@1A [DD] #, ,RGYA GAR SKAD DU, A'A RYA PRADZNY'A P'A RA MI T'A AAshtA SA HA SRI K'A BY'A KHY'A AA BHI SA MA Y'A LAm KA RA A'A KO KA N'A MA, BOD SKAD DU, 'PHAGS PA SHES RAB KYI PHA ROL TU PHYIN PA BRGYAD STONG PA'I BSHAD [DD] PA, MNGON PAR RTOGS PA'I RGYAN GYI SNANG BA ZHES BYA BA, BCOM LDAN 'DAS YUM SHES RAB KYI PHA ROL TU PHYIN MA, MOS BA LA BYAMS PA, YON TAN DPAG TU MED PA DANG LDAN PA LA PHYAG 'TSAL LO, ,BCOM LDAN 'DAS BYANG CHUB SEMS DPA' SEMS DPA' CHEN PO 'PHAGS PA 'JAM DPAL GZHON NUR GYUR PA LA PHYAG 'TSAL LO, ,'PHAGS PA BYAMS PA MI PHAM MGON PO LA PHYAG 'TSAL LO, ,NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNG BA, ,NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA PHYAG 'TSAL, ,DNGOS RNAMS SGYU MA'I RANG BZHIN DANG MTSUNGS LA MKHAS RNAL 'BYOR RNAMS KYI THAR MCHOG TU, ,'KHOR BA'I KHONGS NAS NYES PA'I TSOGS SU KUN DU RGYAL BAR GYUR PA'I LUS CAN RNAMS ,BCOM LDAN @2A *, ,BRTZE LDAN BYAMS PA RANG NYID KYIS NI RNAM PA KUN TU BKRI BYA'I PHYIR, ,SHES RAB PHA ROL PHYIN TSUL SHIN TU GSAL BAR RGYAS BSHAD TSIG LER BYAS PA MDZAD, ,'PHAGS PA THOGS MED ZHES BYA GRAGS PA GSAL LDAN SHES RAB LDAN PA'I MCHOG GYUR PAS, ,DE NYID RNAM PAR NGES PAR BSHAD PA RAB TU SBYAR MDZAD DES MDZAD PA YI MTHUS, ,DNGOS DANG DNGOS MED RNAM DBYE'I PHYOGS LA MKHAS PAR SHES PA'I MNGON RLOM GYIS MTHO BA, ,SLOB DPON DBYIG GNYEN GYIS NI GZHUNG GI 'GREL BAR DON BSHAD PA LA GNAS THOB GYUR, ,RNAL 'BYOR GOMS PAS DON GYI DE NYID BSRUBS LAS 'JIG RTEN 'DAS PA'I SHES RAB LDAN, ,SKYES GYUR BLO BZANGS 'PHAGS PA RNAM GROL SDE YIS 'BREL BA LA NI CHER 'BAD LA, ,MTHA' GCIG SKYES BUR MI MTHUN PHYOGS LTA ZHI BYED BSTAN BCOS LA MKHAS RTOGS LDAN GANG, ,RNAM GROL SDE ZHES TSIG TU 'JIG RTEN GRAGS GZHAN PA DES NI RNAM 'GREL MDZAD, ,DE LA BLO NYAMS BDAG 'DRAS SNGON CHAD MED CING BRJOD PAR NUS MIN GANG GI PHYIR, ,MKHAS MCHOG RNAMS KYIS NYIN DANG NYIN LAM DPYAD DNGOS PO'I TSUL DE GANG ZHIG YOD, ,YE SHES THOB BYED CHOS KYI DE NYID YUL LA BDAG NI 'DOD PA SKYES GYUR PA, ,DES NA DAM PA'I DON GYI YUL MCHOG BSHAD PA BYED LA MNGON PAR SPRO BAR GYUR, ,'DI SKAD CES BYA BA LA SOGS PA LA, THAMS CAD KYI 'BREL BA DANG BRJOD PAR BYA BA DANG DGOS BA DANG DGOS PA'I DGOS PA RTOGS PA SNGON DU SENG BA'I 'JUG PA NI, THAMS CAD DU DON DU 'GYUR BA'I THE TSOM GYIS YIN TE, DE NA SHES RAB KYI PHA ROL TU PHYIN PA LA 'BREL BA LA SOGS PA RNAMS BRJOD PAR BYA BA YIN NO, ,'DI LTAR GAL TE 'DI'I 'BREL BA DANG BRJOD PAR BYA BA MA SMRAS NA DE'I TSE, SMYON TSIG LA SOGS PA LTAR 'BREL PA MED PA DANG DON MED PAR DOGS PAS NYAN PA LA SU YANG 'JUG PAR MI 'GYUR RO, ,DES NA 'DI'I 'BREL PA DANG BRJOD PAR BYA BA NI GDON MI ZA BAR BRJOD DGOS SO, ,DE BZHIN DU 'BREL BA DANG BRJOD PAR BYA BA YOD DU ZIN KYANG BYA BA RDZOGS PA'I LAS LA KHYAD PAR DU SGRUB PAR BYED PA MA YIN PA SGRUB BYED YIN NO ZHES BYA BA YANG SGRUB PAR BYED PA'I TSUL LAS 'DAS PA YIN NO ZHES BYA BA'I TSUL GYIS MDO SDE GZHAN DANG MA 'BREL BA @2B 'JUG PA'I YAN LAG KHYAD PAR CAN GYI DGOS PA DANG BRAL NA, SHES RAB KYI PHA ROL TU PHYIN PA'I MDO SDE RIN PO CHE LA DAD PAS RJES SU 'BRANG BDAG KYANG MNYAN PHA TZAM DU YANG GUS PA MI SKYE'O, ,DE BAS NA MDO SDE LA 'JUG PAR 'DOD PA RNAMS 'JUG PAR BYA BA'I PHYIR, DANG POR BYA BA'I 'BRAS BU THUN MONG MA YIN PA DER GTOGS PA'I DGOS PA NYID BRJOD PAR BYA'I, GZHAN DU GTOGS PA NI MA YIN TE, GZHAN DU NA MA 'BREL BA BRJOD PAR 'GYUR RO, ,MDO SDE'I THOG MAR DGOS PA BRJOD PA NI MDO SDE LA GZHAN 'JUG PA'I DON DU YIN GYI PHONGS PAS NI MA YIN NO, ,DGOS PA'I NGAG BSTAN PAS GZHAN DAG MDO SDE LA 'JUG PAR YANG JI LTAR 'GYUR ZHE NA, GAL TE DER GTOGS PA'I DGOS PA NYID BRJOD KYI GZHAN DU GTOGS PA NI MA YIN TE, GZHAN GYI DGOS PA BRJOD PAS GZHAN DU 'JUG PAR 'GYUR PA NI SU YANG MED DO, ,MDO SDE YANG KHYAD PAR CAN GYI DON GTZOR STON PA'I TSIG LA BRJOD KYI, BRJOD PAR BYA PA'AM DON STON PA'I NUS PAS STONG PA'I SGRA TZAM LA NI MA YIN NO, ,DE PAS NA BRJOD PAR BYA BA LA SOGS PAR GTOGS PA NI BRJOD PAR PHYA BA MA YIN NO, ,BYA BA'I RANG BZHIN YANG DGOS PA MA YIN TE, 'DI LTAR RANG GI DON DU GYUR PA'I BRJOD PAR BYA BA STON PAR BYED PA'I MTSAN NYID KYI BYA BA NI NGAG THAMS CAD LA THUN MONG YIN LA, DE YANG SHIN TU GRAGS PAS DGOS PA NYID DU GZUNG BAR 'OS PA MA YIN TE, DE LA NI BSTAN BCOS 'KHRUL PA MED PA'I PHYIR RO, ,BRJOD PAR BYA BA MED PA NYID DU DOGS PA BSAL BA'I DON DU NYE BAR BSTAN PAR BYA BA YIN NO, ,ZHE NA, MA YIN TE BRJOD PAR BYA BA BSTAN PA NYID KYIS DGOS PA DE BSAL BA'I PHYIR RO, ,BRJOD PAR BYA BA'I KHYAD PAR BSTAN PAR 'DOD PAS DE NYE BAR BZUNG BA YANG MA YIN TE, BRJOD PAR BYA BA'I KHYAD PAR STON PA NYID KYIS DE BSTAN PA YIN PA'I PHYIR RO, ,BYA BA'I 'BRAS BU DE'I YANG 'BRAS BUR GYUR PA'I DGOS PA NYE BAR BSTAN PAR BYA BA YIN TE, DE MED PAR BYA BA'I 'BRAS BU TZAM GYIS MDO SDE LA 'JUG PA MI SRID PA'I PHYIR, ,'DI LTAR MNGON PAR 'DOD PA'I GTZO BO'I 'BRAS BU DON DU GNYER PA'I RTOGS PA DANG LDAN PA RNAMS NI DE'I THABS LA 'JUG STE, RGYU MED PA'I 'BRAS BU MI 'THAD PA'I PHYIR, NAD MED PA'I SGRUB BYED MA TSAR BA @3A *, ,MED PA RJES SU BSGRUBS PAS NAD MED PA THOB PA DANG 'DRA BAR, SHES PAR GYUR PA'I THABS GOMS PAR BYED PA NA RANG GI THABS LAS BYUNG BA'I 'BRAS BU STER BAR BYED PA DES NA THABS RTOGS PAR BYA BA'I PHYIR MDO SDE LA 'JUG GO, ,DE PAS NA 'JUG PA'I YAN LAG GI GTZO BO NYID YIN PAS NA DGOS PA'I YANG DGOS PA KHO NA NGES PAR BSTAN PAR BYA'O, ,DE YANG THABS SU GYUR PA 'BREL BA LA SOGS PA MED PAR BSTAN PAR MI NUS PAS MDO SDE'I DGOS PA'I YANG DGOS PA'I THABS BSTAN PAR BYA BA'I DON DU 'BREL BA LA SOGS PA BRJOD DO, ,DGOS PA'I YANG DGOS PA DE YANG, 'BREL PA DANG NI RJES MTHUN THABS, ,SKYES BU'I DON NI RJOD BYED NGAG ,YONGS BRTAGS DBANG DU BYAS PA STE, ,DE LAS GZHAN PA'I DBANG BYAS MIN, ,ZHES BYA BA'I TSUL GYIS 'BREL BA DANG RJES SU MTHUN PA'I THABS DANG LDAN PAR BSTAN PAR BYA BA YIN NO, ,DE'I THABS RJES SU BSGRUB PAR MI NUS PA YANG MA YIN TE, GZHAN DU NA RIMS NAD SEL BAR BYED PA'I 'JOG PO'I GTZUG GI NOR BU RIN PO CHE RGYAN GYI DON DU LTAR SU YANG 'JUG PAR MI 'GYUR RO, ,THUG PA MED PA YANG MA YIN TE, 'DI LTAR SKYES BU'I MNGON PAR 'DOD PA YONGS SU RDZOGS PAR 'DOD PA RGYUN CHAD PA'I PHYIR DE LAS GONG DU DGOS PA GZHAN TSOL BAR MI BYED DO, ,'DI'I 'BREL BA LA SOGS PA GANG YIN ZHE NA, DE LA BRJOD PAR BYA STE, RE ZHIG 'BREL BA NI DGOS PA LA SOGS PA SHIG TU BSTAN PAR MI BYA STE, 'BRAS BU MED PA'I PHYIR RO, ,GANG ZHIG GANG BRJOD DU ZIN KYANG RTOGS PAR MA GYUR PA DE NI LOGS SHIG TU BZUNG PAR 'OS TE, DPER NA BRJOD PAR BYA BA LA SOGS PA GANG RUNG CIG BRJOD PAS CIG SHOS RTOGS PAR MI 'GYUR PA LTA BU YIN NA, DGOS PA BRJOD PAS 'BREL BA MA BRJOD PA NI MI SRID DO, ,'DI LTAR DE RAB TU STON PAS NI BSTAN BCOS DANG DGOS PA DAG GI BSGRUB PAR BYA BA DANG, SGRUB PAR BYED PA'I NGO BO'I PHYIR MTSAN NYID BSTAN PAR BYA'O, ,GZHAN BLA MA BRGYUD PA'I BYA BA LA SOGS PA'I MTSAN NYID NI MA YIN TE, DE NI DON DU GNYER BA 'JUG PA'I YAN LAG MA YIN PA'I PHYIR RO, ,BSGRUB BYAD DANG SGRUB BYED KYI NGO BO DE YANG DGOS PA BRJOD PA NYID KYIS BSTAN TE, 'DI LTAR 'DI NI 'DI'I @3B DGOS PA YIN NO ZHES STON PAS NI, 'DI NI 'DI'I SGRUB BYED YIN NO ZHES BSTAN PA YIN NO, ,GANG ZHIG GANG SGRUB PAR MI BYED PA DE'I DGOS PA NI DE MA YIN TE, HA CANG THAL BA'I PHYIR RO, ,DE BAS NA DON GYI SHUGS KYIS GO BAS 'DI NI DGOS PA BRJOD PA LA SOGS PA SHIG TU BRJOD PAR BYA'O, ,KHA CIG NA RE CHOS RNAM PAR 'BYED PA'I DON DU GZHI THAMS CAD BSDUS PA BRJOD PAR BYA BA YIN NO ZHES ZER RO, ,GZHAN DAG NI MI MTHUN PA'I PHYOGS SPANG BAR BYA BA'I PHYIR GNYEN PO'I PHYOGS MA LUS BA BSTAN PAR BYA BA YIN NO ZHES ZER RO, ,LA LA NI SHES BYA MA LUS PA YONGS SU SHES PAR BYA BA'I PHYIR RNAM PA MA LUS PA BSTAN PAR BYA BA YIN NO, ,ZHES ZER RO, ,DE DAG GSUM CHAR YANG BDEN PA MA YIN TE, 'DI LTAR PHYOGS DANG BO GZHI MA LUS PAR BSDUS PA LA NI SHES RAB KYI PHA ROL TU PHYIN PA 'DIR, CHOS MNGON PA'I SDE SNOD LA SOGS PAR PHUNG PO DANG KHAMS DANG SKYE MCHED BSTAN PAS MA BSDUS PA GANG YIN PA SNGA NA MED PA'I DNGOS PO'I RIGS DE YOD PA MA YIN TE, DES NA ZLOS PA'I SKYON DU 'GYUR RO, ,GNYIS PA GNYEN PO'I PHYOGS THAMS CAD BSDUS PA LA MI MTHUN PA'I PHYOGS KYI DNGOS PO'I GANG YIN PA MA BSDUS PAS, NYAN THOS KYI LAM LA SOGS PA GNYEN PO'I NYID DU BSGOM PAR BYA'O ZHES BRJOD KYANG, GANG GI GNYEN PO YIN ZHES MA SHES NA, MI MTHUN PA DANG GNYEN PO'I PHYOGS SO SOR NGES PAR RTOGS PA MED PAS, RTOGS PA MED PA'I NYES PAR 'GYUR RO, ,GSUM PA RNAM PA MA LUS PAR BSDUS PA LA YANG, CI RNAM PA BZHI LAS THA MI DAD PA YIN NAM, 'ON TE THA DAD PA YIN ZHES RNAM PAR RTOG PA GNYIS SO, ,GAL TE RNAM PAR RTOG PA DANG PO LTAR NA DE'I TSE RNAM PA'I THABS KYI GZHI NYID BSDUS PA YIN PAS GZHI BSDUS PA LA 'BYUNG BA'I NYES PA NYID DU 'GYUR RO, ,'ON TE GNYIS PA LTAR DE'I TSE RNAM PAR RTOG PAS BSKYED PA GZHI MED PA'I RNAM PA TZAM DU BSDUS PAS, BRGYUD PA TZAM GZHI GANG LA YANG 'JUG PAR MI 'GYUR PA'I PHYIR, RNAM PA 'DI BSGOMS KYANG SKYES BU'I DON DU MI MKHO STE, DES NA SKYES BU'I DON LA DGOS PA'I DON MI STON PAS MA BSHAD PA'I NYES PA YOD DO, ,DE PAS NA JI SKAD BSHAD @4A *, ,BA'I DON GSUM CHAR BSDUS PAS, PHYOGS RE RE LAS 'BYUNG BA'I NYES PA MI 'THAD PAS, NYAN THOS NGANG RANG SANGS RGYAS DANG BYANG CHUB SEMS DPA' DANG DE BZHIN GSHEGS PAS THUGS SU CHUD PA BSDUS PA, RNAM PA THAMS CAD MKHYEN PA NYID LA SOGS PA MNGON PAR RTOGS PA BRGYAD KYI RIM PA PHYIN CI MA LOG PA, MNGON PAR MTHO BA DANG NGES PAR LEGS PA'I CHOS RNAMS THOB PAR BYED PA'I LAM MA LUS PA, CHO 'PHRUL RNAM PA SNA TSOGS KYIS 'GRO BA THAMS CAD LA STON PAR MDZAD PA'I BCOM LDAN 'DAS THUGS RJE CHEN PO'I RANG BZHIN GYIS SHES RAB KYI PHA ROL TU PHYIN PA LAS BSTAN PAR MDZAD PA NI BRJOD PAR BYA BA YIN NO, ,JI SKAD DU BSHAD PA'I BRJOD PAR BYA BA 'PHAGS PA SHES RAB KYI PHA ROL TU PHYIN PA STONG PHRAG BRGYA PA LA SOGS PA'I MDO'I DON BYANG CHUB KYI SEMS DANG GDAMS NGAG LA SOGS PA BSGRUB PA'I RANG BZHIN, GNAS SKABS BRGYAD KYI DBYE BA PHYE BA THAMS CAD, SEMS CAN MDOR BSDUS PA LA DGA' BA RNAMS KYIS MDOR BSDUS NAS BDE BLAG TU RTOGS PAR BYA BA'I PHYIR, BCOM LDAN 'DAS KYIS BCOM LDAN 'DAS MA BRGYAD STONG BA BSTAN PA YIN NO, ,DE PAS NA BSTAN PAR BYA BA'I RGYUD DU GTOGS PA, MDOR BSDUS PAS DON MTHA' DAG BDE BLAG TU RTOGS PA NI, THUN MONG MA YIN PA'I PHYIR NA BYA BA'I 'BRAS BUR GYUR PA'I DGOS PA YIN NO, ,JI SKAD DU BSHAD PA'I BRJOD PAR BYA BA RNAMS PA THAMS CAD MKHYEN PA NYID LA SOGS PA'I LAM, SENG GE DANG 'PHROG BYED DANG DBYIG GI SNYING PO LA SOGS PA 'KHOR BA THOG MA MED PA NAS DNGOS PO LA MNGON PAR ZHEN PA'I DUG GIS BSAM PA'I RGYUD MA RUNGS PAR BYAS BA, DNGOS PO MA LUS PA BDAG MED PAR BSGOM PA GOMS PAR MA BYAS PA RNAMS KYIS RTOGS PAR MA GYUR PA NI, SHES RAB KYI PHA ROL TU PHYIN PA THOB PA LAS, THOS PA'I SHES PAS BDE BLAG TU NGES PAR BZUNG STE, SHIN TU GSAL BAR NYAMS SU MYONG BAS SKYES PA'I BAG CHAGS LAS BYUNG BA DRAN PA'I SHES PA LA BZHAG NAS BSAM PA'I RANG BZHIN GYI SHES RAB KYIS NGES PAR BYAS TE, SGOM PA'I RANG BZHIN GYIS BSGOMS PA NA, DE'I PHYIR YANG DAG YANG DAG MIN, ,GANG DAG @4B SHIN TU GOMS GYUR BA, ,SGOM PA YONGS SU RDZOGS PA NA, ,DE GSAL MI RTOG BLO 'BRAS BU, ,ZHES BYA BA'I TSUL GYIS KUN RDZOB DANG DON DAM PA'I BDEN PA LA BRTEN NAS, SBYIN PA LA SOGS PA DGE BA BSAGS PA DANG LDAN PA, BDAG DANG GZHAN GYI DON PHUN SUM TSOGS PA BSGRUB PA'I BLO BSKYED PA RNAMS, NGES PAR 'BYED PA'I CHA DANG MTHUN PA LA SOGS PA THOB PA'I RIM GYIS RNAM PA THAMS CAD MNGON SUM DU BYED PA ZHES BYA BA NI RJES SU MTHUN PA'I THABS DANG LDAN PA, BYA BA'I 'BRAS BU'I 'BRAS BUR GYUR PA'I DGOS PA YIN NO, ,DE SKAD DU YANG MNGON PAR RTOGS PA'I RGYAN LAS; ,RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BAM YIN TE, ,CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BLO DANG LDAN PAS MTHONG 'GYUR PHYIR, ,BDE BLAG TU NI RTOGS PA ZHES, ,BYA BA RTZOM PA'I DGOS PA YIN, ,ZHES GSUNGS PA YIN NO, ,DE BZHIN GSHEGS PA'I GSANG BA BSTAN PA'I DBANG DU BYAS NAS, BSKAL PA BZANG PO'I DE BZHIN GSHEGS PA THAMS CAD KYI GZUGS KYI SKU DANG, DAM PA'I CHOS KYI TSOGS BSRUNG BA LA RNAM PA THAMS CAD DU BDAG POR BYAS PA YIN PA'I PHYIR DANG, PHYAG NA RDO RJE DBANG BSKUR BA LA SOGS PA LAS BSTAN PA GTAD PA YIN PA'I PHYIR DANG, GZHAN RNAMS KYI KHYAD PAR BRJOD PA MED PA'I PHYIR LCANG LO CAN NA BZHUGS PAS BCU'I DBANG PHYUG RDO RJE 'DZIN PA CHEN POS, 'JIG RTEN THAMS CAD RJES SU GZUNG PA'I PHYIR SHES RAB KYI PHA ROL TU PHYIN PA'I MDO SDE RIN PO CHE SDUD PAR GSOL BA 'DEBS PA, 'PHAGS PA BYAMS PA LA SOGS PA BYANG CHUB SEMS DPA'I TSOGS RNAMS LA 'DI SKAD CES BYA BA LA SOGS PA GSUNGS PA YIN NO ZHES SNGON GYI SLOB DPON RNAMS 'CHAD DO, ,GZHAN DAG NI 'DI NYID KYI YONGS SU GTAD PA'I LE'U LAS, JI LTAR SHES RAB KYI PHA ROL TU PHYIN PA 'DI 'DZAM BU'I GLING NA SPYOD PAR 'GYUR PA ZHES BYA BA LA SOGS PAS, SHES RAB KYI PHA ROL TU PHYIN PA YONGS SU GTAD PA YIN PA'I PHYIR, YANG DAG PAR SDUD PAR BYED PA NI 'PHAGS PA KUN DGA' BO YIN NO SNYAM DU SEMS SO, ,DE LA 'DI SKAD CES BYA BA NGES @5A *, ,PA'I DON RJOD PAR BYED PAS, RANG DANG RJES SU MTHUN PA'I SHES PAS NGES PAR BZUNG PA'I MDO'I DON MA LUS PA NYE BAR STON PA LHUR LEN PA'I TSIG GIS NI, DE NI 'DI LTAR YIN NO ZHES PHYIN CI MA LOG PA NYID DU BRJOD DO, ,BDAG GIS ZHES BYA BA BDAG NYID STON PA'I TSIG GIS NI BCOM LDAN 'DAS KYI THAD NAS MNGON SUM DU MNYAN PAR RO, ,THOS PA ZHES BYA BA RNA BA'I RNAM PAR SHES PAS NYAMS SU MYONG PA'I TSIG GIS KYANG DE BZHIN GSHEGS PA MA GTOGS PA GZHAN DAG GIS 'DI LTA BU'I CHOS MTHA' DAG RTOGS PA'I NUS PA MED PAS RTOGS PA MED PA NYID DU'O, ,TSIG GSUM PO 'DI DAG NI BCOM LDAN 'DAS KYI BKA' NYID KYIS MDO SDE RTZOM PA'I DANG POR BSTAN PA YIN NO, ,'DI LTAR BCOM LDAN 'DAS YONGS SU MYA NGAN LAS 'DAS SHING DON SNA TSOGS PA LA LHAG PAR MOS PAS RAB TU PHYE BA BDE BAR GSHEGS PA'I GSUNG GI RGYUN RTOGS PAR DKA' ZHING BYANG CHUB NYID THOB PAR BYED PA'I DON RTOGS PAR GYUR PA MED PA NA, 'GA' ZHIG GIS JI LTAR BSDU PAR BYA SNYAM DU GDUL BYA'I SKYE BO RNAMS KYI SOM NYI SEL BAR BYED PA, DE BZHIN GSHEGS PA'I BYIN GYIS BRLABS PA'I NYAN THOS LA SOGS PA RNAMS KYIS, BCOM LDAN 'DAS MA 'ONGS PA'I DUS SU DAM PA'I CHOS JI LTAR YANG DAG PAR BSDU PAR BGYI ZHES ZHUS PA NA, PHYIN CI MA LOG PAR MNGON SUM DU THOS PAR BYAS BAR DON MA RTOGS SU ZIN KYANG DAM PA'I CHOS YANG DAG PAR SDUD PAR BYED PA LA NYES PA MED DO ZHES DGONGS NAS, BCOM LDAN 'DAS KYIS CHOS YANG DAG PAR SDUD PA'I MDO LAS DGE SLONG DAG 'DI SKAD BDAG GIS THOS PA ZHES GYIS LA DAM PA'I CHOS BSDU PAR BYA'O ZHES BYA BA DANG, DE BZHIN DU 'BREL BA DANG GO RIMS BSTAN PAR BYA'O ZHES BYA BA LA SOGS PA GSUNGS SO, ,BKA' 'DI LAS KYANG YUL DANG DUS LA SOGS PA'I TSIG DANG, DE BZHIN DU BCOM LDAN 'DAS LA LHA RNAMS KYI DBANG BO BRGYA BYIN GYIS 'DI SKAD CES GSOL TO ZHES BYA BA LA SOGS PA'I TSIG NI BCOM LDAN 'DAS KYIS RJES SU GNANG BA NYID KYIS, YANG DAG PAR SDUD PAR BYED PA RNAMS KYIS BYAS PA YIN PA'I PHYIR SANGS RGYAS KYI BKA' MA YIN PA NYID DU THAL BAR 'GYUR PA MED DO, ,DE LTA YIN @5B DANG SANGS RGYAS KYI BKAR SANGS RGYAS KYI BKA' MA YIN PA BCUG PA'I NYES PA 'DI'I GO SKABS KYANG RGYANG BSRINGS PA NYID DU BYAS SO, ,DE BAS NA JI LTAR THOS PA DE BZHIN DU YANG DAG PAR BSDUS PA YIN NO ZHES 'THAD DO, ,DE LTAR BYAS NA KHA CIG GIS 'DI SKAD BDAG LA BSTAN TO ZHES BRJOD PAR BYA BA LAS 'DI SKAD BDAG GIS THOS PA ZHES CI'I PHYIR BRJOD CES RTZOD PA BKOD NAS, BCOM LDAN 'DAS KYIS STON PA MI 'THAD PA LA SOGS PA'I RIGS BA GZHAN DAG KYANG BRJOD PA GANG YIN PA, DE NI SHIN TU MDZES PA MA YIN NO ZHES BSTAN PAR 'GYUR RO, ,GAL TE 'PHAGS PA KUN DGA' POS PHYOGS GZHAN DU, KHO BOS 'DI SKAD THOS PA'I TSIG GIS GZUNG BA GANG YIN PA, BCOM LDAN 'DAS KYIS BDAG GIS MNGON SUM DU GSUNGS PA'I MDO YANG YOD, LHA YUL DU GSUNGS PA YANG YOD, BRGYUD DE 'ONGS PA YANG YOD DO ZHES BRJOD PA, DE THAMS CAD KYI DBANG DU BYAS NAS, CHOS KYI 'KHOR LO BSKOR BA'I MDO, ,BCOM LDAN 'DAS KYIS GANG DU GSUNGS, ,SHES RAB CHEN PO KHYED KYIS SMOS, ,BDE GSHEGS SRAS PO KHYED SMROS SHIG ,CES GSUNGS CHEN POS SMRAS PA'I TSIG GI MTHAR, 'PHAGS PA KUN DGA' BOS SANGS RGYAS KYI YON TAN RJES SU DRAN PAS RGYUD BRLAN PAR BYAS SHING BZHIN MCHI MA CAN RNAM PAR 'GYUR PAR DANG BCAS PAS KHYAB PA'I SGRA DBYANGS KYIS 'DI SKAD BDAG GIS THOS PA ZHES SMRAS PA MA YIN NAM, DE JI LTAR BDAG GIS ZHES BYA BA BDAG NYID STON PA'I TSIG GIS MNGON SUM DU THOS PAR BRJOD CE NA, 'DI LA NYES PA MED DE, GANG GI PHYIR DE BZHIN GSHEGS PA'I BYIN GYIS BRLABS KYIS BSTAN PA NI NGES BSTAN PA YIN PA LTAR, DE'I MTHUS GZHAN LAS THOS PA YANG BCOM LDAN 'DAS NYID KYI THAD NAS THOS PA YIN NO, ,YANG NA GZHAN DAG LAS THOS NA YANG CHOS 'DZIN PA'I MCHOG YIN PAS DON NGES PAR BYA PA'I PHYIR DES BCOM LDAN 'DAS LA ZHUS PA YIN NO, ,DES NA DON NGES PA'I DBANG GIS BCOM LDAN 'DAS LAS DE SKAD THOS PA YIN PAS NA BDAG GIS ZHES SMRAS PA YIN NO, ,KHO BOS 'DI SKAD THOS PA'I TSIG GIS BSTAN PAR BYA BA GANG YIN PA THAMS CES GANG @6A *, ,BRJOD PA DE NI GZHUNG GI DBANG DU BYAS PA YIN PAS NYES PA MED DO, ,DE LTAR GLENG BSLANG BA BYAS NAS, DA NI GANG GI TSE GANG LAS GANG DU SU ZHIG DANG LHAN CIG KHYOD KYIS 'DI LTA BU'I MDO SDE RIN PO CHE THOS ZHES DRIS PA DANG, BDAG NYID TSAD MA'I SKYES BUR BSTAN PAR BYA BA'I PHYIR, LAN 'DEBS PAS YUL DANG DUS DANG STON BA PO DANG 'KHOR PHUN SUM TSOGS PA NI STON PAR BYED PA'I RGYU YIN NO ZHES GLENG GZHI GSUNGS PA NI, DUS GCIG NA ZHES BYA BA STE, DUS GCIG GI TSE NA THOS SO, ,ZHES SNGA MA DANG SBYAR RO, ,'DIS NI 'DI LTA BU'I YID BZHIN GYI NOR BU RIN PO CHE'I RGYAL PO LTA BU'I MDO SDE NI DUS THAMS CAD DU THOS MI SRID BA'I PHYIR BRGYA LAM NA YIN PAR BSTAN PAR BSTAN PA YIN PAS 'DI RNYED PAR DKA' BA NYID DU BSTAN TO, ,YANG NA SDUD PA POS DUS GCIG GI TSEN BDAG GIS MDO SDE 'DI THOS KYI, GZHAN GYI TSE NA GZHAN YIN NO ZHES ZUR GYIS SMOS PAS 'GRO BA'I DON GYI PHYIR, SNYING RJE CAN GYI SMAN PA'I RGYAL PO'I TSUL DU SDUD PA PO RANG NYID MANG DU THOS PAR BRJOD PA YIN NO, ,YANG NA SKAD CIG MA GCIG LA THOS SO ZHES BYA BA'I DON TE, RMI LAM DU LHA LA SOGS PA'I MTHUS DUS CUNG ZHIG LA YANG LO BRGYA LA SOGS BAR DMIGS PA DANG 'DRA BAR, BCOM LDAN 'DAS KYI BYIN GYIS BRLABS KYIS MTSUNGS BA DE MA THAG PA'I RKYEN YID KYI RNAM PAR SHES PA LAS BYUNG BA, MDO'I DON MA LUS PA SNANG BA CAN GYI RNA BA'I RNAM PAR SHES PA NI SKAD CIG MA GCIG LAS BYUNG BA'I PHYIR RO, ,'DIS NI RNAM PAR THAR PA'I SGO BSAM GYIS MI KHYAB PA THOB PA'I PHYIR NA, BDAG GI MNYAN PAR BYA BA GANG JI SNYED PA DE THAMS CAD SKAD CIG MA GCIG LA BDAG GIS THOS SHING, BRJED PA YANG MED DO ZHES BDAG NYID TSAD MA'I SKYES BU NYID YIN PAR STON TO, ,DE NYID KYIS NA YANG DAG PAR SDUD PAR BYED PA GDUL BYA'I SKYE BO'I TSOGS GZHAN RJES SU GZUNG BA'I DON DU, PHYIS RIM GYIS BSTAN PA LA 'JUG PA NA, RTAG TU MNYAM PAR GZHAG PA YOD PA MA YIN PAS, CI ZHIG LTAR BAR DU YUL GZHAN LA DMIGS PA'I SEMS LUNG DU MA BSTAN PA 'BYUNG DU ZIN KYANG, DUS PHYIS MDO MA TSANG BA MED @6B PAR SDUD PA NI MI 'GAL TE, DE BZHIN GSHEGS PA'I BYIN GYIS BRLABS PA'I YONGS SU RDZOGS PAR SNANG BA DANG LDAN PA'I SHES PA SNGAR SKYES PA NYID YIN PA'I PHYIR RO, ,YANG 'DI NYAN PAR BYED PA NA CHOS NYAN PA'I BDUD RTZI'I ROS TSIM PA MED PA'I PHYIR RO, ,GDUL BYA'I TSOGS LHAG NA RNAMS KYANG 'DI LTA BUR CI'I PHYIR MA GYUR ZHE NA, KLU'I RGYAL PO RGYA MTSOS ZHUS PA'I RJES SU 'BRANGS NA, BYANG CHUB SEMS DPA'I TSOGS YONGS SU DAG PA NI DE LTAR 'GYUR PA NYID KYI YIN GYI, THAMS CAD LA NI MA YIN TE, KHYAD PAR DU 'PHAGS PA'I SKAL BA NYID MA TSANG BAS DE LTA BUR 'DZIN PA'I NUS PA NYID YOD BA MA YIN PA'I PHYIR RO, ,YANG JI LTAR NA BSTAN PA GCIG LA RNAM PAR DBYE BA 'DIR 'GYUR ZHE NA, BSTAN PA 'DI NI KUN RDZOB TU YI GE DANG TSIG TU SNANG BA CAN GYI SHES PA'I BDAG NYID CAN YIN LA, DE NI STOBS JI LTA BA BZHIN DU LAN GCIG GAM RIM GYIS SKYE BA YIN PAS NYES PA MED DO, ,YANG NA, YUL GZHAN GDUL BAR BYA PHYIR DANG, ,DER GNAS DKON PA BSKYED PHYIR DANG, ,NYAN THOS GNAS MANG BYA PHYIR DANG, ,CHAGS PA MED PAR BSTAN PA DANG, ,YUL RNAMS MCHOD RTEN BYA PHYIR DANG, ,'GRO BA'I BSOD NAMS DON NYID DANG, ,YAMS LA SOGS PA ZHI DON DU, ,SANGS RGYAS RGYU BAR MDZAD PA YIN, ,ZHES BYA BAS GZHAN LA PHAN PA LA MCHOG TU GZHOL BA'I THUGS NYID KYIS DUS GCIG GI TSE NA BYA RGOD PHUNG PO'I RI LA BZHUGS SO, ,ZHES TSIG 'OG MA DANG SBYAR BAR BYA STE, GZHAN GYI TSE NI GZHAN LA BZHUGS PA'I PHYIR RO, ,NYON MONGS LAS DANG DE BZHIN SKYE,, NYON MONGS SHES BYA'I SGRIB DE BZHIN, ,GANG YANG MI MTHUN PHYOGS CHOS BCOM, ,DES 'DIR BCOM LDAN 'DAS SU BSHAD, ,CES DON BRJOD PAS NGES PA'I TSIG GI TSUL GYIS NA, NYON MONGS PA LA SOGS PA BCOM PA DANG LDAN PAS NA, BCOM LDAN 'DAS SO, ,YANG NA, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO RNAMS LA SKAL ZHES BYA, ,ZHES BYA BA DE 'DI LA MNGA' BAS NA, DBANG PHYUG LA SOGS PA PHUN SUM TSOG PA DANG LDAN PA'I BCOM LDAN 'DAS BZHUGS SO ZHES BYA BAR @7A *, ,SPYAR RO, ,DON DANG LDAN PA'I MING CAN RAB TU GRAGS PA'I GNAS KYI KHYAD PAR RGYAL PO'I KHAB NA, DA BZHIN GSHEGS PA RNAMS KYIS RGYAL BA'I YUM STON PA LA, BYANG CHUB SEMS DPA'I TSOGS CHEN PO'I KHUR YUL GZHAN GYIS 'DEBS PAR MI NUS PA NYID KYIS MNGON PAR BYANG CHUB PA'I GNAS DANG 'DRA BAR 'DOD PAR BYA BA, RIN PO CHE SNA TSOGS KYI PUNG POR GYUR PA YOD PA GANG YIN PA DE NI BYA RGOD KYI PHUNG PO'O, ,LHA LA SOGS PA BSOD NAMS 'DOD PA RNAMS TSES BRGYAD LA SOGS PA'I DUS TSIGS RNAMS SU 'DU BRGYA CHER BYED PA ZHES BYA BA'I NGES PA'I TSIG GI TSUL GYIS NA RI'O, ,DER BZHUGS PA'I RDZU 'PHRUL GYI CHO 'PHRUL RNAM PA SNA TSOGS PAS 'JIG RTEN LAS 'DAS PA RMAD DU BYUNG BA'I CHOS STON PAS DANG PAR MDZAD DE, KUN BRJOD PA'I CHOS 'PHRUL GYIS BSAM PA DANG BAG LA NYAL YONGS SU MKHYEN PAS YONGS SU SMIN PAR MDZAD NAS, RJES SU BSTAN PA'I CHO 'PHRUL GYIS THEG PA GSUM GYIS 'DUL BA'I SEMS CAN KHYAD PAR DU DRAN PA LA SOGS PAR BYED PA RNAMS GROL BAR MDZAD PAS MNGON PAR 'DOD PA'I DON MDZAD CING, SKU DANG GSUNG GI 'PHRIN LAS DANG, CHOS DANG SEMS CAN LA DMIGS PA'I THUGS KYI NGO BO, ,SBYOD LAM DANG, CHOS 'CHAD PA DANG, SNYOMS PAR 'JUG PA DANG, NANG DU YANG DAG 'JOG STE, RNAM PA BZHIS DE LTAR BZHUGS BAR GYUR PA YIN NO, ,GAL TE BYUNG ZIN PHA MA YIN PA LKOG TU GYUR BA'I DUS LA TI SMA'I SGRA'I SBYOR BA BYAS PA MA YIN NAM, 'DIR NI DUS DE SDUD PAR BYED PA'I LKOG TU GYUR PA MA YIN PA DES NA JI LTAR NA BZHUGS TE ZHES SBYOR ZHE NA, BDEN TE 'ON KYANG DE'I RJES THOGS NYID DU LKOG TU MA GYUR PA LA YANG NGO ZHES BRJOD PA DES NA 'DI LEGS PA NYID YIN NO, ,YANG NA SNGON GYI BY'A KA RA nA'I DBANG GIS SAM, SKYE BO GZHAN LA LTOS NAS LKOG TU GYUR PAR NYE BAR MTSON PA YIN PAS NYES PA MED DO, ,DE BZHIN DU BKA' STZAL PAR GYUR TO ZHES BYA BA LA SOGS PA LA YANG BRJOD PAR BYA'O, ,DGE SLONG ZHES BYA BA NI GSOL BA DANG BZHI'I LAS GZHAG PAR MI 'OS PAS SAM TSUR SHOG CES BYA BAS BSNYEN PA RDZOGS PA NYON MONGS PA'I TSOGS BCOM PA RNAMS SO,, @7B DGE 'DUN NI SANGS RGYAS CHOS DANG DGE 'DUN RNAMS, ,BDUD RNAMS BYE BA BRGYA YIS KYANG, ,GANG PHYIR DBYE BAR MI NUS PA, ,DE PHYIR DGE 'DUN ZHES BRJOD DO, ,ZHES BYA BAS SO, ,CHEN PO ZHES BYA BA NI GRANGS DANG, YON TAN CHEN PO NYID DANG LDAN PAS MTHU CHE BAS SO, ,THABS GCIG PA NI LHAN CIG PA STE, YONGS SU BSKOR NAS BZHUGS TE ZHES BYA BAR SBYAR RO, ,DE LA GRANGS CHE PA NYID NI STONG NYIS BRGYA ZHES BYA BA LA SOGS PAS BRJOD DE TSIG GI DON GO SLA'O, ,GRANGS BRJOD PA NI NYAN THOS KYI 'KHOR MTHA' YAS PA LAS GRANGS SU NGES PAR GZUNG BA'I DON TO, ,DON MANG PO LAS GRANGS MDOR BSDUS PA SMOS PA NI MI BRJED PAS GO SLA BAR BYA BA'I DON DANG, MANG DU THOS PA DANG, 'DZIN PAS 'JIGS PA RNAMS RNA GTAD PA'I DON NAM, TSAD YONGS SU SHES PAR BYA BA'I DON DU NYE BAR GZUNG BA YIN NO, ,YON TAN CHE BA NYID NI THAMS CAD KYANG ZHES BYA BA LA SOGS PAS SMOS PA YIN TE, 'DIR THAMS CAD KYANG MCHOD PA DANG, YON DANG TSOGS SU 'DU BA LA SOGS PAR 'OS PAS NA DGRA BCOM PA'O, ,SRID PA'I RTZE MO'I MTHAR THUG PA'I 'KHOR BAR ZAG PAR BYED PA'I PHYIR ZAG PA STE, 'DOD PA DANG SRID PA DANG MA RIG PA'I ZAG PA GSUM PO RNAMS SO, ,DE'I GNYEN PO'I ZAG PA MED PA'I TSUL KHRIMS LA SOGS PA'I PHUNG PO THOB PAS CI RIGS PAR ZAD PA GANG YIN PA DE DAG NI ZAG PA ZAD PA'O, ,NYON MONGS PA DANG LAS DANG SKYE BA'I KUN NAS NYON MONGS PA DANG BRAL BA GANG YIN PA DE DAG NI NYON MONGS PA MED PA'O, ,TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA'I PHUNG PO YONGS SU RDZOGS PAR THOB PAS GO RIMS BZHIN DU NYES PAR SPYOD PA DANG, SRED PA DANG, LTA PA NGAN PA DANG, SRID PA'I 'CHING BA LAS RNAM PAR GROL BA'I PHYIR YANG DAG PA'I SPYOD LAM DANG, MNGON PAR SHES PAS RNAM PAR BRTZE BA DANG, LHA DANG 'PHAGS PA'I BZHUGS PA THOB PAS; DE RANG NYID 'JIG RTEN GYI DANG 'JIG RTEN DANG SEMS DBANG DU GYUR PA GANG YIN PA DANG, RANG NYID 'CHING BA THAMS CAD DANG BRAL ZHING RANG DBANG THOB PA'I PHYIR DBANG DANG LDAN PAR GYUR PA GANG YIN PA DE DAG NI DBANG DU GYUR BA'O, ,SRED PA DANG MA RIG PA'I PHYOGS KYI NYON MONGS PA DANG NYE BA'I NYON @8A *, ,MONGS PA SPANG BA'I PHYIR, TING NGE 'DZIN DANG SNYOMS PAR 'JUG PA NI SEMS RNAM PAR GROL BA YIN LA, DGRA BCOM PA'I LAM GYI YE SHES NI, SHES RAB RNAM PAR GROL BA YIN NO, ,DE LTAR BYAS NA SRED PA DANG MA RIG PA'I PHYOGS RNAMS MED PAS, GO RIMS BZHIN DU 'DOD CHAGS DANG BRAL BA DANG, MA RIG PA'I CHAGS PA DANG BRAL BA'I PHYIR, SEMS DANG SHES RAB SHIN TU RNAM PAR GROL BA NI, DE LAS DE THOB PA'I PHYIR SNYOMS PAR 'JUG PA DANG NYON MONGS PA'I SGRIB PAS LAS SHIN TU RNAM PAR GROL BAS RNAM PA THAMS CAD DU GNYI GA'I CHA LAS RNAM PAR GROL BA DAG NI SEMS SHIN TU RNAM PAR GROL BA, SHES RAB SHIN TU RNAM PAR GROL BA YIN NO, ,CANG SHES PA ZHES BYA BA NI MYA NGAN DANG SMRE SNGAGS 'DON PA LA SOGS PA'I 'JIGS PA RNAMS DANG BDAG GIS SMAD PA DANG GZHAN GYIS SMAD PA DANG NGAN 'GRO DANG 'TSO BA MED PA DANG CHAD PAS GCAD PA DANG, TSIGS SU BCAD PA MED PA DANG 'CHI BAS 'JIGS PA RNAMS DANG, RNYED PA DANG MA RNYED PA LA SOGS PA 'JIG RTEN GYI CHOS BRGYAD KYIS GOS PA'I 'JIGS PA DANG, RANG GI RTOGS PA'I GEGS SU GYUR PA MI SHES PA DANG THE RTZOM DU GYUR PA DANG LOG PAR SHES PA'I 'JIGS PA RNAMS MED PAS, GO RIMS BZHIN DU SDUG BSNGAL BA DANG; 'JIGS PA DANG, 'JIG RTEN GYI CHOS DANG, MI SHES PA'I DOGS PA DANG BRAL BA'I PHYIR 'JIGS PA MED PA NYID KYIS CANG SHES PA'O, ,RIG PA GSUM LA SOGS PA KHYAD PAR CAN GYI CHOS RTOGS PA DANG LDAN PAS GTZO BO CHEN POR GYUR PA'I PHYIR GLANG PO CHEN PO'O, ,TSUL KHRIMS DANG TING NGE 'DZIN DANG SHES RAB YONGS SU RDZOGS PAS, SDUG BSNGAL THAMS CAD LAS THAR PA LA SOGS PA NGES PAR BYA BA RNAMS BYAS BA DANG, ZHAR LA BYA BA RANG GI 'DOD PA LA RAG LAS PAS 'JUG PA SBYANGS PA'I YON TAN LA SOGS PA'I BYA BAR 'OS PA GANG YIN PA DE NI, BYA BA BYAS PA BYED PA BYAS PA'O, , SDUG BSNGAL LA SOGS PA 'PHAGS BA'I BDEN PA BZHI BO RTOGS PA'I PHYIR BDAG NYID JI LTA BA'I YONGS SU SHES PAR BYA BA DANG, SBANG BAR BYA BA DANG, MNGON SUM DU BYA BA DANG, BSGOM PAR BYA BA RNAMS MED PAS KHUR BOR BA STE, PHUNG BO DANG, NYON MONGS PA DANG, DAM BCAS PA DANG, BRTZON @8B PA'I KHUR RNAMS RNAM PA THAMS CAD DU SPANGS PA GANG YIN PA DE DAG NI KHUR POR BA'O, ,RIG PA DANG MA RIG PA THOB PA DANG SPANGS PA DAG GIS PHAN PA DANG PHAN PA MA YIN PA THOB PA DANG SPANG BA'I MTSAN NYID CAN GYI RANG GI DON RNAM PA GNYIS PO DANG, BCOM LDAN 'DAS KYI RJES SU THOB PA GANG YIN PA DE DAG NI RANG GI DON RJES SU THOB PA'O, ,SRID PA DANG SKYES BU LHAN CIG KUN TU SBYOR BAR BYED PA KHONG KHRO BA LA SOGS PA'I KUN TU SBYOR PA DGU PO JI LTAR SRID PA'I 'PHAGS PA'I LAM GYIS KUN NAS YONGS SU ZAD BAR BYED PA GANG YIN PA DE DAG NI SRID PAR KUN TU SBYOR BA YONGS SU BZAD PA'O, ,YANG DAG CING PHYIN CI MA LOG PAR KUN NAS SHES PAS NA KUN SHES PA STE, DE KHO NA NYID RTOGS PA'O, ,DES SEMS LEGS PAR RNAM PAR GROL ZHING 'CHING BA THAMS CAD LAS SHIN TU RNAM PAR GROL BA GANG YIN PA DE DAG NI YANG DAG PAR KUN SHES PAS SEMS SHIN TU RNAM PAR GROL BA'O, ,MTHAR GYIS GNAS PA'I SNYOMS PAR 'JUG PA DGU'I MTSAN NYID KYI SEMS CAN THAMS CAD LA RANG DBANG DU GYUR PA'I PHYIR, DBANG YANG YIN LA DE NI DAM PA'I PHA ROL TE, RANG GI RIGS RAB KYI MTHAR PHYIR PA THOB BA LA YANG YIN PAS NA DE DAG NI SEMS THAMS CAD KYI DBANG DAM PA'I PHA ROL TU SON PA'O, ,DE BAS NA DE LTA BU'I DGE SLONG DANG ZHES THAMS CAD LA GSUM PA'I MTHAR SBYAR BA'O, ,KHA CIG NI THAMS CAD KYANG DGRA BCOM PA'O, ,CI'I PHYIR ZHE NA, ZAG PA ZAD PA'I PHYIR RO, ,ZAG PA ZAD PA NI NYON MONGS PA MED PA'I PHYIR RO, ,DE BZHIN DU YANG DAG PAR KUN SHES PAS SEMS SHIN TU RNAM PAR GROL BA NI SEMS THAMS CAD KYI DBANG DAM PA'I PHA ROL TU SON PA ZHES BYA BA'I BAR DU SNGA MA SNGA MA'I RGYU PHYI MA PHYI MA YIN NO, ,SKYES BU'I DON THAMS CAD YONGS SU RDZOGS PA YIN BA'I PHYIR DE LAS GZHAN PA'I KHYAD PAR NI BRJOD PAR MI BYA'O ZHES ZER RO, ,RNAM 'GREL BYED PA NI DGRA RNAMS BCOM PAS NA DGRA BCOM PA'O, ,NYON MONGS PA'I SGRIB PA SPANGS BAS NA ZAG PA ZAD PA'O, ,YANG ZAG PA ZAD PAR 'BAD PA'I BDAG NYID CAN GYI NYON MONGS PA MED PAS NA NYON MONGS PA ME PA'O, ,DE LTAR NA TSIG 'DI DAG GIS NI NYES PA RNAMS SHIN TU SPANGS PA'I MTSAN NYID CAN GYI YON TAN BRJOD NAS, DA NI GNYEN PO'I PHYOGS KYI MTSAN NYID CAN GYI @9A *, ,YON TAN NI DBANG DU GYUR PA ZHES BYA BA LA SOGS PAS BRJOD DO, ,MNGON PAR SHES PA LA SOGS PA KHYAD PAR CAN GYI YON TAN MNGON PAR SGRUB PAR BYED PA MI SLOB PA'I ZHI GNAS DANG LHAG MTHONG DAG DANG LDAN PA'I PHYIR 'JIG RTEN GSUM LA PHAN 'DOGS PAR NUS PA NYID KYIS SEMS CAN GYI DON GYI KHUR LA BCOM LDAN 'DAS KYIS NGES PAR SBYAR BA NI DBANG DU GYUR PA'O, ,RNAM PA THAMS CAD DU SRED PA DANG LTA BA'I 'CHING BA LAS RNAM PAR GROL BAS GO RIMS BZHIN DU SEMS SHIN TU RNAM PAR GROL BA, SHES RAB SHIN TU RNAM PAR GROL BA'O, ,YON PO MA YIN ZHING DRANG PO'I LAM GYIS BGROD PAR BYA BA JI SRID PAR 'GRO BAS NA CANG SHES PA'O, ,NYON MONGS PA'I G-YUL LAS RNAM BAR RGYAL BA'I PHYIR GLANG PO CHEN PO'O, ,YANG RGYAL BAR BYA BA MED PAS NA BYA BA BYAS PA'O, ,BYA BA RNAMS RIGS PA'I TSUL GYIS RDZOGS PAR BYAS PAS NA BYED PA BYAS PA'O, ,YANG SRID PAR SKYE BA'I SDUG BSNGAL MI SOGS PAS NA KHUR BOR BA'O, ,MYA NGAN LAS 'DAS PA MNGON DU THOB PAR BYED PAS, RANG GI DON RJES SU THOB PA'O, ,SRID PA'I RGYU YANG DAG PAR BCOM PAS NA SRID PA KUN TU SBYOR BA YONGS SU ZAD PA'O, ,MTHONG BA DANG BSGOM PA'I LAM GYIS RAB KYI MTHAR THUG PAS NA YANG DAG PA'I SHES BAS SEMS SHIN TU RNAM PAR GROL BA'O, ,KHYAD PAR CAN GYI MNGON PAR SHES PA LA SOGS PA'I YON TAN LA DBANG THOB PA NYID DANG, RANG GI RIGS KYI MCHOG TU GYUR PAR 'GRO BAS NA, SEMS KYI DBANG THAMS CAD KYI DAM PA'I PHA ROL TU SON PA'O ZHES DE KHO NA LTAR 'GREL TE SNGA MA'I RGYU NI PHYI MA PHYI MA YIN NO MTHAR THUG PA BRJOD PA LA YANG KHYAD PAR BRJOD PAR MI BYA STE, DES NA MTHAR PHYIN PA MED PA'I NYES PA YOD PA MA YIN NO ZHES 'CHAD DO, ,CHOS 'DZIN PA'I MCHOG YIN PA'I PHYIR JI SKAD DU SMOS PA'I GRANGS KYI NANG DU GTOGS SU ZIN KYANG, DE LTA BU'I YON TAN DANG LDAN PA NI MA YIN NO ZHES BSTAN PA'I PHYIR, GANG ZAG GCIG MA GTOGS PA NI ZHES BYA BA LA SOGS PA GSUNGS SO, ,GANG ZAG CES BYA BA RGYU DANG 'BRAS BU'I MTSAN NYID BSGO BAR BYA BA DANG, SGO BAR BYED PA'I NGO BO RTAG PA NI MI 'THAD PAS DGE BA DANG MI DGE BA'I BAG CHAGS RNAMS KYIS GANG ZHING MI RTAG LA, DE @9B LTA BU DANG RJES SU MTHUN PA'I 'GRO BA LEN CING 'DZIN PAR BYED BA ZHES BYA BA'I NGES BA'I TSIG GI TSUL GYIS NA RGYUN NYID KYIS GANG ZAG GCIG GO, ,'DI LTA STE ZHES BYA BA'I SGRA NI NYE BAR STON PA LHUR LEN PA'I TSIG PHRAD DO, ,TSE 'DOD PAR GYUR PAS TSE DANG LDAN PA STE, PHAN PA DANG BDE BA DANG MCHOD PA RJOD PAR BYED PA'O, LUNG THAMS CAD 'DZIN PA DANG, SANGS RGYAS KYI BSNYEN BKUR GYIS DGA' BA THOB PA NYID KYIS NA KUN DGA' BO'O, ,DES NA TSE DANG LDAN PA 'PHAGS PA KUN DGA' BO 'DI STON PAR MDZAD PA'I DUS NA RGYUN DU ZHUGS PA YIN PAS 'DI SKAD BRJOD PA'I YON TAN DANG MI LDAN PAS, GANG ZAG GCIG PO ;'DI MA GTOGS TE BZHAG NAS ZHES BRJOD PA YIN NO, ,BYA BA YONGS SU RDZOGS PA DANG, RANG LA PHAN PAR 'DOD PA DANG, DE BZHIN GSHEGS PA'I BYING YIS BRLABS KYIS THAMS CAD 'BYOR PA'I PHYIR, NYES DMIGS LNGA DANG MA 'BYOR DANG, ,MIG DGA' CHAGS DANG YID MI BDE, ,'THAB DAG RNYED SOGS SRED DANG MDZA', BRTZE DANG BLA MA LA GUS DANG, ,TO MTSAR KHYAD PAR DON PHYIR DANG, ,LHUNG DANG DKON MCHOG RGYU DANG NI, ,MCHOD RTEN LA SOGS PHYAG BYA'I PHYIR, ,DGE SLONG RGYU BAR BYED PA YIN, ,ZHES BYA BA RGYU BAR BYED PA'I RGYU BCO LNGA DANG BRAL BA'I PHYIR RANG NYID GAR YANG MI 'GRO'I, 'ON KYANG BYAS PAS SHES PA DANG CHOS LA GUS PA LA SOGS PAS BCOM LDAN 'DAS KYI THAD NA RTAG TU GNAS PAS RANG GI YIN PA'I PHYIR, RANG GI BA'I NYAN THOS CHEN PO'I 'KHOR BRJOD PA YIN NO, ,MDO SDE RIN CHEN ZAB MO NI, ,DPAG MED NYAN PA'I SRID PA YIS, ,MTHA' YAS 'JIG RTEN KHAMS RNAMS SU, ,MKHAS PA GANG PHYIR RGYU BYED PAS, , DE YI THEG PA BSHAD NYID KYIS, ,DE DAG MANG PO 'ONGS GYUR TE, ,DES NA MDO SDE'I LUNG RNAMS SU, ,RGYAL BA'I SRAS RNAMS MA BRJOD DO, ,ZHES BYA BA NI KHA CIG GI'O, ,TSIG LHUR LEN PA RGYAS PA LA DGA' BA'I SEMS CAN RJES SU GZUNG BA'I DON DU 'PHAGS PA STONG PHRAG BRGYA PA BSTAN TO, ,BAR MA LA DGA' BA SPROS TE BSHAD PAS GO BA'I SEMS CAN RNAMS LA RJES SU BRTZE BAS, DON THAMS CAD BSDUS NAS 'PHAGS PA STONG PHRAG NYI SHU LNGA PA BSTAN TO, ,MGO SMOS PAS GO BA BSDUS PA LA DGA' BA'I SEMS CAN LA PHAN PA BSKYED PA'I PHYIR DE'I YANG DON THAMS CAD DU BSDUS NAS 'PHAGS PA @10A *, ,BRGYAD STONG PA GSUNGS PA YIN NO, ,DES NA DE'I RJES SU 'BRANGS NAS CHOS MTHONG BA MDOR BSDUS PA LA DGA' BA'I DGE SLONG DANG DGE SLONG MA DANG DGE BSNYEN DANG DGE BSNYEN MA'I 'KHOR RNAMS DANG, DE BZHIN DU LHAG PA'I BSAM PA RNAM PAR DAG PA DANG, RTZOL BA DANG BCAS PAS MTSAN MA MED PA LA GNAS PA DANG, LHUN GYIS GRUB PAS MTSAN MA MED PA LA GNAS PA DANG, NGES BA'I SBYOD PA LA YANG DAG PAR ZHUGS PA DANG, SKYE BA GCIG GIS THOGS PA RNAMS ZHES DE LTAR BYANG CHUB SEMS DPA' CHEN PO'I 'KHOR NI TSAD MED PAR SHES PAR BYA'O, ,ZHES BYA BA NI GZHAN GYI'O, ,DE SKAD DU YANG SLOB DPON PHYOGS KYI GLANG POS, DE LTAR JI SKAD BSHAD RNAMS KYIS, ,BRGYAD STONG 'DI DON MA TSANG MED, ,'DIR GZHUNG BSDUS PA YIN PAR 'DOD, ,DON DE JI SKAD GSUNGS DE NYID, ,CES BSHAD PA YIN NO, ,DE LTAR DE'I RJES SU 'BRANGS PA NYID KYIS SKAL BA ZHAN PA RNAMS 'KHOR LA SOGS PA MED PA NA YID MI BDE BA BZLOG PAR BYA BA'I PHYIR DANG, 'DOD PA CHUNG BA LA DGYES PA'I PHYIR BCOM LDAN 'DAS NYID KYIS CHOS KYI GDAN BSHAMS NAS, MDO SDE RIN PO CHE 'DI NI MNYAM PAR GZHAG PA NYID KYIS RTOGS PAR BYA BA YIN NO, ,ZHES BSTAN PAR BYA BA'I PHYIR SHIN TU RKYONG BA LA SOGS PA'I NYES PA DANG BRAL BA NYID KYIS RDO RJE'I SKYIL MO KRUNG DU SKU DRANG POR BZHUGS NAS, CHOS KYI 'KHOR LO'I PHYAG RGYA BCINGS PA SNGON DU 'GRO BAS, SHANGS KYI RTZE MOR SPYAN GTAD DE DRAN PA RTZE GCIG TU MNGON DU PHYOGS PAR MDZAD NAS TING NGE 'DZIN THAMS CAD BSDUS PA'I PHYIR TING NGE 'DZIN GYI RGYAL PO ZHES BYA BA'I TING NGE 'DZIN LA SNYOMS PAR ZHUGS TE BZHENGS SO, ,DE NAS BYAMS PA DANG SNYING RJE'I SPYAN DAG GIS 'JIG RTEN 'DI DAG SDUG BSNGAL GYIS GZIR BA LA YANG DAG PAR GZIGS TE BSTAN PA 'DI NI CHUNG DU DANG, 'BRING DANG, CHEN PO'I DBYE BAS SKAL BA JI LTA BA BZHIN TU 'GRO ZHING SANGS RGYAS NYID KYI MTHAR THUG PAR BYED PA'I 'BRAS BU CAN YIN NO ZHES GDUL BYA RNAMS KYIS RTOGS PAR MDZAD PAS, CI RIGS PAR SKU'I YAN LAG DANG NYIN LAG RNAMS DANG, BA SPU'I BU GA THAMS CAD NAS 'OD ZER BYE BA KHRAG KHRAG BRGYA @10B STONG DRUG CU DANG RANG BZHIN GYI 'OD SPRO BA DANG, PHYOGS BCU'I 'JIG RTEN GYI KHAMS GANG G'A'I KLUNG GI BYE MA SNYED SNANG BA CHEN POS KHYAB PAR MDZAD CING, SEMS CAN THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES PAR MDZAD NAS, STONG GSUM GYI STONG CHEN PO'I 'JIG RTEN GYI KHAMS 'DI LJAGS KYI DBANG POS KHEBS PAR MDZAD DO, DE LAS 'OD ZER GYI TSOGS MANG PO SPROS PA LA GNAS PA'I PADMA'I SNYING PO LA DE BZHIN GSHEGS PA'I SKU MANG PO BZHUGS PA SNGON DU 'GRO BAS PHA ROL TU PHYIN PA DRUG DANG LDAN PA'I CHOS STON PAR MDZAD PAS SNGA MA BZHIN DU SEMS CAN GYI DON MDZAD DE, DE DON DU GNYER BA'I SKYE BO BSDU BA'I PHYIR, YUM STON PA'I LTAS PA THOGS PA MED PA STON PAR MDZAD DO, ,DE'I 'OG TU DE BZHIN DU 'KHOR GYI 'JIGS PA LA SOGS 'JIGS PA THAMS CAD DANG BRAL BAS, SENG GE RNAM PAR BSGYINGS PA ZHES BYA BA'I TING NGE 'DZIN LA SNYOMS PAR ZHUGS NAS, GNAS MI GTZANG BA DANG, NYAN PO KUN RDZOB DANG DON DAM PA'I DBYE BA LA MI MKHAS PA LA RGYAL BA'I YUM BSTAN PAR MI BYA'O ZHES CHOS SMRA BA RNAMS LA GO BAR BYA BA'I PHYIR, DE LTA BU'I RDZU 'PHRUL MNGON PAR 'DU BYA BA MNGON PAR 'DU MDZAD DE, GANG GIS LTAS CHEN PO BCVA BRGYAD SNGON DU 'GRO BA DANG DE BZHIN DU 'JIG RTEN GYI KHAMS THAMS CAD LA BSDUS PA'I MI KHOM PA BRGYAD RNAM PAR BSAL BAS GNAS YONGS SU SBYANGS PAS, DE NA GNAS PA'I SEMS CAN RNAMS LHA DANG MI DANG SKAL PA MNYAM PAR SKYES NAS SKYE BA DRAN TE, DGA' BA DANG RAB TU DGA' BAS RANG RANG GI SANGS RGYAS KYI ZHING DU SONG BA SNGON DU 'GRO BAS SANGS RGYAS BCOM LDAN 'DAS LA PHYAG 'TSAL ZHING 'DUD PAR 'GYUR RO, ,SEMS CAN THAMS CAD KYANG LONG BAR GYUR BA LA SOGS PA'I NYES PA DANG BRAL ZHING, DGE BA BCU'I LAS KYI LAM LA GNAS PA DANG, TSANGS PA'I GNAS BZHI LA MNGON PAR DGA' ZHING, BSAM GTAN GSUM PA LA SNYOMS PAR ZHUGS PA LTA BU'I BDE BA THOB PAS, RGYAL BA'I YUM MNYAN PA'I SNOD DU GYUR PAS 'DI LTA BU'I RANG BZHIN GYI SHES RAB DANG YANG DAG PAR LDAN PAR GYUR TE, 'DI LTAR SBYIN PA NI LEGS PA'O, ,DUL BA NI LEGS PA'O, ,ZHI BA NI LEGS PA'O, ,YANG DAG @11A *, ,[page missing] @11B [page missing] @12A *, ,GIS 'JIG RTEN GYI KHAMS NA GNAS PA'I SEMS CAN MI MNYAM PA NYID KYI THE TSOM GYI SA BON RNAM PA THAMS CAD DRUNGS PHYUNG BAR GYUR PA THAMS CAD KYI PHAN TSUN NAS PHAN TSUN GYI 'JIG RTEN GYI KHAMS NA BZHUGS PA'I SANGS RGYAS BCOM LDAN 'DAS 'KHOR GYI DKYIL 'KHOR GYI TSOGS DANG BCAS PA RNAMS MTHONG NAS MTSUNGS PA NYID DU RTOGS PA DANG, DE BZHIN DU SNANG BA CHEN PO LA SOGS PA'I LTAS MTHONG BA SNGON DU 'GRO BAS, RANG GI BLA MA LA MA ZHUS PAR BAB CHOL DU 'GRO BA NI MI RIGS SO SNYAM NAS, DE'I DON DU PHYOGS BCU'I 'JIG RTEN GYI KHAMS KYI BYANG CHUB SEMS DPA' RNAMS RANG RANG GI DE BZHIN GSHEGS PA RNAMS KYI THAD DU SONG STE ZHABS LA PHYAG 'TSAL BA SNGON DU 'GRO BA NYID KYIS, BCOM LDAN 'DAS SNANG BA CHEN PO 'JIG RTEN DU BYUNG BA 'DI DANG ZHES BYA BA LA SOGS PA ZHUS PA'I LAN GYI RJES THOGS LA, BSNGAGS PA GSUNG BA THOS PAS RANG GI BDAG PO'I THUGS DGONGS BZANG PO RIG PA RNAMS KYIS BCOM LDAN 'DAS BDAG CAG BCOM LDAN 'DAS 'KHOR DANG BCAS PA DE LTA BU DE LTA BA LA SOGS PA'I SLAD DU 'JIG RTEN GYI KHAMS DER MCHI'O ZHES GSOL TE SNANG BA THOB NAS, RANG GI BDAG POS CHOS LA GUS PAS MCHOD PA'I DON DU RIN PO CHE SNA TSOGS KYI PADMA'I SKYES BSKUR BA DANG, GNOD PA CHUNG NGAM ZHES BYA BA LA SOGS PA SNYUN GSOL BA'I TSIG DANG, 'JIG RTEN GYI KHAMS 'DI SNYIGS MA LNGA DANG LDAN PA YIN PAS BAG YOD PAR GNAS PAR GYIS SHIG CES BYA BA'I RJES SU BSTAN PA MNOS NAS, 'KHOR DPAG TU MED PA DANG BCAS PAS BAR GYI DE BZHIN GSHEGS PA RNAMS LA MCHOD PA BYED CING 'ONGS NAS, ZHABS LA PHYAG 'TSAL BA SNGON DU 'GRO BAS MCHOD PA'I TSOGS BYIN GYIS BRLABS TE, RANG RANG GI GNAS SU 'KHOD NAS RANG RANG GI DE BZHIN GSHEGS PA RNAMS KYI SNYUN GSOL BA'I TSIG DANG PADMA PHUL BAR GYUR TO ZHES BYA BA NI CHOS SNANG BA'I CHO 'PHRUL RNAM PA GNYIS YIN NO, ,DE'I RJES LA BCOM LDAN @12B 'DAS YONGS SUM DAG PA'I 'JIG RTEN GYI KHAMS SU 'KHRUNGS SU ZIN KYANG DE'I NYES PAS MA GOS PA SHES PAR BYA BA'I PHYIR DANG, DAM PA'I CHOS LA MCHOD BA BYA BA'I PHYIR, PADMA DE RNAMS RANG RANG GI PHYOGS SU GTOR BA NA, PADMA DE RNAMS LA DE BZHIN GSHEGS PA BZHUGS PA SNGON DU 'GRO BA CAN RGYAL BA'I YUM STON PAR MDZAD PAS, SEMS CAN RNAMS BLA NA MED PA YANG DAG PAR RDZOGS PA'I BYANG CHUB TU NGES PAR MDZAD PA'I DON DU DAM PA'I CHOS LA MCHOD PA PHUL NAS, SKAL BA JI LTA BA'I BYANG CHUB SEMS DPA' CHEN PO LA SOGS PA'I 'DUS PA RNAMS 'ONGS PAR THUGS SU CHUD NAS; THOG MA DANG, BAR MA DANG, THA MAR DGE BA LA SOGS PA DANG LDAN PA'I SHES RAB KYI PHA ROL TU PHYIN PA STON PAR MDZAD DO ZHES BYA BA NI GLENG GZHI YIN PAR SHES PAR BYA'O, ,MGO SMOS PAS GO BA MDOR BSDUS PA LA DGA' BA'I SEMS CAN RNAMS RJES SU 'DZIN BA BSTAN PA'I DBANG DU MDZAD PA YIN PAS 'DIR NI DE DAG MA GSUNGS SO, ,DES NI GANG GI CHO BCOM LDAN 'DAS RGYAL PO'I KHAB KYI GRONG KHYER CHEN PO NA BYA RGOD KYI PHUNG PO'I RI LA JI SKAD DU BSHAD PA'I 'KHOR RNAMS KYIS YONGS SU BSKOR TE, CHOS STON PAR MDZAD CING BZHUGS PA DE'I TSE BCOM LDAN 'DAS LAS GNAS DE NYID DU 'KHOR DE RNAMS DANG LHAN CIG 'DI SKAD BDAG GIS MDO SDE RIN PO CHE THOS SO, ,ZHES BRJOD PA YIN NO, ,YUL LA SOGS PA YANG DAG PAR BSGRAGS PA 'DI THAMS CAD KYIS KYANG, 'JIG RTEN GYI THA SNYAD KYI RJES SU 'BRANGS PA LAS YANG DAG PAR SDUD PAR BYED PAS BDAG NYID TSAD MAR BSGRUBS PA YIN PA'I PHYIR NA, GDUL BYA RNAMS LA GUS PA DANG BCAS BAS MNYAN PA DANG BSAM PA LA SOGS PAR BRJOD PA YIN NO, ,DE YANG SLOB DPON PHYOGS KYI GLANG POS, STON PA DBANG PO'I 'KHOR DANG NI, ,YUL DANG DUS KYANG NGES BSTAN PA, ,DAD LDAN 'JUG PA'I YAN LAG TU, ,SDUD PO RANG NYID TSAD MAR NI, ,RAB GRUB PHYIR YIN 'JIG RTEN NA, ,YUL DANG DUS SOGS KYIS MTSON CING, ,DBANG POR BCAS TSIG SMRA BA YI, ,SMRA PO TSAD MAR RAB TU RTOGS, ,ZHES BSHAD PA YIN NO, ,DE LA, MDO DON SMRA BAR 'DOD PA YIS, , @13A *, ,DGOS PA BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, ,BRGAL LAN BCAS PAS BSNYAD PAR BYA, ,ZHES RNAM PAR BSHAD PA'I RIGS PA LAS RNAM PA LNGAS MDO SDE BSHAD PAR BYA'O, ,ZHES NGES PAR BYAS SO, ,DE LA DGOS PA NI BSHAD ZIN PA KHO NA'O, ,DE BAS NA NYAN PA PO'I SKYE BO RNAMS KYIS BDE BLAG TU RTOGS PAR BYA BA'I PHYIR DANG, BSTAN BCOS DON RNAM PAR DBYE PA BYAS PA NI 'CHAD PA PO RNAMS KYIS KYANG BSHAD SLA BA DES NA RE ZHIG MDOR BSDUS PA'I DON BRJOD PAR BYA'O, ,DE LA 'BRAS BU BSTAN PAS BYANG CHUB DON DU GNYER BA'I BYANG CHUB SEMS DPA' SEMS BSKYED PA LA SOGS PA RNAM PA THAMS CAD YONGS SU SHES PAR BYED PA'I PHYIR NA DANG PO RNAM PA THAMS CAD MKHYEN PA NYID BRJOD DO, ,DE NI NYAN THOS KYI LAM LA SOGS PA YONGS SU SHES PA MED PAR MA YIN PAS DE'I RJES LA LAM GYI RNAM PA SHES PA NYID DO, ,DE YANG GZHI THAMS CAD YONGS SU SHES PA MED PAR MA YIN PAS DE'I 'OG TU THAMS CAD SHES PA NYID DO, ,DE NAS DE LTAR THOB PA'I THAMS CAD MKHYEN NYID GSUM RNAM PA THAMS CAD DU DBANG DU BYA BA'I DON DU YANG RNAM PA THAMS CAD DANG LAM DANG DNGOS PO'I BYE BRAG BSDUS NAS KUN MKHYEN GSUM SGOM PAS RTOGS PA NI RNAM PA KUN MNGON PAR RDZOGS PAR RTOGS PA'O, ,KHYAD PAR CAN GYI LAM GYIS RAB KYI MTHAR THUG PA RTOGS PA THOB PA RTZE MO'I MNGON PAR RTOGS PA LA BRTEN NAS, SO SOB DANG BSDUS PA'I DBYE BAS RNAM PAR BSGOMS PA'I DON RNAMS NGES PAR BYA BA'I DON DU RIM PAR BKOD BAS MNGON DU BYED PA ZHES BYA BA MTHAR GYIS PA'I MNGON PAR RTOGS PA RIG NAS, YANG LEGS PAR GOMS PAR BYA BA'I PHYIR RNAM PAR BSGOMS PA SKAD CIG MA GCIG LA MNGON PAR RDZOGS PAR RTOGS PA'I DE MA THAG TU, SKAD CIG GNYIS PA LA CHOS KYI SKU MNGON PAR RDZOGS PAR BYANG CHUB PA PHYIN CI MA LOG PAR RTOGS PA ZHES BYA BA NI, SHES RAB KYI PHA ROL TU PHYIN PA'I DON BSDUS PA MNGON PAR RTOGS PA BRGYAD MDOR BSDUS PA'O, ,DE SKAD DU YANG, SHES RAB PHA ROL PHYIN PA NI, ,DNGOS PO BRGYAD KYIS YANG DAG @13B BSHAD, ,RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS GTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAM BRGYAD, ,CES GSUNGS PA YIN NO, , MDOR BSTAN PA NI RGYAS PAR SMRAS NA LEGS PAR BSHAD PA NYID YIN PAS SLAR YANG BSDUS PA'I DON RGYAS PAR BRJOD PAR BYA'O, ,DE LA YANG DAG PAR RDZOGS PA'I BYANG CHUB TU MNGON PAR 'GRO BAR 'DOD PAS DANG POR STONG PA NYID DANG SNYING RJE'I SNYING PO CAN GYI BYANG CHUB KYI SEMS SMON PA DANG 'JUG PA'I RANG BZHIN CAN RNAM PA GNYIS PO BSKYED NAS, SEMS BSKYED PA DANG DES 'PHANGS PA'I CHOS RNAMS RDZOGS PAR BYA BA'I PHYIR YANG DAG PAR THOB PA'I YON TAN YONGS SU BSRUNG BA'I DON GYIS MNGON PAR 'PHEL BAR BYA BA'I DON DU BSGRUBS PA LA SOGS PA GDAMS NGAG BZUNG BA'I RJES LA, THOS PA LA SOGS PA RAB TU MTHAR PHYIN PA THOB PA THAR PA'I CHA DANG MTHUN PA DAD PA LA SOGS PA'I MTSAN NYID CAN GYI DGE BA'I RTZA BA'I 'OG TU BDEN PA BZHI RTOGS PA DANG RJES SU MTHUN PA NGES PAR 'BYED PA'I CHA BZHI PO 'JIG RTEN PA'I SGOM PA'I RANG BZHIN NGES PAR BYAS TE, JI SKAD BSHAD PA'I NGES BAR 'BYED PA'I CHA DANG MTHUN PA DANG GZHAN MTHONG BA'I LAM LA SOGS PA YANG SGRUB PA DANG LDAN PA YIN PAS NA SGRUB PA'I RTEN DU GYUR PA CHOS KYI DBYINGS KYI RANG BZHIN CAN BYANG CHUB SEMS DPA' NYID KYI CHOS THAMS CAD DMIGS PA SNGON DU 'GRO BA CAN, SEMS CAN THAMS CAD KYI MCHOG NYID KYIS SEMS CHEN PO NYID DANG SPONG BA CHEN PO NYID DANG RTOGS PA CHEN PO NYID KYI DBANG DU BYAS TE, SGRUB PA LA 'JUG PAS DBEN GYI GNAS SU GYUR PA'I CHED DU BYA BA RNAM PA GSUM BSGOM PAR BYA'O, ,DE'I RJES LA DE THOB BAR BYA BA'I PHYIR THAMS CAD MKHYEN PA NYID GSUM GYI YUL LA SPYIR DGE BA'I CHOS KYI RTEN CAN DANG, RNAM PA KUN MNGON PAR RDZOGS PAR RTOGS PA LA SOGS PA RNAM PA BZHI LA MNGON PAR RTOGS PA RE RE LA PHA ROL TU PHYIN PA DRUG GI RTEN CAN GYI BYA BA NI SGRUB PA YIN NO, ,DES NA DE LTAR JI LTAB BZHIN DU SBYOR BA DANG MTHONG BA DANG SGOM PA DANG KHYAD PAR @14A *, ,GYI LAM GYI NGO BO GO CHA LA SOGS PA'I SGRUB PA RNAMS KYI NANG NAS, BRTZON 'GRUS KYI RANG BZHIN YIN PAS DANG POR GO CHA'I SGRUB PAS GO BGOS NAS, 'JUG PA'I SGRUB PAS THEG PA CHEN PO'I CHOS MA LUS PA LA MNGON PAR 'DZEGS PA MNGON DU 'GRO BA CAN, TSOGS KYI SGRUB PAS TSOGS BSAGS PAS NI, NGES PAR 'BYUNG BA'I SGRUB PA RTOGS PAR BYA'O, ,ZHES DE LTAR SANGS RGYAS NYID THOB PAR BYED PA'I CHOS RTOGS PA'I RIM GYIS BSTAN PA, DE BZHIN GSHEGS PA RNAMS KYI RNAM PA THAMS CAD MKHYEN PA NYID NI LE'U DANG POS BSDUS PA YIN NO, ,DE SKAD DU YANG, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,CES GSUNGS PA YIN NO, ,DE'I RJES LA RNAM PA THAMS CAD MKHYEN PA NYID RTOGS PA NI LAM THAMS CAD YONGS SU SHES PA MED NA MA YIN PAS LAM THAMS CAD SHES PA NYID BSTAN PAR BYA BA'I PHYIR, DE BZHIN GSHEGS PA'I RANG BZHIN GYI 'OD DAG GIS LHA LA SOGS PA'I RNAM PAR SMIN PA LAS BYUNG BA'I 'OD MOG MOG POR MDZAD PAS 'JIG RTEN SKYONG BA NYID LA SOGS PA'I MNGON PA'I NGA RGYAL BSAL BA'I PHYIR NA GANG ZAG NGA RGYAL BCOM PA'I RGYUD NYID LA 'DI RTOGS PA'I SKAL BA YOD PA YIN NO ZHES TSIG GI ZUR GYIS BSTAN PAS RTEN BRJOD PA'I RJES THOGS LA, YUL SO SOR NGES PA LA SOGS BA BRJOD NAS, LAM SHES PA NYID KYI SKABS SU LAM THAMS CAD YONGS SU RDZOGS PAR BYA BA YIN PAS NYAN THOS DANG RANG SANGS RGYAS THAMS CAD KYI LAM BSTAN PA SNGON DU 'GRO BA CAN, 'JIG RTEN 'DI LA SOGS PA'I YON TAN DANG NYE BAR LDAN PA'I BYANG CHUB SEMS DPA' RNAMS KYI MTHONG BA'I LAM PHAN YON CHEN PO CAN BCOM LDAN 'DAS KYIS GSUNGS PA YIN NO, ,DE'I RJES LA BSGOM PA'I LAM BRJOD PAR BYA BA YIN PA LAM BSDOD PAR BYA BA NYUNG BA NYID DANG, GDUL BYA 'BRAS BU LA GZHOL BA NYID KYIS 'JUG PA'I PHYIR DANG POR DE'I BYED PA BSTAN NAS, ZAG PA DANG @14B BCAS PA DANG ZAG BA MED PA'I RANG BZHIN GYI BSGOM PA'I LAM RNAM PA GNYIS YIN PAS NA, MOS PA DANG BSNGO BA DANG RJES SU YI RANG BA'I YID LA BYED PA'I DBYE BAS ZAG PA DANG BCAS PA'I BSGOM PA'I LAM GSUM YOD PA'I NANG NAS 'BYUNG KHUNGS NAS GSER GYI GA'U LTAR BSGOD NAMS MNGON PAR 'DU BYED BA YIN PA'I PHYIR, DANG POR MOS PA YID LA BYED PA GSUNGS TE, DE BSGOM PA'I BYANG CHUB SEMS DPA' LA SPRO BA BSKYED PAR BYA BA'I PHYIR, DE LTAR LHAG PAR MOS PA LA SANGS RGYAS LA SOGS PA BSTOD PA LA SOGS PA MDZAD DO ZHES GONG NAS GONG DU MNGON PAR DGA' BA'I RANG BZHIN DU BSTOD PA DANG BKUR BA DANG BSNGAGS PA GSUNGS SO, ,DE'I RJES LA DE GSER MGAR GYI RGYAN BZHIN DU BSOD NAMS DE YANG DAG PAR RDZOGS PA'I BYANG CHUB KYI YAN LAG TU BYED PA BSNGO BA YID LA BYED PA SNGON DU 'GRO BA CAN, RANG DANG GZHAN GYI BSOD NAMS BYA BA MNYAM PA NYID THOB PAR BYA BA'I DON DU RJES SU YI RANG BA YID LA BYED PA GSUNGS SO, ,SBYOR BA DANG RNAM PAR DAG PA'I DBYEBS BSGOM PA'I LAM ZAG PA MED PAS RNAM PA GNYIS YIN PAS NA, DANG POR MNGON PAR SGRUB PA'I MTSAN NYID BSTAN NAS, GNYIS PA SHIN TU RNAM PAR DAG PA'I MTSAN NYID STON PAR MDZAD PA YIN PAS, LE'U GNYIS PA NAS BRTZAMS TE LE'U BRGYAD PA'I BAR NAS, GSOL PA GANG DE LTAR RTOGS PA DE NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'O, ,BCOM LDAN 'DAS KYIS BKA' STZAL PA, SHIN TU RNAM PAR DAG PA'I PHYIR RO ZHES BYA BA 'DI'I MTHAR THUG BAS NI BYANG CHUB SEMS DPA' RNAMS KYI LAM SHES PA NYID GSUNGS PA YIN NO, ,DE SKAD DU YANG, MOG MOG POR BYED LA SOGS DANG, ,SLOB MA BSE RU'I LAM GANG DANG, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, BSTOD DANG BKUR DANG BSNGAGS PA DANG, ,BSNGO DANG RJES SU YI RANG BA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI BSGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,CES GSUNGS PA YIN NO, , @15A *, ,DE NAS GZHI THAMS CAD YONGS SU SHES PA MED PAR LAM LEGS PAR YONGS SU SHES PAR MI 'GYUR BAS NA, THAMS CAD SHES PA NYID BSTAN PA'I DON DU, SHES RAB KYIS 'KHOR BA'I SKYON MTHONG BA DANG SNYING RJES SEMS CAN GYI DON BYED PA'I GZHAN GYI DBANG DU GYUR PAS BYANG CHUB SEMS DPA' RNAMS SRID PA DANG, ZHI BA LA MI GNAS PA'I PHYIR NA LDOG PA STON PAS NYAN THOS DANG RANG SANGS RGYAS RNAMS NI DE LTA MA YIN NO ZHES BSTAN PA SNGON DU 'GRO BA CAN DE NYID GZHUNG GZUGS PA'I DON KHO NAR RJES SU 'GRO BA DANG LDOG PAS MTSAN MAR 'DZIN PA DANG, MTSAN MA MED PAR 'DZIN PA LAS RGYAL BA'I YUM RING BA DANG CIG SHOS SU BSTAN TE, DMIGS PA DANG MI DMIGS PA DANG GIS MI MTHUN PA DANG GNYEN PO DAG BSTAN NAS, BYANG CHUB SEMS DPA' RNAMS KYI DE DAG RNAM PAR BSGOM PA'I SBYOR BA NYID YANG RJES SU 'GRO BA NYID KYI SGO NAS BRJOD PA'I DE MA THAG TU, DE'I MNYAM PA NYID BSTAN PA SNGON DU 'GRO BAS, MTHONG BA'I LAM BSGOM PAR BYA BAR GSUNGS SO DE'I PHYIR LE'U BRGYAD PA LAS, TSE DANG LDAN PA RAB 'BYOR GYIS GSOL PA ZHES BYA BA NAS BRTZAMS TE, LE'U DGU PA NAS, RAB 'BYOR CHOS GANG YANG BSKOR BA'AM LDOG PA MED DO, ,RAB 'BYOR 'DI YANG BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA YIN NO ZHES GSUNGS PA'I MTHAR THUG PA'I BAR GYIS NYAN THOS DANG, RANG SANGS RGYAS RNAMS KYI THAMS CAD SHES PA NYID NI ZLOG PA'I SGO NAS GSUNGS PA YIN NO, ,DE SKAD DU YANG, SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MA THUN GNYEN PO'I PHYOGS DAG DANG, ,SBYOR DANG DE YIS MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,CES GSUNGS PA YIN NO, ,DE'I RJES LA YONGS SU SHES PA'I THAMS CAD MKHYEN PA NYID GSUM, DBANG DU BYA BA'I PHYIR YANG RNAM PA THAMS CAD DANG LAM DANG GZHI SHES PA'I BYED BRAM BSDUS NAS THAMS CAN MKHYEN BA NYID GSUM @15B SGOM PAR BYED PAS NA RNAM PA KUN MNGON PAR RDZOGS PAR RTOGS PA BSTAN PA'I DON DU RNAM PA RNAMS SBYOR BA KHYAD PAR CAN RNAMS KYIS GRANGS JI LTA BA BZHIN DU YON TAN DANG SKYON BLANG BA DANG DOR BAR 'DOD NAS MTSAN NYID SHES PA SNGON DU BTANG STE, THAR PA'I CHA MTHUN GYI DGE BA SKYES PAS BSGOM PAR BYA'O ZHES RNAM PA LA SOGS PA BSTAN NAS, THAR PA'I CHA MTHUN RNAM PAR 'PHEL BA'I SPRO BA CAN NGES PAR 'BYED PA'I CHA DANG MTHUN PA LA SOGS PA RTOGS PA'I RIM GYIS SLOB PA BYANG CHUB SEMS DPA' PHYIR MI LDOG PA'I TSOGS KYIS CHOS THOB PA NI, SANGS RGYAS NYID KYI RGYU MTSAN SRID PA DANG ZHI BA MNYAM PA NYID DU BSGOM PA SNGON DU SONG BA CAN, RANG GI SANGS RGYAS KYI ZHING YONGS SU DAG PA GRUB PA, THABS LA MKHAS PAS SKAL BA JI LTA BAR LHUN GYIS GRUB PAR SANGS RGYAS KYI PHRIN LAS 'JUG GO ZHES NGES PAR 'BYED PA'I CHA DANG MTHUN PA LA SOGS PA BSTAN TO, ,DE BAS NA LE'U DGU PA LAS, DE SKAD CES BKA' STZAL PA DANG, BCOM LDAN 'DAS LA TSE DANG LDAN PA RAB 'BYOR GYIS 'DI SKAD CES GSOL TO, ,BCOM LDAN 'DAS NAM MKHA' MTHA' YAS PA'I SLAD DU 'DI NI MTHA' YAS PA'I PHA ROL TU PHYIN PA'O BYA BA NAS BRTZAMS TE, LE'U NYI SHU PA NAS, BYANG CHUB SEMS DPA' SEMS DPA' CHEN PO DE DANG DE DAG NI LHA DANG, MI DANG, LHA MA YIN DU BCAS PA'I 'JIG RTEN GYIS MI 'PHROGS PA'O ZHES BYA BA 'DI'I MTHAR THUG PAS, JI LTAR SRID PAR SANGS RGYAS LA SOGS PA RNAMS KYIS RNAM PA KUN MNGON PAR RDZOGS PAR RTOGS PA GSUNGS PA YIN NO; ,DE SKAD DU YANG, RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,RNAM KUN MNGON RDZOGS RTOGS PA STE; ,'DI NE THABS MKHAS BCAS PA YIN, ZHES GSUNGS PA YIN NO, ,DE'I RJES LA RNAM PA KUN MNGON PAR RDZOGS PAR RTOGS PA THOB PA NI KHYAD PAR GYI LAM GYI RTOGS PA RAB KYI MTHAR 'GRO'O, ,ZHES RTZE MOR MNGON PAR RTOGS PA BSTAN PA'I DON DU, GRANGS JI LTA BA BZHIN DROD LA @16A *, ,SOGS PA NGES PAR 'BYED PA'I CHA DANG MTHUN PA BZHI'I NGO BO, RTAGS DANG RNAM PAR 'PHEL BA DANG BRTAN PA DANG SEMS KUN TU GNAS PA BSTAN PA SNGON DU SONG BA CAN, 'JUG PA DANG LDOG PA'I PHYOGS KYI RTEN CAN DAG BDAG DANG SKYES BU RDZAS DANG BTAGS PAR YOD PA'I RTEN CAN DAG GRANGS JI LTA BA BZHIN GZUNG BA DANG 'DZIN PA'I RNAM PAR RTOG PA GNYIS GNYIS YIN PA'I PHYIR, RNAM PAR RTOG PA RNAM PA BZHIN RNAMS MTHONG BA DANG, BSGOM PA'I LAM SO SO LA SPANG BAR BYA BA NYID DU DANG, DE SPONG BAR BYED PA'I GNAS SKABS KYI KHYAD PAR GNYEN PO RNAM PA BZHE BLANG BAR BYA BA NYID DU BSTAN NAS, SANGS RGYAS NYID THOB BA LA BAR CHAD MED PAS BAR CHAD MED PA'I TING NGE 'DZIN BDEN PA GNYI GA LA BRTEN PA'I THABS LA MKHAS PAS SPANG BAR BYA BA'I LOG PAR SGRUB PA DANG BCAS PA BSTAN TO, ,DE NAS LE'U NYI SHU PA LAS, RAB 'BYOR GAL TE BYANG CHUB SEMS DPA' SEMS DPA' CHEN PO RMI LAM GYI NANG NA YANG ZHES BYA BA NAS BRTZAMS TE, LE'U NYI SHU RTZA DGU PA LAS DGE BA DANG MI DGE BA'I CHOS TSAD MED PA'I PHYIR SHES RAB KYI PHA ROL TU PHYIN PAR RJES SU RIG PAR BYA'O ZHES BYA BA 'DI'I MTHAR THUG PAS RTZE MO'I MNGON PAR RTOGS PA RGYU DANG BCAS PAR GSUNGS SO, ,DE SKAD DU YANG, DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR BSGRUB DANG BCAS PA NI, ,RTZE MO'I MNGON RTOGS, ZHES GSUNGS PA YIN NO, ,DE'I RJES LA RTZE MO'I MNGON PAR RTOGS PA THOB PA NI SO SO BA DANG BSDUS PA NYID DU RTOGS PA'I DON RNAMS BRTAN PAR BYA BA'I PHYIR RIM PAR BKOD NAS RNAM PAR SGOM PAR BYED PA YIN NO, ,ZHES CHOS THAMS CAD SDUD PAR BYED PA SBYIN PHA LA SOGS PA RNAM PA BCU GSUM DU, LE'U NYI SHU RTZA DGU PHA LAS SENG GE'I SGRA SGROGS PA'I PHYIR SHES RAB KYI PHA ROL TU PHYIN PAR RJES SU RIG PAR BYA'O ZHES BYA BA'I TSIG GCIG PO NYID KYIS MTHAR GYIS PA'I MNGON PAR RTOGS PA RGYU DANG BCAS PAR GSUNGS PA YIN NO, ,DE @16B SKAD DU YANG, MTHAR GYIS PA, RNAM GSUM RNAM BCU ZHES GSUNGS PA YIN NO, ,DE'I 'OG TU MTHAR GYIS PA'I MNGON PAR RTOGS PA RNAM PAR BSGOMS PA NI SHIN TU GOMS PAR BYA BA'I PHYIR, RTOGS PA'I CHOS DE RNAMS NYID RNAM PAR SMIN PA MA YIN PA ZAG PA MED PA'I CHOS THAMS CAD SKAD CIG MA GCIG PA'I MTSAN NYID LA SOGS PA DBYE BA RNAM PA BZHIR SKAD CIG MA GCIG NYID KYIS MNGON DU BYED DO ZHES LE'U DE NYID LAS CHOS THAMS CAD 'KHRUG PA MED PA'I PHYIR SHES RAB KYI PHA ROL TU PHYIN PA 'KHRUG PA MED PAR RJES SU RIG PAR BYA'O ZHES BYA BA'I TSIG GCIG NYID KYIS SKAD CIG MA GCIG GIS MNGON PAR BYANG CHUB PA SGOM PA'I RNAM PA NI SKAD CIG MA GNYIS PA LA CHOS KYI SKU MNGON PAR RDZOGS PAR BYANG CHUB BAR 'GYUR BAS NA BYANG CHUB SEMS DPA' RNAMS KYI MNGON PAR RDZOGS PAR BYANG CHUB PA DE MA THAG PA RNAM PA GSUM BSTAN NAS, SKU LHAG MA GSUM PO NI YANG DAG PA'I KUN RDZOB TU SNANG BA YIN TE, DON DAM PAR CHOS NYID KYI NGO BO LA MOS PA JI LTA BAS RAB TU PHYE BAS, SANGS RGYAS DANG BYANG CHUB SEMS DPA' DANG, NYAN THOS LA SOGS PA'I SPYOD YUL DU RNAM PAR GZHAG PA YIN NO ZHES BSTAN PA'I DON DU, GANG PHYIR DBEN PAR GYUR PA LAS, ,DBEN PA THA MI DAD PAR 'DOD, ,CES BYA BA'I TSUL GYIS NGO BO NYID KYI SKU DE LAS THA MI DAD KYANG 'JIG RTEN LAS 'DAS PA'I LAM GYIS THA DAD DU 'THOB PA YIN GYI BCOS BU MA YIN PA'I DON GYIS NA BYAS PA NI MA YIN PA'I PHYIR CHOS THAMS CAD SGYU MA LTAR GNYIS SU MED PAR RTOGS PA'I YE SHES KYIS KHONG DU CHUD PA YIN NO ZHES DE BRJOD PA SNGON DU SONG BA CAN, RNAL 'BYOR PA'I KUN RDZOB TU DON KHYAD PAR CAN DU SNANG BA SKYED PA'I SGO NAS GDON MI ZA BAR KHAS BLANG BAR BYA BA, GNAS YONGS SU GYUR PAS YONGS SU GYUR PA, CHOS STON PA LA SOGS PA'I DON BYA BA BYED PA GNYIS SU MED PA'I SEMS DANG SEMS LAS BYUNG BA, RNAM PA THAMS CAD DE BZHIN GSHEGS PA RNAMS NYID KYI SPYOD YUL DU GYUR PA'I YE SHES KYI TSOGS LAS BYUNG BA NI, CHOS KYI SKU MDZAD PA DANG BCAS PA YIN NO, ZHES BSTAN PA'I DE MA THAG TU, MDO SDE RIN PO CHE SNA TSOGS NYAN PAR 'DOD PAS BCUL RAB TU @17A *, ,GNAS PA'I BYANG CHUB SEMS DPA' CHEN PO RNAMS DANG LHAN CIG TU, MCHOG TU KHA NA MA THO BA MED PA THEG PA CHEN PO'I CHOS LA RDZOGS PAR LONGS SPYOD PA'I DGA' BA DANG BDE BA LA NYE BAR SPYOD PA'I PHYIR GZHAL DU MED PA'I BSOD NAMS KYI TSOGS BSAGS PA MTSAN DANG DPE BYAD KYIS RNAM PAR MDZES PA'I SKU NI LONGS SPYOD RDZOGS PA'I SKU YIN PAR BSTAN NAS, SKAL PA JI LTA BA BZHIN 'GRO BA MA LUS PA'I DON BYA BA BYED PA SRID PA JI SRID KYI MTHAR THUG PAR RNAM PA THAMS CAD DU RGYUN MI 'CHAD PA BSOD NAMS DANG YE SHES KYI TSOGS KYI CHA LAS BYUNG BA, BYIS PA DANG NYAN THOS LA SOGS BAS DMIGS PAR RUNG BAR BYA BA DE BZHIN GSHEGS PA SH'AKYA THUB PA LA SOGS PA'I GZUGS NI SPRUL PA'I SKU YIN PAR BSTAN TO, ,DES NA LE'U NYI SHU RTZA DGU PA LAS, RAB 'BYOR DE LTAR BYANG CHUB SEMS DPA' SEMS DPA' CHEN POS ZHES BYA BA NAS BRTZAMS TE, LE'U DE'I ZHABS NAS SANGS RGYAS KYI CHOS BLA NA MED PA RNAMS YONGS SU RDZOGS PA RNYED PAR DKA' BAR MI 'GYUR RO ZHES BYA BA'I BAR GYIS SANGS RGYAS BCOM LDAN 'DAS RNAMS KYI SKU MNGON PAR BYANG CHUB BA GSUNGS PA YIN NO, ,DE SKAD DU YANG, ,NGO BO NYID LONGS RDZOGS BCAS DANG, ,DE BZHIN GZHAN LA SPRUL BA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES GSUNGS PA YIN NO, ,DE'I 'OG TU GDUL BYA'I SKYE BO RNAMS LA BYANG CHUB SEMS DPA' RTAG TU DU LTAR BSGRUB PAR BYA'O ZHES KHONG DU CHUD PAR BYA BA'I PHYIR, DE'I SNGON GYI GTAM GYI SBYOR BA BRJOD PA'I SNGO NAS DGE BA'I BSHES GNYEN MNYES PA SNGON DU 'GRO BAS SHES RAB KYI PHA ROL TU PHYIN PA LA SBYOR BA'I PHAN YON BSTAN PA'I DON DU, MJUG BSDU PA'I SGO NAS, JI SKAD GSUNGS PA'I MNGON PAR RTOGS PA'I RIM PA NYID TSUL LUGS PAR PAS STON PA LHUR BYED PA NYID KYI LE'U GSUM BSTAN TE, DE YANG GO SLA BA'I PHYIR MNGON PAR RTOGS PA'I RGYAN GYI TSIG LE'UR BYAS PAR MA BSDUS SO, ,DE LTAR RNAM PA GZHAN GNYIS KYIS NI BSDUS PA'I DON 'CHAD PAR 'GYUR BA'I PHYIR RE ZHIG BSDUS PA'I DON NI GCIG NYID YIN NO, ,DA NI TSIG DON LA SOGS PA @17B BSHAD PAS MDO'I DON BRJOD PA NI DE NAS ZHES BYA BA LA SOGS PA'O, ,DE NAS ZHES BYA BA NI TSIG NYE BAR DGOD PA'O, ,LHA DANG BCAS PA'I 'JIG RTEN NA MCHOD PA LA SOGS PAS GTZO BOR GYUR PA'I PHYIR GNAS BRTAN NO, ,NYON MONGS PA MED PAR GNAS PA RNAMS KYI NANG NA MDZES SHING MCHOG TU GYUR PA DANG, 'BYOR PA SEMS KYIS PHUN SUM TSOGS PA GANG LA YOD PA DE NI RAB 'BYOR RO, ,'DI NA LA LAR NI DE BZHIN GSHEGS PA RNAMS KYI SKU'I MDZAD PA'I BDAG NYID CAN PHYAG LA SOGS PAS BYIN GYIS RLOB STE, DPER NA SA BCU PA LA SOGS PA'I MDO STON PAR MDZAD PA LTA BU'O, ,LA LAR NI GSUNG GI BYIN GYIS RLOB STE, DPER NA MA SKYES DGRA'I 'GYOD PA BSAL BA'I MDO LA SOGS PA LTA BU'O, ,LA LAR NI THUGS KYIS BYIN GYIS RLOB STE, DPER NA KUN TU BZANG PO'I SPYOD PA STON PA'I MDO LA SOGS PA LTA BU'O, ,DES NA 'PHAGS PA RAB 'BYOR LA LHAG PAR MOS PA RNAMS RJES SU BZUNG BA DANG, YONGS SU GTANG GTAD BA DAG GIS YANG DAG PAR YONGS SU BZUNG BA LA SOGS PA'I RIM GYIS THEG PA CHEN POR BRTUL BA LAS RANG GI RIGS RGYUN MI 'CHAD PAR BYA BA'I PHYIR RAM, DE BZHIN GSHEGS PA RNAMS KYI THABS MKHAS PA'I MTHU NI BSAM GYIS MI KHYAB STE, GANG GI PHYIR RNAM PA THAMS CAD DU MI NUS PA YANG STON TO ZHES MTHU YANG DAG PAR MTHONG BA'I GDUL BYA RNAMS LA PHAN GDAGS PAR BYA BA'I PHYIR, SHES RAB KYI PHA ROL TU PHYIN BA BSHAD PA LA NGAG BYIN GYIS RLOB PA'I SGO NAS, 'PHAGS PA RAB 'BYOR YID GZHAN DU YENGS BA DE LA MNGON DU PHYOGS PAR BYA BA'I PHYIR, BCOM LDAN 'DAS KYIS BKA' STZAL PA STE, BOS PAR GYUR PA'O, ,JI LTAR ZHE NA, RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE KHYOD SPOBS PHAR GYIS SHIG CES BYA BA GSUNGS TE, CHOS STON PA'I SKABS YIN PAS, YOD PA NYID YIN DU ZIN KYANG, KYE RAB 'BYOR DENG KHYOD KYI CHOS DANG DON DANG NGES PA'I TSIG DANG SPOBS PA SO SO YANG DAG PAR RIG PA KHYAD PAR DU 'PHAGS PA RNAM PA THAMS CAD MNGON DU GYIS SHIG CES PA'O, ,BYANG CHUB CES BYA BA @18A *, ,CHOS THAMS CAD LA MCHAGS PA RANG GI DON PHUN SUM TSOGS PA LA SEMS DPA' STE, BSAM PA GANG LA YOD PA DE NI BYANG CHUB SEMS DPA' PA'O, ,NYAN THOS KYANG DE LTAR 'GYUR RO ZHE NA, SEMS DPA' CHEN PO ZHES GSUNGS TE, GZHAN GYI DON PHUN SUM TSOGS PA CHEN PO LA SEMS DPA' GANG LA YOD PA DE DAG NI SEMS DPA' CHEN PO'O, ,GZHAN DU 'GYUR BA'I CHEN PO NYID NI MU STEGS PA'I SKYE BO DAM PA LA YANG YOD PAS BYANG CHUB SEMS DPA' ZHES SMOS PA YIN NO, ,DE BAS NA, BYANG CHUB SEMS DPA' SEMS DPA' CHEN PO DE RNAMS KYIS SHES RAB KYI PHA ROL TU PHYIN PA LAS BRTZAMS TE ZHES BYA BA YIN NO, ,SKAL PA GRANGS MED PA DANG PO NGES PAR 'BYUNG ZHING MOS PAS SPYOD PA RNAM PAR 'PHEL BA BSOD NAMS KYI TSOGS BSAGS PA'I BYANG CHUB SEMS DPAS SA PHYOGS GTZANG MAR SKYIL MO KRUNG BCAS TE, SANGS RGYAS DANG BYANG CHUB SEMS DPA' LA DMIGS PA SNGON DU 'GRO BAS, SHES RAB KYI PHA ROL TU PHYIN PA'I TSUL CHOS THAMS CAD BDAG MED PAR STON PAR BYED PA LA RTZA BA'I SEMS KYIS MING GI SGO NAS YANG DAG PAR DMIGS LA, RJES SU DPYAD PA'I SEMS GYIS DE NYID KYI TSIG GI RAB TU DBYE BA LE'U LA SOGS PA'I BYE BRAG GIS BRTAG PAR BYA'O, DE NAS BGRANG BAS MNGON PAR RTOGS PA BRGYAD KYI GNAS SKABS KYI DBYE BAS GRANGS GZUNG BA'I PHYIR DANG, GZHAL BAS MNGON PAR RTOGS PA SO SO'I RANG BZHIN NGES PA'I PHYIR DANG, RTOG PAS SGRO 'DOGS PA DANG SKUR PA 'DEBS PA MED PA'I PHYIR DANG, NGES PAR RTOG PAS MNGON SUM DANG RJES SU DPAG PA'I TSAD MAS 'THAD PAR BYAS PA NYID KYI PHYIR TE, DE LTAR RNAM PA BZHIS SHES RAB KYI PHA ROL TU PHYIN PA'I DON LA DANG, SO SO BA DANG, BSDUS PA GO RIMS BZHIN DU DON MED PA DANG DON DANG BCAS PA YIN NO ZHES BYA BAS YI GE LA STE, RNAM PA 'DI DAG GIS RNAM PAR DPYOD BA'I SEMS KYIS DPYAD PAR BYA'O, ,DE'I 'OG TU JI LTAR RNAM PAR DPYAD PA'I MTSAN MA NGE NGES PAR 'DZIN PA'I SEMS KYIS BZUNG LA, JI LTAR BRTAGS PA'I DON NYID MING LA DMIGS PAR BYED PA'I RTZA BA'I SEMS NYID DU SDOM PA'I SEMS NYID KYIS BCUG LA, DON GANG LA RAB TU SBYOR BAR 'GYUR BA @18B DE 'DUN PA DANG LHAN CIG PA'I RE BA'I SEMS KYIS BSGOM PAR BYA'O, ,DE LTAR NA DANG PO THOS PA DANG BSAM PA DANG BSGOM PA'I RANG BZHIN CAN GYI SHES PA SKYE BA'I RIM GYIS, RNAM PA THAMS CAD MKHYEN PA'I YE SHES RTOGS PA'I PHYIR, PHA ROL TE RAB KYI MTHAR 'GRO BA YIN PAS NA PHA ROL TU PHYIN PA'O; ;DE YANG SHES RAB CES BYA BA CHOS RAB TU RNAM PAR 'BYED PA'I MTSAN NYID SHES RAB KYI PHA ROL TU PHYIN PA NI SHES RAB KYI PHA ROL TU PHYIN PA STE, SANGS RGYAS BCOM LDAN 'DAS KYI GNYIS SU MED PA'I YE SHES SGYU MA LTA BU NI DNGOS YIN LA, DE 'THOB PA DANG RJES SU MTHUN PA NYID KYIS NA TSIG DANG NGAG GI TSOGS KYI GZHUNG DANG, MTHONG BA LA SOGS PA'I MTSAN NYID CAN GYI LAM LA YANG SHES RAB KYI PHA ROL TU PHYIN PA ZHES BYA BA NI BTAGS PA'O, ,DE YANG SLOB DPON PHYOGS KYI GLANG PO'I ZHAL SNGA NAS KYIS, SHES RAB PHA ROL TU PHYIN GNYIS MED, ,YE SHES DE NI DE BZHIN GSHEGS BSGRUB BYA DON DE DANG LDAN PAS, ,GZHUNG LAM DAG LA DE SGRA YIN, ,ZHES BSHAD PA YIN NO, ,DE'I PHYIR DE DANG 'BREL PA GZUGS BRNYAN DANG BRAL PA RNAM PA GSUM KA YANG SHES RAB KYI PHA ROL TU PHYIN PA NYID DO ZHES BYA BAR BZUNG BA YIN TE, GTZO BO LAS DBANG DU BYAS PAS SO, ,DE RNAMS NYID KYI NI MA YIN TE, 'DI MED NA MI 'BYUNG BAS BYANG CHUB GSUM KA'I DBANG DU BYAS PA'I PHYIR RO, ,DA YANG 'DI NYID LAS NYAN THOS KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA 'DI MNYAN PAR BYA'O ZHES BYA BA LA SOGS PA 'CHAD PAR 'GYUR BA YIN NO, ,SKYES BU'I DON MCHOG GI RNAM PAR THAMS CAD DANG LDAN PA RTOGS PA'I TSUL BSTAN PAR BYA BA YIN PA'I PHYIR DANG, DE LA YANG RIGS KYI BU BYANG CHUB KYI SEMS NI SA BON DU GYUR PA'O, ,DE NYID NI 'BRAS BUR GYUR PA SANGS RGYAS KYI CHOS THAMS CAD KYI SNYING PO YIN NO ZHES 'PHAGS PA SNGON PO BKOD PA LAS BSTAN PA'I PHYIR NA, JI LTAR TE GANG GIS GZHAN GYI DON LA DMIGS NAS YANG DAG PAR RDZOGS PA'I BYANG CHUB 'DOD PA'I MTSAN NYID DBYE BA NYI SHU RTZA GNYIS SU PHYE BA'I BYANG CHUB KYI SEMS RTOGS PA'I BYE BRAG GIS BYANG CHUB SEMS DPA' SEMS DPA' CHEN PO RNAMS SHES RAB KYI @19A *, ,PHA ROL TU PHYIN PA GSUM CHAR LA YANG NGES PAR 'BYUNG BAR 'GYUR ZHING, NGES PAR THOB PAR 'GYUR BA ZHES BYA BA NI SEMS BSKYED PA DMIGS PA DANG BCAS PA'I RANG GI NGO BO DANG RAB TU DBYE BA YIN LA, DE'I DBYE BA NYID NI MDO'I DON YIN NO ZHES BSTAN PAR BYA BA'I PHYIR; BCOM LDAN 'DAS NYID KYIS RAB 'BYOR LA BKA' STZAL PA'I SGO NAS, SHES RAB KYI PHA ROL TU PHYIN PA MDOR STON PAR MDZAD PA YIN NO, ,'DIR NGAG GI DON MDOR BSDUS PA NI 'DI YIN TE, BYANG CHUB SEMS DPA' SEMS DPA' CHEN PO BYANG CHUB KYI SEMS KYI RNAM PA THAMS CAD JI LTA BA BZHIN DU RTOGS PA'I BYE BRAG GIS SHES RAB KYI PHA ROL TU PHYIN PA GSUM CHAR YANG JI LTAR RIGS PA'I THOS PA LA SOGS PA'I SHES PA BSKYED PA'I RIM GYIS, YANG DAG PAR THOB BAR 'GYUR BA DE BZHIN DU DE RNAMS DANG 'BREL PA'I SHES RAB KYI PHA ROL TU PHYIN PA NYID LAS BRTZAMS TE, RGYAS PAR BSTAN PA'I PHYIR, RAB 'BYOR SO SO YANG DAG PAR RIG PA BZHI MNGON DU GYIS SHIG CES DE LTAR NA BCOM LDAN 'DAS KYIS GNAS BRTAN TSE DANG LDAN PA RAB 'BYOR LA BKA' STZAL PA ZHES BYA BA YIN NO, ,RGYA CHER NI, DE LA DANG POR RIGS NUS PAS, ,SNYING RJE'I SA BON RAB SAD CING, ,SBYOR DANG BSAM PA PHUN TSOGS PAS, ,BYANG CHUB SEMS NI YONGS SU BZUNG, ,ZHES BYA BA'I TSUL GYIS RIGS LA SOGS PA'I NUS PAS BYANG CHUB SEMS DPA'I SDOM PA YANG DAG PAR BLANGS PA LA SOGS PAS, STONG PA NYID DANG SNYING RJE'I SNYING PO CAN GYI BYANG CHUB KYI SEMS BSKYED LA, YANG DAG PAR RDZOGS PA'I SANGS RGYAS SU GYUR NAS SKAL PA JI LTA BA BZHIN DU GZHAN GYI DON DU THEG GSUM GYIS CHOS BSTAN PA LA SOGS PAS 'BAD PAR BYA'O ZHES SMON PAR BYAS NAS, SGRUB PA PHUN SUM TSOGS PAS RDZOGS PAR BYA'O ZHES BYA BA NI GZHAN GYI DON LA DMIGS PA'I YANG DAG PAR RDZOGS PA'I BYANG CHUB 'DOD PA'I MTSAN NYID RGYU DANG 'BRAS BUR BCAS PA YIN TE, 'GO BAR 'DOD DANG 'GRO BA YI, ,BYE BRAG JI LTAR SHES PA BZHIN, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES BYA BAS SMON PA DANG 'JUG PA'I NGO BO NYID KYIS SEMS BSKYED PA @19B RNAM PA GNYIS SO, ,SPRO BA CHE DANG RTZOM PA CHE, ,DON CHE BA DANG 'BYUNG BA CHE, ,BYANG CHUB SEMS DPA'I SEMS PA STE, ,DON GNYIS LDAN PA'I SEMS 'BYUNG BA, ,ZHES BSHAD PAS SEMS PA DANG MTSUNGS PAR LDAN PA'I SEMS YUL KHYAD PAR CAN DU SNANG BA SKYE BA SEMS BSKYED PA MA YIN NAM, YANG DAG PAR RDZOGS PA'I BYANG CHUB 'DOD PA NYID NI DE DON DU GNYER BA DGE BA'I CHOS LA 'DUN PA'I SEMS LAS BYUNG BA YIN PA'I PHYIR JI LTAR NA DE SEMS BSKYED PA YIN PAR 'GYUR ZHE NA, DE NI BDEN MOD KYI, 'ON KYANG 'GRO BA MGON MED BSDUG BSNGAL GYI RGYA MTSOR NUB PA LA MNGON PAR BLTAS NAS, DE GDON PA'I BSAM PA'I DGE BAS CHOS LA 'DUN PA'I MTSAN NYID CAN GYI DON DU GNYER BA YOD NA, 'TSANG RGYA BA NYID KYI PHYIR BYANG CHUB KYI SEMS BSKYED PA YIN PAS 'DIR RGYUS 'BRAS BU BSTAN PA YIN NO, ,DE LTAR 'DUN CING DON DU GNYER BA'I BYANG CHUB SEMS DPA'I DGE BA'I CHOS THAMS CAD RNAM PAR 'PHEL BAR 'GYUR RO ZHES SHES PAR BYA BA'I PHYIR NYE BAR GDAGS PA LA BRTEN PA YANG YIN PAS NYES PA MED DO, ,YANG NA SMON LAM NI DON DU GNYER BA STE, YANG DAG PAR RDZOGS PA'I BYANG CHUB 'DOD PA NYID YIN LA, DE DANG LHAN CIG SPYOD PA'I SEMS BSKYED PA NI DE'I SGRAR BSTAN TE, DON DU GNYER BA GTZO BOR GYUR PA NI SEMS BSKYED PA'I GNAS SKABS YIN PA'I PHYIR RO, ,DE LTAR YANG BYANG CHUB SEMS DPA' RNAMS LA SMON LAM DANG LDAN PA'I SEMS DE SKYE'O ZHES BYA BA NI 'THAD PA YIN NO, ,DE NAS GANG 'DOD PA'I BDAG NYID DANG, GANG GI DON DU SEMS BSKYED PA YANG DANG, PAR RDZOGS PA'I BYANG CHUB DE DANG, GZHAN GYI DON DE GANG ZHIG YIN ZHE NA, 'PHAGS PA STONG PHRAG NYI SHU LNGA PA'I MDO JI LTA BA BZHIN DU BRJOD PAR BYA'O, ,DE LA YANG DAG PAR RDZOGS PA'I BYANG CHUB MDOR BSTAN PA NI, SH'A RI'I BU 'DI LA BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZAN PAR BYA'O ZHES GANG GSUNGS PA YIN NO, ,DE LA 'DI'I RGYAS PAR BTAN PA NI 'DI YIN TE, SH'A RI'I BU 'DI LA BYANG CHUB SEMS DPA' SEMS DPA' CHEN PO MI GNAS PA'I @20A *, ,TSUL GYIS SHES RAB KYI PHA ROL TU PHYIN PA LA GNAS TI, SBYIN PA PO DANG SBYIN PAR BYA BA DANG LEN PA PO MI DMIGS PA'I PHYIR YONGS SU BTANG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BA LA SOGS PA GANG GSUNGS PA YIN NO, DE LA GZHAN GYI DON BSDUS TE BSTAN PA NI 'DI YIN TE, BYANG CHUB SEMS DPA' SEMS DPA' CHEN PO PHYOGS BCU RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS NA SEMS CAN GANG ZHIG YOD PA DE DAG THAMS CAD PHUNG PO LHAG MA MED PA'I MYA NGAN LAS 'DAS PA'I DBYINGS SU MYA NGAN LAS 'DA' BAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA YIN NO, ,DE'I RGYAS PAR BSTAN PA NI 'DI YIN TE, BYANG CHUB SEMS DPA' SEMS CAN SER SNA CAN RNAMS NI SBYIN PA LA, TSUL KHRIMS 'CHAL PA RNAMS NI TSUL KHRIMS LA, GNOD SEMS MANG BA RNAMS NI BZOD PA LA RAB TU DGOD PAR 'DOD PAS, SHES RAB KYI PHA ROL TU PHYIN PA LA BSLAB PAR BYA'O ZHES BYA BA LA SOGS PA GANG GSUNGS PA YIN NO, ,DE SKAD DU YANG, SEMS BSKYED BA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES BYA BA GSUNGS PA YIN NO, ,DE LA DE'I RAB TU DBYE BA NI 'DI YIN NO, ,DE LA BYANG CHUB SEMS DPA' RNAMS KYI SEMS BSKYED PA DANG PO 'DUN PA DANG LDAN PA NI SA DANG 'DRA STE, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA'I TSOGS RAB TU BSKYED PA'I GZHIR GYUR PA'I PHYIR RO, ,GNYIS PA BSAM PA DANG LDAN PA NI GSER BZANG PO LTA BU YIN TE, PHA ROL TU PHYIN PA DRUG GIS BSTAN PA'I TSE 'DI DANG PHYI MA DAG LA PHAN PA DANG BDE BA'I BSAM PA NI YANG DAG PAR RDZOGS PA'I BYANG CHUB KYI BAR DU 'GYUR BA MED PA'I PHYIR TE; GNAS PAS NA BSAM PA ZHES BYA BA'I TSUL GYIS SO, ,GSUM PA LHAG PA'I BSAM PA DANG LDAN PA NI DKAR PO'I PHYOGS KYI ZLA BA TSES PA LTA BU YIN TE, DGE BA'I TSES THAMS CAD GONG NAS GONG DU RNAM PAR 'PHEL BAR 'GYUR BA'I PHYIR TE, LHAG PA'I BSAM PA ZHES BYA BA'I TSUL @20B GYIS SO, ,GSUM PO 'DI DAG NI CHUNG NGU DANG 'BRING DANG CHEN PO NYID KYIS LAS DANG PO PA TSOGS KYI SAS BSDUS PA YIN NO, ,BZHI PA SBYOR BA DANG LDAN PA NI ME LTA BU STE, THAMS CAD MKHYEN PA NYID GSUM GYI SBYOR BA NI SHING GZHAN GYIS ME KHYAD PAR DU 'GYUR BA DANG 'DRA BAR GONG NAS GONG DU 'GRO BA'I PHYIR TE MCHOG TU GYUR PA'I SBYOR BA YIN PA'I PHYIR RAB TU SBYOR BA ZHES BYA BA'I TSUL GYIS SO, ,'DI NI SA DANG PO LA 'JUG PA'I SBYOR BA'I LAM GYIS BSDUS PA MOS PAS SPYOD PA'I SA DANG 'BREL PA YIN NO, ,LNGA PA SBYIN PA'I PHA ROL TU PHYIN PA DANG LDAN PA NI GTER CHEN PO DANG 'DRA STE, ZAD ZING GI LONGS SPYOD KYIS RNAM PA THAMS CAD DU TSAD MED PA'I SEMS CAN RNAMS YANG DAG PAR TSIM PAR BYED KYANG MTHAR THUG PA MED PA'I PHYIR RO, ,DRUG PA TSUL KHRIMS KYI PHA ROL TU PHYIN PA DANG LDAN PA NI RIN PO CHE'I 'BYUNG GNAS DANG DRA STE, RTEN GYI NGO BO NYID KYIS YON TAN RIN PO CHE THAMS CAD DE LAS SKYE BA YIN PA'I PHYIR RO, ,BDUN PA BZOD PA'I PHA ROL TU PHYIN PA DANG LDAN PA NI RGYA MTSO CHEN PO DANG 'DRA STE, MI 'DOD PA THOG TU BAB PA THAMS CAD KYIS MI 'KHRUGS PA'I PHYIR RO, ,BRGYAD PA BRTZON 'GRUS KYI PHA ROL TU PHYIN PA DANG LDAN PA NI RDO RJE LTA BU STE, YID CHES PA BRTAN PAS MI PHYED PA'I PHYIR RO, ,DGU PA BSAM GTAN GYI PHA ROL TU PHYIN PA DANG LDAN PA NI RI'I RGYAL PO LTA BU STE, DMIGS PA'I RNAM PAR G-YENG BAS RNAM PA THAMS CAD DU BSKYOD PAR MI NUS PA'I PHYIR RO, ,BCU PA SHES RAB KYI PHA ROL TU PHYIN PA DANG LDAN PA NI SMAN CHEN PO LTA BU STE, NYON MONGS PA DANG SHES BYA'I SGRIB PA'I NAD THAMS CAD RAB TU ZHI BAR BYED PA'I PHYIR RO, ,BCU GCIG PA THABS KYI PHA ROL TU PHYIN PA DANG LDAN PA NI DGE BA'I BSHES GNYEN LTA BU STE, GNAS SKABS THAMS CAD DU SEMS CAN GYI DON YONGS SU MI GTONG BA'I PHYIR RO, ,BCU GNYIS PA SMON LAM GYI PHA ROL TU PHYIN PA DANG LDAN PA NI YID BZHIN GYI NOR BU DANG 'DRA STE, JI LTAR SMON PA'I 'BRAS BU 'GRUB PA'I PHYIR RO, ,BCU GSUM PA STOBS KYI PHA ROL TU PHYIN PA DANG LDAN PA NI NYI MA LTA BU STE, GDUL BYA'I LO TOG YONGS SU SMIN PAR BYED PA'I PHYIR RO, ,BCU BZHI PA YE SHES KYI PHA ROL TU PHYIN PA DANG LDAN PA NI KLU SNYAN PA SGROGS PA DANG 'DRA STE, GDUL BYA 'DUN PAR @21A *, ,BYED PA'I CHOS STON PAR BYED PA YIN PA'I PHYIR RO, ,BCU PO 'DI DAG NI GO RIMS BZHIN DU RAB TU DGA' BA LA SOGS PA'I SA BCUS BSDUS TE, MTHONG BA DANG BSGOM PA'I LAM GYI SBYOD YUL CAN YIN NO, ,BCO LNGA BA MNGON PAR SHES PA DANG LDAN PA NI RGYAL PO CHEN PO LTA BU YIN TE, MTHU THOGS PA MED PAR GZHAN GYI DON SGRUB PA YIN PA'I PHYIR RO, ,BCU DRUG PA BSOD NAMS DANG YE SHES KYI TSOGS DANG LDAN PA NI BANG MDZOD LTA BU STE, BSOD NAMS DANG YE SHES KYI TSOGS MANG PO'I MDZOD LTA BU YIN PA'I PHYIR RO, ,BCU BDUN PA BYANG CHUB KYI PHYOGS DANG MTHUN PA'I CHOS SUM CU RTZA BDUN DANG LDAN PA NI LAM CHEN PO LTA BU STE, 'PHAGS PA'I GANG ZAG THAMS CAD GSHEGS SHING RJES SU GSHEGS PA YIN PA'I PHYIR RO, ,BCO BRGYAD PA ZHIG NAS DANG LHAG MTHONG DANG LDAN PA NI BZHON PA LTA BU STE, ZUNG 'JUG TU 'GRO BAS NA 'KHOR BA DANG MYA NGAN LAS 'DAS PA GANG DU YANG MI LHUNG BAS BDE BLAG TU 'GRO BA'I PHYIR RO, ,BCU DGU BA GZUNGS DANG SPOBS PA LDAN PA NI BKOD MA'I CHU DANG 'DRA STE, RNAM PA THAMS CAD DU CHU 'DZIN PAR BYED CING MI ZAD PAR 'BYIN PA DANG 'DRA BAR THOS PA DANG MA THOS PA'I CHOS 'DZIN PA DANG BSTAN PA MTHAR THUG PA MED PAR 'BYIN PA'I PHYIR RO, ,LNGA PO 'DI DAG NI BYANG CHUB SEMS DPA'I SA LAS KHYAD PAR GYI LAM GYIS BSDUS PA YIN NO, ,NYI SHU PA CHOS KYI DGA' STON DANG LDAN PA NI SGRA SNYAN PA LTA BU STE, THAR BA 'DOD PA'I GDUL BYA RNAMS LA SNYAN PAR SGROGS PA'I PHYIR RO, ,'DI NI BYANG CHUB SEMS DPA'I SA DANG 'BREL PA SANGS RGYAS KYI SA LA 'JUG PA'I SBYOR PA'I LAM GYIS BSDUS PA YIN NO, ,NYI SHU RTZA GCIG PA BGROD PA GCIG PA'I LAM DANG LDAN PA NI CHU BO'I RGYUN DANG 'DRA STE, SHES PA DANG SHES PAR BYA BA MNYAM PA NYID DU RTOGS PAS SNYING RJE CHEN PO DANG THABS DANG SHES RAB KYI RGYUN MI 'CHAD BAR GZHAN GYI DON BYED PA NYID YIN PA'I PHYIR RO, ,'DI NI SANGS RGYAS KYI SAS BSDUS PA'I DNGOS GZHI'I GNAS SKABS THOB PA YIN NO, ,NYI SHU RTZA GNYIS PA CHOS KYI SKU DANG LDAN PA NI SPRIN CHEN PO LTA BU STE, SPRUL BA'I SKUS DGA' LDAN GYI GNAS NA BZHUGS PA LA SOGS PA KUN TU STON @21B PAS SEMS CAN GYI DON BYA BA THAMS CAD DE LA RAG LUS PA'I PHYIR RO, ,'DI YANG DE BZHIN GSHEGS PA RNAM PAR MI RTOG PA'I BDAG PO LAS ZHUS PAS 'DUL BYAS YONGS SU BRTAGS PA'I SPRUL PA LA SOGS PA DMIGS PA YIN PA'I PHYIR, DAG PA 'JIG RTEN PA'I YE SHES KYI RJES LA THOB PA'I SANGS RGYAS KYIS SA BSDUS PA YIN NO, ,DE LTAR NA LAS DANG PO PA'I SA NAS BRTZAMS TE, SANGS RGYAS KYI SA'I BAR GYIS BSDUS PA YIN NO, ,DE BAS NA DON RTOGS PA'I GO RIMS GYIS JI SKAD DU BSHAD PA'I GO RIMS DANG RAB TU DBYE PA 'DI DAG NYID YIN GYI LHAG PA YANG MA YIN MA TSANG BA YANG MA YIN, GO RIMS GZHAN DU BSTAN PAR BYA BA YANG MA YIN NO ZHES BSTAN PAR GYUR PA YIN NO, ,DE LTAR RIM GYIS SEMS BSKYED PA'I DBYE BA NYI SHU RTZA GNYIS SU PHYE BA RTOG PA'I SGO NAS CI NAS BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA RNAM PA GSUM KA LA ZHES BYA BA LA SOGS BA SNGA MA BZHIN DU SBYAR RO, ,DE SKAD DU YANG, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON BA BKOD MA'I CHU DANG NI, ,SGRA SNYAN CHU PO SPRIN RNAMS KYIS, ,RNAM PA NYI SHU RTZA GNYIS SO, ,ZHES GSUNGS PA YIN NO, ,'DI NI NGES PAR SO SO'I SKYE BO'I BYANG CHUB SEMS DPA' NAS, DE BZHIN GSHEGS PA'I SA'I BAR DU DBYE BAS RGYU DANG 'BRAS BU'I BDAG NYID CAN GYI DBYE BA YIN PAR SHES PAR BYA'O, ,DE LTAR YANG MDO SDE'I RGYAN LAS; SEMS BSKYED DE NI SA RNAMS LA, ,MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE BZHIN SGRIB PA SPANGS PA'O, ,DE YI RTZA BA SNYING RJER 'DOD, ,RTAG TU SEMS CAN PHAN PAR SEMS, ,ZHES BSHAD PAS RGYU DANG 'BRAS BU LA DMIGS PA'I BDAG NYID CAN GYI SEMS BSKYED PA NYID BSKYED PAR BYA BA YIN PAR BSHAD DO, ,DE'I RAB TU DBYE BA BYED NA YANG DE BZHIN DU BYA BA YIN TE, GZHAN DU NA RGYU'I RAB TU DBYE BA TZAM GYIS NA DE'I DBYE BA RNAM PA THAMS CAD BYAS PAR MI 'GYUR PAS NA DBYE BA YONGS SU RDZOGS PAR MI 'GYUR RO, ,ZHES PA NI KHA @22A *, ,CIG GI'O, ,GZHAN DAG NI RGYAL PO CHEN PO DANG 'DRA BA LA SOGS PA SEMS BRGYAD PO NYID BYANG CHUB SEMS DPA'I SA LAS KHYAD PAR CAN GYI LAM GYIS BSDUS PA NYID YIN NO ZHES ZER RO, ,BYANG CHUB TU SEMS BSKYED PA'I DBYE BA RNAM PA THAMS CAD DU STON PA'I GZHUNG NI STONG PHRAG NYI SHU LNGA BA LAS BSTAN PA YIN PAS 'DIR NI GZHUNGS MANGS KYIS DOGS NAS SHES BYED NYID DU MA BRIS SO, ,DE LTAR BYAS NA 'DIR NI MGO SMOS PA TZAM GYIS GO BA MDOR BSDUS PA LA DGA' BA'I SEMS CAN RJES SU BZUNG BA'I PHYIR STON PAR BYA BA LA ZHUGS PA YIN BAS MA GSUNGS PA YIN NO,, JI LTAR DU BSHAD PA'I DON GYI DBYE BA NI NGES PA KHO NAR KHONG DU CHUD PAR BYA BA YIN TE, GANG GI PHYIR MDO SDE RIN PO CHE 'DI NI SHES RAB KYI PHA ROL TU PHYIN PA STONG PHRAG NYI SHU LNGA BA'I DON NYE BAR BSDU PA LA 'JUG PA YIN NO ZHES SNGAR BSHAD PA KHO NA'O, ,DE SKAD DU YANG SLOB DPON PHYOGS KYI GLANG POS, , DE LTAR JI SKAD BSHAD RNAMS KYIS, ,BRGYAD STONG 'DI DON MA TSANG MED, ,'DIR GZHUNG BSDUS PA YIN 'DOD DE, ,DON NI JI SKAD GSUNGS DE NYID, ,CES BSHAD PA YIN NO, ,RNAM PA THAMS CAD NI DE BZHIN GSHEGS PA'I YE SHES KYIS RTOGS PAR BYA BA YIN PAS NA, SHES RAB KYI PHA ROL TU PHYIN PA ZAB MO LA BDAG NYID NUS PA MED PA LTAR, ,SHES BYA'I SGRIB PA MA SPANGS PA NYID KYIS 'PHAGS PA RAB 'BYOR YANG NUS PA MED PAR DOGS PAS 'PHAGS PA SH'A RI'I BUS BSKUL BA TZAM RTOGS PAS DE'I BYIN GYIS BRLABS KYI MTHU MA RIG NAS RTOGS PAR BYED PA NI, DE NAS ZHES BYA BA LA SOGS PA'O, ,'DI SNYAM DU ZHES BYA BA NI 'OG NAS BSHAD PA'I RTOG PA SKYES PA'O, ,DE NYID BRJOD PA NI CI ZHES BYA BA LA SOGS PA'O, ,CI ZHES BYA BA'I SGRA NI RNAM PAR RTOG PA'O, ,BDAG NYID KYIS NI RANG DANG 'BREL PAR 'JUG PA'I 'O, ,DE'I YUL DE LA DE'I GZHAN GYIS BYAS PA'I BDAG NYID KYIS MA YIN GYI, 'ON KYANG RANG GI STE RANG NYID KYIS BYAS PA'I 'O, ,SHES RAB NI CHOS RNAM PAR 'BYED PA'I MTSAN NYID DO, ,SPOBS PA NI RIGS PA DANG GROL PAR SMRA BA'O, ,DE GNYIS KYI STOBS NI THOGS PA MED PA'I NUS PA'O, ,BSKYED @22B PA NI SNGON MED PA BYAS PAS SO, ,RNAM PA GZHAN GYI SGO NAS KYANG BRJOD PA NI RANG GI ZHES BYA BA STE, 'DIR YANG BDAG NYID KYI ZHES BYA BA BLTA BAR BYA'O, ,SHES RAB KYI SPOBS PA'I STOBS GNAS PA LA, BYIN GYI RLABS KYIS KHYAD PAR DU BYAS PAS STON PAR 'GYUR BA'O, ,'ON TE ZHES BYA BA'I SGRA NI PHYOGS GZHAN STON PAR BYED PA'I DON TO 'ON TE SANGS RGYAS KYI MTHUS ZHES BYA BA NI, 'DI SNYAM DU SEMS PA YIN TE, THABS KYI KHYAD PAR NI BSAM GYIS MI KHYAB PA YIN PAS, BRGYA LA 'DIS SNGON MED PA'I YE SHES ZHIG RTOGS PAR GYUR TAM, YANG NA SNGAR YOD PA PHUL DU BYUNG PAR BYAS SAM, DE BZHIN GSHEGS PA'I BYIN GYIS BRLABS THOB PAR GYUR, GZHAN DU NA BDAG DANG 'DRA BA 'PHAGS PA RAB 'BYOR GYIS KYANG NUS PA MA YIN NO, ,NYON MONGS PA MED PAR GNAS PA RNAMS KYI MCHOG TU GYUR PA NYID KYIS KHYAD PAR DU 'PHAGS PA YIN PA'I PHYIR STON PA YIN NO ZHES KYANG SMRA PAR NUS PA MA YIN TE, BDAG KYANG SHES RAB DANG LDAN PA'I MCHOG NYID YIN PA'I KHYAD PAR YOD PAS SMRA PAR NUS PA NYID DU 'GYUR RO, ,NYON MONGS PA MED PA'I TING NGE 'DZIN GYI BYA BA NI STON PA LA YOD PA MA YIN NO ZHES BSAMS PA 'PHAGS PA SH'A RI'I BU'I BSAM PA'O, ,THABS LA MKHAS PA BSAM GYIS MI KHYAB PA SRID PA YIN YANG, DBANG PO RTUL PO NYID KYIS NA SNGON MED PA'I YE SHES LA SOGS PA 'PHRAL DU SKYED PAR MI NUS TE, DES NA RNAM PAR RTOG PA PHYI MA NYID STON PAS, DE NAS ZHES BYA BA LA SOGS PA GSUNGS SO, ,NYAN THOS RNAMS KYI SEMS GTAD NA GZHAN GYI SEMS SHES KYI, GZHAN DU MA YIN PAS SANGS RGYAS KYI MTHUS ZHES BYA BA'I TSIG GIS SEMS MA GTANG BAR SHES PAR BRJOD PA YIN NO, ,DE LTA BU'I TSUL NI JI SKAD DU BSHAD PA'I RNAM PAR RTOG PA GSUM GYI RANG BZHIN TE, SEMS SAM YANG NA SHES RAB LA BRTEN NAS YONGS SU TSOL BA'I YID KYI BRJOD PA'O, ,DE YANG SEMS RTZING BA YIN PA'I PHYIR RTOG PA YIN NO, ,DE ZHES BYA BA NI BRJOD MA THAG PA'O, ,KUN RDZOB TU DE'I RJES SU BYED PA'I SEMS KYIS SHES NAS 'CHAD PAR 'GYUR PA 'DI SKAD CES SMRAS SO, ,SMRAS PA DE NYID NI TSE DANG LDAN PA SH'A RI'I BU ZHES @23A *, ,BYA BA LA SOGS PA'O, ,GANG CI ZHES BYA BA NI, MDO SDE DBYANGS BSNYAD LUNG BSTAN DANG, ,TSIGS BCAD CHED BRJOD RTOGS PA BRJOD, ,DE LTAR BYUNG DANG GLENG GZHI DANG, ,SHIN TU RGYAS PA SKYES RABS BCAS, ,GTAN PHAB RMAD DU BYUNG SMOS TE, ,DE LTAR YAN LAG BCU GNYIS GSUNG, ,ZHES BYA BA'O, ,DE LA SMRA PA ZHES BYA BA NI THOS PA'I RANG BZHIN GYI SHES PA SKYES PA LAS, YONGS SU GROL PAR BYA BA'I DON DU GANG GIS 'DON PAR BYED PA'O, ,STON PA NI BSAM PA'I RANG BZHIN GYI SHES PA SKYES PA LAS YONGS SU SMIN PAR BYA BA'I DON DU GANG GIS DON 'CHAD PAR BYED PA'O, ,NYE BAR STON PA NI SGOM PA'I RANG BZHIN GYI SHES BA SKYE LA, YONGS SU GROL PAR BYA BA'I DON DU GANG GIS GZHUNG DANG DON LA NGES PA SKYES PAS RAB TU STON PAR BYED PA'O, ,DES NA DE LTAR BRJOD PA DANG ZHES BYA BA LA SOGS PA TSIG GSUM NI GO RIMS BZHIN DU SMRA BA DANG ZHES BYA BA LA SOGS PA'I BSHAD PA YIN NO, ,SKYES BU'I MTHU NI BYIN GYIS BRLABS TE, DE'I RGYU CAN YIN PA'I PHYIR SMRA BA LA SOGS PA DE THAMS CAD LA NYE BAR BRTAGS NAS SKYES BU'I MTHU ZHES BYA BA'I SGRAS BSHAD DO, ,NYAN THOS RNAMS KYIS KYANG RANG GIS RTOGS PA'I CHOS NYID NI MNGON SUM DU BYAS BA MA YIN NAM, CI'I PHYIR DE RANG GI NUS PAS SMRA BA LA SOGS PA THAMS CAD BYED PA MA YIN ZHES DOGS PA BSU NAS, DE CI'I PHYIR ZHE NA ZHES RANG NYID KYIS DRI BA BYAS PA YIN NO, ,KHA CIG NI GZHAN GYIS BYAS BAR GYUR NA SNYING MI TSIM PA LA SOGS PA'I NYES PAR 'GYUR RO ZHES ZER RO, ,GZHAN DAG NI DE'I RJES THOGS SU RGYUN CHAD PA'I NYES PA SPANG BAR BYA BA'I PHYIR DANG, 'JIGS PAS 'DRI BAR MI NUS PA RNAMS LA PHAN GDAGS PA'I PHYIR DANG, SEMS RTZE GCIG PAR BYAS PA RNAMS TSIG GI SPYOD LAM LAS NYAMS PA'I PHYIR RNAM PAR G-YENGS PA'I NYES PAR 'GYUR BA SPANG BA'I PHYIR YIN NO ZHES ZER RO, ,DE BZHIN GSHEGS PAS CHOS GANG BSTAN PA ZHES BYA BA LA SOGS PA NI LAN YIN NO, ,NGES PAR 'BYED PA'I CHA DANG MTHUN PA RTOGS PA'I SGO NAS BSTAN PA'I CHOS BRJOD PAR BYA BA'I DON DE LA STE YOD PAR GYUR PA LA SLOB PA NA, MTHONG BA'I LAM THOB PAS RTOGS PA'I CHOS @23B NYID DE MNGON SUM DU BYED PA'O, ,BSGOM PA'I LAM RTOGS PAS 'DZIN PAR BYED PA'O, ,RTOGS PA'I DON GYI YUL CAN BSHAD PA'I CHOS MDO SDE LA SOGS PA DE THAMS CAD RTOGS PA'I CHOS NYID DANG MI 'GAL TE, DE DANG MI 'GAL BAR STON PA'I PHYIR RO, ,DE'I PHYIR NYAN THOS DE DAG LUNG 'BOGS PAR BYED PA'I MDO SDE LA SOGS BA LUNG GI CHOS GANG YIN PA DE DAG RTOGS PA'I CHOS NYID DANG MI 'GAL BA'O, ,LUNG 'BOGS PA NYE BAR STON PA NI NYE BAR MTSON PA STE, SMRA BA DANG STON PAR BYED PA YANG BZUNG STE, DE LTAR SKABS SU BAB PA'I PHYIR RO, ,'DI NI DE BZHIN GSHEGS PAS CHOS BSTAN PA'I RGYU MTHUN PA YIN TE, 'DI NI NYE BAR BRTAGS NAS SKYES BU'I BYED PAR BSTAN PA'I RANG BZHIN YIN NO, ,'DRA BAR 'BYUNG BA NI RGYU MTHUN PA STE, RJES SU MTHUN PA'I 'BRAS BU'O, ,'DIS NI 'DI SKAD DU STON TE, RTAG TU MNYAM PAR GZHAG PA'I THABS MKHAS PA DANG BRAL PAS RTOGS PA'I DON GYI YUL LA YANG; RANG GI RTOGS PA DANG MI 'GAL BAR STON PAR MI NUS NA, MA RTOGS PA'I DON GYI YUL LA LTA SMOS KYANG CI DOGS, DE BAS NA SANGS RGYAS KYI MTHU NYID YIN PAR BSTAN TO ZHES BLTA BAR BYA'O, ,DE LTAR YANG, RANG GI RTOGS PA'I RJES 'BRANG BAS, ,JI TZAM ZHIG NI DPAG PAR NUS, , THABS BYUNG DE RGYU LKOG GYUR BA, ,DE BSHAD PAR NI DKA' BA YIN, ,ZHES BYA BA'I TSUL GYIS DPAGS NAS BSTAN PAR NUS PA YANG MA YIN NO ZHES BYA BA'O, ,ZHAR LA 'ONGS PA RDZOGS NAS, DA NI DE LTAR BYANG CHUB KYI SEMS DANG PO LA SOGS PA BSKYED PA DUS JI LTA BA BZHIN DU DON DU GNYER BAR BYED PA'I BYANG CHUB SEMS DPA' SBYIN PA LA SOGS PA'I DGE BA'I CHOS LA SLOB PAS BSOD NAMS KYI TSOGS BSAGS PA NA, BSAM GTAN LA THOB MNGON PAR SHES, ,MNGON PAR SGRUB PA'I SGO NAS TE, ,SANGS RGYAS DPAG TU MED PA LA, ,MCHOD PA'I PHYIR DANG MNYAN PA'I PHYIR, ,'JIG RTEN KHAMS NI RNAMS SU 'GRO, ,'DIS NI SANGS RGYAS DPAG MED LA, ,BSKAL DPAG MED GYUR BSNYEN BKUR BYAS, ,DE LA BSNYEN BKUR BYAS PA'I PHYIR, ,SEMS NI LAS RUNG MCHOG TU GYUR, ,ZHES BYA BAS SEMS LAS SU RUNG BA NYID KYI STOBS KYIS GNAS PA NI TING NGE 'DZIN GYI SGO @24A *, ,NAS; DE TSE CHOS KYI RGYUN LA NI, ,SANGS RGYAS RNAMS LA ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN RNYED PAR 'GYUR, ,ZHES BYA BA'I TSUL GYIS SO, ,DE LTAR 'JUG PA'I BYANG CHUB SEMS DPA' DANG 'BREL PA'I DON GYI GDAMS NGAG NI, 'PHAGS PA RAB 'BYOR GYIS BCOM LDAN 'DAS KYI GSUNG SNGON DU 'GRO BAS, BYANG CHUB SEMS DPA' ZHES BYA BA LA SOGS PA GSOL PA YIN TE, BYANG CHUB SEMS DPA' BYANG CHUB SEMS DPA' ZHES BYA BA'I DON 'DI LA, SHES RAB KYI STOBS KYIS BYANG CHUB LA DMIGS PA'I PHYIR BYANG CHUB KYANG YIN LA, SNYING RJE CHEN PO'I BSAM PAS SEMS CAN LA DMIGS PA'I PHYIR SEMS DPA' YANG YIN PAS NA BYANG CHUB SEMS DPA' ZHES BSHAD DE, DPER NA MI GTZANG BA LA DMIGS PA'I TING NGE 'DZIN LA MI GTZAN BA ZHES ZER BA DANG 'DRA'O, ,GNAS GZHAN DAG TU BSHAD PA'I BYANG CHUB SEMS DPA' ZHES BYA BA RNAMS KYANG BSDU BAR BYA BA'I PHYIR BZLAS TE BRJOD PA YIN NO, ,CHOS GANG GI TSIG BLA DGAS ZHES BYA BA NI DON DAM PAR BRTAGS PA LA SOGS PA'I NGO BO NYID GANG GI TSIG BLA DGAS TE, MNGON DU BYAS NAS BSTAN PA LAGS, 'ON KYANG GANG GI YANG MA YIN NO ZHES BYA BA'I THA TSIG GO, ,DE NYID NI BCOM LDAN 'DAS 'DI LTA STE, BYANG CHUB SEMS DPA' ZHES BGYI BA'I CHOS DE BDAG GIS YANG DAG PAR RJES SU MA MTHONG NGO ZHES SMRAS PA YIN TE, DE KHO NA NYID DU BRTAGS PA LA SOGS PA'I NGO BO GDAMS PAR BYA BA MA DMIGS PA'I PHYIR RO, ,DE LTA NA YANG GDAMS NGAG GI YUL NI YOD DO ZHE NA, BCOM LDAN 'DAS 'DI LTA STE ZHES BYA BA LA SOGS PA SMOS TE, SHES RAB KYI PHA ROL TU PHYIN PA NI SGRUB PA LA SOGS PA CHOS RNAM PA BCU'I RANG BZHIN TE, 'DI LTAR GDAMS PA'I YUL GYI DBANG DU MDZAD NAS, STONG PHRAG NYI SHU LNGA PA LAS, BCOM LDAN 'DAS JI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA BSLAB PAR BGYI, BCOM LDAN 'DAS KYIS BKA' STZAL BA, SH'A RI'I BU 'DI LA BYANG CHUB SEMS DPA' SEMS DPA' CHEN POS MING DE YANG DAG PAR RJES SU MA MTHONG NGO ZHES BYA BA LA @24B SOGS PA GSUNGS PA YIN NO, ,BYANG CHUB SEMS DPA'I CHOS KYANG ZHES BYA BA NI, CHOS GANG LA BYANG CHUB SEMS DPA' ZHES BYA BA'I TSIG BLA DGAS SU BYAS PA'O, ,CHOS DE MA 'TSAL BA NI THOS PAS SO, ,MA DMIGS PA NI BSAM PAS SO, ,YANG DAG PAR RJES SU MA MTHONG BA NI BSGOM BAS SO, ,YANG NA SO SOR NGES PA'I DON DANG LHAN CIG NYE PA'I RGYU MED PAS, RNAM PA MED PA'I SHES PAS MA 'TSAL BA'O, ,DNGOS PO MED DU ZIN KYANG RMI LAM LA SOGS PAR 'BYUNG BA SRID PAS RNAM PA DANG BCAS PAS MA DMIGS PA'O, ,DE NYID KYIS NA GNYIG YANG DAG PAR RJES SUM MTHONG NA SHES RAB KYI PHA ROL TU PHYIN PA SGRUB PA LA SOGS PA RNAM PA BCU PO GANG LA DANG PO THOB PA'I YON TAN YONGS SU BSRUNG PA'I DON GYIS YONGS SU MI NYAMS PAR BYA BA'I PHYIR BSLAB PAS GDAMS PAR BGYI ZHING, DE NAS PHYIS MA THOB PA'I YON TAN THOB PAR BYA BA'I PHYIR RJES SU BSTAN PAR BGYI STE, DE KHO NA NYID DU NA RNAM PA THAMS CAD MA YIN GYI, 'ON KYANG GDAMS NGAG NI BRJOD PA'I KUN RDZOB TU YIN NO ZHES DON GYIS 'PHANGS PA YIN NO, ,DE LTAR YANG 'DI SKAD DU 'DI NYID GDAMS PA DANG RJES SU BSTAN PA LAGS SO ZHES BYA BA LA SOGS PA DE MA THAG TU 'CHAD PAR 'GYUR RO, ,DE YANG YUL GYI DBYE BAS RNAM PA BCUR SHES PAR BYA'O, ,DE LA BYANG CHUB KYI SEMS KYI RAB TU DBYE BA JI SKAD BSHAD PA SGRUB PA LA MI DMIGS PA'I TSUL GYIS NYAN THOS LA SOGS PA DANG, THUN MONG MA YIN PA KUN RDZOB DANG DON DAM PA'I BDEN PA LAS MI 'DA' BA MI DMIGS PA'I TSUL GYIS 'JUG PAR BYA'O ZHES SLOB PA NI SGRUB PA LA GDAMS PA'O, ,SDUG BSNGAL LA GZUGS LA SOGS PA 'BRAS BUR GYUR PA'I STONG BA NYID DANG, SHES RAB KYI PHA ROL TU PHYIN PA DAG DE BZHIN NYID KYI NGO BO YIN PA'I PHYIR RANG BZHIN GCIG GO ZHES BYA BA DANG, KUN 'BYUNG BA LA STONG BA NYID DANG RGYUR GYUR BA'I GZUGS LA SOGS PA DAG THA MI DAD PA NYID KYIS, GZUGS LA SOGS PA NI KUN 'BYUNG PA DANG 'GOG PA DANG, KUN NAS NYON MONGS PA DANG RNAM PAR BYANG BA'I CHOS CAN MA YIN NO ZHES BYA BA DANG, 'GOG PA LA STONG BA NYID SKYE BA DANG 'GAG PA DANG, KUN NAS NYON MONGS PA DANG RNAM PAR BYANG BA DANG @25A *, ,NYAMS PA DANG 'PHEL PA LA SOGS PA DANG BRAL BA LA NI GZUGS MED PA NAS MA RIG PA SKYE BA YANG MED, MA RIG PA 'GAG PA YANG MED, SANGS RGYAS KYANG MED, BYANG CHUB KYI BAR DU YANG MED DO ZHES BYA BA DANG, LAM LA SBYIN PA LA SOGS PA PHA ROL TU PHYIN PA RNAMS DANG; BDAG NYID DAM NANG STONG BA LA SOGS PA NI PHYI STONG BA NYID LA SOGS PA DANG LHAN CIG DANG SNGON GYI MTHA' DANG PHYI MA'I MTHA' DAG PHAN TSUN DU LDAN PA DANG MI LDAN PA MA YIN PA NYID DU BSGRUB PO ZHES STON PA BDEN PA LA GDAMS PA DANG, SANGS RGYAS LA SANGS RGYAS DANG BYANG CHUB DAG MTSAN NYID GCIG LA NYID KYIS SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID MI DMIGS PA LA GZUGS LA SOGS PA MI SBYOR BAS, DMIGS PAR BYA BA DANG DMIGS PAR BYED PA MNYAM PA NYID DU SHES BA ZHES BYA BA DANG, CHOS LA THAMS CAD MKHYEN PA NYID GSUM GYIS BSDUS BA BZHI DANG GNYEN PO DANG RNAM PA MTHA' DAG BSDUS PAS BSDUS PA'I CHOS THAMS CAD NGO BO NYID DO ZHES BYA BA DANG, DGE 'DUN LA SANGS RGYAS DKON MCHOG GI KHONGS SU GTOGS PA NYID KYIS DGRA BCOM PA MA GTOGS PA 'BRAS BU LA GNAS PA DANG ZHUGS PA'I BYE BRAG GIS, SKYES BU CHEN PO BDUN PO RANG SANGS RGYAS DANG LHAN CIG BRGYAD PO DBANG PO RTUL PO LA SOGS PA'I BYE BRAG GIS GRANGS NYI SHUR CHAD PA BYANG CHUB SEMS DPA' 'PHAGS PA SLOB PA PHYIR MI LDOG PA RNAMS LA SKYE BA MED PAR 'JUG PAR BYA'O, ,ZHES LUNG 'BOGS PA DKON MCHOG GSUM LA GDAMS PA DANG; BRTZON 'GRUS BRTZAMS PA NYID KYIS JI SKAD BSHAD PA'I DON LA NAN TAN DU BYED PA LA LUS LA SOGS PA'I BSOD NAMS NYID LA MNGON PAR ZHEN PAR 'GYUR PAS, MA ZHEN PA LA LUS LA SOGS PA NGO BO NYID MED PAR STON PA'I GDAMS PA DANG, DUS YUN RING MO ZHIG TU GOMS PAR BYAS KYANG 'DOD PA'I DON MA GRUB NA DNGANG BA'I RANG BZHIN CAN YONGS SU SKYO BAR 'GYUR BAS, YONGS SU NGAL BA MED PA LA SOGS PA NAS YANG DAG PAR RDZOGS PA'I BYANG CHUB KYI BAR LA RLOM PA MED PA NYID DU BSTAN PA'I GDAMS PA DANG, PHYOGS BCU NA BZHUGS PA'I SANGS RGYAS LA SOGS @25B PA LA DON RE RE'I PHYIR LAM GYI LUNG MNOS PAR BYA NA SEMS ZHUM PAR 'GYUR PAS, LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU SLOB PA'I GDAMS PA DANG, SHA'I SPYAN DANG RNAM PAR SMIN PA LAS BYUNG PA LHA'I DANG, SHES RAB DANG CHOS DANG SANGS RGYAS KYI SBYAN GRANGS JI LTA BA BZHIN DU, DNGOS PO SO SOR NGES PA THAMS CAD DANG, SEMS CAN THAMS CAD KYI 'CHI 'PHO DANG SKYE BA DANG, CHOS THAMS CAD LA RNAM PAR MI RTOG PA DANG, 'PHAGS PA'I GANG ZAG THAMS CAD RTOGS PA DANG, CHOS THAMS CAD RNAM PA THAMS CAD DU MNGON PAR BYANG CHUB PA'I YUL CAN RNAMS DE BZHIN NYID DU GCIG PA NYID DU BSGRUB PO, ,ZHES SLOB PA SPYAN LNGA LA GDAMS PA DANG, RDZU 'PHRUL DANG LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, MNGON PAR 'DU BYED PA LAS BYUNG BA LHA'I MIG DANG ZAG PA ZAD PA'I MNGON PAR SHES PA, RNAMS GRANGS BZHIN DU SA G-YO BA LA SOGS PA DANG, 'JIG RTEN GYI KHAMS THAMS CAD NA GNAS PA'I SGRA CHUNG DU DANG CIG SHOS THOS PA DANG, GZHAN GYIS SEMS 'DOD CHAGS DANG BCAS PA LA SOGS PA YONGS SU SHES PA DANG, RANG DANG GZHAN GYI TSE RABS SNGA MA RJES SU DRAN PA DANG; GZUGS THAMS CAD MTHONG BA DANG, NYON MONGS PA DANG, SHES BYA'I SGRIB PA SPONG BAR BYED PA RNAMS GZOD MA NAS ZHI BA NYID DU RTOGS PAR BYA'O ZHES STON PA MNGON PAR SHES PA DRUG LA GDAMS PA DANG, MTHONG BA'I LAM LA BDEN PA BZHIS BSDUS PA SKAD CIG MA BCU DRUG GI NGO BO NYID; CHOS DANG RJES SU SHES PA'I BZOD PA DANG, SHES PA'I BDAG NYID CAN LA CHOS THAMS CAD NGO BO NYID MED PAR RTOGS PAS SGYU MA MKHAN BZHIN DU THAMS CAD LA MNGON PAR ZHEN PA MED PA'I LUS CAN GYI RNAL 'BYOR PA DES SPANG BAR BYA BA'I DNGOS PO'I GNYEN PO NYID DU RNAM PAR SGOM PAR BYED DO; ;ZHES STON PA MTHONG BA'I LAM LA GDAMS PA DANG, 'DUS BYAS DANG 'DUS MA BYAS DAG NGO BO NYID GCIG BA NYID KYIS PHAN TSUN THA DAD PAR GDAGS PAR MI NUS PA BZHIN DU, JI SKAD DU BSHAD PA'I MTHONG BA'I LAM GYIS MNGON SUM DU BYAS PA'I DNGOS PO DANG THA MI DAD PA LA DMIGS @26A *, ,PA'I PHYIR, MTHONG BA DANG BSGOM PA'I LAM DAG THA DAD DU GYUR PA MED PAS BSGOM PA'I LAM MTSAN NYID PA RNAM PAR GZHAG PA NI MED KYI, 'ON KYANG DE NI DES SPANG BAR BYA BA'I DNGOS PO'I GNYEN PO NYID DU RTEN CING 'BREL PAR 'BYUNG BA'I CHOS NYID DU RNAM PAR BSGOM PA'I LAM LA GDAMS PA STE, DE LTAR NA GDAMS NGAG BCU PO 'DI NI 'DIR GZHUNG NYUNG BA NYID DU 'DOD PA NYID YIN PA'I PHYIR SHES RAB KYI PHA ROL TU PHYIN PA'I SGRAS GSUNGS PA YIN NO, ,'DI LTAR SHES RAB KYI PHA ROL TU PHYIN PA STONG PHRAG NYI SHU LNGA PA LAS, GDAMS NGAG RE RE'I GZHUNG GSAL PO KHO NAR BSTAN TE, GZHUNG MANGS KYIS 'JIGS PAS SHES PAR BYED PA NYID DU NI MA BRIS SO, ,DE LTA BU'I GDAMS NGAG DES JI LTA BU'I BYANG CHUB SEMS DPA' LA GDAMS PAR BYA ZHE NA, BCOM LDAN 'DAS 'ON KYANG ZHES BYA BA LA SOGS PA SMOS SO, ,GAL TE ZHES BYA BA'I TSIG PHRAD NI DE STE ZHES BYA BA'I THA TSIG GO, , 'DI LTAR ZHES BYA BA NI BYANG CHUB SEMS DPA' DANG SHES RAB KYI PHA ROL TU PHYIN PA MI DMIGS PA'O, ,GDAMS PA'I YUL RNAM BCUR SMRAS PA LA SEMS MI 'GONG ZHING SPA MI 'GONG STE, GANG GI PHYIR BAG MI TSA BA STE MI RMONGS PAS SO, ,DE NYID KYIS NA DAD PA NYID KYIS CHOS LA BSTEN PA YIN PA'I PHYIR DE DANG POR GNAS MED PA'I 'JIGS PAS MI DNGANG NGO, ,BSTAN PA LA KUN TU ZHUM ZHING SNYOM LAS MI BYED DE, GANG GI PHYIR BAG 'KHUMS PAR MI 'GYUR PA STE, SNGAR MA'I NGO BOR MI 'GYUR BAS SO, ,DE NYID KYIS NA SHES RAB DANG LDAN PA NYID YIN PA'I PHYIR, DE KHO NA NYID SHES PA RNAMS KYI NANG DU KUN TU 'JIGS PAS KUN TU MI SKRAG GO, ,NYE BAR BSTAN PA LA DE'I YID PHYIR PHYOGS PAR MI BYED CING 'GYOD PAR MI 'GYUR TE, GANG GI PHYIR SEMS NYID NI YID DE BCOM ZHING PHYIR PHYOGS PAR MI 'GYUR PA STE, PHYIS SEMS BCOM PAR MI 'GYUR BAS SO, ,DE NYID KYIS NA DAD PA DANG SHES RAB DAG DANG LDAN PAS THA MAR KUN TU SKRAG PA DANG LDAN PAR MI 'GYUR BA STE, THAMS CAD DU MA NGES PA'I SKRAG PAS SKRAG PAR MI 'GYUR RO, ,YANG NA SMRAS PA LA SOGS PA'I DUS SU GO RIMS BZHIN DU GZHUNG DANG DON GNYIS KA NGES PAR 'DZIN PAS, MI 'GONG KUN TU MI ZHUM BAG MI TSA'O, ,DE CI'I @26B PHYIR ZHE NA, GANG GIS MNGON SUM DANG RJES SU DPAG PA DANG LUNG GI TSAD MA DANG MI 'GAL BAR RANG GI YUL GYI DON YONGS SU BCAD PA LAS, BAG 'KHUMS BAR MI 'GYUR 'DI'I YID PHYIR PHYOGS PAR MI BGYID, BCOM ZHING PHYIR PHYOGS PAR MI 'GYUR BAS SO, ,DE NYID KYIS NA THOG MA DANG BAR DANG THA MAR, MI DNGANG, MI SKRAG, KUN TU SKRAG PA DANG LDAN PAR MI 'GYUR RO ZHES SBYAR RO, ,'DI NYID CES BYA BA NI BYANG CHUB SEMS DPA' GANG KUN RDZOB DANG DON DAM PA'I DBYE BA LA MKHAS PAS JI SKAD DU BSHAD PA'I GDAMS NGAG LA SEMS ZHUM PA LA SOGS PA DANG BRAL BA DE'I DE KHO NA ZHES BYA BA'I DON TO, ,'DI NYID CES BYA BAS MTSAN NYID MA SMRAS PAR SHES RAB KYI PHA ROL TU PHYIN PA JI LTAR 'DZIN ZHE NA, BRJOD PA DON GANG SMRAS PA LA SOGS PA NA SEMS ZHUM PA LA SOGS PAR MI BYED PA'I DON DE NI SHES RAB KYI PHA ROL TU PHYIN PA BSGRUB PA LA SOGS PA RNAM PA BCU YIN PAR BRJOD ZIN TE, DES NA DON GYIS 'PHANGS PA BZUNG BA YIN PAS NYES PA MED DO, ,NYE BAR BSDU BA NI GAL TE ZHES BYA BA LA SOGS PA SMOS PA YIN TE, GAL TE BYANG CHUB SEMS DPA' DE BSHAD MA THAG PA'I GDAMS PAS JI SKAD DU BSHAD PA'I YUL LA GNAS PA DANG LDAN PAR GYUR NA DE'I TSE 'DI NYID BYANG CHUB SEMS DPA' DE'I DON DU GNYER BA'I DON THOB PAR BYED PA'I NYE BAR BSTAN PA GDAMS PA DANG RJES SU BSTAN PA LAGS SO ZHES RIG PAR BYA'O, ,DE LTAR BYAS NA BYANG CHUB KYI SEMS DANG DES 'PHANGS PA'I CHOS KYI NGO BO NYID KYI SHES RAB KYI PHA ROL TU PHYIN PA LA SGRUB PA GANG YIN PA YONGS SU MI NGAL BA DANG, THEG PA GZHAN GYIS MI 'GRO BA'I RGYU GANG YIN PA LAM YONGS SU 'DZIN PA DANG, GZHAN GYI DRING MI 'JOG PAR 'GRO BA NYID KYI RGYU GANG YIN PA SPYAN LNGA DANG, RNAM PA THAMS CAD MKHYEN PA NYID KYI TSOGS YONGS SU RDZOGS PA'I RGYU GANG YIN PA MNGON PAR SHES PA DRUG DANG MTHAR THUG PAR 'GRO BA'I RGYU GANG YIN PA MTHONG BA DANG BSGOM PA'I LAM DAG STE, DE DAG THAMS CAD GDAMS NGAG GI SKABS SU BSTAN TE, 'DI TZAM KHO NAS DON THAMS CAD PHUN SUM TSOGS PAR 'GYUR BAS JI SKAD DU BSHAD PA'I GDAMS NGAG RNAM PA BCU GO RIMS BZHIN DU BSTAN PA YIN NO,, @27A *, ,DE SKAD DU YANG, SGRUB DANG BDEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA BA GDAMS NGAG NI, ,BCU YI BDAG NYID SHES PAR BYA, ,ZHES GSUNGS PA YIN NO, ,DE LTA MOD KYI DGE 'DUN DKON MCHOG GI SKABS SU BYANG CHUB SEMS DPA' DBANG PO RTUL PO LA SOGS PA'I RAB TU DBYE BA 'DI LTAR GZUNG BAR BYA STE, 'OG NAS BSHAD PA'I LAM SHES PA NYID KYIS BSDUS PA MTHONG BA'I LAM GYI SKAD CIG MA BCU DRUG LA BRTEN NAS MTHONG BA'I LAM GYI SEMS GYI SKAD CIG MA BCO LNGA LA DAD PA DANG CHOS KYI RJES SU 'BRANG BA'I BYE BRAG GI 'BRAS BU DANG PO LA ZHUGS PA RNAM PA GNYIS SO, ,DE'I 'OG TU 'DOD PA'I KHAMS KYI 'DOD CHAGS DANG MA BRAL BA GANG YIN PA DE MTHONG BA'I LAM GYI SEMS KYI SKAD CIG MA BCU DRUG PA LA RGYUN DU ZHUGS PA'O, ,DE'I 'OG TU BSGOM PA'I LAM LA NYON MONGS PA RNAM PA BZHI'I BAR DU SPANGS PA LAS DE NYID LHA DANG MI'I RIGS SU SKYE BA NYID KYIS GZHAN RNAM PA GNYIS YIN NO, ,DE'I 'OG TU 'DOD PA'I KHAMS NA SPYOD PA'I NYON MONGS PA RNAM PA LNGA SPANGS PAS 'BRAS BU GNYIS PA LA ZHUGS PA NA, DBANG PO RTUL PO DANG RNON PO DAD PA DANG MTHONG BAS THOB PA DAG NI GCIG KHO NA YIN NO, ,DE'I 'OG TU 'DOD PA NA SPYOD PA'I NYON MONGS PA RNAM PA DRUG SPANGS PAS LAN CIG PHYIR 'ONG BA YIN NO, ,DE'I 'OG TU DE NYID LHA RNAMS SU SKYE BA CIG LHAG MA LUS PA'I PHYIR GZHAN BAR CHAD GCIG PA YIN NO, ,DE'I 'OG TU 'DOD PA NA SPYOD PA'I NYON MONGS PA BDUN PA BRGYAD PA SPANGS PAS SNGA MA BZHIN DU DAD PA DANG MTHONG BAS THOB PA 'BRAS BU GSUM PA LA ZHUGS PA GCIG YIN NO, ,DE'I 'OG TU 'DOD PA NA SPYOD PA'I NYON MONGS PA DGU PA SPANGS PAS PHYIR MI 'ONG BA ZHES BYA BA STE, DE YANG RNAM PA LNGAR SHES PAR BYA'O, ,DE LA SKYE BA'I KUN TU SBYOR BA NI SPANGS, MNGON PAR 'GRUB PA'I KUN TU SBYOR BA NI MA SPANGS PA'I PHYIR SRID PA BAR MA DOR MNGON PAR SGRUB PA BYED PA NA'AM MNGON PAR GRUB PA YANG RUNG STE, SRID PA BAR @27B MAR LAM MNGON DU BYAS PAS SDUG BSNGAL GYI MTHAR BYED PA THOB PA NI BAR MA DOR YONGS SU MYA NGAN LAS 'DA' BA'O, ,KUN TU SBYOR BA GNYIG MA SPANGS PA'I PHYIR GZUGS KYI KHAMS SU SKYES NAS SDUG BSNGAL GYI MTHAR BYED PA THOB PA NI SKYES NAS YONGS SU MYA NGAN LAS 'DA' BA'O, ,DE BZHIN DU SKYES NAS MNGON PAR 'DU BYED PA DANG BCAS PAS LAM MNGON DU BYED PA THOB PAS SDUG BSNGAL GYI MTHAR BYED PA THOB PA NI MNGON PAR 'DU BYED PA DANG BCAS PAS YONGS SU MYA NGAN LAS 'DA' BA'O, ,DE LAS GO BZLOG PAS NI MNGON PAR 'DU BYED PA MED PAR YONGS SU MYA NGAN LAS 'DA' BA'O, ,LNGA PA NI GONG DU 'PHO BA'O, ,DE YANG 'OG MIN GYI MTHAR THUG PAR 'GRO BA DANG, SRID PA'I RTZE MO'I MTHAR THUG PAR 'GRO BA'O, ,DE LA 'OG MIN GYI MTHAR THUG PAR 'GRO BA NI 'PHAR BA DANG PHYED DU 'PHAR BA DANG, GNAS THAMS CAD DU 'CHI 'PHO BA NYID KYIS 'OG MIN DU 'JUG PA RNAM PA GSUM MO, ,SRID PA'I RTZE MO'I MTHAR THUG PAR 'GRO BA NI GZUGS KYI 'DOD CHAGS DANG BRAL BA STE, MTHONG BA'I CHOS LA ZHI BA DANG LUS KYI MNGON SUM DU BYED PA GZHAN RNAM PA GNYIS SO, ,DE'I 'OG TU SRID PA'I RTZE MO'I NYON MONGS PA RNAM PA BRGYAD PA SPANGS PAS NI DGRA BCOM PA'I 'BRAS BU LA ZHUGS PA YIN NO, ,DE'I 'OG TU NYAN THOS KYI SDE SNOD NYID LA DMIGS NAS RANG GI LAM MNGON DU BYED PA YIN PA'I PHYIR SANGS RGYAS MI 'BYUNG BA NA RANG SANGS RGYAS SU 'GYUR BA STE NYI SHU'O, ,DE LTAR YANG STONG PHRAG NYI SHU LNGA PA LAS DON 'DI NYID RGYA CHER GSUNGS PA DANG, PHYIR MI LDOG PA'I 'KHOR LO'I MDO LAS, BYANG CHUB SEMS DPA' DAD PAS RJES SU 'BRANG BA NAS BRTZAMS TE, BYANG CHUB SEMS DPA' RANG SANGS RGYAS KYI BAR DU GANG ZAG GI RNAM PAR GZHAG PA BCOM LDAN 'DAS KYIS SHIN TU GSAL BAR GSUNGS PA YIN PA'I PHYIR DE DAG LAS KYANG BLTA BAR BYA'O, ,'DIR NI GZHUNG MNGAS KYIS DOGS TE KHO BO CAG GIS MA BKOD DE BTAGS ZIN PA LA 'THAG PAS CI ZHIG BYA, DE YANG 'BRAS BU DANG PO DANG GNYIS PA LA GNAS PA DANG, 'BRAS BU BZHI PA LA ZHUGS PA'I GANG ZAG NI GO SLAB NYID KYIS NA BSDUS PAR MA BSHAD DO, ,DE SKAD DU YANG, DBANG PO RTUL DANG RNON PO DAG ,DAD DANG MTHONG THOB @28A *, ,RIGS NAS RIGS, ,BAR CHAD GCIG PAR SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI 'DOD CHAGS BCOM MTHONG BA'O, ,CHOS LA ZHI LUS MNGON SUM BYED, ,BSE RU DANG NI NYI SHU'O, , ZHES BYA BA'O, ,LAS DANG PO PA DE LTAR GDAMS NGAG THOB PA LA, BSOD NAMS TSOGS NI YANG DAG RDZOGS, ,DE NAS BLO LDAN BSAM PA BRTAN, ,DAD SOGS DGE BA'I CHOS RNAMS KYIS, ,RGYUD NI YONGS SU BSGOS GYUR PA, ,BSKAL PA GRANGS MED NGES 'BYUNG BAS, ,YE SHES TSOGS NI GRUB BYA'I PHYIR; ;MNGON SHES GDAMS NGAG BSTAN PA YIS, ,SPYOD PA'I SA LA RAB TU 'JUG ,CES BSHAD PA DE LTAR BYAS NA MOS PAS SPYOD PA'I SA YONGS SU SBYONG BA'I PHYIR, THOS PA LA SOGS PA'I RAB KYI MTHAR PHYIN PA THOB PA THAR PA'I CHA DANG MTHUN PA DANG BA LA SOGS PA'I MTSAN NYID KYI DGE BA'I RTZA BA'I 'OG TU BDEN PA BZHI RTOGS PA DANG RJES SU MTHUN PA NGES PAR 'BYED PA'I CHA DANG MTHUN BZHI PO 'JIG RTEN PA'I BSGOM PA LAS BYUNG BA DRO BAR GYUR PA ZHES BYA BA LA SOGS PA BRJOD PAR BYA BA YIN PA LAS, 'DI NI NYAN THOS LA SOGS PA'I DRO BA LA SOGS PA LAS, MI RTAG PA NYID LA SOGS PA'I MTSAN NYID KYI DNGOS PO LA DMIGS PAS KHYAD PAR DU 'PHAGS PA'I PHYIR DANG CHOS SU BLTA BA'I GNYEN PO'I PHYOGS SU GYUR PA NYID KYIS MNGON PAR ZHEN PA MED PA LA SOGS PA'I RNAM PAS KHYAD PAR DU 'PHAGS PA'I PHYIR DANG, THEG PA GSUM RTOGS PA'I RGYU NYID KYIS KHYAD PAR DU 'PHAGS PA'I PHYIR DANG, DGE BA'I BSHES GNYEN THABS LA MKHAS PA'I MTSAN NYID YONGS SU 'DZIN PA'I KHYAD PAR DU 'PHAGS PA'I PHYIR KHYAD ZHUGS PA YIN PAR BRJOD PAR BYA'O, ,DE BZHIN DU KUN NAS NYON MONGS PA'I DNGOS PO LA BRTEN PA DANG, GNYEN PO'I DNGOS PO LA BRTEN PA'I GZUNG BA'I RNAM PAR RTOG PA GNYIS DANG, SKYES BU RDZAS SU YOD PA LA BRTEN PA DANG, SKYES BU BTAGS PAR YOD PA LA BRTEN PA 'DZIN PA'I RNAM PAR RTOG PA GNYIS TE, DE LTAR 'OG NAS 'CHAD PA'I RTZE MO'I MNGON PAR RTOGS PAS BSDUS PA MTHONG BA DANG BSGOM PA'I LAM GYIS SPANG BAR BYA BA'I RNAM PAR RTOG PA BZHI PO @28B RNAMS KYIS GRANGS JI LTA BA BZHIN DU NGES PAR 'BYED PA'I CHA DANG MTHUN PA 'DI DAG KUN NAS NYON MONGS PA LA BRTEN PAR BRJOD PAR BYA'O, ,DE BZHIN DU JI SKAD DU BSHAD PA'I RNAM PAR RTOG PA DANG LDAN PA LA BRTEN PA 'DI DAG RE RE ZHING CHUNG DU DANG 'BRING DANG CHEN POS DBYE BAS KHYAD PAR DU 'PHAGS PAR YANG BRJOD PAR BYA BA YIN PAS KHYAD PAR RNAM PA LNGA'O, ,NYAN THOS LA SOGS PA'I DRO BA LA SOGS PA'I DGE BA'I RTZA BA BZHI PO NI GZUGS SU RUNG BA LA SOGS PA'I MTSAN NYID KYI DNGOS PO BDAG NYID CAN GYI BDEN PA BZHI DMIGS PA BDAG TU LTA BA'I GNYEN PO NYID KYIS MI RTAG PA LA SOGS PA'I RNAM PAR ZHUGS PA DANG RANG GI THEG PA KHO NA RTOGS PA'I RGYUR GYUR PA DANG, YONGS SU 'DZIN PA DANG BRAL BA DANG, RNAM PAR RTOG PA BZHI PO NA RING GI BYANG CHUB KYI BGEGS SU GYUR PA MA YIN PAS NA GANG GI PHYIR DE DANG 'DRES PAR GYUR KYANG MA 'DRES PAR SKYE BA YIN NO ZHES RNAM PAR GZHAG GO, ,DE SKAD DU YANG, DMIGS PA DANG NI RNAM PA DANG, ,RGYU DANG YONGS SU 'DZIN PA YIS, ,BYANG CHUB SEMS DPA' SKYOB PA YI, ,DROD SOGS BDAG NYID JI BZHIN DU, ,RNAM RTOG BZHI PO LDAN BSTEN PA, ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BYA BA GSUNGS PA YIN NO, ,DE LA DRO BAR GYUR PA LA SOGS PA CHUNG NGUR GTOGS PA'I DGE BA'I RTZA BA'I DMIGS PA'I DON GSUNGS PA NI, BCOM LDAN 'DAS GZHAN YANG ZHES BYA BA LA SOGS PA STE, GZHAN YANG ZHES BYA BA NI RNAM PA GZHAN GYIS SHES RAB KYI PHA ROL TU PHYIN PA'I MAN NGAG STON PA'O, ,SHES RAB KYI PHA ROL TU PHYIN PA LA ZHES BYA BA SPYIR SMOS PA YIN NA YANG MI RTAG PA LA SOGS PA'I DNGOS PO LA DMIGS PA'I MTSAN NYID LA ZHES BYA BA'I THA TSIG GO, ,'DI LTAR SKABS GZHAN DAG TU BCOM LDAN 'DAS KYIS DGE SLONG DAG MDO SDE NI MDO SDE GZHAN GYI RJES SU 'BRANGS NAS BSHAD PAR BYA'O ZHES GSUNGS PA DANG, STONG PHRAG NYI SHU LNGA PA LAS, DRO BAR GTOGS PA CHUNG DU'I DBANG DU MDZAD NAS, TSE DANG LDAN PA SH'A RI'I BU 'DI LA BYANG CHUB SEMS DPAS GZUGS MI RTAG CES BYA BA DANG, GZUGS SDUG BSNGAL ZHES BYA BA DANG, GZUGS STONG ZHES @29A *, ,BYA BA DANG, GZUGS BDAG MED CES BYA BA LA SOGS PA GSUNGS PA YIN NO, ,'DIR NI KHYAD PAR 'DI TZAM YOD DE, 'DI LTA STE MDOR BSDUS TE BSTAN PA'O, ,DER NI BDEN PA RE RE'I DBANG DU BYAS TE RGYAS PAR BSTAN PA YIN PA DES NA THE TSOM MI BYA'O, ,SPYOD CING ZHES BYA BA NI MNYAM PAR MA BZHAG PA'I SHES PAS SO SGOM PAS ZHES BYA BA NI MNYAM PAR GZHAG PA'I SHES PAS SO, ,'DI SKAD DU, MI RTAG PA LA SOGS PA'I RNAM PA BCU DRUG SDUG BSNGAL LA SOGS PA'I BDEN PA BZHI LA BRTEN PA'I DNGOS PO LA DMIGS PA ZHES BRJOD PA YIN NO, ,DE RNAM PA GANG GIS DMIGS PAR BYA ZHE NA, JI LTAR ZHES BYA BA LA SOGS PA GSOL TO, ,DES KYANG ZHES BYA BA LA SOGS PA NI SHIN TU LKOG TU GYUR PA'I PHYIR SHES BYA DMIGS PAR BYA BAR MI RLOM PA 'BA' ZHIG TU NI MA ZAD KYI, MNGON PAR ZHEN PA BKAG PA LA SOGS PA'I BDAG NYID KYI RNAM PA GANG ZHIG BYANG CHUB THOB PAR BYED PA'I YE SHES KYIS DMIGS PAR BYA BA'I RANG BZHIN GANG YIN PA DES KYANG RLOM SEMS SU MI BYA STE, MNGON PAR ZHEN PAR MI BYA'O ZHES BYA BA'I DON TE, CHOS NYID KYI SGO NAS MNGON PAR ZHEN PA MED PA LA SOGS PA'I RNAM PAS KYANG ZHES BYA BA'I THA TSIG GO, ,DE LTAR ZHES BYA BA LA SOGS PA NI SNGAR BSHAD PA'I TSUL GYIS SO, ,'DI SKAD DU NYAN THOS NI GZUGS SU RUNG BA LA SOGS PA'I MSTAN NYID CAN GYI DNGOS PO LA DMIGS PAR BYED PA NA BDAG TU LTA BA'I GNYEN PO YIN PA'I PHYIR, DE'I RNAM PA LA SOGS PA YIN NO, ,BYANG CHUB SEMS DPA' NI MI RTAG PA LA SOGS PA'I MTSAN NYID CAN GYI DNGOS PO LA DMIGS PA NA CHOS SU LTA BA'I GNYEN PO YIN PA'I PHYIR, DE'I RNAM PA MNGON PAR ZHEN PA MED PA LA SOGS PA YIN NO ZHES BRJOD PA YIN NO, ,GAL TE MNGON PAR ZHEN PA'I DNGOS PO MED PA YIN NA, DE LTA NA NI MED PA YIN PA'I PHYIR GNYEN PO YIN PAR MI RIGS SO,, 'ON TE GANG MNGON PAR ZHEN PA MA YIN PA YIN NI DE'I TSE MIG LA SOGS PA YANG YIN PAR THAL BAR 'GYUR RO ZHEN BRJOD PAR BYA STE, JI LTAR MI MTHUN PA'I PHYOGS YIN PA DE LTAR MNGON PAR ZHEN PA YIN LA, JI LTAR GNYEN PO'I PHYOGS YIN PA DE LTAR NI MNGON PAR ZHEN PA MED PA YIN NO, ,YANG @29B JI LTAR NA MI MTHUN PA'I PHYOGS YIN ZHE NA, JI LTAR MI BDEN PA'I RTOG PAS KUN NAS BSLANG BA'I YOD PA DANG MED PAR 'DZIN PA DAG GO, ,JI LTAR NA GNYEN PO'I PHYOGS YIN ZHE NA, CI NAS KYANG DE DAG MED PA'O, ,YANG JI LTAR NA DE DAG MED CE NA, GAL TE DE GNYIS DE KHO NA NYID DU NA MED PA YIN NO ZHES SHES PAR GYUR BA'O, ,DE LTAR YANG TSE DANG LDAN PA SH'A RI'I BU GAL TE SEMS MED PA DE LA ZHES BYA BA LA SOGS PA DE MA THAG TU 'CHAD BAR 'GYUR RO, ,MNGON PAR ZHEN PA MED PA LA SOGS PA'I RNAM PA TSANG MAS 'THAD PA MA YIN NAM RTOGS PA DANG LDAN PA DAG JI LTAR MNGON PAR ZHEN PA MED PA YIN SNYAM NAS; DE CI'I SLAD DU ZHEN ZHES BYA BA SMOS TE, GTAN TSIGS GANG LAS ZHES BYA BA'O, ,YANG NA GANG MNGON PAR ZHEN PA GANG YIN PA 'DI DON GANG GI RGYU YIN TE DGOS PA GANG YIN ZHES BYA BA'I THA TSIG GO, ,LAN BSTAN PA'I PHYIR 'DI LTAR ZHES BYA BA LA SOGS PA SMOS TE, GANG GI PHYIR GCIG DANG DU MA'I RANG BZHIN DANG BRAL BAS SEMS KYI RANG BZHIN NI NGO BO NYID KYIS MA SKYES PA NYID NI 'OD GSAL BA YIN TE, MED PAR KUN TU RTOG PA'I MUN PA THAMS CAD RNAM PAR BSAL BA YIN NO, ,DE BAS NA MNGON PAR ZHEN PA MED PA LA SOGS PA'I RNAM PA DANG THA MI DAD PA'I SEMS NI YANG DAG PA NYID DU NA SEMS MA YIN NO, ,'DI SNYAM DU SEMS RANG BZHIN MED PA YIN PA'I PHYIR DE DANG THA MI DAD PA MNGON PAR ZHEN PA MED PA LA SOGS PA'I RNAM PA RNAMS JI LTAR NA DE KHO NA NYID DU MNGON PAR ZHEN PA MED PA'I GNAS SU GYUR PA YIN ZHES BSAMS PA'O, ,SEMS MA YIN PA ZHES BYA BA'I DGAG PA 'DI NI MA YIN PA'AM, MED PA LA SBYAR YANG RUNG STE, YOD PA DANG MED PA TZAM DU RLOM PA DANG RJES SU 'BREL BAS NA PHYIN CI LOG MI LDOG PAR MTHONG NAS, CI SEMS GANG SEMS MED PA'I SEMS DE YOD DAM ZHES SMRAS PA YIN TE, SEMS GANG MNGON PAR ZHEN PA MED PA LA SOGS PA'I RNAM PA DANG THA MI DAD PA'I SEMS DE KHO NA NYID DU NA SEMS MED PA'O ZHES GANG BRJOD PA, CI SEMS MED PA DE YOD DAM ZHES BYA BAR SBYAR RO, ,RIG PAS DNGOS PO NYID DU NA MED PA YIN PAS MA YIN PA LA NI DGAG PA MA YIN GYI, 'ON KYANG MED PA LA YIN LA DE LA YANG YOD PA DANG @30A *, ,MED PA TZAM DU BTAGS PA YANG YOD PA MA YIN NO ZHES BYA BA'I BSAM PA CAN RAB 'BYOR GYIS DE NYID LAN 'DEBS SU GZHUG PAR 'DOD NAS, SLAR DRIS PA'I BYA BAS SH'A RI'I BU CI SEMS PA NYID CES BYA BA LA SOGS PA SMRAS PA YIN TE, SEMS MED PA'I NGO BO TZAM NI SEMS MED PA STE, DE'I NGO BO NYID YIN PAS NA SEMS MED PA NYID GANG YIN PA'O, ,SEMS MED PA DE LA DMIGS PA'I MTSAN NYID DU MA GYUR PA'I YOD PA NYID YOD PA'AM, YANG NA DMIGS PA'I MTSAN NYID DU GYUR PA DMIGS PAR 'GYUR RAM, DE BZHIN DU MED PA NYID LA YANG SBYAR BAR BYA'O, , 'AM ZHES BYA BA'I SGRA SNGA MA NI PHYI MA LA LTOS PA YIN LA, PHYI MA NI SNGA MA LA LTOS PA YIN PAR SHES PAR BYA'O, ,MA SKYES NGO BO NYID LA NI, ,RTAG DANG CHAD NYID GAL ZHIG ,CHOS KYI BYE BRAG RNAM RTOG PA, ,NGO BO NYID LA RTOG PAR BYED, ,JI LTAR SUS KYANG NAM MKHA' LA, ,YIG SOGS DGOD PAR MI NUS LTAR; ,DNGOS PO RNAMS NI MA SKYES LA, ,CHOS SU RNAM RTOG DE BZHIN NO, ,ZHES BYA BA'I BSAM PA DANG LDAN PAS DE NI MED DO ZHES BYA BA SMRAS PA YIN TE, BSHAD MA THAG PA GNYI GA'O, ,DA NI DE'I TSIG NYID LAN DU SBYOR BAS SMRAS PA NI, TSE DANG LDAN PA SH'A RI'I BU GAL TE ZHES BYA BA LA SOGS PA SMOS TE; BRGAL BA GANG YIN PA DE CI RIGS PAR 'GYUR RAM ZHES BYA BA LA, BRGAL BA NI RGOL BA'O, ,CI RIGS PAR 'GYUR RAM ZHES BYA BA'I SGRA NI BZLOG PA SPONG BA STE, MI RUNG BA'I THA TSIG GO, ,DE NYID NI TSE DANG LDAN PA SH'A RI'I BU 'DI SKAD DU ZHES BYA BA LA SOGS PA SMOS PA YIN NO, ,'DI SNYAM DU SEMS MED PA LA YOD PA NYID DAM, MED PA NYID MED CING MI DMIGS NA DE LA JI LTAR KHYOD KYIS SEMS GANG SEMS DE YOD DAM ZHES BRGAL BAR RIGS, DE LA YANG GANG GI PHYIR SEMS MED PA ZHES BYA BA NI, SEMS MED PA TZAM NYID YIN PAR 'DOD DO, ,DE BAS NA DNGOS PO DANG DNGOS PO MED PA'I RANG BZHIN DU YOD PAR SGRO 'DOGS PA NI MI 'GRIG GO ZHES BSAMS PA'O, ,CHOS CAN GANG SEMS MED PA NYID YIN NA YUL MED PA LA DGAG PA'I SBYOR BA MED PA'I PHYIR SEMS MED PA YANG MED DO ZHES BRJOD PA NI, TSE DANG LDAN PA RAB 'BYOR SEMS MED PA NYID DE YANG GANG YIN ZHES BYA BA'O,, @30B YANG DAG KUN RDZOB RNAMS KYI SKABS, ,MED PAR DE NYID KHANG PA YI, ,STENG DU 'DZEGS PAR BYA BA NI, ,MKHAS LA RUNG BA MA YIN NO, ,ZHES BYA BAS RNAL 'BYOR PA'I KUN RDZOB TU LAN BSTAN PA'I PHYIR, TSE DANG LDAN PA SH'A RI'I BU SEMS MED PA DE NI 'GYUR BA MED PA ZHES BYA BA LA SOGS PA SMRAS TE, SEMS MED PA NYID 'DI GCIG NAS GCIG TU BRGYUD DE GOMS PAR BYAS PA NA, SANGS RGYAS KYI SAR 'GYUR BA MED PA'I YONGS SU GRUB PA'I RGYU NYID YIN PA'I PHYIR 'GYUR BA MED PA'O, ,PHYIN CI MA LOG PAR YONGS SU GRUB PA'I RGYUR GYUR PA NYID KYANG YIN PA'I PHYIR, RNAM PAR RTOG PA MED PA'O, ,DE LTA NA YANG RTOGS PA'I CHOS DANG MI 'GAL BAR BRJOD PA YIN NO ZHES SMOS PA NI, DE NAS ZHES BYA BA LA SOGS PA'O, ,JI LTAR ZHES BYA BA NI RNAM PA GANG GIS SO, ,YANG ZHES BYA BA'I SGRA NI MCHOD PAR STON PA'I TSIG GO, ,NYON MONGS PA MED PA ZHES BYA BA NI TING NGE 'DZIN GANG GI MTHUS GZHAN RNAMS KYI RGYUD LA BDAG DANG GZHAN LA GDUNG BAR BYED PA'I DON GYIS SGRA SGROGS PA'I NYON MONGS PA 'DI LA MI SKYE BA DE NI NYON MONGS PA MED PA'I TING NGE 'DZIN TO, ,DE LA GNAS PA RNAMS KYI NANG NA MCHOG TU GSUNGS PA LTAR SEMS MED PA NYID STON PAS NA ZHES BYA BA'I TSIG RNAM PAR BSGYUR NAS SBYAR RO, ,LEGS SO LEGS SO ZHES BYA BA NI NGO MTSAR BAS LAN GNYIS BRJOD PA'O, ,GANG GAL TE SANGS RGYAS KYI MTHUS THABS LA MKHAS PA DANG BCAS PAS KYANG SHES RAB KYI PHA ROL TU PHYIN PA STON PA MA YIN NAM, GANG GIS SH'A RI'I BU DE LA MKHAS PA YIN DU ZIN KYANG 'PHAGS PA RAB 'BYOR LA LEGS SO ZHES BYA BA BYIN PA LEGS PAR 'GYUR BA KHYAD PAR 'PHAGS PA CI ZHIG YOD CE NA, CI YANG MED MOD KYIS, 'ON KYANG CHE BA'I BDAG NYID BSTAN PAS DE DAG GI GDU BYA RNAMS LA PHAN GDAGS PA'I PHYIR RAM, MA 'ONGS GDUL BYA RNAMS KYI THE TSOM BSAL BA'I PHYIR, DE BZHIN GSHEGS PA'I BYIN GYIS BRLABS NYID KYIS RTZOD PA MED PA SNGON DU 'GRO BA'I LEGS SO ZHES SMRA BA LA NYES PA MED DO, ,SEMS MED PA NYID KYI CHE BA'I BDAG NYID STON PA NA, LA LA RIGS MA NGES PA YIN YANG DBANG PO RNO BAS NGES PAR 'BYED PA'I CHA DANG MTHUN PA'I GNAS SKABS SU YANG THABS KYI KHYAD PAR @31A *, ,BSAM GYIS MI KHYAB PAS PHYIR MI LDOG PA NYID DU NGES PA YIN NO ZHES BRJOD PA NI, DE BAS NA ZHES BYA BA LA SOGS PA'O, ,GANG GI PHYIR BYANG CHUB KYI SEMS DES KYANG RLOM SEMS SU MI BYED PA DES NA MNGON PAR ZHEN PA MED PA LA SOGS PA'I RNAM PAS YIN NO, ,YANG ZHES BYA BAS NI MI RTAG PA LA SOGS PA'I MTSAN NYID DNGOS PO LA DMIGS PA'I PHYIR RO BRTAG PAR BYA'O ZHES BYA BA NI NGES PAR BYA BA'O, ,SA BRGYAD PA LA NI THAMS CAD PHYIR MI LDOG PAR NGES PA NYID DU BZHAG PA YIN PA'I PHYIR NYES PA MED DO, ,YONGS SU MI NYAMS PA DANG LDAN PA'I PHYIR NGES PAR 'BYED PA'I CHA DANG MTHUN PA'I RANG BZHIN GYI SHES RAB KYI PHA ROL TU PHYIN PA DANG MA BRAL BAR RIG PAR BYA'O, ,YANG ZHES BYA BA NI PHYIR MI LDOG PAR BRTAG PAR BYA BA 'BA' ZHIG TU MA ZAD PA'O, ,DE LTAR DMIGS PA DANG RNAM PA BRJOD NAS DRO BA CHUNG DU'I RGYU'I KHYAD PAR BSTAN PA'I PHYIR, NYAN THOS KYI SA LA ZHES BYA BA LA SOGS PA SMOS TE, KHYAD PAR CAN GYI SHES PA'I GNAS SKABS THOB PA'I SHES PA NYID NI SA'O, ,DE LA SLOB PAR 'DOD PAS TE SGRUB PAR BYED PAR 'DOD PAS SO, ,'DI NYID CES BYA BA NI GTZOR NGES PAR 'BYED PA'I CHA DANG MTHUN PA MCHOG TU STON PA'O RNAM BA'I RNAM PAR SHES PA DANG DES DRANGS PA'I YID KYI RNAM PAR SHES PAS GZHUNG DANG DON DAG YONGS SU GCOD PAS MNYAN PAR BYA BA'O, ,BSAM PA'I RANG BZHIN GYI YID LA BYED PAS GZUNG BAR BYA BA'O, ,BSGOM PA'I RANG BZHIN GYI SGRUB PAS RDZOGS PAR BYAS PAS BCAD PAR BYA BA'O, ,DAM BCAS NAS GLEGS BAM KLOG BAS NA BKLAG PAR BYA BA'O, , LUNG DANG RTOGS PAS KUN CHUB PAR BYA BA'O, ,BSHAD PA LA SOGS PAS GZHAN DAG LA RAB TU STON PAS RAB TU GDON PAR BYA BA'O, ,MNYAN PA LA SOGS PA THAMS CAD LA SBYOR BA DANG MJUG GI SEMS PHUN SUM TSOGS PAS NA BSLAB PAR BYA BA'O, ,DNGOS GZHI'I SEMS LA YANG MNYAM PAR GZHAG PAR BYA BA YIN PAS NA RNAL 'BYOR DU BYA BA'O, ,THABS MKHAS PA DANG LDAN PAS ZHES BYA BA NI, SANGS RGYAS CHOS RNAMS RDZOGS BYA DANG, ,SEMS CAN YONGS SU SMIN BYA DANG, ,MYUR 'THOB BYA BA 'GRUB PA DANG, ,LAM RGYUN MI GCOD LA MKHAS DANG, ,BYANG CHUB SEMS @31B DPA'I SA KUN LA, ,THABS NI MTSUNGS PA MED PA STE, ,THABS MKHAS DE LA BRTEN NAS NI, ,DE DAG KUN TU SGRUB PAR BYED, ,CES BSHAD PAS, JI SKAD BSHAD PA'I DON MYUR DU YONGS SU THOB PAR BYED PA, KUN RDZOB DANG DON DAM PA LA BRTEN PA'I SEMS KYI BYE BRAG NYID NI THABS TE, DE DANG LDAN PA NI THABS MKHAS PA DANG BCAS PA'O, ,BYANG CHUB SEMS DPA'I CHOS THAMS CAD THOB PAR BYA BA'I PHYIR ZHES PA NI BYANG CHUB SEMS DPA' RNAMS KHO NA'I CHOS NYAN THOS LA SOGS PA DANG THUN MONG MA YIN PA LAM SHES PA NYID KYI MTSAN NYID DE THOB PAR BYA BA'I PHYIR YONGS SU GRUB PAR BYA BA'I PHYIR RNAL 'BYOR ZHES BYA BA'I TING 'DZIN DU BYA'O, ,'GA' ZHIG TU SANGS RGYAS KYI CHOS THAMS CAD THOB PAR BYA BA'I PHYIR ZHES 'DON TO, ,DE NI MI RIGS TE GANG PHYIR BYANG CHUB SEMS DPA'I CHOS THAMS CAD RGYAS PAR ZHES BYA BA LA SOGS PA DE MA THAG TU BRJOD PAR 'GYUR RO, ,NYAN THOS KYI THEG PA LA YANG BYANG CHUB SEMS DPA'I CHOS SBYIN PA LA SOGS PA BSTAN PA NYID MA YIN NAM ZHES DOGS PA BSU NAS, DE CI'I PHYIR ZHE NA ZHES SMRAS SO, ,LAN NI SHES RAB KYI PHA ROL TU PHYIN PA 'DI NYID LA ZHES BYA BA LA SOGS PA'O, ,GANG LA ZHES BYA BA NI BYANG CHUB SEMS DPA'I CHOS GANG LA'O, ,'DI SNYAM DU NYAN THOS LA SOGS PA'I CHOS NA DE'I SDE SNOD LAS RGYA CHER GSUNGS LA, BYANG CHUB SEMS DPA'I CHOS NI ZHAR LA STON TO, ,'DIR NI BYANG CHUB SEMS DPA'I CHOS RNAMS NYID NI RGYA CHER BSTAN LA, NYAN THOS KYI CHOS RNAMS NI ZHAR LA BSTAN SNYAM DU BSAM PA YIN NO, ,BLA NA MED PA YANG DAG PAR RDZOGS PA'I BYANG CHUB LA ZHES BYA BA LA, GANG LA GONG NA GTZO BO GZHAN MED PA DE NI BLA NA MED PA'O, ,YANG DAG PA PHYIN CI MA LOG PA RNAM PA THAMS CAD DU MNGON PAR BYANG CHUB PA NI, YANG DAG PAR RDZOGS PA'I BYANG CHUB STE, SANGS RGYAS KYIS ZHES BYA BA'I DON TO, ,SANGS RGYAS KYI CHOS THAMS CAD THOB PA YONGS SU RDZOGS PAR BYA BA'I PHYIR ZHES BYA BA NI, RNAM PA THAMS CAD MKHYEN PA NYID KYI MTSAN NYID CAN SANGS RGYAS KYI CHOS THAMS CAD RTOGS PAR BYA BA'I PHYIR, NYAN THOS KYI THEG PAR SANGS RGYAS KYI CHOS RNAMS BSTAN PA NYID DO SNYAM DU DOGS PA BSU NAS, DE CI'I @32A *, ,PHYIR ZHE NA ZHES GSUNGS SO, ,DE KHO NA BZHIN DU LAN GYI DON GSUNGS PA NI SHES RAB KYI PHA ROL TU PHYIN PA 'DI NYID LAS ZHES BYA BA LA SOGS PA'O, ,NYAN THOS KYI SA LA SLOB PAR 'DOD PAS KYANG ZHES BYA BA NAS BRTZAMS TE, MTHAR RNAL 'BYOR DU BYA'O ZHES BYA BA 'DIS NI 'DI SKAD DU THEG PA GSUM RTOGS PA THOB PAR BYA BA'I PHYIR DRO BA CHUNG NGUR GTOGS PA'I DGE BA RGYU YIN NO ZHES BRJOD PA YIN NO RGYU'I DNGOS PO 'DI NI DROD LA SOGS PA THAMS CAD KYI YIN PAR SHES PAR BYA'O, ,'BRING GI DMIGS PA'I DON GSUNGS PA NI BCOM LDAN 'DAS BYANG CHUB SEMS DPA'I MING GANG LAGS PA 'DI NYID CES BYA BA LA SOGS PA'O, ,BYANG CHUB SEMS DPA'I MING ZHES BYA BA LA SNGAR NI BCOM LDAN 'DAS BYANG CHUB SEMS DPA' ZHES BGYI BA'I CHOS DE BDAG GIS YANG DAG PAR RJES SU MA MTHONG NGO ZHES BYA BA LA SOGS PAS, DON GANG LA BYANG CHUB SEMS DPA' ZHES BYA BA'I MING DON GANG LA YOD PA DE MA DMIGS PAR BRJOD PA YIN LA, DA LTA NI, 'DI DAG THAMS CAD MING TZAM STE, ,'DU SHES TZAM LA RAB TU GNAS, ,RJOD PAR BYED LAS MA GTOGS PA, ,BRJOD PAR BYA BA BRTAG MI BYA, ,ZHES BYA BA'I TSUL GYIS, BYANG CHUB SEMS DPA' ZHES BYA BA'I MING GI RANG BZHIN GDAGS PAR BYA BA GANG YIN PA DE MA DMIGS PAR BSTAN PA YIN NO ZHES BYA BA NI KHYAD PAR RO, ,MA 'TSAL ZHES BYA BA LA SOGS PA NI BSHAD ZIN TO, ,YANG NA 'DAS PA NI MA 'TSAL, DA LTAR BYUNG BA NI MA DMIGS, MA 'ONGS PA NI YANG DAG PAR RJES SU MA MTHONG STE, CHOS THAMS CAD DUS GSUM DU STONG PA NYID YIN PA'I PHYIR RO ZHES BYA BAR SBYAR RO, ,'O NA NI GDAMS PA'I YUL GYI MING YOD DO ZHE NA, SHES RAB KYI PHA ROL TU PHYIN PA YANG ZHES BYA BA SMOS TE, MING TZAM ZHES BYA BAR BSAMS PA'O, ,BYANG CHUB SEMS DPA' ZHES BYA BA NI MING GI RANG BZHIN TE, MING GI SKABS YIN PA'I PHYIR RO, ,GLO BA LA GCAGS LAGS SO ZHES BYA BA NI, YUL GNAS PA NI NYAMS SU MYONG BA'I MTHAR THUG PA YIN PA'I PHYIR DANG MA DMIGS PA YIN PA'I PHYIR 'DI NI GLO BA LA GCAGS TE, YID LA GCAGS PA NYID YIN NO, ,DE NYID NI GANG BDAG GI DNGOS @32B PO MA 'TSAL ZHES BYA BA LA SOGS PA GSUNGS SO, ,'DU BA DANG 'GOD PA ZHES BYA BA LA SGRUB PA NI 'DU BA'O, ,DGAG PA NI 'GOD PA'O, ,SGRUB DANG DGAG PA MA GTOGS PA, ,SGRA LAS BYUNG BA'I THA SNYAD GZHAN, ,YOD MIN ZHES BYA BA'I TSUL GYIS TSIG GNYIS KHO NAS THAMS CAD BSDUS PA'I PHYIR 'DIR 'DI LTAR BRJOD PA YIN NO, ,'DI SKAD DU DE KHO NA NYID DU NA 'DU BA DANG 'GOD PA DANG BRAL BA NYID KYI KHYAD PAR CAN GYI GZUGS LA SOGS PA DMIGS PA ZHES BRJOD PA YIN NO, ,DE RNAM PA GANG GIS DMIGS PAR BYA ZHE NA, 'ON KYANG ZHES BYA BYA LA SOGS PA SMOS TE, DMIGS PA'I MING DE YANG RGYUN GYI TSUL GYIS GNAS PA MA LAGS PA'O, ,DGAG BYA YOD PA MA YIN PAS, ,YANG DAG TU NA BKAG MED GSAL, ,YUL MED PA LA DGAG PA YI, ,SBYOR BA LEGS PA YOD MA YIN, ,RNAM PAR RTOG LA BRTEN NA YANG, ,KUN RDZOB PAR 'GYUR YANG DAG MIN, ,ZHES BYA BA'I TSUL GYIS MI GNAS PA YANG MA LAGS PA'O, ,RGYUN MI 'DRA BA NYID KYIS NA GNAS PA DANG BRAL BA YANG MA LAGS PA'O, ,DE KHO NA BZHIN DU GNAS PA DANG BRAL BA MA LAGS PA'O, ,MING DU BTAGS PA KUN RDZOB TU SNAD BA NA JI LTAR NA RGYUN DANG DE MI 'DRA BAR 'THAD PA MA YIN SNYAM DU DOGS BA BSU NAS, DE CI'I SLAD DU ZHE NA ZHES SMOS SO, ,MING DE MA MCHIS PA'I SLAD DU ZHES BYA BA LA SOGS PA LA, DE KHO NA NYID DU ZHES BYA BA NI LHAG MA STE, KUN RDZOB TU NI NYES PA MED DO ZHES BYA BAR DGONGS SO, ,NYE BAR BSDU BA'I PHYIR DE LTAR MI DE ZHES BYA BA LA SOGS PA SMOS SO, , 'DI SKAD DU, CHOS NYID KYI SGO NAS RGYUN DANG DE DANG MI 'DRA BA DANG BRAL BA'I DE KHO NA NYID NI RNAM PA YIN NO ZHES BRJOD PA YIN NO, ,CHEN PO'I DMIGS PA'I DON GSUNGS PA NI, GAL TE ZHES BYA BA LA SOGS PA'O, ,ZAB MO ZHES BYA BA NI MING TZAM NYID KYIS BTAGS PA TZAM GYI RANG BZHIN, GZHAN MU STEGS PA RNAMS DANG RANG GI SDE PA RTEN MED PAS 'JIGS PA RNAMS KYIS GTING MI DPOGS PA'O, ,'DI SKAD DU, BTAGS PA TZAM NYID KYI KHYAD PAR CAN SDUG BSNGAL LA SOGS PA'I BDEN PA DMIGS PA YIN NO ZHES BRJOD PA YIN NO, ,DE RNAM PA GANG GIS DMIGS PAR BYA ZHE NA, @33A *, ,LHAG PA'I BSAM PAS ZHES BYA BA LA SOGS PA SMOS TE, BTAGS PA DE NI DGE BA LA SOGS PA NYID KYI CHOS GANG DU YANG BRJOD DU MED PAR ZHES BYA BA'I LHAG PA'I BSAM PAS MOS SHING DMIGS PA'O, ,YANGS SHING RGYA CHE DGA' BA DANG, ,DGOS PA CHE LA BRTZON PA DANG; ,DGE BA LHAG PA'I BSAM PA DANG, ,DAG PA'I LHAG PA'I BSAM PA YIN, ,ZHES BYA BA'I LHAG PA'I BSAM BAS SO, ,BYANG CHUB SEMS DPA' SHES RAB KYI PHA ROL TU PHYIN PA DANG MA BRAL BA NI LDAN PA STE GTZOR DROD CHEN PO DANG MA BRAL BA'O, ,DE BZHIN DU GZHAN DAG TU YANG SHES RAB KYI PHA ROL TU PHYIN PA'I DON 'DI SKABS LAS RIG PAR BYA'O, ,PHYIR MI LDOG PA'I BYANG CHUB SEMS DPA'I SA LA GNAS PA NI THOB PA YONGS SU MI NYAMS PA SA BRGYAD PA LA STE, DE'I 'BRAS BU PHYIR MI LDOG PA NYID THOB PA'I PHYIR RO, ,LEGS PAR GNAS PA NI MA THOB PA YONGS SU MI NYAMS PA STE DE BSKYED PAR RUNG BA NYID KYIS GONG NAS GONG DU KHYAD PAR 'THOB PA'I PHYIR RO, ,GNYIS PO 'DI NI MNGON PAR ZHEN PA MED PA'I SBYOR BAS BYA'O ZHES GSUNGS PA NI MI GNAS PA'I TSUL GYIS ZHES BYA BA YIN NO, ,'DI SKAD DU RNAM PA NI CHOS NYID KYI SGO NAS BRJOD DU MED PA YIN ZHES BRJOD PA YIN NO, , STONG PHRAG NYI SHU LNGA PA LAS KYANG DRO BA CHEN PO'I DMIGS PA DANG RNAM PA'I DBANG DU MDZAD NAS, BCOM LDAN 'DAS GANG YANG 'DI LTA STE BYANG CHUB SEMS DPA' ZHE BGYI 'DI NI CHOS KYI BRDA LAS BYUNG BA'I BTAGS PA LAGS LA ZHES BYA BA NAS SANGS RGYAS KYI ZHE BGYI BA DE YANG DGE BA'AM MI DGE BA'AM DNGOS PO'I DNGOS PO MED PA'I CHOS GANG DU YANG BRJOD PAR BYA BA MA LAGS SO, ,BCOM LDAN 'DAS 'DI LTA STE DPER NA RMI LAM ZHES BGYI BA'I MING NI ZHES BYA BA'I BAR DU RGYA CHER GSUNGS TE DE BAS NA SOM NYI MI BYA'O, ,DE LTAR RNAM PAR MI RTOG PA'I YE SHES KYI ME'I SNGA LTAS YIN PA'I PHYIR DRO BAR GYUR PA DANG 'DRA BAS DRO BAR GYUR PA'I DMIGS PA DANG, RNAM PA DANG LDAN PA RNAM PA GSUM MO, ,BAR CHAD MED NA MTHONG BA'I LAM CHES NYE BAR 'BYUNG BA ZHES BYA BA NI THAR BA'I CHA DAD MTHUN PA LAS 'DI'I KHYAD PAR YIN PAR RIG PAR BYA'O, ,DE SKAD DU YANG, @33B DMIGS PA MI RTAG PA SOGS PA, ,BDEN PA'I RTEN CAN DE YI NI, ,RNAM PA MNGON ZHEN LA SOGS 'GOG ,THEG PA GSUM CHAR THOB PA'I RGYU, ,GZUGS SOGS 'DU 'GOD GNAS BRAL DANG, ,GNAS DANG BTAGS DANG BRJOD DU MED, ,CES GSUNGS PA YIN NO, ,DA NI DRO BA'I RJES LA RTZE MOR GTOGS PA'I DGE BA'I RTZA BA CHUNG DU'I DMIGS PA'I DON GSUNGS PA NI BCOM LDAN 'DAS GZHAN YANG ZHES BYA BA LA SOGS PA'O, ,SHES RAB KYI PHA ROL TU PHYIN PA ZHES BYA BA NI GTZOR TZE MO'I RANG BZHIN LA'O, ,SPYOD CING ZHES BYA BA DANG SGOM PAS ZHES BYA BA NI BSHAD ZIN TO, ,YANG NA SBYOR BA DANG MJUG GI SEMS KYIS SBYOD CING DNGOS GZHI'I SEMS KYIS SGOM PAS ZHES BYA BAR SBYAR RO, ,GZUGS LA GNAS PAR MI BGYI'O ZHES BYA BA LA SOGS PA LA, DE LA GZUGS SU RUNG BA'I MTSAN NYID CAN NI GZUGS SO, ,NYAMS SU MYONG BA'I MTSAN NYID CAN NI TSOR BA'O, ,MTSAN MAR 'DZIN PA'I BDAG NYID CAN NI 'DU SHES SO, ,SEMS MNGON PAR 'DU BYED PA'I MTSAN NYID CAN NI 'DU BYED RNAMS SO, ,RTOGS PA'I MTSAN NYID CAN NI RNAM PAR SHES PA'O, ,GZUGS DE YANG RNAM PA GSUM STE, KUN BRTAGS PA'I GZUGS NI GZUNG BA DANG 'DZIN PA'I TSUL GYIS BRTAGS PA NYID YIN PA'I PHYIR RO, ,RNAM PAR BRTAGS PA'I GZUGS NI YANG DAG PA MA YIN PA'I KUN TU RTOGS PA YIN PAS SHES PA NYID DE LTAR SNANG BA STE, DE LTAR RNAM PAR BRTAGS PA'I PHYIR RO, ,CHOS NYID KYI GZUGS NI DE KHO NA NYID DU NA GZUGS NYID STONG PA NYID KYI RANG BZHIN DU YONGS SU GRUB PA YIN PA'I PHYIR, RO TSOR BA LA SOGS PA LA YANG DE BZHIN DU BRJOD PAR BYA'O, ,GZUGS LA SOGS PA'I GO RIMS NI 'DI YIN TE, RIM NI RAGS DANG KUN NYON MONGS, ,SNOD SOGS DON KHAMS JI BZHIN NO, ,DE KHO NA NYID DU MED PA NYID KYIS GZUGS LA SOGS PA DE LA DNGOS POR DMIGS PA'I TSUL GYIS GNAS PAR MI BYA STE; SEMS KYI RTEN DU MI BYA'O ZHES PA'I DON TO, ,'DI SKAD DU, GANG GI PHYIR RANG BZHIN STONG PA NYID KYI GZUGS LA SOGS PA NI GZUGS LA SOGS PA'I RANG BZHIN DANG BRAL BA'I NGO BO NYID YIN PA DE'I PHYIR GNAS PAR MI 'OS PA'I KHYAD PAR CAN GYI GZUGS LA SOGS PA DMIGS PA YIN NO, @34A *, ,ZHES BRJOD PA YIN NO, ,CI'I PHYIR DE LTA BUR DMIGS SNYAM PA'I DOGS PA DE CI'I SLAD DU ZHE NA ZHES BSU NAS, LDOG PA'I SGO NAS RNAM PA SMRAS PA NI GAL TE GZUGS LA GNAS NA ZHES BYA BA LA SOGS PA YIN NO, ,'DI SNYAM DU DMIGS PA LA 'DZIN PA'I BYE BRAG NYID RNAM PA YIN LA, YUL GNAS PA MYONG BA'I MTHAR THUG PA YIN PA DES NA DMIGS PA NI RNAM PA DANG RJES SU MTHUN PA KHO NA YIN PAR GZUNG NGO SNYAM DU BSAMS PA YIN NO, ,DE BAS GAL TE MI RTAG PA LA SOGS PA'I RNAM PAS GZUGS LA GNAS NA DE'I TSE GZUGS MNGON PAR 'DU BYED PA STE GZUGS SU RTZOL BA'I RNAM PAR RTOG PA LA SBYOD LA, DE LTAR NA YANG RTZE MO CHUNG NGUR GTZOR GYUR PA'I SHES RAB KYI PHA ROL TU PHYIN PA LA SBYOD PA MA LAGS SO, ,DE BZHIN DU TSOR BA LA SOGS PA LA YANG SBYAR BAR BYA'O, ,'DI SKAD DU CHOS NYID KYI SGO NAS RNAM PA NI RNAM PA 'DI LTA BU YIN PAR GZUNGS STE, 'DI LTA STE DON DAM PAR GZUGS LA SOGS PA'I CHOS THAMS CAD DANG STONG PA NYID DAG NI PHAN TSUN NGO BO NYID GCIG PA YIN PA DES NA STONG PA NYID DE LA MI RTAG PA LA SOGS PA MED PA NYID KYIS NA GZUGS LA SOGS PA LA RTAG PA DANG MI RTAG PA LA SOGS PA'I RNAM PAS GNAS PAR MI BYA BAS MI GNAS PA ZHES BRJOD PA YIN NO, ,'DI LTAR RTZE MO CHUD DU'I RNAM PA'I DBANG DU MDZAD NAS STONG PHRAG NYI SHU LNGA PA LAS, GZUGS NYID STONG PA NYID STONG PA NYID GZUGS SO ZHES BYA BA NAS, BCOM LDAN 'DAS GZUGS MI RTAG PA NYID KYANG STONG PA NYID STONG PA NYID KYANG GZUGS MI RTAG PA NYID DO ZHES BYA BA LA SOGS PA'I BAR DU GZUNGS PA YIN NO, ,MNGON PAR 'DU BYED PA MED PAR SGOM PA MI 'THAD PAS YANG JI LTAR NA MGON PAR 'DU BYED PA LA SBYOD NA SBYOD PA MA YIN NO SNYAM DU DOGS PA DE CI'I SLAD DU ZHEN ZHES BYA BAS BSU NAS MNGON PAR 'DU BYED PA RNAMS LA ZHES BYA BA SMOS SO, ,'DI SNYAM DU MNGON PAR 'DU BYED PA NI RNAM PAR RTOG PA YIN LA, SHES RAB KYI PHA ROL TU PHYIN PA NI RNAM PAR MI RTOG PA YIN NA, DE JI LTAR NA DE KHO NA NYID LA MNGON PAR ZHEN PAS RNAM PAR RTOG PA LA SPYOD NA SHES RAB KYI PHA ROL TU PHYIN PA LA SBYOD PA YIN TE 'ON KYANG SGYU MA'I SKYES BU LTAR SBYAD PAR BYA'O SNYAM DU BSAMS PA YIN @34B NO; ;YONGS SU 'DZIN PA YANG MA LAGS RNAL 'BYOR DU MI BGYID PA YANG MA LAGS YONGS SU RDZOGS PAR BGYID PA YANG MA LAGS ZHES BYA BA'I TSIG GSUM GYIS NI GRANGS JI LTA BA BZHIN DU SBYOR BA DANG DNGOS GZHI DANG MJUG GI GNAS SKABS YIN PAR BLTA BAR BYA'O, ,SHES RAB KYI PHA ROL TU PHYIN PA LA ZHES BYA BA NI GTZOR TZE MO CHUNG DU'I RANG BZHIN NO, ,YONGS SU MA BZUNG BA ZHES BYA BA LA SOGS PA LA, YONGS SU MA BZUNG BA ZHES BYA BA NI GZUNG BAR MI 'OS PA'I MNGON PAR 'DU BYED PA YONGS SU BZUNG ZHING BDAG GIR BYAS PAS THAMS CAD MKHYEN PA NYID LA NGES PAR 'BYUNG BAR MI 'GYUR RO ZHES BYA BAR SBYAR RO, ,THAMS CAD MKHYEN PA NYID NI 'DIR THAMS CAD MKHYEN PA NYID GSUM LA SBYIR THAMS CAD MKHYEN PA'I SGRAR BSHAD DO, ,GZHAN DAG TU YANG CI RIGS PA NYID DU BYA'O, ,MNGON PAR 'DU BYED PA JI LTAR GZUNG BAR 'OS PA YIN SNYAM DU DOGS PA DE CI'I SLAD DU ZHE NA ZHES BYA BAS BSU NAS, SHES RAB KYI PHA ROL TU PHYIN PA LA GZUGS YONGS SU GZUNG BA MA MCHIS SO ZHES BYA BA LA SOGS PA SMOS SO, ,'DI SNYAM DU MNGON PAR 'DU BYED PA'I YUL GYI RANG BZHIN GZUGS LA SOGS PA NI RIGS PAS YOD PA MA YIN PA'I PHYIR SHES RAB KYI PHA ROL TU PHYIN PA LA YONGS SU GZUNG BA MED LA, GANG GI PHYIR DE'I YUL CAN MNGON PAR 'DU BYED PA NI LOG PAR SNANG BA NYID YIN PA'I PHYIR GZUNG BAR BYA BA MA YIN NO ZHES BYA BSAMS PA YIN NO, ,DE NYID STON PA NI GZUGS YONGS SU GZUNG BA MA MCHIS PA GANG LAGS PA DE NI GZUGS MA LAGS ZHES BYA BA LA SOGS PA SMOS TE, SGRUB PA DANG DGAG PA DAG NI YUL THA DAD PA YIN PA'I PHYIR RO ZHES BYA BAR DGONGS SO, ,PHYIN CI LOG TU THAL BAR 'GYUR BAS SHES RAB KYI PHA ROL TU PHYIN PA LA YANG MNGON PAR ZHEN PAR MI BYA'O ZHES GSUNGS PA NI SHES RAB KYI PHA ROL TU PHYIN PA DE YANG YONGS SU GZUNG BA MA MCHIS SO ZHES BYA BA SMOS SO, ,NYE BAR BSDU BA'I PHYIR DE BZHIN DU ZHES BYA BA LA SOGS PA SMOS TE, DE BZHIN DU ZHES BYA BA NI DE KHO NA LTAR ZHES NGES PAR GZUNG BA'I DON TO, ,DE LTA BU'I DMIGS PA DANG RNAM PA LAS SKYES PA'I RTZE MOR GTOGS PA CHUNG NGU'I TING NGE 'DZIN NI 'DI YANG ZHES BYA BA LA SOGS PA SMOS PA YIN TE, GZUGS LA @35A *, ,SOGS PA'I CHOS THAMS CAD DU YONGS SU GZUNG BA MED PA'I TING NGE 'DZIN DON DANG LDAN PA'I MING CAN GANG YIN PA DE LA DE SKAD CES BYA'O, ,CHOS KYI DBYINGS YANGS PA NYID KYIS NA YANGS PA'O, ,MDUN DU BGYIS PA NI JI SKAD DU BSHAD PA'I DMIGS PA DANG RNAM PA'I KHYAD PAR DAG GIS SEMS KYI MDUN NA GNAS PA'I PHYIR RO ZHES 'PHAGS PA RNAM GROL SDES BSHAD DO, ,DE NYID KYI PHYIR NA, LA LAS MDUN DU MA BGYIS BZHES 'DON PA NI GZUNG BAR MI BYA'O, ,TSAD MED PAR NGES PA NI, RNAM PA THAMS CAD MKHYEN PA NYID SO SOR NGES PA'I PHYIR RO, ,YANG NA THUGS RJE CHEN PO DANG SHES RAB KYI SBYOR BAS SEMS CAN TSAD MED PA'I DON MDZAD PAR NGES PA YIN PA'I PHYIR TSAD MED PAR NGES PA'O, ,THUN MONG MA YIN PA JI JI SKAD DU BSHAD PA'I DMIGS PA LA SOGS PA RNAM PA LNGAS KHYAD PAR DU 'PHAGS PA'I PHYIR GZHAN GYIS MI RTOGS PA'O, ,'BRING GI DMIGS PA'I DON GSUNGS PA NI THAMS CAD MKHYEN PA NYID DE YANG ZHES BYA BA'O, ,YANG GI SGRAS NI MI RTAG PA LA SOGS PA DANG STONG PA NYID YONGS SU GZUNG NGO, ,CI'I PHYIR YONGS SU GZUNG BA MED CE NA, MTSAN MAR ZHES BYA BA LA SOGS PA SMOS TE, MTSAN MA NI THUN MONG MA YIN PA'I RANG BZHIN YIN LA, DE KHO NA NYID DU NA PHAN TSUN TSUL GCIG YIN PAS DE'I PHYIR GZUNG BA MED DO ZHES BYA BA'I DON TO, ,'DI SKAD DU CHOS KYI DBYINGS KYI RANG BZHIN GYIS MI RTAG PA LA SOGS PA DANG RNAM PA THAMS CAD MKHYEN PA'I STONG PA NYID DAG NI RANG RANG GI NGO BO NYID DAG GIS NGO BO MED PA'I PHYIR, 'DI DAG PHAN TSUN BDAG NYID GCIG PAS MTSAN MA MED PA NYID KYI KHYAD PAR CAN GYI GZUGS LA SOGS PA DMIGS PAR BYA'O ZHES BRJOD PA YIN NO, ,MTSAN MAR BZUNG NA NYES PA CI ZHIG YOD CE NA, GAL TE ZHES BYA BA LA SOGS PA SMOS TE, MTSAN MAR GZUNG BAR BYA BAR GYUR NA NI; DE'I TSE RANG GI BSTAN PA LA MTSAN MAR BZUNG BAS YUN RING POR THAR PA MA MTHONG BAS KUN TU SKYO BAR GYU BA'I KUN TU RGYU PHRENG BA CAN ZHES BYA BA'I MING CAN GYI DKA' THUB PA BSTAN PA'I DA LA DAD PAR TE MTSAN MA MED PA'I TSUL LA MNGON PAR YID CHES PA THOB PAR MI 'GYUR TE, MTSAN MAR @35B 'DZIN PA MTSUNGS PA NYID KYI PHYIR RO ZHES BYA BAR DGONGS SO, ,DE NYID STON PAS KUN TU RGYU ZHES BYA BA LA SOGS PA SMOS PA YIN TE, 'DIR MTSAN MA MED PA NI DE BZHIN GSHEGS PA NYID THOB PAR BYED PA YIN PA'I PHYIR THAMS CAD MKHYEN PA'I YE SHE 'DI LA ZHES BYA BA DE'I RGYU MTSAN MA MED PA LA MOS NA STE LHAG PAR MOS A'I YID LA BYED PA BSKYED NAS DBANG PO RTUL PO NYID KYIS DAD PAS LAM GYI RJES SU 'BRANGS NAS DAD PAS RJES SU 'BRANG BZHING PHYOGS GCIG LA GANG ZAG LA BDAG MED PA'I SHES PAS ZHUGS SO, ,DE ZHUGS NAS KYANG DUS PHYIS GZUGS LA SOGS PA LA MTSAN MAR YID LA MI BYED CING, MTSAN MA MED PA BSGOM PA DE LA SGOM PAR BYED PA'I SHES PA DE LA DGA' BA DANG BDE BA SKYES PA'I MTSAN MAR YANG DAG PAR RJES SU MI MTHONG NGO, ,DE LA DGA' BA NI YID BDE BA STE SEMS KYI'O, ,BDE BA NI SHIN TU SBYANGS TE LUS KYI'O, ,DE YANG BTZUN PA RNAM PAR GROL BA'I SDES 'JIG RTEN PA'I 'DOD CHAGS DANG BRAL BA BSAM GTAN DANG PO'AM GNYIS PA GANG YANG RUNG BA LA BRTEN NAS ZHUGS PA YIN NO ZHES BSHAD DO, ,RNAM PA GANG GIS DMIGS PAR BYA ZHE NA, SHES PA STE RZHES BYA BA LA SOGS PA SMOS TE, SGOM PAR BYED PA'I SHES PA DE NANG GI GZUGS ZIN PA'I 'BYUNG BA DANG 'BYUNG BA LAS GYUR PA NANG GI SKYE MCHED KYI YIN PAR NANG STONG PA NYID KYIS NA YANG DAG PAR RJES SU MI MTHONG STE MTSAN MAR ZHES BYA BA NI LHAG MA'O, ,PHYI ROL GYI GZUGS MA ZIN PA'I 'BYUNG BA DANG 'BYUNG BA LAS GYUR PA'I PHYI'I SKYE MCHED KYI YIN PAR PHYI STONG PA NYID KYIS NA YANG DAG PAR RJES SU MTHONG NGO, ,NANG DANG PHYI ROL GYI GZUGS DE GNYI GA TSOGS PA'I YIN PAR TE PHYI NANG STONG PA NYID KYIS SO, ,'O NA GZUGS LAS GZHAN PA LA MTHONG NGO ZHE NA, SHES PA DE GZUGS LAS GZHAN YANG ZHES BYA BA LA SOGS PA SMOS SO, ,DE LTA NA 'DI CHOS SGOM PA LA MNGON PAR ZHUGS PAR JI LTAR BRJOD PAR BYA ZHE NA, TSIG GI RNAM GRANGS ZHES BYA BA LA SOGS PA SMOS TE, TSIG GI RNAM GRANGS NYID LA ZHES BYA BA RNAL 'BYOR GYI GNAS KYI KHYAD PAR 'DI LA MOS PAS SPYOD PA'I SA LA GNAS PAS KUN TU RGYU PHRENG BA CAN MOS SO ZHES BRJOD PAR BYA'I RTOGS PA NI @36A *, ,MA YIN NO, ,GANG GI PHYIR KUN TU RGYU PHRENG BA CAN MTSAN MA MED PA'I THAMS CAD MKHYEN PA'I YE SHES 'DI LA, DE KHO NA NYID MA RTOGS PAS DBANG PO RNON PO MA YIN PA NYID KYIS DAD PAS RJES SU 'BRANG BA ZHES BYA STE, DE KHO NA NYID RTOGS NA NI CHOS KYI RJES SU 'BRANG BAR GYUR PA YIN NO ZHES BYA BAR BSAMS SO, ,YANG JI LTAR NA DBANG PO RTUL PO YIN DU ZIN KYANG DE LTAR MOS ZHE NA, CHOS NYID TSAD MAR BGYIS TE MOS PA ZHES BGYI'O ZHES BYA BA SMOS TE, SNGON GYI 'PHEN PA'I SHUGS KYI DBANG GIS SHES RAB KYI PHA ROL TU PHYIN PA'I CHOS NYID MI BSLU BAS TSAD MAR BYAS NA 'DI LTAR MTSAN MA MED PA NYID DU MOS PA ZHES BYA'O, ,DE'I PHYIR DES CHOS GANG YANG SGRO BTAGS PAS YONGS SU MA BZUNG NGO, ,CHOS GANG BLANG BAR BYA BA NYID DU DMIGS SHING CHOS GANG BLANG BAR BYA BA NYID KYIS GZUNG BAR BYA BA'AM DOR BAR BYA BA NYID KYIS GTANG BAR BYA BA DANG YOD PA NYID DMIGS PA'I CHOS KYANG MED DO, ,RE ZHIG GZHAN LTA ZHOG STE DE MYA NGAN LAS 'DAS PAR YANG RLOM SEMS SU MI BGYID DO ZHES BYA BA DE KHO NA NYID DU NA MI RTOGS SO, ,'DI LA ZHES BYA BA RNAL 'BYOR GYI GNAS KYI 'DI SKAD DU RNAM PA NI CHOS NYID KYI SGO NAS NGO BO NYID BKAG PAS GZUGS LA SOGS PA BDAG GIR MI BYED PA YIN NO ZHES BRJOD PA YIN NO, , DE LA KUN DU RGYU PHRENG BA CAN DPER BYAS PA NI MU STEGS PA DANG 'BREL PAS TING NGE 'DZIN LAS LANGS PA DE LHAG PAR MOS PA'I STOBS KYIS DON DE MNGON DU BYA BA'I DPANG PO NYID DU SHES PAR BYA BA'I DON YIN NO, ,CHEN PO'I DMIGS PA'I DON GSUNGS PA NI BCOM LDAN 'DAS 'DI YANG ZHES BYA BA LA SOGS PA'O,, 'DI ZHES BYA BA NI 'OG NAS 'CHAD PA'O, ,YANG ZHES BYA BA'I SGRA NI SNGAR BSHAD PA 'BA' ZHIG TU MA ZAD DO ZHES BYA BA'O, ,DE NYID STON PA NI GANG GZUGS ZHES BYA BA LA SOGS PA SMOS TE, GANG ZHES BYA BA NI GANG GI PHYIR ZHES BYA BA'I DON GYI TSIG PHRAD DE, GZUGS LA SOGS PA'I MTSAN MA YANG DAG PAR MA MTHONG BA'I PHYIR RO ZHES BYA BAR DGONGS SO, ,DE LTA NA MA DMIGS PAS THAMS CAD 'GOG NA 'O NA BYANG CHUB SEMS DPA' NYAN THOS LTAR NA MYA NGAN LAS 'DA' BAR 'GYUR RO ZHE NA, DE BZHIN GSHEGS PA'I STOBS BCU DANG ZHES BYA BA LA SOGS PA SMOS TE, DE BZHIN GSHEGS PA'I STOBS @36B BCU LA SOGS PA NI 'OG NAS 'CHAD DO, ,YONGS SU MA RDZOGS PA ZHES BYA BA NI CUNG ZAD TZAM ZHIG GZHAN DAG LA YOD PA'I PHYIR NA SANGS RGYAS KYI CHOS JI SNYED PA THAMS CAD DU MTHAR PHYIN PAR YONGS SU MA RDZOGS PAR ZHES BYA BAR SBYAR RO, ,DANG GI SGRA NI NGES PAR GZUNG BA'O, ,MA 'GAGS PA YI LUS KYIS NI, ,TSOR BA NYAMS SU MYONG BYED PA, ,MAR ME SHI BAR GYUR PA BZHIN, ,DE YI SEMS NI RNAM PAR GROL, ,ZHES BYA BA NI MYA NGAN LAS 'DAS PA NI THEG PA CHEN POR BKAG PA YIN PA'I PHYIR, DAM PA'I CHOS PADMA DKAR PO'I MDO TSAD MAR BYAS NAS DUS RE ZHIG SEMS CAN GYI DON RGYUN CHAD PA'I BAR MDO STE, BAR DU NYAN THOS DANG 'DRA BAR MTSAN MA MED PA NYID MNGON DU BYAS PA NA, THABS MKHAS PA CHEN PO'I STOBS KYIS MYA NGAN LAS 'DA' BA MA YIN NO, ,NGES PAR 'BYED PA'I CHA DANG MTHUN PA'I SKABS SU NYAN THOS KYIS MYA NGAN LAS 'DA' BA MI SRID PAS RIM GYIS ZHES BYA BA NI LHAG MA'O, ,DE BAS NA ZHES BYA BA LA SOGS PA NI NYE BAR BSDU BA YIN NO, ,'DI SKAD DU, NGO BO NYID MED PA NYID KYIS DE KHO NA NYID DU NA SNGON PO LA SOGS PA'I MTSAN MAR MI MTHONG BA'I KHYAD PAR CAN GYI GZUGS LA SOGS PA DMIGS PA YIN NO ZHES BRJOD PA YIN NO, ,RNAM PA GANG GIS DMIGS PAR BYA ZHE NA, BCOM LDAN 'DAS GZHAN YANG ZHES BYA BA LA SOGS PA GSUNGS SO, ,'DI LTAR ZHES BYA BA NI 'OG NAS BSHAD PA'I RIM PAS SO, ,NYE BAR BRTAGS PA NI SGOM PA'I DUS SU JI LTAR NGES PAR BZUNG BA'I DON SO SOR BRTAGS PA YIN PA'I PHYIR RO, ,NGES PAR BSAMS PA NI THOS PA DANG BSAM PA'I DUS SU LUNG DANG RIGS PA NGES PAR RTOGS PA'I PHYIR RO, ,'DI GANG ZHES BYA BA NI GZUGS LA SOGS PA'I PHUNG PO RNAMS KYI NANG NAS GANG YIN ZHES PA'O, ,YANG NA CI RDZAS DANG YON TAN NAM, LAS SAM BYA BA'AM, 'DU BA'AM, SPYI'AM, KHYAD PAR YIN ZHES BYA BA'I THA TSIG GO ,'DI GANG GI YIN ZHES BYA BA NI, CI BDAG NYID DAM CHOS DANG 'BREL PA YIN TE, 'ON KYANG GZUGS LA SOGS PA NI MA SKYES PA YIN PA'I PHYIR, GANG YANG MA YIN GANG GI YANG MA YIN ZHES BYA BA'I THA TSIG GO, ,GAL TE DE LTA YIN NA MED PA YIN NO ZHE NA, CI CHOS GANG MED PA DANG ZHES BYA BA LA SOGS PA SMOS @37A *, ,TE YUL MED PA LA DGAG PA'I SBYOR BA MED PAS DE KHO NA NYID DU MED PA NI SHES RAB KYI PHA ROL TU PHYIN PA MA YIN NO ZHES BYA BAR DGONGS SO, ,GAL TE ZHES BYA BA NI NYE BAR BSDU BA'O, ,SHES RAB KYI PHA ROL TU PHYIN PA RTZE MO CHEN PO'I RANG BZHIN DANG MA BRAL BAR RIG PAR BYA STE RTOGS PA'I PHYIR RO, ,'DI SKAD DU CHOS YANG DAG PAR RAB TU RNAM PAR 'BYED PA NYID KYI SHES RAB KYIS DNGOS PO THAMS CAD MA DMIGS PA NYID DU NGES PAR BRTAGS PA'I PHYIR, DPYAD PAS SHES RAB KYI PHA ROL TU PHYIN PA'I RANG BZHIN MED PA NYID CHOS NYID KYI SGO NAS RNAM PA YIN NO ZHES BRJOD PA YIN NO, ,DE LTAR DGE BA'I RTZA BA G-YO BA'I RTZE MO YIN PA'I PHYIR RTZE MOR GYUR PA'I DMIGS PA DANG, RNAM PA DANG LDAN PA RNAM PA GSUM YIN NO, ,DE SKAD DU YANG, GZUGS SOGS MI GNAS DE DAG NI, ,DE YI NGO BOR RANG BZHIN MED, ,DE DAG GCIG GI RANG BZHIN GCIG ,DE MI RTAG SOGS PAR MI GNAS, ,DE RNAMS DE YI NGO BOS STONG, ,DE DAG GCIG GI RANG BZHIN GCIG, ,CHOS RNAMS MI 'DZIN GANG YIN DANG, ,DE DAG MTSAN MAR MI MTHONG PHYIR, ,THAMS CAD DMIGS SU MED PAR NI, ,SHES RAB KYIS NI YONGS RTOGS PA, ,ZHES GSUNGS PA YIN NO, ,DA NI RTZE MO'I 'OG TU BZOD PAR GTOGS PA'I DGE BA'I RTZA BA CHUNG DU'I DMIGS PA'I DON 'DRI BA SNGON DU 'GRO BAS GSUNGS PA NI DE NAS TSE DANG LDAN PA SH'A RI'I BUS ZHES BYA BA LA SOGS PA'O, ,NGO BO NYID DANG BRAL BA YIN NA ZHES BYA BA NI LHAG MA'O, ,'DI SKAD DU GANG GI TSE GZUGS LA SOGS PA'I NGO BO NYID DANG BRAL BA DMIGS PA YIN NA, DE'I TSE RGYU GANG GIS GTZOR BZOD PA CHUNG DU'I RANG BZHIN GYI SHES RAB KYI PHA ROL TU PHYIN PA DANG MA BRAL BAR RIG PAR BYA ZHES BRJOD PA YIN NO, ,'DI NI RTEN CING 'BREL PAR 'BYUNG BA'I CHOS NYID YIN TE, 'DI LTA STE 'DI YOD PAS 'DI 'BYUNG ZHES BYA BA'I BSAM PAS GZUGS NYID GZUGS KYI NGO BO NYID DANG BRAL BA'O ZHES BYA BA'I LAN RIG PAR BYED PAS SMRAS PA YIN TE, GZHAN DU NA GANG GI TSE GZUGS NYID GZUGS KYI NGO BO NYID DANG BRAL BA'O ZHES DRIS PA NA, GZUGS NYID GZUGS KYI NGO BO NYID DANG BRAL BA'O ZHES BYA BA'I LAN MI RIGS PAR 'GYUR RO, ,YANG JI LTAR NA @37B GZUGS LA SOGS PA NGO BO NYID DANG BRAL BA YIN ZHES DOGS PA BSU NAS, SHES RAB KYI PHA ROL TU PHYIN PA NGO BO NYID DANG BRAL BA NYID YIN PAR BSTAN PA NYID KYIS GZHAN RNAMS KYI NGO BO NYID DANG YANG BRAL BA NYID DU BSTAN PA YIN ZHES BYA BA'I DON DE GSUNGS PA NI, SHES RAB KYI PHA ROL TU PHYIN PA NI ZHES BYA BA LA SOGS PA SMOS TE, SHES RAB KYI PHA ROL TU PHYIN PA'I MTSAN NYID KYI SPYI'I RANG BZHIN DANG BRAL BA'O, ,YANG ZHES BYA BA NI SHES RAB KYI PHA ROL TU PHYIN PA'I NGO BO NYID DANG KHYAD PAR GYI MTSAN NYID DANG YANG BRAL BA ZHES BYA BA NI YANG GI SGRAS SO, ,'O NA NI BSTAN PA'I 'BRAS BU NI PHYIN CI LOG LDOG PA YIN PA'I PHYIR MTSAN NYID DANG MTSON BYA YOD DO ZHE NA, MTSAN NYID KYANG ZHES BYA BA LA SOGS PA SMOS TE, MTSAN NYID NI SPYI YIN LA MTSAN GZHI MTSON BYA NI KHYAD PAR YIN NO, ,DE LTA NA DE GNYIS KYI NGO BO NYID YOD DO ZHE NA, NGO BO NYID KYANG NGO BO NYID KYI MTSAN NYID DANG BRAL BA'O ZHES SMOS TE, MTSON BYA MTSAN NYID RNAM SPANGS SHING, ,TSIG TU BRJOD PA DANG BRAL NI, ,DE NYID MTSON BYA MTSAN NYID DU, ,GNAS PA BTAGS PA YIN PAR RIGS, ,ZHES BSAMS PA'O, ,'DI SKAD DU STONG PA NYID KYIS MTSON BYA DANG MTSAN NYID GCIG PA NYID KYIS NA RANG BZHIN MED PA'I KHYAD PAR CAN GYI GZUGS LA SOGS PA DMIGS PA YIN NO ZHES BRJOD PA YIN NO, ,RNAM PA GANG GIS DMIGS PAR BYA ZHES BYA BA'I 'DRI BA SNGON DU 'GRO BAS RNAM PA'I DON GSUNGS PA NI, TSE DANG LDAN PA RAB 'BYOR CI ZHES BYA BA LA SOGS PA'O, ,'DI LA ZHES BYA BA DMIGS PA 'DI LA KUN RDZOB TU SLOB PAR 'GYUR BA GANG YIN PA DE CI THAMS CAD MKHYEN PA NYID LA NGES PAR 'BYUNG BAR 'GYUR RAM ZHES BYA BA STE, RGYU DES BZOD PA CHUNG DUR GTOGS PA'I DGE BA'I RTZA BA THOB PAR 'GYUR RNAM ZHES BYA BAR BSAMS PA'O, ,CHOS NYID DANG MI 'GAL BA NYID DU SMRAS SO ZHES KHAS BLANG PA'I DON DU, TSE DANG LDAN PA SH'A RI'I BU DE DE BZHIN NO ZHES BYA BA LA SOGS PA GSUNGS SO, ,NGES PAR 'BYUNG BAR 'GYUR RO ZHES BYA BA'I DON DAM PA DANG, KUN RDZOB KYI SGO NAS GZUGS LA SOGS PA RNAMS DNGOS PO MED PA NYID KYI NGO BO NYID NI RNAM PA YIN TE, DE BSGOMS PAS ZHES BYA BA'I DON TO, ,YANG JI LTAR NA BZOD PA CHUNG DU'I DGE BA'I RTZA BA @38A *, ,LA SLOB PA NA RNAM PA THAMS CAD MKHYEN PA NYID DU 'GRO BAR 'GYUR ZHES BYA BA'I DOGS PA DE CI'I PHYIR ZHE NA ZHES BYA BAS BSU NAS, 'BRING GI DMIGS PA'I DON GSUNGS PA NI, TSE DANG LDAN PA SH'A RI'I BU CHOS THAMS CAD NI NGES PAR 'BYUNG BA MED CING ZHES BYA BA LA SOGS PA'O, ,GONG NAS GONG DU DMIGS PA'I KHYAD PAR LA SOGS PAS RTOGS PA'I KHYAD PAR DU GYUR PA NA NGES PA NYID DU 'GRO BAR 'GYUR RO ZHES BYA BAR DGONGS SO, ,NI'I SGRA NI NGES PAR GZUNG BA LA STE CHOS THAMS CAD NI MA SKYES PA NYID DO ZHES BYA BA'I DON TO, ,CI'I PHYIR ZHE NA, GANG GI PHYIR CHOS RNAMS SKAD CIG MA GCIG GI MI RTAG PA NYID KYIS NA SKYE BA'I CHOS BKAG PAS NGES PAR 'BYUNG BA MED PA STE MYA NGAN LAS 'DAS PA'I YAN LAG MA YIN PA NYID DO, ,CHOS THAMS CAD CES BYA BA NI RANG BZHIN GYIS MA SKYES PA NYID KYIS NA SKYE BA DANG 'GAG PA MED PA'I KHYAD PAR CAN GYI GZUGS LA SOGS PA DMIGS PA YIN NO ZHES BYA BA'I DON TO, ,RNAM PA GANG GIS DMIGS PAR BYA ZHE NA, DE LTAR SPYOD NA ZHES BYA BA LA SOGS PA SMOS TE, BSHAD MA THAG PA'I TSUL GYIS DE LTAR SPYOD CING BSGOMS NA STE, 'GRO BA'I DON THAMS CAD NI RTOGS PA'I DON YIN PA'I PHYIR RO, ,NYE BA YIN NO ZHES BYA BA NI MYUR DU RTOGS PA THOB PA YIN PA'I PHYIR NYE BAR GNAS PAR 'GYUR BA YIN NO, ,SEMS CAN YONGS SU SMIN PA'I PHYIR DANG ZHES BYA BA NI DGE BA'I CHOS LA NGES PAR SBYOR BA LA SEMS CAN YONGS SU SMIN PA'I PHYIR RO, ,LUS DANG ZHES BYA BA LA SOGS PA LA CHOS THAMS CAD KYI RANG GI NGO BO NYID SHES PAS LUS LA SOGS PA'I RNAM PA THAMS CAD RNAM PAR DAG PA ZHES BYA BA RNAM PAR DAG PA'I RGYUR GYUR PA'I PHYIR, RNAM PAR DAG PA'I RNAM PA RGYU'I SGO NAS BSLABS PA LAS LUS KYI LAS RNAM PA GSUM YONGS SU DAG PAS LUS YONGS SU DAG PAR 'GYUR RO, ,SEMS RNAM PAR DAG PA NI YID KYI LAS RNAM PA GSUM YONGS SU DAG PA'O, ,MTSAN YONGS SU DAG PA NI SKYES BU CHEN PO'I MTSAN SUM CU RTZA GNYIS GNAS NA GNAS PA DANG, GSAL BA DANG, YONGS SU RDZOGS PA NYID KYIS SO, ,SANGS RGYAS KYI ZHING YONGS SU DAG PA NI SEMS CAN DANG SNOD KYI 'JIG RTEN YONGS SU DAG PA NYID DO, , @38B NGES PAR 'BYED PA'I CHA DANG MTHUN PA'I GNAS SKABS SU 'DI DAG RNAM PA THAMS CAD DU MED PA'I PHYIR NA CUNG ZAD TZAM GYIS YIN NO ZHES BYA BAR BSAMS PA'O, ,YANG TSE DANG LDAN PA SH'A RI'I BU ZHES BYA BA NI DE LTAR NYE BAR BSDU BA YIN NO, ,CHEN PO'I DMIGS PA'I DON GSUNGS PA NI GAL TE ZHES BYA BA LA SOGS PA SMOS PA'O, ,'DI SNYAM DU JI SRID MNGON PAR ZHEN PA'I TSUL GYIS MTSAN MAR 'DZIN PA LA SPYOD PA DE SRID DU MTSAN MA NI BYANG CHUB SEMS DPA'I NYON MONGS PA'O ZHES GSUNGS PAS DMIGS PA'I G-YANG SA 'KHOR BA'I NYON MONGS PA'I LTUNG BAR GYUR PA YIN NO, ,DE LA GZUGS NI 'BRAS BUR GYUR BA'O, ,GZUGS KYI MTSAN MA NI LHAN CIG BYED PA'I RGYU'O, ,GZUGS MCHAN MA'O SNYAM DU ZHES BYA BA NI NYE BAR LEN PA'I RGYU'O, ,GZUGS SKYE BA NI SKYE BAR GYUR PA'O, ,'GAG PA NI SKAD CIG MA'I MI RTAG PAS SO, ,STONG PA NI GNYIG MED PAS TE, 'DI NI PHYIN CI LOG LA 'JUG PA YIN PAS THABS LA MI MKHAS PA YIN PAR RIG PAR BYA'O, ,LDOG PA'I SGO NAS BSTAN NAS, RJES SU 'GRO BA'I SGO NAS GSUNGS PA NI JI LTAR SPYAD NA ZHES BYA BA LA SOGS PA'O, ,DE LTAR SPYOD NA ZHES BYA BA NI NYE BAR BSDU BA YIN TE, RANG DANG SPYI'I MTSAN NYID MI 'THAD PAS CHOS THAMS CAD MTSAN MA MED PA NYID DO ZHES BYA BA'I KHYAD PAR CAN GYI GZUGS LA SOGS PA DMIGS PA YIN TE, DE LTAR SPYAD PA'I BYANG CHUB SEMS DPA' NI SHES RAB KYI PHA ROL TU PHYIN PA BZOD PA CHEN PO'I RANG BZHIN LA SPYOD PA YIN NO, ,RNAM PA GANG GIS DMIGS PAR BYA ZHE NA, DE SPYOD KYANG ZHES BYA BA LA SOGS PA SMOS TE, SGRUB PA DANG NI DGAG PA DANG, ,DE DAG NYID NI LDAN PA DANG, ,DE DAG NYID NI DGAG PA DAG ,RNAM PA KUN TU MI RTOGS SO, ,ZHES BYA BAR BSAMS PA'O, ,YANG MI RTOGS NA JI LTAR NA BSGOM PAR BYA BA YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, CHOS THAMS CAD NI ZHES BYA BA LA SOGS PA GSUNGS SO, ,GANG GI RANG BZHIN KHO NAS GZUGS LA SOGS PA'I MTSAN MA RNAMS KYI RTEN DANG BRAL BA NYID KYIS MOS PA YID LA BYED PAS MI MOS SHING, DE KHO NA NYID YID LA BYED PAS YONGS SU SHES PA MED PA ZHES CHOS NYID KYI RNAM PA'I SGO NAS @39A *, ,DMIGS PA NA LHAG PAR MOS PAS BDAG GIR MA BYAS PA'I PHYIR NYE BAR MA RTOGS PA DANG, DE KHO NA NYID YID LA BYED PAS MA BZUNG BA YIN PA'I PHYIR MA ZIN PA YIN NO, ,DE LTAR NA NGAN 'GRO MED PAS CHOS CHEN PO LA BZOD PA YIN PA'I PHYIR, BZOD PAR GTOGS PA'I DMIGS PA DANG RNAM PA DANG LDAN PAS RNAM PA GSUM MO, ,DE SKAD DU YANG, GZUGS SOGS NGO BO NYID MED NYID, ,DE MED PA NYID NGO BO NYID, ,DE DAG SKYE MED NGES 'BYUNG MED, ,DAG DANG DE DAG MTSAN MA MED, ,DE YI MTSAN MAR MI RTEN PAS, ,MOS MIN 'DU SHES MED PA YIN, ,ZHES BYA BA GSUNGS TE, DE NYID KYI PHYIR BZOD THOB NGAN SONG MI LTUNG NGO ZHES BSHAD PAS, BYANG CHUB SEMS DPA' RNAMS BZOD PA SKYED PAR MI BYED DO ZHES SLOB DPON GYI ZHAL SNGA NAS KYIS GSUNGS PA GANG YIN PA DE NI BSAM PAR BYA BA YIN TE, BYANG CHUB SEMS DPA' RNAMS KYI BZOD PA RTOGS PA GSUNGS PA'I PHYIR RO, ,BZOD PA THOB PA NGAN SONG DU MI 'GRO'O ZHES BYA BA'I MDO DANG YANG MI 'GAL TE, LAS KYI DBANG GIS SNYAM DU DGONGS PA'I PHYIR RO, ,'DI NI NGES PAR 'DI LTAR SHES PAR BYA STE, 'DI LTAR BCOM LDAN 'DAS KYI BKAS SH'A RI'I BU LA SOGS PA YANG MDZES DGA' KHYER TE DMYAL BAR RGYUR SONG NGO ZHES PHYOGS GZHAN DU BSHAD PA YIN NO, ,DA NI BZOD PA'I 'OG TU CHOS KYI MCHOG TU GTOGS PA'I DGE BA'I RTZA BA CHUNG DU'I DMIGS PA'I DON GSUNGS PA NI 'DI NI ZHES BYA BA LA SOGS PA'O, ,TING NGE 'DZIN GANG GIS CHOS THAMS CAD NYE BAR LEN PAR MI BYED PA DE NI TING NGE 'DZIN CHOS THAMS CAD LEN PA MED PA ZHES BYA STE, 'DI NI DE KHO NA NYID DU TING NGE 'DZIN GYI RANG GI NGO BOR GYUR PA'I GZUGS LA SOGS PA LA DMIGS PAS NA YANGS PA ZHES BYA BA LA SOGS PA BRJOD DO ZHES 'BREL TO, ,RNAM PA GANG GIS DMIGS PAR BYA ZHE NA, TING NGE 'DZIN 'DIS GNAS PA'I ZHES BYA BA LA SOGS PA SMOS TE, RNAM PA NI RANG GI SMON LAM DANG BSOD NAMS DANG YE SHES DANG CHOS KYI DBYINGS KYI STOBS KYIS LHUN GYIS GRUB PAR 'JIG RTEN GYI KHAMS THAMS CAD DU SKAL PA JI LTA BA BZHIN DU TING NGE 'DZIN GYI BYA BA 'JUG GO ZHES 'BRAS BU'I SGO NAS DMIGS PA'I PHYIR MYUR DU BLA NA MED PA YANG @39B DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA'O, ,'BRING GI DMIGS PA'I DON GSUNGS PA NI DE NAS SANGS RGYAS KYI MTHUS ZHES BYA BA LA SOGS PA'O, ,SANGS RGYAS KYI MTHU'I SKABS YIN YANG TSIG DE YANG SMOS PA NI SPOBS PA'I KHYAD PAR MNGON PAR STON PA'I DON YIN NO,, YANG NA GDUL BYA RNAMS KYI DE LA DRAN PA BRTAN PAR BYA BA'I PHYIR YIN NO, ,'DI ZHES BYA BA NI CHOS KYI MCHOG TU GTOGS PA'I 'BRING LA'O, ,DE BZHIN GSHEGS PA ZHES BYA BA LA SOGS PA LA, RNAM PA THAMS CAD DU PHYIN CI MA LOG PAR CHOS STON PAR MDZAD PA NYID KYIS GZHAN GYI DON PHUN SUM TSOGS PAS DE BZHIN GSHEGS PA'O, ,NYON MONGS PA DANG SHES BYA'I SGRIB PA BAG CHAGS DANG BCAS PAR SPANGS PA DANG LDAN PAS RANG GI DON PHUN SUM TSOGS PAS DGRA BCOM PA'O, ,PHUN SUM TSOGS PA GNYIS THOB PAR BYED PA'I LAM THUGS SU CHUD PAS NA YANG DAG PAR RDZOGS PA'I SANGS RGYAS SO, ,LUNG BSTAN TO ZHES BYA BA NI YANG DAG PAR ZHUGS PA'I TING NGE 'DZIN DANG LDAN PA LA SANGS RGYAS RNAMS KYIS LUNG BSTAN PAR MDZAD PA 'DI NI CHOS NYID YIN NO ZHES LUNG BSTAN PA'I RGYU KHYAD PAR CAN GYI GZUGS LA SOGS PA LA DMIGS PA'I PHYIR RO, ,RNAM PA GANG GIS DMIGS PAR BYA ZHE NA, DE NI ZHES BYA BA LA SOGS PA SMOS TE, YANG DAG PAR RJES SU MI MTHONG ZHES BYA BA NI RNAM PAR MI RTOG PA'I SEMS KYIS SO, ,DES KYANG RLOM SEMS SU MI BGYID CES BYA BA NI RNAM PAR RTOG PA DANG BCAS PA'I SEMS KYIS SO, ,DE KHO NA NYID DU MED PA YIN PA'I PHYIR RO, ,BDAG NI MNYAM PAR GZHAG PA STE ZHES BYA BA NI TING NGE 'DZIN THOB PA'O, ,SNYOMS PAR 'JUG GO ZHES BYA BA LA SOGS PA NI SBYOR BA DANG DNGOS GZHI DANG MJUG TU GYUR PA'I RNAM PAR RTOG PA'AM DUS GSUM DU GYUR PA'O, ,THAMS CAD NAS ZHES BYA BA LA SOGS PA LA, ,THAMS CAD NI 'DI GNYIS TE DNGOS PO THAMS CAD DANG RNAM PA THAMS CAD DO ZHES BSHAD PAS 'DAS PA LA SOGS PA'I DNGOS PO'I DBYE BAS THAMS CAD NAS SO, ,PHUNG PO LA SOGS PA'I YUL CAN RNAM PAR RTOG PA'I BYE BRAG GI DNGOS PO NI THAMS CAD DO, ,CHUNG DU'I CHUNG DU LA SOGS PA'I YANG RNAM PAS RNAM PA THAMS CAD KYI'O, ,BAG CHAGS @40A *, ,DANG BCAS PA'I RNAM PA THAMS CAD NI THAMS CAD DU'O, ,RNAM PAR RTOG PA THAMS CAD MI 'THAD PAS BYANG CHUB SEMS DPA' TING NGE 'DZIN GYI NGO BOS RTOGS PA LA BDAG NI MNYAM PAR GZHAG PA'O SNYAM PA LA SOGS PA'I SHES PA MI 'BYUNG BAS MA MCHIS TE CHOS NYID KYI SGO NAS RNAM PA LA BSLAB PA'I PHYIR MI 'BYUNG BA'O, ,CHEN PO'I DMIGS PA'I DON GSUNGS PA NI, TSE DANG LDAN PA RAB 'BYOR TING NGE 'DZIN GANG GIS 'DAS NA ZHES BYA BA LA SOGS PA'O, ,CHOS KYI MCHOG CHEN POR GTOGS PA'I PHYIR TING NGE 'DZIN DE BSTAN PAR NUS SAM ZHES BYA BA NI, CI BYANG CHUB SEMS DPA' LA SOGS PA THA DAD PA'I RANG BZHIN DU ZHES BYA BAR DGONGS SO, ,GLEGS BAM LA LA LAS NI TING NGE 'DZIN GANG LA GNAS NA ZHES 'DON TE, DE LA TING NGE 'DZIN BSTAN PAR NUS SAM ZHES BYA BA DRIS PA'I TSIG DE NYID MI 'BYOR PA YIN PAS DPYAD PAR BYA'O, ,TSE DANG LDAN PA SH'A RI'I BU DE LTA MA YIN NO ZHES BYA BA NI LAN YIN TE, CHOS NYID KYIS TING NGE 'DZIN DANG, BYANG CHUB SEMS DPA' DANG, SHES RAB KYI PHA ROL TU PHYIN PA STE, DON GSUM PHAN TSUN NGO BO GCIG PA YIN NO ZHES SO SOR BSTAN PAR MI NUS PA'I KHYAD PAR CAN GYI GZUGS LA SOGS PA LA DMIGS PA'I PHYIR NA MI NUS SO ZHES BYA BA'I DON TO, ,YANG JI LTAR NA SGOM BZHIN PA YANG BSTAN PAR MI NUS SNYAM DU DOGS PA DE CI'I PHYIR ZHEN ZHES BYA BAS BSU NAS, RNAM PA STON PAS LAN GSUNGS PA NI RIGS KYI BU DES TING NGE 'DZIN DE YANG ZHES BYA BA LA SOGS PA'O, ,CHOS THAMS CAD YOD PA MA YIN PA NYID KYIS TING NGE 'DZIN DU RNAM PAR MI RTOG PA NI THABS DAM PA YIN ZHES CHOS NYID KYI RNAM PA'I SGO NAS DMIGS PAS, TING NGE 'DZIN DE YANG RNAM PA MED PA'I SEMS KYIS MI SHES TE NYE BA'I RGYU MED PA'I PHYIR RO, ,RNAM PA DANG BCAS PAS YANG DAG PAR MI SHES TE, DNGOS PO YOD PA MA YIN YANG RMI LAM LA SOGS PA SRID PA'I PHYIR RO, ,YANG ZHES BYA BA'I SGRA NI RNAM PA 'BA' ZHIG TU MA ZAD PA'O, ,'DI ZHES BYA BAR MTHONG BA NI RNAM PAR RTOG PA LA RAG LAS PA'I PHYIR ZHES BYA BAR BSAMS SO, ,THAMS CAD NYE BAR MA DMIGS PA LA BSGOM PAR BYA BA DANG SGOM PA PO DANG SGOM PA MI 'THAD DO ZHES BYA BAR @40B DGONGS PAS, SH'A RI'I BU MI SHES YANG DAG PAR MI SHES ZHES ZER RAM ZHES SMRAS SO, ,KUN RDZOB TU NYES PA MED DO SNYAM DU BSAMS NAS, RAB 'BYOR GYIS SMRAS PA, TSE DANG LDAN PA SH'A RI'I BU ZHES BYA BA LA SOGS PA SMOS SO, ,BSAM PA DE NYID NI CI'I PHYIR ZHE NA ZHES BYA BAS DOGS PA BSU NAS BRJOD PA NI, TING NGE 'DZIN DE MED PAS NA ZHES BYA BA'O, ,DE KHO NA NYID DU NA ZHES BYA BA NI LHAG MA'O, ,SBYOR BA LA SOGS PA NI SGYU MA'I SKYES BU BZHIN DU SNGON GYI 'PHEN PA'I DBANG GIS YIN NO ZHES BYA BAR BSAMS PA'O, ,CHOS NYID DANG MI 'GAL BAR STON PAS LEGS SO ZHES BYA BA'I DON GSUNGS PA NI, TSE DANG LDAN PA RAB 'BYOR LEGS SO ZHES BYA BA LA SOGS PA'O, ,SPOBS PA NI KHYOD LA DER SNANG BA'I SHES PA SKYES PAS SO, ,STON PA NI GZHAN RNAMS LA DMIGS PA DE STON PA'I PHYIR RO, ,BYANG CHUB SEMS DPA' ZHES BYA BA LA SOGS PA NYE BAR BSDU BA'O, ,NI'I SGRA NI NGES PAR GZUNG BA YIN TE, NGES PAR 'BYED PA'I CHA DANG MTHUN PA 'DI LA DE KHO NA LTAR BSLAB PAR BYA'O ZHES BYA BA'I THA TSIG GO, ,YANG JI LTAR NA RIM PA 'DIS BSLAB PAR BYA SNYAM PA'I DOGS PA DE CI'I PHYIR ZHE NA ZHES BYA BAS BSU NAS, BYANG CHUB SEMS DPA' ZHES BYA BA LA SOGS PA GZUNGS SO, ,SHES RAB KYI PHA ROL TU PHYIN PA LA ZHES BYA BA NI NGES PAR 'BYED PA'I CHA DANG MTHUN PA'I RANG BZHIN LA'O, ,DE LTAR NA 'JIG RTEN PA'I CHOS THAMS CAD KYI MCHOG YIN PA'I PHYIR, CHOS KYI MCHOG CES BYA BA'I DMIGS PA DANG RNAM PA DANG LDAN PA RNAM PA GSUM MO, ,DE SKAD DU YANG, TING 'DZIN DE YI BYED PA NYID, , LUNG STON PA DANG RLOM PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,DE LTAR NGES 'BYED CHA MTHUN NI, ,CHUNG DANG 'BRING DANG CHEN PO YIN, ,ZHES GSUNGS PA YIN NO, ,'DI SKAD STON TE, DE LTAR CHOS RNAM PAR 'BYED PA BYAS SHING MNYAM PAR GZHAG PA'I SEMS KYIS CHOS THAMS CAD BDAG MED PA SGOM PA NA, GANG GI TSE RIM GYIS DON THA DAD PAR GYUR PA'I MNGON PAR ZHEN PA MED PA'I PHYIR YE SHES KYI SNANG BA CUNG ZAD GSAL BAS YUD TZAM KHO NA MTHONG BA DE'I TSE 'DI'I DRO BAR GTOGS PA'I GNAS SKABS YIN LA, DE NYID NI THEG PA CHEN PO 'DIR SNANG BA THOB PA @41A *, ,ZHES BYA BA'I TING NGE 'DZIN DU BRJOD DO, ,GANG GI TSE CHOS KYI SNANG BA DE NYID 'PHEL BAR BYA BA'I PHYIR BDAG MED PAR SGOM PA BRTZON 'GRUS RTZOM PAS YE SHES KYI SNANG BA 'BRING TZAM DU GSAL BAR GYUR BA DE'I TSE NI RTZE MO'I GNAS SKABS TE, DE NYID NI SNANG BA MCHED PA ZHES BYA BA'I TING NGE 'DZIN TO, ,GANG GI TSE NA SEMS TZAM DU GNAS PAS PHYI'I DON LA MNGON PAR ZHEN PA MED PA'I PHYIR SHIN TU GSAL BAR SHES PA'I SNANG BA SKYES PA DE'I TSE BZOD PA'I GNAS SKABS TE, GZUNG BA'I RNAM PA MED PAR RJES SU ZHUGS PA'I PHYIR NA DE KHO NA NYID KYI DON GYI PHYOGS GCIG LA ZHUGS PA'I TING NGE 'DZIN YIN NO, ,YANG GANG GI TSE DON LA 'DZIN PAR BYED PA'I RNAM PAR G-YENG BAR SNANG BA MED PA'I YE SHES KYI SNANG BA RDZOGS PAR GYUR PA DE'I TSE 'JIG RTEN CHOS KYI MCHOG GI GNAS SKABS TE, ,DE NYID NI BAR CHAD MED PA'I TING NGE 'DZIN ZHES BYA'O, , GNAS SKABS 'DI DAG THAMS CAD NI LHAG PAR MOS PA BRTAN PA YIN PAS MOS PAS SPYOD PA'I SA ZHES BYA BAR BSHAD DO, ,SA 'DI LA GNAS PA'I BYANG CHUB SEMS DPA' NI SO SO'I SKYE BO YIN NA YANG BYIS PA'I RGUD PA THAMS CAD LAS YANG DAG PAR 'DAS SHING, TING NGE 'DZIN DANG, GZUNGS DANG, RNAM PAR THAR PA DANG, MNGON PAR SHES PA LA SOGS PA'I YON TAN GRANGS MED PA DANG LDAN PA YIN NO ZHES DKON MCHOG SPRIN LAS GSUNGS SO, ,DE LTAR NGES PAR 'BYED PA'I CHA DANG MTHUN PA RNAMS KYI DMIGS PA DANG RNAM PA DANG RGYU NYID KYI KHYAD PAR BSTAN NAS, RNAM PAR RTOG PA BZHI DANG LDAN PA'I DON LAS GZUNG BA'I RNAM PAR RTOG PA DNGOS PO THAMS CAD KYI RTEN CAN DANG POR GSUNGS PA NI, BCOM LDAN 'DAS BYANG CHUB SEMS DPA' SEMS DPA' CHEN PO DE LTAR SLOB NA ZHES BYA BA LA SOGS PA STE CI ZHES BSAMS PA'O, ,BRJOD PA'I KUN RDZOB TU SLOB PO SNYAM DU DGONGS PAS GSUNGS PA NI DE LTAR SLOB NA ZHES BYA BA LA SOGS PA'O, ,SH'A RI'I BUS BCOM LDAN 'DAS KYI DGONGS PA MA SHES NAS DRIS PA NI DE KHO NA NYID DU NA CHOS GANG LA SLOB PA LAGS ZHES BYA BA'O, ,DE LA GZHI TZAM LA BRTEN PA'I RNAM PAR RTOG PAS PHYIN CI LOG DANG 'BREL PAR 'GYUR @41B PA'I PHYIR DON DAM PAR GANG LA YANG MA YIN NO ZHES BCOM LDAN 'DAS KYIS GSUNGS PA NI CHOS GANG LA YANG MI SLOB BO ZHES BYA BA'O, ,SLOB BZHIN PA NA YANG JI LTAR MI SLOB PA YIN ZHES BYA BA'I DOGS PA DE CI'I PHYIR ZHE NA ZHES BYA BAS BSU NAS, SH'A RI'I BU CHOS DE DAG NI ZHES BYA BA LA SOGS PA GSUNGS SO, ,KUN NAS NYON MONGS PA'I CHOS RNAMS DANG LDAN PAS NA BYIS PA'O, ,RNAM PAR BYANG BA'I CHOS RNAMS DANG BRAL BAS NA SO SO'I SKYE BO'O, ,DE DAG NYID NI 'DI LTA BU'I CHOS LA MOS PA DANG THOS PA MANG BA DANG BRAL BAS THOS PA DANG MI LDAN PA YIN NO, ,'DI SNYAM DU MA RIG PA'I RNAM PAR RTOG PA'I STOBS KYIS YOD PA NYID DU NYE BAR DMIGS PAS JI LTAR MNGON PAR CHAGS PA DE BZHIN DU YOD PA MA YIN TE, DE BAS NA KUN RDZOB TU SLOB KYI DON DAM PAR MI SLOB BO ZHES GSUNGS PA'O, ,GAL TE DE LTAR MED NA 'O NA NI DON GYIS GZHAN DU YOD PA MA YIN LA, DE LTA NA YANG DNGOS POR 'DZIN PA'I PHYIR SKYON DU 'GYUR RO ZHES BYA BA'I BSAM PAS SMRAS PA NI BCOM LDAN 'DAS 'O NA JI LTA BUR MCHIS ZHES BYA BA'O, ,'ON TE PHYIN CI LOG GI YUL BSAL BA'I PHYIR JI LTAR MNGON PAR CHAGS PA DE BZHIN DU YOD PA MA YIN NO ZHES DE SKAD DU GSUNGS PA YIN MOD, DE LTA NA YANG YANG DAG PAR YOD PA MA YIN NO ZHES BYA BA BKA' STZAL PA NI, JI LTAR MED PA ZHES BYA BA LA SOGS PA SMOS TE, JI LTAR RIGS PAS DPYAD NA MED PA DE LTAR MA BRTAGS GCIG TU NA NYAMS DGA' BA NYID KYIS KUN RDZOB TU YOD PA YIN TE, MED PA NYID DU YOD PA NYID DO ZHES BYA BA'I DON TO, ,DE LTAR ZHES BYA BA LA SOGS PA NI NYE BAR BSDU BA YIN TE, GANG GI PHYIR DE LTAR MED PA'I GTAN TSIGS DE'I PHYIR NA NGES PA'I TSIG GI TSUL GYIS KUN RDZOB TU PHYIN CI LOG GI SHES PA MI SHES PA LA MA RIG PA ZHES BRJOD DO, ,DE LTAR NA 'DIS NI MA RIG PA'I RNAM PAR RTOG PA BRJOD PA YIN NO, ,GZUGS LA SOGS PA PHUNG PO'I RNAM PAR RTOG PA BSTAN PA'I PHYIR DE DAG LA ZHES BYA BA LA SOGS PA GSUNGS SO, ,DNGOS PO TZAM LA BRTEN PAS NA DE LA RAG LAS PA'I RNAM PAR RTOG PA THAMS CAD KYANG 'BREL PAR SHES PAR BYA BA'I DON DU SNGA MA DANG 'BREL PAR BRJOD DO, ,'OG MA RNAMS LA YANG SHES PAR @42A *, ,BYA'O; ;JI LTAR MNGON PAR ZHEN PA YIN SNYAM NA, DE DAG GIS ZHES BYA BA LA SOGS PA GSUNGS TE, GZUGS KYI PHUNG PO LA SOGS PA'I CHOS THAMS CAD YANG DAG PA NYID DU MED PA LA YANG DAG PA MA YIN PA'I RTOGS PA LAS DER RTOG PA'I SGO NAS SGRO BTAGS SHING BRJOD PA YIN NO, ,MING DANG GZUGS LA MNGON PAR ZHEN PA'I RNAM PAR RTOG PA BSTAN PA'I PHYIR DE DAG GIS DE LA BRTAGS NA ZHES BYA BA LA SOGS PA SMOS SO, ,RTAG PA DANG CHAD PA'I MTHA' GNYIS LA MNGON PAR ZHEN PA'I RNAM PAR RTOG PA LAS, RTAG PA NI DON BYA BA DANG BRAL PA'I PHYIR NA KUN RDZOB TU MI RTAG PA KHO NA YIN NO ZHES MING DANG GZUGS LA SOGS PA'I CHOS DE DAG, 'JIG RTEN PA'I THOS PA LAS BYUNG BA LA SOGS PA'I SHES PAS MI SHES SO, ,MI SHES PAS NI SNGAR BRTAGS LA, ,PHYI NAS DE NYID DON NGES PA, ,GANG TSE DNGOS NYID MA RNYED PA, ,DE TSE DNGOS MED GA LA YOD, , CES BYA BAR SGOM PAR 'JIG RTEN LAS 'DAS PAS MI MTHONG STE, DE'I PHYIR DE MING DANG GZUGS LA SOGS PA'I CHOS THAMS CAD DE KHO NA NYID DU NA MED BZHIN DU DE LA MNGON PAR ZHEN PA'I STOBS KYIS RTOG GO, ,MTHA' GNYIS LA CHAGS PA'I RNAM PAR RTOG PA BSTAN PA'I PHYIR, BRTAGS NAS MTHA' GNYIS LA MNGON PAR CHAGS TE ZHES BYA BA GSUNGS TE, DE LA ZHEN PA'I RNAM RTOG PAS, ,ZHES BYA BAR DGONGS SO, ,KUN NAS NYON MONGS PA DANG RNAM PAR BYANG BA MI SHES PA'I RNAM PAR RTOG PA BSTAN PA'I PHYIR, MNGON PAR CHAGS PA ZHES BYA BA LA SOGS PA GSUNGS TE, MNGON PAR ZHEN PA'I RGYU DE'I GZHI DE'I DMIGS PA LA GNAS TE RGYU MTSAN DU BYAS NAS KUN NAS NYON MONGS PA DANG RNAM PAR BYANG BA'I CHOS RNAMS KYI RANG GI NGO BO MI SHES PA'I RNAM PAR RTOG PA'I STOBS KYIS 'DAS PA NAS DA LTAR BYUNG BA'I CHOS KYI BAR LA RTOG GO, ,'PHAGS PA'I LAM LA MI GNAS PA'I RNAM PAR RTOG PA BSTAN PA'I PHYIR, DE DAG GIS BRTAGS NAS MING DANG GZUGS LA MNGON PAR ZHEN TO ZHES BYA BA GSUNGS TE, MTHONG BA LA SOGS PA'I LAM LA GNAS PAR MNGON PAR ZHEN PA'I PHYIR ZHES BYA BAR DGONGS SO, ,DE LA MING NI TSOR BA LA SOGS PA GZUGS CAN MA YIN PA'I PHUNG PO RNAMS SO, ,GZUGS NI @42B GZUGS KYI PHUNG PO'O, ,DMIGS PA'I RNAM PAR RTOG PA BSTAN PA'I PHYIR DE DAG GIS MED PA'I CHOS THAMS CAD LA BRTAGS SO ZHES BYA BA GSUNGS TE, DMIGS PA DE LA MNGON PAR ZHEN PAS ZHES BYA BAR DGONGS SO, ,BDAG LA SOGS PA'I RNAM PAR RTOG PA BSTAN PA'I PHYIR DE DAG GIS MED PA'I CHOS DE DAG CES BYA BA LA SOGS PA GSUNGS TE, BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI GNYIS DANG NI 'BREL PA LAS, ,NYES PA THAMS CAD 'BYUNG BAR 'GYUR, ,ZHES BYA BA BDAG LA SOGS PA LA MNGON PAR ZHEN PA LAS CHOS DANG GANG ZAG LA BDAG MED PA'I MTSAN NYID MTHONG BA'I LAM LA SOGS PA'I LAM YANG DAG PA JI LTA BA BZHIN DU PHYIN CI MA LOG PAR SNGA MA BZHIN DU MI SHES MI MTHONG NGO, ,RNAM PAR DAG PA SKYE BA LA SOGS PA'I RNAM PAR RTOG PA BSTAN PA'I PHYIR LAM YANG DAG PA JI LTA BA BZHIN DU MA SHES MA MTHONG BAS ZHES BYA BA LA SOGS PA GSUNGS TE KHAMS GSUM PA 'KHOR BA LAS NGES PAR MI 'BYUNG BA NI MI 'DA' BA'O, ,GANG GI PHYIR RNAM PAR DAG PA SKYE BA LA SOGS PA LA MNGON PAR ZHEN PAS MCHOG GI DON GYIS NA YANG DAG PA'I MTHA' ZHES BYA BA DE KHO NA NYID KHONG DU MI CHUD DO, ,DE'I PHYIR RGYU DES NA BYIS PA ZHES BYA BAR BTAGS PA'I GRANGS SU 'GRO ZHING MING THOB PO, ,GZUNG BA'I RNAM PAR RTOG PA GNYIS PA GNYEN PO'I RTEN CAN BSTAN PA'I PHYIR DE DAG CHOS BDEN PA LA YID MI CHES ZHES BYA BA LA SOGS PA GSUNGS TE, CHOS NI GNYEN PO'I PHYOGS KYI MTSAN NYID DO, ,BDEN PA ZHES BYA BA NI PHYIN CI MA LOG PA'I DON YIN PA'I PHYIR RO, ,YID MI CHES SO ZHES BYA BA NI DE LA MNGON PAR ZHEN PA'I RNAM PAR RTOG PA DANG LDAN PAS PHYIN CI LOG TU BSGRUB PA'I PHYIR RANG GI NGO BO NYAMS SU MYONG BA MED PAS MI DAD CING LHAG PAR MI MOS SO, ,LDOG PA'I SGO NAS PHYIN CI LOG TU SGRUB PA NYID GSUNGS PA NI YANG SH'A RI'I BU ZHES BYA BA LA SOGS PA STE, GZUNG BA'I RNAM PAR RTOG PAS RNAM PAR BYANG BA'I CHOS GANG LA YANG ZHES BYA BA LHAG MA'O, ,DE YANG 'DI LTAR YUL GYI DBYE BAS DGUR 'GYUR TE, 'DI LTA STE SPUNGS PA'I DON GYI RNAM PAR RTOG PA DANG, SKYE BA'I SGO'I DON GYI RNAM PAR RTOG PA DANG, RIGS KYI DON GYI RNAM PAR @43A *, ,RTOG PA DANG, SKYE BA'I DON GYI RNAM PAR RTOG PA DANG, STONG PA NYID KYI DON GYI RNAM PAR RTOG PA DANG, PHA ROL TU PHYIN PA'I DON GYI RNAM PAR RTOG PA DANG, MTHONG BA'I LAM GYI RNAM PAR RTOG PA DANG, BSGOM PA'I LAM GYI RNAM PAR RTOG PA DANG, MI SLOB PA'I LAM GYI RNAM PAR RTOG PA'O, ,DE SKAD DU YANG, GZHI DANG DE YI GNYEN PO YIS, ,GZUNG BAR RTOG PA RNAM PA GNYIS, ,RMONGS DANG PHUNG SOGS BYE BRAG GIS, ,DE NI SO SOR RNAM BA DGU, ,ZHES GSUNGS PA YIN NO, ,DE LA KHA CIG NA RE GZUNG BA'I RNAM PAR RTOG PA DANG PA NI GZHI THAMS CAD PA KHO NA YIN LA, GNYIS PA NI RNAM PAR BYANG BA KHO NA'I GZHI CAN YIN NO ZHES BYA BA 'DI NI GZUNG BA'I RNAM PAR RTOG PA 'DI GNYIS KYI KHYAD PAR RO, ,DE LTAR BYAS NAS BRJOD PA NI GZUNG BA'I RNAM PAR RTOG PA DANG PO GANG YIN PA DE NI GNYIS PA YANG YIN NO ZHES TSIG SNGA MA DANG SBYAR RO, ,RE ZHIG DANG PO GANG YIN PA DE NI GNYIS PA YANG YIN TE, DPER NA GZUNG BA'I RNAM PAR RTOG PA DANG PO GZHI THAMS CAD PA BZHIN NO, ,GNYIS PA KHO NAR 'GYUR GYI DANG PO MA YIN PA NI DPER NA RNAM PAR BYANG BA TZAM GYI RTEN CAN GZUNG BA'I RNAM PAR RTOG PA GNYIS PA BZHIN NO ZHES ZER RO, ,GZHAN DAG NA RE KUN NAS NYON MONGS PA'I GZHI LA BRTEN PA NI DANG PO YIN LA, RNAM PAR BYANG BA'I GZHI LA BRTEN PA GNYIS PA YIN PAS 'DI GNYIS PHAN TSUN RNAM PAR 'CHAD PA'I RANG BZHIN YIN PA'I PHYIR 'DI GNYIS NI THA DAD PA KHO NA'I ZHES ZER RO, ,'DZIN PA'I RNAM PAR RTOG PA DANG PO GANG ZAG RDZAS SU YOD PA'I RTEN CAN GSUNGS PA NI, BCOM LDAN 'DAS BYANG CHUB SEMS DPA' SEMS DPA' CHEN PO DE LTAR SLOB NA ZHES BYA BA LA SOGS PA SMOS SO, ,DE LTAR BSHAD MA THAG PA'I RIM PAS GZUNG BA'I RNAM PAR RTOG PA GNYIS MI BYED PAR 'DZIN PA'I RNAM PAR RTOG PA DANG POS SLOB NA SLOB BAM CI ZHES BYA BAR BSAMS PA'O, ,RNAM PAR RTOG PA NI SGRIB PA YIN PAR MA TSUNGS PA'I PHYIR RO ZHES BCOM LDAN 'DAS KYIS BKA' STZAL PA NI, MI SLOB STE ZHES BYA BA DE KHO NA NYID DU ZHES BYA BA NI LHAG MA'O, ,GZHAN DU MI 'THAD PA'I PHYIR KUN RDZOB TU NI LAS DANG PO PA 'DI LTAR SLOB PO ZHES GSUNGS PA NI, SH'A RI'I BU ZHES BYA BA LA SOGS @43B PA'O; ;THAMS CAD MKHYEN PA NYID LA SLOB CES BYA BA LA SOGS PA TSIG GSUM NI GO RIMS BZHIN DU SBYOR BA LA SOGS PA'I GNAS SKABS YIN PAR SHES PAR BYA'O, ,DE YANG 'DI LTAR YUL GYI DBYE BAS RNAM PA DGUR 'GYUR TE, 'DI LTA STE RANG DBANG CAN GYI BDAG TU RNAM PAR RTOG PA DANG, GCIG PU'I BDAG TU RNAM PAR RTOG PA DANG, RGYU'I BDAG TU RNAM PAR RTOG PA DANG, LTA BA PO LA SOGS PA'I BDAG TU RNAM PAR RTOG PA DANG, KUN NAS NYON MONGS PA'I RTEN GYI BDAG TU RNAM PAR RTOG PA DANG, 'DOD CHAGS DANG BRAL BA'I RTEN GYI BDAG TU RNAM PAR RTOG PA DANG, MTHONG BA'I LAM GYI RTEN GYI BDAG TU RNAM PAR RTOG PA DANG, BSGOM PA'I LAM GYI RTEN GYI BDAG TU RNAM PAR RTOG PA DANG, DON BYAS PA'I RTEN GYI BDAG TU RNAM PAR RTOG PA'O, ,'DZIN PA'I RNAM PAR RTOG PA GNYIS NI SKYES BU BTAGS PAR YOD PA'I RTEN CAN NO, ,RNAM PAR RTOG PA DE LA RTZOD PA NGAN PA SPANG BA'I SGO NAS GSUNGS PA NI BCOM LDAN 'DAS GANG ZHIG CES BYA BA LA SOGS PA'O, ,BTAGS BA TZAM KHO NA'I SKYES BU NI 'DZIN PA'O ZHES MNGON PAR ZHEN NA LOG PAR SNANG BA YIN PA'I PHYIR SGYU MA'I RANG BZHIN GYI SKYES BU NI SGYU MA'I SKYES BU STE BTAGS PA TZAM KHO NA DE YANG SLOB PAR 'GYUR NA DE LTAR YANG MA YIN TE SEMS MED PA'I PHYIR RO; ;YONGS SU MA SHES PA YANG SLOB NA NI THAMS CAD KYANG SLOB PAR 'GYUR BAS THAR PA 'BAD PA MED PAR 'GRUB BO ZHES BYA BA'I BSAM PAS GANG ZHIG 'DI SKAD DU ZHES BYA BA LA SOGS PA DE SKAD 'DRI NA DE LA LAN JI SKAD BSTAN PAR BGYI ZHES BYA BA'I THA TSIG GO, ,GZUGS LA SOGS PA NI LOG PAR SNANG BA'I RANG BZHIN DU MNYAM PA YIN TE, DE BAS NA RTEN GZHAN MED PAS SGYU MA'I SKYES BU DANG 'DRA BAS BSLAB PAR BYA ZHING THAR PA 'BAD PA MED PAR 'GRUB PA YANG MA YIN NO ZHES BYA BAR DGONGS NAS BCOM LDAN 'DAS KYIS BKA' STZAL PA NI, RAB 'BYOR DE BAS NA ZHES BYA BA LA SOGS PA'O, ,GANG GI PHYIR KHYOD DE SKAD 'DRI BA 'DIR KHYED NYID LA DRI BAR BYAS ZHES BYA BA SLAR DRI BAR BYA'O ZHES PA'O, ,BCOM LDAN 'DAS LEGS SO ZHES BYA BA LA SOGS PA LA, BCOM LDAN 'DAS LEGS SO ZHES KHAS BLANGS PAR BYA BA NAS DE LTAR BCOM LDAN 'DAS KYIS LTAR NYAN PA DANG ZHES BYA BA NI NYAN PAR GYUR PA'O, , @44A *, ,DE LTAR CI ZHIG NYAN CEN BCOM LDAN 'DAS KYIS ZHES BYA BA LA SOGS PA GSUNGS SO, ,LAN NI BCOM LDAN 'DAS SGYU MA DE GZHAN LA ZHES BYA BA LA SOGS PA GSOL TO, ,BCOM LDAN 'DAS 'DI DAG GZHAN PA NYID MA LAGS TE GANG GI PHYIR SGYU MA DE GZHAN LA GZUGS LA SOGS PA DE GZHAN MA LAGS TE, GZUGS LA SOGS PA NYID SGYU MA LAGS SO, ,SGYU MA NYID GZUGS LAGS SO ZHES BYA BA DE KHO NA NYID DU NA GCIG DANG DU MA'I NGO BO NYID DANG BRAL BAS 'DI DAG DNGOS PO MED PA NYID YIN PAS LOG PAR SNANG BA'I RANG BZHIN DU MTSUNGS PA YIN NO ZHES BSAMS PA'O, ,SGYU MA DANG GZUGS LA SOGS PA PHAN TSUN GCIG PA NYID DU BSTAN PA NA SGYU MA'I SKYES BU DANG 'DRA BAS BSLAB PAR BYA'O ZHES BSTAN PAR BYA BA'I PHYIR, RAB 'BYOR 'DI JI SNYAM DU SEMS ZHES BYA BA LA SOGS PA GSUNGS TE, 'DIR 'PHAGS PA RNAM PAR GROL SDES NYE BAR LEN PA'I PHUNG PO LNGA PO SGYU MA DANG 'DRA BA 'DI LA BYANG CHUB SEMS DPA' ZHES BYA BA LA 'DU SHES TE MTSAN MAR 'DZIN PA'O, ,BDAG PO ZHES DNGOS PO DANG BCAS PAR SHES PA NI KUN SHES PA'O, ,SHES PA DANG SHES BYA DAG LA GZUNG BA DANG 'DZIN PA'I RNAM PAR MNGON PAR ZHEN PA'I RNAM PAR SHES PA NI RNAM PAR RIG PA'O, ,GZHAN GYIS ZIN PA DANG RNAM PAR RIG PA DNGOS PO GZHAN DANG 'BREL PA'I THA SNYAD SNA TSOGS PA NI THA SNYAD DO ZHES BSHAD DO, ,BTZUN PA GROL SDES NI RIGS KYI GNAS SKABS SU NI BYANG CHUB SEMS DPA' ZHES BYA BA'I MING YIN TE, MING 'BA' ZHIG GO, ,SEMS BSKYED BA'I GNAS SKABS SU NI SHES PAS NA KUN SHES PA'O, , MNYAM PAR SHES PA NI, BYANG CHUB SEMS DPA' ZHES BYA BA'I MING GANG LA MNYAM PAR SHES PA'I SEMS 'JUG PA'I RGYU MTSAN YOD PA DE NI MNYAM PAR SHES PA YIN TE, SEMS CAN THAMS CAD MNYAM PAR SHES PA'I RGYU MTSAN CAN YIN NO, ,SBYOR BA'I SA BDUN PO LA NI CHOS THAMS CAD BTAGS PA TZAM DU GTOGS PAS RNAM PAR RIG PA'O, ,BRGYAD PA LA SOGS PAR NI MTSAN MA MED PA LHUN GYIS GRUB PA'I LAM THOB PA'I PHYIR THA SNYAD TZAM DU MNGON PAR BRJOD PAS THA SNYAD CES BYA BA YIN NO ZHES 'CHAD DO, ,BYANG CHUB SEMS DPA' NI GZUGS LA SOGS PA LOGS SHING NA YOD PAR MI @44B 'THAD PAR KHAS BLANG BAR BYA BA'I PHYIR DE DE BZHIN NO ZHES BYA BA LA SOGS PA GSOL TE, RIG PA LA LAN GNYIS SMROS SO, ,BCOM LDAN 'DAS BYANG CHUB SEMS DPA' SEMS DPA' CHEN PO ZHES BYA BA LA SOGS PA NI NYE BAR BSDU BA YIN TE, ,GANG GI PHYIR DE LTAR YIN PA'I RGYU DES NA RTEN GZHAN MED PAS JI LTAR 'KHOR BA'I LAS KYI SGYU MA LAS SKYES BA DE BZHIN DU 'JIG RTEN LAS 'DAS PA'I CHOS RNAMS KYANG YE SHES KYI SGYU MA LAS BYUNG BA YIN PAS MNGON PAR ZHEN PA MED PA'I SBYOR BAS SGYU MA'I SKYES BU LTAR BLA NA MED PA YANG DAG PAR RDZOGS PA'I BYANG CHUB LA BSLAB PAR BYA'O ZHES BYA BA NI 'THAD PA YIN NO; ;THAR PA 'BAD PA MED PAR 'GRUB PA YANG MA YIN TE, GANG GI PHYIR DE KHO NA NYID SHES PA NYID NI THAR PA THOB PAR BYED PA YIN GYI, MA SHES PAR NI MA YIN NO ZHES BYA BAR DGONGS SO, ,SGYU MA'I SKYES BU NYID YIN NA KUN NAS NYON MONGS PA DANG RNAM PAR BYANG BA'I GNAS SKABS SU JI LTAR 'GYUR SNYAM DU DOGS PA DE CI'I SLAD DU ZHE NA ZHES BYA BAS BSU NAS, BCOM LDAN 'DAS 'DI LTA STE ZHES BYA BA LA SOGS PA GSUNGS SO, ,NYE BAR LEN PA'I PHUNG PO LNGA PO DE DAG NYID CES BYA BA LA SOGS PA LA, NYE BAR LEN PA'I PHUNG PO LNGA PO NI ZAG PA DANG BCAS PA'I GZUGS LA SOGS PA'O, , ZAG PA MED PA'I PHUNG PO LNGA YONGS SU BSDU BA'I PHYIR PHUNG PO LNGA PO DE DAG NYID KYANG ZHES BYA BA DE NI KHONG NAS DBYUNG NGO, ,JI LTAR MTHONG BA'I KUN NAS NYON MONGS PA DANG RNAM PAR BYANG BA'I GNAS SKABS NYID KYANG SGYU MA'I SKYES BU LTA BU'O ZHES BYA BAR BSAMS PA'O, ,YANG JI LTAR NA SGYU MA'I SKYES BU NYID YIN SNYAM DU DOGS PA DE CI'I SLAD DU ZHE NA ZHES BYA BAS BSU NAS, 'DI LTAR ZHES BYA BA LA SOGS PA SMOS TE, DON SMRAS ZIN PA YANG RNAM PA GZHAN GYIS DOGS PAR BYAS PA NI ZLOS PA MA YIN PA'I PHYIR ZLOS TE BSHAD PA'I NYES PA YOD PAR MI BRTAGS TE, THAMS CAD DU YANG 'DI BZHIN DU SHES PAR BYA'O, , BCOM LDAN 'DAS KYIS GZUGS NI SGYU MA LTA BUR GSUNGS TE ZHES BYA BA NI, NYE BAR LEN PA'I PHUNG PO LNGA PO 'DI LA BYANG CHUB SEMS DPA' ZHES BYA BAR 'DU SHES PA DANG ZHES BYA BA LA SOGS PA GSUNGS PA'I PHYIR NA, DE MA THAG KHO NAR BCOM LDAN 'DAS KYIS GZUGS LA SOGS PA NI SGYU MA LTA BUR @45A *, ,GSUNGS PA YIN NO, ,DBANG PO DRUG NI MIG LA SOGS PA'O, ,RNA PAR SHES PA YUL DANG BCAS PA ZHES BYA BA NI LHAG MA STE, 'DI LTAR PHUNG PO LNGA ZHES DE MA THAG TU 'THAD PAR 'GYUR RO, ,RNAM PAR SHES PA GANG YIN PA DE NI DBANG PO DRUG YIN TE, SHES PA NYID DE LTA BU'I RNAM PAR SNANG BA'I PHYIR RO, ,DBANG PO DRUG KYANG SNGA MA BZHIN DU GZUNG BAR BYA'O, ,'DZIN PAR RTOG PA SKYES BU BRTAGS PAR YOD PA'I RTEN CAN BSTAN PA YIN NO, ,DE YANG YUL GYI DBYE BAS DGUR 'GYUR TE, 'DI LTAR PHUNG PO BTAGS PA'I RNAM PAR RTOG PA DANG, SKYE MCHED DU BTAGS PA'I RNAM PAR RTOG PA DANG, KHAMS SU BTAGS PA'I RNAM PAR RTOG PA DANG, RTEN CING 'BREL PAR 'BYUNG BAR BTAGS PA'I RNAM PAR RTOG PA DANG, RNAM PAR BYANG BAR BTAGS PA'I RNAM PAR RTOG PA DANG, MTHONG BA'I LAM DU BTAGS PA'I RNAM PAR RTOG PA DANG, BSGOM PA'I LAM DU BTAGS PA'I RNAM PAR RTOG PA DANG, KHYAD PAR GYI LAM DU BTAGS PA'I RNAM PAR RTOG PA DANG, MI SLOB PA'I LAM DU BTAGS PA'I RNAM PAR RTOG PA'O, ,DE SKAD DU YANG, RDZAS DANG BTAGS PA'I RTEN CAN GYI, ,'DZIN PA'ANG RNAM PA GNYIS SU 'DOD, ,RANG DBANG BDAG SOGS NGO BO DANG, ,PHUNG SOGS RTEN LA DE BZHIN NO, ,ZHES GSUNGS PA YIN NO, ,RNAM PAR RTOG PA BZHI DANG LDAN PA BSTAN NAS, DA NI THABS LA MKHAS PA'I DGE BA'I BSHES GNYEN GYI RANG BZHIN YONGS SU 'DZIN PA BSTAN PAR BYA BA'I PHYIR THEG PA LA GSAR DU ZHUGS PA'I ZHES BYA BA LA SOGS PA GSUNGS PA YIN TE, THEG PA LA ,BDUD KY GSAR PA ZHES BYA BA NI THEG PA CHEN PO LA 'PHRAL DU BZHUGS PA'O, ,'DI ZHES BYA BA NI ZAB PA DANG RGYA CHEN PO DMIGS PA LA SOGS PA'I KHYAD PAR GYIS KHYAD ZHUGS PA'O, ,DNGANG ZHING ZHES BYA BA LA SOGS PA LA DE LA GNAS MA YIN PA LA 'JIGS PA NI DNGANG PA STE, LAM NGAN PA DANG 'DRA BA'O, ,RGYUN DU 'JIGS PA NI SKRAG PA STE 'JIGS PA SKYES PA SLAR MA LDOG A'I PHYIR RO, ,SKRAG PA NGES PAR GYUR PA NI KUN TU SKRAG PA DANG LDAN PA STE, ZHUM ZHING 'GONG LA 'GYOD PAR MI 'GYUR RAM ZHES BYA BA'I THA TSIG GO, ,SDIG PA'I GROGS PO'I LAG TU SONG BAR GYUR NA NI @45B ZHES BYA BA NI KUN RDZOB DANG DON DAM PA'I DBYE BA MA BYAS PAR THOG MA MED PA'I DUS NAS GOMS PAR BYAS PA'I DMIGS PA BKAG STE MDO KHO NAR LAS DANG PO BA LA SKYE BA MED PA LA SOGS PA STON PAR BYED PA NI DMYAL BA LA SOGS PA'I 'BRAS BU DANG DAM PA'I CHOS SPONG BAR BYED PA'I SDIG PA'I RGYUR 'GYUR BA NYID YIN PA'I PHYIR SDIG PA'I GROGS PO'O, ,DE'I LAG TU SONG BAR GYUR BA NI GZUNG BA'I 'OS SU GYUR PA ZHES BYA BA'I DON TO, ,LDOG PA'I SGO NAS RDZOGS PA'I DON RJES SU 'GRO BA'I SGO NAS BRJOD NA SHIN TU BSTAN PAR 'GYUR BA YIN PA'I PHYIR DGE BA'I BSHES GNYEN GYI LAG TU SONG BAR GYUR NA NI ZHES GSUNGS SO, ,SEMS MA ZHUM ZHING MI SKRAG PA LA SOGS PA'I THABS LA MKHAS PAS BSAM PA JI LTA BA BZHIN DU SA BDAG GI RGYAL PO'I BTZUN MO SDUG BA SHI BA BRDA'I SPROD PA'I TSUL DU RIM GYIS DNGOS PO MA LUS PA BDAG MED PA LA SOGS PA STON PAR BYED PA SER SNA LA SOGS PA'I CHOS DANG BRAL BA NI BDE 'GRO LA SOGS PA'I 'BRAS BU THOB PAR BYE DPA NYID YIN PA'I PHYIR DGE BA'I BSHES GNYEN TE, DE'I LAG TU SONG BAR GYUR PA NI SNGA MA BZHIN NO, ,GANG DE DAG LA ZHES BYA BA LA SOGS PA LA GANG ZAG GANG LHA SBYIN LA SOGS PA'I GANG ZAG DE DAG LA SBYIN PA LA SOGS PA'I PHA ROL TU PHYIN PA RNAMS KUN RDZOB DANG DON DAM PA'I BDEN PA LAS MI 'DA' BA'I TSUL DU PHAN PA THOB PAR BYA BA'I PHYIR SNGA MA BZHIN DU RJES SU STON CING 'DOMS PA RNAMS DANG, YANG GANG ZHIG LHA SBYIN LA SOGS PA LA DE DAG LA PHAN PA MA YIN PA LAS BZLOG PA'I PHYIR BDUD KYI LAS RNAMS STON PA'O, ,JI LTA BU ZHE NA, BDUD KYI NYES PA NI ZHES BYA BA LA SOGS PA GSUNGS SO, ,BDUD KYI NYES PA NI 'DI LTA BUR RIG PAR BYA ZHES PA NI BDUD PAR CHOD BYA BA'I PHYIR SANGS RGYAS KYI CHA LUGS SU 'ONGS NAS KHYED LA BLA NA MED PA YANG DAG PAR RDZOGS PA'I BYANG CHUB KYIS CI ZHIG BYA ZHES MA 'ONGS PA'I DON DANG 'BYED PAR BYED PA'O, , BDUD KYI NYES PA NI 'DI DAG YIN ZHES BYA BA NI DE BZHIN DU KHYOD LA SHES RAB KYI PHA ROL TU PHYIN PA 'DRI BA LA SOGS PA NYAMS SU LEN PAS CI ZHIG BYA ZHES DA LTAR BYUNG BA'I DON DANG 'BYED PAR BYED PA'O, ,DES PHYE BA'I STOBS KYIS GO RIMS BZHIN DU BDAG GIS BYAS PA DANG SPANGS PA'I LAS BSTAN PA'I @46A *, ,PHYIR BDUD KYI LAS NI 'DI LTA BU ZHES BYA BA LA SOGS PA GSUNGS SO, ,SHES NAS GANG ZHIG BYA BA DE NI 'DI DAG RTOGS NAS ZHES BYA BA LA SOGS PA'O, ,RAB 'BYOR 'DI NI ZHES BYA BA LA SOGS PA NI NYE BAR BSDU BA'O, ,GO CHA CHEN PO BGOS PA ZHES BYA BA NI 'OG NAS BSHAD PA'I GO CHA'I SGRUB PA DANG LDAN PA'O, ,THEG PA CHEN PO LA YANG DAG PAR ZHUGS PA ZHES BYA BA DE NI DE BZHIN DU 'JUG PA'I SGRUB PA DANG LDAN PA'O, ,THEG PA CHEN PO LA YANG DAG PAR GNAS PA ZHES BYA BA NI THEG PA CHEN PO DE NYID LA BRTZON PA'O, ,DE LTAR NA DANG PO DER ZHUGS PA YIN LA, PHYIS NI GNAS PAR 'DOD DO; ;DE SKAD DU YANG, SEMS MI 'GONG PA NYID LA SOGS, ,NGO BO NYID MED SOGS STON BYED, ,DE YI MI MTHUN PHYOGS POR BA, ,RNAM PA KUN TU YONGS 'DZIN YIN, ,ZHES GSUNGS SO, ,MDO SDE NI MDO GZHAN GYI RJES SU 'BRANGS NAS BSHAD PAR BYA'O ZHES BYA BA'I BCOM LDAN 'DAS KYI BKA' NYID KYIS STONG PHRAG NYI SHU LNGA PA'I RJES SU 'BRANGS PA DANG, ,SNGON GYI SLOB DPON DBYIG GNYEN LA SOGS PAS BSHAD PA'I RIM PA LA BRTEN CING, MNGON PAR RTOGS PA'I RGYAN GYI TSIG LE'UR BYAS PA DANG YANG BSTUN NAS DGONGS PA CAN DANG KHONG NAS DA BYUNG PA LA SOGS PA'I TSIG BYAS NAS BSHAD PA DANG, DE BZHIN DU THUN MONG GI SGRA YANG SKABS LA SOGS PA'I STOBS KYIS KHYAD PAR LA 'JUG PA'I PHYIR DANG, BRJOD PAR 'DOD PA'I GZHAN DBANG NYID KYIS JI SKAD DU BSHAD PA'I DON GSUNG RAB DANG MI 'GAL BA LA SGRA 'JUG PA'I PHYIR DANG, DE DGAG PA'I TSIG MED PA'I PHYIR BSHAD PA 'DI NI GZHUNG DANG RJES SU MTHUN PA NYID YIN NO, ,DE BAS NA GZHUNG DANG MI MTHUN PA KHO NANG JI LTAR BSHAD CES BRTAG PAR MI BYA'O, ,GZHAN DU NA GAL TE TSUL 'DI LA MA BRTEN NA DE'I TSE GSUNG RAB KYI BSHAD PA NYID DU MI 'GYUR TE, SGRA NI BRDA LAS BYUNG PA NYID KYIS DON DU MA LA 'JUG PAS SO SOR NGES PA'I DON YONGS SU 'DZIN NA SOM NYIR 'GYUR PA'I PHYIR RO, ,GZHAN YANG 'DI NI 'PHAGS PA THOGS MED LA SOGS PA RNAMS KYIS BSHAD PA BRIS PA YIN PA'I PHYIR TSAD MAR BYA'O, ,DE YANG 'DI SKAD DU, 'PHAGS PA THOGS MED GSUNG RAB MA LUS PA'I DON THUGS SU CHUD CING RTOGS PA THOB PA YIN DU ZIN KYANG ZLOS TE @46B GSUNG MANG BA DANG, ZLOS TE GSUNGS PA YIN PA'I PHYOGS LA YANG TSIG SO SO'I RNAM PAR BCAD PA MA GZIGS PA DANG, ZAB PA NYID KYIS NA SHES RAB KYI PHA ROL TU PHYIN PA'I DON DPOGS PAR MA DPYOD NAS YING MI BDE BA RJES SU THOB PAR GYUR TO, ,DE NAS DE'I DON DU BCOM LDAN 'DAS 'PHAGS PA BYAMS PAS SHES RAB KYI PHA ROL TU PHYIN PA'I MDO BSHAD PA DANG MNGON PAR RTOGS PA'I RGYAN GYI TSIG LE'UR BYAS PA MDZAD DO, ,DE GSAN NAS SLOB DPON 'PHAGS PA THOGS MED DANG DBYIG GNYEN LA SOGS PA RNAMS KYIS KYANG BSHAD PA YIN NO ZHES RJES SU THOS TE, ZHAR LA 'ONGS BAS CHOG GO, ,SGRUB PA DANG LDAN PA LA NGES PAR 'BYED PA'I CHA DANG MTHUN PA JI SKAD DU BSHAD PA DANG MTHONG BA'I LAM LA SOGS PA GZHAN DAG KYANG 'BYUNG BAS, NGES PAR 'BYED PA'I CHA DANG MTHUN PA'I DE MA THAG TU GYUR PA CHOS KYI DBYINGS KYI RANG BZHIN BSTAN PA'I PHYIR, BCOM LDAN 'DAS KYIS GANG 'DI SKAD DU ZHES BYA BA LA SOGS PA GSUNGS SO, ,'DI SKAD DU, BCOM LDAN 'DAS KYIS GANG 'DI SKAD DU 'DI DAG NI BYANG CHUB SEMS DPA' SEMS DPA' CHEN PO'I ZHES BYA BA LA SOGS PA GSUNGS PA DANG, GANG YANG MDO SDE GZHAN DAG LAS BYANG CHUB SEMS DPA' SEMS DPA' CHEN PO ZHES GSUNGS BA DE LA, CHOS KYI DBYINGS KYI RANG BZHIN YIN NA TSIG SNGA MA DANG MDO SDE GZHAN DAG GI BYANG CHUB SEMS DPA' ZHES BYA BA'I GZHI'I DON GANG YIN TE, SANGS RGYAS KYI CHOS RNAMS KYI GZHI'I DON GANG YIN ZHES BRJOD PA YIN NO, ,LAN BSTAN PA'I PHYIR RAB 'BYOR ZHES BYA BA LA SOGS PA GSUNGS TE, SANGS RGYAS KYI CHOS RNAMS KYI GZHI'I DON BYANG CHUB SEMS DPA'I GANG YIN PA DE NI DE KHO NA NYID DU NA GZHI'I DON MED PA'I GNAS KYI DON MED PA YIN PAS TE, RIGS MED PA YIN NO ZHES BYA BA'I DON TO, ,RTOG PA MED PAR NI GROL BA YOD PAR MI 'THAD PAS SANGS RGYAS KYI CHOS RNAMS RTOGS BZHIN DU JI LTAR BYANG CHUB SEMS DPA' ZHES BYA BA'I GZHI'I DON MED PA YIN SNYAM DU DOGS PA DE CI'I PHYIR ZHEN ZHES BYA BAS BSU NAS, RAB 'BYOR ZHES BYA BA LA SOGS PA GSUNGS SO, ,CHOS THAMS CAD CHAGS PA MED PAR ZHES BYA BA NI GANG GI PHYIR GZHAN DU RTOGS PA MI 'THAD PAS @47A *, ,CHOS THAMS CAD LA GZHI DANG DE'I MTSAN MA LA MNGON PAR ZHEN PA MED PAS CHAGS PA MED PAR GYUR PA NA SANGS RGYAS KYI CHOS RTOGS PAR BYA BA'I PHYIR SGYU MA'I SKYES BU LTAR SLOB PA DE'I PHYIR DE KHO NA NYID DU NA RTEN GYI DON YOD PAR JI LTAR 'GYUR ZHES BYA BAR DGONGS SO, YANG KUN RDZOB TU NI SGRUB PA'I CHOS KYI GNAS SKABS KYI KHYAD PAR GYI DBYE BAS CHOS KYI DBYINGS KYI NGO BO NYID KHO NA SANGS RGYAS KYI CHOS RNAMS KYI GZHIR GYUR PA BYANG CHUB SEMS DPA' RNAM PA BCU GSUM LA NI RIGS ZHES BYA BAR BSHAD DO, ,DE LA RE ZHIG DANG POR 'JIG RTEN PA'I NGES PAR 'BYED PA'I CHA DANG MTHUN PA RNAMS KYI SKYE BA'I RTEN YIN NO, ,DE'I 'OG TU NI 'JIG RTEN LAS 'DAS PA MTHONG BA'I LAM DANG BSGOM PA'I LAM DAG GI'O, ,DE'I 'OG TU DE DAG SKYES PA'I STOBS KYIS RKUN PO PHYUNG BA DANG SGO 'PHAR BCAD PA DANG 'DRA PAR DUS MNYAM DU GNYEN PO MTHA' DAG SKYE PA DANG MI MTHUN PA'I PHYOGS 'GAG PA DAG GIS SO, ,DE'I 'OG TU DE DAG MI DMIGS PAS MI MTHUN PA DANG GNYEN PO'I PHYOGS GNYIS 'GOG PA DANG SKYE BA DANG LDAN PA'I RNAM PAR RTOG PA SPANGS PA YIN NO, ,DE'I 'OG TU SNGON GYI SMON LAM DANG SBYIN PA LA SOGS PA THABS LA MKHAS PA'I STOBS KYIS 'KHOR BA DANG MYA NGAN LAS 'DAS PA LA MI GNAS PA'I MTSAN NYID KYIS SHES RAB DANG THABS DAG GI YIN NO, ,DE'I 'OG TU DE DAG SKYES PAS NYAN THOS LA SOGS PA DANG THUN MONG MA YIN PA'I CHOS KYI YIN NO, ,DE'I 'OG TU BSAM PA JI LTA BA BZHIN DU GZHUG PA LA SOGS PA LA LDEM POR DGONGS PA'I SGO NAS THEG PA GSUM GYI LAM LA DGOD PA'I MTSAN NYID KYIS GZHAN GYI DON GYI GO RIMS KYI YIN NO, ,DE'I 'OG TU 'KHOR BA JI SRID PAR MTSAN MA MED CING LHUN GYIS GRUB PAR GZHAN GYI DON GYI YE SHES 'BYUNG BA'I RTEN YIN NO, ,DE BAS NA DE LTAR RTOGS PA'I GO RIMS YIN PA'I PHYIR 'DI NI GO RIMS YIN NO, ,'DIS KYANG RTOGS PA'I CHOS THAMS CAD BSDUS PA YIN PA'I PHYIR 'DI DAG KHO NA BSTAN GYI MA TSANG BA DANG LHAG PAR YANG MA YIN NO, ,DE BZHIN KUN RDZOB TU RTEN GYI DNGOS PO 'PHANGS PA YIN PA'I PHYIR SHES RAB KYI PHA ROL TU PHYIN PA 'DIR DON 'DI THAMS CAD 'PHANGS PA NYID YIN PAR SHES PAR BYA'O, ,NYI KHRI LNGA @47B STONG PA LAS RTEN GYI DBANG DU MDZAD NAS DON RE RE ZHING BSTAN PA'I SHES PAR BYED PA NYID KYI GZHUNG YOD MOD KYI, 'DIR NI GZHUNG MANGS KYIS 'JIGS PAS MA BRIS SO, ,DE SKAD DU YANG, RTOGS PA YI NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, , SHES RAB SNYING BRTZER BCAS PA DANG, ,SLOB MA THUN MONGS MIN NYID DANG, ,GZHAN GYI DON GYI GO RIMS DANG, ,YE SHES RTZOL BA MI MNGA' BAR, ,'JUG PA'I RTEN LA RIGS ZHES BYA, ,ZHES GSUNGS PA YIN NO, ,GAL TE CHOS KYI DBYINGS KHO NA 'PHAGS PA'I CHOS RNAMS RTOGS PA'I RGYU YIN PA'I PHYIR DE'I BDAG NYID CAN GYI BYANG CHUB SEMS DPA' BLA NA MED PA'I SANGS RGYAS KYI CHOS RNAMS KYI RANG BZHIN DU GNAS PA'I RIGS CHOS NYID KYI MING CAN YIN NA, DE'I TSE CHOS KYI DBYINGS KHO NA SPYIR GNAS PA YIN PA'I PHYIR 'DI NI THOG MA MED PA'I DUS NAS 'ONGS PA CHOS NYID KYIS THOB PA'I RANG BZHIN DU GNAS PA'I RIGS SO, ,'DI NI SNGON DGE BA'I RTZA BA LA GOMS PAS THOB PA YANG DAG PAR BLANGS PA'O, ,'DI NI RKYEN CHEN POS KYANG MI 'PHROGS PA'I PHYIR NYAN THOS DANG RANG SANGS RGYAS DANG DE BZHIN GSHEGS PA'I RIGS SU NGES PA YIN NO, ,'DI NI RKYEN GYIS 'PHROGS PA'I PHYIR NYAN THOS LA SOGS PA'I RIGS SU MA NGES PA YIN NO ZHES RIGS KYI DBYE BA THA DAD PAR RUNG BA MA YIN NAM ZHE NA, JI LTAR NYAN THOS LA SOGS PA'I THEG PA RTOGS PA'I RIM GYIS DMIGS PA DE BZHIN DU 'PHAGS PA'I CHOS RTOGS PAR BYA BA'I PHYIR, CHOS KYI DBYINGS RGYU'I NGO BOR RNAM PAR GZHAG BA'I SGO NAS RIGS NYID DU THA SNYAD 'DOGS SO ZHES BYA BA NI LAN YIN NO, ,YANG DPER NA 'JIM PA GCIG LAS MNGON PAR GRUB CING ME LCE GCIG GIS SO BTANG BA'I RTEN BUM PA LA SOGS PA BRTEN PA SPRANG RTZI DANG, KHAR LA SOGS PA'I SNOD DU GYUR PA NYID KYIS THA DAD PA DE BZHIN DU RTEN PA'I CHOS THEG PA GSUM GYIS BSDUS PA RTOGS PAR BYA BA THA DAD PA NYID YIN PAS RTEN THA DAD PA NYID DU BTAGS PA LA NYES PA MED DO, ,DE SKAD DU YANG, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,RTEN PA'I CHOS KYI BYE BRAG GIS, ,DE YI DBYE BA YONGS SU @48A *, ,BRJOD; ;CES GSUNGS PA YIN NO, ,NGES PA'I TSIG NI YON TAN SGROL PA'I DON GYIS NA CHOS KYI DBYINGS LA RIGS ZHES BYA STE DE LAS YON TAN DE DAG SKYE ZHING 'BYUNG PA YIN NO ZHES BYA BA'I THA TSIG GO, ,DE'I PHYIR 'PHAGS PA'I GANG ZAG THAMS CAD NI 'DUS MA BYAS KYIS RAB TU PHYE BA YIN NO ZHES NGES PA'I TSIG NI SEMS BSKYED PA DANG THAR PA DANG NGES PAR 'BYED PA'I CHA DANG MTHUN PA LA SOGS PA RNAMS KYI SNGON DU 'GRO BA DE YIN PAS, DANG PO KHO NAR RIGS BSHAD PAR BYA BA MA YIN NAM, CI'I PHYIR 'DI LTAR BSHAD CE NA, DE NI BDEN MOD KYI, DE NI DON GYI GO RIMS YIN LA, 'DI NI DANG PO 'BRAS BU BSHAD NAS RGYU PHYIS BSTAN PA YIN PAS BSHAD PA'I GO RIMS YIN PA'I PHYIR NYES PA MED DO, ,RTEN GYI 'OG TU JI SKAD DU BSHAD PA'I SGRUB PA'I RTEN DU GYUR PA'I BYANG CHUB SEMS DPA'I DMIGS PA GANG YIN SNYAM PA LA DMIGS PA BA STAN PA'I PHYIR RAB 'BYOR BYUNG CHUB SEMS DPA' SEMS DPA' CHEN PO NI CHOS THAMS CAD CES BYA BA LA SOGS PA GSUNGS PA YIN TE, GANG GI PHYIR DMIGS PA'I GNAS SU GYUR PA'I CHOS THAMS CAD KHONG DU CHUD PAR BYA BA'I PHYIR RJES SU RTOGS PA'I DON DU NA BDEN PA GNYIS LAS MA 'DAS PAR YANG DAG PAR DMIGS PAS RNA CHAGS PA MED PA DER GYUR BA NA DMIGS PA RNAM PAR DAG PA RTOGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR GYI GZHAN DU NI MA YIN PA DE'I PHYIR BYANG CHUB LA DMIGS PA'I DGONGS PAS RANG GI DON RNAM PA THAMS CAD PHUN SUM TSOGS PA'I PHYIR BYANG CHUB SEMS DPA' ZHES BYA BAR BSHAD DO, ,DE LA RE ZHIG DANG POR SBYIR DGE BA DANG MI DGE BA DANG LUNG DU MA BSTAN PA'I CHOS THAMS CAD DE GO RIMS BZHIN DU DGE SBYONG GI TSUL NYID DANG, SROG GCOD PA LA SOGS PA DANG, LUNG DU MA BSTAN BA'I LUS KYI LAS LA SOGS PA STE, DE LTAR RNAM PA GSUM DU PHYE PA LA BLANG BAR BYA BA DANG, SPANG BAR BYA BA DANG, BTANG SNYOMS SU BYA BA'I GNAS NYID DU RNAM PAR BSGOM MO, ,DE NAS YANG BLANG BAR BYA BA NAS BZUNG STE 'JIG RTEN PA'I LAM GYIS BSDUS PA NYE BAR LEN PA'I PHUNG PO LNGA LA SOGS @48B BA NI 'JIG RTEN PA DANG YANG DAG PA'I 'PHAGS PA'I LAM GYIS BSDUS PA BSAM GTAN BZHI LA SOGS PA NI 'JIG RTEN LAS 'DAS PA'I YIN NO ZHES SEMS PAR BYED DO, ,DE LA BDAG TU LTA BA'I GNYEN PO MA YIN PA NYID KYIS NYE BAR LEN PA'I PHUNG PO LNGA LA SOGS PA NI ZAG PA DANG BCAS PA YIN LA; BDAG TU LTA BA'I GNYEN PO NYID BAR GZHAG PA LA SOGS PA 'JIG RTEN LAS 'DAS PA RNAMS NI ZAG PA MED PA YIN NO ZHES SPANG BA DANG BLANG BAR BYA BA NYID DU NGES PAR RTOG PAR BYED DO, ,DES NA ZAG PA MED PA NAS BRTZAMS TE RGYU DANG RKYEN LA RAG LAS BA 'DOD PA'I KHAMS SU GTOGS PAS BSDUS PA DANG BYANG CHUB KYI PHYOGS LA SOGS PA NI KUN RDZOB TU 'DUS BYAS YIN LA, RGYU LA MI LTOS PA KHAMS GSUM PAR MA GTOGS PAR DE BZHIN NYID LA SOGS PA NI DON DAM PAR 'DUS MA BYAS YIN NO ZHES RNAM PA GNYIS SU SGOM PAR BYED DO, ,DE NAS 'DUS MA BYAS KYIS RAB TU PHYE BA 'PHAGS PA'I SKYE BO THAMS CAD KYI RGYUD LAS 'BYUNG BA'I BSAM GTAN BZHI LA SOGS PA NI THUN MONG GI CHOS YIN LA, YANG DAG PAR RDZOGS PA'I SANGS RGYAS KYI RGYUD LAS 'BYUNG BA'I CHOS CAN STOBS BCU LA SOGS PA NI THUN MONG MA YIN PA'I CHOS RNAMS YIN NO ZHES RNAM PA GNYIS SU SGOM PAR BYED DO, ,DE LTA BU'I RTOGS BA'I RIM GYIS CHOS THAMS CAD SGYU MA LTA BUR JI LTA BA BZHIN DU DMIGS PAS NA DMIGS PA NI RNAM PA BCU GCIG PO 'DI KHO NA YIN PAR SHES PAR BYA'O, ,JI SKAD DU BSHAD PA'I DMIGS PA'I RIM PA STON PA'I GZHUNG YANG, STONG PHRAG NYI SHU LNGA BA LA SOGS PA LAS GSAL PA KHO NAR 'BYUNG BA LAS LOG PAR KHONG DU CHUD PAR MI BYA'O, ,DE SKAD DU YANG, DMIGS PA CHOS RNAMS THAMS CAD DE, ,DE YANG DGE BA SOGS PA YIN, ,'JIG RTEN PA YIN RTOGS PA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MA THUN MONG CHOS RNAMS DANG, ,GANG DAG THUB PA'I THUN MONG MIN, ,ZHES GSUNGS PA YIN NO, ,GANG YANG CHOS KYI DBYINGS RTAG TU RNAM PAR DAG PA GNYIS SU MED PA'I YE SHES NYID NI DMIGS PA YIN NO SNYAM DU SEMS PA DE DAG GIS RTAG TU RNAM @49A *, ,PAR DAG PA NYID YIN PA'I PHYIR GONG NAS GONG DU RNAM PAR DAG PA'I KHYAD PAR DU 'GRO BAR JI LTAR BRJOD PAR BYA, CHU KHAMS GSER DANG NAM MKHA' RNAMS, ,DAG PA BZHIN DU DAG PAR 'DOD, ,CES BYA BA YIN NO ZHE NA, DE LTAN NI DAG PA NI DE KHO NA NYID KYI YE SHES YIN NO ZHES GNYEN PO'I KHYAD PAR LA MNGON PAR ZHEN PA YIN PA'I PHYIR MI MTHUN PA'I PHYOGS LA MNGON PAR ZHEN PA'I DON GYIS 'PHANGS PA YIN NO, ,DE BAS NA MI MTHUN PA DANG GNYEN PO'I PHYOGS KYI RNAM PAR RTOG PA SPANGS PA MED PAS PHYOGS GCIG PA'I DAG PAR THAL PAR 'GYUR RO, ,KHYED KYI PHYOGS LTAR NA YANG RAB 'BYOR RNAM PA THAMS CAD MKHYEN PA NYID KYI DMIGS PA NI DNGOS PO MED PA YIN NO ZHES BYA BAS DMIGS PA MTHAR THUG PA JI LTAR YIN ZHE NA NYES PA MED DE, GANG GI PHYIR RIGS PA'I RJES SU 'GRO BA'I DNGOS PO MED PA'I PHYIR NA DNGOS PO MED PA NI YANG DAG PA'I KUN RDZOB YIN PAR BRJOD LA, DE KHO NA NYID KYI RANG BZHIN BSGRIBS PA DE RIM GYIS SGYU MA LTA BUR RTOGS PA NI RNAM PAR DAG PA YIN NO, ,DE LTAR BYAS NA RANG BZHIN GTZO BOR GYUR PA NI RIGS YIN LA, RNAM PAR 'GYUR BA GTZO BOR GYUR PA NI DMIGS PA YIN PAS, GNYI GA YANG GNYI GA YIN PA LA NI DGAG PA MED DO ZHES BYA BA NI RTEN DANG DMIGS PA'I MTSAN NYID KYI DBYE BA YIN NO, ,DMIGS PA RNAM PAR GZHAG PA LA BRJOD PAR BYA BA MANG DU YOD MOD KYI, SHIN TU SPROS PAS CHOG GO ZHES 'PHAGS PA RNAM GROL SDES GSUNGS SO, ,DMIGS PA'I RJES THOGS NYID LA DMIGS PA RTOGS ZER PA'I BYANG CHUB SEMS DPA'I CHED DU BYA BA GANG YIN SNYAM NA CHED DU BYA BA BSTAN PA'I PHYIR BCOM LDAN 'DAS KYIS GANG 'DI SKAD DU ZHES BYA BA LA SOGS PA GSUNGS TE, RGYU CI'I SLAD DU ZHES BYA BA NI DGOS BA CI ZHIG GIS NA BYANG CHUB SEMS DPAR GYUR PA LA BYANG CHUB SEMS DPA' SEMS DPA' CHEN PO ZHES BGYI LAN DU BKA' STZAL BA NI, SEMS CAN GYI ZHES BYA BA LA SOGS PA'O, ,SEMS CAN GYI PHUNG PO CHEN PO DANG ZHES BYA BA NI, SEMS CAN GYI TSOGS TSAD MED PA ZHES SPYIR BRJOD PA'O, ,'KHOR BA THOG MA MED PAR 'JUG PA GCIG KYANG @49B CHE BA NYID KYIS CHEN POR GYUR PA YIN PA'I PHYIR PHUNG PO ZHES SMOS SO, ,SEMS CAN GYI RIGS CHEN PO ZHES BYA BA NI ZHUGS PA DANG 'BRAS BU LA GNAS PA'I RIS LA SOGS PA'I DBYE BAS RIGS MI MTHUN PA LAS BZLOG PAS, SEMS CAN SPYI LAS SKAL BA MNYAM PAS BSDUS PA'I SEMS CAN GYI KHYAD PAR BRJOD PA YIN NO, ,MCHOG NYID DU'O ZHES BYA BA NI, DE'I CHED DU BYAS NAS ZHUGS PA'I PHYIR SEMS CAN THAMS CAD KYI MCHOG NYID KYI SEMS CHE BA NYID RTOGS NAS SPYIR DE THOB PAR 'DOD PA'I SEMS CAN RNAMS LA CHOS STON PA LA SOGS PAS MCHOG NYID RDZOGS PAR BYED PA'O, , DE'I PHYIR DE ZHES BYA BA RGYU DES NA BYANG CHUB SEMS DPA' SEMS DPA' CHEN PO STE, 'DI LA SEMS CHE BA YOD PA'I PHYIR SEMS DPA' CHEN PO ZHES BYA'O, ,SEMS CHEN PO YOD PA LA NI SPONG BA CHEN PO NYID YOD PAS SPONG BA CHEN PO BSTAN PAR BYA BA'I PHYIR BLA MA LA RAG LAS BAS NA GNANG BA ZHU BA'I DON DU, SH'A RI'I BUS BCOM LDAN 'DAS BDAG KYANG ZHES BYA BA LA SOGS PA GSOL TO, ,DON GANG GI SLAD DU BYANG CHUB SEMS DPA' SEMS DPA' CHEN PO ZHES BGYI BA'I TSIG GI DON DE'I DON LA BCOM LDAN 'DAS BDAG KYANG SPOBS PAR 'TSAL LO, ,KYANG ZHES BYA BA'I SGRA'I DON NI BCOM LDAN 'DAS 'BA' ZHIG TU MA ZAD KYI ZHES BYA BA'O, ,RJES SU GNANG BA NYID KYI DON DU SH'A RI'I BU DA DE'I DUS LA BAB BAR SHES NA ZHES BYA BA LA SOGS PA GSUNGS PA YIN TE, DON GANG SMRA PAR BYA BA'I PHYIR DA ZHES BYA BA DA LTAR DUS LA BAB PA STE, SKABS YIN PAR SHES NA DON DE LA SPOBS PAR BYOS SHIG CES BYA BA YANG DAG PAR MNGON DU PHYOGS PAR GYIS SHIG PA'O, ,GNANG BA THOB PA DANG BDAG TU LTA BA CHEN PO DANG ZHES BYA BA LA SOGS PA GSOL TE, DE LA NGA RGYAL GYI GZHIR GYUR PA'I DON GYIS NA BDAG STE 'DI LA NGA RGYAL SKYE PA'I PHYIR RO, ,'JIG PA'I BDAG NYID CAN YIN PA'I PHYIR SEMS CAN NO, ,SROG GI DBANG PO'I DBANG GIS SKAL BA MNYAM PA'I RIS YONGS SU RDZOGS KYI BAR DU GNAS PAS NA SROG GO, ,'GRO BA RNAMS SU YANG DANG YANG DU GNAS PAS NA GANG ZAG GO, ,'BYUNG BAR 'GYUR BAS NA 'BYUNG BA'O, ,MED PAR 'GYUR PAS NA 'JIG PA'O, SNGON BYUNG BA DA LTAR MED PAS NA CHAD @50A *, ,PA'O; ,NGO BO NYID KYI YOD PA GANG YIN PA DE MED PAR MI 'GYUR PA'I PHYIR RTAG PA'O, ,BDAG DANG BDAG GI BA'I RNAM PAS PHUNG PO LNGAR LTA BA NI RANG GI LUS SU LTA BA'O, ,'DI LTA BU LA SOGS PA'I LTA BA ZHES BYA BA NI JI SKAD DU BSHAD PA'I LTA BA LA SOGS PA LOG PAR LTA BA DANG TSUL KHRIMS DANG BRTUL ZHUGS MCHOG TU 'DZIN PA LA SOGS PAR LTA BA BDAG LA SOGS PA DANG CHOS SGRO BTAGS PA'I RNAM PA LA MNGON PAR ZHEN PA'I RANG BZHIN SPANG BA'I SLAD DU ZHES BYA BA BAG CHAGS DANG BCAS PA YONGS SU DOR BAR BYA BA'I PHYIR CHOS BSTAN TO SNYAM PAS NA ZHES BYA BA SPANGS PA CHEN PO DANG RTOGS PA CHEN PO NYID THOB PAS ZHES BYA BAR BSAMS PA STE, GZHAN DU NA DE KHO NA NYID LKOG TU GYUR PAS DE BSHAD PAR DKA' BA YIN PA'I PHYIR RO, ,DE'I SLAD DU ZHES BYA BA NI DE'I PHYIR ZHES BYA BA'I DON TO, ,'DOD CHAGS LA SOGS PA MA LUS PAR SPANGS PA LA RTOGS PA KHYAD PAR CAN YOD PAS DE BZHIN DU RTOGS PA CHEN PO NYID BSHAD PA NI BCOM LDAN 'DAS BDAG KYANG DON GANG GI SLAD DU BYANG CHUB SEMS DPA' SEMS DPA' CHEN PO ZHES BGYI BAR SPOBS SO ZHES BYA BA'O, ,KYANG ZHES BYA BA'I SGRA NI GZHAN 'BA' ZHIG TU MA ZAD DO ZHES BYA BA'O, ,BYANG CHUB KYI SEMS ZHES BYA BA NI BYANG CHUB DON DU GNYER BA'I SEMS TE, SMON PA DANG 'JUG PA'I BDAG NYID CAN GYI SEMS ZHES BYA BA'I DON TO, ,THAMS CAD MKHYEN PA'I SEMS ZHES BYA BA NI THAMS CAD MKHYEN PA LA GZHOL BA'I SEMS TE, LHAG PAR MOS PAR BYED PAS MOS PA SPYOD PA'I SAS BSDUS PA'O, ,RNAM PAR MI ROG PA 'JIG RTEN LAS 'DAS PA'I YE SHES SO SOR RTOGS PA'I PHYIR ZAG PA MED PA'I SEMS TE SBYOR BA'I SA BDUN PA LA BSAM PA RNAM PAR DAG PA'O, ,MNYAM PA MED PA'I SEMS ZHES BYA BA NI MTSAN MA MED CING LHUN GYIS GRUB PAR 'JUG PA NYID KYIS MNYAM PA MED PA'I SEMS TE, SA BRGYAD PA LA SOGS PAR SMIN PA LAS BYUNG BA'O, ,MI MNYAM PA'I SANGS RGYAS RNAMS DANG MNYAM ZHING MTSUNGS PA'I SEMS NI MI MNYAM PA DANG MNYAM PA'I SEMS TE, SGRIB PA THAMS CAD SPANGS PA SANGS RGYAS KYI SAR GTOGS PA'O, ,YANG NA BYANG CHUB KYI SEMS NI MA SKYES PA'I NGO BO BYANG CHUB KYI RANG BZHIN DU @50B GYUR BA'I SEMS SO, ,DE NYID DU RNAL 'BYOR PA'I KUN RDZOB TU ME LONG LTA BU LA SOGS PA'I YE SHES DANG 'BREL PAS LDOG PA'I CHA 'GA' ZHIG GIS THAMS CAD MKHYEN PA'I SEMS LA SOGS PA RNAM PA BZHIR BSHAD DO, ,'DI DAG THAMS CAD KYANG NYAN THOS DANG RANG SANGS RGYAS THAMS CAD DANG THUN MONG MA YIN PA'O, ,SEMS DE LA YANG ZHES BYA BA NI DON CHE BA NYID YIN PA'I PHYIR PHYOGS SU LHUNG BAR 'ONGS PA'I SEMS DE LTA BU LA MA CHAGS PA STE MNGON PAR MA ZHEN PA'O, ,YONGS SU MA ZIN PA NI MI GNAS PA'O, ,DE LTAR NA 'DIS NI RTOGS PA CHE BA NYID BSTAN PA YIN NO, ,YANG GI SGRA NI GZHAN DAG LA HA CANG YANG CHES BYA BA YIN NO, ,MNGON PAR ZHEN PA MED PA DANG GNAS PA MED PA LA BSGOM PA MI 'THAD PAS GNYIS PO 'DI DAG JI LTAR YIN SNYAM PA'I DOGS PA DE CI'I SLAD DU ZHE NA ZHES BYA BAS BSU NAS 'DI LTAR ZHES BYA BA LA SOGS PA GSUNGS TE, GANG GI PHYIR BRJOD MA THAG PA'I THAMS CAD MKHYEN PA NYID KYI SEMS DE NI SNGAR BRJOD PA'I SEMS THAMS CAD NYE BAR MTSON PA LHUR BYED PA DANG CHAGS PA'I GNYEN POR GYUR PAS ZAG PA MED PA DANG, GNAS PA'I GNYEN POR GYUR PAS MI GNAS PA YIN PA DE'I PHYIR SGYU MA'I SKYES BU LTA BUR SGOM PAR BYED DO ZHES BYA BAR BSAMS PA'O, ,SEMS GANG YIN PA'I SEMS DE LA YANG ZHES BYA BA LA SOGS PA NI MJUG BSDU PA YIN NO, ,ZAG PA MED PA YIN DU ZEN KYANG DNGOS PO YOD PAS MNGON PAR ZHEN PA MED PA LA SOGS PAR MI RIGS SO ZHES BRJOD PA NI TSE DANG LDAN PA RAB 'BYOR CI'I PHYIR ZHES BYA BA LA SOGS PA'O, ,DE KHO NA NYID DU MA SKYES PA'I PHYIR RO, ,SH'A RI'I BUS SMRAS PA ZHES BYA BA NAS, NYON MONGS PA MED PAR GNAS PA RNAMS KYI MCHOG TU GSUNGS PA LTAR STON PA LEGS SO ZHES BYA BA'I BAR NI BSHAD ZIN TO, ,DON GZHAN GYI SKABS LAS 'PHROS PA YIN PA'I PHYIR ZLOS PA'I NYES PA YOD PA MA YIN NO, ,DE SKAD DU YANG SLOB DPON PHYOGS KYI GLANG POS,, SLAR YANG DON GZHAN LA BRTEN NAS, ,DON DE NYID NI BZLAS PA YIN, ,ZHES BSHAD PA YIN NO, ,DES NA DE LTAR RGYAL BA MA PHAM PA'I CHED DU BYA BA DANG CHOS MTHUN PAR BYANG CHUB SEMS DPA'I SGRUB PA'I CHED DU BYA BA RNAM PA GSUM BSTAN PA YIN PAR SHES PAR BYA'O, ,DMIGS PA DANG CHED DU @51A *, ,BYA BA LA KHYAD PAR CI ZHIG YOD CE NA, 'PHAGS PA RNAM PAR GROL BA'I SDES MDA' LTONG SBYOR BA DANG 'BEM LA PHOG PA DANG 'DRA BAR DE'I TSE NYE BA NA GNAS PA NA DMIGS PA YIN LA, PHYIS KYI THAG RING BA NI PHYED DU BYA BA YIN NO ZHES BSHAD DO, ,DE SKAD DU YANG, SEMS CAN KUN MCHOG NYID SEMS DANG, ,SPANGS DANG RTOGS DANG GSUM PO LA, ,CHEN PO GSUM GYI RANG BYUNG GI, ,CHED DU BYA BA 'DI ZHES BYA, ,ZHES BYA BA GSUNGS PA YIN NO, ,CHED DU BYA BA'I RJES LA DA NI RDZOGS PAR BYA BA'I PHYIR SGRUB PA BRJOD PAR BYA'O, ,DE YANG THAMS CAD MKHYEN PA NYID GSUM GYI YUL LA SPYIR DGE BA'I CHOS KYI RTEN CAN DANG, RNAM PA KUN MNGON PAR RDZOGS PAR RTOGS PA LA SOGS PA RNAM PA BZHI LA MNGON PAR RTOGS PA RE RE ZHING PHA ROL TU PHYIN PA DRUG GI RTEN CAN GYI BYA BA NI SGRUB PA YIN NO, ,CHOS KYI SKU'I MNGON PAR RTOGS PA LA NA MI YIN TE 'BRAS BU NYID YIN PAS DE LA BYA BA YOD MI SRID DO, ,DE LA 'PHAGS PA THOGS MED KYIS GO CHA DANG 'JUG PA'I SGRUB BA DAG NI GO RIMS BZHIN DU BRGYUD PA DANG DNGOS SU SBYOR BA'I RANG BZHIN TSOGS DANG MOS PAS SPYOD PA'I SAS BSDUS PA YIN NO, ,TSOGS KYI SGRUB BA NI BRTZE BA NAS BRTZAMS TE GZUNGS KYI BAR NI MNGON SUM DU SBYOR BA'I LAM GYI RANG BZHIN CHOS KYI MCHOG CHEN POS BSDUS PA YIN NO, ,SA DANG PO RAB TU DGA' BA'I RANG BZHIN DU GYUR PA'I TSOGS KYI SGRUB PA NI BSGOM PA'I LAM LA BRTEN PA YIN NO ZHES BSHAD DO, ,GNYIS PA LA SOGS PA'I RANG BZHIN NI BSGOM PA'I LAM GYI NGO BO YIN ZHING GNYEN PO'I PHYOGS KYI BDAG NYID CAN GYI TSOGS KYI SGRUB PA NI LAM GNYI GA'I SPYOD YUL CAN YIN NO, ,NGES PAR 'BYUNG BA'I SGRUB PA NI BSGOM PA'I LAM LA BRTEN PA YIN NO ZHES BSHAD DO, ,DE LTAR SBYOR BA DANG MTHONG BA DANG BSGOM PA DANG KHYAD PAR GYI LAM GYI RANG BZHIN SGRUB PA'I MTSAN NYID GO CHA DANG 'JUG PA DANG TSOGS DANG NGES PAR 'BYUNG BA RNAMS KYI NANG NAS BRTZON 'GRUS KYI NGO BO NYID YIN PAS DANG PO GO CHA'I SGRUB PA BSTAN PA'I PHYIR DE NAS BCOM LDAN 'DAS LA TSE DANG LDAN PA GANG POS ZHES BYA BA LA SOGS PA GSUNGS PA YIN TE, GANG PO BYAMS MA'I BUS ZHES BYA BA NI GANG PO NYID LA MING GZHAN DU NA BYAMS MA'I BU ZHES BYA'O, ,YANG NA RANG GI MA BYAMS MA ZHES @51B BYA BA'I BU YIN PAS NA BYAMS MA'I BU'O, ,GANG LAGS PA 'DI NI ZHES BYA BA NI 'DAS MA THAG PA'I DNGOS PO GANG YIN PA'O, ,GO CHA CHEN PO BGOS PA ZHES BYA BA NI GO CHA'I SGRUB PA 'DI DON GYIS 'PHANGS PA YIN TE, 'DI LTAR BYANG CHUB SEMS DPA' SBYIN PA'I PHA ROL TU PHYIN PA LA SPYOD PA NA CHOS KYI SPYIN PA LA SOGS PA SBYIN PAR BYED PAS SBYIN PA'I PHA ROL TU PHYIN PA'I GO CHA YIN NO, ,DE NYID NYAN THOS LA SOGS PA'I YID LA BYED PA YONGS SU SPANGS PAS TSUL KHRIMS KYI PHA ROL TU PHYIN PA'I GO CHA'O, ,DE NYID RNAM PA THAMS CAD MKHYEN PA NYID KYI CHOS RNAMS LA BZOD PA DANG MOS PA DANG NYE BAR RTOGS PA DANG SKYE BO THAMS CAD KYI MI SNYAN PAR SMRA BA NYID BZOD PAS NA BZOD PA'I PHA ROL TU PHYIN PA'I GO CHA'O, ,DE NYID DGE BA'I RTZA BA GONG NAS GONG DU MNGON PAR 'PHEL BAR BYA BA'I PHYIR 'DUN PA LA SOGS PA BSKYED PAS NA BRTZON 'GRUS KYI PHA ROL TU PHYIN PA'I GO CHA'O, ,DE NYID THEG PA GZHAN DANG MA 'DRES PA'I SEMS RTZE GCIG PA NYID KYIS DGE BA'I RTZA BA DE BLA NA MED PA YANG DAG PAR RDZOGS PA'I BYANG CHUB TU SDO BAR BYED PA LA DMIGS PAS BSAM GTAN GYI PHA ROL TU PHYIN PA'I GO CHA'O, ,DE NYID SGYU MA'I RNAM PA LTA BU'I 'DU SHES LA NYE BAR GNAS PAS SBYIN PAR BYA BA DANG SBYIN PA PO DANG LEN PA PO NYE BAR MA DMIGS PA NI SHES RAB KYI PHA ROL TU PHYIN PA'I GO CHA'O, ,DE LTAR NA GO CHA'I SGRUB PA DANG PO LA SBYIN PA'I PHA ROL TU PHYIN PA DRUG PA'O, ,DE BZHIN DU DE NYID KYIS TSUL KHRIMS KYI PHA ROL TU PHYIN PA LA SPYOD PA NI GNYIS PA'O, ,BZOD PA'I PHA ROL TU PHYIN PA LA SPYOD BA NI GSUM PA'O, ,BRTZON 'GRUS KYI PHA ROL TU PHYIN PA LA SPYOD PA NI BZHI PA'O, ,BSAM GTAN GYI PHA ROL TU PHYIN PA LA SPYOD PA NI LNGA PA'O, ,DE NYID KYIS SHES RAB KYI PHA ROL TU PHYIN PA LA SPYOD PA NI DRUG PA YIN NO, ,DE LTAR NA DE DAG SO SOR DRUG TSAN DRUG TU 'GYUR MOD KYI, GO CHA DRUG CHOS MTHUN PA DANG SBYIN PA LA SOGS PA CHOS MTHUN PA'I PHYIR GO CHA'I SGRUB PA NI RNAM PA DRUG TU BSHAD DO, ,STONG PHRAG NYI SHU RTZA LNGA PA LAS KYANG GO CHA'I SGRUB PA BSTAN PA LA SBYIN PA LA SOGS PA DRUG TSAN DRUG TU GSAL PO KHO NAR BSTAN PA NYID YIN PAS SO, ,DE LA DANG POR LONGS SPYOD LA LTOS PA MED NA TSUL KHRIMS YANG DAG PAR LEN PAR BYED DO, , @52A *, ,TSUL KHRIMS RJES SU BSRUNGS NA BZOD PAR 'GYUR RO, ,SDUG BSNGAL BZOD NA BRTZON 'GRUS RTZOM MO, ,LE LO DANG BRAL NA BSAM GTAN RDZOGS PAR BYED DO, ,BSAM GTAN PHUN SUM TSOGS BA NI 'JEG RTEN LAS 'DAS BA'I SHES RAB THOB BAR 'GYUR RO, ,DE LTA PU LA SOGS PA NI RTOGS PA'I RJES SU 'BRANGS NAS BSTAN PAR 'DOD PA'I PHYIR NA RIM PA 'DI NYID YIN NO, ,DE SKAD DU YANG, DE DAG SO SOR SBYIN LA SOGS, ,RNAM BA DRUG TU BSDUS PA YIS, ,GO CHA'I SGRUB BA GANG YIN DE, ,DRUG TSAN DRUG GIS JI BZHIN BSHAD, ,CES GSUNGS PA YIN NO, ,DE LTAR GO BGOS PA LA 'JUG PA 'BYUNG BAS GNYIS PAR 'JUG PA'I SGRUB BA BSTAN PAR BYA BA'I PHYIR, SEMS DPA CHEN PO DE THEG PA CHEN PO LA YANG DAG BAR ZHUGS PA THEG PA CHEN PO LA YANG LAG PAR GNA SPA ZHES BYA BA GSUNGS TE, THEG A'I SGRA NI LAS DANG BYED PA SGRUB PA NYID YIN PA'I PHYIR DANG PO 'JUG PA'I SGRUB PAS THEG PA CHEN PO RGYU DANG 'BRAS BU'I BDAG NYID CAN GYI CHOS LA 'JUG PA YIN LA PHYIS GONG NAS GONG DU KHYAD PAR RTOGS PAS YANG DAG PAR GNAS PA YIN PAS TSIG GNYIS SMOS SO, ,DE YANG 'JUG PA'I SGRUB PA 'DI DON GYIS 'PHEN PA YIN TE, 'DI LTA STE DANG PO SEMS BRTAN BAR BYAS PAS RANG GI RNAM PA DANG RTAGS DANG MTSAN MA RNAMS KYIS BSAM GTAN DANG GZUGS MED PA LA SNYOMS PAR 'JUG PA DANG LDAN PA'I 'JUG PA YIN NO, ,DE'I 'OG TU SEMS BRTAN PAR GYUR BA NI BSOD NAMS DANG YE SHES KYI TSOGS LA SLOB PAR BYA BA'I PHYIR SBYIN PAR BYA BA DANG SBYIN PA PO DANG LEN PA PO LA SOGS PA 'KHOR GSUM YONGS SU DAG PAS PHA ROL TU PHYIN PA DRUG GI 'JUG PA'O, ,DE'I 'OG TU BSOD NAMS DANG YE SHES KYI TSOGS BSAGS PA KHO NA LA LHAG PAR MOS PA'I PHYIR MTHONG BA DANG BSGOM PA DANG MI SLOB BA DANG KHYAD PAR GYI LAM GYI RANG BZHIN 'PHAGS PA'I LAM GYI 'JUG PA'O, ,DE'I 'OG TU CHOS NYID LA GZHOL BA NI BSAM PA JI LTA BA BZHIN DU GZHAN GYI DON BYED PA'I PHYIR BYAMS PA LA SOGS PA TSAD MED PA BZHI'I 'JUG PA'O, ,DE'I 'OG TU GZHAN GYI DON LA 'JUG PA'I 'CHING BA NI DMIGS PA YIN PA'I PHYIR MI DMIGS PA LA SBYOR PA'I 'JUG PA'O,, @52B DE'I 'OG TU NGO BO NYID MED PA'I RNAL 'BYOR DANG LDAN PA JI LTAR 'JUG CES LAS DANG BYED BA PO DANG BYA BA MA DMIGS PAS SGYU MA'I SKYES BU BZHIN DU DNGOS PO THAMS CAD LA 'KHOR GSUM YONGS SU DAG PAR'I 'JUG PA'O, ,DE'I 'OG TU DE LTAR YONGS SU DA PAR SPYOD PA RNAMS RANG GI BSGRUB PAR BYA BA LA 'BAD PA'I PHYIR SEMS CAN KUN GYI MCHOG NYID KYI SEMS CHEN PO LA SOGS PA CHED DU BYA BA RNAM PA GSUM GYI 'JUG PA'O, ,DE'I 'OG TU CHED DU BYA BA LA 'BAD PA BYAS PA RNAMS NI GZHAN GYI SEMS SHES PA LA SOGS PA LA BRTZON PAR BYED PA YIN PA'I PHYIR LHA'I MIG LA SOGS PA MNGON PAR SHES PA DRUG GI 'JUG PA'O, ,DE'I 'OG TU MNGON PAR SHES PA THOB PA RNAMS NI 'TSANG RGYA BA NYID DU SPRO BA YIN PA'I PHYIR RNAM PA THAMS CAD MKHYEN PA NYID KYI 'JUG PA YIN TE, DE LTAR NA RTOGS PA'I RIM GYIS YANG DAG PAR GNAS PA'I MTSAN NYID CAN THEG PA CHEN PO'I CHOS MTHA' DAG GNON PA'I NGO BO NYID 'JUG PA'I SGRUB PA NI RNAM PA DGU NYID DU 'GYUR BA YIN NO, ,JI SKAD DU BSHAD PA'I SGRUB PA STON PAR BYED PA'I GZHUNG STONG PHRAG NYI SHU LNGA PA LAS GSUNGS PA NI GZHUNG MANGS KYIS DOGS PAR 'GYUR BAS 'DIR SHES PAR BYE DPAR MA BRIS SO, ,DE SKAD DU YANG, BSAM GTAN GZUGS MED SBYIN SOGS DANG, ,LAM DANG BYAMS PA LA SOGS DANG, ,DMIGS PA MED DANG LDAN PA DANG, ,KHOR GSUM RNAM PAR DAG PA DANG, ,CHED DU BYA DANG MNGON SHES DRUG, ,RNAM KUN MKHYEN PA'I TSUL LA NI, ,'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES GSUNGS PA YIN NO, ,DE'I SLAD DU ZHES BYA BA NI CHO GA DANG 'JUG PA'I SGRUB PA DAG DANG LDAN PA'I PHYIR RO, ,GRANGS SU MCHI'O ZHES BYA BA NI BTAGS PAR RO, ,'DI SKAD DU GANG GI PHYIR GO CHA DANG 'JUG PA'I SGRUB PA GNYIS DANG LDAN PA DE'I PHYIR SEMS DPA' CHEN PO ZHES BTAGS PA YIN NO ZHES BRJOD BA YIN NO, ,DE LTAR 'JUG PA BYAS PA LA TSOGS SKYE BA YIN PA'I PHYIR GSUM PA TSOGS KYI SGRUB PA NI BCU BDUN DU BRJOD PAR BYA'O, ,DE SKAD DU YANG, BRTZE DANG SBYIN LA SOGS BA DRUG, ,ZHI GNAS LHAG MTHONG BCAS BA DANG, ,ZUNG DU 'BREL BA'I LAM GANG DANG, ,THABS LA MKHAS PA @53A *, ,GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANGS BCU DANG, ,GNYEN PO'I TSOGS KYI SGRUB PA YI, ,RIM PA YIN PAR SHES PAR BYA, ,ZHES BYA BA GSUNGS PA YIN NO, ,DE LTA BAS NA DE BSTAN PAR BYA BA'I PHYIR ZHUS PA NI, GO CHA CHEN BO BGOS PA ZHES BYA BA LA SOGS PA SMOS SO, ,JI TZAM GYIS NA ZHES BYA BA NI GRANGS JI TZAM DU NGES PAR 'CHAD PA'I DON GYI CHOS GZHAN DANG LDAN PAS ZHES KHONG NAS DBYUNG NGO, ,GANG GI PHYIR GO CHA'I SGRUB PA DANG SNYING RJE LA SOGS PA'I TSOGS KYI SGRUB PA DANG LDAN PA GO CHA CHEN PO BGOS PA YIN NO ZHES BCOM LDAN 'DAS KYIS STONG PHRAG NYI SHU LNGA PA LAS GSUNGS PA DE LAS DON GYIS 'PHANGS PA'I GO CHA'I SGRUB BA DANG LDAN PA GO CHA CHEN PO BGOS PA YIN NO ZHES NI BSTAN MA THAG PA YIN LA DA LTAR NI SNYING RJE LA SOGS PA'I TSOGS DANG LDAN PA LA YIN PAS NYES PA MED DO, ,KHONG NAS PHYUNG BA'I TSIG GI LAN BTAB PA NI RAB 'BYOR 'DI LA ZHES BYA BA LA SOGS PA GSUNGS PA YIN TE, 'DI LA ZHES BYA BA NI TSIG GI NYE BAR DGOD PA LA'O, ,'DI SNYAM DU ZHES BYA BA NI SEMS 'DI LTA BUR SKYE BA'O, ,DE NYID NI BDAG GI ZHES BYA BA LA SOGS PA GSUNGS PA'O, ,MNGON SUM LA SOGS PA'I TSAD MAS GZHAL BAR MI NUS PA'I PHYIR GZHAL DU MED PA'O, ,BSAM PA JI LTA BA BZHIN DU THEG PA GSUM GYI MYA NGAN LAS 'DA' BA THOB PAR BYED PA'I PHYIR YONGS SU MYA NGAN LAS 'DA' BA'O, ,GRANGS MED PA ZHES BYA BA NI GCIG NYID LA SOGS PA'I GRANGS DANG BRAL BA'O, ,'DI SKAD DU STON TE SNYING BRTZE BA DANG BRAL ZHING THABS DANG MI LDAN PAS NI GZHAN 'GA' ZHIG KYANG MYA NGAN LAS ZLO BA MI SRID PA'I PHYIR TE, SNYING RJES YID GDUNGS PA RNAMS SBYIN PA'I PHA ROL TU PHYIN PAS 'DAS PA'I DUS KYI BDE BA NYE BAR SGRUB PA DANG, TSUL KHRIMS KYI PHA ROL TU PHYIN PAS MA 'ONGS PA'I BDE BA NYE BAR SGRUB PA DANG, BZOD PA DANG, SPROS BA DANG SEMS RTZE GCIG PAS 'BRAS BU GCIG TU NGES PA THOB PA YIN PA'I PHYIR BZOD PA DANG, BRTZON 'GRUS DANG, BSAM GTAN GYI PHA ROL TU PHYIN PA RNAMS KYIS GCIG TU NGES PA'I BDE BA NYE BAR SGRUB PA DANG, SHES RAB KYI PHA ROL TU PHYIN PAS GTAN DU PA'I BDE BA NYE BAR BSGRUBS PAS NA, @53B THABS SU GYUR PA SBYIN BA LA SOGS PA PHA ROL TU PHYIN PA DRUG PO RNAMS KYIS RJES SU BZUNG NAS BDAG NYID PHA ROL TU PHYIN BA DRUG LA GNAS PA DANG 'DRA BAR, DE NYID LA YANG DAG PAR SBYOR BA DANG 'JOG PA DANG RAB TU 'JOG PAS MI G-YEL BAS RAB TU GZHAG PAR BYA'O ZHES BYA BA NI DON GYIS 'PHANGS PA YIN NO ZHES BRJOD PA YIN NO, ,DE LTAR NA TSOGS BDUN BSTAN PAR GYUR PA YIN TE, 'DI LTAR SNYING RJE'I TSOGS DANG, SBYIN PA'I TSOGS DANG, TSUL KHRIMS KYI TSOGS DANG, BZOD PA'I TSOGS DANG, BRTZON 'GRUS KYI TSOGS DANG, BSAM GTAN GYI TSOGS DANG, SHES RAB KYI TSOGS SO, ,DE YANG TING NGE 'DZIN THOB PAS BYED PA PO DANG LAS SU NYE BAR DMIGS PA MED DO ZHES GSUNGS PA NI, GANG GIS GANG YONGS SU MYA NGAN LAS 'DA' BA'I SEMS DE DAG KYANG 'GA' YANG YOD PA MA YIN NO ZHES BYA BA'O, ,DE LTAN NI DMIGS SU MED DO ZHE NA, DES ZHES BYA BA LA SOGS PA GSUNGS SO, ,SNYING RJE LA SOGS PA'I TSOGS DANG LDAN PA'I BYANG CHUB SEMS DPA' DES SEMS CAN GZHAL DU MED PA GRANGS MED PA JI SNYED PA DE DAG KUN RDZOB TU YONGS SU MYA NGAN LAS ZLO BAR BYED PA'O, ,GAL TE DE LTA NA NI DMIGS PAR 'GYUR RO ZHE NA, GANG GIS GANG YONGS SU MYA NGAN LAS 'DAS PA'I ZHES BYA BA LA SOGS PA GSUNGS TE; DON DAM PAR DMIGS SU MED PA'I PHYIR RO ZHES BYA BAR DGONGS SO, ,DNGOS PO GCIG LA DMIGS PA DANG, DMIGS PA MED PAR JI LTAR RUNG SNYAM PA'I DOGS PA DE DE CI 'PHYIR ZHES BYA BAS BSU NAS, RAB 'BYOR SGYU MA'I CHOS NYID CES BYA BA LA SOGS PA GSUNGS SO, ,DPER NA SGYU MA'I CHOS NYID NI MTHONG BA JI LTA BAR BDEN GYI RIGS PAS MI 'THAD PA'I PHYIR MI BDEN PA YIN TE, DES NA RIGS PA'I 'JUG PAS SUN MA PHYUNG LA, 'JIG RTEN THAMS CAD KYIS SNANG BA TZAM DU GTOGS PA STE DPE NYID DU NYE BAR BZUNG ZHING BLANGS BA DE BZHIN DU GZUGS LA SOGS PA CHOS RNAMS KYI CHOS NYID 'DI YIN PA'I PHYIR TE, YUL THA DAD PA LAS LDOG PA LA LTOS NAS RAB TU BRTAGS PAS NA DMIGS PA DANG MI DMIGS PA RANG BZHIN 'GAL BA MED PA YIN PA'I PHYIR TE 'GYUR BA'I PHYIR RO, ,YUL GCIG LA LDOG PA LA LTOS TE CHOS GNYI GAR RTOGS NA NI NYES PAR 'GYUR RO ZHES DGONGS PA'O, ,GNYIS PO @54A *, ,'DI DAG NI PHAN TSUN DU PHYIN CI LOG BA BSAL BAR BYA BA'I PHYIR GSUNGS PA YIN GYI, DE KHO NA NYID DU NI MA YIN TE, SNGAR JI SKAD BSHAD PA BZHIN NO, ,'DIS NI ZHI GNAS KYI TSOGS BSTAN TO, ,ZHI GNAS THOB PA RNAMS LA LHAG MTHONG SKYE BAS LHAG MTHONG GI TSOGS NI; RAB 'BYOR DPER NA ZHES BYA BA LA SOGS PA GSUNGS TE, MKHAS PA NI BYANG BA'O, ,SGYU MA BYE DPA'I NYE GNAS NI DE'I SLOB MA'O, ,LAM PO CHE'I BZHI MDOR ZHES SMOS PA NI, SGYU MA SPUL BA'I GNAS KYI GTZO BO YIN PA'I PHYIR RO, ,SKYE BO'I TSOGS CHEN PO NI SEMS CAN YI TSOGS RNAMS SO, , MNGON PAR SPRUL TE ZHES BYA BA NI SPRUL PAR BYED PA'O, ,MI SNANG BAR BYAS NA ZHES BYA BA NI NYE BAR BSDUS PA'O, ,DE JI SNYAM DU SEMS ZHES BYA BA NI 'DAS MA THAG PAR GSUNGS PA'I DON GYI TSOGS DE LA JI SNYAM DU SEMS SHING KHONG DU CHUD CES SPYIR DRI BA MDZAD NAS, 'ON TE 'DI SNYAM DU SEMS SAM ZHES GSUNGS BA NI DE LA CHOS GANG YANG ZHES BYA BA LA SOGS PA'O, ,DE LA ZHES BYA BA NI SKYE BO'I TSOGS DE'I NANG NAS SO, ,GANG GIS ZHES BYA BA NI SGYU MA BYED PA LA SOGS PAS SO, ,GANG YANG ZHES BYA BA NI LHA SBYIN LA SOGS PA'O, ,BSAD PA 'AM ZHES BYA BA NI TSE NYAMS PA'I SBYOR BAS SO, ,SHI BA NI THAMS CAD DU RGYUN CHAD BAS SO, ,BSHIG PA NI LUS MA TSANG BA'I SBYOR BAS SO, ,MI SNANG BAR BYAS PA NI MI MTHONG BAR BYAS PA'O, ,YOD KYI SGRA NI DE LTA BU'I DON LA YIN LA, DAM PA'I SGRA NI SRID PA LA YIN NO, ,'DI SNYAM DU DE KHO NA NYID DU NA CHOS CAN MED PAS 'DI DAG THAMS CAD YOD PA MA YIN GYI, JI LTAR MTHONG PA NI SRID PA NYID YIN NO ZHES BYA BAR DGONGS SO, ,DGONGS PA SHES PA NYID KYIS NA BCOM LDAN 'DAS DE NI MA MCHIS SO ZHES BYA BA GSOL TO, ,DE KHO NA NYID DU NA ZHES BYA BA NI LHAG MA'O, ,DPE'I DON RAB TU BSGRUB PA'I DNGOS PO MNGON PAR 'DOD PA'I DON LA SBYOR BAR BYA BA'I PHYIR, RAB 'BYOR DE BZHIN DU ZHES BYA BA LA SOGS PA GSUNGS SO, ,DE LA RGYA CHER BSTAN PA NYE BAR BSDU BAR BYA BA'I PHYIR GAL TE ZHES BYA BA LA SOGS PA GSUNGS TE, 'DI LTA BU ZHES BYA BA NI 'DAS MA THAG PA'O, ,'DI LTA BU ZHES BYA BA NI KUN RDZOB DANG DON DAM PA'I BDEN PA LAS MA 'DAS PAS SO, ,JI TZAM GYIS NA ZHES BYA BA NI GANG BRJOD PA @54B DE'I LAN DU 'DI TZAM GYIS ZHES GSUNGS PA YIN NO, ,'DI SKAD STON TE SNYING RJE LA SOGS PA'I TSOGS 'DI TZAM DANG LDAN PAS KYANG GO CHA CHEN PO BGOS PA ZHES BTAGS PA YIN NO ZHES BRJOD PA YIN NO, ,LHAG MTHONG GIS STONG BA NYID LA DMIGS PA NA NYAN THOS LA SOGS PA'I BYANG CHUB TU LTUNG BAR 'GYUR BAS DE'I DE MA THAG TU ZUNG DU 'BREL PA'I TSOGS NI, KYE MA BCOM LDAN 'DAS KYIS JI LTAR GSUNGS PA'I ZHES BYA BA LA SOGS PA GSOL TE, KYE MA ZHES BYA BA'I SGRA NI DES PAR BZUNG BA'O, ,BCOM LDAN 'DAS KYIS JI LTAR GSUNGS PA'I ZHES BYA BA NI SGYU MA'I CHOS NYID NYE BAR BZUNG NA ZHES BYA BA LA SOGS PA'O; ,'DI SNYAM DU BCOM LDAN 'DAS KYIS CHOS RNAMS KYI CHOS NYID NI 'DI YIN PA'I PHYIR ZHES SGYU MA'I CHOS NYID KHYAB PAR BYAS PA'I RNAM PA GANG GIS GSUNGS PA'I DON BDAG GIS 'TSAL BA'I RNAM PA DES NA SGYU MA'I CHOS NYID LAS MA 'DAS PAS BYANG CHUB SEMS DPA' SEMS DPA' CHEN PO DE NI GO CHA MA MCHIS PA'I GO CHA BGOS PA LAGS PA'O SNYAM DU BSAMS PA'O, ,PHYIN CI MA LOG PA NYID KYIS ZHAL GYIS BZHES PA'I PHYIR RAB 'BYOR DE DE BZHIN NO ZHES BYA BA LA SOGS PA GSUNGS SO, ,LHAG MTHONG GIS RNAM PA THAMS CAD MKHYEN PA NYID DANG, NAM MKHA' MDZOD LA SOGS PA'I TING NGE 'DZIN GYIS KYANG SEMS CAN GYI DON SGRUB PAR GO CHA BGOS PA MA YIN NAM, JI LTAR NA GO CHA MED PA YIN SNYAM DU DOGS PA DE CI'I PHYIR ZHE NA ZHES BYA BAS BSU NAS, RAB 'BYOR ZHES BYA BA LA SOGS PA GSUNGS TE, MA BYAS PA ZHES BYA BA NI RIG PAS BYED PA'I RGYU MED PA'I PHYIR RO, ,RNAM PAR MA BSGYUR ZHES BYA BA NI 'JIG PA'I RGYU MED PA'I PHYIR RO, ,MNGON PAR 'DUS MA BYAS ZHES BYA BA NI LHAN CIG BYED RKYEN GNYI GA YOD PAR MI 'THAD PA'I PHYIR RO, ,YANG NA TSIG GSUM GO RIMS BZHIN DU MED PA LAS BYUNG BA DANG, DE KHYAD PAR DU 'GRO BA DANG, 'BRAS BU THOB PA MNGON DU BYED PA'I DBANG DU MDZAD PAR SHES PAR BYA'O, ,DIG PA LDAN PA NYID KYIS NA KHAS BLANGS BA'I PHYIR BCOM LDAN 'DAS DE DE BZHIN NO ZHES BYA BA LA SOGS PA GSOL BA YIN NO, ,'CHING BA DANG 'GROL BA YOD NA MA BYAS PA LA SOGS PA 'DI JI LTAR YIN ZHES 'GA' ZHIG RTZOD PA'I DOGS PA DE CI'I SLAD DU @55A *, ,ZHE NA ZHES BYA BAS BSU NAS, BCOM LDAN 'DAS 'DI LTAR ZHES BYA BA LA SOGS PA SMOS PA YIN TE, GZHAN DU KHAS BLANGS NAS RNAM PAR SPYOD PA MI 'THAD PAS 'DI MA 'BREL PAR 'GYUR RO, ,DE BZHIN DU GZHAN DAG LA YANG BRJOD PAR BYA BA'O, ,LHAG PAR SGRO BTAGS PA'I RNAM PAS 'JUG PA SEMS DANG SEMS LAS BYUNG BA KHAMS GSUM PAS BCINGS PA ME DPA'I PHYIR GZUGS NI MA BCINGS PA'O, ,JI SKAD DU BRJOD PA'I RTOGS PA DANG BRAL BA ME DPAS GROL BA MED PA'I PHYIR MA GROL BA STE, GZUGS LA SOGS PA DE KHO NAR MED PA'I PHYIR RO, ,'O NA CHOS BCINGS BA DANG GROL BAR 'GYUR RO ZHE NA, BCOM LDAN 'DAS GZUGS KYI ZHES BYA BA LA SOGS PA SMOS TE, CHOS CAN MED NA CHOS YOD PA MI 'THAD PAS GZUGS LA SOGS PA'I STONG PA NYID NI MA BCINGS MA GROL BA YIN LA, JI LTAR MTHONG BA LTAR NI GZUGS LA SOGS PA DANG DE'I DE BZHIN NYID DAG BCINGS PA DANG GROL BAR 'GYUR RO ZHES BYA BAR DGONGS SO, ,RAB 'BYOR GYI BSAM PA MA SHES NAS BRGAL BA'I SGO NAS TSE DANG LDAN PA RAB 'BYOR ZHES BYA BA LA SOGS PA BRJOD DO, ,'DRI BA'I BSAM PA NI 'DI YIN TE, GZUGS LA SOGS PA DANG DE'I DE BZHIN NYID MA BCINGS MA GROL ZHES ZER NA SBYIR NI DE SKAD BRJOD PAR MI BYA STE, MNGON SUM LA SOGS PA DANG 'GAL BAR 'GYUR BA'I PHYIR RO ZHES BYA BA'O, ,JI STE 'O NA DE KHYAD PAR DU BRJOD PA YIN NO ZHE NA, 'ON TE TSE DANG LDAN PA RAB 'BYOR ZHES BYA BA LA SOGS PA SMOS SO, ,RNAM PAR BRTAG CING GZHIG MI BZOD PA NYID KYIS NA SANGS RGYAS DANG BYANG CHUB SEMS DPA' LA SOGS PA NYID SGYU MA'I SKYES BU YIN NO ZHES BYA BA'I BSAM PA DANG LDAN PAS SPYI'I SGO NAS, TSE DANG LDAN PA GANG PO SGYU MA'I SKYES BU'I GZUGS DE ZHES BYA BA LA SOGS PA SMRAS PA YIN NO, ,'DI DAG JI LTAR NA MNGON SUM LA SOGS PA DANG 'GAL BAR THAL BAR MI 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS, YANG DAG PA MA YIN PAS NA ZHES BYA BA LA SOGS PA SMOS SO, ,KHA CIG NA RE RIGS PAS KUN BRTAGS PA'I GZUGS LA SOGS PA NI YANG DAG PA MA YIN PA'I PHYIR TE BRDZUN PA NYID YIN PA'I PHYIR DANG, RNAM PAR BRTAGS PA NI DBEN PA'I PHYIR TE, @55B RANG GI NGO BO DANG BRAL BA'I PHYIR DANG, CHOS NYID KYI RANG BZHIN NI MA SKYES PA YIN PA'I PHYIR MA BCINGS MA GROL BA ZHES 'DOD DO, ,GZHAN DAG NI MNGON SUM DANG RJES SU DPAG PA DANG, LUNG GI TSAD MAS GZHIGS NA MI SNANG BSAN, DE KHO NA NYID DU SKYE BA LA SOGS PA RNAM PAR BKAG CING BSAL BAS YANG DAG PA MA YIN PA LA SOGS PA'I TSIG GSUM YIN NO ZHES ZER RO, ,SNANG BA'I RANG BZHIN GANG YIN PA, DE NI DGAG PA MA YIN TE, ,NYAMS SU MYONG BA GANG YIN NO, ,DGAG PAR RIGS PA MA YIN NO, ,ZHES BYA BA'I TSUL GYIS JI LTAR SNANG BA BZHIN DU BCINGS PA DANG GROL BA RNAM PAR 'JOG PA'I PHYIR MNGON SUM LA SOGS PA DANG 'GAL BAR GAL 'GYUR ZHES BYA BAR BSAMS PA'O, ,'DI DAG NI ZHES BYA BA NI NYE BAR BSDU BA'O, ,GO CHA CHEN PO STE GO CHA MED PA'O ZHES BYA BA NI GO RIMS BZHIN DU SNYING RJE DANG SHES RAB KYI STOBS KYIS KUN RDZOB DANG DON DAM PA DAG TU ZHES BYA BA NI LHAG MA'O, ,LAN MED PAR CANG MI SMRA BAR GNAS PA NI DE SKAD CES SMRAS PA DANG ZHES BYA BA LA SOGS PA GSUNGS PA YIN NO, ,ZHI GNAS DANG LHAG MTHONG DAG NI MI MTHUN PA YIN PA'I PHYIR GCIG LA JI LTAR SRID CE NA, DE LTA MA YIN TE, 'DI LTAR GANG GI TSE ZHI GNAS KYIS DMIGS PA LA SEMS BRTAN PAR GYUR PA DE'I TSE SHES RAB KYIS RNAM PAR DPYAD PA LA YANG DAG PA'I YE SHES KYI SNANG BA SKYE BAS SNANG BA BYUNG BAR GYUR PA'I MUN PA DANG 'DRA BAR SGRIB PA RNAM PAR SEL BA YIN NO, ,DE BAS NA 'DI GNYIS NI MIG DANG SNANG BA DANG 'DRA BAR YANG DAG PA'I YE SHES SKYED PA DANG PHAN TSUN RJES SU MTHUN PAR GAN PA NYID YIN PA'I PHYIR MUN PA DANG SNANG BA DANG 'DRA BAR PHAN TSUN 'GAL BA MA YIN NO, ,TING NGE 'DZIN NI MUN PA'I RANG BZHIN LA YIN GYI, 'O NA JI ZHE NA, SEMS RTZE GCIG PA'I MTSAN NYID YIN LA, DE YANG MNYAM PAR GZHAG PAS YANG DAG PA'I DON JI LTA BA BZHIN DU SHES SO ZHES GSUNGS PAS GCIG TU SHES RAB DANG RJES SU MTHUN PA YIN PA'I PHYIR 'GAL BA MED DO, ,DE LTAR ZUNG DU 'JUG PA'I LAM GYI TSOGS DANG LDAN PA LA THABS MKHAS PA LA SOGS PA 'BYUNG BAS THABS MKHAMS PA LA SOGS PA'I TSOGS BSTAN PAR BYA BA'I PHYIR ZHU BA'I DON DU GLENG SLONG BA NI, BCOM LDAN 'DAS DE LTAR ZHES BYA BA LA SOGS @56A *, ,PA SMOS PA YIN NO, ,SNGAR BRJOD PA'I TSUL DE LTAR GO CHA CHEN PO BGOS PAR GYUR PA NI THEG PA CHEN PO LA YANG DAG PAR ZHUGS PAR 'GYUR RO ZHES GANG GSUNGS PA DE LA THEG PA CHEN PO MA SHES PA'I PHYIR NA, SHES RAB DANG SNYING RJE'I SBYOR BA DANG, DE GNYIS PHAN TSUN THA MI DAD PA DANG; MI MTHUN PA'I PHYOGS LAS 'DAS PA DANG GNAS SKABS NGES PA DANG, GNYEN PO'I PHYOGS KYI SBYOR BA LA SHIN TU SBYANGS PA DANG, RTOGS PA PO'I DBANG DU MDZAD NAS, GANG GANG LTAR GONG NAS GONG DU GANG ZHIG NGES PAR 'BYUNG BAR 'GYUR ZHES BYA BA NI, GANG LAGS ZHES BYA BA LA SOGS PA STON PA'I DRIS PA DRUG YIN NO ZHES 'PHAGS PA RNAM PAR GROL BA'I SDES GSUNGS SO, ,DE LA THABS MKHAS PA LA SOGS PA'I TSOGS BSTAN PAR BYA BA'I PHYIR, DRIS PA DANG PO'I LAN NI, RAB 'BYOR THEG PA CHEN PO ZHES BYA BA LA SOGS PA GSUNGS PA YIN TE, 'PHAGS PA LANG KAR GSHEGS PA LAS, ,CHOS LNGA DAG DANG RANG BZHIN DANG, ,RNAM PAR SHES PA BRGYAD NYID DANG, ,BDAG MED GNYIS KYI DNGOS POR NI, ,THEG PA CHEN PO THAMS CAD 'DUS, ,ZHES GSUNGS PA YIN YANG TSOGS KYI SKABS KYI STOBS KYI THABS MKHAS PA LA SOGS PA'I BDAG NYID KYI TSOGS GZHAL DU MED PA LA THEG PA CHEN PO ZHES BYA BA'I TSIG BLA DGAS 'DI GTZOR BTAGS PA YIN NO, ,YANG JI LTAR NA THABS LA MKHAS PA LA SOGS PA'I TSOGS LA GZHAL DU MED PA ZHES BYA ZHE NA, 'DI NI TSAD MA MED PA'I PHYIR RO ZHES BYA BA LA SOGS PA GSUNGS TE, JI SKAD DU BSHAD PA'I DNGOS PO NYID NI MNGON SUM LA SOGS PA'I CHAD MAS YONGS SU MA BCAD PAS NA GZHAL BAR MI NUS PA'O, ,'DI SKAD STON TE ZUNG DU 'JUG PA'I LAM GYI TSOGS DANG LDAN PA NI RNAM PA THAMS CAD MKHYEN PA NYID DANG RAB TU LDAN PA'I YID LA BYED PAS SEMS CAN GYI DON BYED PA'I PHYIR THABS LA MKHAS PA'I TSOGS YIN NO, ,THABS LA MKHAS PA'I TSOGS SHES PA NI YE SHES LA SLOB PA YIN PAS YE SHES KYI TSOGS SO, ,DE YANG NANG STONG PA NYID LA SOGS PA'I DBYE BAS RNAM PA NYI SHUR SHES PAR BYA'O, ,DE LA STONG BA NYID NYI SHU NI 'DI YIN TE, 'DI LTA STE NANG GI DNGOS PO MIG LA SOGS PA RNAMS KYI RANG BZHIN THER ZUG TU GNAS PA DANG @56B 'JIG PA MA YIN PA'I PHYIR NANG STONG PA NYID DO, ,PHYI'I GZUGS LA SOGS PA RNAMS KYI RANG BZHIN DE LTA BU YIN PA'I PHYIR PHYI STONG PA NYID DO, ,PHYI DANG NANG GI BDAG NYID CAN GYI SKYE MCHED RNAMS KYI RANG BZHIN DE LTA BU YIN PA'I PHYIR PHYI NANG STONG PA NYID DO, ,DE LA NANG GI SKYE MCHED RNAMS NI DBANG PO'I RANG BZHIN GYIS BSDUS PA GANG YIN PA'O, ,PHYI NI YUL GYI RANG BZHIN GYIS BSDUS PA GANG YIN PA'O, ,PHYI NANG NI DBANG PO'I RTEN GYIS BSDUS PA GANG YIN PA'O, ,DE NI SEMS KYIS ZIN PA NYID KYIS NA NANG YIN LA, DBANG POS MA BSDUS PA NYID KYIS NA PHYI'ANG YIN NO, ,STONG BA NYID 'DI GSUM NI MOS PAS SBYOD PA'I SA LA YIN NO, ,CHOS THAMS CAD STONG PA NYID KYIS NANG STONG PA NYID LA SOGS PA LA DMIGS PA'I SHES PA'I RANG BZHIN GYI STONG BA NYID KYANG STONG BA NYID YIN PA'I PHYIR STONG PA NYID STONG PA NYID DO, ,CHOS THAMS CAD STONG PA NYID DU SHES PA TZAM NYID NI CHOS THAMS CAD STONG PA NYID YIN LA, DES KYANG STONG PA NYID STONG PA YIN TE DER 'DZIN PA'I RNAM PAR RTOG PA SPONG PA'I PHYIR RO, ,'DI NI SBYOR BA'I LAM LA'O, ,PHYOGS BCU PO NI PHYOGS KYIS STONG PA NYID YIN PA'I PHYIR CHEN PO STONG BA NYID DE, DE RNAMS NI DBYIBS CHE BA YIN PA'I PHYIR RO, ,'DI NI KUN TU 'GRO BA'I DON GYIS NAS DANG PO LA'O, ,DON DAM PA MYA NGAN LAS 'DAS PA NI MYA NGAN LAS 'DAS PA'I DON GYI RANG BZHIN GYIS STONG PA NYID YIN PA'I PHYIR DON DAM PA STONG BA NYID DE, DE NI BRAL PA TZAM YIN PA'I PHYIR RO, ,'DI NI MCHOG GI DON NYID KYIS NA SA GNYIS PA LA'O, ,'DUS BYAS PA KHAMS GSUM PA NI 'DOD PA'I KHAMS LA SOGS PAS STONG BA NYID YIN PA'I PHYIR 'DUS BYAS STONG PA NYID DE, DE NI YONGS SU MA GRUB PA'I RANG BZHIN NYID KYIS GNYEN PO'I PHYOGS NYID DU BYA BAR NUS PA NYID KYI PHYIR RO, ,'DI NI RGYU MTHUN PA DON GYI MCHOG NYID KYIS SA GSUM PA LA'O, ,'DUS MA BYAS SKYE BA MED PA DANG 'GAG PA MED PA DANG GNAS PA LAS GZHAN DU 'GYUR PA MED PA NI DE NYID KYIS STONG PA YIN PA'I PHYIR 'DUS MA BYAS STONG PA STE, SKYE BA MED PA LA SOGS PA RNAMS KYI BTAGS PA'I RGYU MTSAN MI MTHUN PA'I ZLAS SKYE BA LA SOGS PA MED PA'I PHYIR RO, ,'DI NI YONGS SU 'DZIN PA MED PA'I DON GYIS NA BZHI BA LA'O, ,MTHA' NI MTHAS @57A *, ,STONG PA NYID YIN PA'I PHYIR MTHA' LAS 'DAS PA NYID KYIS NA MTHA' LAS 'DAS PA STONG PA NYID DO, ,MTHA' NI CHA STE DE LA CHAD PA DANG RTAG PA'I MTHA' GNYIS KYI DBUS NA DE DAG GI CHA RNAM PAR GCOD PA'I RGYU MTSAN GANG GIS DE'I RANG BZHIN DU RNAM PAR 'JOG PA DE NI CI YANG MED DO, ,'DI NI RGYU THA DAD PA MED PA'I DON GYIS NA LNGA PA'O, ,THOG MA DANG DBUS DANG THA MA RNAMS KYI DE RNAMS KYIS STONG PA NYID YIN PAS THOG MA DANG THA MA MED PA STONG BA NYID LA SOGS PA'I CHOS NYID KYI RJES SU SKYES PA NYID KYIS MTHA' NYID SHIN TU MED PA'I PHYIR RO, ,'DI NI KUN NAS NYON MONGS PA MED PAS RNAM PAR DAG PA'I DON GYIS NA DRUG PA LA'O, ,BRAL ZHING SPANGS LA YONGS SU BTANG BA'I MTSAN NYID CAN GYI DOR BA LAS BZLOG PA NYID KYIS NA DOR PA MED PA STE DE NI DES STONG BA NYID YIN PA'I PHYIR RO, ,DOR BA MED PA STONG PA NYID NI DOR BA LA SOGS PA'I BYA BA'I NGO BO MA YIN PA NYID KYIS NA SPANGS PAR BTAGS PA'I RGYU MTSAN DU MI 'THAD PA'I PHYIR RO, ,'DI NI THA DAD PA MED PA'I DON GYIS NA BDUN PA LA'O, ,'PHAGS PA THAMS CAD KYIS MA MDZAD PA NI RANG BZHIN TE, DE NI DES STONG PA'I PHYIR RANG BZHIN STONG PA NYID DO, ,DE LA NI 'DUS BYAS DANG 'DUS MA BYAS KYI RNAM PAR 'GYUR PA DANG RNAM PAR MI 'GYUR PA'I GNOD PA MED PA'I PHYIR RO, ,CHOS RNAMS NI CHOS RNAMS KYIS STONG BA NYID YIN PA'I PHYIR CHOS THAMS CAD STONG BA NYID DE 'DUS BYAS DANG 'DUS MA BYAS KYI CHOS KYI TSOGS THAMS CAD NI PHAN TSUN LTOS PA CAN YIN PAS NA RANG BZHIN YONGS SU GRUB PA MED PA'I PHYIR RO, ,STONG BA NYID GNYIS NI 'GRIB PA DANG 'PHEL PA MED PA'I DON DANG RNAM PAR MI RTOG PA DANG ZHING YONGS SU DAG PA LA DBANG BA GNYIS KYI RTEN NYID YIN PA'I PHYIR 'BRAS BU'I SA NYID YIN PAS SO SOR RTOG PA YONGS SU SBYONG BA'I DBYE BAS SA BRGYAD PA LA'O, ,GZUGS LA SOGS PA NI DE'I MTSAN NYID GZUGS SU RUNG BA LA SOGS PA STONG PA YIN PA'I PHYIR RANG GI MTSAN NYID STONG PA NYID DE MTSAN NYID DU RNAM PAR GZHAG PA'I SBYI DANG KHYAD PAR NI BTAGS PA TZAM YIN PA'I PHYIR RO, ,'DAS PA LA SOGS PA'I DUS RNAMS NI 'DAS PA LA SOGS PA'I DUS RNAMS LA PHAN TSUN BZLOG NA DMIGS SU MED PA NYID KYIS NA MI DMIGS BA STONG PA NYID DE DUS RNAMS NI DNGOS PO LA BTAGS @57B PA TZAM NYID YIN PA'I PHYIR RO, ,STONG BA NYID GNYIS PO 'DI DAG NI YE SHES LA DBANG PA'I RTEN NYID YIN PAS NA DE BZHIN DU DGU PA LA'O, ,SBYOR BA LAS BYUNG PA'I CHOS RNAMS NI NGO BO NYID MED PA YIN TE RTEN CING 'BREL PAR 'BYUNG PA'I PHYIR RO ZHES BYA BAS TSOGS NI DES STONG BA NYID YIN PA'I PHYIR DNGOS PO MED PA'I NGO BO NYID STONG BA NYID DE, DNGOS PO RNAMS NI TSOGS PA TZAM YIN PA'I PHYIR RO, ,DNGOS PO NYE BAR LEN PA'I PHUNG PO'I MTSAN NYID NI DES STONG PA YIN PA'I PHYIR DNGOS PO STONG BA NYID DE, SPUNGS PA'I DON NI PHUNG PO'I DON YIN LA SPUNGS PA YANG DON MED PA YIN PA'I PHYIR NYE BAR LEN PA'I MTSAN NYID CAN GYI DNGOS PO'I RGYUR MTSAN DU 'GYUR PAR 'OS PA MA YIN PA'I PHYIR RO, ,STONG PA NYID GNYIS PO 'DI DAG NI LAS LA DBANG BA'I RTEN DU GYUR PA NYID KYIS NA SNGA MA BZHIN DUS BCU PA LA'O, ,DNGOS PO MED CING 'DUS MA BYAS PA NAM MKHA' LA SOGS PA NI DES STONG PA'I PHYIR DNGOS PO MED PA STONG PA NYID DE, DNGOS PO'I CHOS SGRIB PAR BYED PA LA SOGS PA MED PA LAS DE BTAGS PA YIN PA'I PHYIR RO, ,RANG BZHIN STONG PA NYID DU GRAGS PA NI 'PHAGS PA RNAMS KYI SHES PA DANG MTHONG BAS MA BYAS PA NYID YIN PA'I PHYIR RANG GI NGO BO STONG BA NYID DE, SHES PA DANG MTHONG BA NI YANG DAG PA'I DON JI LTA BA BZHIN DU GSAL PAR BYED PA NYID YIN PA'I PHYIR RO, ,DE BZHIN GSHEGS PA RNAMS BYUNG YANG RUNG MA BYUNG YANG RUNG STE CHOS RNAMS KYI CHOS NYID 'DI GNAS PA'O ZHES BYA BAS BYED PA PO GZHAN GYIS STONG BA YIN PA'I PHYIR GZHAN GYI NGO BO STONG PA NYID DE STONG BA NYID LA BRTEN PA'I SKYES BU'I BYA BA NI DUB PA 'GA' ZHIG TU 'GYUR BA'I PHYIR RO; ;STONG PA NYID GSUM PO 'DI DAG NI GO RIMS BZHIN DU NYON MONGS PA'I SGRIB PA BAG CHAGS DANG BCAS PA SPANGS PA'I DON NYID YIN PA'I PHYIR DANG, SHES BYA'I SGRIB PA BAG CHAGS DANG BCAS PA SPANGS PA'I RTEN NYID YIN PA'I PHYIR DANG, RANG BYUNG NYID YIN PA'I DON GYIS NA SANGS RGYAS KYI SA LA YIN PAR SHES PAR BYA'O, ,'PHAGS PA RNAM PAR GROL SDES SKABS DON YANG PHYOGS 'DIS BRJOD PAR BYA'O, ,GANG DAG GZHAN DGAG PA'I SGO NAS STONG PA NYID 'BA' ZHIG KHO NA RJOD PAR BYED PA YIN GYI, DE DAG LA MNGON PAR RTOGS PA'I RIM PA NI CUNG ZAD KYANG YOD PA MA YIN NO ZHES ZER BA @58A *, ,DE DAG GI LTAR NA SKABS KYI DON KHO NA BRJOD PAR BYA BA YIN GYI BSTAN BCOS KYI DON NI GTZO BO MA YIN NO, ,DES NA STONG PA NYID KYI BYE BRAG RNAMS SOD ZIN PA DANG BGROD PAR BYA BA'I GO RIMS DANG BRAL BA'I PHYIR NA CHED DU BYA BA NYAMS PAR 'GYUR RO ZHES BSHAD DO, ,YANG RNAM PAR MI RTOG PA'I YE SHES 'DI'I DMIGS PA CI YIN ZHE NA, KHA CIG NI STONG PA NYID YIN NO ZHES 'DOD DO, ,GZHAN DAG NI DE CHOS THAMS CAD KYI NGO BO NYID STONG BA NYID LA DMIGS PAR 'DOD DO, ,'DI NYID RIGS PA YIN TE, GANG DANG GANG ZHES PA YIN PA DE DANG DE NI CHOS THAMS CAD KYI RANG BZHIN STONG BA NYID LA DMIGS PA YIN TE, DPER NA RMI LAM DU RTA LA SOGS PA'I NGO BO NYID STONG BA NYID LA DMIGS PA LTA BU'O, ,RTZOD PA'I GNAS SU GYUR PA RNAM PAR MI RTOG PA'I YID 'DI YANG SHES PA YIN NO ZHES BYA BA NI RANG BZHIN GYI GTAN TSIGS SO, ,DMIGS PA MNGON SUM MA YIN NA, ,DON MTHONG RAB TU 'GRUB MA YIN, ,ZHES BYA BAS GTAN TSIGS MA GRUB PA MA YIN LA, MTHUN PA'I PHYOGS LA YOD PAS 'GAL BA MA YIN NO, ,CHOS THAMS CAD KYI RANG BZHIN DE KHO NA NYID DU YOD PA NI PHYIS 'GOG PAR 'GYUR BA'I PHYIR MA NGES PA NYID KYANG MA YIN NO, ,GANG DMIGS PA DE NI MED PA MA YIN NAM, DPER NA ZLA BA GNYIS PA LA SOGS PA BZHIN NO, , CHOS THAMS CAD KYI NGO BO NYID STONG PA NYID 'DI YANG DMIGS PA YIN PAS MED PAR 'GYUR LA, DES NA CHOS THAMS CAD YOD PA NYID DU 'GYUR RO ZHE NA, NYES PA 'DI NI MED DE, GANG GI PHYIR DNGOS PO MED PA SKUR PA 'DEBS PA'I MTHA' LHA SPYIN LTA BUR GYUR PA DE'I TSE SOD PAR BYED PA RANG GI NGO BOR SGRO 'DOGS PA'I MTHA' MCHOD SBYIN DANG 'DRA BA DE STONG PA NYID KYIS BSAD PA NA SLAR 'BYUNG PA MA YIN PA'I PHYIR RO, ,GZHAN YANG DMIGS PA NI DE KHO NA NYID DU MI 'GRUB KYI, KUN RDZOB TU YUL DU GNAS PA NYAMS SU MYONG BA'I MTHAR THUG PA YIN PAS 'GAL BA YIN NO ZHES BYA BA DE LTA BU LA SOGS PA'I NYES PA BRJOD PAR MI BYA'O,, STONG BA NYID LA DMIGS PA'I PHYOGS LA YE SHES STONG PA'I SPYOD YUL CAN DANG STONG PA NYID 'DUS BYAS SU THAL BAR 'GYUR TE, GO RIMS BZHIN DU YE SHES DANG DE'I STONG PA NYID DAG DNGOS PO DANG DNGOS PO MED PA NYID KYIS PHAN TSUN THA DAD PA DANG THA DAD PA YIN PAR RNAM PAR MI RTOG PA'I PHYIR RO, ,ME LONG LTA BU'I @58B YE SHES LA SOGS PA'I DBYE BAS NI BRJOD PAR BYA BA MANG DU YOD DE YE SHES KYI TSOGS RNAM PAR GZHAG PA NI PHYOGS TZAM DU ZAD DO, ,RAB TU DBYE BA NI ZHAR LA BRJOD PA YIN GYI DA LTA KHO NA YE SHES KYI TSOGS MA LUS PAR RTOGS PA NI MA YIN TE, MNGON PAR RTOGS PA'I GO RIMS LHAG MA STON PA'I PHYIR RO, ,DE BZHIN DU GZHAN DAG LA YANG SHES PAR BYA'O, ,YE SHES LA GOMS PA DANG LDAN PA LA NI SHES RAB RNAM PAR DAG PA DANG YANG DAG PA'I TING NGE 'DZIN LA SOGS PAS SEMS CAN GYI DON BYED PA LAS BSOD NAMS 'BYUNG PAS NA BSOD NAMS KYI TSOGS SO, ,BSOD NAMS DANG YE SHES KYI TSOGS LA GOMS PAR BYAS BAS NI DNGOS PO YONGS SU RTOGS PA'I LAM LA SOGS PA LA 'BAD PAS NA LAM GYI TSOGS SO, ,LAM DANG LDAN PA NI YI GE AA NI CHOS THAMS CAD KYI SGO YIN TE GZOD MA NAS MA SKYES PA'I PHYIR RO ZHES BYA BA LA SOGS PA NI RI MOR BYED PA'I YI GE DE DES BSKAL BA MANG POR CHOS STON PA RGYU'I DRAN PA YONGS SU GTUGS PA MED PAR 'GYUR PA'I PHYIR DANG, 'DZIN PAR BYED PA ZHES BYA BA'I TSUL GYIS NA DRAN PAS KYANG GZHUNG DANG DON 'DZIN PAS NA GZUNGS KYI TSOGS SO, ,DE LTAR THABS MKHAS PA'I TSOGS LA SOGS PA LNGA PO 'DI DAG STONG PHRAG NYI SHU LNGA PA LAS THEG PA CHEN PO'I SGRAS RGYA CHER BSTAN PA YIN PAS SOM NYI MI BYA'O; ,GZUNGS THOB PA'I GNAS SKABS KYI KHYAD PAR NYID NI, RTOGS PA PHYI MA PHYI MA'I RTEN BYED PA'I TSUL GYIS DANG, DE LA BRTEN PA'I YON TAN GYI GZHI YIN PA'I TSUL GYIS SA YIN NO ZHES SA'I TSOGS BSTAN PA'I DON DU, RAB 'BYOR GANG YANG 'DI SKAD DU THEG PA CHEN PO LA JI LTAR YANG DAG PAR 'JUG PAR BGYI ZHES BYA BA LA SOGS PA'I RTZOD PA'I TSIG 'BREL PAR BYA BA'I DON DU BRJOD NAS, LAN GSUNGS PA NI PHA ROL TU PHYIN PA RNAMS KYI SGO NAS YANG DAG PAR 'JUG GO ZHES BYA BA STE, SBYIN PA LA SOGS PA PHA ROL TU PHYIN PA LHAG PAR SHAS CHE BA SA BCUS BSDUS PA BCU PO RNAMS KYIS RIM GYIS YANG DAG PAR 'JUG GO ZHES 'BRAS BU BSTAN PA'I SGO NAS SA'I TSOGS BRJOD PA YIN NO, ,'DI SKAD STON TE, DE LA GANG GI TSE CHOS THAMS CAD BDAG MED PA'O ZHES BSGOMS PAS CHA MED PA NYID KYIS CHOS KYI DBYINGS BDAG NYID THAMS CAD KYIS RTOGS SU ZIN KYANG DES PA BSKYED PA LA LTOS NAS KUN TU 'GRO PA'I DON @59A *, ,GYIS SO SOR RTOGS PA'I PHYIR CHOS THAMS CAD NGO BO MED PAR MNGON SUM DU BYED PA'I SHES PA SHIN TU GSAL PAR SKYE BAR 'GYUR PA DE'I TSE BYANG CHUB SEMS DPA'I SKYON MED PA LA YANG DAG PAR ZHUGS PAS MTHONG PA'I LAM THOB PAR 'GYUR RO, ,'DIR YANG 'DOD CHAGS DANG KHONG KHRO BA DANG NGA RGYAL DANG MA RIG PA DANG THE TSOM DANG 'JIG TSOGS LA LTA BA DANG MTHAR 'DZIN PAR LTA BA DANG LOG PAR LTA BA DANG LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA RNAMS 'DOD PA'I KHAMS NA BDEN PA BZHI'I DBYE BAS BZHI BCUR 'GYUR RO, ,DE BZHIN DU GZUGS DANG GZUGS MED PA'I KHAMS SU NI DE DAG BDEN PA BZHI'I MTHONG BAS SPANG BAR BYA BA KHONG KHRO BA BRGYAD BTON NA BDUN CU RTZA GNYIS SO, ,SBYIR BSNGOM SA NA MTHONG BAS SPANG BAR BYA BA'I NYON MONGS PA BRGYA RTZA BCU GNYIS SPONG STE, BDEN PA RNAMS KYI MNGON PAR RTOGS PA NI GCIG PA'I PHYIR RO, ,DE BAS NA DANG PO'I SKAD CIG MA DANG PO NI MTHONG BA'I LAM YIN NO, ,DE LAS GZHAN PA SKAD CIG MA GNYIS PA LA SOGS PA NAS RDO RJE LTA BUR BRJOD PA'I BAR CHAD MED PA'I LAM GANG LAS DE MA THAG TU SANGS RGYAS KYIS KUN TU 'OD 'THOB PA'I BAR 'DI DAG NI MCHOG GI DON LA SOGS PAR CHOS KYI DBYINGS SO SOR RTOGS PA'I PHYIR BSGOM PA'I LAM YIN PAR BSHAD DO, ,DE LA YANG NYON MONGS PA BCU DRUG CI RIGS PAR RIM GYIS SPONG NGO, ,'DI LTA STE 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIG TSOGS LA LTA BA DANG, MTHAR 'DZIN PAR LTA BA STE 'DOD PAR SPYOD PA DRUG GO, ,DE DAG NYID PAS ZHE SDANG BTON NA GZUGS DANG GZUGS MED PAR SPYONG PA BCU YIN NO, ,MTHONG PA DANG BSGOM PA'I LAM LA YONGS SU SBYONG BA'I CHOS KYI DBYE BAS RAB TU DGA' BA LA SOGS PA'I SA BCUR RNAM PAR GZHAG GO, ,DE LA YANG SA GANG GI YONGS SU SBYOD BAR GYUR PA'I CHOS GANG YIN BA RNAMS JI SRID MA RDZOGS PA DE SRID DU NI SA DE YIN LA, YONGS SU RDZOGS NAS NI SA GZHAN YIN PAR SHES PAR BYA'O, ,DE LA YONGS SU SBYOD PAR GYUR PA'I CHOS 'DI RNAMS NI STONG PHRAG NYI SHU LNGA BA LAS BSTAN TO, ,'DI LTA STE DGE BA'I RTZA BA'I CHOS THAMS CAD YANG DAG PAR SGRUB PA DANG, SEMS CAN GYI DON DU THEG PA CHEN PO'I CHOS YONGS SU 'DZIN PA DANG, @59B TSAD MED PA BZHI SGRUB PA DANG, RNAM PAR MI RTOG PA'I SBYOR PAS BDOG PA THAMS CAD YONGS SU GTONG BA DANG, DGE BA'I BSHES GNYEN MNYES PAR BYED PA DANG, NYAN THOS KYI THEG PA LA LTOS PA MED PAS DAM PA'I CHOS KYI DMIGS PA MA LUS PA YONGS SU TSOL PA DANG, RTAG TU KHYIM GYI GNAS LA MNGON PAR MI DGA' BA DANG, RNAM PA THAMS CAD DU BLA NA MED PA'I SANGS RGYAS KYI SKU YID LA BYED PA DANG MI 'BRAL PA DANG, MDO LA SOGS PA'I DAM PA'I CHOS JI LTA BA BZHIN DU RAB TU STON PA DANG, DAM BCAS PA'I DON RDZOGS PAR BYED PA STE, RGYU'I KHYAD PAR YONGS SU SBYONG PA'I CHOS BCU PO 'DI RNAMS KYIS RNAM PA THAMS CAD DU BSKYED PAR BYA BA YIN PA'I PHYIR NGO BO NYID MI DMIGS PAS KHYAD PAR DU BYAS PA'I MTSAN NYID KYI YONGS SU SBYONG BA RNAMS KHO NAS DANG PO SNGON MA BYUNG BA'I CHOS KYI DE KHO NA NYID RTOGS PAS RAB TU DGA' BA 'THOB PA'I PHYIR SA DANG PO RAB TU DGA' BA THOB PA YIN NO, ,DE SKAD DU YANG, YONGS SU SBYONG PA RNAM BCU YIS, ,SA NI DANG PO 'THOB 'GYUR TE, ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN BSTEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS BKUR 'DOD DGA' BA DANG, , CHOS STON PA DANG BDEN PA YI, ,TSIG NI BCU PA YIN PAR 'DOD, ,'DI GA RANG BZHIN MI DMGIS PAS, ,YONG SU SPYOR PAR SHES PAR BYA, ,ZHES GSUNGS PA YIN NO, ,DGE BA'I CHOS SDUD PA DANG, SEMS CAN GYI DON BYA BA DANG SDOM PA'I TSUL KHRIMS RNAM PA THAMS CAD DU YONGS SU DAG PA NYAN THOS DANG RANG SANGS RGYAS YID LA BYED PA RNAM PAR SPANGS PA DANG, GZHAN GYI PHAN PA BYAS PA CHUD MI GZAN PA DANG, SEMS CAN RNAMS KYI THAD DU GNOD PA LA SOGS PA'I SEMS MED PA DANG, SEMS CAN YONGS SU SMIN PAR BYA BA LA SOGS PA LA 'GYOD PA MED PA DANG, SEMS CAN GCIG GI DON DU YANG DUS RING BOR DMYAL PA LA SOGS PAR GNAS PAR SPRO PA DANG, SKYE BO THAMS CAD LA 'DUD PA NYID DANG, BLA MA'I THAD NAS DES BSTAN PA'I TSIG BSGRUB CING STON PAR 'DU SHES PA DANG, LAS GZHAN MED PAR SBYIN PA LA SOGS PA'I PHA ROL TU PHYIN PA LA BRTZON ZHING SPRO BA STE, DE LTA BU'I YONGS SU @60A *, ,SBYOD BA SNGA MA BZHIN DU YONGS SU SBYAD BA BYAS PA'I KHYAD PAR CAN GYI CHOS RNAM PA BRGYAD KYIS TSUL KHRIMS 'TSAL PA'I DRI MA THAMS CAD DANG BRAL PAS SA GNYIS PA DRI MA MED PA THOB PA YIN NO, ,DE SKAD DU YANG, TSUL KHRIMS BYAS PA GZO DANG BZOD, ,RAB TU DGA' DANG SNYING BRTZE CHE; ,BKUR STE BLA MA LA GUS NYAN, ,BRGYAD PA SBYIN LA SOGS LA BRTZON, ,ZHES BYA BA GZUNGS PA YIN NO, ,SANGS RGYAS THAMS CAD KYIS GSUNGS PA'I CHOS 'DZIN PA'I BSAM PA DANG, RNYED PA LA SOGS PA LA MI LTOS PAR DAM PA'I CHOS RAB TU STON PA DANG, SANGS RGYAS KYI ZHING YONGS SU SBYONG BAR BYED PA'I CHOS RNAMS DE NYID DU YONGS SU BSNGO BA DANG, SEMS CAN GYI DON BYA BA'I PHIR NAM YANG SEMS SKYO BA MED PA DANG , NYAN THOS DANG RANG SANGS RGYAS KYI YID LA BYED PA LA SOGS PAR RANG DANG GZHAN LA LTOS NA NGO TSA DANG KHREL YOD PA STE DE LTA BU'I YONGS SU SBYONG BA RNAM PA LNGA PO SNGA MA BZHIN DU NGO BO NYID DU MI RTOG PAR YONGS SU SBYANG BA BYAS PAS, 'JIG RTEN LAS 'DAS PA'I YE SHES KYI SNANG BA BYED PA'I PHYIR SA GSUM PA 'OD BYED PA RTOGS PA YIN NO, ,DE SKAD DU YANG, THOS PAS MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, ,'KHOR BAS YONGS SU MI SKYO DANG, ,NGO TSA KHREL YOD CES BYA BA, ,RLOM MED BDAG NYID DE RNAM LNGA, ,ZHES GSUNGS PA YIN NO, ,NYAN THOS LA SOGS PA'I YID LA BYED PA LAS DBEN PA DANG, DMIGS PA'I SBYOR PAS THOB PAR BYA BA'I BYANG CHUB LA YANG 'DOD PA MED PA DANG, DNGOS BO KHYAD PAR CAN THOB TU ZIN KYANG RLOM PA MED PA DANG; CHOS ZAB MO LA BZOD PA'I NGES PAR RTOG PA PA LA SOGS PA YONGS SU ME GTONG BA DANG, BSLAB PA BLANGS PA THAMS CAD SROG GI PHYIR YANG YONGS SU MI GTONG BA DANG, 'DOD PA LA SEMS KYANG MI BSKYED PA DANG, CHOS THAMS CAD LA MNGON PAR 'DU BYED PA MED PA DANG, RANG GI LUS LA SOGS PAR YONGS SU 'DZIN PA MED PA NYID DANG, DGE BA'I CHOS LA DMIGS PA LA SEMS MI ZHUM PA DANG, DNGOS PO THAMS CAD YID LA MI BYED PA ZHES BYA BA STE, DE LTA BU'I YONGS SU SBYONG BA SNGA MA LTA BU RNAM PA BCUS NYON MONGS PA'I BUD SHING MA LUS PA SREG PA'I 'BAR BA DANG NYE BAR LDAN PA'I PHYIR SA @60B BZHI BA 'OD 'PHRO BA CAN GNOD PA YIN NO, ,DE SKAD DU YANG, NAGS GNAS 'DOD CHUNG CHOG SHES DANG, ,SBYANGS PA YANG DAG SDOM BSTEN DANG, ,BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,MYA NGAN 'DAS DANG BDOG KUN GTONG, ,MI ZHUM PA DANG LTA BA MED, ,CES BYA BA GSUNGS PA YIN NO, ,RNYED PA LA SOGS PA'I DON DU KHYIM PA DANG RAB TU BYUNG PA DANG 'GROGS PA DANG, DAD PA CAN GYI KHYIM NYE BAR MI RTON PA DANG, SKYE BO MANG POR 'GRO BA LA SOGS PA DANG, BDAG LA BSTOD PA DANG GZHAN LA SMOD PA DANG, MI DGE BA BCU'I LAS KYI LAM BCU DANG, THOS PA LA SOGS PAS RLOM ZHING GZHAN LA MI 'DUD PA DANG, DGE BA DANG MI DGE BA PA LA SOGS PA'I PHA RO, TU PHYIN PA DRUG YONGS SU RDZOGS PAS LA SOGS PA'I BLO GROS NGAN PA DANG, 'DOD CHAGS LA SOGS PA'I NYON MONGS PA THAMS CAD MNGON DU PHYOGS PAR BYED PA STE, DE LTA BU'I MTSAN NYID KYI CHOS BCU NI BYANG CHUB KYI BAR DU GCOD PAR 'GYUR PA NYID YIN PA'I PHYIR SPONG ZHING DON GYIS 'PHANGS PA GO BZLOG PA'I CHOS YONGS SU SBYONG BA RNAM PA BCUS, SNGA MA BZHIN DU SHIN TU DKA' BAS RGYAL BA'I PHYIR SA LNGA BA SBYANG DKA' BA 'THOB PA YIN NO, ,DE SKAD DU YANG, 'DRIS DANG KHYIM LA 'KHREN PA DANG, ,'DU 'JIR GYUR PA'I GNAS DANG NI; ,BDAG BSTOD GZHAN LA BRNYAS PA DANG, ,MI DGE'I LAS KYI LAM BCU DANG, ,RLOM PAS KHENGS DANG PHYIN CI LOG, ,BLO NGAN DANG NI NYON MONGS BZOD, ,BCU PO 'DI NI RNAMS SPANGS NA, ,SA LNGA BA NI YANG DAG 'THOB, ,CES GSUNGS PA YIN NO, ,SBYIN PA LA SOGS PA'I PHA ROL TU PHYIN PA DRUG YONGS SU RDZOGS PAS NYAN THOS DANG RANG SANGS RGYAS LA MNGON PAR 'DOD PA DANG, NGO BO NYID MI DMIGS PA LA SKRAG PA'I SEMS DANG, SLONG MO PA'I SKYE BOS BSLANGS NA ZHUM PA'I SEMS DANG, BDOG PA THAMS CAD RANG GI DANG GIS GTONG BAR ZHUGS PA LA MI DGA' BA DANG, DBUL PAS SLONG MO BA'I SKYE BO SPONG BA'I SEMS 'DOR BA STE, DE LTA BU'I SNGA MA BZHIN DU YONGS SU SBYOR BA BCU GNYIS KYIS SANGS RGYAS KYI CHOS THAMS CAD MNGON SUM DU GYUR PAS SA DRUG PA MNGON DU GYUR PA KUN SHES PAR 'GYUR PA YIN NO, ,DE SKAD DU YANG, SBYIN DANG TSUL KHRIMS BZOD BRTZON A'GRUS, ,BSAM GTAN SHES RAB RAB @61A *, ,RDZOGS PAS, ,SLOB MA DANG NI BSE RU LA, ,DGA' DANG SKRAG PA'I SEMS SPANGS DANG, ,BSLANGS NA MI ZHUM BDOG PA KUN, ,BTANG YANG MI DGA' MED PA DANG, ,DBUL YANG SLONG BA MI SPONG BAS, ,SA NI DRUG PA YANG DAG 'THOB, ,CES GSUNGS PA YIN NO, ,STONG PA NYID DANG, MTSAN MA MED BA DANG, SMON PA MED PA STE, RNAM PAR THAR PA'I SGO GSUM YANG DAG PAR SHES PAS, GO RIMS BZHIN DU BDAG DANG, SEMS CAN DANG, SROG TU 'DZIN PA MED PA DANG, 'KHOR GSUM YONGS SU DAG PA'I DGE BA BCU'I LAS KYI LAM YONGS SU RDZOGS PA MI GTONG BAS, GANG ZAG GCIG TU 'DZIN PA SPONG BA DANG, SDUG BSNGAL GYIS GDUNGS PA'I SKYE PO THAMS CAD LA DMIGS PA'I SNYING BRTZE BA RTOGS PAS, CHAD PAR 'DZIN PA MED PA DANG, SANGS RGYAS KYI ZHING YONGS SU RDZOGS PA NAS NYE BAR BZUNG BA STE, DNGOS PO THAMS CAD LA NYE BAR MA DMIGS PAS RTAG PAR 'DZIN PA LAS RNAM PAR BZLOG PA DANG, CHOS THAMS CAD MNYAM PA NYID DU RTOGS PAS, MTSAN MAR 'DZIN PA MED PA DANG, THEG PA CHEN PO NYID DU THEG PA GCIG PAR GTOGS PAS RGYUR 'DZIN PA SPANGS PA DANG, MING DANG GZUGS LA SOGS PA MA SKYES PAR YONGS SU SHES PAS PHUNG POR 'DZIN PA DANG BRAL BA DANG, CHOS ZAB MO LA NGES PAR RTOGS PA'I BZOD PA RTOGS PAS KHAMS SU 'DZIN PA SPANGS PA DANG, CHOS THAMS CAD THEG PA CHEN PO'I SGO NAS STON PA'I PHYIR SKYE MCHED DU 'DZIN PA DANG BRAL BA DANG, RTOG PA THAMS CAD GCOD PAS KHAMS GSUM PA LA GNAS PA'I 'DZIN PA BCAD PA DANG, MTSAN MAR 'DZIN PA DANG, 'JIG TSOGS LA SOGS PA'I LTA BA RNAMS DANG, 'DOD CHAGS LA SOGS PA'I NYON MONGS PA SBONG BAS, CHAGS PAR 'DZIN PA DANG BRAL BA DANG, ZHI GNAS BSGOMS PA'I STOBS KYIS SEMS KUN TU ZHUM PA'I 'DZIN PA LAS BRAL BA DANG, SHES RAB DANG THABS LA MKHAS PAS, SANGS RGYAS SU LTA BA LA MNGON PAR ZHEN BA MA YIN PA DANG, CHOS BDAG MED PA BSGOMS PAS SEMS NYE BAR ZHI BA'I PHYIR CHOS SU LTA BA LA MNGON BAR ZHEN PA'I NGO BO NYID MA YIN PA DANG, BDEN PA GNYIS LA BRTEN PA'I GZUGS LA SOGS PA LA THOGS PA MED PA'I YE SHES SKYES PAS DGE 'DUN DU @61B LTA BA LA MNGON PAR ZHEN PA BSAL BA DANG, MNGON PAR ZHEN PA'I GNAS MA YIN PA'I YE SHES THOB PAS TSUL KHRIMS SU LTA BA LA MNGON PAR ZHEN PA MI 'BYUNG BA DANG, CHOS YANG DAG PAR RAB TU RNAM PAR 'BYED PA'I DON DU SANGS RGYAS KYI ZHING THAMS CAD DU JI LTAR 'DOD PA BZHIN DU MNYAM DU 'GRO BSAN STONG PA NYID LA RTZOD PAR 'DZIN PA DANG BRAL BA DANG, DMIGS PA LA MNGON PAR ZHEN PA'I SEMS CAN GYI KHAMS RNAMS BSGRAL BAR BYA BA'I PHYIR THAMS CAD DU BDAG GI LUS JI LTAR MTHUN PAR STON PAS NA, STONG PA NYID DANG 'GAL BAR BRJOD PA'I 'DZIN PA YONGS SU SPANGS PA STE, DE LTAR NA YONGS SU SBYONG BA'I CHOS RNAM PA NYI SHU PO SNGA MA BZHIN DU KHYAD PAR GYI MTSAN NYID CAN GYI YONGS SU SBYONG BA BYAS PA RTOGS PAS NA JI SKAD DU BSHAD PA'I CHOS RNAM PA NYI SHU DANG BRAL BA'I PHYIR YANG DAG PAR LHUN GYIS GRUB PA'I LAM DANG 'BREL PAS SHIN TU RING DU 'GRO BA'I PHYIR SA BDUN PA RING DU SONG BA THOB PA YIN NO, ,DE SKAD DU YANG, SPANG BAR BYA BA'I CHOS KYI DBANG DU MDZAD NAS, BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG PA NI, ,KHAMS GSUM PA LA GNAS DANG CHAGS, ,SEMS NI KUN TU ZHUM PA DANG; ;DKON MCHOG GSUM DANG TSUL KHRIMS LA, ,DER LTA BA YI MNGON ZHEN DANG, ,STONG PA NYID LA RTZOD PA DANG, ,DE DANG 'GAL BA'I NYES PA NI, ,NYI SHU GANG LA RNAM CHAD PA, ,DE YIS SA NI BDUN PA 'THOB, ,ZHES GSUNGS PA YIN LA DE BZHIN DU BLANG BAR BYA BA'I DBANG DU MDZAD NAS, RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, ,SNYING RJE DANG NI RLOM MED DANG, ,CHOS MNYAM NYID DANG TSUL GCIG SHES, ,MI SKYE BA DANG ZAD SHES DANG, ,CHOS RNAMS RNAM PA GCIG TU STON, ,RTOG PA KUN TU 'JOMS PA DANG, ,'DU SHES LTA DANG NYON MONGS SPONG, ,ZHI GNAS NGES PAR SEMS PA DANG, ,LHAG MTHONG LA NI MKHAS PA NGANG, ,SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STON PA NYID DANG NYI SHU'O, ,ZHES GSUNGS PA @62A *, ,YIN NO, ,SEMS CAN THAMS CAD KYI SEMS KYI SPYOD PA JI LTA BA BZHIN DU SHES PA DANG, 'JIG RTEN GYI KHAMS SNA TSOGS SU SEMS CAN GYI DON DU RDZU 'PHRUL GYI MNGON PAR SHES PAS RTZE BA DANG, RTEN GYI SANGS RGYAS KYI ZHING GSER LA SOGS PA'I NGO BOR YONGS SU SGYUR BA DANG, RNAM PA THAMS CAD DU CHOS YONGS SU BRTAG PAR BYA BA'I PHYIR DE BZHIN GSHEGS PA MNYES PAR BYED PA DANG, LHA'I MIG SKYED PA DANG, RTEN PA SANGS RGYAS KYI ZHING SEMS CAN YONGS SU SPYOD BA DANG, THAMS CAD DU SGYU MA LTA BUR GNAS PA DANG, SEMS CAN GYI DON MTHONG NAS BLO SNGON DU BTANG BA'I SKYE BA YONGS SU 'DZIN PA ZHES BYA BA STE, DE LTA BU'I YONGS SU SBYOD PA'I CHOS RNAM PA BRGYAD SNGA MA BZHIN DU YONGS SU SBYANGS PAS MTSAN MA DANG RTZOL BAS BSKYOD DU MED PA'I PHYIR SA BRGYAD PA MI G-YO BA NYAMS SU MYONG BAR 'GYUR BA YIN NO, ,DE SKAD DU YANG, SEMS CAN KUN YID SHES PA DANG, , MNGON PAR SHES PAS RTZE BA DANG, ,SANGS RGYAS ZHING BZANG SGRUB PA DANG, ,YONGS SU BRTAG PHYIR SANGS RGYAS BSTEN, ,DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRID PA LEN PA DANG, ,LAS NI RNAM PA 'DI BRGYAD BSHAD, ,CES BYA BAR GSUNGS PA YIN NO, , SMON LAM MTHA' YAS PA DANG, LHA LA SOGS PA SEMS CAN THAMS CAD KYI SKAD SHES PA DANG, SPOBS PA CHU BO LTAR MI ZAD PA DANG, SKYE BO THAMS CAD KYIS BSNGAGS PA'I MNGAL DU 'JUG PA DANG, RGYAL BO LA SOGS PAR GNAS PA DANG, NYI MA LA SOGS PA'I RUS DANG, MA LA SOGS PA DANG LEGS BAR 'BREL BA'I GNYEN DANG, RANG DBANG DU 'GYUR BA'I 'KHOR DANG, BRGYA BYIN LA SOGS PAS MNGON PAR BSTOD PAR SKYE BA DANG, SANGS RGYAS LA SOGS PAS BSKUL TE NGES PAR 'BYUNG BA DANG, YID BZHIN GYI NOR BU DANG 'DRA BA'I SHING AA SHVAD THA LA SOGS PA DANG, SANGS RGYAS KYI CHOS THAMS CAD KYI NGO BO'I YON TAN YONGS SU RDZOGS PAR BYED PA ZHES BYA BA STE, DE LTA BU'I PHUN SUM TSOGS PA'I MTSAN NYID KYI YONGS SU SBYONG BA BCU GNYIS SNGA MA BZHIN DU YONGS SU SBYANG BA BYAS PA'I KHYAD PAR DAG GIS CHOS STON PA LA MKHAS PA KHA NA MA THOB MED PA'I PHYIR SA DGU BA LEGS PA'I BLO GROS MNGON DU BYED PA YIN @62B NO; ;DE SKAD DU YANG, SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU DANG, ,MNGAL DU 'JUG PA'I MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB SHING RNAMS KYI, ,YON TAN PHUN SUM TSOGS PA YIN, ,ZHES BYA BA GSUNGS PA YIN NO, ,RIGS KYI SA NI NYAN THOS LA SOGS PA'I RIGS SO, ,BRGYAD PA'I SA NI 'BRAS BU DANG PO LA ZHUGS PA'O, ,MTHONG BA'I SA NI RGYUN TU ZHUGS PA'O, ,BSRABS PA'I SA NI LAN CIG PHYIR 'ONG BA'O, ,'DOD CHAGS DANG BRAL BA'I SA NI PHYIR MI 'ONG BA'O; ;BYAS PA RTOGS PA'I SA NI DGRA BCOM PA'O, ,KHYAD PAR GYI TSIG MED PAS ZHUGS PA GSUM NI NYAN THOS KYI SA'O, ,RANG SANGS RGYAS KYI SA NI RANG SANGS RGYAS RNAMS KYI SA'O, ,BYANG CHUB SEMS DPA'I SA NI BYANG CHUB SEMS DPA' RNAMS KYIS RNAMS PA DGU PO JI SKAD DU BSHAD ZIN PA RNAMS SO, , SA DGU ZHES BYA BA DE LTA BU'I SA DGU PO RNAMS LAS 'DAS NAS SA BCU PA'I BYANG CHUB SEMS DPA' LA NI SANGS RGYAS NYID CES BRJOD BAR BYA'I YANG DAG PAR RDZOGS PA'I SANGS RGYAS NI MA YIN NO ZHES STONG PHRAG NYI SHU LNGA PA LAS GSUNGS PAS, SANGS RGYAS KYI SA GANG YIN PA LA LAS LA DBANG BA'I RTEN NYID LA SOGS PA'I YE SHES GANG GIS GNAS PA NI DES THOB NAS CHOS KYI CHAR 'BEBS PAS BYANG CHUB SEMS DPA'I SA BCU PA CHOS KYI SPRIN ZHES BYA'O, ,DE SKAD DU YANG, SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES GSUNGS PA YIN NO, ,SA'I TSOGS NI STONG PHRAG NYI SHU LNGA PA LAS RGYA CHER GSUNGS PAS DE LAS GZUNG BAR BYA'I, GZHUNG MANGS KYIS 'JIGS PAS BDAG GIS 'DIR RGYA CHER MA BRIS SO, ,ZHAR LA 'ONGS PAS CHOG GO, ,MTHONG BA DANG BSGOM PA'I LAM GYI BDAG NYID CAN KHO NA SA'I TSOGS YIN PAS DE'I RJES LA DE'I MI MTHUN PA'I PHYOGS SPONG BA'I GNAS SKABS KYI DBYE BAS GNYEN PO'I TSOGS NYID BSTAN PAR BYA BA'I PHYIR ZHUS PA GSUM PA LA SOGS PA'I LAN GDAB PA'I SGO NAS KHAMS GSUM NAS ZHES BYA BA LA SOGS PA GSUNGS SO, ,DE LA DANG POR DNGOS PO @63A *, ,TZAM DANG GNYEN PO'I RTEN CAN TE GZUNG BA'I RNAM PAR RTOG PA GNYIS DANG, GANG ZAG RDZAS SU YOD PA DANG SKYES BU BTAGS PAR YOD PA'I RTEN CAN TE, 'DZIN PA'I RNAM PAR RTOG PA GNYIS NI MTHONG BA'I LAM LA SPONG BA YIN PAS MI MTHUN PA'I PHYOGS KYI DBYE BAS DE'I GNYEN PO'I GNAS SKABS RTOGS PAR 'GYUR BA'I PHYIR, GO RIMS BZHIN GNYEN PO'I TSOGS STON PA LHUR BYED PA, KHAMS GSUM NAS NGES PAR 'BYUNG BAR 'GYUR TE ZHES BYA BA LA SOGS PA TSIG BZHI NI KUN RDZOB KYI BDEN PA LA BRTEN NAS SBYAR BAR BYA'O, ,DE'I 'OG TU DNGOS PO TZAM DANG GNYEN PO'I RNAM PA LA BRTEN PA'I GZUNG BA'I RNAM PAR RTOG PA GNYIS DANG, GANG ZAG RDZAS SU YOD PA DANG SKYES BU BTAGS PAR YOD PA LA BRTEN PA 'DZIN PA'I RNAM PAR RTOG PA GNYIS BSGOM PA'I LAM LA SPONG BAS, MI MTHUN PA'I PHYOGS KYI DBYE BAS DE'I GNYEN PO'I GNAS SKABS SU RTOGS PA'I PHYIR GNYEN PO'I TSOGS GZHAN RNAM PA BZHI GRANGS JI LTA BA BZHIN DU SNGAR BRJOD PA'I BYA BA BKAG PAS DON DAM PA'I BDEN PA LA BRTEN NAS, STON PAR MDZAD PA NI 'ON KYANG ZHES BYA BA LA SOGS PA GSUNGS SO, ,GNAS PA DGAG PA NYID GSAL PAR BYED PA NI GNAS PA MED PA'I TSUL GYIS THAMS CAD MKHYEN PA NYID LA GNAS PAR 'GYUR RO ZHES BYA BA YIN NO, ,DE LA GNAS PA NI DNGOS PO LA DMIGS PA STE, SEMS RAB TU GNAS PA'O, ,DE BKAG PAS GNAS PA MED PA'O, ,'DIR DPYAD PAR BYA STE, GAL TE RE ZHIG GNAS PA MED PA TZAM YIN NA DE LTA NA NI MED PA YIN PA'I PHYIR GNYEN PO'I PHYOGS SU MI RUNG NGO, ,'ON TE GNAS PA MA YIN NA DE'I TSE MIG LA SOGS PA LA YANG THAL BAR 'GYUR RO ZHE NA, MNGON PAR ZHEN PA MED PA LA JI LTAR BSHAD PA'I TSUL LTAR TSUL 'DI LA YANG BLTA BAR BYA BA YIN PAS RGYAS PAR MA SPROS SO, ,DUS GSUM PA'I DNGOS PO RNAMS BKAG PAS GANG YANG NGES PAR 'BYUNG BAR MA GYUR ZHES BYA BA LA SOGS PA GSUNGS PA YIN NO, ,YANG DAG PA'I DON LA GOMS PA NGES PAR 'BYUNG BA'I PHYIR JI STE DE LTAR 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS, GANG NGES PAR 'BYUNG BA DANG ZHES BYA BA LA SOGS PA GSUNGS SO, ,GNYI GA YANG ZHES BYA BA NI BYANG CHUB @63B SEMS DPA' GANG DANG LAM GANG GIS NGES PAR 'BYUNG BA DE DAG DE KHO NA NYID DU NA MED CING MI DMIGS PA'O, ,NYE BAR BSDU BA NI DE LTAR ZHES BYA BA LA SOGS PA GSUNGS PA YIN TE, KUN RDZOB TU NI YOD DO ZHES BYA BAR DGONGS SO, ,DE SKAD DU YANG, MTHONG DANG BSGOM PA'I LAM DAG LA, ,GZUNG DANG 'DZIN PA'I RNAM RTOG BRGYAD, ,NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES GSUNGS PA YIN NO, ,JI SKAD DU BSHAD PA'I GO RIMS KYIS KUN RDZOB DANG DON DAM PA'I BDEN PA LAS MI 'DA' BAR THEG PA CHEN PO MA LUS PA SNYING RJE LA SOGS PA RNAMS KYIS RJES SU BSGRUBS PAS, BYANG CHUB CHEN PO THOB PAR BYED PA'I NGO BOS SGRUB PAR BYED PA'I PHYIR NA SNYING RJE LA SOGS PA'I TSOGS YIN PA'I PHYIR TSOGS KYI SGRUB PA NI RNAM PA BCU BDUN YIN NO, ,DE LTAR TSOGS BSAGS PA RNAMS NI JI LTAR 'PHAGS PA BYAMS PAS BRNYES PA LTAR NGES PAR 'BYUNG BA YIN PAS BZHI PA NGES PAR 'BYUNG BA'I SGRUB PA BRJOD PAR BYA'O, ,DE YANG YUL GYI DBYE BAS RNAM PA BRGYAD YOD PA LAS DANG PO GTZO BO YIN PAS CHED DU BYA BA'I NGES PAR 'BYUNG BA'O, ,DE YANG SEMS CAN KUN GYI MCHOG NYID KYI, SEMS CHEN PO NYID KYIS NGES PAR 'BYUNG BA DANG, SPONG BA CHEN PO NYID KYIS NGES PAR 'BYUNG BA DANG, RTOGS PA CHEN PO NYID KYIS NGES PAR 'BYUNG BA STE, RNAM PA GSUM YOD PA DE BAS NA CHED DU BYA BA'I NGES PAR 'BYUNG BA GSUM GYI DBANG DU MDZAD NAS, BCOM LDAN 'DAS THEG PA CHEN PO ZHES BYA BA LA SOGS PA GSUNGS SO, ,DMIGS PA CHEN PO NYID DANG NI, ,DE BZHIN SGRUB PA GNYIS DAG DANG, ,YE SHES BRTZON 'GRUS RTZOM PA DANG, ,THABS LA MKHAS PAR GYUR PA DANG, ,YANG DAG 'GRUB PA CHEN PO DANG, ,SANGS RGYAS PHRIN LAS CHEN PO STE, ,CHEN PO 'DI RNAMS DANG LDAN PAS, ,THEG CHEN ZHES NI NGES PAR BRJOD, ,CES BYA BA'I CHEN PO NYID BDUN DANG LDAN PAS BYANG CHUB SEMS DPA'I LAM 'BRAS BU DANG BCAS PA NI THEG PA CHEN PO YIN NO, ,THEG PA CHEN PO NI 'JIG RTEN NA RAB TU GRAGS PA TZAM NYID KYI DON MA YIN BAR MNGON PAR BYANG CHUB PA'I 'BRAS BU CAN YIN TE DE NYID 'CHING BA YIN PA'I PHYIR RO, ,DE LTA MA YIN NA THEG PA CHEN PO'I GNYEN PO BSGOM PA DON MED PAR 'GYUR RO, ,DE BAS NA YANG DAG PA @64A *, ,MA YIN PA'I KUN TU RTOG PA TZAM NYID YIN PA'I PHYIR LOG PAR SNANG BA'I RANG BZHIN LHA DANG MI DANG LHA MA YIN DU BCAS PA'I 'JIG RTEN RNAMS DE'I GNYEN POR GYUR PA NYID KYIS MI BDEN PA'I DON NYID DU RANG GI NGO BO YONGS SU SHES PAS ZIL GYIS MNAN TE, GANG GI PHYIR BGROD PAR BYA BA'I GNAS SEMS CAN THAMS CAD KYI MCHOG NYID LA SOGS PA CHEN PO NYID DU NGES PA KHO NAR 'BYUNG BA DE'I PHYIR THEG PA CHEN PO ZHES BRJOD DO ZHES BYA BA NI NGAG GI DON TO, MNYAM PA NYID RTOGS PA MED PAR CHED DU BYA BA'I NGES PAR 'BYUNG BAR MI 'BYUNG BAS, DE'I 'OG TU MNYAM PA NYID KYI NGES PAR 'BYUNG BA BSTAN PAR BYA BA'I PHYIR NAM MKHA' LTAR MNYAM PA NYID KYIS ZHES BYA BA LA SOGS PA GSUNGS TE, NAM MKHA' LTA BU'I MNYAM PA NYID STONG PA NYID KYIS SHES BYA'I DKYIL 'KHOR MTHA' DAG KHYAB PA'I YE SHES DRI MA MED PA YIN ZHES BYA BA'I PHYIR DE NI THEG PA CHEN PO YIN NO, ,SEMS CAN GYI DON BYA BA MED PAR BSOD NAMS BSAGS BA MI SRID PA'I PHYIR MNYAM PA NYID YANG DAG PAR RTOGS PAR MI 'GYUR BAS, DE'I 'OG TU SEMS CAN GYI DON NGES PAR 'BYUNG BA NI JI LTAR ZHES BYA BA LA SOGS PA GSUNGS SO, ,THEG PA CHEN PO LA SEMS CAN GYI SGO SKABS YOD DO ZHES BRJOD PA'I PHYIR NA THEG PA CHEN PO DES DE DAG GI DON DU NGES PAR 'BYUNG BAR BYA BA YIN NO ZHES BSTAN TE, DE LTA MA YIN NA DON BYA BAS STONG NA GO SKABS YOD PAR MI 'THAD PA'I PHYIR RO, ,BCOM LDAN 'DAS GRANGS 'DIS NA ZHES BYA BA LA SOGS PA NI NYE BAR BSDU BA'O, ,RNAM GRANGS 'DIS ZHES BYA BA NI DON GZHAN 'DIS SO, ,'BAD PA YOD NA SEMS CAN GYI DON MA TSANG BA MED PA RDZOGS PAR MI 'GYUR BAS; DE'I 'OG TU LHUN GYIS GRUB PA'I NGES PAR 'BYUNG BA BSTAN PA'I PHYIR 'DI LA 'ONG BA MA MTHONG ZHES BYA BA LA SOGS PA GSUNGS TE, 'ONG BA NI 'DAS PA NAS SO, ,'GRO BA NI MA 'ONGS PAR RO, ,GNAS PA NI DA LTAR BYUNG BA STE, 'ONG BA LA SOGS PA MED PAS LHUN GYIS GRUB PA'I NGES PAR 'BYUNG BA YIN NO ZHES BYA BAR DGONGS SO, ,RTAG PA DANG CHAD BA DANG BRAL BA'I GNAS SKABS RTOGS PA MED PAR 'BAD PA MED PAR NGES PAR 'BYUNG BAR MI 'GYUR BAS, DE'I 'OG TU MTHA' LAS 'DAS PA'I NGES PAR 'BYUNG BA BSTAN PA'I PHYIR, BCOM LDAN 'DAS 'DI LTAR ZHES BYA BA LA SOGS PA GSUNGS PA YIN TE, 'DI LTAR @64B ZHES BYA BA NI 'CHAD PAR 'GYUR BA'I TSUL GYIS SO, ,SNGON GYI MTHA' NI RTAG PA'O, ,PHYI MA'I MTHA' NI CHAD PA'O, ,DE LAS 'DAS PA YANG MED DO ZHES BRJOD BA NI DBUS KYANG MI DMIGS TE ZHES BYA BA'O, ,'DI LTAR ZHES GANG SMRAS PA DE BSTAN BAR BYA BA'I PHYIR, BCOM LDAN 'DAS THEG PA DE NI ZHES BYA BA LA SOGS PA GSUNGS PA YIN TE, GANG GI PHYIR CHOS THAMS CAD RANG BZHIN GYIS YONGS SU MYA NGAN LAS 'DAS PA NYID KYIS THEG PA DE NI DUS GSUM STONG PA NYID YIN PA DE'I PHYIR THEG PA CHEN PO LA SNGON GYI MTHA' LA SOGS PA MED PA YIN NO ZHES BYA BA NI NGAG GI DON TO, ,CHOS NYID DANG MI 'GAL BA'I DON BRJOD PAS LEGS SO ZHES SHES PAR BYA BA'I PHYIR RAB 'BYOR ZHES BYA BA LA SOGS PA GSUNGS PA YIN NO, ,NYE BAR BSDU BA NI DE LTAR NA 'DI NI ZHES BYA BA LA SOGS PA GSUNGS PA YIN NO, ,MTHA' LAS 'DAS PA'I NGES PAR 'BYUNG BA YANG THEG PA GSUM SO SO'I KHYAD BAR CAN GYI GNAS SKABS THOB PA MED PAR RDZOGS PAR MI 'GYUR BAS DE'I 'OG TU THOB PA'I NGES PAR 'BYUNG BA GSUNGS PA NI, BYANG CHUB SEMS DPA' SEMS DPA' CHEN PO 'DI LA BSLABS PAS ZHES BYA BA LA SOGS PA'O, ,'DI LA ZHES BYA BA NI THEG PA CHEN PO LA'O, ,THAMS CAD MKHYEN PA NYID THEG PA GSUM GYI BDAG NYID CAN 'PHAGS PA'I GANG ZAG THAMS CAD KYI RTOGS PA'I RGYU NYID DU SHES PAR BYA BA'I PHYIR RJES SU THOB PAR GYUR TO ZHES BYA BA LA SOGS PA GSUNGS SO, ,SGRA GZHAN DU GYUR PAS 'PHAGS PA GANG PO 'KHRUL NAS BCOM LDAN 'DAS ZHES BYA BA LA SOGS PA GSOL TO, ,SHES RAB KYI PHA ROL TU PHYIN PA'I DON DU STE CHED DU KHYOD SPOBS PAR GYIS SHIG CES BYA BA LA SOGS PA DANG PO RTZOM PA NA BYIN GYIS BRLABS PA'O, ,RTAG TU MNYAM PAR GZHAG PA MED PAR YE SHES KYI MTHONG BA 'JUG PA MI 'BYUNG BAS GZHAN DU YANG GYUR TAM SNYAM NAS, 'PHAGS PA RAB 'BYOR GYIS BCOM LDAN 'DAS NI ZHES BYA BA LA SOGS PA GSOL TO, , 'GAL BA NI 'DAS PA'O, ,DE BZHIN GSHEGS PAS BYIN GYIS BRLABS PA NI LOG PAR STON PA MI 'THAD PAS RAB 'BYOR DE LTA MA YIN TE ZHES BYA BA LA SOGS PA GSUNGS SO, ,RJES SU MTHUN PAR ZHES BYA BA NI LUGS DANG MTHUN PA TE, SHES RAB KYI PHA ROL TU PHYIN PA'I DON NI THEG PA CHEN PO'I RANG BZHIN YIN @65A *, ,NO ZHES BYA BAR DGONGS SO, ,CHOS ZAB MO RNAM PA THAMS CAD DU STON PA'I NUS PA BDAG NYID LA YOD PAR MTHONG BAS, BCOM LDAN 'DAS SANGS RGYAS KYI MTHUS LAGS SO ZHES BYA BA GSOL TO, ,THOB PA'I NGES PAR 'BYUNG BA DE YANG THOB PAR BYA BA DANG THOB PAR BYED PA DANG DE GNYI GA'I 'BREL BA BKAG PA'I MTSAN NYID CAN TE, DES NA THOB PAR BYA BA BKAG BA'I DBANG DU BYAS NAS, GZHAN YANG ZHES BYA BA LA SOGS PA GSOL TE, GZHAN YANG ZHES BYA BA'I SGRA'I DON NI GO RIMS KYI DON TO, ,MTHAR YANG ZHES BYA BA NI BDUN PA'O, ,NYE BAR MA RTOGS ZHES BYA BA NI THOB PAR BYA BA GZUGS LA SOGS PA'I RANG BZHIN GYI BYANG CHUB SEMS DPA' CUNG ZAD KYANG ZHES BYA BA LHAG MA STE, THOB PAR BYA BA'I BYANG CHUB SEMS DPA' DE NYID YOD PA MA YIN PA'I PHYIR RO ZHES BYA BAR BSAMS PA'O, ,BYANG CHUB SEMS DPA' GZUGS LA SOGS BAR SNANG BA MA YIN NA MA JI LTAR YOD PA MA YIN SNYAM DU DOGS PA, NYE BAR MA RTOGS PA DE CI'I SLAD DU ZHE NA ZHES BYA BAS BSU NAS, GZUGS SU MA MCHIS PAS NA ZHES BYA BA LA SOGS PA GSOL TO, ,CHOS KYI DBYINGS LA MA GTOGS PA, ,GANG PHYIR CHOS YOD MA YIN PA, ,ZHES BYA BA'I TSUL GYIS GANG GI PHYIR CHOS KYI DBYINGS BZHIN DU DE'I RANG BZHIN DU GYUR PA'I GZUGS LA SOGS PA MU MED PAS BYANG CHUB SEMS DPA' MU MED PA NYID YIN PA DE'I PHYIR BYANG CHUB SEMS DPA' NYE BAR MA GTOGS PA YIN NO ZHES BSAMS PA'O, ,THOB PA PO DGAG PA'I DBANG DU MDZAD NAS GSUNGS PA NI GZUGS BYANG CHUB SEMS DPA'O ZHES BYA BA LA SOGS BA'O, ,GZUGS LA SOGS BA NI RIGS PAS YOD PA MA YIN PAS DE'I BDAG NYID CAN THOB PA PO'I BYANG CHUB SEMS DPA' NYE BAR MI DMIGS SO ZHES BYA BAR BSAMS PA'O, ,GAL TE DE LTAR MI DMIGS NA DE KHO NA NYID YIN NO ZHE NA, 'DI YANG ZHES BYA BA LA SOGS PA GSOL TO, ,NYE BAR MA RTOGS PA ZHES BYA BA 'DI YANG MED DE, YUL MED PA LA DGAG PA'I SBYOR BA MED PA'I PHYIR RO, ,DNGOS PO MED PA DE'I PHYIR MI DMIGS SO, ,DE LTAR SBYIR BSTAN NAS BDAG NYID KYI DBANG DU BYAS TE, BCOM LDAN 'DAS DE LTAR ZHES BYA BA LA SOGS PA GSOL TE, DE LTAR ZHES BYA BA NI THOB PAR BYA BA DANG THOB PA PO BKAG PAS SO, ,THAMS CAD @65B 'DI NI GNYIS TE DNGOS PO THAMS CAD DANG RNAM PA THAMS CAD DO ZHES BYA BA'I TSUL GYIS NA, 'DIR THAMS CAD NAS ZHES BYA BA NI PHUNG PO LA SOGS PA DNGOS PO'I RANG BZHIN GYIS SO, ,THAMS CAD CES BYA BA NI PHYI DANG NANG GI BDAG NYID CAN GYI DNGOS PO'I RANG BZHIN NA, ,RNAM PA THAMS CAD DU ZHES BYA BA'I NANG STONG PA NYID LA SOGS PA'I RNAM PA'I DBYE BAS SO, ,YANG THAMS CAD CES BYA BA NI SPYI DANG SO SO'I RNAM PA'O, ,BYANG CHUB SEMS DPA' ZHES BGYI BA'I CHOS ZHES BYA BA NI BYANG CHUB SEMS DPA' NYID THOB PAR BYA BA DANG THOB PA PO'I MTSAN NYID GYI CHOS GZUGS LA SOGS PA'I RANG BZHIN TE, DE DAG NI MI DMIGS PAR GYUR PAS DE YANG DAG PAR RJES SU MA MTHONG NGO, ,DE GNYI GA'I 'BREL BA DGAG PA NI SHES RAB KYI PHA ROL TU PHYIN PA ZHES BYA BA LA SOGS PA GSOL PA YIN TE, RNAM PA DANG THABS DANG RNAM PA MED PA'I SHES PA DAG GIS SAM, MNGON SUM DANG RJES SU DPAG BDAG GIS GRANGS JI LTA BA BZHIN DU YANG DAG PAR RJES SU MA MTHONG ZHING MA DMIGS NA'O, ,DE NYID BSTAN PA'I PHYIR THAMS CAD MKHYEN PA NYID KYANG ZHES BYA BA LA SOGS PA GSOL TO, ,NYE BAR BSDU BA'I PHYIR BCOM LDAN 'DAS BDAG GI ZHES BYA BA LA SOGS PA GSOL PA YIN NO, ,GANG ZHIG CES BYA BA NI THOB PA PO BYANG CHUB SEMS DPA'O, ,GANG GIS ZHES BYA BA NI THOB PAR BYA BA'I THABS KYI SGO NAS SO, ,GANG LA ZHES BYA BA NI 'BREL BA RNAM PA THAMS CAD MKHYEN PA NYID KYI MTSAN NYID DE, GANG GI SGRA NI SPONG BA STON PAR BYED PA YIN PAS, GANG GANG GIS GANG LA YANG MA YIN NO ZHES BYA BA'I THA TSIG GO, ,CI'I PHYIR ZHE NA, GANG GI PHYIR BCOM LDAN 'DAS SANGS RGYAS ZHES BYA BA 'DI NI ZHES BYA BA LA SOGS PA STE, 'DIR THOB PAR BYA BA NI SANGS RGYAS KYI SGRAS BRJOD DE, THOB PA PO DANG 'BREL PA'I TSIG LHAG MA GNYIS KYIS STON PA'I PHYIR TE, GANG GI PHYIR GANG ZHIG SKABS SU BAB BA DE NYID NYE BAR BSDU BA YIN NO, ,DNGOS PO JI LTA BA BZHIN SGRA SBYOR BA'I PHYIR NA MING TZAM DU YOD PA LAS DON BDEN PAR 'GYUR RO SNYAM NA MING DE YANG ZHES BYA BA LA SOGS PA GSOL TE, DE SNGON MTHONG BA MED PA'I PHYIR, ,SGRA DON KHYAD PAR BRJOD BYA DANG, ,RJOD BYED DU NI 'DOD MIN GYI, ,SPYI NI NYE BAR STON PA YIN, ,ZHES BYA BA'I TSUL GYIS DNGOS PO @66A *, ,JI LTA BAR MING DE MNGON PAR GRUB PA MED PA'I PHYIR MA SKYES PA'O, ,JI LTA BU ZHE NA, JI LTAR BDAG CES BYA BA LA SOGS PA GSOL TO, ,DE NYID BSHAD PA NI BDAG SHIN TU ZHES BYA BA LA SOGS PA YIN TE, DON GYI BYA BA'I NUS PA MED PAS BONG BU'I RVA DANG 'DRA BAR YANG DAG PA'I KUN RDZOB TU YANG MNGON PAR MA GRUB PA NYID KYIS NA BDAG NI SHIN TU MED MOD KYI, DE LTA NA YANG BDAG CES THA SNYAD 'DOGS SO, ,GAL TE DE LTAR CHOS THAMS CAD RIGS PAS NGO BO NYID MED PA YIN NA GZUGS DE GANG YIN ZHES RTOG PA LA, GANG GZUNG DU MA MCHIS PA ZHES BYA BA LA SOGS PA SMOS TE, GANG GI PHYIR MNGON PAR MA GRUB PA DE'I PHYIR DE KHO NAR GZUNG BA DANG 'DZIN PA DANG BRAL BA YIN TE, DES NA GZUGS LA SOGS BA NI KUN RDZOB TU MA BRTAGS GCIG PU NA YID DGA' BAR BYED PA YIN NO, , DE LTAR GZUNG BA DANG 'DZIN PA'I DNGOS POR MA GRUB NA 'ON CHOS DON DAM PA YIN NO SNYAM NA, DE LTAR ZHES BYA BA LA SOGS PA SMOS TE, RIGS PAS CHOS THAMS CAD DNGOS PO MED PA GANG YIN PA DE NYID MNGON PAR MA GRUB PA YIN LA, MNGON PAR MA GRUB BA GANG YIN PA DE NI RANG GI MTSAN NYID 'DZIN PA DANG BRAL BAS DE NI CHOS MA LAGS SO, ,RAB TU BSGRUB PA'I DON MJUG BSDU BA'I PHYIR DES NA SHES RAB KYI PHA ROL TU PHYIN PA ZHES BYA BA LA SOGS PA SMOS TE, DES NA ZHES PA NI DE'I PHYIR RO, ,CI ZHIG CES BYA BA'I SGRA NI SPONG BA BRJOD PA NYID YIN PA'I PHYIR MA YIN NO ZHES BYA BA'I THA TSIG GO, ,DE LTA NA NI CHOS RNAMS MNGON PAR GRUB PA YIN NO ZHE NA, BCOM LDAN 'DAS ZHES BYA BA LA SOGS PA GSOL TE, DNGOS PO THAMS CAD KYI MNGON PAR GRUB PA RAB TU DGAG PA YIN PA'I PHYIR, MNGON PAR MA GRUB PA LAS GZHAN PA MNGON PAR GRUB PA'I CHOS NI NYE BAR MI DMIGS SO, ,CHOS THAMS CAD NI SHES RAB KYI PHA ROL TU PHYIN PA LAM GYI RANG BZHIN NO, ,SANGS RGYAS KYI CHOS NI THOB PAR BYA BA'I MTSAN NYID RNAMS SO, ,BYANG CHUB SEMS DPA'I CHOS NI THOB PA PO BYANG CHUB SEMS DPAR BTAGS PA'I RGYU MTSAN @66B GZUGS LA SOGS PA'O, ,GANG BYANG CHUB TU SPYOD PA MI DMIGS SO ZHES BYA BA NI, BYANG CHUB PA'I DON DU SPYOD PA'I SPYI'I CHOS GZHAN GANG YANG RUNG BA GANG YIN PA DE YANG NYE BAR MI DMIGS SO ZHES, RNAM PAR DBYE BA BSGYUR LA ZHES BYA BAR SBYAR RO, ,DE LTA NA SHES RAB KYI PHA ROL TU PHYIN PA LA SU ZHIG MNGON PAR BRTZON BAR 'GYUR ZHE NA, GAL TE DE LTAR ZHES BYA BA LA SOGS PA SMOS PA YIN NO, ,SPYOD PA'O ZHES BYA BA NI MNYAM PAR GZHAG PA'I SHES PAS SO, ,SGOM PA'O ZHES BYA BA NI MNYAM PAR GZHAG PA'I SHES PAS SO, ,NYE BAR RTOG BA NI RIG PAS RNAM PAR 'JOG PA'O, ,NGES PAR SEMS PA NI DRAN PA'I SHES PA LA NGES PAR 'JOG PA YIN PA'I PHYIR RO, ,GZUGS LA SOGS PA MI DMIGS NA JI LTAR SHES RAB KYI PHA ROL TU PHYIN PA LA NYE BAR RTOG CES PA'I DOGS PA DE CI'I SLAD DU ZHE NA ZHES BYA BAS BSU NAS, BCOM LDAN 'DAS GANG GI TSE ZHES BYA BA LA SOGS PA GSOL TO, ,GANG GI PHYIR DUS GANG GI TSE GZUGS LA SOGS PA'I CHOS 'DI DAG SHES RAB KYI PHA ROL TU PHYIN PA LA STE, DE'I RGYU MTSAN DU NGO BO NYID MED PA'I RNAM PAR YONGS SU RTOGS PAR BYED PA DE'I TSE GZUGS NYE BAR MI RTOGS TE MI RIG GO, ,DE NYID KYI PHYIR NYE BAR MI 'DZIN TE BDAG GIR MI BYED DE, GANG GI PHYIR SKYE BA'AM 'GAG PAR YANG YANG DAG PAR RJES SU MI MTHONG BA'I PHYIR RO, ,SKYE BA DANG 'JIG PA MA GTOGS PA GZHAN NI YOD PA MA YIN PA'I PHYIR RO ZHES BYA BAR BSAMS PA'O; ;BDAG NYID GCIG YIN NA SKYE BA MED PA DANG 'GAG PA MED PA DMIGS PA KHO NA GZUGS DMIGS PA YIN NAM, DE'I PHYIR JI LTAR GZUGS NYE BAR MA GTOGS PA'I DOGS PA DE CI'I SLAD DU ZHE NA ZHES BYA BAS BSU NAS, DE NI 'DI LTAR ZHES BYA BA LA SOGS PA SMOS TE, GANG GI PHYIR SKYE BA MED PA DANG 'JIG PA MED PA GANG DAG YIN PA DE DAG NI GZUGS MA YIN TE, KUN RDZOB TU GZUGS LTA BUR SNANG BA'I PHYIR RO, ,DE LA DNGOS PO KHO NA SKAD CIG MAR GNAS PA'I CHOS MI RTAG PA NI 'JIG PA'O, ,DE BKAG @67A *, ,PAS 'JIG PA MA MCHIS BA YIN TE, GANG GI PHYIR KUN RDZOB TU SNA TSOGS PA NYID YIN PA DES NA DE'I PHYIR SKYE BA MED PA DANG 'JIG PA MED PA DANG GZUGS NI DON DAM PAR SKYE BA MED PA DANG 'JIG PA MED PA NYID DU GNAS PA'I PHYIR GNYIS SU MED DE, 'DI NI SKYE BA MED PA LA SOGS BA DANG RANG BZHIN GCIG NYID YIN NO, ,GANG GI PHYIR GNYIS SU BYAR MED PA STE, GNYIS KYI DNGOS POR BYED PA'I TSAD MA DANG BRAL BAS SO, ,GAL TE DE LTAR YIN NA GZUGS SU JI LTAR BTAGS ZHE NA GANG YANG ZHES BYA BA LA SOGS PA SMOS TE, GZUGS ZHES BYA BA 'DI NI GZUGS RIGS PAS MI 'THAD PA LA SOGS PA GNYIS SU MA MCHIS PA LA BRJOD PA'I KUN RDZOB TU MING DU BGYIS BA LAGS TE BRDAR BTAGS PA YIN NO, ,RNAM PA THAMS CAD MKHYEN PA NYID RTOGS PA MED PAR THOB PA'I NGES PAR 'BYUNG BAR MI 'GYUR BAS DE'I 'OG TU RNAM PA THAMS CAD MKHYEN PA NYID DU NGES BAR 'BYUNG BA BSTAN PA'I PHYIR, BCOM LDAN 'DAS DE LTAR ZHES BYA BA LA SOGS PA GSUNGS TE, DE LTAR ZHES BYA BA NI RNAM PA THAMS CAD DU ZHES BYA BA DANG SBYAR RO, ,SHES RAB KYI PHA ROL TU PHYIN BA LA ZHES BYA BA NI, RNAM BA THAMS CAD MKHYEN PA NYID LA STE, NGES PAR 'BYUNG BA'I DON DU ZHES BYA BA NI LHAG MA'O, ,CHOS THAMS CAD NI GZUGS LA SOGS PA RNAMS SO, ,RNAM PA THAMS CAD DU ZHES BYA BA NI DNGOS PO MED PA LA SOGS PA'I RNAM PAR RO, ,'DI NI BYA BA'I KHYAD PAR TE, DE LTAR GZUGS LA SOGS PA'I CHOS THAMS CAD LA YONGS SU RTOG PA NA'O, ,DE'I TSE ZHES BYA BA NI MNGON PAR RTOGS PA'I DUS NA'O, ,GZUGS LA NYE BAR MI RTOG GO ZHES BYA BA LA SOGS PA NI, SKABS GZHAN GYI SGO NAS YANG BZLAS PA'I PHYIR ZLOS PA'I NYES PA YOD PA MA YIN NO; ,DE LTA NA NI SEMS CAN GYI DON DU DKA' BA SPYOD BA LA SOGS PA MI 'THAD DO ZHES BYA BA'I BSAM PA DANG LDAN PAS DE'I PHYIR ZHES BYA BA LA SOGS PA BRJOD DO, ,GANG GI PHYIR GZUGS LA SOGS PA NI SKYE BA MED PA DANG 'GAG PA MED PA DAG DANG GNYIS SU MED PA NYID YIN PA'I RGYU DE'I @67B PHYIR GZUGS LA NYE BAR MI RTOG CES BYA BA LA SOGS PA JI SKAD SMRAS PA'I DON KHO BOS SHES PA DE LTAR NA BYANG CHUB SEMS DPA' YANG SKYE BA MED PA YIN TE, DE YANG GZUGS LA SOGS PA'I RANG BZHIN YIN PA'I PHYIR RO, ,DE LTAR YIN DU CHUG MOD CES KHAS BLANGS NA NYES PA BSTAN BA'I DON DU GAL TE ZHES BYA BA LA SOGS PA GSUNGS TE, CI ZHIG CES BYA BA'I SGRA NI SPONG BA STE, SKYE BA MED PA DANG 'GAG PA MED PA'I PHYIR MI SPYOD DO ZHES BYA BA'I THA TSIG GO, ,SEMS CAN RNAMS KYI DON GYIS ZHES BYA BA BGOS BAS SDUG BSNGAL BA YIN PA DE DAG NYAMS SU MYONG BA'I DON DU SPRO BA YANG CI ZHIG YOD CING CI'I DON DU YIN NO ZHES PA'I DON TE, SEMS CAN LA SOGS PA MED PA'I PHYIR RO ZHES BYA BAR BSAMS PA'O, ,TSE DANG LDAN PA SH'A RI'I BU KHO BO NI ZHES BYA BA LA SOGS PAS NI LAN SMRAS PA YIN NO, ,'DI SNYAM DU SEMS TE, GAL TE BYANG CHUB SEMS DPA' YANG SKYE BA MED PA YIN NA DON DAM PAR DKA' BA SPYAD PA SPYOD PA MED PAR 'GYUR RO ZHES THAL BA BSGRUBS NA NI DE'I TSE DE KHO NA NYID DU NA SPYOD PA MI 'THAD PAS GRUB PA LA SGRUB PA YIN NO, ,'ON TE KUN RDZOB TU YIN NA 'O NA NI DE'I TSE BYANG CHUB SEMS DPA' SKYE BA MED PA MA YIN TE, SKYE BAR SNANG BA'I PHYIR RO, ,DES NA SPYOD PA JI LTAR 'GAL ZHES BSAMS PA YIN NO, ,KUN RDZOB TU YANG DKA' BA SPYOD PA JI LTAR SPYOD PA YIN ZHES KYANG BSAM PAR MI BYA'O ZHES BRJOD PA NI GANG ZHIG DKA' BA SPYOD PA'I 'DU SHES KYIS ZHES BYA BA LA SOGS PA'O, , DKA' BA'I 'DU SHES KYIS SPYOD PA ZHES BYA BA 'DIR SPYAD DKA' BA LA ZHES BYA BA NI LHAG MA'O, ,MGO GTONG BA LA SOGS PA'I SPYAD DKA' BA RNAMS BYANG CHUB SEMS DPA' KHO NAS BYED PA MA YIN NAM, JI LTAR NA DKA' BA'I 'DU SHES MED PA YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, TSE DANG LDAN PA SH'A RI'I BU ZHES BYA BA LA SOGS PA SMRAS SO, ,GANG GI PHYIR DKA' BA'I 'DU SHES BSKYED NA SEMS CAN RNAMS KYI DON BYA BAR MI NUS TE, YANG DAG PA'I SPYOD PA MI RDZOGS PA'I PHYIR RO, ,DE BAS NA GANG DKA' BA'I 'DU @68A *, ,SHES KYIS SBYIN PA LA SOGS PA LA SPYOD PAR BYED NA DE SEMS CAN GYI DON MI BYED PAS BYANG CHUB SEMS DPAR MI 'GYUR RO ZHES BYA BAR BSAMS PA'O, ,'O NA JI LTAR NUS PAR 'GYUR ZHE NA, 'ON KYANG BDE BA'I 'DU SHES PA NYID DU BYAS NAS ZHES BYA BA LA SOGS PA GSUNGS TE, SBYIN PA LA SOGS PA LA SER SNA LA SOGS PA MED PAS BYA SLA BA'I 'DU SHES NI BDE BA'I 'DU SHES SO, ,DE BZHIN DU SEMS CAN THAMS CAD LA SBYIR MA LA SOGS PAR 'DU SHES BSKYED PA'AM, KHYAD PAR DU SKYES BA DANG BUD MED DAG LA NA TSOD CHE CHUNG GI TSAD KYIS CI RIGS PAR MA LA SOGS PA'I 'DU SHES SU BYAS SHING GANG GI TSE BYANG CHUB SEMS DPA'I SPYAD PA SPYOD NA DE'I TSE DON BYA BAR NUS SO ZHES BYA BAR BSAMS PA'O, ,DE NYID NYE BAR BSDU BAR BYA BA'I PHYIR DE BAS ZHES BYA BA LA SOGS PA GSUNGS TE, BAR DU YANG ZHES BYA BA 'DIS NI SKYES PA DANG BUD MED RNAMS LA NA TSOD MNYAM PA'I TSAD KYIS MING PO DANG SRING MO'I 'DU SHES SU NYE BAR BSDU BA'O, ,JI LTAR NA BDAG NYID KYI 'DU SHES BSKYED PAR BYA ZHE NA, JI LTAR BDAG CES BYA BA LA SOGS PA GSUNGS TE, BDAG TU NGA RGYAL SKYED PA NYID KYIS RANG GI RGYUD NYID BDAG YIN NO,, SDUG BSNGAL THAMS CAD LAS THAR BAR BYA ZHING BSAL BAR BYA'O ZHES BYA BA NI, 'DU BYED LA SOGS PA'I SDUG BSNGAL RNAMS LAS THAR BAR BYA ZHING BSAL BAR BYA'O, ,RNAM PA GZHAN DAG KYANG BDAG GIS SEMS CAN THAMS CAD LA YANG ZHES BYA BA LA SOGS PA GSUNGS PA YIN TE, YONGS SU MI GTONG NGO ZHES BYA BA NI SNYING RJE CHEN BO'I BSAM PA DANG SBYOR BAS SO, ,THAR PAR BYA'O ZHES BYA BA NI DE LTA BU'I BYA BA RDZOGS BAR BYA BAS SO, ,GANG GI TSE ZHE NA, BDAG GI LUS ZHES BYA BA LA SOGS PA GSUNGS TE, BDAG GI LUS BRGYAR GTUBS KYANG ZHES BYA BA NI DE RNAMS NYID KYIS BYA BAR SHUGS KYIS SBYAR TE, GZHAN DU NA PHUL DU BYUNG BA CI ZHIG TU 'GYUR, CHUNG NGU NA ZHES BYA BA THA MA NA'O, ,GNOD SEMS KYANG MI BSKYED DO ZHES BYA BA NI ZHE SDANG BAR MI BYA BA'O, ,DE NYID MJUG BSDU BA NI DE LTAR ZHES BYA BA LA @68B SOGS PA GSUNGS TE, DE LTAR ZHES BYA BA NI BSHAD MA THAG PA'I SEMS DE LTAR RO, ,SPYOD PA NI SBYIN PA LA SOGS PA'O, ,GNAS NA ZHES BYA BA NI SPYOD LAM RNAM BZHI LA'O, ,DE LTAR KUN RDZOB LA BRTEN PA'I SPYOD PAS DKA' BA'I 'DU SHES MED PA BSTAN NAS DON DAM PA'I BDEN PA BRTEN PA BSTAN PAR BYA BA'I PHYIR, TSE DANG LDAN PA SH'A RI'I BU GZHAN YANG ZHES BYA BA LA SOGS PA GSUNGS TE, THAMS CAD NAS BYA BA NI MNGON SUM LA SOGS PA'I TSAD MAS SO, ,THAMS CAD NI KHYAB BA DANG CIG SHOS KYI TSUL LO, ,RNAM PA THAMS CAD KYI ZHES BYA BA NI SEMS CAN DANG SROG LA SOGS PAR GRAGS PA'I RNAM PAS SO, ,YANG THAMS CAD DU ZHES BYA BA NI BYED PA PO NYID LA SOGS PA'I TSUL TE, GCIG DANG DU MA'I RANG BZHIN DANG BRAL BAS JI LTAR BDAG MED CING YOD PA MA YIN NO, ,DE NYID KYIS NA MI DMIGS TE, CHOS THAMS CAD KYANG DE BZHIN NO, ,DE NYID BSTAN PA NI DE BZHIN DU ZHES PA LA SOGS PA'O, ,CHOS LA LTOS NAS NI THAMS CAD CES BYA BA RANG GI MTSAN NYID LA SOGS BA'I TSUL GYIS SO, ,THAMS CAD NI SPYI'I MTSAN NYID LA SOGS PA'O, ,RNAM PA THAMS CAD KYI ZHES BYA BA NI NYON MONGS PA LA SOGS PA'I RNAM PAS SO, ,THAMS CAD DU NI RNAM PA THAMS CAD DU STE, DE'I PHYIR RNAM PA GZHAN MED PAS SGYU MA'I SKYES BU KHO NA LTAR KUN DU SPYOD PAR BYA ZHING DE LA YANG DKA' BA SPYOD PA'I 'JIGS PA JI LTAR YOD CES BYA BAR BSAMS PA'O, ,DE LTAR SKYE BA MED PA LA THAL BA SPANGS NAS KHAS LEN PA NI TSE DANG LDAN PA SH'A RI'I BUS GANG YANG 'DI SKAD DU ZHES BYA BA LA SOGS BAS BRJOD DO, ,DE DE BZHIN TE ZHES BYA BA NI DON DAM PAR ZHES BYA BAR BSAMS PA'O, ,BYANG CHUB SEMS DPA' SKYE BA MED DO ZHES BRJOD PAS PHYOGS GCIG PA'I STONG PA NYID DU 'GYUR RO ZHES, TSE DANG LDAN PA RAB 'BYOR YANG CI ZHES BYA BA LA SOGS PA GSUNGS TE, BYANG CHUB SEMS DPA'I CHOS NI BYANG CHUB SEMS DPAR BYED PA'I CHOS LAM GYI RNAM PAR SHES PA NYID LA SOGS PA'I RANG BZHIN NO, ,BYANG CHUB SEMS DPA'I CHOS KYANG SKYE BA MED DE RIGS PAS MTSUNGS @69A *, ,PA'I PHYIR RO, ,DE NYID BRJOD PA NI BYANG CHUB SEMS DPA'I ZHES BYA BA LA SOGS PA'O, ,GANG DRIS PA DE KHO NA LAN GDAB PAR BYA'I, GZHAN DU NA NYAN PA PO 'BYUNG BA MED PA'I NGAG TU 'GYUR RO, ,DE BAS NA PHYOGS GCIG PA'I STONG PA NYID KYI LAN GDAB PA'I PHYIR, 'ON TE THAMS CAD MKHYEN PA NYID KYANG ZHES BYA BA LA SOGS PA GONG NAS GONG DU DRIS PA DANG, LAN SMRAS PAS STONG PA NYID NI THAMS CAD KYI YUL YIN PAR BRJOD PA YIN NO, ,DE LA THAMS CAD MKHYEN PA NYID NI SANGS RGYAS NYID DO, ,SANGS RGYAS SU BYED PA'I CHOS RNAM PA THAMS CAD MKHYEN PA NYID KYI MTSAN NYID NI THAMS CAD MKHYEN PA NYID KYI CHOS SO, ,'PHAGS PA'I LAM MA SKYES PA'I BYIS PA NI SO SO'I SKYE BO'O, ,SO SO'I SKYE BO'I CHOS RNAMS NI DE DANG 'BREL BA 'DOD CHAGS LA SOGS PA'O, ,DE LTAR RIM GYIS CHOS THAMS CAD SKYE BA MED PAR KHAS LEN DU BCUG NAS NYES PA 'GAL BA'I PHYIR BRJOD PA NI TSE DANG LDAN PA RAB 'BYOR GAL TE ZHES BYA BA LA SOGS PA'O, ,'ON ZHES BYA BA NI MI BZOD PA STE, THAMS CAD MKHYEN PA NYID THOB PA YIN NAM ZHES BYA BA NI LHAG MA'O, ,GLEGS BAM LA LA LAS THAMS CAD MKHYEN PA NYID 'BAD PA MED PAS THOB BAM ZER BA NI GSAL BA KHO NAR ZAD DO, ,'DI SKAD DU GUS PAR BYAS PA DANG RGYUN MI 'CHAD PA DANG YUN RING POR BSGOMS PAS SKYE BA MED PA RTOGS PA NA SANGS RGYAS NYID RJES SU THOB PA YIN NO, ,GAL TE CHOS THAMS CAD MA SKYES PA KHO NA YIN NA NI DE'I TSE RNAM PA THAMS CAD MKHYEN BA NYID 'BAD PA MED PAR RJES SU THOB PA KHO NA YIN LA, DE LTA NA NI LUS CAN THAMS CAD GROL BAR 'GYUR RO ZHES BRJOD PA YIN NO, ,GAL TE MA SKYES PA LA THOB BAR BYA BA DANG THOB PA BO CHOS YOD NA NI DE'I TSE 'BAD PA MED PAR THOB BA ZHES BYA BA 'THAD PA ZHIG NA, GANG GI PHYIR DE LTAR NI MA YIN NO ZHES BSAMS NAS BRJOD PA NI, TSE DANG LDAN PA SH'A RI'I BU KHO BO NI MA SKYES PA'I CHOS LA THOB PAR MI 'DOD DO ZHES BYA BA LA SOGS PA'O, ,RIGS PAS MA SKYES PA'I CHOS DAD PAS THOB PAR BYA BA DANG THOB PA PO'I SBYOR BA'I GNAS SKABS SU THOB PAR TE 'DZIN PAR MI 'DOD LA DNGOS GZHI'I GNAS SKABS @69B SU MNGON PAR RTOGS SHING KHONG DU CHUD PAR YANG MI 'DOD DO, ,DE NYID BRJOD PA NI MA SKYES PA'I CHOS KYIS ZHES BYA BA LA SOGS PA GSUNGS PA YIN TE, THOB PA PO'I CHOS MA SKYES PAS THOB PAR BYA BA'I MTSAN NYID KYI THOB PA MA SKYES PA 'THOB BAR MI 'GYUR TE, GNYI GA DNGOS PO MED PA NYID YIN PA'I PHYIR RO, ,'O NA GANG RUNG ZHIG MA SKYES PAS NA THOB PA 'THOB PAR 'GYUR RO ZHES SMRAS PA NI, TSE DANG LDAN PA RAB 'BYOR YANG CI MA SKYES PA'I CHOS KYIS ZHES BYA BA LA SOGS PA'O, ,'ON TE ZHES BYA BA'I SGRA NI PHYOGS GZHAN STON PAR BYED BA'O, ,SLAR DRIS PA'I TSUL GYIS LAN GYI DON BRJOD PA NI, TSE DANG LDAN PA SH'A RI'I BU YANG CI ZHES BYA BA LA SOGS PA'O, ,SKYE BA NI YOD PA MA YIN PA'I PHYIR CI MA SKYES PA'I CHOS SKYES SO ZHES BRJOD DAM, DE LTA'O ZHE NA, BRJOD LA RAG STE MING GZHAN DU BYA BAS DNGOS PO GZHAN NYID DU 'GYUR BA NI MA YIN NO, ,DE BAS NA SKYES PA'I CHOS KYIS THOB PA MA SKYES PA 'THOB PAR JI LTAR 'GYUR, 'ON TE MA SKYES PA'I CHOS KHO NA MA SKYES PA YIN NO ZHES KHYOD KYIS BRJOD PA YIN NA, DE LTA NA YANG NYES PA KHO NA YIN TE, MA SKYES PA'I CHOS GANG YIN PA DE NI MA SKYES PA KHO NA YIN TE, MED PA KHO NA YIN PA DES NA MA SKYES PA'I CHOS KYIS THOB PA SKYES PA 'THOB PAR CI LTAR 'GYUR 'DI SKAD DU, DE KHO NA NYID DU NA THOB PAR BYA BA DANG THOB PA PO DAG MED PA'I PHYIR 'BAD PA MED PAR 'THOB PAR 'GYUR, KUN RDZOB TU YANG 'BAD PA CHEN POS DUS RING POR RGYUN MI 'CHAD PAR BSGOMS PAS SA BRGYAD PA LA SOGS PAR YE SHES LHUN GYIS GRUB PAR 'JUG PA 'THOB PA'I PHYIR GANG GIS LUS CAN THAMS CAD GROL BAR 'GYUR BA 'BAD PA MED PAR 'THOB PAR JI LTAR 'GYUR ZHES BRJOD PA YIN NO, ,GAL TE KUN RDZOB DANG DON DAM PA'I BDEN PA LA BRTEN NAS SKYE BA DANG SKYE BA MED PA RNAM PAR GNAS PA YIN NA KHYOD LA YANG BRGAL ZHING BRTAG PA 'DI NYID DO SNYAM PA'I BSAM PAS BRJOD PA NI, SKYE BA'I CHOS NYID MI SKYE BA YIN NAM 'ON TE MI SKYE BA'I CHOS MI SKYE BA YIN ZHES BYA BA'O, ,DE KHO NA NYID NI BRJOD PA'I KUN RDZOB TU YANG NGAG TU BRJOD PA DANG BRAL BA YIN NO SNYAM DU BSAMS NAS BRJOD PA NI, @70A *, ,TSE DANG LDAN PA SH'A RI'I BU SKYE BA'I CHOS SAM ZHES BYA BA LA SOGS PA STE, DE GNYI GA BRDZUN PA NYID YIN PA'I PHYIR DE KHO NA NYID DU SMRA BAR MI SPOBS SO ZHES BYA BAR BSAMS PA'O, ,MA SKYES PA NI DON DAM PA NYID YIN PA'I PHYIR RO ZHES BYA BA'I BSAM BAS BRJOD PA NI, TSE DANG LDAN PA RAB 'BYOR KHYOD KYIS SKYE BA MED PA'I CHOS LA YANG ZHES BYA BA'O, ,DON DAM PA DANG RJES SU MTHUN PA YIN PA'I PHYIR SKYE BA MED PA 'DI LA DON DAM PA ZHES BRJOD DO ZHES SMRAS PA NI, TSE DANG LDAN PA SH'A RI'I BU SKYE BA MED PA NYID BRJOD PA YIN LA ZHES BYA BA'O; ,SKYE BA MED PA NYID YIN NA YANG BRJOD PAR BYA BAS NA BRJOD PA NI SPROS PA STE RNAM PAR RTOG PA ZHES BYA BA'I DON TO, ,DE LTA NA MNGON PAR RTOGS PA'I DUS SU CI ZHIG TU SNANG ZHE NA, NYID BRJOD PA YIN LA ZHES BYA BA'O, ,SKYE BA MED PA YIN NA YANG BRJOD PAR BYA BAS NA BRJOD PA NI SPROS PA STE; RNAM PAR RTOG PA ZHES BYA BA'I DON TO, ,DE LTAR MNGON PAR RTOGS PA'I DUS SU CI ZHIG TU SNANG TSE DANG LDAN PA SH'A RI'I BU SKYE BA MED PA NYID SO SOR SNANG BA YIN PA YIN NO ZHES BYA BA GSUNGS TE, RTOG PA THAMS CAD LAS RNAM PAR GROL ZHING GZUNG BAR BYA BA MA YIN PA'I SKYE BA MAD PA NYID GZUNG BAR SNANG ZHING 'DZIN PA MA YIN PA NYID 'DZIN PAR SNANG NGO, ,YANG JI LTAR NA DE LTA BU'I NGO BO NYID MA YIN DU ZIN KYANG DE LTA BU'I NGO BO NYID DU SO SOR SNANG ZHE NA, TSE DANG LDAN PA SH'A RI'I BU DE KHO NA BZHIN DU SHIN TU SO SOR SNANG BA NYID DO ZHES BYA BA GSUNGS TE, DE KHO NA BZHIN DU STE JI LTAR MTHONG BA BSNYON PAR MI NUS PA'I PHYIR KUN RDZOB TU JI LTA BU YIN YANG RUNG BAR 'GYUR RO, ,YANG NA DE KHO NA BZHIN DU STE, RNAM PAR MA DPYAD PA'I RANG BZHIN DU BRDZUN PA KHO NA SO SOR SNANG BA YIN NO, ,SHIN TU SO SOR SNANG BA'O ZHES BYA BA NI RTAG PA DANG CHAD PA DANG BRAL BA'I RANG BZHIN DU SO SOR SNANG BA'O, ,CHOS KYI DE KHO NA NYID YANG DAG PAR BSHAD PAS BSTOD PA'I PHYIR BRJOD PA NI, TSE DANG LDAN PA RAB 'BYOR NI CHOS STON PA'I ZHES BYA BA LA SOGS PA'O, ,GZHAG PAR BYA'O ZHES BYA BA NI GZUNG BA BYA BA'O, ,NYAN THOS RNAMS KYANG CHOS KYI SPRIN GYI RTOGS @70B PA MED PA MA YIN NAM, JI LTAR 'DI LTAR STON SNYAM PA'I DOGS PA DE CI'I SLAD DU ZHE NA ZHES BYA BAS BSU NAS, 'DI LTAR ZHES BYA BA LA SOGS PA BRJOD DO, ,GANG DANG GANG LA ZHES BYA BA NI 'DUN PA LA'O, ,DE DANG DE LA ZHES BYA BA YANG DE DANG 'DRA STE, GANG DANG GANG LA YONGS SU DRIS PA DE DANG DE LA LAN BTAB PAS NGES PAR 'BYUNG BAS RANG GI RTOGS PA'I MTSAN NYID KYI CHOS NYID LAS KYANG MI G-YO STE GNAS PA'I PHYIR RO, ,LUNG GI RANG BZHIN GYI CHOS NYID DE RTOGS PA'I CHOS DANG 'GAL BAR MI BYED DO ZHES BYA BA RTAG TU MNYAM PAR GZHAG PA'I SHES PA MED KYANG ZHES BYA BA NI LHAG MA'O, ,DE BZHIN GSHEGS PA'I BYIN RLABS YIN PAR BSTAN PA'I PHYIR, TSE DANG LDAN PA SH'A RI'I BU BCOM LDAN 'DAS KYI NYAN THOS ZHES BYA BA LA SOGS PA SMRAS SO, ,DE BZHIN GSHEGS PA'I NYAN THOS MI GNAS PA'I CHOS CAN RNAMS KYI ZHES BYA BA MNGON PAR ZHEN PA MED PA'I CHOS CAN RNAMS KYI'O, ,CHOS NYID NI 'DI YIN TE ZHES BYA BA NI RTEN CING 'BREL BAR 'BYUNG BA'I NGES PA NYID DO, ,CHOS NYID DE GANG YIN ZHE NA, DE DAG GANG DANG GANG ZHES BYA BA LA SOGS PA'O, ,GZUGS LA SOGS PA'I MTSAN NYID KYI DNGOS PO'I DMIGS PA YOD DU ZIN KYANG JI LTAR NA NYAN THOS MI GNAS PA'I CHOS CAN YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS BRJOD PA NI 'DI LTAR GANG ZHES BYA BA LA SOGS PA'O, , GCIG DANG DU MA'I RANG BZHIN DANG BRAL BAS CHOS THAMS CAD MI GNAS PA'I PHYIR TE, GNAS PAR 'OS PA MA YIN PA'I PHYIR, MI GNAS PA'I CHOS CAN GYI NYAN THOS NI SHES RAB KYI PHA ROL TU PHYIN PA BSHAD PA'I DON DU BYIN GYIS BRLABS PA KHO NA STE, DE LTA MA YIN NA STON PA MI 'THAD PA'I PHYIR RO, ,GANG ZAG BDAG MED PAR RTOGS PA TZAM GYIS NI RNAM PA 'DI LTA BU'I CHOS LA MOS PA MED PA'I PHYIR DE BZHIN GSHEGS PAS BYIN GYIS BRLABS PA YIN NO ZHES BYA BA NI TSIG GI LHAG MA'O, ,RNAM PA THAMS CAD MKHYEN PA'I @71A *, ,NGES PAR 'BYUNG BA DE YANG KHYAD PAR GYI LAM LA SOGS PA MED BAR MI 'BYUNG BAS, DE'I 'OG TU LAM GYI NGES BAR 'BYUNG BA BSTAN PAR BYA BA'I PHYIR BRJOD PA NI, TSE DANG LDAN PA RAB 'BYOR LEGS SO LEGS SO, ,ZHES BYA BA LA SOGS PA'O, ,RAB 'BYOR LEGS SO LEGS SO ZHES BYA BA NI, DON LEGS BAR SMRAS BA NYID KYIS SO, ,'ON KYANG GANG GIS BYANG CHUB RTOGS PAR 'GYUR BA CHOS THAMS CAD LA MI GNAS PA'I PHA ROL TU PHYIN PA 'DI GANG YIN, RANG GI NGO BO BSTAN PAR BYA BA'I PHYIR, SH'A RI'I BU ZHES BYA BA LA SOGS PA YIN TE, SA DANG, PHA ROL TU PHYIN PA DANG, BYANG CHUB KYI PHYOGS KYI CHOS THAMS CAD KYI NGO BO NYID KYIS LAM GYI MTSAN NYID CAN GYI SHES RAB KYI PHA ROL TU PHYIN PA NYID NI CHOS THAMS CAD LA MI BRTEN PA NYID KYIS NA, CHOS THAMS CAD LA MI GNAS PA'I PHA ROL TU PHYIN PA ZHES BYA BAR BRJOD DO, ,THEG PA THAMS CAD NI THEG PA GSUM GYIS BSDUS PA'O, ,DE LTA BU'I SHES RAB KYI PHA ROL TU PHYIN PA LAM GYI BDAG NYID CAN LA SU ZHIG NGES PAR 'BYUNG ZHE NA, DE LTAR ZHES BYA BA LA SOGS PA GSUNGS PA STE, DE LTAR ZHES BYA BA NI BSHAD MA THAG PA'I RIM PAS SO, ,SEMS ZHUM PA NI SEMS 'KHUMS PA'O, ,DE NYID NI NEM NUR ZHES BYA BA LA SOGS PAS GSUNGS PA YIN TE, NEM NUR DU GYUR PA NI THE TSOM DU GYUR PA'I SHES PA STE, CI 'DI YIN NAM, GZHAN YIN ZHES LAM GZHAN 'DOD BAR GYUR PA'I PHYIR RO, ,RMONGS PA NI MI SHES PA STE, DE'I RANG GI NGO BO MI RTOGS PA'O, ,SEMS GZHAN PA NYID DU 'GYUR BA NI LOG PA'I SHES PA STE, LOG PAR RTOGS PA'O, ,'DI THAMS CAD NI MA RIG PA YIN BAS NA, BSGOMS PAS SBANG BAR BYA BAR BSTAN TO, ,GNAS PA 'DI LTA BUS GNAS SHING ZHES BYA BA NI, LAM GYI RANG BZHIN GYI SHES RAB KYI PHA ROL TU PHYIN PA'I GNAS PAS SPYOD LAM RNAM PA BZHI'I SGO NAS SEMS LAS SU RUNG BA NYID RDZOGS PAR BYED PA'I PHYIR RO, ,YID LA BYED PA 'DI DANG MA @71B BRAL BA YIN NO, ,ZHES BYA BA NI LAM GYI BDAG NYID CAN GYI NANG DU YANG DAG PAR 'JOG PA'I GNAS SKABS SU'O, ,YID LA BYED PA NI SEMS KYI 'BAD BA DMIGS PA LA SEMS 'DZIN PA'I LAS CAN MA YIN NAM, SHES RAB KYI PHA ROL TU PHYIN PA LA GNAS PA NI, DE LAS BZLOG PA'I RANG BZHIN CAN YIN NA, 'DI GNYIS LHAN CIG GNAS PAR GA LA RUNG, ZHES BYA BA'I BSAM PAS SMRAS PA NI, TSE DANG LDAN PA RAB 'BYOR ZHES BYA BA LA SOGS PA'O, ,SHES RAB KYI PHA ROL TU PHYIN PA'I GNAS PAS GNAS PA GANG YIN PA DE JI LTAR YID LA BYED PA DANG MA BRAL BAR 'GYUR TE, PHAN TSUN 'GAL BA YIN PA'I PHYIR DE LTAR MI RUNG NGO, ,ZHES BYA BA'I THA TSIG GO, ,DE NYID BSTAN PAR BYA BA'I PHYIR, TSE DANG LDAN PA RAB 'BYOR GAL TE ZHES BYA BA LA SOGS PA SMRAS SO, ,GAL TE YID LA BYE DPA DANG MA BRAL NA DE'I TSE SHES RAB KYI PHA ROL TU PHYIN PA DANG BRAL BA YIN LA, 'ON TE SHES RAB KYI PHA ROL TU PHYIN PAS GNAS BA DANG MA BRAL NA, DE'I TSE YID LA BYED PA DANG BRAL BA YIN NO, ,'ON TE 'GAL BA DAG KYANG GCIG LA LHAN CIG GNAS PAR 'DOD NA, DE'I TSE HA CANG THAL BAR 'GYUR RO, ,ZHES SMRAS PA NI, TSE DANG LDAN PA RAB 'BYOR GAL TE ZHES BYA BA LA SOGS PA'O, ,GAL TE LAM GYI NGES PAR 'BYUNG BA'I GNAS SKABS SU YID LA BYED BA DANG MA BRAL BA YIN YANG SHES RAB KYI PHA ROL TU PHYIN PA DANG MA BRAL BAR 'DOD NA, DE LTAR GYUR NA NI SEMS CAN THAMS CAD SHES RAB KYI PHA ROL TU PHYIN PA'I GNAS PA DANG MI 'BRAL BAR 'GYUR TE, DE RNAMS LA YID LA BYED PA YOD PA'I PHYIR RO, ,SHES RAB KYI PHA ROL TU PHYIN PA LA GNAS PA 'BAD BA DU MAS BSGRUB PAR BYA BA MA YIN NAM, DES NA JI LTAR NA SEMS CAN THAMS CAD DE DANG MI 'BRAL BA YIN SNYAM PA'I DOGS PA DE CI'I PHYIR ZHE NA, ZHES BYA BAS BSU NAS SMRAS PA NI, SEMS CAN THAMS CAD KYANG ZHES BYA BA LA SOGS PA'O, ,YID LA BYED PA @72A *, ,DANG ZHES BYA BA 'DIR MI 'GAL BAS SO, ,ZHES BYA BA NI LHAG MA'O, ,'DI SNYAM DU SHES RAB KYI PHA ROL TU PHYIN PA DANG MA BRAL BA YIN DU ZIN KYANG, DE DANG 'GAL PA'I PHYIN CI LOG TU 'JUG PA'I YID LA BYED BA YOD PAS, SEMS CAN THAMS CAD LA RNAM PAR GZHAG PA MA YIN NO, ,YANG GANG GI TSE KHYOD LAM GYI NGES PAR 'BYUNG BA'I GNAS SKABS SU GNYI GA LHAN CIG GNAS PAS 'GAL BAR KHAS MI LEN PA DE'I TSE, RES 'GA' BA'I 'GAL BA MI 'THAD PAS, GANG GI PHYIR SEMS CAN THAMS CAD MI 'GAL BA'I YID LA BYED PA DANG MA BRAL BA YIN PA DE'I PHYIR, SHES RAB KYI PHA ROL TU PHYIN PA DANG MI 'BRAL BA NYID DU THAL BAR 'GYUR RO, ,ZHES BSAMS PA YIN NO, ,YID LA BYED PA SGRA JI BZHIN PA NYID YIN NA NYES PA 'DIR 'GYUR RO ZHES BRJOD PA NI, SH'A RI'I BU LEGS SO LEGS SO, ,ZHES BYA BA LA SOGS PA'O, ,'ON KYANG YID LA MI BYED PA NYID YID LA BYED PA YIN PAR MNGON PAR 'DOD DO, ,DE LA YANG GAL TE SGRA'I 'JUG PA TZAM GYIS KLAN KA TSOL BAR BYED NA, DE'I TSE KHYOD LA YANG KLAN KA YOD DO, , ZHES BYA BA LA SOGS PA SMRAS SO, ,GANG GI PHYIR TSE DANG LDAN PA SH'A RI'I BUS YID LA BYED PA'I MTSAN NYID KYI DON KHO NA YANG DAG PAR TSIG TU BRJOD PA STE, SGRA JI BZHIN PA'I DON BRJOD PA KHO NAR YONGS SU BZUNG BA DE'I PHYIR 'DI LTA BU'I RIGS CAN GYI NGAG PHYI MA RNAMS SU KHYOD LA YANG SLAR DRI BAR BYA'O, ,'DIS NI SGRA'I DON SGRA JI BZHIN PAR BZUNG NA NYES PA MTSUNGS PAR 'GYUR RO, ,ZHES STON TO, ,YANG JI LTAR NA YID LA BYED PA MED PA NYID YID LA BYED PA YIN GYI, SGRA JI BZHIN MA YIN SNYAM PA'I DOGS PA DE CI'I PHYIR ZHE NA, ZHES BYA BAS BSU NAS SMRAS PA NI, TSE DANG LDAN PA SH'A RI'I BU SEMS CAN ZHES BYA BA LA SOGS PA'O, ,SEMS CAN ZHES BYA BA SROG CHAGS RNAMS NI SGYU MA DANG 'DRA BA NYID KYIS NGO BO NYID MED PA YIN LA, RGYU DES NA DE DANG THA MI DAD PA'I @72B PHYIR, YID LA BYED PA NGO BO NYID MED PA NYID DO, ,SEMS CAN DE KHO NA NYID DU MED PA NI, SEMS CAN DNGOS PO MED PA NYID DO, ,SEMS CAN DE KHO NA NYID DU SKYE BA MED PA LA SOGS PAS DBEN PA NYID NI SEMS CAN DBEN PA NYID DO, ,SEMS CAN BSAM LAS 'DAS PA NYID NI SEMS CAN BSAM GYIS MI KHYAB PA NYID DO, ,SEMS CAN GYI RTOG PA MED PA NYID NI SEMS CAN MNGON PAR RDZOGS PAR BYANG CHUB PA NYID DO, ,SEMS CAN YANG DAG PA MA YIN PA'I DON BRDZUN PA'O ZHES MNGON BAR BYANG CHUB PA NYID NI, SEMS CAN YANG DAG PA MA YIN BAR MNGON PAR BYANG CHUB PA NYID DO, ,TSIG DRUG PO 'DI DAG NI GO RIMS BZHIN DU NGES PAR 'BYED PA'I CHA BZHI DANG MTHONG BA DANG BSGOM PA'I LAM GYI GNAS SKABS SU GZUNG BAR BYA'O, ,DE LTAR NA RIG PAS YID LA BYED PA MED PA NYID YID LA BYED PA YIN NO ZHES BRJOD NAS MJUG BSDU BAR BYA BA'I PHYIR SMRAS PA NI, TSE DANG LDAN PA SH'A RI'I BU ZHES BYA BA LA SOGS PA'O, ,BYANG CHUB SEMS DPA' 'DI LTA BU'I RANG BZHIN TE, BSHAD MA THAG BA'I RANG BZHIN CAN GYI YID LA BYED PA 'DI DANG SHES RAB KYI PHA ROL TU PHYIN PA'I BDAG NYID CAN LAM GYIS NGES PAR 'BYUNG BA'I MTSAN NYID KYI GNAS PA 'DIS GNAS PAR 'DOD DE, PHYIN CI MA LOG PAR 'JUG PA'I PHYIR RO, ,DES NA DE LTAR NGES PAR 'BYUNG BAR BYA BA'I GZHI 'DI RNAMS LAS KHYAD PAR DU 'PHAGS PA'I CHOS GZHAN MED PAS CHOS THAMS CAD DMIGS SU MED PAS NGES BAR 'BYUNG BA'I PHYIR DE LTA BU'I BRGYAD PO 'DI DAG NYID KYIS NGES PAR 'BYUNG BA NI NGES PAR 'BYUNG BA'I SGRUB PAR SHES PAR BYA'O, ,DE SKAD DU YANG, CHED DU BYA DANG MNYAM NYID DANG, ,SEMS CAN DON DANG 'BAD MED DANG, ,MTHA' LAS 'DAS PAR NGES 'BYUNG DANG, ,THOB PA'I MTSAN NYID NGES 'BYUNG DANG; ;RNAM PA THAMS CAD MKHYEN NYID DANG, ,LAM GYI YUL CAN NGES 'BYUNG STE, ,RNAM PA BRGYAD KYI BDAG NYID 'DI, ,NGES 'BYUNG SGRUB PA YIN ZHES BYA, ,ZHES GSUNGS PA YIN NO, ,RNAM PA THAMS CAD MKHYEN PA NYID LA SPYOD PA'I LE'U ZHES BYA BA NI, RNAM PA MA LUS @73A *, ,BAS DNGOS PO MTHA' DAG YONGS SU SHES PA'I PHYIR NA DE BZHIN GSHEGS PA DANG 'BREL BAR RJES SU BSGRUB PAR BYA BA NYID KYI SPYOD PAR GYUR PA'I RNAM PA THAMS CAD MKHYEN PA NYID KHO NA SEMS BSKYED PA LA SOGS PA'I RANG BZHIN RGYU DANG 'BRAS BU'I BDAG NYID KYI SGO NAS 'DIR YANG DANG YANG DU BZLAS PA'I PHYIR NA GZHUNG 'DI LE'U YIN NO, ,SHES RAB KYI PHA ROL TU PHYIN PA'I BSHAD PA MNGON PAR RTOGS PA'I RGYAN GYI SNANG BA LAS, RNAM PA THAMS CAD MKHYEN PA NYID KYI SPYOD PA'I LE'U ZHES BYA BA STE DANG PO'O,, ,,RNAM PA THAMS CAD MKHYEN PA NYID RTOGS PA NI LAM SHES PA NYID YONGS SU SHES PA MED NA MA YIN PAS LAM SHES PA NI DE'I TSE YANG ZHES BYA BA LA SOGS PA GSUNGS PA YIN TE, DE'I TSE ZHES BYA BA NI LAM SHES PA NYID STON PA'I DUS SU'O, ,YANG ZHES BYA BA NI SLAR YANG BRGYA BYIN 'KHOD PAR GYUR TE ZHES BYA BAR SBYAR RO, ,JI LTA BU ZHE NA LHA RNAMS KYI DBANG PO ZHES BYA BA SMOS TE BDAG PO'O, ,JI SKAD DU NYE BAR BSHAD PA'I 'KHOR DE NYID DU NYE BAR 'DUS PA NI LUS LA SOGS PA MA G-YENGS PAR BYAS PAS SAM, LEGS PAR PHYAG 'TSAL BA BYAS NAS 'KHOD PAR GYUR PA NI RANG GI STAN LA LEGS PAR 'DUG PA'O, ,'JIG RTEN SKYONG BA BZHI NI RNAM THOS SRAS DANG, YUL 'KHOR SKYONG DANG, 'PHAGS SKYES PO DANG, MIG MI BZANG NGO, ,MI MJED KYI 'JIG RTEN GYI KHAMS KYI KUN NAS BDAG POR GYUR PA NI MI MJED KYI BDAG PO STE, GTZO BOR GYUR BA'I LHA'I BU'O, ,TSANGS PA YANG KHA CIG NA RE BSAM GTAN BZHI PAR BYUNG BA YIN TE, 'JIG PA'ANG ME DANG CHU DANG NI, ,RLUNG GIS RNAM PA GSUM DU 'GYUR, ,ZHES BYA BA'I TSUL GYIS GO RIMS BZHIN DU DANG PO LA SOGS PA BSAM GTAN GSUM NI 'JIG PAS DE NYID NI YUN RING POR GNAS PA'I PHYIR BDAG NYID DU MNGON PAR RLOM PA'I PHYIR RO ZHES ZER RO, ,GZHAN DAG NI GZHAN DU 'CHAD DO, ,'OD GSAL GYI LHA'I NGES LAS SEMS CAN 'GA' ZHIG SHI 'PHOS TE TSANGS PA'I GZHAL MED KHANG STONG PAR GCIG PU ZHIG SKYES PA DANG, KYE MA'O SEMS CAN GZHAN DAG KYANG 'DIR SKYES NA CI MA RUNG SNYAM DU SMON PA'I RJES THOGS LA, BSOD NAMS LA SOGS BA ZAD BA GZHAN ZHIG BYA ROG @73B DANG TA LA'I TSUL DU DER SKYES PA DANG, NGA NI 'DI'I DBANG PHYUG YIN NO ZHES MNGON PAR RLOM PAS BSAM GTAN DANG PO'I SA GSUM PA LA MI MJED KYI BDAG PO TSANGS PA'O ZHES 'CHAD DO, ,DER DE LTA BU'I 'KHOR DU 'DUS PA RNAMS LAM SHES PA NYID SKYE BAR RUNG BA NYID DU BSGRUB PA'I PHYIR, DE BZHIN GSHEGS PA'I RANG BZHIN GYI 'OD RNAMS KYIS LHA LA SOGS PA'I RANG GI RNAM PAR SMIN PA LAS SKYES PA'I 'OD DRI MA CAN LTA BUR MOG MOG POR MDZAD PA NI NGA RGYAL BCOM PA'I RGYUD KHO NA LA RTOGS PA SKYE'O ZHES SHES PAR BYA BA'I PHYIR MDZAD DO, ,DE'I PHYIR TSIG ZUR GYIS RTEN BRJOD PA NI, LHA'I BU RNAMS KYI 'OD GANG YOD PA ZHES BYA BA LA SOGS PA GSUNGS PA YIN TE, RANG GI LAS KYI RNAM PAR SMIN PA LAS SKYES PA ZHES BYA BA NI RANG GI DGE BA'I LAS KYI BAG CHAGS LAS NGES PAR BYUNG BA'O, ,'OD NI 'OD ZER GYI SNANG BA'O, ,KYANG ZHES BYA BA'I SGRA NI LUS LA SOGS PA YANG NGO, ,SANGS RGYAS KYI MTHU DANG ZHES BYA BA LA SOGS PA LA, KHA CIG NA RE MTHU NI NUS PA'I KHYAD PAR GYIS SO, ,GZI BRJID NI 'OD KYI TSUL GYIS SO, ,BYIN GYI RLABS KYI ZHES BYA BA NI DGONGS PAS SO ZHES 'CHAD DO, ,GZHAN DAG NI MTHU LA SOGS PA'I TSIG GSUM PO 'DI DAG SKU DANG GSUNG DANG THUGS KYI MDZAD PA'I 'OD ZER GYI DBYE BA LAS GYUR PA YIN NO ZHES 'CHAD DO, ,ZIL GYIS MNAN TE ZHES BYA BA NI MOG MOG POR DRI MA CAN DU MDZAD PAR GYUR PA'O, ,DE NAS ZHES BYA BA LA SOGS PA LA, DE NAS BYA BA'I SGRA NI 'DAS MA THAG BA STE, DE LTAR MOG MOG BOR MDZAD PAS 'JIG RTEN SKYONG BA LA SOGS PA MNGON PA'I NGA RGYAL BSAL BA'I RJES THOGS LA'O, ,'DI RNAMS ZHES BYA BA NI MNGON DU GYUR PA'I TSUL LO, ,RAB 'BYOR LAS ZHES BYA BA NI THAD NAS SO, ,SHES RAB KYI PHA ROL TU PHYIN PA ZHES BYA BA NI LAM SHES PA NYID KYI BDAG NYID CAN NO, ,GANG DANG 'BRAL BA ZHE NA, BYANG CHUB SEMS DPA' SEMS DPA' CHEN PO RNAMS KYI ZHES BYA BA LA SOGS PA GSUNGS SO, ,NYE BAR BSTAN PA DANG ZHES BYA BA LA SOGS PA LA MNYAN PA'I SKABS SU GZHUNG 'DZIN PA'I PHYIR SLOB PA NI NYE BAR BSTAN PA'O, ,BSAM PA'I SKABS SU NGES PAR GZUNG BA'I DON MI BRJED PA'I PHYIR GDAMS PA'O, ,SGOM @74A *, ,PA'I SKABS SU SNGON MED PA SKYED PA'I PHYIR RJES SU BSTAN PA'O, ,NYAN PAR 'DOD NA ZHES BYA BA NI THOS PA'I SHES PAS NGES PAR BYA 'DOD PA'O, ,BYANG CHUB SEMS DPA' RNAMS KYIS 'DI DAG JI LTAR NYAN PAR 'DOD CE NA, BYANG CHUB SEMS DPA' SEMS DPA' CHEN POS ZHES BYA BA LA SOGS PA GSUNGS TE, GNAS PAR BGYI BA LA SOGS PA TSIG GSUM NI GO RIMS BZHIN DU MNYAN PA LA SOGS PA'I GNAS SKABS SU SHES PAR BYA'O, ,DE LTAR GSOL BA BTAB BA DANG, 'PHAGS PA RAB 'BYOR GYIS MNGON PA'I NGA RGYAL MED PA NYID DANG BYANG CHUB TU SEMS BSKYED PA NI LAM SHES PA NYID RTOGS PA'I SKAL BA DANG LDAN PA YIN NO ZHES BYA BA'I YUL NGES PA BSTAN PA'I SGO NAS, KOO SHI KA ZHES BYA BA LA SOGS PA GSUNGS PA YIN TE, GANG GI PHYIR DE LTAR NYAN PAR 'DOD PA'I RGYU DE'I PHYIR BSTAN PAR BYA ZHING BSHAD PAR BYA'O, ,SEMS ZHES BYA BA NI STONG PA NYID DANG SNYING RJE'I SNYING PO CAN NO ZHES BYA BAR BSAMS PA'O, ,THEG PA GSUM RNAM PAR GZHAG PA NI DGONGS PA CAN YIN GYI MTSAN NYID PA NI MA YIN NO ZHES BYA BA'I TSUL GYIS SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA KHO NA YIN NO, ,DE'I PHYIR 'DOD CHAGS DANG BRAL BA DANG CIG SHOS KYI RNAL 'BYOR BAS KYANG SANGS RGYAS NYID THOB PAR BYA BA'I PHYIR LAM SHES PA NYID BSGOM PAR BYA BA YIN NO, ,ZHES KHYAD PAR BSTAN PA'I PHYIR NYAN THOS KYI THEG PA LA SOGS PAR ZHUGS PA RNAMS BLA NA MED PA YANG DAG PAR RDZOGS PA'I BYANG CHUB KYI SNOD DU MA GYUR BA NYID KYIS RIGS MA NGES PA RNAMS THOG MA NYID DU BYANG CHUB CHEN POR DRANG BAR BYA BA'I DON DANG, RAB TU ZHUGS PA GZHAN RNAMS KYANG YANG DAG PAR GZUNG BA'I DON YIN NO SNYAM PAS DGONGS PA CAN GYI TSIG BRJOD PA NI GANG DAG ZHES BYA BA LA SOGS PA'O, ,ZHES BYA BA'I SGRA NI NGES BAR BZUNG BA STE GANG DAG YANG DAG PA NYID DU NGES PA LA ZHUGS SHING RANG GI NYAN THOS KYI MTHONG BA LA SOGS PA'I LAM LA ZHUGS PA DE DAG NI 'GRO LA PHAN PHYIR SANGS RGYAS GRUB PAR SHOG ,CES BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I SKAL BA MED CING SNOD DU MA GYUR PA YIN NO, ,GANG DU BYIS PA'I SKYE BO THAMS CAD KYIS KYANG NUS NA 'PHAGS @74B PA'I LAM RTOGS PA'I NYAN THOS RNAMS KYIS JI LTAR MI NUS SNYAM PA'I DOGS PA DE CI'I PHYIR ZHEN ZHES BYA BAS BSU NAS, DE DAG GIS NI 'KHOR BA'I RGYUN GYI MTSAMS BCAD PAS ZHES BYA BA LA SOGS PA GSUNGS TE, GANG GI PHYIR KHAMS GSUM PAR SKYE BAR BYED PA'I NYON MONGS PA'I SGRIB PA RANG GI LAM GYIS MA LUS PAR BSREGS PAS NYAN THOS CHEN PO DE DAG NI 'KHOR BA'I RGYUN LAS TE, SKYE BA RJES SU 'BREL PA LAS MTSAMS BCAD PA ZHES BYA BA MI SKYE BA'I NGES PA BYAS PA DE BAS NA DE DAG YANG DANG YANG DU STE, BSKYAR ZHING 'KHOR BAR SKYE BA LEN PA YOD BA MA YIN NO, ,DE'I PHYIR BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I SKAL BA MED DO, ,ZHES BYA BAR SBYAR RO, ,'DI SKAD STON TE, JI SRID 'KHOR BA'I GNAS SU NI, ,MKHAS MCHOG 'DUG PAR GYUR PA'I TSE, ,DE SRID MTSUNGS MED SEMS CAN DON, ,MYA NGAN MI 'DA' BYED BAR NUS, ,ZHES GSUNGS PAS YANG SKYE BA BLANGS PAR GYUR NA NI SBYIN PA LA SOGS PAS SEMS CAN GYI DON BYA BA LA BSLABS PAS, BYANG CHUB KYI SEMS RNAM PAR DAG PA DE BZHIN GSHEGS PA'I GO 'PHANG THOB PAR BYED BA NYE BAR SKYE BAR 'GYUR RO, ,DE BAS NA NYAN THOS CHEN PO RNAMS KYIS NI NYON MONGS PA BCAD PA NYID KYIS YANG SKYE BA ZHES BYA BA RTZA BA'I RGYU LDOG PA'I PHYIR DE LTA BU'I SEMS KYI RIN PO CHE 'BRAS BU'I BDAG NYID CAN SKYED BAR MI NUS TE, RGYU MED PA NYID DU THAL BAR 'GYUR BA'I PHYIR RO, ,YANG BYIS A'I SKYE BO NI JI SKAD DU BSHAD PA'I RGYU MA TSANG BA MED PAS NUS PA NYID YIN NO, ,ZHES BRJOD PA YIN NO, ,TSIG 'DI NI RIG PA'I RANG BZHIN NYID YIN PAS JI LTAR NA DGONGS PA CAN YIN ZHE NA, 'ON KYANG ZHES BYA BA LA SOGS PA SMRAS SO, ,'ON KYANG ZHES BYA BA'I TSIG GI PHRAD NI GNAS SKABS KYIS DE NAS KYI SGRA'I DON LA 'JUG GO, ,DE DAG GIS ZHES BYA BA NI NYAN THOS CHEN PO RNAMS KYIS SO, ,RJES SU YI RANG BAR BYA'O ZHES BYA BA NI 'OG NAS BSHAD PA'I RJES SU YI RANG BA'I YID LA BYED PAS RJES SU YI RANG BAR BYA'O, ,KHYED CI ZHIG LA RJES SU YI RANG ZHE NA, GAL TE BLA NA MED PA ZHES BYA BA LA SOGS PA GSUNGS TE, GAL TE NYAN THOS CHEN PO RNAMS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR NA @75A *, ,DE LA BDAG RJES SU YI RANG NGO ZHES BYA BAR SBYAR RO, ,KHYED SPANGS NAS JI LTAR RJES SU YI RANG ZHE NA, DE DAG GI DGE BA'I PHYOGS LA ZHES BYA BA LA SOGS PA GSUNGS SO, ,GAL TE KHO BOS GDUL BYA'I KHYAD PAR LA LTOS TE SNGAR DGONGS PA CAN GYI TSIG SMRAS PAR GYUR PA DE LTA NA YANG NYAN THOS RNAMS KYI DGE BA'I RTZA BA BYANG CHUB KYI SEMS LAS BYUNG BA'I 'TSANG RGYA BAR 'GYUR BA NYID LA BAR CHOD DE MI SRID PA DE NYID DU BYAS PAS GEGS SU GYUR PA MI BYED DO, ,JI LTAR MI BYED CE NA, KHYAD PAR DU 'PHAGS PA'I ZHES BYA BA LA SOGS PA GSUNGS TE, GANG GI PHYIR KHYAD PAR DU 'PHAGS BA'I DGE BA'I BSHES GNYEN LA SOGS PA RNAMS LAS SHIN TU CHES KHYAD PAR DU 'PHAGS PA KHO NA'I BYANG CHUB KYI SEMS LA SOGS PA'I CHOS RNAMS LHAG PAR DMIGS PAR BYA ZHING RE BAR BYA'O, ,YANG SRID BA'I NYON MONGS PA BSREGS PA'I NYAN THOS DANG RANG RGYAL BA RNAMS KYANG 'GRO BA DE DANG DER SKYE BAR JI LTAR MI 'GAL ZHES NI BRJOD PAR MI BYA STE, GANG GI PHYIR GANG ZHIG SKYE BO GZHAN GYIS DKRI BAR BYA BA MA YIN PA MNGON PAR DGA' BA SNGON DU BTANG NAS DMAN PA'I GNAS YONGS SU 'DZIN PA DE NI BDAG LA CHAGS PA DANG LDAN PAS SDUG BSNGAL DANG BDE BA 'DOR BA DANG THOB PAR 'DOD PA SNGON DU 'GRO BA CAN YIN TE, DPER NA BUD MED KYI RO YONGS SU 'DZIN PA'I 'DOD PA CAN BZHIN NO, ,DE BZHIN DU MNGAL GYI GNAS 'DZIN PA 'DI YANG SKYE BA'I DBANG PHYUG LA SOGS PAS BYIN GYIS MA BRLABS PAR MNGON PAR DGA' BA SNGON DU 'GRO BAS DMAN PA'I GNAS YONGS SU 'DZIN PA YIN NO, ,ZHES BYA BA'I RANG BZHIN GYI GTAN TSIGS KYIS KHAMS GSUM PA BSKYED PAR BYA BA LA NYON MONGS PA RNAMS KYI NUS PA BSGRUBS PA YIN NO, ,NYAN THOS CHEN PO PHUNG PO DANG BCAS PA DANG, PHUNG PO MED BA'I MING CAN GYI BYANG CHUB GNYIS THOB NAS SNYING RJE CHEN PO DANG SHES RAB DANG BRAL BAS SRID PA LAS SKRAG PA'I YID CAN MYA NGAN LAS 'DAS PA MED KYANG SNGON GYI SHUGS KYIS 'PHANGS PA'I TSE ZAD BA NA MAR ME SHI BA LTA BUR MYA NGAN LAS 'DAS PA ZHES MING DU BYAS PA, KHAMS GSUM PA'I SKYE BA LAS 'DAS PA RNAMS NI 'CHI 'PHO BA'I SEMS KYI DE MA THAG TU ZAG PA MED PA'I DBYINGS LA MNYAM PAR BZHAG BZHIN PA KHO @75B NAR YONGS SU DAG PA'I 'JIG RTEN GYI KHAMS RNAMS SU PADMA'I SBUBS SU SKYE'O, ,DE NAS DE DAG 'OD DPAG MED LA SOGS PA YANG DAG PAR RDZOGS PA'I SANGS RGYAS KYI NYI MA'I 'OD ZER RNAMS KYIS NYON MONGS PA CAN MA YIN PA'I MUN PA BSAL BA'I DON DU SAD PAR MDZAD PAS, BYANG CHUB TU SEMS BSKYED NAS THAR PA'I GNAS SKABS SU DMYAL BA LA SOGS PAR RGYU BA BZHIN DU 'GRO BAR 'GRO BA'I RIM GYIS BYANG CHUB KYI TSOGS BSAGS NAS 'JIG RTEN GYI BLA MAR 'GYUR RO ZHES LUNG LAS NGES PA YIN NO, ,DES NA RGYU YANG LAS DANG SRID PA'I NYON MONGS PA LOG PAS 'BRAS BU KHAMS GSUM PA'I SKYE BA LDOG PAR 'GYUR GYI, ZAG PA MED PA'I DBYINGS SU SKYE BA NI MA YIN PA'I PHYIR JI LTAR 'GAL, DE BAS NA THEG PA THAMS CAD NI RNAM PA THAMS CAD DU THEG PA CHEN POR GZHOL BAR BSHAD PA NYID RIGS PA YIN PAR SHES SO, ,DE LTA NA YANG DAM PA'I CHOS PADMA DKAR PO DANG BDEN PA PO'I LE'U LA SOGS PA LAS GSUNGS BA LEGS PAR DRANGS PAR 'GYUR TE, SH'A RI'I BU KHYED MA 'ONGS PA'I DUS SU YANG DAG PAR RDZOGS PA'I SANGS RGYAS SU 'GYUR RO ZHES BYA BA DANG, DE BZHIN DU THEG PA NI GCIG STE GNYIS PA MED DO ZHES BYA BA LA SOGS PA GSUNGS SO, ,'GA' ZHIG GI SKRAG PA YONGS SU SPANG BA'I PHYIR CHOS BCU PA DANG DKON MCHOG SPRIN LA SOGS PA LAS THEG PA GCIG TU BSTAN PA'I DON NI ODRANG BA'I DON YIN NO ZHES BCOM LDAN 'DAS NYID KYIS GSAL BAR MDZAD DO, ,LANG KAR GSHEGS PA LAS KYANG BLO GROS CHEN PO NYAN THOS KYI THEG PAS GROL BA MA YIN GYI, 'ON KYANG DE DAG GI THEG PA CHEN PO'I MTHAR THUG PA NYID YIN NO ZHES BYA BA GSUNGS SO, ,DE BZHIN DU 'PHAGS PA N'A GA RDZU NA'I ZHAL SNGA NAS DANG, DE'I LUGS KYI RJES SU 'BRANG BA THEG PA GCIG GI TSUL DU SMRA BA RNAMS KYIS GSUNGS PA NI, BYANG CHUB RNAM PA GNYIS THOB NAS, ,SRID PAS SKRAG YID DE DAG NI, ,TSE ZAD LA DGA' MYA NGAN LAS, ,'DAS THOB 'DU SHES CAN DU 'GYUR, ,DE LA MYA NGAN 'DAS YOD MIN, ,'ON KYANG SRID GSUM KHAMS SU NI, ,SKYE BA DE LA YOD MA YIN, ,ZAG MED DBYINGS GNAS DE DAG KYANG, ,MI SHES NYON @76A *, ,MONGS MI SPANG PHYIR, ,PHYIS NI SANGS RGYAS GYIS BSKUL NAS, ,BYANG CHUB KYI NI TSOGS BSAGS TE, ,DE YANG 'JIG RTEN 'DREN PAR 'GYUR, ,ZHES BSHAD PA YIN NO, ,DE LTAR RNAM PA THAMS CAD DU YID DU 'ONG BA'I DE KHO NA NYID 'DI BSTAN PAS 'PHAGS PA RAB 'BYOR LA GUS PA SKYES PA RNAMS KYI RAB TU DANG BA 'PHEL BAR BYA BA'I PHYIR, BCOM LDAN 'DAS KYIS LEGS SO ZHES BYA BA LA SOGS PA GSUNGS TE, SPYOD YUL YIN NA YANG DON 'DI LTA BU MNGON SUM BZHIN DU RNAM PAR GSAL BA'I TSIG GIS BSHAD DO ZHES NGO MTSAR DU GYUR PAS LEGS SO LEGS SO ZHES LAN GNYIS GSUNGS PA YIN NO, ,BRJOD PAR 'DOD BA GSAL BA KHO NAR STON PAS RAB TU DGYES TE, YANG LEGS SO ZHES BYA BA GSUNGS TE, BRJOD PA GANG YIN PA 'DI NI MDZES PA KHO NA'O ZHES BYA BA YIN NO, ,GANG ZHES BYA BA'I SGRA NI TSIG GI PHRAD DE GANG GI PHYIR ZHES BYA BA'I DON LA 'JUG PA'O, ,GLEGS BAM LA LA LAS NI GANG GI PHYIR ZHES ZER TE, GANG GI PHYIR KHYED THEG PA GCIG TU STON PAS BYANG CHUB SEMS DPA' RNAMS LA RANG GI PHYOGS BSTAN PAR BYED PAS SPRO BAR BYED PA YANG LEGS SO ZHES BYA BA'O, ,'PHAGS PA THOGS MED KYI ZHAL SNGA NAS DANG DE'I GZHUNG GI RJES SU 'BRANG BA THEG PA SNA TSOGS SU SMRA BA RNAMS NI GZHAN DU 'CHAD DE GANG DAG YANG DAG PA NYID DU NGES PA LA ZHUGS LA ZHES BYA BA LA SOGS PA'I TSIG NI NGES PA'I DON YIN LA, 'ON KYANG ZHES BYA BA LA SOGS PA'I TSIG NI DRANG BA'I DON YIN TE, DE BAS NA KHYAB PA'I DON NI SANGS RGYAS KYI RIGS CAN GYI DBANG DU BYAS PA YIN NO, ,DE BZHIN DU, KHA CIG DAG NI DRANG PHYIR DANG, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN, ,ZHES BYA BA LA SOGS PA NI MDO SDE GZHAN DANG 'GAL BA YONGS SU BSAL BA YIN NO ZHES SO, , SNGAR GYI THEG PA GCIG TU STON PA'I PHYOGS LA NI GANG DAG NYAN THOS LA SOGS PA'I BYANG CHUB RTOGS PA SNGON DU 'GRO BAS BYANG CHUB CHEN PO RTOGS PAR 'GYUR BA DE DAG NI DUS DE TZAM LA BRTEN NAS NYAN THOS LA SOGS PA'I RIGS SU BSTAN PA YIN LA, DANG PO KHO NAR RAB TU DGA' BA LA SOGS PA'I SA @76B RTOGS PA'I RIM GYIS BLA NA MED PA'I BYANG CHUB LA BRTEN PA RNAMS NI THEG PA CHEN PO'I RIGS CAN YIN PA'I PHYIR RIGS KYI DBYE BA DANG 'GAL BA MED DO, ,ZHAR LA 'ONGS PAS CHOG GO, ,DA NI LAM SHES PA NYID KYI RANG BZHIN DANG BYED PA BSTAN PAR BYA BA'I PHYIR, BCOM LDAN 'DAS BDAG CAG GIS NI ZHES BYA BA LA SOGS PA SMRAS SO, ,PHAN BTAGS ZIN PA DRAN PA MKHAS PA NI BKA' DRIN GZO BA'O, ,KHYAD PAR GYI LAM LA SOGS BAS DGOS PA YONGS SU MA RDZOGS PA YIN PA'I PHYIR PHAN PA MDZAD BZHIN PA MA YIN NAM, CI'I PHYIR DE LTAR SMRAS SNYAM PA'I DOGS PA DE CI'I SLAD DU ZHE NA ZHES BYA BAS BSU NAS, BRJOD PA NI BCOM LDAN 'DAS SNGON GYI ZHES BYA BA LA SOGS PA'O, ,BDAG CAG RNAMS KYI DON DU ZHES BYA BA NI BDAG CAG GI DGOS PA'I PHYIR ZHES BYA BA'I THA TSIG STE, NYAN THOS KYI THEG PA SNGON DU 'GRO BA'I CHOS KYI 'KHOR LO BSKOR PA'I PHYIR RO ZHES BYA BAR 'DOD DO, ,JI LTAR ZHES BYA BA NI BDAG CAG RNAMS KYI DON DU ZHES BYA BAR SBYAR RO, ,YANG NA JI LTAR GDAMS PA'O, ,BYANG CHUB KYI PHYIR ZHES BYA BA NI BLA NA MED PA'I BYANG CHUB KYI RGYUR RO, ,TSANGS PAR SPYAD PA NI MI TSANGS PAR SPYOD PA LAS LDOG PA STE, TSUL GNAS THOS DANG BSAM LDAN PAS, , SGOM PA LA NI RAB TU SBYOR, ,ZHES BYA BA'I TSUL GYIS SO, ,'DIS NI CI RIGS PAR BSLAB PA'I GZHI LNGA LA SOGS PA DANG LDAN PA NYID DU STON TO, ,SPYOD PA NA ZHES BYA BA 'KHOR BA JI SRID PAR SEMS CAN RNAMS KYI DON BYA BA LA 'JUG PA NYID KYIS BYANG CHUB TU SEMS BSKYED PA NI LAM SHES PA NYID KYIS NYON MONGS PA RNAM PA THAMS CAD DU SPONG BAR MI BYED PA ZHES BYA BA NI 'DI'I RANG BZHIN YIN PAS NYON MONGS PA RNAMS DBANG DU BYAS NAS DUS YUN RING POR SGRUB PAR BYED PA NA ZHES BYA BA 'DIS NI RANG BZHIN STON PA YIN TE, GZHAN DU NA BYANG CHUB KYI SPYOD PA YONGS SU RDZOGS PAR MI 'GYUR RO ZHES BYA BAR 'DOD DO, ,PHA ROL TU PHYIN PA RNAMS LA GDAMS SHING ZHES BYA BA NI, SBYIN PA LA SOGS PA'I PHA ROL TU PHYIN PA RNAMS LA GDAMS PA JI LTA BAS GDAMS PA BYAS NAS TE, GDAMS SHING GDAMS PA BYAS NAS GDAMS PA BYAS PAS ZHES BYE BRAG TU BSHAD PAS SO, , @77A *, ,MDO LA LA NAS 'DI SKAD STON TE, GDAMS PA PHOG CING ZHES BYA BA NI GO SLA'O, ,RJES SU BSTAN TE ZHES BYA BA NI RJES SU BSLABS NAS SO, ,DE LA ZHES BYA BA NI NYAN THOS DE RNAMS LA STE, GNAS SKABS 'GA' ZHIG TU'O, ,SPYAD PAS ZHES BYA BA NI JI SKAD DU BSHAD PA'I RANG BZHIN CAN GYI YANG DAG PA'I MTHA' MNGON DU MI BYED PA DANG, SHES RAB DANG THABS LA MKHAS PAS SPYIN PA LA SOGS PA RNAMS KYIS YONGS SU BZUNG BA DANG, YANG DAG BAR 'DZIN DU MA BCUG PA DANG, YONGS SU MA GROL BA'I SEMS CAN RNAMS GO RIMS BZHIN DU YONGS SU BZUNG BA DANG, YANG DAG PAR 'DZIN DU BCUG PA DANG, YONGS SU GROL BA LA SOGS PA'I LAS MDZAD CING TSOGS BSAGS PA ZHES BYED PA BSTAN PA YIN TE, DE LTA MA YIN NA RTOGS PA MI 'THAD PA'I PHYIR RO, ,KHA CIG LAS NI GDAMS PA PHOG CING ZHES 'DON PA NI GO SLA'O,, BLA NA MED PA'I DE BZHIN GSHEGS PA'I YE SHES BSKYED CING THUGS SU CHUD PA YIN NO, ,DE LTAR DPE BSTAN NAS DPE CAN GYI DON SMRAS PA NI BCOM LDAN 'DAS DE BZHIN DU ZHES BYA BA LA SOGS PA'O, ,DE BZHIN DU ZHES BYA BA NI DE DANG 'DRA BAR ZHES BYA BA'I THA TSIG GO, ,KYANG ZHES BYA BA'I SGRA NI BCOM LDAN 'DAS 'BA' ZHIG TU MA ZAD KYI BDAG CAG NYAN THOS CHEN PO RNAMS KYIS KYANG GDAMS PA DANG RJES SU BSTAN PA DAG NYID KYIS RJES SU GZUNG BA DANG YONGS SU GTAD PA'I TSUL GYIS RJES SU GZUNG BAR BGYI ZHING RJES SU BSKOR BAR BGYI'O, ,DE BZHIN DU GONG NAS GONG DU YONGS SU SMIN PAR BYA BA'I DON DU YANG DAG PAR YONGS SU GZUNG BAR BGYI'O, ,YANG DAG PAR YONGS SU BSKOR BA YANG BGYI'O, ,YANG ZHES BYA BA'I SGRA NI NGES PAR BZUNG BA'I DON TO, ,JI LTAR BCOM LDAN 'DAS SNGON BYANG CHUB SEMS DPA'I GNAS SKABS SU NYAN THOS RNAMS KYIS RJES SU BZUNG BA LTAR NYAN THOS KHYED RNAMS KYIS KYANG BYANG CHUB SEMS DPA' GZHAN DAG DE BZHIN DU RJES SU GZUNG BAR BYA'O ZHES BYA BA 'DI LA 'BREL PA CI ZHIG YOD SNYAM PA'I DOGS PA DE CI'I SLAD DU ZHE NA, ZHES BYA BAS BSU NAS BRJOD PA NI BCOM LDAN 'DAS BDAG CAG GIS KYANG 'DI LA ZHES BYA BA LA SOGS PA'O, ,BSAM PA NI 'DI @77B YIN TE, JI LTAR NYAN THOS RNAMS KYIS RANG GI SANGS RGYAS RNAMS LA BYANG CHUB SEMS DPA'I GNAS SKABS SU BDAG CAG RNAMS KYI DON DU TSANGS PAR SPYAD PA SPYOD DO ZHES SNGAR MDZAD PA'I PHAN BTAGS PA KHONG DU CHUD PAS DE RNAMS LA SLAR BKA' DRIN DU GZO BA'I BSAM PAS DE RNAMS KYI DRUNG DU BCOM LDAN 'DAS BYANG CHUB SEMS DPA'I GNAS SKABS SU BDAG CAG RNAMS KYI DON DU TSANGS PAR SPYAD PA SPYOD PA NA MCHOG TU BYAMS PA'I SH'AKYA THUB PAS RJES SU BZUNG BA YIN NO, ,DE BZHIN DU BDAG CAG NYAN THOS CHEN PO RNAMS KYIS KYANG, SH'AKYA'I RGYAL PO BYANG CHUB SEMS DPA'I GNAS SKABS SU BDAG CAG RNAMS KYI DON DU TSANGS PAR SPYAD PA SPYOD PAR GYUR TO ZHES BGYI BA SNGON GYI PHAN PA MDZAD PA KHONG DU CHUD PAS BCOM LDAN 'DAS LA BKA' DRIN GZO BA'I BSAM PAS KHYED KYI DRUNG DU MA 'ONGS PA'I SEMS CAN RNAMS KYI DON DU TSANGS PAR SPYAD PA SPYOD PA'I BYANG CHUB SEMS DPA' MCHOG TU BYAMS PA RNAMS RJES SU GZUNG BAR BGYI'O, ,DE LTAR NA BDAG CAG RNAMS BCOM LDAN 'DAS BKA' DRIN GZO BA YIN NO, ,DE LTAR RJES SU BZUNG BAS CIR 'GYUR ZHE NA, MYUR DU BLA NA MED PA ZHES BYA BA LA SOGS PA GSUNGS TE, MNGON PAR 'CHANG RGYA BAR 'GYUR RO ZHES BYA BA NI RTOGS PAR 'GYUR BA'O, ,LA LA LAS MNGON PAR RDZOGS PAR 'TSANG RGYA'O ZHES ZER TE, DE LA KHA CIG DE NI RJES SU BZUNG BAS DE NYID KYI TSE KHO NA MNGON PAR RDZOGS PAR SANGS RGYAS PA MA YIN PAS DPYAD PAR BYA'O ZHES ZER RO, ,GZHAN DAG NI RGYU MA TSANG BA MED PA TSOGS PAS 'BRAS BU 'BYUNG BA BRJOD PAR 'DOD PA NAD LTAR BA BRJOD PA YIN NO ZHES ZER RO, ,MOG MOG POR BYED PA LA SOGS PA NI JI SKAD DU BRJOD PA DE KHO NA LTAR RTOGS PAR BYA STE, DE SKAD DU YANG, LHA RNAMS RUNG BAR BYA BA'I PHYIR, ,'OD KYIS MOG MOG PAR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, ,ZHES BYA BA GSUNGS PA YIN NO, ,DE LTAR RTEN LA SOGS PA BRJOD NAS NYAN THOS KYI LAM GYI DON NI, ,DE NAS TSE DANG LDAN PA RAB 'BYOR GYIS ZHES BYA BA LA SOGS PA GSUNGS PA YIN TE, DE'I PHYIR ZHES BYA BA NI GANG GI PHYIR LAM SHES PA NYID KYI SKABS SU RANG GI LAM @78A *, ,GYI MTHAR THUG PAR PHYIN PAR BYAS NAS THEG BA GZHAN GYIS 'DUL BA'I SEMS CAN RNAMS KYI DON DU MNGON DU MA BYAS PAR YANG RGYU DANG BCAS PA'I LAM STON PA DANG, 'DRIS PAR BYAS PA LA MKHAS PA YIN PA'I PHYIR, BYANG CHUB SEMS DPAS LAM THAMS CAD RDZOGS PAR BYA DGOS PA DE'I PHYIR KHO BOS KHYED LA NYAN THOS KYI LAM BSHAD PAR BYA STE, KOO SHI KA NYON CIG CES BYA BAR SBYAR RO, ,SLOB DPON DBYIG GNYEN GYIS LEGS PAR NYON LA ZHES GSUNGS PA NI, JI LTAR LHA RNAMS KYIS CHAR PHAB KYANG, SNOD KHA SBUB PA LA CUNG ZAD KYANG MI 'JUG GO, ,DE BZHIN DU KHYOD KHA THUR DU LTA ZHING KHONG DU MA CHUD PAS MA NYAN CIG CES BYA BA YIN NO, ,RAB TU ZHES GSUNGS PAS NI JI LTAR SNOD MI GTZANG BA ZED PA LA CHU GANG ZHIG CHUD PA DE THAMS CAD MI GTZANG BAR 'GYUR ZHING DGOS PA MI BYED DO, ,DE BZHIN DU KHYED LOG PAR RTOGS PAS NYAN CING MI GTZANG BAR BYED PAS MA NYAN CIG CES BYA BA YIN NO, ,YID LA ZUNG SHIG CES GSUNGS PA NI JI LTAR SNOD GTZANG MA BU GA CAN ZED PAR CHU ZHUGS KYANG GNAS PAR MI BYED DO, ,DE BZHIN DU KHYED RTOGS PA MI BRTAN PAS MA NYAN PAR CI NAS KYANG SHIN TU GSAL BAR KHONG DU CHUD PA'I SGO NAS SEMS BRTAN PAR GYUR PA DE LTAR NYON CES BYA BA YIN TE, DE LTAR NA THOS PA 'BRAS BU DANG BCAS PA YIN NO, ,ZHES BSHAD DO, ,'PHAGS PA LHAS NI GZU BOR GNAS PA DANG DON DU GNYER BAR GYUR PAS NYON CIG CES BYA BA NI GO RIMS BZHIN DU LEGS PA DANG RAB TU ZHES BYA BA GSUNGS PA YIN NO; ,DE BZHIN DU RNAM PAR DPYAD PA POR GYUR PAS NGES PAR RTOGS SHIG CES BYA BA NI YID LA ZUNG SHIG CES GSUNGS PA YIN TE, 'DIS NI NYAN PA PO'I MTSAN NYID BSTAN PA YIN NO ZHES 'CHAD DO, ,KHO BOS KHYED LA BSHAD PAR BYA'O ZHES BYA BA NI KHYED LA PHAN GDAGS PAR BYA BA'I PHYIR BSTAN BAR BYA'O, ,ZHES BYA BA'O, ,KHYED JI LTAR 'CHAD CEN, JI LTAR ZHES BYA BA LA SOGS PA GSUNGS TE, JI LTAR RNAM PA GANG GIS SHES RAB KYI PHA ROL TU PHYIN PA LA ZHES BYA BA NYAN THOS KYI LAM GYI RANG BZHIN LA GNAS PAR BYA ZHING BSGRUB PAR BYA'O, ,DE LTAR KHAS BLANGS NAS DA NI KOO SHI KA ZHES BYA BA @78B LA SOGS PA GSUNGS PA LA, STONG PA NYID LA ZHES BYA BA NI SDUG BSNGAL LA SOGS PA'I 'PHAGS PA'I BDEN PA BZHI DANG 'BREL BA'I RNAM PA RNAMS MI DMIGS PA LA'O, ,SPYIR BSHAD PA YIN DU ZIN KYANG KHYAD PAR DU KHONG DU CHUD PA NI SNGON GYI SLOB DPON RNAMS KYI MAN NGAG LA SOGS PA'I RJES SU 'BRANGS PA YIN PA'I PHYIR 'DIR SOM NYI MI BYA'O, ,DE'I BSDUS PA'I DON NI 'DI YIN TE, DE LA SKYE BA DANG 'JIG PA'I CHOS NYID KYIS NA MI RTAG PA NYID DO, ,ZAG PA DANG BCAS PA'I DNGOS PO RNAMS NI RJES SU MI MTHUN PA NYID KYIS NA SDUG BSNGAL BA NYID DO, ,DE LTAR BYAS NA 'PHAGS PA'I LAM YANG MI RTAG PA YIN MOD KYI, ZAG PA MED PA NYID YIN PA'I PHYIR 'PHAGS PA RNAMS LA MI MTHUN PA MA YIN PAS 'DI SDUG BSNGAL NYID DU THAL BAR MI 'GYUR RO, ,BDAG GZHAN GYI STONG PA NYID YIN PA'I PHYIR BDAG MED PA NYID DO, ,RANG NYID BDAG MA YIN PA NYID KYIS NA ZHI BA NYID DO ZHES BYA BA NI SDUG BSNGAL GYI BDEN PA'I RNAM PA'O, ,'BRAS BU'I SA BON DANG 'DRA BAR RGYU'I RTZA BAR GYUR PA NYID YIN PA'I PHYIR NAD NYID DO, ,SDUG BSNGAL KUN 'BYUNG BA NYID YIN PA'I PHYIR 'BRAS NYID DO, ,SDUG BSNGAL KYI RKYEN YIN PA'I PHYIR ZUG RDU NYID DO, ,SDUG BSNGAL BRGYUD MAR RAB TU 'BYUNG BA NYID KYIS NA SHIN TU 'JOMS PA'I PHYIR SDIG PA ZHES BYA BA NI KUN 'BYUNG GI BDEN PA'I RNAM PA'O, ,PHYIR RGOL BAR GYUR PA NYID YIN PA'I PHYIR PHA ROL NYID DO, ,PHYIR RGOL BA'I DNGOS POS RAB TU 'JIG PA'I CHOS CAN YIN PA'I PHYIR 'JIG PA'I CHOS CAN NYID DO ZHES BYA BA NI SDUG BSNGAL DANG KUN 'BYUNG BA DE DAG NYID LA SO SOR YID 'BYUNG BA'I RNAM PA'O, ,RANG GI NGO BOR GNAS PA MED PA NYID KYI PHYIR G-YO BA NYID DO, ,RGYU LA LTOS PA MED PAR RANG BZHIN GYIS 'JIG PA NYID YIN PA'I PHYIR RAB TU 'JIG PA NYID DO ZHES BYA BA NI DE DAG NYID LA SO SOR 'DOD CHAGS DANG BRAL BA'I RNAM PA'O,, 'DI DANG GZHAN GYI GNOD PA'I GNAS SU GYUR PA YIN PA'I PHYIR 'JIG PA'O, ,SRIN PO LA SOGS PA'I 'TSE BAS GLAGS THOB PA YIN PA'I PHYIR 'GO BA'I NAD NYID DO, ,'BYUNG BA CHEN PO 'KHRUGS PA DANG THOG 'BAB PA LA SOGS PA'I GNOD PA'I GNAS SU GYUR PAR NYID YIN PA'I PHYIR NYE @79A *, ,BAR 'TSE BA NYID DO ZHES BYA BA NI DE DAG NYID LA SO SOR 'GOG PA'I RNAM PA'O, ,DE LTAR BYAS NA 'PHAGS PA NYAN THOS RNAMS YID 'BYUNG BA DANG, 'DOD CHAGS DANG BRAL BA DANG, 'GOG PA'I PHYIR ZHUGS PAR 'GYUR BA YIN NO ZHES BYA BA'I LUNG GI DON BSHAD PAR 'GYUR RO, ,NYON MONGS PA DANG BRAL BA NYID KYIS NA BDAG MED PA NYID DO, ,SDUG BSNGAL RAB TU ZHI BA NYID KYIS NA ZHI BA NYID DO, ,BDE BA DANG GTZANG BA'I DNGOS PO NYID KYIS NA DBEN PA NYID DO, ,RTAG PA DANG PHAN BA'I DNGOS PO NYID KYIS NA STONG BA NYID DANG MTSAN MA MED PA DANG SMON PA MED PA DANG MNGON PAR 'DU BYA BA MED PA NYID DO, ,ZHES BYA BA NI 'GOG PA'I BDEN PA'I RNAM PA'O, ,MYA NGAN LAS 'DAS PA'I GRONG KHYER THOB PAR BYED PA NYID KYIS NA LAM NYID DO, ,NYON MONGS PA MA LUS BA'I GNYEN PO'I TSOGS SU GYUR BAS NA RIG PA NYID DO, ,SEMS KYI PHYIN CI MA LOG PA NYID DU SGRUB PA'I DON GYIS NA SGRUB PA NYID DO, ,MNGON PAR ZHEN PA MED PAS RTAG PA'I GNAS SU 'GRO BA YIN PA'I PHYIR NGES PAR 'BYIN PA NYID DO ZHES BYA BA NI LAM GYI BDEN PA'I RNAM PA'O, ,DE LTAR RIM PA 'DIS NA THEG PA CHEN POR RNAM PA LA LA NI RNAM GRANGS KYIS, LA LA NI RANG GI NGO BO NYID DU BSTAN PA YIN PAS NYAN THOS KYI LAM MA YIN PA NYID DU THAL BAR MI 'GYUR RO, ,DE BAS NA LAM SHES PA'I SKABS SU BYANG CHUB SEMS DPAS 'PHAGS PA'I BDEN PA DANG 'BREL BA 'DI RNAMS KYI NGO BO NYID MI DMIGS PAR BSGOMS PAS NYAN THOS KYI LAM SHES PAR BYA BA YIN NO, ,MDOR BSDUS PA 'DI'I DON NI STONG PHRAG NYI SHU LNGA PA LAS GSAL BA KHO NAR 'BYUNG BA NYID YIN PA'I PHYIR LOG PAR KHONG DU CHUNG PAR MI BYA'O, ,DE SKAD DU, LAM SHES NYID KYI TSUL LA NI, ,'PHAGS PA'I BDEN PA BZHI DAG GI ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, , ZHES GSUNGS PA YIN NO, ,DE LTAR NYAN THOS KYI LAM BRJOD NAS DRO PA'I DON STON PA NI, KOO SHI KA DE'I PHYIR ZHES BYA BA LA SOGS PA GSUNGS PA YIN TE, GANG GI PHYIR BDEN PAR BZHI YONGS SU SHES PA NI NGES BAR 'BYED PA'I CHA DANG MTHUN PA RTOGS PA SNGON DU 'GRO BA CAN YIN PA'I PHYIR BYANG @79B CHUB SEMS DPAS DRO BA RTOGS PAR BYA BA'I DON DU GZUGS KYI NGO BO NYID KYIS STONG PA DANG, TSOR BA LA SOGS PA YANG DE BZHIN TE, GZUGS KYI NGO BO NYID GANG YIN PA DANG, TSOR BA LA SOGS PA'I STONG PA NYID GANG YIN PA DE GNYIS SU MED CING GNYIS SU BYAR MED DO ZHES DPYER MED PAR BSGOM PAR BYA'O, ,DON 'DI YANG GO CHA CHEN PO BGOS PAR GYUR PA ZHES BYA BA 'DIS BSTAN PA YIN NO, ,DE YANG RGYAL BA'I YUM BAR MA LAS, JI TZAM GYIS NA BYANG CHUB SEMS DPA' GO CHA CHEN PO BGOS PA LAGS, RAB 'BYOR 'DI NI BYANG CHUB SEMS DPA'I STONG PA NYID KYI CHOS THAMS CAD DBYER MED PA NYID DU RTOGS PA ZHES BYA BA LA SOGS PA GANG GSUNGS PA YIN NO, ,DE SKAD DU YANG, 'PHAGS PA NYAN THOS LAM LA NI, ,GZUGS SOGS PHUNG PO STONG NYID PHYIR, ,STONG PA NYID RNAMS DBYE RMED PAS, ,DRO BA, ZHES GSUNGS PA YIN NO, ,RTZE MO BSTAN PA'I PHYIR GZUGS LA GNAS PAR MI BYA'O ZHES BYA BA LA SOGS PA SMRAS TE, DMIGS PA'I TSUL GYIS ZHES BYA BAR BSAMS PA'O, ,MIG LA GNAS PAR MI BYA'O ZHES BYA BA LA SOGS PA DANG, DRAN PA NYE BAR GZHAG PA LA GNAS PAR MI BYA'O ZHES BYA BA LA SOGS PA DANG, RGYUN DU ZHUGS PA'I 'BRAS BU LA GNAS PAR MI BYA'O ZHES BYA BA LA SOGS PAS NI, GO RIMS BZHIN DU ZAG PA DANG BCAS PA DANG, GNYI GA DANG, ZAG PA MED PA NYID KYI PHUNG PO LNGA PO 'DI RNAMS KYI RAB TU DBYE BA BSTAN PA YIN NO ZHES BYA BA NI 'DRES KYI DON YIN NO, ,KHAMS LA SOGS PA'I RANG GI NGO BO'I MTSAN NYID NI RAB TU GRAGS PA YIN PA'I PHYIR MA BRIS SO, ,YID KYI RNAM PAR SHES PA'I BAR DU ZHES BYA BA 'DIR BAR DANG ZHES SMOS PAS NI RNA BA LA SOGS PA'I RNAM PAR SHES PA LA SOGS PA LA BSGRE BA YIN NO, ,THA NA SANGS RGYAS NYID LA GNAS PAR MI BYA'O ZHES BYA BA NI BLA NA MED PA YANG DAG PAR RDZOGS BA'I SANGS RGYAS NYID LA'O, ,GAL TE RTEN GYI BDAG NYID CAN GYI GZUGS LA SOGS PA LA GNAS PAR MI BYA NA, DE LTA NA NI 'O NA TSIG THAMS CAD NI LDOG PA'I 'BRAS BU CAN YIN PA'I PHYIR GZUGS LA SOGS PA'O, ,DE'I BDAG NYID KYIS GNAS PA 'THOB PAR 'GYUR RO ZHES 'GA' @80A *, ,ZHIG RTOG PA DGAG PAR BYA BA'I PHYIR, DE LTAR NA GZUGS SO ZHES GNAS PAR MI BYA'O ZHES BYA BA LA SOGS PA GSUNGS PA YIN TE, DE LTAR NA ZHES BYA BA'I SGRA NI DE'I PHYIR ZHES BYA BA'I DON TO, ,NA'I SGRA NI SNGA MA BZHIN NO, ,NGAG GI DON NI 'DI YIN TE, GANG GI PHYIR RIGS PAS DMIGS SU MED PAR BSGOM PA NA GZUGS LA SOGS PAR YOD PA MA YIN PAS NA RTEN DU BSGOM PA MI 'THAD PA'I RGYU DE'I PHYIR, RANG GI NGO BO DANG BRAL BA LA DE'I BDAG NYID DANG GZHAN BAR KHAS BLANG BA'I NGO BOR RIGS PA MA YIN NO ZHES SO, ,GDUL BYA'I SKYE BO NYI BA RNAMS KYI PHYIN CI LOG BSAL BAR 'DOD PAS CI ZHIG LTA RTEN GYI NGO BOR BSTAN PAS NA LDOG PA'I 'BRAS BU CAN DU YANG KHAS BLANG BAR MI BYA'O, ,DE BAS NA RTZE MO GTOGS PAR BYA BA'I PHYIR GZUGS LA SOGS PA RNAM PA THAMS CAD DU MI DMIGS PAR BSGOM PAR BYA'O, ,DE SKAD DU YANG, DE DAG MI DMIGS PAS, ,RTZE MOR GYUR PA DAG TU 'DOD, ,CES GSUNGS PA YIN NO, ,YID KYI 'DUS TE REG PA LAS BYUNG BA'I TSO RAB ZHES BYA BA 'DIR BAR DU ZHES BYA BA'I TSIG GIS NI MIG GI RNAM PAR SHES PA LA SOGS PA BSDU'O, ,RNAM PAR SHES PA'I KHAMS SO ZHES BYA BA 'DIR BAR DU ZHES BYA BA SMOS PAS NI CHU'I KHAMS LA SOGS BA YONGS SU BSDU'O, ,BZOD PA BSTAN PAR BYA BA'I PHYIR, GZUGS RTAG PA DANG MI RTAG PA'O ZHES GNAS PAR MI BYA'O ZHES BYA BA LA SOGS PA GSUNGS PA YIN TE, MI RTAG PA LA SOGS PA'I TSIG NI BSHAD ZIN TO, ,DE LAS BZLOG PAS RTAG PA LA SOGS PA'I TSIG TU BRJOD PAR BYA'O, , MI MTHUN PA DANG GNYEN PO'I PHYOGS KYI DBYE BAS SDUG BSNGAL GYI BDEN PA'I RNAM PA NYE BAR BZUNG BAR BYAS PA NI GTZO BO YIN PA'I PHYIR MNGON PAR ZHEN PA THAMS CAD LAS BZLOG PAR BYA BA'I PHYIR RO, , GZUGS SDUG PA DANG MI SDUG PA ZHES BYA BA LA, SDUG PA NI BSNGAL PA'O, ,MI SDUG PA NI MI BSNGAGS PA'O, ,'DI DAG KYANG BDEN PA LHAG MA RNAMS KYI RNAM PA NYE BAR MTSON PA LHUR BYED PA YIN NO, ,GAL TE DE LTAR RNAM PA THAMS CAD DANG BRAL NA DE LTA NA NI NGO BO NYID KYIS STONG PA KHO NAR 'GYUR RO ZHES DOGS PA SAL BAR BYA BA'I PHYIR GZUGS STONG PA'O ZHES DMIGS PAS ZHES BYA BA LA SOGS @80B PA GSUNGS TE, STONG PA MA YIN PA'I DNGOS PO BKAG PAS STONG PA ZHES BYA BAR BRJOD DO, ,DE BAS NA JI SKAD DU BSHAD PA'I TSUL GYIS DNGOS PO MED PA YIN PA'I PHYIR, YUL MED PA LA DGAG PA RIGS PA MA YIN NO ZHES BYA BAR BSAMS PA'O, ,'DI SKAD DU, BZOD PA RTOGS PAR BYA BA'I PHYIR GZUGS LA SOGS PA LA RTAG PA DANG MI RTAG PA ZHES BYA BA LA SOGS PA'I RNAM PAS DMIGS PA'I TSUL GYIS GNAS SKABS THAMS CAD DU GNAS PAR MI BYA'O ZHES DE LTAR BSGOM PAR BYA'O ZHES BRJOD PA YIN NO, ,DE SKAD DU YANG, DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,ZHES GSUNGS PA YIN NO, ,CHOS KYI MCHOG BSTAN PA'I PHYIR RGYUN DU ZHUGS PA'I 'BRAS BU ZHES BYA BA LA SOGS PA GSUNGS TE, 'DUS MA BYAS KYIS RAB TU PHYE BA ZHES BYA BA NI 'BRAS BU STE, DE KHO NA NYID DU SKYE BA MED PA'I RANG BZHIN YIN PA'I PHYIR LAM NI 'DUS MA BYAS LAS RAB TU SKYES PA 'BRAS BU NYID YIN PA'O, ,DE LTAR SPYIR MNGON PAR ZHEN PA BKAG PA'I DON BSTAN NAS KHYAD PAR BSTAN PA'I PHYIR, RGYUN DU ZHUGS PA SPYIN PA'I GNAS ZHES BYA BA LA SOGS PA GSUNGS TE, BSOD NAMS KYI ZHING KHYAD PAR CAN YIN PA NYID KYIS NA GTZOR SBYIN PAR 'OS PA NYID YIN PA'I PHYIR SBYIN PA'I GNAS SO, ,RE LTAR THOGS NA SRID PA LAN BDUN PA'O ZHES BYA BA'I LHAG MA LUS PAS RE LTAR TE MCHOG TU THOGS KYANG 'KHOR BA'I GNAS SU LAN BDUN GYI BAR DU GZHOL BA YIN NO, ,YONGS SU MTHAR MA PHYIN PA'I PHYIR ZHES BYA BA LA SOGS PA LA, BYA BA YONGS SU MA RDZOGS PA'I PHYIR MI'I 'JIG RTEN 'DIR LAN CIG 'ONGS TE PHYIN PAR GYUR NAS SDUG BSNGAL TE 'DOD CHAGS LA SOGS PA NYON MONGS PA MTHAR BYED CING RNAM PAR 'JIG PAR BYED PA'O, ,DE NYID DU ZHES BYA BA NI SRID PA BAR MA'I GNAS SKAS SU'O, ,'DI NYID DU ZHES BYA BA NI DGRA BCOM PA SKYE BA GANG DU SKYES PA DE NYID DU ZHES BYA BA'I THA TSIG GO, ,PHUNG BO LHAG MA MA LUS PA'I MYA NGAN LAS 'DAS PA'I DBYINGS SU ZHES BYA BA LA, PHUNG PO NI LUS SO, ,'DOD CHAGS LA SOGS PA THAMS CAD SPANGS PA'I PHYIR LHAG MA NYID DU GYUR PA'I LHAG MA DE MYA NGAN LAS 'DAS PA GANG LA MED PA DE LA DE SKAD CES BYA'O, ,GANG DU RNAM @81A *, ,PAR RTOG PA THAMS CAD 'GAGS PA DE NI MYA NGAN LAS 'DAS PA STE DE BZHIN NYID DO, ,DE NYID NI DBYINGS TE, DE LA DMIGS PA'I DNGOS POS 'PHAGS PA RNAMS SKYED PA'I RGYU YIN TE, DE BAS NA DBYINGS DER ZHES BYA BAR SBYAR RO, ,RGYUN DU ZHUGS PA ZHES BYA BA LA SOGS PAS 'BRAS BU LA GNAS PA RNAM PA BZHI SMOS PAS MED NA MI 'BYUNG BA'I PHYIR ZHUGS PA'I GNAS SKABS BZHI YANG GZUNG BAR BYA'O, ,DES NA NYAN THOS KYIS RNAM PA BRGYAD DU 'GYUR RO, ,GANG ZAG GANG GIS NYON MONGS PA'I RNAM PA JI TZAM SPANGS PAS ZHUGS PA NYID LA SOGS PAR RNAM PAR GZHAG PA NI SNGAR BSHAD PA NYID YIN PA'I PHYIR SLAR NYE BAR BKOD PA MA BYAS SO, ,RANG SANGS RGYAS ZHES BYA BA LA SOGS PA LA MDOR BSTAN PA'I TSIG 'CHAD PA NI, RANG SANGS RGYAS ZHES BYA BA LA SOGS PA GSUNGS PA YIN TE, BDAG NYID GCIG PU'I RGYUR GYUR PA'I PHYIR RANG GI BYANG CHUB RTOGS PA RANG NYID YIN PAS NA RANG SANGS RGYAS SO, ,NYAN THOS KYANG DE LTAR THAL BAR NI MI 'GYUR TE, DE NI GZHAN GYIS NYE BAR BSTAN PA LA LTOS PA'I PHYIR RO, ,YANG DAG PAR RDZOGS PA'I SANGS RGYAS LA YANG THAL BAR 'GYUR BA YANG MA YIN TE, DE NI SEMS CAN THAMS CAD KYI DON DU RNAM PA THAMS CAD MKHYEN PA NYID CHED DU MDZAD PAS KHYAD PAR DU 'PHAGS PA'I PHYIR RO, ,'DIS NI SA DGU PA RANG SANGS RGYAS KYIS BSHAD PA YIN NO, ,NYAN THOS KYIS LAS 'DAS NAS ZHES BYA BA NI GZUNG BA'I DON GYI RNAM PAR RTOG PA SPANGS PAS DE LA BRGAL NAS SO, ,SANGS RGYAS KYIS MA THOB PA NI 'DZIN PA'I DON GYI RNAM PAR RTOG PA MA SPANGS PAS BLA NA MED PA YANG DAG PAR RDZOGS PA'I SANGS RGYAS KYIS MA RTOGS PAR RO, ,DE BZHIN DU SANGS RGYAS SBYIN PA'I GNAS SO ZHES GNAS PAR MI BYA'O ZHES BYA BA'I TSIG RNAM PAR DBYE BA'I PHYIR, SANGS RGYAS NI ZHES BYA BA LA SOGS PA GSUNGS PA YIN NO, ,SO SO'I SKYE BO'I SA ZHES BYA BA NI MOS PAS SPYOD PA'I SA'O, ,GZHAL DU MED PAR ZHES BYA BA LA SOGS PA LA, MNGON SUM LA SOGS PA'I TSAD MAS GZHAL BAR MI NUS PA'I PHYIR GZHAL DU MED PA'O, ,GCIG NYID LA SOGS PA GRANGS DANG BRAL BA'I PHYIR GRANGS MED PA'O, ,'DIS NI 'DUL BA LA SOGS @81B PA GANG LAL DAG TU RAB TU BZANG GI MTHAR THUG PA SO SOR NGES PA'I SEMS CAN GYI DON MDZAD PAR LA LAR GSUNGS PA NI DGONGS PA CAN YIN PAR BSTAN TO, ,YANG NA 'JIG RTEN GYI KHAMS 'DIR DON GYI BYA BA MDZAD PA'I DBANG DU BYAS NAS DE SKAD BSHAD PA YIN GYI, GZHAN DU NA SPRUL PA'I SBRIN RNAMS KYIS 'JIG RTEN GYI KHAMS THAMS CAD DU SEMS CAN GYI DON MDZAD PA YIN PA'I PHYIR GRANGS MED PA LA SOGS PA'I TSIG DANG MI 'GAL BA YIN NO, ,YANG NA KHYAD PAR DU 'PHAGS PA THEG PA CHEN PO'I MING CAN GYI THEG PA'I KHYAD PAR ZAB MO NYID LA SOGS PA DANG LDAN PA 'DI NI GZHAN KHO NA YIN TE, DES NA 'DIR MI MTHUN PA KHO NAR BSTAN PA YIN PA'I PHYIR THEG PA GZHAN DANG LHAN CIG TU 'GAL BA BRJOD PAR MI BYA'O, ,DE BZHIN DU 'DI LTA BU'I RIGS CAN GYI DON GZHAN DAG TU YANG 'DI NYID LAN DU GZUNG BAR BYA'O, ,SEMS CAN RNAMS KYI DON MDZAD DE, ,ZHES BYA BA NI KHA CIG LA SBYIN PA LA SOGS PAS MNGON PAR MTHO BA'I CHOS RDZOGS PAR MDZAD NAS SO, ,YONGS SU MYA NGAN LAS 'DAS NAS ZHES BYA BA NI KHA CIG NYAN THOS KYI MYA NGAN LAS 'DA' PA LA SOGS PA DES NGES PAR LEGS PA'I CHOS LA BKOD NAS SO, ,NYAN THOS DANG RANG SANGS RGYAS DANG YANG DAG PAR RDZOGS PA'I SANGS RGYAS SU NGES PAR MDZAD CING ZHES BYA BA NI, NGES PAR 'BYED PA'I CHA DANG MTHUN PA LA SOGS PA'I DGE BA GANG ZHIG RTOGS PAS GDON MI ZA BAR MNGON PAR MTHO BA DANG NGES PAR LEGS PA'I CHOS DAG 'THOB PAR 'GYUR BA'I RGYU DE LA GZHAN 'JOG PA'I PHYIR NA NGES PAR TE, RIGS NGES PA LA GNAS PAR MDZAD CING ZHES BYA BA'I DON TO, ,SANGS RGYAS KYI SA ZHES BYA BA 'DIS NI KUN TU 'OD CES PA SA BCU PA NI SANGS RGYAS KYIS YIN PAR BSHAD DO, ,SANGS RGYAS KYI MDZAD PA ZHES BYA BA NI CHOS KYI 'KHOR LO BSKOR BA'O, ,SANGS RGYAS KYI YONGS SU MYA NGAN LAS 'DA' BAS ZHES BYA BA NI NYAN THOS LA SOGS PA DANG THUN MONG MA YIN PA'I YONGS SU MYA NGAN LAS 'DA' BAS SO, ,MYA NGAN LAS 'DAS PA 'DI NI SPRUL PA'I SKU YIN PAR 'DOD DO, ,'DI GA LAS SHE NA, LUNG DANG RIGS PA LAS SO, ,'DI LTAR GNAS PA'I RGYU MA TANG BA MED PA CAN GANG YIN PA DE NI RTAG TU @82A *, ,GNAS PA RGYUN CHAD PA'I RANG BZHIN CAN MA YIN TE, DPER NA ME DANG SHING LA SOGS PA GNAS PA'I RGYU NUS PA CAN YONGS SU RDZOGS PAR YOD PA CAN GYI DU BA LA SOGS PA LTA BU'O, ,SANGS RGYAS BCOM LDAN 'DAS KYANG GNAS PA'I RGYU MA TSANG BA MED PA CAN YIN NO, ,GNAS PA RGYUN CHAD PA'I KHYAB PAR BYED PA GNAS PA'I RGYU MA TSANG BA MED PA DANG 'GAL BA GNAS PA'I RGYU MA TSANG BA NYID 'DIR BSGRUB PA'I PHYIR NA KHYAB PAR BYED PA 'GAL BA DMIGS PA'O, ,CHOS MI MTHUN PA NI DU BA LA SOGS PA'I RGYUN CHAD PA LA SOGS PA DANG 'DRA'O, ,RGYU MA TSANG BA MED PAR YOD PA LAS 'BRAS BU MI 'BYUNG BA'I SBYOR BA NI 'GAL BA YIN NO, ,GTAN TSIGS 'DI JI LTAR 'GRUB CE NA, BRJOD PA, GNAS PA'I RGYU MA TSANG BA NI SEMS CAN GYI DON SGRUB PA'I NUS PA YONGS SU ZAD PAS SAM, THUGS RJE CHEN PO DANG BRAL BAS SAM, TSE'I 'DU BYED GNAS PA LA MNGA' BRNYES PA LAS NYAMS PAS SAM, SROG GI DBANG PO GNAS PA'I LAS KYI RNAM PAR SMIN PA MTHAR GTUGS PAS SAM, SANGS RGYAS KYIS 'DUL BA'I GDUL BYA RNAMS MED PA LAS YIN GRANG, DE LA RTOG PA DANG PO NI MED DE, STON PA'I MKHYEN PA NUS PA THOGS PA MED PA CAN DU KHAS BLANGS PA'I PHYIR RO, ,DE LTA MA YIN NA 'DI BSE RU LA SOGS PA RNAMS LAS KHYAD PAR CI ZHIG YOD PAR 'GYUR, DUS YUN RING POR GOMS PAS GTZANG SBRA CAN THOD PA CAN LA ZHE MI BTZOGS PA LTAR BRTZE BA CHEN PO'I BDAG NYID DU GYUR PAR MDZAD PA'I PHYIR 'BAD PA MED PAR NYAMS PA MI MNGA' ZHING RNAM PAR 'PHEL BA DE'I RO MYANG BA LHUR MDZAD PA NI DE NYID PHYOGS SU LHUNG BAS NA, SKYON MA MTHONG BA'I PHYIR 'BAD PA YANG MED PA'I PHYIR RNAM PAR RTOG PA GNYIS PA YANG MED DO, ,RDZU 'PHRUL GYI RKANG PA GOMS PA RAB KYI MTHAR PHYIN NA RNAM PAR RTOG PA GSUM PA YANG RIGS PA DANG 'BREL BA MA YIN NO, ,DE SKAD DU YANG, 'DI LTAR KUN DGA' BO GANG LA LA ZHIG RDZU 'PHRUL GYI RKANG PA BZHI BSTEN CING BSGOMS LA LAN MANG DU BYAS PA DE NI 'DOD NA BSKAL PA'AM BSKAL PA LAS LHAG PAR GNAS PAR 'GYUR RO, ,KUN DGA' BO DE BZHIN GSHEGS PAS NI RDZU 'PHRUL GYI RKANG PA BZHI BSTEN CING BSGOMS LA LAN MANG DU MDZAD PAS DE BZHED NA BSKAL PA'AM BSKAL @82B BA LAS LHAG PAR BZHUGS SO ZHES GSUNGS PA'I PHYIR RO, ,SROG GI 'BRAS BU CAN GYI ZAD PA YANG SROG GCOD PA SPANGS PA DANG, THABS DPAG TU MED PAS GOMS PAR BYAS PA'I SBYIN PA'I PHA ROL TU PHYIN PA SKAL BA MI NYUNG BAR BSAGS PA'I BLA MA LA SRID PA MA YIN NO, ,RGYU DANG 'BRAS BU DAG GI CHOS NYID NI 'DI YIN TE, RGYU MCHOG TU GYUR PA LAS NI 'BRAS BU MCHOG TU GYUR PA 'BYUNG LA MCHOG MA YIN PA LAS NI MCHOG YIN PA ZHES BYA BA GANG YIN PA'O, ,DE LTA MA YIN NA RGYU PHUL DU BYUNG BA DANG PHUL DU BYUNG BA MA YIN PA DAG LA 'BRAS BU LA DE MI 'BYUNG BA'I PHYIR NA, PHAN GDAGS PAR BYA BA DANG PHAN 'DOGS PAR BYED PA'I DNGOS POR MI 'GYUR TE, DE LA BRTEN PA'I THA DAD PA LA MI LTOS PA'I PHYIR RO, ,STON PA LA NI DPAG TU MED PAR 'TSO BA'I RGYU GZHAN GSOD PA SPANGS PA LA SOGS PA KHA NA MA THO BA MED PA DPAG TU MED PA YOD PA YIN TE, DES NA LO BRGYA YANG JI STE MI BZHUGS, 'DI DAG THAMS CAD KYI 'BRAS BU NI THAMS CAD MKHYEN PA NYID YIN NO ZHE NA MA YIN TE, GTZOR YUN RING POR 'TSO BA 'BRAS BU'I BRJOD PA'I PHYIR TE, SROG GCOD PA LAS LDOG PA DANG SBYIN PA'I PHA ROL TU PHYIN PA GNYIS KYI 'BRAS BUS NI TSE RING BAR RJES SU 'GRO BA DANG, LDOG PA'I SGO NAS GSUNGS PA YIN NO; ,GANG ZHIG GANG GIS GTZO BO'I RGYU YIN PAR BRJOD PA DE NI YONGS SU RGYAS PAR BYED PA'I RTEN NYE BAR GNAS PAS DE SKYED PA NYID NA GAL TE GZHAN GYI YANG RGYU MTSAN DU 'GYUR BA NI NYES PA YOD PA MA YIN NO, ,LAN CIG MA YIN PAR RNAM PAR NGES PA'I 'BRAS BU BOR NAS GZHAN SKYED PAR BYED PA NI MA YIN TE, LAN CIG KYANG DE SKYED PAR BYED PA NYID MA YIN PA NYID DU THAL BAR 'GYUR RO, ,GZHAN YANG CHOS RNAMS KYI DE KHO NA NYID LA GOMS PAR MDZAD PA'I DBANG NYID LAS RNAM PA THAMS CAD MKHYEN PA NYID DU 'GYUR BA YIN LA, BSOD NAMS KYI TSOGS NI DE'I RTEN KHYAD PAR DU 'PHAGS PA BSKYED PAS NA RJES SU MTHUN PAR GYUR PA YIN NO, ,DE BAS NA BSOD NAMS YONGS SU ZAD PAS BCOM LDAN 'DAS 'CHI BAR BRJOD PA NI BA BCOL YIN NO, ,GAL TE DE BZHIN GSHEGS PAS GDUL BAR BYA BA'I SEMS CAN MED PAS MYA NGAN LAS 'DA' BA YIN NO ZHES 'DOD NA DE 'DIR DPYAD PAR BYA STE, CI SANGS @83A *, ,RGYAS KYI SKUS 'DUL BA'I SEMS CAN NYID MED DAM, 'ON TE CI GZUGS GZHAN DAG GIS 'DUL BA RNAMS KYANG MED, GAL TE PHYOGS SNGA MA LTAR YIN NA DE'I TSE BRGYA BYIN LA SOGS PA'I GZUGS SU BSTAN PAS 'DUL BA'I SKYE BO RNAMS SRID PAS DE'I GZUGS CI STE MI BZHUGS, THUGS BRTZE BA'I DBANG DU GYUR PA'I THUGS DANG LDAN PA DE DAG NI SKYE BO RNAMS LA PHAN PA BSGRUB PAR BYA BA'I PHYIR CHA LUGS GZHAN DAG GIS KYANG GNAS PAR MDZAD DE, DPER NA BCOM LDAN 'DAS NYID 'KHOR LOS SGYUR BA'I GZUGS SU BZHUGS PA LTA BU'O, ,BRGYA BYIN LA SOGS PA'I GZUGS KYIS 'DUL BA YANG MED PA NI MA YIN TE, SHES PAR BYED PA MED PA'I PHYIR TE, BRGYA BYIN LA SOGS PAS GZHAN LA PHAN 'DOGS PA MED PAR THAL BA'I PHYIR RO, ,GZHAN YANG 'JIG RTEN GYI KHAMS GCIG TU SANGS RGYAS KYI GZUGS KYIS 'DUL BA'I SKYE BO RNAMS MED KYANG 'JIG RTEN GYI KHAMS DPAG TU MED PA GZHAN RNAMS NA DE YOD PA'I PHYIR 'DI JI STE YONGS SU MYA NGAN LAS 'DA', 'JIG RTEN GYI KHAMS GZHAN NA YANG DE MED DO ZHE NA DE LA DE LTAR SHES PAR BYED PA MED DO, ,'JIG RTEN GYI KHAMS THAMS CAD NA SANGS RGYAS KYI SKUS GDUL BA'I SEMS CAN RNAMS MED DO ZHES BYA BA 'DI NI GANG NAS KYANG MA GSUNGS SO, ,'ON TE NGES PA MED PA YIN TE, YOD NA GZHAN GYI DON LA 'JUG PA CI'I PHYIR YONGS SU MYA NGAN LAS 'DA' ZHES BYA BAR 'DOD NA, YONGS SU MYA NGAN LAS 'DA'O ZHES BRJOD NA 'DI NYID KYANG GRUB PA MA YIN TE, GANG GI PHYIR 'JIG RTEN GYI KHAMS GCIG NAS SANGS RGYAS KYI SKU BSTAN PAS 'DUL BA MED PA NA MYA NGAN LAS 'DA' BA NYE BAR BSTAN PAS 'DUL BA'I SKYE BO RNAMS RJES SU GZUNG BAR BYA BA'I PHYIR YONGS SU MYA NGAN LAS 'DA' BA BSTAN KYANG GZHAN DAG TU BLTAMS PA DANG, MNGON PAR BYANG CHUB PA DANG, CHOS KYI 'KHOR LO BSKOR BA MA TSANG BA MED PA NYE BAR STON PA MDZAD PA YIN NO ZHES BYA BA NI GRUB PA'I MTHA' YIN NO, ,DE SKAD DU YANG, SANGS RGYAS MYA NGAN YONG MI 'DA', ,CHOS KYANG NUB PAR MI 'GYUR TE, ,SEMS CAN RNAMS NI SMIN MDZAD PHYIR, ,MYA NGAN 'DA' BAR STON PA MDZAD, ,CES JI SKAD GSUNGS PA LTA BU'O,, @83B GZHAN YANG RE ZHIG SRID PAR RGYU BA'I DAM PA GZHAN DAG SNYING BRTZE BAS DBUL BAR GYUR KYANG NGO CHA SHES PA DANG BDEN PA'I NOR YONGS SU BSKYANG BAR BYA BA'I PHYIR NUS PA THAMS CAD ZAD KYANG NGES PA KHO NAR DAM BCAS PA'I DON GYI SGRUB PA RDZOGS PAR BYED PA MTHONG NA, SKYE BO DAM PA MTHA' DAG GI GTZUG GI NOR BU, SRID PA'I 'JIG PA LAS YANG DAG PAR BRGAL BA, NGO TSA SHES PA DANG BDEN PA DANG BRTZE BA'I BDAG NYID DU MDZAD PA'I CHOS CAN YE SHES KYI MTHU THOGS PA MED PA'I DE BZHIN GSHEGS PA RNAMS DE RDZOGS PAR MI MDZAD DO ZHES BYA BA LA SEMS DANG LDAN PA SU ZHIG DAD PAR 'GYUR, ,DE DAG GIS DAM BCAS PA YANG SEMS CAN THAMS CAD SDUG BSNGAL LAS SHIN TU NGES PAR 'GROL BA YIN TE, 'DI LTAR BCOM LDAN 'DAS KYIS SNGON SMON LAM BTAB PA, BSOD NAMS 'DI YIS THAMS CAD GZIGS PA NYID, ,THOB NAS NYES PA'I DGRA RNAMS PHAM BYAS TE, ,RGA NAD 'CHI BA'I DPA' KLONG 'KHRUGS PA YI, ,SRID PA'I MTSO LAS 'GRO BA 'DON PAR SHOG, ,CES BYA BA YIN NO, ,'GRO BA ZHES BYA BA'I SGRAS SEMS CAN NYUNG ZAD GCIG GZUNG BAR YANG RIGS PA MA YIN TE, SEMS CAN THAMS CAD LA DMIGS PA'I THUGS RJE CHEN POR MI 'GYUR BA'I PHYIR RO, , DE BAS NA JI SRID DU SEMS CAN GCIG YOD PA DE SRID DU NI THUGS RJE'I DGONGS PA CAN RNAMS MYA NGAN LAS 'DA' BAR RIGS PA MA YIN NO, ,MTHA' YAS PA YIN PAS NA SEMS CAN THAMS CAD 'KHOR BA LAS NGES PAR 'DON PA MI SRID DO, ,DE NYID KYIS NA THUGS RJE'I RANG BZHIN CAN DE'I DGONGS PA DANG LDAN PA RNAMS KYI GNAS PA NI MTHA' YAS PA NYID YIN TE, GZHAN DU NA DAM BCAS PA DANG RJES SU SGRUB PAR MI 'GYUR RO, ,THUGS RJE CHEN PO DANG RJES SU MTHUN PAR YANG MI 'GYUR TE, 'DI LTAR THUGS RJE CHEN PO NI 'DI YIN TE, SEMS CAN THAMS CAD KYI SDUG BSNGAL YONGS SU SKYOB BAR BZHED PA'I RNAM PA CAN NO, ,DES NA LEGS PAR BSGOMS PA DE GNAS MA YIN PAR GLO BUR DU RGYUN CHAD PAR GAL 'GYUR, GAL TE RGYUN CHAD PA NI MA YIN TE, 'ON KYANG DUS DE'I TSE BYUNG BA'I SANGS RGYAS KYI GDUL BYA RAB BZANG GI MTHAR THUG PA GANG YIN PA DE DAG THAMS CAD NI BTUL ZIN LA, @84A *, ,GZHAN GANG DAG DUS GZHAN DAG TU RGYUD YONGS SU SMIN PAR 'GYUR BA DE'I DON BYA BA'I PHYIR DE BZHIN GSHEGS PA GZHAN RNAMS KHO NA RIM GYIS 'BYUNG BAR 'GYUR BA DES NA DE RNAMS LA PHAN PA BSGRUB PAR BYA BA'I PHYIR BYANG CHUB SEMS DPA' GZHAN 'GA' ZHIG LA DBANG BSKUR NAS YONGS SU MYA NGAN LAS 'DA' BA YIN TE, DE LTA MA YIN NA BAR DU GZHAN GYI DON DU BZHUGS PA'I PHYIR GNAS PA DON MED PAR 'GYUR RO ZHE NA DE NI RIGS PA MA YIN TE, SANGS RGYAS KYI GDUL BYA'I SEMS CAN MED PA NYID MA GRUB PA'I PHYIR DANG, 'JIG RTEN GYI KHAMS THAMS CAD NA BYA BA GZHAN GYI GDUL BYA DAG SRID PA'I PHYIR TE, SNGAR JI SKAD DU BSHAD PA BZHIN NO, ,BZHUGS PA DON MED PA YANG MA YIN TE, DE'I DON MDZAD PA'I CHED DU BZHUGS PA'I PHYIR RO, ,JI LTAR SH'A KYA'I RGYAL PO NYID RAB BZANG LA SDOD PAS DUS CUNG ZAD BZHUGS PAR GYUR PA BZHIN NO, ,DUS DE NI SHIN TU THUNG BA YIN NO ZHES BYA BA YANG DAG PA MA YIN TE, GANG GI PHYIR MNGON PAR BZHED PA'I 'BRAS BU SGRUB PA'I THUGS DANG LDAN PA DE DAG DUS YUN RING PA'AM YUN THUNG BA BRTZI BAR MI MDZAD DO, ,DUS GZHAN DU RGYUD YONGS SU SMIN PA RNAMS LA NI NUS PA DANG LDAN PA GZHAN DAG 'BYUNG BAR 'GYUR RO ZHES BYA BA YANG LAN MA YIN TE, GANG GI PHYIR DE LTA NA NI BYANG CHUB TU SEMS BSKYID PA LA YANG 'BAD PA MED PA KHO NAR 'GYUR TE, 'JIG RTEN GDON PA'I BSAM PA CAN MANG PO'I BYA BA MTHONG BAS DE DAG GIS BYAS ZIN NA 'DIR BDAG GIS CI ZHIG BYA SNYAM DU SEMS PAR 'GYUR BA'I PHYIR RO, ,THUGS RJE CHEN PO DANG LDAN PAS DE LTAR BRTZI BAR MI MDZAD PAR 'JUG GO ZHE NA, MCHOG TU GYUR PA'I GNAS SKABS SU CI'I PHYIR DE LTAR BRTZI BA MI RTZOM, GNAS SKABS DER BRTZI BAR MI MDZAD PA NI RIGS PA YIN TE, 'JUG PA'I RGYU THUGS RJE CHEN PO BDAG NYID DU MDZAD PA'I PHYIR RO, ,DE BAS NA, BSKAL PA GRANGS MED MANG POR NI, ,BSGOM PA YONGS SU RDZOGS BYUNG BA'I, ,GANG DAG BRTZE BA CHEN PO LA, ,GZHAN GYI NGOR NI BZHUGS PA YIN, ,ZHES BSHAD DO, ,BCOM LDAN 'DAS YON TAN GYI RANG BZHIN GYI SKU CAN YANG SHIN TU RGYUN CHAD PA'I MTSAN NYID CAN DU YONGS SU MYA NGAN LAS 'DA' BAR 'DOD NA, DE NI DA LTA BA RNAMS KYI SKYABS KYI DON DU YANG MI @84B 'THAD DE, SKYABS KYI DON NI SKYOB PA'I DON YIN PAR BRJOD DO, ,GANG ZHIG SANGS RGYAS BCOM LDAN 'DAS LA SKYABS SU 'GRO BA DE NI SANGS RGYAS SU BYED PA'I CHOS MI SLOB PA LA SKYABS SU 'GRO BA YIN NA, SANGS RGYAS SU BYED PA'I CHOS MI SLOB PA'I CHOS KYI BDAG NYID CAN RGYAL BA RNAMS MAR ME'I RGYUN LTA BUR SHIN TU YANG SO SOR NUB PAR GYUR NA, DE RNAMS SKYOB PA'I NUS PA GA LA YOD, NUS PA YOD NA NI MYA NGAN LAS MI 'DA' BAR THAL BAR 'GYUR TE, DNGOS PO RNAMS NI NUS PA'I MTSAN NYID CAN YIN PA'I PHYIR RO, ,'DAS PA'I DUS NA BZHUGS PA'I NUS PA NYAMS PA MA YIN NO ZHE NA, MA YIN TE; 'DAS PA DE'I NGO BOS YOD PA YIN NA NI DA LTAR BYUNG BAR 'GYUR BA'I PHYIR RO, ,DE LTA NA YANG DE NYID MI GNAS PA'I MYA NGAN LAS 'DAS PAR GRUB PA'AM, NUS PA'I DON 'GAGS NA YANG NUS PA'I DON GANG ZHIG YOD PAR 'GYUR, 'ON TE DES BSTAN PA'I GSUNG RAB RIN PO CHE LA SKYOB PA'I NUS PA DA DUNG YANG YOD PAS DE YANG NUS PA YIN PAR BRJOD DO ZHES 'DOD NA, GA TE DE LTA NA NI 'O NA SKYABS DE GTZO BOR MI 'GYUR TE, RANG BZHIN THA DAD PA'I PHYIR DE'I 'BRAS BU'I NUS PA DE'I YIN PAR MI 'GYUR RO, ,DE'I NUS PA DANG LHAN CIG TU NYAMS PAR 'DOD PA'I PHYIR DE LA GTZO BO YIN PA'I SKYABS KYI DON YOD PA MA YIN NO, ,RGYU MTSAN MED PAR DGRAR GYUR PA 'DI DAG RIGS PA DANG LUNG GHAN DANG LDAN PA YIN YANG LUNG GI DON DGONG PA CAN YIN PA LAS 'DAS NAS, BCOM LDAN 'DAS MYA NGAN LAS 'DAS PAR SGRUB PA'I DON DU SPRO BA DANG BCAS PAR GNAS PA LUNG 'DZIN PA RNAMS KYIS GNAS PA YIN PA LA MNGON PAR ZHES NA 'DIR YANG CI ZHIG YIN, BCOM LDAN 'DAS LA MYA NGAN LAS 'DAS PA MI MNGA' NA SKU GDUNG JI LTAR SNANG BAR 'GYUR ZHE NA, SKU GDUNG MI 'THAD PA YAN MA YIN TE, BCOM LDAN 'DAS KYIS BDAG PO NYID LAS DE'I SKAL BA CAN RNAMS KYI RAB TU DANG PA'I SKYE MCHED LA SKU GDUNG SNANG BA'I PHYIR RO, ,DE KHO NAR NI SKU GDUNG MI 'DOD PA KHO NA STE, THUB PA SGRIB PA MI MNGA' BA'I BLO CAN RNAMS KYI SKU NI SGYU MA LTA BU'I YE SHES KYI RANG BZHIN YIN PA'I PHYIR DANG, 'KHOR BA JI SRID DU BZHUGS PA'I PHYIR RO, ,DE SKAD DU, GSER 'OD DAM PA'I MDO LAS, MTHO RIS SU NI 'DZEG PA'I PHYIR, ,NAM ZHIG RI BONG RVA RNAMS LAS, , @85A *, ,SKAS NI LEGS PAR BYAS GYUR NA, ,DE TSE RING BSREL YOD PAR 'GYUR, ,SKU LA RUS PA KHRAG MED NA, ,RING BSREL YOD PAR GA LA 'GYUR, ,ZHES BYA BA LTA BU'O, ,DE LTA NA GTAN TSIGS MA GRUB PA MA YIN NO, ,MTHUN PA'I PHYOGS LA YOD PAS 'GAL BA YANG MA YIN NO, ,RGYU MA TSANG BA MED PA YOD NA 'BRAS BU MI 'BYUNG BA MI 'THAD PAS GNOD PAR BYED PA YIN PA'I PHYIR BZLOG PA LA GNOD PAR BYED PA'I TSAD MA YOD PAS MA NGES PAR YANG MA YIN NO, ,GAL TE THOGS PA MED PA'I YE SHES DANG LDAN PA'I THUB PA CHEN PO 'KHOR BA JI SRID PAR GNAS NA, DE BZHIN GSHEGS PA DANG GZHAN 'BYUNG BA'I DON MED PAR 'GYUR RO ZHES BYA BA'I NYES PA YANG MED DE, GANG GI PHYIR THOGS PA MED PA'I YE SHES DANG LDAN PA NYID YIN YANG RGYU MTSUNGS PAR SBYAD PA'I PHYIR NA SANGS RGYAS MANG POS GDUL BA'I SEMS CAN RNAMS KYI DON DU BCOM LDAN 'DAS DE BZHIN GSHEGS PA RNAMS CIG CAR YANG 'BYUNG BAR 'GYUR RO, ,PHA BONG GIS MNAN PA'I SPAL BA GDON PA'I PHYIR SO SO'I SKYE BO'I SA LA GNAS PA'I BRTZE BA CAN RNAMS BZHIN NO, ,DE BZHIN GSHEGS PA GZHAN BYUNG BA NA DE BZHIN GSHEGS PA'I SNGA MA'I YE SHES KYI NUS PA NYAMS PA YIN NO ZHES KYANG BRJOD PA MI BYA STE; GCIG TU 'DUS PAS KYANG RANG BZHIN DES 'DUL BA'I SKYE BO YOD NA SEMS CAN GYI DON MDZAD PA'I PHYIR RO, ,'DI LTAR YE SHES KYI NUS PA THOGS PA MED PA CAN CIG YOD NA RGYU MTSUNGS PA GZHAN DE LTAR 'GYUR BA MA YIN NO ZHES BYA BAR NI MI RIGS TE, CIG MKHAS PAR 'GYUR ZHES TE DE DANG RGYU MTSAN MTSUNGS PA GZHAN MI 'GYUR BA NI MA YIN NO, ,DE BZHIN GSHEGS PA GCIG GI GDUL BYA MA YIN NA THAMS CAD KYI GDUL BYA MA YIN NO, ,ZHES 'DOD NA DE LTAR MA YIN TE, GANG GI PHYIR TSOGS MTSUNGS PA'I PHYIR NA BCOM LDAN 'DAS GCIG GIS GDUL BYAR MA GYUR PA NYID KYIS, DE BZHIN GSHEGS PA MANG PO RNAMS KYI YANG SO SO'I GZUGS RE RES GDUL BYAR MA GYUR PA YIN YANG SBRUL PA MA YIN PA'I SANGS RGYAS MANG PO'I GZUGS KYI GDUL BAR GYUR CIG CES RNAM PA DE LTA BU'I SMON LAM LA SOGS PA'I RGYU'I 'PHEN PA LAS CIG CAR BYUNG BAS MANG PO RNAMS KYI GDUL BYAR 'GYUR RO, ,DE @85B NYID KYI PHYIR NYAN THOS RNAMS DANG MTSUNGS PAR BRTAG PAR BYA BA YAN MA YIN TE, RANG GIS YONGS SU SMIN PAR BYAS PA'I GDUL BYA'I SEMS CAN MED PA YIN PA'I PHYIR RO, ,DE NYID KYIS NA RAN BZHIN DE LTA BU 'DUS PAS 'DUL BAR BYA BA'I SKYE MO MI SRID PA'I PHYIR NA GCIG TU MNGON DU GNAS PA MA YIN NO, DE NYID KYI PHYIR NA 'JIG RTEN GYI KHAMS GCIG TU CIG CAR DE BZHIN GSHEGS PA MANG PO RNAMS 'BYUNG BA YANG MA YIN NO, ,SRID NA NI SER SNA DANG PHRAG DOG LA SOGS PA'I DRI MA DANG BRAL BA RNAMS 'GAL BA MA YIN NO, ,DE DAG GIS NI SMON LAM 'DI LTAR BTAB STE, JI LTA JI LTAR GDUL BYA YI, ,DON RNAMS RDZOGS PAR 'BYUNG GYUR PA, ,DE LTA DE LTAR SNANG BA YANG, ,BDAG LA BRTEN DE 'BYUNG GYUR CIG, ,CES SO, ,SHIN TU SPOS PAS CHOG GO, ,RIGS PAS 'THAD PA'I DE BZHIN GSHEGS PA SPRUL PA'I SKU YONGS SU MYA NGAN LAS 'DAS PA LA YANG MI GNAS NA, RNAM PA THAMS CAD DU GNAS PA 'THAD PA MA YIN NO SNYAM PA'I BSAM PA DANG LDAN PAS, GAL TE SANGS RGYAS ZHES BYA BA LA SOGS PA RJES SU BRJOD PA SNGON DU 'GRO BAS BRJOD PA NI DES JI LTAR GNAS PAR BYA BA ZHES BYA BA LA SOGS PA'O, ,GAL TE DE LTAR GNAS PAR MI BYA NA DE'I PHYIR BYANG CHUB SEMS DPA' DES JI LTAR TE RNAM PA GANG GIS GNAS PAR BYA ZHING RTOGS PAR BYA, JI LTAR BSLAB PAR BYA STE BSGRUBS PAS YONGS SU RDZOGS PAR BYA, CI ZHES BYA BA'I SGRA NI SPANG BA RJOD PA NYID BYIN PA'I PHYIR RNA PA GANG GIS KYANG MA YIN NO ZHES BYA BA'I THA TSIG GO, ,DE NYID KYI LAN GDAB PA'I DON DU BRJOD PA NI, TSE DANG LDAN PA SH'A RI'I BU DE JI SNYAM DU SEMS ZHES BYA BA LA SOGS PA'O, ,DE BZHIN GSHEGS PA'I GNAS PA GANG YIN PA DE LA KHYOD JI SNYAM DU SEMS SHING RTOGS, ,GAL TE SHES NA SMROS SHIG CES BRJOD PA NI DE BZHIN GSHEGS PA ZHES BYA BA LA SOGS PA'O, 'ON KYANG KHYED NYID LA KLAN KA BTZAL BAR BYA STE, ZHES LE'U DANG POR BRJOD PA GANG YIN PA DE 'DIS BSGRUBS PA YIN NO ZHES GZUNG BAR BYA'O, ,GNAS PA'I SGRA JI LTA BA BZHIN YIN NA SKYON DU 'GYUR RO SNYAM PA'I BSAM PAS LAN SMRAS PA NI TSE DANG LDAN PA RAB 'BYOR CES BYA BA LA SOGS PA'O, ,BCOM LDAN 'DAS RGYAL PO'I KHAB LA SOGS PAR @86A *, ,BZHUGS PA MA YIN NAM, JI LTAR NA GANG DU YANG GNAS PA MA YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS TSE DANG LDAN PA RAB 'BYOR ZHES BYA BA LA SOGS PA GSUNGS SO, ,THUGS NI MI GNAS PA STE ZHES BYA BA NI GANG GI PHYIR BYANG CHUB MNGON PAR RDZOGS PAR SANGS RGYAS NAS CHOS RNAMS DE KHO NA NYID DU MA GZIGS PAS 'DI LA GNAS PA'I THUGS SEMS NYID MI MNGA' BAS DE BZHIN GSHEGS PA'I THUGS NI MI GNAS PA YIN PA DE'I PHYIR DMIGS PA'I TSUL GYIS CIL YANG GNAS PA MA YIN NO ZHES SNGA MA DANG SBYAR RO, ,DE NYID BSTAN PA'I PHYIR DE NI ZHES BYA BA LA SOGS PA GSUNGS PA YIN TE, 'DUS BYAS ZHES BYA BA NI 'DOD PA'I KHAMS LA SOGS PAR RO, ,'DUS MA BYAS ZHES BYA BA NI DE BZHIN NYID LA SOGS PAR RO, ,DE LA MI GNAS PA NI DA KHO NA NYID DU DNGOS PO MA DMIGS PA'I PHYIR RO, ,DE LAS BZHENGS PA YANG MA YIN NO ZHES BYA BA NI DER MI GNAS PA YANG YIN TE, YUL MED PA LA DGAG PA MED PA'I PHYIR RO, ,KUN RDZOB TU NI BCOM LDAN 'DAS BZHUGS PA'AM MI BZHUGS PAR BTAGS PA YIN NO ZHES 'DOD DO, ,DE LTAR NA KHO BO CAG GIS KYANG DON DAM PAR MNGON PAR ZHEN PA BKAG NAS KUN RDZOB TU NI JI LTAR KHYOD KYIS BRJOD PA LTAR DE LA GNAS PA THAMS CAD BRJOD PAR BYA BA YIN PA DES NA RNAM PA THAMS CAD DU GNAS PAR MI 'THAD PA MA YIN NO, ,ZHES LAN SMRAS PA NI, TSE DANG LDAN PA SH'A RI'I BU ZHES BYA BA LA SOGS PA'O, ,DE BZHIN DU ZHES BYA BA NI BSHAD MA THAG PA'I RIM PAS ZHES BYA BA'I THA TSIG GO, ,DE NYID RNAM PA DBYE BA'I PHYIR CI LTAR ZHES BYA BA LA SOGS PA GSUNGS PA YIN TE, GNAS PA MA YIN PA NI SKAD CIG MA'I MI RTAG PA'I DNGOS PO MED PA'I PHYIR RO, ,MI GNAS PA YANG MA YIN PA NI YUL MED PA LA DGAG PA MED PA'I PHYIR RO, ,MI MTHUN PAR GNAS PA NI RGYUN GYI MI RTAG PA'I DNGOS PO MED PA'I PHYIR MI 'DRA BAR GNAS PA RJES SU THOB PA MA YIN PA'O, ,MI MTHUN PAR MI GNAS PA MA YIN PA NI DE BZHIN DU DGAG BYA MED PA'I PHYIR RO, ,'DIS DE LTAR BSLAB PAR BYA STE ZHES BYA BA NI SBYOR BA'I GNAS SKABS SU'O, ,DE BZHIN DU GNAS PAR BYA'O DE LTAR BSLAB PAR BYA'O ZHES BYA BA NI @86B DNGOS GZHI'I SKABS SU STE, 'DIS DE LTAR BSLAB PAR BYA'O ZHES SNGA MA DANG 'BREL TO, ,MI GNAS PA'I TSUL GYIS LEGS PAR GNAS PAR BYA'O ZHES BYA BA NI SGYU MA'I SKYES BU BZHIN DU MNGON PAR ZHEN PA MED PA'I TSUL GYIS KHYAD PAR CAN GYI RTOGS PA THOB PAR LEGS PAR GNAS PA YIN PA STE 'DIS DE LTAR BSLAB PAR BYA'O ZHES DE 'DIR YANG 'BREL BA NI 'JUG GI GNAS SKABS SU YIN NO, ,DE LTAR RTOGS PA RGYA CHER BSTAN NAS MJUG BSDU BA BRJOD PA NI 'DI LA ZHES BYA BA LA SOGS PA'O, ,DES CIR 'GYUR ZHE NA, DE LTAR SLOB PA ZHES BYA BA LA SOGS PA SMRAS TE, DE LTAR BSGOMS PAS RTOGS PA'I CHOS KYI MCHOG GI BDAG NYID CAN GYI SHES RAB KYI PHA ROL TU PHYIN PA'I GNAS PAS GNAS PA YIN LA, DE NYID KYIS NA YID LA BYED PA 'DI DANG MI 'BRAL BAR 'GYUR PA'O, ,YIN NO ZHES BYA BA NI RAB TU BYED PA RDZOGS PA'I DON TO, ,NGAG GI DON NI 'DI YIN TE, GANG GI PHYIR DE BZHIN GSHEGS PAS BYANG CHUB MNGON PAR RDZOGS PAR SANGS RGYAS NAS DE KHO NA NYID DU NA CHOS GANG YANG MA DMIGS PA DE'I PHYIR DNGOS PO 'DI DAG SGYU MA'I RANG BZHIN KHO NA SNANG BA YIN NO ZHES TSAD MAR GYUR PA'I SKYES BUS MA GZIGS PA'I GTAN TSIGS KYIS 'THAD PA'I MI DMIGS PA BSGOMS PAS RGYAS PA RGYUN DU ZHUGS PA'I 'BRAS BU DANG, ZHUGS PA LA SOGS PA BCU LA MNGON PAR ZHE NA PA'I TSUL GYIS GNAS PAR MI BYA'O ZHES DE LTAR BSGOM PAR BYA'O ZHES BYA BA YIN NO, ,DE SKAD DU YANG, SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,CI'I PHYIR ZHE NA SANGS RGYAS KYIS, ,MI KHYEN NAS CHOS RNAMS MA GZIGS PHYIR, ,ZHES GSUNGS PA YIN NO, ,NYAN THOS KYI LAM GYI 'OG TU RANG SANGS RGYAS KYI LAM BRJOD PAR RIGS PA YIN NA YANG, GANG GIS DE DAG GI LAM GZHAN DU 'GYUR PA NYAN THOS RNAMS LAS DE DAG CI LTAR KHYAD PAR DU 'PHAGS SNYAM PA'I DOGS PA BSU NAS, RE ZHIG KHYAD PAR DU 'PHAGS PAR SGRUB PA'I DON DU BRJOD PA NI, DE NAS 'KHOR DE'I NANG NAS ZHES BYA BA LA SOGS PA'O, ,GANG YIN PA DE DAG CES BYA BA NI TSIG PHRAD BSDUS PA NYID KYIS NA SNGON THOS PA GANG YANG RUNG @87A *, ,BA ZHES BYA BA'I THA TSIG GO, ,GNOD SBYIN GYI SGRA ZHES BYA BA NI GNOD SBYIN DE RNAMS KYI RANG GI BRDAR GRANGS PA'I SGRA'O, ,TSIG NI SGA BSDUS PA'O, ,GTAM DU BYAS PA NI JI TZAM GYIS BRJOD PAR 'DOD PA'I DON YONGS SU RDZOGS PA STE, DAG CHEN PO ZHAS BYA BA'I THA TSIG GO, ,RAB TU BRJOD PA NI GTAM GYI SGO DE DANG DE NAS DRIS PA DANG LAN GYI TSIG TU SMRA PA'O, ,DE DAG SMRA BA NI SHES PAR RUNG GI ZHES BYA BA NI BRDA'I DBANG GIS BRJOD PA NA DE DAG DON DANG BCAS PAR RTOGS PA'O, ,GNAS BRTAN TSE DANG LDAN PA RAB 'BYOR GANG CI SMRA ZHING BRJOD PA DANG ZHES BYA BA LA SOGS PA LA, LUNG LAS NYAN THOS RNAMS NI GZHAN GYIS BSTAN PA LA LTOS NAS RANG GI BYANG CHUB RTOGS PA DE ZHES BYA BA YIN LA, RANG SANGS RGYAS NI SNGON THOS PA LA SOGS PA MNGON PAR 'DUS BYAS PAS GZHAN GYIS BSTAN PA LA MI LTOS PAR RANG GI BYANG CHUB MNGON PAR RTOGS PAR 'GYUR TE; DE'I PHYIR DE DAG LA SANGS RGYAS LA SOGS PAS BSTAN MI DOGS SO ZHES BYA BA NI KHYAD ZHUGS PA NYID CIG YIN NO, ,GANG GI PHYIR DE LTAR YIN PA'I RGYU DES NA RANG SANGS RGYAS KYI DBANG DU BYAS NAS BSHAD PA LA SOGS PA GANG YIN PA DE NI DON DANG BCAS PAR MI SHES SO ZHES BYA BA NI NGAG GI DON YIN NO, ,'CHAD CING ZHES BYA BA LA SOGS PA'I DON NI BSHAD ZIN TO, ,YANG NA GSOL BA BTAB NAS STON PA NI 'CHAD PA'O, ,DRIS NAS LAN DU SMRA BA NI RAB TU BRJOD PA'O, ,DE GNYI GA GDUL BYA RMONGS PA RNAMS KYI DBANG DU BYAS NAS 'CHAD PA NI STON PA'O, ,BAG MED PA RNAMS KYI DBANG DU BYAS NAS SONG STE CHED DU BRJOD PA NI NYE BAR STON PA'O, ,LHA'I BU RNAM NI RTOG PA'I 'DI NI DE BZHIN GSHEGS PA'I MTHU LAS GYUR BA YIN PAR SHES PAR BYA STE, GZHAN DU NA RANG SANGS RGYAS LAS BRTZAMS TE, 'PHAGS PA RAB 'BYOR CI YANG ME SMRA NA DE RNAMS RTOG PA SKYE BAR JI LTAR 'GYUR, CHUL BZHIN DU RTOGS PA YIN NO ZHES RJES SU GNANG BA'I DON DU LHA'I BU DAG SHES PAR MI RUNG NGO ZHES BYA BA LA SOGS PA YIN TE, SHES PAR MI RUNG NGO ZHES GANG SMRAS PA NI LEGS PAR SMRAS SO ZHES BYA BA NI LHAG MA'O, ,LAN GNYIS SMOS PA NI, NGO MTSAR DANG NI RTZOD PA DANG, ,KHROD DANG ZHUM DANG NGES GZUNG @87B DANG, DAD DANG DGA' BA DAG LA NI, ,TSIG GCIG LAN GNYIS BRJOD PAR BYA, ,ZHES BRJOD PAS CI RIGS PAR NGO MTSAR DANG NGES PAR GZUNG BA LA SOGS PA YIN PAR GZUNG NGO, ,JI LTAR NA LEGS PAR SMRAS PA YIN ZHE NA, 'DI LTAR ZHES BYA BA LA SOGS PA GSUNGS TE, GANG GI PHYIR NYAN PA PO 'BYANG BA MED PA'I NGAG SMRA NA JI LTAR SMYON PA MA YIN, ZHES BYA BA'I TSUL GYIS NI, RANG RTOGS PA'I CHOS RNAMS KYI DON DU BRJOD PA LA SOGS PA CUNG ZAD KYANG 'DIR THOS PA MED DO, ,DE PAS NA DE DAG GI DON DU BSHAD PA LA SOGS PA GANG YIN PA DE NI DON DANG BCAS PAR MA SHES SO ZHES BYA BA DE LEGS PAR BRJOD PA YIN NO, ,NYAN THOS RNAMS NI TSIG TU SMRA BA DANG BCAS PA'I CHOS STON PAS GZHAN DAG DGE BA LA 'JUG PAR BYED PA YIN PAS NYAN PA PO RNAMS KYIS SGRAS BRJOD PA'I SGO NAS 'CHAD PA PO'I RTZAL RTOGS PAR BYED PA YIN NA RANG SANGS RGYAS RNAMS NI SHES BYA'I SGRIB PA'I PHYOGS GCIG GZUNG PA'I RNAM PAR RTOG PA SPANGS PAS RANG GIS 'THOB PA'I YE SHES LA SOGS PA'I MTHUS SGRAR BRJOD PA MED PAR CHOS STON PAS GZHAN DAG DGE BA BCU LA SOGS PA LA 'JUG PAR BYED DO, ,DE'I PHYIR DE DAG GI YE SHES GZHAN GYIS MI RTOGS PA NYID KYIS ZAB PAS KHYAD ZHUGS PA GNYIS PA YIN NO, ,DE LTAR BYAS PAS 'DI LA DE'I YE SHES KYI RANG BZHIN BSTAN PAR BYA BA'I PHYIR TSIG GI BDAG NYID CAN 'BRAS BU'I RTAGS BSHAD PA LA SOGS PA YANG 'DIR CUNG ZAD KYANG SMOS PA STE, DE MIN RANG BZHIN LAS LDOG PA'I, ,DNGOS PO TZAM ZHIG RAB BSGRUB PHYIR, ,BSHAD PA MED DO, ,GANG GI PHYIR DE LTA YIN PA'I GTAN TSIGS DE'I PHYIR NA YANG SHES PAR MI NUS SO ZHES BYA BA LEGS PAR SMRAS PA YIN NO, ,RANG SANGS RGYAS RANG BYUNG RNAMS NI BDAG NYID RTOGS PA'I PHYIR GZHAN GYIS BSTAN PA DON MED DO ZHES BYA BA DE LTA BU'I RANG BZHIN GYI RNAM PAR RTOG PA'I LAN BTAB PA'I SGO NAS 'PHAGS PA RAB 'BYOR 'DIS SPONG PA NYID DO SNYAM DU KHO BO CAG SEMS PA YIN NA, 'DI LTAR DE MA BSAL BAR GZHAN YE SHES ZAB PA NYID RJOD PAR BYED DO SNYAM DU LHA'I BU RNAMS BRJOD PA NI KYI MA 'PHAGS PA RAB 'BYOR 'DIS GSAL BAR BYED PAR 'GYUR RO ZHES BYA BA LA SOGS PA'O, ,AE MA'I SGRA NI NGES PAR GZUNG BA LA'O, , @88A *, ,GANG ZAG LA BDAG MED PAR RTOGS PA LAS BYUNG BA NYID KYIS NA MU STEGS PA RNAMS KYI SPYOD YUL MA YIN PA'I PHYIR NYAN THOS KYI SHES RAB NI RING BA ZHES BYA'O, ,DE LAS CHES RING DU ZHES BYA BA NI DBANG PO RTUL PO NYID YIN PAS NA NYAN THOS RNAMS KYI SPYOD YUL MA YIN PA'I PHYIR RANG SANGS RGYAS KYI YE SHES SO, ,PHRA BA ZHES BYA BA NI NYON MONGS PA'I SGRA BA SPANGS PA'I 'BRAS BU NYID KYIS NA NYAN THOS KYI SHES PA'O, ,DE LAS KYANG SHES BYA'I SGRIB PA'I PHYOGS GCIG GZUNG BA'I RNAM PAR RTOG PA SPANGS PAS RANG SANGS RGYAS KYI YE SHES NI CHES PHRA BA'O, ,GZHAN GYIS BSTAN PA'I RNAM BA BCU DRUG GIS RAB TU PHYE BA NYID KYIS NA NYAN THOS KYI SHES PA NI ZAB PA'O, ,DE BAS KYANG CHES ZAB PA NI RANG GIS RTOGS PA'I RKYEN NYID 'DI PA TZAM GYIS RAB TU PHYE BA 'DI PA RANG SANGS RGYAS KYI YE SHES SO, ,MDO SDE GZHAN DAG LAS KYANG DGE BA BCU'I LAS KYI LAM 'DI DAG NYID RANG GIS MNGON PAR RTOGS PA DANG; RKYEN NYID 'DI PA ZAB MO KHONG DU CHUD PAS RANG SANGS RGYAS KYI YE SHES 'GRUB PAR BYED PA YIN NO ZHES GSUNGS SO, ,PHYOGS DE LA GNAS PA'I PHYIR 'JUG PA YIN NO, ,DE NYID BRJOD PA NI STON CING 'CHAD DO SNYAM MO ZHES BYA BA'O, ,DE SKAD DU YANG, RANG BYUNG BDAG NYID RTOGS PA'I PHYIR, , GZHAN GYIS BSTAN YANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES BYA BA GSUNGS SO, ,'BRAS BU'I RTAGS TSIG MED PAS GANG GIS YE SHES ZAB MO 'GRUB PAR 'GYUR PA, CHOS STON PAR 'GYUR PA YANG YIN LA MI SMRA BA YANG YIN PAR JI LTAR 'GYUR ZHES KYANG BRJOD PAR MI BYA STE, GANG GI PHYIR RNAM PAR MA BRTAGS RNAMS PAR MA DPYAD PAR TSIG TU MI SMRA BAS BRJOD PA NI RNAM PAR G-YENG PA YIN NO, ,DE PAS NA CHOS STON PA SMRA BA YANG G-YENG BA SGRUB BAR BYED PA YIN LA, RNAM PAR G-YENG BAS KYANG RGYUD SHAS CHER 'KHRUG PAR BYED DO SNYAM DU DGONGS PAS, SANGS RGYAS BCOM LDAN 'DAS SNGON BYANG CHUB SEMS DPAR GYUR PA NA 'DI LTAR BDAG GIS SANGS RGYAS NYID THOB NAS YID BZHIN GYI NOR BU LTAR TSIG TU SMRA BA MED PAR YANG SEMS CAN GYI DON BYED PAR NUS PAR GYUR CIG CES SMON LAM BTAB PA YIN LA, SANGS RGYAS DANG @88B MTSUNGS PAR YANG RANG SANGS RGYAS RNAMS KYIS KYANG DE LTAR BTAB PA YIN NO, ,DE SA NA DE RNAMS KYANG RANG GI BYANG CHUB RTOGS PA'I GNAS SKABS NA SNGON GYI SMON LAM LA SOGS PA'I MTHUS DON GANG LA RNAM BA GANG LTAR GANG GIS NYAN PAR 'DOD PA DE'I RNAM PAR SHES PA LA RNAM PA DE NYID KYIS SGRA MED PAR YANG DON DE SNANG BAR 'GYUR PAS SGRA MED PAR CHOS STON PA ZHES BYA'O, ,MDO SDE GZHAN DAG LAS KYANG RANG SANGS RGYAS RNAMS LUS KYIS CHOS STON PA DANG, DE BZHIN DU BRGYA BYIN LA YANG YID KYIS TSIGS SU BCAD PAS LAN BTAB PA ZHES BYA BA LA SOGS PA GSUNGS PA YIN NO; ,DE SKAD DU YANG, GANG GANG DON NI GANG LA, ,JI LTA JI LTAR NYAN 'DOD PA, ,DE DANG DE LA SGRA MED KYANG, ,DON DE DE LTA DE LTAR SNANG, ,ZHES BYA BA GSUNGS PA YIN NO, ,DE LTAR KHYAD PAR BSTAN NAS GZHAN DU NA RGYU KHYAD PAR CAN MA YIN NA 'BRAS BU KHYAD PAR CAN MI 'THAD PAS NA, KHYAD PAR DU 'PHAGS PA RNAMS KYI LAM NI KHYAD PAR DU 'PHAGS PA KHO NA YIN NO ZHES RANG SANGS RGYAS KYI LAM RNAL MA NYID BRJOD PA LA NI, LHA'I BU DAG DE LTA BAS NA ZHES BYA BA LA SOGS PA'O, ,GANG GI PHYIR LHA'I BU KHYED NYID KYIS RING BA LAS KYANG CHES RING DU 'JUG GO ZHES BYA BA LA SOGS PA SMRAS PA'I GTAN TSIGS DE NYID KYI PHYIR GZHAN PA 'DI DAG KYANG SHES PAR GYIS SHIG CES BYA BA NI LHAG MA STE, DE LTAR NA KHO BO SHIN TU RING BAS KYANG RING BA LA SOGS PAR 'JUG PAR 'GYUR RO ZHES BYA BAR 'DOD PA YIN NO, ,THOB PAR 'DOD PA NI MNGON SUM DU BYED PAR 'DOD PA'O, ,GNAS PAR 'DOD PA NI MI G-YENG PAR GYUR PAR 'DOD PA'O, ,DES BZOD PA 'DI LA MA BRTEN PAR ZHES BYA BA NI GANG ZAG DES CHOS LA NGES PAR RTOGS PA'I BZOD PA'I YUL CAN LAM SHES PA 'DI LAM BRTEN PAR SRID PA MA YIN TE, DE LTA MA YIN NA RTOGS PA MI 'THAD PA'I PHYIR RO; ,'DIS KYANG LAM SHES PA NYID LAM THAMS CAD KYI YUL CAN DU BRJOD PA YIN NO, ,RANG SANGS RGYAS KYI LAM GYI SKABS YIN PA LAS KHYAD PAR STON PA NI 'DI SKAD CES RANG SANGS RGYAS RNAMS KYI KHYAD PAR DU 'PHAGS PA'I LAM GANG YIN PA DE NI GZUNG PA'I RNAM PAR RTOG PA NYID @89A *, ,SPANGS PAS DE'I RANG BZHIN CAN LAM SHES PA YIN PAR NI MA ZAD KYI 'O NA KYANG NYAN THOS LA SOGS PA'I LAM GYI RANG BZHIN YANG YIN NO ZHES BRJOD PA YIN NO, ,DE BZHIN DU SBYAR RO ZHIS BYA BA NI, DES BZOD PA 'DI LAM BRTEN PAR MI 'GRUB PO ZHES BYA BA'I TSIG LAN CIG PHYIR 'ONG BA'I 'BRAS BU THOB PAR 'DOD PA LAS SOGS PA'I TSIG GSUM LA BSGRE BAR BYA'O ZHES BYA BA'I THA TSIG GO, ,GZUNG BA'I RNAM PAR RTOG PA KHO NA SPANGS PA ZHES BRJOD PAS 'DZIN PA'I RNAM PAR RTOGS PA MA SPANGS PAR BSTAN PA YIN LA DE YANG, GZUNG BA MED NA DER 'DZIN MED, , CES BYA BA'I TSUL GYIS RIGS PA MA YIN NO SNYAM DU RTOGS PA LA, GNAS BRTAN RAB 'BYOR 'DI LA CHOS NYAN PA JI LTA BU ZHIG CES BYA BA LA SOGS PA SMOS PA YIN TE, JI LTA BU ZHES PA'I SGRA NI RNAM PAR RTOG PA STE, JI LTA BU'I 'DZIN PA'I RNAM PAR RTOG PA DANG LDAN PA ZHIG RANG SANGS RGYAS KYI THEG PA'I CHOS KYI SNOD DU GYUR PA'I CHOS NYAN PA PO YIN TE, RANG BZHIN JI LTA BU ZHIG RANG SANGS RGYAS SU GZUNG BAR BYA ZHES BYA BA'I DON TO, ,LAN GDAB PA'I PHYIR LHA'I BU DAG KHO PO LA CHOS NYAN PA NI ZHES BYA BA LA SOGS PA SMRAS SO, ,BSAM PA NI 'DI YIN TE, RANG GI MTSAN NYID KYI DNGOS PO YOD NA DE 'DZIN PAR BYED PA RNAMS PAR RTOGS PA MED PA'I SHES PA RANG GI MTSAN NYID SKYE ZHING DE MED PAR MA YIN PA ZHES BYA BA GANG YIN PA 'DI NI DNGOS PO'I CHOS NYID YIN NA, THOG MA MED PA'I DUS CAN GYI GZUGS LA SOGS PA 'DZIN PAR BYED PA'I RNAM PAR RTOG PA'I SHES PA 'GAGS BZHIN PAS 'PHANGS PA'I RANG GI RGYUD KYI BAG CHAGS SAD BA LAS SKYES BA'I PHYIR, 'DZIN PA'I RNAM PAR RTOG PA LA NI GZUNG BA'I RNAM PAR RTOG PA YOD PA KHO NA LA SKYE BA YIN NO ZHES BYA BA'I NGES PA 'DI YOD PA MA YIN NO, ,DE PAS NA SGYU MA'I RANG BZHIN DANG SBRUL PA'I DNGOS PO DANG MTSUNGS PA NYID DU GYUR PA DE DAG NI PHYIN CI LOG TU SNANG BA'I RANG BZHIN, 'DZIN PA'I RNAM PAR RTOG PA DANG 'BREL BA YIN PA'I PHYIR RANG SANGS RGYAS 'DZIN PAR BYED PA NYID DU 'DOD PAR BYA BA YIN NO, ,'DI LTA BU'I RNAM PAR RTOG PAS BZUNG BA'I YUL 'DZIN PA YIN BZHIN DU YANG JI @89B LTAR BRDZUN PA YIN SNYAM PA'I DOGS PA DE CI'I PHYIR ZHE NA, ZHES BYA BAS BSU NAS, 'DI LTAR ZHES BYA BA LAS SOGS PA SMRAS SO, ,RANG SANGS RGYAS DE DAG NI MNYAM PAR MA BZHAG PA DANG MNYAM PAR GZHAG PA'I GNAS SKABS SU GO RIMS BZHIN DU NYAMS PAR MI 'GYUR MNGON DU BYED PAR MI 'GYUR RO, ,RNA 'DZIN PA'I RNAM PAR RTOG PA'I RNAM PAS ZHES BYA BA NI LHAG MA STE, RNAM RTOG DNGOS MI SNANG PHYIR DANG, ,NYE BAR BSLAD PAS SLU PA'I PHYIR, ,ZHES BSAMS PA'O, ,TSUL 'DIS NI 'DZIN PA'I RNAM PAR RTOG PA MA SPANGS SU ZIN KYANG RANG SANGS RGYAS RNAMS KYI LAM GYI NGO BO YIN PAR BSHAD DO, ,SGYU MA DANG SPRUL BA LTA BU ZHES BYA BAS RNAM PA 'GA' ZHIG GIS 'DRA BA TZAM DU BRJOD PA'I PHYIR NA SEMS CAN RNAMS SGYU MA'I RANG BZHIN NYID YIN PA BSAL BA YIN NO ZHES ZHAR LA BYUNG BA'I RNAM PAR RTOG PA'I DON SMRAS PA NI, 'PHAGS PA RAB 'BYOR YANG CI ZHES BYA BA LA SOGS PA'O, ,CI SEMS CAN DE DAG SGYU MA LTA BU YIN GYI, DE DAG PHYIN CI LOG GI RANG BZHIN SGYU MA MA YIN NAM, DE PAS NA SEMS CAN YANG DAG PAR YOD PAR BSHAD PAS LEGS PAR BSTAN PA MA YIN NO SNYAM PA LA, LHA'I BU DAG SEMS CAN DE DAG NI SGYU MA LTA BU ZHES BYA BA LA SOGS PAS LAN BRJOD DO, ,'DI SNYAM DU SGYU MA NI GLANG PO CHE LA SOGS PA'I GZUGS JI LTA BA BZHIN 'JIM PA'I DUM BU LA SOGS PA LAS THA DAD PAR MA DMIGS PA YIN PA'I PHYIR GZHAN MA YIN NO, ,GZHAN MA YIN PA YANG MA YIN TE, SNGAGS LA SOGS PAS MA BSLAD PA'I MIG CAN RNAMS KYIS 'JIG PA'I DUM BU LA SOGS PA RNAMS DE LTA BUR MA DMIGS PA'I PHYIR RO, ,DES NA DE NYID DANG GZHAN DAG TU BRJOD PAR BYA BA MA YIN PA NYID KYIS DNGOS PO'I CHOS LAS 'DAS PA'I PHYIR GANG ZAG LA SOGS PA DANG 'DRA BAR YANG DAG PAR YOD DO ZHES SMRA BAR NUS PA MA YIN NO; ,BYIS PA'I BAR LA MNGON SUM DU GRUB PAS NYAMS SU MYONG BA'I YUL DU GYUR PA'I PHYIR RNAM PAR RTOGS PA LA SOGS PA DANG 'DRA BAR KUN RDZOB TU MED DO ZHES BYA BAR NGES PAR BYA BAR NUS PA YANG MA YIN NO, ,DE PAS NA GANG DANG GANG RTEN CING 'BREL BAR 'BYUNG BA YIN PA DE NI DON DAM PAR YOD PA NGANG MED @90A *, ,PA'I THA SNYAD LAS 'DAS PA'I RANG BZHIN YIN TE, DPER NA SGYU MA LTA BU'O, ,SEMS CAN LA SOGS PA'I DNGOS PO 'DI DAG KYANG DE LTA BU NYID YIN NO ZHES BYA BA RANG BZHIN GYI GTAN TSIG KYIS RAB TU GRAGS PA'I DON 'GA' ZHIG LA BRTEN NAS, MA GRAGS PA'I DON LA BSGRUB PAR BYA BA YIN PAS SGYU MA'I DPE DANG 'DRA BAR BYAS SO, ,RIGS PA NI SEMS CAN DE DAG KYANG SGYU MA'I RANG BZHIN CAN KHO NA YIN TE, DE BAS NA YANG DAG PAR NA SEMS YOD PAR BSHAD PA CI YANG MED DO, ,SGYU MA LTA BU RMI LAM LTA BU ZHES BYA BA'I TSIG GNYIS NI SANG BA DANG MA SAD PA'I GNAS SKABS KYI YUL GYI DBYE BAS GSUNGS PA YIN NO, ,GNYIS SU MED DE ZHES BYA BA NI NGO BO NYID GCIG PA'O, ,DE NYID CI LTAR YIN ZHE NA, GNYIS SU BYAR MED DO ZHES BYA BA GSUNGS TE, GNYIS SU BYA BA DU MA NYID GANG LA YOD PA MA YIN PA DE LA DE SKAD CES BRJOD DE, THAMS CAD NYE BAR BSDUS PAS KHYAB BA 'JUG PA'I PHYIR RO, ,ZHES 'DOD DO, ,DE'I NGAG GI DON 'DI YIN TE, GANG GI PHYIR BRDZUN PA'I NGO BO NYID YIN PAS SEMS CAN DE DAG SGYU MA LTA BU YIN PA DES NA SGYU MA DANG SEMS CAN DAG NI GNYIS SU MED DE GNYIS SU BYAR MED DO, ,DE BZHIN DU GANG GI PHYIR RMI LAM LTA BU YIN PA DE'I PHYIR, RMI LAM DANG SEMS CAN DE DAG NI GNYIS SU MED DE GNYIS SU BYANG MED DE, ,KHYAD PAR DE NYID BSTAN PA'I PHYIR, LHA'I BU DAG CHOS THAMS CAD KYANG ZHES BYA BA LA SOGS PA SMOS TE, 'DI NI BSDUS PA'I GNAG YIN NO, ,RNAM PAR DBYE BA'I PHYIR SMRAS PA NI RGYUN DU ZHUGS PA YANG ZHES BYA BA LA SOGS PA'O, ,DE LTAR KHYAB BA BSTAN PA NA BCOM LDAN 'DAS SGYU MA LTA BU YIN NA YON TAN GYI RNAM PA THAMS CAD PHUN SUM TSOGS PA'I RGYU JI LTAR YIN ZHES SMRAS PA NI, 'PHAGS PA RAB 'BYOR YANG DAG PAR RDZOGS PA'I SANGS RGYAS KYANG ZHES BYA BA LA SOGS PA STE, YANG DAG PAR RDZOGS PA'I SANGS RGYAS NI SKU'I DE BZHIN GSHEGS PA'O, ,LAN SMRAS BA NI, LHA'I BU DAG MYA NGAN LAS 'DAS PA YANG ZHES BYA BA LA SOGS PA'O, ,GANG DU MYA NGAN LAS 'DAS PA YANG ZHES BYA BA KHYAD PAR DU 'PHAGS PA'I CHOS KYI SKU GNYIS SU MED PA'I @90B YE SHES KYI RANG BZHIN YANG SGYU MA DANG RMI LAM LTA BU YIN NO ZHES SMRA BA DER CHOS GZHAN PA GZUGS KYI SKU LA SOGS PA MI SMRA 'AM CI, 'ON KYANG SMRA BA KHO NA'O ZHES BYA BA'I DON TE, ,DGAG BA GNYIS KYIS RNAL MA'I DON STON PA'I PHYIR RO, ,GANG GI PHYIR JI SKAD DU BSHAD PA'I RANG BZHIN CAN GYI BCOM LDAN 'DAS KHO NA MNGON DU PHYOGS PAR BYAS NA YON TAN THAMS CAD PHUN SUM TSOGS PA'I RGYU YIN GYI, GZHAN DU NA TSAD MA DANG 'GAL BA'I RANG BZHIN YIN PA'I PHYIR PHYIN CI LOG YIN NO ZHES BYA BAR BSAMS PA'O, ,DNGOS PO LA MNGON PAR ZHEN PA SHIN TU TSABS CHE BA'I PHYIR BDEN PA'I CHOS LAM RTOGS SO ZHES SLAR YANG SMRAS PA NI, 'PHAGS PA RAB 'BYOR MYA NGAN LAS 'DAS PA YANG ZHES BYA BA LA SOGS PA'O, ,GZHAN DU NA MU STEGS CAN DANG 'DRA BAR PHYOGS GCIG PA'I STONG PA NYID YOD PAS DNGOS POR KHAS BLANGS PA'I PHYIR GROL BA MI 'THAD DO ZHES BYA BA'I BSAM PA DANG LDAN PAS LAN SMRAS PA NI LHA'I BU DAG KHO BO NI ZHES BYA BA LA SOGS PA'O, ,GAL TE ZHES BYA BA NI KHAS LEN PA'O, ,DE ZHES BYA BA'I SGRA NI TSIG GI PHRAD DO, ,'DI SKAD DU STON TO, MYA NGAN LAS 'DAS PA LAS CHES KHYAD PAR DU 'PHAGS PA'I CHOS MI SRID MOD KYI, DE LTA NA YANG KHAS BLANGS TE SMRA BA NI, GAL TA MYA NGAN LAS 'DAS PA LAS KHYAD DU 'PHAGS PA'I CHOS GZHAN ZHIG YOD KYANG DE'I TSE CHOS DE YANG SGYU MA LA SOGS PA DANG 'DRA'O ZHES SMRA'O, ,DE YANG 'PHAGS PA KLU SGRUB KYI ZHAL SNGA NAS KYIS, ,DNGOS POR KHAS LEN YOD NA NI, ,'DOD CHAGS ZHE SDANG MI BZAD 'BYUNG, ,LTA BA MA RUNGS YONGS SU 'DZIN, ,DE LAS BYUNG BA'I RTZOD PAR GYUR, ,DE NI LTA BA KUN GYI RGYU, ,DE MED NYON MONGS MI SKYE STE, ,DE PAS DE NI YONGS SHES NAS, ,LTA DANG NYON MONGS YONGS SU 'BYANG, ,GANG GIS DE SHES 'GYUR ZHE NA, ,RTEN CING 'BREL 'BYUNG MTHONG BA STE, ,RTEN NAS SKYE BA MA SKYES ZHES, ,YANG DAG MKHYEN PA'I MCHOG GIS GSUNGS, ,ZHES BSHAD PA YIN NO, ,DE LTAR NA ZHES BYA BA LA SOGS PA MJUG BSDU PA NI DON GO PAS MA BRIS SO, ,ZHAR LA 'ONGS PA BSTAN NAS, DA NI RTEN GYI SGO NAS KYANG RANG @91A *, ,SANGS RGYAS KYI LAM KHYAD PAR DU 'PHAGS PAR BSTAN PAR BYA BA'I PHYIR 'DRI BA NI, TSE DANG LDAN PA RAB 'BYOR CES BYA BA LA SOGS PA GSUNGS PA YIN TE, GZUNG BA DANG 'DZIN PA'I RNAM PAR RTOG PA DAG GO RIMS BZHIN DU SPANGS PA DANG MA SPANGS PA DE LTA BU'I TSUL GYIS RANG SANGS RGYAS KYI LAM GYI BDAG NYID CAN GYI SHES RAB KYI PHA ROL TU PHYIN PA 'DI LTAR BSTAN PA 'DI DAG LA RIGS JI LTA BU DANG LDAN PA'I GANG ZAG SU DAG YANG DAG PAR 'DZIN PAR 'GYUR DE BZHIN GSHEGS PA'I BYIN GYI RLABS KYIS DON RIG PAS NA, ,'PHAGS PA KUN DGA' BO 'CHAD PAR BYED PAS SMRAS PA NI, TSE DANG LDAN PA DAG CES BYA BA LA SOGS PA'O, ,PHYIR MI LDOG PA ZHES BYA BA NI NGES PAR 'BYED PA'I CHA RTOGS PAS RANG BYANG CHUB LAS PHYIR MI LDOG PA'O, ,DE NYID NI RANG GI BYANG CHUB MNGON PAR 'DOD PA YIN PAS NA BYANG CHUB SEMS DPA'O, ,LUS KYIS CHOS STON PAS SANGS RGYAS MI 'BYUNG BA'I SANGS RGYAS KYI ZHING DU SEMS CAN RNAMS KYI DON BYED PA'I BSAM PA DANG LDAN PAS NA SEMS DPA' CHEN PO'O, ,LTA BA PHUN SUM TSOGS BA ZHES BYA BA NI SHES RAB KYI LTA BA BAR MA DANG YANG DAG PAR LDAN PA'O, ,DGRA BCOM PA ZAG PA ZAD PA ZHES BYA BA NI RANG GI MTHONG BA'I LAM GYI SGRIB PA SPANGS PA NYID KYIS NA MCHOD PAR 'OS PA'O, ,TSIG 'DI GSUM GYIS NI BYANG CHUB LA GO RIMS BZHIN DU YANG DAG PAR BSGRUBS PA'I RIGS DANG, CHOS NYID KYIS THOB PA'I RIGS DANG, ,DE NYID LA NGES PA'I RIGS KYI GANG ZAG CES BSHAD PA YIN NO; ,SAM ZHES BYA BA'I SGRA NI THAMS CAD DU RNAM PAR RTOG PA PHAN TSUN DU LTOS PA YIN PAR BLTA'O, ,YANG 'PHAGS PA RAB 'BYOR GYIS RNAM PA GZHAN DAG TU BSTAN PAR BYA BA'I PHYIR TSE DANG LDAN PA DAG CES BYA BA LA SOGS PA SMOS SO, ,RANG SANGS RGYAS SO SOR BYANG CHUB RTOGS PA NI RANG GI LAM NYE BAR BSTAN PA SNGON DU 'GRO BA CAN YIN NA YANG 'DZIN PA SU YANG MI 'BYUNG BA JI LTAR YIN SNYAM PA'I DOGS PA DE CI'I PHYIR ZHEN ZHES BYA BAS BSU NAS, SMRAS PA NI 'DI LA ZHES BYA BA LA SOGS PA'O, ,'DI LA ZHES BYA BA NI RANG SANGS RGYAS KYI LAM RTOGS PA'I DUS SU STE, GZHAN GYIS BSTAN @91B ME DGOS PA'I PHYIR RANG NYID KYI SA RTOGS PA'I RANG SANGS RGYAS KYI ZHES BYA BAR DGONGS PA'O, ,MDOR BSDUS TE BRJOD PAS DON RGYA CHEN PO BSTAN PA'I SGO NAS DON GANG YANG MA SMOS PA'O, ,RGYA CHER BRJOD PAS DON BSDUS PA GSAL BAR BYAS PA'I SGO NAS YONGS SU SNANG BAR MA BYAS PA'O, ,JI LTAR GNAS PA'I RANG BZHIN BSTAN PA'I SGO NAS RAB TU MA BZHAG PA'O, ,NYE BAR BSDU PAR BYA BA'I PHYIR DE BAS NA ZHES BYA BA LA SOGS PA SMRAS TE, ,DE'I PHYIR DON MED PA'I RGYU GANG KHO NAS SMOS PA LA SOGS PA MA BYAS BA RGYU DE KHO NAS YANG DAG PAR 'DZIN PA SU YANG MI 'BYUNG STE, BSTAN BYA NYID MED PA'I PHYIR RO ZHES BYA BAR BSAMS PA'O, ,JI LTAR SPRUL PA'I ME TOG RNAMS RANG BZHIN MED DU ZIN KYANG YUL NGES PA LA SOGS PA'I RANG BZHIN MA BRTAGS NA NYAMS DGA' BA NYID SONG BA DE BZHIN DU DNGOS POR GYUR PA'I GZHI MED NA YANG RTOGS PA'I CHOS SO SOR NGES PA THOB PA YIN NO ZHES BSTAN PAR BYA BA'I PHYIR GZHI'I DBANG DU BYAS PA SBRUL PA'I ME TOG GI RNAM PA NYE BAR DGOD PAR BYA BA'I PHYIR, DE NAS LHA'I DBANG PO BRGYA BYIN ZHES BYA BA LA SOGS PA GSUNGS TE, CHOS KYI RNAM GRANGS 'DI BSTAN PA LA ZHES BYA BA NI, RANG SANGS RGYAS KYI LAM DGE BA BCU LA SOGS PA'I CHOS KYI RANG BZHIN CAN GYI RANG SANGS RGYAS KYI CHOS KYI RNAM GRANGS 'DI'O, ,BDAG GIS KYANG ZHES BYA BA NI NGES PAR BZUNG BA STE, MCHOD PA'I DON KHO NAR ZHES BYA BA'I THA TSIG GO, ,MNGON PAR SPRUL TE ZHES BYA BA NI SGOM PA'I STOBS KYIS BSKYED PA'O, ,SEMS BSKYED PA'I RJES THOGS KHO NA LA DE BZHIN DU BYAS PAR GYUR TO ZHES BYA BA NI, DE NAS LHA'I DBANG PO BRGYA BYIN GYIS ZHES BYA BA LA SOGS PA'O, ,MNGON PAR GTOR TO ZHES BYA BA NI MNGON PAR PHYOGS PAS GTOR PAR GYUR PA'O, ,LHA'I DBANG PO BRGYA BYIN LA RJES SU BRJOD PA'I PHYIR ZHES BYA BA LA, RJES SU ZHES BYA BA'I SGRA NI MTSON PA'I DON TE, DE DANG 'BYOR PAS DBANG PO'I SGRA LA LAS KYI BYED PA'I TSIG TU BYAS PA'O, ,'DI SKAD STON PA YIN TE, BRGYA BYIN GYIS SMRAS PA'I DUS KYI RJES LA SBRUL PA'I ME TOG GI DE KHO NA NYID BSHAD PA'I ZUR GYI RTEN GYI NGO BO BSTAN PAR BYA BA'I PHYIR, 'CHAD PAR 'GYUR BA'I DON GYI RJES SU BYED PAS 'DI SNYAM DU SEMS PAR GYUR TO, ,'DI DAG NI ZHES BYA BA NI DA @92A *, ,LTAR NYAMS SU MYONG PAR GYUR BA'O, ,SUM CU RTZA GSUM SMOS PA NI RANG GI GNAS YIN PA'I PHYIR TE, DE YANG RANG GI DMIGS PA RUNG BA'I YUL NYE BAR MTSON PA YIN NO, ,SNGON MTHONG BA NI SNGON NYAMS SU MYONG BA'O, ,CI ME TOG 'DI DAG THAMS CAD SNGON CHAD YOD PAR MA MTHONG NGAM ZHE NA, LHA RNAMS KYI DBANG PO BRGYA BYIN GYIS MNGON PAR GTOR BA'I ZHES BYA BA LA SOGS PAS SO, ,GAL TE DE LTA YIN NA 'O NA RANG BZHIN CI ZHIG YIN ZHE NA, ME TOG 'DI DAG NI SBRUL PA'O ZHES BYA BA SMRAS SO, ,'DI DAG STON TE NGAS DMIGS PAR RUNG BA'I YUL RNAMS NA YONG PAR SNGON CHAD MTHONG BAR GYUR PA MA YIN NO, ,MTHONG BA'I LAM LAS 'DAS PA'I YUL NAS KYANG KHYER TE 'ONGS PA YANG MA YIN TE, DE LTA BU'I NUS PA MED PA'I PHYIR RO, ,DE BAS NA ME TOG 'DI DAG NI YID KYIS SPRUL PA'I RANG BZHIN NO, ,DE NYID BSHAD PAR BYA BA'I PHYIR 'DI LTAR ZHES BYA BA LA SOGS PA SMRAS TE, DE LA SHING ZHES BYA BA NI ME TOG DANG 'BRAS BU DANG LDAN PA'O, ,GEL PA NI MA LI KA LA SOGS PA'O, ,'KHRI SHING NI AA TI MUG TA KA LA SOGS PA'O, ,SANGS RGYAS KYI MTHUS RTOGS PA SKYES PA SHES PA'I PHYIR LAN SMRAS PA NI, 'PHAGS PA RAB 'BYOR ZHES BYA BA LA SOGS PA'O; ,YID LA SNANG BAR GYUR ZHING DU YANG CI LTAR NA MA SKYES PA YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, YID LA SKYES PA ZHES BYA BA LA SOGS PAS, GANG GI PHYIR DE KHO NA NYID DU NA YID LAS SKYES PA'I ME TOG GANG YANG MED DE, GZUNG PA DANG 'DZIN PA'I DNGOS PO NI BRDZUN PA NYID YIN PA'I PHYIR RO, ,ZHES BYA BA NI TSIG LHAG MA'O, ,SHING LA SOGS PA LAS SKYES PAR GYUR PA MA YIN TE, KHYED NYID KYIS BKAG PA'I PHYIR RO, ,ME TOG 'DI DAG NI MA SKYES PA STE ZHES BYA BA'I TSIG GIS NI ME TOG RNAMS KYI RANG GI NGO BO NI MA BKAG GI ,SKYE BA BKAG PA YIN PAS DE LTA NA NI RTAG PA NYID DU KHAS BLANGS PA YIN LA, DE YANG RIGS PA MA YIN NO ZHE NA, KOO SHI KA ZHES BYA BA LA SOGS PA SMRAS TE, 'KHRI SHING LAS SKYES PA ZHES BRJOD KYANG BRJOD PAR MI BYA'O ZHES BYA BA NI LHAG MA'O, ,CI'I PHYIR ZHE NA, KOO SHI KA GANG MA SKYES PA NI ZHES BYA BA LA SOGS PA SMRAS TE, @92B GANG GI PHYIR GANG MA SKYES PA DE NI ME TOG KYANG MA YIN TE, RTAG PA NI RIM GYIS SAM CIG CAR DAG GIS DON GYI BYA BA DANG BRAL BA'I PHYIR RANG GI NGO BO MI SRID DO ZHES BYA BAR 'DOD DO, ,DE LA GZUNG BA'I RNAM PAR RTOG PA SPANGS PAS NI RANG SANGS RGYAS KYI RTOGS PA NYAN THOS LAS KHYAD PAR BYAS BA YIN NO, , 'DZIN PA'I RNAM PAR RTOG PA MA SPANGS PAS NI RANG SANGS RGYAS RNAMS LAS BLA NA MED PA'I SANGS RGYAS KHYAD PAR DU BYAS PA YIN NO, ,RTEN GYIS KYANG RTOGS PA'I RGYU YIN PAS NA KHYAD PAR DU 'PHAGS PA'I RANG SANGS RGYAS KYI LAM NA JI SKAD DU BSHAD PA'I NYAN THOS KYI BDEN PA BZHI'I RNAM PA MI DMIGS PAR BSGOMS PAS DNGOS PO JI LTA BA BZHIN DU RTEN CING 'BREL PAR 'BYUNG PA DANG RJES SU MTHUN PAR BYANG CHUB SEMS DPAS YONGS SU SHES PAR BYA BA MA YIN NO, ,DE SKAD DU YANG, GZUNG BA'I RTOG PA NYAMS PHYIR DANG, ,'DZIN PA MA SPANGS PHYIR DANG NI, ,RTAN GYIS BES RU LTA BU'I LAM, ,YANG DAG BSDUS PAR SHES PAR BYA, ,ZHES GSUNGS PA YIN NO, ,NGES PAR 'BYED PA'I CHA DANG MTHUN PA RTOGS NAS JI SKAD DU BSHAD PA'I RANG SANGS RGYAS KYI LAM SKYE PAS, NGES PAR 'BYED PA'I CHA DANG MTHUN PA BSTAN PA'I PHYIR, AE MA'O 'PHAGS PA RAB 'BYOR NI ZHES BYA BA LA SOGS PA SMOS TE, RTEN GYI DE KHO NA NYID BSTAN PAS DRO BA'I DON STON PA'I PHYIR SHES RAB ZAB BA'O, ,MING DANG TSIG TU BTAGS PA NI RNAM PAR SHES PA LA SOGS PA'I PHUNG POR BTAGS PA'O, ,THOS PA LAS BYUNG PA'I SHES PA'I DON DU GZHUNG DANG DON BRJOD PAS NA STON PA'O, ,KUN RDZOB TU KHAS BLANGS PA DANG MI 'GAL BAS CHOS NYID DANG YANG 'GAL PAR MI BYED DO, ,BSAM PA'I RANG BZHIN GYI SHES PA'I DON DU RIGS PAS BRTAN PAR BYED PAS NA GSAL PAR BYED PA'O, ,SGOM PA'I RANG BZHIN GYI SHES PA'I DON DU BSAM GTAN GYI RIM PA NYE BAR STON PA'I PHYIR NYE BAR STON PA'O, ,'DI SKAD DU GZUGS LA SOGS PA BRDA LAS BYUNG BA'I CHOS BTAGS PA DANG MI 'GAL PAR CHOS NYID RTOGS PA'I PHYIR NA, DE LTAR CHOS THAMS CAD LA DMIGS PAR GYUR NA DRO BAR GYUR BA SKYE BO ZHES SPRUL BA'I ME RTOG GI RANG BZHIN BSHAD PA NYID KYIS STON PAR BYED @93A *, ,PA'I PHYIR SHES RAB ZAB PA YIN NO ZHES BRJOD PA YIN NO, ,DE SKAD DU YANG, BTAGS PA'I CHOS NYID MI 'GAL PAR, ,STON PA'I RNAM PA DRO GYUR BA, ,ZHES GSUNGS PA YIN NO, ,RANG GI RNAM PAR RTOG PA RANG NYID KYIS NGES PAR BYAS NAS KHAS BLANGS PA DE NI 'PHAGS PA RAB 'BYOR DE DE BZHIN NO ZHES BYA BA LA SOGS PA SMRAS PA YIN TE, DE BZHIN DU 'DI LA BSLAB PAR BYA'O ZHES BYA BA NI SPRUL PA LAS SKYES PA'I ME TOG DANG 'DRA PAR RANG SANGS RGYAS KYI LAM LA BSLAB PAR BYA'O, ,LEGS PAR SMRAS PA NYID KYIS RJES SU 'DOD PAR BYA BA'I DON DU, KOO SHI KA RE DE BZHIN NO ZHES BYA BA LA SOGS PA GSUNGS SO, ,DE LAS CIR 'GYUR ZHE NA, KOO SHI KA DE LTAR SLOB NA ZHES BYA BA LA SOGS PA SMRAS TE, DMIGS PA'I TSUL GYIS GANG DU YANG MI SLOB BO ZHES BYA BA NI SPYI'I DON YIN NO, ,GANGS 'DI DAG LA ZHES PA NI BRGYAD PA LA SOGS PA'I RNAMS LA'O, , SANGS RGYAS NYID DANG THAMS CAD MKHYEN PA NYID NI NYON MONGS PA DANG SHES BYA'I SGRIB PA SPANGS PA'I DBYE BAS TSIG GNYIS SMOS PA YIN TE, DE LA SLOB PA NI PHYIN CI MA LOG PAS SLOB NA NGES PAR DE BZHIN GSHEGS PA NYID THOB PA'I PHYIR RO, ,SANGS RGYAS NYID LA SLOB PA YANG CHOS THAMS CAD YONGS SU SHES PA SNGON DU 'GRO PA CAN YIN PAS, GANG SANGS RGYAS NYID DANG ZHES BYA BA LA SOGS PA GSUNGS PA YIN NO, ,ZHAR LA 'ONGS PA BRJOD NAS, DRO BA'I 'OG TU RTZE MO'I DON LA SLOB PA YIN NO ZHES BRJOD PA NI, GANG SANGS RGYAS KYI CHOS GZHAL DU MED PA LA ZHES BYA BA LA SOGS PA'O, ,'PHEL PAR NI NYE BAR SOGS PA'O, ,'GRIB PA NI BRI BA'O, ,'DI SKAD DU, GZUNGS LA SOGS PA LA DON DAM PAR 'GRIB PA DANG 'PHEL PA MED PA LA SOGS PA'I DON DU SLOB PA'I PHYIR DE BZHIN DU CHOS THAMS CAD LA DMIGS NA RTZE MOR GTOGS PA SKYE PAR 'GYUR RO ZHES BRJOD PA YIN NO, ,DE SKAD DU YANG, RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,ZHES GSUNGS PA YIN NO, ,RTZE MO'I 'OG TU BZOD PA'I DON DU BSLAB PAR BYA BA YIN PAS, GANG GZUGS 'PHEL PAR BYA BA DANG 'GRIB PA ZHES BYA BA LA SOGS PAS SMRAS PA YIN @93B TE; YONGS SU GZUNG BA NI BDAG GIR BYAS PA'O, ,DOR BA NI SPANGS PA'O, ,DE'I DON DU NANG LA SOGS PA'I STONG PA NYID KYI STOB SKYIS MI SLOB PO ZHES BYA BA'I THA TSIG GO, ,STONG PHRAG NYI SHU LNGA BA LAS KYANG, GZUGS NAS RNAM PA THAMS CAD MKHYEN PA NYID KYI BAR DU NANG STONG PA NYID NAS DNGOS PO MED PA'I NGO BO NYID STONG BA NYID KYI BAR YIN PA'I PHYIR YONGS SU MI GZUNG BA NYID DO ZHES GSUNGS PA YIN NO, ,DE SKAD DU GZUGS LA SOGS PA NANG DANG PHYI LA SOGS PA'I STONG BA NYID YIN PA'I PHYIR YONGS SU MI 'DZIN PA LA SOGS PA'O ZHES DE LTAR CHOS THAMS CAD LA DMIGS NA BZOD PA SKYE BAR 'GYUR RO ZHAS BRJOD PA YIN NO, ,DE SKAD DU YANG, NANG STONG NYID LA SOGS PA YIS, ,GZUGS SOGS MI 'DZIN PHYIR BZOD PA, ,ZHES GSUNGS PA YIN NO, ,BZOD PA'I 'OG TU CHOS KYI MCHOG GI DON DU SLOB PA YIN PAS, ,CHOS 'GA' ZHIG CES BYA BA LA SOGS PA SMRAS PA YIN TE, YONGS SU GZUNG BA ZHES BYA BA NI 'DIS YONGS SU 'DZIN PAS NA YONGS SU GZUNG BA STE, SGRUB PA DANG DGAG PA'O, ,DE NYID BSTAN PA NI SKYE BA DANG NUB PAR BYA BA'I PHYIR ZHES GSUNGS PA YIN NO, ,CHOS 'GA' ZHIG CES BYA BA NI SBYIR BRJOD DU ZIN KYANG SKYE BA SPANG BAR BYA BA'I RANG BZHIN KHO NA 'DZIN PA YIN NO SNYAM DU SKYE BO RMONGS PA'I DOGS PA BSAL PAR BYA BA'I PHYIR, CHOS 'GA' ZHIG YONGS SU GZUNG BA ZHES BYA BA LA SOGS PA SMOS TE, THAMS CAD MKHYEN PA NYID KYANG ZHES BYA BA NI SANGS RGYAS KYI SA LA YANG STE, THAMS CAD MNGON PAR ZHEN PA NI 'CHING PA YIN NO ZHES BYA BA RAB SAMS PA'O, ,JI SKAD DU BSHAD PA LA BSLABS PA LA YON TAN CI ZHIG YOD CE NA, DE LTAR ZHES BYA BA LA SOGS PA SMRAS SO, ,'DI SKAD DU, GZUGS LA SOGS PA LA SKYE BA DANG, MED PA LA SOGS PA'I RNAM PA RNAMS KYIS SLOB PAS, DE LTAR CHOS THAMS CAD LA DMIGS NA CHOS KYI MCHOG TU 'GYUR RO ZHES BRJOD PA YIN NO, ,DE SKAD DU YANG, GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,CES GSUNGS PA YIN NO, ,DE KHO NAR CHOS THAMS CAD DMIGS SU MED PAR RO GCIG PAS BYANG CHUB SEMS DPA'I THAMS @94A *, ,CAD MKHYEN PA NYID CES BYA BA GANG YIN ZHES ZUR GYIS 'DRI BA NI TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO GANG ZHES BYA BA LA SOGS PA SMRAS PA YIN TE, NGAG GI MTHAR SBYIN PA LA SOGS PA PHA ROL TU PHYIN PA MED PAR JI LTAR 'GYUR ZHES BYA BA NI LHAG MA'O, , YANG DAG KUN RDZOB RNAMS KYI SKAS, ,MED PAR YANG DAG KHANG BA YIN, ,STENG DU 'DZEG PAR BYED PA NI, ,MKHAS LA RUNG BA MA YIN NO, ,ZHES BYA BA'I TSUL GYIS, GTZUG NA RIN PO CHE LAS BSHAD PA'I CHOS THAMS CAD STONG PA NYID DU SBYIN PA LA SOGS PA'I 'KHOR DANG BCAS PA LA GOMS PAR BYA BA YIN NO SNYAM PA'I BSAM PA DANG LDAN PAS LAN GDAB PA'I DON DU BRJOD PA NI, TSE DANG LDAN PA SH'A RI'I BU DE DE BZHIN NO ZHES BYA BA LA SOGS PA'O, ,RANG SANGS RGYAS KYI DE MTHAG TU BYANG CHUB SEMS DPA' RNAMS KYI MTHONG BA'I LAM 'DI DANG PHYI MA'I YON TAN DANG LDAN PA BRJOD PAR BYA BA YIN PAS, TSE DANG LDAN PA SH'A RI'I BU ZHES BYA BA LA SOGS PA SMRAS SO, ,SHES RAB KYI PHA ROL TU PHYIN PA ZHES BYA BA NI, BYANG CHUB SEMS DPA' RNAMS KYI MTHONG BA'I LAM ZHES BYA BA'I THA TSIG GO, ,DE YANG MDOR BSDU NA 'DIR 'JIG RTEN PA'I CHOS KYI MCHOG GI RJES THOGS NYID KYIS MI DMIGS PA'I TING NGE 'DZIN DANG SHES RAB MTSUNGS PAR LDAN PA DANG BCAS PA YIN PAR SHES PAR BYA'O, ,RAB TU DBYE BA LA NI DE BZHIN DU SDUG BSNGAL LA CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA DANG, DE BZHIN DU KUN 'BYUNG BA DANG, 'GOG PA DANG LAM RNAMS LA YANG SHES PAR BYA STE, DE LTAR SEMS KYI SKAD CIG MA BCU DRUG NI MTHONG BA'I LAM MO, ,SEMS KYI SKAD CIG KYANG SHES BYA LA SHES PA SKYE BA YONGS SU RDZOGS PA YIN PAR GZUNG NGO, ,KHA CIG NA RE, DE LA SKAD CIG BCO LNGA NI, MA MTHONG MTHONG PHYIR MTHONG BA'I LAM, ,ZHES ZER PA DE NI MI RIGS TE, ,'DI LTAR SBYOR BA'I LAM DU SDUG BSNGAL GYI BDEN PA'I DBANG DU BYAS PA'I CHOS LA SNGAR RNAM PAR DPYOD PA'I DBANG DU BYAS NAS SDUG BSNGAL GYI BDEN PA LA SO SO RANG NYID SDUG BSNGAL GYI BDEN PA MNGON SUM DU NYAMS SU MYONG PA'I SHES PA ZAG PA MED @94B PA GANG GIS SDUG BSNGAL MTHONG BAS SPANG PAR BYA BA'I NYON MONGS PA SPONG BA DE NI SDUG BSNGAL LA CHOS SHES PA'I BZOD PA ZHES BYA'O, ,SHES PA GANG GIS BZOD PA'I RJES THOGS LA RNAM PAR GROL PA MNGON SUM DU BYED PA DE NI SDUG BSNGAL LA CHOS SHES PA ZHES BYA'O, ,SDUG BSNGAL LA CHOS SHES PA'I RJES THOGS LA SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA LA 'DI NI 'PHAGS PA'I CHOS RNAMS KYI RJES SU 'GRO BA YIN NO ZHES SO SO RANG GIS MNGON SUM DU NYAMS SU MYONG BA'I SHES PA ZAG PA MED PA GANG YIN PA DE NI SDUG BSNGAL LA RJES SU SHES PA'I BZOD PA ZHES BYA'O, ,SHES PA GANG GIS RJES SU SHES PA'I BZOD PA DE NGES PAR 'DZIN PA DE NI SDUG BSNGAL LA RJES SU SHES PA ZHES BYA'O, ,DE BZHIN DU BDEN PA LHAG MA RNAMS LA YANG BZOD PA DANG SHES PA DAG CI RIGS PAR SHES PAR BYA STE, SKAD CIG MA BCU DRUG PO 'DI NYID NI MTHONG BA'I LAM YIN PAR RIGS TE, SKAD CIG MA BCO LNGA NYID YIN NA NI LAM LA RJES SU SHES PA'I BZOD PA NGES PAR 'DZIN PAR MI 'GYUR RO, ,MA MTHONG PA MED PAS THA MA LAM RJES SU SHES PA'I SKAD CIG MA NI MTHONG BA'I LAM MA YIN NO ZHE NA, GAL TE DE LTA BA YIN NA SDUG BSNGAL LA SOGS PA'I BDEN PA GSUM LA YANG SNGON MED PA'I MTHONG BA MA TSANG BAS RJES SU SHES PA'I SKAD CIG MA MTHONG PA'I LAM MA YIN PA'I PHYIR SKAD CIG MA BCU GNYIS KHO NAR 'GYUR NA, DE LTAR NI KHAS MA BLANGS PAS 'DI NI GYI NA'O, ,DE SKAD DU YANG, BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,ZHES GSUNGS PA YIN NO, ,DE LA CHOS SHES PA'I BZOD PA DANG, CHOS SHES PAS NI GZUNG BA RTOGS LA, RJES SU SHES PA'I BZOD PA DANG RJES SU SHES PAS NI 'DZIN PA RTOGS PA YIN NO, ,BZOD PA DANG SHES PA THAMS CAD LA RNAL 'BYOR PA MTSAN MA MED PA'I MTSAN MAS GNAS PAR RIG PAR BYA'O, ,KHA CIG NA RE RGYU MTSANG BA MED PAR SPANG MI NUS PA'I PHYIR SDUG BSNGAL MTHONG BAS SPANG BAR BYA BA'I DUS SU KUN 'BYUNG SPONG NGO, ,DE NYID KYIS NA 'GOG PA MNGON DU BYED DO,, @95A *, ,DE YANG GZHAN DU MI 'THAD PAS LAM BSGOMS SO, ,KUN 'BYUNG LA SOGS PA LA YANG DE BZHIN TE, DE LTAR 'BRAS BU'I MNGON PAR RTOGS PA LA LTOS NAS THEG PA CHEN PO'I MTHONG BA'I LAM LA MNGON PAR RTOGS PA SKAD CIG MA GCIG YIN NO, ,BDEN PA RE RE LA YANG PHYIN CI LOG PA RNAM PAR BSAL PAS SO SOR RTOG PA'I MNGON PAR RTOGS PA'I LAM SKAD CIG MA BCU DRUG KHO NAS MNGON PAR SHES PAR BYED PAS DES NA ZHUGS PA LA SOGS PA'I RNAM PAR GZHAG PA LEGS PAR GNAS PA YIN NO ZHES ZER RO, ,GZHAN DAG LA 'JIG TSOGS LA SOGS PA'I LTA BA'I TSOGS DANG 'DOD CHAGS LA SOGS PA'I NYON MONGS PA'I TSOGS NI DNGOS PO RNAMS YANG DAG PAR KHAS LEN PA'I PHYIN CI LOG GIS KUN NAS BLANG BA YIN LA, GROL BA NI DMIGS SU MED PAR MTHONG BA LAS YIN PA'I PHYIR DE'I YONGS SU SBYOR BAR GYUR PA NYID KYIS SGOM PA LHAG MA RNAMS DE'I DON DU YIN NO ZHES JI SKAD DU BSHAD PA'I TSUL DU CHOS THAMS CAD DNGOS PO MED PA'AM STONG PA ZHES SGROM PAR BYED PA RNAMS KYI SGOM PA YONGS SU RDZOGS PA NA, DON GYI RNAG GI NGO BO GCIG ,BDAG NYID MNGON SU MA YIN PA LA, ,TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,CES BYA BA'I TSUL GYIS RNAM PA THAMS CAD KYI RANG GI NGO BO RTOGS PAR BYED PA'I SHES PA ZAG PA MED PA CHOS THAMS CAD KYI YUL CAN SKYE PAR 'GYUR RO, ,DE BAS NA SO SOR RTOG PA'I MNGON PAR RTOG PA LAS MTHONG PA'I LAM GYI MNGON PAR RTOGS PA NI SKAD CIG MA GCIG YIN NO ZHES ZER RO, ,DE LTAN NI SKAD CIG MA GCIG KHO NA LA RNAM PA THAMS CAD RTOGS PA'I PHYIR RNAM PA GZHAN DAG GIS MTHONG PA'I LAM LA SGOM PA GZHAN PA MI 'THAD PA'I PHYIR ZHUGS PA NYID LA SOGS PA'I GNAS SKABS SU JI LTAR 'GYUR ZHES NGES PAR 'BYUNG BA'I LAM LEGS PA'I RJES SU 'BRANG BA RNAMS 'DOD DO, ,GZUGS CHOS MTHUN PA MTHONG BA LAS, ,NYA PHYIS LAS DNGUL RNAM PA LTAR, ,GAL TE 'KHRUL PA'I RGYU MTSAN PHYIR, ,YON TAN GZHAN SBYOR MI BYED NA, ,DE LTAR GYUR PA ZHIG NA, GANG GI TSE 'KHRUL PA'I RGYU MTSAN 'GA' ZHIG LAS SGRO BTAGS PA'I RNAM PA GZHAN DAG YOD PA'I PHYIR, DE PHYIN CI LOG LAS BYUNG BA'I NYON @95B MONGS PA DANG BCAS PA DRUNGS NAS DBYUNG PA'I PHYIR RNAM PA GZHAN DAG GIS SGOM PA GZHAN YANG YOD PAS BRGYAD PA LA SOGS PA'I GNAS SKABS LEGS PAR GNAS PA YIN NO, ,DGONGS PA 'DI NYID KYIS NA RIGS PA'I STOBS KYIS MTHONG BA'I LAM GYI MNGON PAR RTOGS PA SKAD CIG MA GCIG YIN YANG MNGON PAR RTOGS PA SKAD CIG MA BCU DRUG NYID DU BSHAD PA YIN NO, ,DE BAS NA RNAM PAR SHES PAS RANG GI NGO BO'I RNAM PA THAMS CAD DU BZUNG BA NYID YIN NA YANG, CHA GANG LA GOMS PA GSAL PAR GYUR PA LA SOGS PAS SGRO BTAGS PA'I RNAM PA NGES PAR SEL NUS PA DE NYID LA DE'I GEGS SU GYUR PA'I SGRIB PA SEL PAS DE TSAD MA YIN GYI, GZHAN DU NI MA YIN TE, SKAD CIG MA NYID LA SOGS PA DANG 'DRA'O, ,DE LTAR NA 'PHAGS PA RNAMS SO SO'I SKYE BO RNAMS LAS KHYAD PAR CI ZHIG YOD CES KYANG BRJOD PAR MI BYA STE, RNAM PA TZAM ZHIG BSAL BAS, DE DAG GI SHES PA 'KHRUL PA'I RGYU MTSAN DANG BRAL PAR 'GYUR PA DE TZAM GYIS DE DAG KHYAD PAR DU 'PHAGS PA'I PHYIR TE, SHIN TU SPROS PAS CHOG GO ZHES BYA BA NI, GANG GIS BSTAN PA LAS RTOGS PAR BYA ZHING BSGOM PAR BYA ZHES BYA BA'I THA TSIG GO, ,DE BZHIN GSHEGS PA'I BYIN GYIS BRLABS NYID KYIS ZHAR LA 'ONGS PA'I TSIG GI DON NGES PAR BRTAGS PA LA SOGS PA'I SGO NAS 'GA' ZHIG KYANG LA LAR STON PA YOD MOD KYI, 'ON KYANG GTZO CHER BCOM LDAN 'DAS KYIS SHES RAB KYI PHA ROL TU PHYIN PA STON PAR 'PHAGS PA RAB 'BYOR KHO NA BYIN GYIS BRLABS PA YIN NO SNYAM PA'I BSAM PA DANG LDAN PAS, KOO SHI KA BYANG CHUB SEMS DPA' SEMS DPA' CHEN POS ZHES BYA BA LA SOGS PA SMOS SO, ,LE'U LAS ZHES BYA BA NI RAB 'BYOR GYIS BSTAN PA LAS SO, ,DE BZHIN GSHEGS PA'I BYIN GYIS BRLABS NYID YIN PA BRJED PA NYID KYIS 'PHAGS PA SH'A RI'I BU ZHES BYA BA LA SOGS PA SMOS SO, ,GZHAN DU NA 'PHAGS PA RAB 'BYOR GYIS NUS PA SNGA MA BZHIN DU MA MTHONG BAS SMRAS PA NI, KOO SHI KA ZHES BYA BA LA SOGS PA'O, ,DE BZHIN GSHEGS PA LA GUS BA SKYED PA DANG BDAG NYID NGA RGYAL MED PA GSAL PAR BYA BA'I PHYIR, KOO SHI KA GANG 'DI SKAD DU ZHES BYA BA LA SOGS PA SMRAS PA YIN NO, ,DE NI RNAM PAR BSHAD PAS MTHONG BA'I @96A *, ,LAM BSTAN PAR BYA BA'I PHYIR, KOO SHI KA GANG YANG 'DI SKAD DU ZHES BYA BA LA SOGS PA SMRAS TE, SHES RAB PHA ROL TU PHYIN GNYIS MED, ,YE SHES DE NI DE BZHIN GSHEGS, ,ZHES BSHAD PAS 'DIR SHES RAB KYI PHA ROL TU PHYIN PA NI DE BZHIN GSHEGS PA'O, ,RTEN CING 'BREL 'BYUNG GANG YIN PA, ,DE NYID KHYOD NI STONG PAR BZHED, ,CES BYA BA'I TSUL GYIS NA GZUGS PA LA SOGS PA'I DE BZHIN NYID NI GZUGS LA SOGS PA'I SGRAS BSHAD DO, ,RTEN DU GYUR PA YIN YANG BRJOD PAR 'DOD PA'I GZHAN DBANG GIS LNGA BAR GYUR PA YIN NO, ,DE BAS NA DON NI 'DI YIN TE, RTEN DU GYUR PA'I GZUGS LA SOGS PA'I DE BZHIN NYID LA BRTEN PA'I NGO BOR DE BZHIN GSHEGS PA BTZAL BAR MI BYA ZHING GZHAN DAG TU YANG MA YIN NO, ,'DI NI NYE BAR MTSON PA TZAM YIN PA'I PHYIR 'DI LTAR YANG SHES PAR BYA STE, DE BZHIN GSHEGS PA LA GZUGS LA SOGS PA'I DE BZHIN NYID MA YIN LA GZHAN DU YANG MA YIN NO ZHES SO, , 'DI NI STONG PHRAG NYI SHU LNGA PA LAS GSAL BA KHO NAR GSUNGS TE, KOO SHI KA GZUGS DE BZHIN NYID LA DE BZHIN GSHEGS PA MI DMIGS SO, ,DE BZHIN GSHEGS PA LA YANG GZUGS KYI DE BZHIN NYID MI DMIGS SO, ,GZUGS KYI DE BZHIN NYID LAS GZHAN NA YANG DE BZHIN GSHEGS PA MI DMIGS SO, ,DE BZHIN GSHEGS PA LAS GZHAN NA YANG GZUGS KYI DE BZHIN NYID MI DMIGS SO ZHES BYA BA LA SOGS PA'O, ,DE GNYIS LAS MA GTOGS PA'I CHOS GZHAN MED PAS GZUGS LA SOGS PA DANG GZHAN DU YANG SHES RAB KYI PHA ROL TU PHYIN PA JI LTAR BTZAL BAR MI BYA SNYAM PA'I DOGS PA DE CI'I PHYIR ZHE NA ZHES BYA BAS BSU NAS BRJOD PA NI, KOO SHI KA ZHES BYA BA LA SOGS PA'O, ,'DIR NGAG GI DON NI 'DI YIN TE, GZUGS LA SOGS PA YANG DAG PA NYID DU RTEN DU GYUR PA NI SHES RAB KYI PHA ROL TU PHYIN PA RNAMS PAR DAG PA MA YIN TE, PHYIN CI LOG YIN PA'I PHYIR RO, ,DE PAS NA GZUGS LA SOGS PA RNAM PAR DAG PA'I RTEN GYI BDAG NYID CAN NI SHIN TU RNAM PAR DAG PA'I SHES RAB KYI PHA ROL TU PHYIN PA'I RGYU KHYAD PAR DU 'PHAGS PA MA YIN PA'I PHYIR GZUGS LA SOGS PA LAS SHES RAB KYI PHA ROL TU PHYIN PA BTZAL BAR MI BYA ZHING, DE LAS LDOG PA'I CHOS GZHAN DE KHO NA LTAR PHYIN CI LOG YIN PA'I @96B PHYIR GZHAN DU YANG MA YIN GYI, 'ON KYANG GZUGS LA SOGS PA RNAMS DON JI LTA BA BZHIN MA YIN PAR KHONG DU CHUD PA NYID YIN NO ZHES BYA BA YIN NO, ,DE PAS NA 'DI SKAD DU GZUGS LA SOGS PA'I DE BZHIN NYID DANG SANGS RGYAS DAG DON DAM PAR RANG BZHIN NA GCIG PA NYID KYIS RTEN DANG BRTEN PA'I DNGOS POR MED PA DE'I PHYIR DE DAG PHAN TSUN RNAM GRANGS KYI GNAS PAR RJES SU MA RTOGS SO ZHES, DE LTAR CHOS THAMS CAD LA DMIGS PA NA SDUG BSNGAL LA CHOS SHES PA'I BZOD PA SKYE BAR 'GYUR RO ZHES BRJOD PA YIN NO, ,RNAM PA GCIG THOS PAS MGO SMOS PAS GO BA YIN PA'I PHYIR SDUG BSNGAL LA CHOS SHES PA LA SOGS BA SKAD CIG MA BZHI'I RNAM PA BSTAN PA'I PHYIR BRJOD PA NI, 'PHAGS PA RAB 'BYOR 'DI LTA STE ZHES BYA BA LA SOGS PA'O, ,YANG DAG PAR BSTAN PAS RJES SU 'DOD PA'I DON DU SMRAS PA NI, DE DE BZHIN NO ZHES BYA BA LA SOGS PA'O, ,DE DANG DE MIN RANG BZHIN CAN, ,DE DE MIN DNGOS RGYU LAS SKYES, ,ZHES BYA BA'I RIGS PAS GZUGS LA SOGS PA'I RGYU GANG YIN PA CHEN PO NYID LA SOGS PAR MI 'THAD NA DMIGS PA DE LAS SKYES PA'I SHES RAB KYI PHA ROL TU PHYIN PA GANG YIN PA CHEN PO NYID LA SOGS PAR JI LTAR 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS SMRAS PA NI, KOO SHI KA ZHES BYA BA LA SOGS PA'O, ,DE KHO NA NYID DU NA SKYE BA DANG GNAS PA DANG 'JIG PA MED PA'I PHYIR GZUGS LA SOGS PA NI CHEN PO NYID DO, ,RNAM PAR 'GYUR PA'I MTSAN NYID CAN GYI GZUGS LA SOGS PA MED PA NYID KYIS NA YONGS SU GCOD PAR BYED PA'I TSAD MAS DMIGS SU MED PA'I PHYIR TSAD MA MED PA NYID DO, ,GZUGS CAN RNAM LA NI RDUL PHRA RAB KYI BAR GYI DBYIBS TSAD YIN LA GZUGS CAN MA YIN PA LA NI MTSAN NYID TSAD YIN NO, ,GZUGS LA SOGS PA RNAMS KYI DE NAM MKHA' LTAR NGO BO NYID MED PA NYID KYIS NA DMIGS PA'I PHYIR TSAD MED BA NYID DO, ,SGYU MA DANG 'DRA BA NYID KYIS NA GZUGS LA SOGS PA SNGON GYI MTHA' DANG PHYI MA'I MTHA' MED PA'I PHYIR MTHA' YAS PA NYID DO, ,RGYU CHE BA NYID KYIS 'BRAS BU CHE BA NYID LA SOGS PA BSTAN NAS, DE LA YANG MNGON PAR ZHEN BA BSTAN PA NI 'CHING BA YIN PAS KOO SHI KA DE BZHIN DU ZHES BYA BA LA SOGS PA SMRAS TE, MNGON PAR CHAGS PAR MI BYED DO ZHES BYA @97A *, ,BA NI KUN LA SBYAR BAR BYA'O, ,DE LAS CIR 'GYUR ZHE NA, KOO SHI KA DE LTA BAS NA ZHES BYA BA LA SOGS PA GSUNGS SO, ,'DI SKAD DU GZUGS LA SOGS PA CHOS KYI DBYINGS KYI NGO BO NYID YIN PAS CHEN PO NYID DANG DE BZHIN DU DE RNAMS TSAD MA MED PA NYID DANG, SNGA MA BZHIN DU NAM MKHA' TSAD LTAR MED PA NYID KYIS NA DE RNAMS MED PA NYID DANG, GZUGS LA SOGS PA LA NGO BO NYID MED PA NYID KYIS RTAG PA DANG CHAD PA'I MTHA' GNYIS LA SOGS PA MED PAS MTHA' LAS 'DAS PA NYID DO ZHES DE LTAR CHOS THAMS CAD LA DMIGS PA NA, GO RIMS BZHIN DU SDUG BSNGAL LA CHOS SU SHES PA'I BZOD PA DANG, KUN 'BYUNG LA CHOS SU SHES PA DANG KUN 'BYUNG LA CHOS SHES PA'I BZOD BA SKYE BAR 'GYUR RO ZHES BRJOD PA YIN NO, ,MTHA' YAS PA'I DON KHO NA KUN 'BYUNG GI RNAM PA BZHI DGAG PA'I SGO NAS BSTAN PA NI, KOO SHI KA DMIGS PA MTHA' YAS PA'I PHYIR ZHES BYA BA LA SOGS PA YIN NO, ,MDOR BSTAN PA'I NGAG 'DI NYID RNAM PAR DGROL BA'I DON DU BRJOD PA NI, KOO SHI KA JI LTAR NA ZHES BYA BA LA SOGS PA'O, ,THOG MA NI SNGON GYI MTHA' STE RGYU'O, ,DBUS NI YOD PA'I DUS SU'O, ,THA MA NI PHYI MA'I MTHA' STE 'JIG PA'O, ,DE PAS NA ZHES BYA BA NI THOG MA'I MTHA' LA SOGS PA MED PA'I PHYIR RO, ,NYE BAR BSDU BA NI KOO SHI KA RNAM GRANGS 'DIS ZHES BYA BA LA SOGS PA SMRAS TE, RNAM GRANGS NI BSTAN PA'O, ,DE LTAR DANG PO'I DMIGS PA MTHA' YAS PA NYID KYIS RGYU'I RNAM PA BKAG NAS KUN 'BYUNG BA'I RNAM PA DGAG PAR BYA BA'I PHYIR DMIGS PA MTHA' YAS PA NYID BRJOD PAR BYA BA'I DON DU KOO SHI KA GZHAN YANG ZHES BYA BA LA SOGS PA SMRAS TE, SNGON GYI MTHA' DANG PHYI MA'I MTHA' DANG BRAL BA NYID KYIS MTHA' YAS PA'O, ,YOD PA'I DUS NI MTHA' GNYIS SU GYUR PAS KUN NAS YONGS SU BCAD PA'I PHYIR MUR THUG PA YIN LA, DE MED PA NI MU MED PA'O, ,DE NYID BRJOD PA NI DE RNAMS KYI THOG PA'AM ZHES BYA BA LA SOGS PA'O, ,'BRAS BU GANG ZHIG GANG GI LDOG PA DANG RJES SU 'GRO BA'I RJES SU BYED PA DE DE'I RGYU YIN PA'I PHYIR SNGON GYI MTHA' MTHONG LA, SKAD CIG MA THAM MTHONG BA RNAMS KYIS NGES PA'I PHYIR PHYI MA'I MTHA' YANG MTHONG ZHING, YOD PA @97B NYID DU SHES PA NYID KYIS NA DBUS SU NI SHIN TU YOD PA MA YIN NAM, THOG MA DANG DBUS DANG THAM DE CI LTAR MI DMIGS SNYAM PA'I DOGS PA DE CI'I PHYIR ZHE NA ZHES BYA BAS BSU NAS ZHES BYA BA NI RIG PAS RNAM PA DANG BCAS PA DANG RNAM PA MED ZHES BYA BA NI RIG PAS RNAM PA DANG BCAS PA DANG RNAM PA MED PA'I SHES PA ZHES BYA BA NI LHAG MA'O, ,RNAM GRANGS 'DIS KYANG ZHES BYA BA NI SNGAR GYI RNAM GRANGS 'BA' ZHIG TU MA ZAD KYI ZHES BYA BA'I THA TSIG GO, ,DE LTAR DMIGS PA MTHA' YAS PA RNAM PA GNYIS BSTAN NAS, SEMS CAN MTHA' YAS PA BRJOD PAR BYA BA'I PHYIR, SEMS CAN MTHA' YAS MU MED DO ZHES BYA BA SMRAS SO, ,SNGA MA BZHIN DU DE CI'I PHYIR ZHE NA ZHES DOGS PA BSU NAS SMRAS PA NI, SEMS CAN ZHES BYA BA LA SOGS PA'O, ,'DIR YANG SNGA MA BZHIN DU KHONG NAS DBYUNG NGO, ,SEMS CAN MTHA' YAS PA DANG POS NI RAB TU SKYE BA'I RNAM PA BKAG PAS BYAS PA YIN NO, ,THOG MA MED PA NAS BSAGS PA'I DNGOS BO LA MNGON PAR ZHEN PAS JI SKAD DU BSHAD PA'I SEMS CAN MTHA' YAS PA NYID MA RTOGS PA RNAMS LA SEMS CAN MTHA' YAS BA GNYIS PA BSTAN PA'I PHYIR SMRAS PA NI, 'PHAGS PA RAB 'BYOR CI LTAR NA ZHES BYA BA LA SOGS PA SMRAS PA'O, ,CI LTAR ZHES BYA BA NI SPONG BA STE SNGON GYI MTHA' LA SOGS PA MED PAS, SEMS CAN MTHA' YAS PAS SHES RAB KYI PHA ROL TU PHYIN PA MTHA' YAS PA MA YIN NO, ,'O NA CI ZHE NA, GRANGS LA SOGS PA DANG 'BREL BA'I PHYIR ZHES 'DOD DO, ,BSAM PA SHES PA NYID KYIS SMRAS PA NI, KOO SHI KA BGRANG BA ZHES BYA BA LA SOGS PA'O, ,BGRANG BA DANG MI LDAN PA'AM ZHES BYA BA NI GCIG LA SOGS PA'I BGRANG BA DE DANG LHAN CIG MI LDAN PA 'BREL BA'I MA YIN PAS NA BGRANG BA DANG MI LDAN PA ZHES YI GE AA KHONG NAS GDON TE, GRANGS LAS 'DAS PA NYID KYIS ZHES BYA BA'I THA TSIG GO, ,BGRANG BA MANG POS ZHES BYA BA NI, JI LTAR TSIG DRUG CUR PHYIN PA'I GRANGS LA GRANGS MED BA ZHES BYA BA DE BZHIN DU MTHA' MED PA'I GRANGS DANG LDAN PAS GRANGS MANG POS ZHES BYA BA'I DON TO, ,GAL TE DE DANG 'TSAM PA'I RNAM PA GNYIS KYIS KYANG SEMS CAN MTHA' YAS PA NYID DU MA GYUR NA, 'ON RNAM PA GANG GIS 'GYUR ZHES SMRAS PA NI, 'PHAGS PA RAB 'BYOR 'O @98A *, ,NA JI LTAR ZHES BYA BA LA SOGS PA'O, ,DE'I TSIG GIS BSTAN PAR BYA BA'I PHYIR SMRAS PA NI, KOO SHI KA 'DI JI SNYAM DU SEMS, ZHES BYA BA LA SOGS PA'O, ,DE BZHIN GSHEGS PA'I BYIN GYIS RLABS KYIS CHOS KYI DE KHO NA NYID KYI RANG GI NGO BO SHES PAS SMRAS PA NI, 'PHAGS PA RAB 'BYOR 'DI LTA STE ZHES BYA BA LA SOGS PA'O, ,CHOS NI RANG GI NGO BO NYID 'DZIN PA YIN PA'I PHYIR SEMS CAN ZHES BYA BA NI RANG GI NGO BO 'DZIN PA'I CHOS KYI TSIG BLA DAGS NI MA YIN NO, ,DE KHO NA NYID DU NA RGYU DANG LDAN PA'I CHOS NI YOD PA MA YIN PA'I PHYIR RO, ,YUL MED PA LA DGAG PA MED PA'I PHYIR CHOS MA YIN PA'I TSIG BLA DAGS KYANG MA YIN NO, ,DE LTAR NA SEMS CAN ZHES BYA BAR JI LTAR THA SNYAD GRAGS SHE NA, MING DU BTAGS PA 'DI NI ZHES BYA BA LA SOGS PA SMRAS SO, ,RGYU DANG KUN 'BYUNG BA DANG RAB TU SKYE BA DANG RKYEN GYI RNAM PA BKAG PA NI GLO BUR DU BYUNG BA LA SOGS PA'I TSIG BZHI YIN NO, ,BTAGS PA ZHES BYA BA NI SGRO BTAGS PA STE KUN RDZOB TU TZAM ZHES BYA BA'I DON TO, ,DE LTAR RGYU LA SOGS PA BKAG NA BRGYAL RGYU MED PA CAN GYI SEMS CAN YOD PA NYID DU GO BAR 'GYUR PAS 'DRI BA'I PHYIR SMRAS PA NI, KOO SHI KA 'DI JI SNYAM DU SEMS ZHES BYA BA LA SOGS PA'O, ,RGYU MED GZHAN LA MI LTOS PHYIR, RTAG TU YOD PA'I MED PAR 'GYUR, ,DNGOS PA RNAMS NI RES 'GA' ZHIG, ,'BYUNG BA LTOS PA LAS YIN NO, ,ZHES BYA BA'I RIGS PAS MI RTAG PA'I DNGOS POR YOD PAR SNANG BAS, 'PHAGS PA RAB 'BYOR DE LTA MA YIN NO ZHES BYA BA SMRAS SO, ,DA NI DE'I TSIG MTHA' YAS BA NYID KYI DON LA SBYOR BA'I PHYIR SMRAS PA NI KOO SHI KA GANG LA ZHES BYA BA LA SOGS PA'O, ,KUN RDZOB TZAM GANG LA DE KHO NA NYID KYI SEMS CAN 'GA' YANG BSTAN PA MA BYAS PA DE LA SEMS CAN MTHA' LAS 'DAS PA DANG GRANGS MED PA LA SOGS PA 'BREL BA CI ZHIG YOD DE, BGRANG PAR BYA BA NYID 'GA' YANG MED PA'I PHYIR RO ZHES 'DOD PA YIN NO, ,DE NYID BSTAN PAR BYA BA'I PHYIR, KOO SHI KA GAL TE ZHES BYA BA LA SOGS PA GSUNGS TE, YANG ZHES BYA BA'I SGRA NI DUS NYUNG ZAD CIG 'BA' ZHIG TU MA ZAD KYI BSKAL BA RNYED DU YANG NGO, ,MTHA' LAS 'DAS PA RNAMS PAR RIG PAR BYED PA'I DBYANGS DANG ZHES BYA BA NI, SEMS CAN GYI KHAMS MTHA' YAS PA GO @98B PAR MDZAD PA'I SGRAS SO, ,GSUNG DBYANGS ZAB MOS ZHES BYA BA NI DUS RING POR RJES SU 'BREL BAS SO, ,TSIG 'DI GNYIS NI DBYANGS ZHES BYA BA'I KHYAD PAR YIN NO, ,DBYANGS KYANG RKAN LA SOGS PA'I BYA BA YIN PAR GZUNG NGO, ,DE LA ZHES BYA BA NI KUN RDZOB TZAM LA'AM, YANG NA YON DU ZIN KYANG ZHES BYA BA'I THA TSIG GO, ,BRJOD PAR 'DOD PA'I GZHAN DBANG PHYIR, ,SGRA RNAMS GANG NA'ANG YOD YIN MED MA YIN, ,DE YOD PAS NI DON GRUB NA, ,THAMS CAD KYIS NI THAMS CAD 'GRUB, ,CES BYA BA'I BSAM PA DANG LDAN PAS 'PHAGS PA RAB 'BYOR DE NI MA YIN NO ZHES BYA BA SMRAS SO, ,SGRA DNGOS PO JI LTA BA BZHIN DU SBYOR BA'I BRJOD PAR 'DOD PA'I GZHAN DBANG NYID MA GRUB PAS NA JI LTAR NA DE LTAR MA YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS SMRAS PA NI, SEMS CAN THOG MA NAS ZHES BYA BA LA SOGS PA'O, ,THOG MA KHO NA RGYU DANG 'BREL BA LA SOGS PA'I NYES PAS MA GOS PA'I THOG MA NAS DAG PA'O, ,RGYU MED PA CAN GYI RANG GI NGO BO 'DZIN PA'I NYES PA DANG BRAL BA'I PHYIR THOG MA NAS YONGS SU DAG PA'O, ,'DI SKAD DU GANG GIS BRJOD PAR 'DOD PA'I GZHAN DBANG NYID MA GRUB PAR 'GYUR PA, RGYU DANG BCAS PA DANG RGYU MED PA SEMS CAN MED PA NYID YIN NA, SGRA DNGOS PO JI LTA BA BZHIN DU SBYOR BA ZHES BYA BA CI LTAR YIN NO ZHES BRJOD PA YIN NO, ,GZHAN DAG NI GZHAN DU 'CHAD DE, THA SNYAD KYI DON DU BRDAR BYAS PA YIN LA ZHE NA PAS NI MA YIN NO, ,THA SNYAD KYANG SBYI'I MTSAN NYID NI DNGOS PO MED PA YIN PA'I PHYIR RANG GI MTSAN NYID DU ZHE NA PA LAS YIN NO, ,DE PAS NA RANG GI MTSAN NYID GANG LA BRDAR BYAS PA DES NI THA SNYAD DU BYED PA MA YIN TE, DE NI DE'I TSE NYE BAR RJES SU SBYOR PA 'GRO BA MED PA'I PHYIR RO, ,DES NA SGRAS BRJOD PAR BYA BA'I RTOG PA'I DRI MAS MA GOS PA'I NGO BO YIN PAS NA THOG MA NAS DAG PA NYID DO, ,GANG GIS THA SNYAD DU BYAS PA DE LA YANG BRDA BYAS PA MA YIN TE, DE NI SNGAR MA MTHONG BA YIN PA'I PHYIR RO, ,DES NA DE BZHIN DU NYES PAS MGOS PA NYID KYIS NA THOG MA NAS YONGS SU DAG PA NYID DO, ,DE'I PHYIR THA SNYAD KYI DON DU DNGOS PO JI LTA BAR SGRA'I SBYOR BA MI SRID PA'I PHYIR SMRA BAR 'DOD PA'I GZHAN DBANG NYID MA GRUB PA MA YIN NO ZHES ZER RO, ,GZHAN DAG NI DE LTAR NA DE KHO NA NYID DU BRJOD BYA YIN PA NYID @99A *, ,BKAG PA YIN GYI DNGOS PO'I RANG GI NGO BO NI MA YIN NO, ,DE'I PHYIR BRJOD PA'I KUN RDZOB TU BGRANG BA LA SOGS PA DANG MI LDAN PAS SEMS CAN MTHA' LAS 'DAS PAR BSTAN PA ZHES BYA BAR 'GYUR RO, ,BRGYA PHYIN GYI BSAM PA NYID DE LTAR BSHAD DO BRJOD PAR 'GYUR RO ZHES BSAMS SO, ,RNAM GRANGS 'DIS KYANG ZHES BYA BA NI SNGAR BSHAD PA'I SEMS CAN MTHA' LAS 'DAS PA NYID KYI RNAM PA 'BA' ZHIG TU MA ZAD KYI ZHES BYA BA'I THA TSIG GO, ,RNAM PA GZHAN YOD PAR NGES PAR GZUNG BA MJUG BSDU PA'I DON DU SMRAS PA NI, KOO SHI KA DE LTAR YANG ZHES BYA BA LA SOGS PA'O, ,YANG ZHES BYA BA NI NGES BAR GZUNG PA'O; ,SEMS CAN MTHA' YAS PA GNYIS PAS RKYEN GYI RNAM PA DGAG PAR BYAS PA YIN NO, ,BCOM LDAN 'DAS KYIS CHOS BSTAN PA NI 'BRAS BU MED PA MA YIN ZHES SMRAS PA NI, DE NAS DBANG PO DANG BCAS PA'I LHA RNAMS ZHES BYA BA LA SOGS PA'O, ,TSANGS PA NI MI MJED KYI 'JIG RTEN GYI KHAMS KYI GTZO BO'O; ,SKYE DGU'I BDAG PO NI 'JIG RTEN SKYONG BA'O, ,DRANG SRONG NI SNGA TSOGS PA BSHES GNYEN LA SOGS PA'O, ,JI SKAD DU BRJOD PA'I BSTAN PAS JI TZAM DU GZUNG BA DANG 'DZIN PA'I BDAG MED PA RTOGS PA NA CHED KAR BRJOD PAS CHED DU BRJOD PA STE, RTOGS PAS DGA' BA'I CHED DU BRJOD DO ZHES SMRAS PAR GYUR TO, ,DE NYID NI AE MA'O CHOS ZHES BYA BA LA SOGS PA SMOS PA YIN TE, DGE BA'I BSHES GNYEN DU GYUR PAS BRGYA BYIN LA SOGS PAS 'PHAGS PA RAB 'BYOR LA BSTOD PA NI, DE BZHIN GSHEGS PA 'BYUNG BA ZHES BYA BA SOGS PA SMOS PA YIN TE, 'DI LAS 'BYUNG BA'AM 'DIS 'BYUNG BAS 'BYUNG BA STE MTHONG BA'I LAM MO, ,LEGS PAR SMRAS PAS ZHES BA NYES PA MED PAR SMRA BA LHUR BYED PAS, 'BREL PAS BRJOD CING, RANG GI MTSAN NYID KYIS BSTAN TE, SBYI'I MTSAN NYID KYIS BSHAD LA, DE GNYI GAS RNAM PAR GZHAG GO ZHES BYA BA'O, ,DE BZHIN GSHEGS PA'I BYIN GYIS BRLABS KYIS KUN 'BYUNG GI SKAD CIG MA GNYIS PA'I RNAM PA BSGOM PAR GYUR TO ZHES SMRAS PA NI, BCOM LDAN 'DAS ZHES BYA BA LA SOGS PA'O, ,DA SLAN CHAD CES BYA BA NI DENG NAS BRTZAMS TE ZHES BYA BA'I THA TSIG GO, ,'DI DANG ZHES BYA BA NI MTHONG PA'I LAM GYI BDAG NYID CAN DANG NGO, ,MA BRAL BA ZHES @99B BYA BA NI THOB PA LAS MNYAM PAS SO, ,GNAS PA NI MA RTOGS PA'I DON RTOGS PA'I TSUL GYIS SO, ,DE BZHIN GSHEGS PA LAGS PAR 'DZIN TO ZHES BYA BA NI, NGES PA KHO NA RE DE BZHIN GSHEGS PA'I GO 'PHANG 'THOB PA YIN NO ZHES 'DOD PA'O, ,'DI SKAD DU SHES RAB KYI PHA ROL TU PHYIN PA LA GNAS PA NI DON DAM PAR CHOS KYI DBYINGS KYI RNAG BZHIN CAN YIN PA'I PHYIR GZUGS LA SOGS PA LA DE BZHIN GSHEGS PA NYID DU NGES PAR BZUNG BA'O ZHES DE LTAR CHOS THAMS CAD LA DMIGS NA KUN 'BYUNG BA LA CHOS SHES PA SKYE BAR 'GYUR RO ZHES BRJOD PA YIN NO, ,BYANG CHUB SEMS DPAR GYUR PA'I GNAS SKABS SU SNGON DON 'DI SKU NYAMS SU BSTAR BA NYID KYIS RJES SU BZHED PAS DE DE BZHIN NO ZHES BYA BA LA SOGS PA GSUNGS PA YIN NO, ,SNGON SKU NYAMS SU BSTAR BA NYID NI LHA'I BU DAG GANG GI TSE ZHES BYA BA LA SOGS PA GSUNGS PA YIN TE, RGYAL BO'I PHO BRANG 'KHOR NI RGYAL PO'I BZHUGS GNAS SO, , TSONG 'DUS NI SRANG NGO, ,BRAM ZE'I KHYE'U ZHES BYA BA NI RIGS KYI BU ZHES BYA BA DANG 'DRA BAS NA SBYIR BOD PA'I TSIG GAM DE'I TSE NA BCOM LDAN 'DAS KYI MTSAN DE LTA BU YIN PA'O, ,MA 'ONGS PA'I DUS NI MA 'ONGS PA'I TSE NA'O, ,BSKAL BA GRANGS MED PA NA ZHES BYA BA NI GRANGS KYI TSIGS DRUG CUR PHYIN PA LA GRANGS MED PA ZHES BYA STE, GRANGS DES BCAD PA'I BSKAL BA LA ZHES BYA BA'I TSIG GO, ,SDE NA BA NYID PHUN SUM TSOGS PA'I KHYAD PAR NI SH'AKYA THUB PA ZHES BYA BA LA SOGS PA YIN TE, SH'AKYA'I RIGS SU SKYE BA BZHES PA'I PHYIR DANG, SKU DANG GSUNG DANG THUGS MI DGE BA RNAMS LAS RNAM PA THAMS CAD DU BSDAMS PA'I BDAG NYID CAN GYI THUB PA DANG LDAN PAS SH'AKYA THUB PA'O, ,THUB PA DANG LDAN PA'I STON PA PHUN SUM TSOGS PA NYID KYI BAR CHAD BYED PA LHA'I BU'I BDUD BCOM PAR STON TE, ,DANG POR DE BCOM PAS STON PA PHUN SUM TSOGS PA NYID BRNYES PA YIN PA'I PHYIR RO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHES BYA BA'I TSIG GSUM GYIS NI STON PA NYID PHUN SUM TSOGS PA STON TO, ,STON PA NYID PHUN SUM TSOGS BA DE YANG RNAM PA GNYIS TE, GSUNG BA BO NYID KYI MTSAN NYID DANG, THUGS SU CHUD PA PO NYID KYI MTSAN NYID DO, ,DE LA CHOS DE RNAMS JI LTAR GNAS PA @100A *, ,DE BZHIN DU GSUNGS PAS NA DE BZHIN GSHEGS PA ZHES BYA STE, 'DIS NI PHYIN CI MA LOG PAR CHOS STON PAR MDZAD PA NYID KYIS GSUNG BA BO PHUN SUM TSOGS PA STON TO, ,RTOGS PA PO NYID PHUN SUM TSOGS PA'I MTSAN NYID KYANG YE SHES DANG SPANGS PA PHUN SUM TSOGS PA'I DBYE BAS RNAM PA GNYIS SO, ,DE RNAMS BCOM PAS NA DGRA BCOM ZHES BYA BA 'DIS NI SPANGS PA PHUN SUM TSOGS PA GSUNGS SO, DGRA YANG DGE PA'I CHOS THAMS CAD 'JOMS PA'I DON GYIS NA 'DOD CHAGS LA SOGS PA'I NYON MONGS PA RNAMS SO, ,SPANGS PA PHUN SUM TSOGS PA 'DI SNGAR BRJOD PA NI YE SHES PHUN SUM TSOGS PA DE SNGON DU 'GRO BA CAN YIN PA'I PHYIR RO, ,YANG DAG PAR TE PHYIN CI MA LOG PAR KUN NAS CHOS RNAMS THUGS SU CHUD PAS YANG DAG PAR RDZOGS PA'I SANGS RGYAS ZHES BYA STE, 'DIS NI YE SHES PHUN SUM TSOGS PA GSUNGS PA YIN TE, CHOS THAMS CAD PHYIN CI MA LOG PAR MKHYEN PA'I YE SHES THUGS SU CHUD PA YIN PA'I PHYIR RO, ,DE LTAR NA CHOS THAMS CAD PHYIN CI MA LOG PAR STON PAR MDZAD PA NYID DANG, NYON MONGS PA THAMS CAD SPANGS PA DANG, CHOS THAMS CAD RNAM PA THAMS CAD DU THUGS SU CHUD PAS NI BCOM LDAN 'DAS KYI STON PA PHUN SUM TSOGS PA THUN MONG MA YIN PA YONGS SU RDZOGS PAR BRJOD PA YIN NO, ,'DI LTAR NYON MONGS PA THAMS CAD MA SPANGS PAS NA PHYI ROL PA RNAMS LA NI PHYIN CI MA LOG PAR CHOS STON PA NYID YOD PA MA YIN TE, DE BAS NA 'DI DAG NI YANG DAG PA'I STON PA MA YIN NO, ,NYAN THOS DANG RANG SANG RGYAS NI NYON MONGS PA THAMS CAD SPANGS PAS YANG DAG PA'I STON PA YIN DU ZIN KYANG CHOS THAMS CAD RNAM PA THAMS CAD DU KHONG DU MA CHUD PA'I PHYIR RNAM PA THAMS CAD PA'I STON PA MA YIN NO, ,BCOM LDAN 'DAS JI SKAD DU BSHAD PA'I TSUL GYIS YANG DAG PA'I STON PA DANG RNAM PAR THAMS CAD PA'I STON PA YIN NO ZHES BSTAN PA YIN NO, ,STON PA NYID DU PHUN SUM TSOGS PA DE GANG GIS THOB PA DE STON PA NI RIG PA DANG RKANG BAR LDAN PA ZHES BYA BA YIN NO, ,'DIS NI STON PA NYID PHUN SUM TSOGS PA 'THOB PA'I RGYU STON PA YIN NO, ,DE LA RIG PA NI YANG DAG PA'I LTA BA'O, ,YANG DAG PA'I RTOG PA LA SOGS @100B PA'I YAN LAG LHAG MA RNAMS NI RKANG BA STE GANG GI PHYIR YANG DAG PA'I LTA BAS DE KHO NA NYID GZIGS NAS YANG DAG PA'I RTOG PA LA SOGS PA ZHABS SU GYUR PAS BZHUD PA YIN GYI, GZHAN DU NAM MTHONG BA DANG RKANG BA MED PA NI 'GRO BAR MI NUS SO ZHES BYA BA DGONGS SO, ,DE GNYIS DANG LDAN PA NI BCAS PA'O, ,YANG NA LHAG PA'I SHES RAB KYI BSLAB PA NI RIGS PA'O, ,LHAG PA'I SEMS DANG LHAG PA'I TSUL KHRIMS KYI BSLAB PA NI RKANG BA STE, SHES RAB KYI SNGON DU YONGS SU SBYOD PAR GYUR PA NYID KYIS RKANG PA YIN TE 'GRO PAR BYED PA YIN PAS SO, ,RIG PA SNGAR SMOS PA NI DE YONGS SU DAG PAS TSUL KHRIMS DANG TING NGE 'DZIN YONGS SU DAG PA'I PHYIR RO, ,SHES RAB DE MIG DANG 'DRA BA DES GZIGS TE TSUL KHRIMS DANG TING NGE 'DZIN DE GNYIS KYIS RKANG BA LTAR BZHUD NA, BGROD PAR BYA BA'I GNAS SU PHYIN PA YIN PA'I PHYIR RIG PA DANG RKANG BA'I PHYIR RIG PA DANG RKANG BA'I SGRAS BSLAB PA GSUM STON TO, ,STON PA PHUN SUM TSOGS PA RNAM PA GNYIS PO DE YANG CI 'DRA BA ZHIG YIN PA DE NI BDE BAR GSHEGS PA ZHES BYA BA 'DIS BSTAN TO, ,'JIG RTEN LAS 'DAS PA'I LAM GYI YE SHES DANG SPANGS PA PHUN SUM TSOGS PA MDZES PAR GSHEGS PAS NA BDE BAR GSHEGS PA STE GZUGS BZANG PO ZHES BYA BA DANG 'DRA'O, ,YANG NA SLAR MI LDOG PAR LEGS PAR GSHEGS PAS NA BDE BAR GSHEGS PA STE RIMS NAD LEGS PAR BYANG BA DANG 'DRA'O, ,YANG NA MA LUS PAR GSHEGS PAS NA BDE BAR GSHEGS PA STE BUM PA LEGS PAR GANG BA DANG 'DRA'O, ,DON GSUM PO 'DI DAG NI PHYI ROL PA'I 'DOD CHAGS DANG BRAL BA DANG, SLOB DANG, MI SLOB PA RNAMS LAS KHAD PAR DU BYA B'AI DON DU YIN NO, ,'DI LTAR PHYI ROL GYI 'DOD CHAGS DANG BRAL BA RNAMS NI BDAG TU PHYIN CI LOG PAS MDZES PAR 'GRO BA MA YIN NO, ,SLOB PA RNAMS NI 'KHOR BAR YANG SKYE BA LEN PAS LEGS PAR 'GRO BA MA YIN NO, ,MI SLOB PA RNAMS NI YANG SHES BYA THAMS CAD LA SHES PA'I GEGS YOD PAS MA LUS PAR 'GRO BA MA YIN NO, ,STON PA NYID PHUN SUM TSOGS PA 'DI'I PHRIN LAS NI RNAM PA GNYIS LAS, DANG PO 'JIG RTEN SKAL BA DANG LDAN PA SKAL BA MED PA RNAMS @101A *, ,LA GZIGS PA'I PHRIN LAS STON PA NI 'JIG RTEN RIG PA ZHES BYA BA YIN TE, SKAL BA DANG LDAN PA DANG SKAL BA MED PA'I 'JIG RTEN YONGS SU MKHYEN PA'I PHYIR NA, 'DI LA 'JIG RTEN RIG PA ZHES BRJOD DO, ,'DI LTAR STON PA BCOM LDAN 'DAS NI SANGS RGYAS KYI SBYAN GYIS SU NI RGUD SU NI DAR ZHES BYA BA'I RNAM PAS NYIN LAN GSUM MTSAN LAN GSUM DU GZIGS PA YIN NO, ,GNYIS PA SKAL BA DANG SKAN PA RNAM SA 'DUL BA'I PHRIN LAS NI SKYES BU 'DUL BA'I KHA LO SGYUR BA BLA NA MED PA ZHES BYA BA YIN TE, SKAL BA DANG LDAN PA DANG SKAL BA MED PA'I 'JIG RTEN RNAMS LA GZIGS NAS SKYES BU GANG KHO NA BCOM LDAN 'DAS GDUL BYA GDUL BAR 'OS PA 'AM 'DUL BAR NUS BA SKAL BA DANG LDAN PA DE 'DUL BAR MDZAD CING, DE RNAMS KYI KHA LO SGYUR BAR GYUR PA'I PHYIR RO, ,'DUL BA NI 'KHOR LOS SGYUR BAR GYUR PA STE LAM MA YIN PA LAS BZLOG NAS YANG DAG PA'I LAM LA 'JOG PAR BYED PA NYID DANG YON TAN GYI KHYAD PAR SKYED PA NYID KYIS NA RTA LA SOGS PA'I KHA LO SGYUR BA DANG 'DRA'O, ,BLA NA MED PA SMOS PA NI KHA LO SGYUR BA KHYAD PAR DU BYED PA'I DON TO, ,'DOD CHAGS DANG ZHE SDANG DANG GTI MUG DANG NGA RGYAL SHAS CHE BA 'PHAGS PA MDZES DGA' PO DANG SOR PHRENG DANG STENG RGYAS 'OD SRUNG DANG RGYAL PO CHEN PO KA PI NA LA SOGS PA GDUL BYA'I SKYE BO KHA CIG GDUL DKA' BA YIN YANG 'DUL BAR MDZAD PA YIN NO ZHES BSTAN PAR BYA BA'I PHYIR RO, ,SKAL BA DANG LDAN PA'I PHRIN LAS DE YANG GANG LA GNAS PA DE STON PA NI LHA DANG MI RNAMS KYI STON PA ZHES BYA BA YIN NO; ,BCOM LDAN 'DAS MTHO RIS DANG THAR BA'I LAM STON PAR MDZAD PAS KHYAD PAR MED PAR SEMS CAN THAMS CAD KYI STON PA YIN MOD KYI, ,DE LTA NA YANG GANG LA 'PHAGS PA'I BDEN PA BSTAN PA DANG DGE SBYONG GI 'BRAS BU 'THOB PAR GDAMS PA DE LA BCOM LDAN 'DAS KYI STON PA'I PHRIN LAS DON JI LTA BA BZHIN DU STON PA GTZO CHER GNAS PA YIN LA DE'I SNOD KYANG LHA DANG MI RNAMS YIN PAS DE'I PHYIR LHA DANG MI RNAMS KYI STON PA ZHES GSUNGS PA YIN NO, ,YON TAN GYI BDAG NYID CHE BA 'DI DAG GANG LA MNGA' BA DE NI SANGS RGYAS BCOM LDAN 'DAS ZHES BYA BAS @101B RANG GI NGO BO BSTAN PA YIN NO, ,DE LA DNGOS PO'I DON MA LUS PAR THUGS SU CHUD PAS MCHOG TU GYUR PA'I BLO MNGA' BAS NA SANGS RGYAS SO, ,RNAM PA DGUS BLO MCHOG TU GYUR PA YIN TE THAMS CAD MKHYEN PA'I YE SHES DANG, LHUN GYIS GRUB PA'I YE SHES DANG, BSTAN MI DGOS PA'I YE SHES DANG, NYON MONGS PA'I SGRIB PA BAG CHAGS DANG BCAS PA SPANGS PA'I YE SHES DANG, SHES BYA'I SGRIB PA MA LUS PAR SPANGS PA'I YE SHES DANG, SEMS CAN GYI DON MDZAD PAR RNAM PA SPANGS PA'I YE SHES DANG, SEMS CAN GYI DON MDZAD PAR RNAM PA THAMS CAD DU SBYOD PA DANG, THUGS RJE PHUN SUM TSOGS BA DANG, MI ZAD PA PHUN SUM TSOGS PA DANG, ZLA MED PA NYID PHUN SUM TSOGS PA'O, ,DBANG PHYUG PHUN SUM TSOGS PA DANG LDAN PAS NA BCOM LDAN 'DAS SO, ,LHA'I BU DE RNAMS DE BZHIN GSHEGS PA'I MTHUS KUN 'BYUNG GI SKAD CIG MA GSUM PA'I RNAM PA RTOG PAR GYUR TO ZHES BRJOD PA NI BCOM LDAN 'DAS ZHES BYA BA LA SOGS PA'O, ,THAMS CAD MKHYEN PA NYID CES BYA BA NI KUN 'BYUNG LA RJES SU SHES PA'I BZOD PA'O, ,BAR DU ZHES BYA BA'I TSIG GIS NI SDUG BSNGAL LA CHOS SHES PA'I BZOD PA LA SOGS PA BSDUS PA YIN NO, ,SGRUB PAR BYED PA DANG ZHES BYA BA NI 'DZIN PA DANG SBONG BA MED PA DAG GI TSUL GYIS SKYED PAR BYED PA'O, ,RJES SU 'DZIN PA ZHES BYA BA NI BAR DU GCOD PAR BYED PA'I CHOS THAMS CAD KYI SKABS MI 'BYED PA'I TSUL GYIS NYE BAR STON PAR BYED PA'O, ,DE YANG RGYAL BA'I YUM BAR MA LAS BCOM LDAN 'DAS DE LTAR RNAM PA THAMS CAD MKHYEN PA NYID KYI BAR DU MI LEN MI 'DOR BA'I TSUL GYIS BYANG CHUB SEMS DPA' SEMS DPA' CHEN PO RNAMS KYI RNAM PA THAMS CAD MKHYEN PA NYID MTHUN PAR YONGS SU 'DZIN PA NI NGO MTSAR CHE'O ZHES BYA BA LA SOGS PA GSUNGS PA YIN NO, ,NGO MTSAR TO ZHES BYA BA NI DE KHO NA NYID DU NA SKYE BA MED PA'I NGO BO NYID YIN NA YANG KUN RDZOB TU SHES RAB KYI PHA ROL TU PHYIN PA NI RNAM PA THAMS CAD MKHYEN PA NYID YANG DAG PAR SKYED PA YIN PAS BYIS PA'I SKYE BO THAMS CAD LAS SHIN TU 'DAS PA YIN PA'I PHYIR RO, ,SHIN TU NGO MTSAR TO ZHES BYA BA NI NYAN THOS LA SOGS PA LAS KHYAD PAR 'PHAGS PA'O, ,'DI SKAD DU BYANG CHUB SEMS DPA' SHES RAB KYI PHA ROL TU PHYIN PA LA GNAS PA NI CHOS KYI DBYINGS KYI @102A *, ,NGO BO NYID KYIS CHOS THAMS CAD LA MI LEN PA DANG MI 'DOR BAR BSGOM PA LA SOGS PA YIN NO ZHES CHOS THAMS CAD LA DMIGS PAS KUN 'BYUNG LA RJES SU SHES PA'I BZOD PA SKYE BAR 'GYUR RO ZHES BRJOD PA YIN NO, ,SHES RAB KYI PHA ROL TU PHYIN PA'I BSHAD PA MNGON PAR RTOGS PA'I RGYAN GYI SNANG BA LAS BRGYA BYIN GYI LE'U STE GNYIS PA'O,, ,,KUN 'BYUNG GI SKAD CIG MA BZHI PA'I RNAM PA BSTAN PAR BYA BA'I PHYIR SO SO RANG RIG PA NYID KYIS NA 'DOD PA'I KHAMS NA SPYOD PA LA SOGS PA'I LHA'I BU LA LA NI DPANG DU BZHAG NAS KHA CIG LA BKA' STZAL TO ZHES GSUNGS PA NI LHA'I BU DAG ZHES BYA BA LA SOGS PA'O, ,RIGS KYI BU'AM RIGS KYI BU MO ZHES BYA BA'I SGRA NI MCHOD PA'I TSIG GO, ,SKYES PA DANG BUD MED DAG NYE BAR GZUNG BA NI MA NING DANG MTSAN GNYIS PA STON PA LA SOGS PA RNAMS LA RTOGS PA MED PAR BSTAN PA YIN NO, ,RIGS KYI KHYAD PAR MA SMOS PA NI RIGS BZHI CHAR RNAM PAR DAG PA YIN PAR SHES PAR BYED PA'I DON YIN NO, ,RIGS SMOS PA NI DAM PA'I CHOS LA RIGS PHUN SUM TSOGS PA DBANG DU BYA BAR SHES PAR BYA BA'I DON YIN NO, ,BU DANG BU MO SMOS PA NI RAB TU BYUNG BA'I SKYE BO DANG RJES SU MTHUN PA'I TSUL SHES PAR BYA BA'I DON YIN NO, ,YANG 'AM ZHES SMOS PA NI SKYES NAS MYONG BA DANG LAN GRANGS GZHAN DU MYONG BA'I SKAL PA CAN DAG NYES PAS RIGS NGAN PA YIN YANG 'DIR SKAL BA DANG LDAN PA'I DBANG DU BYA BAR SHES PAR BYA BA'I DON YIN NO ZHES 'PHAGS PA RNAM PAR GROL SDES GSUNGS SO, ,SHES RAB KYI PHA ROL TU PHYIN PA 'DI ZHES BYA BA NI KUN 'BYUNG LA RJES SU SHES PA'I BDAG NYID CAN NO, ,DE LA BDUD CES BYA BA NI LHA'I BU'I BDUD 'DOD PA'I LHA'O, ,BDUD KYI RIGS KYI LHA NI DE'I PHYOGS BYED PA LHA'I BU RNAMS SO, ,GLAGS LTA BA ZHES BYA BA NI BYUNG ZIN PA'I GLAGS LTA BA'O, ,GLAGS TSOL BA NI ZHES BYA BA NI PHYIS 'BYUNG PA'I GLAGS TSOL BA'I PHYIR TE, GLAGS ZHES BYA BA NI NYES PA DANG BU GA ZHES BYA BA'I DON TO, ,MI DANG ZHES BYA BA NI MI'I 'GRO BAS BSDUS PA'I SEMS CAN RNAMS SO, ,MI MA YIN PA RNAMS ZHES BYA BA NI SRIN PO LA SOGS PA'I MI MA YIN RNAMS SO, ,YANG MI 'GYUR RO ZHES BYA BA LA YANG ZHES BYA BA'I @102B SGRA NI SNGA MA LA LTOS NAS BSDU BAR BYAS PA'O, ,YANG BA MA SPANGS PAS 'CHI BA'I DUS BYED PA NI TSE'I LHAG MA YOD DU ZIN KYANG RKYEN 'GA' ZHIG NYE BAS 'CHI BA'O, ,'DI DAG THAMS CAD 'BYUNG BAR MI 'GYUR BA NI BYAMS PA LA SOGS PAS SEMS KYI RGYUD LEGS PAR BSGOS PA'I PHYIR RO ZHES BYA BAR DGONGS SO, ,DE YANG RGYAL BA'I YUM BAR MA LAS BYAMS PA DANG SNYING RJE DANG DGA' BA DANG BTANG SNYOMS MI DMIGS PA'I SBYOR BAS SHIN TU BSGOMS PA'I PHYIR DE RNAMS LA MI DANG MI MA YIN PA RNAMS KYIS GLAGS RNYED PAR MI 'GYUR TE ZHES BYA BA LA SOGS PA GSUNGS PA YIN NO, ,'DI SKAD DU NGO BO NYID MED PA LA LHAG PAR MOS PA SNGON DU 'GRO BAS TSAD MED PA BZHI BSGOM PAR BYA'O ZHES DE LTAR CHOS THAMS CAD LA DMIGS NA KUN 'BYUNG LA RJES SU SHES PA SKYE BAR 'GYUR RO ZHES BRJOD PA YIN NO, ,DE NYID KYI PHYIR 'PHAGS PA RNAM PAR GROL BA'I SDES TSAD MED PA RNAMS KYIS NI MTHONG BA'I LAM GYI SKAD CIG MA BRGYAD PA LA BYANG CHUB SEMS DPA'I DGOS PA BYED DO, ,GZHAN DU NA SKAD CIG MA DGU PA LA SEMS CAN GYI KHAMS LA LTOS PA MED PAR 'GOG PAR LTUNG BAR 'GYUR RO ZHES BSHAD PA YIN NO, ,'GOG PA'I SKAD CIG MA DANG PO'I RNAM PA BSTAN PA'I PHYIR, LHA'I BU DAG GZHAN YANG ZHES BYA BA LA SOGS PA GSUNGS SO, ,YANG DAG PAR ZHUGS PA NI SMON LAM LA SOGS PA'I BSAM PAS ZHUGS PA'O, ,'DI ZHES BYA BA NI MTHONG BA'I LAM STON PAR BYED PA'O, ,RIGS KYI BU DE'I ZHES BYA BA NI MTHONG BA'I LAM GYI SKAD CIG MA DGU PA RTOGS PA'I'O, ,NYAN PA PO SOGS PA'I DON TU DRUNG DU NYE BAR GYUR BAR 'ONG BAR 'DOD CING DGA' BAR GYUR TE, DE NYID NI STONG PA NYID THAMS CAD SHIN TU BSGOMS PA NYID YIN PA'I PHYIR DON RTOGS PA NYID KYIS NA MAN NGAG PHYIN CIM LOG PAR STON PAR NUS SO ZHES 'DOD DO, ,'DZIN PA DANG ZHES BYA BA LA SOGS PA NI GONG NAS GONG DU RTOGS PA KHYAD PAR DU RTOGS PA'I RGYUR GYUR PA KHYAD PAR CAN GYI 'DZIN PA LA SOGS PA BYED PA ZHES BYA BA'I THA TSIG GO, ,NYAN PAR 'GYUR TE ZHES BYA BA NI SHES RAB KYI PHA ROL TU PHYIN PA 'DI ZHES BYA BA SNGA MA DANG SBYAR RO, ,NYAN PA YANG 'GOG PA'I BDEN PA MNGON PAR RTOGS PA'I BDAG PO LAS KUN RDZOB TU STON PA DANG @103A *, ,NYAN PA'I RNAM PAR SNANG BA 'AM, MNGON PAR RTOGS PA DES BSKYED PA'I NUS PA DANG LDAN PAS LANGS PA LA SOGS PA'I DRUNG LA SOGS PAR RIG PAR BYA'O, ,PHAN YON GCIG BSTAN PAS RNAM PA BSTAN NAS, PHAN YON GZHAN DAG BSTAN PAS RNAM PA DE NYID BSTAN PAR BYA BA'I PHYIR; LHA'I BU DAG GZHAN YANG RIGS KYI BU 'AM ZHES BYA BA LA SOGS PA GSUNGS TE, GZHAN YANG ZHES BYA BA'I SGRA NI BSDU BA STE, PHAN YON SNGAR BSHAD PA 'BA' ZHIG TU MA ZAD KYI GZHAN PA 'DI YANG ZHES BYA BA'I THA TSIG GO, ,DGON PA NI GRONG LAS GZHU 'DOM LNGA BRGYAS THAG BSRINGS PA'I GNAS SO, ,SONG BA NI PHYIN PA'O SHING GCIG PU NYID NI GNOD SBYIN LA SOGS PAS GNAS BCAS PA NYID KYIS NA 'JIGS PA'I RGYU YIN PA DE BAS NA DE'I RTZA BA NI SHING DRUNG NGO, ,KHYIM STONG PA NI MI LA SOGS PA MED PA'I KHANG PA'O, ,BLA GAB MED PA NI STENG G-YOGS MED PA'O, ,LAM NI GANG DU SKYE BO CHEN PA 'GRO BA'O, ,LAM GOL BA NI JI SKAD DU BSHAD PA LAS BZLOG PA'I LAM MO, ,'BROG DGON PA NI DGON PA LAS PHAR 'DAS PA'O, ,DE DANG DER SONG BA NI DGON PA LA SOGS PA DE DANG DER NYE BAR BGROD CING 'GRO BA'O, ,DE NYID SPYOD LAM RNAM PA BZHIS BSTAN PA NI, 'GRO BA'AM ZHES BYA BA LA SOGS PA GSUNGS PA YIN TE, NYAL BA NI GLOS PHAB PA'O, ,'JIGS PA NI MI 'DOD PA THOG TU BAB PAR DOGS PA'O, ,RENGS PA NYID NI DE BZLOG PA'I THABS MI SHES PA NYID DO, ,MI 'BYUNG ZHES BYA BA NI MED PA DAG MI 'BYUNG BA'O, ,MI SKYE'O ZHES BYA BA NI RGYUN GYIS 'JUG PA MI SKYE'O ZHES BYA BAR SNGA MA RNAMS SBYAR TE, THAMS CAD STONG PA NYID DU SHIN TU BSGOMS PA'I PHYIR RO ZHES BYA BAR 'DOD DO, ,GZHAN DAG LAS KYANG BYANG CHUB SEMS DPA'I STONG PA NYID LA YONGS SU RTOG PA NI 'JIGS PA THAMS CAD DANG BRAL BAR 'GYUR RO ZHES BYA BA LA SOGS PA GSUNGS PA YIN NO, , 'DI SKAD DU GZUGS LA SOGS PA'I RANG GI NGO BO NI RANG BZHIN GYI STONG PA NYID YIN NO ZHES DE LTAR CHOS THAMS CAD LA DMIGS PAS 'GOG PA LA CHOS SHES PA'I BZOD PA SKYE BAR 'GYUR RO ZHES BRJOD PA YIN NO, ,'GOG PA'I SKAD CIG MA GNYIS PA BSTAN PA'I PHYIR, DE NAS BCOM LDAN 'DAS @103B LA RGYAL PO CHEN PO BZHIS ZHES BYA BA LA SOGS PA GSUNGS PA YIN NO, ,RGYAL PO CHEN PO BZHI NI YUL 'KHOR SKYONG LA SOGS PA'O, ,DE KHO NA NYID DU NA THEG PA GSUM DANG SEMS CAN DU DMIGS PA MED DU ZIN KYANG, KUN RDZOB TU NYAN THOS LA SOGS PA'I THEG PA GSUM GYIS SEMS CAN 'DUL BA NI NGO MTSAR CHE'O, ,BDEN PA GNYIS LA BRTEN NAS RNAM PAR THAMS CAD DU SEMS CAN GYI DON GRUB PAR BYED PA'I NUS PA'I RGYU BSTAN PA 'DIS KYANG SHES RAB KYI PHA ROL TU PHYIN PA 'DZIN PA LA SOGS PA'I 'BRAS BU NI SANGS RGYAS NYID YIN PAR BSTAN TO, ,ZHES GSANG PAR BYA'O, ,DE BAS NA 'DI SKAD DU CHOS KYI DBYINGS SU BSNGOS PA'I DGE BA'I RTZA BA'I 'BRAS BU NI DE BZHIN GSHEGS PA NYID THOB PA YIN NO ZHES DE LTAR CHOS THAMS CAD LA DMIGS PAS 'GOG PA LA CHOS SHES PA SKYE BAR 'GYUR RO ZHES BRJOD PA YIN NO, ,BCOM LDAN 'DAS BDAG CAG GIS NI ZHES BYA BA LA SOGS PA LA, 'DI NI SHES RAB KYI PHA ROL TU PHYIN PA'I CHE BA'I BDAG NYID SHES PAR BYA BA'I PHYIR DANG, BDAG NYID BSTAN PA LA PHAN 'DOGS PA NYID SHES PAR BYA BA'I PHYIR DANG, BCOM LDAN 'DAS KYI BKA' DRIN GZO BA NYID DU SHES PAR BYA BA'I PHYIR 'DIR SMRAS PA YIN NO, ,BSRUNG BA DANG ZHES BYA BA LA SOGS PAS MTHONG BA'I CHOS LA MYONG BAR 'GYUR BA DANG, SKYES NAS MYONG BAR 'GYUR BA DANG, LAN GRANGS GZHAN LA MYONG BAR 'GYUR BA'I MI DGE BA'I LAS GSUM YOD PAS NA RIM PA BZHIN DES BYAS PA'I NYE BAR 'TSE BA BZLOG PA'I SGO NAS BSRUNG BA DANG BSKYAB PA DANG SBA BAR BGYI'O ZHES BRJOD DO, ,YANG NA GANG DU MI DGE BA KHO NA'I BYA BAR GTOGS KYI GZHAN DU MA YIN PA'I DPER NA DUS MA YIN PAR 'CHI BA DANG, MU GE DANG, RDO RJE'I ME 'BAB PA LTA BU LHAS BYAS PA'I RGUD PA DANG, GANG DU SROG CHAGS RNAMS KYI BYA BAR GTOGS KYI GANG GI PHYIR LAS MED PAR 'BRAS BU 'GA' YANG YOD PA MA YIN PAS NA YOD DU ZIN KYANG LHA'I BYED PAR MI GTOGS PA, DPER NA 'BRU LA SOGS PA SKYES SU ZIN KYANG PHA ROL GYI TSOGS KYIS GNOD PA BYAS PAS MU GE BYUNG BA LA SOGS PA MIS BYAS PA'I RGUD PA DANG, GANG DU GNYI GA'I BYED PAR GTOGS PA LHA DANG MIS BYAS PA'I RGUD PA'O, ,LAS NI 'DI TZAM DU ZAD DE LHAS BYAS @104A *, ,PA DANG MIS BYAS PA STE, JI SKAD DU 'JIG RTEN NI LHA DANG MI'I LAS KYIS 'TSE BA YIN NO ZHES GSUNGS PA LTA BU'O, ,DE LAS ZLOG PAR BYED PAS GO RIM SA BZHIN DU BSRUNG BA DANG, BSKYAB PA DANG, SBA BA ZHES BGYI BA ZHES SMOS PA YIN NO, ,BGYI'O ZHES BA NI BGYID DO ZHES PA'O; ,'GOG PA'I SKAD CIG MA GSUM PA'I DON DU 'BREL BA RTZOM PAS DE NAS BCOM LDAN 'DAS LA ZHES BYA BA LA SOGS PA SMOS PA YIN TE, ,TSE 'DI LA ZHES BYA BA NI DA LTAR GYI SKYE BAS BSDUS PA'O ,YON TAN NI PHAN YON NO, ,'DI DAG ZHES BYA BA NI BSHAD MA THAG PA'I BSRUNG BA DANG BSKYAB PA DANG SPA BA'I GRANGS KYI MCHOD PA 'DI DAG GO, ,'THOB CING ZHES BYA BA NI SBYOR BA'I GNAS SKABS SU'O, ,YONGS SU 'DZIN PAR 'GYUR BA ZHES BYA BA NI 'JUG GI GNAS SKABS SU'O, ,DE LTAR 'BREL BA BRJOD NAS RNAM PA BSTAN PA'I PHYIR ZHUS PA NI BCOM LDAN 'DAS ZHES BYA BA LA SOGS PA GSOL PA YIN NO; ,YANG CI SHES RAB KYI PHA ROL TU PHYIN PA 'DI BZUNG NA SBYIN PA LA SOGS PA'I PHA ROL TU PHYIN PA LNGA YANG DAG PAR BZUNG BAR 'GYUR RAM ZHES BRJOD PAR BYA BA LAS, PHA ROL TU PHYIN PA DRUG PO ZHES SMOS PA NI GTZO BO SHES RAB KYI PHA ROL TU PHYIN PAS PHAL PA'I RANG BZHIN GYI SHES RAB KYI PHA ROL TU PHYIN PAS YANG BSDUS PA'I PHYIR RO SNYAM DU BSAMS NAS SMRAS PA YIN NO, ,CHOS THAMS CAD PHYIN CI MA LOG PAR RTOGS PA LAS NI GTZO BO'I PHA ROL TU PHYI PA SKYE BA DE BAS NA DES RNAM PAR BYANG BA'I CHOS THAMS CAD BSDUD PA'I PHYIR RO ZHES BYA BA'I DGONGS PA DANG LNGAN PAS BCOM LDAN 'DAS KYIS GOO SHI KA DE DE BZHIN NO ZHES BYA BA LA SOGS PA GSUNGS PA YIN NO, ,'DI SKAD DU, SHES RAB KYI PHA ROL TU PHYIN PA NI GNYEN PO'I PHYOGS RNAM PA THAMS CAD BSDUS PA YIN NO ZHES DE LTAR CHOS THAMS CAD LA DMIGS NA 'GOG PA LA RJES SU SHES PA'I BZOD PA SKYE'O ZHES BRJOD PA YIN NO, ,'GOG PA'I SKAD CIG MA BZHI PA'I RNAM PA BSTAN PA'I PHYIR, KOO SHI KA GZHAN YANG ZHES BYA BA LA SOGS PA GSUNGS TE, LEGS PAR RAB TU NYON LA ZHES BYA BA LA SOGS PA NI BSHAD ZIN TO, ,YANG NA THOG MA KHO NAR RE ZHIG DAD PA'I RGYU YIN PAS DGE BA DE'I PHYIR LEGS PAR NYON CIG PA'O, ,GANG GI PHYIR BAR @104B DU DGE BA'I RGYU NYID KYI DGE BA YIN PA DE'I PHYIR RAB TU NYON CIG PA'O, ,YANG GIS THA MAR RNAM PAR GROL BA'I RGYU NYID KYIS DGE BA YIN PA DES NA TSUL BZHIN DU YID LA ZUNG SHIG PA'O, ,YANG NA NYES PA CHUNG NGU DANG BAR MA DANG CHEN PO RNAMS KYI GNYEN PO YIN PA'I PHYIR GO RIMS BZHIN DU LEGS PAR NYON LA ZHES BYA BA LA SOGS PA GSUNGS PA YIN NO, ,YANG NA TSIG 'BRU DANG, DON DANG, GNYI GA NGES PAR 'DZIN PA YIN PA'I PHYIR, GRANGS JI LTA BA BZHIN DU LEGS PAR ZHES BYA BA LA SOGS PA GSUNGS PA YIN NO, ,CHOS ZHES BYA BA LA SOGS PA LA, CHOS NI MDO SNGE LA SOGS PA'O,, RTZOD PA NI 'GAL BA GZUNG BAR SEMS PA'O, ,RGOL BA NI DE NAS TSIG 'GAL BAR GO BAR BYED CING RTZOD PAR BYED PA'O, ,DE LTAR RNAM PA GNYIS KYIS 'GAL BAR BYED PA STE, MI 'GRIG PAR BYED PA'O, ,YANG NA YIG 'BRU DANG, DON DANG, GNYI GA MI 'GRIGS PAR BYED PAS NA RTZOD PAR 'DOD PA LA SOGS PA'I TSIG GSUM GSUNGS PA YIN NO, ,'DOD PA ZHES BYA BA'I DE MA THAG TU BYANG CHUB SEMS DPA' RGYAL BA'I YUM SGOM PA LA MNGON PAR DGA' BA LAS BRTZAMS TE ZHES BYA BA NI KHONG NAS DBYUNG STE, GANG GI PHYIR DE NYID KYI PHAN YON BRJOD PA'I DBANG DU MDZAD DE, 'OG NAS DE'I RTZOD PA'I GZHI SKYES PA DANG MA SKYES PA DE DAG NUB PAR 'GYUR ZHING GNAS PAR MI 'GYUR RO ZHES BYA BA LA SOGS PA GSUNGS PA YIN NO, ,NUB PAR 'GYUR ZHING ZHES BYA BA NI MI SNANG BAR GYUR PA'O, ,GANG GI PHYIR GNAS PAR MI 'GYUR RO ZHES BYA BA RIGS PAS GNAS PA THOB PAR MI 'GYUR BA'O, ,DE NYID KYI PHYIR DE DAG GI BSAM PA RDZOGS PAR MI 'GYUR TE, YID LA RE BA YONGS SU RDZOGS SHING MTHAR PHYIN PAR MI 'GYUR RO, ,RTOG PA SKYES PA GZHAN GYI PHYIR LAN BTAB PA MED PAR JI LTAR NUB PAR 'GYUR SNYAM DU DOGS PA DE CI'I PHYIR ZHE NA ZHES BYA BAS BSU NAS, KOO SHI KA DE NI ZHES BYA BA LA SOGS PA GSUNGS SO, ,'DIS NI 'DI SKAD DU 'DI LTA STE SHES RAB KYI PHA ROL TU PHYIN PA SGOM PAR BYED PA'I GANG ZAG GI BYIN GYIS BRLABS KYIS RANG NYID KHO NAS DE RNAMS LA LAN 'BYUNG BAR 'GYUR BA 'DI NI CHOS NYID YIN NO ZHES BRJOD PA YIN NO, ,'DZIN PA LA SOGS PA NI BSHAD ZIN TO, ,YANG NA BSDUS PA NYAN PA PO @105A *, ,'DZIN PA'O, ,YID LA BYED PA NI 'CHANG BA'O, ,GLEGS BAM 'DON PAS NA KLOG PA'O, ,GZHUNG DON 'DZIN PAS NA KUN CHUB BAR BYED PA'O, ,MNGON SUM DANG RJES SU DPAG PA DANG LUNG DANG MI 'GAL BA'I DON STON PA'I PHYIR RAM, YANG NA KUN BRTAGS PA LA SOGS BA'I TSIG GI DON RNAM PA GSUM SKYE BA MED PAR STON PAS NA, GO RIMS BZHIN DU RAB TU 'DON PA DANG NYE BAR STON PAR 'GYUR BA YIN NO, ,LUNG 'BOGS PA NI BKLAGS PA RTZAM DU NYE BAR BSTAN PA'I PHYIR RO, ,KHA TON DU BYED PA NI NAM GYI CHA STOD LA SOGS PAR BYED PA'I PHYIR RO, ,'DZIN PA LA SOGS PA NI BYANG CHUB TU YONGS SU BSNGOS PA LA SOGS PA'I BSAM PA'I BYE BRAG GIS YANG DAG PAR BSGRUB PAR BYA BA YIN NO, ,RTZOD PA'I GZHI ZHES BYA BA NI RGOL BA'I GNAS SO, ,NYE BAR BSDU BA'I PHYIR KOO SHI KA RIGS KYI BU 'AM ZHES BYA BA LA SOGS PA GSUNGS PA YIN NO, ,KYANG ZHES BYA BA'I SGRA NI 'OG NAS BSHAD PA'I YON TAN 'BA' ZHIG TU MA ZAD PA'O, ,DE LTAR SHES RAB KYI PHA ROL TU PHYIN PA NI NYE BAR 'TSE BA THAMS CAD RAB TU ZHI BAR BYED PA'I GZI BRJID DANG STOBS DANG LNGAN PA NYID DU BSTAN NAS, DPES KYANG LEGS PAR BSTAN PAR BYA BA'I PHYIR, KOO SHI KA 'DI LTA STE DPER NA ZHES BYA BA LA SOGS PA GSUNGS TE, GLEGS BAM LA LA LAS YONGS SU BRTAG PA BZUNG BA STE ZHES GSUNGS PA NI RGYU'I KHYAD PAR LAS 'BRAS BU'I KHYAD PAR DU 'PHAGS PA SRID PA'I DBANG DU MDZAD PA YIN TE 'DIS NI DE RNYED DKA' BA NYID DU STON TO, ,DUG THAMS CAD ZHI BAR BYED PA'I ZHES BYA BA NI, MI RGYU BA LA SOGS PA'I DUG RNAMS SEL BA YIN PA'I PHYIR RANG GI NGO BO BSTAN TO, ,SKYE BO SBRUL GDUG PA ZHES BYA BA NI MCHE BA'I DUG CAN GYI SROG CHAGS SO, ,BKRES SHING ZHES BYA BA LA SOGS PA LA BKRES PA NI BKRES PAS YONGS SU GDUNGS KYANG 'GA' ZHIG LHA MCHOD PA LA 'JUG PA DANG 'DRA BAR KHA ZAS DGOS PA MED PA DE RNAM PAR DGAR BAR BYA BA'I PHYIR ZAS 'DOD DE ZHES SMOS PA YIN NO, ,DE LTA BU DAG YIN NA YANG RANG BZHIN BSTAN PA DAG NI KHA ZAS TSOL BAR MI BYED PAS DE LAS DGAR BA'I PHYIR ZAS TSOL BA ZHIG GIS ZHES SMOS PA YIN NO, ,SROG CHAGS SU GYUR PA 'GA' ZHIG CES BYA BA NI SEMS CAN @105B GYI GRANGS SU CHUD PA STE, SBAL PA LA SOGS PA ZHES BYA BA'I THA TSIG GO, ,DRI ZHES BYA BA NI SROG CHAGS SU GTOGS PA DE'I DRI BSKU BA LA SOGS PA'O, ,PHYOGS SU 'BRANG ZHING ZHES BYA BA NI BLOS BZA' BA NYID DU BDAG GIR BYAS NAS SO, ,BSNYAGS PA DANG ZHES BYA BA NI PHYI BZHIN DU RJES SU SNYEG CING 'GRONGS SO, ,PHYIR LDOG GO ZHES BYA BA NI SLAR LDOG PAR BYED PA'O, ,GANG DU SROG CHAGS KYI DRIS MI LDOG PA DER SMAN GYI DRIS CI LTAR PHYIR LDOG PA YIN SNYAM DU DOGS PA DE CI'I PHYIR ZHE NA ZHES BYA BAS BSU NAS, KOO SHI KA DE LTAR ZHES BYA BA LA SOGS PA GSUNGS TE, TSIG GI DON NI KUN RDZOB TU YANG RGYU DANG 'BRAS BUR GYUR PA NYID KYIS NA SMAN DE NYID LA SBRUL GDUG PA ZIL GYIS GNON PA DE LTA BU'I SMAN GYI YON TAN YOD PAS SBRUL GDUG PA ZIL GYIS GNON PA YIN GYI, GZHAN GYIS NI MA YIN NO, ,DE LTAR NA SMAN DE NI MTHU CHEN PO DANG LDAN PA YIN TE, THA DAD YIN YANG RANG BZHIN GYIS, ,NGES TE DBANG PO LA SOGS BZHIN ,ZHES BYA BA 'DI YIN NO, ,'DI SKAD DU SHES RAB KYI PHA ROL TU PHYIN PA NYID KYIS PHYI DANG NANG GI NYE BAR 'TSE BA ZHI BAR BYED PA YIN NO ZHES DE LTAR CHOS THAMS CAD LA DMIGS PAS 'GOG PA LA RJES SU SHES PA SKYE'O ZHES BRJOD PA YIN NO, ,LAM GYI SKAD CIG MA DANG PO'I RNAM PA BSTAN PA'I PHYIR, KOO SHI KA DE BZHIN DU ZHES BYA BA LA SOGS PA GSUNGS TE, GANG YIN PA DE DAG CES BYA BA NI TSIG GI PHRAD PHYIR BSDU NA GANG YANG RUNG BA ZHES BYA BA'I DON LA 'JUG GO, ,GZI BRJID DANG ZHES BYA BA LA SOGS PA LA, SHES RAB KYI PHA ROL TU PHYIN PA'I NUS PA NYID DU GYUR PA'I GZI BRJID DANG STOBS DANG MTHU DANG STOBS BSKYED PA ZHES BYA BAS GO RIMS BZHIN DU SBYOR BA DANG MTHONG BA DANG SGOM PA DANG KHYAD PAR GYI LAM BSTAN TO, ,DE NYID NAS ZHES BYA BA NI GANG NAS SKYE BA NYID NAS ZHES BYA BA'I THA TSIG GO, ,MED CING NYE BAR ZHI BAR 'GYUR BA LA 'PHEL BAR MI 'GYUR TE ZHES BYA BA NI, GO RIMS BZHIN DU THOS PA DANG BSAM PA DANG SGOM PA'I DUS SU RIG PAR BYA 'AM; SBYOR BA LA SOGS PA'I GNAS SKABS SU GZUNG NGO, ,DE NYID BSTAN PA'I PHYIR GANG DANG ZHES BYA BA LA SOGS PA GSUNGS TE, GANG DANG GANG NYID NAS ZHES BYA BA NI RGOL BA'I DBANG DU BYAS PA'I GNAS GANG DANG GANG YIN PA NYID NAS ZHES BYA BA'I THA TSIG GO, ,'GAG CING NUB PAR 'GYUR LA GNAS @106A *, ,PAR MI 'GYUR RO ZHES BYA BA'I TSIG GSUM NI MED PAR 'GYUR ZHES BYA BA LA SOGS PA DANG THA MI DAD DO, ,RNAM PAR RTOG PA SKYES PA GZHAN GYIS BZLOG PA MED PAR CI LTAR NA MI 'BYUNG SNYAM PA'I DOGS PA DE CI'I PHYIR ZHE NA, ZHES BYA BAS BSU NAS SNGA MA BZHIN DU LAN GDAB PAR BYA BA'I PHYIR; SHES RAB KYI PHA ROL TU PHYIN PA NI ZHES BYA BA LA SOGS PA GSUNGS TE, 'DOD CHAGS LA SOGS PA ZHES BYA BA'I SGRAS NI ZHE SDANG LA SOGS PA BSDU'O, ,BAR ZHES BYA BA 'DIS NI DRAN PA NYE BAR GZHAG PA LA MNGON PAR ZHEN PA LA SOGS PA YONGS SU BSDU'O, ,MYA NGAN LAS 'DAS PA NYID DU 'DZIN PA ZHES BYA BA NI LHAG MA DANG BCAS PA DANG LHAG MA MED PA'I MYA NGAN LAS 'DAS PAR MNGON PAR ZHEN PA'O, ,MYA NGAN LAS 'DAS PA LA MNGON PAR ZHEN PA LA SOGS PA MNGON DU RGYUB RTZA NAS 'BYIN PA NA NYE BAR ZHI BAR BYED PA'O, ,'DOD CHAGS LA SOGS PA'I BAG CHAGS MA LUS PAR KUN TU 'JOMS PAR BYED PAS 'PHEL BAR BYED PA MA YIN NO, ,'DI SKAD DU SHES RAB KYI PHA ROL TU PHYIN PA BSGOMS PA NYID KYIS 'DOD CHAGS LA SOGS PA DANG MYA NGAN LAS 'DAS PAR MNGON PAR ZHEN PA ZHIG BA YIN NO ZHES DE LTAR CHOS THAMS CAD LA DMIGS NA LAM LA CHOS SHES PA'I BZOD PA SKYE BAR 'GYUR RO ZHES BRJOD PA YIN NO, ,LAM GYI SKAD CIG MA GNYIS PA'I RNAM PA BSTAN PA'I PHYIR, KOO SHI KA RGYAL PO CHEN PO BZHI DANG ZHES BYA BA LA SOGS PA GSUNGS PA YIN TE, BSRUNG BA DANG BSKYAB PA DANG SBA BAR BYED DO ZHES BYA BA NI BSHAD ZIN TO, ,YANG NA LHAS BYAS PA DANG, 'BYUNG BA LAS GYUR PA DANG; NANG GI BDAG NYID CAN GYI BAR DU GCOD PA'I DBANG DU MDZAD NAS GO RIMS BZHIN DU BSRUNG BA DANG BSKYAB PA DANG SBA BAR BYED PA DAG SHES PAR BYA'O, ,YANG NA 'PHANGS PA RNAM PA GSUM STE, RANG GI RKYEN LAS BYUNG BA DANG, SEMS CAN GZHAN DU BGRANG BA'I RKYEN LAS BYUNG BA DANG, PHA ROL SEMS CAN DU BGRANG BA MA YIN PA'I RKYEN LAS BYUNG BA DANG, DE SEL BAR BYED PAS GO RIMS BZHIN DU BSRUNG BA DANG BSKYAB PA DANG SBA BA YIN PAR SHES PAR BYA'O, ,'DI SKAD DU SHES RAB KYI PHA ROL TU PHYIN PA 'DZIN PA LA 'JUG PA LA, DE BZHIN GSHEGS PA LA SOGS PAS RNAM PA THAMS @106B CAD DU BSRUNG BA DANG BSKYAB PA DANG SBA BA BYED PAR 'GYUR RO ZHES, DE LTAR SHES RAB KYI PHA ROL TU PHYIN PAS CHOS THAMS CAD LA DMIGS NA LAM LA CHOS SHES PA SKYE BAR 'GYUR RO ZHES BRJOD PA YIN NO, ,LAM GYI SKAD CIG MA GSUM PA'I RNAM PA BSTAN PA'I PHYIR, KOO SHI KA GZHAN YANG ZHES BYA BA LA SOGS PA GSUNGS TE, TSIG GZUNG BAR 'OS PAR 'GYUR ZHES BYA BA NI RANG NYID BRTZE BAS SROG GCOD PA LA SOGS PA LAS LDOG PA LAS SNGON DU 'GRO BAS RNAM PA THAMS CAD MKHYEN PA NYID LA GNAS NAS GZHAN DAG DE LA RAB TU 'JOG BA'I PHYIR DANG, RANG NYID GNAS PA RNAMS KYI BSNGAGS PA BRJOD CING MTHUN PAS DGA' BAR BYED PA'I PHYIR TSIG GZUNG BAR 'OS PA YIN NO, ,ZHES BYA BA'I DON 'DI YIN PAR SHES PAR BYA STE GZHAN DU NI TSIG GZUNG BAR 'OS PA MI SRID PA'I PHYIR RO, ,STONG PHRAG NYI SHU LNGA PA LAS KYANG BDAG KYANG SROG GCOD PA SPONG BAR 'GYUR ZHES BYA BA NAS BRTZAMS TE, GZHAN RNAMS LA YANG DE'I BSNGAGS PA BRJOD CING MTHUN PAS DGA' BAR BYED PA DE LTAR NA TSIG GZUNG BAR 'OS PA YIN NO, ,ZHES BYA BA LA SOGS PA'I BAR DU GSUNGS PA YIN NO, ,TSIG 'JAM PAR 'GYUR ZHES BYA BA NI MNYAN NA BDE BAR BYED PA YIN PA'I PHYIR RO, ,TSIG RAN PAR 'GYUR ZHES BYA BA NI JI TZAM GYIS DON BRDA SPROD PAR GYUR PA DE TZAM ZHIG SMRA BA YIN PA'I PHYIR RO, ,TSIG 'CHAL PA MED PAR 'GYUR ZHES BYA BA NI MDOR BSDUS NAS SMRA BA LA MKHAS PA YIN PA'I PHYIR RO, ,KHRO BAS ZIL GYIS GNON PAR MI 'GYUR, NGA RGYAL GYIS ZIL GYIS GNON PAR MI 'GYUR RO ZHES BYA BA NI GNOD PA'I RGYU NYE BAR GNAS PA LA KHONG KHRO BA'I THA BA'I SEMS KYIS MNAR SEMS PA NI KHRO BA'O, ,'JIG TSOGS LA LTA BA LA BRTEN PA'I SEMS KYI DREGS PA NI NGA RGYAL LO, ,GNYEN PO MED PAR NYES PA DANG BRAL BAR MI 'GYUR BA MA YIN NAM JI LTAR DE LA 'DI LTA BU'I YON TAN SKYE BA YIN SNYAM PA'I DOGS PA DE CI'I PHYIR ZHE NA, ZHES BYA BAS BSU NAS, 'DI LTAR ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA NYID NYES PA THAMS CAD KYI GNYEN PA YIN LA, DE YANG DES SGOMS SO ZHES BYA BAR 'DOD DO, ,YONGS SU DUL BAR BYED DO ZHES BYA BA NI SROG GCOD PA SPANGS PA LA SOGS PA LA RAB TU @107A *, ,'JOG PA'I PHYIR RO, ,YONGS SU 'DUD PAR BYED CES BYA BA NI TSIG RAN PA LA SOGS PAS SEMS CAN GYI YUL LA YONGS SU 'DUD PAR BYED PA'I PHYIR RO, ,KHON DU 'DZIN PA ZHES BYA BA NI, DGRA BOR 'DZIN PA'I BAG LA NYAL MI 'DOR BA STE, GNOD SEMS KYI CHA NYID NI KHON DU 'DZIN PA YIN NO, ,GNOD SEMS ZHES BYA BA NI SEMS CAN RNAMS DANG SDUG BSNGAL DANG SDUG BSNGAL GYI GNAS SU GYUR PA'I CHOS RNAMS LA MNAR SEMS PAR BYED PA NI GNOD SEMS SO, ,BAG LA NYAL ZHES BYA BA NI ZHE SDANG GI CHA DGRAR 'DZIN PA'I SEMS KYI RGYUN NI BAG LA NYAL BA'O; ,'DI SKAD DU SHES RAB KYI PHA ROL TU PHYIN PAS YONGS SU GZUNG BA'I STOBS NYID KYIS 'TSANG RGYA BA NYID DU MNGON PAR 'DOD PAS RANG NYID SROG GCOD PA SBONG BA LA SOGS PA SNGON DU 'GRO BAS RNAM PA THAMS CAD MKHYEN PA NYID LA GNAS NAS, ,DE NYID LA GZHAN DAG GZHAG PAR BYA'O ZHES DE LTAR CHOS THAMS CAD LA DMIGS NA LAM LA RJES SU SHES PA'I BZOD PA SKYE BAR 'GYUR RO ZHES BRJOD PA YIN NO, ,LAM GYI SKAD CIG MA BZHI PA'I RNAM PA BSTAN PA'I PHYIR, RIGS KYI BU'AM RIGS KYI BU MO ZHES BYA BA LA SOGS PA GSUNGS TE, DE LTAR SPYOD PA ZHES BYA BA NI LAM LA RJES SU SHES BAS GNAS PA'O, ,DRAN PA DANG ZHES BYA BA NI 'DRIS PA'I DNGOS PO LA SEMS KYIS MA BRJED PA'O, ,BYAMS PA NI ZHE SDANG MED PA STE, SEMS CAN THAMS CAD LA BU GCIG PA LTAR SHIN TU GCES PAR 'DZIN PA NYID DO, ,'DI DAG GIS SBYIN PA LA SOGS PA'I DGE BA'I RTZA BA THAMS CAD MI DMIGS PA'I TSUL GYIS SEMS CAN THAMS CAD DANG THUN MONG DU BYAS TE BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA BA YIN PAS GNYI GA SMOS SO, ,BYAMS PA'I BYA BA NYID NI 'DI SNYAM DU SEMS TE ZHES BYA BA LA SOGS PA GSUNGS PA YIN TE, DBANG PO RNAMS 'KHRUGS SHING ZHES BYA BA NI GNOD SEMS KUN TU SPYOD PAS MIG LA SOGS PA'I RNAM PAR 'GYUR BA BSKYED PA YIN PA'I PHYIR RO, ,BZHIN GYI MDOG KYANG 'GYUR NA ZHES BYA BA NI RANG GI NGO BO 'GYUR ZHING TSIG PAR 'GYUR BA'O, ,KHRO BA'I DBANG DU 'GRO BA ZHES BYA BA NI DE'I KHA NA LAS PA NYID DO, ,'DI SKAD DU SBYIN PA LA SOGS PA MI ZAD PAR @107B BYED PAS DRAN PA LA SOGS PA'I STOBS KYIS YANG DAG PAR RDZOGS PA'I BYANG CHUB TU BSNGO BAR BYA'O ZHES DE LTAR CHOS THAMS CAD LA DMIGS NA LAM LA RJES SU SHES PA SKYE BAR 'GYUR RO ZHES BRJOD PA YIN NO, ,'DI SKAD DU BSHAD PA'I RNAM PA TSIG GZHAN GYIS BSTAN PA RNAMS KYIS SKAD CIG MA BCU DRUG SKYE BAR 'GYUR RO ZHES BYA BA 'DI LA SOM NYIR MI BYA'O, ,DE SKAD DU YANG, DE BZHIN NYID DANG SANGS RGYAS DAG ,PHAN TSUN RTEN PA RTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MA MED BCAS DANG, ,TSAD MED PA DANG MTHA' MED DANG, ,DER GNAS GZUGS LA SOGS PA LA, , SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS PA LA SOGS DANG STONG NYID DANG, ,SANGS RGYAS NYID NI THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYIS BSRUNGS LA SOGS, ,SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB TU BSNGO BA, ,LAM SHES NYID KYI SKAD CIG MA, ,ZHES GSUNGS PA YIN NO, ,MTHONG BA'I LAM DE'I NGES PAR 'BYED PA'I CHA DANG MTHUN PA NI RNAM PA THAMS CAD MKHYEN PAR BSHAD PA LAS GZUNG BAR BYA'O, ,GAL TE DE LTA YIN NA RAB TU DGA' BA LA SOGS PA'I SA RNAMS KYANG DER SMOS PAS BYANG CHUB SEMS DPA' RNAMS KYI MTHONG BA LA SOGS PA'I LAM BSTAN PA YIN PA'I PHYIR YANG CI'I PHYIR BSTAN CE NA BRJOD PAR BYA STE, RGYU DANG 'BRAS BU MA LUS PAR THUGS SU CHUD PA LA LTOS TE, DE BZHIN GSHEGS PA RNAMS KYI RNAM PA THAMS CAD MKHYEN PA NYID CES BRJOD PA YIN PAS RGYAL BA'I SRAS RNAMS KYI LAM NI DE LAS GSUNGS PA MA YIN NO ZHES DOGS PA BSAL BAR BYA BA'I PHYIR, DE NYID LAS RGYU TZAM ZHIG DRANGS NAS BYANG CHUB SEMS DPA' RNAMS KYI MTHONG BA LA SOGS PA LAM GYI BDAG NYID CAN LAM SHES PA NYID LOGS SHIG TU BZHAG PA YIN NO, ,TSIG LE'UR BYAS PA'I RJES SU 'BRANGS TE RNAM PA'I GZHUNG DANG MTHUN PAR SBYAR RAM MA SBYAR ZHES DE LTAR MKHAS PA RNAMS @108A *, ,KYIS DPYAD PAR BYA'O, ,DE LA YANG 'PHAGS PA RNAM PAR GROL BA'I SDE LA SOGS PA'I BSHAD PA BSTAN NAS RANG GI NUS PAS BSTAN PA NYID YIN NO, ,KHA CIG NI DON GZHAN LA DGONGS PA JI SKAD DU BRJOD PA'I GZHUNG GI TSOGS KYI RNAM PA'I DON MA BSHAD PAR 'DIR MTHONG BA'I LAM GYI SKAD CIG MA BCU DRUG DAG NYE BAR MTSON PA 'BA' ZHIG MDZAD PAR ZAD DE, BSHAD PA DANG MA BSHAD PA'I NGES PAR 'BYED PA'I CHA DANG MTHUN PA LA SOGS PA'I DON STON PA LHUR LEN PA'I GZHUNG YANG DE BZHIN DU BLTA BAR BYA'O ZHES ZER RO, ,GZHAN DAG NA RE DE DAG GIS NI SGOM PA'I GO RIMS LA SOGS PA MA BSTAN PA'I PHYIR MNGON PAR RTOGS PA'I RIM PA CUNG ZAD KYANG MA BSTAN LA, MNGON PAR RTOGS PA'I RGYAN GYI TSIG LE'UR BYAS PA'I DON YANG JI LTAR BSHAD PAR BYA ZHES ZER RO, ,'DOD CHAGS LA SOGS PA'I NYON MONGS PA'I TSOGS KYI RTZA BA I DNGOS PO LA MNGON PAR ZHEN PA YIN LA, DE DANG 'GAL BA YANG BDAG MED PA GOMS PA YIN TE, DE BAS NA DE MED PAR SDUG BSNGAL LA CHOS SHES PA LA SOGS PAR JI LTAR 'GYUR ZHE NA, DE NI MA YIN TE, GANG GI PHYIR JI SKAD DU BSHAD PA'I TSUL GYIS BDAG MED PA STON PA LHUR BYED PA RNAMS PA BCU DRUG PO 'DI DAG THAMS CAD GDUL BYA'I SKYE BO NYE BA LA PHAN PA SKYED PAR BZHED PA NYID KYIS DE LTAR JI SKAD DU GSUNGS PA'I TSUL RNAM PA SNA TSOGS KYIS BSTAN PA YIN DU ZIN KYANG YANG DAG PAR GOMS PAR GYUR PA NA RTEN CING 'BREL PAR 'BYUNG BA'I CHOS NYID KYIS MTHONG BA'I LAM SKYED PAR 'GYUR BA YIN NO ZHES NGES PAR BYA STE GZHAN DAG LA YANG DE BZHIN DU SHES PAR BYA'O, ,MTHONG BA'I LAM GYI MJUG THOGS SU BSGOM PA'I LAM BRJOD PAR BYA BA YIN PA LAS BRJOD PAR BYA BA NYUNG BA NYID DANG GDUL BYA 'BRAS BU LA GZHOL BA NYID KYIS 'JUG PA'I PHYIR RE ZHIG BSGOM PA'I LAM GYI BYED PA BSTAN PA NI, BCOM LDAN 'DAS ZHES BYA BA LA SOGS PA SMOS PA YIN NO, ,SHES RAB KYI PHA ROL TU PHYIN PA ZHES BYA BA NI 'OG NAS 'CHAD PA'I BSGOM PA'I LAM MO, ,YONGS SU DUL BA'I SLAD DU NYE BAR GNAS PA ZHES BYA BA NI NYON MONGS PA'I RNAM PA THAMS CAD RANG DBANG DU BYED PA'I PHYIR RNAM PA THAMS CAD DUL BA'I DON GYIS NA, YONGS SU DUL BA'I RGYU MTSAN DU @108B MNGON DU PHYOGS PAR GYUR PA ZHES BYA BA NI DANG PO DUL BA'I BYED PA YIN NO, ,KHENGS PA MA MCHIS PA'I ZHES BYA BA NI DUL BA'I RJES LA CUNG ZAD TZAM GYI RTOGS PAS KHYAD ZHUGS PAR GYUR PA LA BDAG TU RLOM PA BKAG PAS BDAG LA BSTOD PA SPONG BA'I PHYIR THAMS CAD NAS 'DUD PA'I DON GYIS YONGS SU 'DUD PA ZHES BYA BA NI GNYIS PA 'DUD PA'I BYED PA'O, ,DE'I 'OG TU 'DOD CHAGS LA SOGS PA NYON MONGS PA RNAMS RNAM PA THAMS CAD DU ZIL GYIS GNON PA ZHES BYA BA GSUM PA NYON MONGS PA LAS RGYAL BA'I BYED PA BSTAN PA'I PHYIR KOO SHI KA GZHAN YANG SHES BYA BA LA SOGS PA GSUNGS TE, 'DI 'DZIN PAR 'GYUR ZHES BYA BA NI DE BZHIN DU 'OG NAS BSHAD PA'I BSGOM PA'I LAM GYI RIM GYIS SO, ,G-YUL 'GYED PA'I TSE ZHES BYA BA LA SOGS PA LA, BSGOM PAS SPANG BAR BYA BA'I NYON MONGS PA RNAMS DANG LHAN CIG G-YUL 'GYED PA LA 'JUG PA'I TSE CHEN PO'I CHEN PO LA SOGS PA MI MTHUN PA'I PHYOGS GSUM TSAN DANG PO'I CHUNG DU'I CHUNG DU LA SOGS PA'I GNYEN PO'I PHYOGS RNAMS KYI RNAM PA DANG PO RNAMS RTOGS PAS G-YUL GYI THOG MAR ZHUGS PAR GYUR NA STE ZHUGS PA YIN NA'O, ,G-YUL DU 'JUG PA LA SOGS PA'I TSIGS GSUM NI GRANGS JI LTA BA BZHIN DU 'BRING GI CHEN PO LA SOGS PA MI MTHUN PA'I PHYOGS SUM TSAN GNYIS PA'I 'BRING GI CHUNG DU LA SOGS GNYEN PO'I PHYOGS KYI RNAM PA GNYIS PA RNAMS RTOGS PA DANG SBYAR TE BRJOD PAR BYA'O, ,G-YUL GYI NANG DU 'GRO BA'AM ZHES BYA BA NI MI MTHUN PA'I PHYOGS CHUNG NGU'I CHEN PO GNYEN PO'I GNYEN PO'I PHYOGS CHEN PO'I CHUNG DU THOB PAS SO, ,'GRENG NGAM ZHES BYA BA NI MI MTHUN PA'I PHYOGS CHUNG NGU'I 'BRING LA GNYEN PO'I PHYOGS CHEN PO'I 'BRING MNGON PAR RTOGS PAS G-YUL DU 'BRENG BA'O, ,'DUG KYANG RUNG STE ZHES BYA BA NI G-YUL DU 'DUG STE, MI MTHUN PA'I PHYOGS CHUNG NGU'I CHUNG DU LA GNYEN PO'I PHYOGS CHEN PO'I CHEN PO DANG YANG DAG PAR LDAN PAS G-YUL DU LEGS PAR 'DUG PA'O, ,'DI DAG THAMS CAD KYIS KYANG MI MTHUN PA DANG GNYEN PO'I PHYOGS RNAM PA DGU PO BSAL BA DANG BLA BAS BSGOM PA'I LAM DU SLAR YANG BYA BA MED PA NYID DU BRJOD PA YIN NO, ,GNAS MA YIN PA NI MI SRID PA'O, ,DE NYID BSHAD PA NI SKABS MED DE ZHES BYA BA YIN NO, ,CI'I PHYIR RNAM @109A *, ,GRANGS KYI TSIG TU GSUNGS SHE NA, DE'I TSE DANG PHYIS 'GA' ZHIG GIS 'GA' ZHIG RNAM PA 'GA' ZHIG LTAR DON RTOGS PAR BYA BA'I PHYIR DANG, TSIG DE NYID BZLAS TE GSUNGS NA NI SNGAR THOS PA DAG SMAD PAR 'GYUR BAS NYES PA DE SPANGS NAS SNGAR GYI DUS SU YENGS PA DANG GAM PHYIS 'ONGS PA RNAMS KYIS DON DE THOS PAR BYA BA'I PHYIR DANG, BLO ZHAN PA RNAMS LA DON DE YANG DANG YANG DU BZLAS PAS RTOGS PAR BYA BA'I PHYIR DANG, SGRA GCIG DON DU MAR GYUR PAS DON GZHAN DU RTOGS PA BSAL BA'I PHYIR DANG, GZHAN LAS MING BSHAD PA DANG 'DRA BAR MING DE DAG GIS DON DE LEGS PAR RTOGS PAR BYA BA'I PHYIR DANG, CHOS SMRA BA RNAMS DON NYE BAR SBYOR BA DANG STON PA LA MKHAS PAR BYA BA'I PHYIR DANG, BDAG NYID CHOS SO SO YANG DAG PAR RIG PA LA MNGA' BRNYES PAR BSTAN PA'I PHYIR DANG, GZHAN RNAMS LA DE'I SA BON BSKYED PA'I PHYIR TE, RNAM GRANGS BSTAN PA'I DGOS PA NI DE LTAR RNAM PA BRGYAS YOD DO, ,DE BZHIN DU THAMS CAD LA BRJOD PAR BYA'O, ,GANG YIN PA DE'I LAS BYA BA NI, GANG ZHES BYA BA TSIG GI PHRAD KYI DON LA 'JUG STE, SROG GI BAR CHAD DU 'GYUR BA GANG YIN PA 'DI NI SKABS MED DO ZHES BYA BA NI NGANG GI DON TO, ,SROG GI BAR CHAD DU 'GYUR BA ZHES BYA BA NI RNAM PAR SHES PA'I RGYUN CHAD PA'O, ,NANG GI BDAG NYID CAN GYI NYE BAR 'TSE BA DANG BRAL BA'I 'OG TU PHYI ROL GYI NYE BAR 'TSE BA NYE BAR ZHI BA YIN PAS GZHAN GYI GNOD PAS MI BRDZI BA'I BYED PA BZHI PA NI, GZHAN GYIS GNOD PAR BYED PAS ZHES BYA BA LA SOGS PA GSUNGS PA YIN TE, GZHAN NI MI LA SOGS PA'O,, DE'I GNOD PA NI RAL GRIS BSNUN PA LA SOGS PA'O, ,MDOR BSTAN PA'I TSIG NI RGYAS PAR BSTAN PAS RNAM PAR DBYE BA'I PHYIR, YANG GAL TE ZHES BYA BA LA SOGS PA GSUNGS SO, ,MDOR BSTAN PA'I TSIG LA RGYAS PAR BSTAN PA LAS BRJOD PAR BYA BA'I DON THA DAD PA MED NA CI'I PHYIR 'DIR MDOR STON PA'I TSIG TU BYED CE NA, DE BRJOD PAR BYA STE, MDOR BSDUS PAS DON RGYAS PAR BSHAD PA NGES PAR GZUNG BA'I PHYIR MDOR BYAS PAS 'GREL PA'I DON 'DZIN PA DANG 'DRA'O, ,SLOB DPON DBYIG GNYEN GYIS GDUL BYA MGO SMOS PAS GO BA RNAMS LA PHAN GDAGS PAR BYA BA'I PHYIR DANG, GZHAN RNAMS KYANG MA 'ONGS PA NA @109B MGO SMOS PAS GO BA'I RGYU BSAGS PA'I PHYIR DANG, BDAG NYID MDOR BSDUS PA DANG RGYAS STON PA LA MNGA' BRNYES PAS STO PA'I PHYIR DANG, GZHAN RNASM DE LTAR BSLABS PAS DE'I SA BON SKYED PA'I PHYIR YIN NO ZHES BSHAD DO, ,LUNG LAS NI RNAL 'BYOR PA MDOR BSDUS PA TZAM LA SEMS MNYAM PAR 'JOG PA RNAMS DE'I DON RGYAS PAS THAMS CAD LA MNYAM PAR 'JOG PAR JI LTAR 'GYUR ZHES DON DE'I PHYIR BSDUS TE BSTAN TO, ,DE BZHIN DU RGYAS PA TZAM LA SEMS MNYAM PAR 'JOG PA'I RNAL 'BYOR PA RNAMS DE BSDUS PA'I DON THAMS CAD LA JI LTAR MNYAM PAR 'JOG PAR 'GYUR ZHES DON DE'I PHYIR RGYAS PAR BSHAD PA BSTAN PA YIN NO, ,DE LTAR DON 'DIS BSTAN PA'I TSIG GIS STON TO ZHES BSHAD DE, DE BZHIN DU THAMS CAD LA SHES PAR BYA'O ZHES SO, ,MTSON NI 'KHOR LO LA SOGS PA'O, ,GZHAN DAG NI RDO LA SOGS PA'O, ,YUL DER 'PHEN PA'I NUS PA DANG LDAN PA'I SKYES BUS 'PHANGS PA'I MTSON LA SOGS PA RNAMS BAR DU 'GAL BA BZHUGS PA MED PAR LUS LA JI STE MI 'PHOG SNYAM PA'I DOGS PA DE CI'I PHYIR ZHE NA ZHES BYA BAS BSU NAS, KOO SHI KA 'DI LTA STE ZHES BYA BA LA SOGS PA GSUNGS SO, ,DGONGS PA NI 'DI YIN TE, GOMS PAR BYAS PA'I YUM RIG SNGAGS CHEN MO LA SOGS PA'I RANG BZHIN GYI MTHUS LCI BA NYID KYI CHOS 'GAL BA BAR DU ZHUGS PA'I PHYIR MDA' LA SOGS PA DE'I LUS LA MA SLEBS PA YIN NO ZHES BYA BA YIN NO, ,RIG SNGAGS CHEN MO ZHES BYA BA LA SOGS PA'I TSIG GSUM NI CHEN PO NYID LA SOGS PA'I YON TAN DANG LDAN PA'I PHYIR SBYOR BA LA SOGS PA'I GNAS SKABS SU SBYAR RO, ,LHAG PAR MOS PA LA SOGS PA'I YID LA BYED PAS LHAG PAR GYUR PA'I PHYIR BLA NA MED PA'O, ,BSGRUB PA NYID KYIS MNYAM PA MED PAS NA MI MNYAM PA'O, ,SHIN TU RNAM PAR DAG PAS MNYAM PA MED PA'I RGYUD GZHAN DANG MNYAM PA'I PHYIR MI MNYAM PA DANG MNYAM PA'O, ,'DI RIGS SNGAGS CHEN MO LA SOGS PA JI LTAR YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS KOO SHI KA RIGS SNGAGS 'DI LA ZHES BYA BA LA SOGS PA GSUNGS SO, ,'DI SKAD DU GANG GI PHYIR SHES RAB KYI PHA ROL TU PHYIN PA LA BYAMS PA LA SOGS PA SNGON @110A *, ,DU 'GRO BAS SLOB PA NA SU LA YANG GNOD PA LA SOGS PA'I DON DU MI SLOB PA DE BAS NA 'TSE BA LA SOGS PA TSE THUNG BAR 'GYUR BA LA SOGS PA'I RGYU RNAM PAR BSAL BAS RIG SNGAGS CHEN MO LA SOGS PA'I RANG BZHIN YIN NO ZHES BRJOD PA YIN NO, ,BDAG LA GNOD PA BYA BAR YANG SEMS ZHES BYA BA NI BDAG NYID 'CHI BA LA SOGS PA'I RGYUR 'BAD PAR MI BYED DO, ,'TSE BA THAMS CAD NYE BAR ZHI BA'I 'OG TU YANG DAG PAR RDZOGS PA'I BYANG CHUB KYI BYED PA LNGA PA NI, KOO SHI KA RIG SNGAGS 'DI LA ZHES BYA BA LA SOGS PA GSUNGS PA YIN TE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR ZHES BYA BA NI, DE KHO NA NYID RTOGS PA MNGON SUM DU 'GYUR BA'O, ,THAMS CAD MKHYEN PA'I YE SHES THOB PAR 'GYUR TE ZHES BYA BA NI, DE KHO NA NYID RTOGS PA'I 'OG TU CHOS THAMS CAD KYI YUL SHES PA RTOGS PAR 'GYUR BA'O, ,DE NYID BSTAN PA NI BLA NA MED PA YANG DAG PAR RDZOGS PA'I ZHES BYA BA LA SOGS PA GSUNGS PA YIN NO, ,SEMS LA ZHES BYA BA NI NYE BAR MTSON PA YIN PAS CHOS THAMS CAD YONGS SU BSDU BA'O, ,RNAM BAR LTA BAR 'GYUR RO ZHES BYA BA NI SHES PAR 'GYUR BA'O, ,RNAL 'BYOR BA'I YE SHES THAMS CAD NI DMIGS SU MED PA NYID YIN PAR 'DOD PA MA YIN NAM, DE CI LTAR CHOS THAMS CAD RNAM PAR SHES PAR 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS, KOO SHI KA RIG SNGAGS 'DI LA ZHES BYA BA LA SOGS PA GSUNGS TE, THOB PA NI BAR CHAD MED PA'I LAM GYI SGRIB PA GNYIS PO BAG CHAGS DANG BCAS PA SPANGS PA'I PHYIR RO, ,SHES PA NI RNAM PAR GROL BA'I LAM GYIS RNAM PA THAMS CAD MKHYEN PA'I YE SHES THUGS SU CHUD PA DANG LDAN PA'I PHYIR RO, ,MNGON SUM DU BYAS PA NI DAG PA 'JIG RTEN PA'I YE SHES KYIS NGES PA'I PHYIR RO, ,'DI SKAD STON TE, DPER NA RMI LAM BDEN PA MTHONG BA'I SHES PA NI DON DAM PAR YUL MED DU ZIN KYANG RTAGS DANG LUNG LA MI LTOS PAR RTEN GYI KHYAD PAR GYI DBANG GIS YUL SO SOR NGES PA'I RNAM PAR SKYE BA NA NYE BAR BSTAN PA'I DON THOB PAR BYED PA NYID KYIS MI BSLU BAR 'GYUR RO, ,DE BZHIN DU RNAL 'BYOR PA'I YE SHES KYANG SHES RAB KYI PHA ROL TU PHYIN PA'I RNAL 'BYOR LA GOMS PA'I STOBS KYIS, JI LTAR @110B GZHAN GYIS BYUNG ZIN PA DANG BYUNG BA DANG 'BYUNG BAR 'GYUR BA 'AM 'DAS PA DANG DA LTAR DANG MA 'ONGS PA NA 'BYUNG BA'I RNAM PAR DE LTAR BRTAGS PA DE KHO NA LTAR NYE BAR BSTAN PA, RNAM PA SNA TSOGS KYI DBYE BAS RAB TU SPROS PA PHYI RO LTA BUR MNGON ZHING GSAL BAR SNANG BA'I RANG BZHIN CAN, RTAGS DANG LUNG LA MI LTOS PAR MI BSLU BA NYID DU SKYES PA NI MNGON SUM GYI TSAD MA YIN PAR 'DOD DO, ,DE BAS NA DE LTAR BCOM LDAN 'DAS NI THAMS CAD MNGON SUM DU GZIGS PA NYID DU KHAS LEN PA'I PHYIR, GANG MA THOB PA 'AM MA SHES PA 'AM MNGON SUM DU MA BYAS PA DE MI MNGA' BAS NA THAMS CAD MKHYEN PA'I YE SHES DANG LDAN PA ZHES BYA'O, , GANG GI PHYIR 'BREL BA MED PAS 'KHRUL PA LOG KYANG RNAM PA LDOG PA SRID PA MA YIN NO ZHES 'PHAGS PA KLU SGRUB PA LA SOGS PAS DBU MA'I TSUL GYI RJES SU 'BRANGS NAS BSHAD PA YIN NO, ,DAD PA PHUL DU BYUNG BA DANG LDAN PAS BSOD NAMS CHE BA NYID YIN PA'I PHYIR GNAS GANG DU DE BZHIN GSHEGS PA LA SOGS PA'I THUGS SU CHUD PA LA SOGS PA SKYES PA DE NI MCHOD PAR BYA BA YIN NO ZHES BYANG CHUB KYI BYED PA'I 'OG TU SHES RAB KYI PHA ROL TU PHYIN PA'I RTEN GYI YUL LA MCHOD PA NYID KYI BYED PA DRUG PA BSTAN PA'I PHYIR, GZHAN YANG KOO SHI KA ZHES BYA BA LA SOGS PA GSUNGS SO, ,CHUNG DU NA ZHES BYA BA NI THA MA NA'O SNGON GYI LAS KYI RNAM PAR SMIN PA ZHES BYA BA NI GNYEN PO'I PHYOGS LA GOMS PA DANG BRAL BA'I MYONG BAR NGES PA'I LAS SO, ,DON GYI DE KHO NA NYID 'DI NYID DPES BSTAN PAR BYA BA'I PHYIR, KOO SHI KA 'DI LTA STE DPER NA ZHES BYA BA LA SOGS PA GSUNGS TE, BYANG CHUB KYI SNYING PO'I SNYING POR GYUR PA STE, 'DIR SA PHYOGS SKYIL KRUNG GIS NON PA NI BYANG CHUB KYI SNYING PO'O, ,DER 'DUG PA NI DE'I MTHA' LA BRTEN PA'O, ,BYANG CHUB KYI SNYING PO'I KHOR YUG NI MTSAMS NA GNAS PA'I RDO RJE PHUR BU BZHI'I NANG DU CHUD PA'I SA'I CHA'O, ,BYANG CHUB KYI SNYING PO NI BSHAD ZIN TO, ,DE'I NANG NI DE'I DBUS KYI NANG NGO, ,BYANG CHUB KYI SHING RTZA BA NA 'DUG PA ZHES BYA BA NI, SA'I NANG DU ZHUGS PA'I RTZA BA NI KHOR YUG SMOS PAS ZIN PA'I PHYIR DE LAS BYUNG BA'I SHING GI CHA NI RTZA BA'O, ,GTZE BA ZHES BYA BA NI RNAM PAR MTHO 'TSAM PAR RO, ,GNOD PA ZHES BYA BA NI RNAM PAR ZHE SDANG BAR RO, ,'BEBS PAR ZHES BYA BA NI 'BYUNG PO'I GDON LA SOGS PA 'JUG PAR RO, ,MI NUS SO ZHES BYA BA NI DE @111A *, ,RNAMS LA MI BTUB STE YUL MA YIN NO ZHES BYA BA'I THA TSIG GO, ,GTZO BA LA SOGS PA SKYE BA'I GEGS BYED PA'I BYA BA MED PA MA YIN NAM, DER GTZE BA LA SOGS PA BYA BAR JI LTAR MI NUS SNYAM PA'I DGOS PA DE CI'I PHYIR ZHE NA ZHES BYA BAS BSU NAS, GANG DAG CES BYA BA LA SOGS PA GSUNGS PA YIN NO, ,NGAG GI DON NI 'DI YIN TE, GANG DAG SEMS CAN THAMS CAD KYI DON GYI PHYIR GNOD SEMS CHUNG DU DANG 'BRING DANG CHEN PO'I GNYEN PO'I BYAMS PA'I DBYE BA MI 'JIGS PA KHO NA MED PA DANG MI SKRAG PA BDAG NYID KYIS GUS PAR MDZAD DE, DUS YUN RING POR RGYUN DU BSGOMS PA DANG GZHAN DAG GI DBANG DU MDZAD NAS STON PAR BYED CING BRJOD PA'I DUS GSUM GYI SANGS RGYAS DE RNAMS DER 'KHRUNGS PAS GNAS DE KHYAD PAR CAN DU GYUR PA YIN NO, ,DE BAS NA RGYU RKYEN GYI TSOGS PA NI BSAM GYIS MI KHYAB PA YIN PA'I PHYIR, SA'I CHA'I BDAG NYID KYIS NA RGYU'I NYES PA LAS BYUNG BA'I GTZE BA LA SOGS PA'I 'BRAS BU DE DER BYED PAR MI NUS PA NI RTEN CING 'BREL PAR 'BYUNG BA'I CHOS NYID KYI STOBS PA'I PHYIR RO ZHES BYA BA 'DI YIN NO, ,DE LTAR DPE BSTAN NAS, DPES BSHAD PA'I DON BSTAN PA'I PHYIR, DE BZHIN DU ZHES BYA BA LA SOGS PA GSUNGS SO, ,SNGA MA DANG 'DRA BA'I BSAM PAS DE CI'I PHYIR ZHE NA ZHES RTOG PA LA, DE BZHIN DU GNAS KYI CHE BA'I BDAG NYID BSTAN PA'I SGO NAS LAN GANG BA NI, KOO SHI KA ZHES BYA BA LA SOGS PA GSUNGS PA YIN TE, MCHOD RTEN DU GYUR PA NI PHYAG BYA BA LA SOGS PAS BSOD NAMS BSAGS PA'I RGYUR 'GYUR BA'I PHYIR TE, PHA DANG 'DRA BA LA PHAR GYUR PA ZHES 'DRA BAR STON PA'I TSIG LA GYUR PA'I SGRAS SMOS PA'I PHYIR MCHOD RTEN GZHAN DANG MNYAM PA LA GYUR PA NYID KYIS NAS PHYOGS DE MCHOD RTEN DU GYUR PA YIN NO ZHES BYA BA NI KHA CIG GI'O, ,GANG DU GANG ZAG LA BDAG MED PA STON PAR BYED PA, CHOS GANG RGYUS BYUNG DE DAG GI ,ZHES BYA BA LA SOGS PA'I TSIGS SU BCAD PAS BYIN GYIS BRLABS PA'I SA'I CHA MCHOD RTEN YIN PAR 'DOD PA DER DNGOS PO MTHA' DAG RANG BZHIN MED PAR STON PAR MDZAD PA'I RGYAL BA'I YUM 'DZIN PA LA SOGS PA DANG LDAN PA NI SHIN TU GSAL BAR MCHOD RTEN DU GYUR PA NYID YIN NO, ,DE BAS NA DBANG PO NYID LA DBANG POR GYUR PA ZHES BYA BA DANG 'DRA BAR DE'I RANG BZHIN NYID KYI MCHOD RTEN NYID LA @111B MCHOD RTEN DU GYUR PA YIN NO ZHES BYA BA NI BTZUN BA ZLA BA'I YIN NO, ,PHYAG BYA BA NI 'DUD PAR BYA BA YIN PA'I PHYIR RO, ,RJED PAR BYA BA NI YON TAN RJES SU DRAN PAS MANG DU PHU DUD BYED PA'I PHYIR RO, ,MCHOD PAR BYA BA DANG, RI MOR BYA BA DANG, BSNYEN BKUR BYA BA NI, GO RIMS BZHIN DU MCHOD PA CHUNG DU DANG, 'BRING DANG CHEN PO RNAMS KYIS SO, ,BKUR STI BYA BA NI DPAL GYI DAR DPYANGS BCING PA LA SOGS PAS KHYAD PAR DU 'PHAGS PA'I GNAS LA 'JOG PA'I PHYIR RO, ,BLA MAR BYA BA ZHES BYA BA NI RNAM PA THAMS CAD DU 'DA' BAR BYA BA MA YIN PA NYID KYIS SO, ,SKYOB PA NI NYE BAR 'TSE BA THAMS CAD BZLOG PA NYID KYIS SO, , SKYABS NI DE LA BRTEN PA'I SBYOR BAS DON MED PA NYID DU MI 'JOG PA NYID KYIS SO, ,GNAS NI KHA NA MA THOB MED PA'I DGA' BA'I DBANG PO NYID KYIS SO, ,DPUNG GNYEN NI MCHOG TU 'PHAGS PA NYID DU 'GRO BA'I GNAS LA 'JOG PA NYID KYIS SO, ,JI SKAD DU BSHAD PA'I TSUL GYIS NA BYED PA NI RNAM PA DRUG KHO NAR SHES PAR BYA'O, ,DE SKAD DU YANG, KUN NAS DUL DANG THAMS CAD NAS, ,'DUD DANG NYON MONGS LAS RGYAL DANG, ,GNOD PAS BRDZI BA MED NYID DANG, ,BYANG CHUB NYID DANG RTEN MCHOG NYID, ,CES GSUNGS PA YIN NO, ,BYED PA'I 'OG TU BSGOM PA'I LAM BRJOD PAR BYA BA YIN LA, DE YANG ZAG PA DANG BCAS PA DANG ZAG PA MED PA'I BYE BRAG GIS RNAM PA GNYIS SO, ,DE LA ZAG PA DANG BCAS PA NI MOS PA DANG, BSNGO BA DANG, RJES SU YI RANG BA YID LA BYED PA'I MTSAN NYID KYIS RNAM PA GSUM MO, ,ZAG PA MED PA YANG MNGON PAR SGRUB PA DANG, SHIN TU RNAM PAR DAG PA'I RANG BZHIN GYIS RNAM PA GNYIS YIN NO, ,DE BAS NA JI LTAR MOS PA BZHIN DU MTHONG BA'I DGE BA'I CHOS KYI RTEN BSGOM PA'I LAM GYI DBANG DU BYAS PA YIN PAS, DANG PO MNGON DU MI BYED PA'I NGO BO MOS PA BRJOD PAR BYA'O, ,DE YANG RANG GI DON DANG, RANG DANG GZHAN GYI DON DANG, GZHAN GYI DON ZHES BYA BA RTZA BA'I DBYE BAS RNAM PA GSUM YOD PA LA, RE RE ZHING CHUNG DU DANG 'BRING DANG CHEN PO'I DBYE BAS THA DAD PA'I PHYIR NA GSUM TSAN GSUM GYIS RNAM PA DGUR 'GYUR BA NI 'DI LTA STE, RANG GI DON GYI MOS PA CHUNG DU DANG 'BRING DANG CHEN PO DANG, RANG DANG GZHAN GYI DON GYI MOS PA DANG, GZHAN GYI DON GYI MOS PA LA YANG DE BZHIN NO, ,DE LTAR RNAM PA DGU PO DE DAG KYANG RE RE ZHING CHUNG NGU'I CHUNG DU LA SOGS @112A *, ,PA'I BYE BRAG GIS SO SOR PHYE NA MOS PA DGU TSAN GSUM GYI RNAM PA NYI SHU RTZA BDUN DU 'GYUR BA NI, 'DI LTA STE CHUNG NGU'I DU DANG CHUNG NGU'I 'BRING DANG CHUNG NGU'I CHEN PO DANG, 'BRING GI CHUNG NGU DANG 'BRING GI 'BRING DANG 'BRING GI CHEN PO DANG, CHEN PO'I CHUNG NGU DANG CHEN PO'I 'BRING DANG CHEN PO'I CHEN PO DANG, DE LTAR RANG GI DON GYI MOS PA DGU'O, ,RANG DANG GZHAN GYI DON GYI MOS PA DANG, GZHAN GYI DON GYI MOS PA LA YANG DE BZHIN DU SHES PAR BYA'O, ,DE LA RANG GI DON GYI MOS PA'I RNAM PA CHUNG NGU'I DBANG DU MDZAD NAS DE SKAD CES BKA' STZAL PA DANG ZHES BYA BA LA SOGS PA SMOS PA YIN NO, ,LHA'I ZHES BYA BA NI YID DU 'ONG BA RNAMS KYIS SO, ,ME TOG NI SIL MAR GNAS PA'O, ,BDUG SPOS NI LHAN CIG SKYES PA DANG, SBYAR BA LA SOGS PA'O, ,DRI NI TZANDAN LA SOGS PA'O, ,PHRENG BA NI DUS THAMS CAD PA'I ME TOG SPEL TE BRGYUS PA'O, ,BYUG PA NI SKU'I DRIL PHYIS KYI RNAM PA'O, ,PHYE MA NI GSER LA SOGS PA'I PHYE MA'O, ,NA BZA' NI GOS KYI RNAM PA'O, ,GDUGS NI GDUGS DKAR PO LA SOGS PA'O, ,RGYAL MTSAN NI NA MKHA' LDING LA SOGS PAS MTSON PA'O, ,DRIL BU NI RDO RJE LA SOGS PAS MTSON PA'O, ,BA DAN NI MTSAN MA LA SOGS PA MED PA'O, ,MCHOD PA RNAM PA MANG PO DAG GIS ZHES BYA BA NI, BZA' BA DANG BCA' BA LA SOGS PA'I RNAM PA MANG POS SO, ,SKU NI KHA CIG NI GZUGS KYI SKU LA BYA'O ZHES ZER RO, ,GZHAN DAG NI SKU GDUNG LA BYA'O ZHES ZER RO, ,NANG DU BTZAL TE ZHES BYA BA NI GZHAG STE'O, ,YONGS SU 'DZIN CING ZHES BYA BA NI NGA YI NYID KYIS BDAG GIR BYAS PA'O, ,'CHANG LA ZHES BYA BA NI YUN RING DU GNAS PAR BYED PA'O, ,DE DAG LA YANG ZHES BYA BA NI MCHOD RTEN TE, YANG ZHES BYA BA'I SGRAS NI DE 'BA' ZHIG TU MA ZAD KYI SKU LA YANG NGO, ,DE'I TSIG NYID KYIS RGYAL BA'I YUM LA MCHOD PA NI BSOD NAMS LHAG PAR CHE BA NYID DU BSTAN PAR BYA BA'I PHYIR BRGYA BYIN LA SLAR 'DRI BAR MDZAD PA NI KOO SHI KA DE'I PHYIR ZHES BYA BA LA SOGS PA GSUNGS SO, ,THAMS CAD MKHYEN PA NYID KYI BDAG GI DNGOS PO SKU MNGON PAR GRUB PA ZHES BYA BA NI THAMS CAD MKHYEN PA'I YE SHES THUGS SU CHUD PAR RUNG GI SKU'I DNGOS PO BSKYED PA'O, ,LAM GANG LA ZHES BYA BA NI BGROD PAR BYA BA @112B GANG ZHIG LA ZHES BYA BA'I THA TSIG GO, ,SHES RAB KYI PHA ROL TU PHYIN PA MED PAR PHYIN CI LDOG MI LDOG PAS NA GROL BA MI 'THAD PA'I PHYIR RO SNYAM PA'I BSAM PA DANG LDAN PAS, BCOM LDAN 'DAS SHES RAB KYI PHA ROL TU PHYIN PA 'DI NYID CES BYA BA LA SOGS PA GSOL TE, RDO RJE LTA BU LA THOG MAR SKYE BA THOB DU RUNG BA NYID KYIS RANG BZHIN GYIS NI BRNYES PA YIN LA, DE'I 'OG TU MNGON PAR RDZOGS PAR SANGS RGYAS PA YIN NO, ,YANG NA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE DE NAS THAMS CAD MKHYEN PA NYID BRNYES SO ZHES BYA BAR SBYAR RO, ,DE LA BLA NA MED PA'I BYANG CHUB NI NYID KYI DON PHUN SUM TSOGS PA'O, ,THAMS CAD MKHYEN PA NYID NI GZHAN GYI DON PHUN SUM TSOGS PA'O, ,DA NI DE'I TSIG NYID KYIS LAN GSUNGS PA NI KOO SHI KA DE LTA BAS NA ZHES BYA BA LA SOGS PA'O, ,BDAG GI DNGOS PO'I SKU ZHES BYA BA LA BDAG GI DNGOS PO NYID SKU YIN PA'AM MCHI GU'I LUS ZHES BYA BA LTAR BDAG GI DNGOS PO'I SKU ZHES BYA BA'I DON TO, ,'DI BRNYES PAS NI ZHES BYA BA NI THOB PAS SO, ,DE BZHIN GSHEGS PA ZHES BYA BA'I GRANGS SU MI 'GRO'O ZHES BYA BA NI, ,THAMS CAD KYIS DE BZHIN GSHEGS PA THOB PAR GYUR PA'I PHYIR RO ZHES 'DOD PA'O, ,DE LTA NA JI LTAR DE BZHIN GSHEGS PA YIN ZHE NA, THAMS CAD MKHYEN PA NYID BRNYES PAS NI ZHES BYA BA LA SOGS PA GSUNGS SO, ,YON TAN NA GZHAN DAG KYANG BSTAN PA NI KOO SHI KA DE BZHIN GSHEGS PA DGRA BCOM PA ZHES BYA BA LA SOGS PA GSUNGS PA YIN NO, ,THAMS CAD MKHYEN PA'I YE SHES KYI RTEN GNAS SU GYUR PA YIN NO ZHES BYA BA NI, GZHAN RNAMS KYIS THAMS CAD MKHYEN PA'I YE SHES SGRUB PAR BYED PA'I RGYUR GYUR PA'O, ,DE NYID BSTAN PA'I PHYIR RTEN 'DI LA BRTEN NAS NI ZHES BYA BA LA SOGS PA GSUNGS TE, 'DI LA ZHES BYA BA NI BDAG GI DNGOS PO'I SKU BRNYES PA'O, ,RAB TU 'BYED PA NI GSAL BAR BYED PA'O, ,SANGS RGYAS NI GZUGS KYI SKU LA SOGS PA'I RANG BZHIN NO, ,CHOS NI MDO LA SOGS PA'I BDAG NYID CAN NO, ,DGE 'DUN NI 'PHAGS PA PHYIR MI LDOG PA LA SOGS PA'I BYANG CHUB SEMS DPA'I TSOGS SO, ,NGA YONGS SU MYA NGAN LAS 'DAS PAR GYUR KYANG ZHES BYA BA'I KYANG GI SGRAS NI BZHUGS PA BSDU'O, ,DE LTAR RGYA CHER BSTAN NAS NYE BAR BSDU BA'I PHYIR DE BAS NA KOO SHI KA @113A *, ,ZHES BYA BA LA SOGS PA GSUNGS SO, ,DE BZHIN GSHEGS PA NI THAMS CAD LAS KHYAD PAR DU 'PHAGS PA YIN NA RGYU YIN DU ZIN KYANG YUM LA MCHOD PAS BSOD NAMS CHES MANG DU JI LTAR SKYE SNYAM PA'I DOGS PA DE CI'I PHYIR ZHE NA ZHES BYA BAS BSU NAS, KOO SHI KA RIGS KYI BU'AM ZHES BYA BA LA SOGS PA GSUNGS SO, ,NGAG GI DON NI 'DI YIN TE, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,ZHES BYA BA'I TSUL GYIS GTZOR CHOS KYI SKU'I DE BZHIN GSHEGS PA NYID SHES RAB KYI PHA ROL TU PHYIN PA YIN NO, ,DE BAS NA DE STON PAR BYED PA'I RGYAL BA'I YUM LA MCHOD NA THAMS CAD MKHYEN PA'I YE SHES KYI CHOS KYI SKU LA MCHOD PA'I PHYIR BSOD NAMS MANG DU SKYE BA YIN NO, ,GZUGS BRNYAN GYI DE BZHIN GSHEGS PA LA MCHOD NA NI KHYAD PAR DU 'PHAGS PA'I CHOS KYI SKUS MA BSDUS PA YIN PA'I PHYIR BSOD NAMS CHES MANG DU MI BSKYED PA YIN NO, ,BRIS NAS MCHOD NA BSOD NAMS MANG DU BSKYED PAR BSTAN NAS, 'DRI BZHIN PA NA YANG DE DANG 'DRA'O ZHES BSTAN PAR BYA BA'I PHYIR, YANG RIGS KYI BU'AM ZHES BYA BA LA SOGS PA GSUNGS SO, ,SNGA MA BZHIN DU DOGS PA DE CI'I PHYIR ZHE NA ZHES BYA BAS BSU NAS, DE BZHIN DU LAN GDAB PA'I PHYIR, KOO SHI KA GANG SHES RAB KYI PHA ROL TU PHYIN PA LA ZHES BYA BA LA SOGS PA GSUNGS SO, ,CHUNG NGU'I 'BRING GI RNAM PA BSTAN PAR BYA BA'I PHYIR ZHU BAR BYED PA NI, BCOM LDAN 'DAS 'DZAM BU'I GLING GI MI GANG DAG CES BYA BA LA SOGS PA GSOL PA YIN NO, ,DON CHEN PO CAN DU ZHES PA LA, BSOD NAMS KYI TSOGS NI DON CHEN PO YIN LA DE RDZOGS PAR BYED PAS NA DON CHEN PO CAN NO, ,MA 'TSAL LAGS SAM ZHES BYA BA NI BSOD NAMS KYI TSOGS MA SHES PA'I PHYIR RO, ,PHAN YON CHEN PO NI YE SHES KYI TSOGS TE DE'I RGYUR GYUR PA NYID KYIS NA PHAN YON CHEN PO DANG LDAN PA'O, ,RTOGS PAR MA GYUR LAGS SAM ZHES BYA BA NI YE SHES KYI TSOGS MA SHES PA'I PHYIR RO; ,'BRAS BU CHE BA DANG RNAM PAR SMIN PA CHE BAR ZHES BYA BA NI BSOD NAMS KYI TSOGS DANG YE SHES KYI TSOGS DAG NI GO RIMS BZHIN DU RNAM PAR SMIN PA RGYU MTHUN PA'I 'BRAS BU GZUGS KYI SKU DANG CHOS KYI SKU DAG SKYED PAR BYED PA YIN PAS DE SKAD CES SMRAS PA YIN NO, ,RIG PAR MA GYUR LAGS SAM ZHES @113B BYA BA NI BSOD NAMS DANG YE SHES KYI 'BRAS BU MA RTOGS PA'I PHYIR RO, ,SLAR ZHING DAD PAR MA GYUR LAGS ZHES BYA BA NI LAS KYI 'BRAS BU LA SOGS PA LA YANG YID MA CHES PA'I PHYIR RO, ,DE'I TSIG NYID KYIS DRIS PA'I LAN BTAB NAS CHUNG NGU'I 'BRING GI RNAM PA BSTAN PA'I PHYIR SLAR DRI BA MDZAD PA NI KOO SHI KA 'DI JI SNYAM DU SEMS 'DZAM BU'I GLING GI MI DE DAG LAS ZHES BYA BA LA SOGS PA GSUNGS SO, ,RTOGS NAS DAD PA DANG LDAN PA ZHES BYA BA NI YON TAN SRID PAR RTOGS PA SNGON DU 'GRO BA'I DAD PA'O, ,KHA CIG NI THE TZOM SPANGS PA'I PHYIR RTOGS NAS DAD PA DANG LDAN PA ZHES BYA BA'I ZER RO, ,GZHAN DAG NI DE KHO NA NYID RTOGS PA DAG DKON MCHOG GSUM DANG BZHI PA 'PHAGS PA DGYES PA'I TSUL KHRIMS LA DAD PA NI RTOGS NAS DAD PA DANG LDAN PA'O ZHES 'DOD DO, ,BRTZON 'GRUS PHUL DU BYUNG BA LA SOGS PA DANG LDAN PAS GONG NAS GONG DU BSOD NAMS DANG PO NYID LA SOGS PA'I 'BRAS BU KHYAD PAR CAN DU 'GYUR BA YIN NO SNYAM DU DGONGS NAS LEGS PAR SMRAS PA NYID KYIS BLO MTHUN PA NI KOO SHI KA DE DE BZHIN NO ZHES BYA BA LA SOGS PA GSUNGS PA'O, ,'DIS NI DON 'DI SKAD STON TE, JI LTAR BRTZON 'GRUS PHUL DU BYUNG BA LA SOGS PA DANG BRAL BAR RTOGS NAS DAD PA DANG LDAN PA THOB CING RTOGS PA CHEN PO KHONG DU CHUD PA YANG NYUNG BA YIN PA DE BZHIN DU SHES RAB KYI PHA ROL TU PHYIN PA LA MCHOD PA LA SOGS PA BYED PA NI NYUNG NGO ZHES DE'I TSIG GIS BSTAN PA YIN NO ZHES BYA BAR GZUNG STE, GZHAN DU BRGYA BYIN GYIS ZHUS PA'I TSIG LA CI YANG MA GSUNGS PAR 'GYUR RO, ,CHES NYUNG BA DANG CHES SHIN TU NYUNG BA LA SOGS PA BSTAN PAS BRJOD MA THAG PA'I DON RGYAS PAR BSHAD PA'I PHYIR, KOO SHI KA GANG DAG RGYUN DU ZHUGS PA ZHES BYA BA LA SOGS PA GSUNGS SO, ,SEMS BSKYED PA RGYAS PAR BYED NAS ZHES BYA BA NI, BLO LDAN SEMS MCHOG BSKYED MA THAG TU YANG, ,MTHA' YAS NYES PA BYED LAS SEMS RAB BSDAMS,, 'BYOR PA'I DUS DANG RGUD PA'I DUS DAG TU, ,NYON MONGS SDUG BSNGAL DAG GIS 'DI MI 'JIGS, ,ZHES BYA BA LA SOGS PA'I YON TAN RJES SU DRAN NAS SGRUB PA RGYAS SHING BSTAN PAR BYED PA'O, ,BRTZON 'GRUS BRTZAMS SHING ZHES BYA BA NI BRTZON 'GRUS 'BAR BA'O, ,RNAL 'BYOR DU BYED PA ZHES BYA BA NI BSAM @114A *, ,GTAN GYI STOBS KYIS SEMS RTZE GCIG PA NYID DO, ,SPYOD PA ZHES BYA BA NI DE KHO NA NYID RTOGS PAS RJES SU GNAS PA'O, ,PHYIR MI LDOG PA'I SA LA GNAS PA ZHES BYA BA NI MI G-YO BA LA'O, ,LHAG PA'I BSAM PA PHUN SUM TSOGS PA ZHES BYA BA NI, YANGS SHING RGYA CHE DGA' BA DANG, ,DGOS PA CHE LA BRTZON PA DANG, ,DGE BA NYID NI LHAG PA YIS, ,BSAM PA DAM PA'I LHAG BSAM YIN, ,ZHES BYA BA'I KHYAD PAR CAN GYI BSAM PA DANG LDAN PA'O, ,DE DAG LA YANG ZHES BYA BA NI NYAN PA PO DE DAG GO, ,GZHAN YANG CHES SHIN TU NYUNG BA NYID BSTAN PAR BYA BA'I PHYIR KOO SHI KA YANG GANG DAG BYANG CHUB KYI SEMS BSKYED PA DANG ZHES BYA BA LA SOGS PA GSUNGS PA YIN NO, ,THAMS CAD BSAM PA MNYAM PA LA 'JUG PA MA YIN NAM, JI LTAR NA GCIG GAM GNYIS SHIG GNAS PAR 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS, KOO SHI KA BLA NA MED PA YANG DAG PAR RDZOGS PA'I BYANG CHUB NI ZHES BYA BA LA SOGS PA GSUNGS TE, NGES PAR 'BYED PA'I CHA DANG MTHUN PA BZHI DANG, MTHONG BA DANG SGOM PA DANG KHYAD PAR GYI LAM RNAMS LA BRTZON 'GRUS PHUL DU BYUNG BA DANG BRAL BA'I PHYIR, BRTZON 'GRUS ZHAN PA ZHES BYA BA LA SOGS PA TSIG BDUN GYI DON GO RIMS BZHIN DU BRJOD PAR BYA'O, ,'DI SKAD DU BRTZON 'GRUS PHUL DU BYUNG BA MED PAS DANG POR BSAM PA MTSUNGS PAS ZHUGS PA YIN DU ZIN KYANG THAMS CAD BLA NA MED PA YANG DAG PAR RDZOGS PA'I BYANG CHUB KYI SNOD MA YIN NO ZHES BRJOD PA YIN NO, ,BSGRUB PAR DKA' BA ZHES BYA BA NI BGROD PAR DKA' BA'O, ,CHUNG NGU'I CHEN PO'I RNAM PA BSTAN PA'I PHYIR, KOO SHA KA DE BAS NA DE LTAR ZHES BYA BA LA SOGS PA GSUNGS TE, MYUR DU ZHES BYA BA NI RINGS PAR RO, ,BDE BAR ZHES BYA BA NI NYON MONGS PA MED PAR RO, ,RGYUN MI 'CHAD PAR ZHES BYA BA NI YANG DANG YANG DU'O,, DE BZHIN GSHEGS PA NYID DON DU GNYER BAS BYANG CHUB KYI SPYOD PA LA BSLAB PAR BYA BA MA YIN NAM, DE NI CI LTAR SHES RAB KYI PHA ROL TU PHYIN PA LA BSLAB PAR BYA SNYAM PA'I DOGS PA DE CI'I PHYIR ZHE NA ZHES BYA BAS BSU NAS, KOO SHI KA 'DI LTAR ZHES BYA BA LA SOGS PA GSUNGS SO, ,NGAG GI DON NI @114B 'DI YIN TE, GANG GI PHYIR SNGON BCOM LDAN 'DAS BYANG CHUB SEMS DPA'I SPYAD PA SPYOD PA NA SPYOD PA YONGS SU RDZOGS PAR BYA BA'I PHYIR MI DMIGS PA'I TSUL GYIS SHES RAB KYI PHA ROL TU PHYIN PA LA BSLAB PA DE BZHIN DU BDAG CAG GIS KYANG SANGS RGYAS KYI YON TAN THAMS CAD THOB PA'I RGYU NI SHES RAB KYI PHA ROL TU PHYIN PA LA BRTEN PAR BYA'O, ,GZHAN DU NA DMIGS PAS NI BYANG CHUB SEMS DPA'I SPYOD PA RDZOGS PAR MI 'GYUR ZHING BYANG CHUB RTOGS PAR MI 'GYUR RO ZHES BYANG CHUB SEMS DPA' DES SHES PA YIN NO ZHES BYA BA'O, ,'BRING GI CHUNG NGU'I RNAM PA BSTAN PA'I PHYIR KOO SHI KA DE BAS NA DE LTAR ZHES BYA BA LA SOGS PA GSUNGS TE, RIN PO CHE SNA BDUN GYI RANG BZHIN ZHES BYA BA NI, MU SAR GAL BA BEEd'URYA, ,DNGUL DANG SHEL DANG GSER DANG NI, ,MU TIG DMAR BCAS RDO SNYING RNAMS, ,KUN LAS GTZO PHYIR RIN PO CHE, ,SNA BDUN BRJOD PA YANG NA NI, ,MDOG DANG DBYIBS KYI CHA TZAM LAS, ,DE LAS THA DAD RIN PO CHE, ,GZHAN PA DAG NI YIN PAR BRJOD, ,CES BSHAD PAS NA RIN PO CHE SNA BDUN PO DE DAG GI RANG BZHIN NO, ,RANG BZHIN ZHES BYA BA NI DE'I NGO BO'O, ,DE BZHIN GSHEGS PA'I RING BSREL GYI SNYING PO CAN ZHES BYA BA NI DE BZHIN GSHEGS PA'I SKU GDUNG DBUS NA YOD PA'O, ,BYE BA MANG PO ZHES BYA BA NI BYE BA NI BYE BA DU MA YIN NO, ,DE'I GZHI LAS ZHES BYA BA NI RGYU DE LAS SO, ,LA LA LAS NI DE LAS GZHI'I BSOD NAMS ZHES 'DON TO, ,DE'I DON NI 'DI YIN TE, RING BSREL GYI SNYING PO CAN GYI MCHOD RTEN LA MCHOD PA DE LA LTOS NAS GZHI DES SANGS RGYAS NYID 'THOB PA'I RGYU'I BSOD NAMS MANG DU BSKYED DAM ZHES BYA BA YIN NO, ,BSOD NAMS ZHES BYA BA NI MNGON PA KUN LAS BTUS PA LAS, 'DOD PA DANG RAB TU LDAN PA'I DGE BA GANG YIN PA NI BSOD NAMS ZHES BYA BA LA, GZUGS DANG GZUGS MED PA DANG RAB TU LDAN PA NI MI G-YO BA ZHES BYA BA'O ZHES MING THA DAD PAR BYAS MOD KYI, 'DIR SPYIR DGE BA LA BSOD NAMS ZHES BYA BAR SHES PAR BYA STE, GZUGS KYI KHAMS NA YANG DON 'DI SRID PA'I PHYIR RO, ,BCOM LDAN 'DAS MANG NGO BDE BAR GSHEGS PA MANG NGO ZHES BYA BA NI, SHIN TU RGYA CHE GRUB @115A *, ,BYA'I PHYIR, ,MANG PO ZHES BYA YANG BSTAN TO, ,RINGS BAG LA SOGS KHYAD PAR LAS, ,BDE GSHEGS ZHES KYANG SHES PAR BYA, ,ZHES BYA BA'O, ,MNGON PAR DAD DE ZHES BYA BA NI MNGON PAR YID CHES PAR BYED PA'O, ,RTOG CING ZHES BYA BA NI YID LA 'JOG PA'O, ,MOS LA ZHES BYA BA NI LHAG PAR MOS PA'I YID LA BYED PAS DMIGS PA'O, ,SEMS DANG BAS ZHES BYA BA NI BZANG PO NYID DU MTHONG BAS SEMS MNGON PAR PHYOGS PA'O, ,BYANG CHUB TU SEMS BSKYED NAS ZHES BYA BA NI BLA NA MED PA YANG DAG PAR RDZOGS PA'I BYANG CHUB KYI RGYUR BYANG CHUB SEMS DPA'I SDOM PA LEN CING SEMS KHYAD PAR CAN DU BYAS PA'O, ,DON RNAM PAR 'GREL PA DANG ZHES BYA BA NI DON KHO NA 'BA' ZHIG BLANGS TE STON PA'O, ,YID KYI RJES SU RTOG PA DANG ZHES BYA BA NI PHAN TSUN MI 'GAL BAR NGES PAR RTOGS PA'O, ,JI LTA BUR GRUB PA'I ZHES BYA BA LA SOGS PA LA; 'BRING GI CHUNG DU LA SOGS PA'I RNAM PA'I MOS PA GRUB PA GANG DANG YANG DAG PAR LDAN PA DANG, SHES RAB GANG YIN PA DE YANG JI LTAR GRUB PA YIN TE, NGES SHES RAB KYI PHA ROL TU PHYIN PA 'DIR YONGS SU DPYOD PAR BYED CING ZHES BYA BA YONGS SU RTOG PAR BYED PA'O, ,DAM PA'I CHOS YUN RING DU GNAS PAR BYA BA NI DE'I RGYU MTSAN NO, ,DE NYID NI SANGS RGYAS KYI TSUL ZHES BYA BA LA SOGS PA GSUNGS PA YIN TE, SANGS RGYAS RNAMS KYI TSUL NI GTZO MO STE YUM SHES RAB KYI PHA ROL TU PHYIN PA NYID YIN LA, 'DI NI GLEGS BAM DU BRIS PA MED NA KLAG PA DANG KHA TON LA SOGS PA MED PA 'GYUR BAS DE RGYUN CHAD PAR MA GYUR PA'O, ,DE BZHIN DU YUM MI BZHUGS TE RTOGS PA DANG LUNG GI DAM PA'I CHOS NUB PAR MA GYUR CIG CES PA'O, ,BYANG CHUB SEMS DPA' RNAMS KYI YANG YUM YIN PAS GLEGS BAM DU BZHUGS PAS NYAN PA LA SOGS PA'I MTSAN GYI PHAN GDAGS PA BSGRUB PA BYAS PAR 'GYUR BA YIN NO, ,TSUL DANG MA BRAL BAS ZHES BYA BA LA GANG GI PHYIR ZHES BYA BA NI LHAG MA YIN LA, BAS ZHES BYA BA NI DE'I PHYIR YIN PAS TE GZHAG PAR BYA'O ZHES BYA BAR SBYAR RO, ,BZHAG PA 'BA' ZHIG TU MA ZAD KYI GZHAN YANG JI SKAD DU BSHAD PA'I BSAM PAS BKUR STIR BYA BA LA SOGS PA @115B YANG BYA'O ZHES GSUNGS PA NI SHES RAB KYI PHA ROL TU PHYIN PA DE LA ZHES BYA BA LA SOGS PA'O, ,NYAN PA LA SOGS PA 'DI DAG THAMS CAD KYIS NI CHOS SPYOD RNAM PA BCU BSHAD PA YIN TE, YI GE 'DRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD DANG KHA TON BYED PA DANG, ,DE SEMS PA DANG SGOM PA'O, ,CHOS SPYOD DE BCU'I BDAG NYID NI, ,BSOD NAMS PHUNG PO DPAG TU MED, ,KHYAD PAR PHYIR DANG MI ZAD PHYIR, ,GZHAN LA PHAN 'DOGS MA ZHI PHYIR, ,ZHES BYA BA YIN PAR SHES PAR BYA'O, ,'BRING GI RNAM PA'I DBANG DU MDZAD NAS, KOO SHI KA RIN PO CHE SNA BDUN GYI MCHOD RTEN GYI DE BZHIN GSHEGS PA'I RING BSREL GYI SNYING PO CAN BYE BA DU MA LTA ZHOG GI ZHES BYA BA LA SOGS PA GSUNGS SO, ,'DZAM BU GLING ZHES BYA BA NI, ,'DZAM BU GLING STE NGOS GSUM LA, ,STONG PHRAG GNYIS SO SHING RTA'I DBYIBS, ,GCIG LA SOGS TSAD PHYED DANG BZHI, ,ZHES BYA'O, ,'BRING GI CHEN PO GSUNGS PA NI, KOO SHI KA 'DZAM BU'I GLING 'DI RIN PO CHE SNA BDUN GYI MCHOD RTEN ZHES BYA BA LA SOGS GSUNGS PA YIN TE, GLING BZHI PA'I 'JIG RTEN GYI KHAMS NA ZHES BYA BA NI, DE LA SNOD KYI 'JIG RTEN GYI, ,GNAS PAR 'OD PA'I 'OD DAG GI, RLUNG GI DKYIL 'KHOR RNGAMS SU NI, ,SA YA DRUG 'BUM GRANGS MED DO, ,CHU RNGAMS 'BUM PHRAG BCU GCIG DANG, ,STONG PHRAG DAG NI NYI SHU'O, ,PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU 'GYUR, ,LHUN PO RIN CHEN BZHI'I RANG BZHIN, ,GSER GYI RI NI BDUN PO STE; ,DANG PO NYID NI GNYA' SHING 'DZIN, ,GSHOL MDA' 'DZIN ;DANG SENG LDENG CAN, ,BLTA NA SDUG DANG RTA RNA DANG, RNAM PAR 'DUD DANG MU KHYUD 'DZIN, ,DE NAS GLING NI RNAM PA BZHI, ,LHO LA SOGS PA'I PHYOGS LA BRTEN, ,'DZAM BU GLING STE NGOS GSUM LA, STONG PHRAG GNYIS SO SHING RTA'I DBYIBS, ,GCIG LA DPAG TSAD PHYED DANG BZHI, ,SHAR GYI LUS 'PHAGS ZLA GAM 'DRA, ,NGOS GSUM 'DI DANG 'DRA GCIG LA, ,DPAG CHAD SUM BRGYA LNGA BCU'O, ,BA LANG SPYOD GLING ZLUM PO STE, ,STONG PHRAG PHYED DANG BRGYAD YIN NO, ,SGRA MI SNYAN NI GRU BZHIR MNYAM, ,DPAG TSAD STONG @116A *, ,PHRAG BRGYAD YIN NO, ,DE YI BAR GYI GLING BRGYAD NI, ,LUS DANG LUS 'PHAGS SGRA MI SNYAN, ,SGRA MI SNYAN GYI ZLA DANG NI, ,RNGA YAB DANG NI RNGA YAB GZHAN, ,G-YO LDAN DANG NI LAM MCHOG 'GRO, ,DE DAG GRANGS NI JI BZHIN 'DOD, ,GLING BZHI PO NI DE DAG GI, PHYI ROL NA NI KHOR YUG STE, ,MTSAMS BCAD DANG 'DRAR LCAGS LAS NI, ,BYUNG BA'I RI NI NAG POR BCAS, ,'DI KUN CHU'I NANG BRGYAD KHRI DAG ,NUB PO CHU YI STENG DU YANG, ,DPAG TSAD DAG NI BRGYAD KHRI'O, ,BRGYAD PO 'PHANG DU PHYED PHYED 'BRI, ,DE DAG RNGAMS SU'ANG 'PHANG DANG MNYAM, ,DE YI BAR BDUN ROL MTSO YIN, ,DANG PO STONG PHRAG BRGYAD CU'O, ,DE NI NANG GI RGYA MTSO YIN, ,DE YI NGOS LA SUM 'GYUR RO, ,ROL MTSO GZHAN NI PHYED PHYED DO, ,LHAG MA PHYI YI MTSO CHEN YIN, ,RI RAB KYI STENG YAN CHAD YIN, ,LHA YI GZHAL MED KHANG YIN NO, ,ZHES BSHAD DO, ,GLING BZHI PA NYID NI GLING BZHI PA'I 'JIG RTEN GYI KHAMS ZHES BSHAD DO, ,CHEN PO'I CHUNG NGU NI KOO SHI KA GLING BZHI PA'I 'JIG RTEN GYI KHAMS KYI SEMS CAN THAMS CAD LTA ZHOG GI CES BYA BA LA SOGS PA GSUNGS PA YIN TE, STONG SPYI PHUD KYI 'JIG RTEN GYI KHAMS NA ZHES BYA BA NI, GLING BZHI PA DANG NYI ZLA DANG; ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, ,CHEN PO'I 'BRING BSTAN PA NI, KOO SHI KA STONG SPYI PHUD KYI 'JIG RTEN GYI KHAMS ZHES BYA BA LA SOGS PA GSUNGS PA YIN TE, STONG GNYIS PA BAR MA'I 'JIG RTEN GYI KHAMS NI ZHES BYA BA NI, DE STONG LA NI STONG GNYIS PA, ,BAR MA'I 'JIG RTEN KHAMS YIN NO, ,CHEN PO'I CHEN PO BSTAN PA'I PHYIR, ,KOO SHI KA STONG GNYIS PA BAR MA'I 'JIG RTEN GYI KHAMS ZHES BYA BA LA SOGS PA GSUNGS PA YIN TE, STONG GSUM GYI STONG CHEN PO'I 'JIG RTEN GYI KHAMS NA ZHES BYA BA NI, DE STONG LA NI STONG GSUM GYI, ,'JIG RTEN KHAMS NI BLA NA MED, ,KHOR YUG CHEN POS YONGS SU BSKOR, ,MNYAM DU 'JIG CING 'BYUNG BA YIN, ,BDAG TU NGA RGYAL GYI SA BON MA ZAD PA NYID KYIS DANG PO KHO NAR RANG GI DON GYI MOS PA RNAM PA DGUR BSTAN NAS, RANG DANG @116B GZHAN GYI DON GYI MOS PA CHUNG NGU'I CHUNG NGU'I DON BSTAN PA'I PHYIR, KOO SHI KA STONG GSUM GYI STONG CHEN PO'I 'JIG RTEN GYI KHAMS ZHES BYA BA LA SOGS PA GSUNGS TE, SNGA PHYI MED PAR ZHES BYA BA NI SNGA MA MED PAR PHYI MA YANG MED PAR DUS GCIG TU ZHES BYA BA'I THA TSIG GO, ,DE LTA BU'I RANG BZHIN GYI BSOD NAMS BYA BA DES ZHES BYA BA NI BSHAD MA THAG PA'I RIN PO CHE SNA BDUN GYI MCHOD RTEN RING BSREL GYI SNYING PO CAN BYAS NAS BKUR STIR BYED PA LA SOGS PA'I RANG BZHIN CAN GYI BSOD NAMS KYI SEMS CHE BAS SO, ,SANGS RGYAS RNAMS NI CHOS KYI SKU, ,'DRAN PA RNAMS NI CHOS NYID LTA, , ZHES GSUNGS PAS CHOS NYID KYI RANG BZHIN SHES RAB KYI PHA ROL TU PHYIN PA LA MCHOD NA SANGS RGYAS THAMS CAD LA MCHOD PA YIN PAS BSOD NAMS CHES MANG DU SKYE'O SNYAM DU BSAMS NA SA 'GA' ZHIG GI DON BYA BA'I PHYIR RANG GI RTOGS PA GSAL BA NI BCOM LDAN 'DAS DE DE BZHIN NO, ,BDE BAR GSHEGS PA DE DE BZHIN TE ZHES BYA BA'O, ,DE NYID BSTAN PA'I PHYIR BCOM LDAN 'DAS SHES RAB KYI PHA ROL TU PHYIN PA 'DI LA ZHES BYA BA LA SOGS PA GSOL TO, ,JI SKAD DU BSHAD PA'I DBYE BA CHUNG DU'I CHUNG NGU NYID RNAM PA GZHAN DAG GIS GSAL BAR BYA BA'I PHYIR, BCOM LDAN 'DAS RNAM GRANGS 'DI LTA BU ZHES BYA BA LA SOGS PA GSOL TE, RNAM GRANGS ZHES BYA BA NI RGYAS PAR BSTAN PAS SO, ,SIL SNYAN THAMS CAD DANG ZHES BYA BA NI PI BANG DANG GLING BU LA SOGS PA SIL SNYAN STONG PHRAG BCU RNAMS KYIS SO, ,GLU BLANGS THAMS CAD DANG ZHES BYA BA NI LEGS PAR SBYAR BA DANG THA MAL PA'I GLU LA SOGS PA RNAMS KYIS SO, ,GAR THABS DANG ZHES BYA BA NI, SGEG PA DANG, DPA' BA DANG, 'JIGS SU RUNG BA LA SOGS PA RNAMS KYIS SO, ,ROL MO DANG PHEG RDOB PA DANG THAMS CAD KYIS ZHES BYA BA NI, DUNG LA SOGS PA'I SGRA SKAD NI ROL MO THAMS CAD DO,, LAG MTHIL GYI ROL MO'I KHYAD PAR NI PHEG RDOB PA'O, ,LEGS PAR SMRAS PA NYID KYIS NA RJES SU DGYES PA'I DON DU KOO SHI KA DE DE BZHIN NO ZHES BYA BA LA SOGS PA GSUNGS TE, MANG PO ZHES BYA BA LA SOGS PA'I TSIG GSUM NI, SBYOR BA LA SOGS PA'I GNAS SKABS SU SBYAR RO, ,BSAM @117A *, ,GYIS MI KHYAB PAR BSKYED DO ZHES BYA BA LA SOGS PA'I TSIG GSUM NI, CHOS DANG LONGS SPYOD RDZOGS PA DANG SPRUL PA'I SKU BSKYED PA'I PHYIR RIM PA BZHIN BRJOD PAR BYA'O, ,DE BZHIN GSHEGS PA NI THAMS CAD LAS KHYAD PAR DU 'PHAGS PA NYID MA YIN NAS, YUM LA MCHOD PAS JI LTAR NA BSOD NAMS LHAG PAR CHE BA YIN SNYAM PA'I DGOS PA DE CI'I PHYIR ZHE NA ZHES BYA BAS BSU NAS, DE BZHIN GSHEGS PA DGRA BCOM PA ZHES BYA BA LA SOGS PA GSUNGS SO, ,DON 'DI NI SNGAR GSUNGS PA NYID YIN PAS 'DIR SNGAR MA BYUNG BAR BRJOD PA CUNG ZAD KYANG MED PA MA YIN NAM, CI'I PHYIR 'DI NYE BAR DGOD PA MDZAD CE NA, BRJOD PAR BYA STE, DE LTA YIN DU CHUG NA YANG 'ON KYANG RNAM PA GANG GIS NYAN PA PO'I SKYE BO GZHAN GYI SEMS DOGS PA DANG BCAS PAR SKYE BA DE LA SNGAR BRJOD PA'I TSUL GYIS KYANG DOGS PA MED PA KHO NA STE, GANG GI PHYIR GCIG LA GZHAN DU BRJOD PA'I BRGAL BA DANG LAN DE NYID NI GZHAN LA BRGAL BA DANG LAN DU MI 'GYUR RO ZHES BYA BA'I NGES PA 'DI NI YOD PA MA YIN NO, ,DE'I PHYIR BZLOS TE GSUNGS PAR DOGS PAR MI BYA STE, GZHAN DAG LA YANG DE BZHIN DU BRJOD PAR BYA'O, ,CHAR YANG MI 'GRO ZHES BYA BA NI GNAS SKABS KYI CHAR MI 'GYUR BA'I MTHU CHA PHRA MO YANG NGO, ,GRANGS SU YANG ZHES BYA BA NI GRANGS LA THA DAD PA'I GRANGS NYUNG NGUR RO, ,CHAR YANG ZHES BYA BA NI MTHU CHA PHRA MOR YANG NGO, ,BGRANG BAR YANG ZHES BYA BA NI RIGS MA BRJOD PA'O, ,DPER BYA BA YANG ZHES BYA BA NI 'DRA BA'I GNAS SKABS SU'O, ,DPES BSTAN PAR YANG ZHES BYA BA NI, YON TAN GANG YOD PAS RDZAS LA SGRA 'JUG PA DE BRJOD PA NA TA DANG TAL DAG TU 'GYUR RO ZHES BRJOD PA'I PHYIR NA DPE'I YON TAN NI DPES BSTAN PA YIN NO, ,RTEN DU YANG ZHES BYA BA NI SHIN TU CHUNG BSNYAD RTEN TZAM DU'O, ,RGYUR YANG ZHES BYA BA NI RGYU'I NGO BOR YANG NGO, ,MI BZOD DO ZHES BYA BA NI MI RTOGS PAR RO, ,CHA LA SOGS PA'I RANG BZHIN DU STON PA NI TSIG 'DI DAG GIS NI SHES RAB KYI PHA ROL TU PHYIN PA DANG DE BZHIN GSHEGS PA'I RING BSREL GYI SNYING PO CAN GYI MCHOD RTEN MCHOD PA'I BSOD NAMS DAG PAR THAG RING BAR BSTAN PA YIN TE,, @117B CHA SHAS CAN DANG RDUL PHRA RAB KYI GZUGS DAG LA GCIG DANG CHA NYID DU RNAM PAR GZHAG PA'I PHYIR RO ZHES GZUNG BAR BYA'O, ,CHUNG NGU'I 'BRING GI RNAM PA'I DON DU GROGS PO SHES RAB KYI PHA ROL TU PHYIN PA GZUNG BAR BGYI'O ZHES BYA BA LA SOGS PA SMRAS PA YIN TE, MTHU CHEN PO DANG LDAN PA NYID KYIS BZOD PA PHUN SUM TSOGS PA NI BRGYA BYIN YIN PA'I PHYIR DE LA BOD PA NI GROGS PO ZHES BYA BA YIN NO, ,LHA'I BU RNAMS KYIS LEGS PAR SMRAS PA NYID KYIS NA DE NYID BCOM LDAN 'DAS KYIS KOO SHI KA KHYOD KYIS ZHES BYA BA LA SOGS PA GSUNGS PA YIN NO, ,MTHONG BA'I DGOS PA MED PAR SHES RAB KYI PHA ROL TU PHYIN PA CI'I PHYIR GZUNG SNYAM DU 'GA' ZHIG RTOG PA'I DOGS PA DE CI'I PHYIR ZHE NA ZHES BYA BAS BSU NAS, GANG GI TSE LHA MA YIN RNAMS ZHES BYA BA LA SOGS PA GSUNGS SO, ,'DI LTA BUR SEMS KYI RGYU BA 'BYUNG STE ZHES BYA BA NI 'OG NAS 'CHAD PA'I RNAM PAR RTOG PA'O, ,'THAB PAR BYA'O ZHES BYA BA DE NYID BSHAD PA NI G-YUL 'GYED PAR BYA'O ZHES BYA BA YIN NO, ,DRAN PAR BYOS SHIG CES BYA BA NI YID KYIS SO, ,KHA TON DU BYOS SHIG CES BYA BA NI TSIG GIS SO, ,MTHONG BA'I CHOS KYI PHAN YON MTHONG BAS RAB TU DANG BA NYID SKYES TE BSTOD PAR BYA BA'I PHYIR BCOM LDAN 'DAS 'DI LTA STE ZHES BYA BA LA SOGS PA GSOL TO, ,LEGS PAR SMRAS PA NYID KYIS NA RJES SU BRJOD PA'I DON DU KOO SHI KA DE DE BZHIN NO ZHES BYA BA LA SOGS PA GSUNGS PA YIN NO, ,CI'I PHYIR BCOM LDAN 'DAS MA RIG SNGAGS CHEN MO LA SOGS PA NYID YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, 'DI LTA STE ZHES BYA BA LA SOGS PA GSUNGS SO, ,'DIR MDOR BSDUS PA'I DON GYI DE KHO NA NYID NI 'DI YIN TE SGRIB PA'I DUG THAMS CAD ZHI BAR BYED PAS 'DAS PA'I DE BZHIN GSHEGS PA RNAMS KYIS DON MDZAD PA'I PHYIR RIG SNGAGS CHEN MO'O, ,MA 'ONGS PA'I DE BZHIN GSHEGS PA TSAD MED PA RNAMS MNGON PAR BYANG CHUB PA'I RGYUR GYUR PA NYID KYIS NA TSAD MED PA'I RIG SNGAGS SO, ,DPAG TU MED PA'I BYA BA MDZAD PAR SPYOD PA DA LTAR GYI DE BZHIN GSHEGS PA THAMS CAD MNGON PAR BYANG CHUB PA'I RGYU MTSAN DU GYUR PA NYID YIN PA'I PHYIR DPAG TU MED PA'I RIG SNGAGS SO, ,SNYIGS MA @118A *, ,LNGAS KHYAB PA'I DUS SU NYON MONGS PA'I 'JIG RTEN GYI KHAMS SU SH'AKYA'I RGYAL PO DE KHO NA NYID THUGS SU CHUD PA'I RGYUR GYUR PA NYID KYIS 'KHOR BA LAS SGROL BA'I DON GYIS NA GONG NA MED PA'I RIG SNGAGS SO, ,DGE BA BCU LA SOGS PA NAS BSAM GYIS MI KHYAB PA'I YE SHES KYI MTHAR THUG PA'I 'JIG RTEN LA RAB TU 'BYED PA'I PHYIR THAMS CAD LAS MCHOG TU KHYAD PAR DU GYUR PA'I RGYUD NYID KYIS NA BLA NA MED PA'I RIG SNGAGS SO, ,RGYAL BA'I YUM GYI RGYU MTHUN BA BSHAD PA'I STOBS KYIS BYANG CHUB SEMS DPA' RNAMS DE BZHIN GSHEGS PA MI 'BYUNG BA NA YANG, SHES RAB DANG THABS LA MKHAS PAS DGE BA BCU LA SOGS PA 'JIG RTEN LA RAB TU 'BYED PAS NA MI MNYAM PA'I PHYIR MNYAM PA MED PA'I RIG SNGAGS SO, ,DE BZHIN GSHEGS PA'I DAM PA'I CHOS NUB PA NA RGYAL BA'I YUM GYI MTHU STOBS KYIS 'JIG RTEN DU CHOS SPYOD PA LA SOGS PA 'JUG PAS NA MNYAM PA MED PA'I DE BZHIN GSHEGS PA RNAMS DANG LHAN CIG MNYAM PA NYID YIN PA'I PHYIR MI MNYAM PA DANG MNYAM PA'I RIG SNGAGS SO, ,JI SKAD DU BSHAD PA'I TSUL NYID RIG PA YIN TE, DE LTA MA YIN NA BCOM LDAN 'DAS MA'I RIG SNGAGS CHEN MO NYID LA SOGS PA GANG YIN PA DE CI'I PHYIR ZHE NA ZHES BYA BAS DGOS PA BSU NAS, 'DI LTA STE SHES RAB KYI PHA ROL TU PHYIN PA'I RIG SNGAGS 'DI LA BSTAN NAS ZHES BYA BA LA SOGS PA'I GZHUNG GI LAN BTAB PA'I PHYIR CI YANG MA BRJOD PAR 'GYUR RO, ,DE BAS NA GANG DAG LHA MA YIN CHEN PO LA SOGS PA LAS RGYAL ZHING DON CHEN PO GRUB PA'I 'BRAS BU RAB TU STZOL BA NYID YIN PA'I PHYIR, BCOM LDAN 'DAS 'DI LTA STE SHES RAB KYI PHA ROL TU PHYIN PA 'DI NI RIG SNGAGS CHEN MO ZHES BYA BA LA SOGS PA'I GZHUNG DANG PO KHO NAR BSHAD PA DE RNAMS KYI SKABS KYI DON CHEN PO MED DO ZHES RTOGS TE, RIG SNGAGS CHEN MO LA SOGS PA NYID GZHAN DU BSHAD PA'O, ,DE'I PHYIR JI SKAD DU SMRAS PA'I BSHAD PA NI GZHUNG DANG RJES SU MTHUN PAR YANG 'BYOR PA MA YIN NO ZHES BSAM PAR MI BYA STE, SGRA'I DON NI BRDA BAS BYUNG BA YIN PA'I PHYIR RO, ,ZHAR LA 'ONGS PAS CHOG GO, ,DKYUS MA NYID KYIS TSIG BSHAD @118B PA BRJOD PAR BYA STE, RIG SNGAGS 'DI LA BRTEN NAS ZHES BYA BA NI SHES RAB KYI PHA ROL TU PHYIN PA THOB NAS SO, ,DA LTAR ZHES BYA BA NI DENG SANGS STE DA LTAR GYI DUS ZHES BYA BA'I THA TSIG GO, ,DGE BA BCU'I LAS KYI LAM RNAMS ZHES BYA BA NI SROG GCOD PA DANG, MA PHYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, PHRA MA DANG, TSIG RTZUB PO DANG, NGAG 'KHYAL BA DANG, BRNAB SEMS DANG, GNOD SEMS DANG, LOG PAR LTA BA LAS LDOG PA NI DGE BA BCU'I LAS KYI LAM YIN NO, ,BSAM GTAN BZHI PA NI SNYOMS PAR 'JUG PA LAS BYUNG BA'I GZUGS KYI KHAMS KYI RANG BZHIN GYI BSAM GTAN BZHI RNAMS SO, ,DE LA BSAM GTAN DANG PO NI RTOG PA DANG DPYOD PA DANG DGA' BA DANG BDE BA DANG SEMS RTZE GCIG PA STE YAN LAG LNGA DANG LDAN PA'O, ,GNYIS PA NI NANG RAB TU DANG BA DANG DGA' BA DANG BDE BA DANG SEMS RTZE GCIG PA STE, YAN LAG BZHI PA DANG LDAN PA'O, ,GSUM PA NI BTANG SNYOMS DANG DRAN PA DANG SHES BZHIN DANG BDE BA DANG SEMS RTZE GCIG PA STE YAN LAG LNGA DANG LDAN PA'O, ,BSAM GTAN BZHI PA NI BTANG SNYOMS YONGS SU DAG PA DANG, DRAN PA YONGS SU DAG PA DANG, SDUG BSNGAL YANG MA YIN BDE BA YANG MA YIN PA'I TSOR BA DANG, SEMS RTZE GCIG PA STE, YAN LAG BZHI DANG LDAN PA'O, ,BYANG CHUB KYI YAN LAG DANG LDAN PA ZHES BYA BA LA, KHA CIG NI ZAG PA MED PA GTZOR GYUR PAS SO ZHES ZER RO, ,GZHAN DAG NI THABS KYI SHES RAB KYIS YONGS SU ZIN PA'I STOBS KYIS ZAG PA DANG BCAS PA NYID BYANG CHUB KYI YAN LAG STE RGYUR GYUR PA DANG LDAN PA MTSUNGS PAR 'JUG PA YIN NO ZHES 'CHAD DO, ,RAB TU 'BYED DO ZHES BYA BA NI RAB TU SHES PA'O, ,TSAD MED PA BZHI ZHES BYA BA LA, BYAMS PA DANG SNYING RJE NI THAMS CAD DU ZHE SDANG MED PA'I RANG BZHIN TE, SEMS CAN RNAMS LA BDE BA DANG SDUG BSNGAL GO RIMS BZHIN DU LDAN PA DANG BRAL BAR 'DOD PA'O, ,DGA' BA NI YANG DAG PAR SGRUB PA'I SEMS CAN RNAMS LA YID BDE BA'I MTSAN NYID CAN GYI DGA' BA'O, ,BTANG SNYOMS NI MDZA' BO DANG DGRA BO RNAMS LA RJES SU CHAGS PA @119A *, ,DANG KHONG KHRO BA DANG BRAL BA'O, ,DE LTA NA 'DI DAG SEMS CAN TSAD MED PA LA DMIGS PA YIN PA'I PHYIR TSAD MED PA ZHES BYA'O, ,GZUGS MED PA'I SNYOMS PAR 'JUG PA BZHI ZHES BYA BA NI NAM MKHA' MTHA' YAS SO SNYAM PA DANG, RNAM SHES MTHA' YAS SO SNYAM PA DANG, CI YANG MED DO SNYAM PA DANG, 'DU SHES NI 'BRAS DANG ZUG RNGU'O, ,'DU SHES MED PA NI RMONGS PA'O, ,'DI NI ZHI BA PA, 'DI NI GYA NOM PA STE, 'DI LTA STE 'DU SHES MED 'DU SHES MED PA MA YIN PA'O SNYAM DU DE LTAR YID LA BYED PAS, GO RIMS BZHIN DU NAM MKHA' DANG, RNAM PAR SHES PA DANG; CI YANG MED PA DANG, 'DU SHES MED 'DU SHES MED MIN SKYE MCHED CES BYA BA GZUGS KYI 'DU SHES ZIL GYIS MNAN PA NYID KYIS NA GZUGS MED PA YIN PA'I PHYIR GZUGS MED PA NYID NI GZUGS MED PA STE, LUS DANG SEMS MNYAM PA NYID SGRUB PAR BYED PAS NA SNYOMS PAR 'JUG PA BZHI ZHES BYA'O, ,MNGON PAR SHES PA DRUG CES BYA BA NI RDZU 'PHRUL DANG, LHA'I MIG DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, ZAG PA ZAD PA SHES PA ZHES BYA BA NI MNGON PAR SHES PA DRUG GO, ,BYANG CHUB KYI PHYOGS KYI CHOS SUM CU RTZA BDUN NI 'OG NAS BSHAD PAR BYA'O, ,MDOR NA ZHES BYA BA LA SOGS PA LA MDOR BSDU NA 'DOD CHAGS LA SOGS PA'I SPYOD PA BRGYAD KHRI BZHI STONG LAS SPYOD PA RE RE'I GNYEN PO GZHUNG JI TZAM GYI YONGS SU RDZOGS PAR GYUR PA DE TZAM GYI GZHUNG GI TSOGS LA CHOS KYI PHUNG PO ZHES BYA BA'I CHOS KYI PHUNG PO BRGYAD KHRI BZHI STONG NGO, ,SANGS RGYAS KYI YE SHES DANG ZHES BYA BA LA SOGS PA LA SHES BYA THAMS CAD THUGS SU CHUD PAS PHUL DU BYUNG BA'I BLO MNGA' BA'I PHYIR SANGS RGYAS SO, ,GZHAN GYIS BSTAN PA MED PAR RANG NYID KYIS THUGS SU CHUD PAS NA RANG BYUNG STE, DE RNAMS KYIS YE SHES YIN PAS DE SKAD CES BYA'O, ,DE YANG BSAM PA'I YUL THAMS CAD LAS 'DAS PA'I NUB PA'I RANG BZHIN YIN PAS BSAM GYIS MI KHYAB PA'I YE SHES SO, ,SNGON THOS PA'I YE SHES ZHES BYA BA LA SOGS PA LA, BSTAN PA'I CHOS 'DI DAG THAMS CAD NI CHOS KYI DBYINGS KYI RGYU @119B MTHUN PA YIN PAS NA SHES RAB KYI PHA ROL TU PHYIN PA'I RGYU MTHUN PA SNGON SANGS RGYAS BYUNG BA NA THOS PA'O, ,RJES SU BRTZE BA DANG LDAN PA ZHES BYA BA NI SNYING RJE DANG LDAN PA'O, ,'DI LA ZHES BYA BA NI MI MJED KYI 'JIG RTEN GYI KHAMS TE, 'DI NI SANGS RGYAS MI 'BYUNG BA'I 'JIG RTEN GYI KHAMS NYE BAR MTSON PA YIN NO, ,BYANG CHUB KYI YAN LAG DANG MI LDAN PA ZHES BYA BA NI, KHA CIG DE BZHIN GSHEGS PA MA BYUNG BA NI DE NA YOD PA RNAMS LA BYANG CHUB RTOGS PA'I SKAL BA MED PA'I PHYIR RO ZHES 'CHAD DO, ,GZHAN NI SHES RAB DANG THABS LA MKHAS PA DANG BRAL BA NYID KYIS NI ZHES ZER RO, , MNGON PAR SHES PA LNGA SMOS PA NI DE'I TSE ZAG PA ZAD PA MI SRID PA'I PHYIR 'DIR DE SKAD SMOS SO, ,RGYAL BA'I YUM GYI CHE BA'I BDAG NYID DPES KYANG BSTAN PAR BYA BA'I PHYIR KOO SHI KA 'DI LTA STE DPER NA ZHES BYA BA LA SOGS PA GSUNGS TE, SMAN DANG SKAR MA RNAMS ZHES BYA BA LA SMAN NI 'BRU LA SOGS PA'O; ,SKAR MA NI PA BSANGS DANG PHUR BU LA SOGS PA YIN PAS DE SKAD CES BYA'O, ,YANG NA SMAN LA LA NYID MTSAN MO SKAR MA LTAR KUN TU SNANG BAS DE SKAD CES BSHAD DO, ,DE RNAMS NI ZLA BA'I 'OD ZER RNAMS KYIS BRTAS PAR BYAS PA LUS YONGS SU RGYAS PA DANG, MTHU KHYAD PAR CAN SKYE BAS NA GO RIMS BZHIN DU STOBS JI LTA BA DANG MTHU JI LTA BAR ZHES BYA BAR GSUNGS PA YIN NO, ,KUN TU SNANG BAR ZHES BYA BA NI, RANG GI MTHU STON PA YIN NO, ,RGYU SKAR RNAMS KYANG ZHES BYA BA NI RGYAL LA SOGS PA'O, ,DPE BSTAN PA'I DON BSTAN PA NI KOO SHI KA DE BZHIN DU ZHES BYA BA LA SOGS PA GSUNGS PA YIN TE, 'DAS NAS ZHES BYA BA NI YONGS SU MYA NGAN LAS 'DAS NAS SO, ,CHOS SPYOD PA ZHES BYA BA LA SOGS PA LA MDO SDE LA SOGS PA'I CHOS 'BRI BA LA SOGS PA LA MNGON PAR BRTZON PA NI CHOS SPYOD PA'O, ,RANG DANG GZHAN GYI BDAG NYID MNYAM PA NYID DU SLOB PA NI MTSUNGS PAR SPYOD PA'O, ,'DOD CHAGS LA SOGS PAS NYE BAR BSLAD PA SPANG BAR BYA BA'I PHYIR GNYEN PO'I PHYOGS SGOM PA NI ZHI BAR SPYOD PA'O, ,BSDU BA'I DNGOS PO BZHI LA SOGS PA LA BSTEN PA NI DGE BAR SPYOD PA'O, ,RAB TU 'DOGS PA NI 'JUG PA'O, ,RAB TU BSGOM PA'I SLOB @120A *, ,PA'O; ,BYANG CHUB SEMS DPA' LAS SKYE ZHING ZHES BYA BA LA SOGS PA'I TSIG GSUM NI SBYOR BA LA SOGS PA'I DBYE BAS YIN NO, ,THABS LA MKHAS PA ZHES BYA BA NI BSHAD ZIN TO, ,YANG NA STONG PA NYID DANG SNYING RJE CHEN PO DAG DANG DE LAS BYUNG BA'I LAS RNAMS LA MKHAS PA'O; ,YUM GYI CHE BA'I BDAG NYID RNAM PA GZHAN GYIS KYANG BSTAN PA'I PHYIR KOO SHI KA GZHAN YANG ZHES BYA BA LA SOGS PA GSUNGS TE, YID LA BYED PA DANG ZHES BYA BA NI MDOR BSDUS PAS SPYI'I TSUL LA DMIGS PA'I PHYIR RO, ,DRAN PAR BYED PAS ZHES BYA BA NI RGYA CHER YAN LAG RE RE NAS MNGON SUM DU BYED PA'I PHYIR RO, ,SLAR YANG DON GZHAN LA BRTEN NAS, DON DE NYID NI BZLAS PA YIN ZHES GSUNGS PA'I PHYIR YANG BA SPANGS PAS 'CHI BA'I DUS BYED PAR MI 'GYUR RO ZHES BYA BA LA SOGS PA GSUNGS PA LA ZLOS PA'I SKYON YOD PAR DOGS PA MI BYA'O, ,'DI LTAR SNGAR NI MTHONG BA'I LAM GYI DBANG DU MDZAD NAS GSUNGS LA, DA LTAR NI BSGOM PA'I LAM GYI DBANG DU MDZAD PA YIN PAS KHYAD PAR YOD DO, ,RGYAL PO'I BLON PO CHEN PO ZHES BYA BA NI 'DU SHES KYI LAM PHYIN CI MA LOG PAR STON PAR BYED PA'I BLON PO CHEN PO'O, BLON PO ZHES BYA BA NI GLANG PO CHE'I 'DUL SBYONG BYED PA'I BLON PO'O, ,NYE BAR 'ONGS PAR GYUR NA ZHES BYA BA NI GAN DU NYE BAR 'ONGS PAR GYUR PA'O, ,'DI LTAR ZHES BYA BA'I TSIG GI PHRAD NI GANG GI PHYIR ZHES BYA BA'I DON LA 'JUG STE, SKAD KYI DBYINGS DANG NYE BAR GYUR PA RNAMS KYIS DON NGES PAR BSTAN PA SU ZHIG GIS NUS ZHES BSHAD PA YIN PA'I PHYIR RO, ,'DI SKAD DU GANG GI PHYIR SHES RAB KYI PHA ROL TU PHYIN PA GZUNG BA DE'I PHYIR DES YONGS SU BZUNG BA NYID YIN PAS NA DE DAG GIS GLAGS RNYED PAR MI 'GYUR RO ZHES BRJOD PA YIN NO, ,SMRA BAR 'DOD CING ZHES BYA BA NI MDO KHO NA LA TSIG 'DRE BAR 'DOD PA'O, , GTAM ZER BAR 'DOD DE ZHES BYA BA NI GONG NAS GONG DU GTAM GYI RGYUN ZER 'DOD PA'O, ,YANG DAG PAR DGA' BAR BYA'O SNYAM DU SEMS PAR 'GYUR RO ZHES BYA BA NI RGYAL PO LA SOGS PA DE DAG CHOS GOS DANG BSOD NAMS LA SOGS PA NYE BAR STON PAR RGYAL BA'I YUM LA MNGON PAR BRTZON PA DE MNGON PAR @120B DGA' BAR BYA BAR SEMS PA'O, ,NGA RGYAL GYI BAG CHAGS MA SPANGS PA RNAMS DE BZHIN DU SMRA BAR 'DOD PA LA SOGS PA'I RGYU CI ZHIG YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, SHES RAB KYI PHA ROL TU PHYIN PA 'DI NI ZHES BYA BA LA SOGS PA GSUNGS TE, SHES RAB KYI PHA ROL TU PHYIN PA LA ZHES BYA BA NI SGOM PAR BYED PA'I BYANG CHUB SEMS DPA' LA SHES RAB KYI PHA ROL TU PHYIN PA'I SGRAR GSUNGS TE, DE'I PHAN YON STON PA'I SKABS YIN PA'I PHYIR RO, ,BYAMS PA NYE BAR SGRUB PA ZHES BYA BA NI, 'DI NI MDZA' BA PO'I BYA BA YIN PAS NA BYAMS PA DE STOBS PA NI NYE BAR BSGRUB PA'O, ,DE YANG RGYU LA SOGS PAS BYED PA YANG SRID PAS BYAMS PA'I SEMS KYIS ZHES BYA BA GSUNGS TE PHAN PA'I SEMS KYIS ZHES BYA BA'I DON TO, ,SNYING RJE'I NYE BAR SGRUB PAS ZHES BYA BA'I SNYING RJE'I 'BRAS BU TZAM LA SNYING RJER NYAMS PAR BRTAG PA NI SNYING RJE STE, DE STOBS PA NI SNYING RJE BSGRUB PA'O, ,DE BZHIN DU BYED PA YANG SRID PAS SNYING RJE'I SEMS ZHES BYA BA GSUNGS TE, SDUG BSNGAL BSAL BA'I SEMS NYID KYIS SO, ,DE YANG 'PHAGS PA GTZUG NA RIN PO CHE'I MDO LAS KYANG SHES RAB KYI PHA ROL TU PHYIN PA SNYING RJE CHEN PO LA SOGS PA'I 'KHOR DANG LDAN PAR BSGOM PAR BYA'O ZHES GSUNGS PAS DE SGOM PA PO NI BYAMS PA LA SOGS PA BSGOM PA LA BRTZON PA YIN TE, DE BAS NA BYAMS PA LA SOGS PA'I MTHUS RGYAL PO LA SOGS 'DUD PA LA SOGS PA YIN NO, ,DE BZHIN DU GZHAN DAG LAS KYANG BYANG CHUB SEMS DPA' BYAMS PA LA MNGON PAR BRTZON PA LA NI LHA DANG MI THAMS CAD RAB TU DAD PAR 'GYUR RO ZHES BYA BA LA SOGS PA GSUNGS PA YIN NO, ,DE NYID KYI PHYIR ZHES BYA BA NYID KYI SGRA NI NGES PAR BZUNG BA STE, GANG GI PHYIR SHES RAB KYI PHA ROL TU PHYIN PA LA PHAN YON MANG PO'I RGYU DE NYID KYI PHYIR ZHES BYA BA'I DON TO, ,GDUG PA DANG ZHES BYA BA LA SOGS PA LA; GDUG PA NI GNOD SBYIN LA SOGS PA GDON MI BSRUN PA'O, ,SDIG SBRUL NI SBRUL TE DE MANG BA'O, ,DGON PA NI BGROD PAR DKA' BA'I GNAS SO, ,NANG DU SONG BA NI PHYIN PA'O, ,SNGON GYI LAS KYI RNAM PAR SMIN PA MA GTOGS PAR ZHES BYA BA NI GNYIS PO MED NA MYONG BAR NGES PA'I LAS @121A *, ,KYI RNAM PAR SMIN PAS TSUGS PA'O, ,MA GTOGS ZHES BYA BA NI POR NAS TE, GLAGS RNYED PAR 'GYUR TE SNGA MA DANG SBYAR RO, ,DA NI DUS GZHAN DAG GI PHAN YON BSTAN PA LA THE TSOM DANG BCAS PA DAG YID CHES PA BSKYED PAR BYA BA'I PHYIR DE NAS MU STEGS CAN ZHES BYA BA LA SOGS PA GSUNGS TE, ,MU STEGS PA'I RAB TU 'BYUNG BAS RAB TU PHYUNG BA NI KUN DU RGYU'O, ,KLAN KA TSOL BA'I BSAM PAS ZHES BYA BA NI RNAM PAR 'TSE BA'I BSAM PAS SO, ,DE'I TSE ZHES BYA BA NI DE'I DUS SU ZHES BYA BA'I THA TSIG GO, ,DE DAG GI SEMS LA KUN DU BRTAGS ZHES BYA BA NI BCOM LDAN 'DAS KYIS RJES SU GNANG BA DE NYID KYIS DE RNAMS KYI 'TSE BA'I SEMS YOD PA SHES NAS LDOG PAR BYA BA'I PHYIR BRGYA BYIN SHES RAB KYI PHA ROL TU PHYIN PA RAB TU STON PA ZHES BYA BAR SHES PAR BYA'O, ,DE YANG RJES THOGS NYID NAS 'OG NAS LHA'I DBANG PO BRGYA BYIN JI LTAR NGAS KYANG GNANG NGO ZHES GSUNGS PA YIN NO, ,JI SNYED CES BYA BA NI PHYOGS GCIG TZAM BZUNG BAS ZHES BYA BAR SBYAR RO, ,SGO DE NYID DANG ZHES BYA BA LA SOGS PA LA SHING LA SOGS PA LEGS PAR SBYAR BA'I SGO GANG YIN PA NYID DANG, SA'I KHYAD PAR GYI PHYOGS KYI LAM GANG NAS 'ONGS PA DE NYID NAS PHYIR LDOG STE DONG NGO ZHES BYA BA'I THA TSIG GO, ,BCOM LDAN 'DAS KYIS BYIN GYI BRLABS YIN PAR MA SHES PAR NYID KYIS 'DIR CI'I PHYIR 'DI LTAR ZHES BYA BA LA SOGS PA GSUNGS SO, ,SANGS RGYAS BCOM LDAN 'DAS LA MI MKHYEN PA CI YANG MI MNGA' BAS DE NAS BCOM LDAN 'DAS ZHES BYA BA LA SOGS PA GSUNGS SO, ,LDOG PA'I DON DU ZHES BYA BA NI SLAR LDOG PAR BYA BA'I PHYIR RO, ,BRGYA BYIN LA RTAG TU MNYAM PAR GZHAG PA MED PAR JI LTAR NA 'DI LTA BU'I DRAN PA YOD CES RTOG PA LA LHA'I DBANG PO BRGYA BYIN JI LTAR NGAS KYANG GNANG NGO ZHES BYA BA GSUNGS SO, ,'DI RNAMS SLAR LDOG PAR BYA BA'I PHYIR SHES RAB KYI PHA ROL TU PHYIN PA RAB TU 'DON PA BRGYA BYIN LA NGAS RJES SU GNANG BA BYAS PA YIN NO, ,BCOM LDAN 'DAS NI THUGS RJE CHEN PO DANG LDAN PA MA YIN NAM CI'I PHYIR ZHE NA 'GRAS PA'I SEMS DANG LDAN PA RJES SU GZUNG BAR MI MDZAD SNYAM PA'I DOGS PA DE CI'I @121B PHYIR ZHE NA ZHES BYA BAS BSU NAS, SH'A RI'I BU MU STEGS CAN ZHES BYA BA LA SOGS PA GSUNGS TE, CHOS DKAR PO ZHES BYA BA NI DE RNAMS KYI NANG NAS GANG YANG RUNG BA GCIG LA YANG DAM PA'I CHOS NYAN PA LA 'JUG PA'I DGE BA'I LAS YOD PAR NGAS MA MTHONG STE, DE BAS NA 'DOGS PAR MI BYED PA YIN GYI, KHONG KHRO BA'I DBANG GIS MA YIN NO ZHES BYA BAR DGONGS SO, ,ZHE 'GRAS PA'I BSAM PA ZHES BYA BA NI SEMS RNAM PAR SDANG BA'O, ,YANG YID CHES PA BSKYOD PAR BYA BA'I PHYIR DE NAS BDUD SDIG CAN ZHES BYA BA LA SOGS PA GSUNGS TE, DE LA BDUD NI LHA'I BDUD DO, ,'KHOR BZHI PO ZHES BYA BA NI, DGE SLONG DANG, DGE SLONG MA DANG, DGE BSNYEN MA RNAMS SO, ,'DIR NGES PAR ZHES BYA BA NI 'KHOR 'DIR NGES PA KHO NAR RO, ,MIG GIS MI RTZOL BAR BYA BA'I PHYIR ZHES BYA BA NI, BGEGS BYA BA'I PHYIR RO, ,YAN LAG BZHI'I DPUNG GI TSOGS ZHES BYA BA NI RTA MA GCIG NI RKANG PA BSRUNG BA BZHI DANG BCAS PA 'DI NI DPUNG GI TSOGS GCIG GO, ,GLANG PO CHE SRUNG MA BRGYAD DANG BCAS PA SNGA MA DANG BCAS PA 'DI NI YAN LAG GNYIS SO, ,SHING RTA SRUNG MA BCU DRUG DANG SNGA MA GNYIS DANG BCAS PA 'DI NI YAN LAG GSUM MO, ,RKANG THANG BCU DRUG SNGA MA DANG BCAS PA 'DI NI DPUNG GI TSOGS YAN LAG BZHI PA'O, ,DE YANG NYUNG ZAD YIN TE YANG 'DI LTA BU'I RIM GYIS BDUD KYI DPUNG GI TSOGS CHEN PO YIN PAR SHES PAR BYA'O, ,BKOD PA ZHES BYA BA NI TSOGS SO, ,YUN RING PO NAS ZHES BYA BA NI DUS RING POR RO, ,YID CHES PA THOB PAR GYUR PA NA MCHOD PA LA SOGS PA BYED DO ZHES SMRAS PA DE NAS SUM CU RTZA GSUM PA'I RIS KYI LHA'I BU RNAMS KYIS ZHES BYA BA LA SOGS PA'O, ,NAM MKHA' LA ZHES BYA BA NI NAM MKHAR RO, ,YUN RING MO ZHIG NI ZHES BYA BA NI DUS YUN RING PO ZHIG NA ZHES BYA BA'I THA TSIG GO, ,BYUNG NGO ZHES BYA BA NI NYE BAR GYUR PA'O, ,NGAN NGON ZHES BYA BA NI NYUNG ZAD DE TZAM GYI TSOD CES BYA BA'I THA TSIG GO, ,SNGON GYI RGYAL BA RNAMS LA BGYI BA BGYIS BA ZHES BYA BA NI SNGON GYI SANGS RGYAS RNAMS LA NYAN PA LA SOGS PA'I MTSAN NYID CAN PHA ROL TU PHYIN PA'I BYA BA LHAG PAR @122A *, ,GANG YIN PA DE LA DE SKAD CES BYA BA'O, ,YANG NA SNGON GYI SANGS RGYAS KYIS NYAN PA LA SOGS PA'I RANG BZHIN CAN GYIS NGES PAR SBYOR BA DBANG DU BYA BA GNANG BA GANG YIN PA DE LA DE SKAD CES BYA'O, ,LTA CI SMOS TE ZHES BYA BA NI RNA LAM DU GRAG PA RTOGS PA LAS KHYAD PAR DU 'PHAGS PA NYID KYIS 'DZIN PA LA SOGS PA LA LTA YANG THE TSOM CIG YOD CES BYA BAR DGONGS SO, ,DE BZHIN NYID DU SLOB PA DANG ZHES BYA BA LA SOGS PA LA, GZHAN MA YIN PA'I DON GYIS NA DE BZHIN PA'I NGO BO NI DE BZHIN NYID DO, ,DE'I RGYU NYID DU SLOB PA DANG ZHES BYA BA LA SOGS PA'I TSIGS GSUM SBYOR BA LA SOGS PA'I GNAS SKABS YIN PAR BRJOD PAR BYA'O, ,DE BZHIN GSHEGS PA LA BSNYEN BKUR BGYID PA LAGS SO ZHES BYA BA NI DE BZHIN GSHEGS PA RNAMS LA 'KHOR RAB TU PHUL BA DANG, DES GSUNGS PA MNYAN PA DANG MCHOD PA LA SOGS PAS KYANG BSNYEN BKUR BYED PA GANG YIN PA DE LA DE SKAD CES BYA'O, ,DE BZHIN GSHEGS PA LA BSNYEN BKUR BYA BA LA SOGS PA DANG RGYAL BA'I YUM MNYAN PA LA SOGS PA NI 'BREL PA GZUNG BA MED PA MA YIN NAM, JI LTAR NA DES 'DI RJES SU DPOG SNYAM PA'I DOGS PA DE CI'I SLAD DU ZHE NA ZHES BYA BAS BSU NAS, 'DI LTA STE ZHES BYA BA LA SOGS PA GSOL PA YIN TE, SHES RAB KYI PHA ROL TU PHYIN PA LAS THAMS CAD MKHYEN PA STE, SANGS RGYAS NYID RAB TU 'BYED CING YANG DAG PAR BSKYED PA YIN NO, ,DE NYID KYI PHYIR 'DI LAS BRTZAL BAR BYA STE, RGYU MED PAR 'BRAS BU MI 'BYUNG BA'I PHYIR RO, , DE NYID DPES BSTAN PAR BYA BA'I PHYIR BCOM LDAN 'DAS 'DI LTA STE DPER NA ZHES BYA BA LA SOGS PA GSOL TO, ,'DI SKAD STON TE RGYU MED PAR 'BRAS BU MI SKYE BAS SHES RAB KYI PHA ROL TU PHYIN PA LAS BYUNG BA NYID YIN PA'I PHYIR DE GANG GI PHYIR DE BZHIN GSHEGS PA NYID 'TSOL NA YUL DE MNYAN PA LA SOGS PA LAS NGES PAR BAG CHAGS YONGS SU RGYAS PA'I SA BON BTAB PAS DE BZHIN GSHEGS PA'I GO 'PHANG THOB PAR 'GYUR RO, ,DE LTA BU'I MNYAM PA LA SOGS PA 'DI LA LAR LAN 'GA' ZHIG KHYAD PAR CAN GYI RGYU LA RAG LAS PAR SKYE BAS RANG GI RGYU KHYAD PAR CAN DE BZHIN GSHEGS PA LA @122B BSNYEN BKUR BYAS PA LA SOGS PA NYID YIN PAR RJES SU DPOGS TE, GANG PHYIR RGYU 'BRAS DAG LAS NI, ,CHOS NYID 'DI NI RNAM PAR GNAS, ,DE DE MIN TSUL RGYU CAN NI, ,DE DE MIN TSUL RGYU LAS BYUNG, ,ZHES BYA BA YIN NO, ,BDAG POR GYUR PA NYID KYIS LEGS PAR SMRAS PA GNANG ZHING BRGYA BYIN GYI RJES SU GSUNGS PA NI KOO SHI KA DE DE BZHIN NO ZHES BYA BA LA SOGS PA GSUNGS PA YIN NO, ,CHUNG DU'I CHEN PO BSTAN PAR BYA BA'I PHYIR, BCOM LDAN 'DAS NI SBYIN PA'I PHA ROL TU PHYIN PA'I BSNGAGS PA MI GSUNG ZHES BYA BA LA SOGS PA GSOL BA YIN NO, ,BSNGAGS PA ZHES BYA BA NI PHAN YON BSDUS PA DANG RGYAS PA'I DBYE BAS GSUNGS PAR MI MDZAD CES BYA BAR SBYAR RO, ,YONGS SU MI SGROGS SO ZHES BYA BA NI MING TZAM DU BRJOD PAS ZHES BYA BAR SHES PAR BYA'O, ,GCIG PU'I MING YONGS SU SGROGS PAR MDZAD DO ZHES BYA BA NI MING LAN MANG DU BRJOD PAS SO, ,'PHAGS PA THOGS MED KYIS SBYIN PA LA SOGS PA'I PHA ROL TU PHYIN PA'I RE RE'I MTSAN NYID NI BYANG CHUB KYI SEMS LA BRTEN PA NYID KYIS RTEN DAM PA NYID DANG, DNGOS PO MA LUS PA'I KUN TU SPYOD PAS DNGOS PO DAM PA NYID DANG, SEMS CAN THAMS CAD LA PHAN PA DANG BDE BA'I DBANG DU BYAS PAS CHED DU BYA BA DAM PA NYID DANG, RNAM PAR MI RTOG PA'I YE SHES KYIS YONGS SU BZUNG BAS THABS LA MKHAS PA DAM PA NYID DANG, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAS YONGS SU BSNGO BA DAM PA NYID DANG, NYON MONGS PA DANG SHES BYA'I SGRIB PA BZLOG PA YANG DAG PAR BSGRUBS PAS RNAM PAR DAG PA DAM PA NYID YIN NO ZHES BSHAD DO, ,ZHAL GYIS BZHES PAR BYA BA'I PHYIR KUN DGA' BO DE DE BZHIN NO ZHES BYA BA LA SOGS PA GSUNGS SO, ,PHA ROL TU PHYIN PA DRUG CAR 'TSANG RGYA BA NYID KYI RGYU YIN NA, GCIG GTZO BOR BSTAN PA DE JI LTAR YIN SNYAM PA'I DOGS PA DE CI'I PHYIR ZHE NA ZHES BYA BAS BSU NAS, SHES RAB KYI PHA ROL TU PHYIN PA NI ZHES BYA BA LA SOGS PA GSUNGS SO, ,GANG GI PHYIR 'KHOR GSUM YONGS SU DAG PAS SBYIN PA LA SOGS PA THAMS CAD MKHYEN PA NYID DU YONGS SU BSNGO BAS THOG MAR 'JUG PA'I PHYIR SNGON DU 'GRO BA YIN PA DE'I PHYIR DE'I BSNGAGS PA GSUNG ZHING MING @123A *, ,YONGS SU SGROGS PAR MDZAD DO ZHES SNGA MA DANG SBYAR RO, ,JI SKAD DU BSHAD BA'I DON DE'I TSIG NYID LAS BSTAN PAR BYA BA'I PHYIR KUN DGA' BO DE JI SNYAM DU SEMS ZHES BYA BA LA SOGS PA GSUNGS TE, THAMS CAD MKHYEN PA NYID DU YONGS SUM BSNGOS PA'I SBYIN PA LA ZHES BYA BA NI, MI DMIGS PA'I SBYOR BAS SEMS CAN THAMS CAD KYI DON DU SANGS RGYAS NYID DU MA BSNGOS PA STE, SHES RAB KYI PHA ROL TU PHYIN PA ZHES BYA BA NI LHAG MA'O, ,DE LTA BU'I SBYIN PA NI 'BRAS BU LONGS SPYOD PAS ZAD PAR 'GYUR BA'I PHYIR PHUL DU PHYIN PAR 'GYUR BA MA YIN NO ZHES SO, , STON DNGOS RJES 'JUG BLO CAN GYIS, ,DRIS PA NYID LAS BZUNG BA'I DON DE MA LAGS SO ZHES BRJOD PAS BSTAN PA YIN NO, ,TSUL KHRIMS LA SOGS PA YANG BSGRE BAR BYA BA'I PHYIR, ,DE BZHIN DU YONGS SU MA BSNGOS PA'I TSUL KHRIMS DANG ZHES BYA BA LA SOGS PA GSUNGS SO, , DE LTAR LDON PA'I SGO NAS SHES RAB KYIS YONGS SU ZIN PA'I STOBS LAS SBYIN PA LA SOGS PA RNAMS PHA ROL TU PHYIN PA'I RANG BZHIN YIN PAR BSTAN NAS, SHES RAB KYI PHA ROL TU PHYIN PA'I RANG BZHIN BSTAN PA'I PHYIR KUN DGA' BO 'DI JI SNYAM DU SEMS DGE BA'I RTZA BA THAMS CAD MKHYEN PA NYID DU ZHES BYA BA LA SOGS PA GSUNGS SO, ,DNGOS PO DMIGS SU MED PAS 'BRAS BU BSAM GYIS MI KHYAB PA NYID DO, ,BCOM LDAN 'DAS DE DE BZHIN TE ZHES BYA BA LA SOGS PA GSOL TE, DMIGS PA CAN GYI SO SO'I SKYE BO RNAMS KYIS BSAM PAR MI NUS PA'I PHYIR BSAM GYIS MI KHYAB PA'O; ,NYAN THOS LA SOGS PA RNAMS KYI YUL MA YIN PA'I PHYIR MCHOG TU BSAM GYIS MI KHYAB PA'O, ,YUM PHA ROL TU PHYIN PA YIN PA'I DON NYE BAR BSDU BA'I PHYIR KUN DGA' BO DE LTA BAS NA DAM PA YIN PA'I PHYIR ZHES BYA BA LA SOGS PA GSUNGS SO, ,SNGON DU 'GRO BA'I MJUG SDUD PAR BYED PAS KUN DGA' BO DE LTA BAS NA DGE BA'I RTZA BA THAMS CAD MKHYEN PA NYID DU YONGS SU BSNGOS PA'I PHYIR ZHES BYA BA LA SOGS PA GSUNGS SO, ,'DREN PA ZHES BYA BA NI SBYIN PA LA SOGS PA 'TSANG RGYA BA NYID DU 'DREN PA YIN PA'I PHYIR RO, ,YONGS SU 'DREN PA ZHES BYA BA NI NYE BAR 'TSE BA @123B THAMS CAD BZLOG PA YIN PA'I PHYIR RO, ,TSUL 'DIS ZHES BYA BA LA SOGS PA JI SKAD DU GSUNGS PA'I TSUL GYIS SBYIN PA LA SOGS PA LNGA NI SHES RAB KYI PHA ROL TU PHYIN PA'I NANG DU 'DUS PAS DE SGROGS NA PHA ROL TU PHYIN PA DRUG PO THAMS CAD SGROGS PAR 'GYUR BAS RGYAL BA'I YUM GCIG PU KHO NA BSTAN PA NI MA YIN NO ZHES BYA BA'I THA TSIG GO, ,GANG YANG NGA NI SHES RAB KYI PHA ROL TU PHYIN PA'I BSNGAGS PA BRJOD CING SMRA STE ZHES BYA BA LA SOGS PA SNGAR GSUNGS PA DE NI GTZOR BYA BA YIN PAS NYES PA MED DO, ,'DI NYID DPES BSTAN PAR BYA BA'I PHYIR KUN DGA' BO 'DI LTA STE DPER NA SA CHEN PO LA ZHES BYA BA LA SOGS PA GSUNGS TE, SKYE BAR 'GYUR TE ZHES BYA BA NI 'PHEL BAR 'GYUR BA'O, ,DPES BSTAN PA'I DON NI KUN DGA' BO DE BZHIN DU ZHES BYA BA LA SOGS PA GSUNGS SO, ,'BRING GI CHUNG DU'I DBANG DU BYAS NAS BCOM LDAN 'DAS RE ZHIG CES BYA BA LA SOGS PA GSOL TO; ;SHES RAB KYI PHA ROL TU PHYIN PA'I YON TAN 'DI DAG THAMS CAD CES BYA BA NI, 'DI DAG NI YUM MTHA' DAG PA'I YON TAN THAMS CAD NI MA YIN TE, DE'I YON TAN NI SHIN TU MANG BA'I PHYIR RO ZHES 'DOD PA'O, ,DE LTA NA YON TAN 'DI SU ZHIG GI YIN ZHE NA, 'ON KYANG GANG ZHIG CES BYA BA LA SOGS PA GSUNGS TE, BCOM LDAN 'DAS KYI THAD NAS 'DI'I PHYOGS GCIG BLANGS PA GANG YIN PA STE, DE YANG 'DAS MA THAG PA'I MU STEGS CAN GZHAN LA SOGS PA BZLOG PAR BYA BA'I PHYIR RAB TU STON PA DE'I YON TAN YIN NO ZHES BYA BA'I THA TSIG GO, ,YANG DAG PAR SMRAS PAS LAGS SO ZHES BYA BA BYIN PA NI KOO SHI KA LEGS SO LEGS SO ZHES BYA BA GSUNGS SO, ,DE LTA MOD KYI DE TZAM GYI PHYOGS GCIG GI BDAG NYID CAN GYI SHES RAB KYI PHA ROL TU PHYIN PA DE TZAM YANG GANG ZHIG 'DZIN PA NAS DE BZHIN DU KHA TON BYED PA'I BAR NYI TSE LA YON TAN 'DI DAG 'BYUNG BA 'BA' ZHIG TU NI MA ZAD KYI, 'ON KYANG GANG GIS BRIS NAS MCHOD PA SNGON DU 'GRO BAS GLEGS BAM TZAM DU CHUD PAR BYAS TE BZHAG PA DE LA YANG YON TAN MTHA' YAS PA 'THOB PAR 'GYUR RO ZHES STON PAR MDZAD PA NI KOO SHI KA GANG SHES RAB KYI PHA ROL TU PHYIN PA 'DI ZHES BYA BA LA SOGS PA GSUNGS PA YIN @124A *, ,NO; ,PHAN YON THOS BAS MANG DU GCES PAR BYED PA SKYED PA NYID KYIS NA BCOM LDAN 'DAS BDAG GIS KYANG ZHES BYA BA LA SOGS PA GSOL TE, SMOS KYANG CI DGOS ZHES BYA BA NI DRIS NAS KHYAD PAR DU 'PHAGS PA'I 'DZIN PA LA SOGS PA BYED PA LA BDAG GIS SRUNG BA LA SOGS PA BGYID PA LA NI SOM NYI CI ZHIG MCHIS ZHES BYA BA'I THA TSIG GO, ,DE BZHIN DU KOO SHI KA LEGS SO LEGS SO ZHES BYA BA BYIN NAS, 'BRING GI 'BRING BSTAN PAR BYA BA'I PHYIR RIGS KYI BU'AM RIGS KYI BU MO ZHES BYA BA LA SOGS PA GSUNGS TE, SPOBS PA NYE BAR SGRUB PO ZHES BYA BA NI RIGS PA DANG GROL BA SMRA BAR BSKYED PAR BYA'O, ,'DUN PA ZHES BYA BA NI SMRA BAR DGA' BA'O, ,PHAN YON GYI RNAM PA GZHAN DAG KYANG BSTAN PAR BYA BA'I PHYIR GZHAN YANG KOO SHI KA ZHES BYA BA LA SOGS PA GSUNGS TE, KLAN KA TSOL BA LA ZHES BYA BA LA SOGS PA LA 'GA' ZHIG RNAM PAR 'TSE BA'I BSAM PAS RGOL ZHING RTZOD PAR BYED NA MI RUNG NGO SNYAM DU SEMS ZHUM PAR MI 'GYUR RO, ,SEMS ZHUM PA NI SEMS RMONGS SHING 'KHUMS PA NYID DO, ,SHES RAB LA SOGS PA PHUL DU BYUNG BA SRID PA NA SKYES BUS SEMS KYI YON TAN MI SHES PAS JI STE DE LTAR MI 'GYUR SNYAM DU DGONGS PA DE CI'I PHYIR ZHE NA ZHES BYA BAS BSU NAS, 'DI LTAR DE LA ZHES BYA BA LA SOGS PA GSUNGS TE, 'DI SKAD DU 'KHOR GYI 'JIGS PA LA SOGS PA'I 'JIGS PA NI DNGOS POR 'DZIN PA LAS BYUNG BA YIN ZHING DE LA NI SHES RAB KYI PHA ROL TU PHYIN PA YONGS SU 'DZIN PA'I STOBS KYIS LAS DBYE BA PO DANG BYA BA LA SOGS PA'I NYE BAR DMIGS PA MED PAS 'BYUNG BAR MI 'GYUR RO ZHES BRJOD PA YIN NO, ,'BRING GI CHEN PO BSTAN PA'I PHYIR KOO SHI KA GZHAN YANG ZHES BYA BA LA SOGS PA GSUNGS TE, DE LA MDZA' BO NI PHAN PA DANG BDE BA BYED PA'O, ,BLON PO NI GROS MKHAN GYI GTZO BO'O, ,GNYEN BSHES NI PHA DANG MA LAS GCIG NAS GCIG TU BRGYUD PA'I SKYE BO'O, SNAG GI GNYEN MTSAMS NI MA DANG PHA GCIG LAS SKYES PA'I SBUN ZLA LA SOGS PA'O, ,DGE SBYONG NI SH'AKYA'I SRAS RNAMS SO, ,CHEN PO'I CHUNG DU BSTAN PA'I PHYIR DE LA @124B PHA ROL RGOL BA BYUNG ZHING ZHES BYA BA LA SOGS PA GSUNGS TE, CHOS DANG LDAN PAS CHAR GCOD PA ZHES BYA BA LA, KHA CIG NI DE RNAMS TSIG GIS ZIL GYIS GNON PA YIN NO ZHES ZER RO, ,GZHAN DAG NI DE SMRAS PA'I BSGRUB BA'I CHOS SUN PHYUNG BAS BSGRUB PAR BYA BA'I CHOS DANG LHAN CIG TU DE RNAMS SEL BA YIN NO ZHES 'DOD DO, ,STOBS YOD PA NI THOS PA DANG PO LA SOGS PA DANG LDAN PA'I PHYIR RO, ,NUS PA YOD PA NI SHES RAB PHUN SUM TSOGS PA DANG LDAN PA SO, ,BRGAL BA NA ZHES BYA BA NI RGOL BA LA'O, ,DE LA LUNG STON PA NI LEGS PAR LAN THEBS PA'O, ,DER NUS PA NI RUNG BA ZHES BYA BA'I THA TSIG GO, ,CHEN PO'I 'BRING BSTAN PA'I PHYIR KOO SHI KA YANG SA PHYOGS GANG DU ZHES BYA BA LA SOGS PA GSUNGS PA YIN TE, DE LA THAG RING PO NAS LTA BAS NA LTA BAR 'GYUR BA'O, ,THAL MO SBYOR BAR BYED PAS NA PHYAG 'TSAL BAR 'GYUR BA'O, ,GANG DU LHAGS NAS DKYIL 'KHOR LNGA PAS RAB TU 'DUD PAR BYED PAS 'DUD PAR 'GYUR BA'O, ,SO SOR NGES PA SMOS PAS BRGYA LA 'DI TZAM PHYED PA KHO NA YIN NO SNYAM DU BLO SKYE BAR 'GYUR BA DAG SRID PAS KOO SHI KA KHYOD 'DI SNYAM DU TSANGS PA'I ZHES BYA BA LA SOGS PA GSUNGS SO, ,SNGA MA BZHIN DU SBYAR TE ZHES BYA BA NI BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS PA DE DAG DER 'ONGS PAR SEMS TE ZHES BYA BA LA SOGS PA'I TSIG BSGRE BAR BYA'O ZHES BYA BA'I THA TSIG GO, ,DE LA TSANGS RIGS LA SOGS PA GSUM NI BSAM GTAN DANG POS BSDUS PA YIN NO; ,'OD CHUNG LA SOGS PA GSUM YANG BSAM GTAN GNYIS PA LAS SKYES PA YIN NO, ,DGE CHUNG LA SOGS PA GSUM NI BSAM GTAN GSUM PA LA GNAS PA YIN NO, ,SPRIN MED PA LA SOGS PA BRGYAD NI BSAM GTAN BZHI PA'I SA PA YIN NO, ,'DU SHES MED PA'I SEMS CAN NI 'BRAS BU CHE BA'I PHYOGS GCIG NA YOD DO, ,BSOD NAMS LHAG BA SKYE BAR BYA BA'I PHYIR THABS LA MKHAS PA LA BSLAB PA NI, KOO SHI KA RIGS KYI BU'AM RIGS KYI BU MO DES 'DI LTAR SEMS BSKYED PAR BYA BA LA SOGS PA GSUNGS TE, 'DI LAS ZHES BYA BA NI GLEGS BAM 'DI LAS ZHES BYA @125A *, ,BA'I THA TSIG GO, ,DE BZHIN DU BLO DMAN PA 'GA' ZHIG RTOG PA SKYE BAR DOGS NAS KOO SHI KA KHYOD 'DI SNYAM DU ZHES BYA BA LA SOGS PA GSUNGS TE, DE NYID KYI 'DRES KYI ZHABS SU BRJOD PAS NI KOO SHI KA DE LTAR MI BLTA 'O ZHES GSUNGS SO, ,DE LA 'DOD PA NA SPYOD PA'I BAG NI 'DOD PA'I 'DOD CHAGS KYI BAG LA NYAL MA SPANGS PA 'DOD PA'I KHAMS SU SKYES PA RNAMS SO, ,GZUGS NA SPYOD PA NI 'DOD PA'I 'DOD CHAGS KYI PHRA RGYAS NI SPANGS, GZUGS KYI 'DOD CHAGS KYI MNGON PAR ZHEN PA GZUGS KYI KHAMS SU SKYES PA RNAMS SO, ,CHEN PO'I CHEN PO BSTAN PA'I PHYIR YANG KOO SHI KA RIGS KYI BU'AM RIGS KYI BU MO DE'I KHYIM DANG ZHES BYA BA LA SOGS PA GSUNGS SO, ,DE LA KHYIM NI SKYE BO THA MAL BA'I GNAS SO, ,GNAS KHANG NI DGE SLONG RNAMS GNAS PA'I KHANG PA'O, ,KHANG BZANGS NI SO PHAG LA SOGS PA LAS BYAS PA'I GNAS KHYAD PAR CAN PHYUG PO'I KHYIM MO, ,SHIN TU BSRUNG BAR 'GYUR BA NI MI LA SOGS PA'I 'TSE BA MED PA'I PHYIR RO, ,CI'I PHYIR KHYIM LA SOGS PA SHIN TU BSRUNG BAR 'GYUR ZHES RTOG PA LA, KOO SHI KA DE LTAR GANG DU ZHES BYA BA LA SOGS PA GSUNGS TE, DE LTAR GZI BRJID CHE BA ZHES BYA BA NI MTHU CHE BA'O, ,DE LTAR ZHES BYA BA NI RAB TU GRAGS PA'O, ,'DI SKAD DU GANG GI PHYIR DE LTAR RAB TU GRAGS PA'I GZI BRJID CHE BA KHYIM GANG DU 'ONG BAR BYA'O SNYAM DU SEMS PA DE'I PHYIR KHYIM LA SOGS PA DE RNAMS LA MTHUS LEGS PAR BSRUNG BAR 'GYUR RO ZHES BRJOD PA YIN NO; ,SEMS CAN GYI KHAMS YID CHES PAR DKA' BA RNAMS SHIN TU YID CHES PA BSKYED PAR BYA BA'I PHYIR ZHUS PA NI BCOM LDAN 'DAS RIGS KYI BU'AM RIGS KYI BU MO DES ZHES BYA BA LA SOGS PA GSOL BA YIN NO, ,SKAL PA JI LTA BA BZHIN DU MTSAN MA 'BYUNG BA GSUNGS PA NI KOO SHI KA GAL TE ZHES BYA BA LA SOGS PA'O, ,DER SNANG BA CHEN PO DAG MTHONG NAS ZHES BYA BA NI KHYIM DER 'OD KYI SNANG BA CHEN PO 'BYUNG BAR MTHONG NA ZHES BYA BA'I DON TO, ,NGES PAR ZHES BYA BA NI GDON MI ZA BAR RO, ,MI MA YIN PA'I 'DRI SNGON CHAD MA BSNAMS PA BRO BAR GYUR NA ZHES BYA BA NI, MI MA YIN @125B PA'I DRI MI'I 'JIG RTEN LAS 'DAS PA KHYAD PAR CAN GYI DRI SNA'I RNAM PAR SHES PAS NYAMS SU MYONG BA'O, ,SNGON CHAD MA BSNAMS PA ZHES BYA BA NI SNGON MA MYANGS PA'O, ,'ONGS ZHES BYA BA NI NYE BAR PHYIN PA'O, ,LHAGS PA'I ZHES BYA BA NI KHANG PA LA SOGS PA'I NANG DU ZHUGS PAS SO, , KUN TU SPYOD PA GZOB PAR BYED PAR 'GYUR ZHES BYA BA NI SDIG PA THAMS CAD MI BYED PAS NANG YONGS SU DAG PA'O, ,KUN TU SPYOD PA GTZANG SBRA BYED PAR 'GYUR ZHES BYA BA NI GOS LA SOGS PA GTZANG MA LA NYE BAR LONGS SPYOD PAS PHYI YONGS SU DAG PA'O, ,YI RANGS SHING ZHES BYA BA LA SOGS PA NI YID BDE BA CHUNG DU DANG 'BRING DANG CHEN PO DANG LDAN PA YIN PAR SHES PAR BYA'O, ,MGU BA NYID NI YID BDE BA YIN LA DE SKYE BAR 'GYUR BA GANG YIN PA DE LA DE SKAD CES BYA'O, ,GNAS PA ZHES BYA BA NI SNGAR GNAS PA'O, ,'BYOL BAR ZHES BYA BA NI 'GRO BAR BYA'O SNYAM PA'O, ,JI LTAR NA SNGAR GNAS PA 'BAD PA MED PAR 'JOL BAR 'GYUR SNYAM PA'I DOGS PA DE CI'I PHYIR ZHE NA ZHES BYA BAS BSU NAS, LHA DANG KLU DANG ZHES BYA BA LA SOGS PA GSUNGS PA YIN NO, ,DPAL DANG ZHES BYA BA LA SOGS PA'I TSIG GSUM NI MTHU CHUNG DU DANG 'BRING DANG CHEN PO NYID BSTAN PAR BYA BA'I PHYIR GSUNGS PA YIN NO, ,'DI SKAD DU GZI BRJID CHEN PO DE DAG GI MTHU NYID KYIS 'GRO BA YIN PAS 'BAD PA LA LTOS MI DGOS SO ZHES BRJOD PA YIN NO, ,RTAG TU ZHES BYA BA NI YANG DANG YANG DU'O, ,DAD PA MANG BAR 'GYUR TE ZHES BYA BA NI MNGON PAR YID CHES SU RUNG BA MTHONG BAS DAD PA MNGON PAR 'PHEL BA'O, ,SNGAR SPYIR THAMS CAD DU KUN TU SPYOD PA GZOB PAR BYED PA DANG GTZANG SBRA BYED PAR 'GYUR BA'I KUN TU SPYOD PA DANG BSTAN NAS KHYAD PAR DU LHUR BYA BA'I DON GSUNGS PA NI YANG KOO SHI KA RIGS KYI BU'AM RIGS KYI BU MO ZHES BYA BA LA SOGS PA'O, ,DE'I KHOR YUG TU ZHES BYA BA NI KUN NAS YONGS SU LA 'KHOR BAR ZHES BYA BA'I THA TSIG GO, ,LUS NGAL BAR MI 'GYUR BA DANG ZHES BYA BA NI YUL GZHAN DU 'GRO BA LA SOGS PAS LUS DUB PAR MI 'GYUR BA'O, ,SEMS NGAL BAR DMI 'GYUR ZHES BYA BA NI BSOD SNYOMS LA SOGS PA SOGS MA RNYED PAS SEMS SKYO BAR MI @126A *, ,'GYUR BA'O, ,DE BDE BAR NYAL BAR BYED PAR 'GYUR ZHES BYA BA NI, LUS TSAB LA SOGS PA'I NYE BAR 'TSE BA DANG BRAL BA'I PHYIR RO, ,BDE BAR 'GRO BAR 'GYUR ZHES BYA BA NI, 'CHAG PA LA SOGS PA'I DUS SU TSER MA LA SOGS PAS MA GTZES PA'I PHYIR RO, ,BGRO BA BYED PA ZHES BYA BA NI PHAN TSUN GZHUNG DANG DON GTAN LA 'BEBS PA'I PHYIR RO, ,'DI LTAR THAMS CAD MKHYEN PA NYID CES BYA BA NI CHOS THAMS CAD DMIGS SU MED PAS 'TSANG RGYA BA NYID DO, ,'DI LTAR SANGS RGYAS KYI ZHING ZHES BYA BA NI SEMS CAN DANG SNOD KYI 'JIG RTEN GYI KHAMS RNAM PA GNYIS PO GO RIMS BZHIN DU BKRES PA DANG SKOM PA LA SOGS PA DANG, RDO DANG TSER MA LA SOGS PA DANG BRAL BA'O, ,LUS KYI NANG DU MDANGS BCUG PAS SHIN TU BDE BA MYONG BAR 'GYUR ZHES BYA BA NI, LUS LA STOBS GANG YIN PA DANG, TSIG LA GZI BRJID GANG YIN PA DANG, BLO LA SHIN TU RNO BA GANG YIN PA DE LTA BU'I MDANGS GSUM GANG DU RAB TU BCUG PA DE LA DE SKAD CES BYA'O, ,GANG YANG LUS ZHES SMOS PA DES GTZO BOR LUS BRJOD PA NA NGAG DANG BLO DAG PHAL PAR BRTAG PAS RIG PAR BYA BA YIN NO, ,YANG ZHING YANG BA NYID CES BYA BA NI LCI BA DANG BRAL BA NYID LUS KYI BDE BA YIN NO ZHES SNGA MA DANG SBYAR RO, ,KHA ZAS LA BRKAM PA ZHES BYA BA NI KHA ZAS 'DOD PA DANG LDAN PA ZHES BYA BA NI LHAG MA'O, ,RNAL 'BYOR SPYOD PA ZHES BYA BA NI TING NGE 'DZIN SGOM PA BDE BA NYAMS SU LEN PA BRTZON PA'O, ,YID LA BYED PAS YONGS SU BRLAN PAS ZHES BYA BA NI BYAMS PA LA SOGS PA BSGOMS PA NYE BAR RGYAS PA'O, ,RNAL 'BYOR LA SPYOD PA NI BSAM GTAN GYI ZAS KYIS 'TSO BA YIN PA'I PHYIR KHAM GYI ZAS LA BRKAM PA DRAG PO MI 'BYUNG BA MA YIN NAM, YUM BRIS NAS MCHOD PA SNGON DU 'GRO BAS 'JOG PA 'DI GO JI LTAR SNYAM PA'I DOGS PA DE CI'I PHYIR ZHE NA ZHES BYA BAS BSU NAS KOO SHI KA DE NI 'DI LTAR ZHES BYA BA LA SOGS PA GSUNGS SO, ,'DI LTAR ZHES BYA BA NI TSIG GI PHRAD DE GANG GI PHYIR ZHES BYA BA'I DON TO, ,'DI SKAD DU SHES RAB KYI PHA ROL TU PHYIN PA BSAM GTAN GYI PHA ROL TU PHYIN PA RDZOGS PAR BYA BA'I PHYIR SHES RAB KYI PHA ROL DU PHYIN PA BRI BA LA SOGS PA LA BRTZON PA @126B NYID KYIS DE'I LUS LA MI MA YIN PA DAG MDANGS NYE BAR BSGRUB PAR BYA'O SNYAM DU SEMS PAR 'GYUR RO ZHES BYA BA 'DI NI GANG GI PHYIR CHOS NYID YIN PA DE BAS NA MDANGS BCUG PA NYID KYI KHA ZAS KYI BYA BA BYAS PA NYID YIN PA'I PHYIR 'DI KHA ZAS LA BRKAM PA CHUNG BAR 'GYUR RO ZHES BRJOD PA YIN NO, , RANG DANG GZHAN MNYAM PA NYID KYIS RANG DANG GZHAN GYI DON GYI MOS PA RNAM PA DGU STE DE LTAR BSTAN NAS GZHAN GYI DON GYI MOS PA'I RNAM PA CHUNG DU'I DON GSUNGS PA NI, SHES RAB KYI PHA ROL TU PHYIN PA 'DI BRIS TE GLEGS BAM DU CHUD PAR BYAS TE MCHOD PA SNGON DU 'GRO BAS 'JOG CING MCHOD PAR BYED CING 'DZIN PAR MI BYED 'CHANG BAR MI BYED CES BYA BA LA SOGS PA'O, ,DE BAS NA STE 'DZIN PA LA SOGS PA MI BYED PA DE LA LTOS NAS, KOO SHI KA RIGS KYI BU'AM RIGS KYI BU MO 'DI NYID CES BYA BA 'CHAD PAR 'GYUR BA'I GANG ZAG YIN PA 'DI'O ZHES BYA BA'I DON TO, ,NYE BAR SDUD PA NI KOO SHI KA RIGS KYI BU'AM RIGS KYI BU MO 'DI NYID DE BAS ZHES BYA BA LA SOGS PA GSUNGS SO, ,BYANG CHUB TU SEMS BSKYED NAS ZHES BYA BA LA, SHES RAB KYI PHA ROL DU PHYIN PA'I SKABS SU 'DIS CI ZHIG BYA ZHES BRJOD PAR NI MI BYA STE, GANG GI PHYIR STONG PA NYID DANG SNYING RJE'I SNYING PO CAN GYI BYANG CHUB KYI SEMS NYID NI GTZOR SHES RAB KYI PHA ROL DU PHYIN PA YIN NO, ,LHAG PA'I BSAM PAS MNYAN PAR BYA ZHES BYA BA NI THOD PA LA SOGS PA BOR LA STAN DMA' BA LA 'DUG STE, ,RNAM PAR G-YENG BA'I NYES PA BSAL LA THAR BAR 'DOD PA'I BSAM PAS DAM PA'I CHOS MNYAN PAR BYA'O, , CHUNG DU NA GLEGS BAM DU CHUD PAR BYAS TE GZHAG PAR BYA'O ZHES BYA BA LA, ,DON 'DI DANG PO KHO NA RANG GI DON LA MOS PA'I 'GRES RTZOM PA NA GSUNGS ZIN PAS YANG CI'I PHYIR SMOS ZHES BSAM PAR MI BYA STE, GANG GI PHYIR DER NI RANG GI DON LHUR LEN PA 'JOG PA GSUNGS PA YIN LA 'DIR NI GZHAN GYI DON LHUR LEN PA'O ZHES BYA BA NI KHYAD PAR YIN NO, ,DE LTAR YANG DAM PA'I CHOS YUN RING DU GNAS PA DANG ZHES BYA BA LA SOGS PA DE MA THAG TU GSUNGS PA YIN NO, ,SHES RAB KYI PHA ROL DU PHYIN PA'I BSHAD PA MNGON PAR RTOGS PA'I RGYAN GYI SNANG BA LAS, PHA ROL PHYIN PA DANG, MCHOD RTEN LA RI @127A *, ,MOR BYA BA DANG, GZHAL DU MED PA'I YON TAN 'DZIN PA'I LE'U STE GSUM PA'O,, ,,CHUNG DU'I 'BRING GI DBANG DU MDZAD NAS KOO SHI KA GAL TE 'DZAM BU'I GLING 'DI ZHES BYA BA LA SOGS PA GSUNGS TE, DE BZHIN GSHEGS PA'I SKU GDUNG GIS ZHES BYA BA NI BYED PA PO'I GSUM PA STE, DE RNAMS KYIS ZHES BYA BA'I THA TSIG GO, ,BYUR BU ZHES BYA BA NI RTZE MO'I MTHAR THUG PA'I BAR DU BYED PA'I PHYIR RO, ,YONGS SU BKANG ZHES BYA BA NI SA'I CHA THAMS CAD KHYAB PAR BYAS PA'I PHYIR, ,BSTABS NA ZHES BYA BA NI GANG 'DOD PA'I CHA DE LONG SHIG CES SMRAS PA NA'O, , GZUGS KYI SKU KHYAD PAR CAN GYI DE BZHIN GSHEGS PA YONGS SU DOR NAS CI'I PHYIR SHES RAB KYI PHA ROL DU PHYIN PA LEN PA'I DOGS PA DE CI'I SLAD DU ZHE NA ZHES BYA BAS BSU NAS, 'DI LTA STE ZHES BYA BA LA SOGS PA GSOL TO, ,GANG GI PHYIR DE BZHIN GSHEGS PA'I TSUL NI SHES RAB GYI PHA ROL DU PHYIN PA LA RI MOR BGYI BA STE, GUS PA'I KHYAD PAR YOD PA DE NA SHES RAB KYI PHA ROL DU PHYIN PA 'DI NYID LEN TO ZHES SNGA MA DANG SBYAR RO, ,'DI LA CI'I PHYIR RI MO BYED CE NA, 'DI NI ZHES BYA BA LA SOGS PA GSOL TO, ,GANG GI PHYIR 'DI NI YANG DAG PA'I DON GYI SKU'O ZHES BYA BA DON DAM PA'I SKU STE CHOS KYI SKU YIN LA, DE GTZO CHER STON PAS NA SHES RAB KYI PHA ROL TU PHYIN PA LA DE SKAD CES BYA'O, ,DE BAS NA 'DI NYID LA RI MOR BGYID DO ZHES 'DOD DO, ,GANG ZHIG GSAL BAR BYED PAS SHES RAB KYI PHA ROL DU PHYIN PA LA RI MOR BYED PA, CHOS KYI SKU YANG DAG PA'I DON KYI SKU YIN PA NYID GA LAS ZHES BYA BA'I DOGS PA DE CI'I SLAD DU ZHAN ZHES BYA BAS BSU NAS, BCOM LDAN 'DAS KYI ZHES BYA BA LA SOGS PA GSOL TO, ,GANG GI PHYIR PHYOGS GZHAN DAG TU BCOM LDAN 'DAS KYIS SANGS RGYAS BCOM LDAN 'DAS RNAMS NI SGYU MA LTA BU GNYIS SU MED PA'I YE SHES KYI RANG BZHIN SHES RAB KYI PHA ROL DU PHYIN PA'I BDAG NYID CAN GYI CHOS KYI SKU CAN YIN TE ZHES GSUNGS PA 'DIS NI DPE BSTAN PA YIN NO, ,'ON TE RANG RIG NYID KYIS SKAD CIG MA SNGA MAR BYUNG BA'I SHES PA'I BDAG NYID YONGS SU GCOD PA KHO NA YIN LA, PHYIS BYUNG BA LA YANG @127B 'DI'I DE MA THAG TU NI 'DI 'BYUNG NGO ZHES RIG NAS 'DI NI RGYU DANG 'BRAS BU YIN NO ZHES RTOGS TE, DE LTA MA YIN NA MJUG THOGS NGES PA MI RUNG BA'AM, RUNG NA YANG HA CANG THAL BA'I NYES PAR 'GYUR BA'I PHYIR RO, ,DE BAS NA RGYU 'BRAS KYI DNGOS PO'I RANG BZHIN DU NGES PAR BYAS PA'I PHYIR NA SANGS RGYAS BCOM LDAN 'DAS RNAMS SGYU MA LTA BU GNYIS SU MED PA'I YE SHES KYI BDAG NYID JI LTAR YIN ZHES 'DOD NA, DE NA MI RIGS TE, GANG GI PHYIR 'DI'I MJUG THOGS SU 'DI YIN NO ZHES BYA BA RANG RIG PA'I SHES PA LAS NI MI 'GRUB STE, 'DI'I YUL NI BRTAGS PA MA YIN PA'I PHYIR RO, SHES PA GZHAN GYIS 'GRUB PAR BRTAGS PA YANG RIGS PA MA YIN TE, RNAM PA MED PA DANG, RNAM PA DANG BCAS PAS YONGS SU GCOD PA MI RIGS PA'I PHYIR RO, ,YONGS SU GCOD NA YANG SHES PA'I YUL DON GZHAN YIN PAR 'GYUR NA DE NI KHYED MI 'DOD DE GZUNG BA MI 'THAD PA'I PHYIR RO, , SHES PA GNYIS PO DE NYID KYIS MJUG THOGS NGES PA GCOD PA YANG MA YIN TE, DE GNYI GA YANG 'GAGS PA'I PHYIR RO, ,'DI SNYAM DU RANG RIG PA NYID KYIS SHES PA SNGA MA 'DZIN PA NA 'BRAS BU LA LTOS NAS RGYU'I BDAG NYID CAN GYI DE MA THAG PA 'DZIN PA YIN LA DE BZHIN DU SHES PA PHYI PA 'DZIN PA NA YANG 'BRAS BU'I BDAG NYID CAN GYI DE MA THAG PA 'DZIN PA YIN TE, RGYU DANG 'BRAS BU'I BDAG NYID CAN GYI DE MA THAG PA NA RANG BZHIN THA MI DAD PA NYID YIN PA'I PHYIR RO SNYAM NA, DE NI DE LTA MA YIN TE, GANG GI PHYIR BSKYED PAR BYA BA DANG SKYED PAR BYED PA'I RANG BZHIN 'BREL BAR SNANG BAS DNGOS PO GNYIS BZUNG NA 'BRAS BU DANG RGYU'I DNGOS POR NGES PA YIN GYI, DE MA THAG TZAM DU BZUNG BAS NI MA YIN TE, GZHAN DU NA BUM PA BZUNG BA'I RJES THOGS LA SNAM BU BZUNG BAR GYUR PA NA DER GTOGS PA'I DE MA THAG TZAM YONGS SU BCAD PAS RGYU DANG 'BRAS BU'I DNGOS POR 'GYUR RO; ,RNAM PAR RTOG PA MED PA NYID KYIS RANG RIG PA LA NI SNGON DANG PHYI MAR GYUR PA'I DNGOS PO 'BREL PAR SNANG BA'I 'DZIN PA YANG YOD PA MA YIN NO, ,DE BAS NA 'DI'I RJES THOGS LA 'DI 'BYUNG NGO ZHES BYA BA'I YONGS SU GCOD PA MED PAS RGYU DANG 'BRAS BU'I DNGOS POR NGES PAR RIG @128A *, ,PA MA YIN NO, ,DE NYID KYI PHYIR 'DI'I RJES LA 'DI 'BYUNG NGO ZHES BYA BA'I RNAM PAR RTOG PA YANG SKYE BAR MI 'GYUR RO, ,NYAMS SU MYONG BA'I NGES PA MED PA'I PHYIR SKAD CIG MA NYID LA SOGS PA'I RNAM PAR RTOG PA BZHIN NO, ,KYE DGE SLONG DAG MTSAN DANG DPE BYAD KYIS 'BAR PA 'DI LA NI SKU DAM PA YANG DAG PA'I SKU RDUL PHRA RAB BSAGS PA'I RANG BZHIN BDEN PA NYID DU MA 'DZIN PAR ZHES BYA BAS NA SGRUB PAR BYA BA'I CHOS GSUNGS PA YIN NO, ,DGE SLONG DAG NGA NI CHOS KYI SKUS YONGS SU RDZOGS PAR TE, SGYU MA LTA BU GNYIS SU MED PA'I YE SHES MNGON SUM DU BYAS PA'I SGRUB PAR BYED PAS YONGS SA SU RDZOGS PAR LTOS SHIG CES BYA BA 'DI NI GTAN TSIGS SO, ,DE BZHIN GSHEGS PA'I SKU 'DI NI YANG DAG PA'I MTHAS RAB TU PHYE BA DE BZHIN GSHEGS PA'I SKUR, CHOS KYI SKUR YONGS SU RDZOGS PAR BYED PAS RDZOGS PAR BYAS PA YIN TE, 'DI LTA STE SHES RAB KYI PHA ROL TU PHYIN PA'O ZHES BYA BA DE'I RANG BZHIN TE, 'DIS NI PHYOGS KYI CHOS NYE BAR BSDUS BYAS SO, ,'DIS NI 'DI SKAD DU GANG ZHIG SGYU MA LTA BU'I GNYIS SU MED PA'I YE SHES SGOM PA'I SGRUB PAR BYED PAS YONGS SU RDZOGS PAR BYAS PA DE NI CHOS KYI SKU YIN TE, ,DPER NA SNGON GYI SANGS RGYAS BCOM LDAN 'DAS RNAMS KYI LTA BU'O, ,DE BZHIN GSHEGS PA'I SKU 'DI YANG JI SKAD DU BRJOD PA'I YE SHES SGOM PA'I SGRUB PAR BYED PAS YONGS SU RDZOGS PAR BYAS PA YIN NO ZHES RANG BZHIN GYIS GTAN TSIGS RJOD PA YIN NO, ,DON NI SHIN TU LKOG TU GYUR PA NYID YIN PAS RNAM PA DANG BCAS PA'I SHES PA LA SOGS PAS GZUNG BAR MI NUS PA NYID YIN PA'I PHYIR GNYIS SU MED PA'I YE SHES RIG PA'I MNGON SUM DU GRUB STE, ,RMI LAM LA SOGS PA'I SHES PA DANG 'DRA BAR DON GYI RNAM PAS NYE BAR BSGYUR BAR BSGOM PAR BYA'O ZHES BYA BAR GNAS SO, ,DE YANG BRJOD ZIN PA'I TSUL GYIS GCIG DANG DU MA'I RANG BZHIN DANG BRAL BAS DE KHO NA NYID DU DNGOS PO MED PA NYID KYIS NA SGYU MA LTA BU NYID DU NGES SO, ,DE BAS NA 'DI YID KYIS SGOM PA'I STOBS KYIS GSAL BAR SNANG BA GANG YIN PA DE NYID DE BZHIN GSHEGS PA NYID YIN PAS GTAN TSIGS MA GRUB PA MA YIN NO, ,MTHUN @128B PA'I PHYOGS LA YOD PAS 'GAL BA YANG MA YIN TE, SNGON GYI SANGS RGYAS RNAMS KYI CHOS KYI SKU KHAS LEN PA LA 'DI DPER BYAS PA YIN NO, ,GZHAN DAG LA YANG CHOS KYI SKU MED NA TSAD MA'I GNOD PA DANG BRAL BA CAN JI SKAD DU BSHAD PA'I YE SHES SGOM PA'I SGRUB PAR BYED PAS YONGS SU RDZOGS PAR BYAS PA DANG BRAL BA'I PHYIR 'KHOR LOS SGYUR BA LA SOGS PA DANG 'DRA BAR PHYIN CI LOG DANG LDAN PAR THAL BAR 'GYUR NA, DE BZHIN GSHEGS PA NI PHYIN CI MA LOG PAR 'DOD PA YIN NO ZHES BYA BA NI BZLOG NA GNOD PA CAN GYI TSAD MA YIN NO, ,RDUL PHRA RAB RNAMS MI 'THAD PA'I PHYIR GTAN TSIGS MA NGES PA NYID KYANG MA YIN NO, ,DE BAS NI DE BZHIN GSHEGS PA'I GZUGS KYI SKU MTSAN DANG DPE BYAD 'BAR BA DANG LDAN PA SEMS CAN SKAL BA CAN RNAMS KYIS MTHONG BA 'DI NI STON PA'I DE KHO NA NYID KYIS CHOS KYI SKU MA YIN MOD KYI 'ON KYANG MCHOG TU DRI MA MED PA'I YON TA MTHA' YAS PA'I TSOGS DANG LDAN PA CHOS KYI SKU'I DBANG GIS DE RNAMS KYI RANG GI SHES PA DE LTA BU'I GZUGS KYI SKU'I RNAM PAR SO SOR SNANG TE, GANG GIS RANG GI SHES PA DE BZHIN GSHEGS PAR SNANG BA'I NGO BOR MI SHES PA DAG 'DI NI PHYI ROL GYI BCOM LDAN 'DAS YIN NO ZHES STON PA'I BLOS RNAM PAR RTOG CING LTA BA DANG PHYAG 'TSAL BA LA SOGS PAS MNGON PAR MTHO BA DANG NGES PAR LEGS PA'I SNOD DU 'GYUR BA'I RIM GYIS LOG PAR SO SOR SNANG BA YIN YANG MI RTAG PA LA SOGS PA'I RNAM PAR RTOG PA BZHIN DU DNGOS PO DANG 'BREL BAS RNAM PAR RTOG PA GCIG TU BRGYUD PAS PHAN PA'I RGYU NYID DU 'GYUR BA MTHONG BA KHO NA STE MYUR DU NI MA YIN NO, ,GANG GI PHYIR JI SRID DNGOS PO LA MNGON PAR ZHEN PAS SHES BYA LA SHES PA KUN TU 'BYUNG BAR 'GYUR BA DE SRID DU DE MA YIN LA DER 'DZIN PAS SHES PA 'KHRUL PA DE KHO NA MTHONG BA LAS THAG RING BA YIN NO, ,DE BAS NA JI LTAR SGYU MA MKHAN RNAMS RANG GIS SPRUL PA'I GLANG PO CHE LA SOGS PA DNGOS PO LTA BUR SNANG BA RNAMS LA DNGOS PO'I RANG BZHIN DU MI RTOGS PAS MNGON PAR ZHEN PA MED PA DE BZHIN 'DI DAG NI BDEN PA NYID DO ZHES MNGON PAR ZHEN PAR MI BYED DO, ,DE BZHIN DU LAN MANG DU THABS MANG POS DUS YUN RING POR THEG PA CHEN PO'I @129A *, ,RANG GI NGO BO LAM BSLABS PA'I LAS DANG PO PAR GYUR PA, MYUR DU DE BZHIN GSHEGS PA'I GNAS SKABS THOB PAR 'DOD PAS KYANG DE BZHIN GSHEGS A'I DBANG GIS BYUNG BA RANG GI SHES PA'I GZUGS BRNYAN GZUGS KYI SKU'I DE BZHIN GSHEGS PA 'GRO BA'I BLA MA LA MNGON PAR ZHEN PA'I TSUL GYIS SGRUB PA SNYING POR GYUR PAS DAD PAR BYA'O, ,DE NYID BSTAN PA NI BCOM LDAN 'DAS BDAG CES BYA BA LA SOGS PA GSOL BA YIN NO, ,CHUNG DU'I CHEN PO'I DBANG DU BYAS NAS, 'ON KYANG BCOM LDAN 'DAS ZHES BYA BA LA SOGS PA GSOL TO, , 'ON KYANG ZHES BYA BA'I SGRA NI TSIG GI PHRAD DE GANG GI PHYIR ZHES BYA BA'I DON LA 'JUG GO, ,THA DAD PA YIN NA YUM LA MCHOD PAS DE BZHIN GSHEGS PA MCHOD PA JI LTAR 'GYUR SNYAM PA'I DOGS PA DE CI'I SLAD DU ZHE NA ZHES BYA BAS BSU NAS, DE BZHIN GSHEGS PA'I SKU RNAMS SHES RAB KYI PHA ROL TU PHYIN PA LAS BYUNG BA'I SLAD DU'O ZHES BYA BA GSOL TO, ,'DIR DON GYI DE KHO NA NYID NI 'DI YIN TE, GANG GI PHYIR 'JIG RTEN THAMS CAD LAS MNGON PAR 'PHAGS PA'I SANGS RGYAS BCOM LDAN 'DAS KYI SKU 'DI LTA BU NI SHES RAB KYI PHA ROL TU PHYIN PA LAS GRUB PA YIN TE, DE BAS NA MTHU CHE BA NYID KYIS MCHOD PAR BYA BA YIN PA'I PHYIR DE BZHIN GSHEGS PA SKYED PA'I 'BREL BAS 'DI LA MCHOD NAS THA DAD PA YIN YANG DE BZHIN GSHEGS PA MCHOD PA YIN NO ZHES BYA BA YIN NO, ,GANG LA BRTEN NAS GANG MCHOD PAR 'GYUR BA DE MCHOD NA DE NYID LA MCHOD PA YIN NO ZHES BYA BA'I DON 'DI NYID DPE SNGON DU 'GRO BAS GSAL BAR BYED PA NI, BCOM LDAN 'DAS 'DI LTA STE DPER NA GANG GI TSE ZHES BYA BA LA SOGS PA GSOL BA YIN NO, ,DE LA BDAG CHOS BZANGS LHA'I 'DUN SA ZHES BYA BA NI RI RAB LA GNAS PA GRONG KHYER BLTA NA SDUG GI PHYI ROL GYI LHO NUB NA GNAS PA STE, GANG LA 'JUG NAS LHA RNAMS KYI BYA BA DANG BYA BA MA YIN PA SEMS PA'O, ,YANG CI LTAR NA GZHAN DAG LA GUS PAS GZHAN LA PHYAG 'TSAL BA LA SOGS PA BYED SNYAM PA'I DOGS PA DE CI'I SLAD DU ZHEN ZHES BYA BAS BSU NAS, LHA'I DBANG PO BRGYA BYIN STAN 'DI LA ZHES BYA BA @129B LA SOGS PA SMRAS PA YIN NO ZHES BYA BA'I SGRA NI RJES SU DRAN PA LA YIN NO, ,DE DANG 'BREL PAS STAN LA MCHOD NA BRGYA BYIN LA MCHOD PA YIN NO ZHES SO, ,DBANG CHE BAR GRAGS PA RGYU DANG RKYEN DU GYUR PA ZHES BYA BA LA, RIM PA JI LTA BA BZHIN NYE BAR LEN PA DANG LHAN CIG BYED PA'I RGYU'I DBYE BAS RGYU DANG RKYEN DU GYUR PA YANG 'DI YIN LA, ,MTHU CHE BA NYID KYIS DBANG CHE BAR GRAGS PA YANG YIN PA DE LA DE SKAD CES BYA'O, ,SGRUB PAR BYED PA ZHES BYA BA NI SKYED PAR BYED PAS SO, ,DE BZHIN GSHEGS PA'I SKU NYID GNAS PA'I RGYU YIN PA NYID KYIS SANGS RGYAS SKYED PAR BYED PA NYID YIN NO SNYAM DU 'GA' ZHIG DOGS NA DE BZHIN GSHEGS PA'I SKU RNAMS NI ZHES BYA BA LA SOGS PA SMRAS SO, ,'DI SKAD DU THAMS CAD MKHYEN PA 'DZIN PA NYID KYIS DE BZHIN GSHEGS PA'I SKU ZHES BRJOD DE, ,DE BAS NA DE NI SNGON MA BYUNG BA'I THAMS CAD MKHYEN PA SKYED PA'I PHYIR RGYUR GYUR PA DANG RKYEN DU GYUR PA NI MA YIN GYI, 'ON KYANG GRUB ZIN PA DUS PHYIS GNAS PA'I RGYUR GYUR PAS NA RTEN DU GYUR PA YIN NO ZHES BRJOD PAR 'GYUR RO, ,THAMS CAD MKHYEN PA'I YE SHES KYI RGYU CAN ZHES BYA BA NI DE BZHIN GSHEGS PA'I YE SHES KYI RGYU CAN TE, SHES RAB KYI PHA ROL DU PHYIN PA LA MCHOD PAS ZHES BYA BA NI LHAG MA'O, ,NYE BAR BSDU BA'I DON DU BAR BSDU BA'I DON DU DAS ZHES BYA BA LA SOGS PA GSOL BA YIN NO, ,'BRING GI CHUNG DU BSTAN PA'I PHYIR YANG BCOM LDAN 'DAS 'DZAM BU'I GLING ZHES BYA BA LA SOGS PA SMOS PA YIN NO, ,'ON KYANG ZHES BYA BA LA SOGS PA GTAN TSIGS RJOD PA NI DON THAL ZIN PA YIN YANG GNAS SKABS GZHAN GYI DBANG GIS SMRAS PAS ZLOS PA'I NYES PA YOD PA MA YIN NO, ,SHES RAB KYI PHA ROL DU PHYI PAS YONGS SU BSGOS PA NYID NA, DE BZHIN GSHEGS PA'I SKU RNAMS NI ZHES BYA BA LA SOGS PA SMOS PA YIN NO; ,BCOM LDAN 'DAS DE LTA BAS NA ZHES BYA BA LA SOGS PA NYE BAR BSDU BA YIN NO, ,'BRING GI 'BRING BSTAN PA'I PHYIR 'ON KYANG BCOM LDAN 'DAS ZHES BYA BA LA SOGS PA GSOL TE, 'DI LAS ZHES BYA BA NI PHYIN CI LOG DANG BRAL BA'I SHES RAB KYI PHA ROL DU PHYIN PA LAS MNYAN PA LA @130A *, ,SOGS PA'I RIM GYIS SKYES PA'I PHYIR SKU GDUNG MCHOD PAR 'OS PA YIN NO ZHES BYA BA'I THA TSIG GO, ,DE LAS SKYES PA YIN NA YANG CI'I PHYIR MCHOD PA BRNYES SHE NA, 'DI LTA STE SHES RAB KYI PHA ROL DU PHYIN PAS YONGS SU BSGOS PA'I PHYIR RO ZHES BYA BA SMOS TE, SHIN TU RNAM PAR DAG PA'I RGYU LAS YANG DAG PAR BYUNG BA'I 'BRAS BU NI SHIN TU RNAM PAR DAG PAS KHO NA SKYE BA YIN NO ZHES BYA BAS GANG GI PHYIR SHES RAB KYI PHA ROL DU PHYIN PA MTHU CHE BA NYID SKYED PAS DE BZHIN GSHEGS PA YONGS SU BSGOS SHING RNAM PA THAMS CAD DU BSGOS PA YIN PA DE'I PHYIR DE LAS SKYES PAS MCHOD PA BRNYES PA YIN NO, ,'DI NYID DPES GSAL BAR BYA BA'I PHYIR, BCOM LDAN 'DAS 'DI LTA STE DPER NA RIN THANG MA MCHIS PA'I NOR BU RIN PO CHE ZHES BYA BA'I PHYIR ZHES BYA BA LA SOGS PA GSOL BA YIN TE, DE LA PHUL DU BYUNG BA NYID YIN PAS NA RIN THANG MED DE RIN THANG TSAD MED PAR 'OS PA YIN NO, ,'DI LTA BU 'DI DAG DANG ZHES PA NI 'CHAD PAR 'GYUR BA 'DI LTA BU DANG NGO, ,RGYAS PA ZHES BYA BA NI BKANG BA'O, ,TSAR GCOD DO ZHES BYA BA NI ZHAN PAR BYED PA'O, ,MI 'PHEL BA DANG ZHES BYA BA NI RNAM PAR 'PHEL BAR MI BYED PA'O, ,NYE BAR ZHI BAR BGYID CES BYA BA NI RTZA NAS 'BYIN PA'O, ,TSA BAR GYUR PA ZHES BYA BA NI GDUNGS PAR GYUR PA'O, ,YONGS SU RGYAS SHING ZHES BYA BA NI KHYAB PA'O, ,GZIR BA NI GDUNGS PA'O, ,MUN PA MUN NAG CES BYA BANI MUN NAG THIBS PA'O, ,GZUNG ZHES BYA BA NI BAR SNANG LA 'DZIN PA'I PHYIR RO, ,BZHAG PA ZHES BYA BA NI SA LA BZHAG PA'I PHYIR RO, ,ZHAN PAR BYED PA'I PHYIR BCOM PA'O, ,RNAM PA THAMS CAD DU BSAL BAS MA MCHIS PAR GYUR PA'O, ,DE DAG DANG DE LTA BU'I NGO BO GZHAN DAG DANG ZHES BYA BA LA SOGS PA LA BSHAD MA THAG PAS DE DAG DANG 'OG NAS 'CHAD PA DE LTA BU'I RANG BZHIN DAG DANG YANG LDAN PA YIN NO ZHES BYA BA'I THA TSIG GO, ,CHU BUR ZHES BYA BA NI MNGON PAR 'PHEL BAR 'GYUR BA'I 'BRUM BU'O, ,RAB RIB NI NYAMS PAR BYED PAR RO, ,MIG NAD NI GZER BA LA SOGS PA'O, ,LING RTOG NI MTHUG PAR KHEBS PA NYID DE KUN TU SPYOD PA'I RANG BZHIN DANG SA BON GYI GNAS @130B SKABS SU YOD PA SEL BAS GO RIMS BZHIN DU BYANG ZHING ZHI BAR 'GYUR RO ZHES BYA BAR SBYAR RO, ,DE'I RANG GI MDOG GANG YIN ZHE NA, GAL TE RAS DKAR POS DKRIS TE ZHES BYA BA LA SOGS PA SMOS TE, ,GZHAN DAG KYANG RUNG STE ZHES BYA BA NI LJANG GU LA SOGS PA'O, ,DKRIS SAM BCINGS TE ZHES BYA BA NI GOS KYIS KUN NAS YONGS SU DKRIS PA'AM DE'I PHYOGS GCIG TU BCINGS TE ZHES BYA BAR SHES PAR BYA'O, ,RNYOG PAR GYUR PA NI RDUL MANG BA STE, DE DAG KYANG DANG BAR 'GYUR ZHING 'OG TU 'GRO BAR 'GYUR RO, ,'DZAM BU'I GLING NA MTHU CHE BAR GRAGS PA ZAS GTZANG MA LA YANG 'DI LHA BU'I RIN PO CHE MED PAS 'GA' ZHIG DPE 'DI GRUB PA MA YIN NO SNYAM SEMS PA'I DOGS PA BZLOG PAR BYA BA'I PHYIR KOO SHI KA CI NOR BU RIN PO CHE DE DAG CES BYA BA LA SOGS PA SMRAS PA YIN NO, ,BSOD NAMS SHIN TU KHYAD PAR 'PHAGS PA YIN PAS 'PHAGS PA KUN DGA' BO NOR BU RIN PO CHE DE DAG NI ZHES BYA BA LA SOGS PA LAN SMRAS PA YIN NO, ,GRANGS DANG MTHU DAG GIS GO RIMS BZHIN DU CHUD ZHING PHRA LA ZHES BYA BA GNYIS SMOS PA YIN NO, ,NOR BU RIN PO CHE DE'I YON TAN DE DAG GIS ZHES BYA BA 'DIR YONGS SU BSGOS PA'I PHYIR ZHES BYA BA NI LHAG MA'O, ,YONGS SU MYA NGAN LAS 'DAS KYANG ZHES BYA BA'I KYANG GI SGRAS NI BZHUGS PA YANG NGO, ,RNAM PA GZHAN DAG GIS KYANG SHES RAB KYI PHA ROL DU PHYIN PA RGYUD NYID DU GYUR PAS MCHOD PA BSTAN PAR BYA BA'I PHYIR BCOM LDAN 'DAS YANG JI LTAR ZHES BYA BA LA SOGS PA SMOS TE, SANGS RGYAS RNAMS KYIS CHOS BSTAN PA, ,ZHES BYA BA NI GANG GI PHYIR RNAM PAR RTOG PA RANG GI RNAM PA LA PHYI ROL GYI RANG BZHIN DU SGRO BTAGS NAS 'JUG PA'I PHYIR DE MA YIN LA DER 'DZIN PAS RANG NYID MA RIG PA'I RANG BZHIN YOD NA SGRIB PA MA LUS PA SPANGS PA MI SRID PA DE BAS NA RTAG TU MNYAM PAR GZHAG PA'I SANGS RGYAS BCOM LDAN 'DAS RNAMS KYI SHES RAB KYI PHA ROL DU PHYIN PA'I YE SHES KYI MTHUS MOS PA JI LTA BA BZHIN DU SKAL BA DANG LDAN PA RNAMS LA MA 'TSOL BAR RANG RANG GI SHES PA'I SNANG BA NYE BAR SKYE BA STE, DE BAS RNAM PA DE LTA BU'I RTOGS PA'I RJES SU @131A *, ,'BRANGS PAS DE RNAMS LA BCOM LDAN 'DAS KYI BSTAN PAR RNAM PAR GZHAG GO, ,DES NA DAG PA 'JIG RTEN PA'I SHES PA SNGON DU MDZAD NAS THUB PAS 'DI SKAD BSTAN TO ZHES BYA BA LA SOGS PA NI, GDUL BYA'I SKYE BO LA PHAN PA'I BSAM PAS LA LAR SDUD PAR BYED PA RNAMS KYIS RJOD PA YIN NO, ,DE BAS NI JI LTAR GDUL BYA'I SHES PA SGRAR SNANG BA'I RANG BZHIN NYID YIN PAS BSTAN PA NYAN PA PO'I SKYE BO DANG 'BREL PA YIN YANG SHES RAB KYI PHA ROL DU PHYIN PA'I YE SHES KYI BDAG PO LAS SKYES PA'I PHYIR, SANGS RGYAS RNAMS KYIS CHOS BSTAN PA YIN NO ZHES BYA BA'I DON TO, ,'BRING GI CHEN PO BSTAN PAR BYA BA'I PHYIR BCOM LDAN 'DAS DPER NA RGYAL PO'I SKYES BU NI ZHES BYA BA LA SOGS PA SMOS TE, SUS KYANG MI 'JIGS PAR ZHES BYA BA NI, 'DI LA GANG LAS KYANG 'JIGS PA MED PA'I PHYIR DE SKAD CES BRJOD DO, ,CHOS KYI SKU'I MTHUS ZHES BYA BA NI CHOS KYI DBYINGS KYI RGYU MTHUN PA SHES RAB KYI PHA ROL DU PHYIN PA'I MTHUS ZHES BYA BA'I DON TO, ,CHEN PO'I CHUNG DU BSTAN PA'I PHYIR BCOM LDAN 'DAS DE LTA BAS NA STONG GSUM GYI STONG CHEN PO'I 'JIG RTEN GYI KHAMS ZHES BYA BA LA SOGS PA SMOS PA YIN NO, ,CHEN PO'I 'BRING BSTAN PA'I PHYIR GZHAN YANG BCOM LDAN 'DAS 'JIG RTEN GYI KHAMS GZHAL DU MA MCHIS PA DAG NA ZHES BYA BA LA SOGS PA SMOS PA YIN NO, ,RANG DANG GZHAN DANG GNYI GA'I DON GYI PHUN SUM TSOGS PA'I DBYE BAS GO RIMS BZHIN DU BZHUGS TE 'TSO ZHING ZHES PA ZHES BYA BA'I TSIG GSUM DANG SBYAR BAR BYA'O, ,YANG NA CHOS KYI SKUS 'KHOR BA JI SRID PAR BZHUGS PA'I PHYIR BZHUGS TE'O, ,LONGS SPYOD RDZOGS PA'I SKUS BYANG CHUB SEMS DPA' RNAMS KYI DON YANG DAG PAR 'DZIN PA'I PHYIR 'TSO ZHING ZHES BYA'O; ,SPRUL PA'I SKUS NYIN ZHAG JI SNYED CIG BZHUGS PA'I PHYIR GZHES PA'O, ,SHES RAB KYI PHA ROL DU PHYIN PA LA SPYAD PAR BYA'O ZHES BYA BA LA SOGS PA NI, SBYOR BA LA SOGS PA'I GNAS SKABS KYI DBYE BAS SMRAS PA STE, SNGA MA BZHIN DU RJES SU SNANG BA KOO SHI KA DE DE BZHIN @131B NO DE DE BZHIN TE ZHES GSUNGS NAS, YUM GYI CHE BA'I BDAG NYID BSTAN PA'I PHYIR KOO SHI KA 'DAS PA'I DUS NA ZHES BYA BA LA SOGS PA YIN NO, ,CHEN PO'I CHEN PO BSTAN PA'I PHYIR BCOM LDAN 'DAS 'DI LTA STE ZHES BYA BA LA SOGS PA GSOL TE, CHEN PO NYID GZHUNG GZUGS PA'I PHYIR BCOM LDAN 'DAS DE BZHIN GSHEGS PA ZHES BYA BA LA SOGS PA GSOL TO, ,'DI SKAD DU GANG GI PHYIR BCOM LDAN 'DAS KYIS SBYOR BA'I GNAS SKABS SU SEMS CAN THAMS CAD KYI SEMS KYI SPYOD PA RAB TU MKHYEN CING 'JUG GI GNAS SKABS SU YANG DAG PAR GZIGS PA DE BAS NA 'DI NI CHEN PO NYID YIN NO ZHES RJOD PA YIN NO, ,DE NYID GZHUNG GZUGS PA'I DON DU GSUNGS PA NI KOO SHI KA 'DI LTAR ZHES BYA BA LA SOGS PA'O, ,YUN RING PO ZHES BYA BA DUS RING POR RO, ,SHES RAB KYI PHA ROL DU PHYIN PA LA SPYAD NA ZHES GSUNGS PAS GZHAN RNAM PAR GCOD DO SNYAM DU BSAM PAS BCOM LDAN 'DAS CI ZHES BYA BA LA SOGS PA GSOL TO, ,GZHAN DAG LA ZHES BYA BA NI SBYIN PA LA SOGS PA'I BDAG NYID CAN RNAMS LA'O, ,THAMS CAD LA BSLAB PA NYID NI KOO SHI KA BYANG CHUB SEMS DPA' ZHES BYA BA LA SOGS PA GSUNGS PA YIN TE, RE BA MED PA'I SBYIN PA DANG, ,YANG SRID MI 'DOD TSUL KHRIMS DANG, ,THAMS CAD LA NI BZOD PA DANG, ,YON TAN KUN 'BYUNG BRTZON 'GRUS DANG, ,DE BZHIN BSAM GTAN GZUGS MED MIN, ,SHES RAB THABS DANG LDAN PA NI, ,PHA ROL PHYIN PA DRUG PO LA, ,BSTAN PA RNAMS KYIS YANG DAG SBYOR, ,ZHES BSHAD PAS YANG DAG PA'I SBYOR BA 'DIS BYANG CHUB SEMS DPA' THAMS CAD LA SPYAD PAR BYA'O ZHES BYA BA'I THA TSIG GO, ,'O NA SHES RAB KYI PHA ROL TU PHYIN PA ZHES CI'I PHYIR GSUNGS SHE NA, 'ON KYANG KOO SHI KA ZHES BYA BA LA SOGS PA GSUNGS SO, ,JI LTAR SNGON DU 'GRO BA DE LTAR SNGAR BSHAD PA NYID YIN NO, ,'DI NYID BSTAN PA'I PHYIR, SBYIN PA SBYIN PAR BYED PA DANG, ,ZHES BYA BA LA SOGS PA GSUNGS PA YIN TE, RNAM PAR BLTA BA'I ZHES BYA BA NI SGOM PA'O, ,NYE BAR BSAGS PA'I PHYIR KOO SHI KA @132A *, ,ZHES BYA BA LA SOGS PA GSUNGS TE, SHES RAB KYI PHA ROL DU PHYIN PAS YONGS SU BSGOS PA ZHES BYA BA NI 'KHOR GSUM YONGS SU DAG PAS YONGS SU BSGOMS PA RNAMS SO, ,THAMS CAD MKHYEN PA NYID DU YONGS SU BSDOS PA ZHES BYA BA NI DE BZHIN GSHEGS PA NYID DU BSTABS PA RNAMS SO, ,PHA ROL DU PHYIN PA MA YIN PA RNAM PAR GCAD PA'I PHYIR PHA ROL DU PHYIN PA'I RANG BZHIN DU BYE BRAG MED CING ZHES SNGA MA DANG SBYAR RO, ,PHA ROL DU PHYIN PA'I SGRAS BRJOD PAS THA DAD DU BYA BA MED DO, ,KHA DOG THA DAD PA NI SNGON PO DANG SER PO LA SOGS PA'I DBYE BAS SO, ,DBYIBS THA DAD PA NI MNYAM PA DANG MI MNYAM PA LA SOGS PA'I TSUL GYIS SO, ,CHU ZHENG PHUN SUM TSOGS PA THA DAD KYANG ZHES BYA BA LA CHU NI DPANGS SU'O, ,ZHENG NI 'KHOR ZLUM MO, ,GRIB MA'I BYE BRAG ZHES BYA BA NI DE'I RANG BZHIN MA YIN PA LAS LDOG PAS SO, ,DE NYID DU SGRA GCIG GIS BRJOD PA'I PHYIR THA DAD DU BYA BA MI MNGON NO, ,DE NYID NI GZHAN DU NA GRIB MA ZHES BYA BA LA SOGS PA GSUNGS PA YIN TE, GRANGS SU ZHES BYA BA NI THA SNYAD DU'O, ,MOS PA YID LA BYED PA GSUM CHAR NYE BAR BSDU BAR BYA BA'I PHYIR BCOM LDAN 'DAS SHES RAB KYI PHA ROL DU PHYIN PA 'DI NI ZHES BYA BA LA SOGS PA GSOL TE, RANG GI DON LA MOS PA'I PHAN YON MANG PO SKYED PAS NA PHAN YON CHEN PO DANG LDAN NO ZHES BYA BA YIN NO, ,RANG DANG GZHAN GYI DON LA MOS PA GRANGS DANG TSAD KYI YUL MA YIN PA DANG LDAN PAS GZHAL DU MA MCHIS PA'I YON TAN DANG LDAN PA YIN NO, ,GZHAN GYI DON LA MOS PA SEMS CAN GYI KHAMS MTHAR THUG PA MED PA'I CHED DU 'BYUNG BAS NA MU MA MCHIS PA'I YON TAN DANG LDAN PA YIN NO, ,MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM SHES BYA DE YANG NI, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CHUNG DU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES GSUNGS PA YIN NO, ,JI SKAD DU GSUNGS PA'I GZHUNG RGYAS PA'I RIM GYIS PHAN YON GONG NAS @132B GONG DU STON PA LHUR BYED PA TSIG GZHAN DU STON PAS NI MOS PA YID LA BYED PA 'DI THAMS CAD DANG LDAN PA KHO NA'O, ,RANG GI DON GYI MOS PA'I RNAM PA CHUNG DU'I CHUNG DU LA SOGS PA GNYEN PO'I PHYOGS KYI BDAG NYID THAMS CAD LA YANG CHEN PO'I CHEN PO LA SOGS PA MI MTHUN PA'I PHYOGS SU DON GYIS BSTAN PA YIN NO, ,RANG GI DON GYI MOS PAR NI GZHAN GYI DON GYI PHYED DU BYA BA TZAM YIN LA, ,GNYIS PAR NI SBYOR BA BAR DANG BCAS PA DANG, GSUM PAR NI BAR MED PA YIN PAR RTOGS PAR BYA'O, ,DE LTA MA YIN TE PHAN YON TZAM ZHIG BRJOD PAR KHAS LEN NA, ,PHAN YON JI SNYED SRID PA DE SNYED CIG CAR KHO NA BRJOD PAR 'GYUR BA'I PHYIR GZHUNG RGYA CHEN PO DON MED PAR 'GYUR RO ZHES BYA BA NI SNGON GYI SLOB DPON RNAMS KYI YIN NO, ,SHES RAB KYI PHA ROL DU PHYIN PA'I BSHAD PA MNGON PAR RTOGS PA'I RGYAN GYI SNANG BA LAS, YON TAN YONGS SU BRJOD PA'I LE'U STE BZHI PA'O,, ,,JI LTAR MOS PA BZHIN DU MTHONG BA'I CHOS KYI MTSAN NYID KYI SHES RAB KYI PHA ROL DU PHYIN PA DE LA ZHUGS PA'I MOS PA YID LA BYED PA DGU'I GNAS SKABS DANG PO DANG GNYIS PA DANG GSUM PA SGOM PAR BYED PA'I BYANG CHUB SEMS DPA' LA GO RIMS BZHIN DU SPRO BA BSKYED PAR BYA BA'I PHYIR SO SO LA RNAM PA DGUS GONG DU MNGON PAR DGA' BAR BYED PA BSTOD PA DANG BKUR BA DANG BSNGAGS PA SANGS RGYAS LA SOGS PA RNAMS KYI MDZAD PA YIN PAS MOS PA YID LA BYED PA'I 'OG TU DANG PO BSTOD PA TZAM BSTAN PA DE NAS BCOM LDAN 'DAS LA LHA RNAMS KYI DBANG PO BRGYA BYIN GYIS ZHES BYA BA LA SOGS PA SMOS PA YIN TE, MI GTANG NGO ZHES BYA BA NI DOR ZHING BTANG BA DANG BSAM PAS MI 'DOR BA'I PHYIR RO, ,BSRUNG BAR BYA'O ZHES BYA BA NI PHYI ROL GYIS DANG CHU LA SOGS PA'I 'TSE BZLOG PA'I PHYIR RO, ,SBA BAR BYA'O ZHES BYA BA NI NANG GI BDAG NYID CAN YI GE LA SOGS PA NYAMS PA BSAL BA'I PHYIR RO, ,LHAG PAR MOS SHING ZHES BYA BA NI YONGS SU MI GTANG BA'I BLOS BDAG GIR BYAS PAS SO, ,DON DU GNYER ZHING ZHES BYA BA NI SBYOR BA LAS SO, ,'DUN PAS ZHES BYA BA NI BSAM PAS @133A *, ,SO; ,SBYIN ZHING ZHES BYA BA NI GZHUNG DANG DON GYI RANG BZHIN 'BRAS BU DANG BCAS PA BDOG PA THAMS CAD STER BA'I PHYIR RO, ,'DI NYID SBYOR B