@01A *, ,RGYA GAR SKAD DU, A'ARYA LA LI TA BI ST'A RA N'A MA MA H'A Y'A NA S'U TRA, BOD SKAD DU, 'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN @02A *, ,GYI KUN DGA' RA BA NA DGE SLONG KHRI NYIS STONG GI DGE SLONG GI DGE 'DUN CHEN PO LA 'DI LTA STE, TSE DANG LDAN PA KUN SHES Koo ndI NYA DANG, TSE DANG LDAN PA RTA THUL DANG, TSE DANG LDAN PA RLANGS PA DANG, TSE DANG LDAN PA MING CHEN DANG, TSE DANG LDAN PA BZANG PO DANG, TSE DANG LDAN PA GRAGS SBYIN DANG, TSE DANG LDAN PA DRI MA MED DANG, TSE DANG LDAN PA LAG BZANG DANG, TSE DANG LDAN PA GANG PO DANG, TSE DANG LDAN PA BA LANG BDAG DANG, TSE DANG LDAN PA LTENG RGYAS 'OD SRUNG DANG, TSE DANG LDAN PA CHU KLUNG 'OD SRUNG DANG, TSE DANG LDAN PA GA YA 'OD SRUNG DANG, TSE DANG LDAN PA SH'A RI'I BU DANG, @02B TSE DANG LDAN PA MOO DGAL GYI BU CHEN PO DANG, TSE DANG LDAN PA 'OD SRUNG CHEN PO DANG, TSE DANG LDAN PA K'A TYA-''I BU CHEN PO DANG, TSE DANG LDAN PA KA PI NA CHEN PO DANG, TSE DANG LDAN PA GSUS PO CHE DANG, TSE DANG LDAN PA SKUL BYED DANG, TSE DANG LDAN PA BYAMS MA'I BU GANG PO DANG, TSE DANG LDAN PA MA 'GAGS PA DANG, TSE DANG LDAN PA DGA' BYED DANG, TSE DANG LDAN PA 'UG PA DANG, TSE DANG LDAN PA RAB 'BYOR DANG, TSE DANG LDAN PA NAM GRU DANG, TSE DANG LDAN PA SENG LDENG NAGS PA DANG, TSE DANG LDAN PA DON YOD RGYAL PO DANG, TSE DANG LDAN PA PHA ROL TU 'GRO BA CHEN PO DANG, TSE DANG LDAN PA BA KU LA DANG, TSE DANG LDAN PA DGA' BO DANG, TSE DANG LDAN PA SGRA GCAN ZIN DANG, TSE DANG LDAN PA LEGS 'ONGS DANG, TSE DANG LDAN PA KUN DGA' BO DANG, DE DAG LA SOGS PA DGE SLONG KHRI NYIS STONG DANG THABS CIG TU BZHUGS SO, , @03A *, ,BYANG CHUB SEMS DPA' SUM KHRI NYIS STONG THAMS CAD KYANG SKYE BA GCIG GIS THOGS PA, BYANG CHUB SEMS DPA'I PHA ROL TU PHYIN PA THAMS CAD LAS NGES PAR SKYES PA, BYANG CHUB SEMS DPA'I MNGON PAR SHES PA THAMS CAD KYIS RNAM PAR RTZE BA; BYANG CHUB SEMS DPA'I GZUNGS THAMS CAD THOB PA, BYANG CHUB SEMS DPA'I SPOBS PA THAMS CAD THOB PA, BYANG CHUB SEMS DPA'I SMON LAM THAMS CAD SHIN TU YONGS SU RDZOGS PA, BYANG CHUB SEMS DPA'I SO SO YANG DAG PAR RIG PA THAMS CAD RTOGS PAR KHONG DU CHUD PA, BYANG CHUB SEMS DPA'I TING NGE 'DZIN THAMS CAD LA DBANG THOB PA, BYANG CHUB SEMS DPA'I DBANG THAMS CAD THOB PA; BYANG CHUB SEMS DPA'I BZOD PA THAMS CAD LA ZHUGS PA, BYANG CHUB SEMS DPA'I SA THAMS CAD RAB TU RDZOGS PA SHA STAG @03B STE; 'DI LTAR BYANG CHUB SEMS DPA' SEMS DPA' CHEN PO BYAMS PA DANG, BYANG CHUB SEMS DPA' SEMS DPA' CHEN PO GZUNGS KYI DBANG PHYUG RGYAL PO DANG, BYANG CHUB SEMS DPA' SEMS DPA' CHEN PO SENG-DGE'I TOG DANG, BYANG CHUB SEMS DPA' SEMS DPA' CHEN PO DON GRUB BLO GROS DANG, BYANG CHUB SEMS DPA' SEMS DPA' CHEN PO SPYOD PA RAB TU ZHI BA'I BLO GROS DANG, BYANG CHUB SEMS DPA' SEMS DPA' CHEN PO SO SO YANG DAG PAR RIG PA THOB PA DANG, BYANG CHUB SEMS DPA' SEMS DPA' CHEN PO BRTZON 'GRUS RTAG PAR SBYOR DANG, BYANG CHUB SEMS DPA' SEMS DPA' CHEN PO SNYING RJE CHER SEMS DANG, DE DAG LA SOGS PA BYANG CHUB SEMS DPA' SUM KHRI NYIS STONG DANG YANG THABS CIG GO ,DE'I TSE BCOM LDAN 'DAS MNYAN YOD KYI GRONG KHYER CHEN PO NA 'KHOR BZHI DANG, RGYAL PO DANG, RGYAL PO'I SRAS DANG, RGYAL PO'I BLON PO CHEN PO DANG, CHAGS 'OG GI RGYAL PHRAN DANG, RGYAL PO'I ZHABS 'BRING BA DANG, RGYAL RIGS DANG, BRAM ZE DANG, TSONG DPON DANG, KHYIM BDAG DANG, BLON PO DANG, 'KHOR GYI MI DANG, GRONG KHYER PA DANG, YUL GYI MI DANG, MU STEGS CAN DANG, DGE SBYONG DANG, BRAM ZE DANG, DPYOD PA PA DANG, KUN TU RGYU SNA TSOGS KYIS RIM @04A *, ,GROR BYAS, BLA MAR BYAS, BSTI STANG DU BYAS, MCHOD PA BYAS SO, ,BCOM LDAN 'DAS NI BZA' BA DANG, BCA' BA DANG, MYANG BA BSOD CING MANG BA DANG, NA BZA' DANG, BSOD SNYOMS DANG, GZIMS CHA DANG, SNYUN GYI GSOS SMAN DANG, YO BYAD RUNG BA BRNYES SHING, BCOM LDAN 'DAS NI BRNYES PA DAM PA DANG, GRAGS PA DAM PA BRNYES KYANG PAD-MA LA CHUS MI GOS PA LTAR THAMS CAD DU MA CHAGS MA GOS PAR BZHUGS SO, ,BCOM LDAN 'DAS KYI GRAGS PA DANG, SGRA DANG SNYAN PA NI 'DI SKAD DU, BCOM LDAN 'DAS DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS ZHES BYA BAR 'JIG RTEN DU MNGON PAR GRAGS PAR GYUR TO, ,DE NI SPYAN LNGA DANG LDAN PA STE, 'JIG RTEN 'DI DANG, 'JIG RTEN PHA ROL LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG BRAM ZER BCAS BA'I SKYE RGU LHA DANG MIR BCAS PA DAG RANG GIS MNGON PAR MKHYEN PAS MNGON DU MDZAD @04B NAS NYE BAR BSGRUBS TE RAB TU STON TO, ,DE THOG MAR DGE BA, BAR DU DGE BA, THA MAR DGE BA, DON BZANG PO, CHIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU DKAR BA'I CHOS STON TE, TSANGS PA'I SPYOD PA YANG DAG PAR STON TO, ,DE'I TSE BCOM LDAN 'DAS KYIS NAM GYI GUNG THUN LA SANGS RGYAS KYI RGYAN BKOD PA ZHES BYA BA'I TING NGE 'DZIN LA SNYOMS PAR ZHUGS PAR GYUR TO, ,BCOM LDAN 'DAS KYIS SANGS RGYAS KYI RGYAN BKOD PA ZHES BYA BA'I TING NGE 'DZIN DE LA SNYOMS PAR ZHUGS MA THAG TU SKAD CIG DE NYID LA BCOM LDAN 'DAS KYI DBU'I GTZUG GI GTZUG TOR GYI GSEB NAS SNGON GYI SANGS RGYAS RJES SU DRAN PAR BYA BA LA CHAGS PA MED PA'I YE SHES SNANG BA ZHES BYA BA'I 'OD ZER BYUNG STE, DES GNAS GTZANG MA'I LHA'I GNAS THAMS CAD SNANG BAR BYAS NAS LHA'I BU DBANG PHYUG CHEN PO LA SOGS PA LHA'I BU TSAD MED PA DAG YANG DGE PAR BSKUL TO, ,DE BZHIN GSHEGS PA'I 'OD ZER GYI TSOGS DE LAS SKUL BA'I TSIGS SU BCAD PA 'DI DAG KYANG BYUNG NGO, ,YE SHES 'OD LDAN MUN BCOM 'OD MDZAD PA, ,'OD BZANG GZI BRJID DAM PA DRI MED PA, ,SKU LUS RAB ZHI THUGS DGE ZHI BA PO, ,SH'A-KYA'I SENG-GE THUB DANG PHRAD PAR GYIS, ,YE SHES RGYA MTSO MTHU CHEN DAG PA STE, ,CHOS KYI MNGA' BDAG @05A *, ,KUN MKHYEN THUB PA'I DBANG, ,MI DANG LHAS MCHOD LHA YI LHAR GYUR PA, ,CHOS LA RANG BYUNG MNGA' DBANG MDZAD LA RTON, ,GANG ZHIG GDUL KA'I SEMS LA MNGA' MDZAD DE, ,GANG ZHIG BDUD KYI RNYI LAS GROL BA'I THUGS, ,DE 'DIR MTHONG THOS DON MED MA YIN GYI, ,RNAM GROL MTHAR PHYIN ZHI BA'I DRUNG DU DENGS, ,MTSUNGS MED CHOS LA SNANG BAR GYUR PA STE, ,MUN SEL TSUL BZANG STON PAR RAB MDZAD PA, ,SANGS RGYAS SPYOD ZHI MKHYEN PA DPAG MED PA, ,DE YI DRUNG DU DAD PA MCHOG GIS DENGS, , DE NI SMAN PA'I RGYAL PO BDUD RTZI GTONG, ,DE NI SMRA BA DPA' BO TSOGS NGAN 'JOMS, ,DE NI CHOS KYI RTZA LAG DON DAM MKHAS, ,DE NI 'DREN PA BLA MED LAM STON PA'O, ,GNAS GTZANG MA'I RIS KYI LHA'I BU DE DAG SNGON GYI SANGS RGYAS RJES SU DRAN PAR BYA BA LA CHAGS PA MED PA'I YE SHES SNANG BA'I 'OD ZER DES PHOG CING TSIGS SU BCAD PA RNAM PA DE LTA BU DE DAG GIS KYANG BSKUL MA THAG TU RAB TU ZHI BA'I TING NGE 'DZIN DE LAS LANGS NAS SANGS RGYAS KYI MTHUS BSKAL PA GRANGS MED, TSAD MED, BGRANG BA LAS SHIN TU 'DAS PA DAG LAS 'DAS PA'I SANGS RGYAS BCOM LDAN 'DAS RNAMS RJES SU DRAN ZHING, SANGS RGYAS BCOM LDAN 'DAS DE DAG GI SANGS RGYAS KYI ZHING GI YON TAN @05B BKOD PA GANG YIN PA DAG DANG, 'KHOR GYI DKYIL 'KHOR GANG YIN PA DAG DANG, CHOS BSTAN PA GANG YIN PA DE DAG THAMS CAD KYANG RJES SU DRAN PAR GYUR TO, ,DE NAS DE'I NUB MO MI NYAL TZAM NA GNAS GTZANG MA'I RIS KYI LHA'I BU DBANG PHYUG CES BYA BA DANG, DBANG PHYUG CHEN PO DANG, DGA' PO DANG, SHIN TU DGA' BO DANG, TZAN-DAN DANG, MCHOD BYAS DANG, RAB ZHI DANG, DUL BA RAB ZHI DBANG PHYUG LA SOGS PA DE DAG DANG, GNAS GTZANG MA'I RIS KYI LHA'I BU GZHAN SHIN TU MANG PO KHA DOG 'PHAGS SHING SHIN TU 'PHAGS PA DANG LDAN PA DAG GIS LHA'I SNANG BAS RGYAL BU RGYAL BYED KYI TSAL THAMS CAD SNANG BAR BYAS TE BCOM LDAN 'DAS GA LA PA DER DONG NAS PHYIN PA DANG, BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS KYANG GNAS GTZANG MA'I RIS KYI LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS, RGYA CHER ROL PA ZHES BGYI BA'I CHOS KYI RNAM GRANGS MDO SDE SHIN TU RGYAS PA CHEN PO BSDUS PA, BYANG CHUB SEMS DPA' RNAMS KYI DGE BA'I RTZA BA YANG DAG PAR BSTAN PA, DGA' LDAN GYI PHO BRANG DAM PA NAS 'BAB PA DANG, CHED DU DGONGS TE LHUMS SU 'JUG PA'I RNAM PAR ROL PA DANG, MNGAL GYI @06A *, ,GNAS KYI KHYAD PAR KUN TU BSTAN PA, RIGS BZANG POR SKYE BA'I SA'I MTHU KUN TU BSTAN PA, BYIS PA'I SPYOD PA THAMS CAD LAS YON TAN GYI KHYAD PAR GYIS SHIN TU 'DA' BA BSTAN PA, 'JIG RTEN PA'I BZO'I GNAS DANG, LAS KYI GNAS DANG, YI GE DANG, GRANGS DANG, LAG RTZIS DANG, RTZIS DANG, RAL GRI'I THABS DANG; 'PHONG DANG, STOBS DANG, GYAD KYI 'DZIN STANGS RNAMS SEMS CAN THAMS CAD LAS KHYAD PAR DU 'PHAGS PA KUN TU BSTAN PA, BTZUN MO'I 'KHOR DANG, YUL GYI LONGS SPYOD DANG, YONGS SU SPYOD PA KUN TU BSTAN PA, BYANG CHUB SEMS DPA'I SPYOD PA THAMS CAD KYI RGYU MTHUN PAS YONGS SU GRUB PA'I 'BRAS BU BRNYES PA YONGS SU BRJOD PA, BYANG CHUB SEMS DPA'I RNAM PAR ROL PA DANG, BDUD KYI DKYIL 'KHOR THAMS CAD RNAM PAR 'JIG PA BSTAN PA, DE BZHIN GSHEGS PA'I STOBS DANG MI 'JIGS PA BSDUS PA, SANGS RGYAS KYI CHOS TSAD MA MCHIS PA NGES PAR BSTAN PA, SNGON GYI DE BZHIN GSHEGS PA RNAMS KYIS SNGON CHAD GSUNGS PA MCHIS TE, 'DI LTA STE, BCOM LDAN 'DAS PAD-MA'I BLA MA DANG, CHOS KYI TOG DANG, MAR ME MDZAD DANG, YON TAN GYI TOG DANG, YON TAN 'BYUNG GNAS DANG, 'OD ZER CHEN PO DANG, DRANG SRONG LHA DANG, @06B DPAL GYI GZI BRJID DANG, BDEN PA'I TOG DANG, RDO RJE MKHREGS DANG, THAMS CAD ZIL GYIS GNON DANG, GSER MDOG DANG, SHIN TU MTHOR GSHEGS DANG, BYI RU'I RGYA MTSO DANG, ME TOG GI TOG DANG, GZUGS BZANG DANG, SPYAN BZANG DANG, DRANG SRONG SBED DANG, DMAG TSOGS LAS RGYAL DANG, MTHO BA DANG, ME TOG RGYAS PA DANG, MDZOD SPU GZI BRJID DANG, SHIN TU RGYAS DANG, 'OD ZER BZANG PO DANG, BKRA SHIS LDAN DANG, BLTA NA BZANG DANG, SENG-DGE'I GZI BRJID CHEN PO DANG, BLO GROS BRTAN PAS BYIN DANG, SOS KA'I SPOS DRI DANG, BDEN PA'I PHYOGS GRAGS RGYA CHEN DANG, 'OD LDAN DANG, SKAR RGYAL DANG, 'JIG RTEN MDZES DANG, 'OD RGYA CHEN DANG, RIN CHEN GRAGS DANG, DRAG SHUL GZI BRJID DANG, RIN CHEN GZI BRJID DANG, TSANGS PA'I GZI BRJID DANG, SGRA SNYAN DANG, ME TOG BZANG PO DANG, RI RAB ME TOG DANG, RAB TU YID 'ONG DBYANGS DANG, DGE BA TSUL BZANG DANG, RAB TU 'DZUM PA'I SPYAN DANG, YON TAN PHUNG PO DANG, 'BRUG SGRA DANG, KHA DOG MDZES DANG, TSE'I GZI BRJID DANG, NGOM BAG GLANG PO'I 'GROS DANG, 'JIG RTEN MNGON PAR SMON DANG, DGRA LAS RGYAL DANG, YANG DAG MCHOD DANG, RNAM PAR GZIGS DANG, GTZUG TOR CAN DANG, THAMS CAD SKYOB DANG, 'KHOR BA 'JIG DANG, @07A *, ,GSER THUB DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD SRUNG GIS KYANG SNGON CHAD GSUNGS PA LAGS NA; DE BCOM LDAN 'DAS KYIS KYANG SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG, SKYE BO PHAL PO CHE'I DON DANG, LHA DANG MI RNAMS KYI DON DU 'GYUR BA DANG, SMAN PA DANG BDE BAR 'GYUR BA DANG, THEG PA CHEN PO'I 'DI'ANG BRJOD PA DANG, PHAS KYI RGOL BA THAMS CAD TSAR GCAD PA DANG, BDUD THAMS CAD ZIL GYIS MNAN PA DANG, BYANG CHUB SEMS DPA' THAMS CAD LA BSTAN PA DANG, BYANG CHUB SEMS DPA'I THEG PA PA'I GANG ZAG THAMS CAD KYI BRTZON 'GRUS BRTZAM PA BSKYED PA DANG, DAM PA'I CHOS YONGS SU GZUNG BA DANG, DKON MCHOG GSUM GYI GDUNG MI GCAD PA DANG, SANGS RGYAS KYI MDZAD PA YONGS SU RDZOGS PA'ANG KUN TU BSTAN PA'I SLAD DU DA BSTAN DU GSOL ZHES GSOL PA DANG, BCOM LDAN 'DAS KYIS LHA'I BU DE DAG DANG, LHA DANG BCAS PA'I 'JIG RTEN LA THUGS BRTZE BA'I PHYIR CANG MI GSUNG BAS GNANG NGO, ,DE NAS LHA'I BU DE DAG KYANG BCOM LDAN 'DAS KYIS CANG MI GSUNG BAS GNANG BAR RIG NAS TSIM ZHING MGU LA YID RANGS @07B SHING RAB TU DGA' STE, DGA' BA DANG YID BDE BA SKYES NAS BCOM LDAN 'DAS KYI ZHABS LA MGO BOS PHYAGG 'TSAL TE BCOM LDAN 'DAS LA LAN GSUM BSKOR BA BYAS NAS TZAN-DAN GYI PHYE MA DANG, AA GA RU'I PHYE MA DANG, ME TOG MAN-D'A RAB BA DAG GIS KYANG MNGON PAR GTOR TE, DE NYID DU MI SNANG BAR GYUR TO, ,DE NAS BCOM LDAN 'DAS NUB MO DE'I NAM NANGS PA DANG, SMYIG MA'I LDUM BU'I 'KHOR GYI KHYAMS GA LA BA DER GSHEGS TE BYON NAS BCOM LDAN 'DAS BYANG CHUB SEMS DPA'I TSOGS KYIS YONGS SU BSKOR ZHING NYAN THOS KYI DGE 'DUN GYIS MDUN GYIS BLTAS TE GDAN BSHAMS PA LA BZHUGS SO, ,BZHUGS NAS KYANG BCOM LDAN 'DAS KYIS DGE SLONG RNAMS LA BKA' STZAL PA; DGE SLONG DAG ,MDANG 'DIR NGA'I DRUNG DU GNAS GTZANG MA'I RIS KYI LHA'I BU DBANG PHYUG CES BYA BA DANG, DBANG PHYUG CHEN PO DANG, DGA' BO DANG, SHIN TU DGA' BO DANG, TZAN-DAN DANG, MCHOD BYAS DANG, RAB ZHI DANG, DUL BA RAB ZHI DBANG PHYUG LA SOGS PA DE DAG DANG, GNAS GTZANG MA'I RIS KYI LHA'I BU GZHAN SHIN TU MANG PO ZHES BYA BA NAS, DE NYID DU MI SNANG BAR GYUR CES BYA BA'I BAR DU SNGA MA BZHIN DU GSUNGS SO, ,DE NAS BYANG CHUB SEMS DPA' DE DAG DANG, NYAN THOS CHEN PO DE DAG GIS BCOM LDAN 'DAS @08A *, ,GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, RGYA CHER ROL PA'I CHOS KYI RNAM GRANGS LEGS PAR BSTAN DU GSOL, DE NI SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BAR MDZAD PA DANG, SKYE BO PHAL PO CHE DANG, LHA DANG MI RNAMS DANG, DA LTAR DANG MA 'ONGS PA'I BYANG CHUB SEMS DPA' SEMS DPA' CHEN PO RNAMS KYI DON DANG, SMAN PA DANG BDE BAR 'GYUR RO, ZHES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO DE DAG DANG, NYAN THOS CHEN PO DE DAG DANG, LHA DANG, MI DANG, LHA MA YIN DANG BCAS PA'I 'JIG RTEN LA THUGS BRTZE BA'I PHYIR CANG MI GSUNG BAS GNANG NGO, ,DE LA 'DI SKAD CES BYA STE, DGE SLONG DAG KYE NGA NI MDANG SUM 'DIR, ,GNAS PA BZANG POS BDE BAR GNAS GYUR CING, ,NYON MONGS MED PAR RAB TU GNAS GYUR LA, ,RTZE GCIG SEMS SU MNYAM PAR BZHAG DRUNG DU, ,RDZU 'PHRUL CHE ZHING KHA DOG BZANG LDAN LA, DRI ME DPAL 'BAR LHA YI BU LHAGS NAS, ,DPAL GYIS RGYAL BYED TSAL 'DI SNANG BYAS TE, ,DGA' BAS NGA YI GAN DU MNGON PAR LHAGS, ,DBANG PHYUG DBANG PHYUG CHEN PO TZAN-DAN DANG, ,DGA' BO RAB TU SEMS @08B ZHI MCHOD BYAS DANG, ,SHIN TU DGA' PO ZHI BA LHA YI BU, ,BYE BA LHA MANG DE DANG DE DAG RNAMS, ,NGA YI ZHABS LA PHYAG 'TSAL BSKOR BYAS TE, ,NGA YI MDUN DU 'DIR NI 'KHOD PAR GYUR; ;SOR MO BCU YI THAL SBYAR GUS BCAS PAR, ,DE DAG 'DIR NI NGA LA GSOL BA BTAB, ,'JIG RTEN KUN LA SMAN PA'I DON SLAD DU, ,RGYAL BA KUN GYIS SNGON CHAD GANG GSUNGS PA, ,SHIN TU RGYAS MDO GLENG GZHI CHEN PO 'DI, ,THUB PA 'DOD CHAGS BSAL BAS DE RING YANG, ,BYANG CHUB SEMS DPA'I TSOGS KUN BZUNG BZHED PAS, ,PHAS KYI RGOL DANG BDUD RNAMS 'DUL MDZAD LA, ,THEG PA CHEN PO MCHOG 'DI RAB GSUNG ZHING, ,THUB PA DE SLAD LEGS PAR BSHAD DU GSOL, ,LHA YI TSOGS KYIS GSOL BA DE SNANG PHYIR, , MI GSUNG GYUR PAS GNANG BA MDZAD PAS NA, ,THAMS CAD TSIM ZHING RAB DGA' MGU GYUR NAS, ,DGA' BA THOB PAS ME TOG SIL MA GTOR, ,DE PHYIR DGE SLONG SHIN TU RGYAS PA'I MDO; ;'JIG RTEN KUN LA PHAN PA'I DON GYI PHYIR, ,DE BZHIN GSHEGS PA KUN GYIS SNGON BSHAD PA, ,GLENG GZHI CHEN PO KHYED KUN 'DIR NYON CIG ,GLENG GZHI'I LE'U STE, DANG PO'O;; ,,DGE SLONG DAG ,DE LA CHOS KYI RNAM GRANGS SHIN TU RGYAS PA CHEN PO'I MDO RGYA CHER ROL PA ZHES BYA BA DE GANG ZHE NA, DGE SLONG DAG ,'DI LA BYANG CHUB SEMS DPA' @09A *, ,DGA' LDAN GYI GNAS MCHOG NA GNAS PA, MCHOD PAR BYA BAS MCHOD PA, DBANG BSKUR BA THOB PA, LHA BRGYA STONG GIS BSTOD CING BKUR TE BRJOD CING BSNGAGS PA, BSAM PA THOB PA, SMON LAM GYIS YANG DAG PAR 'PHAGS PA, SANGS RGYAS KYI CHOS THAMS CAD YANG DAG PAR THOB PA'I BLO DANG LDAN PA, YE SHES KYI MIG SHIN TU RGYAS SHIN YONGS SU DAG PA DANG LDAN PA, DRAN PA DANG, BLO GROS DANG, RTOGS PA DANG, KHREL YOD PA DANG, DGA' PA 'BAR BA'I BLO RLOBS PO CHE DANG LDAN PA, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THAMS LA MKHAS PA CHEN PO'I DAM PA'I PHA ROL TU SON PA, TSANGS PA'I LAM BYAMS PA CHEN PO DANG, SNYING RJE CHEN PO DNAG, DGA' BA CHEN PO DANG, BTANG SNYOMS CHEN PO LA MKHAS PA, MNGON PAR SHES PA DANG, RIG PA CHEN POS SMRI BA PA MED CING CHAGS PA MED PA'I YE SHES MTHONG BA MDON DU GYUR PA, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG; DBANG PO DANG, STOBS DANG, BYANG CHUB KYI YAN LAG DANG, LAM DANG, BYANG CHUB KYI PHYOGS KYI CHOS THAMS CAD SHIN TU YONGS SU RDZOGS PA'I MTHAR PHYIN PA, BSOD @09B NAMS DANG YE SHES KYI TSOGS DPAG TU MED PA'I MTSAN DANG DPE BYAD BZANG POS LUS LEGS PAR BRGYAN PA, YUN RING POR RJES SU 'BRANG BA DANG LDAN PA, JI SKAD DU SMRAS PA DE LTAR BYED PAS LOG PA ME DPA'I TSIG GI LAM YANG DAG PAR SMRA BA, DRANG ZHING MA YO LA GYA GYU MED PA'I YID THEGS ? PA MED PA DANG LDAN PA, NGA RGYAL DANG, RGYAGS PA DANG, DREGS PA DANG, 'JIGS PA DANG, ZHUM PA THAMS CAD MED PA DANG, SEMS CAN THAMS CAD LA SEMS MNYAM PA, SANGS RGYAS BYE BA KHRAG KHRIG BRGYA STONG DPAG TU MED PA LA BSNYEN BKUR BYAS PA, BYANG CHUB SEMS DPA' BYE BA KHRAG KHRIG BRGYA STONG MANG POS NGOR BLTA ZHING BLTA BA'I BZHIN DANG LDAN PA, BRGYA BYIN DANG, TSANGS PA DANG, DBANG PHYUG CHEN PO DANG, 'JIG RTEN SKYONG BA DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, SRIN PO RNAMS KYIS MNGON PAR DGA' BAR BYA BA'I GRAGS PA DANG LDAN PA, TSIG THAMS CAD RAB TU PHYE STE STON PA LA THOGS PA MED PA'I SO SO YANG DAG PAR RIG PA LA 'JUG PA'I SHES PA LA MKHAS PA, SANGS RGYAS THAMS CAD KYIS GSUNGS PA GZUNG BA LA DRAN PA'I SNOD 'KHRUL PA MED PA DANG, GZUNGS MTHA' YAS MU MED PA RAB TU THOB PA, DRAN PA NYE BAR GZHAG PA DANG, YANG DAG PAR @10A *, ,SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, SHES RAB KYI PHA ROL TU PHYIN PA DANG, THABS MKHAS PA'I CHOS RIN PO CHE DANG, BSOD NAMS KYIS YANG DAG PAR BSGRUBS PA'I CHOS KYI GRU CHEN PO'I DED DPON CHEN PO, CHU BO BZHI'I PHA ROL TU 'GRO BA'I BSAM PA CAN, BDUD DANG PHYIR RGOL BA BCOM PA, PHAS KYI RGOL BA THAMS CAD SHIN TU TSAR BCAD PA, G-YUL NGO'I THOG MA LA RAB TU 'DUG PA, NYON MONGS PA'I DGRA'I TSOGS 'JOMS PA, YE SHES MCHOG GI RDO RJE'I MTSON SRA BA DANG LDAN PA, BYANG CHUB KYI SEMS KYI RTZA BA LAS SNYING RJE CHEN PO'I CHU BA LHAG PA'I BSAM PAS SKYES PA ZAB CING BRTAN PA DANG, BRTZON 'GRUS KYI CHOS KYI CHUS MNGON PAR BLAN PA, THABS MKHAS PA'I SNYING PO DANG LDAN PA, BYANG CHUB KYI YAN LAG DANG, BSAM GTAN GYI ZE BA CAN, TING NGE 'DZIN GYI ZE'U 'BRU DANG LDAN PA, YON TAN GYI TSOGS RGYA CHEN PO'I MTSO LAS SKYES PA, NGA RGYAL DANG DREGS PA'I GDUNG BA MED PA'I ZLA BAS DRI MA MED PA'I 'DAB MA RGYAS PA, TSUL KHRIMS DANG, THOS PA DANG, BAG YOD PA'I GSUNG GI DAD PHYOGS BCUR THOGS PA MED PAR LDANG BA, 'JIG RTEN NA SHES PAS THU BOR GYUR PA, 'JIG RTEN GYI CHOS BRGYAD KYIS MA GOS PA, SKYES BU CHEN PO'I PAD-MA, @10B BSOD NAMS DANG YE SHES KYI TSOGS KYI DRI ZHIM PO 'BYUNG BA, SHES RAB DANG YE SHES KYI NYI MA'I 'OD ZER GYIS MIG SHIN TU RNAM PAR DAG PA'I PAD-MA 'DAB MA BRGYA BA RGYAS PA, RDZU 'PHRUL GYI RKANG PA BZHI MCHOG TU MGYOGS PA'I SHUGS DANG LDAN PA, 'PHAGS PA'I BDEN PA BZHI'I SDER MO DANG MCHE BA SHIN TU RNO BA, TSANGS PA'I GNAS PA BZHI'I SO DRANG BSNYER BA, BSDU BA'I DNGOS PO BZHIS SHIN TU BSDUS PA'I MGO DANG LDAN PA, RTEN CING 'BREL PAR 'BYUNG BA YAN LAG BCU GNYIS KHONG DU CHUD PAS RIM GYIS 'PHAGS PA'I LUS DANG LDAN PA, BYANG CHUB KYI PHYOGS KYI CHOS SUM CU RTZA BDUN YANG DAG PAR YONGS SU RDZOGS PAS RAL PA CAN DU BYAS SHING, RIG PA DANG, YE SHES KYI ZE BA CAN, RNAM PAR THAR PA'I SGO GSUM GYI KHA GDANGS BA, ZHI GNAS DANG LHAG MTHONG SHIN TU RNAM PAR DAG PA'I MIG DANG LDAN PA, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I RI SUL GYI PHUG NA GNAS PA, SPYOD LAM BZHI DANG, 'DUL BA'I NAGS TSAL DANG, NAGS 'DAB NAS SKYES PA'I LUS DANG LDAN PA, STOBS BCU DANG, MI 'JIGS PA BZHI DANG, NYE BA'I STOBS DANG LDAN PA, SKYE BA DANG 'JIG PA'I 'JIGS PA DANG SPU G-YO BA MED PA, RTZA LA LA ZHUM PA MED PA, MU STEGS CAN GYI BONG BU DANG, RI DWAGS MANG PO'I TSOGS RAB TU @11A *, ,'JOMS PA, BDAG MED PAR SGRA BRJOD PA'I SENG-GE'I NGA RO CHEN PO SGROG PA, SKYES BU SENG-GE DANG, RNAM PAR GROL BA DANG, BSAM GTAN GYI DKYIL 'KHOR LAS SHES RAB KYI 'OD DANG, 'OD ZER GYIS MU STEGS BYED SRIN BU ME KHYER GYI TSOGS 'OD MED PAR BYED PA, MA RIG PA'I MUN PA MUN NAG GI LING TOG DANG RAB RIB MED PAR BYED PA, STOBS DANG BRTZON 'GRUS 'BAR BA, LHA DANG MI'I NANG DU BSOD NAMS KYI GZI BRJID KYI GZI DANG LDAN PA, SKYES BU CHEN PO NYI MA, NAG PO'I PHYOGS MED PA, DKAR PO'I PHYOGS YONGS SU RDZOGS PA, BLTA NA SDUG CING YID DU 'ONG BAS MIG GI DBANG PO LA THOGS PA MED PA, LHA BRGYA STONG GI SKAR MA'I TSOGS KYIS SHIN TU BRGYAN PA, BSAM GTAN DANG, RNAM PAR THAR PA DANG, YE SHES KYI DKYIL 'KHOR CAN, BYANG CHUB KYI YAN LAG GI BDE BAS ZLA BA'I 'OD ZER DU GYUR PA, MI DANG LHA MKHAS PA'I ME TOG KU MU DA KHA 'BYED PA SKYES BU CHEN PO ZLA BA, 'KHOR GYI GLING BZHIR SONG BA, BYANG CHUB KYI YAN LAG BDUN GYI RIN PO CHE DANG LDAN PA, SEMS CAN THAMS CAD LA SEMS MNYAM PAR SBYOR BA, BLO DPYAD THOGS PA MED PA, DGE BA BCU'I LAS KYI LAM GYI DKA' THUB DANG BRTUL ZHUGS SHIN TU PHUN SUM TSOGS SHING RAB TU RDZOGS PA'I KHYAD PAR DU POGS DBYUNG @11B BAR BYA BA'I BSAM PA CAN, CHOS KYI RGYAL PO'I CHOS KYI 'KHOR LO RIN PO CHE MCHOG DAM PA THOGS PA MED PAR BSKOR BA, 'KHOR LOS BSGYUR BA'I RIGS KYI RGYUD DU BYUNG BA, CHOS KYI 'KHOR LOS BSGYUR BA CHEN PO, RTEN CING 'BREL PAR 'BYUNG BA ZAB CING GTING DPAG DKA' BA, CHOS RIN PO CHE THAMS CAD KYIS RAB TU GANG BA, THOS PAS MI NGOMS PAS YANGS SHING RGYA CHE LA MTHA' YAS PA'I YE SHES DANG TSUL KHRIMS KYI TSOD LAS MI 'DA' BA, BLO RGYA MTSO DANG SA LTAR RGYA CHE BA'I MCHOG TU GYUR PA, SA DANG CHU DANG ME DANG RLUNG DANG MNYAM PA'I SEMS SU GYUR PA, RI RAB LTAR BRTAN ZHING MI GYO LA BSKYOD PAR MI NUS PA'I YID DANG LDAN PA, RJES SU CHAGS PA DANG KHONG KHRO BA MED PA, NAM MKHA'I DKYIL LTAR DRI MA MED CING YANGS LA 'DRA BA MED PAR RGYA CHE BA'I BLO DANG LDAN PA, LHAG PA'I BSAM PA SHIN TU YONGS SU DAG PA, SBYIN PA LEGS PAR BYIN PA, SNGON SBYOR BA LEGS PAR BYAS PA, LHAG PA'I BYA BA LEGS PAR BYAS PA, BDEN PA'I RGYAN GYIS LEGS PAR BRGYAN PA, DGE BA'I RTZA BA THAMS CAD YONGS SU BTZAL BA, GOS PAR BYA BA BSGOS PA, DGE BA'I RTZA BA NGES PAR BYAS PA, BSKAL PA GRANGS MED PA BDUN DU DGE BA'I RTZA BA THAMS CAD YANG DAG PAR BSGRUBS PA, SBYIN PA RNAM PA BDUN BYIN PA, BSOD NAMS BYA BA'I DNGOS PO LNGA SHIN TU @12A *, ,BSTEN PA, LEGS PAR SPYAD PA LUS KYI RNAM GSUM, NGAG GI RNAM BZHI, YID KYI RNAM GSUM SPYAD PAR GYUR PA, DGE BA BCU'I LAS KYI LAM BSTEN PA DANG LDAN PA, YANG DAG PA'I SBYOR BA YAN LAG BZHI BCU DANG LDAN PA BSTEN PAR GYUR PA, YANG DAG PA'I SMON LAM YAN LAG BZHI BCU DANG LDAN PA'I SMON LAM BTAB PA, LHAG PA'I BSAM PA YAN LAG BZHI BCU DANG LDAN PA LA ZHUGS PA, YANG DAG PA'I RNAM PAR THAR PA YAN LAG BZHI BCU DANG LDAN PA YONGS SU RDZOGS PAR BYAS PA; YANG DAG PA'I MOS PA YAN LAG BZHI BCU DANG LDAN PA DRANG POR BYAS PA, SANGS RGYAS BYE BA KHRAG KHRIG BRGYA STONG PHRAG BZHI BCU'I RJES SU RAB TU BYUNG BA, SANGS RGYAS BYE BA KHRAG KHRIG BRGYA STONG LNGA BCU RTZA LNGA LA SBYIN PA PHUL BAR GYUR PA, RANG SANGS RGYAS BYE BA BRGYA PHRAG PHYED DANG BZHI LA LHAG PAR BYA BA BYAS PA, SEMS CAN TSAD MED GRANGS MED PA DAG MTHO RIS DANG THAR PA'I LAM DU BTZUD PAR GYUR PA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PA, TSE GCIG GIS THOGS PA, 'DI NAS SHI 'PHOS NAS DGA' LDAN GYI GNAS DAM PA NA GNAS PA LHA'I BU DAM PA TOG DKAR PO ZHES BYA BA, LHA'I TSOGS RNAMS KYIS 'DI NI @12B 'DI NAS SHI 'PHOS NAS MI'I 'JIG RTEN DU SKYES TE RING PO MI THOGS PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES DER SHIN TU MCHOD PA, GZHAL MED KHANG GNAS SUM KHRI NYIS STONG RAB TU GNAS PA, STEGS BU DANG, BA GAM DANG, RTA BABS DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHYAMS KYIS LEGS PAR BRGYAN PA, GDUGS DANG, RGYAL MTSAN DANG, BA DAN SGRENG BA, RIN PO CHE'I DRIL BU GYER KHA'I DRA BA'I BLA BRE BRES PA, ME TOG MAN-D'A RA BA DANG, MAN-D'A RA BA CHEN PO CHAL PAR BKRAM PA, LHA'I BU MO BYE BA KHRAG KHRIG BRGYA STONG GLU DBYANGS LEN PA, ME TOG AA TI MUK-TA DANG, TZAMP KA DANG, SKYA SNAR DANG, SA BRTOL DANG, BTANG BZUNG DANG, BTANG BZUNG CHEN PO DANG, MYA NGAN 'TSANG DANG, NYA GRO DHA DANG, TIN-DU KA DANG, AA SA NA DANG, DONG KA'I ME TOG DANG, SHING KE SA RA DANG, TA MA LA DANG, S'A LA DANG, RIN PO CHE'I SHING LJON PA CHEN POS BRGYAN PA, GSER GYI DRA BAS GYOGS PA, GZHI MNYAM ZHING BKOD PAS MDZES PAR BYAS PA, ME TOG SNANG 'OD DANG, MA LI KA DANG, SNA MA'I ME TOG DANG, BAR-SHI KA DANG, TA RA NI DANG, BA LI DANG, KO TA RA NI DANG, MCHOG TU DRI ZHIM DANG, DA NU SKA RI DANG, LHA'I SNA MA'I ME TOG DANG, AU-TAP LA DANG, PAD-MA DANG, KU MU DA @13A *, ,DANG, PAD-MA DKAR PO DANG, DRI RAB TU ZHIM PA'I BLA BRE CHEN PO PHYOGS PHYOGS SU BRES PA, BYA 'DAB SBED DANG, NE TZO DANG, RI SKEGS DANG, KHU BYUG DANG, NGANG PA DANG, RMA BYA DANG, NGUR PA DANG, KU NA LA DANG, KA LA PING-KA DANG, SHANG SHANG TE'U LA SOGS PA BYA SNA TSOGS SGRA SNYAN PA 'BYIN PA, LHA BYE BA KHRAG KHRIG BRGYA STONG GIS MIG MNGON DU PHYOGS TE BLTA ZHING LTAD MOR BYA BA, CHOS RGYA CHE BA CHEN PO YANG DAG PAR BRJOD PAS 'DOD PA LA DGA' BA'I SHUGS KYI NYON MONGS PA THAMS CAD GCOD PA, NGA RGYAL DANG; RGYAGS PA DANG, DREGS PA DANG, KHRO BA DANG, THA BA DANG, KHONG KHRO BA MED PAR GYUR PA, DGA' BA DANG, MGU BA DANG, MCHOG TU DGA' BA DANG, DRAN PA RGYA CHE ZHING GSAL BA, SKYE BA'I GZHAL MED KHANG CHEN PO DE NA BDE BAR GNAS SHING CHOS KYI YANG DAG PA'I GTAM BYUNG BA DANG, SIL SNYAN DANG, GLU DBYANGS BRGYAD KHRI BZHI STONG PO'I SGRA DE DAG LAS BYANG CHUB SEMS DPA'I SNGON GYI LAS DGE BA'I TSOGS KYIS YANG DAG PAR SKUL BA'I TSIGS SU BCAD PA 'DI DAG BYUNG NGO, ,BSOD NAMS RGYA CHEN TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, ,RGYA CHEN @13B DRI MA MED PA'I THUGS MNGA' BA, ,DRI MA GSUM SPANGS RGYAGS DANG SKYON ZHI BA, ,DGE BA DRI MED RNAM PAR DAG PA'I THUGS, ,SNGON CHAD JI LTAR SBYIN SPYAD DGONGS PAR MDZOD, ,ZHI GNAS TSUL KHRIMS BRTUL ZHUGS BZOD PA DANG, ,DUL DANG BRTZON 'GRUS BSAM GTAN SHAS RAB STOBS, ,BSKAL PA BYE BA KHRAG KHRIG RNAMS SPYAD PA, ,SBYOD RIGS CHER BYUNG DGONGS MDZOD DGONGS PAR MDZOD, ,SEMS CAN RNAMS LA THUGS BRTZE MDZAD GYUR CING, ,SANGS RGYAS BYE BA KHRAG KHRIG KHYED KYIS MCHOD, ,DGONGS MDZOD DGONGS PAR MDZOD CIG GRAGS MTHA' YAS, ,DE DUS LAGS KYI BTANG SNYOMS MA MDZAD CIG ,RGA SHI NYON MONGS 'JIGS MDZAD RDUL BRAL BA, ,LHA DANG KLU DANG GNOD SBYIN DRI ZA DANG, ,LHA MIN DBANG PO DAG KYANG SDOD LAGS KYI, ,'CHI 'PHO'I TSUL MKHYEN 'PHO BA BSTAN PAR MDZOD, ,BSKAL PA STONG DU DKA' BA SPYAD GYUR KYANG, ,RGYA MTSO CHU YIS JI BZHIN MI NGOMS KYI, ,NGOMS PA KHYOD KYI THUGS DAM DGE BA STE, ,YUN RING SKOM NYEN SKYE BO CHIM PAR MDZOD, ,SMAD PA MED PA'I GRAGS BA MNGA' BA KHYOD, ,CHOS LA DGYES PAR KHYOD DGYES 'DOD MI DGYES, ,'ON KYANG DRI MA MED PA'I SPYAN MNGA' BA, ,LHAR BCAS 'JIG RTEN DAG LA THUGS BRTZE MDZOD, ,LHA RNAMS BYE BA KHYOD LAS CHOS THOS PAS, ,NGOMS PAR 'GYUR BA MA LAGS 'ON GYIS @14A *, ,KYANG, ,DAL DANG MI LDAN GYUR PA'I NGAN SONG DU, ,GNAS PAR GYUR PA DAG LA GZIGS SU GSOL, ,DRI MA MED PA'I SPYAN MNGA' PHYOGS BCU YI, ,'JIG RTEN DAG GI SANGS RGYAS GZIGS GYUR CING, ,DE DAG RNAMS LA CHOS GSAN CHOS MCHOG DE, ,'JIG RTEN DAG LA RNAM PAR DBYE BA MDZOD, ,DPAL LDAN KHYOD KYI BSOD NAMS DPAL GYIS NI; ;DGA' LDAN PHO BRANG SHIN TU MDZES MOD KYI, ,'ON KYANG THUGS RJE THUGS DANG LDAN PAS NA, ,DZAM-BU'I RGYAL MTSAN DU NI CHAR PA PHOB, ,BRTUL ZHUGS GRUB PA BYANG CHUB REG CES TE; ;'DOD PA'I KHAMS LAS RAB TU 'DAS PA YI, ,GZUGS KYI KHAMS NA LHA RNAMS GANG 'KHOD PA, ,DU MA THAMS CAD MNGON PAR RAB TU DGA', ,MGON PO KHYOD KYIS BDUD KYI LAS RNAMS BCOM, ,KHYOD GZHAN MU STEGS CAN RNAMS PHAM MDZAD DE, ,KHYOD NI BYANG CHUB PHYAG MTHIL BZHAG DANG 'DRA, ,DE DUS LAGS KYI BTANG SNYOMS MA MDZAD CIG ,NYON MONGS RAB TU 'BAR BA'I 'JIG RTEN LA, ,DPA' BO KHYOD KYIS SPRIN LTAR KHYAB MDZAD DE, ,BDUD RTZI'I CHAR BA MNGON PAR RAB TU PHOB, ,LHA MI RNAMS KYIS NYON MONGS ZHI BAR MDZOD, ,KHYOD NI SMAN PA KHAMS LA MKHAS PA STE, ,YUN RING NAD PA SMAN PAS POR BA YI, ,SEMS CAN RNAM THAR GSUM GYI SBYAR SMAN GYIS, ,MYA NGAN 'DAS @14B PA'I BDE LA MYUR DU KHOD, ,SENG-GE'I NGA RO THOS PAR MA GYUR PAS, ,WA RNAMS 'JIGS PA MED PAR SGRA SGROG GI ,SANGS RGYAS SENG-GE'I SGRA NI RAB BSGRAGS TE, ,MU STEGS CAN GZHAN WA RNAMS SKRAG PAR MDZOD, ,SA YI DKYIL NA STOBS DANG BRTZON 'GRUS KYI, ,STOBS LDAN PHYAG NA SHES RAB SGRON ME BSNAMS, ,PHYAG MTHIL DAM PAS SA LA BRDAB MDZAD DE, ,'DI RNAMS KHYOD KYIS RAB TU PHAM PAR MDZOD, ,GANG DAG KHYOD LA LHUNG BZED 'BUL BA YI, ,'JIG RTEN SKYONG BA BZHI PO SDOD CING MCHIS, ,KHYOD BLTAMS GANG DAG LEN PAR 'GYUR BA YI, ,BRGYA BYIN TSANGS PA KHRAG KHRIG SDOD CING MCHIS, ,BLO GROS BZANG PO RIGS CHEN RIGS LDAN PA, ,GANG LA GNAS NAS BYANG CHUB SEMS DPA' YI, ,SPYOD PA STON 'GYUR DAM PA RIGS SKYES PA; ;RIGS KYI NANG NA BTZUN PA'I RIGS LA GZIGS, ,SNOD GYUR GANG DU NOR BU RIN PO CHE, ,BZHAG NA DPAL DANG LDAN PAR 'GYUR BA BZHIN, ,NOR BU RIN CHEN LTA BUR DRI MED THUGS; ;DZAM-BU'I RGYAL MTSAN DU NI CHAR PA PHOB, ,GLU DBYANGS SGRA LAS RNAM PA 'DI LTA YI, ,TSIGS SU BCAD PA MANG PO BYUNG GYUR NAS, ,'DI NI DUS LAGS BTANG SNYOMS MA MDZAD CES; ;SNYING RJE'I YID DANG LDAN LA SKUL BAR BYED, ,YANG DAG PAR SPRO BAR BYA BA'I LE'U STE, GNYIS PA'O,, ,,DGE SLONG DAG, DE LTAR BYANG CHUB SEMS DPA' CHOS KYI DUS @15A *, ,DE LTA BUS YANG DAG PAR BSKUL BA DANG, GZHAL MED KHANG CHEN PO DE NAS BYUNG STE CHOS KYIS MTHO BA ZHES BYA BA'I KHANG BZANG CHEN PO GANG DU BYANG CHUB SEMS DPA' 'DUG CING DGA' LDAN GYI LHA RNAMS LA CHOS STON PA DER BYANG CHUB SEMS DPA' ZHUGS SO, ,ZHUGS NAS KYANG SENG-GE'I KHRI CHOS BZANG PO ZHES BYA BA LA 'DUG GO ,DE NAS LHA'I BU GANG DAG BYANG CHUB SEMS DPA' DANG SKAL PA MNYAM PA THEG PA MTSUNGS PA LA ZHUGS PA DE DAG KYANG KHANG BZANG DE NYID DU ZHUGS SO, ,GANG YANG BYANG CHUB SEMS DPA' PHYOGS BCU NAS 'DUS PA BYANG CHUB SEMS DPA' DANG SPYOD PA 'DRA BA DAG DANG, LHA'I BU DE DAG KYANG LHA'I BU MO'I TSOGS RNAMS BSAL CING LHA'I BU PHAL RNAMS KYANG BSAL NAS LHA'I BSAM PA MTHUN PA'I 'KHOR CAN DU BYAS TE, 'KHOR BYE BA PHRAG DRUG CU RTZA BRGYAD BRGYAD DANG KHANG BZANG DER ZHUGS NAS SO SO CI RIGS PAR RANG RANG GI SENG-GE'I KHRI LA 'KHOD PAR GYUR TO, ,DGE SLONG DAG ,DE LTAR BYANG CHUB SEMS DPA' LO BCU GNYIS NA MA'I MNGAL DU 'JUG PAR 'GYUR RO ZHES BYA BA DE'I TSE GNAS GTZANG MA'I RIS KYI LHA'I BU DAG DZAM-BU'I GLING DU LHAGS NAS LHA'I KHA DOG MI SNANG BAR BYAS TE BRAM ZE'I CHA BYAD DU BSGYUR NAS BRAM ZE RNAMS RIG BYED SLOB TU 'DZUD DE, GANG @15B ZHIG RNAM PA 'DI LTA BUR MNGAL DU ZHUGS PAR GYUR NA, DE NI SKYES BU CHEN PO'I MTSAN SUM CU RTZA GNYIS DANG LDAN PAR 'GYUR TE, DE DAG DANG LDAN NA, RNAM PA GNYIS SU 'GYUR GYI; GSUM DU 'GYUR BA MED DO, ,DE GAL TE KHYIM NA GNAS NA NI 'KHOR LOS SGYUR BA'I RGYAL PO MTHA' BZHIR RNAM PAR RGYAL BA, CHOS DANG LDAN PA, CHOS KYI RGYAL PO RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, BUD MED RIN PO CHE DANG, NOR BU RIN PO CHE DANG, KHYIM BDAG RIN PO CHE DANG, BLON PO RIN PO CHE DANG BDUN NO, ,'KHOR LOS SGYUR BA'I RGYAL PO 'KHOR LO RIN PO CHE RNAM PA JI LTA BU DANG LDAN PAR 'GYUR ZHE NA 'DI LA RGYAL PO RGYAL RIGS SPYI BO NAS DBANG BSKUR BA'I GSO SBYONG GI NYI MA TSES BCO LNGA LA MGO KHRUS BYAS TE DBU ZUNGS SU GNAS SHING STENG GI KHYAMS NA BUD MED KYI TSOGS KYIS KUN NAS BSKOR CING 'DUG PA'I TSE SHAR PHYOGS NAS LHA'I 'KHOR LO RIN PO CHE RTZIBS STONG YOD PA, MU KHYUD DANG LDAN PA, LTE BA DANG BCAS PA, THAMS CAD GSER LAS GRUB PA; MGAR BAS MA BYAS PA, 'PHANG DU SHING TA LA BDUN TZAM NAS 'BYUNG STE, RGYAL PO RGYAL RIGS SPYI BO NAS DBANG BSKUR BAS LHA'I 'KHOR LO RIN PO CHE DE MTHONG NAS 'DI SNYAM @16A *, ,DU SEMS TE, BDAG GIS THOS PA RGYAL PO RGYAL RIGS SPYI BO NAS DBANG BSKUR BA GSO SBYONG GI NYI MA TSES BCO LNGA LA MGO KHRUS BYAS TE DBU ZUNGS SU GNAS SHING STENG GI KHYAMS NA BUD MED KYI TSOGS KYIS KUN NAS BSKOR CING 'DUG PA'I TSE SHAR PHYOGS NAS LHA'I 'KHOR LO RIN PO CHE BYUNG BAR GYUR NA, DE NA 'KHOR LOS BSGYUR BA'I RGYAL POR 'GYUR RO ZHES THOS TE, BDAG GI DRUNG DU LHA'I 'KHOR LO RIN PO CHE 'ONGS PA LAS NA, BDAG KYANG 'KHOR LOS SGYUR BA'I RGYAL PO YIN DU NGES SO SNYAM STE, DE NAS RGYAL PO RGYAL RIGS SPYI BO NAS DBANG BSKUR BA DE BLA GOS PHRAG PA GCIG TU GZAR NAS PUS MO GYAS PA'I LHA NGA SA LA BTZUGS TE, LAG PA GYAS BAS LHA'I 'KHOR LO RIN PO CHE DE BSKOR ZHING 'DI SKAD DU, BTZUN PA, LHA'I 'KHOR LO RIN PO CHE CHOS KYIS BSKOR CIG ,CHOS MA YIN PAS NI MA YIN NO ZHES BYA BA'I TSIG SMRAS PA DANG, DE NAS LHA'I 'KHOR LO RIN PO CHE DE RGYAL PO RGYAL RIGS SPYI BO NAS DBANG BSKUR BAS BSKOR BAS RDZU 'PHRUL GYIS NAM MKHA' LAS SHAR PHYOGS SU LEGS PAR 'GRO STE, RGYAL PO 'KHOR LOS SGYUR BA'ANG DPUNG GI TSOGS YAN LAG BZHI BA DANG LHAN CIG RJES SU 'GRO'O, ,SA'I PHYOGS GANG DU LHA'I 'KHOR LO RIN PO CHE DE GNAS @16B PAR 'GYUR BA DER RGYAL PO RGYAL RIGS SPYI BO NAS DBANG BSKUR BA DE'ANG DPUNG GI TSOGS YAN LAG BZHI PA DANG LHAN CIG TU GNAS PAR 'GYUR RO, ,DE NAS SHAR PHYOGS KYI KHAMS KYI RGYAL PO GANG YIN PA DE DAG DNGUL GYI SNOD NI GSER PHYES BKANG STE THOGS, GSER GYI SNOD NI DNGUL SIL MAS BKANG STE THOGS NAS 'KHOR LOS SGYUR BA'I RGYAL PO BSU ZHING 'DI SKAD DU, LHA 'DIR LEGS PAR GSHEGS SO, ,LHA TSUR GSHEGS SU GSOL, LHA'I CHAB SRID NI SHIN TU RGYAS SHING 'BYOR LA BDE STE, LO LEGS SHING NYAMS DGYIS LA SKYE BO MANG PO DANG, MIS GTAMS PA LAGS TE, LHA NYID KYI YUL DU BYON NAS BZHUGS SU GSOL, DE SKAD CES SMRAS PA DANG, RGYAL PO RGYAL RIGS SPYI BO NAS DBANG BSKUR BAS RIMS KYI RGYAL PO DE DAG LA 'DI SKAD DU, KHYED RANG RANG GI RGYAL SRID DAG CHOS KYIS GYIS SHIG ,CHOS MA YIN PAS NI MA YIN NO, ,KHYED SROG CHAGS MA GSOD CIG ,MA BYIN PAR MA LEN CIG ,'DOD PA LA LOG PAR GYEM PAR MA BYED CIG ,BRDZUN DU MA SMRA ZHIG, PHRA MA MA ZER CIG ,NGAG RTZUB PO MA SMRA ZHIG ,TSIG KYAL PA MA SMRA ZHIG ,BRNAB SEMS CAN DU MA GYUR CIG ,GNOD SEMS CAN DU MA GYUR CIG ,LOG PAR LTA BAR MA GYUR CIG ,SROG GCOD PA LA BYAMS PAR MA GYUR CIG ,LOG PAR LTA BA CAN GYI BAR LA BYAMS PAR MA @17A *, ,GYUR CIG ,NGA'I YUL DU CHOS MA YIN PA BYUNG NGA RE, CHOS MA YIN PAR SPYOD PA LA BYAMS PAR MA BYED CIG CES BSGOS NAS RGYAL PO RGYAL RIGS SBYI BO NAS DBANG BSKUR BAS DE LTAR SHAR PHYOGS SU RNAM PAR RGYAL BAR BYED DO, ,SHAR PHYOGS SU RNAM PAR RGYAL BAR BYAS NAS SHAR PHYOGS KYI RGYA MTSO LA 'GRO'O, ,SHAR PHYOGS KYI RGYA MTSO LA SONG NAS SHAR PHYOGS KYI RGYA MTSO LAS RGAL LO, ,RGAL NAS KYANG LHO PHYOGS SU NAM MKHA' LAS RDZU 'PHRUL GYIS LEGS PAR 'GRO STE, 'KHOR LOS BSGYUR BA'I RGYAL PO'ANG DPUNG GI TSOGS YAN LAG BZHI PA DANG LHAN CIG TU 'GRO'O, ,SNGA MA BZHIN DU LHO PHYOGS SU RNAM PAR RGYAL BAR BYED DO, ,LHO PHYOGS SU JI LTA BA DE BZHIN DU NUB PHYOGS DANG, BYANG PHYOGS SU RNAM PAR RGYAL BAR BYED DO, ,BYANG PHYOGS SU RNAM PAR RGYAL BAR BYAS NAS BYANG PHYOGS KYI RGYA MTSO LA 'GRO'O, ,BYANG PHYOGS KYI RGYA MTSO LA SONG NAS BYANG PHYOGS KYI RGYA MTSO LA RGAL LO, ,RGAL NAS KYANG NAM MKHA' LAS RDZU 'PHRUL GYIS RGYAL PO'I PHO BRANG DU LEGS PAR 'ONGS NAS BTZUN MO'I 'KHOR GYI SGO'I STENG DU NYAMS PA MED PAR GNAS TE, RGYAL PO RGYAL RIGS SPYI BO NAS DBANG BSKUR BA NI 'KHOR LO RIN PO CHE RNAM PA DE LTA BU DANG LDAN PA YIN NO, ,'KHOR LOS BSGYUR BA'I @17B RGYAL PO GLANG PO RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BAS GLANG PO RIN PO CHE SNGA MA BZHIN DU 'BYUNG STE, THAMS CAD THAL KAR GYUR PA, YAN LAG BDUN SHIN TU GNAS PA, GTZUG GSER GYIS BRGYAN PA, GSER GYI RGYAL MTSAN DANG LDAN PA, GSER GYI RGYAN GYIS BRGYAN PA, GSER GYI DRA BAS GYOG PA; RDZU 'PHRUL DANG LDAN PA, NAM MKHA' LAS 'GRO BA, RNAM PAR 'PHRUL BA'I CHOS CAN TE, 'DI LTAR GLANG PO'I RGYAL PO BYANG CHUB CES BYA BA'O, ,GANG GI TSE RGYAL PO RGYAL RIGS SPYI BO NAS DBANG BSKUR BA GLANG PO RIN PO CHE DE BRTAG PAR 'DOD PAR GYUR PA'I TSE NYI MSHAR KHAR GLANG PO RIN PO CHE DE LA ZHON TES CHEN PO 'DI RGYA MTSO'I MTHA' SKOR DANG BCAS PA, RGYA MTSO'I MUR THUG PA DANG BCAS PA KUN TU BSKOR TE RGYAL PO'I PHO BRANG DU 'ONGS NAS KHYE'U SUS KYI DGA' BA MYONG BAR BYED DE, 'KHOR LOS SGYUR BA'I RGYAL PO GLANG PO RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO RTA RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I RTA RIN PO CHE SNGA MA BZHIN DU 'BYUNG STE, THAMS CAD SNGON POR GYUR PA, MGO NAG PA, RNGOG MA LCANG LOR 'DUG PA, ZHON NA GUS PAR BYED PA, GSER GYI RGYAL MTSAN DANG BCAS @18A *, ,PA; GSER GYI RGYAN DANG LDAN PA, GSER GYI DRA BAS GYOGS PA, RDZU 'PHRUL DANG LDAN PA, NAM MKHA' LAS 'GRO BA, RNAM PAR 'PHRUL PA'I CHOS CAN TE; 'DI LTAR RTA'I RGYAL PO SPRIN YI SHUGS CAN ZHES BYA BA'O, ,GANG GI TSE RGYAL PO RGYAL RIGS SPYI BO NAS DBANG BSKUR BA RTA RIN PO CHE BRTAG PAR 'DOD PAR GYUR PA DE'I TSE NYI MA SHAR KHAR RTA RIN PO CHE DE LA ZHON NAS SA CHEN PO 'DI RGYA MTSO'I MTHA' SKOR DANG BCAS PA, RGYA MTSO'I MUR THUG PA DANG BCAS PA KUN TU BSKOR TE PHYIR RGYAL PO'I PHO BRANG DU 'KHOR NAS KHYE'U SUS KYI BDE BA MYONG BAR BYED DE, 'KHOR LOS SGYUR BA'I RGYAL PO NI RTA RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO NOR BU RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I NOR BU RIN PO CHE SNGA MA BZHIN DU 'BYUNG STE, THAMS CAD DU SNGO BA, BEE d'U-RYA'I RANG BZHIN ZUR BRGYAD DU 'DUG PA, SHIN TU SBYANGS PA 'BYUNG TE NOR BU RIN PO CHE DE'I 'OD KYIS BTZUN MO'I 'KHOR THAMS CAD KYANG SNANG BAS KHYAB PAR 'GYUR RO, ,GANG GI TSE RGYAL PO RGYAL RIGS SPYI BO NAS DBANG BSKUR BA NOR BU RIN PO CHE BRTAG PAR 'DOD PAR GYUR PA DE'I TSE MTSAN MO NAM GYI GUNG LA MUN PA MUN NAG GI NANG DU NOR BU RIN @18B RIN PO CHE DE RGYAL MTSAN GYI RTZE MO LA BTAGS TE SKYED MOS TSAL GYI SA BZANG PO BLA BA'I PHYIR SONG NA, NOR BU RIN PO CHE DE'I 'OD KYIS THAMS CAD DAN GLDAN PA'I DBUNG GI TSOGS YAN LAG BZHI PA THAMS CAD DPAG TSAD KHO RA KHOR YUG TU SNANG BAS GSAL BAR 'GYUR RO, ,NOR BU RIN PO CHE'I 'KHOR NA GNAS PA'I MI DE DAG KYANG SNANG BA DES GSAL BAR GYUR PA DANG, GCIG GIS GCIG MTHONG, GCIG GIS GCIG SHES NAS GCIG LA GCIG 'DI SKAD SMRA STE, BZHIN BZANG DAG LONGS, LAS KYI MTHA' DAG BYOS SHIN, TSONG 'DUS DAG KHROM, NYI MA SHAR TE NYIN MOR SHES SO ZHES ZER TE, RGYAL PO RGYAL RIGS SPYI BO NAS DBANG BSKUR BA DE NOR BU RIN PO CHE RNAM PA DE LTA BU DANG LDAN PA YIN NO, , RGYAL PO RGYAL RIGS SPYI BO NAS DBANG BSKUR BA BUD MED RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I BUD MED RIN PO CHE SNGA MA BZHIN DU 'BYUNG STE, TSUL DANG MTHUN PA, RGYAL RIGS SU SKYES PA, HA CANG YANG MI RING BA, HA CANG YANG MI THUNG BA, HA CANG YANG MI SPOM PA, HA CANG YANG MI SKEM PA, HA CANG YANG MI DKAR BA, HA CANG YANG MI NAG PA, GZUGS MDZES A LA LHAGS NAS RKANG RJES DE DAG NI A DOG BZANG PO RGYAS PA MCHOG DANG LDAN PA, DE'I SPU'I KHUN @19A *, ,THAMS CAD NAS TZAN-DAN GYI DRI 'BYUNG BA, KHA NAS AUTP LA'I NGAD LNGANG BA, KA TZA LIN-DA'I GOS LTAR REG NA BDE BA, DE GRANG BA'I DUS NA NI LUS LA REG NA DRO BA, DRO BA'I DUS NA, LUS LA REG NA BSIL BA STE, DE 'KHOR LOS SGYUR BA'I RGYAL PO MA GTOGS PAR GZHAN LA YID KYIS KYANG 'DOD CHAGS SU MI BYED NA, LUS KYIS LTA CI SMOS TE, 'KHOR LOS SGYUR BA'I RGYAL PO NI BUD MED RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO KHYIM BDAG RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I KHYIM BDAG RIN PO CHE SNGA MA BZHIN DU 'BYUNG STE, MKHAS PA, GSAL PA; YID GZHUNGS PA, LHA'I MIG DANG LDAN PA 'BYUNG NGO, ,DE LHA'I MIG DES DPAG TSAD KHO RA KHOR YUG TU BDAG PO DANG BCAS PA'I GTER DAG KYANG MTHONG, BDAG PO MED PA'I GTER DAG KYANG MTHONG STE, DE BDAG PO MED PA'I GTER GANG YIN PA DE DAG GIS 'KHOR LOS SGYUR BA'I RGYAL PO'I NOR GYI DGOS PA BYED DE, 'KHOR LOS SGYUR BA'I RGYAL PO NI KHYIM BDAG RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO BLON PO RIN PO CHE RNAM PA JI LTA BU DANG LDAN PA YIN ZHE NA, @19B 'DI LA 'KHOR LOS SGYUR BA'I RGYAL PO'I BLON PO RIN PO CHE SNGA MA BZHIN DU 'BYUNG STE, MKHAS SHING GSAL LA YID GZHUNGS PA'O, ,DE 'KHOR LOS BSGYUR BA'I RGYAL PO DES BSAM PA TZAM GYIS BSKO BAR BYA BA'I DPUNG RNAMS SKO'O, ,'KHOR LOS SGYUR BA'I RGYAL PO NI BLON PO RIN PO CHE RNAM PA DE LTA BU DANG LDAN PA YIN TE, 'KHOR LOS BSGYUR BA'I RGYAL PO NI RIN PO CHE SNA BDUN DE DAG DANG LDAN PA YIN NO, ,DE LA BU STONG 'BYUNG STE, DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA SHA STAG STE, DES RGYA MTSO LA THUG PA'I SA CHEN PO MA LUS PA GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA CHOS KYIS LEGS PAR PHAB STE GNAS SO, ,GAL TE KHYIM NAS KHYIM MED PAR RAB TU BYUNG NA, SANGS RGYAS SU 'GYUR TE, 'DOD PA'I 'DOD CHAGS SPANGS PA, 'DREN PA GZHAN GYI DRING MI 'JOG PA, LHA DANG MI RNAMS KYI STON PAR 'GYUR RO ZHES RIG BYED 'DON DU 'DZUD DO, ,DE BZHIN DU LHA'I BU GZHAN DAG KYANG DZAM-BU'I GLING DU LHAGS SHING RANG SANGS RGYAS DAG LA SKUL MA 'DEBS TE, 'PHAGS PA DAG ,DA STE LO BCU GNYIS NA BYANG CHUB SEMS DPA' YUM GYI LHUMS SU 'JUG GI ,SANGS RGYAS KYI ZHING 'DI 'OR @20A *, ,CIG CES ZER RO, ,DGE SLONG DAG, DE'I TSE RGYAL PO'I KHAB KYI GRONG KHYER CHEN PO NA MJUG MA SGYUR BA ZHES BYA BA'I RIL RANG SANGS RGYAS GLANG PO ZHES BYA BA 'DUG PAS SGRA DE THOS NAS RDO BA'I STENG DU 'JIM PA LA BYA BA DE BZHIN DU 'DUG STE, NAM MKHA' LA SHING TA LA BDUN SRID DU GYEN DU 'PHAGS SO, ,GYEN DU 'PHAGS NAS KYANG ME'I KHAMS LA SNYOMS PAR ZHUGS TE SGRON MA BZHIN DU MYA NGAN LAS 'DAS SO, ,DE'I MKHRIS PA DANG, BAD KAN DANG, CHU RGYUS DANG, RUS PA DANG, SHA DANG, KHRAG TU GYUR PA GANG YIN PA THAMS CAD NI MES YONGS SU ZAD PAR GYUR TE, RING BSREL 'BA' ZHIG SA LA LHAGS NAS RKANG RJES DE DAG NI DA DUNG YANG DRANG SRONG GI RJES ZHES GRAG STE YOD DO, ,DGE SLONG DAG ,DE'I TSE YUL WA' RA n'A SI'I RI DWAGS KYI NGAS DRANG SRONG LHUNG BA NA RANG SANGS RGYAS LNGA BRGYA 'KHOD PA DE DAG GIS KYANG SGRA DE THOS NAS NAM MKHA' LA SHING TA LA BDUN SRID DU GYEN DU 'PHAGS NAS ME'I KHAMS LA SNYOMS PAR ZHUGS TE SGRON MA BZHIN DU YONGS SU MYA NGAN LAS 'DAS SO, ,DE DAG GI MKHRIS PA DANG, BAD KAN DANG, CHU RGYUS DANG, RUS PA DANG, SHA DANG, KHRAG TU GYUR PA GANG YIN PA DE THAMS CAD NI MES YONGS SU ZAD PAR GYUR TE, RING BSREL 'BA' ZHIGS @20B LA LHAGS SO, ,DE LTAR 'DIR DRANG SRONG RNAMS LHUNG NGO ZHES DE PHYIN CHAD DRANG SRONG LHUNG BA ZHES BYA BA'ANG DRANG SRONG LHUNG BA DRANG SRONG LHUNG BA ZHES MING DU CHAGS PAR GYUR TO, ,MI 'JIGS PA BYIN PA'I RI DWAGS DAG KYANG DE NA GNAS PAS DE PHYIN CHAD RI DWAGS KYI NGAS ZHES BYA B'ANG RI DWAGS KYI NGAS RI DWAGS SKYE NAGS ZHES MING DU CHAGS PAR GYUR TO, ,DGE SLONG DAG ,DE LTAR BYANG CHUB SEMS DPA' DGA' LDAN GYI GNAS DAM PA NA 'DUG PA NI RNAM PAR BLTA PA CHEN PO BZHI LA RNAM BAR LTA STE, BZHI GANG ZHE NA, 'DI LTA STE, DUS LA RNAM PAR LTA BA DANG, GLING LA RNAM PA LTA BA DANG, YUL LA RNAM PAR LTA BA DANG, RIGS LA RNAM PA LTA PA'O, ,DGE SLONG DAG, CI'I PHYIR BYANG CHUB SEMS DPA' DUS RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI THOG MA'I DUS SEMS CAN 'DU BA'I TSE MA'I MNGAL DU MI 'JUG GI, GANG GI TSE 'JIG RTEN GSAL BAR KUN NAS GNAS PAR GYUR TE, SKYE BA SNANG BAR GYUR, RGA BA SNANG BAR GYUR, NA SNANG BAR GYUR, 'CHI BA SNANG BAR GYUR PA DE'I TSE BYANG CHUB SEMS DPA' MA'I MNGAL DU 'JUG GO ,DGE SLONG DAG ,CI'I PHYIR BYANG CHUB SEMS DPA' GLING RNAM PAR BLTA BA LA RNAM BAR LTA ZHE NA, BYANG CHUB SEMS DPA' NI MTHA' 'KHOB KYI GLING DU MI SKYE, SHAR GYI LUS 'PHAGS @21A *, ,POR MI SKYE, NUB KYI BA LANG SPYOD DU MI SKYE, BYANG GI SGRA MI SNYAN DU MI SKYE'O, ,LHO'I 'DZAM-PU GLING NYID DU SKYE'O, ,DGE SLONG DAG ,CI'I PHYIR BYANG CHUB SEMS DPA' YUL RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI MTHA' 'KHOB KYI YUL GANG NA MI RNAMS DBANG PO RTUL ZHING BLUN LA LUG LTAR LKUGS PA'I RANG BZHIN CAN LEGS PAR BSTAN PA DANG, NYES PAR BSTAN PA'I DON SHES PAR BYA BA'I SKAL BA MED PA DAG YOD PA DAG TU MI SKYE'I, BYANG CHUB SEMS DPA' NI YUL GYI DBUS NYID DU SKYE'O, ,DGE SLONG DAG ,CI'I PHYIR BYANG CHUB SEMS DPA' RIGS RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI RIGS DMA' BA GDOL PA'I RIGS SAM, SMYIG MA MKHAN GYI RIGS SAM, SHING RTA MKHAN GYI RIGS SAM, G-YUNG RIGS SU MI SKYE'I, BRAM ZE'I RIGS SAM, RGYAL RIGS KHO NA STE, RIGS GNYIS SU SKYE'O, ,DE LA GANG GI TSE BRAM ZE'I RIGS BTZUN PAR BYA BA DE'I TSE BRAM ZE'I RIGS SU SKYE'O, ,GANG GI TSE RGYAL RIGS BTZUN PAR BYA BA DE'I TSE RGYAL RIGS SU SKYE STE, DGE SLONG DAG ,DA LTAR NI RGYAL RIGS BTZUN PAR BYA BAS, DE'I PHYIR BYANG CHUB SEMS DPA' RGYAL RIGS SU SKYE STE, DGE SLONG DAG ,DON GYI DBANG DE LA BRTEN @21B NAS BYANG CHUB SEMS DPA' DGA' LDAN GYI GNAS DAM PA NA GNAS PA RNAM PAR BLTA BA CHEN PO BZHI LA RNAM PAR LTA STE, DE LTAR BLTAS NAS CANG MI ZER BAR GYUR TO, ,'PHAGS PA RGYA CHER ROL PA ZHES BYA BA THEG PA CHEN PO'I MDO,, ,,BAM PO GNYIS PA, DGE SLONG DAG ,DE LTAR LHA'I BU DE DAG DANG, BYANG CHUB SEMS DPA' DE DAG GCIG LA GCIG 'DI SKAD DU; BYANG CHUB SEMS DPA' RIGS RIN PO CHE NI JI LTA BU ZHIG TU SKYE BAR 'GYUR, YUM NI JI LTA BU ZHIG GI LHUMS SU 'JUG PAR 'GYUR ZHES 'DRI'O, ,DE LA LA LA NA RE, YUL MA GA DHA NA LUS 'PHAGS KYI RIGS 'DI 'BYOR CING RGYAS LA LO LEGS PA DANG, BDE BA DANG LDAN PA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE NI TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE NI MA'I RGYUD KYIS DAG PA'ANG MA YIN, PHA'I RGYUD KYIS DAG PA'ANG MA YIN LA, BSOD NAMS CHUNG DUS BYUNG GI ,BSOD NAMS RGYA CHEN POS MNGON PAR BYUNG BA MA YIN ZHING, RGOD LA MI BRTAN TE MI GNAS PA YIN LA, YUL DE'ANG NYE 'KHOR GSEG MAS GANG BA, SKYED MOS TSAL DANG, MTSO DANG, MTSE'U DAG KYANG MI MANG LA, RI BRAG LTAR MTHA' 'KHOB KYI GNAS SU GYUR PA STE, DE'I PHYIR DE NI TSUL DANG MTHUN BAM YIN NO, , @22A *, ,ZHES ZER RO, ,LA LA NA RE, KO SA LA'I RIGS 'DI 'KHOR MANG ZHING BZHON PA MANG LA NOR CHE BA STE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR KO SA LA'I RIGS NI GDOL PA'I RIGS LAS SHI 'PHOS NAS SKYES PA YIN TE, PHA DANG MAS DAG PA'ANG MA YIN LA, DMA' BA LA MOS PA STE, RIGS MTHO BAR YANG MI BYA, NOR DANG RIN PO CHE'I GTER YANG TSAD MED PAR PHUN SUM TSOGS PA MA YIN TE, DE'I PHYIR DE NI TSUL DANG MTHUN PA MA YIN NO ZHES ZER RO, ,LA LA NA RE, RGYAL PO BAD SA'I RIGS 'DI 'BYOR CING RGYAS LA LO LEGS PA DANG, BDE BA DANG LDAN PA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO, ,ZHES ZER RO, ,LA LA NA RE, DE'ANG DE'I TSUL DANG MTHUN PA MA YIN TE, DE CI'I PHYIR ZHE NA, 'DI LTAR RGYAL PO BAD SA'I RIGS NI PHAL PA STE, GTUM LA GZI BRJID 'BAR BA'ANG MA YIN ZHING, SKYES PA GZHAN LAS SKYE BA GRUB PA, PHA MA NYID KYI GZI BRJID KYI LAS KYIS GRUB PA MA YIN LA, DE'I RGYAL PO'ANG CHAD PAR SMRA BA STE, DE'I PHYIR DE'ANG TSUL DANG MTHUN PA MA YIN NO ZHES ZER @22B RO; ;LA LA NA RE, GRONG KHYER CHEN PO YANGS PA CAN 'DI NI 'BYOR CING RGYAS LA LO LEGS PA DANG, BDE BA DANG LDAN PA YIN TE, NYAMS DGA' LA SKYE BO MANG PO DANG MIS KUN TU GANG BA; STEGS BU DANG, BA GAM DANG, RTA BABS ? DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHANG BZANG DAG GIS LEGS PAR BRGYAN PA STE, ME TOG GI RA BA DANG, NAGS TSAL GYI PHRENG BA ME TOG KUN TU RGYAS PA DANG LDAN PA YIN LA, LHA'I PHO BRANG DANG 'DRA BA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO, ,ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE DAG LA NI PHAN TSUN DU RIGS PAR SMRA BA MED DO; ;CHOS SPYOD PA MED DO, ,GONG MA DANG, BAR MA DANG, RGAN PA DANG, GTZO BO DAG LA'ANG RIM GROR BYA BA MED CING, RE RE ZHING YANG 'DI SNYAM DU BDAG NI RGYAL PO'O, ,BDAG NI RGYAL PO'O SNYAM DU SEMS PAS SLOB MAR KHAS LEN PA MED CING, CHOS KHAS LEN PA MED PA STE, DE'I PHYIR DE'ANG TSUL DANG MTHUN PA MA YIN NO ZHES ZER RO, ,LA LA NA RE, GRONG KHYER 'PHAGS RGYAL NA RAB SNANG GI RIGS 'DI NI DPUNG CHE ZHING BZHON PA MANG BA, PHA ROL GYI G-YUL NGOR RGYAL BA THOB PA YIN TE, DE NI BYANG CHUB SEMS @23A *, ,DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE DAG NI KHRO ZHING GTUM LA BRLANG ZHING GZU LUMS CAN RGOD PA STE, LAS YOD PAR LTA BA'ANG MA YIN PAS, DE'I PHYIR DE'ANG BYANG CHUB SEMS DPA' YUM GYI LHUMS SU 'JUG PA'I GNAS KYI 'OS MA YIN NO ZHES ZER RO, ,LA LA NA RE, GRONG KHYER BCOM BRLAG 'DI 'BYOR CING RGYAS LA LO LEGS PA DANG, BDE BA DANG LDAN PA, SKYE BO MANG PO DANG MIS KUN TU GANG BA YIN PAS, RGYAL PO LAG BZANG SDE DPA' BA'I BDAG PO'I RGYAL PO'I PHO BRANG DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR RGYAL PO DE NI LOG PAR LTA BA'I RIGS KYI RGYUD DU SKYES PA STE, MI RGOD DANG 'DRA BA'I RGYAL PO YIN PAS BYANG CHUB SEMS DPA' SRID PA THA MA PA NI LOG PAR LTA BA'I RIGS SU SKYE BAR MI RIGS TE, DE'I PHYIR DE'ANG TSUL DANG MTHUN PA MA YIN NO ZHES ZER RO, ,LA LA NA RE, GRONG KHYER HA STI NA PU RA 'DI'I RGYAL PO NI SKYA BSENG GI BU'I RIGS KYI RGYUD LAS SKYES PA, DPA' ZHING RTUL PHOD PA @23B DANG LDAN PA, YAN LAG MCHOG GI GZUGS PHUN SUM TSOGS PA GZHAN GYI SDE 'JOMS PA STE, RIGS DE NI BYANG CHUB SEMS DPA' DE YUM GYI LHUMS SU 'JUG PA'I GNAS KYI 'OS YIN NO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR SKYA BSENG GI BU'I RIGS SU SKYES PA DAG GIS NI RIGS KYI RGYUD RNAM PAR 'KHRUGS PAR BYAS TE, G-YUL NGOR BRTAN PA LA NI CHOS KYI BU ZHES ZER, 'JIGS SDE LA NI RLUNG GI BU ZHES ZER, SRID SGRUB LA NI DBANG PO'I BU ZHES ZER, RIGS MED DANG, LHAR BCAS LA NI THA SKAR GYI BU ZHES ZER TE, DE'I PHYIR RIGS DE'ANG BYANG CHUB SEMS DPA' DE LHUMS SU 'JUG PA'I GNAS KYI 'OS MA YIN NO ZHES ZER RO; ;LA LA NA RE, GRONG KHYER BCOM BRLAG 'DI NI SHIN TU'ANG NYAMS DGA' ZHING PHAN TSUN 'BYOR GYI STENG DU RGYAL PO BZANG PO'I BSHES GNYEN BZHUGS PA'I SA'ANG YIN LA; RGYAL PO DE'ANG GLANG PO DANG, RTA DANG, SHING RTA DANG, DPUNG BU CHUNG DANG, DPUNG GI TSOGS MANG PO DANG LDAN PA, GSER DANG, DNGUL DANG, NOR BU DANG, MU TIG DANG, BEE d'U-RYA DANG, DUNG DANG, MAN SHEL DANG, BYI RU DANG, SA LE SBRAM DANG, NOR DANG, YO BYAD SHIN TU MANG BA, RGYAL PO DANG BLON PO THAMS CAD KYIS ZIL GYIS MI NON PA'I STOBS @24A *, ,DANG, PHA ROL GNON PA DANG LDAN PA, MDZA' BA DANG LDAN ZHING CHOS LA DGA' BA STE, RIGS DE NI BYANG CHUB SEMS DPA' DE YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, RGYAL PO BZANG PO'I BSHES GNYEN YON TAN DE LTA BU DANG LDAN PA DE YOD MOD KYI; DE NI SHIN TU RGAS PAS BU SKYED PA'I MTHU'ANG MED LA, BU'ANG MANG BAS DE'I PHYIR RIGS DE'ANG BYANG CHUB SEMS DPA' DE YUM GYI LHUMS SU 'JUG PA'I GNAS KYI 'OS MA YIN NO ZHES ZER RO, ,DE LTAR BYANG CHUB SEMS DPA' DE DAG DANG, LHA DE DAG GIS DZAM-BU'I GLING GI YUL CHEN PO BCU DRUG PO THAMS CAD NA RGYAL PO'I RIGS MTHON PO MTHON PO'I RIGS GANG JI SNYED CIG YOD PA DE DAG THAMS CAD LA BLTAS NA, THAMS CAD KYANG NYES PA DANG BCAS PAR MTHONG STE, DE DAG DE LTAR SEMS PA'I YID LA BYED PA'I TSE LHA'I BU YE SHES TOG GI RGYAL MTSAN ZHES BYA BA BYANG CHUB LAS PHYIR MI LDOG PA, THEG PA CHEN PO 'DI LA NGES PAR GYUR PA ZHIG YOD PA DES BYANG CHUB SEMS DPA'I 'KHOR DANG, LHA'I 'KHOR CHEN PO YOD PA DE DAG LA 'DI SKAD CES SMRAS SO, ,GROGS PO DAG TSUR SHOG ,BYANG CHUB SEMS DPA' DE NYID KYI DRUNG DU DONG STE, RIGS RIN PO CHE YON TAN JI LTA @24B BUR PHUN SUM TSOGS PA ZHIG TU SRID PA THA MA PA'I BYANG CHUB SEMS DPA' SKYE BAR 'GYUR BA DRI'O ZHES SMRAS PA DANG, LEGS SO, ,ZHES TE, DE DAG THAMS CAD KYANG THAL MO SBYAR NAS BYANG CHUB SEMS DPA'I DRUNG DU PHYIN TE DRIS PA, SKYES BU DAM PA, RIGS RIN PO CHE YON TAN PHUN SUM TSOGS PA JI LTA BU ZHIG TU BYANG CHUB SEMS DPA' SRID PA THA MA PA SKYE BAR 'GYUR, DE NAS BYANG CHUB SEMS DPAS BYANG CHUB SEMS DPA'I TSOGS CHEN PO DANG, LHA'I TSOGS CHEN PO DE DAG LA RNAM PAR BLTAS TE 'DI SKAD CES SMRAS SO, ,GROGS PO DAG ,BYANG CHUB SEMS DPA' SRID PA THA MA PA GANG DU SKYE BAR 'GYUR BA'I RIGS DE NI RNAM PA DRUG CU RTZA BZHI PHUN SUM TSOGS PA YIN TE, DRUG CU RTZA BZHI GANG ZHE NA, 'DI LTA STE; RIGS DE NI, BTZUN PA YIN, RIGS DE NI KUN GYIS MNGON PAR SHES PA YIN, RIGS DE NI PHRAN TSEGS MED CING GNOD PAR BYED PA MED PA YIN, RIGS DE NI RGYUD PHUN SUM TSOGS PA YIN, RIGS DE NI CHO 'BRANG PHUN SUM TSOGS PA YIN, RIGS DE NI SKYES BU ZUNG PHUN SUM TSOGS PA YIN, RIGS DE NI SNGON GYI SKYES BU ZUNG PHUN SUM TSOGS PA YIN, RIGS DE NI BTZUN PA'I SKYES BU ZUNG PHUN SUM TSOGS PA YIN, RIGS DE NI KUN GYIS MNGON PAR SHES PA'I SKYES BU ZUNG PHUN SUM TSOGS PA YIN, @25A *, ,RIGS DE NI DBANG CHE BAR GRAGS PA'I SKYES BU ZUNG PHUN SUM TSOGS PA YIN, RIGS DE NI SKYES PA MANG BA YIN, RIGS DE NI BUD MED MANG BA YIN; RIGS DE NI 'JIGS PA MED PA YIN, RIGS DE NI DMAN PA MED CING ZHUM PA MED PA YIN, RIGS DE NI BRKAM PA MED PA YIN, RIGS DE NI TSUL KHRIMS DANG LDAN PA YIN, RIGS DE NI SHES RAB DANG LDAN PA YIN, RIGS DE NI BLON POS BLTA ZHING LONGS SPYOD LA SPYOD PA YIN, RIGS DE NI BZO DON YOD PAS BSHAMS SHING LONGS SPYOD LA SPYOD PA YIN, RIGS DE NI MDZA' BA BRTAN PA YIN, RIGS DE NI DUD 'GRO'I SKYE GNAS SU SKYES PA'I SROG CHAGS KYI SROG LA LTA BA YIN, RIGS DE NI BYAS PA GZO BA DANG LDAN PA YIN, RIGS DE NI BRTUL ZHUGS SHES PA YIN, RIGS DE NI 'DUN PAS MI 'GRO BA YIN, RIGS DE NI ZHE SDANG GIS MI 'GRO BA YIN, RIGS DE NI GTI MUG GIS MI 'GRO BA YIN, RIGS DE NI 'JIGS PAS MI 'GRO BA YIN, RIGS DE NI KHA NA MA THO BAS 'JIGS PA YIN, RIGS DE NI GTI MUG LA MI GNAS PA YIN, RIGS DE NI LAG SBABS CHE BA YIN, RIGS DE NI BYA BA LA MOS PA YIN, RIGS DE NI GTONG BA LA MOS PA YIN, RIGS DE NI SBYIN PA LA MOS @25B PA YIN; RIGS DE NI ZHO SHA SHES PA YIN, RIGS DE NI RTZAL BRTAN PA YIN, RIGS DE NI MTHU RTZAL DANG LDAN PA YIN, RIGS DE NI RTZAL MCHOG DANG LDAN PA YIN, RIGS DE NI DRANG SRONG MCHOD PA YIN, RIGS DE NI LHA MCHOD PA YIN, RIGS DE NI MCHOD RTEN MCHOD PA YIN, RIGS DE NI MTSUN RJED PA YIN, RIGS DE NI 'KHON DU 'DZIN PA MED PA YIN, RIGS DE NI PHYOGS BCUR SGRA GRAGS PA YIN, RIGS DE NI 'KHOR CHEN PO DANG LDAN PA YIN, RIGS DE NI 'KHOR MI PHYED PA DANG LDAN PA YIN, RIGS DE NI BLA NA MED PA'I 'KHOR DANG LDAN PA YIN, RIGS DE NI RIGS KYI NANG NA GTZO BOR BYA BA YIN, RIGS DE NI RIGS LA DBANG THOB PA YIN, RIGS DE NI DBANG CHE BAR GRAGS PA YIN; RIGS DE NI PHAR 'DZIN PA YIN, RIGS DE NI MAR 'DZIN PA YIN, RIGS DE NI DGE SBYONG DU 'DZIN PA YIN, RIGS DE NI BRAM ZER 'DZIN PA YIN, RIGS DE NI NOR DANG 'BRU'I BANG MDZOD MANG BA YIN, RIGS DE NI DBYIG DANG, GSER DANG, NOR BU DANG, MU TIG DANG, BEE d'URYA DANG, DUNG DANG, MAN SHEL DANG, BYI RU DANG, SA LE SBRAM DANG, DNGUL DANG, RDZAS DANG, YO BYAD MANG BA YIN, RIGS DE NI GLANG PO CHE DANG, RTA DANG, RNGA MONG DANG, BA LANG DANG, LUG SHIN TU MANG ? BA YIN, RIGS DE NI BRAN PHO DANG, @26A *, ,BRAN MO DANG, LAS BYED PA DANG, ZHO SHAS 'TSO BA SHIN TU MANG BA YIN, RIGS DE NI THUB PAR DKA' BA YIN, RIGS DE NI DON THAMS CAD GRUB PA YIN; RIGS DE NI 'KHOR LOS SGYUR BA'I RIGS KYI RGYUD DU SKYES PA YIN, RIGS DE NI SNGON GYI DGE BA'I RTZA BA'I GROGS KYIS BSKYED PA YIN, RIGS DE NI BYANG CHUB SEMS DPA'I RIGS SU RIGS BTZUN PAR SKYES PA YIN, RIGS DE NI 'JIG RTEN LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG BRAM ZE'I SKYE RGU DANG BCAS PA'I NANG NA RIGS LAS SMOS PA'I SKYON GYI KHA NA MA THO BA THAMS CAD DANG BRAL BA STE, GROGS PO DAG ,GANG DU BYANG CHUB SEMS DPA' SRID PA THA MA PA 'BYUNG BAR 'GYUR BA'I RIGS DE NI RNAM PA DRUG CU RTZA BZHI PO DE DAG DANG LDAN PA YIN NO, ,GROGS PO DAG ,SRID PA THA MA PA'I BYANG CHUB SEMS DPA' BUD MED GANG GI MNGAL DU 'JUG PAR 'GYUR BA'I BUD MED DE NI YON TAN GYI RNAM PA SUM CU RTZA GNYIS DANG LDAN PA YIN TE, SUM CU RTZA GNYIS GANG ZHE NA, 'DI LTA STE, BYANG CHUB SEMS DPA' SRID PA THA MA PA NI KUN GYIS MNGON PAR SHES PA'I BUD MED KYI MNGAL DU 'JUG GO ,KUN GYIS MNGON PAR RIG PA DANG, SPYOD PA LA GLAGS MI THOD PA DANG, RIGS PHUN SUM TSOGS PA @26B DANG, CHO 'BRANG PHUN SUM TSOGS PA DANG, GZUGS PHUN SUM TSOGS PA DANG, MING PHUN SUM TSOGS PA DANG, CHU ZHENG PHUN SUM TSOGS PA DANG, SNGON CHAD MA BTZAS PA DANG, TSUL KHRIMS PHUN SUM TSOGS PA DANG, GTONG BA PHUN SUM TSOGS PA DANG, BZHIN 'DZUM PA DANG, MTHUN PAR 'DZIN PA DANG, GSAL BA DANG, DUL BA DANG, 'JIGS PA MED PA DANG, MANG DU THOS PA DANG, MKHAS PA DANG, SGYU MED PA DANG, G-YO MED PA DANG, MI KHRO BA DANG, PHRAG DOG MED PA DANG, SER SNA MED PA DANG, MI RGOD PA DANG, MI G-YENG PA DANG, CA CO MED PA DANG, BZOD CING DES PA DANG LDAN PA DANG, NGO TSA SHES SHING KHREL YOD PA DANG, 'DOD CHAGS DANG, ZHE SDANG DANG, GTI MUG GI SHAS CHUNG BA DANG, BUD MED KYI SKYON DANG BRAL BA DANG, KHYIM THAB KYI BRTUL ZHUGS DANG LDAN PA DANG, YON TAN THAMS CAD PHUN SUM TSOGS PA'I BUD MED KYI MNGAL DU BYANG CHUB SEMS DPA' SRID PA THA MA PA 'JUG GO ,GROGS PO DAG ,BYANG CHUB SEMS DPA' SRID PA THA MA PA BUD MED GANG GI MNGAL DU 'JUG PA'I BUD MED DE NI YON TAN GYI RNAM PA SUM CU RTZA GNYIS PO DE DAG DANG LDAN PA YIN NO, ,GROGS PO DAG ,BYANG CHUB SEMS DPA' NI ZLA BA MAR GYI NGO LA MA'I MNGAL DU MI 'JUG GI ,BYANG CHUB SEMS DPA' SRID PA THA MA PA NI ZLA BA YAR GYI TSES BCO LNGA'I ZLA BA NYA STE RGYAS PA LA @27A *, ,SKAR MA RGYAL DANG LDAN PA'I TSE, MA GSO SBYONG BLANGS PA'I MNGAL DU 'JUG GO ,DE NAS BYANG CHUB SEMS DPA' DE DAG DANG, LHA'I BU DE DAG GIS BYANG CHUB SEMS DPA' LAS RIGS YONGS SU DAG PA DANG, MA YONGS SU DAG PA'I RNAM PA DE LTA BU DE DAG THOS NAS 'DI SNYAM DU SEMS TE, SKYES BU DAM PA 'DI RNAM PA JI SNYED DU BSTAN PA DE LTA BU'I YON TAN DANG LDAN PA'I RIGS DE GANG ZHIG LA YOD SNYAM DU SEMS SO, ,DE LTAR SEMS SHING YID LA BYED PA LA ZHUGS PA NA, DE DAG 'DI SNYAM STE, SH'A-KYA'I GRONG KHYER 'DI 'BYOR CING RGYAS LA BDE ZHING LO LEGS PA DANG LDAN TE, NYAMS DGA' ZHING SKYE BO MANG PO DANG MIS GANG BA YIN LA, RGYAL PO ZAS GTZANG MA'ANG MA'I RGYUD KYIS DAG PA, PHA'I RGYUD KYIS DAG PA, CHUNG MA DAG PA DANG LDAN PA, LAS KYI MTHA' LA NYON MONGS PA MED PA, DPE BYAD BZANG BA, SHIN TU MDZANGS PA, BSOD NAMS KYI GZI BRJID DANG LDAN PA, GRAGS PA CHEN PO'I RIGS SU SKYES PA, 'KHOR LOS BSGYUR BA'I RIGS KYI RGYUD DU SKYES PA, NOR DANG, GTER DANG, RIN PO CHE DPAG TU MED PA DANG LDAN PA, LAS YOD PAR LTA BA; SDIG PA'I LTA BA MED PA, SH'A-KYA'I YUL KUN NA'ANG RGYAL PO DE GCIG PUR ZAD DE, TSONG DPON DANG, KHYIM BDAG DANG, BLON PO DANG, 'KHOR GYI MI THAMS CAD KYIS RIM @27B GRONG ? BYA ZHING MCHOD PA, MDZES PA, BLTA NA SDUG PA, HA CANG YANG MI RGAN, HA CANG YANG MI GZHON ZHING GZUGS MDZES LA YON TAN THAMS CAD DANG LDAN PA, BZO SHES PA, DUS SHES PA; BDAG SHES PA, CHOS SHES PA, SEMS SHES PA, 'JIG RTEN SHES PA, MTSAN SHES PA, CHOS KYI RGYAL PO CHOS KYIS RJES SU STON PA'O, ,SER SKYA'I GNAS KYI GRONG KHYER CHEN PO DE NI SEMS CAN DGE BA'I RTZA BA SKYED PA RNAMS KYI GNAS TE, GANG DAG DER SKYES PAR GYUR PA DE DAG KYANG DE DANG SKAL BA 'DRA BA DAG GO ,RGYAL PO ZAS GTZANG MA DE LA LHA MO SGYU 'PHRUL ZHES BYA BA SH'A-KYA'I BDAG PO SHIN TU LEGS PAR RTOGS PA ZHES BYA BA'I BU MO ZHIG YOD PA'ANG PHYUG CING GZHON ZHING DAR LA BAB PA'I GZUGS PHUN SUM TSOGS PA; SNGON CHAD MA BTZAS PA, BU DANG BU MO MED PA, GZUGS MDZES PA, BU DON LA BRIS PA LTAR BLTA NA SDUG PA, LHA'I BU MO LTAR RGYAN THAMS CAD KYIS BRGYAN PA, BUD MED KYI SKYON RNAMS DANG BRAL BA, BDEN PAR SMRA BA, MI DRAG PA, MI BRLANG BA, MI GCOR BA, KHA NA MA THO BA MED PA, GYO MO'I SGRA LTA BU MED PA, CA CO MED PA, 'JAM ZHING SNYAN LA YID DU 'ONG BAR SMRA BA, MI DES PA DANG, KHONG KHRO BA DANG, NGA RGYAL DANG, DREGS PA DANG, RGYAGS PA DANG, KHRO BA MED PA, PHRAG DOG MED PA, DUS SU SMRA BA, GTONG BA PHUN SUM TSOGS PA, @28A *, ,TSUL KHRIMS DANG LDAN PA, KHYOS CHOG BAR 'DZIN PA, KHYIM THAB KYI BRTUL ZHUGS CAN, SKYES PA GZHAN LA BSAM PA'I YID LA BYA BA DANG BRAL PA, MGO DANG, RNA BA DANG, SNA GNAS SU PHEBS PA, BUNG BA'I MCHOG GI KHA DOG LTA BU'I SKRA DANG LDAN PA, DPRAL BA LEGS PA, SMIN TSUGS LEGS PA, KHRO GNYER MED PA, BZHIN 'DZUM PA, GSONG POR SMRA BA, 'JAM ZHING SNYAN PA'I TSIG DANG LDAN PA, MTHUN PAR 'DZIN PA, DRANG BA, GYA GYU MED PA, SGYU MED PA, G-YO MED PA, KHREL YOD CING NGO TSA SHES PA; MI RGOD PA, MI G-YENG BA, KHA NGAN MI SMRA BA, 'CHAL BA'I TSIG MED PA, 'DOD CHAGS DANG, ZHE SDANG DANG, GTI MUG GI SHAS CHUNG BA, DANG DES SHING BZOD PA DANG LDAN PA, RKANG LAG DANG, MIG DANG, BLO SHIN TU BSRUNGS PA, RKANG LAG SHIN TU 'JAM PA, KA TZA LIN-DA'I GOS LTAR REG NA BDE BA, PAD-MA GZHON NU'I 'DAB MA LTAR MIG SHIN TU RNAM PAR DAG PA; SNA DBYIBS LEGS SHING MDOG SDUG PA, YAN LAG SHIN TU BRTAN PA, 'JA'I DBYIBS LTAR SHIN TU 'DUD PA, YAN LAG DANG, NYING LAG SHIN TU 'BYES PA, YAN LAG LA SMAD DU MED PA, MCHU BIM PA LTAR DMAR PA, BLTA NA MDZES PA, MGUL RIM BZHIN DU 'DUG PA, RGYAN DAM PA DANG LDAN PA, SNA MA'I ME TOG DANG BAR-SHI KA LTAR SO @28B SHIN TU RNAM PAR DAG PA, PHRAG PA LEGS PAR BYIN GYIS 'TSAM PA, RIM GYIS LEGS PAR GRUB PA'I DPUNG PA DANG LDAN PA, RKED PA GZHU'I 'CHANG BZUNG LTAR PHRA BA, GZHOGS NYAMS PA MED PA, LTE BA KHUNG ZAB PA, STA ZUR 'JAM ZHING YANGS LA ZLUM ZHING BRTAN PAR GRUB PA, RDO RJE LTAR MKHREGS SHING MTSUNGS PA PAD-MED ? PA'I LUS DANG LDAN PA, GLANG PO'I SNA LTAR MNYAM ZHING LEGS PA'I BRLA DANG LDAN PA, BYIN PA RI DWAGS AE NA YA'I LTA BU, LAG PA DANG RKANG PA'I MTHIL RGYA SKYEGS KYI KHU BA LTAR 'DUG PA, 'GRO BA'I MIG TU SDUG BA; MIG GI DBANG PO NYAMS PA MED PA, YID DU 'ONG ZHING BLTA NA SDUG PA, BUD MED RIN PO CHE'I GZUGS LAS KYANG KHYAD PAR 'PHAGS PA, MTSUNGS PA MED PA, SGYU 'PHRUL SPRUL PA LTA BU'I GZUGS SU 'DUG PAS SGYU 'PHRUL ZHES MING GI BRDAR BTAGS PA, SGYU RTZAL LA MKHAS PA, DGA' TSAL GYI LHA'I BU MO LTA BU ZHIG RGYAL PO ZAS GTZANG MA'I BTZUN MO'I 'KHOR GYI NANG NA 'DUG PA DE NI BYANG CHUB SEMS DPA'I YUM DU TSUL DANG MTHUN GYI, GANG BYANG CHUB SEMS DPAS RIGS DAG PA BSTAN PA DE NI SH'A-KYA'I RIGS NYID LA SNANG GI ,GZHAN LA NI MA YIN NO, ,DE LA 'DI SKAD CES BYA STE, DAG PA'I SEMS CAN CHOS MTHO KHANG BZANG NA, ,CHOS BZANG SENG-GE'I KHRI LA RAB TU 'DUG ,BYANG CHUB SEMS @29A *, ,DPA' GRAGS CHEN LDAN PA DANG, ,SKAL BA MNYAM PA'I LHA RNAMS DRANG SRONG 'KHOR, ,DE NA 'DUG CING DE NI 'DI SNYAM SEMS, ,RIGS GANG RNAM DAG RAB TU SHES DANG LDAN, ,BYANG CHUB SEMS DPA' SKYE DANG TSUL MTHUN GANG, ,PHA MA GANG ZHIG DAG PA'I DNGOS DANG LDAN, ,DZAM-BU'I GLING 'DI KUN TU RNAM BLTAS NA, ,RGYAL RIGS RGYAL RGYUD CHE BA GANG YIN PA, ,KUN KYANG SKYON DANG BCAS PAR RJES BSAM NAS, ,SH'A-KYA'I RIGS NI SKYON DANG BRAL BAR MTHONG, ,ZAS GTZANG RGYAL PO'I RIGS NANG RIGS DANG LDAN, , MI DBANG RGYUD NA RNAM DAG CHO RIGS CAN, ,'BYOR CING RGYAS LA 'KHRUG PA MED PA STE, ,SKYE BO DAM PA CHOS LDAN RIM GRO CAN, ,SER SKYAR BRJOD PA'I GRONG KHYER SEMS CAN GZHAN; ;KUN KYANG BSAM PA RAB DAG CHOS DANG LDAN, ,SKYED MOS KUN DGA' GZHAL MED KHANG GIS BRGYAN, ,SKYE BA'I SAR NI SER SKYAR BRJOD PA MDZES, ,KUN KYANG TSAN CHEN STOBS DANG LDAN PA STE, ,GLANG PO GNYIS SAM GSUM GYI STOBS KYANG BDOG ,'PHONG RTZAL BSLAB PA'I PHA ROL MTHAR PHYIN KYANG, ,SROG GI DON DU GZHAN LA GNOD MI BYED, ,ZAS GTZANG RGYAL PO'I BUD MED DBEN PA STE, ,BUD MED DAM PA STONG GI MCHOG TU PHYIN, ,YID DU 'ONG BA SGYU 'PHRUL SPRUL PA'I GZUGS, ,DE YI MING YANG LHA MO SGYU 'PHRUL TE, , @29B MDZES PA'I GZUGS 'CHANG LHA YI BU MO BZHIN, ,'BYES PA'I LUS LDAN YAN LAG DRI MED SDUG ,LHA DANG MI RNAMS GANG YANG RUNG BA DAG ,SGYU 'PHRUL MTHONG NA GANG NGOMS DE MED KYANG, 'DOD CHAGS ZHEN MED LDANG BAS ZHE LDANG MED, ,DE NI 'JAM SNYAN DRANG BA'I NGAG DANG LDAN, ,MI BRLANG MI RTZUB SHIN TU DES PA STE, ,DE NI BZHIN 'DZUM KHRO GNYER RAB TU SPANGS, ,NGO TSA KHREL YOD CHOS SPYOD LDAN PA STE, ,NGA RGYAL MED CING MA KHENGS RGOD PA MED, ,PHRAG DOG MED CING SGYU DANG G-YO MED DE, ,GTONG LA DGA' ZHING RTAG TU BYAMS SEMS LDAN, ,LAS YOD LTA ZHING LOG PA'I SBYOR BA SPANGS, ,BDEN LA GNAS SHING LUS DANG YID RAB BSDAMS, ,SA LA GANG YOD BUD MED SKYON MANG TSOGS, ,DE DAG THAMS CAD DE LA YOD MA YIN, ,MI YI 'JIG RTEN DRI ZA'I 'JIG RTEN NAM, ,LHA YI 'JIG RTEN DAG NA BUD MED BZHIN, ,LHA MO SGYU 'PHRUL MTSUNGS MED GA LA LHAG ,DRANG SRONG CHEN PO'I MAR NI DE 'OS TE, ,TSE RABS LNGA BRGYA KHO NAR TSANG BAR YANG, ,DE NI BYANG CHUB SEMS DPA'I MAR GYUR TO, ,DE DANG DER NI YAB KYANG ZAS GTZANG STE, ,DE PHYIR YON TAN LDAN PA'I MA YI 'OS, ,DKA' THUB CAN LTAR DE NI BRTUL ZHUGS GNAS; ;BRTUL ZHUGS RJES SPYOD RTAG PAR CHOS KYANG SPYOD, ,RGYAL POS GNANG STE MCHOG SBYIN THOB PAS NA, ,'DOD PA MA SPYAD ZLA BA SUM CU GNYIS, ,GANG GI PHYOGS NA DE 'DUG @30A *, ,'GRENG BA'AM, ,NYAL ZHING 'GRO BAR GYUR BA'I GNAS DAG KYANG, ,DE YI LAS DGE GZHOL BA'I 'OD ZER GYIS, ,SHIN TU SNANG BAR 'DOD KYIS GSAL BAR GYUR; ;LHA DANG LHA MIN MI RNAMS GANG YANG RUNG, ,'DOD CHAGS SEMS KYIS BLTA BAR NUS PA MED, ,SPYOD LAM RNAMS SU 'PHAGS PA'I YON TAN LDAN, ,DE LA KUN KYANG MA DANG BU MOR LTA, ,SGYU 'PHRUL LHA MO'I DGE BA'I LAS KYI RGYUS, ,RGYAL PO'I SRID NI RAB YANGS RNAM PAR 'PHEL, ,KHAMS KYI RGYAL PO'ANG 'JUG PAR MI BYED CING, ,RGYAL PO'I GRAGS DANG BRJOD PA RNAM PAR 'PHEL, ,DE LTAR SGYU 'PHRUL SNOD DU MTHUN GYUR CING, ,DE LTAR SEMS CAN DAM PA MCHOG MDZES PAS, ,DE GNYIS YON TAN MCHOG DANG LDAN PAS NA; ;'DI NI BUR 'GYUR DE NI MA YI 'OS, ,LHA MO YON TAN MCHOG DANG LDAN PA STE, ,GLANG PO KHRI YI STOBS BDOG MA GTOGS PAR, ,DZAM-BU'I RGYAL MTSAN 'DI NA MI MCHOG DE; ;'DZIN PAR NUS PA'I BUD MED GANG YANG MED, ,DE SKAD CHE BA'I LHA YI BU RNAMS DANG, ,BYANG CHUB SEMS DPA' SHES RAB RGYA CHEN DAG ,SH'A-KYA'I RIGS RNAMS DGA' BAR MDZAD PA YI, ,YUM DU LEGS LDAN SGYU 'PHRUL 'GYUR ZHES ZER, ,RIGS YONGS SU DAG PA'I LE'U STE, GSUM PA'O,, ,,DGE SLONG DAG ,DE LTAR BYANG CHUB @30B SEMS DPAS SKYE BA'I RIGS LA RNAM PAR BLTAS NAS DGA' LDAN GYI GNAS KYI GZHAL MED KHANG CHEN PO CHU DANG RGYAR DPAG TSAD DRUG CU RTZA BZHI YOD PA GANG DU BYANG CHUB SEMS DPA' 'DUG STE, DGA' LDAN GYI LHA RNAMS LA CHOS STON PA RGYAL MTSAN MTHON PO ZHES BYA BA YOD DE, BYANG CHUB SEMS DPA' DE GZHAL MED KHANG CHEN PO DER SONG NAS PHYIN PA DANG, DGA' LDAN GYI RIGS KYI LHA'I BU THAMS CAD LA SMRAS PA, KHYED RNAMS 'DIR 'DU BAR GYIS SHIG ,SHI 'PHO BA'I RNAM PAR SBYOR BA ZHES BYA BA'I CHOS RJES SU DRAN PA RJES SU BSTAN PA THA MA'I CHOS MNYAN PA BYANG CHUB SEMS DPA' LAS NYON CIG ,DE SKAD KYI TSIG THOS NAS DGA' LDAN GYI RIS KYI LHA'I BU THAMS CAD LHA'I BU MO'I TSOGS DANG BCAS TE GZHAL MED KHANG CHEN PO DER 'DUS SO, ,DER BYANG CHUB SEMS DPAS 'KHOR GYI KHYAMS GLING BZHI PA CHEN PO'I 'JIG RTEN GYI KHAMS KYI TSAD TZAM DU YANGS PAR BYIN GYIS BRLABS PAR GYUR NAS DE DE TZAM DU BZANG ZHING DE TZAM DU BLTA NA SDUG LA, DE TZAM DU RGYAN GYIS RGYAS SHING DE TZAM DU YID DU 'ONG BAR GYUR PA DES 'DOD PA NA SPYOD PA DANG, GZUGS NA SPYOD PA'I LHA'I BU THAMS CAD RANG RANG GI KHYIM GYI BKOD PA LA DUR KHROD LTA BU'I 'DU SHES SKYES PAR GYUR TO, ,DE LA BYANG CHUB SEMS DPA' RANG GI BSOD NAMS KYI RNAM PAR @31A *, ,SMAN PA'I RGYU MTHUN PAS YONGS SU BRGYAN PA'I SENG- GE'I KHRI NOR BU RIN PO CHE DU MAS RTZA BA SPRAS PA, LHA'I RAS BCOS BU'I STAN DU MA BTING BA, LHA'I SPOS ZHIM PO DU MAS BSGOS PA, BDUG SPOS DAM PA MCHOG TU BYA BA DU MAS BDUGS PA, LHA'I ME TOG KHA DOG DU MA'I DGRAM PA BKRAM PA, NOR BU RIN PO CHA'I 'OD BRGYA STONG DU MA 'BAR BA'I GZI BRJID CAN, NOR BU RIN PO CHE DU MA'I DRA BAS G-YOGS PA, RIN PO CHE'I DRIL BU G-YER KHA'I DRA BA DU MA'I SGRA 'BYUNG BAS MNGON PAR DGA' BA DANG LDAN PA, RIN PO CHE'I DRIL BU BRGYA STONG DU MA MNGON PAR DKROL BA'I SGRA DANG LDAN PA, RIN PO CHE'I DRA BA BRGYA STONG DU MAS YONGS SU GSAL BAR GYUR PA, RIN PO CHE'I GDUGS BRGYA STONG DU MAS KUN NAS BKAB PA, DAR BRGYA STONG DU MAS RAB TU DPYANGS PA, DAR GYI PHRENG BA LDA LDI BRGYA STONG DU MAS SHIN TU BRGYAN PA, LHA'I BU MO BRGYA STONG DU MAS GLU BLANGS GAR BYAS, ROL MO BYAS PA, YON TAN BRGYA STONG DU MA KUN TU BRJOD PA, 'JIG RTEN SKYONG BA BRGYA STONG DU MAS RJES SU BSRUNGS PA, BRGYA BYIN BRGYA STONG DU MAS PHYAG BYAS PA, TSANGS PA BRGYA STONG DU MAS RAB TU BTUD PA, BYANG CHUB SEMS DPA' BYE BA KHRAG KHRIG BRGYA STONG DU MAS YONGS SU BZUNG BA, PHYOGS BCU'I SANGS RGYAS BYE BA KHRAG KHRIG BRGYA STONG DU MA @31B MTHA' YAS PAS DGONGS PA, BSKAL PA BYE BA KHRAG KHRIG BRGYA STONG DPAG TU MED PAR PHA ROL TU PHYIN PA TSOGS SU BYAS PA'I BSOD NAMS KYI RNAM PAR SMIN PA'I RGYU MTHUN PA LAS BYUNG BA DE LTA BU LA 'DUG GO ,DGE SLONG DAG ,DE LTAR BYANG CHUB SEMS DPA' SENG-GE'I KHRI CHEN PO YON TAN DE LTA BU DANG LDAN PA LA 'DUG NAS LHA'I 'KHOR CHEN PO DE DAG LA SMRAS PA, GROGS PO DAG ,BYANG CHUB SEMS DPA'I LUS BSOD NAMS BRGYA'I MTSAN GYIS LEGS PAR BRGYAN PA LA LTOS, SHAR DANG, LHO DANG, NUB DANG, BYANG DANG, 'OG DANG, STENG DANG, PHYOGS BCU KUN NA BYANG CHUB SEMS DPA' DGA' LDAN GYI GNAS DAM PA NA 'KHOD CING THAMS CAD KYANG SRID PA THA MA LA MNGON DU PHYOGS PA, LHA'I TSOGS KYIS YONGS SU BSKOR BA, 'CHI 'PHO'I RNAM PAS LHA RNAMS DGA' BAR BYED PA'I CHOS SNANG BA'I SGO YANG DAG PAR STON PA TSAD MED, GRANGS MED, BGRANG BA LAS 'DAS PA DAG LA LTOS, DE NAS LHA'I 'KHOR DE THAMS CAD KYIS BYANG CHUB SEMS DPA'I BYIN GYI RLABS KYIS BYANG CHUB SEMS DPA' DE DAG MTHONG BAR GYUR TE, MTHONG BAR GYUR NAS KYANG BYANG CHUB SEMS DPA' GA LA BA DE LOGS SU THAL MO SBYAR BA BTUD DE YAN LAG LNGAS PHYAG 'TSAL NAS 'DI SKAD DU, 'DI LTAR BDAG CAG GIS BLTAS PA TZAM GYIS BYANG CHUB SEMS DPA' 'DI SNYED CIG MTHONG @32A *, ,BA NA BYANG CHUB SEMS DPA'I BYIN GYI RLABS BSAM GYIS MI KHYAB STE, LEGS SO ZHES CHED DU BRJOD PA CHED DU BRJOD DO, ,DE NAS BYANG CHUB SEMS DPAS YANG LHA'I 'KHOR CHEN PO DE DAG LA BOS NAS 'DI SKAD CES SMRAS TE, GROGS PO DAG ,DE BAS NA, BYANG CHUB SEMS DPA' DE DAG LHA'I BU DE DAG LA GANG STON PA 'CHI 'PHO'I RNAM PAS LHA RNAMS DGA' BAR BYED PA'I CHOS SNANG BA'I SGO NYON CIG ,GROGS PO DAG ,CHOS SNANG BA'I SGO BRGYA RTZA BRGYAD PO 'DI DAG NI BYANG CHUB SEMS DPAS 'CHI 'PHO'I DUS LA BAB PA'I TSE LHA'I 'KHOR LA GDON MI ZA BAR YANG DAG PAR BSTAN PAR BYA BA STE, BRGYA RTZA BRGYAD GANG ZHE NA, 'DI LTA STE, GROGS PO DAG ,DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG PA CAN DANG BAR 'GYUR RO, ,MCHOG TU DGA' BA NI CHOS SNANG BA'I SGO STE, LUS SHIN TU SBYANGS PAR 'GYUR RO, ,DGA' BA NI CHOS SNANG BA'I SGO STE, SEMS RNAM PAR DAG PAR 'GYUR RO, ,LUS KYI SDOM PA NI CHOS SNANG BA'I SGO STE, LUS KYI NYES PA RNAM PA GSUM YONGS SU DAG PAR 'GYUR RO, ,NGAG GI SDOM PA NI CHOS SNANG BA'I SGO STE, NGAG GI NYES PA BZHI YONGS SU SPONG BAR 'GYUR RO, ,YID KYI SDOM PA NI CHOS SNANG @32B BA'I SGO STE, YID KYI BRNAB SEMS DANG, GNOD SEMS DANG, LOG PAR LTA BA SPONG BAR 'GYUR RO, ,SANGS RGYAS RJES SU DRAN PA NI CHOS SNANG BA'I SGRO STE, SANGS RGYAS MTHONG BA RNAM PAR DAG PAR 'GYUR RO, ,CHOS RJES SU DRAN PA NI CHOS SNANG BA'I SGO STE, CHOS BSTAN PA RNAM PAR DAG PAR 'GYUR RO, ,DGE 'DUN RJES SU DRAN PA NI CHOS SNANG BA'I SGO STE, SKYON MED PAR 'JUG PAR 'GYUR RO, ,GTONG BA RJES SU DRAN PA NI CHOS SNANG BA'I SGO STE, RDZAS THAMS CAD RAB TU SPONG BAR 'GYUR RO, ,TSUL KHRIMS RJES SU DRAN PA NI CHOS SNANG BA'I SGO STE, SMON LAM YONGS SU RDZOGS PAR 'GYUR RO, ,LHA RJES SU DRAN PA NI CHOS SNANG BA'I SGO STE, SEMS RGYA CHEN POR 'GYUR RO, ,BYAMS PA NI CHOS SNANG BA'I SGO STE, RDZAS LAS BYUNG BA'I BSOD NAMS BYA BA'I DNGOS PO THAMS CAD ZIL GYIS GNON PAR 'GYUR RO, ,SNYING RJE NI CHOS SNANG BA'I SGO STE, RNAM PAR 'TSE BA MED PA LHUR LEN PAR 'GYUR RO, , DGA' BA NI CHOS SNANG BA'I SGO STE, MI DGA' BA THAMS CAD SEL BAR 'GYUR RO, ,BTANG SNYOMS NI CHOS SNANG BA'I SGO STE, 'DOD PA LA SMOD PAR 'GYUR RO, ,MI RTAG PAR SO SOR RTOG PA NI CHOS SNANG BA'I SGO STE, 'DOD PA DANG, GZUGS YOD PA DANG, GZUGS MED PA'I 'DOD CHAGS LAS YANG DAG PAR 'DA' BAR 'GYUR RO, ,SDUG BSNGAL DU SO SOR RTOG PA NI @33A *, ,CHOS SNANG BA'I SGO STE, SMON LAM KUN TU CHAD PAR 'GYUR RO, ,BDAG MED PAR SO SOR RTOG PA NI CHOS SNANG BA'I SGO STE, DAG LA MNGON PAR ZHEN PA MED PAR 'GYUR RO, ,ZHI BAR SO SOR RTOG PA NI CHOS SNANG BA'I SGO STE, RJES SU CHAGS PA 'BAR BA MED PAR 'GYUR RO, ,NGO TSA SHES PA NI CHOS SNANG BA'I SGO STE, NANG NYE BAR ZHI BAR 'GYUR RO, ,KHREL YOD PA NI CHOS SNANG BA'I SGO STE, PHYI ROL NYE BAR ZHI BAR 'GYUR RO, ,BDEN PA NI CHOS SNANG BA'I SGO STE, LHA DANG MI RNAMS LA MI SLU BAR 'GYUR RO, , YANG DAG PA NI CHOS SNANG BA'I SGO STE, BDAG LA SLU BA MED PAR 'GYUR RO, ,CHOS SPYAD PA NI CHOS SNANG BA'I SGO STE, CHOS LA RTON PAR 'GYUR RO, ,GSUM LA SKYABS SU 'GRO BA NI CHOS SNANG BA'I SGO STE, NGAN SONG GSUM LAS YANG DAG PAR 'DA' BAR 'GYUR RO, ,BYAS PA GZO BA NI CHOS SNANG BA'I SGO STE, DGE BA'I RTZA BA BYAS PA RNAMS CHUD MI ZA BAR 'GYUR RO, ,BYAS PA RIG PA NI CHOS SNANG BA'I SGO STE, GZHAN LA BRNYAS PA MED PAR 'GYUR RO, ,BDAG SHES PA NI CHOS SNANG BA'I SGO STE, BDAG LA BSTOD PA MED PAR 'GYUR RO, , SEMS CAN SHES PA NI CHOS SNANG BA'I SGO STE, GZHAN LA SMOD PA MED PAR 'GYUR RO, ,CHOS SHES PA NI CHOS SNANG BA'I SGO STE, CHOS KYI RJES SU MTHUN PA'I CHOS LA NAN TAN @33B BYED PAR 'GYUR RO, ,DUS SHES PA NI CHOS SNANG BA'I SGO STE, MTHONG BA DON YOD PAR 'GYUR RO, ,NGA RGYAL BCOM PA NI CHOS SNANG BA'I SGO STE, YE SHES YONGS SU RDZOGS PAR 'GYUR RO,, ZHE 'GRAS PA MED PA'I SEMS NI CHOS SNANG BA'I SGO STE, BDAG DANG GZHAN RJES SU SRUNG BAR 'GYUR RO, ,'KHON DU MI 'DZIN PA NI CHOS SNANG BA'I SGO STE, 'GYOD PA MED PAR 'GYUR RO; ;MOS PA NI CHOS SNANG BA'I SGO STE, THE TSOM MED PA LHUR LEN PAR 'GYUR RO, ,MI SDUG PAR SO SOR RTOG PA NI CHOS SNANG BA'I SGO STE, 'DOD PA LA RNAM PAR RTOG PA SPONG BAR 'GYUR RO, ,GNOD SEMS MED PA NI CHOS SNANG BA'I SGO STE, GNOD SEMS KYI RNAM PAR RTOG PA SPONG BAR 'GYUR RO, ,GTI MUG MED PA NI CHOS SNANG BA'I SGO STE, MI SHES PA RNAM PAR SEL BAR 'GYUR RO, ,CHOS DON DU GNYER BA NI CHOS SNANG BA'I SGO STE, DON LA RTON PAR 'GYUR RO, ,CHOS 'DOD PA NI CHOS SNANG BA'I SGO STE, CHOS SNANG BA THOB PAR 'GYUR RO, ,THOS PA TSOL BA NI CHOS SNANG BA'I SGO STE, TSUL BZHIN DU CHOS LA SO SOR RTOG PAR 'GYUR RO, ,YANG DAG PA'I SBYOR BA NI CHOS SNANG BA'I SGO STE, YANG DAG PAR NAN TAN BYED PAR 'GYUR RO, , MING DANG GZUGS YONGS SU SHES PA NI CHOS SNANG BA'I SGO STE, CHAGS PA THAMS CAD LAS YANG DAG PAR 'DA' BAR 'GYUR RO, ,RGYUR LTA BA YANG DAG PAR 'JOMS PA NI CHOS SNANG @34A *, ,BA'I SGO STE, RIG PA DANG RNAM PAR GROL BA THOB PAR 'GYUR RO, ,RJES SU CHAGS PA DANG KHONG KHRO BA SPONG BA NI CHOS SNANG BA'I SGO STE, MTHO BAR SEMS PA MED CING DMA' BAR SEMS PA MED PAR 'GYUR RO, ,PHUNG PO LA MKHAS PA NI CHOS SNANG BA'I SGO STE, SDUG BSNGAL YONGS SU SHES PAR 'GYUR RO, ,KHAMS MNYAM PA NYID NI CHOS SNANG BA'I SGO STE, KUN 'BYUNG BA SPONG BAR 'GYUR RO, ,SKYE MCHED BSAL BA NI CHOS SNANG BA'I SGO STE, LAM SGOM PAR 'GYUR RO, ,MI SKYE BA'I BZOD PA NI CHOS SNANG BA'I SGO STE; 'GOG PA MNGON DU BYED PAR 'GYUR RO, ,LUS LA SONG BA'I DRAN PA NI CHOS SNANG BA'I SGO STE, LUS DBEN PAR 'GYUR RO, ,TSOR BA LA SONG BA'I DRAN PA NI CHOS SNANG BA'I SGO STE, TSOR BA THAMS CAD RGYUN CHAD PAR 'GYUR RO, ,SEMS LA SONG BA'I DRAN PA NI CHOS SNANG BA'I SGO STE, SEMS LA SGYU MA LTA BUR SO SOR RTOG PAR 'GYUR RO, ,CHOS LA SONG BA'I DRAN PA NI CHOS SNANG BA'I SGO STE, RAB RIB DANG BRAL BA'I YE SHES SU 'GYUR RO, ,YANG DAG PA'I SPONG BA BZHI NI CHOS SNANG BA'I SGO STE, MI DGE BA'I CHOS THAMS CAD SPONG BA DANG, DGE BA'I CHOS THAMS CAD YONGS SU RDZOGS PAR 'GYUR RO, ,RDZU 'PHRUL GYI RKANG PA BZHI NI CHOS SNANG BA'I SGO STE, LUS DANG SEMS YANG BAR 'GYUR RO, ,DAD @34B PA'I DBANG PO NI CHOS SNANG BA'I SGO STE, GZHAN GYI DRING MI 'JOG PAR 'GYUR RO, ,BRTZON 'GRUS KYI DBANG PO NI CHOS SNANG BA'I SGO STE, SHIN TU RTOGS PA'I YE SHES DANG LDAN PAR 'GYUR RO, ,DRAN PA'I DBANG PO NI CHOS SNANG BA'I SGO STE, LAS LEGS PAR BYAS PAR 'GYUR RO, ,TING NGE 'DZIN GYI DBANG PO NI CHOS SNANG BA'I SGO STE, SEMS RNAM PAR GROL BAR 'GYUR RO, ,SHES RAB KYI DBANG PO NI, CHOS SNANG BA'I SGO STE, MNGON SUM GYI YE SHES SU 'GYUR RO, ,DAD PA'I STOBS NI CHOS SNANG BA'I SGO STE, BDUD KYI STOBS LAS YANG DAG PAR 'DA' BAR 'GYUR RO, ,BRTZON 'GRUS KYI STOBS NI CHOS SNANG BA'I SGO STE, PHYIR MI LDOG PAR 'GYUR RO, ,DRAN PA'I STOBS NI CHOS SNANG BA'I SGO STE, MI 'PHROG PAR 'GYUR RO, ,TING NGE 'DZIN GYI STOBS NI CHOS SNANG BA'I SGO STE, RNAM PAR RTOG PA THAMS CAD SPONG BAR 'GYUR RO, ,SHES RAB KYI STOBS NI CHOS SNANG BA'I SGO STE, MI THUL BAR 'GYUR RO, ,DRAN PA YANG DAG BYANG CHUB KYI YAN LAG NI CHOS SNANG BA'I SGO STE, CHOS JI LTA BA BZHIN DU RAB TU SHES PAR 'GYUR RO, ,CHOS RNAM PAR 'BYED PA YANG DAG BYANG CHUB KYI YAN LAG NI CHOS SNANG BA'I SGO STE, CHOS THAMS CAD YONGS SU RDZOGS PAR 'GYUR RO, ,BRTZON 'GRUS YANG DAG BYANG CHUB KYI YAN LAG NI CHOS SNANG BA'I SGO STE, SHIN TU RTOG PA'I BLO DANG LDAN PAR 'GYUR RO, ,DGA' BA YANG DAG BYANG CHUB @35A *, ,KYI YAN LAG NI CHOS SNANG BA'I SGO STE, TING NGE 'DZIN SGRUB PAR 'GYUR RO, ,SHIN TU SBYANGS PA YANG DAG BYANG CHUB KYI YAN LAG NI CHOS SNANG BA'I SGO STE, BYA BA BYAS PAR 'GYUR RO, ,TING NGE 'DZIN YANG DAG BYANG CHUB KYI YAN LAG NI CHOS SNANG BA'I SGO STE, CHOS THAMS CAD MNYAM PA NYID DU KHONG DU CHUD PAR 'GYUR RO, ,BTANG SNYOMS YANG DAG BYANG CHUB KYI YAN LAG NI CHOS SNANG BA'I SGO STE, SKYE BA THAMS CAD LA SMOD PAR 'GYUR RO, ,YANG DAG PA'I LTA BA NI CHOS SNANG BA'I SGO STE, SKYON MED PAR 'JUG PAR 'GYUR RO, ,YANG DAG PA'I RTOG PA NI CHOS SNANG BA'I SGO STE, RTOG PA DANG, RNAM PAR RTOG PA DANG, YONGS SU RTOG PA THAMS CAD SPONG BAR 'GYUR RO, ,YANG DAG PA'I NGAG NI CHOS SNANG BA'I SGO STE, YI GE DANG, SGRA DANG, SKAD DANG, TSIG GI LAM THAMS CAD BRAG CA DANG MNYAM PA NYID DU RTOGS PAR 'GYUR RO, ,YANG DAG PA'I LAS KYI MTHA' NI CHOS SNANG BA'I SGO STE, LAS MED CING RNAM PAR SMIN PA MED PAR 'GYUR RO, ,YANG DAG PA'I 'TSO BA NI CHOS SNANG BA'I SGO STE, TSOL BA THAMS CAD RGYUN CHAD PAR 'GYUR RO, ,YANG DAG PA'I RTZOL BA NI CHOS SNANG BA'I SGO STE, PHA ROL GYI NGOGS SU PHYIN PAR 'GYUR RO, ,YANG DAG PA'I DRAN PA NI CHOS SNANG BA'I SGO STE, DRAN PA MED CING YID LA BYED PA MED PAR 'GYUR RO, , @35B YANG DAG PA'I TING NGE 'DZIN NI CHOS SNANG BA'I SGO STE, SEMS MI 'KHRUGS PA'I TING NGE 'DZIN THOB PAR 'GYUR RO, ,BYANG CHUB KYI SEMS NI CHOS SNANG BA'I SGO STE, DKON MCHOG GSUM GYI RIGS RGYUN MI CHAD PAR 'GYUR RO, ,BSAM PA NI CHOS SNANG BA'I SGO STE, THEG PA DMAN PA LA 'DOD PA MED PAR 'GYUR RO, ,LHAG PA'I BSAM PA NI CHOS SNANG BA'I SGO STE, SANGS RGYAS KYI CHOS RGYA CHEN PO LA LHAG PAR DMIGS PAR 'GYUR RO, ,SBYOR BA NI CHOS SNANG BA'I SGO STE, DGE BA'I CHOS THAMS CAD YONGS SU RDZOGS PAR 'GYUR RO, ,SBYIN PA'I PHA ROL TU PHYIN PA NI CHOS SNANG BA'I SGO STE, MTSAN DANG, DPE BYAD BZANG PO DANG, SANGS RGYAS KYI ZHING YONGS SU DAG PAR 'GYUR ZHING SER SNA CAN GYI SEMS CAN YONGS SU SMIN PAR BYED PAR 'GYUR RO, ,TSUL KHRIMS KYI PHA ROL TU PHYIN PA NI CHOS SNANG BA'I SGO STE, MI KHOM PA DANG, NGAN 'GRO THAMS CAD LAS YANG DAG PAR 'DA' ZHING TSUL KHRIMS 'CHAL BA'I SEMS CAN YONGS SU SMIN PAR BYED PAR 'GYUR RO, ,BZOD PA'I PHA ROL TU PHYIN PA NI CHOS SNANG BA'I SGO STE, GNOD SEMS DANG, THA BA DANG, ZHE SDANG DANG, NGA RGYAL DANG, DREGS PA DANG, RGYAGS PA SPONG BAR 'GYUR ZHING GNOD SEMS CAN GYI SEMS CAN YONGS SU SMIN PAR BYED PAR 'GYUR RO, ,BRTZON 'GRUS KYI PHA ROL TU PHYIN PA NI CHOS SNANG BA'I SGO STE, DGE BA'I @36A *, ,CHOS BRTZAMS PA THAMS CAD NYAMS SU LON PAR 'GYUR ZHING LE LO CAN GYI SEMS CAN YONGS SU SMIN PAR BYED PAR 'GYUR RO, ,BSAM GTAN GYI PHA ROL TU PHYIN PA NI CHOS SNANG BA'I SGO STE, BSAM GTAN DANG MNGON PAR SHES PA THAMS CAD BSKYED CING SEMS G-YENG PA CAN GYI SEMS CAN YONGS SU SMIN PAR BYED PAR 'GYUR RO, , SHES RAB KYI PHA ROL TU PHYIN PA NI CHOS SNANG BA'I SGO STE, MA RIG PA DANG, GTI MUG GI MUN PA MUN NAG DANG, DMIGS PA'I LTA BA SPONG ZHING SHES RAB 'CHAL PA'I SEMS CAN YONGS SU SMIN PAR BYED PAR 'GYUR RO, ,THABS MKHAS PA NI CHOS SNANG BA'I SGO STE, SEMS CAN JI LTAR MOS PA BZHIN DU SPYOD LAM STON CING SANGS RGYAS KYI CHOS THAMS CAD SGRUB PAR 'GYUR RO, ,BSDU BA'I DNGOS PO BZHIN NI, CHOS SNANG BA'I SGO STE, SEMS CAN THAMS CAD SDUD CING BYANG CHUB BRNYES PA LAS CHOS NOD PAR 'GYUR RO, ,SEMS CAN YONGS SU SMIN PAR BYA BA NI CHOS SNANG BA'I SGO STE, BDAG GI BDE BA LA MI CHAGS SHING YONGS SU SKYO BA MED PAR 'GYUR RO, ,DAM PA'I CHOS YONGS SU 'DZIN PA NI CHOS SNANG BA'I SGO STE, SEMS CAN THAMS CAD KYI KUN NAS NYON MONGS PA SPONG BAR 'GYUR RO, ,BSOD NAMS KYI TSOGS NI CHOS SNANG BA'I SGO STE, SEMS CAN THAMS CAD NYE BAR 'TSO @36B BAR 'GYUR RO, ,YE SHES KYI TSOGS NI CHOS SNANG BA'I SGO STE, STOBS BCU YONGS SU RDZOGS PAR 'GYUR RO, ,ZHI GNAS KYI TSOGS NI CHOS SNANG BA'I SGO STE, DE BZHIN GSHEGS PA'I TING NGE 'DZIN THOB PAR 'GYUR RO, ,LHAG MTHONG GI TSOGS NI CHOS SNANG BA'I SGO STE, SHES RAB KYI MIG THOB PAR 'GYUR RO, ,SO SO YANG DAG PAR RIG PA LA 'JUG PA NI CHOS SNANG ? BA'I SGO STE, CHOS KYI MIG THOB PAR 'GYUR RO, ,RTON PA LA 'JUG PA NI CHOS SNANG BA'I SGO STE, SANGS RGYAS KYI SPYAN YONGS SU DAG PAR 'GYUR RO, ,GZUNGS THOB PA NI CHOS SNANG BA'I SGO STE, SANGS RGYAS KYIS GSUNGS PA THAMS CAD 'DZIN PAR 'GYUR RO, ,SPOBS PA THOB PA NI CHOS SNANG BA'I SGO STE, SEMS CAN THAMS CAD LEGS PAR BSHAD PAS TSIM PAR BYED PAR 'GYUR RO, ,RJES SU MTHUN PA'I CHOS KYI BZOD PA NI CHOS SNANG BA'I SGO STE, SANGS RGYAS KYI CHOS THAMS CAD DANG MTHUN PAR 'GYUR RO, ,MI SKYE BA'I CHOS LA BZOD PA NI CHOS SNANG BA'I SGO STE, LUNG BSTAN PA THOB PAR 'GYUR RO, ,PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYIS DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU @37A *, ,'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD GDUL BA DANG, BYANG CHUB RNAM PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,GROGS PO DAG ,'DI DAG NI CHOS SNANG BA'I SGO BRGYA RTZA BRGYAD CES BYA BA STE, BYANG CHUB SEMS DPAS 'CHI 'PHO BA'I DUS KYI TSE LHA'I 'KHOR DU GDON MI ZA BAR GANG BSTAN PAR BYA BA'O, ,DGE SLONG DAG ,BYANG CHUB SEMS DPAS CHOS SNANG BA'I SGO'I LE'U 'DI BSTAN PA'I TSE LHA'I 'KHOR DE LAS LHA'I BU BRGYAD KHRI BZHI STONG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR TO, , LHA'I BU SNGON YONGS SU SBYANGS PA BYAS PA SUM KHRI NYIS STONG NI MI SKYE BA'I CHOS LA BZOD PA THOB PAR GYUR TO, ,LHA'I BU BYE BA SUM CU RTZA DRUG NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,DGA' LDAN GYI GNAS THAMS CAD KYANG LHA'I ME TOG GIS PUS MO NUB TZAM DU YOG PAR GYUR TO, ,DGE SLONG DAG ,DE LTAR BYANG CHUB SEMS DPAS LHA'I 'KHOR DE DAG RGYA CHER DGA' BAR BYA BA'I PHYIR DE'I TSE TSIGS SU BCAD PA 'DI DAG SMRAS SO, ,GANG GI TSE NA DGA' LDAN GNAS MCHOG NAS, ,'DREN PA @37B SKYES BU SENG-GE 'CHI 'PHO'I TSE, ,LHA RNAMS DAG LA TSIG TU SMRA BA NI, ,BAG MED MTHA' DAG RNAM PAR SPONGS ZHES SMRA, ,LHA YI DGA' BA RNAM MANG JI SNYED PA, ,YID KYIS BSAM PAS 'BYUNG BA DPAL LDAN PA, ,THAMS CAD LAS DGE'I RGYU LAS BYUNG BA STE, ,DE NI DGE BA'I LAS KYI 'BRAS BU YIN, ,DE LTA BAS NA BYAS PA GZO BAR GYIS, ,SNGON GYI DGE BSAGS 'DI NI ZAD GYUR TE, ,GANG DU MI BDE SDUG BSNGAL MYONG 'GYUR BA, ,NGAN SONG DAG TU SONG BAR GYUR TA RE, ,NGA LA GUS PAR BYA BA BSKYED NAS NI, ,CHOS GANG THOS PAR GYUR PA DE DAG LA, , NAN TAN GYIS NI RAB TU SGRUBS SHIG DANG, ,BDE BA MTHA' YAS NGES PAR THOB PAR 'GYUR, ,'DOD PA THAMS CAD MI RTAG BRTAN PA MIN, ,THER ZUG MA YIN RMI LAM 'DRA BA STE, ,SMIG RGYU DANG NI SGYU MA RNAMS DANG 'DRA, ,GLOG DANG DBU BA 'DRA ZHING 'GYUR BA YIN, ,'DOD PA'I YON TAN DAG GI DGA' BA NI, ,LAN TSWA'I CHU 'THUNGS BZHIN DU NGOMS MI 'GYUR, ,GANG DAG RDUL MED 'JIG RTEN 'DAS PA YI, ,SHES RAB LDAN PA DE DAG NGOMS PAR 'GYUR, ,LHA MO DAG DANG 'GROGS DANG GLU DBYANGS NI, ,GAR GYI LTAD MO BA DANG MTSUNGS SHING 'DRA, ,DPER NA 'DUS PA DAG NI KHRI LAS SU, ,PHAN TSUN 'GRO BAR SBYOR BAR BYED DANG MTSUNGS, ,DGE BA'I LAS BYAS RJES SU 'BRANG BYED CING, ,PHYI BZHIN 'GRO BAR BYED PA MA GTOGS PAR, , @38A *, ,'DUS BYAS DAG LA GROGS YOD MA YIN TE, ,MDZA' BSHES NYE DU MED CING 'KHOR KYANG MED, ,DE LTA BAS NA LHAN CIG MTHUN BYOS LA, ,PHAN TSUN BYAMS SEMS PHAN PA'I SEMS BYOS TE, ,CHOS KYI SPYAD PA DAG NI SPYAD PAR GYIS, ,SPYAD PA LEGS PAR SPYAD LA GDUNG PA MED, ,THOS DANG TSUL KHRIMS SBYIN LA DGA' GYUR CING, ,BZOD DANG DES PA PHUN SUM TSOGS BGYIS TE, ,SANGS RGYAS DANG NI CHOS DANG DGE 'DUN DANG, ,DE BZHIN BAG YOD PA DAG DRAN PAR GYIS, ,RTAG PA MED CING SDUG BSNGAL BDAG MED LA, , RGYU DANG RKYEN RNAMS DANG NI LDAN GYUR CING, ,BDAG PO MED LA BEM POR GYUR PA YI, ,CHOS 'DI DAG LA TSUL BZHIN BRTAG PAR GYIS, ,NGA LA RDZU 'PHRUL DAG NI GANG YOD DANG, , RDZOGS PAR 'TSANG MI RGYA BAR 'DUG PA DE NI KHO KYANG LAS DGE'I RGYU LAS BYUNG BA STE, ,THOS DANG TSUL KHRIMS BAG YOD RNAMS LAS BYUNG, ,SEMS CAN DON DANG PHAN DANG BYAMS DON DU, ,NGA YI TSUL KHRIMS DANG NI THOS PA DANG, ,BAG YOD PA DANG SBYIN DANG DUL BA DANG, ,YANG DAG SDOM PA'I RJES SU BSLAB PAR GYIS, ,NGAG DANG SKAD DANG SGRA RNAMS TZAM GYIS NI, ,DGE BA'I CHOS RNAMS SGRUB PAR MI NUS KYI, ,NAN TAN SNYING POR BYA BAS SGRUB BYOS LA, ,JI LTAR SMRAS PA DE BZHIN BYA BAR BYOS, ,GZHAN GYIS GLENG @38B BA'I SKABS NI MA DBYE BAR, ,BDAG NI RTAG TU SGRIM PAS 'BAD PAR GYIS, ,LA LAS BYAS SHING SBYIN PA YOD MA YIN, ,MA BYAS PAR YANG 'GRUB PAR 'GYUR BA MED, ,SNGON CHAD 'KHOR BAR 'KHOR TSE SDUG BSNGAL DAG ,MYONG PAR GANG GYUR DE NI DRAN PAR GYIS, ,KHYED CAG LOG PA NYID DU NGES PAS NA, ,MYA NGAN 'DAS DANG 'DOD CHAGS BRAL MA THOB, ,DE LTA BAS NA DAL DANG BSHES GNYEN DANG, ,TSUL DANG MTHUN PA'I YUL DU GNAS PA DANG, ,CHOS MNYAN DAM PA THOB PAR BYAS NAS NI, ,'DOD CHAGS LA SOGS NYON MONGS ZHI BAR GYIS, ,NGA RGYAL DANG NI RGYAGS DANG DREGS THONGS LA, ,RTAG TU MNYEN ZHING DRANG LA G-YO MED CING, ,MYA NGAN 'DAS PAR 'GRO LA GZHOL BYOS TE, ,LAM RTOG BYA BA'I PHYIR NI SBYOR BAR GYIS, ,GTI MUG RNYOG PA'I MUN PA THAMS CAD KYANG, ,SHES RAB SGRON MAS RNAM PAR BSAL BAR GYIS, ,BAG LA NYAL BCAS SKYON GYI DRA BA RNAMS, ,YE SHES RDO RJE YIS NI RNAM PAR KHROL, ,SHIN TU MANG POR SMRA BA CI DGOS TE, ,DON DANG YANG DAG LDAN PA'I CHOS DE LA, ,KHYED CAG GNAS PAR BYAS PAR MA GYUR NA, ,DE LA CHOS KYIS LAN PA MA YIN NO, ,GANG TSE NGAS NI BYANG CHUB THOB GYUR TE; ;'CHI MED 'GRO BA'I CHOS CHAR 'BEBS PA'I TSE, ,RNAM PAR DAG PA'I SEMS DANG LDAN PA KHYED, ,CHOS KYI DAM PA MNYAN PA'I PHYIR SHOG CIG ,CHOS SNANG BA'I SGO'I LE'U STE, BZHI @39A *, ,PA'O;; ;;DGE SLONG DAG ,DE LTAR BYANG CHUB SEMS DPAS LHA'I 'KHOR CHEN PO DE DAG LA CHOS KYI GTAM 'DI YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS, BZOD PAR BYAS NAS LHA'I 'KHOR BKRA SHIS DANG LDAN PA RNAMS LA SMRAS PA, GROGS PO DAG ,KHO BO NI DZAM BU'I GLING DU 'GRO 'O, ,KHO BO SNGON BYANG CHUB SEMS DPA'I SPYAD PA SPYOD PA'I TSE SEMS CAN RNAMS BSDU BA'I DNGOS PO SBYIN PA DANG, SNYAN PAR SMRA BA DANG, DON SPYAD PA DANG, DON MTHUN PAR BYA BA BZHI LA MGRON DU BOS LA, GROGS PO DAG , DA KHO BO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA BAR 'DUG PA DE NI KHO BOS BYAS PA MA SHES SHING RIGS PA MA YIN PAR 'GYUR RO, ,DE DAG DGA' LDAN GYI RIS KYI LHA'I BU DE DAG DU ZHING BYANG CHUB SEMS DPA'I RKANG PA GNYIS LA 'JUS TE 'DI SKAD CES 'DZER TO, ,SKYES BU DAM PA KHYOD MI BZHUGS NA, DGA' LDAN GYI GNAS 'DI MDZES PAR MI 'GYUR RO, ,DE NAS BYANG CHUB SEMS DPAS LHA'I 'KHOR CHEN PO DE DAG LA 'DI SKAD DU, BYANG CHUB SEMS DPA' BYAMS PA 'DI KHYED LA CHOS STON PAR 'GYUR RO ZHES @39B DE SKAD SMRAS TE, DE NAS BYANG CHUB SEMS DPA' RANG GI MGO LAS THOD DANG COD PAN PHOG STE BYANG CHUB SEMS DPA' BYAMS PA'I MGO LA BZHAG NAS 'DI SKAD DU, SKYES BU DAM PA KHYOD NI NGA'I 'OG TU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES DE SKAD SMRAS TE, DE NAS BYANG CHUB SEMS DPAS BYANG CHUB SEMS DPA' BYAMS PA DGA' LDAN GYI GNAS DAM PAR DBANG BSKUR NAS YANG LHA'I 'KHOR CHEN PO DE DAG LA SMRAS PA, GROGS PO DAG ,KHO BOS JI LTA BU'I GZUGS KYIS MA'I MNGAL DU 'GRO BAR BYA, DE LA KHA CIG NA RE, BRAM ZE'I KHYE'U'I GZUGS SU GSHEGS PA'I RIGS SO ZHES ZER RO, ,LA LA NA RE, BRGYA BYIN GYI GZUGS SU, LA LA NA RE, TSANGS PA'I GZUGS SU, LA LA NA RE, RGYAL PO CHEN PO'I GZUGS SU, LA LA NA RE, RNAM THOS KYI BU'I GZUGS SU, LA LA NA RE, SGRA GCAN GYI GZUGS SU, LA LA NA RE, DRI ZA'I GZUGS SU, LA LA NA RE, MI'AM CI'I GZUGS SU, LA LA NA RE, LTO 'PHYE CHEN PO'I GZUGS SU, LA LA NA RE, DBANG PHYUG CHEN PO'I GZUGS SU, LA LA NA RE, ZLA BA'I GZUGS SU; LA LA NA RE, NYI MA'I GZUGS SU, LA LA NA RE, NAM MKHA' LDING GI DBANG PO'I GZUGS SU BZHUD PA'I RIGS SO ZHES ZER RO, ,DE NAS TSANGS RIS KYI LHA'I BU GZI BRJID @40A *, ,DAM PA ZHES BYA BA SNGON DRANG SRONG LAS SHI 'PHOS PA BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA ZHIG 'DUG PA DES 'DI SKAD CES SMRAS SO, ,BRAM ZE RNAMS KYI GSANG SNGAGS KYI RIG BYED KYI BSTAN BCOS LAS JI SKAD 'BYUNG BA DE LTA BU'I GZUGS SU BYANG CHUB SEMS DPA' YUM GYI LHUMS SU BZHUD PA'I RIGS SO, ,DE'ANG CI 'DRA ZHE NA, GLANG PO DAM PA LUS CHEN MCHOG GYUR PA, ,MCHE BA DRUG CAN GSER GYI DRA BAS G-YOGS, ,MGO BO RAB TU DMAR ZHING SHIN TU MDZES, ,'GRAM NAS ZAG CING GZUGS LDAN DPAL LDAN PA'O, ,RIG BYED BSTAN BCOS YANG DAG MKHAS PA YI, ,BRAM ZES RNAM PA DE 'DRA DE SHES NAS, ,SUM CU RTZA GNYIS MTSAN DANG LDAN 'GYUR ZHES; ;YANG DAG NYID DU LUNG NI STON PAR 'GYUR, ,DGE SLONG DAG ,DE LTAR BYANG CHUB SEMS DPAS SKYE BA'I DUS LA BLTAS NAS DGA' LDAN GYI GNAS DAM PA NA GNAS BZHIN DU RGYAL PO ZAS GTZANG MA'I KHYIM DAM PA DER SNGA LTAS BRGYAD BSTAN TO, ,BRGYAD GANG ZHE NA, 'DI LTA STE, KHYIM DE RTZA DANG, SDONG DUM DANG, TSER MA DANG, GSEG MA DANG, GYO MO MED CING, DRI MA MED LA CHAG CHAG LEGS PAR BTAB PA DANG, PHYAG DAR LEGS PAR BYAS SHING, RLUNG RDUL CAN DANG, MUN PA DANG, RDUL DANG BRAL BA DANG, SBRANG MA DANG, SHA SBRANG DANG, SBRANG @40B BU DANG, PHYE MA LEB DANG, SDEG SBRUL MED CING ME TOG GIS KUN TU GANG BA, LAG MTHIL LTAR MNYAM PAR GNAS PAR GYUR TE, 'DI NI SNGA LTAS BYUNG BA DANG PO'O, ,RI'I RGYAL PO GANGS RI LA BYA 'DAB SBED DANG, NE TZO DANG, RI SKEGS DANG, KHU BYUG DANG, NGANG PA DANG, RMA BYA DANG, NGUR PA DANG, KUN NA LA DANG, KA LA PING KA DANG, SHANG SHANG TE'U LA SOGS PA SGRO GSHOG SNA TSOGS MDZES PA YID DU 'ONG ZHING SNYAN PA'I SGRA 'BYIN PA'I BYA'I TSOGS GANG DAG GNAS PA DE DAG DER 'ONGS NAS RGYAL PO ZAS GTZANG MA'I KHYIM DAM PA DE'I STEGS BU DANG, BA GAM DANG, RTA BABS DANG, SKAR KHUNG DANG, GZIL KHANG DANG, KHANG PA BRTZEGS PA DANG, KHANG BZANG GI STENG DAG TU GNAS SHING DGA' BA DANG, MGU BA DANG, YID BDE BA SKYES NAS RANG RANG GI SGRA SKAD DAG 'BYIN TE, 'DI NI SNGA LTAS BYUNG BA GNYIS PA'O, ,GANG YANG RGYAL PO ZAS GTZANG MA DE'I KUN DGA' RA BA NYAMS DGA' BA DANG, NAGS TSAL NYAMS DGA' BA DANG, SKYED MOS TSAL NYAMS DGA' BA DAG NA ME TOG DANG, 'BRAS BU'I SHING LJON PA SNA TSOGS DUS THA DAD PAR 'BYUNG BA DE THAMS CAD KYANG KHA 'BUS SHING ME TOG RGYAS PAR GYUR TE, 'DI NI SNGA LTAS BYUNG BA GSUM PA'O, ,RGYAL PO ZAS GTZANG MA'I CHU'I LONGS SPYOD KYI RKYEN RDZING LA SOGS PA GANG DAG YOD PA DE DAG THAMS CAD KYANG PAD-MA @41A *, ,'DAB MA BYE BA KHRAG KHRIG BRGYA STONG DU MA DANG LDAN PA TSAD SHING RTA'I 'PHANG LO TZAM DAG GIS KHEBS PAR GYUR TE, 'DI NI SNGA LTAS BYUNG BA BZHI PA'O; ;RGYAL PO ZAS GTZANG MA'I KHYIM DAM PA DE NA MAR DANG, 'BRU MAR DANG, SBRANG RTZI DANG, BU RAM GYI DBU BA DANG, SHA KHA RA LA SOGS PA BZA' BA'I RNAM PA GANG DAG YOD PA DE DAG KYANG YONGS SU SPYAD PAS ZAD PAR MI 'GYUR ZHING, YONGS SU GANG BAR SNANG STE, 'DI NI SNGA LTAS BYUNG BA LNGA PA'O, ,RGYAL PO ZAS GTZANG MA'I KHYIM MCHOG DAM PA DANG, BTZUN MO'I 'KHOR CHEN PO DAG NA RNGA BO CHE DANG, RDZA RNGA DANG, 'KHAR RNGA DANG, RGYUD GCIG PA DANG, PI WANG DANG, GLING BU DANG, RGYUD GSUM PA DANG, 'KHAR BA'I SIL KHROL DANG, PHEG RDOB LA SOGS PA ROL MO'I CHA BYAD GANG DAG YOD PA DE DAG THAMS CAD KYANG MA BLANGS MA DKROL BAR YID DU 'ONG BA'I SGRA RANG SGROG PAR GYUR TE, 'DI NI SNGA LTAS BYUNG BA DRUG PA'O, ,RGYAL PO ZAS GTZANG MA'I KHYIM MCHOG DAM PA NA GSER DANG, DNGUL DANG, NOR BU DANG, MU TIG DANG, BEE d'U-RYA DANG, DUNG DANG, MAN SHEL DANG, BYI RU LA SOGS PA RIN PO CHEN SNA TSOGS KYI SNOD GANG DAG YOD PA DE DAG THAMS CAD KYANG KHA BYE ZHING DRI MA MED LA RNAM PAR DAG CING RAB TU GANG BAR SNANG STE, 'DI NI SNGA LTAS BYUNG BA @41B BDUN PA'O, ,NYI ZLA'I 'OD ZIL GYIS RLAG PAR BYED CING, LUS DANG SEMS DGA' BA SKYED PA'I 'OD DAG CING DRI MA MED PAS SNANG BAR GYUR TE, 'DI NI SNGA LTAS BYUNG BA BRGYAD PA'O, ,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO GSUM PA, LHA MO SGYU 'PHRUL YANG KHRUS BYAS, LUS BYUG PAS BYUGS, RGYAN SNA TSOGS KYIS LAG PA SHIN TU BRGYAN TE, GOS SHIN TU 'JAM PA MCHOG BGOS SHING BTZUN SPU DANG BCAS LA, DGA' BA DANG, MCHOG TU DGA' BA DANG, RANGS PA THOB NAS BUD MED STONG PHRAG BCUS BSKOR CING MDUN DU BDAR TE LHAN CIG TU RGYAL PO ZAS GTZANG MA ROL MO BYA BA'I KHANG BZANG NA BDE BAR GNAS PA'I DRUNG DU PHYIN TE, G-YAS ROL NA KHRI BZANG PO RIN PO CHE'I DRA BAS BRGYAN PA LA 'DUG NAS 'DZUM PA'I BZHIN KHRO GNYER MED CING RAB TU DANG BA'I MDOG GIS RGYAL PO ZAS GTZANG MA LA TSIGS SU BCAD PA 'DI DAG SMRAS SO, ,RGYAL PO SA BDAG LEGS PAR BDAG LA GSAN DU GSOL, ,RGYAL PO KHYOD LA GSOL GYIS BDAG LA DA GNONG ZHIG ,BDAG GI BSAM PA YID LA CI MCHIS CIR DGA' BA, ,DE DAG BDAG LA GSAN CING THUGS DGYES RANGS PAR MDZOD, ,LHA BDAG BSNYEN GNAS TSUL KHRIMS BRTUL ZHUGS LEN PAR GSOL, ,BDAG NI 'GRO LA BYAMS PAS YAN LAG BRGYAD LEN TE, ,SROG CHAGS GNOD PA SPANGS @42A *, ,SHING BSAM PA RTAG DAG PAS, ,JI LTAR BDAG LA BYAMS PA DE LTAR GZHAN LA BGYI, ,RKU SEMS RNAM PAR SPANGS TE 'DOD DANG DREGS PA SPANGS, , RGYAL PO 'DOD PA RNAMS LA LOG PAR G-YEM MI BGYID, ,BDEN LA GNAS SHING PHRA MA MA MCHIS ZHE GCOD SPANG, ,MI DGE KYAL PA'I TSIG KYANG YONGS SU MI SPYOD DO, ,GNOD SEMS ZHE SDANG THA BA GTI MUG RGYAGS PA DANG, ,BRNAB SEMS KUN SPANGS RANG GI NOR GYIS 'TSAL BAR BGYI, ,YANG DAG SBYOR BAS KHA GSAG TSUL 'CHOS PHRAG DOG SPANG, , DGE BCU'I LAS LAM 'DI DAG BDAG GIS SPYAD PAR BGYI, ,BDAG NI TSUL KHRIMS BRTUL ZHUGS MNGON DGA' RAB BSNGAMS KYIS, ,MI YI DBANG PO BDAG LA BZHED PAS SRED MA MDZAD, ,RGYAL PO KHYOD LA YUN RING MI DGER 'GYUR DU MCHI, ,BDAG GI TSUL KHRIMS BRTUL ZHUGS NYER GNAS DGYES PAR MDZOD, ,RGYAL PO BDAG GI 'TSAL BA 'DI LAGS DENG MYUR STZOL, ,KHANG BZANG BSIL KHANG LDAN PA DANG SKYA LDAN PA'I NANG, ,ME TOG BKRAM PA'I MCHIS MAL 'JAM ZHING DRI BDA' BAR, ,GROGS MOS RTAG TU BSKOR CING BDE DGAR GNAS SNYAM BGYID, ,SKYES PA NYUG RUM RNAMS DANG DE BZHIN KHYE'U DAG DANG, ,BUD MED PHAL PA RNAMS KYANG MDUN NA MCHIS MI 'TSAL, ,SNYAN CING YID MCHI SGRA SNYAN @42B NYAN PA MA GTOGS PAR, ,GZUGS DANG SGRA BSUNG YID DU MI MCHI BDAG MI 'TSAL, ,BCINGS DANG BTZON RAR STZAL BA THAMS CAD DGYE BAR GSOL, ,NOR GYIS BREL BA'I MI RNAMS NOR DANG LDAN PAR MDZOD, ,ZAS SKOM RAD PA SHING RTA KHYOGS DANG BZHON PA RTA, ,'GRO LA BDE BA'I SLAD DU DGUNG BDUN STZAL BA MDZOD, ,PHO BRANG 'DI NA SKYES PA KHYE'U DANG BUD MED DAG , JI SNYED MCHIS PA 'THAB RTZOD KHRO BA'I TSIG BRAL ZHING, ,PHAN TSUN BYAMS PA'I YID LDAN PHAN DANG NGES SEMS KYIS, ,DGA' TSAL GNAS PA'I LHA LTAR MTHUN ZHING BDE SPYOD MDZOD; ;RGYAL PO'I CHAD PA CHE PHRA GNYER GYIS BDA' BA DANG, ,GNOD PA BGYID DANG RDEG BTZOG SDIGS RU MI MDZAD PAR, ,KUN LA'ANG DANG BA'I THUGS KYIS BYAMS DANG PHAN DGONGS TE; ;LHA YIS SKYE BO RNAMS LA SRAS GCIG BZHIN DU GZIGS, ,RGYAL POS DE SKAD TSIG THOS RAB TU DGAR GYUR NAS, ,SMRAS PA KHYOD NI CI 'DOD DE KUN DE BZHIN BYA, ,KHYOD KYI BSAM PA YID KYIS GANG RNAMS RJES BSAM ZHING, ,KHYOD KYIS MCHOG BLANGS GANG YIN DE NI NGAS SBYIN NO, ,RGYAL PO'I DAM PAS RANG GI 'KHOR LA BSGO BA NI, ,KHANG BZANG DAM PA'I STENG DU PHUN SUM TSOGS PA SHOMS, ,ME TOG MDZES PA KHROM LA BDUG SBOS MCHOG GIS BDUGS, ,GDUGS DANG BA DAN TA LA'I PHRENG BA'I RGYAN KYANG GYIS, ,'THAB PHOD STONG PHRAG @43A *, ,NYI SHU SNA TSOGS GO CHA CAN, ,MDA' MDUNG LCAGS MDA' MDUNG THUNG RAL GRI THOGS PA DAG ,YID 'ONG SGRA GCAN PA'I ? SKYA LDAN PA BSKOR BGYIS TE, , LHA MO 'JIGS PA MED PA BYA PHYIR SRUNG ZHING GNAS, ,KHRUS BYAS SPOS BYUGS GOS MCHOG DAG GIS YAN LAG BRGYAN, ,BUD MED RNAMS KYIS DE BSKOR LHA YI BU MO 'DRA; ;YID DU 'ONG BA'I SGRA LDAN SIL SNYAN STONG BLANGS TE, ,LHA MO DER ZHUGS LHA YI BU MO BZHIN DU GNAS, ,LHA YI RIN CHEN RIN THANG CHEN POS RTZA SPRAS PA, ,KHRI LA GOS MCHOG MANG POS YID 'ONG MAL BSHAMS TE, ,MAL PHYIN GTZUG GI NOR BU RIN CHEN KLONG BYAS NAS, ,'DRES PA'I NAGS TSAL LHA YI BU MO BZHIN DU GNAS, ,DGE SLONG DAG ,DE NAS RGYAL PO CHEN PO BZHI DANG, LHA'I DBANG PO BRGYA BYIN DANG, LHA'I BU RAB 'THAB BRAL DANG, YONGS SU DGA' LDAN DANG, RAB 'PHRUL DGA' DANG, GZHAN 'PHRUL DBANG BYED DANG, BDUD KYI BU DED DPON DANG, MI MJED KYI BDAG PO TSANGS PA DANG, MDUN NA 'DON TSANGS MCHOG DANG, MDUN NA 'DON TSANGS BZANG DANG, 'OD BKOD PA DANG, 'OD GSAL DANG, GNAS GTZANG MA'I RIS KYI DBANG PHYUG CHEN PO DANG, MTHAR THUG DANG, 'OG MIN PA DANG, DE DAG LA SOGS PA DANG, GZHAN YANG LHA BRGYA STONG @43B MANG PO 'DUS TE GCIG LA GCIG 'DI SKAD CES SMRAS SO, ,GROGS PO DAG ,BDAG CAG GIS BYANG CHUB SEMS DPA' GCIG PU GNYIS SU MED PAR GSHEGS SU GSOL NA, BDAG CAG GIS BYAS PA MA SHES PAR 'GYUR TE, BDAG CAG LA MI CHA'I, GROGS PO DAG ,KHYED KYI NANG NAS BYANG CHUB SEMS DPA' THOG MA YUM GYI LHUMS SU GSHEGS PA DANG, LHUMS NA BZHUGS PA DANG, BLTAMS PA DANG, THOR BU DANG, BYIS PA'I NANG NA ROL PA DANG, BTZUN MO'I 'KHOR GYI NANG NA BZHUGS PA DANG, ROL MO GZIGS PA DANG, MNGON PAR 'BYUNG BA DANG, DKA' BA SPYOD PA DANG, BYANG CHUB KYI SNYING POR GSHEGS PA DANG, BDUD 'DUL BA DANG, BYANG CHUB MNGON PAR RDZOGS PAR 'TSANG RGYA BA DANG, CHOS KYI 'KHOR LO BSKOR BA DANG, MYA NGAN LAS 'DAS PA CHEN PO BSTAN GYI BAR DU PHAN PA'I SEMS DANG, DGA' BA'I SEMS DANG, PHANGS PA'I SEMS DANG, BYAMS PA'I SEMS DANG, MNYEN PA'I SEMS KYIS RTAG PAR RGYUN DU BYANG CHUB SEMS DPA'I ZHABS 'BRING NA 'KHOD PAR SU DAG SPRO, ,DE'I TSE TSIGS SU BCAD PA 'DI DAG KYANG SMRAS SO, ,KHYED LAS SU ZHIG RTAG TU DGA' YID KYIS, , GZUGS MCHOG MNGA' BA'I ZHABS 'BRING BYED PAR SPRO, ,SU DAG RANG GI BSOD NAMS GZI BRJID DANG, ,STOBS DANG GRAGS PA RNAM PAR SPEL BAR 'DOD, ,GANG ZHIG LHA YI PHO @44A *, ,BRANG 'DI DAG NA, ,LHA MO DAG DANG 'DOD PA'I YON TAN GYI, ,LHA YI BDE BAS DGA' BAR 'DOD PA DAG ,DRI MED ZLA BA'I ZHAL GYIS ZHABS 'BRING GYIS, ,DE BZHIN 'DRES PA'I NAGS TSAL MDZES PA MCHOG ,LHA YI 'BYUNG GNAS LHA YI PHO BRANG NA, ,GSER MDOG ME TOG RGYAS PAR DGA' 'DOD NA, ,DRI MED GZI BRJID MNGA' BA'I ZHABS 'BRING GYIS, ,GANG GIS SNA TSOGS SHING RTA DE BZHIN DU, ,DGA' TSAL ME TOG MAN-D'AR 'DAB RGYAS SU, ,LHA MO LHAN CIG RTZE BAR 'DOD PA DAG ,SKYES BU CHEN PO 'DI YI ZHABS 'BRING GYIS, ,'THAB BRAL BDAG PO'AM DGA' LDAN BDAG PO'AM, ,YANG NA DBANG PHYUG 'GYUR BAR 'DOD PA DANG, ,'GRO BA KUN GYI MCHOD 'OS 'DOD PA DAG ,GRAGS PA MTHA' YAS 'DI YI ZHABS 'BRING GYIS, ,GANG ZHIG 'PHRUL DGA'I KHANG PA MDZES PA DANG, ,DBANG SGYUR LHA YI GNAS SU RTZE 'DOD CING, ,YID KYI 'PHRUL GYIS THAMS CAD SPYOD 'DOD PA, , YON TAN MCHOG MNGA' 'DI YI ZHABS 'BRING GYIS, ,BDUD KYI DBANG PO ZHE SDANG YID MED PA, ,RDZU 'PHRUL DBANG PHYUG KUN GYI MTHAR PHYIN PA'I, ,'DOD PA'I DBANG PHYUG DBANG MTHAR PHYIN 'DOD NA, ,PHAN PA MDZAD PA 'DI DANG LHAN CIG DANG, ,DE BZHIN 'DOD PA'I KHAMS LAS 'DA' BYAS TE, ,TSANGS PA'I GNAS SU GNAS PAR SU 'DOD PA, ,DE NI TSAD MED BZHI @44B YI GZI MNGA' BA, ,SKYES BU CHEN PO'I ZHABS 'BRING DENG NAS GYIS, ,'ON TANG GANG ZHIG MI YI NANG DAG TU, ,'KHOR LOS BSGYUR YUL YANGS PAR SKYE 'DOD NA, ,RIN CHEN 'BYUNG GNAS MI 'JIGS BDEN SBYIN PA, ,BSOD NAMS YANGS PA MNGA' BA'I ZHABS 'BRING GYIS, ,GANG ZHIG SA BDAG DE BZHIN TSONG DPON BU, ,PHYUG CING SKYID LA NOR MANG TSOGS CHEN DANG, ,DGRA YI DPUNG BCOM 'KHOR DANG LDAN 'DOD PA, ,DE NI PHAN MDZAD 'DI DANG LHAN CIG DENGS, ,GZUGS DANG LONGS SPYOD DE BZHIN DBANG PHYUG DANG, ,SNYAN PA GRAGS DANG SPOBS DANG YON TAN DANG, ,GZUNG 'OS TSIG DANG MNYAN PA'I TSIG 'DOD PA, ,DE NI TSANGS DBYANGS MKHAS PA'I GAN DU SONG, ,LHA DANG MI YI 'DOD PA GANG YIN DANG, ,SRID PA GSUM GYI BDE BA THAMS CAD DANG, ,BSAM GTAN BDE DANG DBEN PA'I BDE 'DOD PA, ,DE NI CHOS KYI DBANG PHYUG ZHABS 'BRING GYIS, ,'DOD CHAGS DANG NI ZHE SNGANG SPANG BA DANG, ,NYON MONGS MUN PA SEL BAR SU 'DOD CING, ,ZHI BA RAB ZHI NYER ZHI YID LDAN PA, ,DE NI THUGS DUL ZHABS 'BRING MYUR DU SONG, ,GANG ZHIG SLOB DANG MI SLOB RANG RGYAL DANG, ,THAMS CAD MKHYEN PA'I YE SHES THOB 'DOD CING, , STOBS BCUS SENG-GE'I SGRA SGROG SU 'DOD PA, ,DE NI YON TAN RGYA MTSO MKHAS DRUNG SONG, ,GANG ZHIG NGAN SONG RNAMS KYI LAM GCOD CING, ,BZANG 'GRO 'CHI BA MED PA'I LAM DBYE DANG, , @45A *, ,YAN LAG BRGYAD LAM 'GRO BAS 'GRO 'DOD NA, ,'GRO LAM MTHAR 'BYIN 'DI YI ZHABS 'BRING GYIS, ,GANG ZHIG BDE GSHEGS YONGS SU MCHOD PA DANG, , THUGS RJE MNGA' BA DE LAS CHOS NYAN DANG, ,DGE 'DUN YON TAN THOB PAR 'DOD PA NI, ,YON TAN RGYA MTSO 'DI YI ZHABS 'BRING GYIS, ,SKYE RGA NA 'CHI'I SDUG BSNGAL ZAD PA DANG, , 'KHOR BA'I BCINGS PA RNAM PAR DGROL BA DANG, ,NAM MKHA'I MTHA' MNYAM RNAM DAG SPYOD 'DOD PA, ,DE NI SEMS CAN DAG PA'I ZHABS 'BRING GYIS, ,'GRO BA KUN NA YID 'ONG SDUG MDZES SHING, ,GZUGS MCHOG MTSAN DANG YON TAN RGYAS PA DANG, ,BDAG DANG DE BZHIN GZHAN YANG 'GREL 'DOD PA, ,DE NI BLTA SDUG MKHAS PA'I GAN DU SONG, , TSUL KHRIMS TING 'DZIN DE BZHIN SHES RAB DANG, ,ZAB CING BLTA DKA' GTING DPAG DKA' BA YI, ,RNAM GROL THOB 'DOD MKHAS PA GANG YIN DE, ,SMAN PA'I RGYAL PO'I GAN DU MYUR DU SONG, ,YON TAN 'DI DANG GZHAN YANG RNAM MANG DANG, ,SRID PA'I BDE DANG DE BZHIN MYA NGAN 'DAS, ,YON TAN THAMS CAD RAB TU RDZOGS 'DOD PA, ,DE NI BRTUL ZHUGS GRUB MKHAS GAN DU SONG, ,TSIG DE THOS NAS RGYAL CHEN BZHI'I RIS KYI LHA 'BUM PHRAG BRGYAD CU RTZA BZHI DANG, SUM CU RTZA GSUM GYI LHA 'BUM DANG, 'THAB BRAL GYI LHA 'BUM @45B DANG, DGA' LDAN GYI LHA 'BUM DANG, 'PHRUL DGA'I LHA 'BUM DANG, BDUD KYI RIS KYI LHA SNGON GYI DGE BA'I LAS KYIS BYUNG BA DRUG KHRI DANG, TSANGS RIS KYI LHA DRUG KHRI BRGYA STONG DANG, 'OG MIN GYI BAR GYI LHA BRGYA STONG MANG PO DAG 'DUS PAR GYUR PA DANG, GZHAN YANG SHAR PHYOGS DANG, LHO PHYOGS DANG, NUB PHYOGS DANG, BYANG PHYOGS NAS LHA'I BU BRGYA STONG MANG PO 'DUS PAR GYUR PA DE DAG LAS GANG DAG MCHOG TU BYA BA'I LHA'I BU DAG GIS LHA'I 'KHOR CHEN PO DE DAG LA TSIGS SU BCAD PA 'DI DAG SMRAS SO, ,BDAG CAG RNAMS KYI BSAM PA YANG DAG CI 'DRA YI, ,TSIG 'DI LHA YI DBANG PO DAG GIS GSAN DU GSOL, ,'DOD PA'I DGA' 'BYOR BSAM GTAN BDE BA MCHOG SPANGS TE, ,SEMS CAN DAG PA DAM PA 'DI YI ZHABS 'BRING BGYI, ,LHUMS SU GSHEGS DANG LHUMS NA BZHUGS DANG BLTAMS PA'I TSE, ,BDAG NYID CHEN PO MCHOD 'OS SHIN TU MCHOD PAR BGYI, ,BSOD NAMS DAG GIS BSRUNGS PA'I DRANG SRONG YONGS BSRUNGS NA, ,ZHE SDANG SEMS KYIS SUS KYANG GLAGS RNYED 'GYUR MA MCHIS, ,GLU DBYANGS SIL SNYAN ROL MO'I DBYANGS SGRA LEGS BSGRAGS PAS, ,YON TAN RGYA MTSO MNGA' BA'I YON TAN BSNGAGS BRJOD DE, ,GANG THOS SKYE BO BYANG CHUB MCHOG TU SEMS BSKYED PAR, ,LHA DANG MI RNAMS THAMS CAD RAB TU DGA' BAR BGYI, ,RGYAL PO'I @46A *, ,PHO BRANG ME TOG SIL MAS RGYAS PAR DGANG, ,AA GA RU MCHOG NAG POS BDUGS TE DRI ZHIM BGYI, ,DE YI DRI TSOR LHA MI RAB TU DGA' 'GYUR ZHING, ,NAD MED RIMS NAD BRAL ZHING BDE BAR 'GYUR BAR BGYI, ,ME TOG MAN-D'A RA DANG KUN NAS 'DU BA DANG, ,SIM BYAD RAB TU SIM BYED STHA ? LA RNAM SNANG DANG, ,ME TOG BZANG POS 'PHRIN LAS DGE LAS BYUNG BA DE, ,MCHOD PA'I SLAD DU SER SKYA'I GRONG KUN DGANG BAR BGYI, ,JI SRID YUM GYI LHUMS NA DRI GSUM MA GOS BZHUGS, ,JI SRID RGA SHI MTHAR 'BYIN BLTAMS PAR GYUR GYI BAR, ,DE SRID DUS SU DANG BA'I YID KYIS ZHABS 'BRING BGYI, ,BLO GROS CHE MNGA' MCHOD PAR BGYI BAR BDAG CAG SEMS, ,BLTAMS NAS GOM PA BDUN GSHEGS BRGYA BYIN TSANGS PA YIS, ,LAG TU BLANGS TE SPOS CHU DAG GIS SKU BSIL BA, ,SEMS CAN RNAM PAR DAG PA DE NI MTHONG BA YI, ,LHA MI DE DAG THOB PA RGYA CHEN LEGS PAR THOB, ,JI SRID BAR DU 'JIG RTEN RJES SU MTHUN MDZAD CING, ,'DOD PA'I NYON MONGS 'JOMS MDZAD BTZUN MO'I NANG BZHUGS LA, ,JI SRID CIG NA RGYAL SRID KUN SPANGS KHAB NAS 'BYUNG, ,DE SRID DUS SU DANG BA'I SEMS KYIS ZABS 'BRING BGYI, ,JI SRID CIG NA RIN BSNAMS BYANG CHUB SNYING POR GSHEGS, ,JI SRID CIG NA BDUD BCOM BYANG CHUB @46B THOB 'GYUR CING, ,TSANGS PA KHRAG KHRIG 'KHOR LO BSKOR BAR GSOL BTAB PA, ,DE SRID BDE BAR GSHEGS LA MCHOD PA RGYA CHEN BGYI, ,SEMS CAN BYE BA KHRAG KHRIG 'CHI MED BTUL GYUR TE, ,STONG GSUM 'DIR NI SANGS RGYAS 'PHRIN LAS NAM LAGS NAS, ,ZHI ZHING BSAL ? BA'I MYA NGAN 'DAS PAR GSHEGS GYUR PA, ,DE SRID KUN GYIS DRANG SRONG GRAGS CHEN GTANG MI BGYI; ;DGE SLONG DAG ,DE NAS 'DOD PAN SPYOD PA'I LHA'I BU MO DAG GIS BYANG CHUB SEMS DPA'I LUS GZUGS PHUN SUM TSOGS PA MTHONG NAS 'DI SNYAM DU SEMS TE, ,SEMS CAN DAG PA MCHOG DAM PA 'DI LTA BU 'DZIN PAR 'GYUR BA'I NA CHUNG DE NI JI LTA BU ZHIG YOD SNYAM NAS DE DAG NGO MTSAR DU GYUR TE, ,ME TOG DANG, SPOS DANG, PHRENG BA DANG, BYUG PA MCHOG TU BYA BA DAG KHYER NAS LHA'I LUS YID LAS GRUB PA THOB CING BSOD NAMS KYI RNAM PAR SMIN PA'I RDZU 'PHRUL GYIS BYIN GYIS BRLABS PA DE DAG SKAD CIG DE NYID LA LHA'I PHO BRANG DE NAS MI SNANG BAR GYUR TE, SER SKYA'I GRONG KHYER CHEN PO DAM PA SKYED MOS TSAL BRGYA STONG GIS BRGYAN PA, RGYAL PO ZAS GTZANG MA'I KHYIM MCHOG KHANG BZANG CHEN PO DANG SKYA LDAN ZHES BYA BA LHA'I DBANG PO'I PHO BRANG LTA BU DER PHYIN NAS LHA'I BU MO GOS LHUG LHUG PO GYON PA, DGE BA DRI MA MED PA'I BSOD NAMS KYI GZI BRJID KYIS RAB TU BRGYAN PA, LHA'I RGYAN GYIS LAG PA SHIN TU @47A *, ,BRGYAN PA DE DAG GIS LHA MO SGYU 'PHRUL MAL MCHOG GI STENG NA 'DUG PA MTHONG NAS PHAN TSUN MDZUB MOS STON CING, NAM MKHA'I DKYIL NA 'KHOD DA GCIG LA GCIG TSIGS SU BCAD DE SMRAS PA, LHA GNAS 'KHOD PA'I LHA YI BU ME RNAMS, ,YID 'ONG BYANG CHUB SEMS DPA'I SKU MTHONG NAS, ,DE TSE DE DAG 'DI SNYAM SEMS GYUR TE, ,BYANG CHUB SEMS DPA'I YUM GYUR JI 'DRA SNYAM, ,LAG NA ME TOG PHRENG CAN DE DAG RNAMS, ,THE TSOM SKYES NAS RGYAL PO'I PHO BRANG DU, ,ME TOG DE BZHIN BYUG PA THOGS NAS SU, ,SOR BCU THAL MO SBYAR TE 'DUD CING LHAGS, ,LHUG LHUG GOS GYON 'JO BAG GZUGS 'CHANG BAS, ,LHA MO SGYU 'PHRUL MAL STENG GNAS MTHONG NAS, , LAG PA G-YAS PA'I SOR MOS PHYAG BYAS TE, ,MI YI BUD MED GZUGS LA LEGS LTOS 'DZER, ,BDAG CAG NGA RGYAL SEMS KYIS MNGON SEMS PA, ,LHA YI BU MO GZUGS MCHOG YID 'ONG SNYAM, ,RGYAL PO'I BTZUN MO 'DI YI GZUGS MTHONG NA, ,LHA YI LUS KYANG ZIL GYIS NON PAR MTHONG, ,'DI NI GANG ZAG MCHOG GI YUM 'GYUR DU, ,YON TAN LDAN PAS SHIN TU GSHA' ZHING 'OS, ,NOR BU RIN CHEN SNOD BZANG GNAS PA LTAR, ,LHA MO 'DI NI LHA YI LHA SNOD YIN, ,RKANG LAG MTHIL DANG SPYI BO MAN CHAD DU, ,YAN LAG @47B YID 'ONG LHA LAS LHAG PA STE, ,MIG GIS BLTA NA NGOMS PAR 'GYUR MA YIN, ,YID DANG SEMS NI PHYIR ZHING DGA' BAR 'GYUR, ,'DI YI KHA BZHIN LUS MDZES SDUG PA NI, ,NAM MKHA'I DKYIL NA ZLA BA MDZES PA 'DRA, ,NYI LTAR DRI MED ME LTAR 'BAR BA STE, ,'DI YI LUS LAS 'OD GSAL BZANG PO 'BYUNG, ,GSER SBRAM BTZOM BZANG PO'I GSER BZHIN DU, ,LHA MO 'DI YI KHA DOG RNAM PAR MDZES, ,'DI YI SKRA NI 'JAM GTZANG DRI ZHIM STE, ,BUNG BA MCHOG GI MDOG 'DRA LCANG LOR 'KHYIL, ,'DI YI MIG NI PAD-MA'I 'DAB MA 'DRA, ,RNAM DAG SO NI NAM MKHA'I SKAR MA BZHIN, ,RKED PA GZHU LTAR PHRA ZHING STA ZUR YANGS, ,PHRAG PA ZLUM ZHING TSIGS RNAMS MNGON PA MED, ,BRLA LEGS GLANG PO MCHOG GI SNA 'DRA STE, ,BYIN PA SHIN TU LEGS PA BYIN GYIS PHRA, ,RKANG LAG MTHIL MNYAM SHIN TU DMAR BA STE, ,'DI NI GZHAN MIN LHA YI BU MOR NGES, ,DE LTAR RNAM MANG DU MAR BLTAS BYAS NAS, ,ME TOG GTOR TE BSKOR BA BYAS ? NAS NI, ,GRAGS LDAN RGYAL BA'I YUM LA BSTOD BYAS TE, ,SKAD CIG GCIG GIS PHYIR YANG LHA GNAS DONG, ,DE NAS PHYOGS BZHI SKYONG BA BZHI PO DANG, ,'THAB BRAL RAB DANG BRGYA BYIN 'PHRUL BA DANG, ,LHA TSOGS LHA MIN GRUL BUM SRIN PO DANG, ,MI 'AM CI DANG LTO 'PHYE CHES SMRAS PA, ,SKYES BU MCHOG GI MDUN DU KHYED DENGS LA, ,SKYES BU DAM PA @48A *, ,DE LA SRUNG BA GYIS, ,'GRO BA DAG LA YID KYIS SNGANG MA BYED, ,MI RNAMS LA YANG GTZE BA MA BYED CIG ,LHA MO SGYU 'PHRUL KHYIM MCHOG GANG GNAS PA, ,DER NI MTHUN PAR 'KHOR DANG LHAN CIG KUN, ,MDA' GZHU RAL GRI MDUD THUNG MTSON THOGS LA, ,NAM MKHA'I DKYIL NA GNAS TE BLTA PAR GYIS, ,DE LTAR SHI 'PHO'I DUS SHES LHA'I BU RNAMS, ,ME TOG DE BZHIN BYUG PA THOGS NAS NI, ,SOR BCU THAL MO SBYAR TE 'DUD BYOS LA, ,DGA' BA'I SEMS KYIS SGYU 'PHRUL DRUNG DU DENGS, ,SMRA BA'I SENG-GE DUS NI DENG LEGS KYI, ,'JIG RTEN KUN LA THUGS RJE BRTZE BSKYED DE, ,MI DBANG SEMS CAN DAG PA 'CHI 'PHO STON, ,MCHOD SBYIN DON DU BDAG CAG GSOL BA 'DEBS, ,DGE SLONG DAG , DE NAS BYANG CHUB SEMS DPA' 'CHI 'PHO BA'I DUS KYI TSE SHAR PHYOGS NAS BYANG CHUB SEMS DPA' SKYE BA GCIG GIS THOGS PA, DGA' LDAN GYI GNAS DAM PA NA GNAS PA BRGYA STONG PHRAG MANG PO DAG BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE BZHIN DU PHYOGS BCU'I PHYOGS RE RE NAS KYANG BYANG CHUB SEMS DPA' SKYE BA GCIG GIS THOGS PA, DGA' LDAN GYI GNAS DAM PA NA GNAS PA BRGYA STONG PHRAG MANG PO DAG BYANG CHUB SEMS DPA' LA MCHOD PA BYA BA'I @48B PHYIR BYANG CHUB SEMS DPA' GA LA BA DER LHAGS SO, ,RGYAL CHEN BZHI'I RIS KYI LHA RNAMS KYI NANG NAS LHA'I BU MO 'BUM PHRAG BRGYAD CU RTZA BZHI SIL SNYAN DANG GLU DBYANGS SNA TSOGS LEN CING BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE BZHIN DU SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS KYI NANG NAS LHA'I BU MO 'BUM PHRAG BRGYAD CU RTZA BZHI SIL SNYAN DANG GLU DBYANGS SNA TSOGS LEN CING, BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE NAS BYANG CHUB SEMS DPA' KHANG PA BRTZEGS PA CHEN PO BSOD NAMS THAMS CAD KYIS YANG DAG PAR BYUNG BA DPAL GYI SNYING PO LHA RNAMS KYIS KUN NAS BLTA BA'I NANG DU 'DUG STE BYANG CHUB SEMS DPA' DE DAG DANG, LHA BYE BA KHRAG KHRIG BRGYA PHRAG STONG GIS YONGS SU BSKOR CING MDUN DU BDAR NAS DGA' LDAN GYI GNAS DAM PA NAS BSKYOD PAR BRTZAMS SO, ,DGE SLONG DAG ,DE LTAR BSKYOD PAR BRTZAMS PA'I TSE BYANG CHUB SEMS DPAS 'OD GANG GIS STONG GSUM GYI STONG CHEN PO'I 'JIG RTEN GYI KHAMS 'DI LTAR RGYA CHE ZHING YANGS LA THA GRU CHE BA 'DIR SNGON CHAD MA BYUNG BA'I 'OD SNANG BA LHA'I 'OD LAS @49A *, ,SHIN TU 'DAS PAS YONGS SU GSAL ZHING SNANG BAR GYUR TO, ,'JIG RTEN GYI BAR GANG SDIG PA SDIG PAS KHEBS NAS MUN PA MUN NAG SMAG TU GYUR PA, SNANG BA MED PA GANG DU NYI MA DANG ZLA BA 'DI GNYIS 'DI LTAR RDZU 'PHRUL CHE ZHING 'DI LTAR MTHU TSE LA 'DI LTAR DBANG CHE BAR GRAGS PAS KYANG 'OD DANG, KHA DOG DANG, GZI BRJID KYIS LAM MER MA GYUR, THAL LER MA GYUR, LHANG NGER MA GYUR PA DER SEMS CAN GANG DAG SKYES PA DE DAG RANG RANG GIS LAG PA BRKYANG PA'ANG MI MTHONG BA DE DAG TU'ANG DE'I TSE SNANG BA CHEN POS RGYAS PAR KHYAB PAR GYUR CING, DER SKYES PA'I SEMS CAN DE DAG SNANG BA DES KHYAB PAR GYUR NAS GCIG GIS GCIG MTHONG ZHING GCIG GIS GCIG SHES TE 'DI SKAD DU KYE GROGS PO DAG ,SEMS CAN GZHAN DAG KYANG 'DIR SKYES SO, ,KYE GROGS PO DAG ,SEMS CAN GZHAN DAG KYANG 'DIR SKYES SO ZHES ZER BAR GYUR PA DE LTA BU'I 'OD LUS LAS BKYE'O, ,STONG GSUM GYI STONG CHEN PO'I 'JIG RTEN GYI KHAMS 'DI'ANG RNAM PA DRUG DANG, LTAS CHEN PO BCO BRGYAD DU G-YOS, RAB TU G-YOS, KUN TU RAB TU G-YOS SO, ,'GUL, RAB TU 'GUL, KUN TU RAB TU 'GUL TO, ,LDEG ,RAB TU LDEG ,KUN TU RAB TU LDEG GO ,'KHRUGS, RAB TU 'KHRUGS, KUN TU @49B RAB TU 'KHRUGS SO, ,'UR 'UR, RAB TU 'UR 'UR, KUN TU RAB TU 'UR 'UR RO, ,CHEM CHEM, RAB TU CHEM CHEM, KUN TU RAB TU CHEM CHEM MO, ,MTHA' DMA' NA DBUS MTHO BAR GYUR TO; ;DBUS DMA' NA MTHA' MTHO BAR GYUR TO, ,SHAR PHYOGS DMA' NA NUB PHYOGS MTHO BAR GYUR TO, ,NUB PHYOGS DMA' NA SHAR PHYOGS MTHO BAR GYUR TO, ,LHO PHYOGS DMA' NA BYANG PHYOGS MTHO BAR GYUR TO, ,BYANG PHYOGS DMA' NA LHO PHYOGS MTHO BAR GYUR TO, ,DE'I TSE SGRA DGA' BAR 'GYUR BA, TSIM PAR 'GYUR BA, MGU BAR 'GYUR BA, DANG BAR 'GYUR BA, SIM PAR 'GYUR BA, MNYAN PAR 'OS PA, BSNGAGS PAR 'OS PA, MTSUNGS PA MED PA, MNYAN NA BTANG MI BRA BA, MI MTHUN PA MED PA, SDANG BAR 'GYUR BA MED PA DAG KYANG GRAG PAR GYUR TO, ,SKAD CIG DE LA SEMS CAN GANG LA'ANG GNOD PA'AM, 'JIGS PA'AM, SDANG BA'AM, BAG NON PA MED PAR GYUR TO, ,SKAD CIG DE LA NYI ZLA DANG, BRGYA BYIN DANG, TSANGS PA DANG, 'JIG RTEN SKYONG BA DAG GI 'OD KYANG MI SNANG BAR GYUR TO, ,SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DU SKYES PA'I SEMS CAN THAMS CAD KYANG SKAD CIG DE LA SDUG BSNGAL DANG BRAL ZHING BDE BA THAMS CAD DANG LDAN PAR GYUR TE, SEMS CAN GANG LA'ANG 'DOD CHAGS KYIS GNOD PAR MI 'GYUR, ZHE SDANG GIS @50A *, ,GNOD PAR MI 'GYUR, GTI MUG GIS GNOD PAR MI 'GYUR ZHING, PHRAG DOG GAM, SER SNA'AM, NGA RGYAL LAM, 'CHAB PA'AM, RGYAGS PA'AM, KHRO BA'AM, GNOD SEMS SAM, YONGS SU GDUNG BAS GNOD PAR 'GYUR BA MED PAR GYUR TE, SEMS CAN THAMS CAD KYANG SKAD CIG DE LA PHAN TSUN PHA MA TZAM DU SEMS PA'I 'DU SHES SU GYUR NAS BYAMS PA'I SEMS DANG, PHAN PA'I SEMS DANG LDAN PAR GYUR TO, ,LHA DANG MI'I ROL MO SIL SNYAN BYE BA KHRAG KHRIG BRGYA STONG DAG KYANG MA DKROL MA BLANGS PAR YID DU 'ONG BA'I SGRA 'BYIN PAR GYUR TO, ,LHA BYE BA KHRAG KHRIG BRGYA STONG DAG KYANG LAG PA DANG, PHRAG PA DANG, SPYI BOS GZHAL MED KHANG CHEN PO DE 'DEGS SHING KHYER BAR GYUR TO, , LHA'I BU MO BRGYA STONG DAG GIS KYANG RANG RANG GI GLU DBYANGS BLANGS TE MDUN DANG, RGYAB DANG, G-YAS G-YON DAG NAS BYANG CHUB SEMS DPA' LA GLU DBYANGS KYI SGRA SKAD KYIS MNGON PAR BSTOD PA, KHYOD KYIS SNGON CHAD DGE LAS BSAGS PA DANG, ,YUN RING DUS KYI DGE BAS BYUNG BA DANG, ,KHYOD KYIS CHOS RNAMS KUN GYI TSUL SBYANGS PAS, ,DE RING MCHOD PA RGYA CHEN BYUNG BAR GYUR, ,BSKAL PA BYE BA MANG POR KHYOD KYIS SNGON, ,SRAS MO SRAS SDUG SBYIN PA MDZAD PAS NA, ,LHA YI ME TOG CHAR DU BAB PA 'DI, ,SBYIN PA SPYAD PA DE YI 'BRAS @50B BU LAGS, ,GTZO BO KHYOD KYIS RANG GI SHA BCAD DE, ,SRANG LA BCAL NAS THUGS BYON BYA PHYIR BTANG, ,SBYIN PA DE SPYAD PA YI 'BRAS BU DES, ,YI DWAGS 'JIG RTEN RNAMS KYANG ZAS SKOM THOB; ;BSKAL PA BYE BA MANG POR KHYOD KYIS SNGON, ,TSUL KHRIMS MA ZHIG MA NYAMS BSRUNGS PAS NA, ,TSUL KHRIMS DE SPYAD PA YI 'BRAS BU DES, ,MI KHOM NGAN SONG YONGS SU DAG PAR GYUR, ,BSKAL PA BYE BA MANG POR KHYOD KYIS SNGON, ,BYANG CHUB BSGRUB PA'I GZHIR NI BZOD PA BSGOMS, ,BZOD PA DE SPYAD PA YI 'BRAS BU DE, ,LHA DANG MI KUN BYAMS PA'I SEMS SU GYUR, ,BSKAL PA BYE BA MANG POR KHYOD KYIS SNGON, ,BRTZON 'GRUS MA GOD DAM PA BSGOMS PAS NA, ,BRTZON 'GRUS DE SPYAD PA YI 'BRAS BU DES, ,SKU NI RI RAB BZHIN DU MDZES PAR GRUB, ,BSKAL PA BYE BA MANG POR KHYOD KYIS SNGON, ,NYON MONGS SBYANG SLAD BSAM GTAN BSGOMS MDZAD PAS, ,BSAM GTAN DE SPYAD PA YI 'BRAS BU DES, ,'GRO BA DAG LA NYON MONGS GNOD MI 'GYUR, ,BSKAL PA BYE BA MANG POR KHYOD KYIS SNGON, ,NYON MONGS GCOD PA'I SHES RAB BSGOMS MDZAD PA'I, ,SHES RAB DE SPYAD PA YI 'BRAS BU DES; ;'OD GSAL DAM PA RNAM PAR SNANG ZHING MDZES, ,BYAMS PA'I GO MNABS NYON MONGS 'JOMS MDZAD CING, ,SEMS CAN KUN LA THUGS RJE CHES BYUNG BA, ,DGYES PA @51A *, ,MCHOG BRNYES BTANG SNYOMS MCHOG LDAN PA, ,BDE GSHEGS TSANGS GYUR KHYOD LA PHYAG 'TSAL LO, ,SHES RAB SGRON MA'I 'OD DANG GZIS 'PHAGS SHING, , GTI MUG SKYON GYI MUN PA KUN SEL BA, ,'DREN PA STONG GSUM DAG NA MIG GYUR PA'I, ,THUB PA LAM STON KHYOD LA PHYAG 'TSAL LO, ,RDZU 'PHRUL RKANG PA MNGON SHES MCHOG LA MKHAS; ;BDEN PA GZIGS SHING DAM PA'I DON BSLAB PA, ,RGAL NAS SROG CHAGS GZHAN DAG SGROL MDZAD PA, ,BDE GSHEGS GROL GYUR KHYOD LA PHYAG 'TSAL LO, ,THABS DANG MNGON SHES DAM PA KUN LA MKHAS, ,'CHI 'PHO 'CHI 'PHO MED PA'I 'PHO BA STON, ,'JIG RTEN CHOS KYI RJES SU MTHUN MDZAD KYANG, ,'JIG RTEN GANG DU'ANG CHAGS PA KHYOD MI MNGA'; ;GANG DAG KHYOD NI NYAN TAM BLTAR LHAGS PA, ,DE DAG THOB PA DAM PA BSAM MI KHYAB, ,KHYOD LA CHOS NYID THOS TE GANG DAD CING, ,DGA' BA YANGS PA SKYES PA SMOS CI 'TSAL, ,DGA' LDAN GNAS RNAMS KUN NI MOG MOG GYUR, ,DZAM-BU'I GLING DU NYI MA MNGON DU SHAR, ,SROG CHAGS BYE BA KHRAG KHRIG BSAM MI KHYAB, ,NYON MONGS GNYID KYIS LOG LAS SAD PAR MDZAD, ,DENG NI PHO BRANG 'BYOR CING RGYAS GYUR LA, ,BYE BA KHRAG KHRIG LHA RNAMS LANG LONG GYUR, ,LHA YI BU MOS SIL SNYAN SGRA PHYUNG BAS, ,RGYAL PO'I @51B KHAB NA SGRA SNYAN GRAG PAR 'GYUR, ,BSOD NAMS GZI BRJID RDZOGS SHING LAS DGE BA, ,BUD MED GZUGS KYI MCHOG DANG LDAN GYUR PA, ,DE YI SRAS GYUR DE NI DE LTAR 'BYOR, ,DPAL GYIS 'JIG RTEN GSUM NI ZIL GYIS GNON, ,MI MCHOG 'BYUNG BA DE YI GZI BRJID KYIS, ,DE PHYI PHYIN CHAD PHO BRANG DAM PA 'DIR, ,LUS CAN RNAMS LA 'DOD SNGANG 'THAB RTZOD MED, ,KUN KYANG BYAMS PA'I SEMS KYIS SRI ZHUR BCAS, ,'KHOR LOS BSGYUR BA'I RIGS RGYAL BYUNG PAS NA, ,RGYAL PO'I RIGS NI RAB TU 'PHEL BAR 'GYUR, ,SER SKYA'I GRONG 'DI SHIN TU PHUN SUM TSOGS; ;RIN CHEN MDZOD KYIS RAB TU GANG BAR 'GYUR, ,GNOD SBYIN SRIN PO GRUL BUM GSANG BA PA, ,LHA DANG LHA MIN TSOGS RNAMS DBANG POR BCAN, ,MI MCHOG SRUNG BA GANG DAG GNAS PA RNAMS, ,DE DAG RING POR MI THOGS THAR PA 'THOB, ,GUS DANG SRI ZHU LA NI GNAS NAS SU, ,'DREN PA KHYOD BSTOD BSOD NAMS GANG BSAGS PA, ,KUN KYANG BYANG CHUB TU NI YONGS SU BSNGO, ,MI YI DAM PA KHYOD LTAR MYUR DU SHOG ,BSKYOD PAR BRTZAMS PA'I LE'U STE, LNGA PA'O,, ,,DGE SLONG DAG ,DE LTAR DGUN 'DAS TE DPYID KYI DUS LA DPYID ZLA THA CHUNG GI TSE SKAR MA SA GA LA BAB PA DUS KYI DAM PA LA SHING RNAMS KYI LO MA RGYAS SHING ME TOG MCHOG TU RGYAS NAS GRANG DRO DANG, MUN PA DANG, RDUL MED CING SA'I GZHI SNGO GZHON NU @52A *, ,SKYES PAS KHEBS PAR GNAS PA'I TSE 'JIG RTEN GSUM GYI GTZO BO 'JIG RTEN GYIS MCHOD PAS DUS LA BAB PA'I TSOD LA RNAM PAR GZIGS NAS TSES BCO LNGA'I ZLA BA NYA LA SKAR MA RGYAL GYI DUS SU YUM GSO SBYONG BLANGS PA'I RUM DU BYANG CHUB SEMS DPA' DGA' LDAN GYI GNAS DAM PA NAS 'PHOS TE DRAN ZHING SHES BZHIN DU GLANG PO'I PHRUG GU THAL DKAR MCHE BA DRUG DANG LDAN PA, MGO'I KHA DOG SRIN BU LHAM BU CHU GSHER GYI MDOG LTA BU, MCHE BA LA GSER 'TSIG PA, YAN LAG DANG NYING LAG THAMS CAD DANG LDAN PA, DBANG PO NYAMS PA MED PAR BYAS TE MA'I GLO G-YAS PA NAS ZHUGS SO, ,ZHUGS NAS KYANG GLO G-YAS PA LOGS SU BRTEN TE GNAS KYI, GLO G-YON PA LOGS SU NAM YANG MA BRTEN TO, ,LHA MO SGYU 'PHRUL MAL BDE BA NA NYAL PA DES KYANG RMI LAM 'DI LTA BU MTHONG NGO, ,GLANG PO KHA BA DNGUL MDOG MCHE BA DRUG ,RKANG LAG RAB MDZES MGO BO DMAR SDUG PA, ,'GROS BZANG LUS TSIGS RDO RJE BZHIN BRTAN PA, ,GLANG PO MCHOG CIG KHONG DU SONG SNYAM BYED, ,DES NI DE 'DRA'I BDE BA BRGYA LAM NA'ANG, ,MA MTHONG MA THOS MYONG BAR MA GYUR TE, ,LUS KYANG BDE ZHING SEMS KYANG BDER GYUR NAS, ,BSAM GTAN MNYAM PAR BZHAG PA BZHIN DU GYUR, ,DE NAS LHA MO SGYU 'PHRUL RGYAN DANG GOS @52B LHUG LHUG POR GYON CING THOGS PA LAS LUS DANG, SEMS BDE BAR GYUR TE, DGA' BA DANG, RANGS PA DANG, NYAMS BDE BA THOB NAS MAL DAM PA DE LAS LANGS TE BUD MED KYI TSOGS KYIS YONGS SU BSKOR CING MDUN DU BDAR NAS KHANG BZANG DE'I STENG NAS BABS TE, SHING MYA NGAN 'TSANG GI NAGS TSAL GA LA BA DER SONG NAS DE MYA NGAN 'TSANG GI NAGS TSAL DU BDE BAR 'DUG STE, RGYAL PO ZAS GTZANG MA'I DRUNG DU PHO NYA BTANG NAS RGYAL PO GSHEGS SU GSOL, LHA MOS KHYOD KYI ZHAL MTHONG BAR BZHED DO ZHES BYAS PA DANG, RGYAL PO ZAS GTZANG MAS TSIG DE THOS NAS RAB TU DGA' BAR GYUR TE LUS G-YOS NAS KHRI BZANG PO LAS LANGS TE BLON PO DANG, GRONG RDAL BA DANG, 'KHOR DANG, GNYEN PA'I SKYE BO DAG GIS YONGS SU BSKOR CING MDUN DU BDAR TE MYA NGAN 'TSANG GI NAGS TSAL GA LA BA DER SONG NGO, ,SONG NAS KYANG BDAG GI LUS SHIN TU LCI BA SNYAM BYED NAS MYA NGAN 'TSANG GI NAGS TSAL DU 'GRO MA NUS TE, DE MYA NGAN 'TSANG GI NAGS TSAL GYI SGOR 'DUG NAS CUNG ZAD CIG BSAM STE, DE'I TSE TSIGS SU BCAD PA 'DI SMRAS SO, ,BDAG NI G-YUL DU DPA' BA'I PHUL PHYIN PA; ;DENG LTAR LUS LCI BDAG GIS MYONG MI DRAN, ,BDAG GI KHYIM DU'ANG 'GRO BAR DENG MA NUS, ,KYE MA 'DI CI SU LA DRI BAR BYA, ,GNAS GTZANG MA'I RIS KYI LHA DAG NAM MKHA'I DKYIL @53A *, ,NA 'KHOD NAS LUS PHYED MNGON PAR SPRUL TE RGYAL PO ZAS GTZANG MA LA TSIGS SU BCAD DE SMRAS PA, DKA' THUB BRTUL ZHUGS YON TAN LDAN PA 'JIG RTEN GSUM GYIS MCHOD, ,BYAMS DANG SNYING RJE THOB PAS BSOD NAMS YE SHES DBANG BSKUR BA'I, ,BYANG CHUB SEMS DPA' CHE BA DGA' LDAN GNAS NAS 'PHOS GYUR TE, ,RGYAL PO KHYOD KYI SRAS GYUR LHA MO SGYU 'PHRUL MNGAL DU ZHUGS, ,DE TSE RANG GI MGO COG SOR BCU THAL MO SBYAR BYAS TE, ,RGYAL PO RIM GROR BYA BAR LDAN GYUR DE YI NANG DU ZHUGS, ,NGA RGYAL DREGS PA MED PAS LHA MO SGYU 'PHRUL NGOR BLTAS TE, ,NGAS NI KHYOD LA CI BYA CI SBYAR KHYOD KYIS NGA LA SMROS, ,LHA MOS SMRAS PA, KHA BA DNGUL GYI MDOG 'DRA NYI ZLA'I 'OD LAS 'PHAGS PA STE; ;RKANG LAG LEGS SHING RAB 'BYES MCHE BA DRUG LDAN CHE BA NYID, ,GLANG PO'I DAM PA RDO RJE BZHIN DU TSIGS BRTAN GZUGS BZANG BA, ,BDAG GI RUM DU ZHUGS KYI DE YI LO RGYUS GSAN PAR GSOL, ,STONG GSUM KHAMS 'DI MDZES PAR RAB RIB MA MCHIS BDAG GIS MTHONG, ,BDAG NI NYAL ZHING MCHIS NA LHA RNAMS BYE BAS RAB TU BSTOD,, 'ON KYANG BDAG LA KHRO ZHING 'TSIG DANG ZHE SDANG RMONGS MA MCHIS, ,ZHI BA'I SEMS SU GYUR CING BSAM GTAN BDE DANG LDAN SNYAM BGYID, ,BDAG GI RMI LAM 'DI NI RIGS LA @53B DGE 'AM DNGO 'AM CI, ,BDAG GI RMI LAM 'DI NI YANG DAG LDAN PAR LUNG STON PA, ,RIG BYED RMI LAM GZHUNG LA MKHAS SHING GZA' YI CHO GA MKHAN, ,RGYAL PO MYUR DU BRAM ZE 'DIR NI LEGS PAR DGUG TU GSOL, ,DE SKAD TSIG THOS RGYAL POS DE YI DUS KYI SKAD CIG LA, ,BRAM ZE RIG BYED BSTAN BCOS GZHUNG LA SHIN TU MKHAS PA GNYER, ,SGYU 'PHRUL BRAM ZE RNAMS KYI MDUN DU 'DUG NAS 'DI SKAD SMRAS, ,KHO MOS RMI LAM 'DI 'DRA MTHONG NA DE YI LO RGYUS GSON, ,BRAM ZE RNAMS KYIS SMRAS PA, LHA MO BKA' STZAL DU GSOL, KHYOD KYIS RMI LAM CI 'DRA BA ZHIG GZIGS, THOS NAS KYANG DPYAD PAR BGYI'O, ,LHA MOS SMRAS PA, KHA BA DNGUL GYI MDOG 'DRA NYI ZLA'I 'OD LAS 'PHAGS PA STE, ,RKANG LAG LEGS SHING RAB 'BYES MCHE BA DRUG LDAN CHE BA NYID, ,GLANG PO DAM PA RDO RJE BZHIN DU TSIGS BRTAN GZUGS BZANG BA, ,BDAG GI RUM DU ZHUGS PA DE YI LO RGYUS MNYAN PAR GYIS, ,DE SKAD TSIG THOS NAS NI BRAM ZE RNAMS KYIS 'DI SKAD SMRAS, ,RIGS LA DNGO BA MA MCHIS DGYES PA RGYA CHEN BRNYES PAR GYUR, ,KHYOD LA SRAS MNGA' MTSAN GYIS YAN LAG BRGYAN PA SKYE BAR 'GYUR, , RGYAL PO'I RIGS SU RIGS LDAN 'KHOR LOS BSGYUR BA CHE BA NYID, ,GAL TE 'DOD PA DAG DANG RGYAL SRID PHO BRANG SPANGS GYUR TE, ,'JIG RTEN KUN LA THUGS BRTZE CHAGS MED RAB TU BYUNG @54A *, ,GYUR NA; ;DE NI 'JIG RTEN GSUM NA SBYIN GNAS SANGS RGYAS 'GYUR BA STE, ,BDUD RTZI MCHOG GI RO YIS 'JIG RTEN THAMS CAD TSIM MDZAD 'GYUR, ,DE SKAD TSIG SNYAN LUNG BSTAN TE, ,RGYAL PO'I PHO BRANG ZAN ZOS NAS, ,BYA DGA' BYIN PA BLANGS NAS SU, ,BRAM ZE DE DAG PHYIR DONG NGO, ,DGE SLONG DAG ,DE LTAR RGYAL PO ZAS GTZANG MAS BRAM ZA MTSAN DANG LTAS SHES SHING RNAM PAR 'BYED PA DANG, RMI LAM GYI GZHUNG SHES PA DAG LAS DA SKAD KYI TSIG THOS NAS TSIM ZHING MGU STE YID RANGS LA RAB TU DGA' ZHING DGA' BA DANG, YID BDE BA SKYES NAS BRAM ZE DE DAG BZA' BA DANG, BTUNG BA DANG, MYANG BA MANG PO NYAMS SU BSOD PAS TSIM ZHING NGOMS PAR BYAS NAS BYA DGA' BYIN TE BKYE'O, ,DE NYID KYI TSE GRONG KHYER CHEN PO SER SKYA'I GNAS KYI GRONG KHYER CHEN PO DE'I SGO BZHI NA GRONG KHYER GYI BZHI MDO DANG, SUM MDO THAMS CAD DU SBYIN PA BYIN TE, JI TZAM DU BYANG CHUB SEMS DPA' LA MCHOD PA BYA BA'I PHYIR ZAS 'DOD PA RNAMS LA NI ZAS, SKOM 'DOD PA RNAMS LA NI SKOM, GOS 'DOD PA RNAMS LA NI GOS, BZHON PA 'DOD PA RNAMS LA NI, BZHON PA, SPOS 'DOD PA RNAMS LA NI SPOS; PHRENG BA 'DOD PA RNAMS LA NI PHRENG BA, BYUG PA 'DOD PA RNAMS LA NI BYUG PA, MAL CHA 'DOD PA RNAMS LA NI MAL CHA, GNAS 'DOD PA @54B RNAMS ? LA NI GNAS, 'TSO BA 'DOD PA RNAMS LA NI 'TSO BA BYIN NO, ,DGE SLONG DAG ,DE NAS RGYAL PO ZAS GTZANG MA 'DI SNYAM DU SEMS TE, LHA MO SGYU 'PHRUL 'DI KHYIM GANG NA 'DUG NA BDE ZHING NYON MONGS PA MED PAR 'DUG PAR 'GYUR SNYAM PA DANG, DE NAS SKAD CIG DE NYID LA RGYAL PO CHEN PO BZHI RGYAL PO ZAS GTZANG MA'I DRUNG DU 'ONGS TE 'DI SKAD CES SMRAS SO, ,LHA, THUGS LAS SU MA MDZAD PAR BTANG SNYOMS SU BDE BAR BZHUGS SHIG ,BDAG CAG GIS BYANG CHUB SEMS DPA'I PHO BRANG BSHAM MO, ,DE NAS LHA'I DBANG PO BRGYA BYIN RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,SKYONG BA'I GZHAL MED KHANG RNAMS NGAN, ,SUM CU RTZA GSUM PA YI BZANG, ,BYANG CHUB SEMS DPA'I PHO BRANG NI, ,RNAM PAR RGYAL TZAM BDAG GIS DBUL, ,DE NAS LHA'I BU RAB 'THAB BRAL RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,KHO BO'I KHANG KHYIM MTHONG GYUR NAS, ,BRGYA BYIN BYA BA NGO MTSAR GYUR, , 'THAB BRAL RAB KYI DPAL LDAN KHANG, ,RGYAL BA'I SRAS LA BDAG 'BUL LO, ,DE NAS LHA'I BU YONGS SU DGA' LDAN RGYAL BO ZAS GTZANG MA'I GAN DU 'ONGS TE 'DI SKAD CES SMRAS SO, , GRAGS PA CHE MNGA' SNGON CHAD NI, ,DGA' LDAN GANG DU BZHUGS GYUR PA, ,PHO BRANG DAM PA DGYES PA DE, ,RGYAL BA'I SRAS LA BDAG 'BUL LO, ,DE NAS LHA'I BU RAB 'PHRUL DGA' RGYAL PO @55A *, ,ZAS GTZANG MA'I GAN DU 'ONGS TE 'DI SKAD CES SMRAS SO, ,DPAL LDAN YID LAS GRUB PA'I KHANG, ,DE NI RIN CHEN RANG BZHIN TE, ,BYANG CHUB SEMS DPA' MCHOD DON DU, ,RGYAL PO BDAG GIS DBUL BAR BGYI, ,DE NAS LHA'I BU GZHAN 'PHRUL DBANG BYED RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,'DOD PA'I KHAMS GNAS JI SNYED PA, ,GZHAL MED KHANG MDZES GANG YOD PA, ,BDAG GI GZHAL MED KHANG DRUNG NA, ,'OD DANG MDOG KYANG STOR BAR SNANG, ,DE BAS DPAL LDAN BDAG GIS DBUL; ;BYANG CHUB SEMS DPA' MCHOD PA'I PHYIR, ,RIN CHEN RANG BZHIN PHO BRANG BZANG, ,DE NI RGYAL PO BLANG BAR GYIS, ,LHA YI ME TOG RAB BKANG STE, ,LHA YI SPOS KYI NGAD LDANG BA'I,, PHO BRANG YANGS PA BDAG GIS DBUL, ,DER NI LHA MO BZHUGS PAR GYIS, ,DGE SLONG DAG ,DE LTAR 'DOD PA NA SPYOD PA'I LHA'I DBANG PO THAMS CAD KYIS BYANG CHUB SEMS DPA' LA MCHOD PA'I PHYIR SER SKYA'I GNAS KYI GRONG KHYER CHEN PO DAM PA DER RANG RANG GI KHYIM PHUL BAR GYUR TO, ,RGYAL PO ZAS GTZANG MAS KYANG MI'I LAS NI 'DAS KYI, LHA YIR NI MA GYUR PA BSHAMS PAR GYUR TE, DE LA BYANG CHUB SEMS DPAS BKOD PA CHEN PO'I TING NGE 'DZIN GYI MTHUS KHYIM DE DAG THAMS CAD DU LHA MO SGYU 'PHRUL MNGON PAR BSTAN TO, ,BYANG @55B CHUB SEMS DPA' LHA MO SGYU 'PHRUL GYI RUM NA 'DUG PA'I TSE GLO G-YAS PHYOGS LOGS SU SKYIL MO KRUNG BCAS TE GNAS PAR GYUR TO, ,LHA'I DBANG PO DE DAG THAMS CAD KYANG SO SO NAS BDAG NYID KYI KHYIM NA BYANG CHUB SEMS DPA'I MA 'DUG GI ,GZHAN MA YIN NO ZHES DE LTAR SHES PAR GYUR TO, ,DE LA 'DI SKAD CES BYA STE, TING 'DZIN BKOD PA CHE LA GNAS GYUR TE; ;SPRUL PA BSAM GYIS MI KHYAB SPRUL BYAS NAS, ,LHA RNAMS THAMS CAD BSAM PA RDZOGS PAR BYAS, ,RGYAL PO'ANG DE LTAR YID BZHIN BSAM PA GRUB, ,DE NAS 'KHOR DE'I NANG NAS LHA'I BU KHA CIG 'DI SNYAM DU SEMS TE, RGYAL CHEN BZHI'I RIS KYI LHA GANG YIN PA DE DAG KYANG MI'I LUS KYI DRI BRO NA SKYO ZHING 'BYOL NA, DE MA YIN PA'I LHA GZHAN SUM CU RTZA GSUM MAM, 'THA' BRAL LAM, DGA' LDAN GYI LHA'I BU DAG LTA SMOS KYANG CI DGOS NA, JI LTAR BYANG CHUB SEMS DPA' GTZANG ZHING DRI NGA BA DANG BRAL BA, 'JIG RTEN THAMS CAD LAS MNGON PAR 'PHAGS PA, SEMS CAN RIN PO CHE DGA' LDAN GYI LHA'I RIS NAS 'PHOS TE YUM GYI LHUMS MI'I LUS DRI MI ZHIM PAR BZHUGS PAR GYUR SNYAM PA DANG, DE NAS SANGS RGYAS KYI MTHUS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI TZAM DU BUD MED KYI LUS NI SMAD PA LAGS PA DANG, @56A *, ,'DOD CHAGS LA SPYOD CES BGYI BA'I BAR DU DE BZHIN GSHEGS PAS GSUNGS PA NGO MTSAR CHE NA, BCOM LDAN 'DAS, DE BAS KYANG 'JIG RTEN THAMS CAD LAS MNGON PAR 'PHAGS PA, SNGON BYANG CHUB SEMS DPAR GYUR PA 'DI LTAR DGA' LDAN GYI LHA'I RIS NAS 'PHOS TE YUM GYI LHUMS MI'I LUS SU GLO G-YAS PHYOGS SU BRTEN TE BZHUGS SO, ,ZHES BGYI BA 'DI NI RAB TU'ANG NGO MTSAR CHE STE, BCOM LDAN 'DAS, SNGON BCOM LDAN 'DAS KYIS DE LTAR MDZAD DO ZHES DE SKAD DU SMRA BAR NI BDAG LA SPRO BA MA MCHIS SO, ,BCOM LDAN 'DAS KYIS BKA' STZAL PA, KUN DGA' BO, KHYOD BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA GANG BYANG CHUB SEMS ? DPA' MA'I RUM NA GNAS PA'I YONGS SU SPYAD PAR GYUR PA MTHONG BAR 'DOD DAM, GSOL PA, BCOM LDAN 'DAS, DE'I DUS NI DA LAGS SO, ,BDE BAR GSHEGS PA, DE'I DUS NI DA LAGS TE, DE BZHIN GSHEGS PAS BYANG CHUB SEMS DPA'I YONGS SU SPYAD PA DE BSTAN TE MTHONG NA GLO BA DGA'O, ,DE NAS BCOM LDAN 'DAS KYIS RNAM PA DE LTA BU'I MTSAN MA MDZAD DE, DES MI MJED KYI BDAG PO TSANGS PA TSANGS PA 'BUM PHRAG DRUG CU RTZA BRGYAD DANG LHAN CIG TSANGS PA'I 'JIG RTEN NAS MI SNANG BAR GYUR TE BCOM LDAN 'DAS @56B KYI SPYAN SNGAR PHYIN NAS DES BCOM LDAN 'DAS KYI ZHABS LA MGO BOS PHYAG 'TSAL TE, BCOM LDAN 'DAS LA LAN GSUM BSKOR BA BYAS NAS THAL MO SBYAR TE BCOM LDAN 'DAS LA 'DUD CING PHYOGS GCIG TU 'DUG GO ,DE NAS BCOM LDAN 'DAS KYIS MKHYEN BZHIN DU MI MJED KYI BDAG PO TSANGS PA LA BKA' STZAL PA, TSANGS PA, KHYOD KYIS SNGON NGA BYANG CHUB SEMS DPAR GYUR CING MA'I RUM NA ZLA BA BCUR 'DUG 'DUG PA'I BYANG CHUB SEMS DPA'I YONGS SU SPYAD PA BLANGS SAM, GSOL PA, BCOM LDAN 'DAS, DE DE LTA LAGS SO, ,BDE BAR GSHEGS PA; DE DE LAGS SO, ,BKA' STZAL PA, TSANGS PA, DA DE GA LA YOD STON CIG ,GSOL PA, BCOM LDAN 'DAS, DE NI TSANGS PA'I 'JIG RTEN NA MCHIS SO, ,BKA' STZAL PA, TSANGS PA, DE'I PHYIR ZLA BA BCU PA'I BYANG CHUB SEMS DPA'I YONGS SU SPYAD PA DE 'DIR KHYOD KYIS STON CIG DANG, JI TZAM DU 'DUS BYAS PA SHES PAR 'GYUR RO, ,DE NAS MI MJED KYI BDAG PO TSANGS PAS TSANGS PA DAG LA 'DI SKAD CES SMRAS SO, ,KHO BOS BYANG CHUB SEMS DPA'I YONGS SU SPYAD PA RIN PO CHE BKOD PA DE BLANG GI ,DE'I BAR DU KHYED 'KHOD CIG ,DE NAS MI MJED KYI BDAG PO TSANGS PA BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI SPYAN SNGA NAS MI SNANG BAR GYUR NAS SKAD CIG DE NYID LA TSANGS PA'I 'JIG RTEN DU PHYIN TO, ,DE @57A *, ,NAS MI MJED KYI BDAG PO TSANGS PAS LHA'I BU TSANGS PA BZANG PO LA 'DI SKAD CES SMRAS SO, ,GROGS PO, KHYOD SONG LA TSANGS PA'I 'JIG RTEN 'DI MAN CHAD SUM CU RTZA GSUM GYI GNAS YAN CHAD DU SGRA BSGRAGS TE BYANG CHUB SEMS DPA'I YONGS SU SPYAD PA RIN PO CHE BKOD PA BDAG CAG GIS DE BZHIN GSHEGS PA'I SPYAN SNGAR BKUR NA, KHYED KYI NANG NAS MTHONG BAR SU DGA' BA MYUR DU SHOG CIG CES SGRAS GO BAR GYIS SHIG ,DE NAS MI MJED KYI BDAG PO TSANGS PAS LHA BYE BA KHRAG KHRIG BRGYA STONG PHRAG BRGYAD CU RTZA BZHI DANG LHAN CIG TU BYANG CHUB SEMS DPA'I YONGS SU SPYAD PA RIN PO CHE BKOD PA BLANGS TE TSANGS PA'I GZHAL MED KHANG CHEN PO DPAG TSAD SUM BRGYA BA'I STENG DU BZHAG NAS LHA BYE BA KHRAG KHRIG BRGYA STONG DU MAS KUN NAS BSKOR TE DZAM-BU'I GLING DU PHAB BO, ,DE'I TSE BCOM LDAN 'DAS KYI ZHABS 'BRING DU 'DOD PA NA SPYOD PA'I LHA'I BU 'DUS PA CHEN POR GYUR TE; BYANG CHUB SEMS DPA'I YONGS SU SPYAD PA RIN PO CHE BKOD PA DE'ANG LHA'I GOS DANG, LHA'I PHRENG BA DANG, LHA'I SPOS DANG, LHA'I ME TOG DANG, LHA'I ROL MO'I DBYANGS SGRA DANG, LHA'I LONGS SPYOD RNAMS KYIS MNGON PAR 'DUS BYAS PAR GYUR CING LHA DBANG CHE BAR GRAGS PA DAG GIS YONGS SU BSKOR BAR GYUR PA NI 'DI TZAM STE, LHA'I DBANG PO BRGYA @57B BYIN RGYA MTSO CHEN PO'I DBUS SU 'DUG NAS RGYANG RING PO NAS GDONG THAL MOS BSKYABS TE MGO BYOL NAS BLTAS KYANG MTHONG BAR MI NUS SO, ,DE CI'I PHYIR ZHE NA, LHA'I NANG NA TSANGS PA DAG NI MTHU CHE BA STE, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA DAG KYANG DE DAG GI DRUNG NA DMA' BA YIN NA; LHA'I DBANG PO BRGYA BYIN LTA SMOS KYANG CI DGOS, DE NAS BCOM LDAN 'DAS KYIS DE'I TSE LHA'I ROL MO'I DBYANGS SGRA'I SGRA DE DAG ZHI PAR MDZAD DO, ,DE CI'I PHYIR ZHE NA, DE THOS PA TZAM GYIS DZAM-BU'I GLING GI MI RNAMS MYO MYO BOR 'GYUR DU 'ONG BA'I PHYIR RO, ,DE NAS RGYAL PO CHEN PO BZHI LHA'I DBANG PO BRGYA BYIN GYI DRUNG DU LHAGS NAS 'DI SKAD CES SMRAS SO, ,LHA'I DBANG PO, BYANG CHUB SEMS DPA'I YONGS SU SPYAD PA RIN PO CHE BKOD PA 'DI BDAG CAG GIS MTHONG BAR MI NUS NA, JI LTAR BGYI, DES DE DAG LA SMRAS PA, GROGS PO DAG ,KHO BOS KYANG JI LTAR BYA, KHO BO NYID KYIS KYANG MTHONG BAR MA NUS SO, ,GROGS PO DAG ,'ON KYANG DE NI NAM BCOM LDAN 'DAS KYI SPYAN SNGAR PHUL BA DE'I TSE MTHONG GRANG NGO, ,DE DAG GIS SMRAS PA; LHA'I DBANG PO, DE BAS NA, CI NAS KYANG MYUR DU MTHONG BAR 'GYUR BA DE LTAR MDZAD DU GSOL, SMRAS PA, GROGS PO DAG ,LHA'I BU MNGON PAR 'PHAGS PA MNGON PAR 'PHAGS @58A *, ,PA DE DAG BCOM LDAN 'DAS KYI SPYAN SNGAR PHYIN TE DGA' BAR BYA BA'I TSIG BRJOD PAR GYUR GYI BAR DU SDOD CIG ,DE NAS DE DAG PHYOGS GCIG TU 'KHOD DE MGO BYOL NAS BCOM LDAN 'DAS LOGS SU LTA ZHING 'KHOD PAR GYUR TO, ,DE NAS MI MJED KYI BDAG PO TSANGS PA LHA BYE BA KHRAG KHRIG BRGYA STONG PHRAG BRGYAD CU RTZA BZHI PO DE DAG DANG LHAN CIG TU BYANG CHUB SEMS DPA'I YONGS SU SPYAD PAR BYA BA RIN PO CHE BKOD PA DE KHYER TE, DE BZHIN GSHEGS PA GA LA BA DER PHUL LO, ,BYANG CHUB SEMS DPA'I YONGS SU SPYAD PA RIN PO CHE BKOD PA DE NI GZUGS BZANG BA, MDZES PA, BLTA NA SDUG PA, GRU BZHI LHAM PA, KA BA BZHI ZUG PA, STENG KHANG PA BRTZEGS PAS LEGS PAR BRGYAN PA STE; DE'I TSAD NI 'PHANG DU 'DI LTA STE, DPER NA, BYIS PA BTZAS NAS ZLA BA DRUG LON PA TZAM MO, ,KHANG PA BRTZEGS PA DE'I NANG DU KHRI BSHAMS PA NI 'DI LTA STE, DPER NA, BYIS PA BTZAS NAS ZLA BA DRUG LON PA 'DUG PA'I STEGS BU TZAM MO, ,BYANG CHUB SEMS DPA'I YONGS SU SPYAD PAR BYA BA RIN PO CHE BKOD PA DE'I KHA DOG DANG, DBYIBS NI 'DI LTA BU STE; LHA DANG BCAS PA'I 'JIG RTEN NA DE'I DBYIBS DANG KHA DOG 'DRA BA GANG YANG MED DO, ,LHA RNAMS KYIS DE MTHONG NA'ANG MIG 'KHRUGS SHING NGO MTSAR DU 'GYUR RO, ,DE DE @58B BZHIN GSHEGS PA'I SPYAN SNGAR BZHAG NA LHAM ME, LHAN NE, LHANG NGE STE, DPER NA, MGAR BA MKHAS PAS SHIN TU BZHUS TE LEGS PAR SBYANGS NAS DRI MA'I SKYON MED PAR BYAS PA'I GSER BZHIN DU KHANG PA BRTZEGS PA DE RNAM PAR MDZES SO, ,BYANG CHUB SEMS DPA'I YONGS SU SPYAD PA DE'I NANG DU KHRI BSHAMS PA NI BYANG CHUB SEMS DPA'I DUNG MGRIN MA GTOGS PA LHA DANG BCAS PA'I 'JIG RTEN NA DE'I DBYIBS DANG, KHA DOG 'DRA BA GANG YANG MED DO, ,TSANGS PA CHEN POS GOS BGOS PA DE'ANG BYANG CHUB SEMS DPA'I KHRI DE'I DRUNG NA MDZES PAR MI SNANG STE; 'DI LTA STE, DPER NA, RLUNG DANG, CHAR GYIS BTAB PA'I LWA BA NAG PO BZHIN NO, ,KHANG PA BRTZEGS PA DE NI TZAN-DAN SBRUL GYI SNYING PO LAS BYAS PA STE, DE'I PHYE MA ZHO GCIG LA'ANG STONG GI 'JIG RTEN GYI KHAMS KYIS RIN DU MI CHOG GO ,KHANG PA BRTZEGS PA DE NI TZAN-DAN SBRUL GYI SNYING PO DE LTA BUS KUN NAS BSKOR BA STE, KHANG PA BRTZEGS PA DE DANG 'DRA BA GNYIS PA ZHIG KYANG KHANG PA BRTZEGS PA DANG PO DE'I NANG NA MA CHAGS MA REG PAR 'DUG GO ,KHANG PA BRTZEGS PA DE KHO NA DANG 'DRA BA GSUM PA ZHIG KYANG KHANG PA BRTZEGS PA GNYIS PA DE'I NANG NA MA REG MA CHAGS PAR 'DUG GO ,SPOS KYI KHANG PA BRTZEGS PA GSUM PA DE'I NANG DU KHRI DE BZHAG STE GDAN BTING NGO, ,TZAN-DAN SBRUL GYI SNYING PO DE'I KHA DOG NI RNAM PA @59A *, ,'DI LTA BU STE, DPER NA, BEE d'U-RYA SNGON PO RIGS DAM PA DANG LDAN PA BZHIN NO, ,SPOS KYI KHANG PA BRTZEGS PA DE'I 'KHOR NA ME TOG LHA'I LAS 'DAS PA GANG JI SNYED CIG YOD PA DE DAG THAMS CAD KYANG MA BSKYED PAR BYANG CHUB SEMS DPA'I SNGON GYI DGE BA'I RTZA BA'I RNAM PAR SMIN PAS KHANG PA BRTZEGS PA DER SKYE'O, ,BYANG CHUB SEMS DPA'I YONGS SU SPYAD PA RIN PO CHE BKOD PA DE NI RDO RJE'I RANG BZHIN TE, SRA ZHING BRTAN LA MI SHIGS PA STE, KA TZA LIN-DA'I GOS LTAR REG NA BDE BA'O, ,'DOD PA NA SPYOD PA'I LHA RNAMS KYI GNAS BKOD PA GANG JI SNYED YOD PA DE DAG THAMS CAD KYANG BYANG CHUB SEMS DPA'I YONGS SU SPYAD PA RIN PO CHE BKOD PA DER KUN TU SNANG NGO, ,GANG GI NUB MO BYANG CHUB SEMS DPA' MA'I RUM DU 'JUG PA DE'I NUB MO 'OG GI CHU'I PHUNG PO NAS BZUNG STE SA CHEN PO'I RNGAMS DPAG TSAD 'BUM PHRAG DRUG CU RTZA BRGYAD BRTOL TE PAD-MA BYUNG BAS TSANGS PA'I 'JIG RTEN GYI BAR DU MNGON PAR 'PHAGS SO, ,PAD-MA DE NI KHA LO SGYUR BA SKYES BU'I DAM PA DANG, TSANGS PA CHEN PO BRGYA PHRAG BCU'I STOBS LA DBANG BAS MTHONG DU ZAD KYI, GZHAN SUS KYANG MTHONG BA MED DO, ,STONG GSUM GYI STONG CHEN PO'I 'JIG RTEN GYI KHAMS 'DI NA NYING KHU DANG, SNYING PO DANG, BCUD JI SNYED YOD PA DE DAG THAMS CAD PAD-MA CHEN PO DE LA ZIL DNGAR GYI @59B THIGS PAR CHAGS TE 'DUG NAS DE TSANGS PA CHEN POS BEE d'U-RYA'I SNOD BZANG POS BLANGS SHING BYANG CHUB SEMS DPA' LA PHUL NAS BYANG CHUB SEMS DPAS KYANG DE BLANGS TE TSANGS PA CHEN PO LA SNYING BRTZE BA'I PHYIR 'THUNGS PAR GYUR TO, ,NYING KHU'I THIGS PA DE 'THUNGS NA BYANG CHUB SEMS DPA' SRID PA THA MA PA BYANG CHUB SEMS DPA'I SA THAMS CAD YONGS SU RDZOGS PA MA GTOGS PAR DE YANG DAG PAR BDE BAR ZHU NUS PA SEMS CAN GYI KHAMS NA SEMS CAN DE LTA BU DE GANG YANG MED DO, ,LAS GANG GI RNAM PAR SMIN PAS SNYING KHU'I THIGS PA DE LTA BU BYANG CHUB SEMS DPA' LA YOD PAR GYUR CE NA, BYANG CHUB SEMS DPAS SNGON YUN RING POR BYANG CHUB SEMS DPA'I SPYOD PA SPYAD PA'I TSE SEMS CAN NAD PA DAG LA SMAN BYIN PA DANG, SEMS CAN BSAM PA LA BRTEN PA RNAMS KYI BSAM PA YONGS SU BSKANG BA DANG, SKYABS SU 'ONGS PA RNAMS YONGS SU MA BTANG BA DANG, RTAG PAR ME TOG GI PHUD DANG, 'BRAS BU'I PHUD DANG, RO'I PHUD DE BZHIN GSHEGS PA RNAMS DANG, DE BZHIN GSHEGS PA'I MCHOD RTEN RNAMS DANG, DE BZHIN GSHEGS PA'I NYAN THOS KYI DGE 'DUN RNAMS DANG, PHA DANG MA LA PHUL ZHING PHYIS BDAG NYID YONGS SU SPYOD SPYOD PAS LAS DE'I RNAM PAR SMIN PAS TSANGS PA CHEN PO ZIL DNGAR GYI THIGS PA DE BYANG CHUB SEMS DPA' LA 'BUL LO, ,KHANG PA @60A *, ,BRTZEGS PA DER GNAS KYI KHYAD PAR DGA' BA DANG, RTZED MO DANG, PHRENG BA BRGYUS PA DANG LDAN PA 'PHAGS PA 'PHAGS PA JI SNYED CIG YOD PA DE DAG THAMS CAD KYANG BYANG CHUB SEMS DPA'I SNGON GYI LAS KYI RNAM PAR SMIN PAS DER BYUNG BAR SNANG NGO, ,BYANG CHUB SEMS DPA'I YONGS SU SPYAD PA RIN PO CHE BKOD PA DER GOS STONG PHRAG BRGYA'I RGYAN CES BYA BA PHRUGS SHIG BYUNG STE, DE'I BYUNG BA NI BYANG CHUB SEMS DPA' SRID PA THA MA PA MA GTOGS PAR SEMS CAN GYI RIS NA SEMS CAN DE LTA BU DE GANG YANG MED DO; ;GZUGS DANG, SGRA DANG, DRI DANG, RO DANG, REG MCHOG TU BYA BA DAM PA GANG JI SNYED CIG YOD PA DE DAG THAMS CAD KYANG KHANG PA BRTZEGS PA DE NA MED PA GANG YANG MED DO,, 'PHAGS PA RGYA CHER ROL PA ZHES BYA BA'I MDO, BAM PO BZHI PA, YONGS SU SPYAD PAR BYA BA KHANG PA BRTZEGS PA DE NI 'DI LTAR PHYI NANG SHIN TU GRUB PA, 'DI LTAR SHIN TU YONGS SU RDZOGS PA STE, 'DI LTA STE, DPER NA, YUL KA LING-KA NAS BYUNG BA'I DAR LTAR REG NA BDE BA'O, ,DE'ANG 'OL SPYIR BSTAN PAR ZAD KYI, DE LA DPE MED DO, ,BYANG CHUB SEMS DPA'I SNGON GYI SMON LAM GYIS 'DI NI BSAM PAS 'GRUB STE, GDON MI ZA BAR BYANG CHUB SEMS DPA' SEMS DPA' CHEN PO MI'I 'JIG RTEN DU SKYE BA DANG, MNGON PAR BYUNG NAS BLA @60B NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE CHOS KYI 'KHOR LO BSKOR BA DANG, MA GANG GI RUM DU SKYE BAR 'GYUR BA DE'I RUM G-YAS PAR KHANG PA BRTZEGS PA RIN PO CHE BKOD PA DAM PA SNGAR MNGON PAR 'GRUB CING, PHYIS BYANG CHUB SEMS DPA' DGA' LDAN NAS 'PHOS TE KHANG PA BRTZEGS PA DER SKYIL KRUNG BCAS NAS 'DUG PAR 'BYUNG BA DANG, BYANG CHUB SEMS DPA' SRID PA THA MA PA'I LUS NUR NUR PO DANG, MER MER PO DANG, LTAR LTAR PO DANG, RENG RENG POR 'GYUR BA MED CING, YAN LAG DANG, NYING LAG DANG, MTSAN THAMS CAD PHUN SUM TSOGS PAR 'DUG BZHIN DU 'BYUNG LA, LHA MO SGYU 'PHRUL GYI RMI LAM DU GLANG PO CHEN PO 'ONGS PAR MTHONG BA 'DI NI CHOS NYID DO, ,DE DE LTAR 'DUG PA LA LHA'I DBANG PO BRGYA BYIN DANG, RGYAL PO CHEN PO BZHI DANG, GNOD SBYIN GYI SDE DPON CHEN PO NYI SHU RTZA BRGYAD DANG, GANG LAS LAG NA RDO RJE SKYES PA'I GNOD SBYIN GYI RIGS GSANG BA BZHES ? BYA BA DE DAG BYANG CHUB SEMS DPA' MA'I RUM DU ZHUGS PAR SHES NAS RTAG TU RGYUN MI 'CHAD PAR PHYI BZHIN 'BRANG BAR GYUR TO, ,BYANG CHUB SEMS DPA' LA RIM GRO BYED PA'I LHA MO BZHI YOD DE, AU KHU LI ZHES BYA BA DANG, MU KHU LI ZHES BYA BA DANG, RGYAL MTSAN LDAN PA ZHES BYA BA DANG, 'OD DANG LDAN PA ZHES BYA BA STE, BZHI PO DE DAG KYANG BYANG CHUB SEMS @61A *, ,DPA' MA'I RUM DU ZHUGS PAR SHES NAS RTAG TU RGYUN MI 'CHAD PAR SRUNG NGO, ,LHA'I DBANG PO BRGYA BYIN YANG LHA'I BU LNGA BRGYA TZAM DANG LHAN CIG BYANG CHUB SEMS DPA' MA'I RUM DU ZHUGS PA SHES NAS RTAG TU RGYUN MI 'CHAD PAR PHYI BZHIN 'BRANG BAR GYUR TO, ,BYANG CHUB SEMS DPA' MA'I RUM DU ZHUGS PA'I LUS NI RNAM PA 'DI LTA BUR GYUR TE; DPER NA, MTSAN MO MUN PA SHIN TU GNAG PA'I NANG NA RI'I SPO LA ME'I PHUNG PO CHEN PO 'DUG PA NI DPAG TSAD GCIG NAS KYANG SNANG NGO, ,DPAG TSAD LNGA'I BAR NAS KYANG SNANG NGO, ,DE BZHIN DU BYANG CHUB SEMS DPA' MA'I RUM DU ZHUGS PA'I LUS MNGON PAR GRUB PA'ANG DE LTA BUR GYUR TE, 'OD GSAL ZHING GZUGS BZANG LA MDZES SHING BLTA NA SDUG PAR GYUR PA DE, KHANG PA BRTZEGS PA DE'I NANG DU SKYIL MO KRUNG DU 'DUG NA GSER GYI ?SA LE SBRAM RIGS DANG LDAN PA RIN PO CHE BEE d'U-RYAS BRGYAN PA LTAR SHIN TU MDZES PAR GYUR TO, ,BYANG CHUB SEMS DPA'I MAS KYANG BYANG CHUB SEMS DPA' RUM NA 'DUG PA MTHONG BAR GYUR TO, ,'DI LTA STE, DPER NA, SPRIN GYI TSOGS CHEN PO'I NANG NAS GLOG BYUNG BA NI SNANG BA CHEN ?PO BSKYED DO, ,DE BZHIN DU BYANG CHUB SEMS DPA' MA'I RUM NA 'DUG PA'ANG DPAL DANG, GZI BRJID DANG, KHA DOG GIS RIN PO CHE'I KHANG PA BRTZEGS PA @61B DANG PO DE SNANG BAR BYED DO, ,SNANG BAR BYAS NAS SPOS KYI KHANG PA BRTZEGS PA GNYIS PA SNANG BAR BYED DO, ,SPOS KYI KHANG PA BRTZEGS PA GNYIS PA SNANG BAR BYAS NAS SPOS KYI KHANG BA BRTZEGS PA GSUM PA SNANG BAR BYED DO, ,SPOS KYI KHANG PA BRTZEGS PA GSUM PA SNANG BAR BYAS NAS MA'I LUS THAMS CAD SNANG BAR BYED DO, ,DE SNANG BAR BYAS NAS DE STAN GANG LA 'DUG PA DE SNANG BAR BYED DO, ,DE SNANG BAR BYAS NAS KHYIM THAMS CAD SNANG BAR BYED DO, ,KHYIM THAMS CAD SNANG BAR BYAS NAS 'OD 'PHRO BA KHYIM GYI STENG DU BYUNG STE SHAR PHYOGS SNANG BAR BYED DO, ,DE BZHIN DU LHO PHYOGS DANG, NUB PHYOGS DANG, BYANG PHYOGS DANG, 'OG DANG, STENG DANG, PHYOGS BCU KUN TU RGYANG GRAGS TZAM DU PHYOGS RE RER YANG BYANG CHUB SEMS DPA' MA'I RUM NA 'DUG PA'I DPAL DANG, GZI BRJID DANG, KHA DOG GIS SNANG BAR BYAS PAR GYUR TO, ,DGE SLONG DAG ,DE LTAR BYANG CHUB SEMS DPA' DE BLTA BA DANG, DE LA PHYAG BYA BA DANG, BSNYEN BKUR BYA BA DANG, CHOS MNYAN PA'I PHYIR RGYAL PO CHEN PO BZHI DANG, GNOD SBYIN GYI SDE DPON CHEN PO NYI SHU RTZA BRGYAD GNOD SBYIN LNGA BRGYA TZAM DAG DANG LHAN CIG TU SNGA DRO'I DUS KYI TSE 'ONGS TE, DE'I TSE BYANG CHUB SEMS DPAS DE DAG 'ONGS PAR RIG NAS LAG PA G-YAS PA BRKYANG STE MDZUB MO BSGRENGS NAS STAN STON TO, ,'JIG RTEN SKYONG @62A *, ,PA LA SOGS PA DE DAG KYANG JI LTAR BTING BA'I STAN LA 'KHOD PAR GYUR TE, DE DAG GIS BYANG CHUB SEMS DPA' MA'I RUM NA 'DUG BZHIN DU SKYES ZIN PA'I GZUGS DANG 'DRA BAR LAG PA BSKYOD CING 'DEG LA, RNAM PAR BSKYOD CING GZHOG PA MTHONG NAS DE DAG DGA' MGU ZHING NYAMS BDE BA THOB STE BYANG CHUB SEMS DPA' LA PHYAG 'TSAL BAR GYUR TO, ,BYANG CHUB SEMS DPAS KYANG DE DAG DE LTAR 'KHOD PA MTHONG NAS CHOS KYI GTAM GYIS YANG DAG PAR STON, YANG DAG PAR 'DZIN DU 'JUG ,YANG DAG PAR GZENGS BSTOD, YANG DAG PAR DGA' BAR BYED DO, ,GANG GI TSE DE DAG 'DONG BAR 'DOD PAR GYUR PA DE'I TSE'ANG BYANG CHUB SEMS DPAS DE DAG GI SEMS SEMS KYIS RNAM PAR SHES NAS LAG PA G-YAS PA BRKYANGS TE, DE DAG 'DONG BA'I BRDA STON TO, ,DE LTAR LAG PA BRKYANGS TE 'DONG BA'I BRDA BSTAN NAS PHYIR BSKUM PAR BYED DE, MAL GNOD PA MED DO, ,DE'I TSE RGYAL PO CHEN PO BZHI DAG KYANG 'DI SNYAM DU BDAG CAG NI BYANG CHUB SEMS DPAS KYANG 'DONG BAR GNANG NGO SNYAM SEMS SHING, DE DAG BYANG CHUB SEMS DPA' DANG, BYANG CHUB SEMS DPA'I MA LA LAN GSUM BSKOR BA BYAS NAS DONG BAR GYUR TO, ,DE LTAR BYANG CHUB SEMS DPA' NUB MO MI NYAL NAS LAG PA G-YAS PA BRKYANG @62B ZHING BRKYANGS NAS KYANG BSKUM PA DANG, BSKUMS NAS KYANG DRAN ZHING SHES BZHIN DU LAG BA DE 'JOG PA'I RGYU NI DE YIN NO, ,RKYEN NI DE YIN NO, ,GZHAN YANG GANG GI TSE SKYES PA'AM, BUD MED DAM, KHYE'U 'AM, BU MO SU'ANG RUNG STE, BYANG CHUB SEMS DPA' BLTA BA'I PHYIR 'ONGS PA DE'I TSE THOG MAR NI BYANG CHUB SEMS DPA' DGA' BAR BYA BA SMRA'O, ,DE'I 'OG TU BYANG CHUB SEMS DPA'I MA DGA' BAR BYA BA SMRA'O, ,DGE SLONG DAG ,DE LTAR BYANG CHUB SEMS DPA' MA'I RUM NA 'DUG PA'I TSE SNGAR DGA' BAR BYA BA SMRA BA LA MKHAS PAR GYUR TE, LHA'AM, KLU'AM, GNOD SBYIN NAM, MI'AM, MI MA YIN PA SU'ANG RUNG BYANG CHUB SEMS DPA' LA SNGON DU DGA' BAR BYA BA'I TSIG SMRA BAR NUS PA MED DO, ,BYANG CHUB SEMS DPA' NYID THOG MAR DGA' BAR BYA BA SMRA ZHING DE'I 'OG TU BYANG CHUB SEMS DPA'I MA DGA' BAR BYA BA SMRA'O, ,DE NAS SNGA DRO'I DUS ZAD DE NYI MA GUNG LA BABS NAS LHA'I DBANG PO BRGYA BYIN DANG, SUM CU RTZA GSUM PA'I LHA'I BU MNGON PAR 'PHAGS PA, MNGON PAR 'PHAGS PA DAG BYANG CHUB SEMS DPA' BLTA BA DANG, DE LA BSNYEN BKUR BYA BA DANG, CHOS MNYAN PA'I PHYIR 'ONG BA DANG, BYANG CHUB SEMS DPAS DE DAG RGYANG RING PO NAS 'ONG BA MTHONG NAS GSER GYI MDOG TU 'DUG PA'I LAG PA G-YAS PA BRKYANGS TE LHA'I DBANG PO BRGYA BYIN DANG, SUM CU RTZA GSUM PA'I LHA DAG @63A *, ,DGA' BAR BYED CING MDZUB MO BRKYANGS TE STAN STON TO, ,DGE SLONG DAG ,DE'I TSE'ANG LHA'I DBANG PO BRGYA BYIN GYIS BYANG CHUB SEMS DPA' LA PHYIR BZLOG MA NUS NAS JI LTAR BTING BA'I STAN DE DAG LA LHA'I DBANG PO BRGYA BYIN DANG, DE MA YIN PA'I LHA'I BU GZHAN DAG KYANG 'KHOD PAR GYUR TO, ,BYANG CHUB SEMS DPAS DE LTAR 'KHOD PAR RIG NAS CHOS KYI GTAM GYIS YANG DAG PAR STON, YANG DAG PAR 'DZIN DU 'JUG ,YANG DAG PAR GZENGS BSTOD, YANG DAG PAR DGA' BAR BYED DO, ,BYANG CHUB SEMS DPAS LAG PA GANG DU BRKYANGS PA DE LOGS SU BYANG CHUB SEMS DPA'I MA'ANG LTA BAR GYUR TO, ,DES NA LHA DE DAG KYANG 'DI SNYAM DU BDAG CAG NI BYANG CHUB SEMS DPA' DANG DGA' BAR BYA BA SMRA'O SNYAM MO, ,DE DAG RE RE ZHING YANG 'DI SNYAM DU BYANG CHUB SEMS DPA' NI BDAG 'BA' ZHIG LA SMRA STE, BDAG 'BA' ZHIG LA DGA' BAR BYA BA SMRA'O SNYAM MO, ,KHANG PA BRTZEGS PA DER LHA'I DBANG PO BRGYA BYIN DANG, SUM CU RTZA GSUM PA'I LHA DE DAG GI GZUGS BRNYAN SNANG BAR GYUR TO, ,JI LTAR BYANG CHUB SEMS DPA' MA'I RUM NA GNAS PA'I LONGS SPYOD YONGS SU DAG PAR GYUR PA DE LTA BU NI GZHAN DAG NA MED DO, ,DGE SLONG DAG ,GANG GI TSE LHA'I DBANG PO BRGYA BYIN DANG, DE MA YIN PA'I LHA'I BU GZHAN DAG 'DONG @63B PAR 'DOD PAR GYUR PA DE'I TSE'ANG BYANG CHUB SEMS DPAS DE DAG GI SEMS KYI RTOG PA SEMS KYIS YONGS SU SHES NAS LAG PA G-YAS PA BRKYANGS TE DE DAG 'DONG PA'I BRDA STON TO; ;BRNGA BSTAN NAS PHYIR BSKUM PA BYAS TE DRAN ZHING SHES BZHIN DU LAG PA BZHAG KYANG MA LA GNOD PA MED DO, ,DE'I TSE LHA'I DBANG PO BRGYA BYIN DANG, DE MA YIN PA'I LHA'I BU SUM CU RTZA GSUM PA DAG KYANG 'DI SNYAM DU BDAG CAG NI BYANG CHUB SEMS DPAS KYANG 'DONG BAR GNANG NGO SNYAM DU SEMS SHING, DE DAG KYANG BYANG CHUB SEMS DPA' DANG, BYANG CHUB SEMS DPA'I MA LA LAN GSUM BSKOR BA BYAS NAS DONG BAR GYUR TO, ,DGE SLONG DAG ,NYI MA PHYED KYI DUS 'DAS NAS PHYI DRO'I DUS LA BABS PA DANG, MI MJED KYI BDAG PO TSANGS PA LHA'I BU BRGYA STONG DU MAS YONGS SU BSKOR CING MDUN DU BDAR TE LHA YUL PA'I SNYING KHU'I THIGS PA DE KHYER NAS BYANG CHUB SEMS DPA' GA LA BA DER BYANG CHUB SEMS DPA' DE BLTA BA DANG, DE LA PHYAG BYA BA DANG, BSNYEN BKUR BYA BA DANG, CHOS MNYAN PA'I PHYIR 'ONG BAR GYUR TO, ,DGE SLONG DAG ,BYANG CHUB SEMS DPAS MI MJED KYI BDAG PO TSANGS PA 'KHOR DANG BCAS TE 'ONGS PAR SHES NAS BYANG CHUB SEMS DPAS YANG GSER GYI MDOG TU 'DUG PA'I LAG PA G-YAS PA BRKYANGS TE MI MJED KYI BDAG PO TSANGS PA DANG, TSANGS RIS KYI LHA'I BU DE DAG @64A *, ,LA DGA' BAR BYA BA SMRAS TE MDZUB MO BRKYANGS NAS STAN STON TO, ,DGE SLONG DAG ,MI MJED KYI BDAG PO TSANGS PA DES KYANG BYANG CHUB SEMS DPA'I BKA' LAS BZLOG PAR MA NUS NAS JI LTAR BTING BA'I STAN DE DAG LA MI MJED KYI BDAG PO TSANGS PA DANG, TSANGS RIS KYI LHA'I BU GZHAN DAG KYANG 'KHOD PAR GYUR TO, ,BYANG CHUB SEMS DPAS DE LTAR 'KHOD PAR RIG NAS CHOS KYI GTAM GYIS YANG DAG PAR STON, YANG DAG PAR 'DZIN DU 'JUG ,YANG DAG PAR GZENGS BSTOD, YANG DAG PAR DGA' BAR BYED DO, ,BYANG CHUB SEMS DPAS LAG PA GANG DU BRKYANGS PA DE LOGS SU LHA MO SGYU 'PHRUL YANG LTA BAR GYUR TO, ,DE LTAR NA LHA DE DAG KYANG BDAG CAG NI BYANG CHUB SEMS DPA' DANG DGA' BAR BYA BA'I GTAM BYED DO SNYAM STE, LHA'I BU DE DAG RE RE ZHING YANG 'DI SNYAM DU BYANG CHUB SEMS DPA' NI BDAG 'BA' ZHIG LA SMRAS TE, BDAG 'BA' ZHIG LA DGA' BA'I GTAM BYED DO SNYAM MO, ,DGE SLONG DAG ,GANG GI TSE MI MJED KYI BDAG PO TSANGS PA DANG, TSANGS RIS KYI LHA'I BU DE DAG 'DONG BAR 'DOD PAR GYUR PA DE'I TSE'ANG BYANG CHUB SEMS DPAS DE DAG GI SEMS KYI RTOG PA SEMS KYIS YONGS SU SHES NAS LAG PA G-YAS PA BRKYANGS TE DE DAG 'DONG BA'I BRDA STON TO, ,DE LTAR 'DONG BA'I BRDA BSTAN NAS @64B PHYIR BSKUM PA BYAS TE DRAN ZHING SHES BZHIN DU LAG PA BZHAG KYANG MA LA GNOD PA MED DE, ,DE'I TSE MI MJED KYI BDAG PO TSANGS PA DANG, TSANGS RIS KYI LHA DE DAG KYANG 'DI SNYAM DU BDAG CAG NI BYANG CHUB SEMS DPAS KYANG 'DONG BAR GNANG NGO SNYAM DU SEMS SHING DE DAG BYANG CHUB SEMS DPA' DANG, BYANG CHUB SEMS DPA'I MA LA LAN GSUM BSKOR BA BYAS NAS DONG BAR GYUR TO, ,BYANG CHUB SEMS DPA' YANG DRAN ZHING SHES BZHIN DU LAG BA 'JOG GO ,DGE SLONG DAG ,SHAR PHYOGS DANG, LHO PHYOGS DANG, NUB PHYOGS DANG, BYANG PHYOGS DANG, 'OG DANG, STENG DANG, PHYOGS BCU KUN NAS KYANG BYANG CHUB SEMS DPA' BRGYA STONG MANG PO BYANG CHUB SEMS DPA' DE BLTA BA DANG, DE LA PHYAG BYA BA DANG, BSNYEN BKUR BYA BA DANG, CHOS MNYAN PA DANG, CHOS YANG DAG PAR BRJOD PAR BYA BA'I PHYIR 'ONG BAR GYUR TE, DE DAG DE LTAR 'ONGS PA DANG, BYANG CHUB SEMS DPAS LUS LAS 'OD BKYE STE, 'OD KYI BKOD PA DE DAG SENG-GE'I KHRIR SPRUL NAS DE LTAR SPRUL PA'I KHRI DE DAG LA BYANG CHUB SEMS DPA' DE DAG 'KHOD DU BCUG STE, DE DAG DE LTAR 'KHOD PAR SHES NAS 'DI LTA STE, THEG PA CHEN PO 'DI NYID RGYA CHER RNAM PAR DBYE BA'I DON DU DRIS TE BRTAGS KYANG SKAL PA MNYAM PA'I LHA RNAMS MA GTOGS BAR GZHAN SUS KYANG DE DAG MA MTHONG STE, DGE SLONG DAG ,DE LTAR BYANG CHUB @65A *, ,SEMS DPAS NUB MO MI NYAL NAS LUS LAS 'OD BKYE BA'I RGYU NI DE YIN NO, ,RKYEN NI DE YIN NO, ,DGE SLONG DAG ,LHA MO SGYU 'PHRUL GYIS KYANG BYANG CHUB SEMS DPA' MA'I RUM NA 'DUG PA'I TSE LUS LCI BAR MA TSOR ?TE, GZHAN DU NA YANG BA DANG, 'JAM PA DANG, BDE BAR TSOR ZHING LTO MI BDE BA'I SDUG BSNGAL GANG YANG MYONG BAR MA GYUR TO, ,'DOD CHAGS KYIS YONGS SU GDUNG BA'AM, ZHE SDANG GIS YONGS SU GDUNG BA'AM, GTI MUG GIS YONGS SU GDUNG BAS KYANG YONGS SU GDUNGS PAR MA GYUR, 'DOD PA'I RNAM PAR RTOG PA'AM, GNOD SEMS KYI RNAM PAR RTOG PA'AM, GTZE BA'I RNAM PAR RTOG PA DAG LA'ANG RNAM PAR RTOG PAR MA GYUR TE, GRANG BA'AM, TSA BA'AM, BKRES PA'AM, SKOM PA'AM, MUN PA'AM, RDUL LAM, NGAL BA TSOR BA'AM, MTHONG BAR MA GYUR TE, DE LA GZUGS DANG, SGRA DANG, DRI DANG, RO DANG, REG YID DU MI 'ONG BA SNANG BAR MA GYUR TO; ;RMI LAM NGAN PA'ANG MTHONG BAR MA GYUR TO, ,DE LA BUD MED KYI SGYU'AM, G-YO'AM, PHRAG DOG GAM, BUD MED KYI NYON MONGS PA DAG KYANG NYAMS SU GNOD PAR BYED PAR MA GYUR TO; ;DE'I TSE BYANG CHUB SEMS DPA'I MA NI BSLAB PA'I GZHI LNGA YANG DAG PAR BLANGS TE TSUL KHRIMS DANG LDAN ZHING DGE BA BCU'I LAS KYI LAM LA GNAS PAR GYUR TO, ,BYANG CHUB @65B SEMS DPA'I MA'ANG SKYES PA GANG LA'ANG 'DOD CHAGS KYI SEMS SKYE BAR MA GYUR LA, SKYES PA GANG YANG BYANG CHUB SEMS DPA'I MA LA 'DOD CHAGS KYI SEMS MI SKYE'O, ,SER SKYA'I GRONG KHYER CHEN PO DE DANG, YUL GZHAN DAG NA SKYES PA DANG, BUD MED DANG, KHYE'U DANG, BU MO SU GANG LHA DANG, KLU DANG, GNOD SBYIN DANG, DRI ZA DANG, 'BYUNG POS NON PA JI SNYED CIG YOD PA DE DAG THAMS CAD KYANG BYANG CHUB SEMS DPA'I MA MTHONG MA THAG TU SOS SHING DRAN PA THOB PAR GYUR TO, ,MI MA YIN PA DE DAG KYANG MYUR DU GNAS GZHAN DU DONG BAR GYUR TO; ;SEMS CAN GANG LA LA ZHIG NAD SNA TSOGS KYIS THEBS PAR GYUR TE, RLUNG DANG, MKHRIS PA DANG, BAD KAN DANG, 'DUS PA LAS BYUNG BA'I NAD KYIS GNOD PAR GYUR PA DANG, MIG GI NAD DAM, RNAM BA'I NAD DAM, SNA'I NAD DAM, LCE'I NAD DAM, MCHU'I NAD DAM, SO'I NAD DAM, LKOG MA'I NAD DAM, SHU BA'AM, 'BRAS SAM, MDZE'AM, SHA BKRA'AM, SKEM PA'AM, BRJED BYED DAM, RIMS SAM, WA BA'AM, PHOL MIG GAM, ME DPAL LAM, RKANG SHU LA SOGS PA'I NAD KYIS BTAB PAR GYUR PA DE DAG LA BYANG CHUB SEMS DPA'I MAS LAG PA G-YAS PA SPYI BOR BZHAG PA TZAM GYIS NAD DANG BRAL PAR GYUR CING, RANG RANG GI GNAS SU DONG BAR GYUR TO, ,THA NA LHA MO SGYU 'PHRUL GYIS RTZWA NYAG MA 'GA' ZHIG @66A *, ,SA LAS BLANGS TE SEMS CAN NAD PA DAG LA BYIN YANG DE DAG DE BLANGS MA THAG TU NAD MED CING NYAMS PA MED PAR GYUR TO, ,GANG GI TSE LHA MO SGYU 'PHRUL DES BDAG GI LTO G-YAS PAR BLTAS PA DE'I TSE BYANG CHUB SEMS DPA' MA'I RUM NA 'DUG PA DE 'DI LTA STE, DPER NA, ME LONG GI DKYIL 'KHOR SHIN TU DAG PA LA GDONG GI DKYIL 'KHOR SNANG BA BZHIN TE, DE LTAR DE MTHONG NAS TSIM ZHING MGU LA YID RANGS TE RAB TU DGA' ZHING, DGA' BA DANG, YID BDE BA SKYES PAR GYUR TO, ,DGE SLONG DAG ,BYANG CHUB SEMS DPA' MA'I RUM NA GNAS PA'I BYIN GYI RLABS KYIS NYIN MTSAN RTAG TU RGYUN MI 'CHAD PAR LHA'I ROL MO SIL SNYAN GYI SGRA 'BYUNG ZHING LHA'I ME TOG GI CHAR BAB PAR GYUR TO, ,CHAR NI DUS BZHIN DU 'BAB, RLUNG NI DUS BZHIN DU LDANG, DUS DANG, SKAR MA DAG KYANG DUS BZHIN DU 'GYUR ZHING 'PHO BAR GYUR TO, ,RGYAL SRID KYANG BDE ZHING LO LEGS LA 'KHRUG PA MED CING DGRA MED PAR GYUR TO, ,SER SKYA'I GRONG KHYER CHEN PO DE NA SH'A-KYA'I RIGS DANG, SEMS CAN GZHAN DAG 'KHOD PA THAMS CAD KYANG ZA ZHING 'THUNG, DGA' ZHING RTZE LA DGA' MGUR SPYOD DO, ,SBYIN PA DAG KYANG GTONG, BSOD NAMS DAG KYANG BYED DE, ZLA BA BZHIN 'DAS PA'I DUS STON BZHIN DU THAMS CAD KYANG DGA' BA'I MCHOG GIS RTZE ZHING @66B BDE BAR GNAS PAS GNAS PAR GYUR TO, ,RGYAL PO ZAS GTZANG MA'ANG TSANGS PA'I SPYOD PA YANG DAG PAR BLANGS TE, RGYAL PO'I LAS BTANG NAS DKA' THUB KYI NAGS TSAL YONGS SU DAG PA NA GNAS PA BZHIN DU THAMS CAD KYANG DGA' BA'I MCHOG GIS CHOS KYI RJES SU 'BRANG BAR GYUR TO, ,DGE SLONG DAG ,BYANG CHUB SEMS DPA' MA'I RUM NA GNAS PA NI RNAM PA DE LTA BU'I RDZU 'PHRUL GYI CHO 'PHRUL DANG LDAN PAS GNAS PAR GYUR TO, ,DE'I TSE BCOM LDAN 'DAS KYIS TSE DANG LDAN PA KUN DGA' PO LA BKA' STZAL PA, KUN DGA' BO, KHYOD KYIS BYANG CHUB SEMS DPA'I YONGS SU SPYAD PA RIN PO CHE BKOD PA SNGON BYANG CHUB SEMS DPA' MA'I RUM NA GNAS PA'I TSE GNAS GNAS PA'I MTHONG NGAM, GSOL PA, BCOM LDAN 'DAS, MTHONG LAGS SO, ,BDE BAR GSHEGS PA, MTHONG LAGS SO, ,DE BZHIN GSHEGS PAS TSE DANG LDAN PA KUN DGA' BO DANG, LHA'I DBANG PO BRGYA BYIN DANG, 'JIG RTEN SKYONG BA BZHI DANG, DE MA YIN PA'I LHA DANG, MI GZHAN DAG KYANG BSTAN TE MTHONG NAS DE DAG TSIM ZHING MGU LA YID RANGS TE RAB TU DGA' ZHING DGA' BA DANG, YID BDE BA SKYES SO, ,MI MJED KYI BDAG PO TSANGS PAS DE PHYIR YANG TSANGS PA'I 'JIG RTEN DU MCHOD PAR BYA BA'I PHYIR BTEG STE KHYER NAS BZHAG PAR GYUR TO, ,DE'I TSE BCOM LDAN 'DAS KYIS YANG DGE SLONG DAG LA BKA' @67A *, ,STZAL PA; DGE SLONG DAG ,DE LTAR BYANG CHUB SEMS DPA' MA'I RUM NA 'DUG PAS LHA DANG MI KHRAG KHRIG PHRAG SUM CU RTZA DRUG THEG PA GSUM LA YONGS SU SMIN PAR BYAS PAR GYUR TO, ,DE LA 'DI SKAD CES BYA STE, GANG TSE RGYAL SRAS SEMS CAN DAM PA MA YI RUM GNAS PA, ,DE TSE SA 'DI TSAL DANG BCAS PAR RNAM PA DRUG TU G-YOS; ;GSER MDOG 'OD BKYE NGAN SONG THAMS CAD RNAM PAR SBYANGS PAR GYUR, ,CHOS KYI RGYAL POR 'GYUR ZHES LHA YI TSOGS RNAMS RAB TU DGA', ,GZHAL MED KHANG CHEN DBYIBS LEGS RIN CHEN DUMS RNAM PAR SPRAS, ,DER NI DPA' BO RNAM PAR 'DREN PA ZHUGS PAR GYUR NAS 'DUG ,TZANGN DRI ZHIM MCHOG GIS RAB TU GANG ZHING RNAM PAR MDZES; ;STONG GSUM RIN CHEN YONGS BKANG DE YI SRANG BYED RIN MI CHOG ,STONG CHEN 'JIG RTEN KHAMS KYANG 'OG NAS BRTOL BA BYAS NAS NI, ,YON TAN 'BYUNG BA'I GNAS KYI PAD-MA'I NYID KHU'I THIGS PA BYUNG, ,DE BZHIN ZHAG BDUN BSOD NAMS GZI BRJID TSANGS PA'I 'JIG RTEN 'PHAGS, ,DE LAS NYING KHU'I THIGS BLANGS TSANGS PA RGYAL BA'I SRAS LA 'BUL; ;BYANG CHUB SEMS DPA' DPA' BO TSANGS PA 'DRA BA MA GTONGS PAR, ,SEMS CAN GANG GIS DE ZOS 'JUR 'GYUR SEMS CAN RIS NA MED, ,BSKAL PA DU MA'I BSOD @67B NAMS GZI BRJID NYING KHU'I THIGS GNAS PA, ,DE ZOS LUS DANG SEMS DANG SHES PA RNAM PAR DAG PAR GYUR, ,'DREN PA MCHOD PHYIR BRGYA BYIN TSANGS PA 'JIG RTEN SKYONG PA RNAMS BYANG CHUB SEMS DPA'I DRUNG DU RTAG PAR DUS GSUM RGYUN DU 'ONG, ,PHYAG BYAS MCHOD BYAS CHOS KYI DAM PA DE DAG THOS GYUR NAS, ,BSKOR BA BYAS TE KUN KYANG GANG NAS 'ONGS PA'I GNAS SU 'DONG, ,'JIG RTEN KHAMS RNAMS KUN NAS CHOS 'DOD BYANG CHUB SEMS DPA' 'ONG, ,'OD BKOD KHRIR GYUR RNAMS LA DE DAG GNAS PAR PHAN TSUN SNANG, ,MCHOG TU BYA BA'I THEG PA DAM PA'I CHOS NI THOS GYUR NAS, ,KUN KYANG DGA' BA'I SEMS GYUR BSTOD PA'I PHRENG BA BRJOD CING 'DONG, ,BUD MED BYIS PA GANG DAG SDUG BSNGAL LDAN PAR GYUR PA DANG, ,'BYUNG POS NOD DANG SEMS 'KHRUGS GOS MED RDUL GYIS YOG PA RNAMS, ,DE KUN LHA MO SGYU 'PHRUL MTHONG NAS SEMS NI RNYED GYUR TE, ,BLO GROS RTOGS DANG DRAN PA LDAN ZHING SO SO'I KHYIM KHYIM 'DONG, ,RLUNG DANG BAD KAN MKHRIS PA'I NAD DANG 'DUS PA'I NAD THEBS DANG, ,MIG NAD RNA NAD DAG GIS LUS SEMS MI BDER GYUR PA DAG ,RNAM MANG THA DAD NAD KYI RNAM PAS GANG DAG GNOD GYUR PA, ,DE DAG SGYU 'PHRUL LAG PA MGO LA BZHAG PAS NAD MED GYUR, ,YANG NA RTZWA YI NYAG MA 'GA' ZHIG SA LAS BLANGS BYAS TE, ,SGYU 'PHRUL NAD PAR BYIN NA THAMS CAD RIMS NAD @68A *, ,MED PAR GYUR, ,BDE BA THOB CING DA ROD MA NYAMS SO SO'I KHYIM DU 'DONG, ,DE NI SMAN GYUR SMAN PA'I RGYAL PO RUM NA 'DUG PHYIR RO, ,GANG TSE LHA MO SGYU 'PHRUL BDAG GI LUS LA BRTAGS BYAS PA, ,DE TSE BYANG CHUB SEMS DPA' RUM NA 'DUG PA MTHONG BA NI, ,JI LTAR BAR SNANG GNAS KYI ZLA BA SKAR MAS BSKOR GNAS PA, ,DE BZHIN BYANG CHUB SEMS DPA' MTSAN GYIS KUN NAS BRGYAN PA SNANG, ,DE LA 'DOD CHAGS ZHE SDANG GTI MUG GNOD PAR 'GYUR BA MED, ,'DOD LA 'DOD PA DE MED DE LA PHRAG DOG 'TSE BA MED, , DGA' BA'I SEMS DANG MGU BA'I SEMS DANG DGA' DANG YID BDER GNAS, ,DE LA BKRES DANG SKOM DANG TSA DANG GRANG BA'I GNOD PA MED, ,LHA YI ROL MO SIL SNYAN DBYANGS SGRA MA BYAS RTAG TU 'BYUNG, ,LHA YI SPOS DRI ME TOG DAM PA MCHOG MDZES CHAR YANG 'BAB, ,LHA DANG MI RNAMS DE LA LTA ZHING LHA MI THAMS CAD KYANG, ,DE DAG PHAN TSUN GNOD PA MED CING 'TSE BA GANG YANG MED, ,SEMS CAN DGA' BDER RTZE ZHING ZAS DANG SKOM GYI SBYIN PA BYED, ,DGA' BA'I SGRA SGROG DE DAG DGA' ZHING MGU BA'I YID DANG LDAN, ,RGYAL PO'I SRID BDE 'KHRUG PA MED CING CHAR PA DUS BZHIN 'BAB, ,RTZWA DANG SMAN DANG ME TOG RNAMS KYANG DE YI DUS SU SKYE, ,RGYAL PO'I KHAB TU ZHAG BDUN RIN CHEN CHAR PA BAB GYUR @68B BAS; ;SEMS CAN DBUL PO DE LAS LEN CING SBYIN BYED BDE BAR SPYOD, ,SEMS CAN DBUL ZHING SDUG BSNGAL GYUR PA DE TSE GANG YANG MED, ,RI RAB ZOM GYI DGA' TSAL SEMS CAN BZHIN DU DGA' DANG LDAN, ,SH'A-KYA'I RGYAL PO DE YANG GSO SBYONG RAB LA NYER GNAS SHING, ,DE NI RGYAL PO'I BYA BA MI BYED CHOS LA RTAG PAR SPYOD, ,DE NI DKA' THUB NAGS TSAL SONG NAS LHA MO SGYU 'PHRUL LA, ,SEMS CAN MCHOG SREL KHYOD KYI LUS LA BDE BA CI 'DRA RMED, ,LHUMS SU 'JUG PA'I LE'U STE, DRUG PA'O,, ,,DGE SLONG DAG ,DE LTAR ZLA BA BCU 'DAS TE BYANG CHUB SEMS DPA' BTZA' BA'I DUS LA BAB PA DANG, RGYAL PO ZAS GTZANG MA'I SKYED MOS TSAL DU SNGA LTAS SUM CU RTZA GNYIS BYUNG NGO, ,SUM CU RTZA GNYIS GANG ZHE NA, ME TOG THAMS CAD KHA 'BUS NAS RGYAS PAR GYUR PA DANG, RDZING DAG NA ME TOG AU TPA LA DANG, PAD-MA DANG, KU MU DA DANG, PAD-MA DKAR PO YOD PA DAG KYANG KHA 'BUS NAS RGYAS PAR GYUR PA DANG, ME TOG DANG 'BRAS BU'I SHING LJON PA GSAR PA DAG KYANG SA LAS THON TE KHA 'BUS NAS RGYAS PAR MA GYUR PA DANG, RIN PO CHE'I SHING LJON PA BRGYAD BYUNG BA DANG, GTER CHEN PO NYI KHRI 'BUS TE BYUNG NAS GNAS PAR SNANG BA DANG, KHYIM GYI NANG DU'ANG RIN PO CHE'I MYU GU THON PA DANG, SPOS CHU'I DPAL GYI WA 'BRU MAR DRI ZHIM POS SBAGS PA RNAMS KYANG ZAG PAR GYUR @69A *, ,PA DANG; GNGAS KYI RI'I NGOS LAS SENG-GE'I PHRUG GU DAG 'ONGS TE DGA' BAR RTZE ZHING SER SKYA'I GRONG KHYER DAM PA LA BSKOR BA BYAS NAS SGO NA GNAS PAR GYUR KYANG SEMS CAN KUN LA'ANG 'TSE BA MED PAR GYUR PA DANG, GLANG PO'I PHRUG GU THAL KAR LNGA BRGYA LHAGS TE RGYAL PO ZAS GTZANG MA'I RKANG PA LA SNA'I RTZE MOS NYUG CING GNAS PAR GYUR PA DANG, LHA'I BYIS PA ROGS PA SKA RAGS BCINGS PA DAG KYANG RGYAL PO ZAS GTZANG MA'I BTZUN MO'I 'KHOR GYI PANG PA NAS PANG PA DAG TU 'GRE LDOG PAR SNANG BAR GYUR PA DANG, KLU'I BU MO MCHOD PA SNA TSOGS KYI YO BYAD THOGS PA DAG KYANG LUS PHYED PHYUNG ZHING NAM MKHA' LA RGYU BAR SNANG BA DANG, LHA'I BU MO KHRI'ANG RMA BYA'I MDONGS LAG NA THOGS SHING NAM MKHA' LA 'KHOD PAR SNANG BA DANG, BUM PA GANG BA KHRA'ING SER SKYA'I GNAS KYI GRONG KHYER CHEN PO LA BSKOR BA BYED PAR SNANG BA DANG, LHA'I BU MO KHRA'ING SPOS CHU'I RIL BA BHING GA RA KLAD LA THOGS SHING 'KHOD PAR SNANG BA DANG, LHA'I BU MO KHRI'ANG GDUGS DANG, RGYAL MTSAN DANG, BA DAN THOGS SHING 'KHOD PAR SNANG BA DANG, LHA'I BU MO BRGYA STONG MANG PO DAG KYANG DUNG DANG, RNGA DANG, RDZA RNGA DANG, 'KHAR RNGA MGUL NAS DPHYANGS TE SDOD CING 'KHOD PAR SNANG BA DANG, RLUNG THAMS CAD KYANG MI LDANG BAR GNAS PAR GYUR PA @69B DANG, CHU KLUNG DANG CHU BRAN THAMS CAD KYANG MI 'GUL ZHING MI 'BAB PAR GYUR PA DANG, NYI ZLA DANG, GZHAL MED KHANG DANG, RGYU SKAR DANG, SKAR MA'I TSOGS RNAMS KYANG MI RGYU BAR GYUR ? PAR DANG, SKAR MA RGYAL DANG YANG LDAN PAR GYUR PA DANG, RGYAL PO ZAS GTZANG MA'I KHYIM YANG RIN PO CHE'I DRA BAS YOG PAR GYUR PA DANG, ME'ANG MI 'BAR BAR GYUR PA DANG, KHANG PA BRTZEGS PA DANG, KHANG BZANG DANG, YANG THOG DANG, RTA BABS DAG LA'ANG NOR BU DANG, RIN PO CHE DAG 'PHYANG BAR SNANG BAR GYUR PA DANG, RAS BCOM BU'I MDZOD DANG, RIN PO CHE SNA TSOGS KYI MDZOD RNAMS KYANG SGO BYE BAR SNANG BA DANG, BYA ROG DANG, 'UG PA DANG, BYA RGOD DANG, SPYANG KI DANG, WA'I SGRA DAG KYANG MED PAR GYUR PA DANG, SGRA SKAD SNYAN PA'I SGRA DAG KYANG BYUNG BAR GYUR PA DANG, SKYE BO THAMS CAD KYI LAS KYI MTHA' YANG RGYUN CHAD PAR GYUR PA DANG, SA'I PHYOGS MTHON DMAN DU 'DUG PA RNAMS KYANG MNYAM PAR GNAS PAR GYUR PA DANG, LAM GYI BZHI MDO DANG, SUM MDO DANG, SRANG DANG, TSONG 'DUS KYA'I 'KHOR KYANG LAG MTHIL LTAR BZHI MNYAM ZHING 'JAM LA ME TOG SIL MAS GANG STE MDZES PAR SNANG BA DANG, SBRUM PA THAMS CAD KYANG BDE BA DANG, LEGS PAR BTZA' BAR GYUR PA DANG, SHING S'A LA'I NAGS TSAL GYI LHA THAMS CAD KYANG SHING GI LO MA'I NANG NAS LUS PHYED PHYUNG STE PHYAG 'TSAL ZHING @70A *, ,GNAS PAR SNANG STE, SNGA LTAS SUM CU RTZA GNYIS PO DE DAG BYUNG BAR GYUR TO, ,DE NAS LHA MO SGYU 'PHRUL BYANG CHUB SEMS DPA' NYID KYI GZI BRJID DANG MTHUS BYANG CHUB SEMS DPA' BTZA' BA'I DUS LA BAB PAR SHES TE NAM GYI SROD LA RGYAL PO ZAS GTZANG MA'I DRUNG DU 'ONGS NAS TSIGS SU BCAD DE SMRAS PA, BDAG GI BSAM PA GANG LAGS GSOL GYI LHA NI GSAN DU GSOL, ,YUN RING RING PO 'DAS NAS SKYED MOS TSAL GYI BLO SKYES TE, ,GAL TE KHYOD MI BKYON CING ZHE SDANG PHRAG DOG MI MNGA' NA, , BDAG NI RTZEN SA SKYED MOS TSAL DU MYUR DU MCHI BAR BGYI, ,CHOS DGONGS BRTZON PA DKA' THUB SPYOD PA KHYOD KYANG SKYO MKHYEN GRANG, ,BDAG KYANG SEMS CAN DAG LA BSREL NAS YUN NI RING LAGS LA, ,S'A LA'I SHING LJON SDONG PO MCHOG KYANG ME TOG KHA 'BUS TE, ,SKYED MOS TSAL GYI DOG SAR NGA NI MCHI BA'I RIGS SO LHA, ,SOS KA'I DUS MCHOG BUD MED RNAMS KYI RGYAN DU GYUR LAGS TE, ,NAGS RGYU KHU BYUG DANG NI RMA BYA SGRA RAB SNYAN PA 'BYIN, ,GTZANG ZHING MDZES LA SNA TSOGS ME TOG RDUL GYI NGAD KYANG LDANG, ,NGA NI MCHI NA MA THOGS LEGS PAR BKA' LUNG STZAL DU GSOL, ,RGYAL PO'I DBANG POS LHA MO LAS NI DE SKAD TSIG THOS NAS, ,DGA' ZHING RAB TU MGU BA'I SEMS KYIS 'KHOR @70B LA SMRAS PA NI, ,BZHON PA BZHON CHE MGYOGS PA'I SHUGS LNGAN DAG KYANG BSTAD PAR GYIS, ,YON TAN PHUN SUM MCHOG LDAN LUMBI NI TSAL BRGYAN PAR GYIS, ,RI SNGO'I MDOG LDAN SPRIN GYI KHA DOG MTHUN PAR GYUR PA YI, ,GLANG PO STONG PHRAG NYI SHU SNYED CIG MYUR DU BSTAD PAR GYIS, ,GLANG PO'I DBANG PO MCHE BA DRUG LDAN DRIL MDZES GLO LA BRGYUS, ,GSER DANG NOR BUS RNAM PAR SPRAS SHING GSER GYI DRA BAS SPUD, ,RGYAL PO'I BCIBS PA RLUNG LTAR MGYOGS PA'I SHUGS DANG LDAN PA STE, ,DNGUL DANG KHA BA'I MDOG 'DRA RNGA RNGO GA LCANG LO BZANG 'KHRIL BA'I, ,RTA MCHOG STONG PHRAG NYI SHU BGRANGS PA MYUR DU STONG GYIS TE, ,GSER DRIL G-YER KA'I DRA BA GLO NAS DBYANGS PA GYIS, ,SKYES BU RTUL PHOD G-YUL LA MOS SHING 'THAB 'DOD DPA' BO DAG ,MDA' GZHU RAL GRI MDUNG THUNG ZHAGS PA MTSON CHA RNO THOGS PA, ,STONG PHRAG NYI SHU BGRANGS PA MYUR DU BCOS TE BSHAMS GYIS LA, ,SGYU 'PHRUL 'KHOR DANG BCAS PA BAG YOD PAR NI SRUNG BAR GYIS, ,LUMBI NI DER GSER DANG NOR BU'I RGYAN KHROMS BRGYAN PAR GYIS, ,GOS DMAR RNAM PA MANG POS SHING RNAMS THAMS CAD BRGYAN PAR GYIS, ,LHA YI DGA' TSAL BZHIN DU ME TOG SNA TSOGS CHAL PAR KHROMS, ,DE LTAR THAMS CAD BSHAMS ZIN MYUR DU NGA LA SBRAN PAR GYIS, ,'KHOR RNAMS KYIS NI DE SKAD @71A *, ,TSIG THOS SKAD CIG TU, ,BZHON PA KUN BSHAMS DE BZHIN LU MBI NI YANG BRGYAN BYAS TE, ,RGYAL GYUR RGYAL GYUR SKU TSE RING SKYONGS RGYAL PO GSHEGS SU GSOL,, JI SKAD BKA' STZAL DE BZHIN KUN BGYIS DUS BAB LHA GZIGS SHIG ,MI YI BDAG PO DAM PA DE YANG DGA' BA'I SEMS GYUR TAM, ,KHYIM GYI DAM PAR ZHUGS TE BUD MED RNAMS LA 'DI SKAD SMRAS, ,GANG ZHIG NGA LA SNYING NYE NGA LA SNYING NYE NGA LA DGA' BAR 'DOD PA DAG ,NGA YI BKA' BZHIN BGYIS TE BDAG GI LUS KUN BRGYAN PAR GYIS, ,SPOS MCHOG NGAD KYI DRI ZHIM KHA DOG SNA TSOGS SDUG PA'I GOS, ,'JAM ZHING YID 'ONG DGA' BA'I SEMS KYIS LEGS PAR BGO BAR GYIS, ,BRANG NA 'PHYANG BA'I MU TIG SE MO DO YIS BRGYAN PAR GYIS; ;RGYAN GYI KHYED PAR THAMS CAD DE RING KUN GYIS BSTAN PAR GYIS, ,'KHAR RNGA RGYUD GCIG GLING BU'I PI WANG RDZA RNGA DUM DUM PHEG ,SIL SNYAN YID DU 'ONG BA BRGYA STONG DAG KYANG BSHAM PAR GYIS, ,SGRA SNYAN THOS NAS LHA RNAMS RAB TU DGA' BA SKYE 'GYUR ZHING, ,LHA MO RNAMS KYANG DE BZHIN DGA' BAR 'GYUR BA KHYED KYIS GYIS, ,SHING RTA'I MCHOG 'DIR LHA MO SGYU 'PHRUL GCIG PU 'DUG PAR GYIS, ,BUD MED SKYES PA GZHAN DAG SU YANG SHING RTA DER MA 'KHOD, ,NA CHUNG SNA TSOGS GO CAN RNAMS KYIS SHING RTA DE DRONGS TE, ,GANG DU'ANG YID @71B DU MI 'ONG MI MTHUN SGRA RNAMS MI GRAGS GYIS, ,LHA MO SGYU 'PHRUL KHYIM NAS BYUNG STE SGO DRUNG PHYIN PA'I TSE, ,RTA DANG GLANG PO SHING RTA RKANG THANG DPAL LDAN SNA TSOGS DPUNG, ,RGYAL PO'I SGO DRUNG LHAGS TSE SGRA CHEN MANG PO GRAG PAR GYUR, ,RGYA MTSO CHEN PO 'KHRUGS PA'I SGRA LTAR DE DAG YONGS SU GRAG ,DE TSE BKRA SHIS DON DU DRIL BU BRGYA STONG BKROL BAR BYAS, ,SHING RTA DE YANG DE LTAR RGYAL POS SNA TSOGS BRGYAN PA LA, ,LHA RNAMS STONG GIS LHA YI KHRI YANG LEGS PAR BSHAMS PA BYAS, ,RIN CHEN SHING LJON ME TOG LO MA LDAN BZHIN LDAN PAR BYAS, , SMA BYA KHRUNG KHRUNG DANG PA YID DU 'ONG BA'I SGRA YANG 'BYIN, ,GDUGS DANG RGYAL MTSAN BA DAN CHE PHRA KUN NAS 'KHOR BAR BSGRENGS, ,LHA YI GOS DANG DRIL BU G-YER KA'I DRA BA MCHOG GIS 'KAB; ,LHA YI BU MO NAM MKHA' LAS NI SHING RTA DE LA LTA, ,LHA YI SGRA DBYANGS SNYAN PA SGROG CING BSTOD PA'I TSIG BRJOD DO, ,GANG TSE LHA MO SGYU 'PHRUL SENG-GE'I KHRI LA 'DUG GYUR PA, , DE TSE STONG GSUM SA 'DI RNAM PA DRUG TU RAB TU G-YOS, ,LHA RNAMS GOS KYI G-YAB MO 'BYIN CING ME TOG SNA TSOGS 'THOR, ,DE RING LUM-BI NI 'DIR 'GRO BA'I DAM PA BLTAMS GYUR TE; ;'JIG RTEN SKYONG BA BZHI NI SHING RTA'I MCHOG DE 'DREN PAR BYED, ,SUM CU RTZA GSUM BDAG PO DBANG PO'ANG LAM GYI BYI DOR BYED, ,TSANGS PA SKYE BO MI SRUN SEL CING SNGON DU 'GRO @72A *, ,BAR GYUR, ,LHA RNAMS BRGYA PHRAG STONG YANG THAL MO SBYAR BAS PHYAG 'TSAL 'DUD, ,RGYAL PO RAB TU DGA' BA'I SEMS KYIS BKOD PA DE LA LTA, ,DE NI 'DI SNYAM 'DI NI LHA YA LHA ZHIG YIN SNYAM BYED, ,GANG LA SKYONG BA BZHI DANG TSANGS PA DBANG POR BCAS PA'I LHA, ,MCHOD PA RGYA CHEN BYED PA 'DI NI NGES PAR SANGS RGYAS 'GYUR, , SRID PA GSUM NA LHA KLU BRGYA BYIN TSANGS PA 'JIG RTEN SKYONG, ,GANG YANG MCHOD PA 'DI 'DRA BZOD PA'I SEMS CAN DE MED DE, ,YANG NA MGO 'GAS YANG NA DE DAG SROG DANG BRAL BAR 'GYUR, ,'DI NI LHA YI DAM PA YIN PAS MCHOD PA THAMS CAD BZOD, ,DGE SLONG DAG ,DE NAS LHA MO SGYU 'PHRUL RTA'I SHING RTA RGYAN THAMS CAD KYIS BRGYAN PA BRGYAD KHRI BZHI STONG GIS NI KUN NAS BSKOR, GLANG PO CHE'I SHING RTA RGYAN THAMS CAD KYIS BRGYAN PA BRGYAD KHRI BZHI STONG DANG, RKANG THANG DPA' ZHING RTUL PHOD PA YAN LAG DAM PA DANG LDAN PA; GO CHA LEGS PAR BGOS PA, SRA BA'I GO GYON PA BRGYAD KHRI BZHI STONG GIS NI YONGS SU BSRUNGS, SHA'KYA'I BU MO STONG PHRAG DRUG KHRIS NI MDUN DU BDAR, RGYAL PO ZAS GTZANG MA'I PHU NU'I RIGS SU SKYES PA'I SHA'KYA RGAN PA DANG, GZHON PA DANG, BAR MA BZHI KHRIS NI YONGS SU BSRUNGS, RGYAL PO ZAS GTZANG MA'I SLAS GLU DANG ROL MO'I @72B DBYANGS SGRA NI BYED, 'KHAR BA'I SIL KHROL DANG, PHEG RDOB SIL SNYAN DANG, GLU DBYANGS LEN PA DRUG KHRIS NI KUN NAS BSKOR, LHA'I BU MO BRGYAD KHRI BZHI STONG DANG, KLU'I BU MO BRGYAD KHRI BZHI STONG DANG, DRI ZA'I BU MO BRGYAD KHRI BZHI STONG DANG, MI'AM CI'I BU MO BRGYAD KHRI BZHI STONG DANG, LHA MA YIN GYI BU MO BRGYAD KHRI BZHI STONG BKOD PA'I RGYAN SNA TSOGS KYIS BRGYAN PA SHA STAG GLU DANG ROL MO'I DBYANGS SGRA SNA TSOGS KYIS BSNGAGS PA BRJOD PA RJES SU 'BRANG BAS 'GRO'O, ,LUM-BI NI'I NAGS TSAL DE THAMS CAD KYANG SPOS CHU'I CHAG CHAG GIS BTAB CING LHA'I ME TOG GIS GTOR BAR GYUR TO, ,NAGS TSAL DAM PA DE'I NANG NA SHING LJON PA JI SNYED CIG YOD PA DE DAG THAMS CAD KYANG DUS LAM BAB PAR LO MA DANG, ME TOG DANG, 'BRAS BU BSKYED PAR GYUR TO, ,NAGS TSAL DE NI LHA RNAMS KYIS KYANG LEGS PAR BRGYAN PAR GYUR TE, 'DI LTA STE, DPER NA, 'DRES PA'I TSAL LHA RNAMS KYIS LEGS PAR BRGYAN PA BZHIN NO, ,DE NAS LHA MO SGYU 'PHRUL LUM-BI NI'I NAGS TSAL DU PHYIN NAS SHING RTA DAM PA DE LAS BABS TE, MI DANG LHA'I BU MO DAG GIS YONGS SU BSKOR CING SHING DRUNG NAS NI SHING DRUNG DAG TU 'GRO, NAGS TSAL NAS NI NAGS TSAL DAG TU 'CHAG ,LJON PA NAS NI LJON PA DAG LA LTA ZHING DE RIM GYIS SHING RIN PO CHE CHEN PO MCHOG DANG PHUL DU BYA BA, YAL GSHIN TU @73A *, ,RNAM PAR 'BYES PA, LO MA DANG, DOG PA BZANG PO DANG LDAN PA, MI DANG LHA'I ME TOG SNA TSOGS RAB TU RGYAS PA, SPOS MCHOG DANG PHUL DU BYA BA'I DRI'I NGAD DANG LDAN PA'I GOS KHA DOG SNA TSOGS DPYANGS PA, NOR BU DANG RIN PO CHE SNA TSOGS LTA BU'I 'OD RNAM PA THA DAD PA 'BAR BA, RTZA BA DANG, SDONG PO DANG, YAL GA DANG, LO MA RNAMS RIN PO CHE THAMS CAD KYIS LEGS PAR BRGYAN PA, YAL GA RING ZHING SHIN TU RNAM PAR 'BYES PA, BLAG SHA ZHES BYA BA SA'I PHYOGS LAG MTHIL LTAR MNYAM ZHING SHIN TU BZANG LA YANGS PA, RTZWA SNGON PO RMA BYA'I MGRIN PA LTA BU SKYES PA, KA TZA LIN-NGA'I GOS LTAR REG NA BDE BA'I SA LA 'DUG PA, SNGON GYI RGYAL BA'I YUM GYIS BRTEN PA, LHA'I GLU DBYANGS BLANGS PA; GNAS GTZANG MA'I LHA BZANG ZHING DRI MA MED LA RNAM PAR DAG PA RAB TU ZHI BA'I SEMS DANG LDAN PA RNAMS KYIS THOR TSUGS DANG COD PAN MNGON PAR BTUD PA'I SPYI BOS MNGON PAR PHYAG BYA BA'I SHING LJON PA PALG SHA DE'I DRUNG DU PHYIN TO, ,DE NAS BYANG CHUB SEMS DPA'I GZI BRJID DANG MTHUS SHING BLAG SHA DES MNGON PAR BTUD DE PHYAG BYAS SO, ,DE NAS LHA MO SGYU 'PHRUL MA NAM MKHA'I DKYIL DU SNANG BA'I GLOG GI PHRENG BA LTA BU'I LAG PA G-YAS PA BRKYANGS NAS BLAG SHA'I YAL GA LAS BZUNG STE TSUL DU SHIS PAR NAM MKHA'I DKYIL @73B DU BLTAS NAS BYA SMYANG BYED CING 'DUG PAR GYUR TO, ,DE NAS DE'I TSE 'DOD PA NA SPYOD PA'I LHA'I NANG NAS LHA'I BU MO DRUG KHRI LHAGS TE, LHA MO SGYU 'PHRUL LA RIM GRO DANG BKUR STI BYED PAR GYUR TO; ;BYANG CHUB SEMS DPA' MA'I RUM NA 'DUG PA'I TSE RNAM PA DE LTA BU'I RDZU 'PHRUL GYI CHO 'PHRUL DANG LDAN PAR GNAS SO, ,DE ZLA BA BCU TSANG NAS MA'I GLO G-YAS PA NAS DRAN ZHING SHES BZHIN DU MNGAL GYI DRI MAS MA GOS PAR BYUNG STE, GZHAN LTAR MA YIN ZHING GZHAN DAG LA MNGAL GYI DRI MA ZHES BYA BA BRJOD PA DE LTA BU MED PAR GYUR TO, ,DGE SLONG DAG ,DE'I TSE LHA'I DBANG PO BRGYA BYIN DANG, MI MJED KYI BDAG PO TSANGS PA GNYIS MDUN NA 'KHOD DE, DE GNYIS KYIS RIM GRO DAM PA CHEN POS LHA'I GOS KA SHI PA'I LHEB MOS LUS DANG YAN LAG THAMS CAD KYIS DRAN ZHING SHES BZHIN DU BYANG CHUB SEMS DPA' BLANGS SO, ,BYANG CHUB SEMS DPA' KHANG PA BRTZEGS PA GANG GI NANG NA 'DUG CING MA'I RUM NA GNAS GNAS PA DE'ANG MI MJED KYI BDAG PO TSANGS PA DANG, TSANGS RIS KYI LHA RNAMS KYIS TSANGS PA'I 'JIG RTEN DU GYEN DU BTEG STE MCHOD RTEN DU BYA BA DANG, MCHOD PA BYA BA'I PHYIR KHYER RO, ,DE LTAR BYANG CHUB SEMS DPA' DE NI MIR GYUR PA GANG GIS KYANG MA BLANGS KYI, BYANG CHUB SEMS DPA' DE NI LHA RNAMS KYIS BLANGS SO, ,DE NAS BYANG CHUB SEMS DPA' BTZAS @74A *, ,MTHAG TU SA LA 'BAB STE, BYANG CHUB SEMS DPA' DE SA LA BABS PAR GYUR MA THAG TU PAD-MA CHEN PO ZHIG GIS SA 'DI'ANG BRTOL TE BYUNG NGO, ,KLU'I RGYAL PO CHEN PO DGA' BO DANG, NYE DGA' BO GNYIS KYANG NAM MKHA'I DKYIL NA LUS PHYED PHYUNG STE 'KHOD NAS BSIL BA DANG, DRO BA'I CHU'I RGYUN GNYIS MNGON PAR SPRUL NAS BYANG CHUB SEMS DPA'I LUS BKRUS SO, ,BRGYA BYIN DANG, TSANGS PA DANG, 'JIG RTEN SKYONG BA LA SOGS PA GZHAN YANG LHA'I BU BRGYA STONG MANG BO DAG BYANG CHUB SEMS DPA' BTZAS MA THAG TU SPOS CHU SNA TSOGS DANG, ME TOG SIL MAS LUS 'KHRU ZHING MNGON PAR 'THOR RO, ,BAR SNANG LAS KYANG RDUL YAB KYI RNGA MA GNYIS DANG, RIN PO CHE'I GDUGS BYUNG BAR GYUR TE; ;DE PAD-MA CHEN PO DE LA 'DUG NAS PHYOGS BZHIR RNAM PAR LTA STE, SENG-GE'I LTA STANGS DANG, SKYES BU CHEN PO'I LTA STANGS KYIS RNAM PAR LTA'O, ,DE'I TSE BYANG CHUB SEMS DPAS SNGON GYI DGE BA'I RTZA BA'I RNAM PAR SMIN PA LAS BYUNG BA LHA'I MIG THOGS PA MED PAS STONG GSUM GYI STONG CHEN PO'I 'JIG RTEN GYI KHAMS THAMS CAD GRONG KHYER DANG, GRONG RDAL DANG, YUL 'KHOR DANG, PHO BRANG 'KHOR DANG LJONGS SU BCAS, YUL DU BCAS, MI DANG LHAR BCAS PA RNAMS MTHONG BAR GYUR TO, ,SEMS CAN THAMS CAD KYI SEMS KYI @74B SPYOD PA'ANG RAB TU SHES TE, SHES NAS KYANG SEMS CAN GANG TSUL KHRIMS SAM, TING NGE 'DZIN NAM, SHES RAB BAM, DGE BA'I SPYOD PAS BDAG DANG 'DRA BA DE LTA BU GANG LA LA ZHIG YOD DAM ZHES RNAM PAR LTA'O, ,DE'I TSE BYANG CHUB SEMS DPAS STONG GSUM GYI STONG CHEN PO'I 'JIG RTEN GYI KHAMS NA BDAG DANG MTSUNGS PA'I SEMS CAN GANG YANG MA MTHONG NAS DE'I TSE BYANG CHUB SEMS DPA' SENG-GE LTAR 'JIGS PA MED CING BAG TSA BA MED DE, ZHUM PA DANG BAG 'CHUMS PA MED PAS LEGS PAR BSAM PA DRAN PAR BYAS TE, BSAMS BRTAGS NAS SEMS CAN THAMS CAD KYI SEMS KYI SPYOD PA SHES PAR BYA STE, SUS KYANG BSTAN PA MED PAR BYANG CHUB SEMS DPA' DGE BA'I RTZA BA'I CHOS THAMS CAD KYI SNGON DU 'GRO BAR BYA'O ZHES SHAR PHYOGS LOGS SU GOM PA BDUN BOR RO, ,DE LTAR BYANG CHUB SEMS DPA' GANG DANG GANG DU GOM PA BOR BA DE DANG DE DAG TU PAD-MA DAG KYANG SKYES PAR GYUR TO, ,LHA DANG MI RNAMS KYI SBYIN PA'I GNAS SU 'GYUR BAR BYA'O ZHES LHO PHYOGS LOGS SU GOM PA BDUN BOR RO, ,NUB PHYOGS LOGS SU GOM PA BDUN BOR NAS GOM PA BDUN PA LA GNAS TE NGA NI 'JIG RTEN NA PHUL DU PHYIN PA'O, ,'DI NI NGA'I SKYE BA THA MA STE, SKYE BA DANG, RGA BA DANG, NA BA DANG, 'CHI BA MTHAR DBYUNG NGO ZHES SENG-GE LTAR @75A *, ,TSIM PAR GYUR PA'I SGRA BSGRAGS SO, ,SEMS CAN THAMS CAD KYI NANG NA BLA NA MED PAR BYA'O ZHES BYANG PHYOGS LOGS SU GOM PA BDUN BOR RO, ,BDUD DANG BDUD KYI SDE NI GZHOM PAR BYA'O, ,SEMS CAN DMYAL BA PA THAMS CAD KYI SEMS CAN DMYAL BA'I ME GSAD PA'I PHYIR CHOS KYI CHAR SPRIN CHEN PO'I CHAR PHAB STE, DE DAG BDE BAS TSIM PAR BYA'O ZHES 'OG GI PHYOGS LOGS SU GOM PA BDUN BOR RO, ,SEMS CAN THAMS CAD KYI GYEN DU BLTA BAR 'GYUR BAR BYA'O ZHES STENG GI PHYOGS LOGS SU GOM PA BDUN BOR NAS STENG DU LTA'O, ,BYANG CHUB SEMS DPAS TSIG DE BRJOD MA THAG TU DE NAS DE'I TSE STONG GSUM GYI STONG CHEN PO'I 'JIG RTEN GYI KHAMS 'DIR SGRAS MNGON PAR GO BAR GYUR TE, DE NI BYANG CHUB SEMS DPA'I LAS KYI RNAM PAR SMIN PA LAS BYUNG BA'I MNGON PAR SHES PA'I CHOS NYID DO, ,GANG GI TSE BYANG CHUB SEMS DPA' SRID PA THA MA PA BTZA' BAR 'GYUR BA DANG, GANG GI TSE BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA DE'I TSE RDZU 'PHRUL GYI CHO 'PHRUL GYI RNAM PA DE LTA BU DE DAG 'BYUNG NGO, ,DGE SLONG DAG ,DE'I TSE SEMS CAN THAMS CAD KYANG RAB TU DGA' ZHING SPU G-YOS PAR GYUR TO, ,'JIG RTEN DU SA GYO BA CHEN PO @75B SHIN TU 'JIGS SHING SPU G-YO BAR 'GYUR BA'ANG BYUNG BAR GYUR TO, ,MI DANG LHA'I SIL SNYAN DANG, ROL MO'I DBYANGS SGRAR BYA BA THAMS CAD KYANG MA BLANGS PAR SGRA 'BYIN PAR GYUR TO, , DE'I TSE STONG GSUM GYI STONG CHEN PO'I 'JIG RTEN GYI KHAMS THAMS CAD DU DUS DANG DUS MTSAMS SO SO'I SHING THAMS CAD KYANG ME TOG RGYAS SHING 'BRAS BU CHAGS PA DANG, RNAM PAR DAG PAR GYUR TO, ,NAM MKHA'I DKYIL NAS KYANG SPRIN GYI SGRA GRAGS TE, SPRIN MED PA'I NAM MKHA' LAS KYANG DAL BU DAL BUS PHRA BA'I CHAR LHA YUL BA'I KHA DOG DANG LDAN PA'I ME TOG DANG, GOS DANG, RGYAN DANG, SPOS KYI PHYE MA DANG 'DRES PA BABS PAR GYUR TO, ,RLUNG REG NA MCHOG TU BDE BA, 'JAM PA, DRI ZHIM PO DAG KYANG LDANG BAR GYUR TO, ,PHYOGS THAMS CAD KYANG MUN PA DANG, RDUL DANG, DU BA DANG, KHUG RNA MED CING, RAB TU DANG BAS RNAM PAR MDZES PAR GYUR TO, ,STENG GI BAR SNANG LAS KYANG TSANGS PA'I SGRA CHEN PO MI SNANG ZHING ZAB PA GRAG PAR GYUR TO, ,NYI ZLA DANG, BRGYA BYIN DANG, TSANGS PA DANG, 'JIG RTEN SKYONG BA'I 'OD THAMS CAD KYANG ZIL GYIS MNAN TE, 'OD KHA DOG BRGYA STONG DANG LDAN PA, REG NA MCHOG TU BDE BA, SEMS CAN THAMS CAD KYI LUS DANG SEMS LA BDE BA SKYED PA, 'JIG RTEN LAS 'DAS PA STONG GSUM GYI STONG CHEN PO'I 'JIG RTEN GYI KHAMS THAMS CAD RGYAS PAR GANG BAR GYUR @76A *, ,TO; ;BYANG CHUB SEMS DPA' BTZAS MA THAG TU SEMS CAN THAMS CAD KYANG BDE BAS SHIN TU TSIM PAR GYUR TE, 'DOD CHAGS DANG, ZHE SDANG DANG, GTI MUG DANG, DREGS PA DANG, MI DGA' BA DANG, ZHUM PA DANG, 'JIGS PA DANG, CHAGS PA DANG, PHRAG DOG DANG, SER SNA THAMS CAD DANG BRAL ZHING MI DGE BA'I BYA BA THAMS CAD SPANGS PAR GYUR TO, ,SEMS CAN NAD PA RNAMS KYI NAD KYANG ZHI BAR GYUR TO, ,BKRES SHING SKOM PA'I SEMS CAN RNAMS KYANG BKRES PA DANG SKOM PA MED PAR GYUR TO, , CHANG GIS RA RO ZHING MYOS PA RNAMS KYANG MYOS PA MED PAR GYUR TO, ,SMYOS PA RNAMS KYANG DRAN PA THOB PAR GYUR TO, ,MIG MED PA RNAMS KYIS KYANG MIG THOB PAR GYUR TO, , RNA BA 'ON PA RNAMS KYIS KYANG SGRA THOS PAR GYUR TO, ,YAN LAG DANG NYING LAG NYAMS PA RNAMS KYANG DBANG PO NYAMS PA MED PAR GYUR TO, ,DBUL PO RNAMS KYIS KYANG NOR THOB PAR GYUR TO, ,BTZON RA NA 'KHOD PA RNAMS KYANG BTZON RA NAS THAR PAR GYUR TO, ,MNAR MED PA LA SOGS PA'I SEMS CAN DMYAL BA PA'I SEMS CAN THAMS CAD KYI NAD DU BYA BA DANG SDUG BSNGAL THAMS CAD DE'I TSE RGYUN CHAD PAR GYUR TO, ,DUD 'GRO'I SKYE GNAS PA RNAMS KYIS GCIG LA GCIG ZA BA LA SOGS PA'I SDUG BSNGAL YANG ZHI BAR @76B GYUR TO; ;GSHIN RJE'I 'JIG RTEN PA'I SEMS CAN RNAMS KYI BKRES PA DANG SKOM PA LA SOGS PA'I SDUG BSNGAL YANG ZHI BAR GYUR TO, ,GANG GI TSE BYANG CHUB SEMS DPA' BSKAL PA BYE BA KHRAG KHRIG BRGYA STONG GRANGS MED PAR SPYAD PA SHIN TU SPYAD PA, BRTZON 'GRUS CHEN PO DANG LDAN PA, MTHU CHEN PO DANG LDAN PA, BTZAS MA THAG TU GOM PA BDUN 'DOR BA'I TSE CHOS NYID THOB PAS DE'I TSE PHYOGS BCU'I 'JIG RTEN GYI KHAMS NA BZHUGS PA'I SANGS RGYAS BCOM LDAN 'DAS RNAMS SA'I PHYOGS DER DE'I TSE ZHIG PAR MI 'GYUR BAR BYA BA'I PHYIR RDO RJE'I RANG BZHIN DU BYIN GYIS RLOB PA MDZAD DE, DGE SLONG DAG ,DE TZAM DU STOBS KYI SHUGS DRAG PO DANG LDAN PAS BYANG CHUB SEMS DPA' BTZAS MA THAG PA GOM PA BDUN 'DOR BAR GYUR TO, ,'JIG RTEN GYI BAR THAMS CAD KYANG DE'I TSE SNANG BA CHEN POS RGYAS PAR GANG BAR GYUR TO, ,DE'I TSE GLU'I SGRA CHEN PO'ANG BYUNG BAR GYUR TE, GAR GYI SGRA CHEN PO'ANG BYUNG BAR GYUR TO, ,DE'I TSE ME TOG DANG, PHYE MA DANG, SPOS DANG, PHRENG BA DANG, RIN PO CHE DANG, RGYAN DANG, GOS KYI SPRIN DPAG TU MED PA DAG KYANG CHAR DU MNGON PAR BAB PAR GYUR TO, ,SEMS CAN THAMS CAD KYANG BDE BA'I MCHOG DANG LDAN PAR GYUR TE, MDOR NA BYANG CHUB SEMS DPA' 'JIG RTEN THAMS CAD LAS MNGON PAR 'PHAGS PA @77A *, ,'JIG RTEN DU BYUNG BA'I CHE BYA BA BSAM GYIS MI KHYAB PA BYUNG BAR GYUR TO, ,DE NAS TSE DANG LDAN PA KUN DGA' BO STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE BCOM LDAN 'DAS GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, DE BZHIN GSHEGS PA NI SEMS CAN THAMS CAD LAS NGO MTSAR DU GYUR PA STE, BYANG CHUB SEMS DPA' NYID KYANG RMAD DU BYUNG BA'I CHOS DANG LDAN PAR GYUR NA, NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA LTA SMOS KYANG CI 'TSAL TE, BCOM LDAN 'DAS, 'DI LTAR BDAG NI LAN BZHI'MA, LAN LNGAR YANG, LAN BCUR YANG, LAN LNGA BCU'I BAR DU YANG, LAN BRGYA'I BAR DU YANG, LAN BRGYA STONG DU MA'I BAR DU'ANG SANGS RGYAS BCOM LDAN 'DAS LA SKYABS SU MCHI'O, ,DE SKAD CES GSOL PA DANG, BCOM LDAN 'DAS KYIS TSE DANG LDAN PA KUN DGA' BO LA 'DI SKAD CES BKA' STZAL TO, ,KUN DGA' BO, MA 'ONGS PA'I DUS NA DGE SLONG LA LA LUS MA BSGOMS PA, SEMS MA BSGOMS PA, TSUL KHRIMS MA BSGOMS PA, SHES RAB MA BSGOMS PA, BYIS PA, MI MKHAS PA, LHAG @77B PA'I NGA RGYAL CAN, RGOD PA, KHENGS PA, MA BSDAMS PA, SEMS G-YENGS PA, NEM NUR GYIS 'KHOR BA, THE TSOM MANG BA, DAD PA MED PA, DGE SBYONG GI DRI MAR GYUR PA, DGE SBYONG GI TSUL DANG MI 'DRA BA DANG 'BYUNG STE, DE DAG NI BYANG CHUB SEMS DPA' RUM DU 'GRO BA YONGS SU DAG PA 'DI LTA BU THOS NAS YID MI CHES SHING DE DAG PHYOGS GCIG TU TSOGS NAS GCIG LA GCIG 'DI SKAD DU, KYE KHYED CAG 'DI LTA BU'I MI RIGS PA LA LTOS, BYANG CHUB SEMS DPA' MA'I MNGAL NA 'DUG PA BTZOG PA'I KHU SHUGS DANG 'DRES PA LA'ANG 'DI LTA BU'I LONGS SPYOD YOD CES BYA BA DANG, DE 'BYUNG BA'I TSE MA'I GLO G-YAS PA NAS MNGAL GYI DRI MAS MA GOS PAR 'BYUNG ZHES BYA BA 'DI RIGS PAR JI LTAR 'GYUR ZHES ZER BAR 'GYUR TE, SKYES BU GLEN PA DE DAG NI SEMS CAN LEGS PAR BYAS PA'I LAS DANG LDAN PA RNAMS KYI LUS MI GTZANG BA'I KHU BA'I NANG DU MI 'BYUNG NGO ZHES BYA BAR MI SHES SO, ,DGE SLONG DAG ,SEMS CAN DAM PA DE LTA BU DAG GI MNGAL DU 'GRO BA DANG, MNGAL NA GNAS PA NI SHIN TU'ANG BZANG BA YIN NO, ,BYANG CHUB SEMS DPA' RNAMS NI SEMS CAN RNAMS LA SNYING BRTZE BAS MI'I 'JIG RTEN DU SKYE STE, LHAR GYUR PA NYID KYIS CHOS KYI 'KHOR LO MI BSKOR RO, ,DE CI'I PHYIR ZHE NA, KUN DGA' BO, SEMS CAN RNAMS ZHUM PAR 'GYUR ZHING, @78A *, ,BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE NI LHAR GYUR PA YIN GYI, BDAG CAG NI MI TZAM DU ZAD PAS NA, BDAG CAG GIS GNAS DE LTA BU YONGS SU RDZOGS PAR BYA BAR MI NUS SO ZHES ZHUM PAR 'GYUR DU 'ONG BA'I PHYIR TE, SKYES BU GLEN PA CHOS KYI RKUN POR GYUR BA DE DAG 'DI SNYAM DU SEMS CAN DE NI BSAM GYIS MI KHYAB PA STE, DE NI BDAG CAG GIS TSOD GZUNG BAR BYA BA MA YIN NO SNYAM DU MI SEMS SO, ,KUN DGA' BO, ,DE DAG NI, DE'I TSE SANGS RGYAS KYI CHO 'PHRUL LA'ANG YID MI CHES PAR 'GYUR NA, DE BZHIN GSHEGS PA BYANG CHUB SEMS DPAR GYUR PA'I BYANG CHUB SEMS DPA'I CHO 'PHRUL LTA SMOS KYANG CI DGOS TE, KUN DGA' BO, DE LTAR SKYES BU GLEN PA RNYED PA DANG, BKUR STE DANG, TSIGS SU BCAD PA'I ZIL GYIS NON PA, MI GTZANG BAR BYING BA, RIM GRO'I ZIL GYIS NON PA, MA RABS KYI NGANG TSUL CAN DE DAG SANGS RGYAS KYI CHOS SPONG ZHING BSOD NAMS MA YIN PA'I MNGON PAR 'DU BYA BA MANG PO JI SNYED CIG MNGON PAR 'DU BYED PA LA LTOS,, ,, 'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO LNGA PA, KUN DGA' BOS GSOL PA, BCOM LDAN 'DAS, MA BYUNG BA'I DUS NA 'DI LTA BU'I MDO SDE @78B BZANG PO LA'ANG SPONG ZHING MI SNYAN PAR BRJOD PA DE LTA BU'I DGE SLONG DAG KYANG 'BYUNG LAGS PA LTA, BCOM LDAN 'DAS KYIS BKA' STZAL PA, KUN DGA' BO, DE DAG NI MDO SDE 'DI LTA BU SPONG ZHING MI SNYAN PA BRJOD PAR YANG MA ZAD DE, SDIG PA RNAM PA DU MA MNGON PAR 'DU BYA BA MNGON PAR 'DU BYED CING DGE SBYONG GI DNGOS PO DON DU MI GNYER BA DAG KYANG 'BYUNG BAR 'GYUR RO, ,GSOL PA, BCOM LDAN 'DAS, 'O NA SKYES BU DAM PA MA LAGS PA DE 'DRA BA DE DAG GI 'GRO BA NI CI 'DRA BA ZHIG TU 'GYUR, TSE RABS 'PHOS NAS NI CI LTA BU ZHIG TU MCHI; BCOM LDAN 'DAS KYIS BKA' STZAL PA, DE DAG NI SANGS RGYAS KYI BYANG CHUB MED PAR BYAS TE, 'DAS PA DANG, MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS LA MI SNYAN PAS SKUR PA BTAB PA'I 'GRO BA GANG YIN PA'I 'GRO BA DER 'GRO BAR 'GYUR RO, ,DE NAS TSE DANG LDAN PA KUN DGA' BO SPU GYOS NAS SANGS RGYAS LA PHYAG 'TSAL LO ZHES BRJOD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS, SKYES BU DAM PA MA LAGS PA DE DAG GI SPYOD PA 'DI THOS NAS BDAG NI BRGYAL BA DANG 'DRA BAR GYUR TO, ,BCOM LDAN 'DAS KYIS BKA' STZAL PA, KUN DGA' BO, DE DAG GI SPYOD PA NI MNYAM PAR MI 'GYUR ZHING, SEMS CAN DE DAG NI MI MNYAM PA'I SPYOD @79A *, ,PA CAN DU 'GYUR RO, ,KUN DGA' BO, DE DAG TSUL DANG MI 'DRA BA'I SPYOD PA DES MNAR MED PA'I SEMS CAN DMYAL BA CHEN POR LTUNG BAR 'GYUR RO, ,DE CI'I PHYIR ZHE NA, KUN DGA' BO, ,DGE SLONG NGAM, DGE SLONG MA'AM, DGE BSNYEN NAM, DGE BSNYEN MA GANG LA LA ZHIG MDO SDE 'DI LTA BU 'DI DAG THOS NAS MA MOS SHING YID MI CHES PA DANG, SPONG BA DE DAG NI SHI 'PHOS MA THAG TU MNAR MED PA'I SEMS CAN DMYAL PA CHEN POR LTUNG BAR 'GYUR RO, ,KUN DGA' BO, DE BZHIN GSHEGS PA LA NI TSAD DU MA BYED CIG ,DE CI'I PHYIR ZHE NA, KUN DGA' BO, DE BZHIN GSHEGS PA NI TSAD MED CING ZAB LA RGYA CHE ZHING GTING DPAG DKA' BA'O, ,KUN DGA' BO, LA LA ZHIG GIS MDO SDE 'DI LTA BU 'DI DAG THOS NAS DGA' BA DANG, MCHOG TU DGA' BA DANG, DAD PA SKYE BA'I SEMS CAN DE DAG GIS NI THOB PA LEGS PAR THOB PA YIN TE, DE DAG GIS 'TSO BA NI DON YOD PA'O, ,DE DAG GI MI'I DNGOS PO NI DON YOD PA'O, ,DE DAG GI SPYOD PA NI LEGS PAR SPYAD PA'O, ,DE DAG GIS NI SNYING PO BLANGS SO, ,DE DAG NI NGAN SONG GSUM LAS GROL BA'O, ,DE DAG NI DE BZHIN GSHEGS PA'I SRAS SU 'GYUR RO, ,DE DAG GIS NI DGOS PA THAMS CAD YONGS SU THOB BO, ,DE DAG GIS DAD PA @79B THOB PA NI DON YOD DO, ,DE DAG GIS NI YUL 'KHOR GYI ZAS LEGS PAR ZOS SO, ,DE DAG GIS NI SEMS CAN DAM PA RNAMS LA LEGS PAR MOS PA YIN NO, ,DE DAG NI, BDUD KYI ZHAGS PA GTUBS PA YIN NO, ,DE DAG NI 'KHOR BA'I 'BROG DGON PA LAS BRGAL TO, ,DE DAG GIS NI MYA NGAN GYI ZUG RNGU PHYUNG NGO, ,DE DAG GIS NI MCHOG TU DGA' BA'I DNGOS PO RJES SU THOB BO, ,DE DAG GIS NI SKYABS SU 'GRO BA LEGS PAR BLANGS SO, ,DE DAG NI SBYIN PA'I GNAS YIN TE, MCHOD PAR 'OS PA'O, ,DE DAG NI 'JIG RTEN NA 'BYUNG BAR DKON PA'O, ,DE DAG NI 'JIG RTEN NA SBYIN PA'I GNAS SU BZUNG BA'O, ,DE CI'I PHYIR ZHE NA, DE BZHIN GSHEGS PA'I CHOS 'JIG RTEN THAMS CAD DANG MI MTHUN PA RNAM PA 'DI LTA BU 'DI LA DAD PA'I PHYIR RO, ,KUN DGA' BO, SEMS CAN DE DAG NI DGE BA'I TZA BA NGAN NGON DANG LDAN PA MA YIN TE, KUN DGA' BO, SEMS CAN DE DAG NI, NGA DANG TSE RABS 'GA' ZHIG TU 'GROGS PAR GYUR PA'I GRONGS PO YIN NO, ,DE CI'I PHYIR ZHE NA, KUN DGA' BO, LA LA NI THOS PA TZAM GYIS DGA' ZHING YID DU 'ONG BA YOD KYI; MTHONG NA MA YIN NO, ,KUN DGA' BO, LA LA NI MTHONG BAS DGA' ZHING YID DU 'ONG BA YOD KYI, THOS PAS MA YIN NO, ,KUN DGA' BO, LA LA NI MTHONG NA'ANG DGA' @80A *, ,ZHING YID DU 'ONG LA THOS NA'ANG DGA' ZHING YID DU 'ONG BA YOD DO, ,KUN DGA' BO, GANG YANG RUNG STE LA LA ZHIG MTHONG NGAM, THOS NAS DGA' ZHING YID DU 'ONG BAR GYUR NA, KHYOD KYIS DE LA 'DI LTAR DE DAG NI NGA DANG TSE RABS 'GA' ZHIG TU 'GROGS PA'I GROGS PO YIN PAR NGES PAR RTOGS PAR BYA STE, DE DAG NI DE BZHIN GSHEGS PAS GZIGS SO, ,DE DAG NI DE BZHIN GSHEGS PAS DGROL BAR BYA BA'O, ,DE DAG NI DE BZHIN GSHEGS PA DANG YON TAN GYI CHA MNYAM PA'O, ,DE DAG NI DE BZHIN GSHEGS PA LA SKYABS SU DONG BA'O, ,DE DAG NI DE BZHIN GSHEGS PAS BZUNG BA'O, ,KUN DGA' BO, NGA SNGON BYANG CHUB SEMS DPA'I SPYAD PA SPYOD PA NYID KYI TSE'ANG SEMS CAN SU'ANG RUNG STE, 'JIGS PAS NYAM THAG CING 'ONGS NAS MI 'JIGS PA SLONG NA SEMS CAN DE DAG LA NGAS MI 'JIGS PA BYIN PAR GYUR NA, NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAS LTA SMOS KYANG CI DGOS, KUN DGA' BO, DAD PA LA BRTZON PAR GYIS SHIG ,'DI NI DE BZHIN GSHEGS PAS BCOL BA'O, ,KUN DGA' BO, ,KHYOD KYIS BYA BA CI YOD PA DE DAG NI DE BZHIN GSHEGS PAS BYAS SO, ,NGA RGYAL GYI ZUG RDU NI DE BZHIN SHEGS PAS BSAL TO, ,KUN @80B DGA' BO, ,GROGS PO'I GTAM THOS PA TZAM GYIS KYANG DPAG TSAD BRGYA'I LAM DU'ANG 'GRO STE, THOS PAS KYANG DGA' BAR 'GYUR BA YIN NA, SNGAR MA MTHONG BA LAS MDZA' BO MTHONG BAR GYUR NA SMOS KYANG CI DGOS TE, GANG NGA LA BRTEN CING DGE BA'I RTZA BA SKYED PAR BYED PA DE DAG NI MA BYON PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS MKHYEN CING, SEMS CAN DE DAG NI DE BZHIN GSHEGS PA RNAMS KYI SNGON GYI MDZA' BO STE, DE DAG NI BDAG CAG GI'ANG MDZA' BO YIN NO SNYAM DU DGONGS SO; ;DE CI'I PHYIR ZHE NA, KUN DGA' BO, MDZA' BO GANG YIN PA DE NI MDZA' BO LA SDUG CING YID DU 'ONG BA YIN NO, ,MDZA' BO DE'I GANG SDUG PA'I GROGS PO DE'ANG DE LA SDUG CING YID DU 'ONG BA YIN NO, ,KUN DGA' BO, DE LTA BAS NA, KHYOD MOS PAR BYA ZHING KHONG DU CHUD PAR BYA'I, DAD PA TZAM YANG SKYED PAR GYIS SHIG ,NGAS MA BYON PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA'ANG GTAD DE, DE DAG KYANG 'DI DAG NI BDAG CAG GI'ANG MDZA' BO YIN NO ZHES BYA BAR MKHYEN CING, BSAM PA RDZOGS PAR MDZAD PAR 'GYUR RO, ,KUN DGA' BO, 'DI LTA STE, DPER NA, SKYES BU LA LA ZHIG LA BU NGAG NYAN CING MTHUN PAR 'DZIN PA GCIG GPU ZHIG BDOG PAR GYUR LA, SKYES BU DE'ANG @81A *, ,MDZA' BO MANG BA ZHIG YIN NA, PHA DE SHIR ZIN KYANG PHA'I MDZA' BOS YONGS SU BZUNG BA'I BU DE NI PHONGS PAR MI 'GYUR RO, ,KUN DGA' BO DE BZHIN DU GANG SU'ANG RUNG STE NGA LA DAD NA, DE DAG NGAS BZUNG BA YIN TE, DE DAG NI NGA'I MDZA' BO'O, ,DE DAG NI NGA LA SKYABS SU DONG BA'O, ,DE BZHIN GSHEGS PA NI MDZA' BO MANG PO MNGA' BA STE, DE BZHIN GSHEGS PA'I MDZA' BO DE DAG KYANG YANG DAG PAR GSUNG ZHING BRDZUN DU MI GSUNG BAS DE BZHIN GSHEGS PA'I MDZA' BO YANG DAG PAR GSUNG BA MA 'ONGS PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA DE DAG RJES SU GTAD KYI, KUN DGA' BO, DAD PA LA BRTZON PAR GYIS SHIG , 'DI NI NGAS KHYOD LA BCOL BA'O, ,DGE SLONG DAG ,DE LTAR BYANG CHUB SEMS DPA' BTZAS PA'I TSE LHA'I BU MO BYA BA KHRAG KHRIG BRGYA STONG MANG PO DAG NAM MKHA'I DKYIL NA GNAS SHING LHA MO SGYU 'PHRUL LA LHA'I ME TOG DANG, SPOS DANG, PHRENG BA DANG, BYUG PA DANG, GOS DANG, RGYAN GYIS MNGON PAR 'THOR BAR GYUR TO, ,DE LA 'DI SKAD CES BYA STE, DGE BA DRI MED RNAM DAG GSAR GYI 'OD LDAN NYI ZLA'I 'OD LDAN PA, ,LHA YI BU MO SGRA DBYANGS SNYAN BRJOD STONG PHRAG DRUG CU DE YI TSE, ,SKAD CIG DE LA LUM-BI ? NIR LHAGS LHA MO SGYU 'PHRUL DE LA SMRA, @81B MI DGYES MA MDZAD RAB TU DGYES MDZAD BDAG CAG KHYOD KYI PHYAG RJED LAGS, ,BDAG CAG RNAMS KYIS BGYI BCI MCHI CI BGYI CI 'TSAL BKA' STZOL CIG ,BDAG CAG KHYOD KYI PHYAG RJED NUS LDAN NYE BA'I SEMS DANG LDAN PA LAGS, ,KHYOD KYIS DGYES SHING BDE BA'I NYAMS SKYES MI DGYES THAMS CAD SPANG BAR GSOL, ,RGA SHI SEL BA'I SMAN PA DAM PA DE RING LHA MI MYUR SKYED 'GYUR, ,JI LTAR ZHUGS SHING 'DI RNAMS KHA 'BUS SA LA ME TOG RGYAS GYUR CING, ,STONG PHRAG BGRANGS PA'I LHA RNAMS DRUNG NA GNAS SHING LAG PA 'DUD PA DANG, ,JI LTAR DOG SA RGYA MTSOR BCAS TE RNAM PA DRUG TU G-YOS LAS NA, ,KHYOD LAS LHA YUL MI YUL SGRA GRAGS 'JIG RTEN 'DAS PA'I SRAS BLTAMS 'GYUR, ,JI LTAR RNAM DAG 'OD KYIS RNAM PAR MDZES SHING GSER GYI KHA DOG BZANG, ,NAM MKHA'I DKYIL LAS YID 'ONG SIL SNYAN BRGYA DAG MA DKROL SGRA 'BYIN DANG, ,JI LTAR DAG CING GTZANG LA 'DOD CHAGS BRAL BA'I LHA RNAMS BRGYA STONG YANG, ,DGA' SEMS PHYAG 'TSAL BA LAS DE RING 'JIG RTEN KUN PHAN BLTAMS PAR 'GYUR, ,BRGYA BYIN TSANGS PA 'JIG RTEN SKYONG DANG DE BZHIN LHA RNAMS GZHAN DAG KYANG, , DGA' ZHING BROD PA'I SEMS KYIS DRUNG DU GNAS NAS LAG PA 'DUD PA BGYID, ,SKYES BU SENG-GE ? BRTUL ZHUGS GRUB PA DE YANG RTZI BA LOGS GYAS NAS BYUNG, ,GSER GYI RI DANG 'DRA ZHING @82A *, ,'OD DANG LDAN PA'I 'DREN PA BLTAMS, ,BRGYA BYIN TSANGS PA GNYIS KYIS LAG PA DANG TE THUB PA DE YANG BLANGS, ,ZHING RNAMS BRGYA STONG 'OD BZANG BKYE BAS THAMS CAD RAB TU GYOS PAR GYUR, ,NGAN SONG GSUM GYI SEMS CAN RNAMS KYANG BDE ZHING SDUG BSNGAL MED GYUR TE, ,LHA RNAMS BRGYA PHRAG STONG GIS ME TOG GTOR TE GOS KYI G-YAB MO PHYUNG, ,DE TSES 'DI STOBS MTHU LDAN ZHING RDO RJE'I DNGOS GNAS PAD-MA MDZES, ,SNA TSOGS MNGON THON DAG LA 'DREN PA 'KHOR LO'I MTSAN RIS ZHABS BZHAG STE, ,GOM PA BDUN DU BZHUD NAS TSANGS PA'I SGRA DBYANGS DAM PA GSUNGS PA NI, ,RGA SHI SEL BA'I SMAN PA DAM PA SEMS CAN MCHOG TU BDAG 'GYUR RO, ,TSANGS PA'I MCHOG DANG BRGYA BYIN LHA MCHOG NAM MKHA'I DKYIL NA 'KHOD GYUR TE, ,GTZANG ZHING DANG LA MDZES PA'I SPOS CHU DAG GIS 'DREN PA'I SKU YANG BSIL, ,KLU YI RGYAL GNYIS BAR SNANG GNAS NAS GRANG DRO'I CHU YI RGYUN KYANG GTONG, ,LHA RNAMS BRGYA STONG DAG KYANG SPOS CHU DAG GIS 'DREN PA'I SKU BSIL BYED, ,'JIG RTEN SKYONG BA RNAMS KYANG RIM GRO DAM PAR LAG PA BZANG POS LEN; ;STONG GSUM 'DI'ANG RGYU DANG MI RGYU BCAS PAR RAB TU GYOS PAR GYUR, ,MDZES PA'I 'OD RNAMS BKYE BAS NGAN SONG RNAMS KYANG RAB TU ZHI BAR GYUR, ,'JIG RTEN RNAM @82B PAR 'DREN PA BLTAMS PAS NYON MONGS SDUG BSNGAL DE DAG ZHI, ,MI YI 'DREN PA RGYAL BA LA, ,LHA RNAMS ME TOG SIL MA 'THOR, ,STOBS DANG BRTZON 'GRUS LDAN PA YI, ,BRTAN PA GOM PA BDUN DU BZHUD, ,SA PHYOGS GANG DU ZHABS BZHAG PA, ,DER NI PAD-MA BZANG BA'I MCHOG ,RIN CHEN KUN GYIS BRGYAN PA DAG ,SA LAS MNGON DU THON PAR GYUR, ,DE LTAR GOM PA BDUN BZHUD NAS, ,RGA DANG 'CHI BA SEL BA YI, ,SMAN PA DAM PA 'DIR BYUNG ZHES, ,TSANGS PA'I DBYANGS KYIS GSUNG BRJOD DO, ,'JIGS MED PHYOGS SU RNAM GZIGS TE, ,DE NAS DON LDAN GSUNG PHYUNG BA, ,NGA NI 'JIG RTEN KUN GYI GTZO, ,'JIG RTEN PHUL PHYIN RNAM PAR 'DREN, ,NGA YI SKYE MTHA' 'DI YIN ZHES, ,MI YI 'DREN PAS 'DZUM PA MDZAD, ,LHA DBANG BCAS DANG 'JIG RTEN SKYONG DAG RAB TU DAD SEMS SKYES, ,SPOS CHU MCHOG GIS 'JIG RTEN PHAN PA'I DON MDZAD SKU YANG BSIL, ,KLU YI DBANG PO RNAMS KYANG LHAN CIG MTHUN PAR BYAS NAS NI, ,DRI ZHIM SPOS CHU DAG GIS RGYUN GYIS SKU YANG BSIL BA BYAS, ,LHA GZHAN KHRAG KHRIG DAG KYANG BAR SNANG LA NI GNAS NAS SU, ,DRI ZHIM SPOS CHU MCHOG GI RGYUN GYIS RANG BYUNG SKU YANG BSIL, , GDUGS DKAR YANGS DANG RNGA YAB BZANG PO DAM PA THOGS NAS NI, ,BAR SNANG 'KHOD DE LHA RNAMS MI YI KHYU MCHOG SKU BSIL BYED, ,SKYES BU GCIG CIG RINGS PAR 'ONGS NAS ZAS @83A *, ,GTZANG DE LA DGAR SMRAS PA, ,LHA GCIG 'BYOR PA RGYAS GYUR KHYOD KYI SRAS NI MTSAN GYIS BRGYAN PA BLTAMS, ,DE NI NGES PAR 'KHOR LOS BSGYUR BA'I DBANG PHYUG GDUNG RABS RIN CHEN 'TSO BA, ,DZAM-BU'I GLING 'DI GDUGS MANG GCIG 'GYUR PHAS KYI DGRA YANG MA MCHIS 'GYUR, ,DE NAS SKYES BU GNYIS 'ONGS ZAS GTZANG RGYAL PO'I MDUN DU DE SONG STE, ,LHA GCIG 'BYOR PA RGYAS GYUR SH'A-KYA'I RIGS SU RGYAL BU SKYES GYUR NA, ,SH'A-KYA RNAMS KYI GRONG DU ROGS PA 'BUM PHRAG LNGA NI BTZAS PA SKYES PAR GYUR, , KUN KYANG GZHAN GYIS MI THUB STOBS DANG LDAN ZHING TSAN PO CHE DANG 'DRA, ,SKYES BU GZHAN 'ONGS SMRAS PA BDAG LAS DGYES PA'I SGRA GSON LHA, ,'DUN PA CAN LA SOGS PA 'BANGS KYI BYIS PA BRGYAD BRGYA BTZAS PAR GYUR, ,BSNGAGS LDAN GYIS NI ZLA BO CHIBS RTA STONG PHRAG BCU DAG 'BRANGS GYUR TE, ,CHIBS MCHOG DAM PA GSER GYI 'OD LDAN RNGA RNGOG LCANG LOR 'KHRIL BA LAGS, ,MTHA' 'KHOB KHAMS KYI RGYAL PO STONG PHRAG NYI SHU DAG KYANG DE BZHIN DU, ,RGYAL PO KHYOD KYI ZHABS KYI DRUNG DU MCHIS KYI LEGS PAR RGYAL GYUR LHA, ,DA NI BDAG MCHIS SUG LAS CI BGYI RGYAL POS BDAG LA BKA' STZAL GSOL, ,RGYAL PO KHYOD 'DIR MNGA' ? BRNYES BDAG 'BANGS JO BO LHA GCIG RGYAL BAR SPYON, ,GSER GYI DRA BAS @83B MDZES PA'I GLANG PO DAM PA STONG PHRAG NYI SHU DAG ,NAM MKHA' LAS NI SGRA DAG 'BYIN CING RGYAL PO'I KHAB TU MGYOGS SU MCHIS, ,SBRUM MA LA SOGS NAG GU ZAL LU DAG DANG BE'U NI DRUG STONG 'BRANGS, ,LHAN CIG LHA MCHOG BLTAMS SHING DE DAG BTZAS PAS RGYAL KHAB PHUN SUM TSOGS, ,RJE GCIG RGYAL POR GSHEGS TE BSOD NAMS GZI 'OD LDAN PA BLTAMS PA YI, ,YON TAN DAG NI MTHONG BAR GYUR NAS LHA DANG MI RNAMS STONG BGRANGS PA, ,RAB TU DGA' BAR GYUR DANG KUN LA NYID KYIS LEGS PAR GZIGS SU GSOL, ,MYUR DU RGYAL GYUR CIG CES BYANG CHUB DAM PA MYA NGAN MED PAR ZHUGS, ,DGE SLONG DAG ,DE LTAR BYANG CHUB SEMS DPA' BTZAS PA DANG, SKAD CIG DE LA SBYIN PA'I GTONG BA'ANG DE BAS RGYA CHER GYUR TO; ;YA RABS KYI RIGS LNGA BRGYA'ANG BTZAS PAR GYUR TO, ,GRAGS LDAN LA SOGS PA BU MO KHRI DANG, BRAN MO BRGYAD BRGYA DANG, 'DUN PA LA SOGS PA BRAN LNGA BRGYA DANG, RTE'U MO KHRI DANG, BSNGAGS LDAN LA SOGS PA RTE'U PHO KHRI DANG, BA LANG GI PHRUG GU MO LNGA BRGYA DANG, BA LANG GI PHRUG GU PHO LNGA BRGYA PO DAG KYANG BTZAS SHING 'BRANGS PAR GYUR NAS DE DAG THAMS CAD RGYAL PO ZAS GTZANG MAS SNA GRANGS YI GER BRIS TE SRAS BU GZHON NU RTZEN PA'I PHYIR BYIN PAR GYUR TO, ,BYANG CHUB SEMS DPA'I LONGS SPYOD KYI DON DU BYANG CHUB SEMS @84A *, ,DPA' NYID KYI MTHUS GLING BYE BA BRGYA PHRAG BZHI'I DBUS KYI SA PHYOGS NAS AA SHWANG-THA'I SDONG PO SKYES PAR GYUR TO, ,GLING PHRA MO RNAMS SU'ANG TZAN-DAN GYI NAGS TSAL SKYES PAR GYUR TO, ,BYANG CHUB SEMS DPA'I LONGS SPYOD KYI DON DU GRONG KHYER GYI KHOR YUG TU'ANG SKYED MOS TSAL LNGA BRGYA DAG BYUNG BAR GYUR TO, ,GTER LNGA STONG YANG SA'I 'OG NAS GYEN DU 'BUS TE SGO STON PAR GYUR TO, ,DE LTAR RGYAL PO ZAS GTZANG MA DE'I DON BSAM PA GANG YIN PA DE DAG THAMS CAD PHUN SUM TSOGS PAR GYUR NAS RGYAL PO ZAS GTZANG MA 'DI SNYAM DU BDAG GI BU GZHON NU DE'I MING JI SKAD CIG GDAGS PAR BYA SNYAM PA DANG, DE 'DI SNYAM DU SEMS TE, BU 'DI SKYES MA THAG TU BDAG GI DON THAMS CAD YANG DAG PAR GRUB PAR GYUR GYI, 'DI'I MING NI DON THAMS CAD GRUB PAR GDAGS SO SNYAM STE, DE NAS RGYAL PO ZAS GTZANG MAS BYANG CHUB SEMS DPA' LA RIM GRO CHER BYAS NAS BU 'DI'I MING DON THAMS CAD GRUB PA ZHES BYA'O ZHES MING DU BTAGS SO, ,DGE SLONG DAG ,DE LTAR BYANG CHUB SEMS DPA' BTZAS NAS MA'I GLO G-YAS PA'ANG MA RAL MA NYAMS SHING SNGON BZHIN DU GYUR TO, ,DER KHRON PA LAN GSUM LDUD PA DAG KYANG BYUNG BAR GYUR, SPOS KYI 'BRU MAR GYI RDZID BU DAG KYANG BYUNG BAR GYUR TO, ,DE NAS LHA'I BU MO LNGA STONG DAG LHA'I SPOS @84B KYIS BSGOS PA'I 'BRU MAR DRI ZHIM PO KHYER TE BYANG CHUB SEMS DPA'I MA'I DRUNG DU LHAGS NAS BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO; ;LHA'I BU MO LNGA STONG DAG KYANG LHA'I BYUG PA DANG, RNAM PAR BYUG PA THOGS TE, BYANG CHUB SEMS DPA'I MA'I DRUNG DU LHAGS NAS BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO, ,LHA'I BU MO LNGA STONG DAG KYANG LHA'I SPOS CHUS BKANG BA'I BUM PA THOGS TE BYANG CHUB SEMS DPA'I MA'I DRUNG DU LHAGS NAS BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO, ,LHA'I BU MO LNGA STONG DAG KYANG LHA'I BYIS PA'I GOS THOGS TE BYANG CHUB SEMS DPA'I MA'I DRUNG DU LHAGS NAS BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO, ,LHA'I BU MO LNGA STONG DAG KYANG LHA'I BYIS PA'I RGYAN THOGS TE BYANG CHUB SEMS DPA' MA'I DRUNG DU LHAGS TE BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO, ,LHA'I BU MO LNGA STONG DAG KYANG GLU DBYANGS LEN CING BYANG CHUB SEMS DPA'I MA'I DRUNG DU LHAGS TE BLTAM PA LEGS PAR BLTAMS SAM, SKU LA MI BDE BA MA MCHIS SAM ZHES DRI BAR GYUR TO, ,DZAM-BU'I GLING 'DI NA PHYI ROL GYI DRANG SRONG MNGON PAR SHES PA LNGA @85A *, ,DANG LDAN PA JI SNYED CIG 'KHOD PA DE DAG THAMS CAD NAM MKHA' LAS 'ONGS TE RGYAL PO ZAS GTZANG MA'I MDUN DU 'KHOD NAS RGYAL PO 'PHEL BAR GYUR CAG CES BYA BA'I SGRA SGROG PAR GYUR TO, ,DGE SLONG DAG ,DE LTAR BYANG CHUB SEMS DPA' BTZAS NAS ZHAG BDUN DU LUM-BI NI'I NAGS TSAL DU LHA DANG MI'I SIL SNYAN DANG, PHEG RDOB PAS RIM GROR BYAS SO, ,BKUR STOR BYAS SO, ,BSTI STANG DU BYAS SO, ,MCHOD PAR BYAS SO, ,BZA' BA DANG, BCA' BA DANG, MYANG BA DAG KYANG DRANGS PAR GYUR TO, ,SH'A-KYA'I TSOGS THAMS CAD KYANG 'DUS NAS KUN DGA' BA'I SGRA BRJOD PAR GYUR TO, ,SBYIN PA DAG KYANG BYIN NO, ,BSOD NAMS DAG KYANG BYED DO, ,BRAM ZE SUM KHRI NYIS STONG YANG NYIN GCIG BZHIN DU TSIM PAR BYAS SO, ,SU DAG CI 'DOD PA DE DAG LA'ANG DE BYIN PAR GYUR TO, ,BRGYA BYIN DANG TSANGS PA'ANG BRAM ZE'I 'KHOR DER BRAM ZE'I KHYE'U'I GZUGS SU SPRUL TE GRAL GYI THOG MA LA 'KHOD NAS BKRA SHIS KYI TSIGS SU BCAD PA 'DI DAG BRJOD PAR GYUR TO, ,JI LTAR NGAN SONG RNAMS ZHI ZHING, ,JI LTAR 'GRO KUN BDE LAS NA, ,'GRO LA BDE BA 'GOD PA YI, ,BDE BA MDZAD CIG BLTAMS PAR MNGON, ,JI LTAR RAB RIB MED 'OD KYIS, ,LHA DANG NYI ZLA'I 'OD RNAMS KYANG, ,MI SNANG ZIL DU BRLAG PA LAS, BSOD NAMS 'OD CIG BYUNG BAR MNGON, , @85B MIG MED RNAMS KYANG MTHONG GYUR CING, ,RNA BA 'ON PAS SGRA THOS LA, ,SMYON PA RNAMS KYANG DRAN LDAN LAS, ,'JIG RTEN MCHOD RTEN 'GYUR BAR MNGON, ,JI LTAR NYON MONGS MI GNOD CING, , 'GRO BA BYAMS PA'I YID GYUR PAS, ,TSANGS PA BYE BAS MCHOD 'OS SU, ,GDON MI ZA BAR 'GYUR BAR MNGON, ,SA LA ME TOG RGYAS GYUR CING, ,SA YANG MNYAM PAR GNAS PA LAS, , 'GRO BA KUN GYIS MCHOD PA YI, ,THAMS CAD MKHYEN DU 'GYUR BAR MNGON, ,JI LTAR 'JIG RTEN 'KHRUG MED CING, ,PAD-MA CHEN PO THON PA LAS, ,NGES PAR GZI BRJID CHEN PO 'DI, , 'JIG RTEN MGON DU BYON PAR 'GYUR, ,LHA YI SPOS KYIS SBAGS GYUR LA, ,'JAM PA'I RLUNG GI DANG LDANG ZHING, ,SEMS CAN NAD RNAM ZHI GYUR LAS, ,'DI NI SMAN PA'I RGYAL POR BYON, , GZUGS KHAMS GNAS PA'I LHA BRGYA PO, ,'DOD CHAGS BRAL BA 'DI DAG KYANG, ,THAL MO SBYAR ZHING 'DUD PA LAS, ,'DI NI SBYIN PA'I GNAS SU BYON, ,MI RNAMS KYIS NI LHA MTHONG ZHING, ,LHA RNAMS KYIS NI MI MTHONG YANG, ,PHAN TSUN 'TSE BA MED PA LAS, ,'DI NI DED DPON CHEN POR BYON, ,ME RNAMS ZHI BAR GNAS GYUR CING, ,CHU KLUNG THAMS CAD MI G-YO LA, ,SA YANG DAL BUS G-YO BA LAS, ,'DI NI YANG DAG GZIGS PAR 'GYUR, ,DGE SLONG DAG ,DE LTAR BYANG CHUB SEMS DPA' BTZAS NAS ZHAG BDUN LON PA DANG, LHA MO SGYU 'PHRUL SHI BA'I DUS BYAS PAR @86A *, ,GYUR TE; DE SHI BA'I DUS BYAS NAS SUM CU RTZA GSUM GYI LHA'I NAD DU SKYES SO, ,DGE SLONG DAG ,KHYED 'DI SNYAM DU BYANG CHUB SEMS DPA'I LAN BON GYIS LHA MO SGYU 'PHRUL 'CHI BA'I DUS BYAS SO SNYAM NA, DE LTAR MI BLTA'O, ,DE CI'I PHYIR ZHE NA, DE'I TSE'I TSAD NI MTHAR THUG PA'I PHYIR RO, ,DGE SLONG DAG ,'DAS PA'I BYANG CHUB SEMS DPA' RNAMS KYANG BTZAS TE ZHAG BDUN LON NAS MA 'CHI BA'I DUS BYAS PAR GYUR TO, ,DE CI'I PHYIR ZHE NA, BYANG CHUB SEMS DPA' SKYES TE DBANG PO YONGS SU RDZOGS NAS MNGON PAR BYUNG NAM SNYING 'GAS SU 'ONG BA'I PHYIR RO, ,DGE SLONG DAG ,DE LTAR ZHAG BDUN LON NAS THOG MA SER SKYA'I GNAS KYI GRONG KHYER CHEN PO NAS LHA MO SGYU 'PHRUL BKOD PA JI LTA BUS SKYED MOS TSAL GYI SAR ZHUGS PAR GYUR PA DE DAG LAS BYE BA BRGYA STONG 'GYUR BAS KYANG LHAG PA'I BKOD PA CHEN POS BYANG CHUB SEMS DPA' GRONG KHYER CHEN PO SER SKYA'I GNAS SU ZHUGS SO; ;DE ZHUGS PA DANG, BUM PA SPOS CHUS GANG BA LNGA STONG GIS MDUN DU DRANGS PAR GYUR TO, ,DE BZHIN DU BU MO LNGA STONG NI RMA BYA'I MDONGS LAG NA THOGS TE MDUN DU 'DONG BAR GYUR TO; ;BU MO LNGA STONG NI SHING TA LA'I YAL GA THOGS SHING MDUN DU 'DONG BAR GYUR TO, ,BU MO LNGA STONG NI SPOS CHU'I RIL BA BHRING GA RA THOGS TE LAM CHAG CHAG GIS 'DEBS @86B SHING MDUN DU 'DONG BAR GYUR TO, ,BU MO LNGA STONG NI NAGS TSAL GYI ME TOG GI PHRENG BA 'PHYANG BA KHYE'U TSANG SNA TSOGS THOGS TE MDUN DU 'DONG BAR GYUR TO, ,BU MO LNGA STONG NI BZANG POR SGYUR BA'I RIN PO CHE THOGS TE LAM GYI BYI DOR BYED CING MDUN DU 'DONG BAR GYUR TO, ,BU MO LNGA STONG NI STAN BZANG PO THOGS SHING MDUN DU 'DONG BAR GYUR TO, ,BRAM ZE LNGA STONG NI DRIL BU THOGS TE BKRA SHIS KYI SGRA 'BYIN CING MDUN DU 'DONG BAR GYUR TO, ,GLANG PO LNGA STONG NI RGYAN THAMS CAD KYIS BRGYAN TE MDUN DU 'DONG BAR GYUR TO, ,RTA NYI KHRI NI GSER GYI RGYAN GYIS BKAB CING RGYAN THAMS CAD KYIS BRGYAN TE MDUN DU 'DONG BAR GYUR TO, ,SHING RTA BRGYAD KHRI NI GDUGS DANG, RGYAL MTSAN DANG, BDAN BSGRENG ZHING DRIL BU G-YER KA'I DRA BAS LEGS PAR BRGYAN TE BYANG CHUB SEMS DPA'I PHYI BZHIN 'DONG BAR GYUR TO, ,RKANG THANG DPA' ZHING RTUL PHOD PA, YAN LAG DAM PA'I GZUGS DANG LDAN PA, GO CHA SRA BA BGOS PA BZHI KHRI NI, BYANG CHUB SEMS DPA' 'GRO BA'I PHYI BZHIN 'DONG BAR GYUR TO, ,'DOD PA NA SPYOD PA DANG, GZUGS NA SPYOD PA'I LHA GRAGS PA GRANGS PA CHE BA BYE BA KHRAG KHRIG BRGYA STONG TSAD MED GRANGS MED PA DAG NI NAM MKHA'I DKYIL NAS BKOD PA RNAM PA SNA TSOGS DU MAS BYANG CHUB SEMS DPA' LA MCHOD PA BYED CING PHYI BZHIN 'DONG BAR GYUR TO, ,SHING RTA GANG LA @87A *, ,BYANG CHUB SEMS DPA' 'DUG PAR GYUR PA DE YANG 'DOD PA NA SPYOD PA'I LHA RNAMS KYIS BKOD PA CHEN PO DU MAS LEGS PAR BRGYAN PAR GYUR TO, ,LHA'I BU MO RGYAN THAMS CAD KYIS CHAS PA RIN PO CHE'I PHRENG BA THOGS PA NYI KHRIS SHING RTA DE DRANGS TE LHA'I BU MO GNYIS KYI BAR DU NI MI'I BU MO GCIG 'DUG ,MI'I BU MO GNYIS KYI BAR DU NI LHA'I BU MO GCIG 'DUG KYANG BYANG CHUB SEMS DPA'I MTHUS LHA'I BU MOS KYANG MI'I BU MO'I DRI MI ZHIM PA MI TSOR, MI'I BU MOS KYANG LHA'I BU MO'I GZUGS MTHONG NA BAG MED PAR MA GYUR TO, ,DGE SLONG DAG ,SER SKYA'I GNAS KYI GRONG KHYER CHEN POR SH'A-KYA LNGA BRGYA TZAM GYIS BYANG CHUB SEMS DPA'I CHED DU KHYIM LNGA BRGYA PHUB STE, DE DAG BYANG CHUB SEMS DPA' GRONG KHYER DER 'JUG PA'I TSE RANG RANG GIS BYAS PA'I KHYIM GYI SGOR 'KHOD DE, THAL MO SBYAR NAS LUS GUS PAR BTUD DE RIM GRO DANG BCAS PAS 'DI SKAD DU, KYE DON THAMS CAD GRUB PA 'DIR GSHEGS SU GSOL, KYE LHA'I LHA 'DIR GSHEGS SU GSOL, KYE SEMS CAN DAG PA 'DIR GSHEGS SU GSOL, KYE KHA LO SGYUR BA DAM PA 'DIR GSHEGS SU GSOL, KYE DGA' ZHING BDE BA DANG MCHOG TU DGA' BA MDZAD PA 'DIR GSHEGS SU GSOL, KYE SMAD PA MED PA'I GRAGS PA MNGA' BA 'DIR GSHEGS SU GSOL, KYE KUN NAS SPYAN @87B MNGA' BA 'DIR GSHEGS SU GSOL, KYE MI MNYAM PA DANG MNYAM SHING 'DRA BA MED PA'I YON TAN DANG GZI BRJOD MNGA' BA, MTSAN DANG DPE BYAD BZANG POS YANG DAG PAR BRGYAN PA'I SKU MNGA' BA 'DIR GSHEGS SU GSOL ZHES DE SKAD 'DZER TO, ,DE NAS RGYAL PO ZAS GTZANG MAS DE DAG THAMS CAD DANG MTHUN PAR BYA BA'I PHYIR BYANG CHUB SEMS DPA' KHYIM DE KUN TU'ANG ZHUGS PAR BYAS TE ZLA BA BZHI LON PA NAS BYANG CHUB SEMS DPA' NYID KYI KHYIM DU ZHUGS TE RIN PO CHE SNA TSOGS BKOD PA ZHES BYA BA'I KHANG BZANG CHEN PO DER BYANG CHUB SEMS DPA' ZHUGS PAR GYUR TO, ,DE NA SH'A-KYA RGAN RABS RGAN RABS RNAMS 'DUS TE BGROS PA, PHAN PA'I SEMS DANG, BYAMS PA'I SEMS KYIS YON TAN DANG LDAN PA DANG, 'JAM PA DANG LDAN PAR BYANG CHUB SEMS DPA' BTZA' BA DANG, BYI DOR BYA BA DANG, NYAMS SU BLANG PAR SUS NUS ZHES BYAS PA DANG, DE NA SH'A-KYA'I BU MO LNGA BRGYA TZAM SO SO NAS 'DI SKAD DU BDAG GIS GZHON NU'I RIM GRO BGYI'O, BDAG GIS GZHON NU'I RIM GRO BGYI'O ZHES ZER RO, ,DE NA SH'A-KYA CHES BGRES CHES BGRES PA DE DAG NA RE, BU MO 'DI DAG THAMS CAD NI BYIS PA GZHON NU, THOR BU GZHON NU LA GZUGS DANG DAR LA BAB PAR RGYAGS SHING DREGS PA YIN PAS 'DI DAG GIS BYANG CHUB SEMS DPA' LA DUS DUS SU RIM GRO BYA BA MI NUS SO, ,SKYE RGU'I BDAG MO CHEN MO GOO TA M'I NI GZHON NU'I @88A *, ,SRU MO STE, 'DIS NI GZHON NU BDE BA DANG LAGS PAR BSKYED PAR NUS SO, ,RGYAL PO ZAS GTZANG MA'ANG MNYES PAR NUS SO ZHES THAMS CAD GROS GCIG, TU 'DUS TE, SKYE RGU'I BDAG MO CHEN PO GOO TA M'I DAD PAR BYAS NAS SKYE RGU'I BDAG MO CHEN MO GOO TA M'I GZHON NU DE LEGS PAR BSKED DO, ,DE'I TSE BYANG CHUB SEMS DPA'I RIM GROR MA MA SUM CHU RTZA GNYIS BKOD PAR GYUR TE, DE LA BRGYAD NI PANG NA 'TSO BA'I MA MA'O, ,BRGYAD NI NU MA SNAN PA'I MA MA'O, ,BRGYAD NI RTZEN GRONGS KYI MA MA'O, ,BRGYAD NI DRI MA 'PHYI BA'I MA MA'O, ,DE NAS RGYAL PO ZAS GTZANG MAS SH'A-KYA'I TSOGS THAMS CAD BSAGS TE DPYAD PA, JI LTAR GZHON NU 'DI 'KHOR LOS BSGYUR BA'I RGYAL PO ZHIG TU 'GYUR RAM; 'ON TE MA YIN GYI, RAB TU 'BYUNG BA'I PHYIR MNGON PAR 'BYUNG ZHES DPYAD PA DANG, DE'I TSE RI'I RGYAL PO GANGS RI'I NGOS LA DRANG SRONG CHEN PO NAG PO ZHES BYA BA MNGON PAR SHES PA LNGA DANG LDAN PA ZHIG SNAG GI TSA BO MIS BYIN ZHES BYA BA DANG LHAN CIG TU 'DUG 'DUG PA LAS, DES BYANG CHUB SEMS DPA' BTZAS PA'I TSE NGO MTSAR RMAD DU BYUNG BA'I CHO 'PHRUL MANG DU MTHONG STE, NAM MKHA'I DKYIL NA'ANG LHA'I BU MO MANG PO SANGS RGYAS KYI SGRA SGROG CING GOS KYI G-YAB MO G-YOB PA DANG, DGA' ZHING PHAN TSUN 'DONG BA MTHONG NAS @88B DES BSAM PA, MA LA BDAG GIS RNAM PAR BLTA BA ZHIG TU BYA'AM SNYAM NAS, DES LHA'I MIG GIS DZAM-BU'I GLING THAMS CAD DU BLTAS NA SER SKYA'I GRONG KHYER CHEN PO DE NA RGYAL PO ZAS GTZANG MA'I KHYIM DU GZHON NU BSOD NAMS KYI GZI BRJID KYIS GZI DANG LDAN PAR BYAS PA, 'JIG RTEN THAMS CAD KYIS MCHOD PA, SKYES BU CHEN PO'I MTSAN SUM CU RTZA GNYIS KYIS LUS LEGS PAR BRGYAN PA ZHIG BTZAS PAR MTHONG NAS BRAM ZE'I KHYE'U MIS BYIN LA SMRAS PA, BRAM ZE'I KHYE'U SHES PAR GYIS SHIG ,DZAM-BU'I GLING DU RIN PO CHE CHEN PO BYUNG STE, SER SKYA'O GNAS KYI GRONG KHYER CHEN PO NA RGYAL PO ZAS GTZANG MA'I KHYIM DU GZHON NU BSOD NAMS KYI GZI BRJID KYIS GZI DANG LDAN PAR BYAS PA, 'JIG RTEN THAMS CAD KYIS MCHOD PA, SKYES BU CHEN PO'I MTSAN SUM CU RTZA GNYIS DANG LDAN PA BTZAS SO, ,DE GAL TE KHYIM NA GNAS NA NI MTHA' BZHI LA DBANG BA'I 'KHOR LOS BSGYUR BA'I RGYAL POR 'GYUR TE, RNAM PAR RGYAL BA DANG LDAN PA, CHOS DANG LDAN PA, CHOS KYI RGYAL PO SRID KYI MTHU STOBS THOB PA, RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BLON PO RIN PO CHE DANG BDUN 'BYUNG BAR 'GYUR RO, ,DE LA BU STONG @89A *, ,YOD PAR 'GYUR TE, DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE 'JOMS PA SHA STAG 'BYUNG BAR 'GYUR RO, ,DE NI SA CHEN PO'I DKYIL 'KHOR 'DI RGYA MTSO'I MTHA' SKOR DANG BCAS PA CHAD PA MED CING MTSON GYIS BDA' BA MED PA DANG, CHOS DANG MTHUN PAR RANG GI MTHUS ZIL GYIS MNAN CING MNGON PAR PHAB STE, DBANG PHYUG GI DBANG GIS RGYAL SRID BYED PAR 'GYUR RO, ,DE GAL TE KHYIM NAS KHYIM MED PAR RAB TU BYUNG NA'ANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR TE, STON PA 'DREN PA GZHAN GYI DRING MI 'JOG PA 'JIG RTEN DU SGRA RNAM PAR GRAGS PAR 'GYUR RO, ,DE LTA BAS NA, TSUR SHOG DE BLTAR 'DONG NGO, ,DE NAS DRANG SRONG CHEN PO NAG PO SNAG GI TSA BO MIS BYIN DANG 'GROGS TE NGANG PA'I RGYAL PO LTAR NAM MKHA'I DKYIL NAS LDING STE SER SKYA'I GNAS KYI GRONG KHYER CHEN PO GA LA BA DER SONG NAS PHYIN PA DANG, RDZU 'PHRUL BRTUL NAS RKANG GIS SER SKYA'I GNAS KYI GRONG KHYER CHEN POR DONG STE RGYAL PO ZAS GTZANG MA'I KHYIM GA LA BA DER PHYIN NAS RGYAL PO ZAS GTZANG MA'I KHYIM GYI SGOR BSDAD DO, ,DGE SLONG DAG ,DE LTAR DRANG SRONG NAG PO DES RGYAL PO ZAS GTZANG MA'I KHYIM GYI SGO DRUNG DU SROG CHAGS BRGYA STONG MANG @89B PO 'DUS PA MTHONG NGO, ,DE NAS DRANG SRONG NAG PO SGO BA'I DRUNG DU SONG STE 'DI SKAD CES SMRAS SO, ,KYE, MI KHYOD SONG LA RGYAL PO ZAS GTZANG MA LA CHAB SGO NA DRANG SRONG ZHIG MCHIS SO ZHES GSOL CIG ,DE NAS SGO BA DES DE LTAR BGYI'O ZHES DRANG SRONG NAG PO'I LTAR MNYAN TE, RGYAL PO ZAS GTZANG MA GA LA BA DER SONG NAS PHYIN PA DANG THAL MO SBYAR TE RGYAL PO ZAS GTZANG MA LA 'DI SKAD CES SMRAS SO, ,LHA MKHYEN PAR MDZAD DU GSOL, CHAB SGO NA DRANG SRONG RGAN PO 'KHOGS PA NAS ? GZER BZHIG MCHIS TE, 'DI SKAD DU BDAG NI, RGYAL PO'I ZHAL MTHONG BAR 'TSAL LO ZHES MCHI'O, ,DE NAS RGYAL PO ZAS GTZANG MAS DRANG SRONG NAG PO'I STAN 'DING DU BCUG STE, MI DE LA 'DI SKAD CES SMRAS SO, ,DRANG SRONG DE NANG DU 'ONG BAR GYIS SHIG ,DE NAS MI DE RGYAL PO'I PHO BRANG NAS BYUNG NAS DRANG SRONG NAG PO LA 'DI SKAD CES SMRAS TE, NANG DU BZHUNG CIG ,DE NAS DRANG SRONG NAG PO RGYAL PO ZAS GTZANG MA GA LA BA DER SONG STE PHYIN PA DANG, MDUN DU 'DUG STE RGYAL PO ZAS GTZANG MA LA 'DI SKAD CES SMRAS SO, ,RGYAL PO CHEN PO, RGYAL BAR SPYON CIG ,RGYAL BAR SPYON CIG ,SKU TSE RING BAR SRUNGS SHIG ,CHOS BZHIN DU RGYAL PO MDZOD CIG ,DE NAS RGYAL PO ZAS GTZANG MAS DRANG SRONG NAG PO LA YON CHU DANG RKANG PA LA GTOR BA'I CHUS MCHOD PA BYAS TE SHIN TU LEGS PAR YONGS SU BKUR NAS STAN LA BDAR TE, DE @90A *, ,STAN LA BDE BAR 'DUG PAR SHES NAS ZHE SA DANG BCAS, GUS PA DANG BCAS PAR 'DI SKAD CES SMRAS SO, ,DRANG SRONG, SNGON MTHONG BAR MI DRAN NA 'DIR CI LA BYON CI ZHIG BZHED, DE SKAD CES SMRAS PA DANG, DRANG SRONG NAG POS RGYAL PO ZAS GTZANG MA LA 'DI SKAD CES SMRAS SO, ,RGYAL PO CHEN PO, KHYOD KYI SRAS SHIG PA LTAMS PAR GYUR PA DE LTA ZHING BDAG 'DIR MA CHIS SO, ,RGYAL POS SMRAS PA, DRANG SRONG CHEN PO, GZHON NU NYAL ZHING MA CHIS KYI, LANGS KYI BAR DU CUNG ZAD CIG GZHES SHIG ,DRANG SRONG GIS SMRAS PA, RGYAL PO CHEN PO, SKYES BU CHEN PO DE LTA BU NI RING POR MI NYAL TE, SKYES BU DAM PA DE LTA BU DAG NI SAD PAR GNAS PA'I NGANG TSUL CAN NO, ,DGE SLONG DAG ,DE NAS BYANG CHUB SEMS DPAS DRANG SRONG NAG PO DE LA SNYING BRTZE BA NYE BAR BZUNG STE SAD PA'I BRNGA BYAS SO, ,DE NAS RGYAL PO ZAS GTZANG MAS GZHON NU DON THAMS CAD GRUB PA LAG PA GNYIS KYIS SHIN TU LEGS PAR BLANGS TE DRANG SRONG NAG PO'I DRUNG DU KHYER RO, ,DE NAS DRANG SRONG NAG POS BYANG CHUB SEMS DPA' BLTAS NA, SKYES BU CHEN PO'I MTSAN SUM CU RTZA GNYIS DANG LDAN ZHING DPE BYAD BZANG PO BRGYAD CUS LEGS PAR RNAM PAR SPRAS PA'I LUS DANG LDAN PA, BRGYA BYIN DANG, TSANGS PA DANG, 'JIG RTEN SKYONG BA LAS 'PHAGS PA'I LUS @90B CAN; NYI MA BRGYA PHRAG STONG LAS KYANG LHAG PA'I GZI BRJID DANG LDAN PA, YAN LAG THAMS CAD DU MDZES PA MTHONG NAS KYE MA 'JIG RTEN DU NGO MTSAR GYI GANG ZAG 'DI BYUNG NGO, ,KYE MA 'JIG RTEN DU NGO MTSAR CHEN PO DANG LDAN PA'I GANG ZAG 'DI BYUNG NGO ZHES CHED DU BRJOD PA CHED DU BRJOD NAS STAN LAS LANGS TE THAL MO SBYAR NAS BYANG CHUB SEMS DPA'I RKANG PA GNYIS LA PHYAG 'TSAL TE BSKOR BA BYAS NAS BYANG CHUB SEMS DPA' PANG DU BLANGS TE SEMS SHING 'DUG PAR GYUR TO, ,DE NAS DES BYANG CHUB SEMS DPA'I LUS LA SKYES BU CHEN PO'I MTSAN SUM CU RTZA GNYIS YOD PA MTHONG STE, DE DAG DANG LDAN PA'I SKYES BU GANG ZAG DE RNAM PA GNYIS SU 'GYUR GYI, GZHAN DU MI 'GYUR RO, ,GAL TE KHYIM NA GNAS NA NI MTHA' BZHI LA DBANG BA'I 'KHOR LOS BSGYUR BA'I RGYAL POR 'GYUR TE ZHES BYA BA NAS SNGA MA BZHIN DU DBANG PHYUG GI DBANG GIS RGYAL SRID BYED DO ZHES BYA BA'I BAR DU 'GYUR BA DANG, GAL TE KHYIM NAS KHYIM MED PAR RAB TU BYUNG NA NI DE BZHIN GSHEGS PAR 'GYUR TE, YANG DAG PAR RDZOGS PA'I SANGS RGYAS SU GRAGS PA 'DREN PA GZHAN GYI DRING MI 'JOG PAR 'GYUR BA MTHONG NAS DES DE LTA BU MTHONG BA DANG, MCHI MA BLAGS TE NGUS NAS SHUGS RING PHYUNG BA DANG, RGYAL PO ZAS GTZANG MAS DRANG SRONG DE MCHI MA BLAGS TE NGUS NAS SHUGS RING 'BYIN @91A *, ,PAR MTHONG NAS DNGANGS ? TE MI DGA' ZHING RINGS PAR RINGS PA DRANG SRONG CHEN PO DE LA SMRAS PA, DRANG SRONG, DE LTAR BSHUMS MO BLAGS TE BSHUMS PA DANG, SHUGS RING 'BYIN PA CI ZHIG NONGS, GZHON NU 'DI LA MI DGE BA'AM ZHIG MI GDA' 'AM, DE SKAD CES SMRAS PA DANG, DRANG SRONG CHEN PO NAG POS RGYAL PO ZAS GTZANG MA LA 'DI SKAD CES SMRAS SO, ,RGYAL PO CHEN PO, BDAG NI GZHON NU'I SLAD DU DU BA'ANG MA LAGS, 'DI LA MI DGE BA'ANG GANG YANG MA MCHIS TE, BDAG NYID DU BAR BAS SO, ,DE CI'I SLAD DU ZHE NA, RGYAL PO CHEN PO, BDAG NI RGAS SHING 'KHOGS TE NAS GZER LA, GZHON NU DON THAMS CAD 'GRUB PA 'DI NI GDON MI 'TSAL BAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, BLA NA MED PA'I CHOS KYI 'KHOR LO DAG SBYONG NGAM, BRAM ZE'AM, LHA'AM, BDUD DAM, TSANGS PA'AM, GZHAN SUS KYANG RUNG STE, 'JIG RTEN DU CHOS DANG MTHUN PAR BSKOR BAR MI NUS PA BSKOR BAR 'GYUR RO, ,LHA DANG BCAS PA'I 'JIG RTEN LA SMAN PA DANG BDE BA'I SLAD DU CHOS STON PAR 'GYUR TE; TSANGS PAR SPYOD PA, THOG MAR DGE BA, BAR DU DGE BA, THA MAR DGE BA'I CHOS, DON BZANG PO, TSIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, @91B YONGS SU BYANG BA'I MTHAR PHYIN PA'I CHOS YANG DAG PAR STON PAR 'GYUR RO, ,SEMS CAN SKYE BA'I CHOS CAN DAG 'DI LAS CHOS DE THOS NAS SKYE BA LAS YONGS SU MA GROL BA RNAMS GROL BAR 'GYUR RO, ,DE BZHIN DU SEMS CAN RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I CHOS CAN RNAMS NI RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS LAS YONGS SU GROL BAR 'GYUR, SEMS CAN 'DOD CHAGS DANG, ZHE SDANG DANG, GTI MUG GI MES GDUNGS PA RNAMS LA NI DAM PA'I CHOS KYI CHAR PAS SIM PAR MDZAD PAR 'GYUR, SEMS CAN LTA BA NGAN PA SNA TSOGS KYI THIBS POS KHEBS PA LAM GOL BAR ZHUGS PA RNAMS NI LAM DRANG POS MYA NGAN LAS 'DAS PAR 'DREN PAR 'GYUR, SEMS CAN 'KHOR BA'I DRA BA DANG BRTZON RAR 'KHOR ZHING NYON MONGS PA'I 'CHING BAS BCINGS PA RNAMS NI BCINGS PA LAS YONGS SU GROL BAR MDZAD PAR 'GYUR, SEMS CAN MI SHES PA'I MUN PA DANG, RAB RIB DANG, LING TOG GIS MIG LDONGS BA RNAMS LA NI SHES RAB KYI MIG SKYED PAR 'GYUR, SEMS CAN NYON MONGS PA'I ZUG RDUS ZUG PA RNAMS LA NI ZUG RDU 'BYIN PAR 'GYUR TE, RGYAL PO CHEN @92A *, ,PO; 'DI LTA STE, DPER NA, AU DUM WA RA'I ME TOG NI BRGYA LA BRGYA LAM NA 'JIG RTEN DU 'BYUNG NGO, ,RGYAL PO CHEN PO, DE BZHIN DU BSKAL PA PHYE BA KHRAG KHRIG MANG POR BRGYA LA BRGYA LAM NA SANGS RGYAS BCOM LDAN 'DAS RNAMS 'JIG RTEN DU 'BYUNG STE, DE LTAR GZHON NU 'DI NI NGES PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR TE, MNGON PAR RDZOGS PAR SANGS RGYAS NAS KYANG SEMS CAN BYE BA KHRAG KHRIG BRGYA STONG 'KHOR BA'I RGYA MTSO'I PHA ROL TU SGROL BAR 'GYUR ZHING 'CHI BA MED PA LA RAB TU GZHOG PAR 'GYUR LA, BDAG GIS NI SANGS RGYAS DKON MCHOG DE MI MTHONG BA DANG, BDAG GI NAD MA MCHIS PA 'DI LA'ANG 'DOD CHAGS DANG BRAL BAR 'GYUR TE, RGYAL PO CHEN PO, BDAG NI DE'I SLAD DU DU ZHING MI DGA' BAS SHUGS RING 'BYIN PA LAGS SO, ,RGYAL PO CHEN PO, BDAG CAG GI BSTAN BCOS LAS 'BYUNG BA LTAR NA NI GZHON NU DON THAMS CAD GRUB PA'ANG KHAB NA BZHUGS PAR MI 'GYUR RO, ,DE CI'I SLAD DU ZHE NA, 'DI LTAR RGYAL PO CHEN PO, GZHON NU DON THAMS CAD GRUB PA 'DI NI SKYES BU CHEN PO'I MTSAN SUM CU RTZA GNYIS DANG LDAN PA STE, SUM CU RTZA GNYIS GANG ZHE NA, RGYAL PO CHEN PO, ,'DI LTA STE, GZHON @92B NU DON THAMS CAD GRUB PA NI DBU GTZUG TOR DANG LDAN PA STE, RGYAL PO CHEN PO, GZHON NU DON THAMS CAD GRUB PA NI SKYES BU CHEN PO'I MTSAN DANG PO 'DI DANG LDAN NO, ,RGYAL PO CHEN PO; GZHON NU DON THAMS CAD GRUB PA NI DBU STANG ZIL BCAG PA'I 'PHRO DANG RMA BYA'I MGRIN PA LTAR MTHON MTHING DU GRUB CING LCANG LOR 'KHRIL LA G-YAS SU 'KHYIL BA DANG, DPRAL BA'I DBYES MNYAM PA LAGS SO, ,RGYAL PO CHEN PO, GZHON NU DON THAMS CAD GRUB PA'I SMIN MTSAMS SU MDZOD SPU SKYES PA NI KHA BA DANG DNGUL GYI MDOG LTAR MCHIS PA LAGS SO; ;RGYAL PO CHEN PO, GZHON NU DON THAMS CAD GRUB PA NI SPYAN GYI RDZI MA BA'I RDZI MA LTA BU DANG, SPYAN DKAR NAG 'BYES PA DANG, TSEMS BZHI BCU MNYAM PA DANG, TSEMS THAGS BZANG BA DANG, TSEMS SHIN TU DKAR BA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI TSANGS PA'I DBYANGS DANG, RO BRO BA'I MCHOG DANG LDAN PA DANG, LJAGS SHIN TU RING ZHING SRAB PA DANG, 'GRAM PA SENG-GE'I 'DRA BA DANG, DPUNG MGO SHIN TU ZLUM PA DANG, MDUN MTHO BA DANG, THAL GONG RGYAS PA DANG, PAGS PA SRAB CING MDOG GSER 'DRA BA DANG, BZHENGS BZHIN DU MA BTUD PAR PHYAG BUS MOR SLEB PA DANG, RO STOD SENG GE'I LTA BU DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI SHING @93A *, ,NYA GRO DHA LTAR CHU ZHENG GAB PA DANG, SPU RE RE NAS SKYES PA DANG, YAN LAG GI SPU G-YAS PHYOGS NAS GYEN DU 'KHYIL BA DANG, 'DOMS KYI SBA BA SBUBS SU NUB PA DANG, BRLA LEGS PAR ZLUM PA DANG, BYIN PA RI DWAGS KYI RGYAL PO AE NA YA'I LTA BU DANG, SOR MO RING BA DANG, ZHABS KYI RTING PA YANGS PA DANG, ZHABS KYI GONG MTHO BA DANG, PHYAG DANG ZHABS KYI MTHIL 'JAM PA DANG, PHYAG DANG ZHABS KYI SOR MO DRA BAS 'BREL BA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA'I ZHABS KYI 'OG GI MTHIL GNYIS LA 'KHOR LO RE RE SKYES PA NI BZANG ZHING RTZIBS STONG DANG LDAN LA, MU KHYUD DANG BCAS, LTE BA DANG BCAS PA LAGS SO, ,RGYAL PO CHEN PO; GZHON NU DON THAMS CAD GRUB PA NI ZHABS MNYAM ZHING SHIN TU GNAS PA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI SKYES BU CHEN PO'I MTSAN SUM CU RTZA GNYIS PO 'DI DAG DANG LDAN NO, ,RGYAL PO CHEN PO, MTSAN GYI RNAM PA DE LTA BU DAG NI, 'KHOR LOS BSGYUR BA'I RGYAL PO LA MI 'BYUNG STE, MTSAN DE LTA BU DAG NI BYANG CHUB SEMS DPA' RNAMS LA 'BYUNG NGO, ,RGYAL PO CHEN PO, GZHON NU DON THAMS CAD GRUB PA'I SKU LA DPE BYAD BZANG PO BRGYAD CU MCHIS TE, DE DAG DANG @93B LDAN PAS GZHON NU DON THAMS CAD GRUB PA NI KHAB NA BZHUGS PAR MI 'GYUR GYI, GDON MI 'TSAL BAR RAB TU 'BYUNG BA'I DON DU MNGON PAR 'BYUNG BAR 'GYUR RO, ,RGYAL PO CHEN PO; DPE BYAD BZANG PO BRGYAD CU PO DE DAG GANG ZHE NA, 'DI LTA STE, RGYAL PO CHEN PO, GZHON NU DON THAMS CAD GRUB PA NI SEN MO MTHO BA DANG, SEN MO ZANGS KYI MDOG LTA BU DANG, SEN MO MDOG SNUM PA DANG, SOR MO RNAMS ZLUM PA DANG, SOR MO RNAMS RGYAS PA DANG, SOR MO BYIN GYIS PHRA BA DANG, RTZA MI MNGON PA DANG, LONG BU MI MNGON PA DANG, TSIGS MI MNGON PA DANG, ZHABS MNYAM ZHING MI MNYAM PA MA MCHIS PA DANG, ZHABS KYI RTING PA YANGS PA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI PHYAG GI RI MO MTSUNGS PA DANG LDAN ZHING PHYAG GI RI MO MA DNGAS YOD PA DANG, PHYAG GI RI MO ZAB PA DANG, PHYAG GI RI MO YA YOR MA GYUR PA DANG, PHYAG GI RI MO RIM PAR 'TSAM PA DANG, SGROS BIM PA LTAR DMAR PA DANG, SGRA MI DRAG PA'I TSIG DANG, LJAGS MNYEN ZHING 'JAM LA ZANGS KYI MDOG LTAR 'DUG PA DANG, GLANG PO CHE'I NGA RO DANG, 'BRUG GI SGRA DANG LDAN PA DANG, SNYAN ZHING 'JAM PA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI DPE BYAD BZANG PO YONGS SU RDZOGS PA STE, PHYAG RING BA DANG, SKU'I NA BZA' GTZANG @94A *, ,MA PHUN SUM TSOGS PA DANG, SKU 'JAM PA DANG, BSNYENGS BA MI MNGA' BA'I SKU DANG, ZHUM PA MI MNGA' BA'I SKU DANG, RIM PAR 'TSAM PA'I SKU DANG, SHIN TU DPA' BAR MDZES PA'I SKU DANG, RNAM PAR LEGS PAR GRUB PA'I SKU DANG, PUS MO'I LHA NGA YANGS SHING RGYA CHE LA SHIN TU GANG BA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI SKU ZLUM PA DANG LDAN PA STE, SKU SHIN TU 'JAM PA DANG, SKU YA YO MA MCHIS PA DANG, SKU RIM GYIS LEGS PAR GRUB PA DANG, LTE BA ZAB PA DANG, LTE BA MA YO BA DANG, LTE BA RIM GYIS GZHOL BA DANG, DRANG SRONG LTAR GTZANG SBRAS SPYOD PA DANG, KUN NAS MDZES PA DANG, SNANG BA DAM PA SHIN TU RNAM PAR DAG CING RAB RIB MA MCHIS PA'I 'OD KUN NAS 'BYUNG BA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA NI GLANG PO LTAR DAL DU ? BA'I 'GROS DANG, SENG-GE'I STABS LTA BU'I 'GROS DANG, KHYU MCHOG GI STABS LTA BU'I 'GROS DANG, NGANG PA'I STABS LTA BU'I 'GROS DANG, G-YAS PHYOGS SU MDZES PAR 'KHOR BA'I 'GROS DANG, DKU ZLUM PA DANG, DKU SKABS PHYIN PA DANG, DKU MA RNYONGS PA DANG, RKED PA GZHU'I 'CHANG BZUNG LTAR PHRA BA DANG, MDOG GI NYES PA SNGO BA'AM, NAG PA'I SKYON DANG BRAL BA'I SKU DANG LDAN PA @94B LAGS SO, ,RGYAL PO CHEN PO, GZHON NU DON THAMS CAD GRUB PA NI MCHE BA ZLUM PA DANG, MCHE BA RNO BA DANG, MCHE BA BYIN GYIS PHRA BA DANG, SHANGS LEGS PAR MTHO BA DANG, SPYAN GSAL BA DANG, SPYAN DRI MA MED PA DANG, 'DZUM PA'I SPYAN DANG LDAN PA DANG, SPYAN RING BA DANG, SPYAN YANGS PA DANG, AU PA LA SNGON PO LTA BU'I SPYAN DANG LDAN PA LAGS SO, ,RGYAL PO CHEN PO; GZHON NU DON THAMS CAD GRUB PA NI SMIN MA'I SPU MNYAM PA DANG, SMIN MA STUG PA DANG, SMIN MA NAG PA DANG, SMIN MA RGYUN CHAGS PA DANG, SMIN MA RIM GYIS GZHOL BA DANG, MKHUR BA RGYAS PA DANG, MKHUR BA MI MNYAM PA MED PA DANG, MKHUR BA SKYON DANG BRAL BA DANG, SDANG BA DANG KHRO BA'I MDOG MED PA DANG, SHIN TU RIG PA'I DBANG PO DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA DE NI MDZOD SPU YONGS SU RDZOGS PA DANG LDAN PA DANG, GDONG DANG DPRAL BA RKYEN DU 'BAB PA DANG, DBU YONGS SU RGYAS PA DANG, DBU SKRA NAG PA DANG, DBU SKRA MNYAM PA DANG, DBU SKRA DRI ZHIM PA DANG, DBU SKRA MI GSHOR BA DANG, DBU SKRA MI 'DZING PA DANG, DBU SKRA BYIN GYIS PHRA BA DANG, DBU SKRA LCANG LOR 'KHRIL BA DANG LDAN PA LAGS SO, ,RGYAL PO CHEN PO, GZHON NU DON THAMS CAD GRUB PA DE NI DBU SKRA DPAL GYI BE'U DANG, BKRA SHIS DANG, G-YUNG DRUNG 'KHYIL BA DANG, SDONG @95A *, ,RIS KYI DBYIBS LTA BU'I DBU SKRA DANG LDAN PA'O, ,RGYAL PO CHEN PO, 'DI DAG NI GZHON NU DON THAMS CAD GRUB PA'I DPE BYAD BZANG PO BRGYAD CU STE, DE DAG DANG LDAN PAS GZHON NU DON THAMS CAD GRUB PA NI KHAB NA BZHUGS PAR MI 'GYUR GYI, GDON MI 'TSAL BAR RAB TU 'BYUNG BA'I SLAD DU MNGON PAR 'BYUNG BAR 'GYUR RO, ,DE NAS RGYAL PO ZAS GTZANG MAS DRANG SRONG CHEN PO NAG PO LAS GZHON NU'I LUNG BSTAN PA DE THOS NAS TSIM ZHING MGU LA YID RANGS TE RAB TU DGA' ZHING DGA' BA DANG, YID BDE BA SKYES NAS STAN LAS LANGS TE BYANG CHUB SEMS DPA'I RKANG PA GNYIS LA PHYAG 'TSAL NAS TSIGS SU BCAD PA 'DI SMRAS SO, ,KHYOD LA LHA KUN PHYAG 'TSAL ZHING, ,DRANG SRONG RNAMS KYIS MCHOD GYUR TE; ;'JIG RTEN KUN GYI MCHOD RTEN PAS, ,BDAG KYANG KHYOD LA PHYAG 'TSAL LO, ,DGE SLONG DAG ,DE LTAR RGYAL PO ZAS GTZANG MAS DRANG SRONG CHEN PO NAG PO DANG, SNAG GI TSA BO MIS BYIN DANG BCAS TE KHA ZAS TSUL DANG 'DRA BAS TSIM PAR BYAS NAS GOS BSKON TE BSKOR BA BYAS SO, ,DE NAS DRANG SRONG CHEN PO NAG PO GNAS DE NYID NAS RDZU 'PHRUL GYIS NAM MKHA' LAS RANG GI GNAS GA LA BA DER SONG NGO, ,DE NAS DRANG SRONG CHEN PO NAG POS BRAM ZE'I KHYE'U MIS BYIN LA 'DI SKAD CES SMRAS SO, ,MIS BYIN, KHYOD KYIS NAM SANGS RGYAS @95B 'JIG RTEN DU BYUNG NGO ZHES THOS PA DE'I TSE KHYOD SONG STE DE'I BSTAN PA LA RAB TU BYUNG ZHIG DANG, DE NI KHYOD KYI YUN RING PO'I DON DANG, PHAN PA DANG BDE BAR 'GYUR RO, ,DE LA 'DI SKAD CES BYA STE, LHA YI TSOGS RNAMS NAM MKHA'I NGOS LA GNAS TE SANGS RGYAS SGRA SGROG PA, ,LHA YI DRANG SRONG NAG PO RI SUL GNAS PAS MTHONG NAS DGA' MCHOG THOB, ,'DI NA SROG CHAGS RNAMS KYI DGA' SKYED SANGS RGYAS ZHES BYA'I TSIG 'DI CI, ,BDAG GI LUS KYANG RAB SIM GYUR CING SEMS BDE MCHOG TU ZHI BAR GYUR, ,LHA 'AM 'ON TE LHA MIN YANG NA NAM MKHA' LDING NGAM ? MI 'AM CI, ,SANGS RGYAS ZHES BYA DGA' DANG MOS BYED TSIG 'DI SNGON CHAD MTHOS CI, ,LHA YI MIG GI PHYOGS BCUR RI DANG SA DANG RGYA MTSO RNAMS LA BLTAS, ,PHYIS YANG SA RI MTSO LA RMAD DU BYUNG BA RNAM PA SNA TSOGS MTHONG, ,'OD GSAL MDZES PA LUS LA SIM BYED 'DI NI RAB TU BZANG SNANG ZHING, ,JI LTAR RI YI RTZE MO RNAMS SU BYI RU'I MYU GU THON GYUR LA; ;SHING LJON RNAMS KYANG ME TOG BZANG RGYAS SNA TSOGS 'BRAS BUS BRGYAN GYUR LAS, ,SRID PA GSUM DU DKON MCHOG DAM PA MYUR DU 'BYUNG BAR SHIN TU GSAL, ,SA 'DI THAMS CAD MNYAM ZHING DRI MED LAG MTHIL BZHIN DU SNANG BA DANG, ,LHA RNAMS DGA' ZHING NAM MKHA'I DKYIL NA GOS KYI G-YAB MO 'BYIN GYUR LA, ,KLU RGYAL RGYA MTSO'I GNAS KYI STENG NA RIN CHEN RMAD @96A *, ,BYUNG 'PHYO BA LAS, ,DZAM-BU'I GLING DU RGYAL BA'I DKON MCHOG CHOS KYI 'BYUNG GNAS NGES PAR 'BYUNG, ,NGAN SONG ZHI ZHING SDUG BSNGAL BRAL TE SEMS CAN RNAMS NI BDER LDAN LA, ,LHA YI TSOGS RNAMS NAM MKHA'I DKYIL LA DGA' DANG LDAN PAR RGYU BA DANG, ,JI LTAR LHA YI GLU DBYANGS SGRA SNYAN YID DU 'ONG BA GRAGS PA LAS, ,SRID PA GSUM 'DIR DKON MCHOG 'BYUNG 'GYUR DE YI LTAS SU GDON MI ZA, ,DZAM BU'I GLING 'DIR DRANG SRONG NAG POS LHA YI MIG GIS RNAM BLTAS NA, ,SER SKYA'I GRONG NA RGYAL PO ZAS GTZANG GRONG KHYER DAM PA YOD PA DER, ,MTHU CHEN MTHU LDAN MTSAN DANG BSOD NAMS GZI BRJID RGYAS PA BTZAS PA MTHONG, ,MTHONG NAS DGA' MGU RANGS SHING BDE BA'I YID SKYES MTHU YANG SKYES PAR GYUR, ,DE NAS NGO MTSAR RNYED DE RANG GI SLOB MA LHAN CIG RINGS SU DONG, ,PHYIN NAS SER SKYAR BRJOD PA'I RGYAL PO'I GRONG KHYER MCHOG GI SGOR 'DUG STE, ,ZHABS 'BRING SROG CHAGS BYE BA KHRAG KHRIG MANG PO DRANG SRONG DES MTHONG NAS, ,SGO BA DE LA SMRAS PA CHAB SGOR DRANG SRONG PHYIN CES MYUR DU GSOL, ,DE MNYAN MYUR DU PHO BRANG NANG PHYIN RGYAL PO LA NI DE BSNYAD PA, ,LHA GCIG DRANG SRONG RGAS 'KHOGS DKA' THUB CHEN PO CAN ZHIG CHAB SGOR MCHIS, ,DRANG SRONG MCHOG DE RGYAL PO'I PHO BRANG NANG DU MCHI BAR DGA' ZHES MCHI, , @96B RGYAL PO CHEN PO NANG DU GTANG NGAM MI GTANG BDAG LA BKA' STZAL GSOL, ,DE NAS DE YI STAN BTING RGYAL POS KHYOD SONG NANG DU BOS ZHES BSGO, ,DRANG SRONG NAG POS SPO BA'I TSIG THOS DGA' MGU BDE DANG LDAN PAR GYUR, ,SKOM PA BSIL BA'I CHU 'DOD BKRES PAS GDUNGS PA ZAS LA MOS PA LTAR, ,DRANG SRONG DAM PA DE YANG SEMS CAN MCHOG DE MTHONG DU MNGON PAR DGA', ,RGYAL PO RGYAL GYUR SKU TSE RING SRUNG GSOL ZHES DGA' BAS DE SKAD SMRAS, ,SNYAN PAR BRJOD NAS YID DUL DBANG PO ZHI ZHING DES PA STAN LA 'DUG ,RGYAL POS GUS PAR SMRA BYAS DRANG SRONG THUB PA DE LA TSIG BRJOD PA, ,RGYAL PO'I PHO BRANG 'DIR BYON RGYU CI THUB PAS BDAG LA MYUR DU GSUNGS, ,KHYOD KYI SRAS BLTAMS GZUGS MCHOG PHA ROL PHYIN CING GZI BRJID CHE DANG LDAN, ,MTHU CHEN MTSAN RAB SUM CU GNYIS KYIS KUN NAS BRGYAN MNGA' BA, ,RGYAL PO KHYOD SRAS THAMS CAD DON GRUB DE NI MTHONG BAR BDAG DGA' STE, ,DE SLAD 'DIR MCHIS RGYAL PO BDAG LA 'TSAL BA GZHAN NI YONG MA MCHIS, ,LEGS SO LEGS PAR BYON TE MNYEL TAM MA MNYEL KHYOD MTHONG BDAG DGA' 'O, ,MCHOG SBYIN GZHON NU DE NYAL DE LTAR BLTA BA'I SKABS NI MA MCHIS KYI, ,RE ZHIG YUD TZAM GZHES DANG 'DI NI ZLA BA NYA BA DRI MED PA, ,SKAR MA'I TSOGS KYIS BRGYAN PA 'DRA BA'I DRI MED GZIGS BAR @97A *, ,'GYUR; ;GANG TSE KHA LO SGYUR MCHOG ZLA BA RGYAS PA'I 'OD MNGA' DE SAD BA, ,DE TSE RGYAL POS 'OD 'BAR GZUGS 'CHANG NYI LAS 'PHAGS 'OD PANG BLANGS TE, , 'DI LTAR DRANG SRONG LHA MIS MCHOD PA GSER MCHOG GZUGS LDAN DE GZIGS SHIG ,DRANG SRONG NAG POS DE YI RKANG PA MDZES PA 'KHOR LO'I MTSAN CAN MTHONG, ,DE NAS LANGS TE THAL MO SBYAR NAS RKANG PA GNYIS LA PHYAG 'TSAL TE, ,BDAG NYID CHEN PO BSTAN BCOS MKHAS PAS PANG DU BLANGS NAS BSAM ZHING BLTAS, ,DES NI MTHU CHEN MTHU LDAN MTSAN GYI MCHOG GIS BRGYAN PA MTHONG GYUR NAS, ,MGO LCOGS RIG BYED BSTAN BCOS MKHAS PA DES NI DE LA RNAM GNYIS MTHONG, ,STOBS LDAN 'KHOR LOS BSGYUR BA'I RGYAL PO'AM SANGS RGYAS 'JIG RTEN GTZO BOR 'GYUR, ,SHIN TU MI DGA' LUS DANG SEMS KYI MCHI MA BLAGS TE SHUGS RING PHYUNG, ,RGYAL PO MCHOG KYANG DNGANGS ? PAR GYUR NAS BRAM ZE CI SLAD BSHUMS ZHES SMRA, ,DRANG SRONG NAG POS BDAG GI DON GRUB BGEGS SHIG MA GZIGS SAM, ,DRANG SRONG CI SLAD BSHUMS MDZAD DGE SDIG GANG GZIGS BDAG LA MED PAR GSUNGS, ,KHYOD SRAS DON KUN GRUB LA BAR CHAD SDIG TU 'GYUR BA MA MCHIS TE, ,BDAG LA BDAG NYID RGAS SHING 'DI LTAR 'KHOGS PAR GYUR CES MYA NGAN BGYID, ,'DI NI SANGS @97B RGYAS 'JIG RTEN MCHOG 'GYUR CHOS KYANG YANG DAG STON PAR 'GYUR, ,BDAG GIS DGA' BA THOB PAS YID KYIS MI MTHONG NGO ZHES DE SLAD DU, ,'DI YI SKU LA MTSAN RAB SUM CU RTZA GNYIS DRI MED MNGA' BA LAS, ,RNAM PA GNYIS SU 'GYUR TE GSUM DU MA MCHIS RGYAL PO MKHYEN PAR MDZOD, ,'KHOR LOS BSGYUR BA'I RGYAL 'GYUR YANG NA SANGS RGYAS 'JIG RTEN GTZO POR BYON, ,'DI NI 'DOD PA'I YON TAN BZHED PAR MI 'GYUR NGES PAR SANGS RGYAS 'GYUR, ,DRANG SRONG LUNG BSTAN DE THOS RGYAL PO DGA' ZHING BDE BA THOB PAR GYUR, ,DE NAS LANGS TE THAL MO SBYAR NAS RKANG PA GNYIS LA PHYAG KYANG BYAS, ,STOBS MCHOG LDAN PA KHYOD NI LHAS MCHOD DRANG SRONG RNAMS KYIS BSNGAGS PA STE, ,SRID GSUM KUN GYI 'GRO BA'I DED DPON MCHOG GYUR KHYOD LA PHYAG 'TSAL LO, ,DRANG SRONG DGA' BAS TSA PO DE LA SMRAS PA NGA YI GDAMS NGAG NYON, ,GANG TSE 'DI NI BYANG CHUB SANGS RGYAS 'GRO LA 'KHOR LO BSKOR THOS PA, ,DE TSE MYUR DU THUB PA'I BSTAN LA RAB BYUNG MYA NGAN 'DAS PA 'THOB, ,DRANG SRONG DAM PA DE YI RKANG LA PHYAG 'TSAL BSKOR BA BYAS NAS NI, ,'DI 'DRA'I SRAS MNGA' KHYOD KYI THOB PA RGYA CHEN LEGS PAR THOB CES SMRAS, ,'DI NI 'JIG RTEN LHA DANG MIR BCAS CHOS KYIS TSIM PAR MDZAD PAR 'GYUR, ,DRANG SRONG MCHOG DE SER SKYA'I GNAS NAS BYUNG NAS BDAG GNAS DGON PAR PHYIN,, ,, @98A *, ,'PHAGS PA RGYA CHER ROL PA ZHES BYA BA THEG PA CHEN PO'I MDO, ,BAM PO DRUG PA, DGE SLONG DAG ,DE LTAR BYANG CHUB SEMS DPA' BTZAS MA THAG TU LHA'I BU DBANG PHYUG CHEN POS GNAS GTZANG MA'I RIS KYI LHA'I BU RNAMS LA BOS TE 'DI SKAD CES SMRAS SO, ,GROGS PO DAG ,BYANG CHUB SEMS DPA' SEMS DPA' CHEN PO GANG BSKAL PA BYE BA KHRAG KHRIG BRGYA STONG GRANGS MED PAR YONGS SU SBYANG BA BYAS PA, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS DANG, THOS PA DANG, SPYOD PA DANG, BRTUL ZHUGS DANG, DKA' THUB CAN, SPYAD PA LEGS PAR SPYAD PA, BYAMS PA CHEN PO DANG, SNYING RJE CHEN PO DANG, DGA' BA CHEN PO DANG LDAN PA, BTANG SNYOMS KYIS YANG DAG PAR 'PHAGS PA'I BLO CAN, SEMS CAN THAMS CAD LA PHAN PAR BRTZON PA, BRTZON 'GRUS BRTAN PA'I GO CHA LEGS PAR BGOS PA, SNGON GYI RGYAL BA LA DGE BA'I RTZA BA SKYED PAS BYUNG BA, BSOD NAMS BRGYA PA'I MTSAN GYIS YANG DAG PAR BRGYAN PA, RTUL BA NGES PAR BYAS PA DANG LDAN PA, PHA ROL GYI DMAG TSOGS RAB TU 'JOMS PA, DGA' BA'I BSAM PA SHIN TU DRI MA MED PA PHUN SUM TSOGS PA, YE SHES CHEN PO'I TOG GI RGYAL MTSAN CAN, BDUD KYI STOBS MTHAR @98B 'BYIN PA, STONG GSUM GYI DED DPON CHEN PO, ,LHA DANG MIS MCHOD PA, MCHOD SBYIN CHEN PO'I MCHOD SBYIN BYAS PA, BSOD NAMS KYI TSOGS SHIN TU PHUN SUM TSOGS PA DANG LDAN PA 'BYUNG BA'I BSAM PA CAN, SKYE BA DANG, RGA BA DANG, 'CHI BA MTHAR 'BYIN PA, LEGS PAR SKYE BAS SKYES PA, 'GRO BA RNAM PAR BYANG CHUB PAR BYED PA, BU RAM SHING PA'I RGYAL PO'I RIGS SU SKYES NAS MI'I 'JIG RTEN DU BYUNG STE, DE MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'I, TSUR SHOG ,BDAG CAG DE LA PHYAG 'TSAL ZHING RIM GROR BYA BA DANG, BKUR STIR BYA BA DANG, MNGON PAR BSTOD PAR BYA BA'I PHYIR 'DONG NGO, ,LHA'I BU NGA RGYAL GYI ZIL GYIS NON PA GZHAN DAG KYANG BDAG CAG BYANG CHUB SEMS DPA' LA PHYAG 'TSAL BA MTHONG BA DANG, DE DAG KYANG NGA RGYAL DANG, DREGS PA DANG, RGYAGS PA GTONG BAR 'GYUR TE, BYANG CHUB SEMS DPA' LA PHYAG 'TSAL ZHING RIM GRO DANG BKUR STI BYED PAR BYA BA'I PHYIR 'DONG NGO, ,DE NI LHA'I BU DE DAG LA YUN RING PO'I DON DANG, PHAN PA DANG, BDE BA DANG, 'CHI BA MED PA 'THOB PA'I BAR DU 'GYUR RO, ,RGYAL PO ZAS GTZANG MA RGYAL BA 'PHEL BA'ANG RJES SU BSGRAGS PAR 'GYUR RO, ,BYANG CHUB SEMS DPA' YANG DE KHO NA'I LUNG BSTAN PAS LUNG BSTAN TE BDAG CAG PHYIR 'ONG BAR BYA'O, ,DE SKAD CES BSGO NAS LHA'I BU DBANG @99A *, ,PHYUG CHEN PO LHA'I BU BRGYA STONG PHRAG BCU GNYIS KYIS YONGS SU BSKOR CING MDUN DU BDAR NAS SER SKYA'I GNAS KYI GRONG KHYER CHEN PO THAMS CAD 'OD KYIS RGYAS PAR BKANG STE RGYAL PO ZAS GTZANG MA'I PHO BRANG GA LA BA DER SONG NAS PHYIN PA DANG, SGO BAS RGYAL PO LA GSOL TE, RGYAL POS GNANG NAS RGYAL PO'I PHO BRANG DU PHYIN TE BYANG CHUB SEMS DPA'I RKANG PA LA MGO BOS PHYAG 'TSAL NAS BLA GOS PHRAG PA GCIG TU GZAR TE LAN BRGYA STONG PHRAG DU MAR BSKOR BA BYAS NAS BYANG CHUB SEMS DPA' PANG DU BLANGS TE RGYAL PO ZAS GTZANG MA LA DGA' BAR BYA BA'I PHYAR 'DI SKAD CES SMRAS SO, ,RGYAL PO CHEN PO, DGYES PA'I DAM PAR DGYES PAR MDZOD CIG ,DE CI'I SLAD DU ZHE NA, RGYAL PO CHEN PO; BYANG CHUB SEMS DPA'I SKU MTSAN DANG DPE BYAD ? BZANG POS LEGS PAR BRGYAN PA DANG, GZHON NUS LHA DANG, MI DANG, LHA MA YIN DU BCAS PA'I 'JIG RTEN KHA DOG DANG, GZI BRJID DANG, GRAGS PA DANG, DPAL GYIS ZIL GYIS NON PA LAS NA, RGYAL PO CHEN PO, BYANG CHUB SEMS DPA' NI GDON MI 'TSAL BAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DGE SLONG DAG ,DE LTAR LHA'I BU DBANG PHYUG CHEN PO GNAS GTZANG MA'I RIS KYI LHA'I BU MANG PO DANG LHAN CIG TU @99B BYANG CHUB SEMS DPA' LA MCHOD PA DANG, RIM GRO CHEN PO BYAS TE, DE KHO NA'I LUNG BSTAN PAS BYANG CHUB SEMS DPA' LUNG BSTAN NAS PHYIR BDAG GI GNAS SU SONG NGO, ,DE LA 'DI SKAD CES BYA STE, YON TAN RGYA MTSO'I PHA ROL PHYIN PA DE BLTAMS PA, ,LHA YI DBANG POS SHES NAS DGA' STE LHA LA SMRAS, ,DE THOS 'GYUR BA'ANG BSKAL PA BYE MANG SHIN TU DKA', ,TSUR SHOG MI YI DBANG PO DE LA MCHOD DU 'DENG, ,RIN CHEN NOR BUS GTZUG NI LEGS BRGYAN SPYOD LAM LDAN, ,GTZUG PHUD MDZES PA 'PHYANG BA RNAM PAR NGAG PA'I LHA, ,STONG PHRAG BCU GNYIS TSANG BA SER SKYA'I GNAS MCHOG TU, ,MYUR DU LHAGS NAS RGYAL PO'I SGO YI DRUNG NA SDOD, ,DE DAG RNAMS KYIS SGO BA LA NI YID 'ONG SMRAS, ,RGYAL PO'I PHO BRANG SONG STE THUGS SU CHUD PAR GSOL,, CHAB SGO BAS KYANG CHIG DE MNYAN NAS NANG DU SONG, ,THAL MO SBYAR NAS RGYAL PO DE LA 'DI SKAD SMRAS, ,LHA GCIG RTAG TU RGYAL GYUR SKU TSE RING DU SRUNGS, ,BSOD NAMS YANGS PA RNAM DAG 'OD CAN CHAB SGOR MCHIS, ,RIN CHEN NOR BUS GTZUG NI LEGS BRGYAN SPYOD LAM LDAN, ,ZLA BA NYA LTAR BZHIN BZANG ZLA LTAR DRI MED 'OD, ,RGYAL PO DA DAG GANG DU MCHI YANG GRIB MI GDA'; ;SUG PA 'DOR YANG GOM PA'I SGRA DAG THOS MI 'GYUR, ,DOG SAR RGYU BA BGYID KYANG RDUL NI YONG MI LDANG, ,SKYE BO RNAMS KYANG DE DAG MTHONG NA NGOMS MI 'GYUR, ,DE DAG LUS @100A *, ,KYI 'OD NI SHIN TU RGYA CHEN GSOL, ,TSIG KYANG YID DU MCHIS TE MI LA DPE MA MCHIS, ,ZAB CING 'JAM MNYEN SNYAN PA 'BYUNG BA'I GNAS LAS NA, ,DE DAG MI MA LAGS KYI LHA TSOGS LAGS SNYAM BGYID, ,ME TOG MCHOG PHRENG PHYUG PA DAR GYI LDA LDI DAG ,KUN GYI LAG NA THOGS NAS GUS DANG BCAS PAR SDOD, ,RGYAL PO LHA RNAMS DE DAG GZHON NU LHA YI LHA, ,BLTA BAR 'TSAL ZHING MCHOD PA'I SLAD DU MCHIS SU NGES, ,RGYAL POS DE SKAD TSIG THOS RAB TU DGAR GYUR NAS, ,SONG STE DUN KYANG PHO BRANG NANG DU GSHEGS ZHES GYIS, ,DE DAG YON TAN SPYOD LAM KHYOD KYIS SMRAS LTAR NA, ,RDZU 'PHRUL DE 'DRA BA NI MI LA GANG YANG MED, ,SGO BAS THAL MO SBYAR TE LHA LA 'DI SKAD SMRAS, ,RGYAL POS GNANG GI KHYED CAG NANG DU BZHUD DU GSOL, ,LAG NA PHRENG THOGS DE DAG DGA' MGU YID RANGS TE, ,LHA YI GNAS DANG 'DRA BA'I RGYAL PO'I KHYIM DU ZHUGS, ,LHA MCHOG DE DAG KHYIM DU PHYIN PAR MTHONG NAS NI, ,RGYAL PO STAN LAS LANGS TE THAL MO SBYAR BYAS NAS, ,RIN CHEN RTZA BA CAN GYI KHRI GDAN BSHAMS PA 'DIR, ,THUGS BRTZE MDZAD PA'I THUGS KYIS KHYED CAG BZHUGS SU GSOL, ,NGA RGYAL DREGS MED DE DAG STAN LA 'KHOD PAR GYUR, ,BDAG CAG CI SLAD 'DIR MCHIS RGYAL PO GSAN DU GSOL, ,KHYOD SRAS RNAM DAG SKU @100B MNGA' BSOD NAMS CHEN PO BLTAMS, ,SHIN TU LEGS PA'I ZHABS LDAN BDAG CAG MTHONG BAR 'TSAL, ,GANG GI 'GRO BA GANG DANG SBYOR BA GANG CIR 'GYUR, ,MTSAN BZANG MTSAN GYI CHO GA DAG NI BDAG CAG 'TSAL, ,DE BAS RGYAL PO'I DAM PA MI DGYES SPANG BAR MDZOD, ,SNA TSOGS MTSAN GYI YAN LAG BRGYAN PA BLTA BAR 'TSAL, ,RGYAL PO BUD MED TSOGS KYIS BSKOR BA DE RAB DGA', ,GZHON NU ME YI 'OD LTAR 'BAR BA PANG DU BLANGS, ,LHA MCHOG GTZUG PHUD 'PHYANG BA DAG NI NYE BAR BSNYEN, ,THOG MA SGOR BYUNG STONG GSUM 'DI DAG KUN TU G-YOS,, LHA MCHOG DE DAG 'DREN PA'I ZHABS DANG SEN MO NI, ,ZANGS MDOG DRI MED RNAM DAG GZI BRJID LDAN MTHONG NAS, ,GTZUG PHUD 'PHYANG BA DE DAG MYUR DU LANGS PAR GYUR, ,DRI MA MED PA'I 'OD KYI ZHABS LA MGOS PHYAG 'TSAL, ,'DI 'DRA'I MTSAN DANG 'DI 'DRAR LTA BA DPAL CAN DANG, ,'DI 'DRA'I BSOD NAMS GZI BRJID SPYI GTZUG MI MTHONG DANG, ,MDZOD SPU NAS NI RGYA CHEN 'OD 'BYUNG 'DI 'DRA LAS, ,DUD RNAMS PHAM MDZAD BYANG CHUB BRNYES 'GYUR GDON MI 'TSAL, ,MUN SEL NYON MONGS BRAL BA'I YON TAN BRTAGS NAS SU, ,YANG DAG YON TAN JI LTAR DON MTHONG DE LA BSTOD, ,SKYE DANG RGA DANG 'CHI DANG NYON MONGS DGRA BSAL BA'I, ,SEMS CAN RIN CHEN 'DI NI RING POR MI THOGS 'BYUNG, ,YONGS RTOG 'DOD CHAGS YUL GYI @101A *, ,GTZUB MAS BSKYED PA YI, ,RNAM GSUM MES NI SRID GSUM KUN 'BAR YONGS GDUNGS PAR, ,DPA' KHYOD CHOS KYI SPRIN GYIS STONG GSUM BKANG NAS NI, ,'CHI MED CHAR GYIS NYON MONGS GDUNG BA ZHI MDZAD 'GYUR, ,BYAMS PA'I GSUNG MNGA' THUGS RJE LDAN PA 'JAM PA'I GSUNG, ,TSANGS PA'I SGRA DBYANGS YID 'ONG GSUNG DU SGROG MDZAD PA, , STONG GSUM KUN TU GO ZHING 'GRO BA GOR 'GYUR BA, ,BCOM LDAN KHYOD KYIS SANGS RGYAS GSUNG CHEN MYUR DU SGROG ,SRING PA'I 'DOD CHAGS BCINGS BYING SRID PA'I RTZER GNAS PA; ;MU STEGS CAN GYI TSOGS NGAN LOG PAR LTA BA BCOM, ,KHYOD KYI RGYU LA BRTEN DANG STONG PA'I CHOS THOS NAS, ,SENG-GES WA TSOGS BZHIN DU DE DAG 'BYER BAR 'GYUR, ,NYON MONGS CHEN PO'I DU BA MA RIG BSGRIBS BSAL TE, ,KUN TU BYUNG BA SKYE BO NGES PAR SNANG BYED PA'I, ,YE SHES 'OD 'PHRO SHES RAB 'OD RIG GZIGS PA YIS, ,'GRO BA KUN GYI MUN PA CHEN PO BSAL BAR GSOL, ,GANG DU SEMS CAN DAG PA RMAD BYUNG 'DI 'DRA BYUNG, ,LHA DANG MI RNAMS KYIS NI RNYED PA RGYA CHEN THOB, ,RNAM PAR RTOGS PAR MDZAD PA'I SEMS CAN RIN CHEN 'DIS; ;NGAN SONG LAM BCAD LHA YI LAM NI GTOD PAR 'GYUR, ,SER SKYA'I GNAS SU LHA YI ME TOG CHAR PHAB NAS, ,BSKOR BA BYAS TE GUS PAR BSTOD PA BYAS NAS NI, ,SANGS RGYAS @101B SANGS RGYAS LEGS ZHES DE DAG TSIG BRJOD CING, ,LHA TSOGS DE DAG TSUL DU SHIS PAR MKHA' LAS DONG, ,BLTAMS PA'I LE'U STE, BDUN PA'O,, ,,DGE SLONG DAG ,DE LTAR BYANG CHUB SEMS DPA' GANG GI NUB MO BTZAS PA DE NYID KYI NUB MO RGYAL RIGS DANG, BRAM ZE DANG, KHYIM BDAG GI RIGS SHING S'A LA CHEN PO LTA BU RNAMS SU BU MO NYI KHRI BTZAS PAR GYUR TE; DE DAG THAMS CAD KYANG DE DAG GI PHA MA RNAMS KYIS BYANG CHUB SEMS DPA' LA RIM GRO BYA BA DANG, BSNYEN BKUR BYA BA'I PHYIR PHUL LO, ,RGYAL PO ZAS GTZANG MAS KYANG BU MO NYI KHRI BYANG CHUB SEMS DPA' LA RIM GRO BYA BA DANG, BSNYEN BKUR BYA BA'I PHYIR PHUL LO, ,MDZA' BSHES DANG, BLON PO DANG, NYE DU DANG, SNAG GI GNYEN MTSAMS DAG GIS KYANG BYANG CHUB SEMS DPA' LA RIM GRO BYA BA DANG, BSNYEN BKUR BYA BA'I PHYIR BU MO NYI KHRI PHUL LO, ,BLON PO'I 'KHOR RNAMS KYIS KYANG BYANG CHUB SEMS DPA' LA RIM GRO DANG, BSNYEN BKUR BYA BA'I PHYIR BU MO NYI KHRI PHUL LO, ,DGE SLONG DAG ,DE'I TSE SH'A-KYA RGAN RABS RGAN RABS RNAMS 'DUS NAS RGYAL PO ZAS GTZANG MA LA 'DI SKAD CES SMRAS SO, ,LHA MKHYEN PAR MDZAD DU GSOL, ,GZHON NU 'DI NI LHA KHANG DU BKUR BAR BGYI'O, ,RGYAL POS SMRAS PA, GZHON NU DE LTAR BKUR BA LEGS KYI, DE BAS NA GRONG KHYER NI BRGYAN PAR GYIS SHIG , @102A *, ,SRANG DANG, LAM GYI BZHI MDO DANG, SUM MDO DANG, TSONG DUS DAG NI MDZES PAR GYIS SHIG ,BKRA MI SHIS PA SGUR PO DANG, ZHAR BA DANG, 'ON PA DANG, LKUGS PA DANG, DBYIBS MI MDZES PA DANG, GZUGS MI MDZES PA DANG, DBANG PO MA TSANG BA RNAMS NI SOL CIG ,BKRA SHIS PA RNAMS KYANG SOGS SHIG ,BSOD NAMS KYI RNGA NI RDUNGS SHIG ,BKRA SHIS KYI DRIL NI DKROL CIG ,GRONG KHYER DAM PA'I SGO NI RGYAN GYIS LEGS PAR SPUD CIG ,ROL MO SIL SNYAN DANG PHEG RDO PA PA SHIN TU YID DU 'ONG BA DAG NI LEN ZHING RDOBS SHIG ,KHAMS KYI RGYAL PO THAMS CAD NI SOGS SHIG ,TSONG DPON DANG, KHYIM BDAG DANG, BLON PO DANG, SGO BA DANG, 'KHOR GYI MI DAG NI GCIG TU SDUS SHIG ,BU MO'I SHING RTA NI SHOMS SHIG ,BUM PA GANG BA RNAMS NI SNYEN CIG ,BRAM ZE KHA TON PA RNAMS NI SDUS SHIG ,LHA KHANG RNAMS NI SHIN TU BRGYAN PAR GYIS SHIG ,DGE SLONG DAG ,DE NAS RGYAL POS JI SKAD BSGO BA DE BZHIN DU THAMS CAD SBYAR BA DANG, DE NAS RGYAL PO ZAS GTZANG MA RANG GI KHYIM DU SONG NAS SKYE RGU'I BDAG MO CHEN MO GO'U TA M'I LA BOS TE 'DI SKAD CES SMRAS SO, ,GZHON NU LHA KHANG DU BKUR GYI, RGYAN GYIS LEGS PAR BRGYAN PAR GYIS SHIG ,LEGS SO ZHES SKYE @102B RGU'I BDAG MO CHEN MO GO'U TA M'IS DE LTAR MNYAN TE GZHON NU RGYAN GYIS BRGYAN TO, ,DE NAS GZHON NU DE RGYAN GYIS BRGYAN PA'I TSE BZHIN 'DZUM ZHING KHRO GNYER MED PAS SHIN TU YID DU 'ONG BA'I TSIG GIS SRU MO LA SMRAS PA, MA, BDAG GANG DU BKUR, SMRAS PA, BU, LHA KHANG DU BKUR RO, ,DE NAS GZHON NUS BZHIN 'DZUM STE BA GAD NAS SRU MO LA TSIGS SU BCAD DE SMRAS PA, BDAG BTZAS DE TSE STONG GSUM 'DI NI G-YOS PAR GYUR, ,BRGYA BYIN TSANGS PA LHA MIN LTO 'PHYE CHEN PO DANG, ,NYI ZLA DE BZHIN RNAM THOS BU DANG GZHON NU YANG, ,SPYI BO RKANG PA GNYIS LA GTUGS TE PHYAG 'TSAL NA, ,DE RING MA YIS GANG DU BDAG BKUR BGYI BA YI, ,LHA GZHAN BDAG GI GONG NA 'PHAGS PA GANG ZHIG BCHIS, ,LHA RNAMS KUN LAS BDAG 'PHAGS LHA YI LHA LAGS TE, ,BDAG 'DRA'I LHA YANG MA MCHIS GONG MA GA LA MCHIS, ,'ON KYANG 'JIG RTEN RJES BSNYEGS TZAM DRU ? BDAG MCHI'O, ,BDAG GI RNAM 'PHRUL SKYE BOS MTHONG NA DGAR 'GYUR ZHING, ,RIM GRO BKUR STI SHIN TU CHE BAR BGYID 'GYUR LA, ,LHA MIS 'DI NI LHA YI LHA ZHES RIG PAR 'GYUR, ,DGE SLONG DAG ,DE LTAR GRONG KHYER DU GZHON NU'I SHING RTA BSHAMS TE RGYAN GYIS BRGYAN NAS BKRA SHIS THAMS CAD BSHAMS TE RGYAL PO ZAS GTZANG MAS GZHON NU PANG DU BLANGS NAS BRAM ZE DANG, GRONG @103A *, ,RDAL PA DANG, TSONG DPON DANG, KHYIM BDAG DANG, BLON PO DANG, KHAMS KYI RGYAL PO DANG, SGO BA DANG, 'KHOR GYI MI DANG, MJA' BSHES DANG, NYE DUS BSKOR TE SRANG DANG, LAM GYI BZHI MDO DANG, SUM MDO DANG, TSONG DUS RGYAN TSAD MED PAS BRGYAN PA DAG NAS BDUG SPOS DRI ZHIM POS NI BDUGS, ME TOG SIL MA NI, GTOR, RTA DANG, GLANG PO CHE DANG, SHING RTA DANG, RKANG THANG GI BUN LONG NI CHER GYUR, GDUGS DANG, RGYAL MTSAN DANG, BA DAN NI BSGRENG, SIL SNYAN SNA TSOGS KYI SGRA NI PHYUNG STE SONG BAR GYUR TO, ,DE'I TSE LHA BRGYA STONG DAG GIS BYANG CHUB SEMS DPA'I SHING RTA DRANGS TE LHA'I BU MO BYE BA KHRAG KHRIG BRGYA STONG DU MAS NAM MKHA'I DKYIL NAS ME TOG GI CHAR PHAB STE, SIL SNYAN SGRA 'BYIN PAR GYUR TO, ,DGE SLONG DAG ,DE LTAR RGYAL PO ZAS GTZANG MAS RGYAL PO'I BKOD PA CHEN PO DANG, RGYAL PO'I PHUN SUM TSOGS PA CHEN PO DANG, RGYAL PO'I BYIN CHEN POS GZHON NU DE KHYER TE LHA KHANG DU PHYIN TO, ,DE NAS BYANG CHUB SEMS DPAS LHA KHANG DER RKANG PA G-YAS PA'I MTHIL BZHAG PA DANG, DE NAS LHA'I GZUGS SEMS MED PA DE DAG 'DI LTA STE, GU LANG DANG, SKEM BYED DANG, LUS NGAN DANG, ZLA BA DANG, NYI MA DANG, RNAM THOS KYI BU DANG, BRGYA BYIN DANG, TSANGS @103B PA DANG, 'JIG RTAN SKYONG BA LA SOGS PA'I GZUGS THAMS CAD KYANG RANG RANG GI GNAS NAS LANGS TE BYANG CHUB SEMS DPA'I RKANG PA LA PHYAG 'TSAL BAR GYUR TO, ,DE'I TSE LHA DANG MI BRGYA STONG NI KYE MA AA LA LA ZHES BYA BA DANG, CA CO DANG, GA ZHA'I SGRA BRGYA STONG MANG PO 'BYIN PAR GYUR TO, ,SER SKYA'I GNAS KYI GRONG KHYER CHEN PO DAM PA DE THAMS CAD KYANG RNAM PA DRUG TU G-YOS SO, ,LHA'I ME TOG GI CHAR YANG MNGON PAR BAB BO, ,LHA'I SIL SNYAN BRGYA STONG DUM DAG KYANG MA DKROL BAR SGRA 'BYIN PAR GYUR TO, ,LHA GANG DAG GI GZUGS GANG YIN PA DE DAG THAMS CAD KYANG RANG RANG GI GZUGS BSTAN NAS TSIGS SU BCANG PA 'DI DAG SMRA BAR GYUR TO, ,RI RGYAL RI MCHOG RI RAB NAM YANG YUNGS KAR 'BRU LA PHYAG MI 'TSAL RGYA MTSO KLU RJE GNAS NI NAM YANG BA RJES CHU LA PHYAG MI 'TSAL, ,NYI ZLA 'OD BYED SRIN BU ME KHYIR 'OD BYED DE LA PHYAG MI 'TSAL, ,BSOD NAMS SHES RAB RIGS BYUNG LEGS LDAN LHA RNAMS GANG LA'ANG PHYAG MI BZHES, ,YUNGS 'BRU BA RJES CHU DANG SRIN BU ME KHYER 'DRA BAR GYUR PA NI, ,STONG GSUM 'DI NA LHA MI GANG YANG RUNG STE NGA RGYAL GNAS PA LAGS, ,RI RAB RGYA MTSO NYI ZLA 'DRA BA 'JIG RTEN RANG BYUNG DAM PA STE, ,DE LA 'JIG RTEN PHYAG 'TSAL BA NI MTHO RIS MYA NGAN 'DAS PA 'THOB, ,BYANG CHUB SEMS DPA' LHA KHANG DU ZHUGS PA DE BSTAN PA'I TSE @104A *, ,LHA'I BU BRGYA STONG PHRAG SUM CU RTZA GNYIS KYIS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR TO, ,DGE SLONG DAG ,BYANG CHUB SEMS DPA' LHA KHANG DU KHYER BA'I TSE BTANG SNYOMS SU BZHAG PA'I RKYEN NI, DE YIN, RGYU NI DE YIN NO, ,LHA KHANG DU KHYER PA'I LE'U STE, BRGYAD PA'O,, ,,DGE SLONG DAG ,DE NAS BRAM ZE MDUN NA 'DON 'CHAR PO ZHES BYA BA 'CHAR 'GRO'I PHA BRAM ZE LNGA BRGYA TZAM GYIS BSKOR TE SKAR MA ME BZHI 'DAS NAS NAG PA LA BAB PA'I TSE RGYAL PO ZAS GTZANG MA'I DRUNG DU PHYIN NAS 'DI SKAD CES SMRAS SO, ,LHA MKHYEN PAR MDZAD DU GSOL, DA NI GZHON NU'I RGYAN MDZAD PA'I RIGS SO, ,RGYAL POS SMRAS PA, LEGS KYIS BYED DU CHUG CIG ,DE'I TSE RGYAL PO ZAS GTZANG MA DANG, SH'A-KYA LNGA BRGYA TZAM GYIS RGYAN GYI RNAM PA LNGA BRGYA TZAM BYED DU BCUG STE, 'DI LTAR LAG PA'I RGYAN DAG DANG, RKANG PA'I RGYAN DAG DANG, MGO'I RGYAN DAG DANG, MGUL GYI RGYAN DAG DANG, SOR GDUB DAG DANG, RNA RGYAN DAG DANG, DPUNG RGYAN DAG DANG, GSER GYI SKA RAGS DAG DANG, GSER SKUD DAG DANG, DRIL BU G-YER KA'I DRA BA DAG DANG, RIN PO CHE'I DRA BA DAG DANG, LHA MA RIN PO CHES SPRAS PA DAG DANG, DO SHAL RIN PO CHE SNA TSOGS KYIS BRGYAN PA DAG DANG, GDU BU RGYAN CAN DAG DANG, MGUL GDUB DAG @104B DANG, COD PAN DAG KYANG BYED DU BCUG STE ZIN NAS SKAR MA RGYAL DANG LDAN PA'I TSE SH'A-KYA DE DAG RGYAL PO ZAS GTZANG MA' ? DRUNG DU DONG NAS 'DI SKAD CES SMRAS SO, ,LHA, GZHON NU BRGYAN DU GSOL RGYAL POS SMRAS PA, KHYED KYIS GZHON NU LA BRGYAN PA DANG, MCHOD PA BYAS PAS CHOG GI ,NGAS GZHON NU'I RGYAN THAMS CAD BYED DU BCUG GO ,SMRAS PA, BDAG CAG GI RGYAN 'DI DAG GZHON NU'I SKU LA GDUGS MTSAN BDUN ZHIG GDAGS SU GSOL, ,DE LTAR GNANG NA BDAG CAG GIS SUG LAS BGYIS PA'ANG DON MCHIS PAR 'GYUR RO, ,DE'I TSE NAM LANGS TE NYI MA SHAR BA DANG, BYANG CHUB SEMS DPA' SKYED MOS TSAL BKOD PA DRI MA MED PA ZHES BYA BA DER ZHUGS SO, ,DE'I TSE SKYE RGU'I BDAG MO CHEN MO GOO TA MA'IS BYANG CHUB SEMS DPA' PANG DU BLANGS SO, ,BUD MED BRGYAD KHRIS KYANG BYANG CHUB SEMS DPA' BSU STE GDONG DU LTA ZHING 'KHOD PAR GYUR TO, ,BU MO STONG PHRAG BCUS BYANG CHUB SEMS DPA' BSU STE GDONG DU LTA ZHING 'KHOD PAR GYUR TO, ,SH'A-KYA STONG PHRAG BCUS BYANG CHUB SEMS DPA' BSU STE GDONG DU LTA ZHING 'KHOD PAR GYUR TO, ,BRAM ZE LNGA STONG YANG LHAGS NAS BYANG CHUB SEMS DPA'I GDONG DU LTA ZHING 'KHOD PAR GYUR TO, ,DE NAS SH'A-KYA'I RGYAL PO BZANG PO ZHES BYA BAS RGYAN JI SNYED CIG BYAS PA DE DAG BYANG CHUB SEMS DPA'I LUS LA BTAGS TE, DE DAG LUS LA BTAGS MA @105A *, ,THAG TU BYANG CHUB SEMS DPA'I LUS KYI 'OD KYIS MOG MOG POR GYUR NAS LHAM MER MA GYUR, LHAN NER MA GYUR, LHANG NGER MA GYUR TE, 'DI LTA STE, DPER NA, DZAM-BU'I CHU BO'I GSER GYI GAN DU SNAG TSA'I YUG GZHAG NA LHAM MER MI RUNG, LHAN NER MI RUNG, LHANG DER MI RUNG NGO, ,DE BZHIN DU RGYAN DE DAG KYANG BYANG CHUB SEMS DPA'I LUS KYI 'OD KYIS PHOG NA LHAM MER MI RUNG, LHAN NER MI RUNG, LHANG NGER MI RUNG NGO, ,DE BZHIN DU RGYAN GYI RNAM PA GANG DANG GANG BYANG CHUB SEMS DPA'I LUS LA BTAGS PA DE DANG DE DAG MOG MOG POR GYUR TE, 'DI LTA STE, DPER NA, DZAM-BU'I CHU BO'I GSER GYI GAN DU SNAG TSA'I YUG BZHAG PA BZHIN NO, ,DE'I TSE SKYED MOS TSAL GYI LHA MO DRI MA MED PA ZHES BYA BA 'DUG PA DES LUS CHEN PO BSTAN NAS MDUN DU 'DUG STE RGYAL PO ZAS GTZANG MA DANG, SH'A-KYA'I TSOGS DE DAG LA TSIGS SU BCAD DE SMRAS PA, STONG GSUM SA 'DI GRONG KHYER GRONG RDAL BCAS PA KUN, ,GAL TE GSER GYIS GANG KHYAB DRI MED MDZES GYUR KYANG, ,DZAM-BU'I CHU BO'I GSER ZEGS GCIG GIS ZIL BRLAG STE, ,GSER GZHAN DAG NI DPAL DANG BRAL ZHING GSAL MI 'GYUR, ,SA 'DI MTHA' DAG DZAM-BU'I KLUNG GI GSER KHEBS KYANG, ,'DREN PA DPAL RGYAS SPU KHUNG 'OD PHYUNG ZIL GYIS NON, ,MI SNANG MI GSAL @105B MI MDZES 'OD KYANG NYAMS GYUR CING, ,BDE GSHEGS SKYOB PA'I DRUNG NA SNAG TSA BZHIN DU 'GYUR, ,YON TAN BRGYAS GANG 'DI NI RANG GI GZI YIS BRGYAN, ,DE NI RGYAN GYIS MDZES MIN SHIN TU DRI MED SKU, ,NYI ZLA'I 'OD DANG SKAR MA NOR BU ME DAG DANG, ,BRGYA BYIN TSANGS PA'I 'OD KYANG DPA' STUG MDUN MI GSAL, ,GANG SKU SNGON GYI DGE BA'I 'BRAS BUS MTSAN SPRAS PA; ;DE LA GZHAN GYIS BYAS PA'I RGYAN PHAL CI ZHIG DGOS, ,RGYAN RNAMS PHROL 'OR MI MKHAS MKHAS MDZAD MA GTZE ZHIG ,BLO GROS MCHOG MDZAD 'DI NI BCOS MA'I RGYAN MI BZHED, , 'DUN PA DE NI RGYAL KHAB SRAS DANG LHAN CIG BTZAS, ,DRI MED RAB TU BDZES PA'I RGYAN RNAMS 'BUNGS DE STZOL, ,SH'A-KYA'I RIGS NI RGYA CHEN MCHOG TU 'GYUR SNYAM NAS, ,SH'A-KYA DAG NI YID DGA' MGU ZHING NGO MTSAR GYUR, ,LHA MO DES DE SKAD CES SMRAS NAS LHA'I ME TOG DAG GIS BYANG CHUB SEMS DPA' DE LA MNGON PAR GTOR TE DE NYID DU MI SNANG BAR GYUR TO, ,RGYAN GYI LE'U STE; DGU PA'O,, ,,DGE SLONG DAG ,DE LTAR GZHON NU DE YA ZAD SKYES PA DANG, BKRA SHIS BRGYA STONG BYAS NAS KHYE'U STONG PHRAG BCU DANG, BU MO STONG PHRAG BCUS YONGS SU BSKOR CING MDUN DU BDAR TE YI GE'I GRAR 'JUG PAR BYAS SO, ,BZA' BA DANG, BCA' BA DANG, MYANG BAS GANG BA'I SHING RTA STONG PHRAG BCU DANG, GSER DNGUL DANG DBYIG GIS GANG @106A *, ,BA'I SHING RTA STONG PHRAG BCU DRANGS TE, SER SKYA'I GNAS KYI GRONG KHYER CHEN PO'I SRANG DANG, GRONG BAR DANG, TSONG DUS KYI PHYOGS GANG YIN PA DAG TU GTOR TO; ;MNGON PAR BYIN NO, ,SIL SNYAN 'BUM PHRAG BRGYAD KYI SGRA'ANG PHYUNG ZHING ME TOG GI CHAR CHEN PO'ANG BAB BO, ,STEGS BU DANG, SGO GANG DANG, RTA BABS DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHANG BZANG DAG GI STENG NAS BU MO BRGYA STONG RGYAN THAMS CAD KYIS BRGYAN PA DAG BYANG CHUB SEMS DPA' LA LTA ZHING ME TOG DAG 'THOR BAR GYUR TO; ;LHA'I BU MO STONG PHRAG BRGYAD NI RGYAN RNAMS KYIS LHUG LHUG POR BRGYAN TE, RIN PO CHE BZANG BYED THOGS NAS LAM 'PHYAG CING BYANG CHUB SEMS DPA'I MDUN NAS 'DOD BAR GYUR TO, ,LHA DANG, KLU DANG, GNOD SPYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO RNAMS KYANG LUS PHYED PHYUNG ZHING NAM MKHA'I DKYIL NAS ME TOG DANG, DAR GYI LNGA LNGI BRE BAR GYUR TO, ,SH'A-KYA'I TSOGS THAMS CAD KYANG RGYAL PO ZAS GTZANG MA'I MDUN DU BDAR NAS BYANG CHUB SEMS DPA'I MDUN NAS 'DOD BAR GYUR TE; BKOD PA'I RNAM PA 'DI LTA BU 'DIS BYANG CHUB SEMS DPA' YI GE'I GRWAR ZHUGS PAR GYUR TO, ,BYANG CHUB SEMS DPA' YI GE'I GR-WAR ZHUGS MA THAG TU DE NAS BYIS @106B PA'I SLOB DPON KUN GYI BSHES GNYEN ZHES BYA BAS BYANG CHUB SEMS PA'I DPAL DANG GZI BRJID MA BZOD DE KHAS BUB TU 'GYEL TO, ,DE LTAR 'GYIL BA DANG, DGA' LDAN GYI RIS KYI LHA'I BU YAN LAG BZANG PO ZHES BYA BAS MTHONG NAS LAG PA G-YAS PAS BTEG STE BSLANG NGO, ,BSLENGS NAS KYANG DE NAM MKHA'I DKYIL NA 'DUG STE, RGYAL PO ZAS GTZANG MA DANG SKYE BO PHAL PO CHE DE DAG LA TSIGS SU BCAD DE SMRAS PA, MI YI 'JIG RTEN 'DI NA BSTAN BCOS GANG YOD PA, ,GRANGS DANG YI GE RTZIS DANG KHAMS KYI RGYUD DAG DANG, ,'JIG RTEN BZO YI SBYOR BA TSAD MED MANG PA DAG ,BSKAL PA BYE MANG SNGON CHAD 'DIS NI DE DAG BSLAB, ,'ON KYANG SKYE BO'I RJES SU MTHUN PA TZAM MDZAD DE, ,BYIS PA MANG PO THEG PA MCHOG LA SMIN MDZAD DANG, ,SEMS CAN KHRAG KHRIG GZHAN YANG 'CHI MED DGOD PA'I PHYIR, ,SHIN TU LOBS PA'ANG BSLAB PHYIR YI GE'I GRWAR ZHUGS SO, ,'JIG RTEN 'DAS PA'I BDEN BZHI LAM GYI TSUL MKHYEN CING, ,RGYU LA BRTEN NAS JI LTAR 'BYUNG BA DE LA'ANG MKHAS, ,JI LTAR 'DUS BYAS 'GAGS ZAD BSIL 'GYUR DE TSUL YANG, ,MKHYEN NA YI GE'I BSTAN BCOS TZAM LTA CIS MI MKHYEN, ,'JIG RTEN GSUM NA 'DI YI SLOB DPON GANG NA MED, ,LHA DANG MIR BCAS NANG NA 'DI NYID GTZO BO STE, ,BSKAL PA BYE MANG SNGON CHAD GANG LA 'DIS BSLAB PA'I, , @107A *, ,YI GE DE DAG MING YANG KHYED KYIS SHES MI 'GYUR, ,'GRO BA RNAMS KYI SEMS RGYUD SNA TSOGS GANG 'BYUNG BA, ,SKAD CIG GCIG GIS SEMS CAN DAG PA 'DIS MKHYEN TE, ,GZUGS MED BLTAR MI SNANG BA'I TSUL YANG RAB MKHAS NA, ,YI GE GZUGS YOD BLTAR SNANG DAG LTA SMOS CI DGOS, ,DE SKAD CES SMRAS PA DANG, LHA'I BU DES BYANG CHUB SEMS DPA' LA LHA'I ME TOG MANG POS GTOR TE DE NYID DU MI SNANG BAR GYUR TO, ,DE NAS MA MA DANG BRAN MO'I 'KHOR BKOD DE RGYAL PO ZAS GTZANG MA LA SOGS PA SH'A-KYA GZHAN NI PHYIR DONG NGO, ,DE NAS BYANG CHUB SEMS DPA' TZAN-DAN SPRUL GYI SNYING PO LAS BYAS PA'I YI GE SHING LHA'I TSON GYIS BYUG PA, GSER GYI YANG MIG GIS BTAGS PA; MTHA' MA NOR BU RIN PO CHES KUN NAS BRGYAN PA THOGS TE SLOB DPON KUN GYI BSHES GNYEN LA 'DI SKAD CES SMRAS SO, ,KYE MKHAN POS BDAG LA YI GE GANG ZHIG BSLAB, TSANGS PA'I YI GE'AM, KHA RO STI'I YI GE'AM, PAD-MA'I SNYING PO'I YE GE'AM, AANG-GA'I YI GE'AM, MANG-GA'I YI GE'AM, YUL MA GA DHA'I YI GE'AM, BKRA SHIS PA'I YI GE'AM, SOR MO PA'I YI GE'AM, SHA KA NI'I YI GE'AM, YA BA NA'I YI GE'AM, BAG LE BA'I YI GE'AM, PA RU SHA'I YI GE'AM, 'GRO LDING BA'I YI GE'AM, KI RA TA'I YI GE'AM, LHO @107B PHYOGS PA'I YI GE'AM, DRAG SHUL CAN GYI YI GE'AM, GRANGS KYI YI GE'AM, SPYI'U TSUGS PA'I YI GE'AM, RJES SU MTHUN PA'I YI GE'AM, BRU SHA'I YI GE'AM, KA SHA'I YI GE'AM, RGYA'I YI GE'AM, PHU NA'I YI GE'AM, HU NA'I YI GE'AM, YI GE 'BRING DANG RGYAS PAR BRI BA'I YI GE'AM, RGYAL GYI YI GE'AM, LHA'I YI GE'AM, KLU'I YI GE'AM, GNOD SPYIN GYI YI GE'AM, DRI ZA'I YI GE'AM, MI 'AM CI'I YI GE'AM, LTO 'PHYE CHEN PO'I YI GE'AM, LHA MA YIN GYI YI GE'AM, NAM MKHA' LDING GI YI GE'AM, RI DWAGS KYI 'KHOR LO PA'I YI GE'AM; KHWA SKAD SHES PA'I YI GE'AM, SA BLA'I LHA'I YI GE'AM, BAR SNANG GI LHA'I YI GE'AM, NUB KYI BA GLANG SPYOD KYI YI GE'AM, BYANG GI SGRA MI SNYAN GYI YI GE'AM, SHAR GYI LUS 'PHAGS PO'I YI GE'AM, GDEG PA'I YI GE'AM, GZHAG PA'I YI GE'AM, BSNAN PA'I YI GE'AM, RGYA MTSO'I YI GE'AM, RDO RJE'I YI GE'AM, SPRING YIG DANG, LAN GYI YI GE'AM; RNAM 'THOR GYI YI GE'AM, RINGS MED KYI YI GE'AM, BSTAN BCOS BSKOR BA'I YI GE'AM, RTZIS BSKOR BA'I YI GE'AM, GDEG PA BSKOR BA'I YI GE'AM, GZHAG PA BSKOR BA'I YI GE'AM, RKANG PAS BSKOR BA'I YI GE'AM, TSIG LAN LAN GNYIS SU GDAB PA'I TSIG GI MTSAMS KYI YI GE'AM, TSIG GI MTSAMS BCUR BRGYUD PA'I BAR @108A *, ,GYI YI GE'AM, BLA THABS SU BSNAN PA'I YI GE'AM, SGRA THAMS CAD KUN TU SDUD PA'I YI GE'AM, RIG PA DANG MTHUN PA'I YI GE'AM, RNAM PAR 'DRES PA'I YI GE'AM, DRANG SRONG GI DKA' THUB SPYAD PA'I YI GE'AM, LHA NGES PA'I YI GE'AM, SA BLTA BA'I YI GE'AM, NAM MKHA' BLTA BA'I YI GE'AM, SMAN THAMS CAD KYI RGYU MTHUN PA'I YI GE'AM, SNYING PO THAMS CAD KUN TU SDUD PA'I YI GE'AM, 'BYUNG PO THAMS CAD KYI SGRA SDUD PA'I YI GE'AM, KYE SLOB DPON YI GE DRUG CU RTZA BZHI PO DE DAG GI NANG NAS BDAG LA GANG BSLAB, DE NAS BYIS PA'I SLOB DPON KUN GYI BSHES GNYEN NGO MTSAR DU GYUR NAS BZHIN GYI 'DZUM PHYUNG STE NGA RGYAL DANG, DREGS PA DANG, RGYAGS PA MED PAR BYAS NAS TSIGS SU BCAD PA 'DI DAG SMRAS SO, ,SEMS CAN DAG PA NGO MTSAR CHE, ,BSTAN BCOS KUN LA BSLAB GYUR KYANG, ,'JIG RTEN 'JIG RTEN RJES BSNYEG PHYIR, ,YI GE'I GRAR NI BYON PAR GYUR, ,YI GE GANG GI MING DAG KYANG, ,BDAG GIS SHES PAR MA GYUR PA, ,DE LA 'DI LTA BYANG GYUR KYANG, ,YI GE SLOB PA'I GRWAR BYON TO, ,'DI YI ZHAL NI MTHONG MOD KYI, ,SPYI GTZUG 'PHAGS PA BLTAR MI SNANG, ,YI GE'I SHES RAB MTHAR PHYIN NA, ,BDAG GIS 'DI KO JI LTAR BSLAB, ,LHA YI LHA CHEN LHA 'DI NI, ,LHA RNAMS KUN GYI @108B MCHOG MKHAS PA, ,KHYAD PAR 'PHAGS SHING MNYAM PA MED, ,'JIG RTEN GANG ZAG DO ZLA MED, ,BDAG KYANG 'DI NYID MTHU YIS NA, ,SHES RAB THABS KYI KHYAD PAR GYIS, ,'JIG RTEN KUN GYI DPUNG GNYEN PO, ,LOBS PA 'DI NI BSLAB PAR BYA, ,DGE SLONG DAG ,DE LTAR BYIS PA STONG PHRAG BCU PO DE DAG BYANG CHUB SEMS DPA' DANG LHAN CIG TU YI GE SLOB PA'I TSE BYANG CHUB SEMS DPA'I BYIN GYI RLABS KYIS BYIS PA DE DAG YI GE'I PHYI MO SLOB CING GANG GI TSE AA ZHES BRJOD PA DE'I TSE 'DU BYED THAMS CAD MI RTAG PA'I SGRA BYUNG NGO, ,A'A ZHES BRJOD PA DANG BDAG MED PA'I SGRA BYUNG NGO, ,AI ZHES BRJOD PA DANG DBANG PO SHIN TU YANGS PA'I SGRA BYUNG NGO, ,A'I ZHES BRJOD PA DANG 'GRO BA NI YAMS KYI NAD MANG BA ZHES BYA BA'I SGRA BYUNG NGO, ,AU ZHES BRJOD PA DANG 'GRO BA NI 'TSE BA MANG NGO ZHES BYA BA'I SGRA BYUNG NGO, ,A'U ZHES BRJOD PA DANG 'GRO BA NI DMA' BA'O ZHES BYA BA'I SGRA BYUNG NGO, ,AE ZHES BRJOD PA DANG NYES PA NI BTZAL BA LAS BYUNG NGO ZHES BYA BA'I SGRA BYUNG NGO, ,AEE ZHES BRJOD PA DANG 'PHAGS PA'I LAM NI DGE'O ZHES BYA BA'I SGRA BYUNG NGO, ,AO ZHES BRJOD PA DANG CHU BO LAS RGAL BA'I SGRA BYUNG NGO, ,AOO ZHES BRJOD PA DANG RDZUB PA'I SGRA BYUNG NGO, ,Am ZHES BRJOD PA DANG BDAG GI BA MI 'BYUNG ZHES BYA BA'I SGRA BYUNG NGO, ,A: ZHES BRJOD PA DANG NUB PA ZHES BYA BA'I SGRA BYUNG NGO, ,KA @109A *, ,ZHES BRJOD PA DANG LAS KYI RNAM PAR SMRIN PA LA 'JUG PA ZHES BYA BA'I SGRA BYUNG NGO, ,KHA ZHES BRJOD PA DANG CHOS THAMS CAD NAM MKHA' DANG MNYAM ZHES BYA BA'I SGRA BYUNG NGO, ,GA ZHES BRJOD PA DANG CHOS ZAB CES BYA BA'I SGRA BYUNG NGO, ,GHA ZHES BRJOD PA DANG MA RIG PA DANG, GTI MUG GI MUN PA DANG, LING TOG STUG PO BSAL ZHES BYA BA'I SGRA BYUNG NGO, ,NGA ZHES BRJOD PA DANG YAN LAG RNAM PAR DAG PA ZHES BYA BA'I SGRA BYUNG NGO, ,TZA ZHES BRJOD PA DANG 'PHAGS PA'I BDEN PA BZHI'I SGRA BYUNG NGO, ,TSA ZHES BRJOD PA DANG 'DOD PA'I 'DOD CHAGS SPANGS PA'I SGRA BYUNG NGO, ,DZA ZHES BRJOD PA DANG RGA SHI LAS YANG DAG PAR 'DAS PA'I SGRA BYUNG NGO, ,DZHA ZHES BRJOD PA DANG 'CHI BYED KYI RGYAL MTSAN CAN GYI DPUNG TSAR BCAD PA'I SGRA BYUNG NGO, ,NYA ZHES BRJOD PA DANG SHES PAR BYED PA'I SGRA BYUNG NGO, ,tA ZHES BRJOD PA DANG LAM SHIN TU CHAD PA'I SGRA BYUNG NGO, ,thA ZHES BRJOD PA DANG DRI BA BZHAG PA'I SGRA BYUNG NGO, ,NGA ZHES BRJOD PA DANG DKRUGS MA DANG BDUD TSAR GCAD PA'I SGRA BYUNG NGO, ,dHA ZHES BRJOD PA DANG YUL MI GTZANG BA'I SGRA BYUNG NGO, ,nA ZHES BRJOD PA DANG NYON MONGS PA NI PHRA BA ZHES BYA BA'I SGRA BYUNG NGO, ,TA ZHES BRJOD PA DANG DE BZHIN NYID NI 'DRES PA MED CES BYA BA'I SGRA BYUNG NGO, ,THA ZHES BRJOD PA DANG MTHU STOBS DANG, SHUGS @109B DANG, MI 'JIGS PA'I SGRA BYUNG NGO, ,DE ZHES BRJOD PA DANG SPYIN PA DANG, NGUL BA DANG, YANG DAG PAR SNGOM PA DANG, NGES PA'I SGRA BYUNG NGO, ,DHA ZHES BRJOD ? PA DANG PHAGS PA RNAMS KYI NOR NI RNAM PA BDUN NO ZHES BYA BA'I SGRA BYUNG NGO, ,NA ZHES BRJOD PA DANG MING DANG GZUGS YONGS SU SHES PAR BYA BA'I SGRA BYUNG NGO, ,PA ZHES BRJOD PA DANG DON DAM PA'I SGRA BYUNG NGO, ,PHA ZHES BRJOD PA DANG 'BRAS BU RNYED PA MNGON DU BYA BA'I SGRA BYUNG NGO, ,BA ZHES BRJOD PA DANG BCINGS PA LAS RNAM PAR THAR PA'I SGRA BYUNG NGO, ,BHA ZHES BRJOD PA DANG SRID PA 'JIGS PA'I SGRA BYUNG NGO MA ZHES BRJOD PA DANG NGA RGYAL DANG RGYAGS PA ZHI BAR BYA BA'I SGRA BYUNG NGO, ,YA ZHES BRJOD PA DANG CHOS JI LTA BA BZHIN DU RTOGS PAR BYA BA'I SGRA BYUNG NGO, ,RA ZHES BRJOD PA DANG DGA' BA LA DGA' BA MED PA NI, DON DAM PAR DGA' BA ZHES BYA BA'I SGRA BYUNG NGO, ,LA ZHES BRJOD PA DANG 'KHRI SHING CHAD PA'I SGRA BYUNG NGO, ,WA ZHES BRJOD PA DANG THEG PA MCHOG GI SGRA BYUNG NGO, ,SHA ZHES BRJOD PA DANG ZHI GNAS DANG LHAG MTHONG GI SGRA BYUNG NGO, ,shA ZHES BRJOD PA DANG SKYE MCHED DRUG GZHOM ZHING MNGON PAR SHES PA DRUG DANG YE SHES THOB PA'I SGRA BYUNG NGO, ,SA ZHES BRJOD PA DANG THAMS CAD MKHYEN PA'I YE SHES MNGON PAR RDZOGS PAR BYANG CHUB PAR BYA BA'I SGRA BYUNG NGO, ,HA ZHES BRJOD PA DANG NYON MONGS PA BCOM ZHING 'DOD CHAGS DANG BRAL BA'I SGRA BYUNG NGO,, @110A *, ,KshA ZHES BRJOD PA DANG YI GE'I MTHAR PHYIN TE, CHOS THAMS CAD BRJOD DU MED PA'O ZHES BYA BA'I SGRA BYUNG NGO, ,DE LTAR BYIS PA DE DAG YI GE'I PHYI MO SLOB PA'I TSE BYANG CHUB SEMS DPA'I MTHUS DE DAG LA SOGS PA CHOS KYI SGO BRGYA STONG GRANGS MED PA GYUNG BAR GYUR TE, BYANG CHUB SEMS DPA' YI GE'I GRWA NA 'DUG PA'I TSE BYIS PA SUM KHRI NYIS STONG RIM GYIS BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYAS SO, ,BYANG CHUB SEMS DPA' LOBS PAR GYUR KYANG YI GE'I GRWAR 'JUG PA'I RGYU NI DE YIN NO, ,RKYEN NI DE YIN NO, ,YI GE BSTAN PA'I LE'U STE, BCU PA'O,, ,,DGE SLONG DAG ,GZHON NU DE DE BAS KYANG YA ZAD SKYES NAS DUS GZHAN ZHIG NA GZHON NU DE GZHON NU GZHAN DAG DANG, ZHANG BLON GYI BU DAG DANG LHAN CIG TU ZHING PA'I GRONG LTA ZHING DONG STE, GRONG BLTAS NAS ZHING BLAS KYI MTHA'I SKYED MOS TSAL ZHIG TU PHYIN TO, ,DE NA BYANG CHUB SEMS DPA' GCIG PU GNYIS SU MED PAR PHA ZAD 'KHYAM ZHING SONG SONG BA DANG, DZAM-BU'I SHING LJON PA MDZES PA BLTA NA SDUG PA ZHIG MTHONG NAS BYANG CHUB SEMS DPA' DE'I GRIB MA LA SKYIL MO KRUNG BCAS TE 'DUG GO ,'DUG NAS BYANG CHUB SEMS DPAS SEMS RTZE GCIG PA RNYED DE RNYED NAS KYANG SDIG PA MI DGE BA'I CHOS RNAMS LAS DBEN PA, @110B RTOG PA DANG BCAS PA, DPYOD PA DANG BCAS PA, DBEN PA LAS SKYES PA'I DGA' BA DANG BDE BA CAN BSAM GTAN DANG PO BSGRUBS TE GNAS SO, ,DE RTOG PA DANG DPYOD PA DANG BRAL ZHING NANG YONGS SU DANG STE SEMS KYI RGYUD GCIG TU GYUR PAS RTOG PA MED PA, DPYOD PA MED PA, TING DE 'DZIN LAS SKYES PA'I DGA' BA DANG, BDE BA CAN BSAM GTAN GNYIS PA BSGRUBS TE GNAS SO, ,DE DGA' BA'I 'DOD CHAGS DANG BRAL BA'I BTANG SNYOMS LA GNAS SHING DRAN PA DANG SHES BZHIN CAN YIN TE, BDE BA LUS KYIS MYONG LA 'PHAGS PA RNAMS KYIS GANG DE DRAN PA DANG LDAN PA, BDE BA LA GNAS PA BTANG SNYOMS PA'O ZHES BRJOD PA STE, DGA' BA MED PA'I BSAM GTAN GSUM PA BSGRUBS TE GNAS SO, ,DE BDE PA'ANG SPANGS TE SNGA NAS SDUG BSNGAL YANG SPANGS SHING YID BDE BA DANG, YID MI BDE BA'ANG NUB PAS BDE BA'ANG MA YIN, SDUG BSNGAL BA'ANG MA YIN PA BTANG SNYOMS DANG DRAN PA YONGS SU DAG PA BSAM GTAN BZHI PA BSGRUBS TE GNAS SO, ,DE'I TSE PHYI ROL GYI DRANG SRONG MNGON PAR SHES PA LNGA YOD PA, RDZU 'PHRUL DANG LDAN PA NAM MKHA' LAS DONG BA LNGA ZHIG LHO PHYOGS NAS BYANG PHYOGS LOGS SU DONG DONG PA LAS DE DAG TSAL STUG PO DE'I STENG DU PHYIN PA DANG, PHYIR PHUL BA LTAR 'DONG MA NUS NAS DE DAG MI DGA' ZHING BA SPU G-YOS TE TSIGS SU BCAD PA 'DI @111A *, ,SMRAS SO; ;BDAG CAG 'DI NA RI RAB NOR BU RDO RJE BRTZEGS RI SHIN TU RNGAMS STUG PA YANG THAL PHYUNG STE, ,GLANG PO AA MRA'I SHING RLON YAL GAS GZINGS PA MANG PO BCOM NAS 'GRO BZHIN DONG DONG LA, ,BDAG CAG 'DI NA LHA YI KHYIM LA'ANG THOGS MED GNOD SBYIN DRI ZA'I KHYIM STENG NAM MKHAR GNAS GNAS NA, ,TSAL STUG 'DIR PHYIN NAS NI SGYID LUG GYUR PA SU YI MTHU ZHIG GIS NA RDZU 'PHRUL STOBS BZLOG GYUR, ,DE NAS TSAL STUG PO DE NA LHA MO ZHIG GNAS PA DES DRANG SRONG DE DAG LA TSIGS SU BCAD DE SMRAS PA, RGYAL PO'I GTZO BO'I RIGS BYUNG SH'A-KYA'I RGYAL SRAS NYI MA SHAR BA LTA BUR RAB TU SNANG BA'I 'ONG, ,'JIG RTEN GTZO BO MKHAS PA ZLA ZHAL PAD-MA RGYAS PA'I SNYING PO'I KHA DOG LTA BUR RAB MDZES PA, ,LHA DANG KLU DBANG GNOD SBYIN DRI ZAS MCHOD PA DE NI BSAM GTAN DGONGS SHING TSAL STUG 'DI NA BZHUGS, ,SRID PA BYE BA BRGYA DAG TU NI BSOD NAMS SPEL BA DE YI MTHU YIS RDZU 'PHRUL STOBS BKLOG GO ,DE NAS DE DAG GIS 'OG LOGS SU BLTAS PA DANG, GZHON NU ZHIG DPAL DANG GZI BRJID KYIS 'BAR BA MTHONG NAS 'DI DAG 'DI SNYAM DU SU ZHIG 'DI LTAR GNAS, NOR GYI BDAG PO RNAM THOS KYI BU'AM ZHIG MA YIN NAM, 'ON TE 'DOD PA'I DBANG PO BDUD LTA'AM, YANG NA LTO 'PHYE CHEN PO'I DBANG PO'AM, 'ON @111B TE DBANG PO RDO RJE 'CHANG BA'AM, YANG NA GU LANG NGAM, GRUL BUM GYI BDAG PO'AM, 'ON TE SPRO BA CHEN PO DANG LDAN PA NAG PO'AM, 'ON TE LHA'I BU ZLA BA'AM, 'ON TE 'OD ZER STONG DANG LDAN PA'I NYI MA'AM, 'ON TE 'KHOR LOS BSGYUR BA'I RGYAL PO ZHIG YIN NAM, SU ZHIG SNYAM MO, ,DE'I TSE TSIGS SU BCAD PA 'DI'ANG SMRAS SO, ,GZHON NU 'DI NI RNAM THOS BU YI GZUGS LAS 'PHAGS PAR GSAL BAR SNANG BAS NA, ,'DI NI SGRA GCAN YIN NAM 'ON TE RDO RJE 'CHANG GI GZUGS SAM NYI ZLA'I GZUGS, ,'DOD MCHOG DBANG PO'I GZUGS SAM GU LANG GZUGS SAM 'ON TE NAG PO'I GZUGS YIN NAM, ,YANG NA 'DI NI DPAL LDAN YAN LAG MTSAN SGRAS SDIG MED SANGS RGYAS 'GYUR BA ZHIG ,DE NAS TSAL GYI LHA MO DES DRANG SRONG DE DAG LA TSIGS SU BCAD DE SMRAS PA, RNAM THOS BU DANG MIG STONG BDOG LA DPAL NI GANG YOD GYUR PA DANG, ,'JIG RTEN SKYONG BA BZHI DANG LHA MIN DBANG LA DPAL NI GANG YOD DANG, ,MI MJED BDAG PO TSANGS DANG GZA' RNAMS LA YANG DPAL NI GANG YOD PA, ,DPAL DE SH'A-KYA'I SRAS PO 'DI DRUNG PHYIN NA GANG GI CHAR MI PHOD, ,DE NAS DRANG SRONG DE DAG GIS LHA MO DE'I TSIG THOS NAS SA LA BABS PA DANG, DE DAG GIS BYANG CHUB SEMS DPA' MI GYO BA'I LUS KYIS BSAM GTAN BYED CING, ME'I PHUNG PO LTAR 'BAR BA MTHONG NAS DE DAG BYANG CHUB SEMS @112A *, ,DPA' LA SEMS SHING TSIGS SU BCAD PAS BSTOD DE, DEL GCIG GIS SMRAS PA, 'JIG RTEN NYON MONGS MES GDUNGS PA, ,MTSO 'DI RAB TU BYUNG GYUR TE; ;GANG GIS 'JIG RTEN SIM 'GYUR BA'I, ,CHOS DE 'DI YIS BRNYES PAR GYUR, ,YANG GCIG GIS SMRAS PA, MI SHES RAB RIB 'JIG RTEN DU, ,SGRON MA 'DI NI RAB TU BYUNG, ,GANG GIS 'GRO BA SNANG 'GYUR BA'I, ,CHOS DE 'DI YIS BRNYES PAR 'GYUR, ,YANG GCIG GIS SMRAS PA, MYA NGAN RGYA MTSO 'DAL BA LA, ,GRU YI DAM PA 'DI BYUNG STE, ,GANG GIS 'GRO BA SGROL 'GYUR BA'I; ;CHOS DE 'DI YIS BRNYES PAR 'GYUR, ,YANG GCIG GIS SMRAS PA, NYON MONGS 'CHING BAS BCINGS PA LA, ,'GROL BAR MDZAD PA 'DI BYUNG STE, ,GANG GIS 'GRO BA 'GROL 'GYUR BA'I, ,CHOS DE 'DI YIS BRNYES PAR 'GYUR, ,YANG GCIG GIS SMRAS PA, RGA DANG NAD KYIS GZIR BA LA, ,SMAN PA DAM PA 'DI BYUNG STE, ,GANG GIS RGA SHI THAR BYA BA'I, ,CHOS DE 'DI YIS BRNYES PAR 'GYUR, ,DE NAS DRANG SRONG DE DAG GIS BYANG CHUB SEMS DPA' LA TSIGS SU BCAD PA DE DAG GIS BSTOD DE LAN GSUM BSKOR BA BYAS NAS NAM MKHA' LAS DONG NGO, ,RGYAL PO ZAS GTZANG MA'ANG BYANG CHUB SEMS DPA' MI MTHONG ZHING BYANG CHUB SEMS DPA' MED PAS MI DGA' STE, DES SMRAS PA, GZHON NU DE MI SNANG NA GAR SONG, DE'I TSE @112B SKYE BO PHAL PO CHE GZHON NU TSOL DU DONG DONG BA DANG, DE'I TSE BLON PO GCIG CIG GIS BYANG CHUB SEMS DPA' DZAM-BU'I SHING GI GRIB MA LA SKYIL MO KRUNG BCAS TE BSAM GTAN BYED CING 'DUG PA MTHONG NGO, ,DES DE'I TSE SHING THAMS CAD KYI GRIB MA YOL NA, DZAM-BU'I SHING GI GRIB MA NI BYANG CHUB SEMS DPA'I LUS MI GTONG BAR 'DUG PAR MTHONG NAS NGO MTSAR DU GYUR TE, TSIM ZHING MGU LA YID RANGS NAS RAB TU DGA' STE, DGA' BA DANG YID BDE BA SKYES NAS RINGS SHING MYUR BA MYUR BA'I GZUGS KYIS RGYAL PO ZAS GTZANG MA'I THAD DU PHYIN TE TSIGS SU BCAD PA 'DI DANG, SMRAS SO, ,RGYAL PO GZHON NU DE LA GZIGS, ,DZAM-BU'I SHING GRIB BSAM GTAN MDZAD, ,BRGYA BYIN TSANGS PA JI BZHIN DU, ,GZI BRJID DPAL GYIS RAB TU MDZES; ;ZHUGS SHING GANG GI GRIB MA LA, ,MTSAN RAB MNGA' BA DE BZHUGS PA'I, ,GRIB MA DE NI DES MA BTANG, ,SKYES MCHOG BSAM GTAN MDZAD LA SGRIB, ,DE NAS RGYAL PO ZAS GTZANG MA DZM-BU'I SHING LJON PA GA LA BA DER SONG STE PHYIN NAS BYANG CHUB SEMS DPA' DPAL DANG GZI BRJID KYIS 'BAR BA DE MTHONG BA DANG, TSIGS SU BCAD PA 'DI SMRAS SO, ,RI YI SPO LA ME 'BAR 'DRA BA STE, ,ZLA BA SKAR MA'I TSOGS NANG 'DUG 'DRA ZHING, ,GZI BRJID SGRON 'DRA BSAM GTAN BYED MTHONG NA, ,NGA YIS LUS 'DI SHIN TU 'DAR BAR GYUR, ,DE SKAD CES @113A *, ,SMRAS NAS DES BYANG CHUB SEMS DPA'I RKANG PA LA PHYAG BYAS TE TSIGS SU BCAD PA 'DI SMRAS SO, ,THUB PA GANG TSE BLTAMS PA DANG, ,GANG TSE 'OD LDAN BSAM GTAN MDZAD, ,'DREN PA 'DI LTAR LAN GNYIS SU, ,MGON PO KHYOD ZHABS PHYAG 'TSAL LO, ,DE'I TSE BYIS PA KHRI'U THOGS PA DAG CA CO'I SGRA 'BYIN PAR GYUR NAS DE DAG LA BLON PO DAG GIS SGRA MA CHE SGRA MA CHE ZHES BYAS PA DANG, DE DAG CI ZHIG NONGS ZHES ZER RO, ,BLON PO DAG GIS SMRAS PA, RGYAL PO'I SRAS DON THAMS CAD GRUB PA DGE BA'I MTSAN BZANG PO MCHOG DAM PA DANG LDAN ZHING 'OD 'DOM GANG PA MNGA' BA 'DI RI LTAR MI G-YO ZHING BSAM GTAN MDZAD PA'I TSE NYI MA'I DKYIL 'KHOR YOL TE SONG YANG SHING GI GRIB MA DE MA YOL ZHING SGRIB PAR GNAS SO, ,DE LA 'DI SKAD CES BYA STE, DPYID 'DAS DBYAR GYI DUS BAB DBYAR ZLA RA BA ? LA, ,ME TOG RGYAS SHING ME TOG YAL GAS KHEBS GYUR TE, ,KHRUNG KHRUNG RMA BYA NE TZO RI SKEGS SKAD 'BYIN PA, ,SH'A-KYA'I BU DAG PHAL CHER MNGON DU 'DONG BAR GYUR, ,'DUN PA CAN GYIS SMRAS PA, GZHON NU NAGS TSAL DAG NI GZIGS PA MDZAD SLAD DU, ,BYIS PA RNAMS KYIS YONGS SU BSKOR TE GSHEGS PA'I RIGS, ,BRAM ZE LTA BUR KHYIM NA BZHUGS PAS CI ZHIG BGYI, ,BDAG CAG RNAMS NI BU MO'I TSOGS RNAMS SBRON DU MCHI, ,NYI MA'I GUNG LA @113B SEMS CAN RNAM PAR DAG PA DE, ,BYIS PA LNGA BRGYA DAG GIS BSKOR NAS LHAN CIG TU, ,YAB LA MA GSOL YUM LA MA GSOL MA TSOR BAR, ,DE NI BYUNG NAS ZHING PA RNAMS KYI GRONG DU SONG, ,RGYAL PO DAM PA'I ZHING PA DAG GI GRONG DE NA, ,DZAM-BU'I SDONG CHEN YAL GA MANG PO RGYAS YOD PA, ,GZHON NUS MTHONG NA NYAM THAG SDUG BSNGAL PHOG GYUR TE, ,'DUS BYAS CI RUNG SDUG BSNGAL MANG ZHES SNYING RJE BYED, ,DUL BA'I SEMS DANG LDAN PA DZAM-BU'I GRIB MAR SONG, ,RTZWA DAG BSDUS TE BDAG GIS GDING BA BTING NAS NI, ,SKYIL MO KRUNG 'DUG DRANG POR LUS SRANG BSAM GTAN BZHI, ,DGE BA DAG LA BYANG CHUB SEMS DPA' BSAM GTAN BYED, ,DRANG SRONG LNGA ZHIG NAM MKHA'I DKYIL NAS DONG DONG NA, ,DZAM-BU'I SHING GI STENG DU PHYIN NAS 'DONG MA NUS; ;DE DAG THOGS NAS NGA RGYAL DREGS PA SPANG BYA ZHING, ,DE DAG THAMS CAD MTHUN PAR LHAN CIG LTA BAR BYED, ,BDAG CAG RI MCHOG RI RAB DE BZHIN KHOR YUG DAG ,THAL PHYUNG THAGS THOGS MED PAR SHUGS KYIS DONG DONG NA, ,BDAG CAG DE RING DZAM-BU'I SHING LJON 'DI LAS NI, ,'DA' BAR MA NUS 'DI LA RGYU RKYEN CI ZHIG YOD, ,BABS TE SA STENG 'DUG NAS DZAM-BU'I SHING DRUNG NA, ,SH'A-KYA'I BU PHO BYANG CHUB SEMS DPA' GZI BRJID CAN, ,'DZAM KLUNG GSER GYI 'OD 'PHRO 'DRA BA 'OD ZER LDAN, ,SKYIL MO KRUNG BCAS BSAM GTAN BYED PA DE TSE @114A *, ,MTHONG, ,DE DAG RMAD GYUR SPYI BOR SOR BCU THAL SBYAR TE, ,THAL MO SBYAR BA RKANG PAR GTUGS NAS PHYAG 'TSAL TO, ,'GRO BA SHIN TU BDE MDZAD LEGS PAR BLTAMS PA LEGS, ,MYUR DU RNAM SANGS RGYAS TE BDUD RTZIR SEMS CAN THUL, ,SNGONG PO MCHOG NI PAD-MA 'DRA BA'I SPYAN LA 'DUD, ,GDUGS YOL GYUR KYANG GRIB MAS BDE BAR GSHEGS MI GTONG, ,LHA RNAMS STONG PHRAG MANG PO GNAS PA THAL SBYAR NAS, ,NGES PAR BYAS PA DE YI RKANG PAR PHYAG KYANG 'TSAL, ,ZAS GTZANG RGYAL PO BDAG GI KHYIM NA YONGS TSOL ZHING, ,NGA'I BU GZHON NU DE NI GANG DU SONG ZHES RMED, ,SRU MOS SMRAS PA BDAG GIS BTZAL KYANG MA RNYED NA, ,GZHON NU DE NI GAR BZHUD RGYAL POS RMA BAR GSOL, ,ZAS GTZANG RGYAL POS NYUG RUM DAG LA RINGS PAR RMAS, ,NGA YI GZHON NU 'DI NAS BYUNG BAR LA LAS MTHONG NGAM ZHES, ,SGO BA RNAMS DANG DE BZHIN NANG MI KUN LA'ANG RMAS, ,LHA GCIG KHYOD GSON MCHOG DE ZHING PA'I GRONG DU BZHUD, ,DE NI RINGS PAR SH'A-KYA RNAMS DANG LHAN CIG TU, ,BYUNG NAS DPAL ZHUGS GYUR PA'I ZHING PA'I GRONG DU BLTAS, ,JI LTAR NYI MA BYE BA KHRAG KHRIG SHAR BA LTAR, ,DE LTAR DPAL GYIS 'BAR ZHING PHAN BYED 'DUG PA MTHONG, ,COD PAN RAL GRI LHAM DAG PHA ZAD PHOG PHUD DE, ,MGO BOR SOR BCU THAL MO SBYAR NAS PHYAG @114B KYANG 'TSAL, ,DRANG SRONG BDAG NYID CHEN PO LEGS PAR YANG DAG SMRA, ,GZHON NU BYANG CHUB DON DU MNGON PAR 'BYUNG DU NGES, ,RAB TU DAD LHA BRGYA PHRAG BCU GNYIS TSANG BA DANG, ,DE BZHIN SH'A-KYA LNGA BRGYA NYE BAR 'ONGS PA DANG, ,BDE GSHEGS YON TAN RGYA MTSO LNGAN PA'I RDZU 'PHRUL MTHONG, ,BSAM PA BRTAN PAS RDZOGS PA'I BYANG CHUB SEMS KYANG BSKYED, ,DES NI STONG GSUM MA LUS SA RNAMS RAB BSKYOD NAS, ,DRAN DANG SHES BZHIN TING NGE 'DZIN LAS LANGS GYUR TE, ,MDOG BZANG LDAN PAS YAB LA TSANGS PA'I TSIG BRJOD PA, ,YAB CIG ZHING BLAS THONG LA GZHAN LAS TSOL MA MDZAD, ,GAL TE GSER ZHIG 'TSAL NA'ANG BDAG GIS GSER CHAR DBAB, ,DE STE NA BZA' 'TSAL NA'ANG BDAG GIS NA BZA' DBUL, ,'ON TE 'BRU ZHIG 'TSAL NA'ANG BDAG GIS 'BRU CHAR DBAB, ,MI DBANG KHYOD KYIS 'GRO BA KUN LA YANG DAG SBYOR, ,YAB DANG DE BZHIN SKYE BO 'KHOR LA BSTAN BYAS NAS, ,SKAD CIG DE LA DE SLAR GRONG KHYER MCHOG TU ZHUGS; ;'GRO DANG MTHUN PA TZAM DU GRONG KHYER DER GNAS KYI, ,SEMS CAN RNAM DAG MNGON PAR 'BYUNG BA'I YID DANG LDAN, ,ZHING PA'I GRONG GI LE'U STE, BCU GCIG PA'O,, ,, 'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO BDUN PA, DGE SLONG DAG ,DE LTAR GZHON NU DE DE BAS KYANG YA ZAD SKYES PA DANG, DUS GZHAN ZHIG NA RGYAL PO @115A *, ,ZAS GTZANG MA SH'A-KYA'I TSOGS DANG LHAN CIG TU 'DUN SA NA 'DUG 'DUG PA DE'I TSE SH'A-KYA RGAN RABS RGAN RABS KHA CIG GIS RGYAL PO ZAS GTZANG MA LA 'DI SKAD CES SMRAS SO, ,LHA MKHYEN PAR MDZAD DU GSOL, GZHON NU DON THAMS CAD GRUB PA 'DI NI BRAM ZE LTAS MKHAN RNAMS DANG, BLO NGES PA DANG LDAN PA'I LHA MANG POS 'DI SKAD DU BSTAN TE, GZHON NU 'DI GAL TE MNGON PAR BYUNG BAR GYUR NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU 'GYUR RO, ,CI STE MNGON PAR MA BYUNG NA NI, 'KHOR LOS BSGYUR BA'I RGYAL PO MTHA' BZHI LAS RNAM PAR RGYAL BA CHOS KYI RGYAL PO CHOS DANG LDAN ZHING RIN PO CHE SNA BDUN DANG LDAN PAR 'GYUR RO; ;DE'I RIN PO CHE SNA BDUN NI, 'DI DAG STE, 'DI LTAR 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BLON PO RIN PO CHE DANG BDUN NO, ,DE LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, GZHAN GYI SDE RAB TU 'JOMS PA STONG TSANG BA 'BYUNG NGO, ,DE GNOD PAR BYA BA DANG, MTSON CHA MED PAR CHOS DANG MTHUN PAS SA'I DKYIL 'KHOR 'DI LAS MNGON PAR RGYAL BAR BYAS TE GCIG PU GNAS PAR 'GYUR @115B RO ZHES MCHIN, DE'I SLAD DU GZHON NU DE'I BTZUN MO BLANG BAR BGYI'O, ,DE LTAR MDZAD DANG BUD MED KYI TSOGS KYIS YONGS SU BSKOR TE DGES PA LA LONGS SPYOD CING MNGON PAR 'BYUNG BAR YANG MI 'GYUR TE, DE LTAR GYUR BA DANG BDAG CAG GI 'KHOR LOS BSGYUR BA'I GDUNG YANG MI 'CHAD, KHAMS KYI RGYAL PO THAMS CAD KYIS KYANG MI SNYAN PAR MI BRJOD CING RIM GROR BGYI BAR 'GYUR RO, ,DE NAS RGYAL PO ZAS GTZANG MAS SMRAS PA, GAL TE DE LTAR BYA NA, DE'I PHYIR GZHON NU'I TSUL DANG MTHUN PA'I BU MO GANG ZHIG YOD KHYED KYIS LTOS SHIG ,DE'I TSE SH'A-KYA LNGA BRGYA TZAM SO SO NAS 'DI SKAD DU BDAG GI BU MO NI GZHON NU'I TSUL DANG MTHUN NO, ,BDAG GI BU MO NI GZHON NU'I TSUL DANG MTHUN NO, ,ZHES ZER RO, ,RGYAL POS SMRAS PA, GZHON NU DE NI SHIN TU PHUL CHE BA YIN GYI, GZHON NU NYID LA KHYOD BU MO GANG 'DONG CES DRI BAR BYA'O ZHES DE DAG KUN KYANG 'DUS TE GZHON NU LA DNGOS PO DE BRJOD DO, ,GZHON NUS SMRAS PA, DA STE DGUNG BDUN NA 'DI'I LAN GSAN PAR GSOL, DE NAS BYANG CHUB SEMS DPA' 'DI SNYAM DU BSAM STE, 'DOD PA'I SKYON NI BDAG GIS MTHA' YAS RIG ,'THAB MO 'KHON CES MYA NGAN SDUG BSNGAL RTZA, ,'JIGS BYED DUG GI LO MA 'DRA BA STE, ,ME DANG 'DRA ZHING RAL GRI'I SO DANG 'DRA, ,'DOD PA'I YON TAN BDAG 'DOD MA YIN TE, ,BDAG NI BUD MED TSOGS DANG MDZES @116A *, ,MA YIN; ;BSAM GTAN TING 'DZIN BDE BAS ZHI SEMS SU, ,BDAG NI MI SMRA NAGS TSAL GNAS PAR BYA, ,YANG DES BRTAGS NAS THABS MKHAS PA MNGON DU BYAS TE SEMS CAN YONGS SU SMIN PAR BYA BA LA BLTAS NAS SNYING RJE CHEN PO BSKYED DE, DE'I TSE TSIGS SU BCAD PA 'DI DAG SMRAS SO, ,'DAM DANG LCAG LCIG KHROD NAS PAD-MA RNAM PAR 'PHEL,, MI RNAMS GANG BA'I NANG NA RGYAL PO MCHOD PA 'THOB, ,GANG TSE BYANG CHUB SEMS DPA' 'KHOR MCHOG THOB GYUR PA, ,DE TSE SEMS CAN BYE BA KHRAG KHRIG 'CHI MED 'DUL, ,SDON GYI BYANG CHUB SEMS DPA' MKHAS PA GANG BYUNG BA, ,DE DAG KUN GYIS BTZUN MO SRAS DANG SLAS KYANG BSTAN, ,'ON KYANG 'DOD PAS CHAGS MED BSAM GTAN BDE MA NYAMS, ,BDAG KYANG DE DAG YON TAN RJES SU BSLAB PAR BYA, ,GANG LA SPYOD LAM YON TAN BDEN PA'I TSIG MED PA, ,BUD MED PHAL PA GANG YANG BDAG GI TSUL MTHUN MIN, ,GANG ZHIG BDAG GI SEMS NI MNGON PAR DGA' BYED CING, ,BAG YOD GZUGS DANG NA TSOD RUS RIGS DAG PA 'OS, ,DES NI YON TAN TSIGS SU BCAD DE YI GER BRIS, ,'DI 'DRA'I BU MO MCHIS NA BDAG LA BKA' STZOL CIG ,SKYE PO PHAL PA MA BSDAMS BDAG LA MKHO MA LAGS, ,YON TAN BRJOD PA 'DI LDAN MCHIS NA BDAG STZOL CIG ,DAR CING GZUGS BZANG LDAN YANG @116B GZUGS KYI DREGS DANG BRAL, ,PHU NU MA LA BYAMS LTAR BYAMS PA'I SEMS LDAN ZHING, ,GTONG LA DGA' STE DGE SBYONG BRAM ZE SBYIN TSUL CAN, ,DE 'DRA'I BU MO MCHIS NA YAB KYIS BDAG STZOL CIG ,GANG LA NGA RGYAL KHENGS DANG ZHE SDANG MA MCHIS SHING, ,G-YO DANG PHRAG DOG SGYU SPANGS DRANG BA'I DANG TSUL CAN, ,RMI LAM NA YANG SKYES PA GZHAN LA CHAGS DANG BRAL,, BDAG GI KHYOS NI CHOG 'TSAL RTAG SDOM ? BAG MCHIS LA, ,RGYAGS PA MA MCHIS MI G-YENG ZUNG THUB TSUL 'CHANG ZHING, ,NGA RGYAL MA MCHIS 'GYING DANG BRAL BAS BRAN MO BZHIN, ,SGRA DRI RO LA MCHAGS CHANG LA MA CHAGS TE, ,'DOD BRAL BRNAB SEMS MA MCHIS RANG GI NOR GYIS 'TSAL, ,BDEN LA GNAS SHING MI 'PHYAR G-YENG BA MA LAGS PA, ,NGO TSA'I GOS 'TSAL RGOD DANG KHENGS PA MA MCHIS GNAS, ,LHA DANG BKRA SHIS MA CHAGS RTAG TU CHOS LA BRTZON, ,LUS DANG DAG DANG YID KYI DNGOS PO RAB DAG PA, ,GNYID DANG RMUGS PA MI MNGA' NGA RGYAL GLEN BRAL ZHING, ,RTOG DANG LDAN LA LEGS PA'I LAS RNAMS RTAG SPYOD DE, ,GYOS SGYUG GNYIS LA'ANG STON PA BZHIN GYI RIM GROR LDAN, ,BRAN DANG BRAN MO KUN LA'ANG BDAG BZHIN BYAMS SROS ? BA; ;SMAD 'TSONG BZHIN DU BSTAN BCOS CHO GA 'TSAL CING MKHAS, ,SLAD KYIS NYAL ZHING SDON DU MAL NAS LDANG BGYID PA, ,BYAMS PAS RJES SNYEGS MA BZHIN TSUL 'CHOS MA MCHIS @117A *, ,PA; ;DE 'DRA'I BUD MED MCHIS NA YAB KYIS BDAG STZOL CIG ,DGE SLONG DAG ,DE NAS RGYAL PO ZAS GTZANG MAS TSIGS SU BCAD PA 'DI DAG THOS NAS MDUN NA 'DON LA SMRAS PA, BRAM ZE CHEN PO, KHYOD SER SKYA'I GNAS KYI GRONG KHYER CHEN POR SONG LA KHYIM THAMS CAD DU'ANG SONG STE, BU MO DAG LTOS LA GANG LA'ANG RUNG STE YON TAN DE LTA BU DAG YOD NA, RGYAL RIGS KYI BU MO'ANG RUNG, BRAM ZE'I BU MO'ANG RUNG, RJE'U RIGS KYI BU MO'ANG RUNG, DMANGS RIGS KYI BU MO'ANG RUNG GI ,BU MO DE DAG 'DIR 'ON CIG ,DE CI'I PHYIR ZHE NA, GZHON NU 'DI NI RIGS DON DU GNYER BA MA YIN GYI, GZHON NU 'DI NI YON TAN DON DU GNYER BA YIN NO, ,DE'I TSE TSIGS SU BCAD PA 'DI DAG KYANG SMRAS SO, ,RGYAL RIGS BRAM ZE'I BU MO DANG,, RJE'U RIGS DMANGS RIGS DE BZHIN TE, ,SU LA YON TAN 'DI YOD PA'I, ,BU MO DE NI 'DIR 'ON CIG ,NGA YI BU 'DI RIGS DAG DANG, ,RUS LA NGO MTSAR 'DZIN MA YIN, ,YON TAN BDEN PA CHOS KYI RNAMS, ,DE LA 'DI YI YID DGA' 'O, ,DGE SLONG DAG ,DE NAS BRAM ZE MDUN NA 'DON DES TSIGS SU BCAD PA YI GER BRIS PA DE KHYER TE SER SKYA'I GNAS KYI GRONG KHYER CHEN POR SONG NAS KHYIM NAS KHYIM DU YON TAN DE LTA BU DANG LDAN PA'I BU MO LTA ZHING TSOL DU SONG SONG BA LAS, YON TAN DE LTA BU DANG LDAN PA'I BU MO MA MTHONG STE, DE NAS RIM GYIS @117B SH'A-KYA LAG NA BE CON CAN GYI KHYIM DU PHYIN NAS DER BLTAS NA BU MO GZUGS MDZES SHING BLTAN SDUG LA YID DU 'ONG BA, MDOG BZANG PO RGYAS PA MCHOG DANG LDAN PA, HA CANG YANG MI RING BA; HA CANG YANG MI THUNG BA, HA CANG YANG MI SBOM PA, HA CANG YANG MI SKEM PA, HA CANG YANG MI DKAR BA, HA CANG YANG MI NAG PA, BZOD MA DAR LA BAB PA, BUD MED RIN PO CHE LTAR SNANG BA ZHIG MTHONG BA DANG, BU MO DES BRAM ZE MDUN NA 'DON DE'I RKANG PA GNYIS NAS BZUNG STE 'DI SKAD CES SMRAS SO, ,BRAM ZE CHEN PO, KHYOD LA DGOS BCI ZHIG MCHIS, BRAM ZE MDUN NA 'DON GYIS TSIGS SU BCAD DE SMRAS PA, ZAS GTZANG SRAS PO GZUGS NI MCHOG TU MDZES GYUR CING, ,SUM CU RTZA GNYIS MTSAN LDAN YON TAN GZI BRJID CAN, ,DE YIS BUD MED RNAMS KYI YON TAN YI GER BRIS, ,SU LA YON TAN 'DI YOD DE YI CHUNG MAR 'OS, ,ZHES SMRAS TE, DES DE LA YI GE DE BYIN NO, ,DE NAS BU MO DES TSIGS SU BCAD PA'I YI GE DE BKLAGS NAS BZHIN 'DZUM PA BSTAN TE BRAM ZE MDUN NA 'DON DE LA TSIGS SU BCAD DE SMRAS PA, BRAM ZE YON TAN 'DI DAG BDAG LA KUN TSANG GI ,DES PA'I GSUGS CAN DE NI BDAG GI KHYIM THAB BO; ;GAL TE GZHON NU BZHED NA PHYI BSHOL MA MDZAD GSUNGS, ,BRGYA LA SKYE BO PHAL DANG BZHUGS PAR 'GYUR YANG GDA', ,DE NAS BRAM ZE MDUN NA 'DON DE, RGYAL PO ZAS GTZANG MA'I @118A *, ,DRUNG DU SONG STE DON DE BRJOD PA, RGYAL PO CHEN PO, BDAG GIS GZHON NU'I TSUL DANG MTHUN PA'I BU MO MTHONG NGO, ,RGYAL POS SMRAS PA, SU LA DE LTA BU ZHIG YOD, SMRAS PA; LHA, SH'A-KYA LAG NA BE CON CAN LA BU MO DE LTA BU ZHIG MCHIS SO, ,DE NAS RGYAL PO ZAS GTZANG MA 'DI SNYAM DU SEMS TE, GZHON NU DE NI SHIN TU PHUL CHE ZHING BZANG BA LA MOS PA YIN LA, BUD MED DAG NI PHAL CHER YON TAN MED PA DAG KYANG BDAG LA YON TAN YOD PAR KHAS LEN GYI, BDAG GIS YID DU 'ONG BA'I YO BYAD DAG CIG BYAS TE GZHON NU 'DI BU MO THAMS CAD LA SBYIN PA BYED DU GZHUG GO ,BU MO DE DAG GI NANG NAS GANG LA GZHON NU MIG MNGON PAR CHAGS PAR GYUR PA DE GZHON NU LA SBYIN PAR BYA'O SNYAM MO, , DE NAS RGYAL PO ZAS GTZANG MAS YID DU 'ONG BA'I YO BYAD GSER DANG, DNGUL DANG, RIN PO CHE SNA TSOGS LAS BYED DU BCU GNAS SER SKYA'I GNAS KYI GRONG KHYER CHEN POR DRIL GYI SGRA BSGRAGS TE, DENG NAS ZHAG BDUN NA KUN GYIS KYANG GZHON NU MTHONG BAR 'GYUR TE, YID DU 'ONG BA'I YO BYAD DAG KYANG BU MO DAG LA SBYIN PA BYED KYI, BU MO THAMS CAD KYANG 'DUN KHANG DU SHOG CIG CES BSGO'O, ,DGE SLONG DAG ,DE NAS ZHAG BDUN LON PA DANG, BYANG CHUB SEMS DPA' 'DUN KHANG DU SONG STE SENG-GE'I KHRI LA 'DUG GO ,DE'I TSE RGYAL PO ZAS GTZANG @118B MAS BYAR ? BA DAG BKOD NAS GZHON NU 'DI BU MO GANG LA MIG CHAGS PA DE DA LA GYIS SHIG CES BSGO'O, ,DGE SLONG DAG ,DE NAS SER SKYA'I GNAS KYI GRONG KHYER CHEN PO DE NA BU MO GANG JI SNYED CIG YOD PA DE DAG THAMS CAD 'DUN KHANG GA LA BA DE DANG, BYANG CHUB SEMS DPA' GA LA BA DER BYANG CHUB SEMS DPA' BLTA BA DANG, YID DU 'ONG BA'I YO BYAD BLANG BA'I PHYIR DER DONG NGO, ,DGE SLONG DAG ,DE NAS BYANG CHUB SEMS DPAS BU MO JI LTAR 'ONGS PA DE DAG LA YID DU 'ONG BA'I YO BYAD RNAMS BYIN NO, ,DE NAS BU MO DE DAG GIS BYANG CHUB SEMS DPA'I DPAL DANG GZI BRJID MA BZOD NAS YID DU 'ONG BA'I YO BYAD DE DAG BLANGS SHING MYUR BA MYUR BAR PHYIR DONG NGO, ,DE NAS SH'A-KYA LAG NA BE CON CAN GYI BU MO SA 'TSO MA ZHES BYA BA, BRAN MO'I TSOGS KYIS BSKOR CING MDUN DU BDAR TE 'DUN KHANG GA LA BA DANG, BYANG CHUB SEMS DPA' GA LA BA DER SONG STE PHYIN PA DANG, MIG MI 'DZUM PAR BYANG CHUB SEMS DPA' LA BLTA ZHING PHYOGS GCIG TU 'DUG PAR GYUR TO, ,GANG GI TSE BYANG CHUB SEMS DPAS YID DU 'ONG BA'I YO BYAD DE DAG BYIN ZIN PAR GYUR PA DE'I TSE BYANG CHUB SEMS DPA'I DRUNG DU 'ONGS NAS 'DZUM DMUL TE BYANG CHUB SEMS DPA' LA 'DI SKAD CES SMRAS SO, ,GZHON NU, BDAG GIS KHYOD LA NONGS PA CI ZHIG BGYIS NA, BDAG LA DE LTAR DNGAN SDANG MDZAD, SMRAS PA, @119A *, ,NGAS NI KHYOD LA DNGAN SDANG BYAS PA'ANG MED NA, KHYOD NI SHIN TU 'PHYIS TE 'ONGS SO ZHES SMRAS NAS DES SOR GDUB SRANG BRGYA STONG DU MA RI BA PHUD DE DE LA BYIN NO, ,BU MO DES SMRAS PA, GZHON NU KHYOD LA BDAG GIS 'DI LTA ZHIG 'TSAL BA 'OS SAM, SMRAS PA, 'O NA RGYAN GZHAN DANG GZHAN DAG YOD PA 'DI DAG KYANG KHYOD KHYER CIG ,DES SMRAS PA, GZHON NU BDAG NI RGYAN MA MCHIS PAR BGYID PA MA LAGS KYI, RGYAN DANG LDAN PAR BGYID PA LAGS SO ZHES SMRAS NAS BU MO DE SONG NGO, ,DE NAS BYA RA BAR BKOD PA'I MI DE DAG RGYAL PO ZAS GTZANG MA'I DRUNG DU SONG NAS LO RGYUS DE DAG SMOS TE SMRAS PA, LHA, SH'A-KYA LAG NA BE CON CAN GYI BU MO SA 'TSO MA ZHES BGYI BA DE LA GZHON NU SPYAN CHAGS PAR GYUR LA CUNG ZAD CIG TU BKA' MCHID KYANG BGYIS SO, ,DE NAS RGYAL PO ZAS GTZANG MAS TSIG DE THOS NAS SH'A-KYA LAG NA BE CON CAN GYI GAN DU BRAM ZE MDUN NA 'DON PHO NYAR BTANG STE, KHYOD KYI BU MO ZHIG YOD PA DE NGA'I GZHON NU LA BYIN CIG CES SPRING NGO, ,LAG NA BE CON CAN GYIS SMRAS PA, 'PHAGS PA GZHON NU DE NI PHO BRANG NA SKYID DE BAR 'KHRUNGS PA LAGS LA, BDAG CAG GI RIGS KYI CHOS NI 'DI LTA BU LAGS TE, SGYU RTZAL SHES PA LA BU MO GTONG GI ,SGYU RTZAL MI SHES PA LA @119B MI GTONG BA LAGS NA, GZHON NU DE NI SGYU RTZAL SHES PA'ANG MA LAGS LA, RAL GRI'I THABS DANG, 'PHONGS DANG, STOBS DANG, GYAD KYI 'DZIN STANGS KYI TSUL SHES PA'ANG MA LAGS NA; BDAG GIS SGYU RTZAL SHES PA MA LAGS PA LA BU MO JI LTAR GTONG, TSIG DE RGYAL PO LA BZLAS PA DANG, DE NAS RGYAL PO 'DI SNYAM DU SEMS TE, NGA LA DES 'DI DANG LAN GNYIS SU BSDOS TE, GANG GI TSE NGAS SH'A-KYA GZHON NU DAG GZHON NU'I RIM GRO BYED DU CI'I PHYIR MI 'ONG ZHES BYAS PA DE'I TSE YANG, CI NGED LUG GI RIM GRO BYED DU 'ONG NGAM ZHES ZER LA, DA'ANG 'DI SKAD ZER RO SNYAM DU SEMS SHING 'DUG PAR GYUR TO, ,BYANG CHUB SEMS DPAS KYANG GTAM DE THOS NAS RGYAL PO ZAS GTZANG MA GA LA BA DER SONG STE PHYIN NAS 'DI SKAD CES SMRAS SO, , CI NONGS TE DE LTAR ZHAL ZUNG GNAG PAR BZHUGS, RGYAL POS SMRAS PA, GZHON NU, DE DRI BAS CI ZHIG BYA, GZHON NUS SMRAS PA, LHA, DE NI BKA' MI STZAL DU MI RUNG NGO ZHES LAN GSUM GYI BAR DU BYANG CHUB SEMS DPAS RGYAL PO ZAS GTZANG MA LA DRIS PA DANG, DE NAS RGYAL PO ZAS GTZANG MAS BYANG CHUB SEMS DPA' LA DNGOS PO DE DAG BRJOD DO, ,BYANG CHUB SEMS DPAS SMRAS PA, LHA, GRONG KHYER 'DI NA BDAG DANG SGYU RTZAL GYIS 'GRAN PAR NUS PA 'GA' MCHIS SAM, DE NAS RGYAL PO ZAS GTZANG MAS BGAD NAS BYANG CHUB SEMS DPA' LA @120A *, ,'DI SKAD CES SMRAS SO, ,BU KHYOD KYIS SGYU RTZAL BSTAN PAR NUS SAM, SMRAS PA, LHA DE NI, BDAG GIS LEGS PAR RNGO THOGS SO, ,DE BAS NA, SGYU RTZAL 'CHEL BA RNAMS KUN KYANG GSOG TU GSOL, DE DAG GI MDUN DU BDAG GIS SGYU RTZAL BSTAN PAR BGYI'O, ,DE NAS RGYAL PO ZAS GTZANG MAS SER SKYA'I GNAS KYI GRONG KHYER CHEN POR DRIL GYI SGRA BSGRAGS TE, DENG NAS ZHAG BDUN NA GZHON NU RANG GI SGYU RTZAL STON GYI, DER SGYU RTZAL SHES PA THAMS CAD SHOG CIG CES BSGO'O, ,DE NAS ZHAG BDUN LON PA DANG, SH'A-KYA GZHON NU LNGA BRGYA TZAM TSOGS PAR GYUR TO, ,DE NAS SH'A-KYA LAG NA BE CON CAN GYI BU MO SA 'TSO MA RGYAL BA'I RU MTSON DU BZHAG STE, 'DIR RAL GRI'I THABS DANG, 'PHONGS DANG, STOBS DANG, GYAD KYI 'DZIN STANGS KYIS SU RGYAL BA DE NI 'DI KHYER CIG CES DAM BCAS NAS DE'I TSE THAMS CAD KYI THOG MA LA GZHON NU LHA SBYIN GRONG KHYER NAS BYUNG NGO, ,DE'I TSE BYANG CHUB SEMS DPA'I BZHON PAR GLANG PO DKAR PO BONG SHIN TU TSE BA ZHIG GRONG KHYER DU KHRID PA GZHON NU LHA SBYIN GYIS MTHONG NAS PHRAG DOG DANG, SH'A-KYA'I NGA RGYAL DANG, STOBS KYI NGA RGYAL GYIS DREGS NAS DES GLANG PO DE LAG PA G-YON PAS SNA NAS BZUNG STE LAG PA G-YAS PAS THAL MO LAN GCIG BSNUN PAS BSAD PAR GYUR TO, ,DE'I @120B 'OG TU GZHON NU MDZES DGA' PO BYUNG BA DANG, DES GLANG PO CHEN PO DE GRONG KHYER GYI SGOR BSAD PA MTHONG NAS SUS BSAD CES DRIS PA DANG, SMRAS PA, LHA SBYIN GYIS BSAD DO, ,SMRAS PA, LHA SBYIN GYIS DE NI MA LEGS PA ZHIG BYAS SO ZHES DES GLANG PO DE'I MJUG MA NAS BZUNG STE GRONG KHYER GYI SGO NAS GUD DU BOR RO, ,DE'I 'OG TU BYANG CHUB SEMS DPA' SHING RTA LA ZHON TE BYUNG BA DANG, BYANG CHUB SEMS DPAS GLANG PO DE LTAR BSAD PA MTHONG NGO, ,MTHONG NAS KYANG SUS BSAD CES DRIS PA DANG, SMRAS PA, LHA SBYIN GYIS BSAD DO, ,SMRAS PA, LHA SBYIN GYIS DE NI MA LEGS PA ZHIG BYAS SO, ,GRONG KHYER 'DI'I SGO NAS SUS BOR ZHES DRIS PA DANG, SMRAS PA, MDZES DGA' BOS BOR RO, ,SMRAS PA, MJES DGA' BOS DE LTAR BYAS PA'ANG LEGS NA, SEMS CAN 'DI NI LUS CHEN PO DANG LDAN PA STE, RUL NA GRONG KHYER THAMS CAD DRI MI ZHIM PAS GANG BAR 'GYUR RO ZHES NAS, DE NAS BYANG CHUB SEMS DPAS SHING RTA LA 'DUG BA ZHIN DU RKANG PA YA GCIG SA LA BRKYANG STE RKANG BA'I MTHE BOS GLANG PO DE BLANGS TE RA BA BDUN RIM DANG, 'OBS BDUN RIM 'DAS NAS GRONG KHYER GYI PHYI ROL RGYANG GRAGS GCIG TZAM DU 'PHANGS SO, ,GLANG PO DE PHYOGS GANG DU LHUNG BA'I PHYOGS DE GSHONG CHEN PO ZHIG TU GYUR NAS DA LTAR GLANG PO'I GSHONG ZHES BYA BA YIN NO, ,DE'I TSE LHA DANG MI BRGYA @121A *, ,STONG MANG PO AE MA AA LA LA ZHES ZER ZHING CA CO DANG, GA ZHA'I SGRA BRGYA STONG 'BYIN LA GOS KYI G-YAB MO 'BYIN BAR GYUR TO, ,NAM MKHA'I DKYIL NAS LHA'I BU DAG GIS KYANG TSIGS SU BCAD PA 'DI DAG SMRAS SO, ,GLANG PO'I DBANG PO BDO BA BZHIN BZHUD PA, ,ZHABS KYI MTHE BOS GLANG PO'I DBANG PO BLANGS, ,RA BA BDUN DANG 'OBS BDUN YONGS BZLAS NAS, ,GRONG KHYER 'DI YI PHYI ROL RGYANG RING 'PHANGS, ,MKHYEN PA MCHOG MNGA' 'DIS NI GDON MI ZAR, ,NGA RGYAL STOBS KYIS MTHO BA'I LUS CAN RNAMS, ,'KHOR BA'I GRONG NAS PHYI ROL RGYANG RING DU, ,SHES RAB STOBS KYIS 'DIS NI 'PHEN PAR 'GYUR, ,DGE SLONG DAG ,DE NAS SH'A-KYA GZHON NU LNGA BRGYA TZAM GRONG KHYER NAS THON NAS SA'I PHYOGS GANG DU SH'A-KYA GZHON NU DAG SGYU RTZAL STON PA DER DONG NGO, ,RGYAL PO ZAS GTZANG MA DANG, SH'A-KYA RGAN RABS RGAN RABS DAG DANG, SKYE BO PHAL PO CHE DAG KYANG BYANG CHUB SEMS DPA' DANG, SH'A-KYA GZHON NU GZHAN DAG GI SGYU RTZAL GYI KHYAD PAR MTHONG BAR 'DOD DE SA'I PHYOGS DER DONG NGO, ,DE NAS THOG MAR SH'A-KYA GZHON NU YI GE MKHAS SHING YI GE'I CHO GA SHES PA DE DAG DANG, BYANG CHUB SEMS DPAR YI GE 'GRAN TO, ,DE'I TSE SH'A-KYA DE DAG GIS SLOB DPON KUN GYI BSHES GNYEN DPANG DU BZHAG STE, GZHON NU 'DI DAG GI NANG NAS YI @121B GE'I 'BRU'AM, YI GE'I SNA GRANGS KYI MTHAR PHYIN PAS KHYAD PAR DU 'PHAGS PA GANG YIN KHYOD KYIS BYE BRAG PHYE ZHIG ,DE NAS SLOB DPON KUN GYI BSHES GNYEN BYANG CHUB SEMS DPA' YI GE LA MKHAS PA MNGON DU MTHONG BAS BZHIN 'DZUM PA BSTAN TE TSIGS SU BCAD PA 'DI NGAG SMRAS SO, ,MI YI 'JIG RTEN LHA YI 'JIG RTEN NAM, ,LHA MIN 'JIG RTEN DRI ZA'I 'JIG RTEN NAM, ,'JIG RTEN KUN GYI YI GE JI SNYED GANG, ,DE LA SEMS CAN DAG PA 'DIS MTHAR PHYIN, ,MI YI ZLA BA 'DI YIS GANG MKHYEN PA'I, ,YI GE DAG DANG YI GE'I SNA GRANGS KYI, , MING YANG KHYED DANG NGAS NI YONG MI SHES, ,'DI LA MNGON SUM NGAS SHES 'DI RGYAL 'GYUR, ,SH'A-KYA RNAMS KYIS SMRAS PA, GZHON NU 'DI YI GE'I SHES PA LA KHYAD PAR DU 'PHAGS PA LTA'ANG 'PHAGS PAR CHUG STE, GZHON NU 'DI GRANGS KYIS SHES PA LA KHYAD PAR CI YOD 'GRAN PAR BYA'O, ,DE NAS SH'A-KYA SRID SGRUB CES BYA BA RTZIS PA CHEN PO BYED PA, BGRANG BA DANG RTZIS KYI PHA ROL TU PHYIN PA ZHIG YOD PA DE DBANG DU BZHAG STE, GZHON NU 'DI DAG GI NANG NAS GRANGS KYI SHES PA LA KHYAD PAR DU GANG 'PHAGS KHYOD KYIS LTOS SHIG CES BYAS TE, DE NAS DE'I TSE BYANG CHUB SEMS DPAS NI RTZIS MGO PHOG ,SH'A-KYA GZHON NU GCIG GIS NI BRTZIS PA DANG, BYANG CHUB SEMS DPA' LA SLEB PAR MA NUS SO, ,DE NAS SH'A-KYA GZHON NU GNYIS DANG, GSUM @122A *, ,DANG, BZHI DANG, LNGA DANG, BCU DANG, NYI SHU DANG, SUM CU DANG, BZHI BCU DANG, LNGA BCU DANG, BRGYA NAS SH'A-KYA GZHON NU LNGA BRGYA'I BAR GYIS DUS GCIG TU BRTZIS KYANG BYANG CHUB SEMS DPA' LA MA SLEB BO, ,DE NAS BYANG CHUB SEMS DPAS SMRAS PA, KHYED KYIS NI RTZIS MGO PHOG CIG ,KHO BOS NI BRTZI'O, ,DE'I TSE SH'A-KYA GZHON NU GCIG GIS RTZIS MGO PHOG NA, BYANG CHUB SEMS DPAS RTZIS KYIS CHOD PA LA MA SLOB BO, ,DE NAS SH'A-KYA GZHON NU GNYIS DANG, GSUM DANG, BZHI DANG, LNGA DANG, BCU DANG, NYI SHU DANG, SUM CU DANG, BZHI BCU DANG, LNGA BCU DANG, BRGYA NAS SH'A-KYA GZHON NU LNGA BRGYA'I BAR GYIS DUS GCIG TU RTZIS MGO PHOG KYANG BYANG CHUB SEMS DPAS RTZIS KYIS CHOS PA LA MA SLEB BO; ;BYANG CHUB SEMS DPAS SMRAS PA, 'DI LA BRTZAD DE'ANG CI RUNG GI ,KHYED THAMS CAD GCIG TU 'DUS TE RTZIS MGO PHOG CIG DANG, KHO BOS BRTZI'O, ,DE NAS SH'A-KYA GZHON NU LNGA BRGYAS TSIG GCIG TU BRJOD PAS SNGA PHYI MED PAR RTZIS MGO PHOG NA, BYANG CHUB SEMS DPAS RMONGS PA MED PAR BRTZIS TE, DE LTAR SH'A-KYA GZHON NU DE DAG THAMS CAD NI PHUG THUG PAR GYUR, BYANG CHUB SEMS DPA' LA NI THUG PA'I MTHA' MED PAR GYUR TO, ,DE NAS RTZIS PA CHEN PO SRID SGRUB NGO MTSAR DU GYUR TE TSIGS SU BCAD PA 'DI DAG SMRAS @122B SO; ;LEGS PA'I BLO MNGA' 'DI DRIS NA, ,MKHYEN PA SHIN TU MYUR BA STE, ,SH'A-KYA GZHON NU LNGA BRGYA TZAM, ,KUN KYANG RTZIS KYI LAM LA THUG ,DE YI SHES RAB 'DI 'DRA STE, ,YE SHES BLO GROS DRAN LNGAN YANG, ,RTZIS KYI MKHYEN PA RGYA MTSO DE, ,DA DUNG SBYONG ZHING SLOB PA MDZAD, ,DE NAS SH'A-KYA'I TSOGS THAMS CAD NGO MTSAR DU GYUR TE SHIN TU RMAD DU BYUNG BAR SEMS SHING, DE'I TSE THAMS CAD MGRIN GCIG TU TSIG 'DI SKAD CES SMRAS SO, ,KYE DON GRUB GZHON NU KHYOD NI RGYAL LO RGYAL LO, ,ZHES THAMS CAD STAN LAS LANGS TE, THAL MO SBYAR NAS BYANG CHUB SEMS DPA' LA PHYAG 'TSAL TE RGYAL PO ZAS GTZANG MA LA 'DI SKAD CES SMRAS SO, ,RGYAL PO CHEN PO, KHYOD LA SRAS DE LTAR DRIS PA LA SPOBS PA MYUR ZHING MGYOGS LA, YANG ZHING SHUGS DANG LDAN PA CAN MNGA' BA NI BRNYES PA LEGS PAR BRNYES SO, ,DE NAS RGYAL PO ZAS GTZANG MAS BYANG CHUB SEMS DPA' LA 'DI SKAD CES SMRAS SO, ,BU, RTZIS PA CHEN PO SRID SGRUB GRANGS KYI SHES PA LA MKHAS PA DANG, RTZIS KYI LUGS 'GRAN NUS SAM, SMRAS PA, LHA, RDO THOGS SO, ,SMRAS PA, 'O NA RTZIS SHIG ,DE NAS RTZIS PA CHEN PO SRID SGRUB KYIS BYANG CHUB SEMS DPA' LA 'DI SKAD CES SMRAS SO, ,GZHON NU KHYOD BYE BA LAS BRGYAR GONG DU BSGRES PA ZHES BGYI BA'I RTZIS KYI LUGS MKHYEN TAM, SMRAS PA, SHES SO, ,SMRAS PA, 'O NA BYE BA LAS BRGYAR GONG DU @123A *, ,BSGRES PA'I RTZIS KYI LUGS LA JI LTAR RJES SU 'JUG PAR BGYI, ,BYANG CHUB SEMS DPAS SMRAS PA, BYE BA PHRAG BRGYA NA THER 'BUM ZHES BYA'O, ,THER 'BUM PHRAG BRGYA NA KHRAG KHRIG CES BYA'O, ,KHRAG KHRIG PHRAG BRGYA NA GTAMS PA ZHES BYA'O, ,GTAMS PA PHRAG BRGYA NA DKRIGS PA ZHES BYA'O, ,DKRIGS PA PHRAG BRGYA NA MI 'KHRUGS ZHES BYA'O, ,MI 'KHRUGS PHRAG BRGYA NA KHYAD PHYIN CES BYA'O, ,KHYAD PHYIN PHRAG BRGYA NA PHANG STENG ZHES BYA'O, ,PHANG STENG PHRAG BRGYA NA MANG 'DZIN CES BYA'O, ,MANG 'DZIN PHRAG BRGYA NA GLANG PO'I STOBS ZHES BYA'O, ,GLANG PO'I STOBS PHRAG BRGYA NA NGOGS THOB CES BYA'O, ,NGOGS THOB PHRAG BRGYA NA RNAMS PAR BZHAG PA GDAGS PA ZHES BYA'O, ,RNAM PAR BZHAG PA GDAGS PA PHRAG BRGYA NA RGYU RIG CES BYA'O, ,RGYU RIG PHRAG BRGYA NA LAG SBYIN ZHES BYA'O, ,LAG SBYIN PHRAG BRGYA NA RGYU DBANG ZHES BYA'O, ,RGYU DBANG PHRAG BRGYA NA RDZOGS THOB CES BYA'O, ,RDZOGS THOB PHRAG BRGYA NA BGRANG RTOGS ZHES BYA'O, ,BGRANG RTOGS PHRAG BRGYA NA SGRIB PA ZHES BYA'O, ,SGRIB PA PHRAG BRGYA NA STOBS ZHES BYA'O, ,STOBS PHRAG BRGYA NA KUN STOBS ZHES BYA'O, ,KUN STOBS PHRAG BRGYA NA RNAM PAR BRDA SHES LDAN ZHES BYA'O, ,RNAM PAR BRDA SHES LDAN PHRAG BRGYA NA BRDA SHES KUN ZHES BYA'O, ,BRDA SHES KUN PHRAG @123B BRGYA NA RNAM 'BYUNG ZHES BYA'O, ,RNAM 'BYUNG PHRAG BRGYA NA DE'I MTSAN NYID CES BYA STE, 'DI LTAR DE'I MTSAN NYID CES BYA BA'I RTZIS KYIS NI RI'I RGYAL PO RI RAB BRTZI BA'I GZHIR BYAS KYANG CHOD PAR RUNG NGO, ,DE'I YANG GONG NA RGYAL MTSAN GYI RTZE MO'I NOR BU ZHES BYA BA'I GRANGS YOD DE, ,GRANGS DES NI GANG-G'A'I KLUNG GI BYE MA SNYED BRTZI BA'I GZHIR BYAS KYANG CHOD PAR RUNG NGO, ,DE'I YANG GONG NA RGYAL MTSAN GYI RTZE MO NGES PAR SGROG PA ZHES BYA BA'I GRANGS YOD DO, ,DE'I YANG GONG NA DED 'DREN GDAGS PA ZHES BYA BA'I GRANGS YOD DO, ,DE'I YANG GONG NA GTAN LA 'BEBS PA ZHES BYA BA'I GRANGS YOD DO, ,DE'I YANG GONG NA GCOD RTOGS ZHES BYA BA'I GRANGS YOD DO, ,DE'I YANG GONG NA GCOD RTOGS LDAN ZHES BYA BA'I GRANGS YOD DO, ,DE'I YANG GONG NA THAMS CAD RNAM PAR 'BYED PA ZHES BYA BA'I GRANGS YOD DE, GRANGS DES NI GANG-G'A'I KLUNG BCU'I BYE MA BRTZI BA'I GZHIR BYAS KYANG CHOD PAR RUNG NGO, ,DE'I YANG GONG NA SNYING PO MCHOG CES BYA BA'I GRANGS YOD DE, GRANGS DES NI GANG-G'A'I KLUNG BYE BA PHRAG BRGYA'I BYE MA DANG MNYAM PA BRTZI BA'I GZHING BYAS KYANG CHOD PAR RUNG NGO, ,DE'I YANG GONG NA RDUL PHRA RAB LA 'JUG PA'I RJES SU SONG BA ZHES BYA BA'I GRANGS YOD DE, GRANGS DE LA NI DE BZHIN GSHEGS PA DANG, BYANG CHUB KYI SNYING PO MCHOG DAM PAR GNAS PA'I @124A *, ,BYANG CHUB SEMS DPA' DANG, CHOS THAMS CAD LA DBANG BSKUR BA MNGON DU GYUR PA'I BYANG CHUB SEMS DPA' MA GTOGS PAR SEMS CAN GYI RIS NA GRANGS DE SHES PA NI NGA DANG, GZHAN YANG NGA DANG 'DRA BA SRID PA THA MA PAR GYUR PA KHYIM GYI GNAS NAS MNGON PAR MA BYUNG BA'I BYANG CHUB SEMS DPA' MA GTOGS PAR GANG YANG MED DO, , SRID SGRUB KYIS SMRAS PA, GZHON NU, RDUL PHRA RAB LA 'JUG PA'I RJES SU SONG BA'I GRANGS LA JI LTAR RJES SU 'JUG PAR BGYI, BYANG CHUB SEMS DPAS SMRAS PA, RDUL PHRA RAB KYI RDUL BDUN LA NI RDUL PHRA MO GCIG GO ,RDUL PHRA MO BDUN LA NI CHUNG NGU GCIG GO ,RDUL CHUNG DU BDUN LA NI NYI ZER GYI RDUL GCIG GO ,NYI ZER GYI RDUL BDUN LA NI RI BONG RDUL GCIG GO ,RI BONG RDUL BDUN LA NI LUG RDUL GCIG GO ,LUG RDUL BDUN LA NI GLANG RDUL GCIG GO ,GLANG RDUL BDUN LA NI SRO MA GCIG GO ,SRO MA BDUN LA NI YUNGS 'BRU GCIG GO ,YUNGS 'BRU BDUN LA NI NAS GCIG GO ,NAS BDUN LA NI SOR GCIG GO ,SOR BCU GNYIS LA NI MTHO GANG NGO, ,MTHO DO LA NI KHRU GANG NGO, ,KHRU BZHI LA NI GZHU GANG NGO, ,GZHU STONG LA NI YUL MA GA DHA'I RGYANG GRAGS GCIG GO ,RGYANG GRAGS BZHI LA NI DPAG TSAD GCIG GO, ,DE LA KHYED KYI NANG NAS DPAG TSAD LA RDUL PHRA RAB DE LTA @124B BU DU YOD SUS SHES, ,SRID SGRUB KYIS SMRAS PA, GZHON NU, BDAG NYID KYANG DE LA MGO RMONGS NA, GZHAN BLO CHUNG NGU DANG LDAN PA LTA SMOS KYANG CI 'TSAL, DE BAS NA, GZHON NUS DPAG TSAD LA RDUL PHRA RAB DE LTA BU DU MCHIS BSHAD DU GSOL, BYANG CHUB SEMS DPAS SMRAS PA, DE LA DPAG TSAD LA NI RDUL PHRA RAB MI 'KHRUGS KHRAG KHRIG GCIG DANG, BYE BA KHRAG KHRIG 'BUM PHRAG SUM CU DANG, BYE BA DRUG CU PHRAG BRGYA DANG, BYE BA PHRAG SUM CU RTZA GNYIS DANG, 'BUM PHRAG LNGA DANG, KHRI NYIS STONG YOD DE, DPAG TSAD LA NI RDUL PHRA RAB DE SNYED CIG YOD DO, ,DE LTAR 'JUG PA DES DZAM-BU'I GLING 'DI LA NI DPAG TSAD BDUN STONG YOD DO, ,NUB KYI BA LANG SPYOD LA NI DPAG TSAD BRGYAD STONG YOD DO, ,SHAR GYI LUS 'PHAGS LA NI DPAG TSAD DGU STONG YOD DO, ,BYANG GI SGRA MI SNYAN LA NI DPAG TSAD KHRI YOD DE, DE LTAR 'JUG PA DES GLING BZHI PA'I 'JIG RTEN GYI KHAMS 'DI LA SOGS PA GLING BZHI PA CHEN PO'I 'JIG RTEN GYI KHAMS BYE BA PHRAG BRGYA DANG, RGYA MTSO CHEN PO BYE BA PHRAG BRGYA DANG, KHOR YUG DANG KHOR YUG CHEN PO BYE BA PHRAG BRGYA DANG, RI'I RGYAL PO RI RAB BYE BA PHRAG BRGYA DANG, RGYAL CHEN BZHI'I RIS KYI LHA BYE BA PHRAG BRGYA DANG, SUM CU RTZA GSUM BYE BA PHRAG BRGYA DANG, 'THAB BRAL BYE BA PHRAG BRGYA DANG, DGA' LDAN BYE BA PHRAG BRGYA DANG, 'PHRUL @125A *, ,DGA' BYE BA PHRAG BRGYA DANG, GZHAN 'PHRUL DBANG BYED BYE BA PHRAG BRGYA DANG, TSANGS RIS BYE BA PHRAG BRGYA DANG, TSANGS PA'I MDUN NA 'DON BYE BA PHRAG BRGYA DANG, TSANGS 'KHOR BYE BA PHRAG BRGYA DANG, TSANGS CHEN BYE BA PHRAG BRGYA DANG, 'OD CHUNG BYE BA PHRAG BRGYA DANG, TSAD MED 'OD BYE BA PHRAG BRGYA DANG, 'OD GSAL BYE BA PHRAG BRGYA DANG, DGE CHUNG BYE BA PHRAG BRGYA DANG, TSAD MED DGE BYE BA PHRAG BRGYA DANG, DGE RGYAS BYE BA PHRAG BRGYA DANG, SPRIN MED BYE BA PHRAG BRGYA DANG, BSOD NAMS SKYES BYE BA PHRAG BRGYA DANG, 'BRAS BU CHE BA BYE BA PHRAG BRGYA DANG, SEMS CAN 'DU SHES MED PA BYE BA PHRAG BRGYA DANG, MI CHE BA BYE BA PHRAG BRGYA DANG, MI GDUNG BA BYE BA PHRAG BRGYA DANG, GYA NOM SNANG BYE BA PHRAG BRGYA DANG, SHIN TU MTHONG BYE BA PHRAG BRGYA DANG, 'OG MIN GYI LHA'I RIS BYE BA PHRAG BRGYA LA STONG GSUM GYI STONG CHEN PO'I 'JIG RTEN GYI KHAMS GCIG CES BYA STE, YANGS SHING RGYA CHE BA'O, ,DE LA DPAG TSAD DU YOD PA DANG, DPAG TSAD BRGYA PHRAG DU YOD PA DANG, DPAG TSAD STONG PHRAG DU YOD PA DANG, DPAG TSAD BYE BA PHRAG DU YOD PA DANG, DPAG TSAD THER 'BUM PHRAG DU YOD PA DANG, DPAG TSAD KHRAG KHRIG PHRAG DU YOD PA DANG, DE BZHIN DU SBYAR TE DPAG TSAD SNYING PO DAM PA'I RTZIS KYI BAR DU THUG PA LA RDUL PHRA RAB DE LTA BU DU YOD @125B CES BYA BA'I RTZIS DE NI GRANGS DANG BGRANG BA LAS 'DAS PA STE, DE NI GRANG MED PA ZHES BYA'O, ,DE BAS KYANG SHIN TU GRANGS MED PA DE SNYED KYI RDUL PHRA RAB NI STONG GSUM GYI STONG CHEN PO'I 'JIG RTEN GYI KHAMS NA YOD DO, ,BYANG CHUB SEMS DPAS RTZIS KYI LE'U 'DI BSTAN PA'I TSE RTZIS PA CHEN PO SRID SGRUB DANG, SH'A-KYA'I TSOGS THAMS CAD KYANG TSIM ZHING MGU LA YID RANGS TE NGO MTSAR RMAD DU BYUNG BA THOB NAS DE DAG THAMS CAD KYANG GOS RE RE ZHIG BZHAG STE GOS DANG RGYAN LHAG MA GZHAN BYANG CHUB SEMS DPA' LA YON DU PHUL LO, ,DE NAS RTZIS PA CHEN PO SRID SGRUB KYIS TSIGS SU BCAD PA 'DI DAG SMRAS SO, ,BYE BA BRGYA NA THER 'BUM THER 'BUM DE BZHIN DU, ,KHRAG KHRIG DANG NI GTAMS PA'I RGYUD DANG DE BZHIN DU, ,DKRIGS PA MI 'KHRUGS BDAG GI SHES THUG DE GONG MIN, ,MTSUNGS PA MED KYI MKHYEN PA RTZIS LA DE BAS LHAG ,YANG KYE SH'A-KYA DAG ,STONG GSUM DAG GI RDUL DANG RTZWA DANG NAGS TSAL DANG, ,SMAN DANG CHU YI THIGS PA JI SNYED YOD PA DANG, HU ZHES BYA BA GCIG LA 'DI YIS RTZI NUS NA, ,LNGA BRGYA TZAM DAG GI LTA NGO MTSAR CI ZHIG CHE, ,DE NAS LHA DANG MI BRGYA STONG DAG AE MA AA LA LA ZHES ZER ZHING CA CO DANG, GA ZHA'I SGRA BRGYA STONG 'BYIN PAR GYUR TO, ,NAM MKHA'I DKYIL NAS LHA'I BU DAG GIS KYANG TSIGS SU BCAD PA 'DI DAG BRJOD DO, ,DUS GSUM SEMS CAN MA @126A *, ,LUS JI SNYED GANG YOD PA'I, ,SEMS DANG SEMS BYUNG 'DU SHES RNAM PAR RTOG PA DAG ,MCHOG DANG THA MA DE BZHIN RGYA CHUNG YANGS PA DAG ,THAMS CAD SEMS KYI 'GYUR BA GCIG GIS RAB TU MKHYEN, ,DGE SLONG DAG ,DE LTAR SH'A-KYA GZHON NU DE DAG THAMS CAD ZIL GYIS NON PAR GYUR TE BYANG CHUB SEMS DPA' 'BA' ZHIG KHYAD PAR DU 'PHAGS PAR GYUR TO, ,DE'I RJES LA MCHOD PA DANG, RKYAL DANG, BANG LA SOGS PA THAMS CAD LA'ANG BYANG CHUB SEMS DPA' NYID KHYAD PAR DU 'PHAGS PAR GYUR NAS NAM MKHA'I DKYIL NAS LHA'I BU DAG GIS TSIGS SU BCAD PA 'DI DAG SMRAS SO, ,BRTUL ZHUGS DKA' THUB SDOM PA'I YON TAN DANG, BSKAL PA BYE BAR BZOD DUL BYAMS STOBS KYIS; ;LUS DANG SEMS NI CI NAS YANG MDZAD PAS, ,DE YI SHUGS KYI KHYAD PAR MNYAM PAR GYIS, ,SEMS CAN MCHOG 'DI GRONG KHYER 'DI NA BZHUGS PA KHYED KYIS MTHONG, ,'ON KYANG 'DI NI PHYOGS BCU'I 'JIG RTEN KHAMS RNAMS THAMS CAD DU, ,SKAD CIG GCIG LA RIN CHEN GSER DANG MCHOD PA SNA TSOGS KYIS, ,RGYAL BA DPAG TU MED PA DAG LA MCHOD PA MDZAD DU BZHUD, ,'ON KYANG RDZU 'PHRUL DE 'DRA BRNYES PA DE, ,BYON TAM BZHUD PAR KHYED KYIS YONG MI SHES, ,JI TZAM ZHUGS SHES DE LA CI ZHIG BSKYED, ,'DI NI MTSUNGS PA MED @126B KYI RIM GRO SKYED, ,DE LTAR BYANG CHUB SEMS DPA' DE GCIG PU KHYAD PAR DU 'PHAGS PAR GYUR TO, ,DE NAS SH'A-KYA DE DAG GIS SMRAS PA, GZHON NU 'DI LA STOBS KYI KHYAD PAR CI YOD PA'ANG SAD PAR BYA'O, ,DE NAS BYANG CHUB SEMS DPA' PHYOGS GCIG TU 'DUG NAS SH'A-KYA GZHON NU LNGA BRGYA PO DE DAG KYANG DUS GCIG TU SO SO NAS STOBS 'GYED PAR GYUR TE, SH'A-KYA GZHON NU SUM CU RTZA GNYIS SHIG 'TSOGS NAS BYANG CHUB SEMS DPA' LA RGOL BA LTAR CHAS TE 'KHOD DO, ,DE'I NANG NAS DGA' BO DANG, KUN DGA' BO GNYIS KYIS BYANG CHUB SEMS DPA' LA STOBS BRGAL BA'I PHYIR DRUNG DU PHYIN PA DANG, BYANG CHUB SEMS DPA'I LAG GIS REG MA THAG TU DE GNYIS KAS KYANG BYANG CHUB SEMS DPA'I MTHU DANG GZI BRJID MA BZOD DE SA LA 'GYEL TO, ,DE'I 'OG TU SH'A-KYA GZHON NU LHA SBYIN NGA RGYAL CAN MTHU SNYEMS PA DE STOBS KYI NGA RGYAL DANG, SH'A-KYA'I NGA RGYAL GYIS SNYEMS LA, BYANG CHUB SEMS DPA' LA BSNGO ZHING THAMS CAD DANG LDAN PA'I LTAD MO PA'I DKYIL 'KHOR LA BSKOR TE BSGYINGS NAS BYANG CHUB SEMS DPA' LA STOBS BRGAL TO, ,DE NAS BYANG CHUB SEMS DPAS MA STABS SHING MI RINGS PAR STANGS BZANG BOR GZHON NU LHAS BYIN LAG PA G-YAS PAS BTEG STE GSAD PA'I BLOS MA YIN GYI, NGA RGYAL BCAG PA'I PHYIR BYAMS PA'I SEMS KYIS @127A *, ,NAM MKHA' LAS BSKOR BSKOR TE SA'I STENG DU BOR YANG DE'I LUS LA GNOD PAR GYUR PA MED DO, ,DE NAS BYANG CHUB SEMS DPAS SMRAS PA, DE LTA BU GNOD PAR 'GYUR BAS CHOG GI ,THAMS CAD GCIG TU 'DUS TE BRGAL PAR GYIS SHIG ,DE NAS DE DAG THAMS CAD NGA RGYAL GYIS RLOM ZHING BYANG CHUB SEMS DPA' LA RUB PAR GYUR TO; ;DE NAS DE DAG BYANG CHUB SEMS DPA' LA REG MA THAG TU BYANG CHUB SEMS DPA'I DPAL DANG GZI BRJID DANG LUS KYI MTHU MA BZOD DE, BYANG CHUB SEMS DBAS REG PA TZAM GYIS SA LA 'GYEL BAR GYUR TO, ,DE NAS LHA DANG MI BRGYA STONG DE DAG AE MA AA LA LA ZHES ZER ZHING CA CO DANG, GA ZHA'I SGRA BRGYA STONG PHYUNG NGO, ,NAM MKHA'I DKYIL NA 'KHOD PA'I LHA'I BU DAG GIS KYANG ME TOG GI CHAR CHEN PO MNGON PAR PHAB STE DBYANGS GCIG TU TSIGS SU BCAD PA 'DI DAG SMRAS SO, ,PHYOGS BCU'I SEMS CAN GANG RNAMS JI SNYED PA; ;DE DAG GYAD CHEN STOBS PO CHE 'DRA LA, ,GCIG CAR SKYES BU'I MCHOG LA RUB GYUR KYANG, ,REG PA TZAM GYIS SA LA 'BYEL BAR 'GYUR, ,LHUN PO RI RAB RDO RJE'I KHOR YUG DANG, ,PHYOGS BCU DAG NA RI GZHAN GANG YOD PA, ,LAG PAS MNYES SHING RMEG MED PHYER RLOG NA, ,MI LUS SNYING PO MED PA MTSAR CI CHE, ,'DI NI SHING DBANG MCHOG DRUNG SDANG PA'I @127B GYAD; ;DPUNG BCAS BDUD RNAMS RGYAL MTSAN SDER BCAS PA, ,NAG PO'I RTZA LAG BYAMS PA'I STOBS KYIS 'JOMS, ,BLA MED BYANG CHUB ZHI BAR 'TSANG YANG RGYA, ,DE LTAR BYANG CHUB SEMS DPA' DE GCIG PU KHYAD PAR DU 'PHAGS PAR GYUR TO, ,DE NAS SH'A-KYA LAG NA BE CON CAN GYIS SH'A-KYA GZHON NU DE DAG LA 'DI SKAD CES SMRAS SO, ,'DI DAG NI SAD KYANG ZIN, MTHONG YANG ZIN GYI, DA NI 'PHONG ZHIG BSTAN PAR GYIS SHIG ,DE'I TSE KUN DGA' BOS RGYANG GRAGS GNYIS KYI PHA ROL TU LCAGS KYI RNGA GCIG 'BEN DU BTZUGS SO, ,DE'I 'OG TU LHA SBYIN GYIS RGYANG GRAGS BZHI'I PHA ROL TU LCAGS KYI RNGA GCIG 'BEN DU BTZUGS SO, ,DE'I 'OG TU MDZES DGA' BOS RGYANG GRAGS DRUG GI PHA ROL TU LCAGS KYI RNGA GCIG 'BEN DU BTZUGS SO, ,DE'I 'OG TU SH'A-KYA LAG NA BE CON CAN GYIS DPAG TSAD GNYIS KYI PHA ROL TU LCAGS KYI RNGA GCIG 'BEN DU BTZUGS SO, ,DE NAS BYANG CHUB SEMS DPAS RGYANG GRAGS BCU'I PHA ROL TU LCAGS KYI RNGA GCIG 'BEN DU BTZUGS TE, DE'I DRUNG DU SHING TA LA BDUN DANG RA NAS DE'I PHA ROL TU LCAGS KYI PHAG RGOD KYI GZUGS 'KHRUL 'KHOR DU BYAS PA GCIG BRTZUGS SO, ,DE NAS KUN DGA' POS RGYANG GRAGS GNYIS KYI PHA ROL NA RNGA'I 'BEN 'DUG PA LA 'PHANGS NA PHOG PAR GYUR TE, DE PHAN CHOD KYI LA PHOG PAR MA NUS SO, ,LHA SBYIN GYIS @128A *, ,RGYANG GRAGS BZHI'I PHA ROL NA RNGA'I 'BEN 'DUG PA LA 'PHANGS NA PHOG PAR GYUR TE, DE PHAN CHAD KYI LA PHOG PAR MA NUS SO, ,MDZES DGA' BOS RGYANG GRAGS DRUG GI PHA ROL NA RNGA'I 'BEN 'DUG PA LA 'PHANGS NA PHOG PAR GYUR TE, DE PHAN CHAD KYI LA PHOG PAR MA NUS SO, ,LAG NA BE CON CAN GYIS DPAG TSAD GNYIS KYI PHA ROL NA RNGA'I 'BEN 'DUG PA LA 'PHANGS NA PHOG PAR GYUR TE, THAL BYUNG DU PHYIN NAS DE PHAN CHAD KYI LA PHOG PAR MA NUS SO, ,DE NAS BYANG CHUB SEMS DPA' LA GZHU GANG DANG GANG BYIN PA DE DAG LA LA NI GZHU RGYUD CHAD, LA LA NI CHAG NAS BYANG CHUB SEMS DPAS SMRAS PA, GRONG KHYER 'DI NA GZHU GZHAN LA LA BDAG GIS BRDUNG BZOD PA'AM, LUS KYI STOBS DANG MTHU BZOD PA MCHIS SAM, RGYAL POS SMRAS PA, BU, YOD DO, ,GZHON NUS SMRAS PA, LHA, DE LTA BU GANG NA MCHIS, RGYAL POS SMRAS PA, BU, KHYOD KYI MES SENG-GE'I 'GRAM ZHES BYA BA BYUNG STE, DE'I GNAM RU DA LTAR LHA KHANG NA SPOS DANG PHRENG BAS MCHOD DE, DE NI SUS KYANG BDUNG BAR YANG MI NUS NA, DGANG PAR LTA SMOS KYANG CI DGOS PA ZHIG YOD DO; ;BYANG CHUB SEMS DPAS SMRAS PA, LHA, DE BLANG DU GSOL, SAD PAR BGYI'O, ,DE NAS GZHU DE BLANGS TE 'ONGS PA DANG, SH'A-KYA GZHON NU THAMS CAD KYIS NAN TAN GYI MCHOG @128B GIS BSGRIMS KYANG GZHU DE BDUNG BAR YANG MA NUS NA, DGANG PAR LTA SMOS KYANG CI DGOS TE MA NUS SO, ,DE NAS GZHU DE SH'A-KYA LAG NA BE CON CAN GYIS LUS KYI MTHU STOBS THAMS CAD PHYUNG STE GZHU DE BDUNG BAR BRGAL NA MA BDUNGS SO, ,DE NAS GZHU DE BYANG CHUB SEMS DPA' LA BYIN NO, ,DE NAS BYANG CHUB SEMS DPAS GZHU DE BLANGS TE STAN LAS MA LANGS PAR SKYIL MO KRUNG PHYED BCAS TE LAG PA GYON PAS BZUNG NAS LAG PA GYAS PA'I SOR MO GCIG GIS BDUNGS SO, ,GZHU DE DE LTAR BDUNGS PA'I TSE SER SKYA'I GNAS KYI GRONG KHYER CHEN PO THAMS CAD DU SGRA MNGON PAR GRAG PAR GYUR TO, ,GRONG KHYER GYI MI THAMS CAD KYANG SKRAG SKRAG POR GYUR TE, GCIG LA GCIG 'DRI ZHING 'DI LTA CI'I SGRA ZHIG CES ZER RO, ,DE LA LA LA NA RE; GZHON NU DON GRUB KYIS MES KYI GNAM RU BDUNGS NAS DE'I SGRA BYUNG BA 'DI YIN NO, ,ZHES ZER RO, ,DE NAS LHA DANG MI BRGYA STONG DAG AE MA AA LA LA ZHES ZER ZHING CA CO DANG, GA ZHA'I SGRA BRGYA STONG 'BYIN PAR GYUR TO, ,NAM MKHA'I DKYIL NA 'KHOD PA'I LHA'I BU DAG GIS KYANG RGYAL PO ZAS GTZANG MA DANG, SKYE BO'I TSOGS PHAL PO CHE DE DAG LA TSIGS SU BCAD DE SMRAS PA; GDAN LAS MA BZHENGS BRTZAL BA MA MCHIS SU, ,THUB PAS GNAM RU 'DI 'DRA BDUNGS PA LAS, ,GDON MI 'TSAL BAR DGONGS PA RDZOGS GYUR TE, ,BDUD KYI SDE BCOM MYUR @129A *, ,DU THUB PAR 'BYON, ,DGE SLONG DAG ,DE LTAR BYANG CHUB SEMS DPAS MDA' BLANGS NAS GZHU DE DANG SBYAR TE BKANG NAS 'PHAGS PA'I MTHU STOBS KYIS KUN DGA' BO'I 'BEN DU RNGA BTZUGS PA DANG, LHA SBYIN GYI 'BEN DU RNGA BTZUGS PA DANG, MDZES DGA' BO'I 'BEN DU RNGA BTZUGS PA DANG, LAG NA PE CON CAN GYI 'BEN DU RNGA BTZUGS PA DE DAG THAMS CAD LAS THAL NAS RGYANG GRANGS BCU'I PHA ROL TU BDAG GI 'BEN LCAGS KYI RNGA BTZUGS PA DANG, SHING RA LA BDUN DANG RAB DANG, PHAG RGOD KYI GZUGS 'KHRUL 'KHOR DU BYAS PA LAS KYANG THAL TE MDA' DE SA LKA ZUG NAS MI SNGA BAR GYUR TO, ,SA PHYOGS GANG DU MDA' DE ZUG SE NUB PA'I SA PHYOGS DER KHRON PA LTA BU'I KHUNG ZHIG BYUNG NAS DA LTAR YANG MDA'I KHRON PA ZHES BYA BA YIN NO, ,DE'I TSE LHA DANG MI BRGYA STONG DAG AE MA AA LA LA ZHES ZER ZHING CA CO DANG, GA ZHA'I SGRA BRGYA STONG 'BYIN PAR GYUR TO, ,SH'A-KYA'I TSOGS DE DAG THAMS CAD KYANG NGO MTSAR RMAD DU BYUNG BA THOB STE, KYE NGO MTSAR TO, ,'DIS NI BSLAB KYANG MA BSLAB PAR RTZAL GYI SHES PA DE LTA BU DANG LDAN PA NI NGO MTSAR CHE'O ZHES ZER RO; ;NAM MKHA'I DKYIL NA 'KHOD PA'I LHA'I BU DAG GIS KYANG RGYAL PO ZAS GTZANG MA DANG, SKYE BO'I TSOGS PHAL PO CHE DE DAG LA 'DI SKAD CES SMRAS SO, ,DE LTAR NGO MTSAR YANG @129B CI CHE STE, DE CI'I PHYIR ZHE NA, 'DI NI SA YI SNYING PO SNGON GYI SANGS RGYAS GDAN LA BZHUGS, ,ZHI GNAS GNAM RU THOGS SHING STONG PA BDAG MED MDA' RNAMS KYIS, ,NYON MONGS DGRA RNAMS BCOM STE LTA BA'I DRA BDRAL NAS SU, ,BYANG CHUB DAM PA ZHI BA RDUL MED MYA NGAN MED PA 'THOB, ,DE SKAD CES SMRAS NAS LHA'I BU DE DAG GIS BYANG CHUB SEMS DPA' LA LHA'I ME TOG DAG GIS MNGON PAR GTOR TE DONG NGO, ,DE BZHIN DU MCHONG PA DANG, YI GE DANG, LAG RTZIS DANG, RTZIS DANG, GRANGS DANG, GYAD KYI 'DZIN STANGS DANG, RGYANG NAS PHOG PA DANG, BANG DANG, TSAR DANG, RKYAL DANG, 'PHONG DPYAD DANG, GLANG PO CHE'I GNYAR ZHON PA DANG, RTA RTZAL DANG, SHING RTA'I THABS DANG, MDA' GZHU'I THABS DANG, BRTAN PA DANG, MTHU DANG, DPA' BA DANG, 'GYED STOBS DANG, LCAGS KYUS SGYUR THABS DANG, ZHAGS PA'I THABS DANG, MDUN DU BSNUR BA DANG, PHYIR BSNUR BA DANG, BZUR BA DANG, 'DZIN STANGS DANG, GOM STOBS DANG, THOR TSUGS DANG, GCAD PA DANG, DRAL BA DANG, DBUG PA DANG, GZHIG PA DANG, GSHEG PA DANG, MI TSOR BAR 'PHOG PA DANG, GNAD DU 'PHOG PA DANG, SGRA GRAGS PAR 'PHAG PA DANG, TSABS CHE BA DANG, CHO LO'I RTZAD MO DANG, SNYAN DANG GAS SBYAR BA DANG, LAM DANG, RI MO DANG, GZUGS DANG, GZUGS KYI LAS DANG, THABS KYI DPYAD DANG, ME'I LAS DANG, @130A *, ,ROL MO'I DBYANGS SGRA DANG, GAR DANG, GLU DANG, YI GE BKLAG PA'I MIG 'OR DANG, GTAM DANG, BZHAD GAD DANG, RTZED MO DANG, BRO DANG, SGEG PA DANG, PHRENG BA BRGYU BA DANG, RLUNG YAB G-YAB PA DANG, NOR BU TSON GYIS BSGYUR BA DANG, GOS TSON GYIS BSGYUR BA DANG, MIG 'PHRUL GYI CHO GA DANG, RMI LAM GYI DPYAD DANG, BYA'I SKAD DANG, BUD MED KYI MTSAN DANG, SKYES PA'I MTSAN DANG, GLANG PO CHE'I MTSAN DANG, RTA'I MTSAN DANG, BA LANG GI MTSAN DANG, RA'I MTSAN DANG, LUG GI MTSAN DANG, KHYI'I MTSAN DANG, SHES GSAL DANG, SGRA NGES PAR SBYOR BA DANG, NGA RO SGYUR DANG, SNGON GYI RABS DANG, SNGON BYUNG BA DANG, RIG BYED DANG, LUNG BSTAN PA DANG, NGES PA'I TSEG DANG, YE GE LCI YANG DANG, TSIG SNGEB PA DANG, MCHOD SBYIN GYI CHO GA DANG, SKAR BA'I LUGS DANG, GRANGS CAN GYI LUGS DANG, RNAL 'BYOR GYI LUGS DANG, LAS KYI TSOGS DANG, BYE BRAG PA'I LUGS DANG, NOR GYI RIG PA DANG, PHUR BU'I LUGS DANG, CHU'I LUGS DANG, LHA MA YIN GYI LUGS DANG, BYA DANG RI DWAGS KYI SKAD DANG, GTAN TSIGS KYI RIG PA DANG, RGYA SKYEGS KYI 'KHRUL 'KHOR DANG, SPRA TSIL GYI LAS DANG, 'DRUB SHUR DANG, BRKO GZHOG DANG, LO MA DRA BA DANG, SPOS SBYAR BA LA SOGS PA'I SGYU RTZAL 'JIG RTEN PA DANG LHA'I @130B DANG MI'I LAS 'DAS PA THAMS CAD LA'ANG BYANG CHUB SEMS DPA' 'BA' ZHIG KHYAD PAR DU 'PHAGS PAR GYUR TO, ,DE'I TSE SH'A-KYA LAG NA BE CON CAN GYIS RANG GI BU MO SA 'TSO MA BYANG CHUB SEMS DPA' LA PHUL LO, ,RGYAL PO ZAS GTZANG MAS KYANG DE RIM GYIS BAG MAR BLANGS TE BYANG CHUB SEMS DPA' LA PHUL LO, ,DE NA BYANG CHUB SEMS DPAS 'JIG RTEN DANG MTHUN PA TZAM DU BYA BA'I PHYIR BUD MED BRGYAD KHRI BZHI STONG GI NANG DU 'DUG STE, DGA' ZHING RTZE LA YONGS SU SPYOD PA STON TO, ,BUD MED BRGYAD KHRI BZHI STONG DE DAG THAMS CAD KYI NANG NAS SH'A-KYA'I BU MO SA 'TSO MA BTZUN MO'I MCHOG TU DBANG BSKUR BAR GYUR TO, ,DE NAS SH'A-KYA'I BU MO SA 'TSO MA GYOS SGYUG GAM, NANG MI GANG MTHONG YANG RUNG STE, GDONG MI SBED DO, ,DE DAG KYANG DE LA BAG GSAR MO NI ZHUM ZHUM POR 'DUG PA'I RIGS NA, 'DI NI RTAG TU MA G-YOGS SO ZHES 'PHA SMOD CING MI SNYAN PAR ZER RO, ,DE'I TSE SH'A-KYA'I BU MO SA 'TSO MAS GTAM DE THOS NAS NANG MI RNAMS KYI MDUN DU 'DUG STE TSIGS SU BCAD PA 'DI DAG SMRAS SO, ,'DUG DANG 'GRENG DANG 'CHAG PA LA, ,'PHAGS PA DAG NI MA GYOGS MDZES, ,NOR BU RIN CHEN 'OD GSAL BA, ,RGYAL MTSAN RTZE MOR GSAL NA MDZES, ,'PHAGS PA 'GRO NA'ANG MDZES PA STE, ,'OD NA'ANG DE BZHIN MDZES PA YIN, ,'GRENG BA'AM DE BZHIN 'DUG PA DANG, ,THAMS @131A *, ,CAD DU'ANG 'PHAGS PA MDZES, ,'PHAGS PA SMRA NA'ANG MDZES PA STE, ,MI SMRAR 'DUG KYANG DE BZHIN MDZES, ,DPER NA KA LA PING-KA ? NI, ,MTHONG DANG SGRA THOS DE BZHIN NO, ,KU SHA'I GOS NI GYON PA DANG, ,GOS NGAN GYON DANG LUS RID PA, ,DE NI RANG GI GZI YIS MDZES, ,YON TAN LDAN PA YON TAN BRGYAN, ,GANG LA SDIG PA MED GYUR PA; ;'PHAGS PA KUN TU DGE BA YIN, ,BYIS PA SDIG PA BYED PA NI, ,JI SNYED BRGYAN KYANG MDZES MA YIN, ,GANG DAG SNYING LA SDIG PA YOD CING TSIG 'JAM PA, ,DE DAG DUG GI BUM PAR BDUD RTZI BLUGS PA BZHIN, ,BRAG GI SER GA RTZUB PA LTA BUR NANG YANG RTZUB, ,DE 'DRA DE DAG SBRUL GYI KHA LA NYUG PA BZHIN, ,DES PA DE DAG GAN DU KUN 'ONG KUN PHYAG 'TSAL; ;'BAB STEGS THAMS CAD LTA BUR 'GRO BA KUN GYI GSOS, ,'PHAGS PA DAG NI RTAG TU 'O ZHOS BKANG BUM 'DRA, ,BDAG NYID DAG PA DE 'DRA MTHONG NA BKRA SHIS DGE ;GANG DAG SDIG PA'I GROGS PO YUN RING YONGS SPONG ZHING, ,DGE BA'I BSHES GNYEN RIN PO CHES NI YONGS BZUNG LA, ,SDIG PA RNAM SPONG SANGS RGYAS CHOS LA MNGON CHAGS PA, ,DE LTA BU DAG MTHONG BA BKRA SHIS 'BRAS BU YOD, ,GANG DAG LUS BSDAMS LUS KYI SKYON RNAMS RAB BSDAMS DANG, ,GANG DAG TSIG BSDAMS RTAG TU TSIG @131B 'CHAL MED GYUR LA, ,DBANG PO SBAS SHING SHIN TU BSDAMS LA YID DANG BA, ,DE LTA BU DAG GDONG G-YOGS DES NI CI ZHIG BYA, ,GAL TE LUS LA GOS NI STONG GIS G-YOGS GYUR KYANG, , GANG DAG SEMS BSHUS NGO TSA MED CING KHREL MED DANG, ,GANG DAG 'DI 'DRA'I YON TAN MED CING DON TSIG MED, ,DE DAG SGREN MO BAS KYANG SGREN MOR 'JIG RTEN RGYU, ,GANG ZHIG SEMS SBAS RTAG TU DBANG PO BSDAMS GYUR CING, ,BDAG GIS KHYOS CHOG SEMS CAN GZHAN LA MI SEMS PA, ,DE 'DRA BA DAG NYI ZLA BZHIN DU MA G-YOGS SNANG, ,DE 'DRA BA DAG GDONG G-YOGS DES NI CI ZHIG BYA, ,GZHAN YANG DRANG SRONG BDAG NYID CHE DANG GZHAN SEMS BLO MKHAS DANG, ,DE BZHIN LHA TSOGS DAG GIS KHO MO'I BSAM PA DANG, ,KHO MO'I TSUL KHRIMS YON TAN SDOM DANG BAG YOD MKHYEN, ,DE LTA BAS NA KHO MOS GDONG BKAB CI ZHIG DGOS, ,DGE SLONG DAG ,RGYAL PO ZAS GTZANG MAS SH'A-KYA'I BU MO SA 'TSO MA'I SPOBS PA DANG BSTAN PA'I TSIGS SU BCAD PA RNAM PA 'DI LTA BU 'DI THOS SO, ,THOS NAS KYANG TSIM ZHING MGU LA YID RANGS TE RAB TU DGA' ZHING DGA' BA DANG YID BDE BA SKYES NAS RAS BCOS BU BZANG PO RIN PO CHE DU MAS SPRAS PA ZUNG GCIG DANG, MU TIG GI DO SHAL SRANG BYE BA BRGYA STONG RI BA DANG, MU TIG DMAR PO BZANG POS SPRAS PA'I GSER GYI PHRENG BAS SH'A-KYA'I BU MO SA @132A *, ,'TSO MA LA BKAB NAS CHED DU BRJOD PA 'DI CHED DU BRJOD DO, ,KHO BO'I BU NI YON TAN CI 'DRAS BRGYAN PA DANG, ,MNA' MA RANG GI YON TAN JI LTAR RAB SMRA BA; ;SEMS CAN DAG PA DE GNYIS PHRAD PAR GYUR PA NI, ,MAR DANG MAR GYI NYING KHU JI LTAR 'DRA BA BZHIN, ,SGYU RTZAL BSTAN PA'I LE'U STE, BCU GNYIS PA'O,, ,, 'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO BRGYAD PA, DGE SLONG DAG ,DE LTAR BYANG CHUB SEMS DPA' BTZUN MO'I 'KHOR GYI NANG NA 'DUG PA NA GANG DAG BYANG CHUB SEMS DPA' LA MCHOD PA'I LAS BYED PA LA SPRO BAR GYUR PA LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, BRGYA BYIN DANG, TSANGS PA DANG, 'JIG RTEN SKYONG BA DU MA DE DAG RANG RANG GI DGA' BA'I SGRA 'BYIN CING LHAGS PAR GYUR TO; ;DE LA DGE SLONG DAG ,DUS GZHAN ZHIG NA LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, BRGYA BYIN DANG, TSANGS PA DANG, 'JIG RTEN SKYONG BA MANG PO DAG 'DI SNYAM DU SEMS PAR GYUR TE, MA LA SKYES BU DAM PA 'DI BTZUN MO'I 'KHOR @132B GYI NANG DU HA CANG YUN RING DU THOGS PAR GYUR NA, SEMS CAN GANG DAG 'DIS YUN RING PO NAS BSDU BA'I DNGOS PO BZHI PO SBYIN PA DANG, SNYAN PAR SMRA BA DANG, DON SPYAD PA DANG, DON MTHUN PAS YONGS SU SMIN PAR BYAS PA DANG, GANG DAG 'DIS BYANG CHUB THOB NAS CHOS BSTAN PA SHES PAR 'GYUR BA CHOS KYI SNOD DU GYUR PA'I SEMS CAN DE DAG MED PAR GYUR NAS PHYIS BYANG CHUB SEMS DPA' MNGON PAR BYUNG STE, BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BA'AM GCIG TU MI 'GYUR GRANG SNYAM MO, ,DE NAS DE DAG GUS PA DANG BCAS, ZHE SA DANG BCAS PAR THAL MO SBYAR TE BYANG CHUB SEMS DPA' LA PHYAG 'TSAL NAS, NAM ZHIG NA BDAG CAG GIS BYANG CHUB SEMS DPA' DAM PA MCHOG RAB DAG PA 'DI MNGON PAR BYUNG BA DANG, MNGON PAR BYUNG NAS KYANG SHING GI RGYAL PO CHEN PO DE'I DRUNG DU 'DUG STE BDUD DPUNG DANG BCAS PA BTUL NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS TE, DE BZHIN GSHEGS PA'I STOBS BCU DANG LDAN PA DANG, DE BZHIN GSHEGS PA'I MI 'JIGS PA BZHI DANG LDAN PA DANG, SANGS RGYAS KYI CHOS MA 'DRES PA BCO BRGYAD DANG LDAN PA DANG, LAN GSUM DU BZLAS TE RNAM PA BCU GNYIS SU BSKOR BA'I CHOS KYI 'KHOR LO BLA NA MED PA BSKOR ZHING @133A *, ,SANGS RGYAS KYI RNAM PAR ROL PA CHEN POS LHA DANG, MI DANG, LHA MA YIN DU BCAS PA'I 'JIG RTEN MOS PA JI LTA BA BZHIN DU LEGS PAR BSHAD PAS TSIM PAR BYED PA MTHONG BAR 'GYUR SNYAM PA'I BSAM PA DE LTA BUS SDOD CING 'KHOD PAR GYUR TO, ,DGE SLONG DAG ,DE LA BYANG CHUB SEMS DPA' NI BSKAL PA GRANGS MED PA'I YANG GRANGS MED PA NAS BZUNG STE YUN RING POR RTAG PAR RGYUN DU 'JIG RTEN PA DANG, 'JIG RTEN LAS 'DAS PA'I CHOS THAMS CAD LA GZHAN GYI DRING MI 'JOG PAR GYUR CING, DGE BA'I CHOS SPYOD PA THAMS CAD LA BDAG NYID SLOB DPON DU GYUR PA YIN LA, YUN RING PO NAS DUS SHES PA DANG, TSONG SHES PA DANG, RAN PA SHES PAR GYUR PA DANG, MNGON PAR SHES PA LAS MA NYAMS PA DANG, MNGON PAR SHES PA LNGA DANG LDAN PA DANG, RDZU 'PHRUL GYI RKANG PAS RNAM PAR RTZE BA DANG, SEMS CAN GYI BSAM PA DANG DBANG PO LA MKHAS PA DANG, DUS DANG DUS MA YIN PA SHES PA DANG, DUS LA LTA ZHING RGYA MTSO CHEN PO LTAR DUS RAN PA LAS MI YOL BAR GYUR PA'O, ,DE MNGON PAR SHES PA'I YE SHES KYI STOBS DANG LDAN PAS 'DI NI RAB TU GZUNG BA'I DUS SO, ,'DI NI TSAR GCAD PA'I DUS SO, , @133B 'DI NI BSDU BA'I DUS SO, ,'DI NI PHAN GDAGS PA'I DUS SO, ,'DI NI BTANG SNYOMS SU GZHAG PA'I DUS SO, ,'DI NI SMRA BA'I DUS SO, ,'DI NI MI SMRA BAR BYA BA'I DUS SO, ,'DI NI KHYIM NAS 'BYUNG BA'I DUS SO, ,'DI NI RAB TU 'BYUNG BA'I DUS SO, ,'DI NI KHA TON BYA BA'I DUS SO, ,'DI NI TSUL BZHIN YID LA BYA BA'I DUS SO; ;'DI NI RAB TU DBEN PAR BYA BA'I DUS SO, ,'DI NI RGYAL RIGS KYI 'KHOR GYI NANG DU 'GRO BA'I DUS SO ZHES BYA BA NAS, 'DI NI BRAM ZE DANG KHYIM BDAG GI PAR GYI 'KHOR GYI NANG DU 'GRO BA'I DUS SO, ,'DI NI LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDANG DANG, MI 'AM CI DANG, LTO 'PHYE CHEN PO DANG, BRGYA BYIN DANG, TSANGS PA DANG, 'JIG RTEN SKYONG BA DANG, DGE SLONG DANG, DGE SLONG MA DANG, DGE BSNYEN DANG, DGE BSNYEN MA'I 'KHOR GYI NANG DU 'GRO BA'I DUS SO, ,'DI NI CHOS BSTAN PA'I DUS SO, ,'DI NI NANG DU YANG DAG GZHAG PA'I DUS SO ZHES BYA BA THAMS CAD BDAG NYID KYIS SHES SO, ,BYANG CHUB SEMS DPA' DUS THAMS CAD DU RTAG PAR DUS SHES PAR GYUR CING, DUS LA BLTA BA YIN YANG DGE SLONG DAG ,'DI NI CHOS NYID KYIS THOB PA YIN TE, SRID PA THA MA PA'I @134A *, ,BYANG CHUB SEMS DPA' BTZUN MO'I 'KHOR GYI NANG NA 'KHOD PA RNAMS LA PHYOGS BCU'I 'JIG RTEN GYI KHAMS NA BZHUGS PA'I SANGS RGYAS BCOM LDAN 'DAS RNAMS GLU DBYANGS DANG SIL SNYAN GYI SGRA LAS CHOS KYI SGO RNAM PA 'DI LTA BU 'DI DAG GIS YANG DAG PAR BSKUL BA MDZAD DO, ,DE LA 'DI SKAD CES BYA STE, SEMS CAN MCHOG GANG PHYOGS BCU'I 'JIG RTEN BZHUGS, ,DE DAG MTHU YIS SIL SNYAN SGRA DAG LAS, ,TSIGS BCAD SGRA SNYAN 'DI DAG BYUNG BA YIS; ;MI MCHOG DAM PA RNAMS LA YANG DAG SKUL, ,SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS 'GYUR ZHING, , PHAN BYED MCHOG DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON BTAB DRAN PAR BYOS, ,'DI NI KHYOD KYIS DUS MAN TSOD YIN GYI, ,DRANG SRONG MCHOG RAB MNGON PAR 'BYUNG BAR BYOS, ,SANGS RGYAS LHA MI 'DUL BYED 'JIG RTEN MCHOG ,YON TAN BRGYAS GANG BAR NI GYUR CIG CES, ,DE'I PHYIR KHYOD SNGON MGO DANG RKANG LAG DANG, ,NOR GYI DAM PA SNA TSOGS RNAMS KYANG BTANG, ,KHYOD NI KHRIMS KYIS BRTUL ZHUGS @134B DKA' THUB SPYAD, ,KHYOD NI BZOD PAS 'GRO LA PHAN PA BYED, ,KHYOD NI BRTZON PAS YON GTAN BRGYA YIS GANG, ,BSAM GTAN SHES RAB SRID GSUM MNYAM PA MED, ,KHRO BAS NON CING THA BA'I DRI MANG BA, ,DE DAG BDE GSHEGS KHYOD KYI BYAMS PAS KHYAB, ,DGE BA'I YON TAN BRAL BA LOG NGES PA, ,MI MKHAS RNAM MANG DAG LA KHYOD SNYING RJE, ,BSOD NAMS YE SHES DGE BA'I LUS KHYAB CING, ,RDUL BRAL BSAM GTAN MNGON SHES LAM MER 'DUG ,PHYOGS BCU 'DI DAG RNAMS SU RAB TU GSAL, ,SPRIN MED ZLA BA DRI MA MED PA 'DRA; ;'DI DANG GZHAN YANG SNYAN PA RNAM MANG GIS, ,SIL SNYAN DAG LAS RGYAL BAS SGRA BSGRAGS TE, ,MNGON PAR KHYOD 'BYUNG DUS NI 'DI YIN ZHES, ,LHA MIS MCHOD PAR 'OS LA SKUL MA 'DEBS, ,DGE SLONG DAG ,BYANG CHUB SEMS DPA' KHYIM DAM PA MCHOG YO BYAD PHUN SUM TSOGS PA THAMS CAD DANG LDAN PA, BSAM PA JI LTA BA BZHIN DU BDE BAR GNAS PA DANG MTHUN PA, LHA'I KHANG KHYIM LTA BU STEGS BU DANG, SGO GANG DANG, RTA BABS DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHANG BZANG MCHOG DANG, RIN PO CHE SNA TSOGS KYI RGYAN RNAM PA THA DAD PA DBYE BA SHIN TU RNAM PAR PHYE BA, GDUGS DANG, RGYAL MTSAN DANG, @135A *, ,BA DAN BSGRENG BA, REN PO CHE'I DRIL BU G-YER KA'I DRA BA DU MAS LEGS PAR BRGYAN PA, DAR GYI LNGA ? LDI BRGYA STONG DU MAS MNGON PAR DBYANGS PA, RIN PO CHE SNA TSOGS KYIS SPRAS PA'I MU TIG GI RGYAN PHRENG RAB TU DPYANGS ? PA, RIN PO CHE SNA TSOGS KYI SPANG LEB CAN GYI ZAM PAS MDZES PAR BYAS PA, ME TOG GI PHRENG BA DANG CHUN PO MANG PO DPYANGS ? PA, POG SNOD NAS SPOS KYIS BDUGS PA, DAR LA'I BLA BRE BRES PA, DUS THAMS CAD PA'I ME TOG DRI MCHOG TU ZHIM ZHING SHIN TU MDZES PA DAG BKRAM PA, RDZING ME TOG PAD-MA DKAR PO DANG, PAD-MA DANG LDAN PA'I CHU'I GNAS YONGS SU SPYAD PAR BYA BA MANG BA, BYA 'DAB SKYO BA DANG, NE TZO DANG, RI SKEGS DANG, KHU BYUG DANG, NGANG PA DANG, RMA BYA DANG, NGUR PA DANG, KU NA LA DANG, KA LA PING-KA DANG, SHANG SHANG TE'U LA SOGS PA BYA RNAM PA THA DAD PA'I TSOGS SGRA SNYAN PA 'BYIN PA, BEE d'U-RYA SNGON PO'I SA GZHI GNAS YONGS SU SPYAD PAR BYA BA, GZUGS THAMS CAD KYI GZUGS BRNYAN KUN TU STON PA, BLTA BAS MI NGOMS PAR NYAMS DGA' BA, DGA' BA DANG MCHOG TU DGA' BA DAM PA BSKYED PA'I KHYIM DAM PA MCHOG DE NA 'DUG STE, BYANG CHUB SEMS DPA' KHANG PA YANGS @135B PA CHEN PO MCHOG NA GNAS PA, DRI MA MED PA, DRI MA DANG BRAL BA, YAN LAG DRI MA MED PA, PHRENG BA DANG RGYAN MA BOR BA, DRI MCHOG TU ZHIM PA DAM PA'I BYUG PAS LUS BSKUS PA, DKAR ZHING BZANG LA DRI MA MED CING RNAM PAR DAG LA DRI MA DANG BRAL BA'I GOS GYON PA'I LUS DANG LDAN PA, MAL CHA LHA'I RAS BCOS BU BZANG PO PHRA BA DU MA BTING BA, 'JAM PA, KA TZA LIN-DA'I GOS LTAR REG NA BDE BA, YAN LAG DAM PA'I SPRAS PAS MAL BZANG PO'I STENG NA 'DUG PA, BTZUN MO'I 'KHOR DAM PA, LHA'I BU MO DANG 'DRA BA, THAMS CAD DU KHA NA MA THO BA MED PA, LTA BA DANG MTHUN PA, SPYOD PA BZANG POS MDZES PAR BYAS PA, GZUGS BZANG BA'I NANG NA 'DUG PA, DUNG DANG, RNGA DANG, RDZA RNGA DANG, 'KHAR RNGA DANG, PI WANG DANG, RGYUD GSUM PA DANG, 'KHAR BA'I SIL KHROL DANG, PHEG DANG, KIM-PA ? LA DANG, NA KU LA DANG, SGRA SNYAN DANG, GLING BU SNYAN PA'I SGRA 'BYUNG BA'I SGRA DBYANGS DANG, SIL SNYAN DANG, GLU DBYANGS SNA TSOGS DANG LDAN PAS BSLANG ? BA LA BUD MED KYI TSOGS KYIS KYANG SGRA MNYEN ZHING 'JAM PA SNYAN LA YID DU 'ONG BA DANG, GLING BU 'BUD PA'I SGRA DBYANGS KYIS BYANG CHUB SEMS DPA' SLONG NGO, ,PHYOGS BCU NA BZHUGS PA'I SANGS RGYAS BCOM LDAN @136A *, ,'DAS DE DAG GI BYIN GYI RLABS KYIS SIL SNYAN SGRA BYUNG BA'I SGRA SKAD DE DAG LAS BYANG CHUB SEMS DPA' LA SKUL BA'I TSIGS SU BCAD PA 'DI DAG BYUNG NGO, ,BUD MED GANG DAG RAB TU YID DGA' SEMS DANG BAS, ,SIL SNYAN YID DU 'ONG ZHING SNYAN PA'I SGRA 'BYIN TSE, ,PHYOGS BCU'I RGYAL BA DAM PA DAG GI MTHU YIS NA, ,TSIGS BCAD RNAM PA SNA TSOGS RNAM MANG 'DI DAG BYUNG, ,RTAG TU MGON MED GYUR PA'I 'GRO BA 'DI MTHONG NAS, ,GO 'PHANG MYA NGAN MED MCHOG RDUL MED SANGS RGYAS TE, ,SKYE DANG RGA DANG SDUG BSNGAL DAG LAS DGROL LO ZHES, ,DPA' BO KHYOD SNGON SMON LAM DE SKAD BTAB PAR GYUR, ,DE PHYIR DGE MYUR GRONG KHYER MCHOG 'DI NAS, ,BYUNG LA SNGON GYI DRANG SRONG ZHABS BCAGS PA, ,SA PHYOGS DE NI RAB TU MNAN NAS SU, ,RGYAL BA'I YE SHES MTSUNGS MED 'TSANG RGYAR GYIS, ,KHYOD KYIS SNGON CHAD SNA TSOGS RIN CHEN NOR, ,RKANG LAG PHANGS PA'I LUS KYANG BTANG BAR GYUR, ,DRANG SRONG CHEN PO DE RING KHYOD DUS 'DI, ,CHOS KYI CHU BO MTHA' YAS 'GRO LA PHYE; ;KHYOD KYI TSUL KHRIMS MA NYAMS DRI MED DGE ,SNGON CHAD KHYOD NI RTAG TU MCHOG GIS BRGYAN, ,DRANG SRONG CHEN PO KHYOD KHRIMS 'DRA BA MED, ,'GRO BA NYON MONGS RNAM @136B PA MANG LAS KHROL, ,KHYOD KYIS SRID PA BRGYAR NI BZOD PA SPYAD, ,KHYOD NI 'GRO BAS NGAN BRJOD RNAM MANG BZOD, ,BZOD PAS BZOD CING DUL BAS DES PA'I BDAG ,RKANG GNYIS DBANG PO MNGON PAR 'BYUNG BLO GYIS, ,KHYOD BRTZON BRTAN ZHING MI G-YO G-YO BA MED, ,BDE BAR GSHEGS PA SNGON MTHAR RGYA CHEN GYUR, ,G-YON ? CAN BDUD NI SDE DANG BCAS BTUL TE, ,NGAN SONG GSUM PO MTHA' DAG SKAM PAR GYIS, ,GANG PHYIR KHYOD KYIS BRTUL ZHUGS DKA' THUB SPYAD, ,DUS NGAN NYON MONGS SNYIGS MA BSREGS GYIS LA, ,KHYOD KYIS BDUD RTZI CHU BO'I CHAR PHAB STE, , MGON MED RING NAS SKOM PA TSIM PAR GYIS, ,'CHI MED MYA NGAN MED GNAS SANGS RGYAS TE, ,SKOM PAS NYAM THAG BDUD RTZIS TSIM BYA ZHES, ,KHYOD KYIS SNGON SMRAS TSIG MCHOG DRAN BYOS TE, , GRONG KHYER DAM PA 'DI NAS MYUR DU BYUNG, ,KHYOD NI SHES RAB MCHOG GI SPYOD PA MKHAS, ,KHYOD KYI YE SHES MTHA' YAS DRI MED CHE, ,RMONGS PA YID GNYIS LAM LA GNAS RNAMS LA, ,SHES RAB 'OD DAG DAM PA MDZES PA GYIS, ,KHYOD KYIS SRID PA BRGYAR NI BYAMS PA SPYAD, ,SNYING RJE DANG NI DGA' MCHOG BTANG SNYOMS DANG, ,KHYOD KYIS SPYOD PA DAM PA GANG SPYAD PA, ,SPYOD PA DE NYID 'GRO LA RNAM PAR PHYE, ,PHYOGS BCU'I RGYAL BA DAG GIS GZI BRJID KYIS, ,YON TAN ME TOG SNA TSOGS TSIGS BCAD 'DI, ,SIL SNYAN DAG LAS RNAM MANG YID 'ONG GRAG ,MAL NA @137A *, ,'DUG PA'I GZHON NU DE LA SKUL, ,GANG GI TSE NA DGA' BYED BUD MED RAB TU DGA' BA RNAMS, ,SHIN TU MDZES SHING RAB TU SNYAN PA'I SIL SNYAN SGROG PA'I TSE, ,PHYOGS BCU DAG GI RGYAL BA LHA MI 'DUL BA MDZAD RNAMS KYANG, ,SIL SNYAN DAG LAS GSUNG MCHOG HA CANG MI CHE RJES SU SGROG ,'GRO LA PHAN BYED YON TAN MANG PO LDAN KHYOD 'GRO RNAMS SU, ,RNAM PAR RGYU BA'I TSE NA RGYAL BA'I YON TAN GNYUG MAR BYAS, ,SNGON GYI BRTUL ZHUGS DKA' THUB SPYAD PA DE DAG DRAN GYIS TE, ,SHING MCHOG DRUNG DU MYUR SONG 'CHI MED GO 'PHANG THOB PAR GYIS, ,LHA MI DAG NI SHIN TU SKOM ZHING RGYAL BA'I YON TAN BRAL, ,KHYOD NI SHIN TU STOBS LDAN BDUD RTZI'I RO BRO RTAG TU SBYIN, , STOBS BCU'I RO BRO DAM PA MKHAS PA RNAMS KYIS MCHOD BYAS PA, ,BDUD RTZI DE NI MI BDAG KHYOD KYIS MYUR DU RNAM PAR PHYE, ,RGYAL BA'I YON TAN 'GRO LA PHAN PA BYED LA DGA' BA PO, ,KHYOD KYIS SNGON GYI SRID PAR NOR DANG NOR BU GSER RNAMS BTANG, ,CHUNG MA BU SDUG DAG DANG GRONG KHYER GRONG RDAL BCAS PA DANG, ,RANG GI MGO DANG MIG DANG LAG PA DAG DANG RKANG PA'ANG BTANG, ,MI MCHOG KHYOD NI GNA' SNGON RGYAL PO DGE BAR GYUR PA'I TSE, ,MI ZHIG KHYOD LA MNGON DU PHYOGS NAS 'DI SKAD TSIG @137B SMRAS TE; ;GRONG KHYER GRONG RDAL BCAS PA'I SA 'DI KHO BOR BYIN ZHES BYAS, ,DE YI TSE NA RAB TU DGA' ZHING 'KHRUGS PAR GYUR PA MED, ,GNA' SNGON KHYOD NI RGYAL PO'I BRAM ZE DGE BAR GYUR PA'I TSE, ,SKYE BO BLA MA BSNYEN BKUR BYED CING GZHAN LA 'KHU MI BYED, ,BRAM ZE DAM PA DAG DANG SKYE BO MANG PO DGE LA BKOD, ,DE NAS SHI 'PHOS SRID PA'I 'GRO BA LHA YI GNAS SU SKYES; ;SNGON KHYOD RGYAL PO'I BU LAS DRANG SRONG DAM PAR GYUR PA'I TSE, ,RGYAL PO NGAN PA KHROS PAR KHYOD KYI YAN LAG BCAD PA NA, ,KHYOD NI YID 'KHRUGS GYUR PA MED PAR 'CHI BA'I DUS BYAS TE, ,DE YI TSE NA KHYOD KYI RKANG LAG DAG LAS 'O MA ZAG ,KHYOD SNGON DRANG SRONG SNGO SANGS ZHES BYAR GANG TSE GYUR PA NA, ,RI MCHOG GNAS NA BRTUL ZHUGS DGA' ZHING BLA MA LA YANG DGA', ,MI YI BDAG POS DUG MDA' DAG GIS KHYOD LA BSNUN PA NA, ,KHYOD NI RGYAL PO DE LA YID 'KHRUGS MED CING SNYING BRTZER GYUR, ,KHYOD SNGON RI DWAGS BDAG PO YON TAN CAN DU GYUR PA'I TSE, ,RI GZAR 'BAB CHU CHEN POS MI ZHIG KHYER BAR GYUR PA NA, ,PHAN DANG LDAN PA KHYOD KYIS MI DE PHYUNG STE THANG LA BZHAG ,KHYOD KYI DGRA BO KHRID DE 'ONGS PA NA YANG YID MA 'KHRUGS, ,MI MCHOG KHYOD SNGON BRAM ZE'I BUR NI GANG TSE GYUR PA NA, ,KHYOD KYI NOR BU RGYA MTSO CHEN PO YANGS PAR LHUNG BA'I TSE, ,KHYOD KYIS RGYA @138A *, ,MTSO CHEN PO ZAD PAR BYA BAR BRTZAMS PA DANG, ,STOBS BRTAN KHYU MCHOG KHYOD KYI NOR BU DE TSE PHYIR YANG RNYED, ,SKYES BU MCHOG KHYOD GNA' SNGON DRANG SRONG DAM PAR GYUR PA'I TSE, ,BRAM ZE ZHIG GIS BDAG GI SKYABS GYUR SHOG CES KHYOD GAN 'ONGS, ,SMRAS PA BRAM ZE DAM PA KHO BO DGRA LAS BYUNG ZHES BYAS, ,KHYOD KYIS RANG LUS BTANG GI BRAM ZE DE NI MA BTANG NGO, ,GNA' SNGON SHING GI GNAS SU DRANG SRONG SNGO BSANGS DRUNG 'ONGS TE, ,'DOD PAS SMRAS PA SHING 'DI LO MA DU YOD GRONGS ZHES BYA; ;SHING DE LO MA JI SNYED YOD PA RAB BGRANGS RAB MKHAS PAS, ,KHYOD KYIS DE BZHIN NOR PA ? MED CING MTHUN PAR TSIG TU BRJOD, ,KHYOD SNGON NE TZO YON TAN LDAN GYUR SHING LA GNAS PA'I TSE, ,ZAD PAR GYUR KYANG SNGON GYI DRIN LA BSAM STE DE MA SPANGS, ,LHA YI BDAG POS KHYOD KYI YON TAN DRAN NAS RAB TU DGA', ,SNGA MKHO BZHIN DU SHING MCHOG DE NI DPAL DANG LDAN PAR BYAS, ,KHYOD KYI BRTUL ZHUGS DKA' THUB SPYAD PA DE DAG MTSUNGS MED DE, ,YON TAN LDAN PA YON TAN LAM LA SPYAD PA YON TAN MANG, ,KHYOD KYI DUS LA DA BAB GRONG KHYER BCAS PA'I SA YANG THONG, ,'GRO BA DAG NI RGYAL BA'I YON TAN SPYOD LA MYUR DU KHOD, ,GANG GI TSE NA BUD MED RIN CHEN BZANG @138B PO'I GOS KYIS LUS BRGYAN TE, ,SIL SNYAN DAM PA MCHOG RAB YID DU 'ONG BA'I SGRA NI RAB SGROG PA, ,DE TSE PHYOGS BCU'I RGYAL BA'I GZI YIS TSIGS SU BCAD PA SNA TSOGS PA; ;SGRA DBYANGS SNYAN PA 'DI DAG SIL SNYAN DAG GI SGRA LAS RAB TU BYUNG, ,RGA DANG SHI BAS ZIN PA'I 'JIG RTEN DAG LA BDAG NI SKYABS GYUR CES, ,'JIG RTEN SGRON MA KHYOD KYIS BSKAL MANG SNGA ROL SMON LAM DE SKAD BTAB, ,MI YI SENG-GE KHYOD KYIS SNGON GYI SMON LAM DAG NI DRAN GYIS SHIG ,RKANG GNYIS DBANG PO KHYOD DA MNGON PAR 'BYUNG BA'I DUS NI 'DI YIN NO, ,KHYOD 'DIR SRID PA KHRAG KHRIG DAG TU SBYIN PA MANG PO DU MA BYIN, ,NOR DANG RIN PO CHE DANG GSER DANG GOS BZANG RIN CHEN SPRAS PA DANG, ,RKANG LAG DAG DANG MIG DANG PHANGS PA'I BU DANG RGYAL SRID 'BYOR PA DAG ,KHYOD KYIS BTANG YANG KHYOD NI SLONG BA RNAMS LA THA BA ZHE SDANG MED, ,KHYOD 'DIR ZLA BA'I TOG DANG MCHE BA BZANG DANG RGYAL PO ZHI BAR GYUR, ,SNYING BRTZE SNYING RJE'I YID DANG ZLA BA'I SGRON GTZUG NA NOR BUR GYUR, ,RGYAL PO DPA' BO BRTAN DANG MIG BZANG DANG NI DE LA SOGS PA BYAS, ,RGYAL PO KHRAG KHRIG MANG PO SBYIN DGA' RNAM PAR 'PHRUL PA DE NYID KHYOD, ,BDE BAR GSHEGS PA KHYOD KYIS BSKAL PA MANG POR TSUL KHRIMS SPYOD PA SPYAD, ,NOR BU RIN CHEN DRI MA MED PA @139A *, ,LTA BUR TSUL KHRIMS RNAM DAG GYUR, ,KHYOD KYIS 'BRI YI RNGA MA CI 'DRA DE 'DRAR TSUL KHRIMS BSRUNGS SHING SPYAD, ,TSUL KHRIMS DGA' BAS KHYOD KYIS 'DIR NI 'GRO LA RGYA CHER DON YANG BYAS, ,'DIR KHYOD GLANG PO MCHOG TU GYUR TE RNGON PA DGRA YIS MDAS BSNUN TSE, ,GTUM PO DGRA LA SNYING BRTZE SNYING RJE BSKYED NAS DE NI KHYOD KYIS BSKYABS, ,BZANG ZHING MDZES PA'I MCHE BA YONGS SU BTANG STE TSUL KHRIMS YONG MA BTANG, ,KHYOD KYIS DE LA SOGS PA TSUL KHRIMS RNAM PAR 'PHRUL PA MANG PO BYAS; ;BZOD LA DGA' BAS KHYOD KYIS 'GRO BA'I MI PHAN SDUG BSNGAL STONG MANG DANG, ,TSIG RTZUB DAG DANG BSAD PA DANG NI BCING BA MANG PO BZOD PAR BYAS, ,KHYOD KYIS GNA' SNGON MI GANG DAG LA BDE BA KUN GYIS RIM GRO BYAS, ,DE DAG PHYI NAS KHYOD KYI GSHED MAR GYUR KYANG KHYOD KYIS DE DAG BZOD, ,MGON PO KHYOD NI RI MCHOG GNAS NA GANG TSE DRED MOR GYUR PA'I TSE, ,KHA BA BAB CING CHU PRUGS PAS NI 'JIGS SHING SKRAG PA'I MI BZUNG STE, ,RTZA BA 'BRAS BU RNAM PA MANG DANG BDE BA KUN GYIS RIM GRO BYAS; ;DE YIS MYUR DU KHYOD LA GSOD PA KHRID 'ONGS KHYOD KYIS DE LA BZOD, ,BYANG CHUB BTZAL PHYIR BRTUL ZHUGS DKA' THUB YON TAN RNAM MANG YE SHES LA,, @139B KHYOD KYIS BRTZON 'GRUS SHIN TU BRTAN PAR GNAS SHING MI G-YO G-YO BA MED, ,DBANG SGYUR BDUD KYANG KHYOD KYIS BRTZON 'GRUS STOBS KYIS STOBS NI MED PAR BYAS, ,MI YI SENG-GE KHYOD 'DIR MNGON PAR 'BYUNG BA'I DUS LA DA BAB BO, ,KHYOD 'DIR GNA' SNGON KHA BA'I KHA DOG 'DRA BA'I RTA MCHOG GYUR PA'I TSE, ,SNYING RJE BSKYED NAS NAM MKHA' LAS NI SRIN PO'I GLING DU MYUR DU SONG, ,DE TSE PHONGS SHING 'DUG PA'I MI DE BLANGS TE BDE LA RAB TU BZHAG ,KHYOD KYIS 'DI LA SOGS PA BRTZON 'GRUS RNAM PAR 'PHRUL BA MANG PO BYAS; ;MYUR DU 'GYUR ZHING G-YO LA YUL LA DGA' ZHING RGOD PA'I SEMS BRTUL TE, ,BSAM GTAN PAR GYUR RDUL DES ZHI GNAS RNAMS KYIS NYON MONGS GTZO BO BCOM, , KHYOD 'DIR BSAM GTAN DGA' BAS RANG GI YON TAN DAG GIS 'GRO DON BYAS, ,DA 'DIR SEMS CAN MCHOG KHYOD BSAM GTAN RNAMS 'PHRUL BYA BA'I DUS LA BAB, , GNA' SNGON KHYOD NI DRANG SRONG BSAM GTAN DGA' ZHING RAB TU GNAS PAR GYUR, ,RGYAL PO MED PA'I MI DAG GIS NI KHYOD KHRID RGYAL SRID DBANG YANG BSKUR, ,KHYOD KYIS SKYE KHO DAG NI DGE BA BCU DANG TSANGS PA'I LAM LA BKOD, ,DE YI TSE NA MI LAS SHI 'PHOS THAMS CAD TSANGS PA'I GNAS SU DONG, ,PHYOGS DANG PHYOGS MTSAMS 'GRO BA RNAM @140A *, ,MANG SHES PA'I CHO GA KHYOD RAB MKHAS, ,GZHAN GYI SPYOD DANG 'GRO BA'I SKAD SHES PA DANG DBANG PO SHES PA DANG, ,TSUL DANG 'DUL DANG BLO GROS RNAM MANG RGYU BA'I PHA ROL KHYOD PHYIN GYUR, ,RGYAL PO'I SRAS KHYOD 'DIR NI MNGON PAR 'BYUNG BA'I DUS LA DA BAB BO, ,KHYOD KYIS GNA' SNGON SKYE BO LTA BA LOG PAR ZHUGS PAR GYUR PA DAG ,RGA SHI SDUG BSNGAL RNAM PA MANG POS NYAM THAG 'KHOD PA 'DI MTHONG NAS, ,SRID PA RNAM PAR GZHIG PA'I DRANG LAM NYID KYIS KHONG DU CHUD BYAS TE, ,MUN PA BCOM PA KHYOD KYIS 'JIG RTEN DAG LA DON CHEN RAB TU BYAS, ,TSIGS BCAD RNAM PA MANG PO MDZES PA YON TAN LDAN PA SNA TSOGS 'DIS, ,SIL SNYAN SGRA BSGRAGS DE LAS RGYAL BA'I GZI YIS DPA' BO BSKUL BAR GYUR, ,BLO MCHOG LDAN PA KHYOD 'DIR MNGON PAR 'BYUNG BA'I DUS NI DA BAB KYI, ,SDUG BSNGAL GANG BA'I SKYE BO 'DI DAG MTHONG NAS BTANG SNYOMS MA BYED CIG ,BUD MED GOS DANG RIN PO CHE DANG DO SHAL SPOS PHRENG SNA TSOGS KYIS, ,BRGYAN PA DAG KYANG SEMS DANG PHANGS PA SKYES NAS RAB TU DGA' BA RNAMS, ,SEMS CAN MCHOG LA SIL SNYAN RAB TU SGROG CING SLONG BAR BYED PA NA, ,RGYAL BA'I MTHU YIS SIL SNYAN DAG LAS TSIGS SU BCAD PA 'DI @140B 'DRA BYUNG, ,GANG GI DON DU KHYOD KYIS 'GRO LA PHAN PHYIR BSKAL PA DU MAR NI, ,GTANG BAR DKA' BA BTANG ZHING TSUL KHRIMS BZOD PA BRTZON 'GRUS SHIN TU SPYAD, ,BSAM GTAN SHES RAB SHIN TU BSGOMS PA KHYOD KYI DUS LA DA BAB KYI, ,'DREN PA MNGON PAR 'BYUNG BA'I BLO LA MYUR SOMS PHYI BSHOL MA BYED CIG ,SNGON CHAD RIN CHEN MDZOD DANG GSER DANG DNGUL DANG RGYAN RNAMS RAB TU BTANG, ,SKYE BO DE DANG DE DAG TU NI MCHOD SBYIN RNAM PA MANG PO BYAS, ,KHYOD KYI CHUNG MA BU PHO BU MO LUS DANG RGYAL SRID SROG BTANG STE, , BYANG CHUB DON DU GTANG BAR DKA' BA DPAG TU MED PA KHYOD KYIS BTANG, ,KHYOD NI RGYAL PO MI DMAN BSOD NAMS DPAL GYIS RNAM PAR GRAGS PAR GYUR, ,MU KHYUD 'DZIN DANG MU KHYUD NAG PO TSANGS PAS BYIN DANG RAL PA CAN, ,MCHOD SBYIN STONG LDAN DANG NI CHOS SEMS 'OD 'PHRO CAN DANG NOR BRTAN DANG, ,SHIN TU DON BSAM GYUR TE SEMS CAN DMAN LA GTANG BAR DKA' BA BTANG, ,ZLA BA'I BU DANG BRTZON 'GRUS 'BAR DANG BSOD NAMS 'OD ZER CAN DU GYUR, ,GTONG BA CHE DANG LDAN ZHING MTHU LDAN KHYOD NI BYAS PA GZO BAR GYUR, , RGYAL PO DRANG SRONG ZLA BA GZUGS LDAN DPA' BO BDEN PA 'PHEL BA DANG, ,RGYAL PO LEGS PAR SMRA BA TSOL DANG BLO GROS BZANG DANG NGES PAR GYUR, ,ZLA BA'I 'OD DANG KHYAD PAR 'GRO @141A *, ,DANG RDUL DANG PHYOGS KYI BDAG POR GYUR, ,RAB SBYIN DPA' BO KA SHI'I RGYAL PO RIN CHEN GTZUG PHUNG ZHI BA BSTOD, ,MI DBANG DE DAG RNAMS DANG GZHAN DU GYUR TE GTANG BAR DKA' BA BTANG, ,KHYOD KYIS JI LTAR GTONG BA'I CHAR PHAB DE BZHIN CHOS KYI CHAR PA PHOB, ,KHYOD KYIS SNGON CHAD SEMS CAN SNYING PO GANG-GA'A'I BYE MA SNYED CIG MTHONG, ,SEMS CAN THAR PAR BYA PHYIR BYANG CHUB DAM PA'I MCHOG NI TSOL BA NA, ,KHYOD KYIS MCHOD PA DPAG MED BSAM MI KHYAB PAS SANGS RGYAS DE DAG MCHOD, ,DPA' BO GRONG KHYER DAM PA 'DI NAS 'BYUNG BA'I DUS LA DA BAB BO, ,THOG MAR KHYOD KYIS DON YOD MTHONG LA S'A LA'I ME TOG GIS NI MCHOD, ,RNAM PAR SNANG MDZAD LA NI DANG BA'I SEMS KYIS SKAD CIG BAR DU BLTAS, ,RNGA DBYANGS LDAN PA LA NI KHYOD KYIS AA RU RA YI 'BRU GCIG PHUL, ,TZAN DAN MTHONG NAS KHYOD KYIS RTZWA YI ME SGRON BLANGS TE KHYIM DU BZUNG, ,RTUL PO GRONG KHYER 'JUG PA MTHONG NAS PHYE MA SPAR GANG RAB TU GTOR, ,CHOS KYI DBANG PHYUG CHOS 'CHAD PA NA LEGS ZHES BYA BA RAB TU BYIN, ,KUN TU GZIGS PA MTHONG NAS PHYAG 'TSAL PHYAG 'TSAL LO ZHES TSIG TU BRJOD, ,'DO 'PHRO CHEN PO'I PHUNG PO LA NI KHYOD KYIS DGA' BAS GSER PHRENG GTOR, ,'OD ZER RGYAL MTSAN LA NI KHA TSAR PHUL ZHING GSAL @141B LA BAL SRAN GTOR, ,YE SHES TOG LA MYA NGAN MED PA'I ME TOG KHA LO SGYUR LA 'JAM, ,RIN CHEN GTZUG TOR CAN LA MAR ME PAD-MA LDAN LA SMAN YANG PHUL, ,THAMS CAD ZIL GNON MU TIG DO SHAL RGYA MTSO LA NI PAD-MA PHUL, ,PAD-MA'I SNYING PO LA NI BLA BRE SENG-GE LA NI CHAR GDING PHUL, ,S'A LA'I DBANG PO RGYAL LA MAR PHUL ME TOG RGYAS LA 'O MA PHUL, ,GRAGS SBYIN KUN-NGA'I ME TOG PHUL TE BDEN PA GZIGS LA ZHAL ZAS PHUL, ,YE SHES LHUN LA LUS BTUD KLUS BYIN LA NI NA BZA' DBUL BA BYAS, ,RAB 'THONG GSHEGS DANG TZAN-DAN MCHOG DANG 'OD LDAN LA NI TSWA SPAR RE, ,BKOD PA CHE LA PAD-MA DBUL BYAS 'OD ZER RGYAL LA RIN CHEN PHUL, ,SH'A-KYA THUB LA SPAR GANG GSER PHUL DBANG PO'I TOG LA BSTOD PA BYAS, ,NYI MA'I ZHAL LA ME TOG RNA RGYAN BLO GROS BZANG LA GSER COD PAN, ,KLU ZIL GNON LA NOR BU PHUL TE RGYAL LA RAS BCOS GDING BA PHUL, ,SMAN GYI RGYAL LA RIN CHEN GDUGS PHUL SENG-GE'I TOG LA KHRI GDAN PHUL, ,YON TAN MCHOG LDAN RIN CHEN DRA BA 'OD SRUNG LA NI GLU DBYANGS KUN, ,SPOS MCHOG ME TOG PHUL ZHING 'OD 'PHRO'I TOG LA RTAG TU ME TOG PHUL, ,MI 'KHRUGS RGYAL LA KHANG BRTZEGS PHUL ZHING 'JIG RTEN MCHOD LA PHRENG BA PHUL, ,RGYA SPOS GTZUG LAG RGYAL SRID DBUL BYAS RGYAL BAR DKA' LA SPOS KUN PHUL, ,SGRON MA CHE LA BDAG PHUL @142A *, ,PAD-MA'I MCHOG LA RGYAN RNAMS DBUL BA BYAS, ,CHOS KYI TOG LA ME TOG SNA TSOGS SGRON MA MDZAD LA AU-TPA LA, ,MCHOD PA RNAM PA SNA TSOGS THA DAD GZHAN DANG GZHAN DAG BYED PA NA, ,KHYOD KYIS SEMS CAN SNYING PO DE DAG RNAMS DANG GZHAN YANG SNGON CHAD MCHOD, ,'DAS PA'I SANGS RGYAS RNAMS DANG STON PA DE DAG KHYOD MCHOD DRAN PAR GYIS; ;SEMS CAN MGON MED MYA NGAN GANG BA YAL BAR MA DOR MNGON PAR PHYUNG, ,MAR ME MDZAD PA MTHONG BA TZAM GYIS KHYOD KYIS BZOD PA MCHOG THOB STE, ,RJES SU MTHUN PA'I MNGON PAR SHES PA LNGA PO NYAMS PA MED PA THOB, ,DE NAS RAB TU DGA' BAS BSKAL PA GRANGS MED 'JIG RTEN KHAMS KUN TU, ,SANGS RGYAS DAG NI RE RE LA YANG MCHOD PA BSAM GYIS MI KHYAB BYAS, ,BSKAL PA DPAG MED DE DAG ZAD GYUR SANGS RGYAS DE DAG MYA NGAN 'DAS, ,KHYOD KYI LUS RNAMS THAMS CAD DANG NI DE DAG MING YANG GANG DU SONG, ,DNGOS PO THAMS CAD THA MAR ZAD PA'I CHOS TE 'DUS BYAS RTAG PA MED, ,'DOD PA RGYAL SRID LONGS SPYOD RTAG PA MIN GYI GRONG KHYER MCHOG NAS BYUNG, ,BSKAL PA ZAD PAR 'GYUR TSE GZI BRJID DRAG PO 'JIGS PA'I ME 'OD LTAR, ,RGA DANG NA DANG 'CHI BA MI ZAD 'JIGS PA CHEN PO 'ONG BAR 'GYUR, ,DNGOS PO THAMS CAD THA MAR ZAD PA'I CHOS TE 'DUS BYAS RTAG @142B PA MED, ,SHIN TU SDUG BSNGAL SEMS CAN LTOS LA YON TAN LDAN PA MNGON PAR PHYUNG, ,RGYAL PO BDE BA'I MAL NA NYAL GYUR CING, ,GANG TSE MO TSOGS GLING BU RGYUD GCIG DANG, ,SIL SNYAN SNA TSOGS SGRA YIS SLONG BYED PA, ,DE TSE SIL SNYAN SGRA LAS 'DI DAG BYUNG, ,SRID GSUM RGA DANG NAD KYI SDUG BSNGAL 'BAR, ,'CHI ME RAB 'BAR 'DI NI MGON MED PA, ,SRID LAS 'BYUNG LA 'GRO BA RTAG TU RMONGS, ,BUM PAR CHUD PAS BUNG BA 'KHOR BA BZHIN, ,SRID GSUM MI BRTAN STON KA'I SPRIN DANG 'DRA, ,'GRO BA'I SKYE 'CHI GAR LA LTA DANG MTSUNGS, ,'GRO BA'I TSE 'GRO NAM MKHA'I GLOG 'DRA STE, ,RI GZAR 'BAB CHU LTA BUR MYUR MGYOGS 'GRO, ,SRID SRED MA RIG DBANG GIS SKYE BO RNAMS, ,MI DANG LHA GNAS NGAN SONG LAM GSUM PO, ,'GRO BA LNGA PO DAG TU MI MKHAS 'KHOR, ,DPER NA RDZA MKHAN PHANG LO BSKOR BA BZHIN, ,RTAG TU GZUGS SDUG MCHOG DANG SGRA SNYAN DANG, ,DRI ZHIM RO MCHOG REG PA BDE BYED PA, ,DUS NGAN RNYI LA 'GRO BA 'DI DAG THOGS, ,DPER NA RNGON PA'I RNYI LA SPRE'U THOGS BZHIN, ,'DOD PA'I YON TAN MYA NGAN GNOD PA MANG, ,'JIGS BCAS RTAG TU DGRA BYED NYON MONGS BCAS, ,RAL GRI'I SO 'DRA DUG SDONG LO MA MTSUNGS, ,NGAN SKYUG SNOD LTAR 'PHAGS PA'I SKYE BOS SPANGS, ,'DOD PA'I YON TAN 'JIGS BCAS NYON MONGS BCAS, ,RTAG TU BRJED PAR @143A *, ,BYED PA MUN PA 'DRA, ,RTAG TU 'JIGS PA'I RGYU BYED SDUG BSNGAL RTZA, ,SRID PA'I SRED PA'I 'KHRI SHING 'PHEL BAR BYED, ,JI LTAR ME 'BAR 'OBS NI 'JIGS BCAS PA, ,DE LTAR 'DOD 'DI 'PHAGS PA'I SKYE BOS RIG ,'DAM RDZAB CHE 'DRA RAL GRI GSHEGS GNAS 'DRA, ,RAL GRI'I SO LA SPRANG RTZIS BSKUS DANG MTSUNGS, ,JI LTAR SBRUL GYI MGO DANG NGAN SKYUG SNOD, ,DE LTAR 'DOD 'DI MKHAS PA RNAMS KYIS RIG ,BYA SHA KHAM BU 'DRA ZHING GSAL SHING 'DRA, ,RO LA KHYI LTAR DGRA DANG BCAS PA YIN, , 'DOD PA'I YON TAN 'DI DAG CHU ZLA 'DRA, ,GZUGS BRNYAN MTSUNGS SHING BRAG CA 'DRA BA DANG, ,MIG YOR 'DRA ZHING GAR LA LTA 'DRA DANG, ,RMI LAM MNYAM PA 'PHAGS PAS SKYE BOS RIG ,'DOD PA'I YON TAN SKAD CIG YA MA BRLA, ,SGYU MA SMIG SGYU 'DRA ZHING RDZUN PA CAN, ,CHU BUR DBU BA LTA BU YANG DAG MIN, ,YONGS SU BRTAGS LAS BYUNG BAR MKHAS PAS RTOGS, ,NA TSOD THOG MAR GZUGS MCHOG 'DZIN PA'I TSE, ,PHANGS SHING SDUG 'DOD 'DI NI BYIS PA'I SPYOD, ,RGA NA SDUG BSNGAL GZI BRJID LUS BCOM NAS, ,RNAM PAR SPONG STE RI DWAGS KLUNG SKAM BZHIN, ,NOR 'BRU DAM PA RDZAS MANG STOBS LDAN TSE, ,PHANGS SHING SDUG 'DOD 'DI NI BYIS PA'I SPYOD, ,NOR NYAMS SDUG BSNGAL BAR NI GYUR @143B PA'I TSE; ;RNAM PAR SPONG STA MI YIS 'BROG STONG BZHIN, ,JI LTAR ME TOG SHING DANG 'BRAS BCAS SHING, ,DE LTAR SBYIN 'DOD MI LA DGA' BAR BYED, ,NOR NYAMS RGA BAS NYEN CING SBRANG BA NA, ,DE TSE DGA' BAR MI 'GYUR BYA RGOD BZHIN, ,RDZAS LDAN GZUGS MCHOG LDAN TSE DPON PO BZHIN, ,PHRAD NA SDUG CING DBANG PO DGA' BAR BYED, ,RGA NA SDUG BSNGAL NYEN CING NOR ZAD NA, ,DE TSE 'DOD PAR MI 'GYUR 'CHI BDAG BZHIN, ,RGA BAS RGA BYAS NA TSOD YOL GYUR NA, ,SDONG PO GNAM LCAGS KYIS NI BCOM PA BZHIN, ,RGA BAS KHOG NA 'JIGS BCAS KHANG RUL 'DRA, ,RGA LAS BYUNG BA THUB PA MYUR DU SMROS, ,BUD MED SKYES PA'I TSOGS RNAMS RGA BAS SKEM, ,MA LU'I 'KHRI SHING S'A LA'I NAGS STUG BZHIN, ,RGA BAS BRTZON 'GRUS RTZAL DANG SHUGS 'PHROG STE, ,DPER NA SKYES BU 'DAM DU BYING BA BZHIN, ,RGA BAS GZUGS SDUG GZUGS NI MI SDUG BYED, ,RGA BAS GZI BRJID 'PHROG CING MTHU STOBS 'PHROG ,RGA BAS BDE BA 'PHROG CING BRNYAS PAR BYED, ,RGA BAS 'CHI BYED RGA BAS MDANGS KYANG 'PHROG ,NAD BRGYA MANG DANG NAD THIBS SDUG BSNGAL GYIS, ,'GRO BA GTZES TE MI YIS RI DWAGS BZHIN, ,RGA DANG NA BAS BCOM PA'I 'GRO LTOS LA, ,SDUG BSNGAL LAS NI 'BYUNG BA MYUR SHOD CIG ,DPER NA DGUN SMAD RLUNG DANG KHA BA CHE, ,RTZWA @144A *, ,SHING GEL PA NAGS SMAN MDANGS KYANG 'PHROG ,DE LTAR NAD 'DI 'GRO BA'I MDANGS 'PHROG CING, ,DBANG PO GZUGS DANG STOBS NI NYAMS PAR BYED, ,NOR 'BRU NOR CHEN THA MAR ZAD PAR BYED, ,NAD NI RTAG TU 'GRO BA BRNYAS PAR BYED, ,GNOD PA BYED CING SDUG LA SDANG PAR BYED, ,YONGS SU GDUNG BYED MKHA' LAS NYI MA BZHIN, ,'CHI DANG 'PHO DANG 'CHI 'PHO DUS BYED PA, ,PHANGS SHING SDUG PA'I SKYE BO RTAG TU 'BRAL, ,PHYIR MI 'ONG ZHING 'PHRAD PAR 'GYUR MA YIN, ,SHING LAS LO 'BRU 'DRA ZHING KLU YI RGYAN DANG MTSUNGS, ,'CHI BA DBANG YOD PA DAG DBANG MED BYED, ,'CHI BA 'PHROG BYED CHU BOS SHING DED BZHIN, ,MI NI GNYIS MIN GROGS MED GCIG PUR 'GRO ,RANG LAS 'BRAS BU LDAN PAS DBANG YANG MED; ;'CHI BAS SROG CHAGS BRGYA PHRAG MANG 'DZIN TE, ,'BYUNG PO'I TSOGS LA RGYA MTSO'I CHU SRIN BZHIN, ,KLU LA MKHA' LDING GLANG CHEN SENG-GE 'DRA, ,RTZA RTZI 'BYUNG PO'I TSOGS LA ME DANG MTSUNGS, ,SKYON BRGYA MANG PO 'DI 'DRA 'DI DAG LAS, ,'GRO BA DGROL ZHES KHYOD KYIS SMON LAM BTAB, ,SNGON GYI SMON LAM SPYOD PA DE DRAN BYOS, ,KHYOD NI MNGON PAR 'BYUNG BA'I DUS LA BAB, ,GANG TSE BUD MED TSOGS NI RAB DGA' ZHING, ,SIL SNYAN DAG GIS THUB CHEN SLONG BYED PA, ,DE TSE BDE BAR GSHEGS PA RNAMS KYI MTHUS, , @144B TSIGS BCAD SNA TSOGS SIL SNYAN SGRA LAS BYUNG, ,'DUS BYAS THAMS CAD MYUR DU 'JIG PA STE, ,MKHA' LA GLOG RGYUN RING DU MI GNAS BZHIN, ,KHYOD KYI DUS 'DI NYE BAR GNAS GYUR GYI; ;BRTUL ZHUGS BZANG PO MNGON 'BYUNG DUS LA BAB, ,'DU BYED MI RTAG BRTAN PA MA YIN TE, ,RDZA SO MA BTANG LTA BUR 'JIG PA'I BDAG ,GZHAN GYI RDZAS NE BRNYAN PO BYAS DANG MTSUNGS, ,BYE MA'I GRONG KHYER LTA BUR RING MI THOGS, ,'DU BYED 'DI DAG 'JIG PA'I CHOS CAN TE, ,DBYAR GYI ZHAL ZHAL JI LTAR 'GOGS PA BZHIN, ,CHU NGOGS BYE MA YOD PA 'DRA BA STE; ;RKYEN LA RAG LAS RANG BZHIN NYAM CHUNG BA, ,'DU BYED MAR ME'I 'OD 'PHRO 'DRA BA STE, ,MYUR DU 'BYUNG ZHING 'GAG PA'I CHOS CAN YIN, ,RLUNG DANG MTSUNGS PAR RING DU MI GNAS LA, ,DBU BA LTA BUR NYAM CHUNG SNYING PO MED, ,'DU BYED G-YO BA MED CING STONG PA STE, ,BRTAGS NA CHU SHING DAG GI PHUNG PO 'DRA, ,SGYU MA LTA BUR SEMS NI RMONGS PAR BYED, , LAG BCANGS STONG PAS BYIS PA BRID DANG MTSUNGS, ,'DUS BYAS GYUR PA THAMS CAD RGYU DAG DANG, ,RKYEN RNAMS KYIS NI RAB TU 'BYUNG BA STE, ,GCIG GIS GCIG RGYU BYAS TE BRTEN NAS BYUNG, ,BYIS PA'I SKYE BOS 'DI 'DRA 'DI MA RTOGS, ,DPER NA GRES MA MUN DZA RTEN BYAS LA, ,BTZAL BA'I STOBS KYIS THAG PAR 'GYUR BA DANG, ,ZO CHUN RGYUD MO 'KHOR LOR @145A *, ,BCAS PA YANG, ,DE DAG RE RES 'GRUB PAR 'GYUR BA MED, ,DE LTAR SRID PA'I YAN LAG KUN GRUB PA, ,GZHAN DANG GZHAN TSOGS PA LA BRTEN NAS NI, ,DE DAG SO SO RE RER 'GRUB PAR 'GYUR, ,SNGON GYI MTHA' DANG PHYI MA'I MTHA' MI DMIGS, ,SA BON YOD NA MYU GU JI BZHIN TE, ,SA BON GANG YIN MYU GU DE NYID MIN, ,DE LAS GZHAN MIN DE YANG MA YIN TE; ;DE LTAR RTAG MIN CHAD MIN CHOS NYID DO, ,MA RIG PA YI 'DU BYED RKYEN YIN TE, ,'DU BYED DE YANG YANG DAG NYID DU MED, ,MA RIG PA DANG 'DU BYED DE DAG KYANG, ,RANG BZHIN STONG STE G-YO BA MED PA YIN, ,RGYA LAS RGYA YI 'BUR NI SNANG MOD KYI, ,RGYA DE 'PHOS PAR GYUR PA'ANG YOD MA YIN, ,DE LA DE MED GZHAN LAS MA YIN TE, ,DE LTAR 'DUS BYAS RTAG MED CHAD PA MED, ,MIG DANG GZUGS LA BRTEN PA BYAS NAS SU, ,MIG GI RNAM PAR SHES PA 'DIR 'BYUNG YANG, ,MIG NI GZUGS LA BRTEN PA MA YIN LA, ,GZUGS KYANG MIG LA 'PHO BA YOD MA YIN, ,'DI DAG BDAG MED MI SDUG CHOS CAN YANG, ,DE DAG BDAG DANG SDUG PAR BRTAGS PA STE, ,NOR PA YANG DAG MA YIN BTAGS YIN YANG, ,DE LAS MIG GI RNAM PAR SHES PA 'BYUNG, ,RNAM PAR SHES PA 'GAGS NAS 'BYUNG 'GYUR TE, ,MKHAS PAS SKYE DANG 'JIG PA RNAM PAR MTHONG, ,GANG DU MA SONG GANG NAS 'ONGS PA MIN, ,RNAL @145B 'BYOR PAS NI STONG PA SGYU LTAR MTHONG, ,DPER NA GTZUB SHING DANG NI GTZUB STAN DANG, ,LAG PAS RTZOL BA BYAS PA GSUM TSOGS PA, ,DE LA BRTEN NAS ME NI 'BYUNG 'GYUR TE, ,BYUNG NAS RING POR MI THOGS 'GAG PAR 'GYUR, ,DE NAS MKHAS PA LA LAS BRTAGS BYAS TE, ,'DI NI GANG NAS 'ONGS LA GAR SONG ZHES, ,PHYOGS DANG PHYOGS MTSAMS KUN TU BRTAGS BYAS NAS, ,DE YI 'ONG BA'AM 'GRO BA MI DMIGS SO, ,PHUNG PO DAG DANG SKYE MCHED KHAMS RNAMS KYI, ,RKYEN NI MA RIG PA DANG SRED DANG LAS, ,DE DAG TSOGS PA SEMS CAN ZHES BRJOD KYANG, ,DE NI DAM PA'I DON DU DMIGS SU MED, ,MCHU DANG LKOG MA RKAN LA BRTEN NAS NI, ,LCE BSGYUR BA LAS YI GE'I SGRA 'BYUNG YANG, ,LKOG MAR BRTEN NAS MA YIN RKAN LAS MIN, ,RE RE LA NI YI GE DMIGS SU MED, ,TSOGS PA DE LA BRTEN NAS NGAG DE NI, ,YID KYI BLO YI DBANG GIS 'BYUNG MOD KYI, ,YID DANG NGAG NI MI SNANG GZUGS MED DE, , NANG DANG PHYI ROL NA YANG DMIGS SU MED, ,MKHAS PAS NGAG SKAD SGRA DANG DBYANGS RNAMS KYI, ,SKYE DANG 'JIG LA RNAM PAR BRTAGS BYAS NA, ,DE TSE NGAG KUN BRAG CA LTA BU DANG, , SKAD CIG PA DANG SNYING PO MED PAR MTHONG, ,DPER NA SHING DANG RGYUD LA BRTEN BYAS LA, ,LAG PAS RTZOL BA BYAS PA GSUM TSOGS NA, ,SGRA SNYAN PI WANG GLING BU LA SOGS PA, , @146A *, ,DE DAG LAS NI SGRA YANG 'BYUNG BAR 'GYUR, ,DE NAS MKHAS PA LA LAS BRTAGS BYAS TE, ,'DI NI GANG NAS 'ONGS LA GAR SONG ZHES, ,PHYOGS DANG PHYOGS MTSAMS KUN TU BRTAGS BYAS NA, ,SGRA YI 'ONG BA'AM 'GRO BA MI DMIGS SO, ,DE LTAR RGYU DAG DANG NI RKYEN RNAMS LAS, ,'DU BYED GYUR PA THAMS CAD BYUNG BA STE, ,YANG DAG MTHONG BA'I RNAL 'BYOR PA YIS NI, ,'DU BYED STONG PA G-YO BA MED PAR MTHONG, ,PHUNG PO DAG DANG SKYE MCHED KHAMS RNAMS NI, ,NANG YANG STONG LA PHYI ROL STONG PA STE, ,THAMS CAD BDAG GIS DBEN ZHING GNAS MED LA, ,CHOS KYI MTSAN NYID NAM MKHA'I NGO BO NYID, ,CHOS KYI MTSAN NYID 'DI 'DRA 'DI DAG NI, ,MAR ME MDZAD PA MTHONG NAS KHYOD KYIS RTOGS, ,JI LTAR NYID KYIS RJES SU RTOGS PA LTAR, ,DE BZHIN LHA MIR BCAS PA RTOGS PAR GYIS, ,GNOD PA YANG DAG MA YIN BTAGS PA YI, ,'DOD CHAGS ZHE SDANG DAG GIS 'GRO BA GDUNGS, ,SNYING RJE'I SPRIN LAS ZHI BA BSIL BA'I CHU, ,'DREN PA BDUD RTZI'I RGYUN NI RAB TU PHOB, ,BYANG CHUB DAM PA YANG DAG THOB NAS NI, ,'PHAGS PA'I NOR GYIS SROG CHAGS BSDU 'O ZHES, ,MKHAS PA KHYOD KYIS GANG GI CHED KYI PHYIR, ,BSKAL PA BYE BA MANG PO SBYIN PA BYIN, ,SNGON GYI SPYOD DE RJES SU DRAN GYIS TE, ,'PHAGS PA'I NOR GYIS DMAN DBUL @146B SDUG BSNGAL LA, ,SEMS CAN KA LO SGYUR BA MA G-YEL BAR, ,'PHAGS PA'I NOR GYIS DE DAG BSDU BA GYIS, ,NGAN SONG SA YI LAM NI GCAD PA DANG, ,MTHO RIS BDUD RTZI'I SGO MO MCHOG DE NI, ,SEMS CAN BYE BA MANG LA BSTAN ZHES TE, ,KHYOD KYIS RTAG TU TSUL KHRIMS SHIN TU BSRUNGS, ,TSUL KHRIMS LDAN PAS BSAMS PA 'GRUB 'GYUR GYI, ,SNGON GYI SPYOD DE RJES SU DRAN GYIS LA, ,NGAN SONG GSUM PO'I SA YI SGO BCAD DE, ,MTHO RIS BDUD RTZI'I SGO NI DBYE BAR GYIS, ,SROG CHAGS RNAMS KYI KHONG KHRO KHRO GZHIL DANG, ,SRID PA'I MTSO LAS SEMS CAN BSGRAL BYAS TE, ,ZHI BDE RIMS NAD MED LA DGOD DO ZHES, ,KHYOD KYIS RTAG TU BZOD PA SHIN TU BSGOMS, ,SNGON GYI SPYOD DE RJES SU DRAN GYIS TE, ,DGRA DANG GNOD SEMS 'TSE BAS DKRUGS PA YI, ,'TSE BA SPYOD LA YAL BAR MA DOR BAR, ,'GRO BA 'DI DAG BZOD PA'I SA LA KHOD, ,CHOS KYI GRU NI LEGS PAR SBYAR BYAS LA, ,SRID PA'I MTSO LAS 'GRO BA RNAMS BSGRAL TE, ,ZHI BDE RIMS NAD MED LA DGOD DO ZHES, ,GANG GI DON DU KHYOD KYIS BRTZON 'GRUS BSTEN, ,SNGON GYI SPYOD DE RJES SU DRAN GYIS LA, ,'GRO BA CHU BO BZHI YIS KHYER GYUR PA, ,SEMS CAN MGON MED PA DAG BRTZON STOBS DANG, ,BRTUL BA'I SHUGS KYIS MYUR DU 'DI DAG THON, ,DBANG PO 'KHRUL DANG PHAL PA'I DBANG PO @147A *, ,DANG, ,SPRE'U 'DRA'I SEMS LAS ZHI GNAS NGAS DGOD CES, ,'DREN PA KHYOD KYIS GANG GI CHED KYI PHYIR, ,NYON MONGS GZHIL BA'I BSAM GTAN BSGOMS GYUR PA, ,SNGON GYI SPYOD DE RJES SU DRAN GYIS TE, ,NYON MONGS DRA BAS DKRUGS PAR GYUR PA YI, ,'GRO LA MA G-YEL NYON MONGS GTZES PA LAS, ,BSAM GTAN MCHOG LA SKYE RGU 'DI DAG KHYOD, ,GTI MUG MA RIG MUN PAS BSGRUBS PA YI, ,'GRO LA CHOS BRGYA MANG PO MTHONG BYED PA, ,YANG DAG MTHONG BA'I MIG NI SBYIN NO ZHES, ,KHYOD KYIS SNGON CHAD SHES RAB SHIN TU BSGOMS, ,SNGON GYI SPYOD DE RJES SU DRAN GYIS LA, ,GTI MUG MA RIG MUN PAS BSGRIBS PA YI, ,'GRO LA SHES RAB DAM PA 'OD BZANG BA, ,CHOS MIG DRI MED NYON MONGS MED PA BYIN, ,BUD MED RNAMS KYI SIL SNYAN GLU DBYANGS LAS, ,TSIGS SU BCAD PA 'DI 'DRA 'DI BYUNG STE, ,DE THOS NAS NI RGYAGS PA RNAM SPANGS NAS, ,BYANG CHUB DAM PA MCHOG TU SEMS BTANG NGO, ,DGE SLONG DAG ,DE LTAR BYANG CHUB SEMS DPA' BTZUN MO'I 'KHOR GYI NANG NA 'DUG PA'I TSE'ANG CHOS MNYAN PA DANG BRAL BAR MA GYUR TO, ,CHOS YID LA BYED PA DANG BRAL BAR MA GYUR TO, ,DE CI'I PHYIR ZHE NA, DGE SLONG DAG ,'DI LTAR BYANG CHUB SEMS DPA' NI YUN RING PO NAS CHOS DANG CHOS SMRA BA RNAMS LA GUS PA DANG BCAS @147B PAR GYUR CING, BSAM PA THAG PA NAS CHOS DON DU GNYER BA, CHOS 'DOD PA, CHOS KYI KUN DGA' LA DGA' ZHING MOS PAR GYUR PA, CHOS TSOL BAS NGOMS MI SHES PA, JI LTAR THOS PA'I CHOS YANG DAG PAR STON PA, BLA NA MED PA'I CHOS CHEN PO'I SBYIN BDAG TU GYUR PA, ZANG ZING MED PAR CHOS STON PA, CHOS SBYIN PA LA SER SNA MED PA, CHOS LA SLOB DPON GYI DPE MKHYUD DANG BRAL BA, CHOS KYI RJES SU MTHUN PA'I CHOS SGRUB PA, CHOS LA NAN TAN BYED PA LA DPA' BA, CHOS LA GNAS SU 'DZIN PA, CHOS LA SKYABS SU 'DZIN PA, CHOS LA DPUNG GNYEN DU 'DZIN PA, CHOS LA RTON PA, CHOS LA NGES PAR SEMS PA'I BZOD PAS NGES PAR BYUNG BA, SHES RAB KYI PHA ROL TU PHYIN PA LA SPYAD PA STE, THABS LA MKHAS PAR RTOGS PAR KHONG DU CHUD PA YIN NO, ,DGE SLONG DAG ,DE LA BYANG CHUB SEMS DPA' THABS MKHAS PA CHEN POS RNAM PAR RTZE ZHING BTZUN MO'I 'KHOR THAMS CAD KYI MOS PA JI LTA BA BZHIN DU SPYOD LAM NI BSTAN, SNGON GYI BYANG CHUB SEMS DPA' 'JIG RTEN GYI YUL THAMS CAD LAS YANG DAG PAR 'DAS PA RNAMS KYI 'JIG RTEN DANG MTHUN PAR BYA BA'I CHOS NYID DANG MTHUN PAR NI BYAS, YUN RING PO NAS 'DOD PA'I SKYON SHIN TU RTOGS PA YIN YANG SEMS CAN YONGS SU SMIN PAR BYA BA'I DBANG GIS 'DOD PA'I LONGS SPYOD NI KUN TU BSTAN, DGE BA'I RTZA BA DPAG TU MED @148A *, ,PA BSAGS PA'I BSOD NAMS KYI STOBS KYI TSOGS KYI KHYAD PAR GYIS 'JIG RTEN GYI DBANG DU BYA BA MTSUNGS PA MED PA NI KUN TU BSTAN, LHA'I DANG MI'I LAS SHIN TU 'DAS PA SNYING PO DANG LDAN ZHING RGYA CHE LA RNAM PA THA DAD PA RNAM PA SNA TSOGS KYI GZUGS DANG, SGRA DANG, DRI DANG, RO DANG, REG MCHOG TU DGA' BA NYAMS DGA' BA'I 'DOD PA'I DGA' BA'I BDE BA NI BSTAN, 'DOD PA'I DGA' BA'I YUL THAMS CAD LA 'DZIN PA MED PAR RANG GI SEMS LA DBANG SGYUR BA NI BSTAN, SNGON GYI SMON LAM GYI TOBS KYIS GROGS SU GYUR PA, DGE BA'I RTZA BA BSAGS PA'I SEMS CAN RNAMS NI MTSUNGS PAR GNAS PAS YONGS SU SMIN PAR BYAS NAS 'JIG RTEN GYI KUN NAS NYON MONGS PA'I DRI MA THAMS CAD KYIS NI SEMS LA KUN NAS NYON MONGS PA MED PAR BTZUN MO'I 'KHOR GYI NANG NA GNAS TE, JI LTAR MGRON DU GNYER BA'I SEMS CAN GYI KHAMS YONGS SU SMIN PAR BYA BA'I DUS LA LTA ZHING, DE'I TSE BYANG CHUB SEMS DPA' SHIN TU RGYA CHER SNGON GYI DAM BCAD PA RJES SU DRAN NO, ,SANGS RGYAS DANG CHOS KYANG MNGON DU BYED DO, ,SMON LAM GYI STOBS KYANG MNGON PAR SGRUB BO, ,SEMS CAN RNAMS LA'ANG SNYING RJE CHEN PO GTONG NGO, ,SEMS CAN RAB TU THAR PAR BYA BAR YANG SEMS SO, ,'BYOR PA THAMS CAD KYI MTHA' NI RGUD PA YIN PAR @148B YANG SO SOR RTOG GO ,'KHOR BA LA GNOD PA DANG, 'JIGS PA MANG PO DU MA YOD PAR YANG RTOG GO ,BDUD DANG NYES PA'I ZHAGS PA YANG DAG PAR GCOD DO, ,'KHOR BA'I RGYUD LAS KYANG BDAG NYID 'DA' BAR BYED DO, ,MYA NGAN LAS 'DAS PA LA'ANG SEMS YANG DAG PAR GTONG NGO,, ,,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO DGU PA; DGE SLONG DAG ,DE LA BYANG CHUB SEMS DPA' NI SNGON GYI MTHA' NYID NAS KYANG 'KHOR BA'I SKYON SHIN TU RIG PA YIN, 'DUS BYAS LA BSAM PA THAG PA NAS DON DU MI GNYER BA YIN; NYE BAR LEN PA YONGS SU 'DZIN PA THAMS CAD DON DU MI GNYER BA YIN, SANGS RGYAS KYI CHOS DON DU GNYER BA YIN, MYA NGAN LAS 'DAS PA LA MNGON DU PHYOGS PA YIN, 'KHOR BA LA RGYAB KYIS BLTAS PA YIN, DE BZHIN GSHEGS PA'I SPYOD YUL LA MNGON DU DGA' BA YIN, BDUD KYI SPYOD YUL DANG MA 'DRES PA YIN, SRID PA LA 'BAR BAR SKYON DU MTHONG BA YIN, KHAMS GSUM PA LAS BYUNG BA'I BSAM PA CAN YIN, 'KHOR BA'I SKYON DANG NYES DMIGS DANG 'BYUNG BA LA MKHAS PA YIN, RAB TU 'BYUNG BAR 'DOD PA YIN, MNGON PAR 'BYUNG BA'I BSAM PA CAN YIN, DBEN PA LA GZHOL BA YIN, DBEN PA LA 'BAB PA YIN, DBEN PA LA BAB PA YIN, DGON PA DANG BAS MTHAR MNGON PAR DGA' BA YIN, RAB @149A *, ,TU DBEN PAS RAB TU ZHI BAR 'DOD PA YIN, BDAG DANG GZHAN LA PHAN PAR ZHUGS PA YIN, BLA NA MED PA'I NAN TAN LA DPA' BA YIN, 'JIG RTEN GYI DON DU 'DOD PA YIN, PHAN PAR 'DOD PA YIN BDE BAR 'DOD PA YIN, GRUB PA DANG BDE BAR 'DOD PA YIN, 'JIG RTEN LA SNYING BRTZE BA CAN YIN, PHAN PAR 'DOD PA CAN YIN, BYAMS PA LA GNAS PA CAN YIN, SNYING RJE CHEN PO DANG LDAN PA YIN, BSDU BA'I DNGOS PO LA MKHAS PA YIN, RTAG TU YID YONGS SU MI SKYO BA YIN, SEMS CAN YONGS SU SMIN PAR BYA BA DANG 'DUL BA LA MKHAS PA YIN, SEMS CAN THAMS CAD LA BU GCIG PA DANG 'DRA BAR SDUG PAR SEMS PA YID LA BYED PA DANG LDAN PA YIN, DNGOS PO THAMS CAD LA MI LTA BAR YONGS SU BTANG BA YIN, SBYIN PA BGED PA LA DGA' BA YIN, LHUG PAR GTONG BA YIN, LAG PA BRKYANG BA YIN, GTONG BA LA DPA' BA YIN, MCHOD SBYIN BYAS PA YIN, BSOD NAMS SHIN TU PHUN SUM TSOGS PA YIN, BSOD NAMS KYI YO BYAD SHIN TU BZUNG BA YIN, DRI MA DANG SER SNA DANG BRAL BA YIN, SEMS KUN TU MA BZUNG BA YIN, BLA NA MED PA'I SBYIN BDAG CHEN PO YIN, BYIN NAS KYANG RNAM PAR SMIN PA LA MI RE BA YIN, SBYIN PA LA DPA' BA YIN, 'DOD PA DANG, 'DOD PA CHE BA DANG, @149B CHAGS PA DANG, ZHE SDANG DANG, RGYAGS PA DANG, NGA RGYAL DANG, GTI MUG DANG, SER SNA LA SOGS PA NYON MONGS PA'I DGRA'I TSOGS PHYIR RGOL BA THAMS CAD TSAR GCAD PA'I PHYIR MNGON PAR BYUNG BA YIN, THAMS CAD MKHYEN PA'I SEMS BSKYED PA'I RGYUN LAS MI G-YO BA YIN, GTONG BA CHEN PO'I SEMS KYI GO CHA SHIN TU BGOS PA YIN, 'JIG RTEN LA SNYING BRTZE BA CAN YIN, PHAN PAR 'DOD PA CAN YIN, YA LAD BGOS PA YIN, GO CHA BGOS PA YIN, SEMS CAN RAB TU THAR PAR BYA BA LA DMIGS PA YIN, SNYING RJE CHEN PO'I STOBS DANG, RNAM PAR GNON PA DANG, PHA ROL GNON PA DANG LDAN PA YIN, PHYIR MI LDOG PA YIN, SEMS CAN THAMS CAD LA SEMS MNYAM PA YIN, GTONG BA'I LAG CHA CAN YIN, SEMS CAN GYI BSAM PA DANG RE BA JI LTA BA BZHIN DU TSIM PAR BYED PA YIN, BYANG CHUB KYI SNOD DU GYUR PA YIN, DUS DANG PHYED PAR CHOS RTOGS PA YIN, SMON LAM BYANG CHUB TU YONGS SU BSNGOS PA YIN, RGYAL MTSAN MA BSNYAL BA YIN, 'KHOR GSUM YONGS SU DAG PA'I SBYIN PA YONGS SU GTONG BA DANG LDAN PA YIN, YE SHES MCHOG GI RDO RJE'I MTSON CHA SRA BA DANG LDAN PA YIN, NYON MONGS PA'I PHYIR RGOL BA SHIN TU TSAR GCOD PA YIN, TSUL KHRIMS DANG, YON TAN DANG, SPYOD PA LA ZHUGS PA YIN, LUS DANG, NGAG DANG, YID KYI LAS KYI @150A *, ,MTHA' LEGS PAR BSRUNGS PA YIN, KHA NA MA THO BA PHRA RAB TZAM LA'ANG 'JIGS PAR LTA BA YIN, TSUL KHRIMS YONGS SU DAG PA YIN, DRI MA MED CING DRI MA DANG BRAL LA DRI MA SPANGS PA'I SEMS DANG LDAN PA YIN, NGAN DU SMRAS PA DANG, NGAN DU BRJOD PA'I TSIG GI LAM DANG, BRGYAD PA DANG, SPYO BA DANG, SMAD PA DANG, BSHUNG BA DANG, BRDEG PA DANG, BSDIGS PA DANG, BSAD PA DANG, BCING BA DANG, GZUNG BA'I NYON MONGS PA THAMS CAD KYIS SEMS MA BRNYOGS PA YIN, SEMS MA 'KHRUGS PA YIN; BZOD PA DANG DES PA PHUN SUM TSOGS PA YIN, GNOD PAR MI SEMS PA YIN, GNOD PA MI BYED PA YIN, GNOD SEMS MED PA'I SEMS DANG LDAN PA YIN, SEMS CAN THAMS CAD LA PHAN PAR BYA BA'I BRTZON 'GRUS 'BAD PA BRTZAMS PA YIN, YI DAM LA BRTAN PA YIN, DGE BA'I CHOS THAMS CAD YANG DAG PAR SGRUB PA LA PHYIR MI LDOG PA YIN; DRAN PA DANG LDAN PA YIN, SHES BZHIN CAN YIN, SHIN TU MNYAM PAR BZHAG PA YIN, SEMS MA G-YENGS PA YIN, BSAM GTAN LA RTZE GCIG TU YID LA BYED PA YIN, CHOS RAB TU RNAM PAR 'BYED PA LA MKHAS PA YIN, SNANG BA THOB PA YIN, MUN PA MUN NAG DANG BRAL BA YIN, MI RTAG PA DANG, SDUG BSNGAL BA DANG, BDAG MED PA DANG, @150B MI SDUG PA'I RNAM PAR SEMS YONGS SU BSGOMS PA YIN, DRAN PA NYE BAR GZHAG PA DANG, YANG DAG PA'I SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, BYANG CHUB KYI PHYOGS KYI CHOS THAMS CAD SHIN TU YONGS SU SBYANG BA BYAS PA'I YID LA BYED PA DANG LDAN PA YIN, ZHI GNAS DANG LHAG MTHONG GIS SHIN TU DKAR BAR BYAS PA'I BLO DANG LDAN PA YIN, RTEN CING 'BREL PAR 'BYUNG BAR LTA BA YIN, BDEN PA RJES SU RTOGS PAS GZHAN GYI DRING MI 'JOG PA YIN, RNAM PAR THAR PA'I SGO GSUM GYIS RNAM PAR RTZE BA YIN, CHOS THAMS CAD KYI TSUL SGYU MA DANG, SMIG RGYU DANG, CHU ZLA DANG, BRAG CA DANG, MIG YOR LTA BUR RTOGS PA YIN NO, ,DGE SLONG DAG ,BYANG CHUB SEMS DPA' DE NI DE LTAR RANG BZHIN GYIS CHOS LA GNAS PA YIN, DE LTAR YE SHES LA GNAS PA YIN, DE LTAR YON TAN GYI CHE BA NYID LA GNAS PA YIN, DE LTAR SEMS CAN GYI DON LA BRTZON PAR GNAS PA YIN TE, PHYOGS BCU'I SANGS RGYAS KYI BYIN GYI RLABS KYIS BYIN GYIS BRLABS PAS SIL SNYAN DANG GLU DBYANGS LAS BYUNG BA'I TSIGS SU BCAD PA DE DAG GIS RGYA CHER BSKUL BA DANG, DE'I TSE SNGON GYI BYANG CHUB SEMS DPA' SRID PA THA MA PAR GYUR PA RNAMS KYI BTZUN MO'I 'KHOR YONGS SU SMIN PAR BYA BA'I PHYIR CHOS KYI SGO BZHI @151A *, ,MNGON DU BYED DO, ,BZHIN GANG ZHE NA, 'DI LTA STE, SBYIN PA DANG, SNYAN PAR SMRA BA DANG, DON BYA BA DANG, DON MTHUN PA BSDU BA'I DNGOS PO BZHI LA SBYONG BA SGRUB PA RNAM PAR DAG PA ZHES BYA BA'I CHOS KYI SGO MNGON DU BYED PA DANG, DKON MCHOG GSUM GYI RIGS YANG DAG PAR 'DZIN PA'I BSAM PA CHUD MI ZA BA'I THAMS CAD MKHYEN PA'I SEMS SMON LAM GYI STOBS BSKYED PA'I PHYIR MI LDOG PA'I YUL ZHES BYA BA'I CHOS KYI SGO MNGON DU BYED PA DANG, SEMS CAN THAMS CAD YONGS SU MI GTANG BA'I LHAG PA'I BSAM PA SNYING RJE CHEN PO'I STOBS LA ZHUGS PA ZHES BYA BA'I CHOS KYI SGO MNGON DU BYED PA DANG, BYANG CHUB KYI PHYOGS KYI CHOS THAMS CAD KYI TSIG RAB TU DBYE BA DANG, DON LA RNAM PAR NGES PA'I YE SHES KYI TSOGS KYI STOBS KYI KHYAD PAR YANG DAG PAR SGRUB PA BKOD PA CHEN PO ZHES BYA BA'I CHOS KYI SGO MNGON DU BYED PA'O, ,BYANG CHUB SEMS DPAS CHOS KYI SGO BZHI PO DE DAG MNGON DU BYAS NAS BTZUN MO'I 'KHOR THAMS CAD YONGS SU SMIN PAR BYA BA'I PHYIR DE'I TSE RNAM PA JI LTA BU'I RDZU 'PHRUL MNGON PAR 'DU BYA BA MNGON PAR 'DUS BYAS PAS BYANG CHUB SEMS DPA'I MTHUS SIL SNYAN DANG GLU DBYANGS DE DAG LAS CHOS KYI SGO RNAM PA 'DI LTA BU BRGYA STONG 'BYUNG BA DE LTA BU'I RDZU 'PHRUL @151B MNGON PAR 'DU BYA BA MNGON PAR BYED DO, ,MOS PA RGYA CHEN DANG NI BSAM PA DANG, ,LHAG PA'I BSAM DANG SROG CHAGS SNYING RJE BAS, ,BYANG CHUB DAM PA MCHOG TU SEMS SKYE ZHES, , DE 'DRA'I SGRA DAG SIL SNYAN RNAMS LAS BYUNG, ,DANG ZHING DAD DANG MOS DANG GUS PA DANG, ,NGA RGYAL MED CING BLA LA 'DUD PA DANG, ,DRI DANG DGE BA CI ZHES TSOL BA DANG, ,RJES SU DRAN PA BSGOMS PA'I SGRA BYUNG NGO, ,SBYIN DANG DUL DANG SDOM DANG TSUL KHRIMS SGRA, ,BZOD PA'I SGRA DANG DE BZHIN BRTZON 'GRUS SGRA, ,BSAM GTAN MNGON PAR SGRUB DANG TING 'DZIN SGRA, , SHES RAB DANG NI THABS KYI SGRA YANG BYUNG, ,BYAMS PA'I SGRA DANG DE BZHIN SNYING RJE'I SGRA, ,DGA' DANG BTANG SNYOMS MNGON PAR SHES PA'I SGRA, ,BSDU BA'I DNGOS PO BZHI PO RNAM NGES PAS,, SEMS CAN YONGS SU SMIN BYA'I SGRA YANG BYUNG, ,DRAN PA NYE BAR GZHAG PA RAB DBYE SGRA, ,YANG DAG SPONG DANG DE BZHIN RDZU 'PHRUL DANG, ,DBANG PO LNGA DANG STOBS LNGA RAB DBYE DANG, ,BYANG CHUB YAN LAG SGRA NI SIL SNYAN BYUNG, ,YAN LAG BRGYAD PA'I 'PHAGS LAM MCHOG DBYE DANG, ,ZHI GNAS SGRA DANG DE BZHIN LHAG MTHONG DANG, ,MI RTAG PA DANG SDUG BSNGAL BDAG MED SGRA; ;MI SDUG SGRA YANG SIL SNYAN RNAMS LAS BYUNG, ,'DOD CHAGS BRAL SGRA DE BZHIN DBEN PA'I SGRA, ,ZAD PA SHES PA'I SGRA DANG MI SKYE SGRA, ,'GOG PA'I SGRA DANG DE BZHIN @152A *, ,GNAS MED SGRA, ,MYA NGAN 'DAS PA'I SGRA YANG SIL SNYAN BYUNG, ,RDZOGS PA'I BYANG CHUB SEMS DPA'I MTHU YIS NI, ,SIL SNYAN DAG LAS 'DI 'DRA'I SGRA BYUNG STE,, SGRA DE THOS NAS BUD MED THAMS CAD KYIS, ,SEMS CAN MCHOG RAB RJES BSLAB BYANG CHUB SMON, ,DGE SLONG DAG ,DE LTAR BYANG CHUB SEMS DPA' BTZUN MO'I 'KHOR GYI NANG NA 'DUG PAS BUD MED BRGYAD KHRI BZHI STONG DANG, LHA'I BU BRGYA STONG MANG PO GANG DAG DER 'DUS PAR GYUR PA DAG KYANG BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYAS PAR GYUR TO, ,DE NAS BYANG CHUB SEMS DPA' MNGON PAR 'BYUNG BA'I DUS LA BAB PA DANG, DGA' LDAN GYI RIS KYI LHA'I BU KHREL YOD PA'I LHA ZHES BYA BA BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA DES MTSAN MO MI NYAL TZAM NA LHA'I BU 'BUM PHRAG SUM CU RTZA GNYIS KYIS BSKOR CING MDUN DU BDAR TE BYANG CHUB SEMS DPA' LA RIM GRO BYA BA'I KHANG BZANG GA LA BA DER SONG STE PHYIN NAS NAM MKHA'I DKYIL NA 'DUG STE BYANG CHUB SEMS DPA' LA TSIGS SU BCAD DE SMRAS PA, SHI 'PHO BA NI SHIN TU BSTAN, ,SKYES BU SENG-GES TSE YANG BSTAN, ,BTZUN MO'I 'KHOR YANG BSTAN PA MDZAD, ,KHYOD KYIS 'JIG RTEN RJES MTHUN MDZAD, ,'JIG RTEN CHOS NI @152B RJES THOB PAS, ,LHA MI MANG PO YONGS SMIN MDZAD, ,MNGON PAR 'BYUNG BA'I BLO DGONGS PA'I, ,DE YI DUS LA DENG BAB BO, ,MA GROL BAS NI DGROL MI NUS, ,LONG BAS LAM YANG STON MI NUS; ;GROL BAS DGROL BAR BYED PAR NUS, ,MIG LDAN LONG BA LAM STON NUS, ,SEMS CAN GANG DAG 'DOD PAS 'KHOL, ,KHYIM NOR BU DANG CHUNG MA CHAGS, ,DE DAG KHYOD KYI RJES SLOB CING, ,MNGON PAR 'BYUNG BAR BZHED PAR MDZOD, ,DBANG PHYUG 'DOD PAS RTZE BA DANG, ,GLING BZHI RIN CHEN BDUN SPANGS TE, ,KHYOD NI MNGON PAR 'BYUNG RIG NAS, ,LHA MIR BCAS PA'I 'JIG RTEN MOS, ,KHYOD NI 'DOD LA MI DGYES TE, ,BSAM GTAN BDE BAS GNAS MDZAD KYANG, ,LHA MI BRGYA PHRAG MANG PO DAG ,GNYID KYIS LOG LAS SAD PAR MDZAD, ,DAR LA BAB 'DI SHIN TU 'DA', ,RI GZAR 'BAB CHU MGYOGS 'GRO BZHIN, ,DAR LA BAB PA YAL GYUR NAS, ,MNGON PAR 'BYUNG BA MDZES MA LAGS, ,DE SLAD THOG MAR GZHON PA'I TSE, ,DAR BAB DAM PAR MNGON BYUNG STE, ,THUGS DAM NYAMS 'OG CHUD MDZOD LA, ,LHA MI'I DON NI MDZAD PA'I RIGS, ,'DOD PA'I YON TAN MI NGOMS TE, ,DPER NA LAN TSWA'I CHU DANG MTSUNGS,, 'PHAGS PA RDUL MED 'JIG RTEN 'DAS, ,SHES RAB GANG LDAN DE DAG NGOMS, ,KHYOD 'DIR RGYAL PO ZAS GTZANG DANG, ,YUL 'KHOR RNAMS KYI YID 'ONG SDUG ,'DAB MA BRGYA @153A *, ,PA'I ZHAL 'DRA BA, ,MNGON PAR 'BYUNG BAR DGONGS SU GSOL, ,NYON MONGS GDUNG BAS RAB GDUNGS SHING, ,'BYUNG MED BCING BAS DAM BCINGS RNAMS, , DPA' BOS MYUR DU MTSUNGS MED PA, ,THAR LAM ZHI LA DGOD DU GSOL, ,KHYOD NI SMAN PA KHAMS LA MKHAS, ,SEMS CAN YUN RING NA RNAMS LA, ,CHOS KYI SMAN NI SBYOR MDZAD DE, ,MYA NGAN 'DAS BDE MYUR DU 'KHOD, ,MIG MED MUN PA GTI MUG GLAGS, ,LTA BA'I DRA BAS DKRIS PA YI, ,LHA RNAMS DANG NI MI YI MIG ,SHES RAB SGRON MAS MYUR DU SBYONGS, ,BYANG CHUB THOB PA BLTA BYA ZHING, ,BLA NA MED PA'I CHOS MNYAN CES, ,LHA DANG LHA MIN KLU DAG DANG, ,GNOD SBYIN DRI ZA MANG PO SDOD, ,KLU YI RGYAL POS RANG GI GNAS, , KHYOD KYI DPAL GYIS SNANG BAR MTHONG, ,MCHOD PA DAG NI MTHA' YAS BGYID, ,DE YI BRTUL ZHUGS BSAM PA SKONGS, ,BYANG CHUB SHING DRUNG YID RDZOGS LA, ,LHUNG BZED BZHI NI DBUL LO ZHES, ,'JIG RTEN SKYONG BZHI SDER BCAS PA, ,DE DAG KHYOD LA SDOD CING MCHIS, ,TSANGS PA RAB TU ZHI SPYOD PA, ,BYAMS LDAN SNYING RJE THOB PA YANG, ,BLA MED 'KHOR LO RAB BSKOR BAR, ,MI DBANG GSOL SNYAM SDOD CING MCHIS, ,BYANG CHUB BSNYEN BKUR BYED PA'I LHA, ,BYANG CHUB SNYING POR GNAS RNAMS KYANG, ,BYANG CHUB RNAM PAR 'TSANG @153B RGYA BA; ;BLTA 'O ZHES TE SDOD CING MCHIS, ,BYANG CHUB SEMS DPA' BTZUN MO'I NANG, ,BYE BA STON PA GZHAN YANG MCHIS, ,DE DAG THOG MAR KHYOD GYUR MDZOD, ,DE DAG 'OG TU LUS SA RE; ;DBYANGS SNYAN CING NI DBYANGS 'JAM PA, ,MAR ME MDZAD KYIS LUNG BSTAN DGONGS, ,YANG DAG DE BZHIN MA NOR BA, ,RGYAL BA'I SGRA DBYANGS BSGRAG TU GSOL, ,BSKUL BA'I LE'U STE; BCU GSUM PA'O,, ,,DGE SLONG DAG ,DE LTAR LHA'I BU DES BYANG CHUB SEMS DPA' BSKUL MTHAG TU RGYAL PO ZAS GTZANG MA LA RMI LAM 'DI BSTAN TO, ,RGYAL PO ZAS GTZANG MA GNYID KYIS LOG PA'I RMI LAM DU RMIS PA, BYANG CHUB SEMS DPA' MTSAN MO MI NYAL TZAM NA LHA'I TSOGS KYIS BSKOR TE MNGON PAR 'BYUNG ZHING MNGON PAR BYUNG NAS KYANG RAB TU BYUNG STE GOS NGUR SMRIG GYON PA RMIS SO, ,DE NAS DE SAD PA DANG, RINGS PAR NYUG RUM LA DRIS PA, GZHON NU BTZUN MO'I 'KHOR GYI NANG NA 'DUG GAM, DES SMRAS PA; LHA, BZHUGS SO, ,DE NAS RGYAL PO ZAS GTZANG MA 'DI SNYAM DU, GZHON NU NI GDON MI ZA BAR MNGON PAR 'BYUNG BAR 'GYUR TE, SNGA LTAS SU SNANG BA NI, 'DI DAG YIN SNYAM NAS KHONG PA'I SNYING LA MYA NGAN GYI ZUG RDUS ZUG PAR GYUR TO, ,DE'ANG 'DI SNYAM DU SEMS TE, BDAG GI GZHON NU NI SKYED MOS TSAL GYI SAR YANG NAM YANG 'GRO BAR MI 'GYUR @154A *, ,TE; BUD MED KYI TSOGS KYI NANG NA MNGON PAR DGA' BAS 'DI NYID DU CHAGS PAR 'GYUR TE, MNGON PAR 'BYUNG BAR NI MI 'GYUR RO SNYAM MO, ,DE NAS RGYAL PO ZAS GTZANG MA GZHON NU'I LONGS SPYOD KYI PHYIR DPYID DANG, DBYAR DANG, STON GYI DUS JI LTA BA BZHIN DU KHANG BZANG GSUM BYED DU BCUG GO ,DE LA DPYID SA GANG YIN PA DE NI GRANG DRO RAN PA'O, ,DBYAR SA GANG YIN PA DE NI SHIN TU BSIL BA'O, ,DGUN SA GANG YIN PA DE NI RANG BZHIN GYIS DRO BA'O, ,KHANG BZANG RE RE'I GRU SKAS RNAMS KYANG MI LNGA BRGYA LNGA BRGYAS 'DZUGS SHING 'BEBS PA'O, ,DE DAG DE LTAR 'DZUGS SHING 'BEBS PA NA GZHON NU SUS KYANG MA TSOR BAR MNGON PAR BYUNG BAR 'GYUR DU 'ONG NGO ZHES SGRA DPAG TSAD PHYED DU GRAG PA BYUNG NGO, ,LTAS PA DANG MTSAN MKHAN KUN GYIS KYANG GZHON NU NI CHAB SGO BKRA SHIS PA NAS MNGON PAR 'BYUNG BAR 'GYUR RO ZHES LUNG BSTAN TO, , DE NAS RGYAL POS BKRA SHIS KYI SGO'I SGO 'PHAR CHEN PO BYED DU BCUG STE, SGO 'PHAR RE RE'ANG MI LNGA BRGYA LNGA BRGYAS 'BYED CING GCOD DO, ,DE DAG GI SGRA'ANG DPAG TSAD PHYED DU GRAG GO ,DE LA 'DOD PA'I YON TAN MTSUNGS PA MED PA'ANG SBYOR RO, ,GLU DANG ROL MO'I SGRA DBYANGS LEN PA DANG, GAR BYED PA'I NA CHUNG DAG KYANG RTAG TU BZHAG PAR GYUR TO, ,DGE @154B SLONG DAG ,DE NAS BYANG CHUB SEMS DPAS KHA LO SGYUR BA LA SMRAS PA, DENG SKYED MOS TSAL GYI SAR 'GRO'I, SHING RTA MYUR DU SBYOR CIG ,DE NAS KHA LO SGYUR BA RGYAL PO ZAS GTZANG MA'I GAN DU SONG STE 'DI SKAD CES SMRAS SO, ,LHA, GZHON NU SKYED MOS TSAL GYI SAR 'BYUNG NGO ZHES GSUNG NGO, ,DE NAS RGYAL PO ZAS GTZANG MA 'DI SNYAM DU SEMS TE, BDAG GIS GZHON NU SKYED MOS TSAL GYI SAR NAM YANG MA PHYUNG BAS SA BZANG PO BLTA BAR BYA BA'I PHYIR BDAG GIS GZHON NU SKYED MOS TSAL GYI SAR PHYUNG NA, 'ON TANG GZHON NU BUD MED KYI TSOGS KYIS BSKOR TE DGA' BA MYONG BAR 'GYUR BAS MNGON PAR MI 'BYUNG NGO SNYAM MO, ,DE NAS RGYAL PO ZAS GTZANG MA BYANG CHUB SEMS DPA' LA BYAMS PA DANG, RIM GRO BYED PAS DA STE ZHAG BDUN NA GZHON NU SA BZANG PO BLTA BA'I PHYIR SKYED MOS TSA GYI SAR 'BYUNG GI ,DER KHYED KYIS GZHON NU'I MIG TU MI 'ONG BA MTHONG BAR MI 'GYUR BAR YID DU MI 'ONG BA THAMS CAD NI SOL CIG ,YID DU 'ONG BA DANG, YUL NYAMS DGA' BA THAMS CAD NI SBYOR CIG CES GRONG KHYER DU DRIL BSGRAGS SO, ,DE NAS ZHAG BDUN GYI NYIN PAR GRONG KHYER THAMS CAD BRGYAN TO, ,SKYED MOS TSAL YANG MDZES PAR BYAS TE, RAS BCOS BU KHA DOG THA DAD PA'I BLA BRE NI BRES, GDUGS DANG, RGYAL MTSAN DANG, BA DAN GYIS NI, @155A *, ,LEGS PAR BRGYAN TO, ,BYANG CHUB SEMS DPA' LAM GANG NAS 'GRO BA'I LAM DE'ANG CHAG CHAG BTAB STE PHYAGS NAS SPOS CHU'I CHAG CHAG BTAB STE ME TOG SIL MA NI CHAL PAR BKRAM, POG PHOR NAS NI BDUGS, BUM PA GANG BAS NI MDZES PAR BYAS, CHU SHING LJON PA NI BSGRENG, DAR THA DAD PA SNA TSOGS KYI BLA BRE NI BRES, RIN PO CHE'I DRIL BU G-YER KA'I DRA BA DANG, RGYAN PHRENG DANG, CHUN PO NI DBYANGS, DPUNG BZHI'I BKOD PA NI BYAS SO, ,G-YOG 'KHOR KYANG GZHON NU'I BTZUN MO'I 'KHOR BRGYAN PA'I PHYIR BRTZON PAR GYUR TO, ,DE NAS BYANG CHUB SEMS DPA' BKOD PA CHEN POS GRONG KHYER GYI SHAR PHYOGS KYI SGO NAS SKYED MOS TSAL GYI SAR BYUNG NGO, ,DE NAS BYANG CHUB SEMS DPA' NYID KYI MTHUS GNAS GTZANG MA'I RIS KYI LHA'I BU RNAMS KYIS MI RGAN PO GTUGS PA, 'KHOGS PA, LUS LAS RTZA RGYUS THON PA, SO RGAL BA, LUS GNYER MAS GANG BA, SKRA BYI BA, SGUR BA, GDUNG RTEN LTAR DGU BA, ZHOM PA, 'KHAR BA LA BRTEN PA, MTHU ZAD PA, DAR YAL BA, MID PA NAS SGRA NGAR NGAR PO 'BYUNG BA, LUS DGU BAS 'KHAR BA LA BRTEN NAS YAN LAG DANG NYING LAG THAMS CAD 'DAR BA ZHIG LAM GAR BSTAN PAR GYUR TO, ,DE NAS BYANG CHUB SEMS DPAS SHES BZHIN DU KHA @155B LO SGYUR BA LA 'DI SKAD CES SMRAS SO, ,KHA LO SGYUR BA MI RID NYAM CHUNG ZHING, ,SHA KHRAG BSKAMS LA RGYUS LPAGS NYI TSES DKRIS, ,MGO DKAR SO RGAL LUS NI RAB SKEM LA, ,'KHAR BA BRTEN CING MI BDE 'KHYOR 'GROS SU, ,KHA LO SGYUR BAS SMRAS PA, LHA GCIG MI 'DI RGA BAS ZIL GYIS NON, ,DBANG PO NYAMS SHING SDUG BSNGAL BRTZON STOBS NYAMS, ,GNYEN GYI SKYE BOS BRNYAS SHING MGON MED GYUR, ,DON BGYID MI NUS NAGS KHROD SHING LTAR BOR, ,BYANG CHUB SEMS DPAS SMRAS PA, 'DI YI CHOS 'DI RIGS KYI YIN NAM 'ON TAM NI, , 'GRO BA 'DI KUN LA YANG 'DI SRID DE SMROS SHIG ,TSIG 'DI YANG DAG JI BZHIN MYUR DU SMROS SHIG DANG, ,THOS NAS DE BZHIN DON LA 'DIR NI TSUL BZHIN BSAM, ,KHA LO SGYUR BAS SMRAS PA, LHA 'DI RIGS CHOS MA LAGS YUL 'KHOR CHOS MA LAGS, ,SKYE BO KUN GYI DAR LA BAB PA RGA BAS 'JOMS, ,KHYOD KYI YAB DANG YUM DANG NYE DU GNYEN TSOGS KYANG,, RGA LAS THAR 'GRO BA YI THABS NI GZHAN MA MCHIS, ,BYANG CHUB SEMS DPAS SMRAS PA, KHA LO SGYUR BA BYIS PA'I SKYE BO MI MKHAS PA'I, ,BLO NGAN GZHON PAS RGYAGS SHING MYOS PAS RGA MA MTHONG, ,NGA NI SLAR 'GRO NGA YI SHING RTA MYUR DU SGYUR, ,NGA YANG RGA LA GNAS PAS RTZE DGAS CI ZHIG BYA, ,DE NAS BYANG CHUB SEMS DPA' SHING RTA'I MCHOG DE SLAR @156A *, ,BSGYUR TE PHYIR GRONG KHYER DU ZHUGS SO, ,DGE SLONG DAG ,DE LTAR BYANG CHUB SEMS DPA' DUS GZHAN ZHIG NA BKOD PA CHEN POS GRONG KHYER GYI LHO PHYOGS KYI SGO NAS SKYED MOS TSAL GYI SAR ZHUGS PA DANG, DES LAM GA NA MI NAD KYIS NYEN PA, DMU RDZING CAN, LUS NYAM CHUNG BA, RANG GI GCIN SKYAG TU BYING BA, MGON MED PA, SKYABS MED PA, SHIN TU SHA THANG BAR DBUGS DBYUNG ZHING RNGUB DGOS PA ZHIG MTHONG NGO, ,MTHONG NAS KYANG YANG BYANG CHUB SEMS DPAS SHES BZHIN DU KHA LO SGYUR BA LA 'DI SKAD CES SMRAS SO, ,KHA LO SGYUR BA MI RTZUB LUS KYI MDOG NGAN LA, ,DBANG PO THAMS CAD NYAMS SHING DBUGS DBYUNG RAB TU DKA', ,YAN LAG KUN BSKAMS LTO BAS DKRUGS SHING NYAM THAG GYUR, ,RANG GI GCIN RTUG SMAD PA'I GNAS NA 'DUG 'DI SU, ,KHA LO SGYUR BAS SMRAS PA, LHA GCIG MI 'DI SHIN TU NAD KYIS BTAB PA STE, ,NAD KYI 'JIGS PA NYE BAR MCHIS PAS 'GUM LA THUG ,NAD MED GZI BRJID MA MCHIS STOBS KYANG RNAM PAR NYAMS, ,MGON DANG SKYABS DANG GLING DANG DPUNG GNYEN MA MCHIS LAGS; ;BYANG CHUB SEMS DPAS SMRAS PA, NAD MED PA YANG RMI LAM NA NI RTZE DANG MTSUNGS, ,NAD KYI 'JIGS PA 'DI LTAR SHIN TU MI BZAD PA, ,SKYES BU MKHAS PAS GNAS @156B 'DI MTHONG NAS JI LTA BUR, ,RTZE LA DGA' DANG SDUG PA'I 'DU SHES SKYED PAR 'GYUR, ,DGE SLONG DAG ,DE NAS BYANG CHUB SEMS DPA' SHING RTA MCHOG DE SLAR BSGYUR TE PHYIR YANG GRONG KHYER DU ZHUGS SO, ,DGE SLONG DAG ,DE LTAR BYANG CHUB SEMS DPA' DUS GZHAN ZHIG NA BKOD PA CHEN POS GRONG KHYER GYI NUB PHYOGS KYI SGO NAS SKYED MOS TSAL GYI SAR ZHUGS PA DANG, DES LAM GA NA MI SHI BAR GYUR PA, KHYOGS LA BZHAG PA, RAS KYI BLA BRE PHUB PA, NYE DU'I TSOGS KYIS BSKOR TE KUN KYANG NGU ZHING SKAD PHYUNG STE DU LA SMRE SNGAGS 'DON CING SKRA BSHIG LA MGO LA SA 'THOR ZHING BRANG RDUNG LA CHO NGE 'DON CING PHYI BZHIN 'BRANG BAR GYUR PA MTHONG NGO, ,MTHONG NAS KYANG YANG BYANG CHUB SEMS DPAS SHES BZHIN DU KHA LO SGYUR BA LA 'DI SKAD CES SMRAS SO, ,KHA LO SGYUR BA MI 'DI KHYOGS LA BZHAG NAS NI, ,MI DAG SKRA BSHIG MGO LA SA YIS 'THOR BYED CING, ,SNA TSOGS DAG GI TSIG NI BRJOD LA BRANG RDUNG BAS; ;KUN NAS BSKOR BA BYAS TE KHYER BA SU ZHIG YIN, ,KHA LO SGYUR BAS SMRAS PA, LHA GCIG MI 'DI DZAM-BU'I GLING DU GUM PA STE, ,SLAN CHAD PHA MA MCHIS BRANG BU RNAMS MTHONG MI 'GYUR, ,LONGS SPYOD KHYAM DANG MDZA' GNYEN TSOGS RNAMS SPANGS NAS NI, ,'JIG RTEN PHA ROL MCHIS TE SLAN CHAD GNYEN MI MTHONG, ,BYANG CHUB SEMS DPAS SMRAS PA, @157A *, ,RGA BAS GNOD PAR 'GYUR BA'I GZHON PA CIR MI RUNG, ,SNA TSOGS NAD KYIS GNOD 'GYUR NAD MED CIR MI RUNG, ,RING DU MI GSON GSON PA MKHAS LA CIR MI RUNG, ,RGA LA CHAGS PA SKYES BU MKHAS LA CIR MI RUNG, ,GAL TE RGA MED NAD MED 'CHI BA MED GYUR KYANG, ,'ON KYANG PHUNG PO LNGA 'DZIN SDUG BSNGAL CHE YIN NA, , RGA NA 'CHI BA RTAG TU 'BRANG BA SMOS CI DGOS, ,LEGS PAR SLAR ZLOG RAB TU THAR PAR BYA BA BSAM, ,DGE SLONG DAG ,DE NAS BYANG CHUB SEMS DPA' SHING RTA MCHOG DE SLAR BZLOG STE PHYIR YANG GRONG KHYER DU ZHUGS SO, ,DGE SLONG DAG ,DE LTAR BYANG CHUB SEMS DPA' DUS GZHAN ZHIG NA GRONG KHYER GYI BYANG PHYOGS KYI SGO NAS SKYED MOS TSAL GYI SAR ZHUGS PA DANG, BYANG CHUB SEMS DPA'I MTHUS LHA'I BU DE DAG NYID KYIS LAM GA DER DGE SLONG ZHIG MNGON PAR SPRUL PA DANG, BYANG CHUB SEMS DPAS DGE SLONG ZHI BA, DUL BA, YANG DAG PAR BSDAMS PA, TSANGS PAR SPYOD PA, MIG PHAB PA, GNYA' SHING GANG TZAM DU LTA BA, SPYOD LAM MDZES PA PHUN SUM TSOGS PA, 'GRO BA DANG LDOG PA MDZES PA PHUN SUM TSOGS PA, MDUN DU LTA BA DANG, G-YOS G-YOS SU LTA BA MDZES PA, BSKUM PA DANG SMYANG BA MDZES PA, CHOS GOS SNAM SBYAR DANG LHUNG @157B BZED DANG CHOS GOS THOGS PA MDZES PA ZHIG LAM GA NA 'DUG PA DE MTHONG NGO, ,MTHONG NAS KYANG BYANG CHUB SEMS DPAS SHES BZHIN DU KHA LO SGYUR BA LA 'DI SKAD CES SMRAS SO, , KHA LO SGYUR BA SKYES BU SEMS ZHI RAB ZHI ZHING, ,MIG PHAB 'GRO LA GNYA' SHING GANG TZAM LTA BYED CING, ,NGUR SMRIG GOS GYON SHIN TU RAB TU ZHI BA SPYOD, ,LHUNG BZED THOGS NAS MI RGOD MA KHENGS SU ZHIG YIN, ,KHA LO SGYUR BAS SMRAS PA, LHA GCIG MI 'DI DGE SLONG ZHES NI BGYI BA LAGS, ,'DOD PA'I DGA' BA SPANGS SHING SHIN TU DUL BAR SPYOD, ,BDAG NYID ZHI BA TSOL ZHING RAB TU BYUNG BAR GYUR, ,'DOD CHAGS ZHE SDANG BRAL BAR BSOD SNYOMS SPYOD CING RGYU, ,BYANG CHUB SEMS DPAS SMRAS PA, 'DI NI DGE BAR LEGS SMRAS NGA YANG 'DOD PA STE; ;RAB TU BYUNG BA MKHAS PA RNAMS KYIS RTAG TU BSNGAGS, ,DE NI BDAG LA PHAN ZHING SEMS CAN GZHAN LA'ANG PHAN, ,'TSO BA BDE ZHING NYAMS MTHUN 'CHI MED 'BRAS BUR 'GYUR; ;DGE SLONG DAG ,DE NAS BYANG CHUB SEMS DPAS SHING RTA MCHOG DE SLAR BSGYUR TE PHYIR YANG GRONG KHYER DU ZHUGS SO, ,DGE SLONG DAG ,DE LTAR BYANG CHUB SEMS DPA' LA SKUL BA RNAM PA 'DI LTA BU 'DI DAG RGYAL PO ZAS GTZANG MAS MTHONG ZHING THOS NAS BYANG CHUB SEMS DPA' YONGS SU BSRUNG BA'I PHYIR RA BA RGYA CHEN PO BYED DU BCUG STE, 'OBS KYANG RKOR @158A *, ,BCUG ,SGO GTAN DAM PO'ANG 'DZUGS SU BCUG ,SRUNG MA'ANG BKOD, DPA' BO RNAMS KYANG SBRAN, BZHON PA'ANG STA GON BYAS, GO CHA'ANG GYON DU BCUG GO ,BYANG CHUB SEMS DPA' BSRUNG BA'I PHYIR GRONG KHYER CHEN PO'I SGO BZHI'I LAM GYI SUM MDO RNAMS SU DPUNG CHEN PO'I BKOD PA BZHAG STE, BYANG CHUB SEMS DPA' MNGON PAR 'BYUNG DA RE ZHES DE DAG DE SRUNG DU BCUG GO ,BTZUN MO'I 'KHOR LA'ANG RES 'GA' TZAM YANG GLU DBYANGS KYI RGYUN CHAD DA RE, DGA' BA DANG RTZE BA THAMS CAD KYANG SBYOR CIG ,CI NAS KYANG GZHON NU CHAGS NAS RAB TU 'BYUNG BAR MI 'GYUR BA DANG, MGU BAR 'GYUR BAR BUD MED KYI SGYU'ANG STON CIG CES BSGO'O, ,DE LA 'DI SKAD CES BYA STE, 'THAB MOR MOS PA'I SKYES BU LAG NA RAL GRI MTSON THOGS SGO GAR BKOD, ,GO BGOS MI RTA GLANG PO SHING RTA MI BSKYON GLANG PO'I PHRENG BA'ANG BKOD, ,'OBS DANG SHING THAGS DAG DANG RTA BABS PHYIR THON PO YANG BYED DU BCUG ,SGO MO RGYANG GRAGS GRAG PA'I SGRA 'BYUNG BAR YANG GTAN PA DAM PO BCUG ,SH'A-KYA'I TSOGS RNAMS THAMS CAD YID MI DGA' ZHING NYIN MTSAN SRUNG BAR BYED, ,DPUNG CHEN DE DAG RNAMS KYANG SGRA SKAD CHEN PO SHIN TU GRAG PAR BYED, ,DES PA 'DI NAS 'BYUNG DU 'ONG ZHES GRONG KHYER @158B 'KHRUGS SHING YID DNGANGS SKRAG ,SH'A-KYA'I RIGS SKYES SONG NA RIGS 'DI CHAD PAR MI 'GYUR GRANG SNYAM BYED, ,SKYE BO BUD MED DAG LA BSGO BA RTAG TU GLU DBYANGS RGYUN MA BCAD, , BRTZE BAS DGA' BA RNAMS KYI BSNYEN BKUR BGYIS SHING YID KYANG MGU BAR GYIS, ,BUD MED SGYU THABS SPYOD PA GANG YIN RNAM PA DU MA MANG PO STON, ,DES PA 'GROR MI 'GYUR BAR SRUNG BAR BYOS LA BGEGS KYANG RAB TU BYOS, ,KHA LO SGYUR BA MCHOG DE MNGON PAR 'BYUNG BA'I SNGA LTAS 'DI DAG STE, ,NGANG PA KHRUNG KHRUNG DAG DANG RMA BYA RI SKEGS DAG DANG NE TZO RNAMS; ;KHANG BZANG SKAR KHUNG RTA BABS MCHOG DANG YANG THOG KHRI LA 'KHOD NAS NI, ,DMAN ZHING DMAN LA MI DGA' MI BDE MGO SMAD SEMS SHING SGRA MI 'BYIN, ,RDZING DANG RDZING CHEN DAG GIS PAD-MA DAG KYANG RNYIS SHING RNYIS PAR GYUR, ,SHING LJON BSKAMS SHING YAL GA ME TOG LHAGS LA ME TOG SLAR MI 'CHAGS, ,PI WANG GLING BU RGYUD GSUM RGYUD KYIS BRGYAN PA DE TSE GLO BUR CHAD, ,RNGA DANG RDZA RNGA DAG KYANG LAG PAS BRDUNGS NA 'CHAG CING SGRA MI 'BYUNG, ,GRONG KHYER DE DAG THAMS CAD 'KHRUGS PAR GYUR CING SHIN TU GNYID KYIS NON, ,GANG GI YID KYANG GAR BYED PA DANG GLU LEN PA LA DGA' BA MED, ,RGYAL PO'ANG MCHOG TU RAB TU YID DMAN GYUR TE SEMS KHONG CHUD CING 'DUG ,AE MA @159A *, ,MA RUNGS SH'A-KA RIGS RDZU 'PHRUL RGYA CHEN MI TSIG GRANG SNYAM BYED, ,SA 'TSO MA DANG RGYAL BU MAL GCIG NA NI NYAL ZHING 'KHOD PA'I TSE, ,NAM PHYED TZAM NA SA 'TSO MA YI RMI LAM DU NI 'DI DAG RMIS, ,SA 'DI THAMS CAD RTZE MOR LDAN PA'I RI DANG BCAS TE G-YOS PAR GYUR, ,SHING LJON RNAMS KYANG RLUNG GIS BSKYOD NAS RTZA NAS THON TE SA LA 'GYEL, ,NYI MA ZLA BA SKAR MA'I RGYAN DANG BCAS TE MKHA' LAS SA LA LHUNG, ,LAG PA G-YON PAS SKRA YANG RAB TU 'BAL ZHING COD PAN LHUNG BA MTHONG, ,LAG PA CHAD LA DE BZHIN RKANG PA'ANG CHAD CING BDAG NI SGREN MOR MTHONG, ,BDAG GI MU TIG DO SHAL NOR BU GSER GYI 'OG DPAG CHAD PAR MTHONG, ,NYAL KHRI DE YI RKANG PA BZHI CHAGS YI STENG NA NYAL BA MTHONG, ,RGYAL PO'I GDUGS KYI YU BA SPRAS PA DPAL LDAN MDZES PA CHAG PAR MTHONG, ,RGYAN RNAMS KUN KYANG RNAM PAR 'THOR CING CHU YIS KHYER BAR GYUR PA DANG, ,KHYIM THAB RGYAN YANG GOS DANG COD PAN BCAS TE MAL STENG 'THOR BAR MTHONG, ,GRONG KHYER DAG NAS ME SGRON PHYIR BYUNG GRONG KHYER MUN PAS NON PA DANG, ,RIN PO CHE LAS BYAS PA'I DRA BA MDZES PA'ANG CHAD PAR GYUR PA RMIS, ,MU TIG DO SHAL 'PHYANG BA LHUNG NAS RGYA MTSO CHEN POS DKRUGS PA DANG, , @159B DE YI TSE NI RI YI RGYAL PO RI RAB GNAS NAS G-YOS PA RMIS, ,SH'A-KYA'I BU MO'I RMI LAM DU NI 'DI 'DRA 'DI DAG RMIS GYUR NAS, ,DE SAD MIG NAS MCHI MA ZAG CING RANG GI KHYO LA 'DI SKAD SMRAS, ,LHA GCIG RME LAM 'DI 'DRA RMIS PA CIR 'GYUR BA NI BKA' STZOL CIG ,BDAG NI DRAN PA 'KHRUL CING MIG KYANG 'KHRUL LA YID NI MYA NGAN NON,, DE YIS DE THOS KA LA PING-KA RNGA SGRA TSANGS DBYANGS SGRA SNYAN PAS, ,SA 'TSO MA LA SMRAS PA KHYOD NI RAB TU DGAR 'GYUR SDIG PA MED, ,SEMS CAN GANG DAG BSOD NAMS SNGON SPYAD DE DAG RMI LAM 'DI 'DRA RMI, ,SDUG BSNGAL DU MAS NYEN PA RMI LAM 'DI 'DRA RMI BA GA LA YOD, ,KHYOD KYIS SA NI RAB TU G-YOS PA DANG, ,RI RTZER BCAS TE SA LA LHUNG RMIS PA; ;LHA DANG KLU DANG SRIN PO 'BYUNG PO'I TSOGS, ,KUN GYIS KHYOD MCHOD GTZO MOR BYED PAR 'GYUR, ,KHYOD KYIS SHING RNAMS RTZA NAS THON RMIS SHING, ,LAG PA G-YON PAS SKRA 'BAL RMIS PA NI, ,SA 'TSO MYUR DU NYON MONGS DRA BA BCAD, ,'DUS BYAS DAG LAS LTA BA'I DRA BA 'BYIN, ,KHYOD KYIS NYI ZLA SA LA LHUNG RMIS SHING, ,SKAR MA RNAMS KYANG LHUNG BAR RMIS PA NI, ,SA 'TSO MYUR DU NYON MONGS DGRA BCOM STE, ,KHYOD NI 'JIG RTEN MCHOD PA BSNGAGS PAR 'GYUR, ,KHYOD KYIS MU TIG DO SHAL 'THOR RMIS @160A *, ,SHING, ,LUS KUN CHAD DANG SGREN MO RMIS PA NI, ,SA 'TSO MYUR DU BUD MED LUS SPANGS TE, ,RING POR MI THOGS SKYES PA'I LUS SU 'GYUR, ,KHYOD KYIS KHRI RKANG CHAG PAR RMIS PA DANG, ,GDUGS YU RIN CHEN SPRAS PA CHAG RMIS PA, ,SA 'TSO MYUR DU CHU BO BZHI RGAL CING, ,NGA NI 'JIG RTEN GDUGS GCIG 'GYUR BA MTHONG, ,KHYOD KYIS RGYAN RNAMS CHUS KHYER RMIS PA DANG, ,NGA YI GOS DANG COD PAN KHRI STENG RMIS, ,SA 'TSO MYUR DU MTSAN GYIS BRGYAN NAS NI, ,'JIG RTEN KUN GYIS NGA LA BSTOD PA MTHONG, ,KHYOD KYIS MAR ME BRGYA PHRAG BYE BA DAG ,GRONG KHYER BYUNG NAS MUN NAG GYUR RMIS PA, ,SA 'TSO MYUR DU MA RIG RMONGS PA'I MUN, ,'JIG RTEN KUN LA SHES RAB SNANG BYED 'GYUR, ,KHYOD KYIS MU TIG DO SHAL CHAD PA DANG, ,GSER GYI TSONG TSONG SPRAS PA CHAD RMIS PA, ,SA 'TSO MYUR DU NYON MONGS DRA BCAD DE, , 'DUS BYAS DAG LAS 'DU SHES SKUD PA 'BYIN, ,SA 'TSO GANG PHYIR NGA LA GUS PAR NI, ,RTAG TU RIM GRO MCHOG GIS MCHOD BYED NA, ,KHYOD LA NGAN 'GRO MED CING MYA NGAN MED, ,MYUR DU DGA' ZHING MCHOG TU DGA' BA 'THOB, ,NGAS NI SNGON CHAD SBYIN PA GYA NOM BYIN, ,TSUL KHRIMS BSRUNGS DANG RTAG TU BZOD PA BSGOMS, ,DE BAS @160B NGA LA DAD PA GANG RNYED PA, ,DE DAG THAMS CAD DGA' ZHING RAB DGA' RNYED, ,'KHOR BAR BSKAL PA BYE BA MTHA' YAS SU, ,NGAS NI BYANG CHUB LAM MCHOG RNAM PAR SBYANGS, , DE BAS NGA LA DAD PA GANG BYED PA, ,DE DAG THAMS CAD NGAN SONG GSUM PO CHAD, ,DGA' BA 'THOB KYI MI DGA' MA SKYED CIG ,TSIM PA THOB PAR GYIS LA MGU SKYED CIG , DGA' DANG MCHOG TU DGA' BA MYUR 'THOB STE, ,KHYOD KYI RMI LTAS BZANG GIS 'TSO NYOL, ,SNGON CHAD DGE BA'I LAS NI YANG DAG BSAGS GYUR PA, ,MI MCHOG RNAMS NI MNGON PAR 'BYUNG BA'I DUS BAB TSE, ,MTSAN MA 'DI DAG BSOD NAMS GZI BRJID BSAGS PA DANG, ,DPAL GYI GZI BRJID SNYING PO CAN DES RMI BAR 'GYUR, ,DE NI RKANG PA DAG DANG LAG PA CHEN PO YIS, ,RGYA MTSO CHEN PO BZHI PO DAG GIS CHU DKRUGS DANG, ,SA 'DI THAMS CAD SNA TSOGS MAL CHAR GYUR PA DANG, ,RI BO LHUN PO MCHOG KYANG SNGAS SU GYUR PA RMI, ,RMI LAM NA NI 'OD RAB BKYE BAS 'JIG RTEN NA, ,MUN PA MUN NAG CHEN PO RNAM PAR BSAL BA DANG, ,SA LAS GDUGS SHIG BYUNG BAS 'JIG RTEN GSUM KHYAB DANG, ,'OD KYIS REG PAS LOG LHUNG SDUG BSNGAL RAB ZHI RMI, ,DKAR NAG SROG CHAGS BZHI ZHIG RKANG PA LDAG PA DANG, ,KHA DOG BZHI PA'I BYA 'ONGS KHA DOG GCIG GYUR DANG, @161A *, ,MCHOG TU NGAN PA SMAD PA NGAN SKYUG RI LA YANG, ,'JEGS NAS 'GRO YANG DE NA GOS PA MED PA RMI, ,RMI LAM NA NI CHU BO CHU YIS RAB GANG NAS, ,SROG CHAGS BYE BA KHRAG KHRIG MANG PO KHYER BA LAS, ,DER NI GRUR BYAS BSGRAL TE GZHAN DAG BSGRAL NAS NI, ,DE YIS 'JIGS MED MYA NGAN MED MCHOG THANG BKOD RMI, ,RMI LAM LA NI NAD PA MANG PO NAD BTAB PA, ,NAD MED GZI BRJID BRAL ZHING STOBS KYANG NYAMS RNAMS LA, ,DE NI SMAN PAR GYUR NAS RTZI SMAN MANG BYIN PAS, ,NAD BTAB SEMS CAN KHRAG KHRIG MANG PO THAR BYED RMI, ,RI RAB NGOS LA SENG-GE'I KHRI LA 'DUG NAS NI, ,SLOB MA THAL MO SBYAR CING LHA RNAMS PHYAG 'TSAL LA, ,BDAG NI GYUL LAS RGYAL ZHING LHA RNAMS NAM MKHA' LAS, ,KUN TU DGA' BA'I SGRA SGROG PAR NI RMI LAM RMI, ,BKRA SHIS BRTUL ZHUGS BZANG PO YONGS SU RDZOGS PAR YANG, ,BYANG CHUB SEMS DPA' RMI LAM RNAM PA DE DAG RMI, ,DE THOS NAS NI 'DI NI RING POR MI THOGS PAR, ,MI YI LHA YI LHAR 'GYUR SNYAM STE LHA MI DGA', , RMI LAM GYI LE'U STE, BCU BZHI PA'O,, ,, DGE SLONG DAG, DE NAS BYANG CHUB SEMS DPA' 'DI SNYAM DU SEMS TE, BDAG GIS RGYAL PO CHEN PO ZAS GTZANG MA LA'ANG MA BYAS SHIR, PHAS GNANG BA MED PAR MNGON PAR @161B 'BYUNG BA 'DI NI BDAG LA MI RIGS TE, BYAS PA GZO BA MA YIN PAR 'GYUR RO SNYAM NAS DE MTSAN MO MI NYAL TZAM NA RANG GI GNAS KYI KHANG BZANG NAS BYUNG STE RGYAL PO ZAS GTZANG MA'I KHANG BZANG DU PHYIN NAS 'DUG GO ,BYANG CHUB SEMS DPA' 'DUG MA THAG TU KHANG BZANG THAMS CAD 'OD KYIS GSAL BAR GYUR TO, ,DE NAS RGYAL PO SAD PA DANG, 'OD DE MTHONG STE MTHONG NAS KYANG MYUR BA MYUR BAR NYUG RUM LA SMRAS PA, KYE NYUG RUM, CI NYI MA SHAR TAM, GANG GIS NA 'DI 'OD KYIS RNAM PAR MDZES, NYUG RUM GYIS SMRAS PA, LHA, DA DUNG DU DGUNG PHYED KYANG MA BAS SO, ,LHA, GZHAN YANG NYI MA'I 'OD NI SHING DANG RTZIG PA THAL MI PHYIN, ,LUS LA GDUNG BAR BGYID CING TZA BAR RAB TU BGYID, ,NANG PAR DUS NA NGANG PA DAG DANG RMA BYA DANG, ,NE TZO KHU BYUG NGUR PA DAG KYANG RANG SGRA 'BYIN, ,'OD 'DI LHA MI'I YID DU MCHI ZHING BDE BA STE, ,RAB TU SIM BGYID DGE BGYID GDUNG BAR BGYID MA LAGS, ,SHING DANG RTZIG PA THAL PHYUNG SGRIB PA YONG MA MCHIS, ,YON TAN LDAN PA GCIG CIG DENG NI 'DI 'BYON NGES, ,RGYAL PO DE NI MI DGA' PHYOGS BCUR BLTAS PA DANG, ,SEMS CAN DAG PA PAD-MA'I MIG CAN DE MTHONG NAS, ,DE NI MAL NAS LDANG BAR 'DOD NA MA NUS TE, ,RNAM DAG BLO CAN DAM PA PHA @162A *, ,LA GUS PA BSKYED, ,DE NI RGYAL PO'I MDUN DU 'DUG NAS 'DI SKAD SMRAS, ,LHA GCIG BDAG NI MNGON PAR 'BYUNG BA'I DUS BAB RIGS, ,BGEGS KYANG MA MDZAD MI DGYES PA YANG MA MDZAD CIG ,RGYAL PO GNYEN BCAS YUL 'KHOR BCAS TE BZOD PAR MDZOD, ,RGYAL PO DE NI MCHI MAS MIG GANG 'DI SKAD SMRAS, ,KHYOD NI PHYIR LDOG PA YI DGOS PA CI ZHIG YOD, ,BDAG LA DAM PA CI SLONG SMROS SHIG THAMS CAD SBYIN, ,BDAG DANG PHO BRANG 'KHOR DANG YUL 'KHOR 'DIR PHAN THOGS, ,DE TSE BYANG CHUB SEMS DPAS SNYAN PA'I TSIG SMRAS PA, ,LHA GCIG DAM PA BZHI 'TSAL DE NI BDAG LA STZOL, ,GAL TE STZAL BAR SPYOD NA MNGA' NI KHYOD LA MCHIS, ,'ON TANG RTAG TU KHYIM NA GZIMS SHING 'BYUNG MI 'GYUR, ,LHA GCIG BDAG NI RGA BAS TSUGS PAR MI 'GYUR ZHING, ,RTAG TU MDOG BZANG DAR LA BAB PAR GNAS PA DANG, ,NAD MA MCHIS PA THOB CING NAD KYIS MI GDAB DANG, ,TSE DPAG MA MCHIS PA DANG RGUD PAR MI 'GYUR 'TSAL, ,RGYAL POS TSIG THOS SHIN TU SDUG BSNGAL NYAM THAG STE, ,GZHON NU GNAS MIN SLONG BAS BDAG LA MTHU MED DO, ,BSKAL PAR GNAS PA'I DRANG SRONG RNAMS KYANG NAM DU YANG, ,RGA NA 'CHI BA'I 'JIGS DANG RGUD LAS MA THAR TO, ,RGAN @162B 'CHI BA'I 'JIGS DANG RGUD PAR MI 'GYUR BA, ,LHA GCIG GAL TE MCHOG BZHI 'DI DAG MI STZOL NA, ,GZHAN YANG MCHOG CIG GSOL GYI RGYAL PO GSAN DU GSOL, ,'DI NAS SHI 'PHOS NYING MTSAMS ? SBYOR BAR MI 'GYUR MDZOD, ,MI YI DAM PAS TSIG NI DE SKAD THOS PA DANG, ,SRED PA BSRABS TE BU LA CHAGS PA YONGS SU CHOD, ,PHAN BYED 'GRO BA THAR BYED RJES SU YI RANG NGO, ,KHYOD KYI BSAM PA RNAMS NI YONGS SU RDZOGS GYUR CIG ,DGE SLONG DAG ,DE NAS BYANG CHUB SEMS DPA' SLAR SONG STE RANG GI KHYIM DU PHYIN NAS MAL NA 'DUG PA DANG, DE SONG BA'AM 'ONGS PAR SUS KYANG MA TSOR RO, ,DGE SLONG DAG ,DE'I NAM NANGS PA DANG, RGYAL PO ZAS GTZANG MAS SH'A-KYA'I TSOGS THAMS CAD BSAGS TE DE'I LO RGYUS RNAMS SMOS NAS GZHON NU NI MNGON PAR 'BYUNG NA, DA JI LTAR BYA ZHES SMRAS SO, ,SH'A-KYA RNAMS KYIS SMRAS PA, LHA, BSRUNG BAR BGYI'O, ,DE CI'I SLAD DU ZHE NA, SH'A-KYA'I TSOGS 'DI NI MANG LA, DE NI GCIG PUR GYUR PAS MTHUS MNGON PAR 'BYUNG BA'I NUS PA DE LA MA MCHIS SO, ,DE NAS SH'A-KYA DE DAG DANG, RGYAL PO ZAS GTZANG MAS SH'A-KYA GZHON NU 'THAB CHOS SBYANGS PA, 'OS SU GYUR PA, 'PHONG BSLAB PA, TSAN PO CHE CHEN PO'I STOBS DANG LDAN PA LNGA BRGYA BYANG CHUB SEMS DPA' BSRUNG BA'I PHYIR GRONG KHYER GYI SHAR @163A *, ,SGOR BKOD DE, BYANG CHUB SEMS DPA' BSRUNG BA'I PHYIR SH'A-KYA GZHON NU RE RE LA'ANG 'KHOR SHING RTA LNGA BRGYA LNGA BRGYA DANG, SHING RTA RE RE LA'ANG 'KHOR DPUNG BU CHUNG LNGA BRGYA LNGA BRGYA BKOD DO, ,BYANG CHUB SEMS DPA' BSRUNG BA'I PHYIR DE BZHIN DU GRONG KHYER GYI LHO DANG, NUB DANG, BYANG GI SGOR YANG SH'A-KYA GZHON NU 'THAB CHOS SBYANGS PA, 'OS SU GYUR PA, 'PHONG BSLAB PA, TSAN PO CHE CHEN PO'I STOBS DANG LDAN PA LNGA BRGYA LNGA BRGYA DANG, SH'A-KYA GZHON NU RE RE LA'ANG 'KHOR SHING RTA LNGA BRGYA LNGA BRGYA DANG, SHING RTA RE RE LA'ANG 'KHOR DPUNG BU CHUNG LNGA BRGYA LNGA BRGYA BKOD DO, ,BYANG CHUB SEMS DPA' BSRUNG BA'I PHYIR SH'A-KYA RGAN RABS RGAN RABS RNAMS KYANG LAM GYI BZHI MDO DANG, SUM MDO DANG, LAM PO CHE MANG PO THAMS CAD NA SDOD CING 'KHOD DO, ,RGYAL PO ZAS GTZANG MA'ANG SH'A-KYA GZHON NU LNGA BRGYAS BSKOR CING MDUN GYIS BLTAS TE RTA DANG, GLANG PO CHE DAG LA ZHON NAS RANG GI KHYIM SGO NA MEL TSE BYED DO, ,SKYE RGU'I BDAG MO CHEN MO GOO TA M'IS KYANG RANG GI BRAN MO'I TSOGS LA SMRAS PA, MAR ME DRI MA MED PA BUS LA NOR DU THAMS CAD RGYAL MTSAN RTZE MOR THOGS, ,MU TIG RGYAN PHRENG RNAMS KYANG SPYANGS LA KHYIM 'DI KUN TU 'OD KYIS SNANG BAR BYOS, ,GLU DBYANGS DAG KYANG SBYOR LA DO MOD @163B GYEL BA MED PAR MEL TSE DAM DU GYIS, ,GZHON NU CI NAS MA TSOR BAR NI 'GRO BAR MI 'GYUR TSUL DU SRUNG BA GYIS, ,GO BGOS LAG NA LAG CHA RAL GRI DANG, ,MDUNG THUNG MDA' DANG MTSON CHA RTZE GNYIS THOGS, ,SDUG PA'I BU NI BSRUNG BAR BYA BA'I PHYIR, ,KUN KYANG RAB TU SGRIM PA CHEN PO GYIS, ,SGO KUN CHOD LA GTAN PA DAM DU CHUD, ,SGO 'PHAR SRA BA RKED PAR GTAN CHUG LA, ,DUS LA MA BAB PAR NI SGO MA DBYE, ,SEMS CAN DAM PA 'DI NI SHOR TA RE, ,NOR BU DO SHAL MU TIG DO SHAL THOGS, ,ME TOG ZLA GAM SENG-GE SHING LO RES, , SKA RAGS SOR GDUB SNA RGYAN CHINGS SHING THOGS, ,RKANG GDUB DAG KYANG SHIN TU LEGS PAR THOGS, ,LHA MI PHAN PA GLANG PO DREGS BZHIN 'GRO ,GAL TE GLO BUR MNGON PAR BYUNG NGA RE; ;CI NAS MI BDE RNYED PAR MA GYUR PAR, ,DE LTA DE LTAR NAN TAN CHER GYIS SHIG ,BUD MED GANG DAG MDUNG THUNG THOGS PA DAG ,DRI MA MED PA MAL NA 'DUG PA BSKOR, ,CI NAS GNYID KYIS LOG PAR MA GYUR PAR, ,PHYE MA LEB BZHIN MIG GIS BSRUNG BAR GYIS, ,RGYAL BU 'DI NI BSRUNG BAR BYA BA'I PHYIR, ,KHYIM 'DIR RIN PO CHE YI DRA BA BRES, ,GLING BU DAG KYANG RAB TU BUD CING LONGS, ,DO MOD RDUL DANG BRAL BA SRUNG BAR GYIS, ,PHAN TSUN GCIG LA GCIG NI SPRON BYOS TE, ,DO MOD MA NYAL SHIN TU SRUNG BA GYIS, ,RGYAL SRID DANG NI @164A *, ,YUL 'KHOR SPANGS NAS SU, ,KHYIM NAS MNGON DU 'BYUNG BAR GYUR TA RE, ,'DI NI MNGON PAR BYUNG BAR GYUR NA KO, RGYAL PO'I PHO BRANG 'DI KUN NYAMS MI DGA'; ;RGYAL PO'I RIGS RGYUD YUN RING GNAS PA YANG, ,RGYAL PO'I RIGS DANG RGYUD NI CHAD PAR 'GYUR, ,DGE SLONG DAG ,DE NAS GNOD SBYIN GYI SDE DPON LNGA RTZEN LA SOGS PA GNOD SBYIN GYI SDE DPON CHEN PO NYI SHU RTZA BRGYAD DANG, 'PHROG MA'I BU LNGA BRGYA RNAMS GCIG TU 'DUS NAS 'DI SKAD CES SMRAS TE, GROGS PO DAG ,DO MOD BYANG CHUB SEMS DPA' MNGON PAR 'BYUNG GI, KHYED CAG DE LA MCHOD PA BYED PA'I LAS LA SPRO BA GYIS SHIG ,RGYAL PO CHEN PO BZHI'ANG LCANG LO CAN GYI PHO BRANG DU ZHUGS NAS GNOD SBYIN GYI 'KHOR CHEN PO LA SMRAS PA, GROGS PO DAG, DO MOD BYANG CHUB SEMS DPA' MNGON PAR 'BYUNG GI, KHYED KYIS BCIBS PA'I RKANG LAG NAS THEG LA 'BYUNG BAR GYIS SHIG, GNOD SBYIN GYI 'KHOR GYIS SMRAS PA, SKU NI SRED MED BU YI STOBS LDAN RDO RJE LTA BUR MI PHYED SRA LA LCI, ,SEMS CAN KUN GYI DAM PA DE NI BRTZON 'GRUS STOBS LDAN GYO BA MI MNGA' STE, ,RI YI DAM PA LHUN PO CHEN PO RMANG NAS PHYUNG STE NAM MKHAR GZUNG NUS KYI, ,RGYAL BA'I YON TAN LHUN PO RI LCI BSOD NAMS YE SHES GNAS PA SUS KYANG GANG @164B DU BKUR MI NUS, ,RNAM THOS KYI BUS SMRAS PA, MI GANG NGA RGYAL 'GYING BA DE LA STON PA LCI, ,GANG DAG DGA' GUS GNAS PA DE DAG YANG BAR TSOR, ,BSAM PA THAG PAS BRTZON PAR BYOS LA GUS PA YIS, ,BYA YIS SHA KHAM BZHIN DU YANG BAR SHES PAR GYIS, ,KHO BO MDUN NAS 'GRO YI KHYED CAG RNAMS KYIS BCIBS PA THEG, BYANG CHUB SEMS DPA' MNGON PAR 'BYUNG TSE BSOD NAMS MANG PO GSOG, DGE SLONG DAG, DE NAS LHA'I DBANG PO BRGYA BYIN GYIS SUM CU RTZA GSUM GYI LHA RNAMS LA SMRAS PA, KYE GROGS PO DAG, DO MOD BYANG CHUB SEMS DPA' MNGON PAR 'BYUNG GI, DE LA KHYED THAMS CAD MCHOD PA'I LAS LA SPRO BAR GYIS SHIG ,DE NA LHA'I BU ZHI BA'I BLO GROS ZHES BYA BA DES 'DI SKAD CES SMRAS SO, ,BDAG GIS NI SER SKYA'I GNAS KYI GRONG KHYER CHEN PO'I SKYES PA DANG, BUD MED DANG, KHYE'U DANG, BU MO THAMS CAD GNYID KYIS LOG PAR BGYI'O, ,LHA'I BU RTZE BA BKOD PA ZHES BYA NGA DES 'DI SKAD CES SMRAS SO, ,BDAG GIS NI RTA DANG, GLANG PO CHE DANG, BONG BU DANG, RNGA MO DANG, BA LANG DANG, MA HE DANG, SKYES PA DANG, BUD MED DANG, KHYE'U DANG, BU MO RNAMS KYI SGA MI GRAG PAR BGYI'O, ,LHA'I BU BKOD PA'I BLO GROS ZHES BYA BA DES 'DI SKAD CES SMRAS SO, ,BDAG GIS NI, NAM MKHA'I DKYIL DU SHING RTA CHEN PO BDUN RIN PO CHE'I STEGS @165A *, ,BUS 'KHOR BAR BSKOR BA, NOR BU RIN PO CHE ME SHEL GYI 'OD 'BAR BA, GDUGS DANG, RGYAL MTSAN DANG, BA DAN BSGRENG BA, ME TOG SNA TSOGS CHAL PAR BKRAM PA, POG POR NAS BDUG SPOS SNA TSOGS KYIS BDUGS PA DAG BYANG CHUB SEMS DPA' LAM GANG NAS 'BYUNG BA'I LAM DER BKOD PA BGYI'O, ,KLU'I RGYAL PO SA SRUNG GI BU ZHES BYA BAS 'DI SKAD CES SMRAS SO, ,BDAG GIS NI BDAG NYID KYI SNA LA KHANG PA BRTZEGS PA DPAG TSAD SUM CU RTZA GNYIS PA BGYIS TE DER LHA'I BU MO DAG BKOD LA SIL SNYAN DANG, GLU DBYANGS LEN DU STZAL CING GLU DANG ROL MO'I DBYANGS SGRA CHEN POS BYANG CHUB SEMS DPA' LA RIM GRO DANG BSNYEN BKUR BGYID CING MCHI BAR BGYI'O, ,LHA'I DBANG PO BRGYA BYIN NYID KYIS 'DI SKAD CES SMRAS SO, ,KHO BOS NI SGO DBYE'O, ,LAM MTSON PAR BYA'O, ,LHA'I BU CHOS SPYOD KYIS 'DI SKAD CES SMRAS SO, ,BDAG GIS NI BTZUN MO'I 'KHOR RNAMS MI SDUG PAR BSTAN PAR BGYI'O, ,LHA'I BU YANG DAG SKUL POS SMRAS PA, BDAG GIS NI BYANG CHUB SEMS DPA' GZIMS MAL NAS BZHENGS PAR GSOL BAR BGYI'O, ,DE NA KLU'I RGYAL PO CHU LHA DANG, KLU'I RGYAL PO GZI CAN DANG, KLU'I RGYAL PO RGYA MTSO DANG, KLU'I RGYAL PO MA DROS PA DANG, KLU'I RGYAL PO DGA' PO DANG @165B NYE DGA' BOS 'DI SKAD CES SMRAS SO, ,BDAG CAG GIS NI BYANG CHUB SEMS DPA' LA MCHOD PA'I LAS KYI PHYIR DUS KYI RJES SU 'BRANG BA'I TZAN-DAN GYI SPRIN MNGON PAR SPRUL TE TZAN-DAN SBRUL GYI SNYING PO'I PHYE MA'I CHAR DBAB BO, ,DGE SLONG DAG, DE LTAR LHA DANG, KLU DANG, GNOD SBYIN DANG, DRI ZA RNAMS KYIS RNAM PA 'DI LTA BU'I BSAM PA NGES PA BSAM ME STE BRTZAMS SO; ;BYANG CHUB SEMS DPA' CHOS SEMS PA LA ZHUGS PA, GLU DBYANGS LEN PA'I KHANG BZANG NA MAL BDE BA LA 'DUG PA, BTZUN MO'I 'KHOR GYI NANG NA 'DUG PA NI SNGON GYI SANGS RGYAS KYI SPYOD PA RNAM PAR SEMS SHING SEMS CAN LA PHAN PA BYA BA RJES SU SEMS LA SNGON GYI SMON LAM GYI TSIG BZHI MNGON DU BYED DO, ,BZHI GANG ZHE NA, SNGON NGA RANG BYUNG GI BDAG PO 'DOD CING THAMS CAD MKHYEN PA NYID DON DU GNYER BAN GO CHA 'DI LTA BU BGOS PAR GYUR TE, SEMS CAN SDUG BSNGAL BA DAG MTHONG NAS KYE MA'O, ,BDAG GIS 'JIG RTEN GNAS PA BCINGS TE 'KHOR BA'I BTZON RA CHEN POR BCUG PA LA 'KHOR BA'I BTZON RA DRAL TE BCINGS PA BKROL BA'I SGRA BSGRAG GO ,SRED PA'I ZHAGS PA DANG, SGROG DAM POS BCINGS PA'I SEMS CAN RNAMS KYANG RAB TU DGROL LO, ,ZHES BYA BA SNGON GYI SMON LAM GYI TSIG DANG PO 'DI MNGON DU GYUR TO, ,KYE MA'O BDAG GIS 'JIG RTEN MA RIG @166A *, ,PA'I MUN PA MUN NAG THIBS PO CHEN POR ZHUGS PA, MI SHES PA'I LING TOG DANG RAB RIB KYIS MIG BSGRIBS PA, SHES RAB KYI MIG DANG BRAL BA, MA RIG PA DANG GTI MUG GIS LDONGS PA LA CHOS KYI SNANG BA CHEN PO BYA ZHING YE SHES KYI SGRON MA'ANG NYE BAR BSGRUBS LA, RNAM PAR THAR PA'I SGO GSUM SHES PA'I MIG SMAN RI LU DANG, SMAN THABS DANG SHES RAB DANG, YE SHES DANG LDAN PA BTANG STE, MA RIG PA'I MUN PA MUN NAG DANG, GTI MUG GI MUN PA DANG, RAB RIB DANG, LING TOG DANG, RNYOG PA THAMS CAD BSAL NAS SHES RAB KYI MIG RNAM PAR SBYANG NGO ZHES BYA BA SNGON GYI SMON LAM GYI TSIG GNYIS PA 'DI MNGON DU GYUR TO, ,KYE MA'O BDAG GIS 'JIG RTEN NGA RGYAL GYI RGYAL MTSAN BSGRENG BA, NGAR 'DZIN PA DANG NGA YIR 'DZIN PA LA MNGON PAR ZHEN PA, BDAG DANG BDAG GIR 'DZIN PA DANG LDAN PA'I YID CAN, 'DU SHES DANG, SEMS DANG, LTA BA PHYIN CI LOG GIS PHYIN CI LOG TU GYUR PA, BZUNG BA NGAN PAS ZIN PA LA 'PHAGS PA'I LAM BSTAN TE, NGA'O SNYAM PA'I NGA RGYAL BSNYAL BAR BYA'O ZHES BYA BA SNGON GYI SMON LAM GYI TSIG GSUM PA 'DI MNGON DU GYUR TO; ;KYE MA'O BDAG GIS 'JIG RTEN RNAM PAR MA ZHI BA, THAGS 'KHRUGS PA LTA BUR GYUR PA, DRU GU 'DZINGS PA LTA @166B BUR GYUR PA, 'ONG BA DANG 'GRO BAR GYUR PA, 'JIG RTEN 'DI NAS 'JIG RTEN PHA ROL DANG, 'JIG RTEN PHA ROL NAS 'JIG RTEN 'DIR KUN TU RGYUG CING 'KHOR LA 'KHOR BA LAS MI LDOG PA MGAL ME'I 'KHOR LO LTA BUR GYUR PA LA NYE BAR ZHI BAR BYED PA'I SHES RAB KYIS CHOG PAR BYED PA'I CHOS KYANG BSTAN TO ZHES BYA BA SNGON GYI SMON LAM GYI TSIG BZHI PA 'DI MNGON DU GYUR TE, SNGON GYI SMON LAM GYI TSIG BZHI PO DE DAG MNGON DU GYUR TO, ,SKAD CIG DE LA LHA'I BU CHOS SPYOD DANG, GNAS GTZANG MA'I RIS KYI LHA'I BU RNAMS KYIS BTZUN MO'I 'KHOR MI SDUG PAR BSGYUR TE MI SDUG PAR GNAS PA DANG, SMAD PA'I GZUGS SU BSTAN NAS NAM MKHA' LA 'KHOD DE BYANG CHUB SEMS DPA' LA TSIGS SU BCAD DE SMRAS PA, DE NAS LHA'I BU RDZU 'PHRUL CHE RNAMS KYIS, ,PAD-MA RGYAS PA YANGS PA'I SPYAN LA SMRAS, ,DUR KHROD DBUS 'DIR BZHUGS PAR GYUR LAGS NA, ,KHYOD NI JI LTAR DGYES PA SKYE BAR 'GYUR,, LHA YI DBANG PHYUG RNAMS KYIS DE BSKUL NAS, ,YUD TZAM BTZUN MO'I 'KHOR LA LTA ZHING RTOG, BLTAS NAS SMAD PAR GYUR PA DE DAG MTHONG, ,DUR KHROD GNAS PAR GYUR PA BDEN SNYAM BYED, ,BYANG CHUB SEMS DPAS THAMS CAD DANG LDAN PA'I BUD MED KYI TSOGS LA RNAM PAR BLTAS PA DANG, KHA CIG NI GOS LHUNG BAR GYUR, KHA CIG NI SKRA ZHIG ,KHA CIG @167A *, ,NI RGYAN BRUL, KHA CIG NI COD PAN LHUNG, KHA CIG NI PHRAG PA MI SDUG PAR GYUR, KHA CIG NI LUS RNAM PAR 'KHRUGS, KHA CIG NI BZHIN MI SDUG PAR GNAS; KHA CIG NI MIG GYUR, KHA CIG NI KHA CHU ZAG ,KHA CIG NI SDUR, KHA CIG NI LUD PA LU, KHA CIG NI GOD, KHA CIG NI BRDOL, KHA CIG NI SO 'KHRIG ,KHA CIG NI BZHIN MDOG 'GYUR, KHA CIG NI GZUGS MI SDUG PAR GYUR TE LAG PA RING POR GYUR, KHA CIG NI RKANG PA PHRAL, KHA CIG NI MGO PHYUNG, KHA CIG NI MGO GYOGS KHA CIG NI BZHIN GYI DBYIBS GYUR, KHA CIG NI LUS MA RUNG PAR GYUR, KHA CIG NI LUS SGREN MOR GYUR, KHA CIG NI LUS BSKUMS SHING SDUR, KHA CIG NI RDZA RNGA LA 'KHYUD NAS LUS GAN RKYAL DU 'GYEL, KHA CIG NI PI WANG DANG RGYUD GSUM PA'I STENG DU LAG PA BRKYANG, KHA CIG NI GLING BU LA SOS 'DEBS, KHA CIG NI ROL MO'I CHA BYED KIM-PA LA DANG, NA KU LA DANG, 'KHAR BA'I SIL KHROL DANG, PHEG LA 'DZIN, KHA CIG NI MIG 'DZUM ZHING 'BYED LA 'GYUR, KHA CIG NI KHA GDANGS PAR GYUR TE; DE LTAR SA LA MI SDUG PAR GNAS PAR GYUR PA'I BTZUN MO'I 'KHOR LA LTA ZHING BYANG CHUB SEMS DPA' DUR KHROD KYI 'DU SHES SKYED DO, ,DE LA 'DI SKAD CES BYA STE, @167B 'JIG RTEN MGON DES DE MTHONG YID BYUNG STE, ,SNYING RJES SHUGS PHYUNG NAS NI 'DI SKAD SMRAS, ,AE MA SKYE RGU DAG NI SDUG BSNGAL GYUR, ,SRIN MO'I TSOGS LA DGA' BA JI LTAR RNYED; ;'DOD PA'I YON TAN YON MIN YON TAN 'DZIN, ,GTI MUG MUN PAS RAB BSGRIBS BLO GROS NGAN, ,DPER NA BYA NI BYA RGYAR TSUD PA BZHIN, ,NAM YANG 'BYUNG BA RNYED PAR 'GYUR MA YIN,, ,,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO BCU PA, DE NAS BYANG CHUB SEMS DPAS CHOS SNANG BA'I SGO 'DIS YANG BTZUN MO'I 'KHOR LA RTOG CING SNYING RJE CHEN PO'I SMRE BAS SEMS CAN GYI PHYIR SMRE STE, 'DI NA BYIS PA DE DAG NI GSOD PA STE, GSAD PA'I GNAS SU GSAD PAR BYA BA GSOD PA DANG MTSUNGS SO, ,'DI NA BYIS PA DE DAG NI CHAGS PA STE, NGAN SKYAG GIS GANG BA'I SNOD RI MO CAN RNAMS LA MI MKHAS PA CHAGS PA DANG MTSUNGS SO, ,'DI NA BYIS PA DE DAG NI 'BYING BA STE, GLANG PO CHE CHUR BYING BA DANG MTSUNGS SO, ,'DI NA BYIS PA DE DAG NI BTZAS PA STE, BTZON RA'I NANG GI BTZON BTZAS PA DANG MTSUNGS SO, ,'DI NA BYIS PA DE DAG NI MNGON PAR DGA' BA STE, YAG MI GTZANG BA LA DGA' BA DANG MTSUNGS SO, ,'DI NA BYIS PA DE DAG NI CHAGS PA STE, KHYI KENG RUS LA CHAGS PA DANG MTSUNGS SO, ,'DI NA BYIS @168A *, ,PA DE DAG NI RAB TU LHUNG BA STE, PHYE MA LEB MAR ME'I ME LCER LHUNG BA DANG MTSUNGS SO, ,'DI NA BYIS PA DE DAG NI THOGS PA STE, SPRE'U RNYONG LA THOGS PA DANG MTSUNGS SO, ,'DI NA BYIS PA DE DAG NI YONGS SU BZUNG BA STE, NYA RGYAS ZIN PA DANG MCHUNGS SO, ,'DI NA BYIS PA DE DAG NI YONGS SU GTUBS PA STE, SHA TSONG GI GNAS KYI LUG DANG MTSUNGS SO, 'DI NA BYIS PA DE DAG NI BTZUGS PA STE, SDIG PA BYED PA GSAL SHING GI RTZE MO LA BTZUGS PA DANG MTSUNGS SO, ,'DI NA BYIS PA DE DAG NI 'DAM DU 'BYING ZHING THOGS PA STE, GLANG PO CHE RGAN PO 'DAM DU SONG BA DANG MTSUNGS SO, ,'DI NA BYIS PA DE DAG NI PHONGS PA STE, RGYA MTSO CHEN POR GRU'I SNAM BU ZHIG PA DANG MTSUNGS SO, ,'DI NA BYIS PA DE DAG NI RAB TU LHUNG PA STE, DMUS LONG G-YANG SA CHEN POR LHUNG BA DANG MTSUNGS SO, ,'DI NA BYIS PA DE DAG NI YONGS SU ZAD PAR 'GYUR BA STE, SA'I STENG GI MTSAMS SU SONG BA'I CHU DANG MTSUNGS SO, ,'DI NA BYIS PA DE DAG NI NGU BA 'THUL PA STE, BSKAL PA ZAD PA'I SA CHEN PO DANG MTSUNGS SO, ,'DI NA BYIS PA DE DAG NI 'KHOR BA STE, RDZA MKHAN GYI 'KHOR LO'I SHUGS DANG MTSUNGS SO, ,'DI NA BYIS PA DE DAG NI 'BROG RTZOL BA STE, DMUS @168B LONG RI LA PHYIN PA DANG MTSUNGS SO, ,'DI NA BYIS PA DE DAG NI BTAGS SHING 'KHOR BA STE, KHYI LTONG GIS BTAGS PA DANG MTSUNGS SO, ,'DI NA BYIS PA DE DAG NI RNYIS PA STE, DPYID KYI RTZWA DANG NAGS TSAL DANG MTSUNGS SO, ,'DI NA BYIS PA DE DAG NI YONGS SU NYAMS PA STE, MAR GYI NGO'I ZLA BA DANG MTSUNGS SO, ,'DI DAG NI BYIS PA RNAMS LA ZA BA STE; KLU LA NAM MKHA' LDING DANG MTSUNGS SO, ,'DI DAG NI BYIS PA RNAMS LA 'CHA' BA STE, GRU BO CHE LA CHU SRIN CHEN PO DANG MTSUNGS SO, ,'DI DAG NI BYIS PA RNAMS LA 'JOMS PA STE, MGRON PO LA CHOM PO MANG PO DANG MTSUNGS SO, ,'DI DAG NI BYIS PA RNAMS LA 'JIG PA STE, SHING S'A LA LA RLUNG DMAR CHEN PO DANG MTSUNGS SO, ,'DI DAG NI BYIS PA RNAMS LA GSOD PA STE, SKYE BO LA SBRUL MIG GDUG PA DANG MTSUNGS SO, ,BYIS PA RNAMS NI RO MYANG BA'I 'DU SHES KYIS CHOD PA STE, RAL GRI'I SO SBRANG RTZIS BSKUS PAS CHOD PA BZHIN NO, ,'DI DAG NI BYIS PA RNAMS KHYER BA STE, SHING GI PHUNG PO CHU BO'I CHUS KHYER BA DANG MTSUNGS SO, ,'DI DAG NI BYIS PA RNAMS LA RTZEN PA STE, BYIS PA CHUNG NGU RANG GI GCIN RTUG LA RTZE BA DANG MTSUNGS SO, ,'DI DAG NI BYIS PA RNAMS KUN TU SGYUR BA STE, GLANG PO CHE LA LCAGS KYU DANG MTSUNGS SO, ,'DI DAG NI BYIS PA RNAMS LA @169A *, ,SLU BA STE, GYON CAN GYIS BYIS PA'I RANG BZHIN CAN DAG BRID PA BZHIN NO, ,'DI DAG NI BYIS PA DE DAG GI DGE BA'I RTZA BA ZAD PAR BYED PA STE, RGYAN PO LA DGA' BA'I NOR DANG MTSUNGS SO, ,'DI DAG GIS BYIS PA RNAMS LA 'CHOS PA STE, SRIN MO RNAMS KYIS TSONG PA 'CHOS PA DANG MTSUNGS SO, ,BYANG CHUB SEMS DPA' RNAM PA SUM CU RTZA GNYIS PO 'DI DAG GIS BTZUN MO'I 'KHOR LA YONGS SU BRTAG PA BYAS NAS LUS LA MI GTZANG BA'I 'DU SHES RNAM PAR SGOM, MI MTHUN PA'I 'DU SHES NYE BAR SGRUB, SMAD PA'I 'DU SHES SKYED, RANG GI LUS LA'ANG DE DANG 'DRA BAR RNAM PAR SGOM, LUS KYI NYES DMIGS YANG DAG PAR MTHONG, LUS LA LUS SU MNGON PAR ZHEN PA LAS SKYOD, SDUG PA'I 'DU SHES RNAM PAR 'JIG, MI SDUG PA'I 'DU SHES 'JUG PAR BYED, 'OG GI RKANG PA'I MTHIL NAS STENG GI KLAD PA MAN CHAD MI GTZANG BA LAS BYUNG BA DANG, MI GTZANG BA LAS GYUR PA DANG, RTAG TU MI GTZANG BA ZAG PAR MTHONG NGO, ,DE'I TSE TSIGS SU BCAD PA 'DI DAG KYANG SMRAS SO, ,LUS KYI ZHING LAS SKYES SHING SRED PA'I CHU LAS BYUNG BA 'JIG TSOGS MING DU BTAGS, ,MCHI MA RDUL DANG MCHIL MAS BRLAN LA GCIN GYIS BSGYUR CING KHRAG GI THIGS PAS GANG, ,ZHAG DANG RNAG DANG LGANG @169B PA DANG NI KLAD RGYAS DAG DANG SDIG PA RNAMS KYIS GANG, ,RTAG TU NGAN SKYUG ZAG CING KUN KYANG BRI MA RNAM PA SNA TSOGS THA DAD PA, PAGS DANG SO DANG SKRA DANG SPU YIS BSGYUR CING PAGS PAS G-YOGS LA SPU DANG LDAN, ,RGYU MA MCHIN PA MTSER PA CHU SER KHA CHU 'DI DAG BSAGS PA NYAM CHUNG BA, ,RKANG DANG CHU RGYUS DAG GIS SBREL TE 'KHRUL 'KHOR 'DRA ZHING SHA YIS MDZES PAR BYAS, ,SNA TSOGS NAD KYIS GANG ZHING MYA NGAN KHYAB LA BKRES DANG SKOM PAS KUN TU NYEN, ,SKYE BA PO DAG LUS NI BU GA MANG ZHING 'CHI DANG RGA BA'I GNAS GYUR PA; ;MTHONG NAS MKHAS PA SU ZHIG RANG GI LUS LA DGRA DANG MTSUNGS PAR SEMS MI 'GYUR, ,DE LTAR BYANG CHUB SEMS DPA' LUS LA LUS SU SONG BA'I DRAN PAS GNAS PAR GYUR TO; ;NAM MKHA'I DKYIL NA 'KHOD PA'I LHA'I BU RNAMS KYIS LHA'I BU CHOS SBYOD LA 'DI SKAD CES SMRAS SO, ,GROGS PO DON GRUB 'DI NI BTZUN MO'I 'KHOR LA RNAM PAR LTA ZHING 'DZUM YANG STON, ,SEMS NI MI DGA' MIG NI PHYIR ZHING LTA NA PHYI BSHOL BYED DAM CI, ,YANG NA 'DI NI RGYA MTSO'I ZABS DANG MTSUNGS TE 'DI TSAD GZUNG BAR MI NUS SO, ,YANG NA CHAGS PA MED PA 'DI YUL RNAMS LA CHAGS PAR MI 'GYUR GRANG, ,LHA RNAMS KYIS BSKUL BA YI YI DAM BRJED PAR MA GYUR GRANG, ,LHA'I BU CHOS SPYOD KYIS SMRAS PA, DE SKAD @170A *, ,SMRA CI DGOS, 'DI SNGON BYANG CHUB KYI PHYIR SPYOD PA NA'ANG MNGON PAR 'BYUNG BA DANG, GTONG BA LA RNAM PA DE LTA BUR CHAGS PA MED PAR GYUR PA DE KHYED LA MNGON SUM DU GYUR PA YIN NA, DA SRID PA THA MA PA LA GNAS PA CHAGS PAR MI 'GYUR BA LTA SMOS KYANG CI DGOS, DGE SLONG DAG, DE NAS BYANG CHUB SEMS DPA' NGES PAR BYAS PA; YID BYUNG BAR GYUR PA, BLO BRTUL BA, TSUL DU SHIS SHING RINGS THABS MED PAR SKYIL MO KRUNG BSHIG STE GLU DBYANGS LEN PA'I KHANG BZANG NA SHAR PHYOGS SU LTA ZHING 'DUG NAS LAG PA G-YAS PAS RIN PO CHE'I DRA BA SMAD DE, KHANG BZANG GI STENG DU SONG NAS SOR MO BCU THAL MO SBYAR TE SANGS RGYAS THAMS CAD BSAM NAS SANGS RGYAS THAMS CAD LA PHYAG 'TSAL TE NAM MKHA'I DKYIL DU BLTAS PA DANG DES MTHONG BA, NAM MKHA'I DKYIL NA LHA'I DBANG PO MIG STONG DANG LDAN PA LHA BRGYA STONG GIS BSKOR CING, ME TOG DANG, SPOS DANG, PHRENG BA DANG, PHYUG PA DANG, PHYE MA DANG, GOS DANG, GDUGS DANG, RGYAL MTSAN DANG, BA DAN DANG, ME TOG GI RNA RGYAN DANG, RIN PO CHE'I DO SHAL GYI CHUN PO THOGS TE LUS BTUD NAS BYANG CHUB SEMS DPA' LA PHYAG 'TSAL ZHING 'DUG PA MTHONG NGO, ,'JIG RTEN SKYONG BA BZHI'ANG GNOD SBYIN DANG, SRIN PO DANG, DRI @170B ZA DANG, KLU'I TSOGS KYIS BSKOR CING GO CHA SRA BA BGOS, RAL GRI DANG, MDA' GZHU DANG, MDUNG THUNG DANG, MTSON RTZE GNYIS PA DANG, RTZE GSUM PA LAG NA THOGS SHING TSUL DU SHIS PAR NOR BU'I COD PAN DANG, GTZUG PHUD 'PHYANG BAR BYANG CHUB SEMS DPA' LA PHYAG 'TSAL ZHING 'DUG PA MTHONG NGO, ,LHA'I BU NYI MA DANG ZLA BA GNYIS KYANG GLO G-YAS G-YON NA 'DUG PAR MTHONG NGO, ,SKAR MA'I BDAG PO RGYAL YANG NAM PHYED NA SHAR BAR MTHONG NGO, ,MTHONG NAS KYANG BYANG CHUB SEMS DPAS 'DUN PA LA SMRAS PA, NGA YI BKRA SHIS 'DI NI DON KUN GRUB, ,DO MOD GDON MI ZA BAR DON GRUB KYI, ,'DUN PA PHYI BSHOL MA BYED LA GOR DU, ,RTA RGYAL RGYAN GYIS BRGYAN PA NGA LA BYIN, ,DE NAS 'DUN PAS TSIG DE THOS NAS YID MI DGA' ZHING 'DI SKAD CES SMRAS SO, ,SMIN MA RING ZHING PAD-MA'I 'DAB MA RGYAS 'DRA'I SPYAN MNGA' MI YI SENG-GE STON KA'I ZLA BA NYA BA LTA BU DANG, ,ME TOG KU MUD DANG ZLA BA DANG NI DGA' BA'I PAD-MA'I RDZING BU GSAR PAR 'JAM PA'I PAD-MA RGYAS 'DRA'I ZHAL, ,SBYANGS PA'I GSER DANG NYI MA SHAR MA THAG DANG ZLA BA DRI MED GZI DANG MAR BLUGS ME YI 'OD 'PHRO NOR BU GLOG 'OD 'BAR BA'I GZI BRJID CAN, ,GLANG PO RGYAGS PA 'GYING BA'I GLANG PO'I STOBS CAN BA LANG KHYU MCHOG RI DWAGS RGYAL DANG NGANG PA'I STABS @171A *, ,CAN STABS MDZES SHIN TU ZHABS LEGS GANG DU BZHUD, ,BYANG CHUB SEMS DPAS SMRAS PA, 'DUN PA GANG GI DON DU NGA YIS SNGON CHAD LAG PA RKANG PA MIG DANG DE BZHIN MGO DANG LUS BTANG ZHING, ,CHUNG MA DANG NI PHANGS PA'I RGYAL SRID NOR GSER GOS DANG RIN CHEN GANG BA'I SHING RTA GLANG PO RLUNG MGYOGS SHUGS LDAN RTA PHO RTZAL MCHOG LDAN PA BTANG, ,BSKAL PA BYE BA KHRAG KHRIG MANG NAS TSUL KHRIMS NGAS BSRUNGS BZOD PA YONGS BSGOMS BRTZON 'GRUS STOBS DANG BSAM GTAN SHES RAB DAG ,DE LTA MOD KYI BYANG CHUB ZHI BA SHIS PA THOB NAS RGA SHI'I RGYA MTSOR ? CHUD PA'I SEMS CAN NGA YIS YONGS SU DGROL BA'I DUS LA BAB, ,'DUN PAS SMRAS PA, JO JO KHYOD BLTAMS MA THAG TU BLTA BA'I PHYIR BRAM ZE LTAS MKHAN RNAMS LA BSTAN NA, DE DAG GIS RGYAL PO ZAS GTZANG MA'I SPYAN SNGAR LHA KHYOD KYI RGYAL PO'I PHO BRANG 'PHEL BAR 'GYUR RO ZHES LUNG BSTAN CES BDAG GIS THOS SO, ,SMRAS PA, JI LTA BUR 'GYUR, SMRAS PA, GZHON NU 'DI NI BSOD NAMS BRGYA MTSAN LDAN; ;KHYOD KYI BU BTZAS BSOD NAMS GZI BRJID CAN, ,DE NI GLING BZHI'I DBANG PHYUG 'KHOR LOS BSGYUR, ,NOR BDUN DANG NI RAB TU LDAN PAR 'GYUR, ,GAL TE @171B 'JIG RTEN SDUG BSNGAL BLTAS NAS NI, ,BTZUN MO'I 'KHOR SPANGS MNGON PAR BYUNG 'GYUR NA, ,BYANG CHUB RGA SHI MED PA'I GNAS THOB STE, ,CHOS KYI CHU YIS SKYE RGU 'DI TSIM BYED; ;JO JO LUNG BSTAN PA 'DI NI MCHIS TE, 'DI MA MCHIS PA MA LAGS MOD KYI, 'ON KYANG PHAN PAR 'CHAL BA BDAG GI TSIG GSAN PAR GSOL, SMRAS PA, CI ZHIG , SMRAS PA; LHA GCIG GANG GI DON DU 'DI NA KHA CIG BRTUL ZHUGS DANG DKA' THUB RNAM PA DU MA RTZOM STE, RI DWAGS KYI PAGS PA DANG, RAL PA'I THOR TSUGS DANG, RTZWA DANG SHING SHUN GYON PA DANG, SEN MO DANG, SKRA DANG AAG ? TSOM RING POR 'JOG PA DANG, LUS LA GDUNG BA DANG, YONGS SU GDUNG BA RNAM PA DU MA SPRO BAR BGYID DE, BDAG CAG JI LTAR LHA DANG MI'I PHUN SUM TSOGS PA 'THOB PAR 'GYUR ZHES BRTUL ZHUGS DANG DKA' THUB DRAG PO RTZOM MO, ,JO JO PHUN SUM TSOGS PA DE NI KHYOD KYIS BRNYES LAGS TE, RGYAL SRID 'BYOR CING RGYAS LA BDE ZHING LO LEGS TE, NYAMS DGA' ZHING MI DANG SKYE BO MANG POS GANG BA 'DI DANG, SKYED MOS TSAL DAM PA MCHOG ME TOG DANG 'BRAS BU RNAM PA SNA TSOGS KYIS BRGYAN PA, BYA'I TSOGS SNA TSOGS SGRA SKAD YID DU 'ONG BA 'BYIN PA 'DI DAG DANG, RDZING ME TOG AU-TAP LA DANG, PAD-MA DANG, KU MU DA DANG, PAD-MA DKAR @172A *, ,POS MDZES PAR GYUR PA, NGANG PA DANG, RMA BYA DANG, KHU BYUG DANG, DUR PA DANG, KHRUNG KHRUNG DANG, NGANG SKYA SGRA SKAD 'BYIN PA, SHING AA MRA DANG, MYA NGAN 'TSANG DANG, TZA MPA KA DANG, KU RA BA KA DANG, KE SA RA LA SOGS PA SHING ME TOG CHAGS PA SNA TSOGS KYIS 'GRAM 'KHOR BA, RIN PO CHE'I SHING SNA TSOGS KYI PHRENG GIS LEGS PAR BRGYAN PA, MIG MANG RIS SU BKOD PA, RIN PO CHE SNA TSOGS KYI STEGS BUS BSKOR BA, RIN PO CHE'I DRA BA BRES PA, DUS JI LTA BA BZHIN DU YONGS SU SPYAD PA; DGUN DANG, DBYAR DANG, STON DANG, DPYID GNAS BDE BA RNAMS DANG, KHANG BZANG CHEN PO CHOS DANG, CHOS BZANG DANG, BDE BA DANG, MYA NGAN BRAL LA SOGS PA RNAM PAR RGYAL BA'I KHANG PA LTA BU STON KA'I SPRIN 'DRA BA, GNGAS TE SE LTA BU STEGS BU DANG, SGO GANG DANG, RTA BABS DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHYAMS KYIS LEGS PAR BRGYAN PA, RIN PO CHE'I DRIL BU GYER KA'I DRA BA SGRA 'BYUNG BA 'DI DAG DANG, BTZUN MO'I 'KHOR DANG ROL MO'I CHA BYAD RGYUD GCIG PA DANG, PI WANG DANG, 'KHAR RNGA DANG, GLING BU DANG, 'KHAR BA'I SIL KHROL DANG, PHEG DANG, KI-MPA LA DANG, NA KU LA DANG, SGRA SNYAN DANG, RDZA RNGA DANG, PA tA HA DANG, @172B GLU DANG, GAR DANG, ROL MO'I DBYANGS SGRA DANG, GLU DBYANGS SBYAR BA LEGS PAR BSLAB PA DGOD PA DANG, 'JO PA DANG, RTZE BA DANG, DGA' BA DANG, TSUL DU SHIS PA DANG, SPYOD PA MDZES PA 'DI DANG NI LDAN LA, LHA, KHYOD KYANG DAR NI MA YOL TE, GZHON PA THOR BU DAR LA BAB PA, LUS 'JAM PA, LANG TSO LA BAB PA, DBU SKRA NAG PA, 'DOD PA LA MA ROL BA LAGS KYI, SUM CU RTZA GSUM PA'I BDAG PO MIG STONG DANG LDAN PA, LHA'I BDAG PO LTA BUR RE ZHIG DGYES PAR ROL LA, SLAD KYIS BGRES NAS MNGON PAR 'BYUNG BAR MDZOD CIG ,DE'I TSE TSIGS SU BCAD PA 'DI 'AD SMRAS SO, ,SUM CU RTZA GSUM 'JIG RTEN LHA DBANG LTAR, ,DGYES PA'I CHO GA MKHYEN PA DGYES PAR ROL, ,SLAD KYIS BGRES PAR GYUR NAS BRTUL ZHUGS DANG, ,DKA' THUB DAG NI YANG DAG BRTZAM PAR MDZOD, ,BYANG CHUB SEMS DPAS SMRAS PA, 'DUN PA MI DGOS TE, 'DOD PA 'DI DAG NI MI RTAG PA; MI BRTAN PA, THER ZUG MA YIN PA, 'GYUR BA'I CHOS CAN, MYUR DU 'GRO BA, G-YO BA, RI GZAR PO'I CHU'I SHUGS DANG 'DRA BA, ZIL PA'I THIGS PA LTAR RING DU MI GNAS PA, LAG PA BCANGS PA STONG PAS BYIS PA BRID PA LTAR SNYING PO MED PA, CHU SHING GI SNYING PO LTAR MTHU MED PA, SNOD SO MA BTANG BA LTAR MTHAR 'JIG PA, STON @173A *, ,KA'I SPRIN LTAR SKAD CIG BYUNG NAS MED PAR 'GYUR BA, NAM MKHA'I GLOG LTAR RING DU MI GNAS PA, DUG DANG BCAS PA'I SNOD LTAR 'GYUR BA'I SDUG BSNGAL CAN; 'KHRI SHING MA LU TA LTAR MI BDE BA 'BYIN PA, BYIS PA'I BLO CAN RNAMS KYIS 'DOD PAR BYA BA, CHU'I CHU BUR LTA BUR MYUR DU 'GYUR BA'I CHOS CAN, SMIG RGYU LTAR 'DU SHES PHYIN CI LOG LAS BYUNG BA, SGYU MA LTAR SEMS PHYIN CI LOG GIS RNAM PAR BSGRUBS PA, RMI LAM LTAR LTA BA PHYIN CI LOG GIS YONGS SU ZIN PA, RGYA MTSO DGANG DKA' BA LTAR NGOM MI SHES PAR BYED PA, TSWA CHU LTAR SKOM PAR BYED PA, SBRUL GYI MGO LTAR REG PAR DKA' BA, G-YANG SA CHEN PO LTAR MKHAS PA RNAMS KYIS YONGS SU SPANGS PA, SHES RAB CAN RNAMS KYIS 'JIGS PA DANG BCAS PA DANG, RTZOD PA DANG BCAS PA DANG, NYES PA DANG BCAS PA DANG, SKYON DANG BCAS PAR SHES NAS RNAM PAR SPANGS PA, RIG PA RNAMS KYIS SMAD PA, 'PHAGS PA RNAMS KYIS BSHUNG PA, MKHAS PA RNAMS KYIS MA BSNGAGS PA, MI MKHAS PA RNAMS KYIS YONGS SU BZUNG BA, BYIS PA RNAMS KYIS BSTEN PA YIN NO, ,DE'I TSE TSIGS SU BCAD PA 'DI-'ANG SMRAS SO, ,MKHAS PA RNAMS KYIS SBRUL GYI MGO BZHIN SPANGS, ,NGAN SKYUG SNOD BZHIN MI GTZANG RNAM @173B PAR SPANGS, ,'DUN PA DGE BA THAMS CAD 'JIG BYED PAR, ,'DOD PA SHES NAS NGA NI DGA' MI SKYE, ,DE'I TSE 'DUN PA ZUG RDUS ZUG PA BZHIN DU SKAD PHYUNG STE NGU ZHING DE NAS MIG NAS MCHI MA ZAG LA, SDUG BSNGAL BZHIN TSIG 'DI SKAD CES SMRAS SO, ,LHA GCIG GANG GI DON DU 'DI NA KHA CIG BRTUL ZHUGS RNAM PA MANG PO RTZOM STE RI DWAGS PAGS PA 'CHANG, ,SKRA DANG SEN MO AAG TSOM RING DU 'JOG CING DE BZHIN SHING SHUN GYON LA YAN LAG BSKAMS SHING BRTUL ZHUGS GNAS, ,SRE DA DANG NI LDAM LDUM DAG DANG MA DRUS 'BRAS ZA KHA CIG SPYI'U TSUGS 'DUG DANG BA LANG BRTUL ZHUGS GNAS, ,JI LTAR BDAG CAG 'GRO BA'I GTZO BO KHYAD 'PHAGS 'KHOR LOS SGYUR BA MCHOG DANG DE BZHIN 'JIG RTEN SKYONG BA DANG, ,BRGYA BYIN RDO RJE 'CHANG DANG 'THAB BRAL LHA DBANG 'PHRUL BAR 'GYUR SNYAM TSANGS PA'I 'JIG RTEN BSAM GTAN BDE BA 'DOD, ,MI YI DAM PA KHYOD KYI RGYAL SRID 'DI NI SHIN TU 'BYOR CING RAB TU RGYAS LA SHIN TU LO LAGS PA, ,DE BZHIN KUN DGA'I RA BA DAG DANG SKYED MOS TSAL DANG KHANG BZANG MTHON PO RNAM PAR RGYAL BA'I KHANG PA MTSUNGS, ,BUD MED 'DI DAG RNAMS KYANG PI WANG DANG NI GLING BU DAG DANG GLU DANG ROL MO'I DBYANGS SGRA LEN CING MCHIS, ,DGA' BAR BGYID @174A *, ,DANG GAR DANG GLU DBYANGS SBYAR BA SHIN TU BSLAB PA 'DI DAG SPYOD CING DES PA MA BZHUD CIG ,BYANG CHUB SEMS DPAS SMRAS PA, 'DUN PA NYON CIG 'DOD PA'I RGYUS NI SNGON GYI TSE RABS DAG NA BCINGS DANG BTZAS DANG BRDEGS DANG BSDIGS PA SDUG BSNGAL BRGYA DAG NGAS NI BZOD BYAS 'DUS BYAS RNAMS LA NGA YIS YID BYUNG BYAS MA GYUR, ,SNGON CHAD BAG MED DBANG DU SONG ZHING GTI MUG DKRUGS LA LTA BA'I DRA BAS DKRIS SHING MUN GYUR CHOS 'DI MI SHES PA LAS BYUNG STE BDAG TU 'DU SHES 'DZIN DANG TSOR BA PO LAS 'DAS, ,DNGOS PO 'DI DAG THAMS CAD G-YO ZHING 'GYUR LA MI RTAG SPRIN DANG MTSUNGS SHING GLOG DANG 'DRA STE ZIL PA'I THIGS PA 'DRA ZHING GSOB GSOG SNYING PO MED LA BDAG YOD MA YIN STONG PAR GYUR PA STE, ,NGA YI YID NI YUL LA CHAGS PA MED KYI 'DUN PA RTA RGYAL DAM PA BSNGAGS LDAN DA BYIN NGAS SNGON BSAM PA'I BKRA SHIS RDZOGS KYI THAMS CAD ZIL GNON CHOS KUN DBANG PHYUG CHOS RGYAL THUB PAR 'GYUR, ,'DUN PAS SMRAS PA, PAD-MA 'DAB MA RGYAS PA 'DRA BA'I MIG LDAN ZHING, ,DO SHAL NOR BU RIN CHEN SNA TSOGS RNAMS KYIS BRGYAN, ,MKHA' LA SPRIN TSOGS DAG LAS BYUNG BA'I KLOG 'DRA BA, ,MAL NA RNAM PAR @174B MDZES PA 'DI LA MI GZIGS SAM, ,PI WANG DANG NI 'KHAR RNGA DAG DANG SGRA SNYAN DANG, ,RDZA RNGA DAG DANG GLING BU GLU DBYANGS LEN PA DANG, ,BYA BANG RMA BYA KA LA PI-NGKA SGRA 'BYIN PA, , MI'AM CI YI KHYIM 'DRA 'DI YANG 'DOR LAGS SAM, ,SU MA NA DANG AUTPA LA DANG PAR-SHA KA, TZAMPA KA DANG DRI MCHOG PHRENG BA ME TOG BRGYUS, ,DUS KYI AA GA RU MCHOG BDUG PAS RAB BDUGS DANG, ,BYUG PA DAM PA DE DAG LA YANG MI GZIGS SAM, ,SHIN TU DRI GDA' DRI LDAN RO BRO GYA NOM DANG, ,SKYU RUM DAG DANG BSHOS GTZANG SHIN TU LEGS SBYAR DANG; ;SKYEMS KYI RO YANG KHA RA BCAS PA RAB SBYAR BA, ,'DI LA'ANG MI GZIGS PAR NI LHA KHYOD GANG DU BZHUD, ,GRANG BA'I DUS NA BYUG PA DRO BA DAM PA DANG, ,TSA BA'I DUS NA TZAN-DAN SBRUL GYI SNYING PO DANG, ,KA SHI PA YI NA BZA' BZANG PO MANG PO DANG, ,DE DAG LA YANG MI GZIGS LHA KHYOD GANG DU BZHUD, ,LHA YUL DAG NA LHA RNAMS DAG NI CI 'DRA BAR; ;'DOD PA'I YON TAN LNGA PO 'DI DAG RAB 'BYOR PA, ,DGA' ZHING BDE DANG LDAN LA DGYES PAR ROL MDZAD DE, ,DE NAS SH'A-KYA'I DAM PA NAGS TSAL BZHUD PAR MDZOD, , BYANG CHUB SEMS DPAS SMRAS PA, 'DUN PA NGAS NI BSKAL PA MTHA' YAS DPAG TU MED PAR GZUGS DANG SGRA DANG DRI DANG RO DANG REG DANG MI DANG LHA YI 'DOD PA RNAM PA SNA @175A *, ,TSOGS SPYAD KYANG NGOMS PAR GYUR PA MED, ,RGYAL PO'I SRAS MCHOG GYUR TE DBANG PHYUG BYAS SHING GANG TSE GLING BZHI DAG TU 'KHOR LOS BSGYUR BA'I RGYAL POR GYUR NAS RIN CHEN SNA BDUN LDAN ZHING BUD MED NANG NA 'DUG PA DANG, ,SUM CU RTZA GSUM DBANG DANG 'THAB BRAL RAB KYI LHA DBANG BYAS SHING DE DAG NAS NI SHI 'PHOS 'DI 'ONGS SPRUL PA'I LHA YI NANG NA YID 'ONG DPAL LDAN DAM PA NGA YIS SNGON CHAD SPYAD, ,LHA YI GNAS SU DBANG SGYUR BDUD KYI DBANG PO BYAS SHING 'DOD PA 'BYOR PA MCHOG LA SPYAD KYANG NGOMS MA GYUR NA DA CI DMAN PA 'DI LA BSTEN PAS NGA NGOMS 'GYUR RAM DE NI GNAS MIN NO, ,GZHAN YANG 'DUN PA NGA NI SDUG BSNGAL MYA NGAN DGON PA'I 'KHOR BAR GNAS PA NYON MONGS GDUG PAS DKRUGS SHING NYAM NGAS RTAG TU KHYER TE MGON MED SKYABS MED CING, ,GTI MUG MA RIG MUN PA DAG NA RGA DANG NA DANG 'TSI BA'I 'JIGS PA DAG GIS NYEN LA SKYE BA'I SDUG BSNGAL DGRA YIS KUN TU GNOD CING RNAM PAR GNOD PA'I 'GRO BA 'DI BLTAS NAS, ,NGAS 'DIR CHOS KYI GRU BZANG GTONG DANG TSUL KHRIMS BRTUL ZHUGS BZOD PA BRTZON 'GRUS STOBS CAN DAG GI SHING TSOGS BSAGS TE SBYAR NAS LHAG PA'I BSAM PA SNYING PO LDAN PA RDO RJE @175B LTA BUS BRTAN POR GZUNGS BTAB SBYAR, ,GRU DER NGA NYID ZHUGS NAS BDAG NYID RGAL TE BDAG GIS 'GRO BA MTHA' YAS PA DAG 'KHOR BA'I CHU BO 'DAL BAR CHE BA KHRO BA'I DBA' RLABS LDAN PA 'DOD CHAGS 'DZIN KHRI KLONG 'KHYIL DGRA YIS RNAM PAR DKRUGS PA RGAL BAR DKA' LAS BSGRAL LO SNYAM STE NGA SEMS DE 'DRA'O, ,DE PHYIR SRID MTSO DGRAR BCAS LTA BA'I 'DZIN KHRI DANG, ,NYON MONGS SRIN PO YOD PA 'DI LAS BDAG RGAL TE, ,BDAG NYID RGAL BAR GYUR NAS 'GRO BA MTHA' YAS PA, ,RGA MED SHI MED ZHI BA'I THANG LA DGOD PAR BYA; ;DE'I TSE 'DUN PA DE BAS KYANG RAB TU DU ZHING 'DI SKAD CES SMRAS SO, ,LHA, DE LTAR NGES PAR MJAD DAM, BYANG CHUB SEMS DPAS SMRAS PA, 'DUN PA NGA YIS NGES PAR BYAS PA NYON, ,SEMS CAN DGROL PHYIR PHAN PAR BYA PHYIR BRTZON, ,MI G-YO LAS KYANG MI G-YO GNOD PA MED, ,RI RGYAL LHUN PO LTA BUR BRTAN MI G-YO, ,'DUN PAS SMRAS PA, JO JO'I NGES PA CI 'DRA BA ZHIG LAGS, BYANG CHUB SEMS DPAS SMRAS PA, RDO RJE'I GNAM LCAGS DGRA STA MDUNG THUNG MDA' CHAR DANG, ,LCAGS BSKOL GLOG GI TSOGS LTAR RAB TU 'BAR BA DANG, ,RI RTZE KUN TU 'BAR BA MGO STENG RAB 'BAB KYANG, ,NGA NI KHYIM LA 'DOD PA PHYIR YANG MI SKYED DO, ,DE'I TSE LHA'I BU NAM MKHA' LA @176A *, ,'KHOD PA DAG GIS CA CO DANG, GA ZHA'I SGRA BRGYA STONG PHYUNG STE ME TOG GI CHAR YANG PHAB NAS TSIGS SU BCAD PA 'DI DAG SMRAS SO, ,YUL RNAMS LA NI YID KYANG MA CHAGS SHING, ,SEMS CAN DAG PA SNYING RJE SNYING BRTZER LDAN, ,BLO GROS MCHOG LDAN RGYAL GYUR RGYAL GYUR CIG ,MGON PO 'GRO LA MI 'JIGS SBYIN MDZAD PA, ,MKHA' LA RDUL NAG DU BA MJUG RING DAG ,MI CHAGS BZHIN DU SKYES MCHOG THUGS MI CHAGS, ,DRI MED YUL GYI BDE BAS MI GOS TE, ,CHU LAS PAD-MA JI LTAR 'PHAGS PA BZHIN, ,DGE SLONG DAG ,DE NAS LHA'I BU ZHI BA'I BLO GROS DANG, LHA'I BU RTZE BA BKOD PAS BYANG CHUB SEMS DPA'I NGES PA RIG NAS SER SKYA'I GNAS KYI GRONG KHYER CHEN PO'I SKYES PA DANG, BUD MED DANG, KHYE'U DANG, BU MO THAMS CAD GNYID KYIS LOG PAR BYAS SO, ,SGRA THAMS CAD KYANG MI GRAG PAR BYAS SO, , DGE SLONG DAG ,DE NAS BYANG CHUB SEMS DPAS GRONG KHYER GYI SKYE BO THAMS CAD GNYID KYIS LOG PAR RIG ,NAM GYI DGUNG LA BAB PAR RIG ,SKAR MA'I BDAG PO RGYAL DANG LDAN PAR RIG ,DA KHO NA MNGON PAR 'BYUNG BA'I DUS LA BAB PAR RIG NAS 'DUN PA LA SMRAS PA, 'DUN PA DA NGA SKYO BAR MA BYED PAR RTA BSNGAGS LDAN LEGS PAR @176B BRGYAN TE MA THOGS PAR NGA LA BYIN, BYANG CHUB SEMS DPAS TSIG DE SKAD SMRAS MA THAG TU DE NAS SKAD CIG DE NYID LA RGYAL PO CHEN PO BZHIS BYANG CHUB SEMS DPA'I TSIG THOS NAS RANG RANG GI GNAS NAS BYUNG STE BYANG CHUB SEMS DPA' LA MCHOD PA'I LAS KYI PHYIR RANG RANG GI BKOD PAS RINGS PA RINGS PAR SER SKYA'I GNAS KYI GRONG KHYER CHEN POR 'ONGS SO, ,DE NA DRI ZA'I BDAG PO RGYAL PO YUL 'KHOR SRUNG NI, DRI ZA BYE BA KHRAG KHRIG BRGYA STONG PHRAG DU MA DAG DANG LHAN CIG TU SIL SNYAN DANG GLU DBYANGS SNA TSOGS LEN CING SHAR PHYOGS NAS 'ONGS PAR GYUR TE, 'ONGS NAS KYANG SER SKYA'I GNAS KYI GRONG KHYER CHEN PO LA BSKOR BA BYAS TE, JI LTAR 'ONGS PA'I SHAR PHYOGS NYID DU GNAS NAS BYANG CHUB SEMS DPA' LA PHYAG 'TSAL ZHING 'DUG GO ,RGYAL PO CHEN PO 'PHAGS SKYES PO NI, GRUL BUM MU TIG GI DO SHAL SNA TSOGS LAG NA 'PHYANG BA, NOR BU RIN PO CHE SNA TSOGS THOGS PA, SPOS CHU SNA TSOGS KYIS GANG BA'I BUM PA THOGS PA BYE BA KHRAG KHRIG BRGYA STONG PHRAG DU MA DAG DANG LHAN CIG TU LHO PHYOGS NAS 'ONGS PAR GYUR TE; 'ONGS NAS KYANG SER SKYA'I GNAS KYI GRONG KHYER CHEN PO LA BSKOR BA BYAS TE, JI LTAR 'ONGS PA'I LHO PHYOGS NYID DU GNAS NAS BYANG CHUB SEMS DPA' LA PHYAG 'TSAL @177A *, ,ZHING 'DUG GO ,RGYAL PO CHEN PO MIG MI BZANG NI, KLU MU TIG GI DO SHAL SNA TSOGS LAG NA 'PHYANG BA, NOR BU RIN PO CHE SNA TSOGS THOGS PA, SPOS KYI PHYE MA DANG ME TOG GI CHAR GYI SPRIN KUN NAS SLONG BA'I RLUNG DAL ZHING DRI ZHIM PA SNA TSOGS GTONG BA BYE BA KHRAG KHRIG BRGYA STONG PHRAG DU MA DAG DANG LHAN CIG TU NUB PHYOGS NAS 'ONGS PAR GYUR TE, 'ONGS NAS KYANG SER SKYA'I GNAS KYI GRONG KHYER CHEN PO LA BSKOR BA BYAS TE, JI LTAR 'ONGS PA'I NUB PHYOGS NYID DU GNAS NAS BYANG CHUB SEMS DPA' LA PHYAG 'TSAL ZHING 'DUG GO ,RGYAL PO CHEN PO LUS NGAN NI, GNOD SBYIN NOR BU RIN PO CHE SKAR MA'I 'OD ZER THOGS PA, LAG NA MAR ME THOGS PA, SGRON MA 'BAR BA LAG NA THOGS PA, MDA' GZHU DANG, RAL GRI DANG, MDUNG THUNG DANG, MTSON RTZE GNYIS PA DANG, RTZE GSUM PA DANG, 'KHOR LO DANG, MTSON RTZE GCIG PA DANG, 'PHANG MDUNG LA SOGS PA MTSON CHA SNA TSOGS THOGS PA, GO CHA DANG YA LAD SRA BA BGOS PA BYE BA KHRAG KHRIG BRGYA STONG PHRAG DU MA DAG DANG LHAN CIG TU BYANG PHYOGS NAS 'ONGS PAR GYUR TE, 'ONGS NAS KYANG SER SKYA'I GNAS KYI GRONG KHYER CHEN PO LA BSKOR BA BYAS TE, JI LTAR 'ONGS PA'I BYANG @177B PHYOGS NYID DU GNAS NAS BYANG CHUB SEMS DPA' LA PHYAG 'TSAL ZHING 'DUG GO ,LHA'I DBANG PO BRGYA BYIN YANG SUM CU RTZA GSUM PA'I LHA LHA'I ME TOG DANG, SPOS DANG PHRENG BA DANG, BYUG PA DANG, PHYE MA DANG, GOS DANG, GDUGS DANG, RGYAL MTSAN DANG, BA DAN DANG, ME TOG RNA RGYAN DANG, RGYAN THOGS PA RNAMS DANG LHAN CIG TU 'ONGS PAR GYUR TE; 'ONGS NAS KYANG SER SKYA'I GNAS KYI GRONG KHYER CHEN PO LA BSKOR BA BYAS TE, JI LTAR 'ONGS PA'I STENG GI BAR SNANG LA 'KHOR DANG BCAS TE BYANG CHUB SEMS DPA' LA PHYAG 'TSAL ZHING 'DUG GO ,DGE SLONG DAG ,DE LTAR 'DUN PAS BYANG CHUB SEMS DPA'I TSIG THOS NAS MIG MTSIMS ? GANG ZHING BYANG CHUB SEMS DPA' LA 'DI SKAD CES SMRAS SO; ;JO JO, KHYOD NI DUS MKHYEN PA, TSOD MKHYEN PA, RAN PA MKHYEN PA LAGS NA, DA LTAR NI BZHUD PA'I DUS DANG TSOD MA LAGS NA, CI'I SLAD DU BKA' DE SKAD STZAL, BYANG CHUB SEMS DPAS SMRAS PA, 'DUN PA DA NI DUS LA BAB BO, ,SMRAS PA, JO JO, GANG GI DUS LA BAB, BYANG CHUB SEMS DPAS SMRAS PA, SEMS CAN RNAMS KYI DON NI TSOL BA NA, ,BYANG CHUB RGA SHI MED PA'I GNAS THOB NAS, ,'GRO BA DGROL ZHES NGA YIS YUN RING NAS, ,SMON LAM BTAB PA DE YI DUS LA BAB, ,'DI @178A *, ,LA 'DI NI CHOS NYID DE, ,DE LA 'DI SKAD CES BYA'O, ,SA BLA BA DANG BAR SNANG DE BZHIN SKYONG, ,LHA DBANG BRGYA BYIN RANG GI PHYOGS DANG BCAS, ,'THAB BRAL LHA DANG DGA' LDAN 'PHRUL DGA' DANG, ,GZHAN 'PHRUL DBANG BYED LHA RNAMS BRTZON PAR GYUR, ,KLU RGYAL CHU LHA DANG NI GZI CAN DANG, ,MA DROS PA DANG DE BZHIN RGYA MTSO YANG, ,MI MCHOG MNGON PAR BYUNG BA'I DUS BAB PAS, ,DE DAG RNAMS KYANG MCHOD PHYIR BRTZON PAR GYUR, ,GANG DAG GZUGS NA SPYOD PA'I LHA RNAMS DANG, , RTAG TU BASM GTAN SPYOD YUL RAB ZHI SPYAD, ,DE DAG RNAMS KYANG 'JIG RTEN GSUM MCHOD PA, ,MI MCHOG DE LA MCHOD PHYIR MNGON PAR BRTZON, ,SNGON SPYAD SPYOD TSE GROGS POR GYUR PA YI, ,BYANG CHUB SEMS DPA' PHYOGS BCUR LHAGS PA YANG, ,RGYAL BA MNGON PAR 'BYUNG BA LTA BYED CING, ,RJES SU MTHUN PAS MCHOD PA BYA SNYAM BYED, ,GSANG BA'I BDAG PO BDAG NYID CHEN PO DE, ,RDO RJE 'BAR THOGS NAM MKHA'I DKYIL NA GNAS, ,LUS LA GO BGOS STOBS BRTZON RTZAL DANG LDAN; ;GSANG BA LAG NA RDO RJE 'BAR BA THOGS, ,LHA'I BU NYI MA ZLA BA DE GNYIS KYANG, ,G-YAS DANG G-YON NA RAB TU GNAS PAR GYUR, ,SOR MO BCU YI THAL MO @178B SBYAR BYAS TE, ,MNGON PAR 'BYUNG LA RJES SU RTOG PAR BYED, ,SKAR MA RGYAL DE 'KHOR DANG BCAS PA YANG, ,RANG GI LUS NI RGYA CHEN SPRUL BYAS TE, ,MI YI DAM PA DE YI MDUN 'DUG NAS, ,YID DU 'ONG BA'I SGRA NI RAB 'BYIN TE, ,SKAR MA RGYAL LDAN BZHUD PA'I DUS LA BAB, ,DO MOD KHYOD DGE BKRA SHIS THAMS CAD GRUB, ,BDAG KYANG KHYOD DANG THABS CIG MCHI BAR BGYI, ,'DOD CHAGS SEL BA BAR CHAD 'BYUNG MI 'GYUR, ,LHA'I BU YANG DAG SKUL POS BSKUL BYAS PA, ,STOBS DANG BRTZON 'GRUS 'PHAGS PA MYUR DU BZHENGS, ,SDUG BSNGAL NYEN PA'I SEMS CAN THAMS CAD SGRAL, ,DA NI MNGON PAR 'BYUNG BA'I DUS LA BAB, ,LHA RNAMS BYE BA STONG PHRAG MANG PO YANG, ,YID 'ONG ME TOG CHAR PA 'BEBS SHING LHAGS, ,DE NI SKYIL MO KRUNG BCAS MCHOG LA 'DUD, ,LHA YIS BSKOR CING MDZES LA GZI BRJID 'BAR, ,GRONG KHYER NA NI SKYES PA BUD MED KHYE'U DANG BU MO GANG YOD PA, ,DE DAG THAMS CAD YID NGAL GYUR NAS NYAL TE SPYOD LAM RNAMS LAS NYAMS, ,RTA DANG GLANG PO BA LANG NE TZO KHRUNG KHRUNG RMA BYA RI SKEGS RNAMS; ;DE DAG RNAMS KYANG YID NGAL MYUR DU NYAL TE DE DAG GZUGS MI MTHONG, ,SH'A-KYA'I BU GNAG RDO RJE SRA BA MTSON CHA RTZE GNYIS THOGS BKOD DANG, ,GLANG CHEN RTA @179A *, ,DANG SHING RTA RTA BABS MCHOG DRUNG BKOD PA DE DAG NYAL, ,RGYAL PO RGYAL BU RGYAL PO'I SKYE BO KUN KYANG GNYID KYIS LOG PAR GYUR, ,BUD MED TSOGS RNAMS GNYID LOG GOS BRAL GCER BUR GYUR KYANG YONG MA TSOR, ,DE NI TSANGS DBYANGS YID DU 'ONG TSIG KA LA PING KA'I SGRA DBYANGS KYIS, ,NAM PHYED 'DAS TE NAM GYI GUNG LA BAB NAS 'DUN PA DE LA SMRAS, ,'DUN PA RTA PHO BSNGAGS LDAN BZANG PO LEGS BRGYAN LEGS PAR NGA LA BYIN, ,GAL TE NGA LA BYAMS PAR SEMS NA BGEGS MA BYED PAR MYUR DU BYIN, ,'DUN PAS TSIG THOS MCHI MAS MIG GANG RANG GI JO BO DE LA SMRAS, ,SEMS CAN KHA LO SGYUR MCHOG GAR BZHUD BCIBS PAS KHYOD LA CI ZHIG BGYI, ,DUS MKHYEN CING NI TSOD MKHYEN CHOS SPYOD GANG DU'ANG GSHEGS PA'I DUS MA LAGS, ,KHYOD KYI SGO BKUM GTAN PA DAM STZAL SU'ANG CHAB SGO 'BYED MI 'GYUR; ;BRGYA BYIN GYI NI YID KYI SEMS PA'I DBANG GIS SGO YANG BYE BAR GYUR, ,'DUN PAS DE 'DRA MTHONG NAS DGA' ZHING SDUG BSNGAL DE NI MCHI MA 'KHOR, ,KYI HUD BDAG GROGS SU YOD JI LTAR BYA ZHING PHYOGS NI GAR RGYUG SNYAM, ,GZI BRJID LDAN PAS DRAG SHUL CAN GYI TSIG SMRAS BRGYA BYIN 'BA' ZHIG THOS, ,YAN LAG @179B BZHI LDAN DPUNG DANG BCAS PA 'DI YANG 'DI NA CI ZHIG BYED, ,RGYAL PO RGYAL BU RGYAL PO'I SKYE BO DE DAG RNAMS KYIS 'DI MA TSOR, ,BUD MED TSOGS KYANG GNYID LOG LHA RNAMS KYIS NI GRAGS LDAN GNYID LOG BYAS, ,KYI HUD 'DI YIS SNGON CHAD BSAM PA'I SMON LAM THAMS CAD GRUB GYUR CIG ,LHA STONG BYE BA DE DAG DGA' BA'I YID KYIS 'DUN PA DE LA SMRAS, ,'DUN PA RTA MCHOG BSNGAGS LDAN LEGS PAR PHUL CIG 'DREN PA SKYO MA BYA, ,LHA DANG LHA MIN DAG GIS RNGA DUNG RDZA RNGA ROL MO KHRAG KHRIG BYAS, , 'ON KYANG LHAS BSNYAL BA YI GRONG KHYER MCHOG 'DI SAD PAR YOD MA GYUR, ,'DUN PA BAR SNANG DRI MA MED LA LHA YI 'OD RAB MDZES LA LTOS, ,KHYOD KYIS BYANG CHUB SEMS DPA' BYE BA MANG PO MCHOD PHYIR GANG LHAGS LTOS, ,BDE SOGS KHYIM THAB BRGYA BYIN DPUNG BSKOR SGO NA MDZES PAR 'DUG PA DANG, ,LHA DANG LHA MIN MI'AM CI TSOGS GANG DAG MCHOD PHYIR LHAGS LA LTOS, ,'DUN PA DES KYANG LHA TSIG DE THOS BSNGAGS LDAN RTA PHO DE LA SMRAS, ,SEMS CAN KHA LO SGYUR MCHOG 'DI BZHUD KHYOD NI RTA SKAD SGROG CING SHOG ,DE YIS DBYAR GYI KHA DOG CAN DE RMIG PA GSER GYIS BRGYAN BYAS NAS, ,YID MI DGA' BZHIN YON TAN RGYA MTSO MNGA' BA'I BCIBS PAR @180A *, ,DBUL BA BYAS, ,MTSAN MCHOG MNGA' ZHING PHAN MDZAD KHYOD KYI TSIBS 'DI RIGS BZANG DGE BA LAGS, ,KHYOD KYIS SNGON CHAD GANG DGONGS SMON LAM DE GRUB GYUR CIG GSHEGS SU GSOL, ,GANG DAG BGEGS BGYID ZHI BAR GYUR CIG DGONGS PA'I BRTUL ZHUGS GRUB GYUR CIG ,'GRO BA KUN LA BDE DANG MTHO RIS PA DANG ZHI BA SBYIN GYUR CIG ,DE NI GANG TSE MAL NAS LANGS TSE SA 'DI THAMS CAD RNAM DRUG G-YOS, ,RTA RGYAL DAM PA ZLA BA NYA BA'I DKYIL 'KHOR 'DRA BA DE LA ZHON, , SKYONG PA'I LAG PA RNAM DAG PAD-MA DRI MED 'DRA BAS RTA MCHOG BRTEG ,BRGYA BYIN TSANGS LA DE GNYIS DE YI MDUN NA LAM NI 'DI ZHES STON, ,DE YIS GSAL BA DRI MA MED PA'I 'OD BTANGS RNAMS SNANG BAS GSAL, ,DE TSE NGAN SONG KUN ZHI SEMS CAN BDE LDAN NYIN MONGS GNOD PA MED, ,ME TOG CHAR BAB SIL SNYAN BYE BA SGRA BYUNG LHA DANG LHA MIN BSTOD, ,THAMS CAD DGA' DANG LDAN NAS GRONG KHYER MCHOG LA BSKOR BA BYAS TE DONG, ,SKYES BU CHEN PO SONG BAS GRONG KHYER DAM PA'I LHA YANG YID NI DMAN PAR GYUR NAS 'ONGS, ,MDUN DU 'DUG NAS SNYING RJER NGU BA'I YID LDAN DE YIS PAD-MA 'DRA BA'I BZHIN LA SMRAS, ,KHYOD BRAL SGREN MOR MI MDZES SA 'DI @180B GRONG KHYER THAMS CAD MUN PAS KUN TU DKRUGS PAR GYUR, ,DO MOD KHYOD KYIS KHAB 'DI SPANGS NA BDAG LA DGA' BDE BGYID PA 'GA' MA MCHIS, ,SA NA CHAD BYA TSOGS RNAMS KYI SGRA DAG DANG, ,GRAGS PA MTHA' YAS KHYOD NI SAD BGYID PA'I, ,TZUN MO'I 'KHOR GYI GLING BU SNYAN PA DANG, ,BKRA SHIS SGRA DANG GLU SGRA THOS MI ? 'GYUR, ,NYON MONGS BCOM PA KHYOD NI GSHEGS GYUR NA, ,GDUGS MTSAN KHYOD LA MCHOD PA BGYID PA YI, ,LHA DANG GRUB TSOGS SLAN CHAD MTHONG MI 'GYUR, ,LHA YI DRI YANG SLAN CHAD SNOM MI 'GYUR, ,PHRENG BA BTAGS NAS ZHAG LON GYUR PA LTAR, ,KHYOD KYIS DO MOD PHO BRANG DE BZHIN SPANGS, ,KHYOD BZHUD SLAN CHAD GZI BRJID DPAL MA MCHIS, ,GAR LA LTA BA BZHIN DU BDAG LA GDA', ,GRONG KHYER KUN GYI BYIN DANG STOBS 'PHROG STE, ,'DI NI DGON PA 'DRA ZHING MDZES MA LAGS, ,GANG GIS SA 'DIR 'KHOR LO STOBS CAN DU; ;LUNG BSTAN DRANG SRONG TSIG NI DENG RDZUN GYUR, ,BSOD NAMS SDONG PO CHEN PO KHYOD BYUNG NA, ,SA 'DIR SH'A-KYA'I STOBS NI STOBS MA MCHIS, ,RGYAL PO'I PHO BRANG 'KHOR 'DIR GDUNG YANG 'CHAD, ,SH'A-KYA'I TSOGS 'DI BSAM PA RAB TU NYAMS, ,DRI MED DRI BRAL KHYOD NI GAR BZHUD PAR, ,BDAG KYANG KHYOD DANG LHAN CIG MCHI BAR BGYI, , @181A *, ,'ON KYANG THUGS BRTZE THUGS RJE BSKYED NAS NI, ,KHYOD KYIS PHO BRANG 'DI LA GZIGS SU GSOL, ,BLO GROS LDAN PA KHYIM LA BLTAS NAS NI, ,SNYAN PA'I NGA ROS 'DI SKAD TSIG SMRAS TE, ,SKYE 'CHI MTHAR 'BYIN MA THOB BAR DU NI, ,NGA YIS SER SKYA'I GRONG KHYER 'JUG MI BYA, ,RGA SHI MED PA'I GNAS MCHOG 'CHI MED PA, , BYANG CHUB DAM PA NGA YIS MA THOB PAR, ,NGA NI SER SKYA'I GNAS SU MNGON PHYOGS TE, ,'GRENG 'DUG NYAL DANG 'CHAG PA MI BYA 'O, ,GANG TSE 'GRO BA'I GTZO BO PA, ,BYANG CHUB SEMS DPA' DE BYUNG ZHING, ,DE NI MKHA' LAS 'GRO BA'I TSE, ,LHA YI BU MO RNAMS KYIS BSTOD, ,'DI NI SBYIN PA'I GNAS CHEN YIN, ,'DI NI BSOD NAMS ZHING CHEN YIN; ;'DI NI BSOD NAMS 'DOD PA'I ZHING, ,'CHI MED 'BRAS BU SBYIN MDZAD PA, ,SEMS CAN RNAMS LA THUGS RJE BAS, ,'DI YIS BSKAL PA BYE MANG DU, ,SBYIN DANG DUL DANG SDOM PA YIS, ,'DIS NI BYANG CHUB YANG DAG BSGRUBS, ,'DI YI TSUL KHRIMS YONGS SU DAG ,BRTUL ZHUGS BZANG ZHING SPYOD MA NYAMS, ,'DOD PA DAG DANG LONGS SPYOD RNAMS, ,DON DU MI GNYER TSUL KHRIMS SRUNG, ,SEMS CAN YONGS SU BSKYAB PA'I PHYIR, ,'DI NI RTAG TU BZOD PA GSUNG, ,YAN LAG @181B NYID LAG BCAD GYUR KYANG, ,KHRO BA MI MNGA' SDANG MI MNGA', ,'DI NI RTAG TU BRTZON 'GRUS LDAN, ,BSKAL PA BYE BAR SKYO MI MNGA', ,'DI YIS BYANG CHUB YANG DAG BSGRUBS, , MCHOD SBYIN DAG NI BYE BA MDZAD, ,'DI RTAG BSAM GTAN BSAM GTAN PA, ,THUGS NI ZHI ZHING RAB TU ZHI, ,NYON MONGS THAMS CAD BSREGS NAS NI, ,SEMS CAN BYE BA 'GROL BAR 'GYUR, ,'DI NI SHES RAB CHAGS MI MNGA', ,RTOG DANG RNAM PAR RTOG LDAN LAS, ,GROL ZHING THUGS NI RNAM GROL TE, ,RANG BYUNG BA YI RGYAL BAR 'GYUR, ,'DI NI RTAG TU BYAMS THUGS LDAN, ,THUGS RJE YI NI PHA ROL BYON, ,DGA' DANG BTANG SNYOMS BSAM GTAN PA, ,TSANGS PA'I LAM GYI CHO GA MKHYEN, ,'DI NI SHIN TU LHA YI LHA, ,LHA RNAMS KYIS NI MCHOD PA'I 'OS, ,THUGS DGE DAG CING DRI MA BRAL, ,YON TAN KHRAG KHRIG PHA ROL BYON, ,'JIGS PAS NYEN PA RNAMS KYI SKYABS, ,MIG MED RNAMS KYI SGRON MA STE, ,GNOD PA RNAMS KYI SKYABS KYANG LAGS, ,RING NAS NA BA'I SMAN PA LAGS, ,RGYAL PO DAM PA CHOS KYI RGYAL, ,DBANG PO LTA BUR SPYAN STONG MNGA', ,TSANGS PA LTA BUR RANG BYUNG GYUR, ,LUS DANG SEMS NI RAB SBYANGS PA, ,BRTAN ZHING SHES RAB RAB TU MANG, ,DPA' ZHING THUGS NI 'DOD CHAGS BRAL, ,NYON MONGS 'JOMS PAS @182A *, ,DPA' BO STE, ,MA RGYAL DGRA LAS RGYAL BA LAGS, ,SENG-GE LTA BUR BSNYENGS PA SPANGS, ,GLANG PO LTA BUR RAB DUL THUGS, ,KHYU MCHOG LTA BUR TSOGS KYI GTZO, ,BZOD DE 'KHRUG PA RAB TU SPANGS, ,ZLA BA LTA BUR RAB TU GSAL, ,NYI MA LTA BUR SNANG BA MDZAD, ,SGRON MA LTA BUR GSAL MDZAD PA, ,SKAR MA LTA BUR MUN PA BRAL, ,PAD-MA LTA BUR CHAGS MI MNGA', ,ME TOG LTA BUR KHRIMS DRI GDA', ,STON PA LHUN PO LTAR MI GYO, ,DOG SA LTA BUR GSOS SU GYUR, ,RIN CHEN 'BYUNG GNAS LTAR MI 'KHRUGS, ,'DI NI PHUNG PO'I BDUD LAS RGYAL, ,'DI NI 'CHI BDAG BDUD LAS RGYAL, ,'DIS NI LHA YI BDUD KYANG BCOM, ,'DI NI DED DPON CHEN PO STE, ,LAM NGAN DAG NA GNAS RNAMS LA, ,YAN LAG BRGYAD PA LAM GYI MCHOG ,RING POR MI THOGS STON PAR 'GYUR, ,RGA SHI NYON MONGS 'JOMS PA PO, MUN PA RAB RIB RNAM PAR GROL, ,SA DANG LHA YUL GRAGS PA YI, ,RANG BYUNG RGYAL BAR BYON PA LAGS, ,SKYES BU MCHOG GI GZUGS MNGA' BA, ,DPAG TU MED LA BSTOD PAS BSTOD, ,KHYOD LA BSTOD PA'I BSOD NAMS DES, ,SMRA BA'I SENG-GE 'DRA BAR SHOG ,DGE SLONG DAG ,DE LTAR BYANG CHUB SEMS DPA' MNGON PAR BYUNG @182B NAS SH'A-KYA'I YUL DANG, KE'U TA'I YUL DANG, GYAD YUL LAS 'DAS TE ME NE YA'I YUL GYI GRONG RDAL RJES SU DPAG PA ZHES BYA BA NAS DPAG TSAD DRUG TU BYANG CHUB SEMS DPA' PHYIN PA DANG NAM NANGS PAR GYUR TO, ,DE NAS BYANG CHUB SEMS DPA' RTA BSNGAGS LDAN LAS BABS TE SA LA 'DUG NAS LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO'I TSOGS CHEN PO SLAR BKYE'O, ,SLAR BKYE NAS KYANG DE 'DI SNYAM DU SEMS TE, RGYAN 'DI DAG DANG, RTA BSNGAGS LDAN YANG 'DUN PA'I LAG TU GTAD DE SLAR GTANG NGO SNYAM MO, ,DE NAS BYANG CHUB SEMS DPAS 'DUN PA LA BOS TE 'DI SKAD CES SMRAS SO, ,'DUN PA, KHYOD SONG LA RGYAN 'DI DAG DANG, RTA BSNGAGS LDAN KHYER TE SLAR LOG CIG ,SA PHYOGS GANG NAS 'DUN PA SLAR LOG PA DER MCHOD RTEN BRTZIGS TE, DENG SANG DU'ANG MCHOD RTEN DE LA 'DUN PA SLAR LOG PA'I MCHOD RTEN ZHES GRAGS PA YIN NO, ,YANG BYANG CHUB SEMS DPA' 'DI SNYAM DU SEMS TE, JI LTAR NA GTZUG PHUD KYANG YOD LA RAB TU BYUNG BA ZHES BYA BAR YANG 'GYUR SNYAM NAS DES RAL GRIS GTZUG PHUD BCAD DE BAR SNANG LA BOR BA DANG, DE SUM CU RTZA GSUM PA'I LHA RNAMS KYIS MCHOD PA'I PHYIR BLANGS TE, @183A *, ,DENG SANG DU'ANG SUM CU RTZA GSUM PA'I LHA RNAMS GTZUG PHUD KYI DUS STON BYED DO, ,DER MCHOD RTEN YANG BYAS TE, DENG SANG DU'ANG MCHOD RTEN DE LA GTZUG PHUD BLANGS PA'I MCHOD RTEN ZHES MING DU CHAGS SO, ,YANG BYANG CHUB SEMS DPA' 'DI SNYAM DU SEMS TE, RAB TU BYUNG YANG GOS KA SHI PA GYON PA JI LTAR RUNG GI, GAL TE NAGS TSAL GYI GNAS NAS TSUL DANG MTHUN PA'I GOS SHIG RNYED NA NI LEGS SO SNYAM DU BSAM PA DANG, DE NAS GNAS GTZANG MA'I RIS KYI LHA RNAMS 'DI SNYAM DU SEMS TE, BYANG CHUB SEMS DPA' LA NGUR SMRIG DGOS PAR GYUR TO SNYAM MO, ,DE NA LHA'I BU GCIG CIG LHA'I GZUGS MI MNGON PAR BYAS TE RNGON PA'I GZUGS LTA BUS GOS NGUR SMRIG BGOS NAS BYANG CHUB SEMS DPA'I MDUN DU PHYIN TO, ,DE NAS BYANG CHUB SEMS DPAS DE LA 'DI SKAD CES SMRAS SO, ,GAL TE GROGS PO KHYOD KYIS GOS NGUR SMRIG RNAMS KHO BO LA BYIN NA, KHO BO'I GOS KA SHI PA 'DI RNAMS KYANG KHYOD LA SBYIN NO, ,DES SMRAS PA, GOS 'DI DAG KYANG KHYOD LA MDZES LA; 'O NI RNAMS KYANG KHO BO LA MDZES SO, ,BYANG CHUB SEMS DPAS SMRAS PA, KHO BOS KHYOD LA BSLANG NGO, ,DE NAS LHA'I BU RNGON PA'I GZUGS LTA BU DES GOS NGUR SMRIG @183B RNAMS BYANG CHUB SEMS DPA' LA BYIN TE GOS KA SHI PA RNAMS KYANG BLANGS SO, ,DE NAS LHA'I BU DES MOS PA BSKYED DE LAG PA GNYI GAS GOS DE DAG BLANGS NAS SPYI BO LA BZHAG STE, DE DAG LA MCHOD PA DANG BKUR STI BYA BA'I PHYIR DE NYID NAS LHA'I 'JIG RTEN DU SONG NGO, ,DE'ANG 'DUN PAS MTHONG BAR GYUR NAS DES MCHOD RTEN BRTZIGS TE; DENG SANG DU'ANG MCHOD RTEN DE LA NGUR SMRIG BLANGS PA ZHES MING DU CHAGS SO, ,GANG GI TSE BYANG CHUB SEMS DPAS GTZUG PHUD BCAD NAS GOS NGUR SMRIG RNAMS BGOS PA DE'I TSE LHA'I BU BRGYA STONG DGA' ZHING MGU LA TSIM ZHING YID RANGS TE MCHOG TU RAB TU DGA' NAS DGA' BA DANG, YID BDE BA SKYES TE, KYE GROGS PO DAG, GZHON NU DON GRUB RAB TU BYUNG NGO, ,DE NI BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS CHOS KYI 'KHOR LO BSKOR BAR 'GYUR TE, SEMS CAN SKYE BA'I CHOS CAN GRANGS MED PA DAG SKYE BA LAS YONGS SU 'GROL BAR 'GYUR BA NAS RGA BA DANG, 'CHI BA DANG, NA BA DANG, MYA NGAN DANG, SMRE SNGAGS 'DON BA DANG, SDUG BSNGAL BA DANG, YID MI BDE BA DANG, 'KHRUG PA DAG LAS SEMS CAN RNAMS YONGS SU BKOL TE 'KHOR BA'I RGYA MTSO'I PHA ROL TU BSGRAL NAS BDE @184A *, ,BA; 'JIGS PA MED PA, MYA NGAN MED PA, GNOD PA MED PA, ZHI BA, RDUL DANG BRAL BA, 'CHI BA MED PA'I CHOS KYI DBYINGS LA 'GOD PAR 'GYUR RO, , ZHES NAS AA LA LA ZHES BYA BA DANG, CA CO DANG GA ZHA'I SGRA SKAD PHYUNG BAR GYUR TO, ,SGRA DE'ANG GCIG NAS GCIG TU BRGYUD NAS 'OG MIN GYI GNAS KYI BAR DU GRAGS PAR GYUR TO; ;DE NAS BTZUN MO'I 'KHOR RNAMS KYIS GZHON NU MA MTHONG NAS DPYID DANG, DGUN DANG, DBYAR GNAS PA'I KHANG BZANG RNAMS DANG, KHRI RNAMS DANG, KHYIM RNAMS SU TSOL ZHING GANG GI TSE MA RNYED PA DE'I TSE GCIG TU 'DUS NAS BYA KUR RA MO BZHIN DUD MO THON PAR GYUR TO, ,DE NA BUD MED KHA CIG NI SHIN TU MYA NGAN GYIS NYAM THAG NAS KYI HUD BU ZHES 'DZER CING DU'O, ,KHA CIG NI KYI HUD MING PO ZHES 'DZER CING DU'O, ,KHA CIG NI KYI HUD KHYIM THAB CES 'DZER TO, ,KHA CIG NI JO BO ZHES 'DZER TO, ,KHA CIG NI SDUG PA'I TSIG SNA TSOGS SMRA'O, ,KHA CIG NI LUS RDEB CING DU'O, ,KHA CIG NI MGO 'BAL LO, ,KHA CIG NI GCIG GI GDONG DU GCIG LTA ZHING DU'O, ,KHA CIG NI MIG BSGYUR CING DU'O, ,KHA CIG NI LAG PA BRLA LA RDEB CING DU'O, ,KHA CIG NI BRANG RDUNG ZHING DU'O, ,KHA CIG NI LAG PA DPUNG PAR @184B RDEB CING DU'O, ,KHA CIG NI MGOR RDUNG ZHING DU'O, ,KHA CIG NI MGO LA SA 'THOR ZHING DU'O, ,KHA CIG NI SKRA 'JIG CING DU'O, ,KHA CIG NI SKRA 'BAL ZHING DU'O, ,KHA CIG NI LAG PA BSTOD DE BSGRENG NAS CHO DE 'DON TO, ,KHA CIG NI RI DWAGS MO DUG MDAS PHOG PA BZHIN DU GLO BUR DU RGYUG CING DU'O, ,KHA CIG NI GDONG GOS KYIS G-YOGS SHING DU'O, ,KHA CIG NI CHU SHING RLUNG DMAR GYIS BSKYOD PA BZHIN DU LUS 'KHYOR ZHING DU'O, ,KHA CIG NI SA LA 'GYEL TE MA SHI TZAM DU GYUR TO, ,KHA CIG NI NYA CHU NAS BTON PA BZHIN DU SA LA 'GRE LDOG CING DU'O, ,KHA CIG NI SHING RTZA NAS PHYUNG BA BZHIN DU GLO BUR DU SA LA 'GYEL NAS DU'O, ,SGRA DE'ANG RGYAL POS THOS NAS SH'A-KYA RNAMS LA SMRAS PA, CI'I PHYIR BTZUN MO'I 'KHOR NA SGRA CHEN PO 'DI GRAG ,SH'A-KYA RNAMS KYIS SHES NAS SMRAS PA, RGYAL PO CHEN PO, GZHON NU BTZUN MO'I 'KHOR NA MI GDA' ZHES GDA'O, ,RGYAL POS SMRAS PA, MYUR DU GRONG KHYER GYI SGO RNAMS CHOD LA NANG DU GZHON NU TSOL CIG ,DE DAG GIS PHYI NANG DU BTZAL KYANG MA RNYED NAS SKYE RGU'I BDAG MO CHEN MO GOO TA MA'I SMRE SDAGS 'DON TE SA LA 'GRE LDOG CING RGYAL PO ZAS GTZANG MA LA 'DI SKAD CES SMRAS SO, ,RGYAL PO CHEN PO, BDAG BU DANG MYUR DU SPRAD DU GSOL, ,DE @185A *, ,NAS RGYAL POS PHYOGS BZHIR PHO NYA RTA PA BKYE STE, KHYED DENG LA GZHON NU MA RNYED KYI BAR DU SLAR MA LDOG CIG, MTSAN MKHAN DANG LTAS MKHAN RNAMS KYIS KYANG BYANG CHUB SEMS DPA' NI BKRA SHIS KYI CHAB SGO NAS MNGON PAR 'BYUNG NGO ZHES LUNG BSTAN NAS DE DAG BKRA SHIS KYI SGOR DONG BA DANG, LAM GYI PAR ZHIG NA ME TOG GI CHAR 'BAB PAR MTHONG NGO, ,DE NAS DE DAG 'DI SNYAM DU SEMS TE, GZHON NU NI LAM 'DI NAS BYUNG NGO SNYAM NAS DE DAG CUNG ZAD CIG PHA ZAD DU SONG BA DANG, LHA'I BU BYANG CHUB SEMS DPA'I GOS KA SHI PA RNAMS MGO LA THOGS TE 'GRO BA DE MTHONG NAS DE DAG 'DI SNYAM DU SEMS TE, 'DI DAG NI GZHON NU'I GOS KA SHI PA RNAMS YIN NA, GOS 'DI DAG GI PHYIR 'DIS GZHON NU BSAD DE 'DI DAG KHYER BAR MA GYUR TAM SNYAM MO, ,DE NAS YANG DE DAG GIS DE'I PHYI BZHIN DU 'DUN PA RTA BSNGAGS LDAN DANG, RGYAN RNAMS THOGS TE 'ONG BA MTHONG NGO, ,DE NAS DE DAG PHAN TSUN DU SMRAS PA, KYE 'DUN PA RTA BSNGAGS LDAN KHRID DE 'ONG GI, DE LA MA DRIS KYI BAR DU HUR 'DUMS MA BYED CIG CES SMRAS NAS DE DAG GIS 'DUN PA LA DRIS PA, KYE 'DUN PA, GOS KA SHI PA 'DI DAG GI PHYIR MI 'DIS GZHON @185B NU BKRONGS PAR MA GYUR GRANG, 'DUN PAS SMRAS PA, DE LTA NI MA YIN TE, 'DIS KYANG GZHON NU LA GOS NGUR SMRIG RNAMS PHUL LO, ,GZHON NUS KYANG NA BZA' KA SHI PA 'DI RNAMS 'DI LA BYIN NO, ,DE NAS LHA'I BU DES DE DAG MCHOD PA'I PHYIR GOS DE RNAMS LAG PA GNYI GAS SPYI BO LA THOGS TE, DE NYID NAS LHA'I 'JIG RTEN DU SONG NGO, ,DE DAG GIS YANG 'DUN PA LA DRIS PA, 'DI LA JI SNYAM DU SEMS, KHO BO CAG SH'A-KYA GZHON NU ZLOG TU DONG NA NUS SAM, DES SMRAS PA, MI NUS SO, ,GZHON NU NI BRTZON 'GRUS DANG BRTUL BA BRTAN PA STE, NGA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS MA RGYAS KYI BAR DU SER SKYA'I GNAS KYI GRONG KHYER CHEN POR MI 'JUG GO ZHES DE DE SKAD GSUNG PAS PHYIR MI LDOG STE, GZHON NUS JI SKAD GSUNGS PA DE DE BZHIN DU 'GYUR RO, ,DE CI'I PHYIR ZHE NA, GZHON NU NI BRTZON 'GRUS DANG BRTUL BA BRTAN PAS SLAR MI LDOG GO, DE NAS 'DUN PA RTA BSNGAGS LDAN DANG, RGYAN RNAMS KHYER TE BTZUN MO'I 'KHOR GYI NANG DU PHYIN TO, ,DE NAS RING BA ZHIG LON PA DANG, RGYAN DE DAG SH'A-KYA GZHON NU BZANG PO DANG, MING CHEN DANG, MA 'GAGS PAS BTEG PA DANG, SRED MED KYI BU CHEN PO LTAR MKHREGS PA DANG, SRED MED KYI BU @186A *, ,BYED LTAR MKHREGS PA'I RGYAN DE RNAMS DE DAG GIS MA THEG GO ,GANG GI TSE DE DAG GANG GIS KYANG THEG PAR MA NUS PA DE'I TSE SKYE RGU'I BDAG MO CHEN MO GOO TA MA'I 'DI SNYAM DU SEMS TE, BDAG GIS JI SRID DU RGYAN 'DI DAG MTHONG BA DE SRID DU BDAG GI SNYING LA MYA NGAN DU 'GYUR GYI, BDAG GIS RGYAN 'DI DAG RDZING DU 'DOR RO SNYAM MO, ,DE NAS SKYE RGU'I BDAG MO CHEN MO GOO TA MI'AS RGYAN DE DAG RDZING DU BOR TE, DENG SANG DU'ANG RGYAN GYI RDZING ZHES MING DU CHAGS SO, ,DE LA 'DI SKAD CES BYA STE, GANG TSE BYANG CHUB SEMS DPA' MKHAS PA DPA' BO BYUNG, ,DE TSE SER SKYA'I GRONG KHYER PA DAG MTHA' DAG SAD, ,KUN GYI SNYING LA GZHON NU MAL NA NYAL SNYAM SEMS, ,MGU ZHING RAB TU DGA' NAS PHAN TSUN TSIG KYANG SMRA, ,SA 'TSO MA DANG DE BZHIN BTZUN MO'I 'KHOR RNAMS SAD, ,MAL DU BLTAS NA BYANG CHUB SEMS DPA' MA MTHONG NAS, ,KYI HUD BDAG BSLUS BYANG CHUB SEMS DPA' GAR BZHUD CES, ,RGYAL PO'I KHYIM DU DUD MO'I SGRA YANG BYUNG BAR GYUR, ,RGYAL POS SGRA DE THOS NAS SA LA 'GYEL GYUR TE, ,AE MA NGA YI BU GCIG PA ZHES DUD MO PHYUNG, ,DE NAS DE LA BUM PA'I CHU BLUGS KHRUS BYAS NAS, ,SH'A-KYA MANG PO DAG GIS DE NI @186B DBUGS KYANG PHYUNG, ,SA 'TSOM YANG MAL NAS SA LA LHUNG BAR GYUR, ,SKRA RNAMS 'BAL ZHING RGYAN RNAMS DAG KYANG BKROL BAR GYUR, ,SDUG PA KUN DANG BRAL BA RING POR MI THOGS ZHES, ,'DREN PAS BDAG LA SNGON GSUNGS KYE MA LEGS PAR GSUNGS, ,GZUGS NI GZUGS BZANG SHIN TU DRI MED YAN LAG SPRAS, ,GSAL ZHING RNAM DAG 'GRO BA RNAMS KYI YID 'ONG SDUG ,DPAL YON LDAN PA BSNGAGS PA LHA MIS MCHOD PA'I 'OS, ,BDAG NI MAL DU BOR TE KHYOD NI GANG DU BZHUD, ,YON TAN MNGA' BA'I BYANG CHUB SEMS DPA' MA MTHONG BAR, ,SKOM YANG MI 'TSAL RGYAGS PA RNAMS KYIS RGYAGS MI BGYI, ,SA LA NYAL ZHING RAL PA RNAMS KYANG THOGS PAR BGYI, ,KHRUS BGYI SPANGS TE BRTUL ZHUGS DKA' THUB SPYAD PAR BGYI, ,SKYED MOS TSAL KUN LO MA ME TOG 'BRAS MA MCHIS, ,RNAM DAG SE MO DO YANG MUN RDUL PHYAG DAR 'DRA, ,MI MCHOG DAM PA KHYOD KYIS SPANGS PAR GANG GYUR PA'I, ,GRONG KHYER KHYIM RNAMS MDZES PA MA LAGS 'BROG DANG MTSUNGS, ,KYI HUD GLU DBYANGS RAB TU SNYAN PA'I SGRA SKAD CAN, , KYI HUD LHUG LHUG PA YI RGYAN THOGS BTZUN MO'I 'KHOR, ,KYI HUD GSER GYI DRA BAS KHYAB PA'I BAR SNANG YANG, ,YON TAN LDAN DANG BRAL BAS PHYIN CHAD MI BLTA 'O, ,SRU MO @187A *, ,DE YANG SHIN TU SDUG BSNGAL THOB GYUR CING, ,SH'A-KYA'I BU MO MA NGU ZHIG CES DBUGS KYANG 'BYIN, ,NGA NI 'JIG RTEN DAG NA RGA SHI MTHAR BYED CES, , MI MCHOG DAM PA DES NI SNGON YANG SMRAS PA YIN, ,DRANG SRONG CHEN PO DGE BA STONG DAG SPYAD PA DE, ,NAM PHYED NAS NI DPAG TSAD DRUG TU SONG GYUR NAS, ,'DUN PA DE LA RTA MCHOG DANG NI RGYAN RNAMS GTAD, ,'DUN PA 'DI DAG KHYER LA SER SKYA'I GRONG SONG ZHIG, YAB DANG YUM DAG LA YANG NGA YI TSIG GIS NI, ,GZHON NU SONG GI SLAR ZHING THUGS NGAN MA MDZAD CIG, BYANG CHUB SANGS RGYAS NAS NI SLAR 'DIR MCHI BAR BGYI, ,CHOS RNAMS GSAN NAS THUGS KYANG ZHI BAR 'GYUR ZHES SMROS, ,'DUN PA DE BZHIN 'DREN PA LA NI SLAR SMRAS PA, ,'DUN PA LEGS LDAN BYANG CHUB SEMS DPA' GAR KHRID CES, ,MI MCHOG GNYEN GYI TSOGS RNAMS BDAG LA RDEG 'GYUR GYI; ;BDAG LA NUS PA MA MCHIS STOBS DANG MTHU MA MCHIS, ,BYANG CHUB SEMS DPAS SLAR SMRAS 'DUN PA MA 'JIGS SHIG, NGA YI GNYEN GYI TSOGS RNAMS DGA' BAR GYUR NAS NI, ,KHYOD LA STON PA'I 'DU SHES RTAG TU BSGOMS GYUR TE, ,NGA LA BYAMS PA BZHIN DU KHYOD LA'ANG BYAMS PAR 'GYUR, ,'DUN PA RTA MCHOG DANG NI @187B RGYAN RNAMS KHYER NAS SU, ,MI MCHOG DAM PA DE YI SKYED MOS TSAL DU PHYIN, ,SKYED MOS TSAL GYI SRUNG MA DGA' BA'I SHUGS SKYES NAS, ,KUN TU DGA' BA'I SGRA NI SH'A-KYA RNAMS LA SMRAS; ;GZHON NU 'DI YI RTA MCHOG DANG NI 'DUN PA YANG, ,SKYED MOS TSAL DU PHYIN GYI THUGS NGAN MA MDZAD CIG, RGYAL POS DE SKAD THOS NAS SH'A-KYAS BSKOR NAS NI, , RAB TU DGA' BA'I SHUGS SKYES SKYED MOS TSAL DU PHYIN, ,SA 'TSOS BYANG CHUB SEMS DPA' BLO GROS BRTAN RIG NAS, ,TSIG DE LA NI YID MA CHES TE DGAR MA GYUR, ,GZHON NU BYANG CHUB MA THOB BAR DU PHYIR 'DIR YANG, ,BYON CING LDOG PAR 'GYUR BA DE NI GNAS MA YIN, ,RGYAL POS RTA MCHOG DANG NI 'DUN PA DE MTHONG NAS, ,DUD MO BTAB STE SA YI STENG DU 'GYEL BAR GYUR, ,KYI HUD NGA'I BU GLING BU ROL MO SGRA DBYANGS MKHAS, ,RGYAL SRID THAMS CAD POR TE KHYOD NI GANG DU SONG, ,'DUN PA KHYOD KYIS NGA LA 'DIR NI LEGS PAR SMROS, ,BYANG CHUB SEMS DPA' GAR SONG SBYOR BA CI 'DRA ZHIG ,SGO NI SU YIS PHYE ZHING GANG GIS KHRID PAR GYUR, ,LHA TSOGS RNAMS KYIS DE LA MCHOD PA JI LTAR BYAS, ,'DUN PAS SMRAS PA RGYAL PO'I DBANG PO BDAG LA GSON, ,DGUNG PHYED GRONG KHYER BYIS PA RGAN PO GNYID LOG NAS, ,BYANG CHUB SEMS DPA' @188A *, ,'JAM DBYANGS BDAG LA 'DI SKAD DU, ,'DUN PA RTA RGYAL NGA LA MYUR DU BYIN ZHES GSUNG, ,BDAG GIS SKYES PA'I TSOGS DANG BUD MED TSOGS KYANG BSLANG, ,DE DAG LOG CING RAB TU LOG PAS TSIG MA THOS, ,BDAG NI NGU ZHING BDAG GIS CHIBS KYI RGYAL PO PHUL, ,PHAN PA MDZAD PA GANG DU DGYES PAR GSHEGS ZHES BGYIS, ,BRGYA BYIN GYIS NI 'KHRUL 'KHOR LDAN PA'I CHAB SGO PHYE, ,'JIG RTEN SKYONG BA BZHIS NI CHIBS KYI RKANG LAG BTEG ,DPA' BO BCIBS NAS STONG GSUM LAM RNAMS RAB TU G-YOS, ,NAM MKHA' SHIN TU YANGS PA 'DI LAS GSHEGS GYUR TE, ,'OD NI RAB TU BTANG BAS MUN PA MUN NAG BSAL, ,ME TOG BAB CING SIL SNYAN BRGYA DAG SGRA YANG BYUNG, ,LHA DANG DE BZHIN LHA YI BU MO RNAMS KYIS BSTOD, ,NAM MKHA' LAS NI LHA TSOGS RNAMS KYIS BSKOR TE GSHEGS, , 'DUN PA RTA MCHOG DANG NI RGYAN RNAMS KHYER NAS SU, ,DE NI DU ZHING BTZUN MO'I 'KHOR DU PHYIN PA DANG, ,SA 'TSOS 'DUN PA DE DANG RTA MCHOG MTHONG GYUR NAS, ,RAB TU BRGYAL BAR GYUR TE SA YI STENG DU 'GYEL, ,BUD MED TSOGS MANG THAMS CAD RAB TU BRTZON PAR NI, ,CHU DAG BLANGS SHING SH'A-KYA'I BU MO KHRU BAR BYED, ,MYA NGAN RNYED @188B PAS 'CHI BA'I DUS BYED GYUR DU 'ONG, ,PHANGS PA GNYIS DANG BRAL BAR 'GYUR DU 'ONG SNYAM BYED, ,SH'A-KYA'I BU MO SDUG BSNGAL GYUR PA MTHU BSKYED NAS, ,RTA YI RGYAL PO RTA MCHOG DE YI MGUL NAS 'JUS, ,SNGON CHAD DGA' BAS RTZE BA DAG KYANG DRAN BYAS NAS, ,MYA NGAN GYUR CING SNA TSOGS TSIG KYANG RAB TU SMRA, ,KYI HUD BDAG GI DGA' SKYED KYI HUD BDAG GI MI MCHOG DRI MED ZLA BA'I ZHAL MNGA' BA, ,KYI HUD BDAG GI GZUGS MCHOG GZUGS CAN KYI HUD BDAG GI MTSAN MCHOG DRI MED GZI BRJID LDAN, ,KYI HUD BDAG GI YAN LAG MA SMAD LEGS PAR 'KHRUNGS PA RIM GYIS 'PHAGS PA MNYAM MED PA, ,KYI HUD BDAG GI YON TAN MCHOG LDAN LHA MIS MCHOD PA THUGS RJE CHEN PO MCHOG LDAN PA; ;KYI HUD BDAG GI STOBS LDAN SRED MED BU YI MTHU DANG LDAN PA DGRA YI TSOGS BCOM PA, ,KYI HUD BDAG GI SHIN TU 'JAM DBYANGS KA LA PING-KA'I SGRA SKAD TSANGS DBYANGS SNYAN LDAN PA, ,KYI HUD BDAG GI GRAGS PA MTHA' YAS BSOD NAMS BRGYAS 'PHAGS BSOD NAMS RGYA CHEN MNGA' BA PO, ,KYI HUD BDAG GI BSNGAGS PA MTHA' YAS YON TAN TSOGS BRGYAN DRANG SRONG TSOGS RNAMS DGA' MDZAD PA, ,KYI HUD BDAG GI NAGS MCHOG BUNG BA SGRA 'BYIN LUM BI NI DER BLTAM PA LEGS BLTAMS PA, ,KYI @189A *, ,HUD BDAG GI SGRA GRAGS LHA MI RNAMS KYIS MNGON PAR MCHOD PA'I YE SHES SDONG PO CHE, ,KYI HUD BDAG GI RO BRO DAM PA BIM-PA'I SGROS CAN PAD-MA'I SPYAN MNGA' GSER MDOG 'DRA, ,KYI HUD BDAG GI SHIN TU RNAM DAG TSEMS LDAN BA ZHO BA MO LTA BU'I TSEMS LDAN PA, ,KYI HUD BDAG GI SHANGS LEGS SMIN LEGS SMIN MTSAMS BAR NA DRI MED MDZOD SPU GNAS PA PO, ,KYI HUD BDAG GI DPUNG MGO RAB ZLUM GZHU 'DRA'I RKED PA AE NA'I BYIN PA RKED PA ZLUM, ,KYI HUD BDAG GI GLANG PO'I SNA 'DRA BRLA LDAN PHYAG ZHABS RNAM DAG MDZES PA'I SEN MO CAN, ,DE YI RGYAN RNAMS 'DI DAG BSOD NAMS DAG GIS BYAS PA RGYAL PO RAB TU DGA' BYED PA, ,KYI HUD BDAG GI GLU DANG DBYANGS SGRA DAM PA ME TOG BYUG PA BZANG PO DUS BZANG BA, ,KYI HUD BDAG GI ME TOG SPOS RNAMS GLU LEN DAG DANG BTZUN MO'I 'KHOR NI DGA' BYED PA, ,KYI HUD BSNGAGS LDAN LEGS SKYES NGA YI KHYIM THAB GROGS PO YIN NA KHYOD KYIS GANG DU KHRID, ,KYI HUD 'DUN MA SNYING RJE MED PA MI YI DAM PA BZHUNG TSE SGRON CING SLONG MA PHOD, , DO MOD GRONG KHYER DAM PA 'DI NAS MI YI KHA LO SGYUR BA THUGS RJE LDAN GSHEGS TE, ,PHAN PA MDZAD PA 'DI NI GSHEGS ZHES SKABS DER TSIG GCIG TZAM ZHIG @189B CI YI PHYIR MA SMRAS, ,PHAN PA MDZAD PA JI LTAR GSHEGS SHING RGYAL PO'I PHO BRANG 'DI NAS SU YIS PHYUNG BA BYAS, ,GANG GIS PHYOGS GSHEGS NAGS TSAL GEL BA'I LHA MO DE YI GROGS SU GYUR BA DPAL YON LDAN, ,'DUN PA KHO MO SHIN TU SDUG BSNGAL GTER BSTAN NAS NI MIG PHYUNG 'DRA BAS MIG BYIN CIG ,'DUN PA RGYAL BA KUN GYIS PHA DANG MA DAG MCHOD PA'I 'OS ZHES RTAG TU BSNGAGS MDZAD NA, ,DE DAG RNAMS KYANG SPANGS TE BYUNG NA BUD MED 'DOD PA'I DGA' BA 'DI LTA SMOS CI DGOS, ,KYI HUD SDUG PA RNAMS DANG BRAL BA GAR LA LTA BA'I RANG BZHIN 'DRA STE RTAG MA YIN, ,BYIS PA 'DU SHES KYIS BZUNG LTA BA PHYIN CI LOG PAS SKYE DANG 'CHI 'PHO GNAS PAR GYUR, ,DE YIS SNGON YANG RGA SHI LDAN PA'I 'DUS BYAS DAG LA GROGS PO 'GA' YANG MED CES BSTAN, ,KHOD KYI DGONG PA YONGS SU RDZOGS NAS SHING MCHOG DRUNG DU BYANG CHUB DAM PA MCHOG THOB GYUR, ,RDUL MED BYANG CHUB SANGS RGYAS NAS NI GRONG KHYER DAM PA 'DIR NI SLAR YANG GSHEGS SU GSOL, ,'DUN PA DE YANG MCHOG TU YID MI DGA' ZHING SA 'TSO MA YI TSIG NI THOS GYUR NAS, ,DE NI NGA RO THON CING TSIG TU SMRAS PA SA 'TSO MA KHYOD BDAG TSIG LEGS PAR GSON, ,NAM GYI GUNG THUN BUD MED TSOGS RNAMS THAMS @190A *, ,CAD RAB TU GNYID KYIS LOG STE DBEN GYUR PA, ,DE YI TSE NA BSOD NAMS BRGYAS 'PHAGS DE YIS BDAG LA BSNGAGS LDAN NGA LA BYIN ZHES GSUNG, ,DE SKAD TSIG THOS NAS NI DE MA THAG TU BDAG GIS KHYOD NI GZIMS MAL GZIMS LA BLTAS, ,DE TSE KHYOD KYI SDUG PA 'DI NI GSHEGS KYI SA 'TSO BZHINGS ZHES SGRA SKAD CHEN PO PHYUNG, ,LHA YIS TSIG DE BKAG PAR GYUR PAS BUD MED RNAMS LAS 'GA' TZAM ZHIG KYANG SAD MA GYUR, ,BDAG NI RAB TU DU ZHING RTA YI RGYAL PO BRGYAN PA BGYIS NAS MI MCHOG DE LA PHUL, ,BSNGAGS LDAN DRAG SHUL CAN GYI GZI LDAN SGRA PHYUNG DE YI SGRA NI RGYANG GRAGS TZAM DU GRAGS, ,'ON KYANG LHA YIS GNYID KYIS LOG PAR BGYIS PAS GRONG KHYER PA LAS 'GA' YANG SAD MA GYUR, ,GSER DANG DNGUL DANG NOR BU RNAMS KYIS G-YOGS PA'I SA LA BSNGAGS LDAN RKANG LAG RAB TU BRDABS, ,DE LAS SNYAN DANG 'JIGS DANG MDZES PA'I SGRA BYUNG 'ON KYANG MI LAS 'GA' TZAM SAD MA GYUR, ,DE YI BAR SKABS SKAR MA RGYAL DANG LDAN GYUR ZLA BSKAR MA DAG KYANG MKHA' LA GNAS, ,MKHA' LAS LHA RNAMS BYE BA THAL MO SBYAR TE BTUD NAS PHYAG KYANG RAB TU 'TSAL, ,GNOD SBYIN SRIN PO TSO @190B RNAMS NYE BAR GNAS SHING 'JIG RTEN SKYONG BA RDZU 'PHRUL CHE LDAN BZHIS, ,PAD MA'I ZE BA LTA BUR RNAM DAG DRI MED LAG PAS BSNGAGS LDAN GYI NI RKANG LAG BTEG ,BSOD NAMS GZI BRJID BRGYAS 'PHAGS DE YANG KU MU DA DANG BAR SHA LTA BU DE LA BCIBS, ,SA NI RNAM PA DRUG TU RAB TU G-YOS SHING SANGS RGYAS ZHING RNAMS DRI MED 'OD KYIS KHYAB,, BDE SOGS KHYIM THABS BRGYA BYIN LHA YI GTZO BO NYID KYIS DE TSE CHAB SGO DBYE BA BGYIS, ,DE NI BYE BA KHRAG KHRIG LHA YIS MDUN DU BDAR TE LHA DANG KLU YIS MCHOD NAS GSHEGS, ,BSNGAGS LDAN GYIS NI 'DU SHES TZAM GYIS DE NA 'JIG RTEN MGON PO MKHA' LAS BKUR BAR SHES, ,LHA DANG LHA MA YIN TSOGS DBANG POR BCAS PA DE DAG BCIBS TE BDE BAR GSHEGS PA GSHEGS, ,LHA YI BU MO GLU DBYANGS MKHAS PA RNAMS KYANG BYANG CHUB SEMS DPA'I YON TAN RAB BRJOD CING, ,DE DAG BSNGAGS LDAN LA YANG STOBS MTHUD BYED CING SNYAN LA YID DU 'ONG BA'I SGRA YANG 'BYIN, ,BSNGAGS LDAN 'JIG RTEN 'DREN PA MYUR BA MYUR BAR KHYER LA SKYO BA MI DGA' MA SKYED CIG ,'JIG RTEN MGON PO MNYES PAR BYAS NA KHYOD LA 'JIGS DANG NGAN SONG NGAN 'GRO MED PAR 'GYUR, ,LHA RNAMS RE RE ZHING YANG BDAG LA @191A *, ,'JIG RTEN MGON PO BCIBS PAR MNGON DU DGA' BAR GYUR, ,YUL SA 'DI NA BYE BA LHA YI RKANG PA DAG GIS NON PAR MA GYUR CUNG ZAD MED, , BSNGAGS LDAN NAM MKHA'I SKABS NA SNA TSOGS SPRAS SHING MDZES PA'I LAM GNAS RIN CHEN STEGS BU NI, ,RNAM PA SNA TSOGS DAG GIS BRGYAN CING LHA YI BDUG PA SNYING PO MCHOG BDUGS 'DI LA LTOS, ,BSNGAGS LDAN DGE BA'I LAS 'DIS SUM CU RTZA GSUM LHA GNAS SHIN TU LEGS PAR SPRUL PA DER, ,LHA YI BU MOS BSKOR CING MDUN GYIS BLTAS LA LHA YI 'DOD PA'I DGA' BAS DGA' BAR GYIS, ,LEGS PA SA 'TSO MA KHYOD PHYIR ZHING MA BSHUMS DGYES PAR MDZAD CING MCHOG TU DGYES PAR MDZOD, ,MI MCHOG BYANG CHUB BRNYES NAS LHA YI MDUN DU BDAR BA RING POR MI THOGS GZIGS PAR 'GYUR, ,SA 'TSO MI RNAMS GANG DAG LEGS PA'I LAS BGYIS DE DAG RTAG TU BSHUMS PAR BGYI MA LAGS, ,DE NI BSOD NAMS GZI BRJID BRGYAS 'PHAGS LAGS KYI DGYES PAR MDZOD LA BSHUMS MO MA MDZAD CIG ,RGYAL PO MNGON PAR BYUNG BA DE NA LHA DANG MIS MCHOD PA YI BKOD PA GANG LAGS PA, ,BKOD PA DE NI SA 'TSO BDAG GIS DGUNG BDUN BAR DU BRJOD @191B KYANG RDZOGS PAR BRJOD MI NUS, ,KHYOD KYIS 'GRO LA PHAN MDZAD PA LA BSNYEN BKUR MDZAD PAS BRNYES MCHOG BSAM GYIS MI KHYAB BRNYES, ,BDAG GIS BSAM NA KHYOD KYANG MI YI DAM PA DE NI CI 'DRA DE 'DRAR 'GYUR SNYAM BGYID, ,MNGON PAR 'BYUNG BA'I LE'U STE, BCO LNGA PA'O,, ,,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO BCU GCIG PA, DGE SLONG DAG ,DE LTAR BYANG CHUB SEMS DPA'I BYIN GYI RLABS KYIS 'DUN PAS RGYAL PO ZAS GTZANG MA DANG, SH'A-KYA'I BU MO SA 'TSO MA DANG, BTZUN MO'I 'KHOR THAMS CAD DANG, SH'A-KYA'I TSOGS THAMS CAD KYI MYA NGAN BSANG BA'I GTAM SMRAS SO, ,DGE SLONG DAG ,DE LTAR BYANG CHUB SEMS DPAS LHA'I BU RNGON PA'I GZUGS LTA BU LA GOS KA SHI PA RNAMS BYIN NAS DE LA GOS NGUR SMRIG RNAMS BLANGS TE 'JIG RTEN DANG MTHUN PAR BYA BA DANG, SEMS CAN LA SNYING BRTZE BA DANG, SEMS CAN YONGS SU SMIN PAR BYA BA'I PHYIR BDAG NYID RAB TU BYUNG NGO, ,DE NAS BYANG CHUB SEMS DPA' BRAM ZE RIGS LDAN GYI GNAS GA LA BA DER SONG BA DANG, DES BYANG CHUB SEMS DPA' GNAS PAR BYA BA DANG, ZAS LA MGRON DU PAS SO, ,DE NAS BYANG CHUB SEMS DPA' BRAM ZE PAD-MA'I GNAS SU SONG BA DANG, DES KYANG @192A *, ,BYANG CHUB SEMS DPA' GNAS PAR BYA BA DANG, ZAS LA MGRON DU BOS SO, ,DE NAS BRAM ZE'I DRANG SRONG NAM GRU'I GNAS SU SONG BA DANG, DES KYANG DE BZHIN DU BYANG CHUB SEMS DPA' MGRON DU BOS SO, ,DE BZHIN DU GDUL BA'I BE CON CAN GYI BU 'OD LDAN GYIS KYANG BYANG CHUB SEMS DPA' MGRON DU BOS TE, DGE SLONG DAG ,DE LTAR BYANG CHUB SEMS DPA' RIM GYIS GRONG KHYER CHEN PO YANGS PA CAN DU PHYIN TO, ,DE'I TSE SGYU RTZAL SHES KYI BU RING 'PHUR NYAN THOS KYI DGE 'DUN CHEN PO DANG, SLOB MA SUM BRGYA DANG LHAN CIG TU GRONG KHYER YANGS PA CAN DU GNAS BCAS SHING GNAS TE, DE SLOB MA DAG LA CI'ANG MED PA'I SKYE MCHED KYI BRTUL ZHUGS DANG MTHUN PA'I CHOS STON PA DES BYANG CHUB SEMS DPA' RGYANG RING PO NAS 'ONG BA MTHONG NAS NGO MTSAR DU GYUR TE SLOB MA RNAMS LA SMRAS PA, KYE 'DI'I GZUGS LA LTOS SHIG ,DE DAG GIS SMRAS PA, DE BZHIN DU DE LA BLTA BAR BGYIS TE 'DI NI YA MTSAN CHE'O, ,DGE SLONG DAG ,DE NAS NGA SGYU RTZAL SHES KYI BU RING 'PHUR GA LA BA DER SONG STE SGYU RTZAL SHES KYI BU RING 'PHUR LA 'DI SKAD CES SMRAS SO, ,KYE SGYU RTZAL SHES KYI BU RING 'PHUR, KHYOD LAS BDAG GIS TSANGS @192B PAR SPYAD PA SPYOD DO, ,DES SMRAS PA, KYE GOO TA MA, DAD PA'I RIGS KYI BUS GANG LA SPYAD NA TSEGS CHUNG DUS KUN SHES PA THOB PAR 'GYUR BA'I CHOS BSTAN PA DE LTA BU LA SPYOD CIG ,DGE SLONG DAG ,NGAS 'DI SNYAM DU SEMS TE, NGA LA MOS PA'ANG YOD, NGA LA BRTZON 'GRUS KYANG YOD, DRAN PA'ANG YOD, TING NGE 'DZIN KYANG YOD, SHES RAB KYANG YOD KYI; CHOS DE NYID THOB PAR BYA BA DANG, MNGON DU BYA BA'I PHYIR BDAG GCIG PU BAG YOD PA DANG, BRTUN PA DANG, DBEN PAR GNAS PAR BYA'O SNYAM NAS DGE SLONG DAG ,DE NAS NGA GCIG PU BAG YOD PA DANG, BRTUN PA DANG, DBEN PAR GNAS NAS TSEGS CHUNG NGUS CHOS DE KHONG DU CHUD CING MNGON DU GYUR TO, ,DGE SLONG DAG ,DE NAS NGA SGYU RTZAL SHES KYI BU RING 'PHUR GA LA BA DER SONG STE 'DI SKAD CES SMRAS SO, ,KYE RING 'PHUR, KHYOD KYIS CHOS 'DI TZAM ZHIG KHONG DU CHUD CING MNGON DU GYUR TAM, DES SMRAS PA, KYE GOO TA MA, DE DE BZHIN NO, ,NGAS SMRAS PA, KYE KHO BOS KYANG CHOS DE MNGON DU BYAS SHING KHONG DU CHUD DO, ,DES SMRAS PA, KYE GOO TA MA, DE BAS NA, CHOS GANG KHO BOS SHES PA DE KHYOD KYIS SHES LA GANG KHYOD KYIS SHES PA DE'ANG KHO BOS SHES TE, DE BAS NA, BDAG CAG GNYI GAS SLOB MA'I TSOGS 'DI LA BSTAN TO, ,DGE @193A *, ,SLONG DAG ,DE NAS SGYU RTZAL SHES KYI BU RING 'PHUR GYIS NGA LA MCHOD PA DAM PAS MCHOD DE, NGA SLOB MA RNAMS LA'ANG DON MTHUN PAR BYED DU BCUG GO, DGE SLONG DAG ,NGAS 'DI SNYAM DU BSAM STE, RING 'PHUR GYI CHOS 'DI NI NGES PAR 'BYUNG BA MA YIN TE, DE BYED PA YANG DAG PAR SDUG BSNGAL ZAD PAR NGES PAR 'BYUNG BA MA YIN GYI, BDAG GIS DE LAS LHAG PA ZHIG BTZAL ZHING SPYAD SNYAM MO, ,DGE SLONG DAG ,DE NAS NGA JI SRID DGA' BA'I BAR DU GRONG KHYER YANGS PA CAN DU GNAS NAS YUL MA GA DHAR YUL RGYU ZHING YUL MA GA DHA'I RGYAL PO'I KHAB KYI GRONG KHYER CHEN PO GA LA BA DER SONG STE, RI'I RGYAL PO SKYA BO GA LA BA DER SONG NAS RI'I RGYAL PO SKYA BO DE'I NGOS LA NGA GCIG PU GNYIS SU MED CING GROGS MED PAR LHA BYE BA KHRAG KHRIG BRGYA STONG PHRAG DU MAS BSRUNGS SHING GNAS SO, ,DE NAS NGA NANG PAR SHAM THABS DANG CHOS GOS BGOS, LHUNG BZED THOGS TE CHU DRON CAN GYI SGO NAS RGYAL PO'I KHAB KYI GRONG KHYER CHEN POR 'GRO BA DANG, LDOG PA DANG, MDUN DU LTA BA DANG, G-YAS G-YON DU LTA BA DANG, BSKUM PA DANG BRKYANG BA MDZES PA DANG, SNAM SBYAR DANG, THANG BA DANG, LHUNG BZED DANG, CHOS GOS 'DZIN PA MDZES @193B PA DANG, DBANG PO MA G-YENGS PA DANG, SPRUL PA BZHIN DU YID PHYI ROL TU MA BYUNG BA DANG, 'BRU MAR GYIS GANG BA'I SNOD THOGS PA BZHIN GNYA' SHING GANG TZAM DU LTA ZHING BSOD SNYOMS KYI PHYIR ZHUGS SO, ,DE NAS RGYAL PO'I KHAB KYI MI RNAMS KYIS NGA MTHONG NAS NGO MTSAR DU GYUR TE, CI 'DI TSANGS PA YIN NAM, LHA'I DBANG PO BRGYA BYIN NAM, 'ON TE RNAM THOS KYI BU'AM, 'ON TE RI'I LHA 'GA' ZHIG YIN NAM SNYAM MO, ,DE LA 'DI SKAD CES BYA STE, DE NAS GZI BRJID MTHA' YAS DRI MED LDAN, ,BYANG CHUB SEMS DPA' BDAG NYID RAB BYUNG STE, ,SEMS NI ZHI ZHING SPYOD LAM RAB DUL BAR, ,RI YI RGYAL PO SKYA BO'I NGOS LA GNAS, ,BYANG CHUB SEMS DPAS NAM NANGS SHES NAS NI, ,MCHOG TU BLTA NA MDZES PAR SHAM THABS BGOS, ,LHUNG BZED THOGS TE DMA' BA'I YID KYIS SU, ,DE NI RGYAL PO'I KHAB TU BSOD SNYOMS ZHUGS, ,GSER GYI SA LE SBRAM BZHIN RAB DUL LA, ,SUM CU RTZA GNYIS MTSAN GYI GO BGOS PA, ,SKYES PA'I TSOGS DANG BUD MED KYIS MTHONG NA, ,SU YANG LTA BAS NGOMS PAR MI 'GYUR RO, ,SRANG DAG RIN CHEN GOS DANG 'BRUS KYANG BRGYAN, ,GANG GI MTHUS NI GRONG KHYER KUN MDZES PA'I, ,SNGON CHAD MA MTHONG SEMS CAN 'DI SU ZHES, , @194A *, ,SKYE BO SEL CING DE YI PHYI BZHIN 'BYUNG, ,BUD MED STONG DAG KHANG PA'I STENG 'DUG CING, ,DE BZHIN SGO DANG DE BZHIN SKAR KHUNG DANG, ,SRANG DAG BKANG STE KHYIM NI STONG BYAS NAS, ,DE DAG LAS GZHAN MED PAR MI MCHOG LTA, ,SKYES BU MCHOG GI GZUGS LA LTA BA'I TSE, ,NYO DANG TSONG BA DAG KYANG MI BYED CING, ,CHANG DANG CAN KYANG CHANG NI MI 'THUNG LA, ,KHYIM DANG SRANG NA 'DUG PAR MI DGA' 'O, ,RINGS PAR MI ZHIG RGYAL PO'I KHAB SONG STE, ,DE DGA' RGYAL PO GZUGS CAN SNYING PO LA, ,GRONG 'DIR TSANGS PA BDAG NYID BSOD SNYOMS SPYOD, ,LHA KHYOD BRNYES PA DAM PA BRNYES ZHES ZER, ,KHA CIG BRGYA BYIN LHA YI RGYAL ZHES ZER, ,GZHAN DAG 'THAB BRAL LHA YI BU ZHES ZER, ,DE BZHIN YONGS SU DGA' LDAN 'PHRUL BA DANG, ,GZHAN DAG RAB 'PHRUL LHA YI BU ZHES ZER, ,KHA CIG NYI MA ZLA BA DE BZHIN DU, ,SGRA GCAN STOBS LDAN THAGS BZANG RIS ZHES ZER, ,KHA CIG DAG NI TSIG KYANG 'DI SKAD DU, ,RI RGYAL SKYA LA 'DUG PA 'DI YIN ZER, , RGYAL POS TSIG NI DE DAG THOS GYUR NAS, ,YID NI MCHOG TU DGA' ZHING SKAR KHUNG 'DUG ,SHIN TU SBYANGS PA'I GSER LTAR DPAL 'BAR BA, ,BYANG CHUB SEMS @194B DPA' SEMS CAN MCHOG MTHONG NGO, ,RGYAL PO GZUGS CAN SNYING POS MI DE LA, ,BSOD SNYOMS BYIN LA GAR SONG LTOS ZHES BSGO, ,RI YI MCHOG LA DE NI SONG MTHONG NAS,, KHA CIG RI YI NGOS LA DE MCHIS SMRAS, ,GZUGS CAN SNYING POS NAM NANGS SHES NAS NI, ,MI DBANG SKYE BO MANG POS YONGS BSKOR TE, ,RI YI RGYAL PO SKYA BO'I DRUNG DU SONG,, RI DE DPAL NI RAB TU 'BAR BAR MTHONG, ,BZHON PA LAS NI BABS TE RKANG GIS SONG, ,JI LTAR LHUN PO BZHIN DU MI G-YO ZHING, ,RTZWA BTING STENG NA SKYIL MO KRUNG 'DUG PA'I, ,BYANG CHUB SEMS DPA' MCHOG TU GUS PAS MTHONG, ,RGYAL POS RKANG PAR MGO BOS PHYAG BYAS TE, ,RNAM PA SNA TSOGS DAG GI GTAM BYAS NAS, , KHYOD LA RGYAL SRID KUN GYI PHYED SBYIN GYI, ,'DOD PA'I YON TAN 'DI SPYOD MA 'PHYAN SMRAS, ,BYANG CHUB SEMS DPAS 'JAM PO'I TSIG SMRAS PA, ,SA YI BDAG PO YUN RING TSE SRUNGS SHIG ,KHO BOS RGYAL SRID SDUG PA BOR NAS SU, ,RE BA MED PAR ZHI PHYIR RAB TU BYUNG, ,GZHON NU THOR BU DAR LA BAB DANG LDAN, ,LUS KYI KHA DOG MDZES SHING SHUGS LDAN NA, ,NOR MANG DAG DANG BUD MED TSOGS BZHES TE, ,BDAG GI RGYAL SRID 'DIR BZHUGS 'DOD PA SPYOD, ,MA GA DHA'I RGYAL POS BYANG CHUB SEMS @195A *, ,DPA' LA SMRAS PA, BDAG NI KHYOD SKU MTHONG BAS MCHOG TU DGA', ,BDAG GI RGYAL SRID KUN GYI GROGS MDZOD CIG ,BDAG NI KHYOD LA MNGA' 'BUL 'DOD PA SPYOD, ,NAGS TSAL STONG PA DAG TU MA BZHUGS SHIG ,SLAN CHAD SA GNAS RTZWA STENG MA BZHUGS SHIG ,KHYOD KYI SKU NI MCHOG TU RAB TU GZHON, ,BDAG GI RGYAL SRID 'DIR BZHUGS 'DOD PA SPYOD, ,BYANG CHUB SEMS DPAS 'JAM ZHING GYA GYU MED, ,DGA' 'GYUR PHAN ZHING SNYING BRTZE'I TSIG SMRAS PA, ,RGYAL PO KHYOD NI RTAG TU BKRA SHIS GYUR, ,KHO BO 'DOD PA'I YON TAN MI 'DOD DO, ,'DOD PA DUG 'DRA NYES PA MTHA' YAS LDAN, ,SEMS CAN DMYAL DANG YI DWAGS DUD 'GROR LTUNG, , MKHAS PAS SMAD CING 'DOD PA 'PHAGS MA YIN, ,KHO BOS NGAR SNABS RUL PA BZHIN DU BOR, ,'DOD PA SHING GI 'BRAS BU BZHIN DU LTUNG, ,JI LTAR SPRIN DANG CHAR PA BZHIN DU 'GRO, MI BRTAN 'GYUR LA JI LTAR RLUNG BZHIN 'GRO, DGE BA THAMS CAD RNAM PAR 'THOR ZHING SLU, ,DE BZHIN 'DOD PA MI RNYED PHYIR YANG GDUNG, ,RNYED DU ZIN KYANG CHOG PAR 'DZIN MI 'GYUR, ,GANG TSE DBANG MED MA RUNG RAB GYUR PA, ,DE TSE 'DOD PA SDUG BSNGAL DRAG CHEN BSKYED, ,RGYAL PO LHA YI 'DOD PA GANG YIN @195B DANG, ,MI YI 'DOD PA BZANG PO GANG YIN PA'I, ,'DOD PA THAMS CAD MI GCIG GIS THOB KYANG, ,DE LA CHOG PA MED DE YANG TSOL LO, ,RGYAL PO GANG DAG ZHI ZHING DUL GYUR PA, ,'PHAGS PA ZAG MED CHOS KYIS 'DU SHES GANG, ,SHES RAB MKHAS PAS CHOG PA DE LEGS CHOG ,'DOD PA'I YON TAN CHOG PA CUNG ZAD MED, ,RGYAL PO 'DOD PA DAG LA BSTEN BYAS SHING, ,SNGON CHAD 'DUS BYAS PA YI MTHA' MA MED, ,JI LTAR MI DAG LAN TSWA'I CHU 'THUNGS BZHIN, ,'DOD PA BSTEN NA PHYIR ZHING SRED PA 'PHEL, ,RGYAL PO LUS LA YANG LTOS DE MI BRTAN, ,SNYING PO MED DE SDUG BSNGAL 'KHRUL 'KHOR BZHIN, ,BU GA DGU YI SGO NAS RTAG TU 'DZAG ,RGYAL PO KHO BO 'DOD PA'I 'DOD CHAGS MED, ,KHO BOS 'DOD PA MANG DANG DE BZHIN DU, ,BLTA NA SDUG PA'I BUD MED STONG BOR TE, ,MCHOG ZHI BYANG CHUB DAM PA THEB 'DOD NAS, ,KHO BO SRID LA MI DGA' NGES PAR 'BYUNG, ,MA GA DHA YI RGYAL BOS DER SMRAS PA, ,DGE SLONG PHYOGS NI GANG DANG GANG NAS BYON, ,GANG DU KHYOD SKYES YAB YUM GANG NA BZHUGS, ,RGYAL RIGS LAGS SAM BRAM ZE'AM RGYAL PO LAGS,, DGE SLONG KHUR GYI 'DU SHES MED NA GSUNGS, ,BYANG CHUB SEMS DPAS DE LA 'DI SKAD SMRAS, ,RGYAL PO SH'A-KYA RNAMS KYI SER SKYA'I GRONG, ,MCHOG TU 'BYOR CING RGYAS PA THOS @196A *, ,GYUR TAM, ,KHO BO'I PHA YI MING NI ZAS GTZANG YIN, ,YON TAN 'DOD PAS KHO BO DENG RAB BYUNG, ,MA GA DHA YI RGYAL POS 'DI SKAD GSOL, ,KHYOD MTHONG LEGS PAR MTHONG STE LEGS PA LAGS, ,GANG LAS KHYOD SKYES BDAG KYANG DE'I SLOB MA, ,'DOD CHAGS BRAL BA 'DOD PAR SPYAN DRANGS PA, ,THUGS NAS BDAG LA BZOD PA MDZAD DU GSOL, ,GANG TSE KHYOD KYIS BYANG CHUB BRNYES GYUR TSE, ,CHOS RJES BDAG LA CHOS KYI BGO BSHA' MDZOD, ,RANG BYUNG BDAG GI YUL NA BZHUGS PA NI, , BDAG GIS MCHOG TU RNYED PA RAB RNYED DO, ,DE NAS KYANG NI RKANG PAR PHYAG BYAS TE, ,RGYAL POS SHIN TU GUS PAR BSKOR BYAS NAS, ,MI DBANG RANG GI SKYE BOS YONGS BSKOR TE, ,SLAR YANG RGYAL PO'I KHAB TU ZHUGS PAR GYUR, ,'JIG RTEN MGON PO MA GA DHA YI GRONG ZHUGS TE, ,JI SRID 'DOD PAR ZHI BA'I YID KYIS 'DUG ,LHA DANG MI RNAMS KYI NI DON BYAS NAS, ,MI DBANG NEE RA NYDZA ? NA'I CHU 'GRAM SONG, ,GZUGS CAN SNYING PO 'ONGS PA'I LE'U ZHES BYA BA STE, BCU DRUG PA'O,, ,, DGE SLONG DAG ,YANG DE'I TSE RANGS BYED KYI BU LHAG SPYOD RGYAL PO'I KHAB KYI GRONG KHYER CHEN POR GNAS BCAS NAS SLOB MA'I TSOGS CHEN PO SLOB MA BDUN BRGYA DANG LHAN @196B CIG TU GNAS TE, DE DE DAG LA 'DU SHES MED 'DU SHES MED MIN GYI BRTUL ZHUGS DANG MTHUN PA'I CHOS STON TO, ,DGE SLONG DAG ,BYANG CHUB SEMS DPA' RANGS BYED KYI BU LHAG SPYOD TSOGS DANG LDAN PA, TSOGS CAN, TSOGS KYI SLOB DPON, GRAGS PA MNGON PAR 'DOD PA, SKYE BO MANG POS MCHOD PA, MKHAS PA KUN GYIS SHES PA MTHONG NGO, , MTHONG NAS KYANG DE 'DI SNYAM DU SEMS TE, RANGS BYED KYI BU LHAG SPYOD 'DI TSOGS DANG LDAN PA, TSOGS CAN, TSOGS KYI SLOB DPON, GRAGS PA MNGON PAR 'DOD PA, SKYE BO MANG POS MCHOD PA, MKHAS PA KUN GYIS SHES PA YIN NA, GAL TE BDAG DE'I DRUNG DU SONG STE BRTUL ZHUGS DANG DKA' THUB MA BRTZAMS NA NI, 'DI BDAG LA KHYAD PAR DU 'PHAGS PA'I 'DU SHES KYANG MI SKYED LA, MNGON SUM GYI SHES PAS KYANG SHES PAR MI 'GYUR BA DANG, 'DUS BYAS ZAG PA DANG BCAS PA, NYE BAR LEN PA DANG BCAS PA'I BSAM GTAN DANG, TING NGE 'DZIN DANG SNYOMS PAR 'JUG PA DAG KYANG SUN PHYUNG BAR MA GYUR GYI, GANG GIS NA DE LA BSAM GTAN GYI SPYOD YUL DAG DANG, SNYOMS PAR 'JUG PA'I DMIGS PA DAG MNGON SUM DU 'GYUR BA DANG, 'JIG RTEN PA'I TING NGE 'DZIN DAG KYANG 'BYUNG BA MA YIN PAR BSTAN PAR 'GYUR BA DE LTA BU'I THABS SHIG BSTAN PAR BYA'AM, BDAG @197A *, ,RANGS BYED KYI BU LHAG SPYOD KYI DRUNG DU SONG STE, BDAG GI TING NGE 'DZIN GYI YON TAN GYI KHYAD PAR BSTAN PA'I PHYIR DE'I SLOB MAR KHAS BLANGS LA, 'DUS BYAS KYI TING NGE 'DZIN SNYING PO MED PAR BSTAN PAR BYA'AM SNYAM MO, ,DGE SLONG DAG ,DE NAS BYANG CHUB SEMS DPAS DON DE'I DBANG DU BYAS TE RANGS BYED KYI BU LHAG SPYOD GA LA BA DER SONG NAS PHYIN PA DANG, RANGS BYED KYI BU LHAG SPYOD LA 'DI SKAD CES SMRAS SO, ,GROGS PO, KHYOD KYI STON PA NI SU ZHIG ,SUS CHOS BSTAN PA KUN SHES, DE SKAD CES SMRAS PA DANG, RANGS BYED KYI BU LHAG SPYOD KYIS BYANG CHUB SEMS DPA' LA 'DI SKAD CES SMRAS SO, ,GROGS PO, KHO BO LA STON PA GANG YANG MED DE, 'ON KYANG KHO BO RANG GIS 'DI YANG DAG PAR KHONG DU CHUD DO, ,BYANG CHUB SEMS DPAS SMRAS PA, KHYOD KYIS CI KHONG DU CHUD, SMRAS PA, 'DU SHES MED 'DU SHES MED MIN SKYE MCHED KYI SNYOMS PAR 'JUG PA'I LAM MO, ,BYANG CHUB SEMS DPAS SMRAS PA, BDAG GIS KHYOD LAS TING NGE 'DZIN GYI LAM GYI GDAMS NGAG DANG, RJES SU BSTAN PA THOB PAR 'TSAL LO, ,SMRAS PA, DE LTAR BYA'O ZHES BYA BA NAS GDAMS NGAG BYIN PA'I BAR DU'O, ,DE NAS BYANG CHUB SEMS DPA' PHYOGS GCIG TU SONG STE SKYIL MO KRUNG @197B BCAS NAS 'DUG GO ,'DUG MA THAG TU BYANG CHUB SEMS DPA'I BSOD NAMS KYI KHYAD PAR DANG, YE SHES KYI KHYAD PAR DANG, SNGON SPYAD PA LEGS PAR SPYAD PA'I 'BRAS BU'I KHYAD PAR DANG, TING NGE 'DZIN THAMS CAD LA 'DRIS PA'I KHYAD PAR DANG, DE SEMS LA DBANG BSGYUR BA'I PHYIR BSAM GTAN LA SOGS PA'I 'JIG RTEN PA'I SNYOMS PAR 'JUG PA BRGYA STONG THAMS CAD RNAM PA DANG BCAS, BYE BRAG DANG BCAS PAR MNGON SUM DU GYUR TO, ,DE NAS BYANG CHUB SEMS DPA' DRAN PA DANG SHES BZHIN DU STAN LAS LANGS TE RANGS BYED KYI BU LHAG SPYOD GA LA BA DER SONG NAS PHYIN PA DANG, RANGS BYED KYI BU LHAG SPYOD LA 'DI SKAD CES SMRAS SO, ,GROGS PO, 'DU SHES MED 'DU SHES MED MIN SKYE MCHED KYI LAM LAS GONG NA GZHAN 'GA' ZHIG YOD DAM, DES SMRAS PA, MED DO, ,DE NAS BYANG CHUB SEMS DPA' 'DI SNYAM DU SEMS TE, LHAG SPYOD 'BA' ZHIG LA DAD PA YOD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PA MA YIN GYI, BDAG LA'ANG DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB YOD DO SNYAM MO, ,DE NAS BYANG CHUB SEMS DPAS RANGS BYED KYI BU LHAG SPYOD LA 'DI SKAD CES SMRAS SO, ,GROGS PO, KHYOD GANG DU NGES PAR BYUNG BA'I CHOS DE KHO @198A *, ,BOS KYANG KHONG DU CHUD DO, ,DES SMRAS PA, DE BAS NA, 'DOD KHYOD DANG KHO BOS TSOGS 'DI DAG RJES SU BSLAB BO ZHES BYANG CHUB SEMS DPA' DON MTHUN PA DANG, SLOB DPON GYI GNAS SU BZHAG GO ,BYANG CHUB SEMS DPAS SMRAS PA, GROGS PO, LAM 'DI NI YID 'BYUNG BAR 'GYUR BA MA YIN, 'DOD CHAGS DANG BRAL BAR 'GYUR BA MA YIN, 'GOG PAR 'GYUR BA MA YIN, NYE BAR ZHI BAR 'GYUR BA MA YIN, MNGON PAR SHES PAR 'GYUR BA MA YIN, RDZOGS PAR BYANG CHUB PAR 'GYUR BA MA YIN, DGE SBYONG NYID DU 'GYUR BA MA YIN, MYA NGAN LAS 'DAS PAR 'GYUR BA MA YIN NO, ,DGE SLONG DAG ,DE LTAR BYANG CHUB SEMS DPAS LHAG SPYOD SLOB MA DANG BCAS PA 'DUN PAR BYAS NAS DE TZAM GYIS CHOG GO ZHES BYA BA NAS CHOG PAR BYAS TE SONG BA'I BAR DU'O, ,DE'I TSE LNGA SDE BZANG PO RANGS BYED KYI BU LHAG SPYOD LAS TSANGS PAR SPYAD PA SPYOD PA DE DAG 'DI SNYAM DU SEMS TE, BDAG CAG GIS 'DI'I PHYIR YUN RING POR BTZAL CING BRTZON PAR BYAS KYANG MTHA' DANG MU KHONG DU CHUD PAR MA NUS KYI; DGE SBYONG GOO TA MAS TSEGS CHUNG DUS KHONG DU CHUD CING MNGON DU BYAS LA DE DE YANG MI 'DOD CING, DE LAS GONG DU TSOL BA LAS THE TSOM MED PAR DE NI 'JIG @198B RTEN GYI STON PAR 'GYUR RO, ,GANG DES MNGON DU BYED PAR 'GYUR BA DE BDAG CAG LA'ANG BGED PAR 'GYUR RO SNYAM MO, ,DE LTAR DPYAD NAS LNGA SDE BZANG PO RANGS BYED KYI DU LHAG SPYOD KYI DRUNG NAS DONG STE BYANG CHUB SEMS DPA'I PHYI BZHIN 'BRANG NGO, ,DGE SLONG DAG ,DE LTAR BYANG CHUB SEMS DPA' JI SRID DGA' BA'I BAR DU RGYAL PO'I KHAB TU GNAS NAS LNGA SDE BZANG PO DANG LHAN CIG TU YUL MA GA DHAR YUL RGYU ZHING SONG SONG NGO, ,YANG DE'I TSE RGYAL PO'I KHAB DANG, RI GA YA'I BAR NA TSOGS GZHAN DAG CIG DUS STON BYED DE; TSOGS DE DAG GIS KYANG BYANG CHUB SEMS DPA' LNGA SDE BZANG PO DANG LHAN CIG TU GNAS PAR BYA BA DANG, ZAS LA MGRON DU BOS SO, ,DGE SLONG DAG ,DE NAS BYANG CHUB SEMS DPA' YUL MA GA DHAR YUL RGYU ZHING YUL MA GA DHA'I RI GA YA GA LA BA DER SONG STE, DER PHYIN PAR GYUR TO, ,RI GA YA'I RTZE MO DER BYANG CHUB SEMS DPAS SPONG BA'I PHYIR GNAS TE, DE DER GNAS PA'I TSE SNGON MA THOS PA DANG, SNGON MI SHES PA'I DPE GSUM MNGON DU GYUR TO, ,GSUM GANG ZHE NA, DGE SBYONG DANG BRAM ZE GANG LA LA 'DOD PA DAG LAS LUS DBEN PAR MI GNAS, 'DOD PA DAG LAS SEMS DBEN PAR MI GNAS SHING, DE DAG GI 'DOD PA LA DGA' BA DANG, 'DOD PA LA CHAGS PA DANG, 'DOD PA LA @199A *, ,'DUN PA DANG, 'DOD PA LA SKOM PA DANG, 'DOD PA LA YONGS SU GDUNG BA DANG, 'DOD PA LA ZHEN PA GANG GANG YIN PA DE NI NYE BAR ZHI BA MA YIN LA, DE DAG BDAG NYID KYIS GNOD PAR BYED CING LUS LA GDUNG BAR BYED PAS SDUG BSNGAL GYI TSOR BA DRAG PO MI BZAD PA TSA BA MYONG STE, 'ON KYANG DE DAG MI'I CHOS BLA MA LAS MCHOG TU GYUR BA, 'PHAGS PA YE SHES MTHONG BA'I KHYAD PAR MNGON DU BYED MI NUS SO, ,'DI LTA STE, DPER NA, SKYES BU ZHIG ME 'DOD LA SHING RLON PA'I GTZUB STAN DANG, SHING RLON PA'I GTZUB SHING THOGS LA CHUR BCUG STE GTZUBS NA, DES ME 'BYIN PAR MI NUS SO, ,DE BZHIN DU DGE SBYONG DANG, BRAM ZE DE DAG 'DOD PA RNAMS LAS LUS DBEN PAR MI GNAS, 'DOD PA RNAMS LA SEMS DBEN PAR MI GNAS TE, DE DAG GI 'DOD PA LA DGA' BA DANG, 'DOD PA LA SRED PA DANG, 'DOD PA LA 'DUN PA DANG, 'DOD PA LA SKOM PA DANG, 'DOD PA LA YONGS SU GDUNG BA DANG, 'DOD PA LA BRGYAL BA DANG, 'DOD PA LA ZHEN PA GANG YIN PA DE NI NYE BAR ZHI BA MA YIN GYI, DE DAG BDAG NYID KYIS GNOD PAR BYED CING, LUS LA GDUNG BAR BYED PAS SDUG BSNGAL GYI TSOR BA DRAG PO MI BZAD PA TSA BA MYONG MOD KYI, 'ON KYANG DE DAG MI'I CHOS BLA MA @199B LAS MCHOG TU GYUR PA, 'PHAGS PA YE SHES MTHONG BA'I KHYAD PAR MNGON DU BYED MI NUS SO SNYAM STE, 'DI NI BYANG CHUB SEMS DPA' LA DPE MNGON DU GYUR PA DANG PO'O, , YANG DE 'DI SNYAM DU SEMS TE, GANG DGE SBYONG DANG, BRAM ZE 'DI DAG 'DOD PA RNAMS LAS LUS DANG SEMS DBEN PAR GNAS KYANG DE DAG GI 'DOD PA LA DGA' BA ZHES BYA BA NAS ME TSOL BA ZHES BYA BA'I BAR DU THAMS CAD SNGA MA BZHIN DU SBYAR TE, DES SHING RLON PA'I GTZUB STAN THOGS LA THANG LA BZHAG STE SHING RLON PA'I GTZUB SHING GIS GTZUBS NA; DES ME 'BYIN PAR MI NUS SO, ,DE BZHIN DU GANG DGE SBYONG DANG BRAM ZE 'DI DAG CES BYA BA NAS THAMS CAD SNGA MA BZHIN DU SBYAR TE, MI'I CHOS BLA MA LAS MCHOG TU GYUR PA; 'PHAGS PA YE SHES MTHONG BA'I KHYAD PAR MNGON DU BYA BAR MI NUS SO SNYAM STE, 'DI NI SNGON MA THOS SHING MI SHES PA'I DPE MNGON DU GYUR PA GNYIS PA'O, ,GZHAN YANG GANG DGE SBYONG DANG, BRAM ZE 'DI DAG 'DOD PA RNAMS LAS SUS DANG SEMS DBEN PAR GNAS SHING, DE DAG GI 'DOD PA LA DGA' BA ZHES BYA BA NAS THAMS CAD DE BZHIN DU SBYAR TE DE DAG GI DE NI NYE BAR ZHI BA YIN TE, DE DAG BDAG NYID KYIS GNOD PA BYED CING LUS LA GDUNG BAR BYED PAS SDUG BSNGAL GYI TSOR BA DRAG PO MI BZAD PA MYONG MOD @200A *, ,KYI; 'ON KYANG DE DAG MI'I CHOS BLA MA LAS MCHOG TU GYUR PA, 'PHAGS PA YE SHES MNGON DU MTHONG BA'I KHYAD PAR MNGON DU BYA BAR NUS SO, ,'DI LTA STE, DPER NA, SKYES BU ZHIG ME 'DOD CING 'OD 'DOD PA DANG, 'OD TSOL BAR GYUR LA, DES SHING SKAM PO'I GTZUB STAN DANG, GTZUB SHING THOGS SHING THANG LA BZHAG STE GTZUBS NA; DES ME DBYUNG BA DANG 'OD 'BAR BAR BYED NUS SO, ,DE BZHIN DU GANG DGE SBYONG DANG BRAM ZE 'DI DAG CES BYA BA NAS TSOR BA MYONG ZHES BYA BA'I BAR DU SNGA MA BZHIN TE, 'ON KYANG DE DAG MI'I CHOS BLA MA LAS MCHOG TU GYUR PA, 'PHAGS PA YE SHES MTHONG BA'I KHYAD PAR MNGON DU BYA BAR NUS SO SNYAM STE, 'DI NI SNGON MA THOS SHING SNGON MI SHES PA'I DPE GSUM PA'O, ,DGE SLONG DAG ,DE NAS BYANG CHUB SEMS DPA' DE 'DI SNYAM DU SEMS TE, BDAG KYANG DA LTAR 'DOD PA RNAMS LAS LUS DBEN PAR GNAS, 'DOD PA RNAMS LAS SEMS DBEN PAR GNAS LA, BDAG GI 'DOD PA LA DGA' BA ZHES BYA BA NAS THAMS CAD SNGA MA BZHIN DU SBYAR TE, BDAG GI DE'ANG NYE BAR ZHI BA YIN LA BDAG NYID KYIS GNOD PAR BYAS SHING LUS LA GDUNG BAR BYED PAS SDUG BSNGAL ZHES BYA BA NAS TSOR BA MYONG ZHES BYA BA'I BAR DU SNGA MA BZHIN DU SBYAR TE, 'ON KYANG BDAG MI'I @200B CHOS BLA MA LAS MCHOG TU GYUR PA, 'PHAGS PA YE SHES MTHONG BA'I KHYAD PAR MNGON DU BYA BAR NUS SO SNYAM MO, ,DGE SLONG DAG ,DE LTAR BYANG CHUB SEMS DPA' JI SRID DGA' BA'I BAR DU GA YA'I RIR GA YA'I RTZE MO LA GNAS TE, RKANG GIS YUL RGYU ZHING SDE DPON GYI GRONG LTENG RGYAS GA LA BA DER SONG STE PHYIN PA DANG, DE NA KLUNG NEE RA NYADZA NA CHU GSAL BA, 'BAB STEGS BDE BA, SHING DANG SHING GEL BA MDZES PA DAG GIS BRGYAN PA, NYE 'KHOR NA SPYOD YUL GYI GRONG YOD PA MTHONG STE, DE LA BYANG CHUB SEMS DPA' YID SHIN TU DGA' BAR GYUR NAS 'DI SNYAM DU SEMS TE, AE MA'O, ,SA PHYOGS 'DI NI MNYAM SHING NYAMS DGA' BA, NANG DU YANG DAG 'JOG DANG MTHUN PA STE, RIGS KYI BU SPONG BA DON DU GNYER BA LA NI 'DIS CHOG GO ,BDAG KYANG SPONG BA DON DU GNYER BA YIN GYI, BDAG 'DI NYID DU GNAS PAR BYA'O SNYAM MO, ,DGE SLONG DAG ,DE LTAR BYANG CHUB SEMS DPA' 'DI SNYAM DU SEMS TE, BDAG NI DZAM-BU'I GLING 'DIR SNYIGS MA LNGA'I DUS LA BAB CING SEMS CAN RNAMS DMAN PA LA MOS PA DANG, MU STEGS CAN GYI SDES GANG BA ? DANG, LTA BA SNA TSOGS LA ZHUGS PA DANG, LUS LA RIL POR 'DZIN PA LA ZHEN PA'I TSE 'ONGS TE, BLUN PO DAG GDUNG BAS YONGS SU GDUNG BA RNAM PA SNA TSOGS KYIS @201A *, ,DAG PA TSOL ZHING STON PA 'DI LTA STE, SNGAGS SPYOD PA DANG, LAG PA LA LDAG PA DANG, MI SLONG BA DANG, MI SMRA BA DANG, RTZA BA DU MA ZA BA DANG, SHA DANG NYA MI ZA BA DANG, DBYAR MI 'BYUNG BA DANG, CHANG DANG, PHUB MA DANG, CHU YONGS SU SPANGS PA DANG, KHYIM GCIG DANG, GSUM DANG, LNGA DANG, BDUN NAS ZAS LEN PA DANG, RTZA BA DANG, 'BRAS BU DANG, NYA LCIBS DANG, RTZWA KU SHA DANG, LO MA DANG, BA LANG GI LCI BA DANG, BA'I GCIN DANG, 'O THUG DANG, ZHO DANG, MAR DANG, BU RAM DANG, MA BRTAGS PA ZA ZHING 'THUNG BA DANG, BYA NGANG PA DANG, PHUG RON GYIS ZOS TE BOR BA BKRUS TE ZA BA DANG, GRONG DANG DGON PAS 'TSO BA DANG, BA LANG GI BRTUL ZHUGS DANG, RI DWAGS DANG, KHYI DANG, PHAG DANG, SPRE'U DANG, GLANG PO CHE'I BRTUL ZHUGS DANG, 'GRENG BA DANG, MI SMRA BA DANG, DPA' BO'I TSUL DU 'DUG PA DANG, KHAM GCIG ZA BA DANG, KHAM BDUN GYI BAR DU ZA BA DANG, ZAS LAN GCIG ZA BA DANG, NYIN ZHAG GCIG ZA BA DANG, BZHI DANG, LNGA DANG, DRUG GI SKABS SKABS SU ZA BA DANG, ZLA BA PHYED DANG, ZLA BA GCIG ZA BAR BYED PA DANG, ZLA BA LA LTA BA DANG, BYA RGOD DANG, 'UG PA'I GSHOG PA THOGS PA DANG, SHING LEB DANG, RTZWA MU-NYZA DANG, ZAR MA'I SHUN PA DANG, RTZWA DAR-BHA DANG, GRES MA @201B DANG, RNGA BAL GYI LA BA DANG, RA BAL GYI LA BA DANG, SKRA'I LA BA DANG, KO LPAGS GYON PA DANG, GOS GSHER BA DANG, STEGS BU'I STENG DANG, CHU'I NANG NA NYAL BA DANG, THAL BA DANG RDO DANG, GYO MO DANG, SHING LEB DANG, TSER MA DANG, RTZWA DANG, GTUN SHING GI STENG DU NYAL BA DANG, MGO THUR DU BSTAN PA DANG, COG TZOG POR 'DUG PA DANG, THANG LA NYAL PA DANG, GOS GCIG DANG, GOS GNYIS DANG, GSUM DANG, BZHI DANG, LNGA DANG, DRUG DANG, BDUN DANG, GOS MANG PO SREL BA DANG, GCER PUR 'DUG PA DANG, 'KHRU BA DANG, MI 'KHRU BA'I CHO GA CAN DANG, SKRA DANG, SEN MO DANG, AAG TSOM RING POR 'JOG PA DANG, RAL PA'I THOR TSUGS 'CHANG BA DANG, RGYA SHUG DANG, TIL DANG, 'BRAS 'BRU GCIG ZA BA DANG, THAL BA DANG, SNAG TSA DANG, ME TOG SPYAD SPYAD PA DANG, RDUL 'THUL BA DANG, RDUL NAG PO DANG, PHYAG DAR DANG, RDZAB KYIS LUS LA SKUD PA DANG, BA SPU DANG, MI'I THOD PA DANG, SKRA DANG, SEN MO DANG, TSAL BU'I SMAD G-YOGS DANG, RDZAB DANG, KENG RUS THOGS PA DANG, CHU DRON PO DANG, 'BRAS KYI KHU BA DANG, LA BAR BTZAGS PA DANG, KHRUD MA 'THUNG BA DANG, 'DAG MA DANG, TSON RTZI DANG, GOS NGUR SMRIG DANG, KHAR PA GSUM DANG, MGO 'BREG PA DANG, RIL BA DANG, MI'I THOD PA DANG, KHRI'I ZUR SHING @202A *, ,'CHANG BAS BLUN PO RNAMS DAG PAR KHONG DU CHUD DO, ,DU BA RDUB PA DANG, ME RDUB PA DANG, NYI MA LA LTA BA DANG, GDUNG BA LDA BYED PA DANG, RKANG PA GCIG DANG, LAG PA GCIG BSTOD PA DANG, RKANG PA GCIG BTZUGS PA DANG, GNAS GCIG NA 'DUG PAS DKA' THUB LA SOGS PA DANG, PHUB MA LA SOGS PA DANG, 'DAB MA BSREGS PA DANG, BUM PA BSREGS PA DANG, RDO BSREGS PA DANG, ME 'BAR BAR 'JUG PA DANG, ZAS MI ZA BA DANG, MYA NGAM DANG, 'BAB STEGS SU SONG STE SHI BAS SDUG PA'I 'GRO BA TSOL LO, ,RAB BSNGAGS ZHES BYA BA DANG, GZHI MI 'GRIB PA ZHES BYA BA DANG, GZHI SRUNG ZHES BYA BA DANG, GZHI TSUGS ZHES BYA BA DANG, SMON LAM DANG, BSTOD PA DANG, SBYIN SREGS DANG, DBAB PA DANG, SNGAGS KYI BZLAS BRJOD DANG, BKLAG PA 'DZIN CING BYED PAS DAG PAR KHONG DU CHUD DO, ,BDAG DAG PAR SEMS SHING DE DAG LA BRTEN TE, 'DI LTA STE, TSANGS PA DANG, DBANG PO DANG, GU LANG DANG, KHYAB 'JUG DANG, LHA MO DANG, GZHON NU DANG, MA MO DANG, K'A TY'A YA'I BU DANG, ZLA BA DANG, NYI MA DANG, RNAM THOS KYI BU DANG, CHU LHA DANG, NOR CAN GYI BU DANG, THA SKAR GYI BU DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, @202B LTO 'PHYE CHEN PO DANG, SRIN PO DANG, 'BYUNG PO DANG, GRUL BUM DANG, YI DWAGS DANG, 'KHOR DANG, TSOGS DANG, MTSUN DANG, SHA ZA DANG, LHA'I DRANG SRONG DANG, RGYAL PO'I DRANG SRONG DANG, TSANGS PA'I DRANG SRONG DAG LA PHYAG 'TSAL ZHING DE DAG LA SNYING POR 'DU SHES SO, ,SA DANG, CHU DANG, ME DANG, RLUNG DANG, NAM MKHA' LA'ANG BRTEN, RI DANG, RI SUL DANG, KLUNG DANG, CHU MIG DANG, MTSO DANG, MTSE'U DANG, RDZING DANG, RGYA MTSO DANG, LTENG KA DANG, KHRON PA DANG, RDZING BU DANG, SHING DANG, SHING GEL PA DANG, 'KHRI SHING DANG, RTZWA DANG, SDONG DUM DANG, LHAS DANG, DUR KHROD DANG, BZHI MDO DANG, SUM MDO DANG, SRANG DAG LA'ANG BRTEN TO, ,KHANG PA DANG, KA BA DANG, RDO DANG, THO BA DANG, RAL GRI DANG, GZHU DANG, DGRA STA DANG, MDA' DANG, MDUNG THUNG DANG, RTZE GSUM PA DAG LA'ANG PHYAG 'TSAL LO, ,ZHO DANG, MAR DANG, YUNGS KAR DANG, NAS DANG, SHING BAL GYI PHRENG BA DANG, RTZWA D'UR BA DANG, NOR BU DANG, GSER DANG, DNGUL LA SOGS PA LA BKRA SHIS PAR 'DZIN TE, GZHAN MU STEGS CAN 'DI DAG 'KHOR BAS 'JIGS SKRAG NAS RNAM PA DE LTA BU DAG BYED CING BSTEN TO, ,'DI NA KHA CIG BDAG CAG GI MTHO RIS DANG THAR PA'ANG 'DI LTA BU DAG LAS 'GRUB BO, ,SNYAM DU SEMS TE, DE LTAR LOG PA'I LAM DU SONG BAS SKYABS MA YIN PA LA @203A *, ,SKYABS SU 'DU SHES SHING, BKRA SHIS MA YIN PA LA BKRA SHIS PAR 'DU SHES LA, DAG PA MA YIN PA LA DAG PAR SEMS KYI, BDAG GIS CI NAS KYANG PHAS KYI RGOL BA THAMS CAD TSAR BCAD PAR 'GYUR BA DANG, SEMS CAN LAS DANG BYA BA CHUD ZOS PA RNAMS KYI LAS DANG BYA BA CHUD MI ZA BA BSTAN PAR BYA BA DANG, GZUGS NA SPYOD PA'I LHA BSAM GTAN SPYOD YUL BA RNAMS LA BSAM GTAN GYI KHYAD PAR BSTAN PAS 'DUN PAR BYED PA DE LTA BU'I BRTUL ZHUGS DANG, DKA' THUB KYI KHYAD PAR BRTZAM MO SNYAM MO, ,DGE SLONG DAG ,DE LTAR BYANG CHUB SEMS DPAS DE SNYAM DU BSAM NAS LO DRUG TU BRTUL ZHUGS DANG, DKA' THUB SHIN TU DRAG PO SHIN TU SPYAD PAR DKA' BA; SHIN TU BYA BAR DKA' BA'I DKA' BA SPYAD PAR BRTZAMS SO, ,CI'I PHYIR DKA' BA SPYAD PA ZHES BYA ZHE NA, DE NI SPYAD PAR DKA' BA STE, DE BAS NA, DKA' BAR SPYAD PA ZHES BYA STE, BYANG CHUB SEMS DPA' SRID PA THA MA PA GANG BSAM GTAN MKHA' KHYAB LA SNYOMS PAR ZHUGS PA MA GTOGS PAR SEMS CAN GYI RIS NA MI'AM MI MA YIN PA SUS KYANG DKA' BA SPYAD PA DE LTA BU SPYOD PAR NUS PA MED DO, ,CI'I PHYIR MKHA' KHYAB CES BYA ZHE NA, DE DANG PO NYID DU BSAM GTAN BZHI PA LA SNYOMS PAR 'JUG @203B BA'I CHE DBUGS PHYI NANG DU RGYU BA NYE BAR 'GOG ,KUN TU 'GOG STE, BSAM GTAN DE NI RTOG PA MED, RNAM PAR RTOG PA MED, G-YO BA MED, SEMS PA MED, 'GYUR BA MED CING THAMS CAD DU RJES SU SONG BA, THAMS CAD LA MI BRTEN PA STE, BSAM GTAN DE LA SNGON SLOB PA'AM, MI SLOB PA'AM, RANG SANGS RGYAS SAM, SPYOD PA LA ZHUGS PA'I BYANG CHUB SEMS DPA' SUS KYANG SNYOMS PAR MA ZHUGS SO, ,MKHA' ZHES BYA BA NI NAM MKHA' STE, KHYAB PAR MI BYED PA MED PA, RNAM PAR MI 'THOR BA STE, DES THAMS CAD KHYAB PAR BYED PAS NA, BSAM GTAN DE NAM MKHA' DANG MNYAM PA STE, DE BAS NA, MKHA' KHYAB CES BYA'O, ,DGE SLONG DAG ,DE NAS BYANG CHUB SEMS DPA' 'JIG RTEN RNAMS LA NGO MTSAR YANG DAG PAR BSTAN PAR BYA BA DANG, MU STEGS CAN RNAMS KYI RGYAGS PA GZHIL BA DANG, PHAS KYI RGOL BA RNAMS TSAR GCAD PA DANG, LHA RNAMS 'DUN PAR BYA BA DANG, SEMS CAN CHAD PA DANG RTAG PAR SMRA BA, LAS DANG BYA BA CHUD ZOS PA RNAMS LAS DANG BYA BA LA GZUD PA DANG, BSOD NAMS KYI 'BRAS BU BRJOD PA DANG, YE SHES KYI 'BRAS BU YANG DAG PAR BSTAN PA DANG, BSAM GTAN GYI YAN LAG RNAM PAR DBYE BA DANG, LUS KYI STOBS DANG MTHU YANG DAG PAR BSTAN PA DANG, SEMS KYI DPA' BA YANG DAG PAR @204A *, ,BSKYED PA'I PHYIR BYI DOR MA BYAS PA'I SA THA MAL PA LA SKYIL MO KRUNG BCAS TE 'DUG GO ,'DUG NAS RANG GI LUS SEMS KYIS TSAR BCAD CING GZIR TO, ,DGE SLONG DAG ,DE NAS NGA DGUN GYI TSES BRGYAD PA'I NUB MO DE LTAR LUS TSAR BCAD CING GZIR BAS MCHAN KHUNG NAS KYANG RDUL BYUNG STE ZAGS, DPRAL BA NAS KYANG RDUL BYUNG STE ZAGS NAS SA LA LHUNG STE ZIL PAR CHAGS NAS DRO ZHING RLANGS PA BYUNG NGO, ,'DI LTA STE, DPER NA, SKYES BU STOBS DANG LDAN PAS SKYES BU SHIN TU NYAM CHUNG BZHI 'GRIN PA NAS BZUNG STE BCIR BA DE BZHIN DU DGE SLONG DAG ,LUS 'DI SEMS KYIS TSAR BCAD CING GZIR NA MCHAN KHUNG NAS KYANG RDUL BYUNG ZHING ZAGS, ,DPRAL BA NAS KYANG RDUL BYUNG ZHING ZAGS NAS SA LA LHUNG STE ZIL PAR CHAGS NAS DRO ZHING RLANGS PA 'BYUNG NGO, ,DGE SLONG DAG ,DE NAS NGAS 'DI SNYAM DU BSAM STE, BDAG GIS BSAM GTAN MKHA' KHYAB LA BSAM GTAN DU BYA'O SNYAM NAS DGE SLONG DAG ,DE NAS NGAS BSAM GTAN MKHA' KHYAB LA BSAM GTAN DU BYAS PA DANG, KHA DANG SNA NAS DBUGS PHYI NANG DU RGYU BA 'GAGS PAR GYUR TO, ,RNA BA'I BU GA GNYIS NAS SGRA DRAG PO CHEN PO BYUNG NGO, ,'DI LTA STE, DPER NA, SBUD PA BUS PA'I TSE SGRA DRAG PO DANG, SGRA CHEN PO BYUNG @204B BA DE BZHIN DU DGE SLONG DAG ,KHA DANG SNA NAS DBUGS PHYI NANG DU RGYU BA 'GAGS PAR GYUR PA DANG, RNA BA'I BU GA GNYIS NAS SGRA DRAG PO DANG, SGRA CHEN PO BYUNG NGO, ,DGE SLONG DAG , DE NAS NGAS 'DI SNYAM DU BSAM STE YANG BDAG GIS BSAM GTAN MKHA' KHYAB LA BSAM GTAN DU BYA'O SNYAM PA DANG, DE NAS NGA'I KHA DANG SNA DANG RNA BA 'GAGS PAR GYUR TO, , DE DAG 'GAGS PA DANG, RLUNG GONG DU MGO'I THOD PA LA GNOD PAR GYUR TO, ,DGE SLONG DAG ,'DI LTA STE, DPER NA, SKYES BU ZHIG GIS MDUNG THUNG RTUL POS MGO'I THOD PA LA BTAB PA DE BZHIN DU DGE SLONG DAG ,KHA DANG, SNA DANG, RNA BA'I DBUGS PHYI NANG DU RGYU BA 'GAGS PA DANG, GONG DU MGO'I THOD PA LA GNOD PAR GYUR TO, ,DER LHA'I BU ZHIG GIS BYANG CHUB SEMS DPA' NA BA DE MTHONG NAS 'DI SKAD CES SMRAS SO, ,AE MA'O KYI HUD GZHON NU DON GRUB PA 'DI 'CHI BA'I DUS BYAS SO, ,GZHAN ZHIG GIS 'DI SKAD CES SMRAS SO, ,'DI 'CHI BA'I DUS BYAS PA MA YIN GYI, DGRA BCOM PA BSAM GTAN LA GNAS PA RNAMS KYI TSUL NI DE LTA BU'O ZHES SMRAS NAS DE'I TSE TSIGS SU BCAD PA 'DI DAG SMRAS SO, ,MI YI DBANG PO SH'A-KYA'I SRAS PO 'DI, ,BRNAG PA MA RDZOGS DON KYANG MA MDZAD CING, ,'JIG RTEN GSUM PO SDUG BSNGAL MGON MED PAR, ,MDZAD NAS DGON @205A *, ,'DIR GRONGS PAR MI 'GYUR GRANG, ,KYI HUD SEMS CAN SNYING PO THUGS DAM BRTAN, ,MGON POS SNGON CHAD BDAG CAG DGA' LDAN DU, ,DAM CHOS MCHOD SBYIN LA NI MGRON DU BOS, ,SEMS CAN DAG KHYOD DAM BCAS DE GA RE, ,DE NAS LHA DE SUM CU RTZA GSUM GYI LHA'I NANG DU SONG STE LHA MO SGYU 'PHRUL LA GZHON NU NI 'CHI BA'I DUS BYAS SO ZHES DON DE BRJOD DO, ,DE NAS LHA MO SGYU 'PHRUL LHA'I BU MO'I TSOGS KYIS BSKOR NAS NAM PHYED TZAM NA KLUNG Ne RANYDZA NA'I 'GRAM GA LA BA DANG, BYANG CHUB SEMS DPA' GA LA BA DER SONG BA DANG, DES BYANG CHUB SEMS DPA' LUS BSKAMS SHING 'CHI BA'I DUS BYAS PA DANG 'DRA BA MTHONG NGO, ,MTHONG NAS MCHI MAS BRNANGS SHING DUS NAS DE'I TSE TSIGS SU BCAD PA 'DI DAG SMRAS SO, ,LUMBI NI ZHES BYA BA'I TSAL DU NGA BU BTZAS PA'I TSE, ,SENG-GE BZHIN DU 'DZIN PA MED PAR GOM BDUN KHYOD NYID SONG, ,PHYOGS BZHIR BLTAS SHING 'DI NI NGA YI SKYE BA THA MA ZHES, ,KHYOD KYIS TSIG SNYAN SMRAS PA DE YANG KHYOD LA YONG MA RDZOGS, ,'JIG RTEN SANGS RGYAS 'GYUR ZHES DRANG SRONG NAG POS BSTAN PA YI, ,DE YI LUNG BSTAN PA YANG NYAMS LA MI RTAG DES MA MTHONG, ,BUS NI YID DGA' 'KHOR LOS BSGYUR BA'I DPAL YANG MA MYONG LA, ,BYANG CHUB KYANG NI RJES SU MA THOB @205B TSAL DU SHI BAR GYUR, ,BU PHYIR SU LA BSGRUB PHYIR SDUG BSNGAL SU YI GAN DU MDUD, ,BDAG GI BU GCIG CUNG ZAD GSON PA'I SROG NI SU YIS SBYIN, ,BYANG CHUB SEMS DPAS SMRAS PA, SHIN TU SNYING RJE BAR NI DU BYED CING, ,SKRA YANG BSHIG LA MDZES PA RNAMS BOR BA, ,SHIN TU BU YI SMRE SNGAGS 'DON BYED LA, ,SA STENG 'DUG CING 'GRENG BA 'DI SU ZHIG LHA MO SGYU 'PHRUL GYIS SMRAS PA, BDAG GIS ZLA BA BCU BAR DU, ,RDO RJE 'DRA BA MNGAL DU BCANGS, ,BU DE'I MA NI BDAG YIN TE, ,RAB TU SDUG BSNGAL RNAM PAR SMRA, ,DE NAS BYANG CHUB SEMS DPA' MA'I DBUGS 'BYIN CING SMRAS PA, BU LA BYAMS PA KHYOD KYI NGAL BA 'BRAS BU YOD PAR BYA'I MA 'JIGS SHIG ,SANGS RGYAS PAR BYA BA'I PHYIR YONGS SU BTANG BA NI DON YOD PA STE, DRANG SRONG NAG POS BSTAN PA'ANG MNGON DU GSAL BAR BYA'O, ,MAR ME MDZAD KYIS LUNG BSTAN PA'ANG MNGON DU GSAL BAR BYA'O, ,SA NI RNAM BRGYAR 'THOR BAR 'GYUR YANG SRID, ,RIN CHEN RTZE MO LHUN PO CHUR 'PHYO SRID, ,NYI ZLA SKAR TSOGS SA LA LHUNG 'GYUR SRID, ,SO SO'I SKYE BO YIN YANG NGA MI 'CHI, ,DE PHYIR 'DI LA MYA NGAN KHYOD MA BYED, ,RING POR MI THOGS BYANG CHUB SANGS RGYAS MTHONG, ,LHA MO SGYU 'PHRUL GYIS THOS MA THAG TU DGA' STE, BA SPU G-YOS NAS BYANG CHUB SEMS DPA' LA ME TOG @206A *, ,MAND'A RA BAS GTOR TE LAN GSUM BSKOR BA BYAS NAS LHA'I SIL STAN DKROL ZHING RANG GI GNAS GA LA BA DER SONG NGO, ,DGE SLONG DAG ,NGAS 'DI SNYAM DU BSAM STE, DGE SBYONG DANG BRAM ZE GANG DAG KHA CIG ZAS CHUNG NGUS DAG PAR SEMS PA YOD KYI, NGAS KYANG ZAS CHUNG NGU LA NAN TAN BYA'O SNYAM MO, ,DGE SLONG DAG ,NGAS MNGON PAR SHES TE, ZAS SU RGYA SHUG 'BRU GCIG PU KHO NA STE, GNYIS SU MED PA ZOS SO, ,DGE SLONG DAG ,KHYED KYI BLO 'DI SNYAM DU DE'I TSE RGYA SHUG CHE BA SNYAM DU SEMS PAR GYUR NA, DE LTAR MI BLTA STE, DE'I TSE RGYA SHUG KYANG 'DI NYID TZAM MO, ,DGE SLONG DAG ,NGAS BAS SU RGYA SHUG 'BRU GCIG PU KHO NA STE, GNYIS SU MED PA ZOS PAS LUS SHIN TU NYAM CHUNG ZHING RID PAR GYUR TO, ,DGE SLONG DAG ,'DI LTA STE, DPER NA, LDUM BU AA SI TA KA'I TSIGS PA DANG, KA LI KA'I TSIGS PA CI 'DRA BAR NGA'I YAN LAG DANG NYID LAG RNAMS KYANG DE 'DRA BAR GYUR TO, ,'DI LTA STE, DPER NA, SROG CHAGS KAR KA TA'I RTZEB LOGS CI 'DRA BAR NGA'I RTZIB LOGS KYANG DE 'DRA BAR GYUR TO, ,'DI LTA STE, DPER NA, BZHON PA'I BRES KHANG NGAM, GLANG PO'I BRES KHANG RNYING PA NGOS GNYIS ZHIG PA NI GDUNG RTEN GYI BAR SNANG ZHING MNGON NO, ,DE BZHIN @206B DU NGA'I RTZIB LOGS GNYIS KA NAS LUS KYI NANG SNANG ZHING MNGON NO, ,'DI LTA STE, DPER NA, LAN BUR BLAS PA NI MTHON DMAN DANG, MNYAM PA DANG, MI MNYAM PAR GYUR TO, , DE BZHIN DU NGA'I SGAL TSIGS KYANG MTHON DMAN DANG, MNYAM PA DANG, MI MNYAM PAR GYUR TO, ,'DI LTA STE, DPER NA, KU BA KHA BO GZHON NUR BCAD PA NI RNYIS PA DANG, KUN TU RNYIS PA DANG, RTZUM RTZUM POR 'GYUR TO, ,DE BZHIN DU NGA'I MGO'ANG RNYIS PA DANG, KUN TU RNYIS PA DANG, RTZUM RTZUM POR GYUR TO, ,'DI LTA STE, DPER NA, SOS KA'I ZLA BA THAM LA KHRON PA'I SKAR MA DMA' BAR SONG STE TSEGS CHEN POS SNANG BAR 'GYUR RO, ,DE BZHIN DU NGA'I MIG GI 'BRAS BU'ANG KHUNG DU SONG STE TSEGS CHEN POS SNANG BAR GYUR TO, , 'DI LTA STE, DPER NA, RA'I RKANG PA'AM, RNGA MO'I RKANG PA CI 'DRA BAR NGA'I MCHAN KHUNG DANG, LTO DANG, BRANG LA SOGS PA'ANG DE 'DRA BAR GYUR TO, ,DGE SLONG DAG, DE NAS NGA GANG GI TSE LAG PAS LTO LA BYUG GO SNYAM NA SGAL TSIGS NYID LA REG GO, LDANG NGO SNYAM NAS LANGS NA'ANG DE BZHIN DU SGUR POR GYUR TE 'GYEL TO, ,SHA THANG STE LANGS NAS RDUL GYIS LUS YOG PA LAG PAS PHYIS PA DANG, BA SPU RUL PA THAMS CAD LUS LAS LHAGS SO, ,GANG SNGON NGA KHA DOG MDZES SHING 'JAM PAR GYUR PA DE'ANG 'DI LTAR BDAG @207A *, ,NYID SPONG BA RTZUB POR BTANG BAS MED PAR GYUR TO, ,NGA'I SPYOD YUL GYI GRONG NA GNAS PA'I SKYE BO NYEN KOR BA RNAMS KYANG NGA LA 'DI LTAR, AE MA'O DGE SBYONG Go TA MA NI NAG GO ,AE MA'O DGE SBYONG Go TA MA NI SNGO BSANGS SO, ,AE MA'O DGE SBYONG Go TA MA NI NYA MANG GU RA'I MDOG 'DRA'O, ,SNGON 'DI'I MDOG MDZES PA GSAL BAR GYUR PA DE'ANG MED PAR GYUR TO SNYAM DU SHES SO, ,DGE SLONG DAG ,NGAS 'DI SNYAM DU BSAM STE, BDAG GIS DE BAS KYANG ZAS CHUNG NGU LA NAN TAN BYA'O SNYAM MO,, DGE SLONG DAG ,NGAS MNGON PAR SHES TE, NGAS ZAS SU 'BRAS 'BRU GCIG PU KHO NA STE, GNYIS SU MED PA ZOS SO, ,DGE SLONG DAG ,KHYOD 'DI SNYAM DU DE'I TSE'I 'BRAS CHE BA SNYAM DU SEMS PAR GYUR NA, DE LTAR MI BLTA STE, DE'I TSE'I 'BRAS KYANG 'DI NYID TZAM MO, ,DGE SLONG DAG ,NGA ZAS SU 'BRAS 'BRU GCIG ZOS PAS LUS MYUR DU SNGA MA BZHIN DU GYUR TE, AE MA'O DGE SBYONG Go TA MA NYA MANG GU RA'I MDOG 'DRA'O, ,SNGON 'DI'I MDOG MDZES PA GSAL BAR GYUR PA DE'ANG MED PAR GYUR TO ZHES BYA BA'I BAR DU'O, ,DGE SLONG DAG ,NGAS 'DI SNYAM DU BSAM STE, BDAG GIS DE BAS KYANG ZAS CHUNG NGU NYID LA NAN TAN BYA'O SNYAM MO, ,DGE SLONG DAG ,NGAS MNGON PAR SHES @207B TE, NGAS ZAS SU TIL 'BRU GCIG PU KHO NA STE, GNYIS SU MED PA ZOS PA NAS DE'I KHA DOG 'JAM PO MED PAR GYUR TO ZHES BYA BA'I BAR DU'O, ,DGE SLONG DAG ,NGAS 'DI SNYAM DU BSAM STE, DGE SBYONG DANG BRAM ZE GANG DAG KHA CIG ZAS MI ZA BAS DAG PAR SEMS TE, BDAG GIS KYANG THAMS CAD KYI THAMS CAD DU ZAS MI ZA BAR NAN TAN BYA'O SNYAM NAS DGE SLONG DAG ,DE NAS ZAS MI ZA BAR 'DUG GO ,DGE SLONG DAG ,NGAS MA ZOS PAS LUS SHIN TU BSKAMS SHING NYAM CHUNG BA DANG, RID PAR GYUR TO, ,'DI LTA STE, DPER NA, LDUM BU AA SI TA KA'I TSIGS PA DANG, KA LI KA'I TSIGS PA BAS KYANG NYIS 'GYUR DANG, SUM 'GYUR DANG, BZHI 'GYUR DANG, LNGA 'GYUR DANG, BCU 'GYUR GYIS NGA'I YAN LAG DANG, NYING LAG SKEM PAR GYUR TE, 'DI LTA STE, RTZIB LOGS NI SROG CHAGS KAR KA TA KA'I RTZIB LOGS DANG, BZHON PA'I BRES KHANG LTA BUR GYUR TO, ,SGAL TSIGS NI LAN BU BLAS PA LTA BUR GYUR TO, ,MGO'I THOD PA NI, KU BA KHA BO LTA BUR GYUR TO, ,MIG GI 'BRAS BU NI KHRON PA'I SKAR MA LTA BUR GYUR TO, ,DGE SLONG DAG ,NGA LEGS PAR LDANG NGO SNYAM NAS LUS KYIS BSKYOD NA, SGUR POR GYUR TE 'GYEL TO, ,SHA THANG STE LANGS NAS RDUL GYIS LUS YOG PA LAG PAS PHYIS PA DANG, BA SPU RUL PA THAMS CAD @208A *, ,LUS LAS LHAGS SO, ,GANG SNGON NGA KHA DOG MDZES SHING 'JAM PAR GYUR PA DE'ANG 'DI LTAR BDAG NYID SPONG BA RTZUB POR BTANG BA'I PHYIR MED PAR GYUR TO; ;NGA'I SPYOD YUL GYI GRONG NA GNAS PA'I SKYE BO NYEN KOR BA RNAMS KYANG 'DI LTAR AE MA'O DGE SBYONG Go TA MA NI NAG GO ,AE MA'O DGE SBYONG Go TA MA NI SNGO BSANGS SO,, AE MA'O DGE SBYONG Go TA MA NI NYA MANG GU RA'I MDOG 'DRA'O, ,SNGON 'DI'I KHA DOG MDZES PA GSAL BAR GYUR PA DE'ANG MED PAR GYUR TO SNYAM DU SHES SO, ,DE'I TSE RGYAL PO ZAS GTZANG MA'ANG NYIN RE ZHING BYANG CHUB SEMS DPA'I DRUNG DU PHO NYA GTONG NGO, ,DGE SLONG DAG ,DE LTAR NA, BYANG CHUB SEMS DPA' SNGA MA BZHIN DU 'JIG RTEN DU BYA BA RMAD DU BYUNG BA BSTAN PA DANG, BYA BA NYAMS PA'I SEMS CAN RNAMS LAS DANG BYA BA LA GZUD PA DANG, BSOD NAMS KYI TSOGS RNAMS BRJOD PA DANG, YE SHES CHEN PO'I YON TAN BSTAN PA DANG, BSAM GTAN GYI YAN LAG RNAMS RNAM PAR DBYE BA'I PHYIR TIL 'BRU GCIG DANG, RGYA SHUG 'BRU GCIG DANG, 'BRAS 'BRU GCIG GIS LO DRUG GI BAR DU DKA' BA SPYOD PA BSTAN TE YID DMAN PA MED DO, ,BYANG CHUB SEMS DPA' LO DRUG GI BAR DU SKYIL MO KRUNG BCAS NAS JI LTAR 'DUG @208B PA BZHIN DU GNAS TE SPYOD LAM NYAMS PA MED DO, ,NYI MAS BAB NAS KYANG GRIB MA LA MA SONG NGO, ,GRIB MA LAS KYANG NYI MA LA MA SONG NGO, ,RLUNG DANG NYI MA DANG CHAR PA'I SKYABS MA BTZAL TO, ,SHA SBRANG DANG, SBRANG BU DANG, SDIG SBRUL MA BSRAD DO, ,BSHANG BA DANG, GCI BA DANG, MCHIL MA DANG, SNABS MA BOR RO, ,BSKUM PA DANG, SMYANG BA MA BYAS SO, , GLOS PHAM PA'AM, KHAS BUM BAM, GAN RKYAL MA YIN PAR GNAS PAS GNAS SO, ,SPRIN CHEN PO DANG, YUL NGAN CHEN PO DANG, CHAR PA DANG, SER BA DANG, STON DANG, DPYID DANG, DGUN GANG YIN PA DE DAG GIS KYANG BYANG CHUB SEMS DPA'I LUS LA MA PHOG GO ,THA NA BYANG CHUB SEMS DPAS LAG PAS KYANG MA BSKYABS SO, ,DBANG PO'ANG MA BKAG GO ,DBANG PO'I YUL YANG MA BLANGS SO, ,GANG DAG DER 'ONG BA GRONG GI GZHON NU'AM, GRONG GI GZHON NU MA'AM, BA LANG RDZI 'AM, PHYUGS RDZI 'AM, RTZWA THUN NAM, SHING THUN NAM; LCI THUN DE DAG KYANG BYANG CHUB SEMS DPA' LA RDUL KHROD KYI 'DRE YIN PA SNYAM DU SEMS SHING DE LA RTZEN TE, DE LA SA SKUD DO, ,DER BYANG CHUB SEMS DPA' LO DRUG PO DE DAG GIS LUS NGAN PA DANG, GOD PA DANG, RID PAR GYUR TE, DE'I RNA BA GNYIS SU RTZWA'AM SHING BAL BCUG NAS SNA'I BU GA GNYIS SU 'BYIN TO, ,SNA'I BU GA GNYIS SU @209A *, ,BCUG NAS RNA BA'I BU GA GNYIS SU 'BYIN TO, ,RNA BA'I BU GA GNYIS SU BCUG NAS KHAR 'BYIN TO, ,KHAR BCUG NAS RNA BA DANG SNA'I BU GAR 'BYIN TO, ,SNAR BCUG NAS RNA BA DANG KHAR 'BYIN TO, ,LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO GANG DAG BYANG CHUB SEMS DPA'I YON TAN MNGON SUM DU GYUR PA DE DAG NYIN MTSAN DU GNAS SHING BYANG CHUB SEMS DPA' LA MCHOD PA BYED DO, ,SMON LAM YANG 'DEBS SO, ,DE NA BYANG CHUB SEMS DPA' LO DRUG GI BAR DU DKA' BA SPYOD PA STON CING LHA DANG MI KHRAG KHRIG PHRAG BCU GNYIS TSANG BA DAG THEG PA GSUM LA YONGS SU SMIN PAR BYAS SO, ,DE LA 'DI SKAD CES BYA STE, BYANG CHUB SEMS DPA' KHYIM BYUNG BA, ,YON TAN DAG DANG LDAN PA DE, ,SEMS CAN DON DANG PHAN PA'I PHYIR, ,THAMS DANG LDAN PA'I BSAM PA SKYES, ,SNYIGS MA LNGA YI DUS KYI TSE, ,CHOS DMAN MOS PA'I 'JIG RTEN PO, ,LAS DANG BYA BOR 'JIG RTEN DU, ,DZMBU'I GLING 'DIR SKYES PAR GYUR,, MU STEGS TSOGS KYIS RAB TU GANG, ,LTAD MO DANG NI LTAS SU LTA, ,LUS LA GNOD PA BYA BA BYED, ,BYIS PA DE DAG DAG PAR SEMS, ,G-YANG SA ME DANG MYA NGAM 'JUG , @209B SGREN MO SA DANG LCI BAS SKUD, ,LUS NI YONGS SU GDUNG BA'I PHYIR, ,GDUNG BA LNGA LA BRTZON DANG LDAN, ,LAG PA BRKYANG STE RGYU BA DANG, ,MI MKHAS KHA CIG LAG PA LDAG , BUM PA KHAR GZHONG LAS MI LEN, ,SGO DANG KA BAS CHOD MI LEN, ,GANG NA KHYI YOD PA NAS MIN, ,'DUG CE'AM TSUR SHOG CES LAS MIN, ,KHYIM NAS KHA ZAS GCIG LEN PAS, ,BDAG NI DAG PAR 'GYUR SNYAM SEMS, ,MAR DANG 'BRU MAR BU RAM ZHO, ,NYA DANG SHA DANG 'O MA SPONG, ,LDAM LDUM SRE DA PAD-MA'I RTZA, ,GZEGS DANG BA LANG LCI BA ZA, ,RTZA BA 'BRAS BU LO MA DANG, ,KU SHA TSAL BU LA BA PAGS, ,SREL BYED KHA CIG SGREN MOR RGYU, ,GLEN PA 'DI BDEN GZHAN RDZUN SNYAM, ,LAG PA SGRENG BAR BYED PA DANG, ,SKRA BSGRENG RAL PA BSGRENG BA DAG ,LAM LAS RAB TU RNAM PAR NYAMS, ,LAS MIN GNAS SHING BDE 'GRO 'DOD, ,RTZA DANG GTUN SHING THAL BAR NYAL, ,TSER MAR NYAL ZHING RTZOG PUR 'DUG ,KHA CIG RKANG PA GCIG PUS 'GRENG, ,GDONG BSTOD NYI DANG ZLA BA LTA, ,CHU MIG MTSO DANG LTENG KA DANG, ,RGYA MTSO CHU BO NYI ZLA DANG, ,SHING DANG RI YI RTZE MO DANG, ,RDZA DANG SA LA PHYAG KYANG 'TSAL, ,GLEN PA DE DAG GNOD MANG GIS, ,LUS NI YONGS SU SKEM PAR BYED, ,LOG PAR LTA DANG LDAN PA DAG ,MYUR DU NGAN @210A *, ,SONG RNAMS SU LTUNG, ,NGA NI DKA' THUB BRTUL ZHUGS DANG, ,DKA' SPYAD GANG ZHIG LHA DANG MIS, ,SPYAD PAR NUS PA MA YIN PA'I, ,DKA' SPYAD DRAG PO RTZOM SNYAM SEMS, ,BSAM GTAN GANG ZHIG RANG RGYAL GYIS, ,BLTA BAR NUS PA MA YIN PA'I, ,RDO RJE LTA BUR BRTAN GNAS PA, ,MKHA' KHYAB BSAM GTAN BSAM GTAN BYED, ,MU STEGS BRTUL ZHUGS NGAN PA YIS, ,DGA' BA'I LHA MI 'DI NA YOD, ,DE DAG YONGS SU SMIN BYA'I PHYIR, ,DKA' SPYAD BRTUL ZHUGS DRAG PO BRTZAMS, ,SA STENG CI YANG MA BTING BAR, ,SKYEL MO KLUNG NI BCAS TE 'DUG ,RGYA SHUG TIL DANG 'BRAS 'BRU GCIG ,ZA BA'I CHO GA RNAM PAR STON, ,DBUGS DBYUNG RDUB PA RNAM PAR SPANGS, ,STOBS DANG LDAN PA G-YO BA MED, ,LO DRUG BAR DU BSAM GTAN MCHOG ,NAM MKHA' KHYAB LA BSAM GTAN BYED, ,RTOG DANG RNAM PAR RTOG MED PA, ,G-YO BA MED CING SEMS RGYU MED, ,NAM MKHA'I KHAMS SU KHYAB PA YI, ,MKHA' KHYAB BSAM GTAN BSAM GTAN BYED, ,DE NI NYI LAS GRIB MAR RAM,, GRIB LAS NYI MAR SONG MA BYAS, ,LHUN PO LTA BUR MI G-YO BA'I, ,MKHA' KHYAB BSAM GTAN BSAM GTAN BYED, ,RLUNG DANG CHAR DANG SHA SBRANG DANG, ,SDIG SBRUL SBRANG BU @210B SKYOB MI BYED, ,RNAM PAR MA 'KHRUGS SPYOD PA YIS, ,MKHA' KHYAB BSAM GTAN BSAM GTAN BYED, ,BDAG NYID GCIG PU'I DON GYI PHYIR, ,MKHA' KHYAB BSAM GTAN BYED PA MIN, ,GZHAN DU SNYING RJE SEMS KYIS NI, ,'JIG RTEN DON MANG CHED DU SGOM, ,GRONG GI BYIS PA BA LANG RDZI, ,SHING THUN DAG DANG RTZWA THUN DAG ,DE LA RDUL KHROD 'DRE SNYAM SEMS, ,DE LA SA YIS SKUD BYED CING, ,MI GTZANG BA YANG 'THOR BAR BYED, ,DE DAG GNOD PA MANG BYED KYANG, ,G-YO BA MED CING 'KHRUG MED PAR, ,MKHA' KHYAB BSAM GTAN BSAM GTAN BYED, ,MTHO BA MED CING DMA' BA MED, ,LUS MA BSRUNGS PAR CHOS MI REG ,BSHANG BA MI BYED GCI MI BYED, ,SGRA YIS MI 'JIGS GZHAN MI LTA, , SHA DANG KHRAG RNAMS BSKAMS GYUR TE, ,PAGS PA RTZA RGYUS RUS PA LUS, ,SGAL TSIGS DAG NI LTO BAR SNANG, ,LAN BU BLAS PA JI BZHIN NO, ,GANG DAG LHAG PAR BYAS LHA DANG, ,LHA MIN GNOD SBYIN DRI ZA KLU, ,YON TAN LDAN PA MNGON SUM PAS, ,NYIN DANG MTSAN DU MCHOD PA BYED, ,JI LTAR MKHA' 'DRA'I SEMS LDAN 'DI, ,MKHA' KHYAB BSAM GTAN BSAM GTAN BYED, ,DE 'DRAR BDAG CAG MYUR GYUR CES, ,SMON LAM DAG KYANG 'DEBS PAR BYED, ,SNYING RJE'I BLO YIS 'JIG RTEN GYI, ,DON MANG PHYIR BYED MA GTOGS @211A *, ,PAR; ;BDAG PHYIR MA YIN BDE BLOS MIN, ,BSAM GTAN RO NI MYANG PHYIR MIN, ,PHAS KYI RGOL BA RAB TU BCOM, ,MU STEGS BLO NYAMS ZIL GYIS MNAN; ;MGO REG BYANG CHUB GA LA YOD, ,BYANG CHUB BSKAL MANG RNYED DKA' ZHES, ,'OD SRUNG LA NI TSIG SMRAS PA'I, ,LAS DANG BYA BA RAB TU BSTAN, ,SKYE BO DAG NI DGA' BYA'I PHYIR, ,MKHA' KHYAB BSAM GTAN BSAM GTAN BYED, ,LHA MI KHRAG KHRIG BCU GNYIS CHOD, ,THEG PA GSUM LA RAB TU BTUL, ,DE YI CHED DU BLO GROS BZANG, ,MKHA' KHYAB BSAM GTAN BSAM GTAN BYED, ,DKA' BA SPYAD PA'I LE'U ZHES BYA BA STE, BCU BDUN PA'O,, ,,DGE SLONG DAG ,BDUD SDIG CAN YANG BYANG CHUB SEMS DPA' LO DRUG GI BAR DU DKA' BA SPYAD PA SPYOD PA'I TSE PHYI BZHIN 'BRANG STE GLAGS LTAS SKABS BTZAL KYANG NAM YANG GLAGS CUNG ZANG KYANG MA RNYED DO, ,DE GLAGS MA RNYED NAS YI CHAD DE YID LA GCAGS BZHIN DU SONG NGO, ,DE LA 'DI SKAD CES BYA STE, ,DGON PA NYAMS NI DGA' BA DANG, ,NAGS TSAL GEL BA SGRA MED DANG, ,LTENG RGYAS KYI NI SHAR PHYOGS NA, ,CHU KLUNG NEE RNYDZA NA DER, ,SPONG BA'I PHYIR NI BRTZON PA BYAS, ,RTAG TU MTHU RTZAL BRTAN PA PO, ,GRUB DANG BDE BA THOB BYA'I PHYIR, ,RTZON BAS @211B RAB TU BRTUL DE LA, ,BDUD NI 'JAM ZHING SNYAN PA'I TSIG ,SMRA BAR BYED CING 'ONGS PAR GYUR, ,KYE SROG GCES KYI 'TSO BAR GYIS, ,GSON NA CHOS NI SPYOD PAR 'GYUR, , GSON TSE BYA BA GANG YOD PA, ,DE DAG BYAS NA MYA NGAN MED, ,KHYOD NI MDOG NYAMS DMAN PAR GYUR, ,KHYOD NI SHI LA THUG CING 'DUG ,'CHI BA'I CHA NI STONG SNYED TZAM, ,CHA GCIG TZAM ZHIG GSON PAR ZAD, ,SBYIN PA DAG NI RTAG TU BYIN, ,ME YI SBYIN SREG SBYIN SREG BYOS, ,'ON KYANG BSOD NAMS CHEN POR 'GYUR, ,SPONG BA YIS NI CI ZHIG BYA; ;SPONG BA'I LAM NI SDUG BSNGAL TE, ,SEMS DUL PA NI BYA DKA' ZHES, ,DE TSE BDUD KYIS DE SKAD TSIG ,BYANG CHUB SEMS DPA' DE LA SMRAS, ,DE SKAD SMRA BA'I BDUD DE LA; ;BYANG CHUB SEMS DPAS 'DI SKAD SMRAS, ,SDIG CAN MYOS PA'I RTZA LAG PO, ,KHYOD NI RANG GI DON PHYIR 'ONGS, ,NGA LA BSOD NAMS CUNG ZAD KYANG, ,DON DU GNYER BA MED DO BDUD, ,GANG DAG BSOD NAMS DON DU GNYER, ,DE LA DE SKAD SMRA BA'I RIGS, ,'TSO BA'I MTHA' NI 'CHI YIN PAS, ,MI 'CHI SNYAM DU NGA MI SEMS, ,TSANGS PAR SPYOD LA GZHOL GYUR PAS, ,PHYIR LDOG PAR NI MI BYA 'O, ,CHU KLUNG DAG GI CHU RGYUN KYANG, ,RLUNG GIS RNAM PAR SKEM BYED NA, ,SPANGS PA NYID KYI KHRAG TZAM LTA, ,'DI @212A *, ,YIS CI PHYIR SKAM MI 'GYUR, ,KHRAG NI BSKAMS PAR GYUR PA DANG, ,DE YI 'OG TU SHA SKAM 'GYUR, ,SHA NI ZAD PAR GYUR PA DANG, ,PHYIR ZHING SEMS NI DANG BAR 'GYUR, ,PHYIR ZHING 'DUN DANG BRTZON 'GRUS DANG, ,TING NGE 'DZIN KYANG GNAS PAR 'GYUR, ,NGA NI DE LTAR GNAS PAS NA, ,TSOR BA DAM PA THOB GYUR KYANG, , LUS DANG SROG LA MI LTA STE, ,SRAN THUB DAG PAR GYUR LA LTOS, ,NGA LA 'DUN PA YOD GYUR CING, ,BRTZON 'GRUS DANG NI SHES RAB YOD, ,NGA YI BRTZON 'GRUS BSKYOD NUS PA; ;'JIG RTEN DE NI NGAS MA MTHONG, ,SROG CHAD SHI BA CHES BLA STE, ,'TSO BA NGAN PA DE LTA MIN, ,G-YUL NGOR SHI BA LEGS PA STE, ,PHAM NAS GSON PA DE LTA MIN, , SNGAR MA DPUNG LAS MI RGYAL TE, ,DPA' BO DPUNG LAS RGYAL BAR 'GYUR, ,RGYAL YANG DE NI RLOM SEMS MED, ,BDUD KHYOD LAS NI MYUR RGYAL BYA, ,'DOD PA KHYOD KYI DANG PO'I DPUNG, ,MI DGA' BA NI GNYIS PA YIN, ,KHYOD KYI GSUM PA BKRES DANG SKOM, ,SRED PA DPUNG TSOGS BZHI PA YIN, ,RMUGS DANG GNYID NI LANG PA STE, ,'JIGS PA DRUG PAR BRJOD PA YIN, ,KHYOD KYI THE TSOM BDUN PA STE, ,KHRO DANG 'CHAB PA BRGYAD PA YIN, ,'THOB DANG TSIGS BCAD BKUR STI DANG, ,LOG PAR GRAGS PA GANG @212B THOB DANG, ,BDAG LA BSTONG PAR BYED PA DANG, ,GZHAN LA SMOD PAR BYED PA DANG, ,DE DAG NAG PO'I RTZA LAG TU, ,LHUNG BA'I BDUD KYI DPUNG YIN NO, ,DGE SBYONG BRAM ZE KHA CIG NI; ;'DI NA GLAGS LTA 'KHOD PAR SNANG, ,KHYOD DPUNG GANG YIN LHAR BCAS KYIS, ,'JIG RTEN 'DI NI RAB 'DUL BA, ,SO BTANG MA BYAS SNOD CHUS BZHIN, ,SHES RAB KYIS NI DE DAG GZHIG ,DRAN PA LEGS PAR NYER BZHAG STE, ,SHES RAB LEGS PAR BSGOMS BYAS NAS, ,SHES BZHIN DU NI SPYOD PAR BYA, ,BLO NGAN KHYOD KYIS CI BYAR YOD, ,DE SKAD CES SMRAS PA DANG, BDUD SDIG CAN SDUG BSNGAL ZHING YID MI BDE STE, YID MA RANGS NAS YID LA GCAGS BZHIN DU DE NYID DU MI SNANG BAR GYUR TO,, ,,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO BCU GNYIS PA, DGE SLONG DAG ,DE NAS BYANG CHUB SEMS DPA' 'DI SNYAM DU SEMS TE, DGE SBYONG DANG BRAM ZE GANG DAG KHA CIG 'DAS PA DANG, MA 'ONGS PA DANG, DA LTAR BYUNG BA'I DUS NA BDAG LA GNOD PA BYED PA DANG, LUS LA GDUNG BA BYED DE, SDUG BSNGAL DRAG PO, TSA BA, MI BZAD PA; YID DU MI 'ONG BA'I TSOR BA MYONG BAR BYED PAS DE DANG, SHIN TU SDUG BSNGAL BA MYONG NGO SNYAM MO, ,DGE SLONG DAG ,NGAS 'DI SNYAM DU BSAM STE, SBYOD PA 'DI DANG, @213A *, ,SGRUB PA 'DIS MI'I CHOS BLA MA LAS MCHOG TU GYUR PA, 'PHAGS PA YE SHES MTHONG BA'I KHYAD PAR GANG YANG MNGON DU MA BYAS TE, 'DI NI BYANG CHUB KYI LAM MA YIN, LAM 'DI NI MA 'ONGS PA'I SKYE BA DANG, RGA BA DANG, 'CHI BA 'BYUNG BA NUB PAR BYED PA MA YIN TE, BYANG CHUB KYI LAM MA 'ONGS PA'I SKYE BA DANG, RGA BA DANG, 'CHI PA'I SDUG BSNGAL 'BYUNG BA NUB PAR BYED PA GZHAN ZHIG YOD DO SNYAM MO, ,DGE SLONG DAG ,NGAS 'DI SNYAM DU BSAM STE, NGAS PA'I SKYED MOS TSAL DU SHING DZAM-BU'I GRIB MA LA 'DUG STE 'DOD PA RNAMS LAS DPEN PA, SDIG PA MI DGE BA'I CHOS RNAMS LAS DBEN PA, RTOG PA DANG BCAS PA, DPYOD PA DANG BCAS PA, DBEN PA LAS SKYES PA'I DGA' BA DANG, BDE BA CAN BSAM GTAN DANG PO NAS BSAM GTAN BZHI PA'I BAR BSGRUBS TE GNAS PA DE BYANG CHUB KYI LAM YIN TE, SKYE BA DANG, RGA BA DANG, 'CHI BA'I SDUG BSNGAL 'BYUNG BA RNAMS NUB PAR 'GYUR BA YIN SNYAM NAS DE BYANG CHUB KYI LAM YIN NO SNYAM STE, NGA'I RNAM PAR SHES PA RJES SU 'BRANG BAR GYUR TO, ,NGAS 'DI SNYAM DU BSAM STE, 'DI LTAR NYAM CHUNG BAR GYUR PAS NI LAM DE MNGON PAR RDZOGS PAR BYANG CHUB PAR BYA MI NUS SO, ,GAL TE NGA 'DI LTAR LUS NGAN ZHING NYAM CHUNG BZHIN @213B DU MNGON PAR SHES PA DANG, YE SHES KYI STOBS KYIS BYANG CHUB KYI SNYING POR SONG NA NI, NGAS PHYI MA'I SKYE BO LA SNYING BRTZE BA BYAS PAR MI 'GYUR TE, 'DI'ANG BYANG CHUB KYI LAM MA YIN GYI, NGAS KHA ZAS RAGS PA ZOS LA LUS KYI MTHU STOBS BSKYED DE, DE NAS GDOD BYANG CHUB KYI SNYING POR 'GRO'O SNYAM MO, ,DGE SLONG DAG, DE NA LHA'I BU GANG DAG NGA LA MOS PA DE DAG GIS NGA'I SEMS KYI YONGS SU RTOG PA SEMS KYIS SHES NAS NGA GA LA BA DER 'ONGS TE NGA LA 'DI SKAD CES SMRAS SO, ,SKYES BU DAM PA ZHAL ZAS RAGS PA MA GSOL CIG, BDAG CAG GIS BA SPU'I KHUNG BUR MDANGS STZAL BAR BGYI'O, ,DGE SLONG DAG ,NGAS 'DI SNYAM DU BSAM STE, BDAG NI ZAS MI BZA' BAR BDAG NYID KYIS DAM BCAS LA, BDAG GI SPYOD YUL GYI GRONG NA GNAS PA'I SKYE BO NYEN KOR BA RNAMS KYIS KYANG 'DI LTAR DGE SBYONG GOO TA MA NI ZAS MI ZA BA YIN PAR SHES TE, NGA LA MOS PA'I LHA'I BU 'DI DAG GIS NGA'I BA SPU'I KHUNG BUR MDANGS BCUG PAR GYUR NA, NGA SHIN TU RDZUN SMRAS PAR GYUR TO SNYAM STE, ,DE NAS BYANG CHUB SEMS DPAS RDZUN SMRA BA SPANG BA'I PHYIR LHA'I BU DE DAG GI TSIG MA MNYAN PAR KHA ZAS RAGS PA BZA' BAR SEMS BTUD DO, ,DGE SLONG DAG ,DE LTAR BYANG CHUB SEMS DPAS LO DRUG GI BAR DU BRTUL @214A *, ,ZHUGS DANG, DKA' THUB NYAMS SU BLANGS NAS STAN DE LAS LANGS TE KHA ZAS RIGS PA 'DI LTA STE, BU RAM GYI DBU BA DANG, MON SRAN SNGE'U'I KHU BCUD DANG, HA RA NU KHA'I KHU BCUD DANG, ZAN DANG, 'BRAS CHAN DANG, 'DREN MAR BZA'O ZHES TSIG TU BRJOD DO, ,DGE SLONG DAG ,DE NAS LNGA SDE BZANG PO DAG 'DI SNYAM DU SEMS TE, DGE SBYONG Go TAMS LAM 'DI DANG, SGRUB PA 'DIS MI'I CHOS BLA MA LAS MCHOG TU GYUR PA, 'PHAGS PA YE SHES MTHONG PA'I KHYAD PAR GANG YANG MNGON DU BYED MA NUS NA, KHA ZAS RAGS PA 'DI ZOS TE BSOD SNYOMS LA SBYOR BA DANG LDAN PAR GNAS PAS CI NUS TE, MI GSAL BA BYIS PA YIN NO SNYAM DU BSAM NAS BYANG CHUB SEMS DPA'I GAN NAS SONG STE, GRONG KHYER W'A RA n'A SIR SONG NAS DRANG SRONG LHUNG BA RI DWAGS KYI NAGS SU GNAS SO, ,DE NA BYANG CHUB SEMS DPA' THOG MA NYID DU DKA' BA SPYAD PA SPYOD PA NA GRONG PA'I BU MO GZHON NU BCUS BLTA BA DANG PHYAG BYA BA'I PHYIR BSNYEN BKUR BYAS SO, ,LNGA SDE BZANG PO DE DAG GIS KYANG RIM GRO BYAS SHING RGYA SHUG 'BRU GCIG DANG, 'BRAS 'BRU GCIG DANG, TIL 'BRU GCIG DBUL BA'ANG PHUL LO, ,GRONG PA'I BU MO BCU NI BU MO STOBS LDAN MA ZHES BYA BA DANG, STOBS SBED MA @214B DANG, SHIN TU SDUG DANG, SDE LAS RNAM PAR RGYAL DANG, AA TI MUKTA KA'I PHRENG BA CAN DANG, MDZES MA DANG, RDZA BYED MA DANG, SKRA LCANG LO RGYAS DANG, RAL BU CAN DANG, LEGS SKYES BA MA ZHES BYA BA STE, GZHON NU MA DE DAG GIS BYANG CHUB SEMS DPA'I TSOD MA'I RNAM PA DE DAG THAMS CAD BYAS TE PHUL LO, ,BYANG CHUB SEMS DPAS KYANG DE DAG ZOS NAS RIM GYIS SPYOD YUL GYI GRONG DU BSOD SNYOMS SPYAD PAS MDOG DANG, GZUGS DANG, STOBS DANG LDAN PAR GYUR TO, ,DE TSUN CHAD BYANG CHUB SEMS DPA' LA DGE SBYONG MDZES PA, DGE SBYONG CHEN PO ZHES 'DZER TO, ,DGE SLONG DAG ,DE NA BYANG CHUB SEMS DPA' DANG PO NYID DU DKA' BA SPYAD PA SPYOD PA NA BYANG CHUB SEMS DPAS BRTUL ZHUGS DANG, DKA' THUB NYAMS 'OG TU CHUD PAR BYA BA DANG, ,NGAS RTAS PAR BYA BA'I PHYIR GRONG PA'I BU MO LEGS SKYES MAS NYIN GCIG BZHIN DU BRAM ZE BRGYAD BRGYA LA ZAN BYIN ZHING 'DI SKAD DU BDAG GI ZAS ZOS PAS BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR SHOG CIG CES SMON LAM YANG BTAB BO, ,DGE SLONG DAG ,LO DRUG 'DAS NAS NGAS 'DI SNYAM DU BSAM STE, GAL TE BDAG GIS 'DOMS YOG 'GA' ZHIG BSTEN NA RE STES SNYAM MO, ,DGE SLONG DAG, DE'I @215A *, ,TSE GRONG PA'I BU MO LEGS SKYES MA'I BRAN MO GRUB MA ZHES BYA BA ZHIG SHI NAS DE SHA NA'I RAS KYIS DKRIS TE NGUR KHROD DU BOR BAR GYUR PA'I PHYAG DAR KHROD PA DE NGAS MTHONG NAS NGAS PHYAG DAR KHROD PA DE BLANG BA'I PHYIR RKANG PA GYON PAS MNAN TE DGUS NAS LAG PA GYAS PA BRKYANG BA DANG, DE NAS SA BLA'I LHAS BAR SNANG GI LHA RNAMS LA SGRA BSGRAGS PA, GROGS PO DAG ,'DI LTAR RGYAL PO CHEN PO'I RIGS SU SKYES PA 'KHOR LOS BSGYUR BA'I RGYAL SRID POR TE PHYAG DAR KHROD PA LA SEMS BTUD PA NGO MTSAR TE, GROGS PO DAG ,'DI NI RMAD DU BYUNG BA'O, ,BAR SNANG GI LHA RNAMS KYIS SA BLA'I LHA RNAMS KYI SGRA THOS NAS RGYAL CHEN BZHI'I RIS KYI LHA RNAMS LA SGRA BSGRAGS SO, ,RGYAL CHEN BZHI'I RIS PAS KYANG SUM CU RTZA GSUM PA LA'O, ,SUM CU RTZA GSUM PAS KYANG 'THAB BRAL BA LA'O, ,'THAB BRAL BAS KYANG DGA' LDAN PA LA'O; ;DGA' LDAN PAS KYANG 'PHRUL DGA' BA LA'O, ,'PHRUL DGA' BAS KYANG GZHAN 'PHRUL DBANG BYED PA LA'O, ,GZHAN 'PHRUL DBANG BYED PAS KYANG TSANGS RIS PA'I BAR DU'O, ,SKAD CIG DE DANG, THANG GCIG DE DANG, YUD TZAM DE LA GROGS PO DAG ,'DI LTAR RGYAL PO CHEN PO'I RIGS SU SKYES PA 'KHOR LOS BSGYUR PA'I @215B RGYAL SRID BOR TE PHYAG DAR KHROD PA LA SEMS BTUD PA NGO MTSAR TE, 'DI NI RMAD DU BYUNG BA'O ZHES SGRA GCIG DANG, BRJOD PA GCIG 'OG MIN GYI GNAS KYI BAR DU GRAGS PAR GYUR TO, ,DE NAS BYANG CHUB SEMS DPA' YANG 'DI SNYAM DU BSAM STE, BDAG GIS PHYAG DAR KHROD PA NI RNYED NA, GAL TE CHU ZHIG RNYED NA RE STES SNYAM MO, ,DE NAS DE NYID DU LHAS LAG PA SA LA BRDABS PA DANG, DER RDZING BU ZHIG BYUNG BAR GYUR TE, DENG SANG DU'ANG LAG PA BRDABS PA'I RDZING ZHES GRAGS SO, ,DE NAS YANG BYANG CHUB SEMS DPAS 'DI SNYAM DU BSAM STE, BDAG GIS CHU NI RNYED NA, GAL TE PHYAG DAR KHROD PA 'DI BKRU BA'I RDO LEB CIG RNYED NA RE STES SNYAM PA DANG, SKAD CIG DE NYID LA BRGYA BYIN GYIS DER RDO LEB BZHAG NAS DE LA BYANG CHUB SEMS DPAS PHYAG DAR KHROD PA DE BKRUS SO, ,DE NAS LHA'I RGYAL PO BRGYA BYIN GYIS BYANG CHUB SEMS DPA' LA 'DI SKAD CES SMRAS SO, ,SKYES BU DAM PA; 'DI KHO BO LA STZOL CIG DANG KHO BOS BKRU'O, ,DE NAS BYANG CHUB SEMS DPAS RAB TU BYUNG BA NI BDAG NYID KYIS BYA BAR BSTAN PA'I PHYIR BRGYA BYIN LA MA BYIN PAR BDAG NYID KYIS BKRUS SO, ,DE LUS NGAL TE CHAD NAS RDZING NAS 'BYUNG SNYAM PA DANG, BDUD SDIG CAN PHRAG DOG GI CHOS DANG LDAN PAS RDZING BU GAD PA MTHON PO ZHIG SPRUL TO, ,RDZING DE'I @216A *, ,'GRAM NA SHING SGRUB BYED CES BYA BA CHEN PO ZHIG YOD DO, ,BYANG CHUB SEMS DPA' 'JIG RTEN DANG MTHUN PAR BYA BA DANG, LHA MO LA PHAN GDAGS PA'I PHYIR SHANG DE'I LHA MO LA SMRAS PA, LHA MO, SHING GI YAL GA SMOD CIG, ,DES KYANG SHING GI YAL GA SMAD NAS BYANG CHUB SEMS DPA' DE LA 'JUS TE BYUNG NGO, ,BYUNG NAS KYANG SHING SGRUB BYED PA'I DRUNG DU PHYAG DAR KHROD PA CHOS GOS SNAM SBYAR DU BYAS NAS DRUBS TE, DENG SANG DU'ANG DE LA PHYAG DAR KHROD PA DRUBS PA ZHES MING DU GRAGS SO, ,DE NAS GNAS GTZANG MA'I RIS KYI LHA'I BU 'OD DRI MA MED PA ZHES BYA BA DES LHA'I GOS NGUR SMRIG GI TSON BTZOS PA, RUNG BA, DGE SBYONG GI TSUL DANG MTHUN PA DAG BYANG CHUB SEMS DPA' LA PHUL LO, ,BYANG CHUB SEMS DPAS KYANG DE DAG BLANGS TE, SNGA DRO SHAM THABS DANG CHOS GOS BGOS NAS SBYOD YUL GYI GRONG DU PHYOGS PA DANG, DE NA LHA RNAMS KYIS LTENG RGYAS KYI SDE DPON GYI GRONG NA DGA' BYED CES BYA BA'I GRONG MI ZHIG YOD PA'I BU MO LEGS SKYES MA LA NAM PHYED TZAM NA SMRAS PA, KHYOD KYIS GANG GI PHYIR MCHOD SBYIN BYAS PA DE BRTUL ZHUGS DE NYAMS 'OG TU CHUD NAS DE KHA ZAS RAGS PA BZANG PO BZA' BAR SEMS KYI, SNGON KHYOD KYIS BDAG GI ZAS ZOS NAS @216B BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR SHOG CIG CES SMON LAM BTAB PA GANG YIN PA' KHYOD KYI BYA BA DE GYIS SHIG ,DGE SLONG DAG ,DE NAS GRONG MI DGA' BYED KYI BU MO LEGS SKYES MAS LHA DE DAG GI TSIG DE THOS NAS MYUR BA MYUR BAR BA STONG GI 'O MA LAN BDUN DU NYING KHUR BYAS PA, BZANG PO MCHOG TU 'GYUR BA, SNYING PO CAN BLANGS TE, BLANGS NAS KYANG 'O MA DE 'BRAS GSAR PA GSAR PA DAG DANG, PHRU BA GSAR PAR BLUGS NAS THAB GSAR PAR BTZUGS TE KHA ZAS DE SGRUB BO, ,DE SGRUB PA NA SNGA LTAS 'DI DAG SNANG STE, 'O MA DE'I NANG NA DPAL BE'U DANG, BKRA SHIS PA DANG, GYU DRUNG 'KHYIL PA DANG, PAD MA DANG, SDONG RIS LA SOGS PA BKRA SHIS RNAMS SNANG NGO, ,DE NAS NGAS 'DI SNYAM DU BSAM STE, LTAS 'DI LTA BU 'DI DAG SNANG BA LAS NA, BYANG CHUB SEMS DPAS ZAS ZOS NAS BYANG CHUB 'THOB PAR 'GYUR DU THE TSOM MED DO SNYAM PA DANG, RGYA MTSO PA SHES SHING CHO GA SHES PA'I MTSAN MKHAN PHYOGS DER PHYIN PAR GYUR NAS DES KYANG BDUD RTZI 'THOB PA NYID DU LUNG BSTAN TO, ,DE NAS LEGS SKYES MAS THUG PA DE CHOS PA DANG, THANG LA BZHAG STE ME TOG GIS GTOR, SPOS CHUS GTOR NAS GUS PAR STAN BTING STE BRAN @217A *, ,MO GONG MA ZHES BYA BA LA SMRAS PA, GONG MA, SONG LA BRAM ZE BOS SHIG ,NGAS NI 'O THUG SPRANG RTZI CAN 'DI BLTA'O, ,JO MO, ,LEGS SO ZHES DE'I LTAR MNYAN NAS SHAR PHYOGS LOGS SU SONG BA DANG, DES BYANG CHUB SEMS DPA' MTHONG NGO, ,DE BZHIN DU LHO PHYOGS LOGS SU SONG NA YANG BYANG CHUB SEMS DPA' MTHONG NGO, ,DE BZHIN DU NUB DANG, BYANG PHYOGS LOGS SU SONG NA'ANG DE DANG DER DES BYANG CHUB SEMS DPA' MTHONG NGO, ,DE'I TSE NA GNAS GTZANG MA'I RIS KYI LHA'I BU RNAMS KYIS GZHAN MU STEGS CAN THAMS CAD TSAR BCAD PAR GYUR PAS 'GA' TZAM YANG MI SNANG NGO, ,DE NAS DE SLAR LOG STE JO MO LA 'DI SKAD CES SMRAS SO, ,GANG DANG GANG DU MCHIS KYANG DE DANG DE NA DGE SBYONG MDZES PA GDA' BA LAS, DGE SBYONG NGAM BRAM ZE GZHAN NI 'GA' YANG MI GDA'O, ,LEGS SKYES MAS SMRAS PA, DE NYID BRAM ZE YIN TE; DE'I PHYIR 'DI BRTZAMS KYIS, GONG MA SONG LA DE NYID BOS SHIG ,JO MO, ,LEGS SO ZHES SMRAS TE, GONG MA SONG NAS BYANG CHUB SEMS DPA'I RKANG PA GNYIS LA GTUGS TE LEGS SKYES MA ZHES BGYI BAS SPYAN 'DREN TO ZHES SMRAS SO, ,DGE SLONG DAG ,DE NAS BYANG CHUB SEMS DPA' GRONG PA'I BU MO LEGS SKYES MA'I @217B KHYIM DU SANG STE STAN BTING BA LA 'DUG GO ,DGE SLONG DAG ,DE NAS GRONG PA'I BU MO LEGS SKYES MAS 'O THUG SPRANG RTZI CAN GYIS GSER GYI SNOD CHEN PO BKANG STE BYANG CHUB SEMS DPA' LA PHUL LO, ,DE NAS BYANG CHUB SEMS DPAS 'DI SNYAM DU BSAM STE, LEGS SKYES MAS KHA ZAS 'DI LTA BU BYIN PA 'DI BDAG GIS DENG ZOS TE THE TSOM MED PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR BYA'O SNYAM MO, ,DE NAS BYANG CHUB SEMS DPAS ZAS DE BLANGS NAS GRONG PA'I BU MO LEGS SKYES MA LA 'DI SKAD CES SMRAS SO, ,CHE ZHE, GSER GYI SNOD CHEN PO 'DI JI LTAR BYA, DES SMRAS PA, KHYOD SNOMS SHIG ,BYANG CHUB SEMS DPAS SMRAS PA, KHO BO LA NI SNOD 'DI LTA BU MI DGOS SO, ,LEGS SKYES MAS SMRAS PA, CI DGYES SU MDZOD CIG ,BDAG NI SNOD MA MCHIS PAR SU LA'ANG ZAS MI STZOL TO, ,DE NAS BYANG CHUB SEMS DPAS ZAS DE THOGS TE LTENG RGYAS NAS BYUNG NAS DRO LA BAB PA DANG, KLU'I KLUNG CHU BO NEE RNY-DZA NA'I NGOGS SU SONG STE, ZAS DANG CHOS GOS RNAMS PHYOGS GCIG TU BZHAG NAS BYANG CHUB SEMS DPA' LUS BSIL BAR PHYE BA'I PHYIR KLUNG NEE RNYDZA NA'I NANG DU ZHUGS SO, ,DGE SLONG DAG, BYANG CHUB SEMS DPA' KHRUS BYED PA'I TSE LHA'I BU BRGYA STONG DU MA DAG 'DI @218A *, ,LTA STE; BYANG CHUB SEMS DPA' LA MCHOD PA'I LAS KYI PHYIR LHA'I AA GA RU DANG, CAN DAN GYI PHYE MA DANG, BYUG PA DAG KLUNG DU LDUGS SHING LHA'I ME TOG KHA DOG SNA TSOGS DAG KYANG CHU'I NANG DU 'THOR RO, ,DE'I TSE KLUNG CHEN PO NEE RNY-DZA NA LHA'I SPOS RNAMS DANG, ME TOG RNAMS KYIS GANG BAR GYUR TE 'BAB BO, ,BYANG CHUB SEMS DPA' SPOS CHU GANG GIS KHRUS BYAS PAR GYUR PA DE LHA'I BU BYE BA KHRAG KHRIG BRGYA STONG DAG GIS BLANGS TE MCHOD RTEN DU BYA BA DANG, MCHOD PAR BYA BA'I PHYIR RANG RANG GI GNAS SU KHYER RO, ,BYANG CHUB SEMS DPA'I SKRA DANG AAG TSOM GANG YIN PA DE DAG KYANG GRONG PA'I BU MO LEGS SKYES MAS BKRA SHIS PA YIN NO SNYAM NAS MCHOD RTEN DU BYA BA DANG, MCHOD PAR BYA BA'I PHYIR KHYER RO, ,BYANG CHUB SEMS DPA' KLUNG NAS 'DUG PAR 'DOD DE GLING LA BLTA'O, ,DE NAS KLUNG NEE RNY-DZA NA'I KLU'I BU MO GANG YIN PA DE SA'I 'OG NAS BYUNG STE, YID LAS BYUNG BA'I SENG- GE'I KHRI BYANG CHUB SEMS DPA' LA PHUL NAS BYANG CHUB SEMS DPA' DE LA 'DUG STE, GRONG PA'I BU MO LEGS SKYES MA LA SNYING BRTZE BA NYE BAR BZUNG NAS CI TZAM DGOS PAR 'O THUG SBRANG RTZI CAN DE 'THUNGS SO, ,'THUNGS NAS KYANG GSER GYI SNOD CHEN PO DE LA MA CHAGS PAR CHUR @218B BOR RO; ;BOR MA THAG TU KLU'I RGYAL PO RGYA MTSOS MCHOD PA'I 'OS YIN NO ZHES DAD PA DANG GUS PA BSKYED DE BLANGS NAS RANG GI GNAS SU SONG NGO, ,DE NAS MIG STONG PA GRONG KHYER 'JIG PA NAM MKHA' LDING GI GZUGS SU SPRUL NAS KHA RDO RJE'I MCHUR BSGYUR TE, KLU'I RGYAL PO RGYA MTSO LAS GSER GYI SNOD CHEN PO DE DBROG TU BRGAL NA MA NUS NAS RANG GI GZUGS KYIS GUS PAR BYAS TE BSLANGS NAS MCHOD RTEN DU BYA BA DANG, MCHOD PAR BYA BA'I PHYIR SUM CU RTZA GSUM GYI GNAS SU KHYER RO, ,KHYER NAS KYANG SNOD CHEN PO'I DGE 'DUN GYI DUS STON BYAS TE, DENG SANG DU'ANG SUM CU RTZA GSUM PA'I LHA RNAMS LO GCIG BZHIN DU SNOD CHEN PO'I DUS STON BYED DO, ,SENG-GE'I KHRI DE'ANG KLU'I BU MO DE NYID KYIS MCHOD RTEN DU BYA BA DANG, MCHOD PAR BYA BA'I PHYIR KHYER RO, ,DGE SLONG DAG, BYANG CHUB SEMS DPAS ZAS RAGS PA ZOS MA THAG TU BYANG CHUB SEMS DPA'I BSOD NAMS KYI STOBS DANG, SHES RAB KYI STOBS KYIS SKAD CIG DE NYID LA LUS LA SNGA MA'I KHA DOG BZANG PO RGYAS PA DANG, SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU DANG, 'OD 'DOM GANG PA'ANG BYUNG BAR GYUR TO, ,DE LA 'DI SKAD CES BYA STE, LO DRUG BAR DU BRTUL ZHUGS NYAMS 'OG CHUD BYAS BCOM LDAN BLO GROS 'DI SNYAM @219A *, ,SEMS; ;GAL TE BDAG NI 'DI LTAR RID BZHIN BSAM GTAN MNGON SHES YE SHES STOBS LDAN PA, ,SHING GI RGYAL PO'I DRUNG DU SONG STE THAMS CAD MKHYEN NYID 'TSANG RGYAR BYA NA NI, ,DE DAG NA YANG BDAG GIS PHYI MA'I SKYE BO DAG LA SNYING BRTZE MA BYAS 'GYUR, ,BSOD NAMS NGAN NGON TZAM DANG LDAN PA'I LHA MI 'DI DAG NGAN PAS YE SHES TSOL, ,DE DAG LUS NI NYAM CHUNG GYUR NA BDUD RTZI 'TSANG RGYA BYED PAR MI NUS PAS, ,KHA ZAS RIGS ? PA DAM PA ZOS TE LUS KYI MTHU STOBS BSKYED PA BYAS NAS NI; ;SHING GI RGYAL PO'I DRUNG DU SONG STE THAMS CAD MKHYEN NYID 'TSANG RGYAR BYA BAR BSAM, ,GRONG PA'I BU MO SNGON CHAD SPYOD PA SPYAD PA LEGS SKYES MA ZHES BYA BA DE, , 'DREN PA BRTUL ZHUGS GRUB PAR SHOG CES DE LTA'I YID KYIS RTAG TU MCHOD SBYIN BYED, ,DE NI LHA YIS BSKUL BA THOS NAS DE TSE 'O THUG SBRANG RTZI CAN BLANGS TE, ,KLUNG GI 'GRAM DU SONG NAS DGA' BA'I YID KYIS NEE RNY-DZA NA'I NGOGS NA 'DUG ,BSKAL PA STONG DU SPYOD PA SPYAD CING DBANG PO ZHI LA RAB TU ZHI BA DE, ,LHA DANG KLU YI TSOGS DANG DRANG SRONG DAG GIS BSKOR TE NEE RNY-DZA NAR 'ONGS, ,PHA ROL BRGAL NAS SEMS CAN SGROL BA BLO GROS LDAN PA KHRUS BYAR BSAM NAS NI, ,THUB PA DAG PA DRI MED 'JIG RTEN SNYING @219B BRTZE PHYIR NI KLUNG DU ZHUGS TE 'KHRU, ,BYE BA PHRAG STONG LHA DAG DGA' BA'I YID KYIS SPOS RNAMS DANG NI PHYE MA DAG ,KLUNG DU 'THOR ZHING SEMS CAN DAM PA BKRU BA'I DON DU CHU LA GANG BAR BYED, ,BYANG CHUB SEMS DPA' DRI MED DES PA BKRUS TE NGOGS NA 'DUG PAR SHES GYUR NAS, ,LHA STONG RAB TU DGA' STE SEMS CAN DAG PA BKRUS PA'I CHU DE MCHOD PHYIR KHYER, ,NGUR SMRIG BZANG PO DRI MA MED PA'I GOS DAG LHA YI BU YIS DE LA BYIN, ,RUNG BA DAG DANG SHAM THABS BGOS NAS BCOM LDAN 'DAS NI CHU KLUNG NGOGS NA 'DUG, ,KLU YI BU MO DGA' ZHING RAB TU MGU BA'I YID KYIS SENG-GE'I KHRI YANG BSHAMS, ,DE LA 'JIG RTEN DAG GI MIG BYED YID KYANG RAB TU ZHI BA DE 'DUG NAS, ,BLO GROS LDAN PA LEGS SKYES MA DES GSER GYI SNOD DU KHA ZAS BLUGS TE BYIN, ,RKANG PAR PHYAG 'TSAL NAS NI DE DAG KHA LO SGYUR BA BDAG GIS GSOL ZHES BYAS, ,BLO GROS LDAN PAS CI TZAM DGOS PAR ZAS KYANG ZOS NAS SNOD NI TSUR BOR TE, ,DE NI GRONG KHYER 'JIG PA LHA YI BLA MAS BDAG GIS MCHOD PAR BYA ZHES KHYER, ,GANG TSE RGYAL BAS KHA ZAS RAGS PA DAM PA ZOS PA DE YI SKAD CIG LA, ,DE YI LUS KYI STOBS DANG GZI BRJID DAG DANG DPAL YANG SNGA MKHO BZHIN DU GNAS, ,LEGS SKYES MA DANG LHA RNAMS DAG @220A *, ,LA CHOS GTAM BYAS ? NAS DON KYANG MANG DU BYAS, ,SENG-GE NGANG PA'I STABS DANG GLANG PO'I DBANG PO'I 'GROS KYIS BYANG CHUB SHING DRUNG CHAS, ,NEE RNYDZA NA'I LE'U ZHES BYA BSTE, BCO BRGYAD PA'O,, ,,DGE SLONG DAG, DE LTAR BYANG CHUB SEMS DPA' KLUNG NEE RNY-DZA NAR KHRUS BYAS TE ZAS ZOS NAS LUS KYI MTHU STOBS BSKYED DE, BDUD LAS RNAM PAR RGYAL BAR BYA BA'I PHYIR RNAM PA BCU DRUG DANG LDAN PA'I SA PHYOGS SHING GI RGYAL PO BYANG CHUB CHEN PO'I DRUNG GA LA BA DER SKYES BU CHEN PO'I STABS GANG YIN PA'I STABS DES SONG STE, MI BSKYOD PA'I STABS DANG, DBANG PO'I MCHOD SDONG LTA BU'I STABS DANG, RI'I RGYAL PO LHUN PO LTAR SHIN TU BRTAN PA'I STABS DANG, MI DNGOM PA MA YIN PA'I STABS DANG, YA YO MED PA'I STABS DANG, 'CHE BA MED PA'I STABS DANG, RINGS PA MA YIN PA'I STABS DANG, SDOD PA MED PA'I STABS DANG, 'KHRUGS PA MED PA'I STABS DANG, 'KHYOR BA MED PA'I STABS DANG, 'DRUD PA MED PA'I STABS DANG, ZHUM PA MED PA'I STABS DANG, HA CANG MI SDOD PA'I STABS DANG, MI GYOS PA'I STABS DANG, RTAB RTAB PE MED PA'I ST