[DD] @01A *, ,'DUL BA GZHI, BAM PO NYI SHU LNGA PA, DE NAS BCOM LDAN 'DAS DUL BA 'KHOR DUL BA, ZHI BA 'KHOR ZHI BA DGRA BCOM PA LNGA BRGYA DANG THABS CIG TU SLO MA LTA BUR GSHEGS SO, ,DE NAS RGYAL BU RGYAL BYED KYI TSAL NA GNAS PA'I LHA DES BA KU LA'I YAL GA ZHIG BLANGS TE, BCOM LDAN 'DAS LA GRIB MA BYED CING RJES BZHIN RJES BZHIN DU SONG BA DANG, BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI RTOGS PAR 'GYUR BA'I CHOS BSHAD PA MDZAD DE, THOS NAS LHA DES 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS PAR GYUR TO, ,JI TZAM NA PHYOGS GZHAN ZHIG NA YUGS SA MO LNGA BRGYA TZAM GNAS PA DE DAG GIS SANGS RGYAS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS [DD] @02A *, ,MDZES PAR BYAS PA, 'OD 'DOM GANG GIS BRGYAN PA, NYI MA STONG BAS LHAG PA'I 'OD MNGA' BA, RIN PO CHE'I RI BO 'GRO BA LTA BUR KUN NAS BZANG BAR MTHONG NGO, ,MTHONG MA THAG TU YANG DE RNAMS BCOM LDAN 'DAS LA SEMS DANG BA CHEN PO SKYES SO, ,'DI NI CHOS NYID YIN TE, JI LTAR DGE BA'I RTZA BA BSAGS PA'I RGYU CAN GYI SEMS CAN GYIS DANG POR SANGS RGYAS MTHONG BA LTAR LO BCU GNYIS SU ZHI GNAS KYI SEMS GOMS PAR BYAS PA DANG, BU MED PAS BU RNYED PA DANG, DBUL POS GTER MTHONG BA DANG, RGYAL SRID LA MNGON PAR DGA' BA RGYAL SRID KYI DBANG BSKUR BA NI DE LTAR NYAMS DGA' BA SKYED PA MA YIN NO, ,DE NAS BCOM LDAN 'DAS KYIS DE RNAMS KYI GDUL BA'I DUS LA GZIGS NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE RNAMS KYIS KYANG BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'KHOD DO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, RANG BZHIN MKHYEN NAS ZHES BYA BA NAS RGYUN DU ZHUGS PA'I 'BRAS BU MNGON SUM DU BYAS SO ZHES BYA BA'I BAR GONG MA BZHIN DU'O, ,DE RNAMS KYIS BDEN BA MTHONG NAS LAN GSUM DU CHED DU BRJOD PAS CHED DU BRJOD PA, BTZUN PA BDAG CAG LA 'DI LTA BU NI MAS MA BGYIS TE PHAS MA LAGS, RGYAL POS MA LAGS, LHAS MA LAGS, SDUG PAS MA LAGS, RANG GI SKYE BO DANG GNYEN GYI TSOGS KYIS MA LAGS, SNGON GYI 'DAS BAS MA LAGS, DGE SBYONG DANG, BRAM ZES MA LAGS PA GANG LAGS PA BCOM LDAN 'DAS KYIS BDAG CAG LA @02B MDZAD DE, KHRAG DANG MCHI MA'I RGYA MTSO NI BSKAMS, RUS PA'I RI BO LAS NI BSGRAL, NGAN SONG GI SGO NI BKUM, THAR PA DANG MTHO RIS KYI SGO NI PHYE NAS BDAG CAG LHA DANG MI RNAMS SU NI BKOD DE, BTZUN PA BDAG CAG 'PHAGS SO, ,MNGON PAR 'PHAGS SO, ,BDAG CAG BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYIS, BCOM LDAN 'DAS KYIS BDAG CAG DGE BSNYEN DU GZUNG DU GSOL, DE DAG STAN LAS LANGS TE, BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,KYE MA BCOM LDAN 'DAS BDAG CAG LA CUNG ZAD CIG STZOL CIG DANG, DE LA BDAG CAG BGYI BA DAG BGYI'O, ,DE NAS BCOM LDAN 'DAS KYI RDZU 'PHRUL GYIS DBU SKRA DANG SEN MO BREGS TE BYIN NO, ,DE DAG GIS BCOM LDAN 'DAS KYI DBU SKRA DANG SEN MO'I MCHOD RTEN ZHIG BRTZIGS SO, ,DE NAS RGYAL BU RGYAL BYED KYI TSAL NA GNAS PA'I LHA GANG YIN PA DES MCHOD RTEN DE'I 'KHOR SAR BA KU LA'I YAL GA DE BSKYED DE, BCOM LDAN 'DAS LA GSOL PA, BCOM LDAN 'DAS BDAG NI MCHOD RTEN 'DI LA BGYI BA BGYID CING MCHIS SO ZHES DE DE NYID NA GNAS SO, ,DE LA KHA CIG GIS NI YUGS SA MO'I MCHOD RTEN NO ZHES BYA BAR SHES SO, ,KHA CIG GIS NI BA KU LA'I 'KHOR SA ZHES BYA BAR SHES TE, MCHOD RTEN LA PHYAG BYED PA'I DGE SLONG DAG DA DUNG YANG PHYAG BYED DO, ,BCOM LDAN 'DAS GSHEGS PA DANG, JI TZAM NA BSTI GNAS GZHAN ZHIG NA DRANG SRONG LNGA BRGYA GNAS TE, DE DAG GI BSTI GNAS DE NI ME TOG DANG 'BRAS BU DANG CHU PHUN SUM TSOGS PAS DE DAG DES RGYAGS NAS CI YANG MI SEMS SO, ,DE NAS BCOM LDAN 'DAS KYIS DE RNAMS KYI GDUL BA'I DUS LA GZIGS NAS BSTI GNAS DER GSHEGS TE BYON PA DANG, RDZU 'PHRUL GYIS BSTI GNAS DE'I ME TOG DANG 'BRAS BU NI BRLAG ,CHU NI BSKAMS, NE'U GSING RNAMS NI GLOGS, 'DUG GNAS DAG NI BRTIB BO, ,DE NAS DRANG SRONG DE DAG LAG PA 'GRAM PA LA GTAD NAS SEMS KHONG DU CHUD CING @03A *, ,'DUG GO, ,DE NAS BCOM LDAN 'DAS KYIS BKA' STZAL PA, CI'I PHYIR SEMS KHONG DU CHUD CING 'DUG ,DE RNAMS KYIS GSOL PA, BCOM LDAN 'DAS BSOD NAMS KYI ZHING RKANG GNYIS KHYED 'DIR GSHEGS NAS BDAG CAG NI GNAS SKABS 'DI 'DRA BAR GYUR TO; ,BCOM LDAN 'DAS KYIS BKA' STZAL PA, DRANG SRONG DAG BSTI GNAS ME TOG DANG 'BRAS BU DANG CHU PHUN SUM TSOGS PA CI STE MA RUNG, JI SNGON GYI JI LTA BA DE BZHIN DU BYA'AM, BCOM LDAN 'DAS MDZAD DU GSOL, ,DE NAS BCOM LDAN 'DAS KYIS RDZU 'PHRUL BRTUL BA DANG SNGON GYI JI LTA BA BZHIN DU GYUR TO, ,DE NAS DE DAG MCHOG TU YA MTSAN DU GYUR NAS, BCOM LDAN 'DAS LA SEMS MNGON PAR DAD PA BSKYED DO, ,DE NAS BCOM LDAN 'DAS KYIS DRANG SRONG LNGA BRGYA PO DE DAG GI BSAM PA DANG BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I CHOS BSHAD PA MDZAD DE, DE THOS NAS DE DAG GIS PHYIR MI 'ONG BA'I 'BRAS BU MNGON SUM DU BYAS TE RDZU 'PHRUL MNGON PAR BSGRUBS NAS, DE NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, , BTZUN PA BDAG CAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, BCOM LDAN 'DAS KYI SPYAN SNGAR BDAG CAG TSANGS PAR SPYOD PA SPYAD PAR BGYI'O, ,DE NAS BCOM LDAN 'DAS KYIS DE DAG LA DGE SLONG TSUR SHOG CES BYA BAS DGE SLONG DAG TSUR SHOG TSANGS PAR SPYAD PA SPYOD CIG CES BCOM LDAN 'DAS KYIS BKA' STZAL PA'I MOD LA SKRA DANG KHA SPU BYI BA DANG SNAM SBYAR GYON PAR GYUR TE, LAG NA LHUNG BZED DANG, BYA MA BUM THOGS PA DANG, SKRA DANG KHA SPU ZHAG BDUN SKYES PA TZAM DANG, DGE SLONG BSNYEN PAR RDZOGS NAS LO BRGYA LON PA'I SPYOD LAM LTA BUR GNAS PAR GYUR TO, ,DE BZHIN GSHEGS PAS TSUR SHOG BKA' STZAL PAS, ,SKRA BYI SNAM SBYAR GYON PA'I LUS LDAN ZHING, ,MOD LA DBANG PO RAB ZHIR GNAS GYUR TE, ,SANGS RGYAS DGONGS PAS LUS GZUGS BKAB @03B PAR GYUR, ,DE DAG GIS 'BAD PA DANG BRTZAL BAS BRTZON 'GRUS BRTZAMS PAS 'KHOR BA'I 'KHOR LO CHA LNGA PA G-YO BA DANG MI G-YO BA 'DI NYID RIG STE, 'DU BYED KYI RNAM PA THAMS CAD CES BYA BA NAS MNGON DU SMRA BAR BYA BAR GYUR TO ZHES BYA BA'I BAR GONG MA BZHIN DU'O, , DE DAG LA 'DOMS PAR BYED PA'I DRANG SRONG GANG YIN PA DES GSOL PA, BCOM LDAN 'DAS BDAG GIS CHA BYAD 'DIS SKYE BO'I TSOGS CHEN PO BSLUS PA DE DAG JE DAD PA SKYES PAR BGYIS LA SLAD KYIS RAB TU DBYUNG BAR BGYI'O, ,DE NAS BCOM LDAN 'DAS DRANG SRONG LNGA BRGYA DANG SNGON GYI DGE SLONG RNAMS KYIS ZLA BA KHAM PA LTA BUR BSKOR NAS DE NYID NAS RDZU 'PHRUL GYIS STENG GI NAM MKHA' LAS GSHEGS TE RIM GYIS GTUN RI LA BYON TO, ,DE'I TSE GTUN RI LA DRANG SRONG SHING GOS CAN ZHES BYA BA ZHIG GNAS TE, DRANG SRONG DES BCOM LDAN 'DAS SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA ZHES BYA BA NAS, KUN NAS MDZES PA RGYANG RING PO KHO NA NAS MTHONG NGO ZHES BYA BA'I BAR GONG MA BZHIN DU'O, ,MTHONG MA THAG TU DE BCOM LDAN 'DAS LA SEMS MNGON PAR DAD PAR GYUR TE, DE DAD PA SKYES NAS BSAMS PA, MA LA BDAG RI LAS BABS TE, BCOM LDAN 'DAS BLTA ZHING 'GROR NI BCOM LDAN 'DAS GDUL BA LA GZIGS PAS 'DAS PAR 'GYUR GYIS, MA LA BDAG NYID MCHONG BAR BYA'O SNYAM NAS, DES RI LAS BDAG NYID MCHONGS PA DANG, SANGS RGYAS BCOM LDAN 'DAS RNAMS NI BSNYEL BA MI MNGA' BA'I CHOS CAN YIN PAS BCOM LDAN 'DAS KYI RDZU 'PHRUL GYIS BLANGS SO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I CHOS BSHAD PA MDZAD DE, DE THOS NAS SHING GOS CAN GYIS PHYIR MI 'ONG BA'I 'BRAS BU MNGON SUM DU BYAS TE RDZU 'PHRUL MNGON PAR BSGRUBS NAS, DE NAS BCOM LDAN 'DAS LA 'DI SKAD CES GSOL TO, ,BTZUN PA BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS PA DGE SLONG GI DNGOS PO 'THOB @04A *, ,PA LTA NA ZHES BYA BA NAS, BCOM LDAN 'DAS KYIS DGE SLONG TSUR SHOG CES BYA BAS RAB TU PHYUNG NGO ZHES BYA BA DANG, SANGS RGYAS DGONGS PAS LUS GZUGS BKAB PAR GYUR CES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I DGE SLONG DAD PAS RNAM PAR GROL BA RNAMS KYI MCHOG NI 'DI YIN TE, 'DI LTA STE DGE SLONG SHING GOS CAN NO, ,DE NAS BCOM LDAN 'DAS DGE SLONG STONG GIS YONGS SU BSKOR TE, CHO 'PHRUL RNAM PA SNA TSOGS MDZAD CING GRONG KHYER SLO MA LTA BUR GSHEGS SO, ,BCOM LDAN 'DAS KYIS DGONGS PA, GAL TE SGO GCIG NAS ZHUGS NA GZHAN DAG GZHAN DU SEMS PAR 'GYUR BAS MA LA NGA RDZU 'PHRUL KHO NAS 'JUG PAR BYA'O SNYAM NAS, DE NAS RDZU 'PHRUL GYIS STENG GI NAM MKHA' LAS GRONG KHYER SLO MA LTA BU'I DBUS SU GSHEGS SO, ,DE NAS SLO MA LTA BU'I BDAG PO RGYAL PO DANG, TSE DANG LDAN PA GANG PO DANG, SHING GI RNA CHA CAN DANG, RGYA SKEGS KYI RNA CHA CAN DANG, ZHA NYE'I RNA CHA CAN DANG, RGYAL PO'I SRAS BCU BDUN PO DE DAG KYANG RANG RANG GI 'KHOR DANG, SROG CHAGS BRGYA STONG PHRAG DU MA BCOM LDAN 'DAS GANG NA BA DER SONG NGO, ,DE NAS BCOM LDAN 'DAS SROG CHAGS BRGYA STONG PHRAG DU MAS ZHAM RING BYAS SHING TZAN DAN GYI PHRENG BA'I KHANG BZANGS GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS TE, SKYE BO'I TSOGS CHEN PO DES BCOM LDAN 'DAS MTHONG NGO, ,TZAN DAN GYI PHRENG BA'I KHANG BZANGS ZHIG LA THUG PA DANG, BCOM LDAN 'DAS KYIS DGONGS PA, GAL TE TZAN DAN GYI PHRENG BA'I KHANG BZANGS ZHIG PAR GYUR NA SBYIN BDAG RNAMS KYI BSOD NAMS KYI BAR CHAD DU 'GYUR GYIS, MA LA NGAS 'DI SHEL GYI RANG BZHIN DU SPRUL PAR BYA'O SNYAM NAS, BCOM LDAN 'DAS KYIS DE JI LTAR SKYE BO'I TSOGS DES SANGS RGYAS KYI SKU SGRIB PA MED PAR MTHONG BAR 'GYUR BAR SHEL GYI RANG BZHIN DU SPRUL TO, ,DE NAS 'KHOR DE DAG GI BSAM PA DANG, BAG LA NYAL DANG, @04B KHAMS DANG, RANG BZHIN MKHYEN NAS DE DANG 'DRA BA'I CHOS BSHAD PA MDZAD DE, DE THOS NAS SROG CHAGS BRGYA STONG PHRAG DU MAS KHYAD PAR CHEN PO DAG RTOGS TE, KHA CIG GIS NI THAR PA'I CHA DANG MTHUN PA'I DGE BA'I RTZA BA BSKYED, KHA CIG GIS NI NGES PAR 'BYED PA'I CHA DANG MTHUN PA, KHA CIG GIS NI RGYUN DU ZHUGS PA'I 'BRAS BU MNGON SUM DU BYAS, KHA CIG GIS NI LAN GCIG PHYIR 'ONG BA'I 'BRAS BU, KHA CIG GIS NI PHYIR MI 'ONG BA'I 'BRAS BU, KHA CIG GIS NI RAB TU BYUNG NAS NYON MONGS PA THAMS CAD SPANGS TE DGRA BCOM PA MNGON SUM DU BYAS, KHA CIG GIS NI NYAN THOS KYI BYANG CHUB TU SEMS BSKYED, KHA CIG GIS NI RANG SANGS RGYAS KYI BYANG CHUB TU, KHA CIG GIS NI BLA NA MED BA YANG DAG PAR RDZOGS PA'I BYANG CHUB TU'O, ,'KHOR DE PHAL CHER SANGS RGYAS LA GZHOL BA DANG, CHOS LA 'BAB PA DANG, DGE 'DUN LA BAB PAR BKOD DO, ,DE NAS SHING GI RNA CHA CAN DANG, RGYA SKEGS KYI RNA CHA CAN DANG, ZHA NYE'I RNA CHA CAN GYIS GTZANG ZHING BSOD PA'I BZA' BA DANG BCA' BA DAG STA GON BYAS NAS GDAN BSHAMS TE, NOR BU'I CHU SNOD BZHAG NAS BCOM LDAN 'DAS LA SPYAN 'DREN GYIS DUS TSOD GSOL PA, BTZUN PA GDUGS TSOD LAGS SHING MCHIS NA, BCOM LDAN 'DAS DA DE'I DUS LA BAB PAR DGONGS SU GSOL, DE'I TSE KLU'I RGYAL PO NAG PO DANG, GOO TA MA ZHES BYA BA RGYA MTSO CHEN PO NA GNAS PA DE GNYIS KYIS BSAMS PA, BCOM LDAN 'DAS GRONG KHYER SLO MA LTA BU NA CHOS 'CHAD KYIS DONG LA MNYAN PAR BYA'O SNYAM MO, ,DE NAS DE GNYIS KLU LNGA BRGYA'I 'KHOR DANG GRONG KHYER SLO MA LTA BU'I CHU BO LNGA BRGYA PHAB NAS CHAS SO, ,SANGS RGYAS BCOM LDAN 'DAS RNAMS NI BSNYEL BA MI MNGA' BA'I CHOS CAN YIN PAS BCOM LDAN 'DAS KYIS DGONGS PA, KLU'I RGYAL PO NAG PO DANG, GOO TA MA 'DI GNYIS GAL TE GRONG KHYER SLO MA LTA BUR 'ONGS PAR GYUR NA, YUL PHUNG BAR BYED PAR 'GYUR RO SNYAM NAS, DE NAS BCOM LDAN 'DAS KYIS TSE DANG LDAN PA MOOD GAL GYI BU CHEN PO LA BKA' STZAL PA, @05A *, ,MOOD GAL GYI BU DE BZHIN GSHEGS PA'I RINGS PA'I BSOD SNYOMS LONG SHIG ,MOOD GAL GYI BU DE CI'I PHYIR ZHE NA, RINGS PA'I BSOD SNYOMS NI LNGA STE, LNGA GANG ZHE NA, GLO BUR BA DANG, 'GRO BAR CHAS PA DANG, NAD PA DANG, NAD G-YOG DANG, DGE SKOS SO, ,SKABS 'DIR NI BCOM LDAN 'DAS DGE SKOS SU DGONGS TE, BCOM LDAN 'DAS RDZU 'PHRUL GYIS DE NYID NAS STENG GI NAM MKHA' LAS GSHEGS SO, ,BCOM LDAN 'DAS DANG MOOD GAL GYI BU GNYIS KLU'I RGYAL PO NAG PO DANG, GOO TA MA GANG NA BA DER GSHEGS TE BYON NAS BKA' STZAL PA, KLU'I DBANG PO GRONG KHYER SLO MA LTA BU LA SOMS LA YUL PHUNG BAR MA BYA SHIG ,DE GNYIS KYIS GSOL PA, BTZUN PA BDAG CAG GANG SROG CHAGS GROG SBUR LA YANG GNOD PA MI BGYID PA DE LTA BU'I DAD PAS MCHIS NA, SLO MA LTA BU NA GNAS PA'I SKYE BO'I TSOGS LA LTA SMOS KYANG CI 'TSAL, ,DE NAS BCOM LDAN 'DAS KYIS KLU'I RGYAL PO NAG PO DANG, GOO TA MA LA DE LTA BU'I CHOS BSHAD PA MDZAD DE, DE THOS NAS SANGS RGYAS DANG CHOS DANG DGE 'DUN LA SKYABS SU SONG ZHING BSLAB PA'I GZHI RNAMS BZUNG NGO, ,BCOM LDAN 'DAS KYIS ZHAL ZAS GSOL BA'I MDZAD PA BRTZAMS PA DANG, KLU RE RE NAS BSAMS PA, KYE MA'O BCOM LDAN 'DAS LA BDAG GI CHU'I BTUNG BA GSOL LO SNYAM MO, ,BCOM LDAN 'DAS KYIS DGONGS PA, GAL TE GCIG GI CHU GSOL NA NI DES NA GZHAN DAG GZHAN DU SEMS PAR 'GYUR BAS THABS SHIG BSHAM PAR BYA'O SNYAM DU DGONGS NAS, DE NAS BCOM LDAN 'DAS KYIS TSE DANG LDAN PA MOOD GAL GYI BU CHEN PO LA BKA' STZAL PA, MOOD GAL GYI BU SONG LA GANG NA CHU BO LNGA BRGYA 'DRES PA DE LAS CHU LHUNG BZED KHONG LA KHYER TE SHOG SHIG ,BTZUN PA BKA' BZHIN 'TSAL ZHES TSE DANG LDAN PA MOOD GAL GYI BU CHEN POS, BCOM LDAN 'DAS KYI LTAR MNYAN NAS GANG DU CHU BO LNGA BRGYA 'DRES PA DE NAS CHUS LHUNG BZED BKANG NAS KHYER TE, BCOM LDAN 'DAS GANG NA BA DER SONG STE PHYIN NAS, BCOM LDAN 'DAS LA LHUNG @05B BZED BKANG BA'I CHU PHUL BA DANG, BCOM LDAN 'DAS KYIS BZHES TE GSOL LO, ,TSE DANG LDAN PA MOOD GAL GYI BU CHEN POS BSAMS PA BCOM LDAN 'DAS KYIS SNGON GYI BKA' STZAL PA, DGE SLONG DAG PHA DANG MAS NI BU GSOS, BSRINGS BSKYED NU MAS BSNUN, 'DZAM BU'I GLING GI SNA TSOGS STON PAR BYED PA YIN PAS SHIN TU DKA' BA BYED PA STE, BUS PHRAG PA GCIG LA NI MA BZHAG CIG SHOS LA NI PHA BZHAG NAS LO BRGYA TSANG BAR KHUR DU THOGS SAM, SA CHEN PO 'DI'I NOR BU DANG, MU TIG DANG, BEE d'URYA DANG, MAN SHEL DANG, BYI RU DANG, DNGUL DANG, GSER DANG, RDO'I SNYING PO DANG, SBUG DANG, PAD MA R'A GA DANG, DUNG G-YAS SU 'KHYIL PA STE, DE LTA BU'I DBANG PHYUG LA BDAG POR BCUG KYANG, BUS PHA MA LA DE TZAM GYIS PHAN THOGS PA'AM LAN LON PAR MI 'GYUR GYI, GANG GIS PHA MA DAD PA MED PA DAD PA PHUN SUM TSOGS PA YANG DAG PAR 'DZIN DU 'JUG LA 'DUL ZHING 'DZUD DE SO SOR 'GOD PAR BYED PA DANG, TSUL KHRIMS 'CHAL PA TSUL KHRIMS PHUN SUM TSOGS PA DANG, SER SNA CAN GTONG BA PHUN SUM TSOGS PA DANG, SHES RAB 'CHAL PA, SHES RAB PHUN SUM TSOGS PA YANG DAG PAR 'DZIN DU 'JUG LA 'DUL ZHING 'DZUD DE SO SOR 'GOD PAR BYED NA, DE TZAM GYIS BUS PHA DANG MA LA PHAN THOGS PA DANG LAN LON PA YIN NO ZHES GSUNGS NA, BDAG GIS NI MA LA LAN GCIG YANG MA LON GYIS, MA LA BDAG GIS BDAG GI MA GANG DU SKYES PA BSAM MO SNYAM NAS BSAM PA LA ZHUGS PA DANG, 'JIG RTEN GYI KHAMS 'OD ZER CAN DU SKYES PAR MTHONG NGO, ,DES DE SU'I GDUL BYA YIN PA BRTAGS NA, BCOM LDAN 'DAS KYI YIN PAR MTHONG NAS DE 'DI SNYAM DU SEMS TE, BDAG LAM RING PO NAS 'DIR 'ONGS PAS CI NAS KYANG BDAG GIS BCOM LDAN 'DAS LA DON 'DI GSOL LO SNYAM NAS, BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS KYIS SNGON DGE SLONG DAG PHA DANG MA NI BU LA SHIN DU DKA' BA BYED PA YIN NO ZHES GSUNGS NA, @06A *, ,BDAG GI MA 'JIG RTEN GYI KHAMS 'OD ZER CAN DU SKYES TE, DE YANG BCOM LDAN 'DAS KYIS 'DUL BAR 'GYUR LAGS NA, BCOM LDAN 'DAS KYIS THUGS BRTZE BA NYE BAR BZUNG STE GDUL BAR GSOL, BCOM LDAN 'DAS KYIS BKA' STZAL PA, MOOD GAL GYI BU SU'I RDZU 'PHRUL GYIS DONG, BCOM LDAN 'DAS BDAG GI'O, ,DE NAS BCOM LDAN 'DAS DANG, TSE DANG LDAN PA MOOD GAL GYI BU CHEN PO RI RAB KYI RTZE MO LA GOM PA BOR ZHING GSHEGS PA DANG, ZHAG BDUN GYIS 'JIG RTEN GYI KHAMS 'OD ZER CAN DU BYON TO, , BU MO BZANG MO DES TSE DANG LDAN PA MOOD GAL GYI BU RGYANG RING PO KHO NA NAS MTHONG NGO, ,MTHONG NAS KYANG DGA' BA DANG BCAS PAS DE'I DRUNG DU SONG STE SMRAS PA, KYE MA'O YUN RING ZHIG LON NAS BU MTHONG NGO, ,KYE MA'O YUN RING MO ZHIG LON NAS BU MTHONG NGO, ,DE NAS SKYE BO'I TSOGS CHEN POS SMRAS PA, SHES LDAN DAG RAB TU BYUNG BA 'DI NI RGAN NA JI LTAR BU MO 'DI DE'I MA YIN, TSE DANG LDAN PA MOOD GAL GYI BU CHEN POS SMRAS PA, SHES LDAN DAG KHO BO'I LUS 'DI 'DIS BSKYED DE, DES NA KHO BO'I MA YIN NO, ,DE NAS BCOM LDAN 'DAS KYIS BU MO BZANG MO DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI RTOGS PAR 'GYUR BA'I CHOS BSHAD PA MDZAD DE, DE THOS NAS BU MO BZANG MO DES 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS LAN GSUM DU CHED DU BRJOD PA CHED DU BRJOD DO ZHES BYA BA NAS LHA DANG MI RNAMS SU RAB TU BZHAG CES BYA BA'I BAR GONG MA BZHIN NO, ,YANG SMRAS PA, NYES PA MANG POR LDAN PAS MI BZAD PA'I, , NGAN SONG LAM NI KHYOD KYI MTHUS BCAD DE, ,MTHO RIS 'GRO BA BSOD NAMS BZANG LDAN PHYE, ,MYA NGAN 'DAS PA'I LAM YANG BDAG GIS THOB, ,KHYED LA BRTEN NAS SHIN TU RNAM DAG MIG ,NYES DANG BRAL BAS DAG PA DENG 'DIR THOB, ,'PHAGS PA DGYES PA'I GO 'PHANG ZHI THOB @06B NAS; ,SDUG BSNGAL RGYA MTSO'I PHA ROL BDAG GIS RGAL, ,'GRO BAR LHA MIN LHA DANG MIS MCHOD PA, ,SKYE RGA 'CHI DANG NAD DANG RNAM BRAL BA, ,SRID PA STONG DU MTHONG BA RNYED DKA' BA, ,THUB PA KHYOD MTHONG DENG 'DIR 'BRAS BUR BCAS, ,BTZUN PA BDAG NI 'PHAGS SHING MNGON PAR 'PHAGS TE, BDAG BCOM LDAN 'DAS DANG CHOS DANG DGE 'DUN LA SKYABS SU MCHI LAGS KYIS DGE BSNYEN DU GZUNG DU GSOL, ,DENG SLAN CHAD JI SRID 'TSO'I BAR DU BSAM PA THAG PAS SKYABS SU MCHI BAR MNGON PAR SPRO LAGS SO, ,BCOM LDAN 'DAS MOOD GAL GYI BU CHEN PO DANG THABS CIG TU DENG BSOD SNYOMS SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS BU MO BZANG MO DE LA CANG MI GSUNG BAS GNANG NGO, ,DE NAS BU MO BZANG MOS BCOM LDAN 'DAS KYIS GNANG BAR RIG STE, BCOM LDAN 'DAS DANG TSE DANG LDAN PA MOOD GAL GYI BU CHEN PO GDAN LA BDE BAR BZHUGS PAR RIG NAS, GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG, BCA' BA DAG RANG GI LAG NAS BSTABS SHING TSIM PAR BYAS SO, ,BCOM LDAN 'DAS KYIS GSOL ZIN NAS PHYAG GNYIS BCABS TE, LHUNG BZED GYU BAR RIG NAS STAN DMA' BA ZHIG BLANGS TE, BCOM LDAN 'DAS KYI SPYAN SNGAR BTING NAS CHOS MNYAN PA'I PHYIR 'DUG PA DANG, DE LA BCOM LDAN 'DAS KYIS CHOS BSHAD DO, ,BCOM LDAN 'DAS KYI LHUNG BZED TSE DANG LDAN PA MOOD GAL GYI BU CHEN POS BLANGS TE LHUNG BZED 'KHRU BAR BYED PA NA, BCOM LDAN 'DAS KYIS BKA' STZAL PA, MOOD GAL GYI BU 'DONG NGAM, BCOM LDAN 'DAS GSHEGS SO, ,SU'I RDZU 'PHRUL GYIS, BCOM LDAN 'DAS KYI'O, ,GAL TE DE LTA NA RGYAL BU RGYAL BYED KYI TSAL SOMS SHIG ,BCOM LDAN 'DAS SKOL BYON LAGS SAM, MOOD GAL GYI BU YU BU PHYIN ZIN NO, ,DE NAS NGO MTSAR DU DAD PA'I YID KYIS GSOL PA, BCOM LDAN 'DAS RDZU 'PHRUL 'DI'I MING CI LAGS, MOOD GAL GYI BU @07A *, ,YID MGYOGS YIN NO, ,BTZUN PA SANGS RGYAS KYI CHOS ZAB MO DE LTA BU NI BDAG GIS GLO BAR MA CHUD DO, ,GAL TE BDAG GIS GLO BAR CHUD PAR GYUR NA, BDAG GI LUS TIL GYI PHYE MA LTAR BGYIS KYANG BLA NA MED PA YANG DAG PAR RDZOGS PA'I BYANG CHUB KYI SEMS LAS MI LDOG PAR 'GYUR BA ZHIG NA, DA NI SHING TSIG PA BZHIN CI BGYIR YANG MA MCHIS SO, ,DGE SLONG RNAMS THE TSOM SKYES TE, THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA TSE DANG LDAN PA GANG POS LAS CI ZHIG BGYIS NA, LAS DE'I RNAM PAR SMIN PAS PHYUG PA NOR MANG BA LONGS SPYOD CHE BA'I RIGS SU SKYES LAGS, LAS CI ZHIG BGYIS NA DES BRAN MO'I MNGAL DU SKYES SHING RAB TU BYUNG NAS NYON MONGS PA THAMS CAD SPANGS TE DGRA BCOM PA MNGON SUM DU BGYIS LAGS, BCOM LDAN 'DAS KYIS BKA' STZAL PA, DGE SLONG DAG GANG PO NYID KYIS LAS TSOGS RNYED PA, RKYEN YONGS SU BSGYUR BA, 'OD PA BZHIN DU NYE BAR GNAS PA GDON MI ZA BAR 'BYUNG BAR 'GYUR BA DAG BYAS SHING BSAGS PAS GANG POS LAS BYAS SHING BSAGS PA DAG GZHAN SU ZHIG GIS SO SOR MYONG BAR 'GYUR, DGE SLONG DAG LAS BYAS SHING BSAGS PA DAG NI PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS LA MI 'GYUR, ME'I KHAMS LA MI 'GYUR, RLUNG GI KHAMS LA MI 'GYUR GYI, 'DI LTAR LAS DGE BA DANG MI DGE BA BYAS SHING BSAGS PA DAG NI ZIN PA'I PHUNG PO DANG KHAMS DANG SKYE MCHED DAG LA RNAM PAR SMIN PAR 'GYUR TE, LAS RNAMS BSKAL PA BRGYAR YANG NI, ,CHUD MI ZA BA'ANG TSOGS DANG DUS, ,RNYED NAS LUS CAN RNAMS LA NI, ,'BRAS BU DAG TU 'GYUR BA NYID, ,DGE SLONG DAG SNGON BYUNG BA BSKAL PA BZANG PO 'DI NYID LA SKYE DGU'I TSE LO NYI KHRI THUB PA NA STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA SKYES BU 'DUL PA'I KHA LO SGYUR BA BLA NA MED PA, LHA DANG MI RNAMS @07B KYI STON PA SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG STE, DE GRONG KHYER B'A R'A nA S'IR NYE BAR RTEN CING BZHUGS SO, ,DE'I BSTAN PA LA 'DI RAB TU BYUNG NAS SDE SNOD GSUM PAR GYUR TE, CHOS BZHIN GYIS DGE 'DUN GYI ZHAL TA BA BYED DO, ,RE ZHIG CIG NA DGRA BCOM PA ZHIG LA DGE SKOS BAB STE, DES GTZUG LAG KHANG PHYAG DAR BYA BAR BRTZAMS PA DANG, RLUNG LANGS PAS PHYAG DAR PHAN TSUN DU KHYER BAR GYUR TO, ,DES BSAMS PA RE ZHIG RLUNG ZHI BAR GYUR GYI BAR DU GZHAG GO SNYAM PA LAS, JI TZAM NA GTZUG LAG KHANG DE MA PHYAGS PA ZHAL TA BA DES MTHONG NAS DE KUN NAS DKRIS PA DRAG POS, RTZUB PO'I NGAG PHYUNG BA, BRAD MO'I BU GANG ZHIG DGE SKOS BYED, DGRA BCOM PA DES THOS NAS, DES BSAMS PA, 'DI KUN NAS DKRIS BA YIN PAS RE ZHIG BZHAG LA PHYIS GO BAR BYA'O SNYAM NAS, GANG GI TSE KUN NAS DKRIS PA DANG BRAL BA DE'I TSE, DE'I DRUNG DU SONG STE SMRAS PA KHYOD KYIS KHO BO SU YIN SHES SAM, DES SMRAS PA SHES TE KHYOD DANG KHO BO YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA YIN NO, ,DES SMRAS PA GAL TE DE LTA YIN MOD KYI KHO BOS NI RAB TU BYUNG BA'I BYA BA BYAS TE, KHO BO NI 'CHING BA MTHA' DAG LAS GROL BA YIN LA, KHYOD NI 'CHING BA MTHA' DAG GIS BCINGS PA YIN PAS KHYOD KYIS NGAG RTZUB PO'I LAS PHYUNG GIS NYES PA LA NYES PAR SHOGS SHIG DANG, DES NA LAS DE BSRABS PA DANG, YONGS SU ZAD PA DANG, GTUGS PAR 'GYUR RO, ,DES NYES PA LA NYES PAR BSHAGS PAS SEMS CAN DMYAL BAR SKYE ZHING BRAN MO'I BUR 'GYUR BA LAS, DE SEMS CAN DMYAL BAR MA SKYES PAS, TSE RABS LNGA BRGYAR BRAN MO'I MNGAL DU SKYES TE DA LTAR GYI BAR DU SRID PA THA MA LA YANG BRAN MO'I MNGAL DU SKYES PAR GYUR TO, ,GANG YANG DGE 'DUN LA BSNYEN BKUR BYAS PA DES NA PHYUG PA DANG NOR MANG BA DANG, LONGS SPYOD TSE BA'I RIGS SU SKYES SO, ,GANG YANG DE NA BKLAGS SHING BTON PAS PHUNG PO LA MKHAS PA DANG, KHAMS LA MKHAS PA DANG, @08A *, ,SKYE MCHED LA MKHAS PA DANG, RTEN CING 'BREL PAR 'BYUNG BA LA MKHAS PAR BYAS PA DES NA NGA'I BSTAN PA LA RAB TU BYUNG STE, NYON MONGS PA THAMS CAD SPANGS NAS DGRA BCOM PA MNGON SUM DU BYAS SO, ,DGE SLONG DAG DE LTA BAS NA LAS GCIG TU GNAG PA RNAMS KYI RNAM PAR SMIN PA NI GCIG TU GNAG PA YIN, GCIG TU DKAR BA RNAMS KYI NI GCIG TU DKAR BA YIN, 'DREN MA RNAMS KYI NI 'DREN MA YIN NO, ,DGE SLONG DAG DE LTA BAS NA LAS GCIG TU GNAG PA RNAMS DANG 'DREN MA NI SPANGS LA LAS GCIG TU DKAR BA LA BRTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O, ,BCOM LDAN 'DAS KYIS DE SKAD CES BKA' STZAL NAS DGE SLONG DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO,, ,,GLENG GZHI NI RGYAL PO'I KHAB NA'O, ,DE'I TSE RGYAL PO'I KHAB NA KLU'I RGYAL PO GROG MKHAR DANG RI BO GNAS SO, ,DE GNYIS KYI MTHUS DKA' THUB KYI CHU LNGA BRGYA YANG RTAG TU 'BAB LA, CHU MIG DANG, MTSO DANG, MTSE'U RNAMS KYANG SKAM PAR MI 'GYUR, LHAS DUS DUS SU CHAR GYI RGYUN LEGS PAR PHAB PAS LO TOG RNAMS KYANG LHAG PAR LEGS PAR 'GYUR RO, ,GANG GI TSE BCOM LDAN 'DAS KYIS KLU'I RGYAL PO DGA' BO DANG NYE DGA' BO GNYIS BTUL BA NA DE GNYIS RI RAB KYI BANG RIM NAS NYI MA RE RE ZHING BCOM LDAN 'DAS LA BSNYEN BKUR BYED DU 'ONG NGO, ,DE NAS KLU'I RGYAL PO GROG MKHAR DANG RI BO 'DI SNYAM DU SEMS TE, KLU'I RGYAL PO DGA' BO DANG NYE DGA' BO 'DI GNYIS RI RAB KYI BANG RIM NAS NYI MA RE RE ZHING BCOM LDAN 'DAS LA BSNYEN BKUR BYED CING 'ONG NA, BDAG CAG 'DI NYID NA GNAS BZHIN DU BCOM LDAN 'DAS LA BSNYEN BKUR MI BYED PA NI BZANG PO MA YIN GYIS, MA LA BDAG CAG GIS KYANG BCOM LDAN 'DAS LA BSNYEN BKUR BYA'O SNYAM NAS, DE GNYIS BCOM LDAN 'DAS GANG NA BA DER DONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, PHYOGS GCIG TU 'DUG GO, ,PHYOGS @08B GCIG TU 'DUG NAS BCOM LDAN 'DAS KYIS DE GNYIS LA DE 'DRA BA'I CHOS BSHAD PA MDZAD DE, DE THOS NAS DE GNYIS SANGS RGYAS LA SKYABS SU DONG ZHING, CHOS DANG DGE 'DUN LA SKYABS SU DONG NAS BSLAB PA'I GZHI RNAMS BLANGS SO, ,GANG GI TSE BCOM LDAN 'DAS LAS SKYABS SU 'GRO BA DANG, BSLAB PA'I GZHI RNAMS BLANGS PA DE'I TSE, LUS DANG LONGS SPYOD LHAG PAR 'PHEL BAR GYUR TO, ,DE GNYIS KYIS BCOM LDAN 'DAS GANG NA BA DER DONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG BYAS NAS GSOL PA; BCOM LDAN 'DAS GANG GI TSE BDAG CAG GIS BCOM LDAN 'DAS LA SKYABS SU MCHIS SHING, BSLAB PA'I GZHI RNAMS MNOS PA DE'I TSE LUS DANG LONGS SPYOD LHAG PAR 'PHEL BAR GYUR LAGS SO, ,BCOM LDAN 'DAS GAL TE BCOM LDAN 'DAS KYIS RJES SU GNANG NA BDAG CAG RGYA MTSO CHEN POR 'JUG LAGS SO, ,BCOM LDAN 'DAS KYIS BKA' STZAL PA, KLU'I DBANG PO DAG KHYED RGYAL PO'I YUL NA GNAS PA YIN GYIS RGYAL PO LA RTOGS SHIG, ,DE GNYIS KYIS BSAMS PA DANG, DON GYIS NA BDAG CAG BCOM LDAN 'DAS KYIS RJES SU MA GNANG NGO ZHES SMRAS NAS DE NYID NA GNAS SO, ,KLU'I RGYAL PO GROG MKHAR DANG RI BO'I KUN DU SPYOD PA NI, GAL TE NUB MO BCOM LDAN 'DAS LTAR 'GRO NA NI LHA'I BU'I CHA BYAD KYIS SO, ,'ON TE NYIN PAR NA NI KHYIM BDAG GI CHA BYAD KYIS SO, ,DE GNYIS KHYIM BDAG GI CHA BYAD DU BYAS SHING NYIN RE ZHING BCOM LDAN 'DAS LA BSNYEN BKUR BYED DO, ,RGYAL PO GZUGS CAN SNYING PO RGYAL RIGS KYI MNGON PA'I NGA RGYAL CAN GYI KUN DU SPYOD PA NI DE GANG GI TSE BCOM LDAN 'DAS LTA BAR 'GRO BA DE'I TSE 'GA' ZHIG BDAG MTHONG NA LDANG BAR MI BYED PA MED GRANG ZHES MI GNANG CHEN GTONG BAR BYED DO, ,DES MI GNANG CHEN ZHIG MNGAGS TE, KYE NANG RJE SONG LA BCOM LDAN 'DAS LA SU DAG BSNYEN BKUR BYED LTOS SHIG, ,DE SONG BA LAS JI TZAM NA KHYIM BDAG GNYIS SHIG MTHONG NAS DES BSAMS PA, 'DI GNYIS NI LHA'I YUL NA GNAS PAS, CI'I PHYIR LDANG @09A *, ,BAR MI BYED SNYAM NAS DES RGYAL PO LA SMRAS PA, LHA KHYIM BDAG GNYIS SHIG MCHIS PA NI LHA'I YUL NYID NA GNAS PA LAGS SO, ,RGYAL PO GZUGS CAN SNYING POS BSAMS PA, DE GNYIS KYIS BDAG MTHONG NA CI'I PHYIR LDANG BAR MI BYED KYIS 'GRO'O SNYAM NAS DE NAS BCOM LDAN 'DAS GANG NA BA DER SONG BA DANG, KLU'I RGYAL PO GROG MKHAR DANG RI BOS RGYAL PO GZUGS CAN SNYING PO MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,BCOM LDAN 'DAS RGYAL PO GZUGS CAN SNYING PO MCHI NA CI RE ZHIG RGYAL PO LA BSTI STANG BGYI'AM, 'ON TE CHOS LA BGYI, BCOM LDAN 'DAS KYIS BKA' STZAL PA, KLU'I DBANG PO DAG CHOS LA BSTI STANG BYOS SHIG ,DAM PA'I CHOS LA NI 'DI LTAR SANGS RGYAS BCOM LDAN 'DAS RNAMS KYANG BLA MAR BYED DO, ,CHOS LA NI DGRA BCOM PA RNAMS KYANG BLA MAR BYED DO, ,TSIGS SU BCAD DE BKA' STZAL PA, 'DAS PA'I SANGS RGYAS GANG YIN DANG, ,MA BYON SANGS RGYAS GANG YIN DANG, ,DA LTAR SANGS RGYAS GANG YIN PA, ,MANG PO'I MYA NGAN 'JOMS MDZAD PA, ,BZHUD DANG BZHUGS DANG BYON 'GYUR BA, ,THAMS CAD DAM CHOS BLA MAR BYED, ,'DI NI SANGS RGYAS CHOS NYID YIN, ,DE BAS 'DIR BDAG PHAN 'DOD PA, ,BDAG NYID CHEN POR 'DOD PA YIS, ,SANGS RGYAS BSTAN PA DRAN BYAS TE, ,DAM PA'I CHOS LA BKUR STI BYA, ,DE GNYIS KYIS LDANG BA MA BYAS SO, ,DE NAS RGYAL PO MI BZOD PA SKYES TE, DES GSOL PA BCOM LDAN 'DAS KYIS CHOS BSHAD DU GSOL, BCOM LDAN 'DAS KYIS TSIGS SU BCAD DE BKA' STZAL PA, ZHE SDANG DANG NI 'KHRUG PA DANG, ,MA DAD PA YI SEMS KYIS NI, ,RDZOGS SANGS RGYAS KYIS BSHAD PA YI, ,DAM CHOS SHES PAR MI NUS SO, ,GANG GIS KHRO DANG BAG MED PA'I, ,SEMS NI DUL BAR BYAS PA DANG, ,'DI LA MNAR SEMS SPANGS PA DES, ,LEGS PAR GSUNGS PA SHES PAR NUS, ,RGYAL POS BSAMS PA, KHYIM BDAG 'DI GNYIS 'ONGS PAS BCOM LDAN 'DAS KYIS BDAG @09B GI CHOS NYAN PA'I BAR YANG CHAD PAR GYUR TO SNYAM NAS, DE STAN LAS LANGS TE BCOM LDAN 'DAS KYI ZHABS GNYIS LA MGO BOS PHYAG BYAS TE SONG NGO, ,DE SONG NAS BLON PO RNAMS LA BSGO BA, KHYIM BDAG 'DI GNYIS GANG GI TSE BCOM LDAN 'DAS KYI SPYAN SNGA NAS DONG BA DE'I TSE, KHYED GNYIS NGA'I YUL NA MA 'DUG SHIG CES BSGOS SHIG ,DE GNYIS BCOM LDAN 'DAS KYI ZHABS GNYIS LA MGO BOS PHYAG 'TSAL NAS SONG BA DANG, BLON PO DAG GIS BSGO BA, LHA'I ZHAL NAS KHYED CAG GNYIS NGA'I YUL NA MA 'DUG SHIG CES GSUNG NGO, ,DE GNYIS KYIS SMRAS PA, BKA' BZHIN 'TSAL MCHI'O, ,BSAMS PA BDAG CAG GNYIS KYIS YUN RING PO ZHIG NAS BSAMS PA GANG YIN PA DE NI TSEGS CHUNG DUS GRUB BO SNYAM MO, ,DE NAS 'OD PA'I CHU CHEN PO PHYUNG NAS GROG PO CHUNG NGU'I NANG DU ZHUGS SO, ,GROG PO CHUNG NGU NAS GROG PO CHEN POR RO, ,GROG PO CHEN PO NAS CHU BRAN DU'O, ,CHU BRAN NAS CHU CHEN POR RO, ,CHU CHEN PO NAS RGYA MTSO CHEN POR TE, GANG GI TSE RGYA MTSO CHEN POR ZHUGS PA DE'I TSE DE GNYIS PHYIR ZHING LUS DANG LONGS SPYOD SHIN TU 'PHEL BAR GYUR TO, ,JI TZAM DUS GZHAN ZHIG NA RGYAL PO'I KHAB KYI DKA' THUB KYI CHU LNGA BRGYA DANG, CHU MIG DANG MTSO DANG, MTSE'U RNAMS KYANG CHUNG BA DANG, YONGS SU ZAD PA DANG, GTUGS PAR GYUR LA THUG ,LHAS KYANG DUS DUS SU CHAR GYI RGYUN LEGS PAR MA PHAB PAS LO NYES PAR GYUR TE, MU GE NYAM NGA BA DGON PA'I SLONG MO PAS ZAS RNYED PAR DKA' BA BYUNG BAR GYUR TO, ,RGYAL POS BSAMS PA, RGYAL PO'I KHAB 'DI NA KLU'I RGYAL PO RI BO DANG, GROG MKHAR GNAS TE, DE GNYIS KYI MTHUS DKA' THUB KYI CHU LNGA BRGYA YANG 'BAB, CHU MIG DANG, MTSO DANG, MTSE'U RNAMS KYANG CHU CHE, LHAS KYANG DUS DUS SU CHAR GYI RGYUN LEGS PAR PHAB PA NYID KYIS LO TOG LEGS PAR GYUR NA, DA NI DKA' THUB KYI CHU LNGA BRGYA DANG, CHU MIG DANG MTSO DANG, MTSE'U RNAMS KYANG CHUNG BA DANG, YONGS SU ZAD PA DANG, GTUGS PAR GYUR LA THUG @10A *, ,LHAS KYANG DUS DUS SU CHAR GYI RGYUN LEGS PAR MA PHAB PAS LO NYES PAR GYUR TE, MU GE NYAM NGA BA DGON PA'I SLONG MI PAS ZAS RNYED PAR DKA' BA BYUNG BAR GYUR NA, KLU'I RGYAL PO RI BO DANG, GROG MKHAR SHI 'AM, BYA'I RGYAL PO NAM MKHA' LDING GIS KHYER BA'AM, SBRUL KHAS SDIGS KYIS BZUNG BA'AM, DES 'JIGS NAS BROS PAR MA GYUR GRANG, DE LTA MOD KYI SANGS RGYAS BCOM LDAN 'DAS NI THAMS CAD MKHYEN PA THAMS CAD GZIGS PA YIN GYIS, MA LA BDAG GIS BCOM LDAN 'DAS LA ZHU'O SNYAM DU BSAMS NAS, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'DUG GO, ,PHYOGS GCIG TU 'DUG NAS, RGYAL PO GZUGS CAN SNYING POS BCOM LDAN 'DAS LA DON DE RGYAS PAR GSOL TO, ,BCOM LDAN 'DAS KYIS BKA' STZAL PA, RGYAL PO CHEN PO DE GNYIS NI SHI BA YANG MA YIN, BYA'I RGYAL PO NAM MKHA' LDING GIS KYANG MA KHYER, SBRUL KHAS SDIGS KYIS KYANG MA BZUNG, DES 'JIGS PAS KYANG MA BROS MOD KYI RGYAL PO KHYOD NYID KYIS YUL NAS BSKRAD DO, ,BCOM LDAN 'DAS BDAG GIS DE GNYIS MTHONG BAR YANG MI DRAN NA DE GNYIS YUL NAS BSKRAD PA LTA SMOS KYANG CI 'TSAL, RGYAL PO CHEN PO NGAS KHYOD DRAN PAR BYA'O, ,RGYAL PO CHEN PO KHYOD KYIS KHYIM BDAG GNYIS SHIG YUL NAS BSKRAD PA DRAN NAM, BCOM LDAN 'DAS DRAN LAGS SO, ,DE GNYIS NI KLU'I RGYAL PO RI BO DANG, GROG MKHAR YIN NO, ,BTZUN PA DE GNYIS GANG DU MCHI, RGYA MTSO CHEN POR DONG NGO, ,BDAG GI YUL MA RUNG BAR GYUR LAGS SO, ,RGYAL PO CHEN PO DE GNYIS LA BZOD PA BYIN CIG DANG MA RUNG BAR MI 'GYUR RO,, DE GNYIS RGYA MTSO CHEN PO NA MCHIS NA JI LTAR BZOD PA STZAL, DE GNYIS TSES BRGYAD DANG BCU BZHI LA KHYIM BDAG GI CHA BYANG DU BYAS NAS, NGA'I ZHABS LA PHYAG 'TSAL DU 'ONGS PA DANG NGAS RTAGS BSTAN GYIS KHYOD KYIS BZOD PA BYIN CIG ,BCOM LDAN 'DAS CI BDAG GIS RKANG PA @10B GNYIS LA GTUG PAR BGYI'AM, RKANG PA GNYIS LA GTUG PAR MI BYA STE, 'ON KYANG LAG PA RKYONG LA KLU'I DBANG PO BZOD PAR GSOL LO ZHES SMROS SHIG DANG BZOD PAR 'GYUR RO, ,RGYAL POS DE GNYIS 'ONG BA LA 'BAD DE SDOD CING 'DUG PA DANG, JI TZAM NA DE GNYIS KHYIM BDAG GI CHA BYANG DU BYAS NAS BCOM LDAN 'DAS KYI SPYAN SNGAR 'ONGS PA DANG DE MA THAG TU RGYAL PO YANG 'ONGS NAS BCOM LDAN 'DAS KYIS RTAGS BSTAN PA DANG RGYAL POS LAG PA MNGON DU BRKYANG NAS SMRAS PA, KLU'I DBANG PO GNYIS BZOD PAR GSOL LO, ,RGYAL PO CHEN PO BZOD PAR BGYI'O, ,GAL TE BZOD PAR GYUR NA NI 'DIR SPYON CIG ,RGYAL PO CHEN PO GANG GI TSE BCOM LDAN 'DAS LAS BDAG CAG GIS SKYABS SU 'GRO BA DANG, BSLAB PA'I GZHI RNAMS BLANGS PAS DE NYID KYI TSE BDAG CAG GI LUS DANG LONGS SPYOD SKYES TE, GAL TE DA CHE BZHIN DU 'DIR 'ONGS NA YUL MA GA DH'ARA YANG MI SHONG BAR 'GYUR RO, ,'O NA YUL MA GA DH'A MA RUNG BAR 'GYUR MOD, MA RUNG BAR MI 'GYUR RO, ,JI LTAR MI 'GYUR, KHYOD KYIS KHO BO CAG GI KYANG BZANGS GNYIS RTZIGS LA ZLA BA DRUG CING DUS MCHOD GYIS SHIG DANG, KHO BO CAG GI 'KHOR BZHAG LA DUS MCHOD KYI TSE YANG 'DU BAR BYA'O, ,RGYAL POS DE BZHIN DU BYAS PA DANG, DE GNYIS KYIS 'KHOR DAG KYANG BZHAG LA DUS MCHOD KYANG RANG NYID NYAMS SU MYONG BAR BYED DO, ,JI TZAM DUS GZHAN ZHIG NA DE DAG GI 'KHOR BAG MED PAR GNAS PA NA KLU GDUG PA DAG GIS GLAGS RNYED NAS, DE DAG GIS SER BA DBAB PAR BRTZAMS SO, ,RGYAL PO'I KHAB NA BRAM ZE SER BA'I SNGAGS LA MKHAS PA GZHAN ZHIG YOD DE, DES DE BAB CING BAB PA DAG BCAD PA DANG, DE LA YUL MA GA DH'A NA GNAS PA'I SKYE BO'I TSOGS KYIS DBANG THANG BYIN NO, ,LHO PHYOGS NA BRAM ZE MES BYIN ZHES BYA BA SER BA'I SDAGS LA MKHAS PA ZHIG YOD PA DES BYANG PHYOGS NA YUL NUS PA CAN ZHES BYA BA ZHIG YOD DE, DE NA RGYAL PO SDE MCHOG CES BYA BA RGYAL SRID BYED DU 'JUG GO, ,DE'I YUL NA KLU'I RGYAL PO RAB MDZES KYI @11A *, ,GNAS YOD DE, DE NA SMAN MTHU CHE BA PHA ROL GNON PA YOD PAR THOS NAS DE'I CHED DU 'GRO'O ZHES DE CHAS TE RIM GYIS RGYAL PO'I KHAB TU PHYIN NAS BRAM ZE SER BA'I SNGAGS 'CHANG BA DE'I GNAS SU ZHUGS PA DANG, JI TZAM NA SER BA CHEN PO BAB PA BRAM ZE GNYUG MAR GNAS PA DES GCAD PAR MA NUS NAS DE PHYIR BYUNG NANG DU ZHUGS BYED PA DANG BRAM ZE MES BYIN GYIS DRIS PA, MKHAN PO CI'I SLAD DU MKHAN PO 'DI PHYIR BYUNG NANG DU ZHUGS PAR MDZAD, DES SMRAS PA, BU SER BA CHEN PO BAB PA GCAD PAR MA NUS PAR BAS MOD, BDAG GIS DGUM MO, ,BU LEGS SO, ,DES CHU NYUNG ZHIG LA BZLAS TE GTOR BAS TSAL BA BRGYAR GYES SO, ,RGYAL PO'I KHAB KYI BRAM ZE DANG KHYIM BDAG RNAMS MCHOG TU NGO MTSAR DU GYUR NAS, RNGAN PA THOGS TE BRAM ZE DE'I KHYIM DU SONG NAS SMRAS PA, MKHAN PO RGYAL PO'I KHAB KYI SKYE BO'I TSOGS MNGON PAR DGA' BAR GYUR GYIS RNGAN PA LONG SHIG ,CI'I PHYIR, KHYOD KYIS SER BA CHEN PO KHUMS PA'I SLAD DU'O, ,DES SMRAS PA, KHO BO SA NI MA BCAD DE, 'ON KYANG BRAM ZE 'DIS BCAD DO, DE DAG BRAM ZE DE'I DRUNG DU DONG NAS BRAM ZE'I KHYE'U 'DI NYID DU 'DUG SHIG DANG DBANG THANG SBYIN NO, ,DE BZHIN DU GNAS PAR BYA'O ZHES DE GNAS SO, ,DES SER BA DE DUS THA GI TZAM ZHIG GI BAR DU SNGAGS KYIS BGAGS TE MI 'BAB PAR GYUR TO, ,RGYAL PO'I KHAB KYI BRAM ZE DANG KHYIM BDAG RNAMS KYIS SMRAS PA, SHES LDAN DAG BDAG CAG NYID KYI BSOD NAMS KYIS SER BA MI 'BAB NA CI'I PHYIR DE LA DBANG THANG SBYIN ZHES DE RNAMS KYIS BCAD DO, ,BRAM ZE DES SNGAGS BRTUL NAS YUL NUS PA CAN DU SONG BA DANG PHYIR YANG SER BA BAB PAR GYUR TO, ,DE RNAMS BRAM ZE DE'I DRUNG DU SONG STE SMRAS PA, MKHAN PO BRAM ZE'I KHYE'U DE GAR MCHIS, DES SMRAS PA, KHYED CAG GIS DE LA BKUR STI MA BYAS PAS DE SONG NGO, ,KHAN PO GAL TE MCHIS NA BDAG CAG LA SBRON CIG ,DE BZHIN DU BYA'O, ,DE YANG RIM GYIS RGYAL PO SDE MCHOG GANG NA BA DER SONG STE PHYIN NAS, RGYAL PO SDE MCHOG LA RGYAL BA DANG @11B TSE SPEL BA DAG BYAS NAS SMRAS PA, LHA KHYOD KYI YUL NA KLU'I RGYAL PO RAB MDZES ZHES BGYI BA MCHIS PA DE'I GNAS NA MOD LA MTHU SKYED PA ZHES BGYI BA'I SMAN MCHIS KYIS LHA DE STON CIG ,LHA'I SKAL BA YANG DBUL BAR BGYI'O, ,RGYAL POS SMRAS PA, KYE BRAM ZE KLU'I RGYAL PO RAB MDZES NI GTUM PO YIN PAS DES KHYOD BRLAG PAR MI BYED GRANG, LHA RE ZHIG BDAG LA SNGAGS KYI MTHU DANG SMAN GYI MTHU MCHIS TE, GAL TE KLU'I RGYAL PO RAB MDZES DANG 'DRA BA'I KLU RNAMS KYIS 'DZAM BU'I GLING 'DI LTA STE, BU RAM SHING GI TSAL LAM, 'DAM BU'I TSAL BZHIN GNANG BAR GYUR KYANG BDAG GI BA SPU GCIG KYANG BSKYOD PAR RNGO MI THOG NA KLU'I RGYAL PO RAB MDZES KYIS LTA SMOS KYANG CI 'TSAL, 'ON KYANG LHA'I MI DGUM PA LA THUG PA 'GA' MCHIS SAM, BRAM ZE YOD DO, ,LHA DE BKRI SHIG DANG DES DE'I GNAS STON PAR 'GYUR RO, , DE NAS RGYAL POS MI DE LA BOS TE BSGO BA, KYE NANG RJE BRAM ZE 'DI LA KLU'I RGYAL PO RAB MDZES KYI GNAS STON CIG ,LHA BKA' BZHIN 'TSAL ZHES MI DES RGYAL PO'I LTAR MNYAN NAS BRAM ZE DE KHRID DE CHAS SO, ,JI TZAM NA MI RING BZHIG TU BSDAD NAS DE LA SMRAS PA, BRAM ZE TSAL SNGO ZHING SNGO BA DAG BSGRENGS PA PHA BI MTHONG NGAM, MTHONG NGO, ,DE NI KLU'I RGYAL PO RAB MDZES KYI GNAS YIN NO, ,DE SONG STE DES DER MOD LA MTHU SKYED PA ZHES BYA BA'I SMAN LAS KHUR DU GRAGS NAS, DES DE THOGS TE YUL NUS PA CAN DU SONG NAS RGYAL PO SDE MCHOG GI SKAL PA BYIN TE, RIM GYIS RGYAL PO'I KHAB TU PHYIN NAS BRAM ZE DE NYID KYI KHYIM DU ZHUGS SO, ,DE NAS DES RGYAL PO'I KHAB KYI BRAM ZE DANG KHYIM BDAG RNAMS LA SBRAN PA DANG, DE DAG MCHOD YON THOGS TE LHAGS NAS BRAM ZE'I KHYE'U 'DI NYID DU 'DUG SHIG DBANG THANG SBYIN NO, ,DES SMRAS PA, KHYED CAG GIS BKUR STI MA BYAS PAS KHO BO MI 'DUG GO , ,DE RNAMS KYIS DE GZHAG PAR GAL GYIS GCU BAR BRTZAMS TE GSOL BA BTAB PA DANG KHAS BLANGS NAS DE DAG GIS 'TSOR 'BA'I RIS BCAD DO, ,'JIG RTEN NI PHUN SUM TSOGS PA 'DOD KYI RGYUD PA DANG MI MTHUN PAS, DES @12A *, ,RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE RTZE BAR BYED DGA' BAR BYED, DGA' MGUR SPYOD PAR BYED PA NA KHYE'U ZHIG BTZAS TE, DES DE'I MING RI BO CAN ZHES BYA BAR BTAGS SO, ,DE YANG RTZE BAR BYED DGA' BAR BYED, DGA' MGUR SPYOD PAR BYED PA NA BU MO ZHIG BTZAS TE, DE'I MING NI SER BA ZHES BYA BAR BTAGS SO, ,BRAM ZE MO NI 'KHOR BRAL ZHES BYA'O, ,MNA' MA NI GLOG CES BYA'O, ,DES BSAMS PA, YANG DANG YANG DU SER BA GCOD CING CI LAS MED, YUN RING RAB TU SNGAGS KYIS DGAG PAR BYA'O ZHES DES YUN RING POR SNGAGS KYIS DGAG PA BYAS TE BZHAG PAS SER BA MI 'BAB PAR GYUR TO, ,RGYAL PO'I KHAB KYI BRAM ZE DANG KHYIM BDAG RNAMS KYIS SMRAS PA, BDAG CAG KHO NA'I BSOD NAMS KYI MTHUS SER BA MI 'BAB NA, CI'I PHYIR DBANG THANG SBYIN ZHES DE RNAMS KYIS BCAD DO, ,BRAM ZE DE PHRAG DOG GI ZIL GYIS NON PAS BU YANG SNGAGS KYI TSIG RNAMS 'DZIN DU MA BCUG GO , ,BDE BA LA CHAGS PAS KHA TON YANG MA BYAS LA SMAN YANG SKAM DU MA BCUG GO , ,DES SNGAGS KYI TSIG RNAMS NI BSAMS NA BRJED SMAN NI MA BSKAMS PAS RUL BAR GYUR TO, ,DE RGYAL PO'I KHAB KYI BRAM ZE DANG KHYIM BDAG RNAMS LA SNYING NA CHES NAS, DE RNAMS LA KLAN KA BTZAL BA'I PHYIR MU STEGS KYI GNAS DANG DKA' THUB KYI TSAL DE DANG DE DAG TU SONG NAS DRIS PA, SHES LDAN DAG GANG GIS GANG BSAMS PA DANG, GANG DON DU GNYER BA DE LA THAMS CAD 'GRUB PAR 'GYUR BA'I THABS LTA CI YOD, ,DE NA KHA CIG GIS SMRAS PA, MER ZHUGS SHIG ,KHA CIG GIS SMRAS PA, DUG ZO SHIG ,KHA CIG GIS SMRAS PA, G-YANG SA NAS BDAG NYID MCHONGS SHIG ,KHA CIG GIS SMRAS PA, BDAG RANG GI SKE LA THAG PA THOGS TE SHING GI YAL GA LAS 'PHYANG DU CHUG SHIG CES THAMS CAD KYIS 'CHI BA'I THABS BSTAN GYI, NGES PAR 'BYUNG BA'I THABS NI MA YIN PAS DE RIM GYIS 'OD MA'I TSAL DU SONG NGO, ,DES DGE SLONG ZHIG MTHONG NAS @12B DRIS PA, 'PHAGS PA GANG GIS GANG BSAMS PA DANG, GANG DON DU GNYER BA DE THAMS CAD 'GRUB PAR 'GYUR BA'I THABS LTA 'GA' MCHIS SAM, DES SMRAS PA, BCOM LDAN 'DAS LAS RAB TU BYUNG SHIG , DER CI ZHIG BGYI, DER JI SRID 'TSO'I BAR DU TSANGS PAR SPYOD PA YANG SPYAD PAR BYA, BSAM GTAN DANG GDON PA DANG LDAN PAR YANG GNAS PAR BYA STE, GAL TE RE ZHIG MTHOD BA'I CHOS NYID LA KUN SHES PA THOB NA, DE NAS DE NYID KHYOD KYI SDUG BSNGAL GYI MTHAR PHYIN PA YIN NO, ,'ON TE SBYOR BA'I LHAG MA DANG BCAS BZHIN DUS BYED NA GANG BSAMS PA DANG, GANG DON DU GNYER BA DE THAMS CAD 'GRUB PAR 'GYUR RO, ,'PHAGS PA DE NI RNGO MI THOG NA, GZHAN YANG CUNG ZAD CI MCHIS, SANGS RGYAS LA SOGS PA DGE SLONG GI DGE 'DUN SPYAN DRONGS LA GDUGS TSOD GSOL CIG ,DE YANG RNGO MI THOG NA GZHAN BSTAN DU GSOL, BUM PA BZANG PO LTA BU'I NYAN THOS CHEN PO BZHI SPYAN DRONGS LA GDUGS TSOD GSOL TE SMON LAM THOB SHIG DANG GANG BSAMS PA DANG, GANG DON DU GNYER BA DE THAMS CAD 'GRUB BO, ,'PHAGS PA DE NI RNGO THOG GIS BGYI'O ZHES DES BUM PA BZANG PO LTA BU'I NYAN THOS CHEN PO BZHI SPYAN DRANGS TE, GDUGS TSOD GSOL NAS SMON LAM BTAB PA, DGE BA'I RTZA BA 'DIS RAB MDZES KLU'I GNAS NAS BSAD LA BDAG DER SKYE ZHING DE NAS RGYAL PO'I KHAB KYI MI RNAMS LA GNOD PA BYED PAR GYUR CIG CES SMON LAM BTAB BO, ,DE LA CHUNG MAS DRIS PA, RJE'I SRAS SMON LAM JI ZHIG BTAB, DGE BA'I TZA BA 'DIS RAB MDZES KLU'I GNAS NAS BSAD LA BDAG DER SKYE ZHING DE NAS RGYAL PO'I KHAB KYI MI RNAMS LA GNOD PA BYED PAR GYUR CIG CES SMON LAM BTAB BO, ,LEGS TE BDAG KYANG KHYOD KYI CHUNG MAR GYUR CIG ,BUS SMRAS PA BDAG KYANG KHYOD KYI BUR GYUR CIG ,DE BZHIN DU BU MOS SMRAS PA, BDAG KYANG KHYOD KYI BU MOR GYUR CIG ,DE BZHIN DU MNA' MAS SMRAS PA, BDAG KYANG MNA' MAR GYUR CIG CES BYAS NAS DE RNAMS KHYIM RNYID PA ZHIG TU ZHUGS @13A *, ,TE NYAL BA DANG SPRIN KHA DOG LNGA PA LAS CHAR PA BAB STE, RTZIG PA 'GYEL BAS NON TE KHA DAG GO , ,KLU RAB MDZES SHI 'PHOS NAS 'KHOR KLU DRUG KHRI DANG DER SKYES NAS DE YANG RAB MDZES ZHES BYA BAR GRAGS SO, ,CHUNG MA NI 'KHOR BRAL ZHES BYA'O, ,BU NI RI BO CAN ZHES BYA'O, ,BU MO NI SER BA ZHES BYA'O, ,MNA' MA NI GLOG CES BYA'O, ,CHOS NYID KYIS KLU'AM KLU'I BU MO SKYES NA RING PO MA LON PAR GSUM DRAN PAR 'GYUR TE, GANG NAS SHI 'PHOS PA DANG, GANG DU SKYES PA DANG, LAS GANG GIS YIN PA'O, ,DES BLTAS NA MI LAS SHI 'PHOS SO, ,GANG DU SKYES SHE NA, KLU RNAMS SU'O, ,LAS GANG GIS SHE NA, SMON LAM GYI DBANG GIS SO, ,CI'I PHYIR SNYAM NA, RGYAL PO'I KHAB KYI MI RNAMS LA GNOD PAR BYA BA'I PHYIR RO, ,DES BSAMS PA, CI LO TOG CI LTA BA BZHIN DU SKYES PA LA BYAS NA MI RNAMS KYI SDUG BSNGAL SKYE BAR 'GYUR RAM, 'ON TE MA SKYES PA RNAMS LA 'GYUR SNYAM NA, DES JI LTAR SKYES PA LA BYAS PA LTAR MA SKYES PA LA NI DE LTA MA YIN PAR MTHONG NAS, DES 'KHOR RNAMS LA BSGO BA SHES LDAN DAG TSUR SHIG ,YUL MA GA DH'AR DENG LA CHAR PAS LO TOG THAMS CAD BSKRUN CIG ,DE RNAMS KYIS LO TOG THAMS CAD BSKRUN PA DANG, DE NAS DRUG STONG GI 'KHOR DANG GSHOL MDA' TZAM GYI CHAR GYI RGYUN GYIS JI LTAR YUL MA GA DH'AR SOG MA YANG KHYER BA DE LTA BU'I CHAR GYI RGYUN DBAB PAR BTZAMS SO, ,DE NAS DE DAG PHAN TSUN DU SMRAS PA, SOG MA YANG KLU 'DIS PHROGS SO ZHES DE'I MING SOG MA MED CES BYA BAR THOGS SO,, ,,SDOM LA, RGYAL PO'I KHAB DANG NA LAN DA, ,'OD MA'I DBYUG PA DMAR BU'I GRONG, ,CHU BO GANG G'A SPRIN BRTZEGS DANG, ,SGRA CHEN YANGS PA THA MA YIN, ,SANGS RGYAS BCOM LDAN 'DAS RGYAL PO'I KHAB 'OD MA'I TSAL BYA KA LAN DA KA GNAS PA NA BZHUGS SO, ,GANG GI TSE GZHON NU MA SKYES DGRA LHA SBYIN GYIS SBAD NAS PHA CHOS KYI RGYAL PO CHOS DANG LDAN PA BSAD DE RANG NYID KYIS COD PAN BCINGS NAS RGYAL POR ZHUGS PA DE'I TSE DE BCOM LDAN 'DAS LA BKUR STI MA YIN @13B PA MANG PO BYA BAR BRTZAMS TE, DGRONGS PA MAN CHAD BYA BA'I PHYIR GLANG PO CHE NOR SKYONG DANG KHYI GTUM PO ZA BA DAG SBAD PA DANG, DE'I MA LUS 'PHAGS MAS SMRAS PA, BU BCOM LDAN 'DAS LA BKUR STI MA YIN PA MA BYED CIG ,SANGS RGYAS BCOM LDAN 'DAS RNAMS NI BKUR STI MA YIN PAS BSNYENGS PA YIN GYIS, RGYAL PO'I KHAB NAS BZHUD DE GNOD PAR GYUR TA RE, BCOM LDAN 'DAS KYI MTHUS YUL AANG GA DANG, MA GA DH'A RNAMS 'BYOR CING NYAMS DGA' BA YIN NO, ,SNYING RNYOG PA CAN DES SMRAS PA, CI GANG NA BCOM LDAN 'DAS MED PA'I YUL DE DAG ZHIG PA DANG STONGS PAR GYUR TAM, DE MAS THAMS CAD KYI THAMS CAD DU BZLOG KYANG MA BTUB NAS BCOM LDAN 'DAS KYIS DGONGS PA, GZHON NU MA SKYES DGRA 'DI BSOD NAMS MA YIN PA MANG DU SOGS KYIS NGAS 'DI GZHI MED PA'I DAD PA LA GZHAG TU RE ZHIG DE'I DUS LA MA BAB PAS MNYAN YOD DU GSHEGS SO SNYAM NAS, DE NAS BCOM LDAN 'DAS NYAN THOS KYI DGE 'DUN DANG THABS CIG TU MNYAN YOD GANG NA BA DER RGYU ZHING GSHEGS TE RIM GYIS RGYU ZHING GSHEGS PA NA MNYAN YOD DU BYON NAS, MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MTHA'I RGYAL PHRAN DAG GIS BCOM LDAN 'DAS LA MA SKYES DGRAS BKUR STI MA YIN PA BYAS PAS DE BKUR STI MA YIN PAS BSNYENGS NAS RGYAL PO'I KHAB NAS GSHEGS TE MNYAN YOD DU BYON TO ZHES THOS NAS, DE DAG 'DI SNYAM DU SEMS TE, RE ZHIG RGYAL PO SDIG CAN DES PHA CHOS KYI RGYAL PO CHOS DANG LDAN PA BSAD NA, DES KYANG MA CHOG NAS BCOM LDAN 'DAS LHA DANG LHA MA YIN DANG, MI RNAMS KYIS MCHOD PA DE LA YANG BKUR STI MA YIN PA BYAS TE, SANGS RGYAS BCOM LDAN 'DAS RNAMS NI BKUR STI MA YIN PAS BSNYENGS PA YIN PAS, DES NA BCOM LDAN 'DAS RGYAL PO'I KHAB NAS GSHEGS TE MNYAN YOD DU BYON PAR GYUR PAS DE YONG YE RGYAL SRID LAS DBYUNG BAR BYA'O SNYAM NAS DE DAG GIS PHAN TSUN PHO NYAS BZLUGS NAS BLO GROS GCIG TU BYAS TE DPUNG GI TSOGS YAN LAG BZHI PA GO BSKON PA GLANG PO CHE'I TSOGS DANG, @14A *, ,RTA BA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, RGYAL PO'I KHAB TU DONG STE, LO BCOM NAS PHRU MAR BSKOR TE 'KHOD DO, ,KLU'I RGYAL PO SOG MA MED KYIS KYANG SER BA'I RGYUN PHAB PAS LO TOG LHAG MA RNAMS MA RUNG BAR BYAS SO; ,DKA' THUB KYI CHU LNGA BRGYA DANG, CHU MIG DANG, MTSO DANG, MTSE'U RNAMS SKAMS LA THUG PAS MU GE BYUNG BAR GYUR TO, ,CHU LHAG MA GZHAN DAG KYANG MTHA'I RGYAL PHRAN DAG GIS MA RUNG BAR BYAS SO, ,DE NAS MA SKYES DGRA SDUG BSNGAL MI BZAD PA NYAM NGA BAR GYUR PA LA MI MA YIN PA DAG GIS GLAGS RNYED DE, RMA LA THAL BA BTAB PA LTAR MI NGAS BYUNG STE, KHYOGS DANG KHYOGS 'DRUD PAR GYUR TO, ,DE NAS RGYAL PO MA SKYES DGRA GNOD PA BRGYA PHRAG DU MAS SNYING DKRUGS PAS LAG PA 'GRAM PA LA GTAD DE SEMS KHONG DU CHUD CING 'DUG GO , ,DE NAS LUS 'PHAGS MAS SMRAS PA, BU CI'I PHYIR SEMS KHONG DU CHUD, YUM GNOD PA BRGYA PHRAG DU MA DAG BYUNG BAR GYUR TO, ,BU KHO MOS SNGAR KHYOD LA BCOM LDAN 'DAS LA BKUR STI MA YIN PA BYED CIG , ,,'DUL BA GZHI, BAM PO NYI SHU DRUG PA, SANGS RGYAS BCOM LDAN 'DAS RNAMS NI BKUR STI MA YIN PAS BSNYENGS PA YIN GYIS, BCOM LDAN 'DAS RGYAL PO'I KHAB NAS BZHUD DE GNOD PAR GYUR TA RE ZHES MA SMRAS SAM, DE NI 'DI YIN NO, ,YUM DE LA JI LTAR BSGRUB PAR BGYI, BU BCOM LDAN 'DAS LA BZOD PAR GSOL CIG ,YUM BCOM LDAN 'DAS KYI SPYAN SNGAR MCHIS PA'I RNGO MI THOG LAGS SO, ,BU KHYOD KYIS SANGS RGYAS BCOM LDAN 'DAS RNAMS NI TZAN DAN DANG STE'UR MNYAM PA KHONG KHRO BA DANG RJES SU CHAGS PA SPANGS PA YIN NO ZHES MA THOS SAM, GAL TE 'GA' ZHIG GIS BCOM LDAN 'DAS KYI PHYAG DPUNG PA GCIG LA STE'U YIS BZHOG PAR BYED LA, CIG SHOS LA TZAN DAN SA MCHOG GIS NYUG PAR BYED NA, DE LA BCOM LDAN 'DAS RJES SU CHAGS PA YANG MI MNGA', KHONG KHRO BA YANG MI MNGA'O, ,DE NAS LUS 'PHAGS MA'I BU RGYAL PO MA SKYES DGRAS @14B MI ZHIG LA SMRAS PA, KYE NANG RJE TSUR SHOG ,KHYOD BCOM LDAN 'DAS GANG NA BA DER SONG LA, SON NAS KHO BO'I TSIG GIS BCOM LDAN 'DAS KYI ZHABS GNYIS LA SPYI BOS PHYAG BYAS TE GNOD PA CHUNG NGAM, NYAM NGA BA NYUNG NGAM, BSKYOD PA YANG NGAM, 'TSO'AM, GNOD PA MI MNGA' 'AM, STOBS DANG BDE BA LA REG PAR GZHUGS BZHUGS SAM ZHES SNYUN GSOL LA 'DI SKAD CES KYANG GSOL CIG ,BTZUN PA LUS 'PHAGS MA'I BU YUL MA GA DH'A'I RGYAL PO MA SKYES DGRA'I MCHID NAS BTZUN PA BU NGAN PA NI MCHIS KYI PHA NGAN PA NI MCHIS PAS BCOM LDAN 'DAS THUGS BRTZE BA NYE BAR BZUNG STE RGYAL PO'I KHAB TU GSHEGS PAR GSOL, GAL TE BCOM LDAN 'DAS MA GSHEGS NA RING PO MI THOGS PA KHO NAR RGYAL PO'I KHAB KYI GRONG KHYER STONGS TE MING LUS PAR 'GYUR RO ZHES GSOL CIG ,LHA BKA' BZHIN 'TSAL ZHES MI DES MA GA DH'A'I RGYAL PO MA SKYES DGRA'I LTAR MNYAN NAS CHAS TE RIM GYIS MNYAN YOD DU PHYIN NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO , ,PHYOGS GCIG TU 'DUG NAS MI DES BCOM LDAN 'DAS LA 'DI SKAD CES GSOL TO, , BTZUN PA LUS 'PHAGS MA'I BU YUL MA GA DH'A'I RGYAL PO MA SKYES DGRA BCOM LDAN 'DAS KYI ZHABS GNYIS LA MGO BOS PHYAG 'TSAL TE, GNOD PA CHUNG NGAM, NYAM NGA BA NYUNG NGAM ZHES BYA BA NAS REG PAR BZHUGS SAM ZHES SNYUN GSOL LAGS SO ZHES BYA BA'I BAR GONG MA BZHIN DU'O, , KYE MI KHYOD DANG LUS 'PHAGS MA'I BU YUL MA GA DH'A'I RGYAL PO MA SKYES DGRA BDE BAR GYUR CIG ,BTZUN PA LUS 'PHAGS MA'I BU YUL MA GA DH'A'I RGYAL PO MA SKYES DGRA'I MCHID NAS BTZUN PA BU NGAN PA NI MCHIS KYI PHA NGAN PA NI MA MCHIS PAS BCOM LDAN 'DAS THUGS BRTZE BA NYE BAR BZUNG STE RGYAL PO'I KHAB TU GSHEGS SU GSOL, GAL TE BCOM LDAN 'DAS MA GSHEGS NA ZHES BYA BA NAS MING LUS PAR 'GYUR RO, ,ZHES BYA BA'I BAR GONG MA BZHIN DU'O, ,BCOM LDAN 'DAS CANG MI GSUNG BAS MI DE LA GNANG NGO, ,DE NAS MI DES BCOM LDAN 'DAS CANG @15A *, ,MI GSUNG BAS GNANG BAR RIG NAS BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS JI SRID BZHED KYI BAR DU MNYAN YOD DU BZHUGS NAS NYAN THOS KYI DGE 'DUN DANG THABS CIG TU RGYAL PO'I KHAB GANG NA BA DER RGYU ZHING GSHEGS TE, RIM GYIS RGYU ZHING GSHEGS PA NA YUL MA GA DH'AR BYON TO, ,BCOM LDAN 'DAS KYI MTHUS RLUNG GTONG BA'I LHA'I BU RNAMS KYIS NI DUG GIS MA RUNG BAR BYAS PA'I CHU DE DAG BSKAMS SO, ,CHAR PA 'BEBS PA'I LHA'I BU RNAMS KYIS NI YAN LAG BRGYAD DANG LDAN PA'I CHUS BKANG NGO, ,LHA RNAMS NI CHAR PA 'BEBS PA LA ZHUGS SO, ,SANGS RGYAS LA MNGON PAR DAD PA'I LHA RNAMS KYIS NI RGYAL PO'I KHAB NAS MI MA YIN PA RNAMS BSKRAD NAS MI NGAS ZHI BAR GYUR TO, ,MTHA'I RGYAL PHRAN DAG GIS NI BCOM LDAN 'DAS GSHEGS PA MTHONG NAS GRONG KHYER BSKOR BA BTANG STE DONG NGO, ,TSOD PA RNAMS KYIS NI ZONG DAG BKRAM MO, ,BZO PHAL PA GZHAN DAG GIS NI RANG RANG BYED PAR BRTZAMS SO, ,YUL SO SO NA GNAS PA'I TSONG PA RNAMS DANG, DED DPON RNAMS NI ZONG DANG 'JUG PAR BRTZAMS SO, ,LO NI LEGS PAR GYUR TO, ,LAM PO CHE DANG SRANG DANG, SUM MDO DANG; BZHI MDO RNAMS SU NI BCOM LDAN 'DAS KYI BDAG NYID CHEN PO SGROGS PAR GYUR TO, ,MU STEGS PA RNAMS NI BAG 'KHUMS PAR GYUR TO, ,SKYE BO'I TSOGS RNAMS NI RAB TU DGA' BAR GYUR TO, ,LUS 'PHAGS MA'I BU YUL MA GA DH'A'I RGYAL PO MA SKYES DGRAS BCOM LDAN 'DAS YUL MA GA DH'AR GSHEGS SO ZHES THOS SO, ,THOS NAS KYANG SNYING DGA' BA DANG, MGU BA DANG, RAB TU DGA' BA DANG, DGA' BA BRGYA CHEN PO DANG, YID BDE BA SKYES NAS BLON PO RNAMS LA SMRAS PA, SHES LDAN DAG DENG LA BCOM LDAN 'DAS KYI PHYIR DPAG TSAD PHYED DANG GSUM GYI LAM BSTAR BA DANG, GRONG KHYER DAG BZANG POR BYOS SHIG ,RGYAL PO'I KHAB KYI GRONG KHYER THAMS CAD KYANG RDO BA DANG, GSEG MA DANG, GYO MO SOL TE TZAN DAN GYI CHUS CHAG THOB LA DAR GYI CHUN 'PHYANG MANG PO DPYONGS SHIG ,DRI ZHIM PO'I PO GA PHOR DAG SHOMS LA, @15B GDUGS DANG, RGYAL MTSAN DAG TSUGS SHIG ,BAR BAR DU ME TOG GI GZHAL MED KHANG MDZES PA DAG BYOS SHIG ,LHA BKA' BZHIN 'TSAL ZHES BLON PO RNAMS KYIS LUS 'PHAGS MA'I BU YUL MA GA DH'A'I RGYAL PO MA SKYES DGRA'I LTAR MNYAN NAS THAMS CAD RGYAS PAR BYED DU BCUG GO , ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRA RGYAL PO CHEN PO'I 'BYOR BA DANG, RGYAL PO CHEN PO'I MTHUS BDAG NYID DPUNG GI TSOGS YAN LAG BZHI DANG GSUR SONG NGO, ,DE NAS BCOM LDAN 'DAS DUL BA 'KHOR DUL BA, ZHI BA 'KHOR ZHI GROL BA 'KHOR GROL BA, DBUGS PHYIN PA 'KHOR DBUGS PHYIN PA, RNAM PAR DUL BA 'KHOR RNAM PAR DUL BA, DGRA BCOM PA 'KHOR DGRA BCOM PA, 'DOD CHAGS DANG BRAL BA 'KHOR 'DOD CHAGS DANG BRAL BA, MDZES PA 'KHOR MDZES PA, KHYU MCHOG BA GLANG GI TSOGS KYIS BSKOR BA LTA BU, GLANG PO CHE GLANG PO CHE'I PHRU GU'I TSOGS KYIS BSKOR BA LTA BU, SENG GE MCHE BA CAN GYI TSOGS KYIS BSKOR BA LTA BU, NGANG PA'I RGYAL PO NGANG PA'I TSOGS KYIS BSKOR BA LTA BU, NAM MKHA' LDING 'DAB CHAGS KYI TSOGS KYIS BSKOR BA LTA BU, BRAM ZE SLOB MA'I TSOGS KYIS BSKOR BA LTA BU, SMAN PA MKHAS PA NAD PA'I TSOGS KYIS BSKOR BA LTA BU, DPA' BO DMAG MI'I TSOGS KYIS BSKOR BA LTA BU, LAM MKHAN 'GRON PO'I TSOGS KYIS BSKOR BA LTA BU, DED DPON TSONG PA'I TSOGS KYIS BSKOR BA LTA BU, TSONG DPON RANG GI SKYE BOS BSKOR BA LTA BU, RGYAL PHRAN BLON PO'I TSOGS KYIS BSKOR BA LTA BU, 'KHOR LOS SGYUR BA BU STONG GIS BSKOR BA LTA BU, ZLA BA RGYU SKAR GYI TSOGS KYIS BSKOR BA LTA BU, NYI MA 'OD ZER STONG GIS BSKOR BA LTA BU, YUL 'KHOR SKYONG DRI ZA'I TSOGS KYIS BSKOR BA LTA BU, LUS 'PHAGS PO GRUL BUM GYI TSOGS KYIS BSKOR BA LTA BU, MIG MI BZANG KLU'I TSOGS KYIS BSKOR BA LTA BU, NOR SBYIN GNOD SBYIN GYI TSOGS KYIS BSKOR BA LTA BU, THAGS ZANGS RIS LHA MA YIN GYI TSOGS KYIS BSKOR BA LTA BU, BRGYA BYIN SUM BCU RTZA GSUM PA'I TSOGS KYI @16A *, ,BSKOR BA LTA BU, TSANGS PA TSANGS RIS KYI TSOGS KYIS BSKOR BA LTA BU, RGYA MTSO MI G-YO BA LTA BU, SPRIN CHU DANG BCAS PA LTA BU, GLANG PO CHE DAM PA RGYAGS PA DANG BRAL BA LTAR DBANG PO RNAMS SHIN TU DUL BAS MA G-YENGS PA'I SPYOD LAM GYI SPYOD PA CAN, SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS MDZES PAR BYAS PA, SKU 'OD 'DOM GANG GIS BRGYAN PA, NYI MA STONG GI 'OD ZER BAS LHAG PA, RIN PO CHE'I RI BO 'GRO BA LTAR KUN NAS MDZES PA; STOBS BCU DANG, MI 'JIGS PA BZHI DANG, MA 'DRES PA GSUM DANG, DRAN BA NYE BAR GZHAG PA DANG, THUGS RJE CHEN PO DANG LDAN PA, DGE SLONG GI DGE 'DUN RAB TU MANG PO DANG LUS 'PHAGS MA'I BU YUL MA GA DH'A'I RGYAL PO MA SKYES DGRA DANG, LHA BRGYA STONG PHRAG DU MAS ZHAM RING BYAS TE RGYAL PO'I KHAB KYI GRONG KHYER DU GSHEGS SO, ,GANG GI TSE BCOM LDAN 'DAS RGYAL PO'I KHAB TU ZHUGS TE, MNGON PAR 'DU BYED PA DANG BCAS PAS GRONG KHYER GYI SGO'I THEM PA LA ZHABS G-YAS PAS MNAN PA DE'I TSES RNAM PA DRUG TU G-YOS PAR GYUR TE, SA CHEN PO 'DI G-YOS, RAB TU G-YOS, KUN DU RAB TU G-YOS, LDEG RAB TU LDEG ,KUN DU RAB TU LDEG CING, SHAR PHYOGS MTHON NUB PHYOGS DMA', NUB PHYOGS MTHO NA SHAR PHYOGS DMA', LHO PHYOGS MTHO NA BYANG PHYOGS DMA', BYANG PHYOGS MTHO NA LHO PHYOGS DMA', MTHA' MTHO NA DBUS DMA', DBUS MTHO NA MTHA' DMA' BAR GYUR TO, ,'JIG RTEN 'DI 'JIG RTEN GYI BAR DANG BCAS PA THAMS CAD KYANG SNANG BA RGYA CHEN POS GSAL BAR GYUR TO, ,LHAS KYANG BAR SNANG LA RNGA DAG BRDUNGS SO, ,NAM MKHA' LA GNAS PA'I LHA RNAMS KYIS NI BCOM LDAN 'DAS KYI STENG NAS LHA'I ME TOG AUTPA LA DANG, PAD MA DANG, KU MU DA DANG, PAD MA DKAR PO DANG, AA GA RU'I PHYE MA DANG, RGYA SPOS KYI PHYE MA DANG, GUR KUM GYI PHYE MA DANG, TA MA LA'I LO MA'I PHYE MA DANG, LHA'I ME TOG MAN D'A RA BA @16B DANG; GOS DAG 'THOR BAR BYED DE, BCOM LDAN 'DAS GRONG KHYER DU GSHEGS PA NA DE LTA BU'I YA MTSAN DAG BYUNG BAR GYUR TO, ,GZHAN YANG DOG PA DAG NI YANGS PAR GYUR TO, ,DMA' BA DAG NI MTHO BAR GYUR TO, ,MTHO BA DAG NI PHYA LE BAR GYUR TO, ,GLANG PO CHE DAG NI SKAD 'BYIN PAR GYUR TO, ,RTA DAG KYANG SKAD 'BYIN PAR GYUR TO, ,KHYU MCHOG DAG KYANG SKAD 'BYIN PAR GYUR TO, ,KHYIM GYI NANG NA BZHAG PA'I SNOD SNA TSOGS DAG NI MA BRDUNGS PAR RANG SGRA 'BYIN PAR GYUR TO, ,LONG BA RNAMS KYIS NI MIG THOB PAR GYUR TO, ,'ON PA RNAMS NI RNA BAS THOS, LKUGS PA RNAMS NI SMRA NUS PAR GYUR TO, ,DBANG PO LHAG MA MTSANG BA RNAMS NI DBANG PO SO SOR THOB PAR GYUR TO, ,CHANG GIS MYOS PA RNAMS NI MYOS PA DANG BRAL BAR GYUR TO, ,DUG 'THUNGS PA DAG NI DUG ZHI BAR GYUR TO, ,PHAN TSUN KHO NA BYUNG BA RNAMS NI MDZA' BAR GYUR TO, ,SBRUM PA DAG NI BDE BAR BTZAS PAR GYUR TO, ,BTZON DU BCINGS PA DAG NI THAR BAR GYUR TO, ,NOR MED PA DAG NI NOR RNYED PAR GYUR TO, ,DE LTA BU'I 'BYOR PA DE MTHONG NAS DGE BSNYEN ZHIG GIS TSIGS SU BCAD DE SMRAS PA, YUL GANG ZHIG TU 'JIG RTEN GTZO BO GSHEGS PA DER, ,LO NYES MI NGAS DANG NI PHYI DGRA'I 'JIGS PA MED, ,LHA RNAMS CHAR 'BEBS SKYE BO BSOD NAMS RAB TU BYED, ,DER NI YA MTSAN BRGYA PHRAG GZHAN YANG 'BYUNG BAR 'GYUR, ,DE NAS BCOM LDAN 'DAS RGYAL PO'I KHAB TU ZHUGS TE, SKYE BO'I TSOGS DBUGS PHYUNG NAS RGYAL PO'I KHAB NAS BYUNG STE 'OD MA'I TSAL DU GSHEGS SO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRA BCOM LDAN 'DAS GANG NA BA DER SONG STI PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, PHYOGS GCIG TU 'DUG PA DANG, BCOM LDAN 'DAS KYIS LUS 'PHAGS MA'I BU YUL MA GA DH'A'I RGYAL PO MA SKYES DGRA LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD CES BYA BA @17A *, ,NAS YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRA BCOM LDAN 'DAS KYIS BKA' STZAL PA LA MNGON PAR BSTOD DE RJES SU YI RANGS NAS STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG LA BDAG GIS DGUNG ZLA GSUM DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS 'DU LA ZHING MCHIS NA GNANG BAR MDZAD DU GSOL, BCOM LDAN 'DAS KYIS LUS 'PHAGS MA'I BU YUL MA GA DH'A'I RGYAL PO MA SKYES DGRA LA CANG MI GSUNG BAS GNANG NGO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRAS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE STAN LAS LANGS TE SONG NGO, ,BCOM LDAN 'DAS DGE SLONG GI DGE 'DUN DANG THABS CIG TU LUS 'PHAGS MA'I BU YUL MA GA DH'A'I RGYAL PO MA SKYES DGRAS ZLA BA GSUM DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS KYIS BSNYEN BKUR BYAS SO, ,DE NAS SANGS RGYAS LA MNGON PAR DGA' BA'I LHA RNAMS KYIS MI NGAS DE BSKRAD NAS RGYAL PO'I KHAB NAS BYUNG NAS SGRA SGROGS ZHES BYA BA'I NANG DU BYUNG STE, YANGS PA CAN DU 'DUG NAS, YANGS PA CAN GYI SKYE BO'I TSOGS LA MI NGAS BYUNG BAR GYUR TE, KHYOGS DANG KHYOGS 'DRUD PAR GYUR TO, ,YANGS PA CAN NA BRAM ZE MDUN NA 'DON MDA' BO CHE ZHES BYA BA ZHIG GNAS PA DE'I RMI LAM NA YANGS PA CAN NA GNAS PA'I LHA ZHIG GIS SMRAS PA, GAL TE MI 'DUL KHA LO SGYUR BA'I MCHOG ,SH'AKYA'I RIGS NGAG PA YI BCOM LDAN 'DAS, ,YANGS PA CAN DU GSHEGS PAR GYUR NA NI,, @17B GNOD PA RNAMS NI RNAM PAR 'JIG PAR 'GYUR, ,DES NAM NANGS NAS YANGS PA CAN GYI LI TZTSA B'I RNAMS LA SMRAS PA, SHES LDAN DAG BDAG GIS RMI LAM 'DI 'DRA BA ZHIG MTHONG NGO, ,DE RNAMS KYIS SMRAS PA, SHES LDAN DAG DE LA JI LTAR BSGRUB PAR BYA, BCOM LDAN 'DAS KYI SPYAN SNGAR PHO NYA SU ZHIG GTANG ZHES PHAN TSUN BGRO BAR BRTZAMS PA DANG, MDUN NA 'DON MDA' BO CHE 'DI NYID THAMS CAD DU NUS PA YIN LA, BDAG CAG LA YANG BYAMS PA YIN GYIS GTANG NGO, ,DE LA DE DAG GIS SMRAS PA, BCOM LDAN 'DAS GANG NA BA DER SONG LA PHYIN NAS BDAG CAG GI TSIG GIS BCOM LDAN 'DAS KYI ZHABS GNYIS LA MGO BOS PHYAG BYOS LA, GNOD PA CHUNG NGAM, NYAM NGA BA NYUNG NGAM ZHES BYA BA NAS SNYUN GSOL LA ZHES BYA BA'I BAR GONG MA BZHIN DU'O, ,'DI SKAD CES KYANG GSOL CIG ,BTZUN PA YANGS PA CAN GYI TSOGS KYI MCHID NAS BCOM LDAN 'DAS YANGS PA CAN DU GSHEGS SU GSOL, GAL TE BCOM LDAN 'DAS YANGS PA CAN DU MA GSHEGS NA RING POR MI THOGS PA KHO NAR YANGS PA CAN STONGS SHING MING LUS PAR 'GYUR RO ZHES GSOL CIG ,DES SMRAS PA, SHES LDAN DAG LUS 'PHAGS MA'I BU YUL MA GA DH'A'I RGYAL PO MA SKYES DGRA NI KHYED LA YUN RING DU GNOD PA BYED PA PHYIR RGAL BA DGRA BOR GYUR PA YIN PAS BDAG LA GNOD PA BYED PAR MI 'GYUR GRANG, DE DAG GIS TSIGS SU BCAD DE SMRAS PA, YUL 'KHOR GZHAN YANG 'GYED PAR YANG, ,PHO NYA MI GSOD CES GRAG NA; ,KHYOD NI RGYAL BA'I PHO NYA YIN, ,KUN GYIS MI GSOD SMOS CI DGOS, ,DE NAS MDUN NA 'DON MDA' BO CHE DGE MTSAN DANG BKRA SHIS DANG BDE LEGS SU 'GYUR BA DAG BYAS TE, RIM GYIS RGYAL PO'I KHAB TU PHYIN NAS DE LAM GYIS DUB PA BSAL TE, BCOM LDAN 'DAS GANG NA BA DER SONG STE PHYIN NAS, BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS NAS PHYOGS GCIG TU 'DUG GO, ,PHYOGS GCIG TU 'DUG NAS MDUN NA 'DON MDA' BO CHES @18A *, ,BCOM LDAN 'DAS LA 'DI SKAD CES GSOL TO, ,KYE GOO TA MA YANGS PA CAN GYI TSOGS BCOM LDAN 'DAS GOO TA MA'I ZHABS GNYIS LA MGO BOS PHYAG 'TSAL TE, GNOD PA CHUNG NGAM, NYAM NGA BA NYUNG NGAM, BSKYOD PA YANG NGAM, 'TSO 'AM, GNOD PA MA MCHIS SAM, STOBS DANG BDE BA LA REG PAR SPYOD DAM ZHES SNYUN GSOL LAGS SO, ,MDA' BO CHE KHYOD DANG YANGS PA CAN GYI TSOGS BDE BAR GYUR CIG ,KYE GOO TA MA YANGS PA CAN GYI TSOGS KYI MCHID NAS BCOM LDAN 'DAS YANGS PA CAN DU GSHEGS SU GSOL, GAL TE BCOM LDAN 'DAS YANGS PA CAN DU MA GSHEGS NA RING PO MI THOGS PA KHO NAR YANGS PA CAN STONGS SHING MING TZAM LUS PAR 'GYUR RO ZHES MCHI'O, ,BCOM LDAN 'DAS KYIS BKA' STZAL PA, MDA' BO CHE 'DIR NGA NYAN THOS KYI DGE 'DUN DANG THABS CIG LA LUS 'PHAGS MA'I BU YUL MA GA DH'A'I RGYAL PO MA SKYES DGRAS ZLA BA GSUM DU YO BYAD THAMS CAD KYIS BSTABS PAS RGYAL PO LA RTOGS SHIG ,GAL TE RGYAL POS GNANG NA NGA DE BZHIN DU GSHEGS PAR BYA'O, ,DES YANGS PA CAN DU BCOM LDAN 'DAS NI 'DI SKAD CES GSUNG NGO ZHES SPRING NGO, ,DE RNAMS KYIS KYANG SPRING BA DE NYID KYI PHYIR KHYOD LUS 'PHAGS MA'I BU YUL MA GA DH'A'I RGYAL PO MA SKYES DGRA GANG NA BA DER SONG LA SON NAS, BDAG CAG GI TSIG GIS LUS 'PHAGS MA'I BU YUL MA GA DH'A'I RGYAL PO MA SKYES DGRA LA GNOD PA CHUNG NGAM, NYAM NGA BA NYUNG NGAM, BSKYOD PA YANG NGAM, 'TSO 'AM, GNOD PA MA MCHIS SAM, STOBS DANG BDE BA LA REG PAR GNAS SAM ZHES KYANG DRIS LA 'DI SKAD CES, LHA BCOM LDAN 'DAS YANGS PA CAN DU GSHEGS PAR BCOM LDAN 'DAS LA RJES SU GNANG BAR MDZAD DU GSOL, LHAS GAL TE BCOM LDAN 'DAS LA RJES SU MA GNANG NA RING PO MI THOGS PA KHO NAR YANGS PA CAN STONGS SHING MING LUS PAR 'GYUR RO ZHES SMROS SHIG ,DE NAS MDUN NA 'DON MDA' BO CHES BSAMS PA, CI RE ZHIG RGYAL PO LA BSNYEN PAR BYA'AM, 'ON TE BLON PO RNAMS @18B LA BYA SNYAM DU BSAMS PA DANG, DE 'DI SNYAM DU SEMS TE, 'GA' ZHIG GI DNGAGS LAS BSNYEN PAR MI BYA STE, 'ON KYANG BSNYEN PA BYED PA LA BSNYEN PAR BYA'O ZHES 'BYUNG BAS, MDOR NA BLON PO RNAMS LA BSNYEN PAR BYA'O SNYAM NAS, DES BLON PO RNAMS LA BSNYEN PAR BYA BAR BRTZAMS SO, ,DE NAS BLON PO RNAMS KYIS SMRAS PA, MDUN NA 'DON DGOS PA CI ZHIG LA 'ONGS, DES SMRAS PA, SHES LDAN DAG KHO BO NI BCOM LDAN 'DAS KYI PHYIR LHA LA GSOL BA 'DEBS SU MCHIS KYIS KHYED CAG GIS GROGS MDZOD CIG ,DE RNAMS KYIS SMRAS PA, DE BZHIN DU BYAS KHO BO CAG GIS JI TZAM NA BOS PA DE'I TSE KHYOD SHOG CIG ,DE NAS DE DAG GIS SKABS SHES NAS BOS PA DANG DE NAS MDUN NA 'DON MDA' BO CHE LUS 'PHAGS MA'I BU YUL MA GA DH'A'I RGYAL PO MA SKYES DGRA GANG NA BA DER SONG STE SONG NAS LUS 'PHAGS MA'I BU YUL MA GA DH'A'I RGYAL PO MA SKYES DGRA LA RGYAL BA DANG TSE SPEL BA DAG BYAS NAS PHYOGS GCIG TU 'DUG GO, ,PHYOGS GCIG TU 'DUG NAS MDUN NA 'DON MDA' BO CHES LUS 'PHAGS MA'I BU YUL MA GA DH'A'I RGYAL PO MA SKYES DGRA LA 'DI SKAD CES SMRAS SO, ,LHA YANGS PA CAN GYI TSOGS KYI MCHID NAS LHA LA GNOD PA CHUNG NGAM, REG PAR GNAS SAM ZHES BYA BA RGYAS PAR SNYUN GSOL LO, ,MDA' BO CHE KHYOD DANG, YANGS PA CAN GYI TSOGS BDE BAR GYUR CIG ,LHA YANGS PA CAN GYI TSOGS KYI MCHID NAS 'DI SKAD CES, LHA BCOM LDAN 'DAS YANGS PA CAN DU GSHEGS PAR BCOM LDAN 'DAS LA RJES SU GNANG BAR MDZAD DU GSOL, LHAS GAL TE BCOM LDAN 'DAS LA RJES SU MA GNANG NA RING PO MI THOGS PA KHO NAR YANGS PA CAN STONGS SHING MING LUS PAR 'GYUR RO ZHES MCHI'O, ,RGYAL POS SMRAS PA, MDA' BO CHE KHO BOS YUN RING MO ZHIG NAS KYE MA YANGS PA CAN GYI GNAS STONGS KYANG CI MA RUNG SNYAM DU BSAMS PA DE GAL TE YANGS PA CAN GYI GNAS STONGS PAR GYUR NA KHO BO YID LA BSAM PA TSEGS CHUNG DUS RDZOGS PAR MA GYUR TAM, DE SKAD CES SMRAS PA DANG, MDA' BO CHE SONG NGO, ,BLON @19A *, ,PO RNAMS KYIS SMRAS PA, LHA BCOM LDAN 'DAS KYIS SEMS CAN GCIG KYANG YONGS SU BTANG BA LTA MCHIS SAM, SHES LDAN DAG MED DO, ,DE LTA NA LHAS BCOM LDAN 'DAS LA BKUR STI MA LAGS PA BGYIS SO, ,LHAS BCOM LDAN 'DAS LA RJES SU GNANG YANG RUNG, MA GNANG YANG RUNG STE, BCOM LDAN 'DAS NI YANGS PA CAN GYI SEMS CAN LA THUGS BRTZE BA'I PHYIR GSHEGS PAR 'GYUR BA NYID DO, ,RGYAL POS SMRAS PA, SHES LDAN DAG KHO BOS MA SHES KYIS GAL TE DE LTA NA KHUG SHIG ,DE DAG GIS MDA' BO CHE BKUG NAS RGYAL POS SMRAS PA, MDA' BO CHE KHO BOS DAM BCAS TE BCOM LDAN 'DAS RJES SU GNANG BAR BYA'O, ,GAL TE KHO BOS BCOM LDAN 'DAS LA MCHOD PA DANG BSNYEN BKUR CI 'DRA BA BYAS PA DE KHO NA 'DRA BAR YANGS PA CAN GYI TSOGS KYIS BYA NA, DE LTA NA KHO BOS RJES SU GNANG NGO, ,DES YANGS PA CAN RNAMS LA RGYAL PO 'DI SKAD CES GSUNG NGO ZHES SPRING NGO, ,DE RNAMS KYIS SMRAS PA, RGYAL PO MI GCIG PUR GYUR PAS BCOM LDAN 'DAS LA MCHOD PA DANG BKUR STI BYED NA, BDAG CAG TSOGS SU GYUR PAS CI STE MI BYA ZHES DE DAG GIS BCOM LDAN 'DAS GSHEGS SU GSOL CIG DANG, BDAG CAG GIS BCOM LDAN 'DAS LA DE BAS KYANG CHES KHYAD PAR DU 'PHAGS PA'I MCHOD PA DANG BKUR STI BGYI'O ZHES SPRID NGO, ,DE NAS MDA' BO CHES DON DE DAG RGYAL PO LA RIG PAR BYAS SO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRA BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS LUS 'PHAGS MA'I BU YUL MA GA DH'A'I RGYAL PO MA SKYES DGRAS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS DGE SLONG GI DGE 'DUN DANG THABS CIG LA BDAG JI SRID 'TSO'I BAR DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS KYIS BSNYEN @19B BKUR BGYID PAR SPRO LAGS MOD KYI, BCOM LDAN 'DAS SEMS CAN RNAMS LA THUGS BRTZE BAS GNANG BAR MI 'GYUR LAGS NA, BCOM LDAN 'DAS BDAG GI GDUGS TSOD GSOL BAR GNANG BAR MDZAD DU GSOL, BCOM LDAN 'DAS KYI LUS 'PHAGS MA'I BU YUL MA GA DH'A'I RGYAL PO MA SKYES DGRA LA CANG MI GSUNG BAS GNANG NGO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRAS BCOM LDAN 'DAS CANG MI GSUNG BAS GNANG BAR RIG NAS STAN LAS LANGS TE, BCOM LDAN 'DAS KYI ZHABS GNYIS LA MGO BOS PHYAG BYAS TE SONG NGO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRAS DE NYID KYI MTSAN MO NAS ZHES BYA BA NAS, BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN DU'O, ,GSER GYI BYA MA BUM BLANGS TE BCOM LDAN 'DAS LA GSOL BA 'DEBS PA LA ZHUGS PA, BTZUN PA BCOM LDAN 'DAS KYIS KLU GDUG PA DANG, GNOD SBYIN GDUG PA DE DANG DE RNAMS NI BTUL LAGS NA, BTZUN PA KLU'I RGYAL PO SOG MA MED 'DI YUN RING PO ZHIG NAS BDAG CAG LA SHA KHO NA MA MCHIS PAR NI SHA KHON BGYID, 'GRAN ZLA MA MCHIS PAR NI 'GRAN ZLAR GYUR, GNOD PA MA MCHIS PAR NI GNOD PAR BGYID PAR GYUR TE, LO TOG GANG DAG SKYES SHING SKYES PA RNAMS CHUD GZON PAR BGYID LAGS NA, BCOM LDAN 'DAS THUGS BRTZE BA NYE BAR BZUNG STE KLU'I RGYAL PO SOG MA MED LEGS PAR GDUL BAR GSOL, ,BCOM LDAN 'DAS KYIS LUS 'PHAGS MA'I BU YUL MA GA DH'A'I RGYAL PO MA SKYES DGRA LA CANG MI GSUNG BAS GNANG NGO, ,DE NAS BCOM LDAN 'DAS KYIS LUS 'PHAGS MA'I BU YUL MA GA DH'A'I RGYAL PO MA SKYES DGRA LA YON BSNGO BA MDZAD NAS GSHEGS TE, GTZUG LAG KHANG DU BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS TSE DANG LDAN PA KUN DGA' PO LA BKA' STZAL PA, KUN DGA' BO BYED PHYOGS SU KLU'I @20A *, ,RGYAL PO SOG MA MED 'DUL DU 'DONG NGO, ,BYANG PHYOGS NA NI PHAN YON LNGA YOD DE, LNGA GANG ZHE NA, ME TOG PHUN SUM TSOGS PA DANG, 'BRAS BU PHUN SUM TSOGS PA DANG, CHU PHUN SUM TSOGS PA DANG, BSOD SNYOMS MOD PA DANG, SKYE BO'I TSOGS DRANG PO YOD DO ZHES GSUNGS NAS BCOM LDAN 'DAS NANG DU YANG DAG 'JOG GI PHYIR GTZUG LAG KHANG DU ZHUGS SO, ,DE NAS LUS 'PHAGS MA'I BU YUL MA GA DH'A'I RGYAL PO MA SKYES DGRAS RGYAL PO'I KHAB NAS CHU BO GANG G'A'I BAR GYI LAM DANG GRONG KHYER DAG CHE THANG DU STOR DU BCUG STE LAM RDO BA DANG, GSEG MA DANG, GYO MO THAMS CAD BSAL NAS TZAN DAN GYI CHUS CHAG CHAG BTAB DRI ZHIM PO SNA TSOGS KYI POG PHOR DAG BSHAMS, DAR GYI CHUN 'PHYANG MANG PO DPYANGS, BAR BAR DU ME TOG GI GZHAL MED KHANG DAG BYAS SO, ,YANGS PA CAN GYI LI TZTSA B'I RNAMS KYIS NI CHU BO GANG G'A NAS YANGS PA CAN GYI BAR DU DE BAS LHAG PAR KHYAD PAR DU 'PHAGS PAR LAM DANG GRONG KHYER DAG STOR DU BCUG GO, ,DE NAS BCOM LDAN 'DAS DGONGS KA NANG DU YANG DAG 'JOG LAS BZHENGS TE TSE DANG LDAN PA KUN DGA' BO LA BKA' STZAL PA, KUN DGA' BO NA LAN DA GANG NA BA DER 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, DE NAS BCOM LDAN 'DAS DANG YUL MA GA DH'A'I LJONGS RGYU ZHING GSHEGS PA NA, NA LAN DAR BYON NAS NA LAN DA NA AA MRA'I TSAL DGAG DBYE CAN ZHES BYA BA NA BZHUGS SO, ,DE'I TSE NA LAN DA NA KUN DU RGYU 'DAM BU'I TSONG PA ZHES BYA BA RGYAS PA, 'KHOGS PA, GTUGS PA BTZAS NAS LO BRGYA NYI SHU LON PA ZHIG GNAS PA LA, NA LAN DA'I BRAM ZE DANG KHYIM BDAG RNAMS BKUR STI BYED, BLA MAR BYED, RI MOR BYED, MCHOD PAR BYED DE, DGRA BCOM PAR BKUR RO, ,DE NAS KUN DU RGYU 'DAM BU'I TSONG PA'I SNGON GYI GROGS PO DANG, BLON PO DANG, GNYEN DANG, SNAG GI GNYEN MTSAMS SU GYUR BA'I LHA GANG YIN PA DE 'DI SNYAM DU SEMS TE, GAL TE BDAG GIS KUN DU RGYU 'DAM BU'I @20B TSONG PA LA 'DI SKAD CES, DRANG SRONG KHYOD TSUR SHOG ,BCOM LDAN 'DAS KYI SPYAN SNGAR TSANGS PAR SPYAD PA SPYOD CIG CES SMRAS NA, GANG YANG BDAG GI TSIG MI NYAN PA DE SRID PAS, MA LA BDAG DE'I DRUNG DU SONG STE YID KYI DRI BA 'DZIN DU GZHUG GO SNYAM NAS, DE NAS LHA DE KUN DU RGYU 'DAM BU'I TSONG PA GANG NA BA DER SONG STE PHYIN NAS, KUN DU RGYU 'DAM BU'I TSONG PA LA 'DI SKAD CES SMRAS SO, ,DRANG SRONG TSUR SHOG ,KHO BO LAS YID KYI DRI BA LONG LA KUN CHUB PAR GYIS SHIG ,JI LTAR MDZA' BO MA YIN PA LA MDZA' BO LTAR BCOS PA YIN PAR BLTA BAR BYA, JI LTAR BDAG DANG 'DRA BA'I MDZA' BO YIN PAR RIG PAR BYA, CI'I PHYIR SPONG, JI LTAR NAD MED PA 'THOB, DRANG SRONG GANG ZHIG KHYOD KYI YID KYI DRI BA YID KYIS MNGON PAR 'DUS BYAS PA 'DI DAG TSIG GIS LUNG BSTAN PAS SEMS RANGS PAR BYED PA DE'I THAD DU KHYOD TSANGS PAR SPYAD PA SPYOD CIG CES SMRAS NAS DE NYID DU MI SNANG BAR GYUR TO, ,DE NAS KUN DU RGYU 'DAM BU'I TSONG PAS LHA DE LAS YID KYI DRI BA BZUNG STE KUN CHUB PAR BYAS NAS 'OD SRUNG RDZOGS BYED GANG NA BA DER SONG STE PHYIN NAS 'OD SRUNG RDZOGS BYED KYI DRUNG DU YID KYI DRI BA YID KYIS MNGON PAR 'DUS BYAS PA; JI LTAR MDZA' BO MA YIN PA LA MDZA' BO LTAR BCOS PA YIN PAR BLTA BAR BYA ZHES BYA BA NAS JI LTAR NAD MED PA 'THOB PAR 'GYUR ZHES BYA BA'I BAR GONG MA BZHIN DU'O, ,'OD SRUNG RDZOGS BYED KYIS DE'I YID KYI DRI BA YID KYIS MNGON PAR 'DUS BYAS PA RNAMS KYANG MI SHES RNAM PAR MI SHES NA LAN GLAN PA LTA SMOS KYANG CI DGOS, DE NAS KUN DU RGYU 'DAM BU'I TSONG PA 'DI SNYAM DU SEMS TE, 'OD SRUNG RDZOGS BYED KYIS BDAG GI YID KYI DRI BA YID KYIS MNGON PAR 'DUS BYAS PA RNAMS KYANG MI SHES RNAM PAR MI SHES NA LAN GLAN PA LTA SMOS KYANG CI DGOS SNYAM NAS, DE KUN DU RGYU GNAG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM SKRA'I LA BA CAN DANG, KA TYA'I BU NOG CAN DANG, GCER BU PA GNYEN GYI BU GANG NA BA DER SONG STE PHYIN NAS GCER BU PA GNYEN GYI BU'I MDUN DU YID KYI DRI BA YID KYIS MNGON PAR 'DUS @21A *, ,BYAS PA, JI LTAR MDZA' BO MA YIN PA LA MDZA' BO LTAR BCOS PA YIN PAR BLTA BAR BYA ZHES BYA BA NAS GCER BU PA GNYEN GYI BU'I BAR GYIS KYANG BDAG GI YID KYI DRI BA YID KYIS MNGON PAR 'DUS BYAS PA RNAMS KYANG MI SHES, RNAM PAR MI SHES NA LAN GLAN PA LTA SMOS KYANG CI DGOS SNYAM MO ZHES BYA BA'I BAR GONG MA BZHIN DU'O, ,DE NAS KUN DU RGYU 'DAM BU'I TSONG PA 'DI SNYAM DU SEMS TE, GANG LA YID KYI DRI BA YID KYIS MNGON PAR 'DUS BYAS PA'I TSIG GIS LUNG BSTAN PA MI THOB PA DE 'DRA BA'I RAB TU BYUNG BAS BDAG LA CI ZHIG BYA, BDAG GI NYE DU RNAMS LA LONGS SPYOD RGYA CHER YOD PAS, MA LA BDAG 'DUG LA 'DOD PA YANG LONGS SPYAD CING SBYIN PA YANG BTANG, BSOD NAMS KYANG BYA'O SNYAM MO, ,YANG DE'I BLO SKYES PA, MA LA BDAG DGE SBYONG GOO TA MA GANG NA BA DER 'GRO BAR BYA'O SNYAM NAS DE CHAS PA NA YANG BSAMS PA, RE ZHIG DGE SBYONG DANG BRAM ZE RGAN RABS GANG DAG YIN PA 'DI LTA STE, 'OD SRUNG RDZOGS BYED NAS GCER BU PA GNYEN GYI BU'I BAR GONG MA BZHIN TE, DE RNAMS KYIS RE ZHIG YID KYI DRI BA YID KYIS MNGON PAR 'DUS BYAS PA RNAMS KYANG MI SHES RNAM PAR MI SHES NA DGE SBYONG GOO TA MA NAS GZHON PA GSAR DU RAB TU BYUNG BAS LTA SMOS KYANG CI DGOS SNYAM DU BSAMS TE SLAR LDOG PAR 'DOD PA LAS, YANG DE 'DI SNYAM DU SEMS TE, SNGON GYI KUN DU RGYU RNYING PA RGAN PO 'KHOGS PA SPYOD PA'I SLOB DPON DAG LAS BDAG GIS DGE SLONG GZHON NU LA BRNYAS PAR MI BYA, DGE SLONG GZHON NU LA ZIL GYIS MNAN PAR MI BYA STE, DGE SLONG GZHON NU YANG DE NI DBANG CHE BAR GYUR PA YIN NO ZHES THOS SO SNYAM DU BSAMS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI SPYAN SNGAR YID KYI ZHU BA YID KYIS MNGON PAR 'DUS BYAS PA, JI LTAR MDZA' BO MA YIN PA LA MDZA' BO LTAR BCOS PA YIN PAR BLTA BAR BYA ZHES BYA BA NAS JI LTAR NAD MED PA 'THOB CES BYA BA'I BAR GONG MA BZHIN DU'O, ,DE NAS BCOM LDAN 'DAS KYI THUGS KYIS KUN DU RGYU 'DAM BU'I TSONG @21B BA'I BSAM PA MKHYEN NAS DE'I TSE TSIGS SU BCAD DE BKA' STZAL PA, MDZA' BO GZHAN LA RNAM PAR SMOD BYED CING, ,DE NI BDAG TU ZAD DO ZHES SMRA LA, ,LAS KYANG SLA DGU 'DAM ZHING BYED PA DE, ,BDAG GI BSHES MA YIN PAR SHES PAR BYA, ,GANG ZHIG BDEN PA MA YIN TSIG; ,MDZA' BO DAG LA SMRA BYED CING, ,SMRA LA LAS SU MI BYED PA'ANG, ,MKHAS PA RNAMS KYIS YONGS SHES TE, ,DE LTA BU NI MDZA' BO MA YIN PA LA MDZA' BO LTAR BCOS PA YIN PAR SHES PAR BYA'O, ,JI LTAR BDAG DANG 'DRA BA'I MDZA' BO YIN PAR RIG PAR BYA ZHE NA; GANG ZHIG RTAG TU BAG MED DBYE BA YI, ,BSAM PAS GLAGS LTA DE NI MDZA' MIN GYI, ,GANG ZHIG 'DIR NI SNYING DANG 'DRAR GYUR PAR, ,GZHAN GYIS MI PHYED DE NI MDZA' BO YIN, ,DE LTA BU NI BDAG DANG 'DRA BA'I MDZA' BO YIN PAR RIG PAR BYA'O, ,CI'I PHYIR SPONG ZHE NA; SKYES BU GCES PA MTHAR 'BYIN CING, ,'BRAS BU LTA BAR BYED PA NI, ,RAB TU DGA' BA SKYED PA'I GNAS, ,RAB BSNGAGS 'DREN PA'I ZHI BA SGOM, ,DE DON DU GNYER BAR BSGOM MO, ,JI LTAR NANG MED PA 'THOB CE NA, RAB TU DBEN PA'I RO DANG NI, ,NYE BAR ZHI BA'I RO SHES NAS, ,CHOS LA DGA' BA'I RO 'THUNG BA, ,NAD MED SDIG PA MED PAR 'GYUR, ,DE LTAR NA NAD MED PA 'THOB BO, ,DE NAS KUN DU RGYU 'DAM BU'I TSONG PA 'DI SNYAM DU SEMS TE, DGE SBYONG GOO TA MA'I THUGS KYIS NI BDAG GI BSAM PA MKHYEN NO SNYAM DU RIG NAS BCOM LDAN 'DAS LA 'DI SKAD CES GSOL TO, ,GOO TA MA BDAG LEGS PAR GSUNGS PA'I CHOS 'DUL BA LA RAB TU BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, BCOM LDAN 'DAS DGE SBYONG GOO TA MA'I SPYAN SNGAR BDAG GIS TSANGS PAR SPYOD PA SPYAD PAR BGYI'O, ,KUN DU RGYU 'DAM BU'I TSONG PA LEGS PAR GSUNGS PA'I CHOS 'DUL BA LA RAB TU BYUNG ZHING BSNYEN PAR RDZOGS PA DGE SLONG GI DNGOS PO THOB STE, DE LTAR RAB TU BYUNG NAS TSE DANG LDAN PA DES ZHES BYA BA NAS DE SEMS SHIN TU RNAM PAR GROL BA'I DGRA BCOM PAR GYUR TO ZHES BYA @22A *, ,BA'I BAR GONG MA BZHIN DU'O, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DMAR BU CAN GYI GRONG DU 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS DGE SLONG GI DGE 'DUN DANG THABS CIG TU DMAR BU CAN GYI GRONG KHYER DANG RGYAL PO'I KHAB KYI BAR GYI DBUS NA RGYAL PO'I GNAS 'OD MA'I DBYUG PA CAN DU NUB MO NYE BAR RTEN CING BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA DANG KHYED CAG KHO NAS 'PHAGS PA'I BDEN PA BZHI PO DAG MA SHES, MA MTHONG, KHONG DU MA CHUD, SO SOR MA RTOGS PAS LAM RING PO 'DIR RGYUG CING 'KHOR BAR GYUR TO, ,BZHI PO DE DAG GANG ZHE NA, DA DANG KHYED CAG KHO NAS ZHES BYA BA NAS, SDUG BSNGAL 'PHAGS PA'I BDEN PA MA SHES MA MTHONG ZHES BYA BA'I BAR GONG MA BZHIN DU'O, ,NGA DANG KHYED CAG KHO NAS ZHES PA NAS, SDUG BSNGAL KUN 'BYUNG BA DANG, SDUG BSNGAL 'GOG PAR 'GRO BA'I LAM MA SHES MA MTHONG ZHES BYA BA'I BAR GONG MA BZHIN DU'O; ,NGAS SDUG BSNGAL 'PHAGS PA'I BDEN PA RJES SU RTOGS SHING SO SOR RTOGS PAS SRID PA'I SRED PA BCAD PAS 'KHOR BA'I SKYE BA ZAD DE, DA NI SRID PA GZHAN MED DO, ,NGAS SDUG BSNGAL KUN 'BYUNG BA DANG, SDUG BSNGAL 'GOG PAR 'GRO BA'I LAM 'PHAGS PA'I BDEN PA RJES SU RTOGS SHING SO SOR RTOGS PAS SRID PA'I SRED PA BCAD PAS 'KHOR BA'I SKYE BA ZAD DE, DA NI SRID PA GZHAN MED DO, ,BCOM LDAN 'DAS KYIS DE SKAD CES BKA' STZAL TE, BDE BAR GSHEGS PAS DE SKAD GSUNGS NAS STON PAS GZHAN YANG 'DI SKAD CES BKA' STZAL TO, ,NGA DANG KHYED CAG KHO NA YIS, ,'PHAGS PA'I BDEN PA BZHI PO DAG ,JI LTA BA BZHIN MA MTHONG BAS, ,LAM NI RING DU 'KHOR BAR GYUR, ,BDEN PA DE DAG MTHONG NAS NI, ,SRID PA'I SRED PA BCAD NAS SU, ,'KHOR BA'I SKYE BA ZAD PAS NA, , @22B DA NI SRID PA GZHAN MED DO, ,BCOM LDAN 'DAS KYIS DE SKAD CES BKA' STZAL NAS, DGE SLONG DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO,, ,,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DMAR BU CAN GYI GRONG GANG NA BA DER 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS DANG YUL MA GA DH'A'I LJONGS RGYU ZHING GSHEGS PA NA DMAR BU CAN GYI GRONG DU BYON TO, , DMAR BU CAN GYI GRONG GI DMAR BU CAN GYI MCHOD RTEN NA BZHUGS SO, ,DMAR BU CAN GYI GRONG GI BRAM ZE DANG KHYIM BDAG RNAMS KYIS BCOM LDAN 'DAS YUL MA GA DH'A'I LJONGS RGYU ZHING GSHEGS NAS DMAR BU CAN GYI GRONG DU BYON TE, DMAR BU CAN GYI MCHOD RTEN NA BZHUGS SO ZHES THOS SO, ,THOS NAS KYANG TSOGS NAS TSOGS DANG, KHYU NAS KHYUR PHRAD CING 'DUG NAS DMAR BU CAN GYI GRONG NAS BYUNG STE BCOM LDAN 'DAS GANG NA BA DER DONG STE LHAGS NAS, BCOM LDAN 'DAS KYI ZHABS GNYIS LA MGO BOS PHYAG BYAS NAS PHYOGS GCIG TU 'DUG GO ,, PHYOGS GCIG TU 'DUG NAS BCOM LDAN 'DAS KYIS DMAR BU CAN GYI GRONG GI BRAM ZE DANG KHYIM BDAG RNAMS LA 'DI SKAD CES BKA' STZAL TO, ,BRAM ZE DANG KHYIM BDAG DAG LNGA PO 'DI DAG NI BAG MED PA'I NYES DMIGS DAG YIN TE, LNGA GANG ZHE NA, BRAM ZE DANG KHYIM BDAG DAG 'DI LA BAG MED PA BAG MED PA LA GNAS PA'I RGYUS LONGS SPYOD CHEN PO LAS NYAMS PAR 'GYUR TE, BRAM ZE DANG KHYIM BDAG DAG BAG MED PA BAG MED PA LA GNAS PA'I RGYUS LONGS SPYOD CHEN PO LAS NYAMS PAR 'GYUR BA GANG YIN PA 'DI NI BAG MED PA'I NYES DMIGS DANG PO YIN NO, ,BRAM ZE DANG KHYIM BDAG DAG GZHAN YANG BAG MED PA BAG MED PA LA GNAS PA'I RGYUS PHYOGS DANG PHYOGS MTSAMS SU SDIG PA DANG, BSNGAGS PA MA YIN PA DANG, GRAGS PA MA YIN PA'I SGRA DANG TSIGS SU BCAD PA GRAGS PAR 'GYUR TE, BRAM ZE DANG KHYIM BDAG DAG BAG MED PA @23A *, ,BAG MED PA LA GNAS PA'I RGYUS PHYOGS DANG PHYOGS MTSAMS SU SDIG PA DANG, BSNGAGS PA MA YIN PA DANG, GRAGS PA MA YIN PA'I SGRA DANG TSIGS SU BCAD PA GRAGS PAR 'GYUR BA GANG YIN PA 'DI NI, BAG MED PA'I NYES DMIGS GNYIS PA YIN NO, ,BRAM ZE DANG KHYIM BDAG DAG GZHAN YANG BAG MED PA BAG MED PA LA GNAS PA'I RGYUS RGYAL RIGS KYI 'KHOR DU'ANG RUNG, BRAM ZE'I 'KHOR DU'ANG RUNG, KHYIM BDAG GI 'KHOR DU'ANG RUNG, DGE SBYONG GI 'KHOR DU'ANG RUNG, 'KHOR GANG DANG GANG DU 'GRO BA'I 'KHOR DE DANG DER ZHUM ZHUM POR GYUR NAS DGA' BA MED PA DANG, BAG TSA BAS 'GRO BAR 'GYUR TE, BRAM ZE DANG KHYIM BDAG DAG BAG MED PA BAG MED PA LA GNAS PA'I RGYUS GANG DANG GANG DU ZHES BYA BA NAS BAG TSA BAS ZHES BYA BA'I BAR GONG MA BZHIN DU'O, ,'DI NI BAG MED PA'I NYES DMIGS GSUM PA YIN NO, ,BRAM ZE DANG KHYIM BDAG DAG GZHAN YANG BAG MED PA BAG MED PA LA GNAS PA'I RGYUS GANG DANG GANG DU ZHES BYA BA NAS BAG MED PA'I RGYUS YID LA GCAGS BZHIN 'CHI BAR 'GYUR TE, BRAM ZE DANG KHYIM BDAG DAG BAG MED PA BAG MED PA LA GNAS PA'I RGYUS YID LA GCAGS BZHIN 'CHI BAR 'GYUR BA GANG YIN PA 'DI NI BAG MED PA'I NYES DMIGS BZHI PA YIN NO, ,BRAM ZE DANG KHYIM BDAG DAG GZHAN YANG BAG MED PA BAG MED PA LA GNAS PA'I RGYUS LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR TE, BRAM ZE DANG KHYIM BDAG DAG BAG MED PA BAG MED PA LA GNAS PA'I RGYUS LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR BA GANG YIN PA 'DI NI BAG MED PA'I NYES DMIGS LNGA PA YIN NO, ,BRAM ZE DANG KHYIM BDAG DAG LNGA PO 'DI DAG NI BAG YOD PA'I PHAN YON YIN TE, LNGA GANG ZHE NA, BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS LONGS SPYOD CHEN PO LAS NYAMS PAR MI @23B 'GYUR TE, BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS LONGS SPYOD CHEN PO LAS NYAMS PAR MI 'GYUR BA GANG YIN PA 'DI NI BAG YOD PA'I PHAN YON DANG PO YIN NO, ,BRAM ZE DANG KHYIM BDAG DAG GZHAN YANG BAG YOD PA BAG YOD PA LA GNAS PA'I RGYUS PHYOGS DANG PHYOGS MTSAMS SU DGE BA DANG, GRAGS PA DANG, SGRA DANG, TSIGS SU BCAD PA RGYA CHEN PO GRAGS PAR 'GYUR TE, BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS PHYOGS DANG PHYOGS MTSAMS SU DGE BA DANG; GRAGS PA DANG, SGRA DANG, TSIGS SU BCAD PA RGYA CHEN PO GRAGS PAR 'GYUR PA GANG YIN PA 'DI NI BAG YOD PA'I PHAN YON GNYIS PA YIN NO, ,BRAM ZE DANG KHYIM BDAG DAG GZHAN YANG BAG YOD PA BAG YOD PA LA GNAS PA'I RGYUS RGYAL RIGS KYI 'KHOR DU'ANG RUNG; BRAM ZA'I 'KHOR DU'ANG RUNG, KHYIM BDAG GI 'KHOR DU'ANG RUNG, DGE SBYONG GI 'KHOR DU'ANG RUNG, 'KHOR GANG DANG GANG DU 'GRO BA'I 'KHOR DE DANG DER ZHUM ZHUM PO MA YIN PA DANG, DGA' BA DANG BAG TSA BA MED PAS 'GRO BAR 'GYUR TE, ,BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS ZHES BYA BA NAS, BAG TSA BA MED PA ZHES BYA BA'I BAR GONG MA BZHIN DU GANG YIN PA 'DI NI BAG YOD PA'I PHAN YON GSUM PA YIN NO, ,BRAM ZE DANG KHYIM BDAG DAG GZHAN YANG BAG YOD PA BAG YOD PA LA GNAS PA'I RGYUS YID LA GCAGS PA MED PAR 'CHI BAR 'GYUR TE, BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS YID LA GCAGS PA MED PAR 'CHI PAR 'GYUR BA GANG YIN PA 'DI NI BAG YOD PA'I PHAN YON BZHI PA YIN NO, ,BRAM ZE DANG KHYIM BDAG DAG GZHAN YANG BAG YOD PA BAG YOD PA LA GNAS PA'I RGYUS LUS ZHIG NAS BDE 'GRO MTHO RIS KYI 'JIG RTEN LHA RNAMS SU SKYE BAR 'GYUR TE, BRAM ZE DANG KHYIM BDAG DAG BAG YOD PA BAG YOD PA LA GNAS PA'I RGYUS LUS ZHIG NAS BDE 'GRO MTHO RIS KYI 'JIG RTEN LHA RNAMS SU @24A *, ,SKYE BAR 'GYUR BA GANG YIN PA 'DI NI BAG YOD PA'I PHAN YON LNGA PA YIN NO, ,DE NAS DMAR BU CAN GYI GRONG GI BRAM ZE DANG KHYIM BDAG RNAMS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG CAG GI GNAS SU DO MOD BZHUGS PAR GSOL, BCOM LDAN 'DAS KYIS DMAR BU CAN GYI GRONG GI BRAM ZE DANG KHYIM BDAG RNAMS LA CANG MI GSUNG BAS GNANG NGO, , DE NAS DMAR BU CAN GYI BRAM ZE DANG KHYIM BDAG RNAMS KYIS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE BCOM LDAN 'DAS KYI SPYAN SNGA NAS DONG NGO, ,MA GA DH'A'I SNA CHEN PO LA GTOGS PA BRAM ZE DBYAR BYED KYIS DGE SBYONG GOO TA MA MA GA DH'A'I LJONGS RGYU ZHING GSHEGS PA NA DMAR BU CAN GYI GRONG DU GSHEGS NAS DMAR BU CAN GYI GRONG GI DMAR BU CAN GYI MCHOD RTEN NA BZHUGS TE, DE LA DMAR BU CAN GYI GRONG GI BRAM ZE DANG KHYIM BDAG RNAMS KYIS BKUR STI BYAS SO ZHE THOS SO, ,THOS NAS KYANG RTA RGOD MA DANG LDAN PA'I SHING RTA THAMS CAD NAS DKAR BA'I NANG DU ZHUGS NAS GSER GYI KHAR BA DANG RIL BA SPYI BLUGS THOGS TE BRAM ZE'I KHYE'U'I TSOGS KYIS YONGS SU BSKOR CING, BRAM ZE'I KHYE'U'I TSOGS KYIS MDUN GYIS BLTAS NAS DMAR BU CAN GYI GRONG NAS BYUNG STE, BCOM LDAN 'DAS LA BLTA BA DANG BSNYEN BKUR BYA BA'I PHYIR SONG NGO, ,DE JI TZAM BZHON PA'I SA'I BAR DU BZHON PAS SONG NAS BZHON PA LAS BABS TE RKANG PAS KUN DGA' RA BAR ZHUGS NAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS DANG LHAN CIG MNGON DU YANG DAG PAR DGA' BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS NAS PHYOGS GCIG TU 'DUG GO , ,PHYOGS GCIG TU 'DUG NAS BCOM LDAN 'DAS KYIS MA GA DH'A'I SNA CHEN PO LA GTOGS PA BRAM ZE DBYAR @24B BYED LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR GZENGS STOD PAR MDZAD, YANG DAG PAR 'DZIN DU 'JUG PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS MA GA DH'A'I SNA CHEN PO LA GTOGS PA BRAM ZE DBYAR BYED STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS GOO TA MA DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL; BCOM LDAN 'DAS KYIS MA GA DH'A'I SNA CHEN PO LA GTOGS PA BRAM ZE DBYAR BYED LA CANG MI GSUNG BAS GNANG NGO, ,DE NAS MA GA DH'A'I SNA CHEN PO LA GTOGS PA BRAM ZE DBYAR BYED KYIS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS KYIS MA GA DH'A'I SNA CHEN PO LA GTOGS PA BRAM ZE DBYAR BYED SONG NAS RING PO MA LON PAR THUGS SU CHUD NAS 'DUG GNAS GANG NA BA DER GSHEGS TE BYON NAS, 'DUG GNAS KYI PHYI ROL DU ZHABS GNYIS BKRUS TE 'DUG GNAS SU ZHUGS NAS GDAN BSHAMS PA NYID LA BZHUGS TE, SKYIL MO KRUNG BCAS NAS SKU DRANG POR BSRANG STE DGONGS PA MNGON DU PHYOGS PAR BZHAG GO , ,BCOM LDAN 'DAS 'DUG GNAS NA NYIN PAR GYI GNAS PAS BZHUGS PA NA LHA'I SPYAN RNAM PAR DAG PA MI'I LAS 'PHAGS PAS DMAR BU CAN GYI GRONG NA MTHU CHE BA MTHU CHE BA'I LHA RNAMS GNAS KYI SA 'BRE BA GZIGS SO, ,GZIGS NAS KYANG DGONGS KA NANG DU YANG DAG 'JOG LAS BZHENGS TE 'DUG GNAS NAS BYUNG NAS, 'DUG GNAS KYI GRIB MA LA DGE SLONG GI DGE 'DUN @25A *, ,GYI GUNG LA GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KHYOD KYIS DMAR BU CAN GYI GRONG GI GRONG KHYER RTZIG PAR BRTZON PA SU YIN CI THOS, BTZUN PA BDAG GIS MA GA DH'A'I SNA CHEN PO LA GTOGS PA BRAM ZE DBYAR BYED LAGS PAR THOS SO, ,KUN DGA' BO LEGS SO, ,LEGS SO, ,MA GA DH'A'I SNA CHEN PO LA GTOGS PA BRAM ZE DBYAR BYED NI MKHAS PA YIN TE, 'DI LTAR SUM BCU RTZA GSUM PA'I LHA RNAMS DANG LHAN CIG BGROS PA LTA ZHIG ,KUN DGA' BO 'DI NA NGA 'DUG GNAS NA NYIN PAR GYI GNAS PAS BZHUGS PA NA LHA'I SPYAN RNAM PAR DAG PA MI'I LAS 'DAS PAS DMAR BU CAN GYI GRONG NA MTHU CHE BA MTHU CHE BA'I LHA RNAMS GNAS KYI SA 'BRE BA GZIGS SO, ,KUN DGA' BO PHYOGS GANG DU MTHU CHE BA MTHU CHE BA'I LHA RNAMS KYIS GNAS KYI SA BRES PA'I PHYOGS DER 'DI LTA STE, GNAS KYI PHYIR MTHU CHE BA MTHU CHE BA'I MI RNAMS KYI SEMS GZHOL BAR 'GYUR RO, ,PHYOGS GANG DU LHA BAR MA DANG PHAL PAS GNAS KYI SA BRES PA'I PHYOGS DER NI 'DI LTA STE; GNAS KYI PHYIR MI BAR MA DANG PHAL PA RNAMS KYI SEMS GZHOL BAR 'GYUR RO, ,KUN DGA' BO PHYOGS 'DIR NI MTHU CHE BA MTHU CHE BA'I LHA RNAMS KYIS GNAS KYIS BRES PAS PHYOGS 'DIR 'DI LTA STE, GNAS KYI PHYIR DBANG CHE BA DBANG CHE BAR GRAGS PA'I MI RNAMS KYI SEMS GZHOL BAR GYUR TE, KUN DGA' BO YA RABS KYI GNAS DANG, YA RABS KYI THA SNYAD JI SNYED PA DANG, ZONG 'GREMS PA RNAMS KYI NANG NA YANG 'DI LTA STE, DMAR BU CAN GYI GRONG KHYER 'DI MCHOG TU 'GYUR RO, ,KUN DGA' BO 'DI LA BAR CHAD GSUM 'BYUNG BAR RIG PAR BYA STE, ME DANG, CHU DANG, NANG 'KHRUG GIS SO, ,DE NAS MA GA DH'A'I SNA CHEN PO LA GTOGS PA BRAM ZE DBYAR BYED KYIS DE NYID KYI NUB MO NAS GTZANG ZHING BSOD PA ZHES BYA BA NAS, PHYAG BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN TE, GSER GYI BYA MA BUM THOGS @25B TI GSOL BA 'DEBS SHING SPYAN SNGAR 'DUG GO , ,'DI SKAD CES KYANG GSOL TE, KYE GOO TA MA SBYIN PA 'DI LAS BSOD NAMS KYI RGYU MTHUN PA DANG, DGE BA'I RGYU MTHUN PA DANG, BDE BA'I GZHI CI MCHIS PA DE DMAR BU CAN NA GNAS PA'I LHA RNAMS KYI YUN RING PO'I DON DANG, PHAN PA DANG BDE BA'I SLAD DU YON BSDO BA MDZAD DU GSOL, DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, SKYES BU GANG ZAG DAD PA CAN, ,GANG ZHIG LHA RNAMS MCHOD BYED PA, ,STON PA'I BKA' BZHIN BYED PA STE, ,DE NI SANGS RGYAS RNAMS KYIS BSNGAGS, ,MKHAS SHING YID NI GZHUNGS PA YIS, ,GANG GI PHYOGS SU GNAS 'CHA' BA, ,TSUL KHRIMS LDAN PA BSHOS GSOL NAS, ,DE YI 'OG TU YON BSNGO BYA, ,DE RNAMS RJED PAS RJED 'GYUR ZHING, ,MCHOD PAS KYANG NI MCHOD PAR 'GYUR, ,DE NAS LTO NAS BYUNG BA YI, ,BU LA MA BZHIN 'DI LA BRTZE, ,LHA RNAMS BRTZE BA'I SKYES BUS NI, ,BDE BA BZANG PO MTHONG BAR 'GYUR, ,DE NAS BCOM LDAN 'DAS KYIS MA GA DH'A'I SNA CHEN PO LA GTOGS PA BRAM ZE DBYAR BYED LA CHOS DANG LDAN PA'I GTAM YANG DAG PAR BSTAN YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS MA GA DH'A'I SNA CHEN PO LA GTOGS PA BRAM ZE DBYAR BYED KYIS DER RGYU LHAG GANG YIN PA DE THAMS CAD SBYIN PAR BTANG NAS BCOM LDAN 'DAS KYI RJES BZHIN RJES BZHIN DU 'BRANG ZHING, 'DI SNYAM DU SEMS KYIS SEMS LA MNGON PAR 'DU BYED DE, BCOM LDAN 'DAS GOO TA MA DMAR BU CAN GYI GRONG GI SGO GANG NAS PHYIR GSHEGS PA DE NI BDAG GIS GOO TA MA'I SGO ZHES GDAGS SO; ,CHU BO GANG G'A'I 'JUG NGOGS GANG NAS RGAL BA DE YANG GOO TA MA'I 'JUG NGOGS ZHES GDAGS SO SNYAM MO, ,DE NAS BCOM LDAN 'DAS KYI THUGS KYIS MA GA DH'A'I SNA CHEN PO LA GTOGS PA BRAM ZE DBYAR BYED KYI BSAM PA MKHYEN NAS, DMAR BU CAN GYI GRONG GI @26A *, ,DBUS THOG THAG GSHEGS NAS BYANG PHYOGS SU RGYU STE, CHU BO GANG G'A GANG NA BAR GSHEGS SO, ,DE NAS LUS 'PHAGS MA'I BU MA GA DH'A'I RGYAL PO MA SKYES DGRA 'DI SNYAM DU SEMS TE, MA LA BDAG NYID KHO NAS BCOM LDAN 'DAS MCHOD PA BYA BA LA LHAG PAR SPRO BAR BYA'O SNYAM DU BSAMS NAS, RTZIBS BRGYA DANG LDAN PA'I GDUGS LNGA BRGYA BCOM LDAN 'DAS KYI DBU'I GTZUG GI STENG DU BZUNG BA DANG, YANGS PA CAN GYI LITZTSA B'I RNAMS KYIS BSAMS PA, LUS 'PHAGS MA'I BU MA GA DH'A'I RGYAL PO MA SKYES DGRA 'DI BCOM LDAN 'DAS MCHOD PA LA RANG NYID LHAG PAR SPRO BAR GYUR NA, CI'I PHYIR NA BDAG CAG GIS SPRO BAR MI BYA SNYAM NAS DE RNAMS KYIS KYANG RTZIBS BRGYA DANG LDAN PA'I GDUGS LNGA BRGYA BCOM LDAN 'DAS KYI DBU'I GTZUG GI STENG DU BZUNG NGO, ,KLU RNAMS KYIS BSAMS PA, RE ZHIG MI 'DI RNAMS BCOM LDAN 'DAS MCHOD PA BYA BA LA LHAG PAR SPRO BAR GYUR NA, BDAG CAG KLU RNAMS NI RNAM PAR LHUNG BA'I LUS CAN YIN NA CI'I PHYIR BDAG CAG SPRO BAR MI BYA SNYAM NAS, DE DAG GIS KYANG RTZIBS BRGYA DANG LDAN PA'I GDUGS LNGA BRGYA BCOM LDAN 'DAS KYI DBU'I GTZUG GI STENG DU BZUNG NGO, ,RGYAL CHEN BZHI'I RIS KYI LHA RNAMS KYIS BSAMS PA, RE ZHIG MI BSOD NAMS MNGON SUM DU MA MTHONG BA 'DI DAG KYANG BCOM LDAN 'DAS MCHOD PA BYA BA LA LHAG PAR SPRO BAR GYUR NA, MNGON SUM DU MTHONG BA BDAG CAG GIS LTA CI'I PHYIR SPRO BAR MI BYA SNYAM NAS, DE RNAMS KYIS KYANG RTZIBS BRGYA DANG LDAN PA'I LHA'I GDUGS LNGA BRGYA BCOM LDAN 'DAS KYI DBU'I GTZUG GI STENG DU BZUNG NGO, ,SUM BCU RTZA GSUM PA'I LHA RNAMS KYIS BSAMS PA, LHA DANG MI 'DI RNAMS BCOM LDAN 'DAS MCHOD PA BYA BA LA SPRO BAR GYUR NA, BDAG CAG GIS CI'I PHYIR SPRO BAR MI BYA SNYAM NAS, DE DAG GIS KYANG RTZIBS BRGYA DANG LDAN PA'I GDUGS LNGA BRGYA BCOM LDAN 'DAS KYI DBU'I GTZUG GI STENG DU BZUNG NGO, ,BCOM LDAN 'DAS KYIS DGONGS @26B PA; JI LTAR 'DI DAG PHYIR ZHING DAD PA MNGON PAR 'PHEL BAR 'GYUR BA DE LTAR BYIN GYIS BRLAB BO SNYAM NAS DE NAS BCOM LDAN 'DAS KYIS JI LTAR RE RE'I YID LA BCOM LDAN 'DAS KYI DBU'I GTZUG GI STENG NA BDAG GDUGS 'DZIN TO SNYAM PA DE LTAR BYIN GYIS BRLABS TE, DE NAS BCOM LDAN 'DAS MNGON PAR RDZOGS PAR BYANG CHUB PA LA GDUGS NYIS STONG LNGA BRGYA LHA DANG MI RNAMS KYIS STENG DU BZUNG NGO, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA BCOM LDAN 'DAS KYIS PHRIN LAS CI ZHIG MDZAD NA, DES NA BCOM LDAN 'DAS MNGON PAR RDZOGS PAR BYANG CHUB PA LA GDUGS NYIS STONG LNGA BRGYA LHA DANG MI RNAMS KYIS DBU'I GTZUG GI STENG DU BZUNG BAR GYUR LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN NA LAS BYAS SHING BSAGS PA TSOGS RNYED PA ZHES BYA BA NAS, LUS CAN RNAMS LA 'BRAS BUNG 'GYUR ZHES BYA BA'I BAR GONG MA BZHIN DU'O, ,DGE SLONG DAG SNGON BYUNG BA 'KHOR LOS SGYUR BA'I RGYAL PO MTHA' BZHIR RNAM PAR RGYAL BCOS DANG LDAN PA, CHOS KYI RGYAL PO RIN PO CHE SNA BDUN DANG LDAN PA LEGS MTHONG CHEN PO ZHES BYA BA BYUNG STE, RGYAL PO DE LA BU STONG DU GCIG GIS MA TSANG BA ZHIG YOD DO, ,RGYAL PO DE'I KUN DU SPYOD PA NI BU BTZAS SHING BTZAS PA DAG PHYI BZHIN KHRID DE 'KHYAM PAR BYED DO, ,BTZUN MO RNAMS KYIS BSAMS PA, RGYAL PO 'DI'I KUN DU SPYOD PA NI SRAS BTZAS SHING BTZAS PA DAG PHYI BZHIN KHRID NAS 'KHYAM PAR MDZAD PAS BDAG CAG BU YOD BZHIN DU BU MED PA DANG 'DRAS, DA NI NANG KHRIMS ZHIG BCA' STE, GAL TE BDAG CAG LAS 'GA' ZHIG SEMS CAN DANG LDAN PAR GYUR NA, DES RGYAL PO LA GANGS PAR MI BYA'O ZHES BCAS SO, ,JI TZAM NA BTZUN MO GZHAN ZHIG SEMS CAN DANG LDAN PAR GYUR NAS, DE DE DAG GIS PHYOGS DBEN PA ZHIG TU BZHAG STE, DE ZLA BA BRGYAD DAM @27A *, ,DGU 'DAS PA DANG KHYE'U GZUGS BZANG BA, BLTA NA SDUG PA, MDZES PA, PAGS PA'I MDOG GSER 'DRA BA MGO GDUGS LTA BU, LAG PA RING BA, 'PHRAL BA'I DBYES CHE BA, SMIN MA 'JAR BA SNA'I GZANG MTHO BA, YAN LAG DANG NYID LAG THAMS CAD DANG LDAN PA ZHIG BTZAS SO, ,JI TZAM NA CHEN POR GYUR PA DANG BTZUN MO DE DAG THAMS CAD KHYE'U DE LA BU'I SDUG PA SKYES SO,, ,,'DUL BA GZHI, BAM PO NYI SHU BDUN PA, DE NAS DUS GZHAN ZHIG NA RGYAL PO LEGS MTHONG CHEN PO SHAR GYI LUS 'PHAGS KYI GLING NAS RIN PO CHE SNA BDUN GYIS SNA DRANGS SHING KHAMS KYI RGYAL PHRAN STONG GIS YONGS SU BSKOR TE BU STONG DU GCIG GIS MA TSANG BAS ZLA BA KHAM PA LTA BUR BSKOR NAS, GZI BRJID NYI MA'I 'OD ZER STONG BAS LHAG PAR SBA ZHING 'ONG BA GZHON NU KHANG BZANGS KYI STENG NA 'DUG PA DES MTHONG NAS, DES MA LA DRIS PA, YUM MCHI BA PHA BI SU LAGS, BU KHYOD KYI YAB RGYAL PO LEGS MTHONG CHEN PO YIN NO, ,YUM DE 'DAS NA BDAG RGYAL POR 'GYUR RAM, BU RGYAL PO DE'I SRAS STONG DU GCIG GIS MA TSANG BA ZHIG YOD PA DE DAG THAMS CAD KYI PHU BO GANG YIN PA DE DE 'DAS NA RGYAL POR 'GYUR NA KHYOD NI THAMS CAD KYI NU BO YIN NO, ,DES SMRAS PA, YUM GAL TE DE 'DAS NA BDAG RGYAL POR MI 'GYUR NA GNANG BAR MDZOD CIG DANG, BDAG DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR BGYI'O, ,BTZUN MO DE DAG THAMS CAD KYIS SMRAS PA, BU KHYOD LA BDAG CAG GIS BU'I SDUG PA NYAMS SU MYONG GIS DE LTAR MA BYED CIG ,YUM GDON MI 'TSAL BAR RAB TU 'BYUNG BAR BGYI'O, ,DE DAG GIS DE GDON MI ZA BAR GAL GYIS 'CHU BAR SHES NAS SMRAS PA, BU GAL TE DE LTA NA DAM ZHIG BCAS NAS GNANG BAR BYA STE, GANG YANG KHYOD KYIS YON TAN GYI TSOGS CUNG ZAD RTOGS NA DE KHYOD KYIS BDAG CAG LA SMROS SHIG ,DE BZHIN DU BGYI'O, ,DE DE DAG GIS GNANG NAS DES MTHA' GCIG TU SONG STE, @27B MKHAN PO DANG SLOB DPON MED PAR BYANG CHUB KYI PHYOGS SUM BCU RTZA BDUN GYI CHOS BSKYED NAS RANG BYANG CHUB MNGON SUM DU BYAS SO, ,RANG SANGS RGYAS DES BSAM PA, BDAG GIS MA DE RNAMS LA KHAS BLANGS PA SMRA DGOS PAS SONG LA SNGON GYI DAM BCAS PA MTHAR DBYUNG NGO SNYAM NAS, BDAG NYID CHEN PO DA DAG NI NGAG GIS CHOS MI STON GYI LUS KYIS YIN PAS DES DE RNAMS KYI MDUN DU 'BAR BA DANG, GSAL BA DANG, CHAR 'BEBS PA DANG, GLOG 'BYIN PA DAG GI CHO 'PHRUL DAG BYA BAR BRTZAMS SO, ,SO SO'I SKYE BO NI RDZU 'PHRUL LA MYUR DU SEMS GTOD PA YIN PAS DE DAG SHING RTZA BA NAS BCAD PA BZHIN RKANG PA GNYIS LA GTUGS NAS SMRAS PA, 'PHAGS PA KHYOD KYIS YON TAN GYI TSOGS 'DI LTA BU RTOGS SAM, RTOGS SO, ,'PHAGS PA KHYOD NI BSOD SNYOMS BZHED PA LAGS LA, BDAG CAG KYANG BSOD NAMS 'TSAL BA LAGS NA, KHYOD 'DI NYID DU SKYED MOS TSAL DU BZHUGS SHIG DANG, BDAG CAG GIS RGYUN DU BSOD SNYOMS DBUL BAR BGYI'O, ,RANG SANGS RGYAS DE KHAS BLANGS NAS DE DAG GIS RANG SANGS RGYAS LA BSOD SNYOMS KYIS BKUR STIR BYA BAR BRTZAMS SO, ,RANG SANGS RGYAS DES BSAMS PA, BDAG GI LUS RNAG CAN 'DIS BYA BA GANG YIN PA DE NI BYAS KYIS, MA LA BDAG PHUNG PO LHAG MA MED PA'I MYA NGAN LAS 'DAS PA'I DBYINGS SU 'JUG GO SNYAM NAS, DE NAS DE NGANG PA'I RGYAL PO 'DAB MA BRKYANG BA LTAR STENG GI NAM MKHA' LA MNGON PAR 'PHAGS NAS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG KYANG BSTAN NAS PHUNG PO LHAG MA MED PA'I MYA NGAN LAS 'DAS PA ZHI BA'I DBYINGS SU ZHUGS SO; ,DE NAS DE DAG GIS SHING DRI ZHIM PO THAMS CAD SPUNGS TE, SPUNGS NAS BSREGS TE ME'I PHUNG PO DE 'O MAS BSAD NAS RUS PA DE DAG GSER GYI BUM PA'I NANG DU BCUG STE, SKYED MOS TSAL DE NYID DU RUS PA'I MCHOD RTEN BRTZIGS TE MGUL GDUB DANG, GDU BU @28A *, ,RGYAN CAN DANG, GZHAN YANG RGYAN RNAM PA SNA TSOGS KYIS BRGYAN CING GDUGS DANG, RGYAL MTSAN DANG, BA DAN DAG BTZUGS SO, ,DE NAS DUS GZHAN ZHIG NA RGYAL PO LEGS MTHONG CHEN PO BTZUN MO'I 'KHOR GYIS BSKOR NAS SO GA'I DUS LA BAB PA NA ME TOG GI SHING RNAMS KHA 'BUS SHING NGANG PA DANG, KRUNG KRUNG DANG, RMA BYA DANG, NE TZO DANG, RI SKEGS DANG, BYA KO KI LA DANG, SHANG SHANG DE'U SKAD 'BYIN PA'I TSAL GSEB TU SKYED MOS TSAL GYIS GZHIR SONG NAS, DE SKYED MOS TSAL NA 'KHYAM PA LAS DGRA BCOM PA'I MCHOD RTEN DE MTHONG NGO, ,DE NAS SKYED MOS TSAL SRUNG BA'I MI LA SMRAS PA, KVA'I NANG RJE 'DI CI YIN, DES SMRAS PA, LHA BDAG GIS NI MA 'TSAL TE, 'ON KYANG 'DI'I DON NI BTZUN MOS 'TSAL TO, ,DE NAS DES BTZUN MO'I 'KHOR RNAMS LA SMRAS PA DANG, DE DAG GIS RKANG PA GNYIS LA GTUGS TE SMRAS PA, LHA MI 'JIGS PA STZAL DU GSOL, DES SMRAS PA, DE BZHIN DU SBYIN NO, ,DE DAG GIS SKABS DE RGYAS PAR SMRAS PA DANG, RGYAL POS SMRAS PA, KHYED CAG GIS BU RGYAL SRID LA MNGON PAR DGA' NA DE KHO BO LA MA GSOL BA BZANG PO MA YI NA BA ZHIG BYAS SO, ,GAL TE GSOL BAR GYUR PA DANG KHO BO DE KHO NA LA RGYAL SRID LA DBANG BSKUR BAS DBANG BSKUR BAR 'GYUR BA ZHIG ,'ON KYANG NGAS BDAG NYID CHEN PO DE MYA NGAN LAS 'DAS PAR GYUR KYANG GDUGS DANG, COD PAN DANG, THOR TSUGS GDAGS SO ZHES DE NAS DES BU LA BYAMS PAS RANG SANGS RGYAS KYI MCHOD RTEN DE LA GDUGS DANG, COD PAN DANG, THOR TSUGS RNAMS BTAGS SO, ,DGE SLONG DAG JI SNYAM DU SEMS, DE'I TSE DE'I DUS KYI RGYAL PO CHEN PO LEGS MTHONG GANG YIN PA DE NI NGA NYID YIN NO, ,GANG YANG NGAS DE NA BU LA BYAMS PAS RANG SANGS RGYAS KYI MCHOD RTEN DE LA GDUGS DANG, COD PAN DANG, THOR TSUGS BTAGS TE, LAS DE'I RNAM PAR SMIN PAS NGAS 'KHOR LOS SGYUR BA'I RGYAL @28B PO NYIS STONG LNGA BRGYA BYAS SO, ,LAS DE KHO NA'I LHAG MAS DA LTAR NGA MNGON PAR RDZOGS PAR BYANG CHUB PA NA LHA DANG MI RNAMS KYIS RTZIBS BRGYA DANG LDAN PA'I GDUGS NYIS STONG LNGA BRGYA DBU'I GTZUG GI STENG DU BZUNG BAR GYUR TO, ,GAL TE NGAS YON TAN GYI TSOGS 'DI LTA BU RTOGS PAR MA GYUR NA GZHAN DU YANG NGAS 'KHOR LOS SGYUR BA'I RGYAL PO NYIS STONG LNGA BRGYA BYED PAR 'GYUR RO, ,DE LTA BAS NA NGA'I BSOD NAMS KYI RNAM PAR SMIN PA CAN GANG YIN PA DE NGAS NYAN THOS RNAMS KYI LONGS SPYOD DU RNAM PAR SMIN PAR BSNGOS TE, GAL TE MU TIG BRE GANG GIS 'BRAS BRE GANG KHUGS KYANG 'ON KYANG NGA'I NYAN THOS RNAMS NI BSOD SNYOMS KYIS PHONGS PAR MI 'GYUR RO, ,DGE SLONG DAG DE LTA BAS NA LAS GCIG TU GNAG PA RNAMS KYI RNAM PAR SMIN PA NI GCIG TU GNAG PA YIN LA ZHES BYA BA NAS BTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O ZHES BYA BA'I BAR GONG MA BZHIN DU'O, ,BCOM LDAN 'DAS KYIS DE SKAD CES BKA' STZAL NAS, DGE SLONG DE DAG YI RANGS TE BCOM LDAN 'DAS KYIS GSUNGS PA LA MNGON PAR BSTOD DO,, ,,LUS 'PHAGS MA'I BU YUL MA GA DH'A'I RGYAL PO MA SKYES DGRAS GRU ZAM 'DZUGS SU BCUG PA DANG, YANGS PA CAN GYI LITZTSA B'I RNAMS KYIS KYANG DE BZHIN DU BCOM LDAN 'DAS KYI PHYIR GRU ZAM BTZUGS SO, ,KLU RNAMS KYIS BSAMS PA, BDAG CAG KLU RNAMS NI RNAM PAR LTUNG BA'I LUS CAN YIN PAS MA LA BDAG CAG GIS GDENGS KA'I ZAM PAS BCOM LDAN 'DAS CHU BO GANG G'A BSGRAL BAR BYA'O SNYAM NAS DE RNAMS KYIS GDENGS KA'I ZAM PA BTZUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYED CAG LAS GANG ZHIG LUS 'PHAGS MA'I BU YUL MA GA DH'A'I RGYAL PO MA SKYES DGRA'I GRU ZAM LAS CHU BO GANG G'A RGAL BAR SPRO BA DE NI DE LAS RGOL CIG ,GANG ZHIG YANGS PA CAN GYI LITZTSA B'I RNAMS KYIS GRU ZAM BTZUGS PA LAS SPRO BA GANG YIN PA DE YANG DE LAS RGOL CIG ,NGA YANG @29A *, ,DGE SLONG KUN DGA' BO DANG THABS CIG KLU RNAMS KYI GDENGS KA'I ZAM PA LAS CHU BO GANG G'A BRGAL BAR BYA'O, ,DE NA KHA CIG NI LUS 'PHAGS MA'I BU YUL MA GA DH'A'I RGYAL PO MA SKYES DGRA'I GRU ZAM LAS RGAL TO, ,KHA CIG NI YANGS PA CAN GYI LITZTSA B'I RNAMS KYI GRU ZAM LAS RGAL TO, ,BCOM LDAN 'DAS KYIS KYANG TSE DANG LDAN PA KUN DGA' BO DANG THABS CIG TU KLU RNAMS KYI GDENGS KA'I ZAM PA LAS RGAL TO, ,DE NAS DGE BSNYEN ZHIG GIS DE'I TSE TSIGS SU BCAD DE SMRAS PA, KHA CIG ZAM PA BTZUGS NAS CHU BRAN BOR TE RGYA MTSO RGAL; ,SKYE BO RNAMS NI GZINGS 'CHA' MKHAS PA'I SKYE BO RNAMS CHU RGAL, ,SANGS RGYAS BCOM LDAN BRAM ZE RGAL BAR GYUR NAS SKAM LA BZHUGS, ,DGE SLONG DAG 'DIR KHRUS BYED NYAN THOS RNAMS NI GZINGS 'CHA'O, ,GAL TE KUN NA CHU YOD NA, ,KHRON PA'I CHUS NI CI ZHIG BYA, ,SRED PA'I RTZA BA BCAD NAS NI, ,SU ZHIG SPYOD PA TSOL BAR BYED, ,BCOM LDAN 'DAS KYIS SA PHYOGS GZHAN ZHIG NA MTHO ZHING MTHO BA'I SA PHYOGS ZHIG GZIGS SO, ,GZIGS SNAS KYANG TSE DANG LDAN PA KUN DGA' BO LA BKA' STZAL PA, KUN DGA' BO KHYOD RGYAL PO SGRA CHEN 'DZIN GYI LHA'I MCHOD SDONG SRID DU 'DOM STONG YOD LA SBOMS SU 'DOM DRUG BCU YOD PA, THAMS CAD GSER LAS BYAS PA, RIN PO CHE NA TSOGS KYIS SPRAS PA ZHIG YOD DE, SBYIN PA DAG BYIN, BSOD NAMS DAG BYAS NAS CHU BO GANG G'A'I NANG DU BOR BA GANG YIN PA DE LTA BAR 'DOD DAM, BCOM LDAN 'DAS DE LTA BA'I DUS LA BAB LAGS SO, ,BDE BAR GSHEGS PA DE'I TSOD LA BAB LAGS TE, BCOM LDAN 'DAS KYIS GANG MCHOD SDONG DE BSGRENG NA DGE SLONG RNAMS LTA BAR 'GYUR LAGS SO, ,DE NAS BCOM LDAN 'DAS KYIS 'KHOR LO DANG BKRA SHIS DANG, G-YUNG DRUNG 'KHYIL PA DANG, DRA BAS 'BREL BA, BSOD NAMS BRGYA PHRAG DU MAS BSKYED PA, 'JIGS PA RNAMS DBUGS 'BYIN PAR MDZAD PA'I PHYAG GIS SA LA REG PAR MDZAD PA DANG, KLU RNAMS KYIS BSAMS PA, @29B BCOM LDAN 'DAS CI'I PHYIR SA LA REG PAR MDZAD SNYAM NA, MCHOD SDONG GZIGS PAR BZHED PAR MTHONG NGO, ,DE NAS DE DAG GIS BSGRENG BA DANG, DGE SLONG RNAMS KYIS MCHOD SDONG BLTA BAR BRTZAMS SO, ,TSE DANG LDAN PA LEGS LDAN NI 'DOD PA CHUNG BA YIN PAS MTHA' GCIG TU SONG NAS PHYAG DAR KHROD PA DAG 'TSEM MO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG MCHOD SDONG NUB PAR 'GYUR GYIS RTAGS ZUNG SHIG CES PA LAS DE NUB PAR GYUR TO, ,SANGS RGYAS BCOM LDAN 'DAS LA DGE SLONG RNAMS KYIS ZHUS PA, BTZUN PA DGE SLONG RNAMS MCHOD SDONG LA LTA BAR BGYID NA, TSE DANG LDAN PA LEGS LDAN NI 'DOD PA CHUNG BAS MTHA' GCIG TU MCHIS NAS PHYAG GDAR KHROD PA 'TSEM PA LA GZIGS, CI LAGS RE ZHIG 'DOD CHAGS DANG GBRAL BA'I SLAD DU'AM, 'ON TE SNGON BSTEN PA'I SLAD DU LAGS, GAL TE RE ZHIG 'DOD CHAGS DANG BRAL BA'I SLAD DU LAGS NA NI GZHAN YANG 'DOD CHAGS DANG BRAL BA ZHIG MCHIS LAGS SO, ,'ON TE SNGON BSTEN PA'I SLAD DU LAGS NA NI, 'DIS GANG DU BSTEN LAGS, BCOM LDAN 'DAS KYIS BKA' STZAL PA, DGE SLONG DAG 'DOD CHAGS DANG BRAL BA'I PHYIR YANG YIN LA SNGON YANG BSTEN PA'I PHYIR YANG YIN NO, ,'DIS SNGON GANG DU BSTEN LAGS, DGE SLONG DAG SNGON BYUNG BA RGYAL PO RAB SGROGS ZHES BYA BA ZHIG BYUNG STE, DE LHA'I DBANG PO BRGYA BYIN DANG GROGS POR GYUR TO, ,DE BU 'DOD KYANG BU MED NAS LAG PA LA 'GRAM PA GTAD DE SEMS KHONG DU CHUD CING 'DUG STE NOR RDZAS MANG PO ZHIG BSAGS NA BDAG LA BU MED PAS BDAG SHIN RGYAL PO'I GDUNG RGYUD CHAD PAR 'GYUR RO SNYAM MO, ,DE NAS BRGYA BYIN GYIS MTHONG NAS DRIS PA, GROGS PO KHYOD CI'I PHYIR LAG PA LA 'GRAM PA GTAD NAS SEMS KHONG DU CHUD CING 'DUG ,DES SMRAS PA, KOO SHI KA NOR RDZAS 'DI SNYED CIG BSAGS NA BDAG LA BU MED PAS BDAG SHI NAS RGYAL PO GDUNG RGYUD CHAD PAR 'GYUR BAS SO, ,BRGYA BYIN GYIS SMRAS PA, @30A *, ,GROGS PO KHYOD SEMS KHONG DU CHUD PAR MA BYED CIG ,GAL TE LHA'I BU 'GA' ZHIG 'CHI 'PHO'I CHOS BYUNG BAR GYUR NA, DE KHYOD KYI BUR BSKO BAR BYA'O, ,CHOS NYID KYIS LHA'I BU 'CHI 'PHO'I CHOS 'BYUNG BA LA NI SNGA LTAS LNGA 'BYUNG BAR 'GYUR TE, GOS MA RNYINGS PA RNAMS RNYINGS PAR 'GYUR BA DANG, ME TOG GI PHRENG BA MA RNYINGS PA RNAMS RNYING PAR 'GYUR BA DANG, LUS LAS DRI MI ZHIM PA 'BYUNG BA DANG, MCHAN KHUNG NAS RNGUL 'DZAG PA DANG, RANG GI STAN LA MI DGA' BAR 'GYUR BA'O, ,JI TZAM NA LHA'I BU ZHIG LA SNGA LTAS LNGA BYUNG BAR 'GYUR NAS DE LA LHA'I DBANG PO BRGYA BYIN GYIS SMRAS PA, GROGS PO RGYAL PO RAB SGROGS GYI BTZUN MO DAM PA'I MNGAL DU NYING MTSAMS SBYOR CIG ,DES SMRAS PA, KOO SHI KA DE NI BAG MED PA'I GNAS YIN TE, KOO SHI KA RGYAL PO RNAMS NI NYES PA MANG PO BYED PA YIN PAS CHOS MA YIN PAS RGYAL SRID BYAS NAS SEMS CAN DMYAL BAR GZHOL BAR GYUR NA MI RUNG NGO, ,BRGYA BYIN GYIS SMRAS PA, GROGS PO KHYOD LA NGAS DRAN PAR BYA'O, ,KOO SHI KA LHA RNAMS NI DGA' BA MANG POS BAG MED PA YIN NO, ,GROGS PO DE NI BDEN NA 'ON KYANG KHO BOS KHYOD LA DRAN PAR BYA'O, ,DES RGYAL PO RAB SGROGS KYI BTZUN MO DAM PA'I MNGAL DU NYING MTSAMS SBYAR TO, ,GANG GI NYI MA KHO NA LA NYING MTSAMS BLANGS PA DE'I NYI MA KHO NA LA SKYE BO'I TSOGS CHEN POS SGRA PHYUNG BAR GYUR TO, ,DE ZLA BA BRGYAD DAM DGU 'DAS NAS KHYE'U ZHIG BTZAS TE ZHES BYA BA NAS, SNA'I GZANGS MTHO BA ZHES BYA BA'I BAR GONG MA BZHIN NO, ,DE'I NYE DU DAG 'DUS SHING TSOGS SNAS MING 'DOGS PAR BYED DE, KHYE'U'I MING CIR GDAGS, GNYEN RNAMS KYIS SMRAS PA, GANG GI NYI MA KHO NA LA KHYE'U 'DI MA'I MNGAL DU ZHUGS PA DE'I NYI MA KHO NA LA SKYE BO'I TSOGS CHEN POS SGRA PHYUNG BAR GYUR PAS, DE BAS NA KHYE'U'I MING SGRA CHEN ZHES BYA BAR GDAGS SO ZHES DE'I MING SGRA CHEN ZHES BYA BAR BTAGS TE, KHYE'U SGRA CHEN MA MA BRGYAD LA RJES SU GTAD NAS ZHES BYA BA NAS BTAG PA BRGYAD DANG, DBYE @30B BA DANG, KLOG PA LA MKHAS SHING BSHES GNYEN CAN DU GYUR TO ZHES BYA BA'I BAR GONG MA BZHIN DU'O, ,DE RGYAL RIGS SPYI BO NAS DBANG BSKUR CING YUL KYI DBANG PHYUG DANG MTHU DANG, BRTZON 'GRUS THOB PA, SA'I DKYIL 'KHOR CHEN PO MNGON PAR ZIL GYIS MNAN NAS GNAS PA RNAMS KYI BZO'I GNAS DANG LAS KYI GNAS THA DAD PA GANG YIN PA 'DI LTA STE, GLANG PO CHE'I GNYAG ZHON PA DANG, RTA LA ZHON PA DANG, SHING RTA'I THABS DANG, RAL GRI'I THABS DANG, MDA' GZHU DANG, PHYIR BSNUR BA DANG, MDUN DU BSNUR BA DANG; LCAGS KYUS SGYUR THABS DANG, ZHAGS PAS GDAB PA DANG, MDA' BO CHE 'PHEN PA DANG, DBYUG PAS RDEG PA DANG, 'DZIN STANGS DANG, GOM STANGS DANG, GCOD PA DANG, DRAL BA DANG, DBUG PA DANG, RGYANG NAS PHOG PA DANG, SGRA GRAG PAR PHOG PA DANG, GNAD DU PHOG PA DANG, MI 'TSOR BAR PHOG PA DANG, TSABS CHE BA DAG STE, GNAS LNGA PO DE RNAMS LA SHIN TU BYANG BAR GYUR TO, ,CHOS NYID KYIS RE ZHIG PHA JI TZAM GSON GYI BAR DU BU'I MING MI GRAG PA YIN NO, ,DUS GZHAN ZHIG NA RGYAL PO RAB SGROGS SHIN SA SGRA CHEN RGYAL SRID LA BZHAG PA DANG, DES THA GE TZAM ZHIG CHOS BZHIN GYIS RGYAL SRID BYED DU BCUG NAS, DE NAS CHOS BZHIN MA YIN PAS RGYAL SRID BYED DU BCUG PAR GYUR TO, ,DE NAS BRGYA BYIN GYIS SMRAS PA, GROGS PO KHO BOS KHYOD RGYAL PO RAB SGROGS KYI BUR BSKOS TE CHOS BZHIN MA YIN PAS RGYAL SRID MA BYED CIG ,SEMS CAN DMYAL BAR GZHOL BAR GYUR TA RE ZHES MA BSGO'AM, DES THA GI TZAM ZHIG CHOS BZHIN GYIS RGYAL SRID BYED DU BCUG NAS SLAR YANG CHOS BZHIN MA YIN PAS RGYAL SRID BYED DU BCUG PAR GYUR TO, ,LAN GNYIS SU YANG BRGYA BYIN GYIS SMRAS PA, GROGS PO KHO BOS KHYOD RGYAL PO RAB SGROGS KYI BUR BSKOS TE CHOS GZHIN MA YIN PAS RGYAL SRID MA BYED CIG ,SEMS CAN DMYAL BAR GZHOL BAR GYUR TA RE ZHES MA BSGO'AM, DES SMRAS PA, KOO SHI @31A *, ,KA BDAG CAG RGYAL PO RNAMS NI DGA' BA MANG POS BAG MED PAS SKAD CIG TU BRJED PAR 'GYUR GYIS, BDAG LA KHYOD KYIS MTSAN MA ZHIG ZHOG SHIG DANG, BDAG GIS MTHONG NAS NGES PAR SBYIN PA DAG SBYIN, BSOD NAMS DAG BGYI'O, ,DE NAS LHA'I DBANG PO BRGYA BYIN GYIS LHA'I BU LAS THAMS CAD PA LA BSGO BA, LAS THAMS CAD PA SONG LA KHYOD KYIS RGYAL PO SGRA CHEN GYI GNAS SU LHA'I 'KHOR GYI KHYAMS DANG, LHA'I MCHOD SDONG SRID DU 'DOM STONG YOD LA, SBOMS SU 'DOM DRUG BCU YOD PA, THAMS CAD GSER LAS BYAS SHING RIN PO CHE SNA TSOGS KYIS SPRAS PA ZHIG SPRUL CIG ,DE NAS LHA'I BU LAS THAMS CAD PAS RGYAL PO SGRA CHEN GYI GNAS SU LHA'I 'KHOR GYI KHYAMS DANG, LHA'I MCHOD SDONG SRID DU 'DOM STONG YOD PA, SBOMS SU 'DOM DRUG BCU YOD PA, THAMS CAD GSER LAS BYAS PA, RIN PO CHE SNA TSOGS KYIS SPRAS PA ZHIG SPRUL TO, ,DE NAS RGYAL PO SGRA CHEN GYIS MCHOD SBYIN GYI KHANG PA RTZIG TU BCUG NAS RANG GI ZHANG PO MYA NGAN MED CES BYA BA MCHOD SDONG GI ZHAL TA BAR BZHAG GO, ,DE NAS MCHOD SDONG LA 'DZAM BU'I GLING NA GNAS PA'I MI THAMS CAD LTA BAR SPRO BAS LHAGS NAS ZAS ZOS SHING MCHOD SDONG LTA BAS RANG GI LAS SGRUB PAR MI BYED DO, ,DE NAS ZHING LAS KYI MTHA' RNAMS PAR CHAD BYAS PAS RGYAL PO'I DPYA THANG BZHIN MI 'DU BAR GYUR TO, ,BLON PO RNAMS KYIS DPYA NYUNG DU PHUL BA DANG RGYAL PO SGRA CHEN GYIS SMRAS PA, SHES LDAN DAG CI'I PHYIR DPYA NYUNG ZAD GCIG 'BUL, LHA 'DZAM BU'I GLING NA GNAS PA'I SKYE BO'I TSOGS MCHIS NAS 'TSAL MA 'TSAL CING MCHOD SDONG LA LTA ZHING MCHIS TE RANG GI LAS SGRUB PAR MI BYED PAS ZHING LAS KYI MTHA' RNAMS KYI BAR CHAD BGYIS PAS DPYA THANG BZHIN MI 'DU LAGS SO, ,RGYAL POS SMRAS PA, MCHOD SBYIN GYI KHANG PA DROL CIG ,DE RNAMS KYIS DE DRAL NA YANG DE BZHIN DU SKYE BO'I TSOGS DE RANG RANG GI RGYAGS BLANGS NAS ZA ZHING MCHOD SDONG LA RTOG CING 'DUG STE, RANG RANG GI @31B LAS SGRUB PAR MI BYED PAS ZHING LAS KYI MTHA' RNAMS KYI BAR CHAD BYAS PAS DE BZHIN RGYAL PO'I DPYA THANG BZHIN MI 'DU BAR GYUR TO, ,RGYAL POS DRIS BA, SHES LDAN DAG MCHOD SBYIN GYI KHANG PA DRAL NA CI'I PHYIR DA DUNG DPYA NYUNG BAR GYUR, BLON PO RNAMS KYIS SMRAS PA, LHA SKYE BO'I TSOGS RANG RANG GI RGYAGS BLANGS NAS 'TSAL ZHING MCHOD SDONG LA RTOG CING MCHIS TE RANG GI LAS SGRUB PAR MI BGYID PAS, ZHING LAS KYI MTHA' RNAMS KYI BAR CHAD BGYIS PAS DES NA DPYA NYUNG BAR GYUR TO, ,DE NAS RGYAL PO SGRA CHEN GYIS SBYIN PA DAG SBYIN, BSOD NAMS DAG BYAS NAS MCHOD SDONG CHU BO GANG G'A'I NANG DU POR RO, ,DGE SLONG DAG JI SNYAM DU SEMS, RGYAL PO RAB SGROGS KYI ZHANG PO MYA NGAN MED CES BYA BA GANG YIN PA DE NI DGE SLONG LEGS LDAN 'DI NYID YIN TE, 'DIS SNGON 'DI BSTEN TO, ,BTZUN PA MCHOD SDONG 'DI GANG DU ZHIG PAR 'GYUR LAGS, BCOM LDAN 'DAS KYIS BKA' STZAL PA, DGE SLONG DAG MA 'ONGS PA NA MI RNAMS KYIS TSE LO BRGYAD KHRI THUB PAR 'GYUR TE, MI TSE LO BRGYAD KHRI PA RNAMS KYI RGYAL PO DUNG ZHES BYA BA YANG DAG PAR SDOM PA, 'KHOR LOS SGYUR BA MTHA' BZHIR RNAM PAR RGYAL BA, CHOS DANG LDAN PA CHOS KYI RGYAL PO RIN PO CHE SNA BDUN DANG LDAN PA ZHIG 'BYUNG BAR 'GYUR RO, ,DE'I RIN PO CHE SNA BDUN NI 'DI LTA BU DAG 'BYUNG BAR 'GYUR TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG; RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA NI BLON PO RIN PO CHE NYID DO, ,DE LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PAR BYED PA STONG YANG TSANG BAR 'BYUNG BAR 'GYUR TE, DE RGYA MTSO LA THUG PA'I SA CHEN PO MA LUS PAR GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA, CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, , @32A *, ,RGYAL PO DUNG GI MDUN NA 'DON BRAM ZE TSANGS PA'I TSE ZHES BYA BA ZHIG 'BYUNG STE, DE'I CHUNG MA NI TSANGS LDAN MA ZHES BYA BA ZHIG 'BYUNG NGO, ,DE BYAMS PA TSAD MED PA'I YAN LAG GIS RGYAS PAR BYAS PAS BU BYAMS PA ZHES BYA BA ZHIG BTZA' BAR 'GYUR RO, , BRAM ZE TSANGS PA'I TSE BRAM ZE'I KHYE'U BRGYAD KHRI LA BRAM ZE RNAMS KYI GSANG TSIG KLOG TU 'JUG GO, ,DES BRAM ZE'I KHYE'U DE RNAMS BYAMS PA LA GTAD NAS BRAM ZE'I KHYE'U BYAMS PAS BRAM ZE'I KHYE'U BRGYAD KHRI PO RNAMS BRAM ZE RNAMS KYI GSANG TSIG KLOG TU 'JUG GO, ,DE NAS RGYAL PO CHEN PO BZHI PO RNAMS KYIS GTER CHEN PO BZHI PO, KA LING KA NAS DMAR SER TE, ,MI THI LA NAS SKYA BO YI, ,SA 'DZIN NAS NI AE LA'I 'DAB, ,B'A R'A nA S'I'I GRONG NAS DUNG, ,MCHOD SDONG 'DI YANG KHYER NAS RGYAL PO DUNG LA 'BUL BAR 'GYUR RO, ,RGYAL PO DUNG GIS KYANG BRAM ZE TSANGS PA'I TSE LA SBYIN PAR 'GYUR RO, ,BRAM ZE TSANGS PA'I TSES KYANG BRAM ZE'I KHYE'U BYAMS PA LA'O, ,BRAM ZE'I KHYE'U BYAMS PAS KYANG BRAM ZE'I KHYE'U DE RNAMS LA'O, ,DE NAS BRAM ZE'I KHYE'U DE RNAMS KYIS MCHOD SDONG DE DUM BU DUM BUR BCAD NAS 'GED PAR 'GYUR RO, ,DE NAS BRAM ZE'I KHYE'U BYAMS PAS MCHOD SDONG DE'I MI RTAG PA NYID MTHONG NAS, DE NYID KYIS SKYO BA SKYES NAS NAGS SU 'GRO BAR 'GYUR RO, ,GANG GI NYI MA KHO NA LA NAGS SU SONG BA DE KHO NA'I NYI MA LA BYAMS PA TSAD MED PA'I YAN LAG GIS RGYAS PAR BYAS NAS BLA NA MED PA'I YE SHES THOB PAR 'GYUR TE, DE'I MTSAN BLA NA MED PA YANG DAG PAR RDZOGS PA'I SANGS RGYAS BYAMS PA, BLA NA MED PA YANG DAG PAR RDZOGS PA'I SANGS RGYAS BYAMS PA ZHES BYA BAR 'GYUR RO, ,GANG GI NYI MA KHO NA LA YANG DAG PAR RDZOGS PA'I SANGS RGYAS BYAMS PAS BLA NA MED PA'I YE SHES THOB PAR 'GYUR BA DE KHO NA'I NYI MA LA RGYAL PO DUNG GI RIN PO CHE SNA BDUN NUB PAR 'GYUR RO, ,RGYAL PO DUNG YANG KHAMS KYI RGYAL PHRAN BRGYAD KHRI'I 'KHOR DANG BLA NA MED PA YANG DAG PAR RDZOGS PA'I SANGS RGYAS @32B BYAMS PA RAB TU 'BYUNG BA'I RJES SU RAB TU 'BYUNG BAR 'GYUR RO, ,DE'I CHUNG MA RIN PO CHE SA GA ZHES BYA BA YANG BUD MED BRGYAD KHRI'I 'KHOR DANG BLA NA MED PA YANG DAG PAR RDZOGS PA'I SANGS RGYAS BYAMS PA RAB TU 'BYUNG BA'I RJES SU RAB TU 'BYUNG BAR 'GYUR RO, ,BRAM ZE TSANGS PA'I TSE YANG BRAM ZE'I KHYE'U BRGYAD KHRI'I 'KHOR DANG BLA NA MED PA YANG DAG PAR RDZOGS PA'I SANGS RGYAS BYAMS PA RAB TU 'BYUNG PA'I RJES SU RAB TU 'BYUNG BAR 'GYUR RO, ,DE NAS YANG DAG PAR RDZOGS PA'I SANGS RGYAS BYAMS PA 'KHOR DGE SLONG 'BUM PHRAG DGU BCU RTZA DRUG DANG RI BYA GAG RKANG GANG NA BA DER GSHEGS PAR 'GYUR RO, ,DE NA DGE SLONG 'OD SRUNG GI RUS PA'I TSOGS MA ZHIG PA 'DUG PAS RI BYA GAG RKANG BLA NA MED PA YANG DAG PAR RDZOGS PA'I SANGS RGYAS BYAMS PA LA KHA DBYE BAR 'GYUR RO, ,DE NAS BLA NA MED PA YANG DAG PAR RDZOGS PA'I SANGS RGYAS BYAMS PAS DGE SLONG 'OD SRUNG GI RUS PA'I TSOGS MA ZHIG PA PHYAG G-YAS PAS BLANGS NAS PHYAG G-YON PAR BZHAG STE NYAN THOS RNAMS LA 'DI SKAD CES, DGE SLONG DAG SKYE DGU RNAMS KYI TSE LO BRGYA THUB PA NA STON PA SH'AKYA THUB PA ZHES BYA BA 'JIG RTEN DU BYUNG BA DE'I NYAN THOS RNAMS LAS CHOG SHES PA DANG 'DOD PA CHUNG BA DANG, SBYANGS PA'I YON TAN DANG LDAN PA RNAMS KYI MCHOG NI 'OD SRUNG YIN NO ZHES BSTAN PA GANG YIN PA DE NI 'DI YIN TE, SH'AKYA THUB PA YONGS SU MYA NGAN LAS 'DAS NAS DE'I BSTAN PA YANG 'DIS YANG DAG PAR BSDUS SO ZHES CHOS STON PAR 'GYUR RO, ,DE RNAMS KYIS MTHONG NAS SKYO BA SKYES TE, 'DI 'DRA BA'I LUS KYIS JI LTAR 'DI LTA BU'I YON TAN GYI TSOGS THOB PAR GYUR SNYAM NAS DE RNAMS SKYO BA DE NYID KYIS DGRA BCOM PA MNGON SUM DU BYED PAR 'GYUR TE, 'BUM PHRAG DGU BCU RTZA DRUG DGRA BCOM PA NYID DANG, SBYANGS PA'I YON TAN MNGON DU BYA BA LA BRTZON PAR 'GYUR RO, ,MCHOD SDONG DE NI DER ZHIG PAR 'GYUR RO, ,BTZUN PA RGYU GANG DANG RKYEN GANG GIS DKON MCHOG @33A *, ,GNYIS 'JIG RTEN DU 'BYUNG BAR 'GYUR LAGS, BCOM LDAN 'DAS KYIS BKA' STZAL PA, SMON LAM GYI DBANG GIS SO, ,BCOM LDAN 'DAS GANG DU SMON LAM BTAB LAGS, DGE SLONG DAG SNGON BYUNG BA YUL DBUS SU RGYAL PO GOS SBYIN ZHES BYA BA 'BYOR PA DANG, RGYAS PA DANG BDE BA DANG LO LEGS PA DANG SKYE BO DANG, MI MANG POS RAB TU GANG BA NA RGYAL SRID BYED DU 'JUG GO, ,DE'I SHING RNAMS ME TOG DANG 'BRAS BU RTAG PA DANG, LHAS DUS DUS SU CHAR GYI RGYUN LEGS PAR PHAB PAS LHAG PAR LO TOG RNAMS PHUN SUM TSOGS PAR GYUR TO, ,BYANG PHYOGS NA RGYAL PO NOR LDAN ZHES BYA BA 'BYOR PA DANG, RGYAS PA DANG BDE BA DANG LO LEGS PA DANG, SKYE BO DANG MI MANG POS RAB TU GANG BA NA RGYAL SRID BYED DU 'JUG GO, ,DE'I SHING RNAMS ME TOG DANG 'BRAS BU RTAG PA DANG, LHAS DUS SU CHAR GYI RGYUN LEGS PAR PHAB PAS LHAG PAR LO TOG RNAMS PHUN SUM TSOGS PAR GYUR TO, ,DE DUS GZHAN ZHIG NA RGYAL PO GOS SBYIN GYI MDUN NA 'DON LAS KHYE'U SPYI GTZUG RIN PO CHES BRGYAN PA ZHIG BTZAS TE, DE'I BTZAS STON RGYA CHER BYAS NAS DE'I MING RIN CHEN GTZUG TOR CAN ZHES BTAGS SO, ,DE DUS GZHAN ZHIG NA RGA BA DANG NA BA DANG 'CHI BA YANG DAG PAR MTHONG NAS SKYO BA SKYES TE NAGS SU SONG NGO, ,GANG GI NYI MA KHO NA LA NAGS SU SONG BA DE KHO NA'I NYI MA LA DES BLA NA MED PA'I YE SHES THOB NAS DE'I MING YANG DAG PAR RDZOGS PA'I SANGS RGYAS RIN CHEN GTZUG TOR CAN YANG DAG PAR RDZOGS PA'I SANGS RGYAS RIN CHEN GTZUG TOR CAN ZHES BYA BAR GYUR TO, ,DE NAS DUS GZHAN ZHIG NA RGYAL PO NOR LDAN STENG GI KHANG BZANGS KYI GZHIR SONG STE BLON PO'I TSOGS KYIS BSKOR NAS 'DUG GO, ,DES BLON PO RNAMS LA SMRAS PA, SHES LDAN DAG NGA'I CI 'DRA BA DE LTAR RGYAL PO GZHAN 'GA'I YUL NA 'BYOR PA DANG, RGYAS PA DANG BDE BA DANG LO LEGS PA DANG, SKYE BO DANG MI MANG POS RAB TU GANG BA DANG, SHING RNAMS ME TOG DANG 'BRAS BU @33B RTAG PA DANG, LHAS DUS DUS SU CHAR GYI RGYUN LEGS PAR BAB PAS LO TOG RNAMS PHUN SUM TSOGS PAS 'GYUR BA LTA YOD DAM, YUL DBUS NAS TSONG PA ZONG THOGS TE BYANG PHYOGS SU 'ONGS PA DE RNAMS KYIS SMRAS PA, LHA YUL DBUS NA RGYAL PO GOS SBYIN ZHES BYA BA ZHIG MCHIS SO, ,RGYAL PO NOR LDAN GYIS THOS MA THAG TU MI BZOD PA CHEN PO SKYES TE, DE MI BZOD PA SKYES NAS BLON PO RNAMS LA SMRAS PA, SHES LDAN DAG DPUNG GI TSOGS YAN LAG BZHI PA GO SKON CIG DANG YUL 'KHOR GZHOM PAR BYA'O, ,DE NAS RGYAL PO NOR LDAN DPUNG GI TSOGS YAN LAG BZHI PA GLANG PO CHE'I TSOGS DANG RTA PA'I TSOGS DANG SHING RTA PA'I TSOGS DANG, DPUNG BU CHUNG GI TSOGS GO BSKON TE, YUL DBUS SU DONG NAS CHU BO GANG G'A'I LHO PHYOGS KYI 'GRAM NA 'KHOD DO, ,RGYAL PO GOS SBYIN GYIS RGYAL PO NOR LDAN DPUNG GI TSOGS YAN LAG BZHI PA GLANG PO CHE'I TSOGS DANG RTA PA'I TSOGS DANG, SHING RTA PA'I TSOGS DANG DPUNG BU CHUNG GI TSOGS GO BSKON NAS YUL DBUS SU 'ONGS TE CHU BO GANG G'A'I LHO PHYOGS KYI 'GRAM NA 'KHOD DO ZHES THOS SO, ,THOS NAS KYANG DES KYANG DPUNG GI TSOGS YAN LAG BZHI PA GLANG PO CHE'I TSOGS DANG, RTA PA'I TSOGS DANG SHING RTA PA'I TSOGS DANG DPUNG BU CHUNG GI TSOGS GO BSKON NAS CHU PO GANG G'A'I BYANG PHYOGS LOGS KYI 'GRAM NA 'DUG GO, ,DE NAS YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS DE GNYIS KYI GDUL PA'I DUS MKHYEN NAS CHU BO GANG G'A'I 'GRAM DU NUB MO NYE BAR RTEN CING BZHUGS SO, ,DE NAS YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS 'JIG RTEN PA'I THUGS BSKYED DO, ,CHOS NYID KYIS GANG GI TSE SANGS RGYAS BCOM LDAN 'DAS RNAMS KYIS 'JIG RTEN PA'I THUGS BSKYED PA DE'I TSE BRGYA BYIN DANG, TSANGS PA LA SOGS PA'I LHA RNAMS KYI SEMS KYIS BCOM LDAN 'DAS KYI DGONGS PA SHES PAR 'GYUR RO, ,DE NAS BRGYA BYIN DANG TSANGS PA LA SOGS PA LHA RNAMS @34A *, ,YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DER SONG STE PHYIN NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS TE PHYOGS GCIG TU 'DUG NAS, DE RNAMS KYI KHA DOG GI MTHUS SNANG BA RGYA CHEN PO BYUNG BAR GYUR PA RGYAL PO NOR LDAN GYIS MTHONG NGO, ,MTHONG NAS KYANG BLON PO RNAMS LA DRIS PA, SHES LDAN DAG RGYAL PO GOS SBYIN GYI YUL NA SNANG BA RGYA CHEN PO BYUNG BA 'DI CI YIN, DE RNAMS KYIS SMRAS PA, LHA RGYAL PO GOS SBYIN GYI YUL DU YANG DAG PAR RDZOGS PA'I SANGS RGYAS RIN CHEN GTZUG TOR CAN BYUNG STE, DE LA BLTA BA'I PHYIR BRGYA BYIN DANG TSANGS PA LA SOGS PA MCHIS PA DES NA SNANG BA CHEN PO 'DI BYUNG STE, DE NI RDZU 'PHRUL CHE ZHING MTHU CHE BA LAGS PAS 'DI NI DE'I MTHU LAGS SO, ,RGYAL PO NOR LDAN GYIS SMRAS PA, SHES LDAN DAG GANG GI YUL DU GANG LA BRGYA BYIN DANG TSANGS PA LA SOGS PA YANG BLTA BA'I PHYIR 'ONG BA'I RKANG GNYIS BSOD NAMS KYI ZHING DE LTA BU BYUNG BA DE LA BDAG GIS GNOD PA CI 'DRA BA ZHIG BYA ZHES, DES DE LA PHO NYA BTANG STE, GROGS PO KHYOD DE LA BDAG CUNG ZAD KYANG MI BYED KYIS TSUR SBYON, KHYOD NI BSOD NAMS KYI MTHU CHEN PO CAN ZHIG PAS KHYOD KYI YUL NA GANG LA BRGYA BYIN DANG, TSANGS PA LA SOGS PA YANG BLTA BA'I PHYIR 'ONG BA RKANG GNYIS BSOD NAMS KYI ZHING YANG DAG PAR RDZOGS PA'I SANGS RGYAS RIN CHEN GTZUG TOR CAN BZHUGS SO, ,'ON KYANG KHYOD KYI MGUL NAS 'KHYUD NAS 'GRO BAR BYA STE, DE LTA NA BDAG CAG PHAN TSUN YID BDE BAR 'GYUR RO ZHES SPRING NGO, ,RGYAL PO GOS SBYIN YID MA CHES NAS DE YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DER SONG STE PHYIN NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS RGYAL PO GOS SBYIN GYIS YANG DAG PAR RDZOGS PA'I SANGS RGYAS RIN @34B CHEN GTZUG TOR CAN LA 'DI SKAD CES GSOL TO, ,BTZUN PA BDAG LA RGYAL PO NOR LDAN GYIS SPRING PA, GROGS PO SDUG PA KHYOD LA BDAG CAG CI YANG MI BYED KYIS TSUR SHOG ,KHYOD KYI MGUL PA NAS 'KHYUD NAS 'GRO BAR BYA STE, DE LTA NA BDAG CAG PHAN TSUN YID BDE BAR 'GYUR RO ZHES MCHI NA DE LA BDAG GIS JI LTAR BSGRUB PAR BGYI, YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS BKA' STZAL PA, RGYAL PO CHEN PO SONG SHIG DANG KHYOD LA LEGS PAR 'GYUR RO, ,BCOM LDAN 'DAS CI BDAG GIS DE'I RKANG PA GNYIS LA GTUG PAR BGYI 'AM, RGYAL PO CHEN PO RGYAL PO DPUNG CHEN PO RNAMS LA NI GTUG PAR BYA DGOS SO, ,DE NAS RGYAL PO GOS SBYIN STAN LAS LANGS TE, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS NAS CHAS TE RGYAL PO NOR LDAN GANG NA BA DER SONG STE PHYIN NAS RGYAL PO NOR LDAN GYI RKANG PA GNYIS LA GTUGS SO, ,DE NAS RGYAL PO NOR LDAN GYIS MGUL NAS 'KHYUD DE YID GCUGS PAR BYAS TE BTANG NGO, ,DE NAS RGYAL PO GOS SBYIN YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DER SONG STE PHYIN NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS; RGYAL PO GOS SBYIN GYIS YANG DAG PAR RDZOGS PA'I SANGS RGYAS RIN CHEN GTZUG TOR CAN LA 'DI SKAD CES GSOL TO, ,BTZUN PA RGYAL PO THAMS CAD KYIS RKANG PA GNYIS LA GTUGS PA'I RGYAL PO GANG LAGS, RGYAL PO CHEN PO 'KHOR LOS SGYUR BA YIN NO, ,DE NAS RGYAL PO GOS SBYIN STAN LAS LANGS TE BLA GOS PHRAG PA GCIG TU GZAR NAS YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DE LOGS SU THAL MO SBYAR BA BTUD DE, YANG DAG PAR RDZOGS PA'I SANGS RGYAS RIN CHEN GTZUG TOR @35A *, ,CAN LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS RGYAL PO GOS SBYIN LA CANG MI GSUNG BAS GNANG NGO, ,DE NAS RGYAL PO GOS SBYIN YANG DAG PAR RDZOGS PA'I SANGS RGYAS RIN CHEN GTZUG TOR CAN CANG MI GSUNG BAS GNANG BAR RIG NAS YANG DAG BAR RDZOGS PA'I SANGS RGYAS RIN CHEN GTZUG TOR CAN GYI SPYAN SNGA NAS DONG NGO; ,DE NAS RGYAL PO GOS SBYIN GYIS DE NYID KYI NUB MO NAS GTZANG ZHING BSOD PA'I BZA' BA DANG BCA' BA DAG STA GON BYAS TE, NANG BAR SNGAR LANGS NAS GDAN BSHAMS TE NOR BU'I CHU SNOD BZHAG NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN LA SPYAN 'DREN GYIS DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA, BCOM LDAN 'DAS DA DE'I DUS LA BAB PAR DGONGS SU GSOL, DE NAS YANG DAG PAR RDZOGS PA'I SANGS RGYAS RIN CHEN GTZUG TOR CAN SNGA DRO SHAM THABS MAN BAS LHUNG BZED DANG CHOS GOS BSNAMS TE, DGE SLONG GI TSOGS KYIS YONGS SU BSKOR CING DGE SLONG GI DGE 'DUN GYIS MDUN GYIS BLTAS NAS, RGYAL PO GOS SBYIN GYI BKAD SA GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO GOS SBYIN GYIS YANG DAG PAR RDZOGS PA'I SANGS RGYAS RIN CHEN GTZUG TOR CAN LA SOGS PA DGE SLONG GI DGE 'DUN BDE BAR BZHUGS PAR RIG NAS GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM PA DU MAR GTZANG ZHING BSOD PA'I BZA' BA DANG BCA' BA DAG RANG GI LAG NAS BSTABS SHING TSIM PAR BYAS SO, ,YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS GSOL NAS PHYAG GNYIS BCABS TE LHUNG BZED GYU BAR RIG @35B NAS ZHABS GNYIS LA GTUGS TE SMON LAM GDAB PAR BRTZAMS PA, BTZUN PA SBYIN PA'I DGE BA'I RTZA BA 'DIS BDAG 'KHOR LOS SGYUR BA'I RGYAL POR GYUR CIG CES SMRAS NAS DE MA THAG TU DUNG YANG BUS SO, ,DE NAS YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS RGYAL PO GOS SBYIN LA 'DI SKAD CES BKA' STZAL TO, ,RGYAL PO CHEN PO KHYOD SKYE DGU'I TSE LO BRGYAD KHRI THUB PA NA 'KHOR LOS SGYUR BA'I RGYAL PO DUNG ZHES BYA BAR 'GYUR RO, ,DE NAS SKAD CHEN PO'I SGRA DAG BYUNG NGO, ,RGYAL PO NOR LDAN GYIS CA CO'I SGRA DAG THOS NAS BLON PO RNAMS LA SMRAS PA, SHES LDAN DAG RGYAL PO GOS SBYIN GYI YUL NA CA CO'I SGRA GRAG PA DE CI ZHIG YIN, DE RNAMS KYIS LEGS PAR BRTAGS NAS SMRAS PA, LHA YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS RGYAL PO GOS SBYIN 'KHOR LOS SGYUR BA'I RGYAL POR LUNG BSTAN PAS SKYE BO'I TSOGS DGA' BA DANG, MGU BA DANG RAB TU DGA' BAS DES NA CA CO'I SGRA GRAG PA LAGS SO, ,DE NAS RGYAL PO NOR LDAN YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DER SONG STE PHYIN NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS RGYAL PO NOR LDAN GYIS YANG DAG PAR RDZOGS PA'I SANGS RGYAS RIN CHEN GTZUG TOR CAN LA 'DI SKAD CES GSOL TO, ,BTZUN PA 'KHOR LOS SGYUR BA THAMS CAD KYIS RKANG PA GNYIS LA GTUG PAR BGYI BA GANG LAGS, RGYAL PO CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YIN NO, ,DE NAS RGYAL PO NOR LDAN STAN LAS LANGS TE BLA GOS PHRAG PA GCIG TU GZAR NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GANG NA BA DE LOGS SU THAL MO SBYAR BA BTUD NAS 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG SANG BDAG GI SDUM PAR GDUGS @36A *, ,TSOD SBYOR ZHING MCHIS NA GNANG BAR MDZAD DU GSOL, YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS RGYAL PO NOR LDAN LA CANG MI GSUNG BAS GNANG NGO, ,DE NAS RGYAL PO NOR LDAN YANG DAG PAR RDZOGS PA'I SANGS RGYAS RIN CHEN GTZUG TOR CAN CANG MI GSUNG BAS GNANG BAR RIG NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI ZHABS GNYIS LA MGO BOS PHYAG BYAS TE, YANG DAG PAR RDZOGS PA'I SANGS RGYAS RIN CHEN GTZUG TOR CAN GYI SPYAN SNGA NAS SONG NGO; ,DE NAS RGYAL PO NOR LDAN GYIS DE NYID KYI NUB MO NAS GTZANG ZHING BSOD PA'I BZA' BA DANG BCA' BA DAG STA GON BYAS NAS NANG PAR SNGAR LANGS TE GDAN BSHAMS SHING NOR BU'I CHU SNOD BZHAG NAS, YANG DAG PAR RDZOGS PA'I SANGS RGYAS RIN CHEN GTZUG TOR CAN LA SPYAN 'DREN GYIS DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA BCOM LDAN 'DAS DA DE'I DUS LA BAB PAR DGONGS SU GSOL, ,DE NAS YANG DAG PAR RDZOGS PA'I SANGS RGYAS RIN CHEN GTZUG TOR CAN SNGA DRO SHAM THABS MNABS LHUNG BZED DANG CHOS GOS BSNAMS TE, DGE SLONG GI TSOGS KYIS YONGS SU BSKOR CING DGE SLONG GI DGE 'DUN GYIS MDUN GYIS BLTAS TE RGYAL PO NOR LDAN GYI BKAD SA GANG NA BA DER GSHEGS TE BYON NAS, DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO NOR LDAN GYIS YANG DAG PAR RDZOGS PA'I SANGS RGYAS RIN CHEN GTZUG TOR CAN LA SOGS PA DGE SLONG GI DGE 'DUN BDE BAR BZHUGS PAR RIG NAS GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM PA DU MAR GTZANG ZHING BSOD PA'I BZA' BA DANG BCA' BDAG RANG GI LAG NAS BSTABS SHING TSIM PAR BYAS SO, ,YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS GSOL NAS PHYAG BCABS TE LHUNG BZED GYU BAR RIG NAS @36B ZHABS GNYIS LA GTUGS TE 'JIG RTEN 'DI DAG THAMS CAD LA BYAMS PA TSAD MED PA'I YAN LAG GIS RGYAS PAR BYAS NAS SMON LAM GDAB PAR BRTZAMS PA, DGE BA'I RTZA BA 'DIS BDAG 'JIG RTEN GYI STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU GYUR CIG CES BTAB BO, ,YANG DAG PAR RDZOGS PA'I SANGS RGYAS RIN CHEN GTZUG TOR CAN GYIS BKA' STZAL PA, RGYAL PO CHEN PO KHYOD SKYE DGU'I TSE LO BRGYAD KHRI THUB PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BYAMS PA ZHES BYA BAR 'GYUR RO, ,DGE SLONG DAG DE LTAR NA SMON LAM GYI DBANG GIS DKON MCHOG GNYIS CIG CAR 'JIG RTEN DU 'BYUNG BAR 'GYUR RO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO GRONG SPYIL BU CAN ZHES BYA BA GANG NA BA DER 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, DE NAS BCOM LDAN 'DAS YUL SPONG BYED CES BYA BA NAS LJONGS RGYU ZHING GSHEGS PA DANG, GRONG SPYIL BU CAN DU BYON TO, ,GRONG SPYIL BU CAN GYI GRONG KHYER GYI BYANG PHYOGS KYI SHING SHA PA'I TSAL NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG 'DI NI TSUL KHRIMS YIN NO, ,'DI NI TING NGE 'DZIN YIN NO 'DI NI SHES RAB YIN NO, ,DGE SLONG DAG TSUL KHRIMS GOMS PAR BYAS NA TING NGE 'DZIN YUN RING DU GNAS PAR 'GYUR RO, ,TING NGE 'DZIN GOMS PAR BYAS NA SHES RAB YUN RING DU GNAS PAR 'GYUR RO, ,SHES RAB GOMS PAR BYAS NA 'DI LTA STE, 'DOD CHAGS DANG ZHE SDANG DANG GTI MUG DAG LAS SEMS YANG DAG PA KHO NAR RNAM PAR GROL BAR 'GYUR RO, ,DE LTAR SEMS YANG DAG PA KHO NAR RNAM PAR GROL BA'I 'PHAGS PA'I NYAN THOS KYIS NI BDAG GI ZAG PA NI ZAD DO, ,TSANGS PAR SPYOD PA NI BSTEN TO, ,BYA BA NI BYAS SO, ,'DI LAS SRID PA GZHAN MI SHES SO ZHES YANG DAG PA KHO NAR SHES PAR @37A *, ,'GYUR RO, ,BCOM LDAN 'DAS KYIS DE SKAD CES BKA' STZAL NAS, DGE SLONG DE DAG YI RANGS TE BCOM LDAN 'DAS KYIS GSUNGS PA LA MNGON PAR BSTOD DO,, ,,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SGRA CAN GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS DANG SPONG BYED NAS LJONGS RGYU ZHING GSHEGS PA DANG, SGRA CAN DU BYON NAS SGRA CAN GYI DRANG SRONG SGRA SGROGS KYI GNAS NA BZHUGS SO, ,DE'I TSE SGRA CAN GYI SKYE BO'I TSOGS LA MI NGAS BYUNG NAS DE'I TSE DGE BSNYEN BRTAN PA YANG SHI NYE BA DANG LHAG PAR BRTZON DANG, BRTZON PA'I KHYU MCHOG DANG MDZES PA DANG, NYE MDZES DANG YID 'ONG DANG NYE BAR YID 'ONG DANG BZANG PO DANG SHIN TU BZANG DANG GRAGS PA DANG GRAGS BYIN DANG DGE BSNYEN GRAGS MCHOG KYANG SHI'O, ,DE NAS DGE SLONG RAB TU MANG PO SNGA DRO SHAM THABS BGOS LHUNG BZED DANG CHOS GOS THOGS TE SGRA CAN DU BSOD SNYOMS KYI PHYIR ZHUGS SO, ,DGE SLONG RAB TU MANG PO SGRA CAN DU BSOD SNYOMS KYI PHYIR RGYU BAS SGRA CAN GYI SKYE BO'I TSOGS LA MI NGAS BYUNG STE, DE'I TSE DGE BSNYEN BRTAN PA YANG SHI NYE BA DANG LHAG PAR BRTZON DANG, BRTZON PA'I KHYU MCHOG DANG MDZES PA DANG NYE MDZES DANG, YID 'ONG DANG NYE BAR YID 'ONG DANG BZANG PO DANG SHIN TU BZANG DANG GRAGS PA DANG GRAGS BYIN DANG DGE BSNYEN GRAGS MCHOG KYANG SHI'O ZHES THOS SO, ,THOS NAS KYANG SGRA CAN DU BSOD SNYOMS LA RGYUS TE ZAS KYI BYA BA BYAS NAS ZAS PHYI MA'I BSOD SNYOMS SPANGS SHING, LHUNG BZED DANG CHOS GOS MKHOS SU PHAB NAS RKANG PA GNYIS BKRUS TE BCOM LDAN 'DAS GANG NA BA DER DONG NAS LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO , ,PHYOGS GCIG TU 'DUG NAS DGE SLONG RAB TU MANG POS BCOM LDAN 'DAS LA 'DI SKAD CES GSOL TO, ,BTZUN PA BCOM LDAN @37B 'DAS BDAG CAG DGE SLONG RAB TU MANG PO 'DIR SNGA DRO SHAM THABS 'TSAL LHUNG BZED DANG CHOS GOS THOGS NAS SGRA CAN DU BSOD SNYOMS KYI PHYIR ZHUGS TE, BTZUN PA BDAG CAG DGE SLONG RAB TU MANG PO SGRA CAN DU BSOD SNYOMS KYI PHYIR RGYU BA NA SGRA CAN 'DIR SKYE BO'I TSOGS LA MI NGAS BYUNG NAS, DE'I TSE DGE BSNYEN BRTAN PA YANG GUM, NYE BA DANG LHAG PAR BRTZON DANG BRTZON PA'I KHYU MCHOG DANG, MDZES PA DANG NYE MDZES DANG YID 'ONG DANG NYE BAR YID 'ONG DANG BZANG PO DANG SHIN TU BZANG DANG, GRAGS PA DANG GRAGS BYIN DANG DGE BSNYEN GRAGS MCHOG KYANG GUM MO ZHES THOS LAGS NA, BTZUN PA DE RNAMS KYI 'GRO BA NI GANG SKYE BA NI GANG, SNGON DU 'GRO BA NI GANG LAGS, DGE SLONG DAG DGE BSNYEN BRTAN PA NI THA MA'I CHA DANG MTHUN PA'I KUN DU SBYOR BA LNGA RNAMS SPANGS PAS RDZUS TE SKYES TE DER YONGS SU MYA NGAN LAS 'DA' ZHING 'JIG RTEN 'DIR YANG PHYIR MI LDOG PA'I CHOS CAN GYI PHYIR MI 'ONG BAR 'GYUR RO, ,NYE BA DANG LHAG PAR BRTZON DANG BRTZON PA'I KHYU MCHOG DANG MDZES PA DANG NYE MDZES DANG YID 'ONG DANG NYE BAR YID 'ONG DANG BZANG PO DANG SHIN TU BZANG DANG GRAGS PA DANG GRAGS BYIN DANG, DGE BSNYEN GRAGS MCHOG KYANG THA MA'I CHA DANG MTHUN PA'I KUN DU SBYOR BA LNGA SPANGS PAS RDZUS TE SKYES TE DER YONGS SU MYA NGAN LAS 'DA' ZHING 'JIG RTEN 'DIR YANG PHYIR MI 'ONG BA'I CHOS CAN GYI PHYIR MI 'ONG BAR 'GYUR RO, ,DGE SLONG DAG SGRA CAN 'DI NYID DU DGE BSNYEN NYIS BRGYA LNGA BCU LHAG CIG SHI BA DE DAG KYANG THA MA'I CHA DANG MTHUN PA'I KUN DU SBYOR BA LNGA RNAMS SPANGS PAS RDZUS TE SKYES TE DER YONGS SU MYA NGAN LAS 'DA' ZHING 'JIG RTEN 'DIR YANG PHYIR MI 'ONG BA'I CHOS CAN GYI PHYIR MI 'ONG BAR 'GYUR RO, ,DGE SLONG DAG SGRA CAN 'DI NYID DU DGE BSNYEN SUM BRGYA SHI BA DE DAG NI KUN DU SBYOR BA GSUM YANG SPANGS LA 'DOD CHAGS DANG ZHE SDANG DANG, GTI MUG DAG KYANG BSRABS PA'I PHYIR LAN GCIG PHYIR 'ONG BA YIN TE, 'JIG RTEN 'DIR LAN GCIG PHYIR 'ONGS NAS SDUG BSNGAL MTHAR BYED PAR 'GYUR RO, ,DGE SLONG DAG @38A *, ,GRONG KHYER SGRA CAN 'DI NYID DU DGE BSNYEN LNGA BRGYA LHAG CIG SHI BA DE DAG NI KUN DU SBYOR BA GSUM SPANGS PAS RGYUN DU ZHUGS PA RNAM PAR MI LTUNG BA'I CHOS CAN RDZOGS PA'I BYANG CHUB LA NGES PAR GZHOL BA, RE LTAR THOGS NA SRID PA BDUN PA YIN TE, LHA DANG MI RNAMS KYI NANG DU LAN BDUN DU NYID MTSAMS SBYAR ZHING 'KHOR NAS SDUG BSNGAL GYI MTHAR BYED PAR 'GYUR RO, ,DGE SLONG DAG KHYED DUS LAS 'DAS SHING SHI BAR GYUR PA RNAMS DE BZHIN GSHEGS PA LA ZHU BA ZHU BAR BYED PA NI DE BZHIN GSHEGS PA LA THO 'TSAM PA YIN TE, DES NA DE BZHIN GSHEGS PA BDE BAR MI 'GYUR RO, ,'ON KYANG SKYE BA YOD NA 'CHI BA'I DUS BYED PA YIN NA NGO MTSAR CI ZHIG YOD, ,DE BZHIN GSHEGS PA RNAMS BYUNG YANG RUNG MA BYUNG YANG RUNG CHOS RNAMS KYI CHOS NYID DANG CHOS GNAS PA NYID DANG, CHOS KYI DBYINGS 'DI NI GNAS PA STE, DE BZHIN GSHEGS PA NYID KYI MNGON PAR MKHYEN PAS MNGON PAR BYANG CHUB NAS GSUNGS TE, 'DOGS PAR MDZAD RAB TU 'JOG PAR MDZAD RNAM PAR 'BYED PAR MDZAD, RNAM PAR 'GREL PAR MDZAD GSAL BAR MDZAD 'CHAD PAR MDZAD, YANG DAG PAR RAB TU 'CHAD PAR MDZAD PA YIN TE, 'DI LTA STE, 'DI YOD PAS 'DI 'BYUNG 'DI SKYES PAS 'DI SKYE BAR 'GYUR TE, 'DI LTA STE, MA RIG PA'I RKYEN GYIS 'DU BYED RNAMS 'DU BYED KYI RKYEN GYIS RNAM PAR SHES PA RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA REG PA'I RKYEN GYIS TSOR BA, TSOR BA'I RKYEN GYIS SRED PA SRED PA'I RKYEN GYIS LEN PA LEN PA'I RKYEN GYIS SRID PA, SRID PA'I RKYEN GYIS SKYE BA SKYE BA'I RKYEN GYIS RGA SHI DANG MYA NGAN DANG, SMRE SNGAGS 'DON PA DANG SDUG BSNGAL BA DANG; YID MI BDE BA DANG 'KHRUGS PA RNAMS RAB TU 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'BYUNG BAR 'GYUR RO, ,'DI LTA STE, 'DI MED NA 'DI MI 'BYUNG LA 'DI 'GAGS NA 'DI 'GAG PAR 'GYUR TE, 'DI LTA STE, MA RIG PA 'GAGS @38B PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS RIG PA 'GAG ,RIG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG MYA NGAN DANG SMRE SNGAGS 'DON PA DANG SDUG BSNGAL BA DANG YID MI BDE BA DANG, 'KHRUG PA RNAMS 'GAG PAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PO 'DI 'GAG PAR 'GYUR RO, ,DGE SLONG DAG 'ON KYANG KHYED LA CHOS KYI ME LONG GI CHOS KYI RNAM GRANGS BSHAD KYIS DE LEGS PAR RAB TU NYON LA YID LA ZUNG SHIG DANG BSHAD DO, ,CHOS KYI ME LONG GI CHOS KYI RNAM GRANGS GANG ZHE NA, SANGS RGYAS DANG CHOS DANG DGE 'DUN LA SHES NAS DAD PA NI CHOS KYI ME LONG GI CHOS KYI RNAM GRANGS YIN NO, ,'PHAGS PA DGYES PA'I TSUL KHRIMS NI CHOS KYI ME LONG GI CHOS KYI RNAM GRANGS YIN TE, NGAS KHYED LA CHOS KYI ME LONG GI CHOS KYI RNAM GRANGS BSHAD DO ZHES GANG GSUNGS PA BSHAD PA NI DE YIN NO, ,AA MRA SKYONG MAS BCOM LDAN 'DAS SPONG BYED NAS LJONGS RGYU ZHING GSHEGS PA NA SGRA CAN DU BYON NAS, SGRA CAN GYI DRANG SRONG SGRA SGROGS KYI GNAS NA BZHUGS SO, ,ZHES THOS SO, ,THOS NAS KYANG AA MRA SKYONG MA DE LA NE TZO BZHIN RGYAS ZHES BYA BA MI SKAD SHES PA ZHIG YOD DE, NE TZO BZHIN RGYAS LA 'DI SKAD CES SMRAS SO, ,BZHIN RGYAS TSUR SHOG ,KHYOD BCOM LDAN 'DAS GANG NA BA DER SONG LA PHYIN NAS KHO MO'I TSIG GIS BCOM LDAN 'DAS KYI ZHABS GNYIS LA MGO BOS PHYAG BYOS LA, GNOD PA NYUNG NGAM NYAM NGA BA CHUNG NGAM, BSKYOD PA YANG NGAM 'TSO'AM GNOD PA MA MCHIS SAM, STOBS DANG BDE BAR RIG PAR SPYOD DAM ZHES SNYUN GSOL LA, 'DI SKAD CES AA MRA SKYONG MA'I MCHID @39A *, ,NAS; BTZUN PA BCOM LDAN 'DAS NAM YANGS PA CAN DU GSHEGS PA DE'I TSE THUGS BRTZE BAR DGONGS TE, THOG MAR BDAG GI AA MRA'I TSAL DU GSHEGS PAR GSOL CIG ,DE NAS NE TZO BZHIN RGYAS KYIS AA MRA SKYONG MA'I LTAR MNYAN NAS, BCOM LDAN 'DAS GANG NA BA DER SONG BA DE YANGS PA CAN GYI LITZTSA B'I'I KHYE'U DAG GIS MTHONG NAS DE DAG GIS SMRAS PA, SHES LDAN DAG NE TZO 'GRO BA 'DI NI SMAD 'TSONG MA'I YIN NO ZHES DE DAG GIS DE LA MDA' 'PHANG BAR BRTZAMS PA NA, DE YANG DE DAG GI STENG DU BABS SO, ,DE NAS NE TZO DES TSIGS SU BCAD DE SMRAS PA, YUL 'KHOR GZHAN YANG 'GYED PAR YANG, PHO NYA MI GSOD CES GRAG NA, ,BDAG LTA RGYAL BA'I PHO NYA BAS, ,LUS CAN KUN GYIS GA LA SOD, ,DE RNAMS KYIS KYANG TSIGS SU BCAD DE SMRAS PA, KHYOD KYI TSIG GIS MDA' 'PHANGS PA, LDOG NA BDAG CAG SMOS CI DGOS, ,KHYOD NI RDZU 'PHRUL CHES BSKYABS PAS, ,'JIGS PA MED PAR 'GRO BAR GYIS, ,DE NAS NE TZO BZHIN RGYAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS LA 'DI SKAD CES GSOL TO, ,BTZUN PA BCOM LDAN 'DAS KYI ZHABS GNYIS LA AA MRA SKYONG MA MGO BOS PHYAG 'TSAL NAS GNOD PA CHUNG NGAM, NYAM NGA BA CHUNG NGAM BSKYOD PA YANG DAM 'TSO'AM GNOD PA MA MCHIS SAM, STOBS DANG BDE BA LA REG PHAR GNAS SAM ZHES SNYUN GSOL LAGS SO, ,BZHIN RGYAS KHYOD DANG AA MRA SKYONG MA BDE BAR GYUR CIG ,BTZUN PA AA MRA SKYONG MA'I MCHID NAS BCOM LDAN 'DAS NAM YANGS PA CAN DU GSHEGS PA DE'I TSE THUGS BRTZE BA NYE BAR BZUNG STE, THOG MAR BDAG GI AA MRA'I TSAL DU GSHEGS SU GSOL ZHES DE SKAD MCHI LAGS SO, ,BCOM LDAN 'DAS KYIS NE TZO BZHIN RGYAS LA CANG MI GSUNG BAS GNANG NGO, ,DE NAS NE TZO BZHIN RGYAS KYIS BCOM LDAN 'DAS CANG MI GSUNG BAS GNANG BAR RIG NAS, BCOM LDAN 'DAS KYI ZHABS GNYIS LA @39B MGO BOS PHYAG BYAS TE BCOM LDAN 'DAS KYI SPYAN SNGA NAS SONG NGO, ,DE BCOM LDAN 'DAS LA DANG BA BSKYED NAS SONG BA LAS RING PO MA LON PA KHO NAR 'OL BAS SROG DANG PHRAL TE DUS BYAS NAS RGYAL CHEN BZHI'I RIS KYI LHA RNAMS SU SKYES SO, ,CHOS NYID KYIS SKYES NAS RING PO MA LON PA'I LHA'I BU'AM LHA'I BU MO NI SEMS GSUM SKYE BAR 'GYUR TE, GANG NAS SHI 'PHOS PA DANG, GANG DU SKYES PA DANG, LAS GANG GIS YIN PA'O, ,DES BLTAS NAS DUD 'GRO LAS SHI 'PHOS PA DANG, RGYAL CHEN BZHI'I RIS KYI LHA RNAMS SU SKYES PA DANG, BCOM LDAN 'DAS LA SEMS MNGON PAR DAD PAS SO, ,DE NAS SNGON NE TZO BYED PA'I LHA'I BU 'DI SNYAM DU SEMS TE, BDAG ZHAG LON NAS BCOM LDAN 'DAS LA BLTA BA'I PHYIR 'GRO BA NI BDAG LA RIGS PA MA YIN GYIS, CI NAS KYANG BDAG ZHAG MA LON PA KHO NAR BCOM LDAN 'DAS LA BLTA BA'I PHYIR 'GRO'O SNYAM NAS, DE NAS SNGON NE TZO BYED PA'I LHA'I BU RNA CHA GDUB 'KHOR DRI MA MED PA G-YO BA THOGS SHING SE MO DO DANG, DO SHAL GYIS LUS BRGYAN NAS, DE NYID KYI NUB MO LHA RNAMS KYI ME TOG AUTPA LA DANG, PAD MA DANG, KU MU DA DANG, PAD MA DKAR PO DANG, MAN D'A RA BA'I ME TOG GIS, THU BA KANG NAS SHIN TU 'PHAGS SHING MNGON PAR 'PHAGS PA'I KHA DOG GIS, DE'I NUB MO BCOM LDAN 'DAS GANG NA BA DER SONG STE PHYIN NAS, BCOM LDAN 'DAS LA ME TOG GIS GTOR TE, BCOM LDAN 'DAS KYI SPYAN SNGAR 'DUG GO , ,DE'I TSE SNGON NE TZO BYED PA'I LHA'I BU'I KHA DOG GI MTHUS SNANG BA RGYA CHEN POS SGRA SGROGS KYI 'DUG GNAS THAMS CAD GSAL BAR GYUR TO,, ,,'DUL BA GZHI, BAM PO NYI SHU BRGYAD PA, DE NAS BCOM LDAN 'DAS KYIS SNGON NE TZO BYED PA'I LHA'I BU'I BSAM PA DANG, BAG LA NYAL DANG KHAMS DANG RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DE DE THOS PAS SNGON NE TZO BYED PA'I LHA'I BUS 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU @40A *, ,ZHUGS PA'I 'BRAS BU MNGON SUM DU BYAS TE BDEN PA MTHONG NAS LAN GSUM DU CHED DU BRJOD PAS CHED DU BRJOD PA, BTZUN PA 'DI LTA BU NI BDAG LA MAS MA BGYIS TE, PHAS MA LAGS SDUG PAS MA LAGS RANG GI SKYE BO DANG GNYEN GYI TSOGS KYIS MA LAGS, RGYAL POS MA LAGS LHA RNAMS KYIS MA LAGS, SNGA MA 'DAS PA RNAMS KYIS MA LAGS, DGE SBYONG DANG BRAM ZE RNAMS KYIS MA LAGS PA GANG LAGS PA DE BCOM LDAN 'DAS KYIS BDAG LA MDZAD DE, SEMS CAN DMYAL BA DANG DUD 'GRO DANG, YI DAGS RNAMS NAS NI RKANG PA DRANGS, LHA DANG MI RNAMS LA NI RAB TU BZHAG ,'KHOR BA LAS NI RING DU MDZAD, KHRAG DANG, MCHI MA'I RGYA MTSO NI BSKAMS, RUS PA'I RI BO LAS NI BSGRAL, ,NANG SONG GI SGO RNAMS NI BKUM, MNGO RIS DANG THAR PA'I SGO RNAMS NI PHYE, THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BGYIS LAGS TE, BTZUN PA BDAG NI 'PHAGS SO, ,MNGON PAR 'PHAGS SO, , BDAG BCOM LDAN 'DAS DANG CHOS DANG DGE SLONG GI DGE 'DUN LA SKYABS SU MCHI LAGS KYIS BDAG DGE BSNYEN DU GZUNG DU GSOL, DENG SLAN CHAD JI SRID 'TSO BA'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO, ,DE NAS SNGON NE TZO BYED PA'I LHA'I BU BCOM LDAN 'DAS KYIS GSUNGS PA LA MNGON PAR DGA' ZHING RJES SU YI RANGS NAS TSOD PA ZONG RNYED PA LTA BU DANG, ZHING PA LO TOG LEGS PA LTA BU DANG, DPA' BO G-YUL NGOR RGYAL BA LTA BU DANG, NAD PA NAD THAMS CAD LAS YONGS SU THAR PA BZHIN DU 'BYOR PA GANG GIS BCOM LDAN 'DAS KYI SPYAN SNGAR 'ONGS PA'I 'BYOR PA DE NYID DANG RANG GI GNAS SU SONG NGO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO YANGS PA CAN GANG NA BA DER 'DONG NGO, BTZUN PA BKA' BZHIN 'TSAL @40B ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, DE NAS BCOM LDAN 'DAS SPONG BYED NAS LJONGS RGYU ZHING GSHEGS PA NA YANGS PA CAN DU BYON NAS YANGS PA CAN GYI AA MRA'I TSAL NA BZHUGS SO, ,AA MRA SKYONG MAS BCOM LDAN 'DAS SPONG BYED NAS LJONGS RGYU ZHING GSHEGS PA NA YANGS PA CAN DU BYON NAS YANGS PA CAN GYI BDAG GI AA MRA'I TSAL KHO NA NA BZHUGS SO ZHES THOS SO, ,THOS NAS KYANG RGYAN THAMS CAD KYIS BRGYAN NAS BUD MED KYI 'KHOR GYIS YONGS SU BSKOR TE, BZHON PA BZANG PO LA ZHON NAS YANGS PA CAN NAS BYUNG STE, BCOM LDAN 'DAS LA BLTA BA DANG BSNYEN BKUR BYA BA'I PHYIR BCOM LDAN 'DAS KYI SPYAN SNGAR SONG STE, DES JI TZAM BZHON PA'I SA'I BAR DU BZHON PAS SONG NAS BZHON PA LAS BABS TE RKANG PA KHO NAS KUN DGA' RA BAR ZHUGS SO, ,DE'I TSE BCOM LDAN 'DAS DGE SLONG GI 'KHOR BRGYA PHRAG DU MA'I GUNG LA CHOS 'CHAD CING BZHUGS PA NA, BCOM LDAN 'DAS KYIS AA MRA SKYONG MA RGYANG RING PO KHO NA NAS GZIGS SO, ,GZIGS NAS KYANG YANG DGE SLONG RNAMS LA BKA' STZAL PA, AA MRA SKYONG MA PHA BI 'ONG GIS BRTZON 'GRUS DANG SHES BZHIN DANG DRAN PA DANG LDAN PAS GNAS PAR GYIS SHIG ,NGAS RJES SU BSTAN PA NI 'DI YIN NO, ,JI TAR NA DGE SLONG BRTZON 'GRUS LA GNAS PA YIN ZHE NA, 'DI LA DGE SONG GIS SDIG PA MI DGE BA'I CHOS SKYES PA RNAMS LBANG BA'I PHYIR 'DUN PA SKYED DO 'BAD DO BRTZON 'GRUS RTZOM MO SEMS RAB TU 'DZIN TO RAB TU 'JOG GO , ,SDIG PA MI DGE BA'I CHOS MA SKYES PA RNAMS MI BSKYED PA'I PHYIR 'DUN PA SKYED DO 'BAD DO BRTZON 'GRUS RTZOM MO SEMS RAB TU 'DZIN TO RAB TU 'JOG GO , ,DGE BA'I CHOS MA SKYES PA RNAMS BSKYED PA'I PHYIR 'DUN PA SKYED DO, 'BAD DO BRTZON 'GRUS RTZOM MO SEMS RAB TU 'DZIN TO RAB TU 'JOG GO , ,DGE BA'I CHOS SKYES PA RNAMS GNAS PA DANG NYAMS PAR MI 'GYUR BA DANG GOMS PAR YONGS SU RDZOGS PAR BYA BA DANG PHYIR ZHING 'BYUNG BAR BYA BA DANG, YE SHES RGYA CHEN PO MNGON SUM DU BYA BA'I PHYIR 'DUN PA @41A *, ,SKYED DO 'BAD DO, ,BRTZON 'GRUS RTZOM MO, ,SEMS RAB TU 'DZIN CING RAB TU 'JOG PA STE, DE LTAR NA DGE SLONG BRTZON 'GRUS CAN YIN NO, ,JI LTAR NA DGE SLONG SHES BZHIN CAN YIN ZHE NA, 'DI LA DGE SLONG GIS 'GRO BA DANG, LDOG PA LA SHES BZHIN GYIS GNAS SHING LTA PA DANG, RNAM PAR LTA BA DANG BSKUM PA DANG BRKYANG BA DANG SNAM SBYAR DANG, CHOS GOS DANG LHUNG BZED THOGS PA DANG, 'GRO BA DANG 'GRENG BA DANG, 'DUG PA DANG NYAL BA DANG, GNYID MA LOG PA DANG SMRA BA DANG MI SMRA BA DANG, GNYID KYIS SNYOM PAS DUB PA RNAMS LA SHES BZHIN GYIS GNAS PA STE, DE LTAR NA DGE SLONG SHES BZHIN CAN YIN NO, ,JI LTAR NA DGE SLONG DRAN PA DANG LDAN PA YIN ZHE NA, 'DI LA DGE SLONG NANG GI LUS LA LUS KYI RJES SU LTA ZHING BRTZON 'GRUS DANG, SHES BZHIN DANG DRAN PA DANG LDAN PAS 'JIG RTEN LA GNOD SEMS DANG YID MI BDE BA SPANGS NAS GNAS SO, ,PHYI'I LUS DANG NANG DANG PHYI'I LUS DANG, NANG GI TSOR BA RNAMS DANG PHYI'I TSOR BA RNAMS DANG NANG DANG PHYI'I TSOR BA RNAMS DANG, NANG GI SEMS DANG PHYI'I SEMS DANG NANG DANG PHYI'I SEMS DANG; NANG GI CHOS RNAMS DANG PHYI'I CHOS RNAMS DANG NANG DANG PHYI'I CHOS RNAMS LA CHOS KYI RJES SU LTA ZHING BRTZON 'GRUS DANG, SHES BZHIN DANG DRAN PA DANG LDAN PAS 'JIG RTEN LA GNOD SEMS DANG YID MI BDE BA SPANGS NAS GNAS PA STE, DE LTAR NA DGE SLONG DRAN PA DANG LDAN PA YIN NO, ,DGE SLONG DAG NGAS AA MRA SKYONG MA PHA BI 'ONG GIS BRTZON 'GRUS DANG, SHES BZHIN DANG DRAN PA DANG LDAN PAS GNAS PAR GYIS SHIG ,NGAS RJES SU BSTAN PA NI 'DI YIN ZHES NGAS GANG GSUNGS PA BSHAD PA NI DE YIN NO, ,DE NAS AA MRA SKYONG MA BCOM LDAN 'DAS GANG NA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS KYIS AA MRA SKYONG MA LA CHOS DANG LDAN PA'I GTAM GYIS YANG DAG PAR STON PAR MDZAD, YANG @41B DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS AA MRA SKYONG MA STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BA DAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS AA MRA SKYONG MA LA CANG MI GSUNG BAS GNANG NGO, ,DE NAS AA MRA SKYONG MAS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS SONG NGO, ,YANGS PA CAN GYI LITZTSA B'I RNAMS KYIS BCOM LDAN 'DAS SPONG BYED NAS LJONGS RGYU ZHING GSHEGS PA DANG YANGS PA CAN DU PHYIN TE, YANGS PA CAN GYI AA MRA SKYONG MA'I TSAL NA BZHUGS SO ZHES THOS SO, ,THOS NAS KYANG SO SO NAS SHING RTA DANG RTA RNAMS LA ZHON TE, KHA CIG NI RTA SNGON PO DANG, SHING RTA SNGON PO DANG, SRAB SKYOGS DANG, LCAG SNGON PO DANG, THOR TSUGS DANG, GDUGS DANG, RAL GRI SHUBS SNGON PO DANG, RNGA YAB NOR BU'I YU BA CAN DANG, GOS DANG, RGYAN DANG, BYUG PA SNGON PO DANG, 'KHOR SNGON POR, KHA CIG NI RTA SER PO DANG, SHING RTA SER PO DANG, SRAB SKYOGS DANG, LCAG SER PO DANG, THOR TSUGS DANG, GDUGS DANG, RAL GRI SHUBS SER PO DANG, RNGA YAB NOR BU'I YU BA CAN DANG, GOS DANG, RGYAN DANG, BYUG PA SER PO DANG, 'KHOR SER POR, KHA CIG NI RTA DMAR PO DANG, SHING RTA DMAR PO DANG, SRAB SKYOGS DANG, LCAG DMAR PO DANG, THOR TSUGS DANG, GDUGS DANG, RAL @42A *, ,GRI SHUBS DMAR PO DANG, RNGA YAB NOR BU'I YU BA CAN DANG, GOS DANG, RGYAN DANG, BYUG PA DMAR PO DANG, 'KHOR DMAR POR, KHA CIG NI RTA DKAR PO DANG, SHING RTA DKAR PO DANG, SRAB SKYOGS DANG, LCAG DKAR PO DANG, THOR TSUGS DANG; GDUGS DANG, RAL GRI SHUBS DKAR PO DANG, RNGA YAB NOR BU'I YU BA CAN DANG, GOS DANG, RGYAN DANG, BYUG PA DKAR PO DANG, 'KHOR DKAR POR CHAS TE SKAD MTHON PO DANG, SKAD CHEN POR SLAR KHYER SLAR KHYER CES ZER ZHING YANGS PA CAN NAS BYUNG STE; BCOM LDAN 'DAS LA BLTA BA DANG BSNYEN BKUR BYA BA'I PHYIR BCOM LDAN 'DAS KYI SPYAN SNGAR DONG NGO, ,BCOM LDAN 'DAS KYIS YANGS PA CAN GYI LITZTSA B'I RNAMS RGYANG RING PO KHO NA NAS 'ONG BA GZIGS SO, ,GZIGS NAS KYANG DGE SLONG RNAMS LA BKA' STZAL PA; DGE SLONG DAG KHYED CAG LAS SUS SUM BCU RTZA GSUM PA'I LHA RNAMS SKYED MOS TSAL GYI GNAS SU 'GRO BA MA MTHONG BA DE YANGS PA CAN GYI LITZTSA B'I RNAMS LA LTOS SHIG ,DE CI'I PHYIR ZHE NA, DGE SLONG DAG SUM BCU RTZA GSUM PA'I LHA RNAMS KYANG JI LTAR DA LTAR GYI YANGS PA CAN GYI LITZTSA B'I DAG BZHIN DU RDZU 'PHRUL 'DI DANG, 'BYOR PA 'DI DANG, CHA LUGS 'DIS SKYED MOS TSAL GYI GNAS SU 'GRO'O, ,JI TZAM BZHON PA'I SA'I BAR DU BZHON PAS SONG NAS BZHON PA LAS BABS TE RKANG PA KHO NAS KUN DGA'I RA BAR ZHUGS SO; ,DE NAS YANGS PA CAN GYI LITZTSA B'I RNAMS BCOM LDAN 'DAS GANG NA PA DER DONG STE LHAGS NAS BCOM LDAN 'DAS KYI ZHABS LA MGO BOS PHYAG BYAS TE PHYOGS GCIG TU 'KHOD DO, ,PHYOGS GCIG TU 'KHOD NAS BCOM LDAN 'DAS KYIS YANGS PA CAN GYI LITZTSA B'I RNAMS LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG @42B DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, ,YANG DAG PAR RAB TU DGA' BAR MDZAD NAS CANG MI GSUNG NGO, ,DE'I TSE BRAM ZE'I KHYE'U SER SKYA'I BU 'KHOR 'DUS PA DE NYID DU 'DUG PAR GYUR TO, ,DE NAS BRAM ZE'I KHYE'U SER SKYA'I BU STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG NI SPOBS LAGS SO, ,BDE BAR GSHEGS PA BDAG NI SPOBS LAGS SO, ,BCOM LDAN 'DAS KYIS SER SKYA'I BU KHYOD SPOBS PAR GYIS SHIG CES BKA' STZAL PA DANG, DE NAS BRAM ZE'I KHYE'U SER SKYA'I BUS DE'I TSE TSIGS SU BCAD DE GSOL PA, AANG GA'I RGYAL PO NOR BU'I GO 'CHANG PA, ,MA GA'I DBANG POS RNYED PA RAB RNYED DE, ,DE YI YUL DU BYUNG BA'I SANGS RGYAS NI, ,GRAGS PA'I SGRA DAG GANGS KYI RO BO BZHIN, ,JI LTAR PAD MA BZANG PO LEGS 'KHRUNGS PA, ,DGONGS KA KHA 'BYE DRI ZHIM LDAN PA BZHIN, ,BAR SNANG LA NI NYI MA LHAG GE BAR, ,SNANG BA LTA BUR NYI MA'I RGYUD LA LTOS, , DE BZHIN GSHEGS PA RNAMS KYI SHES RAB STOBS, ,JI LTAR MTSAN MO ME 'BAR LTA BU LTOS, ,DE NI MIG BYED SNANG BA BYED PA STE, ,LHAGS PA RNAMS KYI THE TSOM RNAM PAR 'DUL, ,LITZTSA B'I LNGA BRGYAS BRAM ZE'I KHYE'U SER SKYA'I BU LEGS PAR SMRAS SO, ,BRAM ZE'I KHYE'U SER SKYA'I BU LEGS PAR SMRAS SO, ,ZHES BLA GOS LNGA BRGYA LEGS PAR SMRAS PA'I PHYIR BYIN NO, ,DE NAS YANGS PA CAN GYI LITZTSA B'I RNAMS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, ,GNAS 'JOG DAG NGA SNGAR AA MRA SKYONG MAS SPYAN DRANGS SO, ,BTZUN PA AA MRA @43A *, ,SKYONG MA DMAN PA SHES RAB DMAN PA DES BDAG CAG BSLUS LAGS TE, DES NA BDAG CAG GIS BCOM LDAN 'DAS THOG MA NYID DU BLTA BA DANG, BSNYEN BKUR BGYID CING MCHI BA'I RDO MA THOG MOD KYI DA DUNG YANG BDAG CAG BCOM LDAN 'DAS DANG DGE SLONG GI DGE 'DUN LA BSNYEN BKUR 'TSAL LO, ,BCOM LDAN 'DAS KYIS DE DAG LA GNAS 'JOG DE NI LEGS PAR SMRAS SO ZHES BKA' STZAL TO, ,DE NAS YANGS PA CAN GYI LITZTSA B'I RNAMS BCOM LDAN 'DAS KYIS GSUNGS PA LA MNGON PAR DGA' STE RJES SU YI RANGS NAS, BCOM LDAN 'DAS KYI ZHABS GNYIS LA MGO POS PHYAG BYAS TE BCOM LDAN 'DAS KYI SPYAN SNGA NAS DONG NGO, ,BRAM ZE'I KHYE'U SER SKYA'I BU NI DE NYID NA 'DUG GO, ,DE NAS BRAM ZE'I KHYE'U SER SKYA'I BUS YANGS PA CAN GYI LITZTSA B'I RNAMS DONG NAS RING PO MA LON PAR SHES NAS STAN LAS LANGS NAS BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BTZUN PA 'DIR BDAG LA LITZTSA B'I LNGA BRGYAS BLA GOS LNGA BRGYA LEGS PAR SMRAS PA'I PHYIR STZAL BA 'DI DAG BCOM LDAN 'DAS KYIS THUGS BRTZE BA NYE BAR BZUNG STE BZHES SU GSOL; BCOM LDAN 'DAS KYIS BRAM ZE'I KHYE'U SER SKYA'I BU LA THUGS BRTZE BA NYE BAR BZUNG STE BLA GOS LNGA BRGYA BZHES SO, ,DE NAS BCOM LDAN 'DAS KYIS BRAM ZE'I KHYE'U SER SKYA'I BU LA BKA' STZAL PA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS RNAM PA LNGA 'JIG RTEN DU 'BYUNG BAR 'GYUR TE, LNGA GANG ZHE NA, SER SKYA'I BU 'DI LA STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS 'JIG RTEN DU 'BYUNG ZHING DE CHOS THOG MAR DGE BA, BAR DU DGE BA THA MAR DGE BA, DON BZANG PO, TSIG 'BRU BZANG PO MA 'DRES PA, YONGS SU RDZOGS PA, YONGS SU DAG PA, YONGS @43B SU BYANG BA, TSANGS PAR SPYOD PA STON PAR 'GYUR TE, SER SKYA'I BU 'DI NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS 'JIG RTEN DU 'BYUNG BA DANG PO YIN NO, ,GANG DAG CHOS DE ZHE SA DANG BCAS PAS NYAN CING BLA MAR BYED, DAM PAR BYED, YID LA BYED CING SEMS RTZE GCIG TU RNA BLAGS NAS SEMS THAMS CAD BSDUS NAS NYAN PAR BYED PA 'DI NI SER SKYA'I BU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS 'JIG RTEN DU 'BYUNG BA GNYIS PA YIN NO, ,CHOS DE GANG DAG GIS THOS NAS DE LTA DE LTAR SGRUB PAR BYED PA 'DI NI SER SKYA'I BU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS 'JIG RTEN DU 'BYUNG BA GSUM PA YIN NO, ,CHOS DE GANG DAG GIS THOS NAS DGA' BA DANG MGU BA DANG, NGES PAR 'BYUNG BA DANG LDAN PA'I DGE BA RGYA CHEN PO 'THOB PA 'DI NI SER SKYA'I BU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS 'JIG RTEN DU 'BYUNG BA BZHI PA YIN NO, ,CHOS DE GANG DAG GIS THOS NAS DON ZAB MO'I GZHI SHES RAB KYIS SO SOR RTOGS PAR BYED PA 'DI NI SER SKYA'I BU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU BYUNG NA NGO MTSAR RMAD DU BYUNG BA'I CHOS 'JIG RTEN DU 'BYUNG BA LNGA PA YIN NO, ,SER SKYA'I BU SKYES BU DAM PA DAG NI BYAS PA GZO BA DANG BYAS PA TSOR BA CAN YIN TE, DE DAG CUNG ZAD TZAM BYAS NA YANG CHUD GZON PAR MI BYED NA MANG PO LTA SMOS KYANG CI DGOS, DE LTA BAS NA SER SKYA'I BU KHYOD KYIS 'DI LTAR BYAS PA GZO BA DANG BYAS PA TSOR BA CAN DU BSLAB PAR BYA STE, CUNG ZAD TZAM BYAS NA YANG CHUD MI GZON NA MANG PO LTA SMOS KYANG CI DGOS TE, SER SKYA'I BU KHYOD KYIS DE LTA BUR BSLAB PAR BYA'O, ,DE NAS BRAM ZE'I KHYE'U SER SKYA'I BU BCOM LDAN 'DAS KYIS GSUNGS PA LA MNGON PAR DGA' STE YI RANGS NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN @44A *, ,SNGA NAS SONG NGO, ,DE NAS AA MRA SKYONG MAS DE NYID KYI MTSAN MO NAS GTZANG ZHING BSOD PA'I BZA' BA DANG BCA' BA DAG STA GON BYAS TE, NANG PAR SNGAR LANGS NAS GDAN BSHAMS TE NOR BU'I CHU SNOD DAG BZHAG NAS BCOM LDAN 'DAS LA SPYAN 'DREN GYIS DUS TSOD GSOL PA, BTZUN PA GDUGS TSOD BSHAMS LAGS NA BCOM LDAN 'DAS DA DE'I DUS LA BAB PAR DGONGS SU GSOL, DE NAS BCOM LDAN 'DAS SNGA DRO SHAM THABS MAN BAS, LHUNG BZED DANG NA BZA' CHOS GOS BSNAMS TE DGE SLONG GI TSOGS KYIS YONGS SU BSKOR CING DGE SLONG GI DGE 'DUN GYIS MDUN GYIS BLTAS NAS AA MRA SKYONG MA'I BKAD SA GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS AA MRA SKYONG MAS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG BCA' BA DAG RANG GI LAG NAS BSTABS SHING TSIM PAR BYAS SO, ,BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS STAN DMA' BA ZHIG BLANGS NAS, BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO, ,DE NAS BCOM LDAN 'DAS KYIS AA MRA SKYONG MAS SBYIN PA PHUL BA DE LA RJES SU YI RANG BAS RJES SU YI RANG BAR MDZAD DE, GANG ZHIG SBYIN LA DGA' 'GYUR SKYE BO STEN, ,SNYAN PA 'THOB CING DE YI GRAGS PA 'PHEL, ,SER SNA MED CING TSOGS PAR 'GRO BA NA, ,ZHUM PAR MI 'GYUR 'JIGS PA MED PAR 'GYUR, ,DE LTA BAS NA MKHAS PA BDE 'DOD PAS, ,SER SNA'I DRI MA SPANGS TE SBYIN PA GTONG, ,DE DAG YUN RING SUM BCU RTZA GSUM GNAS, ,LHA RNAMS DANG NI SKAL PA MNYAM PAR DGA', ,SBYIN GTONG DGE BYED DE NI SHI 'PHOS NAS, ,RANG GI 'OD KYI DGA' BA'I TSAL NA RGYU, ,DE NA DE GNYIS RTZEN CING DGA' BYED PA, ,'DOD PA'I YON TAN LNGA PO DAG DANG LDAN, ,MA BCINGS SKYOB PA DE YI GSUNG THOS NAS, ,BDE BAR GSHEGS PA'I NYAN THOS MTHO RIS @44B DGA'; ;DE NAS BCOM LDAN 'DAS KYIS AA MRA SKYONG MA LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS STAN LAS LANGS TE SONG NGO, ,DGE SLONG RNAMS THE TSOM SKYES TE THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA YANGS PA CAN GYI LITZTSA B'I RNAMS KYIS LAS CI ZHIG BGYIS NA, DES GAL TE LHA RNAMS SU SKYES NA YANG LHA MTHU CHE BAR 'GYUR LA, GAL TE MI RNAMS SU SKYES NA YANG MI MTHU CHEN POR GYUR CING; DA LTAR SUM BCU RTZA GSUM PA'I LHA RNAMS KYI DPER YANG BSTAN LAGS, BCOM LDAN 'DAS KYIS BKA' STZAL PA, DGE SLONG DAG YANGS PA CAN GYI LITZTSA B'I RNAMS KYIS LAS TSOGS RNYED PA, RKYEN YONGS SU BSGYUR BA, 'OD PA BZHIN DU NYE BAR GNAS PA, GDON MI ZA BAR 'BYUNG BAR 'GYUR BA'I LAS DAG BYAS SHING BSAGS PAS, 'DI DAG NYID KYIS LAS BYAS SHING BSAGS PA DAG GZHAN SU ZHIG GIS SO SOR MYONG BAR 'GYUR TE, DGE SLONG DAG LAS BYAS SHIS BSAGS PA DAG NI PHYI ROL GYI SA'I KHAMS LA RNAM PAR SMIN PAR MI 'GYUR, CHU'I KHAMS LA MI 'GYUR, ME'I KHAMS LA MI 'GYUR, RLUNG GI KHAMS LA MI 'GYUR GYI, 'DI LTAR DGE BA DANG MI DGE BA BYAS SHING BSAGS PA DAG NI ZIN PA'I PHUNG PO DANG, KHAMS DANG, SKYE MCHED RNAMS LA RNAM PAR SMIN PAR 'GYUR TE, LAS RNAMS BSKAL PA BRGYAR YANG NI, , CHUD MI ZA BA'ANG TSOGS DANG DUS, ,RNYED NA LUS CAN RNAMS LA NI, ,'BRAS BU DAG TU 'GYUR BA NYID, ,DGE SLONG DAG SNGON BYUNG BA BSKAL PA BZANG PO 'DI NYID LA SKYE DGU RNAMS KYI TSE LO NYI KHRI THUB PA NA STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA BDE BAR GSHEGS PA 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS 'OD SRUNG ZHES BYA BA 'JIG RTEN DU BYUNG BAR GYUR TE, DE 'KHOR DGE SLONG NYI KHRI DANG GRONG KHYER B'A R'A nA S'I @45A *, ,DRANG SRONG SMRA BA RI DAGS KYI NAGS NA NYE BAR RTEN CING BZHUGS SO, ,DE'I TSE B'A R'A nA S'I NA DGE BSNYEN LNGA BRGYA GNAS SO, ,DE RNAMS KYIS RGYA MTSO CHEN POR 'DONG BA'I ZONG STA GON BYAS TE, RGYA MTSO CHEN PO'I GRU BO CHE BSGRUBS NAS RIM GYIS RGYA MTSO CHEN POR ZHUGS PA DANG, RJES SU MTHUN PA'I RLUNG GIS RIN PO CHE'I GLING DU PHYIN TO, ,DE NAS RIN PO CHE RNAMS KYIS GRUB BO CHE YONGS SU BKANG NAS CHAS PA DANG DE NAS RLUNG GIS BDAS NAS RGYA MTSO CHEN PO'I KLONG ZHIG TU PHYIN TO, ,DE RNAMS BRED CING RE BA MED PAR GYUR NAS YANG DAG PAR RDZOGS PA'I SANGS RGYAS 'OD SRUNG GI PHYIR BYE MA LAS MCHOD RTEN BYAS NAS RIN PO CHE SNA TSOGS KYIS MCHOD PA BYAS SO, ,DE NAS GNYID LOG PA DANG, LHA ZHIG GIS SMRAS PA, KHYED CAG MA 'JIGS PAR BAG YOD PAR BYOS SHIG DANG, ZHAG BDUN GYI NYIN PAR DUS RLABS 'ONG BAR 'GYUR TE, DES KHYED CAG BDE LEGS SU 'DZAM BU'I GLING DU PHYIN PAR 'GYUR RO, ,NAM NANGS NAS DE RNAMS PHAN TSUN DU SMRA ZHING GROS BYA BAR BRTZAMS TE, SHES LDAN DAG BDAG CAG LA LHAS MI 'JIGS PA BSTAN PA GANG YIN PA DE NI YANG DAG PAR RDZOGS PA'I SANGS RGYAS 'OD SRUNG GI MTHU YIN PAS YANG DAG PAR RDZOGS PA'I SANGS RGYAS 'OD SRUNG GI MCHOD RTEN LA BDAG CAG GIS RIN PO CHE PHUL BA DAG SLAR BLANGS TE 'DONG BA NI MI RIGS SO, ,ZHES DE RNAMS KYIS GTUGS TE SMON LAM GDAB PAR BRTZAMS PA, GANG YANG BDAG CAG GIS YANG DAG PAR RDZOGS PA'I SANGS RGYAS BCOM LDAN 'DAS 'OD SRUNG BSOD NAMS KYI ZHING BLA NA MED PA LA BYA BA BYAS PA'I DGE BA'I RTZA BA 'DIS GAL TE BDAG CAG LHA RNAMS SU SKYES PAR GYUR NA BDAG CAG MTHU CHE BA KHO NAR GYUR CIG ,GAL TE MI'I NANG DU MI RNAMS SU SKYES PAR GYUR NA MTHU CHE BA DANG MI RNAMS SU SKYES NA YANG SUM BCU RTZA GSUM GYI LHA RNAMS KYI DPER RUNG BAR GYUR CIG CES BYAS SO, ,DGE SLONG DAG JI SNYAM DU SEMS, DGE BSNYEN LNGA BRGYA PO GANG YIN PA DE DAG NI LITZTSA B'I LNGA BRGYA PO 'DI DAG NYID YIN TE, 'DI DAG GIS YANG DAG PAR RDZOGS PA'I SANGS RGYAS 'OD SRUNG GI PHYIR @45B BYE MA'I MCHOD RTEN BYAS SHING RIN PO CHE DAG GI MCHOD PA BYAS PAS DES NA MI MTHU CHEN PO RNAMS SU SKYES PAR GYUR TE, SUM BCU RTZA GSUM PA'I LHA RNAMS KYI YANG DPER RUNG BAR GYUR TO, ,DGE SLONG DAG DE LTA BAS NA LAS GCIG TU GNAG PA RNAMS KYI RNAM PAR SMIN PA NI GCIG TU GNAG PA YIN, 'DREN MA RNAMS KYI NI 'DREN MA YIN, GCIG TU DKAR BA RNAMS KYI NI GCIG TU DKAR BA YIN NO, ,DGE SLONG DAG DE LTA BAS NA GANG YANG LAS GCIG TU GNAG PA RNAMS DANG 'DREN MA RNAMS NI SPONGS LA, ,LAS GCIG TU DKAR BA RNAMS LA BRTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O, ,DE NAS BCOM LDAN 'DAS KYIS TSE DANG LDAN PA KUN DGA' PO LA BKA' STZAL PA, KUN DGA' BO YANGS PA CAN GYI GRONG KHYER DU SONG LA SGO'I THEM PA LA RKANG PA ZHOG LA GSANG SNGAGS KYI TSIG 'DI DANG, TSIGS SU BCAD PA 'DI SMROS SHIG ,BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,SANGS RGYAS THAMS CAD KYIS DGONGS PA, RANG SANGS RGYAS THAMS CAD KYIS DGONGS PA, DGRA BCOM PA THAMS CAD KYIS BSAMS PA, SLOB PA THAMS CAD KYIS BSAMS PA, NYAN THOS THAMS CAD KYIS BSAMS PA, BDEN PA'I TSIG SMRA BA THAMS CAD KYIS BSAMS PA, CHOS RNAMS KYIS BSAMS PA, 'DOD PA'I DBANG PHYUG GIS BSAMS PA, TSANGS PAS BSAMS PA, TSANGS PA SO SOS BSAMS PA, DBANG POS BSAMS PA, LHAS BSAMS PA, LHA MA YIN GYI DBANG POS BSAMS PA, LHA MA YIN THAMS CAD KYIS BSAMS PA, LHA MA YIN GYI MDAG GZHUG PAS BSAMS PA, 'BYUNG PO THAMS CAD KYIS BSAMS PA, BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,MUN TZA TA, MUN TZA TA, MA 'DUG SHIG YAMS KYI NAD NYE BAR ZHI BAR 'DUG PAR GYUR CIG ,NIR GATZTSA TA, NIR GATZTSA TA, NIR GATZTSA TA, NIR GATZTSA TA, SANGS RGYAS LHA CHEN PO LHA'I YANG LHA @46A *, ,LHA'I BLA MA GSHEGS TE, DBANG PO DANG BCAS PA'I LHA RNAMS DANG, TSANGS PA DANG BCAS PA RNAMS DANG, DBANG BDAG DANG BCAS PA RNAMS DANG, SKYE DGU'I BDAG PO DANG BCAS PA RNAMS DANG, 'JIG RTEN SKYONG BA BZHI PO DAG KYANG 'JUG BAR 'GYUR RO, ,LHA BRGYA STONG PHRAG DU MA DAG DANG, LHA MA YIN GYI DBANG PO RNAMS DANG, LHA MA YIN BRGYA STONG PHRAG DU MA DAG KYANG 'JUG PAR 'GYUR RO, ,BCOM LDAN 'DAS LA MNGON PAR DAD PA'I 'BYUNG PO BRGYA STONG PHRAG MANG PO DAG KYANG SEMS CAN THAMS CAD KYI DON GYI PHYIR 'JUG STE; DE DAG GIS KHYED RNAMS LA GNOD PA BYED PAR 'GYUR GYIS, NIR GATZTSA TA, NIR GATZTSA TA, NIR GATZTSA TA, NIR GATZTSA TA, MYUR DU BYER CIG ,KHYED CAG LAS GANG DAG SDANG BA'I SEMS DANG LDAN PA DE DAG NI BRLAG PAR GYUR CIG ,GANG DAG BYAMS PA'I SEMS DANG LDAN ZHING NYES PAR MI 'DOD LA SRUNG BAR BYED PAR 'DOD PA DE DAG NI 'KHOD CIG ,DGONGS PA LA YANG 'JUG PAR GYUR CIG ,SANGS RGYAS 'JIG RTEN LA THUGS BRTZE BA CAN GYIS 'DI SKAD CES BKA' STZAL TO, ,SU MU SU MU, SU MU SU MU, SU MU RU, SU MU RU, SU MU RU, SU MU RU, MU RU MU RU, MU RU MU RU, MU RU MU RU, MU RU MU RU, MU RU MU RU, MI RI MI RI, MI RI MI RI MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI TI, RI RI RI RI RI RI, R'I R'I R'I R'I R'I R'I TI, MI RI MI RI, MI RI MI RI, MI RI MI RI TI, HA SI, MI RI MI R'I H'I, MI R'I MI R'I S'I S'I MI, KANG KA RA, KANG KA RA TA KANG KA RA, KANG KA RA KA TS'A, KANG KA R'A KANG KA R'A, KANG KA R'A KANG KA R'A, KANG KA R'A KANG KA R'A, KANG KA R'A KANG KA R'A, KANG KA R'A KANG KA R'A TI, KU R'I SHE, KANG KA R'I SHE, KANG KA R'I SHE, RI RI RI RI RI RI, RE PH'A S'A RI RI PU RI PU RI PU RI PU RI PU RI PU RI PU, N'A TH'A NA TH'A TH'A, RI PU RI PU N'A TH'A TH'A NIR GATZTSA TA, RI PU RI PU NIR GATZTSA TA, PA LA Y'A TA, RI PU RI PU PA LA Y'A TA, SANGS RGYAS 'JIG RTEN LA THUGS BRTZE BA CAN, SEMS CAN THAMS CAD LA PHAN PAR LHAG PAR DGONGS PA, BYAMS PA LA GNAS @46B PA; THUGS RJE DANG DGA' BA LA GNAS PA, BTANG SNYOMS LA GNAS PA GSHEGS TE, LHA THAMS CAD DANG, 'BYUNG PO THAMS CAD KYI BLA MA SANGS RGYAS KYIS CHOS NYID KYI YE SHES KYI GSANG SNGAGS KYI TSIG GRUB PA GRUB PA'I TSIGS SU BCAD PA 'DI DAG GSUNGS SO, ,GANG GI SRID PA 'CHAGS PA DAG ,RNAM PAR BCOM NAS BRAL MDZAD PA, ,THUGS ZHI GNOD PA MI MNGA' DE, ,KHYED LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DE, ,KHYED LA BDE LEGS MDZAD PAR 'GYUR, ,STON PA 'GRO BA RNAMS KYI RTEN, ,SEMS CAN KUN GYI DON GYI PHYIR, ,GANG GIS BDE BA MNGA' MDZAD DE, ,KHYED LA BDE LEGS MDZAD PAR 'GYUR, ,SKYOB PA GANG ZHIG BYAMS PA YI, ,THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANGS DE, ,KHYED LA BDE LEGS MDZAD PAR 'GYUR, ,GANG ZHIG 'KHOR BAR 'KHOR BA YI, ,SEMS CAN KUN GYI SKYOB GYUR PA, ,GLING DANG DPUNG GNYEN GYUR PA DE, ,KHYED LA BDE LEGS MDZAD PAR 'GYUR, ,GANG ZHIG CHOS KUN MNGON SUM GYUR, ,GTZANG ZHING SLU BA MI MNGA' BA, ,GSUNG GTZANG GTZANG BAR MDZAD PA DE, ,KHYED LA BDE LEGS MDZAD PAR 'GYUR, ,DPA' BO CHEN PO GANG SKYES PAS, ,PHUN SUM TSOGS DON 'BYOR GYUR CING, ,DON GRUB TSOGS KYANG GRUB PA DE, ,KHYED LA BDE LEGS MDZAD PAR 'GYUR, ,GANG ZHIG SKYES PAS SA RNAMS DANG, NAGS TSAL BCAS PAR RAB G-YOS NAS, ,SEMS CAN THAMS CAD RAB DGA' DE, ,KHYED LA BDE LEGS MDZAD PAR 'GYUR, ,BYANG CHUB SNYING POR GANG ZHIG GIS, ,SA RNAMS RNAM DRUG G-YOS GYUR CING, ,BDUD YID MI BDER GYUR PA DE, ,KHYED LA BDE LEGS MDZAD PAR 'GYUR, ,CHOS KYI 'KHOR LO BSKOR BA NA, ,'PHAGS PA'I BDEN PA GSUNG BA GANG, ,THUB PA GRAGS PA 'BYUNG BA DE, ,KHYED LA BDE LEGS MDZAD PAR 'GYUR, ,GANG GIS CHOS KYI YID 'PHROG PAS, ,MU STEGS @47A *, ,BYED RNAMS PHAM MDZAD LA, ,TSOGS KUN DBANG DU MDZAD PA DE, ,KHYED LA BDE LEGS MDZAD PAR 'GYUR, ,SANGS RGYAS KHYED LA BDE LEGS MDZAD, ,BRGYA BYIN LHAR BCAS BDE LEGS DANG, ,'BYUNG PO KUN GYI BDE LEGS NI, ,KHYED LA DUS KUN SBYIN GYUR CING, ,SANGS RGYAS BSOD NAMS MTHU DAG DANG, ,LHA RNAMS KYIS NI BSAMS PA YIS, ,KHYED RNAMS DON 'DOD GANG YIN PA, ,DON DE DE RING GRUB GYUR CIG ,RKANG GNYIS KHYED CAG BDE LEGS SHOG ,RKANG BZHI KHYED CAG BDE LEGS SHOG ,KHYED CAG LAM 'GRO BDE LEGS SHOG ,PHYIR 'ONG DAG KYANG BDE LEGS SHOG ,NYIN MO BDE LEGS MTSAN BDE LEGS, ,NYI MA'I GUNG LA GNAS PAR SHOG ,KHYED CAG KUN DU BDE LEGS SHOG ,KHYED CAG SDIG PAR MA GYUR CIG ,SANGS RGYAS LTA NI STONG RNAMS KYIS, ,YONGS SU BSKOR TE GSHEGS MDZAD KYIS, ,SNGANG SEMS CAN RNAMS BYER GYUR CIG ,SNYING RJE'I BDAG NYING CAN RNAMS 'KHOD, ,SANGS RGYAS RANG SANGS RGYAS RNAMS DANG, ,DGRA BCOM SLOB PA'I BDEN TSIG GIS, ,'JIG RTEN MI PHAN BYED PA RNAMS, ,GRONG KHYER 'DI NI GTONG GYUR CIG ,SEMS CAN KUN DANG SROG CHAGS KUN, ,'BYUNG PO KUN DANG KHYED CAG KUN, ,BDE BA 'BA' ZHIG LDAN GYUR CIG ,THAMS CAD NANG NI MED GYUR CIG ,KUN GYIS BZANG PO MTHONG GYUR CIG ,GANG YANG SDIG PAR MA GYUR CIG ,'BYUNG PO GANG DAG 'DIR NI LTAGS GYUR CING, ,SA 'AM 'ON TE BAR SNANG GNAS PA RNAMS, ,SKYE DGU RNAMS LA RTAG TU BYAMS BYED CING, ,NYIN DANG MTSAN DU CHOS KYANG SPYOD GYUR CIG ,CES BRJOD CIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS YANGS PA CAN DU SONG STE GRONG KHYER GYI THEM PA LA RKANG PA BZHAG NAS GSANG SNGAGS KYI TSIG 'DI DAG DANG, TSIGS SU BCAD PA 'DI DAG SMRAS SO, ,BI SA RA TA BI SA RA TA BI SA RA TA BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO,, @47B SANGS RGYAS THAMS CAD KYIS DGONGS PA, RANG SANGS RGYAS THAMS CAD KYIS DGONGS PA, DGRA BCOM PA THAMS CAD KYIS BSAMS PA, SLOB PA THAMS CAD KYIS BSAMS PA, NYAN THOS THAMS CAD KYIS BSAMS PA, BDEN PA'I TSIG SMRA BA THAMS CAD KYIS BSAMS PA, CHOS RNAMS KYIS BSAMS PA, 'DOD PA'I DBANG PHYUG GIS BSAMS PA, TSANGS PAS BSAMS PA, TSANGS PA SO SOS BSAMS PA, DBANG POS BSAMS PA, LHAS BSAMS PA, LHA MA YIN GYI DBANG POS BSAMS PA, LHA MA YIN THAMS CAD KYIS BSAMS PA, LHA MA YIN GYI MNGAG GZHUG PAS BSAMS PA, 'BYUNG PO THAMS CAD KYIS BSAMS PA, BI SA RA TA, BI SA RA TA, BI SA RA TA, BI SA RA TA, SANGS RGYAS 'JIG RTEN LA THUGS BRTZE BA CAN GYIS BKA' STZAL TO, ,MUN TZA TA MUN TZA TA MA 'DUG SHIG , YAMS KYI NAD NYE BAR ZHI BAR 'DUG PAR GYUR CIG ,NIR GATZTSA TA, NIR GATZTSA TA, NIR GATZTSA TA, NIR GATZTSA TA, SANGS RGYAS LHA CHEN PO LHA'I YANG LHA LHA'I BLA MA GSHEGS TE DBANG PO DANG BCAS PA'I LHA RNAMS DANG, TSANGS PA DANG BCAS PA'I LHA RNAMS DANG, DBANG BDAG DANG BCAS PA RNAMS DANG, SKYE DGU'I BDAG PO DANG BCAS PA RNAMS DANG, 'JIG RTEN SKYONG BA BZHI PO DAG KYANG 'JUG PAR 'GYUR RO, ,LHA BRGYA STONG PHRAG DU MA DAG DANG, LHA MA YIN GYI DBANG PO RNAMS DANG, LHA MA YIN BRGYA STONG PHRAG DU MA DAG KYANG 'JUG PAR 'GYUR RO,, BCOM LDAN 'DAS LA MNGON PAR DAD PA'I 'BYUNG PO BRGYA STONG MANG PO DAG KYANG SEMS CAN THAMS CAD KYI DON GYI PHYIR 'JUG STE, DE DAG GIS KHYED RNAMS LA GNOD PAR BYED PAR 'GYUR GYIS, NIR GATZTSA TA, NIR GATZTSA TA, NIR GATZTSA TA, NIR GATZTSA TA, MYUR DU BYER CIG , KHYED CAG LAS GANG DAG SDANG BA'I SEMS DANG LDAN PA DE DAG NI BRLAG PAR GYUR CIG ,GANG DAG BYAMS PA'I SEMS DANG LDAN ZHING NYES PAR MI 'DOD LA SRUNG BA BYED PAR 'DOD PA DE DAG NI 'KHOD CIG ,DGONGS PA LA YANG 'JUG PAR GYUR CIG ,SANGS RGYAS 'JIG RTEN LA THUGS @48A *, ,BRTZE BA CAN GYIS 'DI SKAD CES BKA' STZAL TO, ,SU MU SU MU, SU MU SU MU, SU MU RU SU MU RU, SU MU RU, MU RU MU RU, MU RU MU RU, MU RU MU RU, MU RU MU RU, MU RU MU RU, MI RI MI RI, MI RI MI RI, MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI, MU RU MI RI TI, RI RI RI RI RI RI, R'I R'I R'I R'I R'I R'I TI, MI RI MI RI, MI RI MI RI, MI RI MI RI TI, HA SI, MI RI MI RI TI, MI RI MI RI, SI SI MI, KANG KA RA KANG KA RA T'A, KANG KA RA KANG KA RA KA TZ'A KANG KA R'A, KANG KA R'A, KANG KA R'A, KANG KA R'A, KANG KA R'A, KANG KA R'A, KANG KA R'A, KANG KA R'A, KANG KA R'A, KANG KA R'A TI, KU R'I SHE, KANG KA R'I SHE, KANG KA R'I SHE, RI RI RI RI RI RI, RE PH'A S'A RI, RI PU RI PU, RI PU RI PU, RI PU RI PU RI PU, N'A TH'A NA TH'A TH'A, RI PU RI PU NA TH'A TH'A, NIR GATZTSA TA, NIR GATZTSA TA, NIR GATZTSA TA, PA L'A YA THA, RI PU RI PU P'A L'A YA THA, SANGS RGYAS 'JIG RTEN LA THUGS BRTZE BA CAN, SEMS CAN THAMS CAD LA PHAN PAR LHAG PAR DGONGS PA, BYAMS PA LA GNAS PA, THUGS RJE DANG DGA' BA LA GNAS PA, BTANG SNYOMS LA GNAS PA GSHEGS TE, LHA THAMS CAD DANG, 'BYUNG PO THAMS CAD KYI BLA MA SANGS RGYAS KYI CHOS NYID KYI YE SHES KYI GSANG SDAGS KYI TSIG GRUB PA GRUB PA'I TSIGS SU BCAD PA 'DI DAG GSUNGS SO, ,GANG GI SRED PA'I CHAGS PA DAG ,RNAM PAR BCOM NAS 'DUL MDZAD PA; DE ? THUGS ZHI GNOD PA MI MNGA' DE, ,KHYED LA BDE LEGS MDZAD PAR 'GYUR, ,'DREN PA GANG ZHIG 'GRO BA RNAMS, ,THAR PA'I LAM DU 'DZUD MDZAD CING, ,CHOS RNAMS THAMS CAD STON PA DE, ,KHYED LA BDE LEGS MDZAD PAR 'GYUR, ,STON PA 'GRO BA RNAMS KYI RTEN, , SEMS CAN KUN GYI DON GYI PHYIR, ,GANG GIS BDE BA MNGA' MDZAD DE, ,KHYED LA BDE LEGS MDZAD PAR 'GYUR, ,SKYOB BA GANG ZHIG BYAMS PA YI, ,THUGS KYIS 'GRO BA 'DI DAG KUN, ,BU GCIG BZHIN DU RTAG BSKYANGS DE, ,KHYED LA BDE LEGS MDZAD PAR 'GYUR, ,GANG @48B ZHIG 'KHOR BAR 'KHOR BA YI, ,SEMS CAN KUN GYI SKYOB GYUR PA, ,GLING DANG DPUNG GNYEN GYUR PA DE, ,KHYED LA BDE LEGS MDZAD PAR 'GYUR, ,GANG ZHIG CHOS KUN MNGON SUM GYUR, ,GTZANG ZHING SLU BA MI MNGA' BA, ,GSUNG GTZANG GTZANG BAR MDZAD PA DE, ,KHYED LA BDE LEGS MDZAD PAR 'GYUR, ,DPA' BO CHEN PO GANG SKYES PAS, ,PHUN SUM TSOGS DON 'BYOR GYUR CING, ,DON GRUB TSOGS KYANG GRUB PA DE, ,KHYED LA BDE LEGS MDZAD PAR 'GYUR, ,GANG ZHIG SKYES PAS SA RNAMS DANG, ,NAGS TSAL BCAS PAR RAB G-YOS NAS; ;SEMS CAN THAMS CAD RAP DGA' DE, ,KHYED LA BDE LEGS MDZAD PAR 'GYUR, ,BYANG CHUB SNYING POR GANG ZHIG GIS, ,SA RNAMS RNAM DRUG G-YOS GYUR CING, ,BDUD YID MI BDER GYUR PA DE, ,KHYED LA BDE LEGS MDZAD PAR 'GYUR, ,CHOS KYI 'KHOR LO BSKOR BA NA, ,'PHAGS PA'I BDEN PA GSUNG BA GANG, ,THUB PA GRAGS PA 'BYUNG BA DE, ,KHYED LA BDE LEGS MDZAD PAR 'GYUR, ,GANG GIS CHOS KYI YID 'PHROG PAS, ,MU STEGS BYED RNAMS PHAM MDZAD LA, ,TSOGS KUN DBANG DU MDZAD PA DE, , KHYED LA BDE LEGS MDZAD PAR 'GYUR, ,SANGS RGYAS KHYED LA BDE LEGS MDZAD, ,BRGYA BYIN LHAR BCAS BDE LEGS DANG, ,'BYUNG PO KUN GYI BDE LEGS NI, ,KHYED LA DUS KUN SBYIN GYUR CIG ,SANGS RGYAS BSOD NAMS MTHU DAG DANG, ,LHA RNAMS KYIS NI BSAMS PA YIS, ,KHYED RNAMS DON 'DOD GANG YIN PA, ,DON DE DE RING GRUB GYUR CIG ,RKANG GNYIS KHYED CAG BDE LEGS SHOG ,RKANG BZHI KHYED CAG BDE LEGS SHOG ,KHYED CAG LAM 'GRO BDE LEGS SHOG ,PHYOR 'ONG DAG KYANG BDE LEGS SHOG ,NYIN MO BDE LEGS MTSAN BDE LEGS, ,NYI MA'I GUNG LA GNAS PAR SHOG ,KHYED CAG KUN DU BDE LEGS SHOG ,KHYED CAG SDIG PAR MA GYUR CIG ,SANGS RGYAS LHA NI STONG RNAMS KYIS, ,YONGS SU BSKOR TE GSHEGS MDZAD KYIS, ,SDANG SEMS CAN RNAMS BYER GYUR CIG , @49A *, ,SNYING RJE'I BDAG NYID CAN RNAMS 'KHOD, ,SANGS RGYAS RANG SANGS RGYAS RNAMS DANG, ,DGRA BCOM SLOB PA'I BDEN TSIG GIS, ,'JIG RTEN MI PHAN BYED PA RNAMS, ,GRONG KHYER 'DI NI GTONG GYUR CIG ,SEMS CAN KUN DANG SROG CHAGS KUN, , 'BYUNG PO KUN DANG KHYED CAG KUN, ,BDE BA 'BA' ZHIG LDAN GYUR CIG ,THAMS CAD NAD NI MED GYUR CIG ,KUN GYIS BZANG PO MTHONG GYUR CIG ,GANG YANG SDIG PAR MA GYUR CIG ,'BYUNG PO GANG DAG 'DIR NI LHAGS GYUR CING, ,SA 'AM 'ON TE BAR SNANG GNAS PA RNAMS, ,SKYE DGU RNAMS LA RTAG TU BYAMS BYED CING, ,NYIN DANG MTSAN DU CHOS KYANG SPYOD GYUR CIG ,CES BRJOD PA DANG, DER SANGS RGYAS BCOM LDAN 'DAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS MI NGAS ZHI BAR GYUR TO,, ,,SDOM LA, 'OD MA DANG NI DBUS KYI GRONG, ,MI THI LA DANG LUS 'PHAGS DANG, ,S'A LA KHRON PA NGAN SPONG BU, ,NGUR SMRIG GTZUG PHUD BSNGAGS LDAN DANG, ,GNAG LHAS DANG NI SDIG CAN DANG, ,KU SHA'I GRONG KHYER THAM YIN, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO 'OD MA CAN GYI GRONG GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, DE NAS BCOM LDAN 'DAS SPONG BYED NAS LJONGS RGYU ZHING GSHEGS PA DANG 'OD MA CAN GYI GRONG DU BYON NAS, 'OD MA CAN GYI GRONG GI BYANG PHYOGS KYI GRONG SHING SHA PA'I TSAL NA BZHUGS SO, ,DE'I TSE MU GE NYAM NGA BA DGON PA SLONG MO PAS ZAS RNYED PAR DKA' BA BYUNG BAR GYUR TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG DA LTAR 'DIR MU GE NYAM NGA BA DGON PA SLONG MO PAS ZAS RNYED PAR DKA' BA BYUNG GIS, DGE SLONG DAG TSUR KHYED LAS SMOS 'DRIN JI LTA BU YOD PA DANG, GTAM 'DRES PA JI LTA BU YOD PA DANG, 'GROGS BSHES JI LTA BU YOD PA DE DAG NI YANGS PA CAN GYI NYE 'KHOR GYI SPONG BYED KYI GRONG DU DBYAR GNAS PAR DAM CHOS SHIG , @49B NGA YANG BSNYEN BKUR BA DGE SLONG KUN DGA' BO DANG, 'DAM CAN GYI GRONG 'DI NYID DU DBYAR BZHUGS PAR DAM BCAS NA THAMS CAD BSOD SNYOMS KYIS PHONGS PAR MI 'GYUR GRAD, BTZUN PA BKA' BZHIN 'TSAL ZHES DGE SLONG DE RNAMS KYIS BCOM LDAN 'DAS KYI LTAR MNYAN NAS SMOS 'DRIN JI LTA BU YOD PA DANG, GTAM 'DRES PA JI LTA BU YOD PA DANG, 'GROGS BSHES JI LTA BU YOD PA DAG NI YANGS PA CAN GYI NYEN KOR SPONG BYED KYI GRONG DU NGA BYAR GNAS PAR DAM BCAS SO, ,BCOM LDAN 'DAS KYANG BSNYEN BKUR BA DGE SLONG KUN DGA' BO DANG, 'OD MA CAN GYI GRONG KHYER DE NYID DU DBYAR BZHUGS PAR DAM BCAS SO, ,DBYAR GYI GNAS DER BCOM LDAN 'DAS SNYUN TSABS CHEN PO MI BZAD PA DRAG PA GRONGS LA THUG PA ZHIG GIS THEBS SO, ,DE NAS BCOM LDAN 'DAS 'DI SNYAM DU DGONGS TE, BDAG NAD TSABS CHEN PO MI BZAD PA DRAG PA SHI LA THUG PAS THEBS LA, DGE SLONG GI DGE 'DUN YANG 'THOR BAR GYUR NA, DGE SLONG GI DGE 'DUN 'THOR BA NA, BDAG YONGS SU MYA NGAN LAS 'DA' BA NI BDAG GI CHA MA YIN GYIS, MA LA BDAG GIS TSOR BA GCIG PO DE BRTZON 'GRUS KYIS BCIL LA, MTSAN MA THAMS CAD YID LA MI BYA BAR SEMS KYI TING NGE 'DZIN MTSAN MA MED PA LA LUS KYIS MNGON SUM DU BSGRUBS TE GNAS PAR BYA'O, ,SNYAM DU DGONGS SO, ,DE NAS BCOM LDAN 'DAS KYIS TSOR BA GCIG PO DE BRTZON 'GRUS KYIS SLAR BCIL NAS, MTSAN MA THAMS CAD YID LA MI MDZAD PAS SEMS KYI TING NGE 'DZIN MTSAN MA MED PA SKUS MNGON SUM DU MDZAD DE BSGRUBS NAS BZHUGS TE, DE NAS BCOM LDAN 'DAS LHAG PAR SPYOD PA DANG LHAG PAR 'TSO BAR GYUR TO, ,DE NAS TSE DANG LDAN PA KUN DGA' BO DGONGS KA NANG DU YANG DAG 'JOG LAS LANGS NAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'DUG GO, ,PHYOGS GCIG TU 'DUG NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, , @50A *, ,BTZUN BA BCOM LDAN 'DAS SNYUN TSABS CHEN PO MI BZAD PA DRAG PA GRONGS LA THUG PAS THEBS PAR GLO BAR CHUD NAS BDAG GI LUS DUG 'TSAL BA BZHIN DU PHYOGS KYANG BSLAD, BDAG GIS THOS PA'I CHOS RNAMS KYANG BSKYUD PAR GYUR LAGS TE, DE LA BDAG GLO BA RE BAR NA RE ZHIG BCOM LDAN 'DAS KYIS DGE SLONG GI DGE 'DUN GYI SLAD DU ZHAL CHEMS CUNG ZAD BKA' MA STZAL GYI BAR DU YONGS SU MYA NGAN LAS MI 'DA'O SNYAM DU BGYID DO, ,KUN DGA' BO GANG ZHIG 'DI SNYAM DU DGE SLONG GI DGE 'DUN NI BDAG YIN TE, BDAG GIS DGE SLONG GI DGE 'DUN BSTAN PAR BYA'O, ,BDAG GIS DGE SLONG GI DGE 'DUN DRANG NGO SNYAM DU SEMS PA DE NI DGE SLONG GI DGE 'DUN GYI PHYIR KHA CHEMS CUNG ZAD SMRA BAR 'GYUR BA NYID NA, KUN DGA' BO NGA LA 'DI SNYAM DU DGE SLONG GI DGE 'DUN NI NGA'I YIN TE, NGAS DGE SLONG GI DGE 'DUN BSTAN PAR BYA'O, , NGAS DGE SLONG GI DGE 'DUN DRANG NGO SNYAM DU DGONGS PA MI MNGA' NA, NGAS DGE SLONG GI DGE 'DUN GYI PHYIR ZHAL CHEMS KHO NA CUNG ZAD BSTAN DU CI YOD, GZHAN YANG KUN DGA' BO NGA LA DGE SLONG GI DGE 'DUN GYI RAG LUS PA CI ZHIG YOD, KUN DGA' BO NGAS RTAG TU GOMS PAR BYA BA'I CHOS 'DI LTA STE, DRAN PA NYE BAR GZHAG PA BZHI PA DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAG PA'I LAM YAN LAG BRGYAD PA NI BSHAD ZIN TO,, ,,'DUL BA GZHI, BAM PO NYI SHU DGU PA, KUN DGA' BO DE BZHIN GSHEGS PA LA NI GANG ZHIG GZHAN DAG GIS SHES NA MI RUNG BAS DE BZHIN GSHEGS BAS BCAB BO SNYAM DU DGONGS PA'I SLOB DPON GYI DPE MKHYUD MI MNGA'O, ,KUN DGA' BO 'ON KYANG GANG GI TSE DE BZHIN GSHEGS PA SNYUN TSABS CHEN PO MI BZAD PA DRAG POS GRONGS LA THUG PAS THEBS PA DE LA NGA 'DI SNYAM DU SEMS TE, BDAG NAD TSABS CHEN PO MI BZAD PA DRAG PA SHI LA THUG PAS THEBS LA, DGE SLONG GI DGE 'DUN YANG 'THOR BAR GYUR @50B NA DGE SLONG GI DGE 'DUN 'THOR BA NA, BDAG YONGS SU MYA NGAN LAS 'DA' BA NI BDAG GI CHA MA YIN GYIS, MA LA BDAG GIS TSOR BA GCIG PO DE BRTZON 'GRUS KYIS SLAR BCIL LA, MTSAN MA THAMS CAD YID LA MI BYA BAR SEMS KYI TING NGE 'DZIN MTSAN MA MED PA LA LUS KYIS MNGON SUM DU BSGRUBS TE GNAS PAR BYA'O SNYAM NAS NGAS TSOR BA GCIG PO DE BRTZON 'GRUS KYIS SLAR BCIL NAS MTSAN MA THAMS CAD YID LA MI MDZAD PAR SEMS KYI TING NGE 'DZIN MTSAN MA MED PA SKUS MNGON SUM DU BSGRUBS NAS BZHUGS TE, DES NA DE BZHIN GSHEGS PA LHAG PAR SPYOD PA DANG LDAN ZHING LHAG PAR 'TSO BAR GYUR TO, ,GZHAN YANG KUN DGA' BO DA NI DE BZHIN GSHEGS PA NA TSOD LO BRGYAD BCU LON PAS SKU BGRES 'KHOGS GTUGS PAR GYUR TE, RNAM PA GNYIS LA BRTEN NAS 'TSO'O, ,DPER NA SHING RTA RNYID PA RNAM PA GNYIS LA BRTEN NAS BRTAN PA DE BZHIN DU, DE BZHIN GSHEGS PA YANG NA TSOD LO BRGYAD BCU LON PAS SKU BGRES 'KHOGS GTUGS PAR GYUR TE, RNAM PA GNYIS LA BRTEN NAS 'TSO'O, ,DE LTA BAS NA KUN DGA' BO KHYOD MYA NGAN MA BYED CIG ,NYON MONGS PAR MA BYED CIG ,SMRE SNGAGS MA 'DON CIG ,SKYE BA DANG, BYUNG BA DANG, BYAS PA DANG, 'DUS BYAS PA DANG, BSAGS PA GANG YIN PA DE RTEN CING 'BREL PAR 'BYUNG BA RNAM PAR 'GYES PA'I CHOS CAN DE LA MI 'JIG PA DE LTA BU LTA GA LA RNYED DE, DE NI GNAS MED DO, ,KUN DGA' BO GANG YANG NGAS KHYOD LA SDUG PA DANG, PHANGS PA DANG, DGA' BA DANG, YID DU 'ONG BA THAMS CAD DANG 'BRAL BA DANG, 'JIG PA DANG, 'GYES PA DANG, MI LDAN PAR 'GYUR BAR SNGA NAS BSHAD ZIN TO, ,KUN DGA' BO DE LTA BAS NAD LTA'AM, NGA 'DAS KYANG RUNG, BDAG NYID GLING DANG, BDAG NYID SKYABS DANG, CHOS KYI GLING DANG, CHOS KYI SKYABS KYIS GNAS PAR BYA'O GLING GZHAN DANG SKYABS GZHAN GYIS NI MA YIN NO, ,DE CI'I PHYIR ZHE NA, KUN DGA' BONG LTA'AM, NGA 'DAS KYANG RUNG GANG SU DAG BDAG NYID KLING DANG, BDAG NYID SKYABS DANG, CHOS KYI GLING DANG CHOS @51A *, ,KYI SKYABS KYIS GNAS PAR BYED KYI, GLING GZHAN DANG, SKYABS GZHAN GYIS NI MA YIN PA DE DAG NI 'DI LTA STE, NGA'I NYAN THOS BSLAB PA 'DOD PA RNAMS KYI MCHOG YIN NO, ,KUN DGA' BO JI LTAR NA DGE SLONG GIS BDAG NYID GLING DANG, BDAG NYID SKYABS DANG; CHOS KYI GLING DANG, CHOS KYI SKYABS KYIS GNAS PAR BYA'I, GLING GZHAN DANG, SKYABS GZHAN GYIS NI MA YIN ZHE NA, KUN DGA' BO 'DI LA DGE SLONG NANG GI LUS LA LUS KYI RJES SU LTA ZHING BRTZON 'GRUS DANG, SHES BZHIN DANG, DRAN PA DANG LDAN PAS 'JIG RTEN LA GNOD SEMS DANG YID MI BDE BA SPANGS NAS GNAS SO, ,NANG GI LUS DANG, PHYI'I LUS DANG, NANG DANG PHYI'I LUS DANG, NANG GI TSOR BA RNAMS DANG, PHYI'I TSOR BA RNAMS DANG, NANG DANG PHYI'I TSOR BA RNAMS DANG, NANG GI SEMS DANG, PHYI'I SEMS DANG, NANG DANG PHYI'I SEMS DANG, NANG GI CHOS RNAMS DANG, PHYI'I CHOS RNAMS DANG, NANG DANG PHYI'I CHOS RNAMS LA CHOS KYI RJES SU LTA ZHING BRTZON 'GRUS DANG, SHES BZHIN DANG, DRAN PA DANG LDAN PAS 'JIG RTEN LA GNOD SEMS DANG, YID MI BDE BA SPANGS NAS GNAS PA STE, KUN DGA' BO DGE SLONG 'DI LTA BU NI BDAG NYID GLING DANG, BDAG NYID SKYABS DANG, CHOS KYI GLING DANG, CHOS KYI SKYABS KYIS GNAS KYI, GLING GZHAN DANG, SKYABS GZHAN GYIS NI MA YIN PA YIN NO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA; KUN DGA' BO DBUS KYI GRONG GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS KYIS PHYOGS GZHAN ZHIG TU 'DZUM PA MDZAD DO, ,CHOS NYID KYIS GANG GI TSE SANGS RGYAS BCOM LDAN 'DAS RNAMS 'DZUM PA MDZAD PA DE'I TSE BCOM LDAN 'DAS KYI ZHAL NAS 'OD ZER SNGON PO DANG, SER PO DANG, DMAR PO DANG, DKAR PO DAG 'BYUNG ZHING KHA CIG NI 'OG TU 'GRO'O, ,KHA CIG NI STENG DU 'GRO'O, ,GANG DAG 'OG TU SONG BA DE DAG NI YANG SOS DANG, @51B THIG NAG DANG, SDUD 'JOMS DANG, DU 'BOD DANG, DU 'BOD CHEN PO DANG, TSA BA DANG RAB TU TSA BA DANG, MNAR MED PA DANG, CHU BUR CAN DANG, CHU BUR RDOL BA DANG, SO THAMS THAMS DANG, KYI HUD ZER BA DANG, AA CU ZER BA DANG, AUTPALA LTAR GAS PA DANG, PADMA LTAR GAS PA DANG, PADMA LTAR GAS PA CHEN PO'I SEMS CAN DMYAL BA RNAMS SU SONG NAS TSA BA'I SEMS CAN DMYAL BA GANG DAG YIN PA DE DAG LA NI BSIL BAR 'BAB BO, ,GRANG BA'I SEMS CAN DMYAL BA GANG DAG YIN PA DE DAG LA NI DRO BAR 'BAB BO, ,DES SEMS CAN DE RNAMS KYI GNOD PA'I KHYAD PAR DAG SO SOR BCIL LO, ,DE RNAMS 'DI SNYAM DU SEMS TE, SHES LDAN DAG CI BDAG CAG 'DI NAS SHI 'PHOS SAM 'ON TE GZHAN DU SKYES SNYAM PA DANG, DE RNAMS DAD PA BSKYED PA'I PHYIR BCOM LDAN 'DAS KYIS SPRUL PA ZHIG BTANG NGO, ,DE RNAMS KYIS SPRUL PA MTHONG NAS 'DI SNYAM DU SEMS TE, SHES LDAN DAG BDAG CAG NI 'DI NAS SHI 'PHOS PA YANG MED LA, GZHAN DU SKYES PA MED MOD KYI, 'ON KYANG SNGON MA MTHONG BA'I SEMS CAN 'DI'I MTHUS BDAG CAG GI SDUG BSNGAL GYI KHYAD PAR RNAMS SO SOR BCIL LO, , ZHES DE RNAMS SPRUL PA LA SEMS MNGON PAR DAD PAR GYUR PAS DMYAL BA MYONG BAR 'GYUR BA'I LAS DE ZAD PAR BYAS NAS GANG DU BDEN PA RNAMS KYI SNOD DU RUNG BAR 'GYUR BA LHA DANG MI RNAMS KYI NANG DU NYING MTSAMS SBYOR BA BZUNG NGO, ,GANG DAG STENG DU SONG BA DE DAG NI RGYAL CHEN BZHI'I RIS DANG; SUM BCU RTZA GSUM PA DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED DANG, TSANGS RIS DANG, TSANGS PA'I MDUN NA 'DON DANG, TSANGS PA CHEN PO DANG, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG; TSAD MED DGE DANG, DGE RGYAS DANG, SPRIN MED DANG, BSOD NAMS SKYES DANG, 'BRAS BU CHE BA DANG, MI CHE BA DANG, MI GDUNG BA DANG, GYA NOM SNANG BA DANG, SHIN TU MTHONG BA DANG, 'OG MIN GYI LHA RNAMS KYI NANG DU SONG NAS MI RTAG PA DANG, SDUG BSNGAL BA DANG, @52A *, ,STONG PA DANG, BDAG MED PA'I DBYANGS SGROG CING TSIGS SU BCAD PA GNYIS KYIS KYANG BSGRAGS SO, ,BRTZAM PAR BYA ZHING 'BYUNG BAR BYA, ,SANGS RGYAS BSTAN LA 'JUG PAR BYA, ,'DAM BU'I KHYIM LA GLANG CHEN BZHIN, ,'CHI BDAG SDE NI GZHOM PAR BYA, ,GANG ZHIG RAB TU BAG YOD PAS, ,CHOS 'DUL 'DI LA BRTZON GYUR NA, ,SKYE BA'I 'KHOR BA RAB SPANGS NAS, ,SDUG BSNGAL THA MAR BYED PAR 'GYUR, ,DE NAS 'OD ZER DE DAG GIS STONG GSUM GYI STONG CHEN PO'I 'JIG RTEN GYI KHAMS BYUL NAS BCOM LDAN 'DAS KYI RJES BZHIN DU 'GRO'O, ,DE LA GAL TE BCOM LDAN 'DAS KYIS 'DAS PA'I LAS LUNG STON PAR BZHED NA NI BCOM LDAN 'DAS KYI SNAM LOGS SU NUB PAR 'GYUR RO, ,MA 'ONGS PA LUNG STON PAR BZHED NA NI MDUN LOGS SU NUB PAR 'GYUR RO, ,DMYAL BAR SKYE BAR LUNG STON PAR BZHED NA NI ZHABS KYI MTHIL DU NUB PAR 'GYUR RO, ,DUD 'GROR SKYE BAR LUNG STON PAR BZHED NA NI ZHABS KYI RTING PAR NUB PAR 'GYUR RO, ,YI DAGS SU SKYE BAR LUNG STON PAR BZHED NA NI ZHABS KYI MTHE BOR NUB PAR 'GYUR RO, ,MIR SKYE BAR LUNG STON PAR BZHED NA NI ZHABS KYI PUS MOR NUB PAR 'GYUR RO, ,STOBS KYI 'KHOR LOS SGYUR BA'I RGYAL POR LUNG STON PAR BZHED NA NI PHYAG G-YON PA'I MTHIL DU NUB PAR 'GYUR, 'KHOR LOS SGYUR BA'I RGYAL POR LUNG STON PAR BZHED NA NI PHYAG G-YAS PA'I MTHIL DU NUB PAR 'GYUR, LHAR SKYE BAR LUNG STON PAR BZHED NA NI LTE BAR NUB PAR 'GYUR, NYAN THOS KYI BYANG CHUB TU LUNG STON PAR BZHED NA NI ZHAL GYI NANG DU NUB PAR 'GYUR, RANG SANGS RGYAS KYI BYANG CHUB TU LUNG STON PAR BZHED NA NI MDZOD SPUR NUB PAR 'GYUR, BLA NA MED PA YANG DAG PAR RDZOGS PA'I BYANG CHUB TU LUNG STON PAR BZHED NA NI DBU'I GTZUG TU NUB PAR 'GYUR RO, ,DE NAS 'OD ZER DE DAG GIS BCOM LDAN 'DAS LA LAN GSUM BSKOR BA BYAS NAS BCOM LDAN 'DAS KYI DBU'I GTZUG TU NUB BO, ,DE NAS BCOM LDAN 'DAS LA TSE DANG LDAN PA KUN DGA' BOS THAL MO SBYAR NAS ZHUS PA, KHA DOG @52B SNA TSOGS STONG GIS BKRA BA YI, ,TSOGS RNAMS ZHAL GYI NANG NAS BYUNG GYUR PA, ,JI LTAR GDUGS NI SHAR BAR GYUR PA BZHIN, ,DE YIS PHYOGS RNAMS KUN DU SNANG BAR BGYIS, ,YANG TSIGS SU BCAD PA DAG GIS GSOL TO, ,RGOD BRAL ZHUM DANG RGYAGS PA SPANGS PA YIS; ;SANGS RGYAS 'GRO NANG MCHOG GI RGYUR GYUR PA, ,RGYAL BA DGRA THUL BYED RGYU MA MCHIS PA, ,RTZA LAG DUNG LTAR DKAR 'DZUM STON MI MDZAD, ,DE SLAD BRTAN PA NYID BLOS DUS MKHYEN NAS, ,RGYAL BA'I DBANG PO THUB PA SKYES KYI MCHOG ,NYAN PAR 'TSAL BA'I NYAN PA PO RNAMS KYI, ,THE TZOM SKYES PA GSUNG TSIG BRTAN PA DANG, ,DAM PA BZANG PO DAG GIS BSAL DU GSOL, ,TSVA CHU'I RI BO LTA BUR BRTAN PA'I MCHOG ,RDZOGS SANGS RGYAS RNAMS GLO BUR 'DZUM MI STON, ,BRTAN PA JI SLAD 'DZUM PA STON MDZAD PA, ,SKYE BO PHAL CHEN 'DI DAG DE NYAN 'TSAL, ,BCOM LDAN 'DAS KYIS BKA' STZAL PA, KUN DGA' BO DE DE BZHIN NO, ,DE DE BZHIN TE, KUN DGA' BO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI RGYU MED RKYEN MED PAR 'DZUM PA MI MDZAD DO, ,KUN DGA' BO KHYOD KYIS SA PHYOGS 'DI MTHONG NGAM, BTZUN PA 'DI MTHONG LAGS SO, ,KUN DGA' BO PHYOGS 'DIR YANG DAG PAR RDZOGS PA'I SANGS RGYAS GSUM BZHUGS PAR GYUR TO, ,DE NAS TSE DANG LDAN PA KUN DGA' BOS MYUR BA MYUR BAR BLA GOS BZHI LTAB TU BYAS TE BTING NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS GDAN BSHAMS PA KHO NA LA BZHUGS SHIG DANG, SA PHYOGS 'DI YANG DAG PAR RDZOGS PA'I SANGS RGYAS BZHIS YONGS SU LONGS SPYAD PAR 'GYUR LAGS SO, ,BCOM LDAN 'DAS GDAN BSHAMS PA NYID LA BZHUGS SO, ,SKAD CIG GCIG BZHUGS NAS TSE DANG LDAN PA KUN DGA' BO LA BKA' STZAL PA, KUN DGA' BO GRONG KHYER MI THI LA GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS LUS 'PHAGS KYI LJONGS @53A *, ,RGYU ZHING GSHEGS PA NA MI THI LAR BYON NAS, MI THI LA'I LHA CHEN PO'I AA MRA'I TSAL NA BZHUGS SO, ,DE NAS BCOM LDAN 'DAS KYIS SA PHYOGS GZHAN ZHIG TU 'DZUM PA MDZAD DO, ,TSE DANG LDAN PA KUN DGA' BOS BCOM LDAN 'DAS 'DZUM PA MDZAD PA MTHONG NGO; ;MTHONG NAS KYANG BCOM LDAN 'DAS LA 'DI SKAD CES GSOL TO, ,BTZUN PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RGYU MA MCHIS RKYEN MA MCHIS PAR 'DZUM PA MI MDZAD NA BTZUN PA BCOM LDAN 'DAS 'DZUM PA MDZAD PA DE'I RGYU GANG LAGS RKYEN GANG LAGS, KUN DGA' BO DE DE BZHIN NO, ,DE DE BZHIN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RGYU MED RKYEN MED PAR 'DZUM PA MI MDZAD DO, ,KUN DGA' BO SNGON BYUNG BA MI RNAMS KYI TSE LO BRGYAD KHRI THUB PAR GYUR TE, MI TSE LO BRGYAD KHRI PA RNAMS KYI 'DZAM BU'I GLING 'DI 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG MI MANG POS GANG BA, GRONG DANG, GRONG RDAL DANG, YUL 'KHOR DANG, RGYAL PO'I PHO BRANG GI BAR BYA GAG GI 'PHUR STABS KYIS CHOD PA BYUNG BAR GYUR TO, ,MI TSE LO BRGYAD KHRI PA RNAMS LA LUS KYI GNOD PA NI 'DI LTA BU DAG 'BYUNG STE, 'DI LTA STE GRANG BA DANG, TSA BA DANG, BKRES PA DANG, SKOM PA DANG, 'DONG PA DANG, YI GA 'CHUS PA DANG, RGA BA YIN NO, ,MI TSE LO BRGYAD KHRI PA RNAMS KYI BU MO NI BTZAS NAS LO LNGA BRGYA LON PA DANG KHYO LA GTONG BAR BYED DE, DPER NA DA LTAR GYI LO BCVO LNGA'AM LO BCU DRUG LON PA BZHIN NO, ,KUN DGA' BO MI RNAMS KYI TSE LO BRGYAD KHRI THUB PA NA 'KHOR LOS SGYUR BA'I RGYAL PO LHA CHEN PO ZHES BYA BA MTHA' BZHIR RNAM PAR RGYAL BA CHOS DANG LDAN PA CHOS KYI RGYAL PO RIN PO CHE SNA BDUN DANG LDAN PA ZHIG BYUNG NGO, ,DE'I RIN PO CHE SNA BDUN NI 'DI LTA BU DAG BYUNG STE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA NI BLON PO RIN PO CHE NYID YIN @53B NO; ;DE LA YANG BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG YANG TSANG BAR BYUNG STE, DE RGYA MTSO LA THUG PA'I SA CHEN PO MA LUS PA GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA, CHOS DANG MTHUN ZHING SNYOMS PAS LEGS PAR PHAB STE GNAS SO, ,DE NAS RGYAL PO LHA CHEN PO'I SKRA DANG KHA SPU 'BREG MKHAN GYI MIS SKRA DANG KHA SPU 'CHOS PA NA 'BREG MKHAN GYI MI LA SMRAS PA, KYE NANG RJE NGA'I DBU LA SKRA DKAR PO SKYES PA KHYOD KYIS MTHONG DANG LHA'I PHO NYA BYUNG BA YIN GYIS DE'I TSE NGA'I SNYAN DU GSOL CIG ,LHA BKA' BZHIN 'TSAL ZHES 'BREG MKHAN GYI MIS RGYAL PO LHA CHEN PO'I LTAR MNYAN TO, ,DUS GZHAN ZHIG NA 'BREG MKHAN GYIS RGYAL PO LHA CHEN PO'I SKRA DANG KHA SPU 'CHOS PA NA RGYAL PO LHA CHEN PO'I MGO LA SKRA DKAR PO SKYES PAS LHA'I PHO NYA BYUNG BAR MTHONG NGO, ,MTHONG NAS KYANG RGYAL PO LHA CHEN PO LA 'DI SKAD CES SMRAS SO, ,LHA MKHYEN PAR MDZAD DU GSOL, KHYOD KYI DBU LA DBU SKRA DKAR PO SKYES PAS LHA'I PHO NYA BYUNG LAGS SO, ,DES SMRAS PA, KYE NANG RJE KHYOD KYIS SKRA DKAR PO DE DAG MI BREG PAR DAL BU DAL BUS PHYUNG LA NGA'I LAG TU BYIN CIG ,LHA BKA' BZHIN 'TSAL ZHES 'BREG MKHAN GYIS RGYAL PO LHA CHEN PO'I LTAR MNYAN NAS SKRA DKAR PO DE GSER GYI SMANG TSER GYIS MI DRAG PAR DAL GYIS DAL GYIS PHYUNG NAS RGYAL PO LHA CHEN PO'I LAG PAR BZHAG GO, ,DE NAS RGYAL PO LHA CHEN POS SKRA DKAR PO DE LAG PA GNYIS KYIS DRANGS NAS TSIGS SU BCAD DE SMRAS PA, DA NI BDAG GI MGO BO LA, ,NA TSOD 'JOMS PA'I SKRA SKYES TE, ,LHA YI PHO NYA BYUNG GYUR PAS, ,BDAG GI RAB BYUNG DUS LA BAB, ,BDAG GIS MI RNAMS KYI 'DOD PA NI SPYAD ZIN GYIS BDAG GIS LHA'I 'DOD PA DAG BTZAL BA'I DUS LA BAB KYIS, MA LA BDAG GIS GZHON NU THU BO RGYAL SRID KYI DBANG PHYUG LA DBANG BYED DU BCUG LA RGYAL PO'I DRANG SRONG GI TSANGS PAR SPYAD DO SNYAM NAS, DE NAS RGYAL PO LHA CHEN POS GZHON NU PHO NYAS BKUG NAS 'DI SKAD CES SMRAS SO, ,BU GZHON NU SHES PAR GYIS SHIG , @54A *, ,NGA'I MGO LA SKRA DKAR PO SKYES PAS LHA'I PHO NYA BYUNG BAR GYUR TE, NGAS MI RNAMS KYI 'DOD PA NI SPYAD ZIN PAS NGAS LHA'I 'DOD PA DAG BTZAL BA'I DUS LA BAB STE, NGAS BU GZHON NU KHYOD LA RGYA MTSO'I MTHAS KLAS PA'I SA CHEN PO 'DI GTAD KYIS DE KHYOD KYIS CHOS BZHIN GYIS RJES SU BSKYANG BAR BYA'I CHOS MA YIN PAS NI MA YIN NO, ,'GA' ZHIG CHOS MA YIN PA SPYOD DAM 'DREN MAR SPYOD NA KHYOD KYIS YUL 'KHOR DU GNAS SU MA GZHUG SHIG ,BU GZHON NU GANG GI TSE KHYOD KYANG MGO LA SKRA DKAR PO SKYES PA MTHONG BA DANG LHA'I PHO NYA 'ONGS PA YIN GYIS; DE'I TSE KHYOD KYIS KYANG GZHON NU THU BO RGYAL SRID KYI DBANG PHYUG LA DBANG BYED DU CHUG LA RGYAL PO'I DRANG SRONG GI TSANGS PAR SPYAD PA SPYOD CIG ,'DI LTAR BU GZHON NU KHYOD KYI DGE BA'I LAM NGES PA SROL DOD PA DE LTA BU'I RJES BSAB PAR BYA'I RGYUN CHAD PAR MA BYED CIG ,SKYES BU THA SHAL DU GYUR TA RE, BU GZHON NU 'GA' ZHIG 'DI LTA BU'I SKYES BU BZANG PO RGYUD DU BYUNG BA'I DGE BA'I LAM NGES PA SROL DOD PA DE LTA BU'I RJES MI 'TSOB PA GANG YIN PA DE DE RNAMS KYI RGYUN GCOD PA YIN ZHING DE DE RNAMS KYI NANG NA SKYES BU THA SHAL DU GYUR PA YIN NO, ,DE LTA BAS NA DA KHYOD LA 'DI SKAD CES; GANG GI TSE KHYOD KYIS 'DI LTA BU'I SKYES BU BZANG PO RGYUD DU BYUNG BA'I DGE BA'I LAM NGES PA SROL DOD PA DE LTA BU'I RJES SOBS LA RGYUN CHAD PAR MA BYED CIG ,SKYES BU THA SHAL DU GYUR PAR MA BYED CIG CES SMRA'O, ,DE NAS RGYAL PO LHA CHEN POS GZHON NU THU BO RGYAL SRID KYI DBANG PHYUG LA DBANG BYED DU BCUG NAS MI THI LA'I LHA CHEN PO'I AA MRA'I TSAL DE NYID DU RGYAL PO'I DRANG SRONG GI TSANGS PAR SPYOD PA SPYAD DO, ,KUN DGA' BO RGYAL PO LHA CHEN POS GZHON NU THU BO GANG YIN PA DE RGYAL SRID KYI DBANG PHYUG LA DBANG BYED DU BCUG PA DE'I MING YANG 'KHOR LOS SGYUR BA'I RGYAL PO LHA CHEN PO ZHES BYA BA MTHA' BZHIR RNAM PAR RGYAL BA ZHES BYA BA NAS GNAS SO ZHES BYA BA'I BAR GONG MA BZHIN DU'O, ,DE NAS RGYAL PO LHA CHEN PO'I SKRA DANG KHA SPU 'BREG MKHAN GYI MIS SKRA DANG KHA SPU 'CHOS PA NA ZHES BYA BA NAS, DE DE RNAMS KYI NANG NA SKYES BU THA SHAL DU GYUR @54B BA YIN NO ZHES BYA BA'I BAR GONG MA BZHIN DU'O, ,DE NAS RGYAL PO LHA CHEN POS GZHON NU THU BO RGYAL SRID KYI DBANG PHYUG LA DBANG BYED DU BCUG NAS RGYAL PO'I DRANG SRONG GI TSANGS PAR SPYOD PA SPYAD DO, ,KUN DGA' BO BU DANG, TSA BO DANG, YANG TSA DANG, SUM TSA LA SOGS PA DE LTAR BRGYUD PAS LHA CHEN PO BRGYAD KHRI BZHI STONG MI THI LA'I LHA CHEN PO'I AA MRA'I TSAL 'DI NYID DU RGYAL PO'I DRANG SRONG GI TSANGS PAR SPYOD PA SPYAD DO, ,DE RNAMS KYI THA MA RGYAL PO MU KHYUD CES BYA BA CHOS KYI RGYAL PO CHOS DANG LDAN PA CHOS LA GNAS PA'I RGYAL PO CHEN PO ZHIG BYUNG STE, DE BTZUN MO DANG, GZHON NU DANG, BLON PO DANG, KHROM GYI RU PA DANG, GRONG MI DANG, YUL MI DAG DANG CHOS SPYOD DE SBYIN PA DAG GTONG, BSOD NAMS DAG BYED CING BSNYEN GNAS LA GNAS TE TSUL KHRIMS YANG DAG PAR BLANGS NAS 'DUG GO, ,DE'I TSE LHA'I DBANG PO BRGYA BYIN LHA'I 'DUN SA CHOS BZANG DU SUM BCU RTZA GSUM PA'I LHA 'DUS SHING 'KHOD PA RNAMS KYI MDUN DU BSNGAGS PA RJOD PAR BYED DE, GROGS PO DAG LUS 'PHAGS KYI MI RNAMS KYIS RNYED PA LEGS PAR RNYED DE, LUS 'PHAGS KYI MI DE RNAMS KYI RGYAL PO MU KHYUD NI CHOS KYI RGYAL PO CHOS DANG LDAN PA CHOS LA GNAS PA'I RGYAL PO CHEN PO DE BTZUN MO DANG ZHES BYA BA NAS TSUL KHRIMS YANG DAG PAR BLANGS TE 'DUG GO ZHES BYA BA'I BAR GONG MA BZHIN DU'O, ,GROGS PO DAG KHYED CAG RGYAL PO MU KHYUD LTA BAR 'DOD DAM, KOO SHI KA SHIN TU 'TSAL LO; ;GROGS PO DAG DE'I PHYIR KHYED CAG SDOD CIG DANG KHO BOS RE ZHIG RGYAL PO MU KHYUD BLTA'O, ,DE NAS LHA'I DBANG PO BRGYA BYIN DPER NA SKYES BU STOBS DANG LDAN PA'I LAG PA BSKUM PA LAS BRKYANG BA'AM, BRKYANG BA LAS BSKUM PA TZAM GYIS SUM BCU RTZA GSUM PA'I LHA RNAMS KYI LHA'I 'DUN SA CHOS BZANG NAS MI SNANG BAR GYUR TE, MI THI LAR RGYAL PO MU KHYUD KYI KHANG BZANGS SU 'DUG GO, ,'DI SKAD CES KYANG SMRAS TE, MU KHYUD KHYOD LA LHA'I 'DUN SA TSOS BZANG DU SUM BCU RTZA GSUM PA'I LHA 'DUS SHING 'DUG PA RNAMS BSNGAGS PA RJOD PA NI KHYOD @55A *, ,KYIS RNYED PA LEGS PAR RNYED DO, ,GROGS PO LUS 'PHAGS KYI MI RNAMS KYIS RNYED PA ZHES BYA BA NAS TSUL KHRIMS YANG DAG PAR BLANGS TE 'DUG PAR BYED DO ZHES BYA BA'I BAR GONG MA BZHIN DU'O, ,MU KHYUD KHYOD SUM BCU RTZA GSUM PA'I LHA RNAMS BLTA BA'I PHYIR 'GRO 'DOD DAM, KOO SHI KA BDAG SUM BCU RTZA GSUM PA'I LHA RNAMS BLTA BA'I PHYIR MCHI BAR 'TSAL LO, ,MU KHYUD DE'I PHYIR SDOD CIG DANG RE ZHIG KHO BOS KHYOD LA RTA CANG SHES STONG DANG LDAN PA'I SHING RTA BSKUR GYIS DE'I NANG DU KHYOD ZHUGS LA MA G-YO BAR SHOG SHIG ,DE BZHIN DU BGYI'O ZHES RGYAL PO MU KHYUD KYIS LHA'I DBANG PO BRGYA BYIN GYI LTAR MNYAN TO, ,DE NAS LHA'I DBANG PO BRGYA BYIN SUM BCU RTZA GSUM PA'I LHA RNAMS KYI NANG DU SONG NAS KHA LO SGYUR BA MA LA GDU LA SMRAS PA, MA LA GDU KHYOD SONG LA MYUR BA KHO NAR RTA CANG SHES STONG DANG LDAN PA'I SHING RTA SHOMS TE RGYAL PO MU KHYUD GANG NA BA DER SONG LA PHYIN NAS 'DI SKAD CES, MU KHYUD KHYOD LA LHA'I DBANG PO BRGYA BYIN GYIS RTA CANG SHES STONG DANG LDAN PA'I SHING RTA BSKUR BA 'DI YIN GYIS, 'DIR KHYOD ZHUGS LA MA G-YO BAR SHOG SHIG CES SMROS SHIG ,KOO SHI KA KHYOD KYIS GSUNGS PA SHIN TU BZANG NGO ZHES KHA LO SGYUR BA MA LA GDUS LHA'I DBANG PO BRGYA BYIN GYI LTAR MNYAN NAS MYUR BA KHO NAR RTA CANG SHES STONG DANG LDAN PA'I SHING RTA BSHAMS NAS RGYAL PO MU KHYUD GANG NA BA DER SONG STE PHYIN PA DANG 'DI SKAD CES SMRAS SO, ,MU KHYUD KHYOD LA LHA'I DBANG PO BRGYA BYIN GYIS RTA CANG SHES STONG DANG LDAN PA'I SHING RTA BSKUR BA 'DI YIN GYIS, 'DIR KHYOD ZHUGS LA MA G-YO BAR SHOG SHIG CES ZER RO, ,KUN DGA' BO RGYAL PO MU KHYUD RTA CANG SHES STONG DANG LDAN PA'I SHING RTA'I NANG DU MI G-YO BAR ZHUGS PA DANG, DE NAS KHA LO SGYUR BA MA LA GDUG RGYAL PO MU KHYUD LA 'DI SKAD CES SMRAS SO, ,MU KHYUD KHYOD KYI SHING RTA GANG LOGS SU DRANG, GANG NA SEMS CAN SDIG PA'I LAS CAN RNAMS SDIG PA MI DGE BA'I LAS KYI RNAM PAR SMIN PA SO SOR NYAMS SU MYONG BA LOGS SU'AM, GANG NA SEMS CAN DGE BA'I LAS CAN RNAMS LAS DGE BA'I @55B RNAM PAR SMIN PA SO SOR NYAMS SU MYONG BA LOGS SU DRANG, MA LA GDU DE'I PHYIR KHO BOS GANG DU GNYI GA MTHONG BAR 'GYUR BA GANG NA SEMS CAN SDIG PA'I LAS CAN RNAMS SDIG PA MI DGE BA'I LAS KYI RNAM PAR SMIN PA SO SOR NYAMS SU MYONG BA DAG YOD PA DANG, GANG NA SEMS CAN DGE BA'I LAS CAN RNAMS LAS DGE BA'I RNAM PAR SMIN PA SO SOR NYAMS SU MYONG BA DAG YOD PA DER SHING RTA DRONGS SHIG ,DE NAS KHA LO SGYUR BA MA LA GDUS RGYAL PO MU KHYUD KYI SHING RTA RGYAL PO MU KHYUD KYIS GANG NA SEMS CAN SDIG PA'I LAS CAN RNAMS SDIG PA MI DGE BA'I LAS KYI RNAM PAR SMIN PA SO SOR NYAMS SU MYONG BA DAG YOD PA DANG, GANG NA SEMS CAN DGE BA'I LAS CAN RNAMS LAS DGE BA'I RNAM PAR SMIN PA SO SOR NYAMS SU MYONG BA DAG YOD PA GNYI GA RGYAL PO MU KHYUD KYIS JI LTAR MTHONG BAR 'GYUR BA DE LTAR DRANGS SO, ,KUN DGA' BO RGYAL PO MU KHYUD SUM BCU RTZA GSUM PA'I LHA RNAMS KYI NANG DU SONG NAS RGYAL PO MU KHYUD LHA'I 'DUN SA CHOS BZANG DU ZHUGS PA DANG, LHA'I DBANG PO BRGYA BYIN GYIS RGYAL PO MU KHYUD LA STAN PHYED BSTABS NAS RGYAL PO MU KHYUD DANG LHA'I DBANG PO BRGYA BYIN STAN PHYED PHYED LA 'KHOD DO, , KUN DGA' BO RGYAL PO MU KHYUD DANG LHA'I DBANG PO BRGYA BYIN STAN PHYED PHYED LA 'KHOD PA NA KHYAD PAR RAM BSAM PA'AM THA DAD DU BYA BA MED KYI, GZHAN DU NA LHA'I DBANG PO BRGYA BYIN NI MIG 'DZUMS PAR MI BYED DO, ,DE NAS LHA'I DBANG PO BRGYA BYIN GYIS RGYAL PO MU KHYUD LA 'DI SKAD CES SMRAS SO; ;MU KHYUD 'DI NYID DU 'DUG LA MU KHYUD KHYOD DGA' BAR SPYOD CIG ,'DOD PA'I YON TAN LNGA 'BYOR CING LDAN PA LA RTZED MO BYOS SHIG ,DGA' BAR SPYOD CIG ,DGA' MGUR SPYOD CIG ,DE NAS RGYAL PO MU KHYUD KYIS DE'I TSE TSIGS SU BCAD DE SMRAS PA, JI LTAR SNOD DANG SHING RTA DAG ,RE ZHIG DUS KYI BRNYAN PO LTAR, ,GZHAN DAG DBANG SGYUR GANG YIN PA'I, ,GNAS KYANG DE DANG 'DRA BA YIN, ,'DI NAS MI THI LAR SONG LA, ,DGE BA MANG PO RNAMS BYA STE, ,BSOD NAMS BYAS SHING 'BYOR BYAS NAS, ,MTHO RIS SU NI 'GRO BAR BYA, ,KUN @56A *, ,DGA' BO DE'I CHE DE'I DUS NA RGYAL PO LHA CHEN PO ZHES BYA BA GANG GIS DGE BA'I LAM NGES PA DE LA ZHUGS SHING, GANG DGE BA'I LAM NGES PA LA ZHUGS PA LA BRTEN NAS LHA CHEN PO BRGYAD KHRI BZHI STONG MI THI LA'I LHA CHEN PO'I AA MRA'I TSAL 'DI NYID DU RGYAL PO'I DRANG SRONG GI TSANGS PAR SPYOD PA SPYAD PAR GYUR PA BYUNG BA GANG YIN PA DE GZHAN YIN PA SNYAM DU SEMS NA KHYOD KYIS DE LTAR MI BLTA'O, ,DE CI'I PHYIR ZHE NA, KUN DGA' BO NGA NYID DE'I TSE DE'I DUS NA RGYAL PO LHA CHEN PO ZHES BYA BAR GYUR TE, NGA NYID KYIS DGE BA'I LAM NGES PA DE SROL BTOD CING DGE BA'I LAM NGES PA SROL DOD PA LA BRTEN NAS LHA CHEN PO BRGYAD KHRI BZHI STONG GIS MI THI LA 'DI NYID NA LHA CHEN PO'I AA MRA'I TSAL 'DI NYID DU RGYAL PO'I DRANG SRONG GI TSANGS PAR SPYOD PA SPYAD DO, ,DE CI'I PHYIR ZHE NA, KUN DGA' BO DE'I TSE NGA 'DOD CHAGS DANG BCAS, ZHE SDANG DANG BCAS, GTI MUG DANG BCAS PAR GYUR TE, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA LAS YONGS SU MA GROL ZHING SDUG BSNGAL LAS YONGS SU MA GROL LO ZHES GSUNG NGO, ,KUN DGA' BO NGA NI NGA 'JIG RTEN DU STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS SU BYUNG NAS 'DOD CHAGS DANG BRAL, ZHE SDANG DANG BRAL, GTI MUG DANG BRAL BAS SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA LAS YONGS SU GROL ZHING SDUG BSNGAL LAS YONGS SU GROL LO ZHES GSUNG NGO, ,KUN DGA' BO DA LTAR NA YANG NGAS DGE BA'I LAM NGES PA SROL BTOD PA DE LA BRTEN NAS SEMS CAN SKYE BA'I CHOS CAN RNAMS NI SKYE BA'I CHOS NYID LAS YONGS SU GROL BAR 'GYUR, SEMS CAN RGA BA DANG, NA BA DANG, 'CHI @56B BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I CHOS CAN RNAMS NI 'KHRUG PA'I CHOS NYID LAS YONGS SU GROL BAR 'GYUR, NGAS DGE BA'I LAM NGES PA LA ZHUGS SHING DGE BA'I LAM NGES PA LA ZHUGS PA DE LA BRTEN NAS SEMS CAN SKYE BA'I CHOS CAN NAS SEMS CAN 'KHRUG PA'I CHOS CAN GYI BAR DAG 'KHRUG PA'I CHOS NYID LAS YONGS SU GROL BAR 'GYUR BA DE GANG YIN ZHE NA 'DI LTA STE, 'PHAGS PA'I LAM YAN LAG BRGYAD PA YIN TE, 'DI LTA STE, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TE, 'DI NI NGAS DGE BA'I LAM NGES PA LA ZHUGS, DGE BA'I LAM NGES PA LA ZHUGS PA DE LA BRTEN NAS SEMS CAN SKYE BA'I CHOS CAN NAS GONG MA BZHIN DU 'KHRUG PA'I CHOS NYID LAS YONGS SU GROL BAR 'GYUR BA'I BAR YIN NO, ,KUN DGA' BO KHYOD KYIS KYANG DE BZHIN DU DGE BA'I LAM NGES PA SROL DOD PA DE LTA BU'I RJES BSAB PAR BYA'I RGYUN CHAD PAR MA BYED CIG ,SKYES BU THA SHAL DU GYUR PAR MA BYED CIG ,KUN DGA' BO GANG LA LA DE LTA BU'I NYAN THOS BZANG PO RGYUD DU BYUNG BA'I DGE BA'I LAM NGES PA SROL DOD PA DE LTA BU'I RJES MI 'TSOB PA DE NI DE RNAMS KYI RGYUN GCOD PA YIN ZHING, DE DE RNAMS KYI SKYES BU THA SHAL DU GYUR BA YIN NO, ,DE BAS NA NGA KHYOD LA 'DI SKAD DU CI NAS KYANG KHYOD KYIS DE LTA BU'I NYAN THOS BZANG PO RGYUD DU BYUNG BA'I LAM NGES PA SROL DOD PA DE LTA BU DE'I RJES SOBS SHIG ,RGYUN CHAD PAR MA BYED CIG ,SKYES BU THA SHAL DU GYUR PAR MA BYED CIG CES SMRA'O, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO LUS 'PHAGS GANG NA BA DER 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS LUS 'PHAGS SU BYON NAS LUS 'PHAGS @57A *, ,KYI PHYOGS GZHAN ZHIG TU 'DZUM PA MDZAD DO ZHES BYA BA NAS SANGS RGYAS BZHI'I GDAN YIN NO ZHES BYA BA DANG, SKAD CIG GCIG BZHUGS NAS ZHES BYA BA RGYAS PAR GONG MA BZHIN NO, ,TSE DANG LDAN PA KUN DGA' BO LA BKA' STZAL PA, KUN DGA' BO SA LA GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS BCOM LDAN 'DAS SPONG BYED NAS LJONGS RGYU ZHING GSHEGS PA DANG SA LAR BYON NAS SA LA'I BRAM ZE'I GRONG NA BZHUGS SO, ,DE NAS BCOM LDAN 'DAS SNGA DRON BZA' SHAM THABS MNABS, LHUNG BZED DANG CHOS GOS BSNAMS TE SA LAR BSOD SNYOMS LA ZHUGS SO, ,DE NAS BDUD SDIG CAN 'DI SNYAM DU SEMS TE, DGE SBYONG GOO TA MA 'DIS SA LA'I BRAM ZE'I GRONG NA 'DUG STE, DE SNGA DRO SHAM THABS BGOS, LHUNG BZED DANG CHOS GOS THOGS TE SA LAR BSOD SNYOMS LA ZHUGS KYIS, MA LA BDAG GIS SA LA'I BRAM ZE DANG KHYIM BDAG RNAMS JI LTAR DGE SBYONG GOO TA MAS JI LTAR LHUNG BZED BKRUS TE SA LAR BSOD SNYOMS LA ZHUGS PA BKRUS PA DE KHO NA BZHIN BSOD SNYOMS KHAM 'GA' YANG MA RNYED PAR PHYIR LDOG PA DE LTAR DE LTAR BYIN GYIS BRLAB BO SNYAM MO, ,DE NAS BDUD SDIG CAN GYIS SA LA'I BRAM ZE DANG KHYIM BDAG RNAMS JI LTAR BCOM LDAN 'DAS KYIS JI LTAR LHUNG BZED PA KRUS TE SA LAR BSOD SNYOMS LA ZHUGS PA BKRUS PA DE KHO NA BZHIN DU BSOD SNYOMS KHAM 'GA' YANG MA RNYED PAR SLAR BYON PA DE LTAR DE LTAR BYIN GYIS BRLABS SO, ,DE NAS BDUD SDIG CAN GYIS BDAG NYID BRAM ZE'I KHYE'U'I CHA BYAD DU MNGON PAR SPRUL NAS BCOM LDAN 'DAS KYI RJES BZHIN DU 'BRANG ZHING 'DI SKAD CES KYANG SMRAS SO, ,DGE SBYONG DGE SBYONG BSOD SNYOMS KHAM 'GA' YANG MA RNYED DAM, DE NAS BCOM LDAN 'DAS 'DI SNYAM DU DGONGS TE, KYE MA NYE BAR 'ONGS PA 'DI NI BDUD SDIG CAN YIN TE, 'DI LTA STE RNAM PAR DKRUG PA'I LAS BYED DO SNYAM DU THUGS SU CHUD NAS TSIGS SU BCAD DE BKA' STZAL PA, DE BZHIN GSHEGS LA KHYAD BSAD PAS, ,KHYOD KYIS @57B BSOD RNAMS MIN MANG BSAGS, ,SANGS RGYAS RNAMS NI BRGYAL DKA' BAR, ,SDIG CAN CI GA MI SHES SAM, ,DGE SBYONG DE'I PHYIR SLAR YANGS LAR BSOD SNYOMS LA BZHUD CIG DANG CI NAS KYANG BSOD SNYOMS RNYED PA DE LTAR BGYI'O, ,DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, NGA LA CI YANG MI BDOG PA, ,KYE MA SHIN TU BDER 'TSO STE, ,'OD GSAL LHA RNAMS JI LTA BAR, ,DGA' BA YI NI ZAS BZA'O, ,NGA LA CI YANG MI BDOG PA, ,KYE MA SHIN TU BDER 'TSO STE, ,'JIG TSOGS LTA LA MI RTEN BAS, ,DGA' BA YI NI ZAS BZA'O, ,DE NAS BDUD SDIG CAN 'DI SNYAM DU SEMS TE, DGE SBYONG GOO TA MA'I SEMS KYIS BDAG GI BSAM PA SHES SO SNYAM DU RIG NAS SDUG BSNGAL DANG YID MI BDE BA DANG 'GYOD PAS DE NYID DU MI SNANG BAR GYUR TO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KHRON PA CAN GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS PA COM LDAN 'DAS KYI LTAR MNYAN TO, ,DE NAS BCOM LDAN 'DAS KHRON PA CAN DU BYON TO; ;KHRON PA CAN NA BUD MED GZHAN ZHIG PHYANG THAG DANG CHU DANG CHU SNOD KHYER TE KHRON PA'I DRUNG DU SONG BA DANG, SKYES PA GZHAN ZHIG DE LA CHAGS PA'I KUN NAS DKRIS PA'I SEMS KYIS RJES BZHIN RJES BZHIN DU 'BRANG BA DANG, DE YANG LHAG PAR DE LA CHAGS PAS DE GNYIS PHAN TSUN DU 'THAM ZHING KHRON PAR DONG NGO, ,DE'I BU KHYE'U CHUNG NGU MA ZHIG DE DANG LHAN CIG PHYI BZHIN 'BRANG ZHING SONG NGO, ,DE NAS DE SKYES PA LA RTOG CING CHU SNOD GTANG NGO SNYAM STE, KHYE'U CHUNG DU DE'I MGUL NAS THAG PAS BTAGS TE BTANG BA LAS SHI BAR GYUR TO, ,DES SNGON MA THOS PA'I TSIGS SU BCAD PA THOS PA, 'DOD PA KHYOD RTZA NGAS SHES TE, ,RTOG PA LAS NI 'DOD PA SKYE, ,KHYOD LA RTOG PA MA BYAS DANG, ,DE NAS NGA LA MI 'BYUNG NGO, ,BCOM LDAN 'DAS KYANG LAM DE NAS GSHEGS TE, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' @58A *, ,STZAL PA, KUN DGA' PO TSIGS SU BCAD PA 'DI ZUNG SHIG ,TSIGS SU BCAD PA 'DI NI 'DAS PA'I YANG DAG PAR RDZOGS PA'I SANGS RGYAS KYIS GSUNGS PA YIN TE, 'DI NI SO SO'I SKYE BO'I LAG TU 'ONGS PAS MI SNANG MI GSAL, RNAM PAR MI GSAL LO; ;BCOM LDAN 'DAS KYIS BKA' STZAL PA, NGAS JI LTAR SEMS 'DI MYUR DU 'GYUR BA DE LTA BU'I CHOS NI GCIG KYANG MA MTHONG NGO, ,DE NAS BUD MED DE BU'I MYA NGAN GYIS GDUNG NAS BCOM LDAN 'DAS KYI ZHABS GNYIS LA GTUGS PA DANG, BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I CHOS BSHAD PA MDZAD DE, DE THOS PAS BUD MED DES 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, BDEN PA MTHONG NAS LAN GSUM DU CHED DU BRJOD PAS CHED DU BRJOD PA, BTZUN PA BDAG LA 'DI LTA BU NI MAS MA BGYIS TE, PHAS MA LAGS, RGYAL POS MA LAGS, LHA RNAMS KYIS MA LAGS, SNGA MA 'DAS PA RNAMS KYIS MA LAGS, DGE SBYONG DANG BRAM ZE RNAMS KYIS MA LAGS, SDUG PAS MA LAGS, RANG GI SKYE BO DANG GNYEN GYI TSOGS KYIS MA LAGS PA GANG LAGS PA BCOM LDAN 'DAS KYIS BDAG LA MDZAD DE, BDAG GIS DGE BA'I BSHES GNYEN BCOM LDAN 'DAS LA BRTEN NAS NGAN SONG RNAMS KYI SGO NI BKUM, MTHO RIS DANG THAR PA'I SGO RNAMS NI PHYE, SEMS CAN DMYAL BA DANG, DUD 'GRO DANG, YI DGAS NAS NI RKANG PA DRANGS, LHA DANG MI RNAMS SU NI RAB TU BZHAG ,'KHOR BA LAS NI THAG BSRINGS, ,KHRAG DANG MCHI MA'I RGYA MTSO NI BSKAMS, RUS PA'I RI BO LAS NI BSGRAL, THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA NI YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BGYIS TE, BTZUN PA BDAG NI 'PHAGS SO, ,MNGON PAR 'PHAGS SO, ,BDAG BCOM LDAN 'DAS DANG, @58B CHOS DANG, DGE SLONG GI DGE 'DUN LA SKYABS SU MCHI LAGS KYIS, BDAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSNGOS TE SKYABS SU MCHI BAR MNGON PAR DANG LAGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO NGA BYANG CHUB SEMS DPAR GYUR PA NA PHYOGS 'DI NYID DU DRANG SRONG NGAN SPONG GI BUS GDAN DANG RTZA BA DANG 'BRAS BU LA SPYAN DRANGS SO, ,PHYOGS GZHAN ZHIG TU YANG BCOM LDAN 'DAS KYIS BKA' STZAL PA, KUN DGA' BO NGA BYANG CHUB SEMS DPAR GYUR PA NA RGA BA LA SOGS PAS YID BYUNG STE, PHYOGS 'DI NYID DU LHA'I DBANG PO BRGYA BYIN RNGON PA'I CHA BYAD DU BYAS PA LA KA SHIG KA'I RAS PHRAN BYIN NAS GOS NGUR SMRIG BLANGS PA YIN TE, BRAM ZE DANG KHYIM BDAG DAD PA CAN RNAMS KYIS NGUR SMRIG BLANGS PA ZHES BYA BA'I MCHOD RTEN BRTZIGS TE, DA DUNG DU YANG DGE SLONG MCHOD RTEN LA PHYAG 'TSAL BA DAG PHYAG BYED DO, ,LHA'I DBANG PO BRGYA BYIN GYIS KYANG KA SHI KA'I RAS PHRAN SUM BCU RTZA GSUM PA'I LHA'I NANG DU KHYER TE BZHAG NAS KA SHI KA'I DUS MCHOD CHEN PO BTZUGS TE, DA DUNG DU YANG DE LA SUM BCU RTZA GSUM PA'I LHA DAG BYA BA BYED DO, ,PHYOGS GZHAN ZHIG TU YANG BCOM LDAN 'DAS KYIS BKA' STZAL PA, KUN DGA' BONG BYANG CHUB SEMS DPAR GYUR PA NA PHYOGS 'DIR RAL GRI AUTPA LA SNGON PO 'DRA BAS DBU SKRA BREGS NAS STENG GI NAM MKHA' LA 'PHANGS PA YIN TE, BRAM ZE DANG KHYIM BDAG DAD PA CAN RNAMS KYIS DBU SKRA BLANGS PA ZHES BYA BA'I MCHOD RTEN MRTZIGS TE, DA DUNG DU YANG DGE SLONG MCHOD RTEN LA PHYAG 'TSAL BA DAG PHYAG BYED DO, ,LHA'I DBANG PO BRGYA BYIN GYIS KYANG DBU SKRA SUM BCU RTZA GSUM PA'I LHA'I NANG DU KHYER TE BZHAG NAS GTZUG PHUNG KYI DUS MCHOD CHEN PO BTZUGS TE, DA DUNG DU YANG DE LA SUM BCU RTZA GSUM PA'I LHA RNAMS BYA BA BYED DO, ,PHYOGS GZHAN ZHIG TU YANG BCOM LDAN 'DAS KYIS BKA' STZAL PA, KUN DGA' BO PHYOGS 'DIR RTA'I RGYAL PO BSNGAS LDAN 'DUN PAS BKRI NAS SLAR BTANG BA YIN TE, BRAM ZE DANG @59A *, ,KHYIM BDAG DAD PA CAN RNAMS KYIS BSNGAGS LDAN SLAR BTANG BA ZHES BYA BA'I MCHOD RTEN BRTZIGS TE, DA DUNG DU YANG DGE SLONG MCHOD RTEN LA PHYAG 'TSAL BA DAG PHYAG BYED DO, ,DE NAS BCOM LDAN 'DAS YUL GNAG LHAS CAN DU BYON NAS DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO GNAG LHAS CAN 'DIR RIGS KYI BU 'DUN PA BTZAS NAS 'DI NYID DU CHEN POR GYUR TO, ,DE NAS BCOM LDAN 'DAS SDIG CAN DU BYON TE, SDIG CAN GYI GYAD RNAMS KYIS BCOM LDAN 'DAS SDIG CAN DU GSHEGS SO ZHES THOS SO, ,THOS NAS KYANG RGAN RABS RGAN RABS NAMS KYIS SMRAS PA, GZHON NU GANG YIN PA DE DAG GIS NI LAM BZANG POR BYOS SHIG ,BDAG CAG GIS NI GRONG KHYER BZANG POR BYA'O, ,DE NAS GZHON NU RNAMS KYIS LAM BZANG POR BYA BAR BRTZAMS PA NA, DE RNAMS KYIS PHA BONG ZHIG MTHONG NAS DE RNAMS KYIS DE DOR BAR BRTZAMS PA LAS DOR BAR MA NUS SO, ,BCOM LDAN 'DAS KYANG PHYOGS DE NYID DU GSHEGS NAS BKA' STZAL PA, GNAS 'JOG DAG 'DI CI BYA, BCOM LDAN 'DAS KYI SLAD DU SHUL BZANG POR BGYI LAGS NA PHA BONG 'DI DOR BAR RNGO MA THOG GO, ,BCOM LDAN 'DAS KYIS BKA' STZAL PA, GAL TE DE LTA NA NGAS DOR RAM, BCOM LDAN 'DAS DOR DU GSOL, DE NAS BCOM LDAN 'DAS KYI ZHABS G-YAS PA'I MTHE BOS PHA BONG STENG GI NAM MKHA' LA 'PHAGS TE MIG RGYANG GIS KYANG MI SOD PAR BOR BA DANG DE'I SGRAS GYAD RNAMS SDANGS PAR GYUR TO, ,BCOM LDAN 'DAS KYIS BKA' STZAL PA, GNAS 'JOG DAG MA 'JIGS SHI, ,DE NAS BCOM LDAN 'DAS KYI RDZU 'PHRUL GYI STOBS KYIS PHA BONG DE PHYE MAR BRLAGS NAS RDUL 'BAB PAR BRTZAMS SO, ,GYAD RNAMS KYIS GSOL PA, BCOM LDAN 'DAS RDUL GA LAS 'BAB LAGS, BCOM LDAN 'DAS KYIS BKA' STZAL PA, DE BZHIN GSHEGS PAS BONG DE PHYE MAR BRLAGS PA YIN NO, ,BCOM LDAN 'DAS MA LEGS PA ZHIG BGYIS SO,, @59B CI SLAR MTSAMS SBYAR RAM, BCOM LDAN 'DAS SLAR MTSAMS SBYAR DU GSOL, DE NAS BCOM LDAN 'DAS KYIS MOS PA'I STOBS KYIS SLAR SBYAR NAS GNAS JI LTA BA BZHIN DU BZHAB STE, BCOM LDAN 'DAS KYANG DE NYID NA BZHUGS SO, ,GYAD LNGA BRGYA PO DE DAG KYANG DE NYID DU TSOGS NAS GSOL PA, BCOM LDAN 'DAS BCOM LDAN 'DAS KYIS PHA BONG DE STOBS GANG GIS 'PHANGS LAGS, BCOM LDAN 'DAS KYIS BKA' STZAL PA, GNAS 'JOG G-YAB DANG YUM LAS BYUNG BA'I STOBS KYIS SO, ,DE RNAMS KYIS GSOL PA, STOBS GANG GIS PHYE MAR BRLAGS LAGS, BCOM LDAN 'DAS KYIS BKA' STZAL PA, RDZU 'PHRUL GYI STOBS KYIS SO, ,GANG GIS SLAR MTSAMS SBYAR LAGS, MOS PA'I STOBS KYIS SO, ,BCOM LDAN 'DAS KYI YAB DANG YUM LAS BYUNG BA'I STOBS KYI TSAD JI TZAM LAGS, GNAS 'JOG DAG MI BCU'I STOBS GANG YIN PA DE NI GLANG PHAL PA GCIG GI YIN NO, ,GLANG PHAL PA BCU'I STOBS GANG YIN PA DE NI BA MEN SNGON PO GCIG GI YIN NO, ,BA MEN SNGON PO BCU'I STOBS GANG YIN PA DE NI GLANG PO CHE PHRU GU GCIG GI YIN NO, ,GLANG PO CHE PHRU GU BCU'I GANG YIN PA DE NI GLANG PO CHE MO GCIG GI YIN NO, ,GLANG PO CHE MO BCU'I GANG YIN PA DE NI GLANG PO CHE PHAL GCIG GI YIN NO, ,GLANG PO CHE PHAL BCU'I GANG YIN PA DE NI GLANG PO CHE MCHE BA MED GCIG GI YIN NO, ,GLANG PO CHE MCHE BA MED BCU'I GANG YIN PA DE NI SNGON PO GCIG GI YIN NO, ,SNGON PO BCU'I GANG YIN PA DE NI SER PO GCIG GI YIN NO, ,SER PO BCU'I GANG YIN PA DE NI DMAR PO GCIG GI YIN NO, ,DMAR PO BCU'I GANG YIN PA DE NI DKAR PO GCIG GI YIN NO, ,DKAR PO BCU'I GANG YIN PA DE NI 'BIGS BYED KYI GLANG PO CHE GCIG GI YIN NO, ,'BIGS BYED KYI GLANG PO CHE BCU'I GANG YIN PA DE NI SPOS KYI GLANG PO CHE GCIG GI YIN NO, ,SPOS KYI GLANG PO CHE BCU'I GANG YIN PA DE NI TSAN PO CHE GCIG GI YIN NO, ,TSAN PO CHE BCU'I GANG YIN PA DE NI TSAN PO CHE CHEN PO GCIG GI YIN NO, ,TSAN PO CHE CHEN PO BCU'I GANG YIN PA DE NI RAB GNON @60A *, ,GCIG GI YIN NO, RAB GNON BCU'I GANG YIN PA DE NI STOBS MCHOG GCIG GI YIN NO, ,STOBS MCHOG BCU'I GANG YIN PA DE NI SRED MED KYI BU'I STOBS PHYED DO, ,SRED MED KYI BU'I STOBS PHYED GNYIS GANG YIN PA DE NI SRED MED KYI BU'I STOBS YIN TE, DE DE BZHIN GSHEGS PA'I TSIGS PHRAN DAG NA YOD PAS GNAS 'JOG DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI SRED MED KYI BU'I STOBS KYI TSOGS CAN YIN NO,, ,,BAR SDOM LA, MI DANG GLANG DANG BA MEN DANG NI DE BZHIN GLANG CHEN PHRU GU DANG, ,GLANG CHEN MO DANG PHAL DANG MCHE BA MED DANG DE BZHIN BZHI TSAN DANG, ,'BIGS BYED GLANG CHEN SBOS KYI GLANG CHEN DANG NI TSAN PO CHE GNYIS DANG, ,RAB GNON DANG NI STOBS MCHOG DAG DANG SRED MED BU YI STOBS GNYIS SO, ,SRED MED KYI BU'I STOBS GANG LAGS PA 'DI DE BZHIN GSHEGS PA'I YAB DANG YUM LAS BYUNG BA'I STOBS LAGS NA, BTZUN PA YAB DANG YUM LAS BYUNG BA'I STOBS DANG TING NGE 'DZIN GYI STOBS DANG, MOS PA'I STOBS LAS STOBS GZHAN MCHIS LAGS SAM, GNAS 'JOG DAG YOD DE, 'DI LTA STE BSOD NAMS KYI STOBS ZHES BYA BA YIN TE, GNAS 'JOG DAG BSOD NAMS KYI STOBS DANG LDAN PAS DE BZHIN GSHEGS PAS BYANG CHUB KYI SHING DRUNG DU BDUD 'KHOR 'BYUNG PO BYE BA SUM BCU RTZA DRUG CAN BCOM NAS BLA NA MED PA'I YE SHES BRNYES SO, ,BTZUN PA YAB DANG YUM LAS BYUNG BA'I STOBS DANG, TING NGE 'DZIN GYI STOBS DANG, MOS PA'I STOBS DANG, BSOD NAMS KYI STOBS 'DI BAS LHAG PA'I STOBS GZHAN LTA MCHIS LAGS SAM, GNAS 'JOG DAG YOD DE, 'DI LTA STE YE SHES KYI STOBS ZHES BYA BA YIN TE, YE SHES KYI STOBS DANG LDAN PAS DE BZHIN GSHEGS PAS THOG MA MEMD PA'I DUS NAS BSAGS PA'I NYON MONGS TSOGS BOR SPANGS BSAL TE SO SOR SPANGS SO, ,BTZUN PA YAB DANG YUM LAS BYUNG BA'I STOBS DANG TING NGE 'DZIN GYI STOBS DANG, MOS PA'I STOBS DANG, BSOD NAMS KYI STOBS @60B DANG; YE SHES KYI STOBS 'DI BAS LHAG PA'I STOBS GZHAN LTA MCHIS LAGS SAM, GNAS 'JOG DAG YOD DE, 'DI LTA STE RDZU 'PHRUL GYI STOBS ZHES BYA BA YIN TE, GNAS 'JOG DAG RDZU 'PHRUL GYI STOBS DANG LDAN PAS DE BZHIN GSHEGS PAS 'OD SRUNG RDZOGS BYED LA SOGS PA STON PA DRUG PO THAMS CAN MKHYEN PA MA YIN PAR THAMS CAN MKHYEN PAR MNGON PA'I NGA RGYAL BYED PA DAG SPOBS PA MED PAR BYAS SO, ,BTZUN PA 'DI LTAR YAB DANG YUM LAS BYUNG BA'I STOBS DANG TING NGE 'DZIN GYI STOBS DANG, MOS PA'I STOBS DANG; BSOD NAMS KYI STOBS DANG, YE SHES KYI STOBS DANG, RDZU 'PHRUL GYI STOBS 'DI BAS LHAG PA'I STOBS GZHAN LTA MCHIS LAGS SAM, GNAS 'JOG DAG YOD DE, 'DI LTA STE MI RTAG PA'I STOBS ZHES BYA BA YIN TE, GNAS 'JOG DAG MI RTAG PA'I STOBS DANG LDAN PAS DE BZHIN GSHEGS PA'I YAB DANG YUM LAS BYUNG BA'I STOBS GANG YIN PA DANG, BSOD NAMS KYI STOBS GANG YIN PA DANG, TING NGE 'DZIN GYI STOBS GANG YIN PA DANG, MOS PA'I STOBS GANG YIN PA DANG, YE SHES KYI STOBS GANG YIN PA DANG, RDZU 'PHRUL GYI STOBS GANG YIN PA DE DAG THAMS CAN SHING S'A LA ZUNG GI BAR DU GZI MEMD PAR 'GYUR RO, TSIGS SU BCANG DE YANG BKA' STZAL PA, YE SHES STOBS DANG BSOD NAMS STOBS DANG NI, ,RDZU 'PHRUL STOBS DANG SKU YI STOBS PAS KYANG, ,NGA YI GZI 'RJID 'JOMS PAR BYED PA YI, ,MI RTAG NYID NI CHES STOBS LDAN PAR 'DOD, ,GANG DU GSER GYI RI DBANG RTZE MO LTA BUR 'DUG PA'I SKU, ,'DI 'DRA MI RTAG NYID KYI GZI YIS BCOM NAS 'JIG 'GYUR BA, ,MI RTAG SHIN TU STOBS DANG LDAN PAR MKHAS PAS SHES BYA STE, ,GANG DU ME RTAG NYID KYIS RJI BA MED PA DE THOB BYA,, ,,'DUL BA GZHI, BAM PO SUM BCU PA, GNAS 'JOG DAG DA LTAR GYI MI RNAMS TSE DANG, KHA DOG DANG, STOBS DANG, LONGS SBYOD KYI BAR DAG NYAMS PA LA LTOS, RDO 'DI NI BSKAL PA DANG PO'I MI RNAMS KYI PHANG @61A *, ,TSAD KYI RDO YIN TE, 'DI LA LAG RJES KYANG SNANG NGO, ,DE RNAMS SHIN TU YA MTSAN SKYES NAS DE RNAMS KYI STOBS KYI DREGS PA GANG YIN PA DE MED PAR GYUR TO, ,DE NAS BCOM LDAN 'DAS KYIS GYAD DE RNAMS KYI BSAM PA DANG, BAG LA NYAL DANG, KHAMS DANG; RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI RTOGS PAR 'GYUR BA'I CHOS BSHAD PA MDZAD DE, DE THOS NAS 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DE RNAMS KYIS BDEN PA MTHONG NAS LAN GSUM DU CHED DU BRJOD PAS CHED DU BRJOD PA, BTZUN PA 'DI LTA BU NI BDAG CAG LA MAS MA BGYIS TE, PHAS MA LAGS, RGYAL POS MA LAGS, LHA RNAMS KYIS MA LAGS, SNGON GYI 'DAS PAS MA LAGS, DGE SBYONG DANG BRAM ZES MA LAGS, SDUG PAS MA LAGS, RANG GI SKYE BO DANG GNYEN GYI TSOGS KYIS MA LAGS PA GANG LAGS PA BDAG CAG LA MDZAD DE, BDAG CAG GIS DGE BA'I BSHES GNYEN BCOM LDAN 'DAS LA BRTEN NAS SEMS CAN DMYAL BA DANG, DUD 'GRO DANG, YI DAGS RNAMS KYI GNAS NAS NI RKANG PA DRANGS, LHA DANG MI RNAMS SU NI RAB TU BKOD, 'KHOR BA LAS NI RING DU MDZAD, THOG MA MED PA NAS BSAGS PA'I 'JIG TSOG BA LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BGYIS TE, BTZUN PA BDAG CAG NI 'PHAGS SO, ,MNGON PAR 'PHAGS SO, ,DE LTA BAS NA BDAG CAG NI BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYIS, BDAG CAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSNGOS TE SKYABS SU MCHI BAR MNGON PAR DAD LAGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KU SHA'I GRONG KHYER GANG NA BAR 'DONG NGO, ,BTZUN PA BKA' BZHIN 'TSAL @61B ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS GRONG KHYER SDIG CAN DU MA BZHUD PAR KU SHA'I GRONG KHYER GANG NA BAR RGYU ZHING GSHEGS TE, RIM GYIS RGYU ZHING GSHEGS PA DANG KU SHA'I GRONG KHYER DU BYON NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KU SHA'I GRONG KHYER 'DIR SHING S'A LA ZUNG GI BAR DU RING PO MI THOGS PA KHO NAR DE BZHIN GSHEGS PA YONGS SU MYA NGAN LAS 'DA' BAR 'GYUR RO,, ,,SDOM LA, STE'U DANG LHAS BLTAS LUM BI NI, ,SER SKYA DANG NI SHING 'DA' DANG, ,GSER THUB ZHING PA CHOS GOS DANG, ,KHRUS DANG BYA CAN BCU TSOGS YIN, ,BCOM LDAN 'DAS SGRA NGAN NA SGRA NGAN RNAMS KYI GRONG RDAL KHRA BO 'DUL NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DGANGS ZAG PA ZAD PA SHES SHING MTHONG NAS GSUNGS TE, RGYAS PAR YANG DAG PAR LDAN PA'I LUNG LAS PHUNG PO'I LE'U LAS STE'U LTA BU'I MDO 'BYUNG BA YIN NO, ,LHAS BLTAS SU BYON NAS DER TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO LHAS BLTAS 'DIR SH'AKYA SHIN TU BLO GSAL BTZAS TE 'DI NYID DU CHEN POR GYUR TO, ,LUM BI NIR GSHEGS NAS DE NA TSE DANG LDAN PA KUN DGA' BO LA BKA' STZAL PA, KUN DGA' BO LUM BI NI'I TSAL 'DI RANG BTZAS NAS RING PO MA LON ZHING SUS KYANG MA BLANGS PAR GOM PA BDUN BOR NAS NGAS PHYOGS BZHIR BLTAS TE NGA'I SRID PA'I SKYE BA'I MTHA' NI 'DI YIN NO ZHES TSIG TU SMRAS SO, ,SER SKYE'I GNAS SU BYON NAS DER TSE DANG LDAN PA KUN DGA' BO LA BKA' STZAL PA, KUN DGA' BO SER SKYA'I GNAS 'DIR RGYAL PO ZAS GTZANG BTZAS TE 'DI NYID DU CHEN POR GYUR TO, ,SHING BAL GYI 'DA' BA CAN DU BYON NAS, DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG CHOS BZHIN MA YIN PA DANG, CHOS KYI 'KHOR BSHAD KYIS DE LEGS @62A *, ,PAR RAB TU NYON LA YID LA ZUNG SHIG DANG BSHAD DO, ,CHOS MA YIN PA'I 'KHOR GANG ZHE NA, 'KHOR GANG ZHIG 'DUN PAS 'GRO BA DANG, ZHE SDANG DANG, GTI MUG DANG, 'JIGS PAS 'GRO BA STE, 'DI NI CHOS MA YIN PA'I 'KHOR ZHES BYA'O, , CHOS KYI 'KHOR GANG ZHE NA, 'KHOR GANG ZHIG 'DUN PAS 'GRO BA MA YIN, ZHE SDANG GIS MA YIN, GTI MUG GIS MA YIN, 'JIGS PAS 'GRO BA MA YIN PA STE, 'DI NI CHOS KYI 'KHOR CES BYA'O, ,DGE SLONG DAG NGAS KHYED LA CHOS MA YIN PA DANG, CHOS KYI 'KHOR NGAS BSHAD DO ZHES GANG GSUNGS PA BSHAD PA NI DE YIN NO, ,MTSAMS CAN GYI GRONG DU BYON NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO MTSAMS CAN GYI GRONG 'DIR YANG DAG PAR RDZOGS PA'I SANGS RGYAS GSER THUB BLTAMS TE, 'DI NYID DU YONGS SU MYA NGAN LAS 'DAS SO, ,ZHING PA'I GRONG KHYER DU BYON NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO NGA BYANG CHUB SEMS DPAR GYUR PA NA ZHING PA'I GRONG 'DIR YAB ZAS GTZANG GI LAS KYI MTHA' RNAMS LA BLTAS NAS SHING 'DZAM BU'I GRIB MA LA ZAG PA MED PA DANG 'DRA BA BSAM GTAN DANG PO LA SNYOMS PAR ZHUGS SO, ,PHYOGS GZHAN ZHIG NA YANG TSE DANG LDAN PA KUN DGA' BO LA BKA' STZAL PA, KUN DGA' BO PHYOGS 'DIR YANG DAG PAR RDZOGS PA'I SANGS RGYAS GSER THUB KYI NA BZA' CHOS GOS BRKYANG BA YIN NO, ,KHRUS KYI GRONG DU BYON NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KHRUS KYI GRONG 'DIR YANG DAG PAR RDZOGS PA'I SANGS RGYAS GSER THUB KYIS KHRUS MDZAD PAS DE BAS NA 'DI'I MING KHRUS KYI GRONG KHRUS KYI GRONG ZHES BYA BAR GRAGS SO, ,BYE MA CAN DU BYON NAS BYE MA CAN DU SHING 'DZEG GI SHING LTA BU'I MDO'I LAM GYI TSOGS RGYAS PAR BSDUS SO,, ,,SDOM LA, 'DOD PA MTHUN DANG SHAS CHA DANG, ,LO MA BDUN DANG @62B 'CHAR KA DANG, ,MNYAN YOD GDU BU SA CAN DANG, ,SENG GE'I GRONG DANG GRONG GSAR DANG, ,GRONG KHYER DANG NI KHRE'U BRTZEGS, ,PHYI MA NA-YA GRO DHA GRONG STE, ,GRONG KHYER DE DAG BCU GNYIS GSUNGS, ,BCOM LDAN 'DAS 'DOD PA MTHUN PA NA 'DOD PA MTHUN PA'I NAGS KHROD NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA ZLA BA GSUM PO 'DI LA NANG DU YANG DAG 'JOG PAR BZHED KYIS, NGA LA BSOD SNYOMS STOBS PA DANG, BCVA LNGA PA'I GSO SBYONG DE NYID MA GTOGS PAR DGE SLONG SU YANG MA 'ONG SHIG ,BCOM LDAN 'DAS ZLA BA GSUM PO DE LA NANG DU YANG DAG 'JOG LA ZHUGS NAS BSOD SNYOMS STOBS PA'I DGE SLONG DANG, BCVA LNGA PA'I GSO SBYONG DE NYID MA GTOGS PAR DGE SLONG SU YANG DER MI 'GRO'O, ,DE NAS BCOM LDAN 'DAS KYIS ZLA BA GSUM PO DE KHO NA 'DAS NAS DGE SLONG GI DGE 'DUN GYI GUNG LA GDAN BSHAMS BA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG KHYED LA GAL TE GZHAN MU STEGS CAN DANG KUN DU RGYU RNAMS NYE BAR LHAGS NAS 'DI SKAD CES 'DRI STE, DGE SBYONG GOO TA MA GNAS PA GANG ZHIG GIS ZLA BA GSUM PO 'DI LA NANG DU YANG DAG BZHAG PAR GYUR CES 'DRI NA, DE SKAD CES DRIS PA LA DBUGS RNGUB PA DANG 'BYUNG BAS BZHUGS SO ZHES BRJOD PAR BYA'O, ,DE CI'I PHYIR ZHE NA, DGE SLONG DAG NGA NI ZLA BA GSUM PO 'DI LA DBUGS RDUB PA DANG DBUGS 'BYUNG BA DRAN PA'I GNAS PAS NANG DU YANG DAG BZHAG STE, NGAS DRAN BZHIN DU DBUGS BRDUBS NA YANG DRAN BZHIN DU BRDUBS SO SNYAM DU YANG DAG PA JI LTA BA BZHIN DU RAB TU SHES SO, ,DRAN BZHIN DU DBUGS PHYUNG NA YANG DRAN BZHIN DU DBUGS PHYUNG NGO SNYAM DU YANG DAG PA JI LTA BA BZHIN DU RAB TU SHES SO, ,RING PO DANG THUNG DU DANG, LUS THAMS CAD YANG DAG PAR MYONG NAS DBUGS BRDUBS NA LUS THAMS CAD YANG DAG PAR MYONG NAS DBUGS BRDUBS SO SNYAM DU YANG DAG PA JI LTA BA BZHIN DU RAB TU SHES SO, ,LUS THAMS CAD YANG DAG PAR MYONG @63A *, ,NAS DBUGS PHYUNG NA YANG LUS THAMS CAD YANG DAG PAR MYONG NAS DBUGS PHYUNG NGO SNYAM DU YANG DAG PA JI LTA BA BZHIN DU RAB TU SHES SO, ,LUS KYI 'DU BYED SHIN TU SBYANGS NAS DBUGS BRDUBS PA DANG, LUS KYI 'DU BYED SHIN TU SBYANGS NAS DBUGS PHYUNG NA YANG DBUGS PHYUNG NGO DBUGS BRDUBS SO SNYAM DU YANG DAG PA JI LTA BA BZHIN DU RAB TU SHES SO ZHES BYA BA NAS, 'GOG PAR RJES SU LTA ZHING DBUGS PHYUNG NGO SNYAM DU YANG DAG PA JI LTA BA BZHIN DU RAB TU SHES SO ZHES BYA BA'I BAR GONG MA BZHIN DU'O, ,DGE SLONG DAG DE LA NGA 'DI SNYAM DU SEMS TE, BDAG GIS GNAS PA RAGS PA MNGON PAR 'DUS BYAS SHING BSAMS KYIS MA LA BDAG GIS GNAS PA DE NYID LAS YANG DAG PAR 'DAS TE BOR NAS CHES PHRA BA 'DIS LAN MANG DU GNAS PAR BYA'O SNYAM NAS, NGAS GNAS PA DE NYID LAS YANG DAG PAR 'DA' PAR BYA BA'I PHYIR BOR NAS GNAS PA CHES PHRA BA 'DIS LAN MANG DU GNAS SO, ,DE NAS LHA GSUM ZHIG NGA GANG NA BA DER 'ONGS TE PHYIN NAS LHA GCIG NI 'DI SKAD CES, DGE SBYONG GOO TA MA NONGS SO ZHES ZER RO, ,GNYIS PA NI 'DI SKAD CES 'DI NONGS PA NI MA YIN TE, 'ON KYANG NONGS PAR MDZAD PA YIN NO ZHES ZER RO, ,LHA GSUM PA NI 'DI SKAD CES NONGS PA YANG MA YIN NONGS PAR MDZAD PA YANG MA YIN TE, 'ON KYANG DGRA BCOM PA RNAMS KYI GNAS PA NI 'DI LTA BUR ZHI BA KHO NA YIN NO ZHES ZER RO, ,DGE SLONG DAG GANG YANG DAG PAR SMRA BA NA 'PHAGS PA'I GNAS PA DANG, LHA'I GNAS PA DANG, TSANGS PA'I GNAS PA DANG, MI SLOB PA'I GNAS PA ZHES BYA BAR SMRA BAR 'GYUR BA GANG YIN PA DE NI DE BZHIN GSHEGS PA'I GNAS PA YIN TE, SLOB PA'I GANG ZAG RNAMS MA THOB PA THOB PAR BYA BA DANG, MA RTOGS PA RTOGS PAR BYA BA DANG, MNGON SUM DU MA BYAS PA MNGON SUM DU BYA BA'I PHYIR ZHUGS PA YIN, MI SLOB PA'I GANG ZAG RNAMS MTHONG BA'I CHOS KHO NA LA BDE BAR GNAS PAR BYA BA'I PHYIR ZHUGS PA YIN NO, ,DE YANG DAG PAR SMRA BA NA DBUGS RDUB PA DANG, DBUGS 'BYUNG BA'I DRAN @63B PAS GNAS PA SMRA BAR 'GYUR RO, ,DE CI'I PHYIR ZHE NA, DGE SLONG DAG DBUGS RDUB PA DANG, 'BYUNG BA DRAN PAS GNAS PA NI 'PHAGS PA'I GNAS PA DANG ZHES BYA BA NAS, MI SLOB PA RNAMS MTHONG BA'I CHOS LA BDE BAR GNAS PA'I PHYIR ZHUGS PA YIN NO ZHES BYA BA'I BAR GONG MA BZHIN DU'O, ,BCOM LDAN 'DAS KO SA LA NAS LJONGS RGYU ZHING GSHEGS PA NA 'DOD PA MTHUN PAR BYON NAS, 'DOD PA MTHUN PA NA 'DOD PA MTHUN PA'I NAGS KHROD NA BZHUGS SO, ,DE'I TSE BRAM ZE PAD MA'I SNYING PO ZHES BYA BA LA KO SA LA'I RGYAL PO GSAL RGYAL GYIS DPYA RGYU RTZVA DANG, SHING DANG, CHUR BCAS PAR BRAM ZE'I SBYIN GTONG DU BYIN NAS SHAS CHEN PO RGYAS PA LA LONGS SPYOD DO, ,BRAM ZE PAD MA'I SNYING PO'I SLOB MA BRAM ZE'I KHYE'U MA SDUG CES BYA BA MANG DU THOS PA, TSIG GSAL BA, THAGS THOGS MED PAR SMRA BA ZHIG YOD DE, BRAM ZE PAD MA'I SNYING PO'I BRAM ZE'I KHYE'U LNGA BRGYA LA BRAM ZE RNAMS KYI GSANG TSIG 'DON DU 'JUG GO, ,BRAM ZE PAD MA'I SNYING POS DGE SBYONG GOO TA MA SH'AKYA'I SRAS SH'AKYA'I RIGS LAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG BA DE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS SHES LDAN GOO TA MA DE'I DGE BA DANG, GRAGS PA DANG, SGRA DANG, TSIGS SU BCAD PA RGYA CHEN PO 'DI LTA BU 'DI PHYOGS DANG PHYOGS MTSAMS SU GRAGS TE 'DI LTAR BCOM LDAN 'DAS GOO TA MA DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS DE NI 'JIG RTEN LHA DANG BCAS, BDUD DANG BCAS, TSANGS PA DANG BCAS, DGE SBYONG DANG BRAM ZE'I SKYE DGU DANG BCAS, LHA DANG MI'I SKYE DGU DANG BCAS PA 'DI LA MTHONG BA'I CHOS KHO NA LA RANG NYID KYIS MNGON PAR SHES PAS MNGON @64A *, ,SUM DU BYAS TE BSGRUBS NAS NI NGA'I ZAG PA ZAD DO, ,TSANGS PAR SPYOD PA LA BSTEN TO, ,BYA BA BYAS SO, ,'DI LAS SRID PA GZHAN MI SHES SO, ,ZHES GO BAR BYED PA DE GSANG TSIG LAS KYANG 'BYUNG STE, SKYES BU CHEN PO'I MTSAN SUM BCU RTZA GNYIS PO DE DAG DANG LDAN PA'I SKYES BU CHEN PO'I 'GRO BA NI GNYIS LAS GZHAN DU MI 'GYUR TE, GAL TE KHYIM NA GNAS NA NI 'KHOR LOS SGYUR BA'I RGYAL PO MTHA' BZHIR RNAM PAR RGYAL BA CHOS DANG LDAN PA CHOS KYI RGYAL PO RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA BU DAG YIN TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA NI BLON PO RIN PO CHE NYID YIN NO, ,DE LA YANG BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG YANG TSANG BAR 'BYUNG BAR 'GYUR ZHING DE RGYA MTSO LA THUG PA'I SA CHEN PO MA LUS PA GNOD PAR SNGO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG KHA SPU BREGS NAS GOS NGUR SMRIG BGOS TE, DAD PA YANG DAG PA KHO NAS KHYIM NAS KHYIM MED PAR RAB TU BYUNG NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BAR 'JIG RTEN DU SGRA RNAM PAR GRAGS PAR 'GYUR BA DE KO SA LAR LJONGS RGYU ZHING GSHEGS PA NA 'DOD PA MTHUN PAR BYON NAS, 'DOD PA MTHUN PA NA 'DOD PA MTHUN PA'I NAGS KHROD NA BZHUGS SO ZHOS THOS SO, ,THOS NAS KYANG BRAM ZE'I KHYE'U MA SDUG LA SMRAS PA, MA SDUG SHES SAM, KHO BOS GE SBYONG GOO TA MA SH'AKYA'I SRAS SH'AKYA'I RIGS LAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG NAS ZHES BYA BA NAS, TSANGS PAR SPYOD PA RAB TU STON TO ZHES BYA BA'I BAR DU STE, KHO BOS DE GSANG TSIG DAG LAS BTON PA @64B SKYES BU CHEN PO'I MTSAN SUM BCU RTZA GNYIS PO DE DAG DANG LDAN PA'I SKYES BU CHEN PO'I 'GRO BA NI GNYIS LAS GZHAN DU MI 'GYUR TE, GAL TE KHYIM NA GNAS NA NI 'KHOR LOS SGYUR PA'I RGYAL PO MTHA' BZHIR RNAM PAR RGYAL BA CHOS DANG LDAN PA CHOS KYI RGYAL PO ZHES BYA BA NAS, 'JIG RTEN DU SGRA RNAM PAR GRAGS PAR 'GYUR RO ZHES BYA BA'I BAR DU STE, DE KO SA LA NAS LJONGS RGYU ZHING GSHEGS PA NA 'DOD PA MTHUN PAR BYON NAS, 'DOD PA MTHUN PA NA 'DOD PA MTHUN PA'I NAGS KHROD NA BZHUGS SO ZHES THOS KYIS BRAM ZE'I KHYE'U TSUR, KHYOD SHES LDAN GOO TA MA GANG NA BA DER SONG SHIG DANG, PHYIN NAS JI GA SHES LDAN GOO TA MA DE'I DGE BA DANG, GRAGS PA DANG, SGRA DANG, TSIGS SU BCAD PA RGYA CHEN PO PHYOGS DANG PHYOGS MTSAMS SU JI LTAR GRAGS PA DE KHO NA BZHIN YIN NAM MA YIN PA DANG, DE'I MTSAN RNAMS GRAGS PA YANG DAG PA YIN NAM MA YIN PA RANG NYID KYIS RAB TU SHES PAR 'GYUR GRANG, BRAM ZE'I KHYE'U MA SDUG GIS BRAM ZE PAD MA'I SNYING PO'I LTAR MNYAN NAS SHAS CHE BA'I BRAM ZE RGAN RABS RGAN RABS MANG PO DANG LHAN CIG TU SHAS CHE BA NAS BYUNG NAS, BCOM LDAN 'DAS GANG NA BDER DONG STE LHAGS NAS PHYOGS GCIG TU 'DUG GO, ,DE NAS SHAS CHE BA'I BRAM ZE RGAN RABS RGAN RABS RNAMS BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR BA DANG YANG DAG PAR MGU BAR 'GYUR BA'I GTAM SNA TSOGS BYAS TE PHYOGS GCIG TU 'DUG GO, , PHYOGS GCIG TU 'DUG NAS BCOM LDAN 'DAS KYIS SHAS CHE BA'I BRAM ZE RGAN RABS RGAN RABS RNAMS LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, BCOM LDAN 'DAS SHAS CHE BA'I BRAM ZE RGAN RABS RGAN RABS RNAMS LA CHOS DANG LDAN PA'I GTAM GSUNG BA NA BRAM ZE'I KHYE'U MA SDUG MCHIL LHAM DANG BCAS PAS 'CHAG CING GLO BUR DU GTAM DAG GLENG BAR BYED LA, GTAM MTHAR PHYIN PAR MI SDOD PAR MA @65A *, ,GUS PAS SNYEMS SHING BZLOGS PAR SEMS SO, ,DE NAS BCOM LDAN 'DAS KYIS BRAM ZE'I KHYE'U MA SDUG LA 'DI SKAD CES BKA' STZAL TO, ,BRAM ZE'I KHYE'U KHYOD BRAM ZE GSUM RIG PA RNAMS DANG LHAN CIG GLO BUR GYI GTAM DE LTA BU SMRA'AM, KYE DGE SBYONG GOO TA MA GTAM JI LTA BU ZHIG JI LTAR DE BZHIN GSHEGS PA SHAS CHE BA'I BRAM ZE RGAN RABS RGAN RABS RNAMS LA CHOS DANG LDAN PA'I GTAM GSUNG BA NA KHYOD MCHIL LHAM DANG BCAS PAS 'CHAG CING GLO BUR DU GTAM DAG GLENG BAR BYED LA, GTAM MTHAR PHYIN PAR MI SDOD PAR MA GUS PAS SNYEMS SHING SLAR BZLOGS PAR SEMS PA LTA BU'O, ,KYE GOO TA MA BRAM ZE 'GRO BA RNAMS NI BRAM ZE 'GRO BA RNAMS DANG, 'GRENG BA RNAMS NI 'GRENG BA RNAMS DANG, 'DUG PA RNAMS NI 'DUG PA RNAMS DANG, NYAL BA RNAMS NI NYAL BA RNAMS DANG, PHAN TSUN LEGS PAR SMRA'I, DGE SBYONG MGO REG NAG PO'I RTZA LAG PHO RED GANG DAG YIN PA DE DAG DANG NI KHO BO LHAN CIG TU 'DI LTA BU'I GLO BUR GYI GTAM GLENG DU RUNG STE, DPER NA DA LTAR SHES LDAN GOO TA MA DANG GLENG BA BZHIN NO, ,BRAM ZE'I KHYE'U KHYOD DON DU GNYER BA LA ZHUGS NAS 'DIR 'ONGS NA DE LTA BU NI BSNYEN BKUR MA BYAS PA LAS GZHAN LA MED PAR BRAM ZE'I KHYE'U MA SDUG NI BLA MA'I TSOGS DAG LA BSNYEN BKUR MA BYAS PA ZHIG YIN PA LTA, DE NAS BCOM LDAN 'DAS KYIS BRAM ZE'I KHYE'U MA SDUG LA, BKUR STI MED PA'I TSIG GIS SPYOS PA NA KHROS 'KHRUGS NANG ZHING YID MA RANGS NAS BCOM LDAN 'DAS LA KHA BYA BAR 'DOD, SPOBS PAR 'DOD, BRTZAD PAR 'DOD DE, 'DI TZAM GYIS DGE SBYONG GOO TA MA LA KHA BYA BA DANG, SPOBS PA DANG, BRTZAD PA DANG, DRAN PAR BYAS PAR 'GYUR RO SNYAM DU RIG NAS BCOM LDAN 'DAS LA 'DI SKAD CES GSOL TO, ,KYE GOO TA MA SH'AKYA 'DI DAG NI DA BYUNG KHO NA YIN TE, DA BYUNG GI RIGS YIN PAS BRAM ZE RNAMS LA BLA MA DANG RI MO DANG, MCHOD PA MI BYED DO, ,CI BRAM ZE'I KHYE'U KHYOD LA SH'AKYA RNAMS KYIS GNOD PA CUNG ZAD BYAS SAM, KYE GOO TA MA DUS GCIG @65B CIG NA BDAG NYID DANG MKHAN PO'I BYA BA ZHIG LA GRONG KHYER SER SKYA'I GZHIR RKANG PAS PHYIN PA NA DE NA BDAG LA SH'AKYA RNAMS DANG SH'AKYA MO RNAMS KHANG BZANGS KYI STENG DU SONG NAS MDZUB KER GYIS STON PAR BYED DE, AE MA'O BRAM ZE PAD MA'I SNYING PO'I SLOB MA BRAM ZE'I KHYE'U MA SDUG YIN NO, ,BRAM ZE PAD MA'I SNYING PO'I SLOB MA BRAM ZE'I KHYE'U MA SDUG YIN NO, ,ZHES DE DAG BDAG LA MDZUB KER KHO NAS STON PAR BYED KYI BDAG LA BKUR STI DANG, BLA MA DANG, RI MO DANG, MCHOD PA NI MI BYED DO, ,BRAM ZE'I KHYE'U RE ZHIG BYE'U KHUG RTA YANG RANG GI TSANG NA 'DUG NAS JI SKAD 'DOD PAR SKAD 'BYIN NA SH'AKYA RNAMS LTA SMOS KYANG CI DGOS, BRAM ZE'I KHYE'U 'DI LTA STE GRONG KHYER SER SKYA'I GZHI 'DI NA SH'AKYA RNAMS KYI RANG GI YIN NO, ,KYE GOO TA MA RIGS NI 'DI BZHI STE, BRAM ZE DANG RGYAL RIGS DANG RJE'U RIGS DANG DMANGS RIGS SO, ,KYE GOO TA MA RIGS BZHI PO 'DI DAG NI BRAM ZE RNAMS LA BKUR STI BYED, BLA MAR BYED, RI MOR BYED MCHOD PAR BYED DO, ,'ON KYANG SH'AKYA 'DI DAG NI DA BYUNG KHO NA YIN TE, DA BYUNG GI RIGS YIN PAS BRAM ZE RNAMS LA BKUR STI DANG BLA MAR MI BYED, RI MOR MI BYED, MCHOD PAR MI BYED DO, ,DE NAS BCOM LDAN 'DAS 'DI SNYAM DU DGONGS TE, KYE MA BRAM ZE'I KHYE'U MA SDUG 'DI SH'AKYA RNAMS LA AE MA'O SH'AKYA RNAMS NI DA BYUNG YIN NO, ,AE MA'O SH'AKYA RNAMS NI DA BYUNG GI RIGS YIN PAS SHES DA BYUNG YIN PAR HA CANG KHA ZER BAS, MA LNGAS 'DI'I SNGON GYI RIGS BRGYUD PA BTZAL LO SNYAM NAS, BCOM LDAN 'DAS KYIS BRAM ZE'I KHYE'U MA SDUG GI SNGON GYI RIGS BRGYUD PA BTZAL BA DANG, BRAM ZE'I KHYE'U MA SDUG NI SH'AKYA RNAMS KYI BRAN MO'I BUR GYUR LA, SH'AKYA RNAMS NI DE'I JO BO'I BUR GYUR PAR GZIGS SO, ,DE NAS BCOM LDAN 'DAS KYIS BRAM ZE'I KHYE'U MA SDUG LA 'DI SKAD CES BKA' STZAL TO, ,BRAM ZE'I KHYE'U KHYOD KYI RIGS CI YIN, GOO TA MA MIG MI 'DZUMS KYI BU'O, ,BRAM ZE'I KHYE'U 'DI NAS NGAS KHYOD KYI SNGON GYI RIGS BRGYUD PA BTZAL NA KHYOD NI SH'AKYA RNAMS KYI BRAN MO'I BUR GYUR @66A *, ,PAR MTHONG NGO, ,DE NAS SHAS CHE BA'I BRAM ZE RGAN RABS RGAN RABS RNAMS KYIS BCOM LDAN 'DAS LA 'DI SKAD CES GSOL TO, ,KYE GOO TA MA KHYOD BRAM ZE'I KHYE'U MA SDUG LA BRAN MO'I BU ZHES TSIG TU MA GSUNG SHIG ,DE CI'I SLAD DU ZHE NA, BRAM ZE'I KHYE'U MA SDUG NI MANG DU THOS PA, TSIG GSAL BA, THAGS THOGS MED PAR SMRA BA STE, BRAM ZE'I KHYE'U MA SDUG GIS GZHI 'DI LA SHES LDAN GOO TA MA LA CHOS DANG MTHUN PAS LAN GDAB PAR RNGO THOG GO, ,BRAM ZE DAG GAL TE KHYED CAG 'DI SNYAM DU BRAM ZE'I KHYE'U MA SDUG NGA LA CHOS DANG MTHUN PAS LAN LDON NUS SO SNYAM DU SEMS NA, KHYED CAG CANG MI SMRA BAR BRAM ZE'I KHYE'U MA SDUG GZHI 'DI LA NGAL CHOS DANG MTHUN PAS LAN 'DEBS SU CHUG SHIG ,BRAM ZE DAG KHYED CAG GAL TE 'DI SNYAM DU BRAM ZE'I KHYE'U MA SDUG GZHI 'DI LA NGA LA CHOS DANG MTHUN PAS LAN 'DEBS MI NUS SO SNYAM DU SEMS NA, BRAM ZE'I KHYE'U MA SDUG CANG MA SMRA BAR KHYED KYIS GZHI 'DI LA NGA LA CHOS DANG MTHUN PAS LAN THOB SHIG ,KYE GOO TA MA BRAM ZE'I KHYE'U MA SDUG NYID MANG DU THOS PA, TSIG GSAL BA, THAGS THOGS MED PAR SMRA BA LAGS TE; BRAM ZE'I KHYE'U MA SDUG GIS GZHI 'DI LA SHES LDAN GOO TA MA LA CHOS DANG MTHUN PAS LAN GDAB PAR RNGO THOG GI GZHAN GYIS NI MA LAGS SO, ,DE NAS BCOM LDAN 'DAS KYIS BRAM ZE'I KHYE'U MA SDUG LA 'DI SKAD CES BKA' STZAL TO, ,BRAM ZE'I KHYE'U SNGON BYUNG BA RGYAL PO BU RAM SHING SKYES ZHES BYA BA ZHIG BYUNG STE, RGYAL PO BU RAM SHING SKYES LA BU BZHI YOD PA SKAR MDA'I GDONG DANG, LAG RNA DANG, GLANG PO CHE'I THAL GONG DANG, RKANG RGYAN LDAN NO, ,RGYAL PO BU RAM SHING SKYES DES NYES PA 'GA' ZHIG GI PHYIR SPYAGS NAS DE DAG RANG RANG GI SRING MO KHRID DE YUL 'KHOR GZHAN DANG, YUL GZHAN DU DONG NAS RIM GYIS GANGS CAN GYI PHYOGS CHU BO SKAL LDAN SHING RTA'I 'GRAM NA ZHES BYA BA NAS, KHYE'U DANG BU MO DAG BTZAS SO ZHES BYA BA'I BAR DU'O, ,DE NAS RGYAL PO BU RAM SHING SKYES KYIS BLON PO RNAMS LA SMRAS PA, KYE GRONG PA DAG @66B GZHON NU RNAMS DE LTAR BYED PHOD DAM, LHA RNGO THOG LAGS SO, ,DE NAS RGYAL PO BU RAM SHING SKYES RO STOD BSTOD NAS LAG PA G-YAS PA BRKYANG STE CHED DU BRJOD PAS CHED DU BRJOD PA, KYE MA'O GZHON NU RNAMS KYIS PHOD DO, ,ZHES SEMS CAN DBANG CHE BAR GRAGS PAS GZHON NU RNAMS KYIS PHOD DO ZHES TSIG TU SMRAS PAS SH'AKYA SH'AKYA ZHES BYA BAR GRAGS SO, ,BRAM ZE'I KHYE'U KHYOD KYIS SH'AKYA RNAMS DE LAS SKYES PAS MGO 'DZUGS PA DE YIN PA DANG, DE DAG GI RIGS RGYUD DE YIN PAR CUNG ZAD THOS SAM, GOO TA MA BDAG GIS SH'AKYA RNAMS DE LAS SKYES PAS MGO 'DZUGS PA DE YIN PA DANG, DE DAG GI RIGS RGYUD DE YIN PAR THOS SO, ,BRAM ZE'I KHYE'U RGYAL PO BU RAM SHING SKYES KYI BRAN MO SDO PHOD MA ZHES BYA BA GZUGS BZANG BA BLTA NA SDUG PA, MDZES PA ZHIG YOD PA DANG, DRANG SRONG GDOL PA'I RIGS SHIG DANG LHAN CIG 'DUS NAS DE GNYIS 'DUS PA LAS KHYE'U ZHIG BTZAS SO, ,GZHON NU BTZAS MA THAG TU TSIG TU YUM RE ZHIG BDAG DRIL PHYI DANG BKRU BA GYIS LA MI GTZANG BA LAS THAR BAR GYIS SHIG CES SMRAS SO, ,DE'I TSE NA SHA ZA RNAMS KYI MING MIG 'DZUMS KYI BU ZHES BYA BA LA GZHON NU BTZAS MA THAG TU TSIG TU YUM BDAG RE ZHIG DRIL PHYI DANG BKRU BA GYIS LA MI GTZANG BA LAS THAR BAR GYIS SHIG CES SMRAS PA DANG, KYE MA'O MIG 'DZUMS KYI BU ZHIG SKYES SO ZHES MIG 'DZUMS KYI BU MIG 'DZUMS KYI BU ZHES BYA BAR GRAGS SO, ,BRAM ZE'I KHYE'U KHYOD KYIS MIG 'DZUMS KYI BU RNAMS DE LAS SKYES PAS MGO 'DZUGS PA DE YIN PA DANG, DE DAG GI RIGS RGYUD DE YIN PAR CUNG ZAD THOS SAM, DE SKAD CES BKA' STZAL PA DANG, BRAM ZE'I KHYE'U MA SDUG CANG MI SMRA'O, ,LAN GNYIS LAN GSUM DU YANG BCOM LDAN 'DAS KYIS BRAM ZE'I KHYE'U MA SDUG LA 'DI SKAD CES BKA' STZAL TO, ,BRAM ZE'I KHYE'U KHYOD KYIS MIG 'DZUMS KYI BU RNAMS DE LAS SKYES PAS MGO 'DZUGS PA DE YIN PA DANG DE DAG GI RIGS RGYUD DE YIN PAR CUNG ZAD THOS SAM, LAN GNYIS LAN GSUM DU YANG BRAM ZE'I KHYE'U MA SDUG CANG MI SMRA'O, ,DE NAS GNOD SBYIN LAG NA @67A *, ,RDO RJE RDO RJE 'BAR BA, RAB TU 'BAR BA, KUN DU RAB TU 'BAR BA, ME LCE GCIG TU GYUR CING 'BAR BA BRAM ZE'I KHYE'U MA SDUG GI MGO BO'I STENG NA 'DZIN CING, GAL TE BRAM ZE'I KHYE'U MA SDUG LA BCOM LDAN 'DAS KYIS LAN GSUM GYI BAR DU RMA BA RMAS PA LAS RNA LA GZON CING LAN MA GSOL BAR GYUR NA, RDO RJE 'BAR BA RAB TU 'BAR BA KUN DU RAB TU 'BAR BA ME LCE GCIG TU GYUR CING 'BAR BA 'DIS SPYI BO TSAL PA BDUN DU DGAS PAR BYA'O SNYAM PA DANG, GNOD SBYIN LAG NA RDO RJE DE BCOM LDAN 'DAS KYIS GZIGS NAS, SANGS RGYAS KYI MTHUS BRAM ZE MA SDUG GIS KYANG MTHONG NGO, ,DE NAS BRAM ZE MA SDUG SNGANGS SKRAG BRED CING SPU ZING ZHES BYED NAS BCOM LDAN 'DAS LA 'DI SKAD CES GSOL TO, ,KYE GOO TA MA MIG 'DZUMS KYI BU RNAMS DE LAS SKYES PAS MGO 'DZUGS PA DE LAGS PA DANG, DE DAG GI RIGS RGYUD DE LAGS PAR BDAG GIS THOS LAGS SO, ,DE NAS SHAS CHE BA'I BRAM ZE RGAN RABS RGAN RABS RNAMS 'DI SNYAM DU SEMS TE, BTZUN PA GOO TA MAS 'DI SKAD CES, BRAM ZE'I KHYE'U MA SDUG NI SH'AKYA RNAMS KYI BRAN MO'I BU NYID YIN LA SH'AKYA RNAMS NI DE'I JO BO'I BU YIN NO, ,ZHES GSUNGS PA GANG YIN PA BDEN NA BDAG CAG SHES LDAN GOO TA MAS GSUNGS PA LA YID MA CHES PAR ZAD DO SNYAM MO, ,DE NAS BCOM LDAN 'DAS KYIS SHAS CHE BA'I BRAM ZE RGAN RABS RGAN RABS RNAMS LA 'DI SKAD CES BKA' STZAL TO, ,KHYED CAG BRAM ZE'I KHYE'U MA SDUG LA BRAN MO'I BU ZHES HA CANG TSIG TU MA SMRA SHIG ,DE CI'I PHYIR ZHE NA, 'DI DE'I TSE DRANG SRONG RDZU 'PHRUL CHE BA MTHU CHE BA ZHIG TU GYUR PA LAS RGYAL PO BU RAM SHING SKYES KYIS NYES PA 'GA' KHO NA'I PHYIR BRAM ZE'I CHAD PAS BCAD DO, ,BRAM ZE'I CHAD PAS BCAD PA DANG, PHYIS RGYAL PO BU RAM SHING SKYES 'JIGS SKRAG BRED SPU ZING ZHES BYED NAS LAG PA G-YON PAS BU MO CHEN MO RGYAN THAMS CAD KYIS BRGYAN PA BZUNG, LAG PA G-YAS PAS GSER GYI BYA MA BUM THOGS TE, DRANG SRONG DE LA CHUNG MAR BYIN NA DRANG SRONG GIS DE MA BLANGS SO, ,DE NAS BCOM LDAN 'DAS KYIS @67B BRAM ZE'I KHYE'U MA SDUG LA BRAN MO'I BU YIN NO ZHES BKA' STZAL PAS ZHUM ZHUM POR GYUR NAS PHRAG PA BCUM MGO SMAD DE SPOBS PA MED CING GTAD KHONG DU CHUNG NAS CANG MI SMRA BAR GYUR TO, ,DE NAS BCOM LDAN 'DAS 'DI SNYAM DU DGONGS TE, BRAM ZE'I KHYE'U MA SDUG 'DI BRAN MO'I BU YIN NO ZHES NGAS TSIG TU SMRAS PAS ZHUM ZHUM POR GYUR NAS PHRAG PA BCUM MGO SMAD DE SPOBS PA MED CING GTAD KHONG DU CHUD NAS CANG MI SMRA BAR GYUR GYIS MA LA NGAS 'DI LA PHYI NAS GTAM 'DRE BAR BYA'O SNYAM DU DGONGS NAS BRAM ZE'I KHYE'U MA SDUG LA 'DI SKAD CES BKA' STZAL TO, ,BRAM ZE'I KHYE'U DPER NA RGYAL RIGS GZHON NU DANG BRAM ZE'I BU MO LHAN CIG 'DUS PAR GYUR TE DE GNYIS LHAN CIG 'DUS PA LAS KHYE'U ZHIG BTZAS NA, DE BRAM ZE RNAMS LAS STAN NAM CHU'AM GSANG TSIG GAM GDON PA 'THOB BAM, KYE GOO TA MA 'THOB LAGS SO; ;DE LA RGYAL RIGS RNAMS KYIS RGYAL RIGS KYI DBANG BSKUR BAS DBANG SKUR RAM, KYE GOO TA MA DBANG SKUR LAGS TE, DE CI'I SLAD DU ZHE NA, SPUN GYI BU LAGS PAS RGYAL RIGS RNAMS KYIS TSA BO DBANG SKUR LAGS SO, ,BRAM ZE'I KHYE'U DPER NA BRAM ZE GZHON NU DANG RGYAL RIGS KYI BU MO LHAN CIG 'DUS PAR GYUR LA DE GNYIS LHAN CIG 'DUS PA LAS KHYE'U ZHIG BTZAS NA, DE BRAM ZE RNAMS LAS STAN NAM CHU'AM GSANG TSIG GAM, GDON PA 'THOB BAM, KYE GOO TA MA 'THOB LAGS SO, ,DE LA RGYAL RIGS KYIS DBANG BSKUR BAS DBANG SKUR RAM; KYE GOO TA MA DBANG SKUR LAGS TE, DE CI'I SLAD DU ZHE NA, TSA BO LAGS PA'I SLAD DU RGYAL RIGS RNAMS KYIS TSA BO DBANG SKUR LAGS SO, ,BRAM ZE'I KHYE'U DPER NA RGYAL RIGS GZHON NU RGYAL RIGS DAG GIS NYES PA 'GA' KHO NA'I PHYIR SBYUGS BAR GYUR NA, DE BRAM ZE RNAMS LAS STAN NAM ? CHU'AM GSANG TSIG GAM, GDON BA 'THOB BAM, KYE GOO TA MA 'THOB LAGS SO, ,DE LA RGYAL RIGS KYI DBANG BSKUR BAS DBANG SKUR RAM, KYE GOO TA MA DBANG SKUR TE, DE CI'I SLAD DU ZHE NA, PHU NU BO LAGS PA'I SLAD DU RGYAL RIGS RNAMS KYIS PHU NU BO DBANG @68A *, ,SKUR LAGS SO, ,BRAM ZE'I KHYE'U DPER NA BRAM ZE'I GZHON NU BRAM ZE RNAMS KYIS NYES PA 'GA' KHO NA'I PHYIR SPYUGS PAR GYUR NA, DES BRAM ZE RNAMS LAS STAN NAM CHU'AM GSANG TSIG GAM GDON PA 'THOB BAM, KYE GOO TA MA MI 'THOB LAGS SO, , DE RGYAL RIGS RNAMS KYIS RGYAL RIGS KYI DBANG BSKUR BAS DBANG SKUR RAM, KYE GOO TA MA DBANG MI SKUR TE, DE CI'I SLAD DU ZHE NA, BRAM ZE GDOL PA LAGS PA'I SLAD DU RGYAL RIGS RNAMS BRAM ZE GDOL PA LA DBANG MI SKUR LAGS SO, ,BRAM ZE'I KHYE'U DE LTAR NA RUS DANG RIGS DANG GNAD KYIS RGYAL RIGS KYI RIGS MCHOG YIN GYI, BRAM ZE NI MA YIN NO BRAM ZE'I KHYE'U TSANGS PA MI MJED KYI BDAG POS TSIGS SU BCAD DE SMRAS PA, RUS DANG 'BREL PA GANG YIN PA'I, ,RGYAL RIGS RKANG GNYIS NANG NA BTZUN, ,LHA DANG MI RNAMS NANG NA YANG, ,RIG DANG ZHABS SU LDAN PA BTZUN, ,BRAM ZE'I KHYE'U TSANGS PA MI MJED KYI BDAG PO DES TSIGS SU BCAD DE 'DI SKAD CES, RUS DANG 'BREL PA GANG YIN PA'I, ,RGYAL RIGS RKANG GNYIS NANG NA BTZUN, ,LHA DANG MI RNAMS NANG NA YANG, ,RIG DANG ZHABS SU LDAN PA BTZUN; ;ZHES SMRAS PA NI LEGS PAR SMRAS PA YIN GYI NYES PAR SMRAS PA MA YIN, LEGS PAR BSNYAD PA YIN GYI NYES PAR BSNYAD PA MA YIN NO, ,DE CI'I PHYIR ZHE NA, BRAM ZE'I KHYE'U NGA YANG 'DI SKAD CES, RUS DANG 'BREL PA GANG YIN PA'I, ,RGYAL RIGS RKANG GNYIS NANG NA BTZUN, ,LHA DANG MI RNAMS NANG NA YANG, ,RIGS DANG ZHABS SU LDAN PA BTZUN, ,ZHES GSUNG NGO, ,BRAM ZE'I KHYE'U JI SNYAM DU SEMS, GANG NA BAG MA LEN PA DANG, BAG MA GTONG BA YOD PA DE NAS BRAM ZE RNAMS KYIS STAN NAM CHU'AM GSANG TSIG GAM; GDON PA 'THOB BAM, KYE GOO TA MA GANG NA BAG MA LEN PA DANG, BAG MA GTONG BA MCHIS PA DE NAS BRAM ZE RNAMS KYIS STAN NAM CHAB BAM GSANG TSIG GAM, GDON PA 'THOB LAGS SO, ,BRAM ZE'I KHYE'U GANG NA BAG MA LEN PA DANG, BAG MA GTONG BA YOD PA DE NA @68B RIGS KYIS SNYEMS PA YANG YOD, RUS KYIS SNYEMS PA YANG YOD, BRAM ZE'I BU'I SNYEMS PA YANG YOD DO, ,BRAM ZE'I KHYE'U SEMS CAN RIGS KYI SNYEMS PAS MA PAR BCINGS PA DANG, RUS KYI SNYEMS PAS RNAM PAR BCINGS PA DANG, BRAM ZE'I BU'I SNYEMS PAS RNAM PAR BCINGS PA JI SNYED PA DE DAG RIG PA DANG ZHABS SU LDAN PA BLA NA MED PA 'DI NYID MNGON SUM DU MA BYAS PA MNGON SUM DU BYA BA'I SKAL BA MED KYI BRAM ZE'I BU RIGS KYI SNYEMS PA SPANGS RUS KYI SNYEMS PA SPANGS, BRAM ZE'I BU'I SNYEMS PA SPANGS NA DE LTAR NA RIG PA DANG ZHABS SU LDAN PA BLA NA MED PA 'DI NYID MNGON SUM DU MA BYAS PA MNGON SUM DU BYED PAR 'GYUR RO, ,SHES LDAN GOO TA MA LA BDAG GANG SNGON YANG MA BYUNG, PHYIS KYANG MI 'BYUNG, DA LTAR NA YANG MA MCHIS PA DE LTA BUR DAD PA LAGS KYI SHES LDAN GOO TA MAS BDAG LA JI LTAR RIG PA DANG ZHABS 'TSAL BAR 'GYUR BDE LTAR CHOS BSHAD DU GSOL, BRAM ZE'I KHYE'U DE'I PHYIR LEGS PAR RAB TU NYON LA YID LA ZUNG SHIG DANG BSHAD DO, ,BRAM ZE'I KHYE'U 'DI LA STON PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA 'JIG RTEN MKHYEN PA SKYES BU 'DUL BA'I KHA LO SGYUR BA BLA NA MED PA LHA DANG MI RNAMS KYI STON PA, SANGS RGYAS BCOM LDAN 'DAS 'JIG RTEN DU BYUNG STE, DES CHOS BSHAD PA NI THOG MAR DGE BA, BAR DU DGE BA THA MAR DGE BA, DON BZANG PO TSIG 'BRU BZANG PO MA 'DRES PA YONGS SU RDZOGS PA YONGS SU DAG PA, RNAM PAR BYANG BA TSANGS PAR SPYOD PA RAB TU STON TE, CHOS DE KHYIM BDAG GAM KHYIM BDAG GI BUS MNYAN NAS, DES CHOS DE THOS NAS DAD PA SO SOR RNYED DO, ,DAD PA SO SOR RNYED PA DE DAG DANG LDAN PAS 'DI LA SO SOR YANG DAG PAR SLOB PAR BYED DE, KHYIM GYI GNAS NI NYAM NGA BA RDUL DAG GI GNAS YIN NO, ,RAB TU BYUNG BA NI BLA GAB MED PA YIN NA, KHYIM PA KHYIM NA GNAS PA RNAMS KYIS JI SRID 'TSO'I BAR DU TSANGS PAR SPYOD PA GCIG TU SAL GYIS DAG PA, YONGS SU RDZOGS PA YONGS SU DAG PA RNAM PAR BYANG BA 'DI SPYAD PAR DKA', @69A *, ,MA LA BDAG GIS SKRA DANG KHA SPU BREGS LA GOS DUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG NGO SNYAM NAS DE DE BZHIN RAB TU BYUNG NAS TSUL KHRIMS LA GNAS PA YIN TE, SO SOR THAR PA'I SDOM PAS BSDAMS PA YIN, SPYOD PA DANG SPYOD YUL PHUN SUM TSOGS PAS THA NA KHA NA MA THO BA PHRA MO TZAM LA YANG 'JIGS PAR LTA BA YIN, BSLAB PA'I GZHI RNAMS BLANGS TE SLOB PA YIN NO, ,DE SROG GCOD PA SPANGS NAS SROG GCOD PA LAS SLAR LOG PA YIN TE CHAD PA SPANGS PA YIN, MTSON CHA SPANGS PA YIN, 'DZEM PA DANG SNYING RJER LDAN PA YIN, SEMS CAN SROG CHAGS SU GYUR PA THAMS CAD LA CHUNG NGU NA SROG CHAGS GROG SBUR YAN CHAD SROG GCOD PA LAS SLAR LOG PA YIN NO, ,DE MA BYIN PAR LEN PA SPANGS NAS MA BYIN PAR LEN PA LAS SLAR LOG PA YIN TE, BYIN PA LEN PA YIN BYIN PA LA DGA' BA YIN, SBYIN PA LHUG PAR GTONG BA LA DGA' BA YIN TE RKUN MA MA YIN 'DOD CHEN CAN MA YIN, GTZANG BA YIN, BDAG NYID BSRUNGS PAS MA BYIN PAR LEN PA LAS SLAR LOG PA YIN NO, ,DE MI TSANGS PAR SPYOD PA SPANGS NAS MI TSANGS PAR SPYOD PA LAS SLAR LOG PA YIN TE, TSANGS PAR SPYOD PA YIN, SPYOD PA NGAN PA SPANGS PAS DAG PA YIN, GTZANG BA YIN, DRI NGA BA MED PA YIN, 'KHRIG PA DANG BRAL BA YIN, SMAD RIMS KYI CHOS DANG BRAL BA YIN, MI TSANGS PAR SPYOD PA LAS SLAR LOG PA YIN NO, ,DE BRDZUN DU SMRA BA SPANGS NAS BRDZUN DU SMRA BA LAS SLAR LOG PA YIN TE, BDEN PA SMRA BA YIN, BDEN PA LA DGA' BA YIN, MNYAN PAR 'OS PA YIN, YID CHES PA YIN, BRTAN PA YIN, 'JIG RTEN LA MI SLU BA YIN, BRDZUN DU SMRA BA LAS SLAR LOG PA YIN NO, ,DE PHRA MA SPANGS NAS PHRA MA LAS SLAR LOG PA YIN TE, DE TSU BI DAG LAS MNYAN TE DE DAG DBYE BA'I PHYIR PHA BI DAG LA SMRA BA MA YIN, PHA BI DAG LAS MNYAN TE DE DAG DANG DBYE BA'I PHYIR TSU BI DAG LA SMRA BA MA YIN, BYE BA RNAMS SDU MAS ? BYED PA YIN, MTHUN PA RNAMS LA GZENGS STOD PA YIN, MTHUN BA LA @69B DGA' BA YIN, MTHUN PA LA MGU BA YIN, MTHUN PAR BYED PA'I TSIG SMRA BA YIN, PHRA MA LAS PHYIR LOG PA YIN NO, ,DE TSIG RTZUB PO SPANGS NAS TSIG RTZUB PO LAS PHYIR LOG PA YIN TE, DE GANG LA YANG TSIG GDUG PA DANG, RTZUB PA DANG, PHA ROL LA MI SNYAN PA DANG, PHA ROL SPA 'GONG BAR BYED PA DANG, SKYE BO MANG PO'I YID LA MI 'THAD PA DANG, SKYE BO MANG PO'I SNYING DU MI SDUG PA DANG, SKYE BO MANG PO MI DGA' BA DANG, SKYE BO MANG PO'I YID DU MI 'ONG BA DANG, MNYAM PAR BZHAG PA MA YIN PA DANG MNYAM PAR 'JOG PAR 'GYUR BA MA YIN PA DE LTA BU'I TSIG SPANGS PA YIN, MI TSUGS PA DANG, RNAR SNYAN PA DANG, SNYING TSIM PAR BYED PA DANG, DGA' BAR BYED PA DANG, GRONG KHYER BA DANG, SNYAN CING 'JEBS PA DANG, RNAM PAR GSAL BA DANG, RNAM PAR RIG PAR BYED PA DANG, MNYAN PAR 'OS PA DANG, MI RTEN PA DANG, 'GAL BA MA YIN PA DANG, THUG PA MED PA DANG, SKYE BO MANG PO LA SDUG PA DANG, SKYE BO MANG PO MGU BA DANG, SKYE BO MANG PO DGA' BA DANG, SKYE BO MANG PO'I YID DU 'ONG BA DANG, MNYAM PAR BZHAG PA DANG MNYAM PAR 'JOG PAR 'GYUR BA DE LTA BU'I TSIG SMRA BA DANG DE TSIG RTZUB PO SPANGS NAS TSIG RTZUB PO LAS SLAR LOG PA YIN NO, ,DE TSIG KYAL PA SPANGS NAS TSIG KYAL PA LAS SLAR LOG PA YIN TE, DE DUS SU SMRA BA YIN, YANG DAG PAR SMRA BA YIN, DE KHO NA NYID SMRA BA YIN, DON SMRA BA YIN, CHOS SMRA BA YIN; RTOGS PA SMRA BA YIN, KHONG DU CHUD PAR BYED PA'I TSIG SMRA BA YIN TE, DUS SU DANG 'DREN MA MA YIN PA DANG GLENG GZHI DANG BCAS PA DANG, DAN RTAGS DANG BCAS PA DANG, CHOS DANG DON DANG LDAN PA YIN TE, TSIG KYAL PA SPANGS NAS TSIG KYAL PA LAS SLAR LOG PA YIN NO; ;DE NYO TSONG SPANGS NAS NYO TSONG LAS SLAR LOG PA YIN TE, DE GZHAL LUGS LA G-YO BYED PA DANG, SRANG LA G-YO BYED PA DANG, TSAD LA G-YO BYED PA SPANGS NAS GZHAL LUGS LA G-YO BYED PA DANG, SRANG LA G-YO BYED PA DANG, TSAD LA G-YO BYED PA LAS SLAR LOG @70A *, ,PA YIN NO, ,DE GSUG LEN PA DANG 'DRID PA DANG, BSDIGS NAS RANG GIR BYED PA SPANGS NAS GSUG LEN PA DANG, 'DRID PA DANG, BSDIGS NAS RANG GIR BYED PA LAS SLAR LOG PA YIN NO, ,DE GSAD PA DANG, BCING BA DANG, BCAD PA DANG, DBUG PA DANG, BRDEG PA'I BSAM PA SPANGS NAS GSOD PA DANG, 'CHING BA DANG, GCOD PA DANG, 'BIGS PA DANG, RDEG PA NYAMS SU MYONG BAR BYED PA LAS SLAR LOG PA YIN NO, ,DE 'OD DANG BUD MED CAN DANG LHAN CIG TU NYAL BA SPANGS NAS 'OD DANG, BUD MED CAN DANG LHAN CIG TU NYAL BA LAS SLAR LOG PA YIN NO, ,DE ZHING GI GZHI DANG, KHYIM GYI GZHI DANG, TSONG KHANG GI GZHI LEN PA SPANGS NAS, DE ZHING GI GZHI DANG, KHYIM GYI GZHI DANG, TSONG KHANG GI GZHI LEN PA LAS SLAR LOG PA YIN NO, ,DE GLANG PO CHE DANG; RTA DANG, BA LANG DANG, LUG DANG, BYA GAG DANG, PHAG LEN PA SPANGS NAS, DE GLANG PO CHE DANG, RTA DANG, BA LANG DANG, LUG DANG, BYA GAG DANG, PHAG LEN PA LAS SLAR LOG PA YIN NO, ,DE BRAN PHO DANG, BRAN MO DANG, ZHO SHAS 'TSO BA LEN PA SPANGS NAS, BRAN PHO DANG, BRAN MO DANG, ZHO SHAS 'TSO BA LEN PA LAS SLAR LOG PA YIN NO, ,DE CHUNG MA DANG BU PHO DANG BU MO LEN PA SPANGS NAS, CHUNG MA DANG, BU PHO DANG, SKYES PA DANG, KHYE'U DANG, BU MO LEN PA LAS SLAR LOG PA YIN NO, ,DE GSER DANG DNGUL LEN PA SPANGS NAS, GSER DANG DNGUL LEN PA LAS SLAR LOG PA YIN NO, ,DE 'BRU MA NYAMS PA LEN PA SPANGS NAS, 'BRU MA NYAMS PA LEN PA LAS SLAR LOG PA YIN NO, ,DE ZA GCIG PA YIN TE, NUB MO'I SBANGS SHING DUS MA YIN PA'I KHA ZAS SPANGS PA YIN, DUS SU RGYU ZHING DUS SU SPYOD PAS SBYOR BA LA BRTZON PA YIN, DE LUS KYI BGO BA RAN PAS CHOG SHES SHING TSOD ZIN PA YIN, BSOD SNYOMS LTO 'GRANGS KYIS CHOG SHES SHING TSOD ZIN PA YIN NO, ,DE LUS KYI BGO BA RAN PAS CHOG SHES SHING TSOD ZIN PA YIN ZHING, BSOD SNYOMS LTO 'GRANGS KYIS CHOG SHES SHING TSOD ZIN PA @70B YIN PAS GANG DANG GANG DU 'GRO BA NA LHUNG BZED DANG BCAS, CHOS GOS DANG BCAS PAS 'GRO'O, ,DPER NA 'DAB CHAGS BYA GANG DANG GANG DU LDING BA DER 'DAB MA DANG CHAS, GSHOG PA DANG CHAS TE LDING BA DE BZHIN DU DE LUS KYI BGO BA RAN PAS CHOG SHES SHING TSOD ZIN PA YIN; BSOD SNYOMS LTO 'GRANGS KYIS CHOG SHES SHING TSOD ZIN PA YIN NO, ,DE LUS KYI BGO BA RAN PAS CHOG SHES SHING TSOD ZIN PA YIN ZHING BSOD SNYOMS LTO 'GRANGS KYIS CHOG SHES SHING TSOD ZIN PA YIN TE, MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS SA BON GYI TSOGS DANG, 'BYUNG PO'I TSOGS DANG, SNA TSOGS RTZOM PA LA SBYOR BAR BRTZON PAS GNAS PA 'DI LTA STE, RTZA BA'I SA BON DANG, SDONG BU'I SA BON DANG, THOR TO'I SA BON DANG, BKAS PA'I SA BON DANG, LNGA PA NI SA BON GYI SA BON NYID DE; DGE SBYONG DANG, BRAM ZE RNAMS KYI SA BON GYI TSOGS DANG, 'BYUNG PO'I TSOGS SNA TSOGS RTZOM PA LA SBYOR BAR BRTZON PA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG NGAM BRAM ZE KHA CIG DAD PAS BYIN PA DAG SPYAD NAS SOGS 'JOG SNA TSOGS RTZOM PA LA SBYOR BAR BRTZON PAS GNAS PA 'DI LTA STE, ZAS KYI SOGS 'JOG DANG, SKOM GYI SOGS 'JOG DANG, DRI'I SOGS 'JOG DANG, RO'I SOGS 'JOG DANG, LO MA'I SOGS 'JOG DANG, ME TOG GI SOGS 'JOG DANG, 'BRAS BU'I SOGS 'JOG DANG, DGE SBYONG DANG BRAM ZE RNAMS KYI SOGS 'JOG SNA TSOGS RTZOM PA LA SBYOR BAR BRTZON PA DE LTA BU LAS SLAR LOG PA YIN NO,, ,,'DUL BA GZHI, BAM PO SUM BCU RTZA GCIG PA, MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS GNAS MAL MTHON PO DANG, GNAS MAL CHEN PO SNA TSOGS RTZOM PA LA SBYOR BAR BRTZON PAS GNAS PAR BYED PA 'DI LTA STE, STAN DANG, KHRI DANG, KHRI SNAM BU CAN DANG, RAS KYI SNAM BU CAN DANG, BE'U RAS KYIS G-YOGS PA DANG, RAS YUG CHEN GYIS G-YOGS PA DANG, RAS KHRA BOS G-YOGS PA DANG, PA @71A *, ,LE LA'I RAS KYIS G-YOGS PA DANG, GLANG PO CHE'I 'THAB STAN DANG, RTA'I 'THAB STAN DANG, NGOS GCIG BAL LAS BYAS PA DANG, NGOS GNYIS KA BAL LAS BYAS PA DANG, STOD BAL LAS BYAS PA DANG, RGYAB BAL LAS BYAS PA DANG, BAL LAS BYAS PA DANG, KA LING KA'I GOS KYI STENG G-YOGS PA DANG, G-YOGS DANG BCAS PA'I GOS DANG, PHYOGS GNYIS SU SDAS DMAR PO LAS BYAS PA STE, DGE SBYONG DANG BRAM ZE RNAMS KYI GNAS MAL MTHON PO DANG, GNAS MAL CHEN PO RTZOM PA LA SBYOR BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG NGAM BRAM ZE KHA CIG DAD PAS BYIN PA DAG SPYAD NAS 'CHANG BA DANG, GZHAG PA SNA TSOGS RTZOM PA LA SBYOR BAR BRTZON PAS GNAS PA 'DI LTA STE, MNYE BA DANG, BKRU BA DANG, DRIL PHYI DANG, ME TOG GI PHRENG BA DANG, DRI DANG, BYUG PA DANG, KHA DOG 'CHANG BA DANG, SEN MO'I KHA DOG SGYUR BA DANG, KHAR PHYE MA 'DEBS PA DANG, GDONG GI BYI DOR DANG, ME LONG LA LTA BA DANG, LAG NGAR BRGYAN PA DANG, GTZUG TOR 'CHING BA DANG, GDUGS KYI RTZA BA SBU BU CAN DANG, RAL GRI DANG, RNGA YAB NOR BU'I YU BA CAN DANG, MCHIL LHAM KHRA BO DANG, GOS SAR PA DANG, RAS SAR PA KHA TSAR CAN 'CHANG BA'I RANG BZHIN CAN DAG STE, DGE SBYONG DANG BRAM ZE RNAMS KYI GZHAG PA DANG 'CHANG BA SNA TSOGS RTZOM PA LA SBYOR BAR BRTZON PA DE LTA BU LAS SLAR LOG PA YIN NO, , MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS LTAD MO SNA TSOGS RTZOM PA LA SBYOR BAR BRTZON PAS GNAS PA 'DI LTA STE, GLANG PO CHES 'GYED PA DANG, SHING RTAS 'GYED PA DANG, DPUNG BU CHUNG GIS 'GYED PA DANG, DBYUG PAS 'GYED PA DANG, KHU TSUR GYIS 'GYED PA DANG, GRU MOS 'GYED PA DANG, KHYU MCHOG GIS 'GYED PA DANG, MA HES 'GYED PA DANG, RA 'GYED PA DANG, LUG 'GYED PA DANG, BYA GAG 'THAB PA DANG, MCHIL BA 'THAB PA DANG, 'UR PA 'THAB BA DANG, BYA GAG DANG, PHUG RON DANG, MCHIL PA @71B DANG; BUD MED 'THAB PA DANG, SKYES PA 'THAB PA DANG, GZHON NU 'THAB PA DANG, GZHON NU MA 'THAB PA DANG, SHING 'DZEG PA DANG, BRO GAR GYI TSOGS DANG, PHRAG PA NAS 'GONG BA DANG, RGYAL MTSAN GYI RTZE MO DANG, DPUNG GI TSOGS DANG, G-YUL BSHAMS PA DANG; DMAG TSOGS LA LTA BA DANG, 'DUS PA CHEN PO LA LTA BAR 'DOD PA STE, DGE SBYONG DANG BRAM ZE RNAMS KYI LTAD MO SNA TSOGS RTZOM PA LA SBYOR BAR BRTZON PA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS NYAN PA SNA TSOGS RTZOM PA LA SBYOR BAR BRTZON PAS GNAS PA 'DI LTA STE, GLANG PO CHE'I SKAD DANG, RTA'I SKAD DANG, SHING RTA'I SGRA DANG, DPUNG BU CHUNG GI SGRA DANG, RNGA PA tA NYA'I SGRA DANG, RNGA BO CHE'I SGRA DANG, ROL MO'I TSOGS PA'I SGRA DANG, GAR MKHAN GYI GLU SGRA DANG, ROL MO'I SGRA DANG, KHAR GSIL GYI SGRA DANG, SE GOL GYI SGRA DANG, THAL MO'I SGRA DANG, BUM PA'I SGRA DANG, RANG BZO'I SGRA DANG, SNYAN DNGAGS KYI SGRA DANG, YIG 'BRU SNA TSOGS DANG, TSIG DANG YI GE SNA TSOGS DANG, 'JIG RTEN RGYANG 'PHEN DANG LDAN PA DANG GRAGS PA'I GTAM NYAN 'DOD PA DAG STE, DGE SBYONG DANG BRAM ZE RNAMS KYI SGRA SNA TSOGS NYAN PA RTZOM PA LA SBYOR BAR BRTZON PA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS, AUG SHUD DANG, KHRAS DANG, CHO LO RTZOM PA LA SBYOR BAR BRTZON PAS GNAS PA 'DI LTA STE, MIG BRGYAD PA DANG, MIG BCU PA DANG, NA YA'I MIG DANG, PHYOGS PHYOGS NAS 'GYED PA DANG, BUM PAS RTZE BA DANG, KA LE DANG KA TZA LE DANG, PHEG GIS RTZE BA DANG, AUG SHUD DANG, GUL TSAB DANG, THUR MA DANG, LAG RGYAN NAM; KHA CIG SKUGS CI LTA BAR 'GYED PA STE, DGE SBYONG DANG BRAM ZE RNAMS KYI AUG SHUD DANG, KHRAS DANG, CHO LO RTZOM PA LA SBYOR BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA NGAG SPYAD NAS GTAM SNA TSOGS RTZOM PA @72A *, ,LA SBYOR BAR BRTZON PAS GNAS PA 'DI LTA STE, RGYAL PO'I GTAM DANG, DMAG GI GTAM DANG, ZAS KYI GTAM DANG, SKOM GYI GTAM DANG, GOS KYI GTAM DANG, TSONG 'DUS KYI GTAM DANG, SMAD 'TSONG GI GTAM DANG, LAM NGAN BRJOD PA'I GTAM DANG, RGYA MTSO CHEN PO RJOD PA'I GTAM DANG, LJONGS DANG, SNA CHEN PO LA GTOGS PA RJOD PA'I GTAM STE, DGE SBYONG DANG BRAM ZE RNAMS KYI GTAM SNA TSOGS RTZOM PA LA SBYOR BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SBYAD NAS RTZOD PA SNA TSOGS RTZOM PA LA SBYOR BAR BRTZON PAS GNAS PA 'DI LTA STE, JI LTAR KHO BOS CHOS 'DUL BA 'DI KUN SHES PA DE BZHIN DU, KHYOD KYIS KYANG CHOS 'DUL BA 'DI KUN SHES MOD KYI KHYOD KYIS NI RIGS PA DANG LDAN PA DANG 'BREL BA MA YIN TE, SNGAR SMRA BAR BYA BA NI PHYIS SMRAS, PHYIS SMRA BAR BYA BA NI SNGAR SMRAS LA KHYOD KYIS HA CANG MYUR BAR SMRAS PAS MI GSAL LO, ,BRTZAD PA MJUG BRTUL GYIS KHYOD KYIS BRTZAD PA'I DON DU SMRAS PA'I TSIG DE THONG SHIG ,TSAR BCAD PAR SHES SAM, GAL TE LAN THEBS PA LTA NA DRIS DANG SMROS SHIG CES BYA BA DGE SBYONG DANG BRAM ZE RNAMS KYI RTZOD PA SNA TSOGS RTZOM PA LA SBYOR BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS PHO NYAR 'GRO BA DANG, GTONG BA LOG PA'I 'TSO BAS 'TSO BAR BYED PA 'DI LTA STE, DE DAG RGYAL PO'I 'AM, BLON PO CHEN PO RNAMS KYI'AM, BRAM ZE RNAMS KYI'AM, KHYIM BDAG RNAMS KYI'AM, GRONG MI RNAMS KYI'AM, YUL MI RNAMS KYI'AM, TSONG DPON RNAMS KYI'AM, DED DPON RNAMS KYI PHO NYA TSU BI NAS KHRID DE PHA BIR SNA 'DREN PAR BYED PA DANG, PHA BI NAS PHO NYA KHRID DE TSU BIR SNA 'DREN PAR BYED PA STE, DGE SBYONG DANG BRAM ZE RNAMS KYI PHO NYAR 'GRO BA DANG GTONG BA LOG PA'I 'TSO BA DE LTA BU LAS SLAR LOG BA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS TSUL 'CHOS PA DANG, KHA GSAG DANG, GZHOGS @72B SLONG DANG, THOB KYIS 'JAL BA DANG, RNYED PAS RNYED PA SGRUB PAR BYED DE, DGE SBYONG DANG BRAM ZE RNAMS KYI TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA DANG, RNYED PAS RNYED PA SGRUB PAR BYED PA DE LTA BU LAS SLAR LOG PA YIN NO, , 'DI LTAR YANG MA SDUG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, GNAM GRUM PA DANG, RMA MTSAN DANG, RMI LAM GYI MTSAN MA DANG, MES TSIG PA DANG, CHUS REG PA DANG, BYI BAS ZOS PA DANG; 'BEBS PA DANG, SKAD NYAN PA DANG, 'BYUNG PO THAMS CAD KYI SKAD DANG, LUS KYI DPYAD DANG, KHYIM SA'I DPYAD DANG, NE TZO'I DPYAD DANG, BYA'I DPYAD DANG, MTHE BO'I DPYAD DANG, KHA CIG SKAR MA'I SBYOR BA BYED DE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, YUD TZAM RNAMS KYI SBYOR BA DANG, RGYU SKAR SHAR BA DANG, RO BRTAG PA DANG, ZHI BA'I LAS DANG, RGYAS PA'I LAS DANG, DRAG PO'I LAS DANG, BSANG GTOR GYI LAS DANG, YIG 'BRU DANG, RTZIS DANG, GRANGS DANG, LAG RTZIS DANG, ME LONG GI DPYAD LA SBYOR BAR BYED DO, ,DGE SBYONG DANG BRAM ZE RNAMS KYI YON PO'I DPYAD KYI 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, GSO BA'I DPYAD DANG, RTZA BA'I SMAN DANG, MIG SMAN SBYIN PA DANG, SNUM BAG DANG, RO SBYIN PA DANG, SMAN SBYIN PA DANG; BUD MED KYI DPYAD DANG, GZHON NU'I DPYAD DANG, GZHON NU MA'I DPYAD DANG, SMAN LA SBYOR BAR BYED PA STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS @73A *, ,BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, NOR BU'I MTSAN NYID DANG, DBYUG PA'I MTSAN NYID DANG, RAL GRI'I MTSAN NYID DANG, MDA'I MTSAN NYID DANG, MTSON CHA'I MTSAN NYID DANG, GLANG PO CHE'I MTSAN NYID DANG; RTA'I MTSAN NYID DANG, KHYU MCHOG GI MTSAN NYID DANG, MA HE'I MTSAN NYID DANG, RA'I MTSAN NYID DANG, LUG GI MTSAN NYID DANG, BYA GAG GI MTSAN NYID DANG, 'UR BA'I MTSAN NYID DANG, MCHIL PA'I MTSAN NYID DANG, BUD MED KYI MTSAN NYID DANG, SKYES PA'I MTSAN NYID DANG, GZHON NU'I MTSAN NYID DANG, GZHON NU MA'I MTSAN NYID DANG, TSE THUNG BA'I RTAGS DANG, TSE RING BA'I RTAGS DANG, SKAL BA CHUNG BA'I RTAGS DANG, SKAL BA CHE BA'I RTAGS DANG, BSOD NAMS CHUNG BA'I RTAGS DANG, BSOD NAMS CHE BA'I RTAGS DANG, MTHU CHUNG BA'I RTAGS DANG; MTHU CHE BA'I RTAGS DANG, JO BO'I MTSAN NYID DANG BRAN GYI MTSAN NYID DE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, SMAN MAS CIG CAR GTONG BA DANG, SGRENGS TE GTONG BA DANG, SKYUG PA DANG, 'KHRU BA DANG, STOD DU 'KHRU BA DANG, SNAR BLUGS PA DANG, DU BA RDUB PA DANG, DUGS KYI LAS DANG, BAD KAN GYI DPYAD DANG, PHO BA'I DPYAD DANG, SME BA DANG PHOL MIG GI DPYAD DANG, RI DGAS 'KHYIL PA DANG, BYA ROG 'KHYIL PA DANG, MKHUR BA 'GUL BA DANG, LCE SOS CHOD PA DANG, RO LANGS DANG, RO LANGS PHYED LA SBYOR BAR BYED DE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, DGUG PA DANG, KUN DU DGUG PA DANG, RNAM PAR DGUG PA DANG, KUN DU RMONGS PA DANG, RNAM @73B PAR RMONGS PA DANG, RNAM PAR 'THOR BA DANG, RNAM PAR 'JOMS PA'I CHOS DANG, BDE BAR BYED PA DANG, SDUG BSNGAL BAR BYED PA DANG, BU 'CHAGS PAR BYED PA DANG, TIL GYI SBYIN SREG DANG, 'BRAS KYI SBYIN SREG DANG, TSER MA'I SBYIN SREG DANG, RDZAS KYI SBYIN SREG DANG, SBYIN SREG GI SBYIN SREG DANG, NYI MA LA BKUR STI BYA BA DANG, SKAR MA LA BKUR STI BYA BA DANG, LHA LA BKUR STI BYA BA DANG, BKUR STI'I GNAS CHEN PO LA BKUR STI BYED PA STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN BA DAG SPYAD NAS YON PO'I DPYAD SNA TSOGS KYI LOG PA'I 'TSO BAS 'TSO BAR BYED PA 'DI LTA STE, 'JIGS PAR 'GYUR BA DANG, ZHI BAR 'GYUR BA DANG, LO NYES PAR 'GYUR BA DANG, LO LEGS PAR 'GYUR BA DANG, CHAR MI 'BEBS PAR 'GYUR BA DANG, CHAR LEGS PAR 'BEBS PAR 'GYUR BA DANG, YAMS KYI NAD 'BYUNG BAR 'GYUR BA DANG, YAMS KYI NAD 'BYUNG BAR MI 'GYUR BA STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG NGAM BRAM ZE KHA CIG DAD PAS BYIN PA DAG SPYAD NAS YON PO'I DPYAD SNA TSOGS KYI LOG PA'I 'TSO BAS 'TSO BAR BYED PA 'DI LTA STE, ZUN RNAMS KYI RGYAL PO RGYAL BAR 'GYUR ZHING PHYI ROL PA RNAMS KYI RGYAL PO PHAM PAR 'GYUR BA DANG, PHYI ROL PA RNAMS KYI RGYAL PO RGYAL BAR 'GYUR ZHING ZUN RNAMS KYI RGYAL PO PHAM PAR 'GYUR BA DANG, ZUN RNAMS KYI RGYAL PO G-YUL DU 'JUG PAR 'GYUR ZHING PHYI ROL PA RNAMS KYI RGYAL PO 'BYUNG BAR 'GYUR BA DANG, PHYI ROL PA RNAMS KYI RGYAL PO G-YUL DU 'JUG PAR 'GYUR ZHING ZUN RNAMS KYI RGYAL PO 'BYUNG BAR 'GYUR BA DAG STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZA KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO @74A *, ,BAS 'TSO BAR BYED PA 'DI LTA STE, NYI MA DANG ZLA BA DAG LAM DU 'GRO BA DANG, NYI MA DANG ZLA BA DAG LAM GOL BAR 'GRO BA DANG, LAM DU NYI MA GZAS ZIN PA DANG, ZLA BA GZAS ZIN PA DANG, SKAR MDA' LTUNG PA DANG, PHYOGS DMAR POR GYUR PA DANG, BAR SNANG LAS SGRA BYUNG BA DANG, NYI MA DANG ZLA BA 'DI GNYIS 'DI LTAR RDZU 'PHRUL CHE ZHING MTHU CHE BA 'CHAR BA DANG, NUB PA DANG, BSGRIBS PA DANG, MA BSGRIBS PA DANG, 'DI LTA STE, LAM DANG LAM GOL BA DAG MNGON PA STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,MA SDUG 'DI LTAR YANG DGE SBYONG DANG BRAM ZE KHA CIG DAD PAS BYIN PA DAG SPYAD NAS YON PO'I DPYAD KYI LOG PA'I 'TSO BAS 'TSO BAR BYED PA 'DI LTA STE, NYI MA DANG ZLA BA DAG LAM DU 'GRO NA 'BRAS BU 'DI LTA BUR 'GYUR BA DANG, NYI MA DANG ZLA BDAG LAM GO LA BAR 'GRO NA 'BRAS BU 'DI LTA BUR 'GYUR BA DANG, LAM DU NYI MA GZAS ZIN PA DANG, ZLA BA GZAS ZIN PA DANG, SKAR MDA' LTUNG BA DANG, PHYOGS DMAR POR GYUR PA DANG, BAR SNANG LAS SGRA BYUNG NA 'BRAS BU 'DI LTA BUR 'GYUR BA DANG, NYI MA DANG ZLA BA 'DI GNYIS 'DI LTAR RDZU 'PHRUL CHE ZHING MTHU CHE BA 'CHAR BA DANG, NUB PA DANG, BSGRIBS PA DANG, MA BSGRIBS PA DANG, 'DI LTA STE, LAM DANG LAM GOL BA MNGON NA 'BRAS BU 'DI LTA BUR 'GYUR BAR STON PA STE, DGE SBYONG DANG BRAM ZE RNAMS KYI YON PO'I DPYAD KYI LOG PA'I 'TSO BA DE LTA BU LAS SLAR LOG PA YIN NO, ,DE 'PHAGS PA'I TSUL KHRIMS KYI PHUNG PO DE DANG LDAN PAS NANG GI BDE BA KHA NA MA THO BA MED PA NYAMS SU MYONG BAR BYED CING, DE DBANG PO RNAMS KYI SGO BSDAMS PA DANG, KUN DU BSRUNGS PA'I DRAN PA DANG, 'GRUS SKYONG GI DRAN PA DANG YID DRAN PAS BSRUNGS PAS GNAS SKABS MNYAM PAR SPYOD CING GNAS PA YIN NO, ,DE MIG GIS GZUGS RNAMS MTHONG NAS MTSAN MAR MI 'DZIN, MNGON RTAGS SU MI 'DZIN TO, ,GZHI GANG GI PHYIR ZHE NA, MIG GI DBANG PO SNGOM PAS MA BSDAMS PAR GNAS PA NI 'JIG RTEN LA @74B BRNAB SEMS DANG, YID MI BDE BA DAG 'BYUNG BAS SDIG PA MI DGE BA'I CHOS RNAMS SEMS KYI RJES SU 'BRANG BAR 'GYUR RO, ,DE RNAMS BSDAM PA'I PHYIR BSGRUB CING BSRUNG BAR MIG GI DBANG POS MIG GI DBANG PO SDOM PAR BYED DO, ,DE BZHIN DU RNA BAS SGRA DANG SNAS DRI DANG; LCES RO DANG, LUS KYIS REG BYA DANG, YID KYIS CHOS RNAMS SHES NAS MTSAN MAR MI 'DZIN, MNGON RTAGS SU MI 'DZIN TO, ,GZHI GANG GI PHYIR ZHE NA, YID KYI DBANG PO SDOM PAS MA BSDAMS PAR GNAS PA NI 'JIG RTEN LA BRNAB SEMS DANG, YID MI BDE BA DAG 'BYUNG BAS SDIG PA MI DGE BA'I CHOS RNAMS SEMS KYI RJES SU 'BRANG BAR 'GYUR RO, ,DE RNAMS BSDAM PA'I PHYIR YID KYI DBANG POS YID KYI DBANG PO SDOM PAR BYED DO, ,DE 'PHAGS PA'I TSUL KHRIMS KYI PHUNG PO DE DANG, DBANG PO RNAMS KYI SGO BSDAMS PA DE DANG LDAN PAS NANG GI BDE BA KHA NA MA THO BA MED PA NYAMS SU MYONG ZHING, DE 'GRO BA DANG LDOG PA LA SHES BZHIN DU GNAS PA YIN, LTA BA DANG, RNAM PAR LTA BA DANG, BSKUM PA DANG, BRKYANG BA DANG, SNAM SBYAR DANG, CHOS GOS DANG, LHUNG BZED THOGS PA DANG, 'GRO BA DANG; 'GRENG BA DANG, 'DUG PA DANG, NYAL BA DANG, MI NYAL BA DANG, SMRA BA DANG, MI SMRA BA DANG, GNYID KYIS DUB PA BSAL BA LA SHES BZHIN DU GNAS PA YIN NO, ,DE 'PHAGS PA'I TSUL KHRIMS KYI PHUNG PO DE DANG, DBANG PO RNAMS KYI SGO BSDAMS PA DE DANG, DRAN PA DANG SHES BZHIN MCHOG DE DANG LDAN PAS NANG GI BDE BA KHA NA MA THO BA MED PA NYAMS SU MYONG ZHING DE GNAS MAL DBEN PA DGON PA DANG, SHING DRUNG DANG, KHANG STONG DAG TU GNAS PA YIN TE, DE DGON PAR SON KYANG RUNG, SHING DRUNG DU SON KYANG RUNG, KHANG STONG DU SON KYANG RUNG 'DUG STE; SKYIL MO KRUNG BCAS NAS LUS DRANG POR BSRANG STE DRAN PA MNGON DU PHYOGS PAR BZHAG NAS DE 'JIG RTEN LA BRNAB SEMS SPANGS TE, BRNAB SEMS DANG BRAL BA'I SEMS KYIS LAN MANG DU GNAS SHI, ,RNAB SEMS LAS SEMS YONGS SU SBYONG BA YIN NO, ,'JIG RTEN LA @75A *, ,GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM SPANGS TE, YID GNYIS LAS RGAL BA YIN, THE TSOM LAS RGAL BA YIN, DGE BA'I CHOS RNAMS LA NGES PA THOB PA YIN, THE TSOM LAS SEMS YONGS SU SBYONG BA YIN NO; ;MA SDUG DPER NA MI ZHIG GIS SKYIN PO ZHIG BLANGS NAS LAS KYI MTHA' RNAMS LA BRTZON PAR BYAS TE, DE'I LAS KYI MTHA' DE RNAMS GRUB NAS DES DE LAS BU LON DE YANG KHYER LA, DE LA CHUNG MA GSO BA CHOG TZAM ZHIG KYANG YOD NAS DE 'DI SNYAM DU SEMS TE, BDAG GIS SKYIN PO BLANGS NAS LAS KYI MTHA' RNAMS LA BRTZON PAR BYAS TE, BDAG GI LAS KYI MTHA' DE RNAMS GRUB NAS BDAG GIS DE LAS BU LON YANG GZHAL, BDAG LA CHUNG MA GSO BA CHOG TZAM ZHIG KYANG YOD DO SNYAM STE, DE GZHI DE LAS BDE BAR GYUR, YID BDE BAR GYUR PA DANG, MA SDUG DPER NA MI NAD PA NAD TSABS CHE BA SDUG BSNGAL BA ZHIG YOD LA, DE ZAS ZOS PA NI LUS LA 'JUR MI BTUB, SKOM 'THUNGS BA NI KHONG DU GNOD PAR GYUR PA LAS DE DUS GZHAN ZHIG NA NAD MED CING STOBS DANG LDAN LA BDE BAR GYUR TE, DES KHA ZAS ZOS PA 'JUR BTUB; SKOM 'THUNGS PA NI KHONG DU GNOD PAR MA GYUR NAS DE 'DI SNYAM DU SEMS TE, 'DI LTAR BDAG SNGON NA BA NAD TSABS CHE BA SDUG BSNGAL BAR GYUR PA NA BDAG GIS KHA ZAS ZOS PA NI LUS LA 'JUR MI BTUB, SKOM 'THUNGS PA NI KHONG DU GNOD PAR GYUR PA LAS, DA NI 'DI LTAR BDAG NAD MED CING STOBS DANG LDAN PAS BDE BAR GYUR TE, BDAG GIS ZAS ZOS PA NI LUS LA 'JUR BTUB, SKOM 'THUNGS PA NI KHONG DU GNOD PAR MA GYUR TO SNYAM STE, DE GZHI DE LAS BDE BA DANG, YID BDE BAR GYUR PA DANG, MA SDUG DPER NA MI ZHIG BRAN DU GYUR TE, MNGAG GZHUG PA DANG, GO RE LONG BA DANG, LTO GOL DANG, RANG DBANG MED PAR GYUR PA LAS, DE DUS GZHAN ZHIG NA BRAN MI BYED PAR GYUR TE, MNGAG GZHUG PA MI BYED, GO RE LONG MI BYED, LTO GOL MI BYED DE, RANG DBANG YOD NAS, DE 'DI SNYAM DU SEMS TE, 'DI @75B LTAR BDAG SNGON BRAN DU GYUR PA NA MNGAG GZHUG PA DANG, GO RE LONG BA DANG, LTO GOL DANG, RANG DBANG MED PA LAS DA NI BRAN MI BYED PAS MNGAG GZHUG PA MI BYED, GO RE LONG MI BYED, LTO GOL MI BYED DE, RANG DBANG YOD DO SNYAM NAS, DE GZHI DE LAS BDE BAR GYUR, YID BDE BAR GYUR PA DANG, MA SDUG DPER NA MI ZHIG BTZON DU BZUNG STE, LAG PA PHYIN KA LOG TU DAM DU BCINGS PAR GYUR PA LAS, DE DE LAS NOR GZHAL BA MED PAR BDE BAR LEGS PAR THAR NAS, DE 'DI SNYAM DU SEMS TE, 'DI LTAR BDAG SNGON BTZON DU BZUNG STE; LAG PA PHYIN KA LOG TU DAM DU BCINGS PAR GYUR PA LAS, DA NI DE LAS BDAG NOR GZHAL BA MED PAR BDE BAR LEGS PAR THAR TO SNYAM STE, DE GZHI DE LAS YID BDE BAR GYUR PA DANG, MA SDUG DPER NA MI ZHIG 'JIGS PA LAS BDE BA DANG, LO NYES PA LAS LO LEGS PAR GYUR NAS, DE 'DI SNYAM DU SEMS TE, 'DI LTAR BA DAG 'JIGS PA LAS BDE BA DANG, LO NYEES PA LAS LO LEGS PAR GYUR TO SNYAM STE, DE GZHI DE LAS BDE BAR GYUR, DGA' BAR GYUR PA DE BZHIN DU DES BDAG NYIS KYI SGRIB PA LNGA PO SKYIN PO JI LTA BA DANG; NAD JI LTA BA DANG, BRAN JI LTA BA DANG, BTZON JI LTA BA DANG, 'JIGS PA JI LTA BA DE DAG SPANGS PAR YANG DAG PAR RJES SU MTHONG NGO, ,DE SGRIB PA LNGA PO SEMS NYE BA'I NYON MONGS PAR BYED PA, SHES RAB NYAM CHUNG BAR BYED PA, GNOD PA'I PHYOGS DANG MTHUN PA, MYA NGAN LAS 'DAS PA DANG MI MTHUN PA DAG SPANGS NAS, 'DOD PA DAG LAS DBEN, SDIG PA MI DGE BA'I CHOS RNAMS LAS DBEN, RTOG PA DANG BCAS, DPYOD PA DANG BCAS, DBEN PA LAS SSKYES PA'I DGA' BA DANG BDE BA CAN BSAM GTAN DANG PO RDZOGS PAR BYAS TE GNAS SO; ;DPER NA KHRUS MKHAN NAM KHRUS MKHAN GYI SLOB MA MKHAS PA ZHIG KHAR PHOR RAM, GZHOD BU'AM, NYA PHYIS KYI NANG DU 'DAG CHAL GYI PHYE MA ZHIB MO CHUS YANG BTAB YANG BTAB STE SPANGS NA 'DAG CHAL GYI GONG BU DE GSHER GSHER DANG LDAN, GSHER GYIS ZHEN TE, GSHER @76A *, ,GYIS PHYI NANG KHYAB PAS 'BO BAR MI 'GYUR, 'DZAG PAR MI 'GYUR BA DE BZHIN DU, DGE SLONG DE'I LUS DBEN PA LAS SKYES PA'I DGA' BA'I BDE BAS MNGON DU RLAN PAR BYED, YONGS SU RLAN PAR BYED, YONGS SU TSIM PAR BYED, YONGS SU KHYAB PAR BYED DE, DE'I LUS THAMS CAD LA 'DI LTA STE, DBEN PA LAS SKYES PA'I DGA' BA DANG BDE BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,RTOG PA DANG DPYOD PA DANG BRAL ZHING NANG YONGS SU DANG STE, SEMS KYI RGYUD GCIG TU GYUR PAS RTOG PA MED PA, DPYOD PA MED PA, TING NGE 'DZIN LAS SKYES PA'I DGA' BA DANG BDE BA CAN BSAM GTAN GNYIS PA RDZOGS PAR BYAS TE GNAS SO, ,DE 'DI SNYAM DU LUS 'DI LA TING NGE 'DZIN LAS SKYES PA'I DGA' BA DANG BDE BAS MNGON DU RLAN PAR BYED, YONGS SU RLAN PAR BYED, YONGS SU TSIM PAR BYED, YONGS SU KHYAB PAR BYED DE, DE'I LUS THAMS CAD LA 'DI LTA STE, TING NGE 'DZIN LAS SKYES PA'I DGA' BA DANG BDE BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,DPER NA RI'I RTZE NA BKOD MA'I MTSO BRAN ZHIG YOD PAR GYUR LA, DER NI SHAR PHYOGS NAS KYANG CHU MI 'BAB PAR GYUR LA, LHO PHYOGS NAS MA YIN, NUB PHYOGS NAS MA YIN, BYANG PHYOGS NAS KYANG CHU MI 'BAB LA, DER LHAS KYANG DUS DUS SU CHAR GYI RGYUN MI 'BEBS TE, GZHAN DU NA BKOD MA'I MTSO BRAN DE NYID NAS BKOD MA'I CHU'AM, BKOD MA'I CHU CHEN PO LUD NAS BKOD MA'I MTSO BRAN DE THAMS CAD CHU BSIL BAS GANG BAR BYED, YONGS SU GANG BAR BYED, SHIN TU GANG BAR BYED, YONGS SU KHYAB PAR BYED DE, BKOD MA'I MTSO BRAN DE THAMS CAD 'DI LTA STE, CHU BSIL BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,DE BZHIN DU LUS LA TING NGE 'DZIN LAS SKYES PA'I DGA' BA DANG BDE BAS MNGON DU RLAN PAR BYED, YONGS SU RLAN PAR BYED, YONGS SU TSIM PAR BYED, YONGS SU KHYAB PAR BYED DE, DE'I LUS THAMS CAD LA 'DI LTA STE, TING NGE 'DZIN LAS SKYES @76B PA'I DGA' BA DANG BDE BAS MA KHYAB PA'AM, ,KHYAB PAR MA GYUR PA CUNG ZAD KYANG MED DO, ,DE DGA' BA'I 'DOD CHAGS DANG BRAL BAS BTANG SNYOMS LA GNAS SHING DRAN PA DANG SHES BZHIN CAN YIN TE, BDE BA LUS KYIS MYONG LA 'PHAGS PA RNAMS KYIS GANG DE DRAN PA DANG LDAN PA BDE BA LA GNAS PA, BTANG SNYOMS PA'O ZHES BRJOD PA STE, DGA' BA MED PA'I BSAM GTAN GSUM PA RDZOGS PAR BYAS TE GNAS SO, ,DE 'DI LTAR LUS 'DI LA DGA' BA MED PA'I BDE BAS MNGON DU RLAN PAR BYED, YONGS SU RLAN PAR BYED, YONGS SU TSIM PAR BYED, YONGS SU KHYAB PAR BYED DE, DE'I LUS THAMS CAD LA 'DI LTA STE, DGA' BA MED PA'I BDE BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,'DI LTA STE DPER NA AUTPA LA'AM, PAD MA'AM, KU MUD 'AM, PAD MA DKAR PO CHU LAS SKYES SHING CHU NAS CHEN POR GYUR PA RTZES BTAGS SHING 'DUG PA DE DAG GI RTZA BA NAS RTZE MO'I BAR GYI GSAB GSEB NI 'DI LTA STE, CHU BSIL BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,DE BZHIN DU LUS LA DGA' BA MED PA'I BDE BAS MNGON DU RLAN PAR BYED, YONGS SU RLAN PAR BYED, YONGS SU CHIM PAR BYED, YONGS SU KHYAB PAR BYED DE, DE'I LUS THAMS CAD LA 'DI LTA STE, DGA' BA MED PA'I BDE BAS MA KHYAB PA'AM, KHYAB PAR MA GYUR PA CUNG ZAD KYANG MED DO, ,DE BDE BA YANG SPANGS TE SNGA NAS SDUG BSNGAL YANG SPANGS SHING YID BDE BA DANG, YID MI BDE BA YANG NUB PAS BDE BA YANG MA YIN, SDUG BSNGAL YANG MA YIN PA BTANG SNYOMS DANG DRAN PAS YONGS SU DAG PA BSAM GTAN BZHI PA RDZOGS PAR BYAS TE GNAS SO, ,DE 'DI LTAR LUS 'DI LA YONGS SU DAG PA DANG RNAM PAR BYANG BA'I SEMS KYIS MOS TE KHYAB PAR BYAS NAS RDZOGS PAR BYAS TE GNAS SO, ,DPER NA KHYIM BDAG GAM KHYIM BDAG GI BUS RAS KHRU BRGYAD PA'AM, DGU PAS DE MGO DANG, LAG PA DANG, RKANG PA G-YOGS NA, DE'I MGO BO DANG, LAG PA NAS RKANG PA'I BAR LUS @77A *, ,THAMS CAD 'DI LTA STE, RAS GTZANG MA YONGS SU DAG PAS MA YOG PA'AM, YOG PAR MA GYUR PA CUNG ZAD KYANG MED DO, ,DE BZHIN DU DE 'DI LTAR LUS 'DI LA YONGS SU DAG PA DANG RNAM PAR BYANG BA'I SEMS KYIS MOS TE, KHYAB PAR BYAS NAS RDZOGS PAR BYAS TE GNAS PA DE'I LUS THAMS CAD LA 'DI LTA STE, YONGS SU DAG PA DANG RNAM PAR BYANG BA'I SEMS KYIS MA KHYAB PA'AM, KHYAB PAR MA GYUR PA CUNG ZAD KYANG MED DO, ,MA SDUG GANG GI TSE KHO NA 'PHAGS PA'I NYAN THOS KYIS BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS BDE BA YANG MA YIN, SDUG BSNGAL YANG MA YIN PA BTANG SNYOMS DANG DRAN PAS YONGS SU DAG PA BSAM GTAN BZHI PA RDZOGS PAR BYAS TE GNAS PA DE KHO NA'I TSE DE'I SEMS RGOD PA MA YIN, ZHUM PA MA YIN NO, ,RGOD PA MED CING ZHUM PA MED PAS MI G-YO BAR GNAS PA THOB BO, ,DPER NA KHANG PA RTZEG MA 'AM, KHANG PA RTZEG MA'I KHYAMS SU 'BRU MAR GYI ME MAR BUS PA DE'I ME LCE DE RLUNG NAS, BYA DANG MI DANG MI MA YIN PA'I BAR GYIS MA BSKYOD CING MA BSGUL BA DE'I TSE RGOD PA MA YIN, ZHUM PA MA YIN NO, ,RGOD PA MED CING ZHUM PA MED PAR GNAS PAS MI G-YO BAR 'BAR BA DE BZHIN DU, MA SDUG GANG GI TSE 'PHAGS PA'I NYAN THOS KYIS BDE BA YANG SPANGS TE, SNGA NAS SDUG BSNGAL YANG SPANGS SHING YID BDE BA DANG YID MI BDE BA YANG NUB PAS BDE BA YANG MA YIN SDUG BSNGAL BA YANG MA YIN PA BTANG SNYOMS DANG DRAN PAS YONGS SU DAG PA BSAM GTAN BZHIN PA RDZOGS PAR BYAS TE GNAS PA DE'I TSE DE'I SEMS RGOD PA MA YIN ZHUM PA MA YIN NO, ,RGOD PA MED CING ZHUM PA MED PAS MI G-YO BAR GNAS PA THOB NAS DE 'DI SNYAM DU SEMS TE, BDAG GI LUS KYI GZUGS 'DI NI RAGS PA 'BYUNG BA CHEN PO BZHI'I RGYU LAS BYUNG BA YIN TE, 'DI LA BDAG GI RNAM PAR SHES PA RTEN CING 'DI LA GNAS TE, 'DI LA KHYAB PAR GNAS KYIS MA LA BDAG GIS LUS 'DI LAS YID BSKYOD DE, , @77B LUS GZHAN YID LAS BYUNG BA'I GZUGS DBANG PO MA TSANG BA DANG, DMAN PA MA YIN PA ZHIG MNGON PAR SPRUL LO SNYAM NAS, DE LUS DE LAS YID BSKYOD DE LUS GZHAN YID LAS BYUNG BA'I GZUGS DBANG PO MTSANG BA DANG DMAN PA MA YIN PA MNGON PAR SPRUL PAR BYED DO; ;MA SDUG DPER NA NOR BU BEE d'URYA BZANG PO RIGS DANG LDAN PA GSAL BA, DANG BA DRI MA MED PA TSON SKUD SNA LNGA PA 'DI LTA STE, SNGON PO DANG, SER PO DANG, DMAR PO DANG, DKAR PO DANG, LE BRGAN LA BRGYUS PA DE SKYES BU MIG DANG LDAN PAS MTHONG NA 'DI NI SKUD PA YIN NO, ,'DI NI NOR BU YIN NO, ,'DI NI SKUD PAS NOR BU BRGYUS PA YIN NO ZHES SHES PA DE BZHIN DU DE LUS DE LAS YID BSKYOD NAS LUS GZHAN YID LAS BYUNG BA'I GZUGS DBANG PO MA TSANG BA DANG, DA MAN PA MA YIN PA MNGON PAR SPRUL PAR BYED DO, ,MA SDUG DPER NA MI ZHIG GIS RTZVA MUN DZA LAS THUR MA BYUNG BA DE SKYES BU MIG DANG LDAN PAS MTHONG NA 'DI NI MUN DZA YIN NO, ,'DI NI THUR MA YIN TE, MUN DZA LAS THUR MA PHYUNG BA YIN NO, ,ZHES SHES PA DE BZHIN DU DE LUS DE LAS YID BSKYOD NAS LUS GZHAN YID LAS BYUNG BA'I GZUGS DBANG PO MA TSANG BA DANG, DMAN PA MA YIN PA MNGON PAR SPRUL PAR BYED DO, ,MA SDUG DPER NA MI ZHIG GIS ZA MA TOG NAS SBRUL PHYUNG BA NA DE SKYES BU MIG DANG LDAN PAS MTHONG NA 'DI NI ZA MA TOG YIN NO, ,'DI NI SBRUL YIN TE, ZA MA TOG NAS SBRUL PHYUNG BA YIN NO ZHES SHES PA DE BZHIN DU DE LUS DE LAS YID BSKYOD NAS LUS GZHAN YID LAS BYUNG BA'I GZUGS DBANG PO MA TSANG BA DANG, DMAN PA MA YIN PA MNGON PAR SPRUL PAR BYED DO, ,MA SDUG DPER NA MI ZHIG GIS RAL GRI SHUBS NAS PHYUNG BA NA DE SKYES BU MIG DANG LDAN PAS MTHONG NA 'DI NI SHUBS YIN NO, ,'DI NI RAL GRI YIN TE, RAL GRI SHUBS NAS PHYUNG BA YIN NO ZHES SHES PA DE BZHIN DU DE LUS DE LAS YID BSKYOD NAS LUS GZHAN YID LAS BYUNG BA'I GZUGS DBANG PO MA TSANG BA DANG, DMAN PA MA YIN PA MNGON PAR SPRUL PAR BYED DO, ,DE DE LTAR MNYAM @78A *, ,PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, RDZU 'PHRUL GYI YUL SHES PA MNGON SUM DU BYA BA'I MNGON PAR SHES PA LA SEMS MNGON PAR GTOD PAR BYED DE, DE RDZU 'PHRUL GYI YUL RNAM PAR DU MA NYAMS SU MYONGS PAR BYED DE, 'DI LTA STE GIG TU GYUR NAS MANG POR GYUR PA DANG, MANG POR GYUR NAS GCIG TU GYUR PA DANG, SNANG BAR GYUR CING MI SNANG BAR GYUR PA'I YE SHES MTHONG BA NYAMS SU MYONG BAR BYED CING RTZIG PA LA YANG THAD KAR 'GRO, RIL YANG THAD KAR 'GRO, RAB LA YANG THAD KAR 'GRO'O, ,LUS KYIS THOGS PA MED PAR 'GRO BA NI DPER NA SA DANG NAM MKHA' LA BYA BA BZHIN NO, ,SA LA YANG STENG DU 'GRO BA DANG, BYI'U ZUL BYED DE, DPER NA CHUL BYA BA BZHIN NO, ,CHU LA YANG RGYUN PHYOGS LAS BZLOG PAR 'GRO STE, DPER NA SA LA BYA BA BZHIN NO, ,NAM MKHA' LA YANG SKYIL MO KRUNG GIS 'GRO STE, DPER NA 'DAB CHAGS BYA BZHIN NO, ,NYI MA DANG ZLA BA 'DI LTAR RDZU 'PHRUL CHE ZHING 'DI LTAR MTHU CHE BA 'DI GNYIS LA LAG PAS 'DZIN CING NYUG PAR BYED DO, ,TSANGS PA'I 'JIG RTEN GYI BAR DU LUS KYIS DBANG SGYUR RO, ,DPER NA GSER MA GAR RAM GSER MGAR GYI SLOB MA MKHAS PA ZHIG GIS GSER SHIN TU LAS SU RUNG BAR BYAS PAR RIG NAS RDUNGS SU BYA BA'I RNAM PA PHOR BU'AM, MGUL RGYAN NAM, LAG RGYAN NAM, RKANG RGYAN NAM, SOR GDUB RGYA'AM, GSER GYI PHRENG BA GANG DANG GANG BYED 'DOD PA DE MYUR BA MYUR BAR BYED PA DE BZHIN DU, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, RDZU 'PHRUL GYI YUL SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, 'DI LTA STE @78B GCIG TU GYUR NAS MANG POR GYUR PA DANG ZHES BYA BA NAS TSANGS PA'I 'JIG RTEN GYI BAR DU LUS KYIS DBANG SGYUR RO ZHES BYA BA'I BAR GONG MA BZHIN DU'O, ,DPER NA RDZA MKHAN GYI SLOB MA MKHAS PA ZHIG GIS 'JIM PA'I GONG BU SHIN TU LAS SU RUNG BAR BYAS PAR RI GNAS SNOD SPYAD KYI RNAM GRANGS GANG DANG GANG BSGRUB PAR 'DOD PA DE DANG DE KHO NA MYUR BA MYUR BAR SGRUB PA DE BZHIN DU, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA ZHES BYA BA NAS TSANGS PA'I 'JIG RTEN GYI BAR DU LUS KYIS DBANG SGYUR RO ZHES BYA BA'I BAR GONG MA BZHIN DU'O, ,DPER NA BA SO MKHAN NAM BSO MKHAN GYI SLOB MA MKHAS PA ZHIG GIS BA SO SHIN TU LAS SU RUNG BAR BYAS PAR RIG NAS GZUGS KYI RNAM GRANGS GANG DANG GANG BSGRUB PAR 'DOD PA DE DANG DE KHO NA MYUR BA MYUR BAR SGRUB PA DE BZHIN DU, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA ZHES BYA BA NAS TSANGS PA'I 'JIG RTEN GYI BAR DU LUS KYIS DBANG SGYUR RO ZHES BYA BA'I BAR GONG MA BZHIN DU'O, ,DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, LHA'I RNA BA SHES PA'I MNGON PAR SHES PA MNGON SUM DU BYA BA LA SEMS MNGON DU GTOD PAR BYED DE, DE LHA'I RNA BA RNAM PAR DAG PA MI'I LAS 'DAS PAS MI RNAMS KYI'AM, MI MA YIN PA RNAMS KYI'AM, GANG DAG RING PO'AM, GANG DAG NYE BA'I SGRA GNYIG THOS PAR BYED DO, ,DPER NA MI DUNG 'BUD PA ZHIG RI BRAG CHEN PO'I KHAR 'DZEGS NAS MTSAN MO NAM PHYED KYI DUS SU DUNG BUS NA DE'I SGRA DES SA'I PHYOGS THOGS PA MED PAR KHYAB PAR 'GYUR BA DE BZHIN DU, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA @79A *, ,DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, LHA'I RNA BA SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, DE LHA'I RNA BA RNAMS PAR DAG PA MI'I LAS 'DAS PAS MI RNAMS KYI'AM, MI MA YIN PA RNAMS KYI'AM, GANG DAG RING PO'AM, GANG DAG NYE BA'I SGRA GNYI GA THOS PAR BYED DO, ,DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, SEMS KYI RNAM GRANGS SHES PA MNGON SUM DU BYA BA'I MNGON PAR SHES PA LA SEMS MNGON PAR GTOD PAR BYED DE, DES SEMS CAN GZHAN RNAMS KYI DANG, GANG ZAG GZHAN RNAMS KYI RNAM PAR RTOG PA DANG RNAM PAR DPYOD PA'I YID YID KYIS JI LTA BA BZHIN RAB TU SHES TE, 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS YIN NO ZHES YANG DAG PA JI LTA BA BZHIN DU RAB TU SHES SO, ,'DOD CHAGS DANG BRAL BA'I SEMS LA 'DOD CHAGS DANG BRAL BA'I SEMS YIN NO ZHES YANG DAG PA JI LTA BA BZHIN DU RAB TU SHES SO, ,ZHE SNGANG DANG BCAS PA DANG, ZHE SNGANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, BSDUS PA DANG, RNAM PAR G-YENGS PA DANG, ZHUM PA DANG, RAB TU 'DZIN PA DANG; CHUNG NGU DANG, CHEN PO DANG, RGOD PA DANG, RGOD PA MA YIN PA DANG, NYE BAR ZHI BA DANG, NYE BAR ZHI BA MA YIN PA DANG, MNYAM PAR BZHAG PA DANG, MNYAM PAR BZHAG PA MA YIN PA DANG, BSGOMS PA DANG, BSGOMS PA MA YIN PA DANG, SEMS RNAM PAR GROL BA DANG, SEMS RNAM PAR GROL BA MA YIN PA YANG DAG PA JI LTA BA BZHIN DU RAB TU SHES SO, ,DPER NA SKYES BU MIG DANG LDAN PAS ME LONG GI DKYIL 'KHOR YONGS SU DAG PAR BYAS TE, RANG GI BZHIN GYI MTSAN MA RTOG PAR BYED PA DE BZHIN DU, DE 'DI LTAR @79B MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, SEMS KYI RNAM GRANGS SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE ZHES BYA BA NAS, SEMS SHIN TU RNAM PAR GROL BA LA SEMS SHIN TU RNAM PAR GROL BA YIN NO ZHES YANG DAG PA JI LTA BA BZHIN RAB TU SHES SO ZHES BYA BA'I BAR GONG MA BZHIN TE, 'DI NI ZHABS ZHES BYA'O, ,RIG PA GANG ZHE NA, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, SNGON GYI GNAS RJES SU DRAN PA SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, DE SNGON GYI GNAS RNAM PA DU MA RJES SU DRAN TE, 'DI LTA STE SKYE BA GCIG DANG, GNYIS DANG, GSUM DANG, BZHI DANG, LNGA DANG, DRUG DANG, BDUN DANG, BRGYAD DANG, DGU DANG, BCU DANG, NYI SHU DANG, SUM BCU DANG, BZHI BCU DANG, LNGA BCU DANG, SKYE BA BRGYA DANG, SKYE BA STONG DANG, SKYE BA BRGYA STONG DANG, SKYE BA BRGYA PHRAG DU MA DANG, SKYE BA STONG PHRAG DU MA DANG, SKYE BA BRGYA STONG PHRAG DU MA DANG, 'JIG PA'I BSKAL PA DANG, 'CHAGS PA'I BSKAL PA DANG, 'JIG PA DANG 'CHAGS PA'I BSKAL PA DANG, 'CHAGS PA'I BSKAL PA DU MA DANG, 'JIG PA'I BSKAL PA DU MA DANG, 'CHAGS PA DANG 'JIG PA'I BSKAL PA DU MA RJES SU DRAN TE, GANG DU BDAG SEMS CAN 'DI DAG GI NANG DU SKYES PA NA MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA, KHA ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG NGO, ,TSE RING KHYAD NI 'DI TZAM ZHIG ,YUN NI 'DI SRID CIG GNAS, TSE NI 'DI TZAM ZHIG THUB PO, ,DE NAS BDAG SHI 'PHOS NAS CHE GE MO ZHIG TU SKYES SO, ,DE NAS KYANG SHI 'PHOS @80A *, ,NAS YANG GA GE MO ZHIG TU SKYES SO, ,DE NAS KYANG SHI 'PHOS NAS 'DIR SKYES SO ZHES RNAM PA DANG BCAS, YUL PHYOGS DANG BCAS, GZHI CI LAS GYUR PA DANG BCAS PAR SNGON GYI GNAS RNAM PA DU MA RJES SU DRAN NO, ,DPER NA MI ZHIG GRONG NAS GRONG DU SONG LA, DE NAS KYANG GRONG GZHAN DU SONG NAS DE 'DI SNYAM DU SEMS TE, BDAG GIS GRONG CHE GE MO NAS GA GE MOR SON TO, ,DE NAS KYANG GRONG CHE GE MOR RO, ,GROD DE NAS NI GRONG 'DIR 'ONGS SO SNYAM PA DE BZHIN DU DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, SNGON GYI GNAS RJES SU DRAN PA SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, DE SNGON GYI GNAS RNAM PAR DU MA RJES SU DRAN TE, 'DI LTA STE, SKYE BA GCIG DANG ZHES BYA BA NAS RNAM PA DANG BCAS, YUL PHYOGS DANG BCAS PAR SNGON GYI GNAS RNAM PA DU MA RJES SU DRAN NO ZHES BYA BA'I BAR GONG MA BZHIN DU'O,, ,, 'DUL BA GZHI, BAM PO SUM BCU RTZA GNYIS PA, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, 'CHI 'PHO DANG SKYE BA SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, DE LHA'I MIG RNAM PAR DAG PA MI'I LAS 'DAS PAS SEMS CAN RNAMS KYI 'CHI 'PHO RNAMS DANG, SKYE BA RNAMS DANG, KHA DOG BZANG PO RNAMS DANG, KHA DOG NGAN PA RNAMS DANG, DMAN PA RNAMS DANG, GYA NOM PA RNAMS DANG, BDE 'GRO DANG NGAN 'GROR 'GRO BA RNAMS KYANG MTHONG ZHING SEMS CAN LAS JI LTA BA BZHIN NYE BAR 'GRO BA RNAMS YANG DAG PA JI LTA BA BZHIN RAB TU SHES TE, SEMS CAN 'DI DAG NI LUS KYI NYES PAR @80B SPYOD PA DANG LDAN, NGAG DANG YID KYI NYES PAR SPYOD PA DANG LDAN, 'PHAGS PA RNAMS LA SKUR PA 'DEBS PA DANG, LOG PAR LTA BA DANG LOG PAR LTA BA'I CHOS KYI LAS BLANGS PA'I RGYUS RGYU DE DANG RKYEN DES LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,SEMS CAN 'DI DAG NI LUS KYI LEGS PAR SPYOD PA DANG LDAN, NGAG DANG YID KYI LEGS PAR SPYOD PA DANG LDAN PA, 'PHAGS PA RNAMS LA SKUR PA MI 'DEBS PA DANG, YANG DAG PAR LTA BA DANG YANG DAG PAR LTA BA'I CHOS KYI LAS BLANGS PA'I RGYUS RGYU DE DANG RKYEN DES LUS ZHIG NAS BDE 'GRO MTHO RIS KYI LHA RNAMS SU SKYE BAR 'GYUR RO, ,DPER NA SKYES BU MIG DANG LDAN PA ZHIG LAM PO CHE'I BZHI MDOR 'DUG NAS SKYE BO'I TSOGS CHEN PO 'ONG BA DANG, 'DUG PA DANG, NYAL BA DANG, THA DAD PAR 'GRO BA RNAMS KYANG MTHONG BA DE BZHIN DU LHA'I MIG RNAM PAR DAG PA MI'I LAS 'DAS PAS ZHES BYA BA NAS, LHA RNAMS SU SKYE BAR 'GYUR RO ZHES BYA BA'I BAR GONG MA BZHIN DU'O, ,DE MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA, ZAG PA ZAD PA SHES PA MNGON SUM DU BYA BA'I MNGON PAR SHES PA LA SEMS MNGON DU GTOD PAR BYED DE, DE 'DI NI SDUG BSNGAL 'PHAGS PA'I BDEN PA YIN NO ZHES YANG DAG PA JI LTA BA BZHIN RAB TU SHES SO, ,'DI NI SDUG BSNGAL KUN 'BYUNG DANG, 'DI NI SDUG BSNGAL 'GOG PA DANG, 'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA YIN NO ZHES YANG DAG PA JI LTA BA BZHIN RAB TU SHES SO, ,DE DE LTAR SHES SHING DE LTAR MTHONG NAS 'DOD PA'I ZAG PA LAS SEMS RNAM PAR GROL BA DANG, SRID PA'I ZAG PA DANG, MA RIG PA'I ZAG PA LAS SEMS RNAM PAR GROL BAR 'GYUR RO, ,RNAM PAR GROL NAS BDAG GI SKYE BA ZAD DO, ,TSANGS PAR SPYOD PA BSTEN TO, ,BYA BA BYAS SO, ,SRID PA 'DI LAS @81A *, ,GZHAN MI SHES SO ZHES RNAM PAR GROL BA'I YE SHES NYID MTHONG BAR 'GYUR RO, ,DPER NA GRONG NGAM GRONG RDAL DANG HA CANG YANG THAG MI RING BA ZHIG NA MTSO BRAN GTING ZAB PA, CHU GSAL BA, DANG BA, RNAM PAR DANG BA ZHIG YOD LA, DE LA SKYES BU MIG DANG LDAN PA ZHIG 'GRAM DU 'DUG NAS GSEG MA'AM, GYO MO'AM, NYA'AM, RU SBAL LAM, NYA PHYIS SAM, DUNG RNAMS MTHONG BDE BZHIN DU, DE 'DI LTAR MNYAM PAR BZHAG PA'I SEMS YONGS SU DAG PA, RNAM PAR BYANG BA, NYON MONGS PA MED PA, NYE BA'I NYON MONGS PA DANG BRAL BA, DRANG POR GYUR PA, LAS SU RUNG BA LA GNAS PA, MI G-YO BA THOB PA ZHES BYA BA NAS, 'DI LAS SRID PA GZHAN MI SHES SO ZHES BYA BA'I BAR GONG MA BZHIN DU'O, ,'DI NI RIG PA ZHES BYA STE, GONG MA'I ZHABS DANG 'DI GNYIS GCIG TU BSDOMS PA LA RIG PA DANG ZHABS ZHES BYA'O, , BRAM ZE'I KHYE'U BLA NA MED PA'I RIG PA DANG ZHABS SU LDAN PA DE MNGON SUM DU MA BYAS PA MNGON SUM DU BYA BA LA THABS MA YIN PA BZHIR RIG PAR BYA STE, BZHI GANG ZHE NA, 'DI LA DGE SBYONG DANG BRAM ZE KHA CIG BLA NA MED PA'I RIG PA DANG ZHABS SU LDAN PA 'DI NYID MNGON PAR MA RTOGS PAR GRONG NAS DGON PAR SONG NAS YAL GA DANG LO MA'I SPYIL BU BYAS TE GNAS PAR BYED DE, 'DI NA BDAG CAG RTZA BA DANG 'BRAS BUS 'TSO BAR BYA'O ZHES DE RNAMS DE NA RTZA BA DANG 'BRAS BUS 'TSO BAR BYED PA 'DI NI BRAM ZE'I KHYE'U BLA NA MED PA'I RIG PA DANG ZHABS SU LDAN PA 'DI MNGON SUM DU MA BYAS PA MNGON SUM DU BYA BA LA THABS MA YIN PA DANG PO YIN PAR RIG PAR BYA'O, ,BRAM ZE'I KHYE'U JI SNYAM DU SEMS, NGAS GANG BLA NA MED PA'I RIG PA DANG ZHABS SU LDAN PA DE'I THABS MA YIN PA DANG PO 'DI BSHAD PA DE LA KHYOD SLOB DPON DANG BCAS PAR SNANG NGAM, KYE GOO TA MA MA LAGS SO, , BRAM ZE'I KHYE'U GZHAN YANG DGE SBYONG NGAM BRAM ZE KHA CIG BLA NA MED PA'I RIG PA DANG ZHABS SU LDAN PA 'DI NYID MNGON PAR MA RTOGS PAR RTZA BA DANG 'BRAS BU'I ZAS DE RNAMS SPANGS NAS MTHA' GCIG TU SONG STE, YAL GA DANG LO MA'I SPYIL BU BYAS NAS GNAS PAR BYED DE, 'DIR BDAG @81B CAG LO MA'I ZAS KYIS 'TSO BAR BYA'O ZHES DE RNAMS DE NA LO MA'I ZAS KYIS 'TSO BAR BYED PA 'DI NI BRAM ZE'I KHYE'U BLA NA MED PA'I RIG PA DANG ZHABS SU LDAN PA DE MNGON SUM DU MA BYAS PA MNGON SUM DU BYA BA LA THABS MA YIN PA GNYIS PA YIN PAR RIG PAR BYA'O, ,BRAM ZE'I KHYE'U GZHAN YANG DGE SBYONG NGAM BRAM ZE KHA CIG BLA NA MED PA'I RIG PA DANG ZHABS SU LDAN PA 'DI NYID MNGON PAR MA RTOGS PAR RTZA BA DANG 'BRAS BU'I ZAS DE DAG DANG, LO MA'I ZAS DE DAG SPANGS NAS MTHA' GCIG TU SONG STE, YAL GA DANG LO MA'I SPYIL BU BYAS NAS GNAS PAR BYED DE, 'DI NA BDAG CAG GSANG TSIG DAG GZHUNG DU BYA ZHING RIG BYED DAG BSDEB PO ZHES DE RNAMS GSANG TSIG DAG GZHUNG DU BYED CING RIG BYED DAG SDEB PA STE, 'DI NI BRAM ZE'I KHYE'U BLA NA MED PA'I RIG PA DANG ZHABS SU LDAN PA DE MNGON SUM DU MA BYAS PA MNGON SUM DU BYA BA LA THABS MA YIN PA GSUM PA YIN PAR RIG PAR BYA'O, ,BRAM ZE'I KHYE'U GZHAN YANG DGE SBYONG NGAM BRAM ZE KHA CIG BLA NA MED PA'I RIG PA DANG ZHABS SU LDAN PA 'DI NYID MNGON PAR MA RTOGS PAR RTZA BA DANG 'BRAS BU'I ZAS DE DAG DANG, LO MA'I ZAS DE DAG DANG, GSANG TSIG GI GZHUNG DANG, RIG BYED BSDEB PA MNGON PAR MA RTOGS PAR DGON PA NAS GRONG MTHAR GNAS NAS KHYIM SGO BZHI PA BRTZIGS NAS GNAS PAR BYED DE, 'DIR BDAG CAG SBYIN PA DAG GTANG, BSOD NAMS DAG BYA STE, DGE SBYONG DANG BRAM ZE 'ONGS SHING LHAGS PA DAG LA CI NUS CI PHOD KYIS BSOD SNYOMS KYIS SO SOR BSTABS SO SNYAM PA STE; 'DI NI BRAM ZE'I KHYE'U BLA NA MED PA'I RIG PA DANG ZHABS SU LDAN PA DE MNGON SUM DU MA BYAS PA MNGON SUM DU BYA BA LA THABS MA YIN PA BZHI PA YIN PAR RIG PAR BYA'O, ,BRAM ZE'I KHYE'U JI SNYAM DU SEMS, NGAS BLA NA MED PA'I RIG PA DANG ZHABS SU LDAN PA MNGON SUM DU MA BYAS PA MNGON SUM DU BYA BA LA THABS MA YIN PA BZHI BSTAN PA GANG DAG YIN PA DE DAG LA KHYOD SLOB DPON DANG BCAS PA SNANG NGAM, KYE GOO TA MA MA LAGS SO, ,BRAM ZE'I KHYE'U DE LTAR KHYOD KYIS RE ZHIG DE'I THABS MA YIN PA BZHI YONGS SU MA RDZOGS PAR CI'I PHYIR KHYOD AE MA'O SH'AKYA RNAMS @82A *, ,NI DA BYUNG YIN NO, ,AE MA'O SH'AKYA RNAMS NI DA BYUNG GI RIGS YIN NO ZHES SH'AKYA RNAMS DA BYUNG YIN PA'I TSIG SMRA, BRAM ZE'I KHYE'U JI SNYAM DU SEMS, BRAM ZE RNAMS KYI BRAM ZE'I DRANG SRONG RNYING PA GSANG TSIG DAG BYED PA, RIG BYED DAG 'JUG PAR BYED PA BYUNG BA GANG DAG GI GSANG TSIG RNYING PA BSTOD PA DBYANGS SU BLANGS PA BSDEBS PA LA DA DUNG BRAM ZE DE DAG DBYANGS SU LEN CING 'CHAD PAR BYED PA 'DI LTA STE, BRGYAD PA DANG, G-YON PHYOGS DANG, G-YON PHYOGS LHA DANG, SNA TSOGS BSHES DANG, ME 'BAR DANG, NYI MA'I RIGS DANG, BHA RA DVA DZA DANG, GNAS 'JOG DANG, 'DROB SKYONG GI BU DANG, NGAN SPONG STE, DE RNAMS 'DI LTAR GRONG KHYER 'OBS RTZANG DANG, TSER MA CAN DAG BRTZIGS NAS GNAS PAR BYED PA YANG DPER NA DA LTAR KHYOD SLOB DPON DANG BCAS PA BZHIN NAM, KYE GOO TA MA MA LAGS SO, ,DE RNAMS 'DI LTAR CHED KAR RGYAL MTSAN GYI RTZE MO DANG, DPUNG GI TSOGS DANG, DMAG GI SDE BKOD PA LA LTAD MO'I RNAM PA DU MA DAG NYAMS SU MYONG BAR BYED PA YANG DPER NA DA LTAR KHYOD SLOB DPON DANG BCAS PA BZHIN NAM, KYE GOO TA MA MA LAGS SO, ,DE RNAMS 'DI LTAR RTA RGOD MA DANG LDAN PA'I SHING RTA THAMS CAD NAS DKAR BA'I NANG DU ZHUGS TE, GSER GYI DBYUG PA DANG RIL BA SPYI BLUGS THOGS NAS BRAM ZE'I KHYE'U'I TSOGS KYIS YONGS SU BSKOR CING BRAM ZE'I KHYE'U'I TSOGS KYIS MDUN NAS BLTAS TE, LJONGS RGYU ZHING PHYIR 'BYUNG BA DANG, LDOG PAR BYED PA YANG DPER NA DA LTAR KHYOD SLOB DPON DANG BCAS PA BZHIN NAM, KYE GOO TA MA MA LAGS SO, ,DE RNAMS 'DI LTAR BKUR STIR BYED PA'I BUD MED COD PAN CAN DPUNG PA'I SPU KU BA LTA BU NU MA PHO LONG LTA BU DAG LAS MNYE BA DANG, KHRUS DANG, DRIL PHYIS BDAG GIR BYED PA YANG DPER NA DA LTAR KHYOD SLOB DPON DANG BCAS PA BZHIN NAM, KYE GOO TA MA MA LAGS SO, ,DE RNAMS 'DI LTAR BUD MED GSER GYI DPUNG RGYAN CAN, GSER GYI MGUL RGYAN THOGS PA, LEGS PAR BRGYAN PA RNAMS DANG LHAN CIG RKANG PA BRKYANG NAS JI TZAM NYI MA SHAR GYI BAR DU @82B NYAL BAR BYED PA YANG DPER NA DA LTAR KHYOD SLOB DPON DANG BCAS PA BZHIN NAM, KYE GOO TA MA MA LAGS SO, ,BRAM ZE'I KHYE'U LTOS, KHYOD KYI MKHAN PO LA YANG NYES PA YOD DE, BRAM ZE'I KHYE'U GANG GI TSE BRAM ZE PAD MA'I SNYING PO KO SA LA'I RGYAL PO GSAL RGYAL LTAR SONG BA DE'I TSE RTZIG PAS CHOD PA DANG, YOL BAS CHOD PA LAS GZHAN DU MA YIN PAR CI STE SKYES BU MKHAS PA DE LTA BU GANG KHO NA'I KHA ZAS G-YO G-YO BA ZA BA DE NYID LA MNGON SUM DU PHRAD MI NUS, BRAM ZE'I KHYE'U LTOS KHYOD NYID LA YANG NYES PA YOD DE, BRAM ZE'I KHYE'U SNGON BYUNG BA KO SA LA'I RGYAL PO GSAL RGYAL RANG GI RGYAL PO'I STAN LA 'DUG NAS MI ZHIG LA SMRAS PA, KVA'I NANG RJE DGOS PA 'DI DANG 'DI LTA BU DAG CIG BYOS SHIG ,DE DANG DE DAG BYAS NAS 'DI DANG 'DI LTA BU DAG CIG DPYOD CIG CES SMRAS NAS RGYAL PO STAN LAS LANGS TE SONG NGO, ,DE NAS MI DES RGYAL PO MED PA'I STAN LA 'DUG NAS MI GZHAN ZHIG LA SMRAS PA, KVA'I NANG RJE DGOS PA 'DI DANG 'DI LTA BU DAG CIG BYOS SHIG ,DE DANG DE DAG BYAS NAS 'DI DANG 'DI LTA BU DAG CIG DPYOD CIG CES SMRAS NA, BRAM ZE'I KHYE'U JI SNYAM DU SEMS, JI GA RGYAL PO MED PA'I STAN LA 'DUG NAS RGYAL PO'I SKANG ZLOS SHING RGYAL PO'I SMRA NGAGS SU SMRA BA DE RGYAL PO'AM, RGYAL POR 'OS PA YIN NAM, KYE GOO TA MA MA LAGS SO, ,BRAM ZE'I KHYE'U DE BZHIN DU KHYOD DRANG SRONG RNAMS KYI TSIG ZLOS SHING DRANG SRONG RNAMS KYI SMRA NGAGS SU SMRA BA YANG DRANG SRONG NGAM, DRANG SRONG DU 'OS PA YIN NAM, KYE GOO TA MA MA LAGS SO, ,BRAM ZE'I KHYE'U DE LTA MOD KYI, DON GANG GI PHYIR 'ONGS PA'I DON DE LEGS PAR RAB TU YID LA ZUNG SHIG DANG, DE NI KHYOD LA YUN RING PO'I DON DANG, PHAN PA DANG BDE BAR 'GYUR RO, ,DE NAS BRAM ZE'I KHYE'U MA SDUG GIS BCOM LDAN 'DAS KYI SKU LA SKYES BU CHEN PO'I MTSAN SUM BCU RTZA GNYIS BRTAGS PA NA, SUM BCU NI MTHONG NA GNYIS PO MDOMS KYI SBA BA SBUBS SU NUB PA DANG, LJAGS SHIN TU RING ZHING SRAB PA LA SOM NYI DANG THE TZOM ZA NAS DES TSIGS SU BCAD DE GSOL PA, BDAG GIS THUB @83A *, ,PA CHEN PO'I MTSAN, ,SUM BCU RTZA GNYIS THOS PA GANG, ,DE LA GOO TA MA KHYOD KYI NI, ,SKU LA GNYIS SHIG MA MTHONG NA, ,MI MCHOG MDOMS KYI SBA BA NI, ,CI LAGS SBUBS KYIS KHEBS GYUR TAM, ,LJAGS BZANG ZHES NI BGYI BA YANG, ,JI GA THUNG BA MA LAGS GRANG, ,'JIG RTEN NA NI RDZOGS SANGS RGYAS, ,GRAGS DANG LDAN RNAMS MTHONG DKA' BAS, ,ZHAL NAS LJAGS SRAB BRKYANG MDZOD DE, ,BDAG GI SOM NYI BSAL BAR GSOL, ,DE NAS BCOM LDAN 'DAS 'DI SNYAM DU DGONGS TE, BRAM ZE'I KHYE'U MA SDUG 'DI NGA'I SKU LA SKYES BU CHEN PO'I MTSAN SUM BCU RTZA GNYIS RTOG PA NA SUM BCU NI MTHONG NA GNYIS PO MDOMS KYI SBA BA SBUBS SU NUB PA DANG, LJAGS SHIN TU RING ZHING SRAB PA LA SOM NYI DANG THE TZOM ZA NA, MA LA NGAS JI LTAR BRAM ZE'I KHYE'U MA SDUG GIS BDAG GI MDOMS KYI SPA BA SBUBS SU NUB PA DANG, LJAGS SHIN TU RING ZHING SRAB PA MTHONG BAR 'GYUR BA DE LTA BU'I RTAGS SHIG BYA'O SNYAM NAS, DE NAS BCOM LDAN 'DAS KYIS DE LTA BU'I RTAGS MDZAD NAS, BRAM ZE'I KHYE'U MA SDUG GIS BCOM LDAN 'DAS KYI MDOMS KYI SBA BA SBUBS SU NUB PA DANG, ZHAL NAS LJAGS BRKYANG PAS ZHAL GYI DKYIL 'KHOR DBU SKRA'I BAR THAMS CAD KHEBS PAR MTHONG NGO, ,MTHONG NAS KYANG DE 'DI SNYAM DU SEMS TE, DGE SBYONG GOO TA MA NI SKYES BU CHEN PO'I MTSAN SUM BCU RTZA GNYIS DANG LDAN PA YIN TE, DE DAG DANG LDAN PA'I SKYES BU CHEN PO'I 'GRO BA NI GNYIS LAS GZHAN DU MI 'GYUR TE, GAL TE KHYIM PA KHYIM NA GNAS NA 'KHOR LOS SGYUR BA'I RGYAL PO ZHES BYA BA NAS 'JIG RTEN DU SGRA RNAM PAR GRAGS PAR 'GYUR RO ZHES BYA BA'I BAR GONG MA BZHIN DU'O, ,DE NAS BRAM ZE'I KHYE'U MA SDUG BCOM LDAN 'DAS KYIS GSUNGS PA LA MNGON PAR DGA' STE RJES SU YI RANGS NAS BCOM LDAN 'DAS KYI SPYAN SNGA NAS SONG NGO, ,DE'I TSE BRAM ZE PAD MA'I SNYING PO KHYIM MCHOG GI SA MTHON PO ZHIG NA SHAS CHE BA'I BRAM ZE RGAN RABS RGAN RABS RNAMS DANG LHAN CIG TU 'DUS SHING 'KHOD PAR GYUR TO, ,BRAM ZE'I KHYE'U MA SDUG KYANG SDOD CING @83B 'DUG PA LAS BRAM ZE'I KHYE'U MA SDUG GIS BRAM ZE PAD MA'I SNYING PO RGYANG RING PO NAS MTHONG NGO, ,MTHONG NAS KYANG BRAM ZE PAD MA'I SNYING PO GANG NA BA DER SONG STE PHYIN NAS, BRAM ZE PAD MA'I SNYING PO'I RKANG PA GNYIS LA MGO BOS PHYAG BYAS TE, SHAS CHE BA'I BRAM ZE GZHAN RNAMS LA YANG PHYAG BYAS NAS PHYOGS GCIG TU 'DUG GO, ,PHYOGS GCIG TU 'DUG NAS BRAM ZE'I KHYE'U MA SDUG LA BRAM ZE PAD MA'I SNYING POS 'DI SKAD CES SMRAS SO, ,BRAM ZE'I KHYE'U CIG SHES LDAN GOO TA MA DE'I DGE BA DANG, GRAGS PA DANG, SGRA DANG, TSIGS SU BCAD PA PHYOGS DANG PHYOGS MTSAMS SU RGYA CHER GRAGS PA JI LTA BA DE KHO NA BZHIN DU YIN NAM, DE'I MTSAN RNAMS GRAG PA YANG YANG DAG PA YIN NAM, MKHAN PO MED LAGS TE, SHES LDAN GOO TA MA DE'I DGE BA DANG, GRAGS PA DANG, SGRA DANG, TSIGS SU BCAD PA PHYOGS DANG PHYOGS MTSAMS SU RGYA CHER GRAGS PA YANG JI LTA BA DE KHO NA BZHIN LAGS LA, DE'I MTSAN RNAMS GRAG PA YANG YANG DAG PA LAGS SO, ,BRAM ZE'I KHYE'U KHYOD SHES LDAN GOO TA MA DE DANG LHAN CIG BAR SKABS KYI GTAM DAG BYAS SAM, MKHAN PO BGYIS LAGS SO, ,KYE MA BRAM ZE'I KHYE'U DE'I PHYIR THAMS CAD KHO BO LA RGYAS PAR SMROS SHIG ,DE NAS BRAM ZE'I KHYE'U MA SDUG DES BCOM LDAN 'DAS DANG LHAN CIG BAR SKABS KYI GTAM CI SMRAS PA DE THAMS CAD BRAM ZE PAD MA'I SNYING PO LA RGYAS PAR SMRAS SO, ,DE SKAD CES SMRAS PA DANG, BRAM ZE PAD MA'I SNYING PO KHROS RNGAMS 'KHRUGS SHING YID LA MA BAB PAR GYUR NAS MCHIL LHAM DANG BCAS PA'I RDOG PAS BRAM ZE'I KHYE'U MA SDUG GI MGO LA BSNUN NAS 'DI SKAD CES KYANG SMRAS SO, ,AE MA'O PHO NYA BYED PA, AE MA'O PHRIN PA BYED PA, PHO NYA BYED PA 'DI 'DRA BA DANG, PHRIN PA BYED PA 'DI 'DRA BAS NI BDAG NGAN SONG DU YANG LHUNG BAR 'GYUR TE, BRAM ZE'I KHYE'U KHYOD KYIS SHES LDAN GOO TA MA DE LA JI LTA JI LTAR KHYAD DU BSAD CING KHYAD DU BSAD DE BZLOG PAR SEMS PA DE LTA DE LTAR SHES LDAN GOO TA MA DES KHO BO YANG DE DANG DE'I KHONG DU BRTZI BAR DGONGS SO, , @84A *, ,SHES LDAN DAG DENG KHO NA KHO BO SHES LDAN GOO TA MA DE LA BLTA BA DANG BSNYEN BKUR BYA BA'I PHYIR 'GROR DGONGS THAG PAS MA NUS PAR ZAD DE, 'ON KYANG SANG SHES LDAN GOO TA MA DE LA BLTA BA DANG BSNYEN BKUR BYA BA'I PHYIR 'GRO'O, ,DE NAS BRAM ZE PAD MA'I SNYING POS DE NYID KYI NUB MO NAS GTZANG ZHING BSOD PA'I BZA' BA DANG BCA' BA DAG BSDOGS NAS NANG PAR SNGAR LANGS TE, GTZANG ZHING BSOD PA'I BZA' BA DANG BCA' BA DE DAG GIS SHING RTA BKANG STE KHYER NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA 'DI SKAD CES GSOL TO, ,SHES LDAN GOO TA MA BDAG GIS GTZANG ZHING BSOD PA'I BZA' BA DANG BCA' BAS SHING RTA BKANG STE 'TSAL TE MCHIS PA 'DI SHES LDAN GOO TA MAS THUGS BRTZE BA NYE BAR BZUNG STE BZHES SU GSOL, DE'I TSE TSE DANG LDAN PA KUN DGA' BO BCOM LDAN 'DAS KYI SNAM LOGS NA BSIL YAB THOGS NAS BCOM LDAN 'DAS LA G-YOB CING 'DUG GO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA 'DOD PA MTHUN PA NA DGE SLONG JI SNYED CIG NYE BAR RTEN CING GNAS PA DE DAG THAMS CAD RIM GRO'I GNAS SU SDUS SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, 'DOD PA MTHUN PA NA DGE SLONG JI SNYED CIG NYE BAR RTEN CING GNAS PA DE DAG THAMS CAD RIM GRO'I GNAS SU BSDUS NAS, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BTZUN PA 'DOD PA MTHUN PA NA DGE SLONG JI SNYED CIG NYE BAR RTEN CING MCHIS @84B PA DE DAG THAMS CAD RIM GRO'I GNAS SU 'DUS SHING MCHIS LAGS TE, BCOM LDAN 'DAS DA DE'I DUS LA BAB PAR DGONGS SU GSOL, ,DE NAS BCOM LDAN 'DAS RIM GRO'I GNAS GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS BRAM ZE PAD MA'I SNYING POS SANGS RGYAS LA SOGS PA DGE SLONG GI DGE 'DUN GDAN BSHAMS PA LA BDE BAR BZHUGS ZIN PAR RIG NAS GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM PA DU MAR GTZANG ZHING BSOD PA'I BZA' BA DANG BCA' BA DAG RANG GI LAG NAS BSTABS SHING TSIM PAR BYAS SO, ,BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS STAN CHES DMA' BA ZHIG BLANGS TE, BCOM LDAN 'DAS KYI SPYAN SNGA NA CHOS MNYAN PA'I PHYIR 'DUG GO, ,DE NAS BCOM LDAN 'DAS KYIS BRAM ZE PAD MA'I SNYING PO'I SBYIN PA DE LA RJES SU YI RANG BA 'DIS RJES SU YI RANG BAR MDZAD DE, SBYIN SREG MCHOD SBYIN RNAMS KYI MCHOG ,SDEB SBYOR MCHOG NI NYI MA'I LHA, ,MI YI MCHOG NI RGYAL PO STE, ,RGYA MTSO CHU BO RNAMS KYI MCHOG ,ZLA BA RGYU SKAR RNAMS KYI GTZO, ,NYI MA SNANG BYED RNAMS KYI GTZO, ,STENG DANG 'OG DANG THAD KAR YANG, ,'GRO BA'I 'GRO BA JI SNYED PA, ,LHA DANG BCAS PA'I 'JIG RTEN NA, ,SMRA BA'I MCHOG NI RDZOGS SANGS RGYAS; ;DE'I TSE BRAM ZE PAD MA'I SNYING PO'I YON BSNGO BA MDZAD PA NA RGAN ZHUGS SHIG TIL GYI MAR KHU ZA BAR BYED DO, ,BRAM ZE PAD MA'I SNYING POS YON BSNGO BA MDZAD PA NA RGYAN ZHUGS TIL GYI MAR KHU ZA BA DE MTHONG NGO, ,MTHONG NAS KYANG BCOM LDAN 'DAS LA 'DI SKAD CES GSOL TO, ,CI LAGS NYAN THOS THAMS CAD SHES LDAN GOO TA MA'I THUGS MNYES PAR BGYID PA LAGS SAM, BRAM ZE 'DI LA NGES PA MED DE, KHA CIG NI MNYES PAR BYED, KHA CIG NI MNYES PAR MI BYED DO, ,KYE GOO TA MA 'DI LTAR KHA CIG NI CHOS 'TSAL, KHA CIG NI @85A *, ,TIL GYI MAR KHU 'TSAL BA GDA' LAGS SO, ,KYE GOO TA MA BDAG GI SLOB MA BRAM ZE'I KHYE'U MA SDUG MCHIS LAGS SAM, BRAM ZE 'ONGS SO, ,SHES LDAN GOO TA MA DE DANG LHAN CIG TU BKA' MCHID DAG BGYIS LAGS SAM, BRAM ZE BYAS SO, , GOO TA MA DE'I SLAD DU, DE DANG LHAN CIG BKA' MCHID JI SNYED CIG GLENGS PA DE THAMS CAD BDAG LA RGYAS PAR BKA' STZAL DU GSOL, DE NAS BCOM LDAN 'DAS KYIS BRAM ZE'I KHYE'U MA SDUG DANG LHAN CIG JI SNYED GTAM GLENGS PA DE THAMS CAD BRAM ZE PAD MA'I SNYING PO LA BKA' STZAL TO, ,DE NAS BRAM ZE PAD MA'I SNYING POS BCOM LDAN 'DAS LA 'DI SKAD CES GSOL TO, ,KYE GOO TA MA BRAM ZE'I KHYE'U MA SDUG NI BUS PA RANG BZHIN MA 'TSAL BA LAGS SO, ,KYE GOO TA MA KHYOD KYIS BRAM ZE'I KHYE'U MA SDUG LA BZOD PAR MDZOD CIG BRAM ZE BZOD DO, ,SHES LDAN GOO TA MA GANG GI TSE BDAG SHING RTA'I NANG DU ZHUGS PA'AM, SRAB SKYOGS 'DZIN PA'AM, LCAG SGRENG BA'AM, SKAD CHEN POR MCHI BA GZIGS PA DE'I TSE NGA LA BRAM ZE PAD MA'I SNYING PO PHYAG 'TSAL NAS GNOD PA CHUNG NGAM, NYAM NGA BA NYUNG DAM; 'TSO'AM, BSKYOD PA YANG NGAM, STOBS DANG BDE BA LA REG PAR SPYOD DAM ZHES SNYUN GSOL LO ZHES DE LTAR THUGS SU CHUD PAR MDZAD DU GSOL, KYE SHES LDAN GOO TA MA GANG GI TSE BDAG SRANG GI DBUS NAS MCHIS PA'AM, MCHIL LHAM PHUD PA'AM, SHUL BZUR BA'AM, SUG PA BRKYANG BA GZIGS PA DE'I TSE SHES LDAN GOO TA MAS BDAG PHYAG 'TSAL BAR GZUNG DU GSOL ZHES BYA BA NAS, REG PAR SPYOD DAM ZHES BYA BA'I BAR GONG MA BZHIN DU'O, ,KYE SHES LDAN GOO TA MA GANG GI TSE BDAG 'KHOR GYI NANG NA MCHIS BA'AM, RAD PA'AM, STAN NAM, GTZUG TOR LA NOM PA GZIGS PA DE'I TSE SHES LDAN GOO TA MAS BDAG PHYAG 'TSAL BAR GZUNG DU GSOL ZHES BYA BA NAS, REG PAR SPYOD DAM ZHES BYA BA'I BAR GONG MA BZHIN DU'O, ,KYE GOO TA MA DE CI'I SLAD DU ZHE NA, BRAM ZE RNAMS NI GRAGS @85B PAS LONGS SPYOD 'THOB LAGS TE, DE DAG NI GRAGS PA KHO NAS LONGS SPYAD 'TSAL LO, ,DE NAS BCOM LDAN 'DAS 'DI SNYAM DU DGONGS TE, KYE MA'O BRAM ZE PAD MA'I SNYING PO 'DI NI NGA RGYAL SHIN TU CHE BA ZHIG PAS MA LA NGAS 'DI'I NGA RGYAL SPANG BA'I PHYIR CHOS BSHAD DO SNYAM DU DGONGS NAS, DE NAS BCOM LDAN 'DAS KYIS BRAM ZE PAD MA'I SNYING PO LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR GZENGS STOD PAR MDZAD, YANG DAG PAR 'DZIN DU 'JUG PAR MDZAD, YANG DAG PAR RAB TU DGA' BAR MDZAD DE; SANGS RGYAS BCOM LDAN 'DAS RNAMS KYI CHOS DANG LDAN PA'I GTAM DUS DANG POR BYA BA GANG YIN PA 'DI LTA STE, SBYIN PA'I GTAM DANG, TSUL KHRIMS KYI GTAM DANG, MTHO RIS KYI GTAM DANG, 'DOD PA RNAMS KYI MNOG DANG, NYES DMIGS DANG, KUN NAS NYON MONGS PA DANG, RNAM PAR BYANG BA DANG, NGES PAR 'BYUNG BA DANG, RAB TU DBEN PA'I PHAN YON DANG, RNAM PAR BYANG BA'I PHYOGS KYI CHOS RNAMS RGYA CHER YANG DAG PAR RAB TU STON PAR MDZAD DO, ,BCOM LDAN 'DAS KYIS GANG GI TSE DE SNYING DGA' BA DANG; DGE BA'I SEMS DANG, MGU BA'I SEMS DANG, SGRIB PA DANG BRAL BA'I SEMS DANG, SNOD DU RUNG BA DANG, MTHU DANG LDAN PA DANG, YANG DAG PHUL GYI CHOS KUN SHES PAR NUS PAR GZIGS PA DE'I TSE SANGS RGYAS BCOM LDAN 'DAS RNAMS KYI CHOS BSHAD PA YANG DAG PHUL GANG YIN PA 'DI LTA STE, 'PHAGS PA'I BDEN PA BZHI PO SDUG BSNGAL DANG, KUN 'BYUNG DANG, 'GOG PA DANG, LAM RNAMS RGYAS PAR RAB TU BSTAN TE, DPER NA GOS DKAR PO NAG NOG MED CING GTZANG MA KHA BSGYUR BAR 'OS PA TSON RTZI'I NANG DU BCUG NA LEGS PAR TSON RTZI 'JEN DU BTUB PA DE BZHIN DU BRAM ZE PAD MA'I SNYING PO STAN DE NYID LA 'DUG BZHIN DU 'PHAGS PA'I BDEN PA BZHI PO 'DI LTA STE, SDUG BSNGAL DANG, KUN 'BYUNG DANG, 'GOG PA DANG, LAM MNGON PAR RTOGS SO, ,DE NAS BRAM ZE PAD MA'I SNYING @86A *, ,POS CHOS MTHONG BA DANG, CHOS THOB PA DANG, CHOS RIG PA DANG, CHOS KYI GTING SLEBS PA DANG, SOM NYI LAS RGAL BA DANG, THE TSOM LAS RGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PAS BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BTZUN PA BDAG NI 'PHAGS SO, ,MNGON PAR 'PHAGS SO, ,BCOM LDAN 'DAS DANG, CHOS DANG, DGE SLONG GI DGE 'DUN LA BDAG SKYABS SU MCHI LAGS KYIS, BDAG DGE BSNYEN DU GZUNG DU GSOL, DENG SLAN CAD JI SRID 'TSO'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO; ;DE NAS BRAM ZE PAD MA'I SNYING PO BCOM LDAN 'DAS KYIS GSUNGS PA LA MNGON PAR DGA' NAS RJES SU YI RANGS TE, BCOM LDAN 'DAS KYI ZHABS GNYIS LA MGO BOS PHYAG BYAS NAS STAN LAS LANGS TE SONG NGO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG SKABS SU BAB PAR BRAM ZE PAD MA'I SNYING BO 'PHYA BAR BYED KYIS, DE LTA BAS NA YON SNGO BA BYED PA NA DGE SLONG GIS BZA' BAR MI BYA'O, ,ZAN 'GAL TSABS CAN DU 'GYUR RO, ,BCOM LDAN 'DAS LO MA BDUN PAR BYON NAS LO MA BDUN PAR SANGS RGYAS BZHI RNAMS KYI GDAN ZHES BYA BA GONG MA BZHIN DU RGYAS PAR SBYAR RO, ,BCOM LDAN 'DAS KO SA LA'I LJONGS RGYU ZHING GSHEGS PA NA 'CHAR KAR BYON NAS 'CHAR KA NA GNAS TSER MA CAN GYI NAGS NA BZHUGS SO, ,KO SA LA'I RGYAL PO GSAL RGYAL GYIS DGE SBYONG GOO TA MA KO SA LA'I LJONGS RGYU ZHING GSHEGS PA NA 'CHAR KAR BYON NAS, 'CHAR KA NA GNAS TSER MA CAN GYI NAGS NA BZHUGS SO ZHES THOS SO, ,THOS NAS KYANG MI ZHIG LA BSGO BA, KVA'I NANG RJE TSUR KHYOD DGE SBYONG GOO TA MA GANG NA BA DER SONG @86B LA NGA'I TSIG 'DI DAG GIS DGE SBYONG GOO TA MA'I ZHABS GNYIS LA MGO BOS PHYAG BYOS LA GNOD PA CHUNG NGAM, NYAM NGA BA NYUNG NGAM, 'TSO'AM, BSKYOD PA YANG NGAM, STOBS DANG BDE BA LA REG PAR SPYOD DAM ZHES SNYUN GSOL LA 'DI SKAD DU KYE SHES LDAN GOO TA MA KO SA LA'I RGYAL PO GSAL RGYAL SANG BCOM LDAN 'DAS LA BLTA BAR MCHI 'TSAL NA, SHES LDAN GOO TA MAS 'DI LTAR SNGA NAS THUGS SU CHUD PAR MDZAD DU GSOL ZHES KYANG GSOL CIG ,LHA BKA' BZHIN 'TSAL ZHES MI DES KO SA'I RGYAL PO GSAL RGYAL GYI LTAR MNYAN NAS; BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'DUG GO, ,PHYOGS GCIG TU 'DUG NAS MI DES BCOM LDAN 'DAS LA 'DI SKAD CES GSOL TO, ,SHES LDAN GOO TA MA'I ZHABS GNYIS LA KO SA LA'I RGYAL PO GSAL RGYAL MGO BOS PHYAG 'TSAL NAS GNOD PA CHUNG NGAM, NYAM NGA BA NYUNG NGAM, 'TSO'AM, BSKYOD PA YANG NGAM, STOBS DANG BDE BA LA REG PAR SPYOD DAM ZHES SNYUN GSOL LAGS SO, ,KYE SKYES BU KHYOD DANG KO SA'I RGYAL PO GSAL RGYAL BDE BAR GYUR CIG ,KYE SHES LDAN GOO TA MA KO SA LA'I RGYAL PO GSAL RGYAL SANG BCOM LDAN 'DAS LA BLTA BA'I PHYIR MCHI PAR 'TSAL NA, SHES LDAN GOO TA MAS 'DI LTAR SNGA NAS THUGS SU CHUD PAR MDZAD DU GSOL, KYE NANG RJE NGA NYID KO SA LA'I RGYAL PO GSAL RGYAL GYIS DUS LA BAB PAR SHES PAR GYIS SHIG ,DE NAS MI DE BCOM LDAN 'DAS KYIS GSUNGS PA LA MNGON PAR DGA' NAS, YI RANGS TE BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS KYIS MI DE SONG NAS RING PO MA LON PAR TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO KHYOD SONG LA GTZUG LAG KHANG YANGS PA ZHIG TU STAN MANG DU SHOMS SHIG ,NGA 'DUG LA DENG NYID NAS KO SA LA'I RGYAL PO GSAL RGYAL DANG 'DU BAR BYA'O, ,BTZUN PA BKA' @87A *, ,BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, GTZUG LAG KHANG YANGS PA ZHIG TU STA NA MANG DU BSHAMS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BTZUN PA GTZUG LAG KHANG YANGS PA ZHIG TU GDAN MANG DU BSHAMS LAGS TE, BCOM LDAN 'DAS DA DE'I DUS LA BAB PAR DGONGS SU GSOL, DE NAS BCOM LDAN 'DAS GTZUG LAG KHANG YANGS PA GANG NA BA DER GSHEGS TE BYON NAS GDAN BSHAMS PA NYID LA BZHUGS SO, ,DE NAS KO SA LA'I RGYAL PO GSAL RGYAL LA MI DES RIG PAR BYAS TE SONG NAS RING PO MA LON PAR MI GZHAN ZHIG LA SMRAS PA, KVA'I NANG RJE TSUR SHOG ,KHYOD KYIS BZHON PA BZANG PO MYUR DU STOD CIG ,DE LA KHO BO ZHON LA DE RING KHO NA DGE SBYONG GOO TA MA LA BLTA BA'I PHYIR 'GRO'O, ,LHA BKA' BZHIN 'TSAL ZHES MI DES KO SA LA'I RGYAL PO GSAL RGYAL GYI LTAR MNYAN TE, BZHON PA BZANG PO BSTAD NAS KO SA LA'I RGYAL PO GSAL RGYAL GANG NA BA DER SONG STE PHYIN PA DANG, KO SA LA'I RGYAL PO GSAL RGYAL LA 'DI SKAD CES SMRAS SO, ,LHA BCIBS PA BZANG PO BSTAD LAGS TE, LHA DA DE'I DUS LA BAB PAR DGONGS SU GSOL; DE'I TSE SRING MO MDZES LDAN DANG, NYI LDAN GNYIS RGYAL PO GSAL RGYAL GYI BKAD SAR 'ONGS PAR GYUR TE, SRING MO MDZES LDAN DANG, NYI LDAN GNYIS KYIS LHA DENG NYID BCOM LDAN 'DAS LA BLTA BA'I PHYIR BZHUD DO ZHES THOS SO, ,THOS NAS KYANG KO SA LA'I RGYAL PO GSAL RGYAL LA 'DI SKAD CES SMRAS SO, ,LHA GAL TE DENG NYID BCOM LDAN 'DAS GZIGS PA'I PHYIR GSHEGS NA, LHA 'DI LTAR BDAG CAG GI TSIG GIS BCOM LDAN 'DAS KYI ZHABS GNYIS LA DBUS PHYAG MDZOD LA GNOD PA CHUNG NGAM, NYAM NGA BA @87B NYUNG NGAM, 'TSO'AM, BSKYOD PA YANG NGAM, STOBS DANG BDE BA LA REG PAR SPYOD DAM ZHES SNYUN GSOL BAR GSOL, DE BZHIN DU BYA'O ZHES KO SA LA'I RGYAL PO GSAL RGYAL GYIS MNYAN NAS, DE NAS KO SA LA'I RGYAL PO GSAL RGYAL BZHON PA BZANG PO LA ZHON TE 'CHAG KHANG NAS BYUNG NAS, BCOM LDAN 'DAS LA BLTA BA DANG, BCOM LDAN 'DAS LA BSNYEN BKUR BYA BA'I PHYIR BCOM LDAN 'DAS KYI SPYAN SDAR SONG STE, DES JI TZAM BZHON PA'I SA'I BAR DU BZHON PAS SONG NAS BZHON PA LAS BABS TE, RKANG PA KHO NAS KUN DGA' RA BAR ZHUGS SO, ,DE NAS KO SA LA'I RGYAL PO GSAL RGYAL BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS KO SA LA'I RGYAL PO GSAL RGYAL GYIS BCOM LDAN 'DAS LA 'DI SKAD CES GSOL TO, ,GOO TA MA SRING MO MDZES LDAN DANG NYI LDAN GNYIS BCOM LDAN 'DAS GOO TA MA'I ZHABS GNYIS LA MGO BOS PHYAG 'TSAL TE GNOD PA CHUD NGAM, NYAM NGA BA NYUNG NGAM, 'TSO'AM, BSKYOD PA YANG NGAM; STOBS DANG BDE BA LA REG PAR SPYOD DAM ZHES SNYUN GSOL LAGS SO, ,SRING MO MDZES LDAN DANG NYI LDAN GNYIS KYIS PHO NYA GZHAN MA RNYED NGAM, CI NA RGYAL PO CHEN PO NYID LAS GZHAN MA YIN, KYE GOO TA MA SRING MO MDZES LDAN DANG, NYI LDAN GNYIS BDAG GI BKAD SAR MCHIS PA NA, DENG NYID LHA BCOM LDAN 'DAS LA BLTA BA'I PHYIR MCHI 'TSAL LO ZHES THOS SO, ,THOS NAS KYANG BDAG LA 'DI SKAD CES MCHIS TE, LHA GAL TE DENG NYID BCOM LDAN 'DAS GZIGS PA'I PHYIR BZHUD PAR BZHED NA, BDAG CAG GI TSIG GIS BCOM LDAN 'DAS KYI ZHABS GNYIS LA DBUS PHYAG MDZOD LA ZHES BYA BA NAS REG PAR SPYOD DAM ZHES BYA BA'I BAR GONG MA BZHIN DU'O, ,RGYAL PO CHEN PO KHYOD DANG SRING MO MDZES LDAN DANG NYI LDAN GNYIS BDE BAR GYUR CIG ,RE ZHIG GAL TE ZHU BA LUNG BSTAN PA'I SLAD DU SKABS PHYE NA @88A *, ,SHES LDAN GOO TA MA LA BDAG PHYOGS GZHAN 'GA' ZHIG ZHU LAGS SO, ,RGYAL PO CHEN PO CI DANG CI 'DOD PA ZHUS SHIG ,KYE GOO TA MA BDAG GIS KHYOD 'DI SKAD CES DGE SBYONG NGAM BRAM ZE GZHAN GYIS THAMS CAD SHES PA'AM, MTHONG BA GANG YIN PA DE NI GNAS MA YIN ZHING GO SKABS MED DE GNAS MED DO ZHES GSUNG NGO ZHES THOS NA, GOO TA MA KHYOD KYIS DE SKAD DU BKA' STZAL PAR DGONGS LAGS SAM, RGYAL PO CHEN PO DE SKAD DU SMRAS PAR MI DRAN NO, ,DE'I TSE SDE DPON 'PHAGS SKYES PO ZHES BYA BA 'KHOR DE NYID DU 'DUS SHING 'DUG PAR GYUR TO, ,DE NAS KO SA LA'I RGYAL PO GSAL RGYAL GYIS SDE DPON 'PHAGS SKYES PO LA 'DI SKAD CES SMRAS SO, ,SDE DPON NYI MA SNGA MA DANG TSES SNGA MA'I NYI MA DAG LA RGYAL PO'I PHO BRANG DU RGYAL PO DANG, BLON PO DANG, RGYAL PO'I 'KHOR RNAMS 'DUS TE 'KHOD PA NA GTAM DE LTA BU SUS GLENGS PA DRAN NAM, LHA DRAN TE, 'DI LTA STE, BKRA SHIS LDAN GYI BU BRAM ZE'I KHYE'U YANG DAG RGYAL BA LAGS SO, ,DE NAS KO SA LA'I RGYAL PO GSAL RGYAL GYIS MI ZHIG LA SMRAS PA, KVA'I NANG RJE KHYOD BKRA SHIS LDAN GYI BU BRAM ZE'I KHYE'U YANG DAG RGYAL BA GANG NA BA DER SONG LA PHYIN NAS, BKRA SHIS LDAN GYI BU BRAM ZE'I KHYE'U YANG DAG RGYAL BA LA 'DI SKAD CES KO SA LA'I RGYAL PO GSAL RGYAL KHYOD 'BOD DO ZHES SMROS SHIG ,LHA BKA' BZHIN 'TSAL ZHES MI DES KO SA LA'I RGYAL PO GSAL RGYAL GYI LTAR MNYAN NAS, BKRA SHIS LDAN GYI BU BRAM ZE'I KHYE'U YANG DAG RGYAL BA GANG NA BA DER SONG STE PHYIN NAS, BKRA SHIS LDAN GYI BU BRAM ZE'I KHYE'U YANG DAG RGYAL BA LA 'DI SKAD CES SMRAS SO, ,KO SA LA'I RGYAL PO GSAL RGYAL KHYOD 'BOD DO, ,DE NAS KO SA LA'I RGYAL PO GSAL RGYAL GYIS MI DE SONG NAS RING PO MA LON PAR RIG NAS BCOM LDAN 'DAS LA 'DI SKAD CES GSOL TO, ,KYE GOO TA MA 'DI LA KHA CIG DON DANG TSIG NGAN PAR BZHUNG BA 'DZIN PA LTA MCHIS LAGS SAM, RGYAL PO CHEN PO YOD DE, DON DE GZHAN KHO NA YIN PA LAS @88B DE GZHAN KHO NAR GZHAN DAG LA SMRA'O, ,SHES LDAN GOO TA MAS JI LTA BU ZHIG TU BKA' STZAL PAR DGONGS LAGS, RGYAL PO CHEN PO NGAS NI 'DI SKAD DU DGE SBYONG NGAM BRAM ZE GZHAN GYIS THAMS CAD SHES PA'AM, MTHONG BA GANG YIN PA DE NI GNAS MA YIN GO SKABS MED DE GNAS MED DO ZHES BKA' STZAL PAR DRAN NO, ,SHES LDAN GOO TA MA DE SKAD DU GSUNGS PA NI RIGS PA'I TSUL LAGS SO, ,SHES LDAN GOO TA MAS DE SKAD DU GSUNGS PA NI SHIN TU RIGS PA'I TSUL LAGS SO, ,RE ZHIG GAL TE ZHU BA LUNG BSTAN PA'I SLAD DU SKABS PHYE NA SHES LDAN LA BDAG ZHU BA GZHAN YANG PHYOGS 'GA' ZHIG ZHU LAGS SO, ,RGYAL PO CHEN PO CI DANG CI 'DOD PA ZHUS SHIG ,KYE GOO TA MAS RIGS NI BZHI PO 'DI DAG STE, BRAM ZE DANG, RGYAL RIGS DANG, RJE'U RIGS DANG, DMANGS RIGS LAGS NA DE DAG LA KHYAD PAR RAM, BSAM PA'AM, THA DAD DU BGYI BA CUNG ZAD MCHIS SAM, RGYAL PO CHEN PO YOD DE, DE LA BRAM ZE'I RIGS GANG DAG YIN PA DANG, RGYAL RIGS GANG DAG YIN PA DE DAG NI 'JIG RTEN GYIS MTHON POR BKUR BA YIN NO, ,RJE'U RIGS GANG DAG YIN PA DANG, DMANGS RIGS GANG DAG YIN PA DE DAG NI 'JIG RTEN GYIS DMA' BAR BRTZIS PA YIN NO, ,SHES LDAN GOO TA MA LA BDAG CAG MTHONG BA'I CHOS KYI DON LAS BRTZAMS TE ZHU BA NI MI ZHU LAGS SO, ,'ON KYANG TSE SLAD MA'I DON LAS BRTZAMS TE ZHU BA ZHU LAGS SO, ,KYE GOO TA MA RIGS NI BZHI PO 'DI DAG STE, BRAM ZE DANG, RGYAL RIGS DANG, RJE'U RIGS DANG, DMANGS RIGS LAGS NA DE DAG LA KHYAD PAR RAM, BSAM PA'AM, THA DAD DU BGYI BA 'GA' MCHIS SAM, RGYAL PO CHEN PO RIGS NI BZHI PO 'DI DAG STE, RGYAL RIGS DANG; BRAM ZE DANG, RJE'U RIGS DANG, DMANGS RIGS YIN LA, DE DAG GIS DE BZHIN GSHEGS PA'AM, DE BZHIN GSHEGS PA'I NYAN THOS GDAMS NGAG SBYIN PA DANG, RJES SU STON PA DANG, CHOS STON PA RNYED NA, DE DAG LA 'DI LTA STE, MA 'ONGS PA TSE PHYI MA @89A *, ,LA KHYAD PAR RAM, BSAM PA'AM, THA DAD DU BYA BA 'GA' YOD DAM, KYE GOO TA MA RIGS NI BZHI PO 'DI DAG STE, RGYAL RIGS DANG, BRAM ZE DANG, RJE'U RIGS DANG, DMANGS RIGS LAGS LA, DE DAG GIS DE BZHIN GSHEGS PA'AM, DE BZHIN GSHEGS PA'I NYAN THOS GDAMS NGAG STZOL BA'AM, RJES SU STON PA'AM, CHOS STON PA RNYED NA, DE DAG LA 'DI LTA STE SPANGS PA LA KHYAD PAR RAM, BSAM PA'AM, THA DAD DU BGYI BA 'GA' MCHIS SAM, RGYAL PO CHEN PO RIGS BZHI PO 'DI DAG STE, RGYAL RIGS DANG, BRAM ZE DANG, RJE'U RIGS DANG, DMANGS RIGS YIN LA, DE DAG GIS DE BZHIN GSHEGS PA'AM, DE BZHIN GSHEGS PA'I NYAN THOS GDAMS NGAG SBYIN PA'AM, RJES SU STON PA'AM, CHOS STON PA RNYED NA, DE DAG LA 'DI STA STE, SPANGS PA LA KHYAD PAR RAM, BSAM PA'AM, THA DAD DU BYA BA 'GA' YOD DAM, DE'I PHYIR RGYAL PO CHEN PO KHYOD NYID LA DRI YIS, KHYOD KYIS JI LTAR BZOD PA DE BZHIN DU LAN THOB SHIG ,RGYAL PO CHEN PO DPER NA 'DI LA GDUL BA BZHI PO GLANG PO CHE GDUL BA'AM, RTA GDUL BA'AM, GLANG GDUL BA'AM, SKYES PA GDUL BA ZHIG YOD LA, DE LAS GDUL BA GNYIS NI MA DUL BA RNAM PAR MA DUL BAR GYUR LA, GNYIS NI SHIN TU DUL BA SHIN TU RNAM PAR DUL BAR GYUR NA, RGYAL PO CHEN PO JI SNYAM DU SEMS, GDUL BA GNYIS PO MA DUL BA RNAM PAR MA DUL BA DAG CI GA RE ZHIG MA DUL BA BZHIN DUL BA'I SAR 'GRO BA'AM, RNAM PAR MA DUL BA BZHIN RNAM PAR DUL BA'I CHA STA LEN PAR 'GYUR RAM, KYE GOO TA MA MA LAGS SO, ,GANG YANG GDUL BA GNYIS PO SHIN TU DUL BA DANG, SHIN TU RNAM PAR DUL BA DE DAG SHIN TU DUL BAS DUL BA'I GNAS SU 'GRO BA'AM, SHIN TU RNAM PAR DUL BAS DUL BA'I CHA STA LEN PAR 'GYUR RAM, KYE GOO TA MA DE LTA LAGS SO, ,RGYAL PO CHEN PO DE BZHIN DU SA GANG ZHIG DAD PA CAN GYIS THOB PAR BYA BA DE MA DAD PAS 'THOB PAR 'GYUR BA DE NI GNAS MED LA, @89B G-YO MED PA DANG, SKYON MED PA DANG, BRTZON 'GRUS BRTZAMS PA DANG, SHES RAB CAN GYIS THOB PAR BYA BA DE SHES RAB 'CHAL PAS THOB PA DE NI GNAS MED KYI SA GANG ZHIG DAD PA CAN GYIS THOB PAR BYA BA DE DAD PA CAN GYIS 'THOB PAR 'GYUR BA 'DI NI GNAS YOD LA, G-YO MED PA DANG, SKYON MED PA DANG, BRTZON 'GRUS BRTZAMS PA DANG, SHES RAB CAN GYIS THOB PAR BYA BA DE SHES RAB CAN GYIS 'THOB PAR 'GYUR BA'I GNAS DE NI YOD DO, ,KYE GOO TA MA RIGS NI BZHI PO 'DI DAG STE, RGYAL RIGS DANG, BRAM ZE DANG, RJE'U RIGS DANG; DMANGS RIGS LAGS LA, DE DAG GIS DE BZHIN GSHEGS PA'AM, DE BZHIN GSHEGS PA'I NYAN THOS GDAMS NGAG STZOL BA'AM, RJES SU STON PA'AM, CHOS STON PA RNYED PAR GYUR CIN DE DAG GTZO BO'I YAN LAG LNGA DANG LDAN PAR GYUR LA, DE DAG GIS KYANG MNYAM MTSUNGS PAR SPANGS PAR GYUR NA DE DAG GIS RNAM PAR GROL BA DANG, RNAM PAR GROL BA LA KHYAD PAR RAM, BSAM PA'AM, THA DAD DU BYA BA 'GA' MCHIS SAM, DE'I PHYIR RGYAL PO CHEN PO KHYOD NYID LA DRI YIS, KHYOD KYIS JI LTAR BZOD PA DE BZHIN DU LAN THOB SHIG ,RGYAL PO CHEN PO DPER NA SHAR PHYOGS NAS BRAM ZE GZHON NU ZHIG 'ONGS PA DANG, DE LA 'GA' ZHIG GIS 'DI SKAD DU GZHON NU TSUR, SHING S'A LA SKAM PO LAS GTZUB STAN BYOS LA STENG DU GTZUB SHING ZHOG STE ME DBYUNG BA'I PHYIR GTZUBS LA ME PHYUNG SHIG CES SMRAS PA DANG, DES SHING S'A LA SKAM PO LAS GTZUB STAN BYAS NAS STENG DU GTZUB SHING BZHAG STE, ME DE DBYUNG BA'I PHYIR GTZUBS NAS ME PHYUNG, LHO PHYOGS NAS RGYAL RIGS GZHON NU ZHIG 'ONGS PA DANG, DE LA 'GA' ZHIG GIS 'DI SKAD DU RGYAL RIGS GZHON NU TSUR; SPA SKAM PO LAS GTZUB STAN BYOS LA STENG DU GTZUB SHING ZHOG STE, ME DBYUNG BA'I PHYIR GTZUBS LA ME PHYUNG SHIG CES SMRAS PA DANG, DES SPA SKAM PO LAS GTZUB STAN BYAS NAS STENG DU GTZUB SHING BZHAG STE, ME DBYUNG BA'I PHYIR GTZUBS NAS ME PHYUNG, NUB PHYOGS @90A *, ,NAS RJE'U RIGS GZHON NU ZHIG 'ONGS PA DANG, DE LA 'GA' ZHIG GIS 'DI SKAD DU RJE'U RIGS GZHON NU TSUR, SHUG PA SKAM PO LAS GTZUB STAN BYOS LA STENG DU GTZUB SHING ZHOG STE, ME DBYUNG BA'I PHYIR GTZUBS LA ME PHYUNG SHIG CES SMRAS PA DANG; DES SHUG PA SKAM PO LAS GTZUB STAN BYAS NAS STENG DU GTZUB SHING BZHAG STE, ME DBYUNG BA'I PHYIR GTZUBS NAS ME PHYUNG, BYANG PHYOGS NAS DMANGS RIGS GZHON NU ZHIG 'ONGS PA DANG, DE LA 'GA' ZHIG GIS 'DI SKAD DU KYE DMANGS RIGS GZHON NU TSUR, TZAN DAN SKAM PO LAS GTZUB STAN BYOS LA STENG DU GTZUB SHING ZHOG STE, ME DBYUNG BA'I PHYIR GTZUBS LA ME PHYUNG SHIG CES SMRAS PA DANG, DES TZAN DAN SKAM PO LAS GTZUB STAN BYAS NAS STENG DU GTZUB SHING BZHAG STE, ME DBYUNG BA'I PHYIR GTZUBS NAS ME PHYUNG BA DANG, DE DAG 'GA' ZHIG GIS GCIG TU BSDUS NAS 'DAM BU BCER BA'AM, SOG MA'I PHUNG POR BCUG NA RGYAL PO CHEN PO JI SNYAM DU SEMS, MI RIGS THA DAD PAS SHING SNA TSOGS LAS PHYUNG BA'I ME DE LAS JI GA ME 'DI NI 'OD DANG LDAN PA, KHA DOG DANG LDAN PA, GSAL BA'O,, ,,'DUL BA GZHI, BAM PO SUM BCU RTZA GSUM PA, ME 'DI NI DE LTA MA YIN NO, ,ME 'DIS NI ME'I BYA BA BYED NUS SO, ,ME 'DIS NI MI NUS SO ZHES BYA BA'I KHYAD PAR RAM, BSAM PA'AM, THA DAD DU BYA BA 'GA' YOD DAM, 'ON TE ME DE THAMS CAD 'OD DANG LDAN PA, KHA DOG DANG LDAN PA, GSAL BA YIN ZHING ME DE THAMS CAD KYIS ME'I BYA BA BYED NUS, KYE GOO TA MA ZHUGS DE THAMS CAD 'OD DANG LDAN PA, KHA DOG DANG LDAN PA, GSAL BA LAGS SHING ZHUGS DE THAMS CAD KYIS ZHUGS KYI BGYI BA BGYID RDO THOG LAGS SO, , RGYAL PO CHEN PO DE BZHIN DU BAG YOD PAS THOB PA GTZO BOS GTZUBS PA'I ME DE LA NI 'DI LTA STE, RNAM PAR GROL BA DANG, RNAM PAR GROL BA LA KHYAD PAR DANG, BSAM PA DANG, THA DAD DU BYA BA 'GA' YANG MED DO, ,SHES LDAN GOO TA MAS DE SKAD GSUNGS PA NI RIGS PA'I TSUL LAGS @90B SO; ;RE ZHIG ZHU BA LUNG BSTAN PA'I SLAD DU SKABS PHYE NA SHES LDAN KHYOD LA BDAG GZHAN YANG PHYOGS 'GA' ZHIG ZHU LAGS SO, ,RGYAL PO CHEN PO CI DANG CI 'DOD PA ZHUS SHIG ,KYE GOO TA MA LHA RNAMS MCHIS SAM, RGYAL PO CHEN PO LHA GANG DAG YIN PAR SHES, LHA GANG DAG SHA KHON DANG BCAS, 'GRAN ZLA DANG BCAS, GNOD PA DANG BCAS SHING 'DI LTA BUR 'ONG ZHING 'ONG BAR 'GYUR BA'AM, LHA GANG DAG SHA KHON MED, 'GRAN ZLA MED, GNOD PA MED CING 'DI LTA BUR MI 'ONG ZHING 'OD BAR MI 'GYUR BA YIN, LHA DE DAG NI RE ZHIG DER BAS, LHA GANG DAG SHA KHON DANG BCAS, 'GRAN ZLA DANG BCAS, GNOD PA DANG BCAS SHING, 'DI LTA BUR MCHI ZHING MCHI BAR 'GYUR BA'I LHA DE DAG TSE BAS, SUG LAS BAS, BSOD NAMS BAS NAS GNAS, DE NAS 'CHI 'PHO BAR 'GYUR BA DE NA LHA'AM LHA'I BUS, LHA'AM LHA'I BU GNAS DE NAS 'CHI 'PHO BAR BGYI BA'AM, SBYUG PAR RNGO THOG LAGS SAM, RGYAL PO CHEN PO LHA GANG DAG SHA KHON DANG BCAS, 'GRAN ZLA DANG BCAS, GNOD PA DANG BCAS SHING 'DI LTA BUR 'ONG ZHING 'OD BAR 'GYUR BA DE DAG LAS ZAD, TSE ZAD BSOD NAMS ZAD NAS GNAS DE NAS 'CHI 'PHO BAR 'GYUR BA DE NA LHA'AM LHA'I BUS, LHA'AM LHA'I BU GNAS DE NAS 'CHI 'PHO BAR BYA BA'AM, SBYUG PAR MI NUS SO, ,KYE GOO TA MA DE NA LHA GANG DAG SHA KHON DANG BCAS, 'GRAN ZLA DANG BCAS, GNOD PA DANG BCAS SHING 'DI LTA BUR MCHI ZHING MCHI BAR 'GYUR BA DE DAG GIS LHA GNOD PA MA MCHIS PA DE DAG GNAS DE NAS 'CHI 'PHO BAR BGYI BA'AM, SBYUG PA'I RNGO THOG LAGS SAM, DE NAS SDE DPON 'PHAGS SKYES POS KO SA LA'I RGYAL PO GSAL RGYAL LA 'DI SKAD CES SMRAS SO, ,DGE SBYONG GOO TA MA NI 'DI SKAD CES LHA RNAMS NI TSE LHAG PAR RING BA, LHAG PAR YUN RING DU GNAS PA YIN NO ZHES GSUNG BAR 'GYUR BA GANG LAGS PA'I GNAS DE MCHIS SO, ,DE'I TSE TSE DANG LDAN PA KUN DGA' BO BCOM LDAN 'DAS KYI SNAM LOGS NA RNGUL YAB THOGS NAS BCOM LDAN 'DAS LA G-YOB CING 'DUG PAR GYUR TO, , @91A *, ,DE NAS TSE DANG LDAN PA KUN DGA' BO 'DI SNYAM DU SEMS TE, SDE DPON LUS 'PHAGS PO 'DI NI KO SA LA'I RGYAL PO GSAL RGYAL GYI BU YIN LA, BDAG KYANG BCOM LDAN 'DAS KYI CHOS NYID KYI SRAS YIN PAS SRAS DANG BU NI LHAN CIG GTAM BYAR RUNG NGO SNYAM DU RIG NAS SDE DPON LUS 'PHAGS PHO LA 'DI SKAD CES SMRAS SO, ,SDE DPON JI SNYAM DU SEMS, KO SA LA'I RGYAL PO'I RANG GI YUL YIN LA, DE NA YANG DE'I TSIG GIS KHRIMS SU BCA' BA LA DBANG SGYUR NA SEMS CAN DBANG CHUNG DU KHA CIG GNAS DE NAS 'CHI 'PHO BAR BYA BA 'AM, SPYUG PAR NUS SAM, DGE SBYONG NUS SO, ,SDE DPON JI SNYAM DU SEMS, KO SA LA'I RGYAL PO GSAL RGYAL GYI RANG GI YUL MA YIN LA, DE NA YANG DE'I TSIG GIS KHRIMS SU BCA' BA LA DBANG MI SGYUR NA, KO SA LA'I RGYAL PO GSAL RGYAL GYIS SEMS CAN DBANG CHUNG BA KHA CIG GNAS DE NAS 'CHI 'PHO BAR BYA BA'AM, SPYUG PAR NUS SAM, DGE SBYONG KO SA LA'I RGYAL PO GSAL RGYAL RANG GI YUL MA YIN LA, DE NA YANG DE'I TSIG GIS KHRIMS SU BCA' BA LA DBANG MI SGYUR NA, KO SA LA'I RGYAL PO GSAL RGYAL GYIS SEMS CAN DBANG CHUNG NGU KHA CIG GNAS DE NAS 'CHI 'PHO BAR BYA BA'AM, SPYUG PAR MI NUS SO, ,SDE DPON KHYOD KYIS SUM BCU RTZA GSUM PA'I LHA RNAMS YOD SKAD THOS SAM, DGE SBYONG KO SA LA'I BDAG PO RGYAL PO 'DI NYID LAS THOS SO, ,SDE DPON JI SNYAM DU SEMS, KO SA LA'I RGYAL PO GSAL RGYAL GYIS SUM BCU RTZA GSUM PA'I LHA RNAMS GNAS DE NAS 'CHI 'PHO BAR BYA BA'AM, SPYUG PAR NUS SAM, DGE SBYONG RE ZHIG KO SA LA'I RGYAL PO GSAL RGYAL GYIS SUM BCU RTZA GSUM PA'I LHA RNAMS MTHONG BA YANG NYAMS SU MI MYONG NA GNAS DE NAS 'CHI 'PHO BAR BYA BA'AM, SPYUG PA LHA SMOS KYANG CI DGOS, SDE DPON DE BZHIN DU GNOD PA DANG BCAS PA'I LHA RNAMS KYIS GNOD PA MED PA'I LHA RNAMS MTHONG BA YANG NYAMS SU MI MYONG NA GNAS DE NAS 'CHI 'PHO BAR BYA BA'AM, SPYUG PA LTA SMOS KYANG CI DGOS TE, DE NI GNAS MED DO, ,DE NAS KO SA LA'I RGYAL @91B PO GSAL RGYAL GYIS BCOM LDAN 'DAS LA 'DI SKAD CES GSOL TO, ,KYE GOO TA MA DGE SBYONG 'DI'I MING CI LA GAS, RGYAL PO CHEN PO KUN DGA' BO YIN NO, ,SHES LDAN KUN DGA' BOS DE SKAD DU SMRAS PA NI RIGS PA'I TSUL YIN NO, ,SHES LDAN KUN DGA' BOS DE SKAD DU SMRAS PA NI SHIN TU RIGS PA'I TSUL YIN NO, ,DE NAS KO SA LA'I RGYAL PO GSAL RGYAL GYIS BCOM LDAN 'DAS LA 'DI SKAD CES GSOL TO, ,RE ZHIG GAL TE ZHU BA LUNG BSTAN PA'I SLAD DU, SHES LDAN GOO TAM LA BDAG ZHU BA GZHAN YANG PHYOGS 'GA' ZHIG ZHU LAGS SO, ,RGYAL PO CHEN PO GANG DANG GANG 'DOD PA ZHUS SHIG ,KYE GOO TA MA CI LAGS, TSANGS PA DE MCHIS LAGS SAM, RGYAL PO CHEN PO TSANGS PA GANG YIN PAR SHES TSANGS PA GANG ZHIG GNOD PA DANG BCAS PAS 'DI LTA BUR 'ONG BAR 'GYUR BA'AM, TSANGS PA GANG ZHIG GNOD PA MED PAS 'DI LTA BUR MI 'ONG ZHING 'ONG BAR MI 'GYUR BA YIN, KYE GOO TA MA BDAG NI DE LA TSANGS PA GANG ZHIG GNOD PA MA MCHIS PAS 'DI LTA BUR MI MCHI ZHING MCHI BAR MI 'GYUR BA'I TSANGS PA DE LAGS PAR 'TSAL LO, ,KO SA LA'I RGYAL PO GSAL RGYAL GYIS BCOM LDAN 'DAS DANG LHAN CIG SKABS KYI GTAM DE LTA BU GLENGS SO, ,DE NAS MI DES BKRA SHIS LDAN GYI BU BRAM ZE'I KHYE'U YANG DAG RGYAL BA KHRID NAS KO SA LA'I RGYAL PO GSAL RGYAL GANG NA BA DER SONG STE PHYIN NAS, KO SA LA'I RGYAL PO GSAL RGYAL LA 'DI SKAD CES SMRAS SO, ,LHA DE 'DI LAGS SO, ,DE NAS BKRA SHIS LDAN GYI BU BRAM ZE'I KHYE'U YANG DAG RGYAL BAS KO SA LA'I RGYAL PO GSAL RGYAL LA RGYAL BA DANG TSE SPEL BA DAG BYAS NAS PHYOGS GCIG TU 'DUG GO, ,PHYOGS GCIG TU 'DUG PA DANG BKRA SHIS LDAN GYI BU BRAM ZE'I KHYE'U YANG DAG RGYAL BA CAN LA KO SA LA'I RGYAL PO GSAL RGYAL GYIS 'DI SKAD CES SMRAS SO, ,BRAM ZE'I KHYE'U NYI MA SNGA MA DANG, TSES SNGA MA LA RGYAL PO'I PHO BRANG DU RGYAL PO DANG BLON PO DANG 'KHOR RNAMS 'DUS SHING 'DUG PA NA, DGE SBYONG GOO TA MA 'DI SKAD CES DGE SBYONG DANG BRAM ZE GZHAN GYIS THAMS CAD SHES PA'AM, @92A *, ,MTHONG BA GANG YIN PA NI GNAS MA YIN ZHING GO SKABS MED DE DE NI GNAS MED DO ZHES GSUNG NGO ZHES PA'I GTAM DE LTA BU SUS SMRAS DRAN NAM, LHA DRAN LAGS TE 'DI LTA STE, SDE DPON 'PHAGS SKYES BO DE SKAD MCHI'O, ,'DI LTA STE, BKRA SHIS LDAN GYI BU BRAM ZE'I KHYE'U YANG DAG RGYAL BA'O ZHES DE DAG PHAN TSUN DE LTAR GTAM KHUNGS 'BYIN PAR BYED DO, ,DE NAS KO SA LA'I RGYAL PO GSAL RGYAL GYI RIM GRO PA'I MIS KO SA LA'I RGYAL PO GSAL RGYAL LA 'DI SKAD CES SMRAS SO, ,LHA GSHEGS PA'I DUS LA BAB LAGS SO, ,LHA DUS LA BAB LAGS SO, , DE NAS KO SA LA'I RGYAL PO GSAL RGYAL GYIS BCOM LDAN 'DAS LA 'DI SKAD CES GSOL TO, ,SHES LDAN GOO TA MA BDAG GIS THAMS CAD MKHYEN PA NYID LAS BRTZAMS TE ZHU BA ZHUS PA YANG SHES LDAN GOO TA MAS BDAG LA THAMS CAD MKHYEN PA NYID ZHU BA ZHUS PA LUNG BSTAN LAGS, 'DIR RIGS RNAM PAR DAG PA DANG, LHAG PA'I LHA DANG, LHAG PA'I TSANGS PA LAS BRTZAMS TE, SHES LDAN GOO TA MA LA BDAG GIS ZHU BA ZHUS PA YANG SHES LDAN GOO TA MAS BDAG LA LHAG PA'I TSANGS PA ZHU BA ZHUS PA LUNG BSTAN LAGS TE, SHES LDAN GOO TA MA LA BDAG GIS ZHU BA GANG DANG GANG ZHUS PA DE DANG DE KHO NA SHES LDAN GOO MAS BDAG LA ZHU BA LUNG BSTAN LAGS PAS, SHES LDAN GOO TA MA LA BDAG GIS GZHAN GSOL DU CI MCHIS, SHES LDAN GOO TA MA BDAG NI BGYI BA DANG BSGRUB PA MANG LAGS PAS DA MCHI LAGS SO, ,RGYAL PO CHEN PO DE'I DUS LA BAB PAR SHES PAR GYIS SHIG ,DE NAS KO SA LA'I RGYAL PO GSAL RGYAL BCOM LDAN 'DAS KYIS GSUNGS PA LA MNGON PAR DGA' STE YI RANGS NAS, BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS KO SA LA NAS LJONGS RGYU ZHING GSHEGS PA DANG MNYAN YOD DU BYON NAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,KHYIM BDAG MGON MED ZAS SBYIN GYIS BCOM LDAN 'DAS KO SA LA NAS LJONGS RGYU ZHING GSHEGS PA DANG MNYAN YOD DU BYON NAS MNYAN @92B YOD NA BDAG KHO NA'I KUN DGA' RA BA NA BZHUGS SO ZHES THOS SO, ,THOS NAS KYANG BCOM LDAN 'DAS GANG NA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG BYAS TE, PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS KYIS KHYIM BDAG MGON MED ZAS SBYIN LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CAD MI GSUNG NGO, ,DE NAS KHYIM BDAG MGON MED ZAS SBYIN STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL ZHES BYA BA NAS, STAN CHES DMA' BA ZHIG BLANGS TE BCOM LDAN 'DAS KYI SPYAN SNGAR CHOS NYAN PA'I PHYIR 'DUG GO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS KHYIM BDAG MGON MED ZAS SBYIN LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,BRAM ZE DANG KHYIM BDAG RNAMS KYIS BCOM LDAN 'DAS NYAN THOS KYI DGE 'DUN DANG BCAS PA SKABS SKABS SU GDUGS TSOD GSOL BAR BYED PA NA, DGE SLONG RNAMS KYIS THOG MAR SPRANG PO RNAMS LA KHA ZAS CHUNG ZAD @93A *, ,BYIN PA DANG, BRAM ZE DANG KHYIM BDAG RNAMS 'PHYA BAR BYED PA'I SKABS DE BCOM LDAN 'DAS LA DGE SLONG RNAMS KYIS GSOL BA DANG, BCOM LDAN 'DAS KYIS BKA' STZAL PA, RANG GIS LONGS SPYAD NAS LHUNG BZED KYI LHAG MA LA SBYIN PAR BYA'O, DE NA SPRANG PO GNYIS PO BRAM ZE'I KHYE'U ZHIG DANG, RGYAL RIGS KYI KHYE'U ZHIG YOD PA LAS, BRAM ZE'I KHYE'US DUS MA SHES NAS DE DANG POR SLONG BAR BRTZAMS PA LAS, DE LA DGE SLONG 'GAS KYANG CHUNG ZAD KYANG MA BYIN NO, ,RGYAL RIGS KYI KHYE'US PHYI NAS SLONG BA DANG, DES PHAL CHER RNYED NAS DES BRAM ZE'I KHYE'U LA SMAS PA, KHYOD KYIS CUNG ZAD RNYED DAM, DES KHROS NAS SMRAS PA, GAL TE KHO BO LA DBANG ZHIG YOD NA SH'AKYA'I SRAS KYI DGE SBYONG THAMS CAD MGO DRUNG NAS BCAD DE SA LA DOR BA ZHIG ,RGYAL RIGS KYI KHYE'US SMRAS PA, GAL TE KHO BO LA 'BYOR PA ZHIG YOD NA KHO BOS NYI MA RE RE SANGS RGYAS LA SOGS PA DGE SLONG GI DGE 'DUN LA ZHAL ZAS RO BRGYA DANG LDAN PAS BSTABS PA ZHIG ,DE GNYIS DE LTAR GCIG LA GCIG SMRA ZHING MNYAN YOD NAS BYUNG NAS SHING DRUNG ZHIG TU NYAL BA DANG, SHING RTAS 'KHYAM PA ZHIG PHYOGS DER 'ONGS TE, DES BRAM ZE'I KHYE'U DE'I MGO BCAD DO, ,DE NAS BCOM LDAN 'DAS KYIS BYUNG BA DE LA TSIGS SU BCAD DE BKA' STZAL PA, CHOS RNAMS SNGON DU YID 'GRO YID GTZO YIN, ,YID MGYOGS RAB TU SDANG BA'I YID KYIS NI, ,SMRAS SAM BYAS NA DE NAS SDUG BSNGAL DE, ,'THOB 'GYUR 'KHOR LO 'PHYAN PAS MGO BO BCAD, ,DE NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BTZUN PA BKA' STZAL PA DE'I DON CI LAGS, KUN DGA' BO KHYOD KYIS BRAM ZE'I KHYE'U SANGS RGYAS LA SOGS PA DGE SLONG GI DGE 'DUN LA SEMS GDUG PAS TSIG RTZUB PO PHYUNG BA GANG YIN PA DE MTHONG NGAM, BCOM LDAN 'DAS MTHONG LAGS SO, ,DE SANGS RGYAS LA SOGS PA DGE SLONG GI DGE 'DUN LA SEMS GDUG PAS TSIG RTZUB PO PHYUNG NAS MNYAN YOD NAS BYUNG STE SHING DRUNG ZHIG TU @93B NYAL BA DANG, SHING RTAS 'KHYAM PAS DE'I MGO BCAD PAR GYUR TO, ,NGAS DE LAS DGONGS NAS, CHOS RNAMS SNGON DU YID 'GRO YID GTZO YIN, ZHES BYA BA NAS SNGA MA BZHIN DU, 'THOB 'GYUR 'KHOR LO 'PHYAN PAS MGO BO BCAD, ,CES BYA BA'I BAR GSUNGS SO, ,DE'I TSE MNYAN YOD NA TSONG DPON ZHIG BU MED PAR SHI'O, ,MNYAN YOD KYI BRAM ZE DANG KHYIM BDAG RNAMS 'DUS NAS SMRAS PA, SU ZHIG TSONG DPON DU GZHUG ,KHA CIG GIS SMRAS PA, SU BSOD NAMS KYI MTHU CHEN PO DANG LDAN PA'O, ,JI LTAR SHES PAR BYA, BRTAG MOD CES DE NAS DE RNAMS LA RTAG PAR BRTZAMS PA LAS, DE RNAMS KYIS RGYAL RIGS KYI KHYE'U DE SHING GI GRIB MA LA NYAL BA NA SHING GZHAN RNAMS KYI GRIB MA YOL BAR GZHOL, YOL BAR 'BAB, YOL BAR BAB NA, SHING DE'I GRIB MA NI KHYE'U DE'I LUS LAS MA YOL BAR MTHONG NAS, DE RNAMS KYIS DE BSLANG STE TSONG DPON DU DBANG BSKUR BA DANG DE 'DI SNYAM DU SEMS TE, BDAG LA DPAL GYI 'BYOR PA'I SKAL BA CI YOD PA DE DAG THAMS CAD NI SANGS RGYAS BCOM LDAN 'DAS LA BRTEN TE YIN GYIS, MA LA BDAG GIS BCOM LDAN 'DAS NYAN THOS KYI DGE 'DUN DANG THABS CIG TU GDUGS TSOD LA SPYAN DRANG NGO SNYAM NAS, DE BCOM LDAN 'DAS GANG NA PA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS, BCOM LDAN 'DAS KYIS TSONG DPON DE LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS TSONG DPON DE STAN LAS LANGS TE BLA GOS PHRAG PA GCIG TU @94A *, ,GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL ZHES BYA BA NAS STAN CHES DMA' BA ZHIG BLANGS TE, BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS, DE DANG MTHUN PA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DE ZHES BYA BA NAS, THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, BTZUN PA BDAG NI 'PHAGS SO, ,MNGON PAR 'PHAGS SO ZHES BYA BA DANG, BDAG BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYIS, BDAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG PA SDOS TE SKYABS SU MCHI BAR MNGON PAR DAD LAGS SO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS KHYE'U TSONG DPON DE LA CHOS DANG LDAN PA'I GTAM GYIS YANG DAG PAR BSTAN; YANG DAG PAR 'DZIN DU BCUG ,YANG DAG PAR GZENGS BA STOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS BCOM LDAN 'DAS GTZUG LAG KHANG DU GSHEGS NAS DGE SLONG GI DGE 'DUN GYI GUNG LA GDAN BSHAMS PA LA BZHUGS TE TSIGS SU BCAD DE BKA' STZAL PA, CHOS RNAMS SNGON DU YID 'GRO YID GTZO YIN, ,YID MGYOGS RAB TU DANG BA'I YID KYIS NI, ,SMRAS SAM BYAS NA DE NAS BDE BA DE, ,'THOB 'GYUR GRIB MA YOL BAR MI 'GYUR BZHIN, ,DE NAS TSE DANG @94B LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BTZUN PAS BKA' STZAL PA DE'I DON CI LAGS, KUN DGA' BO KHYOD KYIS RGYAL RIGS KYI KHYE'U SANGS RGYAS LA SOGS PA DGE SLONG GI DGE 'DUN LA SEMS DANG BA BSKYED PA GANG YIN PA DE MTHONG NGAM, BCOM LDAN 'DAS MTHONG LAGS SO, ,DE SANGS RGYAS LA SOGS PA DGE SLONG GI DGE 'DUN LA SEMS DANG BA BSKYED NAS MNYAN YOD NAS BYUNG STE SHING DRUNG ZHIG TU NYAL BA LAS MNYAN YOD KYI BRAM ZE DANG KHYIM BDAG DAG GIS TSONG DPON DU DBANG BSKUR NAS, DE MTHONG BA'I CHOS KHO NA LA LONGS SPYOD MNGON PAR 'PHEL BAR GYUR TO, ,NGAS DE LAS DGONGS NAS, CHOS RNAMS SNGON DU YID 'GRO YID GTZO YIN, ,ZHES BYA BA NAS SNGA MA BZHIN DU 'THOB 'GYUR GRIB MA YOL BAR MI 'GYUR BZHIN, ,ZHES BYA BA'I BAR GSUNGS SO, , GDU BU CAN DU BYON NAS GDU BU CAN DU SANGS RGYAS BZHI'I GDAN ZHES BYA BA RGYAS PAR GONG MA BZHIN DU'O, ,SA CAN DU BYON NAS SA CAN DU SANGS RGYAS BZHI'I GDAN ZHES BYA BA GONG MA BZHIN DU'O, ,SENG GE CAN GYI GRONG DU BYON NAS SENG GE CAN GYI GRONG DU SANGS RGYAS BZHI'I GDAN ZHES BYA BA RGYAS PAR GONG MA BZHIN DU'O, ,GRONG GSAR DU BYON NAS GRONG GSAR DU SANGS RGYAS BZHI'I GDAN ZHES BYA BA GONG MA BZHIN DU'O, ,GRONG KHYER CAN DU BYON NAS GRONG KHYER CAN DU SANGS RGYAS BZHI'I GDAN ZHES BYA BA GONG MA BZHIN DU'O, ,RGYAL PO'I KHAB TU BYON NAS DE'I TSE KUN DU RGYU KHRI'U BRTZEGS ZHES BYA BA MA GA DH'A BZANG MO'I RDZING GI 'GRAM NA GNAS TE, DE MTSAN MO MCHIL PAS NYA BSHOR CING ZA BAR BYED DO, ,DE NAM LANGS NAS NI KHRI'U'I STENG DU KHRI'U BZHAG PA LA 'DUG NAS TSIGS SU BCAD PAS SMRA STE, CHOS KYI CHOS MCHOG GIS 'TSO SROG CHAGS DAG ,'GA' LA YANG 'TSE MI BYED DGE SLONG 'GYUR, ,ZHI BA'I YID KYIS SPONG DANG BRTUL ZHUGS SPYAD, ,DUL BA DE NI ZHI BA'I RJES SU MTHUN, ,BCOM LDAN 'DAS KYIS DE'I GDUL BA'I DUS MKHYEN NAS DE'I DRUNG DU GSHEGS TE BKA' @95A *, ,STZAL PA, TSIGS BCAD DE NI JI LTA BAR, ,GAL TE KHYOD KYANG DE 'DRA NA, ,KHYOD KYANG DAM PAR BRTZIR RUNG NA, ,SPONG BA KHYOD NI DE MI 'DRA, ,RE ZHIG NYE BAR ZHI ZHING DUL BA DANG, ,SROG CHAGS 'GA' LA'ANG 'TSE BAR MA BYED PAR, ,ZHI BA'I YID KYIS SPONG DANG BRTUL ZHUGS SPYOD, ,DUL BA DE NI ZHI BA'I RJES SU MTHUN, ,GANG LA LUS DANG NGAG DANG YID KYIS NI, ,NYES PAR BYAS PA YOD PA MA YIN LA, ,GANG ZHIG GNAS GSUM DAG GIS BSDAMS GYUR PA, ,DUL BA DE NI ZHI BA'I RJES SU MTHUN, , DE NAS KUN DU RGYU KHRI'U BRTZEGS KYIS BSAMS PA, DGE SBYONG GOO TA MA'I THUGS KYIS NI BDAG GI SEMS MKHYEN TO SNYAM DU RIG NAS MNGON PAR DAD PAR GYUR TO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DE, THOS PAS KUN DU RGYU KHRI'U BRTZEGS ZHES BYA BA NAS THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO, ,DGE SLONG DAG GIS DE KHRI'U'I STENG DU KHRI'U BZHAG PA LA 'DUG PA MTHONG NAS, DGE SLONG ZHIG GIS KHRI'U'I STENG DU KHRI'U BZHAG STE CHOS MNYAN NA DE BDEN PA'I SNOD DU GYUR KYANG BDEN PA MA MTHONG NAS, BCOM LDAN 'DAS KYIS DGONGS PA, CI'I PHYIR DGE SLONG 'DIS BDEN PA MA MTHONG SNYAM NA MA GUS PAS YIN PAR GZIGS SO, ,DE NAS BCOM LDAN 'DAS 'DI SNYAM DU DGONGS TE, NYES DMIGS GANG CI BYUNG BA DE NI DGE SLONG DAG KHRI'U'I STENG DU KHRI'U BZHAG NAS 'DUG PA YIN NO SNYAM NAS DE LTA BAS NA DGE SLONG GIS KHRI'U'I STENG DU KHRI'U BZHAG PA LA 'DUG PAR MI BYA'O, ,'DUG NA 'GAL TSABS CAN DU 'GYUR RO, ,DE NAS BCOM LDAN 'DAS RGYAL PO'I KHAB NAS NA-YA GRO DHAR BYON NAS DE NAS SNGA DRO SHAM THABS MAN BAS, NA BZA' CHOS GOS DANG @95B LHUNG BZED BSNAMS TE NA-YA GRO DHAR BSOD SNYOMS LA ZHUGS PA DANG, SER SKYA'I GZHI'I BRAM ZE'I BU MO ZHIG NYA GRO DHAR BAG MAR BTANG BA DANG, BRAM ZE'I BU MOS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE PYAD BZANG PO BRGYAD BCUS MDZES PA, SKU 'OD 'DOM GANG GIS BRGYAN PA, 'OD ZER NYI MA STONG BAS LHAG PA, GSHEGS NA RIN PO CHE'I RI BO 'GRO BA LTAR KUN NAS BZANG BA MTHONG NGO, ,MTHONG MA THAG TU DE 'DI SNYAM DU SEMS TE, BCOM LDAN 'DAS 'DI NI SH'AKYA'I RIGS DGA' BA LAS 'KHOR LOS SGYUR BA'I RIGS KYI RGYAL SRID KYANG SPANGS, BTZUN MO MANG PO DANG, MDZOD DANG, BANG MDZOD KYI 'BYOR PA RNAMS KYANG SPANGS NAS RAB TU BYUNG BA DE YIN TE, DE DA LTAR BSOD SNYOMS LA RGYUS, GAL TE BDAG LAS BSOD SNYOMS KYI ZAN BZHES NA NI DE LA BDAG GIS DBUL LO SNYAM MO, ,DE NAS BCOM LDAN 'DAS KYI THUGS KYIS DE'I SEMS MKHYEN NAS LHUNG BZED BZED DE, SRING MO GAL TE KHYOD KYIS YONGS SU BTANG NA LHUNG BZED 'DIR PHUL CIG ,DE NAS DE LHAG PAR DAD PA SKYES TE, BCOM LDAN 'DAS KYI THUGS KYIS BDAG GI SEMS MKHYEN TO SNYAM DU RIG NAS DAD PA DRAG POS BCOM LDAN 'DAS LA BSOD SNYOMS KYI ZAN PHUL BA DANG, DE NAS BCOM LDAN 'DAS 'DZUM PA MDZAD DO, ,CHOS NYID KYIS GANG GI TSE SANGS RGYAS BCOM LDAN 'DAS RNAMS 'DZUM PA MDZAD PA DE'I TSE ZHES BYA BA NAS, MDZOD SBUR NUB PAR GYUR TO ZHES BYA BA'I BAR GONG MA BZHIN DU'O, ,DE NAS TSE DANG LDAN PA KUN DGA' BOS THAL MO SBYAR TE BCOM LDAN 'DAS LA ZHUS PA, RGYU MA MCHIS RKYEN MA MCHIS PAR NI ZHES BYA BA NAS, 'DZUM PA MDZAD CES BYA BA'I BAR GONG MA BZHIN DU'O, ,KUN DGA' BO KHYOD KYIS BRAM ZE'I BU MO GANG ZHIG DAD PA SKYES NAS NGA LA BSOD SNYOMS KYI ZAN PHUL BA DE MTHONG NGAM, BTZUN PA MTHONG LAGS SO, ,KUN DGA' BO BRAM ZE'I BU MO DE DGE BA'I RTZA BA 'DIS BSKAL PA BCU GSUM DU @96A *, ,LOG PAR 'GRO BAR MI 'GYUR ZHING LHA DANG MI RNAMS SU NYID MTSAMS SBYAR CING 'KHOR NAS SRID PA PHYI MA DANG, SKYE GNAS PHYI MA DANG, LUS PHYI MA DANG, BDAG GIS NGO BO THOB PA PHYI MA LA RANG SANGS RGYAS SHIN TU LEGS SMON ZHES BYA BAR 'GYUR RO; ;KUN DU BRAM ZE'I BU MO CHE GE MO ZHIG DAD PA SKYES NAS BCOM LDAN 'DAS LA BSOD SNYOMS ZAN ZHIG PHUL BAS, BCOM LDAN 'DAS KYIS DE RANG BYANG CHUB TU LUNG BSTAN TO ZHES SGRA GRAGS SO, ,DE'I KHYO ME TOG DANG YAM SREG SHING GI PHYIR DGON PAR SONG BA DES BDAG GI CHUNG MAS DGE SBYONG GOO TA MA LA BSOD SNYOMS ZAN ZHIG PHUL BAS, DGE SBYONG GOO TA MAS DE RANG BYANG CHUB TU LUNG BSTAN TO ZHES THOS SO, ,THOS NAS KYANG MI BZOD PA SKYES TE, BCOM LDAN 'DAS GANG NA BA DER SONG NAS PHYIN PA DANG, BCOM LDAN 'DAS LA 'DI SKAD CES GSOL TO, ,SHES LDAN GOO TA MA BDAG GI SDUM PAR BYON TAM, BRAM ZE SON TO, ,SHES LDAN GOO TA MA BDAG GI MCHIS 'BRANG GIS BSOD SNYOMS BSHOS SHIG PHUL NAS KHYOD KYIS DE RANG BYANG CHUB TU LUNG BSTAN SKAD NA MAD DAM, BRAM ZE BDEN NO, ,KYE GOO TA MA KHYOD 'KHOR LOS SGYUR BA'I RGYAL SRID SPANGS NAS RAB TU BYUNG NA, DA BSOD SNYOMS BSHOS TZAM GYI SLAD DU JI LTAR SHES BZHIN GYI BRDZUN GYI TSIG GSUNG, SA BON 'DI TZAM GYI 'BRAS BU 'DI'O ZHES BGYI BA KHYOD LA SU ZHIG YID CHES PAR 'GYUR, BRAM ZE DE'I PHYIR KHYOD NYID LA DRI YIS, KHYOD KYIS JI LTAR BZOD PA DE BZHIN DU LAN THOB SHIG ,BRAM ZE JI SNYAM DU SEMS, KHYOD KYIS NGO MTSAR RMAD DU BYUNG BA'I CHOS MTHONG BA 'GA' YOD DAM, KYE GOO TA MA RE ZHIG NGO MTSAR RMAD DU BYUNG BA'I CHOS GZHAN LTA ZHOG ,NA-YA ? GRO DHA 'DI NYID DU NGO MTSAR RMAD DU BYUNG BA'I CHOS SHIG MTHONG BA DE RE ZHIG GSON CIG ,KYE GOO TA MA NA-YA GRO DHA 'DI'I SHAR PHYOGS NA NA-YA GRO DHA'I SHING CHEN PO ZHIG MCHIS TE, DE'I MING GIS GRONG 'DI NA-YA GRO DHA ZHES BGYI'O, ,DE'I 'OG NA SHING RTA LNGA BRGYA MA REG CING PHAN TSUN MA THUG PAR MCHIS LAGS @96B SO; ;BRAM ZE NA-YA GRO DHA DE'I SA BON TSAD JI TZAM ZHIG YOD, CI RE ZHIG ZHING RNANG TZAM MAM, KYE GOO TA MA MA LAGS SO, ,RE LDE TZAM MAM, TIL 'DRU BA'I 'KHOR LO TZAM MAM, SHING RTA'I 'KHOR LO TZAM MAM, BA'I KO BA TZAM MAM, BIL BA TZAM MAM, KA PID THA'I 'BRAS BU TZAM MAM, KYE GOO TA MA MA LAGS SO, ,KYE GOO TA MA YE YUNGS KAR GYI BZHI CHA TZAM MCHIS LAGS SO, ,BRAM ZE SA BON DE TZAM GYI 'BRAS BU SHING CHEN PO DE TZAM ZHIG SKYES SO ZHES BYA BA KHYOD LA SU ZHIG YID CHES PAR 'GYUR, SHES LDAN GOO TA MA YID CHES KYANG RUNG MA CHES KYANG RUNG BDAG GI MNGON SUM DU GYUR LAGS SO, ,KYE GOO TA MA RE ZHIG ZHING SNAG CHE BA SER SME BA DOGS TSWA SGO MA MCHIS PA'I PHYOGS SU SA BON SAR PA GRUNG PO MA NYAMS PAR MCHIS PA LA DUS DUS SU LHAS CHAR PHAB NA DES NA SHING NA-YA GRO DHA CHEN PO 'DIR 'KHRUNGS LAGS SO, ,DE NAS BCOM LDAN 'DAS KYIS BYUNG BA DE LA TSIGS SU BCAD DE BKA' STZAL PA, BRAM ZE KHYOD KYIS JI LTA BUR, ,ZHING DANG SA BON MNGON SUM LTAR, ,DE BZHIN LAS KYI RNAM SMIN YANG, ,DE BZHIN GSHEGS PA'I MNGON SUM MO, ,JI LTAR BRAM ZE KHYOD KYIS SA BON NI, ,CHUNG DANG SHIN TU SHING CHEN DE MTHONG BA, ,BRAM ZE NGAS KYANG SA BON CHUNG NGU DANG, ,PHUN SUM CHEN PO DE YANG DE BZHIN MTHONG, ,DE NAS BCOM LDAN 'DAS KYIS ZHAL NAS LJAGS BRKYANG BAS DBU SKRA LA THUG PA'I BAR ZHAL GYI DKYIL 'KHOR THAMS CAD G-YOGS NAS BRAM ZE DE LA BKA' STZAL PA, BRAM ZE DE JI SNYAM DU SEMS, GANG GI ZHAL NAS LJAGS BYUNG BAS ZHAL GYI DKYIL 'KHOR THAMS CAD YOG PAR BYED PA DE CI GA 'KHOR LOS SGYUR BA'I RGYAL SRID STONG GI PHYIR YANG SHES BZHIN DU BRDZUN GYI TSIG GSUNG NGAM, KYE GOO TA MA MA LAGS SO, ,BCOM LDAN 'DAS KYIS TSIGS SU BCAD DE BKA' STZAL PA, NGA YI LJAGS NI SGYU MED BDEN PAS BSKYED PA DAG ,CI GA MI BDEN PA NI GSUNG BAR 'GYUR SRID DAM, ,BRAM ZE NGA YIS JI SKAD BSHAD PA DE BZHIN PAS, ,DE BZHIN GSHEGS PA @97A *, ,YIN ZHES RTOGS PAR BYA BA'I RIGS, ,DE NAS BRAM ZE DE MNGON PAR DAD NAS DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS ZHES BYA BA NAS, THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, BTZUN PA BDAG NI 'PHAGS SO, ,MNGON PAR 'PHAGS SO ZHES BYA BA'I BAR GONG MA BZHIN DU'O, ,BDAG BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYIS BDAG DGE BSNYEN DU GZUNG DU GSOL, DENG SLAN CHAD JI SRID 'TSO'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO, ,DE NAS BRAM ZE DE BCOM LDAN 'DAS KYIS GSUNGS PA LA MNGON PAR DGA' NAS YI RANGS TE, BCOM LDAN 'DAS KYI ZHABS GNYIS LA MGO BOS PHYAG BYAS NAS BCOM LDAN 'DAS KYI SPYAN SNGA NAS SONG NGO,, ,,SDOM LA, KIM PI LA DANG SBRUL GDUGS DANG, ,MA THU LA DANG YUL 'KHOR SKYONG, ,GLANG CHEN GRONG DANG GRONG KHYER CHE, ,SRUG NA DANG NI BRAM ZE'I GRONG, ,GRONG KHYER NAG PO RO HI TA, ,GSING MA CAN DANG DE BZHIN DU, ,DGA' BA 'PHEL BAS TSOGS SU NI, ,BYAS TE YANG DAG BRJOD PA YIN, ,BCOM LDAN 'DAS KIM PI LAR BYON NAS KIM PI LA'I NAGS KHROD NA BZHUGS SO, ,DE NAS BCOM LDAN 'DAS KYIS TSE DANG LDAN PA KIM PI LA LA BKA' STZAL PA, KIM PI LA DRAN PA NYE BAR GZHAG PA BZHI LA BRTZAMS TE BSGOM PA KHYOD LA BSHAD KYIS, DE LEGS PAR RAB TU NYON LA YID LA ZUNG SHIG DANG BSHAD DO ZHES DE SKAD BKA' STZAL PA NA, TSE DANG LDAN PA KIM PI LA CANG MI SMRA'O, ,LAN GNYIS SU YANG DE BZHIN, LAN GSUM DU YANG DE BZHIN BRJOD PAR BYA'O, ,DE NAS TSE DANG LDAN PA KUN DGA' BOS TSE DANG LDAN PA KIM PI LA LA 'DI SKAD CES SMRAS SO, ,TSE DANG LDAN PA @97B KIM PI LA KHYOD LA STON PA GSUNG NGO, ,TSE DANG LDAN PA KUN DGA' BO 'TSAL TO, ,TSE DANG LDAN PA GOO TA MA RAB TU 'TSAL TO, ,DE NAS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BCOM LDAN 'DAS DE'I DUS LA BAB LAGS SO, , BDE BAR GSHEGS PA DE'I DUS LA BAB LAGS TE, BCOM LDAN 'DAS KYIS DGE SLONG RNAMS LA DRAN PA NYE BAR GZHAG PA BZHI LAS BRTZAMS TE BSGOM PA BSHAD NA, DE'I SLAD DU DGE SLONG RNAMS KYIS THOS NAS 'DZIN PAR 'GYUR LAGS SO, ,KUN DGA' BO DE'I PHYIR LEGS PAR NYON LA YID LA ZUNG SHIG DANG BSHAD DO, ,'DI LA DGE SLONG GANG YANG GRONG DANG GRONG RDAL ZHES BYA BA DANG, DRAN BZHIN DU DBUGS BRDUBS NA DBUGS BRDUBS SO ZHES SLOB STE ZHES BYA BA NAS, 'GOG PA'I RJES SU LTA ZHING DBUGS PHYUNG BA SLOB STE ZHES BYA BA'I BAR GONG MA BZHIN DU'O, ,GANG GI TSE 'PHAGS PA'I NYAN THOS DRAN BZHIN DU DBUGS BRDUBS NA, DRAN BZHIN DU DBUGS BRDUBS SO ZHES SLOB PA ZHES BYA BA NAS, LUS KYI 'DU BYED SHIN TU SBYANGS TE LUS LA LUS KYI RJES SU LTA ZHING DBUGS PHYUNG NGO ZHES SLOB STE ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS LUS LA LUS KYI RJES SU LTA ZHING GNAS SO, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES SO, ,KUN DGA' BO DPER NA LAM PO CHE'I BZHI MDOR RDUL GYI MCHOD RTEN ZHIG BRTZIGS PAR 'GYUR LA DE NAS SHAR PHYOGS NAS BZHON PA CAN NAM, KHYOGS SAM, SHING RTAS 'KHYAM PA ZHIG 'ONGS NA, KUN DGA' BO JI SNYAM DU SEMS, RDUL GYI MCHOD RTEN 'JIG PAR 'GYUR RAM, BTZUN PA 'GYUR LAGS SO, ,DE BZHIN DU GANG GI TSE 'PHAGS PA'I NYAN THOS DRAN BZHIN DU DBUGS BRDUBS SO, ,ZHES BYA BA NAS NANG GI YID LA BYED PA YOD PAR SHES PA ZHES BYA BA'I BAR GONG MA BZHIN DU'O, ,GANG GI TSE 'PHAGS PA'I NYAN THOS DGA' BA SO SOR MYONG BA ZHES BYA BA NAS, SEMS KYI 'DU BYED @98A *, ,SHIN TU SBYANGS TE TSOR BA RNAMS LA TSOR BA'I RJES SU LTA ZHING DBUGS PHYUNG NGO ZHES SLOB BO ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES SO,, ,DPER NA KUN DGA' BO LAM PO CHE'I BZHE MDOR RDUL GYI MCHOD RTEN ZHIG BRTZIGS PAR GYUR LA, DE NAS LHO PHYOGS NAS BZHON PA CAN NAM, KHYOGS SAM, SHING RTAS 'KHYAM PA ZHIG 'ONGS NA ZHES BYA BA NAS, TSOR BA RNAMS LA TSOR BA'I RJES SU LTA'O ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES SO, ,GANG GI TSE 'PHAGS PA'I NYAN THOS SEMS SO SOR MYONG BA DANG, SEMS RAB TU DGA' BA DANG, SEMS MNYAM PAR 'JOG PA DANG SEMS RNAM PAR GROL BAR BYED CING DBUGS BRDUBS NA SEMS RNAM PAR GROL BAR BYED CING DBUGS BRDUBS SO ZHES SLOB BO SEMS RNAM PAR GROL BAR BYED CING DBUGS PHYUNG NA SEMS RNAM PAR GROL BAR BYED CING DBUGS PHYUNG NGO ZHES SLOB STE, SEMS LA SEMS KYI RJES SU LTA'O, ,GANG GI TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE MCHOD RTEN DE NYID LA NUB PHYOGS NAS ZHES DPER BYA'O, ,DE LUS DE DANG TSOR BA DE DANG SEMS DE LA BRNAB SEMS YID MI BDE BA GNYIS KA NUB PAS CHOS RNAMS LA CHOS KYI RJES SU LTA ZHING BTANG SNYOMS SU GNAS SO, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE, DPER NA LAM PO CHE'I BZHI MDOR RDUL GYI MCHOD RTEN BRTZIGS PAR GYUR LA, DE NAS BYANG PHYOGS NAS BZHON PA CAN NAM KHYOGS SAM, SHING RTAS 'KHYAM PA ZHIG 'ONGS NA, KUN DGA' BO JI SNYAM DU SEMS, RDUL GYI MCHOD RTEN 'JIG PAR 'GYUR RAM, BTZUN PA DE LTAR 'GYUR LAGS SO, ,ZHES BYA BA NAS DE LTAR CHOS LA CHOS KYI RJES SU LTA BA ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE, @98B KUN DGA' BO DE LTAR NA DRAN PA NYE BAR GZHAG PA BZHI'I DBANG DU BYAS TE, BSGOMS PA YIN NO, ,DE NAS BCOM LDAN 'DAS RI 'OR ZHIG TU BYON TO, ,RI 'OR DE NA TSE DANG LDAN PA MOOD GAL GYI BU CHEN PO'I ZHANG PO DRANG SRONG RNAMS KYI NANG DU RAB TU BYUNG BA DE TSE DANG LDAN PA MOOD GAL GYI BU CHEN POS 'DUL BAR 'GYUR BAS, DE NAS BCOM LDAN 'DAS KYIS TSE DANG LDAN PA MOOD GAL GYI BU CHEN PO LA BKA' STZAL PA, MOOD GAL GYI BU ZHANG PO LA SOMS SHIG ,BTZUN PA BKA' BZHIN 'TSAL ZHES TSE DANG LDAN PA MOOD GAL GYI BU CHEN POS BCOM LDAN 'DAS KYI LTAR MNYAN TE, DE'I GDUL BA'I DUS SHES NAS DRANG SRONG RNAMS KYI BSTI GNAS SU 'JUG PAR BRTZAMS SO, ,DE NAS DRANG SRONG DES SMRAS PA, DGE SBYONG 'DUG SHIG ,BRAM ZE RNAMS KYI BSTI GNAS 'DIR MA 'JUG SHIG ,DES SMRAS PA, NGA YANG BRAM ZE YIN NO, ,DRANG SRONG DES TSIGS SU BCAD DE SMRAS PA, BRAM ZE KHYOD LA BSANG BYED MED, ,BLUGS GZAR YANG NI YOD MA YIN, ,KHYOD NI MGO REG ME MCHOD MIN, ,BRAM ZE BDAG CES CI STE SMRA, ,TSE DANG LDAN PA MOOD GAL GYI BU CHEN POS KYANG TSIGS SU BCAD DE SMRAS PA, BRAM ZE NGA YI NGO TSA SHES,, BSANG BYED BLUGS GZAR SHES RAB NYID, ,CHU RGYUN RTAG 'BAB DAD PA NI, ,NGA YI RIL BA SPYI BLUGS YIN, ,NANG DU LEGS PAR MNYAM BZHAG PA'I, ,BDEN PA KHO BO ME MCHOD DE, ,YANG DAG SDOM DANG DUL BA YIS, ,NYIN MTSAN DU NI SBYIN SREG BYED, ,GAL TE DE LTAR GYUR NA YANG DGE SBYONG MGO REG LA NI 'DIR SKABS MI 'BYED DO, ,DE NAS TSE DANG LDAN PA MOOD GAL GYI BU CHEN POS RLUNG DANG CHAR DRAG BTANG NAS MTSO BRAN DANG NYE BA ZHIG TU SONG NAS SHING ZHIG GI DRUNG DU RTEN CING 'DUG GO , ,DE NAS KLU'I RGYAL PO DGA' BO DANG NYE DGA' BO'I 'KHOR ZHIG GNAS PA DES BSAMS PA, 'DI NI 'PHAGS PA MOOD GAL GYI BU CHEN PO YIN TE, KLU'I RGYAL PO DGA' BO DANG NYE DGA' BO GNYIS KYIS BLA MAR BYA BA YIN GYIS, MA LA BDAG GIS 'DI'I MCHOD PA BYA BA LA BRTZON PAR BYA'O SNYAM STE, KLU DE GNAS NAS BYUNG NAS TSE DANG LDAN PA MOOD GAL GYI BU @99A *, ,CHEN PO'I LUS LA LAN BDUN DU DKRIS TE STENG NAS MGO'I GDENGS KA CHEN PO BYAS NAS 'DUG GO , ,DRANG SRONG RNAMS KYI CHOS NYID KYIS GAL TE SDUG BSNGAL LA MA BSAMS NA DRANG SRONG GI CHOS LAS NYAMS PAR 'GYUR BAS DE NAS DRANG SRONG DE 'DI SNYAM DU SEMS TE, RAB TU BYUNG BA DE RLUNG DANG CHAR DRAG GIS NYEN NAS SHI BAR GYUR TE, BDAG DRANG SRONG GI CHOS LAS NYAMS PAR GYUR NA MI RUNG NGO SNYAM NAS, DE NAS BSTI GNAS DE NAS PHYIR BYUNG STE, BLTA BAR BRTZAMS PA NA, DES DE MTHONG NAS SMRAS PA, KYE RAB TU BYUNG BA KHO BO CAG GI BSTI GNAS SU ZHUGS SHIG ,DES SMRAS PA, DRANG SRONG CHEN PO KHYOD DRANG SRONG GI CHOS DE LAS NYAMS PAR GYUR TAM, DRANG SRONG DES DE'I NGA RO LAS NGO SHES NAS SMRAS PA, 'PHAGS PA MOOD GAL GYI BU CHEN PO LAGS SAM, DRANG SRONG BDAG SKYE BOS DE LTAR SHES SO, ,'PHAGS PA DON CI ZHIG LA BYON, KHYOD NYID KYI GDUL BA'I DUS SHES NAS 'ONGS SO TSUR SPYON BCOM LDAN 'DAS KYI DRUNG DU BZHUD DO, ,DE NAS TSE DANG LDAN PA MOOD GAL GYI BU CHEN POS ZHANG PO KHRID NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG NAS, TSE DANG LDAN PA MOOD GAL GYI BU CHEN POS BCOM LDAN 'DAS LA 'DI SKAD CES GSOL TO, ,BDAG GI ZHANG PO DRANG SRONG GI NANG DU RAB TU BYUNG BA 'DI LAGS NA, BCOM LDAN 'DAS KYIS 'DI LA CHOS BSHAD PA'I RIGS SO; ;DE NAS BCOM LDAN 'DAS KYIS DRANG SRONG DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I CHOS BSHAD PA MDZAD DE, DE THOS PAS DRANG SRONG DES PHYIR MI 'ONG BA'I 'BRAS BU MNGON SUM DU BYAS NAS DE NAS STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, @99B BDAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,BCOM LDAN 'DAS KYIS DE DGE SLONG TSUR SHOG ZHES BYA BAS RAB TU PHYUNG NGO ZHES BYA BA NAS, DE BZHIN GSHEGS PAS TSUR SHOG BKA' STZAL PAS, SKRA BYI SNAM SBYAR GYON PA'I LUS LDAN ZHING; ,MOD LA DBANG PO RAB ZHIR GNAS GYUR TE, ,SANGS RGYAS DGONGS PAS LUS GZUGS BKAB PAR GYUR, ,CES BYA BA'I BAR GONG MA BZHIN DU'O, ,TSE DANG LDAN PA MOOD GAL GYI BU CHEN PO SONG BA DANG, KLU GZHON NU DE GNAS DE NA GCIG TU MI DGA' BAR GYUR NAS, DE NAS RI 'OR DER YAMS KYI NAD DAG BTANG STE, BDAG NYID DRANG SRONG GI CHA BYAD DU MNGON PAR SPRUL NAS BSTI GNAS DER SONG STE GNAS SO, ,DE NAS RI 'OR NA GNAS PA'I SKYE BO'I TSOGS DE BSTI GNAS DER LHAGS NAS DE RNAMS KYIS SMRAS PA, DRANG SRONG CHEN PO BDAG CAG LA YAMS KYI NAD BYUNG NA BDAG CAG GIS JI LTAR BGYI, DRANG SRONG GIS SMRAS PA, PHYOGS 'DI NYID DU SHOG LA 'DUG SHIG DANG, ZHI BAR 'GYUR RO, ,DE NAS RI 'OR NA GNAS PA'I SKYE BO'I TSOGS DE PHYOGS DER LHAGS NAS GNAS SO, ,PHYOGS DER SBRUL GYIS GDUGS BYAS PAS SBRUL GDUGS SBRUL GDUGS ZHES BYA BAR GRAGS TE, DAD PA CAN RNAMS KYIS GTZUG LAG KHANG YO BYAD THAMS CAD YOD PA ZHIG BRTZIGS SO, ,SANGS RGYAS BCOM LDAN 'DAS MA THU LA NA 'BAB CHU RAB TU BZANG LDAN ZHES BYA BA'I 'GRAM SLOB PA RNAMS KYI AA MRA'I TSAL NA BZHUGS SO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG BDAG NYID GLING DANG, BDAG NYID SKYABS DANG, CHOS KYI GLING DANG, CHOS KYI SKYABS LA GNAS PAR BYA'I, GLING GZHAN MA YIN, SKYABS GZHAN MA YIN NO; ,DGE SLONG DAG KHYED KYIS BDAG NYID GLING DANG, BDAG NYID SKYABS DANG, CHOS KYI GLING DANG, CHOS KYI SKYABS KYIS GNAS PAR BYA'I, GLING GZHAN MA YIN ZHING SKYABS GZHAN MA YIN PA 'DI LA SO SOR YANG DAG PAR BSLAB PAR BYA'O, ,MYA NGAN DANG, SMRE SNGAGS @100A *, ,'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS NI JI LTA BU ZHIG YIN, GANG ZHIG YOD NA CI LA BRTEN NAS CI LA MNGON PAR ZHEN TE, BDAG NI CI YIN ZHES RJES SU LTA BA RNAMS LA MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA GANG DAG MA SKYES PA NI SKYE ZHING SKYES PA RNAMS NI PHYIR ZHING 'PHEL ZHING RGYAS PAR 'GYUR, BTZUN PA BCOM LDAN 'DAS NI CHOS RNAMS KYI RTZA BA LAGS, BCOM LDAN 'DAS NI 'DREN PA LAGS, BCOM LDAN 'DAS NI STON PA LAGS PAS BCOM LDAN 'DAS KYIS DON 'DI NYID DGE SLONG RNAMS LA BSHAD NA, BCOM LDAN 'DAS LAS DGE SLONG RNAMS KYIS THOS NAS 'DZIN PAR 'GYUR LAGS SO, ,DGE SLONG DAG DE'I PHYIR LEGS PAR RAB TU NYON LA YID LA ZUNG SHIG DANG BSHAD DO, ,DGE SLONG DAG GZUGS YOD NA GZUGS LA BRTEN NAS GZUGS LA MNGON PAR ZHEN TE, GZUGS NI BDAG YIN NO ZHES RJES SU LTA BA RNAMS LA MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA GANG DAG MA SKYES PA NI SKYE ZHING SKYES PA RNAMS NI PHYIR ZHING 'PHEL ZHING RGYAS PAR 'GYUR, DGE SLONG DAG TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YOD NA, RNAM PAR SHES PA LA BRTEN NAS RNAM PAR SHES PA LA MNGON PAR ZHEN TE RNAM PAR SHES PA NI BDAG YIN NO ZHES RJES SU LTA BA RNAMS LA MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA GANG DAG MA SKYES PA NI SKYE ZHING SKYES PA RNAMS NI PHYIR ZHING 'PHEL ZHING RGYAS PAR 'GYUR RO, ,DGE SLONG DAG KHYED KYIS LTOS SHIG CES BYA BA NAS, DRAN BZHIN DU DBUGS BRDUBS NA BRDUBS SO ZHES SLOB STE, TSOR BA LA TSOR BA'I RJES SU LTA'O ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS TSOR BA LA TSOR BA'I RJES SU LTA ZHING GNAS SO, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE, @100B DPER NA KUN DGA' BO LAM PO CHE'I BZHI MDOR RDUL GYI MCHOD RTEN ZHIG BRTZIGS PAR GYUR LA LHO PHYOGS NAS BZHON PA CAN NAM, KHYOGS SAM, SHING RTAS 'KHYAM PA 'ONGS NA ZHES BYA BA NAS, TSOR BA LA TSOR BA'I RJES SU LTA'O ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES SO, ,GANG GI TSE 'PHAGS PA'I NYAN THOS SEMS SO SOR MYONG BA DANG SEMS RAB TU DGA' BA DANG, SEMS MNYAM PAR 'JOG PA DANG SEMS RNAM PAR GROL BAR BYED CING DBUGS BRDUBS SO ZHES SLOB PA DANG, SEMS RNAM PAR GROL BAR BYED CING DBUGS PHYUNG NA SEMS RNAM PAR GROL BAR BYED CING DBUGS PHYUNG NGO ZHES SLOB STE, SEMS LA SEMS KYI RJES SU LTA BA DE'I TSE 'PHAGS PA'I NYAN THOS SEMS LA SEMS KYI RJES SU LTA ZHING GNAS SO, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES SO, ,DPE NI NUB PHYOGS NAS KHYOGS 'ONG BA DE NYID BYA'O, ,DE LUS DE DANG TSOR BA DE DANG SEMS DE LA BRNAB SEMS DANG, YID MI BDE BA DE DAG NUB PAS CHOS LA CHOS KYI RJES SU LTA ZHING BTANG SNYOMS SU GNAS SO, ,DE'I TSE 'PHAGS PA'I NYAN THOS CHOS LA CHOS KYI RJES SU LTA ZHING GNAS SO, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE, 'DI LTA STE LAM PO CHE'I BZHI MDOR RDUL GYI MCHOD RTEN ZHIG BRTZIGS PAR GYUR LA, DE NAS BYANG PHYOGS NAS NI BZHON PA CAN NAM, KHYOGS SAM, SHING RTAS 'KHYAM PA 'ONGS NA, KUN DGA' BO JI SNYAM DU SEMS, RDUL GYI MCHOD RTEN 'JIG PAR 'GYUR RAM, BTZUN PA DE LTAR 'GYUR LAGS SO ZHES BYA BA NAS DE LTAR CHOS RNAMS LA CHOS KYI RJES SU LTA'O ZHES BYA BA'I BAR GONG MA BZHIN DU'O, ,DE'I TSE 'PHAGS PA'I NYAN THOS GNAS PA NA NANG GI YID LA BYED PA YOD PAR SHES TE, KUN DGA' BO DE LTAR NA DRAN PA NYE BAR GZHAG PA BZHI LA BRTEN NAS BSGOMS PA YIN NO, ,BCOM LDAN 'DAS YUL SGRA NGAN NAS LJONGS RGYU ZHING GSHEGS PA NA, BANG @101A *, ,MDZOD STUG PO CAN DU BYON NAS, BANG MDZOD STUG PO CAN NA BANG MDZOD STUG PO CAN GYI TSAL NA BZHUGS SO, ,BANG MDZOD STUG PO CAN GYI BRAM ZE DANG KHYIM BDAG RNAMS KYIS BCOM LDAN 'DAS YUL SGRA NGAN NAS LJONGS RGYU ZHING GSHEGS PA NA BANG MDZOD STUG PO CAN DU BYON NAS, BANG MDZOD STUG PO CAN NA BANG MDZOD STUG PO'I TSAL NA BZHUGS SO ZHES THOS SO, ,THOS NAS KYANG TSOGS NAS TSOGS DANG, KHYU NAS KHYUR 'DUS SHING PHRAD NAS BANG MDZOD STUG PO CAN NAS BYUNG STE, BCOM LDAN 'DAS GANG NA BA DER DONG STE LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'KHOD DO, ,PHYOGS GCIG TU 'KHOD NAS BCOM LDAN 'DAS KYIS BANG MDZOD STUG PO CAN GYI BRAM ZE DANG KHYIM BDAG RNAMS LA CHOS DANG LDAN PA'I GTAM GYIS YANG DAG PAR STON PAR MDZAD; YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO,, ,,'DUL BA GZHI, BAM PO SUM BCU RTZA BZHI PA, DE'I TSE KHYIM BDAG GI BU YUL 'KHOR SKYONG 'KHOR DE NYID DU 'DUS SHING 'DUG PAR GYUR TO, ,DE NAS KHYIM BDAG GI BU YUL 'KHOR SKYONG 'DI SNYAM DU SEMS TE, JI LTAR BCOM LDAN 'DAS KYIS GSUNGS PA'I DON BDAG GIS SHES PA LTAR NA KHYIM PA KHYIM NA GNAS PAS JI SRID 'TSO'I BAR DU TSANGS PAR SPYOD PA GCIG TU SAL GYIS DAG PA, MA 'DRES PA, YONGS SU RDZOGS PA, YONGS SU DAG PA, RNAM PAR BYANG BA SPYAD PA 'DI NI SLA BA MA YIN PAS MA LA BDAG SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG NGO SNYAM MO, ,DE NAS BCOM LDAN 'DAS KYIS RNAM GRANGS DU MAR BANG MDZOD STUG PO CAN GYI BRAM ZE DANG KHYIM BDAG RNAMS LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CAD MI GSUNG @101B NGO; ;DE NAS BANG MDZOD STUG PO CAN GYI BRAM ZE DANG KHYIM BDAG RNAMS BCOM LDAN 'DAS KYIS GSUNGS PA LA MNGON PAR DGA' STE YI RANGS NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS DONG NGO, ,KHYIM BDAG GI BU YUL 'KHOR SKYONG GIS BANG MDZOD STUG PO CAN GYI BRAM ZE DANG KHYIM BDAG RNAMS DONG NAS RING PO MA LON PAR RIG NAS STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BTZUN PA BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG, BSNYEN PAR RDZOGS PA DGE SLONG GI DNGOS PO 'THOB PA LTA NA, BDAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,KHYIM BDAG GI BU PHA DANG MA GNYIS KYIS GNANG NGAM, BTZUN PA MA GNANG NGO, ,KHYIM BDAG GI BU DE BZHIN GSHEGS PA'AM, DE BZHIN GSHEGS PA'I NYAN THOS RNAMS NI PHA DANG MA GNYIS KYIS MA GNANG BA RAB TU 'BYIN PA DANG, BSNYEN PAR RDZOGS PAR MI BYED DO, ,BTZUN PA BDAG GIS CI NAS PHA DANG MAS GNANG BA DE LTAR BGYI LAGS SO, ,DE NAS KHYIM BDAG GI BU YUL 'KHOR SKYONG BCOM LDAN 'DAS KYIS GSUNGS PA LA MNGON PAR DGA' STE YI RANGS NAS, RANG GI KHYIM GANG NA BA DER SONG STE PHYIN PA DANG, PHA DANG MA LA 'DI SKAD CES SMRAS SO, ,YAB YUM MKHYEN PAR MDZOD CIG ,BDAG DAD PA YANG DAG PA KHO NAS KHYIM NAS KHYIM MA MCHIS PAR RAB TU 'BYUNG BAR BGYI'O, ,BU YUL 'KHOR SKYONG SHES PAR GYIS SHIG ,KHYOD NGED KYI BU GCIG PA SDUG PA YID DU 'ONG BA BZOD PA MI MTHUN PA MED PA YIN PAS KHYOD SHI BAR GYUR NA NGED MI 'DOD BZHIN DU 'BRAL GRANG, GSON BZHIN DU GA LA GTANG, YAB YUM GAL TE RE ZHIG GNANG NA LEGS, GAL TE MA GNANG NA DENG SLAN CAD 'TSAL MA YANG MI 'TSAL, PHYAG YANG MI 'TSAL LO, ,DE NAS KHYIM BDAG GI BU YUL 'KHOR @102A *, ,SKYONG GIS NYI MA GCIG KYANG ZAN BCAD PA BYAS SO, ,GNYIS DANG GSUM NAS BDUN GYI BAR DU ZAN BCAD PA BYAS SO, ,DE NAS KHYIM BDAG GI BU YUL 'KHOR SKYONG GI PHA DANG MAS KHYIM BDAG GI BU YUL 'KHOR SKYONG LA 'DI SKAD CES SMRAS SO, ,BU YUL 'KHOR SKYONG SHES PAR GYIS SHIG ,KHYOD NI SHIN TU GZHON PA BDE BA 'DOD PA YIN PAS KHYOD KYI SDUG BSNGAL MI SHES TE, TSANGS PAR SPYOD PA SPYAD DKA'O, ,RAB TU DBEN PA BYA DKA'O, ,GCIG PU NYID LA MNGON PAR DGA' BA DKA'O, ,GNAS MAL DGON PA DANG, NAGS KHROD DANG, BAS MTHAR GNAS PA NI MNAGS DKA'O, ,BU YUL 'KHOR SKYONG TSUR 'DUG LA 'DOD PA DAG LA YANG SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG ,DE SKAD SMRAS NA KHYIM BDAG GI BU YUL 'KHOR SKYONG CANG MI SMRA'O, ,DE NAS KHYIM BDAG GI BU YUL 'KHOR SKYONG GI PHA DANG MAS NYE DU RNAMS LA BCOL BA, KYE NYE DU DAG RE ZHIG BU YUL 'KHOR SKYONG SLONG SHIG ,DE NAS KHYIM BDAG GI BU YUL 'KHOR SKYONG GI NYE DU RNAMS KHYIM BDAG GI BU YUL 'KHOR SKYONG GANG NA BA DER DONG STE PHYIN NAS, KHYIM BDAG GI BU YUL SKYONG LA 'DI SKAD CES SMRAS SO, ,BU YUL 'KHOR SKYONG MKHYEN PAR MDZOD CIG ,KHYOD NI SHIN TU GZHON PAS BDE BA BZHED PA LAGS ZHES BYA BA NAS BSOD NAMS DAG GYIS SHIG CES BYA BA'I BAR GONG MA BZHIN DU'O, ,DE SKAD SMRAS NA KHYIM BDAG GI BU YUL 'KHOR SKYONG CAD MI SMRA'O, ,DE NAS KHYIM BDAG GI BU YUL 'KHOR SKYONG GI PHA DANG MAS YUL 'KHOR SKYONG GI NE'U LDANGS RNAMS LA BCOL BA, KYE GZHON NU DAG RE ZHIG BU YUL 'KHOR SKYONG SLONG SHIG ,DE NAS KHYIM BDAG GI BU YUL 'KHOR SKYONG GI NE'U LDANGS RNAMS KYIS YUL 'KHOR SKYONG LA 'DI SKAD CES SMRAS SO, ,KYE SRAS DES PA YUL 'KHOR SKYONG MKHYEN PAR MDZOD CIG ,KHYOD NI SHIN TU GZHON PAS BDE BA BZHED PA LAGS LA ZHES BYA BA NAS, BSOD NAMS DAG MDZOD CIG CES BYA BA'I BAR SNGA MA BZHIN DU'O, ,DES DE SKAD SMRAS NA KHYIM BDAG GI BU YUL 'KHOR SKYONG CANG MI SMRA'O, ,DE NAS GZHON @102B NU DAG GIS YUL 'KHOR SKYONG GI PHA DANG MA LA 'DI SKAD CES SMRAS SO, ,YAB YUM SRAS YUL 'KHOR SKYONG 'DI GUM PAS CI ZHIG BGYI, RAB TU 'BYUNG DU GNOD DANG, GAL TE DGA' BAR GYUR NA 'DI GSON PO NYID DU GZIGS PAR 'GYUR LA, GAL TE MNGON PAR MI DGA' BAR GYUR NA YANG BU'I GNAS PHA MA GNYIS MA LAGS PA GZHAN SU ZHIG MCHIS, GZHON NU DAG BDAG CAG LA GAL TE RAB TU BYUNG NAS LTA BAR BYED NA DE BZHIN DU GNANG BAR BYA'O, ,DE NAS YUL 'KHOR SKYONG GI NE'U LDANGS DAG GIS KHYIM BDAG GI BU YUL 'KHOR SKYONG LA 'DI SKAD CES SMRAS PA, ,DES BA YUL 'KHOR SKYONG MKHYEN PAR MDZOD CIG ,PHA DANG MAS GNANG STE 'DI SKAD CES GAL TE RAB TU BYUNG NAS LTA BAR BYED NA'O ZHES KYANG ZER RO, ,SHES LDAN DAG BLTA BAR BYA'O, ,DE NAS KHYIM BDAG GI BU YUL 'KHOR SKYONG RIM GYIS LUS KYI MTHU DANG STOBS BSKYED NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS NAS PHYOGS GCIG TU 'DUG GO , ,PHYOGS GCIG TU 'DUG NAS BCOM LDAN 'DAS LA KHYIM BDAG GI BU YUL 'KHOR SKYONG GIS 'DI SKAD CES GSOL TO, ,BTZUN PA BDAG NI PHA DANG MAS GNANG LAGS KYIS, BTZUN PA BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, BDAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,KHYIM BDAG GI BU YUL 'KHOR SKYONG GIS LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO THOB PAR GYUR TO, ,DE NAS BCOM LDAN 'DAS KYIS KHYIM BDAG GI BU YUL 'KHOR SKYONG RAB TU PHYUNG BSNYEN PAR RDZOGS PAR MDZAD NAS BANG MDZOD STUG PO CAN DU JI TZAM BZHED KYI BAR DU BZHUGS NAS MNYAN YOD GANG NA BA DER RGYU ZHING GSHEGS TE, RIM GYIS RGYU ZHING GSHEGS PA DANG MNYAN YOD DU BYON NAS MNYAN YOD NA RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, , @103A *, ,DE NAS TSE DANG LDAN PA YUL 'KHOR SKYONG BSNYEN PAR RDZOGS TE LO BCU LON NAS DGRA BCOM PA THOB STE RNAM PAR GROL BA'I DGA' BA DANG BDE BA NYAMS SU MYONG NAS 'DI SNYAM DU SEMS TE, SNGON BDAG KHYIM PAR GYUR PA NA PHA DANG MA LA RAB TU BYUNG NAS BLTA BAR BYA'O ZHES KHAS BLANGS PA YOD KYIS, MA LA BDAG GIS KHAS BLANGS PA DE MTHAR DBYUNG NGO SNYAM NAS, DE NAS TSE DANG LDAN PA YUL 'KHOR SKYONG BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS NAS PHYOGS GCIG TU 'DUG GO , ,PHYOGS GCIG TU 'DUG NAS BCOM LDAN 'DAS LA TSE DANG LDAN PA YUL 'KHOR SKYONG GIS 'DI SKAD CES GSOL TO, ,BTZUN PA SNGON BDAG KHYIM PAR GYUR PA NA PHA DANG MA LA BLTA BAR BGYI'O ZHES G-YAR GYIS BLANGS PAS BDAG G-YAR GYIS BLANGS PA DE MTHAR 'BYIN DU MCHI'O, ,DE NAS BCOM LDAN 'DAS KYI THUGS KYIS TSE DANG LDAN PA YUL 'KHOR SKYONG GI SEMS KHYAB PAR MDZAD CING KHYAB PAR MDZAD NAS THUGS LA MDZAD CING, THUGS LA MDZAD NAS 'DI SNYAM DU DGONGS TE, RIGS KYI BU YUL 'KHOR SKYONG NI SLAR YANG KHYIM NA GNAS PA'AM, SOGS 'JOG SPYOD PAS 'DOD PA DAG LA LONGS SPYOD PA'I 'OS MA YIN NO SNYAM DU MKHYEN NAS, TSE DANG LDAN PA YUL 'KHOR SKYONG LA 'DI SKAD CES BKA' STZAL TO, ,YUL 'KHOR SKYONG KHYOD SONG LA SEMS CAN MA RGAL BA RNAMS NI SGROL CIG ,MA GROL BA RNAMS NI GROL BAR GYIS SHIG ,DBUGS MA PHYIN PA RNAMS NI DBUGS PHYUNG SHIG ,YONGS SU MYA NGAN LAS MA 'DAS PA RNAMS NI YONGS SU MYA NGAN LAS ZLOS SHIG ,DE NAS TSE DANG LDAN PA YUL 'KHOR SKYONG BCOM LDAN 'DAS KYIS GSUNGS PA LA MNGON PAR DGA' STE YI RANGS NAS BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS SONG NGO, ,DE NAS TSE DANG LDAN PA YUL 'KHOR SKYONG DE NYID KYI MTSAN MO 'DAS NAS SNGA DRO SHAM THABS BGOS LHUNG BZED DANG CHOS GOS THOGS TE MNYAN YOD DU BSOD SNYOMS LA @103B ZHUGS TE, MNYAN YOD DU BSOD SNYOMS SPYAD NAS ZAS KYI BYA BA BYAS TE ZAS PHYI MA'I BSOD SNYOMS LAS SLAR LOG NAS GNAS MAL JI LTAR SPYAD PA MKHOS SU PHAB STE LHUNG BZED DANG CHOS GOS BLANGS NAS BANG MDZOD STUG PO CAN GANG NA BA DER SONG STE, RIM GYIS SPYAD PA SPYOD CING RGYU BA NA BANG MDZOD STUG PO CAN DU PHYIN NAS, BANG MDZOD STUG PO CAN GYI BANG MDZOD STUG PO'I TSAL DU 'DUG GO , ,DE NAS TSE DANG LDAN PA YUL 'KHOR SKYONG DE NYID KYI MTSAN MO 'DAS NAS SNGA DRO SHAM THABS BGOS, LHUNG BZED DANG CHOS GOS THOGS TE BANG MDZOD STUG PO CAN DU BSOD SNYOMS LA ZHUGS NAS, DE RIM GYIS BANG MDZOD STUG PO CAN NAS BSOD SNYOMS LA RGYU BA NA RANG GI KHYIM GANG NA DER SONG NAS, DE'I TSE TSE DANG LDAN PA YUL 'KHOR SKYONG GI PHA BAR SGO'I KHYAMS NA SKYES PA SKRA MKHAN GYIS SKRA DANG KHA SPU 'CHOS PA NA, TSE DANG LDAN PA YUL 'KHOR SKYONG GI PHAS TSE DANG LDAN PA YUL 'KHOR SKYONG SGO DRUNG NA 'DUG PA MTHONG NGO, ,MTHONG NAS KYANG KHA ZER BAR BYED DE, DGE SBYONG MGO REG 'O NI DAG GIS KHO BO'I RIGS KYI RGYUN BCAD DE, 'O NI DAG GIS KHO BO'I BU GCIG PA SDUG PA YID DU 'ONG BA BZOD PA MI MTHUN PA MED PA YUL 'KHOR SKYONG RAB TU PHYUNG BSNYEN PAR RDZOGS PAR BYAS NA, DGE SBYONG MGO REG 'O NI RNAMS LA SU ZHIG BSOD SNYOMS SBYIN PAR BYA BAR SEMS, DE NAS TSE DANG LDAN PA YUL 'KHOR SKYONG GIS RANG GI KHYIM NAS RGYA GAG MA GTOGS PA SBYIN PA YANG MA THOB, BSKRAD KYANG MA BSKRAD PA DANG MYUR BA MYUR BAR PHYIR BYUNG NGO, ,DE'I TSE TSE DANG LDAN PA YUL 'KHOR SKYONG GI SNGON GYI BRAN MO RGAN MO ZHIG ZAN DRON RUL PA ZHAG LON PA ZHIG DOR BA'I PHYIR THOGS TE SGOR BYUNG BA DANG, TSE DANG LDAN PA YUL 'KHOR SKYONG GIS SNGON GYI BRAN MO RGAN MO DE MTHONG NGO, , MTHONG NAS KYANG BRAN MO RGAN MO DE LA 'DI SKAD CES SMRAS SO, ,SRING MO GAL TE ZAN DRON RUL PA ZHAG LON PA 'DOR BA YIN NA KHO BOS BZAS LHUNG BZED 'DIR CHUG SHIG ,'PHAGS PA GSOL CIG ,DE NAS SNGON GYI BRAN MO RGAN MO DES ZAN DRON RUL PA ZHIG LON PA LHUNG BZED DU 'JUG @104A *, ,PA NA TSE DANG LDAN PA YUL 'KHOR SKYONG GI LAG PA DANG, RKANG PA DANG, BZHIN DANG, SNA DANG, SMRE ? DNGAGS DAG GI MTSAN MA SHIN TU LEGS PAR BZUNG NAS 'DI SKAD CES KYANG SMRAS SO, ,RJE'I SRAS YUL 'KHOR SKYONG LAGS SAM, SRING MO KHO BO SKYE BO DAG GIS DE LTAR SHES SO, ,DE NAS SNGON GYI BRAN MO RGAN MO DE RINGS PA RINGS PAR TSE DANG LDAN PA YUL 'KHOR SKYONG GI PHA GANG NA BA DER SONG STE PHYIN NAS, TSE DANG LDAN PA YUL 'KHOR SKYONG GI PHA LA 'DI SKAD CES SMRAS SO, ,JO BO MKHYEN PAR MDZOD CIG ,SRAS YUL 'KHOR SKYONG BANG MDZOD STUG PO CAN DU BYON NAS RING MO ZHIG LAGS NA NYID KYI KHAB TU NI BYON MI BZHED DO, ,DE NAS TSE DANG LDAN PA YUL 'KHOR SKYONG GI PHAS LAG PA G-YON PAS SKRA BSDUS NAS RAS YUG GCIG GI SMAD G-YOGS BGOS BZHIN DU TSE DANG LDAN PA YUL 'KHOR SKYONG GANG NA BA DER SONG BA DANG, DE'I TSE TSE DANG LDAN PA YUL 'KHOR SKYONG RTZIG DRUNG ZHIG TU 'DUG NAS ZAN DRON RUL PA ZHAG LON PA ZA BAR BYED PA DANG, DE NAS TSE DANG LDAN PA YUL 'KHOR SKYONG GI PHAS TSE DANG LDAN PA YUL 'KHOR SKYONG LA 'DI SKAD CES SMRAS SO, ,YUL 'KHOR SKYONG KHYOD BANG MDZOD STUG PO CAN DU PHYIN NAS RING MO ZHIG LON NA CI'I PHYIR RANG GI KHYIM DU 'JUG PAR MI 'DOD, ZAN DRON RUL PA ZHAG LON PA KHYOD KYI GRE BAR YANG JI LTAR 'GROR BTUB, KHYIM BDAG KHYOD KYI KHYIM DU 'ONGS NA RGYA GAG MA GTOGS PA SBYIN PA YANG MA THOB, BSKRAD KYANG MA BSKRAD PA DANG MYUR BA MYUR BAR BYUNG NGO, ,BU YUL 'KHOR SKYONG YIN PAR KHO BOS MI SHES MOD, GAL TE KHO BOS SHES NA DE SKAD MI SMRA BA ZHIG ,BU YUL 'KHOR SKYONG BZOD PAR GSOL LO, ,KHYIM BDAG BZOD DO, ,DE NAS TSE DANG LDAN PA YUL 'KHOR SKYONG GI PHAS TSE DANG LDAN PA YUL 'KHOR SKYONG LA YAN LAG THAMS CAD KYIS 'KHYUD PA BYAS NAS RANG GI KHYIM DU STAN BSHAMS PA NYID LA 'DUG TU BCUG GO , ,DE NAS TSE DANG LDAN PA YUL 'KHOR SKYONG GI MA LA 'DI SKAD CES SMRAS SO, ,BU YUL 'KHOR SKYONG YUN RING ZHIG LON NAS @104B KHYIM DU 'ONGS KYIS, KYE RE ZHIG KHYOD BDAG NYID KYIS SNOD DU TSOS LA STA GON GYIS SHIG DANG DE LA BU YUL 'KHOR SKYONG LONGS SPYOD PAR 'GYUR RO, ,DE NAS TSE DANG LDAN PA YUL 'KHOR SKYONG GI MAS RANG NYID KYIS SNOD DU BTZOS NAS STA GON BYAS SO, ,DE NAS MI ZHIG GIS TSE DANG LDAN PA YUL 'KHOR SKYONG GI MDUN DU GSER GYI PHUNG PO CHEN PO GAL TE MI GCIG PHA ROL NA 'GRED NA MI GCIG TSU ROL NA 'DUG PA MI MTHONG LA, MI GCIG TSU ROL NA 'DUG NA GCIG PHA ROL NA 'GRENG BA MI MTHONG BA SPUNGS SO, ,TSE DANG LDAN PA YUL 'KHOR SKYONG GI MAS TSE DANG LDAN PA YUL 'KHOR SKYONG LA 'DI SKAD CES SMRAS SO, ,BU YUL 'KHOR SKYONG KHYOD KYI MA LA BUD MED RNAMS KYI BUD MED KYI NOR DANG, BUD MED KYI BAG RDZONGS DANG, BUD MED KYI KHUD PA ZHES BYA BA GANG YIN PA YANG 'DI SNYED CIG YOD DO, ,GZHAN YANG KHYOD KYI PHA'I NI MTSAN MAS THEBS PA'I GSER DANG SA LE SBRAM YANG BRGYA PHRAG DU MA DANG, STONG PHRAG DU MA DANG, BRGYA STONG PHRAG DU MA YOD NA PHAL GZHAN LTA SMOS KYANG CI DGOS, BU YUL 'KHOR SKYONG TSUR KHYOD 'DUG LA 'DOD PA DAG LA YANG YONGS SU SPYOD CIG ,SBYIN PA DAG KYANG THONG SHIG ,BSOD NAMS DAG KYANG GYIS SHIG ,KHYIM BDAG GI CHUNG MA KHYOD GAL TE KHO BO'I TSIG LA DAD PAS MNYAN PAR BYA BAR SEMS PA LTA NA, BDAG GIS GDAMS SHING RJES SU BSTAN TO, ,BU YUL 'KHOR SKYONG GDAMS NGAG STZOL CIG ,BU YUL 'KHOR SKYONG RJES SU STON CIG DANG, KHYOD KYI TSIG LA BDAG DAD PAS MNYAN PAR BGYI'O SNYAM DU SEMS SO, ,KHYIM BDAG GI CHUNG MA TSUR KHYOD KYIS SHA NA'I RAS SGYE SAR PAR BYOS LA, GSER DANG SA LE SBRAM GYIS KHONG STE SHING RTA'I NANG DU CHUG LA CHU BO GANG G'A'I RGYUN SHUGS DRAG CING GTING ZAB PA GANG NA YOD PA DER 'OR CIG ,GZHI DE LAS KHYOD KYI MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS SKYE BAR GYUR TA RE, DE NAS TSE DANG LDAN PA YUL 'KHOR SKYONG GI MA 'DI SNYAM DU SEMS TE, BDAG GIS DE LTA BU'I BYA BAS KYANG BU YUL 'KHOR SKYONG BZLOG PAR BYA BA MA @105A *, ,NUS SO SNYAM MO, ,DE NAS TSE DANG LDAN PA YUL 'KHOR SKYONG GI MAS MNA' MA LA BCOL BA, KYE BAG SAR RE ZHIG JI LTA BU'I MNYE BA RNAMS KYIS MNYES PA DANG, KHRUS RNAMS KYIS BKRUS PA DANG, DRI RNAMS KYIS BYUGS PA DANG, GOS RNAMS BSKON PA DANG; RGYAN RNAMS KYIS BRGYAN PA DANG, BDUG PA RNAMS KYIS BDUGS PA DANG, PHYE MA RNAMS KYIS GTOR BAS, BU YUL 'KHOR SKYONG DE SNGON KHYIM PAR GYUR PA NA DGA' BA DANG YID DU 'ONG BAR 'GYUR BA DE LTA BU'I MNYE BA RNAMS KYIS MNYES PA DANG, KHRUS RNAMS KYIS KHRUS DANG, DRI RNAMS KYIS BYUGS PA DANG, GOS RNAMS BSKON PA DANG, RGYAN RNAMS KYIS BRGYAN PA DANG, BDUG PA RNAMS KYIS BDUGS PA DANG, PHYE MA RNAMS KYIS GTOR BA GYIS LA BU YUL 'KHOR SKYONG GI RKANG PA GNYIS LA GTUGS LA 'DI SKAD CES, GANG GI SLAD DU RJE'I SRAS BCOM LDAN 'DAS KYI SPYAN SNGAR TSANGS PAR SPYOD PA LHA'I BU MO JI LTA BU ZHIG CES KYANG SMROS SHIG ,DE NAS TSE DANG LDAN PA YUL 'KHOR SKYONG GI SNGON GYI CHUNG MAS JI LTA BU'I MNYE BA RNAMS KYIS MNYES PA DANG, KHRUS RNAMS KYIS BKRUS PA DANG, DRI RNAMS KYIS BYUGS PA DANG, GOS RNAMS BSKON PA DANG, RGYAN RNAMS KYIS BRGYAN PA DANG, BDUG PA RNAMS KYIS BDUGS PA DANG, PHYE MA RNAMS KYIS GTOR BAS TSE DANG LDAN PA YUL 'KHOR SKYONG SNGON KHYIM PAR GYUR PA NA DGA' BA DANG YID DU 'ONG BAR 'GYUR BA DE LTA BU'I MNYE BA RNAMS KYIS MNYES PA DANG, KHRUS RNAMS KYIS KHRUS DANG, DRI RNAMS KYIS BYUGS PA DANG, GOS RNAMS BSKON PA DANG, RGYAN RNAMS KYIS BRGYAN PA DANG, BDUG PA RNAMS KYIS BDUGS PA DANG, PHYE MA RNAMS KYIS GTOR BA BYAS NAS TSE DANG LDAN PA YUL 'KHOR SKYONG GI RKANG PA GNYIS LA GTUGS TE 'DI SKAD CES SMRAS SO, ,RJE'I SRAS GANG GI SLAD DU BCOM LDAN 'DAS KYI SPYAN SNGA NA TSANGS PAR SPYAD PA SPYOD PA LHA'I BU MO DE JI LTA BU ZHIG LAGS, SRING MO KHO BO BCOM LDAN 'DAS KYI SPYAN SNGAR TSANGS PAR SPYOD PA NI LHA'I BU MO'I CHED DU MA YIN NO, ,DE NAS TSE DANG LDAN PA YUL 'KHOR @105B SKYONG GIS SNGON GYI CHUNG MA LA SRING MO ZHES TSIG TU SMRAS PAS BRGYAL NAS SA LA 'GYEL TO, ,DE NAS TSE DANG LDAN PA YUL 'KHOR SKYONG GIS PHA DANG MA LA SMRAS PA, DE YAB YUM GAL TE KHA ZAS BTANG BA LAGS NA CI MI STZAL TAM, BTANG SNYOMS SU BZHAG STE CI MTHO 'TSAM LAGS SAM, BU YUL 'KHOR SKYONG LONGS SPYOD CIG ,CES DE NAS TSE DANG LDAN PA YUL 'KHOR SKYONG GI PHA DANG MAS TSE DANG LDAN PA YUL 'KHOR SKYONG LA GTZANG ZHING BSOD PA'I BZA' BA DANG BCA' BA DAG RANG GI LAG NAS STOBS SHING TSIM PAR BYED DE, RNAM GRANGS DU MAR GTZANG ZHING BSOD PA'I BZA' BA DANG BCA' BA DAG RANG GI LAG NAS BSTABS SHING TSIM PAR BYAS SO, ,TSE DANG LDAN PA YUL 'KHOR SKYONG GIS ZOS NAS LAG PA BKRUS TE LHUNG BZED GYUR BAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR 'KHOD DO, ,DE NAS TSE DANG LDAN PA YUL 'KHOR SKYONG GIS DE'I TSE TSIGS SU BCAD DE SMRAS PA, LTOS SHIG LUS NI NOR BU DANG, ,RNA RGYAN GYIS NI BKRA BYAS BA'ANG, ,NAD DANG SLU BA'I CHOS CAN TE, ,BRTAN PAR GNAS PA YOD MA YIN, ,SKRA YI LAN BU BRGYAD LHAS SHING, ,MIG NI MIG SMAN GYIS BSKUS PA'ANG, , BYIS PA RMONGS PAR BYED NUS KYI, ,PHA ROL TSOL BA MA YIN NO, ,DRI RNAMS KYIS NI LUS BSKUS LA, ,RKANG PA BTZAG GIS BYUGS PA YANG, ,BYIS PA RMONGS PAR BYED NUS KYI, ,PHA ROL TSOL BA MA YIN NO, ,MIG SMAN GSER GYIS BKRA BYAS SHING, ,DUL BA'I LUS NI BRGYAN PA YANG, ,BYIS PA RMONGS PAR BYED NUS KYI, ,PHA ROL TSOL BA MA YIN NO, ,RI DAGS 'TSOR BAS RNYI BTZUGS NAS, ,RI DAGS GZUNG BAR MA NUS LTAR, ,RNGON PA 'O DOD 'BOD BCUG LA, ,ZOS NAS GNAS SU 'GRO BAR BYA, ,DE NAS TSE DANG LDAN PA YUL 'KHOR SKYONG GIS PHA DANG MA LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR BYAS NAS DE NYID NAS STENG GI NAM MKHA' LA SONG NGO, ,DE NAS TSE DANG LDAN PA YUL 'KHOR SKYONG @106A *, ,BANG MDZOD STUG PO CAN GANG NA BA DER SONG STE PHYIN NAS BA RU RA'I SHING ZHIG GI DRUNG DU NYIN PAR GNAS PAR BYA BA'I PHYIR 'DUG GO, ,DE'I TSE RGYAL PO KOO RAB BYA TSE DANG LDAN PA YUL 'KHOR SKYONG GI SNYAN PA YANG SGROGS SHING GNAS TE, NAM ZHIG NA BDAG SHES LDAN YUL 'KHOR SKYONG MNGON SUM DU MTHONG BAR 'GYUR, NAM ZHIG NA GAL TE ZHU BA LUNG BSTAN PA'I PHYIR SKABS PHYE NA BDAG PHYOGS 'GA' ZHIG ZHU BAR 'GYUR SNYAM MO, ,DE NAS RGYAL PO KOO RAB BYAS TSAL SRUNG BA'I MI LA BSGO BA, KVA'I NANG RJE KHYOD SONG LA MYUR DU BANG MDZOD STUG PO CAN GYI TSAL PHYAG DAR BYOS SHIG ,SANG NGA DER SKYED MOS TSAL GYI SAR 'GRO'O, ,LHA BKA' BZHIN 'TSAL ZHES SKYES PA DES RGYAL PO KOO RAB BYA'I LTAR MNYAN NAS BANG MDZOD STUG PO CAN GYI TSAL THAMS CAD PHYAG DAR BYED PA NA, MI DES TSE DANG LDAN PA YUL 'KHOR SKYONG BA RU RA'I SHING ZHIG GI DRUNG NA NYIN PAR GNAS PAR BYA BA'I PHYIR 'DUG PA MTHONG NGO, ,MTHONG NAS KYANG DE 'DI SNYAM DU SEMS TE, RGYAL PO KOO RAB BYA GANG GI SNYAN PA YANG DANG YANG DU SGROGS SHING GNAS TE, NAM ZHIG NA BDAG SHES LDAN YUL 'KHOR SKYONG MNGON SUM DU MTHONG BAR 'GYUR, NAM ZHIG NA GAL TE ZHU BA LUNG BSTAN PA'I PHYIR SKABS PHYE NA BDAG PHYOGS 'GA' ZHIG ZHU BAR 'GYUR SNYAM PA'I SHES LDAN YUL 'KHOR SKYONG DE NI 'DI YIN TE, BANG MDZOD STUG PO CAN GYI 'DI LTA BU ZHIG TU PHYIN GYIS, MA LA BDAG GIS RGYAL PO KOO RAB BYA LA SBRAN PAR BYA'O SNYAM NAS, DE NAS SKYES PA DES RGYAL PO KOO RAB BYA GANG NA BA DER SONG STE PHYIN NAS RGYAL PO KOO RAB BYA LA 'DI SKAD CES SMRAS SO, ,LHA GANG GI SNYAN PA YANG DANG YANG DU SGROGS SHING BZHUGS LA NAM ZHIG NA BDAG SHES LDAN YUL 'KHOR SKYONG MNGON SUM DU MTHONG BAR 'GYUR, NAM ZHIG NA GAL TE ZHU BA LUNG BSTAN PA'I PHYIR SKABS PHYE NA BDAG PHYOGS 'GA' ZHIG ZHU BAR 'GYUR SNYAM PA'I SHES LDAN YUL 'KHOR SKYONG DE NI DE LAGS TE, BANG MDZOD STUG PO CAN GYI 'DI LTA BU ZHIG TU MCHIS LAGS TE, LHA DA DE'I DUS LA BAB PAR DGONGS SU GSOL, DE NAS RGYAL PO KOO RAB BYAS MI GZHAN ZHIG LA BSGO BA, KVA'I NANG @106B RJE TSUR BZHON PA BZANG PO MYUR DU SDOGS SHIG ,DE LA NGA ZHON NAS DENG KHO NA SHES LDAN YUL 'KHOR SKYONG BLTA BA'I PHYIR 'GRO'O, ,LHA BKA' BZHIN 'TSAL ZHES MI DES RGYAL PO KOO RAB BYA'I LTAR MNYAN NAS BZHON PA BZANG PO MYUR DU BSDOGS TE, RGYAL PO KOO RAB BYA GANG NA BA DER SONG NAS PHYIN PA DANG, RGYAL PO KO RAB ? BYA LA 'DI SKAD CES SMRAS SO, ,LHA BCIBS PA BZANG PO BSDOGS LAGS TE, LHA DA DE'I DUS LA BAB PAR DGONGS SU GSOL, DE NAS RGYAL PO KOO RAB BYA BZHON PA BZANG PO LA ZHON NAS BANG MDZOD STUG PO CAN NAS BYUNG STE, TSE DANG LDAN PA YUL 'KHOR SKYONG LA BLTA BA DANG, BSNYEN BKUR BYA BA'I PHYIR SONG NAS, DE JI TZAM BZHON PA'I BAR DU BZHON PAS SONG STE, BZHON PA LAS BABS NAS RKANG PA KHO NAS KUN DGA' RA BAR ZHUGS SO, ,TSE DANG LDAN PA YUL 'KHOR SKYONG GIS RGYAL PO KOO RAB BYA RGYANG RING PO KHO NA NAS 'ONGS PA MTHONG NGO, ,MTHONG NAS KYANG 'DI SKAD CES SMRAS SO, ,RGYAL PO CHEN PO, RGYAL PO CHEN PO BYON PA LEGS SO TSUR SBYON, RGYAL PO CHEN PO KHYOD NYID KYI YUL LAGS PAS BZHED NA BDAG KYANG STAN LA G-YAR DRONGS SHIG ,KYE YUL 'KHOR SKYONG BDAG GI YUL LAGS MOD KYI, 'ON KYANG YUL 'KHOR SKYONG GIS BDAG STAN LA G-YAR DRANG BAR 'TSAL LO, ,RGYAL PO CHEN PO GDAN MCHIS KYIS GAL TE BZHED NA BZHUGS SHIG ,DE NAS RGYAL PO KOO RAB BYA TSE DANG LDAN PA YUL 'KHOR SKYONG DANG LHAN CIG MNGON DU YANG DAG PAR DGA' BAR 'GYUR BA DANG, MGU BAR 'GYUR BA'I GTAM RNAM PA SNA TSOGS BYAS TE PHYOGS GCIG TU 'DUG GO, ,PHYOGS GCIG TU 'DUG NAS RGYAL PO KOO RAB BYAS TSE DANG LDAN PA YUL 'KHOR SKYONG LA 'DI SKAD CES SMRAS SO, ,SHES LDAN YUL 'KHOR SKYONG GAL TE RIGS DMAN PA'AM, LONGS SPYOD RNAMS YONGS SU ZAD PA'AM GTUGS PAR GYUR NA SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BA YOD NA, BDAG CAG RIGS NI KOO RAB BYA YIN LA, LONGS SPYOD NI RGYA CHE BA YIN GYIS, 'DI LTAR KHO BOS SHES LDAN YUL 'KHOR SKYONG LA LONGS SPYOD KYI SKAL @107A *, ,BA DAG LAS BGO BSHA' BYAS, SHES LDAN YUL 'KHOR SKYONG TSUR KHYOD 'DUG LA 'DOD PA DAG LA YANG YONGS SU SPYOD CIG ,SBYIN PA DAG THONG SHIG ,BSOD NAMS DAG GYIS SHIG ,RGYAL PO CHEN PO CHA MA LAGS PA'I MGRON DU 'BOD PAS BDAG MGRON DU 'BOD KYI 'TSAM PAS NI MA LAGS SO, ,KHYOD LTA BUS BDAG 'DRA BA'I SKYES BU MKHAS PA 'DI LTA BU'I MGRON DU 'BOD PAS MGRON DU YANG MA 'BOD CIG ,BDAG GIS SHES LDAN YUL 'KHOR SKYONG DANG 'TSAM PA'I MGRON DU 'BOD PAS MGRON DU 'BOD PA JI LTA BU ZHIG LAGS, RGYAL PO CHEN PO TSUR SBYON, KHYOD KYIS 'DI SKAD CES KYE YUL 'KHOR SKYONG KHO BO'I YUL 'BYOR CING GNOD PA MED PA, SDO BA MED CING 'TSE BA MED LA SLONG BA PO'I BSOD SNYOMS RNYED SLA BA YIN GYIS, SHES LDAN YUL 'KHOR SKYONG BANG MDZOD STUG PO CAN 'DIR GNOS SHIG DANG, BDAG GIS SHES LDAN YUL 'KHOR SKYONG CHOS BZHIN GYIS BSRUNG BA DANG, BSKYAB PA DANG, SBA BA BYA'O ZHES BGYI BA LAGS NA, RGYAL PO CHEN PO SEMS MNGON PAR DAD PA GANG LA GANG LAGS PA DE TZAM GYIS BGYIS LAGS TE 'TSAL LO, ,GZHAN YANG GAL TE ZHUS PA LUNG BSTAN PA'I PHYIR SKABS PHYE NA SHES LDAN YUL 'KHOR SKYONG LA BDAG ZHU LAGS SO, ,RGYAL PO CHEN PO GSUNGS SHIG ,THOS NAS KHYOD LA RIG PAR BGYI'O, ,KYE YUL 'KHOR SKYONG BZHI PO 'DI DAG NI YONGS SU NYAMS PA LAGS TE, DE DAG GIS YONGS SU NYAMS PA'I RIGS KYI BU DAG SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR 'GYUR RO, ,BZHI GANG ZHE NA, 'DI LTA STE, RGA BAS YONGS SU NYAMS PA DANG, NAD KYIS YONGS SU NYAMS PA DANG, NYE DUS YONGS SU NYAMS PA DANG, LONGS SPYOD KYIS YONGS SU NYAMS PA'O, ,KYE YUL 'KHOR SKYONG RGA BAS YONGS SU NYAMS PA GANG ZHE NA, 'DI LA RIGS KYI BU RGAS 'KHOGS GTUGS PAR GYUR NAS DE 'DI SNYAM DU SEMS TE, DA NI BDAG RGAS 'KHOGS GTUGS PAS BDAG GIS RE ZHIG 'DOD PA DAG BDOG KYANG LONGS SPYAD PAR @107B SLAB MA YIN NA MI BDOG NA LTA SMOS KYANG CI DGOS, MA LA BDAG SKRA DANG KHA SPU BREGS LA GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU 'BYUNG NGO SNYAM NAS, DE RGA BA'I YONGS SU NYAMS PAS YONGS SU NYAMS PAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG STE, 'DI NI RGA BA'I YONGS SU NYAMS PA ZHES BYA'O, ,SHES LDAN YUL 'KHOR SKYONG RGA BA'I YONGS SU NYAMS PAS YONGS SU NYAMS PA MA YIN NA SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG, DE CI'I PHYIR ZHE NA, SHES LDAN YUL 'KHOR SKYONG NI GZHON NU THOR BU LANG TSO LA BAB PA, SKRA GNAG PA, NA TSOD DAR LA BAB PA DANG LDAN PA YIN TE, GANG GI TSE RTZED MO DANG, DGA' BA DANG, MGU BA DANG, CHA BA DANG, BRGYAN PA'I GNAS LA BRTZON PA DANG LDAN PAS GNAS PAR BYA BA DE'I TSE NYE DU RNAMS MCHI MAS BRNANGS SHING DU BZHIN DANG BCAS PAS MA RANGS BZHIN SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG NA, SHES LDAN YUL 'KHOR SKYONG GIS CI ZHIG SHES MTHONG THOS RTOGS NAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG, DE LA NI KHO BOS RANGS PA MA YIN TE MI BZOD DO, ,KYE SHES LDAN YUL 'KHOR SKYONG NAD KYIS YONGS SU NYAMS PA GANG ZHE NA, 'DI LA RIGS KYI BU NA BA SDUG BSNGAL BA NAD TSABS CHE BAR GYUR NAS DE 'DI SNYAM DU SEMS TE, BDAG NI NA BA SDUG BSNGAL BA NAD TSABS CHE BAS BDAG GIS RE ZHIG 'DOD PA DAG BDOG KYANG LONGS SPYAD PAR SLA BA MA YIN NA MI BDOG NA LTA SMOS KYANG CI DGOS, MA LA BDAG SKRA DANG KHA SPU BREGS NAS GOS NGUR SMRIG BGOS NAS ZHES BYA BA NAS RAB TU 'BYUNG NGO ZHES BYA BA'I BAR GONG MA BZHIN DU'O, ,DE NAD KYIS YONGS SU NYAMS PAS YONGS SU NYAMS PAS SKRA DANG KHA SPU BREGS TE GOS NGUR SMRIG BGOS NAS ZHES BYA BA NAS RAB TU 'BYUNG ZHES BYA BA'I BAR GONG MA BZHIN DU'O, ,'DI NI @108A *, ,NAD KYIS YONGS SU NYAMS PA ZHES BYA'O, ,SHES LDAN YUL 'KHOR SKYONG NI NAD KYIS YONGS SU NYAMS PAS YONGS SU NYAMS PA MA YIN NO, ,SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS ZHES BYA BA NAS RAB TU BYUNG ZHES BYA BA'I BAR GONG MA BZHIN DU'O, ,DE CI'I PHYIR ZHE NA, SHES LDAN YUL 'KHOR SKYONG GNOD PA MED CING NAD MED PA'I RANG BZHIN CAN DANG, RAN PAR 'JUG PA'I DROD DANG LDAN PA STE, HA CANG BSIL BA MA YIN PA DANG, HA CANG TSA BA MA YIN PA DANG, KHAMS SNYOMS PAS GNOD PA MED PA DANG LDAN PAS KHYOD KYIS ZOS PA DANG, 'THUNGS PA DANG, 'CHOS PA DANG, MYANGS PA RNAMS LEGS PAR BDE BAR 'JU BAR 'GYUR NA, SHES LDAN YUL 'KHOR SKYONG DE LA CI ZHIG SHES MTHONG ZHES BYA BA NAS RAB TU 'BYUNG ZHES BYA BA'I BAR GONG MA BZHIN DU'O, , DE LA NI KHO BO RANGS PA MA YIN TE MI BZOD DO, ,KYE YUL 'KHOR SKYONG NYE DUS YONGS SU NYAMS PA GANG ZHE NA, 'DI LA RIGS KYI BU'I NYE DU RNAMS RABS CHAD NYE DU RNAMS KHA DAG NAS DE 'DI SNYAM DU SEMS TE, BDAG GI NYE DU RNAMS RABS CHAD NYE DU RNAMS KHA DAG PAS MA LA BDAG SKRA DANG KHA SPU BREGS NAS ZHES BYA BA NAS RAB TU 'BYUNG BAR BYA'O ZHES BYA BA'I BAR GONG MA BZHIN DU'O, ,DE NYE DU'I YONGS SU NYAMS PAS YONGS SU NYAMS PAS SKRA DANG KHA SPU BREGS TE ZHES BYA BA NAS RAB TU 'BYUNG NGO ZHES BYA BA'I BAR GONG MA BZHIN DU'O, ,'DI NI NYE DUS YONGS SU NYAMS PA ZHES BYA'O, ,SHES LDAN YUL 'KHOR SKYONG NI NYE DUS YONGS SU NYAMS PAS YONGS SU NYAMS PA MA YIN NA, SKRA DANG KHA SPU BREGS NAS GOS DUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG NGO, ,DE CI'I PHYIR ZHE NA, YUL 'KHOR SKYONG GI NYE DU NI KOO RAB BYA'I RIGS NAS BZUNG STE BRGYUD PA BANG MDZOD STUG PO CAN 'DI NYID NA RGYAS PAR YOD NA, SHES LDAN YUL 'KHOR SKYONG GIS CI ZHIG SHES MTHONG ZHES BYA BA NAS RAB TU BYUNG ZHES BYA BA'I BAR GONG MA BZHIN DU'O, ,DE LA NI KHO BOS RANGS PA MA YIN TE MI BZOD DO, ,KYE YUL 'KHOR SKYONG LONGS SPYOD KYIS YONGS SU NYAMS @108B PA GANG ZHE NA, 'DI LA RIGS KYI BU'I LONGS SPYOD SRABS PA DANG, YONGS SU ZAD PA DANG, GTUGS PAR GYUR NAS DE 'DI SNYAM DU SEMS TE, BDAG GI LONGS SPYOD NI SRABS PA DANG, YONGS SU ZAD PA DANG, GTUGS PAR GYUR GYIS, MA LA BDAG SKRA DANG KHA SPU BREGS NAS ZHES BYA BA NAS RAB TU 'BYUNG NGO ZHES BYA BA'I BAR DU'O, ,DE LONGS SPYOD YONGS SU NYAMS PAS YONGS SU NYAMS PAS SKRA DANG KHA SPU BREGS NAS ZHES BYA BA NAS RAB TU 'BYUNG NGO, ,ZHES BYA BA'I BAR GONG MA BZHIN DU'O, ,'DI NI LONGS SPYOD KYIS YONGS SU NYAMS PA ZHES BYA'O, ,SHES LDAN YUL 'KHOR SKYONG NI LONGS SPYOD YONGS SU NYAMS PAS YONGS SU NYAMS PA MA YIN NA, ZHES BYA BA NAS RAB TU BYUNG ZHES BYA BA'I BAR GONG MA BZHIN DU'O, ,SHES LDAN YUL 'KHOR SKYONG NI BANG MDZOD STUG PO CAN 'DI NA RIGS MCHOG DANG RIGS BZANG PO YIN PAS 'DI LTA STE, LONGS SPYOD CHEN PO DANG LDAN PA YIN NA, 'DI LA SHES LDAN YUL 'KHOR SKYONG GIS CI ZHIG SHES MTHONG THOS RTOGS NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG, DE LA NI KHO BO RANGS PA MA YIN TE MI BZOD DO, ,RGYAL PO CHEN PO BZHI PO 'DI DAG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DES YID 'BYUNG BA'I LAM DU GSUNGS TE, YID 'BYUNG BA DE DAG GIS YID BYUNG NAS RIGS KYI BU RNAMS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR 'GYUR TE, RGYAL PO CHEN PO 'JIG RTEN 'DI THAMS CAD NI RGA BAS NYE BAR KHRID PA YIN, 'JIG RTEN 'DI NI RJES SU 'GRO BA MED PAS SKYABS MED PA YIN, 'JIG RTEN 'DI NI THAMS CAD POR TE 'GRO BAR 'GYUR BAS BDOG PA MED PA YIN, 'JIG RTEN 'DI NI NGOMS MI SHES TE SRED PAS 'KHOL BAS CHOG MI SHES PA YIN PAR BDAG GIS SHES MTHONG THOS RTOGS NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG NGO, ,BDAG GIS MDOR @109A *, ,BSDUS TE GSUNGS SHING RNAM PAR MA PHYE BA 'DI'I DON RGYAS PAR 'TSAL BAR MI 'GYUR BAS, SHES LDAN YUL 'KHOR SKYONG GIS DON DE NYID CI NAS BDAG GI SHES LDAN YUL 'KHOR SKYONG GIS MDOR BSDUS TE GSUNGS SHING RNAM PAR MA PHYE BA 'DI'I DON RGYAS PAR 'TSAL BAR 'GYUR BAR RGYAS PAR BSHAD DU GSOL, SHES LDAN YUL 'KHOR SKYONG GIS 'DI SKAD CES 'JIG RTEN 'DI THAMS CAD NI RGA BAS NYE BAR KHRID PA YIN NO, ,ZHES GSUNGS PA GANG LAGS PA DE SHES LDAN YUL 'KHOR SKYONG GIS CI LAS DGONGS TE GSUNGS, DE'I PHYIR RGYAL PO CHEN PO KHYOD NYID LA DRIS KHYOD KYIS JI LTAR BZOD PA DE BZHINN DU LAN THOB SHIG RGYAL PO CHEN PO JI SNYAM DU SEMS, GANG GI TSE KHYOD LO NYI SHU 'AM LO NYI SHU RTZA LNGA LON PAR GYUR PA NA NA TSOD KYIS GZHON NU THOR BU LANG TSO LA BAB PA, SKRA GNAG PA, NYAM RTZAL BDO PA DANG LDAN PA DE DANG DA LTAR GYI LUS SU 'DI LTA STE TSE 'AM, KHA DOG GAM, STOBS SAM, SHUGS SAM, SMRA DANG GAS SAM, SRID DU 'AM, SBOMS SU MNYAM ZHING MTSUNGS PAR MTHONG NGAM, KYE YUL 'KHOR SKYONG GANG GI TSE BDAG LO NYI SHU 'AM LO NYI SHU RTZA LNGA LON PAR GYUR PA NA NA TSOD KYIS GZHON NU THOR BU LANG TSO LA BAB PA, SKRA GNAG PA, NYAM RTZAL BDO BA DANG LDAN PA DE DANG DA LTAR GYI LUS SU 'DI LTA STE TSE 'AM, KHA DOG GAM, STOBS SAM, SHUGS SAM, SRID DU 'AM, SBOMS SU 'AM, SMRA DANG GAS SU MNYAM ZHING MTSUNGS PAR MA MTHONG STE, DA NI BDAG NA TSOD KYIS LO BRGYAD BCU LON PAS RGAS 'KHOGS GTUGS TE BAR 'GA' BDAG 'DUG PA DANG LANGS PA YANG GZHAN GYIS BYA DGOS SO, ,RGYAL PO CHEN PO BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DES 'DI LAS DGONGS NAS 'JIG RTEN 'DI THAMS CAD NI RGA BAS NYE BAR KHRID PA YIN NO, ,ZHES GSUNGS PA DE BDAG GIS SHES MTHONG THOS RTOGS NAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PA RAB TU BYUNG STE DE LA NI BDAG RANGS TE BZOD DO,, @109B SHES LDAN YUL 'KHOR SKYONG GANG LA RANGS TE BZOD PA DE LA BDAG KYANG RANGS TE BZOD DO, ,GANG YANG SHES LDAN YUL 'KHOR SKYONG 'DI SKAD CES 'JIG RTEN 'DI NI RJES SU 'GRO BA MED PAS SKYABS MED PA YIN NO ZHES GSUNGS PA BDAG LA NI BU DANG, CHUNG MA DANG, BRAN DANG, LAS BGYID PA DANG, BZHAD GAD PA DANG, SKRA MKHAN DANG, KHRUS MKHAN DANG, 'DUL SBYONG MKHAN DANG, GLANG PO CHE LA ZHON PA DANG, RTA RKYA DANG, SHING RTA PA DANG, BSHAN THOGS DANG, GZHU 'DZIN PA DANG, 'DROL BU DANG, GO RE LONG BGYID PA DANG, BRO GAR LEN PA RNAMS DANG, RGYAL PO'I BU DPA' BA RTUL PHOD PA, RAB TU GNON TSAN PO CHE CHEN PO DANG LDAN PA GANG DAG BDAG GI GSHED MA PHYIR RGOL PA MI MDZA' BA DAG MCHIS PA SLAR 'JOMS PAR BGYID PA MCHIS NA, 'ON KYANG SHES LDAN YUL 'KHOR SKYONG 'DI SKAD CES 'JIG RTEN 'DI NI RJES SU 'GRO BA MED PAS SKYABS MED PA YIN NO ZHES GSUNGS PA DE SHES LDAN YUL 'KHOR SKYONG GIS CI LAS DGONGS TE GSUNGS RGYAL PO CHEN PO DE'I PHYIR KHYOD NYID LA DRIS KHYOD KYIS JI LTAR BZOD PA DE BZHIN DU LAN THOB SHIG ,RGYAL PO CHEN PO DA LTAR KHYOD LA LUS KYIS GNOD PA 'GA' MCHIS SAM, KYE YUL 'KHOR SKYONG BDAG LA MCHIS TE DA LTAR RLUNG GIS RGYAB TU GNOD DO, ,RGYAL PO CHEN PO GANG GI TSE RLUNG GIS RGYAB TU GNOD PAR GYUR PA DE'I TSE BDAG GI BU DANG, CHUNG MA DANG, BRAN DANG, LAS BYED PA DANG, BZHAD GAD PA DANG, SKRA MKHAN DANG, KHRUS MKHAN DANG, 'DUL SBYONG MKHAN DANG; GLANG PO CHE LA ZHON PA DANG, RTA RKYA DANG, SHING RTA PA DANG, BSHAN THOGS DANG, GZHU 'DZIN DANG, 'DROL BU DANG, GO RE LONG BYED PA DANG, BRO GAR LEN PA DANG, RGYAL PO'I BU DPA' BA RTUL PHOD PA, RAB TU GNON TSAN PO CHE CHEN PO DANG LDAN PA GANG DAG YIN PA TSUR, BDAG LA SKYES SHING BYUNG BA'I SDUG BSNGAL DRAG PO RTZUB PA TSAB MI BZOD PA MI BZOD PA YID DU MI 'ONG BA'I TSOR BA RNAMS CHOMS SHIG CES BGYIS NA 'GRUB BAM, KYE YUL 'KHOR SKYONG MA LAGS SO, ,GANG GI TSE RLUNG GIS BDAG GI RGYAB TU GNOD PAR GYUR PA DE'I TSE BDAG GI BU DANG, CHUNG MA DANG BRAN DANG LAS BGYID @110A *, ,PA DANG, BZHAD GAD PA DANG, SKRA MKHAN DANG, KHRUS MKHAN DANG, 'DUL SBYONG MKHAN DANG, GLANG PO CHE'I GNYAR ZHON PA DANG, RTA RKYA DANG, SHING RTA DANG, BSHAN THOGS DANG, GZHU 'DZIN DANG, 'DROL BU DANG, GO RE LONG BGYID PA DANG, BRO GAR LEN PA DANG, RGYAL PO'I BU DPA' BA RTUL PHOD PA, RAB TU GNON TSAN PO CHE CHEN PO DANG LDAN PA GANG DAG YIN PA TSUR, BDAG LA BYUNG ZHING SKYES PA'I SDUG BSNGAL DRAG PO RTZUB PA TSA BA MI BZAD PA YID DU MI 'ONG BA'I TSOR BA RNAMS CHOMS SHIG CES BGYIS KYANG MI 'GRUB KYI, DE'I TSE BDAG 'BA' ZHIG SDUG BSNGAL DRAG PO RTZUB PA TSA BA MI BZOD PA YID DU MI 'ONG BA'I TSOR BA RNAMS MYONG NGO, ,RGYAL PO CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DES 'DI LAS DGONGS NAS 'JIG RTEN 'DI NI RJES SU 'GRO BA MED DE SKYABS MED PA YIN NO ZHES GSUNGS PA DE BDAG GIS SHES MTHONG THOS RTOGS NAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG STE, DE LA NI BDAG RANGS TE BZOD DO, ,SHES LDAN YUL 'KHOR SKYONG GANG LA RANGS TE BZOD PA DE LA BDAG CAG KYANG RANGS TE BZOD DO, ,GANG YANG SHES LDAN YUL 'KHOR SKYONG 'DI SKAD CES 'JIG RTEN 'DI NI THAMS CAD BOR NAS 'GRO BAR 'GYUR BAS BDOG PA MED PA YIN NO ZHES GSUNGS PA, KYE YUL 'KHOR SKYONG BDAG CAG LA BU DANG, CHUNG MA DANG, BRAN DANG, LAS BGYID PA DANG, ZHES BYA BA NAS RGYAL PO'I BU RNAMS MCHIS TE ZHES BYA BA'I BAR GONG MA BZHIN DU'O, ,GANG DAG BDAG MCHI NA RJES BZHIN 'BRANG LA, 'GRENG NA 'GRENG PA DANG, NYA LAN ZHUGS TSE BGYID PA DAG MCHIS NA, 'ON KYANG SHES LDAN YUL 'KHOR SKYONG 'DI SKAD CES 'JIG RTEN 'DI NI THAMS CAD BOR TE 'GRO BAR 'GYUR BAS BDOG PA MED PA YIN NO, ,ZHES GSUNG BA DE SHES LDAN YUL 'KHOR SKYONG GIS CI LAS DGONGS TE GSUNGS, RGYAL PO CHEN PO DE'I PHYIR KHYOD NYID LA DRIS KHYOD KYIS JI LTAR BZOD PA DE BZHIN DU LAN THOB SHIG RGYAL PO CHEN PO JI SNYAM DU SEMS, GANG GI TSE SKYE BO MANG PO LA MI SDUG PA, SKYE BO @110B MANG PO MI 'DOD PA, SKYE BO MANG PO MI DGA' BA, SKYE BO MANG PO'I YID DU MI 'ONG BA 'JIG RTEN THAMS CAD KYI THUN MONG 'DI LTA STE, 'CHI BA ZHES BYA BA'I CHOS DE 'ONGS PAR GYUR PA DE'I TSE BDAG GI BU DANG, CHUNG MA DANG, BRAN DANG, LAS BYED PA ZHES BYA BA NAS RGYAL PO'I BU DAG TSUR ZHES BYA BA'I BAR DU'O, ,GANG DAG 'JIG RTEN 'DI NAS 'JIG RTEN PHA ROL DU 'GRO BA'I PHYI BZHIN SHOG SHIG CES BGYIS NA 'GRUB BAM, KYE YUL 'KHOR SKYONG MA LAGS SO, ,KYE YUL 'KHOR SKYONG GANG GI TSE SKYE BO MANG PO LA MI SDUG PA, SKYE BO MANG PO MI 'DOD PA, SKYE BO MANG PO MI DGA' BA, SKYE BO MANG PO'I YID DU MI 'ONG BA 'JIG RTEN THAMD CAD KYI THUN MONG 'DI LTA STE, 'CHI BA ZHES BYA BA'I CHOS DE 'ONGS PAR GYUR PA DE'I TSE BDAG GI BU DANG, CHUNG MA DANG, BRAN DANG, LAS BGYID PA RNAMS DANG ZHES BYA BA NAS, RGYAL PO'I BU'I BAR GANG DAG YIN PA TSUR ZHES BYA BA'I BAR DU'O, ,BDAG 'JIG RTEN 'DI NAS 'JIG RTEN PHA ROL DU MCHI BA'I PHYI BZHIN SHOG SHIG CES BGYIS KYANG MI 'GRUB STE, BDAG 'BA' ZHIG 'JIG RTEN 'DI NAS 'JIG RTEN PHA ROL DU MCHI BAR 'GYUR RO, ,RGYAL PO CHEN PO BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MKHYEN CING GZIGS PA DES 'DI LAS DGONGS NAS 'JIG RTEN 'DI NI THAMS CAD BOR TE 'GRO BAR 'GYUR BAS BDOG PA MED PA YIN NO ZHES GSUNGS PA DE BDAG GIS SHES MTHONG THOS RTOGS NAS, SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU BYUNG STE, DE LA NI BDAG RANGS TE BZOD DO, ,SHES LDAN YUL 'KHOR SKYONG GANG LA RANGS TE BZOD PA DE LA BDAG KYANG RANGS TE BZOD DO, ,SHES LDAN YUL 'KHOR SKYONG GANG YANG 'DI SKAD CES 'JIG RTEN 'DI NI NGOMS MI SHES SHING SRED PAS BKOL BAS CHOG MI SHES PA YIN NO ZHES GSUNGS PA, KYE YUL 'KHOR SKYONG BDAG SGRA NGAN RGYAS PA 'DI NYID LA YONGS SU SPYOD CING BTZUN MO MANG PO DANG, MDZOD DANG, BANG MDZOD RGYAS PA LA YONGS SU LONGS SPYOD NA, 'ON KYANG SHES LDAN YUL KHOR SKYONG 'DI SKAD @111A *, ,SKAD CES 'JIG RTEN 'DI NI NGOMS MI SHES SHING SRED PAS BKOL BAS CHOG MI SHES PA YIN NO ZHES GSUNGS PA DE SHES LDAN YUL 'KHOR SKYONG GIS CI LAS DGONGS TE GSUNGS, RGYAL PO CHEN PO DE'I PHYIR KHYOD NYID LA DRIS KHYOD KYIS JI LTAR BZOD PA DE BZHIN DU LAN THOB SHIG ,RGYAL PO CHEN PO JI SNYAM DU SEMS, KHYOD 'DI NA SGRA NGAN RGYAS PA LA YONGS SU SPYOD CING BTZUN MO MANG PO DANG, MDZOD DANG, BANG MDZOD RGYAS PA LA YONGS SU SPYOD PA LAS SHAR PHYOGS NAS MI YID GCUGS PA, YID CHES PA, BRTAN PO, 'JIG RTEN LA MI SLU BA ZHIG 'ONGS NAS DE 'DI SKAD CES LHA BDAG SHAR PHYOGS NAS 'DIR MCHI BA NA DE NA BDAG GIS LJONGS 'BYOR PA DANG, RGYAS PA DANG, BDE BA DANG, LO LEGS PA, SKYE BO DANG MI MANG POS RAB TU GANG BDAG CIG MTHONG STE, LHA LJONGS DE DAG 'DI LTA BU'I DPUNG DANG 'DI LTA BU'I DBYIG DANG, 'DI LTA BU'I BZHON PAS DRA MA DRANGS TE GZHOM PA DANG, CHOMS NAS RNAL DU DGOD PAR RUNG NGO, ,ZHES SMRA NA, RGYAL PO CHEN PO JI SNYAM DU SEMS, KHYOD YUL DER DRA MA DRANG ZHING DRANGS NAS BCOM STE, RNAL DU 'GOD DAM, KHYOD LJONGS DE DAG 'DOD DAM; KYE YUL 'KHOR SKYONG GAL TE BDAG GIS LJONGS DE DAG 'DI LTA BU'I DBYIG DANG, 'DI LTA BU'I DPUNG DANG, 'DI LTA BU'I BZHON PAS DRA MA DRANG BA DANG, DRA MA DRANGS NAS CHOMS PA DANG BCOM NAS RNAL DU DGOD DU RUNG BAR SHES NA, LJONGS DE DAG TU DRA MA DRANG ZHING DRA MA DRANGS NAS BCOM LA, BCOM NAS RNAL DU DGOD DO, ,BDAG LJONGS DE DAG KYANG 'TSAL LO,, ,,'DUL BA GZHI, BAM PO SUM BCU RTZA LNGA PA, RGYAL PO CHEN PO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BCOM LDAN 'DAS MKHYEN CING GZIGS PA DES DE LAS DGONGS NAS 'JIG RTEN 'DI NI NGOMS MI SHES SHING SRED PAS BKOL BAS CHOG MI SHES PA YIN NO, ,ZHES GSUNGS PA DE BDAG GIS SHES MTHONG THOS RTOGS NAS SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB @111B TU BYUNG STE, DE LA NI BDAG RANGS TE BZOD DO, ,SHES LDAN YUL 'KHOR SKYONG KHYOD GANG LA RANGS TE BZOD PA DE LA BDAG KYANG RANGS TE BZOD DO, ,TSE DANG LDAN PA YUL 'KHOR SKYONG GIS DE SKAD CES SMRAS NAS GNAS BRTAN DGRA BCOM PAS GZHAN YANG 'DI SKAD CES SMRAS SO, , 'JIG RTEN DAG NA NOR DANG LDAN PA'I MI, ,DE DAG CHAGS DANG BCAS PAS SOGS BYED CING, ,NOR RNAMS RNYED NAS GTONG BAR MI BYED LA, ,PHYIR ZHING 'DOD PA DON DU GNYER BA MTHONG, ,MI DBANG RGYA MTSO MTHA' YIS GTUGS PA'I SA, ,THAG BCUG BCOM STE CHAM DU PHAB NAS NI, , RGYA MTSO TSUN CANG KYIS KYANG MI CHOG STE, ,CHAGS PAS PHA ROL DON DU GNYER BAR 'BAD, ,MI DBANG DE BZHIN MI GZHAN MANG PO DAG ? ,YONGS SU BZUNG LA NGOMS PA YOD MIN PAS, ,CHOG MI SHES PAS RANG GI LUS BOR TE, ,SRED DANG MA BRAL BAR NI 'CHI BAR 'GYUR, ,SROG NI THER ZUG MA YIN TSE THUNG STE, ,RGA BAS GZIR BA LA NI SKYABS YOD MIN, ,'CHI BA LA NI NOR RJES 'BRANG MI 'GYUR, ,NYE DU MA YIN GROGS MIN BU MA YIN, ,SPUN DANG SRID MO DE BZHIN GROGS KUN DANG, ,SNYING DU SDUG PA'I TSOGS NI 'DUS NAS NI, ,KYE MA KYI HUD 'DI NI LHAR GYUR CES; ;SKRA BSHIG MCHI MA CAN GYI GDONG GIS DU, ,DE NI RAS KYIS DKRIS TE PHYUNG NAS NI, ,ME SBAR NAS NI DE NAS SREG PAR BYED, ,RANG GI LAS KYIS SEMS CAN DE KHRID NAS, ,DE YI NOR RNAMS BGO SKAL SPYOD PAS PHROGS, ,'DI NI SKYE BA NA YANG GCIG PU SKYE, ,'CHI BA NA YANG GCIG PU 'CHI 'GYUR ZHING, ,GCIG PUS SDUG BSNGAL NYAMS SU 'DIR MYONG 'GYUR, ,SKYE BO 'KHOR BAR GROGS YOD MA YIN NO, ,PHYUG PO'AM YANG NA BKRES PA'AM BRTAN PO'AM, ,BUS PA DE BZHIN GNYIS KAS REG MYONG NA, ,BRTAN PO DE YIS NAMS KYANG G-YOS MI 'GYUR; ;BUS PA BUS PA YIN PHYIR RTAG TU G-YO, ,BLO CHUNG MI MKHAS RJES SU SLOB BYED CING, ,DE NAS LAS RNAMS GSUM PO BYED 'GYUR ZHING, ,MNGAL DANG 'JIG RTEN PHA ROL 'GRO BAR 'GYUR, ,KHON DANG RJES 'BREL SDUG BSNGAL LAS MI 'GROL, ,SHES RAB NOR RNAMS KUN GYI @112A *, ,MCHOG TU GSUNGS, ,DE YIS BDAG NYID SHES PAS BDAG NYID RIG ,SRID DANG SRID MIN BDAG NYID MA RTOGS PAS, ,BLUN PO SDIG PA'I LAS RNAMS BYED PA YIN, ,PHRAN TSEGS THABS SAM YANG NA CHOS MIN PA'AM, ,MTHU YIS GZHAN DAG LAS NI GANG 'PHROG PA; ;NYES BYAS LAS BYED 'KHOR BA LA BRTEN NAS, ,NYING TOR BRGYUD PAS GROL BAR 'GYUR MA YIN, ,JI LTAR RKUN PO KHYIM 'BIGS BZUNGS NAS NI, ,SDIG PA'I LAS CAN RANG GI LAS KYIS BCOM, ,DE BZHIN SKYE DGU NYES BYED 'DI DANG NI, ,'JIG RTEN PHA ROL RANG GI LAS KYIS BCOM, ,SHING LAS SHING TOG BZHIN DU MI RNAMS NI, ,GZHON DANG BAR MA RGAN PO RNAMS KYANG LTUNG, ,'DOD PA SNA TSOGS SDUG CING YID 'ONG BA, ,RANG BZHIN DE LTA BU YIS SEMS RAB 'JOMS, ,'DOD PA RNAMS KYIS 'DI 'CHING CHAGS PAR 'GYUR, ,'DOD PA YOD NA KHON DANG 'JIGS PA SKYE, ,DE LTAS RGYAL PO 'DI NAS RAB BYUNG STE, ,DGE SBYONG NYID NI NYAMS PA MED MCHOG YIN, ,DE NAS RGYAL PO KOO RAB BYA TSE DANG LDAN PA YUL 'KHOR SKYONG GIS SMRAS PA LA MNGON PAR DGA' STE YI RANGS NAS RKANG PA GNYIS LA MGO BOS PHYAG BYAS TE STAN LAS LANGS NAS SONG NGO; ;BCOM LDAN 'DAS GLANG PO CHE'I GRONG RDAL DU BYON PA DANG, BRAM ZE ZHIG GIS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS MDZES PAR BYAS PA, 'OD 'DOM GANG GIS BRGYAN PA, 'OD ZER NYI MA STONG BAS LHAG PA, RIN PO CHE'I RI BO 'GRO BA LTAR KUN NAS BZANG BA DE RGYANG RING PO KHO NA NAS MTHONG NGO, ,MTHONG NAS KYANG BCOM LDAN 'DAS KYI SPYAN SNGAR SONG NAS TSIGS SU BCAD PAS BSTOD PAR BRTZAMS PA, GSER GYI MDOG CAN MIG TU SDUG PA DANG, ,DGA' BA'I 'BYUNG GNAS YON TAN KUN DANG LDAN, ,MI 'DUL KHA LO SGYUR BA LHA YI LHA, ,SRID PA'I RGYA MTSO'I PHA ROL BYON PA LAGS, ,DE NAS BCOM LDAN 'DAS KYIS 'DZUM PA MDZAD DO, ,CHOS NYID KYIS GANG GI TSE SANGS RGYAS BCOM LDAN 'DAS RNAMS 'DZUM PA MDZAD PA NA ZHES BYA BA NAS, MDZOD SBUR NUB @112B BAR GYUR TO, ,ZHES BYA BA'I BAR GONG MA BZHIN DU'O, ,DE NAS BCOM LDAN 'DAS LA TSE DANG LDAN PA KUN DGA' BOS THAL MO SBYAR BA BYAS NAS ZHUS PA, KHA DOG SNA TSOGS STONG GIS BKRA BA YI, ,ZHES BYA BA NAS KUN DGA' BO DE DE BZHIN TE, DE DE BZHIN NO ZHES BYA BA'I BAR GONG MA BZHIN DU'O, ,KUN DGA' BO DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RGYU MED RKYEN MED PAR 'DZUM PA MI MDZAD DO, ,KUN DGA' BO KHYOD KYIS BRAM ZES DE BZHIN GSHEGS PA LA TSIGS SU BCAD PAS BSTOD PA GANG YIN PA MTHONG NGAM, BCOM LDAN 'DAS MTHONG LAGS SO, ,'DI DGE BA'I RTZA BA 'DIS BSKAL PA NYI SHUR LOG PAR LTUNG BAR 'GRO BAR MI 'GYUR TE, 'ON KYANG LHA DANG MI RNAMS SU NYING MTSAMS SBYAR CING 'KHOR NAS SRID PA PHYI MA SKYE GNAS PHYI MA DANG, LUS PHYI MA DANG, BDAG GI NGO BO THOB PA PHYI MA LA RANG SANGS RGYAS BSTOD 'OS ZHES BYA BAR 'GYUR RO, ,DGE SLONG RNAMS THE TSOM SKYES NAS, THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA BRAM ZE 'DIS BCOM LDAN 'DAS LA TSIGS SU BCAD PA GCIG GIS BSTOD PA DANG, BCOM LDAN 'DAS KYIS RANG BYANG CHUB TU LUNG BSTAN PA LA GZIGS, BCOM LDAN 'DAS KYIS BKA' STZAL PA, DGE SLONG DAG DA LTAR 'BA' ZHIG TU MA ZAD KYI, JI LTAR 'DIS 'DAS PA'I DUS NA YANG NGA LA TSIGS SU BCAD PA GCIG GIS BSTOD PAS, NGAS GRONG MCHOG LNGA BYIN BA DE LEGS PAR RAB TU NYON LA YID LA ZUNG SHIG DANG BSHAD DO, ,DGE SLONG DAG SNGON BYUNG BA B'A R'A nA S'I GRONG KHYER DU RGYAL PO TSANGS SBYIN ZHES BYA BA 'BYOR PA DANG, RGYAS PA DANG, BDE BA DANG, LO LEGS PA SKYE BO DANG MI MANG POS RAB TU GANG BA LA RGYAL SRID BYED DU 'JUG STE, DE LHAG PAR SNYAN DNGAGS LA DGA' BAR GYUR TO, ,B'A R'A nA S'I NA BRAM ZE SNYAN DNGAGS MKHAN GZHAN ZHIG YOD PA DE LA BRAM ZE MOS SMRAS PA, BRAM ZE GRANG BA'I DUS LA BAB KYIS RGYAL PO DE'I SPYAN SNGAR SONG LA RJES SU MTHUN PA'I LEGS PAR SMRA BA 'GA' BYOS DANG, GAL TE NA GRANG BA'I SKYABS CUNG ZAD 'THOB PAR 'GYUR @113A *, ,RO; ,DE SONG BA LAS JI TZAM NA RGYAL PO GLANG PO CHE LA ZHON NAS BYUNG NGO, ,BRAM ZE DES BSAMS PA, CI BDAG GIS RGYAL PO LA BSTOD DAM, 'ON TE GLANG PO CHE DAM PA LA SNYAM PA LAS DE 'DI SNYAM DU SEMS TE, GLANG PO CHE DAM PA 'DI NI 'JIG RTEN THAMS CAD KYIS SDUG CING YID DU 'ONG BA YIN LA RGYAL PO LA NI KHYAD PAR DU YIN PAS, RE ZHIG GLANG PO CHE DAM PA MNGON PAR BSTOD PAR BYA'O SNYAM NAS DES TSIGS SU BCAD DE SMRAS PA, SA SRUNG BU YI LUS KYI SHA TSUGS LTAR, ,MTSAN MCHOG LDAN PA'I GZUGS NI PHUN SUM TSOGS; ;MDOG DANG TSAD KYIS LUS KYI GZUGS LEGS PA, ,GLANG CHEN DBANG PO BKRA SHIS RAB TU BSNGAGS, ,DE NAS RGYAL PO MNGON PA DGA' NAS TSIGS SU BCAD DE SMRAS PA, KHO BO'I GLANG CHEN SDUG CING YID 'ONG BA, ,MI RNAMS MIG 'PHROG DGA' BA SKYED PA GANG, , DE LA KHYOD KYIS BSTOD PA'I TSIG SMRAS KYIS, ,KHYOD LA GRONG GI MCHOG NI LNGA SBYIN NO, ,DGE SLONG DAG DE'I TSE DE'I DUS KYI GLANG PO CHE DAM PA GANG YIN PA DE NI NGA NYID YIN NO, ,DE'I TSE DE'I DUS KYI BRAM ZE GANG YIN PA DE NI BRAM ZE 'DI NYID YIN TE, DE NA YANG NGA LA 'DIS TSIGS SU BCAD PA GCIG GIS BSTOD PAS NGAS 'DI LA GRONG MCHOG LNGA BYIN NO, ,DA LTAR YANG NGA LA 'DIS TSIGS SU BCAD PA GCIG GIS BSTOD PAS NGAS YANG 'DI RANG BYANG CHUB TU LUNG BSTAN TO, ,GRONG KHYER CHEN POR GSHEGS NAS GRONG KHYER CHEN POR SANGS RGYAS BZHI'I GDAN ZHES BYA BA'I BAR RGYAS PAR GONG MA BZHIN DU'O, ,YUL SRUG NAR GSHEGS PA DANG YUL SRUG NA NA BRAM ZE DBANG PO ZHES BYA BA GZUGS DANG LANG TSO DANG, THOS PAS RGYAGS PAR GYUR NAS BDAG DANG 'DRA BA NI 'GA' YANG YOD PA MA YIN NO ZHES SGROGS SHING RNAM PAR SGROGS SO, ,BCOM LDAN 'DAS KYANG PHYOGS GZHAN ZHIG NA DGE SLONG GI DGE 'DUN GYI GUNG LA GDAN BSHAMS PA NYID LA BZHUGS TE CHOS 'CHAD DO, ,BRAM ZE DBANG PO ZHES BYA BAS DGE SBYONG GOO TA MA YUL SRUG NAR BYON TO ZHES THOS NAS DE 'DI SNYAM DU SEMS TE, DGE SBYONG GOO TA MA GZUGS BZANG BA MDZES PA BLTA NA SDUG PA ZHES THOS KYIS, CI BDAG @113B LAS LHAG PAR GZUGS BZANG BA YIN NAM, 'ON TE MA YIN LTAR 'GRO'O SNYAM NAS DE BYUNG BA DANG, JI TZAM NA BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS MDZES PAR BYAS PA, 'OD 'DOM GANG GIS BRGYAN PA 'OD ZER NYI MA STONG BAS LHAG PA, RIN PO CHE'I RI BO 'GRO BA LTAR KUN NAS BZANG BA MTHONG NGO, ,MTHONG NAS KYANG 'DI SNYAM DU SEMS TE, DGE SBYONG GOO TA MA NI BDAG BAS GZUGS LHAG PAR BZANG MOD KYI, TSAD NI LHAG PAR RING BA NI MA YIN NO SNYAM NAS, BCOM LDAN 'DAS DE'I GTZUG TOR BLTA BAR BRTZAMS PA DANG, JI TZAM NAM MTHONG NAS DE PHYOGS SHIN TU MTHO BA ZHIG LA 'DZEGS NA 'ON KYANG MA MTHONG NGO, ,DE NAS BCOM LDAN 'DAS KYIS BRAM ZE DBANG PO LA BKA' STZAL PA, BRAM ZE NYON MONGS KYIS THONG SHIG ,GAL TE RI RAB KYI RTZE LA 'DZEGS TE BLTAS KYANG 'ON KYANG CHES NYON MONGS SU ZAD KYI DE BZHIN GSHEGS PA'I GTZUG TOR NI MTHONG BAR MI 'GYUR RO, ,GZHAN YANG KHYOD KYIS LHA DANG LHA MA YIN DU BCAS PA'I 'GRO BAS SANGS RGYAS BCOM LDAN 'DAS RNAMS KYI GTZUG TOR MI MTHONG NGO, ,ZHES MA THOS SAM, 'ON KYANG GAL TE DE BZHIN GSHEGS PA'I SKU'I TSAD MTHONG BAR 'DOD NA KHYOD KYI KHYIM NA ME'I SBYIN SREG BYED PA'I 'OG NA TZAN DAN SA MCHOG LAS BYAS PA'I MCHOD SDONG NYID YOD KYIS DE PHYUNG LA GZHOL CIG DANG, DE BZHIN GSHEGS PA'I YAB DANG, YUM LAS 'KHRUNGS PA'I SKU'I TSAD NI DE YIN NO, ,BRAM ZE DBANG POS BSAMS PA, DE YANG NGO MTSAR ZHIG STE BDAG GIS LAN 'GA' YANG MA THOS NA SONG STE BLTA'O SNYAM NAS DE RINGS PA RINGS PAR SONG NAS ME'I SBYIN SREG BYED PA'I THAB KYI 'OG TU BRKO BAR BRTZAMS PA LAS DE THAMS CAD DU DE BZHIN DU GYUR TO, ,DE MNGON PAR DAD PAR GYUR NAS BSAM PA, DGE SBYONG GOO TA MA NI GDON MI ZA BAR THAMS CAD MKHYEN PA YIN GYIS SONG LA BSNYEN BKUR BYA'O SNYAM NAS DE DAD PA SKYES TE BCOM LDAN 'DAS GANG NA BA DER SONG NAS PHYIN PA DANG, BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR @114A *, ,BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS TE PHYOGS GCIG TU 'DUG GO, ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS ZHES BYA BA NAS THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS SMRAS PA, BCOM LDAN 'DAS BDAG NI 'PHAGS SO, ,MNGON PAR 'PHAGS SO, ,BDAG BCOM LDAN 'DAS DANG, CHOS DANG, DGE SLONG GI DGE 'DUN LA SKYABS SU MCHI LAGS KYIS, BDAG DGE BSNYEN DU GZUNG DU GSOL, DENG SLAN CAD JI SRID 'TSO'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO, ,DE NAS BRAM ZE DBANG PO STAN LAS LANGS TE BLA GOS BRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,GAL TE BCOM LDAN 'DAS KYIS GNANG NA BDAG GIS TZAN DAN SA MCHOG GI MCHOD SDONG GI DUS MCHOD BSHAMS LAGS SO, , BCOM LDAN 'DAS KYIS BKA' STZAL PA, BRAM ZE GNANG GIS SONG LA SHOMS SHIG ,DE NAS DES SA PHYOGS DBEN PA SKABS YOD PA ZHIG TU RIM GRO CHEN POS MCHOD SDONG DE BSGRENGS NAS DUS MCHOD CHEN PO BSHAMS SO, ,BRAM ZE DANG KHYIM BDAG GZHAN DAG GIS KYANG RTEN DGE BAR GYUR CIG CES BYA BAR RIG NAS, RTZVA KU SHA BTAGS TE BRAM ZE DBANG POS MCHOD SDONG GI DUS MCHOD BSHAMS PAS NA DBANG PO'I DUS MCHOD CES BYA BAR GRAGS SO, ,GANG GI TSE BCOM LDAN 'DAS KYIS MNYAN YOD DU CHO 'PHRUL CHEN PO BSTAN PAS MU STEGS CAN RNAMS NI SBA BKONG, LHA DANG MI RNAMS NI DGA' BAR MDZAD, SKYE BO DAM PA RNAMS NI YI RANGS PAR MDZAD PA DE'I TSE MU STEGS CAN RNAMS BROS NAS MTHA' 'KHOB TU GNAS SHING KHA CIG NI BRAM ZE'I GRONG ZHES BYA BAR DONG NAS GNAS SO, ,DE'I TSE BCOM LDAN 'DAS KO SA LA'I LJONGS RGYU ZHING GSHEGS PA NA BRAM ZE'I GRONG DU GSHEGS @114B SO; ,MU STEGS CAN RNAMS KYIS NI DGE SBYONG GOO TA MA 'ONG NGO ZHES THOS SO, ,THOS NAS KYANG RINGS PA RINGS PAR BRAM ZE DANG KHYIM BDAG RNAMS KYI KHYIM DU DONG STE LHAGS NAS SMRAS PA, CHOS THOS PAR GYUR CIG ,CHOS THOB PAR GYUR CIG ,DE RNAMS KYIS SMRAS PA, 'PHAGS PA DAG DE CI ZHIG KHO BO CAG GIS KHYED KYI PHUN SUM TSOGS PA NI MTHONG GIS, JI SRID RGUD PA MA MTHONG BA DE'I BAR DU 'GRO BYA'O, ,DE RNAMS KYIS SMRAS PA, 'PHAGS PA DAG BDAG CAG GI RGUD PA GANG LAGS, SHES LDAN DAG DGE SBYONG GOO TA MA 'KHOR STONG NYIS BRGYA LNGA BCU DANG SPU GRI'I SER BA 'BEBS SHING 'ONG STE, BU DANG BCAS PA DUM BU MED PAR BYED PAR 'GYUR RO, ,DE RNAMS KYIS SMRAS PA, 'PHAGS PA DAG GANG GI TSE KHO NA BZHUGS SHING GROGS BGYI BA LA THUG PA DE KHO NA'I TSE BZHUD PA NI BZANG PO MA LAGS TE, BDAG CAG RNAM PA THAMS CAD DU MA RUNG NGO, , DE RNAMS KYIS SMRAS PA, DAM ZHIG BCA' STE, GAL TE DGE SBYONG GOO TA MA GSOD NA NI 'KHOD PAR BYA'O, ,BZHUGS SHIG GSAD PAR BGYI'O ZHES DE RNAMS LAG NA DBYUG PA DANG GZHU THOGS, KHU TSUR BCANGS, GO BGOS TE BYUNG BA DANG, LAM GYI DBUS NA SH'AKYA RGAN PO ZHIG 'DUG PAS MTHONG NAS SMRAS PA, SHES LDAN DAG GANG DU 'DONG, DE RNAMS KYIS SMRAS PA, DGRA BSAD PA'I PHYIR RO, ,KHYED CAG GI DGRA SU YIN, DGE SPYONG GOO TA MA'O, ,SHES LDAN DAG GAL TE BCOM LDAN 'DAS DGRA YIN NA BYAMS PA GZHAN CI 'DRA BA ZHIG YIN, SHES LDAN DAG SLAR LOG SHIG ,DE RNAMS LDOG TU MA BTUB PA DANG, DES BSAMS PA, 'DI DAG NI CHOS BSHAD PA'I 'OS SU 'GYUR BA MA YIN GYIS, RNAM PA THAMS CAD DU PHA ROL GNON PA ZHIG BYA'O SNYAM NAS, DES RI BRAGS SU ZHUGS NAS ME BTANG BA DANG, RI BRAGS KUN TSIG PAS CA CO DANG KU CO'I SGRA CHEN PO BYUNG BA DE RNAMS KYIS THOS NAS SDANGS TE SMRAS PA, SHES LDAN DAG BDAG CAG DANG DGE SBYONG GOO TA MA NI THAG RING PO KHO NA YIN GYI, RI BRAGS 'DIR NI PHUNG BA CHEN PO GZHAN 'DI BYUNG STE RI BRAGS BSREGS KYIS ME BSAD KYIS SLAR LDOG GO ZHES DE RNAMS KYIS BSAD PAR BRTZAMS @115A *, ,PA DANG, BSAD PAR MA NUS PA DANG, BCOM LDAN 'DAS KYANG DE NYID DU BYON NAS BKA' STZAL PA, GNAS 'JOG DAG 'DI CI BYED, BCOM LDAN 'DAS RI BRAGS RNAMS ZHUGS KYIS TSIG NA DGUM PAR RNGO MA THOG LAGS SO, ,NGAS BSAD DAM, BCOM LDAN 'DAS DGUM DU GSOL, BCOM LDAN 'DAS KYIS GSUNG PHYUNG MA THAG KHO NAR 'DI LTAR YANG SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS ME DE ZHI BAR GYUR TO, ,DE RNAMS MNGON PAR DAD PAR GYUR NAS GSOL PA, BCOM LDAN 'DAS CI ZHIG GI SLAD DU GSHEGS LAGS, KHYED CAG KHO NA RJES SU GZUNG BA'I PHYIR RO, ,DE NAS BCOM LDAN 'DAS KYIS DE RNAMS KYI BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG 'DRA BA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DE ZHES BYA BA NAS, THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS SO ZHES BYA BA'I BAR GONG MA BZHIN DU'O, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA SH'AKYA RGAN PO 'DIS NYE DU LA CHAGS PAS BSOD NAMS MA LAGS PA MANG DU BSAGS TE RI BRAGS BSREGS PA LA GZIGS, BCOM LDAN 'DAS KYIS BKA' STZAL PA, DGE SLONG DAG DA LTAR 'BA' ZHIG TU MA ZAD DE, JI LTAR 'DIS 'DAS PA'I DUS NA YANG GNYEN LA CHAGS PAS BSOD NAMS MA YIN PA MANG DU BSAGS TE RI BRAGS BSREGS PA DE LEGS PAR RAB TU NYON LA YID LA ZUNG SHIG DANG BSHAD DO, ,DGE SLONG DAG SNGON BYUNG BA RI BRAGS ZHIG NA SPRE'U LNGA BRGYA'I TSOGS GNAS BAS LO THOG SKYES SHING SKYES PA RNAMS CHUD GSAN TO, ,RI BRAGS NA GNAS PA'I SKYE BO'I TSOGS 'DUS NAS PHAN TSUN DU GROS BYA BAR BRTZAMS PA, SHES LDAN DAG SPRE'U RNAMS KYIS LO THOG LA GNOD PA BYED NA DE LA JI LTAR BSGRUB PAR BYA, GZHAN DAG GIS SMRAS PA SPRE'U @115B RNAMS GSAD MOD, DE RNAMS JI LTAR GSAD PAR BYA, RI BRAGS KYI NYEN KOR GYI SHING THAMS CAD BCAD DE SHING TIN TU KA GCIG PU ZHIG BZHAG LA NYEN KOR RNAMS TSER MAS BSKOR TANG DE LA BZA' BA'I PHYIR SPRE'U RNAMS 'DZEG PAR 'GYUR TE, DE LTAR GYUR TANG DER DE RNAMS GSAD PAR BYA'O, ,DE NAS DE RNAMS KYIS BRAGS KYI NYEN KOR GYI SHING THAMS CAD BCAD DE SHING TIN TU KA GCIG PU BZHAG NAS NYEN KOR RNAMS TSER MA'I RA BAS BSKOR TE SRUNG MA PA'I MI BZHAG NAS BSGO BA, KHYOD KYIS GANG GI TSE SPRE'U RNAMS TSOGS PAR GYUR PA DE'I TSE KHO BO CAG LA SPRON CIG ,DE NAS DUS GZHAN ZHIG NA SHING TIN TU KA'I ME TOG DANG 'BRAS BU CHAGS TE SMIN PA DANG, SPRE'U RNAMS KYIS SDE DPON LA SMRAS PA, SDE DPON SHING TIN TU KA SMIN CING MCHIS KYIS GSOL DU GSHEGS SO, ,DE NAS SDE DPON 'KHOR LNGA BRGYA DANG SHING TIN TU KA LA 'DZEGS TE SHING TIN TU KA DE LA BZA' BAR BRTZAMS SO, ,DE NAS SRUNG MA'I MIS RI BRAGS NA GNAS PA'I SKYE BO'I TSOGS LA SMRAS PA, SHES LDAN DAG SHING TIN TU KA LA SPRE'U THAMS CAD 'DZEGS NAS ZA BAR BYED KYIS KHYED CAG GI BYA BA'AM BYED PA GANG YIN PA DE GYIS SHIG ,DE NAS RI BRAGS NA GNAS PA'I SKYE BO'I TSOGS LAG NA MDA' GZHU DANG DGRA STA THOGS, KHU TSUR BCANGS TE RINGS PAR SONG NAS SHING TIN TU KA BCAD PAR BRTZAMS PA DANG, DE NAS SPRE'U DE RNAMS BRED DE MCHONG RGAL ZHING SHING KA PHAN TSUN RGYU BAR BYED DO, ,SDE DPON NI SEMS LAS CHUNG NGUS ZA BAR BYED PA DANG, SPRE'U DE RNAMS KYIS DE LA SMRAS PA, SDE DPON BDAG CAG NI SDUG BSNGAL MI BZAD PA NYAM NGA BA THOB CING MCHIS TE PHAN TSUN DU RGYU LAGS NA, KHYOD CI'I SLAD DU THUGS KHRAL CHUNG NGUS BZHUGS DES TSIGS SU BCAD DE SMRAS PA, BYA BA MANG PO'I MI RNAMS LA, ,BYA BA MIN PA'ANG DE DANG 'DRA, , SHING GI 'PHRO NI MANG YOD PAS, ,SEMS LAS BSKYUNGS TE BZA' BAR GYIS, ,DE NAS YANG SDE DPON GYI PHRU GU ZHIG RI BRAGS DE NA BCINGS TE 'DUG PA DE LAG PA 'GRAM PA LA GTAD NAS SEMS KHONG DU CHUD CING 'DUG PA DANG, JI TZAM NA SPRE'U BZANG PO ZHIG PHYOGS DER 'ONGS PA DANG, DE SEMS @116A *, ,KHONG DU CHUD PA MTHONG NAS SMRAS PA, GROGS PO CI'I PHYIR LAG PA 'GRAM PA LA GTAD NAS SEMS KHONG DU CHUD, DES SMRAS PA, DA LTAR RI BRAGS NA GNAS PA'I SKYE BO'I TSOGS THAMS CAD KHO BO'I NYE DU GSOD DU DONG NA CI'I PHYIR SEMS KHONG DU CHUD PAR MI 'GYUR, CI'I PHYIR KHYOD KYIS PHA ROL GNON PA MA BYAS, BCINGS NA JI LTAR PHA ROL GNON PA BYA, KHO BOS KHYOD DGROL LO ZHES DES DE BKROL BA DANG, DE NAS DES RI BRAGS DER ME BTANG STE, RI BRAGS KUN TSIG PAS CA CO DANG KU CO'I SGRA CHEN PO BYUNG BA DE RNAMS KYIS THOS NAS SDANGS TE SMRAS PA, SHES LDAN DAG BDAG CAG DANG SPRE'U RNAMS NI THAG RING PO KHO NA YIN GYI, PHUNG BA CHEN PO GZHAN 'DI BYUNG STE RI BRAGS BSREGS KYIS ME GSAD KYIS SLAR LDOG GO ZHES DE RNAMS ME GSAD PA'I PHYIR BRGYUGS PA DANG, SPRE'U RNAMS KYANG SHING TIN TU KA LAS BBAS NAS BROS SO, ,DGE SLONG DAG JI SNYAM DU SEMS, SPRE'U'I PHRU GU GANG YIN PA DE NI SH'A KYA RGAN PO 'DI NYID YIN TE, DE NA YANG 'DIS NYE DU LA CHAGS PAS RI BRAGS BSREGS LA DA LTAR YANG 'DIS NYE DU LA CHAGS PAS RI BRAGS BSREGS SO, ,NAG PO'I GRONG KHYER DU GSHEGS NAS NAG PO'I GRONG KHYER DU SANGS RGYAS BZHI'I GDAN ZHES BYA BA RGYAS PAR GONG MA BZHIN DU'O, ,RO HI TA KAR BYON NAS RO HI TA KA NA GNOD SBYIN GLANG CHEN STOBS KYI GNAS NA BZHUGS SO, ,DE'I TSE GNOD SBYIN GLANG CHEN STOBS GNOD SBYIN RNAMS KYI GNOD SBYIN GYI 'DUN SAR SONG BA DANG, GNOD SBYIN GLANG CHEN STOBS KYIS, BCOM LDAN 'DAS BSKYED PAR BYON NAS RO HI TA KA NA BDAG GI GNAS KHO NA NA BZHUGS SO ZHES THOS SO, ,THOS NAS KYANG BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG PA DANG, BCOM LDAN 'DAS KYIS GNOD SBYIN GLANG CHEN STOBS LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD CES BYA BA NAS, YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS @116B GNOD SBYIN GLANG CHEN STOBS STAN LAS LANGS NAS BLA GOS PHRAG PA GCIG TU GZAR TE BCOM LDAN 'DAS GANG NA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS DO MOD BDAG GI GNAS SU BZHUGS PAR GNANG BAR MDZAD DU GSOL, BCOM LDAN 'DAS KYIS GNOD SBYIN GLANG CHEN STOBS LA CANG MI GSUNG BAS GNANG NGO, ,DE NAS GNOD SBYIN GLANG CHEN STOBS KYIS BCOM LDAN 'DAS KYI PHYIR GTZUG LAG KHANG LNGA BRGYA SPRUL TE, STAN NANG TSANGS CAN DANG, SNGAS NANG TSANGS CAN DANG, GOR BU LNGA BRGYA DANG; ZHUGS LING LNGA BRGYA BSHAMS SO, ,DE NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SENG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS GNOD SBYIN GLANG CHEN STOBS LA CANG MI GSUNG BAS GNANG NGO, ,DE NAS GNOD SBYIN GLANG CHEN STOBS KYIS BCOS LDAN 'DAS CANG MI GSUNG BAS GNANG BAR RIG NAS STAN LAS LANGS TE SONG NAS DE'I NE'U ZLA KHA CHE YUL GYI GNOD SBYIN SGRA SGROGS ZHES BYA BA DE LA DES BSGO BA, KHO BOS SANGS RGYAS LA SOGS PA DGE SLONG GI DGE 'DUN GDUGS TSOD LA SPYAN DRANGS KYIS BYANG PHYOGS KYI 'BRAS BU RNAMS SKUR CIG CES DES DE LA PHO NYA BTANG NAS DE NYID KYI MTSAN MO NAS GTZANG ZHING BSOD PA'I BZA' BA DANG BCA' BA DAG STA GON BYAS NAS, NANG PAR SNGAR LANGS TE GTZUG LAG KHANG CHAG CHAG DANG PHYAG DAR BYAS NAS GDAN BSHAMS TE NOR BU'I CHU SNOD BZHAG NAS, KHANG SKYONG GIS GAnd'I BRDUNGS PA DANG, GNOD SBYIN SGRA SGROGS KYIS RGUN 'BRUM GYIS SKON PA BKANG STE GNOD SBYIN RNAMS KYI LAG TU BSKUR TE, DE DAG GIS GTZUG LAG KHANG GI DBUS SU PHUNG POR SPUNGS TE BZHAG GO, ,DGE SLONG RNAMS KYIS 'BRAS BU 'DI DGE CI'I YIN PA DANG, JI LTAR BRTAG PAR BYA BA MI SHES NAS, DE RNAMS KYIS BCOM LDAN 'DAS LA ZHUS PA DANG, BCOM LDAN 'DAS KYIS BKA' STZAL PA, DGE SLONG DAG BYANG PHYOGS KYI NAGS KYI 'BRAS BU RGUN @117A *, ,'BRUM ZHES BYA STE, MES BRTAG PA BYOS LA RIM SHIG ,DGE SLONG RNAMS 'BRUM BU RE RE NAS BYED PA NA SHIN TU YUN RING DU THOGS PAR GYUR NAS BCOM LDAN 'DAS KYIS BKA' STZAL PA, PHUNG PO GNYIS SAM GSUM DU BYOS LA MES REG PAR BYOS SHIG ,DE NAS GNOD SBYIN GLANG CHEN STOBS KYIS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS, GTZANG ZHING BSOD PA'I BZA' BA DANG BCA' BA DAG RANG GI LAG NAS ZHES BYA BA NAS, STAN CHES DMA' BA ZHIG BLANGS TE, BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS GNOD SBYIN GLANG CHEN STOBS LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS PA DANG RGUN 'BRUM MANG DU LHAG PAR GYUR NAS, BCOM LDAN 'DAS KYIS BKA' STZAL PA, RGUN 'BRUM RNAMS MNYES LA KHU BA BRIM PAR BYA'O, ,'ON KYANG LHAG NAS BCOM LDAN 'DAS KYIS BKA' STZAL PA, DRO 'JAR BYAS TE BZHAG PA DANG DGE 'DUN GYI DUS MA YIN PA'I BTUNG BAR 'GYUR RO, ,DE NAS BCOM LDAN 'DAS GTZUG LAG KHANG GI PHYI ROL DU ZHABS GNYIS BKRUS NAS GTZUG LAG KHANG DU NANG DU YANG DAG 'JOG GI PHYIR ZHUGS SO, ,DE NAS BCOM LDAN 'DAS 'DI SNYAM DU DGONGS TE, NGA NI TSE THUNG NGU'I DUS LA BYUNG NGAS MYA NGAN LAS 'DAS PA'I DUS LA BAB NA GDUL BA'I DON BYA BA NI RAB TU MANG BAS GAL TE NGA DGE SLONG KUN DGA' BO DANG THABS CIG TU BYANG PHYOGS SU GSHEGS NA NI GDUL BA RNAMS KYI DON BYA DKA' BAR 'GYUR GYIS, MA LA NGA GNOD SBYIN LAG NA RDO RJE DANG LHAN CIG GSHEGS PAR BYA'O SNYAM NAS, DE NAS BCOM LDAN 'DAS KYIS GTZUG LAG KHANG GI PHYI ROL DU TSIGS SU BCAD PA GNYIS KYIS GNOD SBYIN LAG NA RDO RJE BOS PA, DRAN DANG LDAN RNAMS BZANG POR SHOG ,DRAN DANG LDAN RNAMS RTAG TU BZANG, ,ZHI BA THOB PA'I SEMS KYIS NI, ,DRAN DANG LDAN @117B PA BDE BAR NYAL, ,DRAN DANG LDAN RNAMS BZANG POR SHOG ,DRAN DANG LDAN RNAMS RTAG TU BZANG, ,RGYAL DANG PHA ROL RGYAL SPANGS NAS, ,DRAN DANG LDAN PA BDE BAR NYAL,, ,,BAR SDOM LA, SPUNGS PA CAN NA SANGS RGYAS STOBS, ,RE TU KA NA CHOS STOBS TE, ,SIN DU NA NI PHOR CHEN ZHABS, ,MGO REG SPYI BLUGS SOG MA MED, ,HU LU KLU DANG DE BZHIN NAGS, ,GNYID 'GROGS DRANG SRONG NYAMS PA DANG, ,KAN THA 'BRAS KYI GRONG KHYER DU, ,MCHOG GI MA BTUL DBANG LDAN RDZA, ,GSING MA'I GNOD SBYIN CHEN PO DANG, ,DE BZHIN BRTZEGS SKYONG DGA' 'PHEL DANG, ,SRID PA'I LHA DANG GTUM BYED KYI, ,BU BDUN RNAMS NI BTUL BA DANG, ,GNOD SBYIN PHYUGS SKYONG 'GRO MA GYOGS DANG, ,NAB SO'I KLU LA GZUGS BRNYAN BTANG, ,SBU BU CAN DANG SBUBS CAN BTUL, ,MDUNG CAN GYI NI GRONG KHYER NA, ,MDUNG CAN ZHES BYA'I GDON SBYIN MO, ,'BRA GO CAN DANG RDUL MCHOD RTEN, ,SOG MED TSOGS SU BSDUS TE BRJOD, ,DE NAS BCOM LDAN 'DAS KYIS GNOD SBYIN LAG NA RDO RJE LA BKA' STZAL PA, LAG NA RDO RJE TSUR BYANG PHYOGS SU KLU SOG MA MED 'DUL DU 'DONG NGO, ,BTZUN PA BKA' BZHIN 'TSAL ZHES GNOD SBYIN LAG NA RDO RJES BCOM LDAN 'DAS KYI LTAR MNYAN TO, ,DE NAS BCOM LDAN 'DAS GNOD SBYIN LAG NA RDO RJE DANG THABS CIG TU DE NYID NAS RDZU 'PHRUL GYIS NAM MKHA' LA GSHEGS PA NA, BCOM LDAN 'DAS KYIS RGYANG RING PO KHO NA ZHIG NA TSAL SNGO ZHING SNGO BA BSGRENGS PA DAG GZIGS SO, ,GZIGS NAS KYANG GNOD SBYIN LAG NA RDO RJE LA BKA' STZAL PA, LAG NA RDO RJE KHYOD KYIS TSAL SNGO ZHING SNGO BA BSGRENGS PA DAG MTHONG NGAM, BTZUN PA MTHONG LAGS SO, ,DE NI AU SHI RA'I RI YIN TE, NGA YONGS SU MYA NGAN LAS 'DAS NAS LO BRGYA LON PA NA ZHI GNAS DANG RJES SU MTHUN PA RNAMS KYI GNAS MAL GYI MCHOG TA MA SA'I TSAL ZHES BYA BAR 'GYUR RO, ,DE NAS BCOM LDAN 'DAS SPUNGS PA CAN DU GSHEGS SO, ,DE'I TSE SPUNGS PA CAN NA GNOD SBYIN SANGS RGYAS STOBS ZHES BYA BA 'DUG PA SDIG PA'I BSAM PA CAN ZHIG GNAS PAS SPUNGS @118A *, ,PA CAN NA GNAS PA'I SKYE BO'I TSOGS KYIS MGU BAR BYAS KYANG DE DUS DUS SU GNOD PA BYED DO, ,SPUNGS PA CAN NA GNAS PA'I SKYE BO'I TSOGS KYIS BCOM LDAN 'DAS SPUNGS PA CAN DU GSHEGS NAS PHYOGS CHE GE MO NA BZHUGS SO ZHES THOS SO, ,THOS NAS KYANG BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG BA DANG SPUNGS PA CAN NA GNAS PA'I SKYE BO'I TSOGS LA BCOM LDAN 'DAS KYIS CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD CES BYA BA NAS YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS SPUNGS PA CAN NA GNAS PA'I SKYE BO'I TSOGS STAN LAS LANGS NAS BLA GOS PHRAG PA GCIG TU GZAR TE, BCOM LDAN 'DAS GANG NA BDE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BTZUN PA GNOD SBYIN SANGS RGYAS STOBS 'DI BDAG CAG LA YUN RING MO ZHIG NAS SHA KHO NA MA MCHIS PAR NI SHA KHO NA BGYID, 'GRAN ZLA MA LAGS PAR NI 'GRAN ZLA BGYID, GLAGS MA BTZAL BAR NI GLAGS TSOL BAR BGYID LAGS NA, KYA MA'O BCOM LDAN 'DAS KYIS THUGS BRTZE BA NYE BAR BZUNG STE GNOD SBYIN SANGS RGYAS STOBS GDUL BAR GSOL, DE'I TSE GNOD SBYIN SANGS RGYAS STOBS 'KHOR DE NYID DU 'DUS SHING 'DUG PAR GYUR NAS, DE NAS BCOM LDAN 'DAS KYIS GNOD SBYIN SANGS RGYAS STOBS LA BKA' STZAL PA, SANGS RGYAS STOBS KHYOD KYIS THOS SAM, BCOM LDAN 'DAS BDAG GIS THOS LAGS SO, ,SANGS RGYAS STOBS KHYOD KYIS THOS SAM, BDE BAR GSHEGS PA BDAG GIS THOS LAGS SO, ,DAM PA MA YIN PA'I CHOS SDIG PA DE LAS LOG SHIG ,BCOM LDAN 'DAS BDAG LDOG LAGS SO, ,DE NAS BCOM LDAN 'DAS KYIS GNOD SBYIN SANGS RGYAS STOBS SKYABS SU 'GRO BA DANG BSLAB PA'I @118B GZHI RNAMS LA BZHAG GO, ,DE NAS DES SPUNGS PA CAN ZHES BYA BA'I GNAS MAL BRTZIGS SO, ,BRAM ZE DANG KHYIM BDAG DAD PA CAN RNAMS KYIS KYANG YO BYAD THAMS CAD DANG LDAN PA'I GTZUG LAG KHANG BRTZIGS SO, ,BCOM LDAN 'DAS GSHEGS PA DANG GNOD SBYIN SANGS RGYAS STOBS ZHABS 'BRING DU CHAS PA LAS BCOM LDAN 'DAS KYIS SLAR BZLOG NAS BKA' STZAL PA, SKYE BO'I TSOGS 'DI SRUNGS SHIG ,NGAS KYANG NGA YONGS SU MYA NGAN LAS 'DAS NAS KYANG CI NAS SPYAN LDINGS TE 'BAB PAR 'GYUR BA DE LTAR BYIN GYIS BRLAB PAR BYA'O, ,GZHAN DAG GIS KYANG PHYOGS DER MCHOD RTEN BRTZIGS PAS MCHOD RTEN SPUNGS PA CAN ZHES BYA BAR GRAGS SO, ,RE TU KAR BYON NAS, RE TU KAR GNOD SBYIN CHOS STOBS ZHES BYA BA BTUL TE, DES RE TU KA ZHES BYA BA'I GNAS MAL BRTZIGS SO, ,SIN DUR GSHEGS PA DANG, SIN DU NA MNYAN PA GZHAN ZHIG YOD PA DE BCOM LDAN 'DAS KYI RDZU 'PHRUL GYI CHO 'PHRUL GYIS DAD PA BSKYED DE, DE NAS DAD PA SKYES NAS BDEN PA RNAMS LA BZHAG GO, ,GNOD SBYIN PHOR CHEN BTUL NAS ZHABS KYIS BCAGS PAS PHOR CHEN ZHABS KYIS BCAGS PA ZHES BYA BAR GRAGS SO, ,DE NAS BCOM LDAN 'DAS DRANG SRONG RNAMS KYI BSTI GNAS SU GSHEGS NAS DER DRANG SRONG MGO REG DANG RIL BA SPYI BLUGS CAN BTUL NAS BRAM ZE DANG KHYIM BDAG DAD PA CAN RNAMS KYIS GNAS MAL RIL BA SPYI BLUGS CAN ZHES BYA BA BRTZIGS SO, ,DE NAS BCOM LDAN 'DAS KYIS GNOD SBYIN LAG NA RDO RJE LA BKA' STZAL PA, LAG NA RDO RJE KLU'I RGYAL PO SOG MA MED KYI GNAS GANG NA BA DER 'DONG NGO, ,BTZUN PA BKA' BZHIN 'TSAL ZHES GNOD SBYIN LAG NA RDO RJES BCOM LDAN 'DAS KYI LTAR MNYAN TO, ,DE NAS BCOM LDAN 'DAS DANG, KLU'I RGYAL PO SOGS MA MED KYI GNAS SU GSHEGS SO,, KLU'I RGYAL PO SOG MA MED KYIS BCOM LDAN 'DAS KYI GNAS SU GSHEGS SO ZHES THOS SO, ,THOS NAS KYANG KHROS 'KHRUGS RNGAM YI MA RANGS NAS STENG GI NAM MKHA' LA MNGON PAR 'PHAGS TE SER BA DANG RDUL GYI TSAR DBAB PAR BRTZAMS PA DANG, BCOM LDAN 'DAS KYIS KLU 'KHRUGS @119A *, ,SO ZHES BYAMS PA LA SNYOMS PAR ZHUGS PA DANG, CHAR PA DE DAG AA GA RU'I PHYE MA DANG, TA MA LA'I LO MA'I PHYE MAR GYUR NAS 'BAB PAR BRTZAMS SO, ,DE NAS 'KHOR LO DANG, RDO RJE RTZE GCIG PA DANG, MDA' BO CHE DANG, MDUNG THUNG LA SOGS TE MTSON CHA RNAMS DANG BA PAR BRTZAMS PA DE DAG KYANG LHA'I AUTPA LA DANG, PAD MA DANG, KU MU DA DANG, PAD MA DKAR PO DANG, MAN D'A RA BAR GYUR NAS 'BAB PAR BRTZAMS SO, ,DE NAS SOG MA MED KYIS KHRO BA'I MES DU BA DBYUNG BAR BRTZAMS PA DANG, BCOM LDAN 'DAS KYIS KYANG RDZU 'PHRUL GYIS DUD PA DBYUNG BAR BRTZAMS SO, ,DE NAS DE SPUNGS DANG, RGYAGS PA DANG, NGA RGYAL BCOM PAR GYUR NAS GNAS SU ZHUGS TE 'DUG GO, ,BCOM LDAN 'DAS KYIS DGONGS PA, KLU GDUG PA RNAMS 'DUL BAR 'GYUR BA NI RGYU RNAM PA GNYIS KYIS TE, 'JIGS PA DANG, 'KHRUGS PAS YIN GYIS, MA LANGS 'DI 'JIGS SU GZHUG GO SNYAM DU THUGS SU CHUD NAS GNOD SBYIN LAG NA RDO RJE LA BKA' STZAL PA, LAG NA RDO RJE KLU'I RGYAL PO SOG MA MED 'JIGS PAR GYIS SHIG ,DE NAS GNOD SBYIN LAG NA RDO RJES BCOM LDAN 'DAS KYI LTAR MNYAN TE; RDO RJE RI'I RTZE LA 'PHANGS NAS RI'I RTZE MO BSHIG STE LHUNG BA DES KLU'I RGYAL PO SOG MA MED KYI GNAS NON PAR GYUR TO, ,DE NAS SOG MA MED SDANGS SKRAG PHONGS NAS 'BROS PAR BRTZAMS PA DANG, DE NAS BCOM LDAN 'DAS KYIS ME'I KHAMS LA SNYOMS PAR ZHUGS NAS PHYOGS THAMS CAD 'BAR RAB TU 'BAR, KUN DU RAB TU 'BAR TE ME LCO GCIG TU GYUR TO, ,BCOM LDAN 'DAS KYI ZHABS KYI DRUNG NA ZHI ZHING BSIL BAR GYUR PA MA GTOGS PAR DE GANG DANG GANG DU SONG BA DE DANG DE NA MI MTHONG NGO, ,DE NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA GTUGS NAS GSOL PA, BCOM LDAN 'DAS CI BDAG LA THO BTZAM LAGS SAM, BCOM LDAN 'DAS KYIS BKA' STZAL PA, RGA BA'I CHOS CAN CI NGAS THO BTZAMS SAM, GAL TA NGAS YON TAN GYI TSOGS 'DI LTA BU @119B DAG MA THOB NA, KHYOD KYIS NGA MING LUS PAR BYAS PAR 'GYUR RO, ,DE NAS BCOM LDAN 'DAS KYIS PHYAG 'KHOR LO DANG, BKRA SHIS DANG, G-YUNG DRUNG 'KHYIL PA DANG, DRA BAS 'BREL BA, BSOD NAMS BRGYA PHRAG DU MAS BSGRUBS PA, 'JIGS PA RNAMS DBUGS 'BYIN PAR MDZAD PAS SPYI BO LA REG PAR MDZAD NAS BKA' STZAL PA, BZHIN BZANGS KHYOD KYIS BUM PA BZANG PO LTA BU'I NYAN THOS CHEN PO BZHI LA ZAN BYIN TE, SUM BCU RTZA GSUM GYI LHA GYA NOM PA DAG GI NANG DU SKYE BAR 'GYUR BA LAS KHYOD KYIS SMON LAM LOG PAR BTAB PAS DUD 'GRO RNAMS SU SKYES TE; RDEG PA DANG GSOD PA LA ZHEN CING PHA ROL GYI SROG 'PHROG PA DANG, PHA ROL GYI SROG LA GNOD PA BYED PAS 'TSO BAR BYED NA, 'DI NAS SHI 'PHOS NAS SEMS CAN DMYAL BA MA GTOGS PAR KHYOD KYI 'GRO BA NI GANG ZHIG YIN, SKYE BA NI GANG ZHIG YIN, TSE PHYI MA NI GANG ZHIG YIN, BCOM LDAN 'DAS PA DAG GIS CI ZHIG BGYI BA BKA' STZAL DU GSOL, BZHIN BZANGS TSUR NGA LAS SKYABS SU 'GRO BA DANG BSLAB PA'I GZHI RNAMS ZUNG LA, YUL MA GA DH'A NA GNAS PA'I SKYE BO'I TSOGS LA MI 'JIGS PA BYIN CIG ,BTZUN PA BDAG DENG SLAN CAD BCOM LDAN 'DAS KYI SPYAN SNGAR SKYABS SU MCHI BA DANG BSLAB PA'I GZHI RNAMS MNOS NAS YUL MA GA DH'A NA GNAS PA'I SKYE BO'I TSOGS LA YANG MI 'JIGS PA STZAL BAR BGYI'O, ,DE NAS DE'I CHUNG MA DANG, BU MO DANG MNA' MA RNAMS KYIS GSOL PA, BCOM LDAN 'DAS DANG CHOS DANG DGE SLONG GI DGE 'DUN LA BDAG CAG KYANG SKYABS SU MCHI ZHING BSLAB PA'I GZHI RNAMS NOD LAGS SO, ,BCOM LDAN 'DAS KYIS DE RNAMS LA SKYABS SU 'GRO BA DANG BSLAB PA'I GZHI RNAMS BYIN NO, ,DE'I BU RI BOS GSOL PA, BCOM LDAN 'DAS BDAG KYANG SKYABS SU MCHI BA DANG BSLAB PA'I GZHI RNAMS NOD LAGS SO, ,SOG MA MED KYIS GSOL PA, BCOM LDAN 'DAS BDAG CAG KLU RNAMS NI MI MDZA' BA MANG BA LAGS KYIS, RI BO LA SKYABS SU MCHI BA STZAL CING BSLAB PA'I GZHI RNAMS NI MI DPOG PAR GSOL, 'DIS BDAG CAG BSRUNGS PAR 'GYUR LAGS SO, ,BCOM LDAN @120A *, ,'DAS KYIS DE LA SKYABS SU 'GRO BA BYIN NO, ,DE NAS GNOD SBYIN LAG NA RDO RJES SOG MA MED GROGS PO DANG, GNYEN 'DAB DANG, MDZA' BSHES RNAMS BTUL BAR GYUR PA MTHONG NAS YID RAB TU DGA' BAS GAR BYAS TE SMRAS PA, KHROS PAS LCE BSKYOD MGO MANG BSGRUL NAS MTSON CHA'I 'KHOR LO 'BEBS, ,RANG GNAS SKYES BU RANG LA PHYOGS PA RI MTHO RTZE LTA BU, ,DU MA'I TSOGS LHAGS NGAL CHAD DBUGS BRDZAGS BZUR CING LTA BYED PA, ,SBRUL BDAG SOG MA MED DE DRANG SRONG BKA' BTZAN RNAMS KYIS BTUL, ,DE NAS BCOM LDAN 'DAS KYIS SOG MA MED 'KHOR DRUG KHRI DANG BCAS PA BTUL NAS GDAN LAS BZHENGS TE GSHEGS PA DANG, BCOM LDAN 'DAS KYIS TSAL SDO ZHING SDO BA BSGRENGS PA DAG GZIGS SO, ,GZIGS NAS KYANG GNOD SBYIN LAG NA RDO RJE LA BKA' STZAL PA, LAG NA RDO RJE KHYOD KYIS TSAL SDO ZHING SDO BA BSGRENGS PA DAG MTHONG NGAM, BTZUN PA MTHONG LAGS SO, ,LAG NA RDO RJE DE NI KHA CHE'I YUL YIN TE, NGA YONGS SU MYA NGAN LAS 'DAS NAS LO BRGYA LON NAS DGE SLONG KUN DGA' BO'I LHAN CIG GNAS PA DGE SLONG NYI MA'I GUNG ZHES BYA BA 'BYUNG BAR 'GYUR TE, , DES KLU GDUG PA HU LU DU BTUL NAS THABS BSHAMS TE DE LAS SKYIL MO KRUNG SHONG BA'I SA BLANGS NAS KHA CHE'I YUL KUN DU BSTAN PA 'JOG PAR 'GYUR RO, ,NGA'I LHAG MTHONG DANG RJES SU MTHUN PA'I GNAS MAL RNAMS KYI NAD NA 'DI LTA STE, KHA CHE'I YUL MCHOG TU 'GYUR TE, GRONG KHYER DANG GRONG RDAL DRUG KHRI DANG, GRONG RDAL DRUG STONG DANG, GRONG RDAL DRUG BCU RTZA GSUM PO 'DI RNAMS NI KHA CHE'I YUL YIN NO, ,YUL GNYID 'GROGS SU DRANG SRONG DANG GNOD SBYIN NYAMS PA 'KHOR DANG BCAS PA BTUL LO, ,YUL GAN THAR GNOD SBYIN MO 'KHOR DANG BCAS PA BTUL LO, ,'BRAS KYI GRONG KHYER DU BYIN NAS 'BRAS KYI GRONG KHYER DU RGYAL PO SDE MCHOG GI MA BDEN PA RNAMS LA RAB TU BZHAG GO, ,YUL DBANG LDAN DU BYON TE, DBANG LDAN NA RDZA MKHAN GZHAN ZHIG YOD PA DE BZOS SHIN TU RGYAGS TE SNOD RNAMS SKABS NAS 'KHOR LO LAS 'GOGS PAR BYED DO, ,BCOM LDAN @120B 'DAS KYIS DE GDUL BA'I DUS MKHYEN NAS RDZA MKHAN GYI CHA BYANG DU NYID MNGON PAR SPHRUL TE DE DANG LHAN CIG GTAM BYA BAR BRTZAMS PA, KHYOD KYIS SNOD CI 'DRA BA DAG CIG 'KHOR LO LAS 'BEBS PAR BYED, DES GSOL PA, BSKAMS NAS 'BEBS SO, ,NGA YANG BSKAMS NAS 'BEBS SO, ,KHYOD DANG BDAG MNYAM LAGS SO, ,'DI KHO NAR ZAD DAM CI, NGA NI SO BTANG NAS KYANG 'BEBS SO, ,KHYOD LHAG GO, ,SO GTONG BA 'BA' ZHIG TU YANG MA ZAD DO, ,'O NA CI ZHE NA, GSER DANG, DNGUL DANG, BEE d'URYA DANG, SHEL GYI RANG BZHIN DU YANG BYED DO, ,DE MNGON PAR DAD PAR GYUR TO, ,DE NAS BCOM LDAN 'DAS KYIS RDZA MKHAN GYI CHA BYAD MI SNANG BAR MDZAD DE RANG BZHIN GYI CHA BYAD DU BZHUGS NAS DE 'KHOR GYI SKYE BO DANG BCAS TE BDEN PA RNAMS LA RAB TU BKOD DO, ,GSING MA CAN DU GSHEGS NAS GSING MA CAN DU GNOD SBYIN CHEN PO 'KHOR DANG BCAS PA SKYABS SU 'GRO BA DANG BSLAB PA'I GZHI RNAMS LA RAB TU BZHAG GO, ,BRTZEGS SKYONG DU KLUB LAD SKYONG DANG, DGAR BA GNYIS SO, ,DGA' 'PHEL DU GSHEGS NAS DGA' 'PHEL DU RGYAL PO SRID PA'I LHA 'KHOR DANG BCAS PA DANG, GTUM BYED KYI BU BDUN DANG, GNOD SBYIN SA 'TSO BDEN PA DAG LA RAB TU BKOD DO, ,DE NA MTSO CHEN PO YOD PA GANG YIN PA DE NA 'GRO MGYOGS DANG, NAB SO GNYIS KLU'I SKYE GNAS SU SKYE SA TE LO BCU GNYIS 'DAS SHING STENG DU BYUNG STE 'KHRUGS PAS 'DI SKAD CES BCOM LDAN 'DAS KYIS BDAG CAG LA CHOS MA BSHAD PAS DES NA BDAG CAG RNAM PAR LTUNG BA KLU'I SKYE GNAS SU SKYES KYIS CI NAS BDAG CAG GIS DE'I BSTAN PA GZHIG PAR BYA'O ZHES SMRA'O, ,DE NAS BCOM LDAN 'DAS 'DI SNYAM DU DGONGS TE, KLU 'GRO MGYOGS DANG NAB SO NI 'DI LTAR MTHU CHE ZHING RDZU 'PHRUL CHE BA YIN PAS NGA YONGS SU MYA NGAN LAS 'DAS NAS NGA'I BSTAN PA THAL BAR RLAG PAR 'GYUR BA GANG YIN PA'I GNAS 'DI YOD DO SNYAM DU MKHYEN NAS, BCOM LDAN 'DAS KLU 'GRO MGYOGS DANG, NAB SO GNYIS GANG NA BA DER GSHEGS TE BYON NAS 'GRO MGYOGS DANG, NAB SO GNYIS LA BKA' STZAL PA, 'GRO @121A *, ,MGYOGS DANG, NAB SO TSIG BZHI PA'I CHOS KYI RNAM GRANGS ZHES BYA BA YOD PA BSHAD KYIS SHES PAR BYOS SHIG ,BTZUN PA BDAG CAG DAM PA'I CHOS 'TSAL BAR BGYID PA SU ZHIG MCHIS SNYAM DU RIG NAS, DE NYID DU SLAR ZHUGS TE, DE GNYIS 'DI SNYAM DU SEMS SO, ,BCOM LDAN 'DAS KYIS NI BDAG CAG LA CHOS BSHAD NA BDAG CAG GIS RNAM PAR MA SHES SO SNYAM PA DANG, BCOM LDAN 'DAS KYIS PHYOGS DER SKU'I GZUGS BRNYAN BTANG NAS 'GRO MGYOGS DANG, NAB SO GNYIS KYIS DE LA BLTAS SHING BLTAS SHING BCOM LDAN 'DAS DA DUNG BZHUGS PA LTA ZHES SLAR YANG DANG YANG DU ZHUGS SO, ,PHYOGS DE NYID DU BCOM LDAN 'DAS KYIS GNOD SBYIN MO SPU BU CAN DANG, SBUBS CAN GNYIS BTUL TO, ,MDUNG CAN GYI GRONG KHYER DU GSHEGS SO, ,MDUNG CAN GYI GRONG KHYER NA GNOD SBYIN MO MDUNG CAN ZHES BYA BA KHRO ZHING GTUM LA GZU LUMS CAN ZHIG GNAS PAS MDUNG CAN GYI GRONG KHYER GYI BRAM ZE DANG KHYIM BDAG RNAMS KYI BU BTZAS SHING BTZAS PA DAG ZA BAR BYED DO, ,MDUNG CAN GYI GRONG KHYER GYI BRAM ZE DANG KHYIM BDAG RNAMS KYIS BCOM LDAN 'DAS MDUNG CAN GYI GRONG KHYER DU GSHEGS NAS PHYOGS CHE GE MO NA BZHUGS SO ZHES THOS SO, ,THOS NAS KYANG TSOGS NAS TSOGS DANG KHYU NAS KHYUR PHRAD CING 'DUS NAS MDUNG CAN GYI GRONG KHYER NAS BYUNG STE, BCOM LDAN 'DAS GANG NA BA DER DONG STE LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO , ,PHYOGS GCIG TU 'DUG PA DANG BCOM LDAN 'DAS KYIS MDUNG CAN GYI GRONG KHYER GYI BRAM ZE DANG KHYIM BDAG RNAMS LA CHOS DANG LDAN PA'I GTAM GYIS ZHES BYA BA NAS, YANG DAG PAR RAB TU DGA' BAR MDZAD NAS CA NGA MI GSUNG DO ZHES BYA BA'I BAR GONG MA BZHIN DU'O, ,DE NAS MDUNG CAN GYI GRONG KHYER GYI BRAM ZE DANG KHYIM BDAG RNAMS STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO,, ,, @121B 'DUL BA GZHI, BAM PO SUM BCU RTZA DRUG PA, BCOM LDAN 'DAS DGE SLONG GI DGE 'DUN DANG THABS CIG TU SANG BDAG CAG GDUGS TSOD SBYOR ZHING MCHIS NA GNANG BAR MDZAD DU GSOL ZHES BYA BA NAS, BCOM LDAN 'DAS KYIS ZHAL ZAS GSOL ZIN NAS PHYAG BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN DU'O, ,GSER GYI BYE ? MA BUM BLANGS TE BCOM LDAN 'DAS KYI SPYAN SNGAR GSOL BA GAD BA PA'I PHYIR 'KHOD NAS 'DI SKAD CES GSOL TO, ,BCOM LDAN 'DAS KYIS KLU GDUG PA DANG, GNOD SBYIN GDUG PA DE DANG DE RNAMS NI BTUL LAGS NA, BTZUN PA GNOD SBYIN MO MDUNG CAN ZHES BGYI BA 'DI BDAG CAG LA YUN RING MO ZHIG NAS SHA KHO NA MA MCHIS PAR NI SHA KHON DU BGYED, 'GRAN ZLA MA LAGS PAR NI 'GRAN ZLA BA BGYID, GLAGS MA BTZAL BAR NI GLAGS TSOL BAR BGYID DE, BYIS PA BTZAS SHING BTZAS PA RNAMS 'PHROG PAR BGYID LAGS NA, KYE MA'O BCOM LDAN 'DAS THUGS BRTZE BA NYE BAR BZUNG STE, GNOD SBYIN MO MDUNG CAN GDUL BAR GSOL, DE'I TSE GNOD SBYIN MO MDUNG CAN 'KHOR DE NYID DU 'DUS SHING 'DUG PAR GYUR TO, ,DE NAS BCOM LDAN 'DAS KYIS GNOD SBYIN MO ME DUNG CAN LA BKA' STZAL PA, MDUNG CAN KHYOD KYIS THOS SAM, BCOM LDAN 'DAS BDAG GIS THOS LAGS SO, ,MDUNG CAN KHYOD KYIS THOS SAM, BDE BAR GSHEGS PA BDAG GIS THOS LAGS SO, ,DAM PA MA YIN PA'I CHOS SDIG PA DE LAS LOG SHIG ,BTZUN PA DAM ZHIG BCA' STE, GAL TE 'DI DAG BDAG GI SLAD DU GTZUG LAG KHANG RTZIG PAR BGYID NA BDAG LDOG PAR BGYI'O, ,DE NAS BCOM LDAN 'DAS KYIS MDUNG CAN GYI GRONG KHYER GYI BRAM ZE DANG KHYIM BDAG RNAMS LA BKA' STZAL PA, BRAM ZE DANG KHYIM BDAG KHYED KYIS THOS SAM, BCOM LDAN 'DAS THOS LAGS SO, ,KHYED CAG GIS JI LTAR BSGRUB PAR BYA, BCOM LDAN 'DAS BRTZIG LAGS SO, ,BDE BAR GSHEGS PA BRTZIG LAGS SO, ,DE NAS BCOM LDAN 'DAS KYIS GNOD SBYIN MO MDUNG CAN 'KHOR DANG BCAS TE BTUL NAS GSHEGS SO, ,'BRA @122A *, ,GO CAN DU GSHEGS PA DANG 'BRA GO CAN NA BYIS PA CHUNG NGU DAG CIG RDUL GYI MCHOD RTEN LA RTZE BAR BYED DO, ,BCOM LDAN 'DAS KYIS BYIS PA CHUNG NGU DAG RDUL GYI MCHOD RTEN LA RTZE BA GZIGS SO, ,GZIGS NAS KYANG YANG GNOD SBYIN LAG NA RDO RJE LA BKA' STZAL PA; LAG NA RDO RJE KHYOD KYIS BYIS PA CHUNG NGU RDUL GYI MCHOD RTEN LA RTZE BA DAG MTHONG NGAM, BTZUN PA MTHONG LAGS SO, ,LAG NA RDO RJE NGA YONGS SU MYA NGAN LAS 'DAS NAS LO BZHI BRGYA LON PA NA 'DIR KU SHA NA'I RIGS KYI RGYAL PO KA NIS KA ZHES BYA BA 'BYUNG BAR 'GYUR BA DES PHYOGS 'DIR MCHOD RTEN RTZIG PAR 'GYUR TE, DE'I MING KA NIS KA'I MCHOD RTEN ZHES BYA BAR 'GYUR ZHING NGA YONGS SU MYA NGAN LAS 'DAS NA YANG SANGS RGYAS KYI BYA BA BYED PAR 'GYUR RO, ,DE NAS BCOM LDAN 'DAS KYIS RO HI TA KA NAS KLU'I RGYAL PO SOG MA MED KYI GNAS KYI BAR DU SROG CHAGS SA YA PHRAG BDUN DANG 'BUM PHRAG BDUN BTUL NAS RO HI TA KAR GSHEGS TE GTZUG LAG KHANG DU ZHUGS NAS NANG DU YANG DAG BZHAG GO , ,BCOM LDAN 'DAS DGONGS KA NANG DU YANG DAG 'JOG LAS BZHENGS NAS TSE DANG LDAN PA KUN DGA' BO LA BKA' STZAL PA, KUN DGA' BO DANG PO'I RGYAL SRID GANG NA BA DER 'DONG NGO, ,DE NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BTZUN PA BCOM LDAN 'DAS KYIS SNGAR NI 'DI SKAD CES KUN DGA' BO BYANG PHYOGS SU KLU'I RGYAL PO SOG MA MED 'DUL DU 'DONG NGO, , BYANG PHYOGS NA NI PHAN YON RNAM PA LNGA YOD DO ZHES GSUNGS LA, DA BCOM LDAN 'DAS KYIS 'DI SKAD DU KUN DGA' BO DANG PO'I RGYAL SRID GANG NA BA DER 'DONG NGO ZHES GSUNGS NA DE JI LTA BU LAGS, BCOM LDAN 'DAS KYIS BKA' STZAL PA, KUN DGA' BO NGA GNOD SBYIN LAG NA RDO RJE DANG THABS CIG TU BYANG PHYOGS SU GSHEGS NAS TA MA SA'I TSAL RNAMS LUNG BSTAN TO ZHES BYA BA NAS RDUL GYI MCHOD RTEN LUNG BSTAN TO ZHES BYA BA'I BAR DU'O, ,KUN DGA' BO RO HI TA KA NAS KLU'I RGYAL PO SOG MA MED KYI GNAS KYI BAR DU DE BZHIN GSHEGS PAS SROG CHAGS @122B SA YA PHRAG BDUN DANG 'BUM PHRAG BDUN BTUL TE, BYANG PHYOGS NA NI NYES DMIGS LNGA YOD DE, MTHON DMAN CAN DANG, SDONG DUM DANG, TSER MAS GANG BA DANG, RDO BA DANG, GSEG MA DANG, GYO MO MANG BA DANG, KHYI ZA BA DANG, BUD MED GNAS NGAN LEN KUN DU SPYOD PA'O,, ,,SDOM LA, DANG PO'I RGYAL SRID RTA BZANGS DANG, ,BCOM BRLAG DANG NI AO TA LA'I, ,KUN DGA' RA BA DGRA MTHA' DANG, ,TSUGS PAR DKA' DANG GANG G'A'I CHU, ,YI DAGS DUS DPOG PHYI MA YIN, ,DE NAS BCOM LDAN 'DAS YUL DPA' SDE NAS LJONGS RGYU ZHING GSHEGS PA NA DANG PO'I RGYAL SRID DU GSHEGS NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO PHYOGS 'DIR RGYAL PO MANG POS BKUR BA DANG PO RGYAL SRID KYI DBANG BSKUR BAS DBANG BSKUR BA DE NI DANG PO'I RGYAL PO YIN NO, ,DE'I PHYIR 'DI DANG PO'I RGYAL SRID CES BYA BAR GRAGS SO, ,RTA BZANGS SU GSHEGS NAS, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO PHYOGS 'DIR RGYAL PO MANG POS BKUR BA'I RTA BZANG PO RIN PO CHE BYUNG STE, DE'I PHYIR 'DI RTA BZANGS ZHES BYA BAR GRAGS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO BCOM BRLAG GANG NA BA DER 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TE, DE NAS BCOM LDAN 'DAS BCOM BRLAG TU GSHEGS PA DANG, BCOM LDAN 'DAS KYIS RGYANG RING PO KHO NA ZHIG NA TSAL SNGO ZHING SNGO BA BSGRENGS PA DAG GZIGS SO, ,GZIGS NAS KYANG TSE DANG LDAN PA KUN DGA' BO LA BKA' STZAL PA, KUN DGA' BO KHYOD KYIS TSAL SDO ZHING SDO BA BSGRENGS PA PHA BI MTHONG NGAM, BTZUN PA MTHONG LAGS SO, ,KUN DGA' BO DE NI RI BO RTZE MTHON ZHES BYA STE, NGA YONGS SU MYA NGAN LAS 'DAS NAS LO BRGYA LON PA DANG, BCOM BRLAG NAS GAR MKHAN DANG DPA' BO ZHES BYA BA SPUN GNYIS KYIS DE LA GTZUG LAG KHANG RTZIG @123A *, ,PAR 'GYUR TE, DE'I MING GAR MKHAN DPA' BO ZHES BYA BAR 'GYUR ZHING LHAG MTHONG DANG ZHI GNAS KYI RJES SU MTHUN PA'I GNAS MAL RNAMS KYI MCHOG TU 'GYUR RO, ,KUN DGA' BO BCOM BRLAG 'DIR SPOS 'TSONG GI KHYE'U SBAS PA ZHES BYA BA 'BYUNG BAR 'GYUR TE, DE'I BU NYE SBAS ZHES BYA BA SANGS RGYAS KYI MTSAN MED PA ZHIG 'BYUNG BA DE NGA YONGS SU MYA NGAN LAS 'DAS NAS LO BRGYA LON PA DANG BSTAN PA LA RAB TU BYUNG NAS SANGS RGYAS KYI BYA BA BYED PAR 'GYUR RO, ,DGE SLONG KUN DGA' BO'I LHAN CIG GNAS PA NYI MA'I GUNG ZHES BYA BAS NYE SBAS DE RAB TU 'BYIN PAR 'GYUR TE, GDAMS NGAG STON PA RNAMS KYI PHYI MA NI NYE SBAS YIN PAR 'GYUR RO, ,GAR MKHAN DPA' BO DE LA PHUG SRID DU KHRU BCVO ? BRGYAD PA, ZHENG DU KHRU BCU GNYIS PA, 'PHANG DU KHRU BDUN PA ZHIG YOD PAR 'GYUR TE, DES GANG DANG GANG DAG LA GDAMS NGAG BSTAN NAS DGRA BCOM PA MNGON SUM DU BYAS PA DE DANG DE RNAMS KYIS THUR MA SOR BZHI TZAM PA RE RE PHUG DE'I NANG DU 'DOR BAR 'GYUR RO, ,GANG GI TSE PHUG DE DGRA BCOM PA'I THUR MAS GANG BAR GYUR PA DE'I TSE NYE SBAS YONGS SU MYA NGAN LAS 'DA' BAR 'GYUR TE, DE YONGS SU MYA NGAN LAS 'DAS NAS DGRA BCOM PA'I THUR MA DE DAG NYID SPUNGS NAS DE RNAMS KYIS SREG PAR BYED DO, ,DGE SLONG RNAMS THE TZOM SKYES NAS THE TZOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA BCOM LDAN 'DAS KYIS MA 'ONGS PA NA SKYE BO MANG PO LA SNYING BRTZE BA DANG TSE DANG LDAN PA NYE SBAS LUNG BSTAN PA LA GZIGS, BCOM LDAN 'DAS KYIS BKA' STZAL PA, DGE SLONG DAG DE'I TSER MA ZAD JI LTAR 'DI 'DAS PA'I DUS NA SKYE BO MANG PO LA PHAN PA'I PHYIR ZHUGS PA DE LEGS PAR RAB TU NYON LA YID LA ZUNG SHIG DANG BSHAD DO, ,DGE SLONG DAG SNGON BYUNG BA RI BO RTZE MTHON 'DI NYID KYI NGOS GSUM LA RANG SANGS RGYAS DANG DRANG SRONG DANG, SPRE'U RNAMS GNAS TE, NGOS GCIG NA NI RANG SANGS RGYAS LNGA BRGYA'O, ,GNYIS PA LA NI DRANG SRONG LNGA BRGYA'O, ,GSUM PA LA NI SPRE'U LNGA BRGYA'O, ,SPRE'U'I SDE DPON GYI KUN DU SPYOD PA NI SPRE'U'I PHRU @123B GU BTZAS SHING BTZAS PA DAG GSOD PAR BYED PA YIN NO, ,DE NAS SPRA MO DE DAG PHRU GU'I MYA NGAN GYIS NON PAS PHAN TSUN GROS BYA BAR BRTZAMS PA, SHES LDAN SPRA MO DAG NYON CIG ,BDAG CAG GI PHRU GU BTZAS SHING BTZAS PA DAG SDE DPON 'DIS GSOD PAR BYED KYIS DE LA THABS SHIG BSHAM PAR BYA STE, BDAG CAG LAS SPRA MO GANG ZHIG SBRUM PAR GYUR NA DES SDE DPON LA BRJOD PAR MI BYA'O, ,JI TZAM DUS GZHAN ZHIG NA SPRA MO ZHIG SBRUM PAR GYUR NAS DE DE RNAMS KYIS DBEN PA'I PHYOGS SHIG TU SBAS NAS RTZA BA DANG 'BRAS BUS BSNYOD DE SPRE'U'I PHRU GU BYUNG NAS DE YANG DE RNAMS KYIS DBEN PA'I PHYOGS SHIG TU BSNUN GSOS BSKYED DE, DE GANG GI TSE CHEN POR GYUR PA DE'I TSE DES SDE DPON DE RANG GI KHYU NAS BSKRANG NAS RI BO RTZE MTHON NA PHAN TSUN DU 'KHYAM PAR BRTZAMS SO, ,DE 'KHYAM PA NA RANG SANGS RGYAS RNAMS KYI SGRA THOS NAS DE DE RNAMS KYI DRUNG DU SONG STE, GANG GI TSE BAG PHEBS PAR GNAS PAR GYUR PA DE'I TSE DE RNAMS LA RTZA BA DANG, LO MA DANG ME TOG DANG 'BRAS BU DANG SO SHING DAG 'BUL BAR BYED DO, ,DE RNAMS KYIS KYANG DE LA LHUNG BZED KYI LHAG MA DAG 'DOR BAR BYED DO, ,RANG SANGS RGYAS DE RNAMS KYI KUN DU SPYOD PA NI ZOS SHING ZOS NAS SKYIL MO KRUNG BCAS TE 'DUG GO , ,SPRE'U DES KYANG DE RNAMS KYI SPYOD LAM MTHONG NAS SKYIL MO KRUNG BCAS SHING 'DUG GO , ,JI TZAM DUS GZHAN ZHIG NA RANG SANGS RGYAS DE RNAMS 'DI SNYAM DU SEMS TE, BDAG CAG GI LUS RNAG CAN 'DIS THOB PAR BYA BA GANG YIN PA NI THOB ZIN GYIS, BDAG CAG ZHI BA MYA NGAN LAS 'DAS PA'I DBYINGS SU 'JUG GO SNYAM NAS, DE NAS DE RNAMS KYIS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYAS NAS PHUNG PO LHAG MA MED PA'I MYA NGAN LAS 'DAS PA DI DBYINGS SU YONGS SU MYA NGAN LAS 'DAS SO, ,DE RNAMS LDANG BA'I DUS GANG YIN PA DE'I TSE MI LDANG NAS SPRE'U DES DE RNAMS MA MTHONG BAS MI DGA' BAR GYUR TO, ,JI TZAM NA SPRE'U DE PHUG TU ZHUGS NAS RANG SANGS RGYAS DE RNAMS KYI CHOS GOS RNAMS NAS GSIG PAR BRTZAMS SO, ,DE NAS PHUG @124A *, ,DE NA GNAS PA'I LHA GANG YIN PA DE 'DI SNYAM DU SEMS TE, SPRE'U 'DIS RANG SANGS RGYAS RNAMS KYI SKU BSHIG NA MI RUNG NGO SNYAM NAS RDO LEB CHEN POS SGO BCAD NAS 'DUG GO , ,DE NAS SPRE'U DE MYA NGAN DANG SDUG BSNGAL BA DANG, SMRE SNGAGS BTON TE SONG NAS RI BO RTZE MTHON LA KUN NAS 'KHYAM PA NA MI RNAMS 'DOD PAS MI DGA' BAR GYUR TE, RNA BA GTOD CING MI'I SGRA THOS PAR 'DOD PA LAS, DES DRANG SRONG DE RNAMS SMRA BA'I SGRA DAG THOS NAS, DE 'GRON PA LAM STOR BA BZHIN DU RINGS PA RINGS PAR DE RNAMS KYI DRUNG DU SONG NGO, , DRANG SRONG DE DAG KYANG DKA' THUB DRAG POS GDUNG BAR BYED DE, KHA CIG NI LAG PA BSGRENG NAS 'DUG GO , ,KHA CIG NI RKANG PA YA GCIG GIS SO, ,KHA CIG NI GDUNG BA LNGAS GDUNG BAR BYED DO, ,GANG GI TSE SPRE'U DE DE RNAMS DANG LHAN CIG BAG LEBS PAR GNAS PAR GYUR PA DE'I TSE DRANG SRONG DE RNAMS LA RTZA BA DANG, LO MA DANG, ME TOG DANG, 'BRAS BU DANG, SO SHING DAG SBYIN PAR BYED DO, ,DE RNAMS KYANG DE LA ZAS KYI LHAG MA DAG 'DOR BAR BYED DO, ,DES DE RNAMS KYI SPYOD LAM DKRUGS SHING RANG SANGS RGYAS KYI SPYOD LAM STON PAR BYED DE, ,DE NA GANG DAG LAG PA SGRENG BA DE RNAMS KYI LAG PA DAG PHAB NAS SO GOL GYI SGRA PHYUNG STE, SBRAN NAS MDUN DU SKYIL MO KRUNG BCAS TE 'DUG GO , ,GANG DAG RKANG PA YA GCIG PA DE RNAMS KYI RKANG PA PHAB NAS MDUN DU SKYA LI MO KRUNG BCAS TE 'DUG GO , ,GANG DAG GDUNG BA LJAS GDUNG BAR BYED PA DE RNAMS KYI ME GSAD NAS SE GOL GYI SGRA PHYUNG STE MDUN DU SKYIL MO KRUNG BCAS NAS 'DUG GO , ,DE NAS DRANG SRONG DE RNAMS KYIS GDAMS NGAG 'BOGS PA LA SMRAS PA, MKHAN PO SPRE'U 'DI BDAG CAG GI DKA' THUB LA BAR CHAD BGYID DO ZHES DE RNAMS KYIS DE LA RGYAS PAR SMRAS PA DANG, DES SMRAS PA SHES LDAN DAG SPRE'U DE DAG NI DRAN PA DANG LDAN PA YIN TE, GDON MI ZA BAR 'DIS DRANG SRONG KHA CIG GI SPYOD LAM DE LTA BU MTHONG GIS KHYED CAG GIS KYANG SKYIL MO KRUNG CHOS LA 'DUG SHIG ,DE RNAMS KYIS SKYIL MO KRUNG BCAS TE 'DUG PA DANG, DE RNAMS KYI SNGON GYI DGE BA'I RTZA BA RNAMS MNGON @124B DU GYUR NAS DE RNAMS KYIS MKHAN PO DANG SLOB DPON MED PA'I SHES PAS BYANG CHUB KYI PHYOGS SUM BCU RTZA BDUN DANG MTHUN PA'I CHOS BSKYED NAS RANG BYANG CHUB MNGON SUM DU BYAS SO, ,DE NAS DE RNAMS SPRE'U DE LA CHOS LAS BYUNG BA'I DAD PA SKYES NAS, DE RNAMS KYIS LJONGS NAS BSOD SNYOMS LO TOG SAR PA DANG 'BRAS BU SAR PA DANG, DUS GSAR GYI RNYED PA GANG YIN PA DE RNAMS LAS DE LA THOG MAR BYIN NAS BDAG NYID LONGS SPYOD PAR BYED DO, ,JI TZAM DUS GZHAN ZHIG NA SPRE'U DE DUS LAS 'DAS SO, ,DE NAS RANG BYANG CHUB DE RNAMS KYIS YUL KHAMS DANG PHYOGS SNA TSOGS NA YOD PA'I SHING DRI ZHIM PO RNAMS BLANGS TE, SHING DRI ZHIM PO THAMS CAD KYIS PHUNG POR SPUNGS NAS BSREGS SO, ,DGE SLONG DAG JI SNYAM DU SEMS, RANG BYANG CHUB RNAMS DANG LHAN CIG TU GNAS PA'I SPRE'U GANG YIN PA DE NI NYE SBAS 'DI NYID YIN TE, 'DI DE'I TSE YANG SKYE BO MANG PO LA PHAN PA'I PHYIR ZHUGS SO, ,DA LTAR NA YANG NGAS 'DI SKYE BO MANG PO LA PHAN PA DANG SNYING RJE BAR LUNG BSTAN TO, ,DE NAS BCOM LDAN 'DAS DPA' SDE NAS LJONGS RGYU ZHING GSHEGS PA NA BCOM BRLAG TU GSHEGS PA DANG, BCOM BRLAG GI BRAM ZE RNAMS KYIS DGE SBYONG GOO TA MA BCOM BRLAG TU PHYIN NAS DE SHIN TU RIGS BZHI PO RNAM PAR DAG PAR 'DOD DE 'CHAD PAR BYED 'DOGS PAR BYED, RAB TU 'JOG PAR BYED, RNAM PAR 'BYED PAR BYED, BYE BRAG TU 'BYED PAR BYED, GSAL BAR BYED, STON PAR BYED, YANG DAG PAR RAB TU STON PAR BYED DO ZHES THOS NAS, GAL TE DE BCOM BRLAG TU 'DUG NA BDAG CAG GI RNYED PA DANG BKUR STI'I BAR CHAD DU 'GYUR LA DE NI BKUR STI MA YIN PAS SKRAG GO ZHES GRAG GIS, GAL TE DE LA 'GA' ZHIG GIS BKUR STI MA YIN PA BYAS NAS DE LTA NA DE BCOM BRLAG TU 'DUG PAR MI 'GYUR RO; ;GAL TE DE LA MI SMAD RIGS KYIS BKUR STI MA YIN PA BYAS NA NGO MTSAR DU MI 'DZIN GYI GAL TE DE LA SKYES BU GTZO BO 'GA' ZHIG GIS BKUR STI MA YIN PA BYAS NA DES NI LEGS PAR 'GYUR NA, BDAG CAG GI NANG NA SKYES BU GTZO BO SU ZHIG YOD SNYAM MO, ,DE'I TSE BCOM BRLAG NA BRAM @125A *, ,ZE SNGOR GYUR CES BYA BA RIG BYED DANG RIG BYED KYI YAN LAG GI PHA ROL TU PHYIN PA RANG GI SMRA BA GSAL BAR BYED PA, PHA ROL GYI RGOL BA TSAR GCOD PAR NUS PA DE'I TSIG BDEN PA'I RJES SU 'BRANG BA ZHIG YOD DO, ,DE NAS BCOM BRLAG GI BRAM ZE RNAMS 'DUS SHING TSOGS TE, SDOR GYUR GYI DRUNG DU SONG NAS MKHAN PO 'DIR DGE SBYONG GOO TA MA MCHIS NAS, DER SHIN TU RIGS BZHI PO RNAM PAR DAG PA ZHES BYA BA NAS YANG DAG PAR RAB TU STON PAR BYED DO ZHES THOS ZHES BYA BA'I BAR GONG MA BZHIN DU'O, ,DE NI BKUR STI MA YIN PAS SKRAG GO ZHES GDA' NA, GAL TE DE LA 'GA' ZHIG GIS BKUR STI MA LAGS PA BGYIS NA, DE LTA NA DE BCOM BRLAG TU MCHIS PAR MI 'GYUR RO, ,GAL TE DE LA MI SMAD RIGS KYIS BKUR STI MA LAGS PA BGYIS NA NGO MTSAR DU MI 'DZIN GYI GAL TE DE LA SKYES BU GTZO BO 'GA' ZHIG GIS BKUR STI MA LAGS PA BGYIS NA LEGS PAR 'GYUR NA, BDAG CAG GI SKYES BU GTZO BO MKHAN PO MA LAGS PA SU ZHIG MCHIS, KHYOD KYIS DE LA BKUR STI MA LAGS PA'I TSIG GI RGYA LCAG GIS SPYO BAR GSOL, SNGOR GYUR GYIS SMRAS PA, SHES LDAN DAG BDAG GI LCE 'DI NI BDEN PA'I RJES SU 'BRANG BA YIN TE, GAL TE SPYO BAR 'OS PA ZHIG NA SPYO'O, ,'ON TE BSTOD PAR 'OS PA ZHIG NA BSTOD DO, ,DE NAS BRAM ZE SNGOR GYUR BCOM BRLAG NA GNAS PA'I BRAM ZE RGAN RABS RGAN RABS RNAMS KYIS MDUM DU BDAR NAS BCOM LDAN 'DAS GANG NA BA DER SONG BA NA, BRAM ZE SNGOR GYUR GYIS RGYANG RING PO KHO NA NAS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS MDZES PAR BYAS PA, 'OD 'DOM GANG GIS BRGYAN PA, 'OD ZER NYI MA STONG BAS LHAG PA, RIN PO CHE'I RI BO 'GRO BA LTAR KUN NAS BZANG BA SHING DRUNG ZHIG NA RTEN CING ZHI BA'I SPYOD LAM GYIS BZHUGS PA MTHONG NGO, ,MTHONG NAS KYANG YA MTSAN SKYES TE MIG BGRAD DE BLTAS NAS BSTOD PAR BRTZAMS PA, LUS DANG NGAG DANG DBANG POR BCAS PA YI, ,YID KYIS TSUL BZHIN RTZE GCIG BGYIS @125B NAS NI, ,YON TAN RANG BZHIN YON TAN RGYA MTSO CHE, ,KHYOD KYI YON TAN PHYOGS GCIG BRJOD PAR BGYI, ,SMRA BA RNAMS KYI DAM PA RAB MCHOG LAGS, ,SKYON MED DBANG PO SHIN TU MNYAM PAR BZHAG ,PHA ROL RGOL BA BRTZON PA THAMS CAD KYIS, ,DON DAM THUGS SU CHUD LA BSKYOD MI NUS, ,KHYOD KYI SPYOD PA SHIN TU RDZOGS PA NYID, ,BRTUL ZHUGS BSGRUBS PAS BRTUL ZHUGS SHIN TU RDZOGS, ,STOBS LDAN KHYOD KYI TING 'DZIN ZAD MED PAS, ,SRED MED BU DANG RI YI RGYAL PO BZHIN, ,SKYES BU KHYU MCHOG KHYOD LA GNOD MI MNGA'; ;MI ZHUM BSNYENGS PA MI MNGA' DUB MI MNGA', ,'BYUNG PO RNAMS LA'ANG MI BZOD 'GA' MI MNGA', ,KHYOD NI MA CHAGS 'THAB PA GA LA MNGA', BRTABS PA MED CING HA CANG ZHUM MI MNGA', ,GDUNG PA MED CING DGYES PA'ANG YONG MI MNGA', ,RI YI BDAG PO LHUN PO RAB BRTAN LTAR, ,KHYOD KYI THUGS NI RTAG TU DGE BA NYID, ,THUB PA SKYES MCHOG KHAMS RNAMS THAMS CAD NAS, ,KHYOD KYI YE SHES YANGS PA SGRIB MI MNGA', SKYE MCHED RNAM PA SNA TSOGS DAG LA NI, ,MA THOGS NYAMS SHING ZAD PA MED PAR 'JUG ,THUB PA KHYOD LA GANG LA'ANG SOM NYI MED, ,YID GNYIS YOD MIN THE TSOM YOD MA YIN, ,KHYOD NYID KYIS NI MCHOG DANG MCHOG MIN PA, ,RIG PAS THUGS SU CHUD NAS THAMS CAD MKHYEN, ,MTHONG NA DGA' BAR 'GYUR LA MTHONG NA LEGS, ,MTHONG NA LEGS PAS MTHONG NA MKHAS PA DGA', ,KHYOD LA DGA' DANG MI DGA' MNYAM PAS NA, ,RTAG TU DGA' BA'I SPYOD LAM DE BZHIN MDZAD, ,KHYOD NI SNYAN PA'I SPOBS PAR LDAN PA LAGS, 'DZUM PA'I SUNG DANG DRAN LDAN BSNYENGS PA MED, ,MKHAS RNAMS 'DOD PA RAB TU 'CHAD PAS NA, ,'JIG RTEN GSUM DU KHYOD KYI GRAGS PA 'BYUNG, ,MI DANG LHA DANG LHA MIN GNOD SBYIN DANG, ,SRIN PO MANG DANG 'JIG RTEN 'DIR MKHAS DAG ,THUB PA'I DRUNG DU YANG DANG YANG LHAGS NAS, ,KHYOD LA YANG DANG YANG ZHU MI BZOD MED, ,KHYOD NI SNYAN PA'I GSUNG GIS DGA' MDZAD PAS, ,MI @126A *, ,DANG LHA DANG LHA MIN GNOD SBYIN DANG, ,SRIN PO YID GNYIS BSAL RNAMS THUB PA CHE, ,KHYOD KYI ZHABS LA PHYAG 'TSAL SLAR MCHI'O, ,BZHENGS DANG BZHUGS DANG GSHEGS DANG BZHUD PA DANG, ,MNAL DANG MI GSUNG YANG NA GSUNG BA 'AM, ,'ON TE LHUNG BZED CHOS GOS BSNAMS PA DAG ,GOO TAM KHYOD KYI THAMS CAD MDZES PA NYID, ,THOGS PA MED MDA' MI MYUR MNYAM PAS NA, ,GSUNG NI SNYAN PA'I YON TAN RNAMS DANG LDAN, ,MI YI MCHOG NI DUS SU GSUNG BAS NA, ,GSUNG GI ZLOS PA RNAM PAR SPANGS PA LAGS; ;'JIG RTEN NA NI STOBS DANG LDAN PAR GRAGS, ,SKYES BU MKHYEN PA SKYES BU KHYU MCHOG GTZO, ,'JIG RTEN LHAR BCAS 'DI NI MTHA' DAG LA, ,NGA RGYAL MI MNGA' KHYAD DU GSOD MI MDZAD, MDZA' BA DANG NI MDZA' BA MA LAGS DANG, ,MTHUN PA DANG NI MTHUN PA MA LAGS DANG, ,G-YO DANG MI G-YO RANG BZHIN GNAS PA LA, ,NGO MTSAR 'DZIN PA NAM YANG MI MNGA'O, ,SMRE SNGAGS 'DON CING SNYING BRTZER SMRA BA DANG, ,KHA CHU 'DZAGS PAS NYAM THAG SGAD 'BYIN DANG, ,YONGS SU GDUNGS DANG RNAM PAR GDUNGS LDAN DANG, , 'JIGS DANG RIMS NAD MYA NGAN GYIS NYEN PA, ,SDUG BSNGAL RNAM PA BRGYA YIS GTZOS PA DANG, ,YUN RING NAS NI MGON MED BDE BA MED, ,SRID PA'I SRED PAR ZHUGS SHING MUN BSGRIBS PA'I, ,'GRO BA 'KHRUGS PA LA NI RAB GZIGS NAS, ,BDAG NYID RNAM PA SNA TSOGS MTHU DAG GIS, ,THUB PA THUGS RJE CHEN PO 'JUG MDZAD CING, ,SH'AKYA SKYES KYI MCHOG NI KHYOD NYID KYIS, ,PHONGS PAR GYUR RNAMS DGROL PHYIR BRTZON PAR MDZAD, ,SRID PA'I SDUG BSDAL RGYU DANG BCAS 'DI DANG, ,SRID PA'I SDUG BSNGAL ZAD PA GANG YIN DANG; ;SRID PA'I SDUG BSNGAL 'GOG PAR 'GRO BA YI, ,LAM NI MTSUNGS PA MED PA KHYOD KYIS BSHAD, ,RNAM PAR 'DREN PA CHEN PO BRTZON 'GRUS CHE, ,RAB MCHOG PHA ROL SMRA BA RNAMS KYI MCHOG ,'JIG RTEN GSUM NA KHYOD MTSUNGS MA MCHIS NA, ,KHYOD LAS @126B LHAG PA LTA ZHIG GA LA MCHIS, ,KHYOD LA KHONG KHRO RJES SU CHAGS MI MDA', ,THUB PA KHYOD LA YONGS SU ZAG MI MNGA', ,SDUG DANG 'GAL DANG RTZOD PA BRTUL ZHUGS BZANG, ,KHYOD LA MI MNGA' RTAG TU MI MNGA' LAGS, ,THUB PA SDUG DANG MI SDUG BDE BA DANG, , SDUG BSNGAL MNYAM DANG DE BZHIN MI MNYAM SPANGS, ,DGA' DANG MI DGA' BA DAG BZOD MDZAD DE, ,YANG DAG BSNGAMS SHING 'DI NA NYER ZHI SPYOD, ,SMAD PA BYAS KYANG GNOD PA MI MDA' LA, ,RAB TU BSNGAGS PAS KHENGS PAR MI 'GYUR BAS, ,GRAGS PA GRAGS PA MA YIN KHYOD LA MNYAM, ,GLANG CHEN MCHE BAR LDAN PA G-YUL NGO RU, ,'DOR BA DRAG TU 'PHANGS PA'I MDA' DAG LTAR, ,SKYE BO SDIG CAN RNAMS KYIS SMRAS PA YI, ,TSIG NGAN TSIG RTZUB DAG KYANG BZOD PAR MDZAD, ,DRANG SRONG KHYOD SNYAN GSUNG ZHING TSIG KYANG BZOD; ;SHIN TU NGAN DU SMRAS PA'ANG MI BZOD MED, ,SMAD PAR SMRAS SAM DGE BAR SMRAS KYANG RUNG, ,THUB PA MNYAM PA NYID DU GNAS PA LAGS, ,MCHOD 'OS RTAG PAR MI DANG LHA DAG DANG, ,LHA MIN GNOD SPYIN SRIN PO RNAMS DANG NI, ,DRANG SRONG BDAG NYID CHEN POS RTAG MCHOD NA, ,KHYOD NI THUGS BRTAN GZHAN DU 'GYUR MI MNGA', ,'DI BAS BDAG MCHOG CES KYANG RLOM MI MNGA', ,'DI BAS BDAG CHUNG ZHES KYANG RLOM MI MNGA', ,BDAG NI 'DI DANG MNYAM ZHES MI RLOM PAS, ,KHYOD LANG RGYAL RNAM PA GSUM MI MNGA', , BRTAN DANG LDAN LA BOD BA GSER DANG MTSUNGS, ,BEE d'URYA DANG GSEG MA GYO MOR MTSUNGS, ,THUB PA CHEN PO LHA DANG BCAS PA YI, ,'GRO BA 'DI NI RTZVA SHING 'DRA BAR SPYOD, ,ZLA BA NYI MA'I 'OD ZER DANG PHRAD NAS, ,GRANG DANG TSA BA'I RLUNG DAG LANGS NA YANG, ,RI YI DBANG PO LTA BUR BZOD MDZAD DE, ,THUGS BRTAN KHYOD LA RAB TU GNOD MI MNGA', ,GZIMS CHA DANG NI STZANG NAS BSHOS DANG NI, ,BLA GOS SHAM THABS RNAM PA SNA TSOGS DAG ,THUB PA ZAG MED SO SOR BRTAGS NAS NI, ,NGE YI DON DU BSTEN PAR MDZAD PA LAGS, ,MGON PO @127A *, ,BDAG LA MED CES THUGS NGAN MED, ,MA BCINGS LEGS GSUNG BDAG GIR 'DZIN MI MNGA', ,GNOD PA SNA TSOGS DAG LAS YONGS SU GROL, ,RNYED PA BRNYES NA'ANG DGYES PAR MI 'GYUR LA, ,DE MA BRNYES PAS KYANG NI ZHUM MI 'GYUR, , KHYAD DU GSOD PA BZOD PA MDZAD CING 'DIR, ,BKUR STI DAG LA'ANG CHAGS PA MI MNGA' LAGS, ,LHA GNAS RI YI NGOS LAS 'KHRUNGS PA YI, ,KHRAG LTAR DMAR BA'I TZAN DAN MCHOG DAG DANG, ,MDA' DANG RAL GRI RNON POS KHYOD KYI THUGS, ,LAN 'GA' YANG NI 'GYUR BA MI MNGA' LAGS, ,DON MED GTAM NI GSUNG BAR MI MDZAD GANG, ,SKYE BO NGAN PAS BSTEN PA'I GTAM MA LAGS, ,RNYED PA'I GTAM MIN ZANG ZING BCAS GTAM MIN, ,BDAG NYID CHE RNAMS MI 'DOD MA LAGS KYI, ,GTAM GANG RAB DBEN BDE BA SKYED BYED CING, ,RAB TU ZHI BA 'BA' ZHIG RAB BRJOD PA, ,LHA LAS 'DAS PA'I GTAM NI GANG DAG CIG ,GSUNGS NAS SDIG PA RNAM PAR 'DUL BA GSUNGS, ,SNYAN PA RNAMS DANG 'BREL PA RNAMS DANG NI, ,LEGS PAR BSHAD DANG SNYING POR LDAN PA YI,, RNAM PAR NGES PA'I GTAM DAG THUB PA CHE, ,'GRO BA'I DON SLAD RAB TU GSUNG BAR MDZAD, ,MI MKHAS DAG DANG LOG PAR LTA RNAMS DANG, ,GZU LUMS CAN DANG DGA' BAR LDAN RNAMS DANG, ,PHRA MA CAN DANG TSIG RTZUB SGYU CAN GANG, ,DE DANG LHAN CIG BCOM LDAN KHYOD MI RKYEN, , MI NI GANG DAG DRANG ZHING SGYU MED LA, ,BDEN LA DGA' ZHING DBANG PO THUL BA DANG, ,RTAG TU LEGS PAR BRTAGS NAS BYED PA NI, ,DE DANG LHAN CIG BCOM LDAN KHYOD MI RKYEN, ,CHOS MKHYEN LUGS MKHYEN GANG ZAG MA BYEN PA DANG, ,DRUG PO MNGON MKHYEN KHYOD LA RTAG PHYAG 'TSAL, , THUB PA ZHING MKHYEN MCHOG DANG MCHOG MIN MKHYEN, ,TSUL DANG TSUL MIN MKHYEN KHYOD MGOS PHYAG 'TSAL, ,KHYOD KYI YON TAN RGYA MTSO RGYA CHEN LEGS MTHONG NAS, ,BDAG GIS YON TAN PHYOGS GCIG YONGS SU BRJOD PAR BAS, ,'PHAGS PA KHYOD KYI YON TAN RGYA MTSO'I PHA @127B ROL NI, ,RTOGS PAR RNGO THOG 'GRO BA'I NANG NA MI MA MCHIS, ,DE LTA BU LA SOGS PA BSTOD PA LNGA BRGYAS BCOM LDAN 'DAS LA BSTOD NAS DE LTAR MNGON PAR DAD PAR GYUR PA DANG, BCOM LDAN 'DAS KYIS SNGOR GYUR JI LTAR STAN DE NYID LA 'DUG BZHIN DU BDEN PA MTHONG BAR 'GYUR BA'I CHOS BSHAD PA MDZAD DO, ,DE NAS BRAM ZE SNGOR GYUR GYIS BCOM LDAN 'DAS LA BSTOD NAS SONG STE DE LAM DU ZHUGS PA NA, BCOM BRLAG GI BRAM ZE RNAMS KYIS TSIG GI RGYA LCAG GIS PAGS PA LAS THAL BA TZAM DU BRGYAD DE, MKHAN PO KHYOD LA KHO BO CAG GIS DGE SBYONG GOO TA MA LA BKUR STI MA YIN PA BYOS SHIG CES SMRAS NA, KHYOD DA GZOD SLAR BSTOD DE 'ONG NGAM, SHES LDAN DAG KHO POS SNGAR BO'I LCE NI BDEN PA'I RJES SU 'BRANG BA YIN TE, GAL TE SMAD PAR 'OS PA ZHIG NA SMOD LA, BSTOD PAR 'OS PA ZHIG NA BSTOD DO ZHES SNGAR MA SMRAS SAM, DGE SBYONG GOO TA MA NI BSTOD PAR 'OS PAS KHO BOS BSTOD DO, ,DE NAS BCOM LDAN 'DAS SNGA DRON BZA' SHAM THABS MAN BAS LHUNG BZED DANG CHOS GOS BSNAMS NAS BCOM BRLAG TU BSOD SNYOMS LA ZHUGS PA DANG, DE'I TSE BCOM BRLAG NA RGYU SKAR GYI NUB MO LA BAB PO, ,DE NAS BCOM BRLAG NA GNAS PA'I LHA MO GANG YIN PA DE 'DI SNYAM DU SEMS TE, GAL TE DGE SBYONG GOO TA MA BCOM BRLAG TU 'ONGS NA BDAG GI RGYU SKAR GYI NUB MO LA BAR CHAD BYED PAR 'GYUR RO SNYAM DU BSAMS NAS, BCOM LDAN 'DAS KYI SPYAN SNGAR SGREN MOR BYED NAS 'DUG GO, ,BCOM LDAN 'DAS KYI BKA' STZAL PA, LHA MO RE ZHIG BUD MED NI SHIN TU BKAB KYANG BZANG BA MA YIN NA SGREN MO LTA SMOS KYANG CI DGOS, DE NAS LHA MO DE SKYENGS NAS PHYOGS GCIG TU SONG NGO, ,DE NAS BCOM LDAN 'DAS KYIS LAM LAS BZUR TE DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG BCOM BRLAG NA NI NYES DMIGS LNGA PO 'DI DAG YOD DE, LDA GANG ZHE NA MTHON DMAN @128A *, ,DANG SDONG DUM DANG TSER MAS GANG BA DANG, RDO BA DANG GSEG MA DANG GYO MO MANG BA DANG, DGONGS KA ZA BA DANG BUD MED MANG BA YIN NO, ,DE NAS BCOM LDAN 'DAS MA GSHEGS PAR BCOM BRLAG GI GNOD SBYIN BONG BU'I GNAS GANG NA BA DE LOGS SU GSHEGS TE BYON NAS, GNOD SBYIN BONG BU'I GNAS BYUL TE SHING DRUNG ZHIG TU RTEN CING NYIN MO'I GNAS PA'I PHYIR PA ZHUGS SO, ,DE'I TSE GNOD SBYIN BONG BU BONG BU'I GZUGS SU BYAS NAS 'PHYAN PA DANG DE LA KHYE'U DANG BU MO DAG ZHON PA DANG, DES DE DAG RTZER BCUG ,DGA' BAR BYED DU BCUG NAS NAGS THIBS POR SONG NAS ZA BAR BYED PAS, DE'I MING GNOD SBYIN BONG BU GNOD SBYIN BONG BU ZHES BYA BAR GRAGS SO, ,BCOM BRLAG GI BRAM ZE DANG KHYIM BDAG DAD PA CAN RNAMS KYIS BCOM LDAN 'DAS BSOD SNYOMS LA GSHEGS PA LAS LHA MO ZHIG GIS THO BTZAMS PAS, BCOM BRLAG TU MA GSHEGS PAR GNOD SBYIN BONG BU'I GNAS SU GSHEGS SO ZHES THOS SO, ,THOS NAS KYANG GTZANG ZHING BSOD PA'I BZA' BA DANG BCA' BA DAG SO SO NAS SNOD DU BTZOS SHING BSDOGS TE SHING RTAR BCUG NAS BCOM LDAN 'DAS GANG NA BA DER DONG STE LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG PA DANG, BCOM LDAN 'DAS KYIS BCOM BRLAG GI BRAM ZE DANG KHYIM BDAG DAD PA CAN RNAMS LA CHOS DANG LDAN PA'I GTAM GYIS ZHES BYA BA NAS, YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS BRAM ZE DANG KHYIM BDAG DAD PA CAN RNAMS STAN LAS LA NGES TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BTZUN PA BDAG CAG GIS BCOM LDAN 'DAS KYI SLAD DU 'DIR GTZANG ZHING BSOD PA'I BZA' BA DANG BCA' BDAG GIS SHING RTA BKANG STE 'TSAL TE MCHIS NA, BCOM LDAN 'DAS THUGS BRTZE BA NYE @128B BAR BZUNG STE DE BZHES SU GSOL, DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA GNOD SBYIN BONG BU'I GNAS NA DGE SLONG JI SNYED NYE BAR RTEN CING GNAS PA DE DAG THAMS CAD RIM GRO'I GNAS SU SDUS SHIG , BSOD SNYOMS YONGS SU LONGS SPYOD DU GZHUG GO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, GNOD SBYIN BONG BU'I GNAS NA, DGE SLONG JI SNYED NYE BAR RTEN CING GNAS PA DE DAG THAMS CAD, RIM GRO'I GNAS SU BSOGS NAS, BCOM LDAN 'DAS GANG NA BA DE LOGS SU SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BTZUN PA GNOD SBYIN BONG BU'I GNAS NA DGE SLONG JI SNYED NYE BAR RTEN CING MCHIS PA DE DAG THAMS CAD RIM GRO'I GNAS SU BSOGS LAGS TE, BCOM LDAN 'DAS DA DE'I DUS LA BAB PAR DGONGS SU GSOL, DE NAS BCOM LDAN 'DAS RIM GRO'I GNAS GA LA BA DER GSHEGS TE BYON NAS, DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS BCOM BRLAG GI BRAM ZE DANG KHYIM BDAG DAD PA CAN RNAMS KYIS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS ZHES BYA BA NAS, PHYAG GNYIS BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN DU'O, ,BCOM LDAN 'DAS KYI SPYAN SNGAR GSOL BA GDAB PA'I PHYIR 'KHOD NAS 'DI SKAD CES GSOL TO, ,BTZUN PA BCOM LDAN 'DAS KYIS KLU GDUG PA DANG, GNOD SBYIN GDUG PA DE DANG DE RNAMS NI BTUL LAGS NA, BTZUN PA GNOD SBYIN BONG BU 'DI BDAG CAG LA YUN RING PO ZHIG NAS SHA KON MA MCHIS PAR NI SHA KHON BGYID, 'GRAN ZLA MA LAGS PAR NI 'GRAN ZLA BGYID, GLAGS MA BTZAL @129A *, ,BAR NI GLAGS TSOL BAR BGYID DE, BUS PA BTZAS SHING BTZAS PA RNAMS 'PHROG PAR BGYID LAGS NA, KYE MA'O BCOM LDAN 'DAS THUGS BRTZE BA NYE BAR BZUNG STE GNOD SBYIN BONG BU GDUL BAR GSOL, DE'I TSEG GNOD SBYIN BONG BU 'KHOR DE NYID DU 'DUS SHING 'DUG PAR GYUR TO, ,DE NAS BCOM LDAN 'DAS KYIS GNOD SBYIN BONG BU LA BKA' STZAL PA, BONG BU KHYOD KYIS THOS SAM, BCOM LDAN 'DAS BDAG GIS THOS LAGS SO, ,BONG BU KHYOD KYIS THOS SAM, BDE BAR GSHEGS PA BDAG GIS THOS LAGS SO, ,DAM PA MA YIN PA'I CHOS SDIG PA LAS LOG SHIG ,BCOM LDAN 'DAS GAL TE BDAG GI SLAD DU PHYOGS BZHI'I DGE SLONG GI DGE 'DUN GYI GTZUG LAG KHANG RTZIG PAR DAM 'CHA' BAR BGYID NA BDAG LDOG GO, ,DE NAS BCOM LDAN 'DAS KYIS BCOM BRLAG GI BRAM ZE DANG KHYIM BDAG DAD PA CAN RNAMS LA BKA' STZAL PA, BRAM ZE DANG KHYIM BDAG KHYED CAG GIS THOS SAM, BCOM LDAN 'DAS THOS LAGS TE BRTZIG GO, ,DE NAS BCOM LDAN 'DAS KYIS GNOD SBYIN BONG BU 'KHOR LNGA BRGYA DANG BTUL TO, ,BRAM ZE DANG KHYIM BDAG DAD PA CAN RNAMS KYIS DE'I CHED DU GTZUG LAG KHANG LNGA BRGYA BRTZIGS SO, ,DE BZHIN DU GNOD SBYIN MDA' CAN DANG GNOD SBYIN NAGS LDAN DANG GNOD SBYIN MO BSLANG RNYED MA DANG MCHU RNAMS BTUL TO, ,DE NAS BCOM LDAN 'DAS RDZU 'PHRUL GYIS BCOM BRLAG TU ZHUGS SO, ,ZHUGS NAS GNOD SBYIN MO 'GRAN ZLA MA 'KHOR LNGA BRGYA DANG BTUL NAS DE'I DON DU GTZUG LAG KHANG LNGA BRGYA BRTZIGS SO, ,DE NAS BCOM LDAN 'DAS KYIS BCOM BRLAG GI NANG DANG PHYI ROL DU GNOD SBYIN NYIS STONG LNGA BRGYA BTUL NAS DE'I CHED DU BRAM ZE DANG KHYIM BDAG DAD PA CAN RNAMS KYIS GTZUG LAG KHANG NYIS STOD LNGA BRGYA BRTZIGS SO; ;DE NAS BCOM LDAN 'DAS AO TA LAR GSHEGS TE, AO TA LAR AO TA LA'I NAGS KHROD NA BZHUGS SO, ,DE NA BRAM ZE SHING S'A LA CHEN PO LTA BU AO TA LA'I BU ZHES BYA BA PHYUG PA NOR MANG BA LONGS SPYOD CHE BA ZHIG GNAS SO ZHES BYA BA RGYAS PAR SBYAR RO, ,DE NAS BCOM LDAN @129B 'DAS SNGA DRON BZA' SHAM THABS MNABS LHUNG BZED DANG CHOS GOS BSNAMS TE AO TA LAR BSOD SNYOMS LA ZHUGS PA DANG, PHYOGS GZHAN ZHIG NA ZHING PA LNGA BRGYA TZAM MGO BO RDUL GYIS YOG CING SHA NA'I RAS KYIS SMAD G-YOGS BGOS NAS ZHING RMED PA LAS ZHING PA DE RNAMS KYI SANGS RGYAS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, GZI BRJID KYIS MDZES PAR MTHONG NGO ZHES BYA BA RGYAS PAR SBYAR TE, BCOM LDAN 'DAS KYIS DE RNAMS LA CHOS BSHAD PAS ZHES BYA BA NAS MCHOD PAR BYA BA DANG RJED PAR BYA BA DANG, MNGON DU SMRA BAR BYA BAR GYUR TO ZHES BYA BA'I BAR DU'O, ,DE NAS RMON PA STONG PO DE DAG GNYA' SHING DANG RU THAG BCAD NAS BCOM LDAN 'DAS GANG NA BA DE LOGS SU DONG STE LHAGS NAS BCOM LDAN 'DAS YONGS SU BSKOR TE 'DUG GO, ,BCOM LDAN 'DAS KYIS DE RNAMS LA TSIG GSUM GYI CHOS PA SHAD PA DANG, RGYAL CHEN BZHI'I RIS KYI LHA RNAMS SU SKYES NAS ZHES BYA BA NAS BDEN PA MTHONG NAS RANG GI GNAS SU DONG NGO ZHES BYA BA'I BAR DU'O, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA ZHING PA LNGA BRGYA PO 'DI RNAMS KYIS LAS CI ZHIG BGYIS NA, LAS DE'I RNAM PAR SMIN PAS ZHING PA RNAMS SU GYUR NAS DBUL PO'I KHYIM RNAMS SU SKYES SHING 'DI RNAMS NI RMON PAR GYUR LAGS, DGE SLONG DAG 'DI RNAMS KYIS LAS BYAS SHING BSAGS PA ZHES BYA BA RGYAS PAR SBYAR TE, 'DI RNAMS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA YIN TE, 'DI RNAMS KYIS DEN LE LOS DUS 'DAS PAR BYAS PAS LAS DE'I RNAM PAR SMIN PAS ZHING PA RNAMS SU GYUR TO, ,RMON PA 'DI RNAMS KYIS KYANG DE NYID LA RAB TU BYUNG NAS BSLAB PA'I GZHI PHRA MO PHRA MO RNAMS LA GUS PAR MA BYAS PAS LAS DE'I RNAM PAR SMIN PAS DUD 'GRO RNAMS SU SKYES SO, ,'DI RNAMS KYIS YANG DAG PAR RDZOGS PA'I SANGS RGYAS 'OD SRUNG GI BSTAN PA LA RAB TU BYUNG BA GANG YIN PA DE'I LAS KYI RNAM PAR SMIN PAS NGA LAS BDEN PA MTHONG BAR BYAS SO, ,DGE SLONG DAG DE LTA @130A *, ,BAS NA GCIG TU GNAG PA RNAMS KYI ZHES BYA BA RGYAS PAR SBYAR RO, ,BRAM ZE SHID S'A LA CHEN PO LTA BU AO TA LA'I BUS DGE SBYONG SH'AKYA'I SRAS SH'AKYA'I RIGS LAS SKRA DANG KHA SBU BREGS TE DAD PA YANG DAG PA KHO NAS KHYIM NAS KHYIM MED PAR RAB TU BYUD BDE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS DPA' SDE NAS LJONGS RGYU ZHING GSHEGS PA DANG AO TA LAR BYON NAS, AO TA LA NA AO TA LA'I NAGS KHROD NA BZHUGS TE, SHES LDAN DAG DGE SBYONG GOO TA MA DE'I DGE BA DANG, GRAGS PA DANG, SGRA DANG, TSIGS SU BCAD PA RGYA CHEN PO 'DI LTA BU 'DI DAG PHYOGS DANG PHYOGS MTSAMS SU GRAGS PAR GYUR TE, 'DI LTAR BCOM LDAN 'DAS DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA, BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS DE 'JIG RTEN LHA DANG BCAS BDUD DANG BCAS, TSANGS PA DANG BCAS PA SKYE DGU DGE SBYONG DANG BRAM ZER BCAS LHA DANG MI DANG LHA MA YIN DU BCAS PA RNAMS LA RANG GI MNGON PAR SHES PAS MNGON SUM DU BYAS TE RDZOGS PAR BYAS NAS BDAG GI ZAG PA ZAD DO, ,TSANGS PAR SPYOD PA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES GO BAR BYED CING, DES CHOS BSHAD PA NI THOG MAR DGE BA, BAR DU DGE BA, THA MAR DGE BA, DON BZANG PO, TSIG 'BRU BZANG PO MA 'DRES PA, YONGS SU RDZOGS PA, YONGS SU DAG PA RNAM PAR BYANG BA 'BA' ZHIG STON TO ZHES THOS NAS, DGE SBYONG DANG BRAM ZE DE LTA BU LTA BA NI LEGS PA YIN, NYE BAR 'GRO BA NI LEGS PA YIN, BSNYEN BKUR BYED PA NI LEGS PA YIN NO SNYAM DU BSAMS NAS SHING RTA RTA RGOD MA DANG LDAN PA THAMS CAD NAS DKAR BA'I NANG DU ZHUGS TE BRAM ZE'I KHYE'U'I TSOGS KYIS YONGS SU BSKOR CING BRAM ZE'I KHYE'U'I TSOGS KYIS MDUN GYIS BLTAS NAS GSER GYI KHAR BA DANG RIL BA SPYI BLUGS THOGS TE AO TA LA NAS BYUNG NAS, BCOM LDAN @130B 'DAS LA BLTA BA DANG BSNYEN BKUR BYA BA'I PHYIR BCOM LDAN 'DAS KYI SPYAN SNGAR SONG STE, DE JI TZAM BZHON PA'I SA'I BAR DU BZHON PAS SONG NAS, BZHON PA LAS BABS TI RKANG PA KHO NAS KUN DGA' RA BA'I NANG DU ZHUGS NAS BRAM ZE SHING S'A LA CHEN PO LTA BU AO TA LA'I BU BCOM LDAN 'DAS GANG NA BA DE LOGS SU SOD STE PHYIN NAS, BCOM LDAN 'DAS DANG LHAN CIG YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS NAS PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA BRAM ZE SHING S'A LA CHEN PO LTA BU AO TA LA'I BUS 'DI SKAD CES GSOL TO, ,KYE GOO TA MA DBANG PO LNGA PO SPYOD YUL THA DAD PA DANG YUL THA DAD PA CAN RANG RANG GI SPYOD YUL DANG YUL NYAMS SU MYONG BAR 'GYUR GYI, GZHAN GYIS SPYOD YUL DANG YUL GZHAN NYAMS SU MYONG BAR MI 'GYUR BA 'DI LTA STE, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO GANG DAG LAGS PA DE RNAMS KYI SPYOD YUL DANG YUL NYAMS SU MYONG BAR BGYID PA NI GANG LAGS, DE RNAMS KYI STON PA YANG GANG LAGS, BRAM ZE DBANG PO LNGA PO SPYOD YUL THA DAD PA DANG, YUL THA DAD PA CAN 'DI LTA STE, MIG GI DBANG PO DANG, RNA BA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO GANG DAG YIN PA DE RNAMS KYI SPYOD YUL DANG YUL NYAMS SU MYONG BA NI YID YIN NO,, DE RNAMS KYI RTEN PA YANG YID YIN NO, ,KYE GOO TA MA YID KYI RTON PA GANG LAGS, BRAM ZE YID KYI RTON PA NI DRAN PA YIN NO, ,KYE GOO TA MA DRAN PA'I RTON PA GANG LAGS, BRAM ZE DRAN PA'I RTON PA NI DRAN PA NYE BAR GZHAG PA BZHI YIN NO, ,KYE GOO TA MA DRAN PA NYE BAR GZHAG PA BZHI'I RTON BA GANG LAGS, BRAM ZE DRAN PA NYE BAR GZHAG PA BZHI'I RTON PA NI BYANG CHUB KYI YAN LAG BDUN YIN NO, ,KYE GOO TA MA BYANG CHUB KYI YAN LAG BDUN GYI RTON PA GANG LAGS, BRAM ZE BYANG CHUB KYI YAN LAG BDUN GYI RTON PA NI RIG PA DANG RNAM PAR GROL BA YIN NO, ,KYE GOO TA MA RIG PA DANG @131A *, ,RNAM PAR GROL BA'I RTON PA GANG LAGS, BRAM ZE RIG PA DANG RNAM PAR GROL BA'I RTON PA NI MYA NGAN LAS 'DAS PA YIN NO, ,KYE GOO TA MA MYA NGAN LAS 'DAS PA'I RTON PA GANG LAGS, BRAM ZE HA CANG THAL CHES SO HA CANG THAL CHES SO DRI BA RNAMS KYI MTHA' GZUNG BAR MI NUS TE, NGA'I DRUNG DU NI YANG DAG PAR SDUG BSNGAL ZAD PAR BYA BA DANG, SDUG BSNGAL GYI MTHAR BYA BA'I PHYIR TSANGS PAR SPYOD PA MYA NGAN LAS 'DAS PAR NYE BAR 'GRO BA DANG, MYA NGAN LAS 'DAS PA'I MTHAR THUG PA CAN SPYOD PAR BYED DO, ,DE NAS BRAM ZE AO TA LA'I BU 'DI SNYAM DU SEMS TE, 'DI LA GNOD PA CI ZHIG BYA SNYAM MO, ,DES KYANG SNGON DGE SBYONG GOO TA MA NYAN THOS KYI DGE 'DUN DANG BCAS PA GDUGS TSOD GSOL NAS SMON LAM BTAB NA DES CI BSAM PA DANG CI GSOL PA DE THAMS CAD SO SOR 'THOB PAR 'GYUR RO ZHES THOS SO, ,DE NAS BRAM ZE AO TA LA'I BU STAN LAS LANGS TE BLA GOS PHRAG PA GCIG TU GZAR TE BCOM LDAN 'DAS GANG NA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL ZHES BYA BA NAS, GSOL ZIN NAS PHYAG BCAB SA TE LHUNG BZED GYU BAR RIG NAS ZHES BYA BA'I BAR GONG MA BZHIN DU'O, ,STAN CHES DMA' BA ZHIG BLANGS TE BCOM LDAN 'DAS KYI SPYAN SNGAR 'DUG NAS SMON LAM LOG PA GDAB PAR BRTZAMS PA BDAG GIS SH'AKYA'I SRAS KYI DGE SBYONG JI SNYED CIG BSHOS GSOL BA 'DI THAMS CAD BDAG GI GLANG DU GYUR CIG SNYAM PA DANG, DE NAS BCOM LDAN 'DAS KYI THUGS KYIS BRAM ZE AO TA LA'I BU'I BSAM PA MKHYEN NAS BRAM ZE AO TA LA'I BU LA 'DI SKAD CES BKA' STZAL TO, , BRAM ZE KHYOD KYIS MI RUNG BA'I SEMS BSKYED PA DE NI 'GRUB PAR MI 'GYUR TE, 'DI LTAR DGE SLONG 'DI THAMS CAD NI YANG SRID PA ZAD PA YIN GYIS, SEMS GZHAN SKYED CIG CES BKA' STZAL NAS, BCOM LDAN 'DAS KYIS YON BSNGO BA MDZAD DE GSHEGS SO, ,DE NAS BCOM LDAN @131B 'DAS GTZUG LAG KHANG DU GSHEGS NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG BRAM ZE AO TA LA'I BUS SMON LAM LOG PAS BSLANG BA'I SEMS SDIG PA CAN BSKYED KYIS, KHYOD CAG GIS ZAN ZOS NAS GTZUG LAG KHANG GI TSIGS SU BCAD PA BRJOD CIG DANG LOG PA'I SMON LAM 'GRUB PAR MI 'GYUR RO, ,DE NAS BCOM LDAN 'DAS DE NYID KYI MTSAN MO 'DAS NAS PHYI BZHIN 'BRANG BA'I DGE SBYONG TSE DANG LDAN PA KUN DGA' BO DANG YUL AO TA LAR BSOD SNYOMS LA ZHUGS PA DANG, AO TA LA NA BRAN MO RGAN MO KA TZANG GA LA ZHES BYA BA ZHIG GNAS TE, DE BUM PA THOGS NAS CHU CHUR KHRON PA'I DRUNG DU SONG BA DANG BCOM LDAN 'DAS KYANG PHYOGS DER GSHEGS TE, BCOM LDAN 'DAS KYIS DE'I GDUL BA'I DUS MKHYEN NAS TSE DANG LDAN PA KUN DGA' BO LA BKA' STZAL PA, KUN DGA' BO SONG LA RGAN MO PHA BI LA BCOM LDAN 'DAS SKYEMS KYIS CHU PHUL CIG CES SGO SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, RGAN MO KA TZANG GA LA GANG NA BA DER SONG STE PHYIN PA DANG RGAN MO KA TZANG GA LA LA 'DI SKAD CES SMRAS SO, ,KA TZANG GA LA BCOM LDAN 'DAS SKYEMS KYIS CHU PHUL CIG DES SMRAS PA 'PHAGS PA BDAG NYID 'TSAL TE MCHI'O, ,DE NAS KA TZANG GA LAS CHUS BUM PA BKANG NAS RINGS PA RINGS PAR BCOM LDAN 'DAS GANG NA BA DER SONG BA DANG, KA TZANG GA LAS SANGS RGYAS BCOM LDAN 'DAS SKU SKYES BU CHEN PO'I MTSAN SUM BCU RTZA GNYIS KYIS KUN NAS BRGYAN PA, DPE BYAD BZANG PO BRGYAD BCUS MDZES PAR BYAS PA, 'OD 'DOM GANG GIS BRGYAN PA, 'OD ZER NYI MA STONG BAS LHAG PA, RIN PO CHE'I RI BO 'GRO BA LTAR KUN NAS BZANG BA MTHONG NGO, ,MTHONG MA THAG TU YANG DE LA BU'I SDUG PA SKYES NAS DES LAG PA BSGRENG STE BU BU ZHES BCOM LDAN 'DAS LA 'KHYUD PAR BRTZAMS PA DANG, DGE SLONG RNAMS KYIS DE BZLOG GO, ,BCOM LDAN 'DAS KYIS BKA' STZAL PA, @132A *, ,DGE SLONG DAG KHYED KYIS RGAN MO 'DI MA ZLOG SHIG ,DE CI'I PHYIR ZHE NA, 'DI NI TSE RABS LNGA BRGYAR YANG, ,RTAG TU NGA YI YUM GYUR PAS, ,NGA YI SKU LA REG PA LAS, ,GAL TE 'DI NI BZLOG BYAS NA, ,DE'U RE MOD LA KHRAG DRON DAG ,'DI YI KHA NAS SKYUG PAR 'GYUR, ,BU LA GDUNG BA 'DI MTHONG NAS, ,BYAS PA GZO BA RJES DGONGS TE, ,THUGS RJE DANG NI THUGS BRTZE BAS, ,SKU LA REG TU GNANG BAR BYA, ,BCOM LDAN 'DAS KYIS DE LA MGUR NAS 'KHYUD DU GNANG BAS DE BU LA CHAGS PA DANG BRAL NAS, BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO, ,DE NAS BCOM LDAN 'DAS KYIS DE'I BSAM PA DANG, BAG LA NYAL BA DANG, KHAMS DANG, RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DE, DE THOS NAS KA TZANG GA LAS 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BYAS TE, DES BDEN PA MTHONG NAS LAN GSUM DU CHED DU BRJOD PAS CHED DU BRJOD PA, BTZUN PA 'DI LTA BU NI BDAG LA PHAS MA BGYIS TE MAS MA LAGS ZHES BYA BA NAS THOG MA MED PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM NAS RGYUN DU ZHUGS PA'I 'BRAS BU MNGON SUM DU BGYIS SO ZHES BYA BA'I BAR GONG MA BZHIN DU'O, ,TSIGS SU BCAD PA DAG GIS KYANG GSOL PA, MA LA LAN DU PHAN 'DOGS PA'I, ,BU MCHOG GIS NI BGYI BA GANG, ,THAR YA SEMS GZHOL 'GYUR BA DE, ,KHYOD KYIS DE RING BDAG LA MDZOD, ,KHYOD KYIS BDAG NI NGAN 'GRO LAS, ,DRANGS TE MTHO RIS THAR LA BZHAG ,KHYOD NI BRTZAL BA CHEN PO YIS, ,DKA' BA LEGS PAR MDZAD PA LAGS; ,ZHES GSOL NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN SNGA NAS SONG NGO, ,DE NAS DUS GZHAN ZHIG NA KA TZANG GA LAS JO BO LA GSOL BA BTAB NAS BCOM LDAN 'DAS GANG NA BA DER SONG STE PHYIN PA DANG, BCOM LDAN @132B 'DAS KYI ZHABS GNYIS LA MGO BOS PHYAG 'TSAL TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA 'DI SKAD CES GSOL TO, ,BTZUN PA BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, BDAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,BCOM LDAN 'DAS KYIS DE SKYE DGU'I BDAG MO CHEN MO LA GTAD DO, ,DE NAS DES RAB TU PHYUNG BSNYEN PAR RDZOGS PAR BYAS TE GDAMS NGAG BYIN NO, ,DES BRTZON 'GRUS DANG 'BAD PA DANG, BRTZAL BA BYAS NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DGRA BCOM MAR GYUR TE, KHAMS GSUM GYI 'DOD CHAGS DANG BRAL BA ZHES BYA BA NAS RJED PAR BYA BAR GYUR TO ZHES BYA BA'I BAR GONG MA BZHIN DU'O,, ,,'DUL BA GZHI, BAM PO SUM BCU RTZA BDUN PA, GANG GI TSE BCOM LDAN 'DAS KYIS DGE SLONG MA RNAMS LA BSDUS TE MDOR BKA' STZAL NAS, GTZUG LAG KHANG DU NANG DU YANG DAG 'JOG PA'I PHYIR 'JUG PAR MDZAD PA DE'I TSE KA TZANG GA LAS DE RGYAS PAR LUNG STON TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I NYAN THOS DGE SLONG MA MDO SDE RNAM PAR 'BYED PAR BYED PA RNAMS KYI NANG NA 'DI LTA STE, DGE SLONG MA KA TZANG GA LA 'DI MCHOG YIN NO, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA KA TZANG GA LAS LAS CI ZHIG BGYIS NA DES NA RGAS NAS RAB TU BYUNG BAR GYUR, LAS CI ZHIG BGYIS NA DES NA DBUL BA DANG BRAN MOR GYUR, BCOM LDAN 'DAS KYIS SRID PA THA MA DE'I MNGAL DU MA BZUNG BAR GYUR, RAB TU BYUNG NAS KYANG DGRA BCOM PA MNGON SUM DU BGYIS SHING BCOM LDAN 'DAS KYIS KYANG MDO SDE RNAM PAR 'BYED PAR BGYID PA RNAMS KYI MCHOG TU BSTAN LAGS, BCOM LDAN 'DAS KYIS BKA' STZAL PA, DGE SLONG DAG DGE SLONG MA KA TZANG GA LA NYID KYIS LAS BYAS SHING TSOGS RNYED PA DAG CES BYA BA NAS, ,LUS CAN DAG LA 'BRAS BUR 'GYUR ZHES BYA BA'I BAR @133A *, ,GONG MA BZHIN DU'O, ,DGE SLONG DAG SNGON BYUNG BA NGA BYANG CHUB SEMS DPA'I SPYOD PA LA GNAS PA NA 'DI NGA'I YUM DU GYUR TE, GANG GI TSE NGA RAB TU 'BYUNG BAR 'DOD PA DE'I TSE 'DIS NGA BZLOG PAS LAS DE'I RNAM PAR SMIN PAS RGAS NAS RAB TU BYUNG NGO, ,NGA SBYIN PA GTONG BA NA 'DIS BAR CHAD BYAS PAS DES NA DBUL BAR GYUR TO, ,JI LTAR SGYU 'PHRUL CHEN MO LTAR 'DIS BSOD NAMS DANG DBANG CHE BAR GRAGS PAR 'GYUR BA'I LAS MA BYAS TE, DES NA NGA'I SRID PA THA MA 'DIS MNGAL DU MA BZUNG NGO, ,YANG DAG PAR RDZOGS PA'I SANGS RGYAS 'OD SRUNG LAS RAB TU BYUNG NAS DGE SLONG MA SLOB PA DANG MI SLOB PA RNAMS LA BRAN MO ZHES TSIG TU BRJOD PAS DES NA BRAN MOR GYUR TO, ,DES NA 'DIS GANG DAG BKLAGS SHING BTON PAS PHUNG PO LA MKHAS PA DANG, KHAMS LA MKHAS PA DANG, SKYE MCHED LA MKHAS PA DANG, RTEN CING 'BREL BAR 'BYUNG PA LA MKHAS PA DANG, GNAS DANG GNAS MA YIN PA LA MKHAS PAR BYAS PAS, DES NA NGA'I BSTAN PA LA RAB TU BYUNG NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS SO, ,RAB TU 'BYIN PA'I MKHAN MO GANG YIN PA DE YANG DAG PAR RDZOGS PA'I SANGS RGYAS BCOM LDAN 'DAS 'OD SRUNG GIS MDO SDE RNAM PAR 'BYED PAR BYED PA RNAMS KYI MCHOG TU BSTAN PA DANG, DES NA 'DIS KYANG 'CHI BA'I DUS KYI TSE SMON LAM BTAB PA, BDAG GIS YANG DAG PAR RDZOGS PA'I SANGS RGYAS BCOM LDAN 'DAS 'OD SRUNG YON GNAS BLA NA MED PA LA TSE JI SRID CIG TU TSANGS PAR SPYOD PA LA SPYAD NA YON TAN GYI TSOGS 'GA' YANG MA THOB KYIS, DGE BA'I RTZA BA 'DIS BDAG YANG DAG PAR RDZOGS PA'I SANGS RGYAS BCOM LDAN 'DAS 'OD SRUNG GIS BRAM ZE'I KHYE'U BLA MA ZHES BYA BA GANG YIN PA DE LA BRAM ZE'I KHYE'U KHYOD SKYE DGU'I TSE LO BRGYA THUB PA NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA ZHES BYA BAR 'GYUR RO ZHES LUNG BSTAN PA DE'I BSTAN PA LA BDAG RAB TU BYUNG NAS, JI LTAR BDAG GI MKHAN MO 'DI YANG DAG PAR RDZOGS PA'I SANGS RGYAS BCOM LDAN 'DAS 'OD SRUNG @133B GIS MDO SDE RNAM PAR 'BYED PAR BYED PA RNAMS KYI MCHOG TU BSTAN PA DE BZHIN DU, BDAG KYANG BCOM LDAN 'DAS SH'AKYA THUB PA DES MDO SDE RNAM PAR 'BYED PAR BYED PA RNAMS KYI MCHOG TU BSTAN PAR GYUR CIG CES BYAS TE, DE'I SMON LAM GYI DBANG GIS NGAS DA LTAR MDO SDE RNAM PAR 'BYED PAR BYED PA RNAMS KYI MCHOG TU BSTAN TO, ,DGE SLONG DAG DE LTA BAS NA GCIG TU GNAG PA'I LAS RNAMS KYI RNAM PAR SMIN PA NI GCIG TU GNAG PA YIN LA ZHES BYA BA NAS BRTZON PAR BYA'O ZHES BYA BA'I BAR GONG MA BZHIN DU STE, ,DGE SLONG DAG KHYED KYIS DE LTA BU LA BSLAB PAR BYA'O ZHES DE SKAD CES BKA' STZAL TO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO YUL DGRA MTHA' GANG NA BAR 'DONG NGO, ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,DE NAS BCOM LDAN 'DAS GSHEGS PA DANG, JI TZAM NA KUN DGA' RA BA ZHIG NA BRAM ZE ZHIG KHRON PA NAS CHU BCUS SHING KUN DGA' RA BA BCU BAR BRTZAMS SO, ,BRAM ZE DES RGYANG RING PO KHO NA NAS BCOM LDAN 'DAS MTHONG NGO, ,MTHONG NAS KYANG BSAMS PA, GAL TE DGE SBYONG GOO TA MA KUN DGA' RA BAR ZHUGS NA KUN DGA' RA BA DANG CHU MA RUNG BAR 'GYUR RO SNYAM DU BSAMS NAS SGO BCAD DE DPYANG THAG DANG CHU SNOD SBAS NAS 'DUG GO, ,DE NAS BCOM LDAN 'DAS KYIS RDZU 'PHRUL GYIS KUN DGA' RA BAR ZHUGS PA DANG, GNOD SBYIN GYI SDE DPON CHEN PO LNGA LEN GYIS KHRON PA DE BZUNG NAS KUN DGA' RA BA DE THAMS CAD CHUS YOG PAR BYAS SO, ,DE NAS BRAM ZE DE DAG DGE SBYONG GOO TA MA 'DI NI RDZU 'PHRUL CHE ZHING MTHU CHE BA YIN NO, ,SNYAM DU RIG NAS MNGON PAR DAD PAR GYUR TE GSOL PA, SHES LDAN GOO TA MA TSUR SPYON, DPYANG THAG NI 'DI LAGS; CHAB SNOD NI 'DI LAGS KYIS CHAB CI BDER BZHES SU GSOL, DE NAS BCOM LDAN 'DAS KYIS DE'I TSE TSIGS SU BCAD DE BKA' STZAL PA, GAL TE KUN NA CHU YOD NA, ,KHRON PA'I CHUS KO CI ZHIG BYA, ,'DIR NI SRED PA'I RTZA BCAD NAS, ,GANG ZHIG YONGS SU @134A *, ,BRTZAL BAR SPYOD, ,DE NAS BCOM LDAN 'DAS LA BRAM ZE DES 'DI SKAD CES GSOL TO, ,BTZUN PA BDAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA ZHES BYA BA NAS, DGE SLONG TSUR SHOG CES BYA BAS RAB TU BYUNG NGO ZHES BYA BA'I BAR GONG MA BZHIN DU'O, ,DE BZHIN GSHEGS PAS TSUR SHOG BKA' STZAL PAS, ,SKRA BYI SNAM SBYAR GYON PA'I LUS LDAN ZHING, ,MDO LA DBANG PO RAB ZHIR GNAS GYUR TE, ,SANGS RGYAS DGONGS PAS LUS GZUGS BKAB PAR GYUR, ,DES BRTZON 'GRUS DANG, 'BAD PA DANG, BRTZAL BAR BYAS NAS NYON MONGS PA THAMS CAD SPANGS TE DGRA BCOM PA NYID MNGON SUM DU BYAS NAS DGRA BCOM PAR GYUR TE, KHAMS GSUM GYI 'DOD CHAGS DANG BRAL BA ZHES BYA BA NAS MNGON DU SMRA BAR BYA BAR GYUR TO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS DPA' SDE NAS LJONGS RGYU ZHING GSHEGS PA DANG YUL DGRA MTHAR GSHEGS TE, DGRA MTHA' NA SBU BU CAN GYI SHING NIM PA'I DRUNG NA BZHUGS SO, ,DE'I TSE DGRA MTHA' NA RGYAL PO BRAM ZE MES SBYIN ZHES BYA BA 'BYOR BA DANG; RGYAS PA DANG, BDE BA DANG, LO LEGS PA, SKYE BO DANG MI MANG POS RAB TU GANG BA NA RGYAL SRID BYED DU 'JUG GO, ,RGYAL PO BRAM ZE MES SBYIN GYIS DGE SBYONG GOO TA MA DPA' SDE NAS LJONGS RGYU ZHING GSHEGS PA DANG DGRA MTHAR BYON NAS, DGRA MTHA' NA SBU BU CAN GYI SHING NIM PA'I DRUNG NA BZHUGS SO ZHES THOS SO, ,THOS NAS KYANG 'DI SNYAM DU SEMS TE, DGE SBYONG GOO TA MA NI MTHA'I RGYAL PO THAMS CAD KYIS BKUR STI BYAS, BLA MAR BYAS, RJED PAR BYAS, MCHOD PAR BYAS TE DGRA BCOM PAR BKUR LA, GAL TE BDAG GIS DGE SBYONG GOO TA MA LA BKUR STI MA BYAS NA MTHA'I RGYAL PHRAN RNAMS SHES LDAN DAG KYE MA RGYAL PO BRAM ZE MES SBYIN NI BYIS PA YIN TE, DE'I GRONG DANG ZHING NA DGE SBYONG GOO TA MA NYE BAR RTEN CING BZHUGS NA BSNYEN BKUR MA BYAS SO ZHES SMOD PAR 'GYUR GYIS, MA LA BDAG GIS DGE SBYONG GOO TA MA NYAN @134B THOS KYI DGE 'DUN DANG BCAS PA LA YO BYAD THAMS CAD KYIS BSTABS SO SNYAM DU BSAMS NAS, RGYAL PO CHEN PO'I 'BYOR PA DANG, RGYAL PO CHEN PO'I MTHUS DGRA MTHA' NAS BYUNG NAS BCOM LDAN 'DAS GANG NA BA DER SONG STE PHYIN NAS, BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS NAS PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS KYIS RGYAL PO BRAM ZE MES SBYIN LA CHOS DANG LDAN PA'I GTAM GYIS ZHES BYA BA NAS YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS RGYAL PO BRAM ZE MES SBYIN STAN LAS LANGS TE BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,SHES LDAN GOO TA MA NYAN THOS KYI DGE 'DUN DANG THABS CIG LA DGUNG ZLA GSUM DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN GYI YO BYAD RNAMS 'BUL ZHING MCHIS NA BDAG LA GNANG BAR MDZAD DU GSOL, BCOM LDAN 'DAS KYIS RGYAL PO BRAM ZE MES SBYIN LA CANG MI GSUNG BAS GNANG NGO, ,DE NAS RGYAL PO BRAM ZE MES SBYIN GYIS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYIS GSUNGS PA LA MNGON PAR DGA' STE, RJES SU YI RANGS NAS STAN LAS LANGS TE SONG NGO, ,DE RANG GI KHYIM DU SONG NAS BLON PO RNAMS LA BSGO BA, NYI MA RE RE ZHING LNGA BRGYA'I BZA' BA DANG BCA' BA SNA BCVO BRGYAD DANG, SRAN TSOD SNA TSOGS DANG, TSOD MA RO DANG LDAN PA DANG, 'BRAS CHAN RAB TU MANG POR TSOS SHIG ,DGRA MTHAR DRIL SGROGS SU BCUG PA, DGE SBYONG GOO TA MA ZLA BA GSUM DU GZHAN GYIS GDUGS TSOD MA GSOL CIG ,GANG ZHIG GIS GDUGS TSOD GSOL NA DE NI CHAD PAR GSAD DO ZHES DES DE SKAD DU DRIL BSGRAGS NAS NUB MO NYAL BA DANG RMI LAM NA BDAG GI RGYU MAS DGRA MTHA'I GRONG KHYER THAMS CAD BSKOR BA RMIS SO, ,RMIS NAS KYANG @135A *, ,SNGANGS SKRAG BRED CING SPU ZING ZHES BYED NAS MYUR BA MYUR BAR MA LA CHEN PO NAS LANGS TE, LAG PA LA 'GRAM PA GTAD NAS GZHI 'DI LAS BDAG RGYAL SRID LAS NYAMS PA'AM, SROG GI BAR CHAD DU MI 'GYUR GRANG SNYAM DU SEMS KHONG DU CHUD CING 'DUG PA LAS DE NAM NANGS NAS BRAM ZE MDUN NA 'DON LA SMRAS PA, MKHAN PO BDAG GIS 'DI 'DRA BA'I RMI LAM ZHIG MTHONG NA DE LA JI LTAR BSGRUB PAR BYA, BRAM ZE MDUN NA 'DON GYIS BSAMS PA, 'DI LTAR LHAS RMANG LAM BZANG PO ZHIG RMIS TE GAL TE BDAG GIS DE DANG MTHUN PAR BSNYAD NA 'DI LHAG PAR YANG DGE SBYONG GOO TA MA LA DAD PA SKYED PAR 'GYUR GYI MA LA BDAG GIS 'DI NGAN PAR BSNYAD DO SNYAM DU BSAMS NAS SMRAS PA, LHA RMANG LAM MI BZANG LAGS SO, ,MKHAN PO 'DI'I 'BRAS BU CIR 'GYUR, LHA GDON MA 'TSAL BAR RGYAL SRID LAS NYAMS PA'AM SROG GI BAR CHAD DU 'GYUR LAGS SO; ;RGYAL POS BSAMS PA, AE MA'O KYI HUD BDAG RGYAL SRID LAS NYAMS PA'AM, SROG GI BAR CHAD DU MI 'GYUR GRANG SNYAM DU BSAMS NAS BRAM ZE MDUN NA 'DON LA 'DI SKAD CES SMRAS SO, ,GANG GIS NA KHO BO RGYAL SRID LAS NYAMS PAR MI 'GYUR BA DANG, SROG GI BAR CHAD DU MI 'GYUR BA'I THABS BZANG PO CI YOD, DES SMRAS PA, LHA GAL TE MI GDA' BA'I PHYOGS SU ZLA BA GSUM BZHUGS NA, DES NA LHA RGYAL SRID LAS MI NYAMS SHING SROG GI BAR CHAD DU MI 'GYUR LAGS SO, ,DE NAS RGYAL PO BRAM ZE MES SBYIN GYIS BSAMS PA, GAL TE DE LTA NA DE BYA SLA BAS DRIL SGROGS SU GZHUG GO SNYAM NAS, DES YUL THAMS CAD DU DRIL SGROGS SU BCUG PA, NGA LA ZLA BA GSUM DU LTA ZHING NYE BAR SU YANG MA 'OD SHIG ,GANG ZHIG 'ONGS NA DE NI CHAD PAR GSAD DO ZHES DRIL SGROGS SU BCUG NAS ZLA BA GSUM DU MI SNANG BA'I PHYOGS SHIG NA 'DUG GO, ,TSE DANG LDAN PA KUN DGA' BO NANG PAR SNGAR LANGS TE, RGYAL PO BRAM ZE MES SBYIN GYI KHYIM GANG NA BA DER SONG BA LAS, JI TZAM NA RGYAL PO BRAM ZE MES SBYIN GYI ZHO SHAS 'TSO BA RNAMS SEMS LAS CHUNG DUS 'KHOD PA DAG MTHONG NGO, ,MTHONG NAS KYANG SMRAS PA, SHES LDAN @135B DAG CI SEMS LAS CHUNG DUS 'KHOD DAM, DE RNAMS KYIS SMRAS PA, 'PHAGS PA CI ZHIG BGYIR MCHIS, RGYAL PO BRAM ZE MES SBYIN GYIS SANGS RGYAS LA SOGS PA DGE SLONG GI DGE 'DUN ZLA BA GSUM DU YO BYAD THAMS CAD KYIS MA BSTABS SAM, KHYED CAG SEMS LAS CHUNG DUS 'KHOD NAS GDUGS TSOD KYANG STA GON MI BYED, GDAN YANG MI SHOM NA CI SANGS RGYAS LA SOGS PA DGE SLONG GI DGE 'DUN GDUGS TSOD GCOD DAM, DE DAG GIS SMRAS PA, 'PHAGS PA KUN DGA' BO LHAS LNGA BRGYA RNAMS KYI CHED DU ZHAL ZAS BSOD PA MANG DU STA GON BYOS SHIG CES NI BKA' STZAL GYI, CHE GE MO ZHIG GI DON DU'O ZHES BKA' MA STZAL LAGS SO, ,SHES LDAN DAG DENG LHA LA ZHUS SHIG ,'PHAGS PA LHAS DRIL SGROGS SU STZAL BA, NGA LA ZLA BA GSUM DU LTA ZHING NYE BAR SU YANG MA 'ONG SHIG ,GANG ZHIG 'ONGS NA DE CHAD PAR GSAD DO ZHES BSGRAGS NA CI BDAG CAG LA MGO BO GNYIS MCHIS SAM, BDAG CAG NI MI ZHU LAGS SO, ,DE NAS TSE DANG LDAN PA KUN DGA' BO BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA SKABS DE RGYAS PAR GSOL TO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA SNAM SBYAR THOGS TE PHYI BZHIN 'BRANG BA'I DGE SBYONG GZHAN ZHIG DANG DGRA MTHA'I LAM PO CHE DANG, TSONG DUS DANG, BZHI MDO DANG, SUM MDO RNAMS SU SHES LDAN DAG KHYED CAG LAS GANG DAG SANGS RGYAS LA SOGS PA DGE SLONG GI DGE 'DUN LA ZLA BA GSUM DU ZHAL ZAS GSOL BAR SPRO BA DES ZHAL ZAS GSOL CIG CES SBRON CIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS SNAM SBYAR THOGS TE PHYI BZHIN 'BRANG BA'I DGE SBYONG GZHAN ZHIG DANG DGRA MTHA'I LAM PO CHE DANG, TSONG DUS DANG, BZHI MDO DANG, SUM MDO RNAMS SU BSGO BA, SHES LDAN DAG KHYED CAG LAS GANG DAG SANGS RGYAS LA SOGS PA DGE SLONG GI DGE 'DUN LA ZLA BA GSUM DU ZHAL ZAS GSOL BAR SPRO BA DES ZHAL ZAS GSOL CIG ,DGRA MTHA'I BRAM ZE DANG @136A *, ,KHYIM BDAG RNAMS KYIS SMRAS PA, 'PHAGS PA KUN DGA' BO BDAG CAG LTA ZHIG RE RES KYANG BCOM LDAN 'DAS NYAN THOS KYI DGE 'DUN DANG BCAS PA LA ZLA BA GSUM DU ZHAL ZAS GSOL BAR SPRO LAGS MOD KYI, RGYAL PO SDIG CAN 'DIS DRIL SGROGS SU STZAL BA, GZHAN SUS KYANG SANGS RGYAS LA SOGS PA DGE SLONG GI DGE 'DUN SPYAN DRANGS TE ZLA BA GSUM DU ZHAL ZAS MA GSOL CIG ,GANG ZHIG GIS ZHAL ZAS GSOL NA DE NI CHAD PAR GSAD DO ZHES BSGRAGS LAGS SO, ,JI TZAM NA BYANG PHYOGS NAS DED DPON ZHIG RTA LNGA BRGYA LA KHAL BKAL TE DGRA MTHAR PHYIN NAS DES BSAMS PA, GAL TE MOD LA CHAS NA RTA RNAMS KYI RMID PA DUB PAS 'THENG BAR 'GYUR ZHING LOM PAR YANG MI 'GYUR BAS 'DI NYID DU GNAS PAR BYA'O SNYAM NAS, DE DE NYID DU 'DUG NAS DES RTA CANG SHES LA NI CHAS NAS BRE'U CHUNG DO, RTA LHAG MA RNAMS LA NI BRE'U CHUNG RE RER THANG BCAD DO, ,DES RGYAL POS RTZIS MGO 'DI DANG 'DI DAG BYAS SO ZHES THOS LA TSE DANG LDAN PA KUN DGA' BOS DE SKAD DU SMRAS PA YANG THOS NAS DES BSAMS PA, BDAG NI RGYAL PO 'DI'I YUL NA GNAS PA MA YIN PAS BDAG LA RGYAL POS CI BYAR YOD SNYAM DU RIG NAS TSE DANG LDAN PA KUN DGA' BO LA 'DI SKAD CES SMRAS SO, ,'PHAGS PA KUN DGA' BO BDAG GIS RTA CANG SHES LA NI CHAS NAS BRE'U CHUNG DO, RTA LHAG MA RNAMS LA NI BRE'U CHUNG RE RE'I THANG LAGS NA, GAL TE BCOM LDAN 'DAS NAS GSOL BAR SPRO NA, BCOM LDAN 'DAS LA NI BDAG GIS NAS BRE'U CHUNG DO DO, DGE SLONG LHAG MA RNAMS LA NI BRE'U CHUNG RE RE DBUL BAR BGYI'O, ,DE NAS TSE DANG LDAN PA KUN DGA' BO BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA SKABS DE RGYAS PAR GSOL PA DANG, DE NAS BCOM LDAN 'DAS 'DI SNYAM DU DGONGS TE, NGA NYID KYIS LAS TSOGS RNYED PA, RKYEN YONGS SU BSGYUR BA, 'OD PA BZHIN DU NYE BAR GNAS PA, GDON MI ZA BAR 'BYUNG BAR 'GYUR BA'I LAS NGA NYID KYIS BYAS SHING BSAGS PAS NGA NYID KYIS LAS BYAS SHING BSAGS PA DAG GZHAN SU ZHIG GIS @136B SO SOR MYONG BAR 'GYUR TE, LAS BYAS SHING BSAGS PA DAG NI PHYI ROL GYI SA'I KHAMS LA RNAM PAR SMIN PAR MI 'GYUR ZHES BYA BA NAS, LUS CAN DAG LA 'BRAS BUR 'GYUR ZHES BYA BA'I BAR GONG MA BZHIN DU'O, ,TSE DANG LDAN PA KUN DGA' BO LA BKA' STZAL PA, KUN DGA' BO SONG LA DGE SLONG RNAMS LA TSUL SHING BRIMS TE, KHYED CAG LAS GANG DE BZHIN GSHEGS PA DANG THABS CIG DGRA MTHAR ZLA BA GSUM DU LONGS SPYAD PAR SPRO BA DES TSUL SHING LONG SHIG CES SGO SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS TSUL SHING BRIM PAR BRTZAMS PA NA, GANG YANG BCOM LDAN 'DAS DGE SLONG LNGA BRGYAR DGE SLONG GNYIS KYIS MTSANG BAS TSUL SHING BLANGS SO, ,TSE DANG LDAN PA SH'A RI'I BUS GSOL PA, BCOM LDAN 'DAS BDAG NI BSER MA'I BRO NAD MCHIS PAS DGUNG ZLA GSUM DU STZANG NAS KYIS LONGS SPYAD PAR MI SPRO LAGS SO, ,TSE DANG LDAN PA MOOD GAL GYI BU CHEN POS GSOL PA, BDAG NI 'DI'I BRO G-YOG LAGS SO, ,DE NAS BCOM LDAN 'DAS DGE SLONG LNGA BRGYAR DGE SLONG GNYIS KYIS MA TSANG BA DANG THABS CIG TU DGRA MTHAR DBYAR BZHUGS PAR ZHAL GYIS BZHES SO, , TSE DANG LDAN PA SH'A RI'I BU DANG, MOOD GAL GYI BU NI RI BO RTZE GSUM GYI KHAR SONG STE DBYAR GNAS PAR KHAS BLANGS SO, ,DE NAS LHA RNAMS KYI DBANG PO BRGYA BYIN GYIS LHA'I BDUD RTZIS BSTABS SO, ,DE NAS DED DPON GYIS BCOM LDAN 'DAS LA NI NAS BRE'U CHUNG DO DO 'BUL LO, ,DGE SLONG GZHAN RNAMS LA BRE'U CHUNG RE RE'O, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO SONG LA DE BZHIN GSHEGS PA'I CHED DU NAS LA CI LEGS SU BYOS SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, BCOM LDAN 'DAS KYI SKU SKAL BLANGS TE BUD MED RGAN MO GZHAN ZHIG GANG NA YOD PA DER SONG NAS PHYIN PA DANG, BUD MED DE LA 'DI SKAD CES SMRAS SO, ,SRING MO DE BZHIN GSHEGS PA'I CHED DU NAS LA CI LEGS SU BYA NA KHYOD NUS SAM, DES SMRAS PA, 'PHAGS @137A *, ,PA BDAG RGAN MOS RNGO MI THOG STE 'ON KYANG BU MO 'DI GZHON LAGS KYIS 'DI LA STZOL CIG DANG, 'DIS NI CI LEGS SU BGYID PAR 'GYUR RO, ,DE NAS TSE DANG LDAN PA KUN DGA' BO DE'I DRUNG DU SONG STE PHYIN NAS SMRAS PA, SRING MO KHYOD KYIS DE BZHIN GSHEGS PA'I CHED DU NAS LA CI LEGS SU BYED NUS SAM, DES SMRAS PA, 'PHAGS PA BDAG DANG DAM ZHIG BCA' STE, GAL TE BDAG LA TSIG 'GA' GSUNG BA LTA NA CI LEGS SU BGYI'O, ,DES SMRAS PA, BYI DOR GYIS SHIG DANG SMRA'O, ,DE NAS 'DRU ZHING DRIS PA, 'PHAGS PA SANGS RGYAS ZHES BGYI BA 'DI CI LAGS, TSE DANG LDAN PA KUN DGA' BOS BSAMS PA, GAL TE 'DI LA BDAG GIS SANGS RGYAS KYI BSNGAGS PA BRJOD NA, SANGS RGYAS KYI CHOS RNAMS NI ZAB PA YIN PAS 'DIS SHES PAR MI 'GYUR BA'I GNAS GANG YIN PA DE YOD KYIS, MA LA BDAG GIS 'DI LA 'KHOR LOS SGYUR BA'I BSNGAGS PA BRJOD PAR BYA'O SNYAM DU BSAMS NAS SMRAS PA, SRING MO 'KHOR LOS SGYUR BA'I RGYAL PO 'JIG RTEN DU BYUNG NA RIN PO CHE SNA BDUN YANG 'JIG RTEN DU 'BYUNG BAR 'GYUR TE, BDUN PO DE DAG GANG ZHE NA, 'DI LTA STE, 'KHOR LO RIN PO CHE DANG, GLANG RIN PO CHE DANG; RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA NI BLON PO RIN PO CHE YIN NO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA 'KHOR LO RIN PO CHE JI LTA BU ZHIG 'JIG RTEN DU 'BYUNG BAR 'GYUR ZHE NA, SRING MO 'DI LA RGYAL PO RGYAL RIGS SPYI BO NAS DBANG BSKUR BA GSO SBYONG BCVO LNGA PA DE NYID LA MGO KHRUS BYAS TE SMYUNG BA BYAS NAS, DE STENG GI KHANG BZANGS KYI GZHI LA BLON PO'I TSOGS KYIS BSKOR NAS 'DUG PA NA, SHAR PHYOGS NAS 'KHOR LO RIN PO CHE LTE BA DANG BCAS PA, RTZIBS STONG DANG LDAN PA, MYU KHYUD DANG BCAS PA, RNAM PA THAMS CAD YONGS SU RDZOGS PA, MDZES PA, MKHAN BZOS MA BYAS PA, BZANG PO THAMS CAD GSER LAS BYAS PA ZHIG 'BYUNG BAR 'GYUR TE, RGYAL PO RGYAL RIGS SPYI BO NAS DBANG BSKUR BA GANG YIN PA 'DIS GSO SBYONG BCVO LNGA PA DE NYID @137B KYI TSE ZHES BYA BA NAS THAMS CAD GSER LAS BYAS ZHES BYA BA NAS DE NI 'KHOR LOS SGYUR BA'I RGYAL POR 'GYUR RO ZHES THOS SO ZHES BYA BA'I BAR GONG MA BZHIN DU'O, ,BDAG NI GDON MI ZA BAR 'KHOR LOS SGYUR BA'I RGYAL POR GYUR TO SNYAM NAS, DE NAS 'KHOR LOS SGYUR BA'I RGYAL POS 'KHOR LO RIN PO CHE DE BRTAG PAR 'DOD NAS STAN LAS LANGS TE BLA GOS PHRAG PA GCIG TU GZAR NAS BUS MO G-YAS PA'I LHA NGA SA LA BTZUGS TE, 'KHOR LO RIN PO CHE DE LAG PA GNYIS KYIS BLANGS NAS LAG PA G-YON PAR BZHAG STE LAG PA G-YAS PAS SPOR CING, KYE 'KHOR LO RIN PO CHE SNGON GYI 'KHOR LOS SGYUR BA 'PHAGS PA'I LAM SROL GANG YIN PAR RNAM PAR RGYAL BAR GYUR CIG ,RNAM PAR RGYAL BAR GYUR CIG CES SMRA'O, ,DE NAS 'KHOR LO RIN PO CHE DE 'KHOR LOS SGYUR BA'I RGYAL POS SPAR BA DANG, STENG GI NAM MKHA' LA 'PHAGS NAS SHAR PHYOGS SU SNGON GYI 'KHOR LOS SGYUR BA 'PHAGS PA'I LAM SROL GANG YIN PA NAS 'GRO BAR 'GYUR RO, ,'KHOR LO RIN PO CHE DE'I RJES BZHIN DU 'KHOR LOS SGYUR BA'I RGYAL PO DPUNG GI TSOGS YAN LAG BZHI DANG LHAN CIG TU 'GRO BAR 'GYUR RO, ,PHYOGS GANG DU 'KHOR LO RIN PO CHE DE SDOD PA DER 'KHOR LOS SGYUR BA'I RGYAL PO DPUNG GI TSOGS YAN LAG BZHI DANG LHAN CIG GNAS 'DEBS PAR 'GYUR ZHING, SHAR PHYOGS KYI KHAMS KYI RGYAL PHRAN GANG DAG YIN PA DE DAG 'KHOR LOS SGYUR BA'I RGYAL PO GANG NA BA DER DONG STE LHAGS PA DANG, 'KHOR LOS SGYUR BA'I RGYAL PO LA 'DI SKAD CES LHA TSUR GSHEGS, LHA BYON PA LEGS SO, ,YUL 'KHOR 'BYOR PA DANG, RGYAS PA DANG, BDE BA DANG, LO LEGS PA, SKYE BO DANG MI MANG POS GANG BA GANG LAGS PA 'DI NI LHA'I LAGS KYIS, LHAS RJES SU BSKYANG DU GSOL, BDAG CAG NI LHA'I BKA' BZHIN BGYID PA LAGS SO ZHES SMRAS PA DANG, DE'I PHYIR SNA BO DAG KHYED CAG RANG RANG GI YUL 'KHOR CHOS KYIS RJES SU BSKYANG BAR BYA'I CHOS MA YIN PAS NI MA YIN NO, ,'GA' ZHIG CHOS MA YIN PA SPYOD DAM 'DREN MAR SPYOD PA ZHIG YOD NA, KHYED KYIS DE YUL 'KHOR DU MA BZHAG CIG ,DE LTA NA KHYED CAG KHO BO'I BKA' BZHIN BYED PA YIN @138A *, ,NO; ;DE NAS 'KHOR LO RIN PO CHE DE SHAR PHYOGS MNGON PAR PHAB NAS SHAR PHYOGS KYI RGYA MTSO CHEN PO NAS SLAR LOG STE, LHO DANG, NUB DANG, BYANG PHYOGS SU YANG SNGON GYI 'KHOR LOS SGYUR BA 'PHAGS PA'I LAM SROL GANG YIN PAR 'GRO BAR 'GYUR BAS, DE NAS 'KHOR LO RIN PO CHE DE 'KHOR LOS SGYUR BA'I RGYAL POS SPAR BA DANG, STENG GI NAM MKHA' LA 'PHAGS NAS BYANG PHYOGS SU SNGON GYI 'KHOR LOS SGYUR BA 'PHAGS PA'I LAM SROL GANG YIN PAR 'GRO BAR 'GYUR RO, ,'KHOR LO RIN PO CHE DE'I RJES BZHIN DU 'KHOR LOS SGYUR BA'I RGYAL PO DPUNG GI TSOGS YAN LAG BZHI DANG LHAN CIG 'GRO BAR 'GYUR RO, ,PHYOGS GANG DU 'KHOR LO RIN PO CHE DE SDOD PA DER 'KHOR LOS SGYUR BA'I RGYAL PO YANG DPUNG GI TSOGS YAN LAG BZHI DANG LHAN CIG GNAS 'DEBS PAR 'GYUR ZHING, BYANG PHYOGS KYI KHAMS KYI RGYAL PHRAN GANG DAG YIN PA DE DAG 'KHOR LOS SGYUR BA'I RGYAL PO GANG NA BA DER DONG STE LHAGS PA DANG, 'KHOR LOS SGYUR BA'I RGYAL PO LA 'DI SKAD CES LHA TSUR GSHEGS, LHA BYON PA LEGS SO, ,YUL 'KHOR 'BYOR PA DANG, RGYAS PA DANG, BDE BA DANG, LO LEGS PA, SKYE BO DANG MI MANG POS GANG BA GANG LAGS PA 'DI NI LHA'I LAGS KYIS, LHAS RJES SU BSKYANG DU GSOL, BDAG CAG NI LHA'I BKA' BZHIN BGYID PA LAGS SO ZHES SMRAS PA DANG, DE'I PHYIR SNA BO DAG KHYED CAG RANG RANG GI YUL RNAMS CHOS KYIS RJES SU BSKYANG BAR BYA'I CHOS MA YIN PAS NI MA YIN NO; ;'GA' ZHIG CHOS MA YIN PA SPYOD DAM, 'DREN MAR SPYOD NA KHYED KYIS YUL 'KHOR DU MA BZHAG CIG ,DE LTA NA KHYED CAG KHO BO'I BKA' BZHIN BYED PA YIN NO, ,DE NAS 'KHOR LO RIN PO CHE DES BYANG PHYOGS MNGON PAR PHAB NAS BYANG PHYOGS KYI RGYA MTSO CHEN PO NAS SLAR LOG STE, RGYAL PO'I PHO BRANG DE NYID DU PHYIN NAS DKOR KHANG GI STENG DU SROG SHING BTZUGS PA BZHIN DU GNAS SO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA 'KHOR LO RIN PO CHE DE LTA BU 'JIG RTEN DU 'BYUNG BAR 'GYUR RO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA GLANG PO RIN PO CHE JI LTA BU @138B ZHIG 'JIG RTEN DU 'BYUNG BAR 'GYUR ZHE NA, SRING MO 'DI LA 'KHOR LOS SGYUR BA'I GLANG PO NI THAL KAR ME TOG KU MU DA'I MDOG LTA BU YAN LAG BDUN LEGS PAR GNAS PA, GZUGS BZANG BA, MDZES PA, BLTA NA SDUG PA YIN NO, ,'KHOR LOS SGYUR PA'I RGYAL POS 'DI MTHONG NA SEMS MNGON PAR DAD PAR GYUR NAS, KYE MA'O GLANG PO RIN PO CHE BZANG PO ZHIG YIN GYIS MYUR DU DUL BAR 'GYUR BAR BYA'O SNYAM NAS, DE NAS 'KHOR LOS SGYUR BA'I RGYAL POS GLANG PO 'DUL SBYONG MKHAN MKHAS PA PHO NYAS BKUG NAS 'DI SKAD CES SMRAS SO, ,DES PA KHYOD KYIS GLANG PO RIN PO CHE 'DI MYUR BA KHO NAR LEGS PAR DUL BAR BYOS LA NGA LA PHUL CIG ,LHA BKA' BZHIN 'TSAL ZHES GLANG PO 'DUL SBYONG MKHAN MKHAS PAS 'KHOR LOS SGYUR BA'I RGYAL PO'I LTAR MNYAN NAS, GLANG PO RIN PO CHE DE LA BSLAB PA THAMS CAD NYIN ZHAG GCIG LA SLOB PAR BYED DE, DE LA NYIN ZHAG GCIG LA BSLAB PA THAMS CAD SLOB PA NA NYIN ZHAG GCIG GIS BSLAB PA THAMS CAD LOBS PA NI DPER NA GLANG PO CHE GZHAN RNAMS LO DU MA DANG, LO KHYUD SKOR DU MAR BSLAB PA THAMS CAD BSLABS NAS BSLAB PA THAMS CAD LOBS PA DE BZHIN DU, GLANG PO RIN PO CHE DE LA NYIN ZHAG GCIG LA BSLAB PA THAMS CAD BSLABS PA NA NYIN ZHAG GCIG GIS BSLAB PA THAMS CAD LOBS SO, ,DE DUL BAR RIG NAS 'KHOR LOS SGYUR BA'I RGYAL PO LA 'BUL BAR BYED DE, LHA GLANG PO RIN PO CHE BZANG PO NI DUL LAGS TE, LHA DA DE'I DUS LA BAB PAR MKHYEN PAR MDZAD DU GSOL, DE NAS 'KHOR LOS SGYUR BA'I RGYAL POS GLANG PO RIN PO CHE DE BRTAG PAR 'DOD NAS, NYI MA 'CHAR KA'I DUS KYI TSE GLANG PO RIN PO CHE DE LA ZHON NAS RGYA MTSO'I MTHAS KLAS PA'I SA CHEN PO BSKOR TE, RGYAL PO'I PHO BRANG DE NYID DU PHYIN PA NA ZHAL TSUS LA 'BAB STE, SRING MO 'KHOR LOS SGYUR BA'I RGYAL PO 'JIG RTEN DU BYUNG NA GLANG PO RIN PO CHE DE LTA BU 'JIG RTEN DU 'BYUNG BAR 'GYUR RO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA RTA RIN PO CHE JI LTA BU ZHIG 'JIG RTEN DU 'BYUNG BAR 'GYUR ZHE NA, SRING MO 'DI LA 'KHOR LOS SGYUR BA'I RGYAL PO'I RTA NI THAMS CAD CAD SNGO BA MGO GNAG CING RNGOG @139A *, ,MJUG SDUG PA, GZUGS BZANG BA, MDZES PA, BLTA NA SDUG PA YIN TE, 'KHOR LOS SGYUR BA'I RGYAL POS DE MTHONG NAS SEMS MNGON PAR DAD PAR GYUR NAS, KYE MA RTA RIN PO CHE BZANG PO ZHIG YIN GYIS MYUR DU DUL BAR 'GYUR BAR BYA'O SNYAM NAS, DE NAS 'KHOR LOS SGYUR BA'I RGYAL POS RTA MKHAN MKHAS PA PHO NYAS BKUG STE 'DI SKAD CES SMRAS SO, ,DES PA KHYOD KYIS RTA RIN PO TSE 'DI MYUR BA KHO NAS LEGS PAR DUL BAR BYOS LA NGA LA PHUL CIG ,LHA BKA' BZHIN 'TSAL ZHES RTA MKHAN MKHAS PAS 'KHOR LOS SGYUR BA'I RGYAL PO LAS MNYAN NAS, RTA RIN PO CHE DE LA BSLAB PA THAMS CAD NYIN ZHAG GCIG LA SLOB PAR BYED DE, DE LA BSLAB PA THAMS CAD NYIN ZHAG GCIG LA SLOB PA NA, NYIN ZHAG GCIG GIS BSLAB PA THAMS CAD LOBS PA NI DPER NA RTA GZHAN RNAMS LO DU MA DANG, LO KHYUD SKOR DU MAR BSLAB PA THAMS CAD BSLABS NAS BSLAB PA THAMS CAD LOBS PA DE BZHIN DU, RTA RIN PO CHE DE LA NYIN ZHAG GCIG LA BSLAB PA THAMS CAD SLOB PA NA NYIN ZHAG GCIG GIS BSLAB PA THAMS CAD LOBS SO, ,DE DUL PAR RIG NAS 'KHOR LOS SGYUR BA'I RGYAL PO LA 'BUL BAR BYED DE, LHA RTA RIN PO CHE BZANG PO NI DUL LAGS TE, LHA DA DE'I DUS LA BAB PAR MKHYEN PAR MDZAD DU GSOL, DE NAS 'KHOR LOS SGYUR BA'I RGYAL POS RTA RIN PO CHE BRTAG PAR 'DOD NAS NYI MA 'CHAR KA'I DUS KYI TSE RTA RIN PO CHE LA ZHON NAS RGYA MTSO'I MTHAS KLAS PA'I SA CHEN PO BSKOR TE RGYAL PO'I PHO BRANG DE NYID DU PHYIN PA NA ZHAL TSUS LA 'BAB STE, SRING MO 'KHO LOS SGYUR BA'I RGYAL PO 'JIG RTEN DU BYUNG NA RTA RIN PO CHE DE LTA BU 'JIG RTEN DU 'BYUNG BAR 'GYUR RO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA NOR BU RIN PO CHE JI LTA BU ZHIG 'JIG RTEN DU 'BYUNG BAR 'GYUR ZHE NA, SRING MO 'DI LA 'KHOR LOS SGYUR BA'I RGYAL PO'I NOR BU NI ZUR BRGYAD YOD PA, BEE d'URYA BZANG PO'I RIGS CAN, DANG BA, GSAL BA, RNAM PAR DANG BA YIN TE, 'KHOR LOS SGYUR BA'I RGYAL PO'I PHO BRANG NA ME MAR GYI BYA BA THAMS CAD NOR BU DE'I 'OD KYIS @139B BYED DO, ,DE NAS 'KHOR LOS SGYUR BA'I RGYAL POS NOR BU RIN PO CHE BRTAG PAR 'DOD NAS MUN GNAG SMAG TU GYUR LA, LHAS MTSAN MO CHAR GYI RGYUN DAL BU DAL BUS 'BEBS SHING, GLOG 'GYU BA'I DUS SU NOR BU RIN PO CHE DE RGYAL MTSAN GYI RTZE MO LA BZHAG NAS SKYED MOS TSAL GYI NANG DU DPUNG GI TSOGS YAN LAG BZHI DANG LHAN CIG DONG BA NA, 'KHOR LOS SGYUR BA'I RGYAL PO'I DPUNG GI TSOGS YAN LAG BZHI PO JI SNYED PA THAMS CAD DANG, RGYANG GRAGS PHYED KHO RA KHOR YUG TU NOR BU'I 'OD KYIS GSAL BAR 'GYUR TE, SRING MO 'KHOR LOS SGYUR BA'I RGYAL PO 'JIG RTEN DU BYUNG NA NOR BU RIN PO CHE DE LTA BU 'JIG RTEN DU 'BYUNG BAR 'GYUR RO, ,SRING MO 'KHOR LOS SGYUR BA'I RGYAL PO 'JIG RTEN DU BYUNG NA BTZUN MO RIN PO CHE JI LTA BU ZHIG 'JIG RTEN DU 'BYUNG BAR 'GYUR ZHE NA, SRING MO 'DI LA 'KHOR LOS SGYUR BA'I RGYAL PO'I BTZUN MO NI GZUGS BZANG BA, MDZES PA, BLTA NA SDUG PA, HA CANG MI DKAR BA, HA CANG MI SNGO BA, NYA KHAR BA LTAR PAGS PA 'JAM PA, HA CANG MI RING BA, HA CANG MI THUNG BA, THONG RAN PA, HA CANG MI SPOM PA, HA CANG MI SKEM PA, HA CANG MI TSO BA, SHA BRE RAN PA GANG YIN PA STE, SRING MO DE NI GRANG BA'I TSE LUS LA REG NA DRO BA, TSA BA'I TSE LUS LA REG NA BSIL BA, YUL KA LING KA'I GOS LTAR REG NA 'JAM PA'O, ,SRING MO DE'I BA SPU'I BU GA THAMS CAD NAS NI TZAN DAN GYI DRI 'BYUNG NGO, ,KHA NAS NI AUTPA LA SNGON PO'I DRI 'BYUNG NGO, ,JI SRID KYIS TSE DANG LDAN PA KUN DGA' BOS BTZUN MO RIN PO CHE'I BAR DU BSHAD PA DE SRID KYIS BU MO DES KYANG NAS KYI BYA BA ZIN NAS, DES RKANG PA GNYIS LA GTUGS TE SMON LAM GDAB PAR BRTZAMS PA, 'PHAGS PA DGE BA'I RTZA BA 'DIS BDAG 'KHOR LOS SGYUR BA'I BTZUN MO RIN PO CHER GYUR CIG ,DE NAS TSE DANG LDAN PA KUN DGA' BOS NAS BYI DOR BYAS PA KHYER NAS BCOM LDAN 'DAS GANG NA BA DER SONG STE PHYIN NAS BCOM LDAN 'DAS LA PHUL LO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PA YIN PAS, SANGS RGYAS BCOM LDAN 'DAS KYIS TSE DANG LDAN PA KUN DGA' BO LA BKA' @140A *, ,STZAL PA, KUN DGA' BO NAS 'DI SU ZHIG GIS BYI DOR BYAS, BTZUN PA BRAM ZE'I BU MO CHE GE MO ZHIG GIS BGYIS LAGS SO, ,KUN DGA' BO KHYOD BRAM ZE'I BU MO DE DANG LHAN CIG SKABS KYI GTAM DAG BYAS SAM, BCOM LDAN 'DAS BGYIS LAGS SO; ;KUN DGA' BO DES NA KHYOD BRAM ZE'I BU MO DE DANG LHAN CIG SKABS KYI GTAM JI SNYED BYAS PA DE DAG THAMS CAD NGA LA RGYAS PAR GSOL CIG ,DE NAS TSE DANG LDAN PA KUN DGA' BOS BRAM ZE'I BU MO DANG LHAN CIG SKABS KYI GTAM JI SNYED BYAS PA DE DAG THAMS CAD BCOM LDAN 'DAS LA RGYAS PAR GSOL TO, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO KHYOD KYIS CI'I PHYIR BU MO DE LA SANGS RGYAS KYI BSNGAGS PA MA BRJOD, BTZUN PA BDAG GIS 'DI SNYAM DU SANGS RGYAS KYI CHOS NI ZAB PA LAGS PAS BU MO 'DIS RTOGS PAR MI 'GYUR BA GANG LAGS PA'I GNAS DE MCHIS SO SNYAM DU BSAMS NAS, DE'I SLAD DU BDAG GIS DE LA 'KHOR LOS SGYUR BA'I BSNGAGS PA BRJOD LAGS SO, ,KUN DGA' BO KHYOD KYIS MA LEGS PA ZHIG BYAS TE, KHYOD KYIS GAL TE DE LA SANGS RGYAS KYI BSNGAGS PA BRJOD PA BYAS NA, DES BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA'I SEMS BSKYED PAR 'GYUR BA GANG YIN PA'I GNAS DE YOD PA ZHIG ,KUN DGA' BO 'ON KYANG BU MO DE 'KHOR LOS SGYUR BA'I RGYAL PO'I BTZUN MO RIN PO CHER 'GYUR RO, ,KUN DU BRAM ZE'I BU MO CHE GE MO ZHIG BCOM LDAN 'DAS KYI DON DU NAS BYI DOR BYAS PAS BCOM LDAN 'DAS KYIS DE 'KHOR LOS SGYUR BA'I RGYAL PO'I BTZUN MO RIN PO CHER LUNG BSTAN TO ZHES SGRA GRAGS PA DAG BU MO LNGA BRGYAR GNYIS KYIS MA TSANG BA ZHIG GIS THOS NAS, DGE SLONG LNGA BRGYAR DGE SLONG GNYIS KYIS MA TSANG BA RNAMS KYI NAS BYI DOR BYAS TE, DE RNAMS KYIS KYANG SMON LAM BTAB PA, BDAG CAG DE'I 'KHOR DU GYUR CIG ,JI TZAM NA BCOM LDAN 'DAS KYIS NAS KYI BSHOS GSOL BAR BRTZAMS PA DANG, TSE DANG LDAN PA KUN DGA' BO YI MUG NAS, @140B BCOM LDAN 'DAS KYI SKU TSE BRGYUD PA DE DANG DE RNAMS SU PHYAG DANG, ZHABS DANG, DBU LA SOGS PA BCAD CING SBYIN PA BTANG NAS BSKAL PA GRANGS MED PA GSUM GYIS THAMS CAD MKHYEN PA NYID BRNYES PA DE DA NI NAS RUL PA'I BSHOS GSOL BA LTA ZHES MCHI MA DBYUNG BAR BRTZAMS SO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO KHYOD CI'I PHYIR MI DGA' ZHING MCHI MA GLOG ,BTZUN PA BCOM LDAN 'DAS 'KHOR LOS SGYUR BA'I RIGS SU 'KHRUNGS NA RGYAL SRID SPANGS NAS RAB TU BYUNG STE, PHYAG DANG; ZHABS DANG, DBU LA SOGS PA BKUM ZHING SBYIN PA BTANG NAS BSKAL PA GRANGS MED PA GSUM GYIS THAMS CAD MKHYEN PA BRNYES PA DE DA NI STZANG NAS RUL PA'I BSHOS GSOL BA LTA SNYAM BGYID LAGS MOD, BCOM LDAN 'DAS KYIS BKA' STZAL PA, KUN DGA' BO KHYOD DE BZHIN GSHEGS PA'I MCHE BA'I BAR NAS PHYUNG BA'I NAS KYI ZAN ZA BAR 'DOD DAM, BCOM LDAN 'DAS 'TSAL LAGS SO, ,DE NAS BCOM LDAN 'DAS KYIS MCHE BA'I BAR NAS NAS KYI ZAN PHYUNG STE, TSE DANG LDAN PA KUN DGA' BO LA BYIN NAS TSE DANG LDAN PA KUN DGA' BOS BZA' BAR BRTZAMS SO; ;BCOM LDAN 'DAS KYIS BKA' STZAL PA, KUN DGA' BO KHYOD KYIS SNGON 'DI LTA BU'I RO MYONG BAR DRAN NAM, BTZUN PA BDAG 'KHOR LOS SGYUR BA'I RIGS SU SKYES SHING 'KHOR LOS SGYUR BA'I RIGS LAS CHEN POR GYUR LAGS NA, DA LTAR BCOM LDAN 'DAS KYI MCHE BA'I BAR NAS PHYUNG BA'I NAS KYI BSHOS 'DI LTA BU'I RO NI SNGON MYONG BAR MI DRAN LAGS SO, ,KUN DGA' BO DE LTA BAS NA DE BZHIN GSHEGS PA LA NI RO BRO BA'I MCHO GCES BYA BA RO RNAMS 'PHROG PA YONGS SU DAG PA YOD DE, GAL TE DE BZHIN GSHEGS PAS KHA ZAS PHAL PA LA LONGS SPYAD NA DE YANG DE BZHIN GSHEGS PA LA RO BRGYA PAR 'GYUR RO, ,KUN DGA' BO RGYAL PO BRAM ZE MES SBYIN GYIS SANGS RGYAS LA SOGS PA DGE SLONG GI DGE 'DUN ZLA BA GSUM DU SPYAN DRANGS TE MI SNANG BA'I PHYOGS SU 'DUG NAS BCOM LDAN 'DAS NI DGRA MTHA' NA NAS GSOL LO ZHES SGRA BSGRAGS SO, , @141A *, ,MTHA'I RGYAL PO RNAMS KYIS KYANG RGYAL PO BRAM ZE MES SBYIN GYIS SANGS RGYAS LA SOGS PA DGE SLONG GI DGE 'DUN ZLA BA GSUM DU SPYAN DRANGS TE, MI SNANG BA'I PHYOGS SU 'DUG GO, ,BCOM LDAN 'DAS NI DGRA MTHA' NA NAS GSOL LO ZHES THOS NAS, DE RNAMS KYIS RGYAL PO BRAM ZE MES SBYIN LA PHO NYA BTANG BA LAS DE RNAMS NANG DU MA CHUD DE SGO NA SDOD DO, ,KHYIM BDAG MGON MED ZAS SBYIN GYIS THOS NAS 'BRAS S'A LU SOG MA'I SBU BUR SMIN PA SHING RTA LNGA BRGYA TZAM BKANG STE BSKUR RO, ,DE NAS BDUD SDIG CAN DE 'DI SNYAM DU SEMS TE, DGE SBYONG GOO TA MA LA BDAG GIS LAN MANG PO ZHIG THOB TZAM PAR BYAS NA LAN 'GA' YANG SKABS MA RNYED GYIS, 'DIR YANG RE ZHIG 'DI LA BRGAL BAR BYA'O SNYAM DU BSAMS NAS, TSE DANG LDAN PA KUN DGA' BOR BDAG NYID MNGON PAR SBRUL TE, SHING RTA LNGA BRGYA BO DE RNAMS KYI MDUN DU 'DUG NAS SMRAS PA, SHES LDAN DAG GAR 'DONG, DE RNAMS KYIS SMRAS PA, 'PHAGS PA KUN DGA' BO RGYAL PO BRAM ZE MES SBYIN GYIS BCOM LDAN 'DAS NYAN THOS KYI DGE 'DUN DANG BCAS PA ZLA BA GSUM DU SPYAN DRANGS TE MI SNANG BA'I PHYOGS SU 'DUG NAS BCOM LDAN 'DAS NI DGRA MTHA' NA NAS GSOL LO, ,DE NAS KHYIM BDAG MGON MED ZAS SBYIN GYIS THOS NAS, BCOM LDAN 'DAS KYI DON DU 'BRAS S'A LU SOG MA'I SBU BUR SMIN PA SHING RTA LNGA BRGYA PO 'DI BSKUR BA LAGS SO, ,DES SMRAS PA SHES LDAN DAG ,BCOM LDAN 'DAS LA NI LHA DANG, KLU DANG, GNOD SBYIN RNAMS MNGON PAR DAD DE, GAL TE NAM MKHA' LA BCOM LDAN 'DAS KYIS LHUNG BZED BZED NA DER YANG SUM BCU RTZA GSUM PA'I LHA RNAMS KYIS LHA'I BDUD RTZIS 'GENGS PAR BYED NA, BCOM LDAN 'DAS CI'I PHYIR NAS GSOL, SLAR LOG SHIG ,DE RNAMS KYIS SMRAS PA, 'PHAGS PA KUN DGA' BO BDAG CAG CHAS LAGS NA DA CI STE LDOG MCHI'O, ,BDUD KYIS BSAMS PA, BDAG GIS 'DI DAG BZLOG PAR MA NUS KYIS THABS SHIG BSHAM PAR BYA'O ZHES DE STENG GI NAM MKHA' LA 'PHAGS NAS CHAR PA SHING RTA'I SROG SHING TZAM GYI RGYUN DBAB PAR @141B BRTZAMS TE, DES RE ZHIG SHING RTA DE DAG GI LTE BA MAN CHAD NUB PA DE TZAM GYI BAR DU CHAR PHAB BO, ,DE NAS SHING RTA DE DAG GI GLANG RNAMS BKROL TE DONG NGO, ,DE NA BCOM LDAN 'DAS DGE SLONG LNGA BRGYAR GNYIS KYIS MTSANG BA DANG THABS CIG TU DGRA MTHA' NA NAS GSOL LO, ,TSE DANG LDAN PA SH'A RI'I BU DANG, MOOD GAL GYI BU GNYIS NI RI RTZA GSUM PA LA DBYAR GNAS PAR KHAS BLANGS NAS LHA'I BDUD RTZI LA LONGS SPYOD DO, ,DE NAS DED DPON DES ZLA BA GSUM 'DAS NAS BCOM LDAN 'DAS NYAN THOS KYI DGE 'DUN DANG BCAS PA SKYED MOS TSAL DU GDUGS TSOD LA SPYAN DRANGS PA DANG; BCOM LDAN 'DAS KYIS CANG MI GSUNG BAS GNANG NGO, ,TSE DANG LDAN PA SH'A RI'I BU DANG, MOOD GAL GYI BU GNYIS RI BO RTZE GSUM PA LA DBYAR GNAS PA YANG 'ONGS SO, ,DE NAS DED DPON GYIS DE NYID KYI MTSAN MO NAS GTZANG ZHING BSOD PA'I BZA' BA DANG BCA' BA DAG STA GON BYAS TE ZHES BYA BA NAS, BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN DU'O, ,BCOM LDAN 'DAS KYI ZHABS GNYIS LA GTUGS TE SMON LAM GDAB PAR BRTZAMS PA, DGE BA'I RTZA BA 'DIS BDAG 'KHOR LOS SGYUR BA'I RGYAL POR GYUR CIG ,RTA CANG SHES NI BU RGYAL TSAB TU GYUR CIG ,RTA LNGA BRGYA PO 'DI DAG KYANG BU LNGA BRGYAR GYUR CIG ,BCOM LDAN 'DAS KYIS BU MO BTZUN MO RIN PO CHER LUNG BSTAN PA GANG LAGS PA DE NI BDAG GI BTZUN MO RIN PO CHER GYUR CIG ,BUD MED LNGA BRGYAR GNYIS KYIS MA TSANG BA GANG LAGS PA DE NI DE'I 'KHOR DU GYUR CIG ,DE NAS BCOM LDAN 'DAS KYIS DED DPON DE'I BSAM PA THUGS SU CHUD NAS DED DPON LA 'DI SKAD CES BKA' STZAL TO, ,DED DPON KHYOD NI 'KHOR LOS SGYUR BA'I RGYAL POR 'GYUR RO, ,RTA CANG SHES NI KHYOD KYI BU RGYAL TSAB TU 'GYUR RO, ,RTA LNGA BRGYA PO DE DAG KYANG BU LNGA BRGYAR 'GYUR RO, ,BU MO DE NI BTZUN MO RIN PO CHER 'GYUR RO, ,BUD MED LNGA BRGYAR GNYIS KYIS MA TSANG BA DE DAG KYANG DE'I 'KHOR DU 'GYUR RO, ,DE NAS BCOM LDAN 'DAS KYIS ZLA BA GSUM PO DAG 'DAS NAS CHOS GOS BYAS @142A *, ,PA DANG LDAN, CHOS GOS ZIN PA DANG LDAN NAS TSE DANG LDAN PA KUN DGA' BO LA BKA' STZAL PA, KUN DGA' BO RGYAL PO BRAM ZE MES SBYIN GYI DRUNG DU SONG LA NAD MED PAR GYUR CIG CES BYOS LA 'DI SKAD CES RGYAL PO CHEN PO KHYED KYI YUL DU KHO BOS ZLA BA GSUM GNAS ZIN TE 'GROS SHES PAR GYIS SHIG CES KYANG SMROS SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN NAS, RGYAL PO BRAM ZE MES SBYIN GYI KHYIM GANG NA BA DER SONG BA DANG, DE'I TSE RGYAL PO BRAM ZE MES SBYIN BKRA SHIS 'ONG BA LA SDOD CING 'DUG GO, ,DE NAS TSE DANG LDAN PA KUN DGA' BOS SGO BA'I SKYES PA LA SMRAS PA, KYE NANG RJE TSUR KHYOD RGYAL PO BRAM ZE MES SBYIN GANG NA BA DER SONG LA PHYIN NAS RGYAL PO BRAM ZE MES SBYIN LA 'DI SKAD CES DGE SLONG KUN DGA' BO LHA MTHONG BAR 'TSAL NAS SGO NA SDOD CING MCHIS SO ZHES SMROS SHIG ,'PHAGS PA BKA' BZHIN 'TSAL ZHES SGO BA'I SKYES PAS TSE DANG LDAN PA KUN DGA' BO'I LTAR MNYAN NAS RGYAL PO BRAM ZE MES SBYIN GANG NA BA DER SONG STE PHYIN NAS, RGYAL PO BRAM ZE MES SBYIN LA 'DI SKAD CES SMRAS SO, ,LHA DGE SLONG 'PHAGS PA KUN DGA' BO LHA'I ZHAL MTHONG BAR 'TSAL NAS SGO NA SDOD CING MCHIS SO, ,DES SMRAS PA, KYE SKYES BUNG BKRA SHIS 'ONG BA SDOD CING 'DUG GIS DGE SLONG KUN DGA' BO NI BSOD NAMS KYI MTHU CHEN PO DANG LDAN PA YIN TE, DE NYID NGA'I BKRA SHIS SU GYUR CIG , DE LA NI BZANG PO LNGA YOD DE, MING BZANG BA DANG, GZUGS BZANG BA DANG, KHA DOG BZANG BA DANG, SPOBS PA BZANG BA DANG, SGRUB PA BZANG BA YIN GYIS NANG DU SPYON CIG ,SHES LDAN KUN DGA' BO LA SU ZHIG 'GOG ,SGO BAS TSE DANG LDAN PA KUN DGA' BO LA DE BZHIN DU SMRAS NAS TSE DANG LDAN PA KUN DGA' BOS NANG DU ZHUGS SO, ,MTHA'I RGYAL PHRAN GYI PHO NYA DE RNAMS KYANG DE NYID DANG LHAN CIG NANG DU ZHUGS SO, ,DE NAS TSE DANG LDAN PA KUN DGA' BOS RGYAL PO BRAM ZE MES SBYIN LA NAD MED PAR GYUR CIG CES BYAS NAS PHYOGS GCIG TU 'DUG GO, ,PHYOGS GCIG TU @142B 'DUG NAS TSE DANG LDAN PA KUN DGA' BOS RGYAL PO BRAM ZE MES SBYIN LA 'DI SKAD CES SMRAS SO, ,RGYAL PO CHEN PO BCOM LDAN 'DAS KYI ZHAL NAS KHYOD NAD MED PAR GYUR CIG ,RGYAL PO CHEN PO KHYOD KYI YUL DU NGAS ZLA BA GSUM DU GNAS ZIN TE 'GROS SHES PAR GYIS SHIG CES KYANG BKA' STZAL TO, ,'PHAGS PA KUN DGA' BO SANGS RGYAS BCOM LDAN 'DAS LA PHYAG 'TSAL LO, ,'PHAGS PA KUN DGA' BO BCOM LDAN 'DAS DANG JI GA YUL DGRA MTHAR DBYAR BDE BAR BZHUGS SAM, BSOD SNYOMS KYIS 'O BRGYAL BAR MA GYUR GRANG, MTHA'I RGYAL PHRAN GYI PHO NYA DE DAG GIS SMRAS PA, LHA KHYOD NI RGYAL SRID LA MI RTOG PA LAGS TE, 'DI LTAR BCOM LDAN 'DAS NYAN THOS KYI DGE 'DUN DANG BCAS PA ZLA BA GSUM DU SPYAN DRANGS TE MI SNANG BA'I PHYOGS SU BZHUGS NAS, BCOM LDAN 'DAS NI ZLA BA GSUM DU NAS RUL PA'I BSHOS GSOL LAGS SO, ,DES SMRAS PA, 'PHAGS PA KUN DGA' BO BCOM LDAN 'DAS KYIS ZLA BA GSUM DU NAS RUL PA'I BSHOS GSOL BA MAD DAM, RGYAL PO CHEN PO MAD LAGS SO, ,DE BRGYAL NAS SA LA 'GYEL BA DANG, CHU MANG PO ZHIG GTOR NAS DBUGS SLAR BYUNG BA DANG, BLON PO RNAMS BKUG STE SMRAS PA, SHES LDAN DAG NGAS KHYED CAG RNAMS LA NYIN RE ZHING LNGA BRGYA'I BZA' BA DANG BCA' BA BSOD PA RAB TU MANG PO STA GON GYIS SHIG PAR MA BSGO 'AM, DE RNAMS KYIS SMRAS PA, LHA DE KHO NA SKAD BKA' STZAL PA MCHIS KYIS CHE GE MO ZHIG LA STZOL CIG CES NI KHYED KYIS BKA' MA STZAL TE, 'ON KYANG DA DUNG DU ZHAL ZAS STA GON KHO NA BGYID DO, ,DE NAS RGYAL PO BRAM ZE MES SBYIN BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHA