@1A *, ,BSTOD TSOGS KA PA BZHUGS SO, , @1B [DD] #, ,RGYA GAR SKAD DU, BI SHIshtA STA BA:, BOD SKAD DU, KHYAD PAR DU 'PHAGS PA'I BSTOD PA, DE BZHIN GSHEGS PA THAMS CAD LA PHYAG 'TSAL LO, ,BDAG NI STON PA GZHAN [DD] SPANGS NAS, ,BCOM LDAN KHYOD LA SKYABS MCHIS PA, ,DE CI'I SLAD DU ZHE NA KHYOD, ,SKYON MI MNGA' LA YON TAN LDAN, ,GANG PHYIR 'JIG RTEN SKYON LA DGA', ,YON TAN 'DZIN PAR ZHEN PAS NA, ,SKYON YANG YON TAN LTAR MTHONG NAS, ,GZHAN LA SKYABS SU MCHIS PAR GYUR, ,KHYAB 'JUG DBANG PHYUG LA SOGS PA, ,DE LA SKYE BO DGA' DAD PAS, ,DE YI YON TAN GANG BSGRAGS PA, ,KHYOD KYI BSTAN LA DE DAG SKYON, ,LHA CHEN KHROS PA'I MDA' GCIG GIS, ,GRONG KHYER SUM BRTZEGS BSREGS ZHES GDA', ,KHYOD KYI YE SHES MDA' CHEN GYIS, ,KHRO BA'I SEMS NYID NGES PAR BSREGS, ,LHA CHEN GYIS NI 'DOD PA DAG ,BSREGS NYES PAS NA PHYIR YANG DRANGS, ,KHYOD KYI YE SHES ZHUGS KYIS NI, ,'DOD PA RTZAD BCAD BSREGS NAS BTON, ,LHA CHEN THIG LE'I MCHOG MA LA, ,CHAGS PA SKYES PAS GDONG @2A *, ,BZHI BYUNG, ,BDUD KYI BU MO SGEG MO YIS, ,KHYOD KYI BA SPU'I RTZE MA G-YOS, ,LHA CHEN PHYED NI CHUNG MA BAS, ,DUR BA YIS KYANG THUB MA LAGS, ,KHYOD NI BDE BAR BGYID PA YI, ,'DOD PA NYID KYIS RMONGS MA GYUR; ,'KHOR LO MDUNG THUNG CAN DAG GIS, ,BDUD STOBS DE LAS RGYAL MI NUS, ,KHYOD NI 'KHOR LO MDUNG MED PAR, ,BYAMS PA'I MTSON GANG LAGS PAS RGYAL, ,RGAN POS KHYAB 'JUG MDA' YIS BSNUN, ,LHA CHEN MGRIN PA SNGO GYUR PAS, ,LHA 'DI GNYIS LA GNOD BGYID MCHIS, ,MGON KHYOD GNOD BGYID BRAL BA LAGS, ,KHYAB 'JUG MI THUNG GZUGS BSGYUR NAS, ,G-YO THABS KYIS NI STOBS LDAN BSLUS, ,KHYOD NI G-YO YANG MKHYEN GYUR LA, ,GZHAN DAG LA YANG SLU MI MDZAD, ,MGON KHYOD RDZU 'PHRUL TZAM BLANG GI, ,RMAD BYUNG GANG GIS MTHONG BA DES, ,KHYAB 'JUG 'JIG RTEN GSUM BRGAL BA, ,'PHYE BO MCHI BA BZHIN DU MTHONG, ,GZHON NU TSANGS PAR SPYOD PA NA, , DRUG LDAN MA DANG LHAN CIG SPYOD, ,KHYOD KYIS 'KHRIG PA'I SBYOR BA BDUN, ,THAL BA BZHIN DU BGYIS PAR GYUR, ,TSANGS SOGS 'JIG RTEN 'BYIN PA PO, ,BDAG GCIG YIN PAR SMRA ZHES GRAG ,DE NYID GZIGS KHYOD 'JIG RTEN DANG, , @2B DE YANG LAS LAS SKYES ZHES BSTAN, ,BRGYA BYIN GYIS NI BSHOL MED MA, ,MTHONG NAS 'DOD PAS RMONGS ZHES GRAG ,DPA' KHYOD 'DOD PA NYID KYIS NI, ,MA RMONGS SLAD DU BTZUN MO BTANG, ,SGRA GCAN LAG PAS ZLA BA YANG, ,DBANG MED PAR NI MID PA LAGS, ,MNGA' BRNYES KHYOD LA SEMS CAN GANG; ,DBANG MED BGYID PA DE MA MCHIS, ,MI DBANG DGA' BYED GOS SRED SOGS, ,NAGS TSAL NAS NI PHYIR YANG MCHIS, ,BDE BAR GSHEGS KHYOD DBEN PA YI, ,BDUD RTZIS NGOMS LAS PHYIR MI BYON, ,MCHOD SBYIN LA NI PHYUGS 'GUMS PAR, ,DRANG SRONG RNAMS NI SMRA ZHES GRAG ,SDIG MED KHYOD KYIS GROG MA LA'ANG, ,GNOD BA BGYID PAR RJES MA GNANG, ,GZHAN DAG RANG DON MCHOD SBYIN LA, ,GZHAN GYI SROG GI SBYIN SREG BYED, ,GZHAN GYI DON DU KHYOD GCIG PU, ,RANG GI SROG GIS SBYIN SREG MDZAD, ,DRANG SRONG DMOD ME MI BZAD PAS, ,SKYE BO MANG PO BSREGS PAR 'GYUR, , KHYOD KYIS YE SHES ME YIS NI, ,SKYE BO RNAMS KYI SKYE RGYU BSREGS, ,RGYAS PA DRAN PA'I MTHU CHUNG BAS, ,MANG PO BGYIS PA'I TSIG DAG NI, ,LTAG 'OG 'GAL BAR GYUR CES THOS, ,THUB PA KHYOD KYI KUN KYANG MIN, ,DRANG SRONG DMOD PA GRUB PA LAS, ,DKA' THUB GRUB PAR RJES SU DPAG, MGON KHYOD THUGS RJE GRUB PA LAS, ,DKA' THUB GRUB PAR RJES SU DPAG ,LHA CHEN 'DOD PA CAN GYI MTSAN, ,DRANG SRONG RNAMS KYI DMOD PAS LHUNG, ,KHYOD KYIS PHUNG KHROL MTHA' DAG GI, ,RTZA BA 'DOD PA NYID LHUNG BGYIS, ,GLING LAS SKYES SOGS PHAL CHER NI, ,GZHAN GYIS GANG SMRAS SMRA BAR BGYID, , KHYOD KYIS THUN MONG MA YIN CHOS, ,RANG GIS THUGS SU CHUD NAS BSTAN, ,MU STEGS CAN GYI RIG BYED TSIG ,DBEN PA KHO NAR SMRA BAR BGYID, ,KHYOD KYIS BSGRAGS NAS SENG GE YI, ,SGRA YIS CHOS DAG STON PAR MDZAD, ,GRANGS CAN BHA RA DVA DZA NI, ,DE NYID MTHONG YANG DPYID LDAN LA, ,YONGS SU CHAGS KYI GTZO KHYOD KYI, ,SLOB MA'ANG BUD MED NYID MA CHAGS, ,'UG PA PAS NI DMAN PA LAS, ,KHYAD PAR CAN LA SBYIN ZHES BSTAN, ,MGON PO KHYOD NI THUGS RJE YIS, ,KHYI LA'ANG SBYIN PAR BYA ZHES GSUNGS, ,LUS KYI DKA' THUB BGYIS PA YIS, ,MDUD PA 'JIG PAR GCER BUS 'TSAL, , @3A *, ,KHYOD NI THUGS KYI DKA' THUB KYIS, ,MDUD PA 'JIG PAR BZHED PA LAGS, ,RTOG GE PA DAG DNGOS PO RNAMS, ,LTOS PA MED PAR GRUB PAR 'TSAL, ,TSIG DBANG KHYOD KYIS CUNG ZAD KYANG, ,MI LTOS MED CES LEGS PAR GSUNGS, ,NE TZOS NYI MA BRTOL NAS NI, ,THAR PA MCHIS PAR BSHAD CES GRAG ,KHYOD NI MYA NGAN 'DAS BRNYES LA, ,GANG DU YANG NI GSHEGS MA MCHIS, ,THAR PA RGYUD GZHAN SKYED PA DANG, ,NE TZOS LAM GZHAN SONG BAR GYUR, ,KHYOD NYID LAM GANG NAS GSHEGS PA, ,DE NYID NAS NI SLOB MA'ANG MCHI, ,KHYAB 'JUG DAG GIS BUD MED NI, , STONG PHRAG DRUG CU YONGS BZUNG GYUR, ,STON PA 'JIG RTEN 'DAS KHYOD LA, ,BDAG GI MED CING YONGS 'DZIN MED, ,KA SHI MDZES DGA' MO LA NI, ,RGYAS PA YONGS CHAGS RNAM PAR 'GYUR, ,KHYOD KHAB BZHUGS NA'ANG PHUNG KHROL BA'I, ,GDON GYIS DBANG PO RMONGS MA GYUR, ,RGYAS PA 'DOD GDUNGS G-YEN SPYO BAS, ,BUD MED KYI NI RDOG PAS BSNUN, ,KHYOD NI KHYIM PAR BZHUGS NA YANG, ,PHYIR ZHING 'KHRUG PAR 'GYUR BA MED, ,DGA' BYED CHUNG MA'I DON GYI PHYIR, ,RGYA MTSO'I PHA ROL SON CES GRAG ,KHYOD KYIS BUD MED STONG PHRAG NI, ,BRGYAD CU SPANGS NAS NAGS SU GSHEGS, ,RNA CAN 'THAB DKA' LA SOGS LA, ,KHYAB 'JUG GIS NI GNOD PA BRTZAMS, ,SEMS CAN RNAMS LA PHAN BZHED PA, ,KHYOD KYIS SROG KYANG BTANG BA MDZAD, ,KHYAB 'JUG GIS NI SGYU BYAS NAS, ,GOM GSUM GYIS PHROGS GANG YIN PA'I, ,SA DE NGES PAR THAR BZHED PA, ,KHYO KYIS RTZA BZHIN BTANG BAR GYUR, ,DGA' BYED SROG GCOD BYED PA'I MDAS, ,'JIG RTEN RGYAL RIGS MED BYAS NAS, ,GRAGS PA THOB PA GANG YIN DE, ,KHYOD KYI BSTAN LA GRAGS PA MIN, ,SGRA NGAN DANG NI SKYA BSENG DAG ,GANG GI PHYIR NI G-YUL BKYE BA'I, ,DPAL DE KHYOD KYIS 'KHRI SHING NI, ,GDUG PA BZHIN DU SPANGS NAS GSHEGS, ,KHYOD KYI BSTAN PA RNYED PA NA, ,THANG SHING NAGS NA LHA CHEN PO, ,RNAL 'BYOR DBANG PHYUG SPYOD PA PO, ,DE NI MI SHES SPYOD PAR BAS, ,DBANG PO GSHOL MED BYI BO ZHES, ,BRAM ZE DA DUNG BAR DU SGROGS, ,KHYOD KYIS 'BRAS BU MCHOG BRNYES PA'I, ,GRAGS @3B PA BRGYA BYIN SGROGS PAR GYUR, ,KHYAB 'JUG DAG NI NAG BKRA BOS, ,BRED 'THOMS GYUR NAS KUN GTONG GI, ,KHRI YI 'OG TU ZHUGS PAR GYUR, ,GTZO KHYOD KUN DU BSNYENGS MI MNGA', ,SKYE DGU'I BDAG PO RANG NYID KYI, ,BU MO DANG NI 'KHRIG CES THOS, ,THUB PA KHYOD KYI SLOB MA YANG, , TSANGS PAR SPYOD PA SKYON MA MCHIS, ,BRAM ZE RNAMS NI DGE SDIG DAG ,SBYIN PA LEN CING 'PHO BAR SMRA, ,KHYOD KYIS BYAS PA CHUD MI ZA, ,MA BYAS PA DANG PHRAD MED GSUNGS, ,SER SKYAS BDAG GI MTSAN NYID NI, ,SHES DANG LDAN PA RAB TU BRTAGS, ,KHYOD KYIS DE LTAR YIN NA BDAG ,MI RTAG NYID DANG LDAN ZHES BSTAN, ,GZEGS ZAN GYIS NI SHES LAS BDAG ,GZHAN DANG KHYAD PAR YONGS SU BRJOD, ,KHYOD KYIS DE NI SHES MED NA, ,SHING DANG 'DRA BAR THAL 'GYUR GSUNGS, ,GCER BUS LUS KYI TSAD BZHIN DU, ,SROG NI ZHUM DANG RGYAS PAR SMRA, ,KHYOD KYIS DE NI PHYOGS GCIG NA, ,RNAM PAR 'JIG PAR 'GYUR ZHES GSUNGS, ,BRAM ZES 'GRO BA RNAMS KYI RGYU, ,SKYES BU RTAG PA YIN ZHES BSTAN, ,KHYOD KYIS RTAG PA ZHES BYA BA'I, ,RGYU NI CI YANG MED CES GSUNGS, ,BDAG NYID CHEN PO DUG CAN PA'I, ,SRAS PO STONG PHRAG DRUG CU DAG ,SER SKYAS BLTAS PA TZAM GYIS BSREGS, ,DE LA'ANG KHYOD NI THUGS RJE MDZAD, ,SER SKYA DE NYID RIG PAS NI, ,GTZO LAS 'GRO BA SKYE BAR BSHAD, ,KHYOD KYI 'GRO BA'I SKYE BA NI, ,NYON MONGS LAS LAS BYUNG BAR BSGRAGS, ,SER SKYA LA SOGS THAR PA YI, ,BDAG NI SRID PA'I RGYU ZHES ZER, ,KHYOD NI ZHI BAR GSHEGS GYUR NAS, ,ZHUGS GUM LTA BUR BGRANG DU MED, ,MU STEGS BYED PA KHA CIG NI, ,THAR PA 'GRO DANG LDAN ZHES SMRA, ,GANG LA 'GRO YOD DE 'KHOR BA, ,KHYOD KYIS THUGS SU CHUD NAS BSTAN, ,GCER BUS KUN DGA' RA BA SOGS, ,RTZIG PA SDIG PA'I RGYU ZHES ZER, ,THAMS CAD MKHYEN PA KHYOD NYID NI, ,DE NYID BSOD NAMS RGYU ZHES GSUNGS, ,LUS LAS LUS GZHAN DAG TU NI, ,PHRA BA'I SROG NI 'PHO ZHES GRAG ,KHYOD KYI LUS LAS GZHAN GYUR BA'I, ,SROG NI YOD PA MIN ZHES GSUNGS, ,KHROS PAS G-YUL NGOR BSAD NA NI, ,BDE 'GROR 'GYUR ZHES RGYAS @4A *, ,PA ZER, ,MGON PO KHYOD KYIS GNAS SKABS DE'I, ,SEMS NI NGAN 'GRO YIN ZHES GSUNGS, ,SKYA BSENG BU NI BRJOD BYAS NA, ,BSOD NAMS 'GYUR ZHES SO SOR SMRA, ,GANG ZHIG BGROD MIN BGROD BYED PA, ,DE DAG KHYOD KYI BSTAN LA SMAD, ,SKEM BYED DBANG PO NYE DBANG PO, ,DRAG PO LA SOGS 'JIGS PA DANG, ,BSDIGS PHYIR MTSON CHA RTAG TU THOGS, ,KHYOD BSNYENGS BRAL ZHING BSDIGS MI MDZAD, ,KHYOD NI SUS KYANG MI BSNYENGS LA, ,SU LA'ANG BSDIGS PAR MI MDZAD PAS, ,KHYOD NYID GCIG PU MTSON MI BSNAMS, ,DES NA 'GRO BA RNAMS LAS 'PHAGS, ,SMRA PO NYON MONGS BCAS PA'I TSIG ,RIG BYED LA SOGS TSIG DAG NI, ,PHAL CHER LTAG 'OG 'GAL BA LAGS, ,KHYOD KYI THAMS CAD MKHYEN PA'I GSUNG, ,GZHAN GYI BSTAN BCOS GZHAN DAG NI, ,PHAL CHER SNGA PHYI 'GAL BA LAS, ,KHYOD NYID KYI NI GZHUNG LUGS DAG, THOG MA BAR MTHAR SKYON MA MCHIS, ,CHOS 'DOD PA DAG DMANGS RIGS LA, ,BLO GROS SBYIN PAR BYA MIN ZER, ,KHYOD NI GDOL PA RNAMS LA YANG, ,THUGS RJES DAM CHOS STON PAR MDZAD, ,LJON SHING BZANG PO RNAMS SPANGS NAS, ,NGAN PA LA NI SU ZHIG BRTEN, ,'DOD CHAGS BRAL BRNYES KHYOD BZHUGS NA, ,MKHAS PA SU ZHIG STON GZHAN 'DUD, ,SER SKYAS YUL RNAMS LA SPYAD BZHIN, ,YE SHES 'GYUR MCHI SDIG BRAL BA, ,KHYOD KYIS KUN NAS NYON MONGS LA, ,THAR PA GA LA YOD CES GSUNGS, ,BSOD NAMS BYAS PA'I TSOGS DAG NI, ,SEMS CAN RNAMS LA YONGS BSNGO BAR, ,BCOM LDAN KHYOD KYIS GANG GSUNGS PA, ,DE GZHAN BSTAN BCOS LAS MA BSHAD, ,LHA RTEN DANG NI MCHOD SBYIN LA, ,SEMS CAN GSOD PAR BYED PA GANG, ,'JIG RTEN PA NI CHOS SU 'TSAL, ,KHYOD KYI BSTAN LA DE DAG SMAD, ,GANG ZHIG SROG CHAGS LA RTAG GNOD, ,DE LA CHOS NYID GA LA YOD, ,GTZO BO KHYOD KYIS RANG NYID KYI, ,SROG GIS SEMS CAN LEGS PAR BSRUNGS, ,SH'AKYA'I RGYAL RIGS 'KHRUNGS KHYOD KYIS, ,GANG ZHIG BDEN DANG MI SLU DANG, ,TSANGS PAR SPYOD DANG DUL BA DANG, ,BRTZER LDAN DAM CHOS LAGS PAR @4B DGONGS, ,RIG BYED MTHA' LA 'BYAMS PAS KYANG, ,G-YUL NGOR DGRA MNGON 'ONGS BSAD CES, ,'JIG RTEN SMRA YI KHYOD KYIS NI, ,DGRA LA'ANG SNYING RJE BYA ZHES GSUNGS, ,GZHON NUS RANG GI ZHANG PO LA, ,MDUNG GIS BSNUN ZHES BKA' MCHID GDA', ,DPA' BO KHYOD KYIS NYON MONGS PA'I, ,DRA BA SHES RAB MTSON GYIS DRAL, ,KHYAB 'JUG GIS NI RANG NYID KYI, ,SLAS KYANG YONGS SU BSKYAB MA NUS, ,GTZO BO KHYOD KYIS SEMS CAN KUN, ,BSKYAB PA'I SLAD DU BRTZON PA LAGS, ,RGAN POS SBYAR BA'I 'JIGS SHES NAS, ,KHYAB 'JUG GIS NI BCOM BRLAG BTANG, , THUB PA KHYOD LA BSNYENGS BGYID GANG, ,SEMS CAN DE NI 'GA' MA MCHIS, ,KHYAB 'JUG GIS NI GNYEN 'DUN DAG ,LE LAN GYIS NI GTUGS PAR GYUR, ,KHYOD KYI GNYEN 'DUN THAMS CAD NI, ,'KHOR BA LAS NI RNAM PAR SGROL, ,MU STEGS CAN GYI GZHUNG LUGS LA, ,JI LTAR JI LTAR RNAM BSAMS PA, ,DE LTA DE LTAR MGON KHYOD LA, ,BDAG GI SEMS NI DAD PAR GYUR, ,DE LTAR THAMS CAD MKHYEN MIN PA'I, ,GRUB MTHA'I SKYON GYI BRLAG SEMS LDAN, ,BSAM BRLAG RNAMS KYIS SKYON MED PA'I, ,STON PA KHYOD KYANG MI MTHONG NGO, ,'JIG RTEN LHA DANG BRAM ZE DANG, ,RIG BYED SH'AKYA 'DI DAG CES, ,SDANG BAR SMRA BA RANG SKYON NYID, ,CI PHYIR SEMS PAR BYED CE NA, ,GANG SLANG KHYOD KYI BSTAN PA NI, ,BDE BAS BDE NYID THOB BGYID PA, ,DE SLAD SMRA BA'I SENG KHYOD KYI, ,GZHUNG LUGS LA NI 'GRO 'DI DGA', ,KHYOD KYI YON TAN YANG DAG PA, , RNAM PA 'DI LTAR RAB BRJOD PAS, ,BDAG GIS BSOD NAMS GANG THOB DES, ,'GRO BA'I 'JIG RTEN KHYOD 'DRAR SHOG ,MGON PO KHYAD PAR 'PHAGS BSTOD PA, ,BTON PAS BDAG GIS DGE BSAGS PA, ,GANG YIN DES NI 'GRO BA KUN, ,BYANG CHUB LAM LA GZHOL GYUR CIG, KHYAD PAR DU 'PHAGS PA'I BSTOD PA SLOB DPON MTHO BTZUN GRUB RJES MDZAD PA RDZOGS SO,, ,,RGYA GAR GYI MKHAN PO SARBA DZNY'A DE WA DANG, ZHU CHEN GYI LO TZ'A BA BAN DE RIN CHEN MCHOG GIS BSGYUR, ,SLAD KYIS BAN DE DPAL BRTZEGS RAKshI TAS BSGYUR CING ZHUS TE GTAN LA PHAB PA'O,, ,, @5A *, ,RGYA GAR SKAD DU, BI SHE shA STA BA N'A MA t'I K'A, BOD SKAD DU, KHYAD PAR DU 'PHAGS PA'I BSTOD PA'I RGYA CHER BSHAD PA, BCOM LDAN 'DAS 'JAM DPAL BZHON NUR GYUR PA LA PHYAG 'TSAL LO, ,KHYAD PAR PHUL DU BYUNG LDAN ZHING, ,LHA RNAMS KYIS MCHOD SANGS RGYAS LA; ,PHYAG 'TSAL KHYAD PAR 'PHAGS BSTOD PA, ,DON LAS TSUL BZHIN BSHAD PAR BYA, ,MTHO BTZUN GRUB RJE ZHES BYA BA'I BRAM ZE RIG BYED BZHI LA MKHAS PA, BRAM ZE RNAMS KYIS GTZO BOR BKUR BA ZHIG YOD PA DANG, DE BCOM LDAN 'DAS KYI BSTAN PA LA DAD PA THOB NAS, SANGS RGYAS BCOM LDAN 'DAS LA BRTZAMS TE BSTOD PA 'DI BYAS PAR GYUR PA YIN NO, ,DE YANG 'DI LTAR RJES SU THOS TE, YUL SHAR PHYOGS NA KHYAD PAR CAN GYI BRAM ZE LAS DRUG LA MNGON PAR DGA' BA'I BRAM ZE'I RIGS SU BYUNG BA, SNGON LEGS PAR SPYAD PA NYE BAR BRTZAMS PA LAS MTHO BTZUN GRUB RJE ZHES BYA BA DANG, BDE BYED BDAG PO ZHES BYA BA SPUN GNYIS SU SKYES PAR GYUR TO, ,DE DAG KYANG BSTAN BCOS THAMS CAD RTOGS PAR GYUR PA DANG, DE'I TSE DE GNYIS 'DI SNYAM DU SEMS PAR GYUR TE, 'DI LTAR BDAG CAG GI KHYIM NA NI DBANG PHYUG CHEN PO MCHOD LA, SANGS RGYAS BCOM LDAN 'DAS KYI GSUNG RAB NI SHIN TU PHUL DU BYUNG BAR SNANG NA, DES NA YU BU CAG GIS CI DBANG PHYUG CHEN PO KHYAD PAR DU 'PHAGS PA YIN NAM, 'ON TE SANGS RGYAS BCOM LDAN 'DAS KHYAD PAR DU 'PHAGS PA NGES PAR BRTAG PAR BYA'O SNYAM PA DANG, DE GNYIS KYIS THOS PA, RI BO TI SE NA DBANG PHYUG CHEN PO AU MA DANG KHYU MCHOG DANG BCAS PAR MNGON SUM DU GNAS SO ZHES THOS KYIS, DER SONG LA DBANG PHYUG CHEN POS YU BU CAG LA JI LTAR BSTAN PA DE LTAR BYA'O ZHES NGES PA BSKYED NAS, DER MYUR BAR SONG STE 'BAD PA CHEN PO DANG LHAN DAG GIS GROGS BYAS TE, RI BO TI SE'I SA MNYAM PAR SONG BA DANG, LHA CHEN PO'I KHYU MCHOG SPRIN DKAR PO'I DUM BU LTA BU GZAS LA YAN PA MTHONG NGO, ,DE MTHONG BAS RAB TU DGA' BA DANG, DE'I RJES THOGS NYID LA LHA MO AU MA 'BRAS BU'I SHING GI TSANG TSING GI NAGS NA 'BRAS BU THU BA MTHONG NAS, ,GUS PA DANG BCAS PAS PHYAG @5B BYAS TE, DE DAG GIS ME TOG RGYAS PA'I NAGS TSAL GYI GNAS NA YU BU CAG GI RJE BO GNAS SO ZHES GTAM THOS PA DANG, DE DAG YID LA RAB TU DGA' BA THOB PAS ME TOG SIL MA GTOR BAS NYE BAR MDZES PA'I SA'I CHAR SONG BA DANG, LHA CHEN PO 'BYOR BA CHEN PO DANG LDAN PA'I STAN LA 'DUG CING; 'KHOR GYI TSOGS STONG GIS BSKOR BA MTHONG NGO, ,MTHONG BA'I RJES THOGS NYID LA TSOGS KYI BDAG POS LAG PA NAS BZUNG STE, DE'I THAD DU KHYER NAS GUS PA DANG BCAS PAS PHYAG BYAS PA DANG, DE DAG LA SMRAS PA, KHYED CAG GA LAS 'ONGS ZHES DE DAG LA DRIS PA DANG, DE GNYIS KYIS JI LTAR GYUR PA RGYAS PAR SMRAS SO, ,DE NAS JI TZAM NA DGE SLONG RNAMS KYI ZAS KYI DUS LA BAB PA DANG NYE BAR GYUR PA NA, NAM MKHA' LAS SRIN BU LHAM BU CHU GSHER GYI MDOG CAN GYI GOS GYON PA MA DROS PA'I MTSO LA GNAS PA'I DGRA BCOM PA LNGA BRGYA, BYA GSHOG PA DMAR PO DANG RA BA LTA BUR BABS PAR GYUR TO, ,DE NAS LHA CHEN PO 'KHOR GYI TSOGS DANG BCAS PA GUS PA DANG BCAS PAS SPOS DANG, BYUG PA DANG, MCHOD PA'I YO BYAD RNAMS THOGS TE, DE DAG GI THAD DU SONG NAS DE DAG RANG RANG GI STAN LA 'DUG PA LA RE RE ZHING GOS RIN CHE BA BSKON TE BDE BAR 'DUG PA DANG, BZA' BA DANG, BCA' BA DANG, BSOD PA RNAMS KYIS YANG DAG PAR TSIM PAR BYAS NAS, AU MAS KYANG ME TOG DANG, 'BRAS BUS MCHOD DE, DE DAG LAS CHOS KYI GTAM MNYAN NAS, DE DAG SLAR SONG BA DANG, DE GNYIS LA SMRAS PA, KHYED CAG 'DIR BYA BA GANG GI PHYIR 'ONGS PA KHO BOS SHES KYIS, DE KHYED LA SMRA BAR BYA'O, ,GANG GI SLOB MA BDAG CAG NYIN RE DGA' BAS MCHOD BYED YON TAN DAM PAR LDAN, ,'JIG RTEN NYES SEL YON TAN CHEN PO'I MTSAN GYI MCHOG NI RAB TU GRAGS GYUR CING, ,SHIN TU DGA' BA'I YID KYIS YANG DAG MCHOD BYED TSE NA MYA NGAN 'DAS 'DRAR SEMS, ,'JIG RTEN GSUM GYI BLA MA YON TAN MNYAM MED SANGS RGYAS DE NI MKHAS PAS MCHOD, ,DE BAS NA KHYED CAG GI STON PA DE NYID DANG, DE'I GSUNG RAB LA MCHOD PAR BYA'O, ,DE NAS DE LTAR RTOGS PAR GYUR NAS SLAR RANG GI YUL DU SONG STE, DE BZHIN GSHEGS PA'I GSUNG @6A *, ,RAB KYI CHOS KHA NA MA THO BA MED PA YIN PAR SHES PAS RIG BYED KYI TSIG RNAMS RTZA LTAR BOR TE RAB TU BYUNG NAS, SANGS RGYAS BCOM LDAN 'DAS LA KHYAD PAR DU 'PHAGS PAR BSTOD PA DANG, LHA LAS PHUL DU BYUNG BA'I BSTOD PA GNYIS BYAS SO,, ,,DA NI TSIGS SU BCAD PA DANG PO'I YAN LAG GI DON BSHAD PAR 'DOD NAS SMRAS PA NI, BDAG NI STON PA GZHAN SPANGS TE, ,ZHES BYA BA LA SOGS PA YIN TE, GAL TE GZHAN DAG KHYED CI'I PHYIR BSTAN BCOS MA LUS PA'I DE KHO NA NYID RTOGS NAS, SER SKYA DANG, GZEGS ZAN DANG RKANG MIG LA SOGS PA'I STON PA DANG, DES BYAS PA'I BSTAN PA RNAMS KYANG SPANGS TE, SANGS RGYAS BCOM LDAN 'DAS NYID DANG, DE'I BSTAN PA LA 'JUG PAR BYED CES ZER RO SNYAM DU DOGS PA'I PHYIR, BDAG NI STON PA GZHAN SPANGS NAS, ,BCOM LDAN KHYED LA SKYABS MCHIS PA, ,DE CI'I SLAD DU ZHE NA KHYOD, , SKYON MI MNGA' LA YON TAN LDAN, ,ZHES BYA BA'I TSIGS SU BCAD PA SMRAS PA YIN NO, ,DE LA BDAG NI ZHES BYA BA NI BSTOD PAR BYED PA BDAG NYID DO, ,STON PA ZHES BYA BA NI 'CHOS SHING 'DUL BAR BYED PA YIN PAS NA STON PA STE, 'DI NI SER SKYA LA SOGS PA YIN PAR 'DOD DO, ,DE SPANGS PA NI YONGS SU SPANGS SHING DOR BA ZHES BYA BA'I DON TO, ,BCOM LDAN ZHES PA NI BOD PA STE, 'DOD CHAGS LA SOGS PA'I NYON MONGS PA BAG CHAGS DANG BCAS PA SPANGS PA GANG YIN PA DE LA NI BCOM PA ZHES BYA BA'I SGRAR BSHAD LA, DE GANG LA MNGA' BA DE NI BCOM LDAN NO, ,KHYED LA ZHES BYA BA NI SANGS RGYAS BCOM LDAN 'DAS SO, ,KHYOD JI LTA BU ZHE NA, SKYABS ZHES BYA BA SMRAS PA YIN TE, RTAN [?] ZHES BYA BA'I DON TO, ,DE YANG GANG LA BRTEN NA NYES PAR SPYOD PA RNAMS ZAD PAR 'GYUR BA'O, ,MCHIS PA ZHES BYA BA NI MCHI ZHING ZHUGS PA ZHES BYA BA'I DON TE, YID MI RTON PA LA SOGS PA NYES PAR SPYOD PA RNAM PA MANG PO NYE BAR BSAGS PA RNAMS BCOM LDAN 'DAS LA YANG DAG PAR BSTAN PAS SDIG PA RNAMS DANG BRAL BAR GYUR CING, MTHO RIS SU SKYES PAR GYUR PA 'DIR DPER SBYAR BAR BYA'O, ,STON PA GZHAN DAG SPANGS PA DANG, ,STON PA DE LA SKYABS SU 'GRO BA'I @6B RGYU CI ZHIG YIN ZHE NA, DE CI'I SLAD DU ZHE NA, ZHES BYA BA LA SOGS PA SMRAS PA YIN TE, GANG GI PHYIR KHYED SKYON NI MI MNGA' LA YON TAN DANG LDAN PA YIN NO ZHES BYA BA'I DON TO, ,DE YANG 'DI LTAR GANG LA BAG CHAGS LA SOGS PA'I NYES PA MI MNGA' BA NI SKYON MI MNGA' BA'O, ,DE YANG LUS DANG NGAG DANG SEMS SUN 'BYIN PAR BYED PAS NA SKYON TE, NYON MONGS PA RNAMS ZHES BYA BA'I DON TO, ,YON TAN NI STOBS DANG MI 'JIGS PA LA SOGS PA'O, ,DE MNYAM PA MED PA GANG LA MNGA' BA NI YON TAN DANG LDAN PA STE, DE NI KHYED YIN NO ZHES BYA BA'I DON TO, ,GAL TE SANGS RGYAS BCOM LDAN 'DAS NYID SKYON MI MNGA' ZHING, SHIN TU PHUL DU BYUNG BA'I YON TAN DANG LDAN PA YIN NA, CI'I PHYIR GZHAN DAG LA LA BCOM LDAN 'DAS SPANGS NAS SER SKYA LA SOGS PA GZHAN DAG LA BSTEN CE NA, DE'I PHYIR, GANG PHYIR 'JIG RTEN SKYON LA DGA', ,YON TAN 'DZIN LA ZHEN PAS NA, , SKYON YANG YON TAN LTAR MTHONG NAS, ,GZHAN LA SKYABS SU MCHIS PAR GYUR, ,ZHES BYA BA SMRAS PA YIN TE, YANG ZHES BYA BA NI RNAM PAR BRTAG PA'I TSIG GI PHRAD DO, ,'JIG RTEN ZHES BYA BA NI SEMS CAN THA MAL PA SO SO'I SKYE BO ZHES BYA BA'I DON YIN TE, 'PHAGS PA RNAMS NI SKYON LA DGA' BA MA YIN NO, ,DE YANG YUL RNAMS LA CHAGS PAS NA 'JIG RTEN NO ZHES BYA BA NI NGES PA'I TSIG GO, ,SKYON LA DGA' ZHES BYA BA NI SMAD PAR BYA BA'I DNGOS PO RNAMS LA DGA' ZHING PHYOGS SU LHUNG BA ZHES BYA BA'I DON TO, ,YANG NA 'JIG RTEN 'DI NI SKYON LA DGA' BA MA YIN MOD KYI, 'ON KYANG SKYON GANG YIN PA DE YON TAN NYID DU RTOGS PA LA ZHUGS PA ZHES BYA BA'I DON DO, ,DPER NA, MKHRIS PA'I NAD KYIS BCOM PA'I MIG GIS ZLA BA'I 'OD ZER RNAMS KYI MDZES PA DNGOS PO DKAR BAR GYUR PA YANG SER POR MTHONG STE, BDAG CAG GIS KHA DOG SER POR MTHONG ZHING RTOGS SO SNYAM DU SEMS SO, ,DE BZHIN DU MI DGE BA'I BSHES GNYEN DANG 'DRES PA DANG, DAM PA'I CHOS MA YIN PA MNYAN PA'I NYES PAS, GANG GI NYES PA RNAMS LA'ANG YON TAN NYID DU 'DZIN PAR 'GYUR BAR SEMS 'KHRUL BAR 'GYUR RO, ,YON TAN 'DZIN LA ZHEN PAS NA ZHES BYA BAS NI YON TAN RNAMS @7A *, ,LEN PAS NA YON TAN 'DZIN PA STE, YON TAN RTOGS PA ZHES BYA BA'I DON YIN LA, YON TAN 'DZIN PA LA DMAN PAR GYUR PA NI RMONGS SHING GTI MUG PA ZHES BYA BA'I DON TO, ,DE LA SKYON LA DGA' ZHES BYA BA 'DIS NI PHYIN CI LOG GI NYES PAS RGYUD DRI MA CAN DU BYAS PAR BSTAN PA YIN NO, ,SKYON YANG YON TAN LTAR MTHONG NAS, ,ZHES BYA BA 'DIS NI 'GRO BA BLO GROS DANG BRAL ZHING, RNAM PAR RTOG PAS RMONGS PAS 'DZIN PAR BYED PA BSTAN PA YIN NO, ,SNGAR BSHAD PA DE DAG NGES PAR BYA BAR JI LTAR NUS SHE NA, GZHAN LA ZHES BYA BA LA SOGS PA SMOS PA YIN TE; GANG GI PHYIR LHA CHEN PO DANG, KHYAB 'JUG DANG, TSANGS PA LA SOGS PA GZHAN DAG LA SKYABS SU SONG BA ZHES BYA BA'I DON TO, ,'DI SKAD STON PAR 'GYUR TE, GANG GI PHYIR 'JIG RTEN PA RNAMS NI YON TAN MED CING, NYES PA MANG PO BSAGS PA YIN PAS GZHAN DAG LA SKYABS SU 'GRO BAS STON PA GZHAN 'DOD PAR NGES PA YIN NO ZHES TSIGS SU BCAD PA 'DIS STON TO, ,JI LTAR NA GZHAN DAG SKYON DANG LDAN ZHING YON TAN DANG LDAN PA MA YIN ZHE NA, KHYAB 'JUG CES BYA BA LA SOGS PA SMOS TE, NOR LHA DANG, DBANG PHYUG CHEN PO NI KHYAB 'JUG DBANG PHYUG STE, DE DAG LA SOGS PA GANG YIN PA DE NI KHYAB 'JUG DBANG PHYUG LA SOGS PA'O, ,DE LA DAD PA NI DE LA DGA' ZHING RAB TU DANG BA'I SKYE BO GANG YIN PA DES YON TAN GANG YONGS SU BSGRAGS SHING, KHYAD PAR GANG DAG MNGON PAR SGROGS PA DE NI KHYED KYI BSTAN LA DE DAG SKYON ZHES PA STE, SANGS RGYAS BCOM LDAN 'DAS KHYED KYI BSTAN PA LA SKYON TE, NYES PA DANG, PHONGS PA DANG, SMAD PAR BYA BA'I GNAS YIN NO ZHES BYA BA'I DON TO, ,YANG KHYED KYI BSTAN PA LA NYES PA YIN PA'I PHYIR DE RNAMS KYI YON TAN GANG ZHIG SGROGS PAR BYED CE NA, LHA CHEN ZHES BYA BA LA SOGS PA NAS BRTZAMS NAS, DE DAG STON PA YIN TE, LHA CHEN KHROS PA ZHES BYA BA NI KHRO BAS KHYAB PAR GYUR PA'I SEMS KYI RGYUD KYIS SO, ,GRONG KHYER SUM BRTZEGS ZHES BYA BA NI GRONG KHYER GSUM PO GCIG TU BSDUS PA'I GRONG KHYER SUM BRTZEGS 'JIG CES BYA STE, DE DRAG POS BSREGS PA'O, ,DRAG CES BYA BA NI YON TAN DU SGROGS PAR @7B SRID PAR STON TE, DE YANG LHA CHEN PO'I YON TAN 'JIG RTEN DU SGROGS SHING STON PA NI, LHA MA YIN RNAMS KYI GRONG KHYER GSUM NAM MKHA' LA RGYU BA ZHIG BYUNG BA DANG, DE LAS LHA MA YIN RNAMS BABS SHING MI RNAMS LA GNOD PAR BYED DO, ,DE NAS LHA CHEN POS MI RNAMS LA BSKYAB PAR BYA BA'I PHYIR, GZHU BLANGS TE MDA' GCIG GIS LHA MA YIN RNAMS KYI GRONG KHYER SUM BRTZEGS BSREGS PAR GYUR TO, ,DE YANG JI SKAD DU, 'DI NA LHA MIN GRONG KHYER MKHA' LA RGYU, ,SKYES PA BUD MED RGAN DANG GZHON BCAS PAS, ,GZHU CHEN BLANGS NAS 'BAR BA'I MDA' YIS NI, ,ME YIS BSREG BYA BZHIN DU SKAD CIG BSREGS, ,ZHES 'BYUNG BA YIN NO, ,'DI NI KHYED KYI BSTAN PA LA SROG GCOD PA ZHES BYA BA NYES PA CHEN PO YIN TE, DES DMYAL BAR LTUNG BAR 'GYUR BA YIN PA'I PHYIR RO, ,DE YANG JI SKAD DU, GANG ZHIG KHYOD MTHONG SROG GCOD LAS, ,MI LDOG PA YI MTHA' DE NI, ,KHYED RNAMS DENG NI DMYAL BA RU, ,KYE MA 'GRO BAR 'GYUR BAR SHES, ,ZHES MDO LAS GSUNGS PA YIN NO, ,GAL TE DES LHA MA YIN GYI GRONG KHYER BSREGS PA DE NYES PA DANG LDAN PA YIN NA, ,KHYED KYI YON TAN DANG LDAN PA'I BSREGS PA GANG YIN ZHE NA, KHYED KYI ZHES BYA BA LA SOGS PA SMOS TE; MTSON CHA GANG ZHIG CE NA, YE SHES MDA' CHEN GYIS ZHES BYA BA YIN TE, YE SHES NYID MDA' CHEN YIN PAS NA, YE SHES MDA' CHEN TE DES SO, ,KHRO BA'I ME ZHES BYA BA NI KHRO BA NYID MA DANG 'DRA BAS NA KHRO BA'I ME STE, DE NYID NI BCOM LDAN 'DAS KYIS NGES PAR BSEGS SHING NYE BAR ZHI BAR MDZAD DO ZHES BYA BA'I DON TO, ,DRIS PA, BYAMS PA'I MNGA' CHEN POS KHRO BA'I ME NYE BAR ZHI BA YIN TE, JI SKAD DU, BCOM LDAN 'DAS KYIS DGE SLONG DAG ,BYAMS PA BSGOMS SHIG ,BYAMS PA BSTEN PA DANG, BSGOM PA DANG, MANG DU BYED PA NI ZHE SDANG SPANG BA LA 'JUG PAR 'GYUR RO ZHES GSUNGS PA MA YIN NAM ZHE NA, DE LTA YIN MOD KYI, DE NI BYAMS PAS RTZE GZHIL PA TZAM DU 'GYUR GYI, YE SHES KYIS NI RTZA BA NAS 'BYIN PHAR 'GYUR BAS NA 'DIR YE SHES SMOS PA YIN NO, ,LHA CHEN GYIS NI ZHES BYA BA LA SOGS PA LA, BSREGS NYES PA NI LEGS PAR MA @8A *, ,BSREGS PA STE, RTZA BA NAS 'BYIN PAR MA BSREGS PA'O, ,'DI SKAD STON TE, 'DOD PA DE NYID BSREGS NYES PAS LHA CHEN PO SLAR DRANGS SHING, DBANG DU BYAS PA YIN NO, ,DE YANG 'DI SKAD ZER TE, DUS 'GA' ZHIG NA LHA CHEN PO GRONG KHYER GSUM BSREGS PA LA SOGS PA'I BYA BAS, SHIN TU YID BYUNG NAS KHAN MA THO BA DE SBYANG BAR BYA BA'I PHYIR, RI KHA BA CAN GYI RI SUL GYI TSANG TSING DU BZHUGS TE, BRTUL ZHUGS LA GNAS PA'I TSE, 'DOD PA'I LHAS BZLOG PA NA KHYED NGA LA 'TSE BAR MA BYED CIG CES SMRAS KYANG JI TZAM NA DE 'TSO BAR BYED PA NA, LHA CHEN PO KHRO BA 'BAR BAS GDUNG BA'I YID KYIS MIG GSUM PA LAS PHYUNG BA'I MES GANG 'DI THAL BA YANG MI LUS PA DE LTAR 'DOD PA'I LHA BSREGS PA DANG, YANG 'DOD PA'I LHAS LHA CHEN PO LA BKA' BZLOG MA'I RO SMAD KYI 'JO SGEG GIS RGYUN DU BZLOG PAR GYUR TO, ,KHYED KYI YE SHES ZHUGS KYIS NI, , ZHES BYA BA NI, KHYED KYI YE SHES KYI MES SO, ,RTZAR BTZAS ZHES BYA BA NI THOB PAR BYA BA'I LHAG MA MED PA STE, BAG CHAGS DANG BCAS PA ZHES BYA BA'I DON TO, ,BSREGS NAS BTON ZHES BYA BA NI, JI LTAR NA SLAR YANG SKYE BAR MI 'GYUR BA DE LTA BU'I TSUL GYIS RNAM PAR BSAL BA'O, ,LHA CHEN THIG LE'I MCHOG MA LA, ,ZHES BYA BA LA SOGS PA LA, 'DI LTAR RJES SU THOS TE, SUN DHA DANG, AU PA SUN DHA ZHES BYA BA LHA MA YIN SPUN GNYIS SHIG BYUNG BA DANG, DE GNYIS KYIS TSANGS PA BSGRUBS TE, 'JIG RTEN GSUM GYIS MA SOD PAR GYUR PA DANG, BDAG CAG LUS TZAM THA DAD KYI, SEMS NI DE LTA MA YIN PAR THA DAD PA MED PAR MDZOD CIG CES BYAS PA DANG, TSANGS PAS KYANG MCHOG BYIN NO, ,DE NAS DE GNYIS KYIS KHAMS GSUM LAS RNAM PAR RGYAL BA'I BYA BA LA ZHUGS PAR GYUR TO, ,LHA RNAMS KYIS DE GNYIS GSOD PA'I THABS LA DPYOD PAR GYUR PA DANG, TSANGS PAS SMRAS PA, DE DAG GCIG LA GCIG GSOD PA'I THABS BSGRUB PAR BYA'O ZHES SMRAS PA DANG, LHA RNAMS KYIS RANG GI LUS LAS 'OD TIL 'BRU TIL 'BRU TZAM BYIN NAS, DE LAS THIG LE'I MCHOG MA ZHES BYA BA'I LHA'I BU MO ZHIG BSKYED NAS, DE YANG TSANGS @8B PA LA BSKOR BA BYED DU BCUG PA DANG, DE DE'I GZUGS LA YID RNAM PAR G-YENGS PAS LTA BA NA, NGO TSA BAR GYUR PAS GDONG BZHI SPRUL PAR GYUR TO, ,DE BZHIN DU LHA CHEN PO YANG DE DANG 'DRA BAR 'DOD CHAGS KYI DBANG GIS GDONG BZHI SPRUL PAR GYUR TO, ,DE BAS NA, LHA CHEN THIG LE'I MCHOG MA LA, ,RAB TU CHAGS PAS GDONG BZHI BYUNG, ,ZHES SMOS PA YIN TE, LHA CHEN ZHES BYA BA NI RTZE GSUM GYI MTSON CHA YOD PA'O, ,THIG LE'I MCHOG MA LA ZHES BYA BA NI LHA'I BU MO'O, ,CHAGS PA SKYES PAS ZHES BYA BA NI CHAGS PA'I BSAM PA SKYES PA LA ZHUGS PA'O, , GDONG BZHI BYUNG ZHES BYA BA NI GANG GDONG BZHI PAR GYUR PA'O, ,YANG BCOM LDAN 'DAS NI, BDUD KYI BU MOS SGEG PA YIS, ,KHYOD KYI BA SPU'I RTZE MI G-YO, ,ZHES BYA BA YIN TE, BDUD DANG RJES SU 'BREL BA'I BU MO NI BDUD KYI BU MO STE, SRED MA DANG, DGA' MO ZHES BYA BA 'KHOR DANG BCAS PA LA BYA'O, ,DE RNAMS KYI SGEG PA NI DGOD CING SMRA BA DANG ZUR GYIS BLTA BA DANG, GAR BYED PA'I MTSAN NYID CAN TE, DE DAG GIS KYANG NGO, ,KHYED KYI ZHES BYA BA NI MGON PO KHYED KYI'O, ,BA SPU'I RTZE ZHES BYA BA NI SKU'I YAN LAG GI BA SPU'I RTZE MO YANG MI G-YO ZHING 'GYUR BA MED PA'O, , DE YANG BCOM LDAN 'DAS RDO RJE'I GDAN LA BZHUGS PA'I TSE, SO SO SKYE BO'I GNAS SKABS NA YANG DE DAG GIS 'DOD CHAGS BSKYED PAR MA NUS SO ZHES STON PA YIN NO, ,LHA CHEN PHYED NI ZHES BYA BA LA SOGS PA LA, PHYED NI CHUNG MA ZHES BYA BA LUS KYI PHYED CHUNG MA STE, LHA MO AU MA 'CHANG ZHING 'DZIN PAR BYED PAS NA NGUR PA ZHES BYA BA'I BYAS KYANG THUB CING RGYAL BAR MI NUS TE, GANG GI PHYIR DE NI PHAN TSUN THA DAD PA'I LUS CAN YIN PA'I PHYIR RO, ,DE YANG 'DI LTAR GANG GI TSE LHA CHEN PO 'DI AU MA DANG LHAN CIG LO STONG GI BAR DU 'DOD PA'I BDE BA NYAMS SU MYONG BA NA, JI TZAM NA DE KHU BA 'BYIN PA'I GNAS SKABS SU GYUR PA'I TSE, DES BSAMS PA, RE ZHIG LUS KYI PHYOGS GCIG GIS 'DOD PA'I BDE BA LA NGAS LONGS SPYOD PAR GYUR GYIS, DA NI YID DGA' BA NYID KYIS NGA'I PHYED LUS KYI PHYED DU ZHUGS PAR BYAS LA KHYAD PAR CAN GYI BDE BA NYAMS SU MYONG BAR BYA'O SNYAM STE, DE NAS LUS PHYED BUD @9A *, ,MED KYI DBANG PHYUG CES BYA BAR GYUR TO, ,YANG, KHYED NI BDE BAR BGYID PA YI, ,ZHES BYA BA 'KHRUL BAR BYED PA'I 'DOD PA NYID KYIS RMONGS MA GYUR CES BYA BA STE, 'KHRUL CING CHAGS PAR MA GYUR PA, ,ZHES BYA BA'I DON TO, ,'KHOR LO MDUNG THUNG ZHES BYA BA LA SOGS PA LA; 'KHOR LO GANG LA YOD PA DE NI 'KHOR LO CAN TE, 'KHOR LO'I MTSON CHA THOGS PA KHYAB 'JUG CES BYA BA'I DON TO, ,MDUNG THUNG CAN NI LHA CHEN PO STE, MDUNG RTZE GSUM PA THOGS PA'O, ,BDUD KYI STOBS NI BDUD KYI DPUNG BYE BA PHRAG SUM CU RTZA DRUG GO, ,RGYAL BA NI ZIL GYIS GNON PA STE, DES DBANG DU BYA BAR MI NUS PA'O, ,KHYOD NI 'KHOR LO MDUNG MED PAR, ,BYAMS PA'I MTSON GANG LAGS PAS RGYAL, ,ZHES BYA BA NI 'DI SKAD STON TE, BDUD KYI STOBS LAS RGYAL BAR BYA BA LA GANG KHYAB 'JUG DANG, LHA CHEN PO'I 'KHOR LO DANG, MDUNG MED PAR YANG BYAMS PA'I MTSON CHAS MNGON PAR RGYAL ZHING, BCOM PAR SPYOD DO ZHES BYA BA'I DON TO, ,RGAN POS ZHES BYA BA LA SOGS PA LA, RGAN POS KHYAB 'JUG MDA' YIS BSNUN, ,ZHES BYA BA NI 'DI SKAD THOS TE, KHYAB 'JUG GI GNYEN GYI TSOGS RNAMS SA PHYOGS 'GA' ZHIG TU CHANG 'THUNG ZHING 'DUG PA NA, JI TZAM NA DRANG SRONG GNAS NGAN DER NYE BAR SONG BA DANG, MA 'GAGS PAS BSAMS PA KHO BOS DRANG SRONG 'DI LA CO 'DRI BAR BYA'O SNYAM NAS, BUD MED KYI GZUGS SU BYAS NAS DE'I THAD DU SONG STE, DE LA GUS PA DANG BCAS PAS RJES BYAS NAS LTO BAR GZHONG PA GLAN NAS G-YOGS TE BCINGS PA BSTAN NAS, KHO MO'I DGU 'DI NA CI ZHIG YOD, 'DI LAS CI ZHIG 'BYUNG BAR 'GYUR, ,ZHES SMRAS PA DANG, DRANG SRONG DES BSAM GTAN GYI STOBS KYIS BLTAS PA LAS DE LA SHIN TU KHRO BA DRAG PO SKYES PAR GYUR NAS, KHYOD KYI KHONG NAS LCAGS KYI GTUN GANG GIS KHYAB 'JUG GI RIGS MA LUS PA RLAG PAR BYED PA 'BYUNG BAR GYUR CIG CES DE THAMS CAD LA DMOD PA BTAB PO, ,DE NAS JI TZAM NA LCAGS KYI GTUN BYUNG BAR GYUR PA DANG, BIshnU'I RIGS THAMS CAD 'ONGS TE LCAGS KYI GTUN DE CHU DANG RDO LA BDAR TE, DE 'DAM DANG BYE MA 'DAM BU'I RDZING GI NANG DU BOR RO, ,DE YANG 'DAM BU'I TSAL DU GYUR TO, ,YANG @9B LCAGS KYI GTUN DE LAS MDE'U TZAM ZHIG LUS PAR GYUR PA DANG, 'DIS CI ZHIG NUS PAR 'GYUR SNYAM NAS CHU BOR DOR RO, ,DOR BA'I 'OG TU NYAS MID NAS DE YANG RGYA'I NANG DU CHUD DE, NYA PAS KHYER NAS RNGON PA RGAN PO ZHIG LA BTZONGS SO, ,DES KYANG NYA DE BSHAS PA DANG, LCAGS KYI MDE'U BYUNG NAS DE MDA'I MDE'UR BTAGS SO, ,JI TZAM NA DMOD PAS NYE BAR BCOM PA'I 'JIGS PAS DUS 'GA' ZHIG GI TSE, RDZING GI NGOGS DER KHYAB 'JUG GI RIGS RNAMS CHANG 'THUNGS PAS RA RO BA DANG, DMOD PAS RNAM PAR 'KHRUL PAS RTZOD PA CHEN PO BYUNG BAR GYUR NAS 'DAM BU'I DBYUG PAS PHAN TSUN NYE BAR BSNUN PAR BYED PA NA, DE NA MED PA'I KHYAB 'JUG MA GTOGS PA DE'I RIGS RNAMS RNAM PAR 'JIG PAR GYUR TO, ,DE NAS KHYAB 'JUG GIS BSAMS PA NGA'I CHUNG MA'I TSOGS KHRI DRUG STONG GRONG KHYER SGO LDAN NA GNAS KYIS, DE DAG GAL TE DMOD PA 'DIS PHAN TSUN GCIG LA GCIG GNOD PA BYED PA'AM, GZHAN DAG GIS PHROGS PAR 'GYUR BA SRID SNYAM NAS, DER SRID SGRUB BTANG NGO, ,DES KYANG DE RNAMS BLANGS LA KHYAB 'JUG GI THAD DU KHYER TE 'ONG NGO ZHES SMRAS TE CHAS SO, ,RI BRAGS PA RNAMS KYIS KYANG GTAM DE THOS NAS MTSON CHA SNA TSOGS PA THOGS TE, SRID SGRUB KYI THAD DU 'THAB PA'I PHYIR LHAGS PA DANG, DE RNAMS KYIS SRID SGRUB KYI MTSON CHA MA LUS PA ZAD PAR BYAS NAS DE THAMS CAD PHROGS SO, ,KHYAB 'JUG GIS DE THOS PA DANG, YID KYI GDUNG BA BZLOG PAR MI NUS PAS SEMS GDUNG BZHIN DU MYA NGAN DE BSAL BA'I PHYIR DGON PAR SONG NGO, ,DER TSANG TSING SHIN TU STUG PA ZHIG TU, MYA NGAN GYI DBANG GIS LUS THAMS CAD PHAB NAS 'DUG STE, RKANG PA BRKYANG PA'I MTHE BO BSKYOD PA DANG, JI TZAM NA RNGON PA RGAN PO DE RI DAGS BSHOR BA'I PHYIR NAGS TSAL DU ZHUGS TE, RI DAGS BLTA BA'I PHYIR SEMS GTOD CING GNAS PA DANG, MTHE BO BSKYOD PA DE RI DAGS KYI RNA BA 'GUL BA YIN NO SNYAM NAS MDA' BSNUN PA DANG, DE SROG DANG BRAL BAR BYAS SO, ,RGAN PO ZHES BYA BA NI RNGON PA RGAN POS SO, ,KHYAB 'JUG CES BYA BA NI SRED MED KYI BU'O, ,MDA' YIS ZHES BYA BA NI RNGON PA'I MDA' YIS SO, ,BSNUN @10A *, ,ZHES BYA BA NI BCOM PA'O, ,LHA CHEN MGRIN PA SNGOR GYUR PAS, ,ZHES BYA BA LA, LHA CHEN NI DBANG PHYUG CHEN PO STE, DE YANG DUG GIS NYE BAR BCOM PAS MGRIN PA SNGON POR GYUR TO, ,DE YANG 'DI LTAR LHA RNAMS RGYA MTSO BSRUB PA'I PHYIR ZHUGS PA NA, DE'I TSE NOR BU KOO STU BHA DANG, RTA MGRIN RINGS LA SOGS MANG PO ZHIG RGYA MTSO LAS BYUNG BAR GYUR PA DANG, JI TZAM NA DUG CIG BYUNG BAR GYUR NAS DE'I MTHUS KHYAB 'JUG DE'I GAN NA GNAS PAS PAGS PA'I MDOG NAG POR GYUR TO, ,LHA CHEN POS DE BLANGS NAS 'JIGS PA MED PAR MID PAR RTZOM PA NA, ,JI TZAM NA MGRIN PAR THOGS TE STENG DU YANG MA BYUNG, 'OG TU YANG MA SONG BAR DE'I MGRIN PA RMA BYA'I MGRIN PA LTAR SNANG BAR GYUR PA DANG, LHA RNAMS KYIS SMRAS PA, 'DI NI SHIN TU MDZES PAS DA NI DENG NAS DE MGRIN PA NYID DU BZHAG PA'I RIGS SO ZHES SMRAS SO ZHES GRAG GO, ,LHA 'DI GNYIS LA ZHES BYA BA NI, KHYAB 'JUG DANG, LHA CHEN PO LA'O, ,GNOD BGYID MCHIS ZHES BYA BA NI, GNOD PA DANG BCAS PAR GNAS PAS NA GNOD BGYID MCHIS ZHES BYA STE, GZHAN GYIS BYAS PA'I NYE BAR GNOD PA'AM GSOD PA DANG LDAN PA'O, ,MGON KHYOD CES BYA BA NI BCOM LDAN 'DAS LA BOD PA STE, BDAG PO ZHES BYA BA'I DON TO; ,GNOD PA BGYID PA MED PAS NA GNOD BGYID BRAL BA LAGS ZHES BYA'O, ,DRIS PA, BCOM LDAN 'DAS LA GZHAN GYIS BYAS PA'I BGRONGS PA MI MNGA' MOD KYI, GZHAN GYIS BYAS PA'I GNOD PA NI MNGA' STE, BYA RGOD KYI PHUNG POR RDO'I DUM BUS ZHABS SNAD PA YIN NO ZHE NA, 'DIR SMRAS PA; DE NI RMA BTOD PA TZAM DU ZAD KYI, NYE BAR GNOD PA ZHES MI BYA STE, DE YANG 'DI LTAR DUS YUN RING POR ZHUGS PA'I NYE BAR 'TSE BA LA GNOD PA ZHES BSHAD KYI, SKAD CIG PA NI MA YIN TE, BCOM LDAN 'DAS NI SKAD CIG MA DE NYID LA DE TZAM ZHIG TU 'GYUR GYI, LHA CHEN PO'I MGRIN PA SNGO BA JI LTA BA DE LA NI MA YIN NO, ,KHYAB 'JUG MI THUNG GZUGS BSGYUR NAS, ,ZHES BYA BA LA SOGS PA LA, 'DI LTAR THOS TE, STOBS LDAN ZHES BYA BA'I LHA MA YIN ZHIG BYUNG BA DANG, DES RANG GI PHA ROL GNON PAS KHAMS GSUM MA LUS PA RNAM PAR GNON PA NA KHYAB 'JUG GIS BSAMS PA, NGAS 'DI DANG LHAN @10B CIG G-YUL SPROD PAR MI NUS TE, SHIN TU SKYES BU'I RTZOL BA PHUN SUM TSOGS PA DANG LDAN PA YIN PA'I PHYIR RO, ,DE BAS NA NGES PAR SGYU THABS KYIS BSLU BAR BYA'O SNYAM DU RNAM PAR BSAMS NAS, BDAG NYID BRAM ZE MI'U THUNG ZHIG GI GZUGS SU SPRUL NAS SLONG MO'I BDAG NYID CAN DU BYAS TE SONG NAS, RGYAL PO STOBS LDAN RTA'I MCHOD SBYIN BYED PA'I BRTUL ZHUGS LA GNAS PA'I TSE, SU ZHIG ,SU ZHIG 'DOD, GANG LA CI ZHIG SBYIN PAR BYA, ,ZHES ZER BA LA BRTZON PA DE'I THAD DU PHYIN NAS, PHA DANG MA'I PHYIR ME LA MCHOD SBYIN BYED PAS DE'I DON DU SA PHYOGS GOM PA NYID KYI TSAD SLONG NGO ZHES SMRAS PA DANG, DES SMRAS PA, 'DI TZAM ZHIG GIS KHYOD LA DGOS PA CI ZHIG RDZOGS PAR 'GYUR, GZHAN DU NA GLANG PO DANG, RTA DANG, SHING RTA DANG, GSER LA SOGS PA'I DNGOS PO SLONGS SHIG DANG, DE NGAS DGAG PA MED PA DANG, KHYAD PAR DANG BCAS PA SBYIN PAR BYA'O ZHES SMRAS KYANG 'DOD PAR MA GYUR TO, ,DE NAS DES SMRAS PA, GAL TE DE LTAR 'DOD NA RE ZHIG GOM PA GSUM YANG KHYER CIG CES SMRAS PA DANG, KHYAB 'JUG GIS GOM PA GNYIS KYIS 'JIG RTEN GSUM GYI BAR DU RKANG PA GCIG BRKYANG NAS, GOM PA GSUM PA'I GNAS MA RNYED PA DANG, DAM BCAS PA LAS NYAMS PAR BYAS PA'I DOR THABS KHAS BLANGS PAS YID ZHUM PAR GYUR PA DANG, 'JIGS PA CHEN POS BDAG NYID KYI DNGOS PO THAMS CAD BCOM PAR GYUR PAS STOBS LDAN BZUNG STE, SA 'OG TU BCINGS PAR GYUR TO, ,MI'U THUNG NI GZUGS THUNG BA'O, ,GZUGS NI LUS SO, ,BSGYUR NAS ZHES BYA BA NI MNGON PAR SPRUL NAS SO, ,GANG GIS SHE NA, KHYAB 'JUG GIS SO, ,CI PHA ROL GNON PAS SAM ZHE NA, G-YO THABS KYIS NI ZHES BYA BA SMOS TE, SLU THABS KYIS SO, ,STOBS LDAN ZHES BYA BA NI LHA MA YIN GYI RGYAL PO'O, ,BSLUS ZHES BYA BA NI RGYAL SRID LAS NYAMS PAR BYAS ZHES BYA BA'I DON TO, ,KHYED NI GZHAN DAG LA SLU BAR MI MDZAD DE, GAL TE G-YO MI MKHYEN PAS DE'I PHYIR GZHAN DAG SLU BAR MI MDZAD DO ZHES RTOG PA LA, DE'I PHYIR G-YO YANG MKHYEN GYUR LA, ,ZHES SMOS PA YIN TE, DE YANG G-YO MKHYEN PAS NA G-YO YANG MKHYEN GYUR LA ZHES BYA BA YIN TE, BCOM LDAN @11A *, ,'DAS NI THAMS CAD MKHYEN PA YIN PA'I PHYIR, KUN NAS NYON MONGS PA DANG, NYON MONGS PA CAN MA YIN PA'I DNGOS PO THAMS CAD MKHYEN CING, NYON MONGS PA CAN GANG YIN PA DE NI SPYOD PAR MI MDZAD PA STE, 'DIR RAL GRI THOGS PA'I GTZO BO'I MDO DPER BRJOD PAR BYA'O, ,MGON KHYOD RDZU 'PHRUL ZHES BYA BA LA SOGS PA LA, KHYED KYI RDZU 'PHRUL PA RNAMS NI MGON KHYOD RDZU 'PHRUL TE, YID MGYOGS PA LA SOGS PA'O, ,DE'I RNAM PAR 'PHRUL BA NI RNAM PAR ROL BA'O, ,JI LTA BU ZHE NA, RMAD BYUNG ZHES BYA BA STE, NGO MTSAR DU GYUR CING RMAD DU BYUNG BA BSKYED PA ZHES BYA BA'I DON TO, ,KHYAD 'JUG 'JIG RTEN GSUM RGAL BA, ,ZHES BYA BA NI GOM PA GSUM GYIS 'JIG RTEN GSUM RGAL BA'O, ,'PHYE BO ZHES BYA BA NI RKANG PA MED PA STE, 'PHYE ZHING 'GRO BAS 'PHYE BO YIN LA, DE DANG 'DRA BAR 'JUG PAS NA 'PHYE BO BZHIN DU'O, ,MTHONG BA NI RTOGS PA'O, ,'DI SKAD STON PAR 'GYUR TE, GANG KHYED KYI RDZU 'PHRUL GYI RNAM PAR 'PHRUL PA RMAD DU BYUNG BA MTHONG BA DES NI LHA YUL DANG SA 'OG TU KHYAB 'JUG GIS 'JIG RTEN GSUM RGAL BAR GYUR PA YANG 'PHYE PO MCHI BA BZHIN DU MTHONG STE, CI'I PHYIR ZHE NA, 'DI LTAR 'JIG RTEN PA RNAMS NI 'DZAM BU'I GLING TZAM NYID LA 'JIG RTEN GSUM DU 'DOD DE; RGYA MTSO BZHIS YONGS SU BCAD PA 'JIG RTEN GNYIS KYI BAR NI MI'I 'JIG RTEN YIN LA, 'OG GI GZHI NI KLU'I 'JIG RTEN NO, ,RI KHA BA CAN LA SOGS PA RI BO LHA RNAMS GNAS PA DANG, SKAR MA LA SOGS PA NI LHA'I 'JIG RTEN NYID YIN NA, DE KHYAB 'JUG GIS BRGAL BAR BYAS PA 'DI TZAM LA 'JIG RTEN GSUM RGAL BA ZHES BYA BA LA, SANGS RGYAS BCOM LDAN 'DAS NI THUGS BSKYED PA TZAM GYIS, YID LTAR MGYOGS PA'I RDZU 'PHRUL GYIS STONG GSUM GYI STONG CHEN PO'I 'JIG RTEN GYI KHAMS SA YA DPAG TU MED PA 'DAS PA'I 'OD ZER CAN GYI 'JIG RTEN GYI KHAMS NAS MYUR BA NYID DU GSHEGS PA 'DIR, DPER SBYAR BAR BYA'O, ,GZHON NU TSANGS PAR SPYOD PA NA, ,ZHES BYA BA LA, GZHON NU DANG, KA RTI KA DANG, PHUG NA GNAS PA DANG, RMA BYA LA ZHON PA ZHES BYA BA NI RNAM GRANGS SO, ,TSANGS PAR SPYOD PA ZHES BYA BA NI 'KHRIG PA SPYOD PA LAS LOG PA STE, 'DOD PA'I 'DOD CHAGS DANG BRAL BA'I @11B PHYIR CHINGS PA NYID 'DI LTAR SPYOD PA'O, ,LHAN CIG CES BYA BA NI DUS GCIG DANG THABS CIG PA'O, ,GANG DANG ZHE NA, DRUG LDAN MA DANG ZHES BYA BA STE, DE'I CHUNG MA DRUG LDAN MA ZHES BYA BA DANG NGO, ,SPYOD CES BYA BA NI SPYOD PA'I BYED PA'AM SRUNG BA'O, ,DE YANG 'DI LTAR THOS TE, DRUG LDAN MA ZHES BYA BA'I LHA'I BU MO MCHOG TU GZUGS BZANG BA, SPYOD PA LA MKHAS PA, GZUGS KYI NYE BAR SPYOD PA DANG, BUD MED KYI YON TAN GYIS GZHAN DAG ZIL GYIS MNAN PAS GNAS PA ZHIG BYUNG BAR GYUR LA, DE YANG GZHON NUS CHUNG MA'I DON DU BLANGS PA DANG, DE LA DRANG SRONG 'GA' ZHIG GIS SMRAS PA, GAL TE KHYED 'JIG RTEN GSUM LAS RNAM PAR RGYAL BA DON DU GNYER ZHING, GRAGS PA KHYAD PAR CAN BSGRAG PAR BYA BA'I BSAM PA YOD NA, DUS 'DI'I TSE KHYED KYIS RAL GRI'I SO ZHES BYA BA'I BRTUL ZHUGS SPYAD PAR BYA'O, ,DE'I BRTUL ZHUGS NI 'DI YIN PAR SHES PAR BYA STE, LANG TSO LA BAB CING 'DOD PA'I BDE BA NYAMS SU MYONG BAR NUS PA NA, CHUNG MA THAMS CAD KYI GTZO MOR GYUR PA GZUGS SHIN TU BZANG BA DANG LDAN PA DE DANG LHAN CIG RTZE ZHING, YAN LAG REG PA LA SOGS PA'I BDE BA NYAMS SU MYONG BAR GYUR KYANG, GNYIS SNYOMS PAR ZHUGS PA YIN NO ZHES TSOR BA MED PAR BYAS TE, BRTUL ZHUGS 'DI DUS RING POR BSTEN NA 'BRAS BUR 'GYUR RO ZHES SMRAS PA DANG, DE NAS BRTZAMS TE GZHON NUS BRTUL ZHUGS BRTZAMS PA YIN NO, ,KHYOD KYIS 'KHRIG PA'I ZHES BYA BA LA SOGS PA LA, 'KHRIG PA NI GNYIS KYIS GNYIS SBYOR BA ZHES BYA BA'I THA TSIG GO, ,DE YANG 'KHRIG PAR GYUR PAS NA, 'KHRIG PA STE, KUN TU SBYOR BA LA NYE BAR LONGS SPYOD PA'O, ,DE BAS NA KHYED KYIS THAL BA BZHIN DU MDZAD PAR GYUR PA NI THAL BA MA YIN PA LAS THAL BA NYID DU MDZAD CING BRLAG PAR GYUR BA'O, ,DE YANG BCOM LDAN 'DAS KYIS 'KHRIG PA'O SBYOR BA BDUN DANG LDAN PA'I MDO LAS GSUNGS TE, BRAM ZE 'DI LA KHA CIG BDAG TSANGS PAR SPYOD PAR KHAS 'CHE ZHING, ,DE BUD MED DANG GNYIS KYIS GNYIS MI SBYOR YANG BUD MED LA MIG GI YUL GZUGS LA NGES PAR SEMS SHING BLTA STE, DES DE NYAMS SU LEN CING RTOG LA ZHEN CING, @12A *, ,ZHEN NAS GNAS PA 'DI NI BRAM ZE TSANGS PAR SPYOD PA 'KHRIG PA'I CHOS DANG LDAN PA YIN GYI, ,MI LDAN PA MA YIN TE, TSANGS PAR SPYOD PA YONGS SU MA DAG PA SPYOD PA YIN ZHING, ZHIG PA DANG, BU GA CAN DANG, 'DREN MA DANG, NAG NOG CAN YIN TE, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, PHONGS PA RNAMS LAS YONGS SU GROL BAR MI 'GYUR ZHING, SDUG BSNGAL RNAMS LAS THAR BA RANG MI SMRA'O, ,GZHAN YANG BUD MED KYI YUL LA MIG GIS MIG GI YUL GZUGS LA NGES PAR SEMS SHING, LTA BAR YANG BYED PA NAS DE DANG LHAN CIG RTZE BA DANG, CA CO 'DON PA NYAMS SU LEN PA YANG TSANGS PAR SPYOD PA YONGS SU MA DAG PA YIN TE, SNGA MA BZHIN NO, ,GZHAN YANG BUD MED DANG LHAN CIG CA CO 'DON PA NYAMS SU LEN PAR YANG BYED CING, ,BUD MED LAS BSKU BA DANG, MNYE PA DANG; KHRUS BYA BA BDAG GIR BYED CING, NYAMS SU LEN PA DE YANG DE BZHIN NO, ,GZHAN YANG DE BZHIN DU YONGS SU MED PA'I BAR DU BDAG GIR YANG BYED CING RTZIG PAS CHOD PA DANG, YOL BAS CHOD PA'I BUD MED KYI RGYAN DANG, GLU DANG, GAR LA SOGS PA'I SGRA NYAMS SU LEN PAR BYED CING NYAN PAR BYED PA DE YANG DE BZHIN NO, ,GZHAN YANG SGRA'I BAR DU NYAMS SU LEN PAR BYED PA NAS, GZHAN DAG 'DOD PA'I YON TAN LNGA DANG LDAN PA LA BLTAS NAS NYAMS SU LEN CING RTZE BA DANG, DGA' BAS YONGS SU SPYOD PA NYAMS SU MYONG BAR BYED PA YANG DE BZHIN NO, ,GZHAN YANG YONGS SU SPYOD PA'I BAR DU YANG BYED LA, SNGON NYAMS SU MYONG BA'I DGOD PA DANG, RTZE BA DANG, DGA' MGUR YONGS SU SPYOD PA DE RJES SU DRAN PAR BYED CING, DE LAS DE BDAG GIR BYED PA YANG DE BZHIN NO, ,GZHAN YANG, RJES SU DRAN PA'I BAR DU YANG BYED LA, BDAG NI TSUL KHRIMS DANG, BRTUL ZHUGS SAM, DKA' THUB BAM, ,TSANGS PAR SPYOD PA SPYAD PA 'DI LHA LA SOGS PA'I GNAS SU BSNGO STE, TSANGS PAR SPYOD PA'ANG DE BZHIN NO, ,ZHES BYA BA NAS, BRAM ZE 'KHRIG PA'I CHOS BDUN GYI SBYOR BA 'DI MA SPANGS SHING YONGS SU MA SHES PA DE SRID LHA DANG BCAS PA'I 'JIG RTEN LAS @12B 'DA' BAR 'GYUR BA NGA MI SMRA'O ZHES BYA BA LA SOGS PA RGYA CHER GSUNGS PA YIN NO, ,TSANGS SOGS ZHES BYA BA LA TSANGS PA LA SOGS PA NI 'DI SKAD SMRA'O ZHES GRAG STE, JI LTAR KHO BO SEMS CAN GYI 'JIG RTEN DANG, SNOD KYI 'JIG RTEN MA LUS PA 'BYIN PAR BYED PA NAS, ,NGA'I TSANGS PA 'JUG PAR BYED PA YIN NO ZHES BYA BA'I DON TO, ,GRAG CES BYA BA NI GTAM DU BRGYUD PA 'BA' ZHIG YIN NO ZHES BYA BAR STON TO, ,DE NYID GZIGS KHYOD CES BYA BA NI DE KHO NA NYID GZIGS PA'I DANG TSUL GANG LA YOD PA DE NI DE NYID GZIGS PA STE, THAMS CAD MKHYEN PA DES ZHES BYA BA'I DON TO, ,DES JI SKAD BSTAN CE NA, 'JIG RTEN PA DANG, DE YANG LAS LAS SKYES ZHES BSTAN ZHES BYA BA SMOS TE, 'JIG RTEN DAG DANG, GANG DE DAG 'BYIN PAR BSHAD PA TSANGS PA LA SOGS PA DE YANG LAS LAS SKYES PAR KHYOD KYIS BSTAN CING GSUNGS PA'O, ,DE YANG SEMS CAN RNAMS NI LAS LAS SKYES PA; LAS KYI BGO SKAL LA SPYOD PA, LAS KYI RJES SU 'BREL PA STE, DGE BA'AM SDIG PA'I LAS GANG DAG BYED PA DE LAS DE NYID KYI SKAL BA CAN DU 'GYUR RO ZHES MDO LAS GSUNGS PA YIN NO, ,BRGYA BYIN GYIS NI BSHOL MED MA, ,ZHES BYA BA LA SOGS PA LA, BRGYA BYIN ZHES BYA BA NI RDO RJE MTSON DU THOGS PA STE, DBANG PO ZHES BYA BA'I DON TO, ,BSHOL MED MA NI DRANG SRONG GI BU MO STE, DE MTHONG BAR GYUR PA LAS SO, ,'DOD PAS ZHES BYA BA NI 'DOD PA'I LHA'I 'DOD CHAGS KYIS SO, ,RMONGS PA NI 'KHRUL PAR GYUR PA'O, ,GRAG CES BYA BA NI 'JIG RTEN GYI GTAM YIN PAR STON TO, ,DE YANG 'DI LTAR THOS TE, DRANG SRONG GOO TA MA ZHES BYA BA ZHIG YOD PA DE LA BSHOL MED MA ZHES BYA BA'I CHUNG MA YOD DE, DE LANG TSO'I MDANGS PHUN SUM TSOGS PA DANG LDAN PA YIN PAS DE LA BRGYA BYIN CHAGS PAR GYUR LA, DE YANG DE LA CHAGS TE, DES NA DE DAG PHAN TSUN 'BREL PAR GYUR TO, ,DUS LAN 'GA' ZHING NA DRANG SRONG DE BSTI GNAS GZHAN DU MGRON DU BOS PAR GYUR NAS, ME TOG DANG, YAM SHING DANG, KU SHA'I DON DU PHYI ROL DU BYUNG NGO, ,BRGYA BYIN YANG DER 'ONGS NAS BSHOL MED MA DANG BAG PHEBS PAR MNGON PAR RTZE ZHING 'DUG PA NA, GOO TA MAS YONGS SU MA SHES PA NYID DU BSTI GNAS SU ZHUGS PA DANG, @13A *, ,BSHOL MED MA YANG 'JIGS SHING RTA PAS BAS BRGYA BYIN MID DO, ,DE NAS GOO TA MAS YANG BSHOL MED MA KHRID DE, BSTI GNAS GZHAN DU MGRON DU BOS PAR SONG BA DANG, DRANG SRONG DES RNAL 'BYOR GYI STOBS KYIS JI LTAR GYUR PA DE DAG SHES NAS STAN GSUM BSHAMS SO, , GOO TA MAS BSAMS PA, CI'I PHYIR STAN GSUM SHOM SNYAM NAS BRTAGS PA DANG, JI TZAM NA BSHOL MED MA'I KHONG NA BRGYA BYIN YOD PAR MTHONG NAS, DE NGO TSA BAR GYUR PA DANG, ZAS LA SPYAD NAS RANG GI GNAS SU SONG STE, BSHOL MED MA LA BRGYA BYIN SKYUGS SHIG CES SMRAS PA DANG, DES KYANG SKYUGS SO, ,DE NAS DES BRGYA BYIN LA MO MTSAN STONG GIS MTSAN PAR GYUR CIG CES DMOD PA BTAB PO, ,DE NAS CI TZAM NA, LHA RNAMS DER 'ONGS TE GOO TA MA MGU BAR BYAS PA DANG, GANG 'DI KHYED KYIS MO MTSAN STONG MIG STONG DU GYUR CIG CES MCHOG BYIN PA YIN NO, ,DE NAS BRTZAMS TE MIG STONG PAR GYUR TO, ,DPA' BO KHYOD CES BYA BA LA SOGS PA LA, BRTZON 'GRUS KYI KHYAD PAR DANG LDAN PAS NA DPA' BA STE, BCOM LDAN 'DAS DE LA BOD PA NI DPA' KHYOD CES BYA'O, ,'DOD PA NYID KYIS NI, MA RMONGS SLAD DU ZHES BYA BA NI 'DOD PA RNAM PAR BCOM PA'I PHYIR RO, ,BTZUN MO BTANG ZHES BYA BA NI GRAGS LDAN MA DANG, RI DAGS SKYES DANG, SA MTSOM [?] LA SOGS PA BTZUN MO'I 'KHOR STONG PHRAG DRUG CU BTANG ZHING YONGS SU SPANGS PA YIN NO, ,SGRA GCAN ZHES BYA BA LA SOGS PA LA, SGRA GCAN NYID KYI LAG PAS ZIN PAS NA, SGRA GCAN LAG PAS SO, ,ZLA BA NI RI BONG GIS MTSAN PA'O, ,JI LTA BU'I ZLA BA ZHE NA, DBANG MED PA STE DBANG DANG NUS PA DANG BRAL ZHING RANG DBANG MED PAR GZHAN DBANG DU GYUR PA'O, ,MID PA NI ZIN PA'O, ,DE YANG 'DI LTAR THOS TE, JI TZAM NA LHA RNAMS KYIS 'O MA CAN GYI RGYA MTSO BSRUBS PA NA, JI SRID CIG NA BDUD RTZI BYUNG BAR GYUR PA DANG, LHA MA YIN SGRA GCAN GYIS PHROGS NAS SPYOD PAR RTZOM PA NA, KHYAB 'JUG GIS BSAMS PA, GAL TE 'DIS BDUD RTZI 'THUNGS PAR GYUR NA LHA THAMS CAD KYIS KYANG MI THUB PAR 'GYUR RO SNYAM NAS, 'KHOR LOS MGO BCAD PA DANG, DES DE BOR BA NA LHA RNAMS KYIS @13B YANG BLANGS SO, ,SGRA GCAN DE'I LKOG MA'I PHYOGS KYI BAR DU BDUD RTZI'I CHAS KHYAB PAR GYUR PA DANG, DES DE'I 'OG GI CHA'I LUS SHI BAR GYUR KYANG GSON LA, DE YANG LHA DANG MI RNAMS LA GNOD PA BYA BA'I PHYIR RGYU'O, ,GNAS SKABS DE NAS BRTZAMS TE, SA GSUM SNANG BAR BYED PA'I NYI MA DANG; ZLA BA 'DZIN PAR BYED PA YIN NO, ,MNGA' BRNYES ZHES BYA BA LA SOGS PA LA, SEMS CAN NAM 'BYUNG PO GANG MGON PO KHYED LA RANG DBANG MED PAR BGYID CING, GNOD PAR BGYID PA'I GZHAN DBANG CAN TE 'GA' YANG MA MCHIS SO ZHES BYA BA'I DON TO, ,MI DBANG ZHES BYA BA LA SOGS PA LA, DGA' BYED DANG GOS SRED NI DGA' BYED GOS SRED DE, DE DAG LA SOGS PA'I RGYAL PO GANG YIN PA DE NI, NAGS TSAL NAS ZHES BYA BA DKA' THUB KYI NAGS NAS PHYIR YANG MCHIS ZHES BYA BA 'DOD PA'I 'DOD CHAGS KYIS YID BRLAN PAR BYAS NAS, SLAR YANG KHYIM DU 'ONGS PA'O; ,DE YANG 'DI LTAR RGYAL PO SHING RTA BCU PA SUM CU RTZA GSUM PA DANG, LHA MA YIN G-YUL 'GYED PAR PHYIN TE, LUS LA LHA MA YIN GYI MTSON GYIS ZUG RNGU MANG PO ZUG PA DANG, GRONG KHYER 'THAB PA MED PAR PHYIN NAS, DE'I CHUNG MA KE KE YA ZHES BYA BAS BSNYEN BKUR BYAS PAS SOS PAR GYUR PA DANG; DES KYANG DE LA MCHOG SBYIN PAR BYAS SO, ,DE NAS DUS GZHAN ZHIG NA PHAS DGA' BYED RGYAL SRID LA DBANG BSKUR BAR RTZOM PA NA, KE KE YA RGYAL SRID LA PHRAG DOG GIS DKRUGS PA'I SEMS KYIS SMRAS PA, LHAS BDAG LA MCHOG STZAL BAR DAM BCAS PA LAGS KYIS, DE DA GSOL BAR BGYID DE, DGA' BYED LO BCU GNYIS KYI BAR DU NAGS SU RDZONGS LA BDAG GI BU BHA RA TA RGYAL SRID LA DBANG BSKUR BAR GSOL ZHES BYA BA NAS, JI SRID NA DGA' BYED NAGS SU SONG STE, DER SI TA PHROGS PA DANG, SGRA SGROGS BSAD PA LA SOGS PA BYAS NAS, ME TOG CAN ZHES BYA BA'I RGYU BA'I GZHAL YAS KHANG DU ZHUGS TE, BHA RA TA LA SOGS PAS GSOL BA BTAB CING MCHOD PA DANG, GRONG KHYER 'THAB PA MED PAR SONG STE, DGA' BYED BDE BA RNAMS LA MNGON PAR ROL PAR GYUR TO, ,GOS SRED LA SOGS PA'I RGAL PO GZHAN DAG KYANG SDUG BSNGAL GIS NYEN PAR GTZOS PA'I 'JIG RTEN MTHONG @14A *, ,BA DANG; NGA YANG GNAS SKABS 'DI LTA BUR 'GYUR DU 'ONG NGO SNYAM NAS RGYAL SRID SPANGS NAS NAGS SU SONG BA DANG, SLAR YANG DE DANG BRAL BAS SA CHEN PO 'DI DAG LA GNAS PA MI RIGS PA LA ZHUGS PAS SKYE BO MA LUS PA SONG STE, GUS PA DANG BCAS PAS SLAR YANG RGYAL PO'I PHO BRANG DU SPYAN DRANG BA'I PHYIR GSOL BA BTAB CING, DE YANG 'DOD CHAGS LA NYE BAR DGA' BA'I YID KYIS SLAR GRONG KHYER DU 'ONGS SO ZHES THOS SO, ,BDE GSHEGS KHYOD NI ZHES BYA BA NI BOD PA'O, ,DBEN PA ZHES BYA BA NI LUS DBEN PA DAG KYANG DBEN PA'I SGRAR GRAG MOD KYI, 'ON KYANG 'DIR NI DE GNYIS KA SKYED PA TING NGE 'DZIN GYI KHYAD PAR YIN PAR 'DOD DO, ,DE NYID NI BDUD RTZI STE MI 'CHI BAR BYED PA YIN LA, DES KHYED NGOMS PAR GYUR PAS NAGS SU GSHEGS NAS SLAR KHYIM DU PHYIR MI BYON NO ZHES BYA BA'O, ,MCHOD SBYIN LA NI ZHES BYA BA LA SOGS PA LA, MCHOD SBYIN ZHES BYA BA NI MCHOD CING SBYIN PAR BYED PA STE, BA LANG GI MCHOD SBYIN LA SOGS PA'O, ,PHYUGS 'GUMS PA ZHES BYA BA NI BA LANG DANG, RTA LA SOGS PA'I DUD 'GRO GSOD PA'O, ,DE SKAD SU ZHIG SMRA ZHE NA, DRANG SRONG RNAMS NI SMRA ZHES GRAG ,CES BYA BA STE GZEGS ZAN LA SOGS PA SNGON GYI DRANG SRONG RNAMS KYIS DE LTAR BSHAD PA YIN NO ZHES THOS SO, ,SDIG MED KHYOD KYIS ZHES BYA BA NI GANG LA SDIG PA YOD PA MA YIN PA DE NI SDIG MED DE, DE LA KYI SDIG MED KHYOD CES BOD PA YIN NO, ,GROG MA LA'ANG ZHES BYA BA NI LUS SHIN TU CHUNG BA'I SROG CHAGS SO, ,GNOD PA BGYID PA NI GSOD PA'O, ,RJES MA GNAD ZHES BYA BA NI DE LTAR MA GSUNGS SHING DE BYA BAR MA BSTAN TO ZHES BYA BA'I DON TO, ,DE YANG CHOS KYI RGYAL PO'I MDO LAS, GANG KHYED RNAMS KYIS MA MTHONG BA SROG GCOD PA LAS MI LDOG PA'I MTHA' NI NGES PAR KYE MA DMYAL BA'AM, GZHAN DAG TU KHO BOS MTHONG STE, DE CI'I PHYIR ZHE NA, DMYAL BAR BYED PA'I CHOS RNAMS YANG DAG PAR BLANGS TE GNAS PA YIN NO ZHES RGYA CHER GSUNGS PA YIN NO, ,GZHAN DAG RANG DON ZHES BYA BA LA SOGS PA LA, GZEGS ZAN LA SOGS PA GZHAN DAG NI RANG DON ZHES BYA BA RANG LA PHAN PA'I PHYIR RO, ,THABS GANG GIS SHE NA, MCHOD SBYIN LA ZHES PA STE, MCHOD SBYIN @14B SHES PA'I THABS KYIS SO, ,GZHAN GYI SROG GI ZHES BYA BA NI SEMS CAN GZHAN GYI SROG BCAD NAS MCHOD SBYIN GYI RDZAS SU BYAS TE MCHOD SBYIN BYED PA'O, ,DE YANG SEMS CAN LA NYE BAR 'TSE BA DANG LDAN PA'I MCHOD SBYIN GYI CHO GA BSTAN PAS RANG GI DON BSREG PA'AM, MTHO RIS LA SOGS PA THOB PA'I RGYU BDAG NYID GSOD PA NYE BAR STON PA YIN TE, JI SKAD DU, CHUR NI STONG PHRAG BDUN DAG STE, ME LA STONG PHRAG BCU GCIG YIN, ,MI DBANG ZAS BCAD PA YIS NI, GRANGS YOD PA NI MA YIN NO, ,ZHES G-YUL NGOR BRTAN PA LA 'JIGS BYED KYIS SMRAS PA YIN NO, , YANG MGON PO KHYED NI GZHAN GYI DON DU ZHES BYA BA GZHAN DAG LA PHAN PA'I PHYIR RO, ,KHYOD GCIG PU ZHES BYA BA GROGS MED PAR RO, ,RANG GI SROG GIS ZHES BYA BA NYID KYI 'TSO BA DE NYID KYIS SO, ,SBYIN SREG MDZAD CES BYA BA NI SBYIN SREG GI RDZAS SU MDZAD DE BSREGS SHING GZHAN GYI DON MDZAD PA'O, ,'DIR NI STAG MO'I SKYES PA'I RABS LA SOGS PA DPER BRJOD PAR BYA'O, ,DRANG SRONG DMOD ME ZHES BYA BA LA, DRANG SRONG NI SNGON GYI DRANG SRONG RNAMS KYIS SO, ,DMOD ME ZHES BYA BA NI DMOD PA NYID ME DANG 'DRA BA'O, ,JI LTA BUS SHE NA, MI BZAD PAS ZHES BYA BA STE, 'JIGS SU RUNG BAS SO, ,SKYE BO MANG PO ZHES BYA BA NI SEMS CAN TSAD MED PA'O, BSREGS PA NI THAL BAR BYAS PA'O, ,DE YANG BCOM LDAN 'DAS KYIS JI SKAD DU, NYE BA 'KHOR 'DI JI SNYAM DU SEMS, ,MA TA KA'I DGON PA 'DI GANG GIS STONGS PAR BYAS SHING GTZANG MAR BYAS, KYE GOO TA MA DRANG SRONG RNAMS KYI YID KYI 'DOD PA MI BZAD PA'I DMOD PAS SO ZHES RGYA CHER MDO LAS GSUNGS SO, ,KHYOD NI BCOM LDAN 'DAS SO, ,YE SHES ME YIS ZHES BYA BA NI SHES RAB KYI MES BSREGS SHING THAL BAR MDZAD PA'O, ,SKYE BO ZHES BYA BA NI SEMS CAN RNAMS KYI'O, SKYE RGYU ZHES BYA BA NI BDAG GIS DNGOS PO MNGON PAR 'PHEL BA'I RGYUR GYUR PA LAS DANG NYON MONGS PA ZHES BYA BA'I DON TO, ,DRANG SRONG ZHES BYA BA LA SOGS PA LA, DMOD PA GRUB PA NI DMOD PA BYED PA'I NUS PA YOD PA'O, ,DKA' THUB NI BRTUL ZHUGS SO, ,GRUB PA NI RDZOGS PA'O, ,RJES SU DPAG PA NI SHES PAR 'GYUR @15A *, ,PA'O; ,DE YANG 'DI LTAR GANG GI TSE, DE RNAMS DMOD PA 'DOR BAR NUS PAR GYUR PA DE'I TSE, 'DI DAG NI BRTUL ZHUGS GRUB PA YIN NO ZHES SHES PAR NUS PA YIN NO, ,GANG GI TSE GZHAN DAG LA GNOD PA DANG DMOD PA DE YANG BYED PAR MI NUS PA DE'I TSE, ,DE GRAGS PA DANG LDAN PAR MI 'GYUR BA'O, ,MGON KHYOD CES BYA BA NI SANGS RGYAS BCOM LDAN 'DAS LA BOD PA'O, ,THUGS BRTZE GRUB PA ZHES BYA BA NI THUGS RJE YONGS SU RDZOGS PA STE, GZHAN GYI DGOS PA BYA BA'I MTHAR PHYIN PA ZHES BYA BA'I DON TO, ,DE YANG SNYING BRTZE BAS 'JUG PA'I GZHAN GYI DON GYI BYA BA LA THUGS BRTZE BA ZHES BSHAD DO, ,DE GRUB PA NI SGRUB PA'I BYA BA GZHAN GYI DON GYI BYA BA BYED PA ZHES BYA BA'I DON TO, ,DKA' THUB GRUB PA NI BRTUL ZHUGS RDZOGS PA'O, ,LHA CHEN 'DOD PA CAN GYI MTSAN, ,ZHES BYA BA LA SOGS PA LA, 'DI LTAR RJES SU THOS TE, THANG SHING GI NAGS 'GA' ZHIG TU DRANG SRONG MANG PO BU DANG BU MO DANG CHUNG MA DANG BCAS PAR DKA' THUB SHIN TU DKA' BAS GDUNGS SHING GNAS PAR GYUR LA, DE RNAMS KYI DKA' THUB MI BZAD PA MTHONG BAS LHA MO AU MA DE RNAMS LA KUN DU SKYO BA SKYES TE, LHA CHEN PO'I THANG DU SONG NAS BDEN PAR BAG PHEBS PA'I DBANG GIS 'DI SKAD CES SMRAS TE, DRANG SRONG 'DI RNAMS NI DKA' THUB CHEN PO LA SPYOD PAR BRTZON PA, THAR PA 'DOD PA LAGS PAS 'DI RNAMS LA KHYED KYIS NGES PAR THAR PA THOB PAR MDZAD PA'I RIGS SO, ,LHA CHEN POS SMRAS PA, THAR PA'I BDE BA NI SEMS CAN 'DOD CHAGS DANG ZHE SDANG DANG BRAL BAS THOB PAR 'GYUR LA, 'DI DAG NI DE LTA MA YIN NA JI LTAR NA NGES DE DAG LA THAR PA THOB PAR BYA, AU MAS SMRAS PA, DE SKAD MA GSUNG SHIG ,'DI DAG NI NGES PAR ZHE SDANG DANG BRAL BA YIN PAS RNAM PA THAMS CAD DU BDAG GIS GSOL BA GSON LA, KHYED KYIS MYA NGAN LAS 'DAS PA'I BDE BA'I BDUD RTZIS LUS TSIM PAR MDZOD CIG ,DE NAS LHA CHEN POS AU MA'I BSAM PA NGES PAR SHES PA DANG, DRANG SRONG GI BU MO RNAMS LA 'DOD CHAGS KYI SHUGS SKYES PA DANG, RE ZHIG 'DI DAG SAD PAR BYA'O ZHES BLO SKYES NAS, NYI MA GNYIS PA LA MGO ME TOG GI PHRENG BAS BRGYAN TE, LUS BRTAN CING SRA BAR BYAS @15B PA DANG; LANG TSO BDO BAR GYUR PA LA GNAS SHING SHIN TU SGEG PA'I CHA LUGS KYIS BRGYAN TE, BZHAG PA'I BDAG NYID KYI DNGOS PO GZHON PAR BYAS NAS, ,RANG GI MTSAN MA BKAB CING MNGON PAR LDANG LA 'DZAG BZHIN PAR BYAS NAS SONG BA DANG, DRANG SRONG GI CHUNG MA DANG, BU MO GZHON NU'I TSOGS LO MA'I SPYIL BU LAS BYUNG STE, DE'I LUS LA REG CING 'DZIN PA LA MNGON PAR DGA' BAS THANG SHING GI NAGS KYI GNAS SU ZHUGS PA DANG, DES KYANG YID PHROGS PA MTHONG ZHING SHIN TU GZUGS DANG LDAN PA LA BLTAS NAS, 'DOD CHAGS KYI DBANG GIS BRLA'I PHYOGS GNYIS SU CHU 'DZAG PAS KHYAB PAR GYUR CING SHES CHER BRGYAL BAR GYUR TO, ,DE NAS LO MA'I SPYIL BU LAS BYUNG BA'I DRANG SRONG RNAMS KYIS DE MTHONG BA TZAM GYIS KHRO BA'I SHUGS KYI STOBS KYIS YID RNYOG PA CAN DU GYUR PAS KHYED MA DUL ZHING 'DOD CHAGS KYIS LDANG BAR BYAS PA'I DBANG PO LHUNG BAR GYUR CIG LHUNG BAR GYUR CIG CES DE LA DMOD PA BTAB PO, ,DE'I RJES THOGS LA BRGYA BYIN GYI GLANG PO CHE'I SNA LTA BU'I MTSAN SA LA LHUNG BAR GYUR TO, ,JI TZAM NA DE RNAMS BSAM GTAN GYI STOBS DANG, LHA MOS SMRAS PA, 'DI NI LHA CHEN PO YIN TE KHO BO CAG SAD PA'I PHYIR 'DIR 'ONGS PA YIN NO ZHES JI LTA BA BZHIN DU SHES PA DANG, SNYING POR GYUR PA'I MTSAN DE BLANGS NAS MCHOD PA'I KHYAD PAR RNAM PA MANG POS MCHOD PAR GYUR TO, ,DE NAS BRTZAMS TE 'JIG RTEN 'DIR MTSAN LA MCHOD PA BYUNG BA YIN NO, ,LHA CHEN PO NI BDE BYED DO, ,'DOD PA CAN GYI NGANG TSUL 'DI LA YOD PAS NA 'DOD PA CAN TE, DE YANG 'DI DRANG SRONG GI BU MO RNAMS DANG LHAN CIG 'DOD PA SPYOD PAS NA 'DOD PA'O, ,YANG NA 'DOD PA NI 'DOD PA'I 'DOD CHAGS SO, ,DE GANG LA YOD PA NI 'DOD CHAGS CAN NO, ,MTSAN NI SKYES PA'I DBANG PO'O, ,DRANG SRONG RNAMS KYI ZHES BYA BA NI THANG SHING GI NAGS NA GNAS PA'I 'O, ,GANG GIS SHE NA DMOD PA STE, KHYED KYI MTSAN LHUNG BAR GYUR CIG LHUNG BAR GYUR CIG CES BYA BA'I KHRO BAS KUN NAS BSLANG BA'I TSIG RTZUB POS SO, ,LHUNG BA NI SA LA LHAGS PAR GYUR PA'O, YANG SANGS RGYAS BCOM LDAN 'DAS KHYOD KYIS NI 'DOD PA NYID LHUNG BAR MDZAD PA STE, 'DOD PA'I 'DOD CHAGS NYID BAG CHAGS DANG BCAS @16A *, ,PAR SPANGS PA'O, ,JI LTA BU'I 'DOD PA ZHE NA, PHUNG KHROL BDAG GI RTZA BA ZHES SMOS TE, GANG TSE 'DI'I DANG, TSE RABS GZHAN GYI GNOD PA'I PHUNG KHROL DE RNAMS KYI RTZA BA NI 'DOD PA NYID YIN NO, ,DE YANG BCOM LDAN 'DAS KYIS JI SKAD DU, 'DOD CHAGS KYI RGYU DANG, 'DOD CHAGS KYI GZHI DANG, 'DOD CHAGS KYI DBANG GIS MA DANG BU LHAN CIG KUN DU SMRA ZHING BU YANGS DANG LHAN CIG SPYOD DO ZHES MDO LAS RGYA CHER GSUNGS PA DANG, SLOB DPON DPA' BOS KYANG, 'JIG RTEN 'DOD PAS BCING DANG GSOD DANG KHENGS PA DANG, ,DUB DANG 'JIGS DANG SDUG BSNGAL SNA TSOGS NYER 'THOB CING, ,'DOD DON NYID KYIS SA BDAG RNAMS NI LHUNG GYUR LA, ,CHOS RNAMS MNGON DU 'JOMS SHING GZHAN DU DMYAL BAR 'GRO, ,ZHES BSHAD PA YIN NO, ,GLING LAS SKYES SOGS ZHES BYA BA LA SOGS PA LA, GLING LAS SKYES NI DRANG SRONG RGYAS PA'O, ,SOGS PA'I SGRAS NI RA MA NA'I GTAM GYI BYED MKHAN DRANG SRONG BAL MI KA DANG, GZHAN YANG SNYAN DANG GAS GZHAN DAG SBYOR BA RNAMS LA BYA'O, ,PHAL CHER ZHES BYA BA NI MANG DU STE, DE DAG RANG GI RJES SU DPAG NAS RAB TU BRTAGS PA NI DE NA CUNG ZAD CIG YOD DO ZHES STON TO, ,GZHAN GYIS GANG SMRAS ZHES BYA BA NI PHA ROL GYI BSHAD PA GANG YIN PA STE, DE DAG SMRA BAR BYED CING DE LA 'JIG RTEN PA RNAMS DGA' BA YIN NO, ,'DI SKAD STON TE, GANG GLING LAS SKYES LA SOGS PA RNAMS KYIS BHA RA TA LA SOGS PA LA SMRAS PA NI PHAL CHER GZHAN DAG GIS SMRAS PA DE SMRA BAR BYED PA YIN NO ZHES BYA BA'O, ,KHYOD KYIS THUN MONG MA YIN CHOS, ,ZHES BYA BA LA SOGS PA LA, THUN MONG MA YIN PA ZHES BYA BA NI GZHAN DAG GIS MA SMRAS PA'O, ,CHOS ZHES BYA BA NI GSUNG RAB KYI KHYAD PAR 'PHAGS PA'I BDEN PA BZHI YONGS SU GSAL BAR BYED PA'O, ,RANG GIS THUGS SU CHUD NAS ZHES BYA BA NI RANG NYID KYIS GZHAN GYIS RJES SU BSTAN PA LA MA LTOS PAR THUGS SU CHUD PA STE, CHOS KYI 'KHOR LO BSKOR BA'I MDO LAS, DGE SLONG DAG SNGON MA THOS PA'I CHOS RNAMS LA 'DI NI SDUG BSNGAL GYI BDEN PA'O ZHES BLO DANG RIG PA DANG RTOG PA SKYES SO ZHES RGYA CHER GSUNGS PA LTA BU YIN NO, ,BSTAN ZHES BYA BA NI GZHAN @16B DAG LA STON PAR MDZAD PA STE, CHOS KYI RNAM GRANGS 'DI KUN DU RGYU BA SPYOD PA PA GZHAN DAG LA BSTAN PAR BYA'O ZHES BYA BA LA SOGS PA JI SKAD GSUNGS PA LTA BU'O, ,MU STEGS CAN GYI ZHES BYA BA LA SOGS PA LA, MU STEGS CAN GYI ZHES BYA BA NI MU STEGS PA RNAMS KYI'O, ,DE GANG YIN ZHE NA, RIG BYED TSIG STE, MU STEGS CAN GYI TSIG GZHAN DAG GO, ,DBEN PA NI SKYE BO MED PAR RO, ,KHO NAR ZHES BYA BA NI NGES PAR GZUNG BA STE, JI LTAR ZHE NA, DE DAG SMRA ZHING STON PAR BYED PA NYID YIN NO, ,YANG NA BRAM ZE RNAMS 'DI SKAD CES SMRA STE, RIG BYED NI JI LTAR YANG BRAM ZE MA YIN PA BKLAG TU MI GZHUG GO ZHES SMRA BA DANG, GCER BU PA'I DGE SBYONG GI SKAR MA'I BSTAN BCOS DGE SBYONG GCER BU PA MA YIN PA LA MI SBYIN PA DANG, KHYAB 'JUG PA'I MTSAN MO LNGA PA LA SOGS PA'I BSTAN BCOS RNAMS NI GZHAN DAG LA SMRA BAR MI BYA'I, DBEN PA DAG TU SO SO'I NGES PA'I SEMS CAN DAG LA 'DI DAG SMRA BAR BYA'O ZHES ZER RO, ,KHYOD KYIS ZHES BYA BA LA SOGS PA LA, 'DI NI SENG GE'I SGRA DANG 'DRA BA YIN PAS NA SENG GE'I SGRA'O, ,'DI SKAD STON TE, KHYED NI SENG GE'I SGRA SGROGS PAS DGE SBYONG DANG, BRAM ZE DANG, SPYOD PA PA DANG, KUN DU RGYU BA THAMS CAD LA SER SNA MI MNGA' BA DANG, PHYOGS SU LHUNG BA MI MNGA' BAR STON PAR MDZAD PA YIN NO, ,GRANGS CAN ZHES BYA BA LA SOGS PA LA, DE LA GRANGS CAN GYI DE KHO NA NYID NI 'DI SKAD CES 'CHAD DE, GANG GI TSE SKYES BU 'DI'I SNYING STOBS DANG, RDUL DANG MUN PA'I GZUGS CAN GYI, ,RANG BZHIN 'DI LA 'JUG PA NA; ,DE KHO NA NYID NYI SHU RTZA LNGA MTHONG BAR GYUR PA'I RNAL 'BYOR PA RNAM PAR DBEN PAR GYUR PA DE'I TSE GROL BAR 'GYUR BA YIN NO ZHES ZER RO, ,BHA RA DVA DZA NI ZHES BYA BA NI, DRANG SRONG BHA RA DVA DZA BA'I BU YIN PAS NA BHA RA DVA DZA'O, ,DE NYID MTHONG YANG ZHES BYA BA NI GANG GRANGS CAN RNAMS KYIS BSHAD PA'I DE KHO NA NYID MTHONG BA'O, ,DE YANG 'DI LTAR RJES SU THOS TE, BHA RA DVA DZA DE BRTUL ZHUGS DRAG PO'I SPYOD PA LA BRTZON ZHING, GRANGS CAN GYI SHES PAS DE KHO NA NYID SHES PAS NAGS NA GNAS SO, ,NAGS NA GNAS PA'I LHA RNAMS KYIS MTHONG BA DANG, DE 'DI LTA BU'I DKA' THUB SPYOD PA LAS NA BDAG CAG @17A *, ,RNAMS KYI BGEGS BYED PAR NUS PAR 'GYUR DU 'ONG GIS MAL BDAG CAG GIS 'DI DKA' THUNG YAS NYAMS PAR BYA'O SNYAM NAS, DPYID LDAN MA ZHES BYA BA'I LHA'I BU MO DAR BTANG BA DANG, JI TZAM NA DE'I BSTI GNAS DANG NYE BAR GAR BYED PA DANG, GLU LEN PAR BRTZAMS SO, , DRANG SRONG DES DE THOS PA DANG, LO MA'I SPYIL BU LAS BYUNG BA NA, LHA MO DE MTHONG BA TZAM GYIS 'DOD CHAGS RAB TU G-YOS PAS YID GDUNGS SHING GZIR BAR GYUR PAS DE BLANGS TE LO MA'I SPYIL BUR ZHUGS NAS, DUS SHIN TU YUN RING MOR DE DANG LHAN CIG 'DOD PA'I BDE BA LA LONGS SPYAD PA RJES SU MYONG BAR GYUR TO, ,DE LTAR NA BHA RA DVA DZA ZHES BYA BA DE NI DPYID LDAN MA ZHES BYA BA'I LHA'I BU MO LA YONGS SU CHAGS SHING ZHEN PA DANG LDAN PA YIN NO ZHES BYA BA'I DON TO, ,GTZO KHYOD CES BYA BA NI BOD PA STE, CHOS RNAMS LA DBANG PHYUG TU GYUR PA ZHES BYA BA'I DON TO, ,KHYOD KYI SLOB MA DE RNAMS KYANG BUD MED RNAMS LA CHAGS PA MED NA KHYED LTA SMOS KYANG CI DGOS ZHES BYA BA'I DON TO, ,DE YANG 'DI LTAR 'KHOR BA'I DNGOS PO'I RANG BZHIN SHES PA NI NAM YANG 'DOD PA'I YON TAN LNGA PO 'JIG CING YID BRTAN DU MI RUNG BA LA CHAGS PAR GA LA 'GYUR, 'UG PA PAS NI ZHES BYA BA LA SOGS PA LA; 'UG PA PA NI GZEGS ZAN LA SOGS PA BYE BRAG PA'I BSTAN BCOS RTZOM PA RNAMS KYIS BSHAD PA'O, ,KHYAD PAR CAN LA ZHES BYA BA NI BRAM ZE LA SOGS PA YON TAN DANG LDAN PA LA SBYIN GYI GZHAN DAG LA NI MA YIN NO, ,DE YANG JI SKAD DU, BRAM ZE MIN LAS MNYAM PO STE, ,THA MAL BRAM ZE LAS GNYIS 'GYUR, ,'DON PA LA NI BRGYA STONG STE, ,RIG BYED PHA ROL 'GRO MTHA' YAS, ,ZHES BSHAD PA YIN TE, DE BAS NA RIG BYED KYI PHA ROL TU PHYIN PA'I BRAM ZE LA SBYIN PA PO KHYAD PAR CAN GYI 'BRAS BU 'DOD PAS SBYIN PAR BYA'I, BRAM ZE MA YIN PA GZHAN DAG LA NA MA YIN TE, GANG DE YOD NA RIG BYED MA LUS PA MTHAR CHUB PAR MA BYAS PA LA YANG MA YIN NO ZHES ZER RO, ,MGON PO KHYOD NI ZHES BYA BA LA SOGS PA LA, KYE MGON PO SKYABS SU GYUR BA KHYOD KYIS NI KHYI'I BAR LA'ANG SBYIN PAR BYA'O ZHES GSUNGS SO, ,DRIS PA, KHYI 'DI NI KHYAD PAR GYI ZHING MA YIN NA, @17B CI'I PHYIR DE LA SBYIN PAR BYA ZHES GSUNGS SHE NA, DE'I PHYIR THUGS RJE YIS ZHES BYA BA GSUNGS TE, DE YANG BDAG NYID CHEN PO RNAMS KYIS NI SNYING RJES SBYIN PA LA 'JUG PAR BYA'I, 'BRAS BU MNGON PAR 'PHEL BA LA CHAGS PA NI MA YIN NO, ,DE YANG GNAS BRTAN DKON MCHOG 'BANGS KYIS, GANG ZHIG SKYE BO DMAN DANG PHONGS PA RE BA'I BSAM LDAN MTHONG NA YANG, ,BRTZE MED 'BRAS BU 'DOD PAS SNOD GZHAN YON TAN DAG DANG LDAN TSOL BA, ,BSAM BRLAG DE NI SBYIN PAR BYED KYANG SLONG BA RNAMS DANG MTSUNGS SO ZHES, ,DE SLAD KHYOD NI THUGS RJES SLONG BA RNAMS LA SBYIN PAR BZHED LA ZHUGS, ,ZHES BSHAD PA YIN NO, ,DE BAS NA KHYED SBYIN PA LA 'JUG PAR MDZAD PA NI SLONG BA RNAMS LA THUGS RJE CHEN PO NYID KYIS GUS PAS MDZAD PA YIN NO, ,LUS KYI ZHES BYA BA LA SOGS PA LA, LUS KYI DKA' THUB NI NYON MONGS PA'I GDUNG BA ZHES BYA BA'I DON TO, ,DES BYAS PA'I MDUD PA ZHES BYA BA NI 'CHING BA STE, NYON MONGS PA'O ZHES BYA BA'I DON TO, ,DE 'JIG PA NI BSHIG CING RNAM PAR SPANGS PA ZHES BYA BA'I DON TO, ,LUS LAS KYANG MDUD PA 'JIG PAR 'DOD PA DE GANG ZHIG YIN ZHE NA, GCER BU 'TSAL ZHES BYA BA SMOS TE, GOS MED PA'I DGE SBYONG GCER BU PA ZHES BYA BA'I DON TO, ,DE YANG DE RNAMS KYI GRUB PA'I MTHA' NI 'DI YIN TE, 'DI LTA STE, TSE SNGA MA LA BYAS PA'I LAS NI DKA' THUB KYIS ZAD PAR BYAS LA, 'DIR YANG DGE BA'AM MI DGE BA SNGON MED PA NYE BAR BSAGS PAR MI BYA LA, DES NA LUS KYI RGYUD LA YOD PA'I LAS ZAD PAS SKYE BA ZAD LA, SKYE BA ZAD PAS SDUG BSNGAL ZAD DE, DE ZAD PAS NI MYA NGAN LAS 'DAS PA THOB PA YIN NO ZHES 'DOD DO, ,KHYED NI ZHES BYA BA LA SOGS PA LA, THUGS YIN PAS NA THUGS KYI ZHES BYA BA'AM, 'DI NI THUGS KYI YIN PAS THUGS KYI DKA' THUB PO, ,'DI SKAD STON TE, KHYOD NI THUGS KYI DKA' THUB NYID KYIS MDUD PA 'JIG CING LAS ZAD PA DANG, NYON MONGS PA ZAD PAR BZHED PA LAGS KYI LUS KYIS NI MA YIN NA DE SKAD DU, SLOB DPON RTA SKAD KYIS, BDAG NYID NYON MONGS SKYE BO BYIS PA 'DOD, ,DE BZHIN DBANG PO'I SPYOD YUL RNAM PA LA CHAGS SO, ,'DI DAG GNYIS KA @18A *, ,NYES DANG LDAN PAR MTHONG, ,NGA YIS BDUD RTZI RTOGS LAM DAG PA YIN, ,ZHES BYA BA LA SOGS PA BSHAD PA YIN NO, ,DE BAS NA 'DI LTAR RIGS TE, GANG GI PHYIR KUN NAS NYON MONGS PA THAMS CAD KYI GNAS YIN PAS SEMS NYID GNOD PA THAMS CAD BYED PA YIN LA, DE BAS NA DE NYID CI NAS KYANG PHYIS NYON MONGS PA RNAMS KYI RTEN DU GYUR PA MI BYED PA DE LTAR YONGS SU SBYANG BAR BYA STE, GNAS MED PA LAS NI NYON MONGS PA SKYE BAR MI 'GYUR LA, NYON MONGS PA MED PAR LAS RNAMS MI 'BYUNG ZHING, DE DAG MED PA LAS NI SKYE BA LEN PAR MI 'GYUR LA, DE MED PA NI THAR PA YIN NO ZHES BCOM LDAN 'DAS KYIS LEGS PAR BSTAN PA YIN NO, ,LUS KYI DKA' THUB NI DON MED PA YIN TE, SEMS KYI RGYAL PO'I KHA NA LAS PAS DE LAS RANG NYID BYA BA MA YIN PA LAS LDOG PA YIN PA'I PHYIR RO, ,RTOG GE PA DAG DNGOS PO RNAMS ZHES BYA BA LA SOGS PA LA, RTOG GE PA NI MU STEGS PA RNAMS SO, ,DNGOS PO RNAMS ZHES BYA BA NI BDAG DANG RANG BZHIN DANG DUS DANG PHYOGS LA SOGS PA MED PAR GYUR PA RNAMS KYANG YOD DE GNAS PA NYID DU 'DOD CING LAS LEN TO, ,LTOS PA MED PA ZHES BYA BA NI, MA BRTAGS MA DPYAD PAR ZHES BYA BA'I DON TO, ,DE YANG DE RNAMS 'DI SKAD CES SMRAS TE, CHOS MA YIN PA'I RTOG PA YIS, ,DPYAD PA DAG NI MI BYA STE, ,LONG BA LKUGS PA LTAR GYUR NA, ,GANG ZHIG BSHAD PA DE DPYAD KYIS, ,YANG NA RTOG PA NGAN PA'I BSTAN BCOS LA MCHOG TU GZHOL BA DE NI RTOG GE BA STE, DE YANG PHYIN CI LOG GI MING DANG, DU MA'I MTHA' CAN GYI RGYU DANG LDAN PA'I GZHUNG KHAS BLANGS NAS, MED PA'I DNGOS PO RNAMS KYANG DNGOS PO LTAR SGRUB PAR BYED DO, ,DE YANG 'DI LTAR 'O MA'I RGYU NI LCI BA YIN TE, DE'I RGYU LAS BYUNG BA'I PHYIR 'O MA DANG 'DRA'O, ,DE YANG GANG BA LANG GI RGYU LAS BYUNG BA NI 'O MA'I RGYU YIN TE, 'DI LTAR 'O MA DANG BA'I LCI BA NI DE'I RGYU LAS BYUNG BA YIN LA, DE BAS NA BA LANG GI LCI BA YANG 'O MA'I RGYU YIN NO, ,GANG DU 'O MA'I RGYUR MA GYUR PA DE NI DE'I RGYU LAS 'BYUNG BA MA YIN TE, DPER NA RDO BA LA SOGS PA BZHIN NO, ,'DIR MI SHES PA DAG NI 'O MA'I RGYUR BA LANG GI LCI BA NYID YIN PA MI SRID DU ZIN KYANG, DE LTA DE LTAR @18B KHAS LEN PA LA DGA' BAR 'GYUR LA, GANG SHES RAB DANG LDAN PA DE NI BAGS PA DANG, SPU DANG, GCIN LA SOGS PA DU MA'I MTHA' CAN NYID DU SHES PAR 'GYUR RO, ,YANG BDAG NI YOD PAR 'DOD DE, DE'I BYA BA NYE BAR DMIGS PAS ME DANG 'DRA'O, ,DE YANG GANG DANG GANG GI BYA BA NYE BAR DMIGS SU YOD PA DE DANG DE NI YOD PA YIN TE, DPER NA ME NI DE'I SMIN PA LA SOGS PA'I BYA BA NYE BAR DMIGS SU YOD PA YIN LA, GANG DU ME MED PAR DER NI BYA BA DMIGS SU YOD PA MA YIN TE, DPER NA RI BONG GI RVA DANG 'DRA'O, ,BDAG GI BYA BA YANG BYED PA PO DANG, SPYOD PA PO DANG, 'GRO BA PO NYID DANG, STON PA PO NYID LA SOGS PA'O ZHES ZER LA, SHES RAB DANG LDAN PA DAG NI RTEN DU 'GYUR BA'I LUS MA GRUB PAS DE'I RGYU MED PA NYID DU 'DOD DE, 'DI LA NI NYES PA MANG PO YOD DO ZHES SBYAR BAR BYA'O, ,TSIG DBANG ZHES BYA BA LA SOGS PA LA, TSIG DBANG KHYOD CES BYA BA NI BONG PA STE, TSIG LA DBANG BA NI GSUNG GI DBANG PHYUG CES BYA BA'I DON TO, ,CUNG ZAD KYANG MI LTOS MED CES LEGS PAR GSUNGS ZHES BYA BA NI GANG MA BRTAGS SHING RNAM PAR MA DPYAD PAR GSUNGS PA RIGS PA DANG MI LDAN PA'I LEGS PAR GSUNGS PA NI 'GA' YANG MED DO ZHES BYA BA'I DON TO, ,DE YANG BCOM LDAN 'DAS KYIS, SKYE BA'I SDUG BSNGAL DANG, RGA BA'I SDUG BSNGAL DANG ZHES BYA BA NAS, MDOR NA NYE BAR LEN PA'I PHUNG PO LNGA NI SDUG BSNGAL BA'I ZHES BYA BA GSUNGS PA THAMS CAD KYANG DE LTA BU NYID YIN NO, ,GZHAN YANG, TSUL KHRIMS BLANGS PA BDE BA YIN, , BYIN NA DGA' BAR 'GYUR BA DANG, ,BYAMS PA'I GNYEN PO ZHE SDANG YIN, ,ZHES BYA BA LA SOGS PA DE THAMS CAD PHYIN CI MA LOG PA DANG, GCIG TU BDEN PA NYID YIN NO ZHES RGYA CHER SBYAR BAR BYA'O, ,NE TZOS ZHES BYA BA LA SOGS PA LA, NE TZO NI RGYAS PA'I BU'O, ,LAM GANG NAS SHE NA, NYI MA BRTOL NAS ZHES BYA BA SMOS TE, NYI MA'I DKYIL 'KHOR BRTOL ZHING PHUG PA'O, ,DE YANG THAR PA NI NYI MA'I DKYIL 'KHOR GYI DBUS NAS 'GRO ZHES 'JIG RTEN PA RNAMS SMRA'O, ,THAR PA ZHES BYA BA LA THAR PA NI SANGS RGYAS PA DAG PHUNG PO MED PA YIN PAR 'DOD DE, PHUNG PO NI SDUG BSNGAL YIN LA, DE MED PA NI @19A *, ,THAR PA YIN TE, DE YANG 'DI LTAR PHUNG PO LNGA PO THAMS CAD SDUG BSNGAL GSUM PO NYID DANG LDAN PAS MI 'DOD BZHIN DU SDUG BSNGAL BAR GNAS TE, 'DI DAG LA NI SDUG PA'AM 'DOD PAR BYA BA CI YANG MED DE, DPER NA MI GTZANG BA'I PHUNG PO NI, GANG GI PHYIR MI GTZANG BA'I PHUNG PO CHEN PO YANG MI GTZANG BA YIN ZHING, MI RNAMS KYIS MI MTHUN PAR GYUR PA YIN LA, DE BZHIN DU DBUS SAM CUNG ZAD DAM, PHRA RAB TZAM GYI BAR DU YANG MI MTHUN PA NYID YIN TE, LHA DANG MI RNAMS KYIS DE THAMS CAD KYI THAMS CAD DU MI 'DOD PAR BYA BA NYID YIN NO ZHES BSHAD DE, GTZANG BA DANG NI LHA RNAMS DANG, ,MI RNAMS BSNGAGS PA BYED PA YIN, ,ZHES GSUNGS PA'I PHYIR RO, ,DE LTAR NA GANG SRID PA'I RTZE MO'I PHUNG PO DE YANG SKAD CIG MA RE RE ZHING 'DU BYED DANG LDAN PA'I PHYIR, MI 'DOD PA BYAS PA YIN ZHING, 'PHAGS PA RNAMS KYIS SDUG BSNGAL BA NYID YIN PAR BZHED NA, DMYAL BA'I BAR LTA SMOS KYANG CI DGOS, DES NA SDUG BSNGAL BAR GYUR PA'I PHUNG PO 'DI MED PA GANG YIN PA DE NI BDE BA'I MCHOG YIN LA, ,DE NI CHAR PA YIN NO ZHES BSHAD DO, ,PHYI ROL PA DAG LAS, LA LA DAG GIS BSHAD PA NI YE SHES KYI DBANG GIS LAS DANG NYON MONGS PA ZAD PA LAS, SKYES BU'I LUS DANG DBANG PO LA SOGS PAS SDUG BSNGAL BAR MI 'GYUR BA DANG, BAR CHAD LHAG MA RNAMS DANG BRAL BA NI THAR PA YIN NO ZHES ZER RO, ,YANG LA LAS NI 'DOD PA'I BDE BA'I LONGS SPYOD KYI BDE BA THAMS CAD PHUN SUM TSOGS SHING, RTAG TU SHES PA'I KHYAD PAR LA GOMS PAS BSGRUBS PA'I GNAS KYI KHYAD PAR NI THAR PA YIN NO ZHES BSHAD DO, ,DES NA 'DIR THAR PA GANG YIN PAR 'DOD CE NA, SNGAR RTOGS PAR GYUR PA MED PA 'DIR RTOGS PA'I SGRA NYE BAR SMOS PAS PHYI NAS GANG NGES PAR SHES PA'I THAR PA DER SONG BAR GYUR PA'O, ,DE NI NE TZOS NYI MA BRTOL TE THOB PO ZHES SBYAR RO, ,DE YANG 'DI LTAR THOS TE, JI LTAR DRANG SRONG RGYAS PA'I BU NE TZO ZHES BYA BAS PHONGS PA BRGYAS SDUG BSNGAL BAR GYUR PA'I 'GRO BA LA BLTAS NAS SKYO BA CHEN PO SKYES NAS, SHIN TU 'JIGS PA MED PA'I MYA NGAN LAS 'DAS PA'I GRONG KHYER DU 'GRO BAR 'DOD PA DANG, RGYAL PO SKYED PA PO'I MAN NGAG GIS RDZU @19B 'PHRUL THOB NAS NAM MKHAR 'PHAGS TE, NYI MA'I DKYIL 'KHOR GYI DBUS RDZU 'PHRUL GYI STOBS KYIS BRTOL NAS THAR PA'I GRONG KHYER DU ZHUGS SO ZHES ZER RO, ,YANG KHYED NI MYA NGAN LAS 'DAS PA STE, THAR PA YANG DAG PAR BRNYES SU ZIN KYANG, GANG DU YANG NI GSHEGS MA MCHIS, ,ZHES BYA BA YIN TE, BCOM LDAN 'DAS NI GANG DU YANG GSHEGS PAR MI MDZAD PA'O, ,DE YANG, DE NI MAR ME SHI BA LTAR, ,DE YI SEMS NI RNAM PAR GROL, ,ZHES GSUNGS PAS, GANG DU DE RNAL 'BYOR BYED PA DE NYID DE'I PHUNG PO LNGA MYA NGAN LAS 'DAS PAR 'GYUR GYI, SLAR 'BYUNG BAR MI 'GYUR RO, , DE YANG SLOB DPON RTA SKAD KYIS, DPER NA MAR ME SHI BAR GYUR PA NA, ,'OG TU MI 'GRO STENG DU MI 'GRO ZHING, ,PHYOGS DANG PHYOGS MTSAMS GAR YANG MI 'GRO BAR, ,SNUM ZAD PA YIS SHI BA KHO NAR ZAD, ,DE BZHIN THUB PA NYE BAR MYA NGAN 'DAS, ,SA RU MI 'GRO BAR SNANG MI 'GRO ZHING, , PHYOGS SU MA YIN PHYOGS MTSAMS 'GAR YANG MIN, ,NYON MONGS ZAD PAS ZHI BA KHO NAR ZAD, ,CES BSHAD PA YIN NO, ,THAR PA GZHAN 'GYUR SKYED PA DANG, ,ZHES BYA BA LA SOGS PA LA, RGYAL PO SKYED PA PO ZHES BYA BA DE DKA' THUB CHEN PO LA GNAS NAS, RNAL 'BYOR GYI LAM LA SLOB DPON NYID THOB NAS DUS LA BAB CING LUS DANG BRAL NAS MYA NGAN LAS 'DAS PAR SONG LA, YANG DE'I SLOB MA NE TZO NI RANG GI LUS NYID KYIS NYI MA'I DKYIL 'KHOR GYI DBUS BRTOL TE, THAR PAR LAM GZHAN GYIS SONG BAR GYUR TO ZHES GRAG GO, ,KHYOD NYID LAM GANG NAS ZHES BYA BA LA SOGS PA LA, SANGS RGYAS BCOM LDAN 'DAS KHYED THAR PA'I LAM GANG NAS GSHEGS PA SLOB MA SH'A RI'I BU LA SOGS PA LAM DE NYID NAS SONG ZHES THAR PA THOB PA YIN NO ZHES BYA BA'I DON TO, ,KHYAB 'JUG GIS NI BUD MED DAG ,CES BYA BA LA SOGS PA LA, KHYAB 'JUG NI NA RA YA'O, ,BUD MED STONG PHRAG DRUG CU NI BUD MED GRANGS DE SNYED PA'O, ,YONGS BZUNG ZHES BYA BA NI BSNYEN BKUR BA DANG, MNGAG GZHUG MAR BYAS PA'O, ,GYUR PA NI BYUNG BA'O, ,'DIR GTAM NI, RGAN POS KHYAB 'JUG MDA' YIS BSNUN, ,ZHES BYA BA'I SKABS SU SMRAS PA YIN NO, ,STON PA ZHES BYA BA NI STON @20A *, ,CING 'CHOS PA STE, YANG DAG PAR STON PAR MDZAD PA ZHES BYA BA'I DON TO, ,'JIG RTEN 'DAS ZHES BYA BA'I DON NI 'JIG RTEN RNAMS KYI DAM PAR GYUR PAS NA 'JIG RTEN 'DAS PA STE, 'JIG RTEN GYI GTZO BOR GYUR PA'O, ,DE YANG BCOM LDAN 'DAS KYIS SEMS CAN GANG RKANG MED DAM, RKANG MNGAS SAM, GZUGS CAN NAM, GZUGS MED PA'I SEMS CAN DE RNAMS KYI NANG NA DE BZHIN GSHEGS PA MCHOG YIN NO ZHES JI SKAD GSUNGS PA LTA BU'O, ,BDAG GI MED CING ZHES BYA BA'I RNAM PA MED PAR GYUR PA DE NI BDAG GI MED PA'O, ,'DIS NI 'JIG TSOGS LA LTA BA SPANGS PA'I SGO NAS NYON MONGS PA DANG BRAL BA NYID DU STON TO, ,YONGS 'DZIN MED CES BYA BA NI BTZUN MO LA SOGS PA DANG 'BREL PA'AM, ,LONGS SPYOD DANG 'BREL PA'I YONGS SU BZUNG BA MI MNGA' BA GANG YIN PA DE NI YONGS SU 'DZIN PA MED CES BYA STE, 'DIS NI NYON MONGS PA'I DNGOS PO SPANG BA NYID DU STON TO, ,DE YANG NYON MONGS PA'I DNGOS PO LA YONGS SU 'DZIN PA MED PAS NA DE SKAD CES BYA'O, ,KA SHI MDZES DGA' MO LA NI, ,ZHES BYA BA LA SOGS PA LA, 'DI LTAR RJES SU THOS TE, BHA RA TA'I 'THAB MO 'DAS NAS YUN RING PO MA LON PA NA, RGYAS PA NYE DU'I PHONGS PA DANG SDUG BSNGAL GYIS SEMS KYI RGYUD ZHUM PA DANG, YONGS SU 'KHYAMS SHING P'A R'A nA S'I RA SONG BA DANG, SRANG BAR NA KA SHI MDZES DGA' MO ZHES BYA BA'I SMAD 'TSONG MA'I GTZO MO ZHIG SGO DANG NYE BA NA SKYE BO'I TSOGS CHEN POS BSKOR BA MTHONG BA DANG, DE LTAD MO LA ZHEN PA'I YID KYIS DE'I THAD DU SONG STE DRIS PA, 'DI SU ZHIG GI KHYIM YIN ZHES DRIS NAS, DE'I GZUGS LA SOGS PA'I YON TAN THOS PAS SEMS PHROGS PA DANG 'DUG GO, ,DE NAS MNGAG GZHUG PA'I SKYE BO ZHIG GIS KA SHI MDZES DGA' MO LA SMRAS PA, DRANG SRONG 'GA' ZHIG SGO NAS SDOD CING 'DUG GO, ,DE YANG DMOD PAS 'JIGS SKRAG NAS, MCHOD YON DANG, RKANG KHRUS LA SOGS PA BSNYEN BKUR SNGON DU 'GRO BAS BDAG NYID KYIS MDUN BSU STE NANG DU BCUG NAS, DBEN PAR STAN LA 'DUG TU BCUG STE, RANG NYID KYIS RKANG PA BKRUS SO, ,RGYAS PAS BGAD PA DANG, DES DE MTSAN MAR BZUNG NAS GLAGS @20B THOD PAR SHES TE, RAB TU DGA' BAS KHYED RGYU MED PAR 'DZUM MAM ZHES SMRAS PA DANG, DES SMRAS PA, KHYED NI SGYU RTZAL THAMS CAD LA MKHAS PAR THOS NA LAG PA DANG RKANG PA MNYE BA MI SHES SO, ,DES SMRAS PA, GAL TE KHYED 'DI LA MKHAS PAR GYUR NA, LAG PA RKYONG SHIG DANG BSTAN PAR BYA'O; ,DES KYANG DE LA LAG PA BYIN NO, ,DE NAS DES JI LTAR NA 'DOD PA'I SKYE BO KHYAD PAR CAN DU MA DANG, REG PAR GYUR KYANG DE LTA BU'I REG PA SNGON CHAD NYAMS SU MYONG BAR MA GYUR PA DE LTAR TSOR BAR BYAS SO, ,DE YANG DE DANG LHAN CIG DUS SHIN TU YUN RING MOR MNGON PAR DGA' BAR BYA'O ZHES YONGS SU CHAGS SHING 'DOD PA'I 'DOD CHAGS SKYES PAR GYUR TO, ,GANG LA CHAGS SHE NA, KA SHI MDZES DGA' MO LA STE SMAD 'TSONG MA'I GTZO MO LA'O, ,RNAM PAR BSGYUR ZHES BYA BA NI DUS SHIN TU YUN RING MOR YANG 'DOD PA RJES SU MYONG BAS RNAM PAR 'GYUR BA NYID DU GYUR BA'O, , KHYOD KHAB BZHUGS NA'ANG ZHES BYA BA NI RAB TU MA BYUNG BA NA YANG NGO, ,PHUNG KHROL BA'I ZHES BYA BA NI 'PHAGS PA MA YIN ZHING SMAD PAR GYUR PA'O, ,DON GYI DBANG PO ZHES BYA BA NI MIG LA SOGS PA'I YUL LNGA PO STE 'DOD PA'I YON TAN LNGAS ZHES BYA BA'I DON TO, ,RMONGS MA GYUR ZHES BYA BA NI RNAM PAR 'GYUR BAR MA GYUR BA'O, ,RGYAS PA 'DOD GDUNGS G-YEN SPYO BA, ,ZHES BYA BA LA SOGS PA LA, 'DOD PAS GDUNGS SHING GZIR BA YIN PAS NA 'DOD GDUNGS TE, 'DOD PA'I 'DOD CHAGS KYIS GTZES ZHES BYA BA'I DON TO, ,G-YEN SPYO PA ZHES BYA BA NI BRTAN PA DANG BRAL ZHING SEMS G-YO BA NYID KYIS NGO TSA MED PAR GYUR PA'O, ,BUD MED KYI NI RDOG PAS BSNUN, ,ZHES BYA BA NI, BUD MED KYI RDOG PA DAG STE, DE'I RKANG PA GNYIS KYIS BSNUN ZHING BRDEGS PA ZHES BYA BA'I DON TO, ,DE SU ZHIG YIN ZHE NA RGYAS PA'O, ,DE YANG 'DI LTAR DRANG SRONG RGYAS PA KA SHI MDZES DGA' MO DANG LHAN CIG BAG PHEBS PAR 'DOD PA'I BDE BA RJES SU MYONG ZHING 'DUG PA NA, DUS 'GA' ZHIG GI TSE GRONG KHYER B'A R'A nA S'IR RGYAL PO TSANGS PAS BYIN LA PHAS KYI RGOL BA'I 'JIGS PA NYE BAR GYUR NAS, GANG GI PHYIR GZHEN NU RNAMS KYANG NYIN GCIG LA 'OBS KHRU BCU BCU @21A *, ,RKOR BCUG PA'I LUNG BSGO NA GZHAN DAG LTA SMOS KYANG CI DGOS, DE NAS KA SHI MDZES DGA' MO LA'ANG LUNG BSGO BA DANG, DES GLA RNGAN CHEN POS GLA MI'I SKYES BU BTZAL KYANG MA RNYED NAS SEMS PA LA ZHUGS PAR GYUR TO, ,RGYAS PAS SMRAS PA, CI'I PHYIR KHYOD MI DGA' BAR BYED; TOG TZE DANG SKON BA BYIN CIG ,NGAS 'OBS BRKO BAR BYA'O ZHES SMRAS NAS, JI TZAM NA SOR STE BRKOS PA DANG, 'OBS MA RDZOGS PAR NYI MA NUB PA LA MNGON DU PHYOGS PAR GYUR TO, ,DE NAS RGYAS PAS DGONGS KA'I DUS LA BAB PO SNYAM NAS MA LOG PAR DE NYID DU GNAS PAR GYUR TO, ,CHU TSOD LA SOGS PA'I MTSAN MAS NYIN MO RDZOGS PAR GYUR CING, MTSAN MO'I DUS LA BAB PAR SHES NAS RGYAL PO DANG BLON PO'I GRONG KHYER BA DANG BCAS PA SEMS RNAM PAR G-YENGS PA DANG, RNAM PA DE 'GRO BA LA BRTZON PAR GYUR PA NA, JI TZAM NA BRAM ZE GZHAN ZHIG GIS 'OBS BRKO BA LA G-YENGS PA'I SEMS KYIS RGYAS PA MTHONG BA DANG, YUN RING MO ZHIG NA NGO SHES PAR GYUR TO, ,DE NAS DE LAS THOS PA DANG, RGYAL PO DANG, BLON PO GRONG KHYER GYI SKYE BO DANG BCAS PA DE'I THAD DU SONG STE, RKANG PA GNYIS LA GTUGS NAS BZOD PAR GSOL BA DANG, DE GDONG GZHAN DU BLTA ZHING RKO BA NYID KYIS GNAS SO; ,DE YANG DMOD PAS 'JIGS SKRAG PA DANG, 'DI NI KA SHI MDZES DGA' MO'I SKAL BA RKO BAR SHES NAS DE LA PHRIN DU BSKUR BA, THUB PA KHYAD PAR CAN 'DI KHYED KYI SKAL BA'I 'OBS RKOR BCUG PA LAS SLONG SHIG CES BYAS PA DANG, DES BU MO MNGAG GZHUG MA ZHIG LAN GSUM GYI BAR DU BTANG YANG DE LANGS SU MA 'DOD DO, ,DE NAS DE RANG NYID BZHON PA LA ZHON TE 'ONGS NAS DE LAS BABS TE, RKANG GDUB DANG BCAS PA'I RKANG PAS MGO BOR BSNUN TE, GANG GI PHYIR NGA NI SKYO BAR GYUR PAS NGAS LAN GSUM GYI BAR DU PHRIN BSKUR NA CI'I PHYIR LDANG BAR MI BYED, RGYAS PA YID DGA' BAR GYUR PA DANG, SMRAS PA, GANG GI PHYIR 'DI LTAR RAB TU BRTZE BAS NA SHIN TU RJES SU GZUNG BA YIN NO ZHES SMRAS NAS LANGS PAR GYUR TO, ,YANG KHYED NI KHYIM PAR BZHUGS PA NA'ANG ZHES BYA BA NI BTZUN MO'I 'KHOR STONG PHRAG DRUG CUS YONGS SU BSKOR DU ZIN NA YANG PHYIR ZHING 'KHRUGS PAR GYUR PA MED CES BYA BA STE, @21B 'DI LTAR BTZUN MO LA YID RNAM PAR BSKYOD PA'ANG MED NA, 'DI LTA BU'I GNAS SKABS SU 'GYUR PA LTA SMOS KYANG CI DGOS ZHES MI SRID PA NYID DU STON PA YIN NO, ,RNA CAN 'THAB DKA' LA SOGS LA, ,ZHES BYA BA LA SOGS PA LA, 'DI LTAR THOS TE, KUN TI BO DZA ZHES BYA BA'I RGYAL PO ZHIG YOD PA DE LA KUN DI ZHES BYA BA'I BU MO GZUGS DANG LANG TSO LA SOGS PA PHUN SUM TSOGS PA ZHIG YOD PA DANG, JI TZAM NA DRANG SRONG GNAS NGAN ZHES BYA BA DE'I KHYIM DU ZHUGS NAS 'O THUG BSLANGS PA DANG, MYUR BAR BSGRUBS TE 'O THUG GIS BKANG BA'I SNOD LAG PAR BLANGS NAS, LAG PA'I SDUG BSNGAL CHEN PO NYAMS SU MYONG YANG BZHIN DANG MDOG RNAM PAR 'GYUR BA MED PAR GUS PA DANG BCAS PAR ZAS LA SPYOD DU BCUG NAS, ZAS KYI MTHAR YANG LAG PA'I PAD+MA GNYIS PO DE MA TSIG PAR MTHONG NAS YONGS SU MGU BAS SMRAS PA, NGA LAS MCHOG LONG SHIG GAL TE MNYES PAR GYUR NA BDAG SKYES BU GANG DANG GANG 'DOD PA DE DANG DE BDAG NYID KYI DBANG DU 'GYUR BA DE LTA BU'I MCHOG STZOL CIG ,DES DE LA RIG SNGAGS BYIN NAS RIG SNGAGS 'DI KHYED KYIS BZLAS NA LAN LNGA'I BAR DU KHYED MNGON PAR 'DOD PA'I DNGOS GRUB BYED PAR 'GYUR RO ZHES SMRAS NAS SONG NGO, ,DE YANG GNAS KYI SA GZHIR 'DUG STE, CI RIG PA 'DI'I DON BDEN PA YIN NAM, 'ON TE MA YIN ZHES RTOG PA SKYE ZHING DE NYAMS SAD PA'I PHYIR DE BZLAS NAS NYI MA DANG PHRAD PAR GSOL BA BTAB PA DANG, SKAD CIG MA DE NYID LA NYI MA SHING RTA DANG BCAS SHING GO CHA DANG BCAS PAR DRUNG NA 'DUG PA DANG, DE MTHONG NAS KUN DIS NGA'I GAN DU MA 'ONGS SHIG CES BZLOG PA DANG, NYI MAS SMRAS PA, NGA LA GSOL BA BTAB NAS BYA BA MA BYAS PAR NGA MI LDOG GO, ,YANG NA KHYED KYI RIGS MA LUS PA RNAM PAR BRLAG PA'I DMOD PA GDAB PAR BYA'O, ,DES SMRAS PA, JI LTAR NA RANG GI RIGS SUN PAR BYED CES SMRAS PA DANG, SLAR YANG GZHON NU NYID DU GYUR PA'I MCHOG BYIN NAS DE DANG LHAN CIG 'DOD PA'I BDE BA SPYAD NAS NYI MA SONG NGO, ,DE'I RJES THOGS NYID LA RNA CAN GO CHA BGOS PA DANG BCAS PA, RNA BA GNYIS RNA CHAS BRGYAN PA SKYES PAR GYUR TO, ,JI TZAM NA GROGS MO ZHIG GIS SBRANG @22A *, ,RTZI DANG MAR GYIS KHA BKANG STE, SHIN TU 'JAM PA'I GOS KYIS LUS DKRIS NAS SGROM GYI NANG DU BCUG STE, DE BLANGS NAS GANG+G'A'I NGOGS SU MTSAN MO SONG STE, NYI MA'I BU NI MDZES PA 'DI, ,SGROM NI RGYA MTSOS BSRUNG BAR GYIS, ,LHA YI TSOGS NI 'DUS PA DANG, ,TSANGS PAS KYANG NI RTAG TU SRUNGS, CES SMRAS NAS GANG+G'AR POR RO, ,GANG+G'A DANG THAG MI RING BA NA YUL 'KHOR SRUNG GI RTA'I SPYAN LHAG PA'I SHING RTA ZHES BYA BA RTA 'TSO ZHING 'DUG PAS GANG+G'A'I CHU BOS SGROM KHYER ZHING 'GRO BA MTHONG BA DANG, DE BLANG BA'I PHYIR 'KHOR RNAMS LA BSGO NAS KHYER TE 'ONGS PA MTHONG BA DANG, 'DI NGA'I BUR BYA'O SNYAM NAS SOS PAR GYUR TO, ,YANG DE'I TSE RI DBANG CHEN NA DGA' BYED DGRA STA CAN ZHES BYA BA MTSON CHA'I SBYOR BA LA MKHAS PA ZHIG DKA' THUB SPYOD PA DANG, DES 'DI LTAR DAM BCAS TE BRAM ZE MA YIN PA RNAMS LANGS MTSON CHA'I SBYOR BA 'DI BSLAB PAR MI BYA'O ZHES DAM BCAS SO, ,RNA CAN DES KYANG BRAM ZE'I CHA LUGS SU BYAS TE, DE'I GAN DU SONG NAS BRAM ZE'I MTSON CHA'I SBYOR BA BSLABS SO, ,DES KYANG DE LA THAMS CAD BSLABS SO, ,DES MTSON CHA'I SBYOR BA LEGS PAR BSLABS NAS 'THAB DKA'I THAD DU SONG STE, DE LA BDAG NYID RTEN MA'I PHYIR BLTA BAS LA, DES KYANG AANG GA'I YUL BYIN TE AANG GA'I RGYAL POR GYUR TO, ,DE BZHIN DU RGYA CHER SBYAR TE, JI TZAM NA BRGYA BYIN GYIS BSAMS PA, DA NI 'THAB PA'I DUS DANG NYE BAR GYUR GYIS, RNA CAN 'DI DANG SRED SGRUB RTZOD PA BYED PAR 'GYUR RO SNYAM NAS BRGYA BYIN BRAM ZE'I CHA LUGS SU BYAS TE RNA CAN GYI GAN DU SONG NGO, ,DES KYANG CI'I DON DU 'ONGS ZHES LAN GSUM GYI BAR DU DRIS SHING MGRON DU BOS KYANG GSAL BAR SMRAR MA 'DOD DO, ,JI TZAM NA LAN BDUN GYI BAR DU CI ZHIG 'DOD CES DRIS PA DANG, KHYOD KYI GO CHA 'DOD DO ZHE'O, ,DES SMRAS PA, CI'I PHYIR SNGAR KHYED MI SMRA, THE TSOM MED PAR KHYOD LA SBYIN PAR BYA'O ZHES SMRAS NAS, DE'I 'OG TU RDO RJE'I SPU GRI BLANGS NAS DES LUS LAS GO CHA BSHUS TE DE LA BYIN PA DANG, BRGYA BYIN YONGS SU MGU NAS SMRAS PA, GANG GIS SLONG BA MGU BYA'I PHYIR, ,RANG GI SROG LA'ANG MI DPYOD PAR, ,RNA CAN LTA BU'I SBYIN BYED MED, ,NGA DANG 'DRA BA'I @22B BRTZE BRAL MED, ,CES SMRAS SO, ,'DI DAG GI GTAM NI SHIN TU MANG MOD KYI, 'DIR RGYAS PAR MA SMRAS SO, ,'THAB DKA' BYUNG BA'I GTAM NI 'DI SKAD THOS TE, YAN LAG BKRA SBYIN DANG, SNA TSOGS BRTZON 'GRUS DANG, 'JIGS BYED DANG, RGYAS PA STE BZHI NI GANG+G'A LAS SKYES PAS SPUN YIN NO; ,YAN LAG BKRA SBYIN NI DRI ZA'I RGYAL PO YAN LAG BKRA SBYIN ZHES BYA BAS MING GI 'KHON GYIS G-YUL NGOR BSAD DO, ,SNA TSOGS BRTZON 'GRUS NI GCONG CHEN POS BTAB NAS SHI'O, ,'JIGS BYED NI TSANGS PAR SPYOD PA LA ZHUGS PAR GYUR PA DANG, BDE LDAN MAS 'JIGS BYED LA SMRAS PA, YU BU CAG GI RABS CHAD PAR 'ONG BAS BU SKYED PA'I RTZOL BA GYIS SHING, ,DES SMRAS PA, NGED GNYIS SPUN YIN MOD KYI, NGA NI GZHON NU NYID NAS TSANGS PAR SPYOD PAS 'DOD PA'I BDE BA NYAMS SU MYONG BAR MI BYED DO ZHES BZLOG PA DANG, DE'I RIGS RGYUD THAMS CAD 'DUS TE, RGYAS PA LA GSOL BA BTAB NAS, AAm BI KA DANG, AAm PA LI KA DANG, RTOG LDAN MA DE GSUM DANG, RGYAS PA 'DUS PA LAS RIM PA BZHIN DU, YUL 'KHOR SRUNG DANG, SKYA BSENG DANG, BLO LDAN ZHES BYA BA GSUM SKYES PA LAS, YUL 'KHOR SRUNG DMUS LONG DU GYUR PA DANG, SKYA BSENG GIS SA CHEN PO KUN DU RGYAL BAR BYAS TE, YUL 'KHOR SRUNG LA BYIN NO, ,YUL 'KHOR SRUNG LA RGYAS PAS MCHOG BYIN PA, KHYED KYI CHUNG MA'I DAM PA DRI ZA MO LAS BU BRGYA SKYE BAR GYUR CIG ,DE LAS PHU PO 'THAB DKA' ZHES BYA BA 'BYUNG BAR 'GYUR RO, ,JI TZAM NA DRI ZA MO MNGAL DANG LDAN PAR GYUR NAS LO GSUM NAS SHA'I GONG BU LCAGS KYI THO BA 'DRA BA SKYES PA DANG, RGYAS PAS SMRAS PA, 'DI SHA'I DUM BU BRGYAR GYIS LA SO SOR BZHAG STE, CHU BSIL MOS YANG DANG YANG DU GTOR CING, DE NAS JI TZAM NA DE LAS BU BRGYA DBANG PO YONGS SU RDZOGS PA BYUNG BA DANG, BLO LDAN GYIS YUL 'KHOR SRUNG LA SMRAS PA, 'THAB DKA' 'DI NI SDIG PA'I MTSAN NYID DANG LDAN PAS GANG GIS NA 'DI LA BRTEN NAS SGRA NGAN GYI RIGS THAMS CAD 'JIG PAR 'GYUR BAR SHES KYIS, 'DI RNAM PA THAMS CAD DU GSAD PAR BYA STE, BU GCIG BSAD NAS SROG CHAGS MANG PO'I SROG BYIN PA LA @23A *, ,NI NYES PA 'GA' YANG YOD PAR MA MTHONG STE, CHOS KYI BSTAN BCOS DAG LAS, GANG GIS 'BRAS BU CHUNG 'GYUR BA, ,SDIG PA CHEN PO DE MI BYA, ,SDIG PA CHUNG LA DON CHE BA, ,BLO DANG LDAN PAS RTAG TU BYA, ,ZHES 'BYUNG NGO ZHES SMRAS PA DANG, DE BUL BRTZE BAS GSOD PAR MA NUS SO, ,SKYA BSENG NI NAGS SU DKA' THUB LA SONG NGO, ,BLO LDAN NI CHOS KYI TSIG CAN YIN LA, YUL 'KHOR SRUNG NI NUS PA MED PAR GYUR PA DANG, 'THAB DKAS RGYAL PO BYAS SO, ,DE NAS RNA CAN DANG, 'THAB DKA' G-YUL 'GYED PA'I BAR DU RGYA CHER SBYAR TE, DE'I TSE SRID SGRUB KYIS GSOL BA BTAB PAS KHYAB 'JUG NI SHING RTA'I KHA LO PAR GYUR NAS G-YUL NGOR DE DRANGS PAR GYUR TO, ,DER GNAS PA NA, SRID SGRUB KYIS DPUNG GI TSOGS THAMS CAD LA BLTAS NAS, 'DI LTAR, KUN DI'I BUS NI DE BLTAS NA, ,THAMS CAD GNYEN DU RNAM PAR GNAS, ,MCHOG TU BRTZE BAS NON PA YIS, ,ZHUM PA YIS NI 'DI SKAD SMRAS, ,KHYAB 'JUG GNYEN RNAMS MTHONG BAS NA, ,'THAB PAR 'DOD DE GNAS PA LA, ,BDAG GI LUS NI ZHUM GYUR CING, ,KHA YANG YONGS SU SKAMS PAR BYED, ,NGA YI LUS NI 'DAR GYUR CING, ,SPU YANG RNAM PAR LDANG BAR 'GYUR, , GZHU NI LAG NAS LHUNG GYUR ZHING, ,PAGS PA'ANG YONGS SU TSIG PAR GYUR, ,NGA YI YID NI RNAM 'KHOR BAS, ,GNAS PAR BYA BAR NUS MA GYUR, ,GANG GI DON DU RGYAL SRID DANG, ,LONGS SPYOD BDE BA 'DOD GYUR PA, ,DE NYID SROG DANG NOR RNAMS NI, ,SPANGS NAS NGA DANG 'THAB PAR GNAS, ,ZHES BYA BA LA SOGS PA SMRA ZHING 'THAB PAR MI BYED DO, ,JI TZAM NA KHYAB 'JUG GIS DE SPRO BA DANG BRAL BAR MTHONG BA DANG, SGRA NGAN RNAMS GSAD PAR BYA BA'I PHYIR SPRO BA BSKYED PA SMRAS PA, BUM SKYES 'JIGS BYED RGYAL BA'I SHING RTA RNA CAN DANG, ,DE BZHIN 'JIG RTEN DPA' BO GZHAN DAG NGA YIS BSAD; ,KHYED NI SEMS LA MI DGAR MA BYED GSOD PAR GYIS, ,G-YUL DU DGRA LAS NGES PAR RGYAL BA NYID DU 'GYUR, ,GZHAN YANG GANG GIS 'DI KUN RGYAL 'GYUR BA, ,DE NI MI 'JIG SHES PAR GYIS, ,MI 'JIG PA DANG MI ZAD PA, ,DE NI SUS KYANG BSAD MI NUS, ,LUS 'DI MTHA' @23B DANG LDAN 'GYUR GYI, ,LUS CAN DAG NI RTAG PAR BSHAD, ,'JIG CING TSAD MED GYUR PAS NA, ,'THAB PAR GYIS SHIG BHA RA TA, ,DPER NA GOS RNYING DAG NI BOR NAS SU, ,SAR PA GZHAN DAG MI NI LEN PAR BYED, ,DE BZHIN LUS NI RNYING PA SPANGS NAS SU, ,LUS GZHAN SAR PA DAG NI LEN PAR BYED, ,CES BYA BA LA SOGS PA SMRAS NAS, DE'I TSIG GI RJES SU 'BRANGS TE, SRID SGRUB KYIS G-YUL BKYE BA NAS SROG CHAGS BRGYA STONG DPAG TU MED PA BSAD PAR GYUR TO, ,SEMS CAN RNAMS LA ZHES BYA BA LA SOGS PA LA, ,SEMS CAN ZHES BYA BA NI SROG CHAGS ZHES BYA BA'I DON TO, ,DE LA PHAN PAR BZHED PA NI PHAN PA NYID MDZAD PAR BZHED PA'O, ,BZHED NAS CI ZHIG MDZAD CE NA, ,KHYOD KYIS SROG KYANG BTANG BAR MDZAD, ,CES BYA BA YIN TE, 'DIR PAD+MA CAN LA SOGS PA'I SKYES PA'I RABS DPER SBYAR BAR BYA'O,, ,,KHYAB 'JUG GIS NI SGYU BYAS NAS, ,ZHES BYA BA LA SOGS PA LA, SGYU NI G-YO'I RNAM PA'O, ,DES SGYU BYAS NAS CI ZHIG BYAS SHES NA, GOM GSUM ZHES BYA BA LA SOGS PA SMOS PA YIN NO, ,'DI SKAD STON PAR 'GYUR TE, SA'I DKYIL 'KHOR GANG YIN PA DE MI'U THUNG GI GZUGS SU BSGYUR NAS GOM PA GSUM GYIS STOBS LDAN LAS PHROGS PA YIN LA, SA DE NI KHYED KYI SA RTZVA DANG 'DRA BAR LAN MANG DU BTANG ZHING BOR BAR GYUR TO, ,JI LTA BU KHYED KYIS SHE NA, THAR BZHED PA ZHES BYA BA SMOS TE, NGES PAR THAR PA NYID THOB PAR BZHED PA GANG YIN PA DE NI THAR PA BZHED PA'O, ,'DIR MTHONG DGA' CHEN PO LA SOGS PA'I MDO DPER SBYAR BAR BYA'O, ,KHYAB 'JUG GIS SGYU BYAS PA'I GTAM GANG YIN PA DE NI SNGAR, KHYAB 'JUG MI'U THUNG GZUGS BSGYUR NAS, ,ZHES BYA BA'I SKABS SU SMRAS ZIN TO, ,DGA' BYED SROG GCOD BYED PA'I MDAS, ,ZHES BYA BA LA SOGS PA LA, 'DI LTAR RJES SU THOS TE, DRANG SRONG DZA M'A DAG NI ZHES BYA BA DE'I CHUNG MA BRTUL ZHUGS CAN MA ZHES BYA LA, DE'I BU NI DGA' BYED CES BYA BA SHIN TU DPA' BA ZHIG YOD LA, YANG DE'I TSE SRID SGRUB PA BRTZON ZHES BYA BA'I RGYAL PO ZHIG BYUNG STE, DE BA LANG GI TSOGS KYI GNAS SU SONG BA DANG, DRANG SRONG MIS BYIN ZHES BYA BA 'THAB MO LA MNGON PAR DGA' BA ZHIG YOD PA DE'I THAD DU SONG @24A *, ,STE, SER BA'I SGRAS DZA M'A DAG NI 'DOD BZHOS KYI BA ZHIG YOD PA SKRAG PA DANG, RGYAL PO SRID SGRUB KYIS DRIS PA NA, MIS BYIN GYIS SMRAS PA, DZA M'A NA'I BU 'PHONG SLOB PA'I GZHU RGYUD BRDABS PAS BA 'DI SKRAG PA YIN NO ZHES BYAS PA DANG, NGAN SPONG GI RIGS LAS BYUNG BA'I DGA' BYED KYI PHA ROL GNON PA DANG, YON TAN GYI BSNGAGS PA SMRAS PA DANG, DE KHROS NAS CI NAS KYANG, DGA' BYED DANG LHAN CIG 'THAB PAR BYA BA'I NGA RGYAL SKYES NAS BSTI GNAS SU SONG STE BE'U PHROGS PA DANG, DGA' BYED BSAM GTAN LA GNAS PA'I LUS KYI STENG DU SPRUL SHI BA BSGYUR RO; ,RDUL CAN MA NI NGANG TSUL BZAD PO CAN YIN PAS, DE ME TOG THUR SONG BA NA SHING RNAMS RANG NYID 'DUD PAR BYED DO, ,DES RGYAL PO MTHONG NAS YID CHAGS PAR GYUR PA DANG, DE NAS BRTZAMS TE SHING RNAMS 'DUD PAR MI BYED DO, ,DE DZA M'A NA DAG NI BSAM GTAN GYI STOBS KYIS SHES PA DANG, CHUNG MA LA KHROS PAS DGA' BYED LA, MA'I MGO BO CHOD CIG CES SMRAS PA DANG, DES KYANG PAS TSIG TU BSGO MA THAG MGO BCAD PAR GYUR TO, ,DE NAS PHA MGU STE, BU MCHOG SLONGS SHIG CES BYAS PA DANG, NGES KYANG BDAG GI MA SLAR 'TSO BAR MDZOD CIG PA'I MCHOG BSLANGS NAS DE 'TSO BAR GYUR TO, ,DE NAS BRTZAMS TE RGYU DES KHROS PAS DGA' BYED KYIS BDAG GIS 'JIG RTEN DU RGYAL RIGS GCIG KYANG MED PAR BYA'O ZHES DAM BCAS SO, ,DE'I 'OG TU DGRA STE THOGS TE CHAS NAS RGYAL PO SRID SGRUB DANG LHAN CIG G-YUL SPRAD NAS JI TZAM NA DE LA LAG PA STONG YOD PA DGRA STAS THAMS CAD BCAD DES LA LHAGS PAR BYAS SO, ,DE NAS MGO BTZUGS NAS RGYAL RIGS RNAMS RTZAD NAS BRLAG PA'I PHYIR ZHUGS SHING, 'JIG RTEN DU RGYAL RIGS RNAMS MED PAR BYAS SO, ,DE LTAR NA 'JIG RTEN DU RGYAL RIGS RNAMS MED PA NYID DU BYAS PAS 'JIG RTEN RGYAL RIGS MED BYAS NAS, ,ZHES BYA'O, ,GANG GIS BYAS SHE NA, SROG GCOD BYED PA'I MDAS ZHES BYA BA SMOS TE, SROG CHAGS RNAMS ZAD CING MED PAR BYED PA NI SROG GCOD PA STE, DE BYED PA'I MDA' YIN PAS NA, SROG GCOD BYED PA'I MDA' STE DES SO, ,GRAGS PA THOB @24B PA GANG YIN PA, ,ZHES BYA BA NI SNYAN PA THOB CING RNYED PA'O, ,DGA' BYED CES BYA BA NI DGA' BYED DGRA STA CAN NO, ,DE ZHES BYA BA NI DGA' BYED KYI BYA BA'O, ,KHYOD KYI BSTAN LA ZHES BYA BA NI SANGS RGYAS BCOM LDAN 'DAS KYI BSTAN PA LA'O, ,GRAGS PA MIN ZHES BYA BA NI MI SNYAN PAR GYUR PA'O, DE YANG 'DI LTAR KHYOD KYI BSTAN PA LA SROG CHAGS GROG SBUR TZAM BSAD PA YANG SMAD PAR BYA BA'I GNAS YIN NA, RGYAL RIGS RNAMS BSAD PA LTA SMOS KYANG CI DGOS, SGRA NGAN DANG NI SKYA BSENG DANG, ,CES BYA BA LA SOGS PA LA, SGRA NGAN NI 'THAB DKA' LA SOGS PA'O, ,SKYA BSENG NI G-YUL NGOR BRTAN PA LA SOGS PA STE DE DAG GO, ,GANG GI PHYIR NI G-YUL PA KYE BA, ,ZHES BYA BA NI RGYAL SRID KYI DPAL GANG GI DON DU G-YUL 'GYED CING 'THAB PAR BYED PA'O, ,DE YANG RGYAL SRID KYI DPAL NYE BAR BSDU BA'I DON DU DE RNAMS KYIS G-YUL SPRAD PAS DPUNG GI SDE TSOMS BCO BRGYAD KYIS GRANGS KYIS BSDUS PA'I SROG CHAGS RNAMS 'CHI BA'I DBANG DU GYUR TO, ,DPAL DE ZHES BYA BA NI SA STENGS KYI RGYAL SRID PHUN SUM TSOGS PA STE, DE SPANGS SHING YONGS SU DOR BA'O, ,DE JI LTA BUR SPANGS SHE NA, 'KHRI SHING GDUG PA BZHIN DU NI, ,ZHES BYA BA SMOS TE, SHING GANG LA GDUG PA'I SPRUL RNAMS KYIS DKRIS NAS 'DUG PA DE LA 'GA' ZHIG 'JIGS PAS SPONG BAR BYED PA DE BZHIN DU, BCOM LDAN 'DAS NYES PAR SPYOD PA'I SPRUL GYI DUG GIS RMAS SHING, SKAD CIG MA TZAM DU DGA' BA YONGS SU GYUR NA SDUG BSNGAL PA'I RGYAL SRID KYI DPAL YONGS SU SPANGS NAS LTOS PA MED PAR RAB TU GSHEGS PA YIN NO, ,KHYOD KYI BSTAN PA RNYED PA NA, ,ZHES BYA BA LA SOGS PA LA, KHYOD KYI BSTAN PA ZHES BYA BA NI MGON PO KHYOD KYI BSTAN PA CHOS 'DUL BA'I GSUNG RAB CES BYA BA'I DON TO, ,DE RNYED PA NI BRTAGS NAS SHES PA'O, ,THANG SHING NAGS NA ZHES BYA BA NI THANG SHING GI NAGS TSAL TE, DE NA LHA CHEN PO ZHES BYA BA BDE BYED DO, ,RNAL 'BYOR NI BSAM GTAN GYI KHYAD PAR TE, DE LA DBANG BYED PAS NA RNAL 'BYOR DBANG PHYUG CES BYA STE, BSAM GTAN SNA TSOGS PA THOB PA'I DRANG SRONG RNAMS ZHES BYA BA'I DON TO, ,RNAL 'BYOR GYI DBANG PHYUG GI SPYOD PA NI YUS KYI RNAM PAR @25A *, ,'GYUR BA'O, ,GANG ZHES BYA BA NI BSTAN PA'O, ,DE NI ZHES BYA BA NI BSHAD PA'O, ,MI SHES PA NI KUN DU RMONGS PA STE, ,DE'I SPYOD PA NI RNAM PAR 'GYUR BA'I TSUL YIN PAS NA MI SHES SPYOD PA BAS ZHES BYA'O, ,DE YANG 'DI SKAD STON TE, THANG SHING GI NAGS NA GNAS PA'I RNAL 'BYOR GYI DBANG PHYUG GI DRANG SRONG RNAMS LA LHA CHEN POS SPYOD PA GANG ZHIG BYAS PA THOS NA, DE NI KHYED KYI BSTAN PA'I GSUNG RAB LA LTOS NA SHIN TU MI SHES PAS LDONGS PA'I RNAM PAR 'KHRUL PA YIN PAR SHES SO, ,'DI'I GTAM GANG YIN PA DE NI LHA CHEN PO 'DOD PA CAN GYI MTSAN ZHES BYA BA'I SKABS SU BRIS PAS YANG MA BRIS SO,, ,,DBANG PO BSHOL MED BYI BO ZHES, ,ZHES BYA BA LA SOGS PA LA, DBANG PO ZHES BYA BA NI BRGYA BYIN NO, BSHOL MED CES BYA BA NI DRANG SRONG GOO TA MA'I CHUNG MA'O, ,BRAM ZE DA DUNG BAR DU SGROGS, ,ZHES BYA BA NI BRAM ZE RNAMS DA DUNG YANG SMOD PAR BYED PA'O, ,CI'I PHYIR ZHE NA, BYI BO ZHES BYA BA STE MI RIGS PAR SPYOD PA'O, ,DE YANG RIG BYED KYIS BRGYA BYIN 'BOD PA'I SKABS NAS, BSHOL MED BYI BO ZHES 'DON PA'I PHYIR RO, ,KHYOD KYI ZHES BYA BA LA SOGS PA LA, YANG KHYOD KYI YON TAN GYI GRAGS PA NI BRGYA BYIN NYID SGROGS SHING GSAL BAR BYED DO, ,CI ZHIG SGROGS SHE NA, 'BRAS BU MCHOG BRNYES PA ZHES BYA BA YIN TE, 'BRAS BU MCHOG GI SGRA NI 'DIR RGYUN DU ZHUGS PA'I 'BRAS BU YIN PAR 'DOD DE, 'JIG RTEN PA'I 'BRAS BU THAMS CAD LA LTOS NAS DE SKAD BTAGS PA YIN PA'I PHYIR RO, ,DE YANG ZAG PA MED PA'I LAM GYIS THOB PA DANG, MI 'PHO BA NYID YIN NO, ,DE YANG 'BRAS BU'AM NGES PA SNGON 'GRO LAS ZHES BYA BA LA SOGS PA CHOS MNGON PA LAS BSHAD PA DANG 'DIR BRGYA BYIN GYIS ZHUS PA'I MDO DPER SBYAR BAR BYA'O, ,KHYAB 'JUG GIS NI NAG BKRA BOS, ,ZHES BYA BA LA SOGS PA LA, 'JIG RTEN 'DIR LHA MA YIN NAG BKRA BO ZHES BYA BA DANG, KUN GTONG ZHES BYA BA PHA ROL GNON PA CHEN PO DANG LDAN PA GNYIS SHIG BYUNG BA DANG, DE DAG PHAN TSUN DREGS PA'I DBANG GIS MI MTHUN PAR GYUR LA, DES KYANG 'JIG RTEN @25B GSUM LAS RGYAL BA'I PHYIR RO, ,BRTZON PA NI KHYAB 'JUG GIS DE'I BRTZON PA MI BZOD PAS GSOD PA'I THABS LA BRTZON PAR BYED DO, ,JI TZAM DU DUS GZHAN ZHIG GI TSE KHYAB 'JUG 'KHOR LO THOGS TE, NAG BKRA BO'I GAN DU SONG NAS DE DANG LHAN CIG 'THAB PA LA ZHUGS PA DANG, DE NAS DE'I DBYIG PAS BSNUN TE LUS SNAD PAR GYUR PAS KHYAB 'JUG 'DAR ZHING ZHUM PA DANG 'BROS PAR RTZOM PA DANG, GNAS GZHAN MA RNYED PAS KUN GTONG NYAL BA'I KHRI'I 'OG TU ZHUGS PAR GYUR TO, ,DE YANG MGYOGS PAR 'ONGS NAS GAR SONG, SLAR BYUNG SHIG CES SMRAS PA DANG, KUN GTONG GNYID SAD PAR GYUR TO, ,SAD NAS KYANG DE 'ONGS PA MTHONG ZHING KHRI'I 'OG NAS SKYOBS SHIG CES NYAM THAG PA'I SGRA THOS TE BSAMS PA, 'DI NI NGES PAR KHO BO BSAD PA'I PHYIR 'ONGS LA, NGA'I BSNYEN BKUR BA NI SKRAG NAS KHRI 'DI'I 'OG TU ZHUGS PA YIN NO SNYAM DU BSAMS NAS, GZHAN GYI BRNYAS PA CHEN PO 'DI LTA BU SU ZHIG GIS BZOD PAR NUS ZHES SMRA ZHING, MTSON CHA BLANGS TE LANGS NAS, DE DAG PHAN TSUN 'THAB PAR GYUR PA DANG, GNYIS KA SHI BAR GYUR TO, ,KHYAB 'JUG NI SRED MED KYI BU'O, ,NAG BKRA BO NI LHA MA YIN TE, DES BRED CING 'JIGS PAS NAG BKRA BOS BRED PA'O, ,DES 'THOMS PAR GYUR PA NI SEMS 'KHRUGS PAR GYUR PA'O, ,KUN GTONG GI KHRI'I 'OG TU ZHUGS PAR GYUR ZHES BYA BA NI LHA MA YIN KUN GTONG GI KHRI'I 'OG TU 'JIGS PAS ZHUGS PAR GYUR PA'O, ,GTZO KHYOD CES BYA BA NI BOD PA STE, DBANG PHYUG CES BYA BA'I DON TO, ,BSNYENGS MI MNGA' ZHES BYA BA NI BSNYENGS SHING 'JIGS PA MI MNGA' BA GANG YIN PA DE NI BSNYENGS PA MI MNGA' BA'O, ,GANG LA MI BSNYENGS SHE NA, KUN TU ZHES SMOS PA YIN TE, DE BZHIN GSHEGS PA NI 'JIGS PA THAMS CAD LAS BRGAL BA'O ZHES GSUNGS PA YIN NO, ,SKYE DGU'I BDAG PO RANG NYID KYIS, ,ZHES BYA BA LA SOGS PA LA, 'DI LTAR THOS TE BAR GYI BSKAL PA 'DI LA SKYE DGU'I BDAG PO MYUR BA ZHES BYA BA LA, JI TZAM NA BU MO BRTUL ZHUGS BZANG MO ZHES BYA BA GZUGS LA SOGS PA'I YON TAN RNAMS KYIS LHA'I BU MO GZHAN RNAMS ZIL GYIS MNAN NAS GNAS PA ZHIG SKYES TE, @26A *, ,GANG GIS NA SKYE DGU'I BDAG PO MYUR BA ZHES BYA BA 'JIG RTEN THAMS CAD 'BYIN PA YANG NGO MTSAR GYI BLO SKYES TE, NGAS NI 'DI LTA BU 'BYIN CING SKYED PAR MI NUS SO SNYAM MO, ,DE NAS DE BLANGS TE TSANGS PA'I 'JIG RTEN DU SONG BA'I BAR DU SBYAR RO, ,JI TZAM NA TSANGS PA DANG, DBANG PHYUG CHEN PO DANG, CHOS KYANG LUS DANG LDAN PAR GNAS GCIG TU TSOGS PAR GYUR PA DANG, NGA'I BU MO DPAL MO YANG ZIL GYIS GNON PA 'DI LA LTOS SHIG CES SMRAS NAS DE NYID DU 'DUG GO, ,JI TZAM NA TSANGS PA 'DOD CHAGS SKYES TE RANG GI YID 'DZIN PAR MA NUS NAS DE DANG LHAN CIG LOG PAR ZHUGS SO, ,DE BZHIN DU DBANG PHYUG CHEN PO DANG, CHOS DANG, SKYE DGU'I BDAG PO MYUR BA YANG DE LA LOG PAR SPYOD PAR ZHUGS SO, ,DE'I RJES THOGS NYID LA BU BZHI KHA DOG BCAS ZHES BYA BA DUS GCIG TU SKYES SO, ,DE NAS TSANGS PAS SMRAS PA THAMS CAD NGA'I BU YIN NO, ,DBANG PHYUG CHEN PO LA SOGS PAS KYANG DE SKAD SMRAS PA DANG, RGYU DE LAS TSANGS PA'I 'JIG RTEN NAS CA CO'I SGRA 'JIG RTEN DU BYUNG BAR GYUR TO, ,GTAM DE THOS NAS BRGYA BYIN LA SOGS PA'I LHA RNAMS 'ONGS NAS RTZOD PA ZHI BAR BYA BA'I PHYIR, BU NI PHAL CHER 'JIG RTEN NA, ,PHA DANG 'DRA BAR 'GYUR BAS NA, ,GZUGS KYIS GANG ZHIG GANG DANG 'DRA, ,DE NI DE YI YIN ZHES BYA, ,ZHES SMRAS SO, ,DE'I 'OG TU GZUGS DANG MTHUN MTHUN DU RANG RANG GI BU YONGS SU BLANGS PAR GYUR TO, ,SKYE DGU'I BDAG PO NA MYUR BA ZHES BYA, RANG NYID KYIS ZHES BYA BA NI BDAG NYID KYIS SO, ,BU MO NI BDAG NYID KYI'O, ,'KHRIG CES BYA BA NI 'DOD PA SPYAD PA STE, DE DANG LHAN CIG 'DOD PA'I BDE BA NYAMS SU MYONG BA'O, ,THOS ZHES BYA BA NI GTAM DE LTAR THOS PA'O, ,THUB PA KHYOD CES BYA BA NI BOD PA'O, ,SLOB MA'ANG ZHES BYA BA NI NYAN THOS RNAMS LA'ANG ZHES BYA BA'I DON TE, , SANGS RGYAS BCOM LDAN 'DAS LA NI SMOS KYANG CI DGOS ZHES PA'I 'ANG GI SGRA LAS SHES PAR BYA'O, ,TSANGS PAR SPYOD PA SKYON MA MCHIS, ,ZHES BYA BA LA, TSANGS PAR SPYOD PA NI DBANG PO SDOM PA DANG, TSUL KHRIMS KYI SDOM PA ZHES BYA BA'I DON TO, ,SKYON MA MCHIS ZHES BYA BA NI @26B TSANGS PAR SPYOD PA GANG LA RNYOG PA'I DRI MA MED PA DE NI SKYON MA MCHIS PA'O, ,BRAM ZE RNAMS NI ZHES BYA BA LA SOGS PA LA, SBYIN PA DANG LEN PA NI SBYIN PA LEN PA STE, DE GNYIS MNYAM PAR GNAS PA'I PHYIR SBYIN PA LEN BZHIN ZHES BYA'O, ,CI ZHIG CE NA 'PHO BAR SMRA ZHES BYA BA SMOS SO, , JI LTAR ZHE NA, DGE SDIG DAG CES BYA BA SMOS TE, DGE BA NI BSOD NAMS TE LAGS PAR SPYAD PA'O, ,SDIG PA NI BSOD NAMS MA YIN PA STE, NYES PAR SPYOD PA'O, ,DGE BA DANG SDIG PA DE DAG 'PHO BA NI RNAM PAR 'PHO BA'O, ,SU ZHIG DE LTAR ZER ZHE NA, BRAM ZE RNAMS NI ZHES BYA BA SMOS TE, DRANG SRONG RNAMS ZHES BYA BA'I DON TO, ,DE YANG 'DI LTAR, GSER DANG, DBYIG DANG, ZAS DANG, SKOM LA SOGS PA NI GZHAN DAG LA SBYIN PA DANG, GZHAN DAG LAS LEN PA RIGS PA DE BZHIN DU, BSOD NAMS DANG SDIG PA YANG DE DANG 'DRA'O ZHES BYA STE, DE YANG BRAM ZE RNAMS 'DI SKAD CES, BRAM ZE GSOD PA LA SOGS PA'I SDIG PA GZHAN DAG LAS RANG DGAS LEN PA NI 'PHO BAR 'GYUR ZHING, BSOD NAMS KYANG DE DANG 'DRA'O ZHES BYA BA NI GRUB PA'I MTHA' YIN NO, ,KHYOD KYIS ZHES BYA BA LA SOGS PA LA, GAL TE DE LTAR YIN NA BYAS PA CHUD ZA BAR 'GYUR TE, LEGS PAR SPYOD PA DANG NYES PAR SPYOD PA BYAS NAS RNAM PAR SMIN PA MA SMIN PAR CHUD ZA BAR THAL BAR 'GYUR TE, GZHAN DAG LA RNAM PAR SMIN PA BYIN PA'I PHYIR RO, ,LEGS PAR SPYOD PA DANG, NYES PAR SPYOD PA MA BYAS PA DANG NI PHRAD PAR THAL BAR 'GYUR TE, GZHAN GYIS BYAS PA'I SDUG PA DANG MI SDUG PA'I 'BRAS BU 'DI DAG LA SPYOD PA'I PHYIR RO, ,DE BAS NA DE DAG NI RIGS PA MA YIN TE, GANG GI PHYIR GAL TE GZHAN GYIS BYAS PA GZHAN SPYOD PAR 'GYUR NA NI, PHAS ZAN ZOS PA TZAM GYIS CI'I PHYIR BU 'GRANGS PAR MI 'GYUR, GAL TE RANG GIS RTOGS PA GZHAN LA SKYE NA NI BSTAN BCOS LAN CIG THOS PAS BSTAN BCOS THAMS CAD 'DZIN CING SHES PAR JI LTAR MI 'GYUR, GAL TE 'PHO BA YOD NA CI'I PHYIR RTOGS PA NYID LAS 'PHO BAR 'GYUR, GZHAN DAG BSTAN LA DGE BA MI BYED DE, ,GZHAN @27A *, ,GYIS BYAS PA 'DI YI RJES MI 'GRO, ,RANG GIS THOB PAS BYAS CHUD MI ZA ZHING, ,MA BYAS PA YI 'BRAS BU GRUB YOD MIN, ,MA BYAS PA NI NAM YANG BYAS PA MA YIN, ,MA BYAS PA LAS GZHAN DU BDER MI 'GYUR, ,'BYOR BA DER NI 'GRO BA YOD MIN TE, ,DE BAS DGE LAS BYA BA LA 'BAD GYIS, ,ZHES BSHAD PA YIN NO, ,SER SKYAS BDAG GI MTSAN NYID NI, ,ZHES BYA BA LA SOGS PA LA, BDAG GI MTSAN NYID CES BYA BA NI SKYES BU'I MTSAN NYID DO, ,SHES DANG LDAN ZHES BYA BA NI RTOGS PA DANG LDAN PA STE, SHES PA'I NGO BO NYID DU YONGS SU BRTAGS PA NI SHES PA DANG LDAN PA SKYES BU'I RANG GI NGO BOR RTOGS PA'O, ,DE YANG BSKAL PA DANG PO'I TSE SER SKYA ZHES BYA BA'I DRANG SRONG ZHIG BYUNG STE, DE NI GRANGS CAN GYI BSTAN BCOS RTZOM PAR BYED PA YIN LA, DE'I SLOB MA YANG SER SKYA PA ZHES BYA STE, SER SKYA'I BU YIN PAS NA SER SKYA PA ZHES SLOB MA LA YANG BU ZHES BYA LA, SER SKYA PA DES YONGS SU BRTAGS PA NI KHAS BLANGS PA STE, 'DI NI RIGS PA MED PAS YONGS SU BRTAGS PA TZAM KHO NA YIN NO ZHES STON TO, ,KHYOD KYIS ZHES BYA BA LA SOGS PA LA, DE LTAR KHAS BLANGS PAR GYUR NA BDAG DE MI RTAG PA DANG, MI BRTAN PA DANG, SKAD CIG MAR 'JIG PA NYID DU THAL BAR 'GYUR RO ZHES MGON PO KHYOD KYIS BSTAN TO, ,DE YANG DE RNAMS KYIS SKYES BU NI SEMS DANG LDAN PA DANG, RTAG PA NYID YIN PAR KHAS 'CHI BA MI RIGS SO, ,DE YANG GANG GI PHYIR DANG POR MIG GI DBANG POS GZUGS SHES PAR 'GYUR LA, DE'I TSE SKYES BU SGRA LA SOGS PA SHES PAR 'GYUR BA NA, GAL TE SHES PA'I GZUGS CAN DANG RTAG PA YIN NA DE RTAG TU YUL GZUGS SHES PA NYID DU 'GYUR LA, DE BAS NA SGRA LA SOGS PA LA 'ON PA DANG LKUGS PA DANG 'DRA BAR 'GYUR NA, 'JIG RTEN NA 'DI LTA BU NI MI SNANG NGO, ,YANG NA DBANG PO GZHAN DAG GIS GZUGS SHES PAR 'GYUR NA, YANG LAN 'GA' SGRA LA SOGS PA GZHAN DAG GIS SHES PAR 'GYUR BAS 'DI NI GSAL BA NYID DU SHES PA DANG LDAN PAR 'GYUR TE, RNAM PAR 'GYUR BA LA SOGS PA'I NYES PA YOD @27B PAR THAL BAR 'GYUR RO, ,'DIR SMRAS PA, RTAG 'GYUR YUL RNAMS KUN LDAN PA'I, ,SKYES BU ZHES NI JI LTAR BRJOD, ,RGYU GZHAN DAG LA LTOS BCAS NA, ,DE LTA NA NI JI LTAR RTAG ,GANG YANG CUNG ZAD RTOGS GYUR PA, ,DE KUN BRTAN PA'I BDAG CAN MIN, ,GAL TE BUM LTAR BDAG MI RTAG ,DE TSE RI BONG RVA MTSUNGS 'GYUR, ,DON GYI BYA BA NUS PA GANG, ,DON DE DAM PA'I DON DU YOD, ,MED CING SKAD CIG PAR DE GYUR, ,RIM DANG RIM PA MIN PAR 'GAL, ,ZHES BYA BA LA SOGS PA'I RIGS PA YIN NO, ,GZEGS ZAN ZHES BYA BA NI DRANG SRONG CHEN PO'O, ,SHES PA ZHES BYA BA NI RTOGS PA'I BDAG NYID CAN TE, GZHAN GYI DON GYI RANG GI YON TAN NO, ,DE BAS NA BDAG NI GZHAN YIN GYI, JI LTAR GRANGS CAN GYIS SHES PA'I SKYES BU'I RANG GI GZUGS SU BRTAGS PA DE LTAR NI MA YIN NO, ,KHYAB PA ZHES BYA BA NI THAMS CAD KHYAB PA'O, ,YONGS SU BRJOD PAR BYA BA NI SHES PA DAG LAS BDAG DE GZHAN PA DANG KHYAB PA YIN PAR YONGS SU BSHAD DO ZHES BYA BA'I DON TO, ,DE YANG 'DI LTAR DRANG SRONG CHEN PO GZEGS ZAN ZHES BYA BA BYE BRAG PA'I BSTAN BCOS RTZOM PA PO DE 'DI SNYAM DU SEMS TE, GAL TE BDAG RTOGS PA'I RANG BZHIN CAN YIN NA NI MI RTAG PAR THAL BAR 'GYUR LA, BDAG NI RTAG PA NYID DU KHAS BLANGS DGOS SO, ,DE BAS NA BDAG NI SHES PA'I GZUGS CAN MA YIN GYI, SHES PA NI RTOGS PA'I BDAG NYID CAN YIN TE, DES KYANG YUL LA NYE BAR SPYAD NAS YUL GYI GZUGS BRNYAN GYIS SKYES BUR NYE BAR GNAS LA, DE YANG KHYAB PA DANG RTAG PA YIN PAS 'DIR NYES PA 'GA' YANG MED DO ZHES ZER RO, ,KHYOD KYI ZHES BYA BA LA SOGS PA LA, GAL TE DE LTAR YIN NA DE SHES PA MED PAS SHING DANG 'DRA BAR THAL BAR 'GYUR RO ZHES GSUNG NGO ZHES PA'I DON TE, GANG GI PHYIR GAL TE BDAG GIS CUNG ZAD KYANG MI SHES NA, RTZVA DANG SHING LA SOGS PAS KYANG CUNG ZAD KYANG MI SHES LA, DE LTAR YIN NA NI RTZVA DANG SHING LA SOGS PA DANG, BDAG 'DI YIN NO ZHES PHAN TSUN GCIG GI KHYAD PAR 'GA' YANG YOD PAR MI 'GYUR RO, ,'DIR SMRAS PA, GAL TE MI SHES BDAG YIN NA, ,SHING DANG RTZVA SOGS @28A *, ,CES MI 'DOD, ,MI SHES PAR NI MTSUNGS PA LAS, ,JI LTAR CIG SHOS SEMS MED YIN, ,BDAG GI DE NYID RTAG YIN NA, ,DE YI RTAG PA JI LTA BU, ,BYED PA DANG NI SPYOD PA DAG ,RTAG PAR 'GYUR BA JI LTAR RIGS, ,DE LA SOGS PA'I NYES PA NI, ,GZHUNG 'DIR YOD PAR THAL 'GYUR BAS, ,DE PHYIR PHYOGS 'DI'ANG RIGS PA NI, ,MKHAS PA RNAMS NI KHAS MI LEN, ,ZHES BYA BA'O, ,GCER BU LUS KYI TSAD BZHIN DU, ,ZHES BYA BA LA SOGS PA LA, GCER BU ZHES BYA BA NI PHYOGS KYI GOS CAN NO, ,LUS KYI TSAD BZHIN DU ZHES BYA BA NI LUS TE GZUGS KYI TSAD YIN PAS NA, LUS KYI TSAD BZHIN DU STE, DE DANG LDAN PA'O, ,DE YANG PHRA RAB LA NI SHIN TU PHRA RAB YIN LA, CHEN PO LA NI CHEN PO YIN NO, ,SROG CES BYA BA STE LUS THAMS CAD KHYAB PA YIN LA, LUS DE NI DE'I ZA MA TOG BZHIN DU GNAS SO, ,DES NA 'DI ZHUM PAR GYUR NA, DE ZHUM PAR 'GYUR LA, 'DI RGYAS PAR GYUR NA DE RGYAS PAR 'GYUR RO, ,DE YANG ZHUM PA NI 'DUS PAR GYUR PA STE, DE GANG LA YOD PA DANG, CHOS PA NI BRKYANG PAR GYUR PA STE, DE NI SROG DANG, 'TSO BA DANG, BDAG CES BYA BA YIN NO ZHES ZER TE, SROG GAM, SKYE BA'AM, GSO BA'AM, GANG ZAG GAM, SKYES BU ZHES BYA BA NI RNAM GRANGS SO, ,SMRA ZHES BYA BA NI GCER BU PA'I STON PA DE SKAD SMRA BA'O, ,DE YANG KHYU MCHOG DANG 'PHEL PA LA SOGS PA GCER BU ZAD BYED KYI STON PA NYI SHU RTZA LNGA 'DI SKAD STON CING SMRA'O, ,KHYED KYIS ZHES BYA BA LA SOGS PA LA, KHYED KYIS NI SROG DANG 'TSO BA DE 'JIG CING MI RTAG PA YIN PAR GSUNGS SO, ,DE CI'I PHYIR ZHE NA, PHYOGS GCIG PHYIR ZHES BYA BA SMOS TE, GANG LA PHYOGS GCIG YOD PA DE NI PHYOGS GCIG PA STE, CHA SHAS DANG BCAS PA ZHES BYA BA'I DON TO, ,PHYOGS CHA MED PA NI RDZAS KYI DNGOS POR MI RUNG STE, PHYOGS DANG BCAS PA GANG DANG GANG YIN PA DE NI MI RTAG PA NYID DE, 'DI LTAR LUS DANG SROG NI PHYOGS GCIG PAR 'DOD LA, DE BAS NA 'DI YANG CHA SHAS CAN LTAR MI RTAG PA YIN TE, DE DANG PHYOGS GCIG CIG PA'I LUS NI MI RTAG PA YIN NO, ,RTAG PA DANG CHA SHAS DANG BCAS PA NI MA @28B RIGS PAS TSAD MA DANG 'GAL BA YIN NO, ,'DIR BSDUS PA'I TSIGS SU BCAD PA NI, GAL TE PHYOGS GCIG JI LTAR RTAG ,RTAG PA YIN NA PHYOGS GCIG MIN, ,RDZAS KYI 'BREL PA RNAM GNYIS MED, ,DE BAS GZHUNG 'DI RIGS MA YIN, ,ZHES BYA'O, ,BRAM ZES 'GRO BA RNAMS KYI RGYU; ,ZHES BYA BA LA SOGS PA LA, BRAM ZE ZHES BYA BA NI JI MI NI LA SOGS PA DPYOD PA PA LA SOGS PA'I BSTAN BCOS MKHAS PA RNAMS KYIS ZHES BYA BA'I DON TE, DES NI RGYU SKYES BU YIN PAR 'DOD DO, ,GANG GI RGYU ZHE NA, 'GRO BA RNAMS KYI RGYU ZHES BYA BA SMOS TE, 'JIG RTEN MA LUS PA'I 'O, ,DE YANG GANG GI PHYIR LHA SBYIN GYI RGYUD LA YOD PA'I SKYES BU NI LHA SBYIN NYID KYI RGYU YIN GYI, MCHOD SBYIN LA SOGS PA'I NI MA YIN NO ZHES BYA BA GRUB PA'I MTHA'O, ,RGYU ZHES BYA BA NI 'BYIN PAR BYED PA'I RGYU ZHES BYA BA'I DON TO, ,JI LTA BU'I RGYU ZHE NA, SKYES BU RTAG PA ZHES BYA BA SMOS TE, SKYES BU DANG BDAG CES BYA BA NI DON THA DAD PA MA YIN NO, ,RTAG PA ZHES BYA BA NI MI 'GYUR BA STE, GANG GI PHYIR SA BON LA SOGS PA YANG RGYUR 'GYUR MOD KYI, DE NI RTAG PA MA YIN TE, DES NA KHYAD PAR DES BYE BRAG TU PHYE BA YIN NO, ,BRTAGS ZHES BYA BA NI NAN GYIS 'DOD PA'O, , KHYOD KYIS ZHES BYA BA LA SOGS PA LA, GAL TE RTAG PA YIN NA NI RGYU MA YIN LA, 'ON TE RGYU YIN NA NI RTAG PA MA YIN TE, RTAG PA DANG RGYU ZHES BYA BA NI 'BRAL PA MED PA'I TSIG YIN NO, ,'DIR NI 'DI LTAR BRJOD PAR RIGS TE, GANG DANG GANG RGYU GYUR PA DE DANG DE NI MI RTAG PA YIN TE, DPER NA SA BON LA SOGS PA BZHIN NO, ,DES NA DE RNAMS KYI RGYUR 'DOD PA'I SKYES BU DE NI MI RTAG PA YIN PAR SHES PAR BYA'O, ,GANG YANG RTAG PA ZHES BYA BA'I RGYU NI YOD PA MA YIN TE, DPER NA NAM MKHA' LA SOGS PA BZHIN NO, ,RTAG PA RGYU NYID YIN NA DE RTAG PAR 'GYUR BA TSAD MA DANG 'GAL BA NYID YIN TE, RTAG CING MI 'GYUR BA DANG, RGYU NYID DU GYUR LA RTAG PA ZHES BYA BA DE LTA BU NI CUNG ZAD KYANG YOD PA MA YIN TE, CI YANG MED CES KHYOD KYIS GSUNGS PA YIN NO ZHES BYA BA'I DON TO, ,'DIR SMRAS PA, RTAG NA GANG GI RGYU NYID YIN, ,MI 'JIG NA NI JI LTAR RGYU, RTAG DANG RGYU NYID @29A *, ,CES BYA BA, ,GNYIS PO GCIG TU RIGS MA YIN, ,RGYU NYID DU NI GANG RTAG PAR, ,'DOD DE DE LTAR RTAG PA MIN, ,GANG PHYIR DE YI BYA BA YOD, ,RNAM PA KUN DU RNYED MI 'GYUR, ,GAL TE BYA BA BYED 'GYUR LA, ,GAL TE 'DI NI MI BYED NA, ,DE LTAR YANG NI MI RTAG PAR, ,DE NI DES PAR THAL BAR 'GYUR, ,ZHES BYA BA'O, ,BDAG NYID CHEN PO DUG CAN PA'I, ,ZHES BYA BA LA SOGS PA LA, 'DI LTAR RJES SU THOS TE, RLUNG THO BA DANG SAR LDAN ZHES BYA BA'I LHA MA YIN SPUN GNYIS SHIG YOD DE, RLUNG THOB NI THUG PO'I GZUGS CAN DU BYAS, SAR LDAN NI MI'I CHA LUGS SU BYAS NAS DRANG SRONG RNAMS MGRON DU BOS TE, RLUNG THOB BSHAS NAS BSNYEN BKUR CHEN PO DANG, KHA ZAS BSTABS TE, DE RNAMS KYIS ZOS PA DANG, SAR LDAN PHYI ROL DU SONG STE, BU RLUNG THOB GANG NA GNAS, TSUR SHOG CES SAR LDAN GYIS BOS PA DANG, DE'I RJES THOGS NYID LA GANG DAR GANG GIS ZOS PA DE DANG DE'I GSUS PA BRTOL TE BYUNG BAR GYUR TO, ,BYA BA 'DIS DRANG SRONG GI RIGS DANG BRAM ZE'I RIGS LHAG MA NYUNG ZAD CIG LUS PAR BYAS SO, ,LHA RNAMS KYI MCHOD SBYIN BYED PA YANG ZAD PAR 'GYUR TO, ,DE NAS LHA RNAMS 'DUS TE DRANG SRONG CHEN PO AA GA TA'I GNAS SU SONG STE LHA MA YIN DE GNYIS BSAD PA'I DON DU GSOL BA BTAB PO, ,JI TZAM NA DE GNYIS KYIS DE MGRON DU BOS PAS DER ZAN ZOS PA DANG, BU RLUNG THOB GAR SONG ZHES SAR LDAN GYIS BOS PA DANG, DRANG SRONG GIS SGREGS PA BTON TE, DE NI NGAS ZHU BAR BYAS ZIN TO ZHES SMRAS NAS; KHRO BAS 'KHRUGS PA DANG SAR LDAN YANG MNGON SUM DU ZOS SO, ,JI TZAM NA SKOM PA STOBS DANG LDAN PAS GDUNGS PA DANG, MTSO DANG RDZING BU LA SOGS PA GANG DANG GANG DAG YOD PA DE RNAMS 'THUNGS KYANG NGOMS PAR MA GYUR TO, ,DE NAS SONG STE RGYA MTSO 'THUNGS PA LAS, DE'I TSE DUG CAN PA ZHES BYA BA'I RGYAL PO ZHIG YOD PA DANG, DE LA CHUNG MA GNYIS YOD PA LAS, GCIG LA 'CHOL BA ZHES BYA BA'I BU YOD LA, CIG SHOS LA LHA CHEN PO LAS MCHOG THOB PAS BU DRUG KHRI YOD PAR GYUR TO, ,JI TZAM NA RGYAL PO RTA'I TSIL ZHES BYA BA'I MCHOD SBYIN BYED PAR RTZOM @29B PAR GYUR NAS SDOM PA BLANGS TE, MCHOD SDONG LA BTAGS PA'I RTA MCHOD SBYIN GYI YO BYAD DU SOGS SHING ME THAB KYI KHA KHYER LA SOGS PA BYAS NAS RTA DE DAG YONGS SU BSRUNG BA'I PHYIR, BU DRUG KHRI THAMS CAD GO CHA BGOS SHING MTSON CHA'I KHYAD PAR DU MA LAG NA THOGS PAR BYAS NAS BSRUNG DU BCAG GO, ,JI TZAM NA KHYAB 'JUG GIS BSAMS PA, RGYA MTSO 'DI THAMS CAD SKAMS PAR GYUR NA THABS GANG GIS 'DI YONGS SU DGANG BAR BYA, MA LA NGAS RGYAL PO DUG CAN PA'I MCHOD SBYIN BYA BA'I GNAS NAS, RTA BRKUS NA RGYU 'DI LAS NGA'I DON 'DI 'GRUB PAR 'GYUR RO SNYAM DU BSAMS NAS SONG STE, RTA BLANGS NAS SA 'OG TU ZHUGS PAR GYUR TO, ,JI TZAM NA DUG CAN PA'I BU RNAMS KYIS GTAM DE THOS PA DANG, RGYA MTSO BKROS TE SA 'OG TU ZHUGS PA LAS KHAB 'JUG DRANG SRONG SER SKYA'I GZUGS KYI CHA LUGS 'DZIN PA, SENG GE'I KHRI'I STENG NA 'DUG PA'I GAN NA RTA THAMS CAD 'DUG PAR MTHONG BA DANG, 'DIS 'DI DAG PHROGS SO SNYAM NAS KHRO BA'I SHUGS MI BZAD PAR GYUR PAS KHYAB 'JUG LA BRNYAS PA NYID KYIS RTA RNAMS KHYER BAR BRTZAMS PA DANG, DES DUG CAN PA'I BUS BRNYAS PAR SHES NAS KHRO BAS GDUNGS PA'I MIG NGAG BLTAS PAS THAMS CAD THAL BAR BYAS SO, ,DE DAG SHI NAS DMYAL BAR SKYES PA DANG, DUG CAN PAS JI LTAR GYUR PA DE THOS NAS RTA BLANG PA'I PHYIR 'CHOL PA BTANG NGO, ,DE SONG STE KHYAB 'JUG BSTOD PA LA SOGS PA'I MCHOD PAS MGU BAR BYAS NAS RTA BLANGS TE, SLAR RANG GI GRONG KHYER DU 'ONGS NAS RGYAL POS KYANG MCHOD SBYIN GYI BYA BA BAR CHAD MED PA NYID DU BYAS SO, ,RGYAL PO DE DUS BYAS NAS LHA'I GNAS SU SKYES SO, ,DE NAS 'CHOL PA RGYAL POR GYUR TE, DE'I BU MYUR BZHES BYA BA RGYAL SRID LA DBANG BSKUR BA DANG, JI LTAR BDAG GI KHU BO RNAMS RGYU 'DIS DMYAL BAR SKYES ZHES THOS KYIS, DE RNAMS KYI DON GYI BYA BA DUG CAN PA'AM, BDAG GI PHA 'CHOL PAS CI YANG MA BYAS KYIS, DANGS DE'I DGOS PA BYA'O SNYAM NAS GANG+G'A DBAB PAR BYA BA'I PHYIR, LHA'I LO SUM KHRI'I BAR DU DKA' THUB SPYAD KYANG DES GANG+G'A DBAB @30A *, ,PAR MA NUS SO, ,DE 'DAS PAR GYUR PA DANG, DE'I BU LI PAS GANG+G'A DBAB PAR BYA BA'I PHYIR LHA'I LO SUM KHRI'I BAR DU DKA' THUB SPYAD KYANG DES KYANG MA NUS SO, ,DE YANG 'JIG RTEN GZHAN DU SONG BA DANG, DE'I BU BHA GO RA THAS DKA' THUB CHEN POS TSANGS PA MGU BAR BYAS PA DANG, DES DE LA MCHOG BYIN PA, CI NAS KYANG NGAS MI'I 'JIG RTEN DU GANG+G'A DBAB PA DE LTAR BYA'O ZHES SMRAS NAS, TSANGS PAS KYANG GANG+G'A LA MI'I YUL DU 'BAB PAR GYIS SHIG CES SMRAS PA DANG, DE SHIN TU SMRE SNGAGS 'DON TE, JI LTAR NGA DER SONG NAS THUN MONG DU 'GYUR ZHING, RIGS NGAN LA SOGS PA RNAMS KYIS KYANG BSTEN PAR 'GYUR NA, GNAS SKABS 'DI LTA BU JI LTAR SPYAD PAR BYA, MES PO'I BKA' LAS 'DA' BAR BYA BA YANG RIGS PA MA YIN NO, ,'ON KYANG SHUGS CHEN POS SONG LA, SA 'OG NYID DU ZHUGS PAR BYA'O SNYAM PA DANG, CI KHYOD KYIS MI'I 'JIG RTEN DU DAG BYED MA BYAS PAR SA 'OG TU 'BAB PAR BYED DAM ZHES TSAR BCAD NAS, LHA CHEN POS RANG GI RAL PA'I TSOGS KYI NANG DU BZHAG PAR GYUR TO, ,DE YANG DE NAS 'BYUNG BA LA LHA'I LO STONG GI BAR DU 'KHOR ZHING, 'BAB KYANG RAL PA DE'I MTHA' RNYED PAR MA GYUR TO, ,DE NAS YANG BHA GO RA THAS DKA' THUB KYI KHYAD PAR CHEN POS LHA CHEN PO DGA' BAR BYAS NAS, RAL PA BTZIR BA DANG, RI TI SE'I STENG DU THIGS PA GCIG BAB PAR GYUR PA LAS SKAD CIG MA GCIG LAS DER MTSO CHEN PO GCIG TU GYUR TE, DENG SANG NA YANG THIGS PA BDUN DU GYUR NAS, SI TA SIN DHU BAKshU DANG; GANG+G'A DE BZHIN 'JIG RTEN RGYAN, ,RGAL DANG TSIM PA NYID DANG NI, ,NA LI NI NI BDUN PAR BSHAD, ,CES BYA BA YIN NO, ,JI TZAM NA GANG+G'A LHO PHYOGS KYI RGYA MTSO CHEN PO DE 'DA' BAR BYA'O SNYAM NAS DREGS PA DANG BCAS PAR RI KHA BA CAN PHUG STE, DE'I SUL NAS BDE BAR 'BAB PAR GYUR TO, , YANG DE'I TSE DRANG SRONG DZA NA HU ZHES BYA BA DKA' THUB DRAG PO CAN ZHIG YOD PA DE RI KHA BA CAN GYI SUL NA RNAL 'BYOR BSGOM PA LA BRTZON ZHING GNAS PAR GYUR TO, ,DES KYANG CA CO'I SGRA SGROGS SHING SGEG PAS DAL GYI SA 'BAB PAR MTHONG BA DANG, SHIN TU KHROS PAR GYUR TE SONG NAS SMRAS PA @30B NGA YI GNAS DANG NYE BA 'DIR, ,BUD MED 'DI NI SGEG PA YIS, ,'DZEM PA MED PAR CI PHYIR 'GRO, ,SPYOD NGAN SDIG PA CHEN PO YIN, ,ZHES SMRAS TE, DE BLANGS NAS 'THUNGS SO, ,YANG BHA GO RA THAS DRANG SRONG DE DKA' THUB KYIS MGU BAR BYAS PA DANG, DES SKYUGS SO, ,DE DE NAS BYUNG NAS GEGS MED PAR PHYOGS BZHIR SONG STE, SA 'OG GANG BAR BYAS NAS DUG CAN PA'I BU DANG 'BREL PA'I GNAS SKABS KYI LHAG MA RNAMS RNAM PAR BKRUS LA, DES KYANG DE RNAMS DMYAL BA LAS 'PHOS TE MTHO RIS SU SKYES SO ZHES ZER RO, ,DE LTAR NA DUG CAN PA'I BU STONG PHRAG DRUG CU BSREGS SO ZHES BYA BAR SBYAR RO, ,BDAG NYID CHEN PO ZHES BYA BA NI BDAG NYID CHE BA NYID YOD PAS NA BDAG NYID CHEN PO ZHES BYA STE, SHIN TU LONGS SPYOD CHE BA LA SOGS PA'I YON TAN DANG LDAN PA'O, ,DE SU ZHIG YIN ZHE NA, DUG CAN PA ZHES BYA BA STE, RGYA MTSO ZHES BYA BA'I RGYAL PO LA DUG CAN PA ZHES BYA BA'O, ,SU ZHIG CE NA, SRAS PO STONG PHRAG DRUG CU DAG ,CES BYA STE, DE'I BU DRUG KHRI'O, ,GANG GIS SHE NA, SER SKYAS ZHES BYA STE, SER SKYA'I GZUGS SU GNAS PA'I KHYAB 'JUG GIS ZHES BYA BA'I DON TO, ,JI LTAR ZHE NA, BLTAS PA TZAM GYIS ZHES BYA STE, KHRO BAS GDUNGS PA'I MIG GNYIS KYIS SO ZHES STON PA YIN NO, ,CI ZHIG DU BYAS SHE NA, BSREGS ZHES BYA BA STE, THAL BAR BYAS PA'O, ,DE LA'ANG ZHES BYA BA NI RGYA MTSO'I BU STONG PHRAG DRUG CU LA'O, ,YANG NA DE LA ZHES BYA BA NI SROG DANG BRAL BAR BYED PA DE LA'O, ,KHYOD NI THUGS RJE MDZAD CES BYA BA NI, DES KHYOD DGOS PA MDZAD PA'I THUGS SKYES PAR GYUR PA'O, ,DE YANG DE BZHIN GSHEGS PA NI THUGS CHEN CHEN PO NYID KYI RGYUD LAS NAM YANG MI 'DOR TE, JI SKAD DU, THUGS RJE'I THUGS LA GNAS SHING RTAG TU ZHI BA NYID NI SPYAN LA GNAS, ,BZOD PA'I SKAD CIG TZAM YANG KHYED DANG BRAL BAR NUS PA MA YIN LA, ,DE NI SHIN TU MDZES PAS YUN RING THUGS NI RNAM PAR MKHYUD PAR GYUR, ,'ON KYANG KHYED NI 'DOD CHAGS BRAL BA LTA BUR GRAGS PA RNAM PAR RGYAS, ,ZHES BSTOD PA BYED PA 'GA' ZHIG GIS BSHAD PA YIN NO, ,SER SKYA DE NYID RIG PAS NI, ,ZHES BYA @31A *, ,BA LA SOGS PA LA, GTZO BO LAS GROL BA MA LUS PA SKYE'O ZHES DRANG SRONG SER SKYES BSHAD PA YIN NO, ,DE YANG 'DI LTAR THOS TE, BSKAL PA DANG PO'I TSE SKYE DGU RNAMS KYI TSE LO TSAD MED PA NA, BRAM ZE SER SKYA ZHES BYA BA ZHIG BYUNG STE BSTI GNAS KYI GNAS SU 'DUG NAS DKA' THUB KYI KHYAD PAR LAS THAR PA 'BA' ZHIG PA THOB STE, GZHAN DAG LA LAM LEGS PAR BSTAN PA'I PHYIR BSTAN BCOS DAG BYAS SO, ,DE YANG DES RTZA BA'I DNGOS PO'I DON GNYIS SHIG BSTAN TE, 'DI LTAR GTZO BO DANG SKYES BU'O, ,DE LA GTZO BO NI YON TAN GSUM STE, SNYING STOBS DANG, RDUL DANG, MUN PA'I GZUGS KYIS BYED PA PO DANG, YONGS SU 'GYUR BA DANG, SEMS MED CES BYA BA YIN LA, SKYES BU NI SHES PA CAN DANG, SPYOD PA PO DANG, RTAG PA DANG CHA MNYAM PA'O, ,JI LTAR NA GTZO BO BYED PA POR BSHAD CE NA, SNYING STOBS DANG, RDUL DANG, MUN PA'I YON TAN CHA MNYAM PA'I GNAS SKABS YAN LAG DANG, YAN LAG CAN DU GYUR PA'I GNAS SKABS NI GTZO BO'O, ,YANG GANG GI TSE GSUM PO LAS GANG YANG RUNG BA CUNG ZAD TZAM RTZOL BAR GYUR CING MI GSAL BA NYID YIN PA DE'I TSE NI CHEN PO ZHES BYA'O, ,DE LAS KYANG CUNG ZAD SBOM PA NGA RGYAL DANG, DE TZAM DU YONGS SU GYUR PA LAS 'GYUR RO, ,NGA RGYAL LAS YANG DBANG PO BCU GCIG TU RNAM PAR 'GYUR BAR 'GYUR TE, MIG DANG, RNA BA DANG, SNA DANG, LCE DANG, LUS ZHES BYA BA'I BLO'I DBANG PO LNGA DANG, LAG PA DANG, RKANG PA DANG, NGAG DANG, RKUB DANG, MDOMS TE LAS KYI DBANG PO LNGA DANG, YID DO, ,DE TZAM LNGA LAS 'BYUNG BA CHEN PO LNGAR YONGS SU 'GYUR TE, SGRA'I DE TZAM LAS NI NAM MKHA'O, ,REG PA DANG 'DRES PA'I SGRA LAS NI RLUNG NGO, ,GZUGS DANG 'DRES PA'I SNGA MA GNYIS LAS NI ME'O, ,RO DANG 'DRES PA'I SNGA MA GSUM LAS NI CHU'O, ,DRI DANG 'DRES PA'I SNGA MA BZHI LAS NI SA'O, ,DE LTAR BYAS NA DE KHO NA NYID NYI SHU RTZA BZHIR 'GYUR RO, ,SKYES BU NI NYI SHU RTZA LNGA PA'O, ,GANG GI TSE 'DI NI YON TAN YIN NO, ,'DI NI SKYES BU YIN NO ZHES KHYAD PAR MI SHES PA DE'I TSE, SKYES BU DANG YON TAN 'DUS PAR 'GYUR TE, DPER NA @31B MTSAN MO MUN NAG GIS KHYAB PA'I KHANG PA'I NANG DU SKYES BU 'DOD CHAGS CAN DANG, BUD MED MDZE CAN DGA' BA DAN BCAS PAS 'DUG PAR GYUR PA DANG 'DRA LA, GANG GI TSE YON TAN DANG THA DAD PAR BYED PA PO DANG, YONGS SU 'GYUR BA PO NYID DU SHES PA DE'I TSE, SKYES BU 'DI NAM YANG DE DANG LHAN CIG 'DRIS PAR MI BYED DE, DPER NA NYIN MO MIG DANG LDAN PA'I SKYES BU BUD MED MDZES CAN LA REG PAR MI BYED PA DANG 'DRA'O, ,YON TAN DANG SKYES BU THA DAD PAR MTHONG BA NI THAR PA THOB PA'I RGYU YIN NO ZHES BYA BA NI GRANGS CAN GYI GRUB PA'I MTHA'O, ,SER SKYA JI LTA BU ZHIG ,DE SKAD CES SMRA ZHE NA, DE NYID RIG PAS ZHES PA SMOS PA YIN TE, DE KHO NA NYID KYI SGRA NI 'DIR NYI SHU RTZA LNGA PO YIN PAR BSHAD LA, DE RNAMS SHES PAS NA DE NYID RIG PA STE, DE NYID RIG PA NI MKHAS PA ZHES BYA BA'I DON TO, ,KHYOD KYI 'GRO BA'I SKYE BA NI, ,ZHES BYA BA LA SOGS PA LA, LAS DANG NYON MONGS PA NI NYON MONGS PA DANG LAS TE, DE LAS BYUNG ZHING SKYES PA GANG YIN PA DE LA DE SKAD CES BYA STE, GANG GI PHYIR SKYE BA NI NYON MONGS PA LAS 'JUG PA YIN PA'I PHYIR RO, ,DE YANG GNAS BRTAN RTA SKAD KYIS, NYON MONGS ZAD PAS SRID PA'I 'CHING BA MED, ,LAS ZAD GYUR NA SDUG BSNGAL YOD MA YIN, , GANG PHYIR YOD LAS BYUNG BA'I DON GANG YIN, ,DE PHYIR MED LAS DE NI SLAR MI 'BYUNG, ,ZHES BSHAD PA YIN NO, ,GANG ZHIG NYON MONGS PA DANG LAS BYUNG BA YIN ZHE NA, 'GRO BA'I ZHES BYA BA SMOS TE, 'CHI BA DANG LDAN PAS NA 'GRO BA ZHES BYA STE, SEMS CAN GYI 'JIG RTEN NO, ,DE'I SKYE BA NI NYON MONGS PA DANG LAS LAS BYUNG BA YIN PAR KHYED KYIS GSUNGS SHING BSGRAGS PA YIN NO, ,'DIR SMRAS PA, NYON MONGS MED LA 'GRO BA RNAMS, ,SKYE BAR GANG DU'ANG 'DOD MA YIN, ,LAS NI GANG YANG RUNG MED PAR, ,BDE DANG SDUG BSNGAL 'BYUNG MI 'GYUR, ,DGRA BCOM NYON MONGS YOD PA MA YIN TE, ,DE MED LAS KYANG YOD PA MA YIN LA, ,DE LAS 'DI LA SKYE BA YOD MIN TE, ,SA BON MED PA'I MYU GU DAG DANG MTSUNGS, ,ZHES BYA BA LA SOGS PA GSUNGS PA YIN NO,, ,,SER SKYA LA SOGS THAR PA YIS, ,ZHES BYA BA LA SOGS PA LA, SER SKYA LA @32A *, ,SOGS PA'I BDAG NYID GANG YIN PA DE THAR PAR YANG GNAS SHING, SRID PA'I RGYU YIN PAR 'DOD DO ZHES ZER RO, ,DE YANG SKYES BU RTAG PAR YANG 'GYUR LA, SNGAR LUS DANG DBANG PO 'DUS BYAS PAR GYUR PA GANG YIN PA DE PHYIS KYANG BYED PAR 'GYUR RO, ,DE YANG SKYES BU RTAG PA NYID GYUR CING, ,LUS DANG DBANG PO 'BYOR LDAN PA, ,PHYIS KYANG DE DANG 'DRAR GYUR PA, ,RKYEN LAS GYUR PAR THE TSOM MED, ,CES BYA BA LA SOGS PA SMOS PA YIN NO, ,KHYOD NI ZHES BYA BA LA SOGS PA LA, ,ZHI BAR GSHEGS GYUR NAS ZHES BYA BA NI PHUNG PO LHAG MA MA LUS PA'I DBYINGS BRNYES PA ZHES BYA BA'I DON TO, ,ZHUGS GUM LTA BUR ZHES BYA BA NI MAR ME SHI BA LTA BUR ZHES BYA BA'I DON TO, ,BGRANG DU MED COS BYA BA NI, GRANGS SU MI 'GRO BA'O, ,MU STEGS BYED PA KHA CIG NI ZHES BYA BA LA SOGS PA LA, MU STEGS NI THAR PA DANG MTHO RIS KYI LAM STE, DE STON PAR BYED PA'I BSTAN BCOS LA MU STEGS ZHES BYA LA, DE BYED PA YIN PAS NA MU STEGS BYED PA'O, ,DES THAR PA STE MYA NGAN LAS 'DAS PAR 'GRO BA DANG LDAN PA'O, ,'GRO BA NI SONG BA YIN LA DE GANG LA YOD PA DE NI 'GRO BA DANG LDAN PA STE, 'GRO BAS THOB PA ZHES BYA BA'I DON TO, ,SMRA ZHES BYA BA NI GTAM YIN PAR STON TO, ,SMRA BA ZHES BYA BA NI BRJOD PA STE, SNGAR JI LTAR, NE TZOS NYI MA BRTOL NAS NI, ,THAR PA MCHIS PAR BSHAD CES GRAG ,CES SMOS PA'I SKABS SU BSHAD PA YIN NO, ,GANG LA 'GRO YOD DE 'KHOR BA, ,ZHES BYA BA NI GNAS GANG DU 'GRO BA YOD PA DE NI 'KHOR BA STE; SRID PA YIN NO, ,DE YANG GANG GI PHYIR 'GRO BAS MYA NGAN LAS 'DAS PA RTOGS PA NI MED DO, ,BCOM LDAN 'DAS KYIS KYANG, RTA DMAR GANG DU SKYE BA MED PA DANG 'CHI BA MED PA DANG, 'BYUNG BA MED PA DE NI 'GRO BAS THOB PAR NGA MI SMRA'O ZHES MDO LAS JI SKAD GSUNGS PA LTA BU'O, ,KHYOD KYIS THUGS SU CHUD NAS BSTAN, ,ZHES BYA BA NI, BCOM LDAN 'DAS KYIS MKHYEN CING THUGS SU CHUD NAS BSTAN CING BSHAD PA YIN NO ZHES BYA BA'O, ,GCER BU KUN DGA' RA BA SOGS, ,ZHES BYA BA LA, GCER BU ZHES BYA BA NI DGE SBYONG GCER BU PA RNAMS SO, ,'DI KUN DU DGA' BAS NA KUN DGA' @32B RA BA STE; SKYED MOS TSAL LA SOGS PA GANG YIN PA DE NI KUN DGA' RA BA SOGS ZHES BYA STE, KHRUS KYI RDZING BU LA SOGS PA'O, ,RTZIG PA ZHES BYA BA NI 'BAD PAS MNGON PAR SGRUB PAR BYED PA ZHES BYA BA'I DON TO, ,SDIG PA'I RGYU ZHES BYA BA NI NYES PAR SPYAD PA'I RGYU ZHES BYA BA'I DON TO, ,GANG GI PHYIR DE RNAMS RGYU MED PAR SDIG PA KHAS LEN CING RTOG LA SMRA BAR BYED PA'O, ,DE YANG, KUN DGA' RA BA GNAS BYED DANG, ,SROG GCOD PA LAS BZLOG PAR BYA, ,GAL TE DER NI SROG CHAGS 'CHI, ,SDIG PA BYED DE BYED LA 'GO, ,SEMS DANG LDAN PA DE 'CHI BAS, ,SDIG PA CHEN PO NYID DU 'GYUR, ,DE BAS BSOD NAMS RTZOM PA DANG, ,DE YIS DE LTAR MI BYA'O, ,ZHES BYA BA LA SOGS PA MANG DU SMRA BA YIN NO, ,THAMS CAD MKHYEN PA ZHES BYA BA LA SOGS PA LA, THAMS CAD MKHYEN PA ZHES BYA BA NI BOD PA YIN NO, ,DE NYID CES BYA BA NI KUN DGA' RA BA LA SOGS PA RTZIG PA'O, ,BSOD NAMS RGYU ZHES BYA BA NI BSOD NAMS NYE BAR BSAGS PA ZHES BYA BA'I DON TE, GAL TE 'JUG PAR MI BYA BA'I LAS LA 'JUG NA DE LAS NYES PA NI SHIN TU MANG PO 'BYUNG BAR THAL BAR 'GYUR RO,, ,,SROG CHAGS 'GRO BA BSAD PA NA, ,KHYED KYI YANG NI SDIG 'GYUR TE, , KHYED NI 'GRO BA MED 'GYUR NA, ,SROG CHAGS GSOD PA YOD MA YIN, ,GAL TE YOD NA SDIG LDAN PAS, ,JI LTAR GROL BA NYID DU 'GYUR, ,GROL 'GYUR DE DANG JI LTAR LDAN, ,SDIG PA BSAGS LAS KHYED GROL LAM, ,'ON TE SDIG PA SPANGS PA DAG ,THAR PA KUN DU BSHAD PA YIN, ,BLO NI SNGON DU MA SONG SDIG ,YOD CES PA NI LEGS SMRAS MIN, ,KHA ZAS BSOD PA DAG GIS NI, ,DGA' BAS SLOB DPON TSIM BYAS NAS, ,MA ZHU PA YIS DE SHI NA, ,SDIG PA NYE BAR BSAGS PA 'BYUNG, ,CHAGS PA MED PAR DBEN PA RU, ,LAS BYED PA NI MA MTHONG NGO, ,ZHES BYA BA LA SOGS PA YIN NO, ,YANG BCOM LDAN 'DAS KYIS, KUN DGA' RA BA NAGS TSAL SKYED, ,SKYE BO GANG ZHIG ZAM PA BYED, ,CHU GTER KHANG DANG CHU MIG DANG, ,GANG ZHIG NGAL SO'I GNAS STER DANG, ,ZHES BYA BA DANG, DE BZHIN DU, BRGYA BYIN GTZUG LAG KHANG GI PHYIR, ,SA NI SBYIN PA @33A *, ,GTONG BYED PA, ,TSANGS PA'I BSOD NAMS RAB SKYED DE, ,MTHO RIS DAG TU BSKAL PAR DGA', ,ZHES BYA BA LA SOGS PA MDO LAS GSUNGS PA YIN NO,, ,,LUS LAS LUS GZHAN DAG TU NI, ,ZHES BYA BA LA SOGS PA LA, LUS LAS ZHES BYA BA NI RGA BA LA SOGS PA'I NYE BAR 'TSE BAS GDUNGS PA LAS SO, ,LUS GZHAN DAG TU NI ZHES BYA BA NI LUS GZHAN PA DAG TU 'PHO ZHING SONG BA'O, ,CI ZHIG CE NA, SROG NI ZHES BYA BA STE, BDAG DANG SKYES BU ZHES BYA BA'I DON TO, ,SROG DE JI LTA BU ZHE NA, PHRA BA ZHES BYA BA SMOS TE, SHIN TU PHRA ZHING DBANG PO'I YUL LAS 'DAS PA'O, ,DE YANG KHYAB 'JUG GIS, DPER NA GOS RNYING DAG NI BOR NAS SU, ,SAR PA GZHAN DAG MI NI LEN PAR BYED, ,DE BZHIN LUS NI RNYING PA SPANGS NAS SU, ,LUS GZHAN SAR PA DAG NI LEN PAR BYED, ,'DI NI MTSON GYIS MI CHOD CING, ,'DI NI ME YIS MI 'TSIG LA, ,CHU YIS 'DRUL BAR MI 'GYUR TE, ,'DI NI RLUNG GIS SKEMS MI 'GYUR, ,ZHES BYA BA LA SOGS PA JI SKAD BSHAD PA LTA BU'O, ,GRAG CES BYA BA NI 'JIG RTEN PA'I GTAM TZAM YIN PAR STON TE, DE YANG DON DAM PAR NI BDAG MED DO, ,GAL TE BDAG YOD NA RTAG PA DANG MI RTAG PA NYID DU 'GYUR BAS BDE BA LA LONGS SPYOD PA NA, RTAG PAR NYE BAR SPYOD KYI, SDUG BSNGAL LA SOGS PA'I NYES PA RNAMS SU THAL BAR MI 'GYUR RO, ,DE BAS NA BDAG NI RNAM PA THAMS CAD DU MED DO, ,LUS GZHAN GYUR PA'I ZHES BYA BA NI LUS ZHES BYA BA'I SGRAS 'DIR PHUNG PO LNGA NYID BDAG GI DNGOS POR BRJOD LA, LUS DE LAS GZHAN DU GYUR CING THA DAD PA'I SROG CES BYA BA'I BDAG YOD PA NI MA YIN PA NYID DU KHYOD KYIS GSUNGS SO ZHES SBYAR TE, SANGS RGYAS BCOM LDAN 'DAS KYIS BKA' STZAL PA'O, ,DE YANG CHOS THAMS CAD NI SROG MED PA DANG; GSO BA MED PA DANG, GANG ZAG MED PA ZHES BYA BA NAS, 'DU BYED KYI TSOGS 'BA' ZHIG TU ZAD DO ZHES BYA BA'I BAR DU GSUNGS PA DANG, BDAG GI NGA RGYAL RNAM PAR BZHAG NAS GANG DU BDAG DE'I PHUNG PO LNGA'I BDAG GI DNGOS POR GYUR PA DE TZAM LA NYE BAR GDAGS PAS BDAG @33B NYID KYI DNGOS POR BCOM LDAN 'DAS KYIS LA LAR GSUNGS PA YOD DO, ,KHROS PAS G-YUL NGOR BSAD NA NI, ,ZHES BYA BA LA SOGS PA LA, KHROS PAS ZHES BYA BA KHRO BA NYID DU GYUR PAS SO, ,G-YUL NGOR TE 'THAB SAR BSAD PA'I SKYES BU BDE 'GROR 'GRO BAR 'GYUR RO ZHES RGYAS PA ZER TE, DE YANG 'DI SKAD DU, SNA TSOGS RGYAN GYIS BRGYAN PA YI, ,LHA YI BU MO 'ONGS NAS NI, ,G-YUL NGOR BSAD PA YONGS 'KHYUD DE, ,LHA YI KHYIM DU 'KHYER PAR 'GYUR, ,ZHES ZER RO, ,MGON PO KHYOD KYIS ZHES BYA BA NI BOD PA'O, ,GNAS SKABS DE'I ZHES BYA BA NI GNAS SKABS DE NYID KYI SEMS TE, SEMS DE LTA BUS SHI BA NI NGAN 'GRO NYID YIN NO ZHES GSUNGS SHING BKA' STZAL PA YIN NO, ,DE YANG, SKAL NGAN KHROS NAS SHI BAR GYUR PA NI, ,'JIG RTEN GZHAN DU NGAN 'GROR MKHAS PAS BSHAD, ,RE ZHIG 'DIR NI GRAGS PAR MI 'GYUR ZHING, ,'JIG RTEN PHA ROL DU YANG BDER MI 'GYUR, ,ZHES GSUNGS PA YIN NO,, ,,SKYA BSENG DU NI BRJOD BYAS NA, ,ZHES BYA BA LA SOGS PA LA, 'DI LTAR THOS TE, RGYAL PO SKYA BSENG RI DAGS LA CHAS PA DANG, DE'I TSE DRANG SRONG NGAN 'DUL ZHES BYA BA ZHIG RI DAGS KYI GZUGS SU GYUR NAS RI DAGS MO DANG LHAN CIG 'DOD PA'I DGA' BA NYAMS SU MYONG BAR GYUR PA NA, SKYA BSENG GIS NGO MA SHES TE MDAS BSNUN PA DANG, DE'I RJES THOGS NYID LA DRANG SRONG DE RANG GI GZUGS SU GNAS TE, KHRO BA'I DBANG GIS JI LTAR KHYOD KYIS NGA DGA' BA SPYOD PA NA, DGA' BA NYAMS SU MA MYONG BA NYID DU 'JIG RTEN GZHAN DU 'GRO BAR 'GYUR BAR BYAS PAS KHYOD KYANG DE BZHIN DU 'CHI BAR 'GYUR CIG CES DMOD PA BTAB BO, ,DRANG SRONG GI CHUNG MAS KYANG BDAG NYID DRANG SRONG DE SHING GI PHUNG PO CHEN PO'I STENG DU 'DZEGS TE, KHYOD KYI CHUNG MA YANG KHYOD SHI NAS BSREG PA'I SHING BRTZIGS PA LA 'DZEG PAR GYUR CIG CES DMOD PA'I TSIG SMRAS SO, ,SKYA BSENG LA MA DRI DANG KUN D'I ZHES BYA BA'I CHUNG MA GNYIS YOD PA DANG, RGYAL PO DMOD PA'I 'JIGS PAS DE DANG LHAN CIG SPYOD PAR BYED MA NUS SO, ,DE'I TSE KUN 'DIS BSAMS PA, NGAS NI DRANG SRONG GNAS NGAN LAS RIG SNGAGS THOB LA, @34A *, ,DES NGA'I MNGON PAR 'DOD PA CIG NI BSGRUBS ZIN MOD KYI, DES NI DA DUNG YANG LAN BZHI'I BAR DU 'DOD PA'I DON BYED PAR 'GYUR GYIS, GAL TE RGYAL POS GNANG NA DE'I TSE NGAS BU SKYED PA'I BYA BA BYA'O SNYAM MO, ,RGYAL PO YANG THABS GANG GIS NGA LA BU YOD PAR 'GYUR SNYAM DU SEMS SO, ,DE NAS DBEN PAR SONG STE RGYAL PO LA DON DE SMRAS PA DANG, DE THOS PAS RGYAL PO DGA' STE, DE LA RJES SU GNANG BA BYIN NO, ,DE KHANG PAR ZHUGS NAS RIG SNGAGS BZLAS NAS CHOS ZHES BYA BA'I LHA NGA DANG SPYAD PA'I PHYIR SHOG CIG CES SMRAS PA DANG, JI TZAM NA CHOS 'ONGS TE DE DANG LHAN CIG 'DUS PA LAS G-YUL NGOR BRTAN PA ZHES BYA BA'I BU SKYES SO, ,DE BZHIN DU RLUNG LHA BKUG STE 'DUS PA LAS 'JIG SDE'O, ,DE BZHIN DU BRGYA BYIN BKUG STE 'DUS PA LAS SRID SGRUB SKYES SO, ,JI TZAM NA MA DRI BU MED LAS MYA NGAN GYIS YID GDUNGS TE, NGA NI 'CHI BAR BYA'O ZHES SMRA ZHING MYA NGAN BYED LA, ZHUM PA'I TSIG GIS KUN D'I LA GSOL BA BTAB PA, RIG SNGAGS DE NGA LA LAN CIG BYIN CIG ,GAL TE NA BDAG LA YANG BU SKYE BAR 'GYUR RO ZHES SMRAS PA DANG, DE SKYA BSENG LA DRIS TE RIG SNGAGS DE BYIN NO, ,DES KYANG RIG SNGAGS BZLAS NAS LHA'I SMAN PA THA SKAR GNYIS BKUG STE, DE GNYIS DANG 'DUS PA LAS LHAR BCAS DANG, KU NA LA ZHES BYA BA GNYIS MTSE MAR DUS GCIG TU SKYES SO, ,JI TZAM NA SKYA BSENG GIS SA CHEN PO LAS RGYAL BAR BYAS TE, YUL 'KHOR SRUNG LA BYIN NAS, BDAG NYID DANG, CHUNG MA GNYIS DANG, BU YANG KHYER TE, RI BO RTZE MO BRGYA PAR SONG NAS TSANGS PAR SPYOD PA LA BRTZON PAR GNAS PA NA, DE YUN RING POR TSANGS PAR SPYOD PA SPYAD PA DANG, MA DRI'I GZUGS SDUG PA MTHONG BAS 'DOD PA'I 'DOD CHAGS SKYES TE, KHO BO SHI BA NI BLA'I 'DI DANG LHAN CIG DGA' BA NYE BAR LONGS MI SPYOD PA NI DE LTA MA YIN NO SNYAM NAS, DE DANG LHAN CIG TU SPYOD PAR BRTZAMS PA DANG, DE'I TSE NYID DUS LAS 'DAS PAR GYUR TO, ,JI TZAM NA BSTI GNAS DE NA DRANG SRONG CHEN PO GANG DAG YOD PA DE DAG THAMS CAD SDUG BSNGAL BAR MTHONG BAS MGON MED PAR GYUR PA'I RO DANG, MA DRI DANG, KUN DRI DANG, @34B BU LNGA PO KHYER TE YUL 'KHOR SRUNG GI GAN DU PHYIN NAS, DE DANG JI LTAR 'TSAM PA'I BSREG SHING BRTZIGS TE, BSNYEN BKUR CHEN POS STENG DU BZHAG NAS, SKYA BSENG LA YUL 'KHOR SRUNG GIS MCHOD DO, ,MA DRIS KYANG BU GNYIS KUN DRI LA GTAD DE, RO BSREGS SAR BDAG NYID DOR RO, ,DE NAS JI TZAM NA 'THAB DKA' LA SOGS PA DANG, G-YUL NGOR BRTAN PA LA SOGS PA 'PHONG SLOB PA'I GNAS SU LHAN CIG TSOGS TE, KRI PA DANG KRO NA LA SOGS PA'I MTSON CHA'I THABS KYI RIG PA SLOB PA NAS, RNA CAN LAS 'KHON GCUGS SU GYUR TE, SKYA BSENG GI BU LNGA RGYA SKYEGS KYI KHANG PAR BCUG PA DANG, DE NAS MTSAN MO BROS NAS SRIN PO HI DIM PA BSAD DE, DE'I SRING MO 'JIGS SDES BLANGS NAS DE LAS BU BUM SKRA ZHES BYA BA SKYES SO, ,DE NAS SONG STE GRONG KHYER 'KHOR LO GCIG PAR SONG BA DANG, DE'I LAM KHAR RGYAS PA DANG PHRAD NAS, DBUGS PHYUNG STE, RGYAL SRID DANG CHUNG MA THOB PA'I MCHOG BYIN NO, ,DE NAS GRONG KHYER DER PHYIN NAS BRAM ZE ZHIG GI KHYIM DU LO BZHI 'DUG STE, DE LA PHAN PAR BYA BA'I PHYIR SRIN PO CHU SKYAR ZHES BYA BA BSAD NAS GRONG KHYER LNGA LEN DU SONG STE, RGYAL PO RNAMS KHYO GDAM PA'I SKABS SU TRO PA TI ZHES BYA BA'I CHUNG MA THOB PA DANG, SPUN LNGAS SPYIR BLANGS NAS LO GCIG 'DUG STE, DBANG PO'I GNAS ZHES BYA BAR SONG NAS RGYAL SRID THOB PO, ,LO NYI SHU RTZA DGU'I BAR DU RGYAL SRID BYAS NAS, RGAN POS SBYAR BA ZHES BYA BA LA SOGS PA'I RGYAL PO BSAD DE, MCHOD SBYIN BYAS NAS, 'THAB DKA' DANG, G-YUL NGOR BRTAN PA LA SOGS PA CHO LOS RTZE BA DANG, SGYU THABS KYIS PHAM PAR BYAS TE, RGYAL SRID NAS BDAG NYID KYI BAR DU SKUGS LA SHOR TO, ,YANG LO BCU GNYIS KYI BAR DU NAGS SU GNAS PAR BYAS NAS SLAR 'ONGS TE GRONG KHYER BI RA TAR LO GCIG GNAS NAS, 'JIGS SDES KI TZA KA BSAD DO, ,DE NAS KU RUKshE TRA RA 'THAB MO LA ZHUGS PA'I BAR DU SBYAR TE, 'THAB DKA' CAN NA DPUNG TSOGS BCU GCIG ,SKYA BSENG LA BU BDUN TE, DE THAMS CAD G-YUL NGOR SHI NAS G-YUL NGOR BRTAN PA RGYAL POR GYUR TE, LO SUM CU RTZA DRUG GI BAR DU RGYAL SRID BYAS NAS JI SRID NA KHYAB 'JUG LHA YUL DU SONG STE, YUL 'KHOR @35A *, ,SRUNG DANG, SKYA BSENG GI BU THAMS CAD DANG, CHOS ZHES BYA BA'I LHA KHYIR SKYES PA DE DAG THAMS CAD KYANG DUS LAS 'DAS PAR GYUR TO, ,'DIR CHOS ZHES BYA BA'I LHA JI LTAR KHYIR SKYES PA'I GTAM BRI BAR BYA STE, DRANG SRONG BRGYAN PA ZHES BYA BA ZHIG BSTI GNAS ZHIG NA DKA' THUB KYI 'BYOR PAS GNAS PAR GYUR TO, ,YANG JI TZAM NA DE DANG THAG MI RING BA ZHIG NA GRONG KHYER CHEN PO ZHIG YOD PA DE LAS RKUN PO RNAMS KYIS RDZAS BRKUS TE, BSTI GNAS DE'I NAGS KYI TSANG TSING DU ZHUGS NAS GNAS BCAS PA DANG, RGYAL PO'I SKYES BU MANG PO 'ONGS TE, DE DAG GIS DRANG SRONG LA SMRAS PA; KHYED KYIS RKUN PO 'GA' ZHIG MTHONG NGAM, DES KYANG MA MTHONG NGO ZHES SMRAS SO, ,DE NAS RGYAL PO'I SKYES BU RNAMS KYIS NAGS KYI TSANG TSING DU BTZAL BA DANG, RKUN PO RNYED DE BZUNG NAS 'ONGS TE DRANG SRONG 'DI NI 'DI RNAMS KYI SBED MKHAN YIN NO ZHES BZUNG NAS RGYAL PO LA PHUL LO, ,JI LTAR GYUR PA YANG SMRAS SO, ,RGYAL PO YANG 'DI NI NYES PA DANG BCAS PA'O ZHES KHROS NAS GSAL SHING LA BSKYON PA'I PHYIR, DE GSOD MA PA RNAMS LA GTAD DO, ,DE RNAMS KYIS DRANG SRONG GSOD SAR KHYER TE, DER SENG LDENG LA SOGS PA'I SHING BSDUS PA DANG, DE DAG THAMS CAD BROS SHING MI SNANG BAR GYUR TO, ,DE NAS SBAR MA'I SHING KHYER TE 'ONGS PA DANG, DE MA BROS SO, ,DE NAS GSOD MA DE RNAMS KYIS GSAL SHING BTZUGS NAS DE LA DRANG SRONG BSKYON NO, ,JI TZAM NA SHING DE LAS 'DAB MA SKYES NAS DES KYANG DRANG SRONG DE'I LUS KYI 'OG NAS PHUG STE SKYES PA DANG, RGYAL PO YANG DER 'ONGS NAS DRANG SRONG 'DI LA NI NONGS PA MED PA ZHIG GO SNYAM NAS GSAL SHING DE LAS PHAB PO, ,DE YANG KHROS PAS CHOS KYI GAN DU SONG STE, KHYOD GNAS BZHIN DU CHOS MA YIN PAS YUN RING POR KHO BO SDUG BSNGAL BAR GYUR TE, SHIN TU MI RIGS PAR BYAS KYIS, 'DI LA GCIG TU LEGS PAR RTOGS SHIG ,KHO BOS MI RIGS PA CI ZHIG BYAS ZHES SMRAS PA DANG, CHOS KYIS SMRAS PA, 'DI NI NGES PAR KHYED NYID KYIS NYES PA YIN TE, GANG GI PHYIR KHYED KYIS SKYE BA GZHAN DAG TU SBRANG MA LA RTZVA SHING GI TSAL PAS LUS KYI SMAD NAS PHUG STE, MCHU'I RTZE MOR PHYUNG NAS @35B GYEN DU 'PHEN PA BYAS PAS NA DE LAS 'BRAS BUR GYUR PA 'DI YIN NO ZHES SMRAS PA DANG, DRANG SRONG DE KHROS TE KHO BO NYID KYI NYES PAR BKAL GYIS, CHOS LA DMOD PA GDAB PAR BYA'O SNYAM NAS, GANG GI PHYIR KHO BO BRAM ZE'I DRANG SRONG YIN PA LAS SHIN TU GNOD PA BYAS PAS KHYOD GNOD SBYIN DU GYUR CIG ,GANG GI PHYIR NGA'I KUN DU SPYOD PA'I BYA BA MI SHES PAS DMANGS RIGS SU GYUR CIG ,GANG GI PHYIR KHO BO LA SKYE BO DAM PA MA YIN PA'I SPYOD PA BYAS PAS KHYIR SKYE BAR GYUR CIG CES BYA BA'I DRANG SRONG GI DMOD PA 'DIS CHOS 'DZAM BU'I GLING DU BABS TE, DE LAS RE ZHIG DMANGS RIGS NI BE DU RA'I YUL 'KHOR SRUNG GI SPUN ZLAR SKYES SO, ,'DOD PA CAN ZHES BYA BA'I DGON PAR DRANG SRONG RTZA'I THIG LE'I BSTI GNAS DANG NYE BAR GNOD SBYIN DU SKYES SO, ,KHYI NI 'DIR SKABS SU BSHAD PA YIN NO, ,DE NAS NI YANG TSE 'PHOS TE LHAR SKYES SO, ,DE LTAR NA SKYA BSENG GI BU DE RNAMS KYI MING BRJOD PA BYAS PAS KYANG BSOD NAMS CHEN PO BSAGS PA DANG LDAN PAR 'GYUR RO ZHES SO SO SKYE BO DAG SMRA'O ZHES 'JIG RTEN NA THOS SO, ,DE YANG, MKHAS PAS SKYA BSENG RNAMS KYI NI, ,MING NI BZUNG BA TZAM GYIS KYANG, ,BSOD NAMS CHE DANG LDAN PAR NI, ,'GYUR BA NYID DU THE TSOM MED, ,CES ZER BA YIN NO, ,BRJOD BYAS NA ZHES BYA BA NI, KUN DU BRJOD CING MING 'DZIN LA DE DANG LDAN PA'I GTAM BRJOD PAS ZHES BYA BA'I DON TO ,GANG BRJOD PAS SHE NA, SKYA BSENG BU NI ZHES BYA BA SMOS TE, RGYAL PO SKYA BSENG GI BU YIN PAS NA SKYA BSENG GI BU STE, G-YUL NGOR BRTAN PA LA SOGS PA'O, ,BSOD NAMS 'GYUR ZHES BYA BA NI BSOD NAMS LA SOGS PAR 'GYUR RO ZHES RGYAS PA SMRA'O, ,CI THAMS CAD KYI BRJOD PAS SAM, 'ON TE RE RE'I BRJOD PAS SHE NA, SO SO'I ZHES BYA BA SMOS TE, RE RE NAS ZHES BYA BA'I DON TO, ,GANG ZHIG BGROD MIN BGROD BYED PA, ,ZHES BYA BA LA, SPUN ZLA'I CHUNG MA NI BGROD PAR BYA BA MA YIN PA STE, DE LA GANG ZHIG BGROD PA DE DAG NI KHYED KYI BSTAN PA LA SHIN TU SMAD PA YIN PAS NA DE DAG NI BGROD MIN BGROD PA'O,, ,,SKEM BYED DBANG PO NYE DBANG PO, ,ZHES BYA BA LA SOGS PA LA, SKEM BYED NI SMIN DRUG GI BU'O, ,DBANG PO NI BRGYA BYIN NO, ,NYE DBANG NI NOR LHA'I BU'O, ,DRAG PO NI @36A *, ,DBANG PHYUG CHEN PO'O, ,SOGS KYI SGRAS NI 'DOD PA'I LHA DANG, TSOGS KYI BDAG PO LA SOGS PA GZUNG NGO, ,'JIGS PA NI BDAG NYID SKRAG PA'O, ,BSDIGS PA NI PHA ROL LA 'TSE BA STE, DE DAG GI PHYIR LAG NA MTSON CHA RTAG TU THOGS PA STE, 'DI LTAR SKEM BYED NI MDUNG THUNG, DBANG PO NI RDO RJE, NYE DBANG NI 'KHOR LO, DRAG PO NI RTZE GSUM, 'DOD PA'I LHA NI MDA' GZHU, TSOGS KYI BDAG PO NI DGRA STA 'DZIN PA LA SOGS PA'O, ,DE DAG 'JIGS PA DANG, BSDIGS PA'I LO RGYUS KYANG, GONG DU, RGAN POS KHYAB 'JUG MDA' YIS BSNUN, ,ZHES BYA BA DANG, LHA CHEN 'DOD PA CAN GYI MTSAN, ,ZHES BYA BA DANG, RNA CAN 'THAB DKA' LA SOGS PA, ,ZHES BYA BA DANG, KHYAB 'JUG DAG NI NAG BKRA BOS, ,ZHES BYA BA LA SOGS PA DANG, 'OG NAS KYANG, GZHON NU RANG GI ZHANG PO LA, ZHES BYA BA DANG, RGAN POS SBYAR BA'I 'JIGS SHES PAS, ,ZHES BYA BA DANG, KHYAB 'JUG GIS NI GNYEN 'DUN DAG ,CES BYA BA LA SOGS PA'I SKABS SU BSHAD PA NYID YIN NO, ,DPA' BO CHEN PO KHYOD NI BSNYENGS PA DANG BRAL BA STE, BDAG NYID LA DO ZLA MED PAR MKHYEN PAS 'JIGS PA DANG BRAL LA, SDIGS PAR MI MDZAD PA NI THUGS RJE CHEN POS RGYUD GANG BAS GZHAN LA GNOD PA MI MDZAD PA STE, SKYES PA'I RABS SNA TSOGS LAS JI LTAR 'BYUNG BA NYID 'DIR SBYAR BAR BYA'O, ,KHYOD NI SUS KYANG MI BSNYENGS PA, ,ZHES BYA BA LA SOGS PAS NI DE NYID BSHAD PA YIN TE, KHYOD NI ZHES BYA BA NI BDE BAR GSHEGS PA'O, ,MI BSNYENGS PA NI 'JIGS PA DANG, BAG TSA BA MED PA'O, ,GANG GIS MI 'JIGS SHE NA, SUS KYANG STE, 'JIG RTEN NA MNGON PAR MTHO BAR RLOM PA DGE SBYONG DANG, BRAM ZE DANG, BDUD DANG, TSANGS PA LA SOGS PAS 'JIGS PAR MI 'GYUR BA STE, 'JIGS PA'I RGYU MA LUS PA SPANGS PA'I PHYIR RO, ,GAL TE RANG NYID LA GNOD PA MED CING KHA BTZAN PA DAG PHAL CHER GZHAN LA GNOD CING, GDUNG BA SKYED PA YIN PAR 'JIG RTEN NA MTHONG PO SNYAM NA, KHO BO CAG GI STON PA 'DI LA DE LTA BU MI MNGA'O ZHES STON PA NI, SU LA'ANG BSDIGS PAR MI MDZAD PAS ZHES PA STE, DE'I PHYIR BDE BAR GSHEGS PA @36B KHYOD NYID GCIG PU RTZE GSUM LA SOGS PA'I MTSON CHA RNAMS MI BSNAMS PAS DBANG PHYUG LA SOGS PA'I 'GRO BA RNAMS LAS KHYAD PAR DU 'PHAGS SO ZHES BYA BA'I DON TO, ,'DIR SMRAS PA, GAL TE DBANG PHYUG LA SOGS PA DAG KYANG, MTSON CHA THAMS CAD SPANGS TE, DGON PAR DKA' THUB SPYAD PA DAG KYANG THOS LA, BDE BAR GSHEGS PA NYID KYANG RES 'GA' GNOD SBYIN DANG SRIN PO'I CHA BYAD DU BSGYUR NAS MTSON CHA BSREL ZHING GZHAN DAG TSAR GCOD PAR THOS TE DE DAG MTSUNGS PA MA YIN NAM ZHE NA, MI MTSUNGS TE, DBANG PHYUG DANG, KHYAB 'JUG LA SOGS PA DAG NI RANG BZHIN GYI LUS LA NYON MONGS PA BRNAG PAR MA NUS PA'I SPYOD PA YIN PAR KHO RANG GIS TSAD MAR KHAS BLANGS PA'I RIG BYED KYI CHA DAG LAS BYUNG LA, SANGS RGYAS BCOM LDAN 'DAS NI GZHAN GDUL BA'I PHYIR SPRUL PA'I LUS LAS SNYING RJE'I STOBS KYIS BCOS TE, ZHE SDANG LA SOGS PA DANG 'BREL PA'I SPYOD PA LTA BUR STON PA YIN PAS GA LA MTSUNGS, GAL TE DBANG PHYUG LA SOGS PA'ANG SPRUL PA'I LUS KYIS NYON MONGS PA DANG 'BREL PA LTA BUR STON PA YIN GYI, RANG BZHIN GYI LUS NI NYON MONGS PA ZHI BA NYID YIN NO SNYAM NA DE LTA YIN NA MI BRTZAD MOD KYI, 'ON KYANG KHYED RANG GI GZHUNG LAS, DBANG PHYUG CHEN PO'I RANG BZHIN GYI LUS NYID KYIS TSANGS PA BSAD PA DANG, KHYAB 'JUG GI ZHE SDANG GI BSAM PAS SGRA NGAN BRLAG PAR BYAS SO ZHES 'BYUNG BA LA SOGS PA RNAMS DANG 'GAL BAR 'GYUR RO, ,SMRA PO NYON MONGS BCAS PA'I TSIG ,CES BYA BA LA SOGS PA LA, SMRA PO NI RJOD PAR BYED PA PO'O; ,DE NYID NYON MONGS BCAS PA STE, RANG GI PHYOGS LA MNGON PAR ZHEN CING, GZHAN GYI PHYOGS LA ZHE SDANG LA, THAMS CAD DU BDAG TU 'DZIN PAS GZIR BA'I NYON MONGS PA GSUM DANG RJES SU 'BREL BA GANG YIN PA'O, ,DES BYAS PA'I DAG NI DE'I TSIG STE, RIG BYED LA SOGS PA'O; ,DE NYID RIG BYED LA SOGS PA'ANG YIN LA, TSIG KYANG YIN PAS RIG BYED LA SOGS PA'I TSIG STE, NGES BRJOD LA SOGS PA'I RIG BYED DO, ,SOGS KYI SGRAS RGYAS PAS SBYAR BA'I SKYA BSENG GI RABS DANG, GROG MKHAR GYIS SBYAR BA'I DGA' BYED KYI 'JUG PA LA SOGS PA GZUNG NGO, , @37A *, ,GAL TE SKYA BSENG GI RABS LA SOGS PA DAG SKYES BUS BYAS PA'I TSIG NYID YIN DU CHUG KYANG, RIG BYED NI NYES PA THAMS CAD KYI RGYU SKYES BUS MA BYAS PAS SKYES BU'I TSIG GA LA YIN SNYAM NA, 'DI NI CHES MA 'BREL TE, 'DI LTAR RIG BYED KYANG SKYES BU'I TSIG YIN TE, SKYES BU'I 'DU BYED PA LAS BYUNG BA'I PHYIR, DPER NA DGA' BYED KYI 'JUG PA BZHIN ZHES BYA BA LA SOGS PAS SHES PAR NUS TE, 'DI'I SPROS PA RE ZHIG GZHAG GO, ,PHAL CHER LTAG 'OG 'GAL BA LAGS, ,ZHES BYA BA LA, PHAL CHER NI MANG PO ZHIG GO, ,LTAG 'OG 'GAL BA NI GONG 'OG GI TSIG PHAN TSUN GNOD PA YOD PA STE, DE'I RGYU 'CHAD PA PO NYON MONGS PA DANG BCAS PA YIN PAR DGONGS SO, ,KHYOD KYI GSUNG LA 'GAL BA MED DO ZHES BAR GYI TSIG MI MNGON PA'I BSDU BAR SBYAR TE, DPER NA ZHO'I BUM PA ZHES BYA BA LTA BU'O, ,'GAL BA MED PAR CIS MNGON ZHE NA, THAMS CAD MKHYEN PA'I GSUNG ZHES SMOS TE, NYON MONGS PA DANG, SHES BYA'I SGRIB PA ZAD PAS SHES BYA THAMS CAD LA DBANG 'BYOR BA BRNYES PA'I GSUNG YIN PA'I PHYIR ZHES BYA BA'I DON TO, ,GZHAN GYI BSTAN BCOS GZHAN DAG NI, ,ZHES BYA BA LA, GZHAN GYI BSTAN BCOS NI SER SKYA DANG, GZEGS ZAN LA SOGS PAS BSHAD PA'I GRANGS CAN DANG, RIGS PA CAN LA SOGS PA'O, ,GZHAN DAG NI GZHAN JI SNYED PA DE DAG THAMS CAD CES BYA BA'I DON TO, ,PHAL CHER SNGA PHYI'I 'GAL BA LAGS, ,ZHES BYA BA NI 'DI LTAR GTZO BO RTAG PAR 'DOD LA, DE NYID THAMS CAD KYI RGYUR YANG 'DOD PA LTA BU STE, RTAG PA RGYUR 'GYUR BA SHIN TU 'GAL BA DANG, RIGS PA CAN NI BDAG BEMS PO YANG YIN LA, YUL LA LONGS SPYOD PA PO YANG YIN NO ZHES ZER BA DANG, RIG BYED PA NI RIG BYED DAG GI 'DU BYED PA'ANG YIN LA, SKYES BUS MA BYAS PHA YANG YIN NO ZHES 'DOD PA DANG, GZHAN YANG KHYAB 'JUG DANG, DBANG PHYUG LA SOGS PA'I LHA CHEN PO DE DAG NI, THAMS CAD MKHYEN PAR 'DOD BZHIN DU PHUNG KHROL DPAG TU MED PA LA ZHUGS NAS, PHYIS 'GYOD BZHIN DU DE SEL BA'I THABS LA ZHUGS PAR 'DOD PA STE, BDE BAR GSHEGS PA DAG GIS MTHONG NA BZHAD @37B GANG DU 'GYUR BA DU MA SMRA BA YIN NO, ,KHYOD NYID KYI NI GZHUNG LUGS DAG ,CES BYA BA NI BDE BAR GSHEGS PA KHYOD NYID KYIS GSUNGS PA'I GZHUNG LUGS SDE SNOD GSUM GYI BDAG NYID CAN GANG YIN PA DE LA NI, THOG MA BAR MTHAR SKYON MA MCHIS, ,ZHES SBYAR TE, THOG MAR GSUNGS PA'I TSIG DE BAR DANG THA MAR GSUNGS PA'I TSIG GIS MI GNOD CING, DE BZHIN DU SBYAR TE, BAR DANG THA MAR GSUNGS PA DE LA SNGA PHYI DANG GONG MA DAG GIS MI GNOD PA'ANG YIN LA, RANG GI NGO BO'I TSIG GANG YIN PA DE LA'ANG RIGS PAS GNOD PA 'GA' YANG YOD PA MA YIN NO, ,YANG NA THOG MA BAR MTHA' NI THOS PA DANG; BSAM PA DANG, BSGOM PA DAG GI RUS NA RIGS PA DAG GIS MI GNOD PA'I PHYIR, SKYON MED PA YIN NO ZHES KYANG SBYAR TE, HA CANG YI GE'I DON MA YIN NO, ,CHOS 'DOD PA DAG DMANGS RIGS LA, ,ZHES BYA BA LA SOGS PA LA, CHOS SMRA BAR 'DOD PA'I GANG ZAG RGYAL DPOG PA LA SOGS PA DAG ,DMANGS RIGS LA BLO GROS TE PHYIN CI MA LOG PA'I DE KHO NA NYID SBYIN BYA MIN TE, BSHAD PA'I SNOD MA YIN NO ZHES ZER RO, ,'DI LTAR DMANGS RIGS LA RIG BYED 'DON NA DMYAL BAR LTUNG NGO ZHES 'CHAD DO, ,DE LTAR 'CHAD PA'I RGYU YANG DMANGS RIGS LA SOGS PA THAMS CAD THUN MONG DU GYUR NA; BRAM ZE RNAMS LA GZHAN GUS PAR MI 'GYUR BAS DES NA PHRAG DOG GIS DE SKAD SBYAR BA YIN NO, ,KHYOD NI GDOL PA RNAMS LA'ANG, ,ZHES BYA BA NI BDE BAR GSHEGS PA KHYOD NI GDOL PA NI NYE BAR MTSON PA STE, LHAM MKHAN DANG, NYA BA LA SOGS PA RIGS MED PA RNAMS GZUNG NGO, ,'ANG GI SGRAS NI RGYAL RIGS LA SOGS PA RNAMS BSDU'O, ,THUGS RJES DAM CHOS STON PAR MDZAD, ,CES BYA BA NI THUGS RJE KHO NAS ZHES BYA STE, THUGS RJE KHO NAS DAM CHOS STON GYI GRAGS PA DANG KHE'I PHYIR MA YIN NO ZHES BYA BA'I DON TO, ,'DI LTAR, NA BA'I BU LA KHYAD PAR DU, MA NI GDUNG BA SKYE BA LTAR; ,DE BZHIN BYANG CHUB SEMS DPA' YANG, ,DAM PA MIN LA KHYAD PAR BRTZE, ,ZHES BSHAD PA LTA BU'O, ,LJON SHING BZANG PO ZHES BYA BA LA SOGS PA LA, LJON SHING YANG YIN LA BZANG PO YANG YIN PAS NA LJON SHING BZANG PO STE, LO MA DANG, ME TOG DANG, 'BRAS BU PHUN SUM @38A *, ,TSOGS PA GANG YIN PA'O, ,DE SPANGS TE ZHES BYA BA NI DOR NAS ZHES BYA BA'I DON TO, ,NGAN PA NI SHING AE RAndA LA SOGS PA STE DE LA NI SU ZHIG BSTEN ZHES BYA STE, DPYOD PA DANG LDAN PA SU ZHIG LEN PAR BYED DE, MI BYED DO, ,DE NYID DON LA SBYAR BA NA, 'DOD CHAGS BRAL BRNYES ZHES BYA BA NI NYE BAR MTSON PA STE, NYON MONGS PA MTHA' DAG DANG BRAL BA'I CHOS THOB PA NYID GZUNG NGO, ,DE GANG LA YOD PA'I BDE BAR GSHEGS PA KHYOD BZHUGS BZHIN DU, MKHAS PA SU ZHIG NYON MONGS PA'I 'DAM DU BYING BA'I SER SKYA DANG, GZEGS ZAN LA SOGS PA'I STON PA GZHAN LA 'DUD CING PHYAG 'TSAL BAR BYED DE, MI BYED CES BYA BA'I DON TO, ,SER SKYA YUL RNAMS LA SPYAD BZHIN, ,ZHES BYA BA LA, SER SKYA NI GRANGS CAN GYI STON PA'O, ,YUL RNAMS LA SPYAD PA NI YUL GZUGS LA SOGS PA 'DOD PA'I BDE BA LA LONGS SPYOD BZHIN DU YE SHES TE YANG DAG PA'I DE KHO NA NYID MTHONG BAR 'GYUR BA'O, ,'DI YANG GONG DU, SER SKYAS BDAG GI MTSAN NYID NI, ,ZHES BYA BA'I SKABS SU BSHAD PA LTAR RO, ,MCHI ZHES BYA BA NI DE SKAD GRAG CES BYA BA'I DON TE, MA RANGS PA'I TSIG GO, ,SDIG BRAL BA ZHES BYA BA NI BOD PA STE, MI DGE BA THAMS CAD ZAD PA'I BDE BAR GSHEGS PA KHYOD KYIS SO, ,KUN NAS NYON MONGS LA, THAR PA GA LA YOD CES GSUNGS ZHES BYA BA NI, SEMS GANG LA KUN NAS NYON MONGS PA YOD PAR ZHES 'BRU MANG PO PA'I BSDU BAR SBYAR RO, ,THAR PA NI SDUG BSNGAL THAMS CAD LAS GROL BA'I MYA NGAN LAS 'DAS PA'O, , GA LA YOD CES BYA BA NI SPONG BA'I TSIG STE, MED CES BYA BA'I DON TO, ,GSUNGS PA NI BKA' STZAL PA STE, MDO SDE DAG LAS JI SKAD DU, 'DOD PA'I YON TAN LNGA LA BRTEN NA BAR DU GCOD PA'I CHOS SU 'GYUR RO ZHES 'BYUNG BA LTA BU'O, ,BSOD NAMS BYAS PA'I TSOGS DAG NI, ,ZHES BYA BA LA SOGS PA LA, BSOD NAMS NI SBYIN PA LAS BYUNG BA'I BSOD NAMS BYA BA'I DNGOS PO LA SOGS PA YIN LA, BYAS PA NI LUS DANG, NGAG DANG, YID KYIS MNGON PAR 'DUS BYAS PA GANG YIN PA'O, ,TSOGS NI MANG DU BSGRUBS PA'O, ,DE DAG NI SEMS CAN RNAMS LA YONGS SU BSNGO @38B BAR BCOM LDAN 'DAS KYIS GANG GSUNGS PA NI JI SKAD DU, DUS GSUM DANG RJES SU 'BREL PA'I DGE BA'I RTZA BA THAMS CAD SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O, ,ZHES BYA BA LA SOGS PA RGYA CHER 'BYUNG BA DE LTA BU NI GZHAN SER SKYA DANG, GZEGS ZAN LA SOGS PA'I GZHUNG LUGS KYI BSTAN BCOS RNAMS LAS CHA TZAM YANG MA BSHAD DO, ,LHA RTEN DANG NI MCHOD SBYIN LA, ,ZHES BYA BA LA SOGS PA LA, LHA RTEN NI DBANG PHYUG DANG, AU MA LA SOGS PA'I GZUGS BRNYAN NO, ,MCHOD SBYIN NI MI BSAD DANG, RTA BSAD LA SOGS PA'I MCHOD SBYIN NO, ,LA ZHES BYA BA NI BDUN PA'I SGRA STE, GNYIS KA'I MTHAR SBYAR LA, DE YANG LHA RTEN LA SEMS CAN RNAMS GSOD PA ZHES SBYAR NA, YUL GYI BDUN PAR 'GYUR LA, MCHOD SBYIN LA SEMS CAN GSOD PA ZHES SBYAR NA, DUS KYI BDUN PAR 'GYUR RO, ,GSOD PA'I TSUL YANG, RIG BYED KYI GZHUNG LAS, BAR GYI DUS LA BAB PA NA, ,BYOL SONG DRUG GAM BDUN SBYAR BYA, ,RTA YI GTZANG MA'I RIGS YIN TE, ,MIN NA BYOL SONG GSUM GYIS O, ,RE RE LA YANG GRONG GI MI, ,BYOL SONG BCU DRUG BCU DRUG SBYIN, ,CHO GA BZHIN DU MCHOD SDONG GZUGS, ,BAR DU BCU DANG BDUN SBYIN BYA, ,ZHES BYA BA DANG, BRAM ZE LA NI BRAM ZE BSAD, ,RGYAL RIGS LA NI RGYAL RIGS BSAD, ,MA RU DAG LA RJE RIGS TE, ,DKA' THUB DAG LA DMANGS RIGS SO, ,ZHES BYA BA LA SOGS PA'I GZHUNG 'JIG RTEN PA CHOS SU 'DOD PA'O, ,KHYOD KYI BSTAN LA DE SMAD LAGS, ,ZHES BYA BA NI, BDE BAR GSHEGS PA KHYOD KYI BSTAN PA LA DE DAG SMAD PA STE, JI SKAD DU, SROG GCOD PA'I LAS KYI RNAM PAR SMIN PA NI SEMS CAN DMYAL BA DANG ZHES BYA BA LA SOGS PA RGYA CHER 'BYUNG BA LTA BU'O, ,DE LA 'DI SNYAM DU, SROG GCOD PA SPYI TZAM CHOS MA YIN MOD; MCHOD SBYIN GYI DUS SU RIG BYED LAS 'BYUNG BA'I CHO GA PHUN SUM TSOGS PAS BSAD PA NI CHOS YIN NO SNYAM NA MA YIN TE, CHOS GANG ZHIG SROG CHAGS LA RTAG TU GNOD PA GANG YIN PA DE NI RIG BYED LAS 'BYUNG NGAM, DRANG SRONG GIS BSHAD DAM, MCHOD SBYIN GYI DUS SU'ANG RUNG STE, DE LTA @39A *, ,BU'I TSUL DE LA CHOS NYID GA LA YOD DE MED DO, ,CI'I PHYIR ZHE NA, CHOS NI NGAN SONG DU LHUNG BA LAS 'DZIN PA'AM, 'PHOS NAS BDE BA STER BAR BYED PA'I DON GYIS NA DHARM'A ZHES BYA BA YIN LA, MI BSAD KYI MCHOD SBYIN LA SOGS PA NI DE LAS BZLOG PA'I PHYIR RO, ,JI LTAR ZHE NA, GZHAN LA GNOD PA YIN PA'I PHYIR TE, DPER NA GDOL BA'I BYA BA BZHIN NO, ,DE LTAR YANG DRANG SRONG RGYAS PAS MCHOD SBYIN GYI BSNGAGS PA BRJOD PA NA, DE'I BU NE TZOS SMRAS PA, MCHOD SDONG BTZUGS TE PHYUGS BSAD NAS, KHRAG GIS 'DAM NI BYAS GYUR PA, ,DES KYANG MTHO RIS 'GYUR NA GO, , DMYAL BAR GANG GIS 'GYUR BA GSUNGS, ,ZHES SMRAS PAR GRAG GO, ,DE'I PHYIR GTZO BO KHYOD KYIS NI GZHAN LA GNOD PA LTA ZHOG GI, RANG NYID KYI SROG GIS SEMS CAN LEGS PAR BSRUNGS TE, GLANG PO CHE'I SKYES PA'I RABS LA SOGS PA DPER BRJOD PAR BYA'O, ,'O NA MCHOD SBYIN GYI CHO GA CHOS SU MI RUNG NA, PHYIN CI MA LOG PA'I CHOS DE GANG YIN PAS SMROS SHIG CE NA, SMRAS PA, SH'AKYA'I RGYAL RIGS 'KHRUNGS KHYOD KYI, ,ZHES BYA BA LA SOGS PA STE, SH'AKYA NI KHYIM PA'I PHYOGS KYI RIGS RNAMS KYI BLA MA SMOS PA'O, ,DE YANG RGYAL PO MANG POS BKUR BA ZHES BYA BA NAS BRTZAMS TE, RGYAL RABS SA YA PHRAG GCIG DANG, KHRI PHRAG GCIG DANG, DGU STONG DANG, BZHI BRGYA DANG, BRGYAD CU GYA DGU 'DAS PA NA, ,GRONG KHYER GRU 'DZIN ZHES BYA BAR, ,RGYAL PO BU RAM SHING PA 'PHAGS SKYES PO ZHES BYA BA BYUNG NGO, ,DE LA BU LNGA STE, SKAR MDA' GDONG, LAG NA GLANG PO CHE 'DUL, RKANG GDUB CAN, RGYAL SRID DGA'O, ,DE'I TSE BA BZHIS GRONG KHYER SER SKYA BZUNG NAS SHIN TU PHOD PA CHE BAS SH'AKYA ZHES GRAGS SO, ,DE'I RGYUD YIN PAS NA SH'AKYA'I RGYAL RIGS SO, ,DER 'KHRUNGS PA NI BSAMS BZHIN DU SKYE BA BZHES PA'O, ,BDEN PA NI RANG GI NGO BO PHYIN CI MA LOG PA'O, ,MI SLU BA NI ZHUGS PA YID CHES PA SKYED PA'O, ,TSANGS PAR SPYOD PA NI DBANG PO'I SGO BSDAMS PA'O, ,DUL BA NI MTSAN MA DANG, RNAM PAR RTOG PA ZHI BA'O, ,BRTZER LDAN NI PHA ROL LA PHAN PAR SBYOR BA STE, TSUL DE LTA BU NI KHYOD KYI DAM PA'I CHOS LAGS PAR DGONGS @39B KYI; NYE BAR 'TSE BA NI MA YIN NO ZHES BYA BA'I DON TO, ,RIG BYED MTHA' LA 'BYAMS PAS KYANG, ,ZHES BYA BA LA SOGS PA LA, RIG BYED MTHA' DAG LA 'BYAMS PAR SHES PA NI RGYAS PA LA SOGS PA STE, DE DAG KYANG G-YUL NGO STE 'THAB SAR DGRA 'ONGS NA BSAD PAR SMRA STE, DE YANG GONG DU, KHROS PAS G-YUL NGOR BSAD BYAS NA, ,ZHES GSUNGS PA LTA BU'O, ,BDE BAR GSHEGS PA KHYOD NI DGRA LA'ANG SNYING RJE KHO NA BYA BAR GSUNGS TE, BZOD PAR SMRA BA'I SKYES PA'I RABS DPER SBYAR BAR BYA'O,, ,,GZHON NUS RANG GI ZHANG PHO LA, ,ZHES BYA BA LA SOGS PA LA, SKEM BYED KYI SNGON GYI GTAM RGYUD LAS 'DI LTAR THOS TE, RI KHA BA CAN LA NYA CAN DANG, DUR BA ZHES BYA BA'I BU GNYIS YOD DE, RI BO DUR BA NI SHIN TU YANG NYAMS DGA' BA YIN PAS, RI RAB KYANG ZIL GYIS MNAN NAS LHAG PAR GNAS SHING, PHRAG DOG CAN YIN PAS GRUB PA GANG LA YANG SKABS MI 'BYED DO, ,DE NAS GRUB PA'I LHA RNAMS KYIS BSAMS PA, KHO BO CAG DER 'DUG NAS 'DOD PA'I BDE BA SPYOD PAR NAM ZHIG 'GYUR SNYAM ZHING 'DOD PA DANG BCAS PAR GYUR PA DANG, GZHON NU RI BO TI SEN BSTOD PA BYED CING 'DUG PA'I GAN DU SONG STE GSOL BA BTAB PA, CI NAS KYANG RI BO DUR BAR BDAG CAG RNAMS CHUNG MA DANG LHAN CIG 'DOD PA'I BDE BA SPYOD PAR 'GYUR BA DE LTAR GYIS SHIG CES SMRAS PA DANG, GZHON NUS BSAMS PA, GZHAN GYIS GSOL BA NGOR BZLOG PA, ,SOG 'DOR BAS KYANG SMAD BYA YIN, ,DE BAS 'DI YI LAS LA NI, ,DA NI KUN TU BRTZON PAR BYA, ,SNYAM NAS, DE SONG STE BSNYEN BKUR CHEN POS RI BO DUR PA LA GSOL BA BTAB PA, DUR PA KHO BO'I GSOL BA BYA BA GCIG CIG NGES PAR SPYAD PAR GYIS SHIG ,DES SMRAS PA, CI ZHIG ,GZHON NUS SMRAS PA, GRUB PA RNAMS KYIS SKABS RNYED PA'I PHYIR RJES SU BRTZE BAR GYIS SHIG CES SMRAS PA DANG, SMRAS MA THAG TU KHRO BAS DREGS PAR GYUR PA'I GDONG GIS KHRO GNYER BSDUS PA'I BZHIN DANG, NGA NI SU LA'ANG GO SKABS MI 'BYED DO ZHES SMRAS PA DANG, GZHON NUS 'BAD PA SNA TSOGS BYAS KYANG DON DE MA GRUB PAS, DE'I TSE DE DANG LHAN CIG 'THAB PAR BRTZAMS SO, ,GTAM 'DI LHA MO AU MAS THOS PA DANG, BU LA GTZES PAR @40A *, ,DOGS PA'I SDUG BSNGAL DANG LDAN PAS LAG PA 'GRAM PA LA GTAD DE MYA NGAN GYIS GNAS PAR GYUR CING, 'DI LTA BU'I RNAM PAR 'KHRUG PA BYUNG BA LAS NAS GSUM MTHA' DAG 'KHRUG PAR MI 'GYUR RAM SNYAM MO, ,TI SE DANG, SA HYA DANG, 'BIGS BYED DANG, MA LA YA LA SOGS PA'I RI BO RNAMS KYANG DER SONG STE SMRAS KYANG, RTZOD PA DE ZHI BAR BYA MA NUS SO, ,DE NAS GZHON NU KHRO BO'I GDON GYIS 'KHRUGS SHING KHROS PA'I SEMS KYIS RNAM PAR MA DPYAD PAR MDUNG 'PHANGS PAS 'DI GZHIG PAR NUS SO SNYAM NAS, GZHON NU KHROS PAS CI NAS KYANG RI BO DUR PA DUM BU GNYIS SU GYUR PA DE LTAR BSNUN NO, ,DE YANG GSHONG CHEN POR GYUR NAS DER RIG 'DZIN GRUB PA RNAMS RANG GI CHUNG MA RNAMS DANG LHAN CIG TU RANG DGAR 'DOD PA'I BDE BA SPYAD PAR BYAS SO, ,GZHON NU ZHES BYA BA NI KARTI KAS SO, ,RANG GI ZHANG PO ZHES BYA BA NI RI BO DUR PA STE, MA'I SPUN ZLA'O, , DE LA GANG GIS BSNUN ZHE NA, MDUNG GIS ZHES BYA BA SMOS TE, MDUNG RTZE GCIG PAS SO, ,BSNUN ZHES BYA BA NI DUM BU GNYIS SU BYAS PA'O, ,BKA' MCHID GDA' ZHES BYA BA NI GTAM DU GRAGS PA THOS PA'O, ,DPA' CHEN ZHES BYA BA NI BOD PA STE, DPA' BA CHEN PO DANG LDAN PAS NA DPA' BO CHEN PO'O, ,KHYOD KYIS ZHES BYA BA NI BCOM LDAN 'DAS KYIS SO, ,NYON MONGS PA'I DRA BA ZHES BYA BA NI MTHONG BA DANG, BSGOM PA'I LAM GYIS SPANG BAR BYA BA RNAMS TE, BAG LA NYAL GYI TSOGS ZHES BYA BA'I DON TO, ,NYON MONGS PA'I TSOGS DE CI ZHIG LTAR MDZAD CE NA, DRAL ZHES BYA BA SMOS TE, RNAM PAR BCOM ZHING BSHIG LA SPANGS PA ZHES BYA BA'I DON TO, ,GANG GIS DRAL ZHING ZAD PAR MDZAD CE NA, SHES RAB MTSON GYIS ZHES BYA BA SMOS TE, YE SHES KYI MDUNG GIS ZHES BYA BA'I DON TO, ,DE YANG BCOM LDAN 'DAS KYIS, GLOG DANG 'DRA BA'I SEMS RDO RJE LTA BU'I TING NGE 'DZIN GYIS NYON MONGS PA'I TSOGS RNAMS BSAD DO ZHES GSUNGS PA YIN NO, ,KHYAB 'JUG DAG GIS RANG NYID KYI, ,ZHES BYA BA LA SOGS PA LA, RANG NYID KYI PHO BRANG GI SLAS YIN PAS NA RANG NYID KYI SLAS TE, BTZUN MO'I 'KHOR GYI TSOGS ZHES BYA BA'I DON TO, ,YONGS SU @40B BSKYAB MI NUS ZHES BYA BA NI YONGS SU BSRUNG BAR MI NUS PA'I DON TO, ,GANG GIS MI NUS SHE NA, KHYAB 'JUG GIS SO, ,'DIR GTAM DU BYA BA NI, RGAN POS KHYAB 'JUG MDA' YIS BSNUN, ,ZHES BYA BA'I SKABS SU BSHAD ZIN TO, ,GTZO BO KHYOD KYIS ZHES BYA BA NI BOD PA'O, , SEMS CAN KUN ZHES BYA BA NI KHAMS GSUM PAR GTOGS PA STE, DE RNAMS BSKYAB PA'I DON DU ZHES BYA BA PHAN PAR MDZAD CING BSKYANG BA ZHES BYA BA'I DON TO, ,RTAG TU BRTZON ZHES BYA BA NI DUS RTAG PAR RGYUN DU BRTZON ZHING 'BAD PAR MDZAD PA STE, DE YANG NYIN LAN GSUM MTSAN LAN GSUM DU SANGS RGYAS KYI SPYAN GYIS 'JIG RTEN RNAMS LA, SU NI 'PHEL, SU NI 'GRIB CES GZIGS PAR MDZAD DO ZHES BYA BA LA SOGS PA GSUNGS PA YIN NO, ,RGAN POS SBYAR BA'I 'JIGS SHES NAS, ,ZHES BYA BA LA SOGS PA LA, 'DI LTAR RJES SU THOS TE, RGAN POS SBYAR BA ZHES BYA BA'I LHA MA YIN ZHIG YOD PA DANG, DE KHYAD PAR GYI DKA' THUB LA SPYAD PAS TSANGS PA CHEN PO LAS 'JIG RTEN GSUM GYI BDAG POR GYUR PA'I MCHOG BLANGS NAS DES BSAMS PA, KHYAB 'JUG NI KUN LAS RGYAL BAR 'DOD CES THOS KYIS, DE BAS NA DE DANG POR BRLAG PAR BYA STE, DE BRLAG NAS GEGS MED PAR SA GSUM RNAM PAR GNON PAR BYA'O SNYAM NAS, KHYAB 'JUG BSAD PA'I PHYIR BRTZON PAR BYED PA DANG, KHYAB 'JUG NI BCOM BRLAG NA 'DUG GO ZHES THOS NAS DES RING PO NYID NAS DBYUG PA CHEN PO CIG 'PHANGS TE, DE'I RJES LA BDAG NYID CHAS SO, ,DE NAS DBYIG PA 'PHANGS PA'I SGRA THOS BAS DE 'ONG BAR KHYAB 'JUG GIS SHES NAS 'CHI BA'I 'JIGS PAS BCOM BRLAG BTANG STE, RGYA MTSO'I NANG DU SGOR LDAN GYI GRONG KHYER YOD PA DER SONG BAR GYUR TO, ,RGAN POS SBYAR BA'I 'JIGS PA YIN PAS RGAN POS SBYAR BA'I 'JIGS PA'O, ,SHES PA NI RTOGS PA'O, ,SU ZHIG GIS SHE NA, KHYAB 'JUG GIS SO, ,GANG GIS BTANG ZHE NA, BCOM BRLAG BTANG ZHES BYA BA SMOS TE, BCOM BRLAG CES BYA BA'I GRONG KHYER BTANG ZHING SPANGS PAR GYUR PA'O, ,THUB PA KHYOD LA BSNYENGS BGYID GANG, ,ZHES BYA BA LA, THUB PA KHYOD CES BYA BA NI BOD PA'O, ,BSNYENGS BGYID GANG ZHES BYA BA NI @41A *, ,GANG LAS BSNYENGS SHING 'JIGS PA BYED PA'O, ,SEMS CAN DE NI 'GA' MA MCHIS, ,ZHES BYA BA NI 'JIG RTEN GSUM PO DAG NA 'GRO BA DE LTA BU 'GA' YANG MA MCHIS PA'O, ,DE YANG 'DIR BA KU LA'I MDO DPER BRJOD PAR BYA STE, BA KU LA DE BZHIN GSHEGS PA 'JIGS PAR BYAD PA DE NI YOD PA MA YIN NO ZHES BYA BA LA SOGS PA RGYA CHER BRJOD PA YIN NO, ,KHYAB 'JUG GIS NI ZHES BYA BA LA SOGS PA LA, KHYAB 'JUG GIS NI ZHES BYA BA NI KHYAB 'JUG RMONGS PAR GYUR PAS ZHES BYA BA'I DON TE, GAL TE MA 'GAGS PA LA SOGS PAS DRANG SRONG GNAS NGAN LA BSNYEN BKUR MA YIN PA MI BYED DE, DE RNAMS 'DI LTAR BRLAG PAR MI 'GYUR BA'I PHYIR RO, ,GNYEN 'DUN DAG CES BYA BA NI KHYAB 'JUG GI GNYEN BIshnU RNAMS TE, DE RNAMS BRLAG CING GTUGS PAR GYUR PA'O, ,'DIR GTAM DU BYA BA NI, RGAN POS KHYAB 'JUG MDA' YIS BSNUN, ,CES BYA BA'I SKABS SU BRIS PA YIN NO, ,YANG BCOM LDAN 'DAS KHYED KYIS NI, GNYEN 'DUN THAMS CAD NI ZHES BYA BA NYE DU'I TSOGS THAMS CAD DO, ,'KHOR BA LAS NI ZHES BYA BA NI, SRID PA'I BTZON RA LAS SO, ,RNAM PAR BKROL ZHES BYA BA NI MYA NGAN LAS 'DAS PA THOB PAR MDZAD DO ZHES BYA BA'I DON TO, ,'DIR YAB DANG SRAS MJAL BAR BRE BO ZAS LA SOGS PAS KHYAD PAR RTOGS PAR MDZAD PA DANG, YUM LA CHOS STON PA'I PHYIR SUM CU RTZA GSUM GYI GNAS SU GSHEGS PA LA SOGS PA THAMS CAD SBYAR BAR BYA'O,, ,,MU STEGS GZHAN GYI GZHUNG LUGS LA ZHES BYA BA LA SOGS PA LA, MU STEGS GZHAN GYI ZHES BYA BA NI 'DI LAS PHYI ROL DU GYUR PA'O, ,GZHUNG LUGS LA ZHES BYA BA NI GRUB PA'I MTHA' LA'O, ,JI LTA JI LTAR ZHES BYA BA NI BZLAS PA STE, JI SRID JI SRID DU ZHES BYA BA'I DON TO, ,RNAM BSAMS PA ZHES BYA BA NI RNAM PAR DPYANG PA'O, ,DE LTA DE LTAR ZHES BYA BA NI DE SRID DE SRID DU'O, ,MGON PO KHYOD LA ZHES BYA BA NI BOD PA'O, ,BDAG GI SEMS NI DAD PAR GYUR, ,CES BYA BA NI, DAD PA DANG LDAN ZHING YID DANG PA DANG LDAN PAR GYUR TO ZHES BYA BA'I DON TO, ,DE LTAR THAMS CAD MKHYEN MIN PA'I, ,ZHES BYA BA LA SOGS PA LA, DE LTAR @41B ZHES BYA BA'I SGRA NI, SNGAR SMRAS PA'I NYES PA'I RNAM PA STON TE, DES ZIN CING DBANG DU BYAS LA DRANGS PA'I SEMS DANG LDAN PA GANG YIN PAR NI 'DI LTAR SEMS PA'O, ,THAMS CAD MKHYEN MIN PA'I ZHES BYA BA NI THAMS CAD MKHYEN PA NYID MA YIN PA STE, SER SKYA LA SOGS PA'O, ,DES BYAS PA'I GRUB PA'I MTHA' NI THAMS CAD MKHYEN PA MA YIN PA'I GRUB PA'I MTHA' ZHES BYA'O, ,DE'I SKYON YIN PAS NA THAMS CAD MKHYEN PA MA YIN PA'I GRUB PA'I MTHA' SKYON NO, ,BSAM BRLAG RNAMS KYI ZHES BYA BA NI BYIS PA STE, BLO GROS YOD PA MA YIN PA GANG YIN PA DE LA BSAM BRLAG CES BYA'O, ,SKYON MED PA'I STON PA KHYOD KYANG MI MTHONG NGO ZHES BYA BA LA, SKYON MED PA NI NYON MONGS PA'I SKYON MA LUS PA BAG CHAGS DANG BCAS PA SPANGS PA YIN PAS SO, ,STON PA ZHES BYA BA NI LHA DANG MI RNAMS LA STON PA MDZAD PA'O, ,KHYOD CES BYA BA NI SANGS RGYAS BCOM LDAN 'DAS SO, ,MI MTHONG NGO ZHES BYA BA NI MA RTOGS PA'O, ,'JIG RTEN LHA DANG BRAM ZE DANG, ,ZHES BYA BA LA SOGS PA LA, MU STEGS PA'I 'JIG RTEN 'DI DAG NI 'DI SKAD CES SMRA STE, SH'AKYA'I BU 'DI NI LHA DANG BRAM ZE DANG, RIG BYED LA SDANG NGO ZHES SMRA'I, RANG NYID SKYON BYED PA NI DE LTA NA'ANG SEMS PAR MI BYED CING, RTOGS PAR MI BYED DO, ,DE YANG 'DI LTAR 'JIG RTEN PA RNAMS MA DAD PA'I DBANG GIS GANG DAG DRAN PA'AM RNAM PAR RTOG PA DE THAMS CAD SNGON DANG PHYI MA'I MTHA' MI RTOG PAR DE RNAMS TSIG GIS SGRO 'DOGS PAR BYED LA, SH'AKYA DE YANG SNGON DANG PHYI MA'I MTHA' MI RTOG PAR DE RNAMS TSIG GIS SGRO 'DOGS PAR BYED LA, SH'AKYA DE YANG SNGON DANG PHYI MA'I MTHA' BLTAS TE, 'BREL PA MED CING SNYING PO MED PAR SHES NAS DE LTAR STON MOD KYI, DE NYES PA DANG BCAS PAR GYUR PA MA YIN GYI, 'JIG RTEN 'DI LTA BUR GYUR PA NYID SKYON DANG BCAS PA YIN NO, , GZHAN YANG BDAG CAG LTA BU'I SKYE BO DAG CI'I PHYIR KHYED KYI BSTAN PA LA DGA' BAR BYED CE NA, GANG SLAD KHYED KYI BSTAN PA NI, ,ZHES BYA BA LA SOGS PA SMOS TE, GANG SLAD CES BYA BA NI GANG GI PHYIR RO, ,KHYED KYI BSTAN PA NI ZHES BYA BA NI SANGS RGYAS BCOM LDAN 'DAS KYI GSUNG RAB PO, , @42A *, ,BDE BA ZHES BYA BA LA NI THAR PA'I BDE BA'AM, MTHO RIS LA SOGS PA'I BDE BA'O, ,BDE NYID CES BYA BA NI RJES SU MTHUN PA'I THABS KYIS LAM NYID KYIS SO, ,THOB BGYID PA ZHES BYA BA NI RNYED PAR BYED PA'O, ,DE SLAD CES BYA BA NI DE'I PHYIR RO, ,SMRA BA'I SENG GE ZHES BYA BA NI BOD PA STE, SMRA BA'I SENG GE KHYED KYIS ZHES BYA BA'I DON TO, ,GZHUNG LUGS ZHES BYA BA NI BSTAN PA STE, DE LA DGA' BA'O, ,SU ZHIG CE NA, 'GRO 'DI ZHES BYA BA SMOS TE, BDAG CAG LTA BU'I SEMS CAN DAG GO, ,DGA' ZHING ZHES BYA BA NI DANG ZHING MOS PA'O, ,BSTOD PA LAS BYUNG BA'I BSOD NAMS BSNGO BAR BYA BA'I PHYIR, KHYED KYI YON TAN YANG DAG PA, ,ZHES BYA BA LA SOGS PA SMOS TE, KHYED KYI ZHES PA NI DE BZHIN GSHEGS PA'I 'O, ,YON TAN ZHES BYA BA NI NYON MONGS PA SPANGS PA LA SOGS PA'O, ,YANG DAG PA ZHES BYA BA NI NGES PAR MNGA' BAR GYUR PA'O; ,RNAM PA 'DI LTAR ZHES BYA BA NI SNGAR BSHAD PA'I RNAM PAS ZHES BYA BA'I DON TO, ,BRJOD PAS ZHES BYA BA NI SMRA BAS SO, ,BDAG GIS ZHES BYA BA NI BSTOD PA BYED PA PO'O, ,BSOD NAMS GANG ZHES BYA BA NI LEGS PAR SPYOD PA GANG YIN PA'O, ,THOB PA ZHES BYA BA NI BYUNG BA'AM RNYED PA'O, ,'GRO BA'I 'JIG RTEN ZHES BYA BA NI SEMS CAN GYI 'JIG RTEN THAMS CAD DO, ,KHYOD 'DRAR SHOG CES BYA BA NI SANGS RGYAS BCOM LDAN 'DAS KHYED DANG 'DRA BAR SHOG CES BYA BA STE, RNAM PA THAMS CAD MKHYEN PA'I YE SHES THOB PAR GYUR CIG CES BYA BA'I THA TSIG GO,, ,,DE DANG DE LAS RNAM BSAGS SHING, ,DE BZHIN LAS KYIS NYER MDZES PA, ,RGYAS BSHAD SEMS CAN LA BRTZE BAS, ,SHES RAB GO CHAS 'DI BYAS SO, ,DE RNAMS DE 'DRA'I RIGS LDAN DE NI SHES NAS SU, ,THUB PA'I YON TAN TSOGS KYI DE NYID RNAM NGES PA, ,NYES PA BDO BA RNAMS MANG YANG DAG SPANGS NAS NI, ,'JIG RTEN 'DI DAG BDE GSHEGS LA GZHOL JI LTAR 'GYUR, ,BDAG GIS DAD PA SNGON 'GRO LAS BYAS BSOD NAMS GANG, ,ZLA BA'I 'OD ZER ZIL GNON LEGS PAR SKYES GYUR PA, ,DES NI GTI MUG RAB RIB KYIS BSGRIBS 'JIG RTEN DAG ,BLO YI NAM MKHA' @42B DRI MED SMAN DANG MYUR LDAN SHOG ,KHYAD PAR DU 'PHAGS PA ZHES BYA BA DE BZHIN GSHEGS PA'I BSTOD PA, SLOB DPON MTHO BTZUN GRUB RJES MDZAD PA'I RGYA CHER BSHAD PA, BYANG PHYOGS KYI RGYUD DU BYUNG BA, BHA GA LA'I YUL GYI SLOB DPON SHES RAB GO CHAS MDZAD PA RDZOGS SO,, ,, RGYA GAR GYI MKHAN PO PAndI TA DZ'A RAN DA NA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,, ,,YID SRUB ZLA BA'I GTZUG DANG GOS SER CAN, ,RIG BYED BYED PO DGA' BYED GROG MKHAR BA, ,RGYAS PA RGYAL DPOG PA DANG SA YI BU, ,THUB PA RKANG MIG PHUR BU LHA MIN RJES, ,SKYOB PA NYIN MOR BYED PA'I RGYUD 'KHRUNGS PA, ,SRID GSUM BLA MA SH'AKYA'I RGYAL PO DE'I, ,RNAM PAR THAR LA BSKRUN MIN DER BSTOD PA, ,DE YI 'GREL PA DE 'DIR RDZOGS PAR BYAS, ,DGE BA DE YIS SRID PA'I LJONGS RGYU BAS, ,BDAG TU 'DZIN PA'I THIBS POR 'KHYAMS GYUR PA, ,MU STEGS BYED KYI MUN PA 'JOMS BYED PA'I, ,RGYAL BA NYIN MOR BYED PAR BDAG GYUR CIG ,KHYAD PAR DU 'PHAGS PAR BSTOD PA'I RGYA CHER BSHAD PA, SLOB DPON SHES RAB GO CHAS MDZAD PA LAS, BAR SKABS SU TSIGS SU BCAD PA BCU GNYIS KYI 'GREL PA'I RGYA DPE MA RNYED NAS, DUS PHYIS SH'AKYA'I DGE SLONG KUN DGA' RGYAL MTSAN DPAL BZANG PO ZHES BYA BAS DPAL SA SKYA'I DGON PAR SBYAR BA RDZOGS SO,, #, ,RGYA GAR SKAD DU, SARBA DZNYE MA H'A SHVA RA STO TRAm N'A MA, BOD SKAD DU, THAMS CAD MKHYEN PA DBANG PHYUG CHEN PO'I BSTOD PA ZHES BYA BA, DKON MCHOG GSUM LA PHYAG 'TSAL LO, ,GANG ZHIG LHA LAS LHAG PA'I LHA, ,DE GANG LHA YI BLA MA STE, ,BLA MA'I BLA MAR GYUR PA DE, ,DE LA BDAG NI SKYABS SU MCHI, ,CHEN PO NYID DANG DBANG NYID DANG, ,GANG ZHIG DBANG PHYUG CHE NYID GYUR, ,'JIG RTEN GSUM LAS GROL BA YI, ,DBANG PHYUG TSE DER BDAG PHYAG 'TSAL, ,YE SHES ME YI 'OD KYIS NI, ,'DOD DANG RMONGS PA'I RANG BZHIN GYI, ,GRONG KYER SUM BRTZEGS ZAD BSREGS PA'I, ,GRONG KHYER GSUM BSREGS PA DER 'DUD, ,BYAMS PA'I THOD PA RTAG 'CHANG ZHING, ,SNYING RJE'I @43A *, ,THAL BAS YANG DAG BYUGS, ,TSUL KHRIMS ZLA BAS DBU BRGYAN PA'I, ,DBANG PHYUG TSE DER BDAG PHYAG 'TSAL, ,BYAMS DANG SNYING RJE'I RVA MCHOG DANG, ,DGA' DANG BTANG SNYOMS MIG LDAN PA'I, ,THEG CHEN KHYU MCHOG BCIBS PA YIS, ,GANG ZHIG GSHEGS MDZAD DBANG PHYUG CHE, ,SBYIN DANG TSUL KHRIMS BZOD BRTZON 'GRUS, ,BSAM GTAN LA SOGS BTZUN MO DANG, ,MCHOG BCAS TSOGS KYIS GSHEGS MDZAD PA'I, ,DBANG PHYUG CHE DER BDAG PHYAG 'TSAL, ,G-YO YI RVA YIS KUN DU KHYAB, ,KUN NAS NYON MONGS SRID DBUS ZHIG ,PHAR 'GRO'I SRID BU MI BZAD PA, ,LTA BA 'BAR BA RAB BSREGS CAN, ,DUR KHROD GANG DGOS THUGS MNGA' BA, ,RNAM PA SNA TSOGS SPRUL PA'I GZUGS, ,RTAG TU TSOGS BCAS KYIS 'KHYUD PA'I, ,DBANG PHYUG CHE DER BDAG PHYAG 'TSAL, ,'JIG RTEN GSUM GYI 'DOD PA'I RGYUS, ,DON GNYER 'JOMS PA GANG ZHIG 'KHOR, ,BKA' SGRUB PA YIS MI MCHI BA'I, ,DBANG PHYUG CHE DER BDAG PHYAG 'TSAL, ,YAN LAG BRGYAD KYI TSUL LDAN ZHING, ,RDZU 'PHRUL RKANG PA'I SGRONG SKYES KYI, ,YONGS BSKOR MI 'JIGS CHEN PO'I GLING, ,SGO NYID G-YO BA RAB TU DAG ,SNYING RJE'I CHU NI RGYU BA CAN, DAM CHOS CHU BO GANG 'DZIN PA, ,DBANG PHYUG CHE DER BDAG PHYAG 'TSAL, ,MI SHES PA YI MA HE YIS, ,'JIG NYON THAMS CAD 'JIGS BYED PA'I, ,BSNUN MDZAD YE SHES RTZE GSUM GYIS, ,RTZE GSUM CAN GANG DBANG PHYUG CHE, ,MCHOG DANG THA MA BAR DAG DANG, ,ZHI'AM MA ZHI GO 'PHANG LA, ,MA ZHI THAMS CAD RNAM GROL BA'I, ,DBANG PHYUG CHE DER BDAG PHYAG 'TSAL, ,SKYE BA'I SDUG BSNGAL MA LUS PA, ,THUGS RJE MCHOG GI KHYAD PAR GYIS, ,GANG ZHIG GSAL BAR 'PHROG PA YIS, ,'PHROG PA DE LA BDAG 'DUD KYIS, ,DBANG PHYUG DAM PA PHUN TSOGS SHING, , 'DOD PA'I CHU LA SRED SPANGS PA, ,DE LA PHYAG 'TSAL LHA CHEN PO, ,SEMS CAN THAMS CAD BDE MDZAD PA, ,GANG ZHIG KUN GYI RJES 'BRANGS PAS, ,SEMS CAN THAMS CAD SDUD PA YI, ,BDUD KYI BGEGS KYIS MI THUB PA'I, ,'DOD PA 'JOMS DE LA PHYAG 'TSAL, ,DBANG PHYUG @43B DAM PA CHEN PO NYID, ,RAB NYES SPUB PA SKYES BU GANG, ,DE LA PHYAG 'TSAL LHA CHEN PO, ,SEMS CAN THAMS CAD PHAN BZHED PA, ,GNOD PA'I KUN DU DGRAR GYUR GANG, ,BYAMS PA YIS KYANG RNAM ZHEN DANG, ,DKAR PO'I CHOS KYANG YONGS RDZOGS PA'I, ,DBANG PHYUG TSE DER BDAG PHYAG 'TSAL, ,GZA' DANG RIMS NAD DBUL BA DANG, ,LAS KYIS GZIR BA'I 'GRO BA DANG, ,GSUNG TZAM GYIS MYUR ZHI MDZAD PA'I, ,ZHI BA DE LA BDAG 'DUD DO, ,'JIG RTEN KUN GYI DBANG PHYUG LA, ,BSTOD PAS BDAG GIS DGE BSAGS PAS, ,DES NI 'JIG RTEN MA LUS 'DI, , YE SHES DBANG PHYUG CHE GYUR CI BA [?], ,THAMS CAD MKHYEN PA DBANG PHYUG CHEN PO ZHES BYA BA'I BSTOD PA BRAM ZE'I DGE BSNYEN MTHO BTZUN GRUB RJES MDZAD PA RDZOGS SO,, ,,RGYA GAR GYI MKHAN PO DZ'A RAN DA NA DANG, ZHU CHEN GYI LO TZ'A BA RIN CHEN BZANG POS BSGYUR BA'O,, ,, #, ,RGYA GAR SKAD DU, DE WA AA TI SHA YA STO TRA:, BOD SKAD DU, LHA LAS PHUL DU BYUNG BAR BSTOD PA, DE BZHIN GSHEGS PA THAMS CAD LA PHYAG 'TSAL LO, ,BCOM LDAN BDE GSHEGS MNGON SUM MA GYUR KHYAB 'JUG MIN, ,TSANGS PA MA YIN LHA CHEN PO YANG MA MTHONG STE; ,DE DAG GI GZUGS MTHU DANG SPYOD PA BSAM PA RNAMS, ,THOS NAS SU LA YON TAN YOD DAM MED PA DPYAD, ,KHYAB 'JUG DPUNG DRAG MTSON CHA DBYUG TO THAGS PAR BRTZON, ,LHA CHEN MI YI THOD PA'I PHRENG BA RNAMS KYI BZHAG ,SANGS RGYAS CHA LUGS GCIG TU ZHI BA'I PHUL PHYIN NA, , NYE BAR ZHI DANG MA ZHI GANG LA MCHOD PAR BYA, ,KHYAB 'JUG GIS NI 'THAB DKA' LA SOGS RIGS RNAMS BRLAG PAR GYUR, ,LHA CHEN POS NI GRONG KHYER SUM BRTZEGS BCOM PAR GYUR ZHES GRAG ,SKEM BYED KYIS KYANG MDUNG THUNG 'JEBS BSNUN KRUNG KRUNG BSAD PAR GYUR, ,SANGS RGYAS NYAG GCIG 'GRO LA SMAN PA THAMS CAD MDZAD PA LAGS, ,NGA YIS 'DI LA GNOD BYA 'DI NYID BSRUNG BYA 'DI, ,GSAD BYA ZHES PA LHA YI MCHOG GI GZHUNG LUGS YIN, ,SANGS RGYAS LA NI DGRA DANG MDZA' BSHES MI MNGA' BAR, ,NGES PAR LEGS DANG MNGON PAR MTHO BAS PHAN 'DOGS MDZAD, , @44A *, ,KHYAB 'JUG CHIG NI 'DOD CHAGS LA SOGS SKYON RNAMS BSKYED, ,LHA CHEN PO YI BYED SPYOD GANG YIN SMYON PA BZHIN, ,DE BZHIN GSHEGS PA NYES PA MA LUS SEL MDZAD NA, ,SU ZHIG STON PA CHEN POR 'OS PA DPYAD PAR GYIS, ,GANG ZHIG BRTZE MED GZHAN LA GNOD PAR BRTZON PA DANG, ,GANG LA 'GRO BA DAG NI SKYABS SU SONG GYUR PA, ,'DOD CHAGS BCAS DANG GANG ZHIG 'DOD CHAGS RNAM BRAL BA, ,DE LAS GANG ZHIG 'DI NA MCHOD BYA SOMS TE SMROS, ,BRGYA BYIN RDO RJE THOGS SHING STOBS CAN GSHOL THOGS KHYAB 'JUG 'KHOR LO'I MTSON THOGS DANG, , SKEM BYED MDUNG THUNG THOGS SHING LHA CHEN RTZE GSUM MTSON THOGS DUR KHROD GNAS GYUR PA, ,DE DAG BYIS PA SNYING BRTZE MED PA SNA TSOGS MTSON THOGS SDUG BSNGAL 'JIGS PAS NYEN, ,RTAG TU SROG CHAGS 'JOMS PAR BRTZON PA DE LA MKHAS PA SU ZHIG 'DUD PAR BYED, ,GANG ZHIG RTZE GSUM MI BSNAMS CHAGS BCAS MCHAN NA CHUNG MA MED, ,'KHOR LO MDUNG THUNG DRAG PO DANG NI BSHOL MI BSNAMS, ,NYON MONGS RNAM GROL MKHAS PA GZHAN LA PHAN 'DOGS RNAM PAR BRTZON, ,'JIG RTEN SKYABS GYUR DRANG SRONG DE LA 'DIR NI SKYABS SU MCHI, ,LHA CHEN 'DOD CHAGS DBANG GYUR NGO TSA SPANGS SHING CO 'DRI CHUNG MA LEN PAR BYED, ,KHYAB 'JUG LHAG PAR GTUM ZHING BYAS PA CHUD GZON SKEM BYED RANG GI GNYEN YANG GSOD, ,DKA' BZLOG KHRO ZHING MA HE GSOD BYED MA MO RNAMS NI MI YI SHA TSIL ZA, ,LOG 'DREN CHA DANG CHE YI STOBS BCU LDAN LA NYES PA CHUNG NGU'ANG 'GA' MI MNGA', ,BCOM LDAN DE NI BDAG GI GNYEN MIN MU STEGS GZHAN NGAG DGRA MA YIN, ,DE DAG GI SPYOD GZHAN YANG MNGON SUM GYUR PAR MA MTHONG STE, ,TSIG DANG SPYOD PA DAG GIS SO SO'I KHYAD PAR THOS PA LAS, ,SANGS RGYAS YON TAN PHUL DU PHYIN LA DAD PHYIR BDAG RTEN LAGS, , BDE BAR GSHEGS PA BDAG GI PHA MIN MU STEGS GZHAN DAG DGRA MA YIN, ,DE BZHIN GSHEGS DES BDAG NOR MA STZAL GZEGS ZAN SOGS KYIS CANG MA PHROGS, ,'ON KYANG SANGS RGYAS BCOM LDAN DE NI GCIG TU 'GRO LA SMAN MDZAD GSUNG, ,DRI MED DRI MA THAMS CAD SEL BA GANG YIN DE LA @44B BDAG DANG LAGS, ,GANG ZHIG RTAG TU PHAN DGYES RGYUN DU 'GRO LA PHAN 'DOGS MDZAD, ,GANG ZHIG 'GRO BA SDUG BSNGAL RNAM MANG GDUNGS PA BDE MDZAD DANG, ,GANG ZHIG SHES BYA MTHA' DAG LAG MTHIL BZHIN DU GSAL MKHYEN PA, ,DRANG SRONG MNYAM MED RGYU MNGA' DE LA GLO BA DAD PAR GYUR, , SNYING NAS DAD DAM JI LTAR DGA' BA DANG, ,THE TSOM GYIS SAM GZHAN GYI NGOR YANG RUNG, ,GANG ZHIG THUB DBANG ZLA BA DER PHYAG BYED, ,DES NI LHA YI BDE BA PHUN TSOGS THOB, ,GNA' SNGON KHYAB 'JUG 'DI YIS 'JIG RTEN SKYE RGAN NA 'CHI'I DBANG GYUR THOB NAS SU, ,MI RNAMS BSKYAB PHYIR RMAD BYUNG BLO YIS SNYING BRTZE BRTZON PAS SH'AKYA'I RIGS RGYAS PAR, ,GOO TA MAR 'KHRUNGS SA STENGS 'JIG RTEN 'DIR NI SANGS RGYAS GYUR PAR GRAG CES THOS, ,SKYE BO NYON MONGS BLUN ZHING RMONGS PAS STON PA PHAN 'DOGS LAGS PAR MA 'TSAL GRANG, ,GANG TSE 'DOD CHAGS ZHE SDANG GIS NI LHA MIN KHYIM NAS RIN CHEN PHROGS PA DANG, ,CHAGS PA'I BLO GROS KYIS NI NGAN G-YO BYAS NAS SA DAG PHROGS PAR GYUR KYANG NI, ,DE TSE KHYAB 'JUG MA GROL BZHIN DU SKYE BO BLUN PO RNAMS NI MCHOD PHYAG 'TSAL, ,SANGS RGYAS NGES PAR RNAM GROL GYUR KYANG SKYE BO PHAL CHER RMONGS PAS PHYAG MI 'TSAL, ,SA 'DI RGYA MTSO BZHI YI SKA RAGS GTAMS PA'I LJID KYIS NI, ,LCI LCI LTAR 'DUG KHYAB 'JUG BYIN YANG STOBS CHEN SDUG BSNGAL GNAS SKABS GYUR, ,THUB PA LA NI RDUL TZAM PHUL BAS RGYAL PO MYA NGAN MED PA YIS, ,ZLA BA'I DKYIL 'KHOR THEL GYI 'OD ZER GOS CAN SA STENGS MTHA' DAG THOB, , BDAG NI SANGS RGYAS PHYOGS MI 'DZIN, ,SER SKYA SOGS LA MI SDANG YANG, ,GANG ZHIG RIGS PAR LDAN PA'I TSIG, ,DE NYID STON PAR YONGS SU 'DZIN, ,'DI LTAR SU YANG RUNG STE NGES PAR KUN MKHYEN DANG, ,'GRO LA GCIG TU PHAN 'DOGS MDZAD PA'I LUGS CHE BA, ,DE DAG BLO GROS ZHIB MO'I MIG GIS BTZAL NAS SU, ,BSTEN PAR BYA YI GZHAN DAG MKHAS LA CI ZHIG MKHO, ,GANG LA SKYON KUN YOD MIN LA, ,YON TAN THAMS CAD YOD GYUR NA, ,TSANGS DANG KHYAB 'JUG DBANG PHYUG CHE, ,DE YANG BDAG GI STON PA YIN, ,GANG LA SKYON NI MI MNGA' ZHING, ,YON TAN @45A *, ,DPAG MED MNGA' BA DANG, ,THAMS CAD MKHYEN DANG THUGS RJE CAN, ,DE LA BDAG NI SKYABS SU MCHI, ,PAD+MA KHA BYE RGYAS PA'I 'DAB LTAR DKYUS RING SPYAN MNGA' BA, ,BSTOD PA'I CHU KLUNG STONG GIS RGYA MTSO DE LTAR BSTOD BGYIS PA, ,BDAG GI TSIG GIS BSKRUN PA'I DGE BA CUNG ZAD CI MCHIS PA, ,DES NI SEMS CAN THAMS CAD BDE BA DAG DANG LDAN GYUR CIG ,LHA LAS PHUL DU BYUNG BA'I BSTOD PA SLOB DPON BDE BYED BDAG POS MDZAD PA RDZOGS SO,, ,,RGYA GSAR GYI MKHAN PO SARBA DZNY'A DE WA DANG, LO TZ'A BA BANDE RIN CHEN MCHOG GIS BSGYUR, ZHU CHEN GYI LO TZ'A BA BANDE DPAL BRTZEGS RAKshI TAS ZHUS TE GTAN LA PHAB PA'O,, #, ,RGYA GAR SKAD DU, DE WA AA TI SHA YA STO TRA t'I K'A, BOD SKAD DU, LHA LAS PHUL DU BYUNG BAR BSTOD PA'I RGYA CHER 'GREL PA, BCOM LDAN 'DAS 'JAM DPAL GZHON NUR GYUR PA LA PHYAG 'TSAL LO, ,LHA LAS PHUL BYUNG ZHI BA STON PA PO, ,DAD CING GUS PAR BCAS PAS PHYAG 'TSAL TE, ,LHA LAS PHUL DU BYUNG BAR BSTOD PA NI, ,CI NUS PAR NI RNAM PAR DBYE BAR BYA, ,'DI LTAR RJES SU THOS TE, MTHO BTZUN GRUB RJE ZHES BYA BA DANG, BDE BYED BDAG PO ZHES BYA BA SPUN GNYIS RANG GI LAS LA RJES SU DGA' ZHING DBANG PHYUG CHEN PO LA MCHOG TU DAD PA'I BRAM ZE'I RIGS SU SKYES PAR GYUR PA DANG, DE BZHIN DU DE DAG BSTAN BCOS THAMS CAD KYI PHA ROL TU PHYIN PAR GYUR TO, ,DE NAS DE DAG 'DI SNYAM DU SEMS PAR GYUR TE, JI SRID LHA CHEN PO DE RANG NYID KYIS MNGON SUM DU MTHONG ZHING DE'I LUNG MA THOB PA DE SRID KYI BAR DU YU BU CAG GIS DGE BA'I RTZA BA CUNG ZAD KYANG MI BYA'O ZHES DAM BCAS PAR GYUR NAS, RI BO TI SER SONG STE DER PHYIN PA DANG, LHA CHEN PO DGRA BCOM PA'I DGE 'DUN RNAMS LA BSOD SNYOMS STOBS PA LA BRTZON PAR GYUR PA DANG PHRAD DE, DE LAS SANGS RGYAS BCOM LDAN 'DAS NYID NI SRID PA GSUM GYI BLA MA'I DAM PA YIN NO ZHES BSTAN PA DANG, DES PA RNYED DE, SANGS RGYAS KYI BSTAN PA LA ZHUGS NAS DE LA BRTEN TE, MTHONG BTZUN GRUB RJES NI KHYAD PAR DU 'PHAGS PA'I BSTOD PAS SANGS RGYAS BCOM LDAN 'DAS BSTOD LA, BDE KHYED @45B BDAG POS NI LHA LAS PHUL DU BYUNG BA'I BSTOD PAS THUB PA'I DBANG PO LA BSTOD PA BRTZAMS PA YIN NO, ,DA NI LHA LAS PHUL DU BYUNG BA ZHES BYA BA'I BSTOD PA DE'I RGYA CHER BSHAD PA BRTZAM PAR BYA BA'I PHYIR, DE'I BSHAD PA NYE BAR BSTAN PA SMRAS PA NI SANGS RGYAS BCOM LDAN 'DAS ZHES BYA BA LA SOGS PA SMRAS PA YIN TE, GAL TE 'DIR SHIN TU PHUL DU BYUNG BA'I YON TAN 'BA' ZHIG DANG LDAN PAR GYUR PAS RGYAL BA LA BSTOD PA RTZOM PAR BYED PA DE'I TSE, RGOL BAR SMRA BA GZHAN DAG 'DI SKAD DU, 'DI NI DAD PA TZAM GYIS RJES SU 'JUG PA YIN GYI, YANG DAG PA NI MA YIN NO ZHES RTOG PAR BYED PAS DE'I PHYIR RIGS PA LA BRTEN NAS SMRAS PA YIN TE, SEMS CAN LAS PHUL DU BYUNG BA'I STON PA DE NI DA LTAR MNGON SUM DU YANG MA MTHONG ZHING, RNAL 'BYOR PA'I SHES PA YANG MED PA YIN PA'I PHYIR, MNGON SUM DU MA GYUR MOD KYI, 'ON KYANG RJES SU DPAG PAS SA GSUM NA YANG DAG PAR STON PA RNAM PA GNYIS GRAGS TE, THA MAL PA'I 'JIG RTEN PA LA NI TSANGS PA LA SOGS PA LA STON PAR GRAGS LA, RTOGS PA DANG LDAN PA'I SKYES BU DAM PA LA NI SANGS RGYAS BCOM LDAN 'DAS STON PAR GRAGS SO, ,DE LA 'DI RNAMS MNGON SUM DU MTHONG BA MED PAS NA MNGON SUM MA GYUR ZHES SMOS PA YIN TE, THUB PA'I DBANG PO YANG MNGON SUM DU MA DMIGS LA, TSANGS PA LA SOGS PA YANG SGRIB G-YOGS MED PAR MA MTHONG ZHES BYA BA'I DON TO, ,BCOM LDAN ZHES BYA BA NI CHAGS DANG BCAS PA'I NYON MONGS PA'I DGRA BO BCOM PA'I PHYIR BCOM LDAN TE; 'DIS NI SPANGS PA PHUN SUM TSOGS PA SMRAS PA YIN NO, ,BDE GSHEGS ZHES BYA 'DIS NI DON PHYIN CI MA LOG PAR YANG DAG PAR THUGS SU CHUD PA'I PHYIR BDE BAR GSHAGS PA STE, 'DIS NI YE SHES PHUN SUM TSOGS PA BSTAN PA YIN NO, ,KHYAB 'JUG CES BYA BA NI RNAM PAR GNON PA SNA TSOGS PAS KHYAB PA'I PHYIR KHYAB 'JUG STE, 'DIS SA GSUM PAR GNON PA'I PHYIR DE SKAD CES BYA LA, DE'I LTE BA'I PAD+MA LAS TSANGS PA SKYES LA, DE NYID LAS NI 'GRO BA GZHAN DAG KYANG SKYES SO ZHES ZER RO, ,LHA CHEN PO NI 'GRO BA RNAMS SDUD PAR BYED PA YIN PAS NA 'PHROGS PA ZHES @46A *, ,KYANG BYA STE, 'GRO BA 'BYIN PA DANG SKYED PA PO YIN PAR 'DOD DE, DE NI 'JIG RTEN 'DI 'BYIN PAR BYED CING SO SOR SDUD PAR YANG BYED DO ZHES GTAM DU GRAGS PA YIN NO, ,TSANGS PA ZHES BYA BA NI GSER GYI SKYE GNAS TE SKYE DGU'I BDAG PO'O, ,DE YANG, DANG PO CHU NI SPRUL PAR GYUR, ,DER NI SA BON BCUG GYUR LA, ,DE NI GSER GYI SGO NGAR GYUR, ,DE LAS CHANGS PA SKYES PA YIN, ,ZHES SMRA BA'O, ,DE LA GSER GYI RANG BZHIN CAN GYI SGO NGA LAS MNGAL GYI TSUL DU GYUR PA LAS SKYES PA'I PHYIR GSER GYI SNYING PO ZHE'AM, GSER GYI SKYE GNAS ZHES BYA'O, ,DE LTAR NA BZHI PO DE DAG NI 'JIG RTEN PA MA LUS PA'I MNGON SUM DU MA GYUR PA'I PHYIR LKOG TU GYUR PA YIN LA, LKOG TU GYUR PA'I DON RTOGS PA NI RJES SU DPAG PA LA BRTEN PAR BYA DGOS PAS, DE'I PHYIR DE DAG GI ZHES BYA BA SMOS PA YIN TE, DE LTAR BZHI PO DE RNAMS KYI GZUGS DE KHA DOG DANG, DBYIBS KYI BDAG NYID CAN GYI CHA LUGS DANG, SPYOD PA NI BYA BA'I LAS TE, PHUL DU BYUNG BA'I MTHU'O, ,YON TAN NI TING NGE 'DZIN GYIS KHYAD PAR CAN DU 'PHAGS PA STE, DE DAG BRTAGS SHING SHES PAR GYIS LA, KYE MA BDE BAR GSHEGS PA'I BSTAN PA LA ZHUGS PA RNAMS NI 'DIR GANG ZHIG NI YON TAN DANG LDAN PA YIN ZHES RNAM PAR BRTAG GI, PHYOGS SU LHUNG BA'I SDANG BA GANG YIN PA DE BSAL BAR BYA'O ZHES BYA BA NI BSDUS PA'I DON TO, ,DE NI GZUGS SNA TSOGS PA NYID KYI DBANG DU BYAS NAS SMRAS PA NI, KHYAB 'JUG CES BYA BA LA SOGS PA SMOS PA YIN TE, KHYAB 'JUG 'KHOR LO THOGS PA NI BLTA NA SDUG PA LA SOGS PA'I MTSON CHA THOGS PA STE, DES 'JIGS PA NI 'JIGS SU RUNG BAR KHYAB 'JUG SNANG BA'O, ,DE NI 'DI SKAD THOS TE, BDUD RTZI PHROGS PA LAS LHA DANG LHA MA YIN 'GRAS PAR GYUR PAS RDEG PAR 'DOD PA NA, DE DAG LA MTSON CHA MED PAS BSNUN PAR MA NUS PA DANG, PHUR BUS LHA RNAMS LA SMRAS PA, PRA TZA ZHES BYA BA'I DRANG SRONG CHEN PO'I BU ZHO 'THUNG ZHES BYA BA LO BYE BA PHRAG BDUN GYI BAR DU DKA' THUB LA GNAS PAR GYUR PAS, DE'I RUS PA RDO RJER GYUR PA YOD DE, DE'I RUS PA BLANGS NAS MTSON CHAR BYAS NAS GSUM LAS RGYAL BAR NUS @46B PAR 'GYUR BAS, DE SLONGS LA MTSON CHA DES LHA MA YIN GZHOM PA'I RIGS SO ZHES SMRAS PA DANG, LHA RNAMS KYIS DRANG SRONG DE LA GSOL BA BTAB STE BSLANGS SO, ,DES KYANG DE RNAMS LA PHAN GDAGS PA'I PHYIR LUS LA BLDAG TU BCUG STE, RUS PA 'BA' ZHIG LUS PAR BYAS NAS DE DAG LA BYIN NO, ,DE NAS LAS THAMS CAD PAS RTZIB LOGS KYI RUS PA LA RDO RJE BYAS PA NI BRGYA BYIN GYIS KHYER RO, ,BYIN PA'I RUS PA LAS DBYIG PAR BYAS PA NI KHYAB 'JUG GIS KHYER RO, ,LAS THAMS CAD PA'I BU MO RE NU KA ZHES BYA BA NYI MAS BSLANGS PA LAS, DE GZI BYIN BSDUS PA'I GZUGS CAN DU GYUR PAS DE'I GZI BYIN MA BZOD PAS KHYO DANG LHAN CIG ROL CING RTZE BAR MI 'DOD PA DANG, GRUL BUM GYI BU MO DANG LHA'I BU MO GZHAN DAG GIS KYANG NYI MA'I GZI BYIN BSTEN PAR MI NUS PAS DE DAG BROS TE PHA'I KHYIM DU ZHUGS NAS 'DUG PA DANG, PHAS SPYOS PAS SKYO BA SKYES TE RGOD MA'I GZUGS SU BYAS NAS RI BO TI SE'I RI SUL GYI KHROD KYI NANG DU DKA' THUB SPYOD CING 'DUG GO, ,NYI MA YANG CHUNG MA TSOL ZHING SONG BA NA, GTAM DE THOS NAS DER SONG STE, RTA'I GZUGS SU BSGYUR NAS MNAN PAR GYUR PA DANG, SKYES BU GZHAN GYIS MNGAL CHAGS PAR MI BYA'O ZHES BYAS PA DANG, NYI MAS BGAD DE RANG NYID KYI GZUGS BSTAN NAS, NGA LAS BU CHAGS PA YIN NO ZHES SMRAS PA DANG, CHUNG MA'I SNA LAS PHYUNG BAS THA SKAR GYI BU GNYIS SU GYUR TO, ,GTAM DE LAS THAMS CAD PAS THOS PA DANG, NYI MA LA SMRAS PA, GAL TE KHYOD KYIS TSOR BA BRNAG NUS NA NGAS KHYOD GZUGS YID DU 'ONG BAR BYAS LA, GANG GI TSE LHAG PAR MI BZOD PHAR NA BA DE'I TSE NI GTANG BAR BYA'O ZHES SMRAS PA DANG, DES DE BZHIN DU BYA'O ZHES PA DANG, DES DE SA LA BSGYEL TE, 'KHOR LOS CHA BCU GNYIS SU BYAS NAS LONG MO'I BAR DU BRDAR TE, DE SA LA BOR RO, ,DE PHAN CHAD NI NYI MA RKANG PA MA BRDAR PA ZHES BYA BAR GRAGS SO, ,DE NAS GZI BYIN GYIS DUM BU DE DAG BSDUS NAS 'KHOR LOR BYAS LA, DE NI SHIN TU 'BAR BAS BLTA NA SDUG PA ZHES BYA BAR BTAGS SO, ,DE BRGYA BYIN GYIS KHYAB 'JUG LA BYIN LA, DES KYANG GANG GI TSE SGRA GCAN 'DZIN GYIS BDUD RTZI BRKUS TE 'THUNGS @47A *, ,PA DE'I TSE, KHYAB 'JUG GIS 'KHOR LO DES DE'I MGO BCAD PAR GYUR TO, ,DES KYANG DE'I TSE LHA MA YIN GYI LUS LA REG PAS SHIN TU 'BAR BAR SNANG BAS KYANG BLTA NA SDUG PA ZHES BYA BAR BTAGS SO, ,LHA CHEN PO ZHES BYA BA NI BDE BYED DE, 'DI LAS BDE BAR GYUR PA'I PHYIR BDE BYED CES BYA STE, LHA CHEN PO LAS 'JIG RTEN THAMS CAD BDE BAR GYUR PA YIN PA'I PHYIR RO, ,MI YI THOD PA'I PHRENG BA RNAMS KYIS BZHAG ,CES BYA BA NI, ROL CING RTZE BA STE, DE YANG BRAM ZE LA GNOD PA BYAS PA'I SDIG PA DANG BRAL BAS DGA' STE, NYIN RE ZHING GRONG KHYER AU TZA YA NA ZHES BYA BA NA, DUR KHROD CHEN PO YOD PAR LHA'I TSOGS MA LUS PA'I MDUN NA GCER BUS LAG PA STONG DANG LDAN PAR GAR BYAS SO ZHES GTAM DU GRAGS PA YIN NO, ,SUN DHA DANG AU PA SUN DHA ZHES BYA BA'I LHA MA YIN SPUN GNYIS NI LHA RNAMS KYI DGRA BO SER BA LTA BUR GYUR PA YIN LA, DE GSAD PAR BYA BA'I PHYIR THIG LE'I MCHOG MA ZHES BYA BA LHA'I BU MO LHA RNAMS KYI RANG GI GZI BYIN GYI CHA SHAS BSDUS PA LAS SPRUL LA, DE PHYAG 'TSAL BA NA TSANGS PAS MTHONG BAS DES DE'I GZUGS KYIS SEMS PHROGS PAS PHYOGS BZHIR GDONG BZHI SPRUL CING, STENG DU YANG MGRIN PA DANG BCAS PA'I MGO SPRUL LA, DES KYANG LHA CHEN PO GANG LAS BYUNG BA'I RIGS SHES PA DANG, LHA CHEN PO 'DIS KHO BO GANG LAS BYUNG BA'I RIGS KYI GTAM SMRAS NA, LHA RNAMS KYI MDUN DU NGO TSA BAR 'GYUR RO SNYAM NAS, DES SEN MOS BCAD PAR GYUR TO ZHES GRAG GO, ,DE BRAM ZE BCOM ZHING GNOD PA BYAS PAS GTZES PAR GYUR PA DANG, LHA RNAMS LAS MI'I MGO BO'I THOD PA 'CHANG ZHING DUR KHROD NA GNAS PA DANG, RO BSREGS PA'I THAL BAS BSKUS PA DANG, GLANG PO'I PAGS PA RLON PA GYON PA DANG, NYIN RE ZHING THUN MTSAMS SU MCHOD PA BYED PA DANG, NYIN RE ZHING YANG LHA DANG 'BYUNG PO'I MDUN DU GAR BYED PA LA SOGS PA'I BRTUL ZHUGS BLANGS PAR GYUR PA YIN NO, ,DES NA MI'I THOD PA DANG 'BREL BA'I RGYAN SHIN TU 'JIGS SU RUNG BA'I PHRENG BAS BRGYAN CING, BZHAG PAR GYUR PA YIN PAS NA DE SKAD CES BYA'O, ,GCIG TU ZHI BA NI MCHOG TU ZHI BA'O, ,SPYOD PA'I PHUL DU BYUNG BA NI SKU LA @47B SOGS PA'I PHRIN LAS DRI MA MED CING SKYON DANG BRAL BA GANG LA MNGA' BA STE, 'DI LTAR MDO LAS, DE BZHIN GSHEGS PA'I SKU'I PHRIN LAS SHIN TU YONGS SU DAG PA DANG ZHES BYA BA LA SOGS PA GSUNGS PA YIN NO, ,DE LTA BAS NA 'DI LTAR NYE BAR ZHI BA'I SPYOD PA DANG LDAN PA NI SANGS RGYAS BCOM LDAN 'DAS TE, DE YANG JI SKAD DU, BCOM LDAN 'DOD CHAGS BRAL NYID DU, ,KHYED KYI SKU NYID STON PA YIN, ,KHONG STONG NANG NA ME GNAS PA'I, ,SHING LAS MYU GU SNGO MI 'BYUNG, ,ZHES BSHAD PA YIN NO, ,DE LA MCHOD PA BYA'AM, 'ON TE KHYAB 'JUG DANG, TSANGS PA DANG, LHA CHEN PO LA SOGS PA SMYON PA'I SPYOD PA LTA BU DANG LDAN ZHING, MA ZHI BA DE LA MCHOD PAR BYA BA DE KHYED NYID LA DRI BAR BYA'O, ,CI LHA 'DI DAG LA SMAD PAR BYA BA DE MTSON CHA THOGS PA TZAM MAM, GAR LA SOGS PA BYED PA TZAM 'BA' ZHIG LA SMOD PAR BYED DAM ZHE NA, DE'I PHYIR, KHYAB 'JUG GIS NI ZHES BYA BA LA SOGS PA SMOS PA YIN TE, DE YANG KHYAB 'JUG GIS NI 'THAB DKA' ZHES BYA BA LA SOGS PA'I RIGS RGYUD BRLAG PAR GYUR PA YIN TE, 'DI LTAR KHYAB 'JUG GIS 'THAB DKA' LA DRIS PA, DPUNG GI TSOGS BCO BRGYAD KHYER RAM, 'ON TE NOR LHA GCIG PU KHYER ZHES DRIS PA DANG, DES DPUNG GI TSOGS RNAMS KHYER RO ZHES SMRAS PA DANG, DES ZHE 'GRAS PAR GYUR NAS, KHYAB 'JUG GIS SKYA BSENG GI PHYOGS BYAS TE, G-YUL NGOR CHAS PA NA, SRID SGRUB KYIS KUN DU BLTAS TE SMRAS PA, KHO BOS NI NYE DU'I TSOGS GSOD PAR MI NUS TE, GANG GI DON DU RGYAL SRID THOB PAR 'DOD PA'I NYE DU'I TSOGS DE JI LTAR GSAD PAR BYA ZHES SMRA STE, SRID SGRUB 'THAB PA LAS LDOG PAR GYUR PA DANG, KHYAB 'JUG GIS SMRAS PA, KHYED NI BLUN PA YIN TE, GANG GIS MI NI BSAD PA DANG, ,GANG ZHIG GSOD PAR BYED PA DANG, ,DE DAG GNYIS KA MI DMIGS TE, , BSAD DANG GSOD PA PO YOD MIN, ,RIGS DANG 'DUL BA PHUN SUM TSOGS, ,BRAM ZE BA LANG GLANG PO DANG, ,KHYI DANG SME SHA CAN DAG DANG, ,MKHAS PA RNAMS NI MNYAM PAR BLTA, ,ZHES BYA BA LA SOGS PA MED PAR LTA BA'I TSIGS SU BCAD PA MANG PO BSTAN CING, SNA TSOGS PA'I GZUGS @48A *, ,BSTAN PAS BSLUS NAS, SRID SGRUB KYI KHA LO PA RANG NYID KYIS BYAS TE, G-YUL BKYE BAS 'THAB DKA'I RIGS DPUNG GI TSOGS BCO BRGYAD DANG BCAS PA BRLAG PAR GYUR TO, ,RU PA TI ZHES BYA BA'I RGYAL PO DPUNG GI TSOGS GCIG DANG BCAS PA G-YUL 'GYED PA'I TSE, BUD MED KYI CHA LUGS SU BYAS TE BROS NAS RI KHA BA CAN GYI RI KHROD DU ZHUGS TE, GNAS PA'I RIGS LAS DENG SANG NA YANG BOD CES BYA BAR GRAGS PA YIN NO, ,DGA' BYED BE'U PHROGS TE KHROS PAS BRTZON PAR BYED PA ZHES BYA BA'I RGYAL PO'I LAG PA STONG BCAD DE, LAN NYI SHU RTZA GCIG GI BAR DU SA'I STENG GI RGYAL RIGS MED PAR BYAS NAS KU RU KshE TRA ZHES BYA BAR KUN NAS DPAG TSAD LNGA PA'I 'OBS LNGA BRGYA RGYAL RIGS KYI KHRAG GIS BKANG STE, PHA MES SHI BA LA MTSUN GTOR BYAS SO, ,RAM PA ZHES BYA BA LHA'I BU MO RGOD MA'I GZUGS SU BYAS TE NYIN MO RGYU LA, MTSAN MO NI GZHU BRGYA BA ZHES BYA BA'I RGYAL PO DANG NYAL BA DANG, GTAM DE THOS NAS KHYAB 'JUG GIS RGYAL PO DE LA RGOD MA BSLANGS SO, ,DES 'JIGS NAS SRID SGRUB LA SKYABS BYAS PA DANG, KHYAB 'JUG DANG SRID SGRUB SHAS CHER G-YUL BKYE BAR GYUR PA NA SRID SGRUB KYI MDAS KHYAB 'JUG GI LUS LA SHA MED PAR BYAS SO, ,KHYAB 'JUG GIS NI SRID SGRUB KYI MGO 'KHOR LOS BCAD DE RGOD MA PHROGS SO, ,DE KHYAB 'JUG GI LUS DANG REG PA DANG, SNGAR RGOD MAR GYUR PA'I DRANG SRONG GI DMOD PA LAS THAR TE LHA YUL DU SONG NGO, ,BRGYA BYIN 'ONGS NAS BDUD RTZI BLUGS TE RANG GI BU SRID SGRUB GSOS SO, ,STOBS LDAN NI SGRA SGROGS KYI ZHANG PO YIN PA LAS, 'GA' ZHIG GIS SGRA SGROGS LA SMRAS PA, GANG GI PHYIR ZHANG PO SA'I 'OG TU BCINGS TE 'DUG NA KHYED KYI RGYAL SRID KYIS CI ZHIG DGOS ZHES SMRAS PA DANG, SGRA SGROGS PA NI SA GSUM LAS RGYAL BAR BYED PA YIN NO ZHES BYA BA'I NGA RGYAL GYI STOBS DANG, DPUNG CHEN POS STOBS LDAN THAR PAR BYA BA'I PHYIR SA 'OG TU ZHUGS SO, ,DE'I TSE, KHYAB 'JUG 'JOG PO'I GDENGS KA'I STENG NA NYAL BAR GYUR PA NA, DPAL MO SDUG BSNGAL BAR BYAS PA'I SMRE SNGAGS KYIS DE SAD PAR BYAS SO, ,DE SAD NAS SGRA SGROGS 'KHOR DANG BCAS PA DBUGS KYIS SBRANG BU LTA BUR @48B DPAG TSAD BRGYAR 'PHANGS SO, ,DE DBUGS KYIS SLAR BSDUS NAS SKUD PA LTA BUR NYAM CHUNG BAR BYAS TE, 'DI NI TSANGS PAS MCHOG BYIN PA YIN PAS KHO BOS GSAD PAR BYA BA MA YIN NA SNYAM NAS GTANG BAR GYUR LA, YANG SI TA PHROGS PA'I DOR THABS KYIS SGRA SGROGS KYI RIGS KYANG RTZAD NAS BRLAG PA LA SOGS PA BRJOD PAR BYA'O, ,LHA CHEN PO NI DBANG PHYUG CHEN PO STE, DES GRONG KHYER SUM BRTZEGS BCOM PAR GYUR PA NI, GRONG KHYER SUM BRTZEGS LA GNAS PA'I LHA MA YIN RNAMS KYIS SA GSUM PO SHIN TU DKRUGS PAR GYUR NAS, LHA RNAMS KYIS GSOL BA BTAB PA DANG, DES BZLOG PAR GYUR KYANG BZLOG TU MA 'DOD PA DANG, DE KHROS PAR GYUR TE GZHU CHEN PO BLANGS NAS MDA' RTZE GSUM PAS GRONG KHYER SUM BRTZEGS BSREGS PAR GYUR TO, ,DE YANG LHA CHEN POS NI GRONG KHYER SUM BRTZEGS BCOM PAR GYUR CES GRAG CES BSHAD PA YIN NO, ,DE LTAR NA GRONG KHYER SUM BRTZEGS BCOM ZHING BSHIG PAR GYUR PAS NA GRONG KHYER SUM BRTZEGS BCOM PAR GYUR PA'O, ,GRAG CES BYA BA NI 'JIG RTEN DU GTAM SNA TSOGS SU SGROGS PAR BYED PA DAG LAS THOS SO ZHES BYA BA'I DON TO, ,SKEM BYED CES BYA BA NI GZHON NU KARTI KA STE, DES MDUNG THUNG 'JEBS SHING SRA PA THOGS PA MED PAS, RI KRUNG KRUNG ZHES BYA BA LA BSNUN PAS NA ZHANG PO BSAD PAR GYUR PA'O,, ,,DE YANG 'DI SKAD THOS TE, KRUNG KRUNG ZHES BYA BA DE SKEM BYED KYI ZHANG POR GYUR PA DANG, GANG GI TSE LHA MA YIN SKAR MA ZHES BYA BAS LHA RNAMS LA SHIN TU GTZES PAR GYUR PA DANG, DE'I TSE LHA RNAMS KYIS BRGYA BYIN LA GSOL BA BTAB PA DANG, DES KYANG 'DOD PA'I LHA LA BSGO BA, LHA CHEN PO CI NAS DKA' THUB POR TE, LHA'I LO STONG GI BAR DU AU MA DANG DGA' MGUR SPYOD PAS NYI MA GCIG 'DAS PA SNYAM DU SEMS PA DE LTA BUR DI RMONGS PAR BYAS LA, DE'I TSE LHA RNAMS 'DI LAS BU MTHU CHE BA DANG LDAN PA CIG SKYES NAS, GANG GIS BDAG CAG BRAN DU 'GYUR DU 'ONG NGO SNYAM DU DOGS SHING 'JIGS PAR GYUR NAS, 'KHRIG PA SPYOD PA DE'I BAR CHAD BYA BA'I PHYIR ME LHA BTANG STE, DE PHUG RON GYI GZUGS SU SPRUL NAS DER PHYIN PA DANG, DE MTHONG NAS LHA CHEN PO KHROS TE RANG GI KHU BA ME LHA LA BLUGS PAS DES @49A *, ,ME LHA TSIG PAR GYUR NAS, RGYA MTSO 'DOD CING 'DAM BU'I TSAL DU NGO TSA BA DANG BCAS PAS GNAS PAR GYUR TO, ,SMIN DRUG KYANG DGUN SMAD KYI KHRIS KYI PHYIR RGYA MTSOR ZHUGS TE NUB PHAS GRANG BAR GYUR PA DANG, 'BAR BAR GYUR PA DE MTHONG NAS GAN DU SONG PA DANG, DRO BA'I RAG PA DES DE LA BU CHAGS PAR GYUR TO, ,DE LAS DUM BU DUM BUR SKYES PA DANG, SNOD DU BCUG PA LAS DE DAG GZHON NU SKEM BYED DU GYUR TE, SMIN DRUG DE DAG RE RE NAS 'DI NI NGA'I BU YIN NO, ,'DI NI NGA'I BU MO YIN NO ZHES SMRA ZHING, NU MA STOBS PA DANG, DES MA RNAMS MGU BAR BYA BA'I PHYIR GDONG DRUG PAR BSTAN PA DANG, DE LHA CHEN POS 'BYOR PA CHEN PO DANG LDAN PAS KHYIM DU KHYER TE SKYES PA'I CHO GA BYAS NAS LHA RNAMS KYIS KHYER TE, DBANG BSKUR BA'I CHU NGOGS SU DMAG DPON DU DBANG BSKUR RO, ,LHA MA YIN SKAR MA DANG, LHA'I LO STONG GI BAR DU G-YUL BKYE YANG DE BSAD PAR MA NUS PA DANG, DES AU MA LA NGA LA SHA ZA'I MDUNG BYIN CIG CES GSOL BA BTAB PAS, DES KYANG BYIN PA DANG, SKEM BYED KYI MTSON CHA DES LHA MA YIN SKAR MA BSAD DO, ,DE'I DPUNG GI TSOGS BCOM PAR GYUR PA RNAMS KYIS RANG DANG 'TSAM PA'I RTEN MA RNYED NAS, 'DI NI ZHANG PO'I TSIG LAS 'DA' BAR MI BYED DO SNYAM NAS, DE'I ZHANG PO KRUNG KRUNG LA RTEN BCAS SO, ,SKEM BYED KYIS KRUNG KRUNG LA PHO NYA BTANG STE, RGYAL PO RNAMS KYI GZHUNG LUGS NI DGRA BO'I LHAG MA NI BZOD DU MI RUNG BA YIN PAS, KHO BO'I DGRA BO LHA MA YIN SKAR MA'I DPUNG GI TSOGS THONG SHIG CES SMRAS PA DANG DES SKYABS SU 'ONGS PA NI YONGS SU DOR DU MI RUNG NGO SNYAM NAS MA BTANG STE, JI SKAD DU, RTZVA LA 'PHRAL DU 'JUS PAR GYUR PA DAG ,MA LUS RTZVA YI TSOGS NI CHAD GYUR NA'ANG, ,'DZIN PA'AM LHAN CIG LTUNG BA NYID 'GYUR NA, ,SEMS DANG LDAN PA RNAMS LTA SMOS CI DGOS, ,ZHES BYAS PA DANG, DE LTA NI STOBS KYIS BLANG BAR BYA'O SNYAM NAS G-YUL BKYE BA DANG, RANG GI ZHANG PO KRUNG KRUNG MDUNG GIS BSNUN TE BSAD NAS DE'I DPUNG RNAMS PHROGS PAR GYUR TO ZHES GRAG GO, ,SANGS RGYAS BCOM LDAN 'DAS LA NI MDZAD SPYOD 'DI LTA BU MNGA' BA MA YIN NO ZHES BSTAN PAR @49B BYA BA'I PHYIR, SANGS RGYAS ZHES BYA BA LA SOGS PA SMOS PA YIN TE, SANGS RGYAS NYAG GCIG GIS 'GRO BA RNAMS LA SMAN PA STE, SEMS CAN GYI DGOS PA'I DON MDZAD PA YIN LA, GZHAN GYI DON LA DGYES PA'I PHYIR DE NYID NI DAM PA RNAMS KYI SPYOD PA YIN PAS NA MDZAD SPYOD DE NYID DE LA MNGA' BA'I PHYIR DE SKAD CES BYA'O, ,NYES PAR SPYOD PA MA LUS PA NI PHYIN CI LOG GI KUN DU RTOG PA LAS BYUNG BA YIN NO ZHES BSTAN PAR BYA BA'I PHYIR, NGA YIS ZHES BYA BA LA SOGS PA SMOS PA YIN TE, GNOD BYA ZHES BYA BA LA 'DI NI DGRA BO YIN PAS GNOD PAR BYA BA YIN TE, MI SRUN LA NI MI SRUN BYAS, ,DE LA NYES PA MA MTHONG NGO, ,ZHES BSHAD PA YIN TE, JI LTAR KHYAB 'JUG GIS SGRA NGAN LA SOGS PA LA BYAS PA LTA BU NI 'DI NYID BSRUNG BYA ZHES PA NI JI LTAR KHYAB 'JUG GIS SKYA BA SENG LA SOGS PA BSRUNG BA LTA BU'O, ,'DI NI GSAD BYA ZHES BYA BA NI GSAD PAR BYA'O ZHES BYA BA STE, JI LTAR LHA MA YIN GSER GYI STAN CAN LA SOGS PA BSAD PA LTA BU'O, ,LHA'I MCHOG GI ZHES BYA BA NI KHYAB 'JUG LA SOGS PA LHA DBANG CHE BAR GRAGS PA RNAMS KYI'O, ,GZHUNG LUGS YIN ZHES BYA BA NI BYA BA'I LAS NYID YIN NO ZHES BYA BA'I DON TO, ,SANGS RGYAS BCOM LDAN 'DAS LA NI DGRA BO GSAD PAR BYA BA 'GA' YANG MI MNGA' STE, THUGS RJE CHEN PO DANG LDAN PA'I PHYIR RO, ,BSLU BAR BYA BA YANG MI MNGA' STE, DOR THABS KYIS BSLU BA'I 'GRAN ZLA MI MNGA' BA'I PHYIR TE, SA GSUM MA LUS PA PHUN SUM TSOGS PA NYID LA SBYOR BAR MDZAD PA'I GZHAN GYI DON LA GCIG TU DGYES PA'I PHYIR RO, ,SANGS RGYAS KYIS CI ZHIG THOB PAR MDZAD CE NA, NGES PAR LAGS PA NI GDON MI ZA BAR BDE LEGS SU GYUR PAS NA NGES PAR LEGS PA STE, MYA NGAN LAS 'DAS PA DANG, MNGON PAR MTHO BA NI MNGON PAR 'DOD CING PHUL DU BYUNG BA'I 'JIG RTEN PA'I PHUN SUM TSOGS PA STE, DE DAG GI BDAG NYID CAN GYI BDE BA THOB PAR MDZAD KYI, BDE BA CUNG ZAD NI PHAN PA MA YIN TE, DE GNYIS KAS PHAN 'DOGS PAR MDZAD CING DE DAG GNYIS KA LA 'JUG PAR MDZAD PAS DE NI GCIG TU PHAN 'DOGS PAR MDZAD PA ZHES BYA'O,,GZHAN DAG GI 'JUG PA NI DE LTA BU MA YIN PAR BSTAN PA'I PHYIR @50A *, ,KHYAB 'JUG CES BYA BA LA SOGS PA SMOS TE, KHYAB 'JUG GI TSIG NI 'DOD CHAGS LA SOGS PA'I NYES PA'I SKYON RNAMS BSKYED PA YIN TE, 'JIG RTEN PA DMOD PA'I 'JIGS PAS TSANGS PA LA SOGS PA DPANG DU BZHAG STE, SI TA ME LA REG PAS TSANGS SU ZIN KYANG SNA TSOGS BSHES GNYEN GYIS SPONGS SHIG CES SMRAS PA YIN TE, 'JIG RTEN DMOD PAS 'JIGS PA RNAMS, ,GOM RE ZHING YANG DOGS PA SKYE, ,SHIN TU 'JIGS BCAS DUL BA RNAMS, ,'BYOR BA LAS KYANG SKYO BAR BYED, ,CES SMRAS PA YIN NO, ,GANG GI TSE SI TA ME LA REG PAS MNA' SKYEL DU ZIN KYANG TSANGS PAR MA GYUR PA DANG, DE'I TSE SA LA GSOL BA BTAB STE ZHUGS SO, ,RA MA NA KHROS TE RAL GRI BLANGS NAS PHRA RAB TZAM GYIS YANG BSAD PA'I PHYIR ZHUGS PA DANG, TSANGS PAS 'JIG RTEN GYI MAR GYUR PA 'DI LA MA GTZE ZHIG CES BZLOG GO, ,LA LAR 'THAB PA NA NAM MKHA' RU LDING DANG KHYAB 'JUG 'THABS PA'I TSE, NAM MKHA' LDING RGYAL BAR GYUR PA DANG, KHYAB 'JUG GIS SMRAS PA, KHYOD KYIS PHA ROL GNON PA 'DIS KHO BO MGU BAR GYUR GYIS NGA LAS MCHOG LONG SHIG ,DES SMRAS PA, KHYOD LAS NGA RGYAL BAR GYUR PAS, KHO BO LA KHYOD CI'I PHYIR MCHOG SLONG BAR MI BYED, DES SMRAS PA, 'O NA KHO BO KHYOD LA MCHOG SLONG GIS BYIN CIG ,DES NA KHYED NYID NGA'I BZHON PAR GYUR CIG CES SMRAS PA DANG, NAM MKHA' LDING DE'I BZHON PAR GYUR TO, ,KHYAB 'JUG GIS YUL DU BABS NAS DE NYID NA RTZE DGA' ZHING 'DUG PA DANG, LHA RNAMS KYI BYA BA NYAMS PAR GYUR PA NA LHA RNAMS KYIS DE'I DON DU TSANGS PA LA GSOL BA BTAB PO, ,DE'I TSE GNAS NGAN GYI CHA LUGS SU ZHUGS TE, DER BTANG NAS, RA MA NA DANG LHAN CIG DBEN PAR GROS BYED CING, DE'I NU BO LAG SMAN SGOR BZHAG STE, 'DIR 'GA' YANG 'JUG PA'I GO SKABS MA DBYE ZHIG ,GANG 'JUG PAR BYED PA DE NGAS GSAD PAR BYA'O, ,JI TZAM NA DRANG SRONG CHEN PO GNAS NGAN DER 'ONGS PA DANG, DES BZLOG PA NA GNAS NGAN GYIS SMRAS PA, GAL TE KHO BO 'JUG TU MI STER NA, KHYOD KYI RIGS MA LUS PA BRLAG PAR BYA'O, ,LAG SMA NAS BSAMS PA, KHO BO 'CHI BA NI BLA'I RIGS @50B MA LUS PA BRLAG PAR GYUR PA NI MI RUNG NGO SNYAM NAS NANG DU ZHUGS TE, RA MA NA LA SMRAS PA DANG, RA MA NA SA DAM BCAS PA BRTAN PAR BYA BA'I PHYIR, RAL GRI THOGS TE DE BSAD PA LA ZHUGS PA DANG, BRAM ZE ZHIG GIS SMRAS PA, SPYUGS PA DAG KYANG BSAD PA DANG 'DRA BAS 'DI MA BSAD PAR RANG GI YUL NAS SKROD CIG ,DES KYANG DE BZHIN DU BSKRAD PAR GYUR TO, DER MA NA MA SLEB PA'I PHYOGS GZHAN ZHIG TU PHYIN TE ME LA LCEBS PAR GYUR TO, ,GTAM DE THOS PA DANG, RA MA NA SKYO BA SKYES TE, CHU BO GANG+G'AR 'THAB PA MED PA ZHES BYA BA'I GRONG KHYER GYI SKYE BO DANG BCAS PAR CHU'I NANG DU SHI BA'I DUS BYAS SO ZHES GRAG PA DANG, NYA DANG RUS SBAL PHAG DANG NI, ,MI YI SENG GE MI THUNG DANG, ,DGA' BYED RA MA NA NAG PO, ,SANGS RGYAS KAL KI TZE DANG BCU, ,ZHES BSHAD PA'I KHYAB 'JUG GI 'JUG PA BCU YANG SKABS 'DIR BSHAD PAR BYA STE, SA CHEN PO 'DI CHUS GANG BAR GYUR LA, DE LA PHAN PAR BYA BA'I PHYIR KHYAB 'JUG GIS RANG GI LUS RUS SBAL DU BYAS TE, CHU LA NUB PAR BYAS NAS, RIG BYED RNAM PA BZHI SA 'OG TU ZHUGS PAR GYUR TO, ,DA NAS LHA RNAMS KYIS DE'I DON DU KHYAB 'JUG LA GSOL BA BTAB PA DANG, NYA'I GZUGS KYIS ZHUGS TE DE BLANGS NAS LHA RNAMS LA BYIN NO, ,SA'I LHA SA CHEN PO'I KHUR SHIN TU LCI BAS MNAN NAS, LHA RNAMS LA BDAG GIS KHUR 'DI GDEG PAR MI NUS SO ZHES GSOL BA BTAB PA DANG, KHYAB 'JUG RUS SBAL DU GYUR NAS KHUR DE BTEG GO, ,DE BZHIN DU KHYAB 'JUG PHAG GI GZUGS SU GYUR NAS, SA CHEN PO'I 'OG TU NUB PAR GYUR PA MCHE BAS STENG DU BTEG GO, , 'GRO SKYOB GSER CAN ZHES BYA BA LO BDUN 'BUM GYI BAR DU DKA' THUB SPYAD NAS MCHOG THOB PA NI KHYED NYIN MO'AM, MTSAN MO'AM, NANG NGAM, PHYI ROL LAM, SA'AM, NAM MKHA' 'AM, 'OG GAM, STENG DU SONG BAR MI 'GYUR BA DANG, DE BZHIN DU MTSON CHA DANG, DBYUG PA DANG, MI DANG, LHA DANG, DUD 'GRO RNAMS KYIS MI SOD PAR GYUR CIG CES MCHOG BYIN NO, ,DE LAS LAN 'GA' ZHIG NA DPAG TSAD LNGA KHYAB PA'I 'KHOR GYI 'DUS PA 'DUG PA DANG, DER LA LA ZHIG LUS KYI PHYED NI MI'I GZUGS LA, LUS KYI PHYED NI SENG GE'I GZUGS SU RGYAL PO'I SGO NA 'DUG GO ZHES @51A *, ,THOS PA DANG, DE 'KHOR DANG BCAS PA NGO MTSAR SKYES PAR GYUR NAS SONG STE, 'THAB PA'I PHYIR SBRAN TO, ,DE NAS 'THABS PA NA NYIN MTSAN GYI MTSAMS SU SGO'I GTAN PA LA BLANGS TE, PUS MO LA BZHAG NAS 'GRO SKYOB GSER CAN GYI BRANG SDER MOS DRAL TE BSAD PAR GYUR TO; ,DE BZHIN DU STOBS LDAN RTA'I MCHOD SBYIN BYED PA NA KHYAB 'JUG MI'U THUNG GI GZUGS SU BSGYUR TE, SLONG MO LA SONG NAS BSLANGS PA NA GOM PA GSUM GYI SA BYIN PA DANG, DES SGYU RTZAL GYI RNAM PAR GNON PAS SA GSUM RNAM PAR MNAN TE, GOM PA GSUM PA'I GNAS MA RNYED PAS STOBS LDAN BCINGS TE, DENG SONG NA YANG SA 'OG NA GNAS SO, ,DE NAS SNYAN DNGAGS MKHAN DAG GIS, SBYIN BDAG STOBS LDAN KHYAB 'JUG SLONG BA PO, ,RTA YI MCHOD SBYIN DUS SU SA CHEN BYIN, ,'BRAS BU BCINGS PA NYID NI THOB PAR GYUR, ,CHOL PAR BYED PA'I LAS 'DIR SU ZHIG SMON, , ZHES SMRAS PA LTA BU YIN NO, ,DE BZHIN DU RA MA NA NI STOBS LDAN SGRA NGAN GYI PHYOGS SU GNAS NAS GSHOL GYIS SA DRUD DE MTHO DMAN DU BYAS PA DANG, CHU MIG DANG, KHRON PA LA SOGS PA BYUNG BAR GYUR PA YIN NO, ,DGA' BYED NI RGYAL PO SHING RTA BCU PA'I PU RA MA NA STE, 'DIR RGYAL PO RA MA NA'I GTAM BRJOD PAR BYA'O, ,DGA' BYED NI DGA' BYED DGRA STA CAN ZHES BYA BA DRANG SRONG DZA MA AA GNI'I BU STE, DE'I GTAM YANG 'DIR SBYAR BAR BYA'O, ,RA MA NAS SRIN PO BYE BA DPAG TU MED PA BSAD PAS SDIG PA DE SBYANG BAR BYA BA'I PHYIR, RTZOD PA'I DUS SU 'JIG RTEN 'DIR KHYAB 'JUG SANGS RGYAS KYI GZUGS SU 'BYUNG BAR 'GYUR RO ZHES 'JIG RTEN PA DAG SGROGS SO, ,KAL KI ZHES BYA BA NI 'DI LTAR THOS TE, BRAM ZE GRAGS PA ZHES BYA BA'I BU KAL KI ZHES BYA BA THA MAR 'BYUNG BAR 'GYUR LA, DE NAS NI DUS LDOG PAR 'GYUR RO ZHES ZER RO, ,YANG KHYAB 'JUG GIS SMRAS PA, NYI MA'I NANG NA BDAG KHYAB 'JUG ,SKAR NANG 'OD LDAN ZLA BA YIN, ,RLUNG NANG NA NI 'OD ZER CAN, ,SNANG BA CAN NANG NYI MA YIN, ,RIG BYED NANG NA SNYAN TSIG NGA, ,LHA NANG NGA NI BRGYA BYIN TE, ,DBANG PO'I NANG NA YID YIN LA, ,'BYUNG BA'I NANG NA SEMS YIN ZHING, ,NGA NI BDE BYED DRAG PO'ANG YIN, ,SRIN PO @51B GNOD SBYIN NANG NOR BDAG ,NOR LHA'I NANG NA ME LHA DANG, ,RI BO'I NANG NA NGA RI RAB, ,NGA NI YI GE'I NANG NA AA, ,ZHES BYA BA LA SOGS PA YIN TE, DE LTAR NA DE NI SMYON PA'I BYED SPYOD LTA BUR RNAM PAR SPYOD DO ZHES BYA BAR GNAS TE, SMYO BYED KYIS NYE BAR BCOM PA'I SPYOD PA CI LTA BA DE LTA BUR SPYOD CING; TSIG KYANG DE LTA BUR STON PA YIN NO, ,DE BZHIN DU LHA CHEN PO'I TSIG GANG YIN PA'ANG BYED SPYOD SMYON PA LTA BUR STON PA YIN TE, DE YANG PI WANG SGRENG ZHING GLU LEN PA DANG, DGA' BAR BYED PA NYAN CING GAR BYED PA DE NI BDE BA THOB PAR 'GYUR LA, GCER BUR GNAS PAS NI 'BYOR PA THOB PAR 'GYUR ZHING, BDAG NYID BZHAD GAD KYI SPYOD PA LTA BUR BSTAN PAR BYA'O ZHES LHA CHEN PO JI SKAD DU SMRA BA LTA BU DANG, DE BZHIN DU THIG LE'I MCHOG MA'I RGYU LAS TSANGS PA CHEN PO'I MGO BCAD PA'I SDIG PA SBYANG BAR BYA BA'I PHYIR, MI'I THOD PA THOGS PA'I BRTUL ZHUGS BLANGS PA DANG, DE BZHIN DU DRANG SRONG RNAMS KYI CHUNG MA 'DOD PA'I DGA' BA BSKYED PA'I PHYIR, THANG SHING GI NAGS NA DRANG SRONG RNAMS GNAS PA'I TSE DE DAG YAM SHING LA SOGS PA BTZAL BA'I PHYIR PHYI ROL DU SONG BA DANG, LHA CHEN POS RANG GI MTSAN BSGRENG STE GNAS DER ZHUGS PA DANG, DRANG SRONG CHEN PO RNAMS KYI CHUNG MA DANG BU MO RNAMS KYI SEMS G-YOS PAR BYAS LA, DRANG SRONG DE RNAMS PHYI DRO'I DUS SU SLAR 'ONGS PA NA GTAM DE THOS NAS, KHROS TE DMOD PA BTAB PAS DE'I MTSAN SA LA LHUNG BAR BYAS SO, ,LHA CHEN PO YANG GLANG PO CHE'I GZUGS SU BYAS TE, S'A LA'I NAGS KYI TSANG TSING DU ZHUGS SO, ,MIS BYIN GYIS GTAM DE THOS NAS DRANG SRONG CHEN PO RNAMS KYI GAN DU SONG STE, MTSAN DE BSLANGS SO, ,DRANG SRONG DAG GIS PHAN TSUN MCHOG BYIN PAS LHA CHEN PO SLAR MTSAN DANG LDAN PAR GYUR TO, ,DE NAS AU MA DANG LHAN CIG DGA' ZHING RTZE BA LAS BGEGS KYI DBANG GIS KHU BA SA LA LHUNG BA DANG, DES CA CO BTON PA NA AU MAS DE'I STENG DU GLANG PO CHE'I MGO BO BZHAG PA DANG, DE LAS BI N'A YA KAR GYUR TO, ,DE DUS GZHAN NA 'O MA LA SOGS PAS GSOS PA NA, GLANG PO CHE NI TSANG LA DGA' BA'I PHYIR DANG, SNGON DRI ZAR GYUR PA'I PHYIR CHANG 'THUNG BAR 'DOD PA NA, LHA CHEN POS DE GNANG STE, SKYE DGU'I @52A *, ,BDAG PO NI GDUG PA 'BYIN PAR MI BYED PAS NA, DES NA 'DI SPRUL PA YIN NO ZHES RJES SU GNANG NGO, ,DE BZHIN DU LHA MA YIN LONG BA LHA CHEN PO'I GZUGS SU BYAS NAS AU MA DANG LHAN CIG 'KHRIG PA SPYOD PAR 'DOD DE, DE'I GAN DU SONG BA DANG, DES DE'I BRANG GI PHYOGS NA THIG LE GCIG YOD PA MTHONG NAS DE 'DOD PAR MA GYUR TO, ,LHA CHEN POS GTAM DE THOS NAS RTZE GSUM PA THOGS TE G-YUL BKYE NAS, RTZE GSUM PA LA BSKYON PA DANG, LHA MA YIN LONG BA'I LUS LAS KHRAG GI THIGS PA JI SNYED BYUNG BA DE SNYED LHA MA YIN DU GYUR NAS G-YUL 'GYED PAR LHAGS SO, , DE'I DON DU LHA RNAMS KYIS TZA MUndI LA SOGS PA LHA MO BRGYAD SPRUL PA DANG, DE DAG GIS BAR SNANG LA 'BAB PA NYID KYI TSE NA KHRAG 'THUNGS TE SA LA GCIG KYANG LHUNG BAR MA GYUR PA DE LTAR BYAS NAS DE BSAD PAR GYUR TO, ,DE BZHIN DU LHA CHEN POS DGA' BYED DBANG PHYUG YUN RING ZHIG NAS MTHONG STE SMRAS PA, KHYED GANG DU SONG, DES SMRAS PA, BDAG GIS RGYU MTSAN CAN GYI BSTAN BCOS BYAS SO, ,LHA CHEN POS SMRAS PA, DE KHYER LA SHOG CIG ,DES KHYER TE 'ONGS PA NA, LHA CHEN PO KHROS TE DUM BU GNYIS SU BYAS NAS, RGYA MTSO'I RGOD MA'I KHA'I ME'I NANG DU DOR RO, ,DGA' BYED DBANG PHYUG GIS SMRAS PA, KHYOD KYI LAG PA'I SEN MO LA BRAM ZE GSOD PA'I MTSAN MA MTHONG NGO ZHES BYA BA NAS, TSANGS PA'I MGO BCAD PAS THOD PA CAN GYI BRTUL ZHUGS BLANGS PA YIN NO ZHES BYAS PA DANG, LHA CHEN PO MGU STE, BSTAN BCOS DE RGYA MTSO'I ME LAS BLANGS TE, SKAR MA'I BSTAN BCOS DANG; RGYA MTSO CAN ZHES BYA BA BUD MED DANG, SKYES PA DANG, LAG RIS KYI MTSAN NYID LA SOGS PA STON PA STE, RNAM PA GNYIS SU BYAS SO, ,DE LTAR DE DAG GI MTSAN NYID NI SMYON PA LTAR 'BREL PA MED PA YIN NO, ,DE BZHIN GSHEGS PA'I GSUNG NI NYES PA MA LUS PA SEL CING ZHI BAR MDZAD PA YIN TE, DE YANG, MYA NGAN NAD LA SHIN TU PHAN PA'I SMAN, ,KUN RMONGS MUN PA SEL BA SGRON MA'I MCHOG ,DE NYID YE SHES SKYED PA'I MIG 'BYED PAS, ,RGYA CHEN SANGS RGYAS GSUNG NI MNYAN PAR GYIS, ,LUS SOGS 'DUL ZHING NYES PA GSUM SEL LA, ,SRID GSUM SGROL ZHING DUS GSUM YE SHES @52B 'THOB, ,NGAN SONG GSUM ZHI BYANG CHUB GSUM THOB 'GYUR, ,THOS SOGS THOG MA LA SOGS MCHOG GSUM LDAN, ,SHIN TU SKAL LDAN 'DI 'DRA'I TSIG GZHAN MED, ,DE BAS THUB GSUNG MCHOD PA BYAS NAS NI, ,SHIN TU GUS PAS MNYAN PA NYID DU GYIS, ,ZHES BYA BA LA SOGS PA SMOS PA YIN NO, ,DES NA GANG ZHIG NYE BAR ZHI BA STON PAR BYED PA'I STON PA PO'I MCHOG TU 'OS PA DE SHIN TU LEGS PAR RTOGS LA DPYOD PAR GYIS SHIG CES BYA BA'AM, YANG NA GANG ZHIG CHEN PO YIN PAR SMROS SHIG CES PA'AM, NYON CIG CES BYA BA YIN NO, ,BCOM LDAN 'DAS NYID STON PA CHEN POR 'OS PAR GZHAN GYI TSIG GIS GSAL BAR BYA BA'I PHYIR, GANG ZHIG CES BYA BA LA SOGS PA SMOS PA YIN TE, LHA CHEN PO LA SOGS PA GANG ZHIG GZHAN LA GNOD PAR BRTZON PA DE NI BRTZE BA MED CING SNYING RJE SPANGS PA YIN TE, SNYING RJE CAN NI GZHAN LA GNOD PA BYED PAR MI 'GYUR RO; ,YANG SANGS RGYAS BCOM LDAN 'DAS GANG LA 'GRO BA SROG CHAGS KYI TSOGS RNAMS SKYABS SU SONG BAR GYUR CING, SKYABS KYI GZHIR GYUR TE, KHYED RNAMS KYI RTEN DANG, GNOD PA'I SKYABS NI NGAS BYA'O ZHES ZHAL GYIS BZHES SHING, 'JIGS PAR MA BYED CIG CES BYA BA LA SOGS PA'I TSIG GIS TSIM PAR MDZAD PA YIN NO, ,GAL TE GZHAN LA PHAN PA BYA BAR DAM BCAS SU ZIN KYANG 'DOD CHAGS LA SOGS PA'I NYON MONGS PA'I DBANG GIS MI BYED PA YIN NO ZHE NA, DE'I PHYIR 'DOD CHAGS BCAS DANG ZHES BYA BA LA SOGS PA SMOS PA YIN TE, DE LTA NA 'DOD CHAGS DANG BCAS PA DANG, 'DOD CHAGS DANG BRAL BA DE GNYIS KYI NANG NAS GANG ZHIG LA 'DI NA MCHOD PAR BYA ZHING, BSNYEN BKUR BYA BA'I 'OS YIN PA RNAM PAR DPYOD CING SOMS LA SMROS SHIG CES PA STE, DES NA GANG THUGS RJE DANG LDAN ZHING 'DOD CHAGS DANG BRAL BA DE NYID MCHOD PAR BYA BA NYID YIN PAR GSAL BA KHO NA'O ZHES BYA BA'I DON TO, ,GANG ZHIG GZHAN LA GNOD PA BYA BA'I PHYIR BRTZON PA YIN ZHE NA, BRGYA BYIN ZHES BYA BA LA SOGS PA SMOS TE, BRGYA BYIN NI NUS PA ZHES BYA STE, DGRA RNAMS GSOD PAR NUS PAS NA BRGYA BYIN TE, DE NI GZHAN LA GNOD PA BYED PA YIN PAR SHES PAR BYA'O, , @53A *, ,DE YANG DE NI RDO RJE THOGS PA'I PHYIR TE, SNYING RJE CAN GZHAN DAG GSOD PA'I PHYIR MTSON CHA THOGS PAR MI BYED DO, ,RDO RJE 'BYUNG BA'I RGYU GANG YIN PA DE NI SNGAR BSHAD PA YIN NO, ,STOBS CAN ZHES BYA BA NI STOBS BZANGS SO, ,GSHOL THOGS ZHES BYA BA NI MTSON CHAR GSHOL THOGS PA'O, ,DE YANG BDUD RTZI PHROGS PA'I RGYU LAS LHA DANG LHA MA YIN G-YUL CHEN PO BKYE BAR GYUR LA, DE'I TSE BRGYA BYIN NI RDO RJE, SKEM BYED NI MDUNG THUNG STOBS BZANGS NI GSHOL THOGS PA YIN LA, DE LA STOBS BZANGS NI KLU'I RGYAL PO NOR RGYAS KYI SPRUL PA STE, SA CHEN PO 'DZIN PAR BYED PA YIN LA, GSHOL NI DE'I DGOS PA RGYA CHEN PO BYED PA YIN NO ZHES GRAG GO, ,KHYAB 'JUG 'KHOR LO'I MTSON THOGS ZHES BYA BA LA, 'KHOR LO 'BYUNG BA'I TSUL NI SNGAR BSHAD PA YIN NO, ,SKEM BYED NI KARTI KA DANG, GDONG DRUG PA ZHES BYA BA MING GI RNAM GRANGS SU GRAGS SO, ,DE MDUNG THUNG THOGS SHING ZHES BYA BA NI 'DI SKAD THOS TE, LHA MA YIN MA HE ZHES BYA BAS LHA'I LO LNGA BRGYA'I BAR DU DKA' THUB BSTEN NAS LHA CHEN PO MGU BAR BYAS TE, DE LA SKYES BU GSOD PA'I PHYIR MDUNG THUNG BLANGS LA, DE DE DANG LHA RNAMS SHIN TU ZHUM PAR BYAS PA DANG, LHA RNAMS KYIS AU MA LA GSOL BA BTAB PA, KHYED BUD MED YIN NA YANG 'DIS SKYES BU GSAD PA'I PHYIR, MTSON CHA 'DI RNYED PAS KHO BO CAG SHIN TU GCOS KYIS, DE MED PAR BYA BA'I PHYIR 'BAD PAR GYIS SHIG CES SMRAS PA DANG, DES DKA' THUB KYIS LHA CHEN PO MGU BAR BYAS TE MDUNG RTZE GSUM PA THOB PAR GYUR PA DANG, G-YUL BKYE STE RTZE GSUM PAS BSNUN PAR GYUR PA NA LHA MA YIN MA HE'I LUS LAS KHRAG GI THIGS PA JI SNYED BYUNG BAR GYUR PA DE SNYED KYI LHA MA YIN MA HER GYUR TO, ,AU MA'I DPRAL BA LAS CHAD PA'I DBANG GIS RDUL GYI THIGS PA SA LA JI SNYED BYUNG BA DE DAG KYANG SHA ZA SHIN TU 'JIGS PA'I GZUGS CAN DU GYUR NAS, KHRAG GI THIGS PA DE BAR SNANG NYID DU ZA BAR BYED CING, LHA MA YIN DE BSAD PAR GYUR NAS, DE'I MDUNG THUNG THOB PAR GYUR PA DANG, SKEM BYED KYIS DE BSLANGS NAS MDUNG THUNG DE SKEM BYED LA BYIN PAR GYUR PA YIN NO, ,LHA CHEN PO NI LHA CHEN PO DRAG PO STE, DE YANG, @53B GANG ZHIG ME NI RNO LTAR SREG ,GANG ZHIG GTUN SHING GZI CAN ZA, ,SHA DANG RKANG DANG KHRAG SOGS ZA, ,DES NA DRAG POR BSHAD PA YIN, ,ZHES 'BYUNG BA YIN NO, ,RTZE GSUM MTSON THOGS ZHES BYA BA NI LHA CHEN POS DA DI TZE'I RUS PA LAS LAS THAMS CAD PAS BYAS PA'I RTZE GSUM GYI MTSON CHA LHA RNAMS KYIS BYIN PA YIN NO ZHES BSHAD PA YIN NO, ,GZHAN DAG NA RE, GRONG KHYER SUM BRTZEGS BSREGS PA'I TSE, LHA RNAMS KYIS LHA CHEN PO LA GSOL BA BTAB PA DANG, DES MTSON CHA BLANGS PA NA DE'I TSE LHA RNAMS KYI DRANG SRONG DA DI TZE'I RUS PA KHYER TE 'ONGS LA, KLU RNAMS KYIS MANDA RA'I GZHIR GYUR PA'I RUS SBAL GYI THOD PA KHYER TE 'ONGS SHING MI RNAMS KYIS NI RDO RJE KHYER TE 'ONGS PA DANG, DE NAS LAS THAMS CAD PAS GSUM PO DE LA RTZE GSUM PA BYAS TE, LHA CHEN PO LA BYIN NO ZHES ZER RO, ,DUR KHROD DU GNAS PA NI LHA CHEN PO DRAG PO'I GNAS DUR KHROD DU BCAS PA YIN NO, ,LHA MA LUS PA'I DBANG DU BYAS NAS DE DAG CES BYA BA LA SOGS PA SMOS PA YIN TE, DE DAG CES BYA BA NI BRGYA BYIN LA SOGS PA'O, ,DE DAG KYANG JI LTA BU ZHE NA, MI SHES PA LAS BYUNG BA YIN PA'I PHYIR BYIS PA ZHES BYA STE, DGE SLONG DAG NYES PAR SEMS PA DANG, NYES PAR SMRAS PA DANG; NYES PAR SPYOD PA'I LAS SPYOD PAS BYIS PA ZHES BYA'O ZHES GSUNGS PA YIN NO, ,GZHAN YANG JI LTA BU ZHE NA, SNYING BRTZE MED PA STE, SNYING RJE MED CING GDUG PA ZHES BYA BA'I DON TO, ,GDUG CING MI SRUN PA MA YIN PA DAG NI GZHAN DAG 'JOMS PAR MI BYED DO, ,DE LTAR GDUG PA YIN PAS NA DE DAG MTSON CHA SNA TSOGS DANG BCAS PA'I PHYIR SNA TSOGS MTSON THOGS TE, SNA TSOGS SHING RNAM PA THA DAD PA'I MTSON CHA DU MA THOGS PAR BYED PA YIN LA, DE DAG KYANG SDUG BSNGAL LA SOGS PA DANG LDAN PA STE, SDUG BSNGAL ZHES BYA BA NI 'PHRAL DU 'BYUNG BA'I LUS DANG SEMS NYE BAR GDUNG BAR BYED PA'O, ,'JIGS PA NI MA 'ONGS PA'I SDUG BSNGAL GYIS 'JIGS PA'I PHYIR SEMS 'DZAG CING, BDAG NYID ZHUM PAR GYUR PA STE, DE GNYIS KYIS DE NYEN CING NYE BAR GDUNGS PAR GYUR PA'O, ,DE LTAR SDUG BSNGAL DANG, 'JIGS PA'I 'TSE BA MED PA RNAMS NI GZHAN @54A *, ,LA 'TSE BA'I PHYIR MTSON CHA THOGS PA'I DGOS PA MED DO, ,GAL TE GZHAN LA BSDIGS PA'I PHYIR MTSON CHA THOGS KYI GSOD PA'I PHYIR NI MA YIN NO ZHE NA, DE'I PHYIR, RTAG TU ZHES BYA BA LA SOGS PA SMOS TE, RTAG PAR RGYUN DU LUS CAN DANG, SROG CHAGS RNAMS 'JOMS SHING BSAD PAR BRTZON PAS MTSON CHA THOGS PAR BYED PA, DE LTA BU DE LA NI MKHAS PA SHES RAB DANG LDAN ZHING YON TAN DANG SKYON GYI BYE BRAG PHYED PA SU ZHIG 'DUD CING PHYAG 'TSAL BAR BYED DE, DE DAG NI PHYAG 'TSAL BA'I 'OS MA YIN PAR STON TO, ,JI SKAD BSHAD PA'I NYES PA RNAMS MI MNGA' BAS NA BCOM LDAN 'DAS NYID MCHOD PAR BYA BA YIN NO ZHES BSTAN PAR BYA BA'I PHYIR, GANG ZHIG CES BYA BA LA SOGS PA SMOS PA YIN TE, RTZE GSUM NI DGRA BO GZHOM PAR BYA BA'I PHYIR THOGS LA, DE BZHIN DU CHAGS PA DANG BCAS PA'I PHYIR MCHAN NA CHUNG MA 'JOG PA STE, DE PANG NA GNAS PAR BYED PA'O, ,GAL TE PANG NA BU MO DAG THOGS PA LA NI NYES PA MED DO ZHE NA, 'DOD PA'I 'DOD CHAGS DANG BCAS SHING LHA CHEN PO LTAR MA MCHAN NA GNAS PA YANG MI MNGA' LA, DE BZHIN DU KHYAB 'JUG LTAR 'KHOR LO BSNAMS PAR YANG MI MDZAD CING, SKEM BYED LTAR MDUD THUNG BSNAMS PAR YANG MI MDZAD LA, BRGYA BYIN LTAR RDO RJES DGRA BO RNAMS 'JOMS SHING DRAG PA YANG BSNAMS PAR MI MDZAD DE, DE BZHIN STOBS BZANG LTAR GSHOL YANG BSNAMS PAR MI MDZAD DO, ,CI'I PHYIR MTSON CHA 'DI DAG BSNAMS PAR MI MDZAD CE NA, ,NYON MONGS PA LAS RNAM PAR GROL BA'I PHYIR TE, 'DOD CHAGS LA SOGS PA'I NYON MONGS PA'I TSOGS LAS NGES PAR GROL ZHING YONGS SU SPANGS PA ZHES BYA BA'I DON TO, ,MKHAS PA GZHAN LA PHAN 'DOGS RNAM PAR BRTZON, ,ZHES BYA BA NI, GZHAN GYI DGOS PA BSGRUB PA LA BRTZON ZHING, THUGS RJE CHEN PO DANG LDAN PA ZHES BYA BA'I DON TO, ,SKYABS GYUR ZHES BYA BA NI SKYABS SU 'GRO BAR 'OS PA'O, ,SU ZHIG GI SKYABS SU 'OS SHE NA, 'JIG RTEN PA RNAMS KYI'O, ,CI'I PHYIR SKYABS KYI 'OS YIN ZHE NA, YE SHES PHUN SUM TSOGS PA DANG LDAN PA DANG, SPANGS PA PHUN SUM TSOGS PA DANG LDAN PA'I @54B PHYIR SRID PA GSUM GYI STON PAR GYUR CING SKYABS KYI 'OS YIN PAR RJES SU DPAG PAR BYA'O, ,DE SU ZHIG CE NA, DRANG SRONG STE DRANG SRONG CHEN PO SANGS RGYAS BCOM LDAN 'DAS SO, ,DE LA 'DIR NI ZHES PA NI SANGS RGYAS BCOM LDAN 'DAS LA BDAG 'DIR SKYABS SU MCHI BA'O, ,DE YANG 'DI LA BRTEN CING SKYABS SU 'GRO NA SDIG PA MI DGE BA'I DNGOS PO 'JIG CING DENGS PAR BYED PA'I DON GYIS NA SKYABS SO, ,GANG GI PHYIR GZHAN DAG LA NI NYES PA YOD KYI KHYED LA NI NYES PA MI MNGA' BAS DE'I PHYIR SKYABS SU 'OS PA NI KHYED NYID YIN NO ZHES GSAL BAR BYA BA'I PHYIR, LHA CHEN ZHES BYA BA LA SOGS PA SMOS PA YIN TE, LHA CHEN PO 'DOD PA'I 'DOD CHAGS KYI DBANG DU GYUR PA'I CHUNG MA YONGS SU 'DZIN CING LEN PAR BYED DO, ,JI LTA BU'I LHA CHEN PO ZHE NA, NGO TSA SPANGS PA STE, CHAGS PAS NGO TSA DANG BRAL BA'O, ,DE YANG, 'DOD PAS NGO TSA 'JOMS BYED DE, ,MYA NGAN GYIS BRTAN DGA' BAS LUS, ,NGA RGYAL GYIS NI YON TAN RNAMS, ,RTZA NAS 'JOMS PAR BYED PA YIN, ,ZHES BSHAD PA YIN NO, ,CO 'DRI ZHES BYA BA NI, 'TSO BAR BYED PA'I BDAG NYID CAN TE, ZHE SDANG GIS NYE BAR GSOD PA LA SOGS PA'I NGANG TSUL CAN ZHES BYA STE, LHA CHEN PO NI SKYON DE DAG DANG LDAN ZHING CHUNG MA 'CHANG BAR BYED PA YIN NO ZHES BYA BA'I DON TO, ,KHYAB 'JUG NI LHAG PAR GTUM PA STE, SNYING BRTZE BA'I YUL DU GYUR PA'I SKYE BO LA YANG DE LA ZHI DES SU GYUR PA MED DE, LAG SMAN GSAD PA'I PHYIR ZHUGS PA LA SOGS PA LTA BU'O, ,BYAS PA CHUD GSON PA NI STOBS LDAN GYIS SA GSUM BYIN YANG BCINGS PA THOB PAR BYOS PA STE, PHAN PA CHEN PO BYED PA LA SA'I 'OG TU BCINGS TE GZHAG PA NI MI RIGS PA'I PHYIR RO, ,SKEM BYED KYIS RANG GI GNYEN GSAD PA NI KRUNG KRUNG ZHES BYA BA'I RI BO RANG GI ZHANG PO YIN PA LAS DE GSAD PA'I PHYIR DANG, DE YANG GZHAN GYI LAG GIS BSAD PA MA YIN GYI RANG GIS BSAD DO ZHES GRAG GO, ,DKA' BZLOG NI DKA' THUB BZLOG PA STE, LHA MO AU MA'O, ,DE NI KHRO ZHING GTUM PA YIN TE, BUD MED KYI RIGS PHAL CHER BRTZE BA DANG LDAN PA YIN MOD KYI, AU MA NI DE LTA MA YIN NO, ,CI'I PHYIR ZHE NA, LHA MA YIN @55A *, ,CHEN PO MA HE ZHES BYA BA GSOD PAR BYED PA YIN PA'I PHYIR RO, ,MA MO RNAMS KYANG GDUG CING GTUM PA YIN TE, CI'I PHYIR ZHE NA, MI'I SHA DANG TSIL ZA ZHING LONGS SPYOD PAR BYED PA YIN TE, MA MO DE DAG KYANG GANG ZHE NA, TSANGS PA MO DANG, DRAG MO DANG, KHYAB 'JUG MA DANG; GZHON NU MA DANG, DBANG MO DANG, KU BE RI DANG, PHAG MO DANG, TZAMUndI STE BRGYAD LA MA MO ZHES BYA'O, ,LOG 'DREN NI BGEGS KYI BDAG PO STE, TSOGS BDAG GO, ,DE NI CHANG DAD CHE DANG, CHANG LA SRED PA'O, ,'DI'I GTAM NI SNGAR SMRAS PA YIN NO, ,STOBS BCU LDAN PA ZHES BYA BA NI SANGS RGYAS TE, DE LA NI LHA CHEN PO LA SOGS PA'I NYES PA RGYA CHEN PO DAG GI CHA CUNG ZAD TZAM MAM, 'GA' YANG MI MNGA' STE, DES BAG CHAGS DANG BCAS PA'I NYON MONGS PA THAMS CAD SPANGS PA'I PHYIR NYES PA 'GA' TZAM YANG MI MNGA'O ZHES BYA BA'I DON TO, ,KHYED NI PHYOGS SU LHUNG BAS DE SKAD SMRA BA YIN NO ZHE NA, DE'I PHYIR BCOM LDAN DE NI ZHES BYA BA LA SOGS PA SMOS PA YIN TE, SANGS RGYAS BCOM LDAN 'DAS DE NI BDAG GI GNYEN DANG, NYE DUR GYUR PA MA YIN LA, LHA CHEN PO LA SOGS PA GZHAN DAG NI BDAG GI DGRA BOR GYUR PA MA YIN NO, ,DE BZHIN DU LHA CHEN PO NAS STOBS BCU DANG LDAN PA'I BAR DE DAG GI SPYOD PA DAG KYANG MNGON SUM DU MTHONG BA MA YIN MOD KYI, 'ON KYANG DE DAG GI TSIG GI KHYAD PAR DANG SPYOD PA'I KHYAD PAR GANG DAG YOD PA'I GZHUNG SO SOR THOS PA LAS, SANGS RGYAS BCOM LDAN 'DAS LA BDAG BRTEN CING SKYABS SU SONG LA GZHAN DAG SPANGS PA YIN NO, ,DE CI'I PHYIR ZHE NA, SANGS RGYAS NI YON TAN PHUL DU PHYIN PA DANG LDAN PA YIN PAS DE LA DAD CING DGA' BA'I PHYIR RGYU DES NA DE'I BSTAN PA LA BDAG BRTEN CING GNAS PA YIN NO, ,DE LTAR BRTZAMS PA'I DNGOS PO DE NYID GSAL BAR BYA BA'I PHYIR BDE BAR GSHEGS PA ZHES BYA BA LA SOGS PA SMOS PA YIN TE, 'DIR BDE BAR GSHEGS PA NI BDAG GI PHAR GYUR PA MA YIN LA, LAM GZHAN LA ZHUGS PA'I MU STEGS CAN GZEGS ZAN LA SOGS PA GZHAN DAG NI DGRA BO MA YIN NO, ,DE BZHIN DU DE BZHIN GSHEGS PA DES BDAG LA NOR STZAL CING GSUNG @55B GIS BSGRUB PA MA YIN LA, GZEGS ZAN DANG RKANG MIG LA SOGS PAS NOR GYI DNGOS PO CI YANG MA PHROGS SO, ,DE LA GZEGS ZAN ZHES BYA BA NI GZEGS MA ZA ZHING DKA' THUB BSTEN PAS GANG GIS BRTUL ZHUGS KYI DNGOS GRUB THOB PA STE, DES NA GZEGS ZAN GYIS NI MU STEGS BYED BRAG PA'I GZHUNG BRTZAMS PA YIN LA, DRANG SRONG RKANG MIG GIS NI DPYOD PA PA'I GZHUNG BRTZAMS PA YIN TE, DE YANG RKANG MIG CES BYA BA NI DRANG SRONG 'DI LHA CHEN POS AU MA BSRUNG BA'I PHYIR BZHAG PA DANG, DE SHIN TU GZUGS BZANG BAS AU MA CHAGS PAR GYUR TE, MDUN DRANG POR 'DUG NAS CHAGS PA'I MTSAN MA BSTAN PA DANG, DES MIG GZHAN DU BSGYUR TO, ,DE YANG DER GNAS PAR GYUR PA DANG, DES KYANG MIG DE LAS GZHAN DU BSGYUR BA NAS, MIG RKANG PA GNYIS SU BZHAG PA'I BAR DU BYAS SO, ,GTAM DE THOS PA DANG, LHA CHEN PO MGU BAR GYUR NAS DPYOD PA PA'I GZHUNG RTZOM PA'I STON PAR GYUR CIG CES MCHOG BYIN NO, ,SOGS PA'I SGRAS NI DRANG SRONG SER SKYA LA SOGS PA GZUNG NGO, ,DE LTAR YIN NA CI'I PHYIR KHYED PHYOGS 'DZIN PA LA GNAS ZHES RTOG PA LA, DE'I PHYIR 'ON KYANG ZHES BYA BA LA SOGS PA SMOS TE, DE LTAR DGRA DANG MDZA' BSHES LA SOGS PA MA YIN NA'ANG, SANGS RGYAS BCOM LDAN 'DAS DE NI YE SHES PHUN SUM TSOGS PA DANG LDAN PAS SANGS RGYAS YIN PA DANG, BAG CHAGS DANG BCAS PA'I NYON MONGS PA'I PHRA RGYAS SPANGS PAS BCOM LDAN 'DAS YIN ZHING, SEMS CAN GYI DON DGOS PA MDZAD PA'I THUGS RJE CHEN PO DANG LDAN PAS, 'GRO BA LA GCIG TU PHAN PA MDZAD PA YIN NO, ,DE LTAR YON TAN GSUM DANG LDAN PAS SANGS RGYAS BCOM LDAN 'DAS DE'I GSUNG NI DRI MA MED PA STE, NYES PA THAMS CAD DANG BRAL BA'I GRUB PA'I MTHA' YIN LA, DE BZHIN DU DRI MA THAMS CAD SEL BA YANG YIN TE, NYON MONGS PA'I DRI MA THAMS CAD SEL ZHING 'JOMS PA'I NGANG TSUL CAN YANG GSUNG 'DI NYID YIN TE, DE THOS PA TZAM GYIS NYON MONGS PA'I BAG LA NYAL MTHA' DAG SEL BAR BYED PA YIN PA'I PHYIR RO, ,DE LA BDAG DAD PA NI THUB PA'I DBANG PO'I GSUNG LA BDAG @56A *, ,DAD CING MOS PA DANG LDAN PA YIN NO, ,BDAG NYID BDE BAR GSHEGS PA LA MOS SHING DAD PA YOD PA NYID DU GSAL BAR BYA BA'I PHYIR, GANG ZHIG CES BYA BA LA SOGS PA SMOS TE, DE LA RTAG TU ZHES BYA BA NI RGYUN DU'O, ,PHAN PA NI GZHAN GYI DON TE; DE LA DGYES SHING BZHED PA'I NGANG TSUL 'DI LA MNGA' BAS 'JIG RTEN LAS 'DAS PA'I KHYAD PAR THOB PAR BZHED PA'I PHYIR RO, ,DE BZHIN DU RTAG PAR RGYUN DU 'GRO BA RNAMS LA 'JIG RTEN PA'I BDE BA'I KHYAD PAR RNAMS KYIS JI LTA BA BZHIN DU PHAN 'DOGS PAR MDZAD DE, NYON MONGS PAS BSKYOD PA'I SDUG BSNGAL GANG DAG LA GANG ZHIG BYAS NA ZHI BAR 'GYUR BA DE BCOM LDAN 'DAS MDZAD LA, DE YANG SU ZHIG LA MDZAD CE NA, 'GRO BA GANG ZHIG SDUG BSNGAL RNAM PA MANG PO DAG GIS GDUNGS SHING GZIR LA BCOM PAR GYUR PA DE BDE BAR MDZAD PA DANG, DE BZHIN DU STON PA GANG ZHIG 'DUS BYAS DANG, 'DUS MA BYAS SAM, DUS GSUM GYI SHES BYA'I DNGOS PO MTHA' DAG LAG MTHIL DU BZHAG PA'I DNGOS PO BZHIN DU GSAL BAR MKHYEN PA, DE LA DAD PAR BYA BA 'OS PA YIN ZHING, RTAG TU PHAN PAR DGYES PA LA SOGS PA'I NGANG TSUL CAN GYI DRANG SRONG MNYAM PA MED PA STE; SA GSUM NA DE DANG MTSUNGS PA GZHAN MED PA'I RGYU MNGA' BA DE LA KHO BO YANG DAD PAR GYUR PA YIN TE, DAD PA DANG LDAN PA'I MKHAS PA DAG NI LAM LOG PA LA BRTEN PAR 'OS PA MA YIN NO, ,GANG GI PHYIR PHAN PAR DGYES PA LA SOGS PA'I YON TAN DANG LDAN PAS, BCOM LDAN 'DAS DE NI BSOD NAMS KYI ZHING CHEN PO YIN NO ZHES BSTAN PA'I PHYIR SNYING NAS ZHES BYA BA LA SOGS PA SMOS PA YIN TE, DAD PA DANG GUS PA LA SOGS PA'I BSAM PA PHUN SUM TSOGS PA DANG LDAN YANG SBYOR BA MED PA'I PHYIR SNYING NAS DAD DAM ZHES SMOS PA YIN LA, RGYUN DU SBYOR BA MED DU ZIN KYANG DE LA MCHOD PAR BYED PA NI JI LTAR DGA' BA ZHES SMOS PA YIN TE, LO BCU TZAM 'DAS PA'AM, LO NYI SHU TZAM 'DAS NAS 'JUG PAR BYED PA'AM, RGYU MED PAR 'JUG PAR BYED PA NI JI LTAR DGA' BA ZHES BYA BA'AM, YANG NA TSOGS PA DANG LDAN NA NI BYED LA, TSOGS PA DANG MI LDAN NA NI MI SPYOD PA'O, , @56B THE TSOM GYIS SAM ZHES BYA BA NI GAL TE BSOD NAMS YOD NA NI LEGS KYI, MED DU ZIN KYANG NGA'I DON CHEN PO NYAMS PAR GYUR PA MED DE, DE YANG, 'JIG RTEN GZHAN LA SOM NYIR GYUR, ,MKHAS PAS MI DGE SPANG BYA STE, ,GAL TE MED NA SKYON CI YOD, ,YOD NA MED PAR SMRA BA BCOM, , ZHES SMOS PA LTA BU'O, ,GZHAN GYI NGOR YANG RUNG ZHES BYA BA NI GAL TE 'DI NI BYED LA, KHO BO MI BYED NA CHAD PA DANG SMAD PA CHEN PO 'THOB PAR 'GYUR RO SNYAM DU SEMS NAS 'JUG PA'O, ,DE LTAR BSAM PA BZHI PO GANG YANG RUNG BAS MI GANG ZHIG THUB PA'I DBANG PO KHYED LA PHYAG BGYID NA, SKYES BU DES KYANG LHA'I 'BYOR PA'I BDE BA PHUN SUM TSOGS PA THOB PAR 'GYUR NA, DAD PA LA SOGS PA BSAM PA DANG SBYOR BA PHUN SUM TSOGS PAS SPYOD PA LTA SMOS KYANG CI DGOS ZHES BYA BA'I DON TO, ,THUB DBANG ZLA BA ZHES BYA BA NI SHIN TU ZHI BA'I PHYIR DANG, YID TSIM PAR BYED PA YIN PA'I PHYIR ZLA BA DANG 'DRA BAS NA, THUB DBANG ZLA BA ZHES SMOS PA YIN TE, JI LTAR BKRES PA RNAMS LA KHA ZAS SAM, SKOM PA RNAMS LA BTUNG BA DANG PHRAD NA BKRES PA DANG SKOM PA SEL BA DANG 'DRA BAR PHUN SUM TSOGS PA THOB PAR BYED PA YIN NO, ,KHYAB 'JUG LA DAD PA RNAMS 'DI LA DAD PA YIN BAR SMRA STE, DE LA SNGON GYI GTAM RGYUD KYI NANG NAS, RLUNG GI GTAM RNYING PA LAS TSUL 'DI LTAR THOS SO ZHES SMRA BA DAG DGAG PA'I PHYIR, GNA' SNGON ZHES BYA BA LA SOGS PA SMOS PA YIN TE, 'JIG RTEN GSUM GYIS MCHOD PA'I SANGS RGYAS GANG YIN PA DE NYID NI KHYAB 'JUG YIN TE SNGAR; NYA DANG RUS SBAL PHAG DANG NI, ,ZHES BYA BA LA SOGS PA SMOS PA'I PHYIR RO, ,DE YANG KHYAB 'JUG 'DIS 'JIG RTEN PA SKYE BA DANG RGA BA LA SOGS PA'I DBANG DU GYUR CING, GZHAN DBANG DU GYUR PA THOS NAS DE'I PHYIR SNYING RJES MI 'DI RNAMS BSKYAB CING GDON PAR BYA'O SNYAM NAS, RMAD DU BYUNG ZHING THAMS CAD MKHYEN PAR GYUR PA, NGO MTSAR DU GYUR PA'I BLOS SNYING BRTZE BAS 'DI DAG 'DI LAS GDON PAR BYA'O SNYAM NAS, SH'AKYA'I RIGS RGYAS PA GOO TA MA ZHES BYA BA'I RIGS DAG PAR SKYES SHING, TSIG GZUNG BAR 'OS PAR BYAS NAS 'JIG RTEN 'DIR YANG SANGS RGYAS ZHES BYA BAR @57A *, ,GYUR CING; DE KHO NA NYID STON PA YIN LA PHAN PAR BYED PA YANG YIN NO ZHES GTAM DU GRAGS PAR THOS SO ZHES ZER BA DE NI DE LTA MA YIN TE, SKYE BO RMONGS SHING BLUN PAR GYUR PA DES SA GSUM GYI STON PA DE KHO NA NYID STON PAR MDZAD PA DANG, 'GRO BA THAMS CAD LA PHAN 'DOGS PA NI SANGS RGYAS BCOM LDAN 'DAS YIN PAR SHES SHING, MA RTOGS PA YIN NO, ,DE YANG SANGS RGYAS NI BRGYA LAM NA, LAN 'GA' ZHIG 'BYUNG BA YIN PA'I PHYIR, SHES PA MA YIN TE, JI SKAD DU, BSKAL PA BYE BA PHRAG STONG DANG, ,BRGYA PHRAG BYE BA DAG TU YANG, ,SANGS RGYAS SGRA YANG MI THOS NA, ,SANGS RGYAS MTHONG BA SMOS CI DGOS, ,ZHES GSUNGS PA YIN NO, ,KHYAB 'JUG 'DI NI RTZOD PA'I DUS SU 'BYUNG BA YIN PAS KHO BO CAG DE LA MCHOD PAR MI BYED PA YIN NO ZHE NA, DE'I PHYIR GANG TSE ZHES BYA BA LA SOGS PA SMOS PA YIN TE, 'DOD CHAGS NI RIN PO CHE LA SOGS PA LA CHAGS SHING ZHEN PA'O, ,ZHE SDANG NI GZHAN LA GNOD PA BYA BA'I SEMS TE, DE 'CHANG BAR BYED PA NI DGRA BO RNAMS LA SDANG BAR BYED PA'O, ,DE BAS NA 'DOD CHAGS DANG, ZHE SDANG DE DAG GIS LHA DANG LHA MA YIN ZHES BYA BA NI, BDUD RTZI BSTEN PA DANG MI BSTEN PA'I BYE BRAG GI KHYAD PAR GYIS 'O MA CAN GYI RGYA MTSO BSRUBS TSUN CHAD MING 'DI GNYIS BYUNG BAR GYUR PA YIN NO, ,DE YANG 'DI LTAR THOS TE, TSANGS PAS BSGO BAS PHYOGS GCIG NAS NI LHA RNAMS, PHYOGS GCIG NAS NI LHA MA YIN RNAMS 'DUS NAS RI BO MANDA RA'I STENG NAS NI KHYAB 'JUG GIS GZUNG, KLU'I RGYAL PO NOR RGYAS KYIS SRUB THAG BYAS PA LAS, 'OG NAS NI RUS SBAL GYI RGYAB KYIS BSTEN TE, 'O MA CAN GYI RGYA MTSO CHEN PO BSRUBS PAR GYUR TO, ,DE NAS SHIN TU 'JIGS SU RUNG BA'I DUG GI SKYES BU NAG PO BRTZEGS PA ZHES BYA BA ZHIG BYUNG BAR GYUR PA DANG, DE KHYAB 'JUG GIS MID PAR GYUR PA NA DRAN PA STOR TE, SA LA 'GYEL BAR GYUR NAS CANG MI SMRA BAR GNAS PA DANG, LHA CHEN POS DE LAS DRANGS TE MGRIN PAR BZHAG PAR GYUR TO, ,DES DE'I MGRIN PA SNGON POR GYUR TO, ,DE NAS ZLA BA TSES PA BYUNG BAR GYUR PA DANG, DE LHA CHEN POS BLANGS TE MGO LA GZHAG GO, ,DE NAS @57B DPAL MO ZHES BYA BA BYUNG STE, RANG NYID KYIS KHYAB 'JUG BLANGS TE 'DUS SO, ,DE'I 'OG TU RTA MGRIN RINGS DANG, SHING YONGS 'DUL SOGS PA BYUNG STE, DE DAG NI BRGYA BYIN LA SOGS PA LHA RNAMS KYIS CI RIGS PAR KHYER RO, ,DE NAS BUD MED SHIN TU YID DU 'ONG BA ZHIG BYUNG BA DANG, DE DAG LA KHYED SU YIN ZHES DRIS PA DANG, NGA NI CHANG ZHES BYA STE, NGA 'THUNGS NA MYOS PA DANG, BRGYAL BA DANG, DREGS PA LA SOGS PA'I RNAM PAR 'GYUR BA 'BYUNG BAR 'GYUR RO ZHES SMRAS PA DANG, LHA MA YIN RNAMS 'JIGS NAS MA 'THUNGS PA DANG, LHA MA YIN ZHES BYA BAR GYUR LA, LHA RNAMS KYIS 'THUNGS PAS NI LHA ZHES BYA BAR GYUR TO, ,BDUD RTZI BYUNG BA NA SNOD CHEN PO BRGYAD GANG BA LHA MA YIN RNAMS KYIS KHYER BAR GYUR BA DANG, LHA RNAMS SHIN TU YI MUG PAR GYUR PA NA KHYAB 'JUG GIS SHIN TU YID DU 'ONG ZHING GZUGS BZANG BA'I BUD MED KYI GZUGS SU BSGYUR TE, DER SONG BA LA BRGYA BYIN YANG MI SNANG BA'I GZUGS KYIS NAM MKHA' LA 'DUG GO, ,DE'I TSE LHA MA YIN RNAMS KYIS 'DI NI KHO BO CAG GI BUD MED YIN NO SNYAM NAS, BDUD RTZI'I SRUNG MAR GZHAG GO, ,RANG NYID NI KHRUS LA SONG STE CHOS KYI BSTAN BCOS LAS, MA BKRUS DRI MA SPYOD 'GYUR BAS, , KHRUS MA BYAS PAR ZAS MI BZA', ,ZHES SMOS PA'I PHYIR DE DAG KHRUS LA SONG NGO, ,SKABS DER KHYAB 'JUG DANG, BRGYA BYIN GYIS BDUD RTZI BRKUS TE BRGYA BYIN GYI KHANG PAR KHYER RO, ,DE RNAMS KHRUS BYAS NAS SLAR LOG PA DANG, BDUD RTZI MA MTHONG NAS DE TSOL BA LA BRTZON PA NA, LHA RNAMS KYIS KHYER RO ZHES THOS NAS LHA RNAMS NI STENG DU 'GRO BA YIN PAS, LHA MA YIN MA YIN PA BDEN NO SNYAM MO, ,DE'I TSE LHA RNAMS BDUD RTZI LA LONGS SPYOD PA'I PHYIR 'DUS PA DANG, SGRA GCAN 'DZIN LHA'I CHA LUGS SU BSGYUR TE, DER ZHUGS NAS BDUD RTZI'I SKAL PA THOB PA DANG, NYI MAS MTHONG STE, KHYAB 'JUG LA 'DI NI SGRA GCAN 'DZIN NO ZHES SMRAS PA DANG, DES 'KHOR LOS MGO BCAD PAR GYUR LA, 'ON KYANG BDUD RTZI LA LONGS SPYOD CING BLDAGS PAS MGO NI DENG SANG NA YANG GNAS LA, LUS LHAG MA RNAMS NI SHI BAR GYUR TO, ,DE NAS SGRA GCAN 'DZIN DANG NYI MA @58A *, ,ZHE 'GRAS PAR GYUR PAS, GANG GI TSE, NYI MA'I DKYIL 'KHOR 'GEBS SHING SGRIB PAR BYED PA YIN NO ZHES GTAM DU GRAG GO, ,LHA DANG LHA MA YIN GYI RIN PO CHE 'PHROG PA NA, DES JI LTAR BYAS PA DE BRJOD PAR BYA STE, RGYAL PO GSAL BA ZHES BYA BA LAS MANTA KA ZHES BYA BA'I NOR BU ZHIG YOD PAR GYUR LA, DE KHYAB 'JUG GIS BSLANGS PA DANG, MA BYIN PAR GYUR NAS KHYAB 'JUG DPUNG GI TSOGS BCU DGU DANG BCAS PAR DE'I DON DU G-YUL 'GYED DU SONG NGO, ,GSAL BA YANG NOR BU'I MTHU YID LA BSAMS PA TZAM GYIS DPUNG GI TSOGS STOBS CHE ZHING, PHA ROL GNON PA DANG BCAS PA NYI SHU DANG BCAS TE G-YUL BKYE BA DANG, DE KHYAB 'JUG LAS RGYAL TE GYES SO, ,DUS GZHAN ZHIG NA RGYAL PO GSAL BA RI DAGS SHOR DU SONG BA DANG, SENG GES BSAD DO, ,DRED KYI BDAG PO 'DZAM BU'I BU ZHES BYA BAS SENG GE'I LKOG MAR NOR BU YOD PA MTHONG STE, DE BSAD NAS KHYER RO, ,RIN PO CHE'I DON DU KHYAB 'JUG GIS RGYAL PO GSAL BA BSAD DO ZHES GRAGS PA MA YIN PA BYUNG BAR GYUR PA DANG, KHYAB 'JUG GIS DE BTZAL BA'I PHYIR LHAR BCAS BTANG NAS, DES PHUG GCIG GI NANG NA GZHON NU MA DU BA DANG, MA MAS SPRO BSRING BA'I PHYIR SMRAS PA, GSAL BA SENG GES BSAD GYUR LA, ,SENG GE 'DZAM BU'I BU YIS BSAD, ,KHYED KYIS SA MANTA KA 'DI, ,GZHON NU BZANG MO MA DU ZHIG ,DE LTA BU'I GTAM ZER BA THOS NAS, DE LA BZLAS PA DANG, DE BLANG BA'I PHYIR DE NYID PHO NYAR BTANG NGO, ,PHO NYA DE SHIN TU BLO DANG LDAN ZHING DKA' BA MED PAS THOB PAR BYA BA'I PHYIR 'DZAM BU'I BU MO KHYAB 'JUG GI DON DU BLANGS SO, ,DRED KYI BDAG POS KYANG BU MO DANG, NOR YANG NGAS KHYED LA SBYIN PAR BYA'O ZHES KHAS BLANGS SO, ,KHYAB 'JUG KHROS TE SMRAS PA, BU MOS CI ZHIG BYA STE, 'THABS LA 'DI BSAD DE DBROG PAR BYA'O, ,LHAR BCAS KYIS SMRAS PA, NGA RGYAL BRNYAS DANG DE BZHIN DU, ,NGO TSA GZI BYIN SPANGS NAS NI, ,BRTAN PAS RANG DON BSGRUB BYA STE, ,RANG DON NYAMS PA GLENG PA YIN, ,ZHES SMRAS PA DANG, DES KYANG DE'I TSIG MNYAN TE, THAMS CAD THOB PAR BYAS SO, ,'DZAM BU'I BU NI LHA MA YIN YIN TE, DRED KYI GZUGS KYIS RNAM PAR RGYU BAR BYED LA, @58B DE LTA BU'I RIN PO CHE YOD PA PHROGS PA YIN NO, ,LHA RNAMS KYI RIN PO CHE NI BA RI DZA TA LA SOGS PA STE, DE YANG BRGYA BYIN LAS PHROGS PA YIN TE, RIN PO CHE PHROGS PA'I SNYAN DANG GAS LAS GTAM DU GRAGS PA LTAR SBYAR BAR BYA'O, ,CHAGS SHING ZHEN PA'I BLO GROS 'DI LA YOD PAS NA CHAGS PA'I BLO GROS TE, DES GZHAN DAG SLU BA'I NGAN G-YO BYAS PAR GYUR LA, DES KYANG SA DAG PHROGS PAR GYUR PA STE, DANG PO STOBS LDAN GYIS SA THAMS CAD DBANG DU BYAS PAR GYUR PA LAS, DE LAS DBROG PAR BYA'O SNYAM DU CHAGS PA'I BLO SKYES PAS, GANG GI TSE MI'U THUNG GI GZUGS SU BSGYUR TE; ,SA 'PHROGS PAR GYUR LA DE LTA BU'I 'PHROG PA PO'I RANG BZHIN CAN DU GYUR CING, DE'I TSE 'DOD CHAGS LA SOGS PA'I 'CHING BA LAS MA GROL BAR GNAS PA YIN DU ZIN KYANG, SKYE BO BLUN PO SHES RAB DANG MI LDAN PA DAG ME TOG LA SOGS PA'I MCHOD PAS MCHOD PAR BYED CING PHYAG 'TSAL BAR BYED PA YIN NO, ,SANGS RGYAS BCOM LDAN 'DAS NYID NI BAG LA NYAL GYI TSOGS RNAMS LAS RNAM PAR GROL BAR GYUR KYANG SKYE BO PHAL CHER PHYAG MI 'TSAL TE, SANGS RGYAS BCOM LDAN 'DAS NYON MONGS PA'I TSOGS LAS RNAM PAR GROL ZHING, DNGOS PO MA LUS PA'I DON THUGS SU CHUD LA PHYI DANG NANG ZHI ZHING RNAM PAR DAG PA YIN DU ZIN KYANG, PHYAG 'TSAL BAR MI BYED DO, ,CI'I PHYIR ZHE NA, RMONGS PAS ZHES BYA BA SMOS TE, MI SHES PA'I MUN PAS KHEBS PA'I PHYIR BYE BRAG MI SHES PAS PHYAG 'TSAL BAR MI BYED DO ZHES BYA BA'O, ,GZHAN YANG, SANGS RGYAS BCOM LDAN 'DAS NYID BSOD NAMS KYI ZHING DAM PA YIN GYI, GZHAN DAG NI DE LTA MA YIN NO ZHES BSTAN PA'I PHYIR, SA 'DI ZHES BYA BA LA SOGS PA SMOS PA YIN TE, SA CHEN PO NI SHAR LA SOGS PA NA GNAS PA'I RGYA MTSO BZHI PO'I TSOGS YON TAN MANG PO DANG LDAN PAS, SKA RAGS LTAR KUN NAS BSKOR TE GNAS PA DE NYID NI KHUR BU LTA BU STE, 'DEGS PAR DKA' BAS NA LJID KYIS LCI BAR 'DUG CING, DES SHIN TU SNYOMS PA LTAR GNAS PA'I PHYIR, LCI LCI LTAR 'DUG PA'I SA DE LTA BU DE STOBS LDAN GYIS KHYAB 'JUG LA BYIN DU ZIN KYANG, DE'I 'BRAS BU SDUG BSNGAL @59A *, ,BAS SA 'OG TU BTZON RAR BCINGS PAS BSDAMS PA'I SDUG BSNGAL BA'I GNAS SKABS THOB PAR GYUR PA STE, NYON MONGS SHING SDUG BSNGAL BAS BCOM PA'I GNAS SKABS THOB CING MYONG BAR GYUR PA YIN NO, ,'DIR KHYAD PAR NI THUB PA SANGS RGYAS BCOM LDAN 'DAS LA SA'I RDUL TZAM PHUL BAS KYANG, RGYAL PO MYA NGAN MED PA ZHES BYA BAR GYUR PA YIN TE, DE YANG BCOM LDAN 'DAS RGYAL PO'I KHAB TU BSOD SNYOMS LA GSHEGS PAR GYUR PA DANG, KHYE'U RGYAL BA ZHES BYA BAS MTHONG MA THAG SHIN TU DAD PAR GYUR NAS SRANG BAR GYI PHYAG DAR LAS SNYIM PA GANG PHUL BAR GYUR PA DANG, BCOM LDAN 'DAS KYIS NGA YONGS SU MYA NGAN LAS 'DAS NAS LO BRGYA LON PA NA KHYE'U 'DI MYA NGAN MED PA ZHES BYA BA STOBS KYI 'KHOR LOS SGYUR BA'I RGYAL POR 'GYUR RO, ,KHYE'U RNAM PAR RGYAL BA LA RJES SU YI RANG BAR BYAS PAS DE'I BLON PO'I MCHOG SHING RTA SBAS PA ZHES BYA BAR 'GYUR RO ZHES LUNG BSTAN TO, ,DES THOB PA'I SA GZHI YANG JI LTA BU ZHE NA, ZLA BA'I DKYIL 'KHOR RDZOGS PA'I 'OD ZER GYIS KHYAB PA'I SA STENG MA LUS PA MTHA' DAG THOB CING, DE YANG DGE BA STE DUS MA YIN PAR 'CHI BA DANG, MU GE DANG, YAMS LA SOGS PA'I GNOD PA MED PA DAG THOB PAR 'GYUR BA'O, ,DE LTAR NA 'DI GNYIS ZHING DANG ZHING MA YIN PA'I KHYAD PAR LAS BSOD NAMS SU GYUR PAR STON TO, ,KHYED NI PHYOGS SU LHUNG BAS DE SKAD SMRA BA YIN NO SNYAM PA LA, DE'I PHYIR BDAG NI ZHES BYA BA LA SOGS PA SMRAS PA YIN TE, KHO BO NI RGYU MED PA'AM, NYES PA RGYUR BYAS NAS SANGS RGYAS KYI PHYOGS 'DZIN CING, PHYOGS SU LHUNG BA'ANG MA YIN LA, DRANG SRONG SER SKYA LA SOGS MU STEGS KYI STON PA RNAMS LA YANG SDANG ZHING GNOD PAR SEMS PA YANG MED DE, RGYU MED PAR SPYIR THAMS CAD DU SNYOMS PAR NYI MA LTAR GNAS PAR BYA BA YIN PAS, GANG DAG GI TSIG RIGS PA DANG LDAN ZHING, TSAD MAS GZHAL BAR BZOD PA DE NYID LA STON PA NYID DU YONGS SU GZUNG BAR BYA ZHING, DE NYID LA DAM PA RNAMS SKYABS SU 'GRO BAR BYA BA YIN NO ZHES BYA BA'I DON TO, ,'JIG RTEN 'DI THAMS CAD NI SKYABS KYI 'OS MA YIN TE, 'DOD CHAGS DANG BRAL BA MED PA'I PHYIR DANG, @59B NYON MONGS PA'I SRIN POS KUN DU BSTEN PA'I PHYIR, TSANGS PA'I SRIN POS GNAS SU BYAS PA'I KHANG PA LTA BYU YIN NO ZHES DPYOD PA DANG LDAN PA DAG 'DOD PAS, DE'I PHYIR 'DI LTAR ZHES BYA BA LA SOGS PA SMOS PA YIN TE, BZHI PO 'DI DAG GI NANG NAS NGES PAR NA 'GA' ZHIG THAMS CAD MKHYEN PAR GYUR PA YIN GYI, THAMS CAD NI MTHAR THUG PA MA YIN TE, DE YANG JI LTAR 'OD CAN RNAMS KYI NANG NA NYI MA LTA BU DANG, MTSO PHRAN RNAMS KYI NANG NA RGYA MTSO LTA BU DANG, RI BO RNAMS KYI NANG NA RI RAB LTA BUR BLO DANG LDAN PA RNAMS KYI NANG NA THAMS CAD MKHYEN PA NI KHYAD PAR DU 'PHAGS PA YIN GYI, GZHAN DAG NI SHES BYA'I DON THAMS CAD SHES PA MA YIN NO, ,DE BZHIN DU DE'I BSTAN PA YANG 'GRO BA LA GCIG TU PHAN ZHING, BSTAN PA'I LUGS SHIN TU RGYA CHE BA YIN TE, CHOS KYI PHUNG PO BRGYAD KHRI BZHI STONG LA SOGS PA'I BSTAN PA GANG ZHIG NYE BAR STON PA DE NYID BLO DANG LDAN PAS BTZAL BAR BYA BA YIN NO, ,JI LTA BU'I BLOS SHE NA, BLO GROS ZHIB MO'I MIG GIS BTZAL BAR BYA STE, DE LA BLO GROS NYID PHRA MO MTHONG BA'I MIG YIN TE, DES BTZAL ZHING BRTAGS NAS BSTEN PAR BYA'I, GZHAN DAG NI THAMS CAD MKHYEN PA MA YIN ZHING, PHUNG KHROL LA MKHAS LA, SEMS CAN RNAMS LA NYE BAR GNOD PAR BYED PA DE RNAMS LA BSTEN ZHING STON PAR BZUNG BA CI ZHIG MKHO STE, DGOS PA CI ZHIG BYED, PHAN PA'I DGOS PA CI YANG MED DO ZHES BYA BA'I DON TO, ,DE LTAR NA GANG ZHIG LA BSTEN NA DGOS PA MA LUS PA 'GRUB PAR 'GYUR ZHE NA, DE'I PHYIR 'DIR GANG LA ZHES BYA BA LA SOGS PA SMOS PA YIN TE, STON PA GANG LA NYON MONGS PA'I SKYON BAG CHAGS DANG BCAS PA MA LUS PA KUN YOD PA MA YIN LA, TSUL KHRIMS DANG TING NGE 'DZIN LA SOGS PA'I YON TAN MA LUS PA THAMS CAD RNAM PA THAMS CAD DU YOD PAR GYUR NA DE NYID NI BDAG GI STON PA YIN ZHING, DE NYID KHO NA 'GRO BA MA LUS PA'I SKYABS YIN GYI, GZHAN NI MA YIN TE, KHO BO NI MING TZAM MA BZOD PA'I PHYIR DE SKAD DU SMA BA MA YIN GYI, GZHAN DU NA DON GYI NYES PA YOD PA YIN NO, ,DES NI 'DI SKAD STON PA YIN TE, GAL TE LHA CHEN PO DANG, KHYAB 'JUG DAG LA NI JI SKAD BSHAD PA'I NYES PA @60A *, ,YOD PAS DE DAG STON PAR GYUR PA MA YIN NO ZHES SMRA BA NI RIGS NA, TSANGS PA LA NI NYES PA 'GA' DANG YANG LDAN PA MA YIN PAS, DE'I PHYIR DE NI SA MA LUS PA'I STON PAR RIGS PA YIN NO, ,YANG NA 'DI LA NYES PA YOD NA SMOS SHIG CE NA, DE BRJOD PAR BYA STE, YANG DAG PAR NA 'DOD PA'I KHAMS KYI 'DOD CHAGS DANG BRAL BA YANG MA YIN NA, NYES PA'I DRI MA MA LUS PA 'DI LA MED DO ZHES BRJOD PAR LTA GA LA BYA STE, NYES PA DE NYID 'DI LA BRGYA PHRAG YOD DE, LHA 'DI GNYIS DANG TSANGS PA MTSUNGS PA NYID DU BSHAD DE, DE YANG LHA MO AU MA BAG MAR BLANGS PA'I TSE, KHA KHYER LA BSKOR BA BYED PA NA, DE'I GZUGS PHUL DU BYUNG BA MTHONG BAS SEMS SHOR TE BRGYAL ZHING, TSANGS PA KHU BA SHOR BAR GYUR TO ZHES GRAG LA, DE NAS NGO CHE BAS RKANG PAS MNYES PAS DUM BU BRGYA PHRAG DU MAR GYES PA DANG, DE LAS BYIS PA BRTZE BA ZHES BYA BA'I DRANG SRONG STONG PHRAG BRGYAD CU SKYES PAR GYUR TO ZHES BSHAD PA DANG, TSANGS PAS MCHOG BYIN PA LAS, SA GSUM LA SUN DHA DANG, AU PA SUN DHA ZHES BYA BA SPUN GNYIS KYIS SHIN TU GNOD PA BYAS PA DANG, DE DAG GSAD PA'I PHYIR LHA THAMS CAD KYIS RANG GI LUS KYI GZI BYIN GYI CHA BSDUS PA LAS THIG LE'I MCHOG MA ZHES BYA BA SPRUL LA, DE JI TZAM NA TSANGS PA LA PHYAG BYED PA NA DE LA CHAGS PA'I DBANG GIS TSANGS PAS DOS BZHIR GDONG BZHI SPRUL LA, LHA CHEN POS DE'I MGO DBUS MA NI BCAD PAR GYUR TO ZHES BYA BA LA SOGS PA 'CHOL PA'I SPYOD PA MANG DU SMOS PA YIN NO, ,GZHAN YANG 'DI'I MING GI RJES THOGS LAS NYES PA GZHAN YANG 'BYUNG ZHING, GZHAN YANG KHYED RNAMS NI NGAS SPRUL PA YIN ZHES LOG PA NYID DU BYED PA POR YANG STON PA YIN NO ZHES BYA BA LA SOGS PA 'DI DAG GI TSIG LA NYES PA MANG PO YOD PAR THOS KYI, BCOM LDAN 'DAS KYI BSTAN PA LA NI NYES PA'I DRI MA 'GA' YANG MNGA' BA MA YIN NO, ,DE YANG, MOS LDAN PHONGS PA LAS 'DON PA, ,'TSO BA'I TSE NA MI NUS KYI, ,DE NI 'CHI NAS GDON BYA ZHES, ,LHA DE SMRA BA BRDZUN TSIG YIN, ,MES NI REG PAS MI TSIG GI, ,DRAN NA TSIG CES GANG SMRA BA, ,GAL TE TSIG DE BDEN GYUR DAM, ,'DI GNYIS KYANG NI DE DANG 'DRA, ,BCOM LDAN YANG NI DE 'DRA @60B NA; ,LAS KYI BDAG NYID CAN MI GSUNG, ,NYI MAS SA YI GZHI LTA BUR, ,'GRO BA'I RANG BZHIN GSAL BAR MDZAD, ,'JIG RTEN LAS MIN 'BRAS MI SPYOD, ,RANG GI NYON MONGS KYIS LAS BSAGS, ,DGE DANG MI DGES 'DOD MI 'DOD, ,'BRAS SKYED SA BON LTA BU YIN, ,CHOS KUN YONGS SU MKHYEN PA DANG, ,NYES PA THAMS CAD ZAD PA DANG, ,SEMS CAN KUN LA PHAN GYUR PA, ,DE DAG THAMS CAD DE BZHIN GSHEGS, ,ZHES BYA BA LA SOGS PA SMOS PA YIN NO, ,DON 'DI NYID RGYA CHER BSTAN PA'I PHYIR, ,GANG LA ZHES BYA BA LA SOGS PA SMOS PA YIN TE, DPAG TU MED PA ZHES BYA BA NI TSAD MED PA'O, ,THUGS RJE CAN ZHES BYA BA NI THUGS RJE CHEN PO DANG LDAN PA STE, DE YANG LHA'I SPYAN RNAM PAR DAG PAS 'JIG RTEN MA LUS PA LA RGYUN DU RNAM PAR GZIGS PAR MDZAD DE, DE YANG SANGS RGYAS KYI SPYAN GYIS NYIN DUS GSUM, MTSAN DUS GSUM DU 'JIG RTEN RNAMS LA GZIGS PAR MDZAD DO ZHES JI SKAD SMOS PA LTA BU'O, ,DE LTAR THUGS RJE CHEN PO DANG LDAN PAS 'GRO BA 'DI DAG SDUG BSNGAL LAS 'DON PAR MDZAD CING, SKYABS DANG RTEN GYI DAM PA YIN PAS DE LA SKYABS SU MCHI ZHING RTEN PAR BYED DO ZHES BYA BA'I DON TO, ,DE LTAR BSTOD PA DE YONGS SU BSNGO BA'I PHYIR; PAD+MA ZHES BYA BA LA SOGS PA SMOS PA YIN TE, SANGS RGYAS BCOM LDAN 'DAS DE NI GZUGS KYI YON TAN PHUL DU BYUNG BA DANG LDAN PA'I PHYIR, AUTPALA SNGON PO KHA BYE ZHING, 'DAB MA RGYAS PA LTAR DKYUS RING LA MDZES PA'I SPYAN MNGA' BA GANG YIN PA DE LA DE SKAD CIG CES BYA STE, GZUGS KYI SKU'I DBANG PO'I MCHOG YIN PA'I PHYIR, SPYAN GYI MTSAN NYID NYE BAR MTSON PA TZAM DU SMOS PA YIN NO, ,DE 'BA' ZHIG TU MA ZAD KYI YON TAN THAMS CAD KYI GNAS SU GYUR PA YANG YIN TE, JI LTAR CHU KLUNG STONG PHRAG DU MA 'BAB PA'I RTEN DANG GNAS NI RGYA MTSO YIN PA DANG 'DRA BAR YON TAN GYI BSTOD PA'I CHU KLUNG BRGYA STONG MANG PO 'BYUNG BA'I GNAS DANG GZHI NI BCOM LDAN 'DAS YIN LA, DE LTA BU'I BSTOD PA'I GNAS SU GYUR PA DE LA TSUL DE LTAR BSTOD CING BSNGAGS PA BRJOD PA'I BSTOD PA'I TSIG LAS, BDAG GIS DGE BA'I RTZA BA BSKRUN CING BSKYED PA CUNG ZAD CI MCHIS PA'I DGE BA'I RTZA @61A *, ,BA 'DIS, ,SEMS CAN THAMS CAD BLA NA MED PA'I BDE BA DANG LDAN PAR GYUR CIG CES SMOS PA YIN TE, 'DIR NGES PAR LEGS PA NI BDE BA KHA NA MA THO BA MED PA DANG, 'GRO BA THAMS CAD BDE BA DANG LDAN PAR GYUR CIG CES BYA BA'I DON TO, ,SKYOB LA LHA LAS PHUL BYUNG BAR, ,BSTOD PA BDAG GIS RNAM PHYE BAS, ,'DI LAS BSOD NAMS GANG BSAGS PA, ,DES NI MYA NGAN 'DAS THOB SHOG ,LHA LAS PHUL DU BYUNG BA'I BSTOD PA'I RGYA CHER BSHAD PA, SLOB DPON SHES RAB GO CHAS MDZAD PA RDZOGS SO,, ,,RGYA GAR GYI MKHAN PO DZ'A RA NA DA NA'I ZHAL SNGA NAS DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING GTAN LA PHAB PA'O,, #, ,RGYA GAR SKAD DU, BUDDHA SYA STO TRA N'A MA, BOD SKAD DU, SANGS RGYAS KYI BSTOD PA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,GANG GIS LHUN PO'I TSAD LAS LHAG PA'I DBU NI RAB TU BYIN, ,GANG GIS RGYU SKAR BAS KYANG MANG BA'I BRGYA PHRAG SPYAN RNAMS KYANG NI BTANG, ,SA GZHI DANG MNYAM RGYA MTSO LTA BU'I SHA DANG KHRAG RNAMS KYANG, ,DE LTAR DKA' BA SPYOD MDZAD SANGS RGYAS BCOM LDAN RTAG TU PHYAG 'TSAL LO, ,G-YO ZHING 'KHYUG 'GRO'I GLOG 'DRA'I SEMS NI GANG GIS DBANG DU GNAS PA DANG, ,'JIG RTEN GSUM PO MI SHIS RGYA MTSO LAS NI GANG GIS YANG DAG SGROL, ,SRID 'JOMS BDUD 'JIG PHYIR DU GANG ZHIG SLAR YANG SRID PAR 'JUG ,DE LTAR DKA' BA SPYOD MDZAD BCOM LDAN SANGS RGYAS RTAG TU PHYAG 'TSAL LO, ,GANG GIS SNYING RJE'I SDOM PA'I KHUR BUS SEMS CAN DON LA DGYES PA'I PHYIR, ,LHA DANG LHA MIN 'JIG RTEN GSUM PO'I GTZO BOS MI RTOG RNAM PAR SPONG, ,BKRES SDUG SROG CHAGS RNAMS LA BRTZE BA MCHOG GNAS GANG ZHIG LUS RAB STER, ,DE LTAR DKA' PA SPYOD MDZAD BCOM LDAN SANGS RGYAS RTAG TU PHYAG 'TSAL LO; ,GANG GIS SNYING RJES 'THOB PA'I SEMS CAN MYUR DU BSGRAL ZHING BSKYAB PA'I PHYIR, ,GANG ZHIG PHYUGS DANG NYA DANG RI DAGS 'GRO BAR DGON PA'I NANG DU GNAS, ,YUN RING NGAL DANG DUB PA BZOD CING LUS RNAMS KYANG NI KUN DU GTONG, ,DE LTAR DKA' BA SPYOD MDZAD BCOM LDAN SANGS RGYAS RTAG @61B TU PHYAG 'TSAL LO, ,GANG ZHIG SEMS CAN MANG PO'I LUS KYI NAD LA SMAN GYI PHYIR DU NI, ,'GRO LA BYAMS PA'AM SNYING RJE'I DBANG GIS MCHOG TU MU GE'I DGON PA RU, ,NAGS TSAL RNAMS SU GLANG CHEN LUS RNYED GZHAN GYI SDUG BSNGAL SEL LA SBYOR, ,DE LTAR DKA' BA SPYOD MDZAD BCOM LDAN SANGS RGYAS RTAG TU PHYAG 'TSAL LO, ,MU GE'I ZUG RNGU ZUG PA'I DUS SU DBU LA SKYES PA'I RIN PO CHE, ,BCAD NAS BYIN PAS BRAM ZE DANG NI MI BDAG LA SOGS GNAS PA'I PHYIR, ,KUN DU DE BZHIN THUGS KYI BYID PA SLA BAS THAMS CAD SEMS CAN DON, ,DE LTAR DKA' BA SPYOD MDZAD BCOM LDAN SANGS RGYAS RTAG TU PHYAG 'TSAL LO, ,NAGS RNAMS SO SOR GNAS MDZAD RMI LAM BZANG POS YANG DAG SMRA BA THOB, ,MA DANG RGYAL PO PHA ROL PHAN PA SPYOD PA RNAMS KYI SENG GE'I KHRIR, ,GNYIS 'THUNG MCHE BA DRUG PAR 'KHRUNGS TE 'GRO BA GANG PHYIR CHOS RNAMS KUN, ,DE LTAR DKA' BA SPYOD MDZAD BCOM LDAN SANGS RGYAS RTAG TU PHYAG 'TSAL LO, ,SBYIN DANG TSUL KHRIMS YON TAN BZOD PA'I RANG BZHIN STOBS BRTZON BSAM GTAN DANG, ,SHES RAB RAB GSUNG MTSUNGS PAR SPONG BA'I BYAMS DANG SNYING RJE'I YON TAN GYIS, ,'BROG DGON GNAS PA'I 'GRO BA 'DREN PA'I DED DPON THOB CING YANG DAG RTOGS, ,DE LTAR DKA' BA SPYOD MDZAD BCOM LDAN SANGS RGYAS RTAG TU PHYAG 'TSAL LO, ,'PHAGS MA NOR RGYUN MAS MDZAD PA'I SANGS RGYAS KYI BSTOD PA RDZOGS SO,, ,,RAB TU BSNGAGS PA'I GNAS CHEN PO BAL PO YAM BU'I GRONG KHYER DU SGRA'I MKHAN PO DPAL RGYAL BA'I BZANG PO DANG, SH'AKYA'I DGE SLONG NYI MA RGYAL MTSAN DPAL BZANG POS BSGYUR BA'O,, `, ,CHOS KYI SKU LA GNAS PA'I YON TAN LA BSTOD PA BZHUGS, #, ,CHOS KYI SKU LA GNAS PA'I YON TAN THUN MONG MA YIN PA LA BSTOD PA, DE BZHIN GSHEGS PA THAMS CAD LA PHYAG 'TSAL LO, ,SEMS CAN RNAMS LA THUGS BRTZE BA, ,PHRAD DANG BRAL BAR DGONGS PA CAN, ,MI 'BRAL DGONGS SHING BDE BA CAN, ,DGONGS PA KHYOD LA PHYAG 'TSAL LO, ,SGRIB PA KUN LAS NGES PAR GROL, ,THUB PAS 'JIG RTEN KUN ZIL MNAN, ,KHYOD KYI MKHYEN PAS SHES BYA @62A *, ,KHYAB, ,SEMS GROL KHYOD LA PHYAG 'TSAL LO, ,SEMS CAN KUN GYI NYON MONGS KUN, ,MA LUS PA DAG 'DUL MDZAD PA, ,NYON MONGS SEL BA NYON MONGS PA, ,BRTZER BCAS KHYOD LA PHYAG 'TSAL LO, ,LHUN GYIS GRUB CING CHAGS MI MNGA', ,THOGS PA MI MNGA' RTAG TU YANG; ,MNYAM PAR GZHAG CING 'DRI KUN GYI, ,LAN LDON KHYOD LA PHYAG 'TSAL LO, ,GNAS DANG GNAS PA BSHAD BYA DANG, ,TSIG DANG SHES PA STON PA LA, ,RTAG TU BLO GROS MI THOGS PA, ,STON MCHOG KHYOD LA PHYAG 'TSAL LO, ,CHED DU ZHU DANG DE DAG GI, ,TSIG DANG SPYOD MKHYEN 'ONGS PA DANG; ,'GRO DANG NGES 'BYUNG SEMS CAN LA, ,LEGS 'DOMS KHYOD LA PHYAG 'TSAL LO, ,LUS CAN KUN GYIS KHYOD MTHONG NA, ,SKYES BU MCHOG TU RTOGS PAR 'GYUR, ,MTHONG BA TZAM GYIS DAD 'GYUR BAR, ,MDZAD PA KHYOD LA PHYAG 'TSAL LO, ,LEN DANG GNAS DANG GTONG BA DANG, , SPRUL PA DANG NI BSGYUR BA DANG, ,TING NGE 'DZIN DANG YE SHES LA, ,MNGA' BRNYES KHYOD LA PHYAG 'TSAL LO, ,THABS DANG SKYABS DANG DAG PA DANG, ,NGES 'BYUNG THEG PA CHEN PO LA, ,SEMS CAN RNAMS LA SLU BA YE, ,BDUD 'JOMS KHYOD LA PHYAG 'TSAL LO, ,YE SHES DANG NI SPANGS PA DANG, , NGES 'BYUNG BGEGS BYED STON MDZAD PA, ,BDAG GZHAN DON LA MU STEGS GZHAN, ,MI TSUGS KHYOD LA PHYAG 'TSAL LO, ,'KHOR DU TSAR BCAD GSUNG MDZAD PA, ,KUN NAS NYON MONGS GTAN SPANGS LA, ,BSRUNG BA MI MNGA' BSNYEL MI MNGA', ,TSOGS SDUD KHYOD LA PHYAG 'TSAL LO, , GSHEGS BZHUGS KUN DU RTAG PAR YANG, ,KUN MKHYEN MA LAGS SPYOD MI MNGA', ,KHYOD NI YANG DAG DON DU NA, ,KUN MKHYEN KHYOD LA PHYAG 'TSAL LO, ,SEMS CAN KUN GYI DON MDZAD PA, ,KHYOD NI DUS LAS YONG MI 'DA', ,RTAG TU 'BRAS BU YOD MDZAD PA, ,MI BSNYEL KHYOD LA PHYAG 'TSAL LO, ,'JIG RTEN KUN LA GDUGS ZHAG GCIG ,LAN DRUG TU NI GZIGS MDZAD PA, ,THUGS RJE CHE DANG LDAN PA PO, ,PHAN DGONGS KHYOD LA PHYAG 'TSAL LO, ,GSHEGS DANG THUGS SU CHUD PA DANG, ,MKHYEN PA DANG NI PHRIN LAS KYIS, ,NYAN THOS DANG NI RANG SANGS RGYAS, , @62B KUN MCHOG KHYOD LA PHYAG 'TSAL LO, ,BYANG CHUB CHEN PO'I RNAM PA KUN, ,SKU GSUM DAG GIS BRNYES GYUR PA, ,KUN DU SEMS CAN THAMS CAD KYI, ,DOGS GCOD KHYOD LA PHYAG 'TSAL LO, ,SRI BA MI MNGA' SKYON MI MNGA', ,RNYOG PA MI MNGA' BZHUGS MI MNGA', ,G-YO BA MI MNGA' CHOS KUN LA, ,MA SPROS KHYOD LA PHYAG 'TSAL LO, ,CHOS SKU LA GNAS YON TAN 'DI LA BDAG GIS RAB BSTOD PAS, ,YON TAN DRUG LDAN SKU GSUM PO NI YONGS SU RDZOGS PAR NI, ,BDAG SOGS 'GRO BA RNAMS KYIS MYUR DU RTOGS PAR SHOG ,CHOS KYI SKU LA GNAS PA'I YON TAN THUN MONG MA YIN PA LA BSTOD PA, ,SLOB DPON THOGS MED KYIS MDZAD PA RDZOGS SO,, ,,RGYA GAR GYI MKHAN PO DZI NA MI TRA DANG, SHR'I LENDRA BO DHI DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE GTAN LA PHAB PA,, #, ,RGYA GAR SKAD DU, TATTVA STA BAm, BOD SKAD DU, DE KHO NA NYID LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,THOGS PA KUN LAS RNAM GROL BA, ,KHA DOG BRAL ZHING MA SKYES SHING, ,RANG GI NGO BO 'JIG MED PA'I, ,SKU MNGA' DE BZHIN GSHEGS PHYAG 'TSAL, ,NYON MONGS RAGS DANG PHRA SPANGS PA, , BDAG GIS MI MNGA' SGRIB PA DAG ,DANG PO YOD PAS STONG PA'I PHYIR, ,DON DAM MKHA' DKYIL 'DRA PHYAG 'TSAL LO, ,RNAM RTOG SPRUL NI SPANGS PAS NA, ,CI DGYES PAR NI MDZAD GYUR PA, ,GTER MCHOG DE NYID RTAG GZIGS PA, ,NGAN 'GRO'I RGUD PA SPANGS PHYAG 'TSAL, ,RNAM PAR RTOG PA THAMS CAD SPANGS, ,NYID KYIS DGYES BDAR MA BYAS SKU, ,'KHOR DANG ZHI BAR RO MNYAM SKU, ,RNAM RTOG DRI MA MED PHYAG 'TSAL, ,YANG DAG DGONGS PAS MNAL MI MNGA', ,GTI MUG BRAL ZHING SPANGS PAS BZHUGS, ,RTAG TU DE NYID MA GSAL BA, ,RANG BZHIN MKHAS PAS SHAR PHYAG 'TSAL; ,BSAM GTAN TSES GRANGS YONGS RDZOGS PAS, ,MI RNAMS DGA' BA SKYED MDZAD PA, ,RNAM GROL ZLA BA YID 'ONG BA, ,LTA NGAN RAB RIB SEL PHYAG 'TSAL, ,DNGOS PO DNGOS MED GNYIS 'DAS NAS, ,RTOG PA'I DRI MA LAS GROL BA, ,RTZEN DOR MED NGES MNYAM GNAS, , @63A *, ,SPROS MI MNGA' LA PHYAG 'TSAL LO, ,DRI MED CHU RLABS BDE BA'I RGYU, ,MA LUS SROG CHAGS 'TSO MDZAD PA, ,CHE ZHING MTHA' MED TSAD DANG BRAL, ,DE NYID RGYA MTSO CHE PHYAG 'TSAL, ,LEGS SPYAD DU MA RGYAS THOB PA, ,DPE MED RO ZHIM YID LA 'BAB, ,RGA SHI'I 'JIGS PA MED MDZAD PA, ,DE NYID BDUD RTZI LA PHYAG 'TSAL, ,RANG GI YID LA BRTAN LDAN YANG, ,KHYAB 'JUG DBANG PHYUG TSANGS DBANG DANG, ,LHA DANG DRANG SRONG THABS MED PA, ,THABS DE SKAD CIG BRNYES PHYAG 'TSAL, ,DRI MED RIN THANG MNYAM MED PA, ,NGO BOS 'DOD RNAMS YONGS RDZOGS MDZAD, ,BSOD NAMS BSAGS PAS DMIGS GYUR PA, ,YID BZHIN BYANG CHUB SEMS PHYAG 'TSAL, ,SRID PA'I 'KHOR BAS YONGS DUB PA'I, ,MCHOG TU LTA BA BDE BA'I GNAS, ,BYANG CHUB YAN LAG ME TOG LDAN, ,ZHI BA'I DPAG BSAM SHING PHYAG 'TSAL, ,SHES BYA SHES MED GNYIS MED CING, ,PHRA SBOM DBYE BA RNAMS LAS GROL, ,SNA TSOGS DPE LAS 'DAS GYUR PA, ,TSIG GIS BRJOD MI NUS PHYAG 'TSAL, ,RTAG TU RGYAL ZHING BSNYENGS MI MNGA', ,GZHAN STOBS 'JOMS BYED MDUD PA MED, ,GNYIS MED SKU MNGA' BSAM MI KHYAB, ,GCIG DPA' SRID PA 'JOMS PHYAG 'TSAL, ,BYE BRAG MED PAR DBANG 'GYUR ZHING, ,DNGOS TSOGS SKAD CIG LA BSREGS PA, ,SHIN TU DRAG PA'I RANG BZHIN GYIS, ,RAB 'BAR DE NYID ME PHYAG 'TSAL, ,'DI LTAR YANG DAG BSTOD LAS DGE BA GANG THOB PA'I, , BSOD NAMS DES NI 'GRO BA MA LUS ZAD 'GYUR ZHING, ,SEMS CAN RNAMS NI SDUG BSNGAL DAG DANG BRAL GYUR PA, ,BDE BA DANG LDAN SGRIB MED MYA NGAN 'DAS THOB SHOG ,DE KHO NA NYID LA BSTOD PA SH'AKYA'I DGE SLONG DPAL GYI GO CHAS MDZAD PA RDZOGS SO,, ,,RGYA GAR GYI MKHAN PO MANYDZU SHR'I BHA DRA DANG, DGE SLONG SH'AKYA 'OD KYIS BSGYUR CING ZHUS TE GTAN LA PHAB PA,, `, ,BDUD BTUL BA LA BSTOD PA BZHUGS, #, ,DKON MCHOG GSUM LA PHYAG 'TSAL LO, ,BSAM GTAN PHYIN CI LOG GIS CI ZHIG DGONGS MDZAD SKAD CIG @63B LEGS PAR SPYAN DBYE GZIGS, ,LUS MED MDA' YIS GZIR BA'I SKYE BO BDAG CAG SKYOB PAS KYANG NI BSRUNG BAR MI MDZAD NA, ,THUGS RJE LDAN PA PHYIN CI LOG GYUR KHYOD LAS MCHOG TU MA RUNG SKYES BU GZHAN MA MCHIS, ,PHRAG DOG LDAN PA BDUD KYI BUD MED DE SKAD SMRA YANG RGYAL BA SKYOB PA BYANG CHUB GYUR, ,GZHAN YANG 'DOD DBANG GIS NI KUN DU GZHU BKANG BDUD GZHAN LAG PAR MYUR PA PA tA HA SGRA 'JEBS DANG LDAN, ,DPA' BO SMIN MA BSKYOD DANG NYER G-YO LTA BUR SGEG DANG 'DZUM DANG ROL PA MED RNAMS KYIS, ,THUB DBANG SKYOB PA BYANG CHUB MA BRNYES PAR DU BSAM GTAN LAS NI BSKYOD MA NUS PA MTHONG GYUR NAS, ,NGO MTSAR GYUR PAS PA SPU LANGS PA'I LUS KYIS GRUB PA RNAMS DANG YAN LAG MCHOG RNAMS 'DUD, ,RAL PA 'KHRUGS SHING LCE RNAMS G-YOGS LA KUN DU BLTAMS PAS GANG GI THUGS RNAMS 'KHRUL PAR MA GYUR CING, ,RAB GSAL 'DOD LHA'I BDUD RNAMS RTZE MO MCHOG DAG LAG THOGS GLANG PO RTA RNAMS GDONG LDAN SENG GE DANG, ,STAG GI GDONG RNAMS RTZVA BZHIN GRANGS MED GYUR PA 'KHOR BA YIS NI GANG ZHIG BSNYENGS PAR MA GYUR PA, ,DE NI KUN LA GNOD PA'I RNAM PA 'DRES PA MED PAR SKYOB PA SANGS RGYAS THUB DBANG 'JIG RTEN MGON, ,BDUD BTUL BA LA BSTOD PA, RAB DGA'I LHA'I ZHAL SNGA NAS MDZAD PA RDZOGS SO,, #, ,RGYA GAR SKAD DU, DHARMA DH'A TU STA BAm, BOD SKAD DU, CHOS KYIS DBYINGS SU BSTOD PA, 'PHAGS PA 'JAM DPAL GZHUN NUR GYUR PA LA PHYAG 'TSAL LO; ,GANG ZHIG KUN DU MA SHES NA, ,SRID PA GSUM DU RNAL 'KHOR BA, ,SEMS CAN KUN LA NGES GNAS PA'I, ,CHOS KYI DBYINGS LA PHYAG 'TSAL 'DUD, ,GANG ZHIG 'KHOR BA'I RGYUR GYUR PA, ,DE NYID SBYANG BA BYAS PA LAS, ,DAG PA DE NYID MYA NGAN 'DAS, ,CHOS KYI SKU YANG DE NYID DO, , JI LTAR 'O MA DANG 'DRES PAS, ,MAR GYI SNYING PO MI SNANG BA, ,DE BZHIN NYON MONGS DANG 'DRES PAS, ,CHOS KYI DBYINGS KYANG MI MTHONG NGO, ,JI LTAR 'O MA RNAM SBYANGS PAS, ,MAR GYI SNYING PO DRI MED 'GYUR, ,DE BZHIN NYON MONGS RNAMS SBYANGS PAS, ,CHOS DBYINGS SHIN TU DRI MED 'GYUR, , @64A *, ,JI LTAR MAR ME BUM NANG GNAS, ,CUNG ZHIG SNANG BAR MI 'GYUR BA, ,DE BZHIN NYON MONGS BUM NANG GNAS, ,CHOS KYI DBYINGS KYANG MI MTHONG NGO, ,PHYOGS NI GANG DANG GANG DAG NAS, ,BUM PA BU GA BTOD GYUR PA, ,DE DANG DE YI PHYOGS NYID NAS, ,'OD KYI RANG BZHIN 'BYUNG BAR 'GYUR, ,GANG TSE TING NGE 'DZIN RDO RJE YIS, ,BUM PA DE NI BCAG GYUR PA, ,DE TSE DE NI NAM MKHA' YI, ,MTHAR THUG BAR DU SNANG BAR BYED, ,CHOS KYI DBYINGS NI SKYE MA YIN, ,NAM YANG 'GAG PAR 'GYUR BA MED, ,DUS RNAMS KUN DU NYON MONGS MED, ,THOG MA BAR MTHAR DRI MA BRAL, , JI LTAR RIN CHEN BEE d'URYA, ,DUS RNAMS KUN DU 'OD GSAL YANG, ,RDO YI NANG NA GNAS GYUR NA, ,DE YI 'OD NI GSAL MA YIN, ,DE BZHIN NYON MONGS KYIS BSGRIBS PA'I, ,CHOS DBYINGS SHIN TU DRI MED PA'ANG, ,'KHOR BAR 'OD NI GSAL MA YIN, ,MYA NGAN 'DAS NA 'OD GSAL 'GYUR; ,KHAMS YOD NA NI LAS BYAS PAS, ,SA LE SBRAM DAG MTHONG BAR 'GYUR, ,KHAMS MED NA NI LAS BYAS NA, ,NYON MONGS 'BA' ZHIG BSKYED PAR ZAD, ,JI LTAR SPUN PAS G-YOGS GYUR PAS, ,SO BA 'BRAS BUR MI 'DOD LTAR, ,DE BZHIN NYON MONGS KYIS G-YOGS PAS; ,DE NI SANGS RGYAS ZHES MI BRTAG ,JI LTAR SPUN PA LAS GROL NA, ,'BRAS NYID SNANG BAR 'GYUR BA LTAR, ,DE BZHIN NYON MONGS LAS GROL NA, ,CHOS KYI SKU NYID RAB TU GSAL, ,CHU SHING SNYING PO MED DO ZHES, ,'JIG RTEN NA NI DPER BYED KYANG, ,DE YI 'BRAS BU SNYING PO NYID; ,MNGAR PO ZA BAR BYED PA LTAR, ,SNYING PO MED PA'I 'KHOR BA LAS, ,NYON MONGS GZAB DANG BRAL GYUR NA, ,DE YIS 'BRAS BU SANGS RGYAS NYID, ,LUS CAN KUN GYI BDUD RTZIR 'GYUR, ,DE BZHIN SA BON THAMS CAD LAS, ,RGYU DANG 'DRA BA'I 'BRAS BU 'BYUNG, ,SA BON MED PAR 'BRAS YOD PAR, ,SHES LDAN GANG GIS SGRUB PAR NUS, ,SA BON GYUR PA KHAMS DE NYID, ,CHOS RNAMS KUN GYI RTEN DU 'DOD, ,RIM GYIS SBYANGS PAR GYUR PA LAS, ,SANGS RGYAS GO 'PHANG THOB PAR 'GYUR, ,DRI MED NYI MA ZLA BA YANG, ,SPRIN DANG KHUG RNA DU BA DANG, ,SGRA @64B GCAN GDONG DANG RDUL LA SOGS, ,SGRIB PA LNGA YIS BSGRIBS PAR GYUR, ,DE BZHIN 'OD GSAL BA YI SEMS, ,'DOD DANG GNOD SEMS LE LO DANG, ,RGOD PA DANG NI THE TSOM STE, ,SGRIB PA LNGA YIS BSGRIBS PAR GYUR, ,JI LTAR ME YIS DAG PA'I GOS, ,SNA TSOGS DRI MAS DRI MA CAN, ,JI LTAR ME YI NANG BCUG NA, ,DRI MA TSIG 'GYUR GOS MIN LTAR, ,DE BZHIN 'OD GSAL BA YI SEMS, ,'DOD CHAGS LA SOGS DRI MA CAN, ,YE SHES ME YIS NYON MONGS BSREG ,DE NYID 'OD GSAL MA YIN NO, ,STONG PA NYID NI STON PA'I MDO, ,RGYAL BAS JI SNYED GSUNGS PA GANG, ,DE DAG KUN GYIS NYON MONGS LDOG ,KHAMS DE NYAMS PAR BYED MA YIN, ,SA YI DKYIL NA YOD PA'I CHU, ,DRI MA MED PAR GNAS PA LTAR, ,NYON MONGS NANG NA YE SHES KYANG, ,DE BZHIN DRI MA MED PAR GNAS, ,CHOS DBYINGS GANG PHYIR BDAG MA YIN; ,BUD MED MA YIN SKYES PA'ANG MIN, ,GZUNG BA KUN LAS RNAM GROL BA, ,JI LTAR BDAG CES BRTAG PAR BYA, ,CHAGS PA MED PA'I CHOS KUN LA, ,BUD MED SKYES PA DMIGS MA YIN, ,'DOD CHAGS KYIS LDONGS GDUL BYA'I PHYIR, ,BUD MED SKYES PA ZHES RAB BSTAN, , MI RTAG SDUG BSNGAL STONG PA ZHES, ,BYA BA GSUM POS SEMS SBYONG BYED, ,MCHOG TU SEMS NI SBYONG BYED PA'I, ,CHOS NI RANG BZHIN MED PA YIN, ,JI LTAR SBRUM MA'I LTO NA BU, ,YOD KYANG MTHONG BA MA YIN PA, ,DE BZHIN NYON MONGS KYIS G-YOGS PA'I, ,CHOS KYIS DBYINGS KYANG MTHONG MA YIN, ,BDAG DANG BDAG GI RNAM RTOG DANG, ,MING GI 'DU SHES RGYU MTSAN GYIS, ,RNAM RTOG BZHI PO 'BYUNG BA YANG, ,'BYUNG DANG 'BYUNG LAS GYUR PAS SO, ,SANGS RGYAS RNAMS KYI SMON LAM YANG, ,SNANG BA MED CING MTSAN NYID MED, ,SO SOR RANG RIG SBYOR LDAN NYID, , SANGS RGYAS RTAG PA'I CHOS NYID CAN, ,JI LTAR RI BONG MGO YI RVA, ,BRTAGS PA NYID DE MED PA LTAR, ,DE BZHIN CHOS RNAMS THAMS CAD KYANG, ,BRTAGS PA NYID DE YOD MA YIN, ,PHRA RAB RDUL GYI NGO BO YIS, ,GLANG GI RVA YANG DMIGS MA YIN, ,JI LTAR SNGON BZHIN PHYIS DE BZHIN, ,DE @65A *, ,LA CI ZHIG BRTAG PAR BYA, ,BRTEN NAS 'BYUNG BAR GYUR PA DANG, ,BRTEN NAS 'GAG PAR 'GYUR BAS NA, ,GCIG KYANG YOD PA MA YIN NA, ,BYIS PA JI LTAR RTOG PAR BYED, ,RI BONG BA GLANG RVA YI DPES, ,JI LTAR BDE GSHEGS CHOS RNAMS NYID, ,DBU MA NYID DU SGRUB PAR BYED, ,JI LTAR NYI ZLA SKAR MA'I GZUGS, ,DANG PA'I SNOD KYI CHU NANG DU, ,GZUGS BRNYAN MTHONG BAR GYUR PA LTAR, ,MTSAN NYID RDZOGS PA'ANG DE DANG 'DRA, ,THOG MA BAR DANG MTHAR DGE BA, ,BSLU BA MED CING BRTAN PA YI, ,GANG ZHIG DE LTAR BDAG MED PA'ANG, ,JI LTAR BDAG DANG BDAG GIR BRTAG ,JI LTAR SO GA'I DUS SU CHU, ,DRO'O ZHES NI RJOD PAR BYED, ,DE NYID GRANG BA'I DUS SU NI, ,GRANG NGO ZHES NI BRJOD PA YIN, ,NYON MONGS DRA BAS G-YOGS PA NI, ,SEMS CAN ZHES NI BRJOD PAR BYA, ,DE NYID NYON MONGS BRAL GYUR NA, ,SANGS RGYAS ZHES NI BRJOD PAR BYA; ,MIG DANG GZUGS LA BRTEN NAS NI, ,DRI MA MED PA'I SNANG BA 'BYUNG, ,SKYE MED 'GAG PA MED NYID LAS, ,CHOS KYI DBYINGS NI RAB TU SHES, ,SGRA DANG RNA BA LA BRTEN NAS, ,RNAM PAR DAG PA'I SHES PA GSUM, ,MTSAN NYID MED PA'I CHOS KYI DBYINGS, ,RTOG DANG BCAS PAS THOS PAR 'GYUR, ,SNA DANG DRI LA BRTEN NAS SNOM, ,DE NI GZUGS SU MED PA'I DPES, ,DE BZHIN SNA YI RNAM SHES KYIS, ,CHOS KYI DBYINGS LA RTOG PAR BYED, ,LCE YI RANG BZHIN STONG PA NYID, ,RO YI KHAMS KYANG DPEN PA STE, ,CHOS KYI DBYINGS KYI NGO BO YIN, ,RNAM PAR SHES PA GNAS MED PA, ,DAG PA'I LUS KYI NGO BO DANG, ,REG BYA'I RKYEN GYI MTSAN NYID DANG, ,RKYEN DAG LAS NI GROL GYUR PA, ,CHOS KYI DBYINGS ZHES BRJOD PAR BYA, ,YID GTZOR GYUR PA'I CHOS RNAMS LA, ,RTOG DANG BRTAG PA RNAM SPANGS NAS, ,CHOS RNAMS RANG BZHIN MED PA NYID, , CHOS KYI DBYINGS SU BSGOM PAR BYA, ,MTHONG DANG THOS DANG BSNAMS PA DANG, ,MYANGS DANG REG PAR GYUR PAR DANG, ,CHOS RNAMS DE LTAR RNAL 'BYOR BAS, ,SHES NA MTSAN NYID RDZOGS PA YIN, ,MIG DANG RNA BA SNA DAG DANG, ,LCE DANG LUS DANG DE BZHIN YID, ,SKYE MCHED @65B DRUG PO RNAM DAG PA, ,'DI NYID DE NYID MTSAN NYID DO, ,SEMS NYID RNAM PA GNYIS SU MTHONG, ,JI LTAR 'JIG RTEN 'JIG RTEN 'DAS, ,BDAG TU 'DZIN LAS 'KHOR BA STE, ,SO SOR RIG NA DE NYID DO, ,'DOD CHAGS ZAD PAS MYA NGAN 'DAS, ,ZHE SDANG GTI MUG ZAD PA DANG, ,DE DAG 'GAGS PA SANGS RGYAS NYID, ,LUS CAN KUN GYI SKYABS NYID DO, ,SHES DANG MI SHES PA DAG LAS, ,LUS 'DI NYID LA THAMS CAD DE, ,RANG GI RNAM PAR RTOG PAS BCINGS, ,BDAG NYID SHES NA GROL BAR 'GYUR, ,BYANG CHUB RING MIN NYE BA MIN, ,'GRO MIN 'ONG BA MA YIN ZHING, , NYON MONGS GZEB GYUR 'DI NYID LA, ,MTHONG BA DANG NI MA MTHONG YIN, ,SHES RAB MAR ME LA GNAS NAS, ,MCHOG TU ZHI BAR GYUR PA YIS, ,BDAG LA BRTAGS PAS GNAS BYA ZHES, ,MDO SDE'I TSOGS LAS GSUNGS PA LAGS, ,STOBS BCU'I STOBS KYIS BYIS PA RNAMS, , BYIN RLABS ZLA BA TSES PA BZHIN, ,NYON MONGS CAN GYI SEMS CAN GYIS, ,DE BZHIN GSHEGS PA MI MTHONG NGO, ,JI LTAR YI DAGS RNAMS KYIS NI, ,RGYA MTSO SKAMS PAR MTHONG BA LTAR, ,DE BZHIN MI SHES PAS BSGRIBS PAS, ,SANGS RGYAS RNAMS NI MED PAR BRTAGS, ,DMAN DANG BSOD NAMS DMAN PA LA, ,BCOM LDAN 'DAS KYIS CI BGYIR MCHIS, ,JI LTAR DMUS LONG LAG PA RU, ,RIN CHEN MCHOG NI BZHAG PA 'DRA, ,SEMS CAN BSOD NAMS BYAS RNAMS LA, ,'OD KYIS GSAL ZHING DPAL LDAN PA'I, ,SUM CU RTZA GNYIS MTSAN 'BAR BA, , SANGS RGYAS DE YI MDUN NA GNAS, ,MGON PO DE YI GZUGS KYI SKUS, ,BSKAL PA MANG POR BZHUGS NAS KYANG, ,GDUL BYA RNAMS NI GDUL BA'I PHYIR, ,DBYINGS NYID THA DAD GYUR PA LAGS, ,SEMS KYI YUL NI NGES RTOGS NAS, ,DER NI SHES PA 'JUG PAR 'GYUR, ,SO SO RANG RIG RNAM DAG NA, ,SA RNAMS DE YI BDAG NYID GNAS, ,DBANG PHYUG CHEN PO'I GNAS MCHOG DANG, ,'OG MIN NYID DE RNAM MDZES PA, ,SHES PA GSUM PO GCIG NYID DU, ,'DRES PAR GYUR LA BDAG SMRA'O, ,BYIS PA'I NANG NA YONGS MKHYEN DANG, ,'PHAGS PA'I NANG NA SNA TSOGS NYID, , @66A *, ,DBANG PHYUG CHEN PO TSE DPAG MED, ,BSKAL PA'I TSE YI RGYU GANG YIN, ,PHYI ROL SEMS CAN KHAMS KYI YANG, ,DPAG TU MED PA'I BSKAL PAR NI, ,TSE YANG GANG GIS BSRUNGS GYUR CING, ,SROG CHAGS RNAMS KYI SROG GNAS PA'I, ,RGYU GANG MI ZAD PA DE NYID, , GANG GI 'BRAS BU MI ZAD GANG, ,SNANG BA MED PA'I BYE BRAG GIS, ,SHES RAB DON DU RAB TU 'JUG, ,BYANG CHUB RING BAR MI BSAM ZHING, ,NYE BAR YANG NI BSAM MI BYA, ,YUL DRUG SNANG BA MED PAR NI, ,YANG DAG JI BZHIN RIG GYUR PA'O, ,JI LTAR 'O MA DANG 'DRES CHU, ,SNOD GCIG NA NI GNAS PA LAS, ,NGANG PA 'O MA 'THUNG BYED CING, ,CHU NI MA YIN DE BZHIN GNAS, ,DE BZHIN NYON MONGS KYIS G-YOGS NAS, ,YE SHES LUS 'DIR GCIG GNAS KYANG, ,RNAL 'BYOR PA YIS YE SHES LEN, ,MI SHES PA NI 'DOR BAR BYED, ,BDAG DANG BDAG GI ZHES 'DZIN PAS, , JI SRID PHYI ROL RNAM BRTAGS PA, ,BDAG MED RNAM PA GNYIS MTHONG NA, ,SRID PA'I SA BON 'GAG BAR 'GYUR, ,GANG PHYIR SANGS RGYAS MYA NGAN 'DAS, ,GTZANG BA RTAG PA DGE BA'I GZHI, ,GANG PHYIR GNYIS NI BYIS PAS BRTAGS, ,DE YI GNYIS MED RNAL 'BYOR GNAS, ,DKA' SPYOD SNA TSOGS SBYIN PA DANG, ,TSUL KHRIMS SEMS CAN DON SDUD DANG, ,SEMS CAN PHAN BYED BZOD PA STE, ,GSUM PO 'DIS NI KHAMS RGYAS 'GYUR, ,CHOS RNAMS KUN LA BRTZON 'GRUS DANG, ,BSAM GTAN LA SEMS 'JUG PA DANG, ,RTAG TU SHES RAB BSTEN PA STE, ,'DI YANG BYANG CHUB RGYAS BYED YIN, ,THABS DANG BCAS PA'I SHES RAB DANG, ,SMON LAM RNAM PAR SBYANGS PA DANG, ,STOBS LA DES NAS YE SHES TE, ,KHAMS RGYAS BYED PA'I CHOS BZHI'O, ,BYANG CHUB SEMS PHYAG MI BYA ZHES, ,SMRA BA NGAN PAR SMRA BA STE, ,BYANG CHUB SEMS DPA' MA BYUNG BAR, ,CHOS KYI SKU NI 'BYUNG MA YIN, ,BUR SHING SA BON LA SDANG GANG, ,KHA RA SPYAD PAR 'DOD PA DES, ,BUR SHING SA BON MED PAR NI, ,KHA RA 'BYUNG BAR 'GYUR MA YIN, ,BUR SHING SA BON GANG BSRUNGS NAS, ,NYE BAR GNAS SHING BSGRUBS PA LAS, ,BU RAM KHA RA HVAGS RNAMS NI, ,DE LAS 'BYUNG @66B BAR 'GYUR BA LTAR, ,BYANG CHUB SEMS NI RAB BSRUNGS NAS, ,NYE BAR GNAS SHING BSGRUBS PA LAS, ,DGRA BCOM RKYEN RTOGS SANGS RGYAS RNAMS, ,DE LAS SKYE ZHING 'BYUNG BAR 'GYUR, ,JI LTAR S'A LU'I SA BON SOGS, ,ZHING PAS SRUNG BAR BYED PA LTAR, ,DE BZHIN THEG MCHOG MOS RNAMS LA'ANG; ,'DREN PA RNAMS KYIS SRUNG BAR MDZAD, ,JI LTAR MAR NGO'I BCU BZHI LA, ,ZLA BA CUNG ZAD MTHONG BA LTAR, ,DE BZHIN THEG MCHOG MOS RNAMS LA'ANG, ,SANGS RGYAS SKU NI CUNG ZAD MTHONG, ,JI LTAR TSES PA'I ZLA BA LA, ,SKAD CIG SKAD CIG RGYAS PAR MTHONG, ,DE BZHIN SA LA ZHUGS RNAMS KYANG, ,RIM GYIS RIM GYIS 'PHEL BAR MTHONG, ,JI LTAR YAR NGO'I BCO LNGA LA, ,ZLA BA RDZOGS PAR 'GYUR BA LTAR, ,DE BZHIN SA YI MTHAR THUG NA, ,CHOS KYI SKU YANG RDZOGS SHING GSAL, ,SANGS RGYAS CHOS DANG DGE 'DUN LA, ,RTAG TU MOS PA BRTAN PO YIS, ,SEMS DE YANG DAG SKYED BYAS NAS, ,PHYIR MI LDOG PAR YANG YANG 'BYUNG, ,NAG PO'I GZHI NI YONGS SPANGS NAS, ,DKAR PO'I GZHI NI RAB BZUNG BAS, ,DE TSE DE NI NGES RTOGS PA, ,DGA' BA ZHES NI MNGON PAR BRJOD, ,'DOD CHAGS LA SOGS SNA TSOGS PA'I, ,DRI MAS RTAG TU DRI MA CAN; ,DRI MA MED PAR GANG DAG PA, ,DRI MA MED CES BRJOD PA YIN, ,NYON MONGS DRA BA RAB 'GAGS NAS, ,DRI MED SHES RAB RAB GSAL BAS, ,TSAD MED PA YI MUN PA DAG ,SEL BAR BYED PAS 'ONG BYED PA'O, ,RTAG TU DAG PA'I 'OD KYIS GSAL, ,'DU 'DZI RNAM PAR SPANGS PA YI, , YE SHES 'OD KYIS RAB BSKOR BAS, ,SA DE 'OD 'PHRO CAN DU 'DOD, ,RIG DANG SGYU RTZAL BZO GNAS KUN, ,BSAM GTAN RNAM PA SNA TSOGS NYID, ,NYON MONGS SHIN TU SBYANG DKA' LAS, ,RNAM PAR RGYAL BAS SBYANG DKAR 'DOD, ,BYANG CHUB RNAM PA GSUM PO DANG, ,PHUN SUM TSOGS KUN BSDU BA DANG, ,SKYE DANG 'JIG PA ZAD PA LA, ,SA DE MNGON DU 'GYUR BAR 'DOD, ,'KHOR LO'I BKOD PA RNAM KUN DU, ,'OD KYI DRA BAS RTZE BA DANG, ,'KHOR BA'I MTSO YI 'DAM RGAL BAS, ,DE LA RING DU SONG ZHES BYA, ,SANGS RGYAS KYIS NGES 'DI BZUNG ZHING, ,YE SHES RGYA @67A *, ,MTSOR ZHUGS PA DANG, ,'BAD MED LHUN GYIS GRUB GYUR PA, ,BDUD KYI 'KHOR GYIS MI G-YOS PA'O, ,SO SO YANG DAG RIG KUN LA, ,CHOS STON PA YI 'BREL BA'I GTAM, ,RNAL 'BYOR PA DE MTHAR SON PAS, ,SA DE LEGS PA'I BLO GROS 'DOD, ,YE SHES RANG BZHIN 'DI YI SKU, ,DRI MED NAM MKHA' DANG MNYAM PA, ,SANGS RGYAS RNAMS KYI 'DZIN PA LAS, ,CHOS KYI SPRIN NI KUN DU 'BYUNG, ,SANGS RGYAS RNAMS KYI CHOS KYI GNAS, ,SPYOD PA'I 'BRAS BU YONGS 'DZIN PA, ,GNAS NI YONGS SU GYUR PA DE, ,CHOS KYI SKU ZHES BRJOD PA YIN; ,BAG CHAGS LAS GROL BSAM MI KHYAB, ,'KHOR BA'I BAG CHAGS BSAM DU YOD, ,KHYOD NI KUN DU BSAM MI KHYAB, ,GANG GIS KHYOD NI SHES PAR NUS, ,NGAG GI SPYOD YUL KUN LAS 'DAS, ,DBANG PO KUN GYI SPYOD YUL MIN, ,YID KYI SHES PAS RTOGS BYA BA, ,GANG YANG RUNG LA PHYAG 'TSAL BSTOD, ,RIM GYIS 'JUG PA'I LUGS NYID KYIS, ,SANGS RGYAS SRAS PO GRAGS CHEN RNAMS, ,CHOS KYI SPRIN GYI YE SHES KYIS, ,CHOS NYID STONG PA MTHONG GYUR NAS, ,GANG TSE SEMS NI RAB BKRUS PAS, ,'KHOR BA'I GZEB LAS 'DAS GYUR NAS, ,PAD+MA CHEN PO'I RANG BZHIN GYI, ,STAN LA DE NI RAB GNAS 'GYUR, ,'DAB MA RIN CHEN DU MA'I 'OD, ,'DOD PAR BYA BA'I ZE 'BRU CAN, ,PAD+MA BYE BA DU MA YIS, ,RNAM PA KUN DU YONGS SU BSKOR, ,STOBS BCU PO YIS YONGS SU GANG, ,MI 'JIGS PA YIS GANG DAG NGOMS, ,BSAM MI KHYAB PA'I SANGS RGYAS CHOS; ,SPROS MED RNAMS LAS NYAMS MI MNGA', ,LEGS PAR SPYAD PA'I LAM KUN GYIS, ,BSOD NAMS YE SHES RAB BSAGS PA'I, ,ZLA BA NYA LA SKAR MA YIS, ,'KHOR DU RNAM PA KUN GYIS BSKOR, ,SANGS RGYAS PHYAG GI NYI MA DER, ,DRI MED RIN CHEN 'BAR GYUR TE, ,SRAS KYI THU BOR DBANG BSKUR BAS, ,DBANG BSKUR BA NI KUN DU STZOL, ,RNAL 'BYOR CHEN PO DER GNAS NAS, ,RMONGS PAS DMAN PA'I 'JIG RTEN RNAMS, ,SDUG BSNGAL GYIS G-YENGS 'JIGS PA LA, ,LHA YI SPYAN GYIS GZIGS GYUR NAS, ,DE YI SKU LAS 'OD ZER RNAMS, ,'BAD PA MED PAR 'BYUNG @67B 'GYUR TE; ,RMONGS PA'I MUN PAR ZHUGS DE YI, ,SGO RNAMS 'BYED PAR MDZAD PA YIN, ,LHAG BCAS MYA NGAN 'DAS PA RNAMS, ,LHAG MED MYA NGAN 'DAS PAR 'DOD, ,'DIR NI MYA NGAN 'DAS PA NYID, ,DRI MA MED PAR SEMS GYUR PA'O, ,SEMS CAN KUN GYI DNGOS MED PA'I, ,NGO BO DE YANG DE SPYOD YUL, ,DE MTHONG BYANG CHUB SEMS DBANG PO, ,SHIN TU DRI MED CHOS KYI SKU, ,DRI MA MED PA'I CHOS SKU LA, ,YE SHES RGYA MTSO GNAS GYUR NAS, ,SNA TSOGS NOR BU JI BZHIN DU, ,DE LAS SEMS CAN DON RAB MDZAD, ,CHOS KYI DBYINGS SU BSTOD PA SLOB DPON CHEN PO KLU SGRUB KYIS MDZAD PA RDZOGS SO,, ,,RGYA GAR GYI MKHAN PO KRishnA PAndI TA DANG, LO TZ'A BA TSUL KHRIMS RGYAL BAS BSGYUR BA'O,, #, ,RGYA GAR SKAD DU, NI RU PA MA STA BAm, BOD SKAD DU, DPE MED PAR BSTOD PA, 'JAM DPAL GZHON NUR GYUR PA LA PHYAG 'TSAL LO, , GANG ZHIG LTA BAS PHONGS PA YI, ,'JIG RTEN 'DI LA PHAN BRTZON KHYOD, ,DNGOS PO MED PA'I DON RIG PAS, ,DPE MED KHYOD LA PHYAG 'TSAL BSTOD, ,GANG ZHIG KHYOD KYIS CUNG ZHIG KYANG, ,SANGS RGYAS SPYAN GYIS MA GZIGS PA, ,KHYOD KYIS GZIGS PA BLA MED DE, ,DE NYID DON NI RIG PA LAGS; ,DON DAM PA YI YOD PA NYID, ,RTOGS DANG RTOGS BYA MI MNGA' ZHING, ,AE MA'O MCHOG TU RTOGS DKA' BA'I, ,CHOS NYID SANGS RGYAS RNAMS KYIS RTOGS, ,KHYOD KYIS CUNG ZHIG MA BSKYED CING, ,CHOS RNAMS BKAG PA'ANG MA LAGS LA, ,MNYAM PA NYID KYI LTA BA YIS, ,BLA NA MED PA'I GO 'PHANG BRNYES, ,'KHOR BA SPANGS PAR GYUR PA YIS, ,MYA NGAN 'DAS KHYOD MI BZHED KYI, ,'KHOR BA MA DMIGS PA NYID KYI, ,ZHI DE MGON PO KHYOD KYIS RTOGS, ,KHYOD KYIS KUN NAS NYON MONGS DANG, ,RNAM BYANG RO GCIG GYUR RIG PAS, ,CHOS DBYINGS MNGON PAR DBYER MED PA, ,KUN DU RNAM PAR DAG PAR GYUR, ,GTZO BO KHYOD KYIS 'GA' ZHIG TU, ,YI GE GCIG KYANG MA GSUNGS LA, ,GDUL BYA'I 'GRO BA MA LUS PA, ,CHOS KYI CHAR GYIS TSIM PAR MDZAD, ,MKHA' DANG MNYAM PA'I THUGS MNGA' KHYOD, ,PHUNG PO KHAMS DANG SKYE MCHED LA, ,CHAGS PAR GYUR @68A *, ,PA MI MNGA' BAS, ,CHOS RNAMS KUN LA BRTEN MA LAGS, ,MGON KHYOD SEMS CAN 'DU SHES KYIS, ,'JUG PA KUN DU MI MNGA' YANG, ,SDUG BSNGAL GYUR PA'I SEMS CAN LA, ,SNYING RJE'I BDAG NYID GYUR PA'ANG KHYOD, ,BDE DANG SDUG BSNGAL DE BZHIN DU, , RTAG MI RTAG SOGS LA GTZO KHYOD, ,DE LTA'I RNAM RTOG SNA TSOGS KYIS, ,THUGS NI CHAGS PAR GYUR MA LAGS, ,CHOS RNAMS GANG DU 'ANG 'GRO 'ONG MED, ,DE BZHIN KHYOD KYIS GSHEGS PA'ANG LAGS, ,'GA' RU SPUNGS PA MA MCHIS PA, ,DE PHYIR DON DAM RIG PA'ANG LAGS, ,KUN GYI RJES SU ZHUGS GYUR KYANG, ,'GA' RU 'BYUNG BA'ANG MA LAGS LA, ,SKYE DANG CHOS DANG SKU RNAMS KYANG, ,THUB CHEN KHYOD KYI BSAM MI KHYAB, ,GCIG DANG GZHAN PA RNAMS SPANGS PA, ,BRAG CA LTA BU'I 'GRO BA RNAMS, ,'PHO DANG 'JIG PA RNAM SPANGS PA, ,SMAD PA MED PA KHYOD KYIS RTOGS, , RTAG DANG CHAD PA DANG BRAL ZHING, ,MTSAN NYID MTSON BYA RNAM SPANGS PAR, ,GTZO BOS RMI LAM SGYU TSOGS BZHIN, ,'KHOR BA NGES PAR RTOGS PA LAGS, ,BAG CHAGS GZHIR GYUR MTHAR THUG PA'I, ,KHYOD KYIS NYON MONGS SDIG PA SPANGS, ,NYON MONGS NYID KYI RANG BZHIN YANG, ,KHYOD KYIS BDUD RTZI NYID DU BSGRUBS, ,DPA' BO KHYOD KYIS GZUGS RNAMS KYIS, ,MTSAN MA MED MTHONG GZUGS MED BZHIN, ,MTSAN GYIS 'BAR BA'I SKU NYID KYANG, ,GZUGS SU SPYOD YUL NYID DU MTHONG, ,GZUGS SU MTHONG BAS MTHONG MIN YANG, ,MTHONG NGO ZHES NI RJOD PAR BYED, ,CHOS MTHONG BAS NI SHIN TU MTHONG, ,CHOS NYID MTHONG BA MA YIN NO, ,KHONG STONG KHYOD KYI SKU LA MED, ,SHA DANG RUS PA KHRAG MED KYANG, ,NAM MKHA'I DBANG PO'I GZHU BZHIN DU, ,KHYOD KYI SKU NI STON PAR MDZAD, ,SKU LA BSNYUN MED MI GTZANG MED, ,BKRES DANG SKOM PA 'BYUNG MED KYANG, ,KHYOD NI 'JIG RTEN RJES 'JUG PHYIR, ,'JIG RTEN SPYOD PA'ANG STON PAR MDZAD, ,LAS KYI SGRIB PA'I SKYON RNAMS NI, ,SDIG MED KHYOD KYIS KUN SPANGS KYANG, ,KHYOD KYIS SEMS CAN RJES GZUNG PHYIR, ,LAS SPANGS PAR YANG RAB TU BSTAN, ,CHOS KYI DBYINGS LA DBYER MED PHYIR, ,GTZO BO THEG @68B DBYER MA MCHIS KYANG, ,KHYOD KYI THEG PA GSUM BSTAN PA, ,SEMS CAN GZHUG PA'I CHED DU LAGS, ,RTAG CING BRTEN LA ZHI BA YI, ,CHOS KYI RANG BZHIN KHYOD KYI SKU, ,RGYAL BAS GDUL BYA 'GRO BA'I PHYIR, ,KHYOD NYID MYA NGAN 'DAS PAR BSTAN, ,GRANGS MED 'JIG RTEN KHAMS RNAMS SU, , 'DAS DANG BLTAMS DANG MNGON BYANG CHUB, ,'KHOR BA'ANG THAR PAR MOS RNAMS KYI, ,KHYOD LA GUS RNAMS KYIS YANG MTHONG, ,MGON PO SEMS PA MI MNGA' ZHING, ,RNAM RTOG G-YE BA MI MNGA' YANG, ,KHYOD NYID DANG GIS 'JIG RTEN LA, ,SANGS RGYAS MDZAD PA'ANG 'JUG PAR 'GYUR, , DE LTAR BDE GSHEGS YON TAN TSAD MED BSAM MI KHYAB, ,ME TOG GIS BRGYAN PA LAS BSOD NAMS GANG THOB PAR, ,GYUR PA 'DI NI SEMS CAN MA LUS PA 'DI DAG ,MCHOG TU RTOGS DKA' THUB PA'I CHOS KYI SNOD GYUR CIG ,DPE MED PAR BSTOD PA SLOB DPON 'PHAGS PA KLU SGRUB KYIS MDZAD PA RDZOGS SO,, ,,RGYA GAR GYI MKHAN PO KRishnA PAndI TA DANG, LO TZ'A BA DGE SLONG TSUL KHRIMS RGYAL BAS BSGYUR BA'O,, #, ,RGYA GAR SKAD DU, LO K'A T'I TA STA BAm, BOD SKAD DU, 'JIG RTEN LAS 'DAS PAR BSTOD PA, 'JAM DPAL GZHON NUR GYUR PA LA PHYAG 'TSAL LO, , DBEN PA'I YE SHES RIG GYUR PA, ,'JIG RTEN 'DAS KHYOD PHYAG 'TSAL 'DUD, ,GANG KHYOD 'GRO LA PHAN PA'I PHYIR, ,YUN RING THUGS RJES NGAL BAR GYUR, ,PHUNG PO TZAM LAS GROL BA YI, ,SEMS CAN MED PAR KHYOD BZHED LA, ,SEMS CAN DON LA'ANG MCHOG GZHOL BAR, ,THUB PA CHEN PO KHYOD NYID ZHUGS, ,BLO LDAN KHYOD KYI PHUNG DE'ANG, ,SGYU MA SMIG RGYU DRI ZA YI, ,GRONG KHYER RMI LAM JI BZHIN DU, ,BLO LDAN RNAMS LA RAB TU BSTAN, ,GANG DAG RGYU LAS BYUNG BA RNAMS, ,DE MED PAR NI YOD MIN PAS, ,GZUGS BRNYAN NYID DANG MTSUNGS PA RU, ,GSAL BAR CI YI PHYIR MI 'DOD, ,'BYUNG BA MIG GIS GZUNG MIN PAS, ,DE DNGOS MIG GI JI LTAR YIN, ,GZUGS NYID GZUNG BAR RAB BKAG PA, ,GZUGS NYID KHYOD KYIS DE LTAR GSUNGS, ,TSOR BYA MED PAR DE MED PAS, ,TSOR BA NYID NI BDAG MED PAS, ,TSOR BA DE YANG RANG BZHIN GYIS, ,YOD @69A *, ,PA MIN PAR KHYOD NYID BZHED, ,MING DANG DON DAG THA DAD MIN, ,ME YIS KHA NYID TSIG PAR 'GYUR, ,GZHAN NA'ANG RTOG PA MED 'GYUR ZHES, ,BDEN PA GSUNG BA KHYOD KYIS BSTAN, ,BYED PO RANG DBANG NYID LAS KYANG, ,THA SNYAD DU NI KHYOD KYIS BSTAN, ,PHAN TSUN LTOS PA CAN NYID DU, ,KRUB PAR KHYOD NI BZHED PA LAGS, ,BYED PO YOD MIN SPYOD PO'ANG MED, ,BSOD NAMS DE MIN RTEN 'BREL SKYES, ,RTEN NAS SKYES KYANG MA SKYES ZHES, ,TSIG GI BDAG PO KHYOD KYIS GSUNG, ,SHES PA MED PAR SHES BYA MIN, ,DE MED RNAM PAR SHES PA'ANG MED, , DE PHYIR SHES DANG SHES BYA DAG ,RANG DNGOS MED CES KHYOD KYIS GSUNG, ,MTSAN NYID MTSON BYA GZHAN NYID NA, ,MTSON BYA MTSAN NYID MED PAR 'GYUR, ,THA DAD MIN NA'ANG MED DE PAR, ,KHYOD KYIS GSAL PO NYID DU BSTAN, ,MTSAN NYID MTSAN BYA RNAM BRAL ZHING, ,TSIG GIS BRJOD PA RNAM SPANGS PAR, ,KHYOD KYI YE SHES SPYAN NYID KYIS, ,'GRO BA 'DI DAG ZHI BAR MDZAD, ,DNGOS PO YOD PA NYID MI SKYE, ,MED PA'ANG MA YIN YOD MED MIN, ,BDAG LAS MA YIN GZHAN LAS MIN, ,GNYIS MIN SKYE BA JI LTA BU, ,YOD PA GNAS PAR RIGS 'GYUR GYI, ,'JIG PAR 'GYUR BA MA YIN NO, ,MED PA MI GNAS PAR RIGS PAS, ,'JIG PAR 'GYUR BA MA YIN NO, ,RE ZHIG ZHIG PA'I RGYU LAS KYANG, ,'BRAS BU 'BYUNG BAR MI RIGS LA, ,MA ZHIG LAS MIN RMI LAM DANG, ,'DRA BA'I SKYE BA KHYOD NYID BZHED, ,ZHIG DANG MA ZHIG PA DAG GIS, ,RGYU LAS 'BRAS BU 'BYUNG BA DAG ,SGYU MA 'BYUNG BA BZHIN DU 'BYUNG; ,KUN KYANG DE BZHIN KHYOD KYIS GSUNGS, ,DE PHYIR KHYOD KYIS 'GRO 'DI DAG ,YONGS SU BRTAGS PA LAS BYUNG BAR, ,KUN DU SHES BYA 'BYUNG NA'ANG, ,SKYE BA MED CING 'GAG MED GSUNGS, ,RTAG LA 'KHOR BA YOD MA YIN, ,MI RTAG PA LA'ANG 'KHOR BA MED, ,DE NYID RIG PA'I MCHOG KHYOD KYIS, ,'KHOR BA RMI LAM 'DRA BAR GSUNGS, ,SDUG BSNGAL RANG GIS BYAS PA DANG, ,GZHAN GYIS BYAS DANG GNYIS KAS BYAS, ,RGYU MED PAR NI RTOG GE 'DOD, ,KHYOD KYIS RTEN NAS 'BYUNG BAR GSUNGS, ,RTEN CING 'BREL BAR GANG 'BYUNG BA, ,DE NYID KHYOD NI STONG PAR BZHED, ,DNGOS PO RANG DBANG YOD @69B MIN ZHES, ,MNYAM MED KHYOD KYI SENG GE'I SGRAS, ,KUN RTOG THAMS CAD SPANG PA'I PHYIR, ,STONG NYID BDUD RTZI STON MDZAD NA, ,GANG ZHIG DE LA ZHEN GYUR PA, ,DE NYID KHYOD KYIS SHIN TU SMAD, ,BEMS PO GZHAN DBANG STONG PA NYID, ,SGYU MA BZHIN DU RKYEN 'BYUNG BAR, ,MGON PO KHYOD KYIS CHOS KUN GYI, , DNGOS MED GOMS PAR MDZAD PA LAGS, ,KHYOD KYIS CUNG ZHIG MA BSKYED CING, ,'GA' YANG BKAG PA MA MCHIS LA, SNGON GYI JI LTAR PHYIS DE BZHIN, ,DE BZHIN NYID NI THUGS SU CHUD, ,'PHAGS PA RNAMS KYIS BSTAN PA YI, ,BSGOM MA ZHUGS PAR MTSAN MED 'DI, ,RNAM PAR SHES PAR 'GAR 'GYUR RAM, ,MTSAN MA MED LA MA ZHUGS PAR, ,THAR PA MED CES GSUNGS PA'I PHYIR, ,DE PHYIR KHYOD KYIS THEG CHEN RNAMS, ,MA LUS PAR NI DE NYID BSTAN, ,BSTOD PA'I SNOD KHYOD BSTOD PA LAS, ,BDAG GIS BSOD NAMS GANG THOB PA, ,DES NI 'GRO BA MA LUS RNAMS, ,MTSAN MA'I 'CHING LAS GROL GYUR CIG ,'JIG RTEN LAS 'DAS PAR BSTOD PA, SLOB DPON 'PHAGS PA KLU SGRUB KYIS MDZAD PA RDZOGS SO,, ,,RGYA GAR GYI MKHAN PO KRishnA PAndI TA DANG, LO TZ'A BA TSUL KHRIMS RGYAL BAS BSGYUR CING ZHUS STE GTAN LA PHAB PA'O,, ,, #, ,RGYA GAR SKAD DU, TZITTA BADZRA STA BAm, BOD SKAD DU, SEMS KYI RDO RJE'I BSTOD PA, ,'JAM DPAL GZHON NUR GYUR PA LA PHYAG 'TSAL LO, ,GANG GIS SEMS BYUNG DRA BA NI, ,SEMS NYID KYIS NI BSAL MDZAD DE, ,SEMS KYI RMONGS PA SEL BA YI, ,RANG SEMS DE LA PHYAG 'TSAL LO, ,SEMS CAN MOS PA SNA TSOGS RNAMS, ,THA DAD LHA YI DMIGS PA LA, ,RIN CHEN SEMS NI RNAM GROL LAS, ,LHA GZHAN BSGRUB TU YOD MA YIN, ,SEMS THOB PA NI BYANG CHUB STE, ,SEMS NI 'GRO BA LNGA PO YIN, ,BDE DANG SDUG BSNGAL MTSAN NYID DAG, SEMS LAS MA GTOGS CUNG ZAD MED, ,'GRO BA KUN GYI MTHONG BA RNAMS, ,CUNG ZAD BSGOM PA'I RNAM PA YANG, ,DE KUN SEMS KYI DRA BA RU, ,DE NYID GSUNG BAS BSTAN PA YIN, ,RNAM PAR RTOG PA SPANGS PA'I SEMS, ,RNAM PAR RTOG PAS BSNGOS BYAS PA'I, ,'KHOR BA RNAM RTOG @70A *, ,CAN NYID DE, ,RNAM RTOG MED PA THAR PA YIN, ,DE BAS KUN GYIS 'BAD PA YIS, ,BYANG CHUB SEMS LA PHYAG BYA'O, ,SEMS KYI RDO RJE BSGOM PA'I PHYIR, ,DE NI BYANG CHUB MCHOG CES BYA, ,KHAMS BSKYED SEMS NI LUS KYIS BCINGS, ,SEMS MED KHAMS NI BDE BAR 'JUG ,DE PHYIR SEMS NI KUN DU BSRUNG, ,BDE LEGS SEMS LAS SANGS RGYAS 'BYUNG, ,SEMS KYI RDO RJE'I BSTOD PA SLOB DPON KLU SGRUB KYIS MDZAD PA RDZOGS SO,, #, ,RGYA GAR SKAD DU, PA RA MA AA RTHA STA BAm, BOD SKAD DU, DON DAM PAR BSTOD PA, 'JAM DPAL GZHON NUR GYUR PA LA PHYAG 'TSAL LO, ,SKYE BA MED CING GNAS MED LA, ,'JIG RTEN DPE LAS SHIN TU 'DAS, ,NGAG GIS BRJOD PA'I SPYOD YUL MIN, ,MGON KHYOD JI LTAR BSTOD PAR BGYI, ,DE LTA NA YANG GANG 'DRA BAS, ,DE BZHIN NYID DON SPYOD YUL GYI, ,'JIG RTEN BTAGS PA LA GNAS NAS, ,GUS PA CHEN POS BDAG GIS BSTOD, ,SKYE BA MED PA'I NGO BO YIS, ,KHYOD LA SKYE BA YONG MI MNGA', ,MGON KHYOD GSHEGS DANG BYON MI MNGA', ,DNGOS MI MNGA' LA PHYAG 'TSAL 'DUD, ,DNGOS MED MA LAGS DNGOS MA LAGS, ,CHAD PA MA LAGS RTAGS MA LAGS, ,MI RTAG MA LAGS RTAG MA LAGS, ,GNYIS MI MNGA' LA PHYAG 'TSAL 'DUD, ,DMAR DANG LJANG DANG BTZOD MDOG MIN, ,SER DANG GNAG DANG DKAR MA LAGS, ,KHYOD LA KHA DOG YONG MI DMIGS, ,MDOG MI MNGA' LA PHYAG 'TSAL 'DUD, ,CHEN PO MA LAGS CHUNG MA LAGS, ,RING DANG ZLUM PA MA LAGS LA, ,TSAD MED PA YI DNGOS BRNYES PA, ,TSAD MI MNGA' LA PHYAG 'TSAL 'DUD, ,RING MIN NYA BA MA LAGS SHING, ,NAM MKHA' MA LAGS SA MA LAGS, ,'KHOR MIN MYA NGAN 'DAS MA LAGS, ,GNAS MI MNGA' LA PHYAG 'TSAL 'DUD, , CHOS RNAMS KUN LA MI GNAS PAS, ,CHOS KYI DBYINGS KYI DNGOS GYUR CING, ,MCHOG TU ZAB PA GNYIS BRNYES PA, ,ZAB MO KHYOD LA PHYAG 'TSAL BSTOD, ,DE LTA'I BSTOD PAS BSTOD BGYI'AM, YANG NA 'DIR NI CI ZHIG BSTOD, ,CHOS RNAMS THAMS CAD STONG PA LA, ,GANG LA @70B BSTOD CING GANG GIS BSTOD, ,SKYE DANG 'JIG PA RNAM SPANGS SHING, ,GANG LA MTHA' DANG DBUS MED PA, ,GZUNG DANG 'DZIN PA MI MNGA' BA, ,'DIR NI KHYOD BSTOD NUS PA GANG, ,GSHEGS DANG BYON PA MI MNGA' ZHING, ,'GRO SPANGS BDE BAR GSHEGS BSTOD PA'I, ,BSOD NAMS NGES NI 'JIG RTEN RNAMS, ,BDE GSHEGS GNAS SU 'GRO BAR SHOG ,DON DAM PAR BSTOD PA, ,SLOB DPON 'PHAGS PA KLU SGRUB KYIS MDZAD PA RDZOGS SO,, ,,RGYA GAR GYI MKHAN PO KRishnA PAndI TA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, ,K'A YA TRA YA STO TRA N'A MA, BOD SKAD DU, SKU GSUM LA BSTOD PA ZHES BYA BA, ,'PHAGS PA 'JAM DPAL GZHON NUR GYUR PA LA PHYAG 'TSAL LO, ,GCIG MIN DU MA MA YIN BDAG DANG GZHAN LA PHAN PA PHUN SUM TSOGS CHEN GZHIR GYUR PA, ,DNGOS MIN DNGOS PO MED PA MA YIN MKHA' LTAR RO GCIG RTOGS PAR DKA' BA'I RANG BZHIN CAN, ,GOS PA MED CING MI 'GYUR ZHI LA MI MNYAM MNYAM PA KHYAB PA CAN STE SPROS MED PA, ,SO SO RANG RIG RGYAL BA RNAMS KYI CHOS SKU DPE MED GANG YIN DE LA BDAG PHYAG 'TSAL, ,RANG GI 'BYOR PA 'JIG RTEN LAS 'DAS BSAM GYIS MI KHYAB LEGS MDZAD BRGYA YI 'BRAS BU NI, ,BLO CAN RNAMS KYI DGA' BA BSKYED PHYIR 'KHOR GYI NANG DU SNA TSOGS RGYAS PAR STON MDZAD CING, ,RTAG TU DAM PA'I CHOS KYI SGRA SKAD RGYA CHEN 'JIG RTEN KUN DU 'PHRO BAR MDZAD PA PO, ,SANGS RGYAS LONGS SPYOD RDZOGS SKU CHOS KYI RGYAL SRID GNAS PA GANG YIN DE LA PHYAG 'TSAL LO, ,SEMS CAN RNAMS NI SMIN PAR MDZAD PHYIR LA LA DAG TU ME 'BAR BZHIN DU GANG SNANG ZHING, ,LA LAR YANG NI RDZOGS PAR BYANG CHUB CHOS KYI 'KHOR LO RAB TU ZHI BAR GANG SNANG LA, ,SNA TSOGS THABS TSUL RNAM PA DU MAR 'JUG CING SRID PA GSUM GYI 'JIGS SEL BA, ,PHYOGS BCUR CHUB MDZAD THUB PA RNAMS KYI SPRUL SKU DON CHEN GANG YIN DE LA PHYAG 'TSAL LO, ,SEMS CAN DON GCIG RGYUN DU MDZAD CING BSOD NAMS YE SHES CHEN PO DPAG MED LAS BYUNG BA'I, ,BDE BAR GSHEGS PA RNAMS KYI SKU GSUM YID DANG TSIG GI LAM @71A *, ,LAS RAB TU 'DAS PA LA, ,BDAG GIS DAD PAS PHYAG BYAS DGE BA BYANG CHUB SA BON BSAGS PAR GYUR PA GANG YIN DES, ,SKU GSUM THOB NAS 'GRO BA 'DI DAG MA LUS BYANG CHUB LAM LA NGES PAR 'DZUD PAR SHOG ,SKU GSUM LA BSTOD PA ZHES BYA BA SLOB DPON 'PHAGS PA KLU SGRUB KYIS MDZAD PA RDZOGS SO,, ,,RGYA GAR GYI MKHAN PO KRishnA PAndI TA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, K'A YA TRA YA STO TRA N'A MA SYA BI PA RA N'A MA, BOD SKAD DU, SKU GSUM LA BSTOD PA ZHES BYA BA'I RNAM PAR 'GREL PA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,BDAG NYID CHEN PO'I SKU GSUM GYI, ,BSTOD PA KLU SGRUB KYIS MDZAD PA, ,GZHAN GYI GSOL BAS BSKUL BAS NA, ,JI LTAR BKOD PA RNAM PAR DBYE, ,DE LA, GCIG MIN DU MA MA YIN ZHES BYA BA LA SOGS PA'I TSIGS SU BCAD PA GSUM GYIS BRJOD PAR BYA BA DANG, DGOS PA DANG, 'BREL PA DANG, DGOS PA'I YANG DGOS PA BRJOD PAR BYA STE, GANG GI PHYIR BRJOD PA DANG, DGOS PA DANG, 'BREL BA MED PA DAG LA NI SO SOR RTOG PA SNGON DU GTONG BA DAG LEN PAR MI 'GYUR RO, ,DE'I PHYIR 'DIR CI ZHIG 'CHAD PAR 'GYUR ZHES 'DI LA YANG DAG PAR RMONGS PA DAG DRAN PA 'JUG PAR BYA BA'I PHYIR BRJOD PAR BYA BA BSHAD DO, ,BSHAD PA DON MED PAR RTOG PA DAG NGES PAR 'JUG PAR BYA BA'I PHYIR DGOS PA BSTAN TO, ,THABS MED PAR DOGS PA BSAL BA'I PHYIR 'BREL BA BSHAD DE, GZHAN DU NA THABS MED PA DAG LA JI LTAR 'JUG PAR 'GYUR, ,DE LA 'DIR SKU GSUM NI BRJOD PAR BYA BA'O, ,DE'I RANG GI NGO BO NYID BSHAD PA NI DGOS PA STE, DE'I RANG GI NGO BO NYID BSHAD PA'I PHYIR TSIGS SU BCAD PA 'DI BYAS SO, ,DE BAS NA DGOS PA DANG TSIGS SU BCAD PA DAG RJOD PA DANG BRJOD PAR BYA BA'I MTSAN NYID DU 'BREL PA'AM, TSIG DANG TSIG CAN 'BREL PA'AM, THABS DANG THABS LAS BYUNG BA'I MTSAN NYID DU 'BREL PA'AM, SGRUB PA DANG BSGRUB PAR BYA BA'I MTSAN NYID DU 'BREL BA'AM, BYA BA DANG BYED PA'I MTSAN @71B NYID DU 'BREL BA NI 'BREL BA'O, ,DE NAS 'BAD PA DANG RTZOL PA'I BRTZON 'GRUS DANG LDAN PAR RANG NYID KYIS SKU GSUM GYI DON DANG BYA BA MTHAR PHYIN PA NI DGOS PA'I YANG DGOS PA YIN PAR SHES PAR BYA STE, 'DI NI RE ZHIG DON GYI SPYI YIN NO, ,DA NI YAN LAG GI DON BRJOD PAR BYA STE, GCIG MIN DU MA MA YIN ZHES BYA BA LA SOGS PA LA, GCIG DANG DU MA NI GCIG DANG DU MA STE, GNYIS NI GNYIS MED PA NYID DO, ,DU MA NI MANG PO NYID DE, GCIG DANG DU MAR MA GYUR PA'I CHOS KYI SKU GANG YIN PA DE LA BDAG PHYAG 'TSAL LO ZHES BYA BA'I THA TSIG GO, ,CI'I PHYIR GCIG KYANG MA YIN LA DU MA YANG MA YIN ZHE NA, DE'I PHYIR GZOD MA NAS MA SKYES PA'O ZHES 'BYUNG BAS NA GANG THOG MA NYID NAS MA SKYES PA DE LA GCIG DANG DU MA'I GNAS SKABS SU BYA BAR MI NUS TE, NAM MKHA' LTAR YONGS SU CHAD PA MED PA'I NGO BO NYID DO, ,CHOS THAMS CAD KYANG DE BZHIN LAS BYUNG BAS NA, DE'I PHYIR GANG ZHIG GANG LAS BYUNG BAR GYUR PA STE, GANG GIS SNA TSOGS PA'I GZUGS SU GYUR PA DE MA MTHONG STE, S'A LU LA SOGS PA'I SA BON LAS NI S'A LU'I 'BRAS BU'O, ,DE BZHIN DU STONG PA NYID LAS GANG ZHIG 'BYUNG BAR 'GYUR BA NI RTAG PA NGANG CHAD PAR MI 'GYUR TE, GANG GI PHYIR KUN DU RTOG PA MA LUS PA DANG BRAL BA'I RGYAL BA THAMS CAD KYIS KYANG STONG ZHING SGYU MA DANG 'DRA BAR GZIGS SO, ,GZHAN YANG KHYAD PAR DU BYA BA'I PHYIR BDAG DANG GZHAN LA PHAN PA PHUN SUM TSOGS CHEN GZHIR GYUR PA ZHES BYA BA SMOS TE, BDAG DANG GZHAN NI BDAG DANG GZHAN TE, DE DAG LA PHAN PA PHUN SUM TSOGS PA'I GZHIR GYUR PA NI MNGON PAR MTHO BA DANG, NGES PAR LEGS PA'I MTSAN NYID CAN GYI PHUN SUM TSOGS PA CHEN PO'I GZHIR GYUR PA ZHES BYA BA'I DON TO, ,GANG GI PHYIR CHOS KYI DBYINGS GCIG DANG DU MA DANG BRAL BA'I NGO BO THOG MA DANG THA MA MED PA STONG PA NYID DU BSHAD NA, JI LTAR NA BDAG DANG GZHAN LA PHAN PA PHUN SUM TSOGS PA CHEN PO'I GZHIR PHYUR PA YIN ZHE NA, NYES PA MED DE, 'DI LTAR MA RIG PA'I BAG CHAGS KYI STOBS KYIS SNOD DANG BCUD KYI TSUL DU GNAS PA LTAR BDAG DANG GZHAN LA PHAN PA PHUN SUM TSOGS PA CHEN PO'I GZHIR GYUR PA YIN TE, RMI LAM LA SOGS PA'I SHES PA BZHIN NO, ,GAL TE MA @72A *, ,RIG PA'I BAG CHAGS DANG CHOS KYI DBYINGS THOG MA DANG THA MA MED PA'I NGO BO DE YANG MA RIG PA'I BAG CHAGS SU GYUR PA NI GLA RTZI LA SOGS PAS BSGOS PA BZHIN TE, DNGOS PO RNAMS KYI CHOS NYID NI DE LTA BU'O, ,DE BAS NA BDAG DANG GZHAN LA PHAN PA PHUN SUM TSOGS PA'I GZHIR GYUR PA YIN NO, ,GZHAN YANG DGE BA'I BSHES GNYEN DANG PHRAD CING LAM BZANG PO RNYED PAS MA RIG PA'I BAG CHAGS GLO BUR BA RING DU BYAS SHING YONGS SU DAG PAR GYUR PA NI GSER DANG ZANGS KYI DRI MA DANG BRAL BA BZHIN TE, 'DI LA YON TAN DANG NYES PA LEN CING SPONG BA YOD PA YIN NO, ,DE CI'I PHYIR ZHE NA, YANG DAG PA'I DON RTOGS PA KHO NA TZAM DU ZAD DE, DE'I PHYIR, 'DI LA BSAL BYA CI YANG MED, ,GZHAL BAR BYA BA GANG YANG MED, ,YANG DAG NYID LA YANG DAG LTA, ,YANG DAG MTHONG NA RNAM PAR GROL, ,ZHES GSUNGS PA GANG 'DI LTAR RKYEN DANG LDAN PA NI KUN NAS NYON MONGS PAR THAL BAR 'GYUR GYI MA SKYES PA SKYE BAR NI MA MTHONG NGO, ,SKYES PA 'GAG PA DAG LAS KYANG CUNG ZAD SKYE BA MED DE, MYA NGAN LAS 'DAS PA NI MAR ME DANG MTSUNGS SO, ,GZHAN YANG KHYAD PAR DU BYA BA'I PHYIR, DNGOS MIN DNGOS PO MED MA YIN, ,ZHES BYA BA SMOS TE, DNGOS PO NI GZUGS SU YOD PA'O, ,DE MED PAR GYUR PA NI DNGOS PO MED PA STE, GNYI GA LAS LDOG PAR 'GYUR BAS NA, DNGOS MIN DNGOS PO YOD PA MA YIN, ,ZHES BYA BA STE YOD PA DANG MED PA DANG DBUS LAS 'DAS PAR GYUR PA'O, ,DE NYID KYIS NAM MKHA' LTAR RO GCIG PA STE, NAM MKHA' LTAR ZHES BYA BA NI NAM MKHA' DANG 'DRA BAR RO GCIG CING MNYAM PA'I RANG BZHIN DU GANG GYUR PA DE NI NAM MKHA' LTAR RO GCIG CES BYA'O, ,DE NYID KYIS NA RTOGS PAR DKA' BA'I RANG BZHIN CAN TE, DNGOS PO DANG DNGOS PO MED PA GNYI GA DANG GZHAN LAS BTZAL BA DANG BRAL BA NYID DO, ,DE BAS NA GOS PA MED PA STE, 'DOD CHAGS LA SOGS PA'I NYES PA'I DRI MA DANG BRAL BA NYID DO, ,DE NYID KYIS NA MI 'GYUR BA STE RANG GI NGO BO NYID LA MI 'PHO BA'O, ,ZHI BA NI NYON MONGS PA THAMS CAD ZHI BAR GYUR BA'O, ,MI MNYAM PA NI MTSUNGS PA MED PA'O, ,MNYAM PA NI CHOS THAMS CAD KYI GZHIR MTSUNGS PAR GYUR BA'O, ,KHYAB @72B PA CAN NI THAMS CAD DU SONG BAR GYUR BA'O, ,SPROS PA MED PA NI SPROS PA THAMS CAD DANG BRAL BAR GYUR BA'O, ,KHYAD PAR DU BYA BA GZHAN YANG SO SO RANG RIG CES BYA BA STE, SEMS CAN RNAMS KYI SO SO RANG GIS RIG PAR GYUR PA GZHON NU MA'I BDE BA DRIS PA BZHIN NO, ,DPE MED PA NI DPE LAS 'DAS PAR GYUR PA STE, DE SKAD DU YANG, ,MTSUNGS PA 'GA' YANG YOD MIN TE, ,TSIG LAM PA YANG GANG ZHIG YOD, ,CUNG ZAD NYE BA'AM RING PA NI, ,'GA' YANG YOD PA MA YIN NO, ,'DREN PA MNYAM PA MED GYUR PA, ,DE LA DPER BYA GANG ZHIG GZHAL, ,SKABS 'BYED GZHI DANG BRAL BA YI, ,MNYAM MED KHYOD LA PHYAG 'TSAL LO, ,ZHES BSHAD PAS SO, ,DE LTA BU'I CHOS KYI SKU STE CHOS KYI LUS DE LA BDAG PHYAG 'TSAL LO, ,JI LTA BU SU LA ZHE NA, RGYAL BA RNAMS TE SHES BYA MA LUS PA THUGS SU CHUD PAS THUGS BYIN GYIS BRLABS PA LA LUS DANG YID KYIS PHYAG 'TSAL LO ZHES BYA BA'I DON TO, ,RANG GI 'BYOR BA NI KHAMS GSUM PA THAMS CAD KYI DBANG PHYUG CHEN PO'I MTSAN NYID DO, ,KHYAD PAR JI LTA BU ZHE NA, 'JIG RTEN LAS 'DAS PA STE 'JIG RTEN LAS RGAL BA'O, ,BSAM GYIS MI KHYAB PA NI SEMS KYI YUL LAS RING DU GYUR BA'O, ,LEGS MDZAD BRGYA YI 'BRAS BU ZHES BYA BA NI SBYIN PA LA SOGS PA PHA ROL TU PHYIN PA RNAMS YUN RING POR NYE BAR BSAGS PA LAS SKYES PA'O, ,GANG GI ZHE NA, BLO CAN RNAMS KYI STE, BYAMS PA DANG, MTHONG BA DON YOD DANG, NGAN SONG THAMS CAD SPONG BA DANG, MYA NGAN THAMS CAD NGES PAR 'JOMS PA'I BLO GROS LA SOGS PA'O, ,CI'I PHYIR ZHE NA, DGA' BA BSKYED PA'I PHYIR TE RAB TU MGU BA'I RGYUR RO, ,'KHOR NI BYANG CHUB SEMS DPA'I TSOGS TE DE RNAMS KYI NANG DU'O, ,SNA TSOGS PA NI RNAM PA DU MA'O, ,RGYAS PAR STON PAR MDZAD PA ZHES BYA'O, ,SEMS CAN MOS PA SNA TSOGS PA DAG GI BSAM PA'I KHYAD PAR GYI DBANG DU MDZAD NAS BYE BRAG DU MAR 'CHAD PAR MDZAD PA'O, ,RTAG TU DAM PA'I CHOS KYI SGRA SKAD RGYA CHEN 'JIG RTEN KUN DU 'PHRO BAR MDZAD PA PO, ,ZHES BYA BA NI SHIN TU RGYA CHE BA'I DAM PA'I CHOS KYI GSUNG NGO, ,THAMS CAD DU 'JUG PAS NA RGYA CHE BA'O, ,DE NYID KYIS NA DE RGYUN MI 'CHAD PAR SPRO BAS NA SHIN TU MANG ZHING RGYA CHE @73A *, ,BA LA SOGS PA'I DAM PA'I CHOS STON CING GSUNG BAR 'GYUR BA DE LA DE SKAD CES BYA'O, ,SANGS RGYAS ZHES BYA BA NI CHOS KYI DE KHO NA NYID JI LTA BA BZHIN DU BRNYES SHING THUGS SU CHUD PA'O, ,LONGS SPYOD RDZOGS SKU ZHES BYA BA NI RDZOGS PAR LONGS SPYOD PA'I SKU STE, SA BCU'I DBANG PHYUG GI BYANG CHUB SEMS DPA' RNAMS LA RNAM PA SNA TSOGS PA'I CHOS STON PA LA SOGS PAS LONGS SPYOD PAR MDZAD PA'O, ,DE'I PHYIR KHYAD PAR GZHAN YANG CHOS KYI RGYAL SRID CHEN PO LA BZHUGS PA GANG YIN ZHES BYA BA SMOS TE, CHOS KYI SRID KYANG YIN LA CHEN PO YANG YIN PAS NA CHOS KYI RGYAL SRID CHEN PO STE KHAMS GSUM PA THAMS CAD KYI BDAG PO'O, ,DE LA GNAS PA'I SKU GANG YIN PA DE LA DE SKAD CES BYA'O, ,DE LTAR TSIGS SU BCAD PA GNYIS KYIS SKU RNAM PA GNYIS PO'I RANG GI NGO BO NYE BAR BSTAN NAS, SPRUL PA'I SKU'I NGO BO BSTAN PA'I PHYIR, SEMS CAN RNAMS NI SMIN PAR MDZAD PHYIR LA LA DAG TU ME 'BAR BZHIN DU GANG SNANG ZHING, ,ZHES BYA BA LA SOGS PA SMOS TE, SEMS CAN RNAMS NI SROG CHAGS RNAMS SO, ,CI'I PHYIR ZHE NA, SMIN PAR MDZAD PA'I PHYIR TE YONGS SU SMIN PA'I DON DU'O, ,GANG GIS DUS LA LA DAG TU ME DANG 'DRA ZHING BYIN ZA BZHIN DU KUN NAS 'BAR BAR SNANG ZHING 'OD DANG LDAN PAS RAB TU 'BAR BAR SNANG BA'O, ,GNAS GANG DU SNANG ZHE NA, SMRAS PA, RDZOGS PAR BYANG CHUB CES PA STE, BYANG CHUB PA NYID DU'O, ,CHOS KYI 'KHOR LO NI P'A R'A nA S'IR DRANG SRONG SMRA BA RI DAGS KYI NAGS SU'O, ,RAB TU ZHI BAR GANG SNANG LA, ,ZHES PA NI GYAD KYI NYE 'KHOR SHING S'A LA ZUNG GI TSAL DU YONGS SU MYA NGAN LAS 'DAS PA CHEN PO STON PA'O, ,KHYAD PAR CI ZHIG CE NA, SNA TSOGS THABS TSUL RNAMS KYIS ZHES BYA BA STE, SANGS RGYAS DANG, RANG SANGS RGYAS DANG, NYAN THOS DANG, BYANG CHUB SEMS DPA' DANG, TSANGS PA DANG, BRGYA BYIN DANG, DBANG PHYUG CHEN PO LA SOGS PA RNAM PA SNA TSOGS PA'I BDAG NYID DU STON PA'O, ,BYE BRAG JI LTA BU ZHE NA, RNAM PA DU MAR 'JUG CING ZHES PA STE, GDUL BYA SNA TSOGS PA RNAM PA DU MA'I RJES SU 'JUG PAR MDZAD PA'O, ,KHYAD PAR CI ZHIG CE NA, SRID PA GSUM GYI 'JIGS SEL ZHES BYA BA STE, 'DOD PA @73B DANG GZUGS DANG GZUGS MED PA STE SRID PA GSUM GYI SEMS CAN RNAMS KYI SKYE BA LA SOGS PA'I NYES PA RING DU MDZAD PA NI 'JIGS PA SEL BA'O, ,GZHAN YANG KHYAD PAR DU BYA BA'I PHYIR PHYOGS BCUR CHUB MDZAD THUB PA RNAMS KYI SPRUL SKU DON CHEN ZHES BYA STE, PHYOGS BCUR CHUB PAR MDZAD PA NI PHYOGS BCU PO RNAMS SU RJES SU KHYAB PA'O, ,THUB PA NI SKU DANG GSUNG THUB PA DANG LDAN PAS NA THUB PA STE SANGS RGYAS BCOM LDAN 'DAS SO, ,DON CHEN NI MNGON PAR MTHO BA DANG NGES PAR LEGS PA'I 'BRAS BU STZOL BA'AM THOB PAR MDZAD PA STE, DE LTA BU'I SPRUL BA'I SKU GANG YIN PA DE LA PHYAG 'TSAL LO ZHES SLOB DPON KLU SGRUB KYIS GSUNGS PA YIN NO, ,DE NI 'DI SKAD DU STON PAR 'GYUR TE, GANG GIS BDAG NYID KYIS BSOD NAMS DANG YE SHES KYI TSOGS YONGS SU RDZOGS PAR MDZAD NAS, GNAS KYI MCHOG DGA' LDAN GYI GZHAL YAS KHANG NA BZHUGS PA BYANG CHUB SEMS DPA' DAM PA TOG DKAR POS THUGS KYI RANG BZHIN GYIS BYAMS PA DANG, SNYING RJE DANG, DGA' BA DANG, BTANG SNYOMS DANG, BSAM GTAN BZHI BSGOMS PA'I RIM GYIS RNAL 'BYOR CHEN PO'I GNAS 'OG MIN DU MNGON PAR BYANG CHUB PA RNAM PA LNGA'I RIM PAS YANG DAG PAR SANGS RGYAS SO, ,DE NAS SPRUL PA'I SKUS DE BZHIN GSHEGS PA THAMS CAD LONGS SPYOD RDZOGS PA'I SKUS BZHUGS PA DANG, RI RAB CHEN PO'I STENG DU RDO RJE NOR BU RIN PO CHE'I GZHAL YAS KHANG GI RTZE MOR GSHEGS TE, DKYIL 'KHOR RNAM PA BZHIR MNGON PAR SPRUL BAR MDZAD NAS, SLAR YANG DGA' LDAN GYI GNAS MCHOG TU BZHUGS PA'I DAM PA TOG DKAR PO DANG GCIG TU GYUR NAS LHUMS SU 'JUG PA DANG, BLTAMS PA DANG, BTZUN MO'I NANG NA ROL PA MDZAD PAR BSTAN PA DANG, MTSAN MO MNGON PAR BYUNG BA DANG, DKA' BA MDZAD PA DANG, BYANG CHUB KYI SNYING POR GSHEGS PA DANG; BDUD BTUL BA DANG, MNGON PAR BYANG CHUB PA DANG, CHOS KYI 'KHOR LO BSKOR BA NAS JI SRID DU YONGS SU MYA NGAN LAS 'DAS PA CHEN PO'I BAR GYIS 'GRO BA MA LUS PA'I DON MDZAD PAR RAB TU STON PA'I SPRUL PA'I SKU LA BDAG LUS DANG NGAG DANG YID KYIS PHYAG 'TSAL LO ZHES BYA BA'I DON TO, , @74A *, ,DE NYID KYI PHYIR NA, 'OG MIN GNAS NI NYAMS DGA' BAR, ,GTZANG MA'I GNAS KYI STENG BZHUGS TE, ,YANG DAG SANGS RGYAS DER SANGS RGYAS, ,SPRUL PA DAG NI 'DIR SANGS RGYAS, ,ZHES BYA BA GSUNGS PAS SO, ,DE LTAR TSIGS SU BCAD PA GSUM GYIS SKU GSUM BSTAN NAS, GZHAN YANG SMON LAM BYED PAR 'DOD PA'I PHYIR SEMS CAN DON GCIG RGYUN DU MDZAD CING ZHES BYA BA LA SOGS PA SMOS TE, SEMS CAN GYI DON NI SROG CHAGS RNAMS KYI 'DOD PA'I DON RAB TU SGRUB CES BYA BA'I DON YIN PAS NA, 'GRO BA'I DON GCIG RGYUN DU MDZAD PA GANG YIN PA DE NI SEMS CAN GYI DON GCIG RGYUN DU MDZAD PA STE, DE LTA BU'I SEMS CAN GYI DON MDZAD PA DE LA PHYAG BYAS PAS ZHES BYA BAR SBYAR RO, ,YON TAN JI LTA BU DANG LDAN ZHE NA, BSOD NAMS YE SHES CHEN PO DPAG MED LAS BYUNG BA'I, ,ZHES BYA BA SMOS TE, BSOD NAMS DANG YE SHES CHEN PO NI PHA ROL TU PHYIN PA DRUG DANG LDAN PA'O, ,DE YONGS SU CHAD PA MED PAR BSAGS PA NI DPAG TU MED PA STE, BSOD NAMS DANG YE SHES CHEN PO DPAG TU MED PA LAS BYUNG BA NI DE LAS SKYES PA'O, ,DE SU ZHIG CE NA, BDE BAR GSHEGS PA STE MDZES PAR GSHEGS PA 'AM SLAR MI LDOG PAR GSHEGS PA'I CHOS CAN NYID YIN PAS NA BDE BAR GSHEGS PA'O, ,YANG NA NYID KYI DON MTHAR PHYIN PAS NA BDE BAR GSHEGS PA'O, ,RNAMS KYI SKU GSUM NI CHOS KYI SKU DANG, LONGS SPYOD RDZOGS PA'I SKU DANG, SPRUL PA'I SKU ZHES BYA BA'I SKU GSUM PA'O, ,DE BAS NA DE'I YON TAN GYI KHYAD PAR JI LTA ZHE NA, YID DANG TSIG GI 'DAS LAS RAB TU 'DAS PA ZHES BYA BA STE, DMIGS SU YOD PA'I YID KYI YUL LAS SHIN TU 'DAS PA'I DON TO, ,DE LTA BUR GYUR PA LA MOS PA'I DAD PAS 'DUD CING PHYAG BYAS PA LAS SO, ,BDAG GIS DGE BA BYANG CHUB SA BON ZHES BYA BA NI BYANG CHUB PA'I SA BON NI BYANG CHUB KYI SEMS ZHES BYA BA'I DON TO, ,DE BSGRUBS SHING BSAGS PA'O, ,DES NA DE'I BSOD NAMS KYI TSOGS GANG YIN PA DES CHOS DANG LONGS SPYOD RDZOGS PA DANG, SPRUL PA'I MTSAN NYID CAN GYI SKU GSUM THOB CING REG NAS 'GRO BA MA LUS SHING LHAG MA MED PA DAG BYANG CHUB KYI LAM LA 'DZUD PA STE, BYANG @74B CHUB PA'I LAM NI BYANG CHUB LAM STE, 'PHAGS PA'I LAM YAN LAG BRGYAD PA'I LAM CHEN PO DE LA RAB TU 'DZUD CING 'GOD PAR SHOG CIG CES BYA BA'I DON TO, ,BSTOD PA'I RGYAL PO MKHAS SHING YON TAN PHUL BYUNG SPYOD YUL BA, ,SHIN TU NYAMS MED RGYA CHEN SNYING PO DON GYI TSOGS SBAS PA, ,BDAG GIS 'DIR NI LO 'DAB RTZE TZAM BLANGS NAS RNAM BSHAD KYIS, ,MCHOG TU MKHAS SHING DON GYI RJES 'BRANG 'DIR NI TSAD MA YIN, ,SLOB DPON KLU SGRUB KYIS MDZAD PA'I SKU GSUM LA BSTOD PA ZHES BYA BA'I 'GREL PA RDZOGS SO,, ,,RGYA GAR GYI MKHAN PO SHRADH'A KA RA WARMA DANG, BOD KYI LO TZ'A BA BANDE RIN CHEN BZANG POS GSAR DU BSGYUR CING ZHUS PA LAGS SO,, #, ,RGYA GAR SKAD DU, SATVA A'A RA D'A NA STA PAm, BOD SKAD DU, SEMS CAN MGU BAR BYA BA'I BSTOD PA, 'JAM DPAL DBYANGS LA PHYAG 'TSAL LO, ,NGA LA GUS PA SEMS CAN DON TE GUS PA GZHAN DAG MIN, ,GANG GIS SNYING RJE MA BTANG DE YIS NGAL GUS PA STE, ,SNYING RJE BTANG NAS GNAS PAR GYUR PA LHUNG BA GANG YIN PA, ,DE NI DE LAS SNYING RJES BSLANG BAR NUS KYI GZHAN GYIS MIN, ,GANG GIS SNYING RJE SEMS CAN LA NI RJES SU ZHUGS GYUR PA, ,DES NI NGA YANG MNYES BYAS DES NI BSTAN PA'I KHUR YANG BZUNG, ,TSUL KHRIMS THOS PA SNYING RJE DAG DANG BLO DANG GSAL BDAG ,GANG LA YOD PA DES NI RTAG TU BDE BAR GSHEGS PA MCHOD, ,NGA NYID SEMS CAN PHAN 'DOGS GYUR PAS GRUB PA'I 'DI BRNYES PA STE, ,SEMS CAN KHO NA'I DON DU NGA YIS SKU 'DI YANG DAG BZUNG, ,SEMS CAN RNAMS LA YID KYIS GNOD PAR SEMS DE GANG GI PHYIR, ,NGA LA MI LTOS PAS NA DE'I DON STON PAR MI 'GYUR RO, ,SEMS CAN PHAN PA CHUNG YANG DES NI MCHOD PA 'BYUNG 'GYUR TE, ,GANG GIS YID NI MGU BAR BYED PA MCHOD PA YIN PAS SO, ,GNOD PA'I BDAG NYID CAN NAM GZHAN LA RNAM PAR 'TSE BA'ANG RUNG; ,LEGS PAR SBYAR NAS MCHOD PAR GYUR KYANG DES NI MCHOD MI 'GYUR, ,CHUNG MA DAG DANG BU DANG 'BYOR DANG RGYAL SRID CHEN PO DANG, ,SHA RNAMS DANG NI KHRAG DANG TSIL DANG MIG DANG LUS RNAMS KYANG, ,GANG LA BRTZE BA'I DBANG DU BYAS NAS NGA YIS YONGS BTANG BA, ,DES NA DE LA GNOD PA BYAS @75A *, ,NA NGA LA GNOD BYAS 'GYUR, ,DES NA SEMS CAN PHAN PA BYAS NA NGA LA MCHOD PA'I MCHOG ,SEMS CAN GNOD PA BYAS PA NGA LA SHIN TU GNOD PA'I MCHOG ,BDE DANG SDUG BSNGAL NGA DANG SEMS CAN MTSUNGS PAR MYONG BAS NA, ,SEMS CAN RNAMS LA 'TSE BAR BYED DE NGA YI SLOB MA JI LTAR YIN, ,SEMS CAN RNAMS LA BRTEN NAS SANGS RGYAS MNYES DANG DGE BA BYAS, ,SEMS CAN MANG PO'I DON LA RAB GNAS PHA ROL PHYIN PA THOB, ,SEMS CAN DON LA BRTZON PA'I YID KYIS BDUD KYI STOBS KYANG BCOM, ,SEMS CAN RNAMS LA DE LTA DE LTAR SPYAD PA DES NA NGA SANGS RGYAS, , SKYE BA SKYE BAR GCES PAR GYUR PA'I GNYEN 'DRA SROG CHAGS MED GYUR NA, ,DNGOS PO GANG LA 'DIR NI SNYING RJE BYAMS LAS DMIGS PA NGES PAR 'GRUB, ,BTANG SNYOMS DGA' BA LA SOGS DNGOS PO'I YUL DANG RNAM PAR THAR LA SOGS GANG LA, ,GANG GI DON DU SNYING RJE DE LA 'BAD PA'I YID KYIS BZOD PA YUN RINGS BSGOMS, ,GLANG PO LA SOGS 'GRO BA SEMS CAN RNAMS NYID DU MA NGA YIS SBYIN PA BYAS, ,SEMS CAN RNAMS NYID SNOD NYID DU YANG NYE BAR GYUR PAS NGA YIS SBYIN PAS BSDUS, ,SEMS CAN RNAMS NYID SNA TSOGS DNGOS POR GYUR PAS NGA YI SNYING RJE 'PHEL BAR GYUR, ,GAL TE SEMS CAN RNAMS NYID BSRUNG MA BYAS NA GANG GI DON DU DON 'DI BSGRUBS, ,GAL TE SEMS CAN MED NA 'KHOR BAR NYON MONGS MI BZAD RAB TU MANG PO LAS, ,SKYE BA BRGYUD PAR GNOD PA MTSUNGS PA MED LAS GANG LA BRTEN NAS PHAN 'DI BSGRUBS, ,BDE BAR GSHEGS KYI BDAG NYID CHEN PO NGO MTSAR CHE BA 'KHOR BA'I RGYAN GYUR 'DI, ,GAL TE NGA LA SEMS CAN RNAMS LA BRTZE MED GYUR NA GANG GI DON DU NYE BAR BSGRUBS, ,JI SRID NGA YI BSTAN PA 'GRO BA RNAMS LA PHAN PA 'DIR NI 'BAR GYUR BA, ,DE SRID GZHAN LA MCHOG TU PHAN PAR 'DOD PA KHYED KYIS GNAS PAR GYIS; ,THOS PAS NGA YIS LEGS PAR SPYAD PA SEMS CAN DON LA MI SKYO THOS BGYID LA, ,SKYO BA MED PAR LUS 'DI LAS NI SNYING PO DAG NI BLANG BAR GYIS, ,BYANG CHUB SEMS DPA'I SDE SNOD BA TSVA'I CHU KLUNG ZHES BYA BA'I LUNG LAS BCOM LDAN 'DAS KYIS NYAN THOS CHEN PO BCU DRUG LA BKA' STZAL PA, @75B SEMS CAN MGU BAR BYA BA'I BSTOD PA SLOB DPON KLU SGRUB KYIS TSIGS SU BCAD PA'I SGO NAS BSDUS PA RDZOGS SO,, ,,RGYA GAR GYI MKHAN PO CHEN PO D'I PAm KA RA SHR'I DZNY'A NA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,, ,, #, ,RGYA GAR SKAD DU, MA H'A BADZRA DHA RA STO TRA, BOD SKAD DU, RDO RJE 'CHANG CHEN PO'I BSTOD PA, PHYOGS BCU NAM MKHA'I MTHAS KLAS PA NA BZHUGS PA'I RDZOGS PA'I SANGS RGYAS THAMS CAD DANG, RDO RJE LHA MO DANG, BYANG CHUB SEMS DPA' DANG, KHRO BO'I RGYAL PO LA SOGS PA RNAMS LA PHYAG 'TSAL LO, ,DE NAS BYANG CHUB SEMS DPA' CHEN PO PHYAG NA RDO RJES BCOM LDAN 'DAS RDO RJE 'CHANG CHEN PO LA BSTOD PA'I RGYAL PO 'DIS BSTOD PAR GYUR TO, ,KUN RDZOB BDEN PA LA PHYAG 'TSAL, ,DON DAM KHYOD LA PHYAG 'TSAL LO, ,BDEN GNYIS DBYER MED LA PHYAG 'TSAL, ,RDO RJE'I SKU KHYOD LA PHYAG 'TSAL, ,SKU DANG GSUNG DANG THUGS NI DAG ,SKU NI GDOD NAS NAM MKHA'I SKU, ,RNAM PAR MI RTOG DMIGS PA MED, ,RANG BZHIN MED PA KHYOD PHYAG 'TSAL, ,DGE DANG MI DGE'I RNAM RTOG DANG, ,YID LA BYED DANG SEMS PA MED, ,RANG BZHIN GYIS NI NAM MKHA'I TSUL, , RDO RJE SEMS DPA' KHYOD PHYAG 'TSAL, ,'KHOR BA'I SGRUB PAS 'KHOR GYUR PA'I, ,PHUNG PO LNGA NI RNAM PAR DAG ,SANGS RGYAS LNGA YI NGO BO NYID, ,NAM MKHAR GNAS PA KHYOD PHYAG 'TSAL, ,YONGS SU MI SHES 'KHOR BA YI, ,RGYA MTSOR 'KHYAMS PA'I LUS CAN PHYIR, ,YONGS SHES SKYA BA 'DZIN PA YI, ,DED DPON KHYOD LA PHYAG 'TSAL LO, ,RTAG DANG MI RTAG SOGS RNAMS LA, ,RTAG DANG MI RTAG SOGS RNAMS KYIS, ,RNAM DAG LAM STON LA MKHAS PA, ,RDO RJE SLOB DPON KHYOD PHYAG 'TSAL, ,RANG GI SDE DANG GZHAN GYI SDE, ,LTA BA'I RIMS KYIS BTAB PA YI, ,NAD PA RNAMS NI GSO MDZAD PA, ,SMAN PA'I RGYAL PO KHYOD PHYAG 'TSAL, ,SNA TSOGS RNAM PAR RTOG PA YI, ,'DAM GYIS MA GOS GTZANG BA'I SKU, ,'OD GSAL BAR NI NGANG GIS GNAS, ,PAD+MA CHEN PO KHYOD PHYAG 'TSAL, ,ZHES PA NAM MKHA' CHEN PO'I RGYUD LAS 'BYUNG BA, ,RDO RJE 'CHANG CHEN PO'I BSTOD PA, PHYAG NA @76A *, ,RDO RJES MDZAD PA RDZOGS SO,, ,,RJE BTZUN GNAS BRTAN CHEN PO DPAL RDO RJE 'CHANG GI SKU CAN SPYAN SNGA RIN PO CHE'I ZHAL SNGA NAS KYI BKA' BZHIN ZHA LU LO TZ'A BA DHA RMA P'A LAS DPAL GDAN SA THEL GYI YANG DGON DU BSGYUR BA'O,, #, ,RGYA GAR SKAD DU, PRA DZNY'A P'A RA MI TA STO TRAm, BOD SKAD DU, SHES RAB KYI PHA ROL TU PHYIN MA'I BSTOD PA, BCOM LDAN 'DAS MA SHES RAB KYI PHA ROL TU PHYIN MA LA PHYAG 'TSAL LO, ,GANG KHYOD SKU KUN NYES MED LA, ,NYES MED RNAMS KYIS GZIGS MDZAD PA, ,DPAG MED SHES RAB PHA ROL PHYIN, ,RNAM PAR MI RTOG PHYAG 'TSAL 'DUD, ,NAM MKHA' BZHIN DU GOS MED CING, ,SPROS PA MED CING YI GE MED, ,BSAM YAS KHYOD MTHONG GANG YIN PA, ,DES NI DE BZHIN GSHEGS PA MTHONG, ,'PHAGS MA YON TAN PHYUG KHYOD DANG, ,SANGS RGYAS 'GRO BA'I BLA MA RNAMS, ,KHYAD PAR YOD PAR MA 'KHUMS TO, ,ZLA BA DANG NI ZLA 'OD BZHIN, ,GUS LA BYAMS MA SANGS RGYAS KYI, ,CHOS KYI SNGON 'GRO KHYOD BRTAN NAS, ,THUGS RJE'I BDAG NYID MNYAM MED PA'I, ,BDAG NYID CHEN POR BDE BLAG 'GRO, ,LAN CIG TZAM YANG BSAM DAG PAS, ,KHYOD LA TSUL BZHIN BLTA BA DANG, ,DES KYANG MTHONG BA DON YOD KYI, ,DNGOS GRUB DES PAR THOB PAR 'GYUR, ,GZHAN DON MNGON DGA'I BDAG NYID CAN, ,DPA' BO DAG NI THAMS CAD KYI, ,GSO MDZAD BSKYED PAR MDZAD PA STE, ,KHYOD NI BYAMS MA'I YUM LAGS SO, ,GANG SLAD SANGS RGYAS 'JIG RTEN GTZO, ,THUGS RJE CAN RNAMS KHYOD KYI SRAS, , DE YI SLAD DU DGE MA KHYOD, ,SEMS CAN KUN GYI PHYI MO LAGS, ,PHA ROL PHYIN PA DRI MED PA, ,KUN GYIS MA SMAD PA KHYOD KYI, ,DUS KUN RJES SU 'BRANG LAGS PA, ,RGYU SKAR RNAMS KYIS ZLA RIS BZHIN, ,GDUL BYA'I 'GRO BA LA BRTEN NAS, ,DE DANG DE BZHIN GSHEGS RNAMS KYIS, ,KHYOD NYID GCIG PU TSUL MANG DU, ,SNA TSOGS MTSAN GYIS BSNGAGS PA MDZAD, ,ZIL PA'I CHU YI THIGS PA RNAMS, ,NYI MA'I 'OD DANG MJAL BA BZHIN, ,RGOL BA RNAMS KYI RTZOD DANG SKYON, ,KHYOD DANG MJAL NA 'JIG PAR 'GYUR, ,KHYOD NYID BYIS PA RNAMS LA NI, ,SKRAG BYED MTHONG NA 'JIGS PA DANG, , @76B MKHAS PA RNAMS LA DBUGS 'BYIN PA, ,SKYED PAS MTHONG NA ZHI BA LAGS, ,KHYOD MGON GANG LA KHYOD LA YANG, ,MNGON PAR CHAGS PA MNGA' MIN NA, ,DE LA YUM GCIG JI LTAR NA, ,GZHAN LA 'DOD CHAGS ZHE SDANG 'BYUNG, ,KHYOD NI GANG NAS MA BYON ZHING, ,GANG DU YANG NI MI GSHEGS PAS; ,GNAS NI THAMS CAD DAG TU YANG, ,MKHAS PA RNAMS KYIS DMIGS MA LAGS, ,GANG KHYOD DE LTAR MA 'KHUMS NAS, ,BSAM PA YIS NI BSGRUBS PA DANG, ,BSGRUBS PA LAS NI RNAM GROL BA, ,DE 'DIR RMAD BYUNG CHEN PO LAGS, ,KHYOD NYID MTHONG NA 'CHING 'GYUR ZHING, ,MA MTHONG NA YANG 'CHING BAR 'GYUR, ,KHYOD NYID MTHONG NA GROL 'GYUR ZHING, ,MA MTHONG NA YANG GROL BAR 'GYUR, ,AE MA YA MTSAN CHER 'ONG MA, ,GRAGS LDAN MA KHYOD BZANG MO LAGS, ,SHIN TU RTOGS DKA' SGYU MA BZHIN, ,SNANG ZHING MI SNANG BA YANG LAGS, ,SANGS RGYAS RANG SANGS RGYAS RNAMS DANG, , NYAN THOS RNAMS KYIS NGES BSTEN MA, ,KHYOD NYID GCIG PU THAR PA'I LAM, ,DE LTAR GZHAN DAG MED PAR NGES, ,LUS CAN RNAMS LA PHAN DON DU, ,THA SNYAD MDUN DU MDZAD NAS NI, ,BRTZE BAS 'JIG RTEN MGON RNAMS KYIS, ,KHYOD BSTAN MA BSTAN PAR YANG GDA', ,'DIR KHYOD BSTOD PAR SUS RNGO THOGS, ,MTSAN MA MED CING GOS PA MED, ,NGAG GI YUL KUN LAS 'DAS MA, ,GANG KHYOD 'GAR YANG RTEN MI MNGA', ,DE LTAR GDA' YANG KUN RDZOB TU, ,BDAG CAG NGAG LAM 'DI 'DRA BAS, ,KHYOD NI BSTOD BYAR MI GDA' NA'ANG, ,BSTOD PAS SHIN TU MYA NGAN 'DAS, ,SHES RAB PHA ROL PHYIN BSTOD LAS, ,BDAG GIS DGE BA GANG BSAGS PA, ,DE YIS 'JIG RTEN MA LUS PA, ,SHES RAB PHA ROL PHYIN GZHOL SHOG ,SHES RAB KYI PHA ROL TU PHYIN MA'I BSTOD PA SLOB DPON 'PHAGS PA KLU SGRUB KYIS MDZAD PA RDZOGS SO,, ,,KHA CHE'I PAndI TA THIG LE BUM PA DANG; LO TZ'A BA BLO LDAN SHES RAB KYIS BSGYUR BA'O,, #, ,RGYA GAR SKAD DU, AA TZINTA STA BAm, BOD SKAD DU, BSAM GYIS MI KHYAB PAR BSTOD PA, 'JAM DPAL GZHON NUR GYUR PA LA PHYAG 'TSAL LO, ,GANG ZHIG DNGOS PO RTEN 'BYUNG RNAMS, ,NGO BO MED PA @77A *, ,NYID DU GSUNGS, ,YE SHES MNYAM MED BSAM MI KHYAB, ,DPE MED DE LA PHYAG 'TSAL LO, ,JI LTAR KHYOD KYIS THEG CHEN LA, ,NYID KYIS CHOS LA BDAG MED RTOGS, ,DE BZHIN BLO DANG LDAN RNAMS LA, ,THUGS RJE'I DBANG GIS BSTAN PA MDZAD, ,RKYEN RNAMS LAS NI 'BREL 'BYUNG BA, ,MA SKYES LAGS PAR KHYOD KYIS GSUNGS, ,NGO BO NYID KYIS DE MA SKYES, ,DE PHYIR STONG PAR RAB TU BSTAN, ,JI LTAR 'DI NA SGRA BRTEN NAS, ,BRAG CA GUN DU 'BYUNG BA LTAR, ,SGYU MA SMIG RGYU BZHIN DU YANG, ,DE BZHIN SRID PA KUN DU 'BYUNG, ,SGYU MA DANG NI SMIG RGYU DANG, , DRI ZA'I GRONG KHYER GZUGS BRNYAN DANG, ,RMI LAM GAL TE MA SKYES NA, ,MTHONG BA LA SOGS PA DPE MED 'GYUR, ,JI LTAR RGYU RKYEN LAS BYUNG BA, ,DE DAG BYAS PA CAN DU BZHED, ,DE BZHIN RKYEN LAS BYUNG BA KUM, ,MGON PO KHYOD KYIS DE LTAR GSUNGS, ,BYIS PA GANG DAG CI BRJOD PA, ,BGYIS PA ZHES BGYID DE MCHIS TE, ,CHAD PA STONG PA 'DRA BA LAGS, ,DON BZHIN MA LAGS RAB TU BSTAN, ,GANG TSE BYAS PA'I DNGOS MA SKYES, ,DE TSE DA LTAR BYUNG BA YI, ,GANG ZHIG PAS NA 'DAS PAR 'GYUR, ,MA 'ONGS PA YANG JI LTAR LTOS, ,RANG LAS DNGOS PO SKYE BA MED, ,GZHAN DANG GNYIS KA LAS MA YIN, ,YOD MIN MED MIN YOD MED MIN, ,DE TSE GANG LAS GZHAN ZHIG 'BYUNG, ,MA SKYES PA LA RANG BZHIN MED, ,DE PHYIR GANG LAS KUN DU 'BYUNG, ,RANG BZHIN DNGOS PO MED GRUB PAS, ,GZHAN LAS KYANG NI 'BYUNG BA MED, ,RANG NYID YOD NA GZHAN YOD 'GYUR, , GZHAN NYID YOD NA RANG NYID YOD, ,DE DAG LTOS PA CAN DU GRUB, ,PHA ROL TSU ROL BZHIN DU GSUNGS, ,GANG TSE CI LA'ANG MI LTOS PA, ,DE TSE GANG LA GANG ZHIG 'BYUNG, ,GANG TSE RING LA MI LTOS PA, ,DE TSE THUNG SOGS GA LA MCHIS, ,JI LTAR GCIG SOGS MA MCHIS PA, ,'DAS DANG MA 'ONGS LA SOGS PA, ,NYON MONGS RNAMS KYANG DE BZHIN TE, ,YANG DAG LOG PA'ANG RANG LAS CI, ,DNGOS GANG RANG LAS MA MCHIS NA, ,DE TSE THAMS CAD CI ZHIG MCHIS, ,GZHAN ZHES BRJOD PA GANG LAGS TE, ,RANG GI RANG BZHIN MED NA MIN, ,GANG TSE GZHAN GYI DNGOS MED PA, ,DE TSE @77B DNGOS RNAMS RANG BZHIN MED, ,DE TSE GZHAN DNGOS DNGOS 'DZIN PA, ,DON GYI THEG PA CI ZHIG MCHIS, ,GDONG MA NYID NAS MNYAM GYUR PA, ,RANG BZHIN GIS KYANG MYA NGAN 'DAS, ,YANG DAG PAR NI MA SKYES LAGS, ,DE SLAD CHOS RNAMS KHYOD KYIS GSUNGS, ,BLO LDAN KHYOD KYIS GZUGS LA SOGS, ,NGO BO NYID MED PAR BSTAN PA, ,DBU BA CHU BUR SGYU LA SOGS, ,SMIG RGYU CHU SHING 'DRA BA LAGS, ,DBANG PO RNAMS KYIS GANG DMIGS TE, GAL TE YANG DAG MCHIS GYUR NA, ,BYIS PAS YANG DAG RIG PAR 'GYUR, ,GANG TSE YANG DAG SHES PAS CI, DBANG PO RNAMS NI BEMS PO DANG, ,TSAD MA NYID KYANG MA YIN DANG, ,LUNG MA BSTAN PA NYID DANG NI, ,LOG PAR YONGS SHES KHYOD KYIS GSUNGS, ,GANG GIS CI ZHIG MA RTOGS PA, ,YANG DAG JI BZHIN THUGS CHUD NAS, ,DES NA 'JIG RTEN MI SHES PAS, ,BSGRIBS PA ZHES KYANG KHYOD KYIS GSUNGS, ,YOD CES PA NI RTAG PAR LTA, ,MED CES PA NI CHAD PAR LTA, ,DES NA MTHA' GNYIS BRAL BA YI, ,CHOS DE KHYOD KYIS BSTAN PA MDZAD, ,DES NA CHOS RNAMS MU BZHI DANG, ,BRAL BAR KHYOD KYIS BKA' STZAL LAGS, ,RNAM SHES BYA BA'ANG MA LAGS LA, ,RMI LAM MIG 'PHRUL LAS BYUNG DANG, ,ZLA GNYIS LA SOGS MTHONG BA BZHIN, ,'GRO BA 'BYUNG BA DE DNGOS SU, ,MA BYUNG DE BZHIN KHYOD KYIS GZIGS, ,JI LTAR RGYU LAS RMI LAM NA, ,'BYUNG BA MTHONG BA DE BZHIN DU, ,DNGOS PO THAMS CAD 'BYUNG BA BZHIN, ,'JIG PA'ANG DE BZHIN BZHED PA LAGS, ,DE BZHIN CHAGS SOGS SDUG BSNGAL DANG, ,'KHOR BA SDUG BSNGAL KUN NYON MONGS, ,TSOGS RDZOGS PA DANG THAR PA YANG, ,RMI LAM 'DRA BAR KHYOD KYIS GSUNGS, ,DE BZHIN SKYES DANG MA SKYES DANG, ,'ONGS PA DANG NI SONG BA YANG, ,DE BZHIN BCINGS GROL YE SHES LA; ,GNYIS 'DOD YANG DAG RIG MA LAGS, ,GANG LAS SKYES PA YOD MA LAGS, ,DE LA MYA NGAN 'DAS GANG YOD, ,SGYU MA'I GLANG PO 'DRA BAS NA, ,DON DU GZOD NAS ZHI BA NYID, ,SKYES PA NYID NA'ANG MA SKYES PA, ,SGYU MA'I GLANG PO JI BZHIN BZHED, ,DE BZHIN THAMS CAD SKYES @78A *, ,PA'AM; ,YANG DAG PAR NI MA SKYES LAGS, ,'JIG RTEN MGON PO DPAG MED KYIS, ,SEMS CAN DPAG TU MA MCHIS PA, ,SO SOR MYA NGAN 'DAS MDZAD KYANG, ,DE DAG GIS KYANG GAD MA BKROL, ,THUB CHEN GANG PHYIR SEMS CAN RNAMS, ,RANG LAS MA SKYES DE YI PHYIR; ,GANG YANG GANG GIS MA BKROL ZHES, ,DE SKAD KHYOD KYIS GSAL BAR GSUNGS, ,JI LTAR SGYU MA MKHAN GYIS BYAS, ,DNGOS PO STONG PA DE BZHIN DU, ,BYAS PA THAMS CAD DNGOS STONG GZHAN, ,KHYOD GSUNG DE BZHIN BYED PA PO, ,BYED PA PO YANG GZHAN GYIS BGYIS, ,BYAS PA CAN DU 'GYUR BA LAGS, ,YANG NA DE YI BYA BA BYED, ,BYED PA POR NI THAL BAR 'GYUR, ,'DI DAG THAMS CAD MING TZAM ZHES, ,KHYOD KYIS GSANG NI BSTOD DE GSUNGS, ,BRJOD PA LAS NI GZHAN GYUR PA, ,BRJOD PAR BGYI BA YOD MA MCHIS, ,DE PHYIR CHOS RNAMS THAMS CAD NI, , RTOG PA TZAM ZHES KHYOD KYIS GSUNGS, ,GANG GIS STONG PAR RNAM RTOG PA'I, ,RTOG PA YANG NI MED CES GSUNGS, ,DNGOS DANG DNGOS MED GNYIS 'DAS PA, ,LA LAR MA 'DAS PA YANG LAGS, ,SHES PA MED CING SHES BYA'ANG MED, ,MED MIN YOD MIN GANG LAGS DANG, ,GANG YANG GCIG MIN DU MA'ANG MIN, ,GNYIS KA MA YIN CI YANG MED, ,GZHI MED PA DANG MI GSAL DANG, ,BSAM MI KHYAB DANG DPE MED DANG, ,GANG YANG MI SKYE MI 'GAG DANG, ,TSAD PA MED CING RTAG MED PA, ,DE NI NAM MKHA' 'DRA BA LAGS, ,YI GE YE SHES SPYOD YUL MIN, ,DE NI RTEN CING 'BREL PAR 'BYUNG, ,DE NI STONG PAR KHYOD BZHED LAGS, ,DAM PA'I CHOS KYANG DE LTA BU, ,DE BZHIN GSHEGS PA'ANG DE DANG MTSUNGS, ,DE NI DE NYID DON DANG NI, ,DE BZHIN NYID DANG RDZAS SU BZHER, ,DE NI YANG DAG MI SLU BA, ,DE RDZOGS PAS NA SANGS RGYAS BRJOD, ,SANGS RGYAS RNAMS DANG CHOS DBYINGS DANG, ,DES NA DON DU THA MI DAD, ,BDAG NYID DANG NI GZHAN RNAMS DANG, ,DES NA MNYAM PAR KHYOD BZHED LAGS, ,DNGOS PO RNAMS LAS STONG GZHAN MIN, ,DE MED PAR YANG DNGOS PO MED, ,DE PHYIR RTEN CING 'BYUNG BA'I DNGOS, ,STONG PA LAGS PAR @78B KHYOD KYIS BSTAN, ,RGYU DANG RKYEN LAS BYUNG BA'ANG LAGS, ,GZHAN GYI DBANG LAS KUN RDZOB STE, ,GZHAN GYI DBANG ZHES RAB TU GSUNGS, ,DAM PA'I DON NI BCOS MA YIN, ,NGO BO NYID DANG RANG BZHIN DANG, ,YANG DAG RDZAS DNGOS YOD PA'ANG LAGS, ,BRTAGS PA'I DNGOS PO MED PA NYID, , GZHAN GYI DBANG NI YOD MA LAGS, ,BRTAGS PA'I DNGOS PO YOD CES PA, ,SGRO 'DOGS LAGS PAR KHYOD KYIS GSUNGS, ,BYAS PA CHAD NAS MED CES PA, ,CHAD PA LAGS PAR KHYOD KYIS GSUNGS, ,YANG DAG SHES PAS CHAD PA MED, ,RTAG PA NYID KYANG MED PAR BSHAD, ,'GRO BA DNGOS POS STONG PA LAGS, ,DE SLAD SMIG RGYU 'DRA BAR BZHED, ,JI LTAR RI DAGS SKOM CHU NI, ,CHAD MED RTAG PA YOD MA YIN, ,DE BZHIN 'GRO BA THAMS CAD KYANG, ,CHAD MED RTAG PA MED PAR GSUNGS, ,GANG LA RDZAS SHIG SKYE 'GYUR BA, ,DE LA CHAD SOGS 'JIG PA 'BYUNG, ,DE LA 'JIG RTEN MTHA' YOD DANG, ,MTHA' MED PAR YANG 'GYUR BA LAGS, ,SHES PA YOD PAS SHES BYA BZHIN, ,SHES BYA YOD PAS DE SHES BZHIN, ,GANG TSE GNYIS KA MA SKYES PAR, ,RTOGS PA DE TSE CI ZHIG YOD, ,DE LTAR SGYU MA LA SOGS DPE, ,SMAN PA'I MCHOG GIS GSAL BSTAN NAS; ,LTA BA THAMS CAD 'GOG BYED PA'I, ,DAM PA'I CHOS NI BSTAN PA LAGS, ,NGO BO MED PA NYID BSTAN PA, ,DE NI YANG DAG DAM PA LAGS, ,DNGOS PO'I GDON GYIS ZIN RNAMS KYIS, ,GSO BA DE NI BLA NA MED, ,DES NA CHOS KYI MCHOD SBYIN PA, ,MCHOD SBYIN RIM PAS RTAG RGYUN DU, , 'JIG RTEN GSUM PO SBYIN SREG MDZAD, ,DNGOS 'DZIN 'JIGS PA GCOD BGYID CING, ,MU STEGS RI DAGS 'JIGS BGYID PA, ,BDAG MED SENG GE'I NGA RO'I SGRA, ,RMAD BYUNG DE NI KHYOD KYIS GSUNGS, ,STONG PA NYID DANG CHES ZAB PA'I, ,CHOS KYI RNGA CHEN BRDUNGS PA LAGS, ,NGO BO NYID MED SGRA BO CHE'I, ,CHOS KYI DUNG NI BUS PA LAGS, ,SANGS RGYAS BSTAN PA BDUD RTZI YI, ,CHOS KYI RDZAS NI GSUNGS PA LAGS, ,CHOS RNAMS KUN GYI NGO BO NYID, ,NGES PA'I DON TO ZHES KYANG BSTAN, ,GANG YANG SKYE DANG 'GAG LA SOGS, ,SEMS CAN SROG LA SOGS BSTAN PA, , @79A *, ,DE NI BKRI DON KUN RDZOB TU, ,MGON PO KHYOD KYIS BSTAN PA LAGS, ,SHES RAB PHA ROL PHYIN MTSO YI, ,PHA ROL GANG GIS RANG PHYIN TE, ,BSOD NAMS YON TAN RIN CHEN PHYUG ,MGON KHYOD YON TAN PHA ROL PHYIN, ,DE LTAR DPE MED BSAM MI KHYAB, ,'GRO BA'I MGON PO BSTOD PA YIS, ,BDAG GIS BSOD NAMS GANG THOB DES, ,'GRO BA KHYOD DANG MTSUNGS PAR SHOG ,BSAM GYIS MI KHYAB PAR BSTOD PA SLOB DPON CHEN PO KLU SGRUB KYI ZHAL SNGA NAS MDZAD PA RDZOGS SO,, ,, #, ,RGYA GAR SKAD DU, RU TA STI STA BAm, BOD SKAD DU, BSTOD PA LAS 'DAS PAR BSTOD PA, 'JAM DPAL GZHON NUR GYUR PA LA PHYAG 'TSAL LO, ,BLA MED LAM LAS GSHEGS PA YI, ,DE BZHIN GSHEGS PA BSTOD 'DAS KYANG, ,GUS SHING SPRO BA'I SEMS KYIS NI, ,BDAG GIS BSTOD 'DAS BSTOD PAR BGYI, ,BDAG DANG GZHAN DANG GNYIS KA LAS, ,RNAM PAR DBEN PA'I DNGOS GZIGS KYANG, ,KHYOD KYI THUGS RJE SEMS CAN LAS, ,MA LOG PA NI NGO MTSAR LAGS, ,NGO BO NYID KYIS MA SKYES SHING, ,TSIG LAS 'DAS PA'I SPYOD YUL GYI, ,CHOS RNAMS KHYOD KYIS GANG BSTAN PA, ,DE NI KHYOD KYI NGO MTSAR LAGS, , PHUNG PO KHAMS DANG SKYE MCHED RNAMS, ,KHYOD KYIS BSGRAGS PAR MDZAD LAGS KYANG, ,DE DAG YONGS SU 'DZIN PA NI, ,SLAD KYIS KYANG NI BZLOG PAR MDZAD, ,GANG ZHIG RKYEN LAS DE MA MCHIS, ,DNGOS RNAMS RKYEN LAS JI LTAR SKYE, ,DE SKAD MKHAS PA KHYOD GSUNGS PAS, ,SPROS PA RNAMS NI BCAD PA LAGS, ,GANG DAG TSOGS LAS RAB GRUB NA, ,TSOGS PA RGYU LAS 'BYUNG MTHONG BA, ,DE DAG MTHA' GNYIS BRTEN PAR NI, ,KHYOD KYIS SHIN TU GZIGS PA LAGS, ,DNGOS PO RKYEN LA BRTEN GRUB PAR, ,KHYOD NI SHIN TU BZHED PA LAGS, ,DE LTAR BYAS PA'I SKYON LAGS PAR; ,'DI LTAR STON PA KHYOD KYIS GZIGS, ,GANG NAS KYANG NI MCHI MA LAGS, ,GANG DU YANG NI MCHIS MA LAGS, ,DNGOS PO THAMS CAD GZUGS BRNYAN DANG, ,MTSUNGS PAR KHYOD NI BZHED PA LAGS, ,LTA BA THAMS CAD SPANG PA'I PHYIR, ,MGON PO KHYOD KYIS STONG PA GSUNGS, , @79B DE YANG YONGS SU BTAGS PA STE, ,DNGOS SU MGON PO KHYOD MI BZHED, ,STONG DANG MI STONG BZHED MA LAGS, ,GNYIS KAR KHYOD DGYES MA LAGS TE, DE LA RTZOD PA MA MCHIS PAR, ,KHYOD KYIS GSUNG CHEN SPYOD PA LAGS, ,GZHAN MIN DNGOS PO YOD MIN ZHING, ,GZHAN MIN GNYIS MIN ZHES KYANG GSUNGS, ,GCIG DANG GZHAN NYID SPANGS PAS NA, ,JI LTA BUR YANG DNGOS MA MCHIS, ,GAL TE SKYE SOGS GSUM MCHIS NA, ,'DUS BYAS MTSAN NYID MCHIS PAR 'GYUR, ,DE DAG GI YANG SKYE LA SOGS, ,GSUM PA THA DAD 'GYUR BA LAGS, ,SKYE SOGS GSUM PO SO SO NI, , 'DUS BYAS LAS LA NUS MA LAGS, ,GCIG LA GCIG TU 'DUM PA RNAMS, ,PHRAD PAR YANG NI MCHIS MA LAGS, ,DE LTAR MTSAN GZHI MTSAN MA MCHIS, ,DE LTAR GRUB PA MA LAGS PAS, ,'DUS BYAS GRUB PA MA LAGS NA, ,'DUS MA BYAS LTA GA LA GRUB, ,SMRA BA'I SENG GES DE SKAD DU; ,KHYOD NYID GSUNGS NA SENG GE YIS, ,'BIGS BYED GLANG CHEN SMRA RNAMS KYI, ,RGYAGS PA BSAL PAR GYUR PA BZHIN, ,LAM ZHUGS GNOD PAR SNA TSOGS DANG, ,LTA BA'I LAM NGAN MI RTEN LTAR, ,KHYOD LA BRTEN NAS YOD PA DANG, ,MED PA NYID LA'ANG RTEN MA LAGS, ,KHYOD KYIS DGONGS NAS GSUNGS PA DANG, ,GANG DAG GIS NI DE LTAR RTOGS, ,DE DAG KHYOD KYIS DGONGS GSUNGS PA, ,PHYIR ZHING RTOGS PAR BGYI MI 'TSAL, ,DNGOS KUN MYA NGAN 'DAS MTSUNGS PAR, ,DE LTAR GANG GIS RNAM SHES PA, ,DE TSE DE LA JI LTA BUR, ,NGAR 'DZIN KUN DU 'BYUNG BAR 'GYUR, ,DE LTAR YANG DAG RIG PA'I MCHOG ,DE NYID RIG PA KHYOD BSTOD PA'I, ,BDAG GIS BSOD NAMS GANG YIN DES, ,'JIG RTEN YANG DAG RIG MCHOG SHOG ,BSTOD PA LAS 'DAS PAR BSTOD PA SLOB DPON CHEN PO 'PHAGS PA KLU SGRUB KYI ZHAL SNGA NAS MDZAD PA RDZOGS SO,, ,, #, ,RGYA GAR SKAD DU, NI RUTTA STA BAm, BOD SKAD DU, BLA NA MED PA'I BSTOD PA, ,'JAM DPAL GZHON NUR GYUR PA LA PHYAG 'TSAL LO, ,GANG GIS TSU ROL PHA ROL SPANGS, ,SHES BYA'I RANG GI NGO BO MCHOG ,YE SHES RDZU 'PHRUL STOBS KYIS BSAL, ,BLA MED DE LA PHYAG 'TSAL @80A *, ,BSTOD; ,GANG LA MKHYEN DANG MI MKHYEN MED, ,RNAL 'BYOR PA DANG THA MAL DANG, ,GANG LA BSGOM DANG MI BSGOM MED, ,BLA MED DE LA PHYAG 'TSAL LO, ,GANG ZHIG GCIG PU YE SHES GSAL, ,MA LUS SHES BYA YONGS SU GCOD, ,DE LTAR MNYAM ZHING GZHAL MED PA, , BLA MED DE LA PHYAG 'TSAL LO, ,GANG ZHIG RAGS DANG PHRA BA DANG, ,LCI BA DANG NI YANG BA'I RDUL, ,SBRUL GYI RKANG PA'I RANG BZHIN MED, ,BLA MED DE LA PHYAG 'TSAL LO, ,GANG GIS SRIN BU'I STOBS KYIS NI, ,GANG ZHIG THANG LA MCHI BA LTAR, ,GANG GIS SNANG BAS MUN BSAL BA, ,BLA MED DE LA PHYAG 'TSAL LO, ,GANG ZHIG SPRUL LDAN RDZU 'PHRUL GYIS, ,GAR MKHAN RKANG PA BSKYOD PA LA, ,GANG GIS LAM GZIGS LAM MKHYEN PA, ,BLA MED DE LA PHYAG 'TSAL LO, ,GANG ZHIG GIS NI CHA SHAS DANG, ,DON STONG MIN TE GNYIS KA SPANGS, ,THAMS CAD MKHYEN PA DBANG PHYUG GTZO, ,BLA MED DE LA PHYAG 'TSAL LO, ,SHIN TU NYES PA RNAM SPANGS SHING, ,DRI MA'I BDAG NYID LAS RING BA, ,DNGOS DANG DNGOS PO MED SPANGS PA, ,BLA MED DE LA PHYAG 'TSAL LO, ,BLA NA MED PA'I BSTOD PA SLOB DPON CHEN PO 'PHAGS PA KLU SGRUB KYI ZHAL SNGA NAS MDZAD PA RDZOGS SO,, ,, #, ,RGYA GAR SKAD DU, A'A RYA BHA N'A RA KA MA NYDZU SHR'I PA RA MA AA RTHA STU TI N'A MA, BOD SKAD DU, 'PHAGS PA RJE BTZUN 'JAM DPAL GYI DON DAM PA'I BSTOD PA ZHES BYA BA, ,'JAM DPAL GZON NUR GYUR PA LA PHYAG 'TSAL LO, ,BYON PA MA LAGS BZHUD MI MNGA', ,BZHENGS PA MA LAGS BZHUGS MI MNGA', ,'JIG RTEN PA LAS SHIN TU 'DAS, ,TSIG LAS 'DAS PA'I SPYOD YUL LAGS, ,MGON PO KHYOD LA JI LTAR BSTOD, ,'ON KYANG 'JIG RTEN BTAGS RTEN GYIS, ,KHYOD NI CI 'DRA DE BZHIN DU, ,BDAG GIS GUS PAS BLA MA BSTOD, ,NGO BO NYID KYIS MA SKYES TE, ,KHYOD LA SKYE BA YONG MI MNGA', ,MGON PO GSHEGS DANG BYON MI MNGA', ,DNGOS MED KHYOD LA PHYAG 'TSAL BSTOD, ,KHYOD LA DNGOS DANG DNGOS MED MIN, ,CHAD PA MA LAGS THER ZUG MIN, ,KHYOD RTAG MA LAGS MI RTAG MIN, ,GNYIS MED KHYOD LA PHYAG 'TSAL BSTOD, ,DMAR DANG LJANG DANG LE @80B BRGAN DANG, ,SER DANG DKAR DANG GNAG MA LAGS, ,KHYOD LA KHA DOG YONG MI MNGA', ,MDOG BRAL KHYOD LA PHYAG 'TSAL BSTOD, ,KHYOD NI CHE DANG CHUNG BA DANG, SBOM DANG PHRA BA KHYOD MIN TE, ,RING DANG THUNG BA'I KHAMS MA LAGS, ,TSAD MED KHYOD LA PHYAG 'TSAL BSTOD, ,SHES PAS SRID LA MI GNAS SHING, ,SNYING RJES ZHI LA MI GNAS TE, ,MYA NGAN 'DAS DANG 'KHOR MI GNAS, ,MI GNAS KHYOD LA PHYAG 'TSAL BSTOD, ,CHOS RNAMS KUN LA MI GNAS SHING, ,CHOS KUN RTOGS PAR THUGS SU CHUD, ,MCHOG TU ZAB PA NYID BRTEN PA, ,ZAB PA KHYOD LA PHYAG 'TSAL BSTOD, ,DE LTAR BSTOD NA BSTOD BGRANG GI, ,GZHAN DU KHYOD LA JI LTAR BSTOD, ,CHOS RNAMS THAMS CAD STONG PA LA, ,SU LA BSTOD CING SU YIS BSTOD, ,MTHA' MA MCHIS SHING DBUS MA MCHIS, ,GZUNG DANG 'DZIN PA RNAM SPANGS PA'I, ,RTOG BRAL KHYOD LA PHYAG 'TSAL BSTOD, ,BLA MA MGON PO 'JAM DBYANGS KYI, ,DON DAM YANG DAG MTSAN BRJOD PA'O, ,BSOD NAMS 'DI YIS 'JIG RTEN 'DI, ,BDE BAR GSHEGS PA 'DRA BAR SHOG, ,'PHAGS PA RJE BTZUN 'JAM DPAL GYI DON DAM PA'I BSTOD PA ZHES BYA BA SLOB DPON CHEN PO KLU SGRUB KYI ZHAL SNGA NAS MDZAD PA RDZOGS SO,, #, ,RGYA GAR SKAD DU, AARYA MANYDZU SHR'I BHA n'A RA KA K'A RU nA STO TRA, BOD SKAD DU, RJE BTZUN 'PHAGS PA 'JAM DPAL GYI SNYING RJE LA BSTOD PA, ,'JAM DPAL GZHON NUR GYUR PA LA PHYAG 'TSAL LO, ,NYES PA MA LUS PA RNAMS RAB BSAL ZHING, , THUB PA'I GRAGS PAS 'GRO BA MA LUS KHYAB, ,DPAL LDAN RAB TU BRTAN PA'I SKU MNGA' BA, ,DPAL LDAN KHYED LA RTAG TU PHYAG 'TSAL LO, ,BOS SHING BOS SHING 'GRO BA MA LUS PA, ,PHONGS PA 'DI DAG KUN LAS KHYED SKYOB MDZAD, ,BDAG NI SDUG BSNGAL GYUR KYANG DMAN KHYED CES, ,CI YI PHYIR NA NGOS PAR SEL MI MDZAD, ,BCOM LDAN KHYOD NI RTAG PAR THAMS CAD LA, ,RNAM PA KUN DU THAMS CAD GSOL GRAG NA, ,BDAG LA MTHONG BA TZAM YANG MA STZAL BAS, ,DE PHYIR BDAG NI SHIN TU SKAL DMAN LAGS, ,YON TAN LDAN ZHING NYES PA SEL MDZAD PA, ,BLO BZANG 'GRO @81A *, ,KUN SKYOB PAR BRTZON GYUR NA, ,BDAG BLO KHYED LA MNGON DU ZHEN NA YANG, ,PHONGS PAS GDUNGS PA NYID DU CI PHYIR 'GYUR, ,THUGS RJE'I BDAG NYID LDAN PA KHYED KYI NI, ,PAD+MA LTA BU DAG PA'I SPYAN GNYIS KYIS, ,'GRO BA PHAN PAR MDZAD KYANG BDAG SDUG PAR, ,MA GZIGS PA NI KYEE MA SDUG BSNGAL LO, ,KHYED KYIS YID 'JIGS DBUGS 'BYIN MDZAD PA YI, ,PHYAG GI PAD+MA RING DU RTAG RKYONG YANG, ,SKAL NYES PA YI TSA BAS DE YANG NI, ,THAG RING DU NI MI SNANG NYID DU 'GYUR, ,KHYED KYI SNYAN NI MA NYAMS GTZANG BA DAG ,GNYIS KYIS KYANG NI LUS LA SDUG BSNGAL GYIS, ,GZIR TE SPYAN SNGAR 'O DOD 'BOD GYUR KYANG, ,BDAG GI DMAN PA CI PHYIR GSAN MA GYUR, ,RNAM PA KUN DU THUGS RJES DRANGS KHYED KYIS, ,DMYAL BAR SONG BA'I 'GRO RIGS BDE MDZAD NA, ,SDIG CAN BDAG LA BCOM LDAN 'DAS KYIS NI, ,THUGS RJE DE YANG BRTZE BA MI MNGA' GYUR, ,'JIG RTEN DMAN LA PHAN PAR MDZAD PA YI, ,KHYOD LA GZHON NU'I ROL PA 'DI MNGA' NA, ,GANG 'DIR BDAG NI SDUG BSNGAL GYIS GZIR KYANG, ,BSKYAB PAR MI MDZAD SDIG CAN BSAM PAS NYES, ,'DI NA SDUG BSNGAL CAN NI GANG YIN ZHES, ,GLEN GANG GANG GIS PHUN TSOGS ZAD GYUR CES, ,DE LTAR RNAM PAR RGYU ZHING SKYOB MDZAD KYANG, ,BDAG PHONGS MA GZIGS KYE MA NGO MTSAR CHE, ,GANG ZHIG LA NI TSIG SBYIN GANG ZHIG LA, ,'PHRAL DU PHUN TSOGS RGYA CHEN SBYIN BYA ZHES, ,DE LTAR BRTZON PA KHYED KYI MKHYEN RAB KYIS, ,CI YI PHYIR NA BDAG LA SKYOB MI MDZAD, ,KHYED LA DAD PAR GYUR PA SU MI BDE, ,KHYED DANG BSOD NAMS DMAN PA ZHIG MA MCHIS, ,BDAG NI KHYED LA DAD KYANG SDUG BSNGAL BAR, ,CI PHYIR GYUR CES NGO MTSAR RNAM PAR 'KHRUNGS, ,SDUG BSNGAL GCOD MDZAD SMAN PA CHEN PO NI, ,GANG DE KHYED KYANG BDAG LA SPONG MDZAD NA, ,BSOD NAMS BCOM PA BDAG GIS GZHAN SU LA, ,SKYABS SU MCHI BAR BGYI BA KHYED KYIS GSUNGS; ,'GRO LA RTAG TU BU GCIG 'DRA BA YI, ,BRTZE BA'I THUGS NI MNGA' ZHING SGROL SPYOD PA, ,KHYED KYANG GAL TE BDAG GNOD MI SEL NA, ,DE TSE BDAG NI MGON MED BCOM PA LAGS, ,BCOM LDAN KHYED NI DRAN PA TZAM GYIS NI, ,'GRO LA 'BRAS BU MNYAM MED KUN STZOL NA, ,BDAG NI @81B BSNYEN BKUR BGYID KYANG BDAG GI PHYOGS, ,RNAM PA KUN DU PHYI BSHOL CI PHYIR MDZAD, ,DE LTAR SMRE GSOL BA YIS KHYOD YON TAN, ,CHA TZAM BRJOD LAS BDAG GIS DGE BSAGS PA, ,GANG YIN DES NI 'GRO LA BSOD NAMS DAG ,RGYA CHER RANG BZHIN GRUB PA'I BUM PA BZANG, ,YID BZHIN NOR BU LTA BU GZUGS SKU YI, ,ZHABS GNYIS RGYU BA'I DPAG BSAM 'DRA BA YI, ,KHYOD KYI GZHON NU'I LUS SU BDAG GYUR CING, ,SKYE BA KUN DU BDAG PO NYID GYUR CIG ,RJE BTZUN 'PHAGS PA 'JAM DPAL GYI SNYING RJE LA BSTOD PA SLOB DPON 'PHAGS PA KLU SGRUB KYIS MDZAD PA RDZOGS SO,, ,, #, ,RGYA GAR SKAD DU, AAshtA MA H'A STH'A NA TZI TYA STO TRA, BOD SKAD DU, GNAS CHEN PO BRGYAD KYI MCHOD RTEN LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,'GRO BA'I BLA MA GCIG PU LUMB'IR BLTAMS, ,SER SKYA'I GRONG KHYER GZHI RU GNAS PAR MDZAD, ,YON TAN RIN CHEN BYE BAS BRGYAN PA YI, ,BDE GSHEGS MCHOD RTEN RNAMS LA PHYAG 'TSAL LO, ,MA GA DH'A YI BYANG CHUB SHING DRUNG DU, ,CHU BO NEE RANYDZA NA ZHES BYA BA'I, ,'GRAM BZHUGS MCHOD RTEN YON TAN RGYA CHE BA, ,BYANG CHUB RTEN DU GYUR LA PHYAG 'TSAL LO, ,KA SHI KA YI B'A R'A nA S'I RU, ,CHOS KYI 'KHOR LO RNAM GROL RMAD BYUNG NI, ,NYON MONGS SGRIB PA RNAM PAR GCOD MDZAD PA, ,YE SHES MCHOD RTEN BZHI LA PHYAG 'TSAL LO, ,MNYAN DU YOD PAR GZHAN STOBS TSAR BCAD NAS, ,DZE TA'I TSAL DU CHO 'PHRUL CHEN PO BSTAN, ,SA GSUM DGONGS PA MCHOG TU BSGRUB MDZAD PA, ,MU STEGS PHAM MDZAD MCHOD RTEN PHYAG 'TSAL LO, ,GRONG KHYER DAM PA MCHOG NI GSAL LDAN DU, ,LHA RNAMS GNAS GSHEGS BLA NA MED PAR BABS, ,ZHABS LA TSANGS DBANG COD PAN GYIS MCHOD PA, ,SUM CU'I LHAS MCHOD MCHOD RTEN PHYAG 'TSAL LO, ,DGE 'DUN DBYEN DU SNGAR GYUR LAS, , STON PA'I NYAN THOS RAB MTHUN PA, ,RGYAL PO'I KHAB KYI 'OD MA'I TSAL, ,BYAMS NGES MCHOD RTEN PHYAG 'TSAL LO, ,SKU TSE 'DU BYED BTANG BA LAS, ,SLAR YANG SKU TSE BYIN BRLABS PA, ,RNAM GROL YANGS PA CAN GYI NI, ,BYIN RLABS MCHOD RTEN PHYAG 'TSAL LO, ,KU SHA'I GRONG DU 'GRO BA @82A *, ,RNAMS; ,DGE BA LA NI SBYOR MDZAD CING, ,'GRAN MED GYAD GNAS ZUNG GI TSAL, ,MCHOD RTEN MYA NGAN 'DAS PHYAG 'TSAL, ,SH'AKYA THUB MCHOD RTEN BRGYAD PO DAG ,PHYOGS BCU GZHAN DANG GZHAN RNAMS NA, ,BZHUGS PA'I CHOS SKU KUN LA 'DUD, ,ZHI LA RTAG TU SPYIS PHYAG 'TSAL; ,'DI LTAR SPROS PA KUN BRAL DPE MED RTAG CING DAG PA'I NGO BO NYID, ,SANGS RGYAS CHOS SKU MKHA' LTAR 'GRO BA LA KHYAB YANG DAG PHYAG 'TSAL BAS, ,BSOD NAMS GANGS RI'I KHA DOG LTAR DKAR BDAG GI RGYUD LA GANG BSAGS PA, ,DES NI SEMS CAN MA LUS TING 'DZIN BDE RTOGS BYANG CHUB THOB PAR SHOG ,GNAS CHEN PO BRGYAD KYI MCHOD RTEN LA BSTOD PA, SLOB DPON CHEN PO 'PHAGS PA KLU SGRUB KYIS MDZAD PA RDZOGS SO,, #, ,RGYA GAR SKAD DU, AAshtA MA H'A STH'A NA TZEE TYA STO TRA, BOD SKAD DU, GNAS CHEN PO BRGYAD KYI MCHOD RTEN LA BSTOD PA, 'JAM DPAL GZHON NUR GYUR PA LA PHYAG 'TSAL LO, ,DANG PO BYANG CHUB MCHOG TU THUGS BSKYED NAS, ,BSKAL PA GRANGS MED GSUM DU TSOGS BSAGS TE, ,BYANG CHUB SNYING POR SANGS RGYAS BDUD NI BTUL, ,BYANG CHUB CHEN PO'I MCHOD RTEN PHYAG 'TSAL LO, ,CHOS KYI GZHIR GYUR SER SKYA'I GRONG KHYER DU, ,SGYU MA'I YUM LAS ZAS GTZANG SH'AKYA RIGS 'KHRUNGS, ,SKU BZHENGS STA ZUR G-YAS LA TSANGS PA BZHES, ,BKRA SHIS 'BYUNG BA'I MCHOD RTEN PHYAG 'TSAL LO, ,B'A R'A nA S'I LA SOGS BSOD SNYOMS GSHEGS, ,GZUGS CAN SNYING PO'I GLANG CHEN SMYON PA RNAMS, PHYAG GI SOR MO'I STOBS KYIS BTUL NAS KYANG, ,GRONG KHYER 'DUL MDZAD MCHOD RTEN PHYAG 'TSAL LO, ,NE GSING DAG TU BSNYEL SO MDZAD PA'I TSE, ,HA LU MANYDZU SA SBRANG RTZI PHUL NAS KYANG, ,KHRON PAR DUS BYAS SUM CU RTZA GSUM SKYES, ,THUGS RJE 'BYUNG BA'I MCHOD RTEN PHYAG 'TSAL LO, ,TSANGS PAS 'KHOR LO PHUL NAS 'KHOR LO BSKOR, ,MU STEGS STON PA DRUG NI STOBS KYIS BTUL, ,SPRUL PA'I GRANGS KYIS LHA MI TSIM MDZAD PA'I, ,CHO 'PHRUL BSTAN PA'I MCHOD RTEN PHYAG 'TSAL LO, ,DGA' BO LA SOGS KLU YI TSOGS RNAMS KYIS, ,BSNYEN BKUR 'BUL BA'I BU MOS 'O MA DRANGS, ,BKA' DANG @82B 'JIG RTEN MA LUS TSAR GCOD PA, ,NYER ZHI RGYAL BA'I MCHOD RTEN PHYAG 'TSAL LO, ,BYANG CHUB SEMS DANG RANG SANGS RGYAS RNAMS DANG, ,NYAN THOS DGRA BCOM TSOGS KYIS YONGS BSKOR TE, ,SDOM DANG TSUL KHRIMS LA NI RAB BKOD PA'I, ,RNAM PAR DAG PA'I MCHOD RTEN PHYAG 'TSAL LO, ,SEMS CAN MI RTAG 'DUL BA'I DGONGS PA DANG, ,LHA LAS BABS NAS MDZAD PA KUN GYI MTHAR, ,TZUN DAS GSOL BTAB ZLA GSUM NAS MTHAR PHYIN, ,MYA NGAN 'DAS MDZAD MCHOD RTEN PHYAG 'TSAL LO, ,GNAS CHEN PO BRGYAD KYI MCHOD RTEN LA BSTOD PA, SLOB DPON CHEN PO KLU SGRUB KYIS MDZAD PA RDZOGS SO,, #, ,RGYA GAR SKAD DU, DV'I DA SHA K'A RA N'A MA NA YA STO TRAm, BOD SKAD DU, MDZAD PA BCU GNYIS KYI TSUL LA BSTOD PA, ,SANGS RGYAS SH'AKYA THUB PA LA PHYAG 'TSAL LO, ,GANG GIS DANG POR BYANG CHUB THUGS BSKYED NAS, ,BSOD NAMS YE SHES TSOGS GNYIS RDZOGS MDZAD CING, ,DUS 'DIR MDZAD PA RGYA CHEN 'GRO BA YI, ,MGON GYUR KHYOD LA BDAG GIS BSTOD PAR BGYI, ,LHA RNAMS 'DUL MDZAD 'DUL BA'I DUS MKHYEN NAS, ,LHA LAS BABS NAS GLANG CHEN LTAR GSHEGS TE, ,RIGS LA GZIGS NAS LHA MO SGYU 'PHRUL GYI, ,LHUMS SU ZHUGS PAR MDZAD LA PHYAG 'TSAL LO, ,ZLA BA BCU RDZOGS SH'AKYA'I SRAS PO NI, ,BKRA SHIS LUMBI'I TSAL DU BLTAMS PA'I TSE, ,TSANGS DANG BRGYA BYIN GYIS BTUD MTSAN MCHOG NI, ,BYANG CHUB RIGS SU NGES LA PHYAG 'TSAL LO, ,GZHON NU STOBS LDAN MI YI SENG GE DES, ,AAm GA MA GA DH'A RA NI SGYU RTZAL BSTAN, ,SKYE BO DREGS PA CAN RNAMS TSAR BCAD NAS, ,'GRAN ZLA MED PAR MDZAD LA PHYAG 'TSAL LO, ,'JIG RTEN CHOS DANG MTHUN PAR BYA BA DANG, ,KHA NA MA THO SPANG PHYIR BTZUN MO YI, ,'KHOR DANG LDAN MDZAD THABS LA MKHAS PA YIS, ,RGYAL SRID SKYONG BAR MDZAD LA PHYAG 'TSAL LO, , 'KHOR BA'I BYA BA SNYING PO MED GZIGS NAS, ,KHYIM NAS BYUNG STE MKHA' LA GSHEGS NAS KYANG, ,MCHOD RTEN RNAM DAG DRUNG DU NYID LA NYID, ,RAB TU BYUNG BAR MDZAD LA PHYAG 'TSAL LO, ,BRTZON PAS BYANG CHUB 'GRUB PAR DGONGS NAS NI, ,NEE RANYDZA NA'I 'GRAM DU LO DRUG TU, ,DKA' BA @83A *, ,SPYAD MDZAD BRTZON 'GRUS MTHAR PHYIN NAS, ,BSAM GTAN MCHOG BRNYES MDZAD LA PHYAG 'TSAL LO, ,THOG MA MED NAS 'BAD PA DON YOD PHYIR, ,MA GA DH'A YI BYANG CHUB SHING DRUNG DU, ,SKYIL KRUNG MI G-YO MNGON PAR SANGS RGYAS NAS, ,BYANG CHUB RDZOGS PAR MDZAD LA PHYAG 'TSAL LO, ,THUGS RJES 'GRO LA MYUR DU GZIGS NAS NI, ,B'A R'A nA S'I LA SOGS GNAS MCHOG TU, ,CHOS KYI 'KHOR LO BSKOR NAS GDUL BYA RNAMS, ,THEG PA GSUM LA 'GOD MDZAD PHYAG 'TSAL LO, ,GZHAN GYI RGOL BA NGAN PA TSAR BCAD NAS, ,MU STEGS STON PA DRUG DANG LHAS BYIN SOGS, ,'KHOR MO 'JIG GI YUL DU BDUD RNAMS BTUL, ,THUB PA G-YUL LAS RGYAL MDZAD PHYAG 'TSAL LO, ,SRID PA GSUM NA DPE MED YON TAN GYIS, ,MNYAM DU YOD PAR CHO 'PHRUL CHEN PO BSTAN, ,LHA MI 'GRO BA KUN GYIS RAB MCHOD PA, ,BSTAN PA RGYAS PAR MDZAD LA PHYAG 'TSAL LO, , LE LO CAN RNAMS MYUR DU BSKUL BYA'I PHYIR, ,RTZVA MCHOG GRONG GI SA GZHI GTZANG MA RU, ,'CHI MED RDO RJE LTA BU'I SKU BSHIG NAS, ,MYA NGAN 'DA' BAR MDZAD LA PHYAG 'TSAL LO, ,YANG DAG NYID DU 'JIG PA MED PHYIR DANG, ,MA 'ONGS SEMS CAN BSOD NAMS THOB BYA'I PHYIR, ,DE NYID DU NI RING BSREL MANG SPRUL NAS, ,CHA BRGYAD SKU GDUNG MDZAD LA PHYAG 'TSAL LO, ,DE LTAR BSTAN PA'I BDAG PO BCOM LDAN GYI, ,MDZAD PA'I TSUL LA MDO TZAM BSTOD PA YIS, ,DGE BAS 'GRO BA KUN GYI SPYOD PA YANG, ,BDE GSHEGS NYID KYI SPYOD DANG MTSUNGS PAR SHOG ,MDZAD PA BCU GNYIS KYI TSUL LA BSTOD PA ZHES BYA BA SLOB DPON CHEN PO 'PHAGS PA KLU SGRUB KYIS MDZAD PA RDZOGS SO,, #, ,RGYA GAR SKAD DU, BAN DA NA STO TRA N'A MA, BOD SKAD DU, PHYAG 'TSAL BA'I BSTOD PA ZHES BYA BA, ,DE BZHIN GSHEGS PA THAMS CAD LA PHYAG 'TSAL LO, , GNOD BYED 'DOD CHAGS ZHE SDANG DANG, ,SRID 'KHOR RMONGS CHEN DRA BA SPANGS, ,MCHOG SBYIN MDZAD PA RGYAL BA MCHOG ,MCHOG BYUNG SANGS RGYAS BDAG PHYAG 'TSAL, ,YANG DAG THUGS CHUD RDZOGS SANGS RGYAS, ,LHA DANG LHA MIN MCHOD BYAS PA, ,'JIG RTEN GSUM GYI BLA MA LA, ,MI @83B PHAM MNYAM PA MED GYUR CING, ,BDUD STOBS PHAM MDZAD BDAG PHYAG 'TSAL, ,SH'AKYA'I RGYAL PO'I SRAS SU 'KHRUNGS, ,GDUD NI NYI MA'I RIGS SU GRAGS, ,DPA' BO RMAD BYUNG SANGS RGYAS NI, ,YON TAN TSOGS NI BSDUS PA LA, ,LHA MI RLUNG LHAS MCHOD PHYAG 'TSAL, ,GSER GYI RI BO'I RTZE 'DRA'I SKU, ,PAD+MA'I 'DAB MA'I SPYAN MNGA' BA, ,GSER GYI MDOG DANG LDAN GYUR CING, ,SUM CU RTZA GNYIS MTSAN DANG LDAN, ,SHIS LDAN MTSAN BZANG PHYAG 'TSAL LO, ,ME DANG GLOG DANG ME STAG DANG, ,NYI ZER STONG LDAN DKYIL 'KHOR CAN, ,GANG GIS STOBS NI BRGYAN GYUR PA, ,MNYAM MED STOBS LDAN PHYAG 'TSAL LO, ,DPAL LDAN MCHOG NI 'BAR BA YI, ,BSOD DANG DUL BAR YANG DAG LDAN, ,THUB PA'I DBANG PO MCHOG GYUR BA, ,YANG DAG BYANG CHUB BRNYES PA LA, ,CHES DREGS PHYAG BYAS PHYAG 'TSAL LO, ,GANG ZHIG SEMS CAN PHAN MDZAD CING, ,BDE BA'I DON PHYIR SNYING RJES 'JUG ,YANG DAG DON LA ZHUGS GYUR PAS, ,MYA NGAN 'DAS GRONG GSHEGS PHYAG 'TSAL, ,'DIS NI LTO 'PHYE MI 'AM CI, ,LHA DANG LHA MIN PHYAG BYAS PA, ,BDAG GIS RGYAL BA BSTOD PA LAS, ,BSOD NAMS BDAG GIS GANG BSAGS PA, , DES NI SEMS CAN THAMS CAD KYANG, ,BYANG CHUB KHONG DU CHUD PAR SHOG ,PHYAG 'TSAL BA'I BSTOD PA SLOB DPON 'PHAGS PA KLU SGRUB KYIS MDZAD PA RDZOGS SO,, #, ,RGYA GAR SKAD DU, NA RAG AUDDHA RI N'A MA, BOD SKAD DU, DMYAL BA NAS 'DON PA ZHES BYA BA, 'JIG RTEN MGON PO LA PHYAG 'TSAL LO, ,'KHOR BA'I RGYA MTSO CHEN POR NI, ,DBUL BA'I 'DAM DU BYING BA LA, ,YONGS SU MKHYEN PA BSKYED NAS NI, ,DE BZHIN GSHEGS KYE BDAG LA SKYOBS, ,BDAG NI RAB RIB KHANG PAR ZHUGS, ,MGON MED SDUG BSNGAL NYAMS SU MYONG, ,BDAG NI GNYEN GYI TSOGS KYIS SPANGS, , DE BZHIN GSHEGS KYE BDAG LA SKYOBS, ,PHA DANG MA DANG SRING MO DANG, ,BU DANG CHUNG MA MDZA' BSHES MO, ,MIG 'PHRUL LTA BUR BDAG GIS 'KHUMS, ,DE BZHIN GSHEGS KYE BDAG LA SKYOBS, ,BDAG 'DIR 'KHOR 'DAB RNAMS KYI PHYIR, ,LAS GANG LEGS DANG NYES BYAS PA, ,DE YIS @84A *, ,BDAG NI GCIG PUR GYUR, ,DE BZHIN GSHEGS KYI BDAG LA SKYOBS, ,KHRON RNYING MI BZAD CHEN PO DANG, ,GTING MED RGYA MTSO DAG RNAMS SU, ,MGON PO BDAG CAG LONG GYUR NA, ,DE BZHIN GSHEGS KYE BDAG LA SKYOBS, ,RGYA MTSO CHEN PO RGAL BA YI, ,GRU NI GOG POR ZHUGS PA LTAR, ,BDAG GIS KYANG NI RGAL DKAR 'KHUMS, ,DE BZHIN GSHEGS KYE BDAG LA SKYOBS, ,CHOS DANG CHOS MIN MA 'TSAL ZHING, ,BGROD DKA' BGROD MIN MI RIG PAS, ,'DIS NI SEMS MED SHING DANG 'DRA, ,DE BZHIN GSHEGS KYE BDAG LA SKYOBS, ,PHA BSAD PA DANG MA BSAD PA, ,KHO BOS MTSAMS MED LNGA BGYIS PA, ,MI BZAD RAB RIB MUN PAR 'KHUMS, ,DE BZHIN GSHEGS KYE BDAG LA SKYOBS, ,BDAG GIS MCHOD RTEN 'JIG PAR BGYIS, ,DGE 'DUN DKOR NI RNAM PAR 'JOMS, ,BDAG GIS SEMS CAN 'TSE BAR BGYIS, ,DE BZHIN GSHEGS KYE BDAG LA SKYOBS, ,'JIG RTEN 'DI NA BDE MA MCHIS, ,'JIG RTEN PHA ROL 'TSAL MA GYUR, ,LAS KYI SRAD BUS DKRIS PAS NA, ,DE BZHIN GSHEGS KYE BDAG LA SKYOBS, ,DE YI GSON PA 'DI 'DRA BA, ,MKHA' LA KA SHI'I ME TOG NI, ,RLUNG GIS BTAB NAS 'PHYAN PA BZHIN, ,DE BZHIN GSHEGS KYE BDAG LA SKYOBS, ,'BROG DGON DANG NI TSER MA YI, ,LJON SHING MANG PO RTEN MED PA, ,DE NA BDAG GIS LAM MA MTHONG, ,DE BZHIN GSHEGS KYE BDAG LA SKYOBS, ,NYES PA MED PAR PHYUGS RNAMS DANG, ,RI DAGS MANG PO MDAS BSAD PAS, ,DE TSE BDAG NI RGYAL POR RLOM, ,DE BZHIN GSHEGS KYE BDAG LA SKYOBS, ,SEMS CAN DMYAL BAR 'TSED PA NA, ,SKYOB PA 'GA' YANG YOD MA MCHIS, ,GANG LA SKYABS SU MCHI BAR BGYI, ,BDAG LA SKYOB PAR SU ZHIG 'GYUR, ,SMAN PA RNAMS KYI SMAN PA'I RGYAL, ,NAD RNAMS THAMS CAD GSO MDZAD PA, ,KHAMS GSUM RGYU DANG MI RGYU BA, ,SKYOB BYED 'JIG RTEN MGON PO LAGS, ,DMYAL BA NAS 'DON PA ZHES BYA BA SLOB DPON CHEN PO KLU SGRUB KYIS MDZAD PA RDZOGS SO,, #, ,RGYA GAR SKAD DU, BA Rn'A RDHA BA RnA BHA GA BA TO BUDDH'A STO TRA AA SH'AKYA STA BA N'A MA, BOD SKAD DU, SANGS RGYAS BCOM @84B LDAN 'DAS LA BSTOD PA BSNGAGS PAR 'OS PA BSNGAGS PA LAS BSTOD PAR MI NUS PAR BSTOD PA ZHES BYA BA, ,DKON MCHOG GSUM LA PHYAG 'TSAL LO, ,ZHING DANG ZHING MIN MA 'TSAL TE, ,SGRA TZAM GYI NI RJES 'BRANGS NAS, ,BDAG GIS NONGS TE SNGON CHAD NI, ,BSNGAGS MIN BSNGAGS PA BRJOD PA GANG, ,NGAG GI 'DAM GYIS GOS PA DE, ,THUB PA BSOD NAMS 'BAB KYIS STEGS, ,BZHUD PA KHYOD LA RTEN BCAS NAS, ,RAB TU BKRU BA 'DI BRTZAM MO, ,'DI NI BDAG GIS MCHOG TSOGS LA, ,GTI MUG LDONGS PAS NONGS BGYIS GANG, ,SDIG PA DE YI NONGS PA DAG ,SEL BAR BGYID PA'I BSANG BYED LAGS, ,BDAG NI MYA NGAN 'DAS PAR DU, ,KHYOD KYI GSUNG DANG KHYOD KYI NI, ,YON TAN BRJOD PA GANG LAGS PA'I, ,TSIG LAM GNYIS LAS NYAMS MA GYUR, ,GTAM 'DI TZAM ZHIG SNYING POR BAS, ,DE LAS GZHAN DON MA MCHIS PAS, ,SMRA NA 'DI NYID SMRA BAR SHOG ,YANG NA BDAG NI MI SMRAR SHOG ,KHYOD KYI CHOS NI KHO NA DANG, ,KHYOD MNYAM KHYOD NI NYID LA MNGA', ,DE SLAD CHOS GZHAN THAMS CAD NI, ,KHYOD LAS KHYAD DU KHOR MA LAGS, ,GAL TE SANGS RGYAS CHOS RNAMS NI, ,BSAM PA BGYIS NA THAMS CAD KYI, ,PHUL DU PHYIN GYUR DNGOS PO GZHAN, ,MI GTZANG NYID DANG 'DRA BAR GYUR, ,KHYOD 'DRA 'GA' YANG MA MCHIS NA, ,LHAG PA LTA ZHIG SMOS CI 'TSAL, ,KHYOD PAS KHYAD PAR CUNG ZAD KYIS, ,DMAN PA TZAM YANG 'GA' MA MCHIS, ,'DREN PA KHYOD LA GANG ZHIG GIS, ,DPER BRJOD DPE NI MA MCHIS PAS, , DPE YI GLAGS NI SPANGS PA'O, ,DPE MED KHYOD LA PHYAG 'TSAL LO, ,SANGS RGYAS CHOS NI GZHAL LAS PHYIR, ,DE LAS GZHAN PA'I GANG ZAG NI, ,RNAM GROL 'DRA BA THOB RNAMS KYANG, ,KHYOD DANG KHYAD PAR SHIN TU CHE, ,STOD PAS TZAM DU 'DRA SLAD DU, ,SU ZHIG KHYAD PAR MA 'TSAL NAS, , BA SPU'I BU GA STONG PA NI, ,CHUNG NGU NAM MKHA' DAG DANG BSGRUN, ,GRANGS MED PA LA SU ZHIG BGRANG, ,TSAD MED PA LA SU ZHIG 'JAL, ,KHYOD KYI YON TAN GRANGS DANG NI, ,MTHU LA DPOGS PA MA MCHIS SO, ,JI LTAR DPAG BSAM SHING GI TSAL, ,'BYAMS KLAS NANG DU 'KHYAMS PA LTAR, , @85A *, ,BDAG NI KHYOD LA LEGS SPYAD KYIS, ,NGOMS MA 'TSAL TE MTHA' MI RTOGS, ,YON RTEN RNAMS KYI YON TAN MTSO, ,KHYOD KYI DE BZHIN GSHEGS CHOS RNAMS, ,GAL TE BSTAN DU MCHIS GYUR NA, ,NAM MKHAR YANG NI SHONG MI 'GYUR, ,KHYOD KYI MNGON SUM BSNYEN BKUR BA; ,SANGS RGYAS CHOS KYI SDE DPON PO, ,NYAN THOS KUN GYI TOG GYUR PA, ,ZAB MO RJES SU SGROGS PA LA, ,KUN MKHYEN NYID PHYIR BCOM LDAN GYIS, ,RMAS NA MA MTSAL ZHES GSOL PAS, ,SANGS RGYAS CHOS KYI ZAB MO NYID, ,BAS MA 'TSAL BAR BSHAD PA LAGS, ,GAL TE GTZO BO DE DAG KYANG, ,KHYOD LA NUS PA RDUGS LAGS NA, ,BDAG 'DRA SRID PA MI GTZANG BA'I, ,SRIN BUS BSAM SKABS GA LA MCHIS, ,S'A LA'I SHING CHEN KHYOD NYID KYI, ,YON TAN YAL GA THUGS BRTZE BAS, BTUD PA RNAMS LA SKYE BO 'DI, ,CUNG ZAD 'JU BA TZAM DU BAS, ,CHAR SPRIN TSOGS NI CHEN PO YIS, ,CHAR GYI RGYUN RNAMS PHAB PA LAS, ,SO GA'I TSA BAS GDUNGS PA YI, ,KHUG RTAS 'TSAL NA'ANG CI ZHIG 'TSAL, ,MA DROS PA YI MTSO LAS NI, ,CHU BO CHEN PO BZHI 'BAB KYANG, ,DE ZAD BGYID PAR MI NUS NA, ,GZHAN DAG 'BAB PAS SMOS CI 'TSAL, ,RIN CHEN 'BYUNG KHUNGS RNAMS KYIS NI, ,'JIG RTEN RGYAS BGYIS PAS MA 'TSAL, ,MGON KHYOD YON TAN BRJOD PA'ANG, ,BDAG NI DE 'DRA KHO NAR SEMS, ,BSGRIMS NAS KHYOD KYI BSTAN NYID LAS, ,YON TAN ME TOG RNAMS BTUS TE, ,RANG GI ME TOG DAG GIS NI, ,SHING BZHIN KHYOD LA ME TOG GSOL, , RANG GI DBYIG GI 'BYUNG KHUNGS BZHIN, ,RANG GI MTSON RTZIS RI LTA BUR, ,RANG GI DRI YIS TZANDAN BZHIN, ,RANG GI CHU YIS MTSO LTA BUR, ,RANG LAS BYUNG BA'I GSER NYID KYIS, ,GSER 'BYUNG BA YI RIN CHEN BZHIN, ,KHYOD BSTAN NYID LAS BTUS PA YI, ,YON TAN RNAMS KYIS KHYOD MCHOD DO; ,NAM MKHA'I DKYIL NAS ZLA 'OD THAMS CAD DU, ,'PHROS PA RIL GYIS 'BAB 'GYUR BA YIN LA, ,ZLA 'OD SA STENGS BAB PAS KHA PHYE NA, ,ME TOG KU MU TA TSAL MI RGYAS MIN, ,DE BZHIN YON TAN DPAG MED CHU LDAN PA, ,RGYAL BA'I BSNGAGS PA RGYA MTSO MTHA' MED LA, ,DE YI PHYOGS @85B GCIG BRJOD PAS DAD LDAN PA'I, ,SKYE BO'ANG 'DOD PA'I 'BRAS BUR MI LDAN MIN, ,SANGS RGYAS BSNGAGS PA BRJOD TSIG 'BRAS BU YOD, ,SKYE BA'I ZONG BRIN BDER 'GYUR GEGS MED LAM, ,TSANGS PA'I THEG 'GYUR DAD SOGS YON TAN GYI, ,RTZA BA'I SER RME DE LA SOGS PA YOD, ,DBANG PO RAB TU DAD PAR GZHOL GYUR CING, ,SANGS RGYAS BSTOD PA'I GZHUNG LA BRTZON PA RNAMS, ,SKAD CIG RE RER CHOS RGYUN 'BYUNG BA GANG, ,KUN MKHYEN MIN PAS CUNG ZAD BZUNG MI NUS, ,MTHU BDOG MI RTAG PAR YANG ZHUGS GYUR PA, ,DA LA 'BYOR 'DI YANG SHIN TU DKA' BA LAS, ,GANG DAG LAS 'DI LA NI MI BRTZON PA, ,DE LAS BSLUS PAR GYUR PA GZHAN CI YOD, ,SANGS RGYAS BCOM LDAN 'DAS LA BSTOD PA BSNGAGS PA 'OS PA BSNGAGS PA LAS BSTOD PAR MI NUS PAR BSTOD PA ZHES BYA BA STE LE'U DANG PO'O,, ,,BCOM LDAN KHYOD NI ZHAL BZHUGS TSE, ,BDAG NI DAD DBANG GZHOL GYUR PA, ,GANG SLAD THUGS RJES BRLAN PA YIS, ,SANGS RGYAS SPYAN GYIS GZIGS MDZAD PA, ,KHYOD KYI THUGS RJE DE NYID NI, ,YID LA MCHIS PA MNGON BGYIS NAS, ,PHYAG BGYIR 'OS PA KHYOD LA BDAG ,MNGON SUM BZHIN DU PHYAG 'TSAL LO, ,KUN MKHYEN MA LAGS GANG GIS KYANG; ,KUN MKHYEN KHYOD KO JI LTAR RTOGS, ,BDAG NYID CHE RGYAS BDAG NYID KYIS, ,MKHYEN PA KHYOD LA PHYAG 'TSAL LO, ,'DI LAGS 'DI 'DRA'O ZHES BGYIR KHYOD, ,BDAG 'DRA BA YI YUL MA LAGS, ,GANG LAGS GANG 'DRA 'ANG MI BSNGO STE, ,KHYOD 'DRA BA LA PHYAG 'TSAL LO, ,MGON PO KHYOD NI NYID DANG 'DRA, ,RGYAL RNAMS CI 'DRA KHYOD DANG 'DRA, ,GANG GZHAN 'GA' 'ANG MA MCHIS PA, ,DE 'DRA KHYOD LA PHYAG 'TSAL LO, ,JI LTAR KHYOD NI NYID KYIS MKHYEN, ,JI LTAR KHYOD NI KHYOD 'DRAS MKHYEN, ,JI LTAR KHYOD GZHAN MA 'TSAL BA, ,DE 'DRA KHYOD LA PHYAG 'TSAL LO, ,JI LTAR KHYOD NI BDAG NYID KYIS, ,THUGS RJE STOBS BCU LA SOGS KYI, ,YON TAN RNAMS KYIS BSGRAGS MDZAD PA, ,DE 'DRA KHYOD LA PHYAG 'TSAL LO, ,DENG NAS BZUNG NAS KHYOD KYI NI, ,YON TAN 'BYUNG GNAS SNYING PO DAG ,DE NYID LAS NI MNGON BTUS NAS, ,CI NUS KHYOD LA PHYAG 'TSAL LO, , @86A *, ,DGRA BCOM KHYOD LA PHYAG 'TSAL 'DUD, ,MCHOD 'OS KHYOD LA PHYAG 'TSAL 'DUD, ,RIGS PA KHYOD LA PHYAG 'TSAL 'DUD, ,KHYOD LA 'DUD CING PHYAG 'TSAL LO, ,RDZOGS PA'I SANGS RGYAS RIN CHEN TE, ,RIN CHEN CHOS KYI RANG BZHIN LAGS, ,DGE 'DUN RIN CHEN 'BYUNG GNAS TE, ,RIN CHEN GSUM TSOGS KHYED LA 'DUD, ,MCHOD 'OS KHYOD NI RIN CHEN TE, ,THUGS KYI DGONGS PA'ANG RIN CHEN LAGS, ,DAM CHOS RIN CHEN 'BYUNG GNAS TE, ,KUN NAS RIN CHEN KHYOD LA 'DUD, ,RIN CHEN KUN GYI MCHOG GYUR PAS, ,RIN CHEN THAMS CAD ZIL GYIS GNON, ,RIN CHEN KUN GYI 'BYUNG GNAS PA, ,YANG DAG RIN CHEN KHYOD LA 'DUD, ,PHYAG 'TSAL RIN CHEN THUGS KHYOD LA, ,PHYAG 'TSAL RIN CHEN CHOS KHYOD LA, ,PHYAG 'TSAL THAMS CAD RIN CHEN LA, ,SRID MED BSGOM PA GOMS MDZAD PAS, ,THUB PA KUN GYI MCHOG GYUR PA, ,PHYAG BGYIR 'OS PA'I DGRA BCOM PA, ,KHYOD LA GUS PAR PHYAG 'TSAL LO, ,'GAL BAR BGYIS PA GANG LAGS PA, ,YANG DAG MTHA' LA GNAS PA PO, ,DGE SBYONG GI NI MTHAR PHYIN PA, ,BLA MED KHYOD LA PHYAG 'TSAL LO, ,RNAM PA THAMS CAD PHUN TSOGS PAS, ,MDZES PA GZHAN KUN ZIL GNON CING, ,DUS RNAMS KUN TU DGA' MDZAD PA, ,SANGS RGYAS PAD+MA KHYOD LA 'DUD, ,KHA DOG BZANG LA DRI ZHIM ZHING, ,BLTA NA SDUG LA MI RINGS PA, ,RDZOGS PA'I SANGS RGYAS PAD+MA DKAR, ,KHA BYE KHYOD LA PHYAG 'TSAL LO, ,BDE BA'I SNYING KHU RAB SBYANGS PA, ,BZHED DGUR REG PA BRNYES PA PO, ,SKYID PAR BSKRUN PA'I DGE SBYONG NI, ,RAB GZHON KHYOD LA PHYAG 'TSAL LO, ,'O BRGYAL 'BRAS BU MCHIS GYUR PAS, ,MTHAR PHYIN MTHA' DAG BRNYES NAS NI, ,DAM PA GSUNG PAR DAM BCAS PA'I, ,DGE SBYONG KHYOD LA PHYAG 'TSAL LO, ,TSANGS SPYOD BRTEN CING RIG BYED DANG, ,RIG BYED KUN GYI YAN LAG MKHYEN, ,RIG DANG ZHABS KYIS BSANGS PA YI, ,TSANGS PA KHYOD LA PHYAG 'TSAL LO, ,'PHAGS PA'I CHOS NI MA 'PHROGS SHING, ,'PHAGS PA'I PHRIN LAS PHUL DU BYUNG, ,'JIG RTEN SLOB DPON BYA BA MDZAD, ,'PHAGS PA KHYOD LA PHYAG 'TSAL LO, ,THUGS NI DKA' @86B THUB BRTUL ZHUGS DAG ,YANG DAG BLANGS PAS GTZANG MAR MDZAD, ,SDIG PA THAMS CAD BKRUS GYUR PA, ,KHRUS MDZAD KHYOD LA PHYAG 'TSAL LO, ,MNGA' BDAG MCHOG NI BRNYES GYUR CING, ,SEMS CAN THAMS CAD ZIL GYIS GNON, ,SENG GE'I NGA RO SGROGS MDZAD PA, ,SENG GE KHYOD LA PHYAG 'TSAL LO, ,RTOG PA BRJOD PA'I RJEN SHUL CHE, ,DAM CHOS SPO LA BSTEN PA MDZAD, ,CHOS GZHAN THAMS CAD 'JIG PA PO, ,GLANG CHEN KHYOD LA PHYAG 'TSAL LO, ,CHOS NYID SHIN TU DKA' BA'I LAM, ,KHYOD MIN GZHAN GYIS MI BZOD PA, ,GSAL MDZAD GSHEGS PA 'JIG RTEN GYI; ,LAM GYUR KHYOD LA PHYAG 'TSAL LO, ,DES LA SHIN TU DUL GYUR BZOD, ,SHUGS DANG MDOG BZANG STOBS DANG LDAN, ,YAN LAG RDZOGS PA'I SKU MNGA' BA, ,CANG MKHYEN KHYOD LA PHYAG 'TSAL LO, ,PHYOGS DANG 'BAB STEGS SPYOD YUL MKHYEN, ,BRTAN LA GYA GYUR BZHUD MI MNGA', , KHYU MCHOG GNAS NI BRNYES PA YI, ,KHYU MCHOG KHYOD LA PHYAG 'TSAL LO, ,GDUL BA'I THABS NI MTHA' DAG LA, ,MKHAS SHING LE LO MI MNGA' BA, ,SKYES BU 'DUL BA'I KHA LO SGYUR, ,MCHOG RAB KHYOD LA PHYAG 'TSAL LO, ,GANG SLAD KHYOD BSTAN MA MCHIS NA, ,SKAL PA CAN YANG DON MA MCHIS, , DE SLAD KUN GYI TSANGS SPYOD DU, ,GYUR PA KHYOD LA PHYAG 'TSAL LO, ,YON TAN PHUN SUM LDAN PA KUN, ,YANG DAG SHIN TU YONGS RDZOGS PAS, ,DGE BA'I CHOS LA 'DUN PA KUN, ,RGYUN BCAD KHYOD LA PHYAG 'TSAL LO, ,NYID KYI DON NI YONGS RDZOGS SHING, ,GZHAN GYI DON LA MNGON BRTZON PA, ,DAM CHOS BDUD RTZI STZOL BA PO, ,TSIM PAR MDZAD PA KHYOD LA 'DUD, ,'JIGS PA DU MAS 'JIGS GYUR PA, ,PHA ROL MIN PA'I MU SPANGS NAS, ,CHU BO CHEN PO LEGS RGAL ZHING, ,PHA ROL GSHEGS PA KHYOD LA 'DUD, ,NYON MONGS NAD NI KUN SEL CING, ,ZUG RNGU THAMS CAD 'BYIN MDZAD PA, ,RIG SNGAGS 'CHANG BA GRUB PA PO, ,SMAN PA'I GTZO BO KHYOD LA 'DUD, ,MCHOG DANG MCHOG MIN LAM MKHYEN CING, ,ZHI BA'I PHYOGS NI STON PAR MDZAD, ,GRUB DANG BDE BA SKYED PA YI, ,DED DPON KHYOD LA PHYAG 'TSAL LO, ,RTAG TU MUN PA SEL MDZAD CING, ,RTAG TU SPYAN NI 'BYED PAR MDZAD, ,RTAG TU @87A *, ,MI BSNYEL CHOS MNGA' BA, ,SHIN TU BZHENGS PA KHYOD LA 'DUD, ,DRI MA'I 'DAM NI NGES BKRUS PAS, ,DAM CHOS DRI MA MED PA'I CHU, ,MCHOG TU RNAM PAR BYANG BA PO, ,SHIN TU RNAM DAG KHYOD LA 'DUD, ,SDIG DANG BSOD NAMS SPANGS GYUR CING, ,STONG PA NYID KYIS BSGOS PA'I BDAG ,PHAN DANG GNOD PA BGYID SNYOMS PA, ,SHIN TU CHAGS BRAL KHYOD LA 'DUD, ,KUN NAS NYON MONGS BAG CHAGS KUN, ,NGES PAR BSAL BAS DRI MED THUGS, ,RNAM THAR SGRIB PA MI MNGA' BA, ,SHIN TU RNAM GROL KHYOD LA 'DUD, ,BLTA BAS MI NGOMS GZUGS MNGA' ZHING, ,SKU NI 'OD KYIS LHAG GER MDZES, ,BLTA BYA KUN GYI NANG NA NI, ,BLTA NA SDUG MCHOG KHYOD LA 'DUD, ,SKYES BU CHEN PO'I MTSAN RNAMS NI, ,DPE BYAD BZANG PO'I TSOGS BCAS PA, ,SUM CU RTZA GNYIS DANG LDAN PAS, ,BLTA BAR 'OS PA KHYOD LA 'DUD, ,SANGS RGYAS CHOS NI BLA MED PA, ,MI 'JIGS PA DANG STOBS SOGS KYIS, ,'GRO BA'I NANG DU SGRA BSGRAGS PA, ,DGA' BAR 'OS PA KHYOD LA 'DUD, ,'PHAGS CHOS DKAR PO BLA MED PA, ,GOMS PAR BYA BA RNAMS KYIS NI, ,SKU GNYIS PO DAG BSGOS GYUR PA, ,BSGOM PAR BYA BA KHYOD LA 'DUD, ,SKU GSUNG THUGS KYI PHRIN LAS RNAMS, ,SHIN TU RNAM PAR BYANG GYUR PAS, ,TSUL KHRIMS BSRUNGS PA LAS 'DAS PA, ,GTZANG SBRA DAG PA KHYOD LA 'DUD, ,NYON MONGS PA YI BRJOD PA SPANGS, ,ZHI BA'I LAS KYI MTHA' LA DGONGS, ,MI GSUNG DANG DU BZHES MDZAD PA, ,THUB PA ZHI BA KHYOD LA 'DUD, ,BDE BA DANG NI SDUG BSNGAL GYIS, ,THUGS MI 'PHROGS LA BRTAN PA'I THUGS, ,THAMS CAD ZIL GNON SEMS CAN GYI, ,SNYING PO MCHOG GYUR KHYOD LA 'DUD, ,KUN LA RNAM PA THAMS CAD DANG, ,RTEN GYI BLO DANG DGONGS PA DAG ,LEGS PAR GNAS PHYIR MI BSNYEL BA'I, ,CHOS CAN KHYOD LA PHYAG 'TSAL LO, ,'JIG RTEN 'DAS KYI YON TAN PHYUG ,'JIG RTEN ZANG ZING RNAM PAR 'JIG ,'JIG RTEN SNANG BAR MDZAD PA PO, ,'JIG RTEN MGON PO KHYOD LA 'DUD, ,BSHES DANG DGRA DANG BAR MAR SNYOMS, ,SEMS CAN KUN LA PHAN DGONGS PA, ,RJES SU BRTZE BAR MDZAD PA PO, , @87B THUGS RJE CHEN PO KHYOD LA 'DUD, ,CHOS KYI 'DU SHES KUN RDZOGS PA, ,SKYOB PA MNGON SHES CHEN PO MNGA', ,BYAS MKHYEN MA BYAS MKHYEN PA PO, ,THAMS CAD MKHYEN PA KHYOD LA 'DUD, ,GLAGS KYI SKABS NI KUN SPANGS SHING, ,KUN NAS 'CHING BA BCAD GYUR PA, ,SHES RAB GSAL BAR MDZAD PA PO, ,SRED PA GSAL BA KHYOD LA 'DUD, ,MNYES PAR BGYI 'OS PHYAG BGYIR 'OS, ,BRGAL BAR 'OS MIN NONGS MI MNGA', ,'BAD DE MCHOD PAR BGYI 'OS PA, ,RIGS PA GSUM LDAN KHYOD LA 'DUD, ,PHAN PA MA LAGS SEL MKHAS SHING, ,PHAN PA SKYED PAR MNGON BRTZON PA, ,GCIG TU BRTZE BAR GZHOL BA YI, ,BSHES GNYEN DAM PA KHYOD LA 'DUD, ,SKYE DGU LAM LOG ZHUGS PA RNAMS, ,RTAG TU DAM PA'I LAM LA NI, ,MNGON PHYOGS MDZAD PAR MNGON BRTZON PA, ,RTZA LAG DAM PA KHYOD LA 'DUD, ,GO 'PHANG MKHYEN PA RNAMS KYI PHUL; ,KHYOD KYIS GO 'PHANG MCHOG BRNYES NAS, ,RKANG GNYIS RNAMS KYI MCHOG GYUR PA, ,DE LAS GO 'PHANG 'PHAGS MA MCHIS, ,GO 'PHANG BLA NA MED BRNYES NAS, ,SDUG BSNGAL THAMS CAD SEL MDZAD CING, ,MA CHAGS NYER LEN MI MNGA' BA'I, ,RKANG GNYIS MCHOG GYUR KHYOD LA 'DUD, ,KHYOD KYI BSTAN LA MA BRTEN PAR, ,'GAS KYANG DE NYID MI MTHONG BAS, ,'JIG RTEN LONG BA LTA BU YI, ,MIG TU GYUR PA KHYOD LA 'DUD, ,SA STENGS GDUGS NI MA MCHIS NA, ,ZHUGS MCHIS MAR ME 'ANG MCHIS GYUR LA, ,RGYU SKAR NOR BU ZLA BA DAG ,MCHIS KYANG GSAL BA RDZOGS MI 'GYUR, ,SNANG BA DE DANG GZHAN DANG NI, ,DE BAS KHYAD PAR CHES 'PHAGS PA, ,MCHIS KYANG KHYOD NI MI BZHUGS NA, ,'GRO BA SNANG BA MCHIS MA LAGS, ,DE LTAR 'JIG RTEN MA RIG PA'I, ,MUN NAG THIBS PO'I LING TOG GIS, ,BSGRIBS PA'I SEMS LDAN SMAG GYUR PA'I, ,SGRON MAR GYUR PA KHYOD LA 'DUD, ,CHOS LA BLO GROS MA BYANG BAS, ,PHAN PA'ANG PHAN PAR MA 'TSAL ZHING, ,GNOD PA'ANG GNOD PAR MA 'TSAL LA, ,BYANG BA'ANG KHYOD LA BRTEN NAS 'GYUR, ,BYIS PA PHAL CHER GNOD PA DAG ,DOR BAR 'TSAL LA PHAN PA SPONG, ,PHAN @88A *, ,PA GNYER YANG MA 'TSAL BAS, ,GNOD PA SO SOR BSTEN PAR BGYID, ,DE DAG THABS NI STON MDZAD PHYIR, ,KHYOD LA BRTEN NAS GNYIS KA YANG, ,YANG DAG JI BZHIN RTOGS 'GYUR BAS, ,SMAN PAR GYUR PA KHYOD LA 'DUD, ,GTZO KHYOD GANG GI BLAR GYUR PA, ,DE YANG 'JIG RTEN BLA MA LAGS, ,DE SLAD BLA MA RNAMS KYI YANG, ,BLAR GYUR BLA MA KHYOD LA 'DUD, ,'JIG RTEN MKHAS PAS MCHOD PA YANG, ,YID CHES NGO BO KHYOD LA MCHOD, ,MCHOD 'OS RNAMS KYIS MCHOD BYA BA, ,MCHOD 'OS DAM PA KHYOD LA 'DUD, ,BSNGAGS 'OS BSNGAGS PA GANG LAGS PA'I; ,SKYE BO DES KYANG KHYOD BSNGAGS TE, ,SNGAGS PAR 'OS PA RNAMS KYIS KYANG, ,BSNGAGS PAR BGYI BA KHYOD LA 'DUD, ,LHA RNAMS KYANG NI KHYOD LA 'DUD, ,KHYOD LA DRANG SRONG RNAMS KYANG 'DUD, ,PHYAG 'GYIR [?] 'OS PA RNAMS KYIS KYANG, ,'DUD PAR BGYI BA KHYOD LA 'DUD, ,SEMS DANG BCAS PA SU ZHIG NI, ,BSOD NAMS ZHING NI DPAG MED PA, ,'DUD 'OS KHYOD LA PHYAG BGYID PAS, ,NAM ZHIG NA NI NGOMS PAR 'GYUR, ,DE LTAS KHYOD LA PHYAG 'TSAL 'DUD, ,'DUD PAR 'OS PA KHYOD LA 'DUD, ,PHYAG GI RGYUN NI MI 'CHAD PAR, ,RTAG TU KHYOD LA PHYAG 'TSAL LO, , RTAG TU DAM PA'I SPYOD PA MDZAD PA LAM DANG LDAN, ,BYAS DANG MA BYAS THOB PA YANG DAG RIG PA MKHYEN, ,MCHOD PA CHE MNGA' PHYAG BGYIR 'OS PA MTSUNGS MED PA, ,'DUD PAR 'OS PA'I DGRA BCOM KHYOD LA PHYAG 'TSAL LO, ,DPE MED YID 'ONG SKU MNGA' KHYOD LA PHYAG 'TSAL LO, ,MCHOG TU GSUNG SNYAN MNGON SGROGS KHYOD LA PHYAG 'TSAL LO, ,DRI MED RNAM DAG THUGS MNGA' KHYOD LA PHYAG 'TSAL LO, ,YON TAN TSOGS BSGOMS BDAG NYID KHYOD LA PHYAG 'TSAL LO, ,ZHING ZHES BSAM PAS SANGS RGYAS LA 'DUD PA, ,DRI MA MED LA BKRA SHIS THAMS CAD KYIS, ,CHAR YANG MI PHOD MCHOD SBYIN KUN GYIS MIN, ,DKA' THUB BRTUL ZHUGS MIN TE KHRUS KUN MIN, ,THUB PA'I DBANG PO LA 'DUD PA, ,SNYAN PAR GRAGS SHING DPAL DU BYED, ,SDIG PA THAMS CAD DRUNGS NAS 'BYIN, ,GZI BRJID DAG KYANG RNAM PAR 'PHEL, ,DGRA RNAMS THAMS CAD SEL BAR BYED, @88B 'JIG RTEN DAG NA MI RNAMS KYI, ,RGYUD NI BDE 'GROR NGES BYED CING, ,NGES MTHAR ZHI BA'I 'BRAS BUR SMIN, ,DE LTAR YON TAN MANG BSAMS SHING, ,LUS KYANG 'JIG PA'I NGANG BSAMS NA, ,MKHAS GANG SANGS RGYAS PHYAG 'TSAL LAS, ,LUS KYI LAS GZHAN SPYAD PAR BYED, , 'CHI BDAG SEL BAR BYED PA YI, ,BSTAN PA 'DI NI NUB GYUR CING, ,KUN NAS MUN PAS KHEBS GYUR NA, ,GANG ZHIG LA NI BKUR STI BYA, ,DE LTA BAS NA MTSUNGS MED PA'I, ,MCHOD PA BYA BA SMYUR TE GYIS, ,MA 'ONGS PA YI 'JIGS PA DAG ,DA LTA NYID NAS BYUNG ZIN TO, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS PHYAG 'TSAL BA ZHES BYA BA STE LE'U GNYIS PA'O,, ,NYI MA'I GNYEN GYUR NYI MA YI, ,'OD PAS SHIN TU 'OD GSAL BA, ,PHYAG BYA KUN GYI RAB DANG MCHOG ,PHYAG 'OS PHYAG BGYIS KHYOD LA 'DUD, ,STOBS CHEN DPA' BO CHEN PO BA, ,MNGON SHES CHE LA MTHU YANG CHE, ,G-YUL NGOR MDA' CHEN 'PHEN MDZAD PA, ,DGA' STON CHEN PO KHYOD LA MCHOD, ,'JIG RTEN MCHOD 'OS MCHOD 'OS MCHOG ,'JIG RTEN MCHOD PAS MCHOD PA PO, ,MCHOD PA'I SNOD NI BLA MED PA, ,MCHOD PAR 'OS PA KHYOD LA MCHOD, ,MCHOD DANG MKHYEN PAS RTOGS PA BRNYES, ,DGONGS PA NGA RGYAL BAG MI MNGA', ,RJED 'OS KHYOD LA NGA RGYAL GYI, ,SEMS BOR NAS NI RJED PAR BGYI, ,GUS BGYID MA GUS PA LA SNYOMS, ,'JIG RTEN GUS PAS MCHOD BGYIS PA, ,KHYOD LA BKUR STIR GZHOL BA YI; ,DBANG PO GUS PAR BKUR STI BGYID, ,KHYOD DANG 'DRA BA 'GA' MA MCHIS, ,LHAG PA MA BYUNG 'BYUNG MI 'GYUR, ,DE SLAD SEMS CAN KUN LA KHYOD, ,DGRA ZIN SNYOMS PA'I MNYAM MED LAGS, ,MA 'DRES 'PHAGS PA'I GDUNG LAS BYUNG, ,SANGS RGYAS KUN DANG SKAL BA MNYAM; ,MDOG DANG SHES RAB SNANG BA YIS, ,PHYOGS RNAMS SNANG BAR MDZAD DE 'KHRUNGS, ,SUM CU RTZA GNYIS MTSAN DANG LDAN, ,'DOM GANG 'OD KYI 'OD ZER SBA, ,MTSON DANG MTHUN PA'I DPE BYAD BZANG, ,BRGYAD CUS 'BAR BA'I GZI BRJID CAN, ,RGYAL CHEN DPAL DANG LDAN PA'I SKU, , @89A *, ,KUN GYI MDZES PA ZIL GNON PA, ,'JIG RTEN SNANG BAR MDZAD NAS NI, ,NYI MA GZHAN ZHIG LTA BUR BZHUGS, ,BCOM LDAN DUS KUN RTOGS PA'I CHOS, ,RNAM KUN 'BYUNG GNAS THAMS CAD NI, ,PHYAG MTHIL SKYU RU RA LTA BUR, ,KHYOD KYI THUGS NI SPYOD YUL GYUR, ,CHOS RNAMS G-YO DANG MI G-YOR BCAS, ,GCIG DANG SNA TSOGS SO SO LA, ,MKHA' LA RLUNG DAG RGYU BA BZHIN, ,KHYOD KYI THUGS NI THOGS MI MNGA', ,BYA BA MDZAD PA KHYOD KYIS NI, ,JI LTAR THUGS BSKYED TZAM GYIS SU, ,KHYOD LA BZHED DGUR KUN 'GRUB PA, ,DE LTAR CHOS DBYINGS LEGS THUGS CHUD, , DGE MTHAR PHYIN PA KHYOD LA NI, ,SBYOR BYUNG DGE BA 'GA' MI MNGA', ,KHYOD NI GANG ZHIG BZHED NA YANG, ,BZHED PA TZAM LA RAG LAS SO, ,CHOS RNAMS KYI NI CHOS YOD DANG, ,CHOS NYID DANG NI CHOS KYI MTHU, ,SO SOR RGYU DANG BCAS GNAS SHING, ,RKYEN DANG 'BRAS BUR BCAS PA DAG ,KHAMS DANG DBYE BA THA DAD BCAS, ,SKYE DANG 'JIG BCAS RGYAS PA DE, ,THAMS CAD SO SOR RNAM KUN DU, ,KUN MKHYEN KHYOD KYIS MKHYEN GZHAN MIN, ,KHYOD LA SHIN TU BSGRIBS PA'ANG MNGON, ,SHIN TU RING BA'ANG NYE BA STE, ,SHIN TU 'DZINGS PA'ANG SAL GYIS DAG ,SHIN TU MTHON PO'ANG DMA' BA LAGS, ,SHIN TU GNAG PA'ANG SNANG BAR BCAS, ,SHIN TU THE TSOM GNAS KYANG NGOS, ,SHES BYA SHIN TU ZAB MO YANG, ,KHYOD LA SA LER GDA' BA LAGS, ,DBANG PO CHEN PO'I GLANG CHEN GYI, ,RKED BCINGS GSER LAS BGYIS PA LTAR, ,CHOS NYID SHIN TU ZAB MOS KYANG, ,KHYOD NI 'O BRGYAL 'GYUR MA LAGS, ,CHOS KYI NANG NA CHAGS BRAL LTAR, ,NGES 'BYIN NANG NA DRANG PO LTAR, ,PHUN TSOGS NANG NA SANGS RGYAS LTAR, ,KHYOD NI SEMS CAN KUN GYI MCHOG ,RNAM GROL NANG NA MI G-YO LTAR, ,RIGS PA'I NANG NA CHOS NYID LTAR, ,SHES RAB NANG NA KUN MKHYEN LTAR, , KHYOD NI LUS CAN KUN GYI MCHOG ,DAG PA'I NANG NA RNAM GROL LTAR, ,DE NYID NANG NA STONG PA LTAR, ,DKA' THUB NANG NA BZOD PA LTAR, ,KHYOD NI SROG CHAGS KUN GYI MCHOG ,GZUGS KYI NANG NA KHYOD SKU LTAR, ,SEMS KYI NANG NA KHYOD THUGS LTAR, ,CHOS KYI NANG NA KHYOD CHOS LTAR, ,KHYOD @89B NI SROG CHAGS KUN GYI MCHOG ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS, ,THAMS CAD MKHYEN PA NYID GRUB PA ZHES BYA BA STE LE'U GSUM PA'O,, ,,BDE BAR GSHEGS PA KHYOD GCIG PU, ,CHOS GCIG CHOS KUN SNANG MDZAD PA, ,RNAM PA THAMS CAD MKHYEN PA YIS, ,DE DANG LDAN GYI GZHAN MA LAGS, ,KHYOD 'BA' ZHIG GI YE SHES KYIS, ,SHES BYA MTHA' DAG KHYAB LAGS KYI, ,KHYOD LAS GZHAN PA THAMS CAD KYI, ,SHES BYA KHO NA LHAG PA LAGS, ,RGYU RKYEN 'DI LAS 'BRAS BU 'DI, ,'DI LAS 'DI NI MA YIN ZHES, ,GNAS DANG GNAS MIN NGES PA KUN, ,KHYOD KYIS MKHYEN GYI GZHAN GYIS MIN, ,LAS CHOS YANG DAG BLANGS PA YI, ,RNAM SMIN DUS NI THAMS CAD PA, ,SA KUN RTOGS PA THAMS CAD NI, ,RNAM KUN KHYOD MKHYEN GZHAN GYIS MIN, , RNAL 'BYOR SA NI MA LUS PA, ,KUN NAS NYON MONGS RNAM BZHAG DANG, ,RNAM PAR BYANG BCAS ZAB MOR BCAS, ,KHYOD GCIG KHO NAS THUGS SU CHUD, ,DBANG PO MCHOG DANG MCHOG MIN PA, ,CHUNG DANG 'BRING DANG CHEN PO DANG, ,CHA SHAS DBYE BA MTHA' YAS PA, ,KHYOD LAS GZHAN KYIS RTOGS MA MCHIS, ,MTHUN PAR 'GYUR BA GANG LAGS DANG, ,MI MTHUN 'GYUR BA GANG LAGS PA, ,MI YI MOS PA SNA TSOGS KUN, ,KHYOD GCIG KHO NAS THUGS SU CHUD, ,'JIG RTEN 'DI KHAMS SNA TSOGS TE, ,SNA TSOGS KHAMS NYID MTHA' DAG NI, ,SNA TSOGS KHAMS DBYE KHYOD GCIG PUS, ,MKHYEN GYI GZHAN GYIS MA LAGS SO, ,RGYU DANG RKYEN NI SNA TSOGS LAS, ,SNA TSOGS MNGON PAR 'GRUB PA NI, ,KUN DU 'GRO BA'I LAM STOBS KYIS, ,THAMS CAD KHYOD KYIS THUGS SU CHUD, ,THOG MED SRID PAR BYUNG BA DANG, ,THA MA MED PAR 'BYUNG 'GYUR GANG, , DE LA KHYOD KYI YE SHES NI, ,MNGON SUM BZHIN DU GZIGS PA 'JUG ,SNGON GYI MTHA' DANG PHYI MA'I MTHA', ,'JIG RTEN YANG DAG 'GRUB PA DANG, ,DE BZHIN NYID MTSAMS SBYOR BA NI, ,MTHA' YI BAR BZHIN GYIS GZIGS, ,NYE 'AM YANG NA RING YANG RUNG, ,JI LTAR KHYOD LA MNGON @90A *, ,SUM PA; ,DE LTAR SGRIB PA BAG CHAGS DANG, ,BCAS TE KHYOD KYIS SPANGS PA LAGS, ,DNGOS 'DI YONGS SU MA MKHYEN CING, ,NYON MONGS 'DI YI BAG CHAGS NI, ,LHAG MA LUS ZHES MI BSNYAD PA'I, ,GO 'PHANG DE NI KHYOD KYIS BRNYES, ,KHYOD KYIS BAR DU GCOD GSUNGS GANG, ,NGES PAR DE DAG BAR DU GCOD, ,KHYOD KYIS LAM BSTAN GANG LAGS PA, ,DE GCIG KHO NA NGES PAR 'BYIN, ,DE YIS BAR GCOD MI NUS SHE'AM, ,DE YIS NGES 'BYIN MI 'GYUR ZHES, ,GZHAN GYI KLAN KA CHA SHAS KYANG, ,DE LA SRID PA MA MCHIS SO, ,KHYOD KYIS RGYAL BGYI MA RGYAL MIN, ,SHES BYA MI SNANG BGYIS MA MCHIS, ,DBANG PHYUG KHYOD NYID KUN MKHYEN CING, ,KUN RGYAL LAGS KYI GZHAN MA LAGS, ,STOBS LDAN 'JIGS MI 'GYUR BAS KHYOD, ,MI BSNYENGS GANG LAGS RIGS LAGS NA, ,MTHU MNGA' BZHIN DU 'GA' LA YANG, ,KHYAD DU MI GSOD GANG DE RMAD, ,LOG PA'I NGA RGYAL CAN 'GA' ZHIG ,DREGS DANG 'BRAL BAR MDZAD PA GANG, ,GDUL BA YI NI THABS TZAM STE, ,DES NI STOBS SNYEMS YOD MA LAGS, ,'JIG RTEN DAG NA STOBS LDAN PAS, ,KUN LAS RGYAL ZHES GANG BRJOD PA, ,DE NI GZHAN LA BSTOD PAR BAS, , GO 'PHANG DE NI KHYOD LA RDZOGS, ,'DREN PA KHYOD LA CHOS MTHUN PAR, ,'GAS KYANG RGYAL BAR NUS MA LAGS, ,KLAN KA BTZAL 'OS MA LAGS TE, ,NONGS MI MNGA' BA'I BDE BA BRNYES, ,NONGS MI MNGA' BAS GANG LAS KYANG, ,BZHI NI BSRUNG BAR BGYI MI 'TSAL, ,BZHI PO YONGS SU RDZOGS SLAD DU, ,KHYOD LA SUS KYANG GLAGS MI THOD, ,KUN LA MI THOGS BLO GROS CAN, ,DGONGS PA KUN DU NYE BAR GNAS, ,KUN LA THUGS RJE SNYOMS PA PO, ,THUGS NI KUN LA CHAGS MI MNGA', ,SHES BYA'I RGYA MTSO KUN RGAL BA, ,BAG CHAGS THAMS CAD GTAN NAS SPANGS, ,BAR CHAD KUN GYI KHYAD PAR MKHYEN, ,NGES PAR 'BYIN PA KUN LA MKHAS, ,KUN GYI BSAM PA MKHYEN PA PO, ,GDUL BA THABS KYI PHA ROL GSHEGS, ,NYON MONGS SNA TSOGS THAMS CAD KYI, ,GNYEN PO LA YANG BSNYENGS MI MNGA', ,KHYOD LA BRTEN NAS SMRA BA PO, ,BYIS PA SHED BYE MA GYUR @90B GANG; ,DE NI MA RIG MUN PA YI, ,TSANG TSING MI BZAD MTHU LAGS SO, ,KHYOD KYI BKA' LA BRTEN NAS KYANG, ,BRAL BAR MA GYUR GANG LAGS PA, ,DE DANG DE SGRIB CES BGYI STE, ,DE DANG DE SGRIB MI ZAD LAGS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS STOBS DANG MI 'JIGS PA LA BSTOD PA ZHES BYA BA STE LE'U BZHI PA'O,, ,,JI LTAR THUB PA KHYOD KYI BKA', ,NYES DMIGS BRJOD LDAN THOS PA LTAR, ,'KHOR BA'I SDUG BSNGAL MI BZAD PA'I, ,ME YI KUN DU SPAR KYANG NI, ,'GRO BA MI SHES GO BGOS PA, ,DE LTAR SKYO BAR 'GYUR MA LAGS, ,DE LTAR MGON PO KHYOD KYI BKA', ,MNGON SUM PAS KYANG DON GSAL RAB, ,CHOS NYID ZAB MO GTING YANGS PA, ,BSHAD PAS SA LER GYUR LAGS PAS, ,KHYOD KYI BKA' NI SNREL ZHI YI, ,CHO 'PHRUL DAG KYANG MDZAD PA LAGS, ,TSIG GI MTHA' NI MI MTHONG ZHING, ,DON GYI GTING YANG MI DPOGS LA, ,PHAN TSUN RJES SU ZHUGS PA NI, ,DE LAS YA MTSAN CHE CI MCHIS, ,SMRA BA'I DAM PA KHYOD KYI BKA', ,RNAM GRANGS DU MA NYID MCHIS SHING, ,ZLOS BU YANG NA MA MCHIS LA, ,SBYOR BA'I LUGS KYANG RIGS PA LAGS, ,SMRA BA'I DAM PA KHYOD KYI BKA', ,GNAS PA BZHI YI YON TAN LDAN, ,LUNG BSTAN BZHI YI RTEN GYUR KYANG, ,DON DU GNYIS SU 'GYUR MA MCHIS, ,GNANG BA DANG NI DGAG PA LA, ,KHYOD BKA' LA LAR GCIG TU NGES, ,LA LAR NGES PA MA LAGS LA, ,PHAN TSUN 'GAL BA'ANG MA MCHIS SO; ,CHOS KYI DE NYID DON SLAD DU, ,RTZOD PA MED PA'I GO 'PHANG GZHI, ,RIGS 'THAD YON TAN BZANG PO YIS, ,NGAN SMRA THAMS CAD SUN 'BYIN PA, ,GCIG TU DON DAM LA GZHOL LA, ,KUN RDZOB LA YANG SKYON MA MCHIS, ,BDEN PA GNYIS DANG MI 'GAL BAS, ,KHYOD KYI BKA' NI RIGS PA 'BYUNG, ,NYON MONGS MED LA GCIG TU 'JAM, ,NYON MONGS CAN LA NGES BSLANG YANG, ,KHYOD KYI BKA' NI BSNYEN PA DANG, ,SRID PA'I SKYON DANG LDAN MA LAGS, ,RNAM PAR BYANG BA'I RJES MTHUN LA, ,DE YI PHYOGS SU LHUNG MI MNGA', ,KUN NAS NYON @91A *, ,MONGS DGRAR GYUR LA, ,MI BZOD MI MNGA' KHYOD KYI BKA', ,SMOD PA'I TSIG NI BRGYAS GANG YANG, ,PHYAR KA GTONG BA'I SKYON LDAN MIN, ,RAB TU BSNGAGS PA'I TSIG PHYUNG KYANG, ,'GA' LA'ANG RTEN PA MNGA' MA LAGS, ,BSNAN DANG DOR BA MI MNGA' LA, ,BSDUS DANG RGYAS PA DANG YANG LDAN, ,BRTAGS SHING 'THAD PAR 'GYUR LAGS LA, ,DANG PO NAS KYANG MI BZANG MIN, ,SHIN TU SNYAN GSUNG CHAGS MI 'GYUR, ,MANG LA SNYING PO MA MCHIS MIN, ,SNA TSOGS PA LA DON MA 'KHRUGS, ,BKA' NI NGO MTSAR MANG PO LAGS, ,GSUNG GI BDAG PO KHYOD KYI BKA', ,YID 'PHROG MDZAD LA ZHEN MI MNGA', ,GZI BYIN CAN LA GNOD MI 'GYUR, ,KHYAB LA NGAN PAS RTOGS MA LAGS, ,BA SPU DAG KYANG LDANG BGYID CING, ,RDUL YANG KUN DU 'THON PAR BGYID, ,LUS RNAMS DAG NI STON BGYID CING, ,'DAR BA DAG KYANG SKYED PAR BGYID, ,LHA YI 'JIG RTEN SKYO BGYID CING, ,SGRA YANG KUN DU SGROGS PAR BGYID, ,SA NI RNAL MAR GNAS PA YANG, ,RNAM PA DRUG TU G-YO BAR BGYID, ,THOG MED DUS NAS GOMS PA YI, ,LUS CAN RANG BZHIN BZLOG MDZAD CING, ,RANG BZHIN 'DRIS PA MA LAGS PA, , GZHAN NI SNYING LA 'JOG PAR MDZAD, ,RANG GI NYES PAS MI 'GAL LA, ,YID NI GDUNG BAR BGYID DANG 'DRA, ,RIGS PAS ZHUGS PA MKHAS RNAMS LA, ,BDUD RTZI'I CHAR PA BAB PA BZHIN, ,KHYOD KYI BKA' NI THOG MA DANG, ,BAR DANG THA MAR DGE BA DAG ,THOS DANG SEMS DANG SGOM PA NA; ,DE SGRUB PA LA BDUD RTZIR 'GYUR, ,MOS PA DU MA DANG LDAN PA, ,MANG PO 'KHOD PAR GYUR PA LA, ,GSUNG GCIG BKA' NI STZAL BA LAS, ,DU MA LTA BUR SNANG 'GYUR TE, ,KUN GYIS 'DI NI BDAG GI CHED, ,KHO NA'O SNYAM DU GO BA GANG, ,DE LAS YA MTSAN CHE CI MCHIS, ,DE LAS NGO MTSAR CHE CI MCHIS, ,CHOS NYID 'DOR BAR MI MDZAD LA, ,'JIG RTEN KUN RDZOB DANG YANG MTHUN, ,RJES SU SGROGS PAR MDZAD BZHIN DU, ,CIG SHOS RNAM PAR BSGOM PA'ANG MDZAD, ,KUN NAS NYON MONGS RNAM BYANG MCHIS, ,LAS DANG LAS KYI 'BRAS BU 'ANG MCHIS, ,DE LDAN @91B BYED DU 'JUG PA DANG, ,BYED PA MA MCHIS KHYOD KYI BKA', ,DE NI LHA DANG MIR BCAS PA'I, ,'JIG RTEN DAG GIS MNGON THOS NAS, ,CHU YI ZLA BA G-YO BA BZHIN, ,SO SOR RAB TU G-YOS PAR GYUR, ,BZANG DANG NGAN PA NYID DU NA, ,'BYUNG BAR 'GYUR BA THA DAD PA, ,THAMS CAD RKYEN LA RAG LAS NA, ,BYED PO CI GA MCHIS 'GYUR RAM, ,'GA' LA RANG DBANG NYID MCHIS NA, ,BYED POR 'GYUR NA DE MI RIGS, ,DE LTA LAGS PAS CHOS KUN LA, ,BYED PO MED PAR KHYOD KYIS GSUNGS, ,LHA DANG BCAS PA'I 'JIG RTEN LA, ,CHOS 'DI STONG PA NYID KYI NI, , SENG GE SGRA YIS RNGA BRDUNGS NAS, ,MTSAMS BCAD BGYIS TE GNAS PA LAGS, ,DE YIS NYI MA'I 'OD BZHIN DU, ,'JIG RTEN SNANG BAR BGYIS PAS NA, ,DE LAS GZHAN PA'I TSIG KUN NI, ,SHIN TU CIR YANG MA RUNG GYUR, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS GSUNG RNAM PAR DAG PA LA BSTOD PA ZHES BYA BA STE LE'U LNGA PA'O,, ,,CHOS RNAMS THAMS CAD BDAG MED PA, ,'DUS BYAS THAMS CAD SKAD CIG MA, ,MYA NGAN 'DAS ZHI ZHES BGYI BA, ,MTSAN NYID 'DI GSUM CHOS KYI RGYA, ,SMRA BA KUN GYI YUL MIN PA, ,MI PHYED KHYOD KYIS GZHAG PA MDZAD, ,JI SKAD BRJOD KYANG 'JIG RTEN NA, ,RANG BZHIN LAS NI GANG ZHIG 'DA', ,GAL 'DZIN PA YIS SHAGS LA NI, ,GOMS PAR BGYIS KYANG SU ZHIG GIS, ,ME NYID GRANG BA LTA BUR NI, ,DE NYID GZHAN DU BGYI BAR NUS, ,NAM MKHA' THOGS PA MED PA LA, ,'GA' YIS RMA PHYIN 'GYUR SRID KYI, ,CHOS KYI PHYAG RGYA 'DI LA NI, ,CHOS DANG MTHUN PAR 'GAL MA LAGS, ,CHOS NYID DE NYID MKHYEN KHYOD KYI, ,BKA' LA NAG PO CHEN PO DAG ,BSTAN PAS 'DI NI MCHIS GRAGS KYI, ,SMRA BA GZHAN LA MCHIS MA LAGS, ,THA DAD LTA LA BRTEN PA YIS, ,'JIG RTEN RNAMS NI RTZOD PAR LTUNG, ,KHYOD NI GCIG PUS RTZOD MED PA'I, ,GNAS KYI GO 'PHANG THUGS SU CHUD, ,LONG BA RNAMS NI RTZOD GYUR KYANG, ,MIG CAN GZUGS RNAMS MTHONG BA NI, ,JI LTAR RTZOD PAR MI 'GYUR BA, ,DE @92A *, ,NYID KHYOD DANG BYIS PA'I DPE, ,CHOS BZHIN GSUNG BA KHYOD LA NI, ,'GA' DANG LHAN CIG RTZOD MI MNGA', ,LEGS PAR SMRA PHYIR MKHAS DANG MIN, ,KHYAD DU GSOD PHYIR MI MKHAS MIN, ,'DOD PA RNAMS NI MI SNANG GYUR, ,LTA BA'I DRA BA RAB TU BCOM, ,GZHI MA MCHIS NA CI SLAD KHYOD, ,GZHI MA MCHIS PA RTZOD PAR 'GYUR, ,RGYAL THABS BRNYES PA KHYOD LTA BU'I, ,BRTAN PA CI ZHIG RTZOD PA MDZAD, ,'OD ZER STONG LDAN RO LTA BU'I, ,MUN DANG LHAN CIG CI ZHIG 'GYED, ,MKHA' LA LCAG GIS 'JU BA BZHIN, ,BRTZAD PAS KHYOD LA BRDZI MI 'GYUR, ,RLUNG GIS BZLOG PHYOGS GTOR BA'I RDUL, ,'THOR BA NYID LA 'BAB CING 'GO ,'JIG RTEN RNAMS NI RTAG PAR LTUNG, ,YANG DAG JI BZHIN SPYOD YUL KHYOD, ,DE SLAD PHYIN CI LOG GYUR PA, ,MANG PO RNAMS DANG KHYOD MI MTSUNGS, ,DPER NA LCAGS DANG GSER BZHIN DU, ,LOG PAR MNGON PAR ZHEN RNAMS DANG; ,MNGON ZHEN MI MNGA' KHYOD DU NI, ,LHAN CIG BSGRUN DU GA LA MCHIS, ,BYIS PA RNAMS NI MA 'TSAL TE, ,MGON PO PHAN DANG BDE BZHED PA, ,DE MIN KHYOD LA BSNGO BGYID PA, ,BDAG GIS BDAG NYID BRLAG PAR BAS, ,BDAG GIS BDAG NYID ME 'BAR BA'I, ,PHRENG BA 'KHRIGS PAR MI BSNGO YI; ,RGYAL BA THUB PA MED PA YI, ,GZI BYIN CAN LA BSNGOR MI RUNG, ,KHYOD LA 'DIR BRGAL DUS BTAB NAS, ,KHYOD KYIS SLAR GZHAN DUS BTAB PA, ,BRTOD PA DAM POS BTAGS PA BZHIN, ,STAN LAS LDANG BAR NUS MA MCHIS, ,KHYOD KYIS TSOGS PAR BDEN SMRA'I BU'I, ,RGOL BA'I MCHE BA BCAG PAS NA, ,PHA ROL RGOL BA THAMS CAD KYI, ,RVA YAD BCAG PA NYID DU 'GYUR, ,PHA ROL RGOL BA KHA CIG NI, ,KHYOD DANG 'PHRAD NAS 'DUD PAR BGYID, ,KHA CIG THAG RING SLAR LDOG STE, ,GZHAN DAG SPYAN SNGAR ZHUM NAS MCHIS, ,KHA CIG KHYOD KYIS DAM PA'I CHOS, ,BDUD RTZI'I RGYUN GYI CHAR PHAB PAS, ,YANG DAG SGRUB PA PHUN SUM GYIS, ,DAM PA'I CHOS LA BSTEN PAR BGYID, ,KYE MA MGON PO THUGS RJE'I BDAG ,KYI HUD GTI MUG NYON MONGS NGAN, ,KYI HUD SRED PA RNAM PAR 'PHRO, ,KYI HU DANG RGYAL PHUNG BAR BYED, ,DAM CHOS MA YIN 'DI GSUM GYIS, ,SKYE BO 'DI NI KUN @92B DKRUGS TE, ,MI BZAD RGYUN GYIS 'DAS PA BZHIN, ,KHYOD KYI GZHUNG DANG BRAL BAR BGYID, ,'DI YIG NI YIS LTA BA DANG, ,THE TSOM LA SOGS NYE NYON MONGS, ,SO SOR LAM GYI BAR GCOD PA, ,KUN NAS NYON MONGS THAMS CAD 'PHEL, ,KA LA PING KA'I SKAD THOS NAS, ,KHVA YI SGRA LA CHAGS MED LTAR, ,KHYOD KYI CHOS KYI RO MYONG NA, ,GZHAN GYI TSIG LA CHAGS MI 'GYUR, ,GANG DAG CHOS LA SGYU BSHAMS NAS, ,KHYOD KYI BKA' LA ZHUGS GYUR PA, ,NGAN DON THOS PA DE LA'ANG DE, ,RNGA MO SBRANG RTZI BZHIN DU 'GYUR, ,BDEN ZHING GO SLA DON DANG LDAN, ,BSAM PA DANG NI CHO 'PHRUL BCAS; ,ZAD MI SHES LA MDOR 'DUS PA, ,GCIG TU MTHU NI CHEN POR LDAN, ,SNYING PO MCHOG LDAN RO MCHOG LDAN, ,RNAM GRANGS LDAN ZHING THABS DANG LDAN, ,YONGS SU RDZOGS LA MA 'DRES PA, ,GZI BRJID DANG LDAN GRAGS DANG LDAN, ,DE 'DRA'I YON TAN DANG LDAN PA'I, ,KHYOD GSUNG THOS PA SU ZHIG NI, ,DE LAS BZLOG PA GZHAN GYI TSIG ,RUL PA LTA BU SNOM PAR BGYID, ,SDUG BSNGAL YANG RUNG BDE YANG RUNG, ,DON DANG MI LDAN GANG YIN PA, ,DE NI YONGS SU SPANG BYA ZHING, ,BZLOG PA BSTEN PAR BYA BAR GSUNGS, ,'DOD DANG MI 'DOD BSTEN PA LA, ,DE LTAR KHYAD PAR GSUNGS KHYOD KYI, ,LAM MAL THANG CHAD SMRA BA RNAMS, ,JI LTA BUR NA RJES 'BRANG 'GYUR, ,SPYAD PA RNAMS LA KHYOD KYIS NI, ,'DI YI CHED DU BSTAN PA GANG, ,DE NYID KHYOD KYI BKA' DANG NI, ,GZHAN GYI TSIG GI MTSAMS RDZOGS PA, ,KHYOD KYI BKA' DANG GZHAN GYI TSIG ,JI LTAR KHYAD PAR CHE ZHUGS PA, ,DUG DANG BDUD RTZI DE LTA MIN, ,MUN DANG SNANG BA'ANG MA LAGS SO, ,KHYOD KYI BKA' DANG GZHAN GYI TSIG ,JI LTAR KHYAD PAR RGYANG CHAD PA, ,MTHO RIS NGAN SONG DE LTAR MIN, ,ZIL DNGAR BKUS TE BOR BA'ANG MIN, ,DE NI TSIG TZAM SNYING PO STE, ,'DI NI TSIG DANG TSIG DON LDAN, ,DE YIS KHYOD KYI BKA' DANG NI, ,GZHAN GYI TSIG GI KHYAD PAR BSHAD, ,BDE BAR GSHEGS PA KHYOD DANG NI, ,SMRA DE RNAMS KYI KHYAD PAR GANG, ,DE NYID KHYOD KYI BKA' DANG NI, ,GZHAN GYI TSIG GI MTHO DMAN LAGS, ,JI LTAR SRID DANG THAR PA'I CHAD, ,DE NI DPYAD @93A *, ,DU MED PA LTAR, ,DPA' BO KHYOD KYI BKA' DANG NI, ,GZHAN TSIG KHYAD KYANG DE DANG 'DRA, ,'JUG DANG LDOG PA GANG LAGS PA, ,KUN NAS NYON MONGS RNAM BYANG GANG, ,DE NYID DPA' BO KHYOD BKA' DANG, ,GZHAN GYI TSIG GI KHYAD PAR LAGS, ,'DI NI GCIG PU DE BZHIN NYID, , DE NI SLU CHOS 'BA' ZHIG NA, ,KHYOD KYI BKA' DANG GZHAN GYI TSIG, ,DE LAS KHYAD ZHUGS GZHAN CI 'TSAL, ,'DI NI GCIG PU DGE LA DE, ,GCIG TU BAR CHAD BGYID LAGS NA, ,KHYOD KYI BKA' DANG GZHAN GYI TSIG ,DE LAS MI 'DRA CI ZHIG MCHIS, ,DE YIS BSGOS SHING NYER BSGOS PA, ,'DI YIS DAG PAR BGYID 'GYUR BA, ,DE NYID MGON PO KHYOD BKA' DANG, ,GZHAN GYI TSIG GI KHYAD PAR LAGS, ,DE KUN DAM PA MA YIN BRDOL, ,'DI GCIG LEGS GSUNGS DE YI SLAD, ,KHYOD KYI BKA' DANG GZHAN GYI TSIG, ,BRTZAN DANG MI BRTZAN NGES PA LAGS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS RTZOD PA MI MNGA' BAR BSTOD PA ZHES BYA BA STE LE'U DRUG PA'O,, ,,'JUG PA DANG NI LDOG PA LA, ,'GRO 'DI'I RANG BZHIN GANG LAGS DANG, ,LHA DANG BCAS PA'I 'JIG RTEN KUN, ,SO SOR GANG LAS MI 'DA' BA'I, ,LUGS MTHUN LUGS DANG MI MTHUN PA, ,TSIG BCU GNYIS KYI YI GE GNYIS, ,DE NI DAM CHOS NYI MA YI, ,NYI MA MCHOD PA'I 'OS SU BSTAN, ,DE NYID RDZUS TE SKYE BA YI, ,SRID GCIG YAN LAG MA TSANG BAS, ,JI BZHIN YAN LAG SO SO LA, ,BZHI RU BSGRES PAS GSUM MCHOD LAGS, ,DE NYID YAN LAG TSANG BA LAS, ,YI GE BCU GNYIS TSIG DAG GIS, ,BDEN PA'I LUGS SU SNGA MA BZHIN, ,BSGRES NA RAB TU 'GRO BA LAGS, ,TSANGS PA 'DI NI KHYOD BSTAN LA, ,GANG DAG JI BZHIN BSTEN BGYID PA, ,BRAM ZE DE DAG TSANGS 'GYUR BA'I, ,GSANG GSUM MTHUN PA'I TSANGS PA LAGS, ,TSANGS PA'I TSUL DANG TSANGS PA DANG, ,TSANGS TSUL 'BRAS BU TSANGS PA'I DON, ,TSANGS MCHOG KHYOD KYI BSTAN PA LAS, ,GZHAN LA MCHIS PA MA LAGS SO, ,TSANGS PA'I TSUL NI MA MCHIS PAR, ,'GA' YANG BRAM ZER 'GYUR MA LAGS, ,DRANG PO YI NI LAM 'DI YANG, ,GZHAN NI 'GA' LA'ANG @93B MA MCHIS SO, ,RIG DANG ZHABS SU LDAN PA NI, ,TSANGS PA LAGS PAR BRAM ZES BSHAD, ,REG PA DE DANG ZHABS DE YANG, ,KHYOD KYI BSTAN LAS GZHAN LA MIN, ,SLOB DANG MI SLOB RIG PA DE, ,ZHABS NI DE THOB BGYID PA LAGS, ,GZHAN LA CHOS KYI LAM DE NI, ,MING YANG MCHIS PA MA LAGS SO, ,GANG ZHIG GOMS PAR BGYIS PA YIS, ,RIGS KUN BRAM ZER 'GYUR BGYID PA, ,BDUD RTZI'I SGO NI RING ZHIG NAS, ,BCAD PA KHYOD KYIS DBYE BA MDZAD, ,LTA BA NGAN DANG YID GNYIS KYIS, ,ZIN PA BRAM ZER CI ZHIG 'GYUR, ,KHYOD KYI GZHUNG LUGS MA GTOGS PAR, , GZHAN GYIS MDUD PA 'DI MI CHOD, ,BRAM ZE TSANGS PA'I BU YIN TE, ,SNYING DANG KHA LAS SKYES ZHES PA, ,'JIG RTEN GYI NI GRAGS PA DE, ,KHYOD LA 'BRAS BU BCAS PAR GYUR, ,TSANGS KHYOD TSANGS LAM KHYOD LA MNGA', ,KHYOD NI BRAM ZE'I KHYU MCHOG STE, ,NYE BAR 'DREN DANG STON PA'ANG KHYOD, , KHYOD NI DUS MCHOD MDUN NA 'DON, ,KHYOD KYIS LEGS PAR BSTAN PA YI, ,BRAM ZE MI GTZANG 'GYUR MA LAGS, ,NYE BAR DRANGS PA'I BRAM ZE YANG, ,TSANGS PA'I TSUL LAS LTUNG MI 'GYUR, ,KHYOD BSTAN LAS GZHAN 'GA' LA YANG, ,BRAM ZER 'GYUR BA'I CHOS MA MCHIS, ,TSANGS PA YI NI MCHOD PA DANG, ,TSANGS PA'I LAM YANG MCHIS MA LAGS, ,TSANGS PA'I BDEN PA GSUM DANG NI, ,TSANGS PA'I MTSAN NYID RNAM GSUM DANG, ,TSANGS PA'I MCHOG RAB GSUM DANG NI, ,TSANGS PA'I RIGS KYANG MCHIS MA LAGS, ,'JIG RTEN LEGS BSHAD JI SNYED PA, , THAMS CAD KHYOD KYI BSTAN LAS 'BYUNG, ,SKYON MED MNGON PAR BRJOD PA 'DI, ,BDE GSHEGS KHO NA'I MA 'DRES PA, ,KHYOD LAS GZHAN PA GANG DAG CIG ,NGAG LA SKYON MED GDA' BA DE, ,THAMS CAD CHOS KUN MKHYEN KHYOD KYI, ,LEGS PAR GSUNGS PA'I BRAM ZE LAGS, ,SRIN BUS ZOS PA'I YI GE LTAR, ,'DI LAS GZHAN PA'I LEGS BSHAD GANG, ,DE NI LCAGS LAS GSER BZHIN DU, ,DE LA 'TSAM PA MA LAGS SO, ,AE RAndA YI SHING KHROD DU, ,TZANDAN SA MCHOG BZHAG PA LTAR, ,LTAG 'OG 'GAL BA DE LA DE, ,MCHIS PAR SU ZHIG YID CHES 'GYUR, , @94A *, ,GANG ZHIG NIM PA'I SHING LA NI, ,AA MRA'I 'BRAS BU SMIN BTAGS PA, ,DE LAS SKYES ZHES YID CHES TE, ,GZHAN LA LEGS BSHAD YOD SEMS GRANG, ,MA LA YA LAS TZANDAN BZHIN, ,KHYOD LAS GZHAN LA LHAR BCAS PA'I, ,'JIG RTEN 'DI NA LEGS BSHAD PA'I; ,RIN CHEN 'BYUNG BA MA MCHIS SO, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS TSANGS PA DANG MTHUN PAR GSUNG BAR BSTOD PA ZHES BYA BA STE LE'U BDUN PA'O,, ,,BRGYA LA RES 'GA' GANG ZHIG GIS, ,MI GSUNG THUGS LAS CHUD DGYES PA; ,RANG BYUNG BSE RU LTA BU RNAMS, ,RNAM PAR 'GYING ZHING BZHUD GYUR PA, ,NYAMS PAR 'GYUR BA'I LAM MANG BAS, ,RTAGS PAR YANG NI RAB DGA' BA, ,MYA NGAN 'DAS PA'I LAM DE NI, ,KHYOD KYIS LAM CHEN SROL DU BTOD, ,DE NI GLANG PO CHE RNAMS LTAR, ,DGA' MGUR GZHON NU DAG DANG NI, , STOBS DANG BLO NI SOR GNYIS PA'I, ,BUD MED KYIS KYANG GOMS PAR BGYIS, ,DE NI GZI BYIN LDAN PA'I MCHOG ,KHYOD LA BSTEN PA'I CHO 'PHRUL TE, ,SANGS RGYAS KYI NI MA 'DRES PA, ,MTHU DPAG MED PA'I GZI BYIN LAGS, ,KUN NAS NYON MONGS SBRUL DAG GIS, ,RNAM PA DU MAR ZIN RNAMS LA, , KHYOD NI SPYI YI GNYEN PO YI, ,SKYON MED 'BYUNG GNAS MA 'DRES PA, ,'DOD CHAGS LA SOGS 'BAGS RNAMS LA, ,SKYON NI SKYON MED MDZAD KHYOD KYIS, ,MI SDUG SGOM PA LA SOGS PA'I, ,CHOS KYANG RAB TU BSTAN PA MDZAD, ,KHYOD KYIS LAM GYI TSOGS KYI CHOS, ,DGE BA ZAG BCAS BSTAN MDZAD PAS; ,DNGOS PO RNAMS KYI NANG GI NI, ,PHAN TSUN KHYAD PAR DAG KYANG BSTEN, ,DE YANG NYE BA'I NYON MONGS DANG, ,'BAGS PHYIR SPYI YI RNAM PAS BCOM, ,DUR KHROD MGAL BA'I YOG PA LTAR, ,DE DAG YE SHES ME LA BSREGS, ,BYANG CHUB PA YI SNGA ROL DU, ,'JUG PA BDE BA'I RGYU CHOS BSTAN; ,DE NAS BYANG CHUB BRNYES NAS NI, ,LDOG PA BDE BA'I CHOS KYANG BSTAN, ,SANGS RGYAS NAS KYANG DGE BA'I CHOS, ,ZAG BCAS DE DAG MA BSHAD MIN, ,PHAL CHER MYA NGAN 'DAS PA YI, ,RGYU MTHUN NYID DU YONGS SU BSNGOS, ,KHYOD KYIS GANG LAS 'GRO BA DAG ,MA DRANGS RGUD PA @94B DE GANG MCHIS, ,GANG DANG 'JIG RTEN MA SPRAD PA'I, ,PHUN TSOGS DE YANG GANG ZHIG MCHIS, ,KHYOD KYIS YID GNYIS MDUD PA BCAD, ,LTA BA NGAN PA'I TSER MA DKRUGS, ,SRED PA'I DUG GI LCUG MA BSREGS, ,KHRO BA'I DUG KYANG THAMS CAD BCOM, ,MA RIG PA YI LING TOG BSAL, ,NGA RGYAL GYI NI RGYAL MTSAN BSGYEL, ,SEMS KYI THA BA RNAMS KYANG BCOM, ,RNAM PAR 'CHING BA RNAM PAR GTUBS, ,MDUD PA THAMS CAD RNAM PAR BKROL, ,CHU BO LA NI GZINGS KYANG BCAS, ,KHYOD KYIS CHU BO RNAMS KYI GZHI, ,MTSO CHEN GANG LAGS DE YANG BSKAMS, ,SKYON DANG SNYIGS MA YON PO DAG; ,SEMS LA MI MNGON 'KHRAS BGYID PA, ,KUN NAS NYON MONGS DUG SHING GI, ,RTZA BA KHYOD KYIS DRUNGS NAS PHYUNG, ,PHYIN CI LOG GIS 'TSAL BA YI, ,NGAN PA'I LAM NI THAMS CAD BCAD, ,'CHI MED BGROD PA GCIG PA YI, ,DPAL LDAN LAM NI DRANG PO PHYA, ,GZHAN DAG GDUL BAR BGYI BA YI, ,SKYON BRGYAD LAS NI NGES DRANGS NAS, ,'DOD PA'I YAN LAG BRGYAD LDAN PA, ,CANG SHES BZANG PO'I GNAS SU BKOD, ,KUN NAS NYON MONGS SRIN 'KHRUG PA'I, ,MI GTZANG RGYUN NAS DRANGS NAS KYANG, ,NYON MONGS MIN PA'I YAN LAG CAN, ,DRI MED CHU LA 'PHYO RU STZAL, , 'CHAL BA'I TSUL KHRIMS SKYON BSAL NAS, ,TSUL KHRIMS KYI NI BYUG PAS BYUGS, ,NGO TSA SHES DANG KHREL YOD PA'I, ,DRI MED GOS KYIS DGAB PA MDZAD, ,DAM PA'I CHOS RGYAN DKAR PO NI, ,SBA BDAG GIS BRGYAN MDZAD NAS, ,DE DAG BSAM GTAN SENG GE'I KHRI, ,CHEN PO'I RKYEN DU 'BAB LA BZHAG ,BYANG CHUB YAN LAG ME TOG NI, ,ZAG MED DRI ZHIM RNAMS KYIS GTOR, ,CHOS KYI DGA' BA 'PHAGS PA'I ROS, ,ZANG ZING MED PAS TSIM PAR MDZAD, ,SRID PA'I BRAN NI 'TSE MANG BA, ,THOG MA MED PA LAS BTON NAS, ,NYID KYI SRAS PO GTAN DU NI, ,NYAMS PA MED PA KHO NAR MDZAD; ,GZHAN DAG MA 'ONGS DUS NA NI, ,RANG RGYAL BA YI SNOD DU MDZAD, ,GZHAN DAG THEG PA CHEN PO YI, ,RGYAL TSAB MCHOG TU DBANG YANG BSKUR, ,CHOS KUN GYI NI TSIG MKHYEN CING, ,DON RNAMS KUN GYI GZHI LA MKHAS, ,SKAD KYI DBYE BA KUN MKHYEN CING, ,PHYOGS RNAMS KUN DU SPOBS @95A *, ,DANG LDAN, ,NGA NI MGON MED KHYED RNAMS KYI, ,GROGS SU GYUR PA ZHES SGROGS SHING, ,THUGS RJE CHEN POS 'GRO BA NI, ,MTHA' DAG 'KHYUD PA BZHIN DU BZHUGS, ,STON PA THUGS RJE CHE MNGA' BA, ,BRTZE BAR LDAN ZHING THUGS BRTZER MDZAD, ,DER BRTZON LE LO MI MNGA' BA, , KHYOD DANG 'DRA BA GZHAN SU MCHIS, ,KHYOD NI SEMS CAN KUN GYI MGON, ,SPYI YI RTZA LAG BZANG PO LAGS, ,MGON DU KHYED BZHUGS MA 'TSAL BAS, ,DE SLAD SKYE BO BYING BAR GYUR, ,GANG ZHIG YANG DAG BLANGS NAS NI, ,THA SHAL BAS KYANG GROGS NUS PA, ,GROGS BYED PA YI CHOS DAG NI, , KHYOD LAS GZHAN PA 'GAS MI RTOGS, ,PHYI YI YAN LAG STOBS KUN NI, ,KHYOD KYIS YANG DAG BSGRUBS LAGS TE, ,NANG GI STOBS DAG MA TSANG BAS, ,BYIS PA RNAMS NI SDUG BSNGAL STEN, ,'JIG RTEN SPYOD PA MED DANG SBYAR, ,CHOS NYID ZAB PA DANG YANG SBYAR, ,DMAN LA MOS PA NYID DANG SBYAR, ,LAM NI NGAN PA MANG DANG SBYAR, ,THOG MED DUS NAS GOMS PA YI, ,BREL BA NGANG GI 'BYUNG DANG SBYAR, ,BSGOM PA 'BAD PA CHEN POS KYANG, ,THOB PAR DKA' BA DANG SBYAR NA, ,'JIG RTEN DU NI KHYOD LTA BU, ,CHOS DKAR YANG DAG BLANG BA YI, ,DNGOS PO GSAL BAR STON PA'I RTZA, , BZANG PO GAL TE MA BYUNG NA, ,'GRO KUN MUN PAR 'GYUR LAGS TE, ,MI 'DOD TSOR BA BYUNG BA YIS, ,NYAM THAG 'O DOD CHER 'BOD PA'I, ,NGAN SONG RANG BZHIN KHO NAR 'GYUR, ,KHYOD LA GANG GIS 'GRO RNAM GSUM, ,DE NI GZHAN GYIS SGRUB PAR BAS, ,KHYOD NI DGRA BSHES PAR MA LA, ,BSHES MCHOG NYID DU RTZE BAR MDZAD, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS PHAN PAR MDZAD PAR BSTOD PA ZHES BYA BA STE LE'U BRGYAD PA'O,, ,,BGO BSHA' MDZAD PA'I CHOS NYID NI, ,KHYOD GCIG PU LA RDZOGS MNGA' YI, ,GZHAN LA PHAN GDAGS BGYI BA LA, ,SKYE BO GZHAN NI TSOGS SHING MCHIS, ,KHYOD KYI SLOB MA BSDU BA YI, ,DNGOS LA MKHAS PAR GDA' BA GANG, ,DE YANG RDZOGS PAR MI MKHAS PAS, ,KHYOD KYI CHA SHAS RJES SU 'BRANG, ,BCOM LDAN KHYOD KYI ZANG ZING GI, ,BGO BSHA' SROG GI BAR LAGS TE, ,DAM PA'I @95B CHOS KYI BGO BSHA' NI, ,SLOB DPON DPE MKHYUD BRAL BA LAGS, ,KHYOD NI BGO BSHA' BGYI BA'I LAS, ,BLA NA MED PA'I MDZAD PA PO, ,PHUN SUM THAMS CAD RDZOGS MNGA' BA, ,KHYOD NI BTANG BAR BGYI MA LAGS, ,'GRO BA PHAL CHER MI BZAD PA, ,GZHAN LA GNOD PA BGYID PAR DGA', , KHYOD NI 'JIG RTEN RANG BZHIN TE, ,RGYUN LAS BZLOG PA'I PHYOGS SU 'JUG ,BYAS PA GZO GANG DE DAG NYUNG, ,PHAN 'DOGS BGYI BA 'GA' TZAM STE, ,DE YANG PHAL CHER RE BA CAN, ,KHYOD GCIG DAG PA'I CHOS CAN LAGS, ,PHAN BTAGS PA YIS KHYOD MI 'JUG ,GNOD PA BGYIS PAS LDOG MA LAGS, ,SKAL PA MCHIS ZHES THAMS CAD LA, ,KHYOD NI MNYAM PA NYID DU 'JUG ,MTSAN MO ME TOG KU MU DA, ,KHA 'BYE 'GYUR ZHING PAD+MA ZUM, ,NYIN PAR PAD+MA KHA 'BYE ZHING, ,CIG SHOS ZUM PAR 'GYUR MOD KYI, ,'ON KYANG NYI MA ZLA BA YI, ,'OD LA PHYOGS SU LHUNG MA MCHIS, , DE NYID KHYOD KYIS BYIS PA DANG, ,MKHAS PA DAG LA BSTAN PA'I DPE, ,GANG TSE MGON KHYOD MDZAD PA NI, ,THAMS CAD GZHAN DON KHO NAR BAS, ,DPAG MED PHAN PA MDZAD PA PO, ,KHYOD LA LAN CIS LON PAR 'GYUR, ,SEMS CAN DAR BAR MI 'GYUR BA'I, ,SGRUB PA KHYOD LA 'GA' MI MNGA', , KHYOD KYI DBUGS PHYUNG TZAM YANG NI, ,'GRO LA PHAN DANG BDE BA SKYED, ,SANGS RGYAS DBUGS NI PHYUNG BA'I NGAD, ,DRI KUN ZIL GYIS GNON MDZAD PA, ,TSOR NA ZHE 'GRAS GYUR PA YANG, ,KHYOD LA DANG BA BSKYED PAR BGYID, ,SANGS RGYAS DBUGS KYI DAD BAB NA [?], ,BAG MED PA YI LHA RNAMS KYANG, , LHA YI YUL YANG SPANGS NAS NI, ,'DUL BA DAG LA MNGON PHYOGS 'GYUR, ,KHYOD LAS DAM PA'I CHOS MNYAN PAS, ,THAMS CAD TSIM PAR 'GYUR MA 'TSAL, ,DE SLAD DAM PA'I DON DU NA, ,KHYOD NYID NGOMS 'GYUR TSIM MDZAD LAGS, ,SKYE DGU RNAMS LA CHAR BZHIN DU, ,KHYOD NI MKHAS PA KUN GYI GSOS, ,'DI LTAR KHYOD KYI GSOS 'GYUR GANG, ,DE DANG DE NI MCHIS MA LAGS, ,DGRONGS PAR 'TSAL BA RNAMS LA YANG, ,KHYOD KYI PHAN DGONGS CI 'DRA BA, ,DE BLO MA SBYANGS BYIS PA YIS, ,YID CHES BGYI BAR NUS MA LAGS, ,KHYOD NI SDANG BA RNAMS LA YANG, ,LEGS PA CI @96A *, ,'DRA SGRUB MDZAD PA, ,SA DE YID LA SMON PA'I YANG, ,YUL LAS 'DAS PAR GYUR PA LAGS, ,LA LA PHAN 'DOGS MDZAD PA YI, ,RO MCHOG RTOGS PA DE DAG KYANG, ,KHYOD KYI CHOS KYI BGO SKAL LA, ,SPYOD PAR 'GYUR PA'I GNYEN LAGS SO, ,GAL TE SEMS CAN 'DI DAG GIS, ,KHYOD MNGA' THUGS RJE'I DGONGS PA 'TSAL, ,KHYOD KYI BSTAN PAS 'TSO BZHIN DU, ,KUN DU 'BAR BA'I MER YANG 'JUG ,GANG SLAD BDUD KYI DGRAS THEBS PAS, ,RTOGS PAR MI 'GYUR DE SLAD DU, ,KHYOD KYI BSTAN LAS 'GAL BGYID PA'I, ,BYIS PA RNAMS NI BDAG NYID 'GUMS, ,KHYOD KYI BSTAN LAS GZHAN PHYOGS PA, ,G-YANG SA CHEN PO'I MUN PA DANG, ,YONGS SU GDUNG BA MYONG BA RNAMS, ,KYE MA YUN RING 'KHYAM PAR 'GYUR, ,KHYOD KYI CHOS LA MI PHYOGS PA'I, ,SKYE BO GTI MUG GIS LDONGS PA, ,SRID RTZE'I BAR DU SON NAS KYANG, ,SDUG BSNGAL YANG 'BYUNG SRID PA SGRUB, ,KHYOD KYI BSTAN PA'I RJES 'GRO BA, ,BSAM GTAN DNGOS GZHI MA THOB KYANG, ,BDUD KYI MIG RAS BTZA' BZHIN DU, ,SRID PA DAG NI ZLOG PAR BGYID, ,KHYOD KYIS DANG POR LHA BU YI, ,BDUD KYI ME TOG RGYAL MTSAN BSNYAL, ,DE NAS NYON MONGS BDUD KYI NI, ,NGA RGYAL RGYAL MTSAN MTHON PO PA RTIB, ,KHYOD KYIS BYANG CHUB MA BRNYES PAR, ,'DOD KHAMS DBANG PHYUG LAS RGYAL TA, ,BYANG CHUB BAR CHAD MED LAM LA, ,KHAMS GSUM DBANG PHYUG LAS RGYAL LO, ,DBANG PHYUG KHYOD NYID 'JIG RTEN 'DIR, ,DPA' BO RNAMS KYI DPA' RAB STE, ,NYON MONGS DBANG GYUR SKYE BO LA; ,DPA' BA'I RAB TU GANG ZHIG RTZE, ,KHYOD KYIS RANG GZHAN GNYIS GA YI, ,RGYUD LA NYON MONGS SDE BCOM PAS, KHYOD LAS DPA' MCHOG GZHAN DANG NI, ,MI BZAD G-YUL RGYAL GZHAN MA MCHIS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS LAN MI LON PAR BSTOD PA ZHES BYA BA STE LE'U DGU PA'O,, ,,SPYAN GYI YON TAN MTHON MTHING DANG, ,DKAR GNAG GSUM PE GANG LAGS PA, ,DE LA GTZOR BCAS 'JIG RTEN GYI, ,YON TAN RNAMS KYIS KHYAD MI KHOR, ,SGROS GANG DPAL GYIS BLA NA MED, ,'OG MA DPAL MNGA' GNYIS KA YANG, ,'BYUNG @96B DANG 'BYUNG PA LAS GYUR PA'I, ,PHUN SUM TSOGS PA BLA NA MED, ,DE DAG 'GA' ZHIG MA MCHIS NA, ,ZLA MTHUN 'GA' YANG MA MCHIS PAS, ,GONG MA GANG GIS LTAG GNAS GYUR, ,'OG MA'ANG GANG GI GZHI BOR 'GYUR, ,KHYOD KYI SGROS NI DPAL GYI GNAS, ,PHAN TSUN 'TSAM PAR GYUR PA 'DI, , AE MA'O LEGS PAR ZUNG DU 'BREL, ,AE MA'O 'PHROD PA BLA NA MED, ,STON PA'I DUS NA G-YO 'GYUR ZHING, ,GSAL BA NYID LA G-YO MI MNGA', ,TSEMS KYI ZLA BA SHAR BA'I DPAL, ,NANG NAS BAG TZAM GDA' 'GYUR BA, ,NYID KYI GNAS NAS 'BYUNG BA'I SGRA, ,ME TOG BZHIN DU 'GREMS MDZAD CING; ,GZHAN GYIS NYE BAR BSKYED RNAMS KYI, ,'GRO BA'I LAM LA PHAN 'DOGS PA, ,ZANGS ZHUN 'OD 'DRA 'DI DAG GI, ,DPAL 'BAR 'DI YI THAD NA NI, ,BIM PA'I 'BRAS BU MTSAMS SPRIN DANG, ,AUTPALA DMAR MDZES RO DANG 'DRA, ,KHYOD KYI SGROS NI MDZES BSKYOD PA, ,GANG GIS MTHONG BA DE DAG GI, ,LEGS PAR MIG RNYED DE DAG GIS, ,MTHONG BA'ANG 'BRAS BU MCHIS PA LAGS, ,MGON PO MU TIG PHRENG BAS MIN, ,KUN DA KU MU TA PHRENG MIN, ,GANGS CAN RTZE MO SBRENGS PA'I LUS, ,ZLA BA'I 'OD KYIS BAB PAS MIN, ,STON KA'I CHU BO SUN 'BYIN PA, ,MKHA' 'GRO DKAR PO'I PHRENG BAS MIN, ,SPRIN MED MKHA' LA LHAG GE BA, ,STON KA'I ZLA BA TSES PAS MIN, ,DUL BA KHYOD KYIS TSEMS RNAMS KYI, ,PHRENG BA 'OD GSAL DKAR 'DI LA, ,MAR ME'I 'OD KYIS NYI 'OD BZHIN, ,CHA SHAS SU YANG PHOD MA LAGS, ,RDO RJE MYU GU'I PHRENG BA LA, ,'PHAGS PA'I CHOS KYI BDUD RTZI'I ROS, ,BRLAN PAS BSGOS PA 'DI DANG NI, ,'DRA BAR 'GYUR BA'I DNGOS CI MCHIS, ,KU MU DA ZLA KUN DA SOGS, ,DKAR PO'I DPER BRJOD BZHI PA DAG ,KHYOD KYI TSEMS PHRENG BYUNG GYUR NAS, ,THABS NI SHOR BA LTA BUR GDA', ,'JIG RTEN DU NI 'DI BYUNG BAS, ,DKAR PO DANG NI MDZES PA YI, ,RDZAS RNAMS THAMS CAD MA LUS PA, ,DRI MA CAN DANG 'DRA BAR GYUR, ,KHYOD KYI LJAGS DANG SGROS PAR NA, ,'DI DAG THAGS BZANGS GNAS PA NI, ,RTOGS DANG ZHI BA'I BAR DAG NA, ,RNAM PAR GROL BA BZHIN DU MDZES, ,KHYOD KYI DPAL GYIS 'GRO BA 'DI, ,TSEMS KYI PHRENG @97A *, ,BAS ZIL MNAN PAR, ,GZIGS NAS RGYAL BAR GYUR TO ZHES, ,RU MTSON LTA BUR MCHE BA BSGRENG, ,KHYOD KYI MCHE BA MNYAM LA ZLUM, ,MDZES SHING RTZE MO RNO DKAR BA, ,DPE KUN THABS KYIS MNAN NAS NI, ,'BAR BA BZHIN DU GNAS PA LAGS, ,ZLA BA TSES PA 'JIG RTEN NA, , YON POR GSAL GYUR GANG LAGS TE, ,KHYOD KYI MCHE BA MI YO ZHING, ,MDZES PA'I LUS CAN RNAMS KYIS BGYIS, ,TSES PA'I GNAS SKABS MCHE BA YIS, ,NYA BA ZHAL RAS BZANG PO YIS, ,KHAM PA 'PHRAL BAS 'KHYIL BAS NI, ,'DOM GANG 'OD KYIS ZIL MNAN TE, ,THUB PA ZLA BA KHYOD KYI NI, , GZUGS KYI YON TAN PHUN TSOGS PAS, ,ZLA BA'I YON TAN PHUN SUM KUN, ,GNAS SKABS KUN DU NYAMS PAR BGYI, ,BDE BAR GSHEGS PA KHYOD KYI SKU, ,GSER GYI PAD+MO'I SNYING PO LTAR, ,BA SPU G-YAS 'KHYIL NYAG RE BA, ,'JAM LA DRI MED GYEN DU 'KHRUNGS, ,SNUM LA MA 'DZINGS MA 'KHRUGS PA; ,AINDRA N'I LA'I RNGAMS LTA BUR, ,SNGON POS RIN CHEN BSKYIL BA NI, ,PHRA MO LTA BUR SPRAS PAR GDA', ,SKYES BU GLANG CHEN KHYOD KYI NI, ,GLANG PO CHE MTSAN MA 'DRES GANG, ,NANG DANG PHYI YI DRI MA YIS, ,SHIN TU NYE BAR MA GOS GANG, ,KHYOD KYI YAN LAG RGYAN 'DRA GANG, ,YAN LAG MDZES PA DE LEGS TE, ,LHAD MED GSER LAS BLUGS PA YI, ,KHOR YUG LTA BUR GNAS PA LAGS, ,RANG GI DBYIBS NI MDZES PA YI, ,CANG SHES GTZO BO THAMS CAD KYI, ,SKYES KYI MTSAN MA MDZES PA DAG ,ZIL GYIS MNAN TE GNAS PA GANG, ,MGON PO TSANGS SPYOD GNAS SLAD DANG, ,DBYIBS KYANG SHIN TU MDZES SLAD DU, ,KHYOD KYIS SBA BA NYID LAGS SHING, ,SBA BAR BGYI BA MIN PA'ANG LAGS, ,THUGS RJES THE TSOM CAN RNAMS LA, ,KHYOD KYIS MTSAN MA GZHAN TSUL GYIS, ,SPRIN MTHONG ZLA BA'I GZUGS LTA BUR, ,SHIN TU LAN MANG BSTAN PA GANG, ,NGO TSA SHES DANG KHREL YOD RI, , MI G-YO BSKYOD PA LTAR MDZAD NAS, ,THUGS RJE CHEN PO'I MIG GIS NI, ,BLO YI YUL DU MDZAD PA GANG, ,DAL GYIS 'BAB PA'I PAD+MA NI, ,CUNG ZAD KHA BYE'I ZE BA'I TSOGS, ,MGON PO YAN LAG MDZES KHYOD KYI, ,MDZES PA DE LA DES MI BSKYOD, ,DPAL LDAN ZLA BA NYA BA LA, ,'KHYIL PAR GNAS @97B PA MCHIS NA YANG, ,'ON KYANG YAN LAG MCHOG KHYOD KYI, ,DPE YI GZHI BOR RDZOGS MI 'GYUR, ,BSOD NAMS BRGYA PHRAG RGYA CHEN GYI, ,LAS KYIS SPRUL PA MDZES LAM LA, ,DE LAS GZHAN PA'I SEMS PA YIS, ,'PHANGS PAS YONG YANG RJES SLEBS SAM, ,NYID KYI SBUBS DANG NA BZA' DANG, , SDOM PAS SHIN TU BKAB KYANG NI, ,MTSAN GZHAN PHUN SUM TSOGS PA YIS, ,GSAL BAR GYUR PA LTA BU LAGS, ,YAN LAG DAM PA LDAN KHYOD KYI, ,YAN LAG MCHOG GYUR DE LA NI, ,MGOS BTUD YID RAB DANG BA DANG, ,NGAG GIS KYANG NI MCHOD PA BGYI, ,DAD PAR BGYI BA RNAMS KYI MCHOG BLTA BAS MI NGOMS KHYOD LA NI, ,GAL TE KHONG KHRO BGYID MCHIS NA, ,MUN NAG THA SHAL NGAN PA LAGS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS SKU'I PHYOGS GCIG LA BSTOD PA ZHES BYA BA STE LE'U BCU PA'O,, ,,SEMS CAN RNAMS KYI MOS PA NI, ,KHAMS RNAMS JI BZHIN GNAS LAGS PAS, ,RE ZHIG BDAG GI BSAM PA NI, ,YANGS PA'I LJAGS LA RGYA CHER DANG, ,SU ZHIG MGO DANG YID DANG NI, ,NGAG GIS LJAGS YANGS MCHOD MI BGYID, ,DE NI GSUNG RAB 'DI KUN GYI, ,YUM STE RIN CHEN BSKRUN PA LAGS, , BDAG LA GTZO BO KHYOD KYI NI, ,MDZAD PA BLA MED THAMS CAD KYI, ,NANG NA YANGS PA'I LJAGS 'DI NI, ,BLA NA MED PA'I PHUL DU GDA', ,'GRO LA BSTAN PA RAB SGROGS PA, ,CHOS KYI PHRIN LAS MDZAD SLAD DU, ,RGYAL PO BZHIN DU MTSAN KUN GYI, ,NANG NA GTZO BO LAGS PAR GNAS, ,GZHAN GYI THE TSOM BCAD SLAD DU, ,GANG ZHIG ZHAL NAS MNGON PHYUNG NA, ,STON GYI MTSAMS SPRIN TSOGS LTA BUR, ,ZHAL RAS ZLA BA KHEBS PA LAGS, ,DE LTAR YANGS SHING MDZES PA DE, ,TSEMS KYIS GTAMS PA'I ZHAL NANG DU, ,DOG PA MED PAR GNAS PA YANG, ,DE LAS YA MTSAN CHE CI MCHIS, , DE NI NGES PAR DPAG MED PA'I, ,MTHU CAN BZANG PO DE YI NI, ,SHIN TU 'JAM PA NYID DANG NI, ,MNYEN PA NYID KYI MTHU LAGS SO, ,KHYOD ZHAL 'BRUG SGRA SGROGS PA NA, ,'DZAM BU'I CHU GSER ZHUN MA LTAR, ,ZANGS BZHU BA YI 'OD LTA BUR, ,GLOG PHRENG 'GYUR BA LTA BUR MDZAD, ,BSLAB @98A *, ,PA BZANG PO PHUN SUM GYI, ,RGYAL THABS LTA BU BRNYES NAS NI, ,KHYOD KYI ZHAL NAS BAG YANGS SU, ,GNAS GZHAN DAG TU ROL ZHING SPYOD, ,GANG GI DRI ZHIM TSOR NAS 'DI, ,ME TOG GSUNG BA ZHES SGROGS PA, ,GSUNG GI ME TOG SKYON MED PA, ,DE DAG 'DIS NI 'GREMS PAR MDZAD, ,DE NYID SLAD DU RGYAL KHYOD LAS, ,MCHOG TU SNYAN PA'I GSUNG SNYAN 'BYUNG, ,DE YI DRI RAB ZHIM PAS KHYOD, ,SNYAN PA GSUNG ZHES RNAM PAR GRAGS, ,GANG GI MTHU YIS KHYOD 'DRA BA, ,BDUD RTZI STZOL BAR RAB GRAGS PA, ,GDAMS NGAG RJES SU STON PA DE, , 'DI NYID LA NI RAG LAS SO, ,GANG GIS LHAR BCAS 'JIG RTEN DU, ,CHOS KYI 'KHOR LO BSKOR BA DE, ,NYID KYI 'O BRGYAL MI GZIGS PA, ,DGE BA 'DI YIS BGYIS PA LAGS, ,GANG GIS RIN CHEN BKRAM PA LTAR, ,LEGS PAR BSHAD PA BRGYAS BKANG NAS, ,'JIG RTEN 'DI NI SNANG BGYIS PA, ,DE NI 'DI YI MTHU LAGS SO, ,RIGS DANG SPYAD PAR MNGON BRJOD PA, ,CHOS KUN GSUNG BA'I 'PHAGS PA STE, ,DPAG BSAM LJON PA'I LCUG MA LTAR, ,RIN CHEN SNA TSOGS 'BRAS BU STZOL, ,LJAGS YANGS MED PAR 'JIG RTEN NA, ,KUN MKHYEN NYID LDAN SPOBS PA NI, ,SO SO YANG DAG RIG PA YI, ,SPOBS PA'I KHUR NI SU YIS BSKUR, ,KHYOD KYIS DGONGS TE DE LA NI, ,CHOS NI GANG DANG GANG BSHAD PA, ,'DI NI SNYOM LAS MI MNGA' BAR, ,ME TOG BZHIN DU PHRENG BAR BRGYUD, ,GAL TE 'DI YIS MA BSTAN NA, ,KHYOD LA KUN MKHYEN MNGAR SUS 'TSAL, ,THUGS RJE CHEN POS MNGA' BAR SUS, ,YON TAN GZHAN YANG MNGAR SUS 'TSAL, ,BSTAN PA DAG NI MA MCHIS NA, ,KHYOD 'DRA'I MKHAS PA MNGON MI 'GYUR, ,BSTAN PA YANG NI LJAGS YANGS LA, ,GZHUNG LA DNGOS GRUB BZHIN DU RTEN, ,RNAM PA SNA TSOGS CHOS GSUNG ZHING, ,RNAM PA SNA TSOGS RO BSTANG YANG, ,'DAM RDZAB KYIS NI NAM MKHA' BZHIN, ,RO LA CHAGS PAS GOS MI MNGA', ,MI GSUNG BZHUGS PA'I RJES SU MTHUN, ,GSUNG BA LA YANG SKYON MI MNGA', ,MI MTHUN CHOS NI GNYIS KA LA, ,GCIG TU YANG NI MTHUN PA LAGS, ,MI GSUNG BZHUGS NA SPRO MI MDZAD, , @98B STON PAR MDZAD LA SKYO MI MNGA', ,CANG MKHYEN NYID KYI DGE BA STE, ,THAMS CAD LA NI SNYOMS PAR 'JUG ,'DI LTAR THAMS CAD GSUNG SPYOD LA, ,CHOS RNAMS 'BA' ZHIG BKA' STZOL BA, ,SPYOD PA LA NI 'JUG PAR MTSAR, ,RIGS PA LA YANG GZHOL BAR MTSAR, ,'BYUNG BA LAS GYUR BSOD NAMS DANG, ,CHOS GSUNG BA YI RANG BZHIN GYIS, ,SANGS RGYAS PA YI DRI ZHIM PA, ,GNYIS KYIS RTAG TU BSGOS PA LAGS, ,MIG GI SPYOD YUL DAG PA DANG, ,BSOD NAMS SNYAN PA'I RANG BZHIN GYIS, ,SHIN TU RNAM PAR GRAGS PA YI, ,SNYAN PA GNYIS KYI PHYOGS SU GRAGS, ,GANG GIS SKYON KUN MED PA 'DI, ,ZHAL NAS PHYUNG BA MTHONG GYUR PA, ,SKYE BO DE DAG MIG DANG LDAN, ,MIG DE DAG KYANG DPAL DANG LDAN, ,GANG GIS DE YI GSUNG SNYAN PA, ,MNGON SUM RNA BA'I SNYIM PA YIS, ,BDUD RTZI'I RGYUN DANG 'DRA 'THUNGS PA, ,MKHAS PA DE DAG CHES DPAL LDAN, ,SGRA RNAMS BRGYAN PAR MDZAD PA BZHIN, ,SGRA YIS SA RNAMS BRGYAN PA BZHIN, ,BSHAD PA MDZAD NA KHYOD KYI ZHAL, ,SHIN TU SBA BAR MDZAD PA BZHIN, ,'DI NI NYID MDZES YON TAN GYIS, ,THUB PA KHYOD KYI ZLA ZHAL NI, ,'JIG RTEN RGYAN DU GYUR PA YANG, ,LHAG PA'I RGYAN DU GYUR PAR GDA', ,MDOG DANG DBYIBS DANG SNYAN GSUNG DANG, ,SHIN TU 'JAM PA NYID KYI MTHUS, ,LJAGS YANGS LTA BU GZUGS CAN GYI, ,RDZAS NI 'GA' YANG MA MTHONG NGO, ,GAL TE LHA MO DBYANGS LDAN MA, ,DE NI GZUGS CAN 'GA' MCHIS NA, ,SKYON KUN MED PA'I YAN LAG CAN, ,LJAGS YANGS 'DI NI DE LAGS GRANG, ,YANGS PA'I LJAGS KYI CHOS KYI RNGA, ,KUN DU RDUNG BAR ZHUGS PA'I TSE, ,LHA DANG MI YI SGRA RNAMS NI, ,THAMS CAD RO BRO MED PAR 'GYUR, ,STON PA KHYOD DANG LJAGS 'DI DANG, ,BLA NA MED PA'I BKA' 'DI NI, ,NYON MONGS DUG KUN 'JOMS PA YI, ,YAN LAG GSUM LDAN SMAN GYI MCHOG ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS LJAGS LA BSTOD PA ZHES BYA BA STE LE'U BCU GCIG PA'O,, ,,KHYOD DANG 'DRA BA'I ZHING DAG NI, ,'JIG RTEN GSUM NA MA MCHIS @99A *, ,TE; ,KHYOD NI SBYIN GNAS RNAMS KYI MCHOG ,GRAL GTZANG MDZAD PA'I GTZANG MA LAGS, ,NAM MKHA' MTHAR THUG MA MCHIS PA'I, ,CHU DANG ZHING DAG JI LTA BAR, ,KHYOD LA SMAN GNOD BGYID PA YI, ,RNAM PAR SMIN PA THUG MA MCHIS, ,GANG DAG KHYOD LA BAR MAR GNAS, ,DE YANG RE ZHIG TSAD MED PA'I, ,MUN PAS BSGOS PAS MA RUNG NA, ,SKYE BO LOG BGYID SMOS CI 'TSAL, ,JI LTAR BLA MED YON GYI GNAS, ,KHYOD LA YANG DAG SGRUB BGYID PA, ,LAS GANG LAGS PA DE YI NI, ,DAR BA'I MTHAR THUG MI MTHONG LA, ,YANG DAG SGRUB PA'I MTHAR BYON PA, ,KHYOD LA LOG PAR ZHUGS PA GANG, ,LAS DE RGUD PA'I MTHAR YANG NI, ,DE BZHIN THUG PA MA MCHIS SO, ,GANG GIS RNAM PA THAMS CAD DU, ,STOBS LDAN KHYOD LA MA BTZAS PA, ,RAB TU MTSAMS NI MI ZIN PA'I, ,MA RABS MI RTAG NYID RENG NA, ,KYE MA'O 'KHOR BA BDAG NYID NGAN, ,KYE MA'O MYA NGAN 'DAS PA ZHI, ,KHYOD 'DRA'I THUGS RJE'I BDAG NYID CAN, ,MNGA' MCHIS PA'ANG DE RU GSHEGS, ,MA 'ONGS 'JIGS PA RNAMS KYANG GSUNGS, ,CHOS KYI TSUL YANG BSHAD PA MDZAD, ,'KHOR NI RNAM PA BZHI PO YANG, ,MI 'JIGS PA DAG THOB PAR MDZAD; ,LAM BZANG 'DI NI BSRUNG SLAD DU, ,BLO GROS SBYANGS PA BGYIS GYUR PA, ,'OD SRUNG CHE DANG KUN DGA' DANG, ,DE LA SOGS PA BSKOS MOD KYI, ,'JIG RTEN GYI NI MIG GCIG PU, ,DRI MA MED PA KHYOD ZUM NA, ,SNANG BA MCHIS KYANG 'JIG RTEN 'DI, ,MUN PAS KHEBS DANG 'DRA BA LAGS, ,BDE BAR GSHEGS PA BDE GSHEGS KYI, ,BKA' 'DI'ANG MCHIS LA KHYOD KYI SRAS, ,SRAS KYI DAM PA SLOB PA DANG, ,MI SLOB 'DI YANG MCHIS MOD KYI, ,'GRO BA'I MGON KHYOD MI BZHUGS NA, ,GZA' SKAR GSAL BAS MTSAN PA YI, ,NAM MKHA' ZLA BAS STONG PA BZHIN, ,SHIN TU BRLAG GIS MA MCHIS SO, ,KHYOD MI BZHUGS NA GSUNG RAB 'DI, ,KLU 'PHOS PA YI MTSO YI DPAL, ,RING PO MI THOGS 'JIG PA LTAR, ,'TSAM PA'I SNYING PO DANG BRAL BAS, ,YON TAN GZI YANG MI SBA LA, ,CHO GA GZHAN DANG LUGS GZHAN GYIS, ,'PHAN @99B DANG RMA YANG PHYUNG LAGS PAS, ,LUS KYI BRJID KYANG YAL DU CHA, ,SANGS RGYAS MNGA' DBANG BSKUR BA RNAMS, ,YONGS SU MYA NGAN 'DAS BSAMS NA, ,SRID PA RAL GRI 'BAR 'DRA LA, ,SU ZHIG 'JIGS PAR MI BGYID LAGS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS SRID PA LAS SKYO BA SKYED PAR BSTOD PA ZHES BYA BA STE LE'U BCU GNYIS PA'O,, ,,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS BA ZHES BYA BA SLOB DPON MA TI TZI TRAS MDZAD PA RDZOGS SO,, ,,RGYA GAR GYI MKHAN PO SARBA DZNY'A DE BA DANG, ZHU CHEN GYI LO TZ'A BA BANDE DPAL BRTZEGS RAKshI TAS BSGYUR CING ZHUS TE GTAN LA PHAB PA,, ,,SNYAN NGAG RTZOM LA SKAL CHEN PO, ,KHYOD LA BRTEN NAS BDAG GI BLO, ,DBYAR KA YI NI CHU BO LTAR, ,CHUNG BU'ANG SHIN TU 'PHEL BAR 'GYUR, ,MI YI RNYED PA RNYED DKA' DANG, ,LCE 'DI RNYED PAR GYUR NAS NI, ,MGON PO'I YON TAN SGROGS BYED PA'I, ,RANG LA PHAN PA SU MI BYED, ,KHYOD SKU MTSAN GYIS SPRAS GYUR PA, ,MDZES GYUR MIG GI BDUD RTZI NI, ,SPRIN MED STON KA'I NAM MKHA' LA, ,SKAR MA'I TSOGS KYIS SPRAS PA 'DRA, , THUB PA GSER GYI MDOG LDAN PA, ,CHOS GOS KYIS G-YOGS MDZES GYUR PA, ,GSER GYI RI BO'I RTZE MO NI, ,MTSAMS KYI SPRIN GYIS DKRIS PA 'DRA, ,MGON KHYOD RGYAN GYIS MA BRGYAN YANG, ,ZHAL GYI DKYIL 'KHOR MDANGS GANG YIN, ,ZLA BA'I DKYIL 'KHOR RGYAS GYUR PA, ,SPRIN DANG BRAL LA DE MA MCHIS, ,KHYOD KYI ZHAL GYI PAD+MA DANG, ,PAD+MA NYI MAS KHA PHYE BA, ,BUNG BAS MTHONG NA PAD+MA NI, ,THE TSOM DPYAD THAG LA 'JU 'GYUR, ,KHYOD ZHAL GSER GYI MDOG LDAN PAR, ,TSEMS DKAR MDZES PAR GYUR PA NI, ,GSER GYI RI GSEB STON KA YIS, ,ZLA ZER DRI MED ZHUGS PA 'DRA, ,MCHOD 'OS KHYOD KYI PHYAG G-YAS NI, ,'KHOR LO'I MTSAN GYIS MDZES GYUR PA, ,'KHOR BAS SKRAG PA'I MI RNAMS LA, ,PHYAG GIS DBUGS 'BYIN MDZAD PA LAGS, ,THUB KHYOD GSHEGS PAR GYUR PA'I TSE, ,ZHABS GNYIS DPAL GYI PAD+MA 'DRAS, ,SA GZHI 'DI NI BRIS GYUR @100A *, ,PA; ,PAD+MA CAN GYIS JI LTAR MDZES, ,KHYOD NI GSHEGS STABS MNYAM MED DE, ,GLANG CHEN MCHOG NI MYOS PA DANG, ,DANG PA CHUNG MAR LDAN PA'AM, ,KHYU MCHOG PAS KYANG BRTAN PAR GSHEGS, ,TSUL KHRIMS PHUNG POS SKU CHE ZHING, ,TING 'DZIN SHING GIS RNAM PAR BRGYAN, ,YE SHES 'BAB CHUS KHYAB GYUR PA, ,RGYU BA'I GANGS CAN RI BO LAGS, ,YON TAN RGYA MTSO KHYOD GANG GI, ,LUS KYIS KHYOD LA REG GYUR PA, ,LHA DANG MI YI MCHOD GYUR PA'I, ,'BAB STEGS SU NI DE DE MDZAD, ,KHYOD KYI GNAS NI GRUB PA'I ZHING, ,MTHONG BAS SEMS DAG GYUR LAGS NA, ,DAG PAR 'DOD PA'I MKHAS PA RNAMS, ,SGRA NGAN ZHING GIS CI ZHIG BYA, ,KHYOD NI PHA ROL PHYIN DRUG DANG, ,LDAN PAS YANG DAG MDZES GYUR PA, ,ZLA BA RGYAS PAR GYUR BA NI, ,SMIN DRUG GIS NI BRGYAN PA 'DRA, ,GDUL BYA'I SKYE BO PAD+MA NI, ,GNYID LOG KHYOD KYIS SAD MDZAD PA, , NYI MA SHAR BAR GYUR PA YIS, ,PAD+MA KHA BYER BYED PA 'DRA, ,NYON MONGS DUG GIS ZIN GYUR LA, ,KHYOD NI YE SHES SMAN STZOL BA, ,MCHE BA'I DUG CAN GYIS ZIN LA, ,'GRO SKYOB KYI NI DUG BSAL MTSUNGS, ,KHYOD KYI YE SHES NAGS ME YIS, ,LTA BA'I DRA BA BSREGS GYUR PA, ,NAGS MES SHIN TU 'BAR BA YIS, ,SHING GI LCUG PHRAN BSREGS DANG MTSUNGS, ,YE SHES RANG BZHIN 'BAR BA YIS, ,THUB KHYOD NYI MAS NYON MONGS PA'I, ,RANG BZHIN 'DAM NI SKEMS MDZAD PA, ,'DI NI NYI MA'I 'OD DANG MTSUNGS, ,KHYOD KYI GSUNG GIS MI YI SEMS, ,BYA BA MA YIN LAS BZLOG PA, ,KHA LO SGYUR CHEN ZHAGS PA YIS, ,BA GLANG MO 'KHRUL ZLOG DANG MTSUNGS, ,GAL TE RE BA KHYOD GCIG PU, ,NYON MONGS 'CHING BA LAS GROL NA, ,'ON KYANG GZHAN DAG GROL MDZAD PAS, ,PHAL CHER MCHOD 'OS NYID DU 'GYUR, ,KHYOD KYI GSUNG GI 'OD ZER GYIS, ,NYON MONGS KYIS GDUNGS TSIM MDZAD PA, ,SOS KA'I TSA BAS GDUNGS PA LA, ,MTSAN MO'I ZLA ZER JI BZHIN NO, ,GDUL BYA'I SKYE BO CHOS KYIS NI, ,SKOM GDUNGS KHYOD ZHAL RTOG PA NI, ,KHUG RTA SKOM GYIS GDUNGS PA NI, ,DBYAR GYI CHAR SPRIN TSOGS LTAR MTSUNGS, ,KHYOD GSUNG CHOS @100B KYI SGRA YIS NI, ,GDUL BYA KUN LA DGA' MDZAD PA, ,SNYAN PA'I GLU YI SGRA YIS NI, ,RI DAGS 'GRO BA'ANG SDOD DANG MTSUNGS, ,SKYABS 'DOD GANG DAG SKYABS 'OS PA, ,KHYOD LA SKYABS SU MI MCHI STE, ,MU STEGS LA NI SKYABS 'GRO BA, ,SKYABS MED YUN RING SDUG BSNGAL 'GYUR, , BRGYA BYIN MIG NI STONG GIS KYANG, ,DE NYID MTHONG BAR MA GYUR GANG, ,KHYOD KYIS YE SHES SPYAN GYIS DE, ,GZIGS SHING GZHAN LA'ANG STON PAR MDZAD, ,BSTAN BCOS NGAS SHES RLOM PA CAN, ,RTZOD PA SMRA BA MANG PO NI, ,KHYOD KYI GZIGS PAS ZHUM GYUR CING, ,BUNG BA LTA BUR RNAM PAR 'KHOR, ,KHYOD KYI GSUNG NI GCIG TZAM GYIS, ,PHA ROL TSAR GCOD MDZAD PA NA, ,GZHAN DAG MI SMRA'I TSUL GNAS PA, ,DGUN GYI KHU BYUG LTA BU LAGS, ,KHYOD KYI SLOB MA BZANG PO'I SHING, ,DGE BA'I ME TOG CHES RGYAS PA, ,DPYID KA'I SHING NI ME TOG GIS, ,BRGYAN PA LTA BUR MDZES PA LAGS, ,THUB PA KHYOD KYI BLO GROS MDAS, ,SHES BYA'I 'BEN NI PHUG GYUR TE, ,DGA' BYED GRONG NA GZHU RGYAL GYIS, ,SNGON CHAD PHUG PAR MA GYUR TO, ,MKHAS PAR RLOM PA'I DREGS PA CAN, ,KHYOD KYI THAR LAM MA 'TSAL BAS, ,SRID PA'I DGON PAR 'KHYAMS GYUR PA; ,'BROG STONG DMUS LONG TSOGS DANG MTSUNGS, ,LAS 'BRAS YOD DAM MED 'GYUR ZHES, ,'JIG RTEN PA NI THE TSOM SKYE, ,DGE BA'I LAS KYI DPANG POR NI, ,GYUR PA KHYOD SKU 'DI LAGS SO, ,YON TAN RGYA MTSO KHYOD YON TAN, ,MTHAR THUG BDAG GIS MI RTOGS TE, , NAM MKHA' BEEd'URYA SNGO MDOG ,BYA YIS MTHA' RTOGS MI 'GYUR MTSUNGS, ,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA LAS DPE LAS BSTOD PA ZHES BYA BA STE LE'U BCU GSUM PA'O,, ,,SANGS RGYAS BCOM LDAN 'DAS LA BSTOD PA BSNGAGS PAR 'OS PA BSNGAGS PA ZHES BYA BA SLOB DPON MA TI TZI TRAS MDZAD PA RDZOGS SO,, ,,RGYA GAR GYI MKHAN PO PAD+M'A KAR DANG, LO TZ'A BA DGE SLONG RIN CHEN BZANG POS BSGYUR PA'O,, #, ,RGYA GAR SKAD DU, TRI RATNA MAm GA LA STO DRAm, BOD SKAD DU, DKON @101A *, ,MCHOG GSUM LA BKRA SHIS KYI BSTOD PA, DKON MCHOG GSUM LA PHYAG 'TSAL LO, ,THUB PA RAB TU DAG PA'I GSER ZHUN MDOG 'DRA 'DOM GANG 'OD KYI DKYIL 'KHOR CAN, ,PAD+MA RGYAS 'DRA'I SPYAN MNGA' ZHAL RAS ZLA 'DRA DBU SKRA BUNG BA'I MDOG LTA BU, ,TSANGS PA BRGYA BYIN KU BE RA DANG BDUD KYI COD PAN PAD+MA'I ZHABS GTUGS PA, ,SANGS RGYAS NYI MA SHIN TU DRI MED DAM CHOS 'OD ZER 'BYUNG LA PHYAG 'TSAL LO, ,SHIN TU CHE BA'I SANGS RGYAS NYI MA RIGS PA'I 'OD ZER 'PHRO BA DE NYID LAS, ,DAM PA'I CHOS KYI 'OD ZER GANG DAG RNAM PAR 'PHROS PAS PHYOGS KUN GSAL MDZAD CING, ,GANG GIS 'JIG RTEN RGYUN DU GNYID KYIS LOG PA 'DI DAG YANG DAG SAD MDZAD PA, ,GANG ZHIG RTOGS PAS THUB RNAMS ZHI BAR GSHEGS PA'I DAM CHOS DE LA PHYAG 'TSAL LO, ,DE BZHIN GSHEGS PA NYI MA'I 'OD ZER DE DAG NYID KYIS RGYAS MDZAD GRAGS PA GANG, ,THOS PA'I RDZING BU TSUL KHRIMS DRI ZHIM BYANG CHUB YAN LAG RNAMS KYI SDONG BU MDZES, ,BSAM GTAN GZUGS MED DAG GI CHU BSIL RNAM DAG MYA NGAN 'DAS PA'I SNYING PO BZANG, ,SA STENG DGE 'DUN PAD+MA'I TSAL RGYAS DAG LA GUS PAS LEGS PAR MCHOD PHYAG 'TSAL, ,DKON MCHOG GSUM LA BKRA SHIS KYI BSTOD PA SLOB DPON MA TRI TZI tAS MDZAD PA RDZOGS SO,, ,,RGYA GAR GYI MKHAN PO BI DY'A KA RA SIm HA PRA BHA DANG, ZHU CHEN GYI LO TZ'A BA BANDE DPAL BRTZEGS RAKshI TAS BSGYUR CING ZHUS TE GTAN LA PHAB PA,, #, ,RGYA GAR SKAD DU, SAm MYAG SAm BUDDH'A LAKshA nA STO TRAm, BOD SKAD DU, YANG DAG PAR RDZOGS PA'I SANGS RGYAS KYI MTSAN LA BSTOD PA, DKON MCHOG GSUM LA PHYAG 'TSAL LO, ,LHA DANG LHA MIN RNAMS KYIS RGYA CHER MCHOD GYUR CING, ,BCOM LDAN MDZES PA YID 'ONG MTHA' YAS DANG LDAN PA'I, ,ZAS GTZANG RIGS RNAMS KYI NI RGYAN GYI MCHOG GYUR PA, ,GANGS RI LTA BUR RGYA CHER MDZES LA PHYAG 'TSAL LO, ,GANG ZHIG KHU BYUG BUNG BA SNGON PO LTA BUR 'JAM GNAG 'KHYIL CING MDZES PA'I DBU, ,GSER GYI RI NGOS TZAM PA KA DANG LDONG ROS LTA BUR DPRAL BA DRI MA MED, ,GANGS DNGUL KU MU DA DANG @101B PAD RTZA MU TIG ZLA 'OD LAS LHAG MDZOD SPU DKAR, ,GTZO MA'I GSER GYI KHA DOG LTA BUR 'PHYANG ZHING RAB TU MDZES PA'I SNYAN, ,AINDRA N'I LA BUNG BA SPRIN GNAG DANG 'DRA SMIN MA DRI MED 'JAM, ,SHANGS KYI GZANGS MTHO RAB MDZES SMIN MA RGYAS PA LTA BUR MKHUR TSOS DMAR, ,MCHU NI BIM PA GZHON BZHIN 'GRAM PA SENG GE DANG 'DRA KOS KO'I DKYIL 'KHOR MDZES, ,MNYAM LA THAGS BZANGS TSEMS MNGA' AUTPALA RGYAS PA'I 'DAB LTAR DKYUS RING MNYEN PA'I LJAGS, ,NGANG PA KHU BYUG KA LA PING+KA LTA BUR ZAB CING YID DU 'ONG BA'I NGAG ,LHA RNGA MTSOG DANG 'BRUG DANG TSANGS DBYANGS LTA BUR SNYAN CING DRI MA MED PA'I GSUNG, ,ZLUM RGYAS MGUL NI DUNG 'DRA YANGS SHING RGYAS PA'I THAL GANG MTHO, ,GSER SBYANGS DANG 'DRA DRI MED GSER GYI RI NGOS MTSUNGS SHING PHRAG GONG DRI MA MED, ,SUM CU RTZA GSUM GLANG PO'I SNA 'DRA BTZO MA'I GSER GYI KHA DOG LTA BU'I PHYAG ,MDZES PAR 'KHYIL ZHING BKRA SHIS LCAGS KYU NYA DANG 'KHOR LO DAG GIS PHYAG MTHIL MTSAN, ,BUNG BA'I LUS DANG KHU BYUG MDOG 'DRA BA SPU RE RE NAS G-YAS LEGS PAR 'KHYIL, ,GSER GYI RI RTZE PAD+MA R'A GA MYU GU 'THON PAS KHYAB PA DANG 'DRA BA, ,MCHOG GI RAB MCHOG PAD+MA R'A GA LTA BU DBUS NAS LTE BA G-YAS PHYOGS 'KHYIL, ,MDOMS KYI SBA BA SBUBS NUB PUS MO'I LTA NGA'I DKYIL 'KHOR 'BAR 'BUR MED CING MNYAM, ,GSER GYI CHU SHING 'DZAM BU NA DE DANG NI GSER GYI TA LA 'DRA BA'I BRLA, ,LEGS SKYES RIM GYIS PRA ZHING RAB MDZES SENG GE RI DAGS LTA BUR RJE NGAR ZLUM, ,NGANG PA'I RGYAL PO DANG 'DRA MNYAM LA DRA BAS 'BREL ZHING RAB TU MDZES PA'I ZHABS, ,DAL ZHING BRTAN LA MI G-YO SENG GE DANG NI GLANG PO'I STABS 'DRA MDZES PAR GSHEGS, ,NGOS DMAR MTSAMS KYI NYI MA DMAR BAS KHYAB PA LTA BUR 'OD ZER RNAM PAR 'PHRO, ,GSER DANG NOR BU CHU SHEL LTA BUR MDZES SHING YID DU 'ONG BA'I SKU, ,DRI MED NYI MA DBANG PO'I GZHU 'DRA BCOM LDAN G-YAS PHYOGS GSHEGS PA'I SKU, ,RDZU 'PHRUL RKANG PA'I ZHABS BRTAN YANG DAG BRTZON 'GRUS MDZES PA'I SNAM LOGS CAN, ,BCOM @102A *, ,LDAN SENG GE MCHOD BYAS LHA DBANG KLU DANG MI YI DBANG POS PHYAG BYAS ZHABS, ,BDUD KYI BU MOS ZUR MIG BLTA BAS GANG ZHIG MI G-YO TING 'DZIN RI LTAR BRTAN, ,DPA' BO'I MTSON GYIS MI BSNYIL COD PAN GYIS GTUGS DBANG CHEN RNAMS LA MGOS PHYAG 'TSAL; ,DE LTAR BCOM LDAN 'DAS LA BDAG GIS MNGON PAR BSTOD PA BGYIS PA LAS, ,BDAG GIS DGE BA GANG BSAGS DES NI 'GRO KUN SANGS RGYAS MYUR 'GRUB SHOG, ,,YANG DAG PAR RDZOGS PA'I SANGS RGYAS KYI MTSAN LA BSTOD PA SNYAN DANG GAS MKHAN CHEN PO SLOB DPON MA TI TZI tAS MDZAD PA RDZOGS SO,, #, ,RGYA GAR SKAD DU, AE KOTTA RI KA STA BA, BOD SKAD DU, GCIG LAS 'PHROS PA'I BSTOD PA, 'PHAGS PA 'JAM DPAL LA PHYAG 'TSAL LO, ,CHOS GCIG LA NI MNGON DGYES SHING, ,NAGS SU GCIG PUR BZHUGS PA DANG, ,'JIG RTEN RNAMS KYI MIG GCIG GYUR, ,'JIG RTEN MIG GCIG PHYAG 'TSAL LO, ,RKANG GNYIS RNAMS KYI MCHOG GYUR PA, ,BDEN PA GNYIS NI RNAM PAR BSGOMS, ,GROGS GNYIS PA NI MI MNGA' BA, ,GNYIS MED GSUNG LA PHYAG 'TSAL LO, ,TING 'DZIN GSUM DANG LDAN PA DANG, ,DKON MCHOG GSUM PO CHA MNYAM ZHING, ,SDUG BSNGAL GSUM GYI CHU LAS RGAL, ,'JIG RTEN GSUM 'TSO PHYAG 'TSAL LO, ,BSTAN PA RNAM PA BZHI PO DANG, ,BSAM GTAN BZHI YI RNAM PA CAN, ,SBYOR BA BZHI DANG RNAM BRAL BA, ,BDEN BZHI MKHYEN LA PHYAG 'TSAL LO, ,PHUNG PO LNGA YI CHAGS BRAL ZHING, ,DBANG PO LNGA NI RNAM PAR BSGOMS, ,YAN LAG LNGA DANG RNAM BRAL BA, ,'GRO LNGA GCOD LA PHYAG 'TSAL LO, ,DBANG DRUG CHU BO LA GNAS SHING, ,RGYUN DRUG LA NI RNAM PAR GNAS, ,PHA ROL PHYIN DRUG YONGS SU RDZOGS, ,MNGON SHES DRUG LA PHYAG 'TSAL LO, ,BYANG CHUB YAN LAG RIN CHEN BDUN, ,'PHAGS PA'I NOR BDUN STZOL BA PO, ,YAN LAG BDUN DANG RNAM BRAL BA, ,SRID BDUN GTZO LA PHYAG 'TSAL LO, ,YAN LAG BRGYAD LAS BYUNG BA YI, ,GANG ZAG BRGYAD NI STON MDZAD CING, , @102B 'JIG RTEN CHOS BRGYAD SPANGS PA PO, ,MI KHOM BRGYAD 'JOMS PHYAG 'TSAL LO, ,GNAS DGU'I CHAGS LAS RNAM GROL ZHING, ,KHONG KHRO DGU NI RNAM PAR SPANGS, ,SHIN TU SBYANGS PA DGU BRNYES PA, ,SA DGU MKHYEN LA PHYAG 'TSAL LO, ,'PHAGS PA'I DGE 'DUN BCU CHOS CAN; ,SGRIB PA BCU NI GCOD PAR MDZAD, ,'PHAGS PA'I GNAS BCU LA DGYES PA, ,STOBS BCU LDAN LA PHYAG 'TSAL LO, ,DE LTAR 'PHAGS PA STOBS BCU LDAN LA TSIG GIS MCHOD PA'I PHYIR, ,BSTOD PAS DER NI BDAG GIS DGE BA'I RTZA BA GANG THOB PA, ,DES 'DIR DMYAL DANG YI DAGS DUD 'GRO'I SDUG BSNGAL GYIS KHYAB PA'I, ,'GRO BA SRID PA'I RGYA MTSO LAS NI RGAL BA'I RGYUR GYUR CIG ,GCIG LAS 'PHROS PA'I BSTOD PA SLOB DPON MA TI TZI tAS MDZAD PA RDZOGS SO,, #, ,RGYA GAR SKAD DU, SU GA TA PANYTZA TRIm SHA TA RATNA N'A MA M'A LA STO TRAm; BOD SKAD DU, BDE BAR GSHEGS PA SUM CU RTZA LNGA'I BSTOD PA MTSAN RIN PO CHES SPRAS PA, DKON MCHOG GSUM LA PHYAG 'TSAL LO, ,SANGS RGYAS GTZO LA PHYAG 'TSAL LO, ,SKYOBS PA'I CHOS LA PHYAG 'TSAL LO, ,DGE 'DUN CHE LA PHYAG 'TSAL LO, ,GSUM LA RTAG TU SKYABS SU MCHI, ,SANGS RGYAS KUN GYIS GDUL DKA' BA, ,SNYIGS MA LNGA YI RTZOD DUS 'DIR, ,BRTZON 'GRUS DRAG POS SANGS RGYAS PA, ,SH'AKYA THUB LA PHYAG 'TSAL LO, ,RDO RJE LTA BU'I TING 'DZIN GYIS, ,SNYING PO BYANG CHUB MCHOG BRNYES PA, ,BDUD DPUNG RDO RJE SNYING PO YIS, , RAB TU 'JOMS LA PHYAG 'TSAL LO, ,RIN CHEN SKU LAS 'OD 'PHROS PAS, ,NGAN SONG SDUG BSNGAL ZHI MDZAD CING, ,BDUD RNAMS RNAM PAR SKRAG MDZAD PA, ,RIN CHEN 'OD 'PHRO PHYAG 'TSAL LO, ,JI LTAR KLU CHEN DBANG PO YIS, ,GLING RNAMS CHAR GYIS TSIM BYED LTAR, ,STONG GSUM CHOS KYI CHAR 'BEBS PA, ,KLU DBANG RGYAL LA PHYAG 'TSAL LO, ,DPA' BO KHYOD KYI BSTAN PA 'DIS, ,BDUD DANG MU STEGS SKRAG MDZAD CING, ,GDUL BYA KUN MKHYEN 'GOD MDZAD PA'I, ,DPA' BO'I SDE LA PHYAG 'TSAL LO, ,THUGS RJES GZHAN DON RAB BSGOMS PAS, ,NYID KYI @103A *, ,SKU SROG GTONG BA LA, ,'GUMS PA SOS LTAR RAB DGYES PA, ,DPAL DGYES LA YANG PHYAG 'TSAL LO, ,MKHAS PA RNAMS LA DON SNANG MDZAD, ,BAR MA'I RGYUD RNAMS SMIN MDZAD CING, ,THA MA'I NYON MONGS SREG MDZAD PA, ,RIN CHEN ME LA PHYAG 'TSAL LO, , SANGS RGYAS KUN DANG SKAL PA MNYAM, ,CHOS KYI SHES RAB SNANG BA YIS, ,PHYOGS RNAMS SNANG BAR MDZAD DE 'KHRUNGS, ,RIN CHEN ZLA 'OD PHYAG 'TSAL LO, ,SKU NI BLTA BAS MI NGOMS SHING, ,'DOM GANG 'OD KYIS SA LE BA, ,GANG GIS KHYOD MTHONG SKAL LDAN PAS, ,MTHONG BA DEN YOD PHYAG 'TSAL LO, ,SKU GSUNG THUGS NI RIN CHEN MCHOG ,DRI MED SPROS BRAL SANGS RGYAS PAS, ,'GRO KUN NYON MONGS GDUNG BA SEL, ,RIN CHEN ZLA BA PHYAG 'TSAL LO, ,DAM CHOS DRI MA MED PA'I CHUS, ,THOG MAR BDAG NYID DAG MDZAD NAS, ,GZHAN DAG MCHOG TU DAG MDZAD PA; ,DRI MED DPAL LA PHYAG 'TSAL LO, ,BSOD NAMS BYAS PA'I TSOGS DAG NI, ,SEMS CAN KUN LA YONGS BSNGO BAR, ,THUB PA KHYOD KYIS STON MDZAD PA, ,DPAL SBYIN LA YANG PHYAG 'TSAL LO, ,RIG DANG ZHABS SU LDAN PA PO, ,TSANGS PA LAGS PAR BRAM ZES BZHED, , RIG DANG ZHABS DE KHYED LA MNGA', ,TSANGS PA'I MTSAN LA PHYAG 'TSAL LO, ,TSANGS PA'I ZHABS BZHI RAB BSGOMS SHING, ,TSANGS SPYOD 'BRAS BU MCHOG BRNYES PA, ,TSANGS PAS 'KHOR LO BSKOR BAR BSKUL, ,TSANGS PAS BYIN LA PHYAG 'TSAL LO, ,THUGS NI DKA' THUB BRTUL ZHUGS DAG ,YANG DAG BLANGS PA GTZANG MAR MDZAD, ,NYON MONGS SDIG PA 'KHRUD MDZAD PA, ,CHU YI LHA LA PHYAG 'TSAL LO, ,'JIG RTEN PA DAG BDE BYED MCHOD, ,BDE BYED KLU CHEN MA DROS MCHOD, ,CHU LHA DES KYANG KHYOD MCHOD PAS, ,CHU LHA'I LHA LA PHYAG 'TSAL LO, ,'DREN PA KUN GYIS MCHOD GYUR CING, ,KHYOD NI MTSUNGS MED RAB ZHI BAS, ,'GRO BA KUN GYI DPAL MDZAD PA, ,DPAL BZANGS LA YANG PHYAG 'TSAL LO, ,KHYOD LA RGOL BA'I NYON MONGS PA, ,DO GAL BYED PA THAMS CAD KYANG, ,TZANDAN SPANGS PA LTAR BSIL MDZAD, ,TZANDAN DPAL @103B LA PHYAG 'TSAL LO, ,RGYAL BA'I DPAL DANG DANG GZI BRJID NI, ,SUS KYANG 'GRAN PAR MI BZOD DE, ,MIG GIS NYI MA'I DKYIL 'KHOR BZHIN, ,GZI BRJID MTHA' YAS PHYAG 'TSAL LO, ,THUB PA'I 'OD ZER RAB BYUNG BAS, ,NGA RGYAL KHENGS PA ZHI MDZAD CING, ,DMAN RNAMS SPRO BA BSKYAD BAR MDZAD, ,'OD DPAL LA YANG PHYAG 'TSAL LO, ,AE MA MYA NGAN 'DAS PA ZHI, ,KHYED 'DRA THUGS RJE'I BDAG NYID CAN, ,MNGA' BRNYES PA YANG BDE GSHEGS PAS, ,MYA NGAN MED DPAL PHYAG 'TSAL LO, ,SRED PA MED PA GOMS MDZAD CING, ,'DREN PA KUN GYI MCHOG GYUR PA, ,STOBS CHEN THAMS CAD ZIL GNON PA, ,SRED MED BU LA PHYAG 'TSAL LO, ,RNAM PA KUN GYI MCHOG LDAN PAS, ,MDZES PA GZHAN KUN ZIL GYIS GNON, ,MTSAN DANG DPE BYAD RAB RGYAS PA, ,ME TOG DPAL LA PHYAG 'TSAL LO, ,TSANGS PA'I DBYANGS DANG 'OD ZER GYIS, ,'JIG RTEN THAMS CAD KHYAB MDZAD PA, ,TSANGS PA'I 'OD ZER RNAM PAR ROL, ,MNGON PAR MKHYEN LA PHYAG 'TSAL LO, ,'OD KYIS GANG LA REG PA YANG, ,TSAGS MED BDE BA RAB RGYAS PAS, ,PAD+MA'I 'OD ZER RNAM PAR ROL, ,MNGON PAR MKHYEN LA PHYAG 'TSAL LO, , THUB PA'I BSOD NAMS 'OD ZER GYIS, ,'GRO RNAMS ZANG ZING TSIM MDZAD PA, ,KHYAD PAR 'PHAGS PA'I NOR SBYIN PA, ,NOR DPAL LA YANG PHYAG 'TSAL LO, ,DRAN PA RNAMS LA MNGA' BRNYES PAS, ,THOGS PA MED CING RAB MKHYEN PA, ,GANG GIS KHYOD DRAN PHONGS SEL BAS, ,DRAN PA'I DPAL LA PHYAG 'TSAL LO, ,THUB PAS CHOS KYI 'KHOR LO BSKOR, ,SNYAN PA'I BA DAN SA GSUM GRAGS, ,YON TAN GRANGS MED MTSAN GYI DPAL, ,SHIN TU YONGS BSGRAGS PHYAG 'TSAL LO, ,STOBS DANG DBANG PO MCHOG BRNYES PAS, ,NAG PO'I PHYOGS RNAMS PHAN MDZAD DE, , DBANG PO'I SPYI BTUD DBANG PO'I TOG ,RGYAL MTSAN RGYAL LA PHYAG 'TSAL LO, ,DNGOS POR SGROGS PA'I TOG GI PA, ,PHRA ZHIB YE SHES RDO RJE YIS, ,SENG GES GLANG PO JI BZHIN DU, ,SHIN TU RNAM GNON PHYAG 'TSAL LO, ,BDAG GZHAN NYON MONGS SDE BCOM PAS, ,KHYED LAS DPA' @104A *, ,MCHOG GZHAN MA MCHIS, ,'DOD PA'I DBANG PHYUG G-YUL LAS RGYAL, ,SHIN TU RNAM RGYAL PHYAG 'TSAL LO, ,BGROD PA GCIG PA'I LAM CHEN DU, ,'GRO KUN DED DPON RAB MDZAD DE, ,BDUD DANG NGAN SONG 'JIGS LAS SGROL, ,RNAM PAR GNON GSHEGS PHYAG 'TSAL LO, THUB PA'I RDZU 'KHRUL RMAD BYUNG BAS, ,SPRUL PA BYE BA DPAG MED 'GYED, ,GDUL BYA KUN LA SNANG GYUR PAS, ,KUN SNANG BKOD LA PHYAG 'TSAL LO, ,MU STEGS THAR PA PHYIR LDOG CING, ,NYAN THOS ZHI BA PHYOGS GCIG LA, ,KHYOD KYIS MCHOG RIN CHEN RNAMS; ,PAD+MA LTAR GNON PHYAG 'TSAL LO, ,BSOD NAMS CHAGS LAS RIN PO CHE, ,YE SHES TSOGS RDZOGS PAD+MA'I GDAN, ,SKU GSUM LHUN GRUB RAB TU BZHUGS, ,RI DBANG RGYAL LA PHYAG 'TSAL LO, ,BDE BAR GSHEGS PA SUM CU RTZA LNGA'I MTSAN, ,RIN CHEN SPRAS PA'I BSTOD PA 'DI BRJOD PAS, ,THUB PA'I DBANG PO'I SPYOD PA CI 'DRA BAR, ,BDAG GI SPYOD KYANG DE DANG 'DRA BAR SHOG ,BDE BAR GSHEGS PA SUM CU RTZA LNGA'I BSTOD PA MTSAN RIN PO CHES SPRAS PA ZHES BYA BA SLOB DPON MA TI TZI tAS MDZAD PA RDZOGS SO,, #, ,RGYA GAR SKAD DU, PA DA SYA AAshtA KA STO TRAm, BOD SKAD DU, TSIG BRGYAD PA'I BSTOD PA, 'JAM DPAL GZHON NUR GYUR PA LA PHYAG 'TSAL LO, ,ZLA RGYAS ZHAL 'DRA KHYU MCHOG 'DRA BA'I SPYAN, ,SENG GE'I SGRA 'DRA GLANG PO'I STOBS 'DRA ZHING, ,RI DBANG RGYAL BRTAN RGYA MTSO 'DRA BA'I THUGS, ,LHA DBANG BLA MA'I THUGS DBANG PHYAG 'TSAL LO, ,SPYAN GSUM SPYAN LEGS PAD+MA LTAR YANGS SPYAN, ,GNOD SBYIN KLU YI MI 'DRAS GZIGS MDZAD CING, ,THAR PA THOB MDZAD SPYAN NI DKYUS RING BA, ,SPYAN STONG GZIGS PA KHYOD LA PHYAG 'TSAL LO, ,LHA MCHOG DU MA'I YAN LAG MCHOG GIS BTUD, , BTZO MA'I GSER LTAR 'BAR SKU MCHOD 'OS SKU, ,MTSAN BZANGS MDZES PAS RNAM PAR BRGYAN PA'I SKU, ,BDE GSHEGS DE LA SPYI BOS PHYAG 'TSAL LO, ,BLO GROS RGYAS SHING GSER LTAR DRI MA MED, ,BLO GROS GRAGS SHING MKHAS PA'I BLO DANG LDAN, ,SANGS RGYAS MKHA' LTAR DRI MED SPYAN @104B MNGA' BA, ,DPA' BO MI G-YO BLO MNGA' DE LA 'DUD, ,SMRA BA'I MCHOG GYUR SNYAN PA'I DON GSUNG PA, ,YANG DAG DON GSUNG 'DUL BA'I DON GSUNG ZHING, ,SMRA BA'I DBANG PHYUG RGOL BAS MI BSKYOD GSUNG, ,BDEN BZHI GSUNG BA'I RGYAL LA PHYAG 'TSAL LO, ,GZHAN DU MI 'DUL 'DUL BA'I DON DU 'DUL, ,NYON MONGS SPONG SOGS RNAMS PAR DAG PAS 'DUL, ,THUB PA TSUL SPYOD CHEN POS LEGS PAR MDZAD, ,SNYOMS SHING MDZES PA'I TSEMS LDAN MGON LA 'DUD, ,BSOD NAMS DPAG MED BSAGS PAS SKU MDZES LA, ,'DOM GANG 'OD KYI DKYIL 'KHOR 'BAR BA'I SKU, ,GSER SBYANGS BTZO MA LTA BUR DRI MED SKU, ,SRID LAS GROL SKU RGYAL LA PHYAG 'TSAL LO, ,'KHOR LOS ZHABS GNAS MCHOG GI MTSAN LDAN ZHABS, ,LHA DBANG SPYI BOS LEGS PA RAB TU BTUD PA'I ZHABS, ,ZHABS SOR DRA BAS LEGS BRGYAN MDZES PA'I ZHABS, , DPAL BE'U G-YUNG DRUNG GIS MTSAN ZHABS LA 'DUD, ,TSIG BRGYAD PA'I BSTOD PA DGE BSNYEN MTHA' YAS LHAS MDZAD PA RDZOGS SO,, #, ,RGYA GAR SKAD DU, TRI RATNA STO TRAm, BOD SKAD DU, DKON MCHOG GSUM GYI BSTOD PA, DKON MCHOG GSUM LA PHYAG 'TSAL LO, ,SANGS RGYAS GTZO LA PHYAG 'TSAL LO, ,SKYOB PA'I CHOS LA PHYAG 'TSAL LO, ,DGE 'DUN CHE LA PHYAG 'TSAL LO, ,GSUM LA RTAG TU BDAG PHYAG 'TSAL, ,TSOGS CHEN GNYIS RDZOGS MKHYEN BZHI SKU GSUM GRUB, ,RNAM RTOG MI MNGA' CI YANG SA LE MKHYEN, ,CHOS SKU MKHA' 'DRA GZUGS SKU MDZES SKU LDAN, ,SANGS RGYAS DPAG BSAM 'DRA LA PHYAG 'TSAL LO, ,CHOS NYID RGYU MTHUN GSUNG RAB BCU GNYIS DANG, ,CHOS LA SKYE 'GAG MED CING SPROS LAS DPEN, ,DE LA DMIGS TE YON TAN KUN GRUB PA, ,LEGS RGYU DAM PA'I CHOS LA PHYAG 'TSAL LO; ,NYON MONGS SGRIB DANG SHES BYA'I SGRIB PA DAG ,GNYEN POS RIM PAR BSAL NAS SAR BZHUGS SHING, ,SEMS CAN DON MDZAD SANGS RGYAS ZHING SBYONG BA, ,'PHAGS PA'I DGE 'DUN CHE LA PHYAG 'TSAL LO, ,DKON MCHOG GSUM GYI BSTOD PA SLOB DPON CHEN PO MA TI TZI tAS @105A *, ,MDZAD PA RDZOGS SO,, #, ,RGYA GAR SKAD DU, TRI RATNA STO TRA BRiTTI, BOD SKAD DU, DKON MCHOG GSUM LA BSTOD PA'I 'GREL PA, BCOM LDAN 'DAS 'JAM DPAL GZHON NUR GYUR PA LA PHYAG 'TSAL LO, ,SRID PA GSUM GYI BLA MA DKON MCHOG GSUM LA PHYAG 'TSAL BA LA SOGS PA NI 'GRO BA RNAMS KYI MNGON PAR 'DOD PA'I 'BRAS BU MTHA' DAG SKYED PA'I RGYU YIN PAS NA DE'I PHYIR DE DAG LA PHYAG 'TSAL LO, SANGS RGYAS GTZO LA PHYAG 'TSAL LO, ,ZHES BYA BA LA SOGS PA GSUNGS TE, MA 'DRES PA DANG MTSUNGS PAR LDAN PA'I MA RIG PA DAG MA LUS PAR SPANGS PA NI SANGS RGYAS TE GNYID RAB TU SANGS PA BZHIN NO, ,YANG NA NYON MONGS PA CAN MA YIN PA'I MI SHES PA SPANGS PAS SHES BYA MTHA' DAG LA BLO RGYAS PAS RGYAS PA STE PAD+MA RAB TU RGYAS PA LTA BU'O, ,DE LTAR NA DE DAG GI NI SPANGS PA DANG YE SHES PHUN SUM TSOGS PAS BSTOD PA STE, NYID KYI DON PHUN SUM TSOGS PA'O, ,GZHAN GYI DON PHUN SUM TSOGS PA'I DBANG DU BYAS TE, GTZO ZHES SMOS PA LAS SA GSUM GYI DBANG PHYUG CHEN POR GYUR PAS NA GTZO BO STE, DE DAG MA LUS PAS 'DON PAS LCI BA NI GZUGS LA LA LCI BAR GYUR PAS SRONG GI MGO GNON PA LTA BU'O, ,DES NI THAMS CAD ZIL GYIS MNAN NAS 'DUL ZHES BSTAN PAR 'GYUR RO, ,YANG NA PHYIN CI MA LOG PA'I YON TAN RIN PO CHE SBYIN PAS NA BLA MA STE, DE LA PHYAG 'TSAL LO ZHES BYA BA NI SGO GSUM GYI RAB TU 'DUD PAR BYED PA'O, , SKYOB PA'I CHOS LA PHYAG 'TSAL LO, ,ZHES BYA BA LA 'DIS NGAN 'GRO DANG SRID PAR SDUG BSNGAL BA LAS SKYOB CING SDUG BSNGAL SEL LA BDE BA SBYIN PAS NA SKYOB PA ZHES BYA'O, ,DE NYID KYIS NA CHOS TE RNAM PAR LTUNG BA LAS 'DZIN PAS SO, ,DE YANG GANG GIS DON DAM PA'I CHOS DE RTOGS NA SLAR NGAN SONG DANG 'KHOR BAR MI LTUNG BA'I PHYIR RO, ,DE RTOGS PA'I RGYUD PA'I RGYU NI BSTAN PA'I CHOS YIN LA, DNGOS KYI RGYU NI LAM GYI CHOS YIN PAS DE DAG LA YANG BTAGS TE 'DZIN PA ZHES BRJOD DO, ,YANG NA SKYOB PA ZHES BYA BAS NI GZHAN LA PHAN 'DOGS PA PHUN SUM TSOGS @105B PA BSTAN LA, CHOS ZHES BYA BA NI RANG GI MTSAN NYID RNAM PAR DAG PA 'DZIN PA PHUN SUM TSOGS PA BSTAN TO, ,DE LA PHYAG 'TSAL LO ZHES BYA BA NI SNGA MA BZHIN NO, ,DGE 'DUN CHE LA PHYAG 'TSAL LO, ,ZHES BYA BA NI 'DI DAG LHA'I BU'I BDUD DAG GIS KYANG STON PA DANG LTA BA LAS MI PHYED PAS NA DGE 'DUN TE, DE LA STON PA LAS MI PHYED PA NI SHES NAS DAD PA THOB PAS SO, ,LTA BA LAS MI PHYED PA NI BDAG MED PA'I YE SHES RNAM PAR DAG PA THOB PA'I PHYIR RO, ,DE LA NYAN THOS DANG RANG RGYAL BA DANG, BYANG CHUB SEMS DPA' YANG RUNG STE, KUN DU SBYOR BA GSUM SPANGS PA'I 'PHAGS PA RNAMS NI SLOB PA DANG MI SLOB PA YANG RUNG STE DGE 'DUN NO, ,YANG DAG PAR RDZOGS PA'I SANGS RGYAS NI SHES BYA'I SGRIB PA MTHA' DAG KYANG SPANGS LA, BSOD NAMS KYI TSOGS MTHA' DAG KYANG RDZOGS PAS DGE 'DUN GYI NANG DU BGRANG BAR BYA BA MA YIN LA, SA GSUM GYI 'GRO BA DAM PA DANG SLOB PA DANG MI SLOB PA THAMS CAD KYIS MCHOD PAR 'OS PAS DGRA BCOM PA CHEN PO ZHES NI BYA'O, ,DE LTAR MI PHYED PA NI RANG GI DON THOB PA YIN LA, GZHAN GYI DON THOB PAR BYED PA'I PHYIR CHE ZHES SMOS SO, ,'DI DAG GZHAN GYI YON SBYONG BA CHE BAS NA CHEN PO STE; BUL BA DANG YONGS SU LONGS SPYOD PA GNYIS KYIS 'GRO BA'I RDZAS LAS BYUNG BA'I BSOD NAMS MCHOG 'PHEL BA'I PHYIR TE, DE YANG SLOB PA DANG MI SLOB PA DE DAG NI CI RIGS PAR SRED PA'I CHA SHAS LHAG MA LUS ZAS DANG GOS LA SOGS PA LA 'DUN PA'I 'DOD CHAGS PHRA MO BSGOM PAS SPANG BAR BYA BA YOD PA DANG, SNGON GYI RNAM PAR SMIN PA'I 'BRAS BU PHUNG PO LNGA 'DZIN PAS ZAS LA SOGS PAS DA DUNG GSO DGOS PAS LONGS SPYOD KYI, SANGS RGYAS DANG CHOS NI DE LTA MA YIN PAS SO, ,DE DAG LA PHYAG 'TSAL LO ZHES BYA BA NI SNGA MA DANG 'DRA'O, ,GSUM PO DE DAG LA RTAG TU BDAG PHYAG 'TSAL ZHES BYA BA NI DON GO SLA'O, ,DE LTAR PHYAG 'TSAL BA'I RNAM PAR SMIN PA'I 'BRAS BU NI SANGS RGYAS KYI MTSAN BZANG PO THAMS CAD KYI GTZO BO SPYI GTZUG BLTAR MI MTHONG BA 'THOB PA'O, ,RGYU MTHUN PA'I 'BRAS BU LA MYONG BA RGYU MTHUN NI 'KHOR BAR SKYE BA NA MGO @106A *, ,BO GDUGS LTA BUR 'GYUR BA DANG, DKON MCHOG GSUM LA PHYAG 'TSAL BA LA DGA' BAR 'GYUR BA'O, ,DBANG GI 'BRAS BU NI PHYI ROL GYI DNGOS PO YID DU 'ONG BA RNAMS DE'I SHES PA'I YUL DU 'DUD PA LTAR SNANG ZHING DGYED PA DANG GZUNG DU MI RUNG BA LTAR SNANG BAR MI 'GYUR RO, ,DE LTAR DKON MCHOG GSUM LA BSTOD PA MDOR GSUNGS PA DE DAG RAB TU GSAL BAR BSTAN PAS 'GRO BA DAM PA RNAMS DE BAS KYANG SHAS CHER DAD PAR BYA BA DANG, RANG GI TSOGS DRI MA MED PA BSAGS PA'I PHYIR SLOB DPON MA TI TZI tA'I ZHAL SNGA NAS BSTOD PA GSUNGS PA, TSOGS CHEN GNYIS RDZOGS MKHYEN BZHI SKU GSUM GRUB, ,CES BYA BA LA SOGS PA BRJOD PA YIN TE, 'DIS RDZOGS PAR BYED PAS NA TSOGS TE, SBYIN PA LA SOGS PA PHA ROL TU PHYIN PA DRUG GO, ,DE DAG NYID CHEN PO STE RANG BZHIN DPAG TU MED PA DANG, BSKAL PA DPAG TU MED PA DANG; YUL DPAG TU MED PA LA BSAGS PA'O, ,GNYIS ZHES BYA BA NI BSOD NAMS DANG YE SHES SO, ,DE YANG SBYIN PA DANG TSUL KHRIMS DANG, BZOD PA NI BSOD NAMS TE, BSAM GTAN DANG SHES RAB NI YE SHES SO, ,BRTZON 'GRUS NI DE GNYIS KAR GTOGS SO ZHES 'PHAGS PA DGONGS PA NGES PAR 'GREL PA LAS GSUNGS SO, ,DE GNYIS RDZOGS PA NI BSKAL PA CHEN PO GRANGS MED PA DANG POR SBYOR BA'I LAM SBYANGS SHING GNYIS PAR SA BDUN PA'I BAR DANG, GSUM PAR SA BCU PA'I BAR DU SBYANGS SHING DAG PAR BYAS PA NI RDZOGS SHING MTHAR THUG PAR 'GYUR BA'O, ,DES NI RGYU KHYAD PAR CAN BSAGS PA BSTAN NAS, DE NI 'BRAS BU BSTAN PA'I PHYIR MKHYEN BZHI ZHES BYA BA LA SOGS PA SMOS TE, MKHYEN BZHI NI ME LONG LTA BU'I YE SHES LA SOGS PA BZHI'O, ,DE LA ME LONG LTA BU'I YE SHES NI KUN GZHI RNAM SHES GNAS GYUR PA SHES BYA THAMS CAD LA THOGS PA MED PAR MKHYEN PA'I YE SHES SO, ,MNYAM PA NYID KYI YE SHES NI NYON MONGS PA CAN GYI YID GNAS GYUR PA BDAG MED PA LA BDAG MED PAR MKHYEN PA'I YE SHES SO, ,SO SOR RTOG PA'I YE SHES NI YID KYI RNAM PAR SHES PA GNAS GYUR PA KUN RDZOB KYI @106B DNGOS PO MA LUS PA PAD+MA'I 'DAB MA LTAR MA 'DRES PAR MKHYEN PA'O, ,BYA BA GRUB PA'I YE SHES NI SGO LNGA'I RNAM PAR SHES PA GNAS GYUR PA 'GRO BA RNAMS GDUL BA'I BYA BA GANG YIN PA MA LUS PA MDZAD PA MKHYEN PA'O, ,DE DAG BSDUS PA NI SKU GSUM GRUB CES BYA BAS BSTAN TE, DE YANG BSOD NAMS KYI TSOGS CHEN PO'I 'BRAS BU NI, GZUGS KYI SKU GNYIS 'GRUB LA, YE SHES KYI TSOGS CHEN PO'I 'BRAS BU NI CHOS KYI SKU 'GRUB PA'O, ,DE LA ME LONG LTA BU'I YE SHES NI CHOS KYI SKU GZUNG BA DANG 'DZIN PA LAS GROL BA RANG BZHIN GYIS 'OD GSAL BA TZAM GYI YE SHES SO, , DE'I CHOS STOBS BCU DANG MI 'JIGS PA BZHI LA SOGS PA YE SHES THA DAD PA DU MA TSOGS PAS NA CHOS KYI TSOGS YIN LA, CHOS KYI SKU ZHES BYA BA NI K'A YA'I SGRA TSOGS LA 'JUG PAS SO, ,YE SHES DE YANG DNGOS SU NA LONGS SPYOD RDZOGS PA'I SKU THUGS GNYIS SU MED PA'I YE SHES SO,,SO SOR RTOG PA DANG MNYAM PA NYID KYI YE SHES NI LONGS SPYOD RDZOGS PA'I SKU STE, DE YANG SKU DE'I NANG GI YE SHES SKYE MCHED THA DAD PA LA RAG LAS PA LAS GROL BA KUN RDZOB SNA TSOGS MKHYEN PA DANG SKUR BSTAN PAS GANG 'DUL BAR 'OS PA 'DUL BA'O, ,DES NI 'DIR SANGS RGYAS RNAMS KYI SKU THAMS CAD KYI GZHI NI RNAM PAR SMIN PA'I SKU STE, DE'I MI RTOG PA'I YE SHES DANG, SGO LNGA'I YE SHES KYI 'OD ZER GYI SNANG BA LAS CHOS DANG SPRUL PA'I SKUR BZHAG CING, DE GNYIS KYI RTEN YE SHES DANG BCAS PA DE NYID LONGS SPYOD RDZOGS PA'I SKU ZHES BRJOD DO, ,YANG NA BSOD NAMS KYI TSOGS MTHA' YAS PA LAS GRUB PA'I LUS KHYAD PAR CAN DANG, DE'I 'OD ZER GZUGS KHYAD PAR CAN DU SNANG BA NI GZUGS KYI SKU GNYIS TE, GANG MIG GI YUL DU GYUR PA DE NYID GZUGS SO, ,RANG BZHIN GYIS 'OD GSAL BAR SNANG BA'I YE SHES NI GTZO BO STE, SNA TSOGS SHES PA DANG, BDAG MED PAR SHES PA YANG YE SHES KYI TSOGS LAS BYUNG BAR BRJOD PAR BYA'O, ,DE LAS GZHAN PA BDAG MED PA TZAM DE NI DON DAM PA'I CHOS DKON MCHOG TU BZHAG GI SANGS RGYAS SU NI MI GZHAG STE, DE NI RGYAL BA RNAMS KYI YE SHES KYI YUL YIN LA, THOB PAR BYA BA'I 'BRAS BUR GZHAG PAR BYA'O, ,DES NA RANG GI @107A *, ,MTSAN NYID DANG LDAN PA'I SKU NI GSUM KHO NAR BRJOD PAR BYA'O, ,DE NI SKU GSUM PO DE'I BDAG NYID LAS DANG, DPE DANG, MTSAN NYID KYIS GSAL BAR BSTAN PA'I PHYIR, RNAM RTOG MI MNGA' CI YANG SA LE MKHYEN, ,ZHES BYA BA LA SOGS PA GSUNGS TE, RNAM PAR RTOG PA'I RIGS GSUM MAM BZHI DANG BRAL BA'I PHYIR RNAM PAR RTOG PA MI MNGA' BA STE, GNYIS SU 'DZIN PA MTHA' DAG DRUNGS NAS PHYUNG BA'I YE SHES CHEN PO'O, ,DE'I PHYIR MI MNGA' ZHES BYA BA'I DGAG PA 'DI NI MA YIN PAR DGAG PA STE, RNAM PAR RTOG PA'I RIGS DE DAG NI YOD PA MA YIN LA, DES DBEN PA'I YE SHES RANG BZHIN GYIS 'OD GSAL BA NI MNGA' BAS SO, ,DES NA DES CI YANG RUNG STE CHOS CI YANG RUNG BA RDUL PHRA RAB DANG RI RAB LA SOGS PA DE DAG SA LE ZHES BYA BA RAB TU GSAL BAR MKHYEN PA STE, JI LTAR MKHYEN ZHE NA, SGRA'I SPYI'I RNAM PAR RTOG PA'I SGRO BTAGS PA DANG SKUR BA BTAB PA DANG BRAL ZHING PHAN TSUN MI SGRIB LA THOGS PA MED CING MUN PA MED LA SHEL DANG LHANG TSER LTAR GSAL BA'I RNAM PAR DBYER MED PAR MKHYEN TE, DE NYID YE SHES DE'I LAS YIN NO, ,DE'I DPE BSTAN PA NI CHOS SKU MKHA' 'DRA ZHES BYA STE, 'DUS MA BYAS NAM MKHA' THOGS PA MED CING MI SGRIB PA LTAR ME LONG LTA BU'I YE SHES KYANG SHES BYA THAMS CAD LA THOGS PA MED CING SGRIB PA MED LA, DMIGS PA DANG RNAM PA YONGS SU MA CHAD PAR SNANG BA'O ZHES BYA BA'I DON TO, ,'DIR YE SHES LHAG MA GSUM NI GZUGS LA SOGS PA DANG, GANG ZAG LA BDAG MED PA TZAM DANG, 'DUL BA'I 'GRO BA'I BSAM PA DANG BAG LA NYAL LA SOGS PA DANG 'DUL BA'I THABS SHES PAS YUL SO SOR NGES PA'I YE SHES YIN LA, YE SHES 'DI NI YUL DE DAG DANG BCAS PA'I YE SHES DE DAG NYID CHOS CAN DU GYUR PA DANG, DE'I CHOS NYID RANG BZHIN GYIS 'OD GSAL BA SPYI'I MTSAN NYID DU GYUR PA STE, CHOS CAN DANG CHOS NYID DU BCAS PA MTHA' DAG MKHYEN PAR GYUR PA'O, ,GZUGS SKU MDZES SKU LDAN ZHES BYA BA NI MTSAN DANG DPE BYAD RAB TU 'BAR BA'I LONGS SPYOD RDZOGS PA DANG, SPRUL PA'I SKU'O, ,SANGS RGYAS KYI DON NI SNGAR BSTAN PA BZHIN NO, ,DPAG BSAM @107B 'DRA ZHES BYA BA NI SKU GSUM CHAR GYI DPE STE, 'GRO BA RNAMS KYIS JI LTAR SEMS KYIS DPAGS SHING BSAMS PA LTAR YID LA RE BA YONGS SU RDZOGS PAR BYED PAS NA LHA'I DPAG BSAM GYI SHING CHEN PO RNAM PA BZHI PO DANG 'DRA BA STE, BSOD NAMS DPAG BSAM SHING KHYOD DE RING GANG LAS BYUNG; ,ZHES BSTOD PA GSUNGS PA LTA BU'O, ,DE YANG SKU DE DAG GSUM CHAR YANG SNGON GYI SMON LAM GYI SA BON DPAG TU MED PA 'DZIN PA'I RANG BZHIN DU GNAS PAS, SNGON JI LTAR SMON LAM BTAB PA BZHIN DU DA LTAR GDUL BYA'I DON 'BAD PA MED PAR 'BYUNG BA YIN LA, KHYAD PAR DU GZUGS KYI SKU NI MTHU THOGS PA MED PAR BYANG CHUB SEMS DPA' DANG, NYI TSE BA'I GANG ZAG DANG 'GRO BA YONGS SU SMIN PAR BYED PA LA DNGOS SU YANG 'JUG GO, ,KHA CIG NA RE GZUGS SKU ZHES BYA BA NI SPYIR BSTAN PA YIN LA, MDZES SKUR LDAN ZHES BYA BA NI LONGS SPYOD RDZOGS PA'I SKU'O; ,DPAG BSAM 'DRA ZHES BYA BA NI SPRUL PA'I SKU'O, ,SANGS RGYAS ZHES BYA BA NI SKU GSUM CHAR GYI DBANG DU BYAS PA'O ZHES ZER RO, ,DE LTA BU'I SKU GSUM PO DA DAG LA LUS ZHING GI RDUL SNYED DU MOS PAR SPRUL TE PHYAG 'TSAL LO ZHES BYA BA STE, TSIG GI DON SNGA MA JI LTA BA BZHIN NO, ,CHOS NYID RGYU MTHUN GSUNG RAB BCU GNYIS DANG, ,ZHES BYA BA NI BSTAN PA'I CHOS LA BSTOD PA STE, CHOS NYID CES BYA BA LA CHOS NYID BDAG RNAM PA GNYIS KYIS DBEN PA STONG PA NYID DE, BDAG MED PA DANG BDAG DANG BRAL BA'I MTSAN NYID 'DZIN PA RANG BZHIN GYIS 'OD GSAL BA'I SPYI'I MTSAN NYID DON DAM PA'I NGO BO'O, ,DE'I RGYU MTHUN PA BSTAN PA'I CHOS BDAG MED PAR STON PA'I GSUNG RAB STE, 'DIR MTHUN PA'I RGYU NI RGYU MTHUN PA STE BSKYED PAR RUNG BA DANG, THOB PAR NUS PA'O, ,DE LA SKYED PAR RUNG BA NI RGYU DES PHYIN CI MA LOG PAR YONGS SU GRUB PA'I YE SHES SKYED PA'O, ,THOB PAR NUS PA NI YE SHES DE SKYES PAS MI 'GYUR BA'I YONGS SU GRUB PA DE BZHIN NYID DE THOB PAR NUS PA'O, ,DE DAG NI RAB TU PHUL DU BYUNG BA'I GSUNG YIN PAS GSUNG RAB STE, PHYI ROL PA'I TSIG LA NI SNGA MA LTA BU'I RUNG BA DANG, NUS PA MED PAS RAB MA YIN NO, ,BCU GNYIS NI MDO'I SDE DANG, DBYANGS @108A *, ,KYIS BSNYAD PA'I SDE DANG, LUNG DU BSTAN PA DANG, TSIGS SU BCAD PA DANG, CHED DU BRJOD PA DANG, GLENG GZHI DANG, RTOGS PA BRJOD PA DANG, DE LTA BU BYUNG BA DANG, SKYES PA'I RABS DANG, SHIN TU RGYAS PA DANG, RMAD DU BYUNG BA DANG, GTAN LA PHAB PA'I SDE ZHES BYA BA STE, DE DAG DANG PO NI STON PA'I ZHAL NAS GRAG PA'O, ,DE'I 'OG TU NI GANG ZAG GI BLO LA GNAS PA'O, ,DE'I 'OG TU GLEGS BAM LA BRIS PA'O, ,DE YANG DANG POR DE LA DMIGS NAS THOS PA DANG BSAMS PA LAS BYUNG BA'I SHES RAB SKYE ZHING DE NAS BSGOMS PAS CHOS NYID DE THOB PAS MTHUN PA'I RGYU BRGYUD PA NYID DU NGES PA'O, ,DE BAS NA SLOB DPON BA SU BAN DHUS RNAM BSHAD RIGS PAR BSHAD PA, STON PA'I ZHAL NAS BYUNG BA SKYE BO'I MIG GI RAB RIB ZHI BAR MDZAD PA BKRA SHIS KYI, ,'BYUNG GNAS SEMS LA ZHOG CIG GANG PHYIR 'DI NI LUS CAN RNAMS KYI RNA BA'I BDUD RTZI DANG; ,NYON MONGS PA YI NANG KUN SEL BAR MDZAD PA YIN PAS DE DON YANG DAG BSAM PAR GYIS, ,RGYU 'DI RNAMS KYIS RTAG TU GUS PAR SANGS RGYAS KYI NI GSUNG DAG MNYAN PAR BYA BA'I RIGS, ,ZHES SO, ,CHOS LA SKYE 'GAG MED CING SPROS LAS DBEN, ,DE LA DMIGS TE YON TAN KUN GRUB PA, ,ZHES BYA BA NI DON DAM PA'I CHOS LA BSTOD PA STE, CHOS NI DAM PA'I CHOS SO, ,DE LA DON DAM PAR SKYE BA DANG 'GAG PA MED CING GZHAN YANG SPROS PA STE RTAG PA DANG, CHAD PA DANG, 'ONG BA DANG, 'GRO BA DANG, GCIG PA DANG, THA DAD PA'I SPROS PA DE DAG LAS DBEN PA'O; ,DE YANG DAM PA'I CHOS NI BDAG MED PA'I RANG BZHIN YIN LA, SPROS PA DE DAG NI BDAG TU 'DZIN PA'I DBANG GIS BTAGS PA TZAM DU ZAD PAS NA BDAG TU 'DZIN PA LOG MA THAG TU DE DAG KYANG LDOG LA, BDAG MED PA'I NGANG LA DE DAG DANG PO NAS KYANG MED KYI BTAGS PA GLO BUR BAR ZAD PA'O; ,DE LTAR SPROS PA DANG BRAL BA BDAG MED PA DE LA BDAG MED PAR SHES RAB RNAM PA GSUM GYIS DMIGS PAS BDAG TU 'DZIN PA LA SOGS DE MA THAG TU 'JIG RTEN LAS 'DAS PA'I YON TAN THUN MONG BA RGYUN DU ZHUGS PA LA SOGS PA 'PHAGS PA'I 'BRAS BU RNAM PA DU MA DANG, THUN MONG MA YIN @108B PA STOBS DANG MI 'JIGS PA LA SOGS PA'I YON TAN KUN GRUB PAS NA 'PHAGS PA'I GANG ZAG RNAMS NI 'DUS MA BYAS LAS RAB TU BYUNG BA'O ZHES GSUNGS PA LTA BU'O, ,LEGS RGYU DAM PA'I CHOS LA ZHES BYA BA NI LAM GYI CHOS LA BSTOD PA STE, ,DE LA LEGS PA NI NGES PAR LEGS PA STE NYE BAR ZHI BA'I BDE BA'O, ,DE'I RGYU NI SKYED PAR BYED PA STE, DES BDAG MED PA'I YE SHES BSKYED LA, DES KYANG NGES PAR LEGS PA DE THOB PAS SO, ,'DIS ZAD PA DANG MI SKYE BA SHES PA'I SNGON DU RDO RJE LTA BU'I TING NGE 'DZIN SKYES PA DE NI LEGS RGYU MTHAR THUG PA YIN LA, DES MJUG BTUL BA MTHONG BA'I LAM GYI BAR GYI YE SHES NI LEGS RGYUR RIG PAR BYA'O, ,DE NYID DAM PA STE, 'PHAGS PA RNAMS KYIS NYAMS SU MYONG BAR GYUR PA DANG, LTUNG BA LAS 'DZIN PAS NA DAM PA'I CHOS ZHES BYA'O, ,DE LA PHYAG 'TSAL LO ZHES BYA BA NI SNGA MA BZHIN NO, ,NYON MONGS SGRIB DANG SHES BYA'I SGRIB PA DAG ,GNYEN POS RIM PAR BSAL NAS SAR ZHUGS SHING, ,ZHES BYA BA LA SOGS PA NI 'PHAGS PA'I DGE 'DUN LA BSTOD PA STE, DE LA SEMS KUN NAS NYON MONGS PAR BYED PAS NA NYON MONGS PA STE, 'DOD CHAGS LA SOGS PA DRUG GO, ,DE DAG NYID SGRIB PA STE, ZAD PA DANG MI SKYE BA SHES PA'I YE SHES LA SGRIB CING MTHONG BA'I GEGS BYED PAS SO, ,SHES BYA NI CHOS KYI DBYINGS KUN DU 'GRO BA RANG BZHIN GYIS 'OD GSAL BA'O, ,DE LA SGRIB PA NI RJOD PAR BYED PA SGRA'I SPYI LA YOD PAR 'DZIN PA STE, DNGOS SU NA GZUNG BA DANG 'DZIN PA'I RNAM PAR RTOG PA'I RIGS JI SNYED PA'O; ,SGRIB PA DE GNYIS KA YANG RAB TU DBYE BA MANG PO DANG LDAN PAS NA DAG CES PA MANG PO'I TSIG CAN NO, ,GNYIS POS ZHES BYA BA NI BDAG MED PA GNYEN SHES PA'I YE SHES KYIS SO, ,RIM PAR BSAL NAS ZHES BYA BA NI DE DAG CIG CAR MI SPONG GI DANG PO MTHONG SPANG SPONG LA, ,DE'I 'OG TU BSGOM PAS SPANG BAR BYA BA SPONG BA'I PHYIR RO, ,DE LAS 'BRAS BU THOB PA BSTAN PA NI SAR ZHUGS SHING ZHES BYA BA STE, SA NI 'JIG RTEN LAS 'DAS PA'I SA STE, BRGYAD PA DANG, MTHONG BA DANG, BSRABS PA DANG, 'DOD CHAGS DANG BRAL BA DANG, BYAS PA RTOGS PA DANG, RANG @109A *, ,SANGS RGYAS KYIS LA ZHUGS PA DANG, YANG RAB TU DGA' BA DANG, DRI MA MED PA NAS CHOS KYI SPRIN GYI BAR LA ZHUGS PA'O, ,'DIR BDEN PA BZHI RNAM PA BCU DRUG DAG YID LA BYED PA'I YE SHES KYI SKAD CIG BCU DRUG GIS PHRA RGYAS BRGYAD CU RTZA BRGYAD SPANGS PAS MTHONG BA'I LAM LA BRGYAD PA'AM RAB TU DGA' BA'I SA PA'O, ,DE'I 'OG TU TSUL DE NYID KYI BSGOM PAS SPANG BAR BYA BA BCU SPANGS PA LAS NI NYAN THOS DANG RANG RGYAL BA'I SA LHAG MA DAG GZHAG STE, 'DOD PA'I RNAM PA GSUM PA'I BAR DANG, RNAM PA DRUG PA DANG, DGU PA DANG, SRID RTZE'I DGU PA ZAD PA LAS MTHOR BA DANG, BSRABS PA DANG, 'DOD CHAGS DANG BRAL BA DANG, BYAS PA RTOGS PA'I SA PA'O, ,CIG CAR KHO NAR SPANGS PA DANG LAM RDZOGS PA NI BSE RU LTA BU'I SA'O, ,BYANG CHUB SEMS DPA'I SA LHAG MA RNAMS NI PHA ROL TU PHYIN PA RNAMS YONGS SU RDZOGS PA LAS RNAM PAR GZHAG PAR RIG PAR BYA ZHING, ,DE DAG GI NYON MONGS PA'I SGRIB PA BSGOM PAS SPANG BAR BYA BA NI RDO RJE LTA BU'I TING NGE 'DZIN GYIS CIG CAR SPONG LA, SHES BYA'I SGRIB PA NI SA RE RE LA YANG RIM GYIS SPANG NGO, ,LA LA NI NYON MONGS PA'I SGRIB PA YANG SA RE RE LA RIM GYIS SPONG STE, SPONG BYED NI CHOS LA BDAG MED PA'I YE SHES KYIS SO ZHES ZER RO, ,DE LTAR YE SHES KYI TSOGS LA GNAS PA BSHAD NAS, DA NI BSOD NAMS KYI TSOGS LA GNAS PA BSTAN PA'I PHYIR, SEMS CAN DON MDZAD SANGS RGYAS ZHING SBYONG BA, ,ZHES SMOS TE, SEMS CAN RNAMS KYI DON NI DGOS PA STE BDE BA DANG PHAN PA'O, ,DE DAG MDZAD PA NI BSDU BA'I DNGOS PO DANG, TSAD MED PA DANG, PHA ROL TU PHYIN PA DAG GIS JI LTAR NUS PAR BYED PA'O, ,SANGS RGYAS RNAMS KYI ZHING NI SNOD DANG BCUD DO, ,DE DAG SBYONG BA NI RGYAL BA'I YUM LAS GSUNGS PA LTAR TE, SEMS CAN GOS NGAN PA DAG MTHONG NA BDAG GI SANGS RGYAS KYI ZHING DER SEMS CAN RNAMS LUS GOS DANG RGYAN GYIS BRGYAN PAR GYUR CIG CES SMON LAM GDAB PAR BYA'O, ,ME TOG DBUL NA BDAG GI SANGS RGYAS KYI ZHING DER DUS THAMS CAD PA'I ME TOG RAB TU RGYAS PAR GYUR CIG CES SMON LAM GDAB @109B PAR BYA'O ZHES BYA BA LA SOGS PA'O, ,MDOR NA SANGS RGYAS KYI ZHING NI SMON LAM GYI MTHUS SBYONG BAR RIG PAR BYA'O, ,'PHAGS PA'I DGE 'DUN CHE LA ZHES BYA BA LA, SDIG PA MI DGE BA'I CHOS LAS RING DU SONG BAS 'PHAGS PA STE, DGE 'DUN NI SNGAR BSHAD PA BZHIN NO, ,CHE BA NI GRANGS DANG YON TAN GYIS CHE BA STE, GRANGS MTHA' YAS PA DANG, LEGS PAR ZHUGS PA LA SOGS PA'I YON TAN CHEN PO MNGA' BA'I PHYIR RO, ,PHYAG 'TSAL LO ZHES BYA BA NI BSTOD PA DANG BCAS PA'I LUS KYI YAN LAG THAMS CAD RAB TU 'DUD PA'O, ,DE LTAR YON TAN MTHA' DAG 'DUS PA'I DKON MCHOG GSUM LA PHYAG 'TSAL NAS DE DAG LA SKYABS SU SONG NA NGAN SONG RNAMS SU MI SKYE BAR LHA'I GNAS SU SKYE STE, GSUM LA SKYABS SU 'GRO BA NI CHOS SNANG BA'I SGO STE, NGAN 'GRO LAS YANG DAG PAR 'DA' BA'O ZHES GSUNGS PA DANG, 'DI LTAR SHIN TU DANG BA'I SEMS DANG YID GZHUNGS PAS GZHAN DU MA YENGS PA'I YID GSAL BAS SANGS RGYAS SAM CHOS SAM DGE 'DUN LA SKYABS SU SONG NA, DE 'CHI BA'I DUS BYAS NAS BDE 'GRO MTHO RIS KYI 'JIG RTEN ZUR NA GNAS PA ZHES BYA BA DER SHIN TU DANG BA'I SEMS DANG SKYABS SU SONG BA'I RGYUS SKYE BAR 'GYUR RO, ,DER SKYES NAS KYANG DE'I LUS GZI BRJID DANG LDAN ZHING, LUS RANG GI 'OD KYIS BRGYAN LA BDE BAR GNAS PAR 'GYUR RO ZHES GSUNGS PA LTA BU'O, ,GAL TE PHYAG 'TSAL BA DANG SKYABS SU SONG BA'I DGE BA DE YONGS SU BSNGO BA DANG LDAN NA NI JI LTAR BSNGOS PA'I THAR PA'I RGYUR 'GYUR BAR RIG PAR BYA'O; ,DE LTAR NYES PA KUN SPANGS SHING, ,YON TAN MTHA' YAS GTER GYUR PA, ,DKON MCHOG GSUM GYI BSTOD PA'I TSIG ,CUNG ZAD BSHAD PAS DGE BA'I TSOGS, ,GANG THOB DE YIS 'GRO BA RNAMS, ,SANGS RGYAS SA LA GNAS PAR SHOG ,DKON MCHOG GSUM LA BSTOD PA'I 'GREL PA SLOB DPON RGYAL BA'I SRAS KYIS MDZAD PA RDZOGS SO,, ,,RGYA GAR GYI MKHAN PO DZNY'ANA SH'ANTI DANG, BOD KYI LO TZ'A BA BANDE DPAL GYI LHUN PO'I SDES BSGYUR CING ZHUS TE GTAN LA PHAB PA'O,, #, ,RGYA GAR SKAD DU, TRI RATNA STO TRAm, BOD SKAD DU, DKON @110A *, ,MCHOG GSUM GYI BSTOD PA, DKON MCHOG GSUM LA PHYAG 'TSAL LO, ,DMIGS MED CHOS KYI SKU, ,LONGS SPYOD RDZOGS PA'I SKU, ,CIR YANG SPRUL SKU LA, ,GUS PAS PHYAG 'TSAL LO, ,RNAM DAG CHOS KYI DBYINGS, ,SGRUB PA'I 'PHAGS LAM BRGYAD, ,BSTAN PA'I GSUNG RAB LA, ,GUS PAS PHYAG 'TSAL LO, ,BYANG CHUB SEMS RNAMS DANG, ,DGRA BCOM DAG LA SOGS, ,RANG SANGS RGYAS RNAMS LA, ,GUS PAS PHYAG 'TSAL LO, ,DKON MCHOG GSUM GYI BSTOD PA SLOB DPON DBYIG GNYEN GYIS MDZAD PA RDZOGS SO,, ,, #, ,RGYA GAR SKAD DU, SHA TA PANYTZA SHA TI KA N'A MA SYA STO TRA, BOD SKAD DU, BRGYA LNGA BCU PA ZHES BYA BA'I BSTOD PA, DKON MCHOG GSUM LA PHYAG 'TSAL LO, ,GANG ZHIG LA NI NYES PA KUN, ,GTAN NAS YONG YE MI MNGA' ZHING, ,GANG LA'ANG RNAM PA THAMS CAD DU, , YON TAN THAMS CAD GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ,THAMS CAD MKHYEN PA YON TAN KUN, ,MNGA' LA DE YANG NYAM MI MNGA', ,NYES PA BAG CHAGS BCAS DE YANG, ,SKYOB PA GCIG PU LA MI MNGA', ,BCOM LDAN 'DAS KYI SKU DANG NI, ,GSUNG DANG THUGS KYI PHRIN LAS LA, ,ZHE 'GRAS GYUR PA GANG GIS KYANG, ,CHOS DANG LDAN PAR GLAGS MI RNYED, ,RGYA MTSOR GNYA' SHING BU GA RU, ,RUS SBAL MGRIN PA CHUD PA LTAR, ,DAM CHOS DGA' STON CHER BCAS PA'I, ,MI NYID BDAG GIS THOB NAS NI, ,MI RTAG NYID DANG RJES 'BREL ZHING, ,LAS KYI KLAGS LA DOGS BCAS PA, ,BDAG GI LCE 'DI NYID KYIS GO, ,SNYING PO CI PHYIR BLANG MI BYA, ,DE LTAR THUB PA'I YON TAN KYI, ,YUL LTA GRANGS MED SHES MOD KYI, , RANG GI DON LA GUS PA YIS, ,DE YI PHYOGS GCIG BSGRIBS TE BRJOD, ,GANG GI YON TAN GRANGS DAG DANG, ,MTHU LA THUG PA MA MCHIS LA, ,RMAD BYUNG PHRIN LAS DPAG MED CAN, ,RANG BYUNG KHYOD LA PHYAG 'TSAL LO, ,'DI SNYED BGYI BA'I MTHA' MED NA, ,'DI LTAR LAGS ZHES @110B CI ZHIG SMOS, ,KHYOD KYI YON TAN SLAD DU BDAG ,BSOD NAMS SNYAM NAS SPYI BRTOL SKYES, ,BSTOD PA GLENG BSLANG BA STE LE'U DANG PO'O,, ,,SPYOD DAM MI SPYOD SNYAM PA YI, ,RNAM PAR RTOG PA RNAMS SPANGS NAS, ,'GRO BA 'DI NI NYAM THAG CES, ,KHYOD BDAG NYID KYIS ZHAL GYIS BZHES, ,KHYOD NI MA BCOL LAGS MDZAD PA, ,KHYOD NI RGYU MED BZHIN DU BYAMS, ,KHYOD NI MA 'DRIS MDZA' BSHES TE, ,'BREL PA MED PA'I GNYEN 'DUN LAGS, ,NYID KYI SHA YANG STZOL MDZAD NA, ,DNGOS PO GZHAN LTA SMOS CI 'TSAL, ,LEGS MDZAD KHYOD KYIS SROG KYANG NI, SLONG BA'I SKYE BO RNAMS LA BTANG, ,NYID KYI SKU DANG SROG DAG GIS, ,LUS CAN GSHED MAS ZIN RNAMS KYI, ,LUS DANG SROG KYANG KHYOD KYIS NI, ,LAN BRGYA PHRAG DU BSLU BA MDZAD, ,NGAN 'GROS BSNYENGS SLAD MA LAGS LA, ,BZHED PA'I 'GRO BA'ANG SGRUB MA LAGS, ,DGONGS PA DAG PA 'BA' ZHIG GIS, ,KHYOD KYIS TSUL KHRIMS GOMS PAR MDZAD, ,RTAG TU GYA GYU RNAM SPANGS SHING, ,DRANG BRTAN RNAMS NI RTAG BSTEN PAS, ,YONGS SU DAG PA'I LAS RNAMS KYIS, ,KHYOD NI GZHI RTEN GCIG PUR GYUR, ,SDUG BSNGAL MANG POS GZIR BA NA, ,KHYED KYIS DGE BA'I THUGS KYIS NI, ,NYON MONGS RNAMS LA SRAN BTZUGS NAS, SKYE BO NYON MONGS CAN LA BRTZE, ,KHYOD KYIS GZHAN GYI DON SLAD DU, SKU SROG BTANG NAS DGYES GYUR GANG, ,DE 'DRA SROG CHAGS 'GUMS PA LAS, ,SOS PA RNAM LA'ANG BYUNG MA GYUR, ,KHYOD NI LAN 'GA' MA LAGS PAR, ,GTUBS KYANG SDUG BSNGAL MI DGONGS PAR, ,GSHED PA MA BGYID PA'I SEMS CAN LA'ANG, ,GTZO BO THUGS RJER GYUR PA GANG, ,KHYOD KYI THUGS NI RIN PO CHE, ,RDZOGS PA'I BYANG CHUB SA BON TE, ,DPA' KHYOD KHO NAS SNYING POR MKHYEN, ,DE GZHAN SKYE BOS 'OL MI MCHI, ,DKA' SPYAD LAS NI MA BGYIS PAR, ,GO 'PHANG RNYED DKA' MI 'THOB CES, ,DE SLAD NYID LA'ANG MA GZIGS PAR, ,KHYOD KYI BRTZON 'GRUS LEGS PAR SPEL, ,KHYAD PAR 'PHAGS PAR BGYI BA LA, ,KHYOD LA THANG LHOD 'GA' MA BYUNG, ,DE SLAD KHYOD KYI KHYAD PAR RNAMS, , @111A *, ,THOG DRUNG RIM PA DBYER MA MCHIS, ,THUGS NI THUGS RJE CHEN PO DANG, ,RTAG TU RJES SU 'BREL SLAD DU, ,TING 'DZIN 'BRAS BUR BCAS PA YI, ,SHIN TU BDE LA'ANG KHYOD MA CHAGS, ,GZHAN DANG THUN MONG MA LAGS PA'I, ,BDE BA GANG DE GYA NOM YANG, ,DAM PA'I SPYOD LDAN KHYOD 'DRA LA, ,GNOD PAR BAS KYI SMAN MA MCHIS, ,'DRES PA LAS NI LEGS BSHAD NYID, ,SNYING PO SKYON MED NYI TSE ZHIG ,KHYOD KYIS KUN BZHES THUGS LA BZHAG ,NYES BSHAD DUG BZHIN YONGS SU SPANGS, ,RIN CHEN SNYING PO MKHYEN KHYOD KYIS, ,LEGS BSHAD SROG GIS 'JAL BA NA, ,SKYE BA DE DANG DE DAG TU, ,BYANG CHUB SLAD DU DPA' RTZAL BSTAN, ,DE SLAD GRANGS MED GSUM DAG TU, ,KHYOD NI DE LTAR BRTZON PA NA, ,BRTZON 'GRUS 'BA' ZHIG GROGS GYUR PAS, ,GO 'PHANG BLA NA MED PA BRNYES, ,RGYU LA BSTOD PA STE LE'U GNYIS PA'O,, ,,MTHO LA PHRAG DOG MI MDZAD CING, ,DMA' LA RNGAN CAN MI MDZAD LA, ,MNYAM LA 'GRAN PA MI MNGA' BAS, ,KHYOD NI 'JIG RTEN GTZO BOR GYUR, ,KHYOD NI YON TAN RGYU RNAMS LA, ,MNGON BGYIS 'BRAS BU RNAMS LA MIN, ,YANG DAG SGRUB PA DE NYID KYIS, , KHYOD KYI YON TAN PHA MTHAR PHYIN, ,JI LTAR KHYOD KYI ZHABS RDUL YANG, ,BSOD NAMS SKYE BA MCHED 'GYUR BA, ,DE LTAR KHYOD KYIS LEGS SPYAD PAS, ,BDAG NYID RAB TU BSKRUN PA MDZAD, ,NYES PA NYAMS SMAD RTZA NAS BTON, ,YON TAN SPEL NAS RNAM PAR SBYANGS, ,GZHUNG LUGS BZANG PO DES NA KHYOD, ,GRUB MCHOG LHAG PAR BRNYES PA LAGS, ,JI LTAR BDAG GI RGYUD LA DE, ,BAG CHAGS LHAG MA'ANG MA LUS PA, ,DE LTAR RNAM PAR THAMS CAD DU, ,NYES PA KHYOD KYIS RAB TU BCOM, ,JI LTAR GZHAN LA DE DAG DANG, ,'DRA BA TZAM YANG MI GDA' BA, ,DE LTAR KHYOD KYIS BSAGS BSAGS NAS, ,BDAG NYID LA NI YON TAN BSGRUBS, ,'JIG RTEN PA YI DPE DNGOS KUN, ,GEGS BGYID PA DANG SGRIB PA CAN, ,RE ZHIG PA DANG NYI TSE BA, ,SHIN TU RNYED PAR SRA BA LAGS, ,KHYOD KYIS YON TAN BLA MED LA, ,GEGS BGYID @111B MA MCHIS RTOGS MA MCHIS, ,BRTAN PA DANG NI RGYUN CHAGS PAS, ,DPE LTA MCHIS PAR GA LA 'GYUR, ,GANG TSE KHYOD KYI DGONGS PA'I DKYIL, ,GTING DANG PHA ROL MED BRTAGS NA, ,RGYA MTSO ZAB PA NYID KYANG NI, ,GNAG RJES LTA BUR SA LER GDA', ,CHOS RNAMS KUN GYIS MI BSKYOD PA, ,KHYOD KYI BRTAN PA MNGON BSAMS NA, ,SA YI BRTAN PA NYID KYANG NI, ,SHIR SHA'I GE SAR RTZE LTAR CHUNG, ,THUB PA KHYOD KYI YE SHES KYI, ,SNANG BAS MI SHES RAB RIB DAG ,'JOMS PA'I THAD NA NYI MA YANG, ,ME KHYER TZAM DU'ANG MI SPYOD DO, ,KHYOD KYI GSUNG THUGS MDZAD SPYOD RNAMS, , DAG PA'I GAN NA STON ZLA DANG, ,CHU DANG NAM MKHA'I DAG PA RNAMS, ,DRI MA CAN NI LTA BUR GDA', ,'JIG RTEN LEGS PA GANG CI'ANG RUNG, ,THAMS CAD BSNGOS NA'ANG DER BAS TE, ,NYON MONGS 'JIG RTEN CHOS RNAMS KYIS, ,SANGS RGYAS CHOS LA KHYAD MI KHOR, ,RIN CHEN CHOS GANG BRNYES NAS KHYOD, ,MCHOG TU GYUR PA DE NYID DANG, ,KHYAD DU BSGRUN ZHING DE DANG NI, ,KHYOD DANG BSGRUN LDOM KHO NAR BAS, ,GANG LA SPYI TZAM BSTUN NAS NI, ,CUNG ZAD BRJOD PAR BGYID PA DE, ,SMRA BA PO YI RANG DGA' DANG, ,THABS DANG GCAM BU TZAM DU BAS, ,DPE MED PA LA BSTOD PA STE LE'U GSUM PA'O,, ,,KHYOD NI BDUD LAS RNAM RGYAL TE, ,'GRO KUN DAD PAR MDZAD PA YANG, ,BDAG GIS CHOS NYID RJES BSAMS NA, ,CHEN PO LTAR GANG MA MTHONG NGO, ,SDANG BAS RGOL BAR RTZOL BYED PA, ,MANG PO'ANG GZHOM PAR BYA BA NI, ,KHYAD PAR GNAS LA BRTEN PA YI, ,BZOD PA'I TSIGS SU MTSAR MI CHE, ,GANG TSE BDUD RNAMS MNGON BTUL BA, ,DE YI NUB MO KHO NA LA, ,NYON MONGS SHIN TU CHE SPANGS PA, ,DE NYID RMAD DU BYUNG BA LAGS, ,'OD ZER PHRENG BA STONG LDAN PA'I, ,NYI MAS MUN BSAL GANG LAGS DANG, ,DPA' BO KHYOD KYIS MU STEGS LAS, ,RGYAL BAR MDZAD PA CI ZHIG MTSAR, ,'DOD CHAGS BRAL BAS CHAGS BCAS DANG, ,ZHE SDANG BRAL BAS ZHE SDANG CAN, ,GTI MUG BRAL BAS RMONGS PA STE, ,GSUM POS RTAG TU GSUM DAG BTUL, ,DAM CHOS RAB TU BSTOD PA DANG, ,DAM CHOS MA LAGS SMOD MDZAD KYANG, ,DAM PA DAG DANG THA MA LA, , @112A *, ,KHYOD NI CHAGS DANG KHRO MI MNGA', ,DGRA BCOM PA DANG MU STEGS LA, ,RJES SU CHAGS DANG KHONG KHRO BAR, ,KHYOD KYI THUGS NI MI 'GYUR NA, KHYOD LA BSTOD DU CI ZHIG MCHIS, ,YON TAN RNAMS LA'ANG MA CHAGS LA, ,YON TAN CAN LA'ANG BZHED MI MNGA', ,KYE MA'O KHYOD KYI THUGS STOBS NI, ,RAB DANG YONGS SU DAG PA LAGS, ,DBANG PO RNAMS NI RAB DANG BA, ,DUS RNAMS RTAG TU MI NYAMS PAS, ,KHYOD THUGS RTAG TU DANG BA DAG ,MNGON SUM GYUR PA BZHIN DU GDA', ,RANG BZHIN DAM PA LEGS GSUNGS DANG, ,MDZAD SPYOD BZANG POS BSGRAGS PAS NA, ,KHYOD KYI BLO GROS DGONGS PA DAG ,RNAM DAG BYIS PA'I BAR LA GRAGS, ,RMAD DU BYUNG BA'I BSTOD PA STE LE'U BZHI PA'O,, ,,NYE BAR ZHI LA YID DU 'ONG, ,'BAR LA GNOD PA MDZAD MI MNGA', ,DUL LA RNGOM BRJID CHE BA YIS, ,SKU 'DIS SU ZHIG DAD MI MDZAD, ,KHYOD KYI SKU DE GANG GIS NA, ,LAN BRGYAR MTHONG DANG GANG ZHIG GIS, ,DANG POR MTHONG BA DE GNYIS KA, ,'DRA BAR MIG NI MGU BAR MDZAD, ,KHYOD KYI SKU NI MDZES PA'I PHYIR, ,BLTA BAS MI NGOMS RANG BZHIN PAS, ,MTHONG NGO COG NI PHYI PHYIR ZHING, ,DGA' BA BSKYED PAR MDZAD PA LAGS, ,RTEN GYI YON TAN DAG DANG NI, ,BRTEN PA'I YON TAN PHAN TSUN DU, ,'TSAM PAS KHYOD KYI SKU DANG NI, ,YON TAN PHUN TSOGS MCHOG DANG LDAN, ,MTSAN DANG DPE BYAD BZANG 'BAR BA, ,KHYOD KYI SKU LAS MA GTOGS PA, ,DE BZHIN GSHEGS PA'I YON TAN 'DI; ,GZHAN GANG ZHIG LA LEGS GNAS 'GYUR, ,KHYOD SKU RTEN PA'I YON TAN LA, ,NGA DPAL CHE ZHES GSUNG GSUNG LTAR, ,DE YI YON TAN RNAMS KYANG SLAR, ,DES LEGS BKOD CES GSUNGS PA 'DRA, ,SKU LA BSTOD PA STE LE'U LNGA PA'O, ,,'GRO BA 'DI DAG THAMS CAD NI, ,KHYAD MED NYON MONGS RNAMS KYIS BCINGS, ,KHYOD NI 'GRO BA'I NYON MONGS DAG ,DGROL SLAD YUN RING THUGS RJES BSDAMS, ,DANG POR KHYOD LA PHYAG BGYI'AM, ,'ON TE GANG GIS 'KHOR BAR KHYOD, ,SKYON MKHYEN YUN RING DE LTA BUR, ,BZHUGS MDZAD THUGS RJE @112B CHE LA BGYI, ,DBEN PA'I BDE BA SPANG GYUR KHYOD, ,MANG PO'I NANG DU BZHUGS PA GANG, ,DE KHYOD THUGS RJES DUS 'DAS PA, ,GLAGS SHIG THOD NAS BGYIS PAR BAS, ,RIG PA YIS NI MTSO NANG NAS, ,KLU BZHIN KHYOD KYI THUGS RJE YIS, ,DGON PA ZHI GNAS GRONG GI MTHAR, ,GDUL BA'I DON GYI SLAD DU DRANGS, ,NYER ZHI MCHOG LA GNAS BZHIN DU, ,THUGS RJE GTZO DANG LDAN PAS NA, ,ROL MO MKHAN GYI SGYU RTZAL YANG, ,KHYOD KYI ZHABS KYI 'DOR BAR MDZAD, ,RDZU 'PHRUL SENG GE'I SGRA DANG NI, ,NYID KYIS YON TAN BRJOD PA GANG, ,DE NI BZHED SPYOD MI MNGA' BA, ,KHYOD KYI THUGS RJES BSTAN PA LAGS, ,GZHAN GYI DON DU RAB BZANG GI, ,NYID KYI DON LA BRTZE MED PAS, ,MGON PO KHYOD NYID 'BA' ZHIG LA, ,THUGS RJES THUGS RJE MDZAD MA GYUR, ,'DI LTAR RES 'GA' BRTAN PAS GANG, ,GZHAN DON BSGRUBS MDZAD SLAD DU, ,KHYOD NI LAN BRGYAR PHYOGS DAG TU, , GTOR MA BZHIN DU BTANG BA LAGS, ,DE LTAR KHYOD LA GNOD MDZAD KYANG, ,NONGS PA CAN DU MI RTZI BAS, ,KHYOD KYI BZHED PA KHO NA DANG, ,MTHUN 'JUG PA NI LAGS PAR GDA', ,THUGS LA BSTOD PA STE LE'U DRUG PA'O,, ,,TSIG BZANG BA DANG DON CHE DANG, ,BDEN PA DANG NI SNYAM PA DANG, , ZAB GSAL GNYIS KA'I DON LDAN DANG, ,BSDUS DANG SPROS PA DANG LDAN PA, ,KHYOD KYI GSUNG NI DE LTA BU, ,KHYOD KYI DGRA BOS THOS NA YANG, ,THAMS CAD MKHYEN PA LAGS SO ZHES, ,SU ZHIG JES PA SKYE MI 'GYUR, ,MANG PO RIL GYIS SNYAN PA LAGS, ,BCOS MA 'GA' TZAM SNYAN PA LAGS, ,KHYOD KYI GSUNG DON GRUB PAS KYANG, ,THAMS CAD LEGS GSUNGS KHO NA LAGS, ,KHYOD KYI GSUNG NI RNAM BRTAGS NA, ,GANG ZHIG 'JAM DANG RTZUB PA DANG, ,GANG YANG DE GNYIS LDAN PA DAG ,THAMS CAD RO GCIG NYID DU 'GYUR, ,AE MA'O SHIN TU YONGS DAG PA'I, ,PHRIN LAS RNAMS KYANG RAB TU BZO, ,DE YIS RIN CHEN GSUNG RNAMS KYI, ,SNOD 'DI 'DRA BA 'DI BGYIS SO, ,KHYOD ZHAL BLTA NA RAB SDUG PA, ,DE LAS MNYAN NA SNYAN PA YI, ,GSUNG 'DI DAG NI ZLA BA LAS, ,BDUD RTZI 'DZAG PA BZHIN DU GDA', ,KHYOD KYI GSUNG NI 'DOD CHAGS KYI, ,RDUL @113A *, ,RAB ZHI MDZAD CHAR SPRIN 'DRA, ,ZHE SDANG SPRUL NI GDON PA'I PHYIR, ,NAM MKHA' LDING DANG 'DRA BA LAGS, ,YANG DANG YANG DU MI SHES PA'I, ,RAB RIB 'JOMS PAS GDUGS DANG 'DRA, ,NGA RGYAL RI BO MNGON 'JOMS PAS, ,BRGYA BYIN MTSON CHA 'DRA BA LAGS, , DON GZIGS PAS NI MI SLU BA, ,NONGS MI MNGA' PHYIR RJES SU MTHUN, ,LEGS PAR SBYAR BAS GE SLA STE, ,KHYOD KYI GSUNG NI LEGS GSUM LDAN, ,RE ZHIG DANG POR KHYOD KYI GSUNG, ,NYAN PA RNAMS KYI YID 'PHROG MDZAD, ,DE NAS YID LA BSAM BGYIS NA, ,RDUL DANG MUN PA DAG KYANG SEL, ,PHONGS PA RNAMS KYI DBUGS 'BYIN CING, ,BAG MED RNAMS NI SKRAG PAR MDZAD, ,BDE BA CAN DAG SKYO BGYID PAS, ,KHYOD GSUNG KUN DANG 'TSAM PAR 'JUG ,MKHAS PA RNAMS KYI DGA' BA SKYED, ,BAR MA RNAMS KYI BLO YANG SPEL, ,THA MA'I RAB RIB RNAM 'JOMS PAS, ,GSUNG 'DI SKYE BO KUN LA SMAN, ,LTA BA DAG LAS DGAR MDZAD CING, ,MYA NGAN 'DAS PAR NYE BAR 'DREN, ,NYES PA SEL MDZAD KHYOD KYI GSUNG, ,YON TAN RNAMS KYI CHAR YANG 'BEBS, ,KUN LA MA THOGS THUGS MNGA' ZHING, ,DGONGS PA'ANG KUN DU NYER GNAS PAS, , DE SLAD KHYOD KYIS LUNG BSTAN KUN, ,THAMS CAD LA YANG SLU MI MNGA', ,GANG SLAD YUL MIN DUS MIN DANG, ,SNOD MIN RNAMS SU MI 'JUG PA, ,DE SLAD KHYOD GSUNG DON MCHIS TE, ,BRTZON 'GRUS LEGS PAR BRTZAMS PA BZHIN, ,GSUNG LA BSTOD PA STE LE'U BDUN PA'O,, ,, BGROD PA GCIG DANG THABS BDE DANG, ,LEGS PAR 'BREL DANG NYES PA MED, ,THOG MA BAR DANG MTHAR DGE BAS, ,KHYOD KYI BSTAN 'DRA GZHAN LA MED, ,KHYOD KYI GZHUNG LUGS DE LTA BU, ,GCIG PU PHANGS LA LTA CHAGS PAS, ,BYIS PA GAL TE SMOD BGYID NAS, ,LTA DANG 'DRA BA'I DGRA MA MCHIS, ,GZHAN NI 'GRO BA'I DON SLAD DU, ,SDUG BSNGAL MANG BSTAR GANG LAGS PA, ,DE BSAMS KHYOD BSTAN NGAN NA YANG, ,GNAS PAR BGYI BA LA THUG NA, ,PHAN PA GSUNG ZHING PHAN MDZAD PA, ,KHYOD KYI BSTAN PA CI SMOS TE, ,MGO LA ZHUGS NI 'BAR BAS KYANG, ,CI YI @113B SLAD DU SGRUB MI BGYID, ,KHYOD KYI BSTAN PAS RANG DBANG DANG, ,BYANG CHUB BDE DANG ZHI BA DANG, ,KHYOD KYI YON TAN BSNGAGS PA DANG, ,LEGS PA BZHI PO 'DI KUN THOB, ,DPA' BO KHYOD KYI BSTAN PA 'DI, ,MU STEGS THAMS CAD SKRAG MDZAD LA, ,BDUD NI SEMS KHONG CHUD MDZAD CING, , LHA DANG MI RNAMS DBUGS KYANG 'BYIN, ,'CHI BDAG BSTAN PA KHAMS GSUM GYI, ,SA CHEN DAG NA SPYOD BGYID PA, ,MI THOGS BZLOG PA MA MCHIS PA'ANG, ,KHYOD KYI BSTAN PAS ZIL GYIS MNAN, ,KHYOD KYI BSTAN PA'I LUGS 'TSAL BA, ,DGA' NA BSKAL PAR YANG GNAS LA, ,GANG DU BDUD KYIS MI RDZI BA, ,DER YANG DGA' MGUR RAB TU MCHI, ,LUNG GI DON NI BSAM PA DANG, ,BSGOM DANG GUS PAR MNYAN PA YI, ,DUS GSUM CHA DBYE KHYOD KYI NI, ,BSTAN LAS GZHAN LA MCHIS MA LAGS, ,DRANG SRONG SKYES MCHOG KHYOD KYI BSTAN, ,DE LTAR LEGS PAS KHYAB 'DI LA, ,MA GUS GANG LAGS DE LAS NI, ,SDUG BSNGAL CHEN PO'ANG CI ZHIG MCHIS, ,BSTAN PA LA BSTOD PA STE LE'U BRGYAD PA'O,, ,,KHYOD THOS PAS NI SPRO BA SKYE, ,MTHONG BAS DAD PA SKYE BAR 'GYUR, ,KHYOD GSUNG THOS PAS DGA' 'GYUR TE, ,BSTAN PAS RNAM PAR GROL BAR MDZAD, ,KHYOD KYI SRAS KYIS MGU BAR 'GYUR, ,'PHEL BAS SKYE DGU RNAMS KYANG DGA', ,GSHEGS PA NA NI PHAN 'DOGS MDZAD, ,LDOG PA NA NI RGUD PAR 'GYUR, ,BSGRAGS PAS SDIG PA 'PHROG PAR MDZAD, ,KHYOD DRAN PAS NI RANGS PAR 'GYUR, ,BTZAL BAS BLO GROS SKYE 'GYUR TE, ,YONGS SU SHES PAS RNAM PAR 'DAG ,KHYOD LA BSU BAS DPAL DU BYED, ,BSTEN PAS BLO GROS MCHOG TU 'GYUR, ,BSTEN NA 'JIGS PA MED PAR MDZAD, ,BSNYEN BKUR BGYIS PAS BDE BAR 'GYUR, ,TSUL KHRIMS PHUN SUM TSOGS PAS DAG ,BSAM GTAN PHUN SUM TSOGS PAS DANG, ,SHES RAB PHUN TSOGS MI 'KHRUGS PAS, ,KHYOD NI BSOD NAMS MTSO CHEN LAGS, ,KHYOD SKU BLTAR 'OS RIN CHEN TE, ,LEGS GSUNGS MNYAN 'OS RIN CHEN LAGS, ,CHOS NI SPYAD 'OS RIN CHEN PAS, ,KHYOD NI RIN CHEN 'BYUNG GNAS LAGS, ,KHYOD NI CHU BOS BDAS PA'I GLING, ,SMAS PA'I @114A *, ,BDAG NYID SKYOB PA STE, ,SRID PA'I 'JIGS PAS NYEN PA'I SKYABS, ,THAR 'TSAL RNAMS KYI 'DREN PA LAGS, ,TSUL KHRIMS DAG PHYIR SNOD KYI MCHOG ,ZHING GSHIN 'BRAS BU PHUN SUM TSOGS, ,SROG CHAGS KUN LA PHAN MDZAD PHYIR, ,GROGS KYI PHUL YANG KHYOD LAGS SO, ,PHAN 'DOGS MDZAD PAS MDZA' BSHES TE, ,'GROGS NA BDE PHYIR SNYING DU SDUG, ,ZHI PHYIR GCIG TU YID DU 'ONG, ,YON TAN KUN MNGA' MCHOD 'OS KHYOD, ,SDIG PA MED PAS YID DANG 'THAD, ,SKU GSUNG BZANG BAS DGA' BAR MDZAD, ,DON KUN 'GRUB PHYIR DPAL YANGS TE, ,YON TAN LEGS RTEN BKRA SHIS LAGS, ,SMON LAM LA BSTOD PA STE LE'U DGU PA'O,, ,,KHYOD NI RNGAN THEN BGYID LA SKUL, ,CHOM RKUN BGYID PA TSAR YANG GCOD, ,GYA GYU CAN RNAMS RNAL DU 'GOD, ,DAL BUS BGYID LA GZHEN SKUL 'DEBS, ,DUL BA RNAMS NI LAM LA SBYOR, ,DMU RGOD RNAMS LA BTANG SNYOMS MDZAD, ,DE SLAD SKYES BU 'DUL BA YI, ,KHA LO SGYUR BA BLA MED MCHOG ,KHYOD NI NYAM THAG RNAMS LA BRTZE, ,BDE BAR GNAS LA PHAN PAR DGYES, ,PHONGS PAR GNAS LA THUGS RJE BAS, ,KUN LA PHAN PAR BZHED PA LAGS, ,KHYOD NI DGRA BO RNAMS LA'ANG BYAMS, ,NYAMS PAR GYUR LA PHAN 'DOGS MDZAD, ,GTUM PO RNAMS LA THUGS BRTZE BAS, ,KHYOD NI YA RABS RMAD CIG LAGS, ,PHAN 'DOGS BGYID SLAD PHA MA DAG ,GAL TE BLA MAR 'TSAL NA GO, ,KHYOD NI LHAG PAR PHAN 'DOGS PAS, ,BLA MA NYID GYUR SMOS CI 'TSAL, ,RANG GI DON LA MI LTA BAS, ,NYID KYI DGRA BO LTAR GYUR CING, ,G-YANG SA'I MUN NA GNAS RNAMS LA, ,RA BA LTA BUR GYUR PA'ANG KHYOD, ,'JIG RTEN GNYIS KAR SMAN GDAGS DANG, ,'JIG RTEN LAS NI 'DA' SLAD DU, ,MUN PAR GYUR PA'I 'JIG RTEN LA, ,KHYOD KYIS SHES RAB SNANG BAR MDZAD, ,YUL LA NYE BAR SPYOD PA NA, ,LHA MI'I SPYOD PA THA DAD KYANG, ,CHOS KYI LONGS SPYOD THUN MONG BAS, ,KHYOD LA DBYE BA MI MNGA'O, ,BCOM LDAN KHYOD KYIS SKYE BA DANG, ,NA TSOD RIGS DANG YUL DANG NI, ,DUS KYI SKYON @114B MED CHOS RNAMS KYIS, ,'DI DAG KUN LA SMAN YON BTAGS, ,KHYOD KYI NYAN THOS SRID BRAL ZHING, ,YA MTSAN 'DZIN PA MED RNAMS LA'ANG, ,LHA RNAMS THAL SBYAR SMON BGYID CING, ,YA MTSAN CHE BA LTA BUR MCHOD, ,AE MA'O SANGS RGYAS 'KHOR BA YI, ,NYID GUR GYUR PA BYUNG BA BRJID, ,DES NI MI YANG LHA RNAMS KYIS, ,SMON PAR BYA BA NYID DU GYUR, ,LAM LA 'JUG PA LA BSTOD PA STE LE'U BCU PA'O,, ,,MNYEL DANG ZHE BDE NYAMS GYUR DANG, ,SKYE BO NGAN DANG 'GROGS PA DANG, ,MI MTHUN PA DANG MANG PO YI, ,SKYON YANG YON TAN BZHIN DGONGS SHING; ,'GRO BA'I DON SLAD MA CHAGS PA'I, ,THUGS KYIS BRTZON PA GANG MDZAD PA, ,SANGS RGYAS RNAMS KYI SANGS RGYAS KYI, ,CHOS NYID BCOM LDAN DE RMAD DO, ,BSHOS KYANG PHAL PA GSOL MDZAD CING, RES 'GA' SMYUNG BA DAG KYANG MDZAD, ,NYAM NGA'I SHUL DU'ANG GSHEGS MDZAD CING, ,RAD ROD CAN DU'ANG MNAN LA MDZAD, ,MGON KHYOD GTZO BOR GYUR LAGS KYANG, ,GDUL BYA RNAMS LA BYAMS SLAD DU, ,SKU NGAS BRNGO DANG GCAM TSUL DANG, ,SKAD DANG CHA LUGS SGYUR BA'ANG MDZAD, ,KUN GYIS DGA' MGUR RANG DON PHYIR, ,BRAN BZHIN BSKOR BAR BSGRIMS PA LAS, ,MGON KHYOD RTAG TU BDAG NYID LA, ,MNGA' MA MCHIS PA'ANG MA LAGS SO, ,KHYOD LA GANG DANG GANG DU YANG, ,JI SKAD BSKUL BA'ANG MI SPONG STE, ,NYID KYI SGRUB PA BZANG PO LAS, ,'DA' BAR 'GYUR BA MA MCHIS SO, ,JI LTAR KHYOD NI GNOD BGYID LA, ,PHAN PA LHUR MDZAD DE LTA BUR, ,SKYE BO DAG NI PHAN BGYID LA'ANG, ,PHAN PA DE LTAR LHUR MI BGYID, ,KHYOD NI GNOD BGYID DGRA BO LA, ,PHAN PA MDZAD PA'I BSHES LAGS TE, ,RTAG TU SKYON DAG TSOL BA LA, ,YON TAN 'BA' ZHIG TSOL BA LAGS, ,KHYOD NI GANG NA DUG BCAS SHING, ,ZHUGS DANG BCAS PAR SPYAN DRANGS PA, ,DER NI BRTZER BCAS GSHEGS PA DANG, ,KHYOD LA BDUD RTZI CAN DU GYUR, ,BZOD PAS MI SNYAN BRJOD PA DANG, ,'KHU BA DAG NI BDE LEGS KYIS, ,MI SNYAN SMRA LA BDEN PAS TE, ,KHYOD KYIS SDANG BA BYAMS PAS BTUL, ,THOG MA MED DUS GOMS PA YIS, ,MI YI RANG @115A *, ,BZHIN MANG PO YANG, ,KHYOD KYIS NGAN SONG RNAM BZLOG NAS, ,SKAD CIG NYID LA YONGS SU BSGYUR, ,DKA' BA MDZAD PA BSTOD PA STE LE'U BCU GCIG PA'O,, ,,RTZUB PA DANG 'JAM BGYIS PA DANG, ,'JUNGS PA RNAMS NI GTONG PHOD DANG, ,GTUM PA DES PAR BGYIS PA GANG, ,DE NI KHYOD KYI THABS MKHAS LAGS, ,DGA' BO'I DBANG PO NYER ZHI DANG, ,NGA RGYAL KHENGS PA 'DUD PA DANG, ,SOR MO'I PHRENG BA'ANG ZHI BGYIS NA, ,SU ZHIG NGO MTSAR BSKYED MI BGYID, ,KHYOD KYI CHOS KYI ROS TSIM PAS, ,GSER LAS BGYIS PA'I LAM SPANGS NAS; ,RAN MANG BTING BA'I GNAS MAL DU, ,BRTEN RNAMS BSOD NYAMS NYAL BAR BGYID, ,KHYOD KYIS DUS DANG BSAM MKHYEN PAS, ,RES 'GA' ZHUS NA'ANG MI GSUNG LA, ,SPROS GYUR GZHAN LA BSTAN PA DANG, ,DRUNG DU GSHEGS NAS BSHAD PA'ANG MDZAD, ,DRI MED GOS LA TSON BZHIN DU, ,THOG MAR SBYIN SOGS GTAM DAG GIS, ,SEMS LA SPRO BA BSKYED NAS NI, ,PHYI NAS CHOS NI BSTAN PA MDZAD, ,'KHOR BA MI BZAD GTING NAS NI, ,'GRO BA NYON MONGS DRANG SLAD DU, ,KHYOD KYIS GANG ZHIG MA STZAL BA'I, ,THABS DANG SPYOD PA DE MA MCHIS, ,SKU YI CHA LUGS RNAM MANG DANG, ,GSUNG GIS SO SO'I SKAD BZHIN DU, ,GDUL BYA'I BSAM PA THA DAD PA, ,DE DANG DER NI KHYOD KYIS MDZAD, ,DE DAG KUN KYANG DAG PA DANG, ,MI 'GAL BA DANG MCHOD 'OS DANG, ,BRJID DANG LHA MI RNAMS LA NI, ,SMAN 'DOGS BKUR BA SHA STAG LAGS, ,SMRA DANG BGYID PA PHAL CHER NI, ,LEGS PAR RDO THOGS MA LAGS KYI, ,BDEN PAR GSUNG BA KHYOD LA NI, ,DE GNYIS GZHAN DU GDA' BA LAGS, ,BDAG NYID DAG PA 'BA' ZHIG GIS, ,KHYOD KYIS 'GRO BA'I DPAL ZHING MDZAD, ,'DI LTAR RNAM PA 'DI 'DRA'I ZHING, ,'JIG RTEN GSUM NA MCHIS MA LAGS, ,THOG MED SRID PA NYAM NGA BAR, ,SNGA NAS GCIG TU NYAMS PA YI, ,SEMS CAN KUN LA SMAN SLAD DU, ,KHYOD NI DE LTAR BRTZON PA LAGS, ,MKHAS PA LA BSTOD PA LE'U BCU GNYIS PA'O,, ,,GANG GIS KHYOD DRIN LAN LON PA'I, ,SGRUB DE MCHIS @115B SNYAM MI BGYID DE, ,SKYE BO GANG DAG MYA NGAN 'DAS, ,DE DAG GIS KYANG LAN MA LON, ,KHYOD KYI CHOS LA GNAS DE DAG ,RANG DON KHO NA BGYID PAR BAS, ,DE YI SLAD DU 'O BRGYAL GANG, ,DE LA LAN GO CI ZHIG LON, ,KHYOD NI SEMS CAN GNYID LOG PA'I, ,RGYUD LA GZIGS PA'I ZHUGS TZE BA, ,BAG MED GYUR PA RNAMS KYI NI, ,GROGS BZANG BAG DANG BCAS PA LAGS, ,KHYOD KYIS NYON MONGS GZHOM PA BSHAD, ,BDUD KYI G-YO DAG BSTAN PA MDZAD, ,'KHOR BA'I RANG BZHIN MI BZAD BRJOD, ,'JIGS PA MED PA'I PHYOGS KYANG BSTAN, ,PHAN DGONGS THUGS RJE CAN GYIS NI, ,SEMS CAN RNAMS LA BGYI 'TSAL BA, ,GANG ZHIG KHYOD KYIS MA MDZAD PA, ,GZHAN GO CI ZHIG MCHIS LAGS KYE, ,GAL TE CHOS NI 'DI DAG DANG, ,SPO BA ZHIG TU BTUB NA NI, ,GDON MI 'TSAL BAR KHYOD KYIS NI, ,LHA SBYIN LA BRTEN KUN LA'ANG STZOL, ,DE SLAD 'GRO LA BRDA SPROD PA, ,'GRO BA'I MGON PO KHYOD KYIS NI, 'DI NA PHAN TSUN BYED PA PO, ,MED PA SKAD DU NGES PAR GSUNGS, ,'JIG RTEN RNAMS LA THUGS BRTZE BAS, ,YUN RINGS SA STENGS DAM CHOS BSHAD, ,'JIG RTEN GSUM PHAN 'DOGS NUS PA'I, ,SLOB MA DAM PA'ANG MANG DU BSKRUN, ,MNGON DU GDUL BYA'I TSOGS KYANG NI, ,MDZES BZANGS YAN CHAD BTUL LAGS PAS, ,DA GO KHYOD LA SEMS CAN GYI, ,BU LON LHAG MA CI MCHIS NA, ,'DI LTAR RDO RJE'I TING 'DZIN GYIS, ,SKU GDUNG TIL 'BRU BZHIN BLAGS NAS, ,MJUG TU'ANG KHYOD KYIS SHIN TU NI, , DKA' SPYAD YAL BAR MA DOR RO, ,GZUGS KYI SKU DANG CHOS 'DI DAG ,GZHAN DON KHO NAR MDZAD DO ZHES, ,'JIG RTEN YID CHES DKA' 'DI LA, ,KHYOD KYIS MYA NGAN 'DAS PA BSTAN, ,DE SLAD CHOS SKU MA LUS PA, ,SRAS KYI MCHOG LA GTAD MDZAD DE, ,GZUGS SKU TIL 'BRU LTAR BSHIG NAS, ,KHYOD NI YONGS SU MYA NGAN 'DAS, ,AE MA'O GNAS PA AE MA'O TSUL, ,AE MA'O YON TAN AE MA'O SKU, ,SANGS RGYAS KYI NI CHOS RNAMS LA, ,YA MTSAN MI CHE 'GA' MA MCHIS, ,PHAN 'DOGS MDZAD CING BLTA NA SDUG ,SKU GSUNG PHRIN LAS ZHI GYUR PA, ,KHYOD LA'ANG @116A *, ,SDANG BAR RAB BGYID PA'I, ,RMONGS PA MI BZAD PA LA GZIGS, ,BSOD NAMS RGYA MTSO RIN CHEN GTER, ,YON TAN 'BYUNG GNAS CHOS KYI TSOGS, ,KHYOD LA SEMS CAN GANG 'DUD PA, ,DE DAG LA YANG PHYAG 'TSAL LEGS, ,MGON KHYOD YON TAN MI BAS KYANG, , BDAG GI ZHO SHA BAS 'TSAL BAS, ,DES NA 'JIGS PA MCHIS SLAD DU, ,GLO BA LA NI BCAGS BZHIN MCHIS, ,KHYOD KYI RANG GI NGO BO NYID, ,TSAD MA MCHIS LA BSAM MI KHYAB, ,BSTAN MIN GRANGS KYANG MA MCHIS PA, ,KHYOD BDAG NYID KYIS MKHYEN LAGS GRANG, ,MTSO CHEN CHAB NI BAS PAR MA GYUR KYANG, ,SKYE BO'I GDUNG BA RAB TU ZHI BGYID LTAR, ,KHYOD KYI YON TAN CHA TZAM MA BSGRAGS KYANG, ,BDAG NI MCHOG TU GLO PA DGA' ZHING MCHIS, ,BDAG GIS THUB LA DAD PAS SPOBS SKYES PA'I, ,DGE BA'I LAS 'DI'I 'BRAS BU 'KHRUNGS PA YIS, ,NGAN RTOG RLUNG DMAR 'TSUBS PAS DKRUGS PA YI, ,'GRO BA'I SEMS NI RNAL DU GNAS PAR SHOG ,BU LON MED PAR BSTOD PA STE LE'U BCU GSUM PA'O,, ,,BRGYA LNGA BCU PA'I BSTOD PA SLOB DPON MKHAS PA CHEN PO BRAM ZE RTA DBYANGS KYIS MDZAD PA RDZOGS SO,, ,,RGYA GAR GYI MKHAN PO SHR'I SHRADDHA KA RA WA RMMA DANG, LO TZ'A SH'AKYA BLO GROS KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, SHA TA PANYTZA SHA TI KA N'A MA SYA STO TVA t'I KA ,BOD SKAD DU, BRGYA LNGA BCU PA ZHES BYA BA'I BSTOD PA'I 'GREL PA, ,DKON MCHOG GSUM LA PHYAG 'TSAL LO, , SPEL MAR BSTOD PA PHYOGS GLANG POS, ,ZAB MO NYE BAR BSHAD PA NI, ,BRGYA NI LNGA BCU PA YI DON, ,RMAD BYUNG DE LAS RNAM SHES NAS, ,RGYAL BA LA NI GUS PA YI, ,DGA' BYED SNYAN PA'I DGE SLONG GIS, ,DE YI PHYOGS LA DAD PA YIS, ,RNAM PAR DBYE BA RAB TU BYA, ,DE LA 'DIR BRGYA LNGA BCU PA'I BSTOD PA RE ZHIG DANG POR GLENG BSLANG BA DANG, RGYU DANG 'BRAS BU DANG, SMAN 'DOGS PA'I SGO NAS BSTOD PA DANG, BCU GSUM DU RAB TU BSTAN PA NI 'DI LTA STE, GLENG BSLANG BA'I BSTOD PA DANG, PHA ROL TU PHYIN PA DRUG GI RGYU THUN MONG MA YIN PA'I PHYIR GCIG TU BYAS NAS @116B RGYU LA BSTOD PA'O, ,'BRAS BU LA BSTOD PA NI DPE MED PA LA SOGS PA'I DBYE BAS RNAM PA GSUM STE, DPE MED PA LA BSTOD PA DANG, RMAD DU BYUNG BA LA BSTOD PA DANG, SKU LA BSTOD PA ZHES BYA BA'O, ,SMAN 'DOGS PA'I BSTOD PA NI SNYING RJE LA SOGS PA'I DBYE BAS RNAM PA BRGYAD DE, THUGS RJE LA BSTOD PA DANG, GSUNG LA BSTOD PA DANG, BSTAN PA LA BSTOD PA DANG, SMON LAM LA BSTOD PA DANG, LAM LA 'JUG PA LA BSTOD PA DANG, DKA' BA MDZAD PA LA BSTOD PA DANG, MKHAS PAR BSTOD PA DANG, BU LON MED PA LA BSTOD PA ZHES BYA'O, ,DE RNAMS KYI BSDUS BA'I TSIGS SU BCAD PA DAG NI, GLENG BSLANG BSTOD DANG RGYU LA NI, ,RNAM DRUG 'BRAS BU DPE MED DANG, ,RMAD DU BYUNG DANG DE BZHIN SKU, ,SMAN 'DOGS RNAM BRGYAD DE YANG NI, ,THUGS RJE GSUNG DANG BSTAN PA DANG, ,SMON LAM DANG NI LAM 'JUG DANG, ,DKA' MDZAD NYID DANG MKHAS PA DANG, , BU LON MED DANG BCU GSUM MO, ,BSTOD PA BCU GSUM PO DE RNAMS KYI RE RE'I BSHAD PA YONGS SU RDZOGS PA NI PHYIS BSHAD PAR BYA'O, ,DE LA GLENG BSLANG BA ZHES BYA BA NI DANG POR BRTZAM PA'O, ,GLENG BSLANG BA DER DON GANG DANG GANG GIS BSHAD PA ZHES BYA BA BSTAN PA DANG, RGYU LA BSTOD PA LA SOGS PA RNAMS LA YANG TSIGS SU BCAD PA GANG GIS DON GANG BSHAD PA DE YANG RAB TU BSHAD PAR BYA'O, ,RE ZHIG GLENG BSLANG BA'I BSTOD PA'I TSIG GI DON NI DE BZHIN GSHEGS PA LA SKYABS SU 'GRO BA LA SOGS PA'I MCHOD 'OS NYID DANG, DE BZHIN GSHEGS PA'I RGYU NYID DANG DE BZHIN GSHEGS PA'I NYES PA MA LUS PA ZAD PA RJES SU DPAG PA DANG, YON TAN MA LUS PA MI SHES PAS KYANG BCOM LDAN 'DAS LA YON TAN GYI PHYOGS GCIG TZAM GYIS BSTOD PA DANG PHYAG 'TSAL BA'I YON TAN GYI PHYOGS TZAM BSHAD PA ZHES BYA'O, ,'DIR YANG BSDUS PA'I TSIGS SU BCAD PA NI, STON LA SKYABS 'GRO SOGS MCHOD 'OS, ,NYES PA MED PA RJES SU DPAG, ,YON TAN MTHA' YAS KYANG NI CHAS, ,BSTOD PA 'DIR NI PHYAG 'TSAL PHYOGS, ,DE LA GANG LA'ANG RNAM PAR THAMS CAD DU ZHES BYA BA RGYAS PAR BSHAD PA'I PHYIR TSIGS SU BCAD PA GNYIS BRTZAM @117A *, ,PAR BYA STE, GANG ZHIG LA NI NYES PA KUN, ,GTAN NAS YOD YE MI MNGA' ZHING, ,GANG LA'ANG RNAM PA THAMS CAD DU, ,YON TAN THAMS CAD GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ,GANG ZHIG LA NI NYES PA KUN, ,ZHES SMROS PA LA, DE NYID LA NI SKYABS SU 'GRO BA'I RIGS ZHES BYA BA LA SOGS PA'I TSIG DANG SBYAR RO, ,GANG ZHIG CES BYA BA NI THUN MONG GI SGRA YIN YANG DON GYIS SANGS RGYAS BCOM LDAN 'DAS KHO NA LA 'JUG GO, , GANG GI PHYIR NYES PA THAMS CAD ZAD PA DANG YON TAN MA LUS PA DANG LDAN PA NI GZHAN MED PA DE'I PHYIR 'DI LTAR BSHAD DE, THAMS CAD MKHYEN LA YON TAN KUN, ,MNGA' LA DE YANG NYAMS MI MNGA', ,NYES PA BAG CHAGS BCAS DE YANG, ,SKYOB PA GCIG PU LA MI MNGA', , ZHES BYA'O, ,NYES PA ZHES BYA BA NI 'DOD CHAGS LA SOGS PA STE, NYES PA BYED PA ZHES BYA BA'I PHYIR RO, ,YANG NA LUS DANG NGAG DANG YID KYI RGYUD LA NYES PA BYED PA NI SNOD MA YIN PAR BYED PA ZHES BYA BAS NA NYES PA'O, ,MI MNGA' ZHES BYA BA NI MI MNGA' BA STE, SKYON DU GYUR PA MA BRNYES PA'I PHYIR RO, ,YOD YE ZHES BYA BA NI BCOM LDAN 'DAS KYI SPANGS PA PHUN SUM TSOGS PAS NGO MTSAR BA GSAL BAR BYED PA'O, ,YANG NA TSIG KHA BSKANG BA'I PHYIR TSIG GI PHRAD DO, ,GANG ZHIG LA NYES PA MI MNGA' BA DE SKYABS SU 'GRO BA LA SOGS PA'I MCHOD 'OS PA ZHES BYA'O, ,PHYI ROL GYI 'DOD CHAGS DANG BRAL BA DANG, SLOB PA RNAMS LA NYES PA MED PA'I PHYIR SKYABS SU 'GRO BA LA SOGS PA'I MCHOD 'OS SU THAL BAR 'GYUR ZHES PAS NA, DE BSAL BAR BYA BA'I PHYIR 'DI BSHAD DE, THAMS CAD CES BYA BA NI MA LUS PA ZHES BYA BA'I DON TO, ,GAL TE PHYI ROL GYI 'DOD CHAGS DANG BRAL BA DE RNAMS KYI NYES PA MED NA YANG DE BZHIN DU SRID PA'I RTZE MO'I NYES PA NGES PAR MA SPANGS PA'I PHYIR DANG, SLOB PA PO RNAMS KYI YANG JI LTA BAR SBYOR BAS KHAMS GSUM DANG, GNYIS DANG GCIG GI THOB PA'I BSGOM PAS SPANG BAR BYA BA RNAMS MA SPANGS PA'I PHYIR RO, ,DGRA @117B BCOM PA RNAMS LA YANG KHAMS GSUM GYI NYES PA MED NA DE RNAMS KYANG SKYABS SU 'GRO BA LA SOGS PA'I MCHOD 'OS SU THAL BAR 'GYUR ZHES PAS NA BSHAD PA, GTAN NAS ZHES BYA BA NI DUS THAMS CAD DU'O ZHES BYA BA'O, ,DON GANG YIN ZHE NA, GAL TE DGRA BCOM PA RNAMS LA YANG NYES PA THAMS CAD MED MOD KYI GTAN NAS MED PA NI MA YIN TE, YONGS SU SPANGS PA'I DUS SU YOD PA DANG, DGRA BCOM PA RNAMS KYIS YONGS SU MA SPANGS PA'I CHOS CAN YIN PA'I PHYIR RO, ,'O NA RANG SANGS RGYAS RNAMS LA YANG NYES PA THAMS CAD GTAN NAS MED PAS DE LA YANG SKYABS SU 'GRO BA'I MCHOD 'OS SU THAL BAR 'GYUR RO ZHES BYA BAS NA DE RNAMS LAS KYANG KHYAD PAR DU BYA BA'I PHYIR BSHAD PA, RNAM PA THAMS CAD CES BYA BA NI RNAM PA THAMS CAD KYIS ZHES BYA BA'I DON TO, ,GANG GI PHYIR DE RNAMS KYIS RNAM PA THAMS CAD DU 'DOD CHAGS PA LA SOGS PA SPANGS PAR MA GYUR TE, DE RNAMS KYIS BAG CHAGS MA SPANGS PA'I PHYIR RO, ,DE BAS NA DE RNAMS KYANG SKYABS SU 'GRO BA LA SOGS PA'I MCHOD 'OS MA YIN NO, ,BCOM LDAN 'DAS LA YANG NYES PA THAMS CAD NI GTAN NAS RNAM PA THAMS CAD DU MI MNGA'O, ,DE'I PHYIR NA NYES PA MA LUS PA SHIN TU MI MNGA' BA'I SLAD DU BCOM LDAN 'DAS KHO NA LA SKYABS SU 'GRO BA LA SOGS PA'I MCHOD 'OS PA YIN NO ZHES BSHAD DO, ,GANG ZHIG LA NI NYES PA KUN MI MNGA', ,ZHES BYA BA NI BSHAD PA'I GO RIMS KYIS TSIGS SU BCAD PA 'DI LTAR GDON NA RJES SU MTHUN PAR MI 'GYUR RO ZHES PAS NA, TSIGS SU BCAD PA DANG RJES SU MTHUN PA'I PHYIR NA GTAN NAS DANG, RNAM PA THAMS CAD CES BYA BA NI GO RIMS SU GDON PA'O, ,PHYI ROL GYI RI BO LA SOGS PA'I DNGOS PO RNAMS LA YANG GTAN NAS RNAM PA THAMS CAD DU NYES PA MED NA DE RNAMS LA YANG SKYABS SU 'GRO BA LA SOGS PA'I MCHOD 'OS SU THAL BAR 'GYUR ZHES PAS NA, DE DAG DGAG PAR BYA BA'I PHYIR, BSHAD PA THAMS CAD NAS RNAM PA THAMS CAD DU ZHES BYA BA NI YON TAN THAMS CAD CES BYA BA DANG SBYAR RO, ,YANG YON TAN THAMS CAD GANG ZHE NA, NYAN THOS DANG THUN @118A *, ,MONG DU NYON MONGS PA MED PA DANG SMON LAM GYI YE SHES LA SOGS PA'O, ,THUN MONG MA YIN PA RNAMS KYANG MA 'DRES PA DANG, STOBS DANG, MI 'JIGS PA LA SOGS PA'O, ,DE RNAMS KYANG CHUNG NGU DANG, 'BRING LA SOGS PA'I DBYE BAS NI MA YIN TE, 'ON KYANG CHEN PO NYID LA GNAS PA ZHES BYA BAS NA BSHAD PA, RNAM PA THAMS CAD CES BYA BA NI KHYAD PAR THAMS CAD KYIS ZHES BYA BA'I DON TO, ,KHYAD PAR 'PHAGS PAR BGYI BA LA, ,KHYOD LA THANG LHOD 'GA' MA BYUNG, ,DE SLAD KHYOD KYI KHYAD PAR RNAMS, ,THOG DRUNG RIM PA DBYER MA MCHIS, ,ZHES PA GANG 'CHAD PAR 'GYUR BA'O, ,GANG LA ZHES BYA BA NI DON GYIS BCOM LDAN 'DAS KHO NA DANG SBYAR RO, ,'ANG ZHES BYA BA'I SGRA NI KHYAD PAR GYI RGYU GSAL BAR BYED PA'O, ,NYES PA MA LUS PA ZAD PAR GYUR PA DANG, YON TAN GYI KHYAD PAR MA LUS PA DANG LDAN PA'I PHYIR DE NYID LA NI SKYABS SU 'GRO BA'I RIGS SO ZHES BYA BA NI RGYAS PA'O, ,GNAS GYUR ZHES BYA BA NI YANG DAG PAR GNAS PA STE, BZHED PA TZAM GYI PHYIR DANG, MNGON DU GYUR PA'I NUS PA YIN PA'I PHYIR RO, ,YON TAN NI SNGAR BSHAD PA STE, NYES PA'I GNYEN POR BGRANG ZHING GOMS PAR BYAS NA ZHES BYA BA'I PHYIR RO, ,BSHAD PA NI 'DI YIN TE; NYES PA MED PA TZAM GYIS YON TAN MED PA SKYABS MI NUS SO, ,SKYABS KYI DON NI SKYABS KYI DON ZHES BYA STE GRUB PA'I MTHA'O, ,RI BO LA SOGS PA DE RNAMS KYANG YON TAN MED PA'O, ,BCOM LDAN 'DAS NI NYES PA MI MNGA' BA DANG, YON TAN DANG LDAN PA'O, ,DE BAS NA DE NYID SKYABS SU 'GRO BA LA SOGS PA'I MCHOD 'OS PA YIN GYI RI BO LA SOGS PA NI MA YIN ZHES BYA'O, ,DE NYID KYI PHYIR MANG PO SKYABS SU 'GRO BA NI, RO BO DAG DANG NAGS TSAL DANG, ,SKYED MOS TSAL DANG SHING DRUNG DANG, ,MI RNAMS 'JIGS PAS BSDIGS PA YI, ,SKYABS 'GRO 'DI NI MCHOG MA YIN; ,SKYABS 'GRO 'DI NI DAM PA MIN, ,DE LA SKYABS SU 'GRO BAS NI, ,SDUG BSNGAL KUN LAS GROL MI 'GYUR, ,ZHES BCOM LDAN 'DAS KYIS GSUNGS PA'O, ,GAL TE RNAM PA THAMS CAD DU YON TAN GNAS PAR GYUR PAS BCOM LDAN 'DAS NYAN THOS LA SOGS PA RNAMS LAS KHYOD @118B PAR DU GYUR PA'I PHYIR SKYABS SU 'GRO BA LA SOGS PA'I MCHOD 'OS PA YIN NA YANG DE BZHIN DU SPANGS PA PHUN SUM TSOGS PAS KYANG BCOM LDAN 'DAS BSTOD PAR 'GYUR RO ZHES BYA BAS NA, GTAN NAS RNAM PA THAMS CAD DU, ,ZHES BYA BA LA SOGS PA'I TSIGS SU BCAD PAS BSHAD DO, , DE ZHES BYA BA NI SNGAR BSHAD PA'I NYES PA THAMS CAD MI MNGA' BA DANG, YON TAN THAMS CAD DANG LDAN PA YANG NGO, ,NYID CES BYA BA NI NGES PAR GZUNG BA'O, ,NGES PAR GZUNG BA GANG YIN PA NA, SKYABS SU 'GRO BA LA SOGS PA'O, ,DE LTAR GYUR BA LAS GZHAN PA NI SKYABS SU 'GRO BA LA SOGS PA'I SNOD MA YIN NO ZHES BYA BA'O, ,SKYABS 'GRO ZHING ZHES BYA BA NI SKYABS KHAS BLANGS PA'I PHYIR RO, ,SKYABS KYI DON NI SKYABS KYI DON, ,ZHES SNGAR BSHAD DE, DES NI YID KYI LAS LA SPRO BAR BYED DO, ,DE BSTOD CES BYA BA NI YANG DAG PAR GYUR PA'I YON TAN LA BSTOD PA'O, , 'GRO BA'I RIGS ZHES BYA BA NI THAMS CAD LA SBYAR RO, ,DES NI NGAG GI LAS LA SPRO BAR BYED DO, ,DE NI BKUR BA DANG ZHES BYA BA NI THAL MO SBYAR BA LA SOGS PAS BSNYEN BKUR BYA ZHES PAR DGONGS PAS SO, ,DES NI LUS KYI LAS LA SPRO BAR BYED DO, ,DE'I BSTAN LA GNAS ZHES BYA BA NI LUS DANG NGAG DANG YID DAG GIS NGES BKAG PA MI SPYAD PA DANG, RJES SU GNANG BA SGRUB PAR BYED PA'O, ,DE LTAR BUS NI BCOM LDAN 'DAS KYI BSTAN PA LA GNAS PAR 'GYUR TE, DES NI SGRUB PA LA SPRO BAR BYED DO, ,RIGS PA ZHES BYA BA NI RIGS PA LAS MA 'DAS PA STE, RIGS PA DANG MTHUN PA ZHES BYA BA'I DON TO, ,GAL TE SEMS SHIG YOD NA NI, ,ZHES BYA BA NI BDAG NYID LA PHAN PA'I SEMS GZUNG BAR BYA STE, GTZO BO YIN PA'I PHYIR RO, ,BDAG LA PHAN PAR SEMS PAS NA ZHES BYA'O, ,GZHAN DU NA PHYUGS RNAMS LA YANG SEMS YOD DE, DE RNAMS KYIS NI NYES PA DANG YON TAN BRTAG PA'I NUS PA DMAN PAS BDAG LA PHAN PAR MI SEMS PA'O, ,DE BAS NA BDAG LA PHAN PAR SEMS PA GANG YIN PA DES NI NYES PA THAMS CAD MI MNGA' BA DANG, YON TAN THAMS CAD DANG LDAN PA LA SKYABS SU 'GRO BA BYA BA DANG, DE'I BSTAN PA @119A *, ,LA GNAS PAR BYA'O ZHES BSTAN TO, ,DE LTA BAS NA TSIGS SU BCAD PA DE GNYIS KYIS NI STON PA LA SKYABS SU 'GRO BA LA SOGS PA'I MCHOD 'OS BSTAN TO, ,DGONGS PA GANG GIS SLOB DPON 'DI NYID KYIS SKYABS SU 'GRO BA LA SOGS PA'I MCHOD 'OS PA 'DI LTA BUS GSAL BAR BYAS SO ZHES BYA BA BSHAD PAR BYA STE, 'DIR YANG SLOB DPON PHYOGS KYI GLANG POS ZHAR LA BSTAN TO, ,KHA CIG NA RE SKYABS SU 'GRO BA LA SOGS PA'I MCHOD 'OS PA MI SHES PAS 'DI SKAD ZER TE, DE RING GANG LA SKYABS SU MCHI, ,JI SRID BDAG LA SEMS YOD NA; ,GANG GI BSTAN LA GNAS PA DANG, ,GANG BSTOD GANG LA BSNYEN BKUR BGYI, ,ZHES BYA BA DE'I PHYIR, GTAN NAS RNAM PA THAMS CAD DU, ,ZHES BYA BA RGYAS PAR SLOB DPON GYIS BSHAD DO, ,'DIR YANG 'DI LTAR 'CHAD PAR 'DOD PAS GANG GI PHYIR 'JIGS PA DANG BCAS PA'I 'JIG RTEN PAS SKYABS SU 'GRO BA LA SOGS PA'I MCHOD 'OS PA TSOL BAR BYED PA DE RNAMS GANG LA 'JIGS PA GANG GIS 'DI NYID SMRAS PA ZHES BYA'O, ,'DI NYID SPEL MA'I SPEL MAR GNAS BRTAN SH'AKYA BLOS BSHAD PA NI, 'BAR ZHING TSA BA'I 'DOD CHAGS SOGS, ,ME YIS LUS NI BSREGS GYUR CING, ,SKYE MCHED KUN LA GNOD BYED PA'I, ,DMYAL BAR YID NI SKRAG GYUR PAS, ,DE RING GANG LA SKYABS SU MCHI, ,ZHES PA NI RGYAS PA'O, ,BSHAD PA NI 'DI YIN TE, 'DOD CHAGS LA SOGS PA'I MES YANG DAG PAR GDUNGS PA'I LUS DANG LDAN PA DBANG PO KUN LA GNOD PA'I DMYAL BA LAS YID SKRAG NAS SKYABS SU 'GRO BA LA SOGS PA'I MCHOD 'OS PA TSOL BAR BYED PA DAG GI DBANG DU BYAS NAS, ,GTAN NAS RNAM PA THAMS CAD DU, ,ZHES BYA BA NI RGYAS PAR BSHAD DO, ,SKYABS SU 'GRO BA LA SOGS PA'I MCHOD 'OS PA DE DANG 'DRA BA GANG YIN ZHE NA, MNGON SUM DU MA BSHAD PA DE'I PHYIR 'DI BSHAD PAR BYA STE, ,THAMS CAD MKHYEN LA YON TAN KUN, ,MNGA' LA DE YANG NYAMS MI MNGA', ,NYES PA BAG CHAGS BCAS DE YANG, ,SKYOB PA GCIG PU LA MI MNGA', ,NYES PA BAG CHAGS BCAS DE ZHES BYA BA LA, BAG CHAGS DANG BCAS @119B BAR 'JUG PA ZHES BYA BA NI BAG CHAGS BCAS PA STE NYES PA'O, ,DE LA BAG CHAGS ZHES BYA BA GANG YIN ZHE NA, DE LA GSUNG RAB LA MKHAS PA KHA CIG NI JI LTAR ME TOG DANG BCAS PA'I TIL RNAMS KYI DRI DANG LDAN PA'I ME TOG BSAL NA YANG DE DANG 'DRA BA'I DRI GZHAN 'BYUNG BA ZHES ZER RO, ,YANG NA JI LTAR LU GU RGYUD DU SPREL BA LAS GROL BA'I SKYES BUS YUN RING POR GOMS PA'I DBANG GIS SNGAR GYI 'GRO BA DANG 'DRA BAR 'GRO BA DE BZHIN DU NYES PA SPANGS PAR GYUR NA YANG 'PHAGS PA NYAN THOS RNAMS KYI NYES PA BUD SHING BSTAN PA'I PHYIR DANG, 'PHAGS PA'I LAM GYI ME MYUR BA MA YIN PA'I PHYIR SENG LDENG GI BUD SHING GI DMAN PA'I MES BSREGS PA'I SOL BA DANG 'DRA BA NYES PA DANG MTSUNGS PA SEMS DANG SEMS LAS BYUNG BA'I KHYAD PAR LUNG DU MA BSTAN PA RGYUD LA LHAG MAR GYUR PA GANG YIN PA DE NI BAG CHAGS ZHES BYA'O, ,GANG GI PHYIR DE BZHIN DU 'PHAGS PA SH'A RI'I BU'I CHAGS PA'I BAG CHAGS THOS PA NI GANG GI TSE GNAS BRTAN MOOD GAL GYI BU CHEN PO'I YAN LAG DANG NYING LAG BRAM ZE RAB TU BYUNG BA DBYIG PA'I GTZUG PHUD CAN GYIS DBYUG PAS BRDEGS SHING BU RAM GYI SHING DANG 'DRA BAR BRDUNGS PA DE'I TSE RGYAL PO MA SKYES DGRAS DE SMAN PA DAG LA GTAD DE ZHAG BDUN GYIS 'DI SOS PAR GYIS SHIG ,GZHAN DU NA KHYOD KYI RNYED PA KUN DU DBRAL BAR BYA'O ZHES PA NA, SLOB DPON DE YANG RGAN PA'I PHYIR DANG, SHIN TU BRDEGS PA'I PHYIR GSO BAR MA NUS PA DE'I PHYIR YONGS SU MYA NGAN LAS 'DA' BAR DOGS PAR GYUR TO, ,DE'I YANG YONGS SU MYA NGAN LAS 'DA' BAR 'DOD PA'I DGONGS PA SHES NAS THOG MA MED PA'I DUS KYI RGYUD LA BAG CHAGS KYI LHAG MA DANG LDAN PA 'PHAGS PA SH'A RI'I BU DGE SLONG KHRI PHRAG BDUN GYI 'KHOR DANG BCAS PA SNGA DRO YONGS SU MYA NGAN LAS 'DAS SO, ,DE'I 'CHI BA BZOD MA NUS PAS GNAS BRTAN MOD GAL GYI BU CHEN PO DGE SLONG STONG PHRAG BDUN CU RTZA DRUG DANG BCAS PA YONGS SU MYA NGAN LAS 'DAS ZHES BYA'O, ,CHU BO GANG+G'AS KYANG DE'I NYIN LA GTZUG LAG KHANG KHYER BAS NA GNAS BRTAN PI LINDA'I BUS GZUGS 'TSONG MA RENGS PAR GYUR CIG CES CHU BO GANG+G'A LA SMRAS SO, ,DE NI TSE @120A *, ,SNGA MA LA BRAM ZE YIN PAS NA DE NI DE'I NGA RGYAL GYI BAG CHAGS SO, ,DE BAS NA SKYE BO'I RTZOD PAS CHU BO GANG+G'A LA DMOD PA DOR RO ZHES BYA STE, DE'I PHYIR NA DE DANG 'DRA BA'I BAG CHAGS DANG BCAS PA ZHES BYA'O, ,DE BAS NA NYON MONGS PA'I BUD SHING DMAN PA'I PHYIR DANG, 'PHAGS PA'I LAM GYI ME SHIN TU RNO BA'I PHYIR MAR DANG TIL MAR GYI RNO BA'I MES BSREGS PA'I DNGOS PO DANG 'DRA BA'I SKYON NI MI MNGA' STE SPANGS PA'I PHYIR RO, ,GANG GI YIN ZHE NA, SKYOB PA ZHES BYA BAR BSHAD DO, ,JI LTAR BDAG GI RGYUD LA DE, ,BAG CHAGS LHAG MA'ANG MA LUS PA, , DE LTAR RNAM PA THAMS CAD DU, ,NYES PA KHYOD KYIS RAB TU BCOM, ,ZHES DE LTAR 'CHAD PAR 'GYUR TE, GANG ZHIG LA NI DE LTA BU'I NYES PA MED PA DANG, 'DI LTA BU'I YON TAN MNGA' BA DE NI SKYABS SU 'GRO BA LA SOGS PA'I MCHOD 'OS PA THAR PA 'DOD PA RNAMS KYIS KHAS BLANGS SO, ,DE BZHIN DU YANG BCOM LDAN 'DAS KYI NI JI LTAR BSHAD PA'I NYES PA MI MNGA' BA DANG YON TAN KHO NA MNGA' BA ZHES BYA'O, ,DE YANG ZHES BYA BA NI JI LTAR BSHAD PA'I RNAM PA CAN GYI NYES PA GZUNG NGO, ,NYES PA ZHES BYA BA'I DON NI BSHAD ZIN TE, MI MNGA' BA ZHES BYA BA YANG NGO, ,GCIG PU ZHES BYA BA NI NGES PAR 'DZIN PA'O, ,GCIG KHO NA YIN GYI GNYIS PA NI MA YIN NO, ,GCIG GANG ZHE NA, BSHAD PA, SKYOB PA'I DBANG THOB PA ZHES BYA BA'I DON TO, ,BCOM LDAN 'DAS GCIG PU CHOS RNAMS LA SKYOB PA ZHES BYA STE, SKYOB PA GZHAN MED DO ZHES BYA BAS NA DE LTAR GSUNGS PA'O, , YANG NA TA SPRI KHAMS NI SKYONG BA'I DON TE NGES PAR nI NI'I RKYEN CAN NO, ,DES NA GDUL BYA'I DUS 'DAS NAS NGES PAR SKYOB PAR BYED PAS NA, SKYOB PA ZHES BSHAD DO, ,CHU SRIN GYI GZHI RGYA MTSOS KYANG, ,DUS NI SHIN TU 'DA' BYED LA, ,GDUL BYA'I SEMS CAN RNAMS KYI NI, ,DUS LAS SANGS RGYAS 'DA' MI MDZAD, ,CES DE BZHIN DU GSUNGS PA'O, ,KUN ZHES BYA BA NI YON TAN DANG SBYAR RO, ,THAMS CAD MKHYEN PA ZHES BYA BA NI THAMS CAD MKHYEN CING THAMS CAD MKHYEN PAR GYUR PAS NA THAMS CAD MKHYEN PA NI YON TAN DANG YE SHES KYI KHYAD PAR RO, ,YANG NA THAMS @120B CAD MKHYEN PA ZHES BYA BA NI DRUG PA'I MTHA' CAN TE SKYOB PA DANG SBYAR RO, ,DE YANG ZHES BYA BA NI YON TAN NO, ,NYAMS MI MNGA' ZHES BYA BA NI MI 'GYUR BA'I NGANG TSUL CAN NO, ,DES NI STON PA'I CHOS NYID MI NYAMS PA BSTAN TO, ,YANG NA NYAMS PA MI MNGA' BA NI NYES PA MI MNGA' BA SKYOB PA THAMS CAD MKHYEN PA ZHES BYA'O, ,DE'I YON TAN LA BSTOD PA BRJOD PAS NI BCOM LDAN 'DAS KHO NA LA BSTOD PA DANG SBYAR RO, ,DE'I PHYIR NA NYES PA BAG CHAGS DANG BCAS PA MA LUS PA SPANGS PA DANG, YON TAN THAMS CAD PHUN SUM TSOGS PA MNGA' BA YANG BCOM LDAN 'DAS LA SKYABS SU 'GRO BA LA SOGS PA'I MCHOD 'OS PA'I RGYU BSHAD DO, ,BCOM LDAN 'DAS LA NYES PA BAG CHAGS DANG BCAS PA YANG MI MNGA' BA ZHES JI LTAR RTOGS PAR 'GYUR ZHE NA BSHAD PA, 'DIR RJES SU DPAG PA BSHAD PAR BYA STE, BCOM LDAN 'DAS KYI SKU DANG NI, ,GSUNG DANG THUGS KYI PHRIN LAS LA, ,ZHE 'GRAS GYUR PA GANG GIS KYANG, ,CHOS DANG LDAN PAR GLAGS MI RNYED, ,ZHE 'GRAS GYUR PAS MI RNYED CES BYA BA NI RGYAS PA'O, ,MI ZHES BYA BA NI DGAG PA BSHAD PA'O, ,BCOM LDAN 'DAS KYI LA GLAGS MI RNYED CES BYA BA DANG 'DIR SBYAR RO, ,KYANG ZHES BYA BA NI GANG GI ZHES BYA BA'I DON LA'O, ,GANG DU MI RNYED CE NA BSHAD PA, ,SKU DANG GSUNG DANG THUGS KYI PHRIN LAS ZHES BYA BA NI SKU DANG GSUNG DANG THUGS ZHES BYA STE, SKU GSUNG THUGS SO, ,PHRIN LAS KYI SGRA NI RE RE DANG SBYAR RO, ,GANG GIS MI RNYED CE NA BSHAD PA, ZHES 'GRAS PA ZHES BYA BA NI RGYAS PA'O, , RTOG PA CHUNG BA 'BA' ZHIG TU MA ZAD KYI 'ON KYANG SKYON TSOL BA LA GZHOL BAS KYANG ZHES BYA BA'I DON TO, ,CHAR DUS KYI ZLA BA BZHI'I BAR DU BCOM LDAN 'DAS KYI THAD DU 'DUG PA PHYI MA'I MIS SKYES BU CHEN PO'I MTSANG BTZAL BAR BYA BA'I PHYIR DANG, TSUL BZHIN MA YIN PA RNAMS DPYAD PAR BYA BA'I PHYIR YANG BCOM LDAN 'DAS KYI 'DOD CHAGS LA SOGS PA'I NYES PA TZAM YANG MA MTHONG NGO ZHES BYA BA NI MDO'I DON TO, ,'O NA MDZES MA RAB TU BYUNG BA LA BRTEN PAS MU STEGS PA GZHAN GYIS GLAGS RNYED DO ZHES BYA BAS NA, BSHAD PA, CHOS DANG LDAN PA ZHES BYA BA NI CHOS KYI SGRA NI BDEN PA LA 'JUG PA'O, , @121A *, ,NGES NA BSHAD PA NI 'DI YIN TE, BDEN PA DANG BCAS PAR 'JUG PA GANG YIN PA DES NI GLAGS MI RNYED DO, ,GANG GIS BDEN PA SPANGS NAS BCOM LDAN 'DAS LA SMOD PAR BYED PA DE LA DGAG PA LTA SMOS CI DGOS, DE BZHIN DU DE BZHIN GSHEGS PA BLTAMS PAS MU STEGS PA DE RNAMS RNYED PA DANG BKUR STI MA RNYED PAS MDZES MA RAB TU BYUNG BA RANG GIS BSAD NAS BCOM LDAN 'DAS LA MI BSNGAGS PA'I GTAM BSGRAGS PA NI DGE SBYONG GOO TA MAS 'DI NI BSNYEN BKUR BYED DU BCUG NAS BSAD DO ZHES BYA BA'O, ,DE NAS MU STEGS PA KHA CIG RNYED PA DANG BKUR STI RNYED PAS 'THAB KROL MKHAN GYI MU STEGS PA GZHAN LA SMRAS PA, MDZES MA KHYED CAG RANG GIS BSAD NA DGE SBYONG GOO TA MA LA SMOD DAM ZHES PA RGYAL PO GSAL RGYAL GYIS THOS NAS YUL NAS BSKRAD DO, ,DE BZHIN DU TZI TZA DKA' THUB MA'I MI BSNGAGS PA'I DPE BRJOD PAR BYA'O, ,RNYED PA ZHES BYA BA NI 'THOB PA'O, ,GANG GIS ZHES BYA BA NI ZHE 'GRAS PA DANG SBYAR RO, ,BCOM LDAN 'DAS ZHES BYA BA NI DE BZHIN GSHEGS PA LA MCHOD PA'I TSIG GO, ,GLAGS ZHES BYA BA NI SKYON TSOL BA DANG, NYES PA 'DZIN PA ZHES BYA BA'I THA TSIG GO, ,GAL TE NYES PA YOD NA DE LAS BYUNG BA'I SKU DANG GSUNG DANG THUGS KYI PHRIN LAS KYI TSUL DANG MI MTHUN PA'I SPYOD PA TSOL NA SU ZHIG GIS RNYED PAR 'GYUR BA STE, DE BAS NA DE BZHIN GSHEGS PA LA NYES PA MI MNGA'O, ,DE LTA BUS NI BCOM LDAN 'DAS KYI NYES PA ZAD PA'I RJES SU DPAG PA BSTAN NAS, BSTOD PA BYA BA'I DGOS PA BSHAD PAR BYA STE, 'KHOR BA THOG MA MED PAR LCE GCOD PA DANG, NGAN SONG DU SKYE BA LA SOGS PA DANG, NYON MONGS PA DANG BCAS PA BDAG GIS BCOM LDAN 'DAS LA BSTOD PA MA BYAS PA GANG YIN PA DE NI BDAG BSLUS PA YIN NO, ,RGYA MTSOR GNYA' SHING BU GA RU, ,ZHES BYA BA'I RGYA CHE BAS TSIGS SU BCAD PA GNYIS BSHAD PAR BYA STE, RGYA MTSOR GNYA' SHING BU GA RU, ,RUS SBAL MGRIN PA TSUD PA LTAR, ,DAM CHOS DGA' STON CHER BCAS PA'I, ,MI NYID BDAG GIS THOB NAS NI, ,MI RTAG NYID DANG RJES 'BREL ZHING, ,LAS KYI GLAGS LA DOGS BCAS PA, ,BDAG @121B GI LCE 'DI NYID KYIS GO, ,SNYING PO CI PHYIR BLANG MI BYA, ,BDAG GIS ZHES BYA BAS NI BDAG NYID BSTAN TO, ,THOB NAS ZHES BYA BA NI THOB PA'O, ,MI NYID NI SKYE BA'O, ,DAM CHOS DGA' STON CHER BCAS PA, ,ZHES BYA BA NI MI NYID KYI KHYAD PAR RO, ,DAM PA'I CHOS NI DAM PA'I CHOS SO, , YANG NA MDZES PA'I CHOS NI DAM PA'I CHOS SO, ,GAL TE CHOS KYI SGRA 'DI NI GSUNG RAB DANG MYA NGAN LAS 'DAS PA LA SOGS PA MANG PO LA 'JUG PA YANG DE BZHIN DU 'DIR YANG SANGS RGYAS KYI GSUNG RAB BRJOD PA'O, ,DE BZHIN DU MDO LAS CHOS BSTAN PA YANG NYE BAR ZHI BA DANG, YONGS SU MYA NGAN LAS 'DAS PA ZHES BYA BA LA SOGS PA GSUNGS PA'O, ,CHEN PO YANG YIN LA DGA' STON YANG YIN PAS NA DGA' STON CHEN PO STE, MNGON PAR MTHO BA DANG NGES PAR LEGS PA DAG GI RGYU YIN PA'I PHYIR RO, ,DAM CHOS DGA' STON CHEN PO DANG 'DRA BA NI DGA' STON CHEN PO'O, , DAM CHOS DGA' STON CHEN PO DANG BCAS PA GANG YIN PA DE NI DAM CHOS DGA' STON CHEN PO DANG BCAS PA STE MI NYID THOB NAS ZHES BYA BA DANG SBYAR RO, ,RGYA MTSO NI RGYA MTSO CHEN PO'O, ,DE LA GNYA' SHING NI THOD 'DZIN PA'I YO BYAD DO, ,DE'I BU GA NI BU GA'O, ,DE LA RUS SBAL GYI MGRIN PA NI DE RU TSUD PA'O, ,RGYA MTSOR GNYA' SHING BU GA RU, ,RUS SBAL MGRIN PA TSUD PA LTAR NI MI NYID DPE GANG LA YOD PA DE NI RGYA MTSOR GNYA' SHING BU GA RU RUS SBAL MGRIN PA TSUD PA DANG 'DRA BA'O, ,BCOM LDAN 'DAS KYIS GSUNGS PA 'DI LTA STE, DGE SLONG DAG 'DIR SA CHEN PO CHU BO GCIG DANG, RGYA MTSO GCIG TU GYUR TO ZHES BYA BA RGYA CHE BAS GLENG GZHI DANG YANG DAG PAR LDAN PA'I MDO SDE'O, ,DE LA YAN LAG GI DON NI 'DI YIN TE, JI LTAR RGYA MTSO CHEN POR ZHUGS PA RLUNG GIS PHAN TSUN SHIN TU G-YO BA BU GA GCIG DANG LDAN PA'I GNYA' SHING GI BU GAR LO BRGYA 'DAS NAS LAN CIG LDANG BA'I RUS SBAL GYI MGRIN PA BYA ROG DANG SHING TA LA'I 'BRAS BU'I RIGS PAS DKA' BAS 'JUG PA DE BZHIN DU NGAN SONG GI RGYA MTSO CHEN POR LHUNG BA'I SROG CHAGS MI DGE BA'I LAS KYI LAM CHEN PO'I RLUNG GIS BDAS PAS MI'I 'GRO BA LA 'JUG PA RNYED PA DKA' BA ZHES BYA'O, , @122A *, ,DE BAS NA MI NYID RNYED PAR DKA' BA THOB NAS CI ZHIG BYA ZHE NA, SMRAS PA, MI RTAG NYID DANG RJES 'BREL ZHING, ,ZHES SMOS PA LA, MI RTAG PA ZHES BYA BA NI 'JIG PA'I RGYU'O, ,KHA CIG NA RE 'JIG PA KHO NA ZHES ZER RO, ,DE DANG 'BREL BA NI RTAG TU MI RTAG PA'I RJES SU 'GRO BA STE, 'DUS BYAS PA RNAMS SKAD CIG MAS 'JIG PA ZHES BYA BA'I DON TO, ,BDAG GI LCE ZHES BYA BA NI 'CHAD PAR 'GYUR RO, ,DE'I PHYIR BDE BA'I SKAL PA DANG BCAS PA'I MI RTAG PA NYID BSTAN NAS, 'TSO BA NYID KYI BDAG GI LCE'I NYE BAR 'TSO BA BSHAD PAR BYA STE, LAS KYI GLAGS LA DOGS BCAS PA, , ZHES BYA BA NI DGE BA DANG MI DGE BA'I LAS BYED PA'I MI RNAMS GANG YIN PA DE RNAMS LAS DGE BA'I LAS LAS BYUNG BA NI MI NYID DO, ,DGE BA'I LAS DE RNAMS KYI MI DGE BA'I LAS RNAMS NI GLAGS SO, ,DE DANG DOGS PA NI SOM NYI DANG BCAS PA STE, 'TSO BA NYID KYI LCE GCOD PA DANG, NAD LA SOGS PA RNAMS ZIL GYIS GNON PA YOD PA'I PHYIR RO, ,SNYING PO BLANG BA NI BLANG BA'O, ,LCE'I SNYING PO GANG YIN ZHE NA, DE BZHIN GSHEGS PA'I YON TAN LA YANG DAG PAR BSTOD PA'O, ,DE BZHIN DU YANG BSHAD PA, DAM CHOS TSIG GI SNYING PO STE, DE LAS GZHAN PA BYA ROG SGRA, , ZHES BYA'O, ,CI'I PHYIR ZHES BYA BA NI MI SRID PA LA'O, ,YANG NA CI'I PHYIR NI RNAM PA GANG GIS MI BYA BA KHO NA ZHES BYA BA'I DON TO, ,'DI ZHES BYA BA NI RANG GI RGYUD LA YOD PA'O, ,LCE ZHES BYA BA NI TSIG STE, RGYU LA 'BRAS BU NYE BAR BTAGS PA'I PHYIR RO, ,LCE KHO NA LA TSIG CES BSHAD DO, , BSTOD PA BRJOD PA'I SNYING PO BLANG BA'I DGOS PA BSHAD NAS, GZHAN GYI TSIG GI GLAGS SLOB DPON GYIS RTOGS PA STE, YON TAN GYI MTHA' SHES PAS DE BZHIN GSHEGS PA LA BSTOD PA'I MCHOD 'OS YIN GYI, BCOM LDAN 'DAS KYI CHE BA'I YON TAN GYI MTHA' MI SHES PAS CI'I PHYIR BCOM LDAN 'DAS KYI BSTOD PA LA RTZOL ZHE NA, BSHAD PA, DE LTAR THUB PA'I YON TAN GYI, ,YUL LTA GRANGS MED SHES MOD KYI, ,RANG GI DON LA GUS PA YIS, ,DE YI PHYOGS GCIG BSGRIMS TE BRJOD, ,DE LTAR YUL GRANGS MED PA ZHES SMOS PA LA, DE LTAR ZHES BYA BA NI 'DI SKAD @122B CES BYA BA'I DON TO, ,MI NYID RNYED DKA' BA SANGS RGYAS BSKYED PAS BRGYAN PA THOB NAS LCE'I SNYING PO CI'I PHYIR BLANG BAR MI BYA ZHES RAB TU DPYAD NAS ZHES DGONGS PA'O, ,YANG NA DE LTAR ZHES BYA BA'I SGRA 'DI NI RGYU LA 'JUG PA'O, ,DPER NA 'DI LTAR CHAR 'BAB PA DANG RGYUG PA ZHES BYA'O, , DE BAS NA 'DIR YANG DE BZHIN GSHEGS PA'I YON TAN GYI MTHA' MI SHES PAS BSTOD PA MI BYED NA 'PHAGS PA SH'A RI'I BU YANG SHES RAB CAN GYI GTZO BOR GYUR PAS KYANG BCOM LDAN 'DAS LA BSTOD PA BYED PAR MI 'GYUR RO ZHES BYA BA RGYU DE LAS ZHES BYA BA'I DON TO, ,YUL LTA GRANGS MED CES BYA BA LA, GRANGS NI YONGS SU BCAD PAR MI NUS PA ZHES BYA'O, ,DE BZHIN GSHEGS PA'I YE SHES NI BGRANG MI NUS TE, DE'I YUL NI RANG SANGS RGYAS DANG 'PHAGS PA NYAN THOS KYI YE SHES KYI SPYOD YUL MA YIN PA'I PHYIR RO, ,YON TAN SHES MOD KYI ZHES BYA BA NI SHES NAS KYANG NGO, , DUS GANG GI TSE SANGS RGYAS BCOM LDAN 'DAS KYIS 'JIG RTEN LAS 'DAS PA'I THUGS BSKYED PAR MDZAD PA'I DUS DE'I TSE NYAN THOS DANG RANG SANGS RGYAS RNAMS KYIS KYANG BCOM LDAN 'DAS KYI THUGS SEMS KYIS MI SHES SO ZHES BYA BA NI LUNG NGO, ,YUL GRANGS MED PA GANG LA YOD PA DE NI YUL GRANGS MED PA ZHES BYA STE, KUN DU 'GRO BA'I PHYIR RO, ,DES NA BDAG GIS BSTOD PAR MI NUS SO, ,YON TAN GRANGS MED SHES MOD KYI, ,ZHES BYA BA DE'I DON NI BSHAD ZIN TO, ,DE YI PHYOGS GCIG BSGRIMS TE BRJOD, ,CES SMOS PA LA, YON TAN DE RNAMS KYI PHYOGS GCIG NI CHA STE, DE'I BSGRIMS PA NI BSTOD PA BYA BA'I PHYIR BRTZON PAR BYA BA'O, ,DE LTA BUS BCOM LDAN 'DAS LA CUNG ZAD PHAN PAR 'GYUR RAM ZHES PA LA BSHAD PA, RANG GI DON LA GUS PA NI RANG DON LA BRTZON PAS BCOM LDAN 'DAS LA BSTOD PA'O, ,GANG GI PHYIR BSTOD PA DANG SMAD PA DAG GIS BCOM LDAN 'DAS RJES SU CHAGS PA DANG KHONG KHRO BAR MI 'GYUR ZHES BYA BA'O, ,DE LTA BU'I TSIGS SU BCAS PA GSUM PO 'DIS YON TAN GYI MTHA' MI SHES PAS KYANG CHA TZAM GYIS RANG GI DON LA RTZOL BAS BCOM LDAN 'DAS LA BSTOD PA BRTZAMS SO ZHES BSHAD PA YIN NO, ,DA NI STON PA LA PHYAG 'TSAL BA SNGON DU @123A *, ,'GRO BA'I BSTOD PA LA 'JUG PA BSHAD PAR BYA STE, GANG GI YON TAN GRANGS DAG DANG, ,MTHU LA THUG PA MA MCHIS LA, ,RMAD BYUNG PHRIN LAS DPAG MED CAN, ,RANG BYUNG KHYOD LA PHYAG 'TSAL LO, ,ZHES BYA BA NI RGYAS PA'O, ,RANG BYUNG NI GZHAN GYIS MA BSTAN PAR SHES BYA MA LUS PA THUGS SU CHUD PA'I KHYAD PAR DANG LDAN PAS THAMS CAD MKHYEN PAR GYUR TO ZHES BYA BA NI RANG BYUNG NGO, ,RANG BYUNG DE LA PHYAG BYA BA NI PHYAG 'TSAL BA ZHES BYA'O, ,'TSAL BA NI 'TSAL LO BA'O, ,RMAD BYUNG PHRIN LAS DPAG MED CAN, ,ZHES SMOS PA LA, DPAG MED NI TSAD MED PA DANG, SHIN TU DKON PA DANG, NGO MTSAR BA STE, PHRIN LAS NI SKU DANG GSUNG DANG THUGS KYI PHRIN LAS GANG LA YOD PA DE NI RMAD BYUNG PHRIN LAS DPAG MED CAN DE LA PHYAG 'TSAL LO ZHES BYA BA DANG SBYAR RO, ,RGYU PHUN SUM TSOGS PA LA BSTOD PA BSTAN PA NI PHRIN LAS RGYUR GYUR PA'I PHYIR RO, , 'BRAS BU PHUN SUM TSOGS PA LA YANG BSTOD PA BSHAD PAR BYA STE, GANG GI YON TAN GRANGS DAG DANG, ,ZHES BYA BA NI GANG GI ZHES BYA BA DANG SBYAR RO, ,DON GYI DBANG GIS BYED PA'I TSIG YONGS SU 'GYUR RO ZHES BYA BAS NA KHYOD LA ZHES BYA BA BZHI PA'I MTHA' CAN 'DIR DRUG PA'I MTHA' CAN DU 'GYUR TE, GANG GI KHYOD KYI ZHES BYA BA'I DON TO, ,GRANGS NI GCIG LA SOGS PA'O, ,MTHU NI GDUL BYA'I BYA BA LA NUS PA'O, ,GRANGS DANG MTHU DE DAG GI YON TAN NI STOBS DANG MI 'JIGS PA LA SOGS PA RNAMS LA THUG PA NI NGES PAR GZUNG BA MA MCHIS PA DANG SBYAR RO, ,GANG GI PHYIR THUG PA MA MCHIS PA DE'I PHYIR, 'DI SNYED BGYI BA'I MTHA' MED NA, ,ZHES BYA BA'I TSIGS SU BCAD PA BSHAD PA, 'DI SNYED BGYI BA'I MTHA' MED NA, ,'DI LTA LAGS ZHES CI ZHIG SMOS, ,KHYOD KYI YON TAN SLAD DU BDAG ,BSOD NAMS SNYAM NAS SPYI BRTOL SKYES, ,'DI SNYED CES BYA BA NI TSAD 'DI DANG LDAN PA STE, BRGYA'AM STONG ZHES BYA BA DE LTA BU'I MTHA' NI YONGS SU CHAD PA'I YON TAN RNAMS TE MI MNGA' ZHES BYA BA'I DON TO, ,DE LTA BUS NI 'BRAS BU PHUN SUM TSOGS PA BSHAD PA YIN NO, ,MTHU PHUN SUM TSOGS PA BSTAN PA BSHAD PA NI 'DI LTA LAGS @123B ZHES CI ZHIG SMOS ZHES SMOS PA LA, 'DI LTA BU NI 'DI LTA BU'I MTHU DANG LDAN PA KHYOD KYI YON TAN ZHES BYA BA STE, CI ZHIG NI TSIG GI SKABS KHO NA CI ZHIG SMOS ZHES BYA BA STE DGONGS PA'O, ,KHYOD NI JI LTAR BSTOD PA LA BRTZON ZHES PA LA BSHAD PA, BSOD NAMS SNYAM NAS ZHES BYA BA NI BSOD NAMS KYI RGYU KHO NA YIN PAS NA BSOD NAMS SO, ,YANG NA YON TAN DAG MDZAD PAS NA BSOD NAMS TE SDIG PA 'JOMS PA ZHES BSHAD DO, ,SNYAM GYI SGRA NI NGES PAR GZUNG BA LA'O, ,YANG GI SGRA NI DON GZHAN BRJOD PAR 'DOD PA LA'O ,BSHAD PA NI 'DI YIN TE, KHYOD KYI YON TAN RNAMS LA GRANGS DANG MTHU DAG GIS THUG PA MA MCHIS MOD KYI, 'ON KYANG KHYOD KYI YON TAN NI BSOD NAMS YIN ZHES BDAG NGES PA SKYES PA'O, ,DE'I PHYIR YON TAN GYI SLAD DU NI KHYOD KYI YON TAN LA BRTEN PAS SO, ,BDAG SPYI BRTOL SKYES PA ZHES BYA BA NI YON TAN GYI KHYAD PAR MA 'TSAL NA YANG BDAG CAG RNAMS LA SPYI BRTOL YOD DE, RANG GI DON LA GUS PAS YON TAN GYI PHYOGS GCIG LA BSTOD PAR BYA BA'I PHYIR ZHES BSTAN TO, ,DE LTA BU'I TSIGS SU BCAD PA GNYIS PO 'DIS BCOM LDAN 'DAS KYI RGYU DANG 'BRAS BU PHUN SUM TSOGS PA LA BSTOD PA RAB TU BRTZAMS SO ZHES BSHAD DO, ,BSTOD PA GLENG BSLANG BA'I BSHAD PA STE LE'U DANG PO'O,, ,,JI LTAR BCOM LDAN 'DAS RMAD DU BYUNG BA'I PHRIN LAS KYIS BCOM LDAN 'DAS BYANG CHUB TU THUGS BSKYED PAR MDZAD PA BSHAD PAR BYA STE, SPYOD DAM MI SPYOD SNYAM PA YI, ,RNAM PAR RTOG PA RNAM SPANGS NAS, ,'GRO BA 'DI NI NYAM THAG CES, , KHYOD BDAG NYID KYIS ZHAL GYIS BZHES, ,SPYOD PA NI SPYOD PA MDZAD PA DANG, MI SPYOD PA NI SPYOD PA MI MDZAD PA'O, ,DAM GYI SGRA NI RNAM PAR RTOG PA ZHES BYA'O, ,SNYAM ZHES BYA BA NI YONGS SU SPANG BA THUGS KYIS MA MDZAD DO ZHES BYA BA'I THA TSIG GO, ,RNAM PAR RTOG PA NI RNAM PAR RTOG PA'O, ,BDAG NYID CES BYA BA NI BDAG NYID DO, ,MA ZHUS PA NYID NI THUGS RJE'I GZHAN DBANG DU GYUR PA'I PHYIR ZHES BYA BA NI DGONGS PA'O, ,ZHAL GYIS BZHES PA NI 'GRO BA ZHES 'CHAD PAR 'GYUR RO, ,YONGS SU BSKYAB PA'I PHYIR ZHES ZHAL GYIS BZHES PA STE, BYANG CHUB TU THUGS BSKYED PA'I PHYIR ZHES BYA BA DGONGS PA'O, , @124A *, ,DE BZHIN DU BYANG CHUB SEMS DPAR GYUR PA BCOM LDAN 'DAS KYIS DE BZHIN GSHEGS PA'I LAM MI MKHYEN NA 'GRO BA 'KHOR BA LAS BSKYAB PAR MI SPYOD DO ZHES BYA BAS NA, SLONG BA RNAMS LA LUS LA SOGS PA BYIN NAS SMON PA ZHES TE, GTONG BA DANG SHIN TU GTONG BA 'DIS MA 'ONGS PA'I 'JIG RTEN 'DREN PA MED PA LAS SANGS RGYAS SU GYUR NAS SEMS CAN MA RGAL BA RNAMS BSGRAL BAR BYA BA DANG, MA GROL BA RNAMS DGROL BAR BYA BA DANG, DBUGS MA PHYUNG BA RNAMS DBUGS DBYUNG BAR BYA BA DANG, YONGS SU MYA NGAN LAS MA 'DAS PA RNAMS YONGS SU MYA NGAN LAS BZLA BAR BYA BA'O ZHES PA NI LUNG NGO, ,KHYOD CES PA NI KHYOD KYIS SO, ,DE LTA BU'I RNAM PAR RTOG PA SPANGS NAS CI'I PHYIR ZHAL GYIS BZHES SHE NA, GANG GI PHYIR, 'GRO BA 'DI NI NYAM THAG CES SMOS PA LA, GANG LA NYAM THAG CES BYA BA NI NYAM THAG PA SKYOB PAS NA MCHOD 'OS PA STE, GZIR BAR SMRA BA'I GNAS SO, ,DE BAS NA BSHAD PA 'DI YIN TE, GANG GI PHYIR 'KHOR BA'I SDUG BSNGAL LA SKYABS MED PA'I 'GRO BA LA BYANG CHUB SEMS DANG THUGS RJE MDZAD PA DE'I PHYIR SPYOD PA DANG MI SPYOD SNYAM PA'I RNAM PAR RTOG PA SPANGS NAS, 'GRO BA BSKYAB PA'I PHYIR ZHAL GYIS BZHES SO, , 'DI NI ZHES BYA BA NI NYE BAR BSTAN PA LA'O, ,'GRO BA ZHES BYA BA NI SEMS CAN GYI 'JIG RTEN NO, ,DE BAS NA, KHYOD NI MA BCOL LEGS MDZAD PA, ,ZHES BYA BA'I TSIGS SU BCAD PA, KHYOD NI MA BCOL LEGS MDZAD PA, ,KHYOD NI RGYU MED BZHIN DU BYAMS, ,KHYOD NI MA 'DRIS MDZA' BSHES TE, , 'BREL BA MED PA'I GNYEN 'DUN LAGS, ,MA BCOL BA NI MA ZHUS PA'O, ,LEGS PA NI CHOS KYI NGANG TSUL LO, ,SNYING RJE DANG BRAL BA'I 'JIG RTEN PA SDUG BSNGAL LAS BSKYAB PAS LEGS PA'I NGO BO ZHUS PAS KYANG BYED DAM MI BYED PA'O, ,BCOM LDAN 'DAS NI MA ZHUS PHAR YANG GONG DU BSHAD PA'I TSIGS SU BCAD PA PHYED KYIS LEGS SO ZHES BYA BA BSHAD DO, ,KHYOD NI ZHES BYA BAS NI BCOM LDAN 'DAS BSHAD DO, ,RANG GI BDE BA'I DON DU KHA CIG KHA CIG TU BYAMS PA NI BRTZE BA DANG LDAN PA YIN NO, ,KHYOD KYANG NYID KYI BDE BA'I RGYU GZHAN LA MI LTOS PAR THUGS RJE DANG LDAN PA'I PHYIR NA RGYU @124B MED BZHIN DU BYAMS PA'O, ,DRI NI SLAR YANG 'BREL PA'I DBANG GIS BYAMS PA'O, ,'DRIS PA MED PA NI MA 'DRIS PA'O, ,DE RNAMS KYI MDZA' BSHES NI BSHES TE MA 'DRIS MDZA' BSHES SO, ,THUGS RJE DANG LDAN PA'I PHYIR NA MA 'DRIS PA RNAMS LA YANG 'DRIS PA BZHIN PAS NA BSHES SO, , 'BREL PA NI GNYEN 'DUN TE PHA DANG MA'I RIGS DANG 'BREL PA'O, ,DE NYID 'JIG RTEN PA'I GNYEN 'DUN ZHES BSHAD DO, ,BCOM LDAN 'DAS KYANG THUGS RJE DANG LDAN PA'I PHYIR 'BREL PA MED PA'I GNYEN 'DUN LAGS TE, RIGS KYI 'BREL PA MED NA YANG GNYEN 'DUN ZHES BSHAD DO, ,DE LTA BU'I TSIGS SU BCAD PA GNYIS KYIS NI BCOM LDAN 'DAS KYIS THUGS RJE SNGON DU SONG BA'I BYANG CHUB TU THUGS BSKYED PAS SEMS CAN RJES SU BZUNG BA BSHAD DO, ,RGYU NI DBYE BA DRUG CES BYA BA PHA ROL TU PHYIN PA DRUG TU BSTAN TE, DE RNAMS KYIS BCOM LDAN 'DAS LA BSTOD PA'I PHYIR MA BCOL BAR LEGS PAR MDZAD PA DANG RGYU MED BZHIN DU BYAMS PA LA SOGS PA DE NI BSHAD DO, ,JI LTAR ZHE NA, GANG GI PHYIR SBYIN PA'I PHA ROL TU PHYIN PA YONGS SU RDZOGS PAR BYA BA'I PHYIR THUGS RANGS PA DANG SPU ZING ZHES BYED PA DANG BCAS PA DE'I PHYIR, ,NYID KYI SHA YANG STZOL MDZAD NA, ,ZHES PA NI RGYAS PA'O, ,NYID KYI SHA YANG STZOL MDZAD NA, ,DNGOS PO GZHAN LTA SMOS CI 'TSAL, ,LEGS MDZAD KHYOD KYIS SROG KYANG NI, ,SLONG BA'I SKYE BO RNAMS LA BTANG, ,DE LTAR BYAMS PA'I STOBS BYANG CHUB SEMS DPAR GYUR PA'I BCOM LDAN 'DAS KYIS AUTPALA SNGON PO DANG 'DRA BA SHIN TU RNO BA'I RAL GRIS RANG GI SHA BCAD CING BCAD CING GNOD SBYIN RNAMS LA BZA' BA'I PHYIR BTANG NGO, ,NOR BU GTZUG CAN BYANG CHUB SEMS DPAR GYUR PAS KYANG SRIN PO RNAMS LA BTANG NGO ZHES BYA BA NI RTOGS PA BRJOD PA'O, ,DNGOS PO GZHAN ZHES BYA BA NI NOR BU DANG GSER DANG DNGUL LA SOGS PA RNAMS SO; ,SMOS CI 'TSAL ZHES BYA BA NI DE SMOS CI 'TSAL TE, DON GYIS GO BAS DNGOS PO GZHAN GYI SBYIN PA RTOGS PAR 'GYUR RO ZHES DGONGS PA'O, ,DE LTAR RANG GI SHA KHO NA BTANG BA YIN NAM ZHE NA, MA YIN ZHES BSHAD PA, SROG KYANG NI ZHES BYA BA NI RGYAS PA'O, ,SROG NI SROG RNAMS KYIS KYANG @125A *, ,NGO, ,BTANG ZHES BYA BA NA MCHOD PAR GYUR PA'O, ,SLONG BA'I SKYE BO RNAMS NI RNYED PA 'DOD PAS 'ONGS PA'O, ,DPER NA RI BONG DU GYUR PA'I BCOM LDAN 'DAS KYIS SLONG MO PA'I GZUGS CAN GCO BA'I BSAM PA DANG LDAN PA'I BRGYA BYIN 'ONGS PA DES YONGS SU LONGS SPYOD PAR BYA BA'I PHYIR ME'I PHUNG PO LA BZHAG NAS ZHES PA NI SKYES RABS SO, ,KHYOD NI MA BCOL LEGS MDZAD PA, ,ZHES BSHAD PA DE NYID LA BRTEN NAS LEGS MDZAD CES BYA BA NI BCOM LDAN 'DAS LA BOD PA'O, ,DE LTAR SROG CHAGS RNAMS KYI LONGS SPYOD PA'I PHYIR SBYIN PA BSHAD NAS, YONGS SU SKYOB PA'I SBYIN PA BSHAD PAR BYA STE, NYID KYI SKU DANG SROG DAG GIS, ,LUS CAN GSHED MAS ZIN RNAMS KYI, ,LUS DANG SROG KYANG KHYOD KYIS NI, ,LAN BRGYA PHRAG TU BLU BA MDZAD, ,NYID KYI SKU ZHES SMOS PA LA, ,NYID KYI NI NYID KYI'O, ,SKU ZHES BYA BA NI CHA LA TSOGS PA NYE BAR 'DOGS PAS SKU'I CHA NI SKU ZHES BSHAD DE, SROG DAG GIS ZHES BYA BA NI SKU MA LUS PA'I TSIG BLANGS PA'I PHYIR RO, ,SKU DES CI ZHIG BYAS SHE NA, LAN BRGYA PHRAG TU BLU BAR MDZAD, ,CES BSHAD PAR 'GYUR RO, ,BLU BA NI NYOS PA'O, ,LAN BRGYA PHRAG TU ZHES BYA BA NI LAN MANG DU ZHES BYA BA'I DON TO, ,CI ZHIG BLUS SHE NA, BSHAD PA, BLUS PA NI BDAG LA BDAG NYID CHAGS PA SPANGS NA THUGS RJE'I DBANG GIS GZHAN RNAMS LA BDAG LA CHAGS PA LA BRTEN NAS LUS KYI CHA RNAMS BLU BA MDZAD DO, ,LUS DE RNAMS GANG GIS YIN ZHE NA, LUS CAN RNAMS KYI ZHES BSHAD PA STE, SROG CHAGS RNAMS KYI ZHES BYA BA'I DON TO, ,JI LTAR GYUR PA YIN ZHE NA, BSHAD PA, BSHAD MAS ZIN RNAMS KYI ZHES BYA BA NI GSOD PAR RTZOL BA STE GSHED MA RNAMS SO, ,ZIN PA NI DE RNAMS KYIS ZIN PA RNAMS KYI'O, ,DPER NA BCOM LDAN 'DAS RGYAL PO DPAL GYI SDER GYUR PAS THAMS CAD GTONG BA'I BDAG NYID DU BSGRAGS PAS BRAM ZE'I CHA BYAD 'DZIN PA'I BRGYA BYIN LA LUS KYI PHYED BCAD NAS RAB TU BTANG NGO ZHES BYA BA NI RTOGS PA BRJOD PA'O, ,LUS BLU BA KHO NA YIN NAM ZHE NA, MA YIN ZHES BSHAD PA, ,SROG DAG GIS ZHES SMOS PA LA, SROG CES BYA BA NI RANG GI SROG RNAMS KYIS SO, ,SROG GIS LUS CAN GSHED @125B MAS ZIN RNAMS KYI, ,LUS DANG SROG KYANG KHYOD KYIS NI, ,LAN BRGYA PHRAG TU BLU BA MDZAD, ,CES BYA BA NA THAMS CAD LA DE LTAR SBYAR RO, ,LTOGS PA'I SDUG BSNGAL GYIS NON PAS RANG GI BU BZA' BAR BYA BA'I PHYIR RTZOL BA LA, STAG MO BYANG CHUB SEMS DPAR GYUR PAS GZIGS PAS DE LA BDAG NYID BYIN NAS STAG PHRUG RNAMS RANG GI SROG GIS BLU BA MDZAD DO, ,YANG RGYAL PO ZHI BAR GYUR PAS KHRA'I CHA LUGS 'DZIN PA'I BRGYA BYIN GYIS NYE BAR GCES PA'I PHUG RON GZIGS PAS DGROL BAR BYA BA'I PHYIR RAL GRIS NYID KYI SHA BCAD CING BCAD CING RAB TU BTANG STE JI SRID NYID KYI SKU MA LUS BSRANG LA BSGAR NAS PHUG RON DE BLU BA MDZAD DO ZHES BSHAD DO, ,DE BZHIN DU GZHAN YANG SNGON DGA' BA MDZAD PA'I BYANG CHUB SEMS DPA'I SKYES RABS DPER BSHAD PAR BYA'O, ,DE LTA BU'I TSIGS SU BCAD PA GNYIS KYIS BCOM LDAN 'DAS KYI SBYIN PA'I PHA ROL TU PHYIN PA LA BSTOD NAS SLAR YANG, NGAN 'GROS BSNYENGS SLAD MA LAGS LA, ,ZHES BYA BA'I RGYAS PAS NI TSUL KHRIMS KYI PHA ROL TU PHYIN PA LA BSTOD PA BSHAD PAR BYA STE, NGAN 'GROS BSNYENGS SLAD MA LAGS LA, ,BZHED PA'I 'GRO BA'ANG SGRUB MA LAGS, ,DGONGS PA DAG PA 'BA' ZHIG GIS, ,KHYOD KYIS TSUL KHRIMS GOMS PAR MDZAD, ,DE LA DMYAL BA DANG, DUD 'GRO DANG, YI DAGS NI NGAN 'GRO STE, RNAM PAR SMIN PA MI BZAD PA'I PHYIR RO, ,DE NYID 'JIGS PA STE DE LAS 'JIGS PA ZHES BYA BA'I PHYIR NGAN 'GROS BSNYENGS PA DE'I PHYIR RO, ,BDAG LA CHAGS PAR GYUR PA'I 'JIG RTEN PA YIS TSUL KHRIMS SRUNG BAR BYED DO, ,KHYOD KYIS KYANG NGAN 'GRO'I BSNYENGS PAS TSUL KHRIMS GOMS PAR MA MDZAD DO ZHES BSHAD DO ZHES BSHAD PAR 'GYUR ZHES BYA BA'O, ,LHA DANG MI RNAMS KYI BDE BA 'DOD PA'I SKYE BOS TSUL KHRIMS SRUNG BA YIN NO, ,KHYOD KYIS KYANG BZHAD PA'I 'GRO BA'ANG SGRUB PAS TSUL KHRIMS GOMS PAR MA MDZAD DO, ,'O NA CI'I PHYIR ZHE NA, BSHAD PA, DGONGS PA DAG PA 'BA' ZHIG GIS, ,ZHES BYA BA NI DGE BA LA GOMS PA DANG, SDIG PA LAS GROL BA'I RANG BZHIN GYIS DAG PA'I THUGS KYIS ZHES BYA BA'I DON TO, ,DE BZHIN DU BDAG LA CHAGS PA DANG BRAL BA'I PHYIR DGONGS PA YANG DE @126A *, ,YIN LA 'BA' ZHIG KYANG DE YIN PAS NA DGONGS PA 'BA' ZHIG GO, ,DGONGS PA NI SEMS DANG SEMS LAS BYUNG BA'I TSOGS SO, ,DE'I DAG PA NI SEMS CAN MA LUS PA YONGS SU SKYOB PA'I PHYIR DRI MA MED PA'I YE SHES LAS BYUNG BA BLA NA MED PA'I BYANG CHUB STE, NGA YIS DAG PA BRNYES PA NI, ,GANG ZHIG BYANG CHUB BLA NA MED, ,CES BYA BA'I TSIGS SU BCAD PA'I PHYED DO, ,DE'I SLAD NI DE'I RGYU ZHES BYA BA'I DON TO, ,DAG PA ZHES BYA BA NI RGYU'I DON LA GSUM PA BSGRUBS PA STE, DPER NA SLONG BAS NA GNAS PA ZHES BYA BA STE, SLONG BA'I RGYU ZHES PAS RTOGS PAR 'GYUR BA DE BZHIN DU 'DIR YANG BSAM PA DAG PA'I RGYU YIS ZHES BYA'O, ,TSUL KHRIMS ZHES BYA BA NI BYA BA MA YIN PA LAS LDOG PA YANG DAG PAR LEN PA'O, ,GOMS PAR MDZAD CES BYA BA NI RANG BZHIN DU MDZAD PA'O, ,DE LTAR NA DGONGS PA PHUN SUM TSOGS PAS TSUL KHRIMS KYI PHA ROL TU PHYIN PA YONGS SU RDZOGS PA BSHAD NAS, SBYOR BA PHUN SUM TSOGS PA'I YONGS SU RDZOGS PA BSTAN PAR BYA BA'I PHYIR, RTAG TU GYA GYU RNAM SPANGS SHING, ,ZHES BYA BA LA SOGS PA'I TSIGS SU BCAD PA BSHAD PAR BYA STE, RTAG TU GYA GYU RNAM PA SPANGS SHING, ,DRANG BRTAN RNAMS NI RTAG BSTEN PAS, ,YONGS SU DAG PA'I LAS RNAMS KYIS, ,KHYOD NI GZHI RTEN GCIG PUR GYUR, ,G-YO LAS BYUNG BA'I LAS RNAMS NI GYA GYU'O, ,DE DANG 'BREL PAS GANG ZAG KYANG GYA GYU BA'O, ,DE RNAMS RTAG TU SPANGS PA NI RTAG TU YONGS SU SPANGS PA ZHES DGONGS PA'O, , DRANG BRTAN RNAMS NI DGE BA'I LAS RNAMS SO, ,DE LA SBYOR BA'I GANG ZAG KYANG DRANG BRTAN RNAMS SO, ,DE RNAMS RTAG TU BSTEN PA NI SHIN TU BSTEN PA YIS ZHES BYA BA'I DON TO, ,RGYU DE DAG LAS CIR 'GYUR ZHE NA, SMRAS PA, YONGS SU DAG PA'I LAS RNAMS KYIS, ,ZHES BYA BA LA SOGS LA, LAS RNAMS KYIS ZHES BYA BA'I DON NI BSHAD ZIN TE, YONGS SU DAG PA ZHES BYA BA NI DGE BA RNAMS SO, ,GZHI RTEN GCIG PUR GYUR ZHES SMOS PA LA, GZHI RTEN NI LAM MO, ,GCIG PU ZHES BYA BA NI KHYOD CES BYA BA DANG SBYAR TE, BCOM LDAN 'DAS GCIG PU'O, ,GZHI'I RTEN YIN @126B PAS NA DE'I DNGOS PO NI GZHI RTEN GCIG PU'O, ,GYUR ZHES BYA BA NI THOB PA'I DON TE, DE'I DON NI 'DI YIN TE, 'JIG RTEN PA LAS 'DREN MA CAN YIN GYI, KHYOD KYANG RGYU GNYIS PO 'DI YIS LAS DKAR PO RNAMS KYI LAM GCIG PU KHO NAR GYUR TO ZHES BYA'O, ,DE LTA BU'I TSIGS SU BCAD PA GNYIS PO 'DIS TSUL KHRIMS KYI PHA ROL TU PHYIN PA LA YANG DAG PAR BSTOD NAS, BZOD PA'I PHA ROL TU PHYIN PA LA YANG DAG PAR BSTOD PA'I PHYIR BSHAD PA, SDUG BSNGAL MANG POS GZIR BA NA, ,KHYOD KYIS DGE BA'I THUGS KYIS NI, ,NYON MONGS RNAMS LA SRAN BTZUGS NAS, , SKYE BO NYON MONGS CAN LA BRTZE, ,MANG POS GZIR BA ZHES BYA BA NI RGYAS PA'O, ,GZIR BA ZHES BYA BA NI SROG CHAGS RNAMS LA PHAN PA'I PHYIR, YAN LAG BCAD PA'I SDUG BSNGAL DANG LDAN PAS SO, ,MANG PO ZHES BYA BA NI LAN MANG POS SO, ,KHYOD KYIS ZHES BYA BA NI BCOM LDAN 'DAS KYIS SO, ,DGE BA'I THUGS KYIS ZHES BYA BA NI THUGS RJE'I DBANG GIS YONGS SU DAG PA'I THUGS KYIS SO, ,CI ZHIG MDZAD CE NA, NYON MONGS RNAMS LA SRAN BTZUGS NAS, ,ZHES SMOS PA LA, NYON MONGS PA RNAMS NI 'DOD CHAGS LA SOGS PA'O, ,DE RNAMS LA SRAN BTZUGS PA ZHES BYA BA NI MTHU GSAL BAR MDZAD PA'O, ,BDAG LA GNOD PA BYED PA RNAMS KYI NYON MONGS PA NGA YIS BCOM PAR BYA ZHES PA NI YID LA BYED PA MDZAD DO ZHES BYA BA'I DON TO, ,'O NA BYANG CHUB SEMS DPAS GSHED MA'I RGYUD KYI NYON MONGS PA BZOD PA'I RGYU YIN NA DE'I PHYIR NYON MONGS PA DE DAG MCHOD PA'I RIGS NA CI'I PHYIR DE GZHOM PAR BYA BA'I PHYIR THUGS 'KHRUGS PA YIN ZHE NA, DE NI BDEN MOD KYI 'ON KYANG NYON MONGS PA'I DBANG GIS DGRA RNAMS BDAG DANG 'DRA BA'I SNOD LA GNOD PA BYAS NA NGES PAR SDIG PA CAN DU 'GYUR RO ZHES BYA BAS NA, DGRA BO RNAMS LA THUGS RJE'I DBANG GIS NYON MONGS PA RNAMS SPANG BAR BYA BA'I PHYIR THUGS 'KHRUGS SO, ,DPER NA KHA CIG PHAN PAR 'DOD PAS GDON LA SDIGS PAR BYED KYI GDON GYIS ZIN PA LA NI MA YIN NO ZHES BYA'O, ,DE NYID KYI PHYIR BSHAD PA, SKYE BO NYON MONGS CAN LA BRTZE, ,ZHES BYA BA LA, SKYE BO NI SPYAN LA SOGS PA ZA BAR @127A *, ,BYED PA'I BYA RGOD LA SOGS PA'O, ,NYON MONGS PA CAN ZHES BYA BA NI NYON MONGS PA'I DBANG DU GYUR PA'O, ,RGYU DE NYID KYI PHYIR BRTZE BA NI DGRA BO DE RNAMS KYI NYON MONGS PA GZHOM PA'I SLAD DU THUGS BSKYED PA'I PHYIR RO, ,BZOD PA'I PHA ROL TU PHYIN PA'I RGYU YIN NA YANG GZHAN GYI SDUG BSNGAL BSKYED PA'I PHYIR MCHOD PA DANG, NYON MONGS PA GZHIR GYUR PA'I SKYE BO GNOD PA BYED PA LA YANG 'KHRUG PA MI SKYED PA'I PHYIR BZOD PA MDZAD CES BYA BA'I TSIGS SU BCAD PA 'DIS BSHAD DO, ,BZOD PA'I GNAS SKABS GNYIS PA BSHAD PAR BYA STE, KHYOD KYIS GZHAN GYI DON SLAD DU, ,SKU SROG BTANG NAS DGYES GYUR GANG, ,DE 'DRA SROG CHAGS 'GUMS PA LAS, ,SOS PA RNAMS LA'ANG BYUNG MA GYUR, ,GZHAN GYI DON GYI SLAD DU SKU SROG BTANG NAS ZHES SMOS PA LA, GZHAN GYI DON ZHES BYA BA NI GZHAN LA PHAN PA'I RGYU'I PHYIR RO, ,BTANG BA NI BTANG BA'O, ,SKU SROG NI SROG GO, ,DGYES PA NI KHYOD LA THUGS BDE BAR GANG GYUR PA'O, ,JI LTAR KLU GZHON NU DUNG GI GTZUG PHUD CAN RIM GYIS 'ONGS SHING NYE BAR GNAS PA LA NAM MKHA' LDING GIS ZA BAR GYUR PA GZIGS NAS DE BSKYAB PAR BYA BA'I PHYIR BYANG CHUB SEMS DPAR GYUR PA GZHON NU SPRIN LA ZHON GYIS NAM MKHA' LDING LA BDAG NYID BTANG NGO, ,DE BZHIN DU RGYAL PO ZLA 'OD DU GYUR PAS KYANG RANG GI MGO BYIN NAS BRAM ZE DRAG PO'I MIG CES BYA BA LA MCHOD DO, ,DE 'DRAR MA GYUR ZHES BYA BA NI DGYES PA'O, ,'GUMS PA LA SOGS PA RNAMS ZHES BYA BA NI SNGAR 'GUM PA LAS PHYI NAS SOS PA STE; SNGA MA'I DUS PHYI MA'I DUS KYIS BSDUS PA NI 'JIG PA DANG SKYE BA BZHIN NO, ,SROG LA RE BA MED PA RNAMS KYIS JI LTAR NA SROG RNYED PA NI 'GUMS PA SOS PA ZHES BYA'O, ,SROG CHAGS RNAMS KYI SROG DE LTAR GYUR PA DE RNAMS KYI YANG DE DANG 'DRA BAR DGYES PA MI SRID PA JI LTAR GZHAN GYI DON GYI SLAD DU KHYOD KYI SROG GTONG BA ZHES BYA BA NI BSDUS PA'I DON TO, ,DE LTAR NA GNAS SKABS 'DIR GSHED MA RNAMS KYI SDIG PA BSKYED PA MA SPANGS PAS, GSHED MA PA RNAMS NI BZOD PA BSKYED PA'I RGYU YIN NO ZHES BYA BAS NA, KHYOD NI BZOD PA'I PHA ROL TU PHYIN PA 'DOD @127B PAS NYID KYI SROG GIS KYANG MCHOD DO ZHES BYA BA'I TSIGS SU BCAD PA 'DIS BSHAD DO, ,KHYOD NI LAN 'GA' MA LAGS PAR, ,ZHES BYA BA'I TSIGS SU BCAD PA GNYIS KYIS NI BZOD PA GSUM PA'I GNAS SKABS BSHAD PAR BYA STE, KHYOD NI LAN 'GA' MA LAGS PAR, ,GTUBS KYANG SDUG BSNGAL MI DGONGS PAR, ,GSHED MA BGYID PA'I SEMS CAN LA'ANG, ,GTZO BO THUGS RJER GYUR PA GANG, ,KHYOD KYI THUGS NI RIN PO CHE, ,RDZOGS PA'I BYANG CHUB SA BON DE, ,DPA' KHYOD KHO NAS SNYING POR MKHYEN, ,DE GZHAN SKYE BOS 'OL MI MCHI, ,GANG ZHES BYA BA NI THUGS RJE ZHES BSHAD PA'O, ,SDUG BSNGAL MI DGONGS PAR ZHES BYA BA NI NYID KYIS GZIR PA THUGS LA MA MDZAD PA ZHES BYA BA'I DON TO, ,GTUBS PA ZHES BYA BA NI RAL GRI LA SOGS PAS ZHES DRANG BAR BYA'O, ,JI LTAR BZOD PA SMRA BAR GYUR PA NAGS NA GNAS PA'I GNAS PA LTA BAR BYA BA'I PHYIR RGYAL PO'I BTZUN MO NYE BAR 'ONGS PA LA CHOS BSTAN PA DANG, DE LA PHRAG DOG GIS KHROS PA'I RGYAL PO RTZOD PA 'BYIN GYIS RNA BA DANG LAG PA DANG RKANG PA RNAMS RAL GRIS BCAD DO, ,YANG NA SDUG BSNGAL GYIS GTUBS SO ZHES BYA BA DANG SBYAR RO, ,MI DGONGS PAR ZHES BYA BA NI RANG GI SROG LA ZHES DRANG BAR BYA'O, ,JI LTAR RUS SBAL DU GYUR PAS RGYA MTSO CHEN POR GRU ZHIG PA'I TSONG PA RNAMS 'GRAM DU BSGRAL BA'I BLOS RGYAB LA BSKYON NAS 'GRAM DU BSGRAL TO, ,DE DUB PAS SHIN TU GNYID LOG PAR GYUR PA LA GROG MAS KUN DU ZOS PAS GNYID STUG PO LAS SAD NAS GROG MA DE RNAMS 'CHI BA'I DOGS PAS CUNG ZAD KYANG MA G-YOS PAR 'GRAM DE NYID DU 'CHI BA'I DUS BYAS SO ZHES BYA'O, ,DE BZHIN DU GZHAN YANG GLANG PO CHE MCHE BA DRUG PA'I SKYES RABS DPER BRJOD PAR BYA'O, ,GTUBS KYANG ZHES BYA BA NI DUM BUR BYAS PA'O, ,LAN 'GA' MA LAGS PA NI LAN MANG POR RO, , GSHED MA BGYID PA'I SEMS CAN LA'ANG, ,ZHES BYA BA NI GSOD PAR BYED PA RNAMS LA'O, ,THUGS RJE ZHES BYA BA NI SMAN PAR DGONGS PA'O, ,THUGS RJE NYID NI THUGS RJE STE RIGS BZHI LA SOGS PA BZHIN NO, ,GYUR PA ZHES BYA BA NI GYUR TO ZHES BYA BA'I DON DO, ,GTZO BO ZHES BYA BA NI @128A *, ,YON TAN THAMS CAD KYI DBANG PHYUG YIN PA'I PHYIR BCOM LDAN 'DAS LA BOD PA'O, ,GNAS SKABS GSUM PAR GSUNGS PA DE NI BSTOD PA MDZAD PA 'DIS SHIN TU NGO MTSAR BAR SEMS SA, ,DE LA NGO MTSAR CI ZHIG YOD CE NA, ,GANG GI PHYIR GNAS SKABS DANG PO LA NYON MONGS PA'I GZHAN DBANG DU GYUR PA DE NYID BDAG LA GZIR BAR BYED CES BYA BA LA BZOD PA'O, ,GNYIS PA LA YANG GSHED MA DE DAG BDAG LA PHAN PA BYED CES BYA'O, ,GNAS SKABS GSUM PA 'DI LA LAN MANG POR GTUBS PA 'BA' ZHIG TU MA ZAD PA LA CUNG ZAD KYANG MA 'KHRUGS SHING BZOD PA MDZAD PA DANG, GSHED MA RNAMS LA'ANG NGA LA GNOD PA BYAS PAS MA 'ONGS PA NA SDUG BSNGAL BSTEN PAR MA GYUR CIG CES BYA BAS DE RNAMS KYI NYON MONGS PA BDAG GIS GZHOM PAR BYA'O ZHES PAS DE RNAMS LA THUGS RJE'I THUGS BSKYED PAR MDZAD PAS DE LTAR NA 'DIR NGO MTSAR BA BRJOD DO, ,GANG RANG GI SDUG BSNGAL MI DGONGS PAR GZHAN GYI SDUG BSNGAL ZHI BAR BYA'O ZHES RAB TU 'JUG PAR MDZAD DO ZHES BSHAD DO, ,DE'I PHYIR BSHAD PA, RDZOGS PA'I BYANG CHUB SA BON DE, ,ZHES PA NI RGYAS PA'O, ,RDZOGS PA'I BYANG CHUB NI DE BZHIN GSHEGS PA'I RGYUD DE ZAD PA DANG MI SKYE BA'I YE SHES KYI MTSAN NYID DO, ,DE'I SA BON NI RGYU STE YANG DAG PAR RDZOGS PA'I BYANG CHUB KYI SA BON DE'I ZHES PA'O, ,RANG BZHIN JI LTA BU YIN ZHE NA, THUGS NI RIN PO CHE ZHES SMOS PA LA, THUGS NYID RIN PO CHE STE, SEMS CAN MA LUS PA SKYOB PA'I PHYIR DANG, NGES PAR NOR GYIS SHIN TU DKON PA'I PHYIR RO, ,DE ZHES BYA BA NI GSHED MA PA RNAMS LA THUGS RJE'I DGONGS PA DANG YANG DAG PAR LDAN PA'O, ,KHYOD NI KHYOD KYI'O, ,KHYOD KHO NA NI GZHAN NI MA YIN NO, ,DPA' BO ZHES BYA BA NI DE LTA BU'I NUS PA DANG LDAN PAS BCOM LDAN 'DAS LA BOD PA'O, ,YANG NA 'GRO BA MA LUS BA GDON PA LA BRTZON 'GRUS KYI KHYAD PAR DANG LDAN PA'I PHYIR RO, ,SNYING POR MKHYEN PA ZHES BYA BA NI YANG DAG PAR RDZOGS PA'I BYANG CHUB KYI SA BON THUGS RJE'I THUGS DE'I SNYING PO STE, SHES BYA MA LUS PA LA THOGS PA MED PA'I DE BZHIN GSHEGS PA'I YE SHES DE SNYING POR MKHYEN PA STE @128B KHYOD KHO NA DANG SBYAR RO, ,'OL MI MCHI BA NI SPYOD YUL DU MA GYUR PA'O, ,DE ZHES BYA BA NI SNYING PO'O, ,GZHAN SKYE BO NI NYAN THOS DANG RANG SANGS RGYAS DANG BYANG CHUB SEMS DPA' LA SOGS PA STE NYAN THOS LA SOGS PA'I SPYOD YUL MA YIN ZHES BSDUS PA'O, ,DE LTA BU'I TSIGS SU BCAD PA GSUM PO 'DI YIS BZOD PA'I PHA ROL TU PHYIN PA LA YANG DAG PAR BSTOD NAS, DKA' SPYAD LAS NI MA BGYIS PAR, ,ZHES BYA BA'I TSIGS SU BCAD PAS BCOM LDAN 'DAS KYI BRTZON 'GRUS KYI PHA ROL TU PHYIN PA LA BSTOD PA NI, DKA' SPYAD LAS NI MA BGYIS PAR, ,GO 'PHANG RNYED DKA' MI 'THOB CES, , DE SLAD NYID LA'ANG MA GZIGS PAR, ,KHYOD KYIS BRTZON 'GRUS LEGS PAR SPEL, ,MA BGYIS PA NI MA BYAS PA KHO NA'O, ,DKA' SPYAD LAS NI DKA' BAS BSGRUB PAR BYA'O, ,JI LTA BU YIN ZHE NA, BSHAD PA, GO 'PHANG RNYED KA' MI 'THOB CES PA NI DKA' BAS 'THOB PAR 'GYUR ZHES BYA BA'I DON TO; ,GO 'PHANG ZHES BYA BA NI SEMS CAN THAMS CAD LA BSKYAB PA'I PHYIR NA DE BZHIN GSHEGS PA'I YE SHES TE, GZHAN GYI DON MA LUS PA'I RTEN YIN PA'I PHYIR RO, ,DE LTAR DGONGS PA BSKYED NAS CI ZHIG MDZAD CE NA, BSHAD PA, DE SLAD NYID LA'ANG MA GZIGS PAR, ,ZHES BYA BA NI NYID KYI SROG LA'ANG MA DGONGS PA STE, BRTZON 'GRUS NI DGE BA'I CHOS RNAMS LA SPRO BA'I MTSAN NYID CAN LA, LEGS PAR SPEL BA NI KHYAD PAR DU 'DREN PA ZHES BYA BA STE DGONGS PA'O, ,JI LTAR RI DAGS KYI TSOGS KYI GTZO BOR GYUR PAS RNGON PA LA BRTZON PA DPUNG DANG BCAS PA'I RGYAL PO MTHONG NAS RGYAB LA KHUR NAS CHU BO DRAG PO'I PHA ROL TU RI DAGS RGAL BAR MDZAD DO, ,RI DAGS KYI TSOGS KYI RMIG PA RNO BAS KHRAG 'DZAG PA DANG LUS MA LUS PAR SNAD PAR GYUR CING TSIGS CHANG BA'I SDUG BSNGAL DANG LDAN PAS KYANG RI DAGS KYI PHRU GU GCIG MA BRGAL BA BSGRAL BAR MDZAD DO ZHES BYA BA'O, ,DE LTA BU LA SOGS PA'I DKA' BA SPYAD PA YANG DPER BYA'O, ,GZHAN YANG, KHYAD PAR 'PHAGS PAR BGYI BA LA, ,ZHES BYA BA NI RGYAS PAR BSHAD PA STE, KHYAD PAR 'PHAGS PAR BGYI BA LA, ,KHYOD LA THANG LHOD 'GA' MA BYUNG, ,DE SLAD KHYOD KYI KHYAD PAR RNAMS, ,THOG DRUNG @129A *, ,RIM PAR DBYER MA MCHIS, ,SKYON RNAMS BSAL BA DANG YON TAN BSAGS PA DANG SEMS CAN GYI DON MDZAD PA ZHES BYA BA NI KHYAD PAR RO, ,DE RNAMS KYIS 'PHAGS PA NI 'PHAGS PAR GYUR BA'O, ,DE LA THANG LHOD NI BRTZON 'GRUS KYI NGES PA STE, KHYOD LA 'GA' YANG MA BYUNG BA NI NGAN 'GROR SONG BAS KYANG GNAS SKABS 'GA' YANG MA YIN NO, ,JI LTAR 'JIG RTEN PAS LUNG DU BSTAN PA RIG NAS BSAM GTAN DANG PO BSKYED PA DE NYID KYIS BDAG NYID BYA BA BYED PAR BSAM ZHING KHYAD PAR DU 'PHAGS PAR 'GYUR RO ZHES KHYOD DE LTAR MA MDZAD DO, , RGYU DE'I PHYIR NA BYANG CHUB BRNYES SHING KHYAD PAR DU 'PHAGS PA KHYOD LA THUGS RJE CHEN PO LA SOGS PA GANG YIN PA DE RNAMS KYI THOG DRUNG MA MCHIS PA NI CHAD PA MI MNGA' BA ZHES BYA BA'I DON TO, ,RNAM PA 'DIS YON TAN THAMS CAD KHYAD PAR DU 'PHAGS PA'I MTHAR THUG PA KHO NA ZHES BSHAD DO, ,YANG NA BYANG CHUB SEMS DPA'I GNAS SKABS SU'O, ,RGYU DE'I PHYIR NA KHYAD PAR DU 'PHAGS PA NI SBYIN PA DANG TSUL KHRIMS LA SOGS PA KHYAD PAR DU 'PHAGS PA BRNYES PA STE, PHA ROL TU PHYIN PA YONGS SU RDZOGS PAR MDZAD DO ZHES BYA BA'I DON TO, ,DE LTA BU'I TSIGS SU BCAD PA GNYIS KYIS BRTZON 'GRUS KYI PHA ROL TU PHYIN PA LA BSTOD NAS, BSAM GTAN GYI PHA ROL TU PHYIN PA LA BSTOD PA BSHAD PAR BYA STE, THUGS NI THUGS RJE CHEN PO DANG, ,RTAG TU RJES SU 'BREL SLAD DU, ,TING NGE 'DZIN 'BRAS BUR BCAS PA YI, ,SHIN TU BDE LA'ANG KHYOD MA CHAGS, ,ZHES BYA BA LA SOGS PA SMOS PA LA, SHIN TU BDE BA ZHES BYA BA NI SDUG BSNGAL MED PA'I PHYIR RO, ,SHIN TU BDE BA LA YANG MA CHAGS PA NI SRID PAR KHYOD MA GYUR ZHES BYA BA DANG SBYAR RO, ,GANG LA ZHE NA, BSHAD PA, TING 'DZIN 'BRAS BU DANG BCAS PA, ,ZHES STOS PA LA TING NGE 'DZIN NI BSAM GTAN DAG GO, ,'BRAS BU DANG BCAS PA NI 'BRAS BUR BCAS PA STE, SNYOMS PAR 'JUG PA'I BSAM GTAN DANG, 'THAD PA BSGRUB PA'I BSAM GTAN DE RNAMS LA YANG ZHES BYA BA'I DON TO, ,RGYU CI'I PHYIR ZHE NA, BSHAD PA, RTAG TU RJES SU 'DRES @129B SLAD DU; ,ZHES BYA BA LA SOGS PA NI GANG GI PHYIR THUGS RJE CHEN POS SEMS CAN LA PHAN PA'I BYA BA LA BYANG CHUB SEMS DPAS RTAG TU THUGS DRAN NAS BSAM GTAN GYI BDE BA LA CHAGS PA'I GLAGS SKABS TSOL BAR MI MDZAD DO, ,DE'I PHYIR THUGS RJE CHEN PO DE DANG RTAG TU THUGS RJES 'BREL PAR GYUR TO ZHES BYA BA'O, ,JI LTAR BYANG CHUB SEMS DPAS BYANG CHUB MA THOB PAR THUGS RJE CHEN POS YUN RING DU GOMS PAR BYAS ZHES BYA BAS NA SNYING RJE MED PA RNAMS LAS KHYAD PAR DU GYUR BA'I PHYIR RO, ,RGYU GANG GI PHYIR 'BRAS BU DANG BCAS PA LA CHAGS PAR MA GYUR PA DE'I PHYIR, GZHAN DANG THUN MONG MA LAGS PA'I, ,ZHES BYA BA NI RGYAS PAR BSHAD PAR BYA STE, GZHAN DANG THUN MONG MA LAGS PA'I, ,BDE BA GANG DE GYA NOM YANG, ,DAM PA'I SPYOD LDAN KHYOD 'DRA LA, ,GNOD PAR BAS [?] KYI SMAN MA MCHIS, ,KHYOD 'DRA ZHES BYA BA NI KHYOD DANG 'DRA BA'O, ,RGYU'I GNAS SKABS KYI BAR DU BYED PA YIN PA'I PHYIR NA BYANG CHUB SEMS DPA' RNAMS LA BSHAD PA YIN NO, ,GNOD PAR ZHES BYA BA NI GNOD PAR BYED PA KHO NA'O, ,SMAN MA MCHIS ZHES BYA BA NI PHAN PA MI BYED PA'O, ,BDE BA GANG DE ZHES BYA BA NI SNYOMS PAR 'JUG PA'I BSAM GTAN DANG, 'THAD PA BSGRUB PA'I BSAM GTAN DANG, DBEN PA LAS SKYES PA'O, ,DE NI DAM PA MA YIN NAM ZHE NA, MA YIN ZHES BSHAD PA, DAM PA ZHES BYA BA NI SHIN TU SMAN PA MDZAD PA'I PHYIR DANG, DUS RING POR RJES SU 'JUG PA'I PHYIR MCHOG KYANG ZHES BYA BA'I DON TO, ,DAM PA'I SPYOD LDAN ZHES SMOS PA LA, SPYOD PA NI SPYOD PA'O, ,DE NI DE'I RNAM PA 'DIS DAM PA YIN NO ZHES BOD PA'O, ,CI'I SLAD DU BDE BA DE KHYOD DANG 'DRA BA LA GNOD PAR BYED PA ZHES PA LA, BSHAD PA, GZHAN DANG THUN MONG MA LAGS PA'I, ,ZHES BYA BA NI GANG GI PHYIR DE NI THUN MONG MA LAGS PA STE SPYI MA YIN PA'O, ,GANG DANG THUN MONG MA YIN ZHE NA, GZHAN DAG DANG ZHES BYA BA'I DON TO, ,BSHAD PA NI 'DI YIN TE, BCOM LDAN 'DAS KYI TING NGE 'DZIN LAS BYUNG BA GANG YIN PA DE NI SROG CHAGS GZHAN RNAMS KYIS BSTEN PAR MI NUS PA'I RGYU DES NA DE LA CHAGS PA MI SKYED PA NYAMS SU MYONG BA DANG LDAN PA'I TING NGE 'DZIN LAS RGYAL BA'I @130A *, ,PHYIR BSAM GTAN GYI PHA ROL TU PHYIN PA YONGS SU RDZOGS PAR GYUR TO ZHES BYA'O, ,DE LTA BU'I TSIGS SU BCAD PA GNYIS POS BSAM GTAN GYI PHA ROL TU PHYIN PA LA BSTOD NAS, 'DRES PA LAS NI LEGS BSHAD PA, ,ZHES BYA BA'I TSIGS SU BCAD PAS SHES RAB KYI PHA ROL TU PHYIN PA LA BSTOD PA BSHAD PAR BYA STE, 'DRES PA LAS NI LEGS BSHAD PA, ,SNYING PO SKYON MED NYI TSE ZHIG ,KHYOD KYIS KUN BZHES THUGS LA BZHAG ,NYES BSHAD DUG BZHIN YONGS SU SPANGS, ,'JIG RTEN NA 'CHAD PA PO NI RNAM PA GSUM STE, LEGS PAR BSHAD PA DANG, NYES PAR BSHAD PA DANG, 'DRES PA'I TSIG GI DBYE BA'I PHYIR RO, ,DE RNAMS LAS BYANG CHUB SEMS DPAS 'DRES PA'I TSIG LAS SNYING PO LEGS PAR BSHAD PA THUGS LA BZHAG PA NI BZUNG BA'O, ,KHA CIG LA NI DBYANGS NYE BAR BSGYUR BA ZHES BYA BA NI YI GE TA'I RNAM PAR RIGS SO ZHES BYA BAR SHES NAS, SGRA NGAN PA YI 'JIGS PA YIS, ,SNYING PO KHO NA A'A TAm ZHES BYA BAS NI LUNG MA YIN PA'I GDON PA'O, ,DE LA LAN NI 'DI YIN TE, 'DI NI NYE BAR BSGYUR BA MA YIN GYI DE DANG 'DRA BA'I TSIG PHRAD DO, ,DPER NA DU RNA YA ZHES BYA BA STE, DES NA THUGS LA BZHAG PA ZHES BYA BA NI SLOB DPON GYIS BSHAD PA MDZES PA YIN NO, ,GANG ZHIG LEGS PAR BSHAD PA 'BA' ZHIG TU SMRA BA DE RNAMS LA BYANG CHUB SEMS DPAS SKYON MED NYI TSE ZHIG CES BYA BA NI LEGS PAR BSHAD PA DANG SBYAR RO, ,LEGS PAR BSHAD PA DANG MA 'DRES PA GANG YIN PA DE NI BDUD RTZI DANG 'DRA BA THUGS RANGS BAS BZHES PA ZHES BYA BA'I DON TO, ,GZHAN KHA CIG NI KHA NA MA THO BA 'BA' ZHIG SMRA BA DE RNAMS LAS NYES PAR BSHAD PA'I TSIG DUG BZHIN DU YONGS SU SPANGS SO, ,DE LTAR RNAM PA GSUM PO 'DIS SHES RAB KYI PHA ROL TU PHYIN PA'I DAG PA BSTAN NAS, DE NYID 'PHEL BA BSHAD PAR BYA STE, RIN CHEN SNYING PO MKHYEN KHYOD KYIS, ,LEGS BSHAD SROG GIS 'JAL BA NA, ,SKYE BA DE DANG DE DAG TU, ,BYANG CHUB SLAD DU DPA' RTZAL BSTAN, ,RIN CHEN SNYING PO MKHYEN KHYOD KYIS, ,ZHES BYA BA LA, KHYOD KYIS 'JAL BYA BA DANG SBYAR RO, , @130B RIN CHEN SNYING PO MKHYEN PA ZHES BYA BA NI LEGS PAR BSHAD PA KHO NA RNYED PAR DKA' BAS NA RIN PO CHE STE, DE RNAMS KYI SNYING PO NI BLA NA MED PA'I BYANG CHUB PO, ,DE MKHYEN PA ZHES BYA BA NI RIN CHEN SNYING PO MKHYEN PA ZHES BOD PA'O, ,GANG GIS 'JAL BA YIN ZHES PA LA, ,BSHAD PA, DBYIG DANG GSER LA SOGS PA RNAMS 'BA' ZHIG GIS NI MA YIN GYI SROG DAG GIS KYANG NGO, ,GANG 'JAL ZHE NA SMRAS PA, LEGS PAR BSHAD PA'O, ,DPER NA LEGS PAR BSHAD PA TSOL BAR GYUR PA'I BCOM LDAN 'DAS KYIS CHOS MA GSAN PAS THUGS MUG PAR GYUR PAS GNOD SBYIN GYI CHA LUGS 'DZIN PA'I BRGYA BYIN LAS, CHOS SPYOD PA NI LEGS PAR SPYAD, ,SPYOD NA DE NI SPYAD MI BYA, ,'JIG RTEN 'DI DANG PHA ROL DU, ,CHOS SPYOD PA NI BDE BAR NYAL, ,ZHES BYA BA'I TSIGS SU BCAD PA 'DI LA NYID KYI SKU DE LA BZA' BA'I PHYIR STZAL NAS BLUS PA'O, , CI ZHIG MDZAD CE NA SMRAS PA, DPA' RTZAL BSTAN ZHES BYA BA NI BRTZON 'GRUS LA DMIGS PA MDZAD DO ZHES BYA BA'I DON TO, ,DE CI'I SLAD DU ZHE NA, SMRAS PA, BYANG CHUB SLAD DU NI BYANG CHUB KYI RGYUR RO, ,SKYE BA DANG DE DAG NI 'GRO BA LNGA'I 'KHOR BA THAMS CAD DU SKYE BAS SO ZHES BSHAD PA'O, , 'DIR DE MA DANG RI DAGS KYI SKYES RABS LA SOGS PA DPER BYA'O, ,DE SLAD GRANGS MED GSUM DAG TU, ,ZHES BYA BA RGYAS PAR RGYU LA BSTOD PA NYE BAR BSDUS TE BSHAD PA, DE SLAD GRANGS MED GSUM DAG TU, ,KHYOD NI DE LTAR BRTZON PA NA, ,BRTZON 'GRUS 'BA' ZHIG GROGS GYUR BAS; ,GO 'PHANG BLA NA MED PA BRNYES, ,DE LTAR ZHES BYA BA'I SGRA NI DE BZHIN NYID KYI DON NAM, YANG NA RNAM PA LA'O, ,DES NA PHA ROL TU PHYIN PA RNAMS LAS GZHAN DAD PA LA SOGS PA'I DGE BA YANG GZUNG NGO, ,GRANGS MED GSUM DAG TU ZHES BYA BA NI BSKAL PA CHEN PO GRANGS MED PA GSUM GYIS SO, ,DE LTAR BRTZON PA NA ZHES BYA BA NI JI LTAR BSHAD PA'I BKA' BA'I SPYOD PA MDZAD PAS SO, ,BRTZON 'GRUS 'BA' ZHIG GROGS GYUR PAS, ,ZHES BYA BA LA, BRTZON 'GRUS NI BRTZON 'GRUS TE, DE NYID 'BA' ZHIG GROGS SU GYUR PA GANG LA YOD PA DE NI @131A *, ,BRTZON 'GRUS 'BA' ZHIG GROGS SU GYUR PA STE, GLANG PO DANG RTA LA SOGS PA NI MA YIN NO, ,DES NA BRTZON 'GRUS 'BA' ZHIG GROGS SU GYUR PA KHYOD CES BYA BA DANG SBYAR RO, ,CI ZHIG BYA BA ZHE NA, SMRAS PA, GO 'PHANG BLA NA MED PA BRNYES PA STE, MNGON DU MDZAD PA'O; ,GO 'PHANG NI GNAS SO, ,JI LTA BU YIN ZHE NA, BSHAD PA, BLA NA MED PA NI BLA NA MED PAR KHYAD PAR GANG LA MED PA DE NI BLA NA MED PA STE, DE BZHIN GSHEGS PA'I YE SHES ZHES BYA BA'I DON TO, ,DE LTAR DE NI PHA ROL TU PHYIN PA DRUG GIS BCOM LDAN 'DAS KYI RGYU LA BSTOD PA ZHES BSHAD DO ZHES BYA'O, ,RGYU LA BSTOD PA'I BSHAD PA STE LE'U GNYIS PA'O,, ,,DA NI RNAM PA GSUM GYIS 'BRAS BU LA BSTOD PA LAS, RE ZHIG DPE MED PA LAS BSTOD PA DE LAS RGYU GANG GIS DPE MED PA NYID DANG, RNAM PA GANG GIS DANG, GANG DANG BCAS PAS DPE MED CES BYA BA STE, DBYE BA GSUM MO, ,DE LA RGYU GANG GIS DPE MED PA NYID BRNYES PA NI, ,MTHO LA PHRAG DOG MI MDZAD CING, ,ZHES BYA BA'I TSIGS SU BCAD PAS DE BSHAD PAR BYA STE, MTHO LA PHRAG DOG MI MDZAD CING, ,DMA' LA RNGAN CAN MI MDZAD LA, ,MNYAM LA 'GRAN PA MI MNGA' BAS, ,KHYOD NI 'JIG RTEN GTZO BOR GYUR, ,'JIG RTEN PA PHAL CHE BA THOS PA DANG TSUL KHRIMS LA SOGS PA'I KHYAD PAR DANG LDAN PA'I GANG ZAG RNAMS LA PHRAG DOG SKYE STE, GZHAN GYI YON TAN BZOD MI NUS PA ZHES BYA BA'I DON TO, ,DMA' BA RNAMS LA RNGAN CAN NI RNGAN CAN GYI BLO DANG, MNYAM PA DANG BCAS PA LA 'GRAN PA NI PHAN TSUN ZIL GYIS GNON PA YIN NO, ,BCOM LDAN 'DAS KYANG BYANG CHUB SEMS DPA'I GNAS SKABS SU MTHO BA RNAMS LA PHRAG DOG MI MDZAD DE, YON TAN KUN DU 'DZIN PA'I PHYIR RO, ,DMA' BA LA RNGAN CAN MI MDZAD PA NI DE RNAMS LA YANG YON TAN YANG DAG PAR STZAL BA'I PHYIR RO, ,MNYAM LA 'GRAN PA MI MNGA' BA NI NYE BAR BLANGS PA'I YON TAN RNAMS BRTAN PAR MDZAD PA'I PHYIR RO, ,'GRAN PAS NI BAR CHAD DU 'GYUR ZHES BYA BA'O, ,RGYU GSUM PO DE RNAMS KYIS KHYOD CES PA NI BCOM LDAN 'DAS 'JIG RTEN GYI GTZO BOR GYUR PA NI, DPE @131B MED PA NYID THOB PAR GYUR ZHES BYA BA'I DON TO, ,DE LTAR RE ZHIG PHRAG DOG LA SOGS PA MI MNGA' BA'I PHYIR DPE MED PA NYID BSHAD NAS, KHYOD NI YON TAN RGYU RNAMS LA, ,ZHES BYA BA'I RGYAS PAS RGYU GZHAN BSHAD PAR BYA STE, KHYOD NI YON TAN RGYU RNAMS LA, ,MNGON DGYES 'BRAS BU RNAMS LA MIN, , YANG DAG SGRUB PA DE NYID KYIS, ,KHYOD KYI YON TAN PHA MTHAR PHYIN, ,'JIG RTEN PA RNAMS NI YON TAN RNAMS KYI 'BRAS BU RNAMS LA MNGON PAR ZHEN PA YIN GYI DE'I RGYU RNAMS LA NI MA YIN NO ,BCOM LDAN 'DAS NI BYANG CHUB SEMS DPAR GYUR CING SRED PA DANG BCAS PAR GYUR PAS KYANG 'BRAS BU LAS NYUNG YANG RGYU RNAMS LA MNGON PAR ZHEN PA NI DE RNAMS TSOL BA DANG DGONGS PAS BGYIS SO, ,GANG DAG GI RGYU YIN ZHE NA, BSHAD PA, YON TAN NI BSAM GTAN DANG SNYOMS PAR 'JUG PA RNAMS KYI ZHES BYA BA'I DON TO, ,MIN ZHES PA NI MNGON PAR ZHEN PA DANG SBYAR RO, ,GANG LA ZHE NA, BSHAD PA, 'BRAS BU RNAMS LA ZHES BYA BA NI BSAM GTAN DANG SNYOMS PAR 'JUG PA'I BDE BA RNAMS LA'O, ,YANG NA RDZU 'PHRUL LA SOGS PA RNAMS LA'O, ,DE NYID KYIS ZHES BYA BA NI RGYUD DE DANG YON TAN RNAMS KYI RGYU RNAMS LA MNGON PAR ZHEN PA RNAMS KYIS SO, ,KHYOD NI YON TAN PHA MTHAR PHYIN PA NI DE NYID KYIS DANG SBYAR RO, ,RNAM PA GANG GIS SHE NA, BSHAD PA, YANG DAG PAR BSGRUB PA ZHES BYA BA NI YANG DAG PA'I LAM GYIS DANG, GZHAN LA PHAN PA'I SGO NAS ZHES BYA BA'I DON TO, ,KHYOD CES BYA BA NI BCOM LDAN 'DAS LA'O, ,MTHAR PHYIN ZHES BYA BA NI KHYAD PAR RO, ,YON TAN NI BSAM GTAN LA SOGS PA STE, PHYIN PA NI THOB PA'O, ,DE LTA BU'I TSIGS SU BCAD PA GNYIS PO 'DIS BYANG CHUB SEMS DPA'I GNAS SKABS DANG PO PHRAG DOG LA SOGS PA MA MDZAD PA DANG, YON TAN RNAMS KYI RGYU RNAMS LA MNGON PAR ZHEN PA DANG 'BRAS BU LA MNGON PAR ZHEN PA'I RGYUS BYANG CHUB BRNYES PA'I BCOM LDAN 'DAS KYI DPE MED PA 'DIR BSHAD DO, ,GNAS SKABS BAR MAR DMAN PA LA MOS PA BSAL BA BSHAD PA STE, GANG GI PHYIR DMAN PA LA MOS PA'I BYANG CHUB SEMS DPA' RNAMS 'DI SKAD SMRA STE, NYON @132A *, ,MONGS PA RNAMS GNOD PAR BYED PA DANG, THUB PA'I DBANG PO'I GO 'PHANG DKA' BAS SGRUB PA DANG, SANGS RGYAS NYID THOB PA'I PHYIR CHOG SHES PA GANG YIN PA DE BSAL NAS SEMS CAN LA THUGS RJE'I DBANG GIS, JI LTAR KHYOD KYI ZHABS RDUL YANG, ,BSOD NAMS SKYE BA MCHED 'GYUR PA, DE LTAR KHYOD KYIS LEGS SPYAD PAS, ,BDAG NYID RAB TU BSKRUN PA MDZAD, ,DE LTAR, BDAG NYID RAB TU BSKRUN PA MDZAD, ,CES SMOS PA LA, DE LTAR ZHES BYA BA NI BRTZON 'GRUS LA SOGS PA'I RNAM PA DES SO, ,RAB TU BSKRUN PA MDZAD PA ZHES BYA BA NI YON TAN GYI MTHA' BRNYES PA STE DE BZHIN GSHEGS PA'I YE SHES THUGS SU CHUD PA'I PHYIR RO, ,KHYOD KYIS NI BCOM LDAN 'DAS KYIS SO, ,LEGS PAR SPYAD PAS ZHES BYA BA NI SKU DANG, GSUNG DANG THUGS KYI DGE BA'I PHRIN LAS GSUM GYIS SO, ,JI LTAR ZHES BYA BA NI RNAM PA GANG GIS SO, ,BSOD NAMS SKYE BA MCHED 'GYUR BA, ,ZHES BYA BA NI BSOD NAMS NI DGE BA'I PHRIN LAS RNAMS TE, SKYE BA NI SKYE BA'O, ,DE MCHED PA NI RGYAS PAR MDZAD PA ZHES BYA BAS NA BSOD NAMS SKYE BA MCHED PA'O, ,DE RNAMS KYI DNGOS PO NI BSOD NAMS SKYE BA NA CHED PA STE, DER 'GYUR BA'O, ,YANG ZHES BYA BA NI SRID PA LA'O, ,ZHABS RDUL ZHES BYA BA NI ZHABS DAG GI RDUL LO, ,KHYOD KYI ZHABS KYI RDUL RNAMS LA YANG BKUR STI BYAS NA SKYE BO RNAMS BSOD NAMS RNYED PAR 'GYUR RO ZHES BYA BA'I DON TE, GNAS SKABS BAR MA'O, ,GNAS SKABS PHYI MA'I DPE MED PA'I RGYU BSHAD PAR BYA STE, NYES PA NYAMS SMAD RTZA NAS BTON, ,YON TAN SPEL NAS RNAM PAR SBYANG, ,GZHUNG LUGS BZANG PO DES NA KHYOD, ,GRUB MCHOG LHAG PAR BRNYES PA LAGS, ,NYAMS SMAD RTZA NAS BTON ZHES BYA BA NI RGYAS PA'O, ,NYAMS SMAD CES BYA BA NI SKYE BA SNGA MAR SRAB PAR MDZAD PA STE, 'JIG RTEN PA'I LAM GYI SEL BA DANG SPANGS PA'I PHYIR RO, ,RTZA NAS BTON ZHES BYA BA NI SKYE BA PHYI MAR 'PHAGS PA'I LAM GYIS SA BON MED PAR MDZAD PA'O, ,DE DAG GANG YIN ZHE NA, BSHAD PA, NYES PA NI 'DOD CHAGS LA SOGS PA'O, ,SPEL NAS ZHES BYA BA NI SKYE BA SNGA MAR BRTZON 'GRUS LA BRTZON @132B PAS KHYAD PAR DU 'DREN PA'O, ,RNAM PAR SBYANGS ZHES BYA BAS NI SKYE BA PHYI MAR ZAG PA MED PA'I SHES RAB KYIS SNYOMS PAR 'JUG PA THAMS CAD KYI SGRIB PA SPANG BAR BYA BA'I PHYIR RO, ,DE DAG GANG YIN ZHE NA, BSHAD PA, YON TAN NI BSAM GTAN DANG SNYOMS PAR 'JUG PA LA SOGS PA'O, ,GZHUNG LUGS BZANG PO DES NA ZHES BYA BA'I GZHUNG LUGS BZANG PO DES SO, ,DE LTAR GYUR PA GANG YIN ZHE NA, SMRAS PA GRUB MCHOG LHAG PAR BRNYES PA ZHES SMOS PA LA, GRUB MCHOG NI BLA NA MED PA'I BYANG CHUB STE, GZHAN GYI DON THAMS CAD GANG GIS 'GRUB CES BYA BA'I PHYIR NA; DE NI KHYOD KYIS BRNYES PA LAGS, ,ZHES BYA BA'I DON TO ,DA NI SKABS PHYI MA'I DPE MED PA'I RGYU BSHAD PAR BYA STE, JI LTAR BDAG GI RGYUD LA DE, ,BAG CHAGS LHAG MA'ANG MA LUS PA, ,DE LTAR RNAM PA THAMS CAD DU, ,NYES PA KHYOD KYIS RAB TU BCOM, ,DE LTAR ZHES BYA BA NI RNAM PA DES SO; ,RNAM PA THAMS CAD DU ZHES BYA BA NI 'BAD RTZOL THAMS CAD KYIS SO, ,NYES PA NI 'DOD CHAGS LA SOGS PA RNAMS SO, ,BCOM ZHES BYA BA NI GNYEN PO'I PHYOGS BSGOMS PAS SLAR YANG SKYE BA DGAG PA MDZAD CES BYA BA'I DON TO, ,JI LTAR ZHES BYA BA NI SKYON RNAMS KYI'O, ,BDAG GI RGYUD LA ZHES BYA BA NI BDAG GI RGYUD LA'O, ,BAG CHAGS ZHES BYA BA'I MTSAN NYID NI BSHAD ZIN TO, ,'ANG GI SGRA NI KHYAD PAR LA'O, ,NYES PA MA LUS PA BCOM PA 'BA' ZHIG TU MA ZAD KYI DE RNAMS KYI BAG CHAGS KYANG MA LUS PA STE, MA BZHAG CES BYA BA'I DON TO, ,DE LTA BU'I TSIGS SU BCAD PA 'DIS NYES PA MA LUS PA'I BAG CHAGS DANG BCAS PA NYAN THOS LA SOGS PAS SEMS CAN GYI DON MA LUS PA BYED PAR MI NUS SO ZHES BYA BAS NA NYES PA DANG BCAS PA'I BAG CHAGS SPANGS PA'I PHYIR DPE MED PA NYID BSHAD NAS, YON TAN GYIS PHONGS PAS KYANG SEMS CAN GYI DON BYED MI NUS ZHES BYA BAS NA SLAR YANG YON TAN PHUN SUM TSOGS PA'I DPE MED PA NYID, JI LTAR GZHAN LA DE DAG DANG, ,ZHES BYA BAS RGYAS PAR BSHAD PAR BYA STE, JI LTAR GZHAN LA DE DAG DANG, ,'DRA BA TZAM YANG MI GDA' BA, ,DE LTAR KHYOD KYIS BSAGS BSAGS NAS, ,BDAG NYID LA NI YON @133A *, ,TAN BSGRUBS, ,DE LTAR ZHES BYA BA NI BRTZON 'GRUS LA SOGS PA DES SO, ,BSAGS BSAGS NAS ZHES BYA BA NI SHIN TU'I DON LA KV'A'I RKYEN CAN TE, JI LTAR ZOS SHING 'GRO BA BZHIN ZHES BYA BA'O, ,BYA DH'I NYA NI 'DZIN PA DANG RGYAS PA'I KHAMS KYI DON YONGS SU BZUNG NAS BRTZON 'GRUS KYIS SHIN TU BSAGS ZHES BYA BA STE BSDUS PA'I DON TO, ,BDAG NYID LA ZHES BYA BA NI NYID KYI RGYUD LA'O, ,BSGRUBS ZHES BYA BA NI BZHED PA TZAM GYIS MNGON DU BZHAG PAR GYUR PA'O, ,YON TAN NI MI 'JIGS PA LA SOGS PA RNAMS SO, ,'DRA BA TZAM YANG ZHES BYA BA NI 'DRA BA TZAM YANG NGO, ,DE DAG DANG ZHES BYA BA NI YON TAN RNAMS KYI'O, ,JI LTAR ZHES BYA BA NI RNAM PA GANG GIS ZHES BYA BA STE MI GDA' BA ZHES BYA BA DANG SBYAR RO, ,GZHAN LA ZHES BYA BA NI BSE RU'I RVA DANG 'DRA BA'I RANG SANGS RGYAS KYI RGYUD LA YANG MI MNGA' BA ZHES BYA BA'I DON TO, , DE LTA BU'I TSIGS SU BCAD PA DE RNAMS KYIS RGYU GANG GIS DPE MED PA KHO NA BSHAD DO, ,RNAM PA GANG GIS DPE MED PA NYID NI, 'JIG RTEN PA YI DPE DNGOS KUN, ,ZHES BYA BA'I TSIGS SU BCAD PA GNYIS KYIS BSHAD PAR BYA STE, 'JIG RTEN PA YI DPE DNGOS KUN, ,GEGS BGYID PA DANG SGRIB PA CAN, , RE ZHIG PA DANG NYI TSE BA, ,SHIN TU RNYED PAR SLA BA LAGS, ,KHYOD KYI YON TAN BLA MED LA, ,GEGS BGYID MA MCHIS RTOGS MA MCHIS, ,BRTAN PA DANG NI RGYUN CHAGS PAS, ,DPE LTA MCHIS PAR GA LA 'GYUR, ,DE LA GEGS BGYID PA NI ZIL GYIS GNON PA'O, ,SGRIB PA NI SGRIB PA STE DE DAG GANG LA YOD PA DE NI GEGS BGYID PA DANG SGRIB PA CAN NO, ,DPE'I DNGOS PO ZHES BYA BA NI 'CHAD PAR 'GYUR RO, ,'DI LTA STE DPER NA RE ZHIG NYI MA DANG ZLA BA LA GEGS BGYID PA NI SGRA GCAN LA SOGS PA DAG GIS SO, ,SGRIB PA NI KHUG RNA LA SOGS PA DAG GIS SO, ,RE ZHIG PA ZHES BYA BA NI NYIN BAR NYI MA DANG MTSAN MO ZLA BA'O, ,DES NA RE ZHIG PA DPE'I DNGOS PO YIN NO ZHES RTOGS PAR 'GYUR RO ZHES BYA BA'O ,NYI TSE BA ZHES BYA BA NI GANG GI TSE 'DZAM BU'I GLING DU NYI MA DANG ZLA BA DAG YIN PA DE'I TSE BYANG GI SGRA MI SNYAN DU NI MA YIN NO, ,RGYU DE'I PHYIR NI SHIN TU RNYED PAR SLA BA ZHES BYA BA LA SOGS PA NI SHIN TU RNYED PAR @133B SLA BA'I KHYAD PAR GANG LA YOD PA DE NI SHIN TU RNYED PAR SLA BA'O, ,DE GANG YIN ZHE NA, BSHAD PA, 'JIG RTEN PA'I DPE'I DNGOS ZHES BYA BA NI GANG GIS DPER BYAS PA DE NI DPE STE DE NYID DNGOS PO NI RDZAS TE, DPE'I DNGOS PO NI NYI MA LA SOGS PA'O, ,'JIG RTEN PA'I ZHES BYA BA NI 'JIG RTEN PA LA GRAGS PA'O, ,DE BZHIN DU PAD+MA DANG, AUTPALA LA SOGS PA LA YANG CI RIGS PAR SBYAR BAR BYA'O, ,KHYOD KYI YON TAN NI STOBS DANG MI 'JIGS PA LA SOGS PA RNAMS SO, ,GEGS BGYID MA MCHIS PA NI GEGS BGYID PA DANG BRAL BA STE, NYON MONGS PA DANG NYON MONGS PA MA YIN PA'I RMUGS PA SHIN TU MI MNGA' BA'I PHYIR MI MTHUN PA DANG BRAL BA ZHES BYA BA'I DON TO, ,RTOGS MA MCHIS ZHES BYA BA NI GZHAN GYI RGOL BA'I MAN PAS ZIL GYIS GNON PAR MA GYUR PA'O, ,DE BZHIN DU BCOM LDAN 'DAS KYIS GSUNGS PA NI YANG DAG PAR RDZOGS PA'I SANGS RGYAS SU GYUR PA NGAS CHOS 'DI RNAMS KHONG DU CHUD PA MA YIN ZHES BYA BAS 'DIR NGA LA SU ZHIG RTZOD PAR BYED DAM, DRAN PA LA 'JUG GAM ZHES BYA BA'I RGYU MTSAN YANG MA MTHONG NGO, ,DE LTA BU'I RGYU MTSAN MA MTHONG BA NGAS BDE BA THOB PA DANG, BSNYENGS PA MI MNGA' BA THOB PA DANG MI 'JIGS PA THOB PA YANG GNAS NAS KHYU MCHOG RLABS PO CHE'I GNAS SU DAM BCA' BA DANG, TSANGS PA'I 'KHOR LO BSKOR BA DANG, 'KHOR GYI NANG DU SENG GE'I SGRA YANG DAG PAR BSGRAGS PA ZHES BYA'O, ,BRTAN PA ZHES BYA BA NI RE ZHIG PA MA YIN PA STE, RTAG TU YANG DAG PAR RJES SU 'GRO BA'I PHYIR RO, ,RGYUN CHAGS PAS ZHES BYA BA NI SHES BYA THAMS CAD LA GEGS BGYID PA MA MCHIS PA'O, ,DE LTA BU'I RNAM PA 'DIS BLA NA MED PA'I MCHOG GZHAN MED PA ZHES BYA BA'I DON TO, ,KHYOD KYI DPE LTA MCHIS PAR GA LA 'GYUR ZHES SMOS PA LA, GA LA NI DPE DANG SBYAR RO, ,LTA ZHES BYA BA NI DON GZHAN 'CHAD PAR 'DOD PA LA'O, ,'GYUR BA NI 'GYUR ZHES BYA BA'I DON TO, ,KHYOD KYI NI KHYOD KYI'O, ,'JIG RTEN PA'I DPE GZHAN DNGOS SU NA DON GZHAN DU 'GYUR PA NI MED DO ZHES DGONGS PA DE LTA BU'I TSIGS SU BCAD PA GNYIS PO 'DIS NYI MA LA GEGS BGYID PA DANG LDAN ZHING GEGS MA MCHIS PA LA SOGS PA'I RNAM PAS GRANGS JI LTA BA @134A *, ,BZHIN DU DE BZHIN GSHEGS PA'I YON TAN RNAMS KYI DPE MED PAR BSHAD DO, ,DA NI GANG DANG LHAN CIG DPE MED DE KHO NA BSHAD PAR BYA STE, DE LA RE ZHIG DE BZHIN GSHEGS PA'I DGONGS PA GANG YIN PA DE'I CHOS GSUM STE, ZAB PA DANG, BRTAN PA DANG, BRTAN PA DANG, GSAL BA NYID CES BYA BA'O, ,DE LA ZAB PA LA BRTEN NAS BSHAD PAR BYA STE, GANG TSE KHYOD KYI DGONGS PA'I DKYIL, ,GTING DANG PHA ROL MED BRTAGS NA, ,RGYA MTSO'I ZAB PA NYID KYANG NI, ,BA LANG RJES LTAR SA LER GDA', ,BA LANG RJES LTAR ZHES BYA BAS NI NYUNG BA NYID BSHAD DO, ,RGYA MTSO'I ZAB PA NYID LA LTOS NA BA LANG GI RJES DANG 'DRA BAR 'GYUR RO, ,CI ZHIG TU 'GYUR ZHE NA, RGYA MTSO'I ZAB PA NYID NI BA LANG RJES LTAR SA LER GDA' BAR 'GYUR RO, ,RGYA MTSO CHEN PO'I ZAB PA NYID CES BYA BA'I DON TO, ,GANG GI TSE YIN ZHE NA, BSHAD PA, GANG TSE KHYOD KYI DGONGS PA'I DKYIL, ,ZHES BYA BA LA SOGS PA NI GANG GI TSE BRTAGS PA ZHES BYA BA DANG SBYAR RO ,GANG GI TSE KHYOD KYI DGONGS PA'I DKYIL NI DGONGS PA'I GTING MED PA BRTAGS NA DE'I TSE RGYA MTSO'I ZAB PA NYID NA BA LANG GI RJES LTAR SA LER GDA' BAR 'GYUR RO, ,RGYU GANG GIS SHE NA, ,GANG TSE KHYOD KYI DGONGS PA'I DKYIL, ,GTING DANG PHA ROL MED PA STE, ,GTING MED PA NI NYAN THOS CHEN PO LA SOGS PA RNAMS KYIS KYANG YONGS SU MI SHES PA'I PHYIR RO, ,RGYA MTSO'I GTING NI LHA MA YIN GYIS KYANG MA RNYED PA'I PHYIR RO, ,BCOM LDAN 'DAS KYI DGONGS PA'I DKYIL YANG PHA ROL MED PA STE, SHES BYA MA LUS PA SPYOD YUL DU GYUR PA'I PHYIR DANG RGYA MTSO NI TSAD YONGS SU CHAD PA'I PHYIR ZHES BYA BA'O, ,DE LTA BU'I RNAM PA 'DIS RGYA MTSO CHEN PO'I ZAB PA PAS BCOM LDAN 'DAS KYI DGONGS PA ZAB PA TSIGS SU BCAD PA 'DIS BSHAD DO, ,DA NI BRTAN PA'I DPE MED PA BSHAD PAR BYA STE, CHOS RNAMS KUN GYIS MI BSKYOD PA, ,KHYOD KYIS BRTAN PA MNGON BSAMS NA, ,SA YI BRTAN PA NYID KYANG NI, ,SHIR SHA'I GE SAR RTZE LTAR CHUNG, ,ZHES BYA BA NI SHIR SHA'I SHING LAS BYUNG BA'I ME TOG GI 'DAB MA'O, ,'DAB MA DE'I RTZE MO NI SHIR SHA'I GE SAR GYI RTZE MO LTAR CHUNG BAR 'GYUR RO, ,BRTAN PA NI MI G-YO BA NYID DO, ,SA'I ZHES BYA BA NI @134B SA'I ZHES BYA BA'I DON TO, ,RGYU GANG GIS SHE NA, BSHAD PA, CHOS RNAMS KUN GYIS MI BSKYOD PA, ,ZHES BYA BA NI GANG GI PHYIR KHYOD KYI THUGS BRTAN PA GANG YIN PA DE NI CHOS RNAMS KUN GYIS MI BSKYOD PA ZHES BYA BA'I RIGS NA BYAS PA'I BYED PA LA DRUG PA'I RKYEN CAN NO, ,JI LTAR BCOM LDAN 'DAS GYI BRTAN PA MI BSKYOD PA YIN ZHE NA, DE'I THUGS DON GYI RANG BZHIN GYI YUL CAN PHYIN CI LOG PAR SMRA BAS BSKYOD PAR MI NUS PA'I PHYIR RO, ,DE LTAR GSUNGS PA NI DGE SLONG GANG ZHIG 'DI LTAR SMRA STE, NGA LA DGE SBYONG GOO TA MAS GSUNGS PA GANG YIN PA DE NI BDAG GIS SMAD CING BDAG GIS GZHAN LA SMRA'O ZHES BYA BA DE NI GNAS MED DO ZHES BYA BA'O ,DE LTA BAS NA MI BSKYOD PA KHO NA'O, ,BRTAN PA MNGON PAR BSAMS NA NI BSAM PAR BYA BA BSAMS NA SA'I BRTAN PA SHIR SHA'I GE SAR RTZE LTAR CHUNG BA STE, LHA MO KHA CIG GIS KYANG BSKYOD PAR NUS PA'I PHYIR RO, ,'DI LTAR GSUNGS TE; LHA MO DGE SLONG MA RDZU 'PHRUL CHEN PO DANG LDAN PA MTHU CHEN PO DANG LDAN PA GANG YIN PA DES KYANG SA'I 'DU SHES RGYA CHUNG BAS SAR BYIN GYIS RLOB CING, TSAD MED PA'I CHU'I 'DU SHES BSAMS NAS G-YO BAR BYED DO ZHES BYA BA'O, ,DE LTA BU'I TSIGS SU BCAD PA DES SA'I BRTAN PA LAS BCOM LDAN 'DAS KYIS DGONGS PA BRTAN PA'I DPE MED PA RAB TU BSTAN TO, ,GSAL BA NYID KYI DPE MED PA BSHAD PAR BYA STE, THUB PA KHYOD KYI YE SHES KYI, ,SNANG BAS MI SHES RAB RIB DAG ,'JOMS PA'I THAD NA NYI MA YANG, ,ME KHYER TZAM DU'ANG MI SPYOD DO, ,MI SHES RAB RIB DAG 'JOMS PA'I, , ZHES BYA BA LA, MI SHES PA NI MA RIG PA'O, ,DE NYID RAB RIB STE, YANG DAG PA'I DON GYI LTA BA BSGRIBS PA'I PHYIR RO, ,MI SHES PA'I RAB RIB 'JOMS PA GANG YIN ZHE NA, YE SHES KYI SNANG BA STE, YE SHES NI THUGS SO, ,DE NYID SNANG BA STE, 'PHAGS PA'I BDEN PA BZHI YANG DAG PAR GSAL BAR MDZAD PA'I PHYIR RO, ,DE'I YE SHES KYI SNANG BA'I YUL LA ZHES 'CHAD PAR 'GYUR RO, ,KHYOD KYI NI KHYOD KYI'O, ,THUB PA GSUM DANG LDAN PA'I PHYIR NA THUB PA'O, ,MI'I SGRA NI SPYOD PA DAG GANG MED PA STE, MI SPYOD CES BYA BA'I DON TO, ,GANG GIS MI SPYOD CE NA, NYI MA NI NYI MA YIS SO, ,GANG DU MI SPYOD @135A *, ,CE NA; BSHAD PA, YE SHES MI SNANG BA'I YUL DANG SBYAR RO, ,CI ZHIG MI SPYOD CE NA, BSHAD PA, THAD NA ME KHYER TZAM DU YANG, ,ZHES PA NI ME KHYER GANG YIN PA DE NI ME KHYER RO, ,ME KHYER NI GSAL BA DANG LDAN PA'I SRIN BU DE'I THAD NA GSAL BA STE, DE'I DE 'THAD PA'I YUL YIN NO ZHES BYA'O, ,SNANG BA DE TZAM YANG NYI MAS MI NUS TE, BDEN PA'I YUL MNGON DU MA GYUR PA'I PHYIR RO ZHES BYA BA'O, ,DE LTA BU'I TSIGS SU BCAD PA DES BCOM LDAN 'DAS KYI THUGS DPE MED PA NYI MA'I SNANG BA BAS GSAL BA NYID BSHAD NAS, YON TAN GZHAN RNAMS KYI YANG DPE MED PAR BSHAD PAR BYA STE, KHYOD KYI GSUNG THUGS MDZAD SPYOD RNAMS, ,DAG PA'I GAN NA STON ZLA DANG, ,CHU DANG NAM MKHA'I DAG PA RNAMS, ,DRI MA CAN NI LTA BUR GDA', ,DRI MA MED PA YANG DRI MA CAN NYID LTA BUR SNANG STE, DAG PA RNAMS ZHES BYA NI BSHAD PAR 'GYUR RO, ,GANG GIS SHE NA, BSHAD PA, STON ZLA DANG CHU DANG NAM MKHA'I ZHES BYA BA NI SPRIN LA SOGS PA RNAMS KYIS DRI MA CAN DU 'GYUR SRID PA'I PHYIR STON KA'I SGRA NI RE RE DANG SBYAR RO, ,STON KA'I ZLA BA DANG CHU DANG NAM MKHA'I ZHES BYA BA NI ZLAS DBYE BA'I SNYING PO CAN BDUN PA DE NI SKYES BU'I BSDU BA'O, ,GANG LA LTOS NAS SHE NA, BSHAD PA, DAG PA'I GAN NA ZHES BYA BA NI DAG PA LA LTOS NA ZHES BYA BA'I DON TO, ,DE LA BCOM LDAN 'DAS KYI GSUNG GI DAG PA'I GAN NA STON KA'I ZLA BA'I DAG PA DANG, THUGS KYI DAG PA'I GAN NA STON KA'I NAM MKHA'I DAG PA DANG, SPYOD PA NI SKU'I PHRIN LAS TE, DE'I DAG PA'I GAN NA STON KA'I CHU'I DAG PA DRI MA CAN NYID LTAR GDA' BA STE, YONGS SU MA DAG PA'I LUS DANG NGAG DANG YID KYI LAS LAS BYUNG BA BAG CHAGS DANG BCAS NYON MONGS PA MA LUS PA'I DRI MA DANG BRAL BA'I PHYIR RO, ,DE LTA BU'I TSIGS SU BCAD PA DES STON KA'I ZLA BA LA SOGS PA RNAMS LAS BCOM LDAN 'DAS KYI GSUNG LA SOGS PA RNAMS KYI DPE MED PA NYID BSHAD NAS, DPE MED PAR BSTOD PA NYE BAR BSDU BAR BYA BA'I PHYIR BSHAD PA NI, 'JIG RTEN LEGS PA GANG CI'ANG RUNG, ,THAMS CAD BSNGOS NA'ANG DER BAS TE, ,NYON MONGS 'JIG RTEN CHOS RNAMS KYIS, ,SANGS RGYAS CHOS LA KHYAD MI KHOR, ,THAMS CAD @135B BSNGOS NA'ANG DER BAS TE, ,ZHES BYA BA LA, DER BAS TE ZHES BYA BA NI BA LANG RJES LTAR SA LER GANG GDA' ZHES BYA BA LA SOGS PA THAMS CAD BSHAD ZIN PA ZHES BYA BA'O, ,RGYA MTSO'I ZAB PA LA SOGS PA NYE BAR BSHAD PA GANG YIN PA DE NI TSIG TZAM STE, GZHUNG 'DI NYID KYI DON GYIS GO BAS GZHAN THAMS CAD KYANG DPE MA YIN NO ZHES BSDUS NAS BSHAD PA'O, ,THAMS CAD GANG YIN ZHE NA, BSHAD PA, 'JIG RTEN LEGS PA GANG CI'ANG RUNG, ,ZHES SMOS PA LA GANG CI'ANG RUNG BA NI PAD+MA DANG, AUTPALA LA SOGS PA STE, LEGS PA NI MDZES SHING 'JIG RTEN PA LA GRAGS PA GANG YIN PA DE YANG KHYOD KYI DPE MA YIN NO ZHES DGONGS PA'O, ,RGYU GANG GIS SHE NA, BSHAD PA, SANGS RGYAS CHOS LA KHYAD MI KHOR, ,ZHES SMOS PA LA, KHYAD MI KHOR ZHES BYA BA NI KHYAD PAR MANG PO GEGS MA MCHIS PA ZHES SNGAR BSHAD PA'I PHYIR RO, ,CI NI GANG GI PHYIR ZHES BYA BA'I DON LA'O, ,SANGS RGYAS CHOS LA ZHES BYA BA NI STOBS DANG MI 'JIGS PA LA SOGS PA RNAMS SO, ,'JIG RTEN CHOS RNAMS ZHES BYA BA NI 'JIG RTEN PA LA GRAGS PA'I NYI MA LA SOGS PA'O, ,'DIR CHOS KYI SGRA NI DNGOS PO TZAM GYI TSIG TU KHONG DU CHUD PAR BYA'O, ,NYON MONGS PA ZHES BYA BA NI GEGS BGYID PA DANG SGRIB PA LA SOGS PA JI LTAR BSHAD PAS 'JIG PA DANG LDAN PA'O, ,BSHAD PA NI 'DI YIN TE, GANG GI PHYIR, NYON MONG 'JIG RTEN CHOS RNAMS KYIS, ,SANGS RGYAS CHOS LA KHYAD MI KHOR, ,DE'I PHYIR NA, 'JIG RTEN LEGS PA GANG CI'ANG RUNG, ,THAMS CAD BSNGOS NA'ANG DER BAS TE, ,ZHES BYA BA GANG YIN PA DE YANG KHYOD KYI DPE YANG MA YIN NO ZHES BYA BA'O, ,DE LTA BU'I TSIGS SU BCAD PA 'DI RNAMS KYIS 'JIG RTEN PA'I DPE LAS DPE MED PA BSHAD NAS, BCOM LDAN 'DAS KYIS 'JIG RTEN LAS 'DAS PA'I DPES DPE MED PA BSHAD PAR BYA STE, RIN CHEN CHOS GANG BRNYES NAS KHYOD, ,MCHOG TU GYUR PA DE NYID DANG, ,KHYOD DU BSGRUN ZHING DE DANG NI, ,KHYOD DANG BSGRUN LDOM KHO NAR BAS, ,RIN CHEN CHOS GANG ZHES SMOS PA LA, BLA NA MED PA YANG DAG PAR RDZOGS PA'I BYANG CHUB NI 'DIR RIN CHEN CHOS SU 'THAD KYI MYA NGAN LAS 'DAS PA NI MA YIN TE, NYAN THOS LA SOGS PA RNAMS KYIS KYANG DE THOB @136A *, ,PA'I PHYIR RO, ,BRNYES NAS ZHES BYA BA NI YANG DAG PAR RJES SU 'GRO BA'AM MNGON DU GYUR PAS SO, ,KHYOD MCHOG TU GYUR PA ZHES BYA BA NI SEMS CAN MA LUS PA'I MCHOG TU GYUR ZHES BYA BA'I DON TO, ,GANG ZHIG SEMS CAN RKANG MED DAM, RKANG GNYIS PA 'AM, RKANG MANGS ZHES BYA BA GANG YIN PA'I SEMS CAN DE RNAMS LAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MCHOG YIN NO ZHES BYA BA NI MDO'I TSIG YIN NO, ,DE ZHES BYA BA NI RIN CHEN CHOS SO, ,NYID KYI SGRA NI NGES PAR GZUNG BA STE, DE NYID KYIS NI GZHAN GYI NI MA YIN NO, ,KHO NAR BAS PAS SGRA NI YONGS SU DAG PAR BRJOD PA'O, ,YONGS SU DAG PA'I PHYIR LEGS TE, ,ZHES BYA BA NI BCOM LDAN 'DAS LA BOD PA'O, ,SANGS RGYAS RIN PO CHE DAG YONGS SU DAG PA'I PHYIR BSGRUN PA LA NI SKYON MED DO ZHES DGONGS PA'O, ,DE NYID KYI PHYIR NA BSHAD PA, DE DANG KHYOD NI ZHES SMOS PA DE ZHES BYA BA NI CHOS RIN CHEN GYI'O, , DANG GI SGRA NI BSGRUN LDOM ZHES BYA BAR RJES SU DRANG BA'I PHYIR RO, ,KHYOD CES BYA BA NI BCOM LDAN 'DAS DANG BSGRUN PA'I PHYIR RIN CHEN CHOS KYI DPE DANG DE'I KHYOD CES BYA BA DANG MDOR BSDUS PA'O, ,SPEL MA LAS KYANG SLOB DPON PHYOGS KYI GLANG POS KHYAD PAR DU BSTOD DE, YANG NA DE YANG KHYOD MTSUNGS MIN; ,GANG PHYIR GNYI GA MNYAM PA NYID, ,TSAD MA MKHAN GYIS BRJOD PAR NUS, ,DE NI SUS KYANG RTOGS MI 'GYUR, ,ZHES BSHAD DO, ,DE'I DGONGS PA NI 'DI YIN TE, GLANG DANG GLANG RGOD DAG LA KHYAD PAR YOD NA YANG TSAD MA LA SOGS PA SPYI'I SHES PAS DPER BRJOD PAR BYA STE, GLANG JI LTA BA DE BZHIN DU GLANG RGOD DO, ,YANG NA GLANG RGOD JI LTA BA DE BZHIN DU GLANG ZHES BYA BA'O, ,DE BZHIN DU DE BZHIN GSHEGS PA DANG, RIN CHEN CHOS DAG GI TSAD MA NI GANG GIS KYANG MI SHES SO, ,DE'I PHYIR KHYOD KYI RIN CHEN CHOS NI DPE MA YIN GYI, ,DE'I YANG KHYOD KYI MA YIN ZHES BYA BA'O, ,GAL TE BCOM LDAN 'DAS KYI DPE MED NA GSUNG 'DI DAG NI ZLA BA LAS BDUD RTZI 'DZAG PA BZHIN DU 'BYUNG ZHES BYA BAS DPER JI LTAR BYAS SHE NA, BSHAD PA, GANG LA SPYI TZAM BSTUN NAS NI, ,CUNG ZAD BRJOD PA BGYID PA DE, ,SMRA BA PO YI RANG DGA' DANG, ,THABS DANG GCAM BU TZAM DU BAS, ,RANG DGA' ZHES BYA @136B BA NI RANG GI 'DOD PA STE DE NI 'GAL BA TZAM MO, ,TZAM GYI SGRAS NI DPE MED PA ZHES BSHAD DO, ,GANG YIN ZHE NA, BSHAD PA, GANG LA SPYI TZAM BSTUN NAS NI, ,ZHES SMOS PA LA, SPYI NI GANG GZHAN LA YANG YOD PA'O, ,BSTUN PA NI CHOS RNAMS YONGS SU BRTAG PA'O, ,CUNG ZAD CES BYA BA NI CUNG ZAD CES BYA BA'I DON TO, ,BSHAD PA NI 'DI YIN TE, CHOS GZHAN DANG SPYI YIS KHYOD KYI DPE YID KYIS BYAS PA GANG YIN PA DE NI RANG DGA' BAS NA 'GAL BA TZAM YIN TE DPE NI MA YIN NO, ,GANG LA BSTAN NAS NI ZHES BYA BA LA SOGS PA SMOS PA LA, GANG LA ZHES BYA BA NI DNGOS PO GANG LA SPYI DANG BSTUN NAS DPE NYID KYI TSIG GIS BRJOD PAR BGYID PA GANG YIN PA DE NI GANG ZAG SMRA BA PO GCAM BU TZAM DU BAS PA STE SHIN TU GCAM BU ZHES BYA BA'I DON TO, ,DE'I PHYIR NA BCOM LDAN 'DAS DPE MED DO ZHES BYA BA STE, DPE MED PA LA BSTOD PA'I BSHAD PA'O, ,DPE MED PA LA BSTOD PA'I BSHAD PA STE LE'U GSUM PA'O,, ,,DA NI RMAD DU BYUNG BA LA BSTOD PA, KHYOD NI BDUD LAS RNAM RGYAL TE, ,ZHES BYA BA'I TSIGS SU BCAD PA GNYIS KYIS BSHAD PAR BYA STE, KHYOD NI BDUD LAS RNAM