*, ,SINGGA LA RU THUB PA'I BSTAN, ,NYIN MOR BYED PA NAG PO'I ZHABS, ,DD 1 @01A *, ,'DUL BA RNAM PAR 'BYED PA, BAM PO NYI SHU GNYIS PA, DE'I TSE NA TSE DANG LDAN PA KUN DGA' BO BCOM LDAN 'DAS KYI SNAM LOGS NA BSIL YAB THOGS TE n[DD]BCOM LDAN 'DAS LA BSIL YAB KYIS GA-YOB CING 'DUG GO, ,DE NAS BCOM LDAN 'DAS KYIS LHAS BYIN SONG NAS RING PO MA LON PAR THUGS SU CHUD NAS TSE DANG LDAN PA KUN DGA' BO LA BKA' STZAL PA, KUN DGA' BO SONG LA 'OD MA'I TSAL KA LAN DKA'I GNAS NA DGE SLONG JI SNYED NYE BAR RTEN CING GNAS PA DE DAG THAMS CAD DPONG SA'I KHANG PAR SDUS SHIG ,TSE DANG LDAN PA KUN DGA' BOS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS, 'OD MA'I TSAL KA LAN DA KA'I GNAS NA DGE SLONG JI SNYED NYE BAR RTEN CING GNAS PA DE DAG THAMS CAD DPONG SA'I KHANG PAR BSDUS NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU *, ,BSTAN LA 'TSE PA'I GNOD SBYIN KLU, ,LNGA BRGYA BTUL BA LEGS MTHONG CHE, , @02A *, ,'DUG GO, ,MTHA' GCIG TU 'DUG NAS BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL TO, ,BTZUN PA 'OD MA'I TSAL KA LAN DA KA'I GNAS NA DGE SLONG JI SNYED NYE BAR RTEN CING GNAS PA DE DAG THAMS CAD DPONG SA'I KHANG PAR MCHIS SHING MTHUN PAR GYUR NA BCOM LDAN 'DAS DA DE'I DUS LA BAB PAR DGONGS SU GSOL, DE NAS BCOM LDAN 'DAS DPONG SA'I KHANG PA GA LA BA DER GSHEGS TE BYON NAS, DGE SLONG GI DGE 'DUN GYI GONG DU GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG LNGA PO 'DI DAG NI 'JIG RTEN NA YOD CING SRID PA'I STON PA DAG YIN TE, LNGA GANG ZHE NA, 'DI NA STON PA GCIG NI TSUL KHRIMS YONGS SU MA DAG BZHIN DU BDAG GI TSUL KHRIMS YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, DE LA NYAN THOS RNAMS KYIS LHAN CIG 'GROGS PA'I RGYUS STON PA SHES LDAN 'DI NI TSUL KHRIMS YONGS SU MA DAG BZHIN DU BDAG GI TSUL KHRIMS YONGS SU DAG CING KUN NAS NYON MONGS PA MED DO ZHES DAM 'CHA' BAR SHES MOD KYI, BDAG CAG GIS GAL TE STON PA 'DI GZHAN LA BRJOD PAR GYUR NA, DES 'DI YID MI DGA' BAR 'GYUR BAS BDAG CAG LA GANG GIS 'DI YID MI DGRAL BAR GYUR PA DES STON PA LA KUN DU SPYAD PAS CI BYA STE, STON PA SHES LDAN 'DI RANG NYID KYIS SHES PAR ZAD DO, ,'DI BDAG CAG LA 'DI LTA STE CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YO BYAD DAG GIS SEMS @02B PAR BYED DO SNYAM PAS NYAN THOS RNAMS KYANG DE LA TSUL KHRIMS KYI SGO NAS RJES SU BSRUNG BA BYA BAR SEMS SO, ,STON PA DE LTA BU NI NYAN THOS RNAMS LAS TSUL KHRIMS RJES SU SRUNG BAR RE BAR BYED DE, 'DI NI 'JIG RTEN NA YOD CING SRID PA'I STON PA DANG PO YIN NO, ,GZHAN YANG 'DI NA STON PA GCIG NI 'TSO BA YONGS SU MA DAG BZHIN DU BDAG GI 'TSO BA YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, DE LA NYAN THOS RNAMS KYIS LHAN CIG 'GROGS PA'I RGYUS STON PA SHES LDAN 'DI NI 'TSO BA YONGS SU MA DAG BZHIN DU BDAG GI 'TSO BA YONGS SU DAG CING KUN NAS NYON MONGS PA MED DO ZHES DAM 'CHA' BAR SHES MOD KYI, BDAG CAG GIS STON PA 'DI GAL TE GZHAN LA BRJOD PAR GYUR NA DES 'DI YID MI DGA' BAR 'GYUR BAS BDAG CAG LA GANG GIS 'DI YID MI DGA' BAR GYUR PA DES STON PA LA KUN DU SPYAD PAS CI BYA STE, STON PA SHES LDAN 'DI RANG NYID SHES PAR ZAD DO, ,'DI BDAG CAG LA 'DI LTA STE, CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YO BYAD DAG GIS SEMS PAR BYED DO SNYAM PAS NYAN THOS RNAMS KYANG DE LA 'TSO BA'I SGO NAS RJES SU BSRUNG BA BYA BAR SEMS SO, ,STON PA DE LTA BU NI NYAN THOS RNAMS LAS 'TSO BA RJES SU SRUNG BA RE BAR BYED DE, 'DI NI 'JIG RTEN NA YOD CING SRID PA'I STON PA GNYIS PA YIN NO, ,GZHAN YANG 'DI NA STON PA GCIG NI SHES PA DANG MTHONG BA YONGS SU MA DAG BZHIN DU BDAG GI SHES PA DANG MTHONG BA YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, DE LA NYAN THOS RNAMS KYIS LHAN CIG 'GROGS PA'I RGYUS STON PA SHES LDAN 'DI NI SHES PA DANG MTHONG BA YONGS SU MA DAG BZHIN DU BDAG GI SHES PA DANG MTHONG BA YONGS SU DAG CING KUN NAS NYON MONGS PA MED DO ZHES DAM 'CHA' BAR SHES MOD KYI, BDAG CAG GIS STON PA 'DI GZHAN LA BRJOD PAR GYUR NA DES 'DI YID MI DGA' BAR 'GYUR BAS, BDAG CAG LA GANG GIS 'DI YID MI DGA' BAR GYUR PA DES STON PA LA KUN DU SPYAD PAS CI BYA STE, STON PA SHES LDAN 'DI RANG NYID @03A *, ,SHES PAR ZAD DO, ,'DI BDAG CAG LA 'DI LTA STE, CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YOD BYAD DAG GIS SEMS PAR BYED DO SNYAM PAS NYAN THOS RNAMS KYANG DE LA SHES PA DANG MTHONG BA'I SGO NAS RJES SU BSRUNG BA BYA BAR SEMS SO, ,STON PA DE LTA BU NI NYAN THOS RNAMS LAS SHES PA DANG MTHONG BA RJES SU SRUNG BA RE BAR BYED DE, 'DI NI 'JIG RTEN NA YOD CING SRID PA'I STON PA GSUM PA YIN NO, ,GZHAN YANG 'DI NA STON PA GCIG NI BRDA SPROD PA PHUN SUM TSOGS PA MA YIN BZHIN DU BDAG NI BRDA SPROD PA PHUN SUM TSOGS SHING, KUN NAS NYON MONGS PA MED DO ZHES DAM 'CHA' BAR BYED DE, DE LA NYAN THOS RNAMS KYIS LHAN CIG 'GROGS PA'I RGYUS STON PA SHES LDAN 'DI NI BRDA SPROD PA PHUN SUM TSOGS PA MA YIN BZHIN DU BDAG NI BRDA SPROD PA PHUN SUM TSOGS SHING KUN NAS NYON MONGS PA MED DO ZHES DAM 'CHA' BAR SHES MOD KYI, BDAG CAG GIS STON PA 'DI GZHAN LA BRJOD PAR GYUR NA DES 'DI YID MI DGA' BAR 'GYUR BAS BDAG CAG LA GANG GIS 'DI YID MI DGA' BAR GYUR PA DES STON PA LA KUN DU SPYAD PAS CI BYA STE, STON PA SHES LDAN 'DI RANG NYID SHES PAR ZAD DO, ,'DI BDAG CAG LA 'DI LTA STE, CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YO BYAD DAG GIS SEMS PAR BYED DO SNYAM PAS NYAN THOS RNAMS KYANG DE LA BRDA SPROD PA PHUN SUM TSOGS PA'I SGO NAS RJES SU BSRUNG BA BYA BAR SEMS SO, ,STON PA DE LTA BU NI NYAN THOS RNAMS LAS BRDA SPROD PA PHUN SUM TSOGS PA RJES SU SRUNG BA RE BAR BYED DE, 'DI NI 'JIG RTEN NA YOD CING SRID PA'I STON PA BZHI PA YIN NO, ,GZHAN YANG 'DI NA STON PA GCIG NI CHOS 'DUL BA NYES PAR BSHAD PA DANG LDAN BZHIN DU BDAG NI CHOS 'DUL BA LEGS PAR GSUNGS PA DANG LDAN ZHING KUN NAS NYON MONGS PA MED DO ZHES DAM 'CHA' BAR BYED DE, DE LA NYAN THOS RNAMS KYIS LHAN CIG 'GROGS PA'I RGYUS STON PA SHES LDAN 'DI NI CHOS 'DUL BA NYES @03B PAR BSHAD PA DANG LDAN BZHIN DU BDAG NI CHOS 'DUL BA LEGS PAR GSUNGS PA DANG LDAN ZHING KUN NAS NYON MONGS PA MED DO ZHES DAM 'CHA' BAR SHES MOD KYI, BDAG CAG GIS STON PA 'DI GZHAN LA BRJOD PAR GYUR NA, DES 'DI YID MI DGA' BAR 'GYUR BAS BDAG CAG LA GANG GIS 'DI YID MI DGA' BAR GYUR PA DES STON PA LA KUN DU SPYAD PAS CI BYA STE, STON PA SHES LDAN 'DI RANG NYID SHES PAR ZAD DO, ,'DI BDAG CAG LA 'DI LTA STE, CHOS GOS DANG, BSOD SNYOMS DANG, GNAS MAL DANG, NA BA'I RKYEN DANG, SMAN GYI YO BYAD DAG GIS SEMS PAR BYED DO SNYAM PAS NYAN THOS RNAMS KYANG DE LA CHOS 'DUL BA LEGS PAR GSUNGS PA'I SGO NAS RJES SU BSRUNG BA BYA BAR SEMS SO, ,STON PA DE LTA BU NI NYAN THOS RNAMS LAS CHOS 'DUL BA LEGS PAR BSHAD PA RJES SU SRUNG BA RE BAR BYED DE, 'DI NI 'JIG RTEN NA YOD CING SRID PA'I STON PA LNGA PA YIN NO, ,DGE SLONG DAG NGA NI TSUL KHRIMS YONGS SU DAG PA KHO NA YIN PAS NGA'I TSUL KHRIMS YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, NGA LA NYAN THOS RNAMS TSUL KHRIMS KYI SGO NAS RJES SU BSRUNG BA BYA BAR MI SEMS SHING NGA YANG NYAN THOS RNAMS LAS TSUL KHRIMS RJES SU SRUNG BA RE BAR MI BYED DO, ,DGE SLONG DAG NGA NI 'TSO BA YONGS SU DAG PA KHO NA YIN PAS NGA'I 'TSO BA YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, NGA LA NYAN THOS RNAMS 'TSO BA'I SGO NAS RJES SU BSRUNG BA BYA BAR MI SEMS SHING NGA YANG NYAN THOS RNAMS LAS 'TSO BA YONGS SU SRUNG BA RE BAR MI BYED DO, ,DGE SLONG DAG NGA NI SHES PA DANG MTHONG BA YONGS SU DAG PA KHO NA YIN PAS NGA'I SHES PA DANG MTHONG BA YONGS SU DAG CING KUN NAS NYON MONGS PA MED DO ZHES DAM 'CHA' BAR BYED DE, NGA LA NYAN THOS RNAMS SHES PA DANG MTHONG BA'I SGO NAS RJES SU BSRUNG BA BYA BAR MI SEMS SHING NGA YANG NYAN THOS RNAMS LAS SHES PA DANG MTHONG BA RJES SU SRUNG BA RE BAR MI BYED DO, ,DGE SLONG DAG NGA NI BRDA SPROD PA PHUN SUM TSOGS PA KHO NA YIN PAS NGA'I BRDA SPROD PA PHUN SUM TSOGS @04A *, ,SHING KUN NAS NYON MONGS PA MED DO ZHES DAM 'CHA' BAR BYED DE, NGA LA NYAN THOS RNAMS BRDA SPROD PA PHUN SUM TSOGS PA'I SGO NAS RJES SU SRUNG BA BYA BAR MI SEMS SHING, NGA YANG NYAN THOS RNAMS LAS BRDA SPROD PA PHUN SUM TSOGS PA RJES SU SRUNG BA RE BAR MI BYED DO; ,DGE SLONG DAG NGA NI CHOS 'DUL BA LEGS PAR GSUNGS PA DANG LDAN PA KHO NA YIN PAS NGA'I CHOS 'DUL BA LEGS PAR GSUNGS PA YIN ZHING KUN NAS NYON MONGS PA MED DO ZHES DAM 'CHA' BAR BYED DE, NGA LA NYAN THOS RNAMS CHOS 'DUL BA LEGS PAR GSUNGS PA'I SGO NAS RJES SU BSRUNG BA BYA BAR MI SEMS SHING, NGA YANG NYAN THOS RNAMS LAS CHOS 'DUL BA LEGS PAR BSHAD PA RJES SU SRUNG BA RE BAR MI BYED DO, ,DGE SLONG DAG NGA NI KHYED LA TSAR BCAD CING TSAR BCAD CING SMRA BAR BYED ZIL GYIS MNAN CING ZIL GYIS MNAN CING SMRA BAR BYED DE, KHYED LA DBYIG TU MI 'DZIN CING RDZA MKHAN GYI SNOD SO MA BTANG BDAG BZHIN DU GANG SNYING PO YOD PA DE 'JOG PAR BYED KYIS NGA'I TSIG GI LAM DAG LA BZOD PAR GYIS SHIG ,DE NAS LHAS BYIN GYIS KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG LA SMRAS PA, KO KA LI KA ,KHAN DANG BYA, KA tA MOR KA TI shYA, RGYA MTSOS BYIN DAG KHYED CAG TSUR SHEG ,DGE SBYONG GOO TA MA 'DUG BZHIN DU NYAN THOS KYI DGE 'DUN MTHUN PA DBYE BAR BYA ZHING 'KHOR LO YANG DBYE BAR BYA STE, DES NA BDAG CAG SHI ZHING, DUS LA BAB PA DAG LA DGE SBYONG GOO TA MA DE TZAM DU RDZU 'PHRUL CHE BA, DE TZAM DU MTHU CHE BA 'DUG BZHIN DU LHAS BYIN DANG, KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN GYIS NYAN THOS KYI DGE 'DUN MTHUN PA PHYE ZHING 'KHOR LO YANG DBYE BA BYAS SO ZHES PHYOGS DANG PHYOGS MTSAMS RNAMS SU SNYAN PA'I SGRA'I TSOGS RGYA CHEN PO DGE BA MNGON PAR GRAGS PAR 'GYUR RO, ,LHAS BYIN BDAG CAG GIS DE LTAR BYAR MI NUS TE, DE CI'I PHYIR ZHE NA, BCOM LDAN 'DAS KYI NYAN THOS MTHU CHE BA, RDZU 'PHRUL CHE BA, LHA'I MIG DANG LDAN PA, GZHAN GYI SEMS @04B SHES PA GANG DAG YOD PA DE DAG NI THAG RING PO YANG MTHONG LA DRUNG NA 'DUG PAS KYANG MI MTHONG ZHING DE DAG GI SEMS KYIS BDAG CAG GI SEMS LA KHYAB PAR BYA STE, YID KYIS KYANG BDAG CAG RNAM PAR SHES PAR BYED PAS DE DAG GIS BDAG CAG 'PHAGS PA NYID KYANG SHES PAR 'GYUR BA'I PHYIR RO, ,KO KA LI KA THABS 'GA' ZHIG YOD DO, ,LHAS BYIN THABS DE GANG YIN, TSUR SHEG DANG BDAG CAG DGE SLONG GNAS BRTAN GNAS BRTAN RNAMS KYI DRUNG DU DONG STE, GNAS BRTAN DAG THUGS LAS CHUNG NGUR MDZOD CIG DANG BDAG CAG GIS GNAS BRTAN RNAMS YO BYAD THAMS CAD KYIS MI BREL BAR BGYI'O ZHES YO BYAD THAMS CAD KYIS BSTAB PAR BYA'O, ,GZHON NU RNAMS LA NI LHUNG BZED DANG CHOS GOS DANG DRA BA DANG PHOR BU DANG SKA RAGS DANG LUNG DBOG PA DANG, BKLAG PA DANG KHA TON DANG, RNAL 'BYOR DANG YID LA BYA BAS BSNYEN BKUR DANG STONGS MO BYA'O, ,LHAS BYIN GAL TE THABS DE LTA BU YOD NA DE LTAR BYA'O, ,DE NAS LHAS BYIN GYIS DGE 'DUN MTHUN PA DBYE BA'I PHYIR BRTUL BA DANG, DGE SLONG GNAS BRTAN GNAS BRTAN RNAMS KYIS 'PHAGS MA THAG TU LHAS BYIN GYIS DGE 'DUN MTHUN PA DBYE BA'I PHYIR BRTUL TO, ,ZHES RNAM PAR SHES PAR GYUR NAS, DGE SLONG RNAMS KYIS SKABS DE BCOM LDAN 'DAS LA GSOL PA DANG, DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG LHAS BYIN DANG GZHAN YANG DE LTA BU GANG YIN PA LA BZHAMS TE BSGO BAR BYA'O, ,'DI SKAD CES BSGO BAR BYA STE, TSE DANG LDAN PA LHAS BYIN KHYOD DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA LHAS BYIN KHYOD DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG @05A *, ,LDAN PA LHAS BYIN KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES BSGO BAR BYA'O, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS LHAS BYIN LA TSE DANG LDAN PA LHAS BYIN KHYOD DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA LHAS BYIN KHYOD DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA LHAS BYIN KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES BZHAMS TE BSGO'O, ,DGE SLONG RNAMS KYIS DE LA BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA RGYAS PAR GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS LHAS BYIN DANG GZHAN YANG DE LTA BU GANG YIN PA LA GSOL BA DANG BZHI'I LAS KYIS BSGO BAR BYA'O, ,'DI LTAR BSGO BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG LHAS BYIN 'DIS DGE 'DUN MTHUN PA DBYE BA'I SLAD DU BRTUL TE, DBYEN BGYID PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MCHIS NAS, 'DI LA DGE SLONG MANG POS BZHAMS TE BSGO NA 'DI LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA @05B SNYAD 'DOGS PAR BGYID NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS LHAS BYIN LA TSE DANG LDAN PA LHAS BYIN KHYOD DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA LHAS BYIN KHYOD DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA LHAS BYIN KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD DO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG LHAS BYIN 'DIS DGE 'DUN MTHUN PA DBYE BA'I SLAD DU BRTUL TE DBYEN BGYID PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MCHIS NAS, 'DI LA DGE SLONG MANG POS BZHAMS TE BSGO NA 'DI LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NI BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID DE, DE'I SLAD DU DGE 'DUN GYIS LHAS BYIN LA TSE DANG LDAN PA LHAS BYIN KHYOD DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA LHAS BYIN KHYOD DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA LHAS BYIN KHYOD DGE 'DUN 'BYED PAR BYED PA'I GZHI 'DI LTA BU 'DI THONG SHIG CES GSOL BA DANG BZHI'I @06A *, ,LAS KYIS BSGO BA MDZAD NA, TSE DANG LDAN PA GANG DAG LHAS BYIN LA GSOL BA DANG BZHI'I LAS KYIS BSGO BA MDZAD PAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNANG NAS DGE 'DUN GYIS LHAS BYIN LA GSOL BA DANG BZHI'I LAS KYIS BSGO BA MDZAD LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS LHAS BYIN LA GSOL BA DANG BZHI'I LAS KYIS BSGO'O, ,GSOL BA DANG BZHI'I LAS KYIS BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED DO, ,DE'I GROGS BYED PA'I DGE SLONG MI MTHUN PAR SMRA BA'I RJES SU PHYOGS PA BZHI PO KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DE DAG KYANG DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA DGE SLONG 'DI NI SHES BZHIN DU SMRA'I, MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES ZER BA'I SKABS DE DGE SLONG RNAMS KYIS BCOM LDAN 'DAS LA RGYAS PAR GSOL BA DANG, BCOM LDAN 'DAS KYIS BKA' STZAL PA, DGE SLONG DAG KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DANG, GZHAN YANG DE LTA BU GANG YIN PA LA BZHAMS TE BSGO BAR BYA'O, ,'DI SKAD BSGO BAR BYA STE, TSE DANG LDAN PA KO KA LI KA ,KHAN DA DRA BYA, KA tA MO RA KA TI shYA, RGYA MTSOS BYIN KHYED SHES @06B BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING, DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN PAR SMRA BA'I RJES SU PHYOGS PAR MA BYED CIG ,DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I, MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES MA ZER CIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA, 'DUL BA MA YIN PA SMRA BA, DGE SLONG 'DI NI CHOS MA YIN PA DANG 'DUL BA MA YIN PA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG ,TSE DANG LDAN PA DAG KHYED DGE 'DUN 'BYED 'DOD PAR MA BYED PAR TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS SHING MI MTHUN PAR SMRA BA 'DI LTA BU 'DI THONG SHIG CES BSGO BAR BYA'O, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS DE'I GROGS BYED PA'I DGE SLONG MI MTHUN PAR SMRA BA'I RJES SU @07A *, ,PHYOGS PA BZHI PO KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA 'DI SKAD CES TSE DANG LDAN PA DAG KHYED SHES BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN PAR SMRA BA'I RJES SU PHYOGS PAR MA BYED CIG ,DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG, 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, ? DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES MA ZER CIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA, 'DUL BA MA YIN PA SMRA BA, DGE SLONG 'DI NI CHOS MA YIN PA DANG, 'DUL BA MA YIN PA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG ,TSE DANG LDAN PA DAG KHYED DGE 'DUN 'BYED 'DOD PAR MA BYED PAR TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS @07B SHING MI MTHUN PAR SMRA BA 'DI LTA BU 'DI THONG SHIG CES BSGO'O, ,DGE SLONG RNAMS KYIS DE DAG LA BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA RGYAS PAR GSOL BA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS DANG, GZHAN YANG DE LTA BU GANG YIN PA LA GSOL BA DANG BZHI'I LAS KYIS BSGO BAR BYA'O, ,'DI LTAR BSGO BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, ,KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN 'DI DAG DGE SLONG GANG DGE 'DUN MTHUN PA DBYE BA'I SLAD DU RTUL BAR BGYID CING DBYEN BGYID PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MCHIS PA DE'I GROGS BGYID CING MI MTHUN PAR SMRA NAS, 'DI DAG LA DGE SLONG RNAMS KYIS BZHAMS TE BSGO NA 'DI DAG LA DGE SLONG RNAMS KYIS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA TSE DANG LDAN PA DAG KHYED SHES BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN @08A *, ,PAR SMRA BA'I RJES SU PHYOGS PAR MA BYED CIG ,DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG, 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES MA ZER CIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA, 'DUL BA MA YIN PA SMRA BA, DGE SLONG 'DI NI CHOS MA YIN PA DANG, 'DUL BA MA YIN PA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG ,TSE DANG LDAN PA DAG KHYED DGE 'DUN 'BYED 'DOD PAR MA BYED PAR TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING, CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS SHING MI MTHUN PAR SMRA BA 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD DO, ,'DI NI GSOL PA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, ,KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN 'DI DAG DGE SLONG GANG DGE 'DUN MTHUN PA DBYE BA'I SLAD DU RTUL BAR @08B BGYID CING DBYEN BGYID PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MCHIS PA DE'I GROGS BGYID CING MI MTHUN PAR SMRA NAS 'DI DAG LA DGE SLONG RNAMS KYIS BZHAMS TE BSGO NA, 'DI DAG LA DGE SLONG RNAMS KYIS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID DE, DE'I SLAD DU DGE 'DUN GYIS KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA, TSE DANG LDAN PA DAG KHYED SHES BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN PAR SMRA BA'I RJES SU PHYOGS PAR MA BYED CIG DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES MA ZER CIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA, 'DUL BA MA YIN PA SMRA BA, DGE SLONG 'DI NI CHOS MA YIN PA DANG, 'DUL BA MA YIN PA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG ,TSE DANG LDAN PA DAG KHYED DGE 'DUN 'BYED 'DOD PAR MA BYED PAR TSE DANG LDAN PA DAG DGE 'DUN @09A *, ,MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS SHING, MI MTHUN PAR SMRA BA 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD NA, TSE DANG LDAN PA GANG DAG KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA GSOL BA DANG BZHI'I LAS KYIS BSGO BA MDZAD PAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNANG NAS DGE 'DUN GYIS KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA GSOL BA DANG BZHI'I LAS KYIS BSGO BA MDZAD LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA GSOL BA DANG BZHI'I LAS KYIS BSGO'O, ,GSOL BA DANG BZHI'I LAS KYIS BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA RGYAS PAR GSOL TO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG LHAS BYIN GYIS NGA'I NYAN THOS KYI DGE 'DUN MTHUN PA DBYE BA DANG 'KHOR LO YANG 'BYED PAR NUS TE, 'DI LTAR NGE'I GROGS BYED PA'I DGE SLONG MI MTHUN PAR SMRA BA NYID KYI RJES SU PHYOGS PA BZHI PO KO KA LI KA DANG, @09B KHAN DA DRA BYA DANG, KA tA MO RA KA TI sHYA DANG, RGYA MTSOS BYIN DAG YOD PA'I PHYIR RO, ,LHAS BYIN GYIS DGE SBYONG GOO TA MAS DGE SLONG DAG LHAS BYIN GYI NGA'I NYAN THOS KYI DGE 'DUN MTHUN PA DBYE BA DANG 'KHOR LO YANG 'BYED PAR NUS TE, 'DI LTAR DE'I GROGS BYED BA'I DGE SLONG MI MTHUN PAR SMRA BA NYID KYI RJES SU PHYOGS PA BZHI PO KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG YOD PA'I PHYIR RO ZHES BDAG LA LUNG BSTAN TO ZHES THOS SO, ,THOS NAS KYANG KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN RNAMS LA SMRAS PA, KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG SHES PAR GYIS SHIG ,DGE SBYONG GOO TA MAS LHAS BYIN GYIS NGA'I NYAN THOS KYI DGE 'DUN MTHUN PA DBYE BA DANG 'KHOR LO YANG 'BYED PAR NUS TE, 'DI LTAR DE'I GROGS BYED PA'I DGE SLONG MI MTHUN PAR SMRA BA NYID KYI RJES SU PHYOGS PA BZHI PO KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG YOD PA'I PHYIR RO ZHES KHO BO LA LUNG BSTAN TO, ,DE DAG GIS SMRAS PA, LHAS BYIN GAL TE DE LTA NA LEGS SO, ,DES RGYA CHER DGE 'DUN MTHUN PA DBYE BA'I PHYIR BRTUL BAR BRTZAMS PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS KYIS LHAS BYIN LA SMRAS PA, LHAS BYIN KHYOD KYIS DGE 'DUN MTHUN PA DBYE BA'I PHYIR BRTUL ZHING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA BDEN NAM, BTZUN PA MED ? DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES BYA BA LA SOGS PAS RNAM PAR SMAD PA @10A *, ,SNGA MA BZHIN NO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR RJES SU GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG NA, DGE SLONG DE LA DGE SLONG RNAMS KYIS 'DI SKAD CES TSE DANG LDAN PA KHYED DGE 'DUN MTHUN PA DBYE BA'I PHYIR RTUL BAR MA BYED CIG ,DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE MA 'DUG SHIG ,TSE DANG LDAN PA DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA KHYED DGE 'DUN 'BYED PAR BYED PA'I GZHI 'DI LTA BU 'DI THONG SHIG CES BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTANG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O, ,YANG DGE SLONG GANG ZHES BYA BA NI LHAS BYIN NAM GZHAN YANG DE LTA BU GANG YIN PA'O, ,DGE 'DUN ZHES BYA BA NI DE BZHIN GSHEGS PA'I NYAN THOS KYI DGE 'DUN NO, ,MTHUN PA ZHES BYA BA NI RO GCIG PA'O, ,DBYE BA'I PHYIR ZHES BYA BA NI GNYIS SU BYA BA'I PHYIR RO, ,RTUL BAR BYED CING ZHES BYA BA NI RTZOL BAR BYED CING NGO, ,DBYEN BYED PAR 'GYUR BA'I RTZOD PA YANG DAG PAR @10B BLANGS NAS RAB TU BZUNG STE 'DUG NA ZHES BYA BA NI KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG YANG DAG PAR BLANGS NAS RAB TU BZUNG STE 'DUG NA'O, ,DGE SLONG DE LA ZHES BYA BA NI LHAS BYIN LA'O, ,DGE SLONG RNAMS KYIS ZHES BYA BA NI CHOS 'DI PA ? RNAMS KYIS SO, ,'DI SKAD CES ZHES BYA BA NI BZHAMS TE BSGO BA JI SKAD SNGAR BSTAN PA LTAR BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI LTA BA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA'O, ,GAL TE MI GTONG NA ZHES BYA BA NI YONGS SU MI GTONG NA'O, ,LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BA JI SKAD SNGAR BSTAN PA LTAR BSGO BAR BYA STE, YANG DAG PAR BSGO BA DE NI DE YIN, YANG DAG PAR BSTAN PA DE NI DE YIN NO, ,DGE 'DUN LHAG MA'O ZHES BYA BA NI SNGA MA BZHIN DU LTUNG BA DE DGE 'DUN LA RAG LAS PA YIN TE, DES NA DGE 'DUN LHAG MA'O ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS CUNG ZAD JI TZAM DU DGE 'DUN MTHUN PA DBYE BA'I PHYIR RTUL BAR BYED NA THAMS CAD DU NYES BYAS SU 'GYUR RO, ,DGE SLONG GIS BZHAMS TE BSGO BA NA GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, , GSOL BA DANG BZHI'I LAS KYIS BSGO BA NA GZHI DE GTONG NA DE LTA NA LEGS, GAL TE MI GTONG NA GSOL BA BYAS PA NA NYES PA SBOM POR 'GYUR RO, ,LAS BRJOD PA DANG PO BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GNYIS PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GSUM PA BRJOD PA NA MA RDZOGS PAR GZHI DE GTONG NA DE LTA NA @11A *, ,LEGS, GAL TE MI GTONG NA NYES PA SBOM POR 'GYUR RO, ,RDZOGS PAR BRJOD PA NA GAL TE MTHUN PA DANG CHOS MA YIN PAS BSGO BAR BYED NA LTUNG BA MED DO, ,MI MTHUN PA DANG CHOS KYI BSGO BAR BYED NA LTUNG BA MED DO, ,MTHUN PA DANG CHOS LTAR BCOS PAS BSGO BAR BYED NA LTUNG BA MED DO, ,MI MTHUN PA DANG CHOS MA YIN PA LTAR BCOS PAS BSGO BAR BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR BSGO BAR MI BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR MTHUN PAS BSGO BAR BYED NA RDZOGS PAR BRJOD PA NA DGE 'DUN LHAG MAR 'GYUR RO, ,DGE SLONG DES STAN DE LA 'DUG BZHIN DU 'DI SKAD CES TSE DANG LDAN PA DAG BDAG LA DGE 'DUN LHAG MA'I LTUNG BA BYUNG NGO ZHES BRJOD PAR BYA STE, GAL TE DE SKAD BRJOD NA DE LTA NA LEGS, GAL TE MI BRJOD NA DE PHYIN CHAD NAS DE LA 'CHAB PA'I NYES PA 'BYUNG BAR 'GYUR RO, ,DE BAS NA DGE SLONG GIS JI TZAM DU GZHI DES MA BSHAGS SHING SO SOR MA BSHAGS PAR GSOL BA DANG, GSOL BA DANG GNYIS DANG, GSOL BA DANG BZHI'I LAS NYAMS SU MYONG BAR BYED NA THAMS CAD DU NYES BYAS SU 'GYUR RO, ,LAS DANG PO BA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,DGE 'DUN GYI DBYEN BYED PA'I DGE 'DUN LHAG MA STE BCU PA RDZOGS SA-HO,, ,,DE NAS BCOM LDAN 'DAS KYIS GDAN DE NYID LA BZHUGS BZHIN DU 'DUL BA LA NYAN THOS RNAMS KYI BSLAB PA'I GZHI GNYIS PA BCA' BAR BZHED NAS DGE SLONG RNAMS LA BKA' STZAL PA, DGE SLONG DAG DGE 'DUN GYIS BYA BA CUNG ZHIG YOD KYIS RE ZHIG STAN LAS MA LDANG SHIG ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS KYIS KO KA LI KA DANG, KHAN DA DRA BYA DANG, KA @11B tA MO RA KA TI shYA DANG, RGYA MTSOS BYIN RNAMS LA RMAS PA, KO KA LI KA, KHAN DA DRA BYA, KA tA MO RA KA TA shYA, RGYA MTSOS BYIN KHYED SHES BZHIN DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN PAR SMRA BA'I RJES SU PHYOGS NAS DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG, 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS BAR BYED PA DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES SMRAS PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SLONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES BYA BA LA SOGS PAS RNAM PAR SMAD PA SNGA MA BZHIN NO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR RJES SU GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG DE'I GROGS BYED PA'I DGE SLONG MI MTHUN PAR SMRA BA NYID KYI RJES SU PHYOGS PA GCIG GAM, GNYIS SAM, MANG PO DAG YOD CING, GAL TE DE DAG DGE SLONG RNAMS LA 'DI SKAD CES TSE DANG LDAN PA DAG KHYED CAG DGE YANG RUNG SDIG KYANG RUNG DGE SLONG 'DI LA CI YANG MA SMRA SHIG ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS @12A *, ,SMRA BA; 'DUL BA SMRA BA, DGE SLONG 'DI NI CHOS DANG 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES ZER NA DGE SLONG DE DAG LA DGE SLONG RNAMS KYIS 'DI SKAD CES TSE DANG LDAN PA DAG KHYED CAG DE SKAD CES DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG, 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO ZHES MA ZER CIG , DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA MA YIN, 'DUL BA SMRA BA MA YIN GYI, TSE DANG LDAN PA DAG DGE SLONG 'DI NI CHOS MA YIN PA SMRA BA, 'DUL BA MA YIN PA SMRA BA, DGE SLONG 'DI NI CHOS MA YIN PA DANG, 'DUL BA MA YIN PA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA, DGE SLONG 'DI NI MI SHES BZHIN DU SMRA'I SHES PAR MA YIN PA'I PHYIR TE, DGE SLONG 'DI GANG LA 'DOD CING BZOD PA DE LA TSE DANG LDAN PA DAG 'DOD CING BZOD PAR MA BYED CIG ,TSE DANG LDAN PA DAG KHYED DGE 'DUN 'BYED 'DOD PAR MA BYED PAR TSE DANG LDAN PA DAG DGE 'DUN MTHUN PA NYID DU 'DOD PAR GYIS SHIG ,TSE DANG LDAN PA DAG DGE 'DUN DANG MTHUN PAR GYIS SHIG ,DGE 'DUN MTHUN MI PHYED KUN DU DGA' MI RTZOD, MCHOG GCIG 'DON PA GCIG CING CHU DANG 'O MA GCIG TU 'DRES PA LTA BUR GYUR LA, STON PA'I BSTAN PA GSAL BAR BYED NA BDE BA LA REG PAR GNAS PAR 'GYUR GYIS, TSE DANG LDAN PA DAG DGE 'DUN 'BYED PA'I RJES SU PHYOGS SHING MI MTHUN PAR SMRA BA 'DI LTA BU 'DI THONG SHIG CES BSGO BAR BYA'O, ,DGE SLONG DE DAG LA DGE SLONG RNAMS @12B KYIS DE SKAD BSGO BA NA GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTANG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O, ,DGE SLONG DE'I ZHES BYA BA NI LHAS BYIN GYI'O, ,GROGS BYED PA'I DGE SLONG ZHES BYA BA NI KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG GO, ,MI MTHUN PAR SMRA BA NYID KYI RJES SU PHYOGS PA ZHES BYA BA NI LTA BA DE DAG DANG, 'DOD PA DE DAG DANG, BSAM PA DE DAG DANG LDAN PA'O, ,GCIG GAM, GNYIS SAM, MANG PO DAG YOD CING ZHES BYA BA NI GNYIS LAS LHAG PA NI MANG BA'O, ,GAL TE DE DAG CES BYA BA NI RJES SU PHYOGS PA DE DAG GO, ,DGE SLONG RNAMS LA ZHES BYA BA NI CHOS 'DI PA RNAMS LA'O, ,'DI SKAD CES ZHES BYA BA NI 'DI SKAD CES ZER NA'O, ,DGE YANG RUNG ZHES BYA BA NI DGE BA LA SBYOR BAR YANG MA BYED CIG CES PA'O, ,SDIG KYANG RUNG ZHES BYA BA NI SDIG PA LAS ZLOG PAR YANG MA BYED CIG CES BYA BA'O, ,DGE SLONG 'DI LA ZHES BYA BA NI LHAS BYIN LA'O, ,CI YANG MA SMRA SHIG CES BYA BA NI CUNG ZAD KYANG MA SMRA SHIG PA'O, ,DE CI'I PHYIR ZHE NA, TSE DANG LDAN PA DAG DGE SLONG 'DI NI CHOS SMRA BA, 'DUL BA SMRA BA, DGE SLONG 'DI NI CHOS DANG, 'DUL BA YANG DAG PAR BLANGS NAS RAB TU BZUNG STE RJES SU THA SNYAD 'DOGS PAR BYED PA ZHES BYA BA NI CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR RJES SU THA SNYAD 'DOGS PAR BYED PA'O, ,DGE SLONG 'DI NI SHES BZHIN DU SMRA'I MI SHES PAR MA YIN PA'I PHYIR TE, ZHES BYA BA NI DON RTOGS PA YIN GYI, DON MA RTOGS PA MA YIN PA'I PHYIR RO, ,DGE SLONG 'DI GANG LA 'DOD CING BZOD PA DE LA BDAG CAG KYANG 'DOD CING BZOD DO, ,ZHES ZER NA ZHES BYA BA NI DGE SLONG LHAS BYIN 'DI GZHI GANG 'DOD PA DE BDAG CAG KYANG 'DOD DO ZHES ZER NA'O, , @13A *, ,DGE SLONG DE DAG LA ZHES BYA BA NI KO KA LI KA DANG, KHAN DA DRA BYA DANG, KA tA MO RA KA TI shYA DANG, RGYA MTSOS BYIN DAG LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES ZHES BYA BA NI BZHAMS TE BSGO BA JI SKAD SNGAR BSTAN PA LTAR BSGO BAR BYA BA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI LTA BA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA'O, , GAL TE MI GTONG NA ZHES BYA BA NI YONGS SU MI GTONG NA'O, ,LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BA JI SKAD SNGAR BSTAN PA LTAR BSGO BAR BYA BA STE, YANG DAG PAR BSGO BA DE NI DE YIN, YANG DAG PAR BSTAN PA DE NI DE YIN NO, ,DGE 'DUN LHAG MA'O ZHES BYA BA NI SNGA MA BZHIN DU LTUNG BA DE DGE 'DUN LA RAG LAS PA YIN TE, DES NA DGE 'DUN LHAG MA'O ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS CUNG ZAD JI TZAM DU DGE SLONG GANG DGE 'DUN MTHUN PA DBYE BA'I PHYIR RTUL BAR BYED CING DBYEN BYED PAR 'GYUR BA'I RTZOD PA YANG DAG PAR BLANGS NAS RAB TU BZUNG STE 'DUG PA DE'I GROGS BYED CING MI MTHUN PA SMRA BA'I RJES SU PHYOGS PAR BYED NA THAMS CAD DU NYES BYAS SU 'GYUR RO, ,DGE SLONG GIS BZHAMS TE BSGO BA NA GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,GSOL BA DANG BZHI'I LAS KYIS BSGO BA NA GZHI DE GTONG NA DE LTA NA LEGS, GAL TE MI GTONG NA GSOL BA BYAS PA NA NYES PA SBOM POR 'GYUR RO, ,LAS BRJOD PA DANG PO BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GNYIS PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR @13B 'GYUR RO, ,LAS BRJOD PA GSUM PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,RDZOGS PAR BRJOD PA NA GAL TE MTHUN PA DANG, CHOS MA YIN PAS BSGO BAR BYED NA LTUNG BA MED DO, ,MI MTHUN PA DANG CHOS KYIS BSGO BAR BYED NA LTUNG BA MED DO, ,MTHUN PA DANG, CHOS LTAR BCOS PAS BSGO BAR BYED NA LTUNG BA MED DO, ,MI MTHUN PA DANG, CHOS MA YIN PA LTAR BCOS PAS BSGO BAR BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR BSGO BAR MI BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR MTHUN PAS BSGO BAR BYED NA RDZOGS PAR BRJOD PA NA DGE 'DUN LHAG MAR 'GYUR RO, ,DGE SLONG DES STAN DE LA 'DUG BZHIN DU 'DI SKAD CES TSE DANG LDAN PA DAG BDAG LA DGE 'DUN LHAG MA'I LTUNG BA BYUNG NGO ZHES BRJOD PAR BYA STE, GAL TE DE SKAD BRJOD NA DE LTA NA LEGS, GAL TE MI BRJOD NA DE PHYIN CAD NAS DE LA 'CHAB PA'I NYES PA 'BYUNG BAR 'GYUR RO, ,DE BAS NA DGE SLONG GIS JI TZAM DU GZHI DES MA BSHAGS SHING SO SOR MA BSHAGS PAR GSOL BA DANG, GSOL BA DANG GNYIS DANG, GSOL BA DANG BZHI'I LAS NYAMS SU MYONG BAR BYED NA THAMS CAD DU NYES BYAS SU 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,RJES SU PHYOGS PA'I DGE 'DUN LHAG MA STE BCU GCIG PA RDZOGS SO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA RE LDE RI LA DGE SLONG 'GRO MGYOGS DANG, NAB SO GNYIS DANG, DGE SLONG DMAR SER CAN KHYIM SUN 'BYIN PA, SDIG PA'I CHOS KUN DU SPYOD PA DAG 'KHOD DO, ,DE DAG BUD MED KYI YUL DANG LHAN CIG THO 'TSAM PAR BYED, KUN DU RTZE BAR BYED, KUN TU CA CO 'DON PAR BYED, RGOD PA DANG, @14A *, ,DREGS PA DANG, LUS SGYUR BAR BYED, STAN GCIG LA 'DUG PAR BYED, SNOD GCIG TU ZA BAR BYED, PHOR BU GCIG TU MYOS PAR 'GYUR BA'I BTUNG BA SNA TSOGS DAG 'THUNG BAR BYED, ME TOG DAG 'THOG PAR BYED, 'THOG TU 'JUD PAR BYED, PHRENG BA DAG RGYUD PAR BYED, RGYUD DU 'JUD PAR BYED, ME TOG RNA RGYAN DAG THOGS PAR BYED, THOGS SU 'JUD PAR BYED, BRO RDUNG BAR BYED, BRO RDUNG DU 'JUD PAR BYED, GLU LEN PAR BYED, GLU LEN DU 'JUD PAR BYED, ROL MO'I SGRA 'BYIN PAR BYED, ROL MO'I SGRA 'BYIN DU 'JUD PAR BYED, BRO MKHAS PA DANG, GLU MKHAS PA DANG, ROL MO'I SGRA 'BYIN PA MKHAS PA LA NGO SO LAS BYUNG BA SBYIN PAR BYED, CHOS GOS DAG BRDZES TE RGYUG PAR BYED, MCHONG BAR BYED, RAB TU MCHONG BAR BYED, BRLA SKOR BAR BYED, LAG PA SKOR BAR BYAD; NYA LTAR BSKOR BAR BYED, CHUR 'PHYO BA 'PHEL BAR BYED, CHU LA RNGA MA DU KA LTAR RDUNG BAR BYED, GLANG PO CHE'I SKAD KYI SGRA 'BYIN PAR BYED, RTA'I SKAD KYI SGRA 'BYIN PAR BYED, KHYU MCHOG GI SKAD KYI SGRA 'BYIN PAR BYED, RMA BYA'I SKAD KYI SGRA 'BYIN PAR BYED, KHU BYUG GI SKAD KYI SGRA 'BYIN PAR BYED, KHAS RDZA RNGA'I SGRA 'BYIN PAR BYED, KHAS DUNG GI SGRA 'BYIN PAR BYED, KHAS RNGA BO CHE'I SGRA 'BYIN PAR BYED, GLANG PO CHE'I THAB MO YANG BYED, GLANG PO CHE'I THAB MO BYED DU 'JUD PAR YANG BYED, RTA'I THAB MO DANG, KHYU MCHOG GI THAB MO DANG; MA HE'I THAB MO DANG, RA'I THAB MO DANG LUG GI THAB MO DANG, BUD MED KYI THAB MO DANG, SKYES PA'I THAB MO DANG, GZHON NU'I THAB MO DANG, GZHON NU MA'I THAB MO DANG, BYA GAG GI THAB MO DANG, THI BA'I THAB MO DANG, NGUR PA'I THAB MO YANG BYED, BYED DU 'JUD PAR YANG BYED DE, DE DAG DANG GZHAN YANG DGE SLONG GI LAS MA YIN PA DAG BYED CING BYED DU 'JUD DE, DE DAG GI SPYOD TSUL DANG, SPYOD PA DANG, LOG PAR SGRUB PA DES RE LDE'I RI LA DGE SLONG MA 'ONGS PA DAG KYANG MI 'ONG LA, 'ONGS PA DAG KYANG MNGON PAR MI @14B DGA' ZHING RE LNGE'I RI'I GNAS SPONG BAR BYED DO, ,RE LDE'I RI LA GNAS PA'I BRAM ZE DANG, KHYIM BDAG DAG KYANG YID MI DGA' ZHING ZHE BCIL BAR GYUR NAS DGE SLONG GNYUG MAR GNAS PA DAG LA YANG BSOD SNYOMS DBUL BA DANG, BYA BAR SEMS PA DKA' NA, BLO BUR DU LHAGS PA RNAMS LA LTA SMOS KYANG CI DGOS PAR GYUR TO, ,JI TZAM DUS GZHAN ZHIG ? NA TSE DANG LDAN PA KUN DGA' BO YUL KA SHI KA DAG TU LJONGS RGYU ZHING 'GRO BA NA RE LDE RIR PHYIN NAS RE LDE RI'I NAGS NA 'DUG GO, ,DE NAS TSE DANG LDAN PA KUN DGA' BO SNGA DRO SHAM THABS BGOS LHUNG BZED DANG CHOS GOS THOGS TE RE LDE RI LA BSOD SNYOMS LA ZHUGS PA DANG, DE JI LTAR LHUNG BZED BKRUS PA KHO NAS RE LDE RI LA BSOD SNYOMS LA ZHUGS PA DE LTAR LHUNG BZED BKRUS PA KHO NAS THA NA SLONG MO GCIG SBYIN PA YANG MA THOB, PHYIR GTONG BA YANG MA THOB PAR PHYIR BYUNG NGO, ,DE NAS TSE DANG LDAN PA KUN DGA' BO 'DI SNYAM DU SEMS TE, SNGON NI RE LDE RI 'DI 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG, MI MANG POS KYANG GANG BAR GYUR LA, 'DIR SLONG MO BAS KYANG BSOD SNYOMS RNYED SLA BAR GYUR NA, DA LTAR YANG RE LDE RI 'DI 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG, MI MANG POS KYANG GANG BA NI YIN NA, 'ON KYANG BDAG JI LTAR LHUNG BZED BKRUS PA KHO NAS RE LDE RI LA BSOD SNYOMS LA ZHUGS PA DE LTAR LHUNG BZED BKRUS PA KHO NAS THA NA SLONG MO GCIG SBYIN PA YANG MA THOB, PHYIR GTONG BA YANG MA THOB PAR PHYIR BYUNG BA LAS NA 'DIR BCOM LDAN 'DAS KYI NYAN THOS BYIS PA, BLUN PA, MI GSAL BA, MI MKHAS PA 'GA' ZHIG GIS NYON MONGS PA'I DBANG DU GYUR PAS SPYOD YUL LAM SPYOD YUL GYI GRONG NGAM RIGS KYI BUD MED DAM, RIGS KYI GZHON NU MA DAG LA KUN DU SMRAS PA'AM, NOM PA'AM, NYUG PA BYAS PAR MA GYUR TAM SNYAM MO, ,DE'I TSE NA RE LDE RI PA'I BRAM ZE DANG, KHYIM BDAG RNAMS KYI @15A *, ,DPONG SA'I GNAS NA BRAM ZE DANG, KHYIM BDAG LNGA BRGYA TZAM BYA BA ZHIG GI PHYIR 'DUG STE MTHUN PAR GYUR TO, ,DE NAS TSE DANG LDAN PA KUN DGA' BO RE LDE RI PA'I BRAM ZE DANG, KHYIM BDAG RNAMS KYI DPONG SA'I GNAS GA LA BA DER SONG STE PHYIN NAS RE LDE RI PA'I BRAM ZE DANG, KHYIM BDAG RNAMS LA 'DI SKAD CES SMRAS SO, ,SHES LDAN DAG SNGON NI RE LDE RI 'DI 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG, MI MANG POS KYANG GANG BAR GYUR LA, 'DIR SLONG MO BAS KYANG BSOD SNYOMS RNYED SLA BAR GYUR NA, DA LTAR YANG RE LDE RI 'DI 'BYOR PA DANG, RGYAS PA DANG, BDE BA DANG, LO LEGS PA DANG, SKYE BO DANG, MI MANG POS GANG BA NI YIN NA, 'ON KYANG BDAG JI LTAR LHUNG BZED BKRUS PA KHO NAS RE LDE RI LA BSOD SNYOMS LA ZHUGS PA DE LTAR LHUNG BZED BKRUS PA KHO NAS THA NA SLONG MO GCIG SBYIN PA YANG MA THOB, PHYIR GTONG BA YANG MA THOB PAR PHYIR BYUNG BAR GYUR TO, ,DE SKAD CES SMRAS PA DANG, RE LDE RI PA'I BRAM ZE DANG, KHYIM BDAG DE DAG DBANG PO RNAMS PHYIR BLAN TE 'KHOD DO, ,DE'I TSE NA DGE BSNYEN CHU RGYUN CAN 'KHOR DE NYID DU 'DUG CING MTHUN PAR GYUR TO, ,DE NAS DGE BSNYEN CHU RGYUN CAN GYIS TSE DANG LDAN PA KUN DGA' BO'I LAG PA GNYIS NAS BZUNG STE MTHA' GCIG TU KHRID NAS TSE DANG LDAN PA KUN DGA' BO LA 'DI SKAD CES SMRAS SO, ,BTZUN PA KUN DGA' BO MKHYEN PAR MDZOD CIG ,RE LDE RI 'DI LA DGE SLONG 'GRO MGYOGS DANG, NAB SO GNYIS DANG, DGE SLONG DMAR SER CAN KHYIM SUN 'BYIN PA, SDIG PA'I CHOS KUN DU SPYOD PA DAG MCHIS TE, DE DAG BUD MED KYI YUL DANG LHAN CIG THO 'TSAM PAR BGYID, KUN DU RTZE BAR BGYID, KUN DU CA CO 'DON PAR BGYID, RGOD PA DANG, DREGS PA DANG, LUS SGYUR BAR BGYID, STAN GCIG LA MCHIS PAR BGYID, SNOD GCIG TU 'TSAL BAR BGYID, PHOR BU GCIG TU MYOS PAR 'GYUR BA'I BTUNG BA SNA TSOGS DAG 'TSAL BAR BGYID, ME TOG DAG 'THOG PAR BGYID, @15B 'THOG TU STZOL BAR BGYID, PHRENG BA DAG RGYUD PAR BGYID, RGYUD DU STZAL BAR BGYID, ME TOG RNA RGYAN DAG THOGS PAR BGYID, THOGS SU STZAL BAR BGYID, BRO RDUNG BAR BGYID, BRO RDUNG DU STZAL BAR BGYID, MCHID MCHI BAR BGYID, MCHID MCHIR STZOL BAR BGYID, ROL MO'I SGRA 'BYIN PAR BGYID, ROL MO'I SGRA 'BYIN DU STZAL BAR BGYID, BRO MKHAS PA DANG, GLU MKHAS PA DANG, ROL MO'I SGRA 'BYIN MKHAS PA LA NGO SO LAS BYUNG BA STZOL BAR BGYID, CHOS GOS DAG BRDZES TE RGYUG PAR BGYID, MCHONG BAR BGYID, RAB TU MCHONG PAR BGYID, BRLA SKOR BAR BGYID, LAG PA SKOR BAR BGYID, NYA LTAR SKOR BAR BGYID, CHAB TU 'PHYO BA 'PHEN PAR BGYID, CHAB LA RNGA MA DU KA LTAR RDUNG BAR BGYID, CHAB LA RNGA BO CHE LTAR RDUNG BAR BGYID, GLANG PO CHE'I SKAD KYI SGRA 'BYIN PAR BGYID, RTA'I SKAD KYI SGRA 'BYIN PAR BGYID, KHYU MCHOG GI SKAD KYI SGRA 'BYIN PAR BGYID, RMA BYA'I SKAD KYI SGRA 'BYIN PAR BGYID, KHU BYUG GI SKAD KYI SGRA 'BYIN PAR BGYID, KHAS RDZA RNGA'I SGRA 'BYIN PAR BGYID, KHAS DUNG GI SGRA 'BYIN PAR BGYID, KHAS RNGA BO CHE'I SGRA 'BYIN PAR BGYID, GLANG PO CHE'I THAB MO YANG BGYID, GLANG PO CHE'I THAB MO BGYID DU STZOL BAR YANG BGYID, RTA'I THAB MO DANG, KHYU MCHOG GI THAB MO DANG, MA HE'I THAB MO DANG, RA'I THAB MO DANG, LUG GI THAB MO DANG, BUD MED KYI THAB MO DANG, SKYES PA'I THAB MO DANG, GZHON CHU'I THAB MO DANG, GZHON NU MA'I THAB MO DANG, BYA GAG GI THAB MO DANG, THI BA'I THAB MO DANG, NGUR PA'I THAB MO YANG BGYID, BGYID DU STZAL BAR YANG BGYID DE, DE DAG DANG GZHAN YANG DGE SBYONG GI LAS MA LAGS PA DAG BGYID CING BGYID DU STZAL TO, ,DE DAG GI SPYOD TSUL DANG, SPYOD BA DANG, LOG PAR SGRUB PA DES RE LDE RI LA DGE SLONG MA MCHIS PA DAG KYANG MI MCHIS LA, MCHIS PA DANG KYANG MNGON PAR MI DGA' ZHING RE LDE RI'I GNAS SPONG BAR BGYID DO, ,RE LDE RI LA GNAS PA'I BRAM ZE DANG, KHYIM BDAG DAG KYANG YID MI @16A *, ,DGA' ZHING, ZHE BCIL BAR GYUR NAS DGE SLONG GNYUG MAR GNAS PA DAG LA YANG BSOD SNYOMS DBUL BA DANG BGYI BAR SEMS PA DKA' NA, GLO BUR DU LHAGS PA RNAMS LA LTA SMOS KYANG CI 'TSAL BAR GYUR GYIS BTZUN PA KUN DGA' BO GAL TE KHYOD MI DKA' NA KHYOD KYIS THUGS BRTZE BA'I SLAD DU DON 'DI BCOM LDAN 'DAS LA RGYAS PAR GSOL CIG ,TSE DANG LDAN PA KUN DGA' BOS DGE BSNYEN CHU RGYUN CAN LA CANG MI SMRA BAS DANG DU BLANGS SO, ,DE NAS DGE BSNYEN CHU RGYUN CAN GYIS TSE DANG LDAN PA KUN DGA' BOS CANG MI SMRA BAS DANG DU BLANGS PAR RIG NAS TSE DANG LDAN PA KUN DGA' BO LA 'DI SKAD CES SMRAS SO, ,BTZUN PA KUN DGA' BO BDAG GI SDUM PAR BSOD SNYOMS GCIG GSOL BAR CI GNANG, TSE DANG LDAN PA KUN DGA' BOS DGE BSNYEN CHU RGYUN CAN LA CANG MI SMRA BAS DANG DU BLANGS SO, ,DE NAS DGE BSNYEN CHU RGYUN CAN GYIS TSE DANG LDAN PA KUN DGA' BOS CANG MI SMRA BAS DANG DU BLANGS PAR RIG NAS TSE DANG LDAN PA KUN DGA' BO BDE BAR 'DUG PA LA RANG GI LAG NAS BCA' BA DANG BZA' BA GTZANG ZHING BSOD BAS TSIM PAR BYED, STOBS PAR BYED CING, RANG GI LAG NAS BCA' BA DANG BZA' BA GTZANG ZHING BSOD PA RNAM GRANGS DU MAS TSIM PAR BYAS SHING BSTABS NAS TSE DANG LDAN PA KUN DGA' BOS ZOS SHING LAG PA BSNYAL LHUNG BZED BZHAG PAR RIG NAS STAN CHES DMA' BA ZHIG KHYER TE, TSE DANG LDAN PA KUN DGA' BO'I MDUN DU CHOS MNYAN PA'I PHYIR 'DUG GO, ,DE NAS TSE DANG LDAN PA KUN DGA' BO DGE BSNYEN CHU RGYUN CAN LA CHOS DANG LDAN PA'I GTAM YANG DAG PAR STON, YANG DAG PAR 'DZIN DU 'JUG ,YANG DAG PAR GZENGS STOD, YANG DAG PAR RAB TU DGA' BAR BYED CING CHOS DANG LDAN PA'I GTAM YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR BYAS NAS STAN LAS LANGS TE SONG NGO,, ,,'DUL BA RNAM PAR 'BYED PA, BAM PO NYI SHU GSUM PA, DE NAS TSE @16B DANG LDAN PA KUN DGA' BOS JI LTAR YONGS SU SPYAD PA'I GNAS MAL MKHOS SU PHAB NAS LHUNG BZED DANG, CHOS GOS THOGS TE MNYAN YOD GA LA BA DER RGYU ZHING SONG NAS MTHAR GYIS RGYU ZHING 'GRO BA NA MNYAN YOD DU PHYIN TO, ,DE NAS TSE DANG LDAN PA KUN DGA' BOS LHUNG BZED DANG; CHOS GOS MKHOS SU PHAB STE RKANG PA GNYIS BKRUS NAS BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS TSE DANG LDAN PA KUN DGA' BOS DE LA DGE BSNYEN CHU RGYUN CAN DANG LHAN CIG SKABS SU GTAM BRJOD PA JI SNYED BYUNG BAR GYUR PA DE DAG THAMS CAD BCOM LDAN 'DAS LA RGYAS PAR GSOL TO, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO KHYOD DGE SLONG GNAS BRTAN GNAS BRTAN RNAMS DANG LHAN CIG RE LDE'I RI LA SONG LA DGE SLONG 'GRO MGYOGS DANG, NAB SO GNYIS BSKRAD PA'I LAS GYIS SHIG ,'DI LTAR BYA STE, LAM GYI BAR DU 'DUG LA DGE SLONG GLENG BA PO BSKO BAR BYA STE, DGE SLONG GLENG BA PO CHOS LNGA DANG LDAN PA NI MA BSKOS PA YANG BSKO BAR MI BYA ZHING BSKOS PA YANG DBYUNG BAR BYA STE, LNGA GANG ZHE NA, 'DUN PAS 'GRO BA DANG, ZHE SDANG GIS 'GRO BA DANG, GTI MUG GIS 'GRO BA DANG, 'JIGS PAS 'GRO BA DANG, GLENGS PA DANG MA GLENGS PA MI SHES PA STE, DGE SLONG GLENG BA PO CHOS LNGA PO DE DAG DANG LDAN PA NI MA BSKOS PA YANG BSKO BAR MI BYA ZHING, BSKOS PA YANG DBYUNG BAR BYA'O, ,DGE SLONG GLENG BA PO CHOS LNGA DANG LDAN PA NI MA BSKOS PA YANG BSKO BAR BYA ZHING BSKOS PA YANG DBYUNG BAR MI BYA STE, LNGA GANG ZHE NA, 'DUN PAS MI 'GRO BA DANG, ZHE SDANG GIS MI 'GRO BA DANG, GTI MUG GIS MI 'GRO BA DANG, 'JIGS PAS MI 'GRO BA DANG, GLENGS PA DANG MA GLENGS PA SHES PA STE, ,DGE SLONG GLENG BA PO CHOS LNGA PO DE DAG DANG LDAN PA NI MA BSKOS PA YANG BSKO BAR BYA ZHING BSKOS PA YANG @17A *, ,DBYUNG BAR MI BYA'O, ,'DI LTAR BSKO BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA JE DANG PO SPRO BAR BYAS STE, TSE DANG LDAN PA MING 'DI ZHES BYA BA KHYOD RE LDE RI LA SONG STE, DGE SLONG 'GRO MGYOGS DANG, NAB SO LA DGE SBYONG GI CHOS MA YIN PA RNAM PA MANG POS GLENG BAR SPRO'AM, GAL TE SPRO NA DES SPRO'O ZHES BRJOD PAR BYA'O, ,DE'I 'OG TU DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG GLENG BA PO MING 'DI ZHES BGYI BA 'DI RE LDE RI LA MCHIS TE DGE SLONG 'GRO MGYOGS DANG, NAB SO LA DGE SBYONG GI CHOS MA LAGS PA RNAM PA MANG POS GLENG BAR SPRO NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG BAR BSKO'O, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG GLENG BA PO MING 'DI ZHES BGYI BA 'DI RE LDE RI LA MCHIS NAS DGE SLONG 'GRO MGYOGS DANG, NAB SO LA DGE SBYONG GI CHOS MA LAGS PA RNAM PA MANG POS GLENG BAR SPRO STE, DE'I SLAD DU DGE 'DUN GYIS DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG PAR BSKO NA, TSE DANG LDAN PA GANG DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG BAR BSKO BAR MDZAD PAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,DGE 'DUN GYIS BZOD CING GNANG NAS, DGE 'DUN GYIS DGE SLONG GLENG BA PO MING 'DI ZHES BGYI BA DGE SLONG 'GRO MGYOGS DANG, NAB SO LA GLENG BAR BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE @17B SLONG DAG NGAS DGE SLONG GLENG BA PO'I KUN DU SPYOD PA'I CHOS BCA' BAR BYA STE, DGE SLONG GLENG BA POS SRIN BU CAN GYI RI LA SONG STE GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA NA DGE SLONG 'GRO MGYOGS DANG, NAB SO GNYIS LA GLENG BAR BYA'O, ,GAL TE MTHUN PA MI SBYIN NA MA GUS PA DE NYID KYIS GNAS NAS BSKRAD PA'I LAS BYA'O, ,GAL TE MTHUN PA STER NA SKABS 'BYED DU GZHUG PAR BYA'O, ,GAL TE SKABS MI 'BYED NA MA GUS PA DE NYID KYIS BSKRAD PA'I LAS BYA'O, ,GAL TE SKABS 'BYED NA GLENG BAR BYA'O, ,GAL TE LTUNG BA MA MTHONG NGO ZHES ZER NA MA GUS PA DE NYID KYIS BSKRAD PA'I LAS BYA'O, ,GAL TE LTUNG BA MTHONG NGO ZHES ZER NA 'DI SKAD CES DE KHO NA'I PHYIR DGE 'DUN GYIS KHYED GNYIS LA BSKRAD PA'I PHRIN LAS MDZAD DO ZHES BRJOD PAR BYA'O DGE SLONG GLENG BA POS GLENG BA PO'I CHOS JI LTAR BCAS PA YANG DAG PAR BLANGS TE 'JUG PAR MI BYED NA 'GAL TSABS CAN DU 'GYUR RO, ,TSE DANG LDAN PA KUN DGA' BOS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS DGE SLONG GNAS BRTAN GNAS BRTAN RNAMS DANG LHAN CIG RE LDE RI LA SONG STE, LAM GYI BAR DU 'DUG NAS DGE SLONG GLENG BA PO BSKOS SO, ,DE NA DGE SLONG DMAR SER CAN GANG DAG DGE SLONG 'GRO MGYOGS DANG, NAB SO GNYIS DANG MTSUNGS PAR BYED PA DE DAG GIS TSE DANG LDAN PA KUN DGA' BO DGE SLONG GNAS BRTAN GNAS BRTAN RNAMS DANG LHAN CIG 'DIR 'ONGS TE LAM GYI BAR DU 'DUG NAS, DGE SLONG GLENG BA PO BSKOS TE DGE SLONG 'GRO MGYOGS DANG, NAB SO GNYIS SKROD PA'I LAS BYED PAR 'GYUR RO ZHES THOS SO, , THOS NAS KYANG DE DAG 'DI SNYAM DU SEMS TE, TSE DANG LDAN PA 'DI GNYIS KYIS KUN DU SPYAD PA DANG, SMRAS PA DANG, BRTUL BA GANG YIN PA DAG LAS BDAG CAG GIS KUN DU MA SPYAD PA DANG, MA SMRAS PA DANG, MA BRTUL BA CI YANG MED PAS DE'I PHYIR 'DI GNYIS LA @18A *, ,SKROD PA'I LAS BYED NA BDAG CAG LA YANG CI'I PHYIR MI BYED DE, GANG GI TSE TSE DANG LDAN PA KUN DGA' BO DANG DGE SLONG GNAS BRTAN GNAS BRTAN RNAMS 'DIR 'ONGS TE DANG POR 'GRO MGYOGS DANG, NAB SO GNYIS BSKRAD PA'I LAS BYAS NAS DE'I 'OG TU BDAG CAG LA YANG SKROD PA'I LAS BYED PAR 'GYUR BA'I GNAS YOD PAR 'GYUR BAS BDAG CAG GTUR BU'I KHUR DRAGS TE NYAN RNA BA BZHAG CING 'KHOD NAS, TSE DANG LDAN PA KUN DGA' BO DANG, DGE SLONG GNAS BRTAN GNAS BRTAN RNAMS SGO GCIG NAS 'JUG PAR 'GYUR BA NA, BDAG CAG GTUR BU'I KHUR DAG THOGS TE SGO GCIG NAS 'BYUNG ZHING MNYAN YOD DU 'DONG BAR BYA GOR MA CHAG SNYAM MO, ,DE NAS DGE SLONG GLENG BA PO RE LDE RI LA SONG STE GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA NA DGE SLONG 'GRO MGYOGS DANG, NAB SO GNYIS KYIS MTHUN PA BYIN TE SKABS PHYE NAS DGE SLONG GLENG BA POS GLENGS PA DANG, DE GNYIS KYIS SMRAS PA, TSE DANG LDAN PA LTUNG BA MTHONG NGO, ,GLENG BA POS SMRAS PA, DE KHO NA'I PHYIR DGE 'DUN GYIS KHYED GNYIS LA BSKRAD PA'I PHRIN LAS MDZAD DO, ,DE NAS TSE DANG LDAN PA KUN DGA' BO DANG, DGE SLONG GNAS BRTAN GNAS BRTAN RNAMS SGO GCIG NAS ZHUGS PAR GYUR PA NA, DGE SLONG DMAR SER CAN DAG GTUR BU'I KHUR DAG THOGS TE SGO GCIG NAS BYUNG ZHING MNYAN YOD DU DONG NAS DE DAG GIS LTUNG BA BSHAGS PAR BYA BA GANG DAG YIN PA DE DAG KYANG BSHAGS SHING, SEMS KYI RNAM PAR RTOG PA SNA TSOGS BSDAM PAR BYA BA DAG KYANG SEMS KYIS BSDAMS TE, DGE SLONG RANG BZHIN DU GNAS PA DAG DANG LHAN CIG GNAS SHING DGE 'DUN GYI BYA BA YANG RJES SU SRUNG BAR BYED DO, ,DE NAS TSE DANG LDAN PA KUN DGA' BO DANG, DGE SLONG GNAS BRTAN GNAS BRTAN RNAMS KYIS DGE SLONG 'GRO MGYOGS DANG, NAB SO GNYIS LA BSKRAD PA'I LAS BYAS NAS @18B MNYAN YOD GA LA BA DER SONG STE, MTHAR GYIS RGYU ZHING 'DONG BA NI MNYAN YOD DU PHYIN TO, ,'GRO MGYOGS DANG, NAB SO GNYIS KYIS BSAMS PA, GANG SA LA SGYEL BA DE NI SA NYID LAS BRTEN TE LDANG BA YIN PAS BDAG CAG GNYIS KYANG MNYAN YOD NYID DU SONG STE, BCOM LDAN 'DAS DANG DGE SLONG GI DGE 'DUN LA BZOD PA GSOL BAR BYA'O SNYAM NAS 'GRO MGYOGS KYIS SMRAS PA, NAB SO GANGS LA SGYEL BA DE NI SA NYID LAS BRTEN TE LDANG BA YIN PAS BDAG CAG GNYIS KYANG MNYAN YOD NYID DU SONG STE, BCOM LDAN 'DAS DANG DGE SLONG GI DGE 'DUN LA BZOD PA GSOL BAR BYAS 'DONG NGO, ,NAB SOS SMRAS PA, MA NYES KYIS TSUR SHOG BZOD PA GSOL DU 'DONG NGO, ,DE GNYIS KYIS GROS BYAS NAS DE NYID KYI MTSAN MO 'DAS PA DANG SNGA DRO SHAM THABS BGOS LHUNG BZED DANG CHOS GOS THOGS TE RE LDE RI LA BSOD SNYOMS LA ZHUGS NAS, RE LDE RI LA BSOD SNYOMS BRGYUS TE ZAS KYI BYA BA BYAS NAS PHYI MA'I ZAS KYI BSOD SNYOMS LAS PHYIR LOG PAS JI LTAR SPYAD PA'I GNAS MAL MKHOS SU PHAB STE LHUNG BZED DANG CHOS GOS THOGS NAS MNYAN YOD GA LA BA DER RGYU ZHING DONG STE MTHAR GYIS RGYU ZHING DONG BA NA MNYAN YOD DU PHYIN NAS DGE SLONG GNAS BRTAN GNAS BRTAN RNAMS KYIS DE GNYIS MTHONG BA DANG, DE DAG DE GNYIS LA GTAM 'DRE BAR MI BYED, PHEBS PAR SMRA BAR MI BYED DO, ,DGE SLONG DMAR SER CAN DAG GIS KYANG DE GNYIS MTHONG BA DANG, DE DAG KYANG DE GNYIS LA GTAM 'DRE BAR MI BYED, PHEBS PAR SMRA BAR MI BYED DO, ,DE NAS DGE SLONG 'GRO MGYOGS DANG, NAB SO GNYIS KYIS DGE SLONG DMAR SER CAN DAG LA SMRAS PA, TSE DANG LDAN PA DAG DGE SLONG GNAS BRTAN GNAS BRTAN DAG KHO BO CAG GNYIS LA GTAM 'DRE BAR MI BYED, PHEBS PAR SMRA BAR MI BYED PA NI RIGS NA, KHYED CAG CI'I PHYIR, KHO BO CAG GNYIS LA GTAM 'DRE BAR MI BYED, PHEBS PAR SMRA BAR MI BYED, KHO BO CAG GNYIS KYIS KUN DU SPYAD PA DANG, @19A *, ,SMRAS PA DANG, BRTUL BA GANG YIN PA DAG LAS KHYED CAG GIS KUN DU MA SPYAD PA DANG, MA SMRAS PA DANG, MA BRTUL BA CI ZHIG YOD, DE DAG GIS SMRAS PA, TSE DANG LDAN PA GNYIS DE YANG BDEN MOD KYI, 'ON KYANG KHO BO CAG GIS LTUNG BA BSHAGS PAR BYA BA GANG DAG YIN PA DE DAG KYANG BSHAGS SHING SEMS KYI RNAM PAR RTOG PA SNA TSOGS BSDAM PAR BYA BA DAG KYANG SEMS KYIS BSDAMS TE, DA LTAR DGE SLONG RANG BZHIN DU GNAS PA DAG DANG LHAN CIG GNAS SHING DGE 'DUN GYI BYA BA YANG RJES SU SRUNG BAR BYED PAS KHO BO CAG PHYIN CAD GNAS NGAN LEN KUN DU SPYOD PA DAG DANG LHAN CIG LONGS SPYOD PAR MI BYED DO, ,DE GNYIS KYIS TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES 'PHYA BAR BRTZAMS PA DANG, DGE SLONG RNAMS KYIS DE GNYIS LA SMRAS PA, TSE DANG LDAN PA GNYIS KHYED CAG GNYIS SU LA 'DUN PAS 'GRO BA ZHES ZER, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES ZER, TSE DANG LDAN PA DAG DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS BDAG CAG BSKRAD PA'I LAS BYAS PA DAG LA'O, ,DGE SLONG DON NYUNG DU DAG CI'I PHYIR DGE SLONG DAG DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS BDAG CAG BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA ZHES ZER, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES ZER ZHING, DGE SLONG RNAMS LA YANG DE SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA @19B BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO, ,ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYI BKA' STZAL PA, DGE SLONG DAG KHYED KYIS DGE SLONG 'GRO MGYOGS DANG, NAB SO GNYIS DANG, GZHAN YANG DE LTA BU GANG YIN PA LA BZHAMS TE BSGO BAR BYA'O, ,'DI SKAD BSGO BAR BYA STE, TSE DANG LDAN PA 'GRO MGYOGS DANG, NAB SO GNYIS KHYED DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS KHYED BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA ZHES MA ZER CIG ,ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MA ZER CIG ,DGE SLONG RNAMS LA YANG 'DI SKAD CES TSE DANG LDAN PA DAG 'DI NI DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO, ,ZHES MA ZER CIG ,DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA, SDIG PA'I CHOS KUN DU SPYOD PA DAG YIN TE, KHYED NYID KYIS KHYIM DAG SUN PHYUNG BAR YANG MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DGE 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG SHIG CES BSGO BAR BYA'O, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS @20A *, ,MNYAN NAS DGE SLONG 'GRO MGYOGS DANG, NAB SO GNYIS LA TSE DANG LDAN PA 'GRO MGYOGS DANG, NAB SO GNYIS KHYED DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS KHYED BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA ZHES MA ZER CIG ,ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MA ZER CIG ,DGE SLONG RNAMS LA YANG 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO, ,ZHES MA ZER CIG ,DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYED NYID KYIS KHYIM DAG SUN PHYUNG BAR MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DAG 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG SHIG CES BZHAMS TE BSGO'O, ,DGE SLONG RNAMS KYIS DE GNYIS LA BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'GRO MGYOGS DANG, NAB SO GNYIS DANG, GZHAN YANG DE LTA BU GANG YIN PA LA GSOL BA DANG BZHI'I @20B LAS KYIS BSGO BAR BYA'O, ,'DI LTAR BSGO BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG 'GRO MGYOGS DANG, NAB SO 'DI GNYIS DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA MCHIS NAS 'DI GNYIS BSKRAD PA'I LAS BGYID PAR 'TSAL BZHIN DU DE DAG LA 'DUN PAS 'GRO BA ZHES MCHI, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MCHI ZHING, DGE SLONG RNAMS LA YANG 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO, ,ZHES MCHI NAS, 'DI GNYIS LA DGE SLONG MANG POS BZHAMS TE BSGO NA, 'DI GNYIS LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG 'GRO MGYOGS DANG, NAB SO GNYIS LA TSE DANG LDAN PA 'GRO MGYOGS DANG, NAB SO GNYIS KHYED DGE SLONG TSE DGAN LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS KHYED BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA ZHES MA ZER CIG ,ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MA ZER CIG ,DGE SLONG RNAMS LA YANG 'DI SKAD CES TSE DANG LDAN PA DAG 'DI @21A *, ,NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MA ZER CIG , DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA SDIG PA'I CHOS KUN DU SPYOD PA DAG YIN TE; KHYED NYID KYIS KHYIM DAG SUN PHYUNG BAR YANG MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DAG 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA; 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD DO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG 'GRO MGYOGS DANG, NAB SO 'DI GNYIS DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA MCHIS NAS 'DI GNYIS BSKRAD PA'I LAS BGYIS PAR 'TSAL BZHIN DU, DE DAG LA 'DUN PAS 'GRO BA ZHES MCHI, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MCHI ZHING, DGE SLONG RNAMS LA YANG 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MCHI NAS, 'DI GNYIS LA DGE SLONG MANG POS BZHAMS TE BSGO NA 'DI GNYIS LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI @21B GZHAN NI BRDZUN PA'O ZHES RJES SU THA SNYAD 'DOGS PAR BGYID DE, DE'I SLAD DU DGE 'DUN GYIS DGE SLONG 'GRO MGYOGS DANG, NAB SO GNYIS LA TSE DANG LDAN PA 'GRO MGYOGS DANG, NAB SO GNYIS KHYED DGE SLONG TSE DANG LDAN PA KUN DGA' BO DANG, GNAS BRTAN GNAS BRTAN GANG DAG RE LDE RI LA DONG NAS KHYED BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA ZHES MA ZER CIG ,ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES MA ZER CIG ,DGE SLONG RNAMS LA YANG 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BDAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MA ZER CIG ,DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA, SDIG PA'I CHOS KUN DU SPYOD PA DAG YIN TE, KHYED NYID KYIS KHYIM DAG SUN PHYUNG BAR YANG MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DAG 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG SHIG CES GSOL PA DANG BZHI'I LAS KYIS BSGO BA MDZAD NA, TSE DANG LDAN PA GANG DAG DGE SLONG 'GRO MGYOGS DANG, NAB SO GNYIS LA GSOL PA DANG BZHI'I LAS KYIS BSGO BA MDZAD BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNANG NAS DGE 'DUN GYIS DGE SLONG 'GRO @22A *, ,MGYOGS DANG, NAB SO GNYIS LA GSOL PA DANG BZHI'I LAS KYIS BSGO BA MDZAD LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS DGE SLONG 'GRO MGYOGS DANG, NAB SO GNYIS LA GSOL BA DANG BZHI'I LAS KYIS BSGO'O, ,GSOL BA DANG BZHI'I LAS KYIS BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG RAB TU MANG PO DAG GRONG NGAM, GRONG RDAL ZHIG NA NYE BAR RTEN CING GNAS PAR GYUR LA DE DAG KYANG KHYIM SUN 'BYIN PA SDIG PA'I CHOS KUN DU SPYOD PAR GYUR CING, DE DAG GIS KHYIM DAG SUN PHYUNG BAR MTHONG NGAM, THOS SAM, RAB TU SHES SAM, DE DAG SDIG PA KUN DU SPYOD PAR MTHONG NGAM, THOS SAM, RAB TU SHES NA DGE SLONG DE DAG LA DGE SLONG RNAMS KYIS 'DI SKAD CES TSE DANG LDAN PA DAG KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYED KYIS KHYIM DAG SUN PHYUNG BAR YANG MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES KYIS, TSE DANG LDAN PA DAG KHYED 'DI NA GNAS PAS CHOG GIS GNAS 'DI NAS DENGS SHIG CES BSGO BAR BYA'O, ,GAL TE DE DAG DGE SLONG RNAMS LA 'DI SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI @22B MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES ZER NA DGE SLONG DE DAG LA DGE SLONG RNAMS KYIS 'DI SKAD CES TSE DANG LDAN PA DAG KHYED DE SKAD CES TSE DANG LDAN PA DAG 'DI NA DGE SLONG KHA CIG 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA DAG YIN TE, 'DI LTAR LTUNG BA 'DRA BA KHO NA LAS DGE SLONG KHA CIG NI SKROD PAR BYED, KHA CIG NI SKROD PAR MI BYED DO ZHES MA ZER CIG , DE CI'I PHYIR ZHE NA, DGE SLONG DE DAG NI 'DUN PAS 'GRO BA MA YIN, ZHE SDANG GIS 'GRO BA MA YIN, GTI MUG GIS 'GRO BA MA YIN, 'JIGS PAS 'GRO BA MA YIN GYI, 'DI LTAR TSE DANG LDAN PA DAG NYID KHYIM SUN 'BYIN PA SDIG PA'I CHOS KUN DU SPYOD PA DAG YIN TE, KHYED NYID KYIS KHYIM DAG SUN PHYUNG BAR YANG MTHONG ZHING THOS LA RAB TU SHES, KHYED SDIG PA KUN DU SPYOD PAR YANG MTHONG ZHING THOS LA RAB TU SHES PA'I PHYIR TE, TSE DANG LDAN PA DAG 'DUN PAS 'GRO BA ZHES BYA BA'I TSIG GI LAM DANG, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES BYA BA'I TSIG GI LAM 'DI LTA BU 'DI THONG SHIG CES BSGO BAR BYA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA, GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTANG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O, ,DGE SLONG ZHES BYA BA NI 'GRO MGYOGS DANG, NAB SO DAG GAM, GZHAN YANG DE LTA BU GANG YIN PA'O, ,RAB TU MANG PO DAG CES BYA BA NI GNYIS LAS LHAG PA NI RAB TU MANG PO DAG GO, ,GRONG NGAM, GRONG RDAL ZHIG NA ZHES BYA BA NI RE LDE RI LA'O, , @23A *, ,DE DAG KYANG KHYIM SUN 'BYIN PA ZHES BYA BA LA, KHYIM ZHES BYA BA NI BRAM ZE DANG, KHYIM BDAG GI KHYIM DAG GO, ,DE DAG NI RGYU GNYIS KYIS SUN 'BYIN PAR BYED DE, 'GROGS BA DANG LONGS SPYOD PAS SO, ,JI LTAR 'GROGS PAS ZHE NA; BUD MED KYI YUL DANG LHAN CIG STAN GCIG LA 'DUG PAR BYED, SNOD GCIG TU ZA BAR BYED, PHOR BU GCIG TU MYOS PAR 'GYUR BA'I BTUNG BA SNA TSOGS DAG 'THUNG BAR BYED PA STE, DE LTAR 'GROGS PAS SO, ,JI LTAR LONGS SPYOD PAS ZHE NA, ZAS KYIS DANG, SKOM GYIS DANG, GOS KYIS DANG, ME TOG GIS DANG, 'BRAS BUS DANG, SO SHING GIS TE, DE LTAR LONGS SPYOD PAS SO, ,SDIG PA'I CHOS KUN DU SPYOD PAR GYUR CING ZHES BYA BA NI GNAS NGAN LEN KUN DU SPYOD PAR GYUR CING NGO, ,DE DAG GIS KHYIM DAG CES BYA BA NI BRAM ZE DANG, KHYIM BDAG GI KHYIM DAG GO, ,MTHONG NGAM ZHES BYA BA NI MIG GI RNAM PAR SHES PAS SO, ,THOS SAM ZHES BYA BA NI RNA BA'I RNAM PAR SHES PAS SO, ,RAB TU SHES SAM ZHES BYA BA NI DE LAS GZHAN PA'I RNAM PAR SHES PA'I TSOGS DAG GIS SO, ,DE DAG SDIG PA KUN DU SPYOD PAR ZHES BYA BA NI GNAS NGAN LEN KUN DU SPYOD PAR RO, ,DGE SLONG DE DAG LA DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES ZHES BYA BA NI BZHAMS TE BSGO BA JI SKAD SNGAR BSTAN PA LTAR BSGO BAR BYA'O, ,DGE SLONG DE DAG LA DGE SLONG RNAMS KYIS DE SKAD BSGO BA NA ZHES BYA BA NI BZHAMS TE BSGO BA NA'O, ,GAL TE GZHI DE GTONG NA ZHES BYA BA NI LTA BA DE YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA'O, ,GAL TE MI GTONG NA ZHES BYA BA NI YONGS SU MI GTONG NA'O, ,LAN GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BA JI SKAD SNGAR BSTAN PA LTAR BSGO BAR BYA BA STE, YANG DAG PAR BSGO BA DE NI DE @23B YIN; YANG DAG PAR BSTAN PA DE NI DE YIN NO, ,DGE 'DUN LHAG MA'O ZHES BYA BA NI SNGA MA BZHIN DU LTUNG BA DE DGE 'DUN LA RAG LAS PA YIN TE, DES NA DGE 'DUN LHAG MA'O ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS CUNG ZAD JI TZAM DU DGE SLONG GANG DAG GIS BDAG NYID BSKRAD PA'I LAS BYAS PAR SHES BZHIN DU DE DAG LA 'DUN PAS 'GRO BA, ZHE SDANG GIS 'GRO BA, GTI MUG GIS 'GRO BA, 'JIGS PAS 'GRO BA ZHES ZER NA THAMS CAD DU NYES BYAS SU 'GYUR RO, ,DGE SLONG GIS BZHAMS TE BSGO BA NA GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,GSOL BA DANG BZHI'I LAS KYIS BSGO BA NA GZHI DE GTONG NA DE LTA NA LEGS, GAL TE MI GTONG NA GSOL BA BYAS PA NA NYES PA SBOM POR 'GYUR RO, ,LAS BRJOD PA DANG PO BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GNYIS PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GSUM PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,RDZOGS PAR BRJOD PA NA GAL TE MTHUN PA DANG CHOS MA YIN PAS BSGO BAR BYED NA LTUNG BA MED DO, ,MI MTHUN PA DANG CHOS KYIS BSGO BAR BYED NA LTUNG BA MED DO, ,MTHUN PA DANG CHOS LTAR BCOS PAS BSGO BAR BYED NA LTUNG BA MED DO, ,MI MTHUN PA DANG CHOS MA YIN PA LTAR BCOS PAS BSGO BAR BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR BSGO BAR MI BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR MTHUN PAS BSGO BAR BYED NA RDZOGS PAR BRJOD NA DGE 'DUN LHAG MAR 'GYUR RO, , @24A *, ,DGE SLONG DES STAN DE LA 'DUG BZHIN DU 'DI SKAD CES TSE DANG LDAN PA BDAG LA DGE 'DUN LHAG MA'I LTUNG BA BYUNG NGO ZHES BRJOD PAR BYA STE, GAL TE DE SKAD BRJOD NA DE LTA NA LEGS, GAL TE MI RJOD NA DE PHYIN CAD NAS DE LA 'CHAB PA'I NYES PA 'BYUNG BAR 'GYUR RO, ,DE BAS NA DGE SLONG GIS JI TZAM DU GZHI DES MA BSHAGS SHING SO SOR MA BSHAGS PAR GSOL BA DANG, GSOL BA DANG GNYIS DANG, GSOL BA DANG BZHI'I LAS NYAMS SU MYONG BAR BYED NA THAMS CAD DU NYES BYAS SU 'GYUR RO, ,LAS DANG PO BA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,KHYIM SUN 'BYIN PA'I DGE 'DUN LHAG MA STE BCU GNYIS PA RDZOGS SO,, ,,SANGS RGYAS BCOM LDAN 'DAS KOO SH'AMB'I NA GDANGS CAN GYI KUN DGA' RA BA NA BZHUGS SO, ,DE'I TSE NA TSE DANG LDAN PA 'DUN PA LTUNG BA BYUNG BA CHOS BZHIN DU PHYIR MI BYED NAS DE LA DGE SLONG DON 'DOD PA, PHAN PA 'DOD PA, BDE BA 'DOD PA, BDE BA LA REG PAR 'DOD PA, GRUB PA DANG BDE BA 'DOD PA RNAMS KYIS TSE DANG LDAN PA 'DUN PA KHYOD LTUNG BA BYUNG BA DE DAG CHOS BZHIN DU PHYIR GYIS SHIG CES GLENG BAR BYED, DRAN PAR BYED PA NA DES SMRAS PA, SU LA LTUNG BA DE PHYIR BYED PAR 'GYUR RO, ,KHYOD LA LTUNG BA BYUNG NA SU ZHIG PHYIR BYED PAR 'GYUR SU 'GYOD PAR 'GYUR BA'O, ,KHYOD LA LTUNG BA BYUNG BA LA SU 'GYOD PAR 'GYUR, DE LA DGE SLONG RNAMS KYIS PHYIR ZHING PHYIR ZHING SMRAS PA NA DER MTHUN ZHING SMRAS PA, TSE DANG LDAN PA DAG KHYED CAG DGE YANG RUNG SDIG KYANG RUNG BDAG LA CI YANG MA SMRA SHIG ,BDAG KYANG DGE YANG RUNG SDIG KYANG RUNG TSE DANG LDAN PA DAG LA CI YANG MI SMRA'O, ,TSE DANG LDAN PA DAG GIS BDAG LA TSIG GI LAM MTHONG SHIG ,KHYED LA YANG BDAG GIS SMRAS PAS CI ZHIG BYA, 'DI LTAR KHYED CAG NI RIGS SNA TSOGS DANG, RUS SNA TSOGS DANG, KHYIM SNA TSOGS NAS RAB TU BYUNG BA DAG YIN TE, 'DI LTA STE, DPER @24B NA SHING LJON PA DAG GI LO MA SNA TSOGS RLUNG GIS BLAGS PA DAG GCIG TU LHUNG ZHING GCIG TU 'DUG PA DE BZHIN DU KHYED CAG KYANG RIGS SNA TSOGS DANG, RUS SNA TSOGS DANG, KHYIM SNA TSOGS NAS RAB TU BYUNG BA DAG YIN GYI, KHO BO'I 'PHAGS PAS NI BYANG CHUB THUGS SU CHUD PA YIN NO, ,DGE SLONG DON NYUNG DU DAG CI'I PHYIR DGE SLONG DAG DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NI BDAG NYID BRJOD PAR BYA BA MA YIN PAR BYED CES SMOD PAR BYED, PHYAR KA GTONG BAR BYED, KHA ZER BAR BYED BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'DUN PA DANG, GZHAN YANG DE LTA BU GANG YIN PA LA BZHAMS TE BSGO BAR BYA'O, ,'DI SKAD CES BSGO BAR BYA STE, TSE DANG LDAN PA 'DUN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA BDAG NYID BRJOD PAR BYA BA MA YIN PAR MA BYED PAR TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA DANG 'DUL BA DANG MTHUN PAR SMRA BA NA TSE DANG LDAN PA YANG DGE SLONG RNAMS LA CHOS DANG MTHUN PA DANG, 'DUL BA DANG MTHUN PAR SMROS SHIG ,'DI LTA STE, GCIG LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG, GCIG GIS GCIG LTUNG BA LAS SLONG BA NYID DE LTA BUS BCOM LDAN 'DAS DE BZHEN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'DI 'PHEL BAR 'GYUR GYIS, TSE DANG LDAN PA 'DUN PA KHYOD BDAG NYID BRJOD PAR BYA BA MA YIN PAR BYED PA'I @25A *, ,LAS KYI MTHA' 'DI LTA BU 'DI THONG SHIG CES BSGO BAR BYA'O, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS TSE DANG LDAN PA 'DUN PA LA TSE DANG LDAN PA 'DUN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, BDAG NYID BRJOD PAR BYA BA MA YIN PAR MA BYED PAR TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA DANG, 'DUL BA DANG MTHUN PAR SMRA BA NA TSE DANG LDAN PA YANG DGE SLONG RNAMS LA CHOS DANG MTHUN PA DANG, 'DUL BA DANG MTHUN PAR SMROS SHIG ,'DI LTA STE, GCIG LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG, GCIG GIS GCIG LTUNG BA LAS SLONG BA NYID DE LTA BUS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'DI 'PHEL BAR 'GYUR GYIS, TSE DANG LDAN PA 'DUN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LTA BU 'DI THONG SHIG CES BZHAMS TE BSGO'O, ,DE LA DGE SLONG RNAMS KYIS BZHAMS TE BSGO BA NA GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'DUN PA DANG, GZHAN YANG DE LTA BU GANG YIN PA LA GSOL BA DANG BZHI'I LAS KYIS BSGO BAR BYA'O, ,'DI LTAR BSGO BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DGE 'DUN THAMS CAD 'DUG CING MTHUN PAR GYUR PA LA DGE SLONG @25B GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG 'DUN PA 'DI LTUNG BA BYUNG BA CHOS BZHIN DU SLAR MI BGYID NAS, 'DI LA DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, TSE DANG LDAN PA DAG KHYED CAG DGE YANG RUD SDIG KYANG RUNG BDAG LA CI YANG MA SMRA SHIG ,BDAG KYANG DGE YANG RUNG SDIG KYANG RUNG TSE DANG LDAN PA DAG LA CI YANG MI SMRA'O, ,TSE DANG LDAN PA DAG GIS BDAG LA TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA ZHES BDAG NYID BRJOD PAR BGYI BA MA LAGS PAR BGYID NAS, 'DI LA DGE SLONG MANG POS BZHAMS TE BSGO NA 'DI LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG; DGE 'DUN GYIS DGE SLONG 'DUN PA LA TSE DANG LDAN PA 'DUN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA BDAG NYID BRJOD PAR BYA BA MA YIN PAR MA BYED PAR TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA DANG, 'DUL BA DANG MTHUN PAR SMRA BA NA, TSE DANG LDAN PA YANG DGE SLONG RNAMS LA CHOS DANG MTHUN PA DANG, 'DUL BA DANG MTHUN PAR SMROS SHIG ,'DI LTA STE, GCIG LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG, GCIG GIS GCIG LTUNG BA LAS SLONG BA NYID DE LTA BUS BCOM LDAN 'DAS DE BZHIN @26A *, ,GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'DI 'PHEL BAR 'GYUR GYIS, TSE DANG LDAN PA 'DUN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD DO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG 'DUN PA 'DI LTUNG BA BYUNG BA CHOS BZHIN DU SLAR MI BGYID NAS 'DI LA DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, TSE DANG LDAN PA DAG KHYED CAG DGE YANG RUNG SDIG KYANG RUNG BDAG LA CI YANG MA SMRA SHIG ,BDAG KYANG DGE YANG RUNG SDIG KYANG RUNG TSE DANG LDAN PA DAG LA CI YANG MI SMRA'O, ,TSE DANG LDAN PA DAG GIS BDAG LA TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA ZHES BDAG NYID BRJOD PAR BGYI BA MA LAGS PAR BGYID NAS, 'DI LA DGE SLONG MANG POS BZHAMS TE BSGO YANG GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BGYID DE, DE'I SLAD DU DGE 'DUN GYIS DGE SLONG 'DUN PA LA TSE DANG LDAN PA 'DUN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA BDAG NYID BRJOD PAR BYA BA MA YIN PAR MA BYED PAR TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA DANG, 'DUL BA DANG MTHUN PAR SMRA BA NA, TSE DANG LDAN PA YANG DGE SLONG RNAMS LA CHOS DANG MTHUN PA DANG, 'DUL BA DANG MTHUN PAR SMROS SHIG ,'DI LTA STE, GCIG @26B LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG, GCIG GIS GCIG LTUNG BA LAS SLONG BA NYID DE LTA BUS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'DI 'PHEL BAR 'GYUR GYIS, TSE DANG LDAN PA 'DUN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LTA BU 'DI THONG SHIG CES GSOL BA DANG BZHI'I LAS KYIS BSGO BA MDZAD NA, TSE DANG LDAN PA GANG DAG DGE SLONG 'DUN PA LA GSOL BA DANG BZHI'I LAS KYIS BSGO BA MDZAD PAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,'DI NI LAS BRJOD PA DANG PO STE, DE BZHIN DU LAN GNYIS LAN GSUM DU BZLAS, DGE 'DUN GYIS BZOD CING GNAD NAS DGE 'DUN GYIS DGE SLONG 'DUN PA LA GSOL BA DANG BZHI'I LAS KYIS BSGO BA MDZAD LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS NYAN NAS DGE SLONG 'DUN PA LA GSOL BA DANG BZHI'I LAS KYIS BSGO'O, ,GSOL BA DANG BZHI'I LAS KYIS BSGO BA NA GZHI DE NYID LA NAN GYIS MCHOG TU BZUNG ZHING MNGON PAR ZHEN NAS 'DI NYID BDEN GYI GZHAN NI BRDZUN PA'O ZHES RJES SU THA SNYAD 'DOGS PAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, ,SANGS RGYAS BCOM LDAN 'DAS KYIS 'DUN PA LA RMAS PA, 'DUN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR @27A *, ,GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA BDAG NYID BRJOD PA BYA BA MA YIN PAR BYED PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, 'DI NA DGE SLONG 'GA' ZHIG BKA' BLO MI BDE BA'I RANG BZHIN CAN DU GYUR LA, DE LA DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA TSE DANG LDAN PA DAG KHYED CAG DGE YANG RUNG SDIG KYANG RUNG BDAG LA CI YANG MA SMRA SHIG ,BDAG KYANG DGE YANG RUNG SDIG KYANG RUNG TSE DANG LDAN PA DAG LA CI YANG MI SMRA'O, ,TSE DANG LDAN PA DAG GIS BDAG LA TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA ZHES BDAG NYID BRJOD PAR BYA BA MA YIN PAR BYED NA, DGE SLONG DE LA DGE SLONG RNAMS KYIS 'DI SKAD CES TSE DANG LDAN PA KHYOD DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG, BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA, BDAG NYID BRJOD PAR BYA BA MA YIN PAR MA BYED PAR TSE DANG LDAN PAS BDAG NYID BRJOD PAR BYA BA KHO NAR GYIS SHIG ,DGE SLONG RNAMS TSE DANG LDAN PA LA CHOS DANG MTHUN PA @27B DANG; 'DUL BA DANG MTHUN PAR SMRA BA NA TSE DANG LDAN PA YANG DGE SLONG RNAMS LA CHOS DANG MTHUN PA DANG, 'DUL BA DANG MTHUN PAR SMROS SHIG ,'DI LTA STE, GCIG LA GCIG BRJOD PAR BYA BA NYID DU BYED PA DANG, GCIG LA GCIG 'DOMS SHING RJES SU STON PA DANG; GCIG GIS GCIG LTUNG BA LAS SLONG BA NYID DE LTA BUS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I 'KHOR 'DI 'PHEL BAR 'GYUR GYIS, TSE DANG LDAN PA KHYOD BDAG NYID BRJOD PAR BYA BA MA YIN PAR BYED PA'I LAS KYI MTHA' 'DI LTA BU 'DI THONG SHIG ,CES BSGO BAR BYA'O, ,DGE SLONG DE LA DGE SLONG RNAMS KYIS DE SKAD BSGO BA NA GAL TE GZHI DE GTONG NA DE LTA NA LEGS, GAL TE MI GTONG NA GZHI DE GTONG BAR BYA BA'I PHYIR LAN GNYIS LAN GSUM DU YANG DAG PAR BSGO BAR BYA; YANG DAG PAR BSTAN PAR BYA'O, ,LAN GNYIS LAN GSUM DU YANG DAG PAR BSGO, YANG DAG PAR BSTAN PA NA GZHI DE GTONG NA DE LTA NA LEGS, GAL TE MI GTONG NA DGE 'DUN LHAG MA'O, ,'DI NA DGE SLONG 'GA' ZHIG CES BYA BA NI 'DUN PA'AM GZHAN YANG DE LTA BU GANG YIN PA'O, ,BKA' BLO MI BDE BA'I RANG BZHIN CAN DU GYUR LA ZHES BYA BA LA, BKA' BLO MI BDE BA ZHES BYA BA NI TSIG GI LAM RJES SU MTHUN PA, RJES SU MNYAN PAR BYA BA, TSUL DANG MTHUN PA, DRANG POR 'JUG PA, 'GRUS SKYONG GI YAN LAG GI TSOGS DAG KUN DU 'GOG PA DANG, MI 'DZIN PA DANG, MI BYA BA DANG, MI BYED PA DANG, MI MTHUN PAR 'DZIN PA'O, ,DE LA ZHES BYA BA NI 'DUN PA LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,GDON PAR GTOGS PA'I BSLAB PA'I GZHI RNAMS ZHES BYA BA LA, GDON PA ZHES BYA BA NI PHAM PAR 'GYUR BA'I CHOS BZHI DANG, DGE 'DUN LHAG MA'I CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED KYI CHOS SUM BCU DANG, LTUNG BYED KYI CHOS DGU BCU DANG, @28A *, ,SO SOR BSHAGS PAR BYA BA'I CHOS BZHI DANG, BSLAB PA'I CHOS MANG PO DANG, RTZOD PA ZHI BAR BYA BA'I CHOS BDUN PO DAG GO, ,BDE BAR GSHEGS PA'I MDOR GTOGS PA RNAMS KYIS ZHES BYA BA LA, BDE BAR GSHEGS PA ZHES BYA BA NI STON PA'O, ,MDO ZHES BYA BA NI DES NYE BAR SBYAR BA'I MDO'AM, YANG NA MDO YANG DAG PAR SBYOR BA'O, ,CHOS DANG MTHUN PA ZHES BYA BA NI MDO SDE DANG, MA MO DANG NGO, ,'DUL BA DANG MTHUN PA ZHES BYA BA NI 'DUL BA NYID DANG NGO, ,SMRAS PA NA ZHES BYA BA NI BZLOG PA NA STE, CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR BSGO BA NA'O, ,TSE DANG LDAN PA DAG KHYED CAG DGE YANG RUNG SDIG KYANG RUNG BA DAG LA CI YANG MA SMRA SHIG CES BYA BA NI DGE BA LA SBYOR BAR YANG MA BYED LA SDIG PA LAS ZLOG PAR YANG MA BYED CIG CES PA'O, ,BDAG KYANG DGE YANG RUNG SDIG KYANG RUNG TSE DANG LDAN PA DAG LA CI YANG MI SMRA'O ZHES BYA BA NI DGE BA LA SBYOR BAR YANG MI BYED LA SDIG PA LAS ZLOG PAR YANG MI BYED DO, ,ZHES PA'O, ,TSE DANG LDAN PA DAG GIS BDAG LA TSIG GI LAM THONG SHIG ,KHYED LA YANG BDAG GIS SMRAS PAS CI ZHIG BYA ZHES BYA BA NI RGYA CHER BDAG NYID BRJOD PAR BYA BA MA YIN PA NYID DU 'JOG PAR BYED PA'O, ,BDAG NYID BRJOD PAR BYA BA MA YIN PAR BYED NA ZHES BYA BA NI BDAG NYID BRJOD PAR BYA BA MA YIN PA NYID DU 'JOG PAR BYED NA'O, ,DGE SLONG DE LA ZHES BYA BA NI 'DUN PA LA'O, ,DGE SLONG RNAMS KYIS ZHES BYA BA NI CHOS 'DI PA RNAMS KYIS SO, ,'DI SKAD CES ZHES BYA BA NI BZHAMS TE BSGO BA JI SKAD SNGAR BSTAN PA LTAR BSGO BAR BYA BA'O, ,DGE SLONG DE LA DGE SLONG RNAMS KYIS 'DI SKAD BSGO BA ZHES BYA BA NI BZHAMS TE BSGO BAS BZLOG PA NA'O, ,GAL TE GZHI DE ZHES BYA BA NI BKA' BLO MI BDE BA NYID DO, ,GTONG NA ZHES BYA BA NI YONGS SU GTONG NA'O, ,DE LTA NA LEGS ZHES BYA BA NI DE LTA NA BZANG BA'O, ,GAL TE MI GTONG NA ZHES BYA BA NI YONGS SU MI GTONG NA'O, ,LAN @28B GNYIS LAN GSUM DU YANG DAG PAR BSGO BAR BYA, YANG DAG PAR BSTAN PAR BYA'O ZHES BYA BA NI GSOL BA DANG BZHI'I LAS KYIS BSGO BA JI SKAD SNGAR BSTAN PA LTAR BSGO BAR BYA STE, YANG DAG PAR BSGO BA DE NI DE YIN NO, ,YANG DAG PAR BSTAN PA DE NI DE YIN NO, ,DGE 'DUN LHAG MA'O ZHES BYA BA NI SNGA MA BZHIN DU LTUNG BA DE DGE 'DUN LA RAG LAS PA YIN TE, DES NA DGE 'DUN LHAG MA'O ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS CUNG ZAD JI TZAM DU DGE SLONG RNAMS KYIS GDON PAR GTOGS PA'I BSLAB PA'I GZHI RNAMS DANG; BDE BAR GSHEGS PA'I MDOR GTOGS PA RNAMS KYIS CHOS DANG MTHUN PA DANG, 'DUL BA DANG MTHUN PAR SMRAS PA NA BDAG NYID BRJOD PAR BYA BA MA YIN PAR BYED NA THAMS CAD DU NYES BYAS SU 'GYUR RO, ,DGE SLONG GIS BZHAMS TE BSGO BA NA GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,GSOL BA DANG BZHI'I LAS KYIS BSGO BA NA GZHI DE GTONG NA DE LTA NA LEGS, GAL TE MI GTONG NA GSOL BA BYAS PA NA NYES PA SBOM POR 'GYUR RO, ,LAS BRJOD PA DANG PO BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, ,LAS BRJOD PA GNYIS PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA RDZOGS PAR BRJOD PA NA NYES PA SBOM POR 'GYUR RO, , LAS BRJOD PA GSUM PA BRJOD PA NA MA RDZOGS PAR GZHI DE GTONG NA DE LTA NA LEGS, GAL TE MI GTONG NA NYES PA SBOM POR 'GYUR RO, ,RDZOGS PAR BRJOD PA NA GAL TE MTHUN PA DANG CHOS MA YIN PAS BSGO BAR BYED NA LTUNG BA MED DO, ,MI MTHUN PA DANG CHOS KYIS BSGO BAR BYED NA LTUNG BA MED DO, ,MTHUN PA DANG CHOS LTAR BCOS PAS BSGO BAR BYED NA LTUNG BA MED DO, ,MI MTHUN PA DANG, CHOS MA YIN PA LTAR BCOS PAS BSGO BAR BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI @29A *, ,LTA BA DE LTAR BSGO BAR MI BYED NA LTUNG BA MED DO, ,CHOS JI LTA BA DANG, 'DUL BA JI LTA BA DANG, STON PA'I BSTAN PA JI LTA BA DE LTAR MTHUN PAS BSGO BAR BYED NA RDZOGS PAR BRJOD PA NA DGE 'DUN LHAG MAR 'GYUR RO, ,DGE SLONG DES STAN DE LA 'DUG BZHIN DU 'DI SKAD CES TSE DANG LDAN PA DAG BDAG LA DGE 'DUN LHAG MA'I LTUNG BA BYUNG NGO ZHES BRJOD PAR BYA STE, GAL TE DE SKAD BRJOD NA DE LTA NA LEGS, GAL TE MI BRJOD NA DE PHYIN CAD NAS DE LA 'CHAB PA'I NYES PA 'BYUNG BAR 'GYUR RO, ,DE BAS NA DGE SLONG GIS JI TZAM DU GZHI DE MA BSHAGS SHING SO SOR MA BSHAGS PAR GSOL BA DANG, GSOL BA DANG GNYIS DANG, GSOL BA DANG BZHI'I LAS NYAMS SU MYONG BAR BYED NA THAMS CAD DU NYES BYAS SU 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO,, ,,'DUL BA RNAM PAR 'BYED PA, BAM PO NYI SHU BZHI PA, DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA TSE DANG LDAN PA 'DUN PA 'DI TSANGS PA MTSUNGS PAR SPYOD PA NGES PA NGES PA RNAMS KYI MDUN DU BCOM LDAN 'DAS NYE DU LAGS PAR STON CING BDAG NYID SMRA BA DANG RNAM PAR SMRA BAR BGYID PA LA GZIGS, BCOM LDAN 'DAS KYIS BKA' STZAL PA, DGE SLONG DAG DA LTAR DU MA ZAD DE, 'DI LTAR 'DAS PA'I DUS NA YANG 'DIS BRAM ZE DANG, KHYIM BDAG NGES PA NGES PA RNAMS KYI MDUN DU NGA NYE DU YIN PAR BSTAN CING BDAG NYID SMRA BA DANG RNAM PAR SMRA BAR BYAS PA DE NYON CIG ,DGE SLONG DAG SNGON BYUNG BA 'DAS PA'I DUS NA RDO 'JOG NA BRAM ZE ZLA GRAGS ZHES BYA BA ZHIG 'DUG PA DES RIGS MNYAM PA LAS CHUNG MA BLANGS NAS DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,RTZE BAR BYED, DGA' BAR BYED, DGA' MGUR SPYOD PAR BYED PA DE'I BU BTZAS NAS DE'I MING NYI ZLA ZHES BYA BAR BTAGS TE DE BSRINGS BSKYED NAS CHEN POR GYUR @29B TO; ,JI TZAM DUS GZHAN ZHIG NA BRAM ZE ZLA GRAGS NA BAR GYUR NAS, DE CHUNG MA DANG BUS YAL BAR BOR ZHING NA BA MA SOS NAS DE LA BU MO MNGAG GZHUG MA ZHIG YOD PA DES BSAMS PA, BRAM ZE ZLA GRAGS KYIS KHRUS GZHAL BA BRGYA DAG GIS LONGS SPYOD DAG BSGRUBS TE 'DI NA BAR GYUR NA CHUNG MA DANG BUS YAL BAR BOR ZHING NA BA MA SOS PAS BDAG GIS RJE BO YAL BAR DOR BA NI BDAG LA TSUL DANG MTHUN PA MA YIN NO SNYAM NAS DE DGE BA'I BSAM PA DANG RJE BO LA SNYING NYE BAS SMAN PA'I GAN DU SONG STE SMRAS PA, BZHIN BZANGS KHYOD KYIS BRAM ZE ZLA GRAGS ZHES BYA BA DE SHES SAM, SHES TE DE CI NYES, DE NA BAR GYUR NAS CHUNG MA DANG BUS YAL BAR BOR NAS NA BA MA SOS KYIS DE'I SMAN STON CIG ,SMAN PAS SMRAS PA, BU MO GAL TE DE CHUNG MA DANG BUS YAL BAR BOR NA GA-YOG SUS BYED, BZHIN BZANGS SMAN STON CIG DANG BDAG GIS GA-YOG BYA'O, ,SMAN PA DES DE LA NAD CI LAS GYUR PA DRIS NAS SMAN BSTAN TO, ,DE NAS BU MO DES BRAM ZE ZLA GRAGS KYI GA-YOG BYAS NAS DES NAD DE LAS SOS SO, ,BRAM ZE ZLA GRAGS KYIS BSAMS PA, BDAG NAD DE LTA BUS BTAB NA CHUNG MA DANG BUS YAL BAR BOR NAS SROG DAG DANG CUNG ZAD MA BRAL BA GANG YIN PA DE NI BU MO 'DI'I MTHU YIN PAS BDAG GIS 'DI LA DAL BA 'BRAS BU DANG BCAS PA BSKYED PAR BYA'O SNYAM DU RIG NAS BU MO DE BOS TE SMRAS PA, BU MO KHO BO NAD DE LTA BUS BTAB NA CHUNG MA DANG BUS YAL BAR BOR NAS KHYOD KYI MTHUS SROG DAG DANG MA BRAL BAR KHO BOS SHES KYIS KHYOD LA DAM PA CI ZHIG SBYIN PAR BYA BA DE SMROS SHIG ,JO BO GAL TE KHYOD BDAG LA DGYES NA BDAG KHYOD DANG LHAN CIG MJAL BAR 'TSAL LO, ,BU MO KHYOD LA KHO BO DANG LHAN CIG PHRAD BAS CI BYA, KHO BOS KHYOD K'AR sh'A PA nA LNGA BRGYA SBYIN ZHING BRAN MO LAS GTANG NGO, ,JO BO BDAG SHIN TU RING DU MCHIS SU LAGS KYANG BRAN MO NYID LAGS KYIS, GAL TE KHYOD BDAG LA DGYES NA BDAG KHYOD DANG LHAN CIG MJAL BAR 'TSAL LO, ,DES DE GDON MI ZA BAR DANG NA DUS BYED PAR RIG NAS SMRAS PA, BU MO @30A *, ,GANG GI TSE KHYOD DUS LA BAB CING ZLA MTSAN DANG LDAN PAR GYUR PA DE'I TSE KHYOD KHO BO'I GAN DU SHOG SHIG ,BU MO DE DE'I TSIG GIS SNYING DGA' BAR GYUR NAS, ZLA MTSAN 'DZAG PA'I NYI MA BGRANG ZHING 'DUG 'DUG NAS GANG GI TSE ZLA MTSAN DANG LDAN PAR GYUR PA DE'I TSE BRAM ZE DE'I GAN DU SONG BA DANG, DES DE DANG LHAN CIG DGA' MGUR SPYAD NAS DE LA SEMS CAN ZHUGS PAR GYUR TO, ,DE'I CHUNG MA BRAM ZE MOS BRAM ZE 'DI BU MO 'DI DANG LHAN CIG DGA' MGUR SPYAD DO SNYAM DU RIG NAS DE PHRAG DOG GI KUN NAS DKRIS PA KUN DU SPYOD PAS MI BZOD PA SKYES NAS BU MO DE LA RTAG TU KHU TSUR DANG THAL LCAG GIS RDEG CING ZAS NGAN PA DANG, GOS NGAN PA SREL DU 'JUD DO, ,BU MO DES BSAMS PA BDAG GI MNGAL DU ZHUGS PA'I SEMS CAN SKAL CHAD 'DI SU ZHIG YIN NA 'DI MNGAL DU ZHUGS PA'I DUS TSUN CAD NAS BDAG RTAG TU KHU TSUR DANG THAL LCAG DAG GIS RDEG CING ZAS NGAN PA DANG, GOS NGAN PA SREL DU BCUG GO SNYAM NAS DE BDAG NYID MYA NGAN BYED CING 'DUG GO, ,JI TZAM NA ZLA BA DGU TSANG NAS BTZAS PA LAS KHYE'U ZHIG BYUNG NAS DES BSAMS PA, SEMS CAN SKAL CHAD 'DI BDAG GI MNGAL DU ZHUGS NAS BDAG GIS DE 'DRA BA'I GNAS SKABS THOB PAR GYUR PAS GAL TE 'DI SKYES PAR GYUR NA BDAG THAMS CAD KYI THAMS CAD DU MED PAR 'GYUR RO SNYAM DU RIG NAS DE CHOL ZANGS SU BZHAG STE DOR BAR BRTZAMS PA DANG, DE'I TSE BRAM ZE DES MTHONG NAS SMRAS PA, BU MO DE CI YIN, DES SMRAS PA, CANG MA LAGS SO, ,DES CHOL ZANGS DE BLTAS PA DANG, JI TZAM NA KHYE'U ZHIG MTHONG NAS DES SMRAS PA, BU MO CI'I PHYIR 'DI 'DOR BAR BYED, JO BO GANG TSUN CHAD NAS SEMS CAN SKAL CHAD 'DI BDAG GI MNGAL DU ZHUGS PAR GYUR PA DE TSUN CHAD NAS BDAG BRAM ZE MO 'DIS RTAG TU KHU TSUR DANG THAL LCAG DAG GIS RDEG CING, 'TSAL MA NGAN PA DANG RAD PA NGAN PA SREL DU STZAL BAS GAL TE 'DI SKYES PAR GYUR NA BDAG THAMS CAD KYI THAMS CAD DU MA MCHIS PAR 'GYUR BA'I SLAD DU'O, ,DES SMRAS PA, BU MO DE NI @30B DES MA NYES KYI KHO BOS NYES KYIS 'DI SKYED CIG DANG 'DI LA KHO BOS DUS SHES PAR BYA'O, ,DES DE BSNYOD PAR BRTZAMS PA DANG, BRAM ZES KYANG BRAM ZE MO LA SMRAS PA, GANG GI TSE KHO BO DE LTAR NA BAR GYUR PA NA KHYOD DANG BUS YAL BAR BOR BA DE'I TSE NA BU MO 'DIS SMAN DANG GA-YOG GIS LEGS PAR GSOS PAR KHO BOS SHES KYIS, DE'I PHYIR GAL TE 'DI LA MKHO BA STOBS PAR BYED NA DE LTA NA LEGS, GAL TE MI BYED NA KHO BOS 'DI KHYIM BDAG MOR GZHAG CING KHYOD 'DI'I BRAN MOR BSKO'O, ,BRAM ZE MO DE SKRAG STE BSAMS PA, BRAM ZE 'DI GTUM PAS GAL TE DE LTAR MA BYAS NA DE LTA BYED PAR 'GYUR BA'I GNAS YOD DO SNYAM DU RIG NAS DES SMRAS PA, BRAM ZE KHYOD KYIS BU MO MNGAG GZHUG MA LA DGA' MGUR SPYAD PA DANG, KHYE'U 'DI KHYOD KYI SRAS LAGS PAR YANG BDAG GIS MA 'TSAL TE DA SLAN CAD CUNG ZAD KYANG THO 'TSAM PAR MI BYED DO, ,KHYE'U DE CHOL ZANGS SU BCUG PAS DE'I MING CHOL ZANGS PA ZHES BYA BAR CHAGS SO, ,BRAM ZE DE CHOL ZANGS PA LA 'DI'I MAS BDAG GI GA-YOG BYAS SHING 'DI YANG BDAG LAS BYUNG BA YIN NO SNYAM PAS SHIN TU BYAMS PA DANG LDAN PAR GYUR TE, DE DE DANG LHAN CIG GCIG TU ZA ZHING GANG DU MGRON DU BOS PAR 'GRO BA DER YANG DE DANG LHAN CIG 'GRO'O, ,JI TZAM DUS GZHAN ZHIG NA BRAM ZE DE YANG NA BAR GYUR NAS DE RTZA BA DANG, SDONG BU DANG, 'DAB MA DANG, ME TOG DANG, 'BRAS BU'I SMAN DAG GIS GSO BAR BYED DE, GSO BAR BYED PA NA NAD NA BA KHO NAR GYUR NAS GANG GI TSE DE 'CHI BA LA THUG PA'I TSOR BA BYUNG ZHING RING PO MI THOGS PAR DUS BYED PAR 'GYUR BA DE'I TSE NA DES BU THU BO NYI ZLA BKUG STE SMRAS PA, BU KHO BO 'DAS NAS KHYOD NI MYA NGAN BYA BA MA YIN GYI, KHYOD KYI NU BO CHOL ZANGS PA 'DI MYA NGAN BYA BAR 'GYUR BAS KHYOD KYIS 'DI LA MKHO BA BSTABS PAR BYA'O ZHES SMRAS NAS, BSAGS PA KUN GYI MTHA' ZAD CING, ,MTHON PO RNAMS KYI MTHA' LTUNG 'GYUR, ,PHRAD PA'I MTHA' NI 'BRAL BA STE, ,GSON PA'I MTHA' NI 'CHI BA YIN, ,ZHES BYA BA YIN PAS DE @31A *, ,DUS KYI CHOS DANG LDAN PAR GYUR NAS DE NYI ZLA DANG, CHOL ZANGS PA DANG, SNYING DU SDUG CING 'BREL PA'I RTZA LAG GZHAN DAG GIS DUR KHROD DU KHYER TE BSREGS NAS DE'I 'OG TU MYA NGAN BSANG BA BYAS TE 'KHOD DO, ,JI TZAM DUS GZHAN ZHIG NA NYI ZLAS ZAN GYI DUS SU CHOL ZANGS PA TSUR SHOG 'DIR ZAN ZO ZHIG CES BOS PA DANG, DE LA MAS SMRAS PA, BU KHYOD BRAN MO'I BU DANG JI LTAR LHAN CIG ZAN ZA BAR BYED, MA BDAG GIS DUS THAMS CAD DU NU BO 'DI DANG LHAN CIG ZOS SHING 'THUNGS NA DA JI LTAR BRAN MO'I BU ZHES BYA, MAS SMRAS PA, BU KHYOD KYI PHA GTUM PAR GYUR PAS DE LA CUNG ZAD SMRA BAR SUS NUS 'DI NI BRAN MO'I BU KHO NA YIN NO, ,CHOL ZANGS PAS THOS NAS DE MA'I GAN DU SONG STE SMRAS PA, MA BDAG BRAN MO'I BU YIN PA BDEN NAM, BU 'JIG RTEN NI RANG GI LAS KYI 'BRAS BU LA SPYOD PA YIN PAS SU ZHIG SU'I BRAN YIN, BU YUL GZHAN DU SONG LA THOS PA 'DZIN CING 'DUG SHIG ,DE YUL GZHAN DU SONG NAS DE YUL GZHAN DU RANG GI MING CHOL ZANGS PA ZHES BYA BA BTANG STE, ZLA BA ZHI BA ZHES BYA BAR BSGRAGS NAS JI TZAM NA MTHAR GYIS MNYAN YOD DU PHYIN NAS, DE NA BRAM ZE MDUN NA 'DON ZHIG 'DUG NAS, DE GCIG NAS GCIG TU DE'I GAN DU SONG STE CHA LUGS DUL BA DANG SPYOD LAM ZHI BAS GUS PAR SMRA BA BYAS TE MTHA' GCIG TU 'DUG GO, ,DE NAS BRAM ZE DES 'ONGS PA LEGS SO ZHES BYA BA'I TSIG KUN DU BRJOD PAS RAB TU DGA' BAR BYAS TE DRIS PA, KYE BRAM ZE'I KHYE'U KHYOD GA LAS 'ONGS, RNGO 'JOG NAS MCHIS SO, ,KHYOD KYIS RDO 'JOG NA 'KHOD PA'I SKYE BO'I TSOGS DAG SHES SAM 'TSAL TO, ,DE NA BRAM ZE ZLA GRAGS DE'I GTAM CI GRAG ,BRAM ZE'I KHYE'U DES NGU BAR BRTZAMS PA DANG, DES SMRAS PA, BRAM ZE'I KHYE'U CI'I PHYIR DU, DE BDAG GI PHA LAGS SO, ,'O NA CI'I PHYIR DU, DE GUM MO, ,BRAM ZE'I KHYE'U SKYES PAS NI GDON MI ZA BAR 'CHI BAR BYA DGOS KYIS KHO BO KHYOD KYI PHA'I CHUNG PO GROGS YIN GYIS BAG PHOB @31B SHIG DANG THAMS CAD BYA'O, ,DES SMRAS PA, MKHAN PO RE ZHIG BGYI BA GZHAN BTANG STE, JE RIG BYED BKLAG PAR BGYI'O, ,BU MA NYES TE, BRAM ZE RANG GI RIGS SGROGS PAS BYA BA NI DE YIN NO, ,DES DE'I DRUNG DU RIG BYED BKLAG PAR BRTZAMS PA DANG, DE BLO RNO BA DANG, BRTAN PA DANG, BRTZON 'GRUS BRTZAMS PA YIN PAS DES DUS CUNG ZHIG GIS RIG BYED BZHI PO DAG BKLAGS SO, ,BRAM ZE DE MNGON PAR DGA' NAS DES DE'I BU MO RGYAN THAMS CAD KYIS BRGYAN TE DE'I CHUNG MAR BYIN ZHING BDAG DBANG BA'I NOR MANG PO DAG KYANG BYIN NO, , DE BRAM ZE MDUN NA 'DON GYI DMAG PAR GYUR CING RIG BYED BZHI DANG LDAN PA ZHES 'JIG RTEN THAMS CAD LA RNAM PAR GRAGS SHING, SBYIN PA DANG, MCHOD PA DANG, BSNYEN BKUR DAG GIS KHYIM GYI 'BYOR PA NYE BAR BSAGS PAR GYUR TO, ,JI TZAM DUS GZHAN ZHIG NA RDO 'JOG NA GNAS PA'I SKYE BO'I TSOGS DAG ZONG THOGS TE MNYAN YOD DU LHAGS NAS, DE DAG GIS CHOL ZANGS PA JI LTAR BRAM ZE MDUN NA 'DON GYI DMAG PAR GYUR CING, RIG BYED BZHI DANG LDAN PA, SBYIN PA DANG, MCHOD PA DANG, BSNYEN BKUR DAG GIS KHYIM GYI 'BYOR BA NYE BAR BSAGS PAR GYUR PA THOS SO, ,THOS NAS KYANG GROS BYA BAR BRTZAMS PA, BDAG CAG 'DONG ZHING DE MNGON SUM DU BYAS TE RDO 'JOG NA NYI ZLA BDE BA'I GTAM BYA'O SNYAM NAS DE DAG DE'I GAN DU SONG STE, DE DAG GIS DE NGO SHES NAS CANG MA SMRAS PAR DE NAS ZONG BSGYUR TE RIN BLANGS NAS RDO 'JOG TU DONG NGO, ,DE DAG GIS LAM GYI NGAL BA BSO STE NYI ZLA LA SMRAS PA, MNYAN YOD NA KHYOD KYI NU BO CHOL ZANGS PA BRAM ZE MDUN NA 'DON GYI DMAG PAR GYUR CING, RIG BYED BZHI DANG LDAN PAR 'JIG RTEN THAMS CAD LA RNAM PAR GRAGS TE, SBYIN PA DANG, MCHOD PA DANG, BSNYEN BKUR DAG GIS KHYIM GYI 'BYOR PA NYE BAR BSAGS PAR GYUR TO, ,DE YID DGA' BA SKYES NAS MA LA SMRAS PA, MA CHOL ZANGS PA DE MNYAN YOD NA BRAM ZE MDUN NA 'DON GYI DMAG PAR GYUR CING, RIG BYED BZHI @32A *, ,DANG LDAN PAR 'JIG RTEN THAMS CAD LA GRAGS TE, SBYIN PA DANG, MCHOD PA DANG, BSNYEN BKUR DAG GIS KHYIM GYI 'BYOR PA NYE BAR BSAGS ZHES GRAG GO, ,MAS SMRAS PA, BU DE LTAR GA LA 'GYUR TE, BRAN MO'I BU DE LA SU ZHIG SBYIN PA DANG, MCHOD PA DANG, BSNYEN BKUR DAG GIS BSNYEN BKUR BYED PAR 'OS NA DE LA BSNYEN BKUR BYED PAR 'GYUR, DE NAS DE CANG MI SMRA BAR 'DUG GO, ,JI TZAM DUS GZHAN ZHIG NA NYI ZLA LONGS SPYOD SRABS PAR GYUR NAS MAS DE LA SMRAS PA, BU NU BO DE'I GAN DU SONG SHIG DANG GAL TE NA DE KHYOD LA LONGS SPYOD DAG GIS BGO BSHA' BYED PAR 'GYUR RO, ,DES SMRAS PA, MA DE'I TSE NA DE BRAN MO'I BU YIN NA DA JI LTAR NU BOR 'GYUR, MAS SMRAS PA, BU GAL TE DE LTA NA YANG SONG LA DE LAS BLANG BA MA ZLOG SHIG ,DE MAS NAN GYIS MNAN PA NA DON MTHUN BTZAL TE MNYAN YOD DU SONG NGO, ,CHOL ZANGS PAS JI LTAR BDAG GI PHU BO NYI ZLA DE DON MTHUN DANG LHAN CIG 'DIR 'ONGS TE PHYOGS GA GE MO ZHIG NA 'DUG GO ZHES THOS SO, ,THOS NAS KYANG BSU NAS DES DE LA 'ONGS PA LEGS SO ZHES BYA BA'I TSIG GIS KUN DU SPYAD NAS SMRAS PA, BDAG GIS 'DIR ZLA BA ZHI BA ZHES BYA BA'I MING BTAGS KYIS, BDAG LA KHYOD CHOL ZANGS PA ZHES MA 'BOD CIG ,NYI ZLAS SMRAS PA, KHYOD ZLA BA ZHI BA YIN NA SU ZHIG GZHAN DU 'BOD PAR 'GYUR DES NYI ZLA KHYIM DU KHRID DE BKUR STI CHEN POS MKHOS SU PHAB NAS ZAN BYIN TE, BRAM ZE MO LA SMRAS PA, KHYOD SHES PAR GYIS SHIG ,'DI NI KHO BO'I PHO BO NYI ZLA ZHES BYA BA YIN GYIS KHYOD KYIS 'DI LA MKHO BA THAMS CAD BSTAB PAR BYA ZHING TSIG MI GCAG PA DANG, RTAG TU GUS PA DANG BCAS PAR GYIS SHIG ,DES KYANG KHAS BLANGS SO, ,NYI ZLA NI DES SHING 'GROGS NA BDE BA YIN LA, CHOL ZANGS PA NI GTUM ZHING GZU LUMS DANG, DRAG SHUL CAN YIN PAS DE CHUNG MA DE LA NYES PA CUNG ZAD TZAM GYIS KYANG KHU TSUR DANG THAL LCAG DAG GIS RDEG PAR BYED DO, ,BRAM ZE MO DES NYI ZLA LA SMRAS PA, JO @32B BO KHYED GNYIS NU MA GCIG LA GSOL GSOL BA'I MCHED LAGS NA GANG GI SLAD DU KHYOD NI DES SHING 'GROGS NA BDE BA LAGS LA, KHYOD KYI GCUNG PO 'DI NI GTUM ZHING GZU LUMS DANG, DRAG SHUL CAN LAGS PA 'DI LA RGYU CI MCHIS, NYI ZLAS SMRAS PA, SRU 'DIS KHYIM GYI RIG PA MA BKLAGS SO, ,JO BO BDAG LA KHYIM GYI RIG PA DE STZOL CIG ,NYI ZLAS TSIGS SU BCAD PA SMRAS PA, RIG PA SU LA'ANG SBYIN BYA MIN, ,RIG DANG BCAS TE 'CHI BAR BYA, ,RIG PA RIG DANG GUS PA DANG, ,NOR GYIS SBYIN PAR BYA BA YIN, ,BRAM ZE MOS SMRAS PA, JO BO NOR JI TZAM GYIS STZOL BAR MDZAD, SRU K'AR sh'A PA nA LNGA BRGYAS SO, ,DES K'AR sh'A PA nA LNGA BRGYA THOGS TE DE'I RKANG PA GNYIS LA GTUNGS NAS SMRAS PA, JO BO KHYIM GYI RIG PA DE STZOL CIG ,NYI ZLAS SMRAS PA, SRU JE KHO BO RDZONGS SHIG DANG NAM 'GRO BA'I TSE SBYIN NO, ,BRAM ZE MO DE KHYIM THAB KYI GAN DU SONG STE SMRAS PA, RJE'I SRAS KHYOD KYI GCEN 'DI KHYIM GYI BYA BA SEMS PAS MI DGA' BAR 'GYUR GYIS 'DI SLAR THONG SHIG ,DES SMRAS PA, BZANG MO GAL TE DE LTA NA KHYOD KYIS JE 'DI'I LAM RGYAGS STA GON GYIS SHIG DANG, KHO BOS DON MTHUN BTZAL BAR BYA'O, ,DES RDO 'JOG TU 'GRO BA'I DON MTHUN BTZAL BAR BRTZAMS NAS, BRAM ZE MO DES DE'I LAM RGYAGS STA GON BYAS NAS, K'AR sh'A PA nA LNGA BRGYA THOGS TE NYI ZLA'I RKANG PA GNYIS LA GTUGS NAS SMRAS PA, JO BO KHYOD BRDZANG BA'I DUS 'DI LAGS KYIS KHYIM GYI RIG PA STZOL CIG ,NYI ZLAS SMRAS PA, SRU GANG GI TSE ZLA BA ZHI BA KHYOD LA RDEG PAR BYED PA DE'I TSE KHYOD KYIS RIG PA 'DI BKLAG PAR BYA'O, ,SKYE BO MANG PO GZHAN DAG DANG, ,GZHAN GYI KHYIM DU'ANG SHES GYUR CING, ,GRONG SRUNG RIGS KYIS SHES GYUR GYIS, ,KHA ROG 'DUG SHIG CHOL ZANGS PA, ,GAL TE SMRAS PA 'DI DON CI ZHES ZER NA DE LA GAL TE RDEG PAR BYED NA DON YANG BSHAD PAR BYA'O ZHES BRJOD PAR BYA'O, ,SRU GSANG SNGAGS KYI TSIG DON DANG LDAN PA 'DI DAG NI BRJOD PA TZAM KHO NAS 'BRAS BU DANG BCAS PAR 'GYUR BA YIN GYIS PHYIS 'GYOD @33A *, ,PAR MI 'GYUR BAR LEGS PAR ZUNG SHIG ,BRAM ZE MO DES YI GE DE DAG LEGS PAR BZUNG NAS ZLA BA ZHI BAS KYANG RDO 'JOG TU 'GRO BA'I DON MTHUN BTZAL NAS NYI ZLA LA K'AR sh'A PA nA DAG GIS BGO BSHA' BYAS TE LAM RGYAGS BYIN NAS DE SKYEL DU SONG NGO, ,BU MO DES BSAMS PA, CI GSANG SNGAGS KYI TSIG 'DI DAG BDEN NAM BRDZUN PA SAD PAR BYA'O SNYAM NAS, DES ZLA BA ZHI BAS NYI ZLA BSKYAL TE PHYIR LOG PA'I TSE BZA' BA DANG, BTUNG BA DANG, KHRUS BYA BA CI YANG STA GON MA BYAS SO, ,DE NAS ZLA BA ZHI BAS SMRAS PA, BZANG MO CHU KHYER TE SHOG ,KHRUS BYA'O, ,CHUNG MAS SMRAS PA, RJE'I SRAS CHAB STA GON MA BGYIS SO, ,BZANG MO GAL TE DE LTA NA ZAS KHYER TE SHOG BZA'O, ,RJE'I SRAS DE YANG STA GON MA BGYIS SO, ,DE KHROS TE SMRAS PA, NGA'I PHU BO 'DUG PA DE'I TSE NANGS RE ZHIG KHYOD BTANG SNYOMS SU BZHAG PAR ZAD KYI, KHYOD KYI RANG BZHIN NI MA BRDEGS KYI BAR DU BYED DU MI BTUB PA YIN NO ZHES DES BSNUN PA GZAS TE BRDEG PAR BRTZAMS PA DANG, CHUNG MAS SMRAS PA, RJE'I SRAS RE ZHIG GZHES SHIG DANG KHYIM GYI RIG PA JE GSAN PAR BGYI'O, ,DES SMRAS PA, THOS PAR GYIS SHIG , CHUNG MAS SKYE BO MANG PO GZHAN DAG DANG, ,GZHAN GYI KHYIM DU'ANG SHES GYUR CING, ,GRONG SRUNG RIGS KYIS SHES GYUR GYIS, ,KHA ROG 'DUG SHIG CHOL ZANGS PA, ,ZHES SMRAS PA DANG, DES SMRAS PA, BZANG MOS SMRAS PA DE'I DON CI YIN, CHUNG MAS SMRAS PA, GAL TE RDEG PAR MDZAD NA DON YANG KHYOD LA BRJOD PAR BGYI'O, ,DE RI DAGS GNAD DU PHOG PA LTAR ZUG RNGUS ZUG NAS SMRAS PA, MI RDEG GIS THONG LA DON MA SMRA SHIG CES ZER RO, ,DGE SLONG DAG DE'I TSE DE'I DUS NA BRAM ZE ZLA GRAGS ZHES BYA BA GANG YIN PA DE NI NGA NYID YIN NO, ,DE'I TSE DE'I DUS NA CHOL ZANGS PA ZHES BYA BA GANG YIN PA DE NI 'DUN PA 'DI YIN NO, ,DGE SLONG DAG DE'I TSE YANG 'DIS BRAM ZE DANG, KHYIM BDAG DES PA DAG GI MDUN DU NGA NYE DUR BRJOD CING BDAG NYID SMRA BA DANG, RNAM PAR SMRA BA BYAS SO, ,DA LTAR YANG 'DIS TSANGS PA MTSUNGS PAR SPYOD PA DES PA DES PA @33B RNAMS KYI MDUN DU NGA NYE DUR BRJOD CING BDAG NYID SMRA BA DANG, RNAM PAR SMRA BAR BYED DO, ,DGE SLONG DAG DE LTA BAS NA NGA LA NYE DUR BRJOD PA RNAMS KYIS TSANGS PA MTSUNGS PAR SPYOD PA GNAS BRTAN RNAMS DANG, BAR MA RNAMS DANG, GSAR BU RNAMS LA YANG GUS PA DANG BCAS PA DANG, RJE SA DANG BCAS PA DANG, 'JIGS PA DANG BCAS PA'I DBANG DU 'GYUR BA DAG GIS GNAS PAR BYA'O, ,BKA' BLO MI BDE BA'I DGE 'DUN LHAG MA STE, BCU GSUM PA RDZOGS SA-HO,, ,,TSE DANG LDAN PA DAG BDAG GI DGE 'DUN LHAG MA'I CHOS BCU GSUM PO DAG BTON ZIN NO, ,DE DAG LAS DGU NI LTUNG BA DANG PO DAG NYID KYIS SO, ,BZHI NI LAN GSUM GYI BAR GYIS SO, ,DGE SLONG GIS DE DAG LAS LTUNG BA GANG YANG RUNG BA ZHIG BYAS LA JI SRID DU SHES BZHIN DU 'CHAB PAR BYED PA DE SRID DU DES MI 'DOD BZHIN DU SPO BA BYA'O, ,DGE SLONG GIS MI 'DOD BZHIN DU SPO BA BYAS NAS 'OG TU ZHAG DRUG GI BAR DU DGE 'DUN MGU BAR BYA BA SPYAD PAR BYA'O, ,DGE SLONG GIS MGU BAR BYA BA SPYAD NAS DBYUNG BA LA THOGS TE CHOS DANG MTHUN PAR BYAS LA DGE SLONG GI DGE 'DUN GYI SEMS MGU BAR BYAS NA, GANG NA DGE SLONG NYI SHU'I TSOGS KYI DGE 'DUN YOD PA DER DGE SLONG DE DBYUNG BAR BYA'O, ,GAL TE DGE SLONG NYI SHUR GCIG GIS MA TSANG BA'I TSOGS KYI DGE 'DUN GYIS DGE SLONG DE 'BYIN PAR BYED NA DGE SLONG DE YANG MA PHYIN LA, DGE SLONG DE DAG KYANG SMAD PAR BYA BA YIN TE, DE LA DE NI CHO GA YIN NO, ,DGE 'DUN LHAG MA RNAMS RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS TSE DANG LDAN PA 'CHAR KA SNGA DRO SHAM THABS BGOS LHUNG BZED DANG CHOS GOS THOGS TE MNYAN YOD DU BSOD SNYOMS LA ZHUGS NAS MTHAR GYIS MNYAN YOD DU BSOD SNYOMS LA RGYU BA NA, KHYIM BDAG GI CHUNG MA SBED MA'I KHYIM GA LA BA DER SONG NGO, ,KHYIM BDAG GI CHUNG MA SBED MAS TSE DANG LDAN PA 'CHAR KA THAG RING PO KHO NA NAS MTHONG STE, MTHONG NAS KYANG TSE DANG LDAN PA 'CHAR KA'I PHYIR STAN @34A *, ,SHOM PAR BYED CING 'DI SKAD CES KYANG SMRAS SO, ,BTZUN PA 'CHAR KA TSUR SBYON, BTZUN PA 'CHAR KA BYON PA LEGS SO, ,BTZUN PA 'CHAR KA GDAN BSHAMS PA NYID LA BZHUGS SHIG ,TSE DANG LDAN PA 'CHAR KA STAN BSHAMS PA DE LA 'DUG GO, ,DE NAS KHYIM BDAG GI CHUNG MA SBED MAS, TSE DANG LDAN PA 'CHAR KA'I RKANG PA GNYIS LA MGO BOS PHYAG 'TSAL TE PUS MO GNYIS LA PUS MO GNYIS GTAD DE CHOS NYAN PA'I PHYIR 'DUG GO, ,TSE DANG LDAN PA 'CHAR KAS DE LA CHOS SNYAN PA SNYAN PA DAG BSTAN PAR BRTZAMS SO, ,DE'I TSE NA RI DAGS 'DZIN GYI MA SA GA KHYIM DE'I NYEN KOR NA 'GRO BAS RI DAGS 'DZIN GYI MA SA GAS KHYIM BDAG GI CHUNG MA SBED MA'I KHYIM NA, TSE DANG LDAN PA 'CHAR KA'I SKAD KYI GDANGS GRAGS PA THOS SO, ,THOS NAS KYANG DE 'DI SNYAM DU SEMS TE, KYE MA 'PHAGS PA 'CHAR KA SKAD KYI GDANGS KYIS KHYIM BDAG GI CHUNG MA SBED MA LA SBRANG BU SBRANG RTZI 'BYIN PA DANG 'DRA BAR CHOS SNYAN PA SNYAN PA DAG STON PAR BYED KYIS BDAG KYANG GZHAN LA BRTZAMS PA'I CHOS MNYAN PA'I PHYIR 'GRO'O SNYAM MO, ,DE NAS RI DAGS 'DZIN GYI MA SA GA KHYIM BDAG GI CHUNG MA SBED MA'I KHYIM GA LA BA DER SONG BA DANG, RI DAGS 'DZIN GYI MA SA GAS KHYIM BDAG GI CHUNG MA SBED MA TSE DANG LDAN PA 'CHAR KA'I PUS MO GNYIS LA PUS MO GNYIS GTAD DE CHOS MNYAN PA'I PHYIR 'DUG PA MTHONG NGO, ,MTHONG NAS KYANG DE 'DI SNYAM DU SEMS TE, GAL TE KHYIM BDAG GAM, KHYIM BDAG GI CHUNG MA 'AM, KHYIM BDAG GI BU MA DAD PA 'GA' ZHIG GIS 'DI MTHONG BAR GYUR NA, 'PHAGS PA 'CHAR KA 'DIS KHYIM BDAG GI CHUNG MA SBED MA DANG LHAN CIG DBEN PA SKYABS YOD PAR DGE SBYONG GI TSUL MA YIN PA SDIG PA'I LAS CUNG ZHIG BYAS SAM BYED PAR SEMS SO SNYAM DU GDON MI ZA BAR MTHAR THUG PAR 'GRO BAR 'GYUR BAS DE'I PHYIR 'DI NI BDAG GI BYA BA YIN NO SNYAM NAS, DE NAS RI DAGS 'DZIN GYI MA SA GA BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, MTHA' GCIG @34B TU 'DUG GO, ,MTHA' GCIG TU 'DUG NAS BCOM LDAN 'DAS LA RI DAGS 'DZIN GYI MA SA GAS 'DI SKAD CES GSOL TO, ,BTZUN PA BDAG GIS KHYIM BDAG GI MCHIS BRANG SBED MA'I SDUM PA NA, TSE DANG LDAN PA 'CHAR KA'I SKAD KYI GDANGS GRAGS PA THOS TE, THOS NAS BDAG 'DI SNYAM BGYID DE, KYE MA 'PHAGS PA 'CHAR KA KHYIM BDAG GI MCHIS BRANG SBED MA LA SBRANG BU SBRANG RTZI 'BYIN PA DANG 'DRA BAR CHOS SNYAN PA SNYAN PA DAG STON PAR BGYID KYIS, BDAG KYANG GZHAN LA BRTZAMS PA'I CHOS MNYAN PA'I SLAD DU MCHI'O SNYAM NAS, BDAG KHYIM BDAG GI MCHIS BRANG SBED MA'I SDUM PA GA LA BA DER MCHIS PA DANG, BDAG GIS KHYIM BDAG GI MCHIS BRANG SBED MA TSE DANG LDAN PA 'CHAR KA'I PUS MO GNYIS LA PUS MO GNYIS GTAD DE MCHIS PA MTHONG NGO, ,MTHONG NAS KYANG BDAG 'DI SNYAM BGYID DE, GAL TE DA KHYIM BDAG GAM, KHYIM BDAG GI MCHIS BRANG NGAM, KHYIM BDAG GI BU MA DAD PA 'GA' ZHIG GIS 'DI MTHONG BAR GYUR NA, 'PHAGS PA 'CHAR KA 'DIS KHYIM BDAG GI MCHIS BRANG SBED MA DANG LHAN CIG DBEN PA SKYABS MCHIS PAR DGE SBYONG GI TSUL MA LAGS PA SDIG PA'I LAS CUNG ZHIG BGYIS SAM BGYID PAR SEMS SO SNYAM DU GDON MI 'TSAL BAR MTHAR THUG PAR MCHI BAR 'GYUR BAS DE'I SLAD DU 'DI NI BDAG GI BGYI BA LAGS SO SNYAM BGYID NA, BTZUN PA DE'I SLAD DU BCOM LDAN 'DAS KYIS THUGS BRTZE BA'I SLAD DU, GANG GIS 'PHAGS PA DAG BUD MED KYI YUL DANG LHAN CIG GCIG PU GCIG DANG DBEN PA SKYABS MCHIS PA NA STAN LA MCHIS PAR MI 'GYUR BAR 'PHAGS PA RNAMS LA DRAN PA BGYI BA CUNG ZHIG BCA' BA MDZAD NA LEGS SO LEGS SO, ,BCOM LDAN 'DAS KYIS RI DAGS 'DZIN GYI MA SA GA LA CANG MI GSUNG BAS GNANG NGO, ,DE NAS RI DAGS 'DZIN GYI MA SA GAS BCOM LDAN 'DAS KYIS CANG MI GSUNG BAS GNANG BAR RIG NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE STAN LAS LANGS NAS SONG NGO, ,DE NAS BCOM LDAN 'DAS KYIS BYUNG BA 'DI DANG, GLENG GZHI DANG, SKABS 'DI LA DGE SLONG GI DGE @35A *, ,'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS TSE DANG LDAN PA 'CHAR KA LA RMAS PA, 'CHAR KA KHYOD KYIS MI MDZES PA DE LTA BU DE BYAS PAR GYUR PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES BYA BA LA SOGS PAS RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS, DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG BUD MED KYI YUL DANG LHAN CIG GCIG PU GCIG DANG DBEN PA SKYABS YOD PA NA 'DOD PA BYAR RUNG BAR STAN LA 'DUG PAR BYED CING, DE LA GAL TE DGE BSNYEN MA YID CHES PA'I TSIG DANG LDAN PA CHOS GSUM PO PHAM PAR 'GYUR BA'AM, DGE 'DUN LHAG MA'AM, LTUNG BYED LAS CHOS GANG YANG RUNG BAS SMRAS PAR GYUR LA DGE SLONG GIS 'DUG PAR KHAS BLANGS NA CHOS GSUM PO PHAM PAR 'GYUR BA'AM, DGE 'DUN LHAG MA'AM, LTUNG BYED LAS CHOS GANG YANG RUNG BAS BYED DU GZHUG CING, DGE SLONG DE LA DGE BSNYEN MA YID CHES PA'I TSIG DANG LDAN PAS CHOS GANG DANG GANG GIS SMRAS PAR GYUR BA'I CHOS DE DANG DES DGE SLONG DE BYED DU GZHUG STE DE NI MA NGES PA'I CHOS SO, ,YANG DGE SLONG GANG ZHES BYA BA NI 'CHAR KA'AM GZHAN YANG DE LTA BU GANG YIN PA'O, ,BUD MED KYI YUL DANG ZHES BYA BA NI BUD MED DAM GZHON NU MA MI TSANGS PAR SPYAD PA LAS BYUNG BA'I CHOS STEN NUS PA DANG NGO, ,LHAN CIG CES BYA BA NI DE DANG LHAN CIG GO, ,GCIG PU GCIG DANG ZHES BYA BA NI DE DE DANG NGO, , @35B DBEN PA ZHES BYA BA NI GANG NA BUD MED DANG SKYES PA DANG MA NING GZHAN 'GA' YANG MED PA'O, ,SKYABS YOD PA NA ZHES BYA BA NI LNGAS BSKYABS PA STE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PA NA'O, ,'DOD PA BYAR RUNG BAR ZHES BYA BA NI MI TSANGS PAR SPYOD PA BYAR RUNG BAR RO, ,STAN LA ZHES BYA BA NI GZHI LA'O, ,'DUG PAR BYED CING ZHES BYA BA NI 'DOM GANG GI NANG DU RKUB TSOS 'JOG PAR BYED CING NGO, ,DE LA GAL TE DGE BSNYEN MA YID CHES PA'I TSIG DANG LDAN PAS ZHES BYA BA LA YID CHES PA ZHES BYA BA NI SANGS RGYAS LA MNGON PAR DAD PA DANG, CHOS DANG DGE 'DUN LA MNGON PAR DAD PA DANG, SANGS RGYAS LA SKYABS SU SONG BA DANG, CHOS DANG DGE 'DUN LA SKYABS SU SONG BA DANG, SANGS RGYAS LA GCIG TU GYUR PA DANG, CHOS DANG DGE 'DUN LA GCIG TU GYUR PA DANG, SANGS RGYAS LA NEM NUR MED CING THE TSOM MED PA DANG, CHOS DANG DGE 'DUN DANG, SDUG BSNGAL DANG, KUN 'BYUNG DANG, 'GOG PA DANG, LAM LA NE MA NUR MED CING THE TSOM MED PA DANG, BDEN PA MTHONG BA DANG, 'BRAS BU THOB PA DANG, MNGON PAR RTOGS PA DANG LDAN PA DANG, GANG GI RANG GI SROG GI PHYIR YANG SHES BZHIN DU BRDZUN GYI TSIG SMRA BAR MI NUS PA'O, ,CHOS GSUM PO ZHES BYA BA LA, GSUM PO ZHES BYA BA NI GRANGS BSTAN PA'O, ,PHAM PAR 'GYUR BA'AM, DGE 'DUN LHAG MA 'AM, LTUNG BYED LAS CHOS GANG YANG RUNG BAS ZHES BYA BA LA, PHAM PAR 'GYUR BA ZHES BYA BA NI BZHI PO DAG LAS GANG YANG RUNG BAS SO, ,DGE 'DUN LHAG MA ZHES BYA BA NI BCU GSUM PO DAG LAS GANG YANG RUNG BAS SO, ,LTUNG BYED CES BYA BA NI DGU BCU PO DAG LAS GANG YANG RUNG BAS SO, ,'DI LTAR DGE BSNYEN MA YID CHES PA'I TSIG DANG LDAN PA NI LTUNG BA LA MI MKHAS PA DANG, LTUNG BA'I GLENG GZHI ZLA MI MKHAS PA DANG, LTUNG BA KUN NAS SLONG BA LA MI MKHAS PA YIN PAS, 'DI LTAR DES DGE SLONG MI'I CHOS BLA MA SMRAS BA'AM, BUD MED KYI @36A *, ,YUL DANG LHAN CIG STAN GCIG LA LUS KYIS REG PAR BYED PA'AM, SNOD GCIG TU ZA BAR BYED PA'AM, PHOR BU GCIG TU MYOS PAR 'GYUR BA'I BTUNG BA SNA TSOGS 'THUNG BA'AM, SA RKO BA'AM, RTZVA SNGON PO GCOD PA'AM, DUS MA YIN PAR ZA BA'AM, GZHAN YANG RANG BZHIN DANG BCAS PA'I KHA NA MA THO BA DANG BCAS PA'I LAS GANG BYED PAR MTHONG BA DE DAG LAS GANG KHAS BLANGS PA DE BYED DU GZHUG PA'O, ,BYED DU GZHUG CES BYA BA NI 'CHAGS SU GZHUG PA'O, ,DE NI MA NGES PA'I CHOS SO ZHES BYA BA NI DE NI RNAM PAR MA BZHAG PA'I CHOS YIN PA'O, ,DE LA LTUNG BAR JI LTAR 'GYUR ZHE NA, DGE SLONG GIS DGE BSNYEN MA YID CHES PA'I TSIG DANG LDAN PA'I TSIG GIS 'GRO BA KHAS LEN CING 'GRENG BA YANG MI LEN 'DUG PA YANG MI LEN NYAL BA YANG MI LEN NA, GANG KHAS LEN PA DE BYED DU GZHUG GO , ,DGE SLONG GIS DGE BSNYEN MA YID CHES PA'I TSIG DANG LDAN PA'I TSIG GIS 'GRO BA DANG, 'GRENG BA KHAS LEN CING 'DUG PA YANG MI LEN, NYAL BA YANG MI LEN NA GANG KHAS LEN PA DE BYED DU GZHUG GO , ,DGE SLONG GIS DGE BSNYEN MA YID CHES PA'I TSIG DANG LDAN PA'I TSIG GIS 'GRO BA DANG, 'GRENG BA DANG; 'DUG PAS KHAS LEN CING NYAL BA MI LEN NA GANG KHAS LEN PA DE BYED DU GZHUG GO , ,DGE SLONG GIS DGE BSNYEN MA YID CHES BA'I TSIG DANG LDAN PA'I TSIG GIS 'GRO BA DANG, 'GRENG BA DANG, 'DUG PA DANG, NYAL BA KHAS LEN NA THAMS CAD BYED DU GZHUG GO, ,GAL TE DGE SLONG GIS DGE BSNYEN MA YID CHES PA'I TSIG DANG LDAN PA'I TSIG GIS 'GRO BA YANG KHAS MI LEN CING 'GRENG BA YANG MI LEN 'DUG PA YANG MI LEN, NYAL BA YANG MI LEN NA DE LA CHAD PA'I LAS 'OS PA YIN PAS DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG PA SBYIN PAR BYA'O, ,'DI LTAR SBYIN PAR BYA STE, GNAS MAL BSHAM BA BYAS NAS GAnd'I BRDUNGS TE DRIS PA'I TSIG GIS DGE 'DUN THAMS CAD LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR PA LA DGE SLONG GCIG GIS GSOL BA BYAS @36B TE LAS BYA'O, ,DGE 'DUN BTZUN PA RNAMS GSAN DU GSOL, TSE DANG LDAN PA 'CHAR KA 'DI DGE BSNYEN MA YID CHES PA'I TSIG DANG LDAN PA'I TSIG GIS 'GRO BA YANG MCHID KYIS MI 'TSAL, 'GRENG BA YANG MI 'TSAL, 'DUG PA YANG MI 'TSAL, NYAL BA YANG MI 'TSAL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG PAR MDZOD CIG DANG, DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG PA STZOL TO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, TSE DANG LDAN PA 'CHAR KA 'DI DGE BSNYEN MA YID CHES PA'I TSIG DANG LDAN PA'I TSIG GIS 'GRO BA YANG MCHID KYIS MI 'TSAL, 'GRENG BA YANG MI 'TSAL, 'DUG PA YANG MI 'TSAL, NYAL BA YANG MI 'TSAL TE, DE'I SLAD DU DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID CHOL DU GZHUG PA STZOL NA, TSE DANG LDAN PA GANG DAG TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID CHOL DU GZHUG PA STZAL BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,'DI NI LAS BRJOD PA DANG PO STE, DE BZHIN DU LAN GNYIS LEN GSUM DU BZLAS, DGE 'DUN GYIS BZOD CING GNANG NAS DGE 'DUN GYIS TSE DANG LDAN PA 'CHAR KA LA DGE BSNYEN MA YID CHES PA'I TSIG DANG LDAN PA'I TSIG GIS DE'I NGO BO NYID TSOL DU GZHUG STZAL LAGS TE 'DI LTAR CANG MI GSUNG BAS DE DE BZHIN DU 'DZIN TO, ,DGE SLONG DAG NGAS DGE SLONG DE'I NGO BO NYID TSOL DU GZHUG PA BYIN PA'I KUN TU SBYOD PA'I CHOS DAG BCA' BAR BYA STE, DGE SLONG DE'I NGO BO NYID TSOL DU GZHUG PA BYIN PAS RAB TU DBYUNG BAR MI BYA, BSNYEN PAR RDZOGS PAR MI BYA, GNAS SBYIN PAR MI BYA, DGE TSUL NYE BAR GZHAG PAR MI BYA'O, ,DES DGE SLONG LA TSUL KHRIMS NYAMS PA DANG, LTA BA NYAMS PA DANG, CHO GA NYAMS PA DANG, 'TSO BA NYAMS PAS GLENG BAR MI BYA, DRAN @37A *, ,PAR MI BYA'O, ,DGE SLONG MA LA STON PAR BSKO BAR MI BYA'O, ,SNGAR BSKOS NA YANG DES DGE SLONG MA LA BSTAN PAR MI BYA'O, ,DES GDAMS NGAG GZHAG PAR MI BYA, GSO SBYONG GZHAG PAR MI BYA, DGAG DBYE GZHAG PAR MI BYA'O, ,DES GSOL BA MI BYA GSOL BA DANG GNYIS DANG, GSOL BA DANG BZHI'I LAS MI BYA'O, ,DES DGE 'DUN GYI NANG DU GANG ZAG 'DUL BA 'DZIN PA GZHAN DAG YOD NA SO SOR THAR PA'I MDO GDON PAR MI BYA'O, ,DGE SLONG DE'I NGO BO NYID TSOL DU GZHUG PA PHYIN PAS KUN TU SPYAD PAR BYA BA'I CHOS JI LTAR BCAS PA YANG DAG PAR BLANGS TE 'JUG PAR MI BYED NA 'GAL TSABS CAN DU 'GYUR RO, ,MA NGES PA'I CHOS DANG PO RDZOGS SA-HO,, ,,SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,DE NAS DGE SLONG SHI RI KA SNGA DRO SHAM THABS BGOS LHUNG BZED DANG CHOS GOS THOGS TE RGYAL PO'I KHAB TU BSOD SNYOMS LA ZHUGS NAS, MTHAR GYIS RGYAL PO'I KHAB TU BSOD SNYOMS RGYU BA NA KHYIM BDAG GI CHUNG MA GSO SBYONG 'PHAGS KYI KHYIM GA LA BA DER SONG NGO, ,KHYIM BDAG GI CHUNG MA GSO SBYONG 'PHAGS KYIS DGE SLONG SHI RI KA THAG RING PO KHO NA NAS MTHONG STE, MTHONG NAS KYANG DGE SLONG SHI RI KA'I PHYIR STAN SHOM PAR BYED CING 'DI SKAD CES KYANG SMRAS SO, ,BTZUN PA SHI RI KA TSUR SBYON, BTZUN PA SHI RI KA BYON PA LEGS SO, ,BTZUN PA SHI RI KA GDAN BSHAMS PA NYID LA BZHUGS SHIG ,DGE SLONG SHI RI KA STAN BSHAMS PA DE LA 'DUG GO , ,DE NAS KHYIM BDAG GI CHUNG MA GSO SBYONG 'PHAGS KYIS, DGE SLONG SHI RI KA'I RKANG PA GNYIS LA MGO BOS PHYAG 'TSAL TE, PUS MO GNYIS LA PUS MO GNYIS MA REG PAR CHOS MNYAN PA'I PHYIR 'DUG GO , ,DGE SLONG SHI RI KAS DE LA CHOS SNYAN PA SNYAN PA DAG BSTAN PAR BRTZAMS SO, ,DE'I TSE NA DGE BSNYEN MA LEGS SKYES DE'I NYEN KOR NA 'GRO BAS DGE BSNYEN MA LEGS SKYES KYIS KHYIM BDAG GI CHUNG MA GSO SBYONG 'PHAGS KYI KHYIM NA DGE SLONG SHI RI KA'I SKAD KYI GDANGS GRAGS PA THOS SO, ,THOS NAS KYANG DE 'DI SNYAM DU SEMS @37B TE; KYE MA 'PHAGS PA SHI RI KA'I SKAD KYI GDANGS KYIS KHYIM BDAG GI CHUNG MA GSO SBYONG 'PHAGS LA SBRANG BU SBRANG RTZI 'BYIN PA DANG 'DRA BAR CHOS SNYAN PA SNYAN PA DAG STON PAR BYED KYIS, BDAG KYANG GZHAN LA BRTZAMS PA'I CHOS MNYAN PA'I PHYIR 'GRO'O SNYAM MO, ,DE NAS DGE BSNYEN MA LEGS SKYES KHYIM BDAG GI CHUNG MA GSO SBYONG 'PHAGS KYI KHYIM GA LA BA DER SONG BA DANG, DGE BSNYEN MA LEGS SKYES KYIS KHYIM BDAG GI CHUNG MA GSO SBYONG 'PHAGS DGE SLONG SHI RI KA'I PUS MO GNYIS LA PUS MO GNYIS MA REG PAR CHOS MNYAN PA'I PHYIR 'DUG PA MTHONG NGO, ,MTHONG NAS KYANG DE 'DI SNYAM DU SEMS TE, GAL TE KHYIM BDAG GAM, KHYIM BDAG GI CHUNG MA'AM, KHYIM BDAG GI BU MA DAD PA 'GA' ZHIG GIS 'DI MTHONG BAR GYUR NA 'PHAGS PA SHI RI KA 'DIS KHYIM BDAG GI CHUNG MA GSO SBYONG 'PHAGS DANG LHAN CIG DBEN PA SKYABS YOD PAR DGE SBYONG GI TSUL MA YIN PA SDIG PA'I LAS CUNG ZHIG BYAS SAM, BYED PAR SEMS SO SNYAM DU GDON MI ZA BAR MTHAR THUG PAR 'GRO BAR 'GYUR BAS DE'I PHYIR 'DI NI BDAG GIS BYA BA YIN NO SNYAM NAS, DE NAS DGE BSNYEN MA LEGS SKYES BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO , ,MTHA' GCIG TU 'DUG NAS BCOM LDAN 'DAS LA DGE BSNYEN MA LEGS SKYES KYIS 'DI SKAD CES GSOL TO, ,BTZUN PA BDAG GIS KHYIM BDAG GI MCHIS BRANG GSO SBYONG 'PHAGS KYI SDUM PA NA 'PHAGS PA SHI RI KA'I SKAD KYI GDANGS GRAGS PA THOS TE, THOS NAS KYANG BDAG 'DI SNYAM BGYID DE, KYE MA 'PHAGS PA SHI RI KA KHYIM BDAG GI MCHIS BRANG GSO SBYONG 'PHAGS LA SBRANG BU SBRANG RTZI 'BYIN PA DANG 'DRA BAR CHOS SNYAN PA SNYAN PA DAG STON PAR BGYID KYIS, BDAG KYANG GZHAN LA BRTZAMS PA'I CHOS MNYAN PA'I SLAD DU MCHI'O SNYAM NAS BDAG KHYIM BDAG GI MCHIS BRANG GSO SBYONG 'PHAGS KYI SDUM PA GA LA BA DER MCHIS PA DANG, BDAG GIS KHYIM BDAG GI MCHIS BRANG GSO SBYONG 'PHAGS DGE SLONG SHI RI KA'I PUS MO GNYIS LA PUS MO GNYIS MA REG @38A *, ,PAR MCHIS PA MTHONG NGO, ,MTHONG NAS KYANG BDAG 'DI SNYAM BGYID DE, GAL TE KHYIM BDAG GAM, KHYIM BDAG GI MCHIS BRANG NGAM, KHYIM BDAG GI BU MA DAD PA 'GA' ZHIG GIS 'DI MTHONG BAR GYUR NA 'PHAGS PA SHI RI KA 'DIS KHYIM BDAG GI MCHIS BRANG GSO SBYONG 'PHAGS DANG LHAN CIG DBEN PA SKYABS MCHIS PAR DGE SBYONG GI TSUL MA LAGS PA SDIG PA'I LAS CUNG ZHIG BGYIS SAM, BGYID PAR SEMS SO SNYAM DU GDON MI 'TSAL BAR MTHAR THUG PAR MCHIS PAR 'GYUR BAS DE'I SLAD DU 'DI NI BDAG GI BGYI BA LAGS SO SNYAM BGYID NA, BTZUN PA DE'I SLAD DU BCOM LDAN 'DAS KYIS THUGS BRTZE BA'I SLAD DU GANG GIS 'PHAGS PA DAG BUD MED KYI YUL DANG LHAN CIG GCIG PU GCIG DANG DBEN PA SKYABS MCHIS PA NA STAN LA MCHIS PAR MI 'GYUR BAR 'PHAGS PA RNAMS LA DRAN PAR BGYI BA CUNG ZHIG BCA' BA MDZAD NA LEGS LAGS SO, , BCOM LDAN 'DAS KYIS DGE BSNYEN MA LEGS SKYES LA CANG MI GSUNG BAS GNANG NGO, ,DE NAS DGE BSNYEN MA LEGS SKYES KYIS BCOM LDAN 'DAS KYIS CANG MI GSUNG BAS GNANG BAR RIG NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE STAN LAS LANGS NAS SONG NGO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, ,ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS DGE SLONG SHI RI KA LA RMAS PA, SHI RI KA KHYOD KYIS MI MDZES PA DE LTA BU DE BYAS PAR GYUR PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES BYA BA LA SOGS PAS RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA @38B BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYIS BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG BUD MED KYI YUL DANG LHAN CIG GCIG PU GCIG DANG DBEN PA SKYABS YOD PA NA 'DOD PA BYAR MI RUNG BAR STAN LA 'DUG PAR BYED CING DE LA GAL TE DGE BSNYEN MA YID CHES PA'I TSIG DANG LDAN PAS CHOS GNYIS PO DGE 'DUN LHAG MA'AM, LTUNG BYED LAS CHOS GANG YANG RUNG BAS SMRAS PAR GYUR LA, DGE SLONG GIS 'DUG PAR KHAS BLANGS NA CHOS GNYIS PO DGE 'DUN LHAG MA'AM, LTUNG BYED LAS CHOS GANG YANG RUNG BAS BYED DU GZHUG CING DGE SLONG DE LA DGE BSNYEN MA YID CHES PA'I TSIG DANG LDAN PAS CHOS GANG DANG GANG GIS SMRAS PAR GYUR PA'I CHOS DE DANG DES DGE SLONG DE BYED DU GZHUG STE DE YANG MA NGES PA'I CHOS SO, ,YANG DGE SLONG GANG ZHES BYA BA NI SHI RI KA'AM GZHAN YANG DE LTA BU GANG YIN PA'O, ,BUD MED KYI YUL DANG ZHES BYA BA NI BUD MED DANG GZHON NU MA MI TSANGS PAR SPYOD PA SPROD PA LAS BYUNG BA'I CHOS STEN NUS PA DANG NGO, ,LHAN CIG CES BYA BA NI DE DANG LHAN CIG GO , ,GCIG PU GCIG DANG ZHES BYA BA NI DE DE DANG NGO, ,DBEN PA ZHES BYA BA NI GANG NA BUD MED DANG, SKYES PA DANG, MA NID GZHAN 'GA' YANG MED PA'O, ,SKYABS YOD PA NA ZHES BYA BA NI LNGAS BSKYABS PA STE, RTZIG PAS BSKYABS PA DANG, RIB MAS BSKYABS PA DANG, YOL BAS BSKYABS PA DANG, THIBS POS BSKYABS PA DANG, MTSAN MOS BSKYABS PA NA'O, ,'DOD PA BYAR MI RUNG BAR ZHES BYA BA NI MI TSANGS PAR SPYOD PA BYAR MI RUNG BAR RO, ,STAN LA ZHES BYA BA NI KHRI DANG KHRI'U LA'O, ,'DUG PAR BYED CING ZHES BYA BA NI 'DOM GANG GI NANG MA YIN PAR RKUB TSOS 'JOG PAR BYED CING NGO; ,DE LA GAL TE DGE BSNYEN MA YID CHES PA'I TSIG DANG LDAN PAS ZHES BYA BA LA, YID CHES PAS ZHES BYA BA NI SANGS RGYAS LA MNGON PAR DAD PA DANG, CHOS DANG DGE 'DUN LA MNGON PAR DAD PA DANG, SANGS RGYAS LA SKYABS SU @39A *, ,SONG BA DANG, CHOS DANG DGE 'DUN LA SKYABS SU SONG BA DANG, SANGS RGYAS LA GCIG TU GYUR PA DANG, CHOS DANG DGE 'DUN LA GCIG TU GYUR PA DANG, SANGS RGYAS LA NEM NUR MED CING THE TSOM MED PA DANG, CHOS DANG, DGE 'DUN DANG, SDUG BSNGAL BA DANG; KUN 'BYUNG BA DANG, 'GOG PA DANG, LAM LA NEM NUR MED CING THE TSOM MED PA DANG, BDEN PA MTHONG BA DANG, 'BRAS BU THOB PA DANG, MNGON PAR RTOGS PA DANG LDAN PA DANG, GANG GIS RANG GI SROG GI PHYIR YANG SHES BZHIN DU BRDZUN GYI TSIG SMRA BAR MI NUS PA'O, ,CHOS GNYIS PO ZHES BYA BA LA GNYIS PO ZHES BYA BA NI GRANGS BSTAN PA'O, ,DGE 'DUN LHAG MA'AM, LTUNG BYED LAS CHOS GANG YANG RUNG BAS ZHES BYA BA LA, DGE 'DUN LHAG MA ZHES BYA BA NI BCU GSUM PO DAG LAS GANG YANG RUNG BAS SO, ,LTUNG BYED CES BYA BA NI DGU BCU PO DAG LAS GANG YANG RUNG BAS SO, ,'DI LTAR DGE BSNYEN MA YID CHES PA'I TSIG DANG LDAN PA NI LTUNG BA LA MI MKHAS PA DANG, LTUNG BA'I GLENG GZHI LA MI MKHAS PA DANG, LTUNG BA KUN NAS SLONG BA LA MI MKHAS PA YIN PAS 'DI LTAR DES DGE SLONG MI'I CHOS BLA MA SMRA BA'AM, BUD MED KYI YUL DANG LHAN CIG STAN GCIG LA, LUS KYIS REG PAR BYED PA'AM, SNOD GCIG TU ZA BAR BYED PA'AM, PHOR BU GCIG TU MYOS PAR 'GYUR BA'I BTUNG BA SNA TSOGS 'THUNG BA'AM, SA RKO BA'AM, RTZVA SNGON PO GCOD PA'AM, DUS MA YIN PAR ZA BA DANG, GZHAN YANG RANG BZHIN DANG BCAS PA'I KHA NA MA THO BA DANG BCAS PA'I LAS GANG BYED PAR MTHONG BA DE DAG LAS GANG KHAS BLANGS PA DE BYED DU GZHUG PA'O, ,BYED DU GZHUG CES BYA BA NI 'CHAGS SU GZHUG PA'O, ,DE YANG MA NGES PA'I CHOS SO ZHES BYA BA NI DE YANG RNAM PAR MA BZHAG PA'I CHOS YIN PA'O, ,LTUNG BA RNAM PAR BZHAG PA DANG, DE'I NGO BO NYID TSOL DU GZHUG PA'I SBYIN PA DANG, DE'I NGO BO NYID TSOL DU GZHUG PA BYIN PA'I KUN TU SPYOD PA'I CHOS DAG NI SNGA MA BZHIN DU SHES PAR BYA'O, ,MA NGES PA'I CHOS GNYIS RDZOGS SA-HO,, ,,SDOM LA, 'CHANG BA 'BRAL BA 'JOG PA DANG, ,'KHRUR 'JUG @39B PA DANG LEN PA DANG, ,SLONG DANG STOD GA-YOGS SMAD GA-YOGS BCAS, ,RIN THANG SO SOR BSKUR BA'O, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG RNAMS LA CHOS GOS MANG BA NYID 'DI LTA BU 'DI BYUNG STE, CHOS GOS GZHAN GYIS NI GTZUG LAG KHANG DU CHAG CHAG 'DEBS PAR BYED, GZHAN GYIS NI LEGS PAR NYUG PAR BYED, GZHAN GYIS NI LCI BA SAR PA'I BYUG PAS SKUD PAR BYED, GZHAN GYIS NI LAG PA DANG RKANG PA DAG 'KHRU BAR BYED, GZHAN GYIS NI SO SHING 'DOR BAR BYED, GZHAN GYIS NI GRONG DU BSOD SNYOMS LA RGYU BAR BYED, GZHAN GYIS NI ZAS KYI GRAL DU BKAD PAR BYED, GZHAN GYIS NI MKHAN PO DANG SLOB DPON DAG LA BLTAR 'GRO BAR BYED, GZHAN GYIS NI STON PA'I GDAMS NGAG NYAMS SU MYONG BAR BYED, GZHAN GYIS NI NYIN MO CHOS MNYAN PA NYAMS SU MYONG BAR BYED, GZHAN GYIS NI MTSAN MO CHOS MNYAN PA NYAMS SU MYONG BAR BYED DE, DE DAG GYON PA DANG 'BUD PAR BYED PA NA BYA BA MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG; NANG GIS SEMS KYI ZHI GNAS GTONG BAR BYED DO, ,DGE SLONG DON NYUNG NGU DAG CI'I PHYIR DGE SLONG RNAMS LA CHOS GOS MANG BA NYID 'DI LTA BU 'DI BYUNG STE, CHOS GOS GZHAN GYIS NI GTZUG LAG KHANG CHAG CHAG 'DEBS PAR BYED, GZHAN GYIS NI LEGS PAR NYUG PAR BYED, GZHAN GYIS NI LCI BA SAR PA'I BYUG PAS SKUD PAR BYED, GZHAN GYIS NI LAG PA DANG RKANG PA DAG 'KHRU BAR BYED, GZHAN GYIS NI SO SHING 'DOR BAR BYED, GZHAN GYIS NI GRONG DU BSOD SNYOMS LA RGYU BAR BYED, GZHAN GYIS NI ZAS KYI GRAL DU BKAD PAR BYED, GZHAN GYIS NI MKHAN PO DANG SLOB DPON DAG LA BLTAR 'GRO BAR BYED, GZHAN GYIS NI STON PA'I GDAMS NGAG NYAMS SU MYONG BAR BYED, GZHAN GYIS NI NYIN MO CHOS MNYAN PA NYAMS SU MYONG BAR BYED, GZHAN GYIS NI MTSAN MO CHOS MNYAN PA NYAMS SU MYONG BAR BYED DE, DE DAG BYON PA DANG 'BUD PAR BYED PA NA BYA BA @40A *, ,MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED CES SMOD BAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, ,DE BZHIN GSHEGS PA NI DON GYI DBANG GNYIS GZIGS PA NA DGE SLONG GI DGE 'DUN SDUD PAR MDZAD DE, 'DI LTA STE NGA'I NYAN THOS RNAMS KYIS KUN SHES PA NYID DU BYA BA'I PHYIR DANG, NGAS 'DUL BA LA BSLAB PA'I GZHI LEGS PAR BCAS PAR 'GYUR BA'O, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE, MKHYEN BZHIN DU RMED PA, MKHYEN KYANG MI RMED PA, DUS SU RMED PA, DUS LAS YOL BAR MI RMED PA, DON DANG LDAN PA RMED PA, DON DANG MI LDAN PA MI RMED PAS SANGS RGYAS BCOM LDAN 'DAS RNAMS NI DON DANG MI LDAN PA RMED PA LA CHU LON GYIS ZLOG PAR MDZAD PA YIN NO, ,DE LA SANGS RGYAS BCOM LDAN 'DAS RNAMS NI DON DANG LDAN PA RMED PA LA DUS MKHYEN PA YIN PAS SANGS RGYAS BCOM LDAN 'DAS KYIS DGE SLONG RNAMS LA RMAS PA, DGE SLONG DAG KHYED LA CHOS GOS MANG BA NYID 'DI LTA BU 'DI BYUNG STE, CHOS GOS GZHAN GYIS NI GTZUG LAG KHANG DU CHAG CHAG 'DEBS PAR BYED, GZHAN GYIS NI LEGS PAR NYUG PAR BYED, GZHAN GYIS NI LCI BA SAR PA'I BYUG PAS SKUD PAR BYED, GZHAN GYIS NI LAG PA DANG RKANG PA DAG 'KHRU BAR BYED, GZHAN GYIS NI SO SHING 'DOR BAR BYED, GZHAN GYIS NI GRONG DU BSOD SNYOMS LA RGYU BAR BYED, GZHAN GYIS NI ZAS KYI GRAL DU BKAD PAR BYED, GZHAN GYIS NI MKHAN PO DANG SLOB DPON DAG LA BLTAR 'GRO BAR BYED, GZHAN GYIS NI STON PA'I GDAMS NGAG NYAMS SU MYONG BAR BYED, GZHAN GYIS NI NYIN MO CHOS MNYAN PA NYAMS SU MYONG BAR BYED, GZHAN GYIS NI MTSAN MO CHOS MNYAN PA NYAMS SU MYONG BAR @40B BYED DE, KHYED CAG GYON PA DANG 'BUD PAR BYED PA NA BYA BA MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED PA BDEN NAM, BTZUN PA MAD DO, , SANGS RGYAS BCOM LDAN 'DAS KYIS GSO DKA' BA DANG, DGANG DKA' BA DANG, 'DOD PA CHE BA DANG, CHOG MI SHES PA RNAM PAR SMAD DO, ,DE NAS BCOM LDAN 'DAS KYIS GSO SLA BA DANG, DGANG SLA BA DANG, 'DOD PA CHUNG BA DANG, CHOG SHES PA DANG, PHRENG BA DANG, YO BYAD BSNYUNGS PA DANG, SBYANGS PA'I YON TAN DANG, MDZES PA DANG, TSOD SHES PA NYID KYI BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE, 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR GNAS PAR BYA BA'I PHYIR DANG, GNONG MI BKUR BA'I GANG ZAG RNAMS TSAR GCAD PA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR DANG, MNGON PAR MA DAD PA RNAMS MNGON PAR DAD PAR BYA BA'I PHYIR DANG, MNGON PAR DAD PA RNAMS PHYIR ZHING DBYUNG BAR BYA BA'I PHYIR DANG, TSE 'DI'I ZAG PA RNAMS BSDAMS PAR BYA BA'I PHYIR DANG, TSE RABS PHYI MA'I RNAMS BZLOG PA'I PHYIR DANG, NGA'I TSANGS PAR SPYOD PA SKYE BO MANG PO LA PHAN PA YANGS PAR GYUR PA LHA DANG MI RNAMS KYI BAR DAG LA YANG DAG PAR RAB TU BSTAN PA YUN RING DU GNAS PAR 'GYUR BA'O, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG CHOS GOS ZIN PAS SRA BRKYANG PHYUNG NA CHOS GOS GSUM BCANG BAR BYA'O, ,DE LAS LHAG PAR 'CHANG NA SPANG BA'I LTUNG BYED DO ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI BCA' BA MDZAD DO, ,SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS @41A *, ,NA BZHUGS SO, ,DE'I TSE NA TSE DANG LDAN PA 'OD SRUNG CHEN PO RGYAL PO'I KHAB NA DGON PA'I SPYIL BU NA 'DUG STE, GANG GI TSE BCOM LDAN 'DAS KYIS TSE DANG LDAN PA 'OD SRUNG CHEN PO DGE 'DUN LA GTAD PA'I TSE KHYIM BDAG GCIG GIS YUN RING PO NAS SMON PA, KYE MA BDAG GIS GNAS BRTAN 'OD SRUNG CHEN PO LHA DANG MIS MCHOD PA BSHOS GSOL TE, RAS YUG CHEN ZHIG BSKON NA CI MA RUNG SNYAM NA DE'I 'DOD PA YONGS SU RDZOGS PAR MA GYUR NAS, DE NAS KHYIM BDAG DE RAS YUG CHEN THOGS NAS TSE DANG LDAN PA KUN DGA' BO GA LA BA DER SONG STE PHYIN NAS TSE DANG LDAN PA KUN DGA' BO'I RKANG PA GNYIS LA MGO BOS PHYAG 'TSAL TE, TSE DANG LDAN PA KUN DGA' BO LA 'DI SKAD CES SMRAS SO, ,BTZUN PA KUN DGA' BO KHYOD KYIS DA LTAR GNAS BRTAN 'OD SRUNG CHEN PO GA LA BZHUGS CI GSAN, KHYIM BDAG DGON PA'I SPYIL BU NA 'DUG CES THOS SO; ,JI TZAM NA BYON PAR 'GYUR, 'DI NYID KYI GSO SBYONG BCVA LNGA PA'I TSE'O, ,BTZUN PA KUN DGA' BO MKHYEN PAR MDZOD CIG ,'DI NA BDAG YUN RING PO NAS SMON PA, KYE MA BDAG GIS GNAS BRTAN 'OD SRUNG CHEN PO LHA DANG MIS MCHOD PA BSHOS GSOL TE, RAS YUG CHEN ZHIG BSKON NA CI MA RUNG SNYAM NA, BDAG GIS RAS YUG CHEN DE YANG 'TSAL TE MCHIS NA, BTZUN PA KUN DGA' BO MKHYEN PAR MDZOD CIG ,BDAG CAG KHYIM PA DAG NI BGYI BA MANG BA DANG, BGYID PA MANG BA LAGS KYI, KYE MA BTZUN PA KUN DGA' BOS BDAG LA THUGS BRTZE BA'I SLAD DU GNAS BRTAN 'OD SRUNG CHEN PO LHA DANG MIS MCHOD PA LA RAS YUG CHEN 'DI BSKON DU GSOL, DE NAS TSE DANG LDAN PA KUN DGA' BO 'DI SNYAM DU SEMS TE, GAL TE BDAG GIS KHYIM BDAG LAS RAS YUG CHEN BLANGS NA NI BSLAB PA'I GZHI RAL BAR YANG 'GYUR, GAL TE MA BLANGS NA NI KHYIM BDAG GI BSOD NAMS KYI BAR CHAD DANG, GNAS BRTAN 'OD SRUNG CHEN PO'I RNYED PA'I BAR CHAD DU YANG 'GYUR NA BDAG GIS BLANGS PAR GYUR NA DUS YIN PA'I PHYIR BCOM LDAN 'DAS KYIS GNANG BAR 'GYUR BA GANG YIN PA DE'I GNAS KYANG YOD PAR 'GYUR GRANG SNYAM NAS, DE NAS TSE @41B DANG LDAN PA KUN DGA' BOS KHYIM BDAG LAS RAS YUG CHEN BLANGS NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS TSE DANG LDAN PA KUN DGA' BOS SKABS DE BCOM LDAN 'DAS LA RGYAS PAR GSOL TO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO LEGS SO LEGS SO, ,NGAS GNANG BA GANG YIN PA DE KHYOD KYIS SHES TE, DE LTA BSAN DGE SLONG GIS ZHAG BCU'I BAR DU GOS LHAG PA RUNG BAR MA BYAS PA BCANG BAR RJES SU GNANG NGO, ,DE NAS BCOM LDAN 'DAS KYIS BSLAB PA 'DOD PA RNAMS DANG, BSLAB PA LA GUS PA RNAMS DANG, BSLAB PA LA YO BYAD BSNYUNGS PA RNAMS DANG, SBYANGS PA'I YON TAN RNAMS DANG, MDZES PA RNAMS DANG, TSOD SHES PA RNAMS KYI BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA 'DI NI GNANG BA YIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG CHOS GOS ZIN PAS SRA BRKYANG PHYUNG NA ZHAG BCU'I BAR DU GOS LHAG PA RUNG BAR MA BYAS PA BCANG BAR BYA'O, ,DE LAS 'DAS PAR 'CHANG NA SPANG BA'I LTUNG BYED DO, ,DGE SLONG ZHES BYA BA NI CHOS 'DI PA'O, ,CHOS GOS ZIN PAS SRA BRKYANG PHYUNG NA ZHES BYA BA LA, CHOS GOS ZIN LA SRA BRKYANG MA PHYUNG BA YANG YOD, SRA BRKYANG PHYUNG LA CHOS GOS MA ZIN PA YANG YOD, CHOS GOS ZIN CING SRA BRKYANG PHYUNG BA YANG YOD, CHOS GOS MA ZIN CING SRA BRKYANG MA PHYUNG BA YANG YOD DO, ,DE LA RE ZHIG JI TZAM GYIS NA CHOS GOS ZIN LA SRA BRKYANG MA PHYUNG BA YIN ZHE NA, 'DI LTA STE, DGE SLONG GIS CHOS GOS DAG BKRU BA DANG, DRA BA DANG, DRUB PA DANG, KHA BSGYUR ZIN LA DGE 'DUN GYIS SRA BRKYANG MA PHYUNG BA YIN TE, DE TZAM GYIS NA CHOS GOS ZIN LA SRA BRKYANG MA PHYUNG BA YIN NO, ,JI TZAM GYIS NA SRA BRKYANG PHYUNG LA CHOS GOS MA ZIN PA YIN ZHE NA, 'DI LTA STE, DGE SLONG GIS CHOS GOS DAG BKRU BA DANG, DRA BA DANG, DRUB PA DANG, KHA @42A *, ,BSGYUR MA ZIN LA DGE 'DUN GYIS SRA BRKYANG PHYUNG BA YIN TE, DE TZAM GYIS NA SRA BRKYANG PHYUNG LA CHOS GOS MA ZIN PA YIN NO, ,JI TZAM GYIS NA CHOS GOS ZIN CING SRA BRKYANG PHYUNG BA YIN ZHE NA, 'DI LTA STE, DGE SLONG GIS CHOS GOS DAG BKRU BA DANG, DRA BA DANG, DRUB PA DANG, KHA BSGYUR ZIN CING DGE 'DUN GYIS KYANG SRA BRKYANG PHYUNG BA YIN TE, DE TZAM GYIS NA SRA BRKYANG PHYUNG ZHING CHOS GOS ZIN PA YIN NO, ,JI TZAM GYIS NA CHOS GOS MA ZIN CING SRA BRKYANG MA PHYUNG BA YIN ZHE NA, RNAM PA DE DAG MA GTOGS PA'O, ,ZHAG BCU'I BAR DU ZHES BYA BA NI MTSAN MO BCU'I MTHAR RO, ,GOS LHAG PA ZHES BYA BA NI BYIN GYIS BRLAB PAR BYA BA LAS LHAG PA'O, ,RUNG BAR MA BYAS PA ZHES BYA BA NI BRTAG PA MA BYAS PA'O, ,BCANG BAR BYA'O ZHES BYA BA NI BDAG GIR BYA BA'O, ,DE LAS 'DAS PAR 'CHANG NA ZHES BYA BA NI DE LAS THAL BAR 'CHANG NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO,, ,,'DUL BA RNAM PAR 'BYED PA, BAM PO NYI SHU LNGA PA, DE LA LTUNG BAR JI LTAR 'GYUR ZHE NA, 'DI LTA STE, DGE SLONG GIS TSES LA GOS RNYED NA DGE SLONG DES GOS DE ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA, NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA GOS MA RNYED KYANG TSES GNYIS SAM, CHOS GSUM MAM, TSES DGU'AM, TSES BCU TSUN CAD KYIS GOS RNYED NA DGE SLONG DES GOS DE ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA PA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN BAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,DGE SLONG GIS TSES LA GOS SHIG @42B RNYED CING DES TSES GNYIS LA YANG GZHAN ZHIG RNYED NA DGE SLONG DES ZHAG BCU PO DE NYID KYI NANG DU SNGA MA BYIN GYIS BRLAB PAR BYA ZHING PHYI MA GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,YANG NA PHYI MA BYIN GYIS BRLABS PAR BYA ZHING SNGA MA GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES DANG TSES GNYIS LA MA RNYED KYANG TSES GSUM DANG TSES BCU TSUN CAD KYIS GOS SHIG RNYED NA DGE SLONG DES ZHAG BCU PO DE NYID KYI NANG DU SNGA MA BYIN GYIS BRLAB PAR BYA ZHING PHYI MA GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,YANG NA PHYI MA BYIN GYIS BRLAB PAR BYA ZHING SNGA MA GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SBANG BA'I LTUNG BYED DU 'GYUR RO, ,DGE SLONG GIS TSES LA GOS GNYIS RNYED NA DGE SLONG DES GOS DE GNYIS ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA GOS GNYIS MA RNYED KYANG TSES GNYIS SAM, TSES GSUM MAM, CHOS DGU'AM, TSES BCU TSUN CAD KYIS GOS GNYIS RNYED NA DGE SLONG DES GOS DE GNYIS ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,DGE SLONG GIS TSES LA GOS GNYIS SHIG RNYED @43A *, ,CING DES TSES GNYIS LA YANG GOS GZHAN GNYIS SHIG RNYED NA DGE SLONG DES ZHAG BCU PO DE NYID KYI NANG DU SNGA MA GNYIS BYIN GYIS BRLAB PAR BYA ZHING PHYI MA GNYIS GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,YANG NA PHYI MA GNYIS BYIN GYIS BRLAB PAR BYA ZHING SNGA MA GNYIS GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES DANG TSES GNYIS LA MA RNYED KYANG TSES GSUM DANG TSES BCU TSUN CAD KYIS GOS GNYIS SHIG RNYED NA DGE SLONG DES ZHAG BCU PO DE NYID KYI NANG DU SNGA MA GNYIS BYIN GYIS BRLAB PAR BYA ZHING PHYI MA GNYIS GTONG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,YANG NA PHYI MA GNYIS BYIN GYIS BRLAB PAR BYA ZHING SNGA MA GNYIS GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO; ,DGE SLONG GIS TSES LA GOS MANG PO RNYED NA DGE SLONG DES GOS DE DAG ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA GOS MANG PO MA RNYED KYANG TSES GNYIS SAM, TSES GSUM MAM, TSES DGU'AM, TSES BCU TSUN CAD KYIS GOS MANG PO RNYED NA DGE SLONG DES GOS DE DAG ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS @43B SHAR NA SPANG BA'I LTUNG BYED DU 'GYUR RO, ,DGE SLONG GIS TSES LA GOS MANG PO DAG CIG RNYED CING DES TSES GNYIS LA YANG GZHAN MANG PO DAG CIG RNYED NA DGE SLONG DES ZHAG BCU PO DE NYID KYI NANG DU SNGA MA DAG BYIN GYIS BRLAB PAR BYA ZHING PHYI MA DAG GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,YANG NA PHYI MA DAG BYIN GYIS BRLAB PAR BYA ZHING SNGA MA DAG GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES DANG TSES GNYIS LA MA RNYED KYANG TSES GSUM DANG TSES BCU TSUN CAD KYIS GOS MANG PO DAG CIG RNYED NA DGE SLONG DES ZHAG BCU PO DE NYID KYI NANG DU SNGA MA DAG GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,DGE SLONG GI GOS SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA LTUNG BA MED DO, ,DE BZHIN DU DGE SLONG GIS JI SRID DU SPANG BA'I DNGOS PO DE MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA GZHAN NYE BAR 'JOG PAR BYED NA DE YANG SNGA MA'I RGYUD KYIS SPANG BAR 'GYUR RO,, @44A *, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,'CHANG BA'I SPANG BA STE DANG PO RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RAB NA BZHUGS SO, ,DE'I TSE NA DGE SLONG RNAMS LA CHOS GOS MANG BA NYID 'DI LTA BU 'DI BYUNG STE, DGE SLONG DBYAR GNAS PAR KHAS BLANGS PA GANG YANG RUNG BAS CHOS GOS RNYED NAS DES DE BKRUS SHING DRAS TE DRUBS NAS KHA BSGYUR TE GTUR BU'I BAM PO BSGRES NAS DGE SLONG GNAS PA DANG, GNYUG MAR GNAS PA RNAMS LA RJES SU GTAD DE, DGE SLONG DAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG ZHING DE DAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG BA NAM SPAS PA DANG SBED DU MA BCUG PAR GYUR TO, ,DGE SLONG GNAS PA DANG GNYUG MAR GNAS PA DAG KYANG CHOS GOS DE DAG SKEMS PA DANG, GSANG BA DANG, 'DING BA DANG, SBRUG PA DANG, BRTUL BA DANG, SBED PA DAG BYED PAS BYA BA MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG DU DAG CI'I PHYIR DGE SLONG RNAMS LA CHOS GOS MANG BA NYID 'DI LTA BU 'DI BYUNG STE, DGE SLONG DBYAR GNAS PAR KHAS BLANGS PA GANG YANG RUNG BAS CHOS GOS RNYED NAS DES DE BKRUS SHING DRAS TE DRUBS NAS KHA BSGYUR TE GTUR BU'I BAM PO BSGRES NAS DGE SLONG GNAS PA DANG, GNYUG MAR GNAS PA RNAMS LA RJES SU GTAD DE, DGE SLONG DAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG ZHING DE DAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG PA NA MA SBAS PA DANG SBED DU MA BCUG PAR GYUR, DGE SLONG GNAS PA DANG GNYUG MAR GNAS PA DAG KYANG CHOS GOS DE DAG SKEMS PA DANG, BSANG BA DANG, 'DING BA DANG, SBRUG PA DANG, BRTUL BA DANG, SBED PA DAG BYED PAS BYA BA MANG BA DANG, BYED PA MANG @44B BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO; ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS DGE SLONG MANG PO DAG LA RMAS PA, DGE SLONG DAG KHYED LA CHOS GOS MANG BA NYID 'DI LTA BU BYUNG STE, DGE SLONG DBYAR GNAS PAR KHAS BLANGS PA GANG YANG RUNG BAS CHOS GOS RNYED NAS DES DE BKRUS SHING DRAS TE DRUBS NAS KHA BSGYUR TE GTUR BU'I BAM PO BSGRES NAS DGE SLONG GNAS PA DANG, GNYUG MAR GNAS PA RNAMS LA RJES SU GTAD DE, DGE SLONG DAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG ZHING KHYED CAG CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'DONG BA NA MA SBAS PA DANG, SBED DU MA BCUG PAR GYUR LA, DGE SLONG GNAS PA DANG GNYUG MAR GNAS PA DAG KYANG CHOS GOS DE DAG SKEMS PA DANG, GSANG BA DANG, 'DING BA DANG, SPRUG PA DANG, BRTUL BA DANG, SBED PA DAG BYED PAS BYA BA MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS GSO DKA' BA DANG; DGANG DKA' BA DANG, 'DOD PA CHE BA DANG, CHOG MI SHES PA RNAM PAR SMAD PA MDZAD DO, ,DE NAS BCOM LDAN 'DAS KYIS GSO SLA BA DANG, DGANG SLA BA DANG, 'DOD PA CHUNG BA DANG, CHOG SHES PA DANG, PHRI BA DANG, YO BYAD BSNYUNGS PA DANG, SBYANGS @45A *, ,PA'I YON TAN DANG, MDZES PA NYID DANG, TSOD SHES PA'I BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR RJES SU GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,'DUL BA LA NYAN THOS RNAMS KYI BSLAB PA'I GZHI 'DI LTAR BCA' BAR BYA STE, DGE SLONG CHOS GOS ZIN PAS SRA BRKYANG PHYUNG NA GAL TE NUB GCIG KYANG CHOS GOS GSUM LAS CHOS GOS GANG YANG RUNG BA DANG MTSAMS KYI PHYI ROL DU BRAL BAR BYED NA SPANG BA'I LTUNG BYED DO, ,ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI BCA' BA MDZAD DO, ,SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,DE'I TSE NA TSE DANG LDAN PA 'OD SRUNG CHEN PO RGYAL PO'I KHAB NA SDE CAN MA'I PHUG NA GSO SBYONG GCIG PA'I GNAS KYI SDOM PAS DGE 'DUN DANG MTHUN PAR 'DUG GO ,DGE SLONG RAB TU MANG PO DAG DE NYID KYI GSO SBYONG BCVA LNGA BA'I TSE GSO SBYONG GI GNAS SU 'DUG CING MTHUN PAR GYUR NAS GTZO CHER TSE DANG LDAN PA 'OD SRUNG CHEN PO 'ONG BA LA SDOD DO, ,DE NAS TSE DANG LDAN PA 'OD SRUNG CHEN PO GSO SBYONG GI GNAS SU 'PHAGS PA NA CHU KLUNG DBYAR BZANG LDAN RGAL BA DANG CHU RLABS CHEN PO BYUNG BA DES DE'I SNAM SBYAR GSHER BAR GYUR TO, ,DE NAS TSE DANG LDAN PA 'OD SRUNG CHEN PO SNAM SBYAR DE 'TSIR BA DANG, 'DING BA DANG, SKEMS PA NA YUN RING DU THOGS PAR GYUR TO, ,DE NAS TSE DANG LDAN PA 'OD SRUNG CHEN POS SNAM SBYAR DE BTZIR CING BTING STE BSKAMS NAS GSO SBYONG GI GNAS GA LA BA DER SONG STE PHYIN NAS DGE SLONG GI DGE 'DUN GYI GONG DU STAN BSHAMS PA NYID LA 'DUG GO, ,DE NAS DGE SLONG RAB TU MANG PO DAG GIS TSE DANG LDAN PA 'OD SRUNG CHEN PO LA 'DI SKAD CES SMRAS SO, ,BTZUN PA 'OD SRUNG CHEN PO MKHYEN PAR MDZOD CIG ,'DI NA BDAG CAG DGE SLONG RAB TU MANG PO DAG GSO SBYONG GI GNAS SU 'DUG CING MTHUN PAR GYUR NAS GTZO CHER TSE DANG LDAN PA 'OD SRUNG CHEN PO LA SDOD CING 'KHOD NA, 'ON @45B KYANG TSE DANG LDAN PA 'OD SRUNG CHEN PO 'PHYIS PAR GYUR TO, ,TSE DANG LDAN PA DAG 'DI NA BDAG GSO SBYONG GI GNAS SU 'PHAGS PA NA CHU KLUNG DBYAR BZANG LDAN RGAL BA DANG CHU RLABS CHEN PO BYUNG BA DES BDAG GI SNAM SBYAR GSHER BAR GYUR NAS, BDAG SNAM SBYAR 'TSIR BA DANG, 'DING BA DANG; SKEMS PA NA YUN RING ZHIG THOGS PAR GYUR TO, ,TSE DANG LDAN PA DAG DA LTAR BDAG DGE SLONG 'OD SRUNG CHEN PO RGAN PO RGAS PA DGOG TU GYUR PA LAGS LA BDAG GIS SNAM SBYAR NI LCI BAS YONGS SU SKYONG BAR RNGO MI THOG NA, BDAG GIS JI LTAR BGYI ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG KHYED KYIS DGE SLONG 'OD SRUNG CHEN PO RGAN PO RGAS PA DGOG TU GYUR PA DANG, GZHAN YANG DE LTA BU GANG YIN PA LA SNAM SBYAR DANG 'BRAL BAR MI 'GYUR BA'I GNANG BA BYIN CIG ,'DI LTAR SBYIN PAR BYA STE, GNAS MAL BSHAMS PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DKYIL 'KHOR BAR DGE SLONG BZHI'I TSOGS LAS MI NYUNG BA'I DGE 'DUN THAMS CAD 'DUG CING MTHUN PAR GYUR PA LA DGE SLONG 'OD SRUNG GIS BLA GOS PHRAG PA GCIG TU BYAS TE RGAN RIMS BZHIN DU PHYAG 'TSAL NAS RGAN PA'I MTHA' LOGS SU TZOG PHUR 'DUG STE THAL MO SBYAR NAS DGE 'DUN LA SNAM SBYAR NYE BAR BSTAN TE 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, BDAG DGE SLONG 'OD SRUNG RGAN PO RGAS PA DGOG TU GYUR PA LAGS LA BDAG GI SNAM SBYAR NI LCI BAS YONGS SU SKYONG BAR RNGO MI THOG NAS, BDAG DGE SLONG 'OD SRUNG RGAN PO RGAS PA DGOG TU GYUR PA DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL NA, THUGS BRTZE BA CAN DGE 'DUN BTZUN PA RNAMS KYIS THUGS BRTZE BA'I SLAD DU BDAG DGE SLONG 'OD SRUNG RGAN PO RGAS PA DGOG TU GYUR PA LA SNAM SBYAR DANG 'BRAL BAR MI 'GYUR BA'I GNANG BA STZAL DU GSOL, DE BZHIN DU LAN GNYIS LAN GSUM DU BZLAS, DE'I 'OG TU DGE SLONG GCIG @46A *, ,GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG 'OD SRUNG 'DI RGAN PO RGAS PA DGOG TU GYUR PA LAGS LA 'DI'I SNAM SBYAR NI LCI BAS YONGS SU SKYONG BAR RNGO MI THOG NAS, DGE SLONG 'OD SRUNG RGAN PO RGAS PA DGOG TU GYUR PA 'DI DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG 'OD SRUNG RGAN PO RGAS PA DGOG TU GYUR PA LA SNAM SBYAR DANG 'BRAL BAR MI 'GYUR BA'I GNANG BA STZOL TO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG 'OD SRUNG 'DI RGAN PO RGAS PA DGOG TU GYUR PA LAGS LA 'DI'I SNAM SBYAR NI LCI BAS YONGS SU SKYONG BAR RNGO MI THOG NAS, DGE SLONG 'ONG SRUNG RGAN PO RGAS PA DGOG TU GYUR PA 'DI DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL TE, DE'I SLAD DU DGE 'DUN GYIS DGE SLONG 'OD SRUNG RGAN PO RGAS PA DGOG TU GYUR PA LA SNAM SBYAR DANG 'BRAL BAR MI 'GYUR BA'I GNANG BA STZOL NA, TSE DANG LDAN PA GANG DAG DGE SLONG 'OD SRUNG RGAN PO RGAS PA DGOG TU GYUR BA LA SNAM SBYAR DANG 'BRAL BAR MI 'GYUR BA'I GNANG BA STZAL BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,DGE 'DUN GYIS BZOD CING GNANG NAS DGE 'DUN GYIS DGE SLONG 'OD SRUNG RGAN PO RGAS PA DGOG TU GYUR PA LA SNAM SBYAR DANG 'BRAL BAR MI 'GYUR BA'I GNANG BA STZAL LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE 'DUN GYIS DGE SLONG GANG YANG RUNG BA LA SNAM SBYAR DANG 'BRAL BAR MI 'GYUR BA'I GNANG BA BYIN PAR GYUR NA DES CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'GRO BAR BYA STE, 'DI LA 'GYOD PAR MI BYA'O, ,DE'I TSE NA TSE DANG LDAN PA SH'A RI'I BU 'KHOR DE NYID DU 'DUG CING MTHUN PAR GYUR TO, ,DE NAS TSE DANG LDAN PA SH'A RI'I BUS DGE SLONG RNAMS LA SMRAS PA, TSE DANG LDAN PA DAG DA LTAR BDAG DGE SLONG SH'A RI'I BU RLUNG NANG @46B CAN LAGS LA, BDAG GI SNAM SBYAR NI LCI BAS YONGS SU SKYONG BAR RNGO MI THOG NA BDAG GIS JI LTAR BGYI ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL BA, DGE SLONG DAG KHYED KYIS DGE SLONG SH'A RI'I BU RLUNG NAD CAN DANG GZHAN YANG DE LTA BU GANG YIN PA LA SNAM SBYAR DANG 'BRAL BAR MI 'GYUR BA'I GNANG BA BYIN CIG ,'DI LTAR SBYIN PAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS DKYIL 'KHOR BAR DGE SLONG BZHI'I TSOGS LAS MI NYUNG BA'I DGE 'DUN THAMS CAD 'DUG CING MTHUN PAR GYUR PA LA, DGE SLONG SH'A RI'I BUS BLA GOS PHRAG PA GCIG TU BYAS TE RGAN RIMS BZHIN DU PHYAG 'TSAL NAS RGAN PA'I MTHA' LOGS SU TZOG PUR 'DUG STE THAL MO SBYAR NAS DGE 'DUN LA SNAM SBYAR NYE BAR BSTAN TE 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, BDAG DGE SLONG SH'A RI'I BU RLUNG NAD CAN LAGS LA BDAG GI SNAM SBYAR NI LCI BAS YONGS SU SKYONG BAR RNGO MI THOG NAS, BDAG DGE SLONG SH'A RI'I BU RLUNG NAD CAN DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL NA THUGS BRTZE BA CAN DGE 'DUN BTZUN PA RNAMS KYIS THUGS BRTZE BA'I SLAD DU BDAG DGE SLONG SH'A RI'I BU RLUNG NAD CAN LA SNAM SBYAR DANG 'BRAL BAR MI 'GYUR BA'I GNANG BSTZAL DU GSOL, DE BZHIN DU LAN GNYIS LAN GSUM DU BZLAS, DE'I 'OG TU DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG SH'A RI'I BU 'DI RLUNG NAD CAN LAGS LA 'DI'I SNAM SBYAR NI LCI BAS YONGS SU SKYONG BAR RNGO MI THOG NAS, DGE SLONG SH'A RI'I BU RLUNG NAD CAN 'DI DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG SH'A RI'I BU RLUNG NAD CAN LA SNAM SBYAR DANG 'BRAL BAR MI 'GYUR BA'I GNANG BA STZOL TO, ,'DI NI GSOL @47A *, ,BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG SH'A RI'I BU 'DI RLUNG NAD CAN LAGS LA 'DI'I SNAM SBYAR NI LCI BAS YONGS SU SKYONG BAR RNGO MI THOG NAS, DGE SLONG SH'A RI'I BU RLUNG NAD CAN 'DI DGE 'DUN LAS SNAM SBYAR DANG 'BRAL BAR MI 'GYUR BA'I GNANG BA GSOL TE, DE'I SLAD DU DGE 'DUN GYIS DGE SLONG SH'A RI'I BU RLUNG NAD CAN LA SNAM SBYAR DANG 'BRAL BAR MI 'GYUR BA'I GNANG BA STZOL NA, TSE DANG LDAN PA GANG DAG DGE SLONG SH'A RI'I BU RLUNG NAD CAN LA SNAM SBYAR DANG 'BRAL BAR MI 'GYUR BA'I GNANG BA STZAL BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,DGE 'DUN GYIS BZOD CING GNANG NAS DGE 'DUN GYIS DGE SLONG SH'A RI'I BU RLUNG NAD CAN LA SNAM SBYAR DANG 'BRAL BAR MI 'GYUR BA'I GNANG BA STZAL LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE 'DUN GYIS DGE SLONG GANG YANG RUNG BA LA SNAM SBYAR DANG 'BRAL BAR MI 'GYUR BA'I GNANG BA BYIN PAR GYUR NA, DES CHOS GOS STOD GA-YOGS SMAD GA-YOGS DANG BCAS PAS LJONGS RGYUR 'GRO BAR BYA STE, 'DI LA 'GYOD PAR MI BYA'O, ,DE NAS BCOM LDAN 'DAS KYIS BSLAB PA 'DOD PA RNAMS KYI BSNGAGS PA BRJOD CING BSLAB PA LA GUS PA RNAMS DANG, BSLAB PA LA YO BYAD BSNYUNGS PA RNAMS DANG, PHRI BA RNAMS DANG, SBYANGS PA'I YON TAN RNAMS DANG, MDZOS PA RNAMS DANG, TSOD SHES PA RNAMS KYI YON TAN BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA 'DI NI GNANG BA YIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG CHOS GOS ZIN PAS SRA BRKYANG PHYUNG NA GAL TE NUB GCIG KYANG CHOS GOS GSUM LAS CHOS GOS GANG YANG RUNG BA DANG MTSAMS KYI PHYI ROL DU 'BRAL BAR BYED NA DGE 'DUN GYIS GNANG BA MA GTOGS TE SPANG BA'I LTUNG BYED DO, ,DGE SLONG ZHES BYA BA NI CHOS 'DI PA'O, ,CHOS GOS ZIN PAS SRA BRKYANG PHYUNG NA @47B ZHES BYA BA NI CHOS GOS ZIN LA SRA BRKYANG MA PHYUNG BA YANG YOD, CHOS GOS MA ZIN LA SRA BRKYANG PHYUNG BA YANG YOD, CHOS GOS ZIN CING SRA BRKYANG PHYUNG BA YANG YOD, CHOS GOS MA ZIN CING SRA BRKYANG MA PHYUNG BA YANG YOD DE, SNGA MA BZHIN DU MU BZHIR RGYAS PAR SBYAR RO, ,GAL TE NUB GCIG KYANG ZHES BYA BA NI NUB GCIG GI MTHAR YANG NGO, ,CHOS GOS GSUM LAS CHOS GOS GANG YANG RUNG BA DANG ZHES BYA BA NI SNAM SBYAR DANG BLA GOS DANG MTHAR GOS LAS GANG YANG RUNG BA DANG NGO, ,MTSAMS KYI PHYI ROL DU 'BRAL BAR BYED NA ZHES BYA BA NI GZHAN DU SKYA RENGS 'CHAR BAR BYED NA'O, , DGE 'DUN GYIS GNANG BA MA GTOGS TE ZHES BYA BA NI DGE 'DUN GYIS GNANG BA BZHAG STE'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA;, ,,BAR SDOM LA, KHYIM GCIG PA DANG KHYIM GNYIS DANG, ,KHYIM GYI TSOGS DANG LDAN PA DANG, ,RTZIG PA RIB MA 'OBS BSKOR DANG, ,RNAM BZHIR BYA BA GRONG DANG KHYIM, ,STEN 'GRO MU STEGS TSONG RDAL DANG, ,TSONG KHANG SGRA KHANG GA-YUL DANG NI, ,GA-YUL TSOMS GRU DANG SHING RTA DANG, ,SHING LJON KUN DGA'I RA BA YIN, ,LAM DU 'GRO SDOD 'DUG NYAL DANG, ,THAD KAR YANG NI DE BZHIN TE, ,MTSAMS GZHAN NYAL BA THA MA YI, ,SDE TSAN YANG DAG BSDUS PA YIN, ,KHYIM GCIG DANG LDAN PA'I GRONG DANG, KHYIM GNYIS DANG LDAN PA'I GRONG DANG; KHYIM GYI TSOGS DANG LDAN PA'I GRONG DANG, RTZIG PAS BSKOR BA'I GRONG DANG, RIB MAS BSKOR BA'I GRONG DANG, 'OBS KYIS BSKOR BA'I GRONG DANG RNAM PA BZHIR BYA BA GRONG NYEN KOR GCIG PA DANG, GRONG NYEN KOR THA DAD PA DANG, GRONG RAB TU MANG PO NYEN KOR GCIG PA DANG; GRONG RAB TU MANG PO NYEN KOR THA DAD PA DANG, KHYIM NYEN KOR GCIG PA DANG, KHYIM NYEN KOR THA DAD PA DANG, KHYIM RAB TU MANG PO NYEN KOR GCIG PA DANG, KHYIM RAB TU MANG PO NYEN KOR THA DAD PA DANG, STEN 'GRO'I KHYIM NYEN KOR GCIG PA DANG, STEN 'GRO'I KHYIM NYEN @48A *, ,KOR THA DAD PA DANG, STEN 'GRO'I KHYIM RAB TU MANG PO NYEN KOR GCIG PA DANG, STEN 'GRO'I KHYIM RAB TU MANG PO NYEN KOR THA DAD PA DANG, MU STEGS CAN GYI KHYIM NYEN KOR GCIG PA DANG, MU STEGS CAN GYI KHYIM NYEN KOR THA DAD PA DANG, MU STEGS CAN GYI KHYIM RAB TU MANG PO NYEN KOR GCIG PA DANG, MU STEGS CAN GYI KHYIM RAB TU MANG PO NYEN KOR THA DAD PA DANG, TSONG RDAL NYEN KOR GCIG PA DANG, TSONG RDAL NYEN KOR THA DAD PA DANG, TSONG RDAL RAB TU MANG PO NYEN KOR GCIG PA DANG, TSONG RDAL RAB TU MANG PO NYEN KOR THA DAD PA DANG; TSONG KHANG NYEN KOR GCIG PA DANG, TSONG KHANG NYEN KOR THA DAD PA DANG, TSONG KHANG RAB TU MANG PO NYEN KOR GCIG PA DANG, TSONG KHANG RAB TU MANG PO NYEN KOR THA DAD PA DANG, SGRA KHANG NYEN KOR GCIG PA DANG, SGRA KHANG NYEN KOR THA DAD PA DANG, SGRA KHANG RAB TU MANG PO NYEN KOR GCIG PA DANG, SGRA KHANG RAB TU MANG PO NYEN KOR THA DAD PA DANG, GA-YUL NYEN KOR GCIG PA DANG, GA-YUL NYEN KOR THA DAD PA DANG, GA-YUL RAB TU MANG PO NYEN KOR GCIG PA DANG, GA-YUL RAB TU MANG PO NYEN KOR THA DAD PA DANG, GA-YUL GYI TSOMS NYEN KOR GCIG PA DANG; GA-YUL GYI TSOMS NYEN KOR THA DAD PA DANG, GA-YUL GYI TSOMS RAB TU MANG PO NYEN KOR GCIG PA DANG, GA-YUL GYI TSOMS RAB TU MANG PO NYEN KOR THA DAD PA DANG, GRU NYEN KOR GCIG PA DANG, GRU NYEN KOR THA DAD PA DANG, GRU RAB TU MANG PO NYEN KOR GCIG PA DANG, GRU RAB TU MANG PO NYEN KOR THA DAD PA DANG, SHING RTA NYEN KOR GCIG PA DANG, SHING RTA NYEN KOR THA DAD PA DANG, SHING RTA RAB TU MANG PO NYEN KOR GCIG PA DANG, SHING RTA RAB TU MANG PO NYEN KOR THA DAD PA DANG, SHING LJON PA NYEN KOR GCIG PA DANG, SHING LJON PA NYEN KOR THA DAD PA DANG, SHING LJON PA RAB TU MANG PO NYEN KOR GCIG PA DANG, SHING LJON PA RAB TU MANG PO NYEN KOR THA DAD PA DANG, KUN DGA'I RA BA NYEN KOR GCIG PA DANG, KUN DGA'I RA BA NYEN KOR THA DAD PA DANG, KUN DGA'I RA BA RAB TU MANG PO NYEN KOR GCIG PA @48B DANG; KUN DGA'I RAB TAB TU MANG PO NYEN KOR THA DAD PA DANG, LAM DU 'GRO BA LA SOGS PA DANG, THAD KAR 'GRO BA LA SOGS PA DANG, MTSAMS GZHAN DAG GI GNAS THUN MONG DANG THUN MONG MA YIN PA'I BYE BRAG GIS DGE SLONG CHOS GOS DANG MI 'BRAL BA DANG 'BRAL BA'I LTUNG BA RNAM PAR ? BZHAG PA'I BYE BRAG RGYA CHER STON TO, ,DE LA KHYIM GCIG DANG LDAN PA'I GRONG GANG ZHE NA, 'DI LTA STE, RI KHROD PA RNAMS DANG, BOD RNAMS DANG, KLA KLO RNAMS KYI GRONG NGO, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KHYIM GNYIS DANG LDAN PA'I GRONG GANG ZHE NA, 'DI LTA STE, KHYIM GCIG DANG LDAN PA'I GRONG JI LTA BA BZHIN DU, KHYIM GNYIS DANG LDAN PA'I GRONG YANG DE BZHIN NO, ,KHYIM GYI TSOGS DANG LDAN PA'I GRONG GANG ZHE NA, 'DI LTA STE, GRONG SGO SNA TSOGS NAS KUN NAS GNAS PA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,RTZIG PAS BSKOR BA'I GRONG GANG ZHE NA, 'DI LTA STE GRONG RTZIG PAS BSKOR BA GANG YIN PA'O, ,DE'I NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU BA LANG DRUG DANG LDAN PA'I SHING RTA SMYIG MA CAN GYIS KHYAB CING 'DUG PA DANG, BYA GAG SPAR NAS 'DUG PA'I BAR DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA @49A *, ,YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,RIB MAS BSKOR BA'I GRONG GANG ZHE NA, 'DI LTA STE, GRONG RIB MAS BSKOR BA GANG YIN PA'O, ,DE'I NYEN KOR GANG ZHE NA; NANG THAMS CAD DANG, PHYI ROL 'DOM GANG NGAM, GANG DU RA LUG BTON PA DAG GI RMIG PAS BSLANG BA'I RDUL 'BAB PA DANG, MI RANG BZHIN GYIS NGO TSA DANG LDAN PA BSHANG SAR 'GRO BA'I BAR DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,'OBS KYIS BSKOR BA'I GRONG GANG ZHE NA, 'DI LTA STE GRONG 'OBS KYIS BSKOR BA GANG YIN PA'O, ,DE'I NYEN KOR GANG ZHE NA, NANG THAMS CAD DAD PHYI ROL 'DOM GANG NGAM, GANG DU SKAS GDANG BU BCUG NYIS PAS KHYAB CING 'DUG PA DANG, PHYAG DAR BOR BA'I BONG BA RAGS PA 'DRIL BA'I BAR DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE, NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRONG NYEN KOR GCIG PA GANG ZHE NA, 'DI LTA STE, GRONG GANG NA SKYED MOS TSAL LAM 'DUN SA'AM, LHA'I GNAS GCIG YOD PA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, LHA'I GNAS SO, ,DGE SLONG GIS GRONG DU CHOS GOS DAG BZHAG STE LHA'I GNAS SU SKYA RENGS 'CHAR BAR BYED NA LTUNG BA MED DO, ,LHA'I GNAS SU CHOS GOS DAG BZHAG STE GRONG DU SKYA RENGS 'CHAR BAR BYED NA YANG LTUNG BA MED DO, ,GRONG NGAM LHA'I GNAS SU CHOS GOS DAG BZHAG STE @49B GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRONG NYEN KOR THA DAD PA GANG ZHE NA, 'DI LTA STE, GRONG GANG NA SKYED MOS TSAL LAM, 'DUN SA'AM, LHA'I GNAS RAB TU MANG PO DAG YOD PA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,GRONG RAB TU MANG PO NYEN KOR GCIG PA GANG ZHE NA, 'DI LTA STE, GRONG GANG DAG NA SKYED MOS TSAL LAM, 'DUN SA'AM, LHA'I GNAS GCIG YOD PA GANG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, LHA'I GNAS SO, ,DGE SLONG GIS GRONG DU CHOS GOS DAG BZHAG STE LHA'I GNAS SU SKYA RENGS 'CHAR BAR BYED NA LTUNG BA MED DO, ,LHA'I GNAS SU CHOS GOS DAG BZHAG STE GRONG DU SKYA RENGS 'CHAR BAR BYED NA YANG LTUNG BA MED DO, ,GRONG NGAM LHA'I GNAS SU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRONG RAB TU MANG PO NYEN KOR THA DAD PA GANG ZHE NA, 'DI LTA STE, GRONG GANG DAG NA SKYED MOS TSAL LAM, 'DUN SA'AM, LHA'I GNAS RAB TU MANG PO DAG YOD PA GANG YIN PA'O,, DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,KHYIM NYEN KOR GCIG PA GANG ZHE NA, 'DI LTA STE, MI GCIG GI'AM, SPUN SGO MA PHYE BA DAG GI KHYIM GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, , @50A *, ,KHYIM NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI KHYIM GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, SGO'O, ,DGE SLONG GIS NANG DU CHOS GOS DAG BZHAG STE SGOR SKYA RENGS 'CHAR BAR BYED NA LTUNG BA MED DO, ,SGOR CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM SGOR CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KHYIM RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI KHYIM RAB TU MANG PO DAG GANG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KHYIM RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG NI KHYIM RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,STEN 'GRO'I KHYIM NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI STEN 'GRO'I KHYIM GANG YIN PA'O, ,DE'I NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG GI GLING BU 'JOG PAR BYED PA DANG, RNGA PA tA HA DANG, PI BANG DANG, RDZA RNGA KHA GCIG PA DANG, KHAR RNGA DANG, SU GHO shA KA 'JOG PAR BYED PA DANG, @50B MONG PHANG DANG PHANG LO 'JOG PAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,STEN 'GRO'I KHYIM NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI STEN 'GRO'I KHYIM GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, RGYAL MTSAN GYI SHING NGO, ,DGE SLONG GIS NANG DU CHOS GOS DAG BZHAG STE RGYAL MTSAN GYI SHING LA SKYA RENGS 'CHAR BAR BYED NA LTUNG BA MED DO, ,RGYAL MTSAN GYI SHING LA CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM RGYAL MTSAN GYI SHING LA CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BAR 'GYUR RO, ,STEN 'GRO'I KHYIM RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI STEN 'GRO'I KHYIM RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG GI GLING BU 'JOG PAR BYED PA DANG, RNGA PA tA HA DANG, PI BANG DANG, RDZA RNGA KHA GCIG PA DANG, KHAR RNGA DANG, SU GHO shA KA 'JOG PAR BYED PA DANG, MONG PHANG DANG, PHANG LO 'JOG PAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS @51A *, ,'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,STEN 'GRO'I KHYIM RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI STEN 'GRO'I KHYIM RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,MU STEGS CAN GYI KHYIM NYEN KOR GCIG PA GANG ZHEN, 'DI LTA STE MU STEGS CAN GYI KHYIM LTA BA GCIG PA DANG, BZOD PA GCIG PA DANG, 'DOD PA GCIG PA DANG, BSAM PA GCIG PA GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG LCI BA DAG GDING BA BYED PA DANG, YAM SREG SHING DAG 'JOG PAR BYED PA DANG, GA-YANG GZHI DAG DANG, SHING SHUN DAG DANG, DBYIG GU DAG DANG, RIL BA DAG DANG, BLUGS GZAR DAG DANG, DGANG GZAR DAG 'JOG PAR BYED PA DANG, ME SBAR BAR BYED PA DANG, YAM SREG SHING DAG SREG PAR BYED PA DANG, GANG DU DE DAG RDUNG BAR BYED PA DANG, RDO BAR BYED PA DANG, 'THAG PAR BYED PA DANG, 'CHA' BAR BYED BA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,MU STEGS CAN GYI KHYIM NYEN KOR THA DAD PA GANG ZHE NA, 'DI LTA STE MU STEGS CAN GYI KHYIM LTA BA THA DAD PA DANG, BZOD PA THA DAD PA DANG, 'DOD PA THA DAD PA DANG, BSAM PA THA DAD PA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, LHA'I GNAS SO, ,DGE SLONG GIS MU @51B STEGS CAN GYI KHYIM DU CHOS GOS DAG BZHAG STE LHA'I GNAS SU SKYA RENGS 'CHAR BAR BYED NA LTUNG BA MED DO, ,LHA'I GNAS SU CHOS GOS DAG BZHAG STE MU STEGS CAN GYI KHYIM DU SKYA RENGS 'CHAR BAR BYED NA YANG LTUNG BA MED DO, ,MU STEGS CAN GYI KHYIM MAM LHA'I GNAS SU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,MU STEGS CAN GYI KHYIM RAB TU MANG PO NYEN KOR GCIG PA GANG ZHE NA, 'DI LTA STE MU STEGS CAN GYI KHYIM RAB TU MANG PO LTA BA GCIG PA DANG, BZOD PA GCIG PA DANG, 'DOD PA GCIG PA DANG, BSAM PA GCIG PA GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG LCI BA DAG 'DING BAR BYED PA DANG, YAM SREG SHING DAG 'JOG PAR BYED PA DANG, GA-YANG GZHI DAG DANG, SHING SHUN DAG DANG, DBYIG GU DAG DANG, RIL BA DAG DANG, BLUGS GZAR DAG DANG, DGANG GZAR DAG 'JOG PAR BYED PA DANG, ME SBAR BAR BYED PA DANG, YAM SREG SHING SREG PAR BYED PA DANG, GANG DU DE DAG RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,MU STEGS CAN GYI KHYIM RAB TU MANG PO NYEN KOR THA DAD PA GANG ZHE NA, 'DI LTA STE MU STEGS CAN GYI KHYIM RAB TU MANG PO LTA BA THA DAD PA DANG, BZOD PA THA DAD PA DANG, 'DOD PA THA DAD PA DANG, BSAM PA THA DAD PA GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, , @52A *, ,TSONG RDAL NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI TSONG RDAL GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG ZONG 'JOG PAR BYED PA DANG, NYO BAR BYED PA DANG, 'TSONG BAR BYED PA DANG, BGRANG BAR BYED PA DANG, 'JAL BAR BYED PA DANG, 'JOG PAR BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG RDAL NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI TSONG RDAL GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, GZHAG STEGS SO, ,DGE SLONG GIS NANG DU CHOS GOS DAG BZHAG STE GZHAG STEGS SU SKYA RENGS 'CHAR BAR BYED NA LTUNG BA MED DO, ,GZHAG STEGS SU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM GZHAG STEGS SU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG RDAL RAB TU MANG PO NYEN KOR GCIG PA GANG ZHE NA, 'DI LTA STE, MI GCIG GI GI'AM, SPUN SGO MA BYE BA DAG GI TSONG RNAL RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG ZONG 'JOG PAR BYED PA DANG, NYO BAR BYED PA DANG, 'TSONG BAR BYED PA DANG, BGRANG BAR BYED PA DANG; 'JAL BAR BYED PA DANG, 'JOG PAR BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED @52B DO; ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG RDAL RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI TSONG RDAL RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,TSONG KHANG NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI TSONG KHANG GANG YIN PA'O, ,DE'I NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG ZONG 'JOG PAR BYED PA DANG, GRO DAG DANG, NAS DAG DANG, MON SRAN GRE'U DAG DANG, S'A LU DAG DANG, 'BRAS DAG DANG, TIL DAG DANG, 'BRAS THUG PO CHE DAG DANG, BU RAM DAG DANG, MAR DAG DANG, RAS BAL DAG DANG; SKUD PA DAG DANG, GOS DAG 'JOG PAR BYED PA DANG, 'BRU SPUNG BAR BYED PA DANG, BRE'U CHUNG DANG, GLE BA 'JOG PAR BYED PA DANG, 'JAL BAR BYED PA DANG, RLUNG YOR 'DZUGS PAR BYED PA DANG, NYO BAR BYED PA DANG, 'TSONG BAR BYED PA DANG, BGRANG BAR BYED PA DANG, 'JAL BAR BYED PA DANG, 'JOG PAR BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO; ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG KHANG NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI TSONG KHANG GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, 'DUG STEGS SO, ,DGE SLONG GIS NANG DU CHOS GOS DAG BZHAG STE 'DUG STEGS SU SKYA RENGS 'CHAR BAR BYED NA LTUNG BA MED DO, ,'DUG STEGS SU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, , @53A *, ,NANG NGAM 'DUG STEGS SU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG KHANG RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI TSONG KHANG RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG ZONG 'JOG PAR BYED PA DANG, GRO DAG DANG, NAS DAG DANG, MON SRAN GRE'U DAG DANG, S'A LU DAG DANG, 'BRAS DAG DANG, TIL DAG DANG, 'BRAS THUG PO CHE DAG DANG, BU RAM DAG DANG, MAR DAG DANG, RAS BAL DAG DANG, SKUD PA DAG DANG, GOS DAG 'JOG PAR BYED PA DANG, 'BRU SPUNG BAR BYED PA DANG, BRE'U CHUNG DANG, GLE BA 'JOG PAR BYED PA DANG, 'JAL BAR BYED PA DANG, RLUNG YOR 'DZUGS PAR BYED PA DANG, NYO BAR BYED PA DANG, 'TSONG BAR BYED PA DANG, BGRANG BAR BYED PA DANG, 'JAL BAR BYED PA DANG, 'JOG PAR BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,TSONG KHANG RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI 'AM, SPUN SGO BYA BA DAG GI TSONG KHANG RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,SGRA KHANG NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI SGRA KHANG GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED @53B PA DANG, RDO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, , NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SGRA KHANG NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI SGRA KHANG GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA YA GAD DO, ,DGE SLONG GIS NANG DU CHOS GOS DAG BZHAG STE YA GAD LA SKYA RENGS 'CHAR BAR BYED NA LTUNG BA MED DO, ,YA GAD LA CHOS GOS DAG BZHAG STE, SGRA KHANG DU SKYA RENGS 'CHAR BAR BYED NA YANG LTUNG BA MED DO, ,SGRA KHANG NGAM YA GAD LA CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SGRA KHANG RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI SGRA KHANG RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SGRA KHANG RAB TU MANG PO NYEN @54A *, ,KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI SGRA KHANG RAB TU MANG PO GANG DAG YIN PA'O, ,DE DAG GI NYEN KOR GANG ZHEN, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,GA-YUL NYEN KOR GCIG PA, GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI GA-YUL GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG 'BRU RDUNG BAR BYED PA DANG, 'PHYAR BAR BYED PA DANG, 'KHRAB PAR BYED PA DANG, SPUNG BAR BYED PA DANG, BRE'U CHUNG DANG, GLE BA 'JOG PAR BYED PA DANG, 'JAL BAR BYED PA DANG, RLUNG YOR 'DZUGS PAR BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GA-YUL NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI GA-YUL GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, GA-YUL GYI DKYIL LO, ,DGE SLONG GIS GA-YUL GYI DKYIL DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE GA-YUL GYI DKYIL DU SKYA RENGS 'CHAR BAR BYED NA YANG LTUNG BA MED DO, ,GA-YUL GYI DKYIL DU'AM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GA-YUL RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI GA-YUL RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG 'BRU RDUNG BAR BYED PA DANG, 'PHYAR BAR BYED PA DANG, 'KHRAB PAR BYED PA DANG, SPUNG BAR BYED PA DANG, BRE'U @54B CHUNG DANG, GLE BA 'JOG PAR BYED PA DANG, 'JAL BAR BYED PA DANG, RLUNG YOR 'DZUGS PAR BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GA-YUL RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD BDAG GI'AM, SPUN SGO BYE BA DAG GI GA-YUL RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO,, ,,'DUL BA RNAM PAR 'BYED PA, BAM PO NYI SHU DRUG PA, GA-YUL GYI TSOMS NYEN KOR GCIG PA GANG ZHE NA; 'DI LTA STE MI GCIG GI'AM, SPUN SGO MA BYE BA DAG GI GA-YUL GYI TSOMS GANG YIN BA'O, ,DE'I NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU DE DAG GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, LCI BA DAG 'DOR BAR BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BA BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GA-YUL GYI TSOMS NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI GA-YUL GYI TSOMS GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, SGO'O, ,DGE SLONG GIS NANG DU CHOS GOS DAG BZHAG STE SGOR SKYA RENGS 'CHAR BAR BYED NA LTUNG BA MED DO, ,SGOR CHOS GOS DAG BZHAG STE NANG DU SKYA RENGS 'CHAR BAR BYED @55A *, ,BYED NA YANG LTUNG BA MED DO, ,NANG NGAM SGOR CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GA-YUL GYI TSOMS RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI GA-YUL GYI TSOMS RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG PHYI ROL 'DOM GANG NGAM GANG DU DE DAG GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, LCI BA DAG 'DOR BAR BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, , NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BA BYED NA SPANG BA'I LTUNG BYED DU 'GYUR RO, ,GA-YUL GYI TSOMS RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI GA-YUL GYI TSOMS RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,GRU NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI GRU GANG YIN PA'O, ,DE'I NYEN KOR GANG ZHE NA, 'GRO BA'I NI NANG THAMS CAD DANG, PHYI ROL 'DOM GANG NGAM, 'DUG PA'I NI NANG THAMS CAD DANG PHYI ROL 'DOM GANG NGAM, GANG DU DE DAG PHUR PA 'DEBS PAR BYED PA DANG, GRU RTOD PAR BYED PA DANG, GDOS BDAG 'JOG PAR BYED PA DANG, GRU SKYA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS @55B NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRU NYEN KOR THA DAD PA GANG ZHE NA, 'DI LTA STE, MI THA DAD PA DAG GI'AM, SPUN SGO BYE BA DAG GI GRU GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, GRU GDONG NGO, ,DGE SLONG GIS NANG DU CHOS GOS DAG BZHAG STE GRU GDONG DU SKYA RENGS 'CHAR BAR BYED NA LTUNG BA MED DO, ,GRU GDONG DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM GRU GDONG DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRU RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI GRU RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, 'GRO BA'I NI NANG THAMS CAD DANG PHYI ROL 'DOM GANG NGO, ,'DUG PA'I NI NANG THAMS CAD DANG PHYI ROL 'DOM GANG NGAM, GANG DU DE DAG PHUR PA 'DEBS PAR BYED PA DANG, GRU RTOD PAR BYED PA DANG, GDOS PA DAG 'JOG PAR BYED PA DANG, GRU SKYA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,GRU RAB TU MANG PO NYER KOR THA DAD PA @56A *, ,GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI GRU RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,SHING RTA NYEN KOR GCIG PA GANG ZHE NA; 'DI LTA STE MI GCIG GI'AM, SPUN SGO MA BYE BA DAG GI SHING RTA GANG YIN PA'O, ,DE'I NYEN KOR GANG ZHE NA, 'GRO BA'I NI NANG THAMS CAD DANG, PHYI ROL 'DOM GANG NGO, ,'DUG PA'I NI NANG THAMS CAD DANG PHYI ROL 'DOM GANG NGAM, GANG DU DE DAG PHUR PA 'DEBS PAR BYED PA DANG, GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED PA DANG, RDO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG; 'THUNG BAR BYED PA DANG, KHYE'U SUS BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, , NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING RTA NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI SHING RTA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, KHA LO PA'I GNAS SO, ,DGE SLONG GIS NANG DU CHOS GOS DAG BZHAG STE KHA LO PA'I GNAS SU SKYA RENGS 'CHAR BAR BYED NA LTUNG BA MED DO, ,KHA LO PA'I GNAS SU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM KHA LO PA'I GNAS SU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING RTA RAB TU MANG PO NYEN KOR GCIG PA GANG ZHE NA, 'DI LTA STE MI GCIG GI'AM, SPUN SGO MA BYE BA DAG GI SHING RTA RAB TU MANG PO GANG @56B DAG YIN PA'O, ,DE DAG GI NYEN KOR GANG ZHE NA, 'GRO BA'I NI NANG THAMS CAD DANG PHYI ROL 'DOM GANG NGAM, 'DUG PA'I NI NANG THAMS CAD DANG PHYI ROL 'DOM GANG NGAM, GANG DU DE DAG PHUR PA 'DEBS PAR BYED PA DANG, GLANG DAG 'DOGS PAR BYED PA DANG, RTZVA DAG 'JOG PAR BYED PA DANG, MUN DZA DAG RDUNG BAR BYED PA DANG, THAG PA DAG 'KHAL BAR BYED PA DANG, GANG DU RDUNG BAR BYED PA DANG, RNGO BAR BYED PA DANG, 'THAG PAR BYED PA DANG, 'CHA' BAR BYED PA DANG, ZA BAR BYED PA DANG, 'THUNG BAR BYED PA DANG, KHYE'U SUS BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING RTA RAB TU MANG PO NYEN KOR THA DAD PA GANG ZHE NA, 'DI LTA STE MI THA DAD PA DAG GI'AM, SPUN SGO BYE BA DAG GI SHING RTA RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, , CI ZHIG THUN MONG YIN ZHE NA, CI YANG MA YIN NO, ,SHING LJON PA NYEN KOR GCIG PA GANG ZHE NA, 'DI LTA STE SHING LJON PA YAL GA'I TSOGS 'BREL PA GANG YIN PA'O, ,DE'I NYEN KOR GANG ZHE NA, NANG THAMS CAD DANG PHYI ROL 'DOM GANG NGAM, GANG DU LO MA LHAGS PA RLUNG GIS MA BDAS PA DAG 'BAB PA DANG, CHAR CHAD PA'I THIGS PA SBOM PO DAG 'BAB BA DANG, GANG DU GUNG TSIGS KYI TSE SHING LJON PA'I GRIB MAS KHYAB CING 'DUG PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING LJON PA NYEN KOR THA DAD PA GANG @57A *, ,ZHE NA; 'DI LTA STE SHING LJON PA YAL GA'I TSOGS MA 'BREL PA GANG YIN PA'O, ,DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA RTZA BA'O, ,DGE SLONG GIS RTZA BAR CHOS GOS DAG BZHAG STE YAL GAR SKYA RENGS 'CHAR BAR BYED NA LTUNG BA MED DO, ,YAL GAR CHOS GOS DAG BZHAG STE RTZA BAR SKYA RENGS 'CHAR BAR BYED NA YANG LTUNG BA MED DO, ,RTZA BA'AM YAL GAR CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING LJON PA RAB TU MANG PO NYEN KOR GCIG PA GANG ZHE NA, 'DI LTA STE SHING LJON PA RAB TU MANG PO YAL GA'I TSOGS 'BREL PA GANG YIN PA'O, ,DE DAG GI NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU LO MA LHAGS PA RLUNG GIS MA BDAS PA DAG 'BAB PA DANG, CHAR CHAD PA'I THIGS PA SBOM PO DAG 'BAB PA DANG, GANG DU GUNG TSIGS KYI TSE SHING LJON PA'I GRIB MAS KHYAB CING 'DUG PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,SHING LJON PA RAB TU MANG PO NYEN KOR THA DAD PA GANG ZHE NA, 'DI LTA STE, SHING LJON PA RAB TU MANG PO YAL GA'I TSOGS MA 'BREL PA GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,KUN DGA'I RA BA NYEN KOR GCIG PA GANG ZHE NA, 'DI LTA STE, MI GCIG GI'AM, SPUN SGO MA BYE BA DAG GI KUN DGA'I RA BA GANG YIN PA'O, ,DE'I NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG ME TOG DAG THU BAR BYED PA DANG, SKON PA DAG 'JOG PAR BYED PA DANG, PHRENG BA DAG RGYUD PAR BYED PA DANG, 'JAL BAR BYED PA DANG, NYO BAR BYED PA DANG, @57B 'TSONG BAR BYED PA DANG, BRE'U CHUNG DANG, PHUL 'JOG PAR BYED PA DE NI DE'I NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KUN DGA'I RA BA'I NYEN KOR THA DAD PA GANG ZHE NA, 'DI LTA STE, MI THA DAD PA DAG GI'AM, SPUN SGO BYE BA DAG GI KUN DGA'I RA BA GANG YIN PA'O, DE'I NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, KHRON PA'O, ,DGE SLONG GIS NANG DU CHOS GOS DAG BZHAG STE, KHRON PAR SKYA RENGS 'CHAR BAR BYED NA LTUNG BA MED DO, ,KHRON PAR CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM KHRON PAR CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KUN DGA'I RA BA RAB TU MANG PO NYEN KOR GCIG PA GANG ZHE NA, 'DI LTA STE, MI GCIG GI'AM, SPUN SGO MA BYE BA DAG GI KUN DGA'I RA BA RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, NANG THAMS CAD DANG, PHYI ROL 'DOM GANG NGAM, GANG DU DE DAG ME TOG DAG THU BAR BYED PA DANG, SKON PA DAG 'JOG PAR BYED PA DANG, PHRENG BA DAG RGYUD PAR BYED PA DANG, 'JAL BAR BYED PA DANG, NYO BAR BYED PA DANG; 'TSONG BAR BYED PA DANG, BRE'U CHUNG DANG, PHUL 'JOG PAR BYED PA DE NI DE DAG GI NYEN KOR YIN NO, ,DGE SLONG GIS NANG DU CHOS GOS DAG BZHAG STE NYEN KOR DU SKYA RENGS 'CHAR BAR BYED NA LTUNG BA MED DO, ,NYEN KOR DU CHOS GOS DAG BZHAG STE NANG DU SKYA RENGS 'CHAR BAR BYED NA YANG LTUNG BA MED DO, ,NANG NGAM NYEN KOR DU CHOS GOS DAG BZHAG STE GZHAN DU SKYA RENGS 'CHAR BAR BYED NA SPANG BA'I LTUNG BYED DU 'GYUR RO, ,KUN DGA'I RA BA RAB TU MANG PO NYEN KOR THA DAD PA GANG ZHE NA, 'DI LTA STE, MI THA DAD PA DAG GI'AM, SPUN SGO BYE BA DAG GI @58A *, ,KUN DGA'I RA BA RAB TU MANG PO GANG DAG YIN PA'O, ,DE DAG GI NYEN KOR GANG ZHE NA, SO SO THA DAD PA'O, ,CI ZHIG THUN MONG YIN ZHE NA, CI YANG MA YIN NO, ,SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA DGE SLONG GIS CHOS GOS DAG DGE SLONG LA GTANG DE 'GRON LAM DU MCHI NA, BTZUN PA DE'I NYEN KOR GANG LAGS, NYE BA 'KHOR NGAS BRAM ZE GRO ZHIN SKYES LA AA MRA'I SDONG PO SHIN TU ME TOG PHUN SUM TSOGS PA, 'BRAS BU PHUN SUM TSOGS PA, YAL GA PHUN SUM TSOGS PA, 'DOM BDUN GYIS BAR DU CHOD PA'I AA MRA'I SDONG PO BDUN PO GANG DAG YIN PA DE DAG LA 'DOM BZHI BCU RTZA DGU YOD PAR BSTAN PA DE NI DGE SLONG LAM DU ZHUGS PA'I CHOS GOS DAG GI NYEN KOR YIN NO, ,'GRENG BA DANG, 'DUG PA DANG, NYAL BA'I NYEN KOR NI 'DOM GANG KHO RA KHOR YUG GO, ,THAD KAR 'GRO BA'I NYEN KOR YANG 'DOM GANG KHO RA KHOR YUG GO, ,THAD KAR 'GRENG BA DANG, 'DUG PA DANG NYAL BA'I NYEN KOR YANG 'DOM GANG KHO RA KHOR YUG GO, ,BTZUN PA DGE SLONG MTSAMS GZHAN DU MCHIS NAS, NYAL BAR BGYID NA DE'I CHOS GOS DAG GI NYEN KOR GANG LAGS NYE BA 'KHOR JI TZAM DU CHOS GOS KYI GRVA LUS DANG MA 'BRAL BA TSUN CAD DO, ,DGE SLONG GIS CHOS GOS SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GIS CHOS GOS SPANG BAR GYUR NA, DE SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GIS CHOS GOS SPANG BAR GYUR NA, DE SPANGS SHING BRAL BAR BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, DGE SLONG GIS CHOS GOS SPANG BAR GYUR NA, DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA LTUNG BA MED DO, ,DE BZHIN DU DGE SLONG GIS JI SRID DU SPANG BA'I DNGOS PO DES MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, @58B DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA GZHAN NYE BAR 'JOG PAR BYED NA DE YANG SNGA MA'I RGYUD KYIS SPANG BAR 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, , 'BRAL BA'I SPANG BA STE GNYIS PA RDZOGS SO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG RNAMS LA GOS MANG BA NYID 'DI LTA BU 'DI BYUNG STE, DGE SLONG GANG YANG RUNG BAS GOS SNGON PO ZHIG RNYED NA DES DE BYED DU MI 'JUD PAR DE GANG GI TSE 'DI DANG 'DRA BA RNYED PAR GYUR PA DE'I TSE GOS BYED DU GZHUG GO SNYAM DU RE BAS DE 'JOG PAR BYED CING, SNGON PO JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,DGE SLONG DON NYUNG DU DAG CI'I PHYIR DGE SLONG RNAMS GOS MANG BA NYID 'DI LTA BU 'DI BYUNG STE, DGE SLONG GANG YANG RUNG BAS GOS SNGON PO ZHIG RNYED NA DES DE BYED DU MI 'JUD PAR DE GANG GI TSE 'DI DANG 'DRA BA RNYED PAR GYUR PA DE'I TSE GOS BYED DU GZHUG GO SNYAM DU RE BAS DE 'JOG PAR BYED CING SNGON PO JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS DGE SLONG RAB TU MANG PO DAG LA RMAS PA, DGE SLONG DAG KHYED LA GOS MANG BA NYID 'DI LTA BU 'DI BYUNG STE, DGE SLONG GANG YANG RUNG BAS GOS SNGON PO ZHIG RNYED NA DES DE BYED DU MI 'JUD PAR DE GANG GI TSE 'DI 'DRA BA RNYED PAR GYUR PA DE'I TSE GOS BYED DU 'JUG GO SNYAM DU RE BAS DE 'JOG PAR BYED @59A *, ,CING; SNGON PO JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN DU BDEN NAM, BTZUN PA MAD DO, ,SANGS RGYAS BCOM LDAN 'DAS KYIS 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAM PAR SMAD PAR MDZAD DO, ,DE NAS BCOM LDAN 'DAS KYIS 'DOD PA CHUNG BA'I BSNGAGS PA BRJOD CING, CHOG SHES PA DANG, GSO SLO BA DANG, DGANG SLA BA DANG, PHRI BA DANG, YO BYAD BSNYUNGS PA DANG, SBYANGS PA'I YON TAN RNAMS DANG, MDZES PA NYID DANG, DROD RIG PA'I BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA YANG SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG CHOS GOS ZIN PAS SRA BRKYANG PHYUNG NA DUS MA YIN PA'I GOS SHIG RNYED LA 'DOD NA DGE SLONG DES GOS DE BLANG BAR BYA'O, ,BLANGS NAS GAL TE LANGS NA MYUR BA KHO NAR GOS SU BYA STE BCANG BAR BYA'O, ,GAL TE MI LANGS LA KHA MA LANGS PA KHA SKONG BA'I GOS LA RE BA YOD NA DGE SLONG DES GOS DE ZLA BA GCIG GI MTHAR GZHAG PAR BYA'O, ,DE LAS 'DAS PAR 'JOG NA SPANG BA'I LTUNG BYED DO, ,DGE SLONG ZHES BYA BA NI CHOS 'DI PA'O, ,CHOS GOS ZIN PAS SRA BRKYANG PHYUNG NA ZHES BYA BA NI CHOS GOS ZIN LA SRA BRKYANG MA PHYUNG BA YANG YOD, CHOS GOS MA ZIN LA SRA BRKYANG PHYUNG BA YANG YOD, CHOS GOS ZIN CING SRA BRKYANG PHYUNG BA YANG YOD, CHOS GOS MA ZIN CING SRA BRKYANG MA PHYUNG BA YANG YOD DE, MU BZHIR BCAD PA SNGA MA BZHIN NO, ,DUS MA YIN PA'I GOS SHIG CES BYA BA LA DGE SLONG GIS GOS KYI DUS NI GANG YIN, DUS MA YIN PA NI GANG YIN ZHE NA, SRA BRKYANG BTING BA'I GNAS NA NI STON ZLA 'BRING PO NYA NAS DPYID ZLA RA BA NYA'I BAR GYI ZLA BA DE DAG NI GOS KYI DUS YIN LA, DE PHAN CAD NI DUS MA YIN NO, ,SRA BRKYANG MA BTING BA'I GNAS NA NI THAMS CAD DUS MA YIN NO, ,RNYED @59B LA ZHES BYA BA NI GZHAN LAS SO, ,'DOD NA ZHES BYA BA NI GAL TE DON DU GNYER NA'O, ,DGE SLONG DES GOS DE BLANG BAR BYA'O ZHES BYA BA NI BDAG GIR BYA'O, ,GAL TE LANGS NA ZHES BYA BA NI GAL TE CHOG NA'O, ,MYUR BA KHO NAR GOS SU BYAS TE BCANG BAR BYA'O ZHES BYA BA NI MI BSGYANG BA KHO NAR BYIN GYIS BRLAB TU RUNG BAR BYAS TE'O, ,KHA MA LANGS PA KHA SKONG BA'O ZHES BYA BA NI SNAM SBYAR RAM, BLA GOS SAM, MTHANG GOS KHA MA LANGS PA KHA SKONG BA'I'O, ,GOS LA RE BA YOD NA ZHES BYA BA NI DGE SLONG LA MAS BDAG LA GOS SBYIN BA'I RE BA'AM, PHA'AM, PHU NU'AM, SRING MO'AM, SLOB DPON NAM, MKHAN POS BDAG LA GOS SBYIN PA'I RE BA'AM, LO LNGA'I DUS STON GYI TSE 'AM, LO DRUG GI DUS STON GYI TSE'AM, GTZUG PHUD 'DREG PA'I DUS STON GYI TSE'AM, GNAS KHANG GI DUS STON GYI TSE'AM, DUS STON CHEN PO'I TSE RNYED DU RE BA YOD NA'O, , DGE SLONG DES GOS DE ZLA BA GCIG GI MTHAR GZHAG PAR BYA'O ZHES BYA BA NI ZLA BA GCIG GI MTHA' TSUN CHAD DU'O, ,DE LAS 'DAS PAR 'JOG NA ZHES BYA BA NI DE LAS THAL BAR RO, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA,, ,,BAR SDOM LA, DOGS BCAS DOGS PA MED PA DANG, ,NYAMS GYUR GRUB PAR MA GYUR DANG, ,RGYUN CHAD GOS LNGA GOS GNYIS DANG, ,SBYAR BA DANG NI TSAD RNAMS SO, ,DGE SLONG GIS TSES LA GOS SNGON PO ZHIG RNYED NAS DES DE BYED DU MI 'JUD PAR DE GANG GI TSE 'DI DANG 'DRA BA RNYED PAR GYUR PA DE'I TSE GOS BYED DU GZHUG GO SNYAM DU RE BAS DE 'JOG PAR BYED CING DES TSES DE NYID LA GOS SNGON PO DOGS PA DANG BCAS PA GZHAN ZHIG RNYED PAR GYUR NA, DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU @60A *, ,GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA MA RNYED KYANG TSES GNYIS SAM, TSES GSUM MAM, TSES BCU TSUN CAD KYIS GOS SNGON PO ZHIG RNYED NA, DGE SLONG DES GOS DE ZHAG BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,GOS DE BCU LA MA RNYED KYANG NYI MA BCU DGU TSUN CAD KYIS RNYED NA, DGE SLONG DES GOS DE NYI MA NYI SHU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA, NYI MA NYI SHU PA'I SKYA RENGS SHAR NA SPANG BA'I LTUNG BYED DU 'GYUR RO, ,NYI MA NYI SHU PA LA MA RNYED KYANG NYI MA NYI SHU RTZA DGU TSUN CAD KYIS RNYED NA DGE SLONG DES GOS DE ZLA BA DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA, NYI MA SUM BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,GOS SNGON PO RNYED PA JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,DGE SLONG GIS TSES LA GOS SNGON PO ZHIG RNYED NAS DES DE BYED DU MI 'JUD PAR DE GANG GI TSE 'DI DANG 'DRA BA RNYED PAR GYUR PA DE'I TSE GOS BYED DU GZHUG GO SNYAM DU RE BA MED PAS DE 'JOG PAR BYED CING DES TSES DE NYID LA GOS SNGON PO DOGS PA MED PA GZHAN ZHIG RNYED PAR GYUR NA, DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG @60B BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA MA RNYED KYANG TSES GNYIS SAM, ,TSES BCU TSUN CAD DAM, NYI MA BCU DGU TSUN CAD DAM, NYI MA NYI SHU RTZA DGU TSUN CAD KYIS GOS SNGON PO ZHIG RNYED NA, DGE SLONG DES GOS DE ZLA BA DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA SUM BCU GCIG GI SKYA RENGS SHAR NA SPANG BA'I LTUNG BYED DU 'GYUR RO, ,GOS SNGON PO RNYED PA JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,DGE SLONG GIS TSES LA GOS SNGON PO ZHIG RNYED NAS DES DE BYED DU MI 'JUD PAR DE GOS LA RE BA YOD PA DE 'JOG PAR BYED CING DE'I GOS LA RE BA GANG YIN PA DE NYAMS PAR GYUR, 'GYANGS PAR GYUR, NYAM CHUNG BAR GYUR CING, DES TSES DE NYID LA GOS SNGON PO GZHAN ZHIG RNYED PAR GYUR NA, DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO; ,TSES LA MA RNYED KYANG TSES GNYIS SAM, TSES BCU TSUN CAD DAM, TSES BCU LA MA RNYED KYANG NYI MA NYI SHU RTZA DGU TSUN CAD KYI GOS SNGON PO ZHIG RNYED NA DGE SLONG DES GOS DE ZLA BA DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA SUM BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,GOS SNGON PO RNYED PA JI LTA BA BZHIN DU SER PO DANG, @61A *, ,DMAR PO DANG, STUG PO DANG, SRAB MO YANG DE BZHIN NO, ,DGE SLONG GIS TSES LA GOS SNGON PO ZHIG RNYED NAS DES DE BYED DU MI 'JUG PAR DE RE BAS DE 'JOG PAR BYED CING DE'I GOS LA RE BA GANG YIN PA DE GRUB PAR MA GYUR, RGYUN CHAD PAR MA GYUR PAR DES TSES DE NYID LA GOS SNGON PO GZHAN ZHIG RNYED PAR GYUR NA, DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA MA RNYED KYANG TSES GNYIS SAM, NYI MA NYI SHU RTZA DGU TSUN CHAD KYIS RNYED NA DGE SLONG DES GOS DE ZLA BA DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA SUM BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,GOS SNGON PO RNYED PA JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,DGE SLONG GIS TSES LA GOS SNGON PO ZHIG RNYED NAS DES DE BYED DU MI 'JUD PAR DE RE BAS DE 'JOG PAR BYED CING DE'I GOS LA RE BA GANG YIN PA DE THAMS CAD KYI THAMS CAD DU RGYUN CHAD PAR GYUR NA DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA, NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,TSES LA MA RNYED KYANG TSES GNYIS SAM, NYI MA NYI SHU RTZA DGU TSUN CHAD KYIS RNYED NAS DES DE BYED DU MI 'JUD PAR DE RE BAS DE 'JOG PAR BYED CING DE'I GOS LA RE BA GANG YIN PA DE THAMS CAD KYI THAMS CAD DU @61B RGYUN CHAD PAR GYUR NA DGE SLONG DES GOS DE NYI MA BCU PO DE NYID KYI NANG DU BYIN GYIS BRLAB PAR BYA BA'AM, GTANG BAR BYA BA'AM, RUNG BAR BYA BA'AM, GZHAN LA SBYIN PAR BYA'O, ,BYIN GYIS RLOB PAR MI BYED DAM, GTONG BAR MI BYED DAM, RUNG BAR MI BYED DAM, GZHAN LA SBYIN PAR MI BYED NA NYI MA BCU GCIG PA'I SKYA RENGS SHAR NA SPANG BA'I LTUNG BYED DU 'GYUR RO, ,GOS SNGON PO JI LTA BA BZHIN DU SER PO DANG, DMAR PO DANG, STUG PO DANG, SRAB MO YANG DE BZHIN NO, ,SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA GOS DAG DU MCHIS, NYE BA 'KHOR LNGA STE, GOS BDAG PO YOD PA DANG, GOS BDAG PO MED PA DANG, GOS POR BLANGS DANG, GOS NGUR KHROD PA DANG, GOS PHYAG DAR KHROD PA NYID NI LNGA PA'O, ,DE LA GOS BDAG PO YOD PA GANG ZHE NA, GANG LA BDAG PO SKYES PA'AM, BUD MED DAM, MA NING YOD PA DE NI GOS BDAG PO YOD PA ZHES BYA'O, ,GOS BDAG PO MED PA GANG ZHE NA, GANG LA BDAG PO SKYES PA'AM, BUD MED DAM, MA NING MED PA DE NI GOS BDAG PO MED PA ZHES BYA'O, ,GOS BOR BLANGS GANG ZHE NA, 'DI LTA STE, NYE DU DAG GIS NYE DU NYAMS PA DANG, SHI BA DANG, DUS LA BAB PAR RIG NAS DE'I RGYAB NAS GOS KYIS BKAB STE DUR KHROD DU KHYER NAS DE DAG GIS GOS DE YANG PHYIR KHYER TE 'ONGS NAS DGE 'DUN LA 'BUL BA DE NI GOS BOR BLANGS ZHES BYA'O, ,GOS DUR KHROD PA GANG ZHE NA, YONGS SU 'DZIN PA MED PA'I DUR KHROD NAS BLANGS PA GANG YIN PA DE NI GOS DUR KHROD PA ZHES BYA'O, ,GOS PHYAG DAR KHROD PA GANG ZHE NA, PHYAG DAR KHROD PA RNAM PA LNGA STE, LAM PO CHE'I GOS DANG, DGON PAR BOR BA DANG, CHU 'GRAM PA DANG, SRIL ZAN DANG, RAL RUL NYID NI LNGA PA YIN TE, RAL RUL ZHES BYA BA NI HA CANG ZEGS PA GANG YIN PA'O, ,GZHAN YANG PHYAG DAR KHROD PA RNAM PA LNGA STE, MES TSIG PA DANG, CHUS KHYER BA DANG, BYI BAS ZOS PA DANG, BE'US ZOS PA DANG, MA MA'I GOS NYID NI LNGA PA YIN NO, ,GZHAN YANG GOS GNYIS TE, @62A *, ,SAR PA DANG DUS TSIGS SU SPYAD PA'O, ,GOS SAR PA GANG ZHE NA, THAG PAS GSAR DU BTAGS PA DUS TSIGS GSUM PO DAG LAS DUS TSIGS GANG YANG RUNG BA'I DUS TSIGS SU MA SPYAD PA GANG YIN PA DE NI GOS SAR PA ZHES BYA'O, ,GOS DUS TSIGS SU SPYAD PA GANG ZHE NA, DUS TSIGS GSUM PO DAG LAS DUS TSIGS GANG YANG RUNG BA'I DUS TSIGS SU SPYAD PA GANG YIN PA STE, DUS TSIGS ZHES BYA BA NI ZLA BA BZHI STE, DE NI GOS DUS TSIGS SU SPYAD PA ZHES BYA'O, ,DGE SLONG GIS GOS SAR PA RNYED NA GAL TE DGE SLONG DES BCAG PA DANG, GDING BA DANG, DRA BA DANG, BTZEM PA DANG, KHA BSGYUR BAR NUS NA DGE SLONG DES GOS DE LAS SNAM SBYAR NI NYI RIM DU BYA, GDING BA YANG NYI RIM DU BYA, BLA GOS NI CIG RKYANG DU BYA, MTHANG GOS KYANG CIG RKYANG DU BYA'O, ,DGE SLONG GIS SNAM SBYAR NYI RIM LA RIM PA GSUM PA GLON PAR BYED NA DE GLON PAR BYED PA NA NYES BYAS SU 'GYUR LA, ZHAG BCU 'DAS NA SPANG BA'I LTUNG BYED DU 'GYUR RO, ,DGE SLONG GIS SNAM SBYAR NYI RIM LAS GZHAN DU GLAN NO SNYAM PAS RIM PA 'BOGS PAR BYED NA DE 'BOGS PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO, ,DGE SLONG GIS SNAM SBYAR NYI RIM LAS BKRUS SHING KHA BSGYUR TE 'DI NYID LA GLAN NO SNYAM PAS RIM PA 'BOGS PAR BYED NA DE 'BOGS PA NA LTUNG BA MED LA, NYI MA BCU 'DAS NA SPANG BA'I LTUNG BYED DU 'GYUR RO, ,SNAM SBYAR LA JI LTA BA BZHIN DU GDING BA LA YANG DE BZHIN NO, ,DGE SLONG GIS BLA GOS CIG BRKYANG LA RIM PA GLON PAR BYED NA DE GLON PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO, ,BLA GOS LA JI LTA BA BZHIN DU MTHANG GOS LA YANG DE BZHIN NO, ,DGE SLONG GIS GOS DUS TSIGS SU SPYAD PA ZHIG RNYED LA GAL TE DGE SLONG DES BCAG PA DANG, GDING BA DANG, DRA BA DANG, BCOM PA DANG, KHA BSGYUR BAR NUS NA DGE SLONG DES GOS DE LAS SNAM SBYAR NI BZHI RIM DU BYA, GDING BA YANG BZHI RIM DU BYA, BLA GOS NI NYI RIM DU BYA, MTHANG @62B GOS KYANG NYI RIM DU BYA'O, ,DGE SLONG GIS SNAM SBYAR BZHI RIM LA RIM PA LNGA PA GLON PAR BYED NA DE GLON PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO, ,DGE SLONG GIS SNAM SBYAR BZHI RIM LAS GZHAN DU GLAN NO SNYAM PAS RIM PA 'BOGS PAR BYED NA DE 'BOGS PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO, ,DGE SLONG GIS SNAM SBYAR BZHI RIM LAS BKRUS SHING KHA BSGYUR TE 'DI NYID DU GLAN PAR BYA'O SNYAM PAS RIM PA 'BOGS PAR BYED NA DE 'BOGS PA NA LTUNG BA MED LA, NYI MA BCU 'DAS NA SPANG BA'I LTUNG BYED DU 'GYUR RO, ,SNAM SBYAR LA JI LTA BA DE BZHIN DU GDING BA LA YANG DE BZHIN DU BRJOD PAR BYA'O, ,DGE SLONG GIS BLA GOS NYI RIM LA RIM PA GSUM PA GLON PAR BYED NA DE GLON PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO; ,DGE SLONG GIS BLA GOS NYI RIM LAS GZHAN DU GLAN NO SNYAM PAS RIM PA 'BOGS PAR BYED NA DA 'BOGS PA NA NYES BYAS SU 'GYUR LA, NYI MA BCU 'DAS NA SPANG BA'I LTUNG BYED DU 'GYUR RO, ,DGE SLONG GIS BLA GOS NYI RIM LAS 'DI NYID BKRUS SHING KHA BSGYUR TE 'DI NYID DU GLAN NO SNYAM PAS RIM PA 'BOGS PAR BYED NA DE 'BOGS PA NA LTUNG BA MED LA, NYI MA BCU 'DAS NA SPANG BA'I LTUNG BYED DU 'GYUR RO, ,BLA GOS LA JI LTA BA BZHIN DU MTHANG GOS LA YANG DE BZHIN NO, ,PHYAG DAR KHROD LA NI JI TZAM 'DOD PA GLAN PAR BYA'O, ,SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA SNAM SBYAR DAG GI SNAM PHRAN DU LAGS, NYE BA 'KHOR DGU STE, SNAM PHRAN DGU PA DANG, SNAM PHRAN BCU GCIG PA DANG, SNAM PHRAN BCU GSUM PA DANG, SNAM PHRAN BCVA LNGA PA DANG, SNAM PHRAN BCU BDUN PA DANG, SNAM PHRAN BCU DGU PA DANG, SNAM PHRAN NYI SHU GCIG PA DANG, SNAM PHRAN NYI SHU GSUM PA DANG, SNAM PHRAN NYI SHU LNGA PA'O, ,NYE BA 'KHOR DE LA SNAM PHRAN DGU PA NI GSUM SBYAR GSUM MO, ,SNAM PHRAN BCU GCIG PA NI GSUM SBYAR GSUM DANG SNAM PHRAN GNYIS SO, ,SNAM PHRAN @63A *, ,BCU GSUM PA NI GSUM SBYAR BZHI DANG SNAM PHRAN GCIG GO, ,SNAM PHRAN BCVA LNGA PA NI GSUM SBYAR LNGA'O, ,SNAM PHRAN BCU BDUN PA NI GSUM SBYAR LNGA DANG SNAM PHRAN GNYIS SO, ,SNAM PHRAN BCU DGU PA NI GSUM SBYAR DRUG DANG SNAM PHRAN GCIG GO, ,SNAM PHRAN NYI SHU GCIG PA NI GSUM SBYAR BDUN NO, ,SNAM PHRAN NYI SHU GSUM PA NI GSUM SBYAR BDUN DANG SNAM PHRAN GNYIS SO, ,SNAM PHRAN NYI SHU LNGA PA NI GSUM SBYAR BRGYAD DANG SNAM PHRAN GCIG GO, ,NYE BA 'KHOR DE LA SNAM SBYAR SNAM PHRAN DGU PA GANG YIN PA DANG, SNAM PHRAN BCU GCIG PA GANG YIN PA DANG, SNAM PHRAN BCU GSUM PA GANG YIN PA DE GSUM NI GLEGS BU PHYED DANG GSUM PAR BYAS TE BCANG BAR BYA'O, ,SNAM SBYAR SNAM PHRAN BCVA LNGA PA GANG YIN PA DANG, SNAM PHRAN BCU BDUN PA GANG YIN PA DANG, SNAM PHRAN BCU DGU PA GANG YIN PA DE GSUM NI GLEGS BU PHYED DANG BZHI PAR BYAS TE BCANG BAR BYA'O, ,SNAM SBYAR SNAM PHRAN NYI SHU GCIG PA GANG YIN PA DANG, SNAM PHRAN NYI SHU GSUM PA GANG YIN PA DANG, SNAM PHRAN NYI SHU LNGA PA GANG YIN PA DE GSUM NI GLEGS BU PHYED DANG LNGA PAR BYAS TE BCANG BAR BYA'O, ,NYE BA 'KHOR DE YAN CAD NI TSEM BRU'O, ,BTZUN PA SNAM SBYAR GYI TSAD JI TZAM LAGS, NYE BA 'KHOR GSUM STE, SNAM SBYAR CHEN PO DANG, 'BRING DANG, CHUNG NGUR RIG PAR BYA'O, ,DE LA CHEN PO NI KHRU GSUM DANG LNGA'O, ,CHUNG NGU NI KHRU PHYED DANG GSUM DANG PHYED DANG LNGA'O, ,'BRING GI NI DE GNYIS KYI BAR MA'O, , SNAM SBYAR JI LTA BA BZHIN DU BLA GOS DANG, MTHANG GOS KYANG DE BZHIN NO, ,GZHAN YANG MTHANG GOS RNAM PA GNYIS TE, KHRU DO DANG LNGA PA DANG, KHRU DO DANG BZHI PA'O, ,MTHANG GOS THA MA NI 'KHOR GSUM KHEBS PA GANG YIN PA'O, ,SPANG BA RNAMS KYI GOS THA MA NI KHRU GANG KHO RA KHOR YUG GO, ,DGE SLONG GI GOS SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR MA BYAS LA LTUNG BA MA BSHAGS PAR GZHAN @63B ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA LTUNG BA MED DO, ,DE BZHIN DU JI TZAM DU DGE SLONG GI SPANG BA'I DNGOS PO DE NYID KYIS MA BSHAGS SHING, SO SOR MA BSHAGS PAR LTUNG BZED DAM, CHOS GOS SAM, DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA GZHAN NYE BAR 'JOG PAR BYED NA DE YANG SNGA MA'I RGYUD KYIS SPANG BAR 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,'JOG PA'I SPANG BA STE GSUM PA RDZOGS SA-HO;, ,,GANG GI TSE BCOM LDAN 'DAS BYANG CHUB SEMS DPA' DGA' LDAN GYI GNAS NA BZHUGS PAS GZIGS PA LNGA PO RIGS DANG, YUL DANG, DUS DANG, RUS DANG, BUD MED LA GZIGS PA DAG GIS 'JIG RTEN LA GZIGS NAS GLANG PO CHER SNANG BAR BSGYUR TE YUM GYI LHUMS SU ZHUGS PA DE'I TSE NA SA CHEN PO SHIN TU GA-YOS PAR GYUR CING 'JIG RTEN GYI 'JIG RTEN GYI BAR GANG NA NYI MA DANG ZLA BA 'DI LTAR RDZU 'PHRUL CHE BA, 'DI LTAR MTHU CHE BA 'DI GNYIS KYI 'OD DAG NYAMS SU MI MYONG BA'I MUN PA MUN GNAG MUN PAR BYED PAS GNAG PAR GYUR PA GANG DAG YIN PA DE DAG KYANG DE'I TSE NA SNANG BA RGYA CHEN POS KHYAB PAR GYUR NAS, SEMS CAN GANG DAG DER SKYES PA DAG GIS RANG GI LAG PA BRKYANG BA YANG MI MTHONG BA DE DAG GIS KYANG 'OD DES SEMS CAN GCIG GIS GCIG MTHONG NAS SHES LDAN DAG SEMS CAN GZHAN YANG 'DIR SKYES SO, ,SHES LDAN DAG SEMS CAN GZHAN YANG 'DIR SKYES SO ZHES SHES PAR GYUR TO, ,GANG GI TSE BCOM LDAN 'DAS BYANG CHUB SEMS DPA' ZLA BA BCU 'DAS NAS YUM GYI LHUMS NAS BLTAM PA DE'I TSE YANG SA CHEN PO SHIN TU GA-YOS PAR GYUR CING 'JIG @64A *, ,RTEN GYI 'JIG RTEN GYI BAR GANG NA NYI MA DANG, ZLA BA 'DI LTAR RDZU 'PHRUL CHE BA 'DI LTAR MTHU CHE BA 'DI GNYIS KYI 'OD DAG NYAMS SU MI MYONG BA'I MUN PA MUN GNAG MUN PAR BYED PAS GNAG PAR GYUR PA GANG DAG YIN PA DE DAG KYANG DE'I TSE NA SNANG BA CHEN POS KHYAB PAR GYUR NAS SEMS CAN GANG DAG DER SKYES PA DAG GIS RANG GI LAG PA BRKYANG PA YANG MI MTHONG BA DE DAG GIS KYANG, 'OD DES SEMS CAN GCIG GIS GCIG MTHONG NAS SHES LDAN DAG SEMS CAN GZHAN YANG 'DIR SKYES SO, ,SHES LDAN DAG SEMS CAN GZHAN YANG 'DIR SKYES SO ZHES SHES PAR GYUR TO; ,GANG GI NYIN MO BCOM LDAN 'DAS BYANG CHUB SEMS DPA' BLTAMS PAR GYUR PA DE'I NYIN MO RGYAL PO CHEN PO BZHI DAG GI BU YANG BTZAS PAR GYUR TE, MNYAN YOD NA RGYAL PO CHEN PO RTZIBS KYIS 'PHUR TSANGS SBYIN GYI BU BTZAS NAS DE 'DI SNYAM DU SEMS TE, BDAG GI BU BTZAS PA NA 'JIG RTEN GSAL BA GSAL BA LTAR SNANG BAS GZHON NU 'DI'I MING GSAL RGYAL DU GDAGS SO SNYAM NAS BU DE'I MING GSAL RGYAL ZHES BYA BAR BTAGS SO, ,RGYAL PO'I KHAB NA RGYAL PO CHEN PO PAD MA CHEN PO'I BU BTZAS NAS DE 'DI SNYAM DU SEMS TE, BDAG GI BU BTZAS PA NA 'JIG RTEN NYI MA'I GZUGS SHAR BA LTAR SNANG ZHING 'DI BTZUN MO GZUGS CAN GYI BU YIN PAS GZHON NU 'DI'I MING GZUGS CAN SNYING POR GDAGS SO SNYAM NAS BU DE'I MING GZUGS CAN SNYING PO ZHES BYA BAR BTAGS SO, ,KOO SH'AMB'I NA RGYAL PO CHEN PO DMAG BRGYA PA'I BU BTZAS NAS DE 'DI SNYAM DU SEMS TE, BDAG GI BU BCAS PA NA 'JIG RTEN NYI MA SHAR BA LTAR SNANG BAR GYUR PAS GZHON NU 'DI'I MING SHAR PAR GDAGS SO SNYAM NAS BU DE'I MING SHAR BA ZHES BYA BAR BTAGS SO, ,'PHAGS RGYAL NA RGYAL PO CHEN PO MU KHYUD MTHA' YAS KYI BU BTZAS NAS DE 'DI SNYAM DU SEMS TE, BDAG GI BU BTZAS PA NA 'JIG RTEN RAB TU SNANG BAS SNANG BAR GYUR PAS GZHON NU 'DI'I MING RAB SNANG ZHES BYA BAR GDAGS SO SNYAM NAS BU DE'I MING RAB SNANG ZHES BYA BAR BTAGS SO, ,RGYAL PO RE RES BSAMS PA, YANG BDAG GI BU'I MTHU YIN NO, , @64B BDAG GI BU'I MTHU YIN NO SNYAM MOD KYI, DE NI DE LTA MA YIN TE, 'DI LTAR DE DAG THAMS CAD NI BYANG CHUB SEMS DPA'I MTHU YIN PA'I PHYIR RO, ,GANG GI NYIN MO BCOM LDAN 'DAS BYANG CHUB SEMS DPA' BLTAMS PA DE NYID KYI NYIN MO SH'AKYA GZHAN NU BZANG LDAN LA SOGS PA LNGA BRGYA YANG BCAS SO, ,BSNYEN BKUR BA 'DUN BYED LA SOGS PA LNGA BRGYA YANG BTZAS SO, ,RTA RGOD MA LNGA BRGYA LAS RTE'U BSNGAGS LDAN LA SOGS PA LNGA BRGYA YANG 'BRANGS SO, ,LHA RNAMS KYIS KYANG GTER LNGA BRGYA NYE BAR BSTAN TO, ,BCOM LDAN 'DAS BYANG CHUB SEMS DPA' DE BRAM ZE LTAS PA DANG MTSAN MKHAN DAG GIS LUNG BSTAN PA, GAL TE GZHON NU PHO BRANG GI NANG NA BZHUGS PAR GYUR NA 'KHOR LOS SGYUR BA'I RGYAL PO MTHA' BZHIR RGYAL BA, CHOS KYI RGYAL PO CHOS DANG LDAN PA, RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN PO DE DAG NI 'DI LTA BUR 'GYUR TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, DMAG DPON RIN PO CHE NYID NI BDUN PA YIN NO, ,'DI LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG TSANG BA YOD PAR 'GYUR RO, ,DE RGYA MTSO LA THUG PA'I SA CHEN PO MA LUS PA GNOD PAR SNGO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG KHA SPU BREGS TE GOS NGUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU RNAM PAR GRAGS PA'I SGRA DANG LDAN PAR 'GYUR RO ZHES LUNG BSTAN TO, ,GANG GI TSE BCOM LDAN 'DAS BYANG CHUB SEMS DPA' 'JIG RTEN DU BYUNG BA DE'I TSE NA THAMS CAD DU GANG KYI NGOS DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I @65A *, ,BSTI GNAS DANG, HA CANG MI RING BAR SH'AKYA RNAMS KYI GZHON NU BYUNG STE, DE BRAM ZE LTAS PA DANG, MTSAN MKHAN DAG GIS GAL TE GZHON NU DE PHO BRANG GI NANG NA BZHUGS PAR GYUR NA 'KHOR LOS SGYUR BA'I RGYAL PO MTHA' BZHIR RGYAL BA, CHOS KYI RGYAL PO CHOS DANG LDAN PA RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN PO DE DAG NI 'DI LTA BUR 'GYUR TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, DMAG DPON RIN PO CHE NYID NI BDUN PA YIN NO, ,'DI LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG TSANG BA YOD PAR 'GYUR RO, ,DE RGYA MTSO LA THUG PA'I SA CHEN PO MA LUS PA GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG KHA SPU BREGS TE GOS NGUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU RNAM PAR GRAGS PA'I SGRA DANG LDAN PAR 'GYUR RO ZHES LUNG BSTAN TO ZHES SGRA BSGRAGS PAR GYUR TO, ,NYI 'OG GI KHAMS KYI RGYAL PO DAG GIS KYANG GANGS RI'I NGOS DANG NYE BA CHU KLUNG SKAL LDAN SHING RTA'I 'GRAM DRANG SRONG SER SKYA'I BSTI GNAS DANG, HA CANG MI RING BAR SH'AKYA RNAMS KYI GZHON NU BYUNG STE, DE BRAM ZE LTAS PA DANG, MTSAN MKHAN DAG GIS GAL TE GZHON NU DE PHO BRANG GI NANG NA BZHUGS PAR GYUR NA 'KHOR LOS SGYUR BA'I RGYAL PO MTHA' BZHIR RGYAL BA; CHOS KYI RGYAL PO CHOS DANG LDAN PA, RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN PO DE DAG NI 'DI LTA BUR 'GYUR TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN @65B PO CHE DANG, KHYIM BDAG RIN PO CHE DANG, DMAG DPON RIN PO CHE NYID NI BDUN PA YIN NO, ,'DI LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG TSANG BA YOD PAR 'GYUR RO, ,DE RGYA MTSO LA THUG PA'I SA CHEN PO MA LUS PA GNOD PAR SDO BA MED CING 'TSE ? BA MED PA 'DI NYID CHAD PA MED CING MTSON GYIS BDA' BA MED LA CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG KHA SPU BREGS TE GOS NGUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU RNAM PAR GRAGS PA'I SGRA DANG LDAN PAR 'GYUR RO, ,ZHES LUNG BSTAN TO ZHES THOS SO, ,THOS NAS KYANG NYI 'OG GI KHAMS KYI RGYAL PO DE DAG 'DI SNYAM DU SEMS TE, DA GZHON NU BSTEN NA DUS SU 'BRAS BU STER BAR 'GYUR BAS GANG BSTEN NA GZHON NU BSTEN PAR 'GYUR SNYAM MO, ,DE DAG GIS BSAMS PA, RGYAL PO ZAS GTZANG BSTEN PAR BYA STE, DE BSTEN NA GZHON NU BSTEN PAR 'GYUR RO SNYAM NAS, DE DAG GIS RGYAL PO ZAS GTZANG BSTEN PAR BRTZAMS TE, DUS DANG MTHUN PA'I DUS SU 'DUD PAS PHO NYA DANG, DKOR SGROM DAG SKUR BAR BYED DO, ,DE NAS RGYAL PO ZAS GTZANG 'DI SNYAM DU SEMS TE, BDAG GI BU BTZAS PA NA DON THAMS CAD DANG LAS KYI MTHA' THAMS CAD GRUB PAS DE'I PHYIR GZHON NU 'DI'I MING DON THAMS CAD GRUB PA ZHES BYA BAR GDAGS SO SNYAM NAS DE'I MING DON THAMS CAD GRUB PA ZHES BYA BAR BTAGS SO, ,GANG GI TSE BCOM LDAN 'DAS BYANG CHUB SEMS DPA' CHEN POR 'KHRUNGS SHING DES RGAN PO DANG, NAD PA DANG, SHI BA GZIGS NAS THUGS PHYUNG STE NAGS KYI NANG DU GSHEGS PA DE'I TSE NA RGYAL PO ZAS GTZANG DANG, SH'AKYA LEGS PAR RAB RTOGS KYIS BKA' MCHID GSOL BA'I MI NYIS BRGYA LNGA BCU NYIS BRGYA LNGA BCU BKYE STE, DE DAG GIS NYI MA RE RE ZHING DENG NI GZHON NU TIL 'BRU GCIG GAM, @66A *, ,'BRAS THUG PO CHE 'BRU GCIG GAM, MON SRAN SDE'U 'BRU GCIG GAM, MON SRAN GRE'U 'BRU GCIG GAM, RGYA SHUG GI 'BRU GCIG GAM, RGYA SRAN 'BRU GCIG GIS 'TSO BAR MDZAD DO ZHES BCOM LDAN 'DAS BYANG CHUB SEMS DPA'I BKA' MCHID KHYER TE 'ONG NGO; ,NYI 'OG GI KHAMS KYI RGYAL PO DAG GIS DE LTAR GZHON NU DON THAMS CAD GRUB PA RGAN PO DANG, NAD PA DANG, SHI BA GZIGS NAS THUGS BYUNG STE RAB TU BYUNG NGO ZHES THOS NAS DE DAG 'DI SNYAM DU SEMS TE, GANG GI PHYIR BDAG CAG RGYAL PO ZAS GTZANG LA STEN PAR BYED PA'I GZHON NU DE RAB TU BYUNG NGO SNYAM NAS, DE DAG LAS KO SA LAR BYUNG BA'I RGYAL PO GSAL RGYAL MA GTOGS PA GZHAN THAMS CAD KYIS 'DUD PA DANG, PHO NYA DANG DKOR SGROM 'BUL BA RGYUN BCAD PAR GYUR TO, ,DE'I TSE NA KO SA LAR BYUNG BA'I RGYAL PO GSAL RGYAL LA BLON PO'I MCHOG SBED PA ZHES BYA BA ZHIG YOD LA, RGYAL PO ZAS GTZANG LA NI MDUN NA 'DON GYI BU 'CHAR KA ZHES BYA BA YOD DE, GANG GI TSE KO SA LAR BYUNG BA'I RGYAL PO GSAL RGYAL RGYAL PO ZAS GTZANG GI GAN DU PHO NYA GTONG BAR BYED PA DE'I TSE NA BLON PO'I MCHOG SBED PA GTONG BAR BYED DE, DES RGYAL PO'I BYA BA DAG DANG; RGYAL PO'I BYED PA DAG BYAS NAS 'CHAR KA'I KHYIM DU 'JUG PAR BYED DO, ,GANG GI TSE RGYAL PO ZAS GTZANG KO SA LAR BYUNG BA'I RGYAL PO GSAL RGYAL GYI GAN DU PHO NYA GTONG BAR BYED PA DE'I TSE NA NI MDUN NA 'DON GYI BU 'CHAR KA GTONG BAR BYED DE, DES KYANG RGYAL PO'I BYA BA DAG DANG; RGYAL PO'I BYED PA DAG BYAS NAS BLON PO'I MCHOG SBED PA'I KHYIM DU 'JUG PAR BYED DO, ,SBED PA LA CHUNG MA SBED MA ZHES BYA BA GZUGS BZANG BA, BLTA NA SDUG PA, MDZES PA, SKYES BU DGA' BA ZHIG YOD DE, 'CHAR KA SBED MA DANG LHAN CIG KHA DUM PAR GYUR TO, , SBED PAS JI LTAR 'CHAR KA SBED MA DANG LHAN CIG KHA DUM PAR GYUR PAR SHES NAS DES BSAMS PA, 'DI GSAD PAR BYA'O SNYAM MO, ,YANG BSAMS PA, GAL TE 'DI BSAD PAR GYUR NA YUL 'KHOR GNYIS 'KHRUG PA CHEN POR 'GYUR BAS BDAG GIS BUD MED KYI LUS KYI @66B PHYIR CI'I PHYIR BRAM ZE GSAD PAR BYA SNYAM NAS DE BTANG SNYOMS SU BZHAG GO, ,DE NAS 'CHAR KA 'DI SNYAM DU SEMS TE, BDAG SBED PAS 'PHRIGS SO SNYAM DU RIG NAS SKRAG STE KHYIM NAS BYUNG ZHING GZHAN NA 'DUG PA DANG, SBED PAS SMRAS PA, 'CHAR KA KHYOD CI'I PHYIR RANG GI KHYIM SPANGS TE GZHAN NA 'DUG TSUR SHOG ,'DI KHYOD RANG GI KHYIM YIN GYIS CI BDER 'DUG SHIG ,DE NAS 'CHAR KA 'DI SNYAM DU SEMS TE, DON GYIS NA 'DIS BDAG LA RJES SU GNANG NGO SNYAM DU RIG NAS DE NYID NA 'DUG GO,, ,,'DUL BA RNAM PAR 'BYED PA, BAM PO NYI SHU BDUN PA, DE NAS DUS GZHAN ZHIG NA BLON PO'I MCHOG SBED PA DUS LA BAB NAS KO SA LAR BYUNG BA'I RGYAL PO GSAL RGYAL GYIS DE LA BU MED PA'I PHYIR NOR THAMS CAD RANG GI MDZOD DANG BANG BAR BCUG GO, ,SBED MAS 'CHAR KA LA GANG GI TSE BDAG GI KHYIM THAB GSON ZHING 'DUG STE 'TSO ZHING SDOD PA DE'I TSE NA KHYOD RTAG PA KHO NAR BYON NA NGA DE'I DUS LA BAB STE, KO SA LAR BYUNG BA'I RGYAL PO GSAL RGYAL GYIS KYANG BU MA MCHIS PA'I SLAD DU NOR THAMS CAD RANG GI MDZOD DANG BANG BAR STZAL NA, NGA KHYOD KYIS BKA' MCHID TZAM YANG MI SPRING NGAM ZHES YI GE SPRING NGO, ,DE NAS 'CHAR KA SPRING YIG GI DON THOS NAS 'DI SNYAM DU SEMS TE, GAL TE BDAG DER SONG BAR GYUR NA GZHI DE LAS 'CHAR KA BUD MED LA CHAGS BA BUD MED KYI PHYIR DER SONG NGO ZHES GZHAN DAG KHA ZER BAR 'GYUR GYIS BDAG GIS THABS KYI RNAM PA ZHIG BYA'O SNYAM NAS DES LAN GNYIS SAM GSUM DU RGYAL PO'I BYA BA DAG DANG, RGYAL PO'I BYED PA DAG BYAS NAS RGYAL PO ZAS GTZANG GA LA BA DER SONG STE PHYIN NAS RGYAL PO ZAS GTZANG LA 'DI SKAD CES SMRAS SO, ,LHA GANG GI TSE GZHON NU DON THAMS CAD GRUB PA BLTAMS PA DE'I TSE NA NYI 'OG GI KHAMS KYI RGYAL PO THAMS CAD 'DUD CING THAMS CAD KYIS PHO NYA DANG, DKOR SGROM DAG GSOL NAS, GANG GI TSE GZHON NU DON THAMS CAD GRUB PA RGAN PO DANG, NAD PA DANG, GUM PA GZIGS NAS THUGS BYUNG STE NAGS SU GSHEGS PA @67A *, ,DE'I TSE NA NYI 'OG GI KHAMS KYI RGYAL PO DE DAG LAS KO SA LAR BYUNG BA'I RGYAL PO GSAL RGYAL MA GTOGS PA GZHAN THAMS CAD KYIS PHO NYA DANG, DKOR SGROM 'BUL BA RGYUN BKUM NAS LHAS KO SA LAR BYUNG BA'I RGYAL PO GSAL RGYAL LA PHO NYA DANG, DKOR SGROM DAG BKA' STZAL CING BSKUR NAS DE LTA DE LTAR RKYEN PAR GYUR PA LAS DA YAL BAR BOR NA SLAD KYIS GNOD PA CHEN POR 'GYUR BA DE SKOL DANG MTSAMS 'BREL PAR MCHIS PAS DE DANG LHAN CIG RKYEN PAR MDZAD PA'I RIGS SO, ,'CHAR KA GAL TE DE LTA NA KHYOD NYID PHO NYAR SONG SHIG ,LHA BKA' BZHIN 'TSAL ZHES DE NAS 'CHAR KAS DKOR SGROM DAG KHYER TE MNYAN YOD GA LA BA DER 'PHAGS NAS MTHAR GYIS MNYAN YOD DU PHYIN TO, ,DE NAS 'CHAR KA 'DI SNYAM DU SEMS TE, STEN PA LA BSTEN PAR MI BYA BAR BSTEN PA LA BSTEN PA BSTEN PAR BYA BA YIN PAS JE DANG POR BLON PO RNAMS BLTA BAR BYA ZHING DE'I 'OG TU RGYAL PO BLTA STE, SBED MA'I PHYIR RGYAL PO LA GSOL BA BYA'O SNYAM NAS, DES BLON PO RNAMS LA BLTA BAR BRTZAMS TE SMRAS PA, SHES LDAN DAG KHYED KYIS KHO BO JI LTAR SBED MA DANG LHAN CIG BSHES PA DE MI SHES SAM, DE KHYIM THAB DUS LA BAB NAS KO SA LAR BYUNG BA'I RGYAL PO GSAL RGYAL GYIS BU MED PA'I PHYIR DE'I NOR THAMS CAD RANG GI MDZOD DANG, BANG BAR BCUG PAS DE'I PHYIR KHO BO RGYAL PO LA GSOL BA BYED KYIS KHYED KYIS GROGS GYIS SHIG ,DE DAG GIS DE BZHIN DU KHAS BLANGS SO; ,DE NAS 'CHAR KA KO SA LAR BYUNG BA'I RGYAL PO GSAL RGYAL GA LA BA DER SONG STE PHYIN NAS, KO SA LAR BYUNG BA'I RGYAL PO GSAL RGYAL LA RGYAL BA DANG, TSE SPEL BA BYAS TE MTHA' GCIG TU 'DUG NAS LAN GNYIS LAN GSUM DU RGYAL PO'I BYA BA DAG DANG, RGYAL PO'I BYED PA DAG BYAS TE, KO SA LAR BYUNG BA'I RGYAL PO GSAL RGYAL LA 'DI SKAD CES SMRAS SO, ,LHA BDAG GI GNAS STZOL CIG ,'CHAR KA KHYOD SNGON GANG DU ZHUGS, LHA BLON PO'I MCHOG SBED PA'I SDUM PAR MCHIS SO, ,'CHAR KA SONG LA DE NYID DU ZHUGS SHIG ,LHA BLON PO'I @67B MCHOG SBED PA DUS LA BAB PO, ,GAL TE DE DUS LA BAB NA CI DE'I KHYIM YANG DUS LA BAB BAM, LHA DE'I SDUM PA NI DUS LA MA BAB MOD KYI 'ON KYANG DE NA STAN TZAM YANG MA MCHIS SO, ,RGYAL POS BLON PO RNAMS LA SMRAS PA, SHES LDAN DAG KHYED KYIS 'CHAR KA'I GNAS BYIN CIG ,'CHAR KA'I PHYIR BYUNG BA DANG, BLON PO RNAMS KYIS SMRAS PA, LHA CI LAGS 'CHAR KA LA GNAS MA MCHIS SNYAM MAM, 'DI LTAR 'CHAR KA SBED MA DANG LHAN CIG MCHID MJAL BAS DON GYIS NA 'CHAR KAS SBED MA'I SLAD DU LHA LA GSOL BA LAGS KYIS, LHA 'CHAR KA NI BRAM ZE MDUN NA 'DON GYI BU LAGS PAS BRAM ZE NI MI 'DOD BZHIN DU GZUNG PAR BGYI BA LAGS TE, 'DI LEGS PAR BZUNG NA RGYAL PO ZAS GTZANG LEGS PAR BZUNG BAR 'GYUR RO, ,DE NAS RGYAL POS 'CHAR KA BOS TE SMRAS PA, 'CHAR KA NGAS KHYOD JI LTAR SBED MA DANG LHAN CIG BSHES PAR SNGAR MA SHES KYIS NGA ? SONG LA SBED MA DANG, DE'I KHYIM DANG, NOR THAMS CAD KHYOD KHYER CIG ,LHA BKA' STZAL PA BZHIN 'TSAL LO ZHES SMRAS NAS, 'CHAR KA SBED MA'I KHYIM GA LA BA DER SONG BA DANG, SBED MAS 'CHAR KA 'ONGS SO ZHES THOS NAS SGO KHANG DU 'DUG STE NGU BAR BRTZAMS SO, ,'CHAR KAS MTHONG NAS SMRAS PA, SBED MA KHYOD CI'I PHYIR DU, DES SMRAS PA, BDAG 'TSAL BA'I KHYIM THAB DUS LA BAB NA CI KHYOD KYIS KYANG YONGS SU BTANG NGAM, DE NAS 'CHAR KA 'DI SNYAM DU SEMS TE, GAL TE BDAG GIS MTHUN PAR SMRAS NA 'DI SHIN TU NGU BAR 'GYUR BAS BDAG GIS 'DI TSAR GCAD PAR BYA'O SNYAM DU RIG NAS 'CHAR KAS SBED MA LA SMRAS PA, SBED MA BYANG CHUB SEMS DPA' DKA' BA BYED PA GANG GIS BTZUN MO GRAGS 'DZIN DANG, SA 'TSO MA DANG, RI DAGS SKYES LA SOGS PA BUD MED DRUG KHRI SPANGS TE RAB TU BYUNG BA DE DAG GI RKANG PA'I RDUL TZAM DU YANG KHYOD KYIS MI PHOD DO, ,DE NAS DE CANG MI SMRA BAR 'DUG PA DANG, 'CHAR KAS SMRAS PA, KHO BOS KHYOD MA BTANG BAS KHYOD NYID KYI PHYIR 'DIR 'ONGS PA YIN NO, ,KHO BOS RGYAL PO LAS @68A *, ,KHYOD DANG KHYIM DANG, NOR THAMS CAD THOB NA CI KHYOD 'DI NYID DU 'DUG GAM, SER SKYA'I GNAS SU 'GRO, ,DES BSAMS PA, GAL TE SER SKYA'I GNAS SU SONG NAS BRAM ZE MO LAS SROG KYANG MI THOB BO SNYAM DU RIG NAS 'DI NYID DU MCHIS SO ZHES SMRAS TE DE DE NYID DU 'DUG GO, ,DE'I TSE NA 'CHAR KA LA KHYIM GNYIS YOD DE, GCIG NI MNYAN YOD NA'O, ,GCIG NI SER SKYA'I GNAS NA'O, ,GANG GI TSE BCOM LDAN 'DAS BYANG CHUB SEMS DPAS LO DRUG TU DKA' BA SPYAD DE DKA' BA BYED PA CI YANG MED PAR RIG NAS, CI BDER DBUGS RNGUB PAR MDZAD CI BDER DBUGS 'BYIN PAR MDZAD CING, 'BRAS CHAN DANG, ZAN DRON LA SOGS PA ZHAL ZAS RGYA CHEN PO DAG KYANG GSOL BAR MDZAD, ZHUN MAR DANG, 'BRU MAR DAG GIS SKU DAG KYANG SKUD PAR MDZAD, CHU DRON POS KYANG SKU BSIL BAR MDZAD CING, GRONG SDE 'DONG DU GSHEGS NAS GRONG PA'I BU MO DGA' MO DANG, DGA' STOBS MA GNYIS LAS LAN BCU DRUG BZLAS PA'I 'O MA SBRANG RTZI DANG BSRES PA GSOL TE, KLU'I RGYAL PO NAG POS MNGON PAR BSTOD PA NA RTZVA BKRA SHIS 'TSONG PA LAS RTZVA GSER GYI MDOG LTA BU DAG BZHES NAS, BYANG CHUB KYI GZHI GA LA BA DER GSHEGS TE BYON NAS, NYID KYIS RTZVA MA 'KHRUGS PA'I GDAN BSHAMS NAS SKYIL MO KRUNG BCAS TE SKU DRANG POR BSRANG NAS DRAN PA PHYOGS PAR BZHAG STE BZHUGS NAS THUGS BSKYED CING GSUNG BRJOD PA, JI SRID ZAG MED MA THOB PAR, ,DE SRID SKYIL KRUNG GZHIG MI BYA, ,DE YIS JI SRID ZAG MED PA, ,MA BRNYES SKYIL KRUNG 'JIG MI MDZAD, ,GANG GI TSE BCOM LDAN 'DAS KYIS MTSAN MO'I GUNG THUN LA BDUD 'BYUNG PO DUNG PHYUR PHRAG GSUM DANG, BYE BA PHRAG DRUG GI 'KHOR DANG LDAN PA BYAMS PA'I STOBS KYIS MNGON PAR BTUL TE BLA NA MED PA'I MKHYEN PA THUGS SU CHUD NAS TSANGS PAS GSOL TE, B'A R'A nA S'IR GSHEGS NAS LAN GSUM DU BZLAS TE RNAM PA BCU GNYIS SU CHOS DANG LDAN PA'I CHOS KYI 'KHOR LO BSKOR BA DE'I TSE LNGA PA DANG, NYE LNGA DAG DANG, GRONG PA'I KHYE'U MTHO BA MTHO BA @68B LNGA BCU BTUL TO, ,KAR PA SI'I TSAL GSEB TU GSHEGS NAS BZANG SDE'I TSOGS DRUG BCU BDEN PA DAG LA BKOD DO, ,GRONG SDE 'DONG DU GSHEGS NAS GRONG PA'I BU MO DGA' MO DANG, DGA' STOBS MA GNYIS BDEN PA DAG LA BKOD DO, ,STENG RGYAS SU GSHEGS NAS RAL PA CAN STONG RAB TU PHYUNG ZHING RDZOGS PAR BSNYEN PAR MDZAD DO, ,GA Y'A MGO'I MCHOD RTEN DU GSHEGS NAS DGE SLONG STONG PO DE DAG CHO 'PHRUL GSUM GYIS GDAMS PA MDZAD NAS 'KHOR BA'I DGON PA LAS BSGRAL TE SHIN TU MTHAR THUG PA GRUB PA DANG BDE BA BLA NA MED PA'I MYA NGAN LAS 'DAS PA LA BKOD DO, ,SHAR PA'I TSAL GSEB TU GSHEGS NAS MA GA DH'AR BYUNG BA'I RGYAL PO BZO SBYANGS GZUGS CAN SNYING PO LHA BRGYANG KHRI DANG, MA GA DH'AR BYUNG BA'I BRAM ZE DANG, KHYIM BDAG 'BUM PHRAG DU MA DANG LHAN CIG BDEN PA DAG LA BZHAG GO, ,RGYAL PO'I KHAB TU GSHEGS NAS 'OD MA'I TSAL BZHES TE SH'A RI'I BU DANG, MOOD GAL GYI BU 'KHOR NYIS BRGYA LNGA BCU DANG LDAN PA RAB TU PHYUNG ZHING RDZOGS PAR BSNYEN PAR MDZAD DO, ,MNYAN YOD DU GSHEGS NAS RGYAL BYED KYI TSAL BZHES TE KO SA LAR BYUNG BA'I RGYAL PO GSAL RGYAL GZHON NU'I DPE'I MDOS BTUL NAS, DE NAS SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE NAS KO SA LAR BYUNG BA'I RGYAL PO GSAL RGYAL GYIS RGYAL PO ZAS GTZANG GI GAN DU PHO NYA BTANG STE, LHA DGYES PA SKYED CIG ,KHYOD KYIS SRAS KYIS BDUD RTZI THUGS SU CHUD DE, BDUD RTZIS 'GRO BA TSIM PAR MDZAD CING, MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO ZHES SPRING NGO, ,RGYAL PO ZAS GTZANG GIS THOS NAS BCOM LDAN 'DAS KYI SPYAN SNGAR PHO NYA BTANG STE, GZHON NU BDAG GIS RING DU MA MTHONG STE, BDAG GZHON NU MTHONG BAS YONGS SU SKOM MO ZHES GSOL PA DANG, PHO NYA DE DE NYID DU RAB TU PHYUNG NGO, ,PHO NYA GNYIS PA BTANG BA DANG DE YANG DE NYID DU RAB TU PHYUNG NGO, ,BCOM LDAN 'DAS KYIS @69A *, ,CHOS 'DUL BA NI LEGS PAR GSUNGS PA YIN PA'I PHYIR GANG DANG GANG PHO NYAR BTANG BA DE DANG DE DE NYID DU RAB TU BYUNG NGO, ,DE NAS DUS GZHAN ZHIG NA RGYAL PO ZAS GTZANG GIS DE THOS NAS LAG PA LA 'GRAM PA GTAD DE SEMS KHONG DU CHUD CING 'DUG PA, 'CHAR KAS MTHONG NAS SMRAS PA, LHA CI'I SLAD DU PHYAG LA ZHAL GTAD DE THUGS KHONG DU CHUD CING BZHUGS, 'CHAR KA GANG GI TSE GZHON NU DON THAMS CAD GRUB PA DKA' BA DAG SPYOD PA'I TSE NGAS GTAM RMED PA'I MI DAG BTANG NA DE DAG NYI MA RE RE ZHING GTAM KHYER TE 'ONGS NAS GZHON NU DON THAMS CAD GRUB PA GNAS PA 'DIS GNAS SO ZHES GTAM SNYOD PAR BYED NA, DA GZHON NU DON THAMS CAD GRUB PAS BDUD RTZI THUGS SU CHUD DE BDUD RTZIS 'GRO BA TSIM PAR MDZAD CING, MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS ZHES THOS NAS NGAS GTAM RMED PA'I MI DAG BTANG NA, 'GAS KYANG GZHON NU DON THAMS CAD GRUB PA'I GTAM KHYER TE MI 'ONG BAR GANG DANG GANG PHO NYAR BTANG BA DE DANG DE DE NYID DU 'DUG PAR GYUR NA NGA JI LTAR LAG PA LA 'GRAM PA GTAD DE SEMS KHONG DU CHUD CING MI 'DUG TU RUNG, 'CHAR KAS SMRAS PA; LHA BDAG LA BKA' STZAL DU GSOL, KHYOD KYANG DER 'DUG PAR 'GYUR RO, ,LHA BDAG GIS LHA'I SPYAN SNGAR BKA' MCHID 'TSAL TE MCHI'O, ,RGYAL PO ZAS GTZANG GIS RANG NYID KYIS PHRIN YIG 'DI SKAD CES, MA RUM BZHUGS PA TSUN CHAD NAS, ,BDAG GIS LEGS PAR KHYOD BSRUNGS TE, ,NYON MONGS GDUGS KYIS RAB GDUNGS PAS, ,RGYAL BA'I LJON SHING SDOD CING MCHIS, ,SLOB MA'I YAL GA RTZA LAG GIS, ,DA LTAR KHYOD NI RGYAS GYUR PAS, ,GZHAN DAG BDE BAS DGA' MDZAD NA, ,BDAG NI SDUG BSNGAL STEN PAR GYUR, ,GANG TSE DANG PO KHYOD 'KHRUNGS TSE, ,SHIN TU DON CHEN MDZAD NAS NI, ,NYE DU RJES SU GZUNG MDZAD CES, ,DE TSE KHYOD KYIS THUGS DAM BCAS, ,DE SLAD GO 'PHANG ZHI BRNYES KHYOD, ,BDAG DANG NYE DU'I TSOGS RNAMS LA, ,RJES SU THUGS BRTZI NYER BZUNG STE, , @69B BYON PA'I BLO GROS MDZAD DU GSOL, ,ZHES BRIS SO, ,DE NAS 'CHAR KA PHRIN YIG DE BLANGS TE MNYAN YOD DU 'PHAGS NAS DE MTHAR GYIS MNYAN YOD DU PHYIN NAS JI TZAM NA 'CHAR KAS BCOM LDAN 'DAS LA PHRIN YIG PHUL BA DANG, BCOM LDAN 'DAS NYID KYIS PHRIN YIG BKLAG PA MDZAD NAS, 'CHAR KAS GSOL PA, BCOM LDAN 'DAS SER SKYA'I GNAS SU GSHEGS SAM, 'CHAR KA 'ONG NGO, ,'CHAR KAS SNGON GYI GCUGS PA DE NYID KYIS 'DI SKAD CES GSOL TO, ,GAL TE BCOM LDAN 'DAS MI GSHEGS NA BDAG GIS MTHUS BKRI BAR BGYI'O, ,DE NAS BCOM LDAN 'DAS KYIS DE'I TSE TSIGS SU BCAD PA BKA' STZAL PA, GANG LA KHRID BYED SRED PA YI, ,DRA BKRAM GANG NA'ANG YOD MIN PA, ,SPYOD YAS GZHI MED SANGS RGYAS DE, ,GANG GI GZHIS NI KHRID PAR BYED, ,GANG LA KHRID BYED SRED PA YI, , DRA BKRAM GANG NA'ANG YOD MIN PA, ,RTZAL YAS GZHI MED SANGS RGYAS DE, ,GANG GI GZHIS NI KHRID PAR BYED, ,GANG RGYAL MI NYAMS GANG LA NI, ,'JIG RTEN MA RGYAL YONG MED PA, ,SPYOD YAS GZHI MED SANGS RGYAS DE, ,GANG GI GZHIS NI KHRID PAR BYED, ,GANG RGYAL MI NYAMS GANG LA NI, ,'JIG RTEN MA RGYAL YONG MED PA, ,RTZAL YAS GZHI MED SANGS RGYAS DE, ,GANG GI GZHIS NI KHRID PAR BYED, ,'CHAR KAS GSOL PA, BCOM LDAN 'DAS BDAG RGYAL PO ZAS GTZANG LA BRJOD DU MCHI'O, ,BCOM LDAN 'DAS KYIS BKA' STZAL PA; 'CHAR KA RGYAL BA'I PHO NYA DAG NI DE LTA BU MA YIN NO, ,BCOM LDAN 'DAS 'O NA RGYAL BA'I PHO NYA DAG JI LTA BU LAGS, SKRA BREGS SHING GOS NGUR SMRIG GON PA RAB TU BYUNG BA DAG YIN NO, ,BCOM LDAN 'DAS BDAG GIS RGYAL PO ZAS GTZANG LA SLAR MCHIS PAR MCHID KYIS 'TSAL TO, ,BCOM LDAN 'DAS KYIS BKA' STZAL PA, RAB TU BYUNG STE SONG SHIG ,'DI LTAR BCOM LDAN 'DAS BYANG CHUB SEMS DPAR GYUR PAS SNGON TSE RABS RJES PA DE DANG DE DAG TU YAB DANG, YUM DANG, MKHAN PO DANG, SLOB DPON DANG, BLA MA DANG, BLA @70A *, ,MA'I GNAS LTA BU DAG GI CHOS DANG LDAN PA'I TSIG 'GA' YANG MA BCAG PAS BKA' STZAL MA THAG TU 'CHAR KAS GSOL PA, BCOM LDAN 'DAS BDAG RAB TU 'BYUNG NGO, ,DE NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU 'CHAR KA RAB TU PHYUNG SHIG DANG, DE NI 'DI LA YUN RING PO'I DON DANG, PHAN PA DANG, BDE BAR 'GYUR RO, ,TSE DANG LDAN PA SH'A RI'I BUS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS 'CHAR KA RAB TU PHYUNG BSNYEN PAR RDZOGS PAR BYAS TE, DE LA 'DI NI KHYOD KYI BYA BA YIN NO, ,'DI NI KHYOD KYIS BYA BA MA YIN NO, ,'CHAR KA KHYOD KYIS DENG PHYIN CAD BUD MED KYI YUL DANG LHAN CIG KHYIM GCIG TU NYAL BAR MI BYA'O ZHES BYA BA LA SOGS PA KUN TU SPYAD PA'I CHOS THAMS CAD BRJOD DO, ,'CHAR KAS MKHAN PO BKA' BZHIN 'TSAL ZHES TSE DANG LDAN PA SH'A RI'I BU'I RKANG PA GNYIS LA MGO BOS PHYAG 'TSAL TE SONG NAS, BCOM LDAN 'DAS GA LA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE BCOM LDAN 'DAS LA 'DI SKAD CES GSOL TE, ,BCOM LDAN 'DAS SER SKYA'I GNAS SU MCHI'O, ,BCOM LDAN 'DAS KYIS BKA' STZAL PA, 'CHAR KA KHYOD KYIS TSAM TSOM MED PAR RGYAL PO'I PHO BRANG DU 'JUG PAR MI BYA BAR SGOR 'GRENG STE SH'A-KYA'I DGE SLONG 'ONGS SO ZHES BRJOD PAR BYA'O, ,GAL TE SH'A-KYA'I DGE SLONG GZHAN DAG KYANG YOD DAM ZHES 'DRI NA SH'A-KYA'I DGE SLONG GZHAN DAG KYANG YOD DO ZHES BRJOD PAR BYA'O, ,GAL TE ZHUGS SHIG CES ZER NA 'JUG PAR BYA'O, ,GAL TE GZHON NU DON THAMS CAD GRUB BA YANG CHA LUGS 'DI 'DRA BA NYID YIN NAM ZHES 'DRI NA, CHA LUGS 'DI 'DRA BA NYID YIN NO ZHES BRJOD PAR BYA'O, , KHYOD KYIS RGYAL PO'I PHO BRANG DU GNAS PAR MI BYA'O, ,GAL TE GZHON NU DON THAMS CAD GRUB PA YANG RGYAL PO'I PHO BRANG DU GNAS 'CHA' BAR MI BYED DAM ZHES 'DRI NA, GNAS 'CHA' BAR MI BYED DO ZHES BRJOD PAR BYA'O, ,GAL TE GANG DU GNAS 'CHA' BAR BYED CES 'DRI NA, DGON @70B PA'AM, GTZUG LAG KHANG DU'O ZHES BRJOD PAR BYA'O, ,GAL TE GZHON NU DON THAMS CAD GRUB PA 'ONG NGAM ZHES 'DRI NA 'ONG NGO ZHES BRJOD PAR BYA'O, ,GAL TE YUN JI TZAM NA 'ONG ZHES 'DRI NA ZHAG BDUN 'DAS NAS SO ZHES BRJOD PAR BYA'O, ,TSE DANG LDAN PA 'CHAR KAS BCOM LDAN 'DAS BKA' BZHIN 'TSAL ZHES BCOM LDAN 'DAS LAS MNYAN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN SNGA NAS SONG NGO, ,'CHAR KA 'ONG BA'I TSE MNYAN YOD DU NYI MA MANG PO DAG GIS PHYIN NA PHYIR 'GRO BA'I TSE 'DI LTA STE; SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS NYI MA GCIG GIS SER SKYA'I GNAS SU PHYIN TO, ,DE NAS TSE DANG LDAN PA 'CHAR KA RGYAL PO ZAS GTZANG GI PHO BRANG GA LA BA DER SONG STE PHYIN NAS MI SGO BA BOS TE SMRAS PA, KYE NANG RJE KHYOD SONG LA RGYAL PO LA SH'A-KYA'I DGE SLONG 'ONGS SO ZHES SBRON CIG ,DES SMRAS PA, SH'A-KYA'I DGE SLONG GZHAN DAG KYANG MCHIS SAM, 'CHAR KAS SMRAS PA, SH'A-KYA'I DGE SLONG GZHAN DAG KYANG YOD DO, ,SGO BAS RGYAL PO LA SBRAN PA DANG, RGYAL POS SMRAS PA, SH'A-KYA 'JUG TU CHUG SHIG ,SU ZHIG SH'A-KYA ZLOG PAR BYED, DE NAS TSE DANG LDAN PA 'CHAR KA SGO BAS NGO SHES NAS RGYAL PO ZAS GTZANG GA LA BA DER SONG STE PHYIN NAS RGYAL PO ZAS GTZANG LA 'DI SKAD CES SMRAS SO, ,RGYAL PO CHEN PO KHYOD LA BCOM LDAN 'DAS AA ROG GYA ZHES GSUNG NGO, ,RGYAL PO ZAS GTZANG GIS 'CHAR KA SKAD LAS NGO SHES NAS SMRAS PA, KHYOD 'CHAR KA YIN NAM, LHA BDAG SKYE BOS DE LTAR 'TSAL TO, ,RGYAL POS SMRAS PA, GZHON NU DON THAMS CAD GRUB PA YANG CHA LUGS 'DI 'DRA BA NYID YIN NAM, LHA CHA LUGS 'DI 'DRA BA NYID LAGS SO, ,RGYAL PO SENG GE'I KHRI LAS BRGYAL TE SA LA LHUNG NAS CHUS DBANG BSKUR BAS SROG PHYIR 'ONGS NAS DRIS PA, GZHON NU DON THAMS CAD GRUB PA 'ONG NGAM, LHA MCHI'O, ,YUN JI TZAM NA 'ONG, DGUNG BDUN 'DAS NAS SO, ,RGYAL POS BLON PO RNAMS LA SMRAS PA, SHES LDAN DAG DENG LA RGYAL @71A *, ,PO'I PHO BRANG DANG, BTZUN MO'I 'KHOR DAG BYI DOR GYIS SHIG ,LHA GZHON NU DON THAMS CAD GRUB PA DE RGYAL PO'I PHO BRANG NGAM, BTZUN MO'I 'KHOR GYI NANG DU GNAS 'CHA' BAR MI BGYID DO, ,'O NA GANG DU GNAS 'CHA' BAR BYED, DGON PA'AM, GTZUG LAG KHANG DU'O, ,GTZUG LAG KHANG CI 'DRA BAR, 'CHAR KAS MNYAN YOD NA GTZUG LAG KHANG CI 'DRA BA DAG MTHONG BA DE 'DRA BA BRJOD DO, ,DE'I TSE NA RGYAL PO ZAS GTZANG LA SKYED MOS TSAL SKYE YOD DANG, NA+YA GRO DHA'I KUN DGA' RA BA DANG, TSANGS PA'I GNAS LA SOGS PA SKYED MOS TSAL LNGA BRGYA YOD PAS RGYAL POS BLON PO RNAMS LA SMRAS PA, SHES LDAN DAG KHYED DENG LA, SKYED MOS TSAL GSUM PO SKYE YOD DANG, NA+YA GRO DHA'I KUN DGA' RA BA DANG, TSANGS PA'I GNAS DAG TU SKYED MOS TSAL RE RER YANG RGYAL BYED KYI TSAL 'DRA BA'I GTZUG LAG KHANG KHANG CHEN BCU DRUG DANG, KHANG PA'I GZHI DRUG BCU YOD PA DAG MYUR DU BYED DU CHUG LA, GRONG KHYER SER SKYA'I GNAS THAMS CAD KYANG RDO BA DANG, GSEG MA DANG, GYO MO MED PAR GNAS PAR GYIS SHIG ,RGYAL PO RNAMS NI TSIG GIS 'GRUB PA YIN LA, LHA RNAMS NI SEMS KYIS 'GRUB PA YIN, RNAL 'BYOR PA RNAMS NI SEMS BSKYED PA TZAM GYIS THAMS CAD 'GRUB PA YIN PAS BLON PO RNAMS KYIS LHA BKA' BZHIN 'TSAL ZHES RGYAL PO ZAS GTZANG LAS MNYAN NAS SKYED MOS TSAL GSUM PO SKYE YOD DANG, NA+YA GRO DHA'I KUN DGA' RA BA DANG, TSANGS PA'I GNAS DAG TU SKYED MOS TSAL RE RER YANG RGYAL BYED KYI TSAL 'DRA BA'I GTZUG LAG KHANG KHANG CHEN BCU DRUG DANG, KHANG PA'I GZHI DRUG BCU YOD PA DAG BYED DU BCUG CING GRONG KHYER SER SKYA'I GNAS THAMS CAD KYANG RDO BA DANG, GSEG MA DANG, GYO MO MED PAR GNAS PAR BYAS SO, ,SANGS RGYAS BCOM LDAN 'DAS GSON ZHING BZHUGS TE 'TSO ZHING GZHES PA RNAMS LA CHOS NYID KYIS GDON MI ZA BAR BGYI BA BCU MNGA' STE, SANGS RGYAS BCOM LDAN 'DAS KYIS JI SRID DU SANGS RGYAS SU LUNG MA BSTAN PA DANG, JI SRID DU SEMS CAN GZHAN GYIS BLA NA MED PA'I BYANG CHUB TU PHYIR @71B MI LDOG PA'I SEMS MA BSKYED PA DANG, SANGS RGYAS KYIS GDUL BAR BYA BA THAMS CAD MA BTUL BA DANG, JI SRID DU SKU TSE'I CHA LNGA PA MA LUS PA DANG, JI SRID DU MTSAMS BCAD PA MA MDZAD PA DANG, JI SRID DU NYAN THOS ZUNG GCIG MCHOG TU MA BSTAN PA DANG, JI SRID DU GRONG KHYER KUN 'OD DU LHA LAS BABS PA MA BSTAN PA DANG, JI SRID DU MNYAN YOD DU CHO 'PHRUL CHEN PO RNAM PAR MA BSTAN PA DANG, JI SRID DU MTSO CHEN PO MA DROS PAR NYAN THOS RNAMS DANG THABS CIG SNGON GYI LAS KYI RGYU BA LUNG MA BSTAN PA DANG, JI SRID DU YAB YUM GNYIS BDEN PA DAG LA MA BKOD PA DE SRID DU YONGS SU MYA NGAN LAS MI 'DA' BA YIN NO, ,DE NAS BCOM LDAN 'DAS 'DI SNYAM DU DGONGS TE, RGYAL PO CHEN PO ZAS GTZANG DANG, SH'AKYA 'BUM PHRAG DU MA DAG GDUL BA'I DUS NYE BAR GNAS PAR GYUR CING, 'DI LTA STE, YAB YUM GNYIS BDEN PA DAG LA GZHAG PA DE NI DE BZHIN GSHEGS PAS GDON MI ZA BAR MDZAD PA YIN NO SNYAM DU DGONGS NAS, DE NAS BCOM LDAN 'DAS KYIS TSE DANG LDAN PA MOOD GAL GYI BU CHEN PO LA BKA' STZAL PA, MOOD GAL GYI BU KHYOD SONG LA DGE SLONG RNAMS LA DE BZHIN GSHEGS PA SER SKYA'I GNAS SU GSHEGS KYIS, KHYED CAG LAS GANG DE BZHIN GSHEGS PA DANG THABS CIG SER SKYA'I GNAS SU 'GRO BA DANG, YAB DANG SRAS MJAL BA LTA BAR SPRO BA DES CHOS GOS DAG LONG SHIG CES BSGO SHIG ,TSE DANG LDAN PA MOOD GAL GYI BU CHEN POS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS, DGE SLONG RNAMS LA TSE DANG LDAN PA DAG BCOM LDAN 'DAS SER SKYA'I GNAS SU GSHEGS KYIS KHYED CAG LAS GANG DE BZHIN GSHEGS PA DANG THABS CIG SER SKYA'I GNAS SU 'GRO BA DANG, YAB DANG SRAS MJAL BA LTA BAR SPRO BA DES CHOS GOS DAG LONG SHIG CES BSGO'O, ,DGE SLONG DAG GIS TSE DANG LDAN PA DE BZHIN BGYI'O ZHES TSE DANG LDAN PA MOOD GAL GYI BU CHEN PO LAS MNYAN TO, ,DE NAS BCOM LDAN 'DAS DUL BA 'KHOR DUL BA DANG LDAN PA, ZHI BA 'KHOR ZHI BA DANG LDAN PA, GROL @72A *, ,BA 'KHOR GROL BA DANG LDAN PA, DBUGS PHYIN PA 'KHOR DBUGS PHYIN PA DANG LDAN PA, THUL BA 'KHOR THUL BA DANG LDAN PA, DGRA BCOM PA 'KHOR DGRA BCOM PA DANG LDAN PA, 'DOD CHAGS DANG BRAL BA 'KHOR 'DOD CHAGS DANG BRAL BA DANG LDAN PA, MDZES PA 'KHOR MDZES PA DANG LDAN PA, KHYU MCHOG LTAR BA LANG GI TSOGS KYIS YONGS SU BSKOR BA, GLANG PO CHE LTAR GLANG PO CHE'I PHRU GU'I TSOGS KYIS YONGS SU BSKOR BA, SENG GE LTAR MCHE BA CAN GYI TSOGS KYIS YONGS SU BSKOR BA, NGANG PA'I RGYAL PO LTAR NGANG PA'I TSOGS KYIS YONGS SU BSKOR BA, NAM MKHA' LDING LTAR BYA'I TSOGS KYIS YONGS SU BSKOR BA, BRAM ZE LTAR SLOB MA'I TSOGS KYIS YONGS SU BSKOR BA, SMAN PA MKHAS PA LTAR NAD PA'I TSOGS KYIS YONGS SU BSKOR BA, DPA' BO LTAR RU PA'I TSOGS KYIS YONGS SU BSKOR BA, SA MKHAN LTAR LAM DU ZHUGS PA'I TSOGS KYIS YONGS SU BSKOR BA, DED DPON LTAR TSONG PA'I TSOGS KYIS YONGS SU BSKOR BA, TSONG DPON LTAR 'KHOR GYI TSOGS KYIS YONGS SU BSKOR BA, MKHAR GYI RGYAL PO LTAR BLON PO'I TSOGS KYIS YONGS SU BSKOR BA; 'KHOR LOS SGYUR BA LTAR BU STONG GI TSOGS KYIS YONGS SU BSKOR BA, ZLA BA LTAR RGYU SKAR GYI TSOGS KYIS YONGS SU BSKOR BA, NYI MA LTAR 'OD ZER STONG GI TSOGS KYIS YONGS SU BSKOR BA, YUL 'KHOR SRUNG LTAR DRI ZA'I TSOGS KYIS YONGS SU BSKOR BA, 'PHAGS SKYES PO LTAR GRUL BUM GYI TSOGS KYIS YONGS SU BSKOR BA, MIG MI BZANG LTAR KLU'I TSOGS KYIS YONGS SU BSKOR BA, NOR SBYIN LTAR GNOD SBYIN GYI TSOGS KYIS YONGS SU BSKOR BA, THAGS ZANGS RIS LTAR LHA MA YIN GYI TSOGS KYIS YONGS SU BSKOR BA, BRGYA BYIN LTAR SUM BCU RTZA GSUM PA'I TSOGS KYIS YONGS SU BSKOR BA, TSANGS PA LTAR TSANGS RIS KYI TSOGS KYIS YONGS SU BSKOR BA, DBANG PO RNAMS SHIN TU DUL BA, SPYOD LAM DANG, SPYOD PA MA 'KHRUGS PA, CHU GTER LTAR TING NGE BA, SPRIN LTAR CHU DANG BCAS PA, GLANG PO @72B CHE'I RGYAL PO LTAR DREGS PA DANG BRAL BA, SKYES BU CHEN PO'I MTSAN SUM BCU RTZA GNYIS KYIS LEGS PAR BRGYAN PA, DPE BYAD BZANG PO BRGYAD BCUS SKU RNAM PAR MDZES PA, 'OD 'DOM GANG GIS GZUGS CAN BRGYAN PA, NYI MA STONG BAS LHAG PA'I 'OD DANG LDAN PA, RIN PO CHE'I RI BO 'GRO BA LTAR KUN TU BZANG BA, STOBS BCU DANG, MI 'JIGS PA BZHI DANG, MA 'DRES PA'I DRAN PA NYE BAR GZHAG PA GSUM DANG THUGS RJE CHEN PO DANG LDAN PA, 'JIG RTEN LA PHAN PAR ZHUGS PA, SRUNG BA GCIG PU PA, NYAG GCIG DPA' BA, GNYIS PA MED PA, GNYIS SU MI GSUNG BA, ZHI GNAS DANG LHAG MTHONG GIS BZHUGS PA, RIG PA GSUM GSAL BAR MDZAD PA, BSLAB PA GSUM LA LEGS PAR BSLABS PA, DUL BA'I GNAS GSUM GYI GZHI LA MKHAS PA, CHU BO BZHI LAS RGAL BA, RDZU 'PHRUL GYI RKANG PA BZHIS SPYOD PA'I GZHI LA LEGS PAR GNAS PA, BSDU BA'I DNGOS PO BZHI LA YUN RING PO NAS YONGS SU SBYANG BA MDZAD PA, MI 'JIGS PA BZHIS BSNYENGS PA MI MNGA' BA, YAN LAG LNGA SPANGS PA, 'GRO BA LNGA LAS YANG DAG PAR 'DAS PA, YAN LAG DRUG DANG LDAN PA, PHA ROL TU PHYIN PA DRUG YONGS SU RDZOGS PA, RTAG TU GNAS PA DRUG GIS GNAS PA, BYANG CHUB KYI YAN LAG BDUN GYI ME TOG GIS PHYUG PA, LAM GYI YAN LAG BRGYAD STON PA, MTHAR GYIS GNAS PA'I SNYOMS PAR 'JUG PA DGU LA MKHAS PA, STOBS BCU'I STOBS DANG LDAN PA, PHYOGS BCUR SNYAN PAS YANG DAG PAR RGYAS PA, BRGYA PHRAG BCUR DBANG BSGYUR BA LAS KHYAD PAR DU 'PHAGS PA, 'KHOR NYAN THOS CHEN PO TSE DANG LDAN PA LTENG RGYAS 'OD SRUNG DANG, GA YA 'OD SRUNG DANG, CHU KLUNG 'OD SRUNG LA SOGS PA SNGON GYI RAL PA CAN STONG DANG, TSE DANG LDAN PA SH'A RI'I BU DANG, MOOD GAL GYI BU CHEN PO LA SOGS PA DGE SLONG GI DGE 'DUN MANG POS MDUN DU BDAR TE SER SKYA'I GNAS GA LA BA DER RGYU ZHING GSHEGS SO, ,DE'I TSE NA RGYAL PO ZAS GTZANG GIS NYI MA BDUN PA LA GRONG KHYER SER SKYA'I GNAS @73A *, ,THAMS CAD RDO BA DANG, GSEG MA DANG, GYO MO MED PAR BZHAG CING BDUG PA DANG, PHYE MA 'KHRIMS PA DANG, ME TOG SNA TSOGS BKRAM PA DANG, RGYAL MTSAN DANG, BA DAN BSGRENG BA LA SOGS PA MCHOD PA'I YO BYAD RGYA CHEN PO DAG BSHAMS SHING; NA+YA GRO DHA'I KUN DGA' RA BAR SA PHYOGS GO SKABS YANGS PAR GDAN THABS ZLA GAM LTA BUR BSHAMS TE, NA+YA GRO DHA'I KUN DGA' RA BA NAS GRONG KHYER SER SKYA'I GNAS KYI BAR GYI LAM THAMS CAD MDZES SHING RDO BA DANG, GSEG MA DANG, GYO MO MED PAR BZHAG STE; SPOS CHU'I CHAG CHAG BTAB CING BAR BAR DU DAR GYI CHUN PO MANG PO DBYANGS SHING, ME TOG GI TSOMS DAG KYANG BSHAMS, BDUG SPOS DRI ZHIM PO'I DU BA 'KHRIGS PA DANG, ME TOG SNA TSOGS BKRAM PA DANG, RGYAL MTSAN DANG, BA DAN BSGRENG BA DAG RNAM PAR BZHAG GO, ,RGYAL PO ZAS GTZANG NYID KYIS RGYAL PO'I 'BYOR PA CHEN PO DANG, RGYAL PO'I MTHU CHEN POS NA+YA GRO DHA'I KUN DGA' RA BA NA 'DI LTA STE, BCOM LDAN 'DAS LA SDOD CING 'DUG GO, ,DE NAS BCOM LDAN 'DAS MTHAR GYIS RGYU ZHING GSHEGS PA NA CHU RLUNG RO HA KA'I 'GRAM DU GSHEGS SO, ,DE NA DGE SLONG KHA CIG NI LAG PA DANG RKANG PA DAG 'KHRU BAR BYED, KHA CIG NI SO SHING 'DOR BAR BYED, KHA CIG NI CHU 'TSAG PAR BYED, KHA CIG NI KHRUS BYED DO, ,GRONG KHYER SER SKYA'I GNAS NA 'KHOD PA'I SH'AKYA RNAMS KYIS GZHON NU DON THAMS CAD GRUB PA 'ONGS SHING, RGYAL PO ZAS GTZANG GIS NA+YA GRO DHA'I KUN DGA' RA BAR SA PHYOGS GO SKABS YANGS PAR GNAS MAL BSHAMS ZHES THOS SO, ,THOS NAS KYANG SH'AKYA 'BUM PHRAG DU MA DAG NA+YA GRO DHA'I KUN DGA' RA BAR 'DUS PAR GYUR CING, DE NA KHA CIG NI SNGON GYI DGE BA'I RTZA BA DAG GIS BSKUL ZHING LHAGS SO, ,KHA CIG NI YA MTSAN SKYES TE JE DANG POR YAB KYIS SRAS KYI ZHABS LA PHYAG 'TSAL BAR MDZAD DAM, 'ON TE SRAS KYIS YAB KYI ZHABS LA PHYAG 'TSAL BAR MDZAD PA BLTA'O SNYAM PAS LHAGS SO, ,DE @73B NAS BCOM LDAN 'DAS 'DI SNYAM DU DGONGS TE, GAL TE DE BZHIN GSHEGS PA ZHABS KYIS SER SKYA'I GNAS SU GSHEGS NA SH'AKYA NGA RGYAL CAN DAG GZHON NU DON THAMS CAD GRUB PAS CHEN PO MA RNYED DE, 'DI LTAR 'DI SNGON BYANG CHUB SEMS DPAR GYUR PA NA GRONG KHYER SER SKYA'I GNAS NAS LHA 'BUM PHRAG DU MAS BSU STE STENG GI NAM MKHA' LAS BYUNG STE SONG NA, DA 'DIS BLA NA MED PA'I YE SHES RTOGS KYANG RKANG PAS 'ONGS SO ZHES MA DAD PA SKYE BAR 'GYUR BAS BDAG RDZU 'PHRUL GYIS SER SKYA'I GNAS SU 'JUG PAR BYA'O SNYAM DU DGONGS SHING RIG NAS, DGE SLONG RNAMS LA BKA' STZAL PA, DGE SLONG DAG KHYED NI RKANG PA DAG GIS CHU KLUNG RO HA KA RGOL CIG ,DE BZHIN GSHEGS PA NI RDZU 'PHRUL GYIS GSHEGS SO, ,DGE SLONG RNAMS KYIS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS, RKANG PA DAG GIS CHU KLUNG RO HA KA RGAL TE NA+YA GRO DHA'I KUN DGA' RA BA GA LA BA DER DONG NGO, ,DE NAS BCOM LDAN 'DAS KYIS DGE SLONG GI DGE 'DUN SONG NAS RING PO MA LON PAR THUGS SU CHUD NAS TING NGE 'DZIN 'DI LTA BU LA SNYOMS PAR ZHUGS TE, JI LTAR THUGS MNYAM PAR BZHAG NA RDZU 'PHRUL GYIS CHU KLUNG RO HA KA'I PHA ROL GYI 'GRAM NAS MI SNANG BAR GYUR CING STENG GI NAM MKHA' LA NGANG PA'I RGYAL PO 'DAB MA BRKYANG PA LTAR MNGON PAR 'PHAGS NAS, SER SKYA'I GNAS KYI STENG NAS NA+YA GRO DHA'I KUN DGA' RA BA GA LA BA DER GSHEGS TE BYON NAS NA+YA GRO DHA'I KUN DGA' RA BA'I STENG GI NAM MKHA' LA SKYIL MO KRUNG BCAS TE BZHUGS SO, ,DE NA BCOM LDAN 'DAS SHAR PHYOGS LOGS SU SPYOD LAM BZHI PO 'DI LTA STE, 'CHAG PA DANG, BZHENGS PA DANG, BZHUGS PA DANG, MNAL BA DAG MDZAD DO, ,ME'I KHAMS LA YANG SNYOMS PAR 'JUG PA MDZAD DE, SANGS RGYAS BCOM LDAN 'DAS ME'I KHAMS LA SNYOMS PAR ZHUGS PA'I SKU LAS 'OD ZER SNA TSOGS 'DI LTA STE, SNGON PO DAG DANG, SER PO DAG DANG, DMAR PO DAG DANG, DKAR PO DAG DANG, BTZOD KA DAG DANG @74A *, ,SHEL DANG, DNGUL GYI KHA DOG LTA BU DAG BYUNG NGO, ,CHO 'PHRUL ZUNG DAG KYANG RNAM PAR STON PA MDZAD DE, SKU'I SMAD NAS ME 'BAR ZHING SKU'I STOD NAS CHU GRANG MO'I RGYUN 'BAB PAR MDZAD DO, ,SKU'I STOD NAS ME 'BAR ZHING SKU'I SMAD NAS CHU GRANG MO'I RGYUN 'BAB PAR MDZAD DO, ,SHAR PHYOGS SU JI LTA BA BZHIN DU LHO PHYOGS DANG, NUB PHYOGS DANG, BYANG PHYOGS SU YANG DE BZHIN DU MDZAD DO, ,DE LTAR PHYOGS BZHIR RDZU 'PHRUL GYI CHO 'PHRUL RNAM PA BZHI BZHI STON PAR MDZAD DO, ,DE NAS BCOM LDAN 'DAS 'DI SNYAM DU DGONGS TE, GAL TE DE BZHIN GSHEGS PAS RGYAL PO ZAS GTZANG GI RKANG PA GNYIS LA GTUGS PAR GYUR NA NI DE'I SPYI BO TSAL PA BDUN DU 'GAS PAR 'GYUR LA, GAL TE RGYAL PO ZAS GTZANG GIS DE BZHIN GSHEGS PA'I ZHABS GNYIS LA GTUGS PAR GYUR NA NI SH'AKYA NGA RGYAL CAN DAG CI'I PHYIR YAB TU GYUR PAS SRAS KYI RKANG PA GNYIS LA GTUGS PAR BYED CES MA DAD PA SKYE BAR 'GYUR BAS BDAG GIS CI NAS KYANG RGYAL PO ZAS GTZANG GIS LUS MA BTUD BZHIN DU DE BZHIN GSHEGS PA'I ZHABS GNYIS LA PHYAG 'TSAL BAR 'GYUR BA DE LTA BU'I RDZU 'PHRUL MNGON PAR 'DU BYA'O SNYAM DU DGONGS SHING RIG NAS TA LA BDUN SRID TZAM GYI STENG GI NAM MKHA' LA GZHES SHING, TA LA DRUG DANG, LNGA DANG, BZHI DANG, GSUM DANG, GNYIS DANG, GCIG SRID TZAM NA BZHUGS SO, ,DE NAS SKYES BU BDUN SRID TZAM NA GZHES SHING SKYES BU DRUG DANG, LNGA DANG; BZHI DANG, GSUM DANG, GNYIS DANG, GCIG SRID TZAM NA GZHES SO, ,DE NAS RGYAL PO ZAS GTZANG GIS MA BTUD BZHIN DU DE BZHIN GSHEGS PA'I ZHABS GNYIS LA MGO BOS PHYAG 'TSAL NAS SH'AKYA RNAMS LA GO BAR BYA BA'I PHYIR DE'I TSE TSIGS SU BCAD PA SMRAS PA, GANG TSE KHYOD BLTAMS DOG SA RAB GA-YOS DANG, ,'DZAM BU'I GRIB MAS KHYOD SKU MA BTANG DANG, ,'DI DANG LAN GSUM KUN GZIGS MKHYEN LDAN PA, ,SANGS RGYAS KHYOD KYI ZHABS LA BDAG PHYAG 'TSAL, ,DE NAS BCOM LDAN 'DAS KYIS RDZU 'PHRUL MNGON PAR 'DU MDZAD @74B PA DE SLAR BSDU BA MDZAD NA NA+YA GRO DHA'I KUN DGA' RA BAR GSEGS TE, DGE SLONG GI DGE 'DUN GYI GONG DU GDAN BSHAMS PA NYID LA BZHUGS SO, ,DE NAS RGYAL PO ZAS GTZANG DANG, BRE BO ZAS DANG, ZAS DKAR DANG, BDUD RTZI ZAS SDANG, SH'AKYA 'BUM 'PHRAG DU MA DAG GIS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,SH'AKYA KHA CIG NI BCOM LDAN 'DAS GA LA BA DE LOGS SU THAL MO SBYAR TE MTHA' GCIG TU 'KHOD DO, ,SH'AKYA KHA CIG NI THAG RING PO KHO NA NAS BCOM LDAN 'DAS MTHONG NAS CANG MI SMRA BAR MTHA' GCIG TU 'KHOD DO, ,DE NAS RGYAL PO ZAS GTZANG GIS BCOM LDAN 'DAS LA TSIGS SU BCAD PA'I SKAD KYIS ZHU BA ZHUS PA, DPA' BO BCIBS PA GLANG PO DANG, ,CHIBS DANG SHING RTAS KHAB GSHEGS NA, ,TSER BCAS DOG SA'I GZHI DAG LA, ,JI LTAR ZHABS KYIS GSHEGS PA MDZAD, ,BCOM LDAN 'DAS KYIS BKA' STZAL PA, BDAG NI RDZU 'PHRUL RKANG PA DANG, ,YANG DAG STZOL BA'I BZHON PA YIS, ,NYON MONGS TSER MAS MA SMAS PAR, ,SA GZHI KUN TU RNAM PAR RGYU, ,RGYAL POS GSOL PA, DPA' BO SNGAN CHAD KA SHI KA'I, ,NA BZA' GSOL BAS RNAM MDZES NA, ,NGUR SMRIG NA BZA' RTZUB PO DAG ,JI LTAR KHYOD SKUS BZOD PAR MDZAD, ,BCOM LDAN 'DAS KYIS BKA' STZAL PA, RGYAL PO BDAG NI KHREL 'DZEM PA'I, ,SNAM SBYAR GOS GYON MDZES PA YIN, ,GANG GIS THUB PA'I GOS GYON PA, ,ZHI BA'I NAGS NA MDZES PAR 'GYUR, ,RGYAL POS GSOL PA, BRTAN PA SNGAN CHAD GSER SNOD NAS, ,ZHAL ZAS RO MANG LDAN GSOL NAS, ,DA LTAR BSOD SNYOMS NGAN PA DAG ,JI LTAR KHYOD KYI MGUR DU BYON, ,BCOM LDAN 'DAS KYIS BKA' STZAL PA, CHOS LDAN DGA' BA DAG GI ZAS, ,NGES 'BYUNG LDAN ZHING MNYAM BZHAG YIN, ,ZAS SRED SPANGS KYANG 'JIG RTEN KUN, ,RJES SU GZUNG PHYIR BDAG SPYOD BYED, ,RGYAL POS GSOL PA, BLO BZANG KHYOD SNGON YANG THOG GI, ,GZHAL MED KHANG STENG DUS MTHUN @75A *, ,BZHUGS, ,NYAG GCIG NAGS NA KHYOD BZHUGS NA, ,JI LTAR BSNYENGS DANG BRAL BAR 'GYUR, ,BCOM LDAN 'DAS KYIS BKA' STZAL PA, GOO TAM 'JIGS KUN RTZA DANG SRID, ,DE DAG BAG NYAL BCAS SPANGS PAS, ,MYA NGAN 'JIGS BRAL NAGS GNAS TE, ,DE NA BDAG 'JIGS CI YANG MED, ,RGYAL POS GSOL PA, THUB DBANG KHYOD SNGON RAB DGYES PA'I, ,KHAB NA RTAG TU KHRUS MCHOG MDZAD, ,NAGS NA NYAG GCIG KHYOD BZHUGS NA, ,DE NA 'BYOR KHRUS SU DAG BGYID, ,BCOM LDAN 'DAS KYIS BKA' STZAL PA; GOO TAM CHOS RDZING BSOD NAMS 'GRAM, ,RNYOG MED DAM PAS BSNGAGS PA STE, ,MI LUS MI GSHER DER BKRUS PA, ,RIG BYED YON TAN PHA ROL 'GRO, ,RGYAL POS GSOL PA, DPA' BO RANG GI PHO BRANG NA, ,GSER DNGUL BUM PAS KHRUS MDZAD NA, ,CHAB TSAN RNYOG DANG BCAS PA YIS, ,JI LTAR KHYOD KYI SKU KHRUS MDZAD, ,BCOM LDAN 'DAS KYIS BKA' STZAL PA, GOO TAM DANG KLUNG TSUL KHRIMS 'GRAM, ,DANG BA BSIL BA MKHAS PAS BSNGAGS, ,MI LUS MI GSHER DER BKRUS PA, ,RIG BYED YON TAN PHA ROL 'GRO, ,RGYAL PO ZAS GTZANG GIS GSOL PA, ZIL GNON GANG NAS SKYE 'GYUR ZHING, ,'JIGS SKRAG GANG NAS 'BYUNG BAR 'GYUR, ,YID 'BYUNG GANG NAS SKYE BAR 'GYUR, ,ZHUS PA DE NI BDAG LA GSUNGS, ,BCOM LDAN 'DAS KYIS BKA' STZAL PA, ZIL GNON GANG NAS SKYE 'GYUR ZHING, ,'JIGS SKRAG GANG NAS 'BYUNG 'GYUR DANG, ,YID 'BYUNG GANG NAS SKYE 'GYUR BA, ,GSON CIG BDAG GIS KHYOD LA BSHAD, ,RGA DANG NA DANG 'CHI 'GYUR BA, ,GAL TE DE GSUM YOD MIN NA, ,BDAG KYANG SHIN TU YID 'ONGS BA'I, ,YUL RNAMS LA NI DGA' BAR 'GYUR, ,RGYAL POS GSOL PA, SH'AKYA'I RIGS RNAMS DGA' MDZAD PA, ,DPA' BO 'JIG RTEN CHOS BRGYAD KYIS, ,KHYOD LA GOS PA MI MNGA' BA, ,LEGS PAR 'KHRUNGS PA LEGS PA LAGS, ,DE NAS RAB DGA' DANG RGYAS PAS, ,DRANG SRONG DGE 'DUN BSKOR BYAS @75B TE; ,THUB DBANG ZHABS LA MGOS GTUGS NAS, ,BDE GSHEGS KUN NAS RTOG CING SDOD, ,DE NAS RGYAL PO ZAS GTZANG 'DI SNYAM DU SEMS TE, BDAG GI BUS YON TAN GYI TSOGS 'DI LTA BU RTOGS PA NI BDAG GIS RNYED PA LEGS PAR RNYED DO SNYAM MO, ,DE NAS BCOM LDAN 'DAS KYIS SKYE BO PHAL PO CHE'I TSOGS DE'I BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS, 'DI LTAR RGYAL PO ZAS GTZANG DANG, LHAS SBYIN SDIG PA 'DOD PA NGA RGYAL LAS KYANG NGA RGYAL CAN MA GTOGS PA ZAS DKAR LA SOGS PA SH'AKYA BDUN KHRI BDUN STONG GIS BDEN PA DAG MTHONG BAR GYUR PA DE LTAR CHOS BSTAN PA MDZAD DO, ,DE NAS SROG CHAGS STONG PHRAG MANG PO KHA CIG GIS NI RGYUN DU ZHUGS PA'I 'BRAS BU MNGON SUM DU BYAS, KHA CIG GIS NI LAN GCIG PHYIR 'ONG BA'I 'BRAS BU, KHA CIG GIS NI PHYIR MI 'ONG BA'I 'BRAS BU, KHA CIG GIS NI RAB TU BYUNG STE NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS TE, 'KHOR DE LAS PHAL CHER SANGS RGYAS LA GZHOL BA DANG, CHOS LA 'BAB PA DANG, DGE 'DUN LA BAB PAR RNAM PAR GZHAG PAR MDZAD DO, ,RGYAL PO ZAS GTZANG NI BDAG GI BU 'DI LTAR RDZU 'PHRUL CHE BA, 'DI LTAR MTHU CHE BA YIN NO SNYAM DU HA CANG DGA' BAS BDEN PA MA MTHONG NGO, ,LHAS BYIN NI SDIG PA 'DOD PA DANG, NGA RGYAL LAS KYANG NGA RGYAL GYIS BDEN PA MA MTHONG NGO, ,LHAS BYIN BDEN PA MA MTHONG ZHING KHRO BAS ZIL GYIS NON PAS SMRAS PA, GAL TE BDAG GIS KYANG 'DI LTAR RJES SU 'JUG PAR BYED PA'I SGYU MA SHES PAR GYUR NA, BDAG GIS KYANG 'JIG RTEN THAMS CAD RJES SU 'JUG PAR BYA BA LA RAG GO , ,SH'AKYA GCUGS PAR GYUR PA DGA' BA STON PA DAG GIS DE LA SMRAS PA, LHAS BYIN THONG SHIG BCOM LDAN 'DAS NI RDZU 'PHRUL CHE BA, MTHU CHE BA YIN GYIS DE SKAD MA ZER CIG ,DE NAS DE CANG MI SMRA BAR 'DUG GO , ,NYI MA GNYIS PA LA SKYED MOS TSAL SKYE YOD DUS PHYOGS GO SKABS YANGS PAR GDAN THABS ZLA GAM LTA BU BSHAMS PA @76A *, ,BYAS NAS, DER YANG BCOM LDAN 'DAS KYIS SKYE BO PHAL PO CHE'I TSOGS DE'I BSAM PA DANG BAG LA NYAL DANG, KHAMS DANG, RANG BZHIN THUGS SU CHUD NAS 'DI LTAR RGYAL PO ZAS GTZANG DANG, LHAS BYIN SDIG PA 'DOD PA NGA RGYAL LAS KYANG NGA RGYAL CAN MA GTOGS PA; BRE BO ZAS LA SOGS PA SH'AKYA BDUN KHRI DRUG STONG GIS BDEN PA DAG MTHONG BAR GYUR PA DE LTAR CHOS BSTAN PA MDZAD DO, ,DE NA SROG CHAGS STONG PHRAG MANG PO KHA CIG GIS NI RGYUN DU ZHUGS PA'I 'BRAS BU MNGON SUM DU BYAS, KHA CIG GIS NI LAN GCIG PHYIR 'ONG BA'I 'BRAS BU, KHA CIG GIS NI PHYIR MI 'ONG BA'I 'BRAS BU, KHA CIG GIS NI RAB TU BYUNG STE NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS TE, 'KHOR DE LAS PHAL CHER SANGS RGYAS LA GZHOL BA DANG, CHOS LA 'BAB PA DANG, DGE 'DUN LA BAB PAR RNAM PAR GZHAG PAR MDZAD DO, ,RGYAL PO ZAS GTZANG NI BDAG GI BU 'DI LTAR RDZU 'PHRUL CHE BA, 'DI LTAR MTHU CHE BA YIN NO SNYAM DU HA CANG DGA' BAS BDEN PA MA MTHONG NGO, ,LHAS BYIN NI SDIG PA 'DOD PA DANG, NGA RGYAL LAS KYANG NGA RGYAL GYIS BDEN PA MA MTHONG NGO, ,LHAS BYIN BDEN PA MA MTHONG ZHING KHRO BA'I ZIL GYIS NON PAS SMRAS PA, GAL TE BDAG GIS KYANG 'DI LTAR RJES SU 'JUG PAR BYED PA'I SGYU MA SHES PAR GYUR NA, BDAG GIS KYANG 'JIG RTEN THAMS CAD RJES SU 'JUG PAR BYA BA LA RAG GO, ,SH'AKYA GCUGS PAR GYUR PA DGA' BA STON PA DAG GIS DE LA SMRAS PA, LHAS BYIN THONG SHIG ,BCOM LDAN 'DAS NI RDZU 'PHRUL CHE BA, MTHU CHE BA YIN GYIS DE SKAD MA ZER CIG ,DE NAS DE CANG MI SMRA BAR 'DUG GO, ,NYI MA GSUM PA LA SKYED MOS TSAL TSANGS PA'I GNAS SU SA PHYOGS GO SKABS YANGS PAR GDAN THABS ZLA GAM LTA BU BSHAMS PA BYAS NAS, DER YANG BCOM LDAN 'DAS KYIS SKYE BO PHAL PO CHE'I TSOGS DE'I BSAM PA DANG, BAG LA NYAL DANG, KHAMS DANG RANG BZHIN THUGS SU CHUD NAS 'DI LTAR RGYAL PO ZAS GTZANG DANG, LHAS BYIN SDIG PA 'DOD PA NGA RGYAL LAS KYANG NGA RGYAL CAN MA @76B GTOGS PA BDUD RTZI ZAS LA SOGS PA SH'AKYA BDUN KHRI LNGA STONG GIS BDEN PA DAG MTHONG BAR GYUR PA DE LTAR CHOS BSTAN PA MDZAD DO, ,DE NA SROG CHAGS STONG PHRAG MANG PO KHA CIG GIS NI RGYUN DU ZHUGS PA'I 'BRAS BU MNGON SUM DU BYAS, KHA CIG GIS NI LAN GCIG PHYIR 'ONG BA'I 'BRAS BU; KHA CIG GIS NI PHYIR MI 'ONG BA'I 'BRAS BU, KHA CIG GIS NI RAB TU BYUNG STE NYON MONGS PA THAMS CAD SPANGS PAS DGRA BCOM PA NYID MNGON SUM DU BYAS TE 'KHOR DE LAS PHAL CHER SANGS RGYAS LA GZHOL BA DANG, CHOS LA 'BAB PA DANG, DGE 'DUN LA BAB PAR RNAM PAR GZHAG PAR MDZAD DO, ,RGYAL PO ZAS GTZANG NI BDAG GI BU 'DI LTAR RDZU 'PHRUL CHE BA, 'DI LTAR MTHU CHE BA YIN NO SNYAM DU HA CANG DGA' BAS BDEN PA MA MTHONG NGO, ,LHAS BYIN NI SDIG PA 'DOD PA DANG, NGA RGYAL LAS KYANG NGA RGYAL GYIS BDEN PA MA MTHONG NGO, ,DE NAS BCOM LDAN 'DAS 'DI SNYAM DU DGONGS TE, CI'I PHYIR RGYAL PO ZAS GTZANG BDEN PA MTHONG BAR MI BYED SNYAM DU DGONGS NA, RGYU GNYIS KYIS BDEN PA MI MTHONG STE, SEMS HA CANG MTHO BA DANG, HA CANG ZHUM PAS SO, ,DE LTAR RGYAL PO ZAS GTZANG GI SEMS GZHON NU DON THAMS CAD GRUB PA SNGON CAD LHA DANG MIS MCHOD PAR GYUR NA, DA NI MIS MCHOD CING LHAS MCHOD PAR MA GYUR TO SNYAM DU HA CANG ZHUM PAR GYUR PAR THUGS SU CHUD DO, ,DE NAS BCOM LDAN 'DAS 'DI SNYAM DU DGONGS TE, BDAG GIS RGYAL PO ZAS GTZANG GDUL BA'I PHYIR LHA'I 'KHOR 'BA' ZHIG LA CHOS BSTAN PAR BYA'O SNYAM DU DGONGS SHING RIG NAS 'JIG RTEN PA'I THUGS BSKYED PA MDZAD DO, ,SANGS RGYAS BCOM LDAN 'DAS RNAMS KYI CHOS NYID NI GAL TE 'JIG RTEN PA'I THUGS BSKYED PAR MDZAD NA NI THA NA SROG CHAGS GROG SBUR GYIS KYANG BCOM LDAN 'DAS KYI THUGS SEMS KYIS SHES LA, JI STE 'JIG RTEN LAS 'DAS PA'I THUGS BSKYED PAR MDZAD NA NI RANG SANGS RGYAS RNAMS KYIS KYANG BCOM LDAN 'DAS KYI THUGS SEMS KYIS MI SHES NA NYAN THOS LA SOGS PAS LTA SMOS KYANG CI DGOS, DE NAS TSANGS PA DANG, BRGYA BYIN LA SOGS PA LHA RNAMS @77A *, ,'DI SNYAM DU SEMS TE, CI'I SLAD DU BCOM LDAN 'DAS KYIS 'JIG RTEN PA'I THUGS BSKYED PA MDZAD SNYAM PA DANG, BCOM LDAN 'DAS RGYAL PO ZAS GTZANG GDUL BA'I SLAD DU LHA'I 'KHOR 'BA' ZHIG LA CHOS STON PA BZHED PAR MTHONG NGO, ,DE NAS 'DOD PA NA SPYOD PA DANG; GZUGS NA SPYOD PA'I LHA RNAMS KYIS BCOM LDAN 'DAS KYI THUGS SEMS KYIS SHES NAS, 'DI LTA STE, DPER NA SKYES BU'I LAG PA BSKUMS PA LAS RKYONG BAR BYED PA'AM, BRKYANG BA LAS SKUM PAR BYED PA DE BZHIN DU, 'DOD PA NA SPYOD PA DANG, GZUGS NA SPYOD PA'I LHA RNAMS LHA'I 'JIG RTEN NAS MI SNANG BAR GYUR TE SKYED MOS TSAL TSANGS PA'I GNAS SU BCOM LDAN 'DAS KYI SPYAN SNGAR LHAGS SO, ,BCOM LDAN 'DAS KYIS KYANG RDZU 'PHRUL GYIS RIN PO CHE SNA BZHI LAS BYAS PA'I KHANG BZANGS SGO BZHI PA SPRUL PA MDZAD DE, SGO BZHI PO DAG TU 'JIG RTEN SKYONG BA BZHI PO DAG SGO SRUNGS SU RNAM PAR GZHAG PAR MDZAD DO, ,DE NAS GZUGS NA SPYOD PA'I LHA RNAMS KYIS BCOM LDAN 'DAS LA LAN GSUM BSKOR BA BYAS TE, BCOM LDAN 'DAS KYI ZHABS GNYIS LA MGO BOS PHYAG 'TSAL NAS GA-YAS PHYOGS SU NYE BAR BRTEN TE 'KHOD DO, ,'DOD PA NA SPYOD PA'I LHA RNAMS KYIS KYANG BCOM LDAN 'DAS LA LAN GSUM BSKOR BA BYAS TE, BCOM LDAN 'DAS KYI ZHABS GNYIS LA MGO BOS PHYAG 'TSAL NAS GA-YON PHYOGS SU NYE BAR BRTEN TE 'KHOD DO, ,RGYAL PO ZAS GTZANG GI KUN DU SPYOD PA NI NYIN MO LAN GSUM BCOM LDAN 'DAS LA BLTA BA DANG, BSNYEN BKUR BYA BA'I PHYIR 'GRO'O, ,DE NAS RGYAL PO ZAS GTZANG NANG PAR SNGAR LANGS TE KHANG BZANGS KYI SHAR SGO GA LA BA DER SONG BA DANG, YUL 'KHOR SRUNG GIS SMRAS PA, RGYAL PO CHEN PO MA 'JUG PAR SDOD CIG ,CI'I PHYIR BCOM LDAN 'DAS LHA'I 'KHOR 'BA' ZHIG LA CHOS STON PAR MDZAD PAS 'DIR MI TZAM GYIS TSOD KYIS MI CHUD DO, ,BZHIN BZANGS KHYOD SU ZHIG YIN, RGYAL PO CHEN PO KHO BO NI RGYAL PO CHEN PO YUL 'KHOR SRUNG YIN NO, ,DE NAS RGYAL PO ZAS GTZANG KHANG BZANGS KYI @77B LHO SGO GA LA BA DER SONG BA DANG, 'PHAGS SKYES POS SMRAS PA, RGYAL PO CHEN PO MA 'JUG PAR SDOD CIG ,CI'I PHYIR, BCOM LDAN 'DAS LHA'I 'KHOR 'BA' ZHIG LA CHOS STON PAR MDZAD PAS 'DIR MI TZAM GYIS TSOD KYIS MI CHUD DO, ,BZHIN BZANGS KHYOD SU ZHIG YIN, RGYAL PO CHEN PO KHO BO NI RGYAL PO CHEN PO 'PHAGS SKYES BO YIN NO, ,DE NAS RGYAL PO ZAS GTZANG KHANG BZANGS KYI NUB SGO GA LA BA DER SONG BA DANG, MIG MI BZANG GIS SMRAS PA, RGYAL PO CHEN PO MA 'JUG PAR SDOD CIG ,CI'I PHYIR, BCOM LDAN 'DAS LHA'I 'KHOR 'BA' ZHIG LA CHOS STON PAR MDZAD PAS 'DIR MI TZAM GYIS TSOD KYIS MI CHUD DO, ,BZHIN BZANGS KHYOD SU ZHIG YIN, RGYAL PO CHEN PO KHO BO NI RGYAL PO CHEN PO MIG MI BZANG YIN NO, ,DE NAS RGYAL PO ZAS GTZANG KHANG BZANGS KYI BYANG SGO GA LA BA DER SONG BA DANG, RNAM THOS KYI BUS SMRAS PA, RGYAL PO CHEN PO MA 'JUG PAR SDOD CIG ,CI'I PHYIR, BCOM LDAN 'DAS LHA'I 'KHOR 'BA' ZHIG LA CHOS STON PAR MDZAD PAS 'DIR MI TZAM GYIS TSOD KYIS MI CHUD DO, ,BZHIN BZANGS KHYOD SU ZHIG YIN, RGYAL PO CHEN PO KHO BO NI RGYAL PO CHEN PO RNAM THOS KYI BU YIN NO, ,DE NAS RGYAL PO ZAS GTZANG KYE MA BDAG GIS BCOM LDAN 'DAS LHA'I 'KHOR 'BA' ZHIG LA CHOS STON PAR MDZAD PA MTHONG NA CI MA RUNG SNYAM DU 'DOD PA SKYES SO, ,BCOM LDAN 'DAS KYIS RGYAL PO ZAS GTZANG GI SEMS THUGS KYIS MKHYEN NAS KHANG BZANGS SHEL GYI RANG BZHIN DU SPRUL PA MDZAD PA DANG, 'DI LTAR RGYAL PO ZAS GTZANG GIS BCOM LDAN 'DAS LHA'I 'KHOR 'BA' ZHIG LA CHOS STON PA ME LONG GI GZUGS KYI NANG NA 'DUG PA LTAR MTHONG NGO, ,MTHONG NAS KYANG 'DI SNYAM DU SEMS TE, SU LA YANG 'DI LTA STE, DA LTAR BDAG GI DON THAMS CAD GRUB PA LTA BU'I BU MED DO SNYAM MO, ,DE NAS RGYAL PO ZAS GTZANG GI SEMS KYI RGYUD HA CANG MTHO BAR GYUR TO, ,DE NAS BCOM LDAN 'DAS KYIS RDZU 'PHRUL MNGON PAR 'DU MDZAD PA DE SLAR BSDU BA MDZAD NAS RGYAL PO ZAS GTZANG LA CHOS BSTAN PAR BRTZAM PA MDZAD DO, ,DE NAS @78A *, ,BCOM LDAN 'DAS 'DI SNYAM DU DGONGS TE, CI'I PHYIR RGYAL PO ZAS GTZANG BDEN PA MTHONG BAR MI BYED SNYAM DU DGONGS PA DANG, DA LTAR RGYAL PO ZAS GTZANG SU LA YANG 'DI LTA STE, DA LTAR BDAG GI DON THAMS CAD GRUB PA LTA BU'I BU MED DO SNYAM DU HA CANG DGA' BAS SEMS KYI RGYUD HA CANG MTHO BAR GYUR PAR THUGS SU CHUD DO, ,DE NAS BCOM LDAN 'DAS KYIS TSE DANG LDAN PA MOOD GAL GYI BU CHEN PO LA BKA' STZAL PA, MOOD GAL GYI BU KHYOD KYIS RGYAL PO ZAS GTZANG LA SOMS SHIG ,TSE DANG LDAN PA MOOD GAL GYI BU CHEN POS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS RGYAL PO ZAS GTZANG GA LA BA DER SONG NGO, ,RGYAL PO ZAS GTZANG GIS TSE DANG LDAN PA MOOD GAL GYI BU CHEN PO THAG RING PO KHO NA NAS MTHONG NGO, ,MTHONG NAS KYANG 'DI SKAD CES SMRAS SO, ,BTZUN PA MOOD GAL GYI BU TSUR GSHEGS, BTZUN PA MOOD GAL GYI BU BYON PA LEGS SO, ,BTZUN PA MOOD GAL GYI BU GDAN BSHAMS PA NYID LA BZHUGS SHIG ,DE NAS TSE DANG LDAN PA MOOD GAL GYI BU CHEN PO BCOM LDAN 'DAS KYIS SKABS DBYE BA MDZAD PAS TING NGE 'DZIN 'DI LTA BU LA SNYOMS PAR ZHUGS TE, JI LTAR SEMS MNYAM PAR BZHAG NA RANG GI STAN LAS MI SNANG BAR GYUR CING SHAR PHYOGS KYI STENG GI NAM MKHA' LA MNGON PAR 'PHAGS TE, SPYOD LAM BZHI PO 'DI LTA STE, 'GRO BA DANG, 'GRENG BA DANG, 'DUG PA DANG, NYAL BA DAG BYED DO, ,ME'I KHAMS LA YANG SNYOMS PAR 'JUG STE, TSE DANG LDAN PA MOOD GAL GYI BU CHEN PO ME'I KHAMS LA SNYOMS PAR ZHUGS PA'I LUS LAS 'OD ZER SNA TSOGS 'DI LTA STE, SNGON PA DAG DANG, SER PO DAG DANG, DMAR PO DAG DANG, DKAR PO DAG DANG, BTZOD KA DAG DANG, SHEL DANG, DNGUL GYI KHA DOG LTA BU DAG BYUNG NGO, ,CHO 'PHRUL ZUNG DAG KYANG RNAM PAR STON TE, LUS KYI SMAD NAS ME 'BAR ZHING LUS KYI STOD NAS CHU GRANG MO'I RGYUN 'BAB PAR BYED DO, ,LUS KYI STOD NAS ME 'BAR ZHING LUS KYI SMAD NAS CHU GRANG MO'I RGYUN 'BAB PAR BYED DO, ,SHAR PHYOGS SU JI LTA BA BZHIN DU LHO DANG NUB DANG, BYANG PHYOGS SU'ANG @78B DE BZHIN TE, PHYOGS BZHIR RDZU 'PHRUL GYI CHO 'PHRUL RNAM PA BZHI BZHI BSTAN NAS RDZU 'PHRUL MNGON PAR 'DU BYA BA DA PHYIR BSDUS TE STAN BSHAMS PA NYID LA 'DUG GO, ,DE NAS RGYAL PO ZAS GTZANG GIS TSE DANG LDAN PA MOOD GAL GYI BU CHEN PO LA 'DI SKAD CES SMRAS SO, ,BTZUN PA MOOD GAL GYI BU CHEN PO BCOM LDAN 'DAS KYI NYAN THOS 'DI LTAR RDZU 'PHRUL CHE BA, 'DI LTAR MTHU CHE BA, GZHAN DAG KYANG MCHIS SAM, DE NAS TSE DANG LDAN PA MOOD GAL GYI BU CHEN POS DE'I TSE TSIGS SU BCAD PA SMRAS PA, THUB PA'I NYAN THOS MTHU CHE BA, ,GSUM RIG SEMS KYI RNAM GRANGS SHES, ,ZAG PA ZAD PAR GYUR PA DANG, ,DGRA RNAMS BCOM PA MANG DU YOD, ,DE NAS RGYAL PO ZAS GTZANG 'DI SNYAM DU SEMS TE, BCOM LDAN 'DAS NYAG GCIG RDZU 'PHRUL CHE BA, MTHU CHE BAR MA ZAD KYI, 'DI LTAR NYAN THOS RNAMS LA YANG RDZU 'PHRUL CHE BA MTHU CHE BA DAG YOD DO SNYAM NAS, DE NA RGYAL PO ZAS GTZANG GI SEMS KYI RGYUD SNYOMS PAR GYUR TO, ,DE NAS TSE DANG LDAN PA MOOD GAL GYI BU CHEN POS RGYAL PO ZAS GTZANG KHRID DE BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,DE NAS BCOM LDAN 'DAS KYIS RGYAL PO ZAS GTZANG GI SEMS THUGS KYIS MKHYEN CING, BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS, 'DI LTAR RGYAL PO ZAS GTZANG GIS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM STE RGYUN DU ZHUGS PA'I 'BRAS BU MNGON SUM DU BYAS PA DE LTAR CHOS BSTAN PA MDZAD DO, ,DES BDEN PA MTHONG NAS GSOL PA, BTZUN PA BDAG GIS DGE BA'I BSHES GNYEN BCOM LDAN 'DAS LA BRTEN NAS, BCOM LDAN 'DAS KYIS BDAG LA GANG MDZAD PA 'DI LTA BU NI BDAG LA PHAS KYANG MA BGYIS, MAS KYANG MA BGYIS, RGYAL POS KYANG MA BGYIS, LHA RNAMS KYIS KYANG MA BGYIS, SNGON GYI PHA MES DAG GIS KYANG MA BGYIS, DGE SBYONG DANG, BRAM ZE DAG @79A *, ,GIS KYANG MA BGYIS, BYAMS PA DANG, MDZA' BSHES DANG, RTZA LAG GI TSOGS KYIS KYANG MA BGYIS TE, KHRAG DANG MCHI MA'I RGYA MTSO NI BSKAMS, RUS PA'I RI DAG LAS NI BSGRAL, NGAN SONG GI SGO DAG NI BKUM, MTHO RIS DANG THAR PA'I SGO DAG NI PHYE, SEMS CAN DMYAL BA DANG, DUD 'GRO DANG, YI DAGS DAG NAS NI RKANG PA PHYUNG, LHA DANG MI RNAMS KYI NANG DU NI BZHAG ,'KHOR BA NI MTHAR BGYIS, THOG MA MA MCHIS PA'I DUS NAS BSAGS PA'I 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM STE RGYUN DU ZHUGS PA'I 'BRAS BU NI THOB STE, BTZUN PA BDAG NI MNGON PAR ZHUGS PA LAGS SO, ,BTZUN PA BDAG NI MNGON PAR ZHUGS PA LAGS TE, BTZUN PA BDAG BCOM LDAN 'DAS DANG, CHOS DANG DGE SLONG GI DGE 'DUN LA SKYABS SU MCHIS, BDAG DGE BSNYEN DU GZUNG DU GSOL, DENG SLAN CHAD NAS JI SRID 'TSO'I BAR DU GLO BA THAG PA NAS RAB TU DANG BAS SKYABS SU MCHI'O, ,TSIGS SU BCAD PA YANG GSOL PA, BU PHO BZANG POS PHA LA NI, ,LAN DU PHAN GDAGS GANG BGYI BA, ,DE NI KHYOD KYIS BDAG LA BGYIS, , SEMS NI MTHO RIS GZHOL BAR GYUR, ,BU PHO BZANG POS PHA LA NI, ,LAN DU PHAN GDAGS GANG BGYI BA, ,DE NI KHYOD KYIS BDAG LA BGYIS, ,SEMS NI THAR LA GZHOL BAR GYUR, ,NGAN SONG DAG LAS LEGS PHYUNG ZHING, ,KHYOD KYIS MTHO RIS THAR PA LA, ,RAB TU 'BAD PAS BDAG BZHAG STE, ,KHYOD KYIS DKA' BA LEGS PAR MDZAD, ,TSONG PAS KHE SPOGS RNYED PA LTAR, ,MTHO RIS RNYED PA BDAG GIS RNYED, ,DGE BA'I BSHES GNYEN RNAMS LA NI, ,NYE BAR RTEN PA BZANG BA LAGS, ,DE NAS RGYAL PO ZAS GTZANG GIS BDEN PA MTHONG NAS ZAS DKAR LA SMRAS PA, GZHON NU KHYOD KYIS RGYAL SRID BYED DU CHUG SHIG ,NGA NI RGYAL PO'I DRANG SRONG GIS TSANGS PAR SPYAD PA SPYOD DO, ,LHA CI'I SLAD DU RGYAL SRID BGYID DU MI STZOL, NGAS BDEN PA DAG MTHONG NGO, ,LHAS NAM GZIGS, DENG NYID DO, ,LHAS DENG NYID GZIGS @79B KYI BDAG GIS GANG GI GDUGS LA BCOM LDAN 'DAS 'DIR GSHEGS PA DE NYID KYI GDUGS LA BDEN PA DAG MTHONG LAGS SO, ,DE NAS RGYAL PO ZAS GTZANG GIS BRE BO ZAS DANG BDUD RTZI ZAS LA SMRAS PA, GZHON NU GNYIS KHYED KYIS RGYAL SRID BYED DU CHUG SHIG ,NGA NI RGYAL PO'I DRANG SRONG GIS TSANGS PAR SPYAD PA SPYOD DO, ,CI'I SLAD DU RGYAL SRID BGYID DU MI STZOL, NGAS BDEN PA MTHONG NGO, ,LHAS NAM GZIGS, DENG NYID DO, ,LHAS DENG NYID GZIGS KYI BDAG CAG GIS CHES SNGAR MTHONG LAGS SO, ,RGYAL POS SMRAS PA, GZHON NU RNAMS KYI BU THU BO GANG YIN, GZHON NU BZANG LDAN LAGS SO, ,RGYAL PO ZAS GTZANG GIS GZHON NU BZANG LDAN SH'AKYA'I RGYAL POR DBANG BSKUR RO, ,DE'I TSE NA BCOM LDAN 'DAS NYAN THOS KYI DGE 'DUN DANG BCAS PA, NYIN GCIG MI CHAD PAR RGYAL PO'I PHO BRANG DU GDUGS TSOD GSOL BA DANG, RGYAL PO ZAS GTZANG GIS RAL PA CAN LAS RAB TU BYUNG BA DKA' THUB KYIS LUS MI SDUG PAR SNANG BA DAG MTHONG NGO, ,MTHONG NAS KYANG DE 'DI SNYAM DU SEMS TE, BDAG NYID CHEN PO 'DI DAG SEMS NI BZANG BA YIN NA LUS MI BZANG STE, DKA' THUB DRAG PO DAG GIS LUS MI SDUG PAR SNANG BA DAG YIN NO, ,BCOM LDAN 'DAS KYI 'KHOR NI BCOM LDAN 'DAS NYID CI 'DRA BAR 'KHOR YANG DE 'DRA BA NYID DU GYUR NA DE LTA NA BCOM LDAN 'DAS MDZES PAR 'GYUR RO SNYAM MO, ,DE NAS RGYAL PO ZAS GTZANG GIS SH'AKYA RNAMS BSDUS TE SMRAS PA, SHES LDAN DAG GAL TE GZHON NU DON THAMS CAD GRUB PA RAB TU MA BYUNG BAR GYUR NA CIR 'GYUR, LHA 'KHOR LOS SGYUR BA'I RGYAL POR 'GYUR RO, ,KHYED KYI BU DAG CIR 'GYUR, LHA ZHABS 'BRING BAR 'GYUR RO, ,'O NA DA GZHON NU DON THAMS CAD GRUB PAS BDUD RTZI THUGS SU CHUD DE, BDUD RTZIS 'GRO BA TSIM PAR MDZAD NA KHYED KYI BU DAG CI'I PHYIR ZHABS 'BRING MI BYED, LHA CI LAGS DE DAG RAB DBYUNG NGAM, RAB TU PHYUNG SHIG ,LHA SH'AKYA'I RIGS RGYUN CHAD PAR 'GYUR RO, ,RGYAL POS SMRAS PA, KHYIM RE RE NAS RE RE RAB TU PHYUNG SHIG ,LHAS BKA' @80A *, ,STZAL PA BZHIN 'TSAL LO, ,RGYAL PO ZAS GTZANG GIS SH'AKYA GZHON NU RNAMS KYIS KHYIM RE RE NAS RE RE RAB TU DBYUNG BAR BYA'O ZHES DRIL BSGRAGS PA BYAS SO, ,GANG GI TSE RGYAL PO ZAS GTZANG GIS DRIL BSGRAGS PA DE'I TSE NA BZANG LDAN DANG MA 'GAGS PA DANG, NAM GRU LA SOGS PA SH'AKYA'I GZHON NU LNGA BRGYA RAB TU BYUNG NGO, ,GANG GI TSE BCOM LDAN 'DAS KYIS SH'AKYA GZHON NU LNGA BRGYA RAB TU PHYUNG BA DE'I TSE NA BCOM LDAN 'DAS KYIS 'DI LTA STE, RIGS MTHON PO LAS RAB TU BYUNG BA NI RNYED PA'I PHYIR DANG NYE BA YIN NO, ,ZHES GSUNGS PAS DE DAG LAS RNYED PA DANG BKUR STI CHEN PO BYUNG BAR GYUR TO, ,BCOM LDAN 'DAS KYIS DGONGS PA, RIGS KYI BU 'DI DAG GZHAN GYI PHYIR KHO NAR RAB TU BYUNG BA YIN NA, GZHAN KHO NA LA CHAGS SO SNYAM DU DGONGS NAS, DE NAS BCOM LDAN 'DAS DE DAG LAS RNYED PA DANG BKUR STI BYUNG BA GCAD PAR BZHED NAS SER SKYA'I GNAS SU CI DGYES PAR BZHUGS NAS MNYAN YOD GA LA BA DER GSHEGS TE, MTHAR GYIS RGYU ZHING GSHEGS PA NA MNYAN YOD DU BYON NAS, MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO,, ,,'DUL BA RNAM PAR 'BYED PA, BAM PO NYI SHU BRGYAD PA, DE NAS TSE DANG LDAN PA 'CHAR KA SNGA DRO SHAM THABS BGOS, LHUNG ZED DANG CHOS GOS THOGS TE MNYAN YOD D8U BSOD SNYOMS LA ZHUGS NAS, MTHAR GYIS MNYAN YOD NA BSOD SNYOMS LA RGYU BA NA, KHYIM BDAG GI CHUNG MA SBED MA'I KHYIM GA LA BA DER SONG NGO, ,KHYIM BDAG GI CHUNG MA SBED MAS TSE DANG LDAN PA 'CHAR KA THAG RING PO KHO NA NAS MTHONG NGO, ,MTHONG NAS KYANG BRANG BRDUNGS TE SMRAS PA, 'CHAR KA CI'I SLAD DU KHYOD KYIS BDAG SPANGS TE ? RAB TU BYUNG, 'CHAR KAS SMRAS PA, BYANG CHUB SEMS DPAS BTZUN MO GRAGS 'DZIN MA DANG, SA 'TSO MA DANG, RI DAGS SKYES LA SOGS PA BUD MED DRUG KHRI SPANGS TE RAB TU BYUNG BA NI SHIN TU DKA' BA YIN GYI RDUL GYI RDZAB 'DRA BA KHYOD LA MI BRA BA CI YOD, 'CHAR KA BDAG @80B KYANG RAB TU 'BYUNG NGO, ,DE LTAR GYIS SHIG ,KHYIM GYI BYA BA LEGS PAR BSDU BAR BGYI'O, ,'CHAR KA DE DER DUS DANG MTHUN PA'I DUS SU 'ONG ZHING SMRAS PA, SBED MA RAB TU MI 'BYUNG NGAM, SBED MAS SMRAS PA, DA DUNG KHYIM GYI BYA BA LEGS PAR MA BSDUS SO, ,SBED MA DUS DE TZAM GYIS KO SA LAR BYUNG BA'I KHYIM GYI BYA BA YANG LEGS PAR BSDUS PAR 'GYUR RO, ,'CHAR KA DENG LEGS PAR BSDUS TE SANG RAB TU 'BYUNG NGO, ,'CHAR KA 'DI SNYAM DU SNGON YANG BDAG LHUNG BZED NAG PO CAN RNAMS KYIS ZIL GYIS MNAN PAR GYUR PAS GAL TE BDAG GIS DGE SLONG MA RAB TU PHYUNG BAR GYUR NA DRUG SDE DAG GIS DGE SLONG MA RAB TU PHYUNG NGO ZHES RGYA CHER ZIL GYIS GNON PAR 'GYUR RO SNYAM DU 'GYOD PA SKYES NAS, DE LHUNG BZED DANG CHOS GOS THOGS TE RGYAL PO'I KHAB GA LA BA DER RGYU ZHING SONG NAS MTHAR GYIS RGYU ZHING 'GRO BA NA RGYAL PO'I KHAB TU PHYIN NAS DE RGYAL PO'I KHAB TU DBYAR GNAS PAR KHAS BLANGS TE 'DUG GO, ,SBED MA YANG PHYI DE NYIN PAR KHYIM GYI BYA BA LEGS PAR BSDUS TE RGYAL BYED KYI TSAL DU 'ONGS NAS DE DGE SLONG RNAMS KYI GAN DU SONG STE DRIS PA, 'PHAGS PA DAG DE GAR MCHIS, DE SU YIN, 'PHAGS PA 'CHAR KA'O, ,DE RGYAL PO'I KHAB TU SONG NGO, ,SBED MAS DU BAR BRTZAMS PA DANG, DGE SLONG RNAMS KYIS SMRAS PA, SBED MA CI'I PHYIR DU, 'PHAGS PA 'CHAR KA'I MCHID NAS KHYIM GYI BYA BA LEGS PAR BSDUS LA MCHI SHIG DANG, BDAG GIS RAB TU 'BYUNG NGO ZHES MCHI NAS BDAG GIS KHYIM GYI BYA BA LEGS PAR BSDUS TE MCHIS NA DE RGYAL PO'I KHAB TU MCHIS PAS DA NI BDAG KHYIM NA GNAS PA YANG MA LAGS LA, RAB TU BYUNG BA YANG MA LAGS SO, ,DGE SLONG RNAMS KYIS DE LA SMRAS PA, SBED MA 'CHAR KA SBU GRI'I PHYIR RGYAL PO'I KHAB TU SONG BAS SBU GRI SAR PAS KHYOD KYI SKRA 'DREG PAR 'GYUR RO, ,DGE SLONG MA GSO SBYONG 'BUL BA DAG RGYAL BYED KYI TSAL DU LHAGS NAS DE DAG GIS SBED MA DU BA MTHONG NAS SMRAS PA, SBED MA CI'I PHYIR DU, 'PHAGS PA 'CHAR KA'I MCHID NAS KHYIM GYI BYA BA LEGS PAR @81A *, ,BSDUS LA MCHI SHIG DANG, BDAG GIS RAB TU DBYUNG NGO ZHES MCHI NAS BDAG GIS KHYIM GYI BYA BA LEGS PAR BSDUS TE MCHIS NA, DE RGYAL PO'I KHAB TU MCHIS PAS DA NI BDAG KHYIM NA GNAS PA YANG MA LAGS LA RAB TU BYUNG BA YANG MA LAGS SO, ,GA-YENGS MA DGE SLONG DAG SU ZHIG DGE SLONG MA RAB TU 'BYIN PAR BYED, 'DI LTAR DGE SLONG MA RNAMS KYIS DGE SLONG MA RAB TU 'BYIN PAR BYED KYIS TSUR SHOG ,'PHAGS MA SKYE DGU'I BDAG MO CHEN MO GOO TA M'IS KHYOD RAB TU 'BYIN PAR 'GYUR RO, ,DE DAG GIS DE SKYE DGU'I BDAG MO CHEN MO GOO TA M'I'I GAN DU KHRID NAS SMRAS PA, 'PHAGS MA KHYIM BDAG GI MCHIS 'BRANG SBED MA 'DI RAB TU 'BYUNG BAR 'TSAL LO, ,SKYE DGU'I BDAG MO CHEN MO GOO TA M'IS DE RAB TU PHYUNG RDZOGS PAR BSNYEN PAR BYAS SO, ,'CHAR KA 'DI SNYAM DU BDAG GIS LHUNG BZED NAG PO CAN RNAMS RJES SU SRUNG BAS KHYIM BDAG GI CHUNG MA SBED MA RAB TU MA PHYUNG BAS RGYA CANG DANG, LCAG POD DANG, SHUR BU DANG, SHUR BU PHRE'U DAG GI BAR CHAD KYANG BYAS LA, DE YANG LHUNG BZED NAG PO CAN 'GA' ZHIG GIS RAB TU PHYUNG BAR GYUR NA DE DANG PHRAD DU YANG MI STER RO SNYAM DU 'GYOD PA SKYES NAS DE MI DGA' BZHIN DU DBYAR GNAS PAR KHAS BLANGS SO, ,MNYAN YOD NA RGAN ZHUGS SHIG MI DGA' BZHIN DU DBYAR GNAS PAR KHAS BLANGS PA DES LHUNG BZED DANG CHOS GOS MCHAN KHUNG DU BCUG STE DGAG DBYE BYAS PA NA DGAG DBYE LEGS PAR BYAS SO, ,DGAG DBYE SHIN TU BYAS SO ZHES DE RGYAL PO'I KHAB GA LA BA DER SONG STE, MTHAR GYIS RGYU ZHING 'GRO BA NA RGYAL PO'I KHAB TU PHYIN PA DANG, TSE DANG LDAN PA 'CHAR KA GTZUG LAG KHANG GI SGO NA LAM LA RNAM PAR LTA ZHING 'DUG PA DES THAG RING PO KHO NA NAS RGAN ZHUGS MGO SPRA BA'I ME TOG LTAR SKYE BA, SMIN MA 'PHYANG BA ZHIG 'ONG BA DE MTHONG NAS 'CHAR KAS BSAMS PA, DGE SLONG 'ONG BA 'DI GNAS BRTAN GANG YIN PA SU'O SNYAM NAS, DES SMRAS PA, GNAS BRTAN BYON PA LEGS SO, ,BYON PA LEGS SO PHYAG 'TSAL LO, ,DES SMRAS PA, SLOB DPON PHYAG 'TSAL LO, , @81B 'CHAR KAS 'DI NI RGAN ZHUGS SHIG STE, SLOB DPON YANG MI SHES, MKHAN PO YANG MI SHES PA ZHIG GO SNYAM DU SHES NAS 'CHAR KAS DE GTZUG LAG KHANG DU 'JUG TU BCUG STE SMRAS PA, RGAN ZHUGS KHYOD GA LAS 'ONGS, DES SMRAS PA, MNYAN YOD NAS SO, ,'CHAR KAS BSAMS PA, GAL TE DANG PO KHO NAR SBED MA'I GTAM DRIS NA 'PHYA BAR 'GYUR BAS 'DI LTAR SNGA PHYIR BYAS TE DRI BAR BYA'O SNYAM NAS SMRAS PA, TSE DANG LDAN PA JI LTA BCOM LDAN 'DAS GNOD PA CHUNG BA DANG, NYAM NGA BA CHUNG BA DANG, BDE BA DANG, SNYUN MI MNGA' BA DANG, STOBS DANG LDAN PAR MNYAN YOD DU DBYAR GNAS PAR ZHAL GYIS BZHES SAM, BTZUN PA 'CHAR KA DE BZHIN TE, BCOM LDAN 'DAS GNOD PA CHUNG BA DANG, NYAM NGA BA CHUNG BA DANG, BDE BA DANG, SNYUN MI MNGA' BA DANG, STOBS DANG LDAN PAR MNYAN YOD DU DBYAR GNAS PAR ZHAL GYIS BZHES SO, ,TSE DANG LDAN PA JI LTA DGE SLONG GI DGE 'DUN DANG, DGE SLONG MA'I DGE 'DUN DANG, DGE BSNYEN GYI 'KHOR DANG, DGE BSNYEN MA'I 'KHOR GNOD PA CHUNG BA DANG, NYAM NGA BA CHUNG BA DANG, BDE BA DANG, NAD MED PA DANG, STOBS DANG LDAN PAR MNYAN YOD NA GNAS SAM, STON PA LA LTA BAR 'DOD DAM, DAM PA'I CHOS NYAN PAR 'DOD DAM, BTZUN PA 'CHAR KA DE BZHIN TE, DGE SLONG GI DGE 'DUN DANG, DGE SLONG MA'I DGE 'DUN DANG, DGE BSNYEN GYI 'KHOR DANG, DGE BSNYEN MA'I 'KHOR GNOD PA CHUNG BA DANG, NYAM NGA BA CHUNG BA DANG, BDE BA DANG, NAD MED PA DANG, STOBS DANG LDAN PAR MNYAN YOD NA GNAS SHING, STON PA LA BLTA BAR 'DOD PA DANG, DAM PA'I CHOS NYAN PAR 'DOD DO, ,TSE DANG LDAN PA JI LTA GNAS BRTAN KUN SHES KOO ndI NA+YA DANG, GNAS BRTAN 'OD SRUNG CHEN PO DANG, GNAS BRTAN SH'A RI'I BU DANG, GNAS BRTAN MOOD GAL GYI BU CHEN PO DANG, GZHAN YANG DGE SLONG GNAS BRTAN GNAS BRTAN DAG GNOD PA CHUNG BA DANG, NYAM NGA BA CHUNG BA DANG, BDE BA DANG, NAD MED PA DANG, STOBS DANG LDAN PAR MNYAN YOD NA GNAS @82A *, ,SAM, BTZUN PA 'CHAR KA DE BZHIN TE, GNOD PA CHUNG BA DANG, NYAM NGA BA CHUNG BA DANG, BDE BA DANG, NAD MED PA DANG, STOBS DANG LDAN PAR MNYAN YOD NA GNAS SO, ,TSE DANG LDAN PA JI LTA KO SA LAR BYUNG BA'I RGYAL PO GSAL RGYAL DANG, BLA MKHYEN DRANG SRONG BYIN DANG, RNYING PA DANG, KHYIM BDAG GI CHUNG MA RI DAGS 'DZIN GYI MAS GA DANG, LEGS SKYES DAG SHES SAM, BTZUN PA 'CHAR KA DE BZHIN TE SHES SO, ,TSE DANG LDAN PA 'O NA KHYOD KYIS KHYIM BDAG GI CHUNG MA SBED MA SHES SAM, BTZUN PA 'CHAR KA SHES TE DE NI BTZUN PA 'CHAR KA'I SNGON GYI CHUNG MA YIN NO, ,RGAN ZHUGS GTAM SHES SO, ,DE DA DUNG YANG KHYOD KYI KHYIM BDAG GI CHUNG MA YIN SNYAM MAM, DE NI RAB TU BYUNG NGO, ,SUS RAB TU PHYUNG, SKYE DGU'I BDAG MO CHEN MO GOO TA M'IS SO, ,'CHAR KAS BSAMS PA, DA DUNG SPYOD YUL LHAG MA DANG BCAS PA YIN NO SNYAM NAS SMRAS PA, RGAN ZHUGS TSUR SHOG ,RKANG PA DAG KHRUS SHIG CES DES DE LA RKANG PA BSKU BA DANG, LAG PA BSKU BA MANG PO BYIN NAS DES DE'I LHUNG BZED DANG CHOS GOS YA GAD BTZUGS TE ZUNG MTHON PO LA BZHAG NAS SMRAS PA, RGAN ZHUGS GTZUG LAG KHANG 'DI NI ZAS DANG BCAS PA, RNYED PA DANG BCAS PA YIN GYIS GTZUG LAG KHANG 'DIR MNGON PAR DGA' BAR GYIS SHIG ,DES SMRAS PA, BTZUN PA 'CHAR KA BDAG NI MCHOD RTEN LA PHYAG 'TSAL DU 'ONGS TE 'GRO BA YIN PAS BDAG GNAS 'DI MI 'DOD DO, ,'CHAR KAS DE'I MDUN DU SGO LCAGS DANG LDE MIG KYOG PO DAG BZHAG STE 'DI SKAD CES TSE DANG LDAN PA BCOM LDAN 'DAS KYIS DGE SLONG GIS GTZUG LAG KHANG GNAS PA DANG BCAS PAR BYA'I MI GNAS PAR MI BYA'O ZHES BKA' STZAL TO ZHES SMRAS NAS MIG LAM DU MI SNANG BAR SONG STE, DE MTHAR GYIS RGYU ZHING 'GRO BA NA MNYAN YOD DU PHYIN NAS 'CHAR KAS RANG GI GTZUG LAG KHANG CHAG CHAG BTAB, LEGS PAR BYUGS, LCI BA SAR PA'I BYUG PAS BYUGS TE SGO BCAD NAS KHRI'I STENG NA PHYI GAN DU NYAL ZHING SKAD KYI GDANGS KYIS KHA TON BYED CING 'DUG GO , @82B DGE SLONG MA 'DUN PA 'BUL BA DAG LHAGS NAS DE DAG GIS DE'I SKAD KYI GDANGS THOS NAS DE DAG GIS DE LA PHYAG 'TSAL TE SMRAS PA, 'PHAGS PA 'CHAR KA KHYOD GAR BZHUD BZHUD, 'CHAR KAS SMRAS PA, RGYAL PO'I KHAB TU'O, ,DE DAG DBYAR KHANG DU DONG NAS SBED MA LA SMRAS PA, SBED MA DGA' BA SKYED CIG ,KHYOD KYI SLOB DPON 'ONGS SO, ,KHO MO'I SLOB DPON GANG, 'CHAR KA'O, ,DE JI LTAR KHO MO'I SLOB DPON, CI KHO MOS DE'I GAN NAS BKLAGS SAM, GA-YENGS MA KHYOD KYIS MI SHES KYIS DGE SLONG MA RNAMS NI DGE SLONG LA RAG MANG DU LAS KYIS KHYOD SONG LA LTOS SHIG ,SBED MAS NAS KYI NGAR PHYE DANG KHRUS KYI CHAL DANG, 'BRU MAR THOGS TE 'CHAR KA'I GTZUG LAG KHANG DU SONG NAS SBED MAS 'CHAR KA'I GTZUG LAG KHANG GI SGO BRDUNGS PA DANG, 'CHAR KAS SMRAS PA, DE SU YIN, SBED MAS SMRAS PA, BDAG SBED MA'O, ,KHYIM BDAG GI CHUNG MA SBED MA 'ONGS PA LEGS SO, ,BDAG DA DUNG YANG KHYOD KYI KHYIM BDAG GI CHUNG MA LAGS SAM, 'O NA CI YIN, BDAG RAB TU BYUNG NGO, ,KHYOD SUS RAB TU PHYUNG, 'PHAGS MA SKYE DGU'I BDAG MO CHEN MO GOO TA M'IS SO, ,KHO BO RE ZHIG BYA BA DE LTA BU ZHIG BYUNG NAS DE'I PHYIR KHO BO RGYAL PO'I KHAB TU SONG NA KHYOD LA BRTAD PA CI BYUNG NA DE'I PHYIR KHYOD RAB TU BYUNG, KHYOD KYI ZHAL NAS KHYIM GYI BYA BA LEGS PAR BSDUS LA SHOG SHIG DANG, KHO BOS KHYOD RAB TU DBYUNG NGO ZHES GSUNGS NAS, BDAG GIS KHYIM GYI BYA BA LEGS PAR BSDUS TE MCHIS NA KHYOD RGYAL PO'I KHAB TU BZHUD DE, GAL TE BDAG 'PHAGS MAS RAB TU MA PHYUNG DU LAGS NA BDAG KHYIM NA GNAS PA YANG MA LAGS LA RAB TU BYUNG BA YANG MA LAGS PAR 'GYUR RO, ,'CHAR KAS SMRAS PA, SBED MAS CI KHO BO BDAG NYID KYI LAG NGAR LA SOS 'DEBS PAR BYED DAM, SKYE DGU'I BDAG MO CHEN MO GOO TA M'IS RAB TU PHYUNG YANG RUNG, KHO BOS RAB TU PHYUNG YANG RUNG STE LEGS KYIS NANG DU ZHUGS SHIG DANG CHOS BSTAN PAR BYA'O, ,SBED MAS 'CHAR KA'I RKANG PA GNYIS LA PHYAG 'TSAL TE CHOS MNYAN PA'I PHYIR MDUN DU 'DUG GO , ,DES DE @83A *, ,LA CHOS BSTAN PAR BRTZAMS TE, DES DE LA JI TZAM PA DE TZAM DU CHOS BSTAN NAS SNGON GYI BGAD PA DANG, DGA' BAR BYAS PA DANG, RTZES PA DANG, DGA' MGUR SPYAD PA DRAN PAR BYA BAR BRTZAMS TE, SBED MA BDAG CAG GNYIS KYIS SKYED MOS TSAL DANG, 'DUN SA DANG, LHA'I GNAS GA GE MO ZHIG TU ZAS 'DI DANG 'DI LTA BU ZOS PA DANG, BCA' BA 'DI DANG 'DI LTA BU 'CHOS PA DANG, BTUNG BA 'DI DANG 'DI LTA BU 'THUNGS PA GANG YIN PA DE DRAN NAM ZHES SMRAS PA DANG 'CHAR KA KUN DU CHAGS PAR GYUR TO, ,JI LTA JI LTAR CHAGS PAR GYUR PA DE LTA DE LTAR DRAL TO, ,BUD MED KYI YUL MKHAS PA'I RANG BZHIN CAN LA LA LA MA 'DRES PA'I CHOS LNGA YOD DE, LNGA GANG ZHE NA, SKYES PA CHAGS PAR GYUR PA SHES SHING CHAGS PA DANG BRAL BA SHES PA DANG, DUS SHES SHING ZLA MTSAN SHES PA DANG, MNGAL NA GNAS PA ZHUGS PA SHES PA DANG, GANG LAS MNGAL NA GNAS PA ZHUGS PA DE SHES PA DANG, KHYE'U SHES SHING BU MO SHES PA STE, GAL TE KHYE'U YIN NA DKU GA-YAS PAR BRTEN CING 'DUG LA, GAL TE BU MO YIN NA DKU GA-YON PAR BRTEN CING 'DUG PA'O, ,SBED MA DES 'CHAR KA DE CHAGS SO SNYAM DU SHES NAS SBED MAS SMRAS PA, SLAD ROL DU MCHIS TE SLAR MCHI'O, ,'CHAR KAS BSAMS PA, 'DI BSHANG BA BYED 'DOD DAM, GCI BA BYED 'DOD GOR MA CHAG SNYAM NAS DES SMRAS PA, SONG SHIG ,SBED MA PHYIR BYUNG NAS SHI NGA DPUNG BCAD BRDZES TE RGYUG PAR BRTZAMS PA DANG, 'CHAR KA DE SGRA LA MKHAS PA YIN PAS DES DE'I SGRA THOS NAS DES DE'I PHYI BZHIN DU BYUNG STE, DGE SBYONG MA MGO REG MO GAR 'BROS ZHES DE DE'I PHYI BZHIN RGYUG PAR BRTZAMS PA DANG, DE LA BRLA'I REG PAS KHU BA BYUNG NAS DE KUN NAS DKRIS PA DANG BRAL TE GLANG PO CHE CHAGS PA DANG BRAL BA BZHIN DU GZHI DE DAG NYID NA 'DUG GO , ,SBED MAS DE KUN NAS DKRIS PA DANG BRAL ZHING PHYIR LOG PA MTHONG NAS 'DI KUN NAS DKRIS PA DANG BRAL LO SNYAM DU RIG NAS DRUNG DU SONG STE TSE DANG LDAN PA 'CHAR KA LA 'DI SKAD CES @83B SMRAS SO, ,'PHAGS PA GAL TE BDAG GIS DANG DU BLANGS PAR GYUR NA BDAG KYANG DGE SLONG MAR MI RUNG BA NYID DU 'GYUR LA, KHYOD KYANG DGE SLONG DU MI RUNG BA NYID DU 'GYUR RO, ,SRING MO BCOM LDAN 'DAS KYIS KYANG BDAG NYID SRUNG NA GZHAN SRUNG BAR BYED LA, GZHAN SRUNG NA BDAG NYID SRUNG BAR BYED DO ZHES LEGS PAR GSUNGS SO, ,JI LTAR BDAG NYID SRUNG NA GZHAN SRUNG BAR BYED CE NA, STEN PAR BYED PA DANG, GOMS PAR BYED PA DANG, LAN MANG DU BYED PA DANG, RJES SU SRUNG BAR BYED PA DANG, REG PAR BYED PA DANG, MNGON SUM DU BYED PA STE, DE LTAR BDAG NYID SRUNG NA GZHAN SRUNG BAR BYED DO, ,JI LTAR GZHAN SRUNG NA BDAG NYID SRUNG BAR BYED CE NA, THO MI 'TSAMS PA DANG, MI GSHE BA DANG, MI 'TSE BA DANG, RJES SU BRTZE BA DANG, RJES SU SNYING BRTZE BA DANG, BYAMS PA'I SEMS KYIS TE, DE LTAR GZHAN SRUNG NA BDAG NYID SRUNG BAR BYED DO, ,'PHAGS PA SHAM THABS 'DI TSUR STZOL BKRU BAR BGYI'O, ,'CHAR KAS SHAM THABS DE SBED MA LA BYIN NO, ,SBED MAS KHU BA DE MTHONG NAS 'GYOD PA SKYES TE, BDAG GI LUS KYI PHYOGS BTZUN PA 'CHAR KAS SNGON MA MTHONG BA'AM SNGON MA MNAMS PA'AM, SNGON MA BYUGS PA CI ZHIG YOD NA BDAG GIS DANG DU MA BLANGS PA NI MA LEGS PA ZHIG BYAS SO SNYAM DU 'GYOD PA SKYES SO, ,SBED MA DE LTAR RNAM PAR RTOG PA NA DE KUN DU CHAGS SHING DRAL BAR GYUR PA'I SEMS KYIS KHU BA DE RANG GI MNGAL GYI SGOR BLUGS SO, ,SEMS CAN RNAMS KYI LAS KYI RNAM PAR SMIN PA BSAM GYIS MI KHYAB PAS DE LA SEMS CAN ZHUGS PAR GYUR TO, ,DE DGE SLONG MA RNAMS KYIS MTHONG NAS SMRAS PA, SBED MA KHO MO CAG GO KHYOD CHOS BZANG PO'I CHOS KYIS 'PHAGS PA 'CHAR KA'I GAN DU 'GRO BAR SEMS KYI KHO MO CAG GIS DES KHYOD GNAS SKABS 'DI LTA BUR BYAS PAR MI SEMS SO, ,SBED MAS SMRAS PA, PHU NU MO DAG DGE SLONG DE NI TSUL KHRIMS DANG LDAN PA YIN TE, GANG TSUN CHAD RAB TU BYUNG NAS DES KHO MO LA SNGAN CHAD LAN 'GA' YANG LAG GIS KYANG @84A *, ,MA BYUGS SO, ,DE DAG GIS SMRAS PA, MA BYUGS NA YANG DES KHYOD GNAS SKABS 'DI 'DRA BAR BYAS NA, GAL TE BYUGS NA DES KHYOD GNAS SKABS JI LTA BUR BYAS PAR 'GYUR ZHES ZER BA'I SKABS DE DGE SLONG MA RNAMS KYIS DGE SLONG RNAMS LA BRJOD DO; ,DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG DGE SLONG MA DE NI PHAM PAR MA GYUR GYIS 'DI LTAR PHYOGS DBEN PAR BZHAG STE BSOD SNYOMS KYIS BREL BA MED PA GYIS SHIG DANG, BU GZHON NU 'OD SRUNG ZHES BYA BA BTZA' BAR 'GYUR ZHING NGA'I BSTAN PA LA RAB TU BYUNG NAS NYON MONGS PA THAMS CAD SPANGS PAS DGRA BCOM PA NYID MNGON SUM DU BYED PAR 'GYUR TE 'DI LTA STE, DGE SLONG GZHON NU 'OD SRUNG DE NI NGA'I GTAM SNA TSOGS DANG, GTAM SNYAN PA DANG, SPOBS PA DGE BA CAN RNAMS KYI MCHOG TU 'GYUR RO, ,BCOM LDAN 'DAS KYIS DGONGS PA, DGE SLONG RNAMS KYI NYES DMIGS BYUNG BA GANG YIN PA DE NI DGE SLONG MA NYE DU MA YIN PA LA GOS RNYING PA 'KHRUR 'JUD PA LAS GYUR PA YIN NO SNYAM DU DGONGS NAS, DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG MA NYE DU MA YIN PA LA GOS RNYING PA 'KHRUR 'JUD DAM, 'TSED DU 'JUD DAM, 'CHAG TU 'JUD NA SPANG BA'I LTUNG BYED DO, ,YANG DGE SLONG GANG ZHES BYA BA NI 'CHAR KA'AM GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI PA'O, ,NYE DU MA YIN PA LA ZHES BYA BA NI PHYI MO DANG, MES PO DANG, PHRUGS LAS BRTEN PA'I BDUN PA TSUN CHAD NI NYE DU YIN LA DE PHAN CAD NI NYE DU MA YIN NO, ,GOS ZHES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, @84B NYI 'OG GI GOS DAG LAS GANG YANG RUNG BA'O, ,RNYING PA ZHES BYA BA NI DUS TSIGS GSUM PO DAG LAS DUS TSIGS GANG YANG RUNG BAR SPYAD PA GANG YIN PA'O, ,'KHRUR 'JUD DAM ZHES BYA BA NI THA NA CHUR SNYUG PA BYED DU 'JUD NA'O, ,'TSED DU 'JUD DAM ZHES BYA BA NI THA NA TSON DU SNYUG PA BYED DU 'JUD NA'O, ,'CHAG TU 'JUD DAM ZHES BYA BA NI THA NA THAL MOS RDEBS PAR BYED DU 'JUD NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS DGE SLONG MA NYE DU MA YIN PA LA NYE DU MA YIN PAR 'DU SHES PAS GOS RNYING PA 'KHRUR 'JUD NA SPANG BA'I LTUNG BYED DU 'GYUR RO, ,'TSED DU 'JUD NA SPANG BA'I LTUNG BYED DU 'GYUR RO, ,'CHAG TU 'JUD NA SPANG BA'I LTUNG BYED DU 'GYUR RO, ,'KHRUR 'JUD PA DANG 'TSED DU 'JUD DAM, 'KHRUR 'JUD PA DANG 'CHAG TU 'JUD DAM, 'TSED DU 'JUD PA DANG 'KHRUR 'JUD DAM, 'TSED DU 'JUD PA DANG 'CHAG TU 'JUD DAM, 'CHAG TU 'JUD PA DANG 'KHRUR 'JUD DAM, 'CHAG TU 'JUD PA DANG 'TSED DU 'JUD DAM, 'KHRUR 'JUD PA DANG 'TSED DU 'JUD PA DANG, 'CHAG TU 'JUD NA SPANG BA'I LTUNG BYED DU 'GYUR RO, ,DGE SLONG GIS DGE SLONG MA NYE DU MA YIN PA LA YID GNYIS ZA BAS GOS RNYING PA 'KHRUR 'JUD NA SPANG BA'I LTUNG BYED DU 'GYUR RO, ,'TSED DU 'JUD NA SPANG BA'I LTUNG BYED DU 'GYUR RO, ,'CHAG TU 'JUD NA SPANG BA'I LTUNG BYED DU 'GYUR RO, ,'KHRUR 'JUD PA DANG 'TSED DU 'JUD DAM, 'KHRUR 'JUD PA DANG 'CHAG TU 'JUD DAM, 'TSED DU 'JUD PA DANG 'KHRUR 'JUD DAM, 'TSED DU 'JUD PA DANG 'CHAG TU 'JUD DAM, 'CHAG TU 'JUD PA DANG 'KHRUR 'JUD DAM, 'CHAG TU 'JUD PA DANG 'TSED DU 'JUD DAM, 'KHRUR 'JUD PA DANG 'TSED DU 'JUD PA DANG, 'CHAG TU 'JUD NA SPANG BA'I LTUNG BYED DU 'GYUR RO, ,DGE SLONG GIS DGE SLONG MA NYE DU MA NYE DU MA YIN PAR 'DU SHES PAS GOS RNYING PA 'KHRUR 'JUD NA NYES BYAS SU 'GYUR RO, ,'TSED DU 'JUD NA NYES BYAS SU @85A *, ,'GYUR RO; ,'CHAG TU 'JUD NA YANG NYES BYAS SU 'GYUR RO, ,'KHRUR 'JUD PA DANG 'TSED DU 'JUD DAM, 'KHRUR 'JUD PA DANG 'CHAG TU 'JUD DAM, 'TSED DU 'JUD PA DANG 'KHRUR 'JUD DAM, 'TSED DU 'JUD PA DANG 'CHAG TU 'JUD DAM, 'CHAG TU 'JUD PA DANG 'KHRUR 'JUD DAM, 'CHAG TU 'JUD PA DANG 'TSED DU 'JUD DAM, 'KHRUR 'JUD PA DANG 'TSED DU 'JUD PA DANG, 'CHAG TU 'JUD NA NYES BYAS SU 'GYUR RO, ,DGE SLONG GIS DGE SLONG MA NYE DU LA YID GNYIS ZA BAS GOS RNYING PA 'KHRUR 'JUD NA NYES BYAS SU 'GYUR RO, ,'TSED DU 'JUD NA NYES BYAS SU 'GYUR RO, ,'CHAG TU 'JUD NA NYES BYAS SU 'GYUR RO, ,'KHRUR 'JUD PA DANG 'TSED DU 'JUD DAM, 'KHRUR 'JUD PA DANG 'CHAG TU 'JUD DAM, 'TSED DU 'JUD PA DANG 'KHRUR 'JUD DAM, 'TSED DU 'JUD PA DANG 'CHAG TU 'JUD DAM, 'CHAG TU 'JUD PA DANG 'KHRUR 'JUD DAM, 'CHAG TU 'JUD PA DANG 'TSED DU 'JUD DAM, 'KHRUR 'JUD PA DANG 'TSED DU 'JUD PA DANG, 'CHAG TU 'JUD NA NYES BYAS SU 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG DAG 'DI LTA STE, RIGS MTHON PO LAS RAB TU BYUNG BA 'DI NI RNYED PA RNAMS KYI PHYED DANG NYE BA YIN NO, ,ZHES BKA' STZAL PAS DE NA YANG SH'AKYA'I KHYIM NAS RAB TU BYUNG BA DE DAG LA RNYED PA DANG BKUR STI CHEN PO BYUNG NAS DE DAG SHIN TU GOS KYIS CHAB LA SBYOR BA'I RJES SU BRTZON PAR GNAS SHING, LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA DAG KYANG 'CHANG BAR BYED PAS BCOM LDAN 'DAS KYIS DE DAG LA DUS DANG DUS SU CHOS BSTAN KYANG DE DAG GIS BDEN PA DAG MA MTHONG NGO, ,DE NAS BCOM LDAN 'DAS 'DI SNYAM DU DGONGS TE, CI'I PHYIR SH'AKYA RAB TU BYUNG BA DAG BDEN PA DAG MTHONG BAR MI BYED SNYAM DU DGONGS NAS DE DAG @85B SHIN TU GOS KYIS CHAB LA SBYOR BA'I RJES SU BRTZON PAR GNAS SHING DE DAG LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA DAG 'CHANG BA'I PHYIR TE, GAL TE NGAS SH'AKYA RAB TU BYUNG BA RNAMS LA SMAD NA DBRAL DKA' BAR 'GYUR RO SNYAM DU DGONGS NAS; SANGS RGYAS BCOM LDAN 'DAS RNAMS NI GDUL BA LA MKHAS PA BLA NA MED PA YIN PAS DE NA BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG DA ZLA BA GSUM PO 'DI LA NANG DU YANG DAG 'JOG BZHED KYIS, NGA'I SPYAN SNGAR DGE SLONG BSOD SNYOMS STOBS PA GCIG DANG, 'DI NYID KYI GSO SBYONG BCVA LNGA BA'I TSE MA GTOGS PAR DGE SLONG GANG GIS KYANG NYE BAR 'ONG BAR MI BYA'O, ,DGE SLONG GI DGE 'DUN GYIS KYANG TSE DANG LDAN PA DAG DBYAR GYI NANG DAG TU DGE SLONG BSOD SNYOMS STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS GANG GIS KYANG BCOM LDAN 'DAS LA LTAR 'GRO BAR MI BYA STE, DBYAR GYI NANG DAG TU DGE SLONG BSOD SNYOMS STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS GANG BCOM LDAN 'DAS LA LTAR 'GRO BA DE BDAG CAG GIS LTUNG BYED KYI LTUNG BA BYED DU GZHUG GO ZHES KHRIMS SU BYA BA BCAS SO, ,BCOM LDAN 'DAS ZLA BA GSUM NANG DU YANG DAG 'JOG LA ZHUGS PA NA DGE SLONG BSOD SNYOMS STOBS PA GCIG DANG, DE NYID KYI GSO SBYONG BCVA LNGA PA'I TSE MA GTOGS PAR DER DGE SLONG 'GA' YANG MI 'GRO'O, ,DE'I TSE NA TSE DANG LDAN PA NYE SDE ZLA BA SHOL MA BOR BAS DBYAR LJONGS SU GNAS PAR KHAS BLANGS LA, BCOM LDAN 'DAS NI ZLA BA SHOL BOR BAS DBYAR LJONGS SU GNAS PAR ZHAL GYIS BZHES SO, ,DE NAS TSE DANG LDAN PA NYE SDE DBYAR GYI ZLA BA GSUM PO DAG 'DAS NAS CHOS GOS BYAS PA DANG LDAN, CHOS GOS ZIN PA DANG LDAN ZHING MDZES PA 'KHOR MDZES PA DANG LDAN PAS LHUNG BZED DANG CHOS GOS THOGS TE MNYAN YOD GA LA BA DER RGYU ZHING SONG NAS MTHAR GYIS RGYU ZHING 'GRO BA NA MNYAN YOD DU PHYIN TO, , @86A *, ,DE NAS TSE DANG LDAN PA NYE SDE LHUNG BZED DANG CHOS GOS MKHOS SU PHAB STE RKANG PA GNYIS BKRUS NAS BCOM LDAN 'DAS KYI GTZUG LAG KHANG GA LA BA DER SONG BA DANG, DGE SLONG DRUG SDE DAG GIS TSE DANG LDAN PA NYE SDE THAG RING PO KHO NA NAS MTHONG NGO, ,MTHONG NAS KYANG 'DI SKAD CES TSE DANG LDAN PA DAG DA LTAR KHO NA NA DON NYUNG NGUS DGE 'DUN GYI KHRIMS SU BYA BA 'DRAL BAR 'GYUR RO, ,ZHES SMRAS SO, ,GZHAN DAG GIS SMRAS PA, DES DE LTUNG BYED KYI LTUNG BA BYED DU GZHUG GO, ,GZHAN DAG GIS SMRAS PA, DA LTAR SBYOR BA LA 'JUG GIS GANG GI TSE DRAL BAR GYUR PA DE'I TSE NA DES DE BYED DU GZHUG GO, ,DE NAS TSE DANG LDAN PA NYE SDES BCOM LDAN 'DAS KYI GTZUG LAG KHANG DU DAL BUS KHAD KYIS SGO GTAN BRDUNGS PA DANG, BCOM LDAN 'DAS KYIS DE LA CHAB SGO DBYE BA MDZAD DO, ,DE NAS TSE DANG LDAN PA NYE SDES BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,SANGS RGYAS BCOM LDAN 'DAS RNAMS KYI CHOS NYID NI DGE SLONG GLO BUR DU 'ONGS PA LA DGE SLONG KHYOD DA LTA GA LAS 'ONGS, GANG DU DBYAR GNAS PAR KHAS BLANGS ZHES BYA BA'I SO SOR KUN DGA' BAR MDZAD PA 'DIS SO SOR KUN DGA' BAR MDZAD PA YIN PAS BCOM LDAN 'DAS KYIS TSE DANG LDAN PA NYE SDE LA NYE SDE KHYOD DA LTAR GA LAS 'ONGS, GANG DU DBYAR GNAS PAR KHAS BLANGS ZHES SO SOR KUN DGA' BAR MDZAD PA DANG, TSE DANG LDAN PA NYE SDES GSOL PA, BTZUN PA BDAG DA LTAR LJONGS NAS MCHIS SO, ,BDAG LJONGS SU DBYAR GNAS PAR MCHID KYIS 'TSAL TO, ,NYE SDE LJONGS SU DGE SLONG RNAMS KYIS DGAG DBYE BYAS SAM, BTZUN PA BGYIS SO, ,NYE SDE GANG GIS KHYOD MDZES PA 'KHOR MDZES PA DANG LDAN PAR GYUR PA'I RGYU NI GANG YIN, RKYEN NI GANG YIN, BTZUN PA 'DI NA GAL TE BDAG GI GA-YAR SNGAR RAB TU 'BYUNG BA LA LTOS PA ZHIG MCHIS NA, BDAG DE LA 'DI SKAD CES BZHIN BZANGS KHYOD TSUR MCHI, DGON PA PA 'TSOL CIG CES MCHI ZHING DGON PA PA NYID KYI BSNGAGS PA YANG RJOD PAR BGYID, BSOD SNYOMS @86B PA DANG, CHOS GOS GSUM PA DANG, PHYAG DAR KHROD PA DANG, SHING DRUNG PA 'TSOL CIG CES MCHI ZHING SHING DRUNG PA NYID KYI BSNGAGS PA YANG BRJOD PAR BGYID DO, ,GAL TE DE LTAR BGYI'O ZHES MCHI NA, DE RAB TU 'BYIN PAR BGYID DO, ,GAL TE RDZOGS PAR BSNYEN PAR 'TSAL BA DANG; GNAS LA ZHUGS PA DANG, BKLAG PA LA ZHUGS PA DANG, MCHID DON LA ZHUGS PA DANG, YID LA BGYI BA LA ZHUGS PA ZHES MCHIS NA, BDAG DE LA YANG 'DI SKAD CES BZHIN BZANGS KHYOD TSUR MCHI, DGON PA PA 'TSOL CIG CES MCHI ZHING DGON PA PA NYID KYI BSNGAGS PA YANG RJOD PAR BGYID, BSOD SNYOMS PA DANG, CHOS GOS GSUM PA DANG, PHYAG DAR KHROD PA DANG, SHING DRUNG PA 'TSOL CIG CES MCHI ZHING SHING DRUNG PA NYID KYI BSNGAGS PA YANG RJOD PAR BGYID DO, ,GAL TE DE LTAR BGYI'O ZHES MCHI NA DE LA YID LA BGYI BSTZOL BAR BGYID DE, BTZUN PA GANG GIS BDAG MDZES PA 'KHOR MDZES PA DANG LDAN PAR GYUR PA'I RGYU NI DE LAGS, RKYEN NI DE LAGS SO, ,NYE SDE KHYOD SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MI RNAMS KYI DON DANG, PHAN PA DANG, BDE BA'I PHYIR ZHUGS PA LEGS SO LEGS SO, ,NYE SDE GANG LA LA ZHIG SBYANGS PA'I YON TAN DE DAG GI BSNGAGS PA RJOD PAR MI BYED PA DE NI, NGA'I BSNGAGS BRJOD PAR MI BYED PA YIN NO, ,GANG LA LA SBYANGS PA'I YON TAN DE DAG GI BSNGAGS BRJOD PAR BYED PA DE NI NGA'I BSNGAGS BRJOD PAR BYED PA YIN NO, ,DE CI'I PHYIR ZHE NA, NGAS SBYANGS PA'I YON TAN DE DAG YUN RING PO NAS BSTOD PA DANG, BKUR BA DANG, BSNGAGS PA DANG RAB TU BSNGAGS PA'I PHYIR RO, ,NYE SDE KHYOD DGE 'DUN GYI KHRIMS SU BYA BA MI SRUNG NGAM, BTZUN PA BDAG GIS DGE 'DUN GYI KHRIMS NI GANG LAGS, KHRIMS SU BGYI BA NI GANG LAGS MA 'TSAL TO, ,NYE SDE 'DI NA NGAS DGE SLONG RNAMS LA 'DI SKAD CES DGE SLONG DAG NGA ZLA BA GSUM PO 'DI LA NANG DU YANG DAG 'JOG BZHED KYIS, NGA'I SPYAN SNGAR DGE SLONG BSOD @87A *, ,SNYOMS STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR DGE SLONG GANG GIS KYANG 'ONG BAR MI BYA'O ZHES BKA' STZAL PA DANG, DGE SLONG GI DGE 'DUN GYIS KYANG TSE DANG LDAN PA DAG DBYAR GYI NANG DAG TU DGE SLONG BSOD SNYOMS STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS GANG GIS KYANG BCOM LDAN 'DAS LA LTAR 'GRO BAR MI BYA STE, DBYAR GYI NANG DAG TU DGE SLONG BSOD SNYOMS STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS GANG BCOM LDAN 'DAS LA LTAR 'GRO BA DE BDAG CAG GIS LTUNG BYED KYI LTUNG BA BYED DU GZHUG GO ZHES KHRIMS SU BYA BA BCAS SO, ,BTZUN PA BDAG NI GLO BUR DU MCHIS PA LAGS TE, DON DE NI DGE SLONG GNYUG MAR GNAS PA RNAMS KYIS BSRUNG BAR BGYI BA LAGS SO, ,NYE SDE DGE SLONG GLO BUR DU 'ONGS PA DANG, GNYUG MAR GNAS PAS KYANG DGE 'DUN GYI KHRIMS SU BYA BA BSRUNG BAR BYA BA KHO NA YIN NO, ,NYE SDE 'DI LTAR NGAS DGE SLONG GLO BUR DU LHAGS PA RNAMS KYI KUN DU SPYOD PA'I CHOS DAG BCA' BAR BYA STE, DGE SLONG GLO BUR DU 'ONGS PAS GTZUG LAG KHANG DU ZHUGS NAS DGE SLONG DAG LA GNAS 'DI NA KHRIMS SU BYA BA JI LTA BU YOD CES DRI BAR BYA'O, ,GAL TE 'DRI NA DE LTA NA LEGS, GAL TE MI 'DRI NA 'GAL TSABS CAN DU 'GYUR RO, ,NYE SDE DE LTA MOD KYI NGAS DGE SLONG DGON PA PA LA DGON PA'I YONGS SU SPANG BA SBYIN PAR BYA STE, DGE SLONG DGON PA PA DE BZHIN GSHEGS PA LA BSNYEN BKUR BYA BA'I PHYIR LTAR 'GRO BA'I DUS MA YIN PA MED DO, ,DGE SLONG BSOD SNYOMS PA DANG, RNYED PAS CHOG PA'I BSOD SNYOMS PA DANG, ZAS PHYIS MI LEN PA DANG; STAN GCIG PA DANG, CHOS GOS GSUM PA DANG, PHYING PA PA DANG, PHYAG DAR KHROD PA DANG, SHING DRUNG PA DANG, DUR KHROD PA DANG, COG PU PA DANG, BLA GAB MED PA DANG, GZHI JI BZHIN PA LA GZHI JI BZHIN PA'I YONGS SU SPANG BA SBYIN PAR BYA STE, DGE SLONG @87B GZHI JI BZHIN PA LA DE BZHIN GSHEGS PA LA BSNYEN BKUR BYA BA'I PHYIR 'GRO BA'I DUS MA YIN PA MED DO, ,DE NAS TSE DANG LDAN PA NYE SDES BCOM LDAN 'DAS KYIS GSUNGS PA LA MNGON PAR BSTOD PA DANG RJES SU YI RANG BAR BYAS TE, BCOM LDAN 'DAS KYI ZHABS GNYIS LA MGO BOS PHYAG 'TSAL TE BCOM LDAN 'DAS KYI SPYAN SNGA NAS SONG NGO, ,DE NAS DRUG SDE DAG TSE DANG LDAN PA NYE SDE GA LA BA DER SONG STE PHYIN NAS TSE DANG LDAN PA NYE SDE LA 'DI SKAD CES SMRAS SO, ,TSE DANG LDAN PA NYE SDE JE SKABS PHYE SHIG ,LTUNG BA SDE LNGA PO DAG LA SKABS PHYE'O, ,KHYOD LA LTUNG BA BYUNG BA DE CHOS BZHIN DU SLAR GYIS SHIG ,LTUNG BA MA MTHONG NGO, ,KHYOD KYIS DGE 'DUN GYI KHRIMS SU BYA BA MA DRAL TAM, DGE 'DUN GYI KHRIMS SU BYA BA JI LTA BU YIN, DRUG SDE DAG GIS SKABS DE RGYAS PAR BRJOD PA DANG, TSE DANG LDAN PA NYE SDES DRUG SDE DAG LA 'DI SKAD CES SMRAS SO, ,TSE DANG LDAN PA DAG BCOM LDAN 'DAS KYIS NYE SDE DE LTA MOD KYI NGAS DGE SLONG DGON PA PA LA DGON PA PA'I YONGS SU SPANG BA SBYIN PAR BYA STE, DGE SLONG DGON PA PA LA DE BZHIN GSHEGS PA LA BSNYEN BKUR BYA BA'I PHYIR LTAR 'GRO BA'I DUS MA YIN PA MED DO, , DGE SLONG BSOD SNYOMS PA DANG, RNYED PAS CHOG PA'I BSOD SNYOMS PA DANG, ZAS PHYIS MI LEN PA DANG, STAN GCIG PA DANG, CHOS GOS GSUM PA DANG, PHYING PA PA DANG, PHYAG DAR KHROD PA DANG, SHING DRUNG PA DANG, DUR KHROD PA DANG, COG PU PA DANG, BLA GAB MED PA DANG, GZHI JI BZHIN PA LA GZHI JI BZHIN PA'I YONGS SU SPANG BA SBYIN PAR BYA STE, DGE SLONG GZHI JI BZHIN PA LA DE BZHIN GSHEGS PA LA BSNYEN BKUR BYA BA'I PHYIR 'GRO BA'I DUS MA YIN PA MED DO ZHES GSUNGS SO, ,DE NAS SH'A-KYA RAB TU BYUNG BA DE DAG 'DI SNYAM DU SEMS TE, DE LTAR BCOM LDAN 'DAS KYIS 'DOD PA CHE BA RNAM PAR SMAD CING, 'DOD PA CHUNG BA LA BSTOD PA NI DON GYIS NA BCOM LDAN 'DAS KYIS BDAG CAG SMAD PA MDZAD PA YIN GYIS BDAG CAG GIS LHUNG BZED DANG, CHOS GOS DANG, DRA BA DANG, PHOR BU DANG, SKA @88A *, ,RAGS LHAG PA DAG TSE DANG LDAN PA KUN DGA' BO LA BTANG STE RGYUD DAG PAS BCOM LDAN 'DAS GA LA BA DER 'DONG NGO SNYAM MO, ,DE NAS DGE SLONG DE DAG LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA DAG KHYER TE TSE DANG LDAN PA KUN DGA' BO GA LA BA DER DONG NAS PHYIN PA DANG TSE DANG LDAN PA KUN DGA' BO LA 'DI SKAD CES SMRAS SO, ,TSE DANG LDAN PA KUN DGA' BO THUGS BRTZE BA'I SLAD DU BDAG CAG LAS LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA 'DI DAG BZHES SHIG ,TSE DANG LDAN PA DAG DE'I PHYIR BDAG GIS BCOM LDAN 'DAS LA ZHUS DE'I BAR DU SDOD CIG ,DE NAS TSE DANG LDAN PA KUN DGA' BO BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS TSE DANG LDAN PA KUN DGA' BOS SKABS DE BCOM LDAN 'DAS LA RGYAS PAR GSOL TO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DE'I PHYIR LONG LA BLANGS NAS KYANG GTZUG LAG KHANG CHEN PO ZHIG TU SPUNGS TE ZHOG LA DGE SLONG GANG DES BREL BA'I DGE SLONG DE LA DE SBYIN PAR BYA'O, ,TSE DANG LDAN PA KUN DGA' BOS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS SH'A-KYA RAB TU BYUNG BA RNAMS LAS LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA DAG BLANGS NAS GTZUG LAG KHANG CHEN PO ZHIG TU SPUNGS TE BZHAG GO, ,DE NAS SH'A-KYA RAB TU BYUNG BA DE DAG LHUNG BZED DANG, CHOS GOS DANG, DRA BA DANG, PHOR BU DANG, SKA RAGS LHAG PA DAG NAD JI LTA BA DANG, 'BRAS JI LTA BA DANG, ZUG RNGU JI LTA BA BZHIN DU SPANGS NAS CHOS GOS GSUM PA LHUR LEN CING RGYUD DAG PA DANG, YO BYAD BSNYUNGS PA'I TSUL DAG GIS BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, @88B BCOM LDAN 'DAS KYIS SH'A-KYA RAB TU BYUNG BA DE DAG GI BSAM PA DANG, BAG LA NYAL DANG, KHAMS DANG, RANG BZHIN THUGS SU CHUD NAS 'DI LTAR SH'A-KYA GZHON NU LNGA BRGYA PO DE DAG GIS STAN DE NYID LA 'DUG BZHIN DU 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM STE RGYUN DU ZHUGS PA'I 'BRAS BU MNGON SUM DU BYAS PA DE LTAR CHOS BSTAN PA MDZAD DO, ,DE DAG GIS BDEN PA MTHONG NAS GSOL PA, BTZUN PA BDAG CAG GIS DGE BA'I BSHES GNYEN BCOM LDAN 'DAS LA BRTEN NAS BCOM LDAN 'DAS KYIS BDAG CAG LA GANG MDZAD PA 'DI LTA BU NI BDAG CAG LA PHAS KYANG MA BGYIS, MAS KYANG MA BGYIS, RGYAL POS KYANG MA BGYIS, LHA RNAMS KYIS KYANG MA BGYIS, SNGON GYI PHA MES DAG GIS KYANG MA BGYIS, DGE SBYONG DANG, BRAM ZE DAG GIS KYANG MA BGYIS, BYAMS PA DANG, MDZA' BSHES DANG, RTZA LAG GI TSOGS KYIS KYANG MA BGYIS TE, KHRAG DANG MCHI MA'I RGYA MTSO NI BSKAMS, RUS PA'I RI DAG LAS NI BSGRAL, NGAN SONG GI SGO NI BKUM, MTHO RIS DANG THAR PA'I SGO DAG NI PHYE, SEMS CAN DMYAL BA DANG, DUD 'GRO DANG, YI DAGS DAG NAS NI RKANG PA PHYUNG, LHA DANG, MI RNAMS KYI NANG DU NI BZHAG ,'KHOR BA NI MTHAR BGYIS, THOG MA MA MCHIS PA'I DUS NAS BSAGS PA 'JIG TSOGS LA LTA BA'I RI'I RTZE MO NYI SHU MTHO BA YE SHES KYI RDO RJES BCOM STE, RGYUN DU ZHUGS PA'I 'BRAS BU MNGON SUM DU BGYIS SO, , DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA JI TZAM DU BCOM LDAN 'DAS KYIS SH'A-KYA GZHON NU LNGA BRGYA PO DAG TSE DANG LDAN PA NYE SDE LA BRTEN TE 'DOD PA CHE BA DANG PHRAL ZHING 'DOD PA CHUNG BA NYID LA BKOD DE SHIN TU MTHAR THUG PA'I GRUB PA DANG BDE BA MYA NGAN LAS 'DAS PA LA BZHAG PA MDZAD PA NI NGO MTSAR TO, ,DGE SLONG DAG DA LTAR NGA 'DOD CHAGS DANG BRAL BA, SRED PA MED PA, LEN PA MED PA, THAMS CAD MKHYEN PA MKHYEN PA DANG SHES BYA THAMS CAD LA MNGA' BRNYES @89A *, ,PAS SH'A-KYA GZHON NU LNGA BRGYA PO DAG RIGS KYI BU NYE SDE LA BRTEN TE 'DOD PA CHE BA DANG PHRAL ZHING 'DOD PA CHUNG BA NYID LA BKOD DE SHIN TU MTHAR THUG PA'I GRUB PA DANG BDE BA MYA NGAN LAS 'DAS PA LA GZHAG PA MDZAD PA NGO MTSAR CI CHE, 'DI LTAR 'DAS PA'I DUS NA NGA 'DOD CHAGS DANG BCAS PA, ZHE SDANG DANG BCAS PA, GTI MUG DANG BCAS PA, SRED PA DANG BCAS PA, LEN PA DANG BCAS PA, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA DAG LAS RNAM PAR MA GROL BAS KYANG SH'A-KYA GZHON NU LNGA BRGYA PO 'DI DAG RIGS KYI BU NYE SDE LA BRTEN TE 'DOD PA CHE BA DANG, PHRAL ZHING 'DOD PA CHUNG BA NYID LA BKOD DE MNGON PAR SHES PA LNGA PO DAG LA GZHAG PAR MDZAD PA DE NYON CIG ,DGE SLONG DAG SNGON BYUNG BA 'DAS PA'I DUS NA GRONG KHYER B'A R'A nA S'I NA RGYAL PO TSANGS BYIN ZHES BYA BAS RGYAL SRID 'BYOR PA, RGYAS PA, BDE BA LO LEGS PA, SKYE BO DANG, MI MANG POS GANG BA, THAB MO DANG, 'THAB PA DANG, RTZOD PA DANG, 'GYED PA DANG, 'KHRUG LONG DANG, NANG 'KHRUG DANG; CHOM RKUN DANG, MU GE DANG, NAD RAB TU ZHI BA BYED DU BCUG STE, DES BU GCIG PA SNYING DU SDUG PA DANG 'DRA BAR RGYAL SRID SKYONG DU BCUG GO, ,RGYAL PO TSANGS BYIN LA BTZUN MO TSANGS LDAN ZHES BYA BA DANG, RDZING BU TSANGS LDAN ZHES BYA BA YOD DE, RGYAL PO TSANGS BYIN DE LA BU MED NAS DES BU 'DOD PAS ZHI BA DANG, CHU LHA DANG, LUS NGAN DANG, BRGYA BYIN DANG, TSANGS PA DANG, GZHAN YANG LHA'I BYE BRAG 'DI LTA STE, KUN DGA' RA BA'I LHA DAG DANG, TSAL GYI LHA DAG DANG, BZHI MDO'I LHA DAG DANG, SUM MDO'I LHA DAG DANG; GTOR MA LEN PA'I LHA DAG DANG, LHAN CIG SKYES PA'I LHA DAG DANG, CHOS MTHUN PA DAG DANG, RTAG TU RJES SU 'BRANG BA'I LHA DAG LA YANG GSOL BA 'DEBS SO, ,'JIG RTEN NA GANG GSOL BA 'DEBS PA'I RGYU LAS BU DAG DANG BU MO DAG SKYE'O ZHES BYA @89B BA'I GTAM DE LTA BU YOD DE, DE NI DE LTA MA YIN TE, GAL TE DE LTAR 'GYUR DU ZIN NA, RE RE LA YANG 'DI LTA STE, DPER NA 'KHOR LOS SGYUR BA'I RGYAL PO BZHIN DU BU STONG YOD PAR 'GYUR RO, ,'DI LTAR GNAS GSUM PO DAG MNGON DU GYUR PA LAS MA'I MNGAL DU MNGAL NA GNAS PA 'JUG PAR 'GYUR TE, GSUM PO DE DAG GANG ZHE NA, PHA MA GNYIS CHAGS PAR GYUR CING PHRAD PA DANG, MA DUS LA BAB CING ZLA MTSAN DANG LDAN PA DANG, DRI ZA NYE BAR GNAS SHING 'JUG 'DOD PA STE, GNAS GSUM PO DE DAG MNGON DU GYUR PA LAS BU DANG BU MO SKYE BAR 'GYUR RO, ,DE DE LTAR GSOL BA 'DEBS PA LHUR LEN PA LA ZHUGS PA NA SEMS CAN BLA NA MED PA YANG DAG PAR RDZOGS PA'I BYANG CHUB TU SMON LAM BTAB PA, YI DAM BRTAN PA ZHIG SEMS CAN DMYAL BA NAS SHI 'PHOS NAS BTZUN MO TSANGS LDAN GYI MNGAL DU ZHUGS SO, ,BUD MED KYI YUL MKHAS PA'I RANG BZHIN CAN LA LA LA MA 'DRES PA'I CHOS LNGA YOD DE, LNGA GANG ZHE NA, SKYES PA CHAGS PAR GYUR PA SHES SHING CHAGS PA DANG BRAL BA SHES PA DANG, DUS SHES SHING ZLA MTSAN SHES PA DANG, MNGAL NA GNAS PA ZHUGS PA SHES PA DANG, GANG LAS MNGAL NA GNAS PA ZHUGS PA DE SHES PA DANG, KHYE'U SHES SHING BU MO SHES PA STE, GAL TE KHYE'U YIN NA DKU GA-YAS PAR RTEN CING 'DUG LA, GAL TE BU MO YIN NA DKU GA-YON PAR RTEN CING 'DUG PA'O, ,DE YID DGA' ZHING YID DGA' NAS RGYAL PO TSANGS BYIN LA SMRAS PA, LHA DGYES PA BSKYED DU GSOL, BDAG LA SEMS CAN ZHUGS PAR GYUR PA NI 'DI LTAR BDAG GI DKU GA-YAS PAR RTEN CING MCHIS PAS NGES PAR KHYE'UR 'GYUR RO, ,RGYAL PO TSANGS BYIN YANG YID DGA' ZHING YID DGA' NAS 'DI SKAD CES KYE MA KHO BO YUN RING PO NAS MNGON PAR 'DOD PA'I BU'I NGO MTHONG BA DANG, KHO BO DANG MTHUN PAR SKYE ZHING MI MTHUN PAR MI SKYE BA DANG, KHO BO'I BYA BA DAG BYED PA DANG, GSOS PAS PHYIR GSO BA DANG, BGO SKAL LA SPYOD PA DANG, KHO BO'I RIGS RGYUD @90A *, ,YUN RING DU GNAS PAR 'GYUR BA DANG, BDAG CAG SHI ZHING DUS LAS 'DAS PA DAG LA NYUNG NGU'AM MANG PO YANG RUNG BA'I SBYIN PA DAG SBYIN ZHING BSOD NAMS DAG BYAS NAS, 'DI DE GNYIS GANG DU SKYES PA DER 'GRO ZHING RJES SU 'GRO BAR GYUR CIG CES MING GIS YON BSHAD PA BYED PAR GYUR CIG CES CHED DU BRJOD PA CHED DU BRJOD PAR BYED DO, ,DE LA SEMS CAN ZHUGS PAR RIG NAS 'DI LTA STE MNGAL NA GNAS PA YONGS SU SMIN PAR BYA BA'I PHYIR STENG GI KHANG BZANGS KYI GZHIR GTOGS PA NA GRANG BA NA GRANG BA'I YO BYAD DAG DANG, DRO BA NA DRO BA'I YO BYAD DAG DANG, SMAN PAS BCAS PA'I KHA ZAS HA CANG MI KHA BA DANG, HA CANG MI SKYUR BA DANG, HA CANG LAN TSVA MI CHE BA DANG, HA CANG MI MNGAR BA DANG, HA CANG MI TSA BA DANG, HA CANG MI BSKA BA DANG, KHA BA DANG, SKYUR BA DANG, LAN TSVA DANG, MNGAR BA DANG, TSA BA DANG, BSKA BA RNAM PAR SPANGS PA'I ZAS DAG DANG, DO SHAL DANG, SE MO DO DANG, RGYAN GYIS BKLUBS PA'I LUS LHA'I BU MO DGA' BA'I TSAL NA RNAM PAR SPYOD PA LTA BU DANG, KHRI NAS KHRIR DANG, KHRI'U NAS KHRI'UR DANG, SHOD KYI SA GZHIR MI 'BAB PA DANG, DES SGRA YID DU MI 'ONG BA CUNG ZAD KYANG MI THOS PAR GNOD PA MED PA NYID DU RIM GRO BYED DU 'DZUD DO, ,DE NAS DUS GZHAN ZHIG NA BTZUN MO TSANGS LDAN LA 'DOD PA 'DI LTA BU 'DI SKYES TE, KYE MA LHAS GRONG KHYER GYI SHAR SGOR SBYIN PA DAG BYIN PAR GYUR CING, BSOD NAMS DAG BYED PAR GYUR CIG ,LHO SGO DANG, NUB SGO DANG, BYANG SGO DANG, DBUS KYI BZHI MDOR KYANG SBYIN PA DAG SBYIN, BSOD NAMS DAG BYED CING BTZON THAMS CAD THAR BAR BYED PAR GYUR CIG SNYAM MO, ,DE NAS RGYAL PO TSANGS BYIN GYIS BTZUN MO TSANGS LDAN LA 'DOD PA DE LTA BU DE SKYES PAR THOS NAS GRONG KHYER GYI SHAR SGOR SBYIN PA DAG SBYIN ZHING BSOD NAMS DAG BYED DO, ,DE BZHIN DU LHO SGO DANG, NUB SGO DANG, BYANG SGO DANG, DBUS KYI BZHIR MDOR YANG SBYIN PA DAG SBYIN, BSOD NAMS DAG @90B BYED CING, BTZON THAMS CAD THAR BAR BYAS SO, ,YANG BTZUN MO TSANGS LDAN LA 'DOD PA 'DI LTA BU 'DI SKYES TE KYE MA BDAG LHA DANG LHAN CIG SKYED MOS TSAL DANG, DKA' THUB KYI NAGS SU RTZE BA DANG, DGA' BA DANG, DGA' MGUR SPYOD PAR GYUR CIG SNYAM MO, , DE NAS RGYAL PO TSANGS BYIN GYI BTZUN MO TSANGS LDAN LA 'DOD PA RNAM PA DE LTA BU DE SKYES PAR THOS NAS, BTZUN MO TSANGS LDAN DANG LHAN CIG SKYED MOS TSAL DANG, DKA' THUB KYI NAGS SU ZHUGS TE, RTZE BA DANG, DGA' BA DANG, DGA' MGUR SPYOD PA DAG BYAS SO; ,YANG BTZUN MO TSANGS LDAN LA 'DOD PA'I RNAM PA 'DI LTA BU 'DI SKYES TE, KYE MA BDAG LHA DANG THABS CIG CHUR 'JUG PA'I GRUR ZHUGS TE, RDZING BU TSANGS LDAN DU RTZE BA DANG, DGA' BA DANG, DGA' MGUR SPYOD PAR GYUR CIG SNYAM MO, ,DE NAS RGYAL PO TSANGS BYIN GYIS BTZUN MO TSANGS LDAN LA 'DOD PA'I RNAM PA DE LTA BU DE BYUNG BAR THOS NAS, BTZUN MO TSANGS LDAN DANG LHAN CIG CHUR 'JUG PA'I GRU ME TOG AUTPA LA DANG, PAD MA DANG, KU MU TA DANG, PAD MA DKAR POS BKANG BAR ZHUGS TE RDZING BU TSANGS LDAN DU RTZE BA DANG, DGA' BA DANG, DGA' MGUR SPYOD PA BYAS SO, ,DE GRU DE NYID DU BCAS PA LAS KHYE'U TSE RABS DRAN PA, GZUGS BZANG BA, BLTA NA SDUG PA, MDZES PA, GSAL BA, GSER GYI MDOG 'DRA BA, MGO GDUGS LTA BU DANG LDAN PA, LAG PA RING BA, 'PHRAL BA'I DBYES CHE BA, SMIN MA 'JAR BA SNA'I GZANGS MTHO BA ZHIG BYUNG NGO, ,DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS KHYE'U'I MING CIR GDAGS ZHES MING 'DOGS PAR BYED DO, ,DE DAG 'DI SNYAM DU SEMS TE, GANG GI PHYIR KHYE'U 'DI CHU'I NANG DU BTZAS PA DE'I PHYIR KHYE'U'I MING CHU SKYES ZHES BYA'O ZHES DE'I MING CHU SKYES ZHES BYA BAR BTAGS SO, ,GZHON NU CHU SKYES MA MA BRGYAD PO PANG NA 'TSO BA'I MA MA GNYIS DANG, NU MA SNUN @91A *, ,PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO, ,DE MA MA BRGYAD PO DAG GIS 'O MA DANG, ZHO DANG ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN DU MYUR DU SKYED PAR BYED DO, ,DE NAS GZHON NU CHU SKYES 'DI SNYAM DU SEMS TE, BDAG GANG NAS SHI 'PHOS TE 'DIR SKYES SNYAM NA, SEMS CAN DMYAL BA DAG NAS SHI 'PHOS TE 'DIR SKYES PAR SHES SO, ,LAS CI BYAS NA DES SEMS CAN DMYAL BA RNAMS SU SKYES SNYAM NA, LO DRUG BCUR RGYAL TSAB KYI RGYAL SRID DU BCUG PAS DE DAG TU SKYES PAR SHES SO, ,DA LTAR GANG DU SKYES SNYAM NA MI RNAMS KYI NANG DU RGYAL PO'I RIGS SU SKYES PAR SHES NAS, DE 'DI SNYAM DU SEMS TE, BDAG YANG RGYAL SRID BYED DU BCUG NA YANG SEMS CAN DMYAL BA RNAMS SU 'GRO BAR 'GYUR NA MA LEGS KYIS, BDAG GIS SGYUR THABS CUNG ZHIG BYA'O SNYAM NAS, DES BDAG NYID 'PHYE BO NYID DU BSTAN TE 'DUG GO, ,GANG GI NYIN MO GZHON NU CHU SKYES BTZAS PA DE NYID KYI NYIN MO BLON PO LNGA BRGYA DAG GI BU DAG KYANG BTZAS TE DE DAG KYANG RANG RANG GI RIGS DANG MTHUN PA'I MING DAG BTAGS PAR GYUR TO, ,BLON PO DE DAG GIS KUN DU SPYOD PA NI NYI MA RE RE ZHING RGYAL PO TSANGS BYIN DANG, GZHON NU CHU SKYES LTAR 'ONG NGO, , DE NAS DUS GZHAN ZHIG NA GZHON NU LNGA BRGYA PO DE DAG MCHONGS PA DANG, DKYUS MO BYED NUS PAR GYUR TO, ,DE NAS RGYAL PO TSANGS BYIN 'DI SNYAM DU SEMS TE, GAL TE NGA'I BU GZHON NU CHU SKYES KYANG 'PHYE BOR MA GYUR DU ZIN NA, DE YANG DA TZAM MCHONGS PA DANG, DKYUS MO BYED NUS PAR 'GYUR GYIS, 'DI LTAR BDAG GI DE 'PHYE BO YIN YANG BLAS RGYAL SRID KYI DBANG PHYUG LA GZHAG PAR BYA'O SNYAM MO, ,DE NAS GZHON NU CHU SKYES KYIS DE THOS NAS 'DI SNYAM DU SEMS TE, RGYAL PO 'DI NI GCUGS MED PAR GNOD PA BYED PA YIN GYIS @91B BDAG GIS LKUGS PA NYID DU BSTAN TE 'DUG PAR BYA'O SNYAM NAS, DES CHED DU BSAMS TE LKUGS PA NYID DU BSTAN TE 'DUG GO, ,DE NAS DUS GZHAN ZHIG NA GZHON NU LNGA BRGYA PO DE DAG SMRA NUS PAR GYUR TO, ,DE NAS RGYAL PO TSANGS BYIN 'DI SNYAM DU SEMS TE, GAL TE BDAG GI GZHON NU CHU SKYES KYANG LKUGS PAR MA GYUR DU ZIN NA DE YANG DA TZAM SMRA NUS PAR 'GYUR RO SNYAM MO, ,DE'I TSE NA GZHON NU CHU SKYES KYI MING GZHON NU CHU SKYES GZHON NU CHU SKYES ZHES BYA BA GANG YIN PA DE NUB PAR GYUR CING, GZHON NU LKUGS 'PHYE GZHON NU LKUGS 'PHYE ZHES BYA BA'I MING CHAGS PAR GYUR TO, ,DE NAS DUS GZHAN ZHIG NA RGYAL PO TSANGS BYIN LAG PA LA 'GRAM PA GTAD DE SEMS KHONG DU CHUD CING 'DUG NAS, BLON PO RNAMS KYIS SMRAS PA, LHA CI'I SLAD DU PHYAG LA ZHAL GTAD DE THUGS KHONG DU CHUD CING BZHUGS, RGYAL POS SMRAS PA, 'DI LTAR NGA'I RGYAL SRID KYI DBANG PHYUG 'DI 'DRA BA LA BU YANG MED BU MO YANG MED PAS NGA 'DAS NAS GDUNG CHAD PAR YANG 'GYUR LA, BU GCIG BDOG PA DE YANG LKUGS 'PHYER GYUR NA, NGA JI LTAR SEMS KHONG DU CHUD CING MI 'DUG TU RUNG, BLON PO RNAMS KYIS SMAN PA GNYER TE SMAN PA LA RMAS NAS SMRAS PA, LHA GZHON NU 'DI'I DBANG PO GSAL BAR GDA' STE, 'DI LA BRO NAD KYIS RNAM PA NI CUNG ZAD KYANG MA MCHIS PAS BSDIGS PAR BGYI BA'I RIGS SO, ,RGYAL PO TSANGS BYIN GYIS GSHED MA DAG BKUG NAS GSANG STE BSGO BA, NGAS GZHON NU LKUGS 'PHYE 'DI SKYE BO PHAL PO CHE'I MNGON SUM DU YONGS SU GTANG BAR BYAS, KHYED KYIS GSAD PAR MI BYA'O, ,LHA BKA' BZHIN 'TSAL, RGYAL PO TSANGS BYIN GYIS 'KHOR GYI NANG DU SONG STE GSHED MA RNAMS LA BSGO BA, NGAS GZHON NU 'DI YONGS SU BTANG GIS KHYOD KYIS 'OR CIG ,LHA BKA' BZHIN 'TSAL ZHES DE NAS GSHED MA'I MI DE DAG GIS RGYAL PO TSANGS BYIN LAS MNYAN NAS GZHON NU LKUGS 'PHYE SHING RTAR BCUG STE, GRONG KHYER B'A R'A nA S'I'I NANG NAS PHYIR KHRID DE, DE NAS GZHON NU LKUGS 'PHYES GRONG KHYER B'A R'A nA S'I'I @92A *, ,'BYOR PA DANG RGYAS PA MTHONG NAS 'DI SKAD CES SMRAS SO, ,CI B'A R'A nA S'I 'DI STONG PA YIN NAM, 'ON TE GNAS PA YIN, GSHED MA'I MI RNAMS KYI GZHON NU LKUGS 'PHYE RGYAL PO LA PHUL NAS LHA GZHON NU LKUGS 'PHYES TSIG 'DI LTA BU BRJOD DO ZHES SMRAS SO, ,DE NAS RGYAL PO TSANGS BYIN GYIS GZHON NU LKUGS 'PHYE PANG DU BZHAG STE 'DI SKAD CES SMRAS SO, ,GZHON NU GANG GSAD PAR BYA, GANG GSOD DU GZHUG PAR BYA, GANG SROG DANG DBRAL BAR BYA, GANG LA CI ZHIG SBYIN PAR BYA, DE SKAD SMRAS KYANG GZHON NU LKUGS 'PHYE CANG MI SMRA'O, ,RGYAL PO TSANGS BYIN GYIS YANG GA SHED MA RNAMS LA SMRAS PA, NGAS GZHON NU 'DI YONGS SU BTANG GIS KHYED KYIS 'OR CIG ,GSHED MA'I MI RNAMS KYIS LHA BKA' BZHIN 'TSAL ZHES YANG GZHON NU LKUGS 'PHYE SHING RTAR BCUG STE, GRONG KHYER B'A R'A nA S'I'I NANG NAS PHYIR KHRID PA DANG, GZHON NU LKUGS 'PHYES MI'I RO MI BZHIS KHYER BA ZHIG MTHONG NAS SMRAS PA, CI RO 'DI SHI BA NYID KYI RO YIN NAM, 'ON TE GSON PO'I RO YIN, YANG GSHED MA'I MI RNAMS KYIS GZHON NU LKUGS 'PHYE RGYAL PO LA PHUL NAS LHA GZHON NU CHIG 'DI LTA BU 'DI BRJOD DO ZHES SMRAS SO, ,RGYAL PO TSANGS BYIN GYIS YANG GZHON NU LKUGS 'PHYE PANG DU BZHAG STE 'DI SKAD CES SMRAS SO, ,GZHON NU GANG GSANG PAR BYA, GANG GSOD DU GZHUG PAR BYA, GANG SROG DANG DBRAL BAR BYA, GANG LA CI ZHIG SBYIN PAR BYA, DE SKRAD SMRAS KYANG GZHON NU LKUGS 'PHYE CANG MI SMRA'O, , YANG RGYAL PO TSANGS BYIN GYIS GSHED MA RNAMS LA SMRAS PA, NGAS GZHON NU YONGS SU BTANG GIS KHYED KYIS 'OR CIG ,GSHED MA'I MI RNAMS KYIS LHA BKA' BZHIN 'TSAL ZHES YANG GZHON NU LKUGS 'PHYE SHING RTAR BCUG STE, GRONG KHYER BA R'A nA S'I'I NANG NAS PHYIR KHRID PA DANG, GZHON NU LKUGS 'PHYES 'BRU'I PHUNG PO CHEN PO ZHIG MTHONG NAS SMRAS PA, GAL TE 'BRU'I PHUNG PO 'DI DANG PO NYID NAS DRUNG MA ZOS NA CHEN POR 'GYUR RO, ,GSHED MA'I MI RNAMS KYIS YANG GZHON NU LKUGS 'PHYE RGYAL PO LA PHUL NAS, LHA GZHON NU TSIG 'DI LTA BU 'DI BRJOD @92B DO ZHES SMRAS SO, ,RGYAL PO TSANGS BYIN GYIS YANG GZHON NU LKUGS 'PHYE PANG DU BZHAG STE 'DI SKAD CES SMRAS SO, ,GZHON NU GANG GSANG PAR BYA, GANG GSOD DU GZHUG PAR BYA, GANG SROG DANG DBRAL BAR BYA, GANG LA CI ZHIG SBYIN PAR BYA, DE SKAD SMRAS KYANG GZHON NU LKUGS 'PHYE CANG MI SMRA'O, ,RGYAL PO TSANGS BYIN GYIS YANG GSHED MA RNAMS LA SMRAS PA, NGAS GZHON NU YONGS SU BTANG GIS SHES LDAN DAG SONG LA GZHON NU NAGS KHROD DU MYUR DU SA THAMS SU CHUG SHIG ,LHA BKA' BZHIN 'TSAL ZHES GSHED MA'I MI RNAMS KYIS YANG GZHON NU LKUGS 'PHYE SHING RTAR BCUG STE NAGS KHROD GA LA BA DER SONG NAS PHYIN PA DANG, DONG BRKO BAR BRTZAMS SO, ,DE NAS LKUGS 'PHYES DE'I TSE TSIGS SU BCAD PA SMRAS PA, KHA LO SGYUR BA CI PHYIR KHYOD, ,BRTAD DANG BCAS PAS DONG BRKO BYED, ,CI PHYIR KHYED CAG DONG BRKO BA, ,DRIS PA NGA LA MYUR DU SMROS, ,KHA LO SGYUR BAS SMRAS PA, RGYAL PO'I SRAS BU MI SMRA BA, ,LKUGS 'PHYE BTZAS NAS DE YIS NI, ,MYUR BAR 'DI NI NAGS KHROD DU, ,DONG DU CHUG CES BKA' STZAL TO, ,DE NAS GZHON NU LKUGS 'PHYE 'DI SNYAM DU SEMS TE, 'DI DAG NI DRAG SHUL CAN, LAG PA DMAR BA, SNUN PA DANG, RAB TU SNUN PA LA ZHUGS PA, GZHAN GYI SROG GCOD PA, GZHAN GYI SROG GCOD PAS 'TSO BAR BYED PA DAG YIN PAS, GAL TE NA 'DI DAG GIS BDAG GSAD PAR 'GYUR DU 'ONG NGO SNYAM DU RIG NAS DE SKRAG STE GSHED MA RNAMS LA SMRAS PA, GAL TE LHAS BDAG LA DAM PA CIG STZOL NA, BDAG RKANG PAS GRONG KHYER DU 'JUG CING TSIG KYANG SMRA'O, ,GSHED MA PA RNAMS KYIS RGYAL PO'I GAN DU SONG STE RGYAS PAR BRJOD PA DANG, RGYAL POS SMRAS PA, GZHON NU GAL TE RGYAL SRID 'DOD NA NGAS DE YANG GZHON NU LA SBYIN NO, ,DE NAS RGYAL PO TSANGS BYIN GYIS YID DGA' ZHING YID DGA' NAS BLON PO RNAMS LA SMRAS PA, SHES LDAN DAG DENG LA GRONG KHYER THAMS CAD MYUR DU RDO BA DANG, GSEG MA DANG, GYO MO MED PAR ZHOG LA, BDUG @93A *, ,SPOS DANG, PHYE MA 'KHRIGS PA DANG, RGYAL MTSAN DANG, BA DAN BSGRENG BA DANG, ME TOG SNA TSOGS BKRAM PA GYIS SHIG ,RGYAL PO RNAMS NI TSIG GIS 'GRUB LA, LHA RNAMS NI SEMS KYIS 'GRUB, RNAL 'BYOR PA RNAMS NI SEMS BSKYED PA TZAM GYIS THAMS CAD 'GRUB PAS BLON PO RNAMS KYIS LHA BKA' BZHIN 'TSAL ZHES RGYAL PO LAS MNYAN NAS, GRONG KHYER THAMS CAD RDO BA DANG, GYO MO DANG, GSEG MA MED PAR BZHAG CING, BDUG SPOS DANG, PHYE MA 'KHRIGS PA DANG, RGYAL MTSAN DANG, BA DAN BSGRENG BA DANG, ME TOG SNA TSOGS BKRAM PA BYAS SO, ,LJONGS KYI MI 'BUM PHRAG DU MA DAG KYANG GZHON NU LKUGS 'PHYE RKANG PAS GRONG KHYER DU 'JUG CING TSIG KYANG SMRA BAR 'GYUR RO, ,ZHES YA MTSAN SKYES NAS 'DUS PAR GYUR TO,, ,,'DUL BA RNAM PAR 'BYED PA, BAM PO NYI SHU DGU PA, DE NAS GZHON NU LKUGS 'PHYE RKANG PAS GRONG KHYER DU ZHUGS NAS RGYAL PO TSANGS BYIN GA LA BA DER SONG STE PHYIN NAS, RGYAL PO TSANGS BYIN GYI RKANG PA GNYIS LA GTUGS TE, DE'I TSE TSIGS SU BCAD PA SMRAS PA, BDAG LKUGS MA LAGS 'PHYE MA LAGS, ,GLEN PA MA LAGS BLO MED MIN, ,GSAL BAR BGYID PA'I TSIG RNAMS KYIS, ,SMRA BA BDAG LAGS MI DBANG PO, ,BDAG LKUGS MA LAGS 'PHYE MA LAGS, ,GLEN PA MA LAGS BLO MED MIN, ,DBANG PO TSANG BA GSAL BA DANG, LDAN PA BDAG LAGS MI DBANG PO, ,RGYAL POS SMRAS PA, BU KHYED CI'I PHYIR TSIG SMRA BAR MI BYED CING RKANG PAS 'GRO BAR MI BYED, LHA DE'I SLAD DU GSON CIG ,BDAG GIS SNGON GYI TSE RABS SU, ,DGUNG LO DRUG BCUR BDAG GIS NI, ,MI RNAMS NANG DU RGYAL TSAB KYI, ,RGYAL SRID RIGS MTHUN BGYID STZAL PAS, ,DGUNG LO STONG PHRAG DRUG BCU RU, ,SEMS CAN DMYAL BAR RAB TU BSREGS, ,SEMS DMYAL SDUG BSNGAL MI BZAD PA, ,DRAG PO 'JIGS RUNG DRAN GYUR NAS, ,RGYAL SRID MNGON PAR MI 'TSAL ZHING, ,SLAN CAD SEMS DMYAL MCHI MI @93B BGYI; ,YAB KYIS BDAG NI RAB 'BYUNG BAR, ,RJES SU GNANG BA MDZAD DU GSOL, ,RGYAL POS SMRAS PA, BU DRANG SRONG DAG GANG GI PHYIR DKA' THUB KYIS GDUNG BA DANG, SBYIN SREG DANG, MCHOD SBYIN BYED PA NI RGYAL SRID KYI PHYIR YIN NA, KHYOD CI'I PHYIR LAG MTHIL NA 'DUG PA SDANGS TE RAB TU 'BYUNG BAR BYED, DE NAS GZHON NU LKUGS 'PHYES DE'I TSE TSIGS SU BCAD PA SMRAS PA, KHON GCUGS 'THAB RTZOD BGYID PA YIS, ,'DOD LA SPYOD PA BDAG MI 'TSAL, ,KHON GCUGS 'THAB RTZOD 'JIGS BGYID PA'I, ,TSANGS SPYOD BDAG GIS SPYAD PAR BGYI, ,KIM PA'I 'BRAS BU 'DRA BA YI, ,'DOD PA SPYOD PAR BDAG MI 'TSAL, ,'BRAS BU BDUD RTZI'I RO BDA' BA'I, ,TSANGS SPYOD BDAG GIS SPYAD PAR BGYI, ,RGYAL POS SMRAS PA, BDE BA GANG DANG GANG DAG NYAMS SU MYONG BAR 'GYUR BA DE DAG THAMS CAD NI RGYAL PO NYID YIN NA, KHYOD CI'I PHYIR RGYAL SRID SPANGS TE RAB TU 'BYUNG BAR BYED, DE NAS GZHON NU LKUGS 'PHYES DE'I TSE TSIGS SU BCAD PA SMRAS PA, GANG LAS SDUG BSNGAL SKYE 'GYUR BA'I, ,BDE BA DE LA BDER MI SEMS, ,GANG LAS BDE BA SKYE 'GYUR BA'I, ,SDUG BSNGAL DE LA BDE BAR SEMS, ,YAB KYIS BDAG NI DKA' THUB KYI, ,NAGS SU MCHI BA GNANG BAR MDZOD, ,RGYAL POS SMRAS PA, BU 'DI NI YANG TOG GI STENG BDUG SPOS DANG, PHYE MA 'KHRIGS PAR ME TOG SNA TSOGS BKRAM ZHING GNAS MAL 'JAM PO LEGS PAR BSHAMS PA DAG TU GANG NAS KYANG 'JIGS PA MED PAR NYAL BAR BYA ZHING, SIL SNYAN GYI SGRA SNYAN PA DAG GIS SAD PAR BYA BA DANG, GOS 'JAM PO BGO BAR BYA BA DANG, ZHIM PO BZA' BAR BYA BA DANG, ZHIM PO BTUNG BAR BYA BA YIN NA DGON PAR RAB TU BYUNG BAS RTAG TU SHING DRUNG DU RTZVA BA TING BA'AM, LO MA BTING BA LA BRENG NGAS KYIS 'JIGS PA DANG BCAS PA'I SEMS KYIS RI DAGS GDUG PA DAG DANG LHAN CIG NYAL BAR BYA BA DANG, WA'I SKAD KYIS SAD PAR BYA BA DANG, GA-YANG GZHI DANG SHING SHUN BGO BAR BYA BA DANG, RTZA BA DANG 'BRAS BU DAG BZA' BAR @94A *, ,BYA BA DANG, CHU DRON PO RNYOG BA CAN DAG BTUNG BAR BYA DGOS NA, CI'I PHYIR KHYOD RGYAL SRID SPANGS TE RAB TU 'BYUNG BAR BYED, DE NAS GZHON NU LKUGS 'PHYES DE'I TSE TSIGS SU BCAD PA SMRAS PA, NAGS NA SHING SHUN RTZVA GYON ZHING, ,RTZA BA 'BRAS BU 'CHA' BA DANG; ,RI DAGS GDUG PA RNAMS DANG NI, ,LHAN CIG GNAS PA MCHOG LAGS KYI, ,'JIG RTEN PHA ROL 'JIGS BGYID PA'I ,MKHAS PAS RGYAL SRID SLAD DU NI, ,GSOD DANG 'CHING DANG BRDEG PA DAG ,BGYID PA DE LTA MA LAGS KYIS, ,YAB KYIS BDAG NI DKA' THUB KYI, ,NAGS SU MCHI BA GNANG BAR MDZOD, ,RGYAL POS SMRAS PA, BU JE KHO BO'I THE TSOM GSUM PO 'DI DAG CHOD CIG DANG, DE'I 'OG TU KHYOD RAB TU 'BYUNG BA MI DKA'O, KHYOD KYIS GRONG KHYER B'A R'A nA S'I'I 'BYOR PA DANG RGYAS PA MTHONG NAS 'DI SKAD CES B'A R'A nA S'I 'DI STONG PA YIN NAM, 'ON TE GNAS PA YIN ZHES SMRAS PA DE KHYOD KYIS CI LAS BSAMS TE SMRAS, LHA DE'I SLAD DU GSON CIG ,LHAS BDAG RGYU MA MCHIS PAR KHUM SHIG CES BKA' STZAL NA, 'GA' YANG CI'I SLAD DU GZHON NU 'DI DGUM PAR BGYI ZHES CHOS DANG LDAN PA'I TSIG MI SMRA BAS BDAG GIS DE LAS BSAMS TE SMRAS SO, ,BU MA NYES SO, ,KHYOD KYIS MI'I RO MI BZHIS KHYER BA ZHIG MTHONG NAS 'DI SKAD CES CI RO 'DI SHI BA NYID KYI RO YIN NAM, 'O NA TE GSON PO'I RO YIN ZHES SMRAS PA, DE KHYOD KYIS CI LAS BSAMS TE SMRAS, LHA DE'I SLAD DU GSON CIG ,GANG NONGS PA BGYID PA'I LAS BGYIS PA'I RO DE NI GUM PA NYID KYI RO LAGS LA, GANG LEGS PA BGYID PA'I LAS BGYIS PA'I RO DE NI GSON PO'I RO LAGS PAS BDAG GIS DE LAS BSAMS TE SMRAS SO, ,BU MA NYES SO, ,KHYOD KYIS 'BRU'I PHUNG PO CHEN PO ZHIG MTHONG BA NA, 'DI SKAD CES GAL TE 'BRU'I PHUNG PO 'DI DANG PO NYID NAS DRUNG MA ZOS NA CHEN POR 'GYUR RO ZHES SMRAS PA DE KHYOD KYIS CI LAS BSAMS TE SMRAS, LHA DE'I SLAD DU GSON CIG ,LHA ZHING PA GANG DAG 'BRU SKYIN PO BGYIS TE 'TSAL NAS, LAS BGYING PA DE DAG NI @94B 'BRU SMIN PA NA 'BRU'I PHUNG PO CHEN PO BU LON PA DAG LA 'BUL BAR BGYIS PAS DE DAG GIS NI DANG PO NYID NAS DRUNG 'TSAL BA LAGS SO, ,DE BZHIN DU DGE BA BCU'I LAS KYI LAM DAG GIS MI NYID RNYED PA NA, GAL TE DE RNYED NAS DGE BA'I LAS KYI LAM SOGS PAR MI BGYID PA DE'I SNGON GYI DGE BA'I RTZA BA DE YANG RGYUN CHAD PAR 'GYUR ZHING, DGE BA'I RTZA BA RGYUN CHAD NA BDE 'GRO LAS YONGS SU NYAMS SHING NGAN 'GRO LA RTEN PAR 'GYUR PAS BDAG GIS DE LAS BSAMS TE SMRAS SO, ,DE NAS RGYAL POS BU'I TSIG DE THOS NAS, MCHI MAS BRNANGS PAS BU BLANGS TE TSIG SMRAS PA, BRTUL ZHUGS DES 'CHANG RANG GI CHOS SPYOD CIG ,BDAG KYANG KHYOD KYI SLOB MAR KHAS LEN NO, ,DE NAS RGYAL PO TSANGS BYIN GYIS BLON PO RNAMS LA SMRAS PA, SHES LDAN DAG GAL TE GZHON NU LKUGS 'PHYE RAB TU MA BYUNG NA CIR 'GYUR, LHA RGYAL POR 'GYUR RO, ,KHYOD KYI BU DAG CIR 'GYUR, LHA ZHABS 'BRING BAR 'GYUR RO, ,'O NA DA DE RAB TU 'BYUNG NA KHYED KYI BU DE DAG CI'I PHYIR RAB TU MI 'BYUNG, LHA BKA' STZAL PA BZHIN 'TSAL LO, ,DE'I TSE NA GRONG KHYER B'A R'A nA S'I DANG HA CANG MI RING BA NA BSTI GNAS SHIG YOD PA DE NA DRANG SRONG BYAMS PA'I BDAG NYID CAN, SNYING RJE DANG LDAN PA, BRTZE BA DANG LDAN PA, SEMS CAN LA BYAMS PA ZHIG 'DUG NAS GZHON NU LKUGS 'PHYE 'KHOR LNGA BRGYA DANG LDAN PA 'BYOR PA CHEN POS DRANG SRONG DE'I DRUNG DU RAB TU BYUNG NGO, ,DRANG SRONG DES LKUGS 'PHYE LA GDAMS NGAG BYIN NAS LKUGS 'PHYES BRTZAL BA DANG, 'BAD PA DANG, BSGRIM PA BYAS NAS MNGON PAR SHES PA LNGA MNGON SUM DU BYAS SO, ,DE NAS DUS GZHAN ZHIG NA DRANG SRONG DE DUS KYI CHOS DANG LDAN PAR GYUR NAS GZHON NU LKUGS 'PHYES DRANG SRONG DE'I LUS SPOS KYI SHING SNA TSOGS KYI PHUNG POR BCER TE BSREGS NAS MCHOD PA DANG BSNYEN BKUR CHEN PO BYAS SO, ,GZHON NU LKUGS 'PHYES BRAM ZE'I KHYE'U LNGA BRGYA PO DE DAG YONGS SU BSKYANG BAR BRTZAMS NAS, DE'I MING GZHON NU LKUGS 'PHYE ZHES BYA BA GANG YIN PA DE NUB PAR GYUR CING, STON PA LKUGS @95A *, ,'PHYE STON PA LKUGS 'PHYE ZHES BYA BA'I MING CHAGS PAR GYUR TO, ,DE NAS DUS GZHAN ZHIG NA STON PA LKUGS 'PHYE 'DI SNYAM DU SEMS TE, CI'I PHYIR BRAM ZE'I KHYE'U LNGA BRGYA PO 'DI DAG MNGON PAR SHES PA LNGA MNGON SUM DU MI BYED SNYAM NAS DE 'DI SNYAM DU SEMS TE; 'DI DAG GA-YANG GZHI DANG, SHING SHUN DANG, DBYUG GU DANG, RIL BA DANG, BLUGS GZAR DANG, DGANG GZAR LHAG PA 'CHANG ZHING, SHIN TU LO MA DANG, KHRE RGOD DANG, AUTPA LA'I RTZA BA LA SBYOR BA'I RJES SU BRTZON PAR GNAS PA'I PHYIR RO SNYAM MO, ,DE NAS STON PA LKUGS 'PHYE 'DI SNYAM DU SEMS TE, GAL TE BDAG GIS BRAM ZE'I KHYE'U 'DI DAG SMAD NA 'BRAL DKA' BAR 'GYUR RO SNYAM NAS, BYANG CHUB SEMS DPA' RNAMS NI GDUL BA LA MKHAS PA BLA NA MED PA YIN PAS DE NAS STON PA LKUGS 'PHYES BRAM ZE'I KHYE'U RNAMS LA SMRAS PA, BRAM ZE'I KHYE'U, DGUNG ZLA BA GSUM PO 'DI LA NANG DU YANG DAG 'JOG 'DOD KYIS NGA'I GAN DU BRAM ZE'I KHYE'U RTZA BA DANG, 'BRAS BU STOBS PA GCIG DANG 'DI NYID KYI GSO SBYONG BCVA LNGA PA'I TSE MA GTOGS PAR GANG GIS KYANG NYE BAR 'ONG BAR MI BYA'O, ,BRAM ZE'I KHYE'U RNAMS KYIS KYANG DBYAR GYI NANG DAG TU BRAM ZE'I KHYE'U RTZA BA DANG, 'BRAS BU STOBS PA GCIG DANG, 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS BRAM ZE'I KHYE'U GANG GIS KYANG MKHAN PO LA LTAR 'GRO BAR MI BYA'O, ,DBYAR GYI NANG DAG TU BRAM ZE'I KHYE'U RTZA BA DANG, 'BRAS BU STOBS PA GCIG DANG 'DI NYID KYI GSO SBYONG BCVA LNGA PA'I TSE MA GTOGS PAR BDAG CAG LAS BRAM ZE'I KHYE'U GANG MKHAN PO LA LTAR 'GRO BA DE BDAG CAG GIS LTUNG BYED KYI LTUNG BA BYED DU GZHUG GO ZHES KHRIMS SU BYA BA BCAS SO, ,STON PA LKUGS 'PHYES ZLA BA GSUM NANG DU YANG DAG 'JOG LA ZHUGS PA NA, DE'I GAN DU BRAM ZE'I KHYE'U RTZA BA DANG, 'BRAS BU STOBS PA GCIG DANG, DE NYID KYI GSO SBYONG BCVA LNGA PA'I TSE MA GTOGS PAR BRAM ZE'I KHYE'U GANG YANG NYE BAR MI 'GRO'O, ,STON PA LKUGS 'PHYES THAG RING PO KHO NA @95B NAS RI DGAS MTHONG NGO, ,MTHONG NAS KYANG 'DI SKAD CES SMRAS SO, ,RI DAGS TSUR SHOG ,RI DGAS KHYOD 'ONGS PA LEGS SO, ,KHYOD DANG KHO BO MTSUNGS TE, KHYOD KYANG LTO KHENGS PA'I ZAS KYIS CHOG SHES PA DANG, KUN TU CHOG SHES PA YIN LA, KHO BO YANG LTO KHENGS PA'I BSOD SNYOMS KYIS CHOG SHES PA DANG, KUN TU CHOG SHES PA YIN NO, ,'DI NA KHA CIG SHIN TU LO MA DANG, KHRE RGOD DANG, AUTPA LA'I RTZA BA LA SBYOR BA'I RJES SU BRTZON PAR GNAS PA DAG NI MA YIN NO, ,DE NAS BRAM ZE'I KHYE'U DE DAG 'DI SNYAM DU SEMS TE, GOR MA CHAG PAR MKHAN PO'I BRTUL ZHUGS RDZOGS PAR GYUR TE, 'DI LTAR MKHAN PO RI DAGS DANG LHAN CIG PHEBS PAR SMRA BAR BYED DO SNYAM DU RIG NAS STON PA LKUGS 'PHYE GA LA BA DER DONG STE PHYIN NAS, STON PA LKUGS 'PHYE'I RKANG PA GNYIS LA PHYAG 'TSAL TE MTHA' GCIG TU 'KHOD DO, ,DE NAS STON PA LKUGS 'PHYE CANG MI SMRA BAR 'DUG GO, ,DE NAS BRAM ZE'I KHYE'U DE DAG 'DI SNYAM DU SEMS TE, MKHAN PO DUD 'GRO RNAMS DANG LHAN CIG PHEBS PAR SMRA BAR BYED KYI, MI RNAMS DANG MI BYED GOR MA CHAG SNYAM NAS STAN LAS LANGS TE DONG NGO, ,DE NAS RI DAGS KYI BRTUL ZHUGS CAN ZHIG STON PA LKUGS 'PHYE GA LA BA DER DONG BA DANG, STON PA LKUGS 'PHYES RI DAGS KYI BRTUL ZHUGS CAN DE THAG RING PO KHA NA NAS MTHONG NGO, ,MTHONG NAS KYANG 'DI SKAD CES SMRAS SO, ,RI DAGS KYI BRTUL ZHUGS CAN TSUR SHOG ,RI DAGS KYI BRTUL ZHUGS CAN KHYOD 'ONGS PA LEGS SO, ,KHYOD DANG KHO BO MTSUNGS TE, KHYOD KYANG GA-YANG GZHI GCIG 'CHANG LA, KHO BO YANG GA-YANG GZHI GCIG 'CHANG NGO, ,KHYOD KYANG SHING SHUN GCIG DANG, DBYUG GU GCIG DANG, RIL BA GCIG DANG, BLUGS GZAR DANG, DGANG GZAR GCIG 'CHANG LA; KHO BO YANG SHING SHUN GCIG DANG, DBYUG GU GCIG DANG, RIL BA GCIG DANG, BLUGS GZAR DANG, DGANG GZAR GCIG 'CHANG NGO, ,KHYOD KYANG LTO KHENGS PA'I BSOD SNYOMS KYIS CHOG SHES PA DANG, KUN DU CHOG SHES PA YIN LA, KHO BO YANG LTO KHENGS @96A *, ,PA'I BSOD SNYOMS KYIS CHOG SHES PA DANG, KUN DU CHOG SHES PA YIN NO, ,'DI NA KHA CIG GA-YANG GZHI DANG, SHING SHUN DANG, DBYUG GU DANG, RIL BA DANG, BLUGS GZAR DANG, DGANG GZAR LHAG PAR 'CHANG BA DAG NI MA YIN NO, ,DE NAS BRAM ZE'I KHYE'U DE DAG 'DI SNYAM DU SEMS TE, 'DI LTAR MKHAN POS 'DOD PA CHE BA SMAD CING, 'DOD PA CHUNG BA NYID BSTOD PA NI DON GYIS NA MKHAN POS BDAG CAG SMAD PA YIN GYIS, BDAG CAG GIS GA-YANG GZHI DANG, SHING SHUN DANG, DBYUG GU DANG, RIL BA DANG, BLUGS GZAR DANG, DGANG GZAR LHAG PA DAG CHU KLUNG ZLOG BYED KYI NANG DU BOR TE, MKHAN PO GA LA BA DER 'DONG NGO SNYAM NAS, DE DAG GI GA-YANG GZHI DANG, SHING SHUN DANG, DBYUG GU DANG, RIL BA DANG, BLUGS GZAR DANG, DGANG GZAR LHAG PA DAG CHU KLUNG ZLOG BYED DU BOR NAS RGYUD DAG PA DANG, YO BYAD BSNYUNGS PA'I TSUL DAG GIS STON PA LKUGS 'PHYE GA LA BA DER DONG STE PHYIN NAS, STON PA LKUGS 'PHYE'I RKANG PA GNYIS LA MGO BOS PHYAG 'TSAL TE MTHA' GCIG TU 'KHOD DO, ,DE NAS STON PA LKUGS 'PHYES BRAM ZE'I KHYE'U DE DAG GI BSAM PA DANG, BAG LA NYAL DANG, KHAMS DANG RANG BZHIN KHONG DU CHUD NAS, 'DI LTAR BRAM ZE'I KHYE'U LNGA BRGYA PO DE DAG GIS MNGON PAR SHES PA LNGA MNGON SUM DU BYAS PAR GYUR PA DE LHAR CHOS BSTAN PA BYAS SO, ,DGE SLONG DAG DE'I TSE DE'I DUS NA STON PA LKUGS 'PHYE GANG YIN PA DE NI NGA BYANG CHUB SEMS DPA'I SPYOD PA LA 'JUG PA YIN NO, ,DE'I TSE DE'I DUS NA BRAM ZE'I KHYE'U LNGA BRGYA PO GANG DAG YIN PA DE DAG NI SH'AKYA GZHON NU LNGA BRGYA PO 'DI DAG YIN NO, ,DE'I TSE DE'I DUS NA RI DAGS KYI BRTUL ZHUGS CAN GANG YIN PA DE NI DGE SLONG NYE SDE YIN TE; DE'I TSE YANG NGAS SH'AKYA GZHON NU LNGA BRGYA PO 'DI DAG RIGS KYI BU NYE SDE LA BRTEN NAS 'DOD PA CHE BA DANG PHRAL ZHING 'DOD PA CHUNG BA NYID LA BKOD DE, MNGON PAR SHES PA LNGA PO DAG LA GZHAG PAR BYAS LA DA LTAR YANG NGAS SH'AKYA GZHON NU LNGA BRGYA PO 'DI DAG RIGS KYI BU NYE @96B SDE LA BRTEN NAS 'DOD PA CHE BA DANG PHRAL ZHING 'DOD PA CHUNG BA NYID LA BKOD DE, SHIN TU MTHAR THUG PA'I GRUB PA DANG BDE BA MYA NGAN LAS 'DAS PA LA GZHAG PA MDZAD DO, ,DGE SLONG DAG DE LTAR NA LAS GCIG TU GNAG PA RNAMS KYI RNAM PAR SMIN PA NI GCIG TU GNAG PA YIN LA; LAS GCIG TU DKAR BA RNAMS KYI RNAM PAR SMIN PA YANG GCIG TU DKAR BA YIN, 'DREN MA RNAMS KYI RNAM PAR SMIN PA YANG 'DREN MA YIN NO, ,DGE SLONG DAG DE LTA BAS NA LAS GCIG TU GNAG PA DANG, 'DREN MA SPANGS NAS LAS GCIG TU DKAR BA DAG LA BRTZAL BAR BYA STE, DGE SLONG DAG DE LTAR KHYOD KYIS BSLAB PAR BYA'O, ,'KHRUR 'JUG PA'I SPANG BA STE BZHI PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GANG GI TSE BCOM LDAN 'DAS KYIS DGE SLONG MA RNAMS KYIS DGON PAR GNAS PA MA BKAG PA DE'I TSE NA DGE SLONG MA RNAMS KYANG DGON PA'I GNAS SU DONG STE, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I BDE BA DAG NYAMS SU MYONG BAR BYED DO, ,DE NAS DGE SLONG MA AUTPA LA'I MDOG 'KHOR LNGA BRGYA DANG NAGS MUN PA CAN GA LA BA DER SONG STE PHYIN NAS SHING LJON PA'I DRUNG ZHIG TU BRTEN TE SKYIL MO KRUNG PHYED KYIS 'DUG NAS BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I BDE BA DAG NYAMS SU MYONG BAR BYED DO, ,DGE SLONG MA DE DAG PHYEM RED MNYAN YOD DU 'JUG 'DOD NAS SMRAS PA, 'PHAGS MA AUTPA LA'I MDOG BSLANG BAR BYA'O, ,KHA CIG GIS SMRAS PA, 'PHAGS MA AUTPA LA'I MDOG NI MTHU CHE BA RDZU 'PHRUL CHE BA YIN PAS DANG PO KHO NAR DBYAR KHANG DU 'GRO BAR 'GYUR BA'I GNAS KYANG YOD DO ZHES ZER NAS DE DAG GIS DE MA BSLANG BA KHO NAR DONG NGO, ,AUTPA LA'I MDOG KYANG PHYEM RED LANGS NAS DGE SLONG MA DE DAG THAMS CAD DONG BAR MTHONG BA DANG, DES BSAMS PA, CID 'GRO'AM, 'ON @97A *, ,TE 'DI NYID DU 'DUG SNYAM NAS DE DE NYID DU 'GOG PA LA SNYOMS PAR ZHUGS SO, ,GA-YON CAN LNGA BRGYA TZAM GYIS LAS DAG BYAS NAS NAGS MUN PA CAN DU LHAGS TE, DE DAG GIS SMRAS PA, BDAG CAG LAS NYIS BRGYA LNGA BCUS NI SKAL BA DAG BGO BAR BYA'O, ,NYIS BRGYA LNGA BCUS NI NAGS BYUL BAR BYA'O ZHES DE DAG LAS NYIS BRGYA LNGA BCUS NI SKAL BA DAG BGO BAR BRTZAMS, NYIS BRGYA LNGA BCUS NI NAGS BYUL BAR BRTZAMS PA DANG, DE DAG GIS AUTPA LA'I MDOG 'DUG PA MTHONG NGO, ,DE NA KHA CIG NA RE SHES LDAN DAG 'DI NI THO YOR ZHIG YIN NO ZHES ZER, KHA CIG NA RE 'DI NI MI ZHIG YIN NO ZHES ZER, KHA CIG NA RE 'DI NI DGE SLONG ZHIG YIN NO ZHES ZER RO, ,DE NA DGE SLONG GI RGYUS SHES PA ZHIG 'DUG PA DES SMRAS PA, 'DI NI DGE SLONG MA ZHIG YIN GYI DGE SLONG NI MA YIN NO, ,JI LTAR SHES, DGE SLONG DAG NI SKYIL MO KRUNG GIS 'DUG LA, DGE SLONG MA RNAMS NI SKYIL MO KRUNG BYED KYIS 'DUG GO, ,DE DAG NGO MTSAR SKYES NAS SHES LDAN DAG 'DI LTA BU'I NAGS 'JIGS SU RUNG BA'I NANG NA DGE SLONG MA GCIG PU MTSAN MO GNAS PAR KHAS BLANGS PA LTOS ZHES ZER RO, ,DE DAG DMAG DPON GYI GAN DU SONG BA DANG, DMAG DPON GYIS DE DAG LA DRIS PA, SHES LDAN DAG KHYED KYI NAGS MUN PA CAN 'DI NA NGO MTSAR CUNG ZAD MTHONG BA YOD DAM MCHIS TE, 'DI LTA BU'I NAGS 'JIGS SU RUNG BA'I NANG NA, DGE SLONG MA GCIG PU MTSAN MO GNAS PAR KHAS BLANGS PA MCHIS SO, ,DE BLTAS 'DONG NGO ZHES DE DAG DE'I DRUNG DU DONG BA DANG, DMAG DPON GYIS DGE SLONG MA AUTPA LA'I MDOG GZUGS BZANG BA, BLTA NA SDUG PA, MDZES PA MTHONG NGO; ,MTHONG NAS KYANG MNGON PAR DAD PAR GYUR NAS DE MNGON PAR DAD PA SKYES PAS SMRAS PA, KYE MA DGE SLONG MA 'DI NI GNYI GA NAS BZANG BA YIN TE, MTSAN MO ZLA NYI MO LTAR 'DUG PA GANG YIN PA DANG, GZUGS BZANG BA, BLTA NA SDUG PA, MDZES PA GANG YIN PAS SO @97B ZHES DE BSLANG BAR BRTZAMS PA DANG, DE DAG GIS SMRAS PA, CI'I PHYIR 'DI SLONG BAR BYED, ZAS SBYIN PAR BYA'O, ,DGE SLONG GI RGYUS SHES PA GCIG GIS SMRAS PA, 'DI NI DUS MA YIN PAR MI ZA'O, ,DMAG DPON GYIS SMRAS PA, CI'I PHYIR, DES SMRAS PA; 'DI NI DUS MA YIN PA'I ZAS SPANGS PA YIN NO, ,DMAG DPON GYIS SMRAS PA, KYE MA DGE SLONG MA 'DI NI GNYIS KA NAS BZANG BA YIN TE, GZUGS BZANG BA, BLTA NA SDUG PA, MDZES PA GANG YIN PA DANG, DUS MA YIN PA'I ZAS SPANGS PA GANG YIN PAS SO, ,YANG SMRAS PA, 'DI LA CHANG BLUD PAR BYA'O, ,DGE SLONG GI RGYUS SHES PA DES SMRAS PA, 'DI NI MYOS PAR 'GYUR BA'I BTUNG BA SPANGS PA YIN NO, ,DMAG DPON GYIS SMRAS PA, KYE MA DGE SLONG MA 'DI NI GNYI GA NAS BZANG BA YIN TE, GZUGS BZANG BA, BLTA NA SDUG PA, MDZES PA GANG YIN PA DANG, MYOS PAR 'GYUR BA'I BTUNG BA SPANGS PA GANG YIN PAS SO, ,YANG SMRAS PA, KHO BOS YON GNAS KYI ZHING 'DI LTA BU LA BSOD SNYOMS KYIS BSGRUB PAR MA NUS SO ZHES DES RAS YUG CHEN PO LA 'OS PA GCIG DANG, BSOD SNYOMS KYI PHUD CIG PHUL NAS SHING LJON PA'I YAL GA LA BTAGS TE BZHAG NAS SMRAS PA, 'PHAGS MA 'DI LTAR KHYOD LA MI MKHYEN PA DANG, MI GZIGS PA DANG, MI RIG PA DANG, RNAM PAR MI MKHYEN PA CI YANG MI MNGA' BAS BDAG GIS KHYOD LA BSOD SNYOMS DANG NA BZA' 'DI 'BUL LO ZHES SMRAS TE SONG NGO, ,AUTPA LA'I MDOG NANG PAR SNGAR LANGS PAS SKYE BO PHAL PO CHE'I RJES SHUL MTHONG NAS DES BSAMS PA DANG, GA-YON CAN LNGA BRGYA NYE BAR 'ONGS PAR MTHONG NAS MI MDZES PA 'GA' ZHIG RIG PAR MA BYAS SAM SNYAM NA 'GA' YANG MA BYAS PAR MTHONG NGO, ,SHING LJON PA'I YAL GA LA RAS YUG CHEN DANG, BSOD SNYOMS BTAGS TE BZHAG PA MTHONG NAS DES BSAMS PA, 'DI NI DAD PAR GYUR PA RNAMS KYIS DAD PA'I DBANG DU BYAS PA YIN NO SNYAM NAS DES BSAMS PA, @98A *, ,GAL TE BYIN LEN STOBS PA LA BSDAD NA BYA'AM, SPRE'US CHUD GZAN PAR 'GYUR BAS BDAG NI DGE 'DUN LA BSOD SNYOMS KYI PHUD 'BUL BA YIN LA 'DI LTAR DGE SLONG RNAMS LA MI RUNG BA GANG YIN PA DE NI DGE SLONG MA RNAMS LA RUNG BA YIN LA, DGE SLONG MA RNAMS LA MI RUNG BA GANG YIN PA DE NI DGE SLONG RNAMS LA RUNG BA YIN PAS BDAG RANG NYID KYIS 'DI KHYER TE, DGE 'DUN LA BSOD SNYOMS KYI PHUD 'BUL DU 'GRO'O SNYAM NAS DES DE KHYER TE RGYAL BYED KYI TSAL DU SONG NGO, ,DRUG SDE RNAMS KYI KUN DU SPYOD PA NI DRUG SDE LAS GANG YANG RUNG BAS RGYAL BYED KYI TSAL GYI SGO STONG PAR MI 'JOG PAS NYE DGA' RGYAL BYED KYI TSAL GYI SGO NA 'CHAG CING 'DUG PA DES AUTPA LA'I MDOG MTHONG NAS SMRAS PA, SRING MO CI'I PHYIR NANG PAR SNGAR MNYAN YOD KYI SGO DAG PHYE STE 'ONGS, DES SMRAS PA, BDAG MNYAN YOD DU MA MCHIS KYI, BDAG MDANG SUM NAGS MUN PA CAN DU MCHIS PAR KHAS BLANGS SO, ,NYE DGA'SA SMRAS PA, NYE DGA' NI NYIN MO NYID NAGS MUN PA CAN DU ZHUGS NA YANG SPU DAG GYEN DU 'GRENG BAR 'GYUR RO, ,SRING MO KHYER BA 'DI CI YIN, DES SMRAS PA, CHOM RKUN PA LNGA BRGYA TZAM DER MCHIS NAS DE DAG DAD PAR GYUR PAS BDAG LA DAD PA'I DBANG DU BGYIS PA STZAL TO, ,SRING MO KHYOD NI CHOM RKUN PAS KYANG DAD PAR BYA BA YIN GYI, GAL TE NYE DGA' DE DAG GIS MTHONG DU ZIN NA LCAG RGOD MANG POS BRDABS TE KHUR TZA BAR KHRID PAR 'GYUR RO, ,'DI LTAR GANG LA RAS YUG CHEN 'DI LTA BU YOD PA DE NI GOS SAR PA LAS SNAM SBYAR NYI RIM BYAS TE SEMS LAS CHUNG NGUS DGE BA'I PHYOGS LA TRON BYED PAR 'GYUR RO, ,'PHAGS PA KHYOD RAS YUG CHEN 'DI BZHED DAM, LHA'I GNAS KYI LHAG MA BZHIN DU'O, ,'PHAGS PA BDAG GIS DGE 'DUN LA BSOD SNYOMS KYI PHUD PHUL TE SLAR MCHIS PA'I BAR DU GZHES SHIG DANG, DE'I 'OG TU KHYOD LA RAS YUG CHEN GSOL LO, ,NYE DGA'SA BSAMS PA, LHUNG BZED NAG PO CAN 'GA' ZHIG GIS 'DI LA BSLANGS PA DANG DE LA BYIN PAR 'GYUR RO SNYAM NAS, @98B SRING MO BDAG GIS BSOD SNYOMS KYI PHUD LEN PA DAG KHRID DE 'ONG GIS DE'I BAR DU 'DI NYID DU SDOD CIG ,NYE DGA' RGYAL BYED KYI TSAL DU ZHUGS PA DANG, DES DGE SLONG BSOD SNYOMS KYI PHUNG LEN PA DAG SNYING LAS CHUNG NGUR 'KHOD PA MTHONG NAS DES SMRAS PA, TSE DANG LDAN PA DAG SBYIN BDAG DAG NI KHUR GYIS NGAL ZHING SDOD LA, KHYED CAG NI 'DI NA SNYING LAS CHUNG NGUR 'KHOD NA TSUR SHOG BSOD SNYOMS KYI PHUD LONG SHIG ,DE DAG GIS GZHONG BU THOGS TE DONG BA DANG, AUTPA LA'I MDOG GIS DE DAG LA BSOD SNYOMS KYI PHUD PHUL NAS RAS YUG CHEN SPRUGS NAS NYE DGA' LA PHUL LO, ,NYE DGA'SA KHYOD SBYIN PA 'DIS SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG DANG, LHA DANG MI RNAMS KYI GOS DAG THOB PAR GYUR CIG CES SMRAS SO, ,AUTPA LA'I MDOG GIS BSAMS PA, NGA DBYAR KHANG DU SONG STE CI RUNG, BCOM LDAN 'DAS KYI ZHABS LA PHYAG 'TSAL DU 'GRO BAR BYA'O SNYAM NAS, DE NAS AUTPA LA'I MDOG BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, , DE'I TSE NA AUTPA LA'I MDOG GIS CHOS GOS LNGA NGAN CING SNAM SBYAR YANG RNYINGS PAR GYUR NAS, DE NA BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DGE SLONG MA RNAMS KYIS DBYAR GYI GOS KYI RNYED PA MA GRUB BAM, BTZUN PA GRUB BO; ,'O NA CI'I PHYIR DGE SLONG MA AUTPA LA'I MDOG GI CHOS GOS LNGA NGAN CING SNAM SBYAR YANG RNYINGS PAR GYUR, BTZUN PA SRING MO 'DI NI DAD PA DANG LDAN ZHING BZANG LA DGE BA'I BSAM PA CAN LAGS TE, 'DIS SANGS RGYAS SAM, CHOS SAM, DGE 'DUN NAM, DGE SLONG YID DU 'THAD PA DAG LA MA PHUL BA'AM, YONGS SU MA BTANG BA CI YANG MA MCHIS TE, 'DIS DANG YANG RAS YUG CHEN RNYED NAS DE YANG 'DIS BTZUN PA NYE DGA' LA STZOL TO, ,KUN DGA' BO DGE SLONG DAG DGE SLONG MA NYE DU MA YIN PA LA GOS LHAG PA LEN TAM, BTZUN @99A *, ,PA LEN TO, ,KUN DGA' BO DGE SLONG DAG DGE SLONG MA NYE DU MA YIN PA LA 'DI SNYAM DU 'DI'I CHOS GOS LNGA TSANG NGAM, 'ON TE MA TSANG SNYAM DU MI SEMS PAR 'DI LTAR THOB BO COG LEN PAR BYED KYI, NYE DU LA NI BYIN YANG LEN PAR MI BYED DO, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO DGE SLONG MA AUTPA LA'I MDOG LA GTZUG LAG KHANG CHEN PO NAS CHOS GOS LNGA BYIN CIG ,TSE DANG LDAN PA KUN DGA' BOS DGE SLONG MA AUTPA LA'I MDOG LA GTZUG LAG KHANG CHEN PO NAS CHOS GOS LNGA BYIN NO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, ,ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG MA NYE DU MA YIN PA LAS GOS LEN NA SPANG BA'I LTUNG BYED DO ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI DE LTAR BCA' BA MDZAD DO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE BDAG GI KHYIM NOR DU MA DANG LDAN NA BDAG GIS 'JIG RTEN PHA ROL GYI LAM RGYAGS CUNG ZAD KYANG MA KHYER RO SNYAM NAS LAG PA LA 'GRAM PA GTAD DE SEMS KHONG DU CHUD CING 'DUG PA CHUNG MAS MTHONG NAS SMRAS PA, RJE'I SRAS KHYOD CI'I SLAD DU PHYAG LA 'GRAM PA GTAD DE SEMS KHONG DU CHUD CING BZHUGS, BZANG MO KHO BO'I KHYIM NOR DU MA DANG LDAN NA BDAG GIS 'JIG RTEN PHA ROL GYI LAM RGYAGS CUNG ZAD KYANG MKHYER TE, GAL TE BDAG GIS SANGS RGYAS LA SOGS PA DGE SLONG GI DGE 'DUN BSHOS GSOL TE RE RE LA RAS BCOS BU SAR PA PHRUGS RE BSKON NA DES BDAG GI 'JIG RTEN PHA ROL @99B GYI LAM RGYAGS KHYER BAR 'GYUR RO, ,CHUNG MAS SMRAS PA, RJE'I SRAS DE BZHIN MDZOD CIG ,DE NAS KHYIM BDAG DE BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS BCOM LDAN 'DAS KYIS KHYIM BDAG DE LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUD PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANG DU MAS CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS KHYIM BDAG DE STAN LAS LANGS NAS BLA GOS PHRAG PA GCIG TU BYAS TE BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS SANG BDAG GI SDUM PAR DGE SLONG GI DGE 'DUN DANG THABS CIG TU GDUGS TSOD GSOL BAR CI GNANG, BCOM LDAN 'DAS KYIS KHYIM BDAG DE LA CANG MI GSUNG BAS GNANG NGO, ,DE NAS KHYIM BDAG DES BCOM LDAN 'DAS KYIS CANG MI GSUNG BAS GNANG BAR RIG NAS BCOM LDAN 'DAS KYIS BKA' STZAL PA LA MNGON PAR DGA' BA DANG RJES SU YI RANG BAR BYAS TE, BCOM LDAN 'DAS KYI ZHABS GNYIS LA MGO BOS PHYAG 'TSAL TE BCOM LDAN 'DAS KYI SPYAN SNGA NAS SONG NGO, ,DE NAS KHYIM BDAG DES DE NYID KYI MTSAN MO BCA' BA DANG BZA' BA GTZANG ZHING BSOD PA LEGS PAR SBYAR NAS NANG PAR SNGAR LANGS TE GDAN BSHAMS NAS CHU RA BZHAG STE, BCOM LDAN 'DAS LA SPYAN 'DREN GYIS, BTZUN PA GDUGS TSOD SBYAR BA'I DUS LAGS NA, DA BCOM LDAN 'DAS KYIS DE'I DUS LA BAB PAR MKHYEN PAR MDZAD DU GSOL ZHES GDUGS TSOD LA SPYAN DRANGS SO, ,DE NAS BCOM LDAN 'DAS SNGA DRO SHAM THABS GSOL, LHUNG BZED DANG @100A *, ,CHOS GOS BSNAMS TE DGE SLONG GI TSOGS KYIS YONGS SU BSKOR CING DGE SLONG GI DGE 'DUN GYIS MDUN DU BDAR TE, KHYIM BDAG DE'I BKAD SA GA LA BA DER GSHEGS TE BYON NAS, DGE SLONG GI DGE 'DUN GYI GONG DU GDAN BSHAMS PA NYID LA BZHUGS SO; ,DE NAS KHYIM BDAG DES SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS, RANG GI LAG GIS BCA' BA DANG BZA' BA GTZANG ZHING BSOD PAS TSIM PAR BYED, STOBS PAR BYED DO, ,RNAM GRANGS DU MAS BCA' BA DANG BZA' BA GTZANG ZHING BSOD PAS RANG GI LAG NAS TSIM PAR BYAS SHING BSTABS NAS, SANGS RGYAS LA SOGS PA DGE SLONG GI DGE 'DUN RE RE LA RAS BCOS BU SAR PA PHRUGS RE RE GSOL TO, ,DE NAS KHYIM BDAG DES STAN DMA' BA ZHIG BLANGS NAS BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO, ,DE NAS BCOM LDAN 'DAS KYIS KHYIM BDAG DE LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUD PAR MDZAD, YANG DAG PAR GZENGS STOD PAR MDZAD, ,YANG DAG PAR RAB TU DGA' BAR MDZAD DE, RNAM GRANGS DU MAS CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS KHYIM BDAG DES BCOM LDAN 'DAS KYI SLAD BZHIN PHA ZAD TZAM DU SONG NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS LA LAN GSUM BSKOR BA BYAS NAS, BCOM LDAN 'DAS KYI SPYAN SNGA NAS PHYIR LOG STE RANG GI KHYIM GA LA BA DER SONG NAS PHYIN PA DANG, STENG GI KHANG BZANGS KYI GZHIR GTOGS PA NA GTONG BA RJES SU DRAN PAR SGOM PA NA CHUNG MA LA SMRAS PA, BZANG MO BDAG CAG GIS 'JIG RTEN PHA ROL GYI LAM RGYAGS MANG DU KHYER GYIS MCHOG TU DGA' BA DANG, RJES SU YI RANG BAR GYIS SHIG ,CHUNG MAS SMRAS PA, RJE'I SRAS KYIS NI 'JIG RTEN PHA @100B ROL GYI LAM RGYAGS BSNAMS NA, BDAG GIS MA 'TSAL TO, ,BZANG MO BDAG CAG GNYIS KYI LONGS SPYOD DAG THUN MONG MA YIN NAM, RJE'I SRAS 'DI LTAR SKOL CAG GI LONGS SPYOD DAG THUN MONG LAGS MOD KYI 'ON KYANG BDAG GIS KYANG SKYE DGU'I BDAG MO CHEN MO GOO TA M'I LA SOGS PA DGE SLONG MA'I DGE 'DUN BSHOS GSOL TE, CHEN PO LA 'OS PA'I GOS DAG PHUL NA DE LTA NA BDAG GIS CANG 'JIG RTEN PHA ROL GYI LAM RGYAGS 'TSAL BAR 'GYUR RO, ,KHYIM BDAG GIS SMRAS PA, BZANG MO CI SNGAR SBYIN PA BYIN PAS PHYIS SBYIN PAR BYAR MED DAM, DE BZHIN GYIS SHIG ,DE NAS KHYIM BDAG GI CHUNG MA DE SKYE DGU'I BDAG MO CHEN MO GOO TA M'I GA LA BA DER SONG STE PHYIN NAS SKYE DGU'I BDAG MO CHEN MO GOO TA M'I'I RKANG PA GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS SKYE DGU'I BDAG MO CHEN MO GOO TA M'IS KHYIM BDAG GI CHUNG MA DE LA CHOS DANG LDAN PA'I GTAM GYIS YANG DAG PAR STON PAR BYED, YANG DAG PAR 'DZIN DU 'JUD PAR BYED, YANG DAG PAR BZENGS STOD PAR BYED, YANG DAG PAR RAB TU DGA' BAR BYED DE, RNAM GRANGS DU MAS CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR BYAS NAS CANG MI SMRA'O, ,DE NAS KHYIM BDAG GI CHUNG MA DE STAN LAS LANGS TE SKYE DGU'I BDAG MO CHEN MO GOO TA M'I GA LA BA DE LOGS SU THAL MO SBYAR BA BTUD NAS SKYE DGU'I BDAG MO CHEN MO GOO TA M'I LA 'DI SKAD CES SMRAS SO, ,'PHAGS MA SANG BDAG GI SDUM PAR DGE SLONG MA'I DGE 'DUN DANG THABS CIG GDUGS TSOD GSOL BAR CI GNANG, SKYE DGU'I BDAG MO CHEN MO GOO TA M'IS KHYIM BDAG GI CHUNG MA DE LA CANG MI SMRA BAS DANG DU BLANGS SO, ,DE NAS KHYIM BDAG GI CHUNG MA DES SKYE DGU'I BDAG MO CHEN MO GOO TA M'IS CANG MI SMRA BAS DANG DU BLANGS PAR RIG NAS SKYE DGU'I BDAG MO CHEN MO GOO TA M'IS SMRAS PA LA MNGON PAR DGA' BA DANG RJES SU YI RANG BA BYAS TE, SKYE DGU'I BDAG MO CHEN MO GOO TA M'I'I RKANG PA @101A *, ,GNYIS LA MGO BOS PHYAG 'TSAL NAS SKYE DGU'I BDAG MO CHEN MO GOO TA M'I'I DRUNG NAS SONG NGO, ,DE NAS KHYIM BDAG GI CHUNG MA DES DE NYID KYI MTSAN MO BCA' BA DANG BZA' BA GTZANG ZHING BSOD PA LEGS PAR SBYAR NAS NANG PAR SNGAR LANGS TE STAN BSHAMS NAS CHU RA BZHAG STE SKYE DGU'I BDAG MO CHEN MO GOO TA M'I LA SPYAN 'DREN GYIS 'PHAGS MA GDUGS TSOD SBYAR BA'I DUS LAGS NA, DA 'PHAGS MAS DE'I DUS LA BAB PAR MKHYEN PAR MDZAD DU GSOL ZHES DRO LA BOS SO, ,DE NAS SKYE DGU'I BDAG MO CHEN MO GOO TA M'I SNGA DRO SHAM THABS BGOS, LHUNG BZED DANG CHOS GOS THOGS TE DGE SLONG MA'I TSOGS KYIS YONGS SU BSKOR CING, DGE SLONG MA'I DGE 'DUN GYIS MDUN DU BDAR TE KHYIM BDAG GI CHUNG MA DE'I BKAD SA GA LA BA DER SONG STE PHYIN NAS DGE SLONG MA'I DGE 'DUN GYI GONG DU STAN BSHAMS PA NYID LA 'DUG GO, ,DE NAS KHYIM BDAG GI CHUNG MA DES SKYE DGU'I BDAG MO CHEN MO GOO TA M'I LA SOGS PA DGE SLONG MA'I DGE 'DUN BDE BAR 'DUG PAR RIG NAS, RANG GI LAG NAS BCA' BA DANG BZA' BA GTZANG ZHING BSOD PAS TSIM PAR BYED, STOBS PAR BYED DO, ,RNAM GRANGS DU MAS BCA' BA DANG BZA' BA GTZANG ZHING BSOD PAS RANG GI LAG NAS TSIM PAR BYAS SHING BSTABS NAS, DES CHEN PO LA 'OS PA'I GOS DAG GI SPROG MA PHYE NAS CHEN PO LA 'OS PA'I GOS DAG THOGS TE RGAN PA'I MTHA' LOGS SU 'DUG GO, ,DE NAS SKYE DGU'I BDAG MO CHEN MO GOO TA M'I 'DI SNYAM DU SEMS TE, BCOM LDAN 'DAS KYIS DGE SLONG MA RNAMS LA CHEN PO LA 'OS PA'I GOS DAG DGAG PA MDZAD PAS GAL TE RE ZHIG BLANGS PAR GYUR NA NI BSLAB PA'I GZHI 'KHRUGS PAR YANG 'GYUR, GAL TE MA BLANGS NA NI KHYIM BDAG GI CHUNG MA'I BSOD NAMS KYI BAR CHAD DANG, DGE SLONG MA'I DGE 'DUN GYI RNYED PA'I BAR CHAD DU 'GYUR RO SNYAM MO, ,DGE SLONG MA RNAMS KYIS BSAMS PA, KYE MA 'PHAGS MA SKYE DGU'I BDAG MO CHEN MO GOO TA M'IS CHEN PO LA 'OS PA'I GOS DAG BLANGS PAR GYUR CIG ,BDAG CAG GIS BLANGS PAR GYUR NA BCOM LDAN 'DAS KYIS KYANG DUS LAGS PA'I SLAD @101B DU GNANG BAR 'GYUR RO SNYAM MO, ,DE NAS SKYE DGU'I BDAG MO CHEN MO GOO TA M'IS CHEN PO LA 'OS PA'I GOS DAG BLANGS NAS, KHYIM BDAG GI CHUNG MA LA YON BSHAD PA BYAS TE STAN LAS LANGS TE SONG STE, BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS SKYE DGU'I BDAG MO CHEN MO GOO TA M'IS SKABS DE BCOM LDAN 'DAS LA RGYAS PAR GSOL TO, ,DE SKAD CES GSOL PA DANG, BCOM LDAN 'DAS KYIS SKYE DGU'I BDAG MO CHEN MO GOO TA M'I LA 'DI SKAD CES BKA' STZAL TO, ,GOO TA M'I NGAS GNANG BA GANG YIN PA DE KHYOD KYIS SHES PA LEGS SO LEGS SO, ,DE LTA BAS NA NGAS DGE SLONG MA RNAMS KYIS CHEN PO LA 'OS PA'I GOS DAG BLANGS NAS DGE SLONG RNAMS DANG LHAN CIG BRJE BAR BYA BA RJES SU GNANG NGO, ,DE NAS DGE SLONG MA BCU GNYIS SDE DAG GIS GOS DE DAG KHYER TE DRUG SDE DAG GI GAN DU DONG NAS SMRAS PA, 'PHAGS PA DAG BCOM LDAN 'DAS KYIS DGE SLONG MA RNAMS LA CHEN PO LA 'OS PA'I GOS DAG DGAG PA MDZAD DE, BDAG CAG GIS CHEN PO LA 'OS PA'I GOS RNYED PA 'DI DAG KHYED BZHES LA BDAG CAG LA NGAN PA DAG STZOL CIG ,DRUG SDE DAG GIS SMRAS PA, SRING MO DAG BDAG CAG LA DGE SLONG MA'I RAS MA DAG DGOS PA MED DE, DE'I TSE YANG BDAG CAG BYIS PA RMONGS PA MI GSAL BA, MI MKHAS PA DAG LA KHUR DAG BSLANG BAR GYUR GYIS BDAG CAG MI LEN TO, , DGE SLONG MA GZHAN DAG DGE SLONG GNAS BRTAN GNAS BRTAN RNAMS KYI DRUNG DU DONG STE SMRAS PA, 'PHAGS PA DAG BCOM LDAN 'DAS KYIS DGE SLONG MA RNAMS LA CHEN PO LA 'OS PA'I GOS DAG DGAG PA MDZAD DE, BDAG CAG GIS CHEN PO LA 'OS PA'I GOS RNYED PA 'DI DAG KHYED BZHES LA; BDAG CAG LA NGAN PA DMAN PA DAG STZOL CIG ,SRING MO DAG BCOM LDAN 'DAS LA ZHU'O ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA BRJES PA MA GTOGS TE, DE LA BRJE BA @102A *, ,NI 'DI YIN TE, DE TZAM GYIS SAM, JI TZAM GYIS DGE SLONG MA DGA' BAR 'GYUR BAS BRJE BAR BYA'O, ,DE NAS BCOM LDAN 'DAS KYIS BSLAB PA 'DOD PA'I BSNGAGS PA BRJOD DE, BSLAB PA LA GUS PA DANG, BSLAB PA LA YO BYAD BSNYUNGS PA DANG, SBYANGS PA'I YON TAN DANG, PHRI BA DANG, DROD RIG PA'I BSNGAGS PA BRJOD DO, ,DGE SLONG RNAMS LA YANG DE DANG MTHUN PA DANG, DE DANG 'TSAM PA DANG, DE'I SHAS CHE BA DANG, DE DANG LDAN PA'I CHOS DANG MTHUN PA'I BKA' MCHID MDZAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA, 'DI NI GNANG BA YIN TE, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG MA NYE DU MA YIN PA LAS GOS LEN NA BRJES PA MA GTOGS TE SPANG BA'I LTUNG BYED DO, ,YANG DGE SLONG GANG ZHES BYA BA NI NYE DGA' 'AM GZHAN YANG DE LTA BU GANG YIN PA'O, ,DGE SLONG MA ZHES BYA BA NI CHOS 'DI BA'O, ,NYE DU MA YIN PA LAS ZHES BYA BA NI PHYI MO DANG, MES PO DANG, PHRUGS KYI BDUN PA TSUN CHAD NYE DU YIN LA DE PHAN CAD NI NYE DU MA YIN NO, ,GOS ZHES BYA BA NI GOS BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,LEN NA ZHES BYA BA NI BDAG GIR BYED NA'O, ,BRJES PA MA GTOGS TE ZHES BYA BA NI BRJES PA BZHAG STE'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS DGE SLONG MA NYE DU MA YIN PA LA NYE DU MA YIN PA'I 'DU SHES KYIS GOS LEN NA SPANG BA'I LTUNG BYED DU 'GYUR RO, ,DGE SLONG GIS DGE SLONG MA NYE DU MA YIN PA LA YID GNYIS ZA BAS GOS LAN NA SPANG BA'I LTUNG BYED DU 'GYUR RO, ,DGE SLONG GIS DGE SLONG MA NYE DU LA NYE DU MA YIN PA'I 'DU SHES KYIS GOS LEN NA NYES BYAS SU 'GYUR RO, ,DGE SLONG GIS @102B DGE SLONG MA NYE DU LA YID GNYIS ZA BAS GOS LEN NA NYES BYAS SU 'GYUR RO, ,DGE 'DUN LA GOS 'BUL BA DANG, LEGS PAR SMRA BA LA LTUNG BA MED DO, ,RDZOGS PAR BSNYEN PA BYED PA DANG POR RLAG BYUNG BA LA LTUNG BA MED DO, ,RIN GYIS LEN PA DANG, BRJES PA LA LTUNG BA MED DO, ,DGE SLONG MA GRAGS PA BSOD NAMS CHE BA YIN LA, DES DGE SLONG GI MDUN DU BZHAG NAS 'DI SKAD CES 'PHAGS PA BDAG LA RDZAS 'DI LTA BU DAG MCHIS KYIS, 'PHAGS PAS BDAG LA THUGS BRTZE BA'I SLAD DU BZHES SHIG CES BRJOD DE MI LTOS PAR SONG BA LA LTUNG BA MED DO, ,LAS DANG PO BA DANG; SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,LEN PA'I SPANG BA STE LNGA PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED PA DES CHUNG MA LA SMRAS PA, BZANG MO KHO BO ZONG THOGS TE YUL GZHAN DU 'GRO'O, ,RJE'I SRAS RE ZHIG GZHON PA'I GNAS SKABS SU ROL PA DANG, DGYES PA DANG, DGYES MGUR SPYOD PA MDZOD LA, BGRES PA'I GNAS SKABS SU NOR SGRUB PAR MDZOD CIG ,BZANG MO JI TZAM DU GZHON PA'I 'BYUNG BA CHEN PO DAG NI GRANG BA DANG, DRO BA BZOD PA YIN PAS JE NOR BSGRUB PAR BYA ZHING, RGAS PA'I GNAS SKABS SU BDE BA SPYAD CING 'DUG PAR BYA'O, ,CHUNG MAS BSAMS PA, BDAG GIS BSKUL BAR BYA BA GANG YIN PA DE RANG NYID BYED DO SNYAM NAS SMRAS PA, RJE'I SRAS DE LTAR MDZOD CIG ,KHYIM BDAG DES CHUNG MA DE LA KHA ZAS TZAM BYIN NAS ZONG KHYER TE YUL GZHAN DU SONG NGO, ,DE'I CHUNG MA DES BSAMS PA, BDAG GI KHYIM THAB GRANG BA NA GRANG BAS SBREBS BZHIN PA DANG, TSA BA NA TSA BAS GDUNGS BZHIN PA DANG, BKRES PA DANG, SKOM PAS GNOD BZHIN PA DANG, SHA SBRANG DANG, SBRANG BU DANG, RLUNG DANG, NYI MA DANG, SDIG SBRUL GYI REG PA DAG GIS NYEN @103A *, ,BZHIN DU LONGS SPYOD DAG MNGON PAR BSGRUB PA'I PHYIR SPRO BAR BYED, 'BAD PAR BYED, RTZOL BAR BYED PA GANG YIN PA DE DAG THAMS CAD BDAG GI PHYIR BYA'O SNYAM PA YIN PAS BDAG LAS MED PAR 'DUG PA NI BDAG GI TSUL DANG MTHUN PA MA YIN NO SNYAM NAS, DES TSONG DUS SU SONG STE RAS BAL BZANG PO BLANGS NAS DOG PA BZANG PO BKAL TE, THA GA PA MKHAS PA LA RAS ZUNG BZANG PO 'THAG TU BCUG NAS, DES RAS DE SPOS SNA TSOGS KYIS BSGOS TE GOS KYI ZA MA TOG TU BCUG STE BZHAG GO, ,KHYIM BDAG DES KYANG DON LEGS PAR GRUB NAS KHE SPOGS RNYED DE LEGS PAR 'ONGS NAS CHUNG MA DES KHYIM BDAG DE KHRUS BYAS NAS DE LA RAS ZUNG DE PHUL LO, ,KHYIM BDAG DES BSAMS PA, BDAG GIS 'DI LA KHA ZAS TZAM BZHAG PA GANG YIN PA DE DAG THAMS CAD KYIS KYANG RAS ZUNG 'DI MI RNYED DO SNYAM DU RIG NAS CHUNG MA LA SMRAS PA, BZANG MO RAS ZUNG 'DI GA LAS RNYED, RJE'I SRAS JE GSOL CIG ,KHYIM BDAG DES DE GYON NAS YANG SMRAS PA, BZANG MO RAS ZUNG 'DI GA LAS RNYED, RJE'I SRAS JE BSHOS MNOBS SHIG ,DES ZAN ZOS NAS YANG DRIS PA, BZANG MO RAS ZUNG 'DI GA LAS RNYED, DES SKABS DE RGYAS PAR BRJOD PA DANG, KHYIM BDAG GIS SMRAS PA, BZANG MO LEGS SO, ,KHO BO NI SGRUB PA YIN LA, KHYOD KYANG 'DI LTAR SBED PA YIN NA, BDAG CAG GI LONGS SPYOD DAG RING PO MI THOGS PA KHO NAR 'PHEL ZHING RGYAS PA DANG, YANGS PAR 'GYUR RO, ,CHUNG MAS SMRAS PA, RJE'I SRAS 'DI NI BDAG GIS DKA' BAS BSGRUBS PA LAGS KYIS, KHYOD KYIS SU LA YANG MA STZOL CIG ,KHYIM BDAG DE DAD PA DANG LDAN PA, BZANG BA, DGE BA'I BSAM PA CAN YIN PAS DE BCOM LDAN 'DAS KYI ZHABS LA PHYAG 'TSAL DU RGYAL BYED KYI TSAL DU BYUNG STE 'GRO BA NA MI SGO BAS MTHONG NAS DES BSAMS PA, KHYIM BDAG 'DI RAS ZUNG 'DI LTA BU GYON PA LAS NA 'DIS NI RNYED PA MANG PO RNYED PA YIN NO SNYAM MO, ,DRUG SDE DAG GI KUN DU SPYOD PA NI DRUG SDE DAG LAS GANG YANG RUNG BAS RGYAL BYED KYI TSAL GYI SGO STONG PAR MI 'JOG PAS NYE DGA' RGYAL BYED KYI TSAL GYI SGO NA 'CHAG @103B CING 'DUG PA DES KHYIM BDAG DE MTHONG NAS BSAMS PA, KHYIM BDAG 'DI RAS ZUNG 'DI LTA BU GYON PA LAS NA 'DIS NI RNYED PA MANG PO RNYED PA YIN GYIS, GAL TE BDAG GIS 'DI MA PHROGS NA NYE DGA' ZHES BYA BA'I MING MI GZUNG NGO SNYAM NAS DES DE LA SMRAS PA, KHYIM BDAG 'ONGS BA LEGS SO, ,'ONGS BA LEGS SO, ,KHYOD YUN RING MO RING MO NAS ZLA BA BZHIN DU GA LAS 'KHOR 'KHOR, 'PHAGS PA BDAG ZONG THOGS TE YUL GZHAN DU MCHIS PAR GYUR TO, ,KHYIM BDAG KHYOD KYIS RNYED PA MANG PO GRUB BAM, 'PHAGS PA CUNG ZAD TZAM MO, ,KHYIM BDAG MTSE'U NI RNYOG MA CAN NAM, DAD PA'I RGYU MTHUN PAS RIG PAR BYA STE, KHYOD RAS ZUNG 'DI LTA BU GYON PA LAS NA KHYOD KYIS RNYED PA MANG PO GRUB PAR MNGON GYIS TSUR SHOG ,CHOS BSTAN PAR BYA'O, ,DRUG SDE DAG GI KUN TU SPYOD PA NI GAL TE TSUL KHRIMS KYI GTAM DAG BYED NA NYAN PA PO DAG BDAG CAG LHA RNAMS SU SKYES SO SNYAM DU SEMS LA, GAL TE SBYIN BA'I GTAM BYED NA NYAN PA PO DAG RANG GI SHA GANG YIN PA DE YANG BCAD CING BCAD CING SBYIN PAR BYA'O SNYAM DU SEMS SO, ,GAL TE NGAN SONG GI GTAM DAG BYED NA NYAN PA PO DAG BDAG CAG NGAN SONG RNAMS SU SKYES SO SNYAM DU SEMS PAR 'GYUR BA YIN NO, ,KHYIM BDAG DES NYE DGA'I RKANG PA GNYIS LA PHYAG 'TSAL TE CHOS MNYAN PA'I PHYIR MDUN DU 'DUG PA DANG, NYE DGA'SA DE LA CHOS BSTAN PAR BRTZAMS NAS, DES DE LA CI NAS KYANG DE'I SEMS DAD PAR 'GYUR BA DE LTAR CHOS KYI GTAM BYAS SO, ,DE DAD PAR GYUR NAS SMRAS PA, BDAG GIS 'PHAGS PA LA LEGS PAR GSUNGS PA'I NA BZA' PHRUGS GCIG 'BUL LO, ,BZHIN BZANGS AA ROG GYA, SBYIN PA 'DIS KHYOD SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG DANG, LHA RNAMS KYI GOS DAG THOB PAR GYUR CIG ,BZHIN BZANGS BCOM LDAN 'DAS KYIS KYANG 'DI SKAD CES, SANG DAG 'CHI YANG SU SHES KYIS, ,DE RING NYID DU BRTUL TE BYA, ,'CHI BDAG SDE CHEN DE DANG NI, ,KHYED CAG BSHES PA MA YIN NO, ,ZHES GSUNGS KYIS, BZHIN BZANGS KHYOD KYIS RAS ZUNG @104A *, ,BZANG PO GYON PA 'DI NYID KHO BO LA BYIN CIG DANG, KHO BOS 'DI LAS SNAM SBYAR NYI RIM BYAS TE SEMS LAS CHUNG NGUS DGE BA'I PHYOGS LA BDE BAR TRON BYA'O, ,'PHAGS PA KHYOD 'DI BZHED DAM, LHA'I GNAS KYI LHAG MA JI LTA BA BZHIN DU'O, ,'PHAGS PA BDAG KHYOD LA MI 'BUL BA NI MA LAGS NA, 'DI LTAR 'DI NI MCHIS BRANG GIS BDAG LA STZAL BA LAGS SO, ,KHYIM BDAG KHO BOS KHYOD GZHAN LA DAD PAR BYAS NA KHYOD KO BUD MED KHO NA'I DBANG YIN NAM, ZHES NYE DGA'SA DANG NA DUS KYI PHYED KYIS DE'I BLA GOS BLANGS NAS DE LAG PA GNYIS 'DRIL BAR BYED, BZHIN SGYUR BAR BYED DO, ,KHYIM BDAG GIS DE LA SMRAS PA, 'PHAGS PA 'DI CI'I THA TSIG KHYIM BDAG 'DI NI KHYOD LA YONGS SU BTANG BA LAS BYUNG BA'I BSOD NAMS BYA BA'I GZHI NI YOD NA YONGS SU LONGS SPYOD PA LAS BYUNG BA'I BSOD NAMS BYA BA'I GZHI NI MED DE, NAM ZHIG NA 'DI DANG 'DRA BA RNYED NA 'DI LAS CHOS GOS BYED PAR 'GYUR BAS 'DI CHOS GOS KYI GDANG KHO NA LA ZAD PAR 'GYUR RO, ,'PHAGS PA CI BDAG SGREN MOR MCHI BAR BGYI 'AM, KHYIM BDAG KHYOD LA GOS GYON PAS CI ZHIG BYA, TSUL KHRIMS DANG, RIGS DANG; SPYOD PA GYON PAS CHOG MOD, GCER BU LA NGO TSA SHES PA DANG, KHREL YOD PA NYAMS PA DE DAG NI SGREN MOR 'GRO NA MI SDUG PA YIN GYI KHYOD LTA BU NGO TSA SHES PA DANG, KHREL YOD PA DANG LDAN PA LA SGREN MOR 'GRO BA MI SDUG PA CI YOD, KHYIM BDAG KHYOD DOR THUNG MI GYON NAM; 'PHAGS PA 'TSAL LO, ,KHYIM BDAG KHYIM BDAG RNAMS KYI KUN DU SPYOD PA NI DOR THUNG GYON TE SHING TSAL THOGS NAS, BA LANG GI PHYI BZHIN 'GRO BA YIN PAS KHYOD KYANG SHING TSAL THOGS LA, BA LANG GI PHYI BZHIN SONG SHIG DANG, SKYE BO DAG GIS BA LANG SUR 'GRO BA PHYIR BYUNG BA ZHIG YIN PAR SHES PAR 'GYUR RO, ,ZHES NYE DGA'SA DANG NA DUS KYI PHYED KYIS DE'I SMAD GA-YOGS KYANG BLANGS SO, ,KHYIM BDAG DE SHING TSAL PA THOGS TE BA LANG GI PHYI BZHIN ZHUGS PA DANG, MI SGO BAS MTHONG NAS SMRAS PA, KHYIM BDAG KHO BOS DA CI KHO NA KHYOD CHEN @104B PO LA 'OS PA'I RAS ZUNG GYON PAR MTHONG NA, CI DE DAG CHOM RKUN PA DAG GIS BCOM MAM, BZHIN BZANGS KHO BO CHOM RKUN PA DAG GIS NI MA BCOM MOD KYI, 'DI LTAR BTZUN PA NYE DGA'SA KHA'I CHOS KYIS BCOM MO, ,KHYIM BDAG MGON MED ZAS SBYIN GYI KUN DU SPYOD PA NI NANG PAR NANG PAR SNGAR LANGS TE 'KHOR LNGA BRGYA DANG LHAN CIG BCOM LDAN 'DAS DANG, DGE SLONG GNAS BRTAN GNAS BRTAN RNAMS KYI ZHABS LA PHYAG 'TSAL DU 'GRO BA YIN PAS KHYIM BDAG MGON MED ZAS SBYIN NANG PAR SNGAR LANGS TE 'KHOR LNGA BRGYA DANG LHAN CIG MNYAN YOD NAS BYUNG STE 'GRO BA MI SGO BAS MTHONG NAS DES SMRAS PA, KHYIM BDAG KHYOD KYIS DON MTHUN MANG DU KHRID DE 'ONGS KYIS CI NAS KYANG MI CHOMS PAR BAG GYIS SHIG ,KYE NANG RJE RGYAL BYED KYI TSAL DANG LAM GYI BAR NA CHOM RKUN PA DAG 'KHOD DAM CI, LAM GYI BAR NA MA YIN GYI RGYAL BYED KYI TSAL NYID NA 'KHOD DO, ,KYE NANG RJE KHYOD NI BAL GYI RIGS NAG PO DANG 'DRA STE, SGO 'DI NAS BCOM LDAN 'DAS DANG, DGE SLONG GNAS BRTAN GNAS BRTAN DAG GSHEGS BA GANG GIS KYANG KHYOD DKAR POR MDZAD MA SPYOD DO, ,BCOM LDAN 'DAS DANG DGE SLONG GNAS BRTAN GNAS BRTAN RNAMS KYI ZHABS KYI RDUL NI BDAG GIS MGOS BLANG BA YIN NA, KHAR TZANG GI NYIN MO KHYIM BDAG CIG CHEN PO LA 'OS PA'I RAS ZUNG GYON TE BYUNG BA DE'I RAS DE NYE DGA'SA KHA'I CHOS KYIS PHROGS NAS KHYIM BDAG DE SMOD CING DOR THUNG GIS ZHUGS PAR GYUR TO, ,DE NAS KHYIM BDAG MGON MED ZAS SBYIN 'DI SNYAM DU SEMS TE, DE NI BDAG GI BYA BA YIN NO SNYAM NAS RGYAL BYED KYI TSAL DU SONG BA DANG, NYE DGA'SA MTHONG NAS SMRAS PA, KHYIM BDAG AA ROG GYA, KHYIM BDAG GIS SMRAS PA, AA ROG MI GYA YANG RUNG NGO, ,KHYIM BDAG KHYOD KHO BO LA SNGAN CHAD DU BA 'THUL NA DA CI ME KHO NAR 'BAR RO, ,KHO BO MER MI 'BAR DU JI LTAR RUNG, GZHAN DAG RAB TU BYUNG BA NI 'DOD PA SPANGS PA'I PHYIR YIN NA BTZUN PA NYE DGA' NI 'DOD PA MNGON PAR SPEL BA'I PHYIR KHO NAR YIN NO, ,KHO BOS CI BYAS, KHYOD KYIS KHYIM BDAG CIG RGYAL BYED KYI TSAL LTAR 'ONGS PA DE'I RAS ZUNG DANG NA DUS KYI PHROGS @105A *, ,NAS KHYIM BDAG DE SMOD PAR MI BYED DAM, NYE DGA'SA SMRAS PA, DE NI 'JIG RTEN NA LHA NI SBYIN PAR BYED LA YI DAGS NI ZLOG PAR BYED DO ZHES ZER BA YIN NO, ,CI DES KHYOD LA RIL BA BHRiNG GA RA THOGS TE PHUL LAM, KHYIM BDAG GAL TE MI BZOD NA BSLAB PA'I GZHI 'CHAR CHUG SHIG ,CI KHO BOS DE YAL BAR BOR DU RE'AM, DE NAS KHYIM BDAG MGON MED ZAS SBYIN BCOM LDAN 'DAS GA LA BA DER SONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS BCOM LDAN 'DAS LA KHYIM BDAG MGON MED ZAS SBYIN GYIS 'DI SKAD CES GSOL TO, ,BTZUN PA 'PHAGS PA 'DI DAG KHYIM BDAG GAM KHYIM BDAG GI MCHIS BRANG NYE DU MA LAGS PA LAS GOS SLONG BAR BGYID NA, KYE MA BCOM LDAN 'DAS KYIS GANG GIS 'PHAGS PA DAG KHYIM BDAG GAM, KHYIM BDAG GI MCHIS BRANG NYE DU MA LAGS PA LAS GOS SLONG BAR MI 'GYUR BAR 'PHAGS PA RNAMS LA DRAN PAR BGYI BA CUNG ZHIG BCA' BAR MDZAD PA'I RIGS SO, ,BCOM LDAN 'DAS KYIS KHYIM BDAG MGON MED ZAS SBYIN LA CANG MI GSUNG BAS GNANG NGO, ,DE NAS KHYIM BDAG MGON MED ZAS SBYIN GYIS BCOM LDAN 'DAS KYIS CANG MI GSUNG BAS GNANG BAR RIG NAS STAN LAS LANGS TE, BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS NYE DGA' LA RMAS PA, NYE DGA' KHYOD KYIS KHYIM BDAG GAM, KHYIM BDAG GI CHUNG MA NYE DU MA YIN PA LAS GOS BSLANGS PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN @105B PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG KHYIM BDAG GAM KHYIM BDAG GI CHUNG MA NYE DU MA YIN PA'I GAN DU SONG STE GOS SLONG NA SPANG BA'I LTUNG BYED DO ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI DE LTAR BCA' BAR MDZAD DO,, ,,'DUL BA RNAM PAR 'BYED PA, BAM PO SUM BCU PA, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,GRONG PHRENG BCAN PA'I DGE SLONG BZHI BCU DON MTHUN PA DANG LHAN CIG LJONGS RGYU ZHING 'DONG BA NA CHOM RKUN PA DAG GIS BCOM NAS DE DAG 'DI SNYAM DU SEMS TE, BCOM LDAN 'DAS KYIS YANG DGE SLONG GANG KHYIM BDAG GAM KHYIM BDAG GI CHUNG MA NYE DU MA YIN PA'I GAN DU SONG STE GOS SLONG NA SPANG BA'I LTUNG BYED DO, ,ZHES BSLAB PA'I GZHI BCA' BAR MDZAD PAS 'DI NA BDAG CAG LA NYE DU 'GA' YANG MED KYI BDAG CAG MNYAN YOD DU SONG NA DER BDAG CAG LA TSANGS PA MTSUNGS PAR SPYOD PA RNAMS KYIS GOS DAG GIS BGO BSHA' BYED PAR 'GYUR RO SNYAM NAS, DE DAG GIS SMRAS PA, CI BDAG CAG SGREN MOR 'DONG BAR BYA'AM, MTSAN MO 'GEBS PAS 'DONG BAR BYA ZHING NYIN MO TSANG TSING GI NANG DU ZHUGS TE 'KHOD LA MTSAN MO LAM DU 'JUG PAR BYA'O ZHES DE DAG MTSAN MO 'GEBS PAS RGYAL BYED KYI TSAL DU DONG BA DANG, DGE SLONG NAM GYI CHA STOD DANG NAM GYI CHA SMAD LA MI NYAL BAR SBYOR BA'I RJES SU BRTZON PA DAG GIS DE DAG MTHONG NAS SMRAS PA, GCER BU SGRE BYI DAG 'DI KHYED KYI 'DUG GNAS KYANG MA YIN, GTZUG LAG KHANG YANG MA YIN NA KHYED GA LAS 'ONGS, TSE DANG LDAN PA DAG BDAG CAG NI GCER BU PA MA YIN NO, ,'O NA @106A *, ,KHYED CAG SU YIN DGE SLONG DAG GO DGE SLONG 'DI LTA BU YOD DAM, GANG DAG CHOM RKUN PA DAG GIS BCOM PA DAG CI 'DRA BA YIN KHYED CAG MING CI GRONG PHRENG BA CAN DE'I DGE SLONG BZHI BCU'O, ,TSE DANG LDAN PA DAG 'ONGS PA LEGS SO 'ONGS PA LEGS SO ZHES DE DAG GIS DE DAG LA LA LAS NI SNAM SBYAR BYIN LA LAS NI BLA GOS BYIN LA LAS NI MTHANG GOS BYIN, LA LAS NI RDUL GZAN BYIN PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA DUS MA GTOGS TE, DE LA DUS NI 'DI YIN TE, DGE SLONG GOS PHROGS SAM, GOS RLAG GAM, GOS TSIG GAM, GOS RLUNG GIS KHYER RAM, GOS CHUS KHYER NA DE LA DE NI DUS YIN NO, ,DE NAS BCOM LDAN 'DAS KYIS BSLAB PA 'DOD PA DANG, BSLAB PA LA GUS PA DANG, BSLAB PA LA YO BYAD BSNYUNGS PA'I BSNGAGS PA BRJOD NAS, DGE SLONG RNAMS LA YANG DE DANG MTHUN PA DANG, DE'I SHAS CHE BA DANG DE DANG LDAN PA'I CHOS DANG MTHUN PA'I BKA' MCHID MDZAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA, 'DI NI GNANG BA YIN TE, NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG KHYIM BDAG GAM KHYIM BDAG GI CHUNG MA NYE DU MA YIN PA'I GAN DU SONG STE GOS SLONG NA DUS MA GTOGS TE SPANG BA'I LTUNG BYED DO, ,DE LA DUS NI 'DI YIN TE, DGE SLONG GOS PHROGS SAM, GOS RLAG GAM, GOS TSIG GAM, GOS RLUNG GIS KHYER RAM, GOS CHUS KHYER NA DE LA DE NI DUS YIN NO, ,YANG DGE SLONG GANG ZHES BYA BA NI NYE DGA' 'AM GZHAN YANG DE LTA BU GANG YIN PA'O, ,KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PA'I ZHES BYA BA NI PHYI MO DANG, MES PO DANG, PHRUGS KYI BDUN PA TSUN CHAD NI NYE DU YIN LA, DE PHAN CAN NI NYE DU MA YIN NO, ,GAN DU SONG STE ZHES BYA BA NI DRUNG DU SONG STE'O, ,GOS ZHES BYA BA NI BDUN PO BAL GOS DANG, SHA NA'I @106B GOS DANG, ZAR MA'I GOS DANG, RAS BAL GYI GOS DANG, DU GU LA'I GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,SLONG NA ZHES BYA BA NI SLONG MO BYED NA'O, ,DUS MA GTOGS TE ZHES BYA BA NI DUS BZHAG STE'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA'O, ,DE LA DUS NI 'DI YIN TE, DGE SLONG GOS PHROGS SAM, ZHES BYA BA NI 'DI LTA STE, DGE SLONG GI GOS DAG CHOM RKUN PA DAG GAM, GA-YON CAN DAG GIS PHROGS PAR GYUR PA'O, ,GOS RLAG GAM ZHES BYA BA NI 'DI LTA STE, DGE SLONG GI GOS DAG RLAG PAR GYUR PA'AM, 'KHYAMS PAR GYUR PA'O, ,GOS TSIG GAM ZHES BYA BA NI 'DI LTA STE, DGE SLONG GI GOS DAG MES TSIG PAR GYUR PA'O, ,GOS RLUNG GIS KHYER RAM ZHES BYA BA NI 'DI LTA STE, DGE SLONG GI GOS DAG RLUNG GIS KHYER BAR GYUR PA'O, ,GOS CHUS KHYER NA ZHES BYA BA NI 'DI LTA STE, DGE SLONG GI GOS DAG CHUS KHYER BAR GYUR PA'O, ,DE LA LTUNG BAR JI LTAR 'GYUR ZHE NA, RIN THANG DANG, KHA DOG DANG, KHRU TSAD LAS TE, JI LTAR RIN THANG LAS ZHE NA, DGE SLONG GI GOS K'AR sh'A PA nA LNGA RI BA SLONG BAR BYED CING, DES K'AR sh'A PA nA LNGA RI BA'I GOS THOB NA DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,K'AR sh'A PA nA LNGA RI BA JI LTA BA DE BZHIN DU K'AR sh'A PA nA BCU RI BA DANG, K'AR sh'A PA nA BCVA LNGA RI BA DANG, K'AR sh'A PA nA NYID SHU RI PA DANG, K'AR sh'A PA nA LNGA BCU RI BA'I BAR GYI GOS SLONG BAR BYED CING, DES K'AR sh'A PA nA LNGA BCU RI BA'I GOS THOB NA DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,DGE SLONG GIS K'AR sh'A PA nA LNGA RI BA'I GOS SLONG BAR BYED CING LHAG PA THOB NA DE SLONG BA LA NYES BYAS SU 'GYUR LA, LHAG PA THOB NA LTUNG BA MED DO, ,K'AR sh'A PA nA LNGA RI BA JI LTA BA DE BZHIN DU K'ARsh'A PA nA BCU RI BA DANG, K'AR sh'A PA nA BCVA LNGA RI BA DANG, K'AR sh'A PA nA NYI SHU RI BA DANG, K'AR sh'A PA nA LNGA BCU'I BAR RI BA'I GOS SLONG ZHING LHAG PA THOB NA DE SLONG BA LA NYES BYAS SU 'GYUR LA, LHAG @107A *, ,PA THOB NA LTUNG BA MED DO, ,DE LTAR RIN THANG LAS SO, ,JI LTAR KHA DOG LAS ZHE NA, DGE SLONG GIS GOS SNGON PO SLONG BAR BYED CING DES GOS SNGON PO THOB NA DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGON PO JI LTA BA DE BZHIN DU SER PO DANG, DMAR PO DANG, GOS STUG PO DANG, SRAB MO SLONG BAR BYED CING, DES SRAB MO THOB NA SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,DGE SLONG GIS GOS SNGON PO SLONG BAR BYED PA NA SER PO THOB NA, SNGON PO SLONG BA DE LA NYES BYAS SU 'GYUR LA, SER PO THOB PA LA LTUNG BA MED DO, ,SNGON PO SLONG BA LA JI LTA BA DE BZHIN DU SER PO DANG, DMAR PO DANG, STUG PO DANG, SRAB MO SLONG BA NA STUG PO THOB NA, SRAB MO SLONG BA DE LA NYES BYAS SU 'GYUR LA, GONG MA THOB PA LA LTUNG BA MED DE, DE LTAR KHA DOG LAS SO; ,JI LTAR KHRU TSAD LAS ZHE NA, DGE SLONG GIS GOS KHRU LNGA PA SLONG BAR BYED CING, DES GOS KHRU LNGA PA THOB NA, DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,KHRU LNGA PA JI LTA BA DE BZHIN DU KHRU BCU PA DANG, KHRU BCVA LNGA PA DANG, KHRU NYI SHU PA DANG, KHRU LNGA BCU PA'I BAR GYI GOS SLONG BAR BYED CING, GOS KHRU LNGA BCU PA THOB NA, DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,DGE SLONG GIS GOS KHRU LNGA PA SLONG BA NA LHAG PA THOB NA, KHRU LNGA PA SLONG BA DE LA NYES BYAS SU 'GYUR LA, LHAG PA THOB PA LA LTUNG BA MED DO, ,KHRU LNGA PA JI LTA BA DE BZHIN DU KHRU BCU PA DANG, KHRU BCVA LNGA PA DANG, KHRU NYI SHU PA DANG, KHRU LNGA BCU PA'I BAR GYI GOS SLONG BAR BYED CING, DES GOS KHRU LNGA BCU PA SLONG BAR BYED PA NA LHAG PA THOB NA GOS KHRU LNGA BCU PA SLONG BAR BYED PA DE LA NYES BYAS SU 'GYUR LA, LHAG PA THOB PA LA LTUNG BA MED DE, DE LTAR KHRU TSAD LAS SO, ,RAS MA SLONG BA NA KHA TSAR THOB PA DANG, KHA TSAR SLONG BA NA RAS MA THOB PA DANG, RAS MA SLONG BA NA RAS YUG CHEN DANG, RAS YUG PHRAN THOB PA LA LTUNG BA MED DO, ,LAS DANG PO PA @107B DANG; SMYOS PA DANG, SEMS 'KHRUGS PA DANG, TSOR BDAG GIS NYEN PA LA LTUNG BA MED DO, ,SLONG BA'I SPANG BA STE DRUG PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, , NYE DGA' LA BLO SKYES PA, 'DI DAG THAMS CAD KHYIM BDAG MGON MED ZAS SBYIN GYIS BSLAB PA'I GZHI DAG GIS BSDAMS PAS PHYIN CAD GANG NAS KYANG BCA' BA'I RIN TZAM YANG BSLANG BAR MI NUS NA, 'DI LTAR BCOM LDAN 'DAS KYIS GRONG PHRENG BA CAN PA'I DGE SLONG BZHI BCU LA BRTEN NAS BSLAB PA'I GZHI BAG YONGS ? SU MDZAD PA YOD PAS BDAG GIS GRONG PHRENG BA CAN PA'I DGE SLONG BZHI BCU PO DAG SNGON DU BTANG STE RNYED PA BSGRUB PAR BYA'O SNYAM NAS, DE GRONG PHRENG BA CAN PA'I DGE SLONG BZHI BCU PO DAG GA LA BA DER SONG BA DANG, JI TZAM NA GRONG PHRENG BA CAN PA'I DGE SLONG BZHI BCU PO DAG RNYAD RNYID DAG 'TSEM ZHING 'KHOD PA MTHONG NAS, DES DE DAG LA SMRAS PA, TSE DANG LDAN PA DAG BDAG GIS GZHAN THOS LA GZHAN MTHONG STE, BDAG KO GRONG PHRENG BA CAN PA'I DGE SLONG BZHI BCU PO DAG BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I BDE BA DAG NYAMS SU MYONG BAR BYED CING 'DUG PAR SEMS KYI, BDAG TSE DANG LDAN PA DAG 'DI LTAR RNYAD RNYING DAG 'TSEM ZHING 'KHOD PAR NI MI SEMS SO, ,GNAS BRTAN BDAG CAG CHOM RKUN PA DAG GIS BCOM MO, ,KYE MA MA LEGS SO, , MA LEGS SO, ,GNAS BRTAN SU'I MYA NGAN BYED, CI KHO BO CAG GI'AM, MA YIN TE GANG DAG GIS KHYED CAG BCOM PA'I MA BYIN PAR LEN PA DE DAG SGREN MO KHO NAR SKYE BAR 'GYUR ZHING, SGREN MO KHO NAR DUS BYED PAR 'GYUR BAS DE DAG GI MYA NGAN BYED DO, ,TSE DANG LDAN PA DAG KHYED CI'I PHYIR GOS DAG MI SLONG, GNAS BRTAN SU ZHIG SANGS RGYAS DANG, CHOS DANG, DGE 'DUN SPANGS TE KHO BO CAG LA SBYIN PA DANG BYA BAR SEMS PAR 'GYUR, TSE DANG LDAN PA DAG KHYED CAG BCOM LDAN 'DAS KYIS MDO SDE'I MTHA' DE DANG DE DAG TU NGES PAR BSTOD PA DANG, BKUR BA DANG, @108A *, ,BSNGAGS PA DANG, RAB TU BSNGAGS PA DAG MA YIN NAM, GNAS BRTAN KHO BO CAG GIS SU LA BSLANG BA YANG MI SHES SO, ,TSE DANG LDAN PA DAG DGE SLONG RAB TU SHES PA GANG GIS KHYED CAG GIS GOS DAG SLONG BAR 'GYUR BA 'GA' ZHIG LA CI'I PHYIR MI BCOL, GNAS BRTAN DGE SLONG RAB TU SHES PA SU ZHIG BDAG NYID KYI DGE BA'I PHYOGS YONGS SU NYAMS PAR BYAS TE, KHO BO CAG GI DON DU GOS DAG SLONG BAR 'GYUR, TSE DANG LDAN PA DAG RE ZHIG KHO BO BDAG NYID DANG BCU PA LA YANG THABS YOD LA, GZHAN YANG KHO BO CAG MI DRUG RE RE YANG BDAG NYID DANG BCU PA YIN PAS KHO BO CAG MI DRUG BCU LA YANG THABS YOD DO, ,GZHAN YANG GAL TE KHYED CAG LA MI GNOD NA KHO BO CAG KYANG GZHON NU DAG GI DON DU RAS YUG PHRAN DANG, RAS YUG CHEN SLONG BAR BYED DO, ,GNAS BRTAN DE LA KHO BO CAG LA GNOD PA CI YOD, RE ZHIG RE RES KYANG CHOS GOS GSUM GSUM SLONG LA RAG GO, ,TSE DANG LDAN PA DAG KHO BO CAG GIS BSONG SNYOMS LA RGYU BA DANG, GOS DAG BSLANG BA GNYIS KA MI NUS KYIS, 'DI LTAR GANG GI TSE PHYI ROL DU ZAS LA BOS PA DE'I TSE BSLANG BAR BYA'O ZHES NYE DGA' DE GTZUG LAG KHANG GI PHYI ROL DU RKANG PA BKRUS NAS GTZUG LAG KHANG GI NANG DU ZHUGS TE 'DUG NAS NGES BSAMS PA, THABS CI ZHIG BYAS NA DES MNYAN YOD THAMS CAD CHUB PAR 'GYUR SNYAM NAS DES YANG BSAMS PA, JE DANG PO KHO NAR DBUL PO'I SRANG DU 'GRO BAR BYA ZHING DE'I 'OG TU PHYUG PO'I SRANG DU 'GRO BAR BYA, DE'I 'OG TU KOS LAR BYUNG BA'I RGYAL PO GSAL RGYAL GYI PHO BRANG DANG BTZUN MO RGYAL RIGS DBYAR TSUL MA'I KHYIM DANG, BTZUN MO PHRENG LDAN MA'I KHYIM DANG, KHYIM BDAG MGON MED ZAS SBYIN GYI KHYIM DANG, BLA MKHYEN DRANG SRONG BYIN DANG, RNYING PA GNYIS KYI KHYIM DANG, DGE BSNYEN MA RI DAGS 'DZIN GYI MAS GA'I KHYIM DANG, DGE BSNYEN MA KHYIM BDAG GI CHUNG MA LEGS SKYES KYI KHYIM DAG TU 'GRO BAR BYA'O SNYAM MO, ,DE'I TSE NA KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SBYAN DRANGS NAS NYE DGA'AS GZHON NU RNAMS LA SMRAS PA, TSE DANG LDAN PA DAG GAL TE @108B KHYED CAG LA LAS SU BSGO BA DAG 'ONG BAR GYUR NA, KHYED CAG GIS MI GNOD PAR 'DI SKAD CES BDAG CAG LA MKHAN PO DANG, SLOB DPON DAG GI BYA BA CUNG ZHIG YOD DO ZHES BRJOD PAR BYA'O, ,NYE DGA'AS PHYI DE NYIN PAR GZHON NU ZHIG GRONG PHRENG BA CAN PA'I DGE SLONG BZHI BCU PO DAG GI GAN DU BTANG STE CHOS GOS DAG BSLANG GIS TSUR SHEG SHIG CES SPRING NGO, ,GZHON NU DE DER SONG BA DANG, JI TZAM NA DE DAG SNYOMS PAR ZHUGS PA MTHONG NAS DES BSAMS PA, SNYING RJE MED PA'I SNYING DANG LDAN PA 'JIG RTEN PHA ROL BTANG BSU ZHIG 'DI DAG TING NGE 'DZIN LAS SLONG BAR 'GYUR SNYAM NAS DE NYE DGA'I GAN DU SONG STE SMRAS PA, SLOB DPON DE DAG SNYOMS PAR ZHUGS SHING MCHIS PAS SUS KYANG DE DAG TING NGE 'DZIN DE LAS SLONG BAR MI NUS SO, ,NYE DGA'AS SMRAS PA, BKREN PA KHYOD BRTZON 'GRUS 'DI LTA BUS ZAG PA ZAD PA MNGON SUM DU BYED PAR 'GYUR RAM, NYE DGA' RANG NYID 'GRO'O ZHES DE SONG NAS DPONG SA'I KHANG PAR SGO GLEGS LA RTING BAS BRDABS PA DANG, DPONG SA'I KHANG PA THAMS CAD 'GUL NAS DE DAG TING NGE 'DZIN DE LAS LANGS NAS SMRAS PA, TSE DANG LDAN PA DGE SLONG BZHI BCU PO DAG CHOS GOS GSUM BSLANG BAR BYA NA, KHYED CAG SNYING LAS CHUNG NGUR 'KHOD DAM, TSUR SHEG 'DONG NGO, ,GNAS BRTAN JE SO SHING BOR NAS 'DONG NGO, ,TSUR SHEG LAM KA NYID DU 'OR CIG ,DE DAG 'PHAGS PA DANG NYE DGA'AS SMRAS PA, TSE DANG LDAN PA DAG KHO BO CAG DRUG SDE DAG NI BYA ROG DKAR PO DANG 'DRA BAS KHO BO CAG GIS RGAN RIMS BZHIN DU 'KHOD PAR MI BYA BAR BAR DU RGAN PA DAG GIS 'KHOD PAR BYA'O, ,DE DAG DBUL PO'I SRANG DU DONG NAS NGAR KHA BYAS TE BSDAD PA DANG, DE DAG GIS DE DAG MTHONG NAS NYAM NGA BAR GYUR TE SMRAS PA, 'PHAGS PA DAG NYES DMIGS 'GA' ZHIG MA BYUNG NGAM, BZHIN BZANGS DAG NYES DMIGS BYUNG NGO, ,CI NONGS KHYOD KYIS GRONG PHRENG BA CAN PA'I DGE SLONG BZHI BCU PO GANG DAG BCOM LDAN 'DAS KYIS MDO SDE'I MTHA' DE DANG DE DAG TU BSTOD PA, BKUR BA, BSNGAGS PA, RAB TU BSNGAGS PA DE DAG THOS SAM, @109A *, ,THOS SO, ,DE DAG CHOM RKUN PA DAG GIS BCOM MO, ,DE DAG GIS SMRAS PA, SHES LDAN DAG MDA' GZHU LONG SHIG ,PHUB DANG, DBYUG PA DAG LONG SHIG ,CHOM RKUN PA DAG 'DZIN DU 'DONG NGO, ,DRUG SDE DAG GIS SMRAS PA, DE DAG BCOM NAS YUN RING DU LON ZHING YUL 'KHOR GZHAN DU BCOM PAR GYUR TO, ,'O NA JI LTAR BGYI, DE DAG LA GOS DAG BYIN CIG ,DE DAG GIS DE DAG LA GOS SAR PA DANG RNYING PA DAG BYIN NO, ,DE DAG GIS GOS DE DAG KHUR DU DRAGS TE GZHON NU DAG LA GTAD NAS SMRAS PA, DENG LA 'DI DAG GTZUG LAG KHANG DU SKYOL CIG ,GZHON NU DAG GIS DE DAG KHYER TE GTZUG LAG KHANG DU DONG BA DANG, DE DAG PHYUG PO'I SRANG DU DONG NAS, DNGAR KHA BYAS TE BSDAD PA DANG, DE DAG NYAM NGA BAR GYUR TE SMRAS PA, 'PHAGS PA DAG NYES DMIGS 'GA' ZHIG MA BYUNG NGAM, NYES DMIGS BYUNG NGO, ,CI NONGS, KHYED KYIS GRONG PHRENG BA CAN PA'I DGE SLONG BZHI BCU PO GANG DAG BCOM LDAN 'DAS KYIS MDO SDE'I MTHA' DE DANG DE DAG TU BSTOD PA, BKUR BA, BSNGAGS PA, RAB TU BSNGAGS PA, DE DAG THOS SAM, THOS SO, ,DE DAG CHOM RKUN PA DAG GIS BCOM MO, , DE DAG GIS SMRAS PA, SHES LDAN DAG MDA' GZHU LONG SHIG ,PHUB DANG, DBYUG PA DAG LONG SHIG ,CHOM RKUN PA DAG 'DZIN DU 'DONG NGO, ,DRUG SDE DAG GIS SMRAS PA, DE DAG BCOM NAS YUN RING DU LON CING YUL 'KHOR GZHAN DU BCOM PAR GYUR TO, ,'O NA JI LTAR BGYI, DE DAG LA GOS DAG BYIN CIG ,DE DAG GIS DE DAG LA CHEN PO LA 'OS PA'I GOS DAG BYIN TO, ,DRUG SDE DAG GIS GOS DE DAG KHUR DU DRAGS TE GZHON NU DAG LA GTAD NAS SMRAS PA, DENG LA 'DI DAG GTZUG LAG KHANG DU SKYOL CIG ,DE DAG GIS GOS DE DAG KHYER TE GTZUG LAG KHANG DU DONG BA DANG, DE DAG KO SA LAR BYUNG BA'I RGYAL PO GSAL RGYAL GYI PHO BRANG DU DONG NAS DNGAR KHA BYAS TE BSDAD PA DANG, KO SA LAR BYUNG BA'I RGYAL PO GSAL RGYAL GYIS DE DAG MTHONG NAS, NYAM NGA BAR GYUR TE SMRAS PA, 'PHAGS PA DAG NYES DMIGS 'GA' ZHIG MA BYUNG NGAM, LHA @109B NYES DMIGS BYUNG NGO, ,CI NONGS, LHAS GRONG PHRENG BA CAN PA'I DGE SLONG BZHI BCU PO GANG DAG BCOM LDAN 'DAS KYIS MDO SDE'I MTHA' DE DANG DE DAG TU BSTOD PA, BKUR BA, BSNGAGS PA, RAB TU BSNGAGS PA DE DAG GSAN TAM, THOS SO, ,DE DAG CHOM RKUN PA DAG GIS BCOM MO, ,RGYAL POS DMAG DPON 'PHAGS SKYES BO LA BSGO BA, SONG LA MYUR DU CHOM RKUN PA DAG DANG, RKUN RDZAS DAG KHUG SHIG ,DRUG SDE DAG GIS SMRAS PA, LHA DE DAG NI BCOM NAS YUN RING DU LON CING YUL 'KHOR GZHAN DU BCOM PAR GYUR TO, ,'O NA JI LTAR BYA, LHA DE DAG LA GOS DAG STZOL CIG ,RGYAL POS DGE SLONG RE RE LA YO BYAD BCU GSUM BCU GSUM BYIN NO, ,DRUG SDE DAG GIS GOS DE DAG KHUR DU DRAGS TE GZHON NU RNAMS LA GTAD NAS SMRAS PA, DENG LA 'DI DAG GTZUG LAG KHANG DU SKYOL CIG ,DE DAG GIS GOS DE DAG KHYER TE GTZUG LAG KHANG DU DONG BA DANG, GRONG PHRENG BA CAN PA'I DGE SLONG BZHI BCU PO DAG GIS SMRAS PA, GNAS BRTAN DAG DA CHOG GIS THONG SHIG ,DRUG SDE DAG GIS SMRAS PA, TSE DANG LDAN PA DAG HA CANG BRTABS MA NGAS SHIG ,KHYED LA KHO BO CAG GIS DANG PO NYID NAS TSE DANG LDAN PA DAG GAL TE KHYED LA MI GNOD NA KHO BO CAG KYANG GZHON NU DAG GI DON DU RAS YUG PHRAN DANG, RAS YUG CHEN DAG SLONG NGO ZHES MA SMRAS SAM, DE DAG DGE SLONG DBANG CHE BAR GRAGS PAS BSGO BAS CANG MI SMRA BAR 'KHOD DO, ,DE DAG BTZUN MO RGYAL RIGS DBYAR TSUL MA'I KHYIM DANG, BTZUN MO PHRENG LDAN MA'I KHYIM DANG, KHYIM BDAG MGON MED ZAS SBYIN GYI KHYIM DANG, BLA MKHYEN DRANG SRONG BYIN DANG, RNYING PA GNYIS KYI KHYIM DANG, DGE BSNYEN MA RI DAGS 'DZIN GYI MA SA GA'I KHYIM DANG, DGE BSNYEN MA KHYIM BDAG GI CHUNG MA LEGS SKYES KYI KHYIM DU MTHAR GYIS DONG STE SNGAR BSTAN PA SKAD BRJOD PA DANG, DE DAG GIS KYANG DGE SLONG RE RE LA YO BYAD BCU GSUM BCU GSUM BYIN NO, ,DE NAS DRUG SDE DAG GIS SMRAS PA, TSE DANG LDAN PA DAG GAL TE DGE SLONG BRGYA GRAL DU MA BKOD NA GRAL STONGS PAR 'GYUR GYIS DENG LA GRAL DU BKOD CIG ,MA @110A *, ,NYES TE BDAG CAG KYANG BSOD SNYOMS BLANGS TE 'ONG NGO, ,DRUG SDE DAG GIS GTZUG LAG KHANG DU DONG STE RNYAD RNYING DAG LAS BZHI BCU PHUNG POR BYAS TE BZHAG GO, ,DGE SLONG BZHI BCU PO DAG ZAS KYI BYA BA BYAS TE 'ONGS PA DANG, DRUG STE DAG GIS LHAN CIG GNAS PA DANG, NYE GNAS DAG LA SMRAS PA, TSE DANG LDAN PA DAG TSUR SHEG DON NYUNG NGU DAG BOS SHIG ,DE DAG GIS DE DAG BOS PA DANG, DRUG STE DAG GIS SMRAS PA, TSE DANG LDAN PA DAG CI KHO BO CAG KHYED KYI GOS SRUNG BA YIN NAM, RANG GI GOS DAG LONG SHIG ,DGE SLONG BZHI BCU PO DAG GIS PHAN TSUN GDONG DU BLTA BAR BRTZAMS PA DANG, DRUG SDE DAG GIS SMRAS PA, TSE DANG LDAN PA DAG CI'I PHYIR PHAN TSUN GDONG DU LTA, GNAS BRTAN DAG THAMS CAD RNYAD RNYING SHA STAG YIN NO, ,TSE DANG LDAN PA DAG 'DI DAG MDUD PA 'OR CIG DANG SNAM SBYAR YIN NO, ,'DI DAG NI DRUBS SHIG DANG BLA GOS YIN NO, ,'DI DAG NI DRUBS SHIG DANG MTHANG GOS YIN NO, ,'DI DAG NI DRUBS SHIG DANG RDUL GZHAN YIN NO, ,GAL TE MI DGA' NA 'DONG DANG YANG BSLANG BAR BYA'O, ,KYE MA'O GNAS BRTAN DAG 'DI DAG NYID KYANG MA BSLANGS KYANG RUNG NGO, ,DE DAG GIS RNYAD RNYING DE DAG KHYER TE DGON PAR DONG NAS 'TSEM ZHING 'KHOD DO, ,THAMS CAD DU SGRA GRAGS PA, GRONG PHRENG BA CAN PA'I DGE SLONG BZHI BCU PO DAG RE RES KYANG YO BYAD BCU GSUM BDUN BDUN RNYED DO ZHES GRAGS SO, ,DE DAG DGE SLONG RNAMS KYIS MTHONG NAS SMRAS PA, TSE DANG LDAN PA DAG BDAG CAG GIS GZHAN THOS LA GZHAN MTHONG STE, BDAG CAG GIS GRONG PHRENG BA CAN PA'I DGE SLONG BZHI BCU PO DAG RE RES KYANG YO BYAD BCU GSUM BDUN BDUN RNYED DO ZHES THOS NA, TSE DANG LDAN PA DAG KO RNYAD RNYING DAG 'TSEM ZHING 'KHOD DO, ,DE DAG GIS SMRAS PA, KHYED CAG GIS LTA KHO BO CAG RANG RANG PHRAG PA DAG GIS KYANG KHYER ZHES KYANG THOS SO ZHES ZER BA'I SKABS DE DGE SLONG RNAMS LA BRJOD NAS DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, , @110B SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS GRONG PHRENG BA CAN PA'I DGE SLONG BZHI BCU PO DAG LA RMAS PA, DGE SLONG DAG KHYED LEN PA'I DROD MI SHES PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS MI BRTZON PA DANG, MI SBYOR BA DANG, MA BRTAGS PAR SPYOD PA RNAM PAR SMAD PA MDZAD DO, ,DE NAS BCOM LDAN 'DAS KYIS BRTZON PA DANG, SBYOR BA DANG, BRTAGS TE SPYOD PA'I BSNGAGS PA BRJOD NAS, DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GOS PHROGS SAM, GOS RLAG GAM, GOS TSIG GAM, GOS RLUNG GIS KHYER RAM, GOS CHUS KHYER NA KHYIM BDAG GAM, KHYIM BDAG GI CHUNG MA NYE DU MA YIN PA'I GAN DU SONG LA GOS BSLANG BAR BYA'O, ,GAL TE DE LA BRAM ZE'AM, KHYIM BDAG DAD PA CAN ZHIG GIS DUS KYIS GOS MANG PO STOBS PAR 'DOD NA DGE SLONG DES DE LAS GOS STOD GA-YOGS SMAD GA-YOGS DANG BCAS PA'I MTHAR THUG PAR BLANG BAR BYA'O, ,DE LAS LHAG PAR LEN NA SPANG BA'I LTUNG BYED DO, ,DGE SLONG ZHES BYA BA NI CHOS 'DI PA'O, ,GOS PHROGS SAM ZHES BYA BA NI 'DI LTA STE, DGE SLONG GI GOS DAG CHOM RKUN PA DAG GAM, GA-YON CAN DAG GIS PHROGS PAR GYUR PA'O, ,GOS RLAG GAM ZHES BYA BA NI 'DI LTA STE, DGE SLONG GI GOS DAG RLAG GAM 'KHYAMS PAR GYUR PA'O, ,GOS TSIG GAM ZHES BYA BA NI 'DI LTA STE, DGE SLONG GI GOS DAG MES TSIG PAR GYUR PA'O, ,GOS RLUNG GIS KHYER RAM ZHES BYA BA NI 'DI LTA STE, DGE SLONG GI GOS DAG RLUNG GIS KHYER BAR GYUR PA'O, ,GOS CHUS KHYER NA ZHES BYA BA NI 'DI LTA STE, DGE SLONG GI GOS DAG CHUS KHYER BAR GYUR PA'O, ,KHYIM BDAG CES BYA @111A *, ,PA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PA ZHES BYA BA NI PHYI MO DANG, MES PO DANG, PHRUGS KYI BDUN PA TSUN CHAD NYE DU YIN LA, DE PHAN CHAD NI NYE DU MA YIN NO, ,GAN DU SONG LA ZHES BYA BA NI GAN DU SONG STE'O, ,GOS ZHES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,BSLANG BAR BYA'O ZHES BYA BA NI SLONG MO BYA BA'O, ,'DOD NA ZHES BYA BA NI GAL TE DON DU GNYER NA'O, ,GOS STOD GA-YOGS SMAD GA-YOGS DANG BCAS PA'I MTHAR THUG PA BLANG BAR BYA'O ZHES BYA BA NI STOD GA-YOGS SMAD GA-YOGS DANG BCAS PA NI GNYIS TE, DGE SLONG GI STOD GA-YOGS SMAD GA-YOGS DANG BCAS PA DANG, KHYIM PA'I STOD GA-YOGS SMAD GA-YOGS DANG BCAS PA'O, ,DGE SLONG GI STOD GA-YOGS SMAD GA-YOGS DANG BCAS PA NI SAR PA LAS SNAM SBYAR NYI RIM DANG, RAS YUG PHRAN KHRU LNGA PA DANG DO PA'O, ,KHYIM PA'I STOD GA-YOGS SMAD GA-YOGS DANG BCAS PA NI RAS YUG CHEN KHRU BCU GNYIS PA DANG, RAS YUG PHRAN KHRU BDUN PA DANG DO PA'O, ,DE LAS LHAG PA LEN NA ZHES BYA BA NI DE LAS GONG MA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BA JI LTAR 'GYUR ZHE NA, DGE SLONG KHYIM PA'I STOD GA-YOGS SMAD GA-YOGS DANG BCAS PA SLONG BAS KHYIM PA'I STOD GA-YOGS SMAD GA-YOGS DANG BCAS PA THOB PA NA LHAG PA SLONG NA DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,DGE SLONG DGE SLONG GI STOD GA-YOGS SMAD GA-YOGS DANG BCAS PA SLONG BAS DGE SLONG GI STOD GA-YOGS SMAD GA-YOGS DANG BCAS PA THOB PA NA, LHAG PA SLONG NA DE SLONG BA LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,DGE SLONG KHYIM PA'I STOD GA-YOGS SMAD GA-YOGS DANG @111B BCAS PA SLONG BAS KHYIM PA'I STONG GA-YOGS SMAD GA-YOGS DANG BCAS PA THOB PA NA, GAL TE CHUNG NA YANG BSLANG BAR MI BYA LA, LHAG NA YANG SBYIN PAR MI BYA'O, ,DGE SLONG DGE SLONG GI STOD GA-YOGS SMAD GA-YOGS DANG BCAS PA SLONG BAS DGE SLONG GI STOD GA-YOGS SMAD GA-YOGS DANG BCAS PA THOB PA NA, GAL TE CHUNG NA BSLANG BAR BYA LA, LHAG NA YANG SBYIN PAR BYA'O, ,DE LTAR NA DGE SLONG GIS KHYIM PA'I STOD GA-YOGS DANG BCAS PA LAS LHAG PA SLONG BA DANG, DGE SLONG GI STOD GA-YOGS DANG BCAS PA LAS LHAG PAR SBYIN PAR MI BYED NA THAMS CAD DU SPANG BA'I LTUNG BYED DU 'GYUR RO, ,DGE SLONG GIS GOS SPANG BAR GYUR NA DE MA SPANGS SHING BRAL BAR MA BYAS LA, LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL PAR MA BYAS LA, LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA, LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA, DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA NI LTUNG BA MED DO, ,DE BZHIN DU DGE SLONG GIS JI TZAM DU SPANG BA'I DNGOS PO DE NYID KYIS MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA NYE BAR 'JOG PAR BYED NA DE YANG SNGA MA'I RGYUD KYIS SPANG BAR 'GYUR RO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, , SLONG BAR RIGS PA'I SPANG BA STE BDUN PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS TE, DE @112A *, ,DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,KHYIM BDAG DE GZHAN GYI CHUNG MA LA CHAGS PAR GYUR NAS DE LA CHUNG MAS RJE'I SRAS DE LTAR MA MDZAD CIG CES PHYIR BZLOG NA JI TZAM DU DE PHYIR BZLOG KYANG PHYIR MA LOG PA DE TZAM DU DE'I CHUNG MA DE YANG SKYES PA GZHAN DAG DANG LHAN CIG 'KHRUL PA RTZOM PAR BYED DO, ,KHYIM BDAG DE YANG BUD MED GZHAN DAG LA SBYIN PAR BYED LA, CHUNG MA DE YANG SKYES PA GZHAN DAG LA SBYIN PAR BYED PAS DE LTAR KHYIM DE GNYIS KA NAS RGUD PAR GYUR NAS DE GNYIS LA BU MO MNGAG GZHUG MA ZHIG YOD NAS KHYIM BDAG DES BU MO DE LA 'DIS KHYIM RGUD PAR BYAS SO ZHES KHU TSUR DANG THAL LCAG DAG GIS RDEG PAR BYED DO, ,BU MO DES SMRAS PA, BDAG GIS KHYIM RGUD PAR GYUR PA 'DI CI LAS GYUR PA 'TSAL MOD KYI, 'ON KYANG BDAG GIS JI LTAR RJE DAG LA BSNGAGS PA MA LAGS PA BRJOD PAR BGYIR RUNG, NYE DGA'AS DE TSOR NAS KHYIM BDAG DE DANG KHYIM BDAG GI CHUNG MA DE'I GAN DU SONG STE, CI NAS KYANG DE GNYIS SKYABS SU 'GRO BA DANG BSLAB PA'I GZHI DAG LA GNAS PAR 'GYUR BA DE LTA DE LTA DE LTAR TSUL KHRIMS KYI BSNGAGS PA BRJOD CING TSUL KHRIMS 'CHAL PA'I BSNGAGS PA MA YIN PA BRJOD NAS, DES DE GNYIS SKYABS SU 'GRO BA DANG BSLAB PA'I GZHI DAG LA GNAS PAR BYAS SO, ,KHYIM BDAG DE GTUM PA, BRTUN NGAS PA, DRAG SHUL CHE BA YIN PAS YANG BU MO DE LA BRDEG PAR BRTZAMS PA DANG, CHUNG MAS DE LA SMRAS PA, RJE'I SRAS GANG GI TSE BDAG CAG LAS DANG LAS KYI RNAM PAR SMIN PA MI MKHYEN PA DE'I TSE GO RDEG PAR MDZAD MOD, DA BDAG CAG DGE BA'I BSHES GNYEN 'PHAGS PA NYE DGA' LA BRTEN NAS LAS DANG LAS KYI RNAM PAR SMIN PA MKHYEN PAS 'DI LTAR 'JIG RTEN NI RANG GI LAS KYI 'BRAS BU LA SPYOD PA LAGS PAS SU ZHIG SU'I BRAN LAGS, BU MO 'DI LA RDEG PAR MA MDZAD CIG ,BZANG MO KHYOD ZER BA MA NYES SO, ,BU MO TSUR SHOG ,KHRUS GYIS LA SHOG SHIG ,BU MO DE KHRUS BYAS TE 'ONGS PA DANG DES DE LA GOS PHRUGS GCIG BSKON NAS SMRAS PA, BU MO @112B DGA' ZHING LAS BYOS SHIG ,BU MO DES BSAMS PA, KHYIM BDAG KHYO SHUG 'DI SNGON GTUM PA, BRTUN NGAS PA, DRAG SHUL CHE BA YIN TE, YANG DANG YANG DU BDAG LA KHU TSUR DANG, THAL LCAG DAG GIS RDEG PAR BYED CING, ZAS DANG GOS NGAN PA DAG SBYIN PAR BYED NA; DA 'DI BDAG GI PHA MA DANG 'DRA BAR GYUR TO SNYAM NAS, YANG BSAMS PA, GANG TSUN CHAD NAS 'PHAGS PA NYE DGA' KHYIM DU 'JUG PAR BRTZAMS PA DE TSUN CHAD NAS KHYIM BDAG 'DI PHA MA DANG 'DRA BAR GYUR PAS BDAG GIS 'PHAGS PA NYE DGA' LA CI ZHIG GI DGA' BAR BYA SNYAM NAS, DES BSAMS PA, GAL TE BDAG GIS 'DI LA CUNG ZHIG BRKUS TE DBUL DU NI KHYIM BDAG 'DIS BDAG BRDEG BTZOG MANG PO BYAS TE SNGON GYI GNAS SU BZHAG PAR 'GYUR RO SNYAM NAS DE SDOD CING 'DUG GO, ,KHYIM BDAG GI CHUNG MA DES KHYIM BDAG DE LA SMRAS PA, RJE'I SRAS MKHYEN PAR MDZOD CIG ,'PHAGS PA NYE DGA' NI BDAG CAG GI DGE BA'I BSHES GNYEN LAGS TE, 'PHAGS PA NYE DGA'AS BDAG CAG LAS DRI MA CAN DANG PHRAL NAS SKYABS SU 'GRO BA DANG BSLAB PA'I GZHI DAG LA BKOD DE, YANG DANG YANG DU BDAG CAG LA CHOS KYIS SDUD PAR BYED PAS BDAG CAG GIS KYANG DE LA ZANG ZING CUNG ZAD KYIS BSDU BAR BGYI'O, ,BZANG MO DE BZHIN BYA'O, ,CI ZHIG BGYI, DE LA RAS YUG CHEN CIG DBUL BAR BYA'O, ,BU MO DES DE THOS NAS BSAMS PA, BDAG GIS 'PHAGS PA NYE DGA' LA DGA' BA DE SBRAN PAR BYA'O SNYAM MO, ,NYE DGA' YANG SNGA DRO SHAM THABS BGOS LHUNG BZED DANG CHOS GOS THOGS TE MNYAN YOD DU BSOD SNYOMS LA ZHUGS TE MTHAR GYIS BSOD SNYOMS LA RGYU BA NA KHYIM DER ZHUGS PA DANG, BU MO DES KHYIM LEGS PAR BYUGS SHING PHYAG DAR BOR NAS DES NYE DGA' MTHONG BA DANG RKANG PA GNYIS LA PHYAG 'TSAL TE SMRAS PA, BDAG GIS 'PHAGS PA NYE DGA' LA DGYES PA SBRAN PAR BGYI'O, ,KHYIM BDAG 'DI KHYOD LA RAS YUG CHEN 'BUL BAR 'GYUR RO, ,NYE DGA'AS BSAMS PA, SA'I STENG NA 'DOD PA'I BDAG NYID CAN GANG JI SNYED @113A *, ,PA DE DAG DANG BDAG MNYAM PAR DENG BU MO 'DIS KYANG 'PHRIGS SO SNYAM NAS DES GSHE STE SMRAS PA, BU MO GAL TE BDEN PAR GYUR NA NI NGAS KHYOD LA GSHE BA DAG LA CHUGS MA BYA'O, ,JI STE BRDZUN PAR GYUR NA NI BRDEG BTZOG MANG PO BYED DU BCUG STE SNGON GYI GNAS JI LTA BAR GZHAG PAR BYA'O, ,'PHAGS PA SPYO BA MANG DU MDZAD NA BZHUD CIG DANG KHYOD NYID KYIS MKHYEN PAR 'GYUR RO, ,DE BZHUD NAS STAN BSHAMS PA NYID LA 'DUG PA DANG, KHYIM BDAG DE CHUNG MA DANG BCAS PAS RKANG PA LA PHYAG 'TSAL TE STAN CHES DMA' BA BLANGS NAS CHOS MNYAN PA'I PHYIR MDUN DU 'DUG GO, ,NYE DGA'AS SMRAS PA, KHYIM BDAG KHO BO LA BSKON PAR BYA BA'I RAS YUG CHEN GANG YIN PA DE BLTA'O, ,DE GNYIS KYIS PHAN TSUN GDONG DU BLTA BAR BRTZAMS TE 'DI SKAD CES SMRAS SO, ,'PHAGS PA BDAG CAG GIS GSANG STE SMRAS PA DE 'PHAGS PA LA SUS BGYIS, CI 'PHAGS PAS GZHAN GYI SEMS KYANG MKHYEN NAM, NYE DGA'AS SMRAS PA, KHO BO LHUNG BZED DU ZOS SHING SO LHAGS PA DANG, SKRA DKAR POR GYUR PA YIN NA KHO BO LA DE TZAM YANG MI SRID DAM, KHYIM BDAG DES RAS YUG CHEN DE BLANGS TE NYE DGA' LA PHUL BA DANG, NYE DGA'AS RAS YUG CHEN DE MTHONG NAS LAG PA GNYIS 'DRIL BAR BYED, BZHIN SGYUR BAR BYED DO, ,KHYIM BDAG GIS SMRAS PA, 'PHAGS PA CI'I SLAD DU PHYAG GNYIS 'DRIL BAR MDZAD, ZHAL SGYUR BAR MDZAD, NYE DGA'AS SMRAS PA; KHYIM BDAG 'DI NI KHYOD LA YONGS SU BTANG BA LAS BYUNG BA'I BSOD NAMS NI YOD NA YONGS SU LONGS SPYAD PA LAS BYUNG BA'I BSOD NAMS NI MED DE, RAS YUG CHEN 'DI NI MCHIL LHAM PHYI BA'AM, SKAR KHUNG GLAN PAR RUNG STE, 'DI NI CHOS GOS KYI GDONG LA YONGS SU ZAD PA DANG MTHAR THUG PAR 'GYUR RO, ,'O NA JI LTAR BGYI, RAS YUG CHEN BZANG PO GZHAN BYIN CIG ,RAS YUG CHEN GZHAN MA MCHIS SO, ,TSONG DUS NAS NYOS TE BYIN CIG RIN MA MCHIS SO, ,DUS THOB LA BYIN CIG ,KHYIM BDAG DES CHUNG MA'I GDONG DU BLTA BAR BRTZAMS @113B PA DANG; CHUNG MAS SMRAS PA, RJE'I SRAS BDAG CAG LA 'PHAGS PA NYE DGA'AS PHAN BTAGS KYIS RAS YUG CHEN 'JOL LA DE LA PHUL CIG ,KHYIM BDAG DE NYE DGA' DANG LHAN CIG SRANG DU SONG NAS, TSONG KHANG DU PHYIN PA DANG, NYE DGA'AS BSAMS PA, TSONG PA 'DIR RGYAL BSKYED PAR BYA STE, DES NA RAS YUG CHEN BZANG PO STER BAR 'GYUR RO SNYAM NAS NYE DGA'AS KHYIM BDAG LA SMRAS PA, KHYIM BDAG TSONG PA 'DI NI GCAM BU ZHIG YIN PAS 'DI LA RAS YUG CHEN BZANG PO MED KYIS GZHAN DU 'DONG NGO, ,TSONG PA DES DE THOS NAS DES CHEN PO LA 'OS PA'I RAS YUG TSEN BSTAN TE SMRAS PA, 'PHAGS PA RAS YUG CHEN LA GZIGS, RAS YUG CHEN 'DI NI BZANG NA 'DI RIN JI TZAM 'DI DANG 'DI TZAM MO, ,KHYIM BDAG 'DI 'JAL LO, ,KHYIM BDAG 'JAL LAM 'JAL LO, ,DUS JI TZAM NA, DUS 'DI TZAM NA'O, ,TSONG PA DES KHYIM BDAG DE LA RAS YUG CHEN DE BYIN NAS KHYIM BDAG DES NYE DGA' LA PHUL BA DANG, NYE DGA'AS KHYIM BDAG AA ROG GYA ZHES SMRAS NAS, KHYOD SBYIN PA 'DIS SEMS KYI RGYAN DANG, SEMS KYI YO BYAD DANG, RNAM 'BYOR GYI TSOGS DANG, DON GYI MCHOG THOB PA DANG, LHA DANG MI RNAMS KYI GOS DAG THOB PAR GYUR CIG CES SMRAS TE SONG NGO, ,KHYIM BDAG DE LONGS SPYOD SRABS NAS, DES RIN DE DUS DE TZAM GYIS 'BUL BAR MA NUS NAS, TSONG PA DES KHYIM BDAG DE NYI MA LA BTAGS PA DANG DE CHUNG PO GROGS DAG GIS MTHONG NAS SMRAS PA, CI KHYOD ZHUN MAR 'THUNGS SAM, 'ON TE RIMS KYIS BTAB, BU LON PAS BZUNG STE 'DUG GO, ,KHYOD KYI PHAS KYANG BU LON PA YOD PAR MA BYAS, MES PO DAG GIS KYANG MA BYAS NA BU LON PA GA LAS BYUNG, DES SMRAS PA, GANG DAG SH'AKYA'I BU'I DGE SBYONG DAG LA DAD PAR BYED PA DE DAG 'DI LTAR 'GYUR TE, 'DI LTAR GANG BYIN PA DE MI LEN PAR LHAG PAR SLONG BAR BYED DO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN @114A *, ,BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS NYE DGA' LA RMAS PA, NYE DGA' KHYOD GANG BYIN PAS MI MGU ZHING LHAG PA SLONG BA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO; ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GI PHYIR KHYIM BDAG GAM KHYIM BDAG GI CHUNG MA NYE DU MA YIN PAS GOS KYI RIN DAG SPAGS NAS BDAG GI GOS KYI RIN 'DI DAG GIS GOS 'DI DANG 'DI LTA BU ZHIG NYOS LA DGE SLONG MING 'DI ZHES BYA BA 'ONGS PA DANG DE LA GOS RUNG BA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG STE, BZANG PO 'DOD PA'I PHYIR KHYIM BDAG GAM, KHYIM BDAG GI CHUNG MA NYE DU MA YIN PA DE'I GAN DU SONG NAS 'DI SKAD CES TSE DANG LDAN PAS BDAG GI PHYIR GOS KYI RIN GANG DAG SPAGS PA'I GOS KYI RIN DE DAG GIS TSE DANG LDAN PA GOS 'DI DANG 'DI LTA BU ZHIG NYOS LA BDAG LA GOS RUNG BA DUS SU LEGS PAR BSKON CIG CES SMRAS TE GOS DRUB NA SPANG BA'I LTUNG BYED DO, ,DGE SLONG GI PHYIR ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,KHYIM BDAG GAM ZHES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PAS ZHES BYA BA NI PHYI MO DANG, MES PO DANG, PHRUGS KYI BDUN PA TSUN CHAD NI @114B NYI DU YIN LA, DE PHAN CHAD NI NYE DU MA YIN NO, ,GOS KYI RIN DAG CES BYA BA NI GSER RAM DNGUL LO, ,GOS 'DI DANG 'DI LTA BU ZHIG CES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,NYOS LA ZHES BYA BA NI NYOS TE'O, ,DGE SLONG MING 'DI ZHES BYA BA 'ONGS DANG ZHES BYA BA NI SH'AKYA'I BU NYE DGA'O, ,DE LA GOS RUNG BA DUS SU BSKON NO SNYAM PA LAS ZHES BYA BA NI LONGS SPYAD PAR BZOD PA'O, ,DE NI GAL TE DGE SLONG DE LA SNGAR MA BSTABS PAR ZHES BYA BA NI SNGAR MGRON DU MA BOS PAR RO, ,RNAM PAR RTOG PA 'GA' ZHIG BYUNG STE ZHES BYA BA NI BSNYEN BKUR BYED PA ZHIG BYUNG STE'O, ,BZANG PO 'DOD PA'I PHYIR ZHES BYA BA NI RAB DANG MCHOG GI PHYIR RO, ,KHYIM BDAG GAM KHYIM BDAG GI CHUNG MA NYE DU MA YIN PA DE'I GAN DU SONG NAS ZHES BYA BA NI DRUNG DU SONG NAS SO, ,GOS DRUB NA ZHES BYA BA NI GOS THOB NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA STE, DES NA SPANG BA'I LTUNG BYED DO ZHES GSUNGS SO, , DE LA LTUNG BAR JI LTAR 'GYUR ZHE NA, RIN THANG DANG, KHA DOG DANG, KHRU TSAD LAS TE, JI LTAR RIN THANG LAS ZHE NA, DGE SLONG GIS K'AR sh'A PA nA LNGA RI BA'I GOS THOB PA NA DE DE LAS LHAG PAR SLONG NA, LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,K'AR sh'A PA nA LNGA RI BA JI LTA BA BZHIN DU K'AR sh'A PA nA BCU RI BA DANG, K'AR sh'A PA nA NYI SHU RI BA DANG, K'AR sh'A PA nA LNGA BCU RI BA'I BAR GYI GOS THOB PA NA, DE DE LAS LHAG PA SLONG NA, LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DE DE LTAR RIN THANG LAS SO, ,JI LTAR KHA DOG LAS ZHE NA, DGE SLONG GIS GOS SNGON PO THOB PA NA, DE DE LAS LHAG PAR SLONG NA, LHAG PA SLONG BA DE LA NYES SU 'GYUR LA, THOB NA SPANG BA'I LTUNG @115A *, ,BYED DU 'GYUR RO, ,SNGA MA LA NI LTUNG BA MED DO, ,SNGON PO JI LTA BA DE BZHIN DU SER PO DANG, DMAR PO DANG, STUG PO DANG, SRAB MO THOB NA DE DE LAS LHAG PA SLONG BA NA, LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DE, DE LTAR KHA DOG LAS SO, ,JI LTAR KHRU TSAD LAS ZHE NA, DGE SLONG GIS GOS KHRU LNGA PA THOB PA NA, DE DE LAS LHAG PA SLONG NA, LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,KHRU LNGA PA JI LTA BA DE BZHIN DU KHRU BCU PA DANG, KHRU NYI SHU PA DANG, KHRU LNGA BCU PA'I BAR GYI GOS THOB NA DE DE LAS LHAG PA SLONG NA, LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR TE, DE LTAR KHRU TSAD LAS SO, ,DGE SLONG GI GOS SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA LTUNG BA MED DO, ,DE BZHIN DU DGE SLONG GI GOS SPANG BAR GYUR NA JI SRID DU DNGOS PO DE MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA NYE BAR 'JOG NA DE YANG SNGA MA'I RGYUD KYIS SPANG BAR 'GYUR RO, ,KHA TSAR SLONG BA NA LHAN PA THOB PA DANG, LHAN PA SLONG BA NA RAS YUG PHRAN NAM RAS YUG CHEN THOB PA LA LTUNG BA MED DO, ,LAS DANG PO PA DANG, SMYOS PA DANG, SEMS @115B 'KHRUGS PA DANG, TSOR BA DAG GIS NYEN PA LA LTUNG BA MED DO, ,SPAGS PA LAS LHAG PA SLONG BA'I SPANG BA STE BRGYAD PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,KHYIM BDAG DE GZHAN GYI CHUNG MA LA CHAGS PAR GYUR NAS DE LA CHUNG MAS RJE'I SRAS DE LTAR MA MDZAD CIG CES PHYIR BZLOG NA, JI TZAM DU DE PHYIR BZLOG KYANG PHYIR MA LOG PA DE TZAM DU DE'I CHUNG MA DE YANG SKYES PA GZHAN DAG DANG LHAN CIG 'KHRUL PA RTZOM PAR BYED DO, ,KHYIM BDAG DE YANG BUD MED GZHAN DAG LA SBYIN PAR BYED LA, CHUNG MA DE YANG SKYES PA GZHAN DAG LA SBYIN PAR BYED PAS DE LTAR KHYIM DE GNYIS KA NAS RGUD PAR GYUR NAS, DE GNYIS LA BU MO MNGAG GZHUG MA ZHIG YOD NAS KHYIM BDAG DES BU MO DE LA 'DIS KHYIM RGUD PAR BYAS SO ZHES KHU TSUR DANG THAL LCAG DAG GIS RDEG PAR BYED DO, ,BU MOS SMRAS PA, BDAG GIS KHYIM RGUD PAR GYUR PA 'DI CI LAS GYUR PA 'TSAL MOD KYI, 'ON KYANG BDAG GIS JI LTAR RJE DAG LA BSNGAGS PA MA LAGS PA BRJOD PAR BGYIR RUNG, NYE DGA'AS DE TSOR NAS KHYIM BDAG DANG, KHYIM BDAG GI CHUNG MA DE'I GAN DU SONG STE, CI NAS KYANG DE GNYIS SKYABS SU 'GRO BA DANG, BSLAB PA'I GZHI DAG LA GNAS PAR 'GYUR BA DE LTA DE LTAR TSUL KHRIMS KYI BSNGAGS PA BRJOD CING, TSUL KHRIMS 'CHAL PA'I BSNGAGS PA MA YIN PA BRJOD NAS, DES DE GNYIS SKYABS SU 'GRO BA DANG, BSLAB PA'I GZHI DAG LA GNAS PAR BYAS SO, ,KHYIM BDAG DE GTUM PA, BRTUN NGAS PA, DRAG SHUL CHE BA YIN PAS YANG BU MO DE LA BRDEG PAR BRTZAMS PA DANG, CHUNG MAS DE LA SMRAS PA, RJE'I SRAS GANG GI TSE BDAG CAG LAS DANG LAS KYI RNAM PAR SMIN PA MI MKHYEN PA DE'I TSE GO RDEG PAR MDZAD MOD, DA BDAG CAG DGE BA'I BSHES GNYEN 'PHAGS PA @116A *, ,NYE DGA' LA BRTEN NAS LAS DANG LAS KYI RNAM PAR SMIN PA MKHYEN PAS 'DI LTAR 'JIG RTEN NI RANG GI LAS KYI 'BRAS BU LA SPYOD PA LAGS PAS SU ZHIG SU'I BRAN LAGS, BRAN MO 'DI LA RDEG PAR MA MDZAD CIG ,BZANG MO KHYOD ZER BA MA NYES SO, ,BU MO TSUR SHOG KHRUS GYIS LA SHOG SHIG ,BU MO DES KHRUS BYAS TE 'ONGS PA DANG, DES DE LA GOS PHRUGS GCIG BSKON NAS SMRAS PA, BU MO DGA' ZHING LAS BYOS SHIG ,BU MO DES BSAMS PA, KHYIM BDAG KHYO SHUG 'DI SNGON GTUM PA, BRTUN NGAS PA, DRAG SHUL CAN YIN TE, YANG DANG YANG DU BDAG LA KHU TSUR DANG, THAL LCAG DAG GIS RDEG PAR BYED CING ZAS DANG GOS NGAN PA DAG SBYIN PAR BYED NA, DA 'DI BDAG GI PHA MA DANG 'DRA BAR GYUR TO SNYAM NAS YANG BSAMS PA, GANG TSUN CHAD NAS 'PHAGS PA NYE DGA' KHYIM 'DIR 'JUG PAR BRTZAMS PA DE TSUN CHAD NAS KHYIM BDAG 'DI PHA MA DANG 'DRA BAR GYUR PAS, BDAG GIS 'PHAGS PA NYE DGA' LA CI ZHIG GIS DGA' BAR BYA SNYAM NAS DES BSAMS PA, GAL TE BDAG GIS 'DI LAS CUNG ZHIG BRKUS TE DBUL DU NI KHYIM BDAG 'DIS BRDEG BTZOG MANG PO BYAS TE SNGON GYI GNAS SU BZHAG PAR 'GYUR RO SNYAM NAS DE SDOD CING 'DUG GO, ,KHYIM BDAG GI CHUNG MA DES KHYIM BDAG DE LA SMRAS PA, RJE'I SRAS MKHYEN PAR MDZOD CIG ,'PHAGS PA NYE DGA' NI BDAG CAG GI DGE BA'I BSHES GNYEN LAGS TE, 'PHAGS PA NYE DGA'SA BDAG CAG LAS DRI MA CAN DANG PHRAL NAS SKYABS SU 'GRO BA DANG, BSLAB BA'I GZHI DAG LA BKOD DE, YANG DANG YANG DU BDAG CAG LA CHOS KYIS SDUD PAR BYED PAS BDAG CAG GIS KYANG DE LA ZANG ZING CUNG ZAD KYIS BSDU BAR BGYI'O, ,BZANG MO DE BZHIN BYA'O, ,CI ZHIG BGYI, DE LA BDAG CAG SO SO NAS RAS YUG CHEN DBUL BAR BYA'O, ,BU MO DES DE THOS NAS BSAMS PA, BDAG GIS 'PHAGS PA NYE DGA' LA DGA' BA DE SBRAN PAR BYA'O SNYAM MO, ,NYE DGA' YANG SNGA DRO SHAM THABS BGOS LHUNG BZED DANG CHOS GOS THOGS TE MNYAN YOD DU @116B BSOD SNYOMS LA ZHUGS TE MTHAR GYIS BSOD SNYOMS RGYU BA NA KHYIM DER ZHUGS PA DANG, BU MO DES KHYIM DAG LEGS PAR BYUGS SHING PHYAG DAR BOR NAS DES NYE DGA' MTHONG BA DANG RKANG PA GNYIS LA PHYAG 'TSAL TE SMRAS PA, BDAG GIS 'PHAGS PA NYE DGA' LA DGYES PA SBRAN PAR BGYI'O, ,KHYIM BDAG DANG KHYIM BDAG GI CHUNG MA 'DI KHYOD LA SO SO NAS RAS YUG CHEN 'BUL BAR 'GYUR RO, ,NYE DGA'SA BSAMS PA, SA'I STENG NA 'DOD PA'I BDAG NYID CAN GANG JI SNYED PA DE DAG DANG BDAG MNYAM PAR DENG BU MO 'DIS KYANG 'PHRIGS SO SNYAM NAS DES GSHE STE SMRAS PA, BU MO GAL TE BDEN PAR GYUR ? NA NI DES KHYOD LA GSHE BA DAG LA CHUGS MA BYA'O, ,JI STE BRDZUN PAR GYUR NA NI BRDEG BTZOG MANG PO BYED DU BCUG STE SNGON GYI GNAS JI LTA BAR GZHAG PAR BYA'O, ,'PHAGS PA SBYO BA MANG DU MDZAD NA BZHUD CIG DANG KHYOD NYID KYIS MKHYEN PAR 'GYUR RO, ,DE ZHUGS NAS STAN BSHAMS PA NYID LA 'DUG PA DANG KHYIM BDAG DE CHUNG MA DANG BCAS PAS RKANG PA LA PHYAG 'TSAL TE STAN CHES DMA' BA BLANGS NAS CHOS MNYAN PA'I PHYIR MDUN DU 'DUG GO, ,NYE DGA'SA SMRAS PA, KHYIM BDAG KHO BO LA SO SO NAS RAS YUG CHEN SBYIN PAR BYAS PA DE BLTA'O, ,DE GNYIS KYIS PHAN TSUN GDONG DU BLTA BAR BRTZAMS TE 'DI SKAD CES KYANG SMRAS SO, ,'PHAGS PA BDAG CAG GIS GSANG STE SMRAS PA DE 'PHAGS PA LA SUS BGYIS, CI 'PHAGS PAS GZHAN GYI SEMS KYANG MKHYEN NAM, NYE DGA'SA SMRAS PA; KHO BO LHUNG BZED DU ZOS SHING SO LHAGS PA DANG, SKRA DKAR POR GYUR PA YIN NA KHO BO LA DE TZAM YANG MI SRID DAM, KHYIM BDAG DANG CHUNG MAS SO SO NAS RAS YUG CHEN BLANGS TE NYE DGA' LA PHUL BA DANG, NYE DGA'SA RAS YUG CHEN DE DAG MTHONG NAS LAG PA GNYIS 'DRIL BAR BYED, BZHIN SGYUR BAR BYED DO, ,KHYIM BDAG GIS SMRAS PA, 'PHAGS PA CI'I SLAD DU PHYAG GNYIS 'DRIL BAR MDZAD, ZHAL SGYUR BAR MDZAD, NYE DGA'SA SMRAS PA, KHYIM BDAG 'DI DAG NI KHYED LA YONGS SU BTANG BA LAS BYUNG BA'I BSOD NAMS NI YOD NA YONGS SU @117A *, ,LONGS SPYAD PA LAS BYUNG BA'I BSOD NAMS NI MED DE RAS YUG CHEN 'DI DAG NI MCHIL LHAM PHYI BA'AM, SKAR KHUNG GLAN PAR RUNG STE, 'DI DAG NI CHOS GOS KYI GDANG LA YONGS SU ZAD PA DANG MTHAR THUG PAR 'GYUR RO, ,'O NA JI LTAR BGYI, RAS YUG CHEN BZANG PO GZHAN DAG BYIN CIG ,RAS YUG CHEN DAG MA MCHIS SO, ,TSONG DUS NAS NYOS TE BYIN CIG ,RIN DAG MA MCHIS SO, ,DUS THOB LA BYIN CIG ,KHYIM BDAG DES CHUNG MA'I GDONG DU BLTA BAR BRTZAMS PA DANG, CHUNG MAS SMRAS PA, RJE'I SRAS BDAG CAG LA 'PHAGS PA NYE DGA'SA PHAN BTAGS KYIS RAS YUG CHEN DAG 'JOL LA DE LA PHUL CIG ,KHYIM BDAG DE NYE DGA' DANG LHAN CIG SRANG DU SONG NAS TSONG KHANG DU PHYIN PA DANG, NYE DGA'SA BSAMS PA, TSONG PA 'DI NGA RGYAL BSKYED PAR BYA STE, DES NA RAS YUG CHEN BZANG PO STER BAR 'GYUR RO SNYAM NAS NYE DGA'SA KHYIM BDAG LA SMRAS PA, KHYIM BDAG TSONG PA 'DI NI GCAM BU ZHIG YIN PAS 'DI LA RAS YUG CHEN BZANG PO MED KYIS GZHAN DU 'DONG NGO, ,TSONG PA DES DE THOS NAS DES CHEN PO LA 'OS PA'I RAS YUG CHEN BSTAN TE SMRAS PA, 'PHAGS PA RAS YUG CHEN LA GZIGS, RAS YUG CHEN 'DI NI BZANG NA 'DI'I RIN JI TZAM, 'DI DANG 'DI TZAM MO, ,KHYIM BDAG 'DI 'JAL LO, ,KHYIM BDAG 'JAL LAM, 'JAL LO, ,DUS JI TZAM NA DUS 'DI TZAM NA'O, ,TSONG PA DES KHYIM BDAG DE LA RAS YUG CHEN DE BYIN NAS KHYIM BDAG DES NYE DGA' LA PHUL BA DANG, NYE DGA'SA KHYIM BDAG AA ROG GYA ZHES SMRAS NAS, KHYOD SBYIN PA 'DIS SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG THOB PA DANG, LHA DANG MI RNAMS KYI GOS DAG THOB PAR GYUR CIG CES SMRAS TE SONG NGO, ,KHYIM BDAG DE LONGS SPYOD SRABS NAS DES RIN DE DUS DE TZAM GYIS 'BUL BAR MA NUS NAS TSONG PA DES KHYIM BDAG DE NYI MA LA BTAGS PA DANG, DE CHUNG PO GROGS DAG GIS MTHONG NAS SMRAS PA, CI KHYOD ZHUN MAR 'THUNGS SAM, 'ON TE RIMS KYIS @117B BTAB; BU LON PAS BZUNG STE 'DUG GO, ,KHYOD KYI PHAS KYANG BU LON DAG YOD PAR MA BYAS, MES PO DAG GIS KYANG MA BYAS NA BU LON PA GA LAS BYUNG DES SMRAS PA, GANG DAG SH'AKYA'I BU'I DGE SBYONG DAG LA DAD PAR BYED PA DE DAG 'DI LTAR 'GYUR TE, 'DI LTAR GANG BYIN PA DE MI LEN PAR LHAG PA SLONG BAR BYED DO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO; ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN TE, SANGS RGYAS BCOM LDAN 'DAS KYIS NYE DGA' LA RMAS PA, NYE DGA' KHYOD GANG BYIN PAS MI MGU ZHING LHAG PA SLONG BA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GI PHYIR KHYIM BDAG DANG, KHYIM BDAG GI CHUNG MA NYE DU MA YIN PAS GOS KYI RIN SO SO BA DAG SPAGS NAS BDAG CAG GNYIS KYIS GOS KYI RIN SO SO BA 'DI DAG GIS GOS 'DI DANG 'DI LTA BU SO SO BA DAG NYOS LA DGE SLONG MING 'DI ZHES BYA BA 'ONGS DANG BDAG CAG GNYIS KYIS SO SO NAS DE LA GOS RUNG BA DUS SU BSKON NO SNYAM PA LAS, DE NA GAL TE DGE SLONG DE LA SNGAR MA BSTABS PAR RNAM PAR RTOG PA 'GA' ZHIG BYUNG STE, BZANG PO 'DOD PA'I PHYIR KHYIM BDAG DANG KHYIM BDAG GI CHUNG MA NYE DU MA YIN PA DE DAG GI @118A *, ,GAN DU SONG NAS 'DI SKAD CES TSE DANG LDAN PA DAG GIS BDAG GIS BDAG GI PHYIR GOS KYI RIN SO SO BA GANG DAG SPAGS PA'I GOS KYI RIN SO SO BA DE DAG GIS TSE DANG LDAN PA DAG GOS 'DI DANG 'DI LTA BU SO SO BA DAG NYOS LA GNYI GA 'DUS TE BDAG LA GOS RUNG BA CIG DUS SU LEGS PAR SKON CIG CES SMRAS TE GOS DRUB NA SPANG BA'I LTUNG BYED DO, ,DGE SLONG GI PHYIR ZHES BYA BA NI SH'AKYA'I BU NYE DGA' 'AM, GZHAN YANG DE LTA BU GANG YIN PA'O, ,KHYIM BDAG CES BYA BA NI SKYES PA'O, ,KHYIM BDAG GI CHUNG MA ZHES BYA BA NI BUD MED DO, ,NYE DU MA YIN PAS ZHES BYA BA NI PHYI MO DANG, MES PO DANG, PHRUGS KYI BDUN PA TSUN CHAD NI NYE DU YIN LA DE PHAN CHAD NI NYE DU MA YIN NO, ,GOS KYI RIN CES BYA BA NI GSER RAM, DNGUL LO, ,GOS 'DI DANG 'DI LTA BU ZHIG CES BYA BA NI BDUN PO BAL GOS DANG, SHA NA'I GOS DANG, ZAR MA'I GOS DANG, DU GU LA'I GOS DANG, RAS BAL GYI GOS DANG, KO TAM PA'I GOS DANG, NYI 'OG GI GOS LAS GANG YANG RUNG BA'O, ,NYOS LA ZHES BYA BA NI NYOS TE'O, ,DGE SLONG MING 'DI ZHES BYA BA 'ONGS DANG ZHES BYA BA NI SH'AKYA'I BU NYE DGA'O, ,DE LA GOS RUNG BA DUS SU BSKON NO SNYAM PA LAS ZHES BYA BA NI LONGS SPYAD PAR BZOD PA'O, ,DE NA GAL TE DGE SLONG DE LA SNGAR MA BSTABS PAR ZHES BYA BA NI SNGAR MGRON DU MA BOS PAR RO, ,RNAM PAR RTOG PA 'GA' ZHIG BYUNG STE ZHES BYA NI BSNYEN BKUR BYED PA ZHIG BYUNG STE'O, ,BZANG PO 'DOD PA'I PHYIR ZHES BYA BA NI RAB DANG MCHOG GI PHYIR RO, ,KHYIM BDAG DANG KHYIM BDAG GI CHUNG MA NYE DU MA YIN PA DE DAG GI GAN DU SONG NAS ZHES BYA BA NI DRUNG DU SONG NAS SO, ,GNYI GA 'DUS TE ZHES BYA BA NI GNYI GA TSOGS TE'O, ,GOS DRU BA NA ZHES BYA BA NI GOS THOB NA'O, , SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA, RIN THANG DANG, KHA DOG DANG, KHRU TSAD LAS TE JI LTAR RIN THANG LAS ZHE NA, DGE SLONG @118B GIS K'AR sh'A PA nA LNGA RI BA'I GOS THOB PA NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,K'AR sh'A PA nA LNGA RI BA JI LTA BA DE BZHIN DU K'AR sh'A PA nA BCU RI BA DANG, K'AR sh'A PA nA NYI SHU RI BA DANG, K'AR sh'A PA nA LNGA BCU RI BA'I BAR GYI GOS THOB PA NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,DE LTAR RIN THANG LAS SO, ,JI LTAR KHA DOG LAS ZHE NA, DGE SLONG GIS GOS SNGON PO THOB PA NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,GOS SNGON PO LA JI LTA BA DE BZHIN DU SER PO DANG, DMAR PO DANG, STUG PO DANG, SRAB MO THOB PA NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, DE LTAR KHA DOG LAS SO, ,JI LTAR KHRU TSAD LAS ZHE NA, DGE SLONG GI GOS KHRU LNGA PA THOB PA NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,KHRU LNGA PA JI LTA BA DE BZHIN DU KHRU BCU PA DANG, KHRU NYI SHU PA DANG, KHRU LNGA BCU PA'I BAR GYI GOS THOB NA DE DE LAS LHAG PA SLONG NA LHAG PA SLONG BA DE LA NYES BYAS SU 'GYUR LA, THOB NA SPANG BA'I LTUNG BYED DU 'GYUR TE, DE LTAR KHRU TSAD LAS SO, ,DGE SLONG GI GOS DAG SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GZHAN ZHIG RNYED NA, DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA, DE SPANGS SHING BRAL BAR MA BYAS LA, LTUNG BA MA BSHAGS PAR GZHAN ZHIG RNYED NA, DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA MA BSHAGS PAR GZHAN ZHIG RNYED NA, DE YANG SNGA MA'I RGYUD KYIS @119A *, ,SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA BSHAGS NAS GZHAN ZHIG RNYED NA DE LA LTUNG BA MED DO, ,DE BZHIN DU DGE SLONG GI GOS SPANG BAR GYUR NA JI SRID DU DNGOS PO DE MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, DRA BA'AM, PHOR BU DANG, SKA RAGS SAM, DGE SLONG GI 'TSO BA'I YO BYAD GANG YANG RUNG BA NYE BAR 'JOG NA, DE YANG SNGA MA'I RGYUD KYIS SPANG BAR 'GYUR RO, ,KHA TSER SLONG BA NA LHAN PA THOB PA DANG, LHAN PA SLONG BA NA RAS YUG PHRAN NAM, RAS YUG CHEN THONG PA LA LTUNG BA MED DO, ,LAS DANG PO PA DANG, SMYOS PA DANG, SEMS 'KHRUGS PA DANG TSOR BA DAG GIS NYEN PA LA LTUNG BA MED DO, ,SO SO NAS SPAGS PA LAS LHAG PA SLONG BA'I SPANG BA STE DGU PA RDZOGS SA-HO,, ,,'DUL BA RNAM PAR 'BYED PA, BAM PO SUM BCU RTZA GCIG PA, SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,NYE DGA' LA BLO SKYES PA 'DI THAMS CAD KHYIM BDAG MGON MED ZAS SBYIN GYIS BSLAB PA'I GZHI DAG GIS BSDAM PA BYAS PAS PHYIN CAD RAS YUG PHRAN SGRE BO YANG SU LAS KYANG BSLANG BAR MI NUS KYIS 'DI LTAR BDAG DANG LHAN CIG YI GE'I GRVA NA YIG 'BRU'I YI GE DAG SLOB SLOB PA BRAM ZE DBYAR TSUL YOD KYIS DE'I GAN DU SONG STE BLTAS NA DE LAS CUNG ZAD 'THOB KYANG SRID DO SNYAM NAS DE DE'I KHYIM DU SONG BA DANG, SGO BAS 'PHAGS PA MA BZHUD CIG CES BGAGS SO, ,NYE DGA'SA SMRAS PA, BZHIN BZANGS BCOM LDAN 'DAS KYIS BDAG CAG GI SPYOD YUL MA YIN PA NI RNAM PA LNGA GSUNGS TE, ROL MO MKHAN GYI KHYIM DANG, 'JUD MTHUN MA'I KHYIM DANG, CHANG PA'I KHYIM DANG, RGYAL PO'I PHO BRANG DANG, GDOL PA'I KHYIM YIN NA, CI 'DI ROL MO MKHAN GYI KHYIM MAM, 'JUD MTHUN MA'I KHYIM MAM, CHANG PA'I KHYIM MAM, RGYAL PO'I PHO BRANG NGAM, GDOL PA'I GNAS YIN NAM, 'PHAGS PA KHYOD SPYO BA MANG DU MDZAD DE, 'DI NI ROL MO MKHAN GYI KHYIM YANG MA LAGS, @119B 'JUD MTHUN MA'I KHYIM YANG MA LAGS, CHANG PA'I KHYIM YANG MA LAGS, RGYAL PO'I PHO BRANG YANG MA LAGS, GDOL PA'I GNAS KYANG MA LAGS TE, 'DI LTAR 'DI NI BRAM ZE DBYAR TSUL GYI SDUM PA LAGS SO, ,KVA'I NANG RJE SONG LA BRAM ZE DBYAR TSUL LA NYE DGA' SHES LDAN LTA BAR 'DOD CING SGO NA SDOD DO ZHES GYIS SHIG ,SGO BAS SMRAS PA, KHYOD RGYAL PO GZUGS CAN SNYING PO'I SNYING TSOMS MCHIS PA LAGS SNYAM MAM, BKREN PA GAL TE SBRON NA NI SBRON CIG ,MI SBRON NA KHYOD LA MTSAMS CHEN PO BCAD PA SBYIN PAR BYA'O, ,SGO BAS BSAMS PA; 'DI NI 'DI LTAR 'JIGS PA MED PA DANG, BAG TSA BA MED PAR TSIG GTONG BA LAS NA MA SBRAN NA GNOD PA BYED KYIS SONG LA SBRAN NO SNYAM NAS DE DER SONG STE SMRAS PA, JO BO BTZUN PA NYE DGA' JO BO LTA BAR 'TSAL ZHING CHAB SGO NA SDOD DO, ,DBYAR TSUL GYIS SMRAS PA, BTZUN PA NYE DGA' LA SU 'GOG ,BTZUN PA NYE DGA' 'JUG TU CHUG SHIG ,NYE DGA' ZHUGS PA DANG, DBYAR TSUL GYIS SMRAS PA, BTZUN PA NYE DGA' BYON PA LEGS SO, ,BYON PA LEGS SO, ,BTZUN PA NYE DGA' GDAN BSHAMS PA NYID LA BZHUGS SHIG ,NYE DGA' DE'I MDUN DU 'DUG STE DER SGRA MTHON PO DANG SGRA YID DU 'ONG BA DANG, SGRA ZAB MOS SBYIN PA'I BSNGAGS PA BRJOD PAR BRTZAMS SO, ,GANG GI TSE NYE DGA' YID DGA' ZHING YID DGA' NAS SBYIN PA'I BSNGAGS PA RJOD PAR BYED PA DE'I TSE NA BRAM ZE DANG, KHYIM BDAG DAD PA CAN DAG 'DI SNYAM DU KYE MA RANG GI SHA DAG KYANG BCAD CING BCAD CING SBYIN PAR BYA'O SNYAM DU SEMS PAS BRAM ZE DBYAR TSUL GYIS SMRAS PA, BTZUN PA NYE DGA' DBYAR GNAS PA LA K'AR sh'A PA nA DRUG BCU 'BUL LO, ,AA ROG GYA SBYIN PA 'DIS KHYOD SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG THOB PA DANG LHA DANG MI RNAMS KYI LONGS SPYOD KYANG THOB PAR GYUR CIG CES SMRAS TE SONG NGO, ,MNYAN YOD NAS DGE SLONG GNYIS SHIG BCOM LDAN 'DAS KYI ZHABS LA PHYAG 'TSAL DU RGYAL PO'I KHAB TU 'ONGS SO, ,BCOM LDAN 'DAS KYIS KYANG @120A *, ,TSE DANG LDAN PA KUN DGA' BO LA BKA' STZAL PA, KUN DGA' BO KHYOD SONG LA DGE SLONG RNAMS LA DE BZHIN GSHEGS PA KO SA LA DAG TU LJONGS RGYUR GSHEGS KYIS KHYOD CAG LAS GANG DE BZHIN GSHEGS PA DANG THABS CIG KO SA LA DAG TU LJONGS RGYUR 'GRO BAR SPRO BA DES CHOS GOS KYI LAS GYIS SHIG CES BSGO SHIG ,TSE DANG LDAN PA KUN DGA' BOS BTZUN PA BKA' BZHIN 'TSAL ZHES BCOM LDAN 'DAS LAS MNYAN NAS, DGE SLONG RNAMS LA TSE DANG LDAN PA DAG BCOM LDAN 'DAS KO SA LA DAG TU LJONGS RGYUR GSHEGS KYIS KHYOD CAG LAS GANG DE BZHIN GSHEGS PA DANG THABS CIG KO SA LA DAG TU LJONGS RGYUR 'GRO BAR SPRO BA DES CHOS GOS KYI LAS GYIS SHIG ,DGE SLONG RNAMS KYIS TSE DANG LDAN PA KUN DGA' BO LA BKA' BZHIN 'TSAL ZHES TSE DANG LDAN PA KUN DGA' BO LA MNYAN TO, ,MNYAN YOD NAS 'ONGS PA'I DGE SLONG DE GNYIS KYIS DE THOS NAS BDAG CAG KYANG MNYAN YOD DU 'GRO DGOS SO SNYAM NAS MI DGA' BAR GYUR TO, ,NYE DGA'SA THOS NAS NYAM NGA BAR GYUR TE, BDAG LA BRGYA LA BRGYA LAM NA RNYED PA BYUNG BA DE'I BAR CHAD BYUNG NGO SNYAM NAS, DE BRAM ZE DBYAR TSUL GYI GAN DU SONG STE SGRA DMA' BA DANG, SGRA YID DU MI 'ONG BA DANG, SGRA ZHUM PAS SBYIN PA'I BSNGAGS PA BRJOD PAR BRTZAMS PA DANG, DBYAR TSUL GYIS SMRAS PA, BTZUN PA NYE DGA' KHYOD SNGON SGRA MTHON PO DANG, SGRA YID DU 'ONG BA DANG, SGRA ZAB MOS SBYIN PA'I BSNGAGS PA BRJOD PAR MDZAD NA, KHYOD DA LTAR SGRA DMA' BA DANG, SGRA YID DU MI 'ONG BA DANG, SGRA MI ZAB PAS SBYIN PA'I BSNGAGS PA BRJOD PAR MDZAD PA 'DI LA RGYU CI MCHIS, CHUNG PO GROGS BDAG CAG BRGYA LA BRGYA LAM NA PHRAD PA 'BYUNG NA DE YANG YUN MI RING BA KHO NAS 'BRAL BAR 'GYUR BA'I PHYIR RO, ,MA GA DH'A PA ZUR GYIS GO , ,KO SA LA PA BRJOD NAS SHES, PAN TZA LA PA YIG PHYED KYIS, ,NUB MI MA SMRAS MI SHES SO, ,ZHES BYA BA YIN PAS DBYAR TSUL GYIS BSAMS PA, 'DI NI SH'AKYA'I RIGS RGYA CHEN PO DE SNYED SPANGS TE RAB TU BYUNG BA YIN PAS 'DI BDAG DANG 'BRAL BA LA MYA NGAN MI BYED KYI K'AR sh'A PA nA @120B DRUG BCU 'TSAR BA'I MYA NGAN BYED DO SNYAM NAS SMRAS PA, BTZUN PA NYE DGA' GANG DANG GANG DU GNAS PAR BDAG GIS K'AR sh'A PA nA DRUG BCU BSKUR BAR BGYI'O, ,AA ROG GYA DE LTA NA PHAN PHUN MED PA DANG, KUN NAS NYON MONGS PA MED PA'I SBYIN PA DAG SBYIN ZHING BSOD NAMS DAG BYED PA YIN NO ZHES SMRAS NAS STAN LAS LANGS TE SONG NGO, ,DE NAS BCOM LDAN 'DAS DUL BA 'KHOR DUL BA DANG LDAN PA, ZHI BA 'KHOR ZHI BA DANG LDAN PA, GROL BA 'KHOR GROL BA DANG LDAN PA, DBUGS PHYIN PA 'KHOR DBUGS PHYIN PA DANG LDAN PA, THUL BA 'KHOR THUL BA DANG LDAN PA, DGRA BCOM PA 'KHOR DGRA BCOM PA DANG LDAN PA, 'DOD CHAGS DANG BRAL BA 'KHOR 'DOD CHAGS DANG BRAL BA DANG LDAN PA, MDZES PA 'KHOR MDZES PA DANG LDAN PA, KHYU MCHOG LTAR BA LANG GI TSOGS KYIS YONGS SU BSKOR BA, GLANG PO CHE LTAR GLANG PO CHE'I PHRU GU'I TSOGS KYIS YONGS SU BSKOR BA, SENG GE LTAR MCHE BA CAN GYI TSOGS KYIS YONGS SU BSKOR BA, NGANG PA'I RGYAL PO LTAR NGANG PA'I TSOGS KYIS YONGS SU BSKOR BA, NAM MKHA' LDING LTAR BYA'I TSOGS KYIS YONGS SU BSKOR BA, BRAM ZE LTAR SLOB MA'I TSOGS KYIS YONGS SU BSKOR BA, SMAN PA MKHAS PA LTAR NAD PA'I TSOGS KYIS YONGS SU BSKOR BA, DPA' BO LTAR RU PA'I TSOGS KYIS YONGS SU BSKOR BA, SA MKHAN LTAR LAM DU ZHUGS PA'I TSOGS KYIS YONGS SU BSKOR BA, DED DPON LTAR TSONG PA'I TSOGS KYIS YONGS SU BSKOR BA, TSONG DPON LTAR 'KHOR GYI TSOGS KYIS YONGS SU BSKOR BA, MKHAR GYI RGYAL PO LTAR BLON PO'I TSOGS KYIS YONGS SU BSKOR BA, 'KHOR LOS SGYUR BA LTAR BU STONG GI TSOGS KYIS YONGS SU BSKOR BA, ZLA BA LTAR RGYU SKAR GYI TSOGS KYIS YONGS SU BSKOR BA, NYI MA LTAR 'OD ZER STONG GI TSOGS KYIS YONGS SU BSKOR BA, YUL 'KHOR SRUNG LTAR DRI ZA'I TSOGS KYIS YONGS SU BSKOR BA, 'PHAGS SKYES PO LTAR GRUL BUM GYI TSOGS KYIS YONGS SU BSKOR BA, MIG MI BZANG LTAR KLU'I TSOGS KYIS YONGS SU BSKOR BA, NOR SBYIN LTAR GNOD SBYIN @121A *, ,GYI TSOGS KYIS YONGS SU BSKOR BA, THAGS ZANGS RIS LTAR LHA MA YIN GYI TSOGS KYIS YONGS SU BSKOR BA, BRGYA BYIN LTAR SUM BCU RTZA GSUM PA'I TSOGS KYIS YONGS SU BSKOR BA, TSANGS PA LHAR TSANGS RIS KYI TSOGS KYIS YONGS SU BSKOR BA, DBANG PO RNAMS KYIS SHIN TU DUL BA, SPYOD LAM DANG, SPYOD PA MA 'KHRUGS PA, CHU GTER LTAR TING NGE BA, SPRIN LTAR CHU DANG BCAS PA, GLANG PO CHE'I RGYAL PO LTAR DREGS PA DANG BRAL BA, SKYES BU CHEN PO'I MTSAN SUM BCU RTZA GNYIS KYIS LEGS PAR BRGYAN PA, DPE BYAD BZANG PO BRGYAD BCUS SKU RNAM PAR MDZES PA, 'OD 'DOM GANG GIS GZUGS CAN BRGYAN PA, NYI MA STONG BAS LHAG PA'I 'OD DANG LDAN PA, RIN PO CHE'I RI BO 'GRO BA LTAR KUN TU BZANG BA, STOBS BCU DANG, MI 'JIGS PA BZHI DANG, MA 'DRES PA'I DRAN PA NYE BAR GZHAG PA GSUM DANG; THUGS RJE CHEN PO DANG LDAN PA, 'JIG RTEN LA PHAN PAR ZHUGS PA, SRUNG BA GCIG PU PA, NYAG GCIG DPA' BA, GNYIS PA MED PA, GNYIS SU MI GSUNG BA, ZHI GNAS DANG LHAG MTHONG GIS BZHUGS PA, RIG PA GSUM GSAL BAR MDZAD PA, BSLAB PA GSUM LA LEGS PAR BSLABS PA, DUL BA'I GNAS GSUM GYI GZHI LA MKHAS PA, CHU BO BZHI LAS RGAL BA, RDZU 'PHRUL GYI RKANG PA BZHIS SPYOD PA'I GZHI LA LEGS PAR GNAS PA, BSDU BA'I DNGOS PO BZHI LA YUN RING PO NAS YONGS SU SBYANG BA MDZAD PA, MI 'JIGS PA BZHIS BSNYENGS PA MI MNGA' BA, YAN LAG LNGA SPANGS PA, 'GRO BA LNGA LAS YANG DAG PAR 'DAS PA, YAN LAG DRUG DANG LDAN PA, PHA ROL TU PHYIN PA DRUG YONGS SU RDZOGS PA, RTAG TU GNAS PA DRUG GIS GNAS PA, BYANG CHUB KYI YAN LAG BDUN GYI ME TOG GIS PHYUG PA, LAM GYI YAN LAG BRGYAD STON PA, MTHAR GYIS SNYOMS PAR 'JUG PA DGU LA MKHAS PA, STOBS BCU'I STOBS DANG LDAN PA, PHYOGS BCUR SNYAN PAS YANG DAG PAR RGYAS PA, BRGYA PHRAG BCUR DBANG SGYUR BA LAS KHYAD PAR 'PHAGS PA, KUN SHES KOOndI NA+YA @121B DANG; RLANGS PA DANG, MING CHEN DANG, MA 'GAGS PA DANG, SH'A RI'I BU DANG, MOOD GAL GYI BU DANG, 'OD SRUNG DANG, KUN DGA' BO DANG, NAM GRU LA SOGS PA NYAN THOS CHEN PO DAG DANG, GZHAN YANG DGE SLONG GI DGE 'DUN MANG POS YONGS SU BSKOR CING MDUN DU BDAR NAS KO SA LA DAG TU LJONGS RGYUR GSHEGS TE MNYAN YOD DU BYON NAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD PA'I TSONG PA DAG ZONG THOGS TE RGYAL PO'I KHAB TU DONG BA DAG GAL TE DON MTHUN MANG NA DE LA RGYAL PO'AM, BRAM ZE DBYAR TSUL SHO GAM GCOD PAR BYED PAS BRAM ZE DBYAR TSUL GYIS SHO GAM PA DAG LA SMRAS PA, GANG GI TSE MNYAN YOD PA'I TSONG PA DAG MNYAN YOD DU PHYIR 'GRO BA DE'I TSE NA KHO BO LA SBRON CIG ,SHO GAM PA DAG GIS TSONG PA DAG LA BSGO NAS DE DAG GIS ZONG BSGYUR TE RIN BLANGS NAS BRAM ZE DBYAR TSUL GYI GAN DU DONG STE BDAG CAG MNYAN YOD DU MCHI NA BGYI BA CI MCHIS ZHES SMRAS PA DANG, BRAM ZE DBYAR TSUL GYIS TSONG PA GCIG LA K'AR sh'A PA nA DRUG BCU GTAD DE KHYOD KYIS 'DI BTZUN PA NYE DGA'I GAN DU KHYER LA PHUL CIG CES BSGO'O, , TSONG PA DES BSAMS PA, GANG BRAM ZE DBYAR TSUL GYIS DAD PAR BYA BA'I DGE SLONG DE NI GDON MI ZA BAR GRAGS PA YIN PAS BDAG GIS KYANG DE LA DGA' BA CUNG ZAD BYAS, GOS DAG BSKON NO SNYAM NAS DE 'OD MA'I TSAL DU SONG STE DGE SLONG GI GAN DU PHYIN NAS DRIS PA, 'PHAGS PA DGE SLONG GI TSUL DANG MTHUN PA'I GOS DAG JI LTAR LAGS, BZHIN BZANGS CI DGE 'DUN LA RAS YUG CHEN GYI SBYIN PA BYED DAM, 'PHAGS PA DGE 'DUN LA RAS YUG CHEN GYI SBYIN PA MI BGYID DE, 'DI LTAR BRAM ZE DBYAR TSUL GYIS BTZUN PA NYE DGA' LA K'AR sh'A PA nA DRUG BCU BSKUR BA DAG DE'I GOS DAG TU BSGYUR TE MCHI'O, ,DGE SLONG DES SMRAS PA, BZHIN BZANGS GOS DAG KYANG LEN CING KHYOD K'AR sh'A PA nA DRUG BCU YANG 'BUL DU 'JUD PA GANG YIN PA DE LTA BU'I GNAS YOD PAR 'GYUR RO, ,TSONG PA DES BSAMS PA, 'DI NI GOR MA CHAG PAR @122A *, ,DE DANG KHO NA YOD PA YIN NO SNYAM NAS DE DGE SLONG GZHAN ZHIG GI GAN DU SONG STE DRIS PA, 'PHAGS PA DGE SLONG GI TSUL DANG MTHUN PA'I GOS DAG JI LTA BU LAGS, BZHIN BZANGS CI DGE 'DUN LA RAS YUG CHEN GYI SBYIN PA BYED DAM, 'PHAGS PA DGE 'DUN LA RAS YUG CHEN GYI SBYIN PA MI BGYID DE 'DI LTAR BRAM ZE DBYAR TSUL GYIS BTZUN PA NYE DGA' LA K'AR sh'A PA nA DRUG BCU BSKUR BA DAG DE'I GOS DAG TU BSGYUR TE MCHI'O, ,DGE SLONG DES SMRAS PA, GAL TE RGYAS MA BTAB PAR KHYER NA KHYOD YUL GYI KHE SPOGS 'BUL DU 'JUD PA GANG YIN PA DE LTA BU'I GNAS YOD PAR 'GYUR RO; ,TSONG PA DES BSAMS PA, 'DI DANG DE GNYIS MTHUN NO SNYAM NAS DE BRAM ZE DBYAR TSUL GYI GAN DU SONG STE SMRAS PA, DBYAR TSUL K'AR sh'A PA nA 'DI DAG RGYAS THOB SHIG ,BZHIN BZANGS YID CHES KYIS KHYOD NYID KYIS KHYER CIG ,DBYAR TSUL BDAG LA THUGS CHES MOD KYIS 'ON KYANG BDAG GIS LEGS PAR BGYI BA BGYI'O, ,DBYAR TSUL GYIS RGYAS BTAB NAS DES DE DAG KHYER TE MNYAN YOD DU SONG NAS DE RGYAL BYED KYI TSAL DU SONG STE DGE SLONG RNAMS LA DRIS PA, 'PHAGS PA DAG 'PHAGS PA NYE DGA'I GTZUG LAG KHANG GANG LAGS, DE DAG GIS DE'I GTZUG LAG KHANG 'DI YIN NO ZHES BSTAN NAS DE DER SONG BA DANG NYE DGA' MI SNANG NAS DES DGE SLONG ZHIG LA DRIS PA, 'PHAGS PA BTZUN PA NYE DGA' GAR BZHUD, DES SMRAS PA, NYIN MO SPYOD PA'I PHYIR RO, ,TSONG PA DES SMRAS PA, BRAM ZE DBYAR TSUL GYIS DE LA K'AR h'A PA nA DRUG BCU BSKUR BA 'DI DAG ZHOG LA DE MCHIS NA STZOL CIG ,BZHIN BZANGS KHYOD KYIS SGRON MA RAB TU 'BAR BA MGO BOS 'DZIN PA 'GA' MTHONG NGAM, DES BSAMS PA, 'DI NI GDON MI ZA BAR DE DANG KHO NA YOD PA YIN NO SNYAM NAS DES DGE SLONG GZHAN ZHIG GI GAN DU SONG STE SMRAS PA, 'PHAGS PA BRAM ZE DBYAR TSUL GYIS BTZUN PA NYE DGA' LA K'AR sh'A PA nA DRUG BCU BSKUR BA 'DI DAG ZHOG LA DE MCHIS NA STZOL CIG ,BZHIN BZANGS GAL TE KHYOD KYIS RGYAS MA BTAB PAR 'ONGS NA KHYOD YUL GYI KHE SBOGS 'JAL DU 'JUD PA GANG YIN PA DE LTA BU'I GNAS YOD PAR 'GYUR RO, ,DES @122B BSAMS PA, 'DI DANG DE GNYIS SU MTHUN GYIS KHYIM DU SONG LA DE NYID DU DE 'ONGS PA LA BDE BAR TSIG GI LAN GDAB BO SNYAM NAS SMRAS PA, 'PHAGS PA BTZUN PA NYE DGA' LA KHYIM BDAG GI MCHID NAS 'DI SKAD CES BDAG GI SDUM PA NI PHYOGS GA GE MO ZHIG NA MCHIS KYIS GAL TE K'AR sh'A PA nA BZHED NA GSHEGS SU GSOL ZHES GSUNGS SHIG CES SMRAS TE SONG NGO, ,NYE DGA' YANG GTZUG LAG KHANG DU 'ONGS NAS DGE SLONG RNAMS KYIS SMRAS PA, BTZUN PA NYE DGA' BCOM LDAN 'DAS KYIS TSUL KHRIMS DANG LDAN PA'I SEMS KYI SMON PA 'GRUB STE, DE YANG TSUL KHRIMS RNAM PAR DAG PA'I PHYIR RO ZHES BYA BA DE LEGS PAR GSUNGS PA YIN TE, KHYOD DENG KHO NA NYIN MO SPYOD DU SONG BAS DENG NYID DU K'AR sh'A PA nA DRUG BCU GRUB BO, ,GANG GIS BCOM LDAN 'DAS KYI 'KHOR STONG NYID BRGYA LNGA BCU RE RE LA K'AR sh'A PA nA DRUG BCU DRUG BCU BYIN PA'I SBYIN BDAG DE LTA BU DE GANG YIN, BTZUN PA NYE DGA' DGE 'DUN THAMS CAD LA MA YIN GYI KHYOD GCIG BU LA'O, ,GANG GIS NYE DGA' LA K'AR sh'A PA nA DRUG BCU BYIN PA'I SBYIN BDAG DE LTA BU DE GANG YIN, BRAM ZE DBYAR TSUL GYIS BSKUR RO, ,DE NI PHYI ROL GYI RNYED PA KHO NA YIN NA RGYA MA BYID DAM, MA ZHU'AM, SGYU MA ZHUGS SAM, SUS BRTAGS, MA BRTAGS PA KHO NAR BLANGS SAM, SUS BLANGS, KHO BO NI DGRA BO SHA STAG GI NANG NA 'DUG GO, ,DE LA DGE SLONG GZHAN DES SMRAS PA, BTZUN PA NYE DGA' YI CHAD DU CI YOD, KHYIM BDAG DE NA RE BDAG GI SDUM PA NI PHYOGS GA GE MO ZHIG NA MCHIS KYIS GAL TE K'AR sh'A PA nA BZHED NA GSHEGS SU GSOL ZHES ZER RO, ,NYE DGA'AS SNAM SBYAR BLANGS TE GOM PA BSKYED DE SONG BA DANG, KHYIM BDAG DES DE THAG RING PO KHO NA NAS 'ONG BA MTHONG NAS, DES BSAMS PA, DGE SBYONG HRAL PO GOM PA 'DI LTA BUS 'ONG PA 'DI NI BTZUN PA NYE DGA' YIN GOR MA CHAG SNYAM NAS, DES THAG RING PO KHO NA NAS DE LA SMRAS PA, KHYOD BTZUN PA NYE DGA' MA LAGS SAM, KHO BO YIN NO, ,BRAM ZE DBYAR TSUL GYIS KHYOD LA K'AR sh'A PA nA DRUG BCU BSKUR BA 'DI LAGS @123A *, ,KYIS BZHES SHIG ,AA ROG GYA SBYIN PA 'DIS KHYOD SEMS KYI RGYAN DANG, SEMS KYI YO BYAD DANG, RNAL 'BYOR GYI TSOGS DANG, DON GYI MCHOG THOB PA DANG, LHA DANG MI RNAMS KYI LONGS SPYOD KYANG THOB PAR GYUR CIG ,'PHAGS PA CI'I SLAD DU BDAG GI MING GIS YON BSHAD PA MDZAD, BRAM ZE DBYAR TSUL GYI MING GIS YON BSHAD PA MDZOD CIG ,BKREN PA 'DI LA DGOS PA CI YOD, 'DI LTAR KHYOD KYIS KYANG MANG DU BYAS TE KHYOD KYIS KHYER TE 'ONGS PA'I PHYIR RO, ,GANG GIS 'DI KHYER TE SRANG DU 'GRO BA'I KHYE'U ZHIG RE ZHIG RNYOS SHIG , 'PHAGS PA BDAG LA KHYE'U MA MCHIS SO, ,BKREN PA RGYAL PO'I KHAB NAS THAG RING PO 'DI SRID DU KHYER TE 'ONGS NA SRANG DU SKYEL MI NUS SAM, DES KHYE'U LA SMRAS PA, K'AR sh'A PA nA KHYER TE 'PHAGS PA'I PHYI BZHIN SONG LA PHYI ROL DU MA 'BYUNG SHIG ,'DIS KHYOD LA BCA' BA'I RIN SBYIN DU MA GZHUG SHIG ,KHYE'U DES K'AR sh'A PA nA KHYER TE DE'I PHYI BZHIN SRANG DU SONG NAS TSONG RDAL DANG POR PHYIN PA DANG, DES SMRAS PA, 'PHAGS PA K'AR sh'A PA nA 'DI DAG 'DIR 'JOG TU STZOL CIG ,NYE DGA'AS KHYE'U KHYOD SHIN TU LEGS PAR BSLABS SO, ,ZHES DES SPOS 'TSONG GI KHYE'U ZHIG LA SMRAS PA, BZHIN BZANGS K'AR sh'A PA nA 'DI DAG RE ZHIG ZHOG SHIG ,'PHAGS PA BDAG NI BLA MA LA RAG LAS PA LAGS SO, ,KHYOD NAM YANG RANG LA RAG LAS PAR MA GYUR CIG ,DES SPOS 'TSONG GI KHYE'U GZHAN ZHIG GI GAN DU SONG STE SMRAS PA, BZHIN BZANGS K'AR sh'A PA nA 'DI DAG RE ZHIG ZHOG SHIG ,'PHAGS PA BDAG GI BLA MA SLAD ROL DU MCHIS SO, ,NAM YANG 'JUG PAR MA GYUR CIG ,DE SPOS 'TSONG GI KHYE'U DAD PA GSAR DANG LDAN PA ZHIG YOD PA DE'I GAN DU SONG STE SMRAS PA, BZHIN BZANGS K'AR sh'A PA nA 'DI DAG RE ZHIG ZHOG SHIG ,'PHAGS PA BDAG MA LA RAG LAS PA LAGS SO, ,KHO BOS KO KHYOD DAD PA DANG LDAN PAR SHES KYI KHO BOS KHYOD JI LTAR RTUG PA LA DAD PAR NI MI SHES SO, ,GAL TE KHYOD KYIS DAD PA MA THOB TU ZIN NA KHYOD KYIS SHING TSAL BLANGS TE DGE SLONG SKROD PAR YANG 'GYUR RO, ,DE @123B SKYENGS NAS SMRAS PA, 'PHAGS PA GZHAG TU GSOL, NYE DGA'AS K'AR sh'A PA nA DE DAG DER BZHAG STE KHYIM BDAG GI KHYE'U DE PHYIR BTANG STE SONG NGO, ,TSONG PA'I TSOGS KYIS KYANG BDAG CAG LAS GANG NYI MA SHAR NA 'ONG BA DE BDAG CAG GIS K'AR sh'A PA nA DRUG BCU 'JAL DU GZHUG GO ZHES KHRIMS SU BYA BA BCAS NAS SPOS 'TSONG GI KHYE'U DE LA MAS SMRAS PA, BU CI NAS KYANG BDAG NYID K'AR sh'A PA nA DRUG BCU 'JAL DU MI GZHUG PA DE LTAR GYIS SHIG ,NYE DGA' MTSAN MO 'GYOD PA SKYES TE SPOS 'TSONG GI KHYE'U DE DAD PA GSAR DANG LDAN PA YIN PAS, K'AR sh'A PA nA DE DAG BSNYON PAR 'GYUR BA'I GNAS GANG YIN PA DE LTA BU YOD PAR 'GYUR RO SNYAM NAS DE NANG PAR SNGAR LANGS TE KHYE'U ZHIG KHRID NAS DE TSONG RDAL DU SONG BA DANG, SPOS 'TSONG GI KHYE'U DE TSONG RDAL 'BYED CING 'DUG PA DES MTHONG NAS SMRAS PA, BZHIN BZANGS K'AR sh'A PA nA DE DAG BYIN CIG , 'PHAGS PA TSONG PA'I TSOGS KYIS BDAG CAG LAS GANG GDUGS SHAR NA MCHI BA DE K'AR sh'A PA nA DRUG BCU 'JAL DU STZAL BA'I KHRIMS SU BGYI BA BCAS PAS BDAG CAG TSONG PA'I TSOGS KYI NANG DU MCHIS TE, SLAR MCHIS KYI BAR DU YUD TZAM ZHIG BZHES SU GSOL, BKREN PA SU ZHIG KHYOD KYI LTO GOL BA YIN SNYAM SU ZHIG SGYING PA GNYIS SKRANGS SU SDOD PAR 'GYUR, GAL TE MA BYIN PAR 'GRO NA KO SA LAR BYUNG BA'I RGYAL PO GSAL RGYAL GYI SA K'AR sh'A PA nA DRUG BCU 'JAL DU GZHUG PA'I GYOD LA BSGRIN PAR BYA'O, ,SPOS 'TSONG GI KHYE'U DE KHROD NAS K'AR sh'A PA nA'I THUM BU DE 'PHANGS PA DANG, DE'I RGYA GOGS SO, ,NYE DGA'AS SMRAS PA, RGYA MA BYID DAM, MA ZHU'AM, SGYU MA ZHUGS SAM BLTA'O, ,CI KHO BO KHYOD KYIS BRTAGS TE GTAD DAM, GAL TE KHYOD KYIS BRTAGS TE MA BLANGS NA CI'I PHYIR RGYA GCOG PAR BYED, NYE DGA'AS SPOS 'TSONG GI KHYE'U DE DE SRID DU BSKOR GYI BAR DU TSONG PA'I TSOGS KYIS DE'I KHYIM NAS K'AR sh'A PA nA DRUG BCU'I GTA' BCAD NAS, DE LA MAS SMRAS PA, BU KHYOD KYIS LAS CI BYAS NA DES KHYOD KYIS BDAG NYID K'AR sh'A PA nA DRUG BCU'I GYOD LA BSGRIN PAR GYUR, KHYE'US SMRAS PA, GANG @124A *, ,DAG SH'AKYA'I SRAS KYI DGE SBYONG RNAMS LA MNGON PAR DAD PAR BYED PA DE DAG 'DI LTAR 'GYUR TE, DAD PA'I MYU GU SKYES MA THAG PA NYID NYAMS PAR BYAS SO ZHES ZER BA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, , SANGS RGYAS BCOM LDAN 'DAS KYIS TSE DANG LDAN PA NYE DGA' LA RMAS PA, NYE DGA' KHYOD KYIS MI MDZES PA DE LTA BU DE BYAS PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GI PHYIR RGYAL PO'AM, BLON PO CHEN PO'AM, BRAM ZE'AM, KHYIM BDAG GAM, GRONG RDAL GYI MI'AM, YUL GYI MI'AM, NOR CAN NAM, TSONG DPON NAM, DED DPON GYIS PHO NYA'I LAG TU GOS KYI RIN DAG BSKUR BAR GYUR LA, DE NAS PHO NYA DE GOS KYI RIN DE DAG KHYER NAS DGE SLONG DE GA LA BA DER SONG STE PHYIN NAS, DGE SLONG DE LA 'DI SKAD CES 'PHAGS PA MKHYEN PAR MDZOD CIG ,KHYOD LA RGYAL PO'AM, BLON PO CHEN PO'AM, BRAM ZE'AM, KHYIM BDAG GAM, GRONG RDAL GYI MI 'AM, YUL GYI MI'AM, NOR CAN NAM, TSONG DPON NAM, DED DPON CHE GE MOS GOS KYI RIN 'DI DAG BSKUR GYIS @124B 'PHAGS PAS THUGS BRTZE BA'I SLAD DU 'DI DAG BZHES SHIG CES ZER NA DGE SLONG DES, PHO NYA DE LA 'DI SKAD CES TSE DANG LDAN PA PHO NYA DGE SLONG DAG NI GOS KYI RIN DAG LEN DU MI RUNG STE, BDAG CAG GOS RUNG BA DUS SU RNYED NA NI LEN TO ZHES BRJOD PAR BYA'O, ,GAL TE PHO NYA DES DGE SLONG DE LA 'DI SKAD CES 'PHAGS PA RNAMS KYI ZHAL TA BGYID PA, 'PHAGS PA RNAMS KYI ZHAL TA NYAMS SU LEN PA GANG LAGS PA, 'GA' MCHIS SAM ZHES ZER NA DGE SLONG GOS 'DOD PAS PHO NYA 'DI NI DGE SLONG RNAMS KYI ZHAL TA BYED PA STE, 'DI NI DGE SLONG RNAMS KYI ZHAL TA NYAMS SU LEN PA'O ZHES KUN DGA'I RA BA PA'AM, DGE BSNYEN ZHAL TA BYED PA BSTAN PAR BYA'O, ,DE NAS PHO NYA DES GOS KYI RIN DE DAG KHYER NAS ZHAL TA BYED PA GA LA BA DER 'GRO BAR BYA ZHING PHYIN NAS ZHAL TA BYED PA DE LA 'DI SKAD CES TSE DANG LDAN PA ZHAL TA BYED PA SHES PAR GYIS SHIG , KHYOD KYI GOS KYI RIN 'DI DAG GIS GOS 'DI DANG 'DI LTA BU ZHIG NYOS LA DGE SLONG MING 'DI ZHES BYA BA 'ONGS DANG DE LA GOS RUNG BA DUS SU SKON CIG CES BRJOD PAR BYA'O, ,DE NAS PHO NYA DES ZHAL TA BYED PA DE LA SHIN TU LEGS PAR YANG DAG PAR BSGO ZHING YANG DAG PAR BSTAN NAS, DGE SLONG DE GA LA BA DER 'GRO BAR BYA ZHING PHYIN NAS, DGE SLONG DE LA 'DI SKAD CES 'PHAGS PAS ZHAL TA BGYID PA BSTAN PA GANG LAGS PA DE LA BDAG GIS YANG DAG PAR BSTAN LAGS KYIS DE'I GAN DU BZHUD CIG DANG, DES KHYOD LA GOS RUNG BA DUS SU SKON PAR 'GYUR RO ZHES BRJOD PAR BYA'O, , DGE SLONG GOS 'DOD PAS ZHAL TA BYED PA'I GAN DU SONG LA TSE DANG LDAN PA ZHAL TA BYED PA BDAG GOS 'DOD DO, ,TSE DANG LDAN PA ZHAL TA BYED PA BDAG GOS 'DOD DO ZHES LAN GNYIS LAN GSUM DU BSKUL BAR BYA, DRAN PAR BYA'O, ,LAN GNYIS LAN GSUM DU BSKUL ZHING DRAN PAR BYAS PA NA GAL TE GOS DE GRUB NA DE LTA NA LEGS, GAL TE MA GRUB NA LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PAR BYA'O, ,LAN BZHI LAN LNGA LAN DRUG GI BAR DU PHYOGS SU CANG MI SMRA BAR BSDAD PA NA, GAL TE GOS DE GRUB NA DE LTA NA LEGS, GAL TE @125A *, ,MA GRUB NA DE'I 'OG TU GOS BSGRUB PA'I PHYIR BRTZAL TE, GOS GRUB PA NA SPANG BA'I LTUNG BYED DO, ,GAL TE MA GRUB NA PHYOGS GANG NAS GOS KYI RIN DE DAG 'ONGS PA DER BDAG 'GRO BAR BYA'O, ,YANG YID BRTAN PA'I PHO NYAS TSE DANG LDAN PA DAG GIS DGE SLONG CHE GE MO'I PHYIR GOS KYI RIN GANG DAG BSKUR BA DE DAG NI DGE SLONG DE'I DON CI YANG MA GRUB KYIS, SHES PAR GYIS SHIG TSE DANG LDAN PA DAG GIS RANG GI NOR CHUD MA GZAN CIG CES SPRING BAR BYA STE, DE LA DE NI CHO GA YIN NO, ,DGE SLONG GI PHYIR ZHES BYA BA NI, SH'AKYA'I BU NYE DGA' 'AM, GZHAN YANG DE LTA BU GANG YIN PA'I PHYIR RO, ,RGYAL PO'AM ZHES BYA BA NI 'DI LTA STE, BUD MED RGYAL SRID LA DBANG BSKUR BAS DBANG BSKUR BAR GYUR NA DE YANG RGYAL PO RGYAL RIGS SPYI BOR DBANG BSKUR BA YIN LA, RGYAL RIGS DANG, BRAM ZE DANG, RJE'U RIGS DANG; DMANGS RIGS DAG RGYAL SRID LA DBANG BSKUR BAS DBANG BSKUR BAR GYUR NA DE YANG RGYAL PO RGYAL RIGS SPYI BOR DBANG BSKUR BA YIN NO, ,BLON PO CHEN PO'AM ZHES BYA BA NI RGYAL PO LAS GZHAN PA BLON PO DANG, RTZIS MKHAN DANG, SNA CHEN PO LA GTOGS PA RGYAL SRID BYED PA GSANG TSIG MTHUN PAS 'TSO BA GANG DAG RGYAL PO LA BRTEN NAS 'TSO BAR BYED PA DAG GO, ,BRAM ZE'AM ZHES BYA BA NI BRAM ZE GTZANG SBRA CAN NO, ,KHYIM BDAG GAM ZHES BYA BA NI PHYUG PA'O, ,GRONG RDAL GYI MI'AM ZHES BYA BA NI GRONG KHYER GYI MI'O, ,YUL GYI MI'AM ZHES BYA BA NI YUL MI'O, ,NOR CAN NAM ZHES BYA BA NI NOR BYED PAS PHYUG PA'O, ,TSONG DPON NAM ZHES BYA BA NI COD PAN BCINGS PA'O, ,DED DPON GYIS ZHES BYA BA NI GANG GIS LAN GNYIS SAM GSUM DON MTHUN 'DAS PAR GYUR PAS SO, ,PHO NYA'I LAG TU ZHES BYA BA NI SKYES PA DANG; BUD MED DANG, MA NING GI'O, ,GOS KYI RIN DAG CES BYA BA NI GSER RAM DNGUL DAG GO, ,ZER NA ZHES BYA BA NI SMRA NA'O, ,GOS RUNG BA ZHES BYA BA NI SPYANG BZOD PA'O, ,DGE SLONG GOS 'DOD PAS ZHES BYA BA NI GAL TE DON DU GNYER NA'O, ,KUN DGA'I RA BA PA @125B ZHES BYA BA NI RUNG BA BYED PA'O, ,DGE BSNYEN ZHES BYA BA NI GSUM LA SKYABS SU SONG BA BSLAB PA'I GZHI LNGA BLANGS PA'O, ,PHYOGS SU ZHES BYA BA NI PHYOGS BZHI PO DAG TU STE, PHYOGS BZHI PO DAG GANG ZHE NA, 'BOD GNAS DANG, KHYIM GNAS DANG, LAS KYI MTHA' DANG, LAS KYI GNAS DAG GO, ,'BOD GNAS NI RDZA MKHAN GYI GNAS DANG, 'DREG MKHAN GYI GNAS DANG, KHYIM GNAS NI KHYIM MAM CHU'I GNAS SO, ,LAS KYI MTHA' NI BU RAM SHING GI LAS KYI MTHA' DANG, S'A LU'I LAS KYI MTHA' DANG, LAN TSVA'I LAS KYI MTHA' DAG GO, , LAS KYI GNAS NI TSONG KHANG DANG TSONG RDAL LO, ,CANG MI SMRA BAR BSDAD PAR BYA'O, ,ZHES BYA BA NI BSKUL BA'I SGO DRUG PO DAG GIS TE, BSKUL BA'I SGO DRUG PO DAG GANG ZHE NA, KHYOD 'ONGS SAM ZHES ZER BA LA DE'I PHYIR RO ZHES BYA BA DANG, 'ONGS PA LEGS SO ZHES ZER BA LA DE'I PHYIR RO ZHES BYA BA DANG, STAN 'DI LA 'DUG SHIG CES ZER BA LA DE'I PHYIR RO ZHES BYA BA DANG, RKANG PA KHRUS SHIG CES ZER BA LA DE'I PHYIR RO ZHES BYA BA DANG, BCA' BA DANG BZA' BA ZO SHIG CES ZER BA LA DE'I PHYIR RO ZHES BYA BA DANG, BTUNG BA 'THUNGS SHIG CES ZER BA LA DE'I PHYIR RO ZHES BYA BA'O, ,BSKUL BA'I SGO DRUG PO DE DAG HA CANG MYUR BA DANG, THOGS PA MED PAR BRJOD CING DE LA GZHAN GYI TSIG GI SKABS MED PAR BYED NA BSKUL BA'I SGO DRUG PO DAG YONGS SU MA RDZOGS PAR BRJOD PAR BYA'O, ,BSKUL BA'I SGO DRUG PO DE DAG HA CANG MI MYUR BA DANG, THOGS PA DANG BCAS PAR RJOD PAR BYED CING DE LA GZHAN GYI TSIG GI SKABS YOD PAR BYED NA, BSKUL BA'I SGO DRUG PO DAG YONGS SU RDZOGS PAR BRJOD PAR BYA'O, ,DE'I 'OG TU ZHES BYA BA NI DE'I 'OG ROL DU'O, ,GOS GRUB NA ZHES BYA BA NI THOB NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA STE DES NA SPANG BA'I LTUNG BYED DO, ,ZHES GSUNGS SO, ,GAL TE MA GRUB NA PHYOGS GANG NAS GOS KYI RIN DE DAG 'ONGS PA DER BDAG 'GRO BAR BYA'O, ,ZHES BYA BA NI BDAG NYID 'GRO BAR BYA'O, ,YANG @126A *, ,NA YID BSTAN PA'I PHO NYA LAS ZHES BYA BA NI LHAN CIG GNAS PA'AM NYE GNAS LAS SO, ,DE LA DE NI CHO GA YIN NO ZHES BYA BA NI DE LA DE NI RJES SU MTHUN PA'I CHOS YIN PA'O, ,DE LA LTUNG BAR JI LTAR 'GYUR ZHE NA, GAL TE ZHAL TA BYED PA DE DGE SLONG DE'I GAN DU 'ONGS NAS 'DI SKAD CES 'PHAGS PA GOS 'DI DAG BZHES SHIG CES ZER NA DGE SLONG DES ZHAL TA BYED PA DE LA 'DI SKAD CES BDAG GIS 'DI DAG SPANGS ZIN GYIS SONG LA DE NYID LA BYIN CIG CES BRJOD PAR BYA'O, ,GAL TE ZHAL TA BYED PA DE DGE SLONG DE LA 'DI SKAD CES 'PHAGS PA BDAG GIS DE'I SEMS BSDU BA RJES SU BSGRUB KYIS BZHES SHIG CES ZER NA BLANG BAR BYA'O, ,DGE SLONG GIS GO RIMS DE LTA BU MA BYAS PAR GANG CUNG ZAD LEN NA THAMS CAD DU NYES BYAS SU 'GYUR RO, ,MI MA YIN PAS SBYIN PAR BYED CING MI MA YIN PA'I PHO NYA DANG, MI MA YIN PAS RUNG BAR BYED NA NYES BYAS SU 'GYUR RO, ,MI MA YIN PAS SBYIN PAR BYED CING MI MA YIN PA'I PHO NYA DANG, MIS RUNG BAR BYED NA YANG NYES BYAS SU 'GYUR RO, ,MI MA YIN PAS SBYIN PAR BYED CING MI'I PHO NYA DANG, MI MA YIN PAS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI MA YIN PA'I PHO NYA DANG, MI MA YIN PAS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI'I PHO NYA DANG, MI MA YIN PAS RUNG BAR BYED NA NYES BYAS SU 'GYUR RO, ,MIS SBYIN PAR BYED CING MI MA YIN PA'I PHO NYA DANG, MIS RUNG BAR BYED NA NYES BYAS SU 'GYUR RO, ,MI MA YIN PAS SBYIN PAR BYED CING, MI'I PHO NYA DANG, MIS RUNG BAR BYED NA YANG NYES BYAS SU 'GYUR RO, ,MIS SBYIN PAR BYED CING MI'I PHO NYA DANG, MIS RUNG BAR BYED NA NI SPANG BA'I LTUNG BYED DU 'GYUR RO, ,DGE SLONG GI GOS SPANG BAR GYUR NA DE MA SPANGS SHING BRAL BAR MA BYAS LA LTUNG BA MA BSHAGS PAR GOS GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR MA BYAS LA LTUNG BA MA BSHAGS PAR GOS GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE @126B SLONG GI GOS SPANG BAR GYUR NA DE SPANGS SHING BRAL BAR BYAS LA, LTUNG BA MA BSHAGS PAR GZHAN ZHIG RNYED NA DE YANG SNGA MA'I RGYUD KYIS SPANG BAR 'GYUR RO, ,DGE SLONG GI GOS SPANG BAR GYUR NA DE SPANGS SHING BRAL BAR BYAS LA LTUNG BA BSHAGS NAS GOS GZHAN ZHIG RNYED NA DE LA LTUNG BA MED DO, ,DE BZHIN DU DGE SLONG GIS JI SRID DU GZHI DES MA BSHAGS SHING SO SOR MA BSHAGS PAR LHUNG BZED DAM, CHOS GOS SAM, DRA BA'AM, PHOR BU'AM, SKA RAGS SAM, DGE SBYONG GI 'TSO BA'I YO BYAD GANG YANG RUNG BA NYE BAR 'JOG NA DE YANG SPANG BAR 'GYUR RO, ,LAS DANG PO BA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,BSKUR BA'I SPANG BA STE BCU PA RDZOGS SA-HO,, ,,SDOM LA, SRIN BAL 'BA' ZHIG CHA GNYIS DANG, ,DRUG DANG MTHO GANG LAM DANG NI, ,'KHRU BA DANG NI GSER DNGUL DANG, ,MNGON MTSAN CAN DANG NYO 'TSONG NGO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DAG SRIN BAL GYI STAN SAR PA BYED PA DANG, BYED DU 'JUD DE, DGE SLONG DAG SRIN BAL GYI STAN SAR PA BYED PA DANG, BYED DU 'JUD PA NA SRIN BAL DKON ZHING RIN CHE BAS BYA BA MANG BA DANG, BYED PA MANG BAR GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, SRIN BAL 'DOD PA DANG, SRIN BAL GYI DON NYID DU 'ONGS PA DAG BRAM ZE DANG, KHYIM BDAG RNAMS LA YANG DANG YANG DU RIG PAR BYED NAS, GZHAN MU STEGS CAN DAG SHES LDAN DAG SH'AKYA'I BU'I DGE SBYONG 'DI DAG NI SROG GCOD PAR BYED PA DAG STE, SROG GCOD PA LAS MA LOG MA SPANGS SO SOR MA SPANGS PAS DES NA SRIN BAL GYI STAN SAR PA BYED PA DANG, BYED DU 'JUD DE, DE DAG SRIN BAL GYI STAN SAR PA BYED PA DANG, BYED DU 'JUD PAS SRIN BAL 'BYUNG BA'I SRIN BU SROG CHAGS MANG PO'I TSOGS BSGRUB SHING SROG GCOD PAR @127A *, ,BYED DE, SU ZHIG DGE SBYONG MGO REG 'DI DAG LA BSOD SNYOMS SBYIN PA DANG BYA BAR SEMS ZHES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG DAG GIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE, ZHES BYA BA LA SOGS PA YANG SNGA MA BZHON NO, , SANGS RGYAS BCOM LDAN 'DAS KYIS DGE SLONG RNAMS LA RMAS PA, DGE SLONG DAG KHYOD SRIN BAL GYI STAN SAR PA BYED PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAM PAR SMAD PAR MDZAD DO, ,DE NAS BCOM LDAN 'DAS KYIS 'DOD PA CHUNG BA DANG, CHOG SHES PA DANG, GSO SLA BA DANG, DGANG SLA BA DANG, PHRENG BA DANG, YO BYAD BSNYUNGS PA DANG, SBYANGS PA'I YON TAN DANG, MDZES PA DANG, DROD RIG PA NYID KYI BSNGAGS PA BRJOD NAS, DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS, 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG SRIN BAL GYI STAN SAR PA BYED NA SPANG BA'I LTUNG BYED DO, ,YANG DGE SLONG GANG ZHES BYA BA NI CHOS 'DI BA'O, ,SRIN BAL GYI STAN ZHES BYA BA NI STAN GNYIS TE, NANG TSANGS CAN DANG, RLINGS PA STE, DON 'DIR NI GNYIS KA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS SAM GZHAN BYED DU 'JUD NA'O, ,SPANG BA'I @127B LTUNG BYED ? DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO, ,ZHES GSUNGS SO, ,DE LA LTUNG BAR JI LTAR 'GYUR ZHE NA, CHUN PO DANG, 'DA' BA DANG, PHUNG PO LAS TE, DGE SLONG GIS SRIN BAL DAG GI CHUN PO 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS SRIN BAL DAG GI 'DA' BAR 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS SRIN BAL DAG GI PHUNG PO 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS SRIN BAL DAG GI CHUN PO DANG 'DA' BA DANG, CHUN PO DANG, PHUNG PO DANG, 'DA' BA DANG, CHUN PO DANG, 'DA' BA DANG, PHUNG PO DANG, PHUNG PO DANG, CHUN PO DANG, PHUNG PO DANG, 'DA' BA DANG, CHUN PO DANG, 'DA' BA DANG, PHUNG PO 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,BYAS ZIN PA RNYED PA DANG, BYAS ZIN PA LA YONGS SU LONGS SPYOD PA DANG, RNYING PA MNGON PAR 'DU BYED PA LA LTUNG BA MED DO, ,LAS DANG PO BA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,SRIL BAL GYI SPANG BA STE BCU GCIG PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG DAG LUG BAL NAG PO 'BA' ZHIG GI STAN SAR PA BYED PA DANG, BYED DU 'JUD DE, DGE SLONG DAG LUG BAL NAG PO 'BA' ZHIG GI STAN SAR PA BYED PA DANG, BYED @128A *, ,DU 'JUD PA NA LUG BAL NAG PO 'BA' ZHIG DKON ZHING RIN CHE BAS BYA BA MANG BA DANG, BYED PA MANG BAR GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, LUG BAL NAG PO 'BA' ZHIG 'DOD PA DANG, LUG BAL NAG PO 'BA' ZHIG GI DON NYID DU 'ONGS PA DAG BRAM ZE DANG, KHYIM BDAG RNAMS LA YANG DANG YANG DU RIG PAR BYED NAS, DGE SLONG DON NYUNG DU DAG CI'I PHYIR, DGE SLONG DAG LUG GI BAL NAG PO 'BA' ZHIG GI STAN SAR PA BYED PA DANG, BYED DU 'JUD DE, DGE SLONG DAG LUG BAL NAG PO 'BA' ZHIG GI STAN SAR PA BYED PA DANG, BYED DU 'JUD PA NA LUG BAL NAG PO 'BA' ZHIG DKON ZHING RIN CHE BAS BYA BA MANG BA DANG, BYED PA MANG BAR 'GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, LUG BAL NAG PO 'BA' ZHIG 'DOD PA DANG, LUG BAL NAG PO 'BA' ZHIG GI DON NYID DU 'ONGS PA DAG BRAM ZE DANG, KHYIM BDAG RNAMS LA YANG DANG YANG DU RIG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG DAG GIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, ,SANGS RGYAS BCOM LDAN 'DAS KYIS DGE SLONG RNAMS LA RMAS PA, DGE SLONG DAG KHYED LUG BAL NAG PO 'BA' ZHIG GI STAN SAR PA BYED PA BDEN NAM, BTZUN PA MAD DO, ,SANGS RGYAS BCOM LDAN 'DAS KIS 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAM PAR SMAD PAR MDZAD DO, ,DE NAS BCOM LDAN 'DAS KYIS 'DOD PA @128B CHUNG BA DANG, CHOG SHES PA DANG, GSO SLA BA DANG, DGANG SLA BA DANG, PHRI BA DANG, YO BYAD BSNYUNGS PA DANG, SBYANGS PA'I YON TAN DANG, MDZES PA DANG, DROD RIG PA NYID KYI BSNGAGS PA BRJOD NAS, DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS, 'DUL BA LA NYAN THOS RNAMS KYI BSLAB PA'I GZHI BCA' BAR BYA STE, ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG LUG BAL NAG PO 'BA' ZHIG GI STAN SAR PA BYED NA SPANG BA'I LTUNG BYED DO, ,YANG DGE SLONG GANG ZHES BYA BA NI CHOS 'DI PA'O, ,LUG BAL ZHES BYA BA NI LUG GI BAL LO, ,NAG PO 'BA' ZHIG GI ZHES BYA BA NI NAG PO BZHI STE, RANG BZHIN GYIS GNAG PA DANG, SNGO BAS GNAG PA DANG, 'DAM KHA DANG; KHAM PA'O, ,STAN ZHES BYA NI STAN GNYIS TE, NANG TSANGS CAN DANG, RLINGS PA STE, DON 'DIR NI RLINGS PA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS SAM, GZHAN BYED DU 'JUD NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO, ,ZHES GSUNGS SO, ,DE LA LTUNG BAR JI LTAR 'GYUR ZHE NA, CHUN PO DANG, 'DA' BA DANG, PHUNG PO LAS TE, DGE SLONG GIS LUG BAL NAG PO 'BA' ZHIG DAG GI CHUN PO 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS LUG BAL NAG PO 'BA' ZHIG DAG GI 'DA' BA 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS LUG BAL NAG @129A *, ,PO 'BA' ZHIG DAG GI PHUNG PO 'BYED PAR BYED, 'JIG PAR BYED, RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,DGE SLONG GIS LUG BAL NAG PO 'BA' ZHIG DAG GI CHUN PO DANG, 'DA' BA DANG, CHUN PO DANG, PHUNG PO DANG, 'DA' BA DANG, CHUN PO DANG, 'DA' BA DANG, PHUNG PO DANG, PHUNG PO DANG, CHUN PO DANG, PHUNG PO DANG, 'DA' BA DANG, CHUN PO DANG, 'DA' BA DANG, PHUNG PO 'BYED PAR BYED, 'JIG PAR BYED RMEL BAR BYED CING JI SRID DU STAN MI BYED PA DE SRID DU NYES BYAS SU 'GYUR LA, STAN BYAS ZIN NA SPANG BA'I LTUNG BYED DU 'GYUR RO, ,BYAS ZIN PA RNYED PA DANG, BYAS ZIN PA LA YONGS SU LONGS SPYOD PA DANG, RNYED PA MNGON PAR 'DU BYED PA LA LTUNG BA MED DO, ,LAS DANG PO BA DANG; SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,BAL NAG PO 'BA' ZHIG GI SPANG BA STE BCU GNYIS PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,BCOM LDAN 'DAS KYIS DGE SLONG GIS LUG GI BAL NAG PO 'BA' ZHIG GI STAN SAR PA MI BYA'O ZHES GSUNGS PAS, DE DAG BAL DKAR PO DANG, MKHOB BAL CUNG ZHIG BCUG NAS LUG GI BAL NAG PO 'BA' ZHIG GI STAN SAR PA BYED PA DANG, BYED DU 'JUD DE, DES KYANG DE DAG BYA BA MANG BA DANG, BYED PA MANG BAR GYUR CING LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED DO, ,DE 'DOD PA DANG, DE'I DON NYID DU 'ONGS PA DAG BRAM ZE DANG, KHYIM BDAG RNAMS LA YANG DANG YANG DU RIG PAR BYED NAS, DGE SLONG DON NYUNG NGU DAG CI'I PHYIR DGE SLONG DAG BAL DKAR PO DANG, MKHOB BAL CUNG ZHIG BCUG NAS LUG GI BAL NAG PO 'BA' ZHIG GI STAN SAR PA BYED PA DANG, BYED DU 'JUG DE, DES @129B KYANG BYA BA MANG BA DANG, BYED PA MANG BAR GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS KYANG GTONG BAR BYED, DE 'DOD PA DANG, DE'I DON NYID DU 'ONGS PA DAG BRAM ZE DANG, KHYIM BDAG RNAMS LA YANG DANG YANG DU RIG PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG DAG GIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, ,ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE, ZHES BYA BA LA SOGS PA YANG SNGA MA BZHIN NO, ,SANGS RGYAS BCOM LDAN 'DAS KYIS DGE SLONG RNAMS LA RMAS PA, DGE SLONG NGAG KHYED CAG NGAS DGE SLONG GIS LUG GI BAL NAG PO 'BA' ZHIG GI STAN SAR PA MI BYA'O, ,ZHES GSUNGS PAS BAL DKAR PO DANG, MKHOB BAL CUNG ZHIG BCUG NAS LUG GI BAL NAG PO 'BA' ZHIG GI STAN SAR PA BYED PA DANG, BYED DU 'JUD PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAM PAR SMAD PA MDZAD DO, ,DE NAS BCOM LDAN 'DAS KYIS, 'DOD PA CHUNG BA DANG, CHOG SHES PA DANG, GSO SLA BA DANG, DGANG SLA BA DANG, PHRENG BA DANG, YO BYAD BSNYUNGS PA DANG, SBYANGS PA'I YON TAN DANG, MDZES PA DANG, DROD RIG PA NYID KYI BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE, ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GIS STAN SAR PA BYED NA CHA GNYIS NI LUG BAL NAG PO 'BA' ZHIG LAS GZHUG @130A *, ,PAR BYA, GSUM PA NI DKAR PO LAS, BZHI PA NI MKHOB BAL LAS GZHUG PAR BYA'O, ,GAL TE DGE SLONG GIS CHA GNYIS LUG BAL NAG PO 'BA' ZHIG LAS MA BCUG GAM, GSUM PA NI DKAR PO LAS, BZHI PA NI MKHOB BAL LAS MA BCUG PAR STAN SAR PA BYED NA SPANG BA'I LTUNG BYED DO, ,DGE SLONG GIS ZHES BYA BA NI CHOS 'DI PAS SO, ,STAN ZHES BYA BA NI STAN GNYIS TE, NANG TSANGS CAN DANG, RLINGS PA STE, DON 'DIR NI RLINGS PA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS SAM, GZHAN BYED DU 'JUD NA'O, ,CHA GNYIS NI LUG BAL NAG PO 'BA' ZHIG LAS GZHUG PAR BYA ZHES BYA BA LA, LUG BAL ZHES BYA BA NI LUG GI BAL LO, , NAG PO 'BA' ZHIG CES BYA BA NI NAG PO BZHI STE, RANG BZHIN GYIS GNAG PA DANG, SNGO BAS GNAG PA DANG, 'DAM KHA DANG, KHAM PA'O, ,GSUM PA NI DKAR PO LAS ZHES BYA BA LAS DKAR PO ZHES BYA BA NI GLO'I BAL DANG, RGYAB KYI BAL DANG, GNYA' BA'I BAL LO, ,BZHI PA NI MKHOB BAL LAS GZHUG PAR BYA'O ZHES BYA BA LA, MKHOB BAL ZHES BYA BA NI RKANG PA'I BAL DANG, MGO'I BAL DANG, LTO'I BAL LO, ,MA BCUG CES BYA BA NI MA BSRES PAR RO, ,SPANG BA'I LTUNG BYED DO, ,ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DES LA LTUNG BAR JI LTAR 'GYUR ZHE NA, DGE SLONG GIS STAN SRANG BCU PA BYED NA DE LUG BAL NAG PO 'BA' ZHIG LAS SRANG LNGA DANG, DKAR PO LAS SRANG PHYED DANG GSUM DANG, MKHOB BAL LAS SRANG PHYED DANG GSUM GZHUG PAR BYA'O, ,GAL TE DGE SLONG GIS CHA GNYIS LUG BAL NAG PO 'BA' ZHIG LAS MA BCUG GAM, GSUM PA DKAR PO LAS, BZHI PA MKHOB BAL LAS MA BCUG PAR STAN SAR PA BYED NA STAN ZIN NA SPANG BA'I LTUNG BYED DU 'GYUR RO, ,SRANG BCU PA JI LTA BA DE BZHIN DU @130B DGE SLONG GIS STAN SRANG NYI SHU PA DANG, SRANG SUM BCU PA DANG, SRANG BZHI BCU PA DANG, SRANG LNGA BCU PA BYED NA DES LUG BAL NAG PO 'BA' ZHIG LAS SRANG NYI SHU RTZA LNGA DANG, DKAR PO LAS SRANG PHYED DANG BCU GSUM DANG, MKHOB BAL LAS SRANG PHYED DANG BCU GSUM GZHUG PAR BYA'O, ,GAL TE DGE SLONG GIS CHA GNYIS LUG BAL NAG PO 'BA' ZHIG LAS MA BCUG GAM, GSUM PA DKAR PO LAS BZHI PA MKHOB BAL LAS MA BCUG PAR STAN SAR PA BYED NA, STAN ZIN NA SPANG BA'I LTUNG BYED DU 'GYUR RO, ,DGE SLONG GIS DKAR PO DANG, MKHOB BAL LAS SRANG GCIG GAM, SRANG PHYED PHRI STE, LUG BAL NAG PO 'BA' ZHIG LAS STAN SAR PA BYED NA THAMS CAD DU SPANG BA'I LTUNG BYED DU 'GYUR RO, ,NAG PO 'BA' ZHIG MOD PA DANG, RIN MNYAM PA DANG, DKAR PO DANG, MKHOB BAL DKON PA DANG, RIN CHE BAR GYUR NA LTUNG BA MED DO, ,LAS DANG PO BA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,CHA GNYIS BSRES PA'I SPANG BA STE BCU GSUM PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA DGE SLONG RNAMS LA STAN MANG BA NYID 'DI LTA BU 'DI BYUNG BAR GYUR TE, DE DAG STAN 'DI NI HA CANG RINGS SO, ,'DI NI HA CANG THUNGS SO ZHES DE BOR NAS GZHAN BYED DU 'JUD DO, ,STAN 'DI NI HA CANG DOG GO; ,'DI NI HA CANG YANGS SO, ,'DI NI THAMS CAD KYI THAMS CAD DU BUG RDOL DANG, SHA ZAD PA DANG, BCOS DKA' BA NYID YIN NO ZHES DE BOR NAS GZHAN BYED DU 'JUD PAS, DGE SLONG DE DAG STAN BYAS SHING BYAS SHING 'DOR BA NA BYA BA MANG BA DANG, BYED PA MANG BAR GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED NAS, DGE SLONG DON NYUNG NGU DAG CI'I PHYIR, DGE SLONG RNAMS LA STAN MANG BA NYID 'DI LTA BU 'DI BYUNG BAR GYUR TE, 'DI DAG STAN 'DI NI HA CANG @131A *, ,RINGS SO, ,'DI NI HA CANG THUNGS SO, ,ZHES DE BOR NAS GZHAN BYED DU 'JUD, STAN 'DI NI HA CANG DOG GO, ,'DI NI HA CANG YANGS SO, ,'DI NI THAMS CAD KYI THAMS CAD DU BUG RDOL DANG, SHA ZAD PA DANG, BCOS DKA' BA NYID YIN NO, , ZHES DE BOR NAS GZHAN BYED DU 'JUD PAS, DGE SLONG 'DI DAG STAN BYAS SHING STAN BYAS SHING 'DOR BA NA BYA BA MANG BA DANG, BYED PA MANG BAR GYUR CING, LUNG MNOD PA DANG, BKLAG PA DANG, KHA TON DANG, RNAL 'BYOR DANG, YID LA BYA BA DANG, NANG GI SEMS KYI ZHI GNAS GTONG BAR BYED CES SMOD PAR BYED, KHA ZER BAR BYED, PHYAR KA GTONG BAR BYED PA'I SKABS DE DGE SLONG DAG GIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, ,SANGS RGYAS BCOM LDAN 'DAS KYIS DGE SLONG RNAMS LA RMAS PA, DGE SLONG DAG KHYED LA STAN MANG BA NYID 'DI LTA BU 'DI BYUNG BAR GYUR TE, KHYED CAG STAN 'DI NI HA CANG RINGS SO, ,'DI NI HA CANG THUNGS SO ZHES DE BOR NAS GZHAN BYED DU 'JUD, STAN 'DI NI HA CANG DOG GO, ,'DI NI HA CANG YANGS SO, ,'DI NI THAMS CAD KYI THAMS CAD DU BUG RDOL DANG, SHA ZAD PA DANG, BCOS DKA' BA DAG NYID YIN NO, ,ZHES DE BOR NAS GZHAN BYED DU 'JUD PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS 'DOD PA CHE BA DANG, CHOG MI SHES PA DANG, GSO DKA' BA DANG, DGANG DKA' BA RNAM PAR SMAD PAR MDZAD DO, , DE NAS BCOM LDAN 'DAS KYIS 'DOD PA CHUNG BA DANG, CHOG SHES PA DANG, GSO SLA BA DANG, DGANG SLA BA DANG, PHRI BA DANG, YO BYAD BSNYUNGS PA DANG, SBYANGS PA'I YON TAN DANG, MDZES PA DANG, DROD RIG PA NYID KYI BSNGAGS PA BRJOD NAS, DGE SLONG @131B RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS, 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GIS STAN SAR PA BYED NA MI 'DOD BZHIN DU LO DRUG TU BCANG BAR BYA'O, ,GAL TE DGE SLONG GIS LO DRUG TSUN CHAD DU STAN RNYING PA DE SPANGS KYANG RUNG, MA SPANGS KYANG RUNG STAN SAR PA GZHAN BYED NA SPANG BA'I LTUNG BYED DO ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI BCA' BA MDZAD DO, ,SANGS RGYAS BCOM LDAN 'DAS 'BROG GNAS NA 'BROG GI NAGS NA BZHUGS SO, ,'BROG GNAS GRANG ZHING RLUNG CHE BAS DGE SLONG LAG GI BLA DAG LO DRUG TU STAN GYIS MI THUB PA DE DAG GRANG BA DAG GIS LAS SAR PA DAG RGYUN BCAD PAR GYUR TO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE, MKHYEN BZHIN DU RMED PA, MKHYEN KYANG MI RMED PA, DUS SU RMED PA, DUS LAS YOL BAR MI RMED PA, DON DANG LDAN PAR RMED PA, DON DANG MI LDAN PAR MI RMED PAS, SANGS RGYAS BCOM LDAN 'DAS RNAMS NI DON DANG MI LDAN PAR RMED PA LA CHU LON GYIS ZLOG PA MDZAD PA YIN NO, ,DE LA SANGS RGYAS BCOM LDAN 'DAS RNAMS NI DON DANG LDAN PAR RMED PA LA DUS MKHYEN PA YIN PAS, SANGS RGYAS BCOM LDAN 'DAS KYIS TSE DANG LDAN PA KUN DGA' BO LA RMAS PA, KUN DGA' BO CI'I PHYIR DGE SLONG LAG GI BLA DAG GIS LAS SAR PA DAG RGYUN BCAD PAR GYUR, BTZUN PA BCOM LDAN 'DAS KYIS 'DI LTAR DGE SLONG GIS STAN SAR PA BYED NA MI 'DOD BZHIN DU LO DRUG TU BCANG BAR BYA'O, ,GAL TE DGE SLONG GIS LO DRUG TSUN CHAD DU STAN RNYING PA DE SPANGS KYANG RUNG, MA SPANGS KYANG RUNG, STAN SAR PA GZHAN BYED NA SPANG BA'I LTUNG BYED DO, ,ZHES 'DUL BA LA NYAN THOS RNAMS KYI BSLAB PA'I GZHI BCA' BA MDZAD PAS, DGE SLONG LAG GI BLA DAG DGUNG LO DRUG GI BAR DU @132A *, ,STAN GYIS MI THUB PA DE DAG GRANG BA DAG GIS LAS SAR PA DAG RGYUN BKUM PAR GYUR TO, ,BCOM LDAN 'DAS KYIS BKA' STZAL PA, KUN DGA' BO DGE SLONG LAG GI BLA GANG LA LO DRUG TU STAN GYIS MI THUB PA'I DGE SLONG DES DGE 'DUN LAS LO DRUG TSUN CHAD DU STAN GYI GNANG BA GSOL BAR BYA'O, ,'DI LTAR GSOL BAR BYA STE, GNAS MAL BSHAM PA BYAS NAS GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO NAS, DGE 'DUN THAMS CAD 'DUG CING MTHUN PAR GYUR LA, DGE SLONG LAG GI BLA DES BLA GOS PHRAG PA GCIG TU BYAS TE, RGAN RIMS KYIS PHYAG 'TSAL NAS, RGAN PA'I MTHA' LOGS SU TZOG PUR 'DUG STE, THAL MO SBYAR NAS 'DI SKAD CES BRJOD PAR BYA'O, ,DGE 'DUN BTZUN PA RNAMS GSAN DU GSOL, BDAG DGE SLONG LAG GI BLA MING 'DI ZHES BGYI BA LO DRUG TU STAN MI BGYID PA LAS, BDAG DGE SLONG LAG GI BLA MING 'DI ZHES BGYI BA DGE 'DUN LAS LO DRUG TSUN CHAD DU STAN GNANG BA GSOL NA THUGS BRTZE BA CAN, DGE 'DUN BTZUN PA RNAMS KYIS THUGS BRTZE BA'I SLAD DU BDAG DGE SLONG LAG GI BLA MING 'DI ZHES BGYI BA LA LO DRUG TSUN CHAD DU STAN GNANG BA STZAL DU GSOL, DE BZHIN DU LAN GNYIS LAN GSUM DU BZLAS TE GSOL BAR BYA'O, ,DGE SLONG DE DAG GIS DGE SLONG LAG GI BLA DE LA DAD PA'AM, YID CHES PAS 'GRO BAR MI BYA BAR DGE 'DUN THAMS CAD DER 'DONG BAR BYA BA'AM, DGE 'DUN GYIS BSKOS PA'I DGE SLONG DAG BTANG BAR BYA ZHING DE NGAG STAN DE RANG GI MIG SNGAR BAB PAR BYA BA'AM, YANG NA STAN DE DGE 'DUN GYI DBUS SU DBYUNG BAR BYA STE, GAL TE STAN DE HA CANG RING BA YIN NA DE DAG GIS BCAD PAR BYA'O, ,GAL TE HA CANG THUNG BA YIN NA BAL SBYIN PAR BYA'O, ,GAL TE HA CANG YANGS PA YIN NA DE DAG GIS BCAD PAR BYA'O, ,GAL TE HA CANG DOG PA YIN NA BAL SBYIN PAR BYA'O, ,GAL TE RAL BA DANG RDOL BA YIN NA BAL SBYIN PAR BYA'O, ,GAL TE THAMS CAD KYIS THAMS CAD DU BUG RDOL BA DANG, SHA ZAD PA DANG, @132B BCOS DKA' BA NYID YIN NA DE'I 'OG TU DGE SLONG GCIG GIS GSOL BA BYA STE LAS BYA'O, ,DGE 'DUN BTZUN PA RNAMS GSAN DU GSOL, DGE SLONG LAG GI BLA MING 'DI ZHES BGYI BA 'DI LO DRUG TU STAN MI BGYID PA LAS DGE SLONG LAG GI BLA MING 'DI ZHES BGYI BA 'DI DGE 'DUN LAS LO DRUG TSUN CHAD DU STAN GNANG BAR GSOL NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS DGE SLONG LAG GI BLA MING 'DI ZHES BGYI BA LA LO DRUG TSUN CHAD DU STAN GNANG BA STZOL TO, ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, DGE SLONG LAG GI BLA MING 'DI ZHES BGYI BA 'DI LO DRUG TU STAN MI BGYID PA LAS DGE SLONG LAG GI BLA MING 'DI ZHES BGYI BA 'DI DGE 'DUN LAS LO DRUG TSUN CHAD DU STAN GNANG BAR GSOL TE, DE'I SLAD DU DGE 'DUN GYIS DGE SLONG LAG GI BLA MING 'DI ZHES BGYI BA LA LO DRUG TSUN CHAD DU STAN GNANG BA STZOL NA, TSE DANG LDAN PA GANG DAG DGE SLONG LAG GI BLA MING 'DI ZHES BGYI BA 'DI LA LO DRUG TSUN CHAD DU STAN GNANG BAR STZAL BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,DGE 'DUN GYIS BZOD CING GNANG NAS DGE 'DUN GYIS DGE SLONG LAG GI BLA MING 'DI ZHES BGYI BA LA LO DRUG TSUN CHAD DU STAN GNANG BA STZAL LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,DGE 'DUN GYIS DGE SLONG LAG GI BLA GANG LA LO DRUG TSUN CHAD DU STAN GNANG BA BYIN PA DES LO DRUG TSUN CHAD DU STAN BYED DU GZHUG STE 'DI LA 'GYOD PAR MI BYA'O, ,DE NAS BCOM LDAN 'DAS KYIS BSLAB PA 'DOD PA DANG, BSLAB PA LA GUS PA DANG, BSLAB PA LA YO BYAD BSNYUNGS PA'I BSNGAGS PA BRJOD DE, DGE SLONG RNAMS LA YANG DE DANG MTHUN PA DANG, DE'I SHAS CHE BA DANG, DE DANG 'TSAM PA'I CHOS DANG LDAN PA'I BKA' MCHID MDZAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA YIN LA 'DI NI GNANG BA YIN NO, ,NGA'I NYAN THOS RNAMS @133A *, ,KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG GIS STAN SAR PA BYED NA MI 'DOD BZHIN DU LO DRUG TU BCANG BAR BYA'O, ,GAL TE DGE SLONG GIS LO DRUG TSUN CHAD DU STAN RNYING PA DE SPANGS KYANG RUNG, MA SPANGS KYANG RUNG, STAN SAR PA GZHAN BYED NA DGE 'DUN GYIS GNANG BA MA GTOGS TE SPANG BA'I LTUNG BYED DO, ,DGE SLONG GIS ZHES BYA BA NI CHOS 'DI PAS SO, ,STAN ZHES BYA BA NI STAN GNYIS TE, NANG TSANGS CAN DANG, RLINGS PA STE, DON 'DIR NI RLINGS PA YIN PAR DGONGS SO, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS SAM, GZHAN BYED DU 'JUD NA'O, ,MI 'DOD BZHIN DU LO DRUG TU BCANG BAR BYA'O ZHES BYA BA NI LO DRUG GI MTHA' TSUN CHAD DU BCANG BAR BYA BA'O, ,GAL TE DGE SLONG GIS LO DRUG TSUN CHAD DU ZHES BYA BA NI DE'I MTHA' TSUN CHAD DO, ,STAN RNYING PA ZHES BYA BA NI STAN GANG YOD PA DE'O, ,SPANGS KYANG RUNG, MA SPANGS KYANG RUNG STAN SAR PA GZHAN BYED NA ZHES BYA BA NI GNYIS PA'O, ,DGE 'DUN GYIS GNANG BA MA GTOGS SO ZHES BYA BA NI DGE 'DUN GYIS GNANG BA BZHAG STE'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA,, ,,BAR SDOM LA, GNYIS BRTZAMS PHYI MA ZIN PA DANG, ,GNYIS BRTZAMS SNGA MA ZIN PA DANG, ,GNYIS ZIN NAS NI GCIG SPONG DANG, ,GNYIS KA BRTZAMS TE GTONG BA DANG, ,LO DRUG PA LA NYES MED PA, ,DE NI STAN GYI BSDU BA YIN, ,DGE SLONG GIS LO GANG LA STAN RTZOM PAR BYED PA'I LO DE NYID LA STAN GNYIS PA RTZOM PAR BYED NA GNYIS PA RTZOM PA DE LA NYES BYAS SU 'GYUR LA, BYAS ZIN NA YANG NYES BYAS SU 'GYUR RO, ,SNGA MA LA NI LTUNG BA MED DO, ,LO DE NYID LA STAN GNYIS PA MI RTZOM YANG LO GNYIS PA DANG, GSUM @133B PA DANG, BZHI PA DANG, LO LNGA PA LA STAN GNYIS PA RTZOM PAR BYED NA GNYIS PA RTZOM PA DE LA NYES BYAS SU 'GYUR LA, BYAS ZIN NA YANG NYES BYAS SU 'GYUR RO, ,SNGA MA LA NI LTUNG BA MED DO, ,DGE SLONG GIS LO GANG LA STAN RTZOM PAR BYED PA'I LO DE NYID LA STAN GNYIS PA BRTZAMS NAS SNGA MA ZIN PAR BYED NA GNYIS PA RTZOM PA DE LA NYES BYAS SU 'GYUR LA, BYAS ZIN NA SPANG BA'I LTUNG BYED DU 'GYUR RO, ,LO DE NYID LA STAN GNYIS PA BRTZAMS NAS ZIN PAR MI BYED KYANG LO GNYIS PA DANG, GSUM PA DANG, BZHI PA DANG, LDA PA LA STAN GNYIS PA BRTZAMS NAS SNGA MA ZIN PAR BYED NA DE RTZOM PA LA NYES BYAS SU 'GYUR LA, BYAS ZIN NA SPANG BA'I LTUNG BYED DU 'GYUR RO, ,DGE SLONG GIS LO GANG LA STAN BYAS PA'I LO DE NYID LA STAN GNYIS PA YANG BYAS NAS DES SNGA MA SHOS BYIN GYIS BRLABS TE PHYI MA SHOS GTONG BAR BYED DAM, PHYI MA SHOS BZHAG STE SNGA MA SHOS GTONG BAR BYED NA GNYIS PA RTZOM PA DE LA NYES BYAS SU 'GYUR LA, BYAS ZIN NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,LO DE NYID LA STAN GNYIS PA MA BYAS KYANG LO GNYIS PA DANG, GSUM PA DANG, BZHI PA DANG, LNGA PA LA STAN GNYIS PA BYAS NAS DES SNGA MA SHOS BZHAG STE PHYI MA SHOS GTONG BAR BYED DAM, PHYI MA SHOS BZHAG STE SNGA MA SHOS GTONG BAR BYED NA GNYIS PA RTZOM PA DE LA NYES BYAS SU 'GYUR LA, BYAS ZIN NA SPANG BA'I LTUNG BYED DU 'GYUR RO, ,SNGA MA LA NI LTUNG BA MED DO, ,DGE SLONG GIS LO GANG LA STAN RTZOM PA'I DE NYID LA STAN GNYIS PA YANG BRTZAMS NAS DE MA ZIN PAR GTONG BAR BYED DAM, LO GNYIS PA DANG, GSUM PA DANG, BZHI PA DANG, LNGA PA LA BRTZAMS NAS DE MA ZIN PAR GTONG BAR BYED NA DE RTZOM PAR BYED PA LA NYES BYAS LNGAR 'GYUR LA, ,SNGA MA LA NI LTUNG BA MED DO, ,DGE SLONG GIS LO GANG LA STAN BYED PA'I LO DE NYID LA STAN GNYIS PA MI BYED CING LO GNYIS PA LA YANG MI BYED, GSUM PA LA YANG MI BYED, BZHI PA LA YANG MI BYED, LNGA PA LA YANG MI BYED PAR LO DRUG PA LA BYED NA LTUNG BA MED DO, ,LAS DANG PO PA DANG, SMYOS PA DANG, SEMS 'KHRUGS PA DANG, @134A *, ,TSOR BA DAG GIS NYEN PA LA LTUNG BA MED DO, ,LO DRUG TU BCANG BA'I SPANG BA STE BCU BZHI PA RDZOGS SA-HO,, ,,'DUL BA RNAM PAR 'BYED PA, BAM PO SUM BCU RTZA GNYIS PA, SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' BA RA NA BZHUGS SO, ,GANG GI TSE BCOM LDAN 'DAS KYIS BLA NA MED PA'I MKHYEN PA THUGS SU CHUD PA DE'I TSE NA THAMS CAD DU YUL DBUS SU SANGS RGYAS 'JIG RTEN DU BYUNG ZHES GRAG GO ZHES SGRA GRAGS SO, ,BYANG LAM NA TSONG PA DAG GIS YUL DBUS SU SANGS RGYAS 'JIG RTEN DU BYUNG STE, GANG DAG DE LA MCHOD PA DAG BYED PA DE DAG GI MCHOD PA BYAS PA DE DAG NI SHIN TU 'BRAS BU CHE BA DANG, PHAN YON CHE BA DANG, GSAL BA CHE BA DANG, RGYA CHEN POR 'GYUR RO ZHES THOS SO, ,THOS NAS KYANG DE DAG 'DI SNYAM DU SEMS TE, BDAG CAG ZONG DAG THOGS TE MNYAN YOD DU 'DONG ZHING DER BDAG CAG GIS KHE SBOGS KYANG BSGRUB PAR BYA, BCOM LDAN 'DAS LA YANG BSNYEN BKUR BYA'O SNYAM DU RIG NAS TSONG PA LNGA BRGYA BYANG LAM NAS ZONG DAG THOGS TE YUL DBUS SU 'PHAGS SO, ,DE DAG MTHAR GYIS MNYAN YOD DU PHYIN NAS DE DAG GIS ZONG MKHOS SU PHAB STE, KHYIM BDAG MGON MED ZAS SBYIN GA LA BA DER DONG NAS PHYIN PA DANG, KHYIM BDAG MGON MED ZAS SBYIN LA 'DI SKAD CES SMRAS SO, ,KHYIM BDAG BDAG CAG SANGS RGYAS BCOM LDAN 'DAS BLTA BAR 'DOD DO, ,SHES LDAN DAG DE BZHIN GSHEGS PA DGRA BCOM PA YANG DAG PAR RDZOGS PAR SANGS RGYAS PA RNAMS NI BLTA BAR BYA BA RIN PO CHE KHO NA YIN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI 'DI LTA STE, DPER NA AU DUM B'A RA'I ME TOG LTAR BLTAMS PA DANG, 'BYUNG BA DKON PA YIN NO, ,DE NAS KHYIM BDAG MGON MED ZAS SBYIN GYIS TSONG PA LNGA BRGYA PO DE DAG KHRID NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG 'TSAL TE MTHA' GCIG TU 'DUG GO, ,MTHA' GCIG TU 'DUG NAS BCOM @134B LDAN 'DAS TSONG PA DE DAG LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUD PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DO, ,RNAM GRANGS DU MAS CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS TSONG PA DE DAG GIS BCOM LDAN 'DAS LA BSNYEN BKUR BYAS NAS, DGE SLONG GNAS BRTAN GNAS BRTAN RNAMS KYI GTZUG LAG KHANG BLTA BAR BRTZAMS PA DANG, TSONG PA DE DAG GIS DGE SLONG GNAS BRTAN GNAS BRTAN RNAMS KYI MAL ? DAG NA GDING BA DBUS RDOL BA DAG MTHONG NGO, ,MTHONG NAS KYANG KHYIM BDAG MGON MED ZAS SBYIN LA 'DI SKAD CES SMRAS SO, ,KHYIM BDAG CI'I PHYIR DGE SLONG GNAS BRTAN GNAS BRTAN 'DI DAG GI GDING BA DAG DBUS RDOL BAR GYUR, KHYIM BDAG MGON MED ZAS SBYIN GYIS SMRAS PA, BDAG NYID CHEN PO 'DI DAG NI PHAL CHER MTSAN MO SKYIL MO KRUNG GIS 'DA' BAR BYED DO, ,DE DAG SEMS MNGON PAR DAD PAR GYUR NAS DAD PA SKYES PA DE DAG GIS DGE SLONG RNAMS LA RAS YUG CHEN LNGA BRGYA PHUL LO, ,DGE SLONG RNAMS KYIS GDING BA RNYING PA DE DAG KHANG PA CHEN PO'I GTZUG LAG KHANG BLA GAB MED PA ZHIG TU BZHAG GO, ,DE'I TSE KHYIM BDAG CIG GIS SANGS RGYAS LA SOGS PA DGE SLONG GI DGE 'DUN KHYIM GZHAN DU GDUGS TSOD LA SPYAN DRANGS PA DANG, DGE SLONG GI DGE 'DUN NI ZHUGS SO, ,BCOM LDAN 'DAS NI RDZAS LAS BYUNG BA NA BZHUGS SHING BSOD SNYOMS MNGON PAR BSGRUBS SO, ,SANGS RGYAS BCOM LDAN 'DAS RNAMS NI RGYU LNGAS RDZAS LAS BYUNG BA NA BZHUGS SHING BSOD SNYOMS MNGON PAR SGRUB PA MDZAD DE, LNGA GANG ZHE NA, NANG DU YANG DAG 'JOG PAR BZHED PA DANG, LHA RNAMS LA CHOS STON PAR BZHED PA DANG, NAD PA LA BLTA BAR BZHED PA DANG, GNAS MAL LA RTOG PAR BZHED PA DANG, 'DUL BA LA NYAN THOS RNAMS KYI BSLAB PA'I GZHI BCA' BAR BZHED PA'O, ,DON 'DIR NI BCOM LDAN @135A *, ,'DAS GNAS MAL LA RTOG PAR BZHED PA DANG, 'DUL BA LA NYAN THOS RNAMS KYI BSLAB PA'I GZHI BCA' BAR BZHED PAS, RDZAS LAS BYUNG BA NI BZHUGS SHING BSOD SNYOMS MNGON PAR SGRUB PA MDZAD DO, ,DE NAS BCOM LDAN 'DAS KYIS DGE SLONG GI DGE 'DUN SONG NAS RING PO MA LON PAR THUGS SU CHUD NAS LDE MIG BSNAMS TE KUN DGA'I RA BA NAS, KUN DGA'I RA BAR, GTZUG LAG KHANG NAS GTZUG LAG KHANG DU, KHANG KHYIM NAS KHANG KHYIM DU, 'CHAG SA NAS 'CHAG SA DANG, GOL BAR GSHEGS SHING MTHAR GYIS GSHEGS PA NA KHANG PA CHEN PO'I GTZUG LAG KHANG GA LA BA DER GSHEGS SO, ,DE'I TSE NA KHANG PA CHEN PO'I GTZUG LAG KHANG DE NA GDING BA RNYING PA RDOL BA DANG RAL BA SA RDUL GYI PHYE MA DANG 'DRES PA RAB TU MANG PO DAG SA LA BKRAM ZHING 'DUG GO, ,BCOM LDAN 'DAS KYIS GDING BA RNYING PA RDOL BA DANG, RAL BA SA RDUL GYI PHYE MA DANG 'DRES PA RAB TU MANG PO DAG SA LA BKRAM ZHING 'DUG PA DAG GZIGS SO, ,GZIGS NAS KYANG AE MA ZHES GSUNG ZHING SMAD NAS 'DI SNYAM DU DGONGS TE, BRAM ZE DANG KHYIM BDAG DAD PA CAN DAG GIS PAGS PA DANG, SHA DANG, KHRAG DAG BTZIR CING BTZIR CING SBYIN PA DAG SBYIN, BSOD NAMS DAG BYED PA PA GANG YIN PA DE LA DGE SLONG DAG DROD MI SHES PA DANG, SO SOR MI RTOG PAR YONGS SU LONGS SPYOD PAR BYED DO SNYAM DU DGONGS SO, ,DE NAS BCOM LDAN 'DAS KYIS GDING BA RNYING PA DE DAG LEGS PAR BRTUL CING SPRUGS NAS BTING ZHING BSKAMS TE RTZIG PA LA MI REG PAR MDZAD NAS, GTZUG LAG KHANG GI SLAD ROL DU ZHABS GNYIS BSIL TE NANG DU YANG DAG 'JOG GI SLAD DU GTZUG LAG KHANG DU GSHEGS SO, ,DE NAS DGE SLONG BSOD SNYOMS SGRUB PAS, BSOD SNYOMS BLANGS NAS, BCOM LDAN 'DAS GA LA BA DER SONG NGO, ,SANGS RGYAS BCOM LDAN 'DAS RNAMS NI CHOS NYID KYI BSOD SNYOMS SGRUB PA'I DGE SLONG LA DGE SLONG LAS JI LTAR ZAS BSOD DAM, DGE SLONG GI DGE 'DUN TSIM PAR BYAS SAM ZHES SO SOR KUN DGA' BAR MDZAD PA 'DIS SO SOR KUN DGA' BAR @135B MDZAD PA YIN PAS, BCOM LDAN 'DAS KYIS DGE SLONG BSOD SNYOMS SGRUB PA LA, DGE SLONG JI LTAR ZAS BSOD DAM, DGE SLONG GI DGE 'DUN TSIM PAR BYAS SAM ZHES SO SOR KUN DGA' BAR MDZAD PA DANG, DES GSOL PA, BTZUN PA TE POR ZAS BSOD CING DGE SLONG GI DGE 'DUN TSIM PAR BGYIS SO, ,DE NAS BCOM LDAN 'DAS ZHAL ZAS KYI BYA BA MDZAD NAS, GTZUG LAG KHANG GI SLAD ROL DU ZHABS GNYIS BSIL TE NANG DU YANG DAG 'JOG GI SLAD DU GTZUG LAG KHANG DU GSHEGS SO, ,DE NAS BCOM LDAN 'DAS PHYI DRO NANG DU YANG DAG 'JOG LAS BZHENGS NAS, DGE SLONG GI DGE 'DUN GYI GONG DU GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG 'DI NA NGAS DGE SLONG GI DGE 'DUN SONG NAS RING PO MA LON PAR SHES NAS LDE MIG KHYER TE, KUN DGA'I RA BA NAS KUN DGA'I RA BAR, GTZUG LAG KHANG NAS GTZUG LAG KHANG DU, KHANG KHYIM NAS KHANG KHYIM DU, 'CHAG SA NAS 'CHAG SAR DANG, GOL BAR SONG ZHING MTHAR GYIS 'GRO BA NA KHANG PA CHEN PO'I GTZUG LAG KHANG ZHIG GA LA BA DER PHYIN NAS NGAS KHANG PA CHEN PO'I GTZUG LAG KHANG DE NA GDING BA RNYING PA RDOL BA DANG RAL BA SA RDUL GYI PHYE MA DANG 'DRES PA RAB TU MANG PO DAG SA LA BKRAM ZHING 'DUG PA MTHONG NGO, ,MTHONG NAS KYANG AE MA ZHES BYAS TE SMAD NAS 'DI SNYAM DU BRAM ZE DANG, KHYIM BDAG DAD PA CAN DAG GIS PAGS PA DANG, SHA DANG, KHRAG DAG BTZIR CING BTZIR CING SBYIN PA DAG SBYIN, BSOD NAMS DAG BYED PA GANG YIN PA DE LA DGE SLONG DAG DROD MI SHES PA DANG, SO SOR MI RTOG PAR YONGS SU LONGS SPYOD PAR BYED DO SNYAM DU DGONGS KYIS, DGE SLONG DAG KHYED KYIS DAD PAS SBYIN PAR BYA BA LA, DROD RAN PAR YONGS SU LONGS SPYAD PA DANG, SPANG ZHING YONGS SU LONGS SPYAD PA DANG, DUS SU YONGS SU LONGS SPYAD PA DANG, BRTAG CING YONGS SU LONGS SPYAD PA DANG, KHAD KYIS YONGS SU LONGS SPYAD NA LEGS SO,, ,,BAR SDOM LA, DROD RAN PA DANG SPANG BA DANG, ,DE @136A *, ,BZHIN DUS DANG BRTAG PA DANG, ,KHAD KYIS YONGS SU SPYAD PA YIN, ,DE NAS BCOM LDAN 'DAS KYIS DROD RAN PA DANG, SPANG BA DANG, DUS DANG, BRTAG PA DANG, KHAD KYIS YONGS SU LONGS SPYAD PA'I BSNGAGS PA BRJOD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE, ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE; DGE SLONG GIS GDING BA SAR PA BYED NA SAR PA BYA KHA DOG MI SDUG PAR BYA BA'I PHYIR GDING BA RNYING PA BDE BAR GSHEGS PA'I MTHO GANG 'KHOR BAS GLAN PAR BYA'O, ,GAL TE DGE SLONG GIS SAR PA KHA DOG MI SDUG PAR BYA BA'I PHYIR GDING BA RNYING PA BDE BAR GSHEGS PA'I MTHO GANG 'KHOR BAS MA GLAN PAR GDING BA SAR PA SPYOD NA SPANG BA'I LTUNG BYED DO, ,DGE SLONG GIS ZHES BYA BA NI CHOS 'DI PAS SO, ,GDING BA ZHES BYA BA NI SO SOR GDING BA'O, ,SAR PA ZHES BYA BA NI SAR PA GNYIS TE, GSAR PAS SAR PA DANG, RNYED PAS SAR PA STE, DON 'DIR NI GSAR PAS SAR PA YIN PAR DGONGS SO, ,BYED NA ZHES BYA BA NI BDAG NYID KYIS SAM, GZHAN BYED DU 'JUG NA'O, ,SAR PA KHA DOG MI SDUG PAR BYA BA'I PHYIR ZHES BYA BA NI SAR PA SRA BAR BYA BA'I PHYIR RO, ,GDING BA RNYING PA BDE BAR GSHEGS PA'I MTHO GANG 'KHOR BAS GLAN PAR BYA'O ZHES BYA BA NI GAL TE DE LA GDING BA RNYING PA BDE BAR GSHEGS PA'I MTHO GANG 'KHOR BA GZHAN YOD NA'O, ,BDE BAR GSHEGS PA ZHES BYA BA NI STON PA'O, ,BDE BAR GSHEGS PA'I MTHO GANG LA NI TSAD DANG LDAN PA'I KHRU'I KHRU PHYED DANG DO YOD DO, ,'KHOR BAS ZHES BYA BA NI KUN NAS MTHO RE YOD PAS SO, ,GLAN PAR BYA'O ZHES BYA BA NI SBYAR BAR BYA BA'O, ,MA GLAN PAR ZHES BYA BA NI MA SBYAR BAR RO, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS @136B SO; ,DE LA LTUNG BAR JI LTAR 'GYUR ZHE NA, DGE SLONG GIS GDING BA RNYING PA BDE BAR GSHEGS PA'I MTHO GANG 'KHOR BAS MA GLAN PAR JI TZAM CUNG ZAD DU GDING BA SAR PA SPYOD PAR BYED NA THAMS CAD DU SPANG BA'I LTUNG BYED DU 'GYUR RO, ,GDING BA RNYING PA THAMS CAD KYI THAMS CAD DU SHA ZAD PA DANG, BUG RDOL DU GYUR PA DANG, BCOS SU MI RUNG BA YIN NA LTUNG BA MED DO, ,DE TZAM MED NA LTUNG BA MED DO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,MTHO GANG GI SPANG BA STE BCVA LNGA PA RDZOGS SA-HO;; ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS SMRAS PA, DGA' BO NYE DGA' LHUNG BZED NAG PO CAN 'DI DAG NI RKANG PA SPRE'U'I ZHAG GIS BSKUS TE 'GRO NA YANG 'GRO BAR CHAS PA'I RNYED PA SGRUB PAR BYED, 'ONG NA YANG BLO BUR DU 'ONGS PA'I RNYED PA SGRUB PAR BYED CING SKYE BO MANG PO DGA' BA DANG, YID DU 'ONG BAR YANG 'GYUR RO, ,YU BU CAG NI KHRON PA'I RUS SBAL DANG 'DRA BAR GAR YANG MI 'DONG, GANG NAS KYANG MI 'ONG BAS RNYED PA 'THOB PA DANG, SKYE BO MANG PO DGA' BA DANG, YID DU 'ONG BAR GA LA 'GYUR GYIS YU BU CAG KYANG 'DONG NGO, ,GANG DU 'DONG, GANG DU DON MTHUN 'GRUB PAR RO, ,DE DAG GIS BSAMS PA, GAL TE THAMS CAD DONG BAR 'GYUR NA BDAG CAG GI NYE BAR SPYOD PA'I KHYIM GANG DAG YIN PA DE DAG KYANG LHUNG BZED NAG PO CAN DAG GIS RJES SU 'JUG PAR BYED PAR 'GYUR GYIS, BDAG CAG GIS GCIG BZHAG STE 'DONG BAR BYA NA SU BZHAG PAR BYA, BTZUN PA 'CHAR KA'O, ,BTZUN PA 'CHAR KA KHYOD 'DI NYID DU 'DUG SHIG ,KHO BO CAG 'DONG BAR BYA'O, ,DE BZHIN GYIS SHIG CES 'CHAR KA DE NYID DU 'DUG GO, ,LNGA PO DAG GIS DON MTHUN BTZAL BAR BRTZAMS PA DANG, DE DAG GIS BAL YUL DU 'GRO BA'I DON MTHUN MTHONG NAS, DE'I DRUNG DU SONG STE SMRAS PA, BZHIN BZANGS DAG KHYED GANG DU 'PHAGS, 'PHAGS PA DAG BAL YUL DU'O, ,BZHIN @137A *, ,BZANGS DAG KHO BO CAG KYANG KHYED DANG LHAN CIG 'DONG NGO, ,'PHAGS PA DAG BAL YUL NI RNGA MO'I RGYAB 'DRA BA LAGS PAS, KHYED CAG DER DGYES PAR MI 'GYUR RO, ,BZHIN BZANGS DAG GAL TE DE LTA BU YIN DU ZIN KYANG, YUL MTHONG BAR 'GYUR BAS 'DONG BAR BYA'O, ,'PHAGS PA DAG GAL TE DE LTA NA TSUR SPYON BZHUD DO, ,DRUG SDE DAG DON MTHUN DE DAG DANG LHAN CIG BAL YUL DU 'PHAGS NAS MTHAR GYIS BAL YUL DU PHYIN PA DANG, NYI MA GANG KHO NA LA BAL YUL DU PHYIN PA'I NYI MA DE NYID LA MNGON PAR MI DGA' BAR GYUR NAS DE DAG NANG PAR SNGAR LANGS TE LAM SRANG DU DONG BA DANG, TSONG PA DAG GIS DRUG SDE DAG MTHONG NAS DE DAG GI RKANG PA LA PHYAG 'TSAL TE SMRAS PA, 'PHAGS PA DAG BAL YUL CI 'DRA, KHYED CAG MNGON PAR MI DGYES PAR MA GYUR TAM, BZHIN BZANGS DAG NYI MA GANG KHO NA LA BAL YUL DU PHYIN PA'I NYI MA DE NYID LA MNGON PAR MI DGA' BAR GYUR TO, ,'PHAGS PA DAG BDAG CAG GIS KHYED LA DANG PO KHO NA NAS BAL YUL NI RNGA MO'I RGYAB 'DRA BA LAGS PAS, KHYED CAG DER DGYES PAR MI 'GYUR RO ZHES MA BGYIS SAM, BZHIN BZANGS DAG CI DE LTA NA 'GRO'AM 'DONG NGO; ,'PHAGS PA DAG BDAG CAG GIS ZONG MA BSGYUR DE DE LTA LAGS MOD KYI 'ON KYANG BDAG CAG DANG BSHES PA'I TSONG PA GZHAN DAG MCHIS PA DE DAG GIS ZONG BSGYUR BAS DE DAG LA GTAD PAR BGYIS DE DAG DANG THABS CIG BZHUD CIG ,DRUG SDE DAG GIS SMRAS PA, DE MA NONGS KYIS DE BZHIN BGYI'O, ,BAL YUL NA BAL DANG LDONG ROS GNYIS MOD PAS DON MTHUN DE DAG GIS BAL GYIS SHING RTA BKANG STE CHAS PA DANG, DRUG SDE DAG KYANG DON MTHUN DE DANG LHAN CIG 'PHAGS SO, ,DRUG SDE DAG GI KUN DU SPYOD PA NI RDUL GYIS 'JIGS PAS YANG NA NI DON MTHUN GYI MDUN DU 'GRO, YANG NA NI PHYI BZHIN 'BRANG ZHING 'GRO BAS DE DAG DON MTHUN GYI PHYI BZHIN 'GRO BAR BRTZAMS PA DANG, JI TZAM NA TSONG PA DE DAG GI SHING RTA'I SROG SHING CHAG NAS TSONG PA DE DAG GIS BSAMS PA, GAL TE SHING RTA'I SROG SHING BCOS NA SGRAS CHOM RKUN PA DAG @137B 'ONG BAR 'GYUR ZHING DE DAG GIS DANG POR BDAG CAG BSAD PAR 'GYUR LA DE'I 'OG TU NOR YANG PHROGS PAR 'GYUR GYIS, BDAG CAG GIS GCES PA DAG KHYER TE 'DONG NGO SNYAM NAS YID MI DGA' ZHING 'KHOD PA DANG, DRUG SDE DAG LHAGS NAS DE DAG GIS SMRAS PA, SHES LDAN DAG CI'I PHYIR YID MI DGA' ZHING 'KHOD, 'PHAGS PA DAG SHING RTA'I SROG SHING CHAG STE GAL TE SHING RTA'I SROG SHING BCOS NA SGRAS CHOM RKUN PA DAG MCHIS PAR 'GYUR ZHING DE DAG GIS DANG POR BDAG CAG BKUM PAR 'GYUR LA, DE'I 'OG TU NOR YANG PHROGS PAR 'GYUR BAS BDAG CAG GIS GCES PA DAG 'TSAL DE MCHI'O SNYAM NAS YID MI DGA' ZHING MCHIS SO, ,BZHIN BZANGS DAG KHYOD KYIS BAL DAG YONGS SU BTANG NGAM, YONGS SU BTANG NGO, ,GAL TE KHYED CAG LA MI GNOD NA ZHVA DANG, LHAM SGROG GU CAN DANG, STOD KOR NANG TSANGS CAN DANG, RGYA CANG DANG, LCAG POD DANG, SHUR BU PHRE'U LA SOGS PA'I DON DU CUNG ZHIG BSKUR RO, ,'PHAGS PA DAG BDAG CAG LA 'DIS CI BGYI, THAMS CAD SNOMS SHIG ,DRUG SDE DAG GIS SMRAS PA, DGA' BO NYE DGA' PHYAG DAR KHROD PA RNYED DO ZHES DE DAG GIS LNGA CAR GYI LHUNG BZED DANG CHOS GOS DAG GCIG GIS BSKUR NAS, MI BZHIS DE NYID LAS THAG PA BKAL DE KHUR BO CHE BA BZHI DRAGS NAS, DE DAG GIS DE KHUR TE DONG NGO, ,DE DAG GIS KHUR DE DAG KHYER TE 'PHAGS PA DANG, TSONG PA DE DAG GIS DRUG SDE DAG BAL GYI KHUR BLANGS TE PHYI BZHIN 'ONGS PA MTHONG NAS SMRAS PA, 'PHAGS PA DAG BDAG CAG GIS GLA MI DAG KHRID DE MCHI'O SNYAM DU BSAMS NAS, KHYED CAG GIS BAL 'DI THAMS CAD BSNAMS DE BYON GYIS 'PHAGS PA DAG LA GLA GSOL LO, ,BKREN PA DAG KHO BO CAG KHYOD KYI GLA MI DAG YIN NAM, 'PHAGS PA DAG MAD KYANG BZHAD GAD BGYI'O, ,DON MTHUN DE'I NANG NA MU STEGS CAN DAG CIG 'DONG BA DE DAG GIS SMRAS PA, KYE MA DRUG SDE DAG KHYED CAG GANG DU KHUR 'JIG PAR 'GYUR, GANG DU RNYED PA 'GRUB PAR 'GYUR, KHYOD KYI MA'I LTO DRAL TE DER KHUR 'JIG PAR 'GYUR @138A *, ,ZHING DER RNYED PA 'GRUB PAR 'GYUR RO, ,DRUG SDE DAG GIS SMRAS PA, DGA' BO NYE DGA' GAL TE DON MTHUN DANG LHAN CIG 'DONG NA THO 'TSAM PA MANG DU 'BYUNG GIS DON MTHUN GYI MDUN DU 'DONG NGO ZHES DE DAG DON MTHUN GYI MDUN DU 'PHAGS TE DONG BA DANG, RI BRAGS SHIG NA CHOM RKUN PA GCAD PA'I PHYIR YANG RGOD KYI MI MANG PO BKOD CING 'KHOD BDE DAG GIS DE DAG THAG RING PO KHO NA NAS MTHONG NGO, ,MTHONG NAS KYANG NYAM NGA BAR GYUR NAS DE DAG GIS SMRAS PA, SHES LDAN DAG GLANG PO CHE DANG BCAS PA'I DMAG BYUNG NGO ZHES RI BRAGS PA DE DAG THAMS CAD SKRAG NAS NAGS KHROD DU BYER RO, ,DE DAG GI NANG NAS KHA CIG GIS SMRAS PA, 'DI DAG NI GLANG PO CHE DANG BCAS PA'I DMAG MA YIN GYI 'DI LTAR RNGA MO DAG CIG 'ONG BA YIN NO, ,KHA CIG GIS SMRAS PA, 'DI DAG NI RNGA MO MA YIN GYI 'DI LTAR GLANG DAG CIG YIN NO, ,KHA CIG GIS SMRAS PA, 'DI DAG NI GLANG MA YIN GYI 'DI DAG NI KHUR THOGS PA DAG CIG YIN NO, ,DE DAG THAG NYE BAR GYUR PA DANG, YANG RGOD DE DAG GIS SMRAS PA, 'PHAGS PA DAG KHYED CAG 'DI LTA BU'I KHUR DAG THOGS PAS DE'I PHYIR RI BRAGS PA THAMS CAD SKRAG STE NAGS KHROD DU BYER RO, ,BKREN PA DAG GAL TE CHOM RKUN PA DAG GIS KHYED CAG DE DAG BRED NGAS PAR SHES PAR GYUR NA NYIN MO'I NYI MA KHO NA LA YANG BCINGS TE NAGS KHROD DU KHRID PAR 'GYUR RO, ,DGA' BO NYE DGA' GAL TE LAM DU 'DONG NA THO 'TSAM PA MANG DU 'BYUNG GIS LAM GOL BAR 'DONG NGO, ,ZHES DE DAG LAM GOL BAR ZHUGS TE DONG BA DANG, SHO GAM PA DAG GIS TSONG PA SHO GAM 'DRAL BA BSGUGS PA'I PHYIR 'GE GU PA'I MI MANG PO DAG BKOD CING 'KHOD PA DE DAG GIS DE DAG MTHONG NAS SMRAS PA, AE MA'O TSONG PA SHO GAM 'DRAL BA DAG CI'I PHYIR SHO GAM DRAL TE 'DONG, BKREN PA DAG KHO BO CAG KHYED KYI TSONG PA SHO GAM 'DRAL BA DAG YIN NAM, KHYED CAG SU YIN, 'PHAGS PA DRUG SDE DAG YIN NO, ,BZHUD CIG DE DAG GIS SMRAS PA, DGA' BO NYE DGA' GAL TE RGYAL BYED KYI TSAL GYI SGO NAS ZHUGS NA @138B LHUNG BZED NAG PO CAN DAG LAS THO 'TSAM PA MANG DU 'BYUNG GIS SGE'U CHUNG NAS 'JUG PAR BYA'O ZHES DE DAG SGE'U CHUNG NAS ZHUGS PA DANG, RGAN ZHUGS ZHIG GIS MTHONG NAS DES SMRAS PA, AE MA'O KHUR TZA BA DAG CI'I PHYIR GRONG DRAL TE 'JUG PAR BYED, RGAN ZHUGS KHO BO CAG KHYOD KYI KHUR TZA BA DAG YIN NAM, DES SMRAS PA KHYED SU YIN, TSE DANG LDAN PA DRUG SDE DAG YIN NO, ,TSE DANG LDAN PA DAG BYON PA LEGS SO BYON PA LEGS SO, ,DE DAG NANG DU ZHUGS NAS DE DAG GI BAL GYI KHUR DE DAG BSHIG PA DANG, RI RAB KYI RNAM PA 'DRA BA'I PHUNG PO CHEN POR RNAM PAR GNAS SO, ,DE DAG LA DGE SLONG RNAMS KYIS SMRAS PA, TSE DANG LDAN PA DAG KHYED CAG KHUR 'DI LTA BU DAG THOGS NAS KHYED LA THO 'TSAM PA DAG MI 'BYUNG NGAM, TSE DANG LDAN PA DAG KHYED CI KHO BO CAG GIS BZA' BA KHO NA'I PHYIR KHA MNGON PAR BSGRUBS SAM, GANG KHO BO CAG LA THO 'TSAM PAR BYED PA DE LA KHO BO CAG GIS KYANG NYIS GYUR SBYIN PAR BYA'O, ,DGE SLONG DAG DON NYUNG BA DAG CI'I PHYIR, DGE SLONG DAG YAN LAG GANG GIS NGO TSA BAR BYA BA'I YAG LAG DE NYID KYIS KHENGS PAR BYED CES SMOD PAR BYED, PHYAR KA GTONG BAR BYED, KHA ZER BAR BYED PA'I SKABS DE DGE SLONG RNAMS KYIS BCOM LDAN 'DAS LA GSOL TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO ZHES BYA BA LA SOGS PA SNGA MA BZHIN NO, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE ZHES BYA BA LA SOGS PA YANG SNGA MA BZHIN NO, ,SANGS RGYAS BCOM LDAN 'DAS KYIS DRUG SDE DAG LA RMAS PA, DGE SLONG DAG KHYED KYIS MI MDZES PA DE LTA BU DE BYAS PAR GYUR PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM @139A *, ,GRANGS DU MAS RNAM PAR SMAD PA MDZAD NAS, DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE ZHES BYA BA LA SOGS PA SNGA MA BZHIN NO, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, DGE SLONG LAM DU ZHUGS PAS LUG BAL DAG RNYED LA 'DOD NA DGE SLONG DES BLANG BAR BYA'O, ,BLANGS NAS KHYER BA MED NA DPAG TSAD GSUM GYI MTHA'I BAR DU BDAG NYID KYIS BKUR BAR BYA'O, ,DE LAS 'DAS PAR KHYER NA SPANG BA'I LTUNG BYED DO, ,DGE SLONG ZHES BYA BA NI DRUG SDE DAG GAM, GZHAN YANG DE LTA BU GANG YIN PA'O, ,LAM DU ZHUGS PAS ZHES BYA BA NI, DGON PA'I LAM DU ZHUGS PAS SO, ,LUG BAL DAG CES BYA BA NI LUG GI BAL DAG GO, ,RNYED PA ZHES BYA BA NI GZHAN LAS SO, ,'DOD NA ZHES BYA BA NI GAL TE DON DU GNYER NA'O, ,DGE SLONG DES BLANG BAR BYA'O ZHES BYA BA NI MNOD PAR BYA BA'O, ,BLANGS NAS KHYER BA MED NA ZHES BYA BA NI RUNG BA BYED PA MED NA'O, ,DPAG TSAD GSUM GYI MTHA'I BAR DU ZHES BYA BA NI DPAG TSAD GSUM GYI MTHAR THUG PA'I BAR TSUN CHAD DU'O, ,BDAG NYID KYIS BKUR BAR BYA'O, ,ZHES BYA BA NI BDAG RANG GIS BKUR BAR BYA BA'O, ,DE LAS 'DAS PAR KHYER NA ZHES BYA BA NI DE LAS THAL BAR KHYER NA'O, ,SPANG BA'I LTUNG BYED DO ZHES BYA BA NI DNGOS PO DE SPANGS NAS LTUNG BYED KYI LTUNG BA BSHAGS PAR BYA BA STE, DES NA SPANG BA'I LTUNG BYED DO ZHES GSUNGS SO, ,DE LA LTUNG BAR JI LTAR 'GYUR ZHE NA, DGE SLONG GIS LUG BAL DAG RNYED LA KHYER BA MED NA BDAG NYID KYIS DPAG TSAD GSUM GYI MTHA' LAS 'DAS PAR KHYER NA RGYANG GRAGS PHYED DU PHYIN NA NYES BYAS SU 'GYUR LA, RGYANG GRAGS KYI MTHAR PHYIN NA SPANG BA'I LTUNG BYED DU 'GYUR RO, ,KHYER BA YOD BZHIN DU BDAG NYID KYIS KHYER NA RTZOM PA'I DUS KHO NA NA NYES BYAS SU 'GYUR LA, RGYANG GRAGS PHYED DU PHYIN NA NYES BYAS SU GZHAN GCIG TU 'GYUR, RGYANG GRAGS @139B KYI MTHAR PHYIN NA SPANG BA'I LTUNG BYED DU 'GYUR RO, ,RDUL PHRA RAB DRUG LA RDUL PHRA MO GCIG GO, ,RDUL PHRA MO DRUG LA CHU RDUL GCIG GO, CHU RDUL DRUG LA LCAG RDUL GCIG GO, ,LCAG RDUL DRUG LA RI BONG GI RDUL GCIG GO, ,RI BONG RDUL DRUG LA LUG RDUL GCIG GO, ,LUG RDUL DRUG LA GLANG RDUL GCIG GO, ,GLANG RDUL DRUG LA NYI ZER GYI RDUL GCIG GO, ,NYI ZER GYI RDUL DRUG LA SRO MA GCIG GO, ,SRO MA DRUG LA SHIG GCIG GO, ,SHIG DRUG LA NAS GCIG GO, ,NAS DRUG LA SOR GCIG GO, ,SOR BZHI DRUG LA KHRU GANG NGO, ,KHRU PHYED DANG BZHI LA MI'I SRID DO, ,KHRU BZHI LA GZHU'O, ,GZHU LNGA BRGYA LA RGYANG GRAGS GCIG GO, ,RGYANG GRAGS BRGYAD LA DPAG TSAD GCIG GO, ,DE LA DGE SLONG DGON PA PA LAM DU ZHUGS PAS LUG BAL DAG RNYED LA, DE BLANGS TE KHYER BA MED NA RGYANG GRAGS KYIS CHOD PA'I GRONG BDUN PO DAG GI GRONG PHYED DU NI NYES BYAS SU 'GYUR LA, GRONG GI MTHAR NI SPANG BA'I LTUNG BYED DU 'GYUR RO, ,GRONG NAS DGON PA'I LAM DU 'JUG NA RGYANG GRAGS PHYED PHYED DU NYES BYAS SU 'GYUR LA, RGYANG GRAGS RE RER SPANG BA'I LTUNG BYED DU 'GYUR RO, ,ZHVA DANG, LHAM SGROG GU CAN DANG, STOD KOR NANG TSANGS CAN DANG, RGYA CANG DANG, LCAG POD DANG, SHUR BU PHRE'U LA SOGS PA'I DON DU DE TZAM DAG KHYER BA LA NI LTUNG BA MED DO, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA LTUNG BA MED DO, ,BAL THOGS PA'I SPANG BA STE BCU DRUG PA RDZOGS SA-HO,, ,,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DRUG SDE DAG GIS SMRAS PA, DGA' BO NYE DGA' BAL BGO BAR BYA'O, ,CHA DUR BYA DE DAG GIS SMRAS PA, BDAG CAG GIS BTZUN PA 'CHAR KA 'DI NYID NA 'DUG 'DUG PA LA CI'I PHYIR SKAL BA SBYIN, CHA LNGAR BYA'O, ,'CHAR KAS THOS NAS DES SMRAS PA, TSE DANG LDAN PA DAG KHYED KYIS DER RNYED PA GANG GRUB PA DE YANG KHYED KYIS GYIS SHIG ,KHO BO 'DI NYID NA 'DUG 'DUG @140A *, ,PAS RNYED PA GANG GRUB PA DE YANG KHO BO NYID KYIR BYA'O, ,NYE DGA'AS BSAMS PA 'DI 'DI NA 'DUG 'DUG PAS RNYED PA MANG PO GRUB GOR MA CHAG SNYAM NAS DES SMRAS PA, TSE DANG LDAN PA DAG BDAG CAG DUS THAMS CAD DU DRUG SDE YIN NA DA CI'I PHYIR LNGA SDER 'GYUR BAR BYA; CHA DRUG KHO NAR BYA'O SU DGOD DU GZHUG ,BTZUN PA 'CHAR KA MA DUB PA YIN GYIS DE 'GOD DU GZHUG GO, ,'CHAR KAS CHA DRUG TU BYAS TE BDAG NYID KYI SKAL BA RANG GI GNAS KHANG DU BCUG STE BZHAG GO, ,DE DAG GIS SMRAS PA, BTZUN PA 'CHAR KA KHYOD KYIS RNYED PA GANG GRUB PA DE KHYER SHOG BGO'O, ,'CHAR KAS SMRAS PA, KHO BOS DE'I BAR DU KA KA nI GCIG TZAM YANG MA RNYED DO, ,KHYOD KYIS KHO BO CAG BSLUS SO, ,'CHAR KAS BSAMS PA, BDAG GIS BAL NYUNG NGU MA ZHIG RNYED PA 'DI SU RMEL DU GZHUG ,GAL TE KHYIM PA DAG LA BCOL NA NI DE DAG BSLAB PA YANG DAG PAR MA BLANGS PA YIN PAS THAMS CAD BRKUS PAR 'GYUR RO, ,GAL TE BCU GNYIS SDE DAG LA BCOL NA NI BCA' BA'I RIN DU 'JOG PAR 'GYUR RO, ,CHOS BYIN LA BCOL YANG CHOS BYIN NI MDO SDE'I MTHA' PA YIN LA, 'KHOR YANG MDO SDE'I MTHA' PA DANG LDAN PA YIN PAS MDO SDE'I TSIG DAG SEMS PA NA DUS 'GYANGS PAR 'GYUR RO, ,GOO TA M'I SKEM MO LA BCOL DU YANG GOO TA M'I SKEM MO NI 'DUL BA 'DZIN PA YIN LA, DE'I 'KHOR YANG 'DUL BA 'DZIN PA DANG LDAN PA YIN PAS DE 'DI NI LTUNG BA YIN NO, ,'DI NI LTUNG BA MA YIN NO ZHES SEMS PA NA DUS 'GYANGS PAR 'GYUR RO, ,SKYE DGU'I BDAG MO CHEN MO GOO TA M'I NI SPONG BA MA YIN LA, 'KHOR YANG SPONG BA PA DANG LDAN PAS DES SEMS RTZE GCIG TU 'JOG PA LA BAL RMEL BA MI GNOD KYIS BDAG GIS DE LA BAL RMEL DU BCOL LO SNYAM NAS, DE DE SNYAM SEMS ZHING 'DUG PA NA SKYE DGU'I BDAG MO CHEN MO GOO TA M'IS BCOM LDAN 'DAS GA LA BA DER 'ONGS PA DE TSE DANG LDAN PA 'CHAR KAS THAG RING PO KHO NA NAS MTHONG NAS SMRAS PA, GOO TA M'IS BCOM LDAN 'DAS KYIS TSUL KHRIMS DANG LDAN PA'I SEMS KYI SMON PA 'GRUB STE, @140B DE YANG TSUL KHRIMS RNAM PAR DAG PA'I PHYIR RO ZHES BKA' STZAL PA DE LEGS PAR GSUNGS PA YIN TE, DA GZOD KHO NA BDAG KYE MA SKYE DGU'I BDAG MO CHEN MO GOO TA M'I 'ONGS NA CI MA RUNG SNYAM PA'I BLO SKYES NA KHYOD KYANG 'DIR 'ONGS SO, ,BDAG GIS BAL NYUNG ZHIG RNYED PA DE KHYED KYIS RMEL DU CHUG STE BYIN CIG ,'PHAGS PA BDAG BCOM LDAN 'DAS KYI ZHABS LA PHYAG 'TSAL TE SLAR MCHIS NAS DGE SLONG MA GNYIS BTANG GIS DE GNYIS LA BSKUR BAR STZOL CIG ,'CHAR KAS BAL DE DAG GZAR THAG GIS BAM PO GNYIS SU DAM DU RAB TU BCINGS TE SGO GLEGS KYI PHAG TU BZHAG GO, ,DE NAS SKYE DGU'I BDAG MO CHEN MO GOO TA M'I BCOM LDAN 'DAS KYI ZHABS LA PHYAG 'TSAL TE, DBYAR KHANG DU SON NAS DES DE'I GAN DU DGE SLONG MA GNYIS BTANG STE, 'PHAGS PA 'CHAR KA'I GAN DU DENG LA BAL DE BSKUR DU STZOL ZHES GYIS SHIG CES BSGO'O, ,DE GNYIS DONG STE SMRAS PA, 'PHAGS PA GOO TA M'I'I MCHID NAS BAL DE BSKUR DU GSOL ZHES MCHI'O, ,'CHAR KAS DE GNYIS LA SMRAS PA, SGO GLEGS KYI PHAG NA BAM PO GNYIS 'DUG PA DE GNYIS KHYER LA DENG SHIG ,DE GNYIS GNAS KHANG DU ZHUGS TE 'DEGS PAR BRTZAMS PA DANG, BSGUL BA TZAM DU YANG MA NUS NAS DE GNYIS KYIS SMRAS PA, 'PHAGS PA CI 'DIR RANG THAG GI GOR MA DAG STZAL TAM, GZHON NU MA GNYIS CI KHYED GNYIS GZHON NU MA GTA' GAM PA YIN NAM, ZHES DES THE'U CHUNG GIS BTEG STE GCIG NI GCIG GI MGOR BSKUR, GCIG NI GCIG GI RKED DU BSKUR RO, ,DE GNYIS MGO CHAG LA THUG GO, ,RKED PA CHAG LA THUG GO ZHES ZER ZHING DBYAR KHANG DU DONG NAS KHUR SA LA BZHAG STE KHRI STENG DU SGYEL CING 'DUG GO, ,DGE SLONG MA RNAMS KYIS DE GNYIS LA SMRAS PA, KHYED GNYIS GZHON NU MA GTA' GAM PA YIN NAM, DE GNYIS KYIS SMRAS PA, KHYED CAG LAS STOBS DANG LDAN PA GANG YIN PA DES JE 'DI THEG SHIG ,DE DAG GIS DE 'DEGS PAR BRTZAMS PA DANG, BSGUL BA TZAM DU YANG MA NUS NAS DE DAG GIS SMRAS PA, 'PHAGS MA GNYIS CI 'DIR RANG THAG GI RDO DAG BCUG GAM ZHES DE DAG GIS BAM PO DE GNYIS BSHIG @141A *, ,PA DANG JI TZAM NA PHUNG PO CHEN POR RNAM PAR GNAS PAR GYUR TO, ,DGE SLONG MA RNAMS KYIS RTA DAD KYIS BTAB STE SMRAS PA, 'PHAGS PA 'CHAR KA NA RE BAL CUNG ZHIG ZER NA GAL TE MANG BAR GYUR NA JI LTA BUR 'GYUR, SKYE DGU'I BDAG MO CHEN MO GOO TA M'IS SMRAS PA, NU MO DAG MGO BREGS SHING MCHAN KHUNG RAL BU CAN DAG YIN NA GOD DU CI YOD, 'PHAGS PA 'CHAR KA'I MCHID NAS BAL NYUNG ZHIG CES MCHI NA GAL TE MANG BAR GYUR NA JI LTA BUR 'GYUR, SKYE DGU'I BDAG MO CHEN MO GOO TA M'IS SMRAS PA, NU MO DAG DE DAG NI GNAS NGAN LEN KUN TU SPYOD PA DAG YIN PAS DE DAG GIS BCOM LDAN 'DAS KYI BSTAN PA LA 'DRUMS PA LTUNG BAS LTUNG BAR BYED DO, ,NU MO DAG BCOM LDAN 'DAS KYIS 'DI GNYIS NI SKYES BU DAM PA YIN TE, KHUR MA BLANGS PA MI LEN PA GANG YIN PA DANG, KHUR BLANGS PA MTHAR PHYIN PAR BYED PA GANG YIN PA'O ZHES GSUNGS PAS, 'DI NI KHUR BLANGS PA YIN PAS MTHAR PHYIN PAR BYA DGOS KYIS, KHYED CAG LAS GANG GIS JI TZAM RMEL BAR SPRO BA DE TZAM RMEL LA DE'I GEN DU KHYER TE BYIN CIG ,DE DAG YUN RING DU THOGS PA DANG 'CHAR KAS BSAMS PA, DE DAG GIS BAL DE BCA' BA'I RIN DU BZHAG GOR MA CHAG ,BDAG GIS MA LEGS PA ZHIG BYAS TE BDAG GIS BAL DE NI CHAR PAS 'JIGS PAS GANG LA KHAR BZHAG PA DANG 'DRA BAR GYUR TO SNYAM MO, ,DGE SLONG MA GNYIS KYIS BAL KHAL CIG RMEL TE KHYER TE 'ONGS NAS SMRAS PA, 'PHAGS PA 'CHAR KA BAL DAG 'TSAL TE MCHIS NA GANG DU GZHAG PAR BGYI, 'CHAR KAS BSAMS PA, DA DUNG SPYOD YUL LHAG MA DANG BCAS PA YIN NO SNYAM NAS SMRAS PA, GNAS KHANG DU CHUG STE ZHOG SHIG ,DE GNYIS KYIS BZHAG STE SONG BA DANG, GZHAN DAG GIS KYANG KHYER TE 'ONGS SO; ,JI TZAM NA THAMS CAD KYIS KYANG KHYER TE 'ONGS SO, ,DE NAS SKYE DGU'I BDAG MO CHEN MO GOO TA M'I BCOM LDAN 'DAS GAL BA DER SONG STE PHYIN NAS, BCOM LDAN 'DAS KYI ZHABS LA PHY