZHAN GYI DON LA 'JUG PA'I BDAG NYID CHEN PO DE LA CUNG ZAD SMAD NA YANG SDUG BSNGAL GYI RGYU YIN NA, CHEN PO LTA CI SMOS, ,'DI LAS DON MA YIN PA SKYE BA ZHES GANG BSHAD PA YIN NO, ,RMONGS PAS TE MI SHES PAS SGRO BTAGS NAS SMONG PA'O, ,TSAD MA RNAM PAR NGES PA LAS DON NGES PA'I PHYIR KUN LAS BTUS MA @003A *, ,BSHAD KYANG RTOGS PA MA YIN NAM, KUN DU RMONGS PA DE'I GO SKABS JI LTAR YOD CE NA, 'JIG RTEN ZHES BYA BA LA SOGS PA GSUNGS TE, GSAL BA NI NGES PA'O, ,'JIG RTEN BLO GROS BLUN PO STE BLO GROS DMAN PA'O, ,'PHAGS PAS RJES SU GZUNG BA DE'I DON NI KUN LAS BTUS PA'I MDO'I MNGON PAR 'DOD PA'I BRJOD PAR BYA BA'I DON GYI DE KHO NA STE, DE'I GZHUNG 'JIG RTEN 'DIS MI SHES PA'O, ,GANG GI PHYIR TSIG 'BREL PAR DKA' ZHING MTSAMS SBYOR GYI TSIG NYUNG BAS BSHAD KYANG RTOGS PAR DKA' BA NI BRLING BA'O,, YANG ZHES PHYI DANG NANG GI MI SHES PA'I RGYU BRJOD PA'O, ,GAL TE 'CHAD PA PO BRGYUD PA'I MAN DAG KYANG MED LA, ,GZHUNG GZHAN LAS DON 'DI LTA BU RTOGS KYANG GZHUNG DE LA GZHAN PAR MI NUS NA, 'O NA NI BSHAD KYANG DON 'DI DE'I 'DOD PA MA YIN PAS CI LTAR MUS STEGS CAN LA 'DI DAG NI RTOG GE SHES BA MA YIN NO ZHES DE KHO NA NYID KHONG DU CHUD PA DON MA YIN PA'I RGYUR MI 'GYUR BA BZHIN DU SLOB DPON LA YANG STE, DON MA YIN PA'I RGYU NI RMONGS PAS MI SHES PAR SGRO 'DOGS PA NYID YIN PA'I PHYIR RO ZHES DOGS PA LA, GANG LA ZHES BYA BA LA SOGS PA GSUNGS TE, GANG LA DPAL PHUN SUM TSOGS PA'I RGYU BSOD NAMS KYI TSOGS YOD PA DANG, DRI MED BLO MNGA' STE DRI MA DANG BRAL BA'I BLO YOD PA DE JI LTAR NA DON PHYIN CI LOG TU SHES PA'AM TSON PAR 'GYUR TE, GANG LA 'KHRUL PAR 'GYUR BA DE DAG NI SKAL DANG BRAL BA DANG, BLO GROS DRI MA CAN DAG KHO NA YIN PA'I PHYIR RO, ,DE YANG GANG YIN ZHE NA, SDIG PA MI DGE BA'I CHOS RNAMS LAS RING DU SONG BA'I PHYIR 'PHAGS PA STE, BCOM LDAN 'DAS 'JAM DPAL GYIS GANG LA RJES SU GZUNG BA DE 'DI LTA BU'I YON TAN DANG LDAN PA YIN NO, ,NYID CES BYA BA NI SPRUL PA DANG 'KHOR BTANG BSAM YIN PA'O, ,BYON ZHES BYA BA NI DON DU MA GNYER BAR RO, ,SLOB DPON PHYOGS KYI GLANG PO RI PHUG DBEN PA ZHIG NA SGOM PA LA BRTZON PAS GNAS PA NA, GNAS SKABS 'GA' ZHIG TU 'KHOR BA LAS YID BYUNG NAS SEMS CAN GYI DON LAS GZHAN DU PHYOGS TE, GCIG PU @003B GROL BAR 'DOD PA NA, ,SKAD CIG DE LA 'PHAGS PA 'JAM DPAL BYON NAS, BU SKYE BO NGAN PA DANG RJES SU MTHUN PAR SEMS SNGAR BA'I GZHAN GYI DBANG DU GYUR TE, SEMS CAN KUN LA PHAN PAR NUS PA'I SEMS YOD BZHIN DU CI'I PHYIR BTANG SNYOMS SU BYED CES GSUNGS PA DANG, LAN DU BCOM LDAN 'DAS 'KHOR BA NI BZOD PAR DKA' BA'I SDUG BSNGAL DU MA DANG LDAN PAS BSRAN BAR MI NUS LA, SEMS KYANG DAM PA MA YIN PA'I SKYE BO LA DGA' BAS G-YO BAR SBYOD CING, KHYOD MTHONG YANG BDAG LA BYIN GYIS DAD MA BRLABS NA, DE LA CI ZHIG BGYIR MCHIS ZHES GSUNGS PA DANG, LAN DU CI SRID SA MA THOB KYI BAR DU KHYOD KYI DGE BA'I BSHED GNYEN NI NGA NYID DO ZHES GSUNGS TE, MI SNANG BAR GYUR TO, ,DE LTAR NA BYANG CHUB LA ZHUGS PA DANG, SEMS DPA' CHEN POS BYIN GYIS BRLABS PAS NA, DE NI BSOD NAMS DANG YE SHES KYI TSOGS DANG LDAN PAR NGES PAR BYA'O, ,DE LTAR TSIGS SU BCAD PA 'DIS RNAM 'GREL DU BYED PA'I RGYU BSGRUBS PAS RNAM PAR NGES PA TSAD MA KUN LAS BTUS PA'I BSHAD PA'I CHA GZUNG BAR BSGRUBS PA YIN TE, JI LTAR SLOB DPON GYIS GZHAN DAG GI SDUG BSNGAL GYI RGYU SPANGS BAR BZHES NAS TSAD MA KUN LAS BTUS PA'I MDO'I CHA BSHAD PA DE BZHIN DU, ,GZHAN DGAG GIS LOG PA'I SHES PA BZHIN DU SDUG BSNGAL GYI RGYU SPANG BAR 'DOD PA SHES PAR BYA BA'I PHYIR RO, ,KHA CIG NA RE PHYED GONG MAS RNAM PAR NGES PAR ZLOS PA'I NYES PA SPANGS TE, GANG GI PHYIR BLO GROS BLUN POS DON BRLING BA NGES PAR NUS PA DES NA BZLOS PA'I SKYON MED PA'I PHYIR RO, ,PHYED 'OG MAS KYANG RANG RGYUD NYID SPANGS SO ZHES ZER BA DE NI SHIN TU MA 'BREL TE, BRTZE BAS KYANG ZHES BSDU BA MED PA'I PHYIR DANG, RNAM 'GREL DU BYA BAR BSGRUBS PAS KYANG ZLOS BA'I NYES PA SPANGS BA NYID KYI PHYIR RO, ,GANG YANG 'DI NI RNAM PAR NGES PA'I DGOS PA YIN NO ZHES ZER BA DE NI SDIGS PA BAS KYANG SDIG PA YIN TE, RNAM PAR NGES PA'I DGOS PA NI GANG GI DBANG DU BYAS NAS 'DI BYED PAS, BRJOD PAR BYA BA RTOGS PA NYID YIN LA, DE YANG GZHAN GYIS BSGRUB ZIN PA DE MA NA DE'I DON DU @004A *, ,YANG DE BYA BA MA YIN NO ZHES DGOS PA MED PA NYID DU DGOS PAR 'GYUR BA DE YANG RNAM 'GREL DU BYED PA'I RGYU BSTAN PA NYID KYIS SPANGS PA YIN NO, ,CI STE RANG RGYUD BRNYAS PA'I RGYU YIN PAS KUN LAS BTUS PAS BSHAD PAR BYED PA RNAM PAR NGES PA BRTZAM PAR BYA BA NYID KYI DGOS PA CI ZHIG YIN, TSIGS TSAD MA MA YIN PAS DGOS DAD PA BSTAN KYANG BSTAN BCOS MNYAN PA NYID LAS NGES PAR BYA BA MA YIN NAM, 'DIR DGOS PA STON PA'I NGAG GIS CI ZHIG BYA ZHE NA, BDEN TE DE LTAR NA YANG TSIGS LAS RTOG PA DANG LDAN PA RNAMS THE TSOM SKYE ZHING, DES NA DON DU GNYER LA, DE LAS KYANG 'JUG PAR 'GYUR BA'I PHYIR RO, ,BRJOD PAR BYA BA LA SOGS PA'I NGAG MED NA NI 'DE'I BRJOD PAR BYA BA NI BYA ROG GI SO BSTAN PA BZHIN DU 'BRAS BU MED PAR DOGS PA'AM, MTHA' YAS KYI GTZUG GI NAD THAMS CAD SEL BA'I RIN PO CHE'I RGYAN GYI MAN NGAG BZHIN DU YOD KYANG BSGRUB PAR MI NUS PA'AM, ,MA BAG MAR LEN PA'I MAN NGA BZHIN DU 'DI NYAN PA'I DGOS PA NI MNGON PAR 'DOD PA MA YIN NO ZHES SOGS PA'AM, BSTAN BCOS MNYAN PA DE BAS KYANG DGOS PA DE 'GRUB PA'I THABS SLA BA GZHAN YOD DO ZHES DON ME PA'I THE TSOM GANG YANG RUNG BAS KYANG DON DU GNYER BAR MI 'GYUR TE, DES NA MNYAN PA LA 'JUG PAR MI 'GYUR RO, ,'BREL PA LA SOGS PA BRJOD NA NI DON LA THE TSOM BYA BAR RIGS TE, BSTAN BCOS BYED PAS BSTAN BCOS KYI DANG POR BRJOD PAR BYA BA LA SOGS PA PHYIN CI LOG TU STON BA LA DGOS PA CUNG ZAD KYANG MED PA'I PHYIR RO, ,DE'I PHYIR DGOS PA'I NGAG BKOD PA YIN NO, ,'CHAD PA PO RNAM NI BRTZE BA LA SOGS PA'I DON DU LOG PAR STON PA SRID KYI, ,BSTAN BCOS BYED PA NI MA YIN NO, ,DE'I PHYIR 'JUG PA'I YAN LAG TU DON DU 'GYUR BA NYID KYI THE TSOM BSKYED PA'I PHYIR, PHAN PA DANG ZHES BYA BA LA SOGS PAS DANG POR BRJOD PAR BYA BA LA SOGS PA'I NGAG GSUNGS SO, ,GANG 'DIS KYANG BRJOD PAR BYA BA'I DGOS PA NYID STON TO, ,DAG GI RANG BZHIN 'DI THAMS CAD NI SGRA'I LUS DANG DON GYI LUS SO, ,DE LA SGRA'I CHA NI DON RTOGS, @004B PA NYID DGOS PA YIN PAS, 'GA' ZHIG TU YANG 'BRAS BU MED PA MA YIN PAR RANG NYID KYIS 'GYUR RO, ,DON GYI CHA LA NI DON DANG MI LDAN PA NYID MTHONG LA, DE LTA BU'I DON KYANG BRTZAM PAR BYA BA MA YIN TE, RTOG PA DANG LDAN PA'I RTZOM PA THAMS CAD NI DGOS PAS KHYAB PA'I PHYIR DANG; SKYES BU'I DON LA NYE BAR MKHO BA'I DON KYANG MED PA'I PHYIR RO, ,DE'I PHYIR BSTAN BCOS BRTZAMS PA 'BRAS BU DANG BCAS PA STON PAR BYED PAS, ,BRJOD PAR BYA BA'I DGOS PA NYID BSHAD PAR BYA BA YIN NO, ,GANG GI PHYIR PHAN PA DANG MI PHAN PA THOB PA DANG SPANG BA NI YANG DAG PA'I SHES PA'I 'BRAS BU YIN PA'I PHYIR DE BSTAN PA'I DON DU 'DI BRTZAM MO ZHES BYA BA LA, ,'DIR YANG DON GYIS BRJOD PAS BRJOD PAR BYA BA DANG, BYED PA DANG NYAN PA'I BYA BA'I DGOS PA DANG 'BREL PA DAG KYANG BRJOD PA YIN NO, ,DON GYIS BRJOD PA DE YANG DAG GI CHA'I DBYE BA BRTAGS PA 'BA' ZHIG GIS STON TE, DE ZHES BYA BAS NI BRJOD PAR BYA BA BSTAN TO, ,BSTAN PA ZHAS BYA BA NI DGOS BA STE, NGAG GCIG GIS DON DU MA RANG DBANG DU MA RANG DBANG DU 'JOG MI NUS PA'I PHYIR RO, ,PHAN PA NI 'DOD PA SGRUB PAR BYED PA'O, ,DE LAS BZLOG PA NI MI PHAN PA STE, 'DOD PA SGRUB PAR BYED PA MA YIN PA DANG, MI 'DOD PA SGRUB PAR BYED PA'O, ,DE DAG NYID BLANG BA DANG SPANGS BAR BYA BA YIN LA, BTANG SNYOMS SU BYA BA YANG DOR BAR BYA BA NYID KYIS SPANG BAR BYA BA KHO NA YIN PA'I PHYIR MI PHAN PA YIN TE, DE'I PHYIR 'DI DAG LAS RNAM PA GZHAN YOD PA MA YIN NO, ,'DI DAG NYID DON DU GNYER BA'I SKYES BUS SPONG BA DANG BLANG BAR BYA BA'I PHYIR SKYES BU'I DON TE, 'DOD PA DANG MI 'DOD PA YANG YIN NO, ,'ON KYANG 'JIG RTEN NA GAL TE 'DOD PA SGRUB PAR BYED PA LA YANG MI PHAN PAR GRAGS PA DE LTA NA YANG, 'DIR NI 'DI LTA BU NYID LA PHAN PA DANG MI PHAN PAR 'DOD DO, ,GANG GI PHYIR 'BRAS BU 'DOD PAS DE'I SGRUB PAR BYED PA LA SHES NAS 'JUG LA, 'BRAS BU YANG 'DOD PA NYID YIN TE 'BRAS BU'I MTSAN NYID NI 'DOD PA YIN NO ZHES GANG 'CHAD PAR 'GYUR RO, ,SGRUB PAR BYED PA DE YANG @005A *, ,NGES PA YIN TE, DE'I PHYIR SGRUB PAR BYED PA LEN PAR 'DOD PA DON DU GNYER BAS SGRUB PAR BYED PA DANG SGRUB PAR BYED PA MA YIN PA SHES NAS SGRUB PAR BYED PA LEN PA DANG, ,SGRUB PAR BYED PA MA YIN PA SPONG BA LA 'JUG GO, ,DE'I PHYIR DON DU GNYER BA RNAMS KYIS SPANG BA DANG BLANG BA'I DON DU SHES PA SNGON DU 'GRO BA'I 'JUG PA DANG GANG YIN PA DE DAG NI SHES PAR BYAS NAS SPANG BA DANG BLANG BA'I DNGOS PO LA 'JUG PA'I PHYIR, 'DIR NI 'DOD PA BSGRUB PAR BYED PA DANG, ,SGRUB PAR BYED PA MA YIN PA TZAM ZHIG PHAN PA DANG MI PHAN PA YIN NO, ,DES NA 'DI SKAD DU SGRUB PAR BYED PA MA NGES PAS 'DZIN PAR MI 'GYUR RO ZHES BYA BA LA SOGS PAS 'DOD PA DANG MI 'DOD PA, BDE BA DANG SDUG BSNGAL GYI SGRUB PAR BYED PA THOB PA DANG SPANG BAR BYA BA NI YANG DAG PA'I SHES PA LAS SO ZHES 'CHAD PAR 'GYUR RO, , DE DAG LAS THOB PA NI PHAN BA LEN PA'O, ,SPONG BA NI MI PHAN PA SPONG BA'O, ,YANG DAG PA'I SHES PA SNGON DU 'GRO BA NI RGYU YIN PAS SHES PA 'BRAS BU'I SNGON DU 'GRO BA YIN NO, ,SNGON DU 'GRO BA BRJOD PAS NI BSTAN PAR 'OS PA NYID BRJOD DO, ,YANG DAG PA'I SHES PA NI GNYIS TE, GCIG NI 'DOD PA THOB PA'I RANG BZHIN DON BYED PAR SNANG BA YIN LA, DE YANG DBYED PAR BYA BA MA YIN TE, 'DI LTAR CUNG ZAD RNAM PAR DPYOD PA NI 'DI NI SPANG BAR BYA BA'O, ,'DI NI BLANG BAR BYA BA'O, ,ZHES BSTAN PA'I DON DU YIN NA DE LTA BU NI THAMS CAD KYANG DON DU GNYER BA RNAMS KYIS BLANG BAR BYA BA KHO NA YIN NO, , GZHAN NI SGRUB PAR BYED PAR SNANG BA'O, ,GANG GI YUL LA 'JUG PAR 'DOD PA SLU BAR DOGS PA RNAMS KYIS DE LA TSAD MA'AM TSAD MA YIN PAR DPYAD PAR BYA BA YIN PA'I PHYIR, ,BSTAN BCOS LAS BSTAN PAR BYA BA YIN NO, ,GANG GI PHYIR 'JUG PAR BYED PA THAMS CAD NI BAR DU TSOD PA'I RGYU YIN PAS GAGS BYED PA SRID PA YIN NO,, DE BAS NA 'JUG PA'I YAN LAG YIN PA'I PHYIR, ,SNGON DU 'GRO BA TZAM YIN GYI DE MA THAG PA'I RGYU NI MA YIN NO ZHES BRJOD PA YIN NO, ,CI LTAR SBYANG NA GNAS PA'I SA BON DE NI BUM PA GZHIN DU THAMS CAD DU MYU GU'I RGYU NYID @005B MA YIN NO ZHES NUS PA ME DPA NYID BZLOG PA DE BZHIN DU YANG DAG PA'I SHES PA'I NI LOG PA'I SHES PA BZHIN DU DON THOB PA'I RGYU MA YIN PAS RGYUR BRJOD PA YIN NO, ,GAL TE PHAN PA THOB PA DANG SPONG BA NI GZHAN LA SKYANG 'GYUR BA MA YIN NAM, ,YANG DAG PA'I SHES PA DE LA SU ZHIG GUS PAR BYED CES DOGS PA LAS GZHAN LAS GZHAN LAS THOB PA DANG SPONG BA DGAG PA'I PHYIR NGES PAR ZHES GSUNGS TE, YANG DAG PA'I SHES PA KHO NA LAS 'GYUR GYI GZHAN LAS NI MA YIN NO, ,DON THOB PAR BYED PA NI NGES PA KHO NA STE, ,GZHAN NI MA YIN LA, DON THOB PAR BYED PA'I NGES PA NYID KYANG YANG DAG PA'I SHES PA KHO NA YIN NO, ,THE TSOM GYI SHES PA YANG YOD DAM MED, BUM PA'AM SNAM BU ZHES GNYI GA'I CHA LA DMIGS PA YIN LA, GANG ZHIG THOB PAR BYA BA GNYI GA'I BDAG NYID KYI DNGOS PO YANG YOD PA MA YIN NO, ,KHYIM NA 'DUG PA NA KHROD PA NA CHU YOD DO ZHES GCIG GI CHAR ZHEN PAR BYED KYANG, NGES PAR BYED PA'I RGYU MED PAS CHU MED PA'I DOGS PA MA BZLOG PA'I PHYIR SHES PA DE NI THE TSOM KHO NA'O, ,GANG YANG RGYU MTSAN MED PAR ME'I STENG DU SBRANG BU'I TSOGS 'DUS PA LA DU BAR NGES PA LAS YANG DAG PA'I ME NGES PA DE YANG NGO, ,SBRANG BU'I TSOGS MTHONG BA LTA ZHOG STE, BDEN PA'I DU BA MTHONG YANG RJES SU DPAG PA'I DUS KYI SNGA ROL DU SBRANG BU'I TSOGS LA SOGS PA LAS LOG PA'I DU BA'I RANG BZHIN NGES PA MA RTOGS SHING, CI SRID RNAMS PAR MA PHYE BA DE SRID DU ME'I 'BRAS BUR THE TSOM ZA BA'I PHYIR, THE TSOM DU GYUR PA NYID YIN NO, ,DU BA'I BYE BRAG GI RANG BZHIN NGES PA RNAM PAR PHYIR ZIN KYANG DE'I DUS NA MI DRAN PA YIN TE, DRAN NA 'KHRUL PAR MI RIGS PA'I PHYIR RO, ,ME'I 'BRAS BUR NGES PA'I RANG BZHIN MI DRAN NA YANG DGOS PA'I RGYU MA LOG PAS SEMS DANG LDAN NA CI LTAR THE TSOM ZA BAR MI 'GYUR, DE'I PHYIR RANG BZHIN NGES PA GTAN LA PHEBS PA'I DU BA KHO NA LAS ME RTOGS PAR 'GYUR RO, ,GZHAN LAS NI CHA GCIG GTU GZUNG YANG, ,THE TSOM GYI RGYU MA LOG PAS THE TSOM NYID YIN NO, ,DES NA THOB PA DANG SPONG BA NI YANG DAG PA'I SHES PA KHO NA LAS @006A *, ,YIN NO, ,TSAD MA'I MTSAN NYID YOD NA YANG, RAB TU 'JUG PAR BYED PA'I SHES PA LA, DE LAS BSHAD PA'I TSAD MA NI 'DI YIN NO ZHES BYA BAR, DON BYED PA'I SHES PA LA SOGS PA THA SNYAD KHO NA LAS NGES PAR BYA BA MA YIN NAM, DE LTAR NA YANG MTSAN NYID MED KYANG THA SNYAD KHO NA LAS RTOGS PAR 'GYUR BA YIN TE, THA SNYAD LAS NI TSAD MA NYID CES GANG BSHAD PA YIN NO, ,THA SNYAD LAS MI 'GRUB PA DON DAM PA'I TSAD MA NI BSHAD PAR BYA BA'I GTZO BO MA YIN TE, 'DI NI KUN DU THA SNYAD BA'I CHAD MA'I RANG BZHIN BRJOD PA YIN NO ZHES 'CHAD PAR 'GYUR BA'I PHYIR RO ZHES DOGS PA LA, MI MKHAS PA RNAMS LA ZHES SMOS TE, MI MKHAS PA DE DAG NI NYAMS SU MYONG BA'I DON LA YANG GZHAN DU ZHEN PAR MTHONG STE, JI SKAD DU, KHYAB PA MED DANG LDOG PA DAG ,SPONG BA'I DON DU ZHES BSHAD PA LTA BU'O, ,BSTAN BCOS NI DE DAG LA YIN GYI MKHAS PA LA MA YIN TE, DE DAG NI THA SNYAD KHO NAS NGES PA'I PHYIR RO, ,DE LTA NA YANG MTSAN NYID MI SHES PA'I SHING RTA 'DREN PA YANG BSTAN BCOS SHES PA DANG MA TSUNGS PAR DON BYED PA GRUB PA NYAMS PA MED PA MA YIN NAM, DE DAG LA YANG BSTAN PAS CI ZHIG BYA ZHE NA; DON THOB PA BYE BRAG MED PA BDEN NA YANG MTHONG BA'I TSAD MA LA RMONGS PAS MA MTHONG BA LA YANG 'PHEL BAR BYED PA DE BAS NA BSTAN BCOS NI RMONGS PA BZLOG PA YIN NO, ,MTHONG BA LA YANG TSAD MA LA RMONGS PAS TSAD MA MA YIN PA LA 'JUG NA BSLUS PAR 'GYUR BA YIN TE DPER NA 'DI NI SNGO BSANGS YIN TE, DE'I BU YIN PA'I PHYIR ZHES BYA BA LTA BU STE, DES NA BSTAN BCOS NI MTHONG BA'I RMONGS PA YANG ZLOG PAR BYED PA YIN NO, ,DE ZHES BYA BA NI YANG DAG PA'I SHES PA'O, ,BSDU BA'I DON LA GTZOR GYUR PA MA YIN PAS GZUNG BAR MI NUS PA DE LTAR NA YANG BSTAN BCOS LA GTZO BO YIN PA'I PHYIR, BLO GZHAN GYIS RANG DBANG DU RTOGS PAS 'DZIN PA YIN TE, DPER NA 'DI GANG GI KHYIM YIN PA DE KHRID DE SHOG CIG CES BYA BA LTA BU'O, ,BSTAN PA'I DON DE DGOS PA GANG LA YOD PA DE NI DE'I DON TO, ,DE YANG GANG ZHE NA, @006B BYED PA PO LA LTOS NAS NI BYED PAR RTZOM LA, NYAN PA PO LA LTOS NAS NI NYAN PAR RTZOM ZHES BYA BAR SBYAR RO, ,YANG DAG BA'I SHES PA KHONG DU CHUD PAR BYA BA'I PHYIR, BDAG GIS YANG DAG PA'I SHES PA BSTAN PAR BYA'O ZHES BSTAN BCOS BYED LA, SLOB MA RNAMS KYIS SLOB DPON GYIS BDAG CAG RTOGS PAR BYA BA'I PHYIR RO ZHES DES BYAS PA'I BSTAN BCOS NYAN PAR BYED DE, DE LTAR NA YANG BYED PA PO BYED PA'I DGOS PA DANG, NYAN PA PO RNAMS KYI NYAN PA'I DGOS PA BSHAD PA YIN NO, ,SHES PA LA GNAS PA'I DON GZHAN LA STON PAR 'DOD PAS, GZHAN DU NA DON DE PHA ROL LA BSGRUB PAR MI NUS PA'I PHYIR DE BSNYAD PAR BYA BA MA YIN NAM, DE LTAR NA 'DIR MTSAN NYID BYED PA NYID STON PA PO'I BYA BA YIN NO, ,DE'I PHYIR BSTAN PA NI BSTAN BCOS BYED PA YIN PA DES NA 'DI NYID BYA BA'I DON DU 'DI BRTZAM MO ZHES BYA BAR 'GYUR NA, DE'ANG RIGS PA MA YIN TE, 'DI BYED PA DANG NYAN PA NI TSAD MA RTOGS PAR BYA BA'I PHYIR YIN GYI, 'DI NYID BYED PA'I DON DU NI MA YIN NO ZHE NA, SGRA'I BYA BA GTZOR BYA BA LA LTOS NA NI SKYON 'DI YOD PA BDEN TE, GANG GI PHYIR SGRA'I BRJOD PAR BYA BA'I GTZO BO NI RTOGS PA'I YUL CAN GYI STON PA PO'I BYA BA YIN PA DES NA DE LTAR RTOGS PAR 'GYUR RO, ,DON GTZO BOR BYAS NA SKYON YOD PA MA YIN TE, GANG GI PHYIR STON PA PO'I RTZOM PA 'DI THAMS CAD NI BSTAN PAR BYA BA'I DON DU YIN TE, 'TSED PA'I SGRA LA 'TSED PA'I BYA BA GTZO BO MA YIN ZHING TSOS PA GTZO BO YIN NO ZHES BSHAD PA LTA BU'O, ,DE'I PHYIR 'CHAD PA'I BYA BA DANG LDAN PA LAS RTOGS PA YOD PA YIN NO ZHES BRJOD PA YIN NO, ,DE RTOGS PA'I DON DU ZHES BRJOD NA NI ZAS LA SOGS PA'I GNAS SKABS KYI DE'I DON GZHAN DANG THUN MONG BA DE'I DAN TZAM ZHES BRJOD PAR 'GYUR RO, ,DA LTAR NI DON 'DI LTAR RTOGS PAR 'GYUR TE, 'DI BYAS PA LAS NA SLOB DPON NI STON PA PO YIN LA, NYAN PAR BYED PA RTOGS PA PO NI BSTAN PAR BYA BA YIN NO, ,DE LTAR 'DI BYAS PA DANG NYAN PA NI STON PA PO'I BYA BAS BYIN GYIS BRLABS NAS DON RTOGS PA YIN TE, GZHAN DU NI MA YIN NO, , @007A *, ,DE'I PHYIR 'DOMS PAR BYED PA NI STON PA PO YIN NO ZHES BYA BAR 'GYUR RO, ,'DI ZHES BYA BA NI NANG GI DE KHO NA NYID DU YONGS SU RDZOGS PA DON GYI BDAG NYID KYI BSTAN BCOS GZUNG NGO, ,DE NYID KYI PHYIR DGOS PA 'DI NI RNAM PAR NGES PA KHO NA'I YIN TE, KUN LAS BTUS PA'I NI DNGOS SU MA YIN NO, ,MDO DANG RNAM 'GREL DAG DGOS PA GCIG PA'I PHYIR DE'I YANG DGOS PA 'DI YIN PAR DON GYIS BRJOD PA YIN NO, ,PHYI ROL GYI DE KHO NA NYID SGRA'I BDAG NYID KYIS NI BYED PAR RTZOM LA, THAMS CAD KYI BDAG NYID YONGS SU RDZOGS PA LAS NI NYAN PAR RTZOM PA YIN NO, ,BRTZAM MO ZHES BYA BA NI DA LTAR GYI DUS TE, NYAN PA DANG 'CHAD PAR RTZOM PA NI YONGS SU RDZOGS PA'I BAR GYI YUL LO, ,'DIR YANG DE ZHES BYA BAS BRJOD PAR BYA BA BSTAN TE, DE'I PHYIR BSGRUB PAR MI NUS PAR DOGS PA SPANGS SO, ,BSTAN PA ZHES BYA BA NI DGOS PA STE, DE'I PHYIR MNGON PAR 'DOD PA MA YIN PAR DOGS PA BSAL TO, ,DE'I DON DU 'DI BRTZAM MO ZHES BYA BAS KYANG SGRA'I BDAG NYID KYI BSTAN BCOS 'DI DANG DGOS PA THABS DANG THABS LAS BYUNG BA'I MTSAN NYID KYI 'BREL PA BRJOD DE, DE'I PHYIR THABS GZHAN YOD PAR DOGS PA BSAL TE, GAL TE 'DI BAS KYANG SLA BA'I THABS GZHAN YOD NA NI 'DI BRTZAM PAR BYA BA MA YIN PA'I PHYIR RO, ,DE LTAR RTOG PA DANG LDAN PAR 'JUG PA'I YAN LAG TU DON YOD PAR THE TSOM ZA BA'I RGYUR BRJOD PAR BYA BA LA SOGS PA BSTAN NAS, YANG DAG PA'I SHES PA DE NI ZHES BYA BA LA SOGS PA SKABS RTZOM PAR BYED PA YIN NO, ,LOG PAR RTOGS PA BSAL NAS DE KHO NA NYID BRJOD PA BSTAN PA'O, ,LOG PAR RTOGS PA YANG, YANG DAG PA'I SHES PA'I GRANGS DANG MTSAN NYID DANG, SPYOD YUL DANG 'BRAS BU'I YUL LO, , DE LA RE ZHIG GRANGS LA LOG BAR RTOGS PA BSAL BA NI, DE NI RNAM PA GNYIS TE ZHES BYA BA'O, ,GANG ZHIG THOB PA DANG SPANGS PA'I RGYU MTSAN RNAM PAR DPYAD PA'I SKABS KYI, 'JUG PAR BYED PA'I YANG DAG PA'I SHES PA DE RNAM PA GNYIS YIN GYI, DON BYED PAR SNANG BA NI @007B MA YIN TE, DE NI MNGON SUM TZAM DU ZAD PA'I PHYIR RO ZHES BSTAN PA'I DON DU DE ZHES SMOS SO, ,RNAM PA GNYIS NI 'DI'I DBYE BA'O, ,GAL TE MNGON SUM DANG NI RJES SU DPAG ,CES BRJOD PAS RNAM PA GNYIS 'THOB PA DE LTAR NA YANG, 'JIG RTEN NA DON RTOGS PA LA YANG GRANGS GYI TSIG SBYOR TE, DPER NA SNAM KHUR DAG NI GNYIS SO ZHES BYA BA BZHIN NO, ,RNAM PA GNYIS ZHES BYA BA'I SGRA YANG GRANGS KYI DON DU YIN NO, ,YANG NA NI NGES PAR BYA BA'I DON TE, RNAM PA 'DI GNYIS KHO NA YANG DAG PA'I SHES PA YIN TE, 'DIR NI RE ZHIG 'DI TZAM ZHIG BRJOD PAR ZAD KYI, GZHAN YANG YOD PA NYID DO ZHES DOGS PAR MI BYA'O, ,YANG DAG PA'I SHES PA'I MTSAN NYID KHO NA BYE BRAG TU BSTAN PAR BYA BA MA YIN NAM, DE'I GRANGS KYIS CI ZHIG BYA ZHE NA, BDEN TE MTSAN NYID DE NYID NI GSAL BA THA DAD PA'I MTHAR THUG PAS, GSAL BA'I DBYE BAS MA BSTAN NA MTSAN NYID KHYAD PAR DU BSTAN PAR MI NUS TE, DE'I PHYIR MTSAN NYID BSTAN PA'I YAN LAG YIN PAS GRANGS KYI SGO NAS RNAM PA'I RAB TU DBYE BA BRJOD DO, ,MTSAN NYID KYI YAN LAG YIN PA NYID KYIS GRANGS DANG POR BSTAN TO, ,MI 'DOD PA BZLOG PA'I DON DU MNGON PAR 'DOD PA RNAM PA GNYIS STON TE, DBANG PO LA BRTEN PA'I DON NI MNGON SUM MO, ,DBANG PO LA BRTEN PA NYID NI SGRA BSHAD PA'I RGYU MTSAN YIN TE, SGRA 'JUG PA'I RGYU MTSAN NI DON GYI RANG BZHIN MNGON SUM DU BYED PA NYID YIN TE, DON MNGON SUM DU BYED PA'I SHES PA NYID NI MNGON SUM DU GRAGS PA YIN NO, ,DE NI SHES PA'I GSAL BA GCIG LA 'DU BA'I PHYIR DBANG PO LA BRTEN PA NYID DES MTSON NAS 'JUG PA'I RGYU MTSAN DU SHES PAR BYED DE, DE'I PHYIR MNGON SUM BZHI KA LA YANG MNGON SUM GYI THA SNYAD DU GRUB BO; ,DPER NA 'GRO BA'I PHYIR BA LANG NGO ZHES BYA BA LA, DON GCIG LA 'DU BA'I 'GRO BA'I BYA BAS BA LANG NYID MTSON PAS 'JUG PA'I RGYU MTSAN DU SHES PAR BYED DE, DES NA 'GRO BAS STONG BA'I GONG BU LA YANG DE'I RGYU MTSAN GYIS BA LANG GI SGRAR GRUB PA BZHIN NO, ,GANG @008A *, ,GIS RTAGS GZUNG ZHING 'BREL BA DRAN PA'I RJES LA DPOG PA DE NI RJES SU DPAG PA'O, ,DANG ZHES BYA BA NI STOBS MTSUNGS PA NYID DE, YANG DAG PA'I SHES PA NYID KYIS RJES SU DPAG BSDUD PA'O, ,GANG I TSE RNAM PA GNYIS ZHES BYA BA'I SGRA NGES PAR BYA BA'I DON YIN PA DE'I TSE ZHES BYA'O ZHES BYA BA'I SGRA DE LTAR GYI DON TE, DE NI DE LTAR RNAM PA GNYIS YIN TE, SGRA DANG NYE BAR 'JAL BA LA SOGS PA'I SGO NAS NI MA YIN NO, ,CI STE 'JIG RTEN GYI DON RTOGS PA LA GRANGS KYI TSIG NYID YIN PA DE'I TSE ZHES BYA'O, ,YONGS SU RDZOGS PA'I TSIG STE, YANG DAG PA'I SHES PA NI 'DI GNYIS KHO NAR ZAD KYI GZHAN NI MED DO ZHES BYA BA'O, ,GAL TE DNGOS PO'I DE KHO NA 'DZIN PA NYID YANG DAG PA'I SHES PA NYID YIN NAM, 'ON TE GZUNG BA'I DNGOS PO THOB PAR BYED PA YIN, GNYI GA LTAR YANG RJES SU DPAG PA DNGOS PO MI 'DZIN PA'I PHYIR YANG DAG PA'I SHES PA MA YIN PAR 'GYUR RO, ,MA BZUNG BA THOB PAR BYED PA NYID KYANG YANG DAG PA'I SHES PA YIN NA NI, CHU'I SHES PA LAS KYANG MA BZUNG BA'I SMIG RGYU THOB PAS 'GA' YANG YANG DAG PA'I SHES PA MA YIN PAR MI 'GYUR RO ZHES DOGS PA LA; 'DOD PA'I YANG DAG PA'I SHES PA NYID BSTAN PA'I PHYIR 'DI DAG GIS ZHES BYA BA LA SOGS PA GSUNGS TE, GANG GI PHYIR 'DI DAG GIS SLU BA MED DE, DGAG PA GNYIS KYIS MI SLU BA ZHES BYA BA'I DON TO, ,DE'I PHYIR 'DI DAG NI YANG DAG PA'I SHES PA STE, MI SLU BAR BYED PA NYID YANG DAG PA'I SHES PA YIN NO, ,JI LTAR 'JIG RTEN NA KHAS BLANGS PA'I DON DANG PHRAD PAR BYED PA MI SLU BA YIN PA DE BZHIN DU SHES PA YANG BSTAN PA'I DON DANG PHRAD PAR BYED PAS MI SLU BAR BLTA BAR BYA'O, ,DE'I DON NI 'DI YIN TE, DNGOS PO 'DZIN PAR BYED PAS NI YANG DAG PA'I SHES PA NYID MA YIN GYI 'ON KYANG DNGOS PO THOB PAR BYED PA NYID YIN NO, ,DE GANG LAS SHE NA, DON BYA BA LA ZHES GSUGNS TE, DE LA DON NI GTZO BO LA SOGS PA BSGRUB PAR BYA BA'O, ,DE'I BYA BA NI BYED PA STE, SGRUB PAR BYED PA'I BYA BA'O, ,'DIR @008B BYED PA PO NYID LA BRJOD DO, ,DES NA DON 'DI YIN TE, BSGRUB BYA SGRUB PA'I NUS PA'I YUL LA MI SLU BA DE NI DE LA LTOS NAS THOB PAR BYED PA YIN NO ZHES BYA BA'I DON TO, ,GANG GI PHYIR RTOG PA DANG LDAN PA DON DU GNYER BA RNAMS KYIS, YANG DAG PA'I SHES PA CI 'DRA BA ZHIG DON DU GNYER BA DE 'DRA BA NYID KHO BO CAG GIS KYANG BRTAG PAR BYA BA NYID YIN LA, DE DAG KYANG DON BYED PA BSGRUB PA LA 'JUG PA NA, DE THOB PAR RUNG BA 'JUG PAR BYED PA'I SHES PA NYID TSOL GYI DNGOS PO 'DZIN PA TZAM NI MA YIN TE, DON BYED PA SGRUB PAR BYED PA MA YIN PA'I PHYIR DANG; DE THOB PA YANG MA YIN LA, DE THOB PA'I THABS KYANG MA YIN PA'I PHYIR DANG, RNAM PAR RTOG PA RJES SU DPAG PA LAS KYANG THOB PA YOD PA'I PHYIR RO, ,DON BYED PA THOB PA'I RANG BZHIN DON BYED PAR SNANG BA'I SHES PA GANG YIN PA DE YANG DON BYAS ZIN PA NYID KYIS RTOG PA DANG LDAN PA DON DU GNYER BA RNAMS KYIS BRTAG PAR BYA BA MA YIN PA'I PHYIR BSTAN BCOS LAS KYANG ZHAR TZAM DU DPYOD PA YIN GYI DE'I DON DU NI BSTAN BCOS MA YIN NO, ,DE'I PHYIR DNGOS PO 'DZIN PA NYID NI YANG DAG PA'I SHES PA MA YIN TE, 'ON KYANG DE THOB PAR BYED PA YIN NO, , GAL TE DE LTAR NA YANG MNGON SUM GYIS GZUNG BA'I DON NI THOB PAR RUNG BA MA YIN TE, SKAD CIG MA NYID YI PA'I PHYIR RO, ,RJES SU DPAG PAS GZUNG BA YANG MA YIN TE, DNGOS PO MED PA'I PHYIR RO, ,'DI LTAR RNAM PAR RTOG PA NI RANG GI SNANG BA DON MED PA LA DON DU ZHE NA YIN LA, RNAM PA RTOG PA RNAMS KYI YUL YANG ZHEN PAR BYAS PA NYID YIN TE, RNAM 'GREL LAS, NGES PA RNAMS KYIS MA NGES GANG, ,DE NI JI LTAR DE DAG YUL, ,ZHES GANG BSHAD PA YIN NO, ,SGRO BTAGS PA YANG PHYI ROL GYI DNGOS POR YOD PA MA YIN TE; DE'I PHYIR TSAD MA GNYIS KYIS DON BYED PA GANG ZHIG THOB PAR BYED CE NA, 'JUG PA NA ZHES GSUNGS SO, ,TSAD MA'I YUL NI RNAM PA GNYIS TE, GZUNG BA STE SO SOR SNANG BA'I DON DAM PA'AM, SGRO BTAGS PA DANG ZHEN PA'I YUL LO, ,DE DAG LAS SHES @009A *, ,BAS GANG LA 'JUG PA'I YUL DE LA, THOB PAS MI SLU BA YIN GYI GZUNG BA LA NI MA YIN NO, ,GNYI GAS KYANG DNGOS PO NYID LA 'JUG PAR BYED DE, RNAM PAR RTOG PA DE LAS NI DNGOS PO NYID LA 'JUG GO ZHES GANG BSHAD PA YIN NO, ,DE'I PHYIR 'JUG PA'I YUL GYI DNGOS PO THOB PAR GNYI GA KHYAD PAR MED PA YIN TE, TSAD MA GNYI GA DNGOS PO'I YUL CAN ZHES 'CHAD PAR 'GYUR RO, ,MA BZUNG BA 'JUG PA'I YUL YIN NA HA CANG THAL BAR 'GYUR RO ZHES BRJOD PA SPANG BA'I PHYIR, DON YONGS SU BCAD NAS ZHES GSUNGS TE, 'DIS SNGAR YONGS SU BCAD PA LA LTOS NAS 'JUG PA'I PHYIR, NGES PA DANG 'JUG PA DAG RGYU DANG 'BRAS BU NYID DU BSTAN TO, ,DES NA DON YONGS SU GCOD PAR BYED PA'I SHES PA NYID LA 'JUG PAR BYED PAR BRJOD DO, ,GAL TE YONGS SU BCAD PA'I DON NYID 'JUG PA'I YUL YIN GYI GANG YANG RUNG BA MA YIN PA DE LTAR NA DE RIGS PA YIN TE, DE'I PHYIR YONGS SU BCAD PA NI 'JUG PA'I YUL YIN LA, YONGS SU GCOD PAR BYED PA NI 'JUG PAR BYED PA NYID YIN NO ZHES BSTAN PAR 'GYUR RO, ,GANG GI PHYIR SHES PAS SKYES BU LA GNAS BZUNG STE, 'GA' ZHIG TU 'JUG PAR BYED PA NI MA YIN GYI, 'ON KYANG 'JUG PA'I YUL STON PAR BYED PA YIN NO, ,DE'I PHYIR YONGS SU GCOD PAR BYED PA NYID 'JUG PAR BYED PA YIN PAR RIGS SO, ,YONGS SU GCOD PA TZAM 'JUG PAR BYED PA YIN PA NA YANG, GANG GIS DANG PO 'JUG PA'I YUL BSTAN PA DE NYID KYIS GZHAN LA LTOS PA MED PAR SKYES BU BCUG PA'I PHYIR RTOGS PA'I DON LA TSAD MA YOD PA MA YIN NO, ,GAL TE KHONG DU CHUD PA LAS 'JUG PAR BYED PA NYID GZHAN YIN NA NI GZHAN GYIS KHONG DU CHUD PA LA YANG 'JUG PAR BYED PA GZHAN TSAD MA NYID DU 'GYUR BA YIN NO, ,THOB PAR BYED PA NYID NI 'JUG PAR BYED PA LAS GZHAN MA YIN TE, GANG GI PHYIR THOB PAR BYED PA'I SHES PAS DON GYI YUL DU SKYES BU GTONG BAR BYED PA'AM, SKYES BU'I YUL DU DON 'GUGS PA NI MA YIN TE, 'ON KYANG SKYES BU 'JUG PAR BYED @009B PA YIN NO, ,GANG GI PHYIR SHES PA LA 'JUG PAR BYED PA LAS THOB PAR BYED PA'I BYA BA GZHAN MED LA, 'JUG PA YANG KHONG DU CHUD PA LAS GZHAN MA YIN TE, DE'I PHYIR TSAD MA THAMS CAD NI MA RTOGS PA'I DON CAN KHO NA YIN NO, ,DE NYID KYI PHYIR DANG PO'I MNGON SUM DANG RJES SU DPAG PA'I SKAD CIG MA NYID KYIS DON BYED PAR NUS PA'I DNGOS PO'I RGYU NA NGES PAS 'JUG PA'I YUL DU BYED PAR NUS PA'I PHYIR, DE'I RGYUN DU GYUR PA GRUB PA DANG BDE BA THA MI DAD BA PHYI MA RNAMS TSAD MA YIN PAS SPANGS PA YIN NO, ,YONGS SU BCAD PA'I DON 'DUG PA'I YUL THOB PAR BYED PA NI TSAD MA YIN NO ZHES SMRAS PA NA, DUNG LA SER POR SHES PA DANG, NOR BU'I 'OD LA NOR BUR SHES PA DANG, SHES PA'I RNAM PA DE LTA BU GZHAN DAG KYANG TSAD MA MA YIN PAR BRJOD PA YIN NO, ,DE NGES PAS GZHAN NGES SO ZHES BYA BA NI MA YIN TE, HA CANG THAL BAR 'GYUR BA'I PHYIR RO, ,YUL DANG DUS DANG RNAM PA THA DAD PA YANG GZHAN KHO NA'O, ,DE DAG KYANG THA DAD PAR BYED PA YIN PA'I PHYIR TE, GZHAN DU NA THA DAD PA MED PAR THAL BA'I PHYIR RO, ,DKAR PO YANG SER PO LAS THA DAD PA YIN NO, ,RJES SU 'GRO BA DANG LDOG PA DAG LAS DON BYED PAR NUS PA YANG SNGON PO LA SOGS PA'I KHYAD PAR KHO NA YIN PAR MTHONG NGO, ,LDOG PA'I RGYU MTSAN GYIS NGO BO NYID DE NYID DE NYID NI SPYI'I CHOS SU GNAS PA YIN LA, DON BYED PA'I RGYU MTSAN GYI PHYIR NI YOD PA NYID YIN TE, GZHAN DU NA DON BYED PA MI SRID PA'I PHYIR RO, ,DE GZUNG BA NA GZUNG BAR GYUR PA 'KHRUL PAS MA NGES PA NI TSAD MA GZHAN GYIS NGES PAR BYED PA YIN TE, DPER NA DNGOS PO'I SKAD CIG MA NYID LA SOGS PA BZHIN NO, ,MANG PO RNAMS SHES PA GCIG LA SNANG BA NA RING PO LA SOGS PA'I DBYIBS TSOGS PA'I YUL LA RNAM PAR GNAS PA NI SO SOR SNANG BA'I CHOS YIN GYI DNGOS PO'I CHOS MA YIN PA'I PHYIR DKAR PO MA BZUNG NA DE'I CHOS SAM GZHAN GYI CHOS KYI DBYIBS MA BZUNG BAS NA SLU BA YIN PA'I PHYIR SER POR SHES PA NI TSAD MA MA YIN NO, ,DON THOB PA NI 'JUG PA GZHAN LAS YIN PAR SMRA'O, ,'JUG PAR BYED @010A *, ,PA'I SHES PAS NYE BAR BSTAN PA'I DON THOB PAR 'DOD PA'I BYA BA DANG LHAN CIG PA'I BLO NI 'JUG PA YIN LA, DE NI YOD DAM MED KYANG RUNG STE NGES PAR BYAS PA'I DNGOS PO DE NYID LA MTHAR THUG PA'I PHYIR SNGON PO'I SHES PA NI SNGON DU 'GRO BA'I 'JUG PA NI RNAM PA GZHAN THOB PA'I RGYU MTSAN MA YIN NO, ,'THOB PA NI SHES PA GZHAN KHO NA LAS YIN TE, THA NA REG BYA 'DZIN PAR BYED PA'O, ,NGES PA 'THOB PA NI NGES PA'I YUL LA 'KHRUL PA YIN PA'I PHYIR TE, DPER NA CHU'I SHES PA LAS SMIG RGYU'I SHES PA YIN ZHING, DES NA DE NYID NGES PAR 'THOB PA BZHIN NO, ,DE BZHIN DU YUL THA DAD PA'I NOR BU THOB PA NI 'JUG PA GZHAN KHO NA LAS YIN PAR SHES PAR BYA'O, ,'DI RGYAS PAR NI TSAD MA BRTAG PAR BLTA BAR BYA'O, ,DE LTAR NA YONGS SU BCAD PA'I 'JUG PA'I YUL THOB PAR BYED PAS YANG DAG PA'I SHES PA NYID DU 'DI GNYI GA BYE BRAG MED DO, ,DE LTAR NA NI CI ZHIG LTAR 'JUG PA'I YUL THOB PAR MI BYED PA GANG YIN PA DE TSAD MA YIN PAR 'GYUR NA, DE YANG RIGS PA MA YIN PAS GANG GI PHYIR TSAD MA'I BYA BA NI 'JUG PA'I YUL STON PA TZAM YIN NO ZHE NA, BDEN TE NGO BO MA YIN PA'I PHYIR GCIG TU DON THOB PA'I RANG BZHIN GYI SHES PA PHYI MA NI SNGA MA'I YANG DAG PA'I SHES PA NYID MA YIN TE, 'ON KYANG THOB PAR NUS PA NYID DO, ,DE'ANG THOB PAR BYA BA'I DON LAS BDAG NYID THOB PA'I RGYU MTSAN GYIS YIN PA'I PHYIR 'JUG PAR BYED PA MA YIN PA GANG YIN PA DE LA YANG DON THOB PAR RUNG BA YOD BAS NA DE LA'ANG TSAD MA KHO NA'O, ,NUS PA NGES PA YANG RJES SU DPAG PA DANG DON BYED PAR SNANG BA'I MNGON SUM NI RANG KHO NA LAS 'GYUR RO, ,'JUG PAR BYED PA'I MNGON SUM YANG LA LA NI RANG KHO NA LAS TE, 'KHRUL PA'I DOGS PA MTHA' DAG BSAL NAS RANG BZHIN GYI KHYAD PAR KHONG DU CHUD PA GANG YIN PA'O, ,'DI LTAR SGRON MAS GSAL BAR BYAS PA NA SNGON PO YANG DMAR PO NYID DANG, MIG SER GYIS NYAMS PAS DKAR PO YANG SER PO DANG, THAG RING PO NAS CHUNG DU YANG CHEN PO DANG, GNYID KYIS THAMS CAD KYANG PHYIN CI LOG TU @010B MTHONG STE, DE'I PHYIR GANG ZHIG RMI LAM LA SOGS PAS SHES PA MA BSNYAD PA DANG, YUL NYE BA DANG, GSAL BYED MI MTHUN PA MA YIN PAS DNGOS PO GZUNG BA NI DE'I RANG BZHIN MYONG BA NYID KYIS DON BDEN PAR NGES PAR 'GYUR TE, DE LTA BUR GYUR BA NI 'KHRUL PA MED PAR LAN CIG MA YIN PAR MTHONG NAS THA SNYAD GOMS PA LA MTSON PA'I PHYIR RO, ,DES NA RANG GI NGO BO LAS DON MED NA MI 'BYUNG BAR GRUB PA'O, ,SNGA MA'I RANG BZHIN DANG CHOS MTHUN PA LAS DE LTAR RTOGS PA RJES SU DPAG PA NI MA YIN TE, DON LKOG TU MA GYUR PA'I PHYIR, NOR BU DANG DNGUL LA SOGS PA'I GZUGS RTOGS PA BZHIN NO, ,DE BZHIN DU ME DANG 'BREL PA SHES PA'I ME MA MTHONG BAR DU BA LA ME'I 'BRAS BUR RTOGS PA YANG RJES SU DPAG PA MA YIN NO, ,GANG YANG RJES SU DPAG PAR BYA BA LAS MA 'DAS SO ZHES BYA BA DE NI RANG DANG GZHAN GYI RGYUD LA YOD PA NYAMS SU MYONG BA MA YIN PA'I BLO'I DBANG DU BYAS NAS BRJOD PA YIN TE, YUL NYAMS SU MYONG BA LAS MA RTOGS PA ZHES GSUNGS PA'I PHYIR RO, ,GANG YANG RNAM 'GREL LAS, RNAM PA MTSUNGS PA LAS THE TSOM DU 'GYUR RO ZHES BRJOD PA DE NI DOGS PAR 'GYUR BA'I YUL GYI SHES PA'I DBANG DU BYAS NAS BSHAD PA YIN GYI THAMS CAD LA NI MA YIN NO, ,LA LA NI DON MED NA MI 'BYUNG BA GZHAN LAS NGES PAR BYED DO, ,GANG GIS NA MED NA MI 'BYUNG BAR THE TSOM ZA BA, DON MI NGES PA'I PHYIR TSAD MA MA YIN PAR 'GYUR BA, JI LTAR RJES SU DPAG PA MED NA MI 'BYUNG BA'I DON MTHONG BAS NGES PA TSAD MA YIN PA BZHIN DU, MNGON SUM GYI TSAD MA NYID KYANG BDAG NYID DON MED NA MI 'BYUNG BAR NGES PAR BYED PA LAS NI MA YIN TE, 'ON KYANG SNANG BA NGES PAR BYED PA LAS YIN NO, ,DON THOB PAR BYED PA NI TSAD MA YIN LA, DE YANG 'JUG PAR BYED PA NYID YIN GYI GZHAN NI MA YIN NO, ,'JUG PAR BYED PA YANG 'JUG PA'I YUL STON PA NYID YIN PAR BRJOD DO, DES NA SNANG BA NGES PAR BYAS PA NI BSTAN PA YIN PA'I PHYIR 'JUG PA'I YUL LA TSAD MA'I BYA BA YONG @011A *, ,SU RDZOGS PA YIN NO, ,GANG YANG SNANG BA DANG 'GAL BA'I RNAM PA NGES PAS GNOD PA BSKYED PA DE NI TSAD MA'I BYA BA MA RDZOGS PA'I PHYIR TSAD MA MA YIN TE, DPER NA SMIG RGYU 'DZIN PA'I SHES PA LA CHUR NGES PAS 'JUG PA BZHIN NO, ,MED NA MI 'BYUNG BAR THE TSOM ZA BAS NI NAM YANG MNGON SUM GYI BYA BA LA GNOD PA MA YIN NO, ,'GA' ZHIG YOD PAR ZHEN PAR BYAS PA'I YUL CAN CI ME 'DI BA BDEN NAM 'ON TE MA YIN ZHES MED NA MI 'BYUNG BAR THE TSOM ZA BA 'DI LA YANG, BDAG NYID THAMS CAD GZHAN LAS TSAD MA YIN NO, ,YANG 'GA' ZHIG LO MA LA SOGS PA DANG LDAN BA LA SOGS PA'I SPYI SHES PA LA KHYAD PAR GYI YUL LA THE TSOM ZA BA DPER NA CI 'DI DHA BA'AM 'ON TE PA LA SHA ZHES BYA BA LTA BU DE LA YANG SPYI NI RANG LAS YIN LA, KHYAD PAR NI GZHAN LAS YIN TE, GANG GI PHYIR MNGON SUM GYIS DON BYED PA'I DNGOS PO BZUNG NAS SHING NGO ZHES NGES PA YIN LA, DON BYED PAR NUS PA YANG KHYAD PAR YIN TE, DES NA 'JUG PA'I YUL DU GYUR PA'I SHING GI RANG BZHIN NI KHYAD PAR NYID YIN PAS, DE LA YANG 'JUG PAR BYED PA NI DE NYID YIN NO, ,DE'I SHING SHA BA NYID KYI KHYAD PAR MED NA MI 'BYUNG BA NGES PA NI GZHAN LAS YIN NO, ,JI LTAR THUN MONG DU GYUR PA'I SHING NYID NI KHYAD PAR GYI BDAG NYID KHO NAS DON BYED PA YIN PA DE BZHIN DU SNGON PO LA SOGS PA'I THUN MONG BA SKAD CIG MA NYID KYANG, SNGON PO LA SOGS PA NYID KYI RANG BZHIN GYIS DON BYED PA YIN NO, ,DE NAS GAL TE MNGON SUM GYIS SKAD CIG MA NYID GZUNG BA MA YIN NA NI SNGON PO LA SOGS PA NYID KYI MTHAR THUG BAS DE LA TSAD MAR 'GYUR TE, SNGON PO LA SOGS PA NYID KYIS DON BYED PA'I PHYIR RO, ,KHYAD PAR 'DZIN PA NI SNGON PO LA SOGS PA DON BYED PA MTHONG BA NA THUN MONG DU GYUR PA SKAD CIG MA NYID LA SOGS PA NGES PA MA YIN PA DE'I MTHAR THUG PAS TSAD MA MA YIN TE, MTHONG BA'I DNGOS PO LA SOGS PA KHO NAS DON BYED PA RDZOGS PA'I PHYIR RO, ,DE'I PHYIR SPYI'I NGO BOS DON BYA BA BYED PA GZUNG BA NAS KHYAD PAR GYI MTHAR THUG PA NI TSAD MA NYID GZHAN LAS NGES PAR BYA BA YIN NO, , @011B KHYAD PAR GZUNG BA NA YANG SO SOR SNANG BA'I STOBS KYIS SBYI NGES NA NI DE LA TSAD MA YIN TE, DPER NA SHING NYID LA SHING SHA PA 'DZIN PA BZHIN TE, GZHAN DU NI TSAD MA MA YIN NO, ,SKAD CIG MA NYID NI DE LTAR KHYAD PAR MA YIN ZHING, KHYAD PAR SNANG BA LAS NGES PA YANG MA YIN TE, DE'I PHYIR DE 'DRA BA NI TSAD MA GZHAN KHO NAS SGRUB PAR BYED DO, ,DE BZHIN DU REG PA LA SOGS PA LHAN CIG RGYU BA THA DAD PA LA YANG BLTA BAR BYA'O, ,DON BYED PA'I SHES PA 'BA' ZHIG LAS NGES PA NI MA YIN TE, 'ON KYANG MED NA MI 'BYUNG BA'I DON 'GA' ZHIG MTHONG BA LA KYANG YIN NO, ,RNAM PA 'DI LTA BU'I THE TSOM NI THAMS CAD KYANG SNANG BA'I RANG BZHIN NGES PA'I 'OG ROL DU YIN TE, DE MA NGES NA YUL DE LA 'DZIN PA MI RIGS PA'I PHYIR RO, ,DE'I PHYIR THE TSOM NI MNGON SUM GYI BYA BA NGES PA LA YIN TE, RNAM 'GREL LAS, MNGON SUM GYI BZUNG BA DANG MA BZUNG BA NI SNANG BA'I DBANG GYIS YIN NO ZHES BSHAD DO, ,SNANG BA YANG RANG NYID NGES PA'I RANG BZHIN DE KHO NA BZHIN DU NGES PA'I PHYIR MED NA MI 'BYUNG BA'I THE TSOM NI PHYI NAS 'BYUNG BAS MNGON SUM GYI BYA BA MI 'GOG GO, ,DE NYID KYI PHYIR DON BZHIN DU RANG NYID LAS NYAMS SU MYONG BA NGES PA'I DON MED NA MI 'BYUNG BA ZHES BYA BA'I RANG GI NGO BO LA YANG MNGON SUM DE NYID TSAD MA YIN NO, ,GZHAN LAS NI PHYIS 'BYUNG BA'I THE TSOM SEL BA 'BA' ZHIG TU ZAD DO, ,'DI LTAR SHES PA PHYI MA GANG YIN PA DES NI SHES PA SNGA MA 'DZIN PA MA YIN NO, , RTAGS KYANG MA YIN TE, DE SKYES PA TZAM GYIS THE TSOM SEL BA'I PHYIR DANG, KHYAB PA DRAN PA MED PA'I PHYIR RO, ,GZHAN DU NA NYAMS SU MYONG BA'I YUL GYI SHES PA'I GSAL BA SHES PA PHYI MAS TSAD MAR RJES SU DPAG BA'I PHYIR YUL NYAMS SU MYONG BA LAS MA GTOGS PA ZHES MI GSUNG BAR 'GYUR RO, ,DE'I PHYIR SNANG BA NGES PAS MNGON SUM GYI BYA BA RDZOGS PA YIN NO, ,RNAM PAR RTOG PA NI SNANG BA'I DBANG GIS YUL RNAM PAR 'JOG PA MA YIN TE, 'ON KYANG NGES PA'I DBANG GIS TE, RNAM 'GREL LAS, NGES PA RNAMS KYIS MA NGES GANG, ,ZHES @012A *, ,BSTAN TO, ,DE LA RTAGS MED PA'I RNAM PAR RTOG PA THAMS CAD NI, NGES PAR BYED PA MED PA'I PHYIR GZHAN DU DOGS PA MA BZLOG PAS THE TSOM ZA BA YIN NO, ,DE YANG MA NGES PAR DON YOD PAR ZHEN PA YIN LA, DE 'DRA BA'I DON YANG MED PAS THOB PAR BYED PA MA YIN NO, ,RTAGS LAS SKYES PA NI DNGOS PO'AM DNGOS PO MED PA GCIG TU NGES PAR STON PA YIN LA, DE YANG THOB PAR NUS PA YIN PA'I PHYIR RNAM PAR RTOG PA'I TSAD MA'I BYA BA NI MED NA MI 'BYUNG BA MTHONG BA LAS THOB PAR BYA BA'I DON BSTAN PA YIN ZHING MNGON SUM GYI BYA BA NI SNANG BA NGES PAR BYED PA NYID YIN NO, ,THE TSOM NI DE'I BYA BA DANG 'GAL BA MA YIN GYI, 'ON KYANG SGRO 'DOGS PA YIN NO, ,RNAM 'GREL LAS, GAL TE 'KHRUL PA'I RGYU MTSAN GYIS, ,YON TAN GZHAN SBYOR MI BYED NA, ,ZHES GANG BSHAD PA YIN NO, ,DES NA GOMS PA MA YIN PA NI TSAD MA MA YIN PA LA 'JUG PA YIN NO ZHES GANG BSHAD PA DE NI MA 'BREL BA YIN TE, TSAD MAR MA NGES PA LAS ZHES BRJOD PAR BYA BA YIN NO, ,GANG DU GZHAN LAS TSAD MA YIN PA DE LA 'JUG PA DANG GNYIS PHAN TSUN BSTAN PA'I NYES PA NI YOD PA MA YIN TE, THE TSOM LAS KYANG 'JUG PA'I PHYIR RO, ,GANG YANG NYE BA'I DNGOS PA LA MI SLU BA LAS DBANG PO SKYON MED PAR NGES SHING, ,DES NA TSAD MA NYID DU NGES PA KHO NA 'JUG PA YIN NO ZHES BRJOD PA DE NI YANG DAG PA NYID MA YIN TE, ZLA BA GNYIS SU SNANG BA'I DUS NA YANG NAM MKHA' DRI MA MED PA LA SOGS PA LA MI SLU BA'I PHYIR TE, YUL NGES PA LA 'KHRUL PA'I PHYIR RO, ,GANG YANG 'JIG RTEN RGYANG 'PHEN PA LA RJES SU DPAG PA TSAD MA NYID DANG, PHA ROL DANG RNAM PAR SHES PAR SMRA BA DAG LA YANG TSAD MA KHYAD PAR MED PAR BRJOD BA'I DON DU, 'DI DAG GIS DON YONGS SU BCAD NAS ZHES BYA BA 'DI BRJOD PA YIN NO ZHES ZER BA DE DAG GNYI GA YANG MA 'BREL PA YIN TE, 'JIG RTEN RGYANG 'PHEN PA DANG RNAM PAR SHES PAR SMRA BA'I DBANG DU BYAS PA NI 'CHAD PAR 'GYUR BA'I PHYIR RO, ,RAB TU BYED BA 'DIR GANG CUNG ZAD BSHAD PA DE THAMS CAD RNAM PAR SHES PAR @012B SMRA BA LA YANG SBYAR BAR BYA BA MA YIN TE, DON GYI MTHU YIS NI, YANG DAG SKYE BA YIN PHYIR RO, ,ZHES BYA BA DE LTA BU LA SOGS PA RNAM PAR SHES PAR SMRA BA'I TSUL DANG MTHUN PA MA YIN PA'I PHYIR RO, ,RNAM PA GNYIS ZHES GRANGS NGES PA MA BZOD NAS GAL TE ZHES SMRAS TE, MNGON SUM DANG RJES SU DPAG PA DAG LAS GZHAN PA'I TSAD MA YANG KHAS BLANG BA'O, ,SGRAS BSKYED PA LKOG TU GYUR PA'I DON GYI YUL CAN GYI SHES PA NI SGR'AI TSAD MA STE, MNGON SUM DON MIN DNGOS PO LA, SGRA LAS SKYES PA'I SHES PA GANG, ,ZHES GANG BRJOD PA YIN NO, , LKOG TU GYUR PA LA 'DRA BAR YONGS SU GCOD PA YANG NYE BAR 'JAL BA STE, DPER NA BA MAN MTHONG BA LAS SROG CHAGS 'DI DANG 'DRA BA NI BA LANG NGO ZHES LKOG TU GYUR PA'I BA LANG LA 'DRA BAR 'DZIN PA'O, ,SOGS PA SMOS PAS NI DON GYIS GO BA DANG, DNGOS PO MED PA YANG GZUNG NGO, ,SGRA LA SOGS PA 'DI DAG NI GZHAL DU KHONG DU CHUD PA'I PHYIR TSAD MA NYID YIN NA, NGES PA DE GANG LAS SHE NA, TSAD MA ZHES SMOS TE, KHO BO CAG SGRA'AM NYE BAR 'JAL BA ZHES BYA BA'I MING LA NI RTZOD BAR MI BYED DO, ,'DI DAG GI NANG NA YANG TSAD MA YIN PA NI 'DI GNYIS KHO NA'I NANG DU 'DU LA, GANG YANG NANG DU MI 'DU BA DE NI TSAD MA MA YIN TE, DES NA TSAD MA RNAM GNYIS KHO NA'O, ,CI LTAR BSTAN PA'I DON THOB PAR BYED PA'I SKYES BU MI SLU BAR BYED PA NI TSAD MA ZHES GRAGS PA DE BZHIN DU, SHES PA YANG BSTAN PA'I DON THOB PAR BYED PA MI SLU BA NI TSAD MA YIN NO, ,YANG DAG PA'I SHES PA YANG MI SLU BA NYID LA BRJOD DE, DES NA THA DAD PA MED PAS YANG DAG PA'I SHES PA'I SKABS SU TSAD MA ZHES BSHAD DO, ,DE NI 'DI LTAR GZHAN YIN NA NI TSAD MA MA YIN LA, TSAD MA YIN NA YANG GZHAN MA YIN NO ZHES DAM BCAS PA YIN NO, ,GZHAL BYA'I RANG BZHIN YONGS SU BCAD PA'I DNGOS PO THOB PAR BYED PA NI TSAD MAR BRJOD LA, GZHAL BYA YANG TSAD MA'I YUL YIN PA'I PHYIR TSAD MA LA YUL DANG LDAN PAS KHYAB PO, ,DES NA GANG YUL DANG LDAN PA MA YIN PA DE NI TSAD MA MA @013A *, ,YIN TE, DPER NA NAM MKHA'I AU TAP LA BZHIN NO, ,MNGON SUM DANG RJES SU DPAG PA DAG LAS GZHAN PA'I SHES PA YANG YUL DANG LDAN PA MA YIN NO ZHES BYA BA NI KHYAB PAR BYED PA MED PA'O, ,DE BZHIN DU TSAD MA'I DBYE BA NI YUL GYI DBYE BA LAS YIN TE, GANG GI PHYIR TSAD MA'I DBYE BA NI RGYU MTSAN DANG LDAN PA YIN TE, RGYU MTSAN MED PA NYID NA HA CANG THAL BAR 'GYUR BA'I PHYIR RO, ,RGYU MTSAN GZHAN YANG MI 'THAD PA'I PHYIR PHA ROL GYIS KYANG TSAD MA RNAMS NI YUL GYI DBYE BA LAS BRTEN PA YIN NO, ,YUL LA LTOS NAS KYANG TSAD MA'AM TSAD MA MA YIN PA'I PHYIR, YUL LA LTOS PA KHO NAS DE DBYE BAR BYA BA YIN NO, ,DE'I PHYIR TSAD MA'I DBYE BA'I RGYU MTSAN NI YUL GYI DBYE BA TZAM YIN PA'I PHYIR DE'I DBYE BAS KHYAB PA YIN NO, ,DES NA GANG ZHIG MNGON SUM DANG RJES SU DPAG PA'I DON LAS THA DAD PA'I YUL CAN MA YIN PA DE NI DE DAG LAS GZHAN PA'I TSAD MA MA YIN TE, DPER NA MNGON SUM DANG RJES SU DPAG PA DE DAG NYID MNGON SUM DANG RJES SU DPAG PA GZHAN LAS SAM, DPER NA 'KHRUL PA'I SHES PA BZHIN NO, ,TSAD MA LA YANG MNGON SUM DANG RJES SU DPAG PAR BYA BA'I DON LAS THA DAD PA'I GZHAL BYA YOD BA MA YIN NO ZHES BYA BA NI KHYAB PAR BYED PA MI DMIGS PA NYID DO, ,GTAN TSIGS MA GRUB PA NI MA YIN TE, GANG GI PHYIR 'DIR GZUNG BA'I YUL GYI DBANG DU BYAS PA NI MA YIN TE, RJES SU DPAG PA'I YUL MED PA'I PHYIR RO, ,'JUG PA'I YUL YANG YOD PA DANG MED PA'O, ,DE LAS GANG THOB BAR NUS PA'I YOD PA DE NYID TSAD MA'I KHYAB PAR BYED PAR NYE BAR GNAS PA'I YUL DU 'DOD DO, ,MI DMIGS PA YANG MED PA SGRUB PAR BYED PA NI DGAG PAR BYA BAS STONG BA'I SA PHYOGS LA SOGS PAS BSDUS PA THOB PAR BYA BA NYID STON PAR BYED DO, ,MED PA'I THA SNYAD SGRUB PAR BYED PA YANG THA SNYAD DU RUNG BA YIN PA'I PHYIR THOB PAR BYA BA'I YUL NYID DO, ,GANG YANG MNGON SUM MA YIN PA STE, THOB PAR NUS PA'I YUL MNGON SUM MA YIN PA'I DON DE NI 'DRA BA'I BDAG TU STE, DPE LA MTHONG BA @013B DANG THUN MONG DU RTAGS KYIS RJES SU 'GRO BA'I TSUL GYIS RTOGS LA DE YANG 'GREL PA GZHAN LAS 'GYUR BA YIN NO, ,RTOGS PHYIR RO ZHES BYA BA NI GTAN TSIGS TE, GANG GI PHYIR MNGON SUM MA YIN PA'I DON DE RNAM PA GCIG NYID DU SPYI'I TSUL NYID KYIS RTOGS LA, DE YANG RJES SU DPAG PA YIN TE, DE'I PHYIR YUL GZHAN MED PAS YUL CAN GYI TSAD MA YANG GZHAN MED DE, DES NA GTAN TSIGS GRUB PA'I PHYIR TSAD MA GNYIS KHO NA'O, ,GAL TE 'DI SNYAM DU DE LTA NA YANG DON GANG ZHIG RNAM PA DU MAR RTOGS PAR 'GYUR BA DE NI YUL GZHAN YIN LA, GZHAN GYI YUL CAN YANG TSAD MA NYID YIN NO ZHES DOGS NA, DON NI RNAM PA GNYIS NYID DE MNGON SUM DANG LKOG TU GYUR PA'O ZHES SMOS SO, ,'DIS NI 'DI SKAD DU MNGON SUM DANG MNGON SUM MA YIN PA DAG NI PHAN TSUN SPANGS TE GNAS PA'I PHYIR MNGON SUM MA YIN PA LAS GZHAN PA'I DON NI MNGON SUM NYID DO ZHES STON PAR BYED DO, ,GANG CUNG ZAD MNGON SUM MA YIN PA DE KHO NA TSAD MA'I YUL NYID NI MA YIN GYI, 'ON KYANG DON BYED PAR NUS PA'I LKOG TU GYUR PA YIN NO ZHES BSTAN PA'I DON DU MNGON SUM MA YIN PA'I SGRA'I DON LKOG TU GYUR PAR BRJOD DO, ,MDO LAS NI GANG MNGON SUM MA YIN PA DE NI MNGON SUM NYID DO ZHES PHAN TSUN SPANGS TE GNAS PAR BRJOD PA'I DON DU MNGON SUM MA YIN PA ZHES SMOS SO, ,'DI SNYAM DU RNAM PA DU MAR RTOGS PAR 'GYUR BA, MNGON SUM GANG YIN PA NYID LA TSAD MA GZHAN GYI GO SKABS YOD PAR 'GYUR RO ZHE DOGS PA LA, MNGON SUM GYI 'DZIN PA'I RNAM PA NGES PAR BSTAN PA'I PHYIR DE LA ZHES SMOS TE, SHES PA'I SNANG BA BDAG NYID KYI RJES SU 'GRO BA DANG LDOG PA'I RJES SU MTHUN PA RTOGS PAR BYED PA'I DON GANG YIN PA DE NI MNGON SUM MO ZHES SBYAR RO, ,'DIR YANG RGYU DANG 'BRAS BU'I DNGOS PO TZAM NI SHES PA'I SNANG BA GANG ZHIG YOD PA DANG, MED BA DAG GI RJES SU MTHUN PA ZHES BYA BA DE TZAM GYIS RTOGS PAR 'GYUR RO, ,RJES SU MTHUN PAR BYED PA ZHES SBYOR BAR BYED PA PO'I DON BRJOD PA NI RGYU DU MA NYID NA YANG SO SOR SNANG BA GANG GI GZHAN GYI DBANG DU GYUR PA @014A *, ,DE MNGON SUM YIN NO ZHES CI NAS KYANG RTOGS PAR BYA BA'I PHYIR RO, ,GZHAN GYI DBANG DU GYUR PA'I SBYAR BAR BYA BA NI DBANG PO LA SOGS PA YOD KYANG MI 'BYUNG LA, DON YOD NA 'BYUNG BA NYID KYI PHYIR DE YOD PA TZAM GYIS 'BYUNG BA NYID SO SOR SNANG BA DE LA RAG LAS PA YIN GYI, DBANG PO LA SOGS PA LA NI MA YIN NO, ,DE NYID KYI PHYIR DON LAS NI DE DANG 'DRA BA NYID CES DE DON GYIS BYAS PAR BRJOD DO, ,DON GYI BDAG NYID DU ZHEN PAS DON GYI PHYOGS SU GZHAG PA'I PHYIR YANG DE DANG 'BREL BA YIN TE, DES NA DON MNGON SUM YIN GYI, GANG LA SO SOR SNANG BA RNAM PA GNYIS MA 'BREL PA'I DBANG PO LA SOGS PA LA NI MA YIN NO, ,SNGON PO MA YIN PA LAS LDOG PA'I RANG BZHIN NI MNGON SUM YIN GYI SKAD CIG MA NYID NI MA YIN NO, ,RANG BZHIN GANG GIS SNANG BA NGES PA'I DON GYI RANG BZHIN DE NI MNGON SUM YIN TE, NGES PA NI DE DANG 'BREL PA'I PHYIR RO, ,SKAD CIG MA NYID KYIS NI SNANG BA NGES PA MA YIN NO, ,THOB PAR BYA BA YANG 'DIR 'JUG PA'I YUL NYID LA NGES PAR BRTAG PAR BYA BA YIN LA 'JUG PA'I YUL YANG NGES PA NYID YIN NO, ,SKAD CIG MA NYID NI DNGOS PO LA SNANG DU ZIN KYANG NGES PA MA YIN NO, , DES NA TSAD MA GZHAN GYIS NGES PAR BYA BA YIN NO, ,SMIG RGYU'I RANG BZHIN MTSAN NYID GZUNG DU ZIN KYANG SHES PA'I SNANG BA LA SMIG RGYU'I RANG BZHIN DU MA NGES PA'I PHYIR SMIG RGYU'I MNGON SUM MA YIN TE, RNAM PA DE LTA BU GZHAN DAG KYANG SHES PAR BYA'O, ,SNANG BA RJES SU 'GRO BA DANG LDOG PA'I RJES SU 'JUG PA'I MNGON SUM 'DI NYID KYANG RTOGS PAR BYED PA LA LTOS PA YIN LA, SHES PA'I RANG BZHIN GYIS RTOGS PAR BYED PA'I SNANG BA GANG GI RJES SU 'GRO BA DANG LDOG PA'I RJES SU 'JUG PA'I DON DE RTOGS PA'I RNAM PA NI 'DI YIN GYI GZHAN NI MED DO, ,SNANG BA DON GYI RJES SU 'GRO BA DANG LDOG PA'I RJES SU 'JUG PA'I SHES PA LA YANG THAMS CAD MNGON SUM YIN TE, GZHAL BYA MNGON SUM PA NYID KYI PHYIR RO, ,DE'I PHYIR GANG ZHIG TSAD MA DU MA'I YUL DU 'GYUR BA MNGON SUM GYI DON LA RNAM PA DU MAR RTOGS PA MA YIN NO, ,SNANG BA SMOS PA NI SHES PA'I RGYU @014B THAMS CAD MNGON SUM YIN PA BZLOG PA'I DON DU'O, ,SNANG BA MA SMOS NA NI SHES PA GANG GI RJES SU 'GRO BA DANG LDOG PA'I RJES SU 'JUG PA DE MNGON SUM YIN PA'I PHYIR, DBANG PO LA SOGS PA MNGON SUM NYID DU THAL BAR 'GYUR RO, ,SNANG BA SMOS NA NI SHES PA'I KHYAD PAR LA BRTEN PAR 'GYUR LA, KHYAD PAR YANG SHES PA LA BRTEN PA'I LHAN CIG BYED PA SO SO LA THA DAD PA YIN NO, ,SNANG BA'I MTSAN NYID KYI KHYAD PAR DE YANG YUL KHO NA LAS YIN GYI, DBANG PO DANG DE MA THAG PA LAS NI MA YIN NO, ,DE BZHIN DU SHES PA MA SMOS NA YANG, GANG CUNG ZAD 'DRA BAR BRTAGS PA'I RGYU MTSAN DE NYID MNGON SUM DU BRJOD PAR 'GYUR LA, SHES PA LA GNAS PA'I 'DRA BA'I RGYU MTSAN CAN YANG MNGON SUM YIN PAR 'DOD PA YIN NO, ,GAL TE DNGOS PO LOG TU ZIN KYANG RNAM PAR RTOG PA'I GNAS SKABS KYI DNGOS POR SNANG BA MI LDOG PA'I PHYIR, LDOG PA DANG RJES SU 'GRO BA'I RJES SU BYED PA'I SHES PA'I SNANG BA 'GA' YANG MED PA NYID MA YIN NAM, ,DNGOS PO NYE NA RTOG PA MED PA'I SHES PA LA GNAS PA'I SNANG BA MTHONG BA LA 'DI NI SNGON PO'I ZHES ZHE NA PAR BYED PA GANG YIN PA'I RNAM PA'I GNAS SKABS DE NYID NA, SNGON PO NYID DU NGES PAR NYAMS SU MYONG STE DE'I PHYIR RTOG PA MED PA DANG RTOG PA DANG BCAS PA'I SHES PA LA GNAS PA'I RNAM PA SNGON PO NYID DU NGES PAR BYAS PA DAG NI GCIG PA YIN LA, GCIG PAS KYANG DNGOS PO LA 'KHRUL PA'I PHYIR, JI LTAR RJES SU 'GRO BA DANG LDOG PA'I RJES SU BYED PA NYID LAS DNGOS PO'AM SHES PA MNGON SUM NYID YIN ZHES DOGS PA LA, DE NI THUN MONG MA YIN PA'I DNGOS PO'I RANG BZHIN TE ZHES GSUNGS SO, ,DON 'DI YIN TE DE DAG THA MI DAD PA ZHEN PAR BYAS PAS NI GCIG PA MA YIN TE, GANG GI PHYIR RNAM PAR RTOG PA MED PA'I SHES PA LA GNAS PA'I SNANG BA NI THUN MONG MA YIN PA'I RANG BZHIN DU NYAMS SU MYONG STE, 'DI LTAR BUM BZHI DAG TU BUM PA NYID DU KHYAD PAR MED DE, BUM PA SO SO LA SNANG BA KHYAD PAR CAN DU YANG DAG PAR RIG PA'I PHYIR RO, ,RNAM PAR RTOG PA'I YUL GYI SNANG BA NI DNGOS PO DU MA LA THUN MONG NYID RNAM GCIG NYID DU RTOGS PA BSTAN PA'NG BUM PA LA SOGS PAR BRTAGS PA NA, RNAM PAR RTOG PA'I SNANG BA @015A *, ,NAS SKABS DU MA'I THUN MONG NYID YIN NO, ,MNGON SUM GYI SNANG BA NI THUN MONG MA YIN PA STE, PHYIR THUN MONG DANG THUN MONG MA YIN PA'I YUL NYID KYIS DE DAG THA DAD PA YIN NO, ,THUN MONG MA YIN PA'I YUL DU SNANG BAS LDOG PA DANG RJES SU 'GRO BA'I RJES SU 'JUG PA'I DNGOS PO NI MNGON SUM MO, ,YUL DE'I RANG BZHIN MA YIN PA THUN MONG DU SNAG BAS NGOS PO'I RJES SU 'GRO BA DANG, ,LDOG PA'I RJES SU MI 'JUG PA'I PHYIR SNANG BA GZHAN DAG TU RJES SU 'GRO BA DANG LDOG PA'I RJES SU BYED PA MED PAR RTOGS PA NI MA YIN NO, ,THUN MONG MA YIN PA'I DNGOS PO'I RANG BZHIN YANG MNGON SUM DU 'DOD DO, ,THUN MONG MA YIN PA BRTAGS PA NI MA YIN NO, ,'DI SNYAM DU GAL TE THUN MONG DANG THUN MONG MA YIN PA NYID KYIS, SNANG BA THA DAD PA DAG TU RTOG NA, DNGOS PO GCIG NYID LA NYE BA DANG RING BA'I BYE BRAG GIS LTA BA PO GNYIS KYI SHES PA DAG GSAL BA DANG MI GSAL BA NYID DU THA DAD PAR SNANG BA YANG YUL DNGOS PO GCIG NYID DU MI 'GYUR RO, ,CI STE DE LA DNGOS PO GCIG TU LHAG PAR ZHEN PA LAS YUL GCIG PA NYID YIN NA NI 'DI LA YANG YUL GCIG PA NYID YOD PA YIN TE, DNGOS PO GCIG TU LHAG PAR ZHEN PA'I PHYIR RO ZHES DOGS PA LA, THUN MONG DANG THUN MONG MA YIN PAR SNANG BA DAG DON BYED NUS PA DANG, MI NUS PA DAG GIS THA DAD PAR BSTAN PA'I PHYIR RANG GI MTSAN NYID DO ZHES GSUNGS TE, THUN MONG MA YIN PA'I DNGOS PO'I RANG BZHIN GANG YIN PA DE NI RANG GI MTSAN NYID DE, RANG BZHIN GANG GIS BDAG NYID MTSON PA DE NI RANG GI MTSAN NYID LA, DNGOS PO'I BDAG NYID NI DON BYED NUS PA'I RANG BZHIN GYIS MTSON PA'I PHYIR DE LA RNAG GI MTSAN NYID CES BRJOD DO, ,DE NYID DE DON DAM PAR YOD PA'I DNGOS PO'I RANG BZHIN YIN NO, ,DES NA DON 'DI YIN TE, DE DAG SNANG BA NI DON BYED NUS PA DANG MI NUS BA DAG GIS THA DAD PA YIN TE, THUNG MONG DANG THUN MONG MA YIN PA NYID TZAM GYIS NI MA YIN NO, ,THUNG MONG GI YUL DU SNANG BA NI DON BYED NUS PA DANG BRAL BA'I YUL CAN YIN LA, GCIG SHIG NI DE LAS BZLOG PA YIN NO, ,DE NAS DE DAG NI YUL GCIG NYID MA YIN TE, GCIG MA YIN PA NYID KYI RGYU MTSAN NI 'DI TZAM DU ZAD PA'I @015B PHYIR RO, ,GSAL BA DANG MI GSAL BAR SNANG BA DAG NI YUL GCIG PA NYID DE, DON BYED NUS PAR KHYAD PAR MED PA'I PHYIR RO, ,DE'I PHYIR YUL DE SNANG BA MA YIN PA 'KHRUL PAS YUL DE'I RANG BZHIN DU SNANG BA'I 'KHRUL PA MA YIN PA'I PHYIR MNGON SUM NYID DU RNAM PAR GNAS PA YIN NO, , LKOG TU GYUR PA'I DON YANG RNAM PA GCIG NYID DU RTOGS PA BSTAN PA'I PHYIR, RAB TU BYED PA'I 'GREL PA GZHAN NI ZHES GSUNGS SO, ,'DI NI 'DI LTA BUR GYUR BA'I DON NI RE ZHIG MNGON SUM LA, DE'I RANG BZHIN DANG BRAL BA GZHAN NI LKOG TU GYUR PA YIN NO ZHES LKOG TU GYUR PA'I DON NI, MNGON SUM SPANGS PAS YOD PA NYID YIN PAR BSTAN TO, ,MNGON SUM DANG MNGON SUM MA YIN PA DE 'DI NYID KYANG RTOGS PA PO GCIG LA LTOS PA'I PHYIR 'CHOL PA MA YIN NO, ,GZHAN DE YANG RTOGS PAR MI 'THAD PA YIN TE, GANG GI PHYIR MNGON SUM SNANG BA'I SHES PA BSKYED PA'I PHYIR SGO NAS DE LA RANG GI NGO BO GANG YIN PA 'JOG PA STE, GTONG BA'I NSU PA DE LA YOD PA MA YIN TE, DE'I PHYIR 'DI'I RANG GI NGO BO RTOGS PAR RIGS PA MA YIN NO, ,GAL TE LKOG TU GYUR PA NYAMS SU MYONG PAR BYA BA MA YIN DU CHUG NA YANG, GZHAN MTHONG BA NA MA MTHONG BA YANG RTOGS PAR 'GYUR RO ZHE NA, GZHAN MTHONG BA NA GZHAN MA MTHONG BA YANG RTOGS PAR RIGS PA MA YIN NO, ,GA LAS SHE NA, HA CANG THAL BAR 'GYUR BA'I PHYIR RO, ,GANG CUNG ZAD CIG MTHONG BA LA MTHONG BA THAMS CAD BRTAGS PAR BYA BA NYID DU 'GYUR RO ZHES BYA BA NI HA CANG THAL BAR 'GYUR BA'O, ,GAL TE GZHAN MTHONG BA NA LKOG TU GYUR PA BRTAG PAR MI RIGS PA YIN NO, ,'O NA NI RJES SU DPAG PA YANG TSAD MA NYID DU MI 'GYUR TE, DE YANG LKOG TU GYUR PA RTOGS PA'I RANG BZHIN YIN PA'I PHYIR RO ZHES DOGS NA, DE ZHES BYA BA LA SOGS PA GSUNGS TE, MTHONG BA GZHAN DE MED NA MI 'BYUNG BA NYID YIN NA STE, MI 'KHRUL PA NYID YIN NA'O, ,SKABS KYI RTOGS PAR BYA BA LKOG TU GYUR PA'I DON NI 'BREL PA CAN DU SHES PAR BYAS TE, RTOGS PAR BYA BA LKOG TU GYUR PA'I DON LA MI 'KHRUL PA'I DON MTHONG BA LAS NI RTOGS PAR RIGS PA YIN NO @016A *, ,KHYAD PAR 'DI NYID BSTAN PA'I DON DU YANG ZHES SMOS SO, ,GAL TE MED NA MI 'BYUNG BA MTHONG BA LAS KYANG LKOG TU GYUR PA'I DON RTOGS PA YOD PA MA YIN TE, DNGOS PO 'DI THAMS CAD NI DNGOS PO GZHAN GYI 'BRAS BU YIN LA, RGYU DANG 'BRAS BU'I DNGOS POR MA GRUB PA LA LKOG TU GYUR PA'I DON DU RTOGS PA NI YOD PA MA YIN NO ZHE NA, DE NI ZHES BYA BA LA SOGS PA GSUNGS SO, ,GANG GI PHYIR MTHONG BA'I DON GZHAN DE, BTZO BA DANG BSREG PA LA SOGS PA'I DON BYED PA JI LTA BU'I RNAM PA DANG 'BREL PA GRUB PA STE, RAB TU GRUB PA DE LTA BU'I RNAM PA NYID DPE LA MTHONG BA DANG 'DRA BAR PHYOGS GANG DU DNGOS PO GZHAN DE MTHONG BA'I PHYOGS DER NYE BA NYID DU GO BAR BYED DE, KHONG DU CHUD PAR BYED KYI RANG GI NGO BO MTHONG BAR BYED PA NI MA YIN NO, ,RNAM PA 'DIS KYANG TSUL GSUM BSTAN TE, RTAGS SU GYUR PA'I DNGOS PO DE GANG DU MTHONG ZHING TSAD MAS YUL DU BYAS PA DER BSGRUB PAR BYA BA'I DON NYE BA NYID DU GO BAR BYA BA DE NYID DE DAG GI CHOS CAN YIN NO, ,GRUB PA SMOS PAS KYANG RJES SU 'GRO BA DANG LDOG PA'I RANG BZHIN 'BREL PA NGES PA NYID DU BRJOD PA YIN NO, ,DES NA MED NA MI 'BYUNG BA NI SGRON MA LA SOGS PA BZHIN DU RANG GI NGO BO NYID KYIS GO BAR BYED PA NI MA YIN GYI, 'ON KYANG MED NA MI 'BYUNG BA NGES PAR BYED PA NYID KYIS DE SGRUB PAR BYED PA'I YAN LAG TU BRJOD LA, DPE LA MTHONG BA'I DNGOS PO DANG 'DRA BAR LKOG TU GYUR PA'I DON NGES PA NI SPYI'I BDAG NYID DU ZHEN PA YIN NO, ,GZHAN YANG GAL TE 'JUG PA'I YUL NI NGES PAR BYAS PA NYID DU BRJOD LA, NGES PA'I YANG SPYI'I YUL CAN YIN PA'I PHYIR, MNGON SUM YANG 'JUG PA'I YUL LA LTOS NA SPYI'I YUL CAN NYID YIN PA DE LTA NA YANG MNGON SUM GYI RJES LA BYUNG BA'I ZHEN PAR BYED PAS DON DE RGYUD GZHAN GYIS RANG BZHIN GYI DBEN PAR YUL DU BYED LA, RJES SU DPAG PA'I NGES PAS NI 'JUG PA'I YUL DU GYUR PA'I RANG GI MTSAN NYID RGYUD GZHAN LAS LOG PA'I THA DAD PA'I BDAG NYID KHYAD PAR CAN RNAM PAR 'JOG PAR MI NUS TE, 'BREL PA 'DZIN PA'I DUS NA MTHONG BA'I DNGOS PO DANG MTSUNGS PA'I RANG BZHIN LA BRTEN NAS 'JUG PA'I PHYIR RO, ,DES NA RANG GI MTSAN NYID KYANG @016B 'JUG PA'I YUL DU NYE BAR GZHAG PA NA, NGES PAR THA DAD PA RGYUD GZHAN DANG THUN MONG MA YIN PA RNAM PAR MI 'JOG PA'I PHYIR, RJES SU DPAG PA NI 'JUG PA'I YUL LA LTOS NAS KYANG SPYI'I YUL CAN YIN NO, ,MNGON SUM NI NGES PA LA LTOS NAS KYANG KHYAD PAR GYI YUL CAN YIN NO, , RGYUD GZHAN MED PA'I KHYAD PAR NYID DU YUL NGES BAR BYED PA YIN PA'I PHYIR RO, ,'DIR GZUNG BAR BYA BA LA LTOS NAS SPYI'I YUL CAN NYID DAM KHYAD PAR GYI YUL CAN NYID MA YIN TE, DE NI SKABS MA YIN PA'I PHYIR RO, ,RANG GI MTSAN NYID YUL YIN NA YANG RTAGS NI SPYI'I YUL CAN DU BRJOD DE, THA DAD GNAS PA MED PA'I PHYIR, ,ZHES 'CHAD PAR 'GYUR BA'I PHYIR RO, ,'DI 'DRA BA'I SPYI'I TSUL DU LKOG TU GYUR PA'I DON RTOGS PA'I RJES SU DPAG PA YIN TE DES NA TSAD MA GZHAN SRID PA YOD PA MA YIN NO ZHES BYA BA NI SPYI'I TSUL DU DON RTOGS PA YANG RJES SU DPAG PA NYID YIN PA'I PHYIR ZHES BYA BAS BSHAD DO, ,DE'I PHYIR TSAD MA GNYIS KHO NA'I TSAD MA YIN NO, ,GAL TE 'DI SNYAM DU 'DI 'DRA BA'I RTOGS PA RJES SU DPAG PA YIN DU CHUG NA YANG, RNAM PA GZHAN NI TSAD MA GZHAN DU 'GYUR RO ZHE NA, GZHAN DU NA RTOGS PAR MI RIGS PA'I PHYIR RO ZHES GSUNGS TE, RNAM PA GZHAN DU NI LKOG TU GYUR PA'I DON MI 'KHRUL PAR RTOGS PA MED PA'I PHYIR RO, ,DON 'DI YIN TE, GANG GI PHYIR DON NI RNAM PA GNYIS KHO NA STE, MNGON SUM DANG LKOG TU GYUR PA'O, ,MNGON SUM NI DE SNANG BA NYID KYIS RTOGS PAR 'GYUR GYI RNAM PA GZHAN DU MA YIN LA, DE YANG MNGON SUM GYI TSAD MA MA YIN NO, ,LKOG TU GYUR PA YANG RTAGS KYI RJES SU 'GRO BA'I TSUL GYIS RTOGS PAR 'GYUR TE, RTAGS LA MI LTOS PA'I RNAM PAR RTOG PA NI THE TSOM NYID YIN PAS DE'I YUL YANG THOB PAR MI NUS TE, GNYI GA'I BDAG NYID KYANG MED PA'I PHYIR ZHES BSHAD ZIN TO, ,RJES SU 'GRO BA'I TSUL DU RTOGS PA YANG RJES SU DPAG PA YIN NO, ,DES NA SHES PA GZHAN LA NI THOB PAR BYA BA'I YUL 'GA' YANG YOD PA MA YIN LA, TSAD MA YIN NA YANG YUL GZHAN YOD PA MA YIN PA'I PHYIR GTAN TSIGS MA GRUB PA NYID MA YIN LA, MNGON SUM DANG RJES SU DPAG PA'I YUL CAN NYID KYANG, DE'I MTSAN NYID @017A *, ,KHO NA YIN PA'I PHYIR, JI LTAR NA TSAD MA GZHAN SRID PAR 'GYUR, SGRA LAS BYUNG BA LA SOGS PA DAG LAS RNAM PA GZHAN DU RTOGS PA GANG YIN PA YANG YOD PA MA YIN NAM, CI STE SGRA LAS RTOGS PA YANG RJES SU DPAG PA'I NANG DU 'DU'O ZHE NA, DE NI MI RIGS TE, GANG GI PHYIR RJES SU DPAG PA NI TSUL GSUM PA'I RTAGS LA BRTEN PA YIN LA, RJES SU 'GRO BA DANG LDOG PA'I RJES SU 'GRO BA DANG LDAN PA'I SGRA DAG LAS LKOG TU GYUR PA'I DON LA 'KHRUL PA MED PAR RTOGS PA NI TSAD MA GZHAN YIN NO ZHES BSTAN PA'I PHYIR, DE'I ZHES BYA BA LA SOGS PA SMOS SO; ,DE'I ZHES BYA BA NI MI BZOD PA'I TSIG STE, SGRA'I RTOGS PA RJES SU DPAG PA'I NANG DU 'DU'O ZHES BYA BA GANG YIN PA 'DI MA BZOD PA'O, ,GANG GI PHYIR RJES SU 'GRO BA DANG LDOG PA'I BDAG NYID KYI 'BREL PA KHO NA NI RTAGS KYI MTSAN NYID DE, RANG BZHIN MA YIN GYI 'ON KYANG TSUL GZHAN YANG YOD DO ZHES NGES PA 'GOG PA YIN GYI 'BREL PA RTAGS KYI MTSAN NYID MA YIN NO ZHES BRJOD PA NI MA YIN NO, ,RANG BZHIN GZHAN DE YANG GANG ZHE NA, GZUNG BA'I CHOS DANG LDAN PA'I CHOS CAN ZHES SMOS TE, BSGRUB PAR BYA BA DANG SGRUB PAR BYED PA'I CHOS DAG GI RTEN DU GYUR PA'I CHOS CAN LA RTAGS YOD PA GANG YIN PA'O, ,MTHONG BA ZHES BYA BA NI MTHONG BA'I YUL CAN GYIS YUL YOD PA STON PAR BYED DO, ,MTHONG BA STE TSAD MAS YUL DU BYAS PA'I YOD PA NYID NI SGRUB PA'I YAN LAG YIN NO ZHES CI NAS KYANG RTOGS PAR BYA BA'I PHYIR RO, ,DE NI SGRA RNAMS LA MED PA'I PHYIR LDOG TU ZIN KYANG TSUL GNYIS PO 'DI LAS RTOGS PA NYID DO ZHES BYA BA'I DON TO, ,YANG JI LTAR NA PHYOGS KYI CHOS NYID MED CE NA, GANG GI PHYIR SKYES BU CHOS CAN YIN NA NI DE LA SGRA 'BA' ZHIG YOD KYI DON NI MA YIN TE, GNYI GA'I RTEN YANG CHOS CAN YIN PA'I PHYIR RO, ,SGRA'I BYE BRAG CHOS CAN LA SGRA'I SBYI GTAN TSIGS KYANG MA YIN TE, DE DON DANG LHAN CIG 'BREL PA MED PA'I PHYIR TE, SGRA DON GYI 'BREL PA NI BRJOD PAR BYA BA DANG RJOD PAR BYED BA YIN LA, KHYAD PAR YANG RJOD PAR BYED PA MA YIN PA'I PHYIR RO, ,SGRA'I SPYI'I CHOS CAN LA SGRA'I KHYAD PAR GTAN TSIGS KYANG MA YIN TE, DE YANG SNGA @017B MA BZHIN DU BSGRUB PAR BYA BA'I DON DANG MA 'BREL PA'I PHYIR RO, ,CI STE YANG DON GYI KHYAD PAR CHOS CAN LA DON GYI SPYI BSGRUB BYAR RTOGS PA DE LTA NA YANG, DON GYI KHYAD PAR DANG SGRA LHAN CIG BRJOD PAR BYA BA DANG, RJOD PAR BYED PA'I DNGOS PO MED PA'I PHYIR PHYOGS KYI CHOS NYID DU RIGS PA MA YIN NO, , DON GYI KHYAD PAR GRUB NA YANG DON GYI SPYI GRUB PA'I PHYIR RTAGS NYE BAR BLANGS PA DON MED PA YIN NO, ,DON GYI SPYI CHOS CAN YIN NA YANG BSGRUB PAR BYA BA KHYAD PAR DANG, RTAGS SGRA 'BREL PA MED PA'I PHYIR RTAGS MA YIN PA NYID DO, ,CHOS CAN YANG RTAGS KYI BYA BA'I SNGON ROL DU GRUB PA YIN PA'I PHYIR SGRA SBYOR BA'I SNGON ROL DU DON GRUB NA SGRA SBYAR BAS CI ZHIG BYA, MA GRUB PA NYID YIN NA YANG JI LTAR CHOS CAN NYID YIN NA, DE'I PHYIR SGRA RNAMS LA PHYOGS KYI CHOS YOD PA MA YIN TE, DES NA TSUL GNYIS KYI SGRA LAS DON 'KHRUL PA MED PAR RTOGS PA NI TSAD MA GZHAN YIN NO ZHES BYA BA NI GZHAN GYI'O, ,'DIR DPYAD PAR BYA STE, 'JUG PA'I YUL RNAM PAR 'JOG PAR BYED PA NI TSAD MAR 'DOD DO, ,DE LA BRJOD PAR BYA BAR 'GYUR BA'I PHYI ROL GYI DON DANG 'BREL PA YOD DU CHUG KYANG TSIG LAS DON RTOGS PA'I SHES PA SKYES PA GANG YIN PA DES NI, GANG GIS BUM PA DON DU GNYER BA 'GA' ZHIG SPANGS NAS 'GA' ZHIG LA 'JUG PAR 'GYUR BA 'JUG PA'I YUL 'GA' ZHIG BZHAG PA NI YOD PA MA YIN NO, ,'DI LTAR YUL GYI KHYAD PAR DANG 'BREL PA'I 'JUG PA'I YUL GYI DNGOS PO DAG NI SKYES BU 'JUG PAR SPRO'I, BUM PA'I SGRAS NI YUL 'GA' ZHIG GIS KHYAD PAR DU BYAS PA'I BUM PA MA BSTAN PA'I PHYIR, JI LTAR NA DE LA 'JUG PAR 'GYUR ZHES BSTAN PA'I DON DU DE DAG DE LA MA MTHONG NA ZHES BYA BA LA SOGS PA GSUNGS TE, SGRA DE DAG BSGRUB PAR BYA BA'I DNGOS PO DANG 'BREL PAR RUNG BA'I PHYOGS KYI KHYAD PAR CHOS CAN DE LA MTHONG BA MA YIN NA, GANG LA SKYES BU 'JUG PAR 'GYUR BA DON CI ZHIG BSGRUB PA'I TSUL GYIS NYE BAR 'JOG PAR BYED, 'GA' ZHIG TU RANG GI DNGOS PO MTHONG BA NA DER MED NA MI 'BYUNG BA'I DNGOS PO NYE BA YIN PAR STON PA NI 'JUG PA'I YAN LAG TU BYED PA YIN NA, SKYES BU GANG LA SGRA MTHONG BA DE LA NI DON NYE BAR BSDU BAR NUS PA @018A *, ,MA YIN LA, PHYOGS LA SOGS PA GANG DU BUM PA GNAS PA DER NI SGRA MA MTHONG STE, DES NA SGRA NI RANG GI YUL DU BSGRUB PAR BYA BA'I DON NYE BAR SDUD PA MA YIN PA'I PHYIR 'JUG PA'AM LDOG PAR BYED BA MA YIN NO, ,DE BZHIN DU GANG ZHIG SPONG BA'I BDAG NYID KYI 'JUG PA'I YUL DU 'GYUR BA SGRUB PAR BYED PA'I DON GYIS DBEN PA'I PHYOGS 'GA' ZHIG STON PAR BYED PA YANG MA YIN NO, ,'O NA ZHES BYA BA NI MI BZOD PA'I TSIG STE, SGRA GANG ZHIG PHYOGS KYI CHOS DANG BRAL BAS NA PHYOGS 'GA' ZHIG MI BSGRUB CING, 'GA' ZHIG TU 'GA' ZHIG 'GOG PA MA YIN PA'I PHYIR 'JUG PA DANG LDOG PA'I YAN LAG SDUD PA MA YIN PA TSAD MA NYID DU BDAG GIR BYED CES BYA BA DE MI BZOD PA'O, ,CIG SHOS KYIS KYANG SGRA RNAMS RJES SU DPAG PA DANG MTSUNGS PAR MTHONG NAS GANG ZHES BYA BA LA SOGS PA SMOS TE, GANG ZHIG DANG SGRA SNGAR 'BREL PAR MTHONG BA DE LA DRAN PAR BYED DE, DES NA DE DAG TSAD MA YIN NO, ,GAL TE DRAN PAR BYED PA YIN PA'I PHYIR TSAD MA MA YIN NA NI RJES SU DPAG PA YANG TSAD MA MA YIN PAR THAL BAR 'GYUR TE, DE YANG SNGAR MTHONG BA'I YUL CAN NYID YIN PA'I PHYIR RO, ,CI STE YANG DRAN PAR BYA BA DE LA YUL GYI KHYAD PAR DANG 'BREL PA SNGA NA MED PA RTOGS PAR BYED DO ZHE NA, SGRA LAS BYUNG BA'I RTOGS PA YANG YUL GYI KHYAD PAR DANG 'BREL PA YOD DO, ,DRAN PAR BYA BA'I YUL NGES PA MA YIN PA'I PHYIR RO ZHE NA MA YIN TE DER YANG DRAN PA'I YUL DANG DUS KYI KHYAD PAR DANG 'BREL PA'I PHYIR RO, , DNGOS PO LA BRTEN PA'I YUL GYI KHYAD PAR DANG 'BREL PA YANG DRAN PA LA BRTEN PA'I YUL GYI KHYAD PAR DANG 'BREL PA LAS BYE BRAG CUNG ZAD YOD PA YIN NO, ,THAMS CAD DU RTAGS KYI BSGRUB BYA LAS SNGA NA MED PA CUNG ZAD CIG RTOGS PAR BYA BAR BRJOD PAR BYA BA YIN LA, DE YANG GNYI GA LA KHYAD PAR YOD PA MA YIN PA'I PHYIR RO, ,GANG GI PHYIR SGRA DANG RTAGS DAG MTHONG BA TZAM LA DRAN PA BSKYED PA'I BYA BA LA NI BYE BRAG YOD PA MA YIN NO, ,YUL DANG DUS KYI KHYAD PAR YANG DON GYI SHUGS LAS YIN PA'I YUL DANG DUS GZHAN NA GNAS PA'I MES NI YUL DE NA GNAS PA'I DU BSKYED PAR MI BYED @018B PA'I PHYIR, DON GYI SHUGS KYIS KHYAD PAR RTOG PA DE BZHIN DU 'DI LA YANG YUL GYI KHYAD PAR DUS KYI KHYAD PAR NA GNAS PA'I SGRA LAS DRAN BZHIN PA'I DON DE YUL GYI KHYAD PAR DANG DUS KYI KHYAD PAR DU DRAN PA'I SPYOD YUL DU 'GYUR BA'I PHYIR, KHYAD PAR 'GA' YANG YOD PA MA YIN NO, ,SGRA'I YUL DANG DUS NA GNAS PAR BYA BA DRAN PAR BYA BA YIN PA'I PHYIR, YUL DANG DUS GZHAN DU MTHONG BA DRAN PA'I YUL DANG DUS KYI KHYAD PAR DANG 'BREL PAR 'GYUR RO, ,DE NYID KYI PHYIR DRAN PA'I RANG BZHIN GNYI GA SNGA NA MED PAR RTOGS PA YANG BYE BRAG MED PA'I PHYIR GNYI GA YANG TSAD MA'AM TSAD MA MA YIN PAR 'GYUR RO ZHE NA, SLOB DPON GYIS SGRA DANG RTAS MED PAR YANG DRAN PA 'DI 'DRA BA BSTAN PA'I SGRO NAS SGRA RNAM TSAD MA MA YIN PAR BSTAN PA'I PHYIR, SGRA DANG RTAGS MED PAR ZHES BYA BA LA SOGS PA GSUNGS TE, CI ZHIG LTAR ZHES BYA BA NI 'GA' ZHIG TU BSGRIM PA LA SOGS PA'O, ,RANG NYID CES BYA BA NI SGRA DANG RTAGS MED PAR DRAN PA'O, ,MI 'GYUR RAM CI SKAD DU BSHAD PA'I KHYAD PAR DANG LDAN PAR 'GYUR BA NYID DO, ,BSAM PA NI 'DI YIN TE, JI LTAR DE TSAD MA MA YIN PA BZHIN DU SGRA LAS SKYES PA YANG NGO ZHES BYA BA'O, ,'DIR BRGYA LA GZHAN DAG SNYOMS PAR BYED DE, RE ZHIG DRAN PA 'DI 'DRA BA NI RJES SU DPAG PA'I DRAN PA LAS KHYAD PAR YOD PA MA YIN NO, JI LTAR DRAN PA 'DI 'KHRUL PA DE LTAR NI RJES SU DPAG PA'I DRAN PA LA YANG 'KHRUL PA YOD PA NYID DE, RANG NYID DRAN PAR BYED PA YANG 'BAD RTZOL LA SOGS PA LAS DU BA MED PAR DRAN PAR 'GYUR BA KHO NA'O, ,DE YANG SGRA'I DRAN PA BZHIN DU RJES SU DPAG PA DANG MTSUNGS PA YIN TE, DES NA DE YANG TSAD MAR KHAS BLANG BAR BYA BA'AM, RJES SU DPAG PA YANG TSAD MA MA YIN PAR 'GYUR RO ZHES SLOB DPON RANG NYID KYIS DOGS PA BSU NAS, GNAS SKABS 'DI GNYIS LA ZHES GSUNGS TE, SGRA DANG 'BAD RTZOL LA SOGS PAS DRAN PA'I GNAS SKABS 'DI GNYIS LA BYE BRAG KYANG YOD DAM CI, 'DI SKAD DU SMRAS PA YIN TE, DRAN PA'I GNAS SKABS 'DI GNYI GA YANG DRAN PAR BYA BA'I DNGOS PO LA BRTEN PA'I KHYAD PAR CUNG ZAD KYANG YOD PA MA @019A *, ,YIN NO, ,DES NA GNYI GA YANG BYE BRAG MED PAR TSAD MA'AM MA MA YIN PAR 'GYUR GYI, KHO BO CAG GI NI DRAN PAR BYA BA'I DNGOS PO LA BRTEN PA'I KHYAD PAR CHE STE, GANG GI PHYIR GANG DU DU BA MTHONG BA DER RANG SKYED PAR BYED PA'I ME MI LDAN PA RNAM PAR BCAD NAS 'JOG PA NAS 'JUG PA'I YAN LAG TU BYED PA YIN TE, YUL GZHAN NA GNAS PA'I MES YUL DE NA GNAS PA'I DU BA MI SKYED PA'I PHYIR RO, ,DES NA RANG SKYED PAR BYED PA STON PA NA, YUL DE NA GNAS PA'I ME STON PAR BYED PA YIN LA, DE YANG 'JUG PA'I YAN LAG YIN GYI 'BAD RTZOL LAS ME DRAN PA NI SNGA NA MED PA'I YUL DANG DUS KYI KHYAD PAR DANG 'BREL PA'I ME 'JUG PA'I YUL DU BYED PA MA YIN NO, ,DES NA SNGA NA MED PA'I YUL DANG DUS KYI KHYAD PAR DANG 'BREL PA MA NGES PA NI SGRUB PAR BYED PA MA YIN PA'I PHYIR RO, ,TSAD MA MA YIN PAS SGRA DAG KHO NA TSAD MA MA YIN NO ZHES MJUG BSDU BA'I PHYIR, DE'I PHYIR 'DI DAG YUL LAM DUS 'GA' ZHIG TU ZHES GSUNGS TE, SGRUB PA'AM 'GOG PA MI BYED BA STE DNGOS PO DANG DNGOS PO MED PA DAG MA 'BREL PA RNAM PAR MI GCOD PA, JI LTAR 'GA' ZHIG GI TSAD MA MA YIN TE, 'JUG PA'I YUL STON PAR BYED PA MA YIN NO ZHES BYA BA'I DON TO, ,'DI SNYAM DU NGAG GI KHYAD PAR NI 'JUG PA'I YUL RNAM PAR 'JOG PA'I PHYIR TSAD MA YIN TE, 'DI LTAR PHYOGS GA GE MO ZHIG NA BUM PA YOD DO ZHES YUL GYI KHYAD PAR MA 'BREL PA RNAM PAR BCAD NAS BUM PA 'JUG PA'I YUL DU RTOGS PAR BYED DO ZHES DOGS PA LA DE DAG LAS ZHES SMOS TE, NGAG TU GYUR PA DE DAG LAS SPANGS BA DANG BLANG BA'I MTSAN NYID KYI DON 'JUG PA'I YUL DU GYUR PA 'GRUB PA MA YIN NO, ,'DI LTAR DE DAG GI MNGON SUM BZHIN DU DON GYI RANG GI NGO BO NYID MTHONG BA NI MA YIN NA GANG ZHIG 'JUG PA'I YUL DU 'GYUR, DES NA DOGS PA MA BSAL BA'I SGRA 'DI DAG PAS YOD DAM 'O NA TE MED CES DON GCIG TU NGES PAR RTOGS LA THOB PAR BYA BA'I DNGOS PO MA NGES PA'I DON KYANG YOD PA MA YIN TE, DES SGRA NYE BAR GZHAG PA BRTAGS PA'I DON LA SPANG BA'AM SPANG BAR BYA BA YOD PA MA YIN PA'I PHYIR, DE DAG LAS DON 'GRUB PAR @019B GA LA 'GYUR, 'JUG PA NA SPANG BA LA MI 'DZUL BAS NA GDON MI ZA BAR GANG LAS CUNG ZAD CIG THOB PAR 'GYUR BA 'THOB PA'I RGYU MTSAN GYI SHES PA GZHAN SKYE BA YIN NO, ,'DI SNYAM DU GAL TE RANG GI NGO BO SNANG BA MA YIN DU CHUG KYANG CI DU BA LA SOGS PAS ME BZHIN DU YUL DE LA NGES PA TZAM YANG SKYED PAR MI BYED DAM ZHE NA, DE DAG DER 'BREL PA MA GRUB PA'I PHYIR RO ZHES SMOS TE, SGRA DE DAG PHYI ROL GYI DNGOS PO DER DE'I BDAG NYID DANG DE LAS BYUNG BA'I MTSAN NYID 'BREL PA MA GRUB PA'I PHYIR RO, ,'BREL PA MED PA'I DNGOS PO GZHAN MTHONG BA NANG GI NGO BO SNANG BA MA YIN PA'I DNGOS PO GZHAN NGES PAR RIGS PA MA YIN TE, DOGS PA MA BZLOG PA'I PHYI ROL GYI DON MED KYANG DON DE LA NGAG SBYOR BA MA MTHONG STE, DPER NA CHU KLUNG GI NGOGS NA BU RAM GYI SHING RTA BDAL BA YOD DO ZHES BYA BA 'BRAL PA MED PA BZHIN NO, ,NGAG GI SKABS KYI SKYON 'DI NI TSIG LA YANG MTSUNGS PA YIN TE, D'I LTAR DON DE YOD PA MA YIN YANG DE'I TSIG SBYOR BAR MTHONG BA'I PHYIR RO, ,TSIG GI DON RNAM PA THAMS CAD DU MED PA MA YIN NO ZHE NA, DE DE LTAR BDEN NA YANG DPER NA MED DANG DU BA BZHIN DU SGRA RNAMS BLO'I BAR CHAD LA MI LTOS PAR DNGOS PO DANG LHAN CIG 'BREL PA NI MA YIN TE, 'ON KYANG BLOS BAR DU CHOD PA NYID DO, ,'DI LTAR DON YOD NA DE MTHONG BA YIN LA, DE LAS DE BSTAN PA'I BSAM 'BYUNG ZHING, DE LAS BRJOD PAR 'DOD PA DE LAS NI SGRA 'BYUNG BA YIN NO, ,DE'I PHYIR GANG GI TSE MNGON PAR 'DOD PA'I DON MTHONG BA'AM, RTOGS PA'I BSAM PA MED PAR TSIG SBYOR BA DE'I TSE 'KHRUL PA YIN LA DON GZHAN BSTAN PAR BSAM PA NA YANG GSAL BAR 'KHRUL PA YIN NO, ,SNGAR NI DE LTAR SGRA RNAMS BSGRUB PAR BYA BA DANG 'BREL PA KHAS BLANGS NAS PHYOGS KYI CHOS NYID MED PAS TSAD MA YIN PA SPANGS PA YIN LA, DA LTA NI MED NA MI 'BYUNG BA DE NYID RTZA BA DANG BCAS TE SUN PHYUNG BA YIN NO, 'O NA RJES SU DPAG PA'I NANG DU JI LTAR 'DU BAR 'GYUR ZHING GANG ZHIG LA 'DI DAG TSAD MA YIN ZHE NA, SMRA BA PO ZHES BYA BA LA SOGS PA SMOS TE, SMRA BA BO'I 'DOD PA'I DON NI 'DOD PAS YUL DU BYAS PA YIN LA, DE YANG SNANG BA DANG BRTAGS PA @020A *, ,GCIG TU BYAS PA'I PHYIR RANG GI MTSAN NYID KYANG YIN MOD KYI DE LA NI TSAD MA YIN PA SNGAR BDAG PAS LHAG PAR GYUR PA'I PHYI ROL DU ZHEN PAR BYAS PA'I RNAM PAR RTOG PA 'I SNANG BA NYID LA MNGON PAR 'DOD PA'I DON DU BRJOD PA YIN NO, ,SNANG BA DE YANG SHES PA LAS THA DAD PA MA YIN TE, DES NA BSTAN PAR BYA BA'I DON DU SNANG BA, BRJOD PAR 'DOD PA KUN NAS SLONG BAR BYED PA'I RNAM PAR RTOG PA'I RNAM PAR SHES PA NYID LA DE SKAD DU BRJOD PA YIN NO, BSTAN PAR BYA BA'I DON DU SNANG BA DE NYID RJES SU DPAG PAR BYA BA YIN GYI BRJOD PAR 'DOD PA TZAM NI MA YIN NO ZHES BSTAN PA'I DON DU 'DOD PA'I DON ZHES BRJOD DO, ,GZHAN DU BRJOD PAR 'DOD PA ZHES SMRA BAR 'GYUR BA'I PHYIR RO, ,GO BAR RUNG BA'I PHYIR ZHES BYA BA 'DI NI SRID PA'I TSIG STE, SGRA RNAMS KYIS NI DON STON PA'I BSAM PA RJES SU DPAG PAR NUS SRID KYI PHYI ROL MA YIN NO ZHES BYA BA'I DON TO; ,YANG NA NUS PA'I DON TE, 'DOD PA'I DON GO BAR NUS ZHES BYA BA'I DON TO, DE DAG LAS SHE NA, SMRAS PA BUM PA KHYER SHOG CES BYA BA'I NGAG GI DON SNANG BA'I SEMS PA LAS NI BRJOD PAR 'DOD PA 'BYUNG LA, DE LAS GNAS DANG BYED PA PHRAD CING DE LAS SGRA SKYE BA YIN NO, ,DE LAS SGRA BRJOD PAR 'DOD PA DE SRID DU GNAS DANG BYED PA PHRAD PA'I SGRUB PAR BYED PA'I RGYU 'KHRUL PA MED PA YIN NO, ,NGAG BRJOD PAR 'DOD PA MED PAR NGAG SO SO DANG, TSIG DANG YI GE SO SO'I GNAS DANG, BYED PA PHRAD PA NI MA YIN TE, 'ON KYANG NGAG BRJOD PAR 'DOD PA GOMS PA'I RJES SU MTHUN PA LAS 'GA' ZHIG LA GNAS DANG BYED PA TSOGS PA'I RGYU MTSAN GYIS SHES PA'I RGYUN 'PHEN PAR BYED PA 'BA' ZHIG TU ZAD DO, ,GANG GI PHYIR GZHUNG GOMS PA 'DON PAR RTZOM PA NA, GNYID KYI RTZOM PAS YID NON KYANG BSGRIM PA MED PAR YONGS SU MA RDZOGS PA 'DON PA NYID KYI PHYIR RO, ,'KHRUL PA MED PA'I BRJOD PAR 'DOD PA DE RJES SU DPAG PA'I 'BRAS BU NI SROG CHAGS TZAM DU RTOGS PA YIN LA, DE YANG 'DIR SLOB DPON GYI BZHED PA MA YIN GYI DE'I SGRUB PAR BYED PA DON DU SNANG BA'I BSAM PA DE NI 'DIR RJES SU DPAG PAR BYA BAR BZHED PA YIN NO, ,BRJOD PAR 'DOD PA'I BSAM PA DE @020B YANG SPYOS PA DANG, GOMS PA DANG LUNG 'DON PAR 'DOD PA LAS KYANG 'JUG LA, DON GZHAN BSTAN PAR 'DOD PAS KYANG 'JUG PAS DE LA SGRUB PAR BYED PA MKHAS PAS, 'DI NI MYOS PA DANG GOMS PAR 'DOD PAS 'DON MED PAR SMRA BA YANG MA YIN LA, LUNG 'DON PAR PAS TSIG GI DNGOS PO'I NGO BO TZAM SMRA BA YANG MA YIN GYI, 'ON KYANG DON STON PAR 'DOD PA KHO NAS YIN NO ZHES TSAD MA GZHAN LAS NGES PAR BYAS TE, GZHAN DU RJES SU DPOG PA MED PA'I PHYIR RO, ,MKHAS PAS BRDA GCIG LA GNAS PA'I SMRA BA PO RNAM PA 'GA' ZHIG LAS SHES PAR BYA ZHING DON GZHAN BSTAN PAR BSAM PA LAS SKYES PA'I SGRA YANG SHES PAR BYA BA YIN NO, ,DE YANG SMRA BA PO'I RANG BZHIN YONGS SU SHES PAS MI GSAL BA DANG, MYUR BA DANG DMAN PAR BRJOD PA LAS SHES PAR 'GYUR TE, GZHAN BSTAN PAR 'DOD PA LAS NI SGRA MI GSAL BA'AM, DMAN PA'AM MYUR BAR BRJOD PA'I PHYIR RO, ,SMRA BA PO'I GNAS SKABS KYI KHYAD PAR DE TSAD MA GZHAN LAS SHES SHING MNGON PAR 'DOD PA DANG MNGON PAR 'DOD PA MA YIN PA'I DON BSTAN PAR BSAM PA LAS SKYES PA'I SGRA YANG SHES PA LAS, BSAM PA KHYAD PAR CAN GYI DON GYI RNAM PA GSAL BA KHO NAR RJES SU DPOG PA'I PHYIR RO, ,GZHAN DU NA RJES SU DPAG PAR MI NUS TE, JI SKAD DU SHIN TU RNAM PAR PHYE BA'I RNAM PA CAN GYI 'BRAS BUS NI RGYU 'KHRUL PA MED DO ZHES BSHAD PA YIN NO, ,GANG YANG BSAM PA GZHAN LAS SKYES PA'I SKYES PA'I SGRA NI 'GA' YANG YOD PA MA YIN TE, RGYU LAS 'BRAS BU 'KHRUL PA MED PA'I PHYIR RO, ,'ON KYANG DON DE NYID BSTAN PAR BSAM PA KHO NA LAS YIN LA, BSAM PA DE YANG YANG DAG PAR RIG KYANG MTSON PA MA YIN PA'I PHYIR RO ZHES ZENG BA DE NI RIGS PA MA YIN TE, 'DI LTAR BUM PA BSTAN PAR BSAM PA LAS DE'I 'OG TU 'KHRUL PA'I RGYU MTSAN 'GA' ZHIG LAS SNAM BU BSTAN PAR 'DOD PA BYUNG ZHING DE LAS SGRA 'BYUNG BA NA, BAR DU SKYES PA'I BSAM PA DE JI LTAR NA NYE BAR MI MTSON ZHES BYA, GANG GI PHYIR RNAM PAR RTOG PA 'DI DAG NI, YANG DAG PAR RIG PA MA YIN PA NI MA YIN TE ZHES GSUNGS PA YIN NO, ,GAL TE @021A *, ,'BRAS BU GCIG NYID DU NGES PA YIN NA, DON DU MA BSTAN PAR BSAM PA LAS SKYES PA'I SGRA YANG YOD PAR JI LTAR 'GYUR, GANG YANG BSAM PA GNYIS LAS SKYES PA'I BUM PA'I SGRA NI THA DAD PA KHO NA STE, DPER NA SA BON DANG SDONG BU LAS SKYES PA'I CHU SHING BZHIN NO ZHES ZER BA DA YANG RIGS PA MA YIN NO, ,DNGOS KYI RGYU THA DAD NA NI 'DI DAG THA DAD PAR 'GYUR BA YIN TE, DPER NA CHU SHING DE DAG NYID BZHIN NO, ,SGRA'I DNGOS KYI RGYU NI GNAS DANG BYED PA PHRAD PA YIN LA, DE'I RGYU NI BRJOD PAR 'DOD PA DE'I YANG RGYU BSTAN PAR SEMS PA YIN NO, ,DON DANG LDAN PA DAG LAS DON DANG MI LDAN PA'I SGRA LA YANG THA DAD PA CUNG ZAD KYANG MA MTHONG NGO, ,DE'I PHYIR BRJOD PAR 'DOD PA THA DAD PA LAS NI GNAS DANG PYED PA PHRAD PA THA DAD LA, DE LAS SGRA THA DAD PA YIN NO ZHES BYA BA GANG YIN PA 'DI NYID 'DIR RIGS PA YIN GYI, ,BRJOD PAR 'DOD PA NI GANG GI TSE BSAM PA'I RIM PAS SBYAR BA DE'I TSE DON YOD DAM MED KYANG BLA STE, STON PAR SEMS PA DAG LAS SGRA MTSUNGS PA YIN ZHING, DON GZHAN BSTAN PA'I BSAM PA LA GNAS PA NA YANG 'KHRUL PA'I RGYU MTSAN 'GA' ZHIG LAS GO RIMS BTANG NAS 'DOD PAR BYA BA MA YIN PA YANG BRJOD PAR 'DOD PA 'BYUNG NGO, ,DES NA SGRA THA DAD PA NI GNAS DANG BYED PA'I TSOGS PA THA DAD PAS YIN PA'I PHYIR BSHAD PA SNGA MA NYID LEGS PA YIN NO, ,GAN YANG BYED PA'I YON TAN DANG BRJOD PAR 'DOD PA NYID DAG RJES SU DPOG PAR BYED DO ZHES BSHAD PA DE NI 'DOD CHAGS NI RGYU MA YIN GYI 'ON KYANG BRJOD PAR 'DOD PA YIN NO ZHES BSTAN PA'I PHYIR GYI, DON RTOGS PA'I BSAM PA 'GOG PA NI MA YIN NO, ,DES NA BAR TI KA LAS 'DI SKAD CES, DON GANG BLO LA RAB GSAL BA, ,DE LA SGRA NI TSAD MA NYID, ,CES GANG BSHAD PA YIN NO, ,SGRA BSAM PA'I 'BRAS BU YIN PA NYID KYIS RJES SU DBOGS PA YIN GYI, RJOD PAR BYED PA NYID KYI PHYIR NI MA YIN TE, SGRA LAS SHES PA BRJOD PAR BYA BA'I TSUL NYID KYIS RTOGS PA'AM, DE LA BRDAR BYAS PA MA YIN PA'I PHYIR RO, ,'O NA RJOD PAR BYED PA NYID DU JI LTAR 'GYUR ZHE NA, 'DI LA JI LTAR MED PA DANG DU BA MED NA @021B MI 'BYUNG BA NYID DU DNGOS PO LA GNAS PA BZHIN DU DE LTA BU'I DNGOS PO MED KYANG BRDA'I DUS NA DE DAG GIS SGRA DON MED MI 'BYUNG BAR RANG GI MNGON PA'I NGA RGYAL GYIS BZUNG BA YIN NO, ,DE LA SGRA RANG GI MTSAN NYID THOS PA LAS SGRO BTAGS PA YIN YANG, SGRA RNAMS DON DAM PAR MED NA MI 'BYUNG BA NYID DU RTOGS LA DE DAG KYANG MTHONG BA DANG BRTAGS PA'I DON DAG GCIG TU BYAS NAS PHYI ROL GYI DON LA MED NA MI 'BYUNG BA NYID DU SGRO BTAGS NA BRJOD PAR BYA BA NYID DU RLOM PAR BYED DO, ,DES NA SGRO BTAGS PA'I RANG BZHIN GYI RJOD PAR BYED PA LAS, SGRO BTAGS PA'I RANG BZHIN GYI BRJOD PAR BYA BA RTOGS PA YIN GYI, DON DAM PAR RANG GI MTSAN NYID DAG BRJOD PAR BYA BA DANG RJOD PAR BYED PA'I DNGOS PO MA YIN NO, ,DES NA BRDA DANG LHAN CIG PA'I SGRA LAS SGRO BTAGS PA'I RJOD PAR BYED PA RTOGS LA, DE LAS KYANG SGRO BTAGS PA'I RANG BZHING YI BRJOD PAR BYA BA RTOGS TE, DE RTOGS PAS KYANG SGRA'I RJOD PAR BYED PA'I BYA BA YONGS SU RDZOGS PA YIN NO, ,BSHAD PA'I DON GYI SGRA'I RNAM PA SMRA BA PO'I BSAM PAS BSDUS PA BRDA'I DBANG GIS SKYED PAR BYED PA NYID DU NGES PAR BYAS PA NI SGRA THOS PA LAS RTOGS PAR 'GYUR RO, ,DE'I PHYIR SNGAR NI SGRO BTAGS PA LAS BRTEN NAS BRJOD PAR BYA BA DANG RJOD PAR BYED PA YIN LA, PHYIS NI RANG GI MTSAN NYID KHO NA LAS SKYED PAR BYED PA'I BSAM PA RJES SU DPOG PA'I PHYIR RO, ,DE LTAR ZHES BYA BA DON KHYAD PAR CANG YI BSAM PA DANG LDAN PA NYID DU RTOGS PAR BYA BA'I CHOS CAN SMRA BA PO DE NYID YIN ZHING BSAM PA'I KHYAD PAR BSGRUB PAR BYA BA YIN LA, SGRA NI SGRUB PAR BYED PA YIN PA'I PHYIR BSAM PA RJES SU SU DPAG PAR BYA BA LA LTOS NAS RJES SU DPAG PA'I NANG DU 'DU BA YIN GYI BSTAN PAR BYA BA LTOS NA NI SGRA RNAMS TSAD MA MA YIN NO ZHES BYA BAR GNAS SO, ,DE YOD NA YOD PA DANG NI DMIGS PA ZHES BYA BA LA, DE YOD PA NYID NA YOD PA ZHES NGES PA KHONG NAS 'BYUNG BA'I BSDU BA YIN PA'I PHYIR RJES SU 'GRO BA DANG LDOG PA SMOS PA YIN TE, DES NA RJES SU 'GRO BA DANG LDOG PA'I RJES SU BYED PA BSHAD PA YIN NO, ,DE YOD NA YOD PA DANG MI DMIGS PA STE, MI DMIGS PA NI @022A *, ,DMIGS PA MED PA'AM GZHAN DMIGS PA'O, ,DE YANG RJES SU DPAG PA MA YIN TE ZHES BYA BAR 'BREL TO, ,GANG LA RJES SU DPAG PA MA YIN ZHE NA, RAB TU SKYE BA ZHES BU LA SOGS PAS YUL STON TO, ,RAB TU SKYE BA NI SKYE BA STE 'BRAS BU NYID DO, ,'DI GANG GI TSE SGRUB PAR BYED CE NA, GANG GI TSE DNGOS PO DE 'BRAS BU NYID DU NI SHES LA KHYAD PAR CANG YI 'BRAS BU NYID DU NI NGES PAR MA RTOGS PA DE'I TSE'O, ,DES NA DE DON KHYAD PAR CAN GYI RJES SU 'GRO BA DANG LDOG PA'I RJES SU BYED PA LAS DE'I 'BRAS BU NYID DU SHES PAR BYED DE, DE'I 'BRAS BU NYID DU BSGRUB PA DANG DNGOS PO MED PAR BSGRUB PAR BYA BA DE LA RJES SU DPAG PA MA YIN NO, ,DE NYID KYI PHYIR RJES SU 'GRO BA MED PA'I PHYIR RO ZHES SMOS TE, RJES SU 'GRO BA DANG MI LDAN PA'I PHYIR RO ZHES BYA BA'I DON TO, ,RJES SU DPAG PA NI RJES SU 'GRO BA 'GRUB PA'I GTAN TSIGS LA LTOS PA DGOS NA, 'DI'I RJES SU DPAG PA'I NANG DU YANG 'DU BA MA YIN NO ZHES BYA BA YIN NO, ,DE NYID KYI PHYIR RJES SU 'GRO BA MED PA'I PHYIR RO ZHES SMOS TE, RJES SU 'GRO BA DANG MI LDAN PA'I PHYIR RO ZHES BYA BA'I DON TO, ,RJES SU DPAG PA NI RJES SU 'GRO BA GRUB PA'I GTAN TSIGS LA LTOS PAR YIN NA, DE YOD NA YOD PA DANG MI DMIGS PA LA NI RJES SU 'GRO BA GRUB PA MA YIN NO, ,GANG GI PHYIR RJES SU 'GRO BA NI GNOD PAR BYED PA'I TSAD MA GZHAN GYIS SGRUB PA YIN TE, DPER NA KHYAB PAR BYED PA RIM DANG CIG CAR MI DMIGS PAS YOD PA NYID LA SKAD CIG MAS KHYAB PA BSGRUBS LA, KHYAB PA RAB TU GRUB PA'I YOD PA NYID LAS KYANG SKAD CIG MA NYID DU SGRUB PAR BYED PA BZHIN NO, ,GNOD PAR BYED PA'I TSAD MA SRID PA'I YUL LA YANG DPE ZHES BRJOD PA YIN TE, DE NYID KYI PHYIR 'DI LA DPE YOD PA MA YIN TE ZHES SMOS SO, ,GANG GI PHYIR GNOD PAR BYED PA'I TSAD MA SRID NA NI DE RAB TU STON PA'I YUL DPE NYID DU 'GYUR RO, ,KHYAB PA SGRUB PAR BYED PA'I TSAD MA MED PA'I PHYIR DPE 'GA' YANG YOD PA MA YIN NO, ,DE NYID BSTAN PA'I DON DU SGRUB PAR BYED PA GZHAN MED PA'I PHYIR ZHES SMOS SO, ,DON 'DI YIN TE, GTAN TSIGS DE NYID KYIS NI GTAN TSIGS DE @022B NYID KYI KHYAB PA BSGRUB PA MA YIN GYI, 'ON KYANG TSAD MA GZHAN GYIS YIN PAS TSAD MA GZHAN YOD NA NI DE RAB TU STON PA'I YUL DPE YANG YOD PAR 'GYUR GYI, DE MED NA NI DE YANG MED PAR 'GYUR RO ZHES BYA BA'O, ,GAL TE 'DI LTAR DPE NI RJES SU 'GRO BA'I SGRUB PAR BYED PA NYE BAR STON PA TZAM LA NYE BAR MKHO BA YIN PA'I PHYIR SGRUB PAR BYED PA GZHAN MED PAR BSHAD PA NYID KYIS DE MED PAR BRJOD PA MA YIN NAM, DE JI LTAR NA 'DI LA DPE YOD PA MA YIN TE ZHES ZLOS SU SMRA ZHE NA, RJES SU 'GRO BA SGRUB PA'I TSAD MA NI DPE'I CHOS CAN KHO NA LA BSTAN PAR BYA BA YIN GYI, BSGRUB PAR BYA BA'I CHOS CAN LA NI MA YIN NO ZHES BSTAN PA'I DON DU STE, 'DI'I 'BRAS BU NI MNYAN BYA DPYAD PAR 'CHAD PAR 'GYUR RO, ,GAL TE SNYAM DU TSAD MA 'DI NYID KYI RJES SU 'GRO BA SGRUB STE, 'DI LTAR 'DI MYU GU LA SOGS PA 'GA' ZHIG BSGRUB BYAR 'DOD PA NA DPE GZHAN GRUB PA YIN LA, DE BZHIN DU BUM PA LA SOGS PA DANG BRAL BA'I PHYOGS 'GA' ZHIG BSGRUB PAR BYA BA LA, GZHAN GRUB PA'I PHYIR TSAD MA 'DI NYID LA LTOS NA DPE YOD PA YIN NO ZHES DOGS PA LA, DE NYID SGRUB PAR BYED PA YIN NA YANG ZHES BYA BA SMOS TE, DPE'I 'O, ,GANG GIS RJES SU 'GRO BA NGES PA'I RGYU MTSAN GYI TSAD MA STON PAR BYED PA DE NI DPE STE, DE THUG PA MED PAR THAL BAR 'GYUR BA'I PHYIR RO, ,DON 'DI YIN TE, GANG LA GTAN TSIGS LA BSGRUB PAR BYA BAS RJES SU 'GRO BA DANG LDAN PAS RTOGS PAR BYA BA'I DPE DE LA YANG CI GTAN TSIGS 'DI RJES SU 'GRO BA GRUB NAS GO BAR BYED PA YIN NAM, 'ON TE RJES SU 'GRO BA MA GRUB PAR YIN, RJES SU 'GRO BA MA GRUB PAR YANG GO BAR BYED PA NYID YIN NA NI TSAD MA GZHAN NYID DU THAL BAR 'GYUR RO, ,RJES SU 'GRO BA GRUB PA NYID YIN NA YANG DE LA YANG RJES SU 'GRO BA'I YUL GYI DPE GZHAN BTZAL DGOS TE, DES NI JI SRID DU TSAD MA GZHAN GYIS RJES SU 'GRO BA MA GRUB PA DE SRID DU DPE GZHAN TSOL BAS MTHA' THUG PA MED PAR 'GYUR LA, DE LTAR NA YANG RJES SU 'GRO BA MA NGES PA'I PHYIR, JI LTAR RJES SU DPAG PA'I NANG DU 'DU BAR 'GYUR, DE'I PHYIR DE LTAR @023A *, ,'BREL PA MA NGES PAS PHYOGS KYI CHOS TZAM GYIS 'KHRUL PA MED PAR RTOGS PA'I TSAD MA GZHAN YIN NO ZHE NA, MA YIN TE ZHES BYA BA RJES SU DPAG PA MA YIN PA 'GOG PAR BYED PA'O, ,'DI LTAR GAL TE RJES SU 'GRO BA NGES PA'I RGYU GNOD PAR BYED PA'I TSAD MA MED PA'I PHYIR DPE MED PA DE LTA NA NI RJES SU DPAG PAR MI 'GYUR BA ZHIG NA, GNOD PAR BYED PA'I TSAD MA YANG YOD PAS DE'I YUL GYI DPE YOD PA YIN NO, ,JI LTAR YOD CE NA, DE LA YUL BSTAN PAS ZHES BYA BA LA SOGS PA GSUNGS TE, YUL DE YOD NA YOD PAR 'GYUR BA'I MYU GU DANG, DE BZHIN DU BUM PAS DBEN PA'I SA PHYOGS MI DMIGS PA'I BDAG NYID DU GYUR BA BSTAN PAS TE, BSNYAD PAS SO, ,'DIR DON GYIS RGYU MTSAN BSTAN PA YANG BLTA BAR BYA STE, 'DI LTAR MED PA'I THA SNYAD DANG, 'BRAS BU'I THA SNYAD DAG GIS RGYU MTSAN DANG YUL BSTAN PAR BYA BA YIN NO,, DE LA MED PA'I THA SNYAD KYI YUL NI BUM PAS DBEN PA'I PHYOGS YIN LA, DE'I SHES PA NI RGYU YIN TE, GNYI GA YANG KHYAD PAR MED PAR MI DMIGS PA'I THA SNYAD DU STON PAR 'GYUR RO, ,'BRAS BU'I THA SNYAD KYI YUL NI DE YOD PA NYID YIN LA, DE 'DZIN PA'I MNGON SUM DANG MI DMIGS PA NI RGYU YIN NO, ,DE BZHIN DU GZHAN DAG TU YANG YUL GYI SGRAS RGYU 'PHEN LA RGYU'I SGRAS KYANG YUL 'PHEN PA YIN TE, THAMS CAD DU SLOB DPON GYI THA SNYAD NI 'DI LTA BU YIN NO, ,DES NA YUL DANG RGYU 'DIS THA SNYAD 'DI LA KHYOD KYIS SNGON ZHUGS PA YIN NO ZHES RGYU DANG BCAS PA'I YUL BSTAN PAS PHA ROL PO RMONGS PA LA RGYU MTSAN DANG BCAS PA'I MED PA'I THA SNYAD DRAN PAR BYED DO, ,DE LTA NA YANG DRAN PAR BYAS PA'I TSUL GYIS ZHUGS PA'I 'BREL PA NYID BSGRUB PA YIN NO, ,DE'I PHYIR THA SNYAD KYI 'BREL PA DRAN PA LA RJES SU 'GRO BA NGES PA'I RGYU MTSAN GYI TSAD MA'I YUL DU GYUR PA'I DPE YOD PA'I PHYIR RJES SU DPAG PA NYID DO ZHES DON GYI MJUG BSDU BA'O, ,GANG GI PHYIR THA SNYAD 'DI LA PHA ROL PO NYID KYIS SNGAR ZHUGS PA YIN LA, RGYU MTSAN MED PA CAN NYID YIN NA NI THA SNYAD NGES PA CAN NYID DU 'GYUR RO, ,RGYU MTSAN GZHAN MI 'THAD PA NYID KYANG RGYU DANG 'BRAS BU'I THA SNYAD LA NI @023B 'JIG RTEN NYID LAS 'GYUR LA, MED PA'I THA SNYAD LA NI RTZOD PA'I RIGS PA'I RJES SU 'BRANG BAR BYA'O, ,DE TZAM GYI RGYU MTSAN CAN NYID DU NI LAN CIG ZHUGS PA NYID LAS NGES LA, DE YOD KYANG THA SNYAD 'JUG PAR MI BYED NA NI RGYU MTSAN GZHAN NYID DU THAL BAR 'GYUR RO, ,DE'I PHYIR DE LTAR YOD KYANG THA SNYAD MI 'JUG NA NI RGYU MTSAN GZHAN NYID YIN LA, LAN CIG ZHUGS PA LAS THA SNYAD GANG ZHIG GIS RGYU MTSAN GANG KHO NA YIN PAR MTHONG NA NI DE DANG 'GAL BA YIN TE, DES NA RANG BZHIN 'GAL BA DMIGS PAS RJES SU 'GRO BA GRUB BO, ,'DIR GTAN TSIGS NI 'DI LTAR BLTA STE; GANG ZHIG GANG KHO NA'I RGYU MTSAN CAN YIN PA DE NI YOD PA NA YOD PA NYID YIN TE, MED PA LA NI RGYU MTSAN GZHAN LA LTOS PAS KHYAB LA, DE DANG 'GAL BA YANG DE TZAM GYI RGYU MTSAN CAN YIN NO, ,DES NA 'DIR RGYU MTSAN DE YOD PA TZAM GYIS THA SNYAD 'JUG PAR BYA BA YIN NO, ,MI DMIGS PA TZAM RGYU MTSAN YIN ZHING RGYU MTSAN GZHAN YOD PAR MI 'THAD PA YANG LAN CIG THA SNYAD DU ZHUGS PA LAS SHES PA YIN NO, ,MTSAN NYID KYI GTAN TSIGS THAMS CAD KYI KHYAB PA 'GRUB PA'I TSUL NI 'DI LTA BU KHO NAR BLTA'O, ,GTAN TSIGS NI RNAM PA GNYIS TE, THA SNYAD KYI YUL CAN MTSAN NYID KYI GTAN TSIGS DE NI LAN CIG THA SNYAD ZHUGS PA NYID LAS THA SNYAD DANG 'BREL PAR SHES PAR 'GYUR BA YIN TE, DPER NA BA LANG GI THA SNYAD KYI RGYU MTSAN LKOG SHAL LA SOGS PA DANG LDAN PA'I MTSAN NYID KYI YUL LA LAN CIG THA SNYAD ZHUGS PA LAS KYANG 'BREL BAS SHES PAR 'GYUR BA LTA BU STE, 'DI NI MTSAN NYID PA'I GTAN TSIGS SO, ,GZHAN NI DNGOS PO'I STE, GANG ZHIG DNGOS PO'I CHOS SGRUB PAR BYED PA'O, ,THA SNYAD DU RUNG BA NYID KYANG BRTAGS PA YIN GYI DNGOS PO NI MA YIN NO, ,GAL TE 'DI SNYAM DU JI LTAR RGYU DANG 'BRAS BU'I NGO BO NYID DAM DNGOS PO MED PA NYID SGRUB PAR MI BYED KYI, 'ON KYANG THA SNYAD YIN ZHE NA, RGYU DANG 'BRAS BU DAG GI DE'I NGO BO NI RJES SU 'GRO BA DANG LDOG PA DAG LAS GZHAN MA YIN NO ZHES BYA BA LA SOGS PA SMOS TE, RGYU DANG 'BRAS BU DAG GI RGYU 'BRAS KYI NGO BO NYID NI RJES SU 'GRO BA DANG LDOG PA DAG LAS TE, DNGOS PO DANG DNGOS PO MED PA DAG @024A *, ,LAS GZHAN MA YIN NO, ,DE'I PHYIR MTSAN NYID DU GYUR PA DE YOD NA YOD PA NYID GRUB PA KHO NA'I PHYIR CI ZHIG BSGRUB TU YOD, THA SNYAD KYI RMONGS PA LA SGRUB PAR BYED PA NYID YIN NO, ,DE BZHIN DU ZHES BYA BA NI JI LTAR DE YOD NA YOD PA NYID RGYU DANG 'BRAS BU'I NGO BO YIN PA DE BZHIN DU, DMIGS PAR RIGS PA MI DMIGS PA NYID DON GYI DNGOS PO MED PA STE, MED PA'I THA SNYAD DU BYA BA BSGRUB PA'I YAN LAG YIN PA'I PHYIR DNGOS PO MED PA YIN NO, ,'DI LTAR DNGOS PO MED PA ZHES BYA BA MNGON SUM GYIS SHES PAR BYA BA NI MA YIN TE, NGO BO NYID MED PA'I PHYIR RO, ,'ON KYANG THA SNYAD DU BYA BA YIN NO, ,BUM PAS DBEN PA'I PHYOGS SU SNANG BA RANG GI DON NGES PA DANG LDAN PA'I MNGON SUM SKYES PA NYID KYIS SNANG BA'I DNGOS PO MED PAR NGES PA NANG DU 'DU BAR 'GYUR TE, SNANG BA'I DNGOS PO GZHAN YOD PAR DOGS NA, DES DBEN PA'I PHYOGS BDAG GIS MTHONG NGO ZHES NGES PAR MI NUS PA'I PHYIR RO, DE'I PHYIR DE LTAR NGES PAR BYAS PAS YUL DE'I DON GYI SNANG BA'I DNGOS PO GZHAN MED PAR NGES PAR BYAS PA NYID DO, ,DE NYID KYI PHYIR MNGON SUM GYI DON DANG DE'I SHES PA LA DNGOS PO MED PAR BRJOD PA YIN NO, ,DE'I PHYIR MNGON SUM GYI BDAG NYID DU GYUR BA'I MI DMIGS PAS DNGOS PO MED PA GRUB PAS DE'I RGYU MTSAN CAN GYI MED PA'I THA SNYAD SGRUB PAR BYED DO ZHES BYA BA NI DMIGS PAR RIGS PA ZHES BYA BA LA SOGS PA 'CHAD DO, ,DMIGS PAR RIGS PA GANG LA YOD PA DE NI DMIGS PAR RIGS PA'O, ,MI DMIGS PA NA STE, DMIGS PA'I MTSAN NYID KYIR GYUR PA LAS DE MA DMIGS PA'I PHYIR MED DO ZHES BRJOD DO, ,NGES PA SNGON DU 'GRO BA CAN GYI THA SNYAD 'DOGS SO, ,'DIS NI MED PA'I THA SNYAD KYI RGYU MTSAN NI MI DMIGS PA NYID YIN PAR STON TO, ,DE'I PHYIR ZHES BYA BA NI GANG GI PHYIR DE MED PA'I THA SNYAD KYI RGYU MI DMIGS PA YIN PA DE'I PHYIR RO, ,RGYU MTSAN NYE BAR BSTAN PAS ZHES BYA BA NI MI DMIGS PA 'DI LA LTOS PA 'DI'I RGYU MTSAN GYIS MED DO ZHES BYA BA'I THA SNYAD GANG YIN PA DE NI RGYU MTSAN BSTAN PAS BSGRUB BO ZHES BYA BA'I DON TO, ,'DI SNYAM DU THA SNYAD GANG ZHIG GANG GI RGYU MTSAN CAN YIN @024B PA DE NI RGYU MTSAN DE MTHONG BAS NA LO MA LA SOGS PA DANG LDAN PA LA SHING NYID LA SOGS PA'I THA SNYAD BZHIN DU RANG NYID 'JUG PA MA YIN NAM, DE JI LTAR RGYU MTSAN THA SNYAD KYI SGRUB PAR BYED PAR 'GYUR ZHE NA, RMONGS PA LA ZHES BYA BA SMOS TE, RGYU MTSAN MTHONG DU ZIN KYANG RGYU MTSAN CAN GYI THA SNYAD 'JUG PAR MI NUS PA'I RMONGS PA GANG YIN PA DE NYID RTOGS PAR BYA BA'I DON DU MI DMIGS PAR SBYAR BA YIN LA, DE YOD NA YOD PA NYID KYANG DE'I 'BRAS BU NYID KYI THA SNYAD DU MI BYED PA LA SBYOR BA YIN NO, ,GANG YANG LO MA LA SOGS PA DANG LDAN PA LA SHING GI THA SNYAD DU ZHUGS PA LAS BLUN PAS PHYIS BRJOD PA DE LA NI LO MA LA SOGS PA DANG LDAN PA'I PHYIR SHING NGO ZHES SBYOR BA KHO NA STE, DPER NA 'DI NI BA LANG STE LKOG SHAL LA SOGS PA DANG LDAN PA'I PHYIR RO ZHES BYA BA LTA BU'O, ,SKYED PAR BYED PAR BRJOD PA LA PHA NYID BZHIN NO ZHES BYA BAS NI, MI DMIGS PA DANG RJES SU MTHUN PA NYID KYI DPER THA SNYAD SGRUB PAR BYED PA'I RJES SU DPAG PAR STON PAR BYED DO, ,SKYED PAR BYED PA'I RGYU MTSAN CAN GYI PA'I THA SNYAD LA ZHUGS SU ZIN KYANG 'GA' ZHIG TU BRJOD PA NA PHA'I THA SNYAD KYI RGYU MTSAN NI 'DI TZAM YIN NO ZHES RAB TU GRUB PA'I YUL DRAN NAS DE BDAG NYID RTOGS PAR 'GYUR BA'AM, GZHAN GYIS SGRUB PAR BYED PA BZHIN NO, ,CI STE GANG ZHIG LA RMONGS PA MED PA DE GANG LAS DER MED PA'I THA DAD PA 'GOG PA NI SNANG BA KHO NA LAZHES SMRA'O, ,SNANG BA YOD PA NI SHES PA LA 'KHRUL PA MED PA'I PA MI DMIGS PA LAS SO ZHES SMRA'O, ,SNANG BA YOD PA NI SHES PA LA 'KHRUL PA MED PA'I PHYIR SHES PA'I YUL GYI NGO BO NYID KYIS KHYAB PA YIN LA, SHES PA MED PA NI KHYAB PAR BYED PA'I SHES PA'I YUL DE NYID MI DMIGS PA YIN TE, RTZOD PA'I RIGS PA LAS DE'I NGO BO YOD PA LA NI DE'I TSAD MAS KHYAB PA YIN NO ZHES BSHAD PA'I PHYIR RO, ,THA SNYAD 'DOGS PA PO YANG GANG GI PHYIR 'DI NA SNANG BA'I DNGOS PO MI DMIGS TE, DE'I PHYIR MED DO ZHES DMIGS PA MED PA NYID KYIS NYE BAR MTSON NAS, DE'I KHYAB PAR BYED PA DMIGS PAR BYA BA MED PA'I RJES SU 'BRANGS TE, DON MED PA NYID DU RTOGS PAR BYED DO, ,DES NA GTAN TSIGS THIGS PA LAS, GANG ZHIG DE YONGS SU GCOD PA NA ZHES BYA BA LA SOGS PA @025A *, ,DANG; GANG YANG RNAM PAR NGES PA LAS SHES PA NI BDAG NYID SHES PA GZHAN LAS GCOD CING DON GYIS DON GCOD PA ZHES BYA BA LA SOGS PA GZHAN RNAM PAR GCOD PA BSHAD PA DE THAMS CAD NI KHYAB PAR BYED PA MED PA NYID KYI RGYU MTSAN YIN NO, ,DPER NA 'DI NI SNGON PO YIN GYI SER PO NI MA YIN NO ZHES BYA BA LTA BU 'GA' ZHIG SNANG BA'I BDAG NYID YIN PA 'GOG PA NA 'DIR 'JIG RTEN NA SER PO ZHES BYA BA YOD PA MA YIN NO ZHES NI MI 'DOD GYI, 'ON KYANG SNANG BA 'DI'I RANG BZHIN DU MED DO ZHES BYA BA MIN TE, DES NA SER PO SNANG BAR KHAS BLANGS NAS 'GOG PA YIN NO, ,GANG GI PHYIR JI SRID DU GCIG SNANG BA NA DE'I BDAG NYID 'GOG PA DE THAMS CAD NI SNANG BA NYID DU KHAS BLANGS PA YIN PA'I PHYIR SNANG BA MA DMIGS PA NYID YIN TE, GTAN TSIGS THIGS PA LAS KHYAD PAR YANG BRJOD PAR MI BYA'O ZHES BSHAD DO, ,DE'I PHYIR JI SRID DU SHES PA DANG SNANG BA'I DON LA DE'I BDAG NYID 'GOG PA DE LA SNANG BA MI DMIGS PA NYID YOD PAS KHYAB PAR BYED PA MI DMIGS NGES PAR BYED PA'I MNGON SUM NYID KYIS SNANG BA'I DNGO BA'I DNGOS KHYAB PAR BYED PA MI DMIGS PA YIN TE, DE NYID KYI PHYIR DMIGS PA'I MTSAN NYID KYIR GYUR PA ZHES KHYAD PAR DU BYAS SO, ,DE'I PHYIR KHYAB PAR BYED PA MI DMIGS PA KHO NAS 'GOG PA YIN NO, ,SHES PA DANG SHES BYA DMIGS PA MED PA NI RNAM PA GCIG TU NGES PA'I SHES PA YANG DAG PAR RIG PA NYID KYIS NGES PAR 'GYUR TE, YOD PA BZHIN DU SHES PA TZAM LA NI THE TSOM YOD PA MA YIN PA'I PHYIR RO, ,DE'I PHYIR SHES PA GCIG MYONG BA NYID LAS 'DI NI DMIGS SO, ,'DI NI MA DMIGS SO ZHES SHES PA DANG SHES BYA DAG DMIGS PA DANG MA DMIGS PAR NGES PAR BRJOD PA YIN NO, ,'DI NI DMIGS SO 'DI NI MA DMIGS SO ZHES BYA BA DE LTA BU'I RNAM PA CAN YUL DANG SHES PA 'GOG PA DANG, BSGRUB PA'I RNAM PAR RTOG PA DAG GIS MNGON SUM 'BRAS BU DANG BCAS PA YIN GYI, 'DI NI YOD DO 'DI NI MED DO ZHES BYA BA DE LTA BU'I RNAM PAR DNGOS PO YOD PA DANG MED PA'I RNAM PAR RTOG PA DAG GIS KYANG 'BRAS BU DANG BCAS PA NYID NI MA YIN TE, 'DI NI MA YIN NO ZGE'AM MED @025B DO ZHES BYA BA DE LTA BU YOD PA 'GOG PA'I THA SNYAD KYI RNAM PAR RTOG PA NI MI DMIGS PAS SGRUB PAR BYED PA YIN GYI, MNGON SUM GYIS NI SGRUB PAR BYED PA MA YIN PA'I PHYIR RO, ,DE'I PHYIR DMIGS PA'I SHES PA DANG SHES BYA NYID SHES BYA MI DMIGS PA NGES PA'I RGYU PHYIR MI DMIGS PAR BRJOD PA YIN NO, ,DE LA MI SNANG BA DMIGS PA MED PAR NGES PAS NI MI SNANG BA DNGOS PO MED PAR NGES PA NANG DU SDUD PAR BYED PA MA YIN TE, DE NI DNGOS PO MED PA LA 'KHRUL PA'I PHYIR RO, ,SNANG BA DMIGS PA MED PAR NGES PAS NI SHUGS KYIS SNANG BA DNGOS PO MED PAR 'PHANGS PA YIN TE, SNANG BA'I DNGOS PO GZHAN YOD NA DE MI DMIGS PAR MI RIGS PA'I PHYIR ZHES BYA BA NI SHUGS YIN NO, ,DE'I PHYIR GCIG TU NGES PA'I SHES PA NGES PAR BYED PA'I MNGON SUM NYID KYIS SNANG BA'I DNGOSKHYAB PAR BYED PA MI DMIGS PA YIN TE, DE NYID KYI PHYIR DMIGS PA'PA MNGON SUM DU BYA BA LUS DANG LDAN PA NI MA YIN TE, DES NA DNGOS PO MED PA 'DZIN PAR BYED PA NI NGES PA GANG YIN PA 'DI NYID YIN NO, ,YANG GANG GI PHYIR RANG GI NGO BO MED PA'I PHYIR DNGOS PO MED PA MNGON SUM DU SNANG BA MA YIN PA DANG, MA DMIGS KYANG YOD PA'I PHYIR MI DMIGS PA 'KHRUL PAR DOGS PA DE'I PHYIR SHUGS GYIS DNGOS PO MED PA GZUNG DU ZIN KYANG MNGON SUM GYI THA SNYAD DU BYED NUS PA MA YIN NO, ,SNANG BA MI DMIGS PAS NI NUS TE, DE YANG GANG GI PHYIR MNGON SUM GYIS PHYOGS 'GA' ZHIG DMIGS PA DE'I PHYIR MNGON SUM NYID KYI BYED PA'I RJES SU 'BRANGS NAS 'DI NA DE YOD PA MA YIN NO ZHES THA SNYAD DU PHYED PA YIN PAS SNGA NA MED PA NGES PA MA YIN PA'I PHYIR THA SNYAD SGRUB PAR BYED PAR 'DOD KYI DNGOS PO MED PA SGRUB PAR BYED PA NI MA YIN NO, ,GANG DU KHYAB PAR BYA BA MED PA MNGON SUM GYIS MI RTOGS PA DER NI KHYAB PAR BYED PA MI DMIGS PAS DNGOS PO MED PA BSGRUB STE, DPER NA SHING MED PA'I PHYIR SHING SHA PA MED DO ZHES BYA BA LTA BU'O, ,'DIR GRUB PA'I PHYIR THA SNYAD SGRUB PA YIN NO, ,MNGON SUM GYIS DNGOS PO MED PA GRUB PA DE'I PHYIR, TSAD MA GCIG GI BYA BA NI DE YONGS SU GCOD CING ZHES BYA BA LA SOGS PA DANG, DBANG PO'I BLO RTOG PA DANG BRAL BAR SGRUB PAR @026A *, ,BYED PA NI MNGON SUM NYID DO ZHES BYA BA DANG, DNGOS PO MED PA NI BUM PA DANG BRAL BA'I PHYOGS DANG DE'I SHES PA NYID YIN NO ZHES DE DANG DER BSHAD PA YIN NO, ,GANG ZHIG THA SNYAD LA ZHUGS KYANG RTOG GI NGAN PA 'BA' ZHIG GOMS PA LAS KHYAB PAR BYA BA DANG KHYAB PAR BYED PA'I DNGOS PO LA RMONGS TE DNGOS PO MED PA'I THA SNYAD KYI RGYU GZHAN YIN PAR RTOGS PA DE NI RMONGS BA YIN PAR BRJOD DE, GZHAN DU NA YOD PA NYID KYIS KHYAB PAR BYED PA MED PA LAS DNGOS PO MED PA'I THA SNYAD BYED PA JI LTAR NA RMONGS PA YIN PAR 'GYUR, DE YANG GANG GI TSE RAB TU GRUB PA'I YUL GYI RJES SU 'BRANGS TE, DNGOS PO MED PA'I THA SNYAD KYI RGYU NI MI DMIGS PA NYID TZAM YIN NO ZHES RTOGS PAR BYAS TE, SHES PAR 'DOD PA'I YUL LA DNGOS PO MED PA'I THA SNYAD DU RANG NYID KYIS RTOGS SAM GZHAN GYIS BSTAN KYANG RUNG STE, DE'I TSE NI MI DMIGS PA RANG BZHIN GYI GTAN TSIGS NYID YIN NO, ,DMIGS PA NI SNANG BA NYID KYIS KHYAB PAR BYED PA YIN LA, SNANG BA YANG SHES PA GCIG LA 'DRE BA'I DNGOS PO 'DZIN PA SNGON DU SONG BA LAS DE'I YUL CAN GYI SHES PA'I RGYU MA TSANG BA MED PAR NGES PA LAS NGES PAR BYED DE, DE'I PHYIR SNANG BA'I DNGOS PO GZHAN DANG DE'I MTHONG BA SHES PA DANG SHES BYA'I NGO BO NYID NI MI DMIGS PA YIN LA, DES NI DNGOS PO MED PA'I THA SNYAD DU RUNG BA NYID BSGRUB PAR BYA BA YIN NO, ,RAB TU GRUB PA'I YUL NI DPE YIN TE, DE NYID KYI PHYIR, YUL YOD NA YANG RMONGS PA'I PHYIR, ,GZHAN DAG RJES SU MI BRJOD PA, ,GRUB PA DANG NI CHOS MTHUN LAS, ,BRDA DRAN BYED PA 'BA' ZHIG GO, ,ZHES BSHAD PA YIN NO, ,DE'I PHYIR GANG ZHIG GANG LA MA RMONGS PA DE NI DE LA KHYAB PAR BYED PA MI DMIGS PA LAS MED PA'I THA SNYAD DU BYED LA, GANG ZHIG GANG LA RMONGS PA DE NI DE LA MI DMIGS PA DE NYID RANG BZHIN GYI GTAN TSIGS YIN LA; MED PA'I THA SNYAD KYI YUL DU RAB TU GRUB PA NYID KYANG DPE YIN TE, DE TZAM GYI RGYU MTSAN NYID DU RAB TU 'GRUB PA'I RGYU YIN PA'I PHYIR RO, ,MNGON SUM SNGON DU 'GRO BA CAN GYI MED PA'I THA SNYAD NI 'GA' YANG YOD PA MA YIN TE, DE NYID KYI PHYIR 'DI 'GA' ZHIG TU 'GOG PAR BYED PA YANG @026B MNGON SUM GYIS NI BYA BAR RIGS PA MA YIN TE ZHES 'CHAD PAR 'GYUR BA DANG, DGAG PA GANG JI SNYED PA DE THAMS CAD NI MI DMIGS PA LAS YIN NO ZHES DE DANG DE DAG TU BSHAD PA YIN NO, ,MNGON SUM DU SNANG BA'I YUL GYI DNGOS PO LA YANG, RMONGS PA LA NI MTSAN NYID PA'I RJES SU DPAG PA LAS THA SNYAD DU 'GYUR, RMONGS PA MA YIN PA NI MNGON SUM NYID LAS SO, ,KHYAD PAR CAN GYI SHING GI RNAM PA 'GA' ZHIG LAS SHING GI THA SNYAD ZHUGS SU ZIN KYANG LO MA LA SOGS PA DANG LDAN PA TZAM NYID THA SNYAD KYI RGYU MTSAN YIN PAR NI MA NGES TE MTHONG BA'I RNAM PA DE NYID LA YANG RGYU MTSAN NYID YIN PAR THE TSOM ZA BA GANG YIN PA DE NI, DE'I RNAM PA DANG BRAL BA MTHONG BA GANG YIN PA DE NYID LA THA SNYAD KYI YUL NYID DU MI DRAN PA YIN TE, DPER NA BA LANG CHUNG DU DGAL BA LANG GI THA SNYAD ZHUGS KYANG BA LANG CHEN PO LA MI DRAN PA BZHIN NO, ,RMONGS PA DE YANG CI ZHIG LTAR RAB TU GRUB PA'I YUL GYI RJES SU 'BRANGS NAS, DE TZAM NYID RGYU MTSAN YIN PAR RIG PAR BYAS TE, 'DOD PA'I DON LA THA SNYAD DU RANG NYID KYIS KHONG DU CHUD DAM GZHAN GYIS DE LA RTOGS PAR BYAS KYANG RUNG STE, RJES SU DPAG PA LAS THA SNYAD DU BYED PA YIN NO, ,RGYU MTSAN NGES PA GANG YIN PA DE NI MNGON SUM KHO NAS 'GYUR RO, ,DON GZHAN GYI RJES SU 'BRANG BA MED PAR RNAM PAR RTOG PA LA SNANG BA'I THA SNYAD DU RUNG BA NYID MTHONG BA'I DON DU ZHEN PAR BYAS PA DE'I THA SNYAD NI MNGON SUM DU 'GRO BA YIN GYI DNGOS PO MED PA'I THA SNYAD NI DE LTAR NAM YANG MNGON SUM SNGON DU 'GRO BA CAN MA YIN NO, ,MA DMIGS KYANG YOD PA'I PHYIR MI DMIGS PA LA RTAG TU 'KHRUL PAR DOGS PAS, SNANG BA MI DMIGS PAS DNGOS PO MED PAR THA SNYAD DU BYA BA YIN GYI MNGON SUM GYIS NI MA YIN NO ZHES BSHAD ZIN TO, ,SHES PA DANG SHES BYA DMIGS PA MED PA LA NI RMONGS PA MED PA'I PHYIR, RNAM PA GCIG TU NGES PA'I SHES PA YANG DAG PAR RIGS PA NYID GYIS NGES PA DES NA MNGON SUM GYIS THA SNYAD DU BYED PA YIN TE, DES NA MNGON SUM DE NYID LA MI DMIGS PA ZHES BYA'O ZHES KYANG BSHAD ZIN TO, ,DE BZHIN DU YOD PA'I THA SNYAD KYI RGYU NI DMIGS PA YIN TE, DES NA RGYU MED PA'I PHYIR @027A *, ,MA DMIGS KYANG DE LA 'JUG PAR BYED PA BZLOG PA YIN NO, ,DMIGS PA NYID DON RNAMS KYI YOD PA YIN PAS DE MED NA YOD PA'I THA SNYAD LA 'JUG PAR BYA BA MA YIN NO ZHES BSGRUB PA YIN TE, PHA MA YIN PA 'GA' ZHIG LA SKYED BYED MA YIN PAR SMRA BAS PHA'I THA SNYAD 'JUG PA ZLOG PAR BYED PA BZHIN NO, ,MJUG BSDU BA NI DE'I PHYIR RANG GIS GRUB PA MA YIN PA STE, MNGON SUM GYI SHES PA LA BRTAN NAS RANG GI NGO BOS MA GRUB PA MA NGES PA NI BDAG NYID DANG 'BREL PA'I SGRUB PAR BYED PA STE GO BAR BYED PA LA LTOS PA YIN NO, ,GO BAR BYED PA DE YANG JI LTA BU'I KHYAD PAR CAN ZHIG YIN ZHE NA, MI 'KHRUL PA ZHES BYA BAS GO BAR BYED PA'I RANG GI NGO BO BSHAD DE, GO BAR BYA BA'I DON LA 'KHRUL PA MED PA GANG YIN PA DE NI GO BAR BYED PA'O, ,DE YANG DE LTA BUR GYUR PA'I BDAG NYID DANG 'BREL PA YIN TE, DE'I BDAG NYID DANG DE LAS BYUNG BA'I MTSAN NYID KYI 'BREL PA'I BDAG NYID DAG GIS MA 'BREL PA LA NI MI 'KHRUL PA NYID MED PA'I PHYIR RO, ,PHYIR ZHES BYA BA NI GTAN TSIGS KYI DON TE, GANG GI PHYIR MNGON SUM MA YIN PA'I DNGOS PO NI BDAG DANG 'BREL PA CAN KHO NA LAS RTOGS PAR BYA BA YIN LA, 'BREL PA LA BRTEN NAS LKOG TU GYUR PA'I DON RTOGS PA YANG RJES SU DPAG PA YIN NO, ,DE'I PHYIR MNGON SUM MA YIN PA STE, TSAD MA GANG ZHIG MNGON SUM LAS THA DAD PA DE NI RJES SU DPAG PA LAS GZHAN MA YIN GYI, 'ON KYANG RJES SU DPAG PA NYID YIN NO, ,GANG ZHIG MNGON SUM LAS THA DAD CING RJES SU DPAG PA LAS KYANG GZHAN DU GYUR PA DE NI TSAD MA MA YIN PA KHO NA'O, ,TSU ROL MDZES PA GSUM LA SOGS PA'I GRANGS BSAL BA NYID STONGS BTAB PA NYID DU BSAMS NAS GRANGS GNYIS NYID KYANG DGAG PA'I PHYIR RJES SU DPAG PA SPANG BAR 'DOD NAS SMRAS PA, MNGON SUM MA YIN PA MNGON SUM LAS GZHAN PA'I TSAD MA YOD PA MA YIN NO, ,GANG GI PHYIR DE NI DNGOS PO'I RANG GI NGO PO LA PHYIN CI LOG GI RNAM PA CAN YIN LA, PHYIN CI LOG KYANG TSAD MA NYID YIN NA NI TSAD MA RNAMS KYI NGES PA GANG LAS YIN, DE BZHIN DU 'BRAS BU'I GTAN TSIGS NI MI GNAS PA NYID DE, AUTPA LA LAS SKYES PA'I AUTPA LA NI BA LANG GI LCI BA LAS KYANG MTHONG LA, DE @27B BZHIN DU ME DANG GTZUB SHING GTZUBS PA LAS KYANG ME YIN NO, ,RANG BZHIN GYI GTAN TSIGS KYANG DE'I BDAG NYID DU KHYAD PAR MED KYANG BRTZAL MA THAG TU 'BYUNG BA NI MI RTAG PA NYID KYI GO BAR BYED PA YIN GYI, MI RTAG PA NYID NI 'DI'I MA YIN NO, ,DE YANG RIGS PA MA YIN TE, RGYU MTSAN KHYAD PAR MED PA'I PHYIR RO, ,BRTZAL MA THAG TU BYUNG BA NYID KHO NA DE'I BDAG NYID NI MA YIN TE, 'BREL PA NI GNYIS LA GNAS PA'I PHYIR RO, ,DE'I PHYIR 'BRAS BU DANG RANG BZHIN GYI GTAN TSIGS 'DI GNYIS NGES PAR MI GNAS PA DES NI RJES SU DPAG PA TSAD MA MA YIN NO ZHES GANG BRJOD PA DE NI RIGS PA MA YIN TE, GANG GI PHYIR MNGON SUM GYIS KYANG GZUNG BA'I DNGOS PO GANG YIN PA DE NYID NI THOB PAR NUS PA MA YIN TE, SKAD CIG MA NYID KYI PHYIR RO, ,'ON KYANG THA DAD PA MED PAR LHAG PAR ZHEN PAR BYAS PA DNGOS PO DE NYID KYI RGYU 'JUG PA'I YUL YIN LA, LHAG PAR ZHEN PAR BYAS PA'I 'JUG PA'I YUL THOB PAR BYED PA NI RJES SU DPAG PA YANG BYE BRAG YOD PA MA YIN NO, ,'DI LTAR MNGON SUM GYI DE THOB PAR NUS PA NYID KYI RGYU MTSAN YANG DE MED NA MI 'BYUNG BA KHO NA YIN LA, DE NI RJES SU DPAG PA LA YANG KHYAD PAR YOD PA MA YIN NO ZHES 'CHAD PAR 'GYUR RO, ,DE'I PHYIR DNGOS PO SNANG BA'I DBANG GIS NI 'GA' ZHIG KYANG TSAD MAR RNAM PAR 'JOG PA MA YIN NO, ,'BRAS BU'I GTAN TSIGS KYANG RNAM PAR GNAS PA YIN TE, RGYU THA DAD PA THAMS CAD LA 'BRAS BU THA DAD PA NYID DU MTHONG BA'I PHYIR RO, ,DE'I PHYIR 'KHRUL PA MED PA NYID DO, ,DE BZHIN DU NGES PA'I DON NI GO BAR BYED PA YIN LA, NGES PA YANG DON 'GA' ZHIG NI SO SOR NGES PA'I RANG GI NGO BOR NGES PAR BYED DE, DPER NA SHING SHA PA LA SHING GI NGO BOR NGES PA BZHIN NO, ,YANG 'GA' ZHIG NI NGES PA NA DE DANG DE MA YIN PA'I NGO BOR NGES PAR BYED DE, DPER NA SHING NYID LA SHING SHA BA DANG SHING SHA PA MA YIN BA'I NGO BOR NGES PA BZHIN NO, ,DE LA MI RTAG PA TZAM GYI NGO BOR NGES PA'I BRTZAL MA THAG TU BYUNG BA NI DE'I GO BAR BYED PA YIN GYI, 'KHRUL PA'I PHYIR GNYI GA'I NGO BOR NGES PA'I MI RTAG PA NYID NI BRTZAL MA THAG TU BYUNG BA NYID KYIS GO BAR BYED PA MA YIN NO, ,BRTZAL MA THAG TU BYUNG BA'I NGO BO'I KHYAD PAR GYI @028A *, ,MI RTAG PA GANG YIN PA DE NI RTAGS MED PAR NGES PAR MI NUS LA, NGES NGES NA YANG RTAGS NYE BAR BLANGS PA DON MED PA YIN TE, DES NA RANG BZHIN GYI GTAN TSIGS NGES PAR NUS PA YIN NO, ,GZHAN YANG DE SPONG BAR BYED PAS DE NYID KHAS BLANGS PAR MI RIGS PA'I PHYIR RJES SU DPAG PA LA SKUR PA 'DEBS PA KHYOD KYIS RJES SU DPAG PA KHAS LEN PA 'DI NI MI RIGS SO, ,JI LTAR ZHE NA, GANG GI PHYIR ZHES BYA BA LA SOGS PA STON PAR BYED DO, ,TSAD MA DANG CIG SHOS DE DAG SPYI'I TSUL DU BZHAG PA GNAS PAR BYED PA NI SPYI BZHAG STE DE'I PHYIR RO, ,SPYI SMOS PA CI'I PHYIR ZHE NA, 'DI LA SHES PA'I GSAL BA 'GA' ZHIG GI YUL NI NYAMS SU MYONG BA YIN NO, ,NYAMS SU MYONG BA 'GA' ZHIG NI YUL NYAMS SU MYONG BA MED KYANG YUL DANG DUS DANG GSAL BYED KYI KHYAD PAR DANG, GOMS PA'I DBANG GIS SKYE BA'I DUS NYID NI MNGON SUM NYID KYIS TSAD MA'AM TSAD MA MA YIN PAR NGES PAR NUS PA NYID YIN TE, 'KHRUL PAR DOGS PA NI YUL THAG RING PO'I SHES PA'I GSAL BA NYID LA 'GYUR GYI THAMS CAD LA NI MA YIN NO ZHES BYA BA 'DI YANG DANG PO NYID DU BRJOD ZIN TO, ,DES NA RJES SU DPAG PA MED PAR NI NYAMS SU MYONG BA DANG MA MYONG BA RANG DANG GZHAN GYI RGYUD LA YOD PA RNAMS LA TSAD MA'AM TSAD MA MA YIN PA'I SPYI DANG LDAN PAR MI 'GYUR RO ZHES BSTAN PA'I DON DU'O, ,GZHAN GYI BLO SHES PAR BYED PA'I YANG PHYIR TE, LUS LAS THA DAD PA NI MNGON SUM GYIS SHES PAR MI NUS SO SNYAM DU DGONGS PA'O, ,'GOG PAR ZHES BYA BA NI 'GAG PA'I THA SNYAD LA BRJOD PAR BYA BA YIN TE, DE'I PHYIR YANG TSAD MA GZHAN SRID PAR KHYOD NYID KYIS KHAS BLANGS PA YIN NO, ,'DI LTAR RJES SU DPAG PA MED PAR NI DGAG PA'I THA SNYAD DU BYA BAR MI NUS SO ZHES BSHAD ZIN TO, ,DE SHES PA'I ZHES BYA BA LA SOGS PAS TSAD MA GZHAN SRID PA'I GTAN TSIGS DANG PO 'CHAD DO, ,TSU ROL MDZES PA PA DE MNGON SUM TSAD MA STE SLU BA MED PA CAN YIN LA, RJES SU DPAG PA NI MA YIN NO ZHES BYA BA 'DIS NI NYE BAR STON PA SMA BA'I RNAM PA STON TE, 'DIS NI TSU ROL MDZES PA LA SPYI'I TSUL DU KHYAD PAR CAN GYI NYE BAR BSTAN PA'I RNAM PAR TSAD MA DANG CIG SHOS 'JOG @028B PAR BSTAN TO, ,DA NI 'DI LTAR NYE BAR STON PA LAS NI CI NAS KYANG RJES SU DPAG PA NGES PAR KHAS BLANG BAR BYA'O ZHES DE LTAR STON PA NYE BAR STON PA NA NYE BAR STON PA'I RGYU DANG DGOS PA 'CHAD PAR BYED DO, ,DBANG PO LA BRTEN PA'I SHES PA'I GSAL BA 'GA' ZHIG MI SLU BA STE, DON 'DUS PA DES NA RANG GI SGRAS MA BRJOD DO, ,DE'I MTSAN NYID LA ZHIG SLU BAR DMIGS NAS TE, SHES NAS SMRA BA ZHES BYA BA 'DIS NI TSAD MA'I MTSAN NYID SHES PA'I RGYU STON TO, ,SLU BA DANG MI SLU BA YONGS SU MA SHES PAR NI DE'I MTSAN NYID SHES PAR MI NUS LA, SLU BA DANG MI SLU BA CAN SHES NA NI MTSAN NYID GANG YIN PA DE SHES TE, YONGS SU MA SHES NA MTSAN NYID MA YIN PA'I PHYIR SHES PA MTSAN NYID DU 'DUS PA DES NA RANG GI SGRAS MA BRJOD DO, ,DE'I MTSAN NYID LA KHYAB PA NI GSAL BA MA LUS PA YONGS SU ZIN PA STE, DE RGYUR 'GYUR BAS SO, ,'DI SKAD DU RE ZHIG SHES PA'I GSAL BA 'GA' ZHIG LA SLU BA DANG MI SLU BA'I MTSAN NYID GANG YIN PA DE SHES NAS RANG DANG GZHAN GYI RGYUD LA YOD PA DE'I MTSAN NYID CAN GYI SHES PA MA LUS PA LA THOB BAR NUS PA'I MI SLU BA DANG, CIG SHOS LA DE LAS BZLOG PAR SHES PAR BYAS TE, DES NA YUL MA LUS PA LA NYE BAR STON PAR BYED DO ZHES BRJOD PAR 'GYUR BA YIN NO, ,'DIS NI NYE BAR STON PA'I RGYU BRJOD DO, ,GAL TE 'DI SNYAM DU JI LTAR NYAMS SU MYONG BA'I YUL GYI SHES PA NYID NYE BAR STON PAR BYED DO SNYAM NA BSHAD PA, JI LTAR NYE BAR BSTAN PA STE, NYE BAR BSTAN PA LAS MA 'DAS PAR SLOB MA 'JUG PA NA MI 'KHRUL PA STE, MI SLU BAR BYA BA'I DON DGOS PA SMRA BA'I RANG BZHIN GANG LA YOD PA DE NI DE LTA BU'O, ,'DIS NI SMRAS PA'I DGOS PA BSTAN TO, ,'DI SKAD DU STON PA PO GANG YIN PA DE NI NYE BAR STON PA GANG GIS DON BYED PA DON DU GNYER PAR BYA BA DE LTAR BSGRUBS PA STE NGES PA'O, ,BSGRUBS PA SKYES NA, STON PA PO RANG GI RGYUD LA YOD PA'I TSAD MA'AM TSAD MA MA YIN PA LAS NI GZHAN DAG MI 'JUG PA'I PHYIR, DE DAG LA 'JUG PA NA SLU BA DANG MI SLU BA THOB PA DANG SPANG BA'I DON DU, RANG GI RGYUD LA YOD PA'I TSAD MA'AM TSAD MA MA YIN PA NYE BAR BSTAN PAS CI ZHIG BYA, DE'I @029A *, ,PHYIR RANG DANG GZHAN GYI RGYUD LA YOD PA SPYIR TSAD MA'AM TSAD MA MA YIN PAR BSTAN PAR BYA BA YIN NO ZHES BSTAN PAR 'GYUR RO, ,JI LTA BA ZHES BYA BA NI JI LTAR NYE BAR BSTAN PAR BYA BA DE LTAR BSGRUBS PA STE NGES PA'O, ,BSGRUBS PA SKYES BU RANG GI SHES PA'I YUL DU NYE BAR SON CING NGES PAR STON PAR BYED PA YIN PA'I PHYIR NGES PA NYID LA BSGRUBS PAR BRJOD PA YIN NO, ,MA NGES PA NI STON PAR BYED MI NUS PA'I PHYIR JI LTAR NYE BAR STON PA RANG GIS SHES PAR BYA BA YIN NO, ,DE YANG JI LTAR RTOGS SHE NA, CHOS MTHUN PA MTHONG BA LAS SO, ,DE NI ZHES BYA BA NI TSAD MA'AM TSAD MA MA YIN PA'O, ,GANG GI PHYIR GSAL BA 'GA' ZHIG TU MTSAN NYID DE LA MI SLU BA NYID KYIS KHYAB PAR NGES TE, DES NA KHYAB PAR BYA BA SRID PA'I GSAL BA THAMS CAD LA KHYAB PAR BYED PA YANG SRID BAR BYED PA YIN NO, ,'GA' ZHIG TU KHYAB PAR BYA BA DANG KHYAB PAR BYED PA'I DNGOS PO NGES PAR BYAS TE KHYAB PAR BYA BA NGES PA SNGON DU SONG BA CAN GYI YOD PA NI RJES SU DPAG PAR BYA BA LAS MA 'DAS PA YIN LA, RJES SU DPAG PAR BYA BA YANG RJES SU DPAG PA'I YUL YIN NO, ,RJES SU DPAG PA DE YANG TSAD MA NYID DU MA GRUB PA'I PHYIR TE, DES NA TSAD MA MA YIN PAS YUL DU BYAS PA GANG YIN PA DE YANG BDEN PA MA YIN PA'I PHYIR NYE BAR BSTAN PAS CI ZHIG BYA, SMIG RGYU'I SHES PA'I YUL NI BDEN PA NYID DU NYE BAR BSTAN PAR 'OS PA MA YIN NO, ,'DI LA NI DNGOS PO'I STOBS KYIS ZHUGS PA RANG GI DON GYI RJES SU DPAG PA YOD PA YIN NO ZHES BSTAN PA YIN NO, , 'DIR MI SLU BAS KHYAB PA'I MTSAN NYID DE YANG GANG YIN ZHE NA, DE LA TSU ROL MDZES PA PAS NI DON 'DZIN PA DE'I MTSAN NYID DU 'DOD LA, KHO BO CAG NI DON MED NA MI 'BYUNG BA NYID DU'O, ,KHO BO CAG GI LTAR NA DON MED NA MI 'BYUNG BA TZAM NYID DON THOB PAR NUS PA'I RGYU MTSAN YIN LA, GZHAN GYI LTAR NA DON 'DZIN PA TZAM RGYU MTSAN YIN NO, ,DE'I PHYIR KHO BO CAG GIS 'DOD PA'I DON MED NA MI 'BYUNG BA DANG, PHA ROL GYI DON 'DZIN PA NYID LA GZHAN LA LTOS PA MED PA NYID KYIS KHYAB BO, ,GAL TE DE YOD NA YANG THOB PAR NUS PA MED NA NI, GZHAN LA LTOS PAR 'GYUR BAS LTES PA MED @029B PA NYID DE DANG 'GAL BAR 'GYUR RO, ,DE'I PHYIR KHYAB PAR BYED PA 'GAL BA DMIGS PAS MI MTHUN PA'I PHYOGS LAS LDOG PA NA RJES SU 'GRO BA GRUB PAS, KHYAB PAR BYA BA DON MED NA MI 'BYUNG BA NYID DANG DON 'DZIN PA NYID YOD PA NA KHYAB PAR BYED PA TSAD MA NYID YOD PA YIN NO ZHES BYA BA 'DI NI KHO BO CAG GNYIS KYI RANG BZHIN GYI GTAN TSIGS SO, ,TSAD MA MA YIN PA'I YUL LA YANG RGYU MTSAN MED PA NYID KYI PHYIR, DE TZAM NYID LA LTOS PA'I TSAD MA MED PA NYID KYIS SO, ,DE'I PHYIR DE LTAR RJES SU DPAG PA KHO NAS TSAD MA MA YIN PA RTOGS NAS NYE BAR STON PA YIN LA, DE YANG MA GRUB PA'I PHYIR TSAD MA DANG TSAD MA MA YIN PA CUNG ZAD KYANG NYE BAR BSTAN PAR MI BYA'O, ,GAL TE RANG GI RGYUD LA YOD PA NYE BAR BSTAN PAR BYA BA YOD PA MA YIN NAM ZHES DOGS PA LA, YUL NYAMS SU MYONG BA ZHES BYA BA LA SOGS PA SMOS TE, NYAMS SU MYONG BA'I YUL CAN GANG YIN PA DAG GO; ,RNAM PA GNYIS KYIS YUL NYAMS SU MYONG STE, DON THOB PA DANG GOMS PA'I DBANG GIS DON MED NA MI 'BYUNG BAR NGES PA'I SHES PA NI YUL NYAMS SU MYONG BA ZHES BRJOD PA YIN NO, ,YUL NYAMS SU MYONG BA MA GTOGS PA ZHES SMRAS PA NA YUL NYAMS SU MYONG BA'I SHES PA'I GSAL BA RNAMS NI MNGON SUM GYI TSAD MA'AM TSAD MA MA YIN PAR GRUB PAR SMRAS PA STE, DE DAG KYANG RJES SU DPAG PA LAS TSAD MA'AM TSAD MA MA YIN PAR KHONG DU CHUD PA YIN NA NI MA GTOGS PA ZHES BYA BA'I TSIG MI 'THAD PA'I PHYIR RO, ,DE LA MNGON SUM DE NYID KYIS DON MED NA MI 'BYUNG BA GZUNG BA NGES PA NYID 'DI TZAM ZHIG NI MNGON SUM GYI BYA BA YIN LA, DUS PHYIS 'BYUNG BA'I SHES PA GZHAN GYIS NI THE TSOM SEL BA YIN NO ZHES BRJOD ZIN TO, ,BRDZUN PA'I DON CAN GYI MTSAN NYID TSAD MA MA YIN PA NYID KYANG SHES PA SNGA MA'I YUL LA GNOD PAR BYED PA'I SHES PA PHYI MAS NGES PAR BYED PA'I PHYIR MNGON SUM GYIS NGES PA YIN GYI RJES SU DPAG PAS NI MA YIN NO, ,GANG ZHIG RTOGS PA'I DUS NYID NA GANG RTOGS PA DE DAG NI RTAGS DANG RTAGS CAN MA YIN TE, DPER NA SA PHYOGS DANG BUM PA MED PA DAG RTOGS PA THA MI DAD PA'I PHYIR GO BYA GO BYED MA YIN PA BZHIN NO, ,DE BZHIN DU GNOD PAR BYED @030A *, ,PA'I YUL YOD PAR RTOGS PA NYID KYI TSE SNGA MAS DON MI BDEN PA NYID DU RTOGS PA'I PHYIR TSAD MA MA YIN PA MNGON SUM GYIS KHOR DU CHUD PA YIN NO, ,DE DAG NI GSAL BA LAS YOD PA YIN LA DE YANG BSTAN PAR NUS PA MA YIN NO ZHES BSTAN PA'I PHYIR BSTAN DU MED PA ZHES SMOS TE, BSTAN PAR MI NUS PA'I MTSAN NYID GANG YIN PA DAG GO, ,RJES SU DPAG PA SPANGS PAS KHYAB PAR BYA BA DANG KHYAB PAR BYED PA NYID KYI CHOS MED PA'I PHYIR MI SLU BAS KHYAB PA'I MTSAN NYID DANG CIG SHOS GANG YIN PA DAG BSTAN PAR MI NUS PA'I PHYIR, JI LTAR DE NYE BAR STON PAR BYED, CI STE YUL NYAMS SU MYONG BA'I GSAL BA CUNG ZAD CIG NYE BAR BSTAN PA'I RGYU MTSAN DU BRTAGS PA DE LTA NA YANG, NYE BAR BSTAN PA DE DAG NI CUNG ZAD KYANG NYE BAR MKHO BA MA YIN NO ZHES BSHAD PA NI RANG GI RGYUD LA ZHES BYA BA LA SOGS PA'O, ,DE DAG GIS KYANG 'DI GZHAN LAS THA SNYAD BYA BAR MI DBANG STE, GZHAN LA THA SNYAD RJES SU RTOGS PAR MI NUS PA'O, ,GANG GI PHYIR DE DAG NI MTSON PAR BYA BA MA YIN PA STE 'JUG PAR BYED PA NYID DU GZHAN GYIS RIG PA MA YIN PA'I PHYIR RO, ,CI'I PHYIR MTSON PAR BYA BA MA YIN ZHE NA, GANG GI PHYIR STON PA PO RANG GI RGYUD LA YOD PA DE NI SHES PAR BYA BA MA YIN PA DE'I PHYIR GZHAN GYIS 'JUG PAR BYED PA NYID DU MTSON PAR NUS PA MA YIN NO, ,NYE BAR BSTAN PAR BYA BA NI 'JUG PA'I YAN LAG NYID YIN TE, DES NA 'JUG PA'I YAN LAG MA YIN PA DE DAG NI NYE BAR BSTAN PAR BYA BA MA YIN PA NYID DO ZHES BYA BA NI TSAD MA'I 'BRAS BU NYID YIN NO, ,DE'I PHYIR PHA ROL POS GZHAN... 'I BSTA YAN LAG TSAD MA DANG TSAD MA MA YIN PA NYE BAR STON PA'I BSTAN BCOS BYA BA NYID MA YIN NO, ,BYED NA YANG ZHES BYA BA NI TSAD MA DANG TSAD MA MA YIN PA NYE BAR STON PA'I BSTAN BCOS BYED NA YANG, RANG NYID KYI TSAD MA DANG CIG SHOS NYE BAR STON PA'I 'JUG PA LA CO 'DRI BAR BYED PA YIN TE, BZHAD GANG DU BYED PA YIN NO, ,'DI LTAR NYE BAR STON PA'I DGOS PA NI GANG ZHIG NYE BAR BSTAN PA LAS MNGON SUM TSAD MA YIN LA, CIG SHOS NI MA YIN NO ZHES PHA ROL POS RTOGS PA 'DI NYID YIN NA, DE YANG RJES SU DPAG PA TSAD MA MA YIN NO ZHES SMRAS PA NA RJES SU DPAG PA TSAD MA MA YIN PAR BYA BAS, GZHAN RTOGS PAR @030B BYA BA'I DON DU MNGON SUM TSAD MA YIN GYI, RJES SU DPAG PA NI MA YIN NO ZHES BRJOD PA DE NYID RANG NYID KYIS BKAG PAR 'GYUR RO, ,GANG GI PHYIR RJES SU DPAG PAS RTOGS NAS DE SKAD BRJOD PA YIN PA DES NA DE TSAD MA MA YIN NA DE YANG MED PAR BRJOD PAR 'GYUR RO, ,DE'I PHYIR RJES SU DPAG PA TSAD MA MA YIN NO ZHES SMRAS PA NI GANG BDAG GIS BRJOD PA DE NI DE LTA MA YIN NO ZHES BYA BAR 'GYUR LA, DE LTA NA YANG RANG GI 'JUG PA LA CO DRIS PAR 'GYUR RO, ,DE'I PHYIR DE LTAR TSAD DANG CIG SHOS ZHES BYA BA LA SOGS PAS DANG PO NYE BAR BKOD PA'I GTAN TSIGS GZHUNG BTZUGS NAS, GTAN TSIGS GNYIS PA GZHUNG GZUGS PA'I PHYIR BSHAD PA, GZHAN DE BLO DANG LDAN PA KHONG DU CHUD PA NI SKABS KYI BSTAN BCOS KYI DON RTOGS PA'O, ,DE'I DON NI, DE'I CHED DAM DE GRUB PAR BYA BA'I PHYIR BSTAN BCOS BYED PA STE 'GOD PAS JI LTAR RJES SU DPAG PA SPANGS PA YIN, JI LTAR MI RIGS SHE NA, SMRAS PA, RJES SU DPAG PA DE SPONG NA BSTAN BCOS BYED PA LA 'JUG PA 'BRAS BU MED PA'I PHYIR RO, ,RJES SU DPAG PA SPANGS PA'I PHYIR DES NGES PAR BYAS PA GZHAN GYI SEMS KYANG MED PAR BRJOD PAR 'GYUR RO, ,GZHAN GYI SEMS MED PAR DOGS KYANG GZHAN BSTAN BCOS KYI DON KHONG DU CHUD PAR THE TSOM ZA BA LAS BSTAN BCOS BYED PA LA 'JUG PAR YANG RIGS PA MA YIN TE, SMIG RGYU'I SHES PA BZHIN DU RJES SU DPAG PAS NGES PA'I DON NI DON MED PAR NGES PA'I PHYIR DON DU MI 'GYUR BAR THE TSOM ZA BA MA YIN GYI, DON YOD PAR THE TSOM ZA BA NI MA YIN PA'I PHYIR RJES SU DPAG PA LA BSNYON PAS 'BRAS BU MED PA'I BSTAN BCOS BYED PA LA 'JUG PAR RIGS PA MA YIN NO, ,MI SPONG NA NI RJES SU DPAG PA MED DU ZIN KYANG DON YOD PAR THE TSOM ZA BA LAS 'JUG PA YIN TE ZHING RMO BA BZHIN NO, ,DE'I PHYIR BSTAN BCOS BYED PA'I RJES SU DPAG PAS SPANG BAR RIGS PA MA YIN NO, ,GAL TE 'DI SNYAM DU BLO NI LUS LAS THA DAD PA MED PA YIN, MTHONG BA NA YANG LUS 'DZIN PAR BYED PA'I MNGON SUM DE NYID DE NYID KYIS 'DZIN PA'I PHYIR 'DI LA RJES SU DPAG PAS CI ZHIG BYA SNYAM DU DOGS PA LA, SMRAS PA, LUS NYID NI BLO MA YIN TE, LUS DE GRUB STE MNGO @031A *, ,SUM GYIS NGES KYANG, BLO'I RNAM PAR BRTAG PA ZHES BYA BA, BLO NYID 'DOD CHAGS LA SOGS PA'I RNAM PAS BLO GZHAN LAS RNAM PAR BRTAG PAR BYA ZHING KHYAD PAR DU BYA BA YIN PAS BLO'I RNAM PAR BRTAG PA NI BLO'I KHYAD PAR TE, DE LA THE TSOM ZA BA'I PHYIR RO, ,MNGON SUM GYIS RTOGS PAR BYA BA NI KHYAD PAR YIN TE, SPYI DNGOS PO MED PA'I PHYIR RO, ,BLO YANG MNGON SUM GYIS RTOGS NA NI KHYAD PAR NYID NGES PAR 'GYUR NA KHYAD PAR NGES PA YANG MA YIN TE, DE DANG 'GAL BA'I THE TSOM NYID MTHONG BA'I PHYIR RO, ,SPYIR RTOGS PA YANG RJES SU DPAG PA YIN NO, ,GAL TE SHING GRUB KYANG DE NYID LAS THA DAD PA MED PA'I SHING SHA PA NYID LA THE TSOM ZA LA, SNGON PO NGES KYANG SNGON PO LAS THA DAD PA MED PA'I SKAD CIG MA NYID MA GRUB PA MA YIN NAM ZHE NA, DE NYID KYI PHYIR KHYAD PAR GYI RNAM GRANGS RNAM PAR BRTAG PAR BYA BA'I SGRA SBYAR BA YIN TE, GANG ZHIG GANG LAS THA DAD PA MED PA DE GRUB PA NA KHYAD PAR CIG SHOS GRUB PA KHO NA'O, ,GANG GI PHYIR SKAD CIG MA NYID DANG SHING SHA PA'I KHYAD PAR GYI MTSAN NYID NI MTHONG BA'I RANG BZHIN DE NYID YIN LA DE YANG NGES PA KHO NA'O, ,'ON KYANG SKAD CIG MA NYID DU MA NGES PA YIN LA MA NGES PA YANG SPYI'I RNAM PA YIN PA'I PHYIR SPYI'I RNAM PA'I SKAD CIG MA NYID MA GRUB PA YIN GYI KHYAD PAR GYI RNAM PA NI MA YIN TE, MTHONG BA SNGON PO'I RANG BZHIN LAS THA DAD PA'I SKAD CIG MA NYID KYI KHYAD PAR MED PA'I PHYIR RO, ,'GA' ZHIG GRUB PA NA KHYAD PAR GANG ZHIG MA GRUB CING MA MTHONG BA DE NI 'GAL BA'I CHOS DANG LDAN PA YIN PA'I PHYIR MTHONG BA DE LAS GZHAN NYID YIN PAS GCIG PA NYID KYI THA SNYAD LA NI DE GRUB NA GRUB PA NYID KYIS KHYAB PA YIN LA, KHYAB PAR BYED PA DE MED PA NYID NI GTAN TSIGS SO, ,GANG ZHIG GRUB PA NA, GANG GI KHYAD PAR MA GRUB PA DE DAG NI GCIG NYID MA YIN TE, DPER NA DRO BA DANG SRA BA DAG BZHIN NO, , LUS GRUB PA NA BLO'I KHYAD PAR GRUB PA MA YIN NO, ,GTAN TSIGS MA GRUB PA NI MA YIN TE, GANG GI PHYIR CHAGS PA LA SOGS PA'I BLO'I RNAM PAR NGES PA DANG 'GAL BA NI THE TSOM YIN LA, SHES PA'I RANG BZHIN GYI KHYAD PAR YANG CHAGS PA LA SOGS PA'I RNAM PA DANG, 'GAL BA LA SOGS @031B PA'I RNAM PA YIN PAR NYAMS SU MYONG BAS GRUB PA'I PHYIR RTZOD PA YOD PA MA YIN PAS LUS GRUB KYANG SRA BA LA SOGS PA BZHIN DU THE TSOM ZA BA'I PHYIR JI LTAR NA GTAN TSIGS MA GRUB PA NYID YIN, DE'I PHYIR SEMS PA NI CHANG GI NUS PA DANG 'DRA BA MA YIN TE, NUS PA CAN DAG LAS NUS PA THA DAD PA MED PA'I PHYIR, CHANG LAS NUS PA THA DAD PA MA YIN LA, SHES PA YOD PA NI LUS LAS THA DAD PA'I KHYAD PAR CAN GYI RNAM PAR GRUB PA'I PHYIR RO, ,KHYAB PAR BYA BA DANG KHYAB PAR BYED PA'I DNGOS PO NYID YANG GRUB PA NYID DO, ,THAMS CAD NI RNAM PA GNYIS TE, 'GAL BA'I CHOS DANG BRAL BA DANG DE DANG LDAN PA'O, ,DE LA GCIG NYID KYI THA SNYAD NI DE DANG BRAL BA LA MTHONG NGO, ,GAL TE DE DANG LDAN PA LA 'JUG NA NI YUL NGES PA MED PAR 'GYUR BAS, YUL NGES PA NYID KYIS KYANG KHYAB STE, DES NA KHYAB PAR BYED PA MI DMIGS PAS 'GAL BA'I CHOS DANG LDAN PA'I RANG BZHIN LAS LDOG PA NA, DE DANG BRAL BA'I YUL GYI RANG BZHIN GYIS KHYAB PA'I PHYIR KHYAB PA GRUB BO, ,GANG GRUB KYANG GANG MA GRUB PA DE LA NI 'GAL BA'I CHOS DANG LDAN PA LAS KHYAB PAR BYED PA DE DANG BRAL BA'I YUL NYID MED PA'I PHYIR RO, ,GAL TE 'DI SNYAM DU RJES SU DPAG PA LA BSNYON PA LA RJES SU DPAG PA'I SBYAR BA 'THAD PA MA YIN NO SNYAM NA DE NI RIGS PA MA YIN TE, TSU ROL MDZES PA PA DE'I 'BYUNG BA RNAMS LA THA DAD PA'I THA SNYAD KYI NI 'GAL BA'I CHOS DANG LDAN PA'I RGYU MTSAN CAN NYID YIN LA, GCIG SNANG BA NA MTHONG BA GZHAN SNANG BA MED PA 'DI LA YANG 'GAL BA'I CHOS DANG LDAN PA NYID YOD PA DES NA RGYU MTSAN SRID PA NI THA SNYAD 'JUG PAR BYA BA YIN LA, MA YIN NA NI GZHAN LA YANG 'JUG PAR MI BYA'O ZHES GZHAN DAG THA DAD PA'I THA SNYAD LA 'JUG PAR BYED PA YIN NO, ,GAL TE YANG 'DI RJES SU DPAG PA YIN PA DE LTA NA YANG PHA ROL GYIS SPANGS PA NYID NI MA YIN GYI, 'ON KYANG PHA ROL RJES SU DPAG PA NYID MA YIN PAR 'DOD PA 'BA' ZHIG TU ZAD DO, ,'DI SNYAM DU DE LTA NA YANG GTAN TSIGS MA GRUB STE, GANG GI PHYIR RANG GI LUS GRUB NA RANG GI BLO GRUB PA YOD PA YIN LA, KHYAD PAR DU 'PHAGS PA'I SKYES BUS NI GZHAN GYI LUS GRUB PA @032A *, ,NA YANG GZHAN GYI BLO NGES PA'I PHYIR RO ZHES DOGS PA LA, DE ZHES BYA BA SMOS TE, THE TSOM DU GYUR PA'I BLO'I RNAM PAR BRTAG PA DE BZHIN DANG 'BREL PA GZHAN GYI RGYUD LA GNAS PA NI SKYES BU THA MAL PA SKYES BU TZAM DE'I MNGON SUM GYIS MI RTOGS SO, ,'DI SKAD DU BRJOD PA YIN TE, GANG GI PHYIR GZHAN GYI RGYUD LA YOD PA'I BLO'I RNAM PAR BRTAG PA NI RTAG TU THE TSOM GYI YUL YIN PA DE'I PHYIR PHAL PA'I MNGON SUM GYIS 'DZIN PA MA YIN TE, MNGON SUM GYIS BZUNG BA NI KHYAD PAR YIN LA, KHYAD PAR BZUNG NA THE TSOM MED PA NYID KYI PHYIR RO, , GANG YANG SKYES BU KHYAD PAR DU 'PHAGS PA 'GA' ZHIG GI SHES PAS GZHAN GYI LUS DANG BLO BZUNG BA DE LTA NA YANG LUS 'DZIN PA'I MNGON SUM GCIG GIS MA BZUNG BAS KYANG THA DAD PAR 'GYUR BA YIN TE, THA DAD PA'I RGYU MTSAN NI 'GAL BA'I CHOS DANG LDAN PA YIN LA, 'GAL BA'I CHOS DANG LDAN PA DE NI GCIG GIS MA BZUNG NA YANG GRUB PA'I PHYIR, YANG 'GA' ZHIG GIS GCIG TU BZUNG BAS LDOG PA MA YIN PA'I PHYIR RO ZHES BYA BA NI RIGS PA'O, ,DGAG PA BYED PHYIR YANG ZHES BYA BA'I GTAN TSIGS GSUM BA GZHUNG GZUGS PA'I PHYIR BSHAD PA, DGAG PA STE DGAG PA'I THA SNYAD MNGON SUM GYIS NI BYA BAR 'OS PA MA YIN NO, ,'GA' ZHIG TU ZHES BYA BA NI MTHONG BA DANG MA MTHONG BA 'GA' ZHIG GANG YIN PAR DGAG PA'I THA SNYAD BYED PA GANG YIN PA DE THAMS CAD MNGON SUM SNGON DU 'GRO BA CAN MA YIN TE, DNGOS PO SO SOR SNANG BA NYID NGES PA NYID KYIS DNGOS PO 'DZIN PA'I PHYIR MED PA NI MNGON SUM DE'I YUL NYID DU 'GAL BA'I PHYIR RO, ,GANG ZHIG MNGON SUM GYIS DE SNANG BA NYID KYIS GZUNG BA DE LA NI MNGON SUM GYIS THA SNYAD DU BYED PA YIN NA DNGOS PO MED PA NI DE'I GZUNG BA MA YIN PA DES NI DE LA MNGON SUM GYIS THA SNYAD DU BYED PA MA YIN NO ZHES LAN MANG DU BSHAD ZIN TO, ,MED PA YUL YIN PAR 'GAL BA NYID BSTAN PA'I PHYIR BSHAD PA, DE NI DON TE YUL GYI NUS PA LA LTOS PAS SO, ,'DI SKAD BSTAN PA YIN TE, GANG GI PHYIR MNGON SUM NI GZUNG BA'I DON GYIS BSKYED PA YIN LA DE'I PHYIR MED @032B PA 'DZIN PA MA YIN NO, ,GANG ZHIG MNGON SUM GYI YUL YIN PA DE NI DE BSKYED PAR NUS PA YIN NA, MED PA NI NUS PA THAMS CAD DANG BRAL BAS JI LTAR DE'I YUL DU 'GYUR, CI STE YANG MNGON SUM DON GYI NUS PA LA MI LTOS PAR 'GYUR NA NI DE'I TSE 'DI DON LA MI LTOS NA NI CHOD PA LA SOGS PA'I DON GANG YIN PA STE, RGYANG RING PO NA GNAS PA DANG SHIN TU NYE BA NA GNAS PA LA SOGS PA'I DNGOS PO DE DE LA YANG SKYE BAR THAL BAR 'GYUR BA'I PHYIR RO, ,'DI SKAD BSHAD PA YIN TE, RANG GI RGYUD DANG 'BREL PA'I MNGON SUM GYIS GAL TE DNGOS PO YOD PA TZAM NYID 'DZIN PAR BYED PA YIN NA NI, DE'I TSE DNGOS PO NYID DU KHYAD PAR MED PA'I PHYIR CHOD PA DANG THAG RING PO LA SOGS PA THAMS CAD 'DZIN PAR 'GYUR NA GZUNG BA YANG MA YIN NO, ,DES NA MNGON SUM RUNG BA'I YUL NA GNAS PA'I DON LA LTOS PA NI DE LAS SKYES PA YIN PAR KHONG DU CHUD PA YIN NO, ,GZHAN DU NA MYU GU NI SA BON DANG 'BREL PAR RNAM PAR GZHAG MI NUS PAR 'GYUR RO, ,MNGON SUM NGO BO NYID KYIS NYE BA'I DON 'DZIN PA YIN NO ZHE NA, ZHING YANG NGO BO NYID KYIS SA BON DANG NYE BA'I MYU GU BSKYED PA YIN PA'I PHYIR SA BON RGYU NYID DU MI 'GYUR RO, ,DE'I PHYIR GANG ZHIG GANG GI GNAS SKABS KYI KHYAD PAR RAM YOD PA'I RJES SU BYED PA'I DNGOS PO DE NI DE'I 'BRAS BU YIN NO ZHES BYA BA 'DI NI GCIG TU NGES PA YIN NO, ,DES NA DON NYE BA LA LTOS PA NI DON GYIS BSKYED PA YIN PA DES NA MED BA NI YUL NYID DU 'GAL LO, ,DE'I PHYIR GANG LAS DGAG PA RTOGS PA DE NI TSAD MA GZHAN YIN NO, ,GAL TE YANG MNGON SUM DNGOS PO MED PA MI 'DZIN PA DE LTA NA YANG THA SNYAD BYED PAR NUS PA YIN NO ZHES GZHAN DAG DOGS PA BSU NAS DGAG PA'I PHYIR SMRAS PA, MNGON SUM NYID KYIS DNGOS PO MED PAR NGES PA ZHES BYA BA NI MED PAR NGES PA'I BYED PA PO NYID NI MNGON SUM YIN TE, MNGON SUM NYID KYIS MED PAR NGES PA YIN NO ZHES BYA BA'I DON TO, LOG PA LAS ZHES BYA BA NI LOG PA NYID LAS SO, ,'DI SKAD BSHAD PAR 'GYUR TE, MNGON SUM GYI SHES PA DE NYID 'GA' ZHIG TU 'JUG PA DANG 'GA' ZHIG LAS LDOG PA YIN LA, 'JUG PA'I YUL NI BSGRUB PA'I THA SNYAD DANG, LDOG @033A *, ,PA'I YUL LA NI DGAG PA'I THA SNYAD 'JUG PAR BYED PA YIN NO, ,DES NA 'DIR DON NI MNGON SUM THAMS CAD NI GNYIS KA'I BDAG NYID YIN LA 'JUG PA DANG LDOG PA DAG GI SGO NAS 'JIG RTEN GYI THA SNYAD 'JUG PAR BYED PA YIN NO ZHES BYA BA 'DI YIN NO, ,GAL TE YANG MNGON SUM LDOG PA LA LTOS NAS DNGOS PO MED PAR NGES PA YIN NO ZHES BYA BA'I DON DU 'DOD NA, DE MED PA YANG YIN LA DES RTOGS PA YANG YIN NO ZHES BYA BA NI MI RIGS SO, ,PHA ROL GYIS RTOGS PAR DAM BCA' BA NI MA YIN GYI, 'ON KYANG DE LDOG PAS YIN NO, ,LDOG PA LAS MED PA NGES PAR SMRAS PA NA MNGON SUM GYI BYA BA'I KHYAD PAR MA YIN PAR BRJOD PAR 'GYUR BA'I PHYIR DON 'DI NI MA YIN NO, ,NYAMS SU LEN PA NI 'GAL BA'O, ,'GAL BA NYID STON PA NI DE MED PA YANG YIN LA ZHES BYA BA NI YUL GANG LA MNGON SUM LDOG PA NYID KYIS MNGON DU GNAS PA'I YUL DE LA NI MNGON SUM DE YOD PA MA YIN LA, MED NA YANG JI LTAR 'GA' ZHIG NGES PA'I RGYU NYID DAM 'DZIN PAR BYED PA YIN PAR 'GYUR, NGES PA'I BYED PA PO DON 'DZIN PAR BYED PA'AM, SKYED PAR BYED PA YIN PAR 'GYUR NA, MNGON SUM MED PA GANG YIN PA DE NI DNGOS PO'AM DNGOS PO MED PA 'DZIN PAR BYED PA MA YIN LA, NGES PA BSKYED PAR NUS PA YANG MA YIN NO, ,GANG ZHIG 'DZIN PAR BYED PA'AM NGES PA BSKYED PA'I SGO NAS NGES PAR BYA BA'I DON NGES PA'I RGYU MA YIN PA DE LAS JI LTAR NA NGES PA YIN PAR RJOD PAR BYED, 'DI NYID STON PAR BYED PA NI BYED PA POR 'GYUR BA'AM 'GA' ZHIG GIR RGYUR GYUR PA DES RTOGS PA STE YONGS SU SHES PA'O, ,'DI SNYAM DU MNGON SUM LDOG PA 'DZIN PAR BYED PA NYID DAM SKYED BAR BYED PA NYID KYIS NGES PA'I RGYU NI MA YIN GYI 'ON KYANG MTHONG BA MED PAR NGES PA NA DNGOS PO MED PA'I THA SNYAD DU BYED PA 'BA' ZHIG TU ZAD DO, ,GANG GI PHYIR DE 'JUG PA NA YOD PA'I THA SNYAD DANG, LDOG PA NA MED PA'I THA SNYAD DU BYED PA DE'I PHYIR THA SNYAD THAMS CAD DE DANG 'BREL PAR BRJOD PA YIN GYI LDOG PA MNGON SUM DU BYA BA 'GA' ZHIG GI THA SNYAD BYED PA PO NYID DAM SKYED PAR BYED PA NI MA YIN NO, ,DE LTAR MED PAR NGES PA NI MNGON SUM LDOG PAR NGES PA SNGON DU @033B 'GRO BA CAN YIN NO ZHES DOGS PA LA, BSHAD PA 'DI LDOG NA NI STE MNGON SUM LOG PA'I PHYIR GANG LAS MED DO ZHES BYA BAR NGES PAR 'GYUR, GAL TE DE LAS MNGON SUM LOG TU ZIN KYANG DE LTA NA YANG DNGOS PO YOD PA YANG SRID PA YIN NO, ,MNGON SUM LOG PAS DNGOS PO MED PA MTHONG BA NI MA YIN TE, DE NI MTHONG BA MED PA'I BDAG NYID YIN PA'I PHYIR RO, ,DES NA NGES PA MED PA'I PHYIR TSAD MA DANG MI LDAN PAR MED PAR RTOGS PA 'BA' ZHIG TU ZAD DO, ,MTHONG BA NI RANG GI YUL LA TSAD MA MA YIN PA'I PHYIR NGES PA YIN GYI, MA MTHONG BA NI TSAD MA MA YIN PA DE'I PHYIR DNGOS PO MED PAR NGES PA MA YIN PA NYID DO, ,CI STE YANG NGES PA YOD DO ZHE NA, YOD NA NI NGES PA SRID PA DE NYID 'KHRUL PA MED PA MED NA MI 'BYUNG BA'I MI DMIGS PA YIN NO, ,'DI SKAD BSHAD PA YIN TE, MTHONG BA LOG PAS DNGOS PO MED PA MA BZUNG YANG, NGES PA YIN NA NI 'KHRUL PA MED PA NYID DU GTAN LA PHAB PAS MED PAR NGES PAR BYED PA YIN TE, DES NA 'KHRUL PA MED PA'I PHYIR TSAD MA YIN LA, MNGON SUM YANG MA YIN PAS RJES SU DPAG PA NYID YIN PA'I PHYIR JI LTAR RJES SU DPAG PA MED PAR MED PA'I THA SNYAD DU 'GYUR BA'AM, MNGON SUM NYID DNGOS PO MED PA NGES PAR 'BYED PA YANG JI LTAR 'GYUR, DE NYID BSTAN PA'I PHYIR BSHAD PA, DE NI DES ZHES BYA BA NI MI 'KHRUL PA'I NGES PA MA YIN GYI MNGON SUM GYIS NI MA YIN NO SNYAM DU DGONGS PA'O, ,MED PA GRUB PAR BYED PA NI RANG GI NGO BO NGES PA NYID KYIS MED PA'I THA SNYAD DU BYED PA'I RTAGS NYID YIN NO, ,'DI SKAD BRJOD PAR 'GYUR BA YIN TE, MNGON SUM LOG PA NI MED NA MI 'BYUNG BAR GTAN LA PHEBS PA NAS DNGOS PO MED PA'I THA SNYAD DU BYED PA YIN GYI, DE MNGON SUM GYI RNAM PA NYID KYIS DNGOS PO MED PAR 'DZIN PAR BYED PA NI MA YIN NO, ,DE'I PHYIR DE SNGON DU 'GRO BA CAN DNGOS PO MED PA'I THA SNYAD NI RTAGS CAN YIN GYI MNGON SUM GYIS BYAS PA NI MA YIN NO, ,MNGON SUM LOG PA RANG GI NGO BOS NI CUNG ZAD BYED PA MA YIN LA LDOG PA YANG MTHONG BA MED PA'I BDAG NYID YIN PAS MED NA MI 'BYUNG BA YOD NA NI MED PAR NGES PA'I RTAGS YIN LA, MED NA NI THE TSOM ZA BA NYID KYI PHYIR RO, ,DE LTAR @034A *, ,BDEN TE RJES SU DPAG PA 'GA' ZHIG KHAS BLANG BAR BYA BA NYID DO, ,'GA' ZHIG LAS ZHUGS PA NI MI SLU BAS RJES SU DPAG PA 'GA' ZHIG MI SLUR ZIN KYANG STE, MNGON PAR 'DOD PA'I DON THAB PAR NUS SU ZIN KYANG DE LTA MOD KYI DE'I RANG BZHIN CAN TE TSUL GSUM PA'I RTAGS LAS SKYES PA MI SLU BA LAS 'KHRUL PA MTHONG BA DE'I PHYIR THAMS CAD DU DE TZAM GYI MTSAN NYID DANG LDAN PA LA YID BRTAN DU MED DE, TSAD MA MA YIN PAR DOGS SO, ,GANG GI PHYIR DE 'DRA BA NYID 'KHRUL PA YIN PA DE'I PHYIR DE TSAD MA NI MA YIN GYI, 'ON KYANG 'GA' ZHIG GIS ZHUGS PA NA THOB PA'I MI SLU BA GANG YIN PA DE NI BYA ROG DANG TA LA'I TSUL DU RGYU MTSAN 'GA' ZHIG LAS MI SLU BA YIN GYI GZHAN LA YID BRTAN DU MED PA NYID DO ZHE NA MA YIN TE ZHES BYA BA NI YID BRTAN DU MED PA'I RGYU ZLOG PAR BYED PA STE, DE'I MTSAN NYID LA NI 'KHRUL PA YOD PA NYID MA YIN NO ZHES BYA BA'I DON TO, ,GAL TE DE'I BU NYID LA SOGS PA LA 'KHRUL PAR MTHONG LA DE LA YANG TSUL GSUM MTHONG BA NYID MA YIN NAM DE JI L