@1A [DD] #, ,RGYA GAR SKAD DU, AA BHI SA MA YA AA LANGK'A RA BHA GA BA T'I PRA DZNY'A RA MI TO PA DE SHA SH'A STRA BRi TTI PRA DZNY'A PRA D'I PA AA BA LI N'A MA, BOD SKAD DU, BCOM LDAN 'DAS MA [DD] SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA, DUS GSUM GYI DE BZHIN GSHEGS PA THAMS CAD KYI YUM SHES RAB KYI PHA ROL TU PHYIN MA LA PHYAG 'TSAL LO, ,SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,GANG ZHIG NYON MONGS SGRIB PA'I MUN TSOGS ZLA 'OD BCAS 'JOMS SRID ZHI'I MTSAN MO MTHAR BYED CING, ,DAM CHOS SHAR GYI RI BO MTHON PO'I RTZE NAS MNGON BYUNG RAB YANGS SHES BYA'I MKHA' LA RAB TU SHAR, ,PHUN TSOGS SBYOR BZHI RLUNG GI RTA BCIBS MKHYEN GSUM DKYIL 'KHOR DRI MED SKU BZHI'I GZI 'OD RNAM PAR 'PHRO, ,TSA ZER MDZAD PAS 'GRO BA'I LO TOG SMIN MDZAD RGYAL YUM NYI MA SHES RAB PHA ROL PHYIN @2A *, ,PHYAG 'TSAL, ,RGYAL BAS SHES RAB PHA ROL PHYIN DON GANG YIN DE LAM GZHUNG GI BDAG NYID CAN, ,JI BZHIN RNAM GZHAG SGRUB BYED DANG NI BSGRUB BYAS RGYU LAM 'BRAS BU BZANG BSGRAGS PA, , BLO LDAN TSOGS RNAMS LA NI GSAL BAR THUGS RJES RGYAS 'BRING BSDUS MDZAD BSTAN PA LAS, ,RIM GYIS SHES RAB DMAN PA'I SKYE BO RNAMS KYIS DE YI DON CHEN RTOGS MA GYUR, ,RTOGS DKA' RGYAL BA'I YUM LUS ZAB CING RGYA CHE BRJOD TSOGS RGYA MTSO'I NANG DU NUB GYUR PA, ,DE DON MNGON GZIGS BCOM LDAN BYAMS PA'I BLO GROS NYID DANG BRTZE BA'I LCAGS KYUS GDON MDZAD DE, ,DNGOS BRGYAD RANG BZHIN RNAM GZHAG DANG NI BRGYAD BZOS MNGON PAR RTOGS PA'I RGYAN GZHUNG DRI MED PHRENG, ,RIN CHEN 'OD 'PHRO MKHAS PA'I TSOGS RNAMS LA NI LEGS BSTAN RAB TU DGA' BA BSKYED PAR MDZAD, ,THOGS MED MGON GYIS DE DON MDOR BSHAD BLO GROS PHUN TSOGS DBYIG GNYEN GYIS, ,RNAM RIG TSUL BKROL JI BZHIN DON MIN 'PHAGS PA RNAM PAR GROL BAS NI, ,MTHA' BRAL DON GYI DE NYID RNAM PHYE MKHAS PA'I SKYE BO RNAM GROL SDES, ,RANG BLOS RJES RTAGS DE RJES @2B RGYAL SRAS SENG GE BZANG POS RANG BSHAD MDZAD, ,DE LTAR MKHAS PAS PHAL CHER DON, ,SNANG GYUR BYAS KYANG 'GA' ZHIG MIN, ,DE PHYIR DON GNYER PHAN BRTZON PAS, ,MTHA' DAG 'GREL BA BYA BAR 'OS, ,SHES RAB PHA ROL PHYIN LUS MCHOG ,MNGON RTOGS RIN CHEN RGYAN GYIS SPRAS, ,DE RAB GSAL BYED 'GREL PA NI, ,SHES RAB SGRON MA'I PHRENG BA BYA, ,'PHAGS PA BYAMS PA BDAG NYID DAMS PA RNAMS KYI SPYOD PA RAB TU MTHUN PAR STON CING RANG GI BSTAN BCOS BRTZAMS PA PHUN SUM TSOGS PAR BYA BA DANG, GTZOR GZHAN DAG BCOM LDAN 'DAS MA YON TAN RIN PO CHE PHUL DU DBYUNG DU MED CING DPAG TU MED PA'I 'BYUNG GNAS LA CHER SPRO BAS DANG BA BSKYED PA'I CHED DU DANG PO RE ZHIG 'PHAGS PA THAMS CAD KYI YUM SHES RAB KYI PHA ROL TU PHYIN PA LA YON TAN JI LTA BA BZHIN BRJOD PA SNGON DU 'GRO BA CAN GYI PHYAG 'TSAL BAR MDZAD PA, NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,NYAN THOS BYANG CHUB SEMS DPA'I TSOGS BCAS SANGS RGYAS KYI NI YUL DE LA PHYAG 'TSAL, ,ZHES BYA'O, ,DE LA RE ZHIG DAD PA'I RJES SU 'BRANG BA RNAMS NI TSIGS SU BCAD PA 'DIS BSTAN PA'I CHE BA THOS PA NYID NA 'DI LA THE TSOM MED PA RAB TU DANG BA SKYE BA'O, ,CHOS KYI RJES SU 'BRANG BA RNAMS KYANG GCIG DANG DU MA'I NGO BO NYID DANG BRAL BA'I PHYIR ZHES BYA BA LA SOGS PA'I TSAD MA RNAMS KYI GZHI DANG LAM DANG RNAM PA SKYE BA MED PAR YONGS SU SHES PA'I YUM LA GNOD PA MA MTHONG ZHING SHES RAB KYI PHA ROL TU PHYIN PA TSUL GSUM PA CAN GYI BDAG NYID GOMS PA LA SOGS PA'I KHYAD PAR GYI KHYAD PAR DU 'GYUR BA'I PHYIR SANGS RGYAS LA SOGS PA NI BSKRUN PAR MDZAD PA NYID DO ZHES SHES PAR BYAS TE MNGON PAR DANG BA SKYED PAR BYED PA NYID DO, ,DE LA DANG BAS NI DE'I DON @3A *, ,YONGS SU BSGRUB PAR BYA 'DOD PAS GZUNG BA LA SOGS PA'I DON GYIS RNAM PA THAMS CAD DU RAB TU GUS PAR BYED PA DANG, DE LAS KYANG THOS PA LA SOGS PA'I SGO NAS THAMS CAD MKHYEN PA NYID RNAM PA GSUM CI RIGS PAR THOB PAR 'GYUR RO, , DE LA YUL NYID DANG, SBYOR BA NYID DANG, 'BRAS BU NYID LA SOGS PA GSUM GYI SGO NAS THAMS CAD MKHYEN PA NYID GSUM GYIS DON BRGYAD BSDUS PAR DGONGS NAS SHES RAB KYI PHA ROL TU PHYIN PA LA BSTOD DO, ,'DI LTAR NYAN THOS DANG DE'I PHYOGS SU BSDUS PA RNAM PAR THAR PA CUNG ZAD CIG GIS LHAG PA RANG SANGS RGYAS KYANG STE MYA NGAN LAS 'DAS PA DON DU GNYER BA RNAMS PHUNG PO LA SOGS PA'I GZHI THAMS CAD SKYE BA MED PAR YONGS SU SHES PA NYID KYIS PHUNG PO DANG BCAS PA DANG PHUNG PO MED PA'I MTSAN NYID KYI MYA NGAN LAS 'DAS PA RNAM PA GNYIS THOB PAR MDZAD PA GANG YIN PA DANG, BYANG CHUB SEMS DPA' BYANG CHUB KYI SEMS KYIS 'KHOR BA JI SRID PAR 'GRO BA'I DON BYED PA RNAMS NYAN THOS LA SOGS PA'I LAM THAMS CAD SKYE BA MED PAR RTOGS PA NYID KYIS 'JIG RTEN PA RNAMS LA PHAN CING BDE BAR MDZAD PA GANG YIN PA DANG, CHOS THAMS CAD SKYE BA MED PAR MNGON SUM DU GYUR PA GANG DANG YANG DAG PAR LDAN NA SKU GSUNG THUGS YANG DAG PAR BSDAMS PA'I SKU CAN RNAL 'BYOR CAN GYI DBANG PHYUG GI GTZO BO RNAMS SPYOD PA'I GNYEN POR CHOS KYI 'KHOR LO SNA TSOGS PA MA LUS PA RNAM PA THAMS CAD DANG LDAN PA BSKOR BAR MDZAD PA GANG YIN PA NYAN THOS NYID DANG, BYANG CHUB SEMS DPA' NYID DANG, SANGS RGYAS NYID KYIS YONGS SU BSKOR BA DE LTA BU SGRUB PAR BYED PA NYID KYIS DE DAG GI YUM SHES RAB KYI PHA ROL TU PHYIN PA DE LA GUS PAR PHYAG 'TSAL BA'O, ,'DIR SHES RAB KYI PHA ROL TU PHYIN PA'I RGYAN NI GZHI DANG GNYEN PO DANG RNAM PA MTHA' DAG MNGON PAR RTOGS PA'I BDAG NYID BRGYAD DU PHYE ZHING BSDUS PAS NYE BAR BSTON PAR MDZAD PA'I PHYIR MKHYEN PA NYID RNAM PA GSUM GYI RANG BZHIN @3B GYIS RNAM PAR GZHAG PA 'DI 'TSAM PA YIN NO ZHES BYA BA 'DI 'THAD PA YIN NO, ,'DI LTAR RGYAL BA'I YUM BAR MA LAS, RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YIN NO, ,BCOM LDAN 'DAS CI'I SLAD DU THAMS CAD 'TSAL BA NYID NYAN THOS DANG RANG SANGS RGYAS RNAMS KYI LAGS, RAB 'BYOR THAMS CAD CES BYA BA NI PHYI DANG NANG GI CHOS JI SNYED PA 'DI TZAM YIN LA, DE DAG NYAN THOS DANG RANG SANGS RGYAS RNAMS KYIS SHES KYI, LAM THAMS CAD KYIS KYANG MA YIN LA RNAM PA THAMS CAD DU YANG MA YIN PAS, DE'I PHYIR NYAN THOS DANG RANG SANGS RGYAS RNAMS KYI NI THAMS CAD SHES PA NYID CES BYA BA'O, ,BCOM LDAN 'DAS CI'I SLAD DU LAM GYI RNAM PA 'TSAL BA NYID BYANG CHUB SEMS DPA' RNAMS KYI LAGS, RAB 'BYOR BYANG CHUB SEMS DPA' RNAMS KYI NI NYAN THOS KYI LAM GANG YIN PA DANG, RANG SANGS RGYAS KYI LAM GANG YIN PA DANG, SANGS RGYAS KYI LAM GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA'O, ,DE DAG KYANG YONGS SU RDZOGS PAR BYA ZHING DE DAG GI LAM GYI BYANG BA YANG BYA LA, SMON LAM YONGS SU RDZOGS PAR MA BYAS PA DANG, SEMS CAN YONGS SU SMIN PAR MA BYAS PA DANG, SANGS RGYAS KYI ZHING YONGS SU MA SBYANGS PAR DE DAG GIS YANG DAG PA'I MTHA' MNGON SUM DU MI BYA'O, DE'I PHYIR BYANG CHUB SEMS DPA' RNAMS KYI NI LAM GYI RNAM PA SHES PA NYID CES BYA'O, ,BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI LAGS, ,RAB 'BYOR RNAM PA GANG DAG DANG RTAGS GANG DAG DANG, MTSAN MA GANG DAG GI CHOS RNAMS RAB TU BRJOD PA'I RNAM PA DE DAG DANG, RTAGS @4A *, ,DE DAG DANG, MTSAN MA DE DAG DE BZHIN GSHEGS PAS THUGS SU CHUD DE, DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI NI RNAM PA THAMS CAD MKHYEN PA NYID CES BYA'O, ,DE BZHIN DU MDOR BSDUS PA LAS KYANG, NYAN THOS KYI SA LA SLOB PAR 'DOD PAS KYANG ZHES BYA BA LA SOGS PA GSUNGS LA, RGYAS PA LAS KYANG RGYA CHER GSUNGS SO, ,DE LA THAMS CAD SHES PA NYID NI GZUGS LA SOGS PA'I CHOS THAMS CAD MI RTAG PA LA SOGS PA'I RTEN CAN 'BRAS BU BDAG TU RMONGS PA SPANGS PA CAN YIN NO, ,LAM SHES PA NYID NI THEG PA THAMS CAD KYI NGES PAR 'BYUNG BA DANG, DE KHO NA NYID MNGON SUM DU MI BYED PA'I RTEN CAN 'BRAS BU SEMS CAN MA BSDUS PA SDUD PA LA SOGS PAR BYED PA CAN YIN NO, ,RNAM PA THAMS CAD MKHYEN PA NYID NI CHOS THAMS CAD SKYE BA MED PA'I RTEN CAN 'BRAS BU NAM MKHA'I MTHAS GTUGS PA'I SEMS CAN GYI DON RGYUN MI 'CHAD PA DANG, YANG DAG PA NYID NI MTHA' RTOGS PA DANG, BAG CHAGS KYI MTSAMS SBYOR BA'I NYON MONGS PA SPANGS PA CAN YIN NO ZHES SHES PAR BYA'O, ,GAL TE STONG PA NYID THUGS RJE PHUN SUM TSOGS PA YIN NA DES RGYAS PA DANG 'BRING DANG MDOR BSDUS PA LA DAD PAS TSUL DE NYID KYIS MNGON PAR RTOGS PA BRGYAD KYI RIM PA GSAL BAR MDZAD PA MA YIN NAM, YANG CI ZHIG BSTAN DU YOD CES DOGS PA'I GNAS BSAL NAS DON LA THE TSOM SKYED PA NYID KYIS GZHUG PA DANG, GZHAN DAG KYANG DE'I RJES SU 'BRANGS NAS NGES PAR 'GYUR BA'AM, RAB TU BYED PA'I LUS YANG DAG PAR MDZES PA NYID KYI PHYIR YANG 'JUG PA'I YAN LAG RANG GI BSTAN BCOS KYI BRJOD PAR BYA BA DANG, DGOS PA DANG, DGOS PA'I DGOS PA DANG, 'BREL BA DON GYIS THOB PA RNAMS GSUNGS TE, RNAM PA THAMS CAD MKHYEN PA NYID LAM, ,STON PAS 'DI LA BSHAD PA GANG, GZHAN GYIS MYONG BA MA YIN TE, , @4B CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BLO DANG LDAN PAS MTHONG 'GYUR PHYIR, ,BDE BLAG TU NI RTOGS PA ZHES, ,BYA BA RTZOM PA'I DGONGS PA YIN, ,ZHES BYA BA'O, ,'DIS NI BRJOD PAR BYA BA MED PA DANG, BSGRUB PAR MI NUS PA DANG, 'DOD PAR BYA BA MA YIN PA DANG, 'BREL BA MED PA ZHES BYA BA'I MTHA' BZHI RNAM PAR BSAL BA NYID YIN NO, ,RNAM PA THAMS CAD MKHYEN PA NYID, ,YANG DAG PAR RDZOGS PA'I SANGS RGYAS RNAMS BYUNG BA DANG 'BYUNG BAR 'GYUR BA GSHEGS SHING RJES SU GSHEGS PA'I LAM NI SHES RAB KYI PHA ROL TU PHYIN PA STE, BCOM LDAN 'DAS CHO 'PHRUL RNAM PA GSUM GYIS MA LUS PA'I LUS CAN LA RJES SU STON PAR MDZAD PA DE NYID KYIS RGYAL BA'I YUM DE DANG DE DAG LA YUL DANG THABS DANG, 'BRAS BU'I MTSAN NYID KYIS SGRUB PAR BYED PA DANG BSGRUB PAR BYA BA'I TSUL GYIS 'BREL PAR BSTAN PA, ,PHYI ROL PA DANG CIG SHOS KYI 'DOD CHAGS DANG BRAL BA LA SOGS PA CHOS THAMS CAD BDAG MED PAR GOMS PAR MA BYAS PA RNAMS KYI THOS PA LA SOGS PA RNAMS BYUNG BA'I SHES RAB KYI LCES RAB TU MA MYANGS PA'I BDUD RTZI GANG YIN PA DE NI BRJOD PAR BYA BA YIN NO, ,BLO GROS DANG LDAN PA DAG SHES RAB KYI PHA ROL TU PHYIN PA'I MDO'I DON MNGON PAR RTOGS PA MA LUS PA YI GER 'DRI BA DANG KLOG PA LA SOGS PA KUN TU SPYOD PA'I GNAS BCU PO DAG GI DON JI LTA BAR LEGS PAR THOS NAS TSUL BZHIN DU NYE BAR BSAMS PAS BAG CHAGS KYIS BSGOS PA YANG DAG PAR DRAN PA'I SHES PA LA BZHAG NAS CHOS KYI DBYINGS KUN TU 'GRO BA RTOGS PA LA SOGS PA'I RIM PAS RNAM PA THAMS CAD DU MNGON SUM DU BYED PAR 'GYUR BA NI DGOS PA'I DGOS PA STE; DE'I PHYIR DE DAG GI MTSAN NYID MNGON PAR RTOGS PA RNAMS KYI RIM PA NYID NYE BAR BSAL BA'I DON DU GDUL BYA RNAMS KYIS BDE BLAG TU RTOGS PAR BYED PA NI RAB TU BYED PA'I DON RTZOM PA'I DGOS PA YIN NO, ,DE BAS NA BRJOD PAR BYA BA'I DON CAN LAS DE @5A *, ,BSTAN PAS RAB TU RTOGS PAS NI DON MTHAR THUG PAR 'GYUR RO ZHES BYA BA'I SHUGS KYIS THOB PA NYID DANG, DE LAS BYUNG BA'I TSUL GYIS 'BREL BA KHONG DU GNAS PA NI DON GYI MTHU YIN NO, ,DE'I 'OG TU BSTAN BCOS KYI GZHUNG NYID 'CHAD PAR BZHED DE, GDUL BYA RNAMS KYIS BDE BLAG TU RTOGS PAR BYA BA'I PHYIR DANG, BSTAN BCOS RNAM PAR DBYE BA BYAS PA YANG SPYI'I DON GYIS RNAM PAR BCINGS PAS RAB TU MDZES SHING MA 'DZINGS PA NYID KYI 'CHAD PA PO RNAMS KYANG SLA BAS LEGS PA STON PAR 'GYUR BAR GZIGS NAS TSIG LE'UR BYAS PA GNYIS KYI MDO DANG, BCU GSUM GYIS RGYAS PAR BSTAN PAS SHES RAB KYI PHA ROL TU PHYIN PA'I LUS RNAM PAR GZHAG PA GSUNGS PA LAS RE ZHIG SPYIR BSTAN PA'I TSUL GYIS GANG GIS GANG ZHIG JI LTAR BSHAD PA, SHES RAB PHA ROL PHYIN PA NI, ,DNGOS PO BRGYAD KYI YANG DAG BSHAD, ,CES GSUNGS SO, ,GZHUNG GTZO BOR BZUNG BAS LAM DANG DON GYI BDAG NYID SHES RAB KYI PHA ROL TU PHYIN PA NI THAMS CAD MKHYEN PA NYID GSUM DANG, MNGON PAR RTOGS PA BZHI DANG, CHOS KYI SKU MDZAD PA DANG BCAS PA BRGYAD KYIS JI LTA BA DANG, JI SNYED PA'I DON YANG DAG PAR BSHAD PA YIN NO, ,DNGOS PO BRGYAD GANG ZHE NA, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAM BRGYAD, ,CES GSUNGS TE, MA LUS PA'I RNAM PA MTHAR THUG PA MNGON SUM DU MDZAD PA'I MTSAN NYID SNANG BA DANG BCAS PA DANG CIG SHOS KYI BDAG NYID CAN GYI RNAM PA THAMS CAD MKHYEN PA NYID DANG, LAM THAMS CAD KYI RANG BZHIN SKYE BA MED PAR YONGS SU GZIGS PA'I MTSAN NYID, MNYAM PAR BZHAG PA DANG MA BZHAG PA'I BDAG NYID CAN GYI LAM THAMS CAD MKHYEN PA NYID DANG, GZHI THAMS CAD MNGON PAR RTOGS @5B PA'I MTSAN NYID MI MTHUN PA DANG GNYEN PO'I PHYOGS KYI BDAG NYID CAN GYI GZHI THAMS CAD MKHYEN PA NYID DANG, DE DAG GI DON CIG CAR BSDUS SHING RNAM PAR SGOM PA'I MTSAN NYID LAS DANG PO PA DANG, SBYOR BA DANG, MTHONG BA DANG, BSGOM PA'I GNAS SKABS CAN RNAM PA KUN MNGON PAR RDZOGS PAR RTOGS PA NYID DANG, DE NYID RNAM PA THAMS CAD DU RANG GI DBANG DU GYUR PA'I MTSAN NYID SBYOR BA LA SOGS PA'I GNAS SKABS CAN RTZE MO'I MNGON PAR RTOGS PA NYID DANG, CHOS RNAM PAR DKAR BA RNAMS DANG LHAN CIG RIM GYIS YONGS SU RDZOGS PA'I MTSAN NYID MNYAM PAR GNAS PA DANG CIG SHOS KYI MTSAN NYID GNAS SKABS CAN MTHAR GYIS PA'I MNGON PAR RTOGS PA NYID DANG, ZAG PA MED PA'I CHOS THAMS CAD CIG CAR MNGON SUM DU GYUR PA'I MTSAN NYID RNAM PAR SMIN PA MA YIN PA LA SOGS PA'I GNAS SKABS CAN SKAD CIG MAS MNGON PAR BYANG CHUB PA'I MNGON PAR RTOGS PA NYID DANG CHOS THAMS CAD RNAM PA THAMS CAD DU MTSAN MA THAMS CAD SPANGS SHING, ,MNGON PAR RDZOGS PAR BYANG CHUB PA'I MTSAN NYID RDZOGS PAR LONGS SPYOD PA LA SOGS PA'I BDAG NYID CHOS KYI SKU NYID DE, MTSAN NYID DANG, THABS DANG, 'BRAS BU'I BDAG NYID KYIS RNAM PA BRGYAD DO, ,DE LA CHOS DU ZHIG GI RNAM PA THAMS CAD MKHYEN PA NYID CES BYA ZHE NA, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DAG DANG, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,CES GSUNGS TE; GZHAN GYI DON DU RDZOGS PA'I BYANG CHUB 'DOD PA'I BDAG NYID 'DUN PA DANG LDAN PA LA SOGS PA SEMS BSKYED PA NYI SHU RTZA GNYIS DANG, GDUL BYA RNAMS DANG 'TSAM PA'I DON STON PAR SGRUB PA LA SOGS PA GDAMS PA BCU DANG, KUN NAS NYON MONGS PA @6A *, ,DANG; GNYEN PO'I PHYOGS KYI GZUNG BA MI DMIGS PA DRO BA DANG RTZE MOR GYUR PA DANG, GANG ZAG DANG SKYES BU'I 'DZIN PA NYE BAR ZHI BA BZOD PA DANG CHOS KYI MCHOG TU GYUR PA STE NGES PAR 'BYED PA'I YAN LAG RNAM PA BZHI DANG, NGO BO NYID KYIS YONGS SU DAG PA'I RANG BZHIN RTOGS PA'I CHOS LA SOGS PA BCU GSUM GYI RTEN DU GYUR PA CHOS KYI DBYINGS KYI RANG BZHIN DANG, DON DAM PA DANG KUN RDZOB KYI MTSAN NYID KYIS MI DMIGS PA'I TSUL GYIS DMIGS PAR BYA BA DGE BA LA SOGS PA BCU GCIG PA DANG, GANG GI CHED DU BYA BA SEMS CHEN PO LA SOGS PA GSUM DANG, MI MTHUN PA'I PHYOGS KYIS MI TSUGS PAR BYA BA'I PHYIR PHA ROL TU PHYIN PA DRUG GI GO CHA'I SGRUB BA DRUG DANG, THEG PA MCHOG GI YUL DU 'JUG PA'I PHYIR BSAM GTAN LA SOGS PA 'JUG PA'I SGRUB PA DGU DANG, DGE BA'I RTZA BA SHIN TU STOBS DANG LDAN PAR BYA BA'I PHYIR SNYING BRTZE BA LA SOGS PA TSOGS KYI SGRUB PA BCU BDUN DANG, SPANG BAR BYA BA'I DGRA RNAMS LAS NGES PAR RGYAL BAR BYA BA'I PHYIR CHED DU BYA BA'I DON CAN LA SOGS PA NGES PAR 'BYUNG BA'I SGRUB PA RNAM PA BRGYAD DO, , DE DAG NI YANG DAG PAR RDZOGS PA'I SANGS RGYAS RNAMS KYI, RNAM PA THAMS CAD MKHYEN PA NYID CES BYA'O, ,CHOS DU ZHIG GIS LAM THAMS CAD SHES PA NYID CES BYA ZHE NA, ,MOG MOG POR BYED LA SOGS DANG, ,SLOB MA BSE RU'I LAM GANG DANG, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG DANG, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI SGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,CES GSUNGS TE, NGA RGYAL MED PA NYID KYIS MOG MOG POR BYED PA LA SOGS PA DANG, GANG ZAG GI BDAG NYID MED PAR RTOGS PA NYID KYIS NYAN THOS @6B KYI LAM DANG, GZUNG BA BDAG NYID MED PAR RTOGS PA NYID KYIS RANG RGYAL BA'I LAM DANG, BYANG CHUB SEMS DPA'I LAM LA YANG RE ZHIG 'TSE BA DANG NAD LA SOGS PA MI 'BYUNG BA NYID KYIS TSE 'DI'I YON TAN DANG, SANGS RGYAS DANG MI 'BRAL ZHING DES DGONGS PA MDZAD PA LA SOGS PA NYID KYIS PHA ROL GYI PHAN YON DANG LDAN PA STE, MTHONG BA'I LAM DE KHO NA NYID KYI YUL CAN DANG, NYON MONGS PA KUN NAS ZHI BA LA SOGS PA DE NYID KYIS BYED PA DANG, MOS PAR BYA BA'I YUL LA YANG DAG PAR MOS PA NYID KYIS MOS PA YID LA BYED PA BLA NA MED PA DANG, DE LTAR RANG GI DON CAN GYI MOS PA RNAMS LA BSTOD PA DANG, RANG GZHAN GNYIS KA'I DON CAN GYI MOS PA RNAMS LA BKUR BA DANG, GZHAN GYI DON CAN GYI MOS PA RNAMS LA BSNGAGS PA DANG, PHYIN CI MA LOG PA'I MTSAN NYID KYIS YONGS SU 'PHEN PA BSNGO BA YID LA BYED PA BLA NA MED PA DANG, PHA ROL POS BYAS PA'I DGE BA'I RTZA BA LA MNGON PAR DGA' BA THOB PA RJES SU YI RANG BA NYID YID LA BYED PA BLA NA MED PA DANG, YON TAN GYI TSOGS RGYA CHEN PO'I 'BYUNG KHUNGS SU GYUR PA'I DON GYIS SGRUB PA DANG, NYES PA RNAMS KYI TSANG TSING LAS RNAM PAR GROL BA'I DON GYIS SHIN TU RNAM PAR DAG PA DE, YANG DAG PAR GOMS PAS THOB PA'I YUL BSGOM PA'I LAM MO, ,DE DAG NI BYANG CHUB SEMS DPA' RNAMS KYI LAS SHES PA NYID CES BYA'O, ,CHOS DU ZHIG GIS GZHI THAMS CAD SHES PA NYID CES BYA ZHE NA, ,SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,CES GSUNGS TE, CHOS THAMS CAD SKYE BA MED PA NYID DU BSGOM PA LA MKHAS PA'I SHES RAB KYIS 'KHOR BA LA MI GNAS PA DANG, SNYING RJE CHEN PO RANG GI NGANG GIS GOMS PA GNYIS KYIS MYA NGAN LAS 'DAS @7A *, ,PA DE LA MI GNAS PA DANG, MTSAN MAR DMIGS PA NYID KYIS THABS MA YIN PA'I PHYIR RING BA DANG MTSAN MAR DMIGS PA MA YIN PA NYID KYIS THABS MKHAS PA DANG LDAN PA'I PHYIR RING BA MA YIN PA NYID DANG CHOS SU 'DZIN PA DANG MA BRAL BAS MI MTHUN PA'I PHYOGS DANG, DE'I GNYEN POR GYUR PA NYID KYIS GNYEN PO'I PHYOGS DANG, GZHI THAMS CAD LA YANG YONGS SU ZHEN PA'I SPYOD PA MI DMIGS PA NYID KYIS SBYOR BA DANG, DNGOS PO DANG MTSAN MA LA SOGS PA'I RNAM PAR G-YENG BA SPANGS PA NYID KYIS DE'I MNYAM PA NYID DANG, BDEN PA RNAMS KYI SKAD CIG MA BCU DRUG MNGON SUM DU MTHONG BA NYID KYI MTHONG BA'I LAM MO, ,DE DAG NI NYAN THOS LA SOGS PA RNAMS KYI THAMS CAD SHES PA NYID CES BYA'O, ,CHOS DU ZHIG GIS RNAM PA KUN MNGON PAR RDZOGS PAR RTOGS PA ZHES BYA ZHE NA, ,RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,THABS LA MKHAS BCAS GANG YIN 'DI, ,RNAM KUN MNGON RDZOGS RTOGS PA YIN, ,ZHES GSUNGS TE, NGO BO NYID MED PA DANG SHES PA LA SOGS PA DON NYID DANG, SHES PA NYID KYI RNAM PA DANG, SBYOR BA DANG RJES SU SBYOR BA'I GNAS PA BKAG PA NYID KYIS SBYOR BA RTEN DANG BCAS PA DANG, BDUD KYI MTHU BCOM PA LA SOGS PA DE'I PHAN YON DANG, HA CANG MYUR CHES PA'I SPOBS PA CAN LA SOGS PA SKYON DANG, SHES PA DANG KHYAD PAR GYI MTSAN NYID LA SOGS PA MTSAN NYID DANG, MYA NGAN LAS 'DAS PA'I RGYU NYID KYIS DAD PA LA SOGS PA'I DGE BA'I RTZA BA THAR PA'I CHA DANG MTHUN PA DANG, CHOS BDEN PA MTHONG BA'I RGYU NYID KYIS DRO BA LA SOGS PA'I BSOD NAMS NGES PAR 'BYED PA'I CHA DANG MTHUN PA DANG, YANG DAG PAR RDZOGS PA'I BYANG CHUB LAS PHYIR MI LDOG PA'I RTAGS DRO BA LA SOGS PA DANG 'BREL BA THOB PA'I PHYIR MI LDOG PA'I TSOGS DANG, 'KHOR @7B BA DANG MYA NGAN LAS 'DAS PA DAG MA SKYES PA NYID KYIS THA DAD PA MED PAR RTOGS PA SHES RAB KYI BDAG NYID SRID PA DANG, ZHI BA MNYAM PA NYID DANG, RJES SU MTHUN PA'I TSOGS BSKRUN CING SMON LAM YONGS SU DAG PAS YANG DAG PAR SBYANGS PA SNYING RJE'I BDAG NYID ZHING DAG PA BLA NA MED PA DANG, RNAM PAR THAR PA'I SGO GSUM GYI BDAG NYID CAN GZHAN GYI DON ZUNG DU 'JUG PA NYID PHRIN LAS RANG BYUNG BAR 'GYUR BA THABS MKHAS PA GANG YIN PA'O, ,DE DAG NI RNAM PA KUN MNGON PAR RDZOGS PAR RTOGS PA ZHES BYA'O, ,CHOS DU ZHIG GIS RTZE MO MNGON PAR RTOGS PA ZHE NA, ,DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR SGRUB DANG BCAS PA NI, ,RTZE MO MNGON RTOGS, ZHES GSUNGS TE, RMI LAM DU CHOS THAMS CAD RMI LAM LTA BUR LTA BA LA SOGS PA LTAS MTHONG BAS DRA BAR GYUR PA DE'I RTAGS NYID DANG, 'DZAM BU'I GLING GI SKYE BOS SANGS RGYAS LA MCHOD PA LA SOGS PA LAS CHES LHAG PA'I BSOD NAMS 'THOB PAS RTZE MOR GYUR PA RNAM PAR 'PHEL BA NYID DANG, MKHYEN PA NYID RNAM PA GSUM GYIS CHOS LA MOS PA MI BYED PA'I SEMS CAN GYI DON YONGS SU MI GTONG BA BZOD PAR GYUR PA BRTAN PA NYID DANG, TING NGE 'DZIN DU MAS SEMS NYE BAR GNAS SHING BDE BA THOB PAS CHOS KYI MCHOG TU GYUR PA'I SEMS GNAS PA NYID DANG, MTHONG BAS SPANG BAR BYA BA GZUNG BA DANG 'DZIN PA'I RNAM PAR RTOG PA BZHI YANG DAG PAR SPONG BA MTHONG BA'I LAM NYID DANG, BSGOM PAS SPANG BAR BYA BA GZUNG BA DANG 'DZIN PA'I RNAM PAR RTOG PA BZHI NYE BAR SPONG BA BSGOM PA'I LAM NYID DANG, RDO RJE LTA BU'I TING NGE 'DZIN DANG MTSUNGS PAR GNAS PA'I SGRIB PA MA LUS PA RAB TU SEL BA'I MTSAN NYID CAN BAR CHAD MED PA'I TING NGE 'DZIN TE, KUN RDZOB PA DANG DON DAM PA'I @8A *, ,BDEN PA LA BRTEN PA'I LAM NYID KYIS RGOL BA'I LOG PAR RTOG PA BCU DRUG SEL BA DANG BCAS PA'O, ,DE DAG NI RTZE MO'I MNGON PAR RTOGS PA ZHES BYA'O, ,CHOS DU ZHIG GIS MTHAR GYIS PA'I MNGON PAR RTOGS PA ZHES BYA ZHE NA, MTHAR GYIS PA RNAM BCU; ZHES GSUNGS TE, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA DANG, SANGS RGYAS DANG, CHOS DANG, DGE 'DUN DANG, GTONG BA DANG, TSUL KHRIMS DANG, LHA RJES SU DRAN PA DANG, DNGOS PO MED PA'I NGO BO NYID KYIS BDAG NYID BCU GSUM MO, ,DE DAG NI MTHAR GYIS MNGON PAR RTOGS PA ZHES BYA'O, ,CHOS DU ZHIG GIS SKAD CIG MA GCIG GIS MNGON PAR BYANG CHUB PA ZHES BYA ZHE NA, SKAD CIG MA GCIG GIS MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,ZHES GSUNGS TE, RNAM PAR SMIN PA MA YIN PA DANG, RNAM PAR SMIN PA DANG, MTSAN NYID MED PA DANG, GNYIS SU MED PA STE, MTSAN NYID BZHIR RAB TU BYED PA ZAG PA MED PA'I CHOS THAMS CAD CIG CAR MNGON SUM DU GYUR PA'O, ,DE DAG NI SKAD CIG MA GCIG GIS MNGON PAR BYANG CHUB PA'I MNGON PAR RTOGS PA ZHES BYA'O, ,CHOS DU ZHIG GIS CHOS SKU ZHES BRJOD PAR BYA ZHE NA, ,NGO BO NYID LONGS RDZOGS BCAS DANG, ,DE BZHIN GZHAN NI SPRUL PA STE, CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES GSUNGS TE, DAG CING ZAG PA MED PA'I BDAG NYID DU GYUR PA'I RANG BZHIN NGO BO NYID KYI SKU DANG, MTSAN DANG DPE BYAD RAB TU 'BAR BA'I SKU BSTAN PAS THEG PA CHEN PO'I CHOS MTHA' DAG LA RNAM PAR BRTZE BA LONGS SPYOD RDZOGS PA'I SKU DANG, JI LTAR 'TSAM PA'I RNAM PAR THAR PA BSAM GYIS MI KHYAB PA DAG GIS MA LUS PA'I SKYE BO RNAMS KYI DON MDZAD PA SPRUL PA'I SKU DANG, SEMS DANG SEMS LAS BYUNG BA RNAMS YONGS SU DAG PA NYID KYIS JI LTA BA DANG JI @8B SNYED PA MKHYEN PA PHUN SUM TSOGS PA CHOS KYI SKU NYID DANG RNAM PA BZHI STE, DE'I PHRIN LAS LHUN GYIS GRUB PA LA SOGS PAR 'JUG PA NYID KYIS 'GRO BA RNAMS ZHI BA'I LAM LA 'GOD PA LA SOGS PA NYI SHU RTZA BDUN YIN NO, ,DE DAG CHOS KYI SKU MDZAD PA DANG BCAS PA ZHES BYA BA'O, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS MNGON PAR RTOGS PA RNAMS KYI LUS RNAM PAR GZHAG PA STE DUM BU DANG PO'O,, ,,DA NI DNGOS PO SO SO'I YAN LAG RGYAS PAR BSHAD PAR BYA STE, ,RE ZHIG RNAM PA THAMS CAD KYIS 'BAD PAR BYA BA'I 'BRAS BU YIN PA'I PHYIR JE RNAM PA THAMS CAD MKHYEN PA NYID DE BSHAD PAR BZHED NAS GANG GIS 'GRUB PA'I YAN LAG RTOGS PAR BYA BA'I PHYIR, DANG PO SEMS BSKYED PA RANG GI NGO BO DMIGS PA DANG BCAS PA GSUNGS PA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES BYA BA'O, ,SKAL BA JI LTA BAR GZHAN GYI DON BYA BA'I PHYIR YANG DAG PAR RDZOGS PA'I BYANG CHUB 'DOD PA'I MTSAN NYID SMON LAM GYI GROGS CAN BSAM PAS SMON PA DANG SBYOR BAS 'JUG PA'I NGO BO NYID RNAM PA NYID RAB TU DBYE BA DANG BCAS PA'O, ,GAL TE BYANG CHUB 'DOD PA NYID NI DGE BA'I CHOS LA 'DUN PA SEMS LAS BYUNG BA MA YIN NAM, SEMS BSKYED PA NI YUL KHYAD PAR DU 'PHAGS PA RNAM PA CAN 'BYUNG BA YIN NA, JI LTAR NA DE'I MTSAN NYID DU BRTAG CE NA MA YIN TE, DON GNYER BA NYID RNAM PAR RIG PA'I BDAG NYID YIN PA'I PHYIR DE SKAD DU BRDA SBYAR BAR ZAD MO, GZHAN DU 'BRAS BU LA RGYU DANG GROGS CAN LA DE DANG LHAN CIG PA'I MING GIS BTAGS PAR BRJOD KYANG RANG GI MTSAN NYID 'GRUB PA JI LTAR 'GYUR, DE LA GANG 'DOD PA'I BDAG NYID YANG DAG PAR RDZOGS PA'I BYANG CHUB DE NI GANG YIN LA, GANG GI DON DU 'DOD PA GZHAN GYI DON DE YANG GANG ZHIG YIN ZHE NA, DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES BYA BA GSUNGS TE, RGYAL @9A *, ,BA'I YUM DAG LAS, CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS ZHES BYA BA DANG, SBYIN PAR BYA BA DANG SBYIN PA PO DANG LEN PA PO LA SOGS PA MI DMIGS PAR BSGRUB PAR BYA'O ZHES BYA BA LA SOGS PAS SHES PAR BYA BA'I DON CAN BYANG CHUB DANG, SEMS CAN THAMS CAD SKAL BA JI LTA BA BZHIN DU MYA NGAN LAS 'DA' BAR 'DOD PAS ZHES BYA BA DANG, SEMS CAN SER SNA CAN LA SOGS PA RNAMS SBYIN PA LA SOGS PA LA DGOD PAR 'DOD PAS SHES RAB KYI PHA ROL TU PHYIN PA 'DI NYID LA BSLAB PAR BYA'O ZHES BYA BA LA SOGS PAS SHES PAR BYA BA'I DON CAN GZHAN GYI DON BSTAN PA DE LTAR BSDUS PA DANG RGYAS PA'I SGO NAS JI SKAD BSTAN PA DMIGS PA'I BDAG NYID YONGS SU SHES PAR BYA BA'O, ,SEMS BSKYED PA DE NYID RAB TU DBYE BAS RNAM PA DU ZHIG CE NA, BAR SKABS KYI TSIGS SU BCAD PA GNYIS GSUNGS PA, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU BO SPRIN RNAMS KYI, ,RNAM PA NYI SHU RTZA GNYIS SO, ,ZHES BYA BA'O, ,DE NI CHOS DKAR PO THAMS CAD KYI GZHI'I DNGOS POR GYUR PA'I PHYIR 'DUN PA DANG LDAN PAS SA LTA BU DANG, BYANG CHUB KYI BAR DU MI 'GYUR BA'I PHYIR BSAM PA DANG LDAN PA GSER BZANG PO LTA BU DANG, DGE BA'I CHOS MTHA' DAG MNGON PAR 'PHEL BA'I PHYIR LHAG PA'I BSAM PA DANG LDAN PA ZLA BA TSES PA LTA BU DANG, THAMS CAD MKHYEN PA NYID GSUM GYI SGRIB PA'I BUD SHING SREG PA'I PHYIR SBYOR BA DANG LDAN PA ME LTA BU DANG, SEMS CAN THAMS CAD YANG DAG PAR TSIM PAR BYED PA'I PHYIR SBYIN PA DANG LDAN PA GTER CHEN PO LTA BU DANG, YON TAN RIN PO CHE'I RTEN GYI DNGOS PO YIN PA'I PHYIR TSUL KHRIMS DANG LDAN PA RIN PO CHE'I 'BYUNG KHUNGS KYI GNAS LTA BU DANG, MI 'DOD PA THAMS CAD THOG TU BAB PAS MI 'KHRUGS PAS BZOD PA DANG LDAN PA RGYA MTSO @9B CHEN PO LTA BU DANG, YID CHES PA BRTAN PA MI PHYED PAS BRTZON 'GRUS DANG LDAN PA RDO RJE LTA BU DANG, DMIGS PA'I RNAM PAR G-YENG BAS MI BSKYOD PA'I PHYIR BSAM GTAN DANG LDAN PA RI'I RGYAL PO LTA BU DANG, NYON MONGS PA DANG SHES BYA'I SGRIB PA'I NAD RAB TU ZHI BA'I PHYIR SHES RAB DANG LDAN PA SMAN GYI MCHOG LTA BU DANG, GNAS SKABS THAMS CAD DU SEMS CAN GYI DON YONGS SU MI GTONG BA'I PHYIR THABS MKHAS PA DANG LDAN PA DGE BA'I BSHES GNYEN LTA BU DANG, JI LTAR SMON PA'I 'BRAS BU 'GRUB PA'I PHYIR SMON LAM DANG LDAN PA YID BZHIN GYI NOR BU LTA BU DANG, GDUL BYA YONGS SU SMIN PAR BYED PA'I PHYIR STOBS DANG LDAN PA NYI MA LTA BU DANG, 'GRO BA 'DUN PAR BYED PA'I CHOS STON PA'I PHYIR YE SHES KYI PHA ROL TU PHYIN PA DANG LDAN PA GLU DBYANGS LTA BU DANG, JI LTAR MTHU THOGS PA MED PAR GZHAN GYI DON SGRUB PA'I PHYIR MNGON PAR SHES PA DANG LDAN PA RGYAL PO CHEN PO LTA BU DANG, BSOD NAMS DANG YE SHES KYI TSOGS MANG PO'I MDZOD DU GYUR PA'I PHYIR BSOD NAMS DANG YE SHES DANG LDAN PA BANG MDZOD LTA BU DANG, 'PHAGS PA THAMS CAD GSHEGS SHING RJES SU GSHEGS PA'I PHYIR BYANG CHUB KYI PHYOGS KYI CHOS DANG LDAN PA LAM CHEN PO LTA BU DANG, 'KHOR BA DANG MYA NGAN LAS 'DAS PA GANG DU YANG MI LTUNG BAR BDE BLAG TU 'GRO BA'I PHYIR SNYING RJE DANG LHAG MTHONG DANG LDAN PA BZHON PA LTA BU DANG, THOS PA DANG MA THOS PA'I CHOS 'DZIN PAS MI ZAD PA'I PHYIR GZUNGS DANG SPOBS PA DANG LDAN PA BKOD MA'I CHU LTA BU DANG, THAR PA 'DOD PA'I SKYE BO RNAMS LA SNYAN PA SGROGS PA'I PHYIR CHOS KYI DGA' STON DANG LDAN PA SGRA SNYAN PA LTA BU DANG, GZHAN GYI DON BYA BA LA THA MI DAD PA'I PHYIR BGROD PA GCIG PA'I LAM DANG LDAN PA CHU BO'I RGYUN LTA BU DANG, DGA' LAN GYI GNAS NA BZHUGS PA LA SOGS PA KUN TU STON PAR RUNG BA NYID KYIS CHOS SKU DANG LDAN PA SPRIN CHEN PO LTA BU RNAMS SO, ,DE LA DANG PO GSUM NI CHUNG NGU DANG 'BRING DANG CHEN PO NYID KYIS LAS DANG PO PA'I SAS BSDUS SO, ,BZHI PA NI SA DANG PO LA 'JUG PA'I LAM GYIS @10A *, ,BSDUS SO, ,DA'I 'OG TU BCU NI RAB TU DGA' BA LA SOGS PA SA BCUS BSDUS TE, MTHONG BA DANG BSGOM PA'I LAM GYA SPYOD YUL CAN YIN NO, ,DE'I 'OG TU BZHI DANG GNYIS DANG GNYIS NI SA BRGYAD DANG DGU PA DANG BCU PAS BSDUS PAR RIG PAR BYA'O, , DE LTAR SEMS DANG PO GSUM BSKYED PA'I BYANG CHUB SEMS DPA' DUS JI LTA BA BZHIN DU DON DU GNYER BAR BYED PAS GANG LA SEMS BSKYED PA DANG DES 'PHANGS PA'I CHO GA 'GRUB PA DANG, YONGS SU BSRUNG BA DANG, YON TAN MNGON PAR 'PHEL BAR BYA BA'I PHYIR 'DOMS PA NI GDAMS NGAG STE, DE YANG; SGRUB DANG BDEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA BA GDAMS NGAG NI, ,BCU YI BDAG NYID SHES PAR BYA, ,ZHES GSUNGS SO, ,DE LA BSGRUB PAR BYA BA NYID KYI RANG BZHIN GANG YIN PA MI DMIGS PA'I RNAM PA DANG, DE BZHIN DU MI DMIGS PA DANG, RTEN DANG KHYAD PAR DU 'GRO BA'I RGYU DANG, MI LDOG PA'I RKYEN DANG, THEG PA GZHAN GYIS MI 'GRO BA DANG GZHAN GYI DRING MI 'JOG PAR 'GRO BA NYID KYI THABS DANG, RNAM PA THAMS CAD MKHYEN PA NYID YONGS SU RDZOGS PA'I GZHI DANG, DAG PA DANG MTHAR THUG PA'I RGYU GANG YIN PA RNAMS DANG BDEN PA LA SOGS PA GRANGS BZHIN NO, ,BYANG CHUB KYI SEMS KYI RAB TU DBYE BA JI SKAD BSHAD PA BSGRUB PA LA NYAN THOS LA SOGS PA DANG THUN MONG MA YIN PA NI, KUN RDZOB DANG DON DAM PA'I BDEN PA LAS MI 'DA' BAS MI DMIGS PA'I TSUL GYIS 'JUG PAR BYA'O ZHES BYA BA LA 'DOMS PA DANG, SDUG BSNGAL GYI BDEN PA GZUGS LA SOGS PA 'BRAS BUR GYUR PA STONG PA NYID DANG SHES RAB KYI PHA ROL TU PHYIN PA DAG DE BZHIN NYID KYI NGO BOR RANG BZHIN GCIG GO ZHES BYA BA DANG, KUN 'BYUNG BA'I BDEN PA LA STONG PA NYID DANG, GZUGS LA SOGS PA RGYUR GYUR PA DAG THA MI DAD PA NYID KYIS GZUGS LA SOGS PA NI @10B KUN 'BYUNG BA DANG 'GOG PA DANG KUN NAS NYON MONGS PA DANG RNAM PAR BYANG BA'I CHOS CAN MA YIN NO ZHES BYA BA DANG, 'GOG PA'I BDEN PA LA STONG PA NYID SKYE BA DANG 'GAG PA DANG KUN NAS NYON MONGS PA DANG RNAM PAR BYANG BA NYAMS PA DANG 'PHEL BA LA SOGS PA DANG BRAL BA LA NI GZUGS MED PA NAS MA RIG PA SKYE BA YANG MED 'GAG PA YANG MED SANGS RGYAS KYANG MED BYANG CHUB KYI BAR DU YANG MED DO ZHES BYA BA DANG, LAM GYI BDEN PA LA SBYIN PA LA SOGS PA PHA ROL TU PHYIN PA NI RANG GI NGO BOS DBEN PAS BDAG NYID DAM, NANG STONG PA NYID LA SOGS PA NI PHYI STONG PA NYID LA SOGS PA DANG, SNGON GYI MTHA' DANG PHYI MA'I MTHA' DAG PHAN TSUN DU SBYOR BA DANG MI SBYOR BA MA YIN PA NYID DU SGRUB PO ZHES STON PA BDEN PA LA 'DOMS PA DANG, SANGS RGYAS LA SANGS RGYAS DANG BYANG CHUB DAG MTSAN NYID GCIG PA NYID KYIS SANGS RGYAS SU BYED PA'I CHOS KYI MTSAN NYID RNAM PA THAMS CAD MKHYEN PA NYID MI DMIGS PA LA GZUGS LA SOGS PAS MI SBYOR BAS DMIGS PAR BYA BA DANG, DMIGS PAR BYED PA MNYAM PA NYID DU SHES PA ZHES BYA BA DANG, CHOS LA THAMS CAD MKHYEN PA NYID GSUM GYIS BSDUS PA'I GZHI DANG GNYEN PO DANG, RNAM PA MTHA' DAG GIS BSDUS PA'I CHOS THAMS CAD NGO BO NYID MED DO ZHES BYA BA DANG, DGE 'DUN LA SANGS RGYAS DKON MCHOG GI KHONGS SU GTOGS PA NYID KYIS DGRA BCOM PA MA GTOGS PA SKYES BU CHEN PO BDUN PO RANG SANGS RGYAS DANG LHAN CIG BRGYAD PO DBANG PO RTUL PO LA SOGS PA'I BYE BRAG GIS GRANGS NYI SHUR CHAD PA BANG CHUB SEMS DPA' 'PHAGS PA SLOB PA'I PHYIR MI LDOG PA RNAMS LA SKYE BA MED PA NYID DU 'JUG PAR BYA'O ZHES LUNG 'BOGS PA DKON MCHOG GSUM LA 'DOMS PA DANG, BRTZON 'GRUS BRTZAMS PA NYID KYIS JI SKAD BSHAD PA'I DON LA NAN TAN DU BYED PA NI LUS LA SOGS PA'I BSOD NAMS KYI LAS LA MNGON PAR ZHEN PAR 'GYUR BAS ZHEN PA'I LUS LA SOGS PA NGO BO NYID MED PAR BSTAN PA'I 'DOMS PA DANG, DUS YUN RING PO ZHIG TU GOMS PA BYAS KYANG 'DOD PA'I @11A *, ,DON MA GRUB NA DNGANG BA'I RANG BZHIN CAN YONGS SU SKYO BAR 'GYUR BAS YONGS SU NGAL BA MED PA LA GZUGS LA SOGS PA NAS YANG DAG PAR RDZOGS PA'I BYANG CHUB KYI BAR LA RLOM PA MED PA NYID DU STON PA'I GDAMS PA DANG, PHYOGS BCU NA BZHUGS PA'I SANGS RGYAS LA SOGS PA LAS DON RE RE'I PHYIR LAM GYI LUNG MNOD PA LA SOGS PA'I CHER 'BAD PAR BYA DGOS NA SEMS ZHUM PAR 'GYUR BAS LAM YONGS SU BZUNG BA LA CHOS RNAMS RANG BZHIN GYIS MA SKYES PA NYID DU BRLAB PAR GDAMS PA DANG, DBANG PO NYID LAS DNGOS PO SO SOR NGES PA SHA'I SPYAN DANG, RNAM PAR SMIN PA LAS SEMS CAN THAMS CAD 'CHI 'PHO BA DANG SKYE BA SHES PA LHA'I DANG, DE KHO NA NYID KYI CHOS THAMS CAD LA RNAM PAR MI RTOG PA SHES RAB KYI DANG, YONGS SU DAG PA'I DBANG GIS 'PHAGS PA'I GANG ZAG RNAMS KYI DBYE BA RTOGS PA CHOS KYI RANG, SHIN TU DAG PA NYID KYIS CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB BA SANGS RGYAS KYI SPYAN RNAMS DE BZHIN NYID GCIG PA NYID DU SGRUB PO ZHES SLOB PA SPYAN LNGA LA GDAMS PA DANG, THAMS CAD DU SPRUL ZHING SGYUR BA RDZU 'PHRUL GYI MNGON PAR SHES PA DANG, RAB TU BSKAL PA'I SGRA CHE CHUNG THAMS CAD THOS PA LHA'I RNA BA DANG, GZHAN GYI SEMS 'DOD CHAGS DANG BCAS PA DANG BRAL BA LA SOGS PA YONGS SU SHES PA GZHAN GYI SEMS SHES PA DANG, RANG DANG GZHAN GYI TSE RABS SNGA MA RJES SU DRAN PA SNGON GYI GNAS SHES PA DANG, GZUGS THAMS CAD YONGS SU MTHONG BA MNGON PAR 'DU BYED PA LAS BYUNG BA LHA'I MIG DANG, NYON MONGS PA DANG SHES BYA'I SGRIB PA SPONG BAR BYED PA ZAG PA ZAD PA'I MNGON PAR SHES PA RNAMS GZOD MA NAS ZHI BA NYID DU RTOGS PAR BYA'O ZHES STON PA MNGON PAR SHES PA DRUG LA GDAMS PA DANG, MTHONG BA'I LAM LA BDEN PA BZHIS BSDUS PA SKAD CIG MA BCU DRUG GI NGO BO NYID CHOS DANG RJES SU SHES PA'I BZOD PA DANG SHES PA'I BDAG NYID LA RNAL 'BYOR PA CHOS THAMS CAD NGO BO NYID MED PAR RTOGS PAS SGYU MA MKHAN BZHIN DU DES SPANG BAR BYA BA'I @11B GNYEN PO NYID DU RTOGS PAR BYA'O ZHES 'DOMS PA DANG, BSGOM PA'I LAM LA JI SKAD BSHAD PA'I MTHONG BA'I LAM NYID KYIS MNGON SUM DU BYAS PA'I NGO BO LAS THA MI DAD PA LA DMIGS PA LA NI 'DUS BYAS DANG 'DUS MA BYAS DAG NGO BO NYID GCIG PA NYID KYI PHAN TSUN THA DAD PAR GDAGS PAR MI NUS PA BZHIN DU MTSAN NYID PA RNAM PAR GZHAG PA GZHAN MED KYI, 'ON KYANG RTEN CING 'BREL PAR 'BYUNG BA'I CHOS NYID KYIS DES SPANG BAR BYA BA'I GNYEN PO NYID DU BSGOM PAR BYA'O ZHES 'DOMS PA STE, 'DI TZAM KHO NAS DON THAMS CAD PHUN SUM TSOGS PAR NGES PAR 'GYUR BA NYID DO, ,DGE 'DUN DKON MCHOG GI SKABS SU GRANGS NYI SHUR BRJOD PA DE DAG GANG ZHIG YIN ZHE NA, BAR SKABS KYI TSIGS SU BCAD PA GNYIS GSUNGS PA, DBANG PO RTUL DANG RNON PO DAG ,DAD DANG MTHONG THOB RIGS NAS RIGS, ,BAR CHAD GCIG BAR SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI CHAGS BCOM MTHONG BA YI, ,CHOS LA ZHI LUS MNGON SUM BYED, ,BSE RU DANG NI NYI SHU'O, ,ZHES BYA BA'O, ,RE ZHIG DBANG PO'I KHYAD PAR GYIS ZHUGS PA LA LEGS PAR SBYANGS PA MA YIN PA LAS 'DIR 'ONGS PA DAD PA'I RJES SU 'BRANGS PA DBANG PO RTUL PO DANG, LEGS PAR YONGS SU SBYANGS PA LAS 'DIR 'ONGS PA CHOS KYI RJES SU 'BRANGS PA DBANG PO RNON PO DANG, THABS MKHAS PA MA YIN PAS LHA TSE RING PO LA SOGS PAR SKYE BA DANG DAD PAS MOS PA DANG, THABS LA MKHAS PAS BSAM GTAN LA SOGS PA'I DBANG GIS SKYE BA MA YIN PA MTHONG BAS THOB PA DANG, 'BRAS BU DANG PO'I KHYAD PAR GYIS BSAM GTAN LA SOGS PA'I YON TAN DANG LDAN PAS RGYAL PO DANG BRAM ZE LA SOGS PAR BRGYUD DE SKYE BA MI'I RIGS NAS RIGS SU SKYE BA DANG, DE BZHIN DU 'DOD PA'I KHAMS KYI LHA DAG TU BRGYUD DE SKYE BA LHA'I RIGS NAS RIGS SU SKYE BA DANG, 'BRAS BU GNYIS PA'I KHYAD PAR GYIS SHIN TU DAG PA'I BSAM GTAN BZHI LA SOGS PA DANG LDAN PA'I YON TAN DANG LDAN PA TSE GCIG GIS @12A *, ,THOGS PA BAR CHAD GCIG PA DANG, 'BRAS BU GSUM PA'I KHYAD PAR GYIS GZUGS KYI KHAMS DAG TU SANGS RGYAS NAS 'DI DAG TU SPRUL PAS MNGON PAR BYANG CHUB PA BAR MA DOR MYA NGAN LAS 'DA' BA DANG, 'DZAM BU'I GLING 'DI NYID DU SKYES NAS LAM YANG DAG PAR BSGRUB PAS 'TSANG RGYA BA NYID SKYES NAS MYA NGAN LAS 'DA' BA DANG, BRTZON 'GRUS 'BAR BA NYID MNGON PAR 'BAD PA'I SHUGS DRAG POS RDZOGS PAR 'GYUR BA MNGON PAR 'DU BYED PA DANG BCAS PA'I MYA NGAN LAS 'DA' BA DANG, SEMS DANG PO BSKYED PA NYID KYIS SKYON LA 'DA' ZHING TSUL GZHAN PAS MNGON PAR BYANG CHUB PAR BYED PA MNGON PAR 'DU BYED PA MED PAR MYA NGAN LAS 'DA' BA DANG, 'DOD PA'I RTEN NYID KYIS DON BYAS SHING GZUGS BDAG TU SKYES NAS RAB TU RDZOGS PAR BYED PA 'OG MIN DU 'GRO BA DANG, BSAM GTAN DANG PO BSGRUBS TE, DE NAS 'OG MIN DU MNGON PAR 'TSANG RGYA BA 'PHAR BA DANG, GTZANG MA'I RIS DAG TU SKYES NAS 'OG MIN GYI BAR DU SKYES TE MYA NGAN LAS 'DA' BA PHYED DU 'PHAR BA DANG, TSANGS RIS NAS 'OG MIN GYI BAR DU RIM GYIS BSKYED NAS BYANG CHUB PAR 'GYUR BA GNAS THAMS CAD DU 'CHI 'PHO BA DANG; TSANGS RIS NAS BSAM GTAN BZHI PA MA GTOGS PAR SRID PA'I RTZE MO'I BAR DU SKYE BA SRID RTZE'I MTHAR THUG PAR 'GRO BA DANG, SKYE MCHED DANG PO NAS SRID PA'I RTZE MO'I BAR DU 'GRO ZHING SANGS RGYAS PA GZUGS KYI 'DOD CHAGS BCOM PA DANG, YONGS SU RDZOGS PA'I TSOGS MNGON PAR BSAGS PA DE NYID KYIS MNGON PAR BYANG CHUB PA MTHONG BA'I CHOS LA MYA NGAN LAS 'DA' BA DANG, THOD RGAL GYI SNYOMS PAR 'JUG PA NYID LA BRTEN NAS 'TSANG RGYA BA ZHI BA LUS KYI MNGON SUM DU BYED PA DANG, SANGS RGYAS LA SOGS PA MED PA'I ZHING DAG TU SHES RAB ZAB MO YONGS SU SBYANGS TE MNGON PAR BYANG CHUB PA BSE RU LTA BU'O, ,DE LTAR GANG GDAMS PA DAG THOS BAS NAN TAN DU BYAS PA LAS NGES PAR 'BYED PA'I YAN LAG 'BYUNG BA'I PHYIR DE BSHAD PAR BZHED PAS RE ZHIG KHYAD PAR 'PHAGS PA'I CHOS GSUNGS PA, , @12B DMIGS PA DANG NI RNAM PA DANG, ,RGYU DANG YONGS SU 'DZIN PA YIS, ,BYANG CHUB SEMS DPA' SKYOB PA YIS, ,DROD SOGS BDAG NYID JI BZHIN DU, ,RNAM RTOG BZHI PO LDAN BSTEN PA, ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BYA BA GSUNGS TE, BYANG CHUB SEMS DPA' RNAMS KYI SEMS BSKYED PA NYID DANG, BSLAB PA PHUN SUM TSOGS PA NYID KYIS THOS PA LA SOGS PA RAB KYI MTHAR PHYIN PAS DAD PA LA SOGS PA'I DGE BA'I RTZA BA THAR PA'I CHA DANG MTHUN PA THOB PAS DE'I 'OG TU 'JIG RTEN PA'I BSGOMS PA LAS BYUNG BA NGES PAR 'BYED PA'I CHA DANG MTHUN PA 'DI LTA STE, KUN NAS NYON MONGS PA GZUNG BA MI DMIGS PA DRO BAR GYUR PA DANG, DE'I 'OG TU RNAM PAR BYANG BA NYID KYI GZUNG BA MI DMIGS PA RTZE MOR GYUR BA DANG, DE'I 'OG TU GANG ZAG NYID LA 'DZIN PA MI DMIGS PA BZOD PAR GYUR PA DANG, DE'I 'OG TU SKYES BU NYID KYI 'DZIN PA MI DMIGS PA CHOS KYI MCHOG CES BYA BA 'BYUNG STE, CHUNG NGU LA SOGS PA RIM GYIS SKYE BA'AM, DBANG PO RTUL PO LA SOGS PA'I BYE BRAG GIS CHUNG DU DANG 'BRING DANG CHEN PO NI 'CHAD PAR 'GYUR BA'I DMIGS PA'I KHYAD PAR GYI NGO BO NYID BDEN PA BZHI'I CHOS LA DMIGS PA DANG, CHOS SU LTA BA'I GNYEN PO NYID KYIS MNGON PAR ZHEN PA MED PA LA SOGS PA'I RNAM PAR ZHUGS PA DANG, THEG PA GSUM CHAR RTOGS PA'I RGYU'I NGO BO DANG, DGE BA'I BSHES GNYEN DANG BCAS PA THABS LA MKHAS PA'I MTSAN NYID KYIS YONGS SU BZUNG BA DANG, MTHONG BA DANG BSGOM PAS SPANG BAR BYA BA'I GZUNG BA DANG 'DZIN PA GNYIS KYI RNAM PAR RTOG PA BZHI PO DRO BA LA SOGS PA'I MNYAM PAR GZHAG PA'I NGO BO NYID JI LTA BA BZHIN DU SBYOR BA DANG RJES KYI GNAS SKABS KYI BSDUS PA RGYUR BRTEN CING 'BRAS BUR LDAN PA NYID DE CHOS LNGAS NYAN THOS DANG BSE RU DAG LAS KHYAD PAR DU 'PHAGS PA YIN NO, ,GANG GI PHYIR DE DAG GI DRO BAR GYUR PA LA SOGS PA'I DGE BA'I RTZA BA NI LUNG DAG LAS, DNGOS PO'I MTSAN @13A *, ,NYID KYIS BDEN PA BZHI LA SOGS PA DMIGS PA DANG, BDAG TU LTA BA'I GNYEN PO TZAM GYI MI RTAG PA LA SOGS PA'I RNAM PAR ZHUGS PA DANG, RANG GI THEG PA KHO NA RTOGS PA'I RGYUR GYUR BA DANG, PHYI DANG NANG GI YONGS SU 'DZIN PA DANG BRAL BA DANG, RNAM PAR RTOG PA RNAM PA BZHI DANG MI LDAN PAR SKYE'O ZHES 'BYUNG BA'I PHYIR RO, ,'DIR THABS LA MKHAS PA'I STOBS KYIS LUS DANG NGAG DANG YID DAG PA THOB PA'I RGYUR GYUR PA LA SOGS PA RGYU'I SGO NAS DANG, TING NGE 'DZIN DAG GI 'BRAS BU SEMS CAN RNAMS LA PHAN PA'I PHYIR BYED PA CAN DU GYUR PA LA SOGS PA 'BRAS BU'I SGO NAS DANG, DE KHO NAR NGO BO MED PA NYID KUN RDZOB PA'I NGO BO NYID DU BSGOM PA LA SOGS PA'I NGO BO NYID KYI SGO NAS DANG, MNGON PAR ZHEN PAR BYA BA NYID KYI STONG PA LA SOGS PA CHOS NYID KYI RNAM PA'I SGO NAS BDEN PA RNAMS KYI YUL CAN YIN NO, ,DE BZHIN DU RNAM PA GZHAN GYIS KYANG YUL NYID DU BYED DO ZHES SHES PAR BYA STE, 'DI NI RNAM PAR GZHAG PA GZHAN KHO NA YIN PAS THEG PA GZHAN BRTEN NAS NI GANG DU YANG SUN 'BYIN PA BRJOD PAR MI BYA'O, ,DMIGS PA DANG RNAM PA GNYIS KHYAD PAR JI LTA BU YIN ZHE NA, DE DAG PAR SKABS KYI TSIGS SU BCAD PA BDUN GYIS 'CHAD PAR MDZAD PA NI RE ZHIG DRO BAR GYUR PA'I DMIGS PA DANG RNAM PA GSUNGS PA, ,DMIGS PA MI RTAG LA SOGS PA, ,BDEN PA'I RTEN CAN DE YI NI, ,RNAM PA MNGON ZHEN LA SOGS 'GOG , THEG PA GSUM CHAR THOB PA'I RGYU, ,GZUGS SOGS SKYE 'JIG GNAS BRAL DANG, ,GNAS DANG RTAGS DANG BRJOD DU MED, ,CES BYA BA'O, ,DE LA DROD CHUNG NGU'I DMIGS PA NI SDUG BSNGAL LA SOGS PA'I BDEN PA BZHI LA MI RTAG PA LA SOGS PA RNAM PA BCU DRUG YIN NO, ,RNAM PA NI BDEN PA DE DAG MNGON PAR ZHEN PA DANG DMIGS PA LA SOGS PA 'GOG PA YIN NO, ,DE'I PHYIR KHYAD PAR GYI CHOS NYID KYI BDEN PA RNAMS LA YONGS SU SHES PAR BYA BA 'GA' YANG MED PA'I MTSAN NYID CAN NI CHUNG NGUR BRTAGS PAR BYA'O, ,'DI NI YANG DAG @13B PAR 'GRUB PA'I BDAG NYID RGYA CHE BA NYID KYI PHYIR THEG PA THAMS CAD 'THOB PA'I RGYU'I NGO BO YIN TE, LHAG MA RNAMS LA YANG DE BZHIN DU KHONGS SU CHUD PAR BYA'O, ,'BRING GI DMIGS PA NI MOS PA DANG, DE KHO NA NYID KYI YID LA BYED PA DAG GIS GRANGS BZHIN DU GZUGS LA SOGS PA BSGRUB PA DANG, DGAG PA MI DMIGS SHING MI MTHONG BA YIN NO, ,RNAM PA NI MING THAMS CAD MED PA NYID KYIS RGYUN DANG MI 'DRA BA DANG 'DRA BAR 'JUG PA'I THA SNYAD DAG MED PA YIN NO, ,DE'I PHYIR BDEN PA RNAMS KYI 'PHEL BA DANG, 'GRIB PA MED PA'I CHOS NYID KYI MTSAN NYID CAN NI 'BRING DU BRTAG PAR BYA'O, ,CHEN PO'I DMIGS PA NI GZUGS NAS RNAM PA THAMS CAD MKHYEN PA NYID KYI BAR GYI CHOS THAMS CAD BRDAR BTAGS PA THA SNYAD PA NYID DO ZHES BYA BA YIN NO, ,RNAM PA NI DE DAG DGE BA LA SOGS PA NYID KYIS CHOS GANG DU YANG BRJOD DU MED PA YIN NO, ,DE'I PHYIR BDEN PA RNAMS KYI BRJOD DU MED PA'I MTSAN NYID CAN NI CHEN POR BRTAG PAR BYA'O, ,DE LTAR NA RNAM PAR MI RTOG PA'I MCHOG GI YE SHES KYI ME 'BYUNG BA'I RI LTAS SU GYUR PA'I PHYIR, DRO BAR GYUR PA RNAM PA GSUM MO,, DE'I 'OG TU RTZE MOR GYUR PA'I DMIGS PA DANG RNAM PA GSUNGS PA, ,GZUGS SOGS MI GNAS DE DAG NI, ,DE YI NGO BOR RANG BZHIN MED, ,DE DAG GCIG GI RANG BZHIN GCIG ,DE MI RTAG SOGS PAR MI GNAS, ,DE RNAMS DE YI NGO BOS STONG, ,DE DAG GCIG GI RANG BZHIN GCIG ,CHOS RNAMS MI 'DZIN GANG YIN DANG, ,DE DAG MTSAN MAR MI MTHONG PHYIR, ,SHES RAB KYIS NI YONGS RTOGS PA, ,THAMS CAD DMIGS SU MED PAR RO, ,ZHES BYA BA'O, ,RTZE MO CHUNG DU'I DMIGS PA NI GZUGS LA SOGS PA NI RANG GI NGO BO DANG BRAL BA NYID KYIS RANG GI RANG BZHIN GYIS STONG PA'I PHYIR GZUGS LA SOGS PA LA MI GNAS PA YIN NO, ,RNAM PA NI DE KHO NAR GZUGS LA SOGS PA'I CHOS THAMS CAD DANG STONG PA NYID DAG PHAN TSUN NGO BO GCIG MA YIN PAS STONG PA NYID LA MI RTAG PA LA SOGS PA MED PA NYID KYIS @14A *, ,DE DAG LA MI RTAG PA LA SOGS PA NYID DU MI GNAS PA NYID DO, ,DE'I PHYIR BDEN PA RNAMS NI MI RTAG PA LA SOGS PA NYID DU YANG DAG PAR BYA BA MA YIN PA'I MTSAN NYID CAN NI CHUNG NGUR RTOGS PAR BYA'O, ,'BRING GI DMIGS PA NI CHOS KYI DBYINGS KYI NGO BO NYID KYIS MI RTAG PA LA SOGS PA DANG STONG PA NYID RNAMS NI NGO BO NYID MED PA YIN PAS MI RTAG PA LA SOGS PA DANG STONG PA NYID DAG PHAN TSUN BDAG NYID GCIG PA YIN NO, ,RNAM PA NI NGO BO NYID BKAG PAS GZUGS LA SOGS PA LA RANG GIR MI BYED PA YIN NO, , DE'I PHYIR BDEN PA RNAMS KYIS MI RTAG PA LA SOGS PA'I BDAG NYID KYI STONG PA NYID RNAMS LA BDAG GIR BYA BAS BDEN PA'I MTSAN NYID CAN NI 'BRING DU RTOGS PAR BYA'O, ,CHEN PO'I DMIGS PA NI NGO BO NYID MED PA NYID KYIS GZUGS LA SOG PA DE DAG LA SNGON PO LA SOGS PA'I MTSAN MAR MI MTHONG BA YIN NO, ,RNAM PA NI SHES RAB KYIS DNGOS PO THAMS CAD MI DMIGS PAR NGES PAR 'BYED PA YIN NO, ,DE'I PHYIR BDEN PA RNAMS LA MTSAN MAR MI DMIGS PA'I MTSAN NYID CAN NI CHEN POR RTOGS PAR BYA'O, ,DE LTAR NA DGE BA'I RTZA BA RNAMS KYI RTZE MO YIN PA'I PHYIR RTZE MOR GYUR PA RNAM PA GSUM MO, ,DE'I 'OG TU BZOD PAR GYUR PA'I DMIGS PA DANG RNAM PA GSUNGS PA, ,GZUGS SOGS NGO BO NYID MED NYID, ,DE MED PA NI NGO BO NYID, ,DE DAG SKYE MED NGES 'BYUNG MED, ,DAG DANG DE DAG MTSAN NYID MED, ,DE YI MTSAN MAR MI RTEN PAS, ,MOS MIN 'DU SHES MED PA YIN, ,ZHES BYA BA'O, ,BZOD PA CHUNG NGU'I DMIGS PA NI MTSAN NYID KYI NGO BO NYID DANG NGO BO NYID KYI MTSAN NYID DAG STONG PA NYID DU GCIG PA NYID KYIS GZUGS LA SOGS PA NGO BO NYID MED PA YIN NO, ,RNAM PA NI 'KHRUL PA'I DOR DNGOS PO MED PA NYID GZUGS LA SOGS PA'I NGO BO NYID DO, ,DE'I PHYIR BDEN PA RNAMS LA NGO BO NYID MED PA'I NGO BOR SHES PA'I MTSAN NYID CAN NI CHUNG DUR NGES PAR BYA'O, ,'BRING GI DMIGS PA NI RANG BZHIN GYIS MA SKYES PA NYID KYIS GZUGS LA SOGS PA SKYE BA YANG @14B MED MYA NGAN LAS 'DAS PA YANG MED PA YIN NO, ,RNAM PA NI CHOS THAMS CAD KYI NGO BO RTOGS PA KHO NAS LUS LA SOGS PA RNAM PA THAMS CAD DU RNAM PAR DAG PA'I RGYUR GYUR PA YIN NO, ,DE'I PHYIR KUN NAS NYON MONGS PA DANG RNAM PAR BYANG BA'I NGO BO NYID MED PAR RTOGS PAS GROL BA'I MTSAN NYID CAN NI 'BRING DU NGES PAR BYA'O, ,CHEN PO'I DMIGS PA NI CHOS THAMS CAD RANG DANG SBYI'I MTSAN NYI MI 'THAD PAS GZUGS LA SOGS PA LA RTAG PA LA SOGS PA'I MTSAN MA MED PA'O, ,RNAM PA NI RANG BZHIN KHO NAS GZUGS LA SOGS PA MTSAN MA RNAMS KYI RTEN DANG BRAL BA NYID KYIS MOS PA YID LA BYED PAS MI MOS SHING DE KHO NA NYID YID LA BYED PAS YONGS SU SHES PA MED PA YIN NO, ,DE'I PHYIR BDEN PA RNAMS LA MTSAN MA MED PA'I MTSAN NYID CAN NI CHEN POR NGES PAR BYA'O, ,DE LTAR NA CHOS CHEN PO LA BZOD PA'I PHYIR NGAN 'GRO MED PAS BZOD PAR GYUR PA RNAM PA GSUM MO, ,DE'I 'OG TU CHOS KYI MCHOG TU GYUR PA'I DMIGS PA DANG RNAM PA GSUNGS PA, ,TING 'DZIN DE YI BYED PA NYID, ,LUNG STON PA DANG RLOM PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,DE LTAR NGES 'BYED CHA MTHUN NI, ,CHUNG DANG 'BRING DANG CHEN PO YIN, ,ZHES BYA BA'O, ,CHOS MCHOG CHUNG NGU'I DMIGS PA NI MI DMIGS PA NYID KYIS CHOS THAMS CAD SKYE BA MED PA DANG, DPA' BAR 'GRO BA LA SOGS PA'I TING NGE 'DZIN YANG DAG PAR BSGOM PA YIN NO, ,RNAM PA NI RANG GI SMON LAM LA SOGS PA DANG, PHA ROL GYI SKAL BA NYID DANG, PHA ROL GYI SKAL BA NYID DANG, CHOS KYI DBYINGS KYI STOBS NYID KYIS LHUN GYIS GRUB PAR 'JIG RTEN GYI KHAMS THAMS CAD DU SKAL BA JI LTA BA BZHIN DU TING NGE 'DZIN GYIS SEMS CAN GYI DON SNA TSOGS PA BYA BA LA 'JUG PA YIN NO, ,DE'I PHYIR BDEN PA RNAMS LA TING NGE 'DZIN GYIS BYED PA'I MTSAN NYID CAN NI CHUNG NGUR RIG PAR BYA'O, ,'BRING GI DMIGS PA NI YANG DAG PAR ZHUGS PA NYID KYIS TING NGE 'DZIN DE DANG LDAN PA LA SANGS RGYAS RNAMS GSANG STE LUNG STON PAR @15A *, ,MDZAD PA'I CHOS NYID GANG YIN PA DE NYID DO, ,RNAM PA NI RNAM PAR RTOG PA THAMS CAD MI 'THAD BAS RNAL 'BYOR BA'I TING NGE 'DZIN GYI RANG GI NGO BO RTOGS PA LA BDAG NI MNYAM PAR GZHAG PA'O SNYAM PA LA SOGS PA'I RLOM PA MI 'BYUNG BA YIN NO, , DE'I PHYIR BDEN PA RNAMS LA LUNG BSTAN PA THOB PA'I RGYU RLOM PAR MI BYED PA'I MTSAN NYID CAN NI 'BRING DU SHES PAR BYA'O, ,CHEN PO'I DMIGS PA NI CHOS NYID KYI TING NGE 'DZIN DANG BYANG CHUB SEMS DPA' DANG SHES RAB KYI PHA ROL TU PHYIN PA DANG, DON GSUM PHAN TSUN NGO BO NYID GCIG PA YIN NO, ,RNAM PA NI CHOS THAMS CAD YOD PA MA YIN PA NYID KYIS TING NGE 'DZIN DE LA GNAS NAS DON GSUM RNAM PAR MI RTOG PA THABS DAM PAR GYUR PA YIN NO, ,DE'I PHYIR BDEN PA RNAMS LA TING NGE 'DZIN GYIS CHOS GSUM GYI BDAG NYID MI DMIGS PA'I MTSAN NYID CAN NI CHEN POR RIG PAR BYA'O, ,DE LTAR NA 'JIG RTEN PA'I CHOS THAMS CAD KYI MCHOG YIN PA'I PHYIR CHOS KYI MCHOG CES BYA BA RNAM PA GSUM MO, ,THOG MA JI LTA BA BZHIN DMIGS PA DANG RNAM PA KHYAD PAR GYI CHOS CAN DANG CHOS BRJOD PAR RIGS MOD, ,KHYAD PAR CAN GYIS CHOS BRJOD PAS THAMS CAD DU BRJOD PA NI TSIG LE'UR BYAS PA SDEB PA'I NGOR YIN PA'I PHYIR DANG, KHYAD PAR GZHAN SPONG BA DANG MI SPONG BA MA GTOGS PA DON GYI KHYAD PAR 'GA' YANG MED PAS MNGON PAR ZHEN PA LA SOGS PA BKAG PA DANG LDAN PA'I SDUG BSNGAL LA SOGS PA'I BDEN PAR GTOGS PA KHO NA DMIGS PA DANG RNAM PAR BYA BA YIN PA'I PHYIR TE, DE BZHIN DU THAMS CAD LA SBYAR BAR BYA'O, ,RNAM PAR RTOG PA BZHI DANG LDAN PA SKYE'O ZHES BYA BA JI LTAR RIG PAR BYA ZHE NA, DE'I PHYIR BAR SKABS KYI TSIGS SU BCAD PA GNYIS LAS GZUNG BA'I RNAM PAR RTOG PA GSUNGS PA, GZHI DANG DE YI GNYEN PO YIS, ,GZUNG BAR RTOG PA RNAM PA GNYIS, ,RMONGS DANG PHUNG SOGS BYE BRAG GIS, ,DE NI SO SOR RNAM PA DGU, ,ZHES BYA BA'O, ,GZUNG BAR RNAM PAR RTOG PA KUN NAS NYON MONGS PA'I @15B GZHI'I RTEN CAN DANG, GNYEN PO RNAM PAR BYANG BA'I RTEN CAN GYI RNAM PAR RTOG PA GNYIS TE, DE YANG GRANGS BZHIN DU MA RIG PA DANG RNAM PAR BYANG BA'I PHUNG PO LA SOGS BA'I RAB TU DBYE BAS RNAM PA DGU'O, ,DE'I RJES LA 'DZIN PA'I RNAM PAR RTOG PA GSUNGS PA, RDZAS DANG BTAGS PA'I RTEN CAN GYI, ,'DZIN PA'ANG RNAM PA GNYIS SU 'DOD, ,RANG DBANG BDAG SOGS NGO BO DANG, ,PHUNG SOGS BRTEN LAS DE BZHIN NO, ,ZHES BYA BA'O, ,GANG ZAG RDZAS SU YOD PA DANG, ,SKYES BU BTAGS PAR YOD PA LA DMIGS PA NYID KYIS 'DZIN PAR RNAM PAR RTOG PA YANG GNYIS YIN LA, DE YANG BDAG RANG DBANG CAN DANG, PHUNG PO LA SOGS PA LA DMIGS PA'I DBANG DU BYED PAS DE LTAR SO SOR RNAM PA DGU'O, ,DE LA KUN NAS NYON MONGS PA GZHI'I RTEN CAN DGU PO GANG ZHE NA, LAS NYID DANG; DE KHO NA NYID LA RMONGS PA'I MA RIG PA DANG, GANG GIS PHA ROL TU PHUNG PO YONGS SU 'GRUB PA GZUGS LA SOGS PA'I PHUNG PO DANG, RTAG PA DANG CHAD PA NYID DU NYE BAR 'DZIN PA MING DANG GZUGS LA MNGON PAR ZHEN PA DANG, DE DAG LA MNGON PAR ZHEN PA DANG POR GYUR PA MTHA' GNYIS LA CHAGS PA DANG, MA RIG PA NAS RGA SHI'I BAR DU KUN NAS NYON MONGS PA MI SHES PA DANG SEMS DANG PO BSKYED PA NYID NAS SANGS RGYAS KYI BAR DU RNAM PAR BYANG BA MI SHES PA DANG, SBYIN PA'I PHA ROL TU PHYIN PA NAS SANGS RGYAS KYI CHOS MA 'DRES PA'I BAR GYI 'PHAGS PA'I LAM LA MI GNAS PA DANG, CHOS THAMS CAD LA JI LTA BA BZHIN MA YIN PAR PHYIN CI LOG TU NYE BAR DMIGS PA DANG, BDAG DANG SEMS CAN LA SOGS PA BYED PA'I SKYES BU DANG, RNAM PAR DAG PA SKYE BA MED PA DANG MA BYUNG BA LA SOGS PA LA GZUNG BAR RNAM PAR RTOG PA RNAMS SO, ,'DI DAG NI DGAG PA'I RNAM PA CAN GYI NGO BOS NGES PAR 'BYED PA'I YAN LAG DANG NGO BO NYID NA SBYOR BA DANG DNGOS GZHI DANG RJES KYI GNAS SKABS KYIS RTEN CING MTSUNGS PAR GNAS PA DANG NYE BAR LDAN PA YIN PAR SHES PAR BYA'O, , @16A *, ,GNYEN PO'I RTEN CAN DGU PO GANG ZHE NA, RIGS CAN RNAMS BDEN PA MTHONG BA'I BDAG NYID PHUNG PO LNGA DANG, RNAM PAR BYANG BA'I CHOS SKYED PA'I RKYEN GYIS BDAG NYID SKYE MCHED BCU GNYIS DANG, YONGS SU DAG PA'I CHOS MNGON DU 'GYUR BA NYID KYIS SA BON RIGS DANG, BYANG CHUB KYI PHYOGS KYI CHOS MNGON PAR 'GRUB PA'I RTEN 'BREL SKYE BA DANG, JI LTAR RIGS PA'I RANG BZHIN DANG GLO BUR BA'I DRI MA LAS RNAM PAR DBEN PA STONG PA NYID DANG, SBYIN PA DANG TSUL KHRIMS LA SOGS PA PHA ROL TU PHYIN PA DANG, BYANG CHUB KYI PHYOGS KYI CHOS RNAMS KYI BDAG NYID MTHONG BA'I LAM DANG, BSAM GTAN DANG MNGON PAR SHES PA LA SOGS PA'I MTSAN NYID KYIS BSGOM PA'I LAM DANG, STOBS BCU LA SOGS PA MI SLOB PA'I LAM LA GZUNG BAR RNAM PAR RTOG PA RNAMS SO, ,'DI DAG KYANG SNGA MA LTA BU'I RNAM PAS YAN LAG GNYIS PA NYID NA ZHES RIG PAR BYA'O, ,GANG ZAG RDZAS SU YOD PA'I RTEN CAN GYI DGU PO GANG ZHE NA, 'DUS BYAS KYI CHOS DAG LAS GZHAN LA RAG LAS PA MED PAS DBANG DU GYUR PA BDAG RANG DBANG CAN DANG, PHUNG PO LA ZLA GROGS MED PA NYID KYIS GCIG PU'I BDAG NYID DANG, SKYE MCHED LA RNAM PAR SHES PA SKYED PA NYID KYIS SGOR GYUR PA RGYU'I BDAG DANG, KHAMS LA LONGS SPYOD PAR LTA BA PO LA SOGS PA'I BDAG DANG, RTEN CING 'BREL PAR 'BYUNG BA KUN NAS NYON MONGS PA DANG, RTEN DANG, ZHI BA DANG; RAGS PA'I MTSAN NYID KYI 'JIG RTEN GYI 'DOD CHAGS DANG BRAL BA'I RTEN DANG, BDE BA RNAMS KYI MTSAN NYID MNGON SUM DU BYAS PA MTHONG BA'I RTEN DANG, RNAM PAR THAR PA LA SOGS PA BDAG NYID BSGOM PA'I RTEN DANG, YANG DAG PAR SLOB PA RNAMS KYI DON BYAS PA'I RTEN LA 'DZIN PAR RNAM PAR RTOG PA RNAMS SO, ,'DI DAG KYANG SNGA MA LTA BU'I YAN LAG GI RNAM PAS GSUM PA NYID NA'O ZHES NGES PAR BYA'O, ,SKYES BU BTAGS PAR YOD PA'I RTEN CAN GYI DGU PO GANG ZHE NA, GZUGS LA SOGS PA'I PHUNG PO DANG, MIG @16B GI DBANG PO LA SOGS PA'I SKYE MCHED RNAMS DANG, GZUGS KYI KHAMS LA SOGS PA KHAMS RNAMS DANG, MA RIG PA LA SOGS PA RTEN CING 'BREL PAR 'BYUNG BA DANG, DRAN PA NYE BAR GZHAG PA LA SOGS PA RNAM PAR BYANG BA DANG, RNAM PAR THAR PA'I SGO STONG PA NYID LA SOGS PA DANG, BSAM GTAN LA SOGS PA'I SGOM PA DANG, NYAN THOS LA SOGS PA LAS PHUL DU GYUR PA KHYAD PAR GYI LAM DANG, STOBS LA SOGS PA'I BDAG NYID MI SLOB PA'I LAM 'DZIN PA'I RNAM PAR RTOG PA RNAMS SO, ,'DI DAG KYANG RNAM PA SNGA MA LTA BUS YAN LAG BZHI PA DAG NA'O ZHES RTOGS PAR BYA'O, ,TSIGS SU BCAD PA SBYAR BA DANG MTHUN PAR YONGS SU 'DZIN PA SNGAR GSUNGS NAS YANG DE'I STOBS KYIS JI LTAR BSHAD PA KHYAD PAR DU 'GYUR RO ZHES BSTAN PA'I PHYIR DE'I 'OG TU BAR SKABS KYI TSIGS SU BCAD PA GSUNGS PA, SEMS MI 'GONG BA NYID SOGS KYI, ,NGO BO NYID MED SOGS STON BYED, ,DE YI MI MTHUN PHYOGS DOR BA, ,RNAM PA KUN TU YONGS 'DZIN YIN, ,ZHES BYA BA'O, ,THABS MKHAS PAS CHOS THAMS CAD STONG PA NYID LA SEMS YONGS SU MI 'GONG ZHING MI SKRAG PA NYID DANG, MI MTHUN PA'I PHYOGS DMIGS PA'I TSUL GYIS YID LA BYED PA DOR BA DANG, BSAM PA JI LTA BA BZHIN DU DNGOS PO MTHA' DAG BDAG MED PA LA SOGS PA STON PAR BYED PA DGE BA'I BSHES GNYEN DANG, MI MTHUN PA'I PHYOGS MTSAN MAR MNGON PAR ZHEN PA SDIG PA'I GROGS PO YONGS SU DOR BA NI NANG DANG PHYI'I RGYU DANG RKYEN GYIS RNAM PA THAMS CAD DU YONGS SU 'DZIN PA YIN NO, ,DE LTAR NGES PAR 'BYED PA'I CHA DANG MTHUN PA THOB PAS CHOS KYI DBYINGS KYI RANG BZHIN SHES PAR 'GYUR ZHING, 'CHAD PAR 'GYUR BA'I SGRUB PA RNAMS KYANG RTEN NGES PA SNGON DU 'GRO BA CAN YIN PA'I PHYIR SGRUB PA'I RTEN DU GYUR PA GSUNGS PA, RTOGS PA YI NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, ,SHES RAB SNYING BRTZER @17A *, ,BCAS PA DANG, ,SLOB MA THUN MONG MIN NYID DANG, ,GZHAN GYI DON GYI GO RIMS DANG, ,YE SHES RTZOL BA MI MNGA' BAR, ,'JUG PA'I RTEN LA RIGS ZHES BYA, ,ZHES BYA BA'O, ,RE ZHIG GZHI DANG GNYEN PO DANG, GANG ZAG DANG SKYES BU LA BRTEN PA'I GZUNG BA DANG 'DZIN PA MNGON PAR MI DMIGS PA NGES PAR 'BYED PA'I YAN LAG 'JIG RTEN PA'I RTOGS PA RNAMS DANG, DE'I 'OG TU 'JIG RTEN LAS 'DAS PA CHOS KYI DBYINGS KUN TU 'GRO BA'I DON DU RTOGS PA DANG, DE'I RGYUN SA BDUN GYI BAR DU RTOGS PA BSGOM PA'I LAM DAG STE RNAM PA DRUG GO, ,DE'I 'OG TU DE DAG SKYES PA'I STOBS KYIS SA BRGYAD PA LA THUN MONG MA YIN PA'I GNYEN PO YONGS SU THOB PA'O, ,DE'I 'OG TU SA DGU PA LA DE NI MTHU PHUN SUM TSOGS PAR GYUR PA LA MI MTHUN PA'I PHYOGS RNAM PAR SPONG BA'O, ,DE'I 'OG TU SA BCU PA LA GNYEN PO DANG MI MTHUN PA'I PHYIR MI DMIGS PAS DE DAG SKYE BA DANG 'GAG PA DANG LDAN PA'I RNAM PAR RTOG PA YONGS SU ZAD PA MTHAR GTUGS PA'O, ,DE BZHIN DU SA DE DAG LA GO RIMS LTAR SBYIN PA LA SOGS PA DANG SNGON GYI SMON LAM LA SOGS PA'I STOBS KYIS 'KHOR BA DANG MYA NGAN LAS 'DAS PA LA MI GNAS PA'I MTSAN NYID KYIS SHES RAB DANG SNYING RJE DANG, DE DAG PHUL DU GYUR PAS NYAN THOS LA SOGS PA DANG THUN MONG MA YIN PA'I CHOS DANG, RANG GI RDZOGS PA GZHAN LA PHAN GDAGS PAR MKHAS PA NYID KYIS BSAM PA LA SOGS PA DANG RJES SU MTHUN PAR GZHUG PA LA LDEM POR DGONGS PA LA SOGS PA'I SGO NAS THEG PA GSUM GYI LAM LA 'GOD PA'I MTSAN NYID KYI GZHAN GYI DON GYI GO RIMS TE, DE LTA BU YON TAN KHYAD PAR CAN DANG LDAN PA YIN NO, ,DE'I 'OG TU SA BCU PA KHYAD PAR LA MTSAN MA MED CING LHUN GYIS GRUB PA NYID KYIS 'KHOR BA JI SRID PAR GZHAN GYI DON BYA BA'I PHYIR YE SHES PHUN SUM TSOGS PA 'BYUNG BA'I PHYIR TE, DE LTAR NA SGRUB PA'I CHOS KYI GNAS SKABS KYI BYE BRAG BCU GSUM GYI DE DAG GI GZHIR GYUR PA CHOS KYI DBYINGS KYI NGO BO NYID @17B GANG YIN PA DE NI RIGS ZHES BYA BAR BRJOD DO, ,GAL TE RIGS DE NYID THA DAD PA'AM THA DAD PA MA YIN PAR BRTAG CE NA, BAR SKABS KYI TSIGS SU BCAD PA GSUNGS PA, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES BYA BA'O, , NAM MKHA' LTAR YONGS SU DAG CING KHYAB PAR GYUR PA'I RIGS GANG YIN PA DE NI RANG BZHIN GYIS DBYE BA MED PA'I PHYIR NYAN THOS LA SOGS PA'I RIGS THA DAD PA NYID YOD PA MA YIN NO, ,'O NA JI LTA 'GRUB PA'I RTEN RNAM PAR DBYE BA BRJOD CE NA, RTEN PA'I CHOS THA DAD PA LA RTEN PA'I LAN GSUNGS PA, RTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,CES BYA BA'O, ,DPER NA 'JIM PA GCIG LAS MNGON PAR GRUB CING ME LCE GCIG GIS SO BTANG BA'I RTEN BUM PA LA SOGS PA BRTEN PA SBRANG RTZI DANG LI KHA RA LA SOGS PA'I SNOD NYID KYIS THA DAD PA DE BZHIN DU CHOS THEG PA GSUM GYIS BSDUS PA DANG, SGRUB PA'I GNAS SKABS KYIS BSDUS PA RTOGS PAR BYA BA THA DAD PA NYID KYIS BRTEN PA DANG POR GZHAG GO ZHES BSTAN TO, ,RTEN DE LAS BSGRUB PAR BYA BA NYID KYI DMIGS PA GSUNGS PA, DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, , SLOB MA THUN MONG CHOS RNAMS DANG, ,GANG DAG THUB PA'I THUN MONG MIN, ,ZHES BYA BA'O, ,'DIR SGRUB PA POS DMIGS PAR BYA BA NI GZUGS LA SOGS PA'I CHOS THAMS CAD DE, SPYIR DGE SBYONG GI TSUL NYID LA SOGS PA BLANG BAR BYA BA'I MTSAN NYID DGE BA DANG; SROG GCOD PA LA SOGS PA SPANG BAR BYA BA'I MTSAN NYID MI DGE BA DANG, GOM PA 'DOR BA LA SOGS PA GNYIS KA MA YIN PA'I MTSAN NYID LUNG DU MA BSTAN PA'I LAS SO, ,DE'I 'OG TU DE DAG NYID RNAM PA GNYIS PA'I DBYE BA BZHI NYID KYIS BRGYAD DE, BSAM @18A *, ,GTAN DANG TSAD MED PA LA SOGS PA 'JIG RTEN PA'I RTOGS PAR BYA BA DANG, YANG DAG PA'I BSAM GTAN LA SOGS PA 'JIG RTEN LAS 'DAS PA DANG, BDAG TU LTA BA'I GNYEN PO MA YIN PA'I PHUNG PO LNGA LA SOGS PA ZAG PA DANG BCAS PA DANG, BDAG TU LTA BA LA SOGS PA'I GNYEN PO DRAN PA NYE BAR GZHAG PA LA SOGS PA ZAG PA MED PA DANG, RGYU DANG RKYEN LA RAG LAS PA RTEN CING 'BREL BAR 'BYUNG BA 'DUS BYAS DANG, RAG LAS PA DE DAG GI DE BZHIN NYID 'DUS MA BYAS PA DANG, BSAM GTAN LA SOGS PA SLOB MA RNAMS DANG THUN MONG PA DANG, STOBS BCU LA SOGS PA YANG DAG PAR RDZOGS PA'I SANGS RGYAS NYID KYIS THUN MONG MA YIN PA'I CHOS TE, JI LTA BA BZHIN DU DMIGS PAR BYA BA RNAM PA BCU GCIG GO, ,DMIGS PA DE DAG LA SGRUB PA NYID 'BRAS BU CI'I PHYIR YIN ZHE NA; CHED DU BYA BA GANG YIN PA GSUNGS PA, SEMS CAN KUN MCHOG NYID SEMS DANG, ,SPANGS DANG RTOGS DANG GSUM PO LA, ,CHEN PO GSUM GYIS RANG 'BYUNG GI, ,CHED DU BYA BA 'DI SHES BYA, ,ZHES BYA BA'O, ,RNAM PA THAMS CAD DU RNAM PA THAMS CAD MKHYEN PA NYID YONGS SU SHES PA'I SGO NAS SEMS CAN GYI PHUNG PO CHEN PO DANG SDE CHEN PO NYID KYI MCHOG SANGS RGYAS NYID DU BSGRUB PAR SEMS PA CHEN PO DANG, LTA BA'I RNAM PA THAMS CAD DU SPANGS TE, MTSAN MA MED PA SPONG BA CHEN PO NYID DANG, CHOS THAMS CAD JI LTA BA BZHIN YANG DAG PAR MKHYEN PA RTOGS PA CHEN PO NYID DE, RANG 'BYUNG BAR 'GYUR BA'I BYANG CHUB SEMS DPA' RNAMS KYI CHED DU BYA BA NI CHEN PO NYID RNAM PA GSUM GYI DON DU 'JUG PAR SHES PAR BYA'O, ,DA NI JI LTAR SGRUB PA RANG GI NGO BO BSHAD PAR BZHED DE, SPYIR DGE BA'I CHOS KYI RTEN CAN DANG, MNGON PAR RTOGS PA BZHI PO RE RE ZHING PHA ROL TU PHYIN PA DRUG GI RTEN CAN GYI BYA BA NI SGRUB PA YIN TE, DE YANG LAS DANG PO PA, SBYOR BA DANG, MTHONG BA DANG, BSGOM PA'I LAM GYI NGO BO NYID KYIS SGRUB PA'I MTSAN NYID GO CHA DANG, 'JUG @18B PA DANG, TSOGS DANG, NGES PAR 'BYUNG BA BZHI LAS RE ZHIG BSAM PA'I BRTZON 'GRUS NYID BDAG NYID GO CHA'I SGRUB PA GSUNGS PA, DE DAG SO SOR SBYIN LA SOGS, ,RNAM PA DRUG TU BSDUS PA YIS, ,GO CHA'I SGRUB PA GANG YIN TE, ,DRUG TSAN DRUG GIS GANG YIN BSHAD, ,CES BYA BA'O, ,CHOS KYI SBYIN PA LA SOGS PA SBYIN PA NA 'BRAS BU SEMS CAN LA YONGS SU GTONG BA NYID KYIS SBYIN PA'I SBYIN PA DANG, THEG PA DMAN PA YID LA BYED PA SPONG BA NYID KYIS TSUL KHRIMS DANG, CHOS ZAB MO LA MI SKRAG PA LA SOGS PA NYID KYIS BZOD PA DANG, MNGON PAR YID CHES PAS SPRO BA NYID KYIS BRTZON 'GRUS DANG, THAMS CAD MKHYEN PA NYID DU BSNGO BAS RTZE GCIG TU GNAS PA BSAM GTAN DANG, SBYIN PAR BYA BA LA SOGS PA 'KHOR GSUM DU MI DMIGS PA'I BDAG NYID SHES RAB KYI PHA ROL TU PHYIN PA YIN NO, ,DE BZHIN DU TSUL KHRIMS SRUNG BA DANG, BZOD PA SGOM PA DANG, BRTZON 'GRUS RTZOM PA DANG, BSAM GTAN LA SNYOMS PAR 'JOG PA DANG, SHES RAB SGRUB PAR BYED DO, ,DE LTA BAS NA PHA ROL TU PHYIN PA RE RE ZHING SO SOR RNAM PA DRUG DRUG TU RAB TU DBYE BAS SUM CU RTZA DRUG RNAMS DRUG TSAN DRUG GIS RIGS MTHUN PA SBYIN PA LA SOGS PA DRUG TU BSDUS PA NYID KYIS MI MTHUN PA'I PHYOGS KYI MTSON CHA RNAMS KYIS MI TSUGS PAR BYA BA'I PHYIR GO CHA'I SGRUB PA RNAM PA DRUG YIN NO, , DE LTAR GO BGOS NAS 'JUG PAR BYA DGOS PAS DE'I RJES LA SBYOR BA'I BRTZON 'GRUS KYI RANG BZHIN 'JUG PA'I SGRUB PA GSUNGS PA, BSAM GTAN GZUGS MED SBYIN SOGS DANG, ,LAM DANG BYAMS LA SOGS PA DANG, ,DMIGS PA MED DANG LDAN PA DANG, 'KHOR GSUM RNAM PAR DAG PA DANG, ,CHED DU BYA DANG MNGON SHES DRUG ,RNAM KUN MKHYEN PA'I TSUL LA NI, ,'JUG PA'I SGRUB PA THEG CHEN LA, 'DZEG PA YIN PAR SHES PAR BYA, ,ZHES BYA BA'O, ,RNAM PAR G-YENG BA LAS BZLOG STE BSTAN PAR BYED PA @19A *, ,BSAM GTAN DANG GZUGS MED PA'I SNYOMS PAR 'JUG PA DANG, LAS SU RUNG BA NYID KYIS SBYIN PA LA SOGS PA PHA ROL TU PHYIN PA DRUG LA SPYOD PA DANG, LEGS PAR BSAGS PAS THOB PA MTHONG BA DANG, BSGOM PA DANG, KHYAD PAR GYI LAM DANG, DER MA CHUD PA LA BYAMS PA DANG, SNYING RJE DANG DGA' BA DANG BTANG SNYOMS TSAD MED PA DANG, NGES SPANG BAR BYA BA MNGON PAR CHAGS PA 'GOG PA MI DMIGS PA DANG LDAN PA DANG, JI LTAR MI DMIGS PA NYID RDZOGS PAR BYED PA 'KHOR GSUM RNAM PAR DAG PA DANG, TSUL DE NYID KYIS RANG GI CHED DU BYA BA GSUM SGRUB PA DANG, GZHAN DANG THUN MONG MA YIN PA'I DBANG GIS MNGON PAR SHES PA DRUG SKYED PA DANG, DE DAG DANG LDAN PAS RNAM PA THAMS CAD MKHYEN PA NYID LA DRAG TU SPROS PAS 'JUG PA STE, YUL DE DAG LA SBYOR BA NYE BAR GNAS PA'I MTSAN NYID NI SPANG BAR BYA BA NYE BAR BZLOG PA'I PHYIR THEG PA CHEN PO'I CHOS MTHA' DAG GNON CING 'DZEG PA'I NGO BO NYID YIN PAS 'JUG PA'I BSGRUB PA RNAM PA DGU'O, ,DE LTAR 'JUG PAS ZHUGS PAR GYUR PA NA TSOGS YANG DAG PAR 'GRUB PA MA ZHUM ZHING YANG DAG PAR SGRUB PA'I BRTZON 'GRUS KYI SGRUB PA GSUNGS PA, ,BRTZE DANG SBYIN LA SOGS PA DRUG ,ZHI GNAS LHAG MTHONG BCAS PA DANG, ZUNG DU 'BREL BA'I LAM GANG DANG, THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANG SA BCU DANG, ,GNYEN PO'I TSOGS KYI SGRUB PA YI, ,RIM PA YIN PAR SHES PAR BYA, ,ZHES BYA BA'O, ,SEMS CAN SDUG BSNGAL PA RNAMS LA PHAN PAR BYED PA SNYING RJE CHEN PO DANG, 'KHOR LOS SGYUR BA LA SOGS PA'I RTEN GYI SBYIN PA LA SOGS PA PHA ROL TU PHYIN PA DRUG SGRUB PA DANG, GZHAN GYI DON LA SEMS RTZE GCIG TU GNAS PA ZHI GNAS DANG, GANG GI DON DU SEMS RTZE GCIG PAR GNAS PA NYID MI DMIGS PA LHAG MTHONG DANG, THABS DANG SHES RAB KYIS MTHAR MI GNAS PA ZUNG DU 'BREL BA'I LAM DANG, DGE BA'I RTZA BA THAMS @19B CAD BLA NA MED PA'I BYANG CHUB TU BSNGO BAS THABS LA MKHAS PA DANG, STONG PA NYID THAMS CAD KYI MTSAN NYID LA MKHAS PA YE SHES DANG, TING NGE 'DZIN DU MAS RNAM PAR BRTZE BA'I BSOD NAMS DANG, BGROD PAR BYA BA LA MNGON PAR ZHUGS PA MTHONG BA LA SOGS PA'I LAM DANG, LEGS PA'I LAM LAS MI NYAMS PAR 'DZIN PA BZOD PA LA SOGS PA'I GZUNGS DANG, DPAG TU MED PA'I YON TAN GYI RTEN DU GYUR BA SA BCU DANG, GZUNG BA DANG 'DZIN PA'I SPANG BYA RAB TU 'JIL BA GNYEN PO'I TSOGS RNAMS TE, MI MTHUN PA'I PHYOGS KYI DPUNG RNAM PAR GZHOM PA'I PHYIR RANG GI SDE RAB TU SGRUB PA MI DMIGS PA'I MTSAN NYID KYIS THEG PA CHEN PO'I DON MTHA' DAG SGRUB PA NYID KYIS TSOGS KYI SGRUB PA RNAM PA BCU BDUN NO, ,DE LA YE SHES KYI TSOGS NI STONG PA NYI SHU'I BYE BRAG GIS NYI SHU STE, NGO BO NYID MED PA'I PHYIR NANG GI CHOS KYIS DBEN PAS NANG STONG PA NYID DANG, PHYI ROL GYIS DBEN PAS GNYIS KAS STONG PA NYID DANG, STONG PA'I DNGOS POS DBEN PAS STONG PA NYID STONG PA NYID DANG, PHYOGS KYIS DBEN PAS CHEN PO STONG PA NYID DANG, MYA NGAN LAS 'DAS PA'I LAM GYIS DBEN PAS DON DAM PA STONG PA NYID DANG, RKYEN LAS SKYES PAS DBEN PAS 'DUS BYAS STONG PA NYID DANG, CIG SHOS KYIS DBEN PAS 'DUS MA BYAS STONG PA NYID DANG, 'KHOR BA DANG MYA NGAN LAS 'DAS PA'I CHA GNYIS KYIS DBEN PAS MTHA' LAS 'DAS PA STONG PA NYID DANG, 'KHOR BA'I SNGON DANG PHYI MAS DBEN PAS THOG MA DANG THA MA MED PA STONG PA NYID DANG, RTOGS PAR BYA BA NYID RNAM PAR SPANGS BA MED PAS DOR BA MED PA STONG PA NYID DANG, RANG GI RANG BZHIN GYIS DBEN PAS RANG BZHIN STONG PA NYID DANG, GZUGS LA SOGS PA RNAM PA THAMS CAD KYIS DBEN PAS CHOS THAMS CAD STONG PA NYID DANG, SKYE BA LA SOGS PA SO SO'I MTSAN NYID KYIS BDEN PAS RANG GI MTSAN NYID DBEN PAS RANG GI MTSAN NYID STONG PA NYID DANG, 'DAS PA LA SOGS PAS DBEN PAS MI DMIGS @20A *, ,PA STONG PA NYID DANG, LDAN PA NYID KYIS DBEN PAS DNGOS PO MED PA'I NGO BO NYID STONG PA NYID DANG, LDAN PA MA YIN PAS DBEN PAS DNGOS PO STONG PA NYID DANG, NAM MKHA' DBEN PA NYID KYIS DNGOS PO MED PA STONG PA NYID DANG, THAMS CAD RANG GI CHOS NYID KYIS DBEN PAS RANG GI NGO BO STONG PA NYID DANG, CHOS GZHAN GYI NGO BOS DBEN PAS GZHAN GYI NGO BO STONG PA YID KYI PHYIR RO, ,SA'I TSOGS LA CHOS GANG DAG YONGS SU SBYANGS PAS MNGON PAR THOB CING RAB TU RDZOGS PAR BYED PA NYID KYIS YONGS SU SBYONG BAR 'GYUR BA GANG YIN PA DE DAG BSTAN PA'I PHYIR BAR SKABS KYI TSIGS SU BCAD PA NYI SHU RTZA GSUM GSUNGS PA LAS RE ZHIG SBYIN PA'I PHA ROL TU PHYIN PA GTZOR GYUR PA NYID KYIS SA DANG PO YONGS SU SBYONG BA GSUNGS PA, YONGS SU SBYONG BA RNAM BCU YIS, ,SA NI DANG PO THOB 'GYUR TE; ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN STONG PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS SKUR 'DOD DGA' BA DANG, ,CHOS STON PA DANG BDEN PA YI, ,TSIG NI BCU PA YIN PAR 'DOD, ,'DI DAG RANG BZHIN MI DMIGS PAS, ,YONGS SU SBYONG BAR SHES PAR BYA, ,ZHES BYA BA'O, ,GZHI THAMS CAD LA GYA GYU MED CING THAMS CAD MKHYEN PA NYID DANG LDAN PA'I BSAM PA NYID DANG, RANG DANG GZHAN GYI DGOS PA LA NYE BAR MKHO ZHING THEG PA CHEN PO'I YE SHES DON DU GNYER BA'I PHAN PA NYID DANG, SEMS CAN THAMS CAD LA SEMS RTZE GCIG PAR BYAMS SHING RDZOGS PA'I BYANG CHUB SBYIN PAR 'DOD PAS TSAD MED PA'I SEMS KYIS MNYAM PA NYID DANG, BDOG PA THAMS CAD YONGS SU GTONG ZHING 'KHOR GSUM DU MI RTOG PA NYID DANG LDAN PA DANG, THAMS CAD MKHYEN PA NYID LA BSKUL ZHING 'JOG PA'I DGE BA'I BSHES GNYEN BSTEN CING TSUL THAMS CAD KYIS MGU BAR BYED PA DANG, THEG PA GSUM DU GTOGS PA'I @20B DAM PA'I CHOS KYI DMIGS PA TSOL ZHING THEG PA DMAN PAR LTUNG BAR MI BYED PA DANG, KHYIM GNAS PA NA MNGON PAR MI DGA' ZHING TSE RABS THAMS CAD DU RAB TU 'BYUNG BA DANG, SANGS RGYAS KYI SKU SGRUB PAR 'DOD CING SANGS RGYAS MTHONG BA YID LA BYED PA DANG MI 'BRAL BA DANG, THOG MA DANG BAR DANG THA MAR DGE BA DAM PA'I CHOS STON CING NGA RGYAL MED PA DANG, JI SKAD SMRAS PA DE BZHIN DU GZHAN MI BSLU BA BDEN PA'I TSIG DANG LDAN PA STE, DE LTA BU'I CHOS BCU NGO BO NYID MI DMIGS PA'I KHYAD PAR DU BYAS PA'I MTSAN NYID KYIS YONGS SU SBYONG BA KHO NAS SA DANG PO RAB TU DGA' BA THOB CING RDZOGS PAR BYED PA YIN NO, ,DE'I 'OG TU TSUL KHRIMS KYI PHA ROL TU PHYIN PA GTZOR GYUR PA NYID KYIS SA GNYIS PA YONGS SU SBYONG BA GSUNGS PA, ,TSUL KHRIMS BYAS PA GZO DANG BZOD, , RAB TU DGA' DANG SNYING BRTZE CHE, ,BKUR STI BLA MA LA GUS NYAN, ,BRGYAD PA SBYIN LA SOGS LA BRTZON, ,ZHES BYA BA'O, ,NYES PA SPYOD PA LAS YANG DAG PAR LDOG CING BLA NA MED PA'I BYANG CHUB KYI GEGS SU GYUR PA'I CHOS RNAMS SPONG BA'I TSUL KHRIMS DANG, GZHAN GYIS PHAN BTAGS PA'I DRIN CHUNG NGU YANG GZO ZHING 'KHOR BA JI SRID PAR DON CHEN POS LAN LDON PA DANG GNOD PA BYED PA THAMS CAD BZOD CING CHOS THAMS CAD MA SKYES PA YID LA BYED PA DANG MA BRAL BA DANG, DGE BA'I CHOS BSGRUB PA LA 'GYOD PA MED CING SEMS CAN THAMS CAD THEG PA GSUM LA 'GOD PAR SPRO BAS RAB TU DGA' BA DANG, SKYE BO THAMS CAD LA BYAMS SHING RE RE'I PHYIR YANG DMYAL BAR GNAS PAS MI SKYO BA SNYING BRTZE BA CHEN PO DANG, LUS CAN MA LUS PA LA DGA' BA BYED CING DAM PA RNAMS LA BSKUR STI DANG RIM GRO BYED PA DANG, DGE BA'I BSHES GNYEN LA STON PA'I 'DU SHES 'JOG CING DES BSTAN PA MNGON PAR BSGRUB PA DANG, GZHAN GYI DON LA BRTZON PAS LAS GZHAN MI BYED CING SBYIN PA LA SOGS PA'I PHA ROL TU PHYIN PA DRUG SGRUB PA LA RAB TU SPRO BA STE, DE LTA BU'I CHOS BRGYAD @21A *, ,SNGA MA LTA BU YONGS SU SBYANG BA BYAS PA'I KHYAD PAR GYIS SA GNYIS PA DRI MA MED PA 'THOB CING RDZOGS PAR 'GYUR BA YIN NO, ,DE'I 'OG TU BZOD PA'I PHA ROL TU PHYIN PA GTZOR GYUR PA NYID KYIS SA GSUM PA'I YONGS SU SBYONG BA GSUNGS PA, THOS PAS MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, ,'KHOR BAS YONGS SU MI SKYO DANG, ,NGO TSA KHREL YOD CES BYA BA, ,RLOM MED BDAG NYID DE RNAM LNGA, ,ZHES BYA BA'O, ,DAM PA'I CHOS MNYAN PA RNAMS KYIS CHOG MI SHES SHING SANGS RGYAS RNAMS KYIS TE, PHYOGS BCU DAG TU GANG GSUNGS PA THAMS CAD GZUNG BAR SEMS PA DANG, RNYED PA LA SOGS PA LA MI LTA BAS DAM PA'I CHOS RAB TU STON CING BYANG CHUB KYI 'BRAS BU NYID LA YANG RE BA MI BYED PA DANG, RJES SU MTHUN PA'I DGE BA'I RTZA BA SGRUB CING SANGS RGYAS KYI ZHING SNOD DANG BCUD KUN TU SBYONG BA DANG, PHAN BTAGS PA LA GNOD PA'I LAN BYED PA LA SOGS PAS YID YONGS SU MI SKYO ZHING SDUG BSNGAL THAMS CAD BZOD PA DANG, RANG DANG GZHAN LA LTOS NAS MI DGE BA'I CHOS MI BYED CING NYAN THOS DANG RANG SANGS RGYAS KYI SEMS SPONG BA STE, DE LTA BU'I CHOS LNGAS RLOM PAR MI BYED CING SNGA MA LTAR YONGS SU SBYANG PAS SA GSUM PA 'OD BYED PA RTOGS SHING RDZOGS PAR BYED PA YIN NO, ,DE'I 'OG TU BRTZON 'GRUS KYI PHA ROL TU PHYIN PA GTZOR GYUR PA NYID KYIS SA BZHI PA'I YONGS SU SBYONG BA GSUNGS PA, NAGS GNAS 'DOD CHUNG CHOG SHES DANG, SBYANGS PA YANG DAG SDOM BRTEN DANG, ,BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,MYA NGAN 'DAS DANG BDOG KUN GTONG, ,MI ZHUM PA DANG LTA BA MED, ,CES BYA BA'O, ,DGON PAR GNAS SHING THEG PA DMAN PA'I KUN TU SPYOD PAS DBEN PAR GNAS PA DANG, RNYED PA MA RNYED PA LA MNGON PAR 'DOD PA MED CING RANG GI DON DU BYANG CHUB KYANG MI TSOL BA DANG, RNYED PA THOB PAS CHOG MI SHES PA MED CING THAMS CAD MKHYEN PA NYID THOB @21B CING DES RLOM SEMS SU MI BYED PA DANG, YANG DAG PAR SDOM PA'I RTEN BSOD SNYOMS PA NYID DANG, STAN GCIG PA LA SOGS PA SBYANGS PA'I YON TAN DANG LDAN ZHING CHOS ZAB MO LA RTOGS PA'I BZOD PA DANG BCAS PA DANG, GANG BLANGS PA NYID KYI BSLAB PA SROG LA SOGS PA'I PHYIR YANG YONGS SU MI GTONG ZHING DE DAG THAMS CAD KYANG YANG DAG PAR YID LA MI BYED PA DANG, 'DOD PA'I YON TAN LA NYES DMIGS SU LTA BAS SMOD CING NGO BO NYID MI DMIGS PA'I SGO NAS 'DOD PA'I SEMS MI SKYED PA DANG, GDUL BYA DANG 'TSAM BAR MYA NGAN LAS 'DAS PA LA GZHOL ZHING CHOS THAMS CAD LA MNGON PAR 'DU BYED PA MED PA DANG, BDOG PA THAMS CAD MNGON PAR NYE BAR MI 'DZIN CING YONGS SU GTONG BA DANG, DGE BA SGRUB PA LA SEMS ZHUM PA MED CING YUL DAG LA NYE BAR MI GNAS PA DANG, DNGOS PO RNAMS LA MNGON PAR CHAGS PAS LTA BA MED CING YID LA BYED PA MED PA STE, DE LTA BU CHOS BCUS SNGA MA LTAR YONGS SU SBYANGS PAS SA BZHI PA 'OD 'PHRO BA CAN GNON CING RDZOGS PAR BYED PA YIN NO, ,DE'I 'OG TU BSAM GTAN GYI PHA ROL TU PHYIN PA GTZO BOR GYUR PA NYID KYIS SA LNGA PA'I YONGS SU SBYONG BA GSUNGS PA, 'DRIS DANG KHYIM LA 'KHREN PA DANG, ,'DU 'DZIR GYUR PA'I GNAS DANG NI, ,BDAG BSTOD GZHAN LA BRNYAS PA DANG, ,MI DGE'I LAS KYI LAM BCU DANG, ,RLOM PAS KHENGS DANG PHYIN CI LOG ,BLO NGAN DANG NI NYON MONGS BZOD, ,BCU PO 'DI NI RNAM SPANGS NA, ,SA LNGA PA NI YANG DAG 'THOB, ,CES BYA BA'O, ,RNYED PA LA SOGS PA'I DON DU DGE SLONG MA LA SOGS PA DANG 'DRIS PAR MI BYED CING BRDZUS TE SKYE BA MNGON PAR LEN PA DANG, GZHAN LA DAD PA CAN GYI KHYIM NYE BAR STON PAR MI BYED CING SBYIN BDAG LAS RNYED PA THOB PA LA PHRAG DOG MI BYED PA DANG, GRONG KHYER LA SOGS PAR 'DU 'DZIS RNAM PAR MI G-YENG ZHING GANG DU THEG PA DMAN PA'I GTAM DANG SEMS 'BYUNG BAR MI GNAS PA DANG BDAG NYID BSNGAGS PA MI BRJOD CING NANG GI CHOS THAMS CAD @22A *, ,MI MTHONG BA DANG, GZHAN LA SMOD PA SPONG ZHING PHYI'I CHOS THAMS CAD MI DMIGS PA DANG, MI DGE BA'I LAS KYI LAM BCU SPONG ZHING DGE BA BCU LA YANG DAG PAR GNAS PA DANG, THOS PA DANG TSUL KHRIMS LA SOGS PAS NGA RGYAL DU MI BYED CING LHAG PAR RLOM PA'I CHOS RJES SU MI MTHONG BA DANG, DGE BA DANG MI DGE BA BZLOG PA'I MNGON PAR ZHEN PA SPONG ZHING DNGOS POR DMIGS PA 'DOR BA DANG, LOG PAR LTA BA'I KHYAD PAR THAMS CAD SPONG ZHING THE TSOM DANG YID GNYIS SU MI 'GYUR BA DANG, 'DOD CHAGS LA SOGS PA LA PHYOGS PAR MI BYED CING NYON MONGS PA RNAMS YANG DAG PAR RJES SU MI MTHONG BA STE, DE LTA BU'I CHOS BCUS SNGA MA LTAR YONGS SU SBYANGS PAS SA LNGA PA SBYANG DKA' BA GNON CING RDZOGS PAR BYED PA YIN NO, ,DE'I 'OG TU SHES RAB KYI PHA ROL TU PHYIN PA GTZO BOR GYUR PA NYID KYIS SA DRUG PA'I YONGS SU SBYONG BA GSUNGS PA, SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB YONGS RDZOGS PAS, ,SLOB MA DANG NI BSE RU LA, ,DGA' DANG SKRAG PA'I SEMS SPANGS DANG, ,BSLANGS NA MI ZHUM BDOG PA KUN, ,BTANG YANG MI DGA' MED PA DANG, ,DBUL YANG SLONG BA MI SPONG BAS, ,SA NI DRUG PA YANG DAG 'THOB, ,CES BYA BA'O, ,SNGAR JI LTAR BSHAD PA'I SBYIN PA NAS BZUNG STE SHES RAB KYI PHA ROL TU PHYIN PA'I BAR PHA ROL TU PHYIN PA DRUG YONGS SU RDZOGS PAR BYAS PA NYID DANG, DE NYID KYIS NYAN THOS DANG RANG SANGS RGYAS KYI THEG PA LA MNGON PA DGA' BA MI SKYED PA DANG, NGO BO NYID DMIGS PAR BYA BAS DBEN PA'I DON LA SKRAG PAR MI BYED PA DANG, THOG MAR SLONG BA PO'I SKYE BOS 'GA' ZHIG BSLANGS NAS SER SNAS ZIL GYIS GNON PA'I ZHUM PA MED PA DANG, BAR DU BDOG PA THAMS CAD NGANG GIS GTONG BAR ZHUGS TE MI DGA' BA MED PA DANG, MTHAR BTANG BAS BKREN PAR GYUR DU ZIN KYANG YANG SLOB PA PO'I SKYE BO THOB PA MED PAR DOR BA SPONG BA NYID DE DE LTA BU'I CHOS BCU GNYIS KYIS SNGA MA LTAR YONGS SU SBYANGS PAS SA DRUG PA MNGON DU @22B GYUR PA THOB CING RDZOGS PAR BYED PA YIN NO, ,DE'I 'OG TU THABS KYI PHA ROL TU PHYIN PA GTZOR GYUR PA NYID KYIS SA BDUN PA'I YONGS SU SBYONG BA GSUNGS PA, ,BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG DANG NI, ,KHAMS GSUM PA LA GNAS DANG CHAGS, ,SEMS NI KUN TU ZHUM PA DANG, ,DKON MCHOG GSUM DANG TSUL KHRIMS LA, ,DER LTA BA YI MNGON ZHEN DANG, ,STONG PA NYID LA RTZOD PA DANG, ,DE DANG 'GAL BA'I NYES PA NI; ,NYI SHU GANG LA RNAM CHAD PA, ,DE YIS SA NI BDUN PA 'THOB, ,CES BYA BA'O, ,NGA'O ZHES BYED PA PO'I GZHIR GYUR PA BDAG DANG, ,'PHRO ZHING YID LA BYED PA SEMS CAN DANG, SKAL BA MNYAM PA'I RIGS RDZOGS PA SROG DANG, 'GRO BAR YANG DANG YANG DU GNAS PA'I RTEN GANG ZAG DANG, MNGON PAR BYUNG BA'I RGYUN NYAMS PAR 'GYUR BA CHAD PA DANG, RANG BZHIN GNAS PA LAS GZHAN DU MI 'GYUR BA RTAG PAR 'DZIN PA DANG, 'KHOR BA DANG MYA NGAN LAS 'DAS PA LA DOR BAR BYA BA DANG, CIG SHOS SU MTSAN MAR 'DZIN PA DANG, RIGS THA DAD PA NYID DU GYUR PA'I RGYUR 'DZIN PA DANG, MING DANG GZUGS KYI CHOS PHUNG PO NYID DU BDEN PAR 'DZIN PA DANG, RGYU'I RTEN KHAMS DAG TU BDEN PAR 'DZIN PA DANG, RKYEN GYI KHYAD PAR PHYI'I SKYE MCHED LA SOGS PA BDEN PAR 'DZIN PA DANG, YANG DAG PA MA YIN PA'I KUN TU RTOG PA LA BDEN PAR 'DZIN PA KHAMS GSUM PA LA GNAS PA DANG, DE LA BLANG BA DANG DOR BAR YONGS SU 'DZIN PA CHAGS PA DANG, RNAM PA THAMS CAD MKHYEN PA NYID MI THOB PAR 'DZIN PA SEMS KUN TU ZHUM PA DANG, GZUGS KYI SKU DE BZHIN GSHEGS PAR LTA BA DANG, GSUNG RAB YAN LAG BCU GNYIS RJOD PAR BYED PA DAM PA'I CHOS SU LTA BA DANG, SKYES BU ZUNG BZHI PO DGE 'DUN DU LTA BA DANG, TSUL KHRIMS 'CHAL BA NYID KYI GNYEN PO TSUL KHRIMS SU LTA BA DANG, CHOS THAMS CAD LA STONG PA NYID @23A *, ,LA THE TSOM ZA BA'I RTZOD PA DANG, DNGOS POR YONGS SU 'DZIN PA NYID KYIS DE DANG 'GAL BA'I NYES PA STE, SPANG BAR BYA BA NYI SHU PO DE YANG DAG PAR SPANGS TE, SNGA MA LTAR YONGS SU SBYANGS PAS SA BDUN PA RING DU SONG BA THOB CING RDZOGS PAR 'GYUR BA YIN NO, ,DE DAG SPONG BAR BYED PA'I GNYEN PO GANG DAG CIG YIN ZHE NA, GRANGS JI LTA BAS GNYEN PO RGYAS PAR GSUNGS PA, RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, ,SNYING RJE DANG NI RLOM MED DANG, ,CHOS MNYAM NYID DANG TSUL GCIG SHES; ,MI SKYE BA DANG BZOD SHES DANG, ,CHOS RNAMS RNAMS PA GCIG TU STON, ,RTOG PA KUN TU 'JOMS PA DANG, ,'DU SHES LTA DANG NYON MONGS SPONG, ,ZHI GNAS NGES PAR SEMS PA DANG, ,LHAG MTHONG LA NI MKHAS PA DANG, ,SEMS DUL BA DANG THAMS CAD LA; ,THOGS PA MED PA'I YE SHES DANG, ,CHAGS PA'I SA MIN GANG 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STON PA NYID DANG NYI SHU'O, ,ZHES BYA BA'O, ,PHUNG PO RNAMS LA RANG DBANG DU BYED PAR GYUR PA'I BDAG GIS DBEN PAR RTOGS PA NYID KYIS RANG GI NGO BOS DBEN PA RNAM PAR THAR PA'I SGO STONG PA NYID DANG, DE BZHIN DU SBYAR TE, RGYUS RNAM PAR DBEN PA MTSAN MA MED PA DANG, 'BRAS BU RNAM PAR DBEN PA SMON PA MED PA YANG DAG PAR SHES PA DANG, LEN PA PO DANG SBYIN PA PO DANG SBYIN PAR BYA BA LA SOGS PA MI DMIGS PA DANG, SKYE BO SDUG BSNGAL DANG LDAN PA LA RANG DANG MTSUNGS PA'I SNYING BRTZE BA DANG, DNGOS PO THAMS CAD MA SKYES PA NYID KYIS DMIGS PA MED PA'I RLOM PA MED PA DANG, 'KHOR BA DANG MYA NGAN LAS 'DAS PA'I CHOS THAMS CAD RANG BZHIN GYIS MNYAM PA NYID DANG, THEG PA THA DAD PA'I MTSAN NYID YOD PA MA YIN PAS THEG PA CHEN PO GCIG TU NGES PAR RTOGS PA DANG, GDOD MA NAS CHOS THAMS CAD KYI BDAG NYID MI SKYE BA YONGS SU SHES PA DANG, STONG PA NYID LA MI SKRAG PA'I @23B BZOD PA KHONG DU CHUD PA DANG, SHES PAR BYA BA THAMS CAD LA THABS KYI SGO NAS CHOS BSTAN PAS THEG PA CHEN PO NYID GZUNG BA DANG 'DZIN PA MED PA'I TSUL GCIG TU STON PA DANG, GZUNG BA DANG 'DZIN PAR MNGON PAR ZHEN PA'I RTOGS PA THAMS CAD 'JOMS PA DANG; ,MTSAN MAR 'DZIN PA NYID KYI 'DU SHES SPONG ZHING 'JIG TSOGS LA LTA BA LA SOGS PA LTA BA LNGA 'DOR BA DANG, 'DOD CHAGS LA SOGS PA'I NYON MONGS PA SEL BA DANG, THAMS CAD MKHYEN PA NYID LA RTZE GCIG PA'I ZHI GNAS DANG, SHES RAB PHUN SUM TSOGS PA DANG LDAN PAS LHAG MA THONG LA MKHAS PA DANG, 'GOG PA DANG LAM GYI MTSAN NYID SHES PAS SEMS DUL BA DANG, GZUGS LA SOGS PA LA THOGS PA MED PA'I YE SHES DANG, RTEN DANG GZHI MGRUB PA NYID KYIS MNGON PAR CHAGS PA'I GNAS MA YIN PA DANG; JI LTAR 'DOD PA'I SANGS RGYAS KYI ZHING GZHAN DU CIG CAR MNYAM DU 'GRO ZHING CHOS STON PA DANG, GDUL BYA DANG RJES SU MTHUN PAR BDAG GI LUS RAB TU BSTAN NAS DON BYED PA NYID KYIS STONG PA NYID DANG 'GAL BA'I GNYEN POR GYUR PA STE, MI DMIGS PA'I MTSAN NYID CAN GYIS NYI SHU NYID DO, ,DE'I 'OG TU SMON LAM GYI PHA ROL TU PHYIN PA GTZOR GYUR PA NYID KYIS SA BRGYAD PA'I YONGS SU SBYONG BA GSUNGS PA, SEMS CAN KUN YID SHES PA DANG, ,MNGON PAR SHES PAS RTZE BA DANG, ,SANGS RGYAS ZHING BZANG BSGRUB PA DANG; ,YONGS SU BRTAG PHYIR SANGS RGYAS BSTEN, ,DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRED PA LEN PA DANG, ,LAS NI RNAM PA 'DI BRGYAD BSHAD, ,CES BYA BA'O, ,SEMS GCIG GIS SEMS CAN THAMS CAD KYI SPYOD PA JI LTA BA BZHIN SHES PA DANG, 'JIG RTEN GYI KHAMS SU RDZU 'PHRUL GYI MNGON PAR SHES PAS RNAM PAR RTZE ZHING DE DAG GI 'DU SHES MI 'GYUR BA DANG, SANGS RGYAS KYI ZHING RTEN GSER LA SOGS PA'I NGO BOR YONGS SU SGYUR BA'I 'BYOR PA DPAG TU MED PA'I SBYIN PA @24A *, ,GTONG YANG DES RLOM SEMS SU MI BYED PA DANG, SEMS CAN LA PHAN GDAGS PA'I PHYIR RNAM PA THAMS CAD DU CHOS YONGS SU BRTAGS PAS SANGS RGYAS BSTEN CING CHOS LA BSNYEN BKUR BA DANG, LHA'I MIG LA SOGS PA SKYED CING STOBS BCU LA GNAS PAS; SEMS CAN GYI DBANG PO YONGS SU RDZOGS PAR SHES PA DANG, RGYAL BA'I ZHING RTEN PA MI DAL BA SPONG BA LA SOGS PA YONGS SU SBYONG ZHING SEMS CAN GYI SEMS RJES SU DAG PA BYED PA DANG, THAMS CAD DU SGYU MA LTA BUR GNAS SHING DE DAG GI DON BYA BA THAMS CAD SGRUB KYANG YID NYE BAR MI SBYOR BA DANG, BLO SNGON DU BTANG NAS RANG DBANG DU SEMS CAN YONGS SU SMIN PAR 'GYUR BA'I LUS 'DZIN PA STE, DE LTA BU'I LAS RNAM PA BRGYAD SNGA MA LTAR YONGS SU SBYANGS PAS SA BRGYAD PA MI G-YO BA 'THOB CING RDZOGS PAR 'GYUR BA YIN NO; ,DE'I 'OG TU STOBS KYI PHA ROL TU PHYIN PA GTZOR GYUR PA NYID KYIS SA DGU PA'I YONGS SU SBYONG BA GSUNGS PA, SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU DANG, ,MNGAL DU 'JUG PA MCHOG DANG NI, , RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB SHING RNAMS DANG, ,YON TAN PHUN SUM TSOGS PA YIN, ,ZHES BYA BA'O, ,PHA ROL TU PHYIN PA RNAMS LEGS PAR RDZOGS PAS JI LTAR BSAMS PA 'GRUB PA'I SMON LAM MTHA' YAS PA DANG, DES PA'I TSIG SO SO YANG DAG PAR RIG PAS LHA LA SOGS PA SEMS CAN THAMS CAD KYI SKAD SHES PA DANG, CHOS ZAB MO LA SOGS PA SO SO YANG DAG PAR RIG PAS SPOBS PA BKOD PA'I CHU BO LTAR ZAD MI SHES PA DANG, THABS KYI BSNGAGS PA'I MNGAL DU 'JUG PA'AM RDZUS TE SKYE BA DANG, RGYAL PO LA SOGS PA'I RIGS DANG, NYI MA LA SOGS PA'I RUS DANG, PHA DANG MA'I BDUN BRGYUD LEGS PAR 'BREL PA'I CHO 'BRANG DANG, RANG DBANG BA DANG RANG GI BYANG CHUB LA GZHAG PA'I 'KHOR @24B DANG, BRGYA BYIN LA SOGS PAS MNGON PAR BSTOD CING G-YO BA DANG 'OD KYIS SNANG BAR BYED PA LA SOGS PA SKYE BA DANG, SANGS RGYAS LA SOGS PA BSKUL ZHING RMAD DU BYUNG BA'I RNAM PAR THAR PAS RAB TU NGES PAR 'BYUNG BA DANG, RIN PO CHE SNA TSOGS KYI RGYU LAS GRUB PA'I SHING AA SHVATTHA LA SOGS PA BYANG CHUB KYI SHING LA SKU BRTEN TE 'TSANG RGYA BA DANG, STOBS LA SOGS PA SANGS RGYAS KYI CHOS KYI NGO BOR GYUR PA'I YON TAN THAMS CAD YONGS SU RDZOGS PAR BYED PA STE, DE LTA BU'I CHOS BCU GNYIS SNGA MA LTAR YONGS SU SBYANGS PA'I KHYAD PAR GYIS SA DGU PA LEGS PA'I BLO GROS THOB CING RDZOGS PAR 'GYUR BA YIN NO, ,DE LTAR RGYU'I SA RNAMS KYI YONGS SU SBYANG BA BSTAN NAS, DA NI YE SHES KYI PHA ROL TU PHYIN PA GTZOR GYUR PA NYID KYI SA THAMS CAD BSDUS PA'I SGO NAS 'BRAS BU'I SA NYID DU SA BCU PA'I MTSAN NYID GSUNGS PA, ,SA DGU 'DAS NAS YE SHES KYI, ,GANG GIS SANGS RGYAS SAR GNAS PA, ,DE NI BYANG CHUB SEMS PA'I SA, ,BCU PA YIN PAR SHES PAR BYA, ,ZHES BYA BA'O, ,NYAN THOS LA SOGS PA SO SO'I RIGS KYI SA DANG, 'BRAS BU DANG PO LA ZHUGS PA BRGYAD PA DANG, RGYUN TU ZHUGS PAS BDEN PA MTHONG BA'I SA DANG, LAN CIG PHYIR 'ONG BA NYON MONGS PA BSRABS PA'I SA DANG, PHYIR MI 'ONG BA 'DOD PA'I KHAMS KYI 'DOD CHAGS DANG BRAL PA'I SA DANG, DGRA BCOM PA KHAMS KYI NYON MONGS PA ZAD PAS BYAS PA RTOGS PA'I SA DANG, 'BRAS BU PHYI MA GSUM LA ZHUGS PA NYAN THOS DANG, RANG GI BYANG CHUB MNGON SUM DU BYAS PAS RANG SANGS RGYAS KYI SA DANG, JI SKAD BSHAD PA'I SA RNAM PA DGU PO BYANG CHUB SEMS DPA'I RGYUR GYUR PA GCIG KHO NA STE, DE LTAR SA DGU 'DAS NAS SA BCU PA LA NI BYANG CHUB SEMS DPA' SANGS RGYAS KYI SAR GNAS PA YIN PAS DE NI BYANG CHUB SEMS DPA'I SA BCU PA CHOS KYI SPRIN YIN PAR RIG PAR BYA'O, ,DE'I PHYIR RGYU'I SA YONGS SU SBYONG BA RNAMS KYI KHYAD PAR PHUL DU GYUR PA NYID KYIS 'BRAS BU'I SA YONGS SU RDZOGS PAR 'GYUR RO, , @25A *, ,ZHES DGONGS TE, 'DIR YONGS SU SBYONG BA BCU PA GZHAN NI MA GSUNGS SO, ,DE'I RJES LA BAR SKABS KYI TSIGS SU BCAD PA GNYEN PO'I TSOGS GANG YIN PA GSUNGS PA, MTHONG DANG BSGOM PA'I LAM DAG LA, ,GZUNG DANG 'DZIN PA'I RNAM RTOG RNAMS, , NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES BYA BA'O, ,MTHONG BA DANG BSGOM PA'I LAM DAG GIS SO SOR KUN NAS NYON MONGS PA DANG NYEN PO'I RTEN CAN GYI GZUNG BA'I RNAM PAR RTOG PA GNYIS DANG, GANG ZAG RDZAS DANG SKYES BU BTAGS PAR YOD PAR 'DZIN PA'I RNAM PAR RTOG PA GNYIS GO RIMS LTAR DNGOS PO DANG RNAM PA LA BRTEN PA'I DBANG GIS RNAM PAR RTOG PA RNAM PA BRGYAD SPONG PA'I GNYEN PO YIN NO, ,DE LTAR TSOGS KYI GNYEN PO'I DPUNG LEGS PAR BSAGS NAS NGES PAR 'BYUNG BAR 'GYUR BA YIN PA'I PHYIR CHOG MI SHES PA'I BRTZON 'GRUS KYI BDAG NYID NGES PAR 'BYUNG BA'I SGRUB PA GSUNGS PA, CHED DU BYA DANG MNYAM NYID DANG, ,SEMS CAN DON DANG 'BAD MED DANG, ,MTHA' LAS 'DAS PA NGES 'BYUNG DANG, ,THOB PA'I MTSAN NYID NGES 'BYUNG DANG, ,RNAM KUN MKHYEN NYID NGES 'BYUNG DANG, ,LAM GYI YUL CAN NGES 'BYUNG STE, ,RNAM PA BRGYAD KYI BDAG NYID 'DI, ,NGES 'BYUNG BSGRUB PA YIN ZHES BYA, ,ZHES BYA BA'O, ,SEMS CHEN PO LA SOGS PA CHED DU BYA BA DANG, SHES RAB KYI CHOS THAMS CAD NAM MKHA' LTAR MNYAM PA DANG, SNYING RJES SEMS CAN GYI DON KHYAD PAR BYED PA DANG, ZUNG DU 'JUG PA MTSAN MA MED PAR THAMS CAD BYED PA LHUN GYIS GRUB PA DANG, DE NYID RTAG PA DANG CHAD PA'I MTHA' DANG BRAL BA DANG, SHES RAB KYI PHA ROL TU PHYIN PA NYID LAS THEG PA GSUM GYI DON THAMS CAD THOB PA DANG MI RTOG PA'I MTSAN NYID KYIS RNAM PA THAMS CAD MKHYEN PA NYID DANG, DE'I KHYAD PAR GYI LAM MTHAR THUG PA'I YUL CAN GYI NGES PAR 'BYUNG BA STE, SPANG BAR BYA BA'I YUL LAS NGES PAR RGYAL BAR BYA BA'I PHYIR 'BRAS BU'I MCHOG NYID DU NGES PAR @25B 'BYUNG BA'I SGRUB PA RNAM PA BRGYAD DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS DANG PO'I 'GREL PA'O,, ,,RNAM PA THAMS CAD MKHYEN PA NYID RTOGS PA NI LAM SHES PA NYID LA RAG LAS PAS DE 'CHAD PAR MDZAD PA NA DANG POR LAM SHES PA'I RTEN BYED PA DANG BCAS PA GSUNGS PA, LHA RNAMS RUNG BAR BYA BA'I PHYIR, ,'OD KYIS MOG MOG POR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS; ,ZHES BYA BA'O, ,MDO LAS DE BZHIN GSHEGS PA'I RANG BZHIN GYI 'OD DAG GIS LHA LA SOGS PA'I RNAM PAR SMIN PA'I 'OD MOG MOG POR MDZAD DO ZHES GSUNGS TE, DE NI DE DAG LA LAM SHES PA NYID SKYE BAR RUNG PAR BSGRUB PA'I PHYIR TE, DE'I PHYIR NGA RGYAL BCOM PA'I RGYUD KHO NA LA SKYE BAS RTEN GYIS KHYAD PAR 'PHAGS PAR RIG PAR BYA'O, ,DE BZHIN DU THAMS CAD MKHYEN PA NYID DU SEMS BSKYED PA CAN GYIS YUL SO SOR NGES PA DANG, SEMS CAN THAMS CAD LA DE BZHIN GSHEGS PA NYID KYI SNYING PO YOD PA'I PHYIR 'DOD CHAGS DANG BRAL BA DANG, CIG SHOS KYI RNAL 'BYOR PA LA SOGS PAS KYANG MTHAR BSGOM PAR BYA BA YIN PAS MTHA' DAG LA KHYAB PA'I RIGS DANG, 'KHOR BA JI SRID PAR SEMS CAN GYI DON BYED PAR ZHUGS NPA NYID KYIS DE'I RGYUR GYUR PA'I NYON MONGS PA RNAM PA THAMS CAD DU SPANGS PA MA YIN PA'I RANG BZHIN DANG, SHES RAB DANG THABS LA MKHAS PAS YANG DAG PA'I MTHA' MNGON DU MI BYED PA DANG, SEMS CAN YONGS SU MA BSDUS PA BSDUD PA LA SOGS PA'I LAS BYED PA YIN NO, ,DE LTA BU'I LAM SHES PA NYID KYI LAM DE DAG NI GANG ZHIG YIN, JI LTAR SHES PAR BYA ZHE NA, RE ZHIG NYAN THOS KYI LAM SHES PA GSUNGS PA, ,LAM SHES NYID KYI TSUL LA NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES BYA BA'O, ,DE LA SDUG BSNGAL GYI BDEN PA NI @26A *, ,SKYE ZHING 'JIG PA'I CHOS CAN GYI MTSAN NYID MI RTAG PA DANG, ZAG PA DANG BCAS PA'I DNGOS PO NYID KYIS 'PHAGS PA RNAMS DANG MI MTHUN PA NYID KYIS SDUG BSNGAL BA DANG, BYED PA PO'I DON GZHAN GYIS STONG PA NYID KYIS BDAG MED PA DANG, NGO BOR GYUR PA'I MTSAN MA MA GRUB PA NYID KYIS ZHI BA'I RNAM PA BZHI'O, ,KUN 'BYUNG BA'I BDEN PA LA TSOR BA YID DU MI 'ONG BA'I SKYE BA'I RGYU'I RTZA BAR GYUR PA NYID KYIS NAD LTA BU DANG, 'BRAS BU SDUG BSNGAL KUN 'BYUNG BA NYID KYIS 'BRAS LTA BU KUN 'BYUNG BA DANG, TSOR BA BZOD PAR DKA' BA SKYE BA'I RKYEN DU GYUR PA NYID KYIS ZUG RNGU LTA BUR RAB TU SKYE BA DANG, 'JIGS PA MANG PO BRGYUD MAR 'BYUNG BAS RAB TU 'JOMS PA NYID KYIS SDIG PA LTA BU'I RKYEN GYI NGO BO NYID KYIS RNAM PA BZHI'O, ,SDUG BSNGAL DANG KUN 'BYUNG BA GNYIS KA LA YANG PHYIR RGOL PA GNOD PAR ZHUGS PAS PHA ROL DGRA LTA BU DANG, GNOD PAS 'JIGS SHING YID BRTAN DU MI RUNG BAS 'JIG PA'I CHOS CAN TE YID 'BYUNG BA DAG GI MTSAN NYID GNYIS DANG, RANG GI NGO BO BRTAN PAR MI GNAS PAS G-YO BA DANG, RGYU MED PAR NGANG GIS 'JIG PAS RAB TU 'JIG PA STE 'DOD CHAGS DANG BRAL BAR BYA BA GNYIS DANG, 'DI DANG PHYI MA GNOD PA'I GNAS SU GYUR PAS 'JIGS PA DANG, SHA ZA LA SOGS PA GNOD PAR BYED PA RNAMS KYIS GNOD PA BSGO BA'I GNAS YIN PAS NAD 'GO BA DANG, PHYI DANG NANG GI RKYEN SNA TSOGS PAS GTZE BAR BYA BA YIN PAS 'TSE BA'I RNAM PA STE, ,'GOG PAR BYA BA 'JUG PA'I RNAM PA GSUM MO, ,DE LTAR NA NGO BO GSUM LA RAB TU DBYE BAS RNAM PA BDUN YIN PAR SHES PAR BYA'O, ,'GOG PA'I BDEN PA MA RIG PA LA SOGS PA 'GAGS PAS 'DU BYED LA SOGS PA 'GAG PA'I PHYIR 'GOG PA'I NGO BO BDAG MED PA NYID DANG, SDUG BSNGAL GYI PHUNG PO CHEN PO NYE BAR STONGS PA'I PHYIR ZHI BA NYID DANG, SDUG BSNGAL BA DANG KUN 'BYUNG BA MI GTZANG BAS DBEN PA'I PHYIR GYA NOM PA NYID DANG, NGES PAR 'BYUNG BA'I MTSAN NYID DE @26B 'DI LTAR BDAG DANG BDAG GI RING DU SPANGS PA STONG PA NYID DANG, RGYU DANG RKYEN GYIS 'DUS BYAS PA'I MTSAN MA MED PA DANG, KHAMS GSUM LA MNGON PAR DGA' BA'I SMON PA MED PA NYID KYI PHYIR DANG, MA 'ONGS PA'I PHUNG PO MNGON PAR 'DU BYA BA MED PA NYID KYIS DE YANG NGO BO GCIG LA RAB TU DBYE BA RNAM PA BDUN YIN NO, ,LAM GYI BDEN PA LA MYA NGAN LAS 'DAS PA'I GRONG KHYER DU 'KHRID PAR BYED PA'I LAM DANG, RIGS PA MA YIN PA NYON MONGS PA RNAMS KYI GNYEN PO YIN PA'I PHYIR RIGS PA DANG, PHYIN CI MA LOG PA NYID KYI YON TAN MTHA' YAS PA 'BYUNG BA'I PHYIR SGRUB PA DANG, RTAG CING PHAN PA DAM PA'I GNAS SU PHYIN PAR BYED PA'I PHYIR NGES PAR 'BYIN PA'I RNAM PA BZHI'O, ,DE LTAR BDEN PA'I RNAM PA DE DAG NGO BO NYID MI DMIGS PA'I SGO NAS LAM SHES PA NYID KYI GNAS SKABS SU NYAN THOS RNAMS KYI LAM BYANG CHUB SEMS DPAS YONGS SU SHES PAR BYA BA YIN NO, ,BDEN PA BZHI YONGS SU SHES PA NI NGES PAR 'BYED PA'I CHA DANG MTHUN PA SNGON DU 'GRO BA CAN YIN PAS DE'I MTSAN NYID RNAM PA BZHI GSUNGS PA, 'PHAGS PA NYAN THOS LAM LA NI, ,GZUGS LA SOGS PA STONG PA'I PHYIR, ,STONG PA NYID RNAMS DBYER MED PAS, ,DRO BA DE DAG MI DMIGS PAS, ,RTZE MOR GYUR PA DAG TU 'DOD, ,DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU GYUR BSHAD DE, ,CI PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES BYA BA'O, ,'DI LTAR GZUGS LA SOGS PA'I CHOS RNAMS DE DAG SHES PA DANG SPYOD PA THOB PA'I GANG ZAG MTHA' DAG NGO BO NYID KYIS STONG PA NYID KYI PHYIR STONG PA NYID RNAMS PHAN TSUN THA DAD PA MED PA NI DRO BA'I RNAM PA'O, ,GZUGS LA SOGS PA SNGA MA LTAR STONG PA NYID KYIS MI DMIGS PA NI RTZE MO'I RNAM PA'O, ,DE BZHIN DU GZUGS LA SOGS PA RTAG PA DANG MI RTAG PA LA SOGS PA MA YIN NO ZHES DMIGS PA'I TSUL GYIS GNAS PA BKAG PA NI BZOD PA'I RNAM PA'O,, @27A *, ,GANG GI PHYIR YOD NA THAMS CAD GZIGS PA NYID KYI TSAD MA SKYES BUS CHOS THAMS CAD MKHYEN PAR SANGS RGYAS NAS 'GA' YANG MA GZIGS PAR ZHES BYA BA'I 'THAD PAS RAB TU DGA' BA LA SOGS PA'I SA BCU LAS BRTZAMS TE CHOS THAMS CAD LA GNAS PAR MI BYA BA RGYAS PAR BSTAN PA NI CHOS KYI MCHOG TU GYUR PA'I RNAM PA STE, DE LTAR NGES PAR 'BYED PA'I CHA DANG MTHUN PA SKYE BAR SHES PAR BYA'O, ,DE'I RJES LA RANG SANGS RGYAS KYI LAM 'CHAD PAR MDZAD PAS RE ZHIG DE DAG GI LAM SNGA MA LAS JI LTAR KHYAD ZHUGS PA NYID DU BSGRUB PA GSUNGS PA, RANG BYUNG BDAG NYID RTOGS PA'I PHYIR, GZHAN GYIS BSTAN YANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES BYA BA'O, ,RANG BYUNG BAS 'TSANG RGYA BA NYID DBANG PO RNON PO DANG BAR MA DANG CUNG ZAD RTUL BA'I BYE BRAG GIS GSUM STE, DE DAG NI SNGON THOS PA LA SOGS PA MNGON PAR 'DU BYAS PAS GZHAN GYIS BSTAN PA LA MI LTOS PAR BDAG NYID KYIS RANG GI BYANG CHUB MNGON PAR RTOGS PAR 'GYUR PA'I PHYIR DANG, YANG GI SGRAS 'PHANGS PA GZHAN DAG LA CHOS STON PA YANG SGRA LA MI LTOS PA'I PHYIR ZAB STE, GANG GI PHYIR SGRAR BRJOD PA NI RNAM PAR G-YENG BA NYID DANG, NYAN PA PO RNAMS KYIS 'CHAD PA PO'I RTZAL RTOGS PAR BYED NA BDE BLAG TU RTOGS PAR 'GYUR BA MA YIN PA'I PHYIR RO, ,LUNG DAG LAS, NYAN THOS RNAMS NI GZHAN GYIS BSTAN PA LA LTOS NAS BYANG CHUB RTOGS PAR 'GYUR ZHING, GZHAN DAG KYANG BRJOD PA DANG BCAS PAS CHOS BSTAN PAS DGE BA LA SBYOR BAR BYED DO ZHES GSUNGS PA YIN NO, ,JI LTAR NA SGRA MED PAR CHOS STON PAR RUNG SNYAM PA'I DOGS PA BSU BA'I LAN GSUNGS PA, GANG GANG DON NI GANG GANG LA, ,JI LTA JI LTA LTAR NYAN 'DOD PA, ,DE DE LA DON DE DANG DE, ,SGRA MED KYANG DE DE LTAR SNANG, ,ZHES BYA BA'O, ,'DI LTAR CHOS STON PA ZHES BYA BA'I DON NI BRJOD PAR BYA BA'I DON RTOGS PA NYAN PA PO'I RGYUD LA SHIN TU BSKRUN ZHING RAB TU BSKYED PA ZHES BYA BA 'DI YIN PAS DE DAG KYANG SMON LAM @27B LA SOGS PA'I STOBS KYIS BSTAN PAR 'DOD PA TZAM NYID LAS SGRA MED KYANG GANG DANG GANG ZHIG DON GANG DANG GANG LA RNAM PA JI LTA JI LTAR NYAN PAR 'DOD CING RIGS PA NYID DE DANG DE'I RNAM PAR SHES PA LA DON DE DANG DE DAG NYID KYANG RNAM PA DE KHO NA LTAR RNAM PAR SNANG BAR 'GYUR BAS CHOS STON PAR 'GYUR BA'I PHYIR RO, ,'DI YANG RNAM PAR MA BRTAGS SHING MA DPYAD PAR SMRA BA NI DON 'CHOL BAR 'GYUR LA, DE LAS GZHAN DU TSIG TU SBYIN PA NI SPROS PAR 'GYUR RO ZHES RIGS PA'I DBANG GIS YIN NO, ,KHYAD PAR DE DAG GIS 'PHAGS PA CAN GYI LAM DNGOS PO GSUNGS PA, GZUNG DON RTOG PA SPONG PHYIR DANG, ,'DZIN PA MA SPANGS PHYIR DANG NI, ,RTEN GYIS BSE RU LTA BU'I LAM, ,YANG DAG BSDUS PAR SHES PAR BYA, ,ZHES BYA BA'O, ,JI SKAD BSHAD PA'I BDEN PA BSGOM PA KHO NA DANG, DON JI LTA BA BZHIN DU RTEN CING 'BREL PAR 'BYUNG BA BSGOMS PAS GZUNG BA'I DON GYI RNAM PAR RTOG PA SPONG STE, MA RIG PA DANG PHUNG PO DANG BDAG LA SOGS PA LA MNGON PAR ZHEN PA RAB TU ZHI BA NYID DO, ,'DIS NI NYAN THOS RNAMS LAS RTOGS PA'I KHYAD PAR STON TO, ,'ON KYANG CHOS THAMS CAD BDAG MED PAR SHIN TU GOMS PAR MA BYAS PAS 'DZIN PA'I DON GYI RNAM PAR RTOG PA SPONG BA MA YIN TE, PHUNG PO LA SOGS PA LA MTSAN MAR 'DZIN PA DANG MA BRAL BA'I PHYIR RO, ,'DIS NI THEG PA CHEN PO LAS DMAN PA'I KHYAD PAR BSTAN PA'O, ,YE SHES LA SOGS PA ZAB PA DANG BCAS PA'I CHOS NYID BSGRUB PA LA SOGS PA'I RTEN GYI KHYAD PAR DANG LDAN PA YANG YIN TE, DE LTAR RANG SANGS RGYAS KYI LAM YANG DAG PAR BSDUS PA NI, MI DMIGS PA'I SGO NAS BYANG CHUB SEMS DPAS SHES PAR BYA'O, ,LAM DE SNGON DU 'GRO BAS NGES PAR 'BYED PA'I CHA DANG MTHUN PA GANG DAG YIN ZHE NA; DE YI YAN LAG RNAM PA BZHI GSUNGS PA, BTAGS PA'I CHOS NYID MI 'GAL BAR, ,STON PA'I RNAM PA DROR GYUR PA, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,NANG STONG NYID LA SOGS PA YIS, ,GZUGS SOGS MI 'DZIN @28A *, ,PHYIR BZOD PA, ,GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,CES BYA BA'O, ,GZUGS LA SOGS PA KUN RDZOB TU BRDAR BTAGS SHING BRJOD PAR BYA BA DANG, DON DAM PAR BRJOD PAR BYA BA YIN PA'I CHOS NYID DAG MI 'GAL BAR RAB TU STON PA CAN DRO BAR GYUR PA DANG, GZUGS LA SOGS PA LA DON DAM PAR KUN NAS NYON MONGS PA DANG RNAM PAR BYANG BA DE BDAG NYID KYI 'PHEL BA DANG 'GRIB PA MED PA LA SOGS PA'I DON DU BSLAB PA CAN RTZE MOR GYUR PA DANG, NGO BO NYID KYIS STONG PA NYID KYI PHYIR GZUGS LA SOGS PA LA NANG DANG PHYI DANG GNYI GA LA SOGS PA STONG PA NYID KYIS YONGS SU MI 'DZIN PA CAN BZOD PAR GYUR PA DANG, GZUGS LA SOGS PA LA SKYE BA DANG 'GAG PA LA SOGS PA MED PA'I RNAM PA CAN CHOS KYI MCHOG TU GYUR PA STE, BDEN PA RNAMS LA NGES PAR 'BYED PA'I YAN LAG DE LTAR SKYE BAR RIG PAR BYA'O, ,DE'I RJES LA BYANG CHUB SEMS DPA'I LAM BSHAD PAR BYA BA YIN PAS THOG MAR MTHONG BA'I LAM GSUNGS PA, BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,ZHES BYA BA'O, ,SDUG BSNGAL LA SOGS PA'I BDEN PA LA CHOS SHES PA'I BZOD PA DANG, CHOS SHES PA DANG, DE BZHIN DU BDEN PA DE DAG LA RJES SU SHES PA'I BZOD PA DANG, RJES SU SHES PA ZHES BYA BA SKAD CIG MA RNAM PA BZHI STE, RANG GI NGO BO LA TSAD MAR GYUR PA SKAD CIG MA GCIG DANG, RIGS DANG KHYAD PAR DANG BDEN PA'I RAB TU DBYE BA GNYIS DANG, BZHI DANG BCU DRUG GI MTSAN NYID CAN TSE 'DI DANG GZHAN PA'I PHAN YON DANG LDAN PA NI, BYANG CHUB SEMS DPA'I LAM SHES PA NYID KYI SKABS SU MTHONG BA'I LAM YIN PAR BSTAN NO, ,BDEN PA RNAMS LA MNGON PAR RTOGS PA'I SKAD CIG MA DAG GI RNAM PA GANG DAG YIN ZHE NA, SDUG BSNGAL LA SOGS PA RE RE LA BZHI BZHIR RNAM PAR DBYE BAS RNAM PA BCU DRUG GSUNGS PA, DE @28B BZHIN NYID DANG SANGS RGYAS DAG ,PHAN TSUN RTEN PA RTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MA MED BCAS DANG, ,TSAD MED PA DANG MTHA' MED DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS LA SOGS DANG STONG NYID DANG, ,SANGS RGYAS NYID NI 'THOB PA DANG, ,RNAM PAR BYANG CHUB YONGS BSDUS DANG, ,NYAM NGA BA DANG NAD KUN SEL, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYIS BSRUNG LA SOGS, ,SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB TU BSNGO BA, ,LAM SHES NYID KYI SKAD CIG MA, ,ZHES BYA BA'O, ,DON DAM PA'I TSUL NYID KYIS YUL GANG YIN PA DE BZHIN NYID DANG, RTOGS PA GANG YIN PA SANGS RGYAS DAG RTEN DANG BRTEN PA'I DNGOS PO MED PAS DE'I PHYIR DE DAG PHAN TSUN RNAM GRANGS KYIS GNAS PAR KHAS MI LEN CING MI STON PA DANG, CHOS KYI DBYINGS KYI NGO BO NYID KYIS GZUGS DBEN PA'I BDAG NYID CHEN PO NYID DANG, ,DE BZHIN DU DE DAG LA GZHAL BAR BYA BA LAS YANG DAG PAR 'DAS PAS TSAD MED PA DANG, SNGA MA LTAR NAM MKHA' TSAD MED PA NYID RDUL PHRA RAB LA SOGS PA TSAD MED PA ZHES BYA BA BZHIN NI SDUG BSNGAL GYI BDEN PA LA CHOS SHES PA'I BZOD PA LA SOGS PA'I RNAM PA DAG YIN NO, ,NGO BO NYID MED PA NYID KYIS GZUGS LA SOGS PA LA RTAG PA DANG CHAD PA'I MTHA' LA SOGS PA DANG, CHOS KYI DBYINGS NGO BO NYID KYIS GZUGS LA SOGS PA'I BDAG NYID DU GNAS PA NI LHA DANG BCAS PA'I 'JIG RTEN GYI SANGS RGYAS NYID DU DES PAR GZUNG BAR BYA BA DANG, DE'I GZHAN DU DE LA GNAS PAS CHOS THAMS CAD BLANG BA DANG DOR BA MED PA NYID DANG, BDAG NYID MED PA SNGON DU 'GRO BA NYID KYIS TSAD MED PA BZHI BSGOM PA ZHES BYA BA BZHI NI KUN 'BYUNG BA'I BDEN PA LA CHOS SHES PA'I BZOD PA LA SOGS PA'I RNAM PA DAG GO, ,GNYUG MA'I RANG BZHIN KHO NAS @29A *, ,GZUGS LA SOGS PA'I NGO BO STONG PA NYID DANG, DE NYID DANG RO GCIG PA NYID KYIS DGE BA'I RTZA BA RNAMS KYI 'BRAS BU DE BZHIN GSHEGS PAR BSNGOS PAS DE 'THOB PAR BYED PA DANG, DE BZHIN DU RNAM PAR BYANG BA'I CHOS THAMS CAD RNAM PA THAMS CAD DU SHES RAB KYI PHA ROL TU PHYIN PA NYID DU BSDUS PA DANG, DE BZHIN NYID KYIS PHYI DANG NANG GI YA NGA BA DANG NAD LA SOGS PA'I 'TSE BA RAB TU ZHI BA ZHES BYA BA BZHI NI 'GOG PA'I BDEN PA LA CHOS SHES PA'I BZOD PA LA SOGS PA'I RNAM PA DAG GO, ,RANG BZHIN MED PA RNAM PAR SGOM PA KHO NAS MYA NGAN LAS 'DAS PA NYID THOB PAR BYA BAR MNGON PAR ZHEN PA DANG BRAL PA DANG, SHES RAB DANG THABS MKHAS PA LA ZHUGS PA NYID KYIS SANGS RGYAS RNAMS KYIS BSRUNG BA DANG BSKYAB PA DANG SBA BA DAG MDZAD PA DANG, SANGS RGYAS NYID MNGON PAR 'DOD PAS SROG GCOD PA SPONG BA LA SOGS PA LA BDAG NYID GNAS SHING GZHAN YANG DAG PAR 'GOD PA DANG, MI ZAD CING PHUN SUM TSOGS PAR BYA BA NYID KYIS SBYIN PA LA SOGS PA THAMS CAD YANG DAG PAR RDZOGS PA'I BYANG CHUB TU BSNGO BAR BYA BA BZHI NI LAM GYI BDEN PA LA CHOS SHES PA'I BZOD PA LA SOGS PA'I RNAM PA DAG YIN TE, DE LTAR NA LAM SHES PA NYID KYI SKAD CIG MA BCU DRUG YIN NO, ,DE'I PHYIR TSIG LE'UR BYAS PA'I DON NYE BAR MTSON PA LHUR LEN PA'I GZHUNG GIS SKAD CIG MA BCU DRUG GIS YE SHES NYI TSE BA BSTAN PAR MA ZAD, RNAM PA DANG BCAS PA'I DON NYID KYANG RNAM PAR MTSON PAR ZAD DO ZHES RIG PAR BYA'O, ,DE'I RJES LA MTHONG BA'I DON GOMS PAR BYA BA BRJOD PAR RIGS PA LAS BRJOD PAR BYA BA NYUNG BA NYID DANG, 'BRAS BU SHES PAS DE LA GZHOL BAR BA SGRUB PA'I PHYIR BSGOM PA'I LAM GYI BYED PA GSUNGS PA, ,KUN NAS DUL DANG THAMS CAD LA, ,'DUD DANG NYON MONGS LAS RGYAL DANG, ,GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES BYA BA'O, ,RNAL 'BYOR DANG LDAN PAS, RNAM PA THAMS CAD DU SEMS LA RANG @29B DBANG NYID DU BYED PA DANG, NGA RGYAL DANG BRAL PAS SKYE BO THAMS CAD BLA MAR GYUR PA RNAMS LA RAB TU 'DUD PA DANG, GNYEN PO STOBS DANG LDAN PA NYID THOB PAS 'DOD CHAGS LA SOGS PA'I G-YUL LAS RGYAL BA DANG, RNAM PA THAMS CAD MKHYEN PA NYID KYI SEMS KYIS SHES RAB KYI PHA ROL PHYIN PA SHIN TU BSGOMS PAS PHA ROL GYI GNOD PA RJES SU BSGRUB PA'I YUL DU MI 'GYUR PA DANG, RGYUR GYUR PA'I PHA ROL TU PHYIN PA YONGS SU BSGOMS SHING RDZOGS PAR BYAS PAS 'BRAS BU YANG DAG PAR RDZOGS PA'I BYANG CHUB DANG NYE BAR GYUR PA DANG, YON TAN BSAM GYIS MI KHYAB PA'I GZHIR GYUR PAS MCHOD PAR BYA BA'I RTEN NYID DU BYED PA STE, BSGOM PA'I LAM LA GNAS PA RNAMS KYI BYED PA NI DRUG PO DE DAG GO, ,DRUG PO DE'I 'OG TU YON TAN DE DAG GANG GIS THOS PA DANG, BSGOM PA'I LAM NYID 'CHAD PAR MDZAD PAS RE ZHIG ZAG PA DANG BCAS PA'I BSGOM PA'I LAM DANG PO MOS PA YID LA BYED PA GSUNGS PA, ,MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM SHES BYA DE YANG NI, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CHUNG NGU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,CES BYA BA'O, ,RANG DANG GNYIS KA DANG GZHAN KHO NA'I DON LA DMIGS PA NYID DANG POR MNGON DU MI BYED NA YANG JI LTAR MOS PA BZHIN MTHONG BAS DGE BA'I CHOS KYI RTEN DU GYUR PA GSUM DU SHES PAR BYA'O, ,DE DAG KYANG RE RE ZHING CHUNG NGU LA SOGS PA'I BYE BRAG GIS RNAM PA GSUM GSUM DANG, DE YANG SO SOR CHUNG NGU'I CHUNG NGU LA SOGS PA'I RNAM PAR DBYE BA GSUM GSUM GYIS DGU DGU STE, DE LTAR DGU PHRAG GSUM GYIS MOS PA NYI SHU RTZA BDUN NO; ,DE LA SHES RAB KYI PHA ROL TU PHYIN PA LA MOS PA NI DE BZHIN GSHEGS PA'I SKU GDUNG LA MCHOD PA BAS LHAG GO ZHES BYA BA DANG, DE'I CHE BA MA SHES PAS NYUNG BA'I DON LA MOS PA NYID DANG, SANGS RGYAS BZHUGS SAM MI BZHUGS KYANG RUNG STE STON PA NYID DU 'DU SHES PA @30A *, ,ZHES BYA BA DAG NI RANG GI DON CAN GYI MOS PA CHUNG NGU'I CHUNG NGU LA SOGS PA YIN NO, ,RING BSREL GYI SNYING PO CAN GYI MCHOD RTEN BYE BA BYAS PA DANG, 'DZAM BU'I GLING GANG BA NYID DANG, GLING BZHI GANG BA LA MCHOD PA BAS LHAG GO ZHES BYA BA DAG NI 'BRING GI CHUNG NGU LA SOGS PA YIN NO, ,DE LTA BU'I MCHOD RTEN STONG SPYI PHUD DANG, STONG GNYIS PAR MA DANG, STONG GSUM GANG BA LA MCHOD PA BAS LHAG GO ZHES BYA BA DAG NI CHEN PO'I CHUNG NGU LA SOGS PA YIN NO, ,STONG GSUM GYI SEMS CAN RE RES DE LTA BU'I MCHOD RTEN MCHOD PA NYID DANG, DKON MCHOG GSUM GYI GDUNG RGYUN MI 'CHAD PAR BYED CING LHA MA YIN GYI G-YUL ZLOG PAR BYED PA NYID DANG, PHA ROL TU PHYIN PA LNGA YONGS SU RDZOGS PAR BYA BA BAS LHAG GO ZHES BYA BA DAG NI RANG DANG GZHAN GNYIS KA'I DON CAN GYI MOS CHUNG NGU'I CHUNG NGU LA SOGS PA YIN NO, ,'JIG RTEN DANG NYAN THOS LAS KHYAD PAR DU 'PHAGS PA'I PHUNG PO LNGA THOB PA NYID DANG, LHA RNAMS KYI SPOBS PA NYE BAR BSGRUB PA NYID DANG, SKYE BO DAM PA RNAMS KYIS BKUR BAR BYA'O ZHES BYA BA DAG NI 'BRING GI CHUNG NGU LA SOGS PA YIN NO, ,SBYIN PA LA SOGS PA GZHAN GYIS MI 'PHROGS PA NYID DANG, LHA RNAMS LA CHOS KYI SBYIN PA MCHOG TU 'GYUR BA NYID DANG, LUS DANG SEMS RAB TU DANG ZHING GZI BRJID SKYED PA LA SOGS PA DAG NI CHEN PO'I CHUNG NGU LA SOGS PA YIN NO, ,PHYOGS BCU'I SANGS RGYAS 'KHOR DANG BCAS PA MCHOD PA BAS LHAG GO ZHES BYA BA DANG; 'DZAM BU'I GLING SKU GDUNG GIS GANG BA BAS GDAMS PAR BYA BA NYID DANG, NGAN 'GRO DANG THEG PA DMAN PA'I 'JIGS PA DANG BRAL BA ZHES BYA BA DAG NI GZHAN GYI DON CAN GYI MOS PA CHUNG NGU'I CHUNG NGU LA SOGS PA YIN NO, ,STONG GSUM GYI 'JIG RTEN GYI KHAMS SKU GDUNG GIS GANG BABS GDAMS PAR BYA BA DANG, PHYOGS BCU'I DE BZHIN GSHEGS PA RNAMS KYI GSUNG RAB MTHA' DAG BSTAN PA NYID 'DRA BA NYID DANG, RGYAL PO LTAR 'JIGS PA THAMS CAD LA YANG BA MED PA ZHES BYA BA DAG NI 'BRING GI CHUNG NGU LA SOGS PA YIN NO, ,PHYOGS BCU'I 'JIG @30B RTEN GYI KHAMS SKU GDUNG GIS GANG BA BAS GDAMS PAR BYA BA DANG, DUS GSUM GYI 'PHAGS PA THAMS CAD KYI BYANG CHUB RJES SU 'THOB PA NYID DANG PHA ROL TU PHYIN PA DRUG YONGS SU RDZOGS PA'I SNGON DU 'GRO BA ZHES BYA BA DAG NI CHEN PO'I CHUNG NGU LA SOGS PA YIN NO, ,PHYOGS BCUR MOS PA DE DAG SGOM PA'I BYANG CHUB SEMS DPA' NI CHER SPRO BA BSKYED PA'I MNGON SUM DU SANGS RGYAS LA SOGS PA YON TAN YANG DAG PAR BRJOD PAR MDZAD PAR 'GYUR BAS BSTOD PA LA SOGS PA GSUNGS PA, SHES RAB PHA ROL PHYIN PA LA, ,MOS PA'I GNAS SKABS RNAMS LA NI, ,DGU TSAN GSUM GYIS BSTOD PA DANG, ,BKUR BA DANG NI BSNGAGS PAR 'DOD, ,CES BYA BA'O, ,SHES RAB KYI PHA ROL TU PHYIN PA LA JI LTAR BA MOS PA BZHIN MTHONG BA'I CHOS KYI MTSAN NYID MOS PA YID LA BYED PA DANG PO LA BSTOD PA DANG, GNYIS PA LA BKUR BA DANG, GSUM PA LA BSNGAGS PA RNAMS GSUNGS PAS GONG NAS GONG DU MNGON PAR DGA' BA DANG, DANG BA DANG, GUS PAR BYED PAR 'GYUR BAR 'DOD DE, 'DI LTAR SHES RAB KYI PHA ROL TU PHYIN PA BDAG NYID 'DZIN PA BAS SLONG PA LA SBYIN PA DON CHE BA NYID DANG, DE BAS SNOD DU RUNG BA'I DRUNG DU SONG STE BYIN PA DANG, 'DZAM BU'I GLING GI SEMS CAN DGE BA BCU LA BKOD PA BAS SEMS CAN GCIG NYID 'BRAS BU DANG PO LA BKOD PA DANG, GNYIS PA LA BKOD PA DANG, GSUM PA LA BKOD PA DANG, BZHI PA LA BKOD PA DANG, RANG BYANG CHUB LA BKOD PA BAS DON CHE BA NYID DANG, 'DZAM BU'I GLING GI SEMS CAN THAMS CAD 'BRAS BU DANG PO LA BKOD PA BAS SEMS CAN GCIG NYID RDZOGS PA'I BYANG CHUB LA BKOD PA DANG, 'DZAM BU'I GLING GI SEMS CAN THAMS CAD 'BRAS BU GNYIS PA LA BKOD PA BAS DON CHE'O ZHES BYA BA RNAMS NI BSTOD PA RNAMS PA DGU YIN NO, ,SEMS CAN GCIG NYID RDZOGS PA'I NBYANG CHUB LA BKOD NA 'DZAM BU'I GLING GE SEMS CAN THAMS CAD 'BRAS BU GSUM PA LA BKOD PA BAS DON CHE BA DANG, BZHI BA LA BKOD PA DANG, RANG BYANG CHUB LA BKOD PAS BAS DON CHE BA NYID DANG, 'DZAM BU'I GLING GE SEMS CAN DGE BA BCU'I LAS KYI LAM LA BKOD PA BAS 'DI'I GLEGS BA MA BSGRUB @31A *, ,PA'I PHYIR BYIN PA DON CHE BA NYID DANG, 'DI'I DON GNYIS SU MED PAR STON PA DANG, 'DI'I DON DANG YI GE DANG LDAN PAR STON PA DON CHE BA NYID DANG, PHYOGS BCU'I SANGS RGYAS LA MCHOD PA BAS 'DI'I DON DANG YI GE MA NOR BAR STON PA DON CHE BA NYID DANG, DMIGS PA'I TSUL GYIS BSKAL PA GRANGS MED PAR PHA ROL TU PHYIN PA DRUG LA SPYAD PA BAS MI DMIGS PA'I TSUL GYIS 'DI'I DON DANG YI GE DANG LDAN PAR STON PA DON CHE BA DANG, PHYOGS BCU'I BAR GYI SEMS CAN THAMS CAD 'BRAS BU DANG PO LA BKOD PA BAS 'DI'I DON DANG YI GE DANG LDAN PAR BSTAN CING GDAMS NA DON CHE'O ZHES BYA BA RNAMS NI BKUR BA RNAM PA DGU YIN NO, ,'DZAM BU'I GLING GI SEMS CAN 'BRAS BU GNYIS PA LA BKOD PA BAS DON CHE BA NYID DANG, GSUM PA LA BKOD PA DANG, BZHI PA LA BKOD PA DANG, RANG BYANG CHUB LA BKOD PA DANG, RDZOGS PA'I BYANG CHUB LA BSKUL BA BAS DON CHE BA NYID DANG, GLING BZHI'I SEMS CAN THAMS CAD LA RDZOGS PA'I BYANG CHUB LA BSKUL BA DANG, STONG SPYI PHUD DANG, STONG GNYIS PA DANG, STONG GSUM GYI SEMS CAN THAMS CAD LA BSKUL BA DANG, PHYOGS BCU'I BAR GYI SEMS CAN THAMS CAD PHYIR MI LDOG PA LA BKOD PA BAS PHYIR MI LDOG PA 'GA' ZHIG MYUR DU RDZOGS PA'I BYANG CHUB KYI PHYIR STON CING NYE BAR GDAMS PA DON CHE'O ZHES BYA BA RNAMS NI BSNGAGS PA RNAM PA DGU YIN TE, 'DI DAG NI DON YANG DAG PA JI LTA BA BZHIN THOB PA'I MTSAN NYID CAN YIN GYI GCAM BU'I NGO BO NI MA YIN NO, , MOS PA RNAM PAR BSAGS PA'I DGE BA'I RTZA BA RNAMS NI CHUD MI ZA ZHING 'BRAS BU MCHOG GI RGYUR YONGS SU BSGRUB DGOS PAS DE'I RJES LA BSNGO BA YID LA BYED PA GSUNGS PA, YONGS SU BSNGO BA KHYAD PAR CAN, ,DE YI BYED PA MCHOG YIN NO, ,DE NI DMIGS MED RNAM PA CAN, ,PHYIN CI MA LOG MTSAN NYID DO, ,BDEN DANG SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,THABS BCAS MTSAN MA MED PA DANG, ,SANGS RGYAS RJES SU YI RANG DANG, ,KHAMS GSUM GTOGS PA MA YIN DANG, ,CHUNG DANG 'BRING DANG @31B CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO, ,ZHES BYA BA'O, ,BLA NA MED PA'I BYANG CHUB LA SOGS PA YUL KHYAD PAR THEG PA GSUM GYI LAM STON PA'I RGYUR GYUR PA NYID KYIS BYED PA MCHOG TU GYUR PA DANG, DER BSNGO BA RAB TU DBYE BA NI BSNGO BAR BYA BA NYID KYIS RDZAS YANG DAG PAR MI DMIGS PA, BSNGO BA BYED PA NYID SEMS PHYIN CI MA LOG PA'I MTSAN NYID DANG, BSNGOS PA'I 'BRAS BU BSOD NAMS MNGON PAR 'DU BYA BA DANG, BYED PA POS DBEN PA DANG, DUS GSUM GYI DE BZHIN GSHEGS PA'I DGE BA'I RTZA BA'I TSOGS KYI RANG BZHIN DAG SKYE BA DANG 'GAG PA MED PA DANG THA MI DAD PA DRAN PA DANG, THABS LA MKHAS PAS PHA ROL TU PHYIN PA DRUG GI DGE BA'I RTZA BAR MA ZHEN PA DANG, BKAG PA NYID KYIS MTSAN MAR 'DZIN PA MED PA DANG, KUN RDZOB DANG DON DAM PA'I MTSAN NYID KYIS NGO BO NYID MED PA'I NGO BOS YONGS SU BSNGO BAS SANGS RGYAS DGYES PA DANG, KHAMS GSUM LAS 'DAS PAR BSNGO BAS KHAMS GSUM PAR GTOGS PA MA YIN PA DANG, DGE BA BCU LA SOGS PA'I LAS KYI LAM LA GNAS PA STE CHUNG NGU DANG, RGYUN TU ZHUGS PA LA SOGS PA LA GNAS PA STE 'BRING DANG, BLA NA MED PA'I BYANG CHUB LA GNAS PA CHEN PO STE, STONG GSUM GYI SEMS CAN THAMS CAD DGE BA BCU DANG, TSAD MED PA LA SOGS PA LA BKOD PA BAS DON CHE'O ZHES BYA BA LA SOGS PAS BSOD NAMS CHEN PO 'BYUNG BA'O, ,DE LTAR NA BYANG CHUB SEMS DPA' MI DMIGS PA LA DMIGS PA'I BDAG NYID KYI DGE BA'I RTZA BA BLA NA MED PA YANG DAG PAR RDZOGS PA'I BYANG CHUB TU BSNGO BA'I MTSAN NYID NI RNAM PA BCU GNYIS YIN NO, ,YONGS SU BSNGO BA'I BSOD NAMS KYI PHUNG PO GYA NOM PA NI MNGON PAR YONGS SU SPEL BAR BYA BA'I PHYIR RJES SU YI RANG BA YID LA BYED PA GSUNGS PA, THABS DANG MI DMIGS PA DAG GIS, ,DGE BA'I RTZA LA YI RANG BA, ,RJES SU YI RANG YID BYED PA, ,BSGOM PA YIN PAR 'DIR BRJOD DO, ,ZHES BYA BA'O, ,RANG DANG GZHAN GYIS DUS GSUM DU BYAS PA'I DGE BA'I RTZA BA ZAD PA DANG BCAS PA DANG CIG SHOS DAG LA RAB TU DGA' BA'I SEMS KYIS KUN RDZOB TU THABS LA @32A *, ,MKHAS PAS DMIGS PA 'GA' YANG MED PAS KUN NAS RJES SU YI RANG BAR BYED PA NI BSGOM PA'I LAM GYI SKABS 'DIR TSEGS CHUNG NGUS BSAM GYIS MI KHYAB PA'I BSOD NAMS MNGON PAR 'PHEL BAR BYED PA YIN NO, ,DE LA MOS PA DANG BSNGO BA DANG RJES SU YI RANG BA YID LA BYED PA 'DI DAG GIS NI GO RIMS LTAR 'BYUNG KHUNGS NAS GSER GYI GAR BU BZHIN DU BSOD NAMS MNGON PAR 'DU BYED PA NYID DANG, GSER MKHAN GYIS RGYAN BZHIN DU BLA NA MED PA'I YAN LAG TU BSGYUR BA DANG, SKYE BO RAB TU MANG PO LA MDZES PAR 'GYUR BA BZHIN DU DPAG TU MED PA'I DGE BA'I RTZA BA SHIN TU 'PHEL BAR BYED DO ZHES BYA BA 'DI BRJOD PA YIN NO, ,DE'I 'OG TU ZAG PA MED PA'I BSGOM PA'I LAM BSTAN PAR BYA BA LAS DANG POR YON TAN MNGON PAR SGRUB PA'I MTSAN NYID KYI BSGOM PA'I LAM GSUNGS PA, DE YI NGO BO NYID MCHOG NYID, ,KUN LA MNGON PAR 'DU MI BYED; ,CHOS RNAMS DMIGS SU MED PAR NI, ,GTOD PAR BYED PA DON CHEN NYID, ,CES BYA BA'O, ,GZUGS LA SOGS PA LA RANG GI CHOS NYID JI LTAR RTOGS PA NGO BO NYID DANG, DMIGS PA DANG BCAS PA'I DGE BA'I RTZA BA THAMS CAD ZIL GYIS GNON PAS MCHOG NYID DANG, CHOS THAMS CAD LA SKYE BA DANG 'GAG PA LA SOGS PA'I MTSAN MAR MI 'DZIN PAS MNGON PAR 'DU BYA BA MED PA NYID DANG, DE LTA BU'I LAM GYIS 'DUS BYAS DANG 'DUS MA BYAS LA SOGS PA'I CHOS MTHA' DAG MI DMIGS PA NYID DU RNAL 'BYOR BA'I RGYUD LA SKYED CING GTOD PA DANG, MI GNAS PA'I MYA NGAN LAS 'DAS PA NYID KYI 'BRAS BUR BYED PAS DON CHEN PO NYID DO, ,SGRUB PA DANG LDAN PA LA RNAM PAR DAG PA'I LAM BSGOM PA 'BYUNG BAS DE BSHAD PA'I PHYIR GANG ZHIG YONGS SU GZUNG BA DANG DOR BAS 'DI SKYE BA DANG MI SKYE BA'I RGYU SNGON DU GSUNGS PA, SANGS RGYAS BSTEN DANG SBYIN SOGS DANG, , THABS LA MKHAS PA GANG YIN PA, ,'DI LA MOS PA'I RGYU DAG YIN, ,CHOS KYIS PHONGS PA'I RGYU DAG NI, ,BDUD KYI THIBS KYIS NON PA DANG, ,ZAB MO'I CHOS LA MA MOS DANG, ,PHUNG PO LA SOGS MNGON ZHEN DANG, ,SDIG PA'I GROGS POS YONGS ZIN PA'O, ,ZHES BYA BA'O, ,SANGS RGYAS @32B BSTEN PA LA SOGS PA YUN RING POR BSNYEN BKUR ZHING DRI BA BYAS PA DANG, PHA ROL TU PHYIN PA DRUG BSGRUB CING THEG PA CHEN PO'I TSUL BSRUNG BA DANG, 'DI LA MNYAM PAR 'JOG PA NYID KYI THABS LA MKHAS PA GANG YIN PA DE NI RNAM PAR DAG PA'I LAM 'DI LA MOS SHING SKYE BAR 'GYUR BA'I RGYU YIN NO, ,SNGON DGE BA'I RTZA BA MA BSAGS PAS BDUD KYI BYIN GYIS BRLABS PA DANG, THEG PA CHEN PO'I RIGS MA SBYANGS PAS CHOS ZAB MO LA MA MOS PA DANG, BDAG MED PA NYID KYI DON LA LEGS PAR GOMS PA MED PAS PHUNG PO LA SOGS PAR MNGON PAR ZHEN PA DANG, DGE BA'I BSHES GNYEN LA 'DRIS PAR MA BYAS PAS SDIG PA'I GROGS POS ZIN PA DAG NI 'DI MI SKYE ZHING CHOS KYIS PHONGS PAR 'GYUR BA'I RGYU YIN NO, ,DE'I RJES LA SKABS SU BAB PA'I RNAM PAR DAG PA SPYIR GSUNGS PA, 'BRAS BU DAG LA GZUGS LA SOGS, ,DAG PA NYID DE GANG GI PHYIR, ,DE GNYIS THA DAD MA YIN ZHING, ,GCAD DU MED PAS DAG PAR BRJOD, ,CES BYA BA'O, ,'DI LTAR 'PHAGS PA'I GANG ZAG RNAMS KYI 'BRAS BU GANG YIN PA DE NI MI MTHUN PA'I PHYOGS THAMS CAD DANG BRAL BA NYID KYIS RNAM PAR DAG PA YIN LA, DE NYID GZUGS LA SOGS PA RNAM PAR DAG PA YIN TE, 'BRAS BU DANG GZUGS LA SOGS PA RNAM PAR DAG PA NI DE LA BDAG TU MNGON PAR ZHEN PA LA SOGS PA DANG BRAL BAS RAB TU PHYE BA NYID KYIS GANG GI PHYIR DE DAG GI RNAM PAR DAG PA RANG DANG SPYI'I MTSAN KYIS THA MI DAD CING GCAD DU MED PA NYID DE, DE'I PHYIR DE LTAR RNAM PAR DAG PAR BRJOD DO, ,DE'I RJES LA RNAM PAR DAG PA BYE BRAG TU GSUNGS PA, NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ,SANGS RGYAS RNAM KUN SHIN TU BA, ,ZHES BYA BA'O, ,GANG ZAG TU LTA BA DANG 'BREL BA'I 'DOD CHAGS LA SOGS PA'I NYON MONGS PA SPANGS PA NI NYAN THOS RNAMS KYI DAG PA DANG, GZUNG BAR LTA BA DANG 'BREL BA SHES BYA'I SGRIB PA'I PHYOGS GCIG SPANGS PA NI RANG SANGS RGYAS RNAMS KYI DAG PA DANG, GANG ZAG DANG CHOS SU LTA BA DANG 'BREL PA THEG PA GSUM GYI LAM GYI SGRIB PA GSUM @33A *, ,SPANGS PA NI BYANG CHUB SEMS DPA' RNAMS KYI DAG PA YIN NO, ,LTA BA THAMS CAD DANG 'BREL BA NYON MONGS PA DANG SHES BYA'I SGRIB PA BAG CHAGS DANG BCAS PA RNAM PA THAMS CAD DU SPANGS PA NI SHIN TU RNAM PAR DAG PA YANG DAG PAR RDZOGS PA'I SANGS RGYAS RNAMS KYI YIN PAR BLTA'O, ,JI LTAR NA BYANG CHUB SEMS DPA' DANG SANGS RGYAS KYI DAG PA'I SGRIB PA RNAM PAR DAG PA YIN PAR BRTAG CE NA, GNYEN PO DGUS SPANG BAR BYA BAR RNAM PAR BSAL BA'I TSUL GSUNGS PA, SA DGU LA NI CHEN PO YI, ,CHEN PO LA SOGS DRI MA YI, ,GNYEN PO CHUNG NGU'I CHUNG NGU LA, , SOGS PA'I LAM NI DAG PA YIN, ,ZHES BYA BA'O, ,'DOD PA'I KHAMS DANG BSAM GTAN BZHI DANG GZUGS MED PA'I SNYOMS PAR 'JUG PA BZHI DAG STE, SA DGU LA LAM CHUNG NGU'I CHUNG NGU LA SOGS PA RNAM PA DGU NYID KYIS GO RIMS LTAR MI MTHUN PA'I PHYOGS CHEN PO'I CHEN PO LA SOGS PA RNAM PA DGU'I DRI MA SEL BAR BYED PA'I PHYIR TE, GOS LA DRI MA PHRA MO BSAL BA LA BTZO BLAG MKHAN CHEN THANG DU 'BAD PA LA SOGS PA BZHIN NO, ,CI'I PHYIR YANG DAG PAR RDZOGS PA'I SANGS RGYAS RNAMS KYI RNAM PAR DAG PA SHIN TU RAB TU BRJOD CE NA, DE'I PHYIR MA LUS PA'I GNYEN PO PHUL DU GYUR PA RDZOGS PA'I MTSAN NYID GSUNGS PA, DE LA KLAN KA SPANGS PA YIS, ,LAM NI 'JAL DANG GZHAL BYA DAG ,MNYAM PA NYID KYIS KHAMS GSUM GYI, ,GNYEN PO NYID DU 'DOD PA YIN, ,ZHES BYA BA'O, ,CHOS THAMS CAD MNYAM PA NYID LA SPANG BAR BYA BA DANG GNYEN PO MI 'THAD DO ZHES PA DANG, DE BZHIN DU DOR BA DANG BLANG BAR BYA BA DANG, THOB PA DANG MNGON PAR RTOGS PA MI RUNG NGO ZHES BYA BA'I KLAN KA DAG BDEN PA GNYIS LA BRTEN PA'I LAM GYIS RNAM PAR BSAL TE, DE'I PHYIR SANGS RGYAS KYI NI MNYAM PA NYID GANG YIN PA KHAMS GSUM PA'I RNAM PA CAN GYI SHES PA DANG SHES PAR BYA BA DAG MI DMIGS PA NYID KYIS DRI MAR GYUR PA MTHA' DAG GI GNYEN PO YONGS SU RDZOGS PA MTHAR PHYIN PA'I RNAM PAR DAG PA SHIN TU BA YIN PAR 'DOD DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I @33B RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS GNYIS PA'I 'GREL PA'O,, ,,LAM THAMS CAD LEGS PAR YONGS SU SHES PA NYID KYANG GZHI THAMS CAD SHES PA LA RAG LAS PAS DANG POR YANG DAG PA'I MTSAN NYID CAN GYI GZHI THAMS CAD SHES PA GSUNGS PA, TSU ROL PHA ROL MTHA' LA MIN, ,DE DAG PAR NA MI GNAS PAS, ,DUS RNAMS MNYAM PA NYID SHES PHYIR, ,SHES RAB PHA ROL PHYIN PAR 'DOD, ,CES BYA BA'O, ,DUS GSUM PA'I CHOS THAMS CAD GDOD MA NAS SKYE BA MED PA'I BDAG NYID DU MNYAM PA NYID DU RTOGS PAS SHES RAB DANG SNYING RJE YANG DAG PA NYID KYIS TSUL ROL DANG PHA ROL GYI MTHA' 'KHOR BA DANG MYA NGAN LAS 'DAS PA RTAG PA DANG CHAD PA'I MTSAN NYID DANG, DE DAG GI BAR NA YANG MI GNAS PA'I PHYIR YANG DAG PA NYID KYI GZHI THAMS CAD SHES PA'I SHES RAB KYI PHA ROL TU PHYIN PAR 'DOD DO, , 'DIS NI NYAN THOS LA SOGS PA LA DUS RNAM PA GSUM MNYAM PA NYID SHES PA MED PA'I PHYIR RANG GI RTOGS PA TZAM GYI SHES RAB KYI PHA ROL TU PHYIN PAR ZAD PAS SHES RAB DANG SNYING RJE DANG BRAL TE, DNGOS PO DANG DNGOS PO MED PAR DMIGS PA NYID KYIS SRID PA DANG ZHI BA'I MTHA' LA GNAS PAR BSTAN TO, ,GANG GIS MI GNAS PA'I MTSAN NYID CAN SHES RAB KYI PHA ROL TU PHYIN PA DE LA RING BA DANG NYE BAR 'GYUR ZHE NA, DE RANG GI RGYU MTSAN GSUNGS PA, DE NI MTSAN MAR DMIGS SGO NAS, ,THABS MA YIN PAS RING BA STE, ,DE NI THABS LA MKHAS PA YIS, , YANG DAG NYE BA NYID DU BSHAD, ,CES BYA BA'O, ,SKYE BO PHAL PO CHE'I TSOGS KYIS SGYU MA'I RTEN CING 'BREL PAR 'BYUNG BA'I DE KHO NA NYID MA SHES PAS YUL SO SO LA MNGON PAR ZHEN PAR 'GYUR BA BZHIN DU, NYAN THOS LA SOGS PA NI YANG DAG PA'I DGE BA'I BSHES GNYEN LA SOGS PA THABS LA MKHAS PA DANG BRAL BAS DNGOS PO RNAMS LA MING DANG DON GYI MTSAN MAR DMIGS PA'I SGO NAS MTSAN MA MED PA'I YUM 'DI LAS RING BAR GYUR LA, SGYU MA'I MKHAN PO RANG NYID BRDZUN PA'I DON CAN GYIS YID RMONGS PAR MA GYUR PAS RAB TU MA ZHEN PA BZHIN DU, BYANG CHUB SEMS @34A *, ,DPA' DUS YUN RING MO ZHI GNAS DE KHO NA NYID LA MKHAS PA'I DGE BA'I BSHES GNYEN YANG DAG PAR MGU BAR BYAS PA LA SOGS PA THABS MKHAS PA'I MTSAN NYID CAN THOS PA LA SOGS PA'I BLO GROS ZAB MOS DNGOS POR RNAM PAR 'KHRUL PA'I MTSAN MA BSAL BA RNAMS NI DON JI LTA BAR NYE BAR GNAS PA DANG MTHUN PA NYID KYIS RGYAL BA'I YUM 'DI LA YANG DAG PAR NYE BAR GYUR PA BSHAD DO, ,GANG GIS RING BAR GYUR PA'I MTSAN MAR DMIGS PA NYID GANG ZHE NA, DE LTAR 'DU SHES PA MI MTHUN PA'I PHYOGS GSUNGS PA, GZUGS SOGS PHUNG PO STONG NYID DANG, ,DUS GSUM GTOGS PA'I CHOS RNAMS DANG, ,SBYIN SOGS BYANG CHUB PHYOGS RNAMS LA, ,SPYOD PA'I 'DU SHES MI MTHUN PHYOGS, ,ZHES BYA BA'O, ,GZUGS LA SOGS PA'I PHUNG PO GZHAN GYIS KUN BRTAGS PA'I BDAG LA SOGS PAS STONG PA NYID DU 'DU SHES PA DANG, 'DAS PA LA SOGS PA DUS GSUM DU GTOGS PA'I CHOS LA ZAG PA DANG BCAS PA DANG, CIG SHOS LA DER 'DU SHES PA DANG, SBYIN PA DANG, DRAN PA NYE BAR GZHAG PA DANG, BSAM GTAN DANG, TSAD MED PA LA SOGS PA LA SPYOD BAR 'DU SHES PA NI, ,GNYEN PO YIN NA YANG YUL LA MTSAN MAR 'DZIN PA NYID KYIS MI MTHUN PA'I PHYOGS YIN NO, ,YANG GANG GIS NYE BAR GYUR PA'I MI DMIGS PA NYID GANG ZHE NA, DE LTAR 'DU SHES PA'I GNYEN PO'I PHYOGS GSUNGS PA, SBYIN LA SOGS LA DAR 'DZIN MED,, GZHAN DAG DE LA SBYOR BYED GANG, ,DE NI CHAGS PA'I MTHA' 'GOG PA, ,RGYAL LA SOGS LA CHAGS PA PHRA, ,ZHES BYA BA'O, ,'KHOR GSUM RNAM PAR DAG PA NYID KYIS SBYIN PA LA SOGS PA GSUM LA BDAG DANG BDAG GIR BYA BA MED PAR RTOGS PA LA BDAG NYID GNAS SHING GZHAN DAG KYANG TSUL DE 'DRA BA KHO NA LA YANG DAG PAR SBYOR BA LA MNGON PAR CHAGS PA'I TSOGS KYI MTHA' THAMS CAD 'GOG PA'I PHYIR RNAM PA THAMS CAD DU GNYEN PO YIN NO, ,SBYIN PA LA SOGS PAR 'DU SHES PA MTHA' DAG SPANG BAR BYA BA BRJOD PA NA, DE BZHIN GSHEGS PA LA SOGS PA YID @34B LA BYED PA YANG BSOD NAMS KYI RGYUR GYUR PA NYID KYI GNYEN PO YIN MOD KYI, DER 'DU SHES PA NYID KYIS CHAGS PA PHRA MO'I NGO BO NYID YIN PA'I PHYIR MI MTHUN PA'I PHYOGS MA YIN PA MA YIN NO, ,DE CI'I PHYIR CHAGS PA PHRA MO MI MTHUN PA'I PHYOGS YIN ZHE NA, YUL GYI CHOS NYID PHRA MO LAS NYE BAR 'DAS PA'I RGYU MTSAN GSUNGS PA, CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CES BYA BA'O, ,GANG GI CHOS THAMS CAD KYI RIGS NI NAM MKHA' LTAR NGO BO NYID KHO NAS STOD PA ZAB PA NYID DE, DE LA NI SHIN TU PHRA BA'I CHAGS PA YANG NYE BAR GNAS PA MA YIN NO, ,DE'I PHYIR DE DAG SPONG BAR BYED PA'I GNYEN PO GSUNGS PA, CHOS RNAMS RANG BZHIN GCIG PAR NI, ,SHES PAS CHAGS PA SPONG BA YIN, ,ZHES BYA BA'O, ,NGO BO NYID MED PA KHO NAS GZUGS LA SOGS PA'I CHOS THAMS CAD RANG BZHIN GCIG PA NYID DE, 'DI LTAR RANG BZHIN MED PA'I ZHES BYA BAS MA SKYES PA NYID DU MNYAM PAR YONGS SU SHES PAS NI CHAGS PA SPONG BA YIN NO, ,YANG DBEN PAS ZAB PA ZHES BYA BA 'DI NYID JI LTAR YIN ZHE NA, DE'I RANG GI MTSAN NYID GSUNGS PA, MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,CES BYA BA'O, ,'DI LTAR GANG ZHIG NYE BAR DMIGS PAR BYAR YOD PA NI GZHAN DU 'GYUR NA, CHOS THAMS CAD NI RNAM PAR SHES PA THAMS CAD KYI DMIGS PA'I DON GSAL BAS DE'I RANG BZHIN GANG YIN PA DE NI RAB TU RTOGS PAR DGA' BAR BSHAD DE, DE'I PHYIR ZAB CES BYA BA'O, ,RTOGS PAR DKA' BA NYID CI'I PHYIR ZHE NA, DE'I YANG RGYU GSUNGS PA, GZUGS LA SOGS PA MI SHES PHYIR, ,DE NI BSAM MI KHYAB PAR 'DOD, ,CES BYA BA'O, ,GANG GI PHYIR GZUGS LA SOGS PA NAS SANGS RGYAS KYI CHOS MA 'DRES PA'I BAR GYI RANG BZHIN NI GANG DU YANG YONGS SU SHES PAR MI NUS PAS BSAM PAR BYA BA LAS 'DAS PAR 'DOD DE, DE'I PHYIR RTOGS PAR DKA'O ZHES BYA'O, ,DE LTAR PHYOGS GNYIS RNAM PAR NGES PA'I MJUG BSDU BA GSUNGS PA, DE LTAR KUN SHES NYID LUGS LA, ,MI MTHUN GNYEN PO'I PHYOGS DAG GI ,RNAM PAR DBYE BA MA LUS PA, JI SKAD BSHAD PA 'DI @35A *, ,SHES BYA, ,ZHES BYA BA'O, ,JI SKAD BSHAD PA THAMS CAD SHES PA NYID KYI SHES RAB KYI PHA ROL TU PHYIN PA'I TSUL LUGS LA NYAN THOS DANG BYANG CHUB SEMS DPA' LA SOGS PA'I RGYUD KYI BYE BRAG GIS MI MA THUN PA'I PHYOGS DANG GNYEN PO'I PHYOGS KYI RAB TU DBYE BA'I RING BA DANG NYE BA'I MTSAN NYID DANG BCAS PA 'DI DAG DE LTAR SHES PAR BYA BA YIN NO, ,MTSAN NYID SHES PAS DON RNAM PAR BSGOM DGOS PA DE'I 'OG TU BSGOM PA'I MTSAN NYID KYI SBYOR BA GSUNGS PA, GZUGS SOGS DE MI RTAG SOGS DANG, ,DE MA RDZOGS DANG RAB RDZOGS DANG, ,DE LA CHAGS PA MED NYID LA, ,SPYOD PA BKAG PA'I SBYOR BA DANG, ,MI 'GYUR BYED PO MIN PA DANG, ,BYA DKA' RNAM GSUM SBYOR BA DANG, ,SKAL BA JI BZHIN 'BRAS THOB PAS, ,'BRAS YOD 'DOD PA DE DANG NI, ,GZHAN LA RAG LAS MED GANG DANG, ,SNANG BA RNAM BDUN SHES BYED DO, ,ZHES BYA BA'O, ,GZUGS LA SOGS PA'I CHOS THAMS CAD KYI NGO BO LA BDEN PAR SPYOD PA BKAG PA DANG, DE DAG GI KHYAD PAR MI RTAG PA DANG, STONG BA NYID LA SOGS PA LA SPYOD PA BKAG PA DANG, DE DAG GI MA RDZOGS PA DANG RDZOGS PA KUN BRTAGS PA DANG, YONGS SU GRUB PA LA SPYOD PA DANG; DE DAG LA MNGON PAR CHAGS PA MED PA NYID LA SPYOD PA DANG, 'PHEL BA DANG 'GRIB PA MED PAS GZHAN DU MI 'GYUR BA DANG, GANG GI RJES SU CHAGS PA LA SOGS PA'I BYED PA PO MED PA NYID LA SPYOD PA DANG, THAMS CAD MKHYEN PA NYID GSUM GYI BDAG NYID CHED DU BYA BA DANG SBYOR BA DANG RTOGS PAR BYA BA RNAM PA GSUM DE KHO NAR BYA DKA' BA NYID LA SPYOD PA DANG, 'DI NYID THEG PA RNAM PA GSUM GYI RIGS CAN GYIS BSGOMS NAS RANG RANG GI SKAL BA JI LTA BA BZHIN 'BRAS BU THOB PAS DE'I 'BRAS BU LA NYE BAR 'DOD PA'I SPYOD PA DANG, RNAM PA THAMS CAD DU LAM SGRUB PA DANG BSRUNG BAR BYA BA GZHAN LA MA LTOS PA NYID DANG, BRDZUN PA'I SNANG BA RNAM PA BDUN SHES PAR BYED PA STE, 'DI LTAR BAG CHAGS KYIS YID YONGS SU 'GYUR BA RMI LAM DANG, SNGAGS LA SOGS PA MNYAM DU TSOGS PAS SNANG BAR SGYU MA DANG, RGYU MED PAR SNANG BA NYID @35B DON DANG 'GAL BA SMIG RGYU DANG, SGRA DANG GNAS GYI RKYEN LA BRTEN PA BRAG CA DANG, RNAM PA STONG BAR BYED PA MA 'PHOS PAR SHAR BA GZUGS BRNYAN DANG, GNAS PAR BYA BA'I RTEN MED DRI ZA'I GRONG KHYER DANG, LUS DANG NGAG GI BYED PA PO MED PA SPRUL PA LTA BU RNAMS, SNANG PA LA SPYOD PA BKAG PA'I SGO NAS MI DMIGS PA'I TSUL GYIS NYE BAR SBYOR BA RNAM PA BCU'O, ,'DIS KYANG SHUGS KYIS NYAN THOS LA SOGS PA'I SBYOR BA PHYOGS GCIG GIS BZLOG PAR BSGOM PA 'PHANGS PA YIN NO, ,DE DAG KYANG THAMS CAD DU MI DMIGS PAR MTSUNGS PA RNAM PAR BSGOM DGOS PAS MNYAM PA NYID GSUNGS PA, GZUGS LA SOGS PAR RLOM MED PA, ,RNAM BZHI DE YI MNYAM PA NYID, ,CHES BYA BA'O, ,GZUGS LA SOGS PA'I NGO BO LA DNGOS POR RLOM PA NYID DANG, SNGON PO LA SOGS PA'I KHYAD PAR LA MTSAN MAR RLOM PA NYID DANG, RNAM PA RAB TU DBYE BA LA SOGS PA LA SPROS PAR RLOM PA NYID DANG, BDAG GIS 'DI LTA BUR RIG GI ZHES RTOGS PA POR RLOM PA NYID RNAM PAR DMIGS PAR BYA BA LA SOGS PA NYE BAR ZHI BA'I PHYIR RNAM PA THAMS CAD DU MI DMIGS PA'I TSUL GYIS MNYAM PA NYID DU SBYOR BA NI MNYAM PA NYID CES BYA'O, , MNYAM PA NYID KYI SBYOR BA YONGS SU RDZOGS PAR BSGOMS PA LAS MTHONG BA'I LAM SKYE BA'I PHYIR DE'I SKAD CIG MA'I RNAM PAR DBYE BA GSUNGS PA, SDUG BSNGAL LA SOGS BDEN PA LA, ,CHOS SHES RJES SU SHES PA DANG, ,BZOD SHES SKAD CIG BDAG NYID 'DI, ,KUN SHES TSUL LA MTHONG BA'I LAM, ,ZHES BYA BA'O, ,SDUG BSNGAL BA DANG, KUN 'BYUNG BA DANG, 'GOG PA DANG, LAM GYI BDEN PA RNAMS LA CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA STE, DE LTAR BZOD PA DANG SHES PA'I SKAD CIG MA RAB TU DBYE BA BCU DRUG GI BDAG NYID 'DI NI ,THAMS CAD SHES PA NYID KYI TSUL LUGS LA MTHONG BA'I LAM YIN NO, ,JI LTAR NA SKAD CIG MA RNAM PA BCU DRUG YIN PAR BRTAG CE NA, DE'I PHYIR BDEN PA'I RNAM PA RNAMS GSUNGS PA, GZUGS RTAG MA @36A *, ,YIN MI RTAG YIN, ,MTHA' LAS 'DAS DANG RNAM DAG DANG, ,MA SKYES BA MA 'GAGS LA SOGS PA, ,MKHA' 'DRA CHAGS PA SPANGS PA DANG, ,YONGS SU 'DZIN LAS GROL BA DANG, ,NGO BO NYID KYIS BRJOD MED DANG, ,GANG GIS 'DI DON BRJOD PA YIS, ,GZHAN LA SBYIN DU MED PA DANG, ,DMIGS PA MED PAR BYED PA DANG, ,SHIN TU RNAM DAG NAD MI 'BYUNG, ,NGAN SONG CHAD DANG 'BRAS BU NI, ,MNGON DU BYA LA MI RTOG NYID, ,MTSAN MA DAG DANG MA 'BREL DANG, ,DNGOS DANG MING DANG GNYIS PO LA, ,SHES PA SKYE BA MED PA NI; ,KUN SHES NYID KYI SKAD CIG MA, ,ZHES BYA BA'O, ,'DI LTA BU'I NGO BO NYID MED PA'I PHYIR GZUGS LA SOGS PA LA RTAG PA DANG MI RTAG PA DANG BRAL PAS RTAG PA YANG MA YIN MI RTAG PA YANG MA YIN PA DANG, SDUG BSNGAL DANG SDUG BSNGAL BA MA YIN PA DANG BRAL BA NYID KYIS RTAG PA DANG CHAD PA'I MTHA' DANG BRAL BA DANG, STONG PA DANG MI STONG PA DANG BRAL BA NYID KYIS RNAM PAR DAG PA DANG, BDAG DANG BDAG MED PA'I NGO BO DANG BRAL BA NYID KYIS MA SKYES SHING MA 'GAGS LA KUN NAS NYON MONGS PA DANG, RNAM PAR BYANG BA MA YIN NO ZHES BYA BA LA SOGS PA NI BDEN PA DANG PO'I RNAM PA DAG YIN NO, ,DE BZHIN DU RGYU DANG RGYU MA YIN PA NYID KYIS DBEN PA'I PHYIR NAM MKHA' DANG 'DRA BA DANG, KUN 'BYUNG BA DANG KUN 'BYUNG BA MED PA DANG, MI LDAN PAS NYON MONGS PA DANG NYE BA'I NYON MONGS PA THAMS CAD SPANGS PA DANG; RAB TU SKYE BA DANG MA SKYES PA DANG MA 'BREL BAS YONGS SU 'DZIN PA LAS GROL BA DANG, RKYEN DANG RKYEN MA YIN PA LAS RNAM PAR GROL BA'I PHYIR RANG GI NGO BO BRJOD DU MED PA ZHES BYA BA NI BDEN PA GNYIS PA'I RNAM PA DAG YIN NO, ,DE BZHIN DU 'GOG PA DANG 'GOG PA MED PA DANG BRAL BAS DE'I DON TSIG TU BRJOD PAS RGYUD DE GZHAN LA SBYIN DU MED PA DANG, ZHI BA DANG MA ZHI BA MED PAS DMIGS PA MED PAR BYED PA DANG, GYA NOM PA DANG GYA NOM PA MA YIN PA DANG BRAL BAS MTHA' GNYIS LAS 'DAS SHING SHIN TU RNAM PAR DAG PA @36B DANG; NGES PAR 'BYUNG BA DANG NGES PAR 'BYUNG BA MED PAS DBEN PAS DRI MA'I NAD THAMS CAD MI 'BYUNG BA ZHES BYA BA NI BDEN PA GSUM PA'I RNAM PA DAG YIN NO, ,LAM DANG LAM MA YIN PA DANG BRAL BA'I PHYIR NGAN SONG CHAD PA DANG, RIGS PA DANG RIGS PA MA YIN PA DANG MA 'DRES PAS 'BRAS BU MNGON SUM DU BYA BA'I THABS LA MI RTOG PA DANG, SGRUB PA DANG SGRUB PA MA YIN PA LAS RNAM PAR GROL BA NYID KYI CHOS THAMS CAD KYI MTSAN MA DAG DANG MA 'BREL BA DANG, NGES PAR 'BYIN PA DANG NGES PAR 'BYIN PA MA YIN PA MED PAS NA BRJOD PAR BYA BA'I NGO BO NYID SHES BYA DANG, SGRA GNYIS LA SHES PA SKYE BA MED PA ZHES BYA BA BDEN PA BZHI PA'I RNAM PA DAG YIN TE, DE DAG NI KUN SHES PA NYID KYI MTHONG BA'I LAM SKAD CIG MA BCU DRUG BYANG CHUB SEMS DPA' RNAMS KYI DBANG DU BYAS PA STE RNAM PAR GZHAG PA YIN NO, ,'DIS KYANG NYAN THOS LA SOGS PAS NI DE DAG LAS PHYOGS GCIG GIS BZLOG PA'I RNAM PA CAN DU DON GYIS BSTAN PA YIN NO, ,NYAN THOS LA SOGS PA'I LAM NI BYANG CHUB SEMS DPA' RNAMS KYIS SHES PAR BYA BA YIN GYI MNGON DU BYA BA NI MA YIN PAS 'DIR BSGOM PA'I LAM NI LOGS SHIG TU MA BSTAN TO, ,DE LTAR NA THAMS CAD MKHYEN PA NYID GSUM GYI MTSAN NYID SO SOR GTAN LA PHAB NAS, ,SKABS GSUM GYI MJUG BSDU BA GSUNGS PA, DE LTAR 'DI DANG YANG 'DI DANG, ,YANG 'DI YIN TE RNAM GSUM PO, ,'DIS NI GNAS SKABS GSUM PO DAG ,RDZOGS PAR YONGS SU BSTAN PA YIN, ,ZHES BYA BA'O, ,DE BAS NA GANG ZHIG RTOGS PAR BYA BA NYID KYI BDAG NYID DAG BKAG PA GZHI THAMS CAD SHES PA NYID 'DI DANG, CHOS THAMS CAD LA NYE BAR GNAS PA MED PA'I MTSAN NYID CAN LAM THAMS CAD SHES PA NYID 'DI DANG, 'GA' YANG BYED PA MED PAS DON THAMS CAD YONGS SU RDZOGS PA'I NGO BO NYID RNAM PA THAMS CAD MKHYEN PA NYID DAG STE, DE LTAR NA DNGOS PO RNAM PA GSUM BSHAD PAS GZHUNG LE'U GSUM GYI SKABS GSUM RDZOGS PAR BSTAN PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS @37A *, ,MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS GSUM PA'I 'GREL PA'O,, ,,THAMS CAD MKHYEN PA NYID GSUM GYI 'BRAS BU JI LTA BA BZHIN MNGON SUM DU RTOGS PA RIM PA RNAMS NYAMS SU BLANGS PA KHO NA LA RAG LAS PAS DA NI DE DAG DBANG DU BYA BA NYID KYI PHYIR GZHI DANG LAM DANG RNAM PA MA LUS PA BSDU BA'I SGO NAS CIG CAR RNAM PAR BSGOM PA GANG YIN PA RNAM PA KUN MNGON PAR RDZOGS PAR RTOGS PA BSHAD PAR BZHED NAS THOG MAR DE'I RNAM PA GSUNGS PA, GZHI SHES PA YI BYE BRAG RNAMS, ,RNAM PA ZHES BYA MTSAN NYID DE, ,KUN MKHYEN NYID NI RNAM GSUM PHYIR, ,DE NI RNAM PA GSUM DU 'DOD, ,CES BYA BA'O, ,SDUG BSNGAL LA SOGS PA'I BDEN PA'I KHYAD PAR GYIS MI RTAG PA LA SOGS PA DANG DE LA DMIGS PA NYID KYI BYE BRAG RNAM PA NYID DU RNAM PAR GZHAG PA'I MTSAN NYID DE, DE NI THAMS CAD MKHYEN PA NYID GSUM GYI BYE BRAG GIS RNAM PA GSUM DU 'DOD DE, DE LA THAMS CAD SHES PA NYID KYI RNAM PA RAB TU DBYE BA GSUNGS PA, MED PA'I RNAM PA NAS BZUNG STE, , MI G-YO BA YI RNAM PA'I BAR, ,BDEN PA SO SO LA BZHI DANG, ,LAM LA DE NI BCO LNGAR BSHAD, ,CES BYA BA'O, ,THER ZUG TU MED PA'I MTSAN NYID MI RTAG PA DANG, DE KHO NAR MI SKYE BA'I MTSAN NYID SDUG BSNGAL BA DANG, DON GZHAN GYIS DBEN PA'I MTSAN NYID STONG PA NYID DANG, PHUNG PO'I SKYON GYIS MI BRDZI BA'I MTSAN NYID BDAG MED PA STE, SDUG BSNGAL GYI BDEN PA'I RNAM PA BZHI DANG, GZHI'I GNAS MED PA'I MTSAN NYID RGYU'I RNAM PA DANG, BYED PAS DBEN PA NAM MKHA'I MTSAN NYID KUN 'BYUNG BA DANG, RTAG PA LA SOGS PAS BRJOD DU MED PA'I MTSAN NYID RAB TU SKYE BA DANG, TSOR BA LA SOGS PA'I MING MED PA'I MTSAN NYID RKYEN GYI RNAM PA STE, KUN 'BYUNG BA'I RNAM PA BZHI DANG, NGO BO NYID MA GRUB PAS 'GRO BA MED PA'I MTSAN NYID 'GOG PA DANG, SDUG BSNGAL PA SPANGS PA LAS MI 'PHROGS @37B PA'I BDAG NYID ZHI BA DANG, DMAN PA'I NYES PA DANG BRAL BAS MI ZAD PA'I MTSAN NYID GYA NOM PA DANG, PHAN PA'I GNAS SU PHYIN PAS SKYE BA MED PA'I MTSAN NYID NGES PAR 'BYUNG BA STE 'GOG PA'I RNAM PA BZHI'O, ,DE LTAR NA BDEN PA RNAM PA GSUM SO SO LA RAB TU DBYE BAS BCU GNYIS SO, ,LAM GYI BDEN PA LA NI KHYAD PAR GYI RAB TU DBYE BA BCO LNGA STE, BDAG GIS BYED PA PO MED PA'I MTSAN NYID LAM DANG, NYON MONGS PA CAN GYI SHES PA PO MED PA'I MTSAN NYID RIGS PA DANG, PHYIN CI MA LOG PAS 'PHO BA MED PA'I MTSAN NYID BSGRUB PA DANG, RTAG PA'I GO 'PHANG 'DU 'BRAL MED PA'I MTSAN NYID NGES PAR 'BYIN PA STE RNAM PA BZHI DANG, RMI LAM LTAR RANG GI NGO BO NYID MED PA DANG, SGRA BRNYAN LTAR RGYU LAS MA SKYES PA DANG, MIG YOR LTAR RKYEN GYIS MA 'GAGS PA DANG, SMIG RGYU LTAR DUS GZOD MA NAS ZHI BA DANG, SGYU MA LTAR BDAG NYID RANG BZHIN GYIS MYA NGAN LAS 'DAS PAR RTOGS PA'I RNAM PA LNGA DANG, KUN NAS NYON MONGS PA DANG RNAM PAR BYANG BA'I BDAG NYID DOR BA DANG BLANG BAR BYA BA'I GNYEN PO DE DAG MED PA GNYIS DANG, NYON MONGS PA'I BAG CHAGS DANG GZUGS LA SOGS PA'I DBYE BA BDAG DANG CHOS SU 'DZIN PA'I GNYEN PO GOS PA MED PA DANG, SPROS PA MED PA GNYIS DANG, RANG GI RTOGS PA THOB PA LA RO MYANG BA DANG, GZHAN LAS NYAMS PAR RTOGS PA'I GNYEN PO 'BRAS BU'I SGO CAN GYI YONGS SU 'DZIN PA'I GNYEN PO'I RLOM PA MED PA DANG, MI G-YO BA'I RNAM PA GNYIS TE RTOGS PA'I KHYAD PAR DRUG GO, ,DE LA DANG PO BZHI NI NYON MONGS PA'I SGRIB PA'I GNYEN PO YIN NO, ,DE'I 'OG TU BCU GCIG NI SHES BYA'I SGRIB PA'I GNYEN PO STE, GRANGS BZHIN DU BSGOM PA DANG MTHONG BA'I LAM GYI BDAG NYID ZAG PA DANG BCAS PA DANG CIG SHOS KYI MTSAN NYID LNGA DANG DRUG YIN TE, SPYIR NA THAMS CAD SHES PA NYID KYI RNAM PA NYI SHU RTZA BDUN NO, ,DE'I 'OG TU LAM SHES PA NYID KYI RNAM PA'I RAB TU DBYE BA GSUNGS PA, RGYU DANG LAM DANG SDUG BSNGAL DANG, ,'GOG PA @38A *, ,LA NI GO RIMS BZHIN, ,DE DAG BRGYAD DANG BDUN DANG NI, ,LNGA DANG BCU DRUG CES BSGRAGS SO, ,ZHES BYA BA'O, ,SPYIR SDUG BSNGAL BSKYED PA'I RGYU GANG YIN PA STE, YUL LA 'DUN PA DANG, 'DOD CHAGS DAR, YUL LA DGA' BAS MNGON PAR SRED PA'I GNYEN PO 'DOD CHAGS DANG BRAL BA DANG MI GNAS PA DANG, ZHI BA'I RNAM PA GSUM DANG, SDUG BSNGAL MA LUS PA KUN 'BYUNG BA GANG YIN PA STE, 'DOD CHAGS DANG ZHE SDANG DANG GTI MUG GI GNYEN PO DE DAG MED PA GSUM DANG, SDUG BSNGAL DRAG PO RAB TU SKYE BA GANG YIN PA STE, YANG DAG PA MA YIN PA'I KUN TU RTOG PA'I GNYEN PO NYON MONGS PA MED PA NYID GCIG DANG, SDUG BSNGAL BRGYUD MAR 'BYUNG BA'I RKYEN GANG YIN PA STE, SEMS CAN DU MNGON PAR ZHEN PA'I GNYEN PO SEMS CAN MED PA'I RNAM PA NYID GCIG STE, DE LTAR RNAM PA BRGYAD NI RGYUR GYUR PA'I BDEN PA KUN 'BYUNG BA'I RNAM PAR BSGRAGS SO, ,SEMS CAN THAMS CAD GO SKABS 'BYED PA'I LAM TSAD MED PA DANG, JI LTAR GO SKABS 'BYED PA'I LAM MTHA' GNYIS DANG MA 'BREL BA DANG, RIGS PA GANG YIN PA THA MI DAD PA DANG, JI LTAR RIGS PA MCHOG TU 'DZIN PA MED PA DANG, SGRUB PA GANG YIN PA MTSAN MAR MI RTOG PA DANG, JI LTAR SGRUB PA TSAD MAS GZHAL DU MED PAR 'DZIN PA GANG YIN PA CHAGS PA MED PA'I RNAM PA STE, DE LTAR RNAM PA BDUN NI LAM GYI BDEN PA'I RNAM PAR BSGRAGS SO, ,RAB TU 'JIG PA NYID KYIS MI RTAG PA DANG, NYE BAR GNOD PA NYID KYIS SDUG BSNGAL BA DANG, GZHAN DU GYUR PA'I BYED PA PO MED PA NYID KYIS STONG PA DANG, RANG NYID DE'I NGO BO MA YIN PA NYID KYIS BDAG MED PA DANG, SPYIR 'GA' YANG YONGS SU GNAS PA MED PA NYID KYIS MTSAN NYID MED PA'I NGO BO STE, DE LTAR RNAM PA LNGA NI SDUG BSNGAL GYI BDEN PA'I RNAM PAR BSGRAGS SO, ,'GOG PA GANG YIN PA STE, DE NI RANG BZHIN DANG GLO BUR BA'I DRI MA LAS GROL BA NYID KYIS RANG GI NGO BO NANG DANG PHYI DANG @38B GNYIS KA'I DNGOS PO DANG BRAL BAS NANG DANG PHYI DANG GNYIS KA STONG PA NYID KYI RNAM PA GSUM DANG, ZHI BA GANG YIN PA STE, DE NI RTAG PA'I BDAG TU LTA BA NYE BAR SPANGS PA NYID KYIS BDAG GIS STONG PA DANG, SNOD KYI 'JIG RTEN DANG, MYA NGAN LAS 'DAS PA'I LAM DANG, RGYU DANG RKYEN LAS BYUNG BA DANG, RGYU DANG RKYEN LAS BYUNG BA MA YIN PA DANG, RTAG PA DANG CHAD PA DANG, 'KHOR BA'I SNGON DANG PHYI MA DANG, RTOG PA'I CHOS MA SPANGS PA LA MNGON PAR ZHEN PA DGAG PAS NGO BO NYID STONG PA NYID DANG, CHEN PO DANG, DON DAM PA DANG, 'DUS BYAS DANG, 'DUS MA BYAS DANG, MTHA' LAS 'DAS PA DANG, THOG MA DANG THA MA MED PA DANG, DOR BA MED PA STONG PA NYID KYI RNAM PA STE BRGYAD DANG, GYA NOM PA GANG YIN PA STE, DE NI RTOGS PA GZHAN LAS PHUL DU GYUR PA NYID KYIS KUN TU BRTAGS PA'I BYED PA PO DGAG PAS RANG GI RANG BZHIN STONG PA NYID KYI RNAM PA GCIG NYID DANG, NGES PAR 'BYUNG BA GANG YIN PA STE, DE NI THAMS CAD DU MI GNAS PA'I PHA ROL TU PHYIN PA NYID KYI BRTAGS PA TZAM GYI YUL DANG MTSAN NYID DANG DUS SU 'KHRUL PA'I RNAM PA RNAMS DGAG PAS CHOS THAMS CAD DANG, GZUGS SU RUNG BA LA SOGS PA'I RANG GI MTSAN NYID DANG, 'DAS PA LA SOGS PA MI DMIGS PA STONG PA NYID KYI RNAM PA STE, JI LTAR NGES PAR 'BYUNG BA'I RNAM PA GSUM DANG, GANG DU NGES PAR 'BYUNG BA'I NGO BO NYID DGAG PAS DNGOS PO MED PA'I NGO BO NYID STONG PA NYID KYI RNAM PA GCIG STE, DE LTAR RNAM PA BCU DRUG NI 'GOG PA'I BDEN PA'I RNAM PAR BSGRAGS PA'O, ,DE'I PHYIR LAM SHES PA NYID KYI RNAM PA SUM CU RTZA DRUG GO, ,DE'I 'OG TU RNAM PA THAMS CAD MKHYEN PA NYID KYI RNAM PA'I RAB TU DBYE BA GSUNGS PA, DRAN PA NYER GZHAG NAS BZUNG STE, ,SANGS RGYAS RNAM PA'I MTHAR THUG RNAMS, ,LAM GYI BDEN PA'I RJES MTHUN PAR, ,KUN MKHYEN GSUM DU PHYE BAS NA, ,SLOB MA BYANG CHUB SEMS DPA' DANG, ,SANGS RGYAS RNAMS LA RIM BZHIN TE, ,SUM CU BDUN DANG SUM CU BZHI, ,SUM CU RTZA DGU DAG TU BZHED, ,CES BYA BA'O, ,RNAM @39A *, ,PA THAMS CAD MKHYEN PA NYID NI CHOS THAMS CAD RNAM PA THAMS CAD DU MNGON PAR BYANG CHUB PA'I PHYIR DRAN PA NYE BAR GZHAG PA NAS BZUNG STE SANGS RGYAS KYI RNAM PA'I MTHAR THUG PA RNAMS NI DE NYID MNGON PAR SGRUB PA'I LAM YIN PA'I SGO NAS DE'I DBANG DU BYAS TE THAMS CAD MKHYEN PA NYID RNAM PA GSUM GYI RAB TU DBYE BA NYAN THOS LA SOGS PA LA RNAM PA SUM CU RTZA BDUN DANG, BYANG CHUB SEMS DPA' RNAMS LA SUM CU RTZA BZHI DANG, SANGS RGYAS RNAMS LA SUM CU RTZA DGUR BZHED DO, ,DE LA GZHI THAMS CAD SHES PA'I RNAM PA RNAMS GANG ZHE NA, DANG POR DNGOS PO YONGS SU RTOGS PA'I LAM LA LUS KYI RANG BZHIN SHES PAS SDUG BSNGAL GYI BDEN PA LA 'JUG PA LUS DRAN PA NYE BAR GZHAG PA DANG, TSOR BA DANG SEMS DANG CHOS KYI RANG BZHIN SHES PAS KUN 'BYUNG BA DANG, 'GOG PA DANG LAM GYI BDEN PA LA 'JUG PAR 'GYUR BA MNYAM PAR GZHAG PA DANG, CIG SHOS KYIS SPYI DANG RANG GI MTSAN NYID YONGS SU BRTAGS PAS DRAN PA NYE BAR GZHAG PA'I RNAM PA BZHI'O, ,DE LTAR ZHUGS PA LAS BRTZON 'GRUS 'BYUNG BAS RTZOL BA'I LAM LA MI DGE BA SKYES PA DANG MA SKYES PA DAG YANG DAG PAR SEL CING SLAR MI BSKYED PA DANG, DGE BA'I CHOS MA SKYES PA DANG SKYES PA DAG BSKYED PA DANG, MNGON PAR 'PHEL BAR BYED PA'I BRTZON 'GRUS TE, YANG DAG PAR SPONG BA RNAM PA BZHI'O, ,BRTZON 'GRUS DANG LDAN PAS SEMS LAS SU RUNG BA NYID DU BYED PAS TING NGE 'DZIN YONGS SU SBYONG BA'I LAM LA GUS PAR SBYOR BA NYID KYI RGYUR GYUR PA CAN 'DUN PA DANG RTAG PAR SBYOR BA NYID KYI RGYUR GYUR PA CAN BRTZON 'GRUS DANG, SNGON GYI TING NGE 'DZIN GYI RGYUR GYUR PA CAN SEMS DANG, DE KHO NA NYID RAB TU 'BYED PA'I RGYUR GYUR PA CAN DPYOD PA'I TING NGE 'DZIN TE, GNAS LA SOGS PA BRGYAD KYIS LE LO LA SOGS PA'I NYES PA RNAM PA LNGA SPONG BA'I 'DU BYED DANG LDAN PA'I RDZU 'PHRUL GYI RKANG PA RNAM PA BZHI'O, ,YONGS SU SBYANGS PA LA DRO BA LA SOGS PA BZHI 'BYUNG BAS MNGON PAR RTOGS PA LA SBYOR BA'I LAM LA BDEN @39B PA'I CHOS NYID RNAMS LA YID CHES PA DAD PA DANG, DE NYID MNGON PAR RTOGS PAR RAB TU SPRO BA BRTZON 'GRUS DANG, RNAM PA DE YID YONGS SU MI BRJED PA DRAN PA DANG, SHIN TU RTZE GCIG PA NYID KYI TING NGE 'DZIN DANG, BDEN PA'I DE KHO NA NYID RNAM PAR 'BYED PA SHES RAB KYI DBANG PO STE, KUN NAS NYON MONGS PA DANG CIG SHOS KYI GZUNG BA MED PA NYID SHES PAS DE KHO NA NYID MTHONG BA LA NYE BAR GYUR PA DRO BA DANG RTZE MOR GYUR PA'I NGO BO NYID DBANG PO'I RNAM PA LNGA'O, ,DRO BA LA SOGS PA THOB PA LA BZOD PA LA SOGS PA 'BYUNG BAS MNGON PAR RTOGS PA DANG 'BREL PA'I LAM LA DAD PA LA SOGS PA DE DAG NYID CHER MTHU DANG LDAN PAR GYUR PAS RDZAS DANG BTAGS PA'I 'DZIN PA MED PA NYID SHES PAS ZAB MO'I SPYOD YUL DU GYUR PA BZOD PA DANG, CHOS KYI MCHOG TU GYUR PA'I NGO BO NYID STOBS KYI RNAM PA LNGA'O, ,NGES PAR 'BYED PA LA SBYOR BA RNAM PA BZHI RTOGS PAS NI BDEN PA'I DE KHO NA NYID MTHONG BAR 'GYUR BAS MNGON PAR RTOGS PA'I LAM LA MNGON PAR RTOGS PA SNGA MA MA BRJED PAR DRAN PA DANG, DE KHO NA MNGON DU GYUR PA'I CHOS RAB TU RNAM PAR 'BYED PA DANG, GONG MAR GYUR PA'I CHOS LA MNGON PAR SPRO BA BRTZON 'GRUS DANG, CHOS DANG SEMS CAN LA DMIGS NAS ZAG PA MED PA'I BDEN PAS TSIM PA DGA' BA DANG, LUS DANG SEMS LAS SU RUNG BA NYID SHIN TU SBYANGS PA DANG, RTZE GCIG PAS MNYAM PAR GNAS PA'I TING NGE 'DZIN DANG, DGOS PA BYAS PA'I PHYIR RTZOL BA DANG BRAL BA BTANG SNYOMS YANG DAG PA STE, GRANGS BZHIN DU GNAS PA DANG, RANG BZHIN DANG, NGES PAR 'BYUNG BA DANG, PHAN YON DANG, GZHI DANG, NYON MONGS PA MED PA'I GNAS DANG, NGO BO NYID KYI YAN LAG YIN PA'I PHYIR BYANG CHUB KYI YAN LAG GI RNAM PA BDUN NO, ,BDEN PA MTHONG BA LAS BSGOM PA'I LAM 'BYUNG BAS RNAM PAR DAG PAR NGES PAR 'DZIN PA'I LAM LA MTHONG BA'I LAM GYI RTOGS PA LA YANG DAG PAR GCOD PA YANG DAG PA'I LTA BA DANG, LOG PAR RTOG PA BRGYAD SPANGS PA'I MTSAN NYID RTOGS PA DANG, DAM @40A *, ,PA'I CHOS BSNYAD PA DANG 'BREL PA'I GTAM GYIS BDEN ZHING SNYAN PAR SMRA BA DAG DANG, LUS DANG NGAG DANG YID KYIS 'PHAGS PA'I BYA BA MA YIN PA MI BYED PA LAS KYI MTHA' DANG, TSUL 'CHOS LA SOGS PA LOG PAR 'TSO BA LNGA SPANGS PA 'TSO BA DANG, GNYEN POR GYUR PA NYID KYI CHOS LA MNGON PAR BRTZON PA DANG, GNYEN PO DMIGS PA MA BRJED PA DRAN PA DANG, DMIGS PA LA RTZE GCIG PAR NYE BAR GNAS PA'I TING NGE 'DZIN TE, GO RIMS LTAR YONGS SU GCOD PAR BYED PA'I YAN LAG DANG, GZHAN LA GO BAR BYED PA DANG, LTA BA LA YID CHES PA DANG, TSUL KHRIMS DANG LDAN PA LA YID CHES PA DANG, YO BYAD BSNYUNGS PA LA YID CHES PA'I YAN LAG DANG, NYON MONGS PA SPANGE PA DANG, NYE BA'I NYON MONGS PA SPANG BA DANG, TING NGE 'DZIN LA DBANG DU MA GYUR PA'I GNYEN PO'I YAN LAG YIN PA'I PHYIR 'PHAGS PA'I LAM YAN LAG BRGYAD PA'I RNAM PA BRGYAD DE, DE'I PHYIR SLOB MA RNAMS KYI KUN SHES PA NYID KYI LAM GYI RTEN CAN RNAM PA SUM CU RTZA BDUN DU BZHED DO, ,LAM THAMS CAD SHES PA NYID KYI RNAM PA RNAMS GANG ZHE NA, RE ZHIG GNYEN PO'I LAM LA BDAG NYID DANG BDAG GIR LTA BA'I GNYEN PO GZHAN DANG NGO BOR GYUR PAS STONG PA DANG BDAG MED PA'I NGO BO NYID RNAM PAR THAR PA'I SGO DANG PO'I RNAM PA DANG, DE'I RGYU MTSAN MTSAN MAR DMIGS PA NYID KYI GNYEN PO 'GOG PA DANG, LAM GYI BDEN PA'I NGO BO NYID RNAM PAR THAR PA'I SGO GNYIS PA'I RNAM PA DANG, KHAMS GSUM MAM 'KHOR BA DANG MYA NGAN LAS 'DAS PA LA DOR BA DANG BLANG BAR BYA BAR SMON PA'I GNYEN POR MI RTAG PA DANG, SDUG BSNGAL BA GNYIS DANG, RGYU DANG RKYEN KUN 'BYUNG BA DANG, RAB TU SKYE BA DANG, RKYEN GYI RNAM PA BZHI STE, SDUG BSNGAL DANG KUN 'BYUNG BA'I NGO BO NYID RNAM PAR THAR PA'I SGO GSUM PA'I RNAM PA'O, ,SPRUL PA'I LAM LA NANG RANG GI LUS SKRA DANG KHA SPU LA SOGS PA'I BAR DU GZUGS KYI 'DU SHES RNAM PAR BSHIG PAS 'DU SHES NAS PHYI ROL GYI GZUGS LA RNAM @40B PAR LTA BA STE, CHEN PO DANG CHUNG NGU LA SOGS PA LA DE BAS CHES CHEN PO DANG CHUNG NGU LA SOGS PAR MOS SHING SGOM PAR BYED PA DANG, NANG GZUGS KYI 'DU SHES PA RNAM PAR BSHIG PAS NAM MKHA'I 'DU SHES SU BYAS NAS BSAM GTAN GYI SEMS MNGON DU BYAS PA NYID KYIS PHYI ROL GYI GZUGS LA SNGA MA LTAR BSGOM PA STE, SPRUL PA LA RANG DBANG BAR BSGYUR MI NUS PA'I GNYEN POR RNAM PAR THAR PA GNYIS DANG, GZUGS SDUG PA DANG MI SDUG PA LA SPRUL PA MNGON PAR BRTZON PAR 'DOD PA DANG MI 'DOD PA 'BAD PA DANG MI 'BAD PA KUN NAS NYON MONGS PA'I GNYEN POR SDUG PA'I RNAM PAR THAR PA'I SGO LUS KYI MNGON SUM DU BYAS NAS RDZOGS PAR BYAS TE GNAS SO ZHES BYA BA STE, PHAN TSUN LTOS PA DANG, RJES SU ZHUGS PA DANG, RO GCIG PA'I 'DU SHES BSGOM PA STE, SPRUL PA LA KUN NAS NYON MONGS PA'I GNYEN POR RNAM PAR THAR PA GCIG GO, ,MTHONG BA'I CHOS CAN LA BDE BAR GNAS PA'I LAM LA 'DI LTAR THAR PA DANG MTHUN PAR GNAS PA'I LAM GYI RANG BZHIN NAM MKHA' MTHA' YAS PA LA SOGS PA GZUGS MED PA'I SNYOMS PAR 'JUG PA RNAM PA BZHI DANG, ZHI BAR GNAS PA'I LAM GYI RANG BZHIN 'DU SHES DANG TSOR BA 'GOG PA'I RNAM PA GCIG GO, ,DE LTAR RNAM PAR THAR PA BRGYAD KYI RNAM PA NI SPRUL PA DANG BDE BAR GNAS PA'I LAM GNYIS KYIS BSDUS PA YIN NO, ,'JIG RTEN LAS 'DAS PA'I LAM LA MTHONG BA DANG, BSGOM PA'I LAM GYI RTEN GYI NGO BO NYID KYIS BSAM GTAN DANG PO LA SOGS PA BZHI DANG, BSGOM PA'I LAM GYI RTEN NYID KYIS NAM MKHA' MTHA' YAS LA SOGS PA GZUGS MED PA'I SNYOMS PAR 'JUG PA BZHI DANG, 'DAS PA'I SEMS NYID KYIS 'JUG CING LANGS NAS MNGON DU BYED PA NYID KYIS MNGON PAR BSGRUBS PA'I 'BRAS BU 'GOG PA'I SNYOMS PAR 'JUG PA DAG STE, MTHAR GYIS GNAS PA'I SNYOMS PAR 'JUG PA RNAM PA DGU'O, ,SPONG BA'I LAM LA NYAN THOS LA SOGS PA DANG THUN MONG MA YIN PA YONGS SU SGRIB PA BZHI RNAM PAR SEL BA NYID KYIS BAR CHAD MED PA'I LAM GYI RNAM PAR @41A *, ,'GYUR BA BDEN PA BZHI'I CHOS SHES PA NYID KYI BZOD PAS RAB TU BSDUS PA RNAM PA BZHI'O, ,SANGS RGYAS NYID KYI LAM LA GZHAN LA MA 'DRES PA NYID KYIS SBYIN PA LA SOGS PA'I PHA ROL TU PHYIN PA NYID RNAM PA BCU STE, DE'I PHYIR BYANG CHUB SEMS DPA' RNAMS KYI LAM SHES PA NYID KYI LAM GYI RTEN CAN GYI RNAM PA SUM CU RTZA BZHIR BZHED DO, ,RNAM PA THAMS CAD MKHYEN PA NYID KYI RNAM PA RNAMS GANG ZHE NA, PHAN PA DANG BDE BA NYID KYI GNAS DANG GNAS MA YIN PA MKHYEN PA DANG, NYES PA DANG LEGS PAR SPYAD PA'I 'BRAS BU LAS KYI RNAM PAR SMIN PA MKHYEN PA DANG, LAM DANG 'BRAS BU SO SO LA MOS PA SNA TSOGS PA MKHYEN PA DANG, ZHING YONGS SU DAG PA DANG MA DAG PA'I 'JIG RTEN GYI KHAMS DU MA MKHYEN PA DANG, THEG PA CHEN PO DANG CHEN PO MA YIN PA LA YID CHES PA'I DBANG PO MCHOG DANG, MCHOG MA YIN PA MKHYEN PA DANG, NGES PAR 'BYUNG BA MA YIN PA DANG YIN PA'I 'BRAS BU THAMS CAD DU 'GRO BA'I LAM MKHYEN PA DANG, SRED PA DANG LDAN PA LA SOGS PA SHAS CHE BAS BSAM GTAN LA SOGS PA KUN NAS NYON MONGS PA DANG GNAS PA DANG KHYAD PAR GYI BSAM GTAN LA SOGS PA RNAM PAR BYAD PA MKHYEN PA DANG; SEMS CAN RNAMS KYI GNAS LA SOGS PA SNGON GYI GNAS RJES SU DRAN PA MKHYEN PA DANG, LUS CAN RNAMS KYI DA LTAR DANG MA 'ONGS PA'I 'CHI 'PHO BA DANG SKYE BA MKHYEN PA DANG, NYAN THOS NAS RANG SANGS RGYAS KYI BAR DU PHYOGS GCIG NAS MTHA' DAG GI ZAG PA ZAD PA MKHYEN PA'I STOBS TE, SEMS CAN RNAMS LA BSLU BA'I BDUD 'JOMS PAR BYED PA'I PHYIR STOBS KYI RNAM PA BCU'O, DA NI CHOS THAMS CAD MNGON PAR RDZOGS PAR SANGS RGYAS PA'O ZHES YE SHES ZHAL GYIS 'CHES PA DANG, 'DOD CHAGS LA SOGS PA ZAG PA JI SNYED PA THAMS CAD RAB TU ZAD DO ZHES SPANGS PA NYID DANG, GZHAN LA 'DOD CHAGS LA SOGS PA 'DI DAG GIS THEG PA GSUM GYI BAR DU GCOD PA'O ZHES GEGS LUNG 'BOGS PA NYID DANG, THAMS CAD MKHYEN PA NYID GSUM GYI LAM 'KHOR BA DANG THEG PA DMAN PA LAS NGES PAR 'BYUNG BA RJES SU @41B STON PAR MDZAD PA LA LHA DANG BDUD LA SOGS PA'I RGOL BA POS BAG TSA BA MED PA STE, GZHAN MU STEGS LA SOGS PAS BRDZI BAR MI NUS PA'I PHYIR MI 'JIGS PA'I RNAM PA BZHI'O, ,GZUGS NAS RNAM PA THAMS CAD MKHYEN PA NYID KYI BAR GYI CHOS RNAMS LA RNAM GRANGS SO SO YANG DAG PAR RIG PA DANG, DE DAG GI SPYI DANG RANG GI MTSAN NYID LA DON SO SO YANG DAG PAR RIG PA DANG, LHA DANG KLU LA SOGS PA'I SKAD LA NGES PA'I TSIG SO SO YANG DAG PAR RIG PA DANG, CHOS RNAMS KYI RAB TU DBYE BA'I YUL LA SPOBS PA SO SO YANG DAG PAR RIG PA STE, DAM PA'I CHOS LEGS PAR STON PA NYID KYI PHYIR SO SO YANG DAG PAR RIG PA'I RNAM PA BZHI'O, ,SKU RNAM PAR 'KHRUL PA MI MNGA' BA DANG, GSUNG CA CO DANG, THUGS DRAN PA NYAMS PA DANG, GNAS SKABS MNYAM PAR MA BZHAG PA DANG, 'KHOR BA DANG MYA NGAN LAS 'DAS PA LA THA DAD PA NYID KYI 'DU SHES DANG, GDUL BAR BYA BA SNOD DU RUNG BA DANG, MI RUNG BA SO SOR MA BRTAGS PA'I BTANG SNYOMS MI MNGA' BA STE BRAL PA'I RNAM PA DRUG DANG, DBANG PO NYID DU BRJOD PA'I BDAG NYID 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, SHES BYA'I SGRIB PA LAS DBEN PAR GYUR PAS RNAM PAR GROL BA LAS YONGS SU NYAMS PA MI MNGA' BA STE, MI NYAMS PA'I RNAM PA DRUG DANG, SKU DANG GSUNG DANG THUGS KYI PHRIN LAS YE SHES SNGON DU 'GRO ZHING YE SHES KYI RJES SU 'BRANG BA DANG, 'DAS PA DANG, MA 'ONGS PA DANG, DA LTAR BYUNG BA LA MA CHAGS MA THOGS PA'I YE SHES KYIS GZIGS PA 'JUG PA STE, GRANGS JI LTA BAR DRUG TSAN RE RES SPYOD PA DANG THOB PA DANG, PHRIN LAS SHIN TU PHUL DU GYUR PA GZHAN LAS THUN MONG MA YIN PA BRNYES PA'I PHYIR SANGS RGYAS KYI CHOS MA 'DRES PA RNAM PA BCO BRGYAD DANG, DUS GSUM GYI SANGS RGYAS THAMS CAD KYIS BSHAD CING 'GYUR BA MED PA'I DE BZHIN NYID DANG, CHOS THAMS CAD LA DBANG BSGYUR BA RANG 'BYUNG BA DANG, RNAM PA THAMS CAD MNGON PAR RDZOGS PA'I BYANG CHUB PA'I MTSAN NYID SANGS RGYAS NYID KYI RNAM PA STE, @42A *, ,RNAM PA THAMS CAD BLA NA MED PA'I RNAM PA GSUM MO, ,DE'I PHYIR SANGS RGYAS RNAMS KYI RNAM PA THAMS CAD MKHYEN PA NYID KYI LAM GYI RTEN CAN GYI RNAM PA NI SUM CU RTZA DGUR BZHED DE, MDOR BSDU NA RNAM PA BRGYA BDUN CU RTZA GSUM YIN NO, ,DE LA THAMS CAD MKHYEN PA NYID GSUM GYI RNAM PA RNAMS NI GO RIMS LTAR NYAN THOS LA SOGS PA NYON MONGS PA MED PAS ZHI BA KHO NA'I DON DU ZHUGS PA DANG, BYANG CHUB SEMS DPA' NYON MONGS PA SHIN TU SPANGS PA MA YIN PAS SEMS CAN GYI DON TSOL BA DANG, YANG DAG PAR RDZOGS PA'I SANGS RGYAS DRI MA MA LUS PA SPANGS PAS MDZAD PA LHUN GYIS GRUB PAR SPYOD PA'I PHYIR ZAG PA MED PA DANG, YOD PA DANG MED PA GNYIS KA DANG, SHIN TU ZAG PA MED PA YIN PAR SHES PAR BYA'O, ,DE'I RJES LA RNAM PA DE DAG SGOM PAR BYED PA'I SBYOR BA BSTAN PA'I PHYIR SNGON DU SBYOR BA PO'I SNOD GSUNGS PA, SANGS RGYAS RNAMS LA BKUR STI BYAS, ,DE LAS DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,SANGS RGYAS BSTEN DANG KUN 'DRI DANG, ,SBYIN DANG TSUL KHRIMS SOGS SPYOD PAS, ,LEN DANG 'DZIN PA LA SOGS PA'I, ,SNOD DU DAM PA RNAMS BZHED DO, ,ZHES BYA BA'O, ,SNGON DANG DA LTAR BYUNG BA'I SANGS RGYAS RNAMS LA BSNYEN BKUR BYAS PA DANG, DE DAG LA SEMS BSKYED PA LA SOGS PAS DGE BA'I RTZA BA BSKRUN CING SBYANGS PA DANG, GNAS SKABS THAMS CAD DU DGE BA'I BSHES GNYEN DAG GIS RJES SU BZUNG BA RNAMS NI RNAM PA'I MTSAN NYID CAN GYI YUM 'DI'I GZHUNG MNYAN PA'I SNOD DU RUNG BA YIN NO, ,DE BZHIN GSHEGS PA RNAMS LA LUS LA SOGS PA'I ZHABS 'BRING GIS MNYES PAR BYAS PA DANG, THE TSOM GYI GNAS THAMS CAD LEGS PAR DRIS PA DANG, SBYIN PA DANG TSUL KHRIMS LA SOGS PA PHA ROL TU PHYIN PA BCU RAB TU SGRUB PA DAG GO RIMS LTAR 'DI'I TSIG 'DZIN PA DANG, DON MI BRJED PA DANG, MTSAN NYID TSUL BZHIN DU YID LA BYED PA'I SNOD DU RUNG BA NYID YIN PAR SANGS RGYAS LA SOGS PA BZHED DO, ,DE'I 'OG TU SBYOR BA DNGOS GSUNGS @42B PA; GZUGS LA SOGS LA MI GNAS PHYIR, ,DE LA SPYOD PA BKAG PA'I PHYIR, ,DE YI DE BZHIN NYID ZAB PHYIR, ,DE RNAMS GTING DPAG DKA' BA'I PHYIR, ,DE DAG TSAD NI MED PHYIR DANG, ,TSEGS CHEN YUN RING RTOGS PA'I PHYIR, ,LUNG BSTAN PHYIR MI LDOG NYID DANG, ,NGES 'BYUNG BAR CHAD MED BCAS DANG, ,BYANG CHUB NYE DANG MYUR BA DANG, ,GZHAN DON 'PHEL MED 'GRIB MED PHYIR, ,CHOS DANG CHOS MIN SOGS MI MTHONG, ,GZUGS SOGS BSAM MI KHYAB MI MTHONG, ,GZUGS SOGS DE YI MTSAN MA DANG, ,DE YI NGO BOR RNAM MI RTOG ,'BRAS BU RIN CHEN SPYIN BYED DANG, ,DE NI DAG PA MTSAMS DANG BCAS, ,ZHES BYA BA'O, ,GZUGS LA SOGS PA LA NGO BO NYID MED PA NYID KYI MI GNAS PA DANG, DE DAG LA MI SBYOR BA NYID KYANG MI DMIGS PA DANG, GZUGS LA SOGS PA DE DAG DE BZHIN NYID KYI NGO BO NYID KYIS ZAB PA DANG, RTOGS PAR DKA' BA NYID KYIS GTING DPAG DKA' BA DANG, DE DAG GI MTHA' MI RNYED PA NYID KYIS TSAD MED PA ZHES BYA BAR RANG BZHIN GYI DBYE BA RNAM PA LNGA DANG, SHES RAB KYI PHA ROL TU PHYIN PA LA SKRAG PA'I PHYIR RAB TU TSEGS CHEN POS YUN RING MO ZHIG NA 'TSANG RGYA BA DANG, MI SGRAG PA'I PHYIR PHYIR MI LDOG PAR LUNG BSTAN PAR NYE BA DANG, PHA ROL TU PHYIN PA DE'I CHOS SPYOD PA YANG DAG PAR 'DZIN PA'I PHYIR PHYIR MI LDOG PA DANG, THEG PA DMAN PA YID LA BYED PA'I BAR CHAD KYI CHOS SPONG BA'I PHYIR NGES PAR 'BYUNG BA DANG, RTAG TU DE KHO NA NYID KYI CHOS BSGOM PA'I PHYIR BAR CHAD MED PA DANG BCAS PA DANG, ZAG PA MED PA'I CHOS GSAR GYI RTEN DU GYUR PA'I PHYIR BYANG CHUB DANG NYE BA DANG, 'BRAS BU CHOS KYI SKU MNGON PAR 'GRUB PA'I PHYIR BYANG CHUB MYUR BA DANG, CHOS KYI 'KHOR LO RNAM PA DU MAR RAB TU SKOR BAR BYED PA'I PHYIR GZHAN GYI DON DANG, CHOS KYI DE BZHIN NYID KYI NGO BOS SKYE BA DANG 'GAG PA MED PA'I PHYIR 'PHEL BA DANG 'GRIB PA MED PA DANG, 'DOD PA'I KHAMS SU NYE BAR MI DMIGS PA'I PHYIR CHOS DANG CHOS MA YIN PA LA SOGS PA MI MTHONG BA DANG, KUN RDZOB KYI NGO BO NYID KYIS GZUGS LA @43A *, ,SOGS PA BSAM GYIS MI KHYAB PA'I DON DAM PAR DE LTAR RLOM PA MED PA'I PHYIR BSAM GYIS MI KHYAB PA'I RNAM PA 'GOG PA DANG, GZUGS LA SOGS PA DANG DE'I MTSAN MA DANG DE'I NGO BO NYID GSUM DU RNAM PAR MI RTOG PA'I PHYIR DE'I NGO BOR RNAM PAR MI RTOG PA DANG, 'BRAS BU DANG PO LA SOGS PA MNGON PAR MTHONG BA NYID DU BYED PA'I PHYIR 'BRAS BU RIN PO CHE SBYIN PA DANG, GZUGS LA SOGS PA'I CHOS NYID DAG PA RNAM PA GNYIS BSGOM PA'I PHYIR RNAM PAR DAG PA DANG, LO DANG ZLA BA LA SOGS PA KHYAD PAR GYI DUS BZUNG BAS MNGON PAR BRTZON PA'I PHYIR SA MTSAMS DANG BCAS TE, SBYOR BA ZHES PA GNAS SKABS KYI DBYE BA BCO LNGA STE SBYOR BA NI RNAM PA NYI SHU'O, ,DE NAS SBYOR BA DE DAG RNAM PAR SGOM PA'I PHAN YON GSUNGS PA, BDUD KYI MTHU BCOM LA SOGS PA, ,YON TAN RNAM PA BCU BZHI'O, ,ZHES BYA BA'O,, DE BZHIN GSHEGS PA RNAMS KYIS BYIN GYIS BRLABS PAS BDUD KYI MTHU BCOM PA DANG, SANGS RGYAS THAMS CAD YONGS SU MNYES PAS DGONGS SHING MKHYEN PA DANG, GCES SPRAS SU BYED PAS MNGON SUM DU MDZAD PA DANG, RGYU YONGS SU 'DZIN PAS YANG DAG PAR RDZOGS PA'I BYANG CHUB DANG NYE BAR GYUR PA DANG, NAM YANG NGAN SONG DU MI LTUNG ZHING SANGS RGYAS DANG MI 'BRAL BAS DON CHEN PO NYID LA SOGS PA DANG, LHO PHYOGS BRTA NI NAS BYANG PHYOGS SU RGYAS PAR 'GYUR BA LA SOGS PAS BYA BA BYED PA DANG, SANGS RGYAS MANG PO LA RAB TU ZHUS PAS ZAG PA MED PA'I YON TAN RDZOGS PA DANG, BDAG LA STON PAS RNAM PA THAMS CAD MKHYEN PA NYID KYI GTAM MDZAD PAS SMRA BA'I SKYES BUR 'GYUR BA DANG, BDUD KYIS BYANG CHUB LAS ZLOG PAR MI NUS PAS MI BYED PA DANG, BDAG NYID THEG PA CHEN PO'I SBYOR BA RNAMS LA DGA' BA CHER 'PHEL ZHING GZHAN DE NYID LA 'GOD PAR 'GYUR BAS DGE BA'I RTZA BA THUN MONG MA YIN PA SBYIN PA DANG, SANGS RGYAS RNAMS KYI RJES SU YI RANG BA MDZAD PAS DAM BCA' BA JI LTA BA BZHIN BSGRUB PA DANG, CHOS RGYA CHEN PO LA MOS SHING SPYOD PA RLABS PO CHE YANG DAG PAR SPYAD PAS 'BRAS BU RGYA CHEN PO YONGS SU @43B 'DZIN PA DANG, DE NAS RLABS CHEN PO'I SPYOD PAS GZHAN GYI DGOS PA RJES SU SGRUB PAS SEMS CAN GYI DON SGRUB PA DANG, BDAG DANG GZHAN GYI DON DU BRTZON PA MI GTONG BAS 'DI TSOL BA NA 'DI DANG GZHAN PA'I MDO SDE 'DI LTA BU YANG RNYED PAR 'GYUR BA STE, PHYIN CI MA LOG PA'I SBYOR BA LA MNGON PAR DGA' BAS 'THOB PA YON TAN RNAM PA BCU BZHI'O, ,DE NAS SBYOR BA DE DAG PHUN SUM TSOGS PAR BSGRUB PAR BYA BA'I PHYIR SKYON SHES DGOS PAS BAR CHAD DU 'GYUR BA'I GNAS RNAMS GSUNGS PA, SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,ZHES BYA BA'O, ,SKYO ZHING BAR CHAD DU 'GYUR BA'I RGYU SPOBS PA HA CANG THOGS PA DANG, YANG DAG PA MA YIN PA'I RTOGS PA MYUR DU SKYE BAS RLOM PA'I RGYU HA CANG MYUR BA STE SPOBS PA DANG 'BREL PA GNYIS DANG, GLAL BA DANG STEG PA LA SOGS PA LUS KYI GNAS NGAN LEN DANG, G-YENG BA DANG 'DOD CHAGS LA SOGS PA SEMS KYI GNAS NGAN LEN DANG, GLAL BA LA SOGS PA RIGS PA MA YIN PAS BSKYED PA'I KHA TON BYED PA LA SOGS PA NGAG GI GNAS NGAN LEN TE GNAS NGAN LEN DANG 'BREL PA GSUM DANG, LUNG MA BSTAN PA DANG 'DI'I GTING MI RNYED PAS PHYIR PHYOGS PA'I RGYU MTSAN 'DZIN PA DANG, NYAN THOS KYI SDE SNOD TSOL BAS RGYU LA MNGON PAR ZHEN PAS NYAMS PA DANG, DMAN PA'I RO LA CHAGS PA GYA NOM PA'I RO MYANG BAS NYAMS PA DANG, NYAN THOS LA SOGS PA'I SDE SNOD LA MCHOG TU 'DZIN PAS THEG PA'I MCHOG KUN TU 'DZIN PA LAS NYAMS PA DANG, CHED DU BYA BA RIN PO CHE'I 'BYUNG GNAS MA YIN PA LA YIN PAR 'DZIN PAS RTAG TU CHED DU BYA BA NYAMS PA ZHES BYA BA DAG GO, ,RNAM PA THAMS CAD MKHYEN PA NYID THOB PAR 'DOD PAS THEG PA DMAN PA LA SLOB PA RGYU DANG 'BRAS BU 'BREL PA NYAMS PA DANG, DMAN PA'I YON TAN GYI GZHIR GYUR PA'I SDE SNOD LAN PA GONG NA MED PA LAS NYAMS PA STE, THEG PA CHEN PO LAS NYAMS PA'I RGYU DANG 'BREL PA DANG, MDO SDE GZHAN LA SPYOD PA'I YID LA BYED PA 'BYUNG BAS YUL MANG PO LA RNAM @44A *, ,PAR RTOG PA'I SPOBS PA 'GYUR BA DANG, YI GE SHES RAB KYI PHA ROL TU PHYIN PAR 'DU SHES PAS YI GE 'DRI BA LA MNGON PAR ZHEN PA DANG, MED PA'I MTSAN MAR DMIGS PA DNGOS PO MED PA LA MNGON PAR ZHEN PA DANG, YI GER 'DRI BA'I GZHUNG YUM DU 'DU SHES PA YI GE LA MNGON PAR ZHEN PA DANG, YI GE MA YIN PA YUM DU 'DU SHES PA YI GE MED PAS MNGON PAR ZHEN PA DANG, SNA TSOGS PA'I 'DU SHES KYIS G-YENG BA DANG YUL DANG GRONG KHYER LA SOGS PA YID LA BYED PA DANG, 'JIG RTEN GYI DGA' BA NYAMS SU LEN PA RNYED PA DANG BKUR STI DANG TSIGS SU BCAD PA'I RO MYANG BA DANG, BDUD KYI BSTAN PA'I SDE SNOD LAS THABS LA MKHAS PA TSOL BA LAM MA YIN PAS LAM TSOL BA ZHES BYA BA DAG STE RNAM PAR G-YENG BA'I RGYU DANG 'BREL PA BRGYAD DO, DE'I SBYOR BA LA MNGON PAR BRTZON PA DANG MI BRTZON PA DANG 'DUN PA DANG SNYOM LAS KYIS NYAMS PA DANG, 'DIR GNAS PA DANG GZHAN DU 'GRO BAR 'DOD PAS 'DUN PA'I YUL THA DAD PAS NYAMS PA DANG, CHOS DANG ZANG ZING LHUR LEN PA DANG 'DOD CHEN CHUNG BA DANG CHUNG BA MA YIN PA DANG, DGON PA LA SOGS PA SBYANGS PA'I YON TAN DANG LDAN PA DANG MI LDAN PA DANG, SHES RAB KYI PHA ROL TU PHYIN PA NYAMS PA LA DAD PA DANG, DE MA YIN PA LA SOGS PA DGE BA DANG MI DGE BA MA YIN PA'I CHOS NYID DANG, RANG GI DANG GI BYED PAS GTONG BA DANG SER SNA CAN DU 'GYUR BA DANG, RANG GI GNAS SKABS KYI BYED PAS SBYIN PA DANG MI LEN PA DANG, DBANG PO'I KHYAD PAR GYIS MGO SMOS PA DANG RNAM PAR SPROS PAS GO BA DANG, RGYA CHEN PO DANG CIG SHOS KYI DBANG GIS MDO LA SOGS PA'I CHOS MNGON PAR SHES PA DANG MI SHES PA DANG, SPYOD PA DANG DANG TSUL GYI SGO NAS PHA ROL TU PHYIN PA DRUG DANG LDAN PA DANG MI LDAN PA ZHES BYA BA DAG GO, ,DE BZHIN DU RNAM PA THAMS CAD MKHYEN PA NYID KYI THABS DANG MA YIN PA LA MKHAS PA DANG, TSIG LA SOGS PA'I GZUNGS THOB PA DANG MA THOB PA DANG, GLEGS BAM DU BYA BA'I PHYIR YI GE 'DRI BAR 'DOD PA DANG MI 'DOD PA DANG, 'DOD PA'I 'DUN PA LA SOGS PA DANG BRAL BA DANG MA BRAL BA NYID CES BYA BA NYAN @44B BA BO DANG 'CHAD PA PO GANG YANG RUNG BA DANG 'BREL BA BCU BZHI DANG, NGAN 'GRO'I BSNGAGS PA MA YIN PA BRJOD PAS NGAN SONG GI DON LAS PHYIR PHYOGS PA DANG, MTHO RIS KYI YON TAN BRJOD PAS NGES PAR 'BYUNG BA MA YIN PA BDE 'GRO 'GRO BAS YID BE DE BA ZHES BYA BA RANG DANG 'BREL PA GNYIS DANG, DANG CHUL DANG GNAS SKABS KYIS GCIG PU DANG 'KHOR DANG MNGON PAR DGA' BA DANG, 'CHAD PAR KHAS MI LEN PA'AM, BLANGS KYANG GO SKABS MI 'BYED CING NYAN PA PO LA SOGS PAR RJES SU 'BREL PAR 'DOD PA DANG, MNGON PAR CHAGS PA'I SGO NAS ZANG ZING CUNG ZAD SBYIN PAR 'DOD PA DANG MI 'DOD PA DANG, 'GYUR BA'I PHYOGS SU 'GRO BA ZHES BYA BA DAG GO, ,DE BZHI DU MU GE BYUNG BA'I PHYOGS DANG CHOM RKUN LA SOGS PAS DKRUGS PA'I PHYOGS SU 'GRO BA DANG MI 'GRO BA PHYOGS SU 'GRO BA DANG MI 'GRO BA ZHES BYA BA GNYIS TE, GNYIS KA DANG 'BREL PA DRUG STE, SLOB DPON NYID DANG 'BREL PA RNYED PA LA CHAGS PA LA SOGS PA'I RGYU MTSAN GYIS BYAMS PAR BYED PA'I KHYIM BLTA BAS YID MI BDE BA ZHES BYA BA GCIG DANG, BDUD KYIS 'DI YIN GYI DE NI MA YIN NO ZHES BRJOD PAS BZLOG PA NYID KYIS 'BYED PA'I SBYOR BA DANG, SBYIN PA LA SOGS PA'I GZUGS BRNYAN BSTAN PAS BRAL BAR BYED PA BCOS MA NYE BAR SGRUB PA DANG, BCOS MA'I 'TSANG RGYA BA DANG BYANG CHUB SEMS DPA' SPRUL TE, YUL JI LTA BA BZHIN MA YIN PA LA DGA' BA BSKYED PA ZHES BYA BA LOG PAR 'KHRID PA NYID KYI RNAM PA GSUM STE, DE LTAR BZHI BCU RTZA DRUG GO, ,DE LTAR YON TAN DANG SKYON BLANG BA DANG DOR BAS SBYOR BA RNAMS BSGOM PAR BYA BA YANG MTSAN NYID SHES PA SNGON DU 'GRO BA CAN YIN PAS DE'I 'OG TU MTSON PA'I MTSAN NYID GSUNGS PA, GANG GIS MTSON TE MTSAN NYID DU, ,SHES BYA DE YANG RNAM PA GSUM, ,SHES PA KHYAD PAR BYED PA STE, ,NGO BO NYID GANG MTSON BYA YANG, ,ZHES BYA BA'O, ,'DIS SBYOR BA RNAMS DE BZHI GSHEGS PA NYID SKYED PAR MTSON PAR BYED PAS SHES PA DANG, KHYAD PAR DANG, BYED PA'I @45A *, ,MTSAN NYID DE BYED PA SGRUB PA RNAM PA GSUM DANG, 'DI DAG MTSON PAR BYA BA YIN PAS NGO BO NYID KYI MTSAN NYID LAS SU SGRUB PA'I RNAM PA GCIG STE MTSAN NYID NI GZHIR SHES PAR BYA'O, ,DE LA SHES PA'I MTSAN NYID THAMS CAD MKHYEN PA NYID GSUM GYI DBYE BAS THA DAD PA LAS RE ZHIG THAMS CAD MKHYEN PA NYID KYI SGO NAS DE'I MTSAN NYID GSUNGS PA, DE BZHIN GSHEGS PA 'BYUNG BA DANG, ,'JIG RTEN 'JIG MED BDAG NYID DANG, ,SEMS CAN SEMS KYI SPYOD PA DANG, ,DE BSDUS PA DANG PHYIR BLTAS DANG, ,MI ZAD PA YI RNAM PA DANG; ,CHAGS BCAS SOGS DANG RGYA CHEN DANG, ,CHEN POR GYUR DANG TSAD MED DANG, ,RNAM SHES BSTAN DU MED PA DANG, ,SEMS BLTAR MED DANG SHES PA DE, ,G-YO BA LA SOGS SHES BYA DANG, ,DE LAS GZHAN YANG DE DAG NI, ,DE BZHIN NYID KYI RNAM PAR SHES, ,THUB PAS DE BZHIN NYID RTOGS TE, ,GZHAN LA BSTAN PA ZHES BYA 'DI, ,THAMS CAD SHES PA NYID SKABS KYI, ,SHES PA'I MCHAN NYID BSDUS PA YIN, ,ZHES BYA BA'O, ,MA 'DRES PA'I CHOS LA SOGS PAS SPYIR DE BZHIN GSHEGS PA SKYED PA NYID DANG, 'JIG RTEN DE KHO NAR 'JIG PA MED PAR MKHYEN PA DANG, KUN RDZOB TU SEMS CAN GRANGS MED PA'I SEMS CAN GYI SPYOD PA DANG, DE BZHI NYID LA MNYAM PAR BZHAG PA SEMS BSDUS PA DANG, MNYAM PAR MA BZHAG PAS SEMS RNAM PAR G-YENGS PA PHYIR BLTAS PA DANG, YANG DAG PA'I MTSAN NYID KYI SEMS MI ZAD PA'I RNAM PA DANG, SKYE BO RNAMS KYI SEMS KUN NAS NYON MONGS PA 'DOD CHAGS DANG BCAS PA DANG, SOGS PA ZHES BYA BAS BSDUS PA 'PHAGS PA RNAMS KYI RNAM PAR BYAD PA'I SEMS 'DOD CHAGS DANG BRAL BA DANG, SKYE BA DANG GNAS PA DANG 'JIG PA MED PA'I SEMS RGYA CHEN PO DANG, BDAG MED PA NYID DANG, YON TAN THOB PA MNYAM PA NYID SEMS CHEN POR GYUR PA DANG, SO SO NGES PAR MI NUS PAS SEMS TSAD MED PA DANG, 'GAGS PA LA SOGS PAS DUS GSUM GYI SEMS BSTAN DU MED PA DANG, NGO @45B BO NYID THAMS CAD DANG BRAL BAS SEMS BLTAR MED PA DANG, RNAM PAR 'PHRO BAS SEMS G-YO BA LA SOGS PA DANG, DE LAS GZHAN YANG G-YO BA LA SOGS PA DE BZHIN NYID DANG MA NOR BA DANG, THUB PA MCHOG GIS DE BZHIN NYID JI LTA BAR RTOGS NAS DE'I DON GZHAN LA BSTAN PA ZHES BYA BA SHES PA'I RNAM PA'I BYE BRAG BCU DRUG GIS THAMS CAD SHES PA NYID KYI SBYOR BA RNAMS JI LTAR DE'I BDAG NYID KYIS MKHYEN PA SKYED PAR MTSON PAS SHES PA'I MTSAN NYID THAMS CAD SHES PA NYID KYIS BSDUS PA YIN NO, ,DE NAS LAM SHES PA NYID KYI SGO NAS SHES PA'I MTSAN NYID GSUNGS PA, STONG NYID MTSAN MA MED BCAS DANG, ,SMON PA RNAM PAR SPANGS PA DANG, ,SKYE MED 'GAG PA MED SOGS DANG, ,CHOS NYID RNAM PAR 'KHRUG MED DANG, ,'DU MI BYED DANG RNAM MI RTOG ,RAB DBYE MTSAN NYID MED NYID LA, ,LAM SHES NYID KYI SKABS KYIS NI, ,SHES PA'I MTSAN NYID YIN PAR BZHED, ,CES BYA BA'O, ,RANG GI NGO BO STONG PA NYID DANG, RGYU'I BYED PA MTSAN MA MED PA DANG, 'BRAS BU'I BDAG NYID SMON PA MED PA DANG, RTEN CING 'BREL PAR 'BYUNG BA LUGS SU 'BYUNG BA'I SKYE BA MED PA DANG, LUGS LAS BZLOG PA'I 'GAG PA MED PA DANG, SOGS PA ZHES BYA BAS BSDUS PA DRI MA'I BDAG NYID KUN NAS NYON MONGS PA MED PA DANG, DRI MA DANG BRAL BA RNAM PAR BYANG BA MED PA DANG, SPANGS BA DANG, BLANG BA'I DNGO SPO MED PA DANG RANG BZHIN GYIS MYA NGAN LAS 'DAS PA'I NGO BO NYID MED PA DANG, CHOS KYI DBYINGS KYI NGO BO RTEN MED PA DANG, SGRIB G-YOGS KYI DBANG GIS YONGS SU 'GYUR BA MED PAS NAM MKHA'I MTSAN NYID DRUG DANG, SUS KYANG GZHAN DU BYA BAR MI NUS PAS CHOS NYID RNAM PAR 'KHRUG PA MED PA DANG, RGYU DANG RKYEN LAS MA KSYES PAS MNGON PAR 'DU BYA BA MED PA DANG, MTSAN NYID 'GAR YANG GDAGS PAR BYA BA MA YIN PAS RNAM PAR MI RTOG PA NYID DANG, KUN RDZOB RNAM PAR BZHAG PAS CHOS RNAMS KYI RAB TU DBYE BA DANG, DON DAM PAR SHIN TU DBEN PAS MTSAN NYID MED PAR SHES PA DANG ZHES BYA BA SHES PA'I @46A *, ,RNAM PA'I BYE BRAG BCU DRUG GIS LAM SHES PA NYID KYI SBYOR BA RNAMS JI LTA BAR DE'I BDAG NYID KYI MKHYEN PA BSKYED PAR MTSON PAS SHES PA'I MTSAN NYID LAM SHES PA NYID KYIS BSDUS PA YIN NO, ,DE NAS RNAM PA THAMS CAD MKHYEN PA NYID KYI SGO NAS SHES PA'I MTSAN NYID GSUNGS PA, ,DE NI NYID KYI CHOS BRTEN NAS, ,GNAS DANG GUS PAR BYA BA DANG, ,BLA MA NYID DANG MNYES PA DANG, ,DE LA MCHOD DANG BYED MED DANG, ,KUN TU 'JUG MKHYEN GANG YIN DANG, ,MA MTHONG STON PAR MDZAD PA DANG, , 'JIG RTEN STONG NYID RNAM PA DANG, BRJOD DANG SHES MDZAD MNGON SUM MDZAD, ,BSAM MI KHYAB DANG ZHI NYID STON, ,'JIG RTEN 'DU SHES 'GOG PA LA, ,RNAM PA KUN MKHYEN TSUL LA NI, ,SHES PA'I MTSAN NYID CES BSHAD DO, ,ZHES BYA BA'O, ,THUB PA DE NI NYID KYI CHOS RNAM PA THAMS CAD JI LTA BAR MKHYEN PA'I YUL 'DI LA BRTEN NAS BDE BAR GNAS PA MCHOG GIS GNAS PA MKHYEN PA DANG, 'DI'I DON STON PAR MDZAD PA NAS NYID KYI KHRI BSHAM PA LA SOGS PA MDZAD PA GUS PAR BYA BA DANG, BKA' BSGRUB PAR BYA BA NYID DU BKUR BAS BLA MAR BYA BA DANG, YON TAN BRJOD PA LA SOGS PAS MNYES PAR BYED PA DANG, RIN PO CHE'I ME TOG GTOR BA LA SOGS PAS MCHOD PA DANG, DE KHO NAR SKYE BA DANG 'JIG PA DANG RANG GI NGO BOS BSTONG PAS DE LTAR BYED PA NYID MED PA DANG, CHOS THAMS CAD LA THOGS PA MED PA'I YE SHES KUN TU 'JUG PA MKHYEN PA DANG, SHES RAB KYI PHA ROL TU PHYIN PA 'DIS SANGS RGYAS LA CHOS 'GA' YANG MTHONG BAR BYAR MED PA'I DON BSTON PA DANG, PHUNG PO LHA'I 'JIG RTEN STONG PA NYID DU MKHYEN PA DANG, THOS PA LAS BYUNG BA'I SHES RAB BSKYED PAR BYA BA NYID KYIS 'JIG RTEN STONG PA NYID DU BRJOD PAR MDZAD PA DANG, BSAMS PA LAS BYUNG BA BSKYED PAR BYA BA NYID KYIS 'JIG RTEN STONG PA NYID DU SHES PAR BYA BA DANG, BSGOMS PA LAS BYUNG BA BSKYED PAR BYA BA NYID KYIS 'JIG RTEN STONG PA NYID DU MNGON SUM DU MTHONG BAR MDZAD PA DANG, PHUNG PO RNAM PA LNGA'I @46B DE KHO NA NYID SPYOD YUL LAS 'DAS PAS BSAM GYIS MI KHYAB PA DANG, ,DE'I CHOS NYID SPROS PA THAMS CAD NYE BAR ZHI BA NYID DU STON PA DANG, PHUNG PO LA MNGON PAR ZHEN PA'I 'JIG RTEN 'GOG PA DANG, DE LA BLOS MTSAN MAR 'DZIN PA NYID KYI 'DU SHES 'GOG PA ZHES BYA BA SHES PA'I RNAM PA'I BYE BRAG BCU DRUG GIS RNAM PA THAMS CAD MKHYEN PA NYID KYI SBYOR BA RNAMS JI LTA BAR DE'I BDAG NYID KYI MKHYEN PA BSKYED PAR MTSON PAS SHES PA'I MTSAN NYID RNAM PA THAMS CAD MKHYEN PA NYID KYIS BSDUS PA YIN NO, ,DE LTAR SHES PA'I MTSAN NYID SPYI'I MTSAN NYID DU BRJOD NAS; SHES PA'I RNAM PAS YONGS SU BCAD PA KHYAD PAR GYI MTSAN NYID GSUNGS PA, BSAM MI KHYAB SOGS KHYAD PAR GYIS, ,KHYAD ZHUGS BDEN PA'I SPYOD YUL CAN, ,SKAD CIG MA NI BCU DRUG GIS, ,KHYAD PAR MTSAN NYID BSHAD PA YIN, ,ZHES BYA BA'O, ,GANG GI PHYIR KHYAD PAR GYI CHOS BSAM GYIS MI KHYAB PA DANG, MI MNYAM PA LA SOGS PAS KHYAD PAR DU GYUR PA SDUG BSNGAL LA SOGS PA BDEN PA'I YUL CAN CHOS DANG RJES SU SHES PA'I BZOD PA DANG SHES PA'I MTSAN NYID SKAD CIG MA BCU DRUG GIS LAM SHES PA NYID LA SOGS PA'I SBYOR BA DAG MTSON PAR BYED PA'I PHYIR KHYAD PAR GYI MTSAN NYID DU BSHAD PA YIN NO, ,DE LA BSAM GYIS MI KHYAB PA LA SOGS PA'I KHYAD PAR DE DAG GSUNGS PA, ,BSAM MI KHYAB DANG MI MNYAM DANG, ,GZHAL DANG BGRANG LAS YANG DAG 'DAS, ,'PHAGS PA KUN BSDUS MKHAS PA YIS, ,RIG BYA THUN MONG MED SHES DANG, ,SHES MYUR BRI DANG GANG MED DANG, SGRUB DANG YANG DAG 'GRUB PA DANG, ,DMIGS PA RTEN DANG BCAS PA DANG, MTHA' DAG PA DANG YONGS 'DZIN DANG, ,RO MYANG MED DANG KHYAD PAR NI, ,BCU DRUG BDAG NYID SHES BYA STE, ,GANG GIS LAM 'DI GZHAN DAG LAS, ,KHYAD DU 'PHAGS PAS KHYAD PAR LAM, ,ZHES BYA BA'O, ,RTOG GE'I SPYOD YUL LAS 'DAS PAS BSAM GYIS MI KHYAB PA NYID DANG, DPE ZLAR RUNG BAS MTSUNGS PA MED PAS MI MNYAM PA DANG, TSANG MA RNAMS @47A *, ,KYIS RTOGS PAR BYA BA MA YIN PAS GZHAL BA LAS YANG DAG PAR 'DAS PA DANG, SGRAS BRJOD PA LA SOGS PAS TSAD GZUNG BAR MI RUNG BAS BGRANG BA LAS YANG DAG PAR 'DAS PA DAG NI, SDUG BSNGAL GYI BDEN PA'I SKAD CIG MA'I KHYAD PAR YIN NO, ,NYON THOS NAS RANG SANGS RGYAS KYI BAR DU 'PHAGS PA'I GANG ZAG THAMS CAD SDUD PA DANG, PHRA BA LA SOGS PA'I DON SKYES BU MKHAS PAS RIG PAR BYA BA NYID DANG, NYAN THOS LA SOGS PA'I SPYOD YUL MA YIN PA'I DNGOS PO YONGS SU SHES PA DANG, RNAM PA THAMS CAD MKHYEN PA NYID SHIN TU MYUR BAR RTOGS PA DAG NI KUN 'BYUNG BA'I BDEN PA'I SKAD CIG MA'I KHYAD PAR YIN NO, ,CHOS KYI DBYINGS KYI NGO BO KHO NAS CHOS THAMS CAD BRI BA DANG GANG BA MED PA DANG, CHOS SMRA BA BSTEN CING 'KHOR GSUM RNAM PAR DAG PA'I SBYIN PA LA SOGS PA'I PHA ROL TU PHYIN PA DRUG TU RAB TU SGRUB PA DANG, DUS RING MO NYID NAS SANGS RGYAS LA BSNYEN BKUR BA LA SOGS PA'I RGYUS BSOD NAMS DANG YE SHES YANG DAG PAR 'GRUB PA DANG, SHES RAB DANG THABS KYIS YANG DAG PAR ZIN PAS CHOS THAMS CAD MA TSANGS BA MED PA LA DMIGS PA DAG NI 'GOG PA'I BDEN PA'I SKAD CIG MA'I KHYAD PAR YIN NO, ,THABS MKHAS PA NYID KYIS LEGS PAR BSGRUBS PA'I RIGS KYI RTEN DANG BCAS PA DANG, SBYIN PA LA SOGS PA'I PHA ROL TU PHYIN PA YONGS SU RDZOGS PA'I RGYU MTHA' DAG 'TSOG PA DANG, DGE BA'I BSHES GNYEN GYIS BSTAN PA'I THABS DANG SHES RAB KYI PHA ROL TU PHYIN PA YONGS SU 'DZIN PA DANG, DNGOS PO DANG MYA NGAN LAS 'DAS PA LA CHAGS PA'I RO MYANG BA MED PA DAG NI LAM GYI BDEN PA'I SKAD CIG MA'I KHYAD PAR YIN TE, GANG GI BYANG CHUB SEMS DPA'I LAM NYAN THOS LA SOGS PA'I LAM RNAMS LAS KHYAD PAR DU 'PHAGS PA'I CHOS BSHAD MA THAG PA'I KHYAD PAR SKAD CIG MA BCU DRUG DANG LDAN PA 'DI DAG NI KHYAD PAR GYI LAM YIN PAR SHES PAR BYA'O, ,DE'I RJES LA DE DAG GI BYED PA'I MTSAN NYID GSUNGS PA, PHAN DANG BDE DANG SKYOB PA DANG, ,MI RNAMS KYI NI SKYABS DAG DANG, GNAS DANG DPUNG @47B GNYEN GLING DANG NI, ,YONGS 'DREN PA ZHES BYA BA DANG, ,LHUN GYIS GRUB DANG THEG GSUM GYI, ,'BRAS BU MNGON SUM MI BYED DAG ,THA MA RTEN GYI MDZAD PA STE, ,'DI NI BYED PA'I MTSAN NYID YIN, ,ZHES BYA BA'O, ,NGES PAR LEGS PA NYID KYI PHAN PA THAR PA DANG, , SEMS CAN LA MNGON PAR MTHO BA NYID KYI BDE BA LUS DANG SEMS MNGON PAR TSIM PA DANG, BLA NA MED PA NYID KYI SKYOB PA LAM LEGS PAR STON PA STE, SPYIR THAMS CAD MKHYEN PA NYID KYI BYED PA GSUM DANG, YID KYI RANG BZHIN GYI LUS LA SOGS PAS RIM GYIS MI GNAS PA'I MYA NGAN LAS 'DAS PA LA SBYOR BA SKYABS DANG, CHOS THAMS CAD 'DRE BA MED PA LA SOGS PAR BSTAN PAS MA RIG PA DANG BAG CHAGS KYI SA LA SOGS PA SPONG BA'I GNAS DANG, SRID PA DANG ZHI BA MNYAM PA NYID DU RTOGS PAS DE LAS GZHAN PA RNAMS KYI DPUNG GNYEN DANG, BLANG BA DANG DOR BA'I SRED PA YONGS SU CHAD CING RANG DANG GZHAN GYI DON RTOGS PA'I RTEN DU GYUR PA'I GLING DANG, SKYE BA MED PA LA SOGS PA'I CHOS BSTAN TE GZHAN GYI DON BSGRUB PAS YONGS SU 'DREN PA DANG, CHOS THAMS CAD NAM MKHA' DANG 'DRA BAR BSTON CING RTZOL BA MED PAR 'JUG PAS SEMS CAN GYI DON LHUN GYIS GRUB PA DANG, RLOM SEMS DANG BRAL BA'I CHOS STON CING MNGON DU BYA BA DANG BRAL BAR RTOGS PAS THEG PA GSUM GYIS NGES PAR 'BYUNG BA'I 'BRAS BU MNGON DU MI BYED PA STE, BYE BRAG TU LAM SHES PA NYID KYI BDEN PA BDUN DANG, CHOS THAMS CAD MNGON PAR RDZOGS PA NYID KYIS CHOS BSTAN TE DE'I RTEN SANGS RGYAS LA 'GOD PAS RNAM PA THAMS CAD MKHYEN PA NYID GANG YIN PA RTEN GYI MDZAD PA NI GCIG GO, ,'DIR THUN MONG MA YIN PA'I SBYOR BA GTZOR BSTAN PA NYID KYI BYED PA RNAM PAR BSTAN PA YIN PAS THAMS CAD SHES PA NYID LA BRTEN PA'I BYED PA NI LOGS SHIG TU BRTZI BAR MI BYA'O, ,DE LTAR BYED PA'I RNAM PA BCU GCIG GIS THAMS CAD MKHYEN PA NYID GSUM GYI SBYOR BA DAG JI LTA BAR MTSON PAR BYED PAS BYED PA'I MTSAN NYID YIN NO, ,MTSAN NYID DE DAG GIS SHES PAR BYAS PA'I NGO BO NYID GANG ZHE NA, NGO BO NYID KYI MTSAN NYID GSUNGS @48A *, ,PA; ,NYON MONGS RTAGS DANG MTSAN MA DANG, ,MI MTHUN PHYOGS DANG GNYEN PO DAG, ,DBEN DANG DKA' DANG NGES PA DANG, ,CHED DU BYA DANG MI DMIGS DANG, ,MNGON PAR ZHEN PA BKAG PA DANG, ,DMIGS PA ZHES BYA BA GANG YIN DANG, MI MTHUN THOGS PA MED DANG DE, ,GZHI MED 'GRO MED SKYE MED DANG, DE BZHIN NYID NI MI DMIGS DANG, ,NGO BO NYID BCU DRUG BDAG NYID, ,MTSON BYA LTA BUR MTSON PAS NA, ,MTSAN NYID BZHI PAR BZHED PA YIN, ,ZHES BYA BA'O, ,'DOD CHAGS LA SOGS PA'I NYON MONGS PAS DBEN PA'I NGO BO NYID DANG, DES KUN NAS BSLANG BAS DE'I RTAGS LUS DANG NGAG GI GNAS NGAN LEN GYIS DBEN PA DANG, DE DAG GI RGYU TSUL BZHIN MA YIN PA YID LA BYED PA LA SOGS PA DE'I MTSAN MAS DBEN PA DANG, STONG PA NYID KYIS 'DOD CHAGS DANG 'DOD CHAGS MED PA LA SOGS PA MI MTHUN PA'I PHYOGS DANG GNYEN PO DAG GIS DBEN PA ZHES BYA BA THAMS CAD SHES PA NYID KYI NGO BO NYID BZHI'O, ,DON DAM PAR MED PA'I SEMS CAN MYA NGAN LAS 'DA' BAR DKA' BAS DE'I GO CHA CHOS THAMS CAD DANG MA 'BREL BA DANG, THEG PA GZHAN DU MI LTUNG BA'I MTSAN NYID MTHA' GCIG TU NGES PA DANG, YUN RING PO NAS SEMS CAN THAMS CAD KYI DON BSGRUB PAR BYA BA'I MTSAN NYID KYI CHED DU BYA BA DANG, RANG BZHIN GYIS BSGOM PAR BYA BA LA SOGS PA 'KHOR GSUM DU MI DMIGS PA DANG, SHES RAB KYI PHA ROL TU PHYIN PA NAS RNAM PA THAMS CAD MKHYEN PA NYID KYI BAR GYI LAM THAMS CAD MNGON PAR ZHEN PA MTHA' DAG BKAG PA ZHES BYA BA LAM ZHES PA NYID KYI NGO BO NYID LNGA'O, ,RNAM PA THAMS CAD MKHYEN PA NYID LA SBYOR BA'I TSUL GYIS MA BYAS SHING RTOGS PAR BYA BA MA YIN PA'I DE BZHIN NYID LA DMIGS PA DANG; 'JIG RTEN PA LA SOGS PA GZUNG BA DANG 'DZIN PA'I MTSAN MAR SPYOD PA LAS ZLOG STE BLTAS PAS MI MTHUN PA DANG, GZUGS LA SOGS PA'I CHOS THAMS CAD THOGS PA MED PAR SHES PA DANG, SHES PAR BYA BA DANG SHES PAR BYED PA MI DMIGS PA GZHI MED PA @48B DANG; DE BZHIN NYID KYIS 'GRO BA DANG 'ONG BA MED PA DANG, GZUGS LA SOGS PA DANG DE BZHIN NYID DANG DE LAS GZHAN PA'I RJES SU MA YIN PAS SKYE BA MED PA DANG, DE BZHIN NYID ZAB PAS GZUGS DANG DE BZHIN NYID LA SOGS PA GSUM GYI NGO BO NYID MI DMIGS PA ZHES RNAM PA THAMS CAD MKHYEN PA NYID KYI NGO BO NYID BDUN NO, DE LTAR NA NGO BO NYID BCU DRUG GIS THAMS CAD MKHYEN PA NYID RNAM PA GSUM GYI SBYOR BA RNAMS JI LTA BA'I MTSAN NYID DAG GIS MTSON PAR BYA BA YIN PAS BZHI PA NGO BO NYID KYI MTSAN NYID DU 'DOD DO, ,DE LTAR BAR SKABS KYI TSIGS SU BCAD PA BCO BRGYAD KYIS BYED PA DANG BYA BA'I BDAG NYID CAN GYI MTSAN NYID DGU BCU RTZA GCIG BSTAN PAR MDZAD PA YIN NO, ,THAR PA'I CHA DANG MTHUN PA'I DGE BA'I RTZA BA DANG LDAN PA LA JI SKAD BSHAD PA'I SBYOR BA YONGS SU BSGOM PA 'BYUNG BA DANG, SBYOR BA'I DBANG GIS 'THOB PAR 'GYUR BA NYID KYANG YIN PAS DE'I 'OG TU THAR PA'I CHA DANG MTHUN PA GSUNGS PA, ,MTSAN MED RAB TU SBYIN LA SOGS, ,YANG DAG SGRUB LA MKHAS PA NI, ,RNAM PA THAMS CAD RTOGS 'DI LA, THAR PA'I CHA DANG MTHUN PAR 'DOD, ,CES BYA BA'O, ,RANG BZHIN GYIS RNAM PA THAMS CAD DU THAMS CAD LA MTSAN MA MED PAR DMIGS PA'I SHES PA'I RNAM PAS SBYIN PA LA SOGS PA'I PHA ROL TU PHYIN PA NAS RNAM PA THAMS CAD MKHYEN PA NYID KYI MTHAR THUG PA RNAMS KUN RDZOB DANG DON DAM PA'I MTSAN NYID KYIS RGYUD LA YANG DAG PAR BSKYED PA LA MKHAS PA GANG YIN PA DE NI RNAM PA THAMS CAD MNGON PAR RDZOGS PAR RTOGS PA'I SBYOR BA 'DI LA THAR PA'I CHA DANG MTHUN PA'I DGE BA'I RTZA BAR 'DOD DO, ,DE LA THABS MKHAS PA DE DAG GANG YIN PA ZHE NA GSUNGS PA, ,SANGS RGYAS SOGS DMIGS DAD PA DANG, ,SPYIN SOGS SPYOD YUL BRTZON 'GRUS DANG, ,BSAM PA PHUN TSOGS DRAN PA DANG, RNAM PAR MI RTOG TING 'DZIN DANG, ,CHOS RNAMS RNAM PA THAMS CAD DU, ,SHES PA'I SHES RAB DANG RNAM LNGA, ,RDZOGS PA'I BYANG CHUB RNON PO YIS, ,RTOGS SLA RTUL PO @49A *, ,RTOGS DKAR BZHED, ,CES BYA BA'O, ,SANGS RGYAS LA SOGS PA DKON MCHOG GSUM LA DMIGS NAS DAD PA DANG, SBYIN PA LA SOGS PA PHA ROL TU PHYIN PA RNAMS KYI SPYOD YUL LA RAB TU SPRO BA'I BRTZON 'GRUS DANG, BSGRUB PAR BYA BA DANG BSGRUB PAR BYA BA MA YIN PA BLANG BA DANG DOR BA'I DMIGS PA MA BRJED PA DRAN PA DANG, THAMS CAD DU 'KHOR GSUM GYI MTSAN MAR RNAM PAR MI RTOG PA'I TING NGE 'DZIN DANG, THOS PA DANG BSAMS PA LAS BYUNG BA NYID KYIS CHOS THAMS CAD RNAM PA THAMS CAD DU YONGS SU SHES PA'I SHES RAB KHYAD PAR CAN DBANG PO'I NGO BO NYID MA YIN PA RNAM PA LNGA LA MKHAS PA YIN TE, 'DI LTAR DE DAG DBANG PO RNON POS CHER SBYANGS PAS NI YANG DAG PAR RDZOGS PA'I BYANG CHUB RTOGS PAR SLA BA DANG, DBANG PO RTUL PO CHER SBYANGS PA MA YIN PAS NI RTOGS PAR DKA' BA YIN NO ZHES BYA BAR BZHED DO, ,THAR PA'I CHA DANG MTHUN PA GONG DU GOMS PAR GYUR PA LAS NGES PAR 'BYED PA'I CHA DANG MTHUN PAR 'BYUNG BAS DE'I 'GO TU DRO BA LA SOGS PA RNAM PA BZHI'I MTSAN NYID GSUNGS PA, ,DRO BA RNAMS KYI DMIGS PA 'DIR, ,SEMS CAN THAMS CAD YIN PAR BSNGAGS, ,DE DAG NYID LA SEMS MNYAM SOGS, ,RNAM PA DAG NI BCUR BSHAD DO, ,BDAG NYID SDIG PA LAS LDOG CING, ,SBYIN LA SOGS PA GNAS PAS GZHAN, ,DE DAG LA NI 'GOD PA DANG, BSNGAGS PA BRJOD DANG MTHUN PA NYID, ,RTZER GYUR DE BZHIN BZOD PA NI, ,RANG GZHAN RTEN CAN BDEN SHES PA, ,CHOS MCHOG DE BZHIN SEMS CAN RNAMS, ,SMIN BYED SOGS KYIS SHES PAR BYA, ,ZHES BYA BA'O, ,CHOS KYI RNAM PA KUN MNGON PAR RDZOGS PAR RTOGS PA 'DI LA CHUNG DU NI SEMS MNYAM PA DANG, BYAMS PA DANG, 'BRING DU NA PHAN PA DANG, KHONG KHRO BA MED PA DANG, RNAM PAR 'TSE BA MED PA'I SEMS TE, SPYIR LEGS PAR SEMS PA RNAM PA LNGA DANG, ,CHEN PO PHA DANG MA'I SEMS DANG, SPUN DANG SRING MI'I SEMS DANG, BU DANG BU MO'I SEMS DANG, BSHES DANG GROGS KYI SEMS DANG, GNYEN DANG SNAG GI GNYEN MTSAMS KYI SEMS TE, BYE BRAG @49B TU NYE BAR SEMS PA'I RNAM PA NGAS CHOS KYI DBYINGS KYI MTHAS KLAS PA'I SEMS CAN THAMS CAD LA DMIGS PA'I RNAM PA BCU NI DRO BAR GYUR PA YIN PAR BSNGAGS SO, ,CUNG DU NA BDAG NYID SROG GCOD PA LA SOGS PA'I SDIG PA LAS LDOG CING, ,GZHAN YANG DE LA YANG DAG PAR 'GOD PA DANG; BSTAN PA'I PHYIR ZHUGS PA LA BSNGAGS PA BRJOD PA DANG, 'PHEL BAR BYA BA'I PHYIR MTHUN PAS DGA' BAR BYED PA ZHES PA DANG, 'BRING DU NA BDAG NYID SBYIN PA LA SOGS PA PHA ROL TU PHYIN PA DRUG LA GNAS SHING, ,GZHAN YANG SNGA MA LTAR RJES SU SGRUB PA NYID DANG, ,CHEN PO NI SOGS PA ZHES BYA BAS BSDUS TE BDAG NYID RTEN CING 'BREL PAR 'BYUNG BA LUGS SU 'BYUNG BA DANG LUGS LAS BZLOG PA'I SNYOMS PAR 'JUG PA DANG, GZHAN DAG KYANG SNGA MA BZHIN DU NYE BAR SPYOD PA LA SOGS PA'I RNAM PAS SEMS CAN THAMS CAD LA DMIGS PA'I RTZE MOR GYUR PA YIN NO, , DE BZHIN DU CHUNG DU NA SDUG BSNGAL YONGS SU SHES PAR BYA BA LA SOGS PA SNGA MA LTA BU'I RNAM PAS LAM LA SBYOR BA NYID DANG, 'BRING DU NA RANG BYANG CHUB KYI 'BRAS BU LA GZHAN DAG SBYOR BA DANG, CHEN POR BLA NA MED PA YANG DAG PAR RDZOGS PA'I SANGS RGYAS LA BDAG NYID GNAS SHING GZHAN DAG NYE BAR SBYOR BA LA SOGS PA'I RNAM PAS SDUG BSNGAL LA SOGS PA'I BDEN PA SEMS CAN THAMS CAD LA DMIGS PA NI BZOD PA YIN NO, ,SNGA MA BZHIN DU CHUD DU NA THEG PA GSUM GYIS SMIN PAR BYED PA DANG, SOGS ZHES BYA BAS BSDUS PA 'BRING DU NA BYANG CHUB SEMS DPA'I MNGON PAR SHES PA BSKYED PA DANG, CHEN PO NI BAG CHAGS KYIS MTSAMS SBYOR BA THAMS CAD SPONG PAR BYED PA LA SOGS PA LA BDAG NYID GNAS SHING ZHAN DAG 'GOD PA LA SOGS PA'I RNAM PAS SEMS CAN THAMS CAD LA DMIGS PA NI CHOS KYI MCHOG TU GYUR PA YIN NO, ,NGES PAR 'BYED PA'I CHA DANG MTHUN PA THOB PAS PHYIR MI LDOG PA'I BYANG CHUB SEMS DPAR 'GYUR BAS SLOB PA PHYIR MI LDOG PA'I MTSAN NYID GSUNGS PA, ,NGES 'BYED YAN LAG NAS BZUNG STE, ,MTHONG DANG BSGOM PA'I LAM DAG LA, ,BYANG CHUB SEMS DPA' GANG DAG @50A *, ,GNAS, ,DE 'DIR PHYIR MI LDOG PA'I TSOGS, ,ZHES BYA BA'O, ,'DI LTAR NGES PAR 'BYED PA'I CHA DANG MTHUN PA BZHI DANG MTHONG BA'I LAM DANG BSGOM PA'I LAM DAG LA YANG DAG PAR RTOGS PA THOB PAS GNAS PA'I BYANG CHUB SEMS DPA' GANG YIN PA DE DAG NI RNAM PA KUN MNGON PAR RDZOGS PA RTOGS PA'I SKABS 'DIR SLOB PA PHYIR MI LDOG PA'I TSOGS KYI DGE 'DUN YIN NO, ,DE LA BAR SKABS KYI TSIGS SU BCAD PA GCIG GIS NGES PAR 'BYED PA'I CHA DANG MTHUN PAR GNAS PA RNAMS KYI PHYIR MI LDOG PA'I RTAGS GSUNGS PA, ,GZUGS LA SOGS LAS LDOG SOGS RTAGS, ,RNAM PA NYI SHUR BRJOD PA YIS, ,NGES 'BYED YAN LAG LA GNAS PA'I, ,PHYIR MI LDOG PA'I MTSAN NYID 'DI, ,ZHES BYA BA'O, ,GZUGS LA SOGS PA LAS LDOG PA DANG, THE TSOM MED PA LA SOGS PA'I RNAM PA NYI SHUR BRJOD PA'I 'DI DAG GIS NGES PAR 'BYED PA'I YAN LAG LA GNAS PA RNAMS KYI PHYIR MI LDOG PA'I MTSAN NYID SHES PAR BYA BA YIN NO, ,RNAM PA NYI SHU PO GANG ZHE NA, BAR SKABS KYI TSIGS SU BCAD PA DRUG GIS GSUNGS PA, ,GZUGS LA SOGS LAS LDOG PA DANG, THE TSOM MI DAL ZAD PA DANG, , BDAG NYID DGE BA LA GNAS SHING, ,GZHAN DAG DE LA 'GOD PA DANG, GZHAN GYI RTEN CAN SPYIN SOGS DANG, ZAB MO'I DON LA SOM NYI MED, ,BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG, BAG LA NYAL KUN 'JOMS PA DANG, ,DRAN PA DANG NI SHES BZHIN DANG, ,GOS LA SOGS PA GTZANG BA DANG, LUS LA SRIN BU RNAMS MI 'BYUNG, ,GYA GYU MED SEMS SBYANGS PA NI, ,LEN DANG SER SNA MED SOGS DANG, ,CHOS NYID LDAN PAR 'GRO NYID DANG, ,SEMS CAN DON DU DMYAL TSOL DANG, ,GZHAN GYIS BA KRO BAR MI BTUB DANG, ,LAM GZHAN NYE BAR STON BDUD LA, ,BDUNG CES BYA BAR RTOGS PA DANG, ,SANGS RGYAS DGYES PA'I SPYOD PA STE, ,RTAGS NI NYI SHU DE DAG GIS, ,DROD DANG RTZE MO BZOD BCAS DANG, ,CHOS MCHOG RNAMS LA GNAS PA NI, RDZOGS PA'I BYANG CHUB @50B LAS MI LDOG ,CES BYA BA'O, ,NGO BO NYID MED PA NYID KYIS GZUGS LA SOGS PA LAS MNGON PAR ZHEN PA CHER LDOG PA DANG, SANGS RGYAS LA SOGS PA'I YON TAN SHES NAS SKYABS SU DAD PA THE TSOM MI ZA BA DANG, SPYOD LAM GRUB PAS DMYAL BA DANG, YI DGAS DANG, DUD 'GRO DANG, SANGS RGYAS KYIS STONG PA DANG, YUL MTHA' 'KHOB DANG, LHA TSE RING PO DANG, LOG PAR LTA BA CAN DANG, LKUGS PA ZHES BYA BA MI KHOM PA BRGYAD DU SKYE BA ZAD PA DANG, LTA BA DANG SNYING RJE BSGOMS PA NYID KYIS BDAG NYID DGE BA BCU LA GNAS SHING GZHAN DAG KYANG DE LA SBYOR BA DANG, BDAG DANG GZHAN DU BRJE BA NYID KYIS SBYIN PA LA SOGS PA THAMS CAD SEMS DAN GZHAN GYI YUL LA YONGS SU BSNGO BA DANG, CHOS YANG DAG PAR RTOGS PAR ZAB MO'I DON LA YANG SOM NYI MED PA DANG, GZHAN LA PHAN PA NYID DU ZHUGS PAS BYAMS PA'I LUS DANG NGAG DANG YID KYI LAS DANG, SBYOR BA PHUN SUM TSOGS PAS 'DOD PA LA 'DUN PA DANG, GNOD SEMS DANG, GNYID DANG RMUGS PA DANG, RGOD PA DANG 'GYOD PA DANG, THE TSOM STE SGRIB PA LNGA PO DAG DANG MI 'GROGS PA DANG, GNYEN PO RNAM PAR BSGOMS PA NYID KYIS MA RIG PA DANG, LTA BAS BSDUS PA'I BAG LA NYAL THAMS CAD 'JOMS PA DANG, RTAG TU MNYAM PAR GZHAG PA NYID KYIS DRAN PA DANG, SHES BZHIN DANG LDAN PA DANG, GTZANG SBRA KUN TU SPYOD PA NYID KYIS GOS LA SOGS PA YONGS SU GTZANG BA ZHES BYA BA'I RNAM PA BCU GCIG NI DRO BAR GYUR PA LA GNAS PA PHYIR MI LDOG PA'I RTAGS YIN NO, ,DGE BA'I RTZA BA 'JIG RTEN DANG RAB TU MA 'DRES PA NYID KYIS LUS LA SRIN BU'I RIGS BRGYAD KHRI MI 'BYUNG BA DANG, YID LA BYED PA ]RNAM PAR DAG PAS KYA GYU'I SEMS MED PA DANG, RNYED PA DANG BKUR STI LA SOGS PA LA MI LTA BA NYID KYIS PHYAG DAR KHROD PA DANG, CHOS GOS GSUM PA DANG, PHYING PA DANG, BSOD SNYOMS PA DANG, STAN GCIG PA DANG, PHYIS MI LEN PA DANG, DGON PA DANG, COG PU PA DANG, GZHI JI BZHIN PA DANG, DUR @51A *, ,KHROD PA DANG, SHING DRUNG BA DANG, BLA GAB MED PA PA ZHES BYA BA SBYANGS PA'I YON TAN BCU GNYIS YANG DAG PAR LEN PA DANG, SBYIN PA LA SOGS PA'I KHYAD PAR SGRUB PAS DE DAG DANG 'GAL BA SER SNA LA SOGS PA MED PA DANG, CHOS THAMS CAD YANG DAG PAR SDUD PA NYID KYIS CHOS NYID DANG MI 'GAL BA SHES RAB KYI PHA ROL TU PHYIN PA DANG LDAN PAR 'GRO BA DANG, 'GRO BA BDAG GIR BYA BA NYID KYIS GZHAN GYI DON DU DMYAL BAR YANG 'JUG PA ZHES BYA BA RNAM PA DRUG NI RTZE MOR GYUR PA LA GNAS PA'I PHYIR MI LDOG PA'I RTAGS YIN NO, ,RTOGS PA LA YID CHES PA'I CHOS NYID GZHAN GYIS GZHAN DU BKRIR MI BTUB PA DANG, SANGS RGYAS NYID KYI THABS SHES PA LA MKHAS PA NYID KYIS LAM LTAR BCOS PA NYE BAR STON PA'I BDUD LA BDUD NYID DU RTOGS PA ZHES BYA BA RNAM PA GNYIS NI BZOD PAR GYUR PA LA GNAS PA'I PHYIR MI LDOG PA'I RTAGS YIN NO, ,SHES RAB KYI PHA ROL TU PHYIN PA YID LA BYED PA DANG MA BRAL BAS SPYOD PA LAS SANGS RGYAS MNGON PAR DGYES PA ZHES BYA BA RNAM PA GCIG NI CHOS KYI MCHOG TU GYUR PA LA GNAS PA'I PHYIR MI LDOG PA'I RTAGS TE, DE LTAR NA BYANG CHUB SEMS DPA' DRO BA LA SOGS PA NGES PAR 'BYED PA'I YAN LAG LA GNAS PA RDZOGS PA'I BYANG CHUB LAS PHYIR MI LDOG PA'I RTAGS NI RNAM PA NYI SHU PO 'DI DAG TU SHES PAR BYA'O, ,NGES PAR 'BYED PA'I CHA DANG MTHUN PA PHYIR MI LDOG PA THOB PA LAS MTHONG BA'I LAM GYI PHYIR MI LDOG PAR 'BYUNG BAS DE'I RTAGS BAR SKABS KYI TSIGS SU BCAD PA GCIG GIS GSUNGS PA, MTHONG BA'I LAM LA BZOD PA DANG, ,SHES PA'I SKAD CIG BCU DRUG NI, ,BYANG CHUB SEMS DPA' MI LDOG PA'I, ,MTSAN NYID YIN PAR SHES PAR BYA, ,ZHES BYA BA'O, ,SDUG BSNGAL LA SOGS PA'I BDEN PA BZHI LA CHOS DANG RJES SU SHES PA'I BZOD PA DANG SHES PA'I SKAD CIG MA BCU DRUG NI BYANG CHUB SEMS DPA' MTHONG BA'I LAM LA GNAS PA RNAMS KYI PHYIR MI LDOG PA'I MTSAN NYID YIN NO, ,SKAD CIG MA'I RNAM PA BCU DRUG GANG ZHE NA, BAR SKABS KYI TSIGS SU BCAD @51B PA LNGAS GSUNGS PA, GZUGS SOGS 'DU SHES LDOG PA DANG, ,SEMS BRTAN THEG PA DMAN DAG LAS, ,RNAM LOG BSAM GTAN LA SOGS PA'I, ,YAN LAG YONGS SU ZAD PA DANG, ,LUS SEMS YANG BA NYID DANG NI, ,'DOD PA SPYOD LA MKHAS PA DANG, ,RTAG TU TSANGS PAR SPYOD NYID DANG, ,'TSO BA RNAM PAR DAG NYID DANG, PHUNG SOGS BAR CHAD BYED RNAMS DANG, ,TSOGS DANG DBANG SOGS BCAS PA YI, ,G-YUL 'GYED SER SNA LA SOGS LA, ,SBYOR DANG RJES SU SBYOR BA YI, ,GNAS PA SO SOR BKAG PA DANG, ,CHOS NI RDUL TZAM MI DMIGS NYID, ,RANG GI SA LA NGES PA NYID, ,SA GSUM LA NI GNAS PA DANG, ,CHOS KYI DON DU SROG GTONG BA, ,DE 'DRA'I SKAD CIG BCU DRUG NI, ,BLO LDAN MTHONG BA'I LAM GNAS KYI, ,PHYIR MI LDOG PA'I RTAGS DAG YIN, ,ZHES BYA BA'O, ,RANG GI MTSAN NYID STONG PA NYID KYIS GZUGS LA SOGS PA LA MTSAN MAR YONGS SU 'DZIN PA PHRA MO YANG LDOG PA DANG, SANGS RGYAS LA SOGS PAS BYIN GYIS BRLABS PAS BLA NA MED PA'I BYANG CHUB TU SEMS BRTAN PA NYID DANG, THEG PA CHEN PO'I CHOS KHYAD PAR CAN BSGRUBS PAS NYAN THOS LA SOGS PA'I THEG PA DMAN PA LAS SEMS RNAM PAR LDOG PA DANG, CHOS RAB TU RNAM PAR 'BYED PA'I MTHUS BSAM GTAN DANG GZUGS MED PA'I SNYOMS PAR 'JUG PA LA SOGS PAR SKYE BA'I YAN LAG YONGS SU ZAD PA ZHES BYA BA BZHI NI SDUG BSNGAL GYI BDEN PA'I RNAM PA YIN NO, ,MI DGE BA DANG BRAL BA NYID KYIS LUS DANG SEMS YANG BA DANG, SEMS CAN GDUL BA'I THABS LA MKHAS PA'I MTHUS MNGON PAR ZHEN PA MED PAR 'DOD PA LA NYE BAR SPYOD PA DANG, YUL GYI NYES DMIGS MTHONG BAS RTAG TU TSANGS PAR SPYOD PA NYID DANG, SKYES BU DAM PA'I CHOS NYID KYIS DMAN PA'I DNGOS PO LUNG STON PA LA SOGS PA MI BYED PAS 'TSO BA'I YO BYAD RNAM PAR DAG PA NYID CES BYA BA BZHIN NI KUN 'BYUNG BA'I RNAM PA YIN NO, ,STONG PA NYID LA GNAS PA NYID KYIS PHUNG PO DANG SKYE MCHED DANG KHAMS RNAMS LA SBYOR BA DANG RJES SU SBYOR BA'I @52A *, ,GNAS PA SO SOR BKAG PA DANG, MI MTHUN PA'I PHYOGS BSAL BA NYID KYIS RTOGS PA'I BAR CHAD BYED PA'I CHOS RNAMS LA SNGA MA LTAR SBYOR BA LA SOGS PA SO SOR BKAG PA DANG, RNAM PAR RTOG PA'I SKYON YONGS SU SHES PA NYID KYIS BYANG CHUB KYI TSOGS SBYIN PA LA SOGS PA LA SBYOR BA LA SOGS PA'I GTAM LA GNAS PA SO SOR BKAG PA DANG, GZUNG BA DANG 'DZIN PA DAG SPANG BAR BYA BA NYID KYIS DBANG PO DANG RTEN DANG YUL DANG BDAG GIR SBYOR BA LA SOGS PA'I GNAS PA SO SOR BKAG PA ZHES BYA BA BZHI NI, 'GOG PA'I RNAM PA YIN NO, ,SBYIN PA LA SOGS PA'I KHYAD PAR RTOGS PAS SER SNA LA SOGS PA LA SBYOR BA DANG RJES SU SBYOR BA'I GNAS PA SO SOR BKAG PA DANG, CHOS THAMS CAD RNAM PAR THAR PA'I SGO GSUM GYI NGO BO NYID YIN PAS RTOGS PA'I CHOS RDUL TZAM YANG MI DMIGS PA DANG; MNGON PAR YID CHES PA THOB PAS MKHYEN PA NYID GSUM GYI RANG NYID KYI BAR CHAD MED PA LA SOGS PA GSUM LA NGES PA NYID KYIS GNAS PA DANG, GCIG TU GZHOL BA NYID KYIS RNAM PA THAMS CAD MKHYEN PA NYID KYI CHOS KYI DON DU LUS DANG SROG GTONG BA ZHES BYA BA BZHI NI LAM GYI RNAM PA YIN NO, ,DE LTAR NA BZOD PA DANG SHES PA RNAMS KYI SKAD CIG MA RNAM PA BCU DRUG GIS RAB TU DBYE BAS MNYAM PAR GZHAG PA RANG DANG MTHUN PA'I 'BRAS BU DAG PA 'JIG RTEN PA'I YUL CAN GZUGS LA SOGS PA'I 'DU SHES LAS LDOG PA LA SOGS PA BSKYED PA'I MNGON PAR MA ZHEN PA'I RNAM PA CAN RJES KYI SEMS KYIS BSDUS PA GANG YIN PA 'DI DAG NI BYANG CHUB SEMS DPA' MTHONG BA'I LAM LA GNAS PA PHYIR MI LDOG PA'I RTAGS YIN NO, ,MTHONG BA'I LAM GYI PHYIR MI LDOG PA THOB PA LAS BSGOM PA'I LAM GYI PHYIR MI LDOG PA 'BYUNG BAS DE'I MTSAN NYID BSHAD PAR BZHED NAS, KHYAD PAR MA BZUNG BAR KHYAD PAR CAN GYI BLO MI SKYE BA'I PHYIR RE ZHIG BSGOM PA'I LAM GYI KHYAD PAR GSUNGS PA, BSGOM PA'I LAM NI ZAB PA STE, ,ZAB MO STONG PA NYID LA SOGS, ,ZAB PA DE NI SGRO 'DOGS DANG, ,SKUR @52B PA'I MTHA' LAS GROL BA NYID, ,CES BYA BA'O, ,GANG GI PHYIR STONG PA NYID LA YANG GZUGS LA SOGS PA MED LA STONG PA NYID LAS GZHAN NA YANG GZUGS LA SOGS PA MED PAS GO RIMS BZHIN DU STONG PA NYID DANG GZUGS LA SOGS PA LA SGRO 'DOGS PA DANG SKUR PA'I MTHA' LAS GROL BA NYID GANG YIN PA DE NI ZAB MO STE, DE NYID NI STONG PA NYID LA SOGS PAS DE'I PHYIR ZAB MO NYID DANG LDAN PA'I PHYIR BSGOM PA'I LAM ZAB PA YIN NO, ,DE'I 'OG TU KHYAD PAR GYI GZHI BSGOM PA'I LAM DNGOS GSUNGS PA, NGES 'BYED YAN LAG DANG MTHONG BA'I, , LAM DANG BSGOM PA'I LAM NYID LA, ,YANG DANG YANG DU SEMS PA DANG, ,'JAL DANG NGES RTOG BSGOM PA'I LAM, ,ZHES BYA BA'O, ,TING NGE 'DZIN GYI SBYOR BA DANG, DNGOS DANG, RJES LAS BYUNG BA'I SHES RAB KYIS GO RIMS BZHIN DU NGES PAR 'BYED PA'I YAN LAG DANG, MTHONG BA'I LAM DANG, BSGOM PA'I LAM NYID KYI DON LA YANG DANG YANG DU SEMS PA DANG, TSUL JI LTA BA BZHIN DU 'JAL BA DANG, YANG DAG PAR NGES PAR RTOG PA NI BSGOM PA'I LAM RGYUN CHAGS PA YIN NO, ,DE LA RNAM PA DU ZHIG YIN ZHE NA, DE'I RAB TU DBYE BA GSUNG DE NI RGYUN CHAGS YIN PA'I PHYIR, ,CHUNG DANG 'BRING DANG CHEN PO RNAMS, ,CHUNG NGU'I CHUNG SOGS DBYE BA YI, ,RNAM PAS RNAM PA DGUR BZHED DO, ,ZHES BYA BA'O, ,GANG GI PHYIR BYANG CHUB SEMS DPA' RNAMS KYI NYON MONGS PA NI RNAM PAR RTOG PA'O ZHES 'BYUNG BAS RNAM PAR RTOG PA'I GNYEN PO BSGOM PA'I LAM DE NI DON DAM PA STONG PA NYID KYI MTSAN NYID KYI RNAM PAR DBYE BA DGU RGYUN CHAGS SU 'BYUNG BA'I PHYIR TE, 'DI LTAR 'DOD PA'I KHAMS DANG, BSAM GTAN BZHI DANG, GZUGS MED PA'I SNYOMS PAR 'JUG PA BZHI STE SA DGU DAG TU GO RIMS LTAR RNAM PAR RTOG PA CHEN PO DANG 'BRING DANG CHUNG NGU RNAM PA RE RE ZHING CHEN PO DANG 'BRING DANG CHUNG NGU'I BYE BRAG GIS THA DAD PA RNAM PA DGU YIN PA'I PHYIR DE DAG GI GNYEN PO NI MUN PA SHIN TU CHEN PO SNANG BA CHUNG NGUS SEL BA DANG, CHUNG NGU NI CHEN POS SEL TO ZHES BYA BA'I BYE BRAG CHUNG NGU DANG, 'BRING DANG CHEN PO RNAMS KYANG RE RE ZHING @53A *, ,CHUNG NGU DANG, 'BRING DANG CHEN PO'I BYE BRAG GIS THA DAD PA DGU YIN PA DE'I PHYIR BSGOM PA'I LAM RAB TU DBYE BAS RNAM PA DGU YIN PAR BZHED DO, ,GAL TE STONG PA NYID KYI SPYOD YUL CAN LA BSOD NAMS LA SOGS PA'I KHYAD PAR JI LTAR RUNG ZHES DOGS PA BSU BA GSUNGS PA, GRANGS MED LA SOGS BSTAN PA RNAMS, ,DAM PA'I DON DU BZOD MA YIN, ,ZHES BYA BA'O, ,RGYAL BA'I YUM DE DANG DE LAS BSGOM PA'I LAM RNAM PA RE RE'I DBANG DU MDZAD DE, BSOD NAMS GRANGS MED PA DANG, GZHAL DU MED PA DANG, TSAD MED PA SKYE BAR GSUNGS PA DON DAM PA'I MTSAN NYID DON DANG YI GE DANG THA SNYAD DU BYA BA MED PA LA JI LTAR DE DAG RNAM PAR GZHAG PA BZOD PA YIN ZHE NA, DE'I LAN GSUNGS PA, KUN RDZOB TU NI THUGS BRTZE BA'I, ,RGYU MTHUN BSTAN PAR THUB PA BZHED, ,CES BYA BA'O, ,BDEN TE, JI SKAD BSTAN PA DE DAG NI DON DAM PA NYID KYI DBANG DU BYAS PA MA YIN GYI, KUN RDZOB TU DMIGS PA MED PA'I THUGS RJE CHEN PO'I RANG BZHIN CHOS KYI DBYINGS KYI RGYU MTHUN PA'I DBANG GIS BYIS PA'I SKYE BO RNAMS LA 'BRAS BU CHEN PO RAB TU SKYE BAR BSTAN PAR DE BZHIN GSHEGS PA BZHED PA YIN NO, ,YANG STONG PA NYID KYI MTSAN NYID KYIS GOMS PA PHUL DU BYAR CI YOD CES DOGS PA BSU BA GSUNGS PA, DNGOS PO BRJOD DU MED PA LA, ,NYAMS PA DANG MI 'PHEL MI RUNG, ,BSGOM ZHES BYA BA'I LAM GYIS NI, ,CI ZHIG NYAMS SHING CI ZHIG 'THOB, CES BYA BA'O, ,GANG GI PHYIR CHOS NYID KYI LAM GYI NGO BO NYID MED PA NYID KYIS YANG DAG PAR NA DE NYID DANG GZHAN NYID DANG GNYIS KA DANG GNYIS KA MA YIN PA NYID DU BRJOD DU MED PA LA NI MI MTHUN PA DANG GNYEN PO'I PHYOGS DANG BRAL BA DANG SKYE BAR MI RUNG NGO, ,DE'I PHYIR BRJOD DU MED PA'I MTSAN NYID CAN BSGOM PA ZHES BYA BA'I LAM GYIS MI MTHUN PA'I PHYOGS KYI NGO BO NI CI ZHIG 'DOR LA RNAM PAR BYANG BA'I NGO BO CI ZHIG 'THOB STE, CUNG ZAD KYANG MI BYED PA KHO NAS BSGOM PA PHUL DU PHYIN PA BYAR MED DO ZHE NA, DE'I LAN GSUNGS PA, BYANG CHUB JI LTA DE BZHIN DU, @53B 'DI NI 'DOD PA'I DON SGRUB BYED, ,BYANG CHUB DE BZHIN NYID MTSAN NYID, ,DE YANG DE YI MTSAN NYID BZHED, ,CES BYA BA'O, ,JI LTAR DE BZHIN NYID KYI MTSAN NYID CAN BLA NA MED PA'I BYANG CHUB GANG GIS KYANG KHYAD PAR DU BYAR MED PA NI SNGON DON KHYAD PAR CAN SNANG BA'I SEMS BSKYED PA'I SGO NAS CHOS KYI SKU LA SOGS PA'I BDAG PO TZAM GYIS GDUL BAR BYA BA RNAMS KYI BSOD NAMS DANG YE SHES KYI RJES SU MTHUN PAR MNGON PAR 'DOD PA'I DON SGRUB PAR BYED PA DE BZHIN DU DE BZHIN NYID KYI MTSAN NYID KYIS LAM 'DI YANG BSGOMS PAS GLO BUR GYI DRI MA DANG BRAL BA'I SGO NAS KUN RDZOB TU MI MTHUN PA'I PHYOGS DANG GNYEN PO NYAMS PA DANG 'PHEL BA'I DON DU SGRUB PAR BYED DE, DON DAM PAR NI NYAMS PA DANG 'PHEL BA DGAG PA NYID DU BZHED DO, ,BYANG CHUB NYID LA RGYU'I DON SGRUB PA MI 'THAD PAR DOGS PA BSU BA, SEMS NI SNGA MAS BYANG CHUB PAR, ,RIGS MIN PHYI MAS KYANG MA YIN, ,ZHES BYA BA'O, ,CI SEMS KHYAD PAR CAN BSKYED PA'I SGO NAS MNGON PAR BYANG CHUB PAR 'GYUR RO ZHES BYA BA SEMS BSKYED PA SNGA MAS NI RIGS PA MA YIN TE, DE 'DRA'I 'BRAS BUR BYED PA YONGS SU RDZOGS PA MI 'THAD PA'I PHYIR RO, ,PHYI MAS KYANG MA YIN TE, DE'I MTHU THAMS CAD NI SNGA MA'I MTHAR THUG PAS DE MED NA MI SRID PA'I PHYIR RO, ,DE BZHIN DU SNGA PHYIR GYUR BA MANG PO NYID KYANG DE BYUNG MA THAG TU 'JIG PA RJES SU 'GRO BA MED PA NYID KYIS PHAN TSUN 'BREL PA MED PA'I PHYIR MA YIN NO ZHE NA, DE'I LAN GSUNGS PA, MAR ME'I DPE YI TSUL GYIS NI; ,ZAB MO'I CHOS NYID RNAM PA BRGYAD, ,CES BYA BA'O, ,JI LTAR MAR ME'I ME LCE 'BAR BA NI SKAD CIG MA GNYIS PA LA MA LTOS PA DANG POS SNYING PO SREG PAR MI NUS LA, DANG PO NYID LA MA LTOS PAR GNYIS PAS KYANG MA YIN NO, ,DE BZHIN DU 'BREL PA MED PA'I SNGA MA DANG PHYI MA MANG PO NYID KYIS KYANG BSREG BAR BYA BA SREG PAR BYED PA YONG BA MA YIN MOD, 'ON KYANG RKYEN NYID 'DI PA TZAM GYI RTEN CING 'BREL PAR 'BYUNG BA'I CHOS NYID KYIS SKAD CIG MA DANG PO LA SOGS PAS GNYIS PA LA SOGS PA SREG PAR BYED PA LA SOGS PA'I RGYU'I NGO BOS KHYAD PAR YONGS SU SKYED PA'I SGO NAS @54A *, ,SNYING PO TSIG PAR BYED PA BZHIN DU DON KHYAD PAR CAN DU SNANG BA'I MTSAN NYID KYIS SEMS BSKYED PA YANG SNGA MA DANG PHYI MA'I SKAD CIG SO SO BA DANG, DU MA MNGON PAR 'BREL PA LAS NI MA YIN MOD, 'ON KYANG RGYUN 'BREL PA NYID KYI BDAG NYID MTHU PHUL DU PHYIN PAR 'GYUR BAS SPANG BAR BYA BA DANG CIG SHOS KYI CHOS GSAL BA DANG YONGS SU RDZOGS PA'I SGO NAS BYANG CHUB PAR 'THAD PA YIN NO, ,DON BSDU BA NI DE'I PHYIR RNAM PAR BRTAGS NA SKYED PAR BYED PA LA SOGS PA MI DMIGS PA YANG MA DPYAD PAR NYAMS DGA' BA NYID KYI NGOR SKYE BA LA SOGS PA RUNG BA ZAB MO'I CHOS NYID RNAM PA BRGYAD YIN NO, ,ZAB MO RNAM PA BRGYAD GANG DAG YIN ZHE NA, SKYE BA LA SOGS PA YUL BRGYAD LA ZAB PA GSUNGS PA, SKYE BA DANG NI 'GAG PA DANG, ,DE BZHIN NYID DANG SHES BYA DANG, ,SHES DANG SPYOD DANG GNYIS MED DANG, ,THABS MKHAS PA LA ZAB PA NYID, ,CES BYA BA'O, ,BSHAD MA THAG PA'I TSUL GYIS SKAD CIG MA SNGA MA DANG PHYI MA DAG GIS KYANG MA YIN ZHING, ,NGO BO NYID MED PAS KYANG MA YIN LA, 'ON KYANG BSGOMS PAS RTOGS PA'I DON KHYAD PAR DU 'PHAGS PA SKYED DO ZHES RTEN CING 'BREL PAR 'BYUNG BA'I SKYE BA ZAB PA DANG, DNGOS PO THAMS CAD BYUNG BA NYID NAS RANG BZHIN GYIS NGO BO NYID MED LA 'GAG GO ZHES BYA BA 'GAG PA ZAB PA DANG, GNAS SKABS THAMS CAD DU GOMS KYANG MNGON DU MI BYED DO ZHES BYA BA DE BZHIN NYID ZAB PA DANG, DE KHO NA'I RANG BZHIN SHES PAR BYA BA'I CHOS THAMS CAD SBYIN PA LA SOGS PA RNAM PA DU MA RJES SU SGRUB PO ZHES BYA BA SHES BYA ZAB PA DANG, DE BZHIN NYID KYI NGO BO NYID KYIS MTHONG BA MED PA NYID MTHONG BA YIN NO, ,ZHES BYA BA SHES PA ZAB PA DANG, DON DAM PAR SPYOD PA MED PA NYID SPYOD PA YIN NO ZHES BYA BA SPYOD PA ZAB PA DANG, CHOS THAMS CAD GNYIS SU MED PA'I NGO BO NYID DU SGRUB PO ZHES BYA BA GNYIS SU MED PA ZAB PA DANG, RNAM PAR THAR PA LA SOGS PA'I TING NGE 'DZIN MI SPONG BAS SEMS CAN YONGS SU SMIN PAR BYED CING TSOGS THAMS CAD YONGS SU RDZOGS PA DE'I 'BRAS BU SANGS @54B RGYAS NYID 'THOB PAR BYAR MED PA ZHES BYA BA THABS LA MKHAS PA ZAB PA STE, BSAM GYIS MI KHYAB PA'I RNAM PAR THAR PA THOB PA'I SGO NAS PHAN TSUN 'GAL BA'I DON BSGRUB PA LTA BUR RTOGS PAR DKA' BA'I PHYIR ZAB PA RNAM PA BRGYAD YIN NO, ,SLOB PA PHYIR MI LDOG PA'I CHOS THOB PAS 'BRAS BU SANGS RGYAS NYID THOB PAR BYA DGOS PAS DE'I RGYU THUN MONG MA YIN PA 'KHOR BA DANG MYA NGAN LAS 'DAS PA MNYAM PA NYID GSUNGS PA, CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ,LAS MED LA SOGS KLAN KA YI, ,LAN NI JI SKAD BSHAD PAR ZAD, ,CES BYA BA'O, ,MI MTHUN PA DANG GNYEN PO'I CHOS THAMS CAD SNANG BRNYAN TZAM DU BSGOMS PA'I PHYIR 'KHOR BA DANG MYA NGAN LAS 'DAS PA NI RMI LAM DANG 'DRA BA NYID DU RTOGS TE, DE'I PHYIR DE GNYIS THA DAD PA NYID DU RNAM PAR MI RTOG PAS MNYAM PA NYID DO, ,GAL TE RMI LAM DANG 'DRA BA NYID YIN NA GNYID MA LOG PA'I GNAS SKABS NA YANG MI DGE BA DANG SBYIN PA LA SOGS PA'I LAS MED PAR 'GYUR RO ZHES BYA BA LA SOGS PA KLAN KA RNAMS KYI LAN NI JI LTAR PHYI ROL GYI DON DU SMRA BA'I LUGS LA DON DAM PAR GANG GIS GANG BSAD PA LA SOGS PA MED KYANG SROG GI RGYUN 'JUG PA DANG 'GAL BA'I DNGOS PO BSKYED PA LA GSOD PA LA SOGS PAR RTOGS PA'I SGO NAS SROG GCOD PA LA SOGS PAR RNAM PAR 'JOG PA DE BZHIN DU, DNGOS PO RMI LAM DANG 'DRA BA LA YANG PHYI CI LOG GI 'CHING BA MTHA' DAG MA NYAMS PA RNAMS LA DE DANG MTHUN PA'I DON GYI DNGOS PO LA SOGS PAR RTOG PA'I MNGON PAR ZHEN PAR 'GYUR BA'I PHYIR DANG, GZHAN YANG RMI LAM NA DGE BA DANG MI DGE BA'I RNAM PA SPYAD PA NYID KYANG RJES SU GNAS SKABS KYI SEMS KYIS MNGON PAR ZHEN PA'I GSOS BTAB NA DON CI 'DRA BA NYID KYI 'BRAS BUR YANG 'GYUR BAS DPE MA GRUB PA YIN NO ZHES MDO SDE DANG DE'I PHYOGS LAS JI SKAD BSHAD PAR ZAD DO, ,DE LTAR MNYAM PA NYID RNAM PAR BSGOMS PA NI RANG GI ZHING DU MNGON PAR RDZOGS PAR 'TSANG RGYA BAR 'GYUR BAS SANGS RGYAS KYI ZHING YONGS SU DAG PA GSUNGS PA, SEMS CAN 'JIG RTEN DE BZHIN DU, ,SNOD @55A *, ,KYI 'JIG RTEN MA DAG PA, ,DE LA DAG PAR BSGRUBS PA YIS, ,SANGS RGYAS ZHING NI DAG PA NYID, ,CES BYA BA'O, ,SEMS CAN DANG SNOD KYI 'JIG RTEN GYI BYE BRAG GIS SANGS RGYAS KYI ZHING RTEN PA DANG RTEN RNAM PA GNYIS LA GO RIMS BZHIN DU BKRES PA DANG SKOM PA LA SOGS PA NYID KYIS MA DAG PA'I GNYEN POR BZA' BA DANG BTUNG BA LA SOGS PA GYA NOM PA BYIN TE LHA'I NYE BAR SPYAD PA LA SOGS PA SMON LAM GYIS RJES SU SGRUB PA DANG, NGAM GROG DANG G-YANG SA LA SOGS PAS MA DAG PA'I GNYEN POR KHANG BZANGS LA SOGS PA BYIN PAS GSER GYI SA PHYOGS LA SOGS PAR MNGON PAR SGRUB PAR SMON LAM GYIS RJES SU MTHUN PAR BYED PA STE, DE LTAR SANGS RGYAS KYI ZHING RNAM PAR DAG PA YONGS SU SBYONG BA'O, ,RANG GI SANGS RGYAS KYI ZHING YONGS SU DAG PAR NI SKAL BA JI LTA BA BZHIN SANGS RGYAS KYI PHRIN LAS RJES SU BSGRUB PAR BYA DGOS PAS DE'I RGYUR THABS LA MKHAS PA GSUNGS PA, YUL DANG SBYOR BA CAN 'DI NI, ,DGRA RNAMS LAS NI 'DAS PA DANG, ,MI GNAS JI BZHIN SHUGS DANG NI, ,THUN MONG MA YIN MTSAN NYID DANG, ,MA CHAGS PA DANG MI DMIGS DANG,, MTSAN MA SMON LAM ZAD PA DANG, ,DE YI RTAGS DANG MTSAN MED DANG, ,THABS LA MKHAS PA RNAM PA BCU, ,ZHES BYA BA'O, ,BAR CHAD KYI CHOS LAS YANG DAG PAR 'DA' BA'I RGYU LA LEGS PAR SBYANGS PAS LHA LA SOGS PA'I BDUD LAS 'DAS PA DANG, CHOS THAMS CAD MNYAM PA NYID RNAM PAR BSGOMS PAS STONG PA NYID RTOGS KYANG MNGON SUM DU MI BYED PAS MI GNAS PA DANG, SMON LAM GRUB PA NYID KYIS GZHAN GYI DON THAMS CAD SNGON GYI SHUGS KYIS 'PHANGS PA BYED PA DANG, DKA' BA SPYAD PA THAMS CAD SHIN TU GOMS PA NYID KYIS RNAM PAR THAR PA LA SOGS PA SGOM PA THUN MONG MA YIN PA DANG, CHOS DKAR PO RNAM PAR DAG PAS RNAM PAR THAR PA LA SOGS PA LA 'JUG KYANG MYA NGAN LAS 'DAS PA LA MA CHAGS PA DANG, SEMS CAN RNAMS KYI DMIGS PA'I 'DU SHES SPANG BA'I DON DU RNAM PAR THAR PA'I SGO STONG PA NYID KYIS MI @55B DMIGS PA DANG, SEMS CAN RNAMS KYI MTSAN MA'I 'DU SHES SPANG BA'I DON DU RNAM PAR THAR PA'I SGO MTSAN MA MED PA NYID KYIS MTSAN MA MED PA DANG, SEMS CAN RNAMS KYI SMON PA'I 'DU SHES SPANG BA'I DON DU RNAM PAR THAR PA'I SGO SMON PA MED PA NYID KYIS SMON PA MED PA DANG, DRI BSDON DU BTANG BAS PHYIR MI LDOG PA'I CHOS YANG DAG PAR BRJOD PA NYID KYIS PHYIR MI LDOG PA'I RTAGS DANG, YUL TSAD MED PA THAMS CAD SHES PA NYID KYIS TSAD MED PA STE, SHES RAB KYI PHA ROL TU PHYIN PA'I YUL CAN BCU MNGON SUM DU BYA BA LA DUS DANG DUS MA YIN PA SHES PA'I SBYOR BA NI THABS LA MKHAS PA RNAM PA BCU YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS BZHI PA'I 'GREL PA'O,, ,,DA NI RNAM PA THAMS CAD MNGON PAR RTOGS PA DE NYID RAB TU MTHAR PHYIN PA'I RTZE MO'I MNGON PAR RTOGS PA BSHAD PAR BZHED DE, DANG POR RE ZHIG NGES PAR 'BYED PA'I CHA DANG MTHUN PA DANG PO DRO BAR GYUR PA'I RTZE MO GSUNGS PA, RMI LAM NA YANG CHOS RNAMS KUN, ,RMI LAM LTA BUR LTA LA SOGS, ,RTZE MOR PHYIN PA'I SBYOR BA'I RTAGS, RNAM PA BCU GNYIS DAG TU BZHED, ,CES BYA BA'O, ,SHIN TU GOMS PA'I PHYIR RMI LAM GYI GNAS SKABS NA YANG CHOS THAMS CAD RMI LAM DANG 'DRA BA LA SOGS PAR LTA BA DANG, SRID PA NYID DANG NYAN THOS LA SOGS PA LA MNGON PAR DGA' BA'I SEMS MI BSKYED PA DANG, BDAG NYID DE BZHIN GSHEGS PA'I RDZU 'PHRUL GYI RNAM PAR 'PHRUL PA DMIGS PA DANG, DE BZHIN DU SANGS RGYAS LA SOGS PA CHOS STON PA NYE BAR MTHONG BA DANG, YANG BA LA SOGS PA RNAM PA MANG PO 'BYUNG BAS MI SKRAG CING SAD NA CHOS THAMS CAD RMI LAM LTAR MOS PA DANG, DMYAL BA LA SOGS PA'I SEMS CAN MTHONG BA SNGON DU 'GRO BAS RANG GI SANGS RGYAS KYI ZHING DU NGAN SONG SPONG BA RJES SU DRAN PA DANG, RMI LAM MAM RMI LAM MA YIN PAR GRONG KHYER LA SOGS PA TSIG PA RAB TU ZHI BAR BYED PA'I BDEN PA'I BYIN GYI RLABS 'GRUB PA DANG, 'BYUNG PO LA SOGS PA MI MA YIN PAS ZIN PA LA @56A *, ,MED PAR BYED PA'I BDEN PA'I TSIG RAB TU 'GRUB PA DANG, RMI LAM LAS GZHAN DU RANG GI MNGON PAR SHES PAS PHA ROL GNON PA'I DGE BA'I BSHES GNYEN BSTEN PA DANG, DGE BA'I RTZA BA THAMS CAD YONGS SU RDZOGS PAR 'DOD PAS RNAM PA THAMS CAD DU SHES RAB KYI PHA ROL TU PHYIN PA LA SLOB PA DANG, SHES RAB CHAGS PA MED PA NYID KYIS KUN NAS NYON MONGS PA DANG RNAM PAR BYANG BA'I CHOS THAMS CAD BDEN PAR LTA BA DANG, GZUGS LA SOGS PA LA MI SPYOD PA'I TSUL GYIS SHES RAB KYI PHA ROL TU PHYIN PA LA SPYOD PAS SANGS RGYAS KYI BYANG CHUB LA NYE BAR GYUR PA STE, RNAM PA BCU GNYIS NI DRO BAR GYUR PA NYID KYI RTZE MO MNGON PAR RTOGS PA THOB PA'I MTSAN NYID RTAGS KYI KHYAD PAR YIN NO, ,RTAGS DE DAG THOB PA LAS RNAM PAR 'PHEL BA BYUNG BAS RTZE MOR GYUR PA'I MTSAN NYID RNAM PAR 'PHEL BA GSUNGS PA, 'DZAM BU'I GLING GI SKYE BO SNYED, ,SANGS RGYAS MCHOD PA'I DGE LA SOGS, ,DPER MDZAD NAS NI RNAM MANG DU, ,RNAM 'PHEL BCU DRUG BDAG NYID DO, ,ZHES BYA BA'O, ,RGYAL BA'I YUM DAG LAS 'DZAM BU'I GLING LA SOGS PA STONG GSUM GYI 'JIG RTEN GYI KHAMS KYI SEMS CAN JI SNYED KYIS DE BZHIN GSHEGS PA LA MCHOD PA BAS CHES LHAG PA DANG, DE BAS KYANG SHES RAB KYI PHA ROL TU PHYIN PA 'DI NYID YID LA BYED PAS BRTZON PA DANG, CHOS THAMS CAD 'PHEL BA DANG 'GRIB PA MED PAS MI SKYE BA'I CHOS LA BZOD PA THOB PA DANG, MNGON PAR RDZOGS PAR 'TSANG RGYA BAR BYA BA DANG, BYED PA'I CHOS MI DMIGS PA DANG, DE NYID DANG LDAN PAS DGE BA BCU LA SOGS PA SPYOD PA DANG, DE LTAR SPYOD PA LA LHA'I RIS THAMS CAD 'KHOR DU 'ONG ZHING NYE BAR BSRUNG BA DANG, BDUD THAMS CAD MYA NGAN GYI ZUG RNGUS NON PAR BYED PA DANG, SKYE BO RNAMS LA STON PA DANG MTSUNGS PAR GNAS PA ZHES BYA BA RNAM PAR 'PHEL BA BRGYAD DANG, YANG RNAM PA THAMS CAD DU THABS LA MKHAS PAS BSLAB PA YONGS SU DAG PA DANG, SANGS RGYAS KHO NA'I RIGS CAN DU NGES PAR 'GYUR BA NYID DANG, 'BRAS BU SANGS RGYAS NYID YANG DAG PAR 'THOB @56B PA'I RGYU MTSAN DANG, PHA ROL TU PHYIN PA RNAM PA DRUG GIS MI MTHUN PA'I PHYOGS KYI SEMS MI SKYE BA DANG, GZUGS LA SOGS PA DANG LDAN PAR RTOGS PA'I SEMS MI SKYE BA DANG, PHA ROL TU PHYIN PA KUN BSDUS PA RAB TU SHES PA DANG, THEG PA THAMS CAD PHUN SUM TSOGS PA THOB PA DANG, PHUN SUM TSOGS PA NYID DANG YUL DANG BYED PA LA SOGS PA MI DMIGS PAR SPYOD PA ZHES BYA BA RNAM PAR 'PHEL BA GZHAN RNAM PA BRGYAD DE, THOG MAR SEMS CAN DPAG TU MED PAS ME TOG LA SOGS PAS SANGS RGYAS RNAMS MCHOD PA'I DGE BA LA SOGS PA RNAM PA RAB TU MANG PO DPER MDZAD NAS GONG NAS GONG DU BSOD NAMS KHYAD PAR DU 'PHAGS PA GNAS SKABS BCU DRUG GIS MTSON PA'I NGO BO NYID NI RTZE MOR GYUR PA NYID KYI RTZE MO MNGON PAR RTOGS PAS THOB PA'I MTSAN NYID RNAM PAR 'PHEL BA'I KHYAD PAR YIN NO, ,RNAM PAR 'PHEL BA THOB PA LAS NGES PAR BRTAN PA 'BYUNG BAS BZOD PAR GYUR PA'I MTSAN NYID NGES PAR BRTAN PA GSUNGS PA, KUN MKHYEN NYID GSUM CHOS RNAMS KYI, ,YONGS SU RDZOGS PA BLA MED PA, ,SEMS CAN DON YONGS MI GTONG BA, ,BRTAN PA ZHES NI MNGON PAR BRJOD, ,CES BYA BA'O, ,YANG DAG PA'I THABS LA MKHAS PA'I STOBS KYIS JI SKAD BSHAD PA THAMS CAD MKHYEN PA NYID GSUM GYI CHOS SPYI'I MTSAN NYID GSUM GYIS YONGS SU RDZOGS PA'I MOS PA BLA NA MED PA NYID DANG, DE LTAR RNAM PAR MI RTOG PA'I RTOGS PA'I GNAS SKABS NA SNYING RJE CHEN PO MNGON DU BYED PA'I NGO BOS CI NAS KYANG SEMS CAN GYI DON YONGS SU MI GTONG BAR SGRUB PA NI BZOD PAR GYUR PA NYID KYI RTZE MO MNGON PAR RTOGS PA THOB PA'I MTSAN NYID NGES PAR BRTAN PA'I KHYAD PAR YIN NO, ,NGES PAR BRTAN PA LAS SEMS KUN TU GNAS PAR 'GYUR BAS CHOS KYI MCHOG TU GYUR PA'I MTSAN NYID SEMS KUN TU GNAS PA GSUNGS PA, GLING BZHI PA DANG STONG DAG DANG, ,STONG GNYIS GSUM DAG DPER MDZAD NAS, ,BSOD NAMS MANG PO NYID KYIS NI, ,TING 'DZIN YONGS SU BSGRAGS PA YIN, ,ZHES BYA BA'O, ,GLING BZHI PA DANG, STONG DANG, STONG GNYIS PA DANG, STONG GSUM GYI 'JIG RTEN @57A *, ,GYI KHAMS RNAMS KYI RI RAB DANG RGYA MTSO LA SOGS PA NI SRANG LA GZHAL BA DANG, SKRA'I RTZE MO'I THIGS PA LA SOGS PAS TSAD GZUNG DU RUNG GI ZHES SO SOR DPER MDZAD NAS DE LAS KHYAD PAR DU 'PHAGS SHING TSAD LAS 'DAS PA'I BSOD NAMS MANG PO NYID KYIS TING NGE 'DZIN GYI MTSAN NYID BRJOD PA NI CHOS KYI MCHOG TU GYUR PA NYID KYI RTZE MO MNGON PAR RTOGS PA THOB PA'I MTSAN NYID SEMS KUN TU GNAS PA'I KHYAD PAR YIN NO, ,NGES PAR 'BYED PA'I CHA DANG MTHUN PA'I RTZE MO THOB PAS MTHONG BA'I LAM GYI RTZE MO 'BYUNG BAS DE LA MI MTHUN PA'I PHYOGS DNGOS SU BSTAN PAS GNYEN PO DANG BCAS PA RNAM PA BZHI 'CHAD PAR MDZAD PA NA, RE ZHIG MI MTHUN PA'I PHYOGS GZUNG BAR RNAM PAR RTOG PA GNYIS PO MDOR GSUNGS PA, 'JUG PA DANG NI LDOG PA LA, ,GZUNG BA'I RNAM RTOG SO SOR DE, ,DGU YI BDAG NYID JI BZHIN YUL, ,MIN PA'I BDAG NYID DAG SHES BYA, ,ZHES BYA BA'O, ,'JUG PA'I RTEN CAN MI DMIGS PA'I BDAG NYID BYANG CHUB SEMS DPA' RNAMS KYI CHOS BLANG BA DANG, LDOG PA'I RTEN CAN DMIGS PA'I BDAG NYID NYAN THOS LA SOGS PA'I CHOS 'DOR BA'I SGO NAS BZUNG BA'O ZHES RNAM PAR RTOG PA NGO BO NYID DANG DMAN PA LA SOGS PA YUL GYI DBYE BAS SO SOR RNAM PA DGU'I BDAG NYID DE, DON JI LTA BA BZHIN DANG MA 'BREL BAR 'JUG PA NYID KYIS PHYIN CI LOG TU SNANG BA'I PHYIR MI MTHUN PA'I PHYOGS RNAM PAR RTOG PA YIN PAR SHES PAR BYA'O, ,DE'I 'OG TU 'DZIN PA'I RNAM PAR RTOG PA GNYIS MDOR GSUNGS PA, SO SO'I SKYE BO 'PHANGS DBYE BAS, ,SEMS CAN RDZAS DANG BTAGS YOD PAR, ,RNAM RTOG 'DZIN PA DAG TU 'DOD, ,DE DAG SO SOR DGU BDAG NYID, ,GAL TE GZUNG DON DE BZHIN MED, ,DE DAG GANG GIS 'DZIN PAR 'DOD, ,DE LTAR DE DAG 'DZIN PA YI, , NGO BOS STONG PA'I MTSAN NYID DO, ,ZHES BYA BA'O, ,SO SO SKYE BO'I DBANG DU BYAS NAS GANG ZAG RDZAS SU YOD PA DANG, 'PHAGS PA RNAMS KYI DBANG DU BYAS NAS SKYES BU BTAGS PAR YOD PA'I RTEN CAN GYI SGO NAS 'DZIN PA'O ZHES RNAM PAR RTOG PA 'DZIN CING 'DOR BA DANG NGES PAR 'BYUNG @57B BA MCHOG MA YIN PA LA SOGS PA'I YUL GYI DBYE BAS SO SOR RNAM PA DGU'I BDAG NYID DE, DE DAG KYANG DON JI LTA BA BZHIN 'JUG PA MA YIN PA'I PHYIR GANG GI TSE DE DAG GI YUL GYI DNGOS PO DAG DE BZHIN DU GZUNG BA'I NGO BOR YOD PA MA YIN PAS DE'I TSE BLO DE DAG GIS 'DZIN PAR 'DOD PAR BYED, DE BAS NA MI MTHUN PA'I PHYOGS RNAM PAR RTOG PA YIN PAR SHES PAR BYA'O, ,DE'I PHYIR DE DAG 'DZIN PA'I NGO BOS DBEN PA'I MTSAN NYID YIN TE, 'DI NI SNGA MA'I SKABS SU YANG NYE BAR SBYAR BAR BYA'O, ,DE'I 'OG TU BAR SKABS KYI TSIGS SU BCAD PA DGUS GZUNG BA DANG 'DZIN PA'I RNAM PAR RTOG PA DE DAG NYID RGYAS PAR STON PA LAS RE ZHIG GZUNG BA'I RNAM PAR RTOG PA DANG PO 'JUG PA'I PHYOGS KYI RTEN CAN DGU GANG ZHE NA, NGO BO NYID DANG RIGS DANG NI, ,LAM NI YANG DAG 'GRUB PA DANG, ,SHES PA'I DMIGS PA MA 'KHRUL DANG, ,GNYEN PO'I MI MTHUN PHYOGS DAG DANG, ,RANG GIS RTOGS DANG BYED PA DANG, ,DE'I LAS BYED PA'I 'BRAS BU LA, ,'JUG PA'I PHYOGS KYI RTEN CAN GYI, ,RNAM RTOG DE NI RAM DGUR 'DOD, ,CES BYA BA'O, ,LAM DANG 'BRAS BUS DBEN PAS DBEN PAR MI RTOG PAS NGO BO NYID DANG, 'BRAS BU MCHOG DANG DMAN PA LA RING BA DANG, NYE BA'I RGYU NYID KYIS THEG PA CHEN PO'I RIGS DANG, DE LA BRTEN NAS SGYU MA LTA BUR RTOGS PAS MTHONG BA LA SOGS PA LAM YANG DAG PAR 'GRUB PA DANG, SNANG BRNYAN TZAM DU ZAD PAS SHES PA'I DMIGS PA MA 'KHRUL BA DANG, YON TAN DANG SKYON MTHONG BA SNGON DU 'GRO BAS BLANG BA DANG DOR BAR BYA BA NYID KYIS GNYEN PO DANG, MI MTHUN PA'I PHYOGS DANG, DRI MA THAMS CAD DANG BRAL BA NYID KYIS RANG GIS RTOGS PA DANG, SMON LAM YONGS SU RDZOGS PA NYID KYIS GZUGS KYI SKU DAG GIS, GZHAN GYI DON BYED PA DANG, PHRIN LAS LHUN GYIS GRUB PA NYID KYIS CHO 'PHRUL GSUM LA BDAG GIR BYA BA'I LAS DANG, YANG DAG PA'I THABS LA MKHAS PA'I STOBS KYIS THEG PA GSUM GYI BYANG CHUB LA 'GOD PAR BYA BA'I 'BRAS BUR SKYON MED PA NYID KYIS GZUNG BAR BYA BA NYID DU 'JUG PAR BYA'O ZHES RNAM PAR RTOG PA 'JUG PA'I PHYOGS KYI RTEN @58A *, ,CAN RNAM PA DGUR BZHED DE, DE DAG NI MTHONG BA'I LAM GYI SBYOR BA'I GNAS SKABS KYIS SPANG BAR BYA BA YIN NO, ,GZUNG BA'I RNAM PAR RTOG PA GNYIS PA LDOG PA'I PHYOGS KYI RTEN CAN DGU PO GANG ZHE NA, SRID DANG ZHI BAR LTUNG BA'I PHYIR, ,RTOGS PA DMAN PA NYID DANG NI, ,YONGS SU 'DZIN PA MED PA DANG, ,LAM GYI RNAM PA MA TSANG DANG, ,GZHAN GYI RKYEN GYIS 'GRO BA DANG, ,MCHED DU BYA BA LOG PA DANG, ,NYI TSE BA DANG SNA TSOGS NYID, ,GNAS DANG 'JUG LA RMONGS PA DANG, ,RJES LA 'GRO ZHES BYA BA LA, ,RNAM RTOG DGU YI BDAG NYID 'DI, ,LDOG PA'I PHYOGS KYI RTEN CAN TE, ,NYAN THOS LA SOGS YID LA BYUNG, ,ZHES BYA BA'O, ,SHES RAB DANG SNYING RJE DANG BRAL BAS 'KHOR BA DANG MYA NGAN LAS 'DAS PA GANG YANG RUNG BA ZHIG TU LTUNG BA NYID KYIS RTOGS PA DMAN PA DANG, DGE BA'I BSHES GNYEN LA SOGS PA DANG BRAL BA NYID KYIS YONGS SU 'DZIN PA MED PA DANG, SHES BYA'I SGRIB PA MTHA' DAG GI GNYEN PO MA YIN PA NYID KYIS LAM GYI RNAM PA MA TSANG BA DANG, SANGS RGYAS LA SOGS PA'I GDAMS NGAG LA LTOS PA NYID KYIS GZHAN GYI RKYEN GYIS 'GRO BA DANG, JI SKAD BSHAD PA'I SEMS CHEN PO NYID LA SOGS PA LA MI 'JUG PA NYID KYIS CHED DU BYA BA LOG PA DANG, NYON MONGS PA'I SGRIB PA KHO NA'I GNYEN POR ZAD PA NYID KYIS NYI TSE BA DANG, CHOS THAMS CAD RO GCIG PAR MA RTOGS PA NYID KYIS 'BRAS BU BZHI LA SOGS PA RTOGS PA THA DAD PA DU MA DANG, 'KHOR GSUM KUN NAS MI RTOG PA NYID LA RMONGS PA 'AM MA RIG PA'I BAG LA NYAL THAMS CAD MA SPANGS PA NYID KYIS GNAS PA DANG 'GRO BA MI SHES PA DANG, THEG PA CHEN PO THAMS CAD SDUD PAR BYED PA NYID KYIS, ,RNAM PA THAMS CAD MKHYEN PA NYID MYA NGAN LAS 'DAS PA THAMS CAD KYI MJUG TU 'GRO BA RNAMS NYES PA DANG BCAS PA NYID KYIS LDOG PAR BYA BA RNAMS LA DE LTAR GZUNG BA'I RNAM PAR RTOG PA LDOG PA'I PHYOGS KYI RTEN CAN NYAN THOS DANG RANG SANGS RGYAS KYI RGYUD LA 'BYUNG BA RNAM PA DGU STE, DE DAG NI MTHONG BA'I LAM GYI SEMS @58B DANG SEMS LAS BYUNG BA 'JUG PA'I GNAS SKABS KYIS SPANG BAR BYA BA YIN NO, ,'DZIN PA'I RNAM PAR RTOG PA DANG PO GANG ZAG RDZAS SU YOD PA'I RTEN CAN DGU PO GANG ZHE NA, 'DZIN PA DANG NI 'DOR BA DANG, ,YID LA BYED DANG KHAMS RNAMS NI, ,GSUM PO DAG DANG NYE 'BREL DANG; ,GNAS DANG MNGON PAR ZHEN PA DANG, ,CHOS KYI DNGOS PO BTAGS PA DANG, ,CHAGS PA DANG NI GNYEN PO DANG, ,JI LTAR 'DOD BZHIN 'GRO NYAMS LA, ,'DZIN PA DANG POR SHES PAR BYA, ,ZHES BYA BA'O, ,DON RNAMS LA BLANG BA DANG DOR BA'I BDAG NYID KYIS BYED PA POR DMIGS PAS 'DZIN PA DANG 'DOR BA DANG, DNGOS PO RNAMS LA BDEN PAR 'DZIN PA NYID KYIS YID LA BYED PA DANG, RGYUR MNGON PAR ZHEN PA DANG BCAS PA'I 'BRAS BU KHAMS GSUM DANG 'BREL PA DANG, GZUGS LA SOGS PA MA DMIGS PA'I TSUL GYIS YID LA BYED PAS DE DAG LA GNAS PA DANG, DON GYI RNAM PA PHYI ROL DU YONGS SU 'DZIN PA NYID KYIS MNGON PAR ZHEN PA DANG, DE'I DON LA THA SNYAD KYI BRDAR NYE BAR SBYOR BA NYID KYIS CHOS KYI DNGOS PO BTAGS PA DANG, MI MTHUN PA'I PHYOGS KYI YUL RNAMS LA MTSAN MAR BYED PAS YONGS SU CHAGS PA DANG, MI RTAG PA DANG SDUG BSNGAL LA SOGS PA LA LAM DU LTA BA NYID KYIS GNYEN POR ZHEN PA DANG, SHES RAB KYI PHA ROL TU PHYIN PA YANG DAG PAR MA SHES PAS JI LTAR 'DOD PA LTAR BYANG CHUB MCHOG TU 'GRO BAR MI NUS PA RNAMS LA DON DAM PA'I DNGOS POR MNGON PAR ZHEN PA NYID KYIS 'DZIN PAR RNAM PAR RTOG PA GANG ZAG RDZAS SU 'DZIN PA'I RNAM DGU STE, DE DAG NI MTHONG BA'I LAM GYI SBYOR BA GNAS SKABS KYIS SPANG BAR BYA BA YIN NO, ,'DZIN PA'I RNAM PAR RTOG PA GNYIS PAS SKYES BU BTAGS PAR YOD PA'I RTEN CAN DGU GANG ZHE NA, CHED BZHIN NGES PAR MI 'BYUNG BA DANG, ,LAM LA LAM MIN NGES 'DZIN DANG, ,'GOG DANG BCAS PA'I SKYE BA DANG, ,DNGOS PO LDAN DANG MI LDAN DANG, ,GNAS DANG RIGS NI 'JIG PA DANG, ,DON DU GNYER DANG RGYU MED DANG, ,PHYIR RGOL BA NI DMIGS PA LA, ,'DZIN PA'I RNAM RTOG GZHAN YIN NO, ,ZHES BYA BA'O, ,NYAN THOS LA SOGS @59A *, ,PA'I 'BRAS BU NGES PAR 'BYUNG BA NYID KYIS CHED DU BYA BA JI LTA BA BZHIN NGES PAR MI 'BYUNG BA DANG, RANG GI DON MNGON PAR 'DOD PA'I LAM MED PAS LAM GZHAN LA LAM MA YIN PAR NGES PAR 'DZIN PA DANG, DNGOS PO THAMS CAD YANG DAG PAR BKAG PA NYID KYIS SKYE BA DANG BCAS PAR 'DZIN PA DANG, BAR CHAD MED PA DANG CIG SHOS SU SNANG BA NYID KYIS DNGOS PO MTHA' DAG LDAN PA DANG, MI LDAN PA DANG, NAM MKHAR GNAS PA'I BYA LA SOGS PA DANG 'DRA BA NYID KYIS GZUGS LA SOGS PA LA GNAS PA DANG, BYANG CHUB SEMS DPA'I SPYOD PA YANG DAG PAR SPYAD PA NYID KYIS NYAN THOS LA SOGS PA'I RIGS 'JIG PA DANG, DE BZHIN NYID LAS KHYAD PAR DU 'PHAGS PA'I CHOS MED PA'I PHYIR SNYING PO BYANG CHUB LA SOGS PA DON DU GNYER BA MED PA DANG, DON DAM PA'I MTSAN NYID LA BRTEN NAS YON TAN THAMS CAD 'GRUB PAR BYED PA'I RGYU MED PA DANG, SHES RAB YONGS SU NYAM CHUNG BA NYID KYIS BDUD LA SOGS PA'I PHYIR RGOL BA DANG DMIGS PA RNAMS LA BTAGS PA'I DNGOS POR MNGON PAR ZHEN PA NYID KYIS 'DZIN PAR RNAM PAR RTOG PA SKYES BU BTAGS PAR YOD PA'I RTEN CAN GYI RNAM PA DGU STE, DE DAG NI MTHONG BA'I LAM GYI SEMS DANG SEMS LAS BYUNG BA 'JUG PA'I GNAS SKABS KYIS SPANGS BAR BYA BA YIN NO, ,DE LTAR NA MTHONG BA'I LAM GYI MI MTHUN PA'I PHYOGS NI DGU PHRAG RNAM PA BZHI YIN PAS DE DAG NYID KYI GNYEN PO YANG DGU PHRAG RNAM PA BZHIR RAB TU DBYE BA KHONG DU CHUD PAR BYA'O, ,DE'I 'OG TU MTHONG BA'I LAM DE NYID RGYU GANG DANG BCAS PAS BYANG CHUB CHEN POR SGRUB PAR BYED PA BAR SKABS KYI TSIGS SU BCAD PA GSUNGS PA, BYANG CHUB LA GZHAN STOND PA DANG, ,DE YI RGYU NI YONGS GTOD NYID, ,DE 'THOB BAR CHAD MED PA'I RGYU, ,BSOD NAMS MANG PO'I MTSAN NYID DO, ,ZHES BYA BA'O, ,BDAG NYID MTHONG BA'I LAM LA GNAS NAS GZHAN DAG LA DE DAG LA SOGS PA BSTAN PAS RDZOGS PA'I BYANG CHUB LA 'GOD PA DANG, BYANG CHUB KYI RGYU KHO NAR GDUL BYA LA SHES RAB KYI PHA ROL TU PHYIN PA'I GZHUNG MI NYAMS SHING 'PHEL BAR BYA BA'I PHYIR SO SOR GTOD PA DANG, @59B BYANG CHUB 'THOB PA LA BAR CHAD MED PA'I RGYU SHES RAB KYI PHA ROL TU PHYIN PA RANG GI BSGOM PA LA SOGS PA BSOD NAMS CHEN PO'I MTSAN NYID DE, DE'I RGYU TSIGS NI RNAM PA GSUM YIN NO, ,RGYU DE LTA BU LAS THOB PA'I BYANG CHUB DE NYID GANG ZHE NA, BAR SKABS KYI TSIGS SU BCAD PAS 'BRAS BU'I BDAG NYID BYANG CHUB CHEN PO GSUNGS PA, DRI MA ZAD DANG MI SKYE BA'I, ,YE SHES BYANG CHUB CES BRJOD DE, ,ZAD MED SKYE MED PHYIR DE DAG ,GO RIMS BZHIN DU SHES PAR BYA, ,ZHES BYA BA'O, ,GANG GI PHYIR CHOS THAMS CAD NI CHOS KYI DBYINGS LAS MA GTOGS PA GANG YANG MED PAS NAM MKHA' LTAR 'GAG PA DANG SKYE BA MED PA'I PHYIR DANG, DRI MA GANG YIN PA RNAMS NI GCIG DANG DU MA'I NGO BO NYID DANG, RANG DANG GZHAN LA SOGS PA'I RGYU DANG, YOD PA DANG MED PA LAS SKYE BA'I 'BRAS BUS STONG PA LA SOGS PA'I 'THAD PA NYID KYIS NAM MKHA'I PAD MA BZHIN DU 'GAG PA DANG SKYE BA MED DE, DE'I PHYIR SNGAR YOD PA RNAMS ZAD PA DANG GSAR DU MI SKYE BAR BYAS PA MA GRUB PAS GO RIMS LTAR GDOD MA NAS ZAD PA DANG MI SKYE BA GANG YIN PA DE JI LTA BA BZHIN RAB TU RTOGS PA'I YE SHES CHOS KYI SKU'I BDAG NYID NI BYANG CHUB CHEN POR SHES PAR BYA'O, ,DE LAS GZHAN DU ZAD PA DANG MI SKYE BA SHES PA MI RUNG BAR GSUNGS PA, 'GOG PA MED PA'I RANG BZHIN LA, ,MTHONG ZHES BYA BA'I LAM GYIS NI, ,RNAM PAR RTOG RIGS CI ZHIG ZAD, ,SKYE MED RNAM PA CI ZHIG 'THOB, ,CES BYA BA'O, ,GANG DANG DNGOS PO 'JIG PA DANG PHYIS MI SKYE BA LA ZAD PA DANG MI SKYE BA'O ZHES 'DU SHES LA DE LTAR ZAD PA DANG MI SKYE BA SHES PA NI BYANG CHUB YIN NO ZHES RTOG PA NI RIGS PA MA YIN NO, ,GANG GI PHYIR 'GOG PA NI DE BZHIN NYID KYI NGO BO GDOD MA NAS MED PA'I RANG BZHIN YIN NO, ,SKYES PA DANG MA SKYES PA DAG GO RIMS BZHIN DU ZAD PA DANG SKYE BA'I GEGS BYED PA'I MTSAN NYID CAN LA KHYED KYI MTHONG BA'I LAM GYI STOBS KYIS SPANGS BAR BYA BA RNAM PAR RTOG PA'I RIGS SNGAR SKYES PA NI CI ZHIG ZAD LA, BSGRUB PAR BYA BA MI SKYE BA'I CHOS CAN MA SKYES PA NI CI ZHIG SKYES TE CUNG ZAD KYANG MED PA ???, ,YANG MTHONG BA'I LAM NI @60A *, ,DE'I STOBS KYIS ZAD PA DANG MI SKYE BAR BYED PA MA YIN TE, MED PA'I BDAG NYID CAN GYI 'GOG PA LA DMIGS PA'I PHYIR RO ZHES KYANG BRJOD PAR BYA'O, ,GANG YANG DE'I LUGS LA RNAM PAR GZHAG PA 'GAL BAR GSUNGS PA, GZHAN GYI CHOS RNAMS KYANG YOD LA, , SHES BYA LA YANG STON PA YI, ,SGRIB PA ZAD PAR BRJOD PA DANG, ,DE LA KHO BOS MTSAR DU BRTZIS, ,ZHES BYA BA'O, ,'DI LTAR SHES PA DANG SHES BYA'I MTSAN NYID SKAD CIG MA CHOS CAN GYI NGO BO DON DAM PA NYID DU YOD PAR GYUR NA SPANG BA DANG BSKYED DU MED PA'I RANG GI NGO BO 'DZIN PA NYID KYIS NAM MKHA' BZHIN DU GNYEN PO BSGOM PAS DE DAG LA CUNG ZAD KYANG MI BYED DO, ,DE BAS NA DNGOS POR MNGON PAR ZHEN PA DE DAG GIS CHOS RNAMS NI YANG DAG PA NYID DU YOD PAR KHAS 'CHE LA, DE BZHIN GSHEGS PAS NI SHES PAR BYA BA DE DAG LA SGRIB PA'I RNAM PA THAMS CAD SKYES NAS GZUNG BA DANG 'DZIN PA'I RNAM PARPA'I DON NYID LA PHYIN CI MA LOG PA CAN GYI BLO GROS DON JI ER 'GAL BA SMRA BA YIN PAS DE LA KHO BOS YA MTSAN DU MTHONG NGO ZHES BYA BA'O, ,'O NA DON 'DI JI LTAR RNAM PAR BRTAG PAR BYA ZHE NA, BAR SKABS KYI TSIGS SU BCAD PAS NGO BO NYID MED PA'I TSUL LUGS BSTAN PA GSUNGS PA, 'DI LAS BSAL BYA CI YANG MED, ,GZHAG PAR BYA BA CUNG ZAD MED, ,YANG DAG NYID LA YANG DAG LTA, ,YANG DAG MTHONG NA RNAM PAR GROL, ,ZHES BYA BA'O, ,MTHONG BA'I LAM LA SOGS PAS BSDUS PA'I BDAG NYID KYI CHOS 'DI DAG LA GDOD MA NAS DE KHO NA NYID KYI NGO BOS SNGAR YOD PA BSAL BAR BYA BA'I MI MTHUN PA'I PHYOGS KYI RNAM PA CI YANG MED LA, GSAR DU GZHAG PAR BYA BA'I GNYEN PO'I PHYOGS CUNG ZAD KYANG YOD PA MA YIN NO, ,'ON KYANG MTHONG BA'I LAM LA SOGS PA DE BZHIN DU RO GCIG PA'I MTSAN NYID YANG DAG PA'I MTHA' DGAG PA DANG SGRUB PA 'GA' YANG MA GRUB PA'I DON NYID LA PHYIN CI MA LOG PA CAN GYI BLO GROS DON JI LTA BA YANG DAG PA NYID DU LTA BA ZHES BYA BA YIN NO, ,DE BAS NA SGYU MA'I RGYAL PO SGYU MA'I RGYAL PO GZHAN GYIS PHAM PAR BYAS PA LTAR PHYIN CI LOG RNAM PAR LDOG PAS MTHAR YANG DAG PA'I MTHA' YANG MA MTHONG BA'I TSUL GYIS MTHONG BA NA YONGS @60B SU 'DZIN PA MTHA' DAG LAS RNAM PAR GROL BAR 'GYUR RO, ,DE LTAR SKYE BA DANG 'JIG PAS STONG PA NYID KYIS BDAG MED PA DANG, PHYI ROL GYI DON MNGON PAR MA GRUB PA NYID KYIS SEMS TZAM DU RNAM PAR RIG PA DANG, GZUNG BA MED NA 'DZIN PA MED PA NYID KYIS GNYIS SU MED PA'I NGO BO NYID DANG; DE KHO NAR 'GA' YANG DMIGS PA MED PA NYID KYIS MTSAN MA MED PA LA RNAL 'BYOR DU BYED PAR 'GYUR TE, DE'I STOBS KYIS NAM MKHA' LTA BUR CHOS THAMS CAD RNAM PAR MI RTOG PA'I MTSAN NYID SO SO RANG GIS RIG PAR BYA BA JI LTAR MNGON DU BYAS PAS GDOD MA NAS SKYES PA DANG MA SKYES PA MED PA ZAD PA DANG MI SKYE BA'I BDAG NYID RTOGS PA'I 'BRAS BU 'THOB PAR 'GYUR RO ZHES BYA BA 'DI RIG PAR BYA'O, ,DE'I 'OG TU MTHONG BA'I LAM GYI NGO BO DNGOS GSUNGS PA, SBYIN PA LA SOGS RE RER NI, ,DE DAG PHAN TSUN BSDUS PA GANG, ,SKAD CIG GCIG PA'I BZOD PA YIS, ,BSDUS PA DE 'DIR MTHONG BA'I LAM, ,ZHES BYA BA'O, ,GANG ZHIG MTHONG BA'I BYED PAS SBYIN PA LA SOGS PA'I PHA ROL TU PHYIN PA DRUG LA RAB TU DBYE BAS RNAM PA SUM CU RTZA DRUG CAN SKYED PAR BYED PA NI SO SOR SBYIN PA LA SOGS PA'I NGO BO RE RER PHAN TSUN BSDUS PA SGRUB PAR BYED PA GANG YIN PA 'DI LTA STE, SKAD CIG MA GCIG PA'I YE SHES KYI BDAG NYID SDUG BSNGAL LA SOGS PA CHOS SHES PA'I BZOD PAS BSDUS PA NI RTZE MO'I MNGON PAR RTOGS PA'I SKABS 'DIR MTHONG BA'I LAM YIN NO, ,DE SKYES NA GZUNG BA DANG 'DZIN PA'I RNAM PAR RTOG PA RNAM PA BZHI PO SO SOR DGU'I BDAG NYID 'DOD PA DANG GZUGS DANG GZUGS MED PA'I KHAMS KYI DBYE BAS RNAM PAR RTOG PA BRGYA RTZA BRGYAD SPANGS PAS DE DAG GIS BSDUS PA'I SA BON GYI NYON MONGS PA BRGYA RTZA BRGYAD SPANGS PA NI RTEN CING 'BREL PAR 'BYUNG BA'I CHOS NYID KYIS 'THOB PA PO DE'I 'OG TU DE LA DBANG DU BYED PA'I TING NGE 'DZIN GSUNGS PA, DE NAS SENG GE RNAM BSGYING PA'I, ,TING NGE 'DZIN LA SNYOMS ZHUGS NAS, ,RTEN CING 'BREL 'BYUNG LUGS MTHUN DANG, ,LUGS MI MTHUN LA RTOGS PAR BYED, ,CES BYA BA'O, ,MI MTHUN PA'I PHYOGS KYI RNAM PAR RTOG PA @61A *, ,BZOD PAS NYE BAR BSAL BA'I DE MA THAG RNAM PAR RTOG PA RNAMS KYIS BAG TSA BA MED PAS SENG GE RNAM PAR BSGYINGS PA ZHES BYA BA'I TING NGE 'DZIN LA SNYOMS PAR ZHUGS NAS DUS PHYIS BSGOM PA'I LAM DU GTOGS PAS RTEN CING 'BREL BAR 'BYUNG BA LA MA RIG PA'I RKYEN GYIS 'DU BYED DO ZHES PA LA SOGS PA LUGS DANG MTHUN PA DANG, SKYE BA 'GAGS PAS RGA SHI 'GAG GO ZHES PA LA SOGS PA LUGS DANG MI MTHUN PAR YANG DAG PAR RTOG PAR BYED DO, ,DE LTAR MTHONG BA'I LAM GYI RTZE MO THOB PA LAS BSGOM PA'I LAM 'BYUNG BAS BSGOM PA'O LAM GYI RTZE MO GSUNGS PA, 'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,'DOD PAR GTOGS PA'I RNAM PAR SHES, ,MNYAM GZHAG MIN PA'I MTSAMS BZUNG STE, ,THOD RGAL DU NI SNYOMS 'JUG PA, ,GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD RGAL NAS, ,'GOG PA'I BAR DU MI 'DRAR 'GRO, ,ZHES BYA BA'O, ,BYANG CHUB SEMS DPA' RNAMS NI TING NGE 'DZIN GYI RTZAL SBYANGS PAS SNYOMS PAR 'JUG PA LA DBANG BA NYID KYIS BSGOM PA'I LAM PHUL DU PHYIN PAR BYA BA'I PHYIR RTOG PA DANG DPYOD PA LA SOGS PA'I YAN LAG LNGA DANG LDAN PA BSAM GTAN DANG PO DANG, NANG YONGS SU DANG BA LA SOGS PA YAN LAG BZHI DANG LDAN PA BSAM GTAN GNYIS PA DANG, BTANG SNYOMS LA SOGS PA YAN LAG LNGA DANG LDAN PA BSAM GTAN GSUM PA DANG, DRAN PA DANG SHES BZHIN LA SOGS PA YAN LAG BZHI DANG LDAN PA BSAM GTAN BZHI PA RNAMS DANG, NAM MKHA' DANG RNAM SHES MTHA' YAS SO ZHES PA MOS PA SNGON DU GTONG BA CAN NAM MKHA' MTHA' YAS DANG, RNAM SHES MTHA' YAS SKYE MCHED DANG, CI YANG MED PA NYID DANG, YOD PA YANG MA YIN PA MED PA YANG MA YIN NO ZHES BYA BA SNGON DU GTONG BA CAN CI YANG MED PA DANG, 'DU SHES MED 'DU SHES MED MIN GYI SKYE MCHED RNAMS DANG, TSOR BA DANG MTSAN MAR 'DU SHES PA 'GOG PA'I MTSAN NYID 'GOG PA'I SNYOMS PAR 'JUG PA STE, DE LTAR YUL RNAM PA DGU LA BSAM GTAN DANG PO NAS BZUNG STE 'GOG PA'I BAR DU YAR SONG BA DANG, @61B 'GOG PA NAS BZUNG STE BSAM GTAN DANG PO'I BAR DU 'ONG BA STE, DE LTAR LUGS DANG MTHUN PA DANG MI MTHUN PA 'GRO BA DANG 'ONG BA SENG GE RNAM PAR BSGYINGS PA BSTAN PA GNYIS DANG, YANG BSAM GTAN DANG PO LA SOGS PA RIM GYIS 'GOG PA'I BAR DU SNYOMS PAR 'JUG PA KHYAD PAR CAN GYIS 'GRO BA DANG, DE'I 'OG TU BSAM GTAN DANG PO NAS BZUNG STE 'GOG PA'I BAR DU 'GOG PA LA SNYOMS PAR 'JUG PA RE RE SPEL BAR 'GRO BA DANG, YANG 'GOG PA LA SNYOMS PAR ZHUGS NAS DE LAS LANGS TE 'GOG PA GCIG PUR DOR NAS DE MA THAG PA'I YOD MIN MED MIN GYI SKYE MCHED LA SNYOMS PAR 'JUG CING, DE LAS LANGS NAS 'DOD PA NA SPYOD PA'I RNAM PAR SHES PA MNYAM PAR MA BZHAG PA MTSAMS SU GZHAG STE, THABS MKHAS PAS DE NAS 'GOG PA LA'O, ,DE LAS LANGS NAS MNYAM PAR MA BZHAG PA LA'O, ,DE NAS GNYIS DOR NAS CI YANG MED PA'I SKYE MCHED LA'O, ,DE LAS LANGS NAS MNYAM PAR MA BZHAG PA LA'O, ,DE BZHIN DU RNAM SHES MTHA' YAS SKYE MCHED LA SOGS PA LA MAR BABS PA'I TSUL GYIS MNYAM PAR MA BZHAG PA RAB TU SPEL TE, GSUM DANG, BZHI DANG, LNGA DANG, DRUG DANG, BDUN DANG, BRGYAD DOR NAS BSAM GTAN DANG PO LA SNYOMS PAR 'JUG GO, ,DE LAS LANGS NAS MNYAM PAR MA BZHAG PA LA GNAS PA STE, DE LTAR MI 'DRA BAR 'GRO BAS THOD RGAL GYI SNYOMS PAR 'JUG PA YIN NO, ,BSGOM PA'I LAM DES SPANG BAR BYA BA'I RNAM PAR RTOG PA GANG ZHIG YIN ZHE NA, DE'I MI MTHUN PA'I PHYOGS KYI RNAM PAR RTOG PA RNAM PA BZHI LAS RE ZHIG GZUNG BA'I RNAM PAR RTOG PA DANG PO GSUNGS PA, MDOR BSDUS RGYAS DANG SANGS RGYAS KYIS, ,BSTANG BAS YONGS SU MA BZUNG DANG, ,DUS GSUM YON TAN MED PA DANG, LEGS PA'I LAM NI RNAM GSUM LA, ,GZUNG BA'I RNAM RTOG 'DI GCIG STE, ,SBYOR BA'I RNAM PA'I SPYOD YUL CAN, ,ZHES BYA BA'O, ,GSUNG RAB KYI DON GANG YIN PA DE BZHIN NYID LA SOGS PA MI SHES PAS CHOS MDOR BSDUS PA DANG, RANG GI MTSAN NYID MI SHES PAS CHOS RGYAS PA DANG, JI SKAD BSHAD PA'I DON LA NAN TAN MI BYED PAS SANGS @62A *, ,RGYAS KYIS BSTANG STE YONGS SU MA BZUNG BA DANG, ,PHYIR MI LDOG PA LA SOGS PA SBYOR BA'I LAM GYI YON TAN MED PAS 'DAS PA'I YON TAN MED PA DANG, ,SHES RAB KYI PHA ROL TU PHYIN PA LA SGRUB PA'I MTSAN NYID MTHONG BA'I LAM GYI YON TAN MED PAS DA LTAR BA'I YON TAN MED PA DANG, SHES RAB KYI PHA ROL TU PHYIN PA YANG DAG PAR BSGOM PA NYID KYI MTSAN NYID BSGOM PA'I LAM GYI YON TAN MED PAS MA 'ONGS PA'I YON TAN MED PA DANG, PHYIN CI LOG ZHI BA NYID LA SOGS PAS MYA NGAN LAS LAS 'DAS PA LA SBYOR BA LEGS PA'I LAM DANG, STONG PA NYID MNGON PAR SGRUB PA NYID KYIS DE KHO NA NYID MTHONG BA LEGS PA'I LAM DANG, RANG BZHIN MED PA GOMS PAR BYED PA NYID KYIS YANG DAG PAR BSGOM PA LEGS PA'I LAM MI SHES PA STE, DE LTAR GZUNG BA'I RNAM PAR RTOG PA DANG PO BSGOM PA'I LAM GYI SBYOR BA'I GNAS SKABS KYI YUL CAN RNAM PA DGU'O, ,DE'I RJES LA GZUNG BA'I RNAM PAR RTOG PA GNYIS GSUNGS PA, GNYIS PA SEMS DANG SEMS BYUNG RNAMS, ,'JUG PA'I YUL CAN YIN BZHED DE, ,SEMS MI SKYE DANG BYANG CHUB KYI, ,SNYING PO YID LA MI BYED DANG, ,THEG PA DMAN PA YID BYED DANG, ,RDZOGS PA'I BYANG CHUB YID MI BYED, ,BSGOM DANG BSGOM PA MED PA DANG, , DE DAG LAS NI BZLOG PA NYID DANG, ,JI BZHIN DON MIN RNAM RTOG PA, ,BSGOM PA'I LAM LA SHES PAR BYA, ,ZHES BYA BA'O, ,DGE BA'I BSHES GNYEN LA SOGS PA DANG BRAL BAS BYANG CHUB TU SEMS MI SKYED PA DANG, SANGS RGYAS KYI RJES SU MTHUN PA NYID KYI BSOD NAMS KHYAD PAR DU 'PHAGS PA MED PAS BYANG CHUB KYI SNYING PO YID LA MI BYED PA DANG, 'KHOR BAS 'JIGS PA NYID DANG GZHAN DON LA MI LTOS PA NYID KYIS THEG PA DMAN PA YID LA BYED PA DANG, SHES RAB KYI PHA ROL TU PHYIN PA MNGON PAR SGRUB PA MED PAS RDZOGS PA'I BYANG CHUB YID LA MI BYED PA DANG, SHES RAB KYI PHA ROL TU PHYIN PA BSGOMS PAS THAMS CAD MKHYEN PA NYID THOB PAR 'DOD PAS BSGOM PA DANG, DE NYID MA BSGOMS PAS THOB PAR 'DOD PAS BSGOM PA MED PA DANG, BSGOMS PA DANG MA BSGOMS PA GNYIS KAS THOB PAR 'DOD PAS GNYIS KA DANG, BSGOMS PAS KYANG MA YIN MA BSGOMS PAS KYANG MA YIN PAS 'THOB PAR @62B 'DOD PAS GNYIS KA MA YIN PA DANG, PHYIN CI LOG TU ZHUGS PA NYID KYIS DON JI LTA BA BZHIN MA YIN PA 'DZIN PA STE, DE LTAR GZUNG BA'I RNAM PAR RTOG PA GNYIS PA BSGOM PA'I LAM GYI SEMS DANG SEMS LAS BYUNG BA 'JUG PA'I SKABS KYI YUL CAN RNAM PA DGU'O, ,DE'I 'OG TU 'DZIN PA'I RNAM PAR RTOG PA DANG PO GSUNGS PA, ,SEMS CAN BTAGS PA'I SPYOD YUL DANG, ,CHOS BTAGS PA DANG STONG MIN NYID, ,CHAGS DANG RAB DBYE BDAG NYID DANG, ,DNGOS POR BYED DANG THEG GSUM DANG, ,YON NI DAG PA MA YIN DANG, ,SPYOD PA RNAM PAR 'KHRUGS PA DANG, ,'DZIN PAR BYED PA DANG POR TE, ,SHES PAR BYA BAR BSGRAGS PA YIN, ,ZHES BYA BA'O, ,RDZAS SU YOD PAR MI SKYE BAS SEMS CAN DU BTAGS PA DANG, SNANG BA TZAM DU ZAD PA'I PHYIR GZUGS LA SOGS PA'I CHOS SU BTAGS PA DANG, ,GANG ZAG DANG CHOS DON GZHAN GYIS STONG YANG RAG GI NGO BOR GNAS PAS STONG PA MA YIN PA DANG, DE DAG LA DMIGS PA DANG MI DMIGS PA NYID KYI SGO NAS LAM LA CHAGS PA DANG, GZUGS LA SOGS PA RANG DANG SPYI'I MTSAN NYID SO SO BA NYID KYIS RAB TU RNAM PAR 'BYED PA DANG, JI SKAD BSHAD PA'I CHED DU BYA BA MI BYED PAS DMAN PA 'CHAD DU BYA BA BYED PA DANG, GZUGS LA SOGS PA MI DMIGS PA'I PHYIR THEG PA GSUM GYIS NGES PAR 'BYUNG BA DANG, YANG DAG PAR RAB TU MA ZHUGS PA NYID KYIS YON DAG PA MA YIN PA DANG, SBYIN PA LA SOGS PA 'KHOR GSUM DU DMIGS PAS SPYOD PA RNAM PAR 'KHRUGS PA'I GANG ZAG YOD PAR 'DZIN PA STE, DE LTAR 'DZIN PA'I RNAM PAR RTOG PA DANG PO BSGOM PA'I LAM GYI SBYOR BA'I GNAS SKABS KYI YUL CAN RNAM PA DGUR SHES PAR BYA'O, ,DE'I RJES LA 'DZIN PA'I RNAM PAR RTOG PA GNYIS PA MDOR GSUNGS PA, SEMS CAN BTAGS DANG DE RGYU YI, ,YUL CAN DE YIS RNAM 'JOMS PAS, ,BSGOM PA'I LAM DANG 'BREL BA YI, ,MI MTHUN PHYOGS GZHAN RNAM PA DGU, ,ZHES BYA BA'O, ,SO SO'I SKYE BO DANG 'PHAGS PA'I GANG ZAG TU BTAGS PA DANG, DER RNAM PAR GZHAG PA'I RGYU MA RIG PA DANG YE SHES KYIS BSDUS PA'I PHUNG PO'I RGYUN LA MNGON PAR @63A *, ,ZHEN PA'I YUL CAN BSGOM PA'I LAM GYIS YANG DAG PAR GZHOM PAR BYA BA GANG YIN PA STE, LAM DE DANG 'BREL BA MI MTHUN PA'I PHYOGS 'DZIN PA'I RNAM PAR RTOG PA GNYIS PA RNAM PA DGU YIN NO, ,JI LTAR RNAM PA DGU YIN ZHE NA, BAR SKABS KYI TSIGS SU BCAD PA GSUNGS PA, ,THAMS CAD MKHYEN NYID GSUM DAG GI ,BDAG NYID JI BZHIN SGRIB RNAM GSUM, ,ZHI LAM DE BZHIN NYID SOGS DANG, ,MTSUNGS PAR LDAN DANG MI LDAN DANG, ,MI MNYAM SDUG BSNGAL LA SOGS DANG, ,NYON MOGS RNAMS KHYI RANG BZHIN DANG, ,GNYIS SU MED LA KUN RMONGS LA, ,RNAM PAR RTOG PA THA MAR BZHED, ,CES BYA BA'O, ,RNAM PA THAMS CAD MA SHES PAS RNAM PA THAMS CAD MKHYEN PA NYID KYI SGRIB PA LA KUN TU RMONGS PA DANG, LAM THAMS CAD RNAM PAR MA SHES PAS LAM SHES PA NYID KYI SGRIB PA DANG, GZHI THAMS CAD RNAM PAR MA SHES PAS GZHI THAMS CAD SHES PA NYID KYIS SGRIB PA DANG, SHES RAB KYI PHA ROL TU PHYIN PA MNGON PAR MA SHES PAS THAMS CAD ZHI BA'I LAM DANG, GZUGS LA SOGS PA DANG DE BZHIN NYID YONGS SU MA SHES PAS DE BZHIN NYID LA SOGS PA MTSUNGS PAR LDAN PA DANG MI LDAN PA DANG, BDUD LA SOGS PA'I RANG GI NGO BO YONGS SU MA SHES PAS MI MNYAM PA NYID DANG, DON LA SGRA JI BZHIN PAR 'DZIN PA NYID KYIS SDUG BSNGAL BA'I BDEN PA LA SOGS PA DANG, 'DOD CHAGS LA SOGS PA'I NGO BO GLO BUR BA NYID YONGS SU MA SHES PAS NYON MONGS PA'I RANG BZHIN DANG, GZUNG BA DANG 'DZIN PA'I MTSAN NYID YONGS SU MA SHES PAS GNYIS SU MED PA LA KUN TU RMONGS PA STE, DE LTAR NA 'DZIN PA'I RNAM PAR RTOG PA THA MA BSGOM PA'I LAM GYI SEMS DANG SEMS LAS BYUNG BA'I GNAS SKABS KYI YUL CAN RNAM PA DGUR BZHED PA YIN NO, ,DE'I PHYIR BSGOM PA'I LAM GYI MI MTHUN PA'I PHYOGS RNAM PA BZHI PO DE DAG GI DBYE BA KHO NAS GNYEN PO RNAM PA BZHI THA DAD PA'I DBYE BA YANG KHONG DU CHUD PAR BYA STE, DE LTAR NA GZUNG BA DANG 'DZIN PA'I RNAM PAR RTOG PA RNAM PA BZHI PO SO SOR DGU NYID @63B 'DOD PA DANG GZUGS DANG GZUGS MED PA'I KHAMS KYI DBYE BAS RNAM PAR RTOG PA BRGYA RTZA BRGYAD SPANGS PA NA DE DAG GIS BSDUS PA'I NYON MONGS PA'I BAG CHAGS BRGYA RTZA BRGYAD DANG BRAL BA NI RTEN CING 'BREL BAR 'BYUNG BA'I CHOS NYID KYIS 'THOB BO, ,DE BAS NA BSGOM PA'I LAM DE'I BYED PA GANG YIN PA SPANG BAR BYAS PAS RNAM PAR DAG PA MTHAR THUG PA'I SGO NAS GSUNGS PA, YAMS NAD 'DI RNAMS ZAD NAS NI, ,YUN RING LON NAS DBUGS PHYIN LTAR, ,RNAM PA KUN TU 'GRO BA YI, ,BDE SGRUB YON TAN PHUN TSOGS KUN, ,RGYA MTSO CHE LA CHU BO BZHIN, ,'BRAS BU MCHOG GIS RAB MDZES PA'I, ,SEMS DPA' CHEN PO DE LA NI, ,RNAM PA KUN TU STEN PAR BYED, ,CES BYA BA'O, ,RGYUN RING DU LEGS PAR GOMS PA'I STOBS KYIS RNAM PAR RTOG PA'I RIMS 'TSE BAR BYED PA NYID KYIS YAMS KYI NAD DU GYUR PA 'DI RNAMS ZAD NAS GNOD PAR BYED PA MED PA NYID KYIS DPER NA NAD LAS THAR PA'I SKYES BU RING ZHIG LON NAS BDE BAR GNAS PA THOB STE DBUGS PHYIN PA LTAR, SNYING RJE DANG THABS MKHAS PA'I DBANG GIS RNAM PA THAMS CAD DU RTZE GCIG PAS 'GRO BA'I BDE BA MNGON PAR BSGRUB PA LA RAB TU MKHAS PA THEG PA GSUM GYIS BSDUS PA'I YON TAN PHUN SUM TSOGS PA LJON SHING LTAR RGYAS PA THAMS CAD RGYA MTSO CHEN PO LA CHU BO THA DAD PA'I RGYUN 'BAB PA BZHIN DU, ,BYANG CHUB SEMS DPA' BSGOM PA'I LAM RAB KYI MTHAR SON PA'I 'BRAS BUS YANG DAG PAR MDZES PAR GYUR PA'I BDAG NYID CHEN PO DE LA RNAM PA THAMS CAD NAS RNAM PA THAMS CAD DU MNGON PAR 'ONG BA'I RNAM PAS STEN PAR BYED DO, ,BSGOM PA'I LAM GYI RTZE MO THOB PA LAS BAR CHAD MED PA'I LAM 'BYUNG BAS BAR CHAD MED PA'I RTZE MO GSUNGS PA, STONG GSUM SKYE BO NYAN THOS DANG, ,BSE RU'I RTOGS PA PHUN TSOGS DANG,, BYANG CHUB SEMS DPA'I SKYON MED LA, ,BKOD PA'I DGE RNAMS DPER MDZAD NAS, ,BSOD NAMS MANG PO NYID KYIS NI, ,SANGS RGYAS NYID THOB PAR MED DE, ,BAR CHAD MED PA'I TING NGE 'DZIN, ,DE NI RNAM PA KUN MKHYEN NYID, ,CES BYA BA'O, ,SKYES BU GANG GIS STONG @64A *, ,GSUM GYI 'JIG RTEN GYI KHAMS KYI SEMS CAN THAMS CAD NYAN THOS DANG RANG SANGS RGYAS DANG BYANG CHUB SEMS DPA'I SKYON MED PA LA BKOD PA'I BSOD NAMS MNGON PAR 'DU BYA BA GANG YIN PA DE DPER MDZAD NAS DE BAS CHES KHYAD PAR DU 'PHAGS PA'I BSOD NAMS MANG PO NYID KYIS SANGS RGYAS NYID 'THOB PA LA GZHAN GYIS BAR DU CHOD PA MED PA'I TING NGE 'DZIN TE, DE NI DUS GNYIS PAR NI RNAM PA KUN MKHYEN PA NYID YIN NO, ,DE'I DMIGS PA LA SOGS PA MTSAN NYID JI LTA BUR BRTAG CE NA, BAR SKABS KYI TSIGS SU BCAD PAS MTSAN NYID GSUNGS PA, 'DI YI DMIGS PA DNGOS MED DE, ,BDAG PO DRAN PA YIN PAR BZHED, ,RNAM PA BZHI NYID 'DI LA NI, ,RAB TU SMRA RNAMS BRGYUD MAR RGOL, ,ZHES BYA BA'O, ,BAR CHAD MED PA'I TING NGE 'DZIN 'DI'I DMIGS PA'I YUL NI CHOS THAMS CAD DNGOS PO MED PA YIN NO, ,BDAG PO'I RKYEN NI SEMS DANG PO BSKYED PA NAS BZUNG STE YID LA BYED PA PHUN SUM TSOGS PA DRAN PA YIN NO, ,RNAM PA NI RANG BZHIN GYI SPROS PA NYE BAR ZHI BA NYID GANG YIN PA'O, ,GNAS 'DI LA NI GTING DPAG DKA' BA'I PHYIR RTOG GE RAB TU SMRA BA RNAMS KYI LOG PAR RTOG PA'I KLAN KA'I RGOL BA BRGYUD MAR 'BYUNG BAS THABS LA MKHAS PAS DE DAG BSAL BAR BYA STE, 'DIS NI 'DI ZAB PA NYID BSNYAD DO ZHES BYA BA DGONGS PA YIN NO, ,LOG PAR RTOG PA DE DAG GANG GIS BSAL BAR BYA BA YIN ZHE NA, DMIGS PA 'THAD PA DE YIN NI, ,NGO BO NYID NGES GZUNG BA DANG, ,RNAM KUN MKHYEN PA NYID YE SHES DANG, DAM PA'I DON DANG KUN RDZOB DANG, ,SBYOR DANG DKON MCHOG GSUM PO DANG, ,THABS BCAS THUB PA'I RTOGS PA DANG, ,PHYIN CI LOG NI LAM BCAS DANG, ,GNYEN PO MI MTHUN PHYOGS DAG DANG, ,MTSAN NYID DANG NI BSGOM PA LA, ,SMRA BA RNAMS KYIS LOG RTOG PA, ,RNAM PA KUN MKHYEN NYID RTEN CAN, ,RNAM PA BCU DRUG DAG TU BZHED, ,CES BYA BA'O, ,'DUS BYAS DANG 'DUS MA BYAS DAG DNGOS PO MED PA NYID KYIS DMIGS PA 'THAD PA DANG, RNAM PA THAMS CAD DU NGO BO NYID MED PA NYID KYIS DMIGS PA'I NGO BO NYID NGES PAR BZUNG BA DANG, THA SNYAD DU @64B DNGOS PO MED PA DMIGS PAS RNAM PA THAMS CAD MKHYEN PA NYID KYI YE SHES DANG, DE BZHIN NYID KYI NGO BO NYID KYIS KUN RDZOB DANG DON DAM PA'I BDEN PA GNYIS DANG, SBYIN PA LA SOGS PA MI DMIGS PA NYID KYIS SBYOR BA DANG, RTOGS PAR BYA BA MED PA NYID KYI TSUL NYID RTOG PAS SANGS RGYAS DKON MCHOG DANG, NAM MKHA'I MTSAN NYID CAN GYI TSUL NYID KYIS DRI MA DANG BRAL BAS CHOS DKON MCHOG DANG, GZUGS LA SOGS PA LA SPYOD PA BKAG PA'I TSUL NYID KYIS PHA ROL TU PHYIN PA DRUG LA SPYOD PA'I DGE 'DUN DKON MCHOG DANG, 'KHOR GSUM MI DMIGS PA NYID KYIS THABS MKHAS PA DANG, DNGOS PO DANG DNGOS PO MED PA DANG GNYIS KA'I NGO BOR RTOGS PA BKAG PA NYID KYIS DE BZHIN GSHEGS PA'I MNGON PAR RTOGS PA DANG, MI RTOG PA LA SOGS PA'I SPOS PA RNAM PAR GZHAG PA NYID KYIS RTAG PA LA SOGS PA PHYIN CI LOG DANG, LAM RNAM PAR BSGOM PA'I 'BRAS BU MNGON SUM DU MI BYED PA NYID KYIS LAM DANG, LAM GYI RNAM PAR GZHAG PA TZAM GYI DOR BA DANG BLANG BA'I MTSAN NYID KYIS MI MTHUN PA'I PHYOGS DANG GNYEN PO DANG, YANG DAG PAR CHOS CAN MED PA PA NYID KYIS MCHOS KYI MTSAN NYID DANG, RANG DANG SPYI'I MTSAN NYID MED PA NYID KYIS MTSAN NYID MED PA'I MTSAN NYID SHES RAB KYI PHA ROL TU PHYIN PA LA BSGOM PA YIN NO ZHES BYA BA'O, ,THABS LA MKHAS PA'I MTSAN NYID RAB TU MI SHES PA'I RAB TU SMRA BA NYID THAMS CAD KYI LOG PAR RTOG PAS PHAN TSUN 'GAL BA LTA BUR SGRUB PA GANG YIN PA RNAM PA THAMS CAD MKHYEN PA NYID KYI RTEN CAN LOG PAR BSGRUB PA BCU DRUG PO DE DAG BYANG CHUB SEMS DPA' BLO GROS DANG LDAN PA RNAMS KYIS BDEN PA GNYIS LA BRTEN PA'I THABS LA MKHAS PAS RNAM PA BSAL BAR BYA BAR BZHED DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA SHES RAB SGRON MA'I PHRENG BA ZHES BYA BA LAS SKABS LDA PA'I 'GREL PA'O, ,RTZE MO'I MNGONPAR RTOGS PA THOS PAS CHOS DKAR PO THAMS CAD MTHAR GYIS 'BREL BAR BSGOM DGOS PA'I PHYIR MTHAR GYIS PA'I MNGON PAR RTOGS PA GSUNGS PA, SBYIN PA SHES RAB BAR DAG @65A *, ,DANG, ,SANGS RGYAS LA SOGS PA DRAN DANG CHOS, ,DNGOS MED NGO BO NYID KYIS DE, ,MTHAR GYIS PA YI BYA BAR BZHED, ,CES BYA BA'O, ,'KHOR GSUM RNAM PAR DAG PA'I BDAG NYID KYI SBYIN PA LA SOGS PA PHA ROL TU PHYIN PA RNAM PA DRUG YONGS SU SPYAD PA BSLAB PA THAMS CAD YANG DAG PAR SGRUB PAR BYED PA DANG, STOBS DANG MI 'JIGS PA LA SOGS PA DON DAM PAR DRAN PA MED CING YID LA BYAR MED PA'I TSUL GYIS SANGS RGYAS RJES SU DRAN PA DANG, DE BZHIN DU DGE BA DANG MI DGE BA DANG LUNG DU MA BSTAN PA'I CHOS RJES SU DRAN PA DANG, TSUL DE NYID KYIS 'PHAGS PA PHYIR MI LDOG PA'I DGE 'DUN RJES SU DRAN PA DANG, DE BZHIN DU MNYAMS PA LA SOGS PA'I TSUL KHRIMS DANG, ZANG ZING LA SOGS PA'I GTONG BA DANG, 'DOD PA LA SOGS PA'I LHA RJES SU DRAN PA DANG, SEMS DANG PO BSKYED PA NAS BZUNG STE, RNAM PA THAMS CAD MKHYEN PA NYID YID LA BYED PA'I SEMS KYIS CHOS THAMS CAD DNGOS PO MED PA'I NGO BO NYID DU SLOB PA GANG YIN PA STE, DE LTAR NA RNAM PA BCU GSUM GYIS DKAR PO'I CHOS THAMS CAD RIM GYIS 'BREL BA YONGS SU RDZOGS PAR BYED PA DE NI 'DIR MTHAR GYIS SGRUB PA'I BYA BAR BZHED PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL BA SHES RAB SGRON MA'I PHRENG BA ZHES BYA BA LAS SKABS DRUG PA'I 'GREL PA'O,, ,,MTHAR GYIS SGRUB PA'I MNGON PAR RTOGS PA LAS SHIN TU GOMS PA'I BDAG NYID KYI SKAD CIG MA GCIG PA'I MNGON PAR RTOGS PA BYANG CHUB PA 'BYUNG BA'I PHYIR DE LA MTSAN NYID KYI RAB TU DBYE BAS RNAM PA BZHI LAS DANG PO RNAM PAR SMIN PA MA YIN PA'I MTSAN NYID ZAG PA MED PA'I CHOS THAMS CAD SKAD CIG MA GCIG GIS MNGON PAR BYANG CHUB PA GSUNGS PA, ,SBYIN PA LA SOGS RE RES KYANG, ,ZAG MED CHOS KUN BSDUS PA'I PHYIR, ,THUB PA'I SKAD CIG GCIG PA YIS, ,RTOGS PA 'DI NI SHES PAR BYA, ,ZHES BYA BA'O, ,DUS RING MO ZHIG NAS SBYIN PA LA SOGS PA PHA ROL TU PHYIN PA RNAM PA LNGA SHIN TU PHUL DU GYUR PA'I MTHUS DE DAG GANG YANG RUNG BA @65B SKAD CIG MA GCIG PO DNGOS PO SO SOR NGES PAR PHYIN CI LOG DANG BRAL BA'I NGO BOS SA BDUN PAR YONGS SU SON PAR GYUR BA'I BAR GYI, ,SBYIN PA LA SOGS PA NAS DPE BYAD BZANG PO BRGYAD BCU'I BAR GYI ZAG PA MED PA'I CHOS THAMS CAD BSDUS PA'I PHYIR THUB PA BYANG CHUB SEMS DPA'I SKAD CIG MA GCIG PA'I RTOGS PAS MNGON PAR RDZOGS PAR BYANG CHUB PA'O ZHES SHES PAR BYA'O, ,JI LTAR NA ZAG PA MED PA'I YE SHES GCIG DMIGS NA ZAG PA MED PA'I CHOS THAMS CAD MNGON DU 'GYUR BA YIN NO ZHE NA, 'JIG RTEN PA'I DPES GRUB PA GCIG GSUNGS PA, JI LTAR SKYES BUS ZO CHUN RGYUD, ,RDOG THABS GCIG GIS BSKYOD PA NAS, THAMS CAD CIR CAR 'GUL BA LTA, ,SKAD CIG GCIG SHOS DE BZHIN NO ,ZHES BYA BA'O, ,DPER NA BZO BO MKHAS PA SNGON BZO LEGS PAR BYAS PA'I ZO CHUN GYI RGYUD SKYES BUS RDOG PA'I THABS GCIG GIS BSKYOD NA THAMS CAD DUS GCIG TU 'GUL BAR 'GYUR RO, ,DPE DE BZHIN DU CHOS KYI DBYINGS KYI MTHU LAS MNGON DU LEGS PAR BSGOMS PA MTHAR PHYIN PA'I DBANG GIS SKAD CIG MA GCIG KHO NA LA ZAG PA MED PA'I YE SHES GCIG MNGON DU GYUR NA DE'I BDAG NYID KYI RIGS CAN MTHA' DAG MNGON DU BYED PA YIN NO, ,GNYIS PA RNAM PAR SMIN PA'I CHOS NYID KYI MTSAN NYID ZAG PA MED PA'I CHOS THAMS CAD SKAD CIG MA GCIG GIS MNGON PAR BYANG CHUB PA GSUNGS, GANG TSE CHOS DKAR THAMS CAD KYI, ,RANG BZHIN SHES RAB PHA ROL PHYIN, ,RNAM SMIN CHOS NYID GNAS SKABS SKYES, ,DE TSE SKAD CIG GCIG YE SHES, ,ZHES BYA BA'O, ,GANG GI TSE CHOS RAB TU DKAR BA THAMS CAD KYI RANG BZHIN SHES RAB KYI PHA ROL TU PHYIN PA NYID KYI PHYIR RNAM PA THAMS CAD DU DE YID LA BYED PA DANG MA BRAL BA DBANG DU GYUR BA'I MTHUS RNAM PAR SMIN PA'I CHOS NYID KYI GNAS SKABS DRI MA RNAMS DANG BRAL BA'I NGO BO NYID SKYES PA DE'I TSE SKAD CIG MA GCIG KHO NA LA SA BRGYAD PA LA SOGS PA RNAM PAR SMIN PA'I BDAG TNYID ZAG PA MED PA'I CHOS THAMS CAD MNGON SUM DU 'GYUR BA'I PHYIR SKAD CIG MA GCIG @66A *, ,PA'I RTOGS PAS MNGON PAR RDZOGS PAR BYANG CHUB PA YIN NO, ,GSUM PA CHOS THAMS CAD MTSAN NYID MED PA'I MTSAN NYID SKAD CIG MA GCIG GIS MNGON PAR BYANG CHUB PA GSUNGS PA, SBYIN PA SOGS PA'I SPYOD PA YIS, ,CHOS KUN RMI LAM 'DRAR GNAS NAS, ,CHOS RNAMS MTSAN NYID MED PA NYID, ,SKAD CIG MA NI GCIG GIS RTOGS, ,ZHES BYA BA'O, ,SNGON CHOS THAMS CAD RMI LAM LTA BUR GOMS PA'I SGO NAS SBYIN PA LA SOGS PA'I PHA ROL TU PHYIN PA DRUG YONGS SU SPYAD PAS 'DIR CHOS THAMS CAD RMI LAM GYI NGO BO NYID DU RTOGS PA LA GNAS TE SKAD CIG MA GCIG KHO NAS KUN NAS NYON MONGS PA DANG RNAM PAR BYANG BA'I CHOS THAMS CAD NI RANG DANG SPYI'I MTSAN NYID MED PA'O ZHES MNGON SUM DU BYED PA'I PHYIR SKAD CIG MA GCIG PA'I RTOGS PAS MNGON PAR RDZOGS PAR BYANG CHUB PA NYID YIN NO, ,BZHI PA CHOS THAMS CAD GNYIS SU MED PA'I MTSAN NYID SKAD CIG MA GCIG GIS MNGON PAR BYANG CHUB PA GSUNGS PA, RMI LAM DANG NI DE MTHONG NYID, ,GNYIS KYI TSUL DU MI MTHONG LTAR, ,CHOS RNAMS GNYIS SU MED PA YI, ,DE NYID SKAD CIG GCIG GIS MTHONG, ,ZHES BYA BA'O, ,JI LTAR RMI LAM NI BRDZUN PA NYID KYIS RMI LAM LA BZUNG BA DANG RMI LAM MTHONG BA LA 'DZIN PA MI MTHONG BA BZHIN DU RNAM PA THAMS CAD BAR CHAD MED PAR GNYIS SU SNANG BA SPANG BA GOMS PA DANG DU GYUR PA'I BYANG CHUB SEMS DPAS CHOS THAMS CAD KYANG DE LTA BU'I CHOS NYID YIN NO ZHES SKAD CIG MA GCIG KHO NAS CHOS RNAMS KYI DE KHO NA GZUNG BA DANG, 'DZIN PA GNYIS SU MED PA MNGON DU BYED PA'I PHYIR SKAD CIG MA GCIG PA'I RTOGS PAS MNGON PAR RDZOGS PAR BYANG CHUB PA YIN NO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS BDUN PA'I 'GREL BA'O,, ,,DA NI MNGON PAR RTOGS PA RNAMS KYI 'BRAS BU YONGS SU SMIN PA GANG YIN PA CHOS KYI SKU 'CHAD PAR MDZAD PAS DE YANG SKU RNAM PA BZHI PHRIN LAS DANG BCAS PAS RAB TU DBYE BA LAS RE ZHIG RANG BZHIN GYIS LHUN GYIS GRUB CING RNAM PAR DAG PA YON TAN @66B THAMS CAD RDZOGS PA'I BDAG NYID NGO BO NYID KYI SKU GSUNGS PA, THUB PA'I NGO BO NYID SKU NI, ,ZAG PA MED PA'I CHOS GANG DANG, ,THOB GYUR RNAM KUN RNAM DAG PA, ,DE DAG RANG BZHIN MTSAN NYID CAN, ,ZHES BYA BA'O, ,THUB PA SANGS RGYAS BCOM LDAN 'DAS KYI NGO BO NYID SKU NI SHIN TU PHUL DU GYUR PA'I YE SHES KYI BDAG NYID 'JIG RTEN LAS 'DAS PA'I CHOS KYI DBYINGS KYI NGO BO NYID KYIS ZAG PA MED PA'I CHOS THAMS CAD THOB PAR GYUR PA DRI MA RNAMS GLO BUR BA YIN PA NYID KYIS RNAM PA THAMS CAD DU RNAM PAR DAG CING BCOS MA MA YIN PA'I DON GYIS RANG BZHIN GYIS DBEN PAR GYUR PA GANG YIN PA NGO BO NYID KYIS GNAS PA'I MTSAN NYID CAN YIN NO, ,DE LAS THA DAD PA MA YIN PA ZAG PA MED PA NYID KYI BDAG NYID CHOS KYI SKU GSUNGS PA, BYANG CHUB PHYOGS MTHUN TSAD MED DANG, ,RNAM PAR THAR DANG MTHAR GYIS NI, ,SNYOMS 'JUG DGU YI BDAG NYID DANG,, ZAD PAR BCU YI BDAG NYID DANG, ,ZIL GYIS GNON PA'I SKYE MCHED NI, ,RAB TU DBYE BAS RNAM BRGYAD DANG, ,NYON MONGS MED DANG SMON MKHYEN DANG, ,MNGON SHES SO SO YANG DAG RIG ,RNAM PA THAMS CAD DAG BZHI DANG, ,DBANG BCU DANG NI STOBS BCU DANG, ,MI 'JIGS PA NI BZHI DAG DANG, ,BSRUNG BA MED PA RNAM GSUM DANG, ,DRAN PA NYER GZHAG RNAM GSUM DANG, ,BSNYEL BA MI MNGA'I CHOS NYID DANG, ,BAG CHAGS YANG DAG BCOM PA DANG, ,SKYE LA THUGS RJE CHEN PO DANG, ,THUB PA KHO NA'I MA 'DRES CHOS, ,BCO BRGYAD BSHAD PA GANG YIN DANG, ,RNAM PA THAMS CAD MKHYEN NYID DANG, ,CHOS KYI SKU ZHES BRJOD PA YIN, ,ZHES BYA BA'O, ,DE LA BYANG CHUB KYI PHYOGS DANG MTHUN PA'I CHOS SUM CU RTZA BDUN GANG ZHE NA, LUS DANG, TSOR BA DANG, SEMS DANG, CHOS RNAMS LA DRAN PA NYE BAR GZHAG PA BZHI DANG; MI DGE BA DANG DGE BA SKYES PA DANG MA SKYES PA DAG GO RIMS BZHIN DU SPONG BA DANG, MI SKYED PA NYID DANG, CIG SHOS KYI NGO BOS YANG DAG PAR SPONG BA RNAM PA BZHI DANG, 'DUN PA DANG, BRTZON 'GRUS DANG, SEMS DANG, DPYOD PA'I TING NGE 'DZIN TE RDZU 'PHRUL GYI RKANG PA BZHI @67A *, ,DANG; DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI DBANG PO STE DBANG PO RNAM PA LNGA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB KYI STOBS TE STOBS RNAM PA LNGA DANG, DRAN PA DANG, CHOS RAB TU RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, CHOS NYID DE KHO NA NYID MNGON SUM DU RTOGS PA RTZE GCIG TU GNAS PAS TING NGE 'DZIN DANG, BTANG SNYOMS YANG DAG BYANG CHUB KYI YAN LAG STE BYANG CHUB KYI YAN LAG GI RNAM PA BDUN DANG, YANG DAG PA'I LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN TE 'PHAGS PA'I LAM YAN LAG RNAM PA BRGYAD DO, ,TSAD MED PA BZHI GANG ZHE NA, BYAMS PA DANG, SNYING RJE DANG, DGA' BA DANG, BTANG SNYOMS RNAMS SO, ,RNAM PAR THAR PA BRGYAD GANG ZHE NA, NANG GZUGS CAN DANG GZUGS CAN MA YIN PAR 'DU SHES PAS PHYI ROL GYI GZUGS RNAMS LA RNAM PAR LTA BA ZHES BYA BA GNYIS DANG, SDUG PA'I RNAM PAR THAR PA LUS KYIS MNGON SUM DU BYAS NAS RDZOGS PAR BYAS TE GNAS PA ZHES BYA BA GCIG DANG, NAM MKHA' MTHA' YAS DANG, RNAM SHES MTHA' YAS DANG, CI YANG MED PA DANG, 'DU SHES MED 'DU SHES MED MIN SKYE MCHED CES BYA BA BZHI DANG, 'DU SHES DANG, TSOR BA 'GOG PA ZHES BYA BA GCIG GO, ,MTHAR GYIS GNAS PA'I SNYOMS PAR 'JUG PA DGU GANG ZHE NA, BSAM GTAN DANG PO DANG, GNYIS PA DANG, GSUM PA DANG, BZHI PA STE GZUGS KHAMS KYI BSAM GTAN RNAM PA BZHI DANG, NAM MKHA' MTHA' YAS LA SOGS PA GZUGS MED PA'I SNYOMS PAR 'JUG PA RNAM PA BZHI DANG, 'GOG PA'I SNYOMS PAR 'JUG PA NYID DO, ,ZAD PAR BSGOM PA BCU GANG ZHE NA, MTHA' DAG SNGON PO DANG, SER PO DANG, DMAR PO DANG, DKAR PO DANG, SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA RNAM PAR BSGOM PA @67B ZHES BYA BA ZAD PAR BSGOM PA RNAM PA BCU DANG, ZIL GYIS GNON PA'I SKYE MCHED BRGYAD GANG ZHE NA, NANG GI GZUGS DANG GZUGS MED PAR 'DU SHES PA DAG GIS SO SOR CHUNG NGU DANG, CHEN PO DANG DMAN PA DANG GYA NOM PA DAG TU PHYI ROL GYI GZUGS RNAMS LA LTA ZHING DE DAG ZIL GYIS MNAN NAS SHES SHING MTHONG BA ZHES BYA BA BZHI DANG, NANG GI GZUGS MED PAR 'DU SHES PA DAG KHO NAS PHYI ROL GYI GZUGS SNGON PO DANG, SER PO DANG, DMAR PO DANG, DKAR PO RNAMS ZIL GYIS MNAN NAS SHES SHING MTHONG BA ZHES BYA BA RNAM PA BZHI'O, ,NYON MONGS PA MED PA GANG ZHE NA, BDAG NYID NYE BAR ZHI BAS PHA ROL GYI RGYUD DU GTOGS PA'I NYON MONGS PA'I DGRA'I RGYUN DRUNGS 'BYIN PA'I TING NGE 'DZIN ZHES BYA BA GANG YIN PA'O, ,SMON GNAS MKHYEN PA GANG ZHE NA, JI LTAR BZHED PA NYID TSUL JI LTA BAR YANG DAG PAR MKHYEN PA NYID KYIS LHUN GYIS GRUB PA LA SOGS PA 'KHOR BA JI SRID PA'I SKABS SU 'JUG PA ZHES BYA BA GANG YIN PA'O, ,MNGON PAR SHES PA DRUG GANG ZHE NA, RDZU 'PHRUL DANG, LHA'I RNA BA DANG, SNGON GYI GNAS DANG, 'CHI 'PHO BA DANG, SKYE BA DANG, GZHAN GYI SEMS DANG, ZAG PA ZAD PA SHES PA RNAMS SO, ,SO SO YANG DAG PAR RIG PA BZHI GANG ZHE NA, DON DANG, CHOS DANG, DES PA'I TSIG DANG, SPOBS PA SO SO YANG DAG PAR RIG PA RNAMS SO, ,RNAM PA THAMS CAD YONGS SU DAG PA GANG ZHE NA, RTEN DANG, DMIGS PA DANG, THUGS DANG, YE SHES YONGS SU DAG PA RNAMS SO, ,DBANG RNAM PA BCU GANG ZHE NA, TSE DANG, SEMS DANG, YO BYAD DANG, LAS DANG, SKYE BA DANG, MOS PA DANG, SMON LAM DANG, RDZU 'PHRUL DANG, YE SHES DANG, CHOS LA DBANG BA RNAMS SO, ,STOBS BCU GANG ZHE NA, GNAS DANG GNAS MA YIN PA DANG, LAS KYI RNAM PAR SMIN PA DANG, KHAMS SNA TSOGS PA DANG, MOS PA SNA TSOGS PA DANG, DBANG PO MCHOG DANG MCHOG MA YIN PA DANG, KUN TU 'GRO BA'I LAM DANG, BSAM GTAN LA SOGS PA SNYOMS PAR 'JUG PA LTA BA DANG, SNGON GYI GNAS DANG, 'CHI 'PHO BA @68A *, ,DANG SKYE BA DANG ZAG PA ZAD PA MKHYEN PA'I STOBS RNAMS SO, ,MI 'JIGS PA RNAM PA BZHI GANG ZHE NA, BDAG GI CHOS THAMS CAD MNGON PAR RDZOGS PAR SANGS RGYAS SO ZHES BYA BA DANG, ZAG PA ZAD DO ZHES BYA BA DANG, GZHAN LA NGES PAR 'BYUNG BA'I LAM BSTAN PA DANG, LAM GYI BAR CHAD DAM BCAS PA LA LHA 'AM BDUD DAM TSANGS PA LA SOGS PAS RGOL BA MED PAS MI 'JIGS PA RNAMS SO, ,BSRUNG BA MED PA GSUM GANG ZHE NA, SKU DANG, GSUNG DANG, THUGS KYI SPYOD PA YONGS SU DAG PA NYID KYIS, 'DI LA PHYIN CI LOG GI KUN TU SPYOD PA GZHAN GYI YONGS SU SHES PA'I BSNYENGS PA BCAB PAR BYA'O SNYAM PA'I DGONGS PA MI MNGA' BA'O, ,DRAN PA NYE BAR GZHAG PA GSUM GANG ZHE NA, CHOS STON PA NA NYAN PAR 'DOD PA DANG, NYAN PAR MI 'DOD PA DANG, GNYIS KA LA GO RIMS BZHIN DU RJES SU CHAGS PA DANG, KHONG KHRO BA DANG, GNYIS KAS DBEN PA KHO NAR BTANG SNYOMS SU DRAN PA DANG LDAN PAR GNAS SO ZHES BYA BA'O, ,BSNYEL BA MI MNGA' BA'I CHOS NYID GANG ZHE NA, THUGS RJE DANG THABS MKHAS PA NYID KYIS SEMS CAN GYI DON MDZAD PA'I DUS LAS MI 'DA' BA'I MTSAN NYID GANG YIN PA'O, ,BAG CHAGS YANG DAG PAR BCOM PA GANG ZHE NA, NYON MONGS PA DANG SHES BYA'I SGRIB PA'I BAG LA NYAL GYI SA BON SPANGS TE RNAM PA THAMS CAD DU DRUNGS PHYUNG BAS NAM MKHA' DRI MA MED PA LTAR SHIN TU YONGS SU DAG PA'O, ,SKYE BO LA THUGS RJE CHEN PO GANG ZHE NA, SKYE BO MTHO RIS DANG NGAN 'GROR GYUR PA MA LUS PA LA SGRIB PA MED PA'I THUGS RJE CHEN PO NYID KYIS NYIN DANG MTSAN MO DUS DRUG TU GZIGS SHING SKYOB PAR BZHED PA'O, ,SANGS RGYAS KYI CHOS MA 'DRIS PA BCO BRGYAD GANG ZHE NA, 'KHROL BA DANG, CA CO MI MNGA' BA DANG; DGONGS PA NYAMS PA DANG, MNYAM PAR MA BZHAG PA DANG, THA DAD PA NYID KYI 'DU SHES DANG, MA BRTAGS PA'I BTANG SNYOMS MI MNGA' BA RNAM PA DRUG DANG, 'DUN PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR @68B GROL BA'I YE SHES GZIGS PA LAS NYAMS PA MI MNGA' BA RNAM PA DRUG DANG, SKU DANG, GSUNG DANG, THUGS KYI PHRIN LAS THAMS CAD YE SHES SNGON DU 'GRO ZHING YE SHES KYI RJES SU 'BRANG BA RNAM PA GSUM DANG, 'DAS PA DANG, MA 'ONGS PA DANG, DA LTAR BA'I DUS LA MA CHAGS MA THOGS PA'I YE SHES GZIGS PA 'JUG PA ZHES BYA BA RNAM PA GSUM MO, ,RNAM PA THAMS CAD MKHYEN PA NYID GANG ZHE NA, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PA GANG YIN PA'O, ,DANG ZHES BYA BA'I SGRAS BSDUS PA CHOS THAMS CAD LA MNGA' SGYUR BA'I RANG BYUNG BA DANG, SANGS RGYAS THAMS CAD KYIS BSHAD PA DE KHO NA NYID JI LTA BA'I MTSAN NYID DE BZHIN NYID RNAMS TE, CHOS 'DI GANG GI NGO BO NYID ZAG PA MED PA MNGON SUM DU GYUR PA'I SKU YIN PAS CHOS KYI SKU ZHES BYA BAR BRJOD PA YIN NO, ,DE LA NYON MONGS PA MED PA'I KHYAD PAR BAR SKABS KYI TSIGS SU BCAD PA GSUNGS PA, NYAN THOS NYON MONGS MED PA'I LTA, ,MI YI NYON MONGS YONGS SPONG NYID, ,RGYAL BA'I GRONG SOGS DE DAG GI ,NYON MONGS RGYUN GCOD NYON MONGS MED, ,CES BYA BA'O, ,NYAN THOS LA SOGS PA'I NYON MONGS PA MED PA'I TING NGE 'DZIN NI BDAG NYID LA MI'I NYON MONGS PA SPONG BA 'AM, ,BDAG MTHONG BA LAS 'GA' ZHIG LA NYON MONGS PA SKYE BAR GYUR NA MI RUNG NGO ZHES CHEN DU BYA BAS NYON MONGS PA YIN LA DE BZHIN GSHEGS PA RNAMS KYI NYON MONGS PA MED PA'I TING NGE 'DZIN NI GRONG KHYER LA SOGS PAR GSHEGS NAS SKYE BO MTHA' DAG GI NYON MONGS PA'I RGYUN DRUNGS 'BYIN PAR MDZAD PA YIN NO, ,YANG SMON GNAS MKHYEN PA'I KHYAD PAR BAR SKABS KYI TSIGS SU BCAD PA GSUNGS PA, SANGS RGYAS SMON GNAS MKHYEN PA NI, ,LHUN GYIS GRUB DANG CHAGS SPANGS DANG, ,THOGS PA MED DANG RTAG GNAS DANG, 'DRI BA KUN LAN 'DEBS PAR BZHED, ,CES BYA BA'O, ,NYAN THOS LA SOGS PA'I SMON GNAS MKHYEN PA NI 'BAD PA LA RAG LAS PA NYID DANG, MNYAM PAR GZHAG PA LA CHAGS PA DANG, NYI TSE BA NYID DANG, RES 'GA' BA NYID DANG, @69A *, ,'DRI BA RNAMS KYI LAN THEBS PA MA YIN NO, ,SANGS RGYAS RNAMS KYI SMON GNAS MKHYEN PA NI MTSAN MA MED PA NYID DU RANG GI NGANG GIS 'JUG PA DANG, MNYAM PAR GZHAG PA DANG MNYAM PAR GZHAG PA MA YIN PA'I, BYE BRAG MED PAS LTOS PA DANG BCAS PA'I CHAGS PA SPANGS PA DANG, SGRIB PA'I TSOGS BAG CHAGS DANG BCAS PA YANG DAG PAR BCOM PAS SHES BYA THAMS CAD LA THOGS PA MED PA DANG, 'KHOR BA JI SRID PAR 'BYUNG BA'I PHYIR RTAG TU GNAS PA DANG, SO SO YANG DAG PAR RIG PA PHUN SUM TSOGS PA BRNYES PAS 'DRI BA'I LAN 'DEBS PAR MDZAD PA YIN NO, ,'DI SNYAM DU 'DI LTA BU'I DE BZHIN GSHEGS PA CI'I PHYIR RTAG TU SEMS CAN GYI DON MI MDZAD CES DOGS PA'I LAN BAR SKABS KYI TSIGS SU BCAD PAS GSUNGS PA, RGYU NI YONGS SU SMIN GYUR NAS, ,GANG DANG GANG LA GANG DU NI,, GANG TSE BYA BA PHAN GYUR PA, ,DE DANG DE LA DE SNANG NGO, ,ZHES BYA BA'O, ,SNGON BSKYED PA'I DGE BA'I RTZA BA SA BON SANGS RGYAS LA SOGS PA LA DMIGS PA'I RGYU YONGS SU BRTAS PAR GYUR NAS SEMS CAN GANG DANG GANG LA GANG GIS DUS SU CHOS GANG BSTAN PA LA SOGS PA MDZAD NA DON DU 'GYUR PA DE'I TSE BEEd'URYA'I SA GZHI LA LHA'I DBANG PO LA SOGS PA BZHIN DU, SNGON GYI SMON LAM LA SOGS PA'I DBANG GIS DE BZHIN GSHEGS PA DE DANG DE LA SOGS PA SNANG BAR 'GYUR TE, DUS THAMS CAD DU YID BZHIN GYI NOR BU LTAR NYE BAR MKHO BA'I DON THAMS CAD SBYIN PAR MDZAD DO, ,RKYEN YONG KYANG RANG GI RGYU MA TSANG NA MI 'BYUNG BA DPES GSUNGS PA, LHA YI RGYAL POS CHAR PHAB KYANG, ,SA BON MI RUNG MI 'KHRUNGS LTAR, ,SANGS RGYAS RNAMS NI BYUNG GYUR KYANG, ,SKAL BA MED PAS BZANG MI MYONG, ,ZHES GSUNGS SO, ,DPER NA LHA'I RGYAL PO LA SOGS PAS NAM MKHA' LA SPRIN GYI PHUNG PO DKRIGS TE CHAR GYI RGYUN GNYA' SHING TZAM GYI CHA PHAB TU ZIN KYANG TIL LA SOGS PA'I SA BON RUL BAS MI RUNG BAR GYUR PA DAG LAS 'BRAS BU BZANG PO MI 'KHRUNGS PA BZHIN DU, DE BZHIN GSHEGS PA THUGS RJE CHEN PO'I BDAG NYID CAN SKYE BO MTHA' DAG GI DON @69B BYA BA LA RAB TU MKHAS PA RNAMS BYUNG YANG SKAL BA DANG MI LDAN PAS SNOD DU MA GYUR PA RNAMS KYIS DE LAS DAM PA'I CHOS MNYAN PA LA SOGS PA'I GO 'PHAGS BZANG PO RJES SU NYAMS SU MYONG BAR MI 'GYUR BA NYID DO, ,GAL TE SKAL BA DANG LDAN PA 'GA' ZHING LA DON SO SOR NGES PA'I RTEN CAN DUS RES 'GA' 'BYUNG BAS JI LTAR KHYAB PA DANG RTAG PA YIN ZHES BYA BA'I LAN DU BAR SKABS KYI TSIGS SU BCAD PA GSUNGS PA, DE LTAR MDZAD PA RGYA CHE'I PHYIR, ,SANGS RGYAS KHYAB PAR NGES PAR BRJOD, ,DE NYID ZAD PA MED PA'I PHYIR, ,RTAG PA NYID KYANG BRJOD PA YIN, ,ZHES BYA BA'O, ,JI SKAD BSHAD PA'I TSUL GYIS RANG GI NGO BO RNAM PA THAMS CAD DU GZHAN GYI DON MDZAD PA RGYA CHE BA'I PHYIR DANG, RGYUN CHAGS SU 'KHOR BA JI SRID PAR BZHUGS KYANG NYID KYIS SGRUB PA'I DON GYI BDAG NYID LA NAM DU YANG ZAD PA MI MNGA' BA'I PHYIR GO RIMS BZHIN DU SANGS RGYAS KHYAB PA DANG RTAG PA ZHES MNGON PAR BRJOD PAR BYA'O, ,CHOS KYI SKU'I NGO BO NYID KYI MTHUS GDUL BYA MCHOG TU GYUR PA RNAMS LA RJES SU MTHUN PA'I CHOS STON PAR MDZAD PA LONGS SPYOD RDZOGS PA'I SKU GSUNGS PA, MTSAN NI SUM CU RTZA GNYIS DANG, ,DPE BYAD BRGYAD CU'I BDAG NYID NI, , THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, ,CES BYA BA'O, ,GZUGS KYI SKU PHUN SUM TSOGS PA'I NGO BO NYID MTSAN SUM CU RTZA GNYIS DANG, DPE BYAD BZANG PO BRGYAD CUS 'BAR BA 'DI NI BYANG CHUB SEMS DPA' CHEN POS BCU LA ZHUGS PA RNAMS DANG THABS CIG THEG PA CHEN PO'I CHOS KYI LONGS SPYOD KYI DGA' BA DANG BDE BA DANG SHIN TU KHA NA MA THO BA MED PAR NYE BAR LONGS SPYOD PA'I PHYIR SANGS RGYAS BCOM LDAN 'DAS KYI LONGS SPYOD RDZOGS PA'I SKU YIN NO, ,DE LA MTSAN SUM CU RTZA GNYIS DANG ZHE NA, BAR SKABS KYI TSIGS SU BCAD PA GSUNGS PA, ,PHYAG ZHABS 'KHOR LO'I MTSAN DANG RUS SBAL ZHABS, ,PHYAG DANG ZHABS SOR DRA BAS 'BREL BA DANG, PHYAG NI ZHABS BCAS 'JAM ZHING GZHON SHA CHAGS, ,'DI YI SKU NI BDUN DAG MTHO BA DANG, SONG MO RING DANG, @70A *, ,RTING YANGS SKU CHE DRANG, ,ZHABS LONG MI MNGON SPU NI GYEN DU PHYOGS, ,BYIN PA AE NA YA'I 'DRA PHYAG RING MDZES, ,MDOMS KYI SBA BA SBUBS SU NUB PA'I MCHOG ,PAGS PA GSER MDOG PAGS PA SRAB PA DANG, ,SPU NI RE RE NAS G-YAS LEGS 'KHRUNGS DANG, ,ZHAL MDZOD SPUS BRGYAN SKU STOD SENG GE 'DRA, ,'DI YI DPUNG PA'I MGO ZLUM THAL GONG RGYAS, ,'DI LA RO MI ZHIM PA'ANG RO MCHOG SNANG, ,SKU NI N+YA GRO DHA LTAR CHU ZHENG GAB, ,GTZUG TOR DBUR LDAN LJAGS RING MDZES PA DANG, ,TSANGS DBYANGS 'GRAM PA SENG GE'I 'DRA DANG TSEMS, ,SHIN TU DKAR DANG TSAD MNYAM THAGS BZANG DANG, ,GRANGS NI BZHI BCU THAM PA TSANG PA DANG, ,SPYAN NI MTHON MTHING SPYAN RDZI BA MCHOG GI ,'DRA BA 'DI DAG SUM CU RTZA GNYIS MTSAN, ,'DI LA MTSAN NI GANG GANG GIS, ,SGRUB PAR BYED PA'I RGYU GANG YIN, , DE DANG DE NI RAB RDZOGS PAS, ,MTSAN NI 'DI DAG YANG DAG 'GRUB, ,BLA MA SKYEL LA SOGS PA DANG, ,YANG DAG BLANGS LA BRTAN PA DANG, ,BSDU BA BSTEN DANG GYA NOM PA'I,, DNGOS PO SBYIN DANG GSAD BYA DAG ,THAR PAR BYED DANG DGE BA NI, ,YANG DAG BLANGS PA SPEL LA SOGS, ,SGRUB BYED RGYU YI MTSAN NYID DE, ,MDO LAS JI SKAD 'BYUNG BA BZHIN, ,ZHES BYA BA'O, ,DE LA TSIG LE'UR BYAS PA DANG PO LNGAS NI MTSAN RNAMS KYI RANG GI MTSAN NYID BSTAN TO, ,DE'I 'OG TU TSIG LE'UR BYAS PA GCIG GIS DE DAG 'GRUB PAR BYED PA'I RGYU SPYIR BSTAN TO,, DE NAS TSIG LE'UR BYAS PA GNYIS KYIS RGYU SO SO YANG DAG PAR BSHAD PA YIN NO,, 'DI LTAR BLA MA SKYEL BA DANG BSU BA LA SOGS PAS PHYAG DANG ZHABS 'KHOR LO'I MTSAN DANG LDAN PA NYID DANG, SDOM PA YANG DAG PAR BLANGS PA BRTAN PA NYID KYIS RUS SBAL BZHIN DU ZHABS SHIN TU GNAS PA NYID DANG, BSDU BA'I DNGOS PO BZHI BSTEN PAS PHYAG DANG ZHABS KYI SOR MO DAD PA'I RGYAL PO LTA BUR DRA BAS 'BREL PA NYID DANG, BZA' BA DANG BCA' BA LA SOGS PA GYA NOM PA BYIN PAS PHYAG DANG ZHABS 'JAM ZHING GZHON SHA CHAGS @70B PA NYID DANG, BLDAG PA LA SOGS PA SHIN TU GYA NOM PA BYIN PAS PHYAG DANG ZHABS DANG THAL GONG DANG LTAG PA'I PHYOGS MTHO BA'I PHYIR BDUN MTHO BA NYID DANG, GSAD PAR BYA BA LAS THAR BAR BYAS PAS SOR MO RING BA NYID DANG, 'TSO BA LA PHA NA BTAGS PA NYID KYIS RTING PA YANGS PA NYID DANG, SROG GCOD PA SPANGS PA NYID KYIS SKU CHE ZHING DRANG BA NYID DANG, DGE BA'I CHOS YANG DAG PAR BLANGS PAS ZHABS LONG BU MI MNGON PA NYID DANG, DGE BA'I CHOS YANG DAG PAR BLANGS PA SPEL BAS SKU'I SPU GYEN DU PHYOGS PA NYID DANG, RIG PA DANG BZO LA SOGS PA GUS PAR BYAS TE BYIN PAS BYIN PA RI DAGS AE NA YA'I LTA BU DANG, NOR BDOG PA SLONG BA PO'I SKYE BO PHYIR MA SPANGS PAS PHYAG RING ZHING MDZES PA NYID DANG, SKYE BO THAMS CAD TSANGS PAR SPYOD PA YANG DAG PAR LEN DU 'JUG PA DANG, GSANG BA'I TSIG BSRUNGS PAS MDOMS KYI SBA BA SPUBS SU NUB PA NYID DANG, GDING BA GYA NOM PA BYIN PAS MDOG GSER DANG 'DRA BA NYID DANG, KHANG BZANGS LA SOGS PA'I GNAS DAM PA BYIN PAS PAGS PA 'JAM PA NYID DANG, 'DU 'DZI LA SOGS PA YONGS SU SPANGS PAS SPU RE RE NAS G-YAS SU 'KHYIL BA NYID DANG, SKYE BO BLA MA THAMS CAD GNAS JI LTA BA BZHIN DU BKOD PAS ZHAL MDZOD SPUS BRGYAN PA NYID DANG, RNAM PA THAMS CAD DU KHA DRAG GI TSIG GIS KHYAD DU MA BSAD PAS SKU STOD SENG GE'I 'DRA BA NYID DANG, SNYAN PAR SMRA BA DANG, LEGS PAR SMRA BA'I RJES SU MTHUN PAR BYAS PAS DPUNG MGO SHIN TU ZLUM PA NYID DANG, SMAN LA SOGS PA BYIN PAS PHRAG PA RGYAS PA NYID DANG, SKYE BO NAD PA'I G-YOG BYAS PAS RO BRO BA'I MCHOG MKHYEN PA NYID DANG, NAGS TSAL DANG KUN DGA' RA BA LA SOGS PA BYED PA YANG DAG PAR LEN DU BCUG PAS SHIG N+YA GRO DHA LTAR CHU ZHENG GAB PA NYID DANG, GTZUG LAG KHANG LA SOGS PA LHAG PAR SBYIN PAS DBU GTZUG TOR DANG LDAN PA NYID DANG, TSIG RAB TU 'JAM PO LA SOGS PA GSUNGS PAS LJAGS RING BA NYID DANG, 'JIG RTEN GYI KHAMS THAMS CAD KYI SEMS CAN LA @71A *, ,DAM PA'I CHOS GO BAR BYAS PAS TSANGS PA'I DBYANGS NYID DANG, TSIG 'KHYAL PA SPANGS PAS 'GRAM PA SENG GE'I 'DRA BA NYID DANG, SKYE BO THAMS CAD BKUR BA LA SOGS PAS TSEMS DKAR BA NYID DANG, 'TSO BA RNAM PAR DAG PAS TSEMS MNYAM PA NYID DANG BDEN PA'I TSIG KUN TU SPYAD PAS TSEMS THAGS BZANG BA NYID DANG, ,PHRA MA'I TSIG SPANGS PAS TSEMS BZHI BCU MNGA' BA NYID DANG, SEMS CAN THAMS CAD LA BU GCIG PA DANG 'DRA BAR BLTAS PAS SBYAN MTHON MTHING NYID DANG, KHONG KHRO BA LA SOGS PA MED PAR BLTAS PAS, RDZI MA BA'I LTA BU NYID DO, ,DPE BYAD BZANG PO BRGYAD CU GANG ZHE NA, BAR SKABS KYI TSIGS SU BCAD PAS GSUNGS PA, THUB PA'I SEN MO ZANGS MDOG DANG, ,MDOG SNUM MTHO DANG SOR MO RNAMS, ,ZLUM RGYAS BYIN GYIS PHRA PA DANG, ,RTZA MI MNGON DANG MDUD PA MED, ,LONG BU MI MNGON ZHABS MNYAM DANG, ,SENG GE GLANG CHEN BYA DANG NI, ,KHYU MCHOG STABS GSHEGS G-YAS PHYOGS DANG, ,MDZES GSHEGS DRANG DANG 'KHRIL BAG CHAGS, ,BYI DOR BYAS 'DRA RIM PAR 'TSAM, ,GTZANG DANG 'JAM DANG DAG PA'I SKU, ,MTSAN NI YONGS SU RDZOGS PA DANG, ,SKU YI KHO LAG YANGS SHING BZANG, ,GOM SNYOMS PA DANG SBYAN GNYIS NI, ,NGAG DANG GZHON SHA CAN NYID DANG, ,SKU ZHUM MED DANG RGYAS PA DANG, ,SHIN TU GRIMS PA'I SKU NYID DANG, ,YAN LAG SHIN TU RNAM 'BYES DANG, ,GZIGS PA SGRIB MED DAG PA DANG, , DKU ZLUM SKABS PHYIN MA RNYONGS DANG, ,PHYANG NGE BA DANG LTE BA NI, ,ZAB DANG G-YAS PHYOGS 'KHYIL BA DANG, ,KUN NAS BLTA NA SDUG PA DANG, ,KUN SPYOD GTZANG DANG SKU LA NI, ,SME BA GNAG BAG MED PA DANG, ,PHYAG NI SHING BAL LTAR 'JAM DANG, ,PHYAG RIS MDANGS YOD ZAB RING DANG, ,ZHAL NI HA CANG MI RING DANG, ,MCHU NI BIM PA LTAR DMAR DANG, ,LJAGS MNYEN PA DANG SRAB PA DANG, ,DMAR DANG 'BRUG GI SGRA NYID DANG, ,GSUNG MNYEN 'JAM DANG MCHE BA ZLUM, , RNO DANG DKAR DANG MNYAM PA DANG, ,BYIN GYIS PHRA DANG SHANGS MTHO DANG, , @71B MCHOG TU DAG PA DAG DANG NI, ,SPYAN YANGS PA DANG RDZI MA STUG ,PADMA'I 'DAB MA 'DRA BA DANG, ,SMIN TSUGS RING DANG 'JAM PA DANG, ,SNUM DANG SPU NI MNYAM PA DANG, ,PHYAG RING RGYAS DANG SNYAN MNYAM DANG, ,NYAMS PA RNAM PAR SPANGS PA DANG, ,DPRAL BA LEGS PAR 'BYES PA DANG, ,DBYES CHE BA DANG DBU RGYAS DANG, ,DBU SKRA BUNG BA LTAR GNAG DANG, ,STUG DANG 'JAM DANG MA 'DZINGS DANG, ,MI BSHOR DRI ZHIM SKYES BU YI, ,YID NI 'PHROG PAR BYED PA DANG, ,DPAL GYI BE'U DANG BKRA SHIS NI, ,G-YUNG DRUNG 'KHYIL BAS BRGYAN PA STE, ,SANGS RGYAS DPE BYAD BZANG POR BZHED, ,CES BYA BA'O, ,'DU BYED THAMS CAD LA 'DOD CHAGS DANG BRAL BA NYID KYIS SEN MO ZANGS KYI MDOG LTA BU NYID DANG, SEMS CAN THAMS CAD LA PHAN PA LHAG PAR BSAMS PA NYID KYIS SEN MO MDOG SNUM PA NYID DANG, RIGS KYI MCHOG LAS SKYES PAS SEN MO MTHO BA NYID DANG, TSUL KHA NA MA THO BA MED PA NYID KYIS SOR MO RNAMS ZLUM PA NYID DANG, DGE BA'I RTZA BA BSAGS PA NYID KYIS SOR MO RNAMS RGYAS PA NYID DANG, YANG DAG PAR MTHAR GYIS ZHUGS PA NYID KYIS SOR MO RNAMS BYIN GYIS PHRA BA NYID DANG, LUS LA SOGS PA'I LAS DANG 'TSO BA RAB TU BSRUNGS PA NYID KYIS RTZA MI MNGON PA NYID DANG, NYON MONGS PA'I MDUNG PA 'GROL BA NYID KYIS RTZA MDUD PA MED PA NYID DANG, SHIN TU SBAS PA'I CHOS KYI BLO GROS CAN NYID KYIS LONG BU MI MNGON PA'I NYID DANG, BGROD PAR DKA' BA'I GNAS THAMS CAD LAS SKYE BO SGROL BAR MDZAD PA NYID KYIS ZHABS MNYAM PA NYID DANG, MI ZIL GYIS GNON PA LA MKHAS PA NYID KYIS SENG GE'I STABS SU GSHEGS PA NYID DANG, KLU ZIL GYIS GNON PA LA MKHAS PA NYID KYIS GLANG PO CHE'I STABS SU GSHEGS PA NYID DANG, NAM MKHA' LA GSHEGS PAR MKHAS PA NYID KYIS NGANG PA'I STABS SU GSHEGS PA NYID DANG, SKYES BU KHYU MCHOG TU MKHAS PA NYID KYIS KHYU MCHOG GI STABS SU GSHEGS PA NYID DANG, BSKOR PHYOGS KYI LAM DANG MTHUN PAS GSHEGS PA NYID KYIS G-YAS PHYOGS SU LDOG CING GSHEGS PA NYID DANG, @72A *, ,MDZES PAR SPYOD PA MKHAS PA NYID KYIS MDZES PAR GSHEGS PA NYID DANG, RTAG TU SEMS GYA GYU MI MNGA' BA NYID KYIS MI YO BAR GSHEGS PA NYID DANG, YON TAN RNAM PAR DAG PAR BRJOD PAR MDZAD PA NYID KYIS SKU 'KHRIL BAG CHAGS PA NYID DANG, SDIG PA'I CHOS DANG MA 'BAGS PA NYID KYIS SKU BYI DOR BYAS PA LTA BU NYID DANG, GDUL BYA DANG 'TSAM PAR CHOS STON PAR MDZAD PA NYID KYIS SKU RIM PAR 'TSAM PA NYID DANG, SKU LA SOGS PA'I KUN TU SPYOD PA KUN TU GTZANG BA'I PHYIR SKU RNAM PAR DAG PA NYID DANG, THUGS SHIN TU THUGS RJE CAN NYID KYI PHYIR SKU 'JAM PA NYID DANG, THUGS RNAM PAR DAG PA'I PHYIR SKU RNAM PAR DAG PA NYID DANG, CHOS 'DUL BA YONGS SU RDZOGS PA'I PHYIR MTSAN RDZOGS PA NYID DANG, YANGS SHING MDZES PA'I YON TAN BRJOD PA'I PHYIR SKU'I KHO LAG YANGS SHING BZANG BA NYID DANG, THAMS CAN LA THUGS SNYOMS PA'I PHYIR GOM PA SNYOMS PA NYID DANG, RNAM PAR DAG PA'I CHOS STON PA'I PHYIR SPYAN RNAM PAR DAG PA NYID DANG, CHOS GO SLA BAR STON PA'I PHYIR SKU SHIN TU GZHON SHA CAN NYID DANG, THUGS RTAG TU MA ZHUM PA'I PHYIR SKU ZHUM PA MED PA NYID DANG, DGE BA'I RTZA BA YANG DAG PAR 'PHAGS PA'I PHYIR SKU RGYAS PA NYID DANG, YANG SRID PA ZAD PA NYID KYIS SKU SHIN TU GRIMS PA NYID DANG, RTEN CING 'BREL PAR 'BYUNG BA SHIN TU RNAM PAR PHYE BA STEN PAR MDZAD PA NYID KYIS YAN LAG DANG NYING LAG RNAM PAR 'BYES PA NYID DANG, TSIG GI DON SHIN TU RNAM PAR DAG PA STON PAS GZIGS PA RAB RIB MED CING RNAM PAR DAG PA NYID DANG, SLOB MA TSUL KHRIMS PHUN SUM TSOGS PAR GYUR PA NYID KYIS DKU ZLUM PA NYID DANG, 'KHOR BA'I SKYON GYIS MA SBAGS PA NYID KYIS DKU SKABS PHYIN PA NYID DANG, NGA RGYAL GYI 'GYING BAG BCOM PA NYID KYIS DKU MA RNYONGS PA NYID DANG, CHOS ZAD PA RNAM PAR BZLOG PA NYID KYIS PHYAL PHYAL LE BA NYID DANG, CHOS RAB TU ZAB MO RTOGS PA NYID KYIS LTE BA ZAB PA NYID DANG, SLOB MA MTHUN PAR 'DZIN PAR GYUR PA NYID KYIS LTE BA G-YAS PHYOGS SU 'KHYIL BA NYID DANG, 'KHOR KUN NAS MDZES PAR GYUR PA @72B NYID KYIS KUN NAS MDZES PA NYID DANG, THUGS GTZANG BA NYID KYIS KUN TU SPYOD PA GTZANG BA NYID DANG, DUS MA YIN PA'I CHOS 'DUL BA DANG BRAL BA NYID KYIS SKU LA SME BA DANG GNAG BAG MED PA NYID DANG, LUS LA SOGS PA ZO MDOG BDE BA THOB PA'I CHOS STON PAR MDZAD PA NYID KYIS PHYAG SHING BAL LTAR SHIN TU 'JAM PA NYID DANG, MDANGS YOD PA'I DGE SBYONG CHEN PO BRNYES PA NYID KYIS PHYAG GI RI MO MDANGS YOD PA NYID DANG, CHOS ZAB MO LA GNAS PA NYID KYIS PHYAG GI RI MO ZAB PA NYID DANG, PHYI RJES SU YANG DAG PAR YONGS SU DAG PA'I CHOS STON PAR MDZAD PA NYID KYIS PHYAG GI RI MO RING BA NYID DANG, BSLAB PA RAB TU MANG PO KUN TU STON PAR MDZAD PA NYID KYIS ZHAL HA CANG MI RING BA NYID DANG, 'JIG RTEN THAMS CAD GZUGS BRNYAN DANG 'DRA BAR RTOGS PA NYID KYIS MCHU BIM PA LTAR DMAR BA NYID DANG, TSIG 'JAM POS 'DUL BA NYID KYIS LJAGS MNYEN PA NYID DANG, YON TAN MTHA' DAG MNGA' BA NYID KYIS LJAGS SRAB PA NYID DANG, CHOS 'DUL BA BYIS PA'I SKYE BO CHAGS PA CAN GYIS GTING DPAG DKA' BA LA SPYAD PA NYID KYIS LJAGS DMAR BA NYID DANG, BSNYENGS PA THAMS CAD MI MNGA' BA NYID KYIS 'BRUG GI SGRA DANG LDAN PA NYID DANG, SNYAN PA LA SOGS PAR GSUNG BA NYID KYIS GSUNG SNYAN CING MNYEN LA 'JAM PA NYID DANG, SRID PAR KUN TU SBYOR BA BSNGAMS PA NYID KYIS MCHE BA ZLUM PA NYID DANG, SKYE BO GDUL DKA' BA 'DUL BAR MDZAD PA NYID KYIS MCHE BA RNO BA NYID DANG, CHOS 'DUL BA SHIN TU RNAM PAR DKAR BA NYID KYIS MCHE BA DKAR BA NYID DANG, MNYAM PA'I SA LA GNAS PA NYID KYIS MCHE BA MNYAM PA NYID DANG, MTHAR GYIS MNGON PAR RTOGS PA YANG DAG PAR RAB TU STON PAR MDZAD PA NYID KYIS MCHE BA BYIN GYIS PHRA BA NYID DANG, SHES RAB MCHOG LA GNAS PA NYID KYIS SHANGS MTHO BA NYID DANG, SKYE BO GTZANG MA PHUN SUM TSOGS PA NYID KYIS SHANGS GTZANG BA NYID DANG, CHOS SHIN TU RGYA CHE BA NYID KYIS SPYAN YANGS PA NYID DANG, SEMS CAN GYI TSOGS LEGS PAR DRANGS PA NYID KYIS RDZI MA STUG PA NYID DANG, 'GRO BA GZHON NU MA THAMS CAD MNGON PAR MGU BA NYID KYIS SPYAN DKAR NAG 'BYES SHING @73A *, ,PADMA'I 'DAB MA RANGS PA LTA BU NYID DANG, RTAG TU PHYI RJES SU GZIGS PA NYID KYIS SMIN CHUGS RING BA NYID DANG, CHOS 'DUL BA 'JAM PO LA MKHAS PA NYID KYIS SMIN MA 'JAM PA NYID DANG, THUGS KYI RGYUD DGE BAS BRLAN PA NYID KYIS SMIN MA SNUM PA NYID DANG, KUN TU SKYON GZIGS PA NYID KYIS SMIN MA'I SPU MNYAM PA NYID DANG, MCHOG TU GNOD PA BZLOG PAR MDZAD PA NYID KYIS PHYAG RING ZHING RGYAS PA NYID DANG, 'DOD CHAGS LA SOGS PA'I G-YUL LAS RNAM PAR RGYAL BA NYID KYIS SNYAN MNYAM PA NYID DANG, SEMS CAN THAMS CAD KYI RGYUD MA NYAMS PAR MDZAD PA NYID KYIS SNYAN GYI DBANG PO MA NYAMS PA NYID DANG, LTA BAS BYAS PA THAMS CAD KYIS GZHAN DU MI 'GYUR BA NYID KYIS DPRAL BA LEGS PAR 'BYES PA NYID DANG, SMRA BA THAMS CAD 'JOMS PAR MDZAD PA NYID KYIS DPRAL PA'I DBYES CHE BA NYID DANG, SMON LAM GYI MCHOG YONGS SU RDZOGS PA NYID KYIS DBU SHIN TU RGYAS PA NYID DANG, YUL GYI DGA' BA RNAM PAR ZLOG PAR MDZAD PA NYID KYIS DBU SKRA BUNG BA LTAR GNAG PA NYID DANG, MTHONG BA DANG BSGOM PAS SPANG BAR BYA BA'I BAG LA NYAL SPANGS PA NYID KYIS DBU SKRA STUG PA NYID DANG, BSTAN PA BLO 'JAM POS YONGS SU SHES PA NYID KYIS DBU SKRA 'JAM PA NYID DANG, THUGS 'DOD CHAGS LA SOGS PAS MA DKRUGS PA NYID KYIS DBU SKRA MA 'DZINGS PA NYID DANG, RTAG TU TSIG MI RTZUB PA NYID KYIS DBU SKRA MI BSHOR BA NYID DANG, BYANG CHUB KYI YAN LAG GI ME TOG BKRAM PA NYID KYIS DBU SKRA DRI ZHIM PA NYID DANG, RNAM PA THAMS CAD DU MDZES PAR GYUR PA NYID KYIS PHYAG DANG ZHABS DPAL GYI BE'U DANG BKRA SHIS DANG G-YUNG DRUNG 'KHYIL PAS BRGYAN PA NYID YIN NO, ,DE'I RJES LA BYIS PA'I SKYE BO LA SOGS PA GDUL BAR BYA BA MA LUS PA THAMS CAD LA JI LTAR 'TSAL BA'I DON MTHA' DAG SGRUB PAR MDZAD PAS SPRUL PA'I SKU GSUNGS PA, GANG GIS SRID PA JI SRID PAR, ,'GRO LA PHAN PA SNA TSOGS DAG ,MNYAM DU MDZAD PA'I SKU DE NI, ,THUB PA'I SPRUL SKU RGYUN MI 'CHAD, ,CES BYA BA'O, ,BCOM LDAN 'DAS SH'AKYA SENG GE LA SOGS PA'I GZUGS GANG @73B GIS 'KHOR BA JI SRID PAR 'JIG RTEN GYI KHAMS THAMS CAD DU SEMS CAN RNAMS KYI 'DOD PA'I DON MNYAM DU MDZAD PA'I SKU GANG YIN PA DE NI RGYUN CHAGS PA NYID KYIS SANGS RGYAS RNAMS KYI SPRUL PA'I SKU RGYUN MI 'CHAD PA YIN NO, ,DE LTAR DON DAM PA DANG KUN RDZOB KYI MTSAN NYID CAN GYI SKU GANG YIN PA NGO BO NYID KYI SKU DANG, GZHAN RNAM PA GSUM STE, SANGS RGYAS DANG BYANG CHUB SEMS DPA' DANG NYAN THOS LA SOGS PA'I SPYOD YUL DU RNAM PAR GZHAG PAS CHOS KYI SKU DANG, LONGS SPYOD RDZOGS PA'I SKU DANG, SPRUL PA'I SKU RNAM PA GSUM MO, ,CHOS NYID DANG GZUGS KYI SKU RNAM PAR PHYE BA RNAM PA GNYIS NYID YIN PAS SANGS RGYAS BCOM LDAN 'DAS RNAMS KYI SKU NI RNAM PA GSUM DU YANG DAG PAR BRJOD DO, ,DE'I 'OG TU SKU RNAMS KYI DNGOS DANG BRGYUD PA'I MTSAN NYID KYI BYA BA 'BRAS BU PHRIN LAS MDZAD PA GSUNGS PA, ,DE BZHIN 'KHOR BA JI SRID 'DI'I, ,LAS NI RGYUN MI 'CHAD PAR 'DOD, ,'GRO RNAMS ZHI BA'I LAS DANG NI, ,BSDU RNAM BZHI LA 'GOD PA DANG, ,KUN NAS NYON MONGS BCAS PA YI, ,RNAM PAR BYANG BA RTOGS PA DANG, ,SEMS CAN RNAMS DON JI BZHIN GYI, ,DON DANG PHA ROL PHYIN DRUG DANG, ,SANGS RGYAS LAM DANG RANG BZHIN GYIS, ,STONG PA NYID DANG GNYIS ZAD DANG, ,BRDA DANG DMIGS PA MED PA DANG, ,LUS CAN RNAMS NI YONGS SMIN DANG, ,BYANG CHUB SEMS DPA'I LAM DANG NI, ,MNGON PAR ZHEN PA ZLOG PA DANG, ,BYANG CHUB 'THOB DANG SANGS RGYAS ZHING, ,RNAM PAR DAG DANG NGES PA DANG, ,SEMS CAN DON NI TSAD MED DANG, ,SANGS RGYAS RTEN SOGS YON TAN DANG, ,BYANG CHUB YAN LAG LAS RNAMS NI, ,CHUD MI ZA DANG BDEN MTHONG DANG, ,PHYIN CI LOG NI SPANGS PA DANG, ,DE GZHI MED PA'I TSUL DANG NI, ,RNAM PAR BYANG DANG TSOGS DANG NI, , 'DUS BYAS 'DUS MA BYAS PA LA, ,THA DAD YONGS SU MI SHES DANG, ,MYA NGAN 'DAS LA 'GOD PA STE, ,CHOS KYI SKU YI PHRIN LAS NI, ,RNAM PA NYI SHU BDUN DU BZHED, ,CES BYA BA'O, ,SPRUL PA'I SKU JI LTA BA BZHIN DU GDUL BYA'I SKYE BO SO SO'I SNANG BA LA BRTEN PA LAS CHOS KYI SKU'I @74A *, ,BDAG NYID KYI YE SHES BDAG POR GYUR PA 'DI LAS BYUNG BA'I PHRIN LAS NI 'KHOR BA JI SRID PAR RGYUN MI 'CHAD PAR 'BYUNG BAR BZHED DE, 'DI LTAR DANG PO 'JIG RTEN PA'I BSAM PA YONGS SU DAG PA 'GRO BA BZANG PO DANG, CIG SHOS LA MNGON PAR ZHEN PA MED PAR GNAS PA'I MTSAN NYID DANG, 'GRO BA RAB TU ZHI BA'I PHRIN LAS LA 'GOD DO, ,DE NAS SBYOR BA YONGS SU DAG PA SBYIN PA LA SOGS PA BSDU BA'I DNGOS PO RNAM PA BZHI DANG, LTA BA YONGS SU DAG PA THOS PA LA SOGS PA'I SHES PAS KUN NAS NYON MONGS PA DANG RNAM PAR BYANG BA DOR BA DANG BLANG BAR BYA BA'I SGO NAS RTOGS PA DANG, DE NAS LAM YANG DAG PA DANG POR 'JUG PA'I MTSAN NYID KYIS LAM RNAM PAR DAG PA RJES SU CHAGS PA LA SOGS PAS RNAM PAR DBEN PA NYID KYIS GZHAN GYI DON BYAMS PA LA SOGS PA'I MTSAN NYID DANG, RANG GI DON GYI SPYOD PA RNAM PAR DAG PA 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA DRUG LA GOMS PA DANG, RANG DANG GZHAN GYI DON GYI SBYOR BA RNAM PAR DAG PA SANGS RGYAS KYI LAM DANG, LTA BA RNAM PAR DAG PA CHOS THAMS CAD RANG BZHIN GYIS STONG PA NYID LA GOMS PAR BYA BA DANG, DE'I 'OG TU SBYIN PA'I PHA ROL TU PHYIN PA LA BRTEN NAS SA DANG POR CHOS KYI DBYINGS KUN TU 'GRO BA RTOGS PA'I MTSAN NYID GNYIS SU MED PA'I DON KUN TU STON PA DANG, TSUL KHRIMS DANG, BZOD PA'I PHA ROL TU PHYIN PA LA BRTEN NAS SA GNYIS PA DANG GSUM PAR CHOS THAMS CAD BRDAR BTAGS PAR SHES PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA LA BRTEN NAS SA BZHI PA DANG LNGA PA DANG DRUG PAR BYANG CHUB KYI PHYOGS KYI CHOS DANG, BDEN PA BZHI DANG, RTEN CING 'BREL PAR 'BYUNG BA YANG DAG PAR SHES PAS CHOS THAMS CAD MTSAN MAR DMIGS PA MED PA DANG, THABS KYI PHA ROL TU PHYIN PA LA BRTEN NAS SA BDUN PAR SEMS CAN YONGS SU SMIN PAR BYED PA DANG, STOBS KYI PHA ROL TU PHYIN PA LA BRTEN NAS SA BRGYAD PAR NYAN THOS LA SOGS PA DANG THUN MONG MA YIN PA BYANG CHUB SEMS DPA'I LAM DANG, DE BZHIN DU DE BZHIN NYID LA NYON MONGS PA ZAD PA LA SOGS PAS CHOS @74B THAMS CAD LA MNGON PAR ZHEN PA SPANGS PA DANG RTOG PA SPANGS PA LA SOGS PAS NYE BA'I BYANG CHUB THOB PA DANG RJES SU MTHUN PA'I THABS LA MKHAS PAS SANGS RGYAS KYI ZHING RNAM PAR DAG PAR BYED PA DANG, DE'I 'OG TU SMIN LAM GYI PHA ROL TU PHYIN PA LA BRTEN NAS SA DGU PAR YANG DAG PAR RDZOGS PA'I BYANG CHUB KYI PHUNG POR NGES PA DANG, DE BZHIN DU CHOS SMRA BA'I SKYES BUR GYUR PAS SEMS CAN GYI DON TSAD MED PA BYED PA DANG, DE'I RJES LA YE SHES KYI PHA ROL TU PHYIN PA LA BRTEN NAS SA BCU PAR MNGON PAR SHES PA LA GNAS TE 'JIG RTEN GYI KHAMS THAMS CAD DU SANGS RGYAS KYI DRUNG DU SONG ZHING BSNYEN BKUR BA LA SOGS PA'I YON TAN DANG, DE BZHIN DU KHYAD PAR GYI LAM GYI NGO BO DGE BA'I CHOS BYANG CHUB MTHA' DAG 'DREN PAR BYED PA'I MTSAN YID BYANG CHUB KYI YAN LAG DANG, THA SNYAD NYE BAR BZUNG STE LAS DANG 'BRAS BUR 'BREL PA CHUNG MI ZA BA DANG, YANG DAG PA JI LTA BA BZHIN GYI NGO BOS SDUG BSNGAL LA SOGS PA'I BDEN PA RNAM PA BZHI YANG DAG PAR RTOGS PA DANG, GZUGS LA SOGS PA'I PHUNG PO MTSAN NYID MED PA NYID KYIS RTAG PA LA SOGS PAR PHYIN CI LOG THAMS CAD RAB TU SPANGS PA DANG, TSUL DE NYID KYIS PHYIN CI LOG THAMS CAD NYE BAR 'JUG PA'I GZHI'I DNGOS PO 'GA' YANG MED PA DANG, RANG BZHIN GYIS DAG PA'I MTSAN NYID KYIS RNAM PAR BYANG BA DANG, DRI MA THAMS CAD DANG BRAL PA'I RGYUS DE BZHIN GSHEGS PA'I TSOGS YONGS SU RDZOGS PAR DANG STONG PA NYID KYI NGO BO NYID KO NAS 'DUS BYAS DANG 'DUS MA BYAS MTHA' DAG THA DAD PA MED PAR YONGS SU SHES PA DANG, DE'I 'OG TU RNAM PA THAMS CAD MKHYEN PA NYID KYI RGYUS CHOS THAMS CAD YANG DAG PAR RDZOGS PA'I MYA NGAN LAS 'DAS PA CHEN PO LA 'GOD PAR BYED PA STE, ZAG PA MED PA'I CHOS KYI SKU'I MTHU LAS BYUNG BA GDUL BYA YONGS SU 'DZIN PAR BYED PA'I PHRIN LAS NI RNAM PA NYI SHU RTZA BDUN PO 'DI DAG YIN PAR BZHED DO, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON MA'I PHRENG BA ZHES BYA BA LAS SKABS BRGYAD PA'I 'GREL PA'O,, ,, @75A *, ,RAB TU RGYAS PA LA DANG PA'I SEMS CAN LA PHAN GDAGS PA'I PHYIR DE LTAR DON BRGYAD KYI SGO NAS RNAM PAR BSHAD NAS, BAR MA LA DAD PA RNAMS KYI DBANG DU BYAS TE RNAM PA GZHAN GYIS BSHAD PA GSUNGS PA, MTSAN NYID DE YI SBYOR BA DANG, ,DE RAB DE YI GO RIMS DANG, ,DE'I MTHA' DE YI RNAM SMIN NI, ,DON BSDUS GZHAN TE RNAM PA DRUG, UL GYI RGYU YIN NO, ,DE'I RJES LA RNAMDBANG DU BYA BA'I PHYIR NYID KYI NYE BAR SBYOR BA PO YIN PAS DE'I SBYOR BA'I GNAS PA THAMS CAD MKHYEN PA NYID RNAM PA GSUM NI SHES RAB KYI PHA ROL TU PHYIN PA'I NGO BO DE KHO NA NYID YIN PAS MNGON PAR RTOGS PAR BYA BA'I MTSAN NYID DO, , DE NAS RNAM PA THAMS CAD MNGON PAR RDZOGS PAR RTOGS PA NI DE DAG DBANG DU BYA BA'I PHYIR THAMS CAD MKHYEN PA NYID GSUM BSGOM PA NYID KYI NYE BAR SBYOR BA PO YIN PAS DE'I SBYOR BA'I GNAS SKABS YIN NO, ,DE NAS RTZE MO'I MNGON PAR RTOGS PA NI SNAG MA PHUL DU BYUNG BAR SON PAS NGES PAR DBANG DU GYUR PA'I PHYIR MNGON PAR RTOGS PAR RAB TU GYUR PA'I GNAS SKABS YIN NO, ,DE NAS MTHAR GYIS PA'I MNGON PAR RTOGS PA NI DBANG DU GYUR PA'I DNGOS PO RAB TU BRTAN PAR BYA BA'I PHYIR SO SO BA DANG MTHA' DAG TU RNAM PA DU MAR BSGOMS PAS GZHUNG SRONG BAR BYED PA'I DON GYIS MNGON PAR RTOGS PA'I GO RIMS KYI GNAS SKABS YIN NO, ,DE NAS SKAD CIG MA GCIG PA'I MNGON PAR RDZOGS PAR BYANG CHUB PA NI SHIN TU GOMS PAS BRTAN PA MTHAR PHYIN PA'I DON GYIS MNGON PAR RTOGS PA MTHAR THUG PA'I GNAS SKABS YIN NO, , DE'I 'OG TU CHOS KYI SKU MDZAD PA DANG BCAS PA NI SBYOR BAS MNGON PAR THOB PA'I 'BRAS BU YIN PA'I RGYU MTSAN GYIS MNGON PAR RTOGS PA RNAMS RNAM PAR SMIN PA NYID YIN NO, ,DE LTAR NA RGYAL BA'I YUM THAMS CAD KYI DON BSDUS PA GZHAN RNAM PA DRUG STE, SNGAR BSTAN PA KHO NAS RNAM PAR BSHAD PA GRUB PA NYID DO, ,DNGOS PO RNAM PA DRUG BSTAN PA'I 'GREL PA'O,, ,,BAR MA LA DAD PA'I GDUL BYA RNAMS LA PHAN GDAGS PAR BYA BA'I PHYIR DE LTAR DON DRUG GI SGO NAS NYE BAR BSHAD NAS, MDOR BSDUS PA LA DAD PA RNAMS KYI DBANG DU BYAS TE YANG RNAM PA GZHAN GYIS BSHAD PA GSUNGS PA, YUL NI RNAM PA GSUM PO RGYU, , @75B SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,DON BSDUS GZHAN TE RNAM PA GSUM, ,ZHES BYA BA'O, ,DANG POR RNAM PA THAMS CAD MKHYEN PA NYID LA SOGS PA THAMS CAD MKHYEN PA NYID GSUM NI SHES RAB KYI PHA ROL TU PHYIN PA MNGON PAR RTOGS PA'I NGO BO NYID DU 'JUG PA'I YUL GYI RGYU YIN NO, ,DE'I RJES LA RNAM PA KUN MNGON PAR RDZOGS PAR RTOGS PA LA SOGS PA RNAM PA BZHI NI MNGON PAR RTOGS PA RANG GI MTSAN NYID SBYOR BA'I RNAM PA YIN NO, ,DE'I 'OG TU CHOS KYI SKU PHRIN LAS DANG BCAS PA NI MNGON PAR RTOGS PA RNAMS KYI 'BRAS BU YIN NO, ,DE LTA NA YANG RGYAL BA'I YUM MTHA' DAG GI DON BSDUS PA GZHAN RNAM PA GSUM STE, 'DI YANG SNGAR BSTAN PA KHO NAS NYE BAR BSHAD PAR GRUB PA NYID DO, ,DNGOS PO RNAM PA GSUM BSTAN PA'I 'GREL PA'O,, ,,SHES RAB PHA ROL PHYIN LUS GANG YIN MNGON RTOGS DRI MED RIN CHEN RGYAN GYIS RNAM BRGYAN NI, ,LA LAS MA BSHAD LA LAS LOG BSHAD GZHAN GYIS GZHAN BSHAD DE BZHIN GZHAN GYIS KUN MA BSHAD, ,RGYAL YUL GZHUNG SROG LKOG MAR PHYIN GYUR SLAD DUS GANG TSE GNAS BRTAN THOS MANG BLO GSAL BA, ,SANGS RGYAS YE SHES DPAL ZHES BYA BAS BSTAN LA MCHOD PHYIR RGYAN 'GREL NGO MTSAR RMAD 'DI BYAS, ,GANG GIS GANG THOB RNAM GROL LA SOGS MKHAS MANG RJES 'BRANGS RGYAL SRAS MI PHAM MGON MNYES BYED, ,DPAL LDAN GRAGS CHEN BLA MA'I DRIN THOB RING NAS RJES BSGOMS RAB TU DGA' BA'I YID KYIS 'DIR, ,DNGOS BRGYUD LUS LA RGYAN DON GSAL BYED SHES RAB SGRON MA'I PHRENG BA 'BAR BA 'DI BYAS PAS, ,'GRO 'DI MYUR DU MA RIG MUN BSAL YANG DAG YE SHE SNANG BA GSAL POS MDZES GYUR CIG ,BDAG GI LHAG BSAM 'BAD PA'I MTHU DANG RGYAL YUM CHE BAS SHES RAB PHA ROL PHYIN TSOL RNAMS, ,SEMS BSKYED GDAMS PAS DE NYID LAM BSTEN CHOS DBYINGS DMIGS BCAS CHED DU BYA BA SGRUB RNAM BZHIS, ,RNAM KUN MKHYEN GYUR RTEN TSOGS BZANG LDAN THEG GSUM MTHONG DANG BYED BCAS BSGOM PA'I LAM KUN MKHYEN, ,MTHA' GNYIS MI GNAS TSUL GNYIS MTSAN NYID RGYU LAM DNGOS MTHONG KUN MKHYEN PHA @76A *, ,ROL PHYIN PAR SHOG ,GANG DON GANG GIS RNAM BSGOMS DBANG BYAS CHOS GZUGS 'BRAS BSKYED RNAM PA KUN MNGON RTOGS PA DANG, ,RTOGS 'PHEL BRTAN GNAS MTHONG DANG LEGS GOMS BAR CHAD MED LAM KLAN KA KUN GROL RTZE MOR SON, ,RNAM GSUM RNAM BCU RIM GNYIS MTHAR BSLAB MTSAN NYID RNAM BZHIS SKAD CIG GCIG MNGON BYANG CHUB NAS, ,NGO BO NYID CHOS LONGS SPYOD RDZOGS DANG SPRUL SKU PHRIN LAS 'BRAS BU MYUR DU SMIN PAR SHOG ,JI LTAR SMAG RUM LJAN LJIN NAS, ,YID BZHIN NOR RNYED JI LTA BAR, ,JI ZHIG LTAR STES BDAG GIS KYANG, ,SHES RAB PHA ROL PHYIN DON RNYED, ,RNYED DKA' RNYED PA DON CHE BA, ,RGYAN GZHUNG JI BZHIN JI SNYED 'GREL, ,AE MA AU DUM W'AR 'DRA BA, ,MKHAS RNAMS DGA' BA SKYED PAR BYED, ,DUS GSUM GYI DE BZHIN GSHEGS PA THAMS CAD KYI YUM BCOM LDAN 'DAS MA SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA SHES RAB SGRON ME'I PHRENG BA ZHES BYA BA, DPAL CHOS KYI RJE BYANG CHUB SEMS DPA' DAM PA MKHAS PA THAMS CAD KYI BLA MAR GYUR PA KHA CHE'I RIGS KYI PAndI TA CHEN PO BUDDHA SHR'I DZANY'A NAS MDZAD PA RDZOGS SO,, ,,PAntI TA CHEN PO DE NYID DANG, GNUBS LO TZ'A BA DGE SLONG BYAMS PA'I DPAL GYIS BSGYUR BA'O,, #, ,RGYA GAR SKAD DU, AA BHI SA MA Y'A LAm K'A RA K'A RI K'i BRA TTI SHUDDHA MA T'I N'A MA, BOD SKAD DU, MNGON PAR RTOGS PA'I RGYAN GYI TSIG LE'UR BYAS PA'I 'GREL PA DAG LDAN ZHES BYA BA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,LO MA ME TOG DANG LDAN PA'I, ,YONGS 'DU'I SHING BZHIN MTSAN MCHOG GIS, ,BSOD NAMS SKU BRGYAN RNAM PAR 'BYES, , YAN LAG BRGYAN PA RGYAL GYUR CIG ,RGYAL BA'I YUM GYI MNGON RTOGS RGYAN, ,'PHAGS PA BYAMS PAS MDZAD PA YIN, ,DE YI 'GREL PA DAG LDAN 'DI, ,RIN CHEN 'BYUNG GNAS BDAG GIS BYAS, ,GROL SDE DAG GIS RGYAL YUM GYI, ,DON NI MA LUS MA BKROL ZHES, ,RAB TU BYED @76B LAS BDAG GIS NI, ,RNA BAR GTAM BRJOD BZHIN DU SHES, ,GANG PHYIR DON NYAMS DE LA NI, ,BDAG NYID NGES PAR BLO DMAN YANG, ,MGON POS BYIN GYIS BRLABS PAS NA, ,'DI DON BSTAN PHYIR BRTZAMS PA YIN, ,BCOM LDAN 'DAS MA SHES RAB KYI PHA ROL TU PHYIN PA RNAM PAR DBYE BAR BZHED NAS BLA MA DAM PA'I YANG BLA MAR GYUR PA DE NYID LA DANG POR, NYAN THOS ZHI BA TSOL RNAMS KUN SHES NYID KYIS NYER ZHIR 'KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS SNA TSOGS 'DI DAG RNAM PA KUN MKHYEN PA, ,SANGS RGYAS NYAN THOS BYANG CHUB SEMS DPA'I TSOGS DANG LDAN YUM DE LA PHYAG 'TSAL LO, ,ZHES PHYAG 'TSAL BAR MDZAD DO, ,NYAN THOS ZHES SMOS PAS NI 'DIR RANG SANGS RGYAS KYANG GZUNG STE, THAG PA DE GNYIS LA KHYAD PAR CUNG ZAD LAS MED PA'I PHYIR RO, ,SHES RAB KYI PHA ROL TU PHYIN PA'I DBYE BA NI RNAM PA GSUM YIN TE, DES NA THAMS CAD MKHYEN PA'I DBYE BAS NYAN THOS ZHI BA TSOL RNAMS THAR PA THOB PAR BYED PA DANG, LAM SHES PA'I DBYE BAS 'GRO LA PHAN PAR BYED RNAMS TE BYANG CHUB SEMS DPA' RNAMS KYI MDZAD PAR 'OS PA NI 'JIG RTEN GYI DON TE, GANG 'JIG RTEN GYI DON SGRUB PAR BYED PA'O, ,LHAG MAR GYUR PA DANG DON GYIS RNAM PA THAMS CAD MKHYEN PA'I DBYE BAS, GANG DANG YANG DAG LDAN PAS THUB PA STE SANGS RGYAS SO, ,SNA TSOGS 'DI DAG RNAM PA KUN MKHYEN PA ZHES BYA BA LA, RNAM PA KUN NI CHOS 'DI DAG RNAM PA KUN TE, DE KUN NAS MKHYEN PA'I'O, ,'DI'I YUM NI SHES RAB KYI PHA ROL TU PHYIN PA DE LA PHYAG 'TSAL LO, ,'DI JI LTAR DE RNAMS KYI YUM DU 'GYUR ZHE NA, JI SKAD BSHAD PA'I DON CHEN PO GSUM THOB PA'I PHYIR TE, GANG YANG 'JIG RTEN GYI PHAN A CHEN PO 'DOGS PA DE NI 'JIG RTEN NAM ZHES BYA'O, ,GZHAN YANG JI SRID DU DE DAG GI ZAG PA MED PA'I PHUNG PO'I BDAG NYID MA BSKYED CING MA GSOS PA DE SRID DUD DE DAG GIS JI SKAD DU BSHAD PA'I DON CHEN POR RNAMS THOB PAR MI NUS SO, ,DE'I PHYIR DON @77A *, ,GYIS NA SKYED PA DANG GSO BA YIN PAR SHES PAR BYA'O, ,DE'I PHYIR YANG 'DI YUM YIN NO, ,GANG GI YUM YIN ZHE NA, NYAN THOS LA SOGS PA'I TSOGS DANG BCAS PA'I SANGS RGYAS KYI'O, ,RIGS KYI DBANG DU BYAS NA GCIG GI TSIG YIN TE, NYAN THOS LA SOGS PA'I TSOGS DANG LDAN PA'I SANGS RGYAS RNAMS KYI ZHES BYA BA'I DON TO, ,DES NA 'DIR THUB RNAMS ZHES BSTAN TO, ,DE DAG GI TSOGS DANG LDAN PA'I SANGS RGYAS KYI YUM ZHES BYA BA'I TSIG GIS 'DI DE DAG GI YANG YUM YIN PAR SHES PAR BYA'O, ,GAL TE DE LTAR NA BU DANG LDAN PA'I CHUNG MA DE NI BU'I YANG CHUNG MAR 'GYUR RO ZHE NA, BRJOD PAR 'DOD PA'I BYE BRAG GIS DE'I SKYON MED DE, 'DIR NI SANGS RGYAS TSOGS DANG LDAN ZHES BYA BA'I LDAN PA'I DON NI 'DIR LHAN CIG PA LA BRJOD PAR 'DOD DE, NYAN THOS LA SOGS PA'I TSOGS DANG LDAN PA'I SANGS RGYAS RNAMS KYI ZHES BYA BA'I DON TO, ,DE LA NYAN THOS DANG BYANG CHUB SEMS DPA' NI 'JIG RTEN GYI BLA MA'O, ,SANGS RGYAS NI BLA MA DAM PA'O, ,DE DAG GI YANG DE NI YUM MO, ,DES NA DE NI BLA MA DAM PA'I YANG BLA MA'O, ,DES NA DE LA PHYAG 'TSAL BAR BYED DO, ,'O NA MDO KUN LAS RGYA CHER BSHAD NA DE YANG 'DI RTZOM PA LA DGOS PA CI YOD CE NA, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BA MA YIN TE, ,BLO DANG LDAN PAS RTOGS 'GYUR ZHES, ,CHOS SPYOD BCU YI BDAG NYID NI, ,MDO DON DRAN PA LAS BZHAG NAS, BDE BLAG TU NI RTOGS 'GYUR BA, ,ZHES PA RTZOM PA'I DGOS PA YIN, ,RNAM PA THAMS CAD MKHYEN PA NYID NI SANGS RGYAS NYID DE, ,DE YANG SKYES BU DAM PA STE, JI SKAD DU, SGRIB PA KUN GYI DRI MED PA, ,RNAM PA THAMS CAD MKHYEN NYID THOB, ,RIN CHEN SNOD NI PHYE BA LTAR, , SANGS RGYAS NYID NI YANG DAG BSTAN, ,ZHES GSUNGS PA LTA BU STE, DE JI LTAR LAM DU 'GYUR, ,BRTZAL BAR BYA BAS LAM YIN GYI, TSOL BAR BYED PAS NA LAM NI MA YIN NO, ,STON PAS 'DI LAS BSHAD PA GANG, ,ZHES BYA BA LA, GANG 'DI LAS ZHES BYA BA NI MDO SDE MTSON PAR @77B BYED PAS NA MDO'O, ,'DIR BLO LDAN NI BYANG CHUB SEMS DPA'O, ,DE LA RTOGS PA NI MNGON SUM DU BYED PA STE THOB PA MNGON SUM DU BYED PA'O, ,BSTAN BCOS 'DI LA GSAL BA NYID DU SHES PA YIN NO ZHES DGONGS SO, ,DE JI LTA BU ZHE NA, MYONG BA MA YIN PA NI MA RTOGS PA'O, ,GZHAN ZHES BYA BA NI BYANG CHUB SEMS DPA' MA YIN PA'O, ,'DIS NI RTZOM PA'I GTZO BO'I DGOS PA BSTAN TE, MDO 'DI'I DON BSTAN BCOS 'DI LAS NGES PAR BZUNG STE, DRAN PA LA BZHAG PA'O, ,CHOS NI 'DIR MDO NYID DO, ,SPYOD PA NI RNAM PA BCU STE, JI SKAD DU, YI GE 'BRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD PA DANG NI KHA TON DANG, ,DE SEMS PA DANG SGOM PA STE, ,SPYOD PA 'DI BCU'I BDAG NYID NI, ,BSOD NAMS PHUNG PO DPAG TU MED, ,CES BSHAD PA LTA BU'O, ,DE BDE BLAG TU NI RTOGS 'GYUR BA ZHES PA NI, RJES SU SGRUBS SHIG PA'O, ,DE LTAR RTZOM PA'I DGOS PA GTZO BO MA YIN PA DE NI THOB PA'I THABS TE RJES SU SGRUB PA'O, ,DE NAS MDO MA LUS PA 'DI LAS CI ZHIG STON CE NA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,DNGOS PO DAM PA SHES PAS NA SHES RAB STE, STONG PA NYID LA DMIGS PA'I PHYIR RO, ,DE YANG YIN LA PHA ROL YANG YIN PAS SHES RAB KYI PHA ROL LO, ,PHYIN PAS NI 'GRO BA STE PHA ROL TU PHYIN PA'O, ,GANG GI PHA ROL ZHE NA, 'PHAGS PA BYANG CHUB SEMS DPA' NI RNAM PAR RTOG PA'I'O, ,DE BZHIN GSHEGS PA RNAMS KYI NI DAG PA'I'O, ,SBYOR BA'I LAM LA CI'I PHYIR PHA ROL TU PHYIN PA ZHES BYA ZHE NA, DE'I RGYU YIN PA'I PHYIR RO, ,CHOS KYI SKU MDZAD PA DANG BCAS PA CI'I PHYIR SHES RAB KYI PHA ROL TU PHYIN PA ZHES BYA ZHE NA, DE'I 'BRAS BU NYID YIN PA'I PHYIR RO, ,DE YANG DAG BSHAD CES BYA BA NI MA LUS PAR BSTAN ZHES BYA BA'I DON TO, ,MA LUS PA NYID GANG ZHE NA, DNGOS PO BRGYAD DE BRGYAD PO DE YANG GANG ZHE NA, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM MKHYEN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG @78A *, ,CHUB; ,CHOS KYI SKU DANG DE RNAM BRGYAD, ,RNAM PA KUN GYI MNGON PAR RTOGS PA NI YANG DAG PAR RDZOGS PAR RTOGS PA'O, ,RTOGS PA LA MNGON DU PHYOGS PA NI MNGON PAR RDZOGS PAR RTOGS PA'O, ,MNGON PAR RDZOGS PAR RTOGS PA YANG DE YIN TE, AI NA'I KHAMS KYI DON NI RTOGS PA'I DON GYI PHYIR RO, ,RTZE MOR PHYIN PA NI RTZE MO THOB PA'O, ,MTHAR GYIS NI RIM GYIS PA'O, ,DE DANG LDAN PA NI RIM GYIS PA'O, ,MNGON PAR RTOGS PA ZHES BYA BA'I RJES SU SBYAR TE, RTZE MO'I MNGON PAR RTOGS PA DANG, MTHAR GYIS PA'I MNGON PAR RTOGS PA ZHES BYA BA'I DON TO, , SKAD CIG GCIG MNGON RDZOGS BYANG CHUB, ,CHOS KYI SKU DANG ZHES BYA BA LA, CHOS KYI SKU JI LTAR MNGON PAR RTOGS PA YIN ZHE NA, MNGON PAR RTOGS PA'I 'BRAS BU NYID YIN PA'I PHYIR RO, ,DE RNAM BRGYAD CES BYA BA NI DNGOS PO BRGYAD PO 'DI DAG GO, ,MNGON PAR RTOGS PA BRGYAD PO 'DI NI GO RIMS JI LTA BA BZHIN DU LE'U BRGYAD PO 'DI'I BRJOD PAR BYA BA YIN NO, ,DE LA, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,SEMS BSKYED PA DANG, GDAMS NGAG DANG, NGES PAR 'BYED PA'I CHA DANG MTHUN PA DANG, SGRUB PA'I RTEN DANG, SGRUB PA'I DMIGS PA DANG, SGRUB PA'I CHED DU BYA BA DANG, GO CHA'I SGRUB PA DANG, 'JUG PA'I SGRUB PA DANG, TSOGS KYI SGRUB PA DANG, NGES PAR 'BYUNG BA'I SGRUB PA STE, DE RNAMS NI THUB PA DE BZHIN GSHEGS PA'I RNAM PA THAMS CAD MKHYEN PA NYID KYI DNGOS PO BCU YIN NO, ,MOG MOG POR BYED LA SOGS DANG, ,SLOB MA BSE RU'I LAM GANG DANG, , 'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG BA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI BSGOM PA'I LAM, , @78B BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,MOG MOG POR BYED PA LA SOGS PA DANG, NYAN THOS KYI LAM DANG, RANG SANGS RGYAS KYI LAM DANG, BYANG CHUB SEMS DPA'I MTHONG BA'I LAM PHAN YON CHE BA DANG, BSGOM PA'I LAM GYIS BYED PA DANG, MOS PA YID LA BYED PA DANG, BSTOD PA DANG, BKUR BA DANG, BSNGAGS PA DANG, BSNGO BA YID LA BYED PA DANG, RJES SU YI RANG BA YID LA BYED PA DANG, MNGON PAR SGRUB PA DANG, SHIN TU DAG PA ZHES BYA BA DNGOS PO BCU GCIG NI LAM SHES PA NYID DE, DE NI BYANG CHUB SEMS DPA' RNAMS KYI YIN NO, ,SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM; ,DE 'DRAR KUN SHES NYID DU 'DOD, ,'KHOR BA LA MI GNAS PA DANG, ,MYA NGAN LAS 'DAS PA LA MI GNAS PA DANG, THABS MA YIN PAS RING BA DANG, ,THABS KYIS RING BA MA YIN PA DANG, MI MTHUN PA'I PHYOGS DANG, GNYEN PO'I PHYOGS DANG, SBYOR BA DANG, DE'I MNYAM PA NYID DANG; MTHONG BA'I LAM STE DGU PO DE DAG NI NYAN THOS LA SOGS PA'I KUN SHES PA NYID DO, ,RNAM PAR SBYOR DANG BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA YI, ,RNAM KUN MNGON RDZOGS RTOGS PA STE, ,'DI NI THABS MKHAS BCAS PA YIN, ,RNAM PA DANG, SBYOR BA DANG, YON TAN DANG, SKYON DANG, MTSAN NYID DANG, THAR PA'I CHA DANG MTHUN PA DANG, NGES PAR 'BYED PA'I CHA DANG MTHUN PA DANG, SLOB PA PHYIR MI LDOG PA'I TSOGS DANG; SRID PA DANG ZHI BA MNYAM PA NYID DANG, SANGS RGYAS KYI ZHING YONGS SU DAG PA DANG, THABS LA MKHAS PA STE, DNGOS PO BCU GCIG PO DE DAG NI RNAM PA KUN MNGON PAR RDZOGS PAR RTOGS PA'O, ,DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG @79A *, ,ZHES BYA DANG BSGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR SGRUB DANG BCAS PA NI, ,RTZE MO'I MNGON RTOGS, ,RTAGS DANG, ,RNAM PAR 'PHEL PA DANG, ,BRTAN PA DANG, TING NGE 'DZIN DAG, ,MTHONG BA'I LAM LA RTOG PA RNAM PA BZHI'I GNYEN PO DANG, BSGOM PA'I LAM LA RTOG PA RNAM PA BZHI'I GNYEN PO DANG, BAR CHAD MED PA'I TING NGE 'DZIN DANG, LOG PAR SGRUB PA DAG STE, DNGOS PO BRGYAD PO DE DAG NI RTZE MO'I MNGON PAR RTOGS PA'O, ,MTHAR GYIS PA, ,RNAM GSUM RNAM BCU NI, ,PHA ROL TU PHYIN PA DRUG DANG, RJES SU DRAN PA DRUG DANG, DNGOS PO MED PA'I NGO BO NYID DE, DE BAS NA CHOS BCU GSUM PO DE DAG NI MTHAR GYIS PA'I MNGON PAR RTOGS PA'O, ,SKAD CIG MA, GCIG GIS MNGON RDZOGS BYANG CHUB PA, , MTSAN NYID KYIS NI RNAM PA BZHI, ,ZHES BYA BA NI CHOS THAMS CAD ZAG PA MED PAR SKAD CIG MA GCIG GIS MNGON PAR RTOGS PA DANG, CHOS THAMS CAD DGE BAR SKAD CIG MA GCIG GIS MNGON PAR RTOGS PA DANG, CHOS THAMS CAD MTSAN NYID MED PAR SKAD CIG MA GCIG GIS MNGON PAR RTOGS PA DANG, CHOS THAMS CAD GNYIS SU MED PAR SKAD CIG MA GCIG GIS MNGON PAR RTOGS PA STE, BZHI PO DE DAG NI SKAD CIG MA GCIG GIS MNGON PAR RTOGS PA'O, ,NGO BO NYID LONGS RDZOGS BCAS DANG, ,DE BZHIN SPRUL DANG RNAM GSUM DAG ,CHOS SKU MDZAD PAR BCAS PA STE; ,RNAM PA BZHIR NI YANG DAG BRJOD, ,CES BYA BA NI NGO BO NYID KYI SKU DANG, LONGS SPYOD RDZOGS PA'I SKU DANG, SPRUL PA'I SKU DANG, DE'I MDZAD PA STE, DNGOS PO BZHI PO DE DAG N CHOS KYI SKU'O, ,DE LA DANG PO RNAM PA THAMS CAD MKHYEN P NYID BSHAD PAR BYA STE, DE'I DANG PO SEMS BSKYED PA'I DNGOS PO ZHES BYA BA LA, SEMS NI YID DANG 'DOD PA STE, 'DI LTAR 'GRO BAR 'DOD PA DANG, 'GRO BA'I YID DANG, 'GRO BA'I SEMS SO ZHES BRJOD DO, ,DE BSKYED PA DE YANG GZHAN GYI DON DU BSKYED PA STE MCHOG TU KHYAD PAR DU 'GYUR BA YIN PA'I PHYIR, @79B YANG DAG PAR RDZOGS PA'I BYANG CHUB LA DMIGS PA GZUNG NGO, ,DES NA DE'I MTSAN NYID, ,SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS TE, ,'DOD PA DANG, MOS PA DANG, MNGON PAR 'DOD PA ZHES BYA BA NI RNAM GRANGS SO, ,GANG LA YANG DAG PAR RDZOGS PA'I BYANG CHUB 'DOD PA YOD PA DE LA DE SKAD CES BYA'O, ,DE'I DNGOS PO NI 'DI NYID DE, DE 'DOD PA ZHES BYA BA'I DON TO, ,RANG LAS GZHAN DU GYUR PA NI PHA ROL TE, SEMS CAN THAMS CAD DO, ,DE DAG GI DON NI PHAN PA STE, SHIN TU MTHAR PHYIN PA'I MYA NGAN LAS 'DAS PA STE, BLA NA MED PA'I BYANG CHUB KYI BAR DU'O, ,DE'I PHYIR NI DE'I DON NAM DE'I CHED DU'O, ,DE LTAR NA DE NI GZHAN GYI DON DU BSTAN TE, YANG DAG PAR RDZOGS PA'I BYANG CHUB LA DMIGS PA'I 'DOD PA NI SEMS BSKYED PA'I MTSAN NYID DO, ,DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES BYA BA LA, MDO BZHIN DU ZHES BYA BA NI SHES RAB KYI PHA ROL TU PHYIN PA 'DI NYID BZHIN DU STE, MDO DE LAS MA 'DAS PA 'DI NI MTSAN NYID CES BYA BA'I DON TO, ,'O NA MDO DE LAS NI GLENG GZHI'I GZHUNG BOR NAS 'GRES RNAM PA BZHIS SEMS BSKYED PA'I MTSAN NYID DE YANG BDAG GI DON DANG GZHAN GYI DON RNAM PA MANG POR PHYE NAS, RAB TU MANG PO LA DMIGS PA CHED DU BYA BA MED PAR 'DOD PA'I MTSAN NYID DU BRJOD DE, DES NA 'DI NI MDO JI LTA BA BZHIN DU MA YIN NO ZHE NA, DE'I PHYIR, DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, , CES GSUNGS TE, MDOR YANG DE DANG ZHES BYA BA NI YANG DAG PAR RDZOGS PA'I BYANG CHUB DE NYID TSIG DANG PO GNYIS KYIS BSDUS PA DANG RGYAS PA'I SGO NAS GSUNGS SO, ,DE NI ZHES BYA BA NI GZHAN GYI DON NYID DE, ,TSIG 'OG MA GNYIS KYIS BSDUS PA DANG RGYAS PA'I SGO NAS GSUNGS SO, , MDO LAS YANG GZHAN GYI DON GYI CHED DU SHUGS KYIS BSTAN TE, GANG GI PHYIR GZHAN GYI DON GYI CHED DU BYANG CHUB 'DOD KYI RANG GI DON GYI CHED DU NI MA YIN PAS SO, ,BSTAN BCOS LAS KYANG GZHAN GYI DON GYI 'DOD PA NI SHUGS KYIS BSTAN TE, GANG GI PHYIR 'DOD PA MA YIN PA NI CHED DU BYA BAR @80A *, ,MI 'GYUR BAS SO, ,DE BAS NA BSTAN BCOS KYI MTSAN NYID NI MDO JI LTA BA BZHIN NYID DO, ,DE LA YANG DAG PAR RDZOGS PA'I BYANG CHUB BSDUS PA NI GLENG GZHI LTAG TU BOR NAS DE'I TSE BCOM LDAN 'DAS ZHES BYA BA NAS, 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZON PAR BYA BA'I BAR GYIS BSTAN TO, ,RGYAS PA NI DE LTAR ZHES BYA B NAS, SBYIN PA'I PHA ROL TU PHYIN PA YONGS SU RDZOGS PA'I BYA BA'I BAR GYIS BSTAN TO, ,MDO LAS KYANG SEMS BSKYED PA'I MTSAN NYID 'BA' ZHIG BSTAN PA MA YIN GYI, ,'ON KYANG BDAG DANG GZHAN GYI DON GYI THABS KYANG BSTAN PA YIN NO, ,DE LA RANG GI DON NI YANG DAG PAR RDZOGS PA'I BYANG CHUB BO, ,GZHAN GYI DON NI SEMS CAN THAMS CAD KYI DON NO, ,DE DAG GI THABS NI SHES RAB KYI PHA ROL TU PHYIN PA'I RNAL 'BYOR LA SBYOR BA STE, DE MED PAR DE DAG MI 'GRUB PA'I PHYIR RO, ,DE NYID YANG DAG PAR RDZOGS PA'I BYANG CHUB DE NYID MDO DANG RGYAS PA'I SGO NAS BSTAN TO, ,GZHAN GYI DON YANG GZHAN GYI DON NYID DU MDO DANG RGYAS PA'I SGO NAS BSTAN TE, GZHAN GYI DON BSDUS PA NI GZHAN YANG ZHES BYA BA NAS, LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'GOD PAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES BYA BA'I BAR GYIS BSTAN TO, ,GZHAN GYI DON RGYAS PA NI SER SNA CAN ZHES BYA BA LA SOGS PAS BSTAN TO, ,SEMS BSKYED PA'I MTSAN NYID 'DIR BYANG CHUB SEMS DPA' SEMS DPA' CHEN PO ZHES BYA BA LA, BYANG CHUB SEMS DPA' SEMS DPA' CHEN PO NYID NI 'DIR RIGS LA GRAGS PA'I DON TO, ,DE LTAR SEMS BSKYED PA'I MTSAN NYID MDO BZHIN DU BRJOD NAS, RAB TU DBYE BA, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU BO SPRIN RNAMS KYIS, ,RNAM PA NYI SHU RTZA GNYIS SO, ,ZHES GSUNGS SO, ,DE YANG RDO RJE RI SMAN @80B ZHES BYA BA GSUM LA GSUM PA'I TSIG BSTAN TO, ,BSHES GNYEN DANG, YID BZHIN NOR BU NYI MA GLU ZHES BYA BA BZHI LA GSUM PA'I MANG PO'I TSIG BSTAN TO, ,'DRA BA ZHES BYA BA KHONG NAS DBYUNG STE, TSIG DRUG GI MTHAR GSUM PA'I SBYOR BA YIN NO, ,DE'I DON NI 'DI YIN TE, DE YANG SEMS BSKYED PA NYI SHU RTZA GNYIS TE, 'DI LTAR SA DANG, GSER DANG, ZLA BA LA SOGS PA DANG 'DRA STE, 'DIR TSIGS SU BCAD PA NI, BSAM PA SBYOR DANG LHAG BSAM DANG, ,PHA ROL PHYIN DRUG TSAD MED DAG ,MNGON PAR SHES DANG BSDU DNGOS DANG, SO SO RIG STON TSOGS DAG DANG; ,BYANG CHUB PHYOGS MTHUN ZHI GNAS STZOGS, ,GZUNGS SOGS CHOS KYI MDO BSHAD DANG, ,BGROD GCIG LAM DANG THABS MKHAS PA'O, ,ZHES BSHAD DO, ,DANG PO'I SEMS BSKYED PA LAS GZHAN PA NI GROGS 'DI DAG DANG GO RIMS BZHIN DU LDAN PA YIN TE, 'PHAGS PA BLO GROS MI ZAD PA'I MDO LAS MI ZAD PA BRGYAD CU GSUNGS TE, DE YANG SEMS BSKYED PA NYI SHU RTZA GNYIS KYIS 'GREL TO ZHES MKHAS PAS BSHAD DO, ,DE LTAR NI DANG PO'I SEMS BSKYED PA MI ZAD PA NI SEMS BSKYED PA MI ZAD PA ZHES BRJOD DO, ,LHAG MA'I SEMS BSKYED PA MI ZAD PA NI GCIG BU'I MA YIN TE, 'ON KYANG BSAM PA DANG SBYOR BA LA SOGS PA'I GROGS DANG BCAS PA MI ZAD PA ZHES BRJOD DO, ,DUS MNGA' DUS MTSO DUS LAG PA, ,SUM CU RTZA BDUN LAG RKANG MTSO, ,BCU TSAN GNYIS PA'I THA DAD KYIS, ,MI ZAD BRGYA CU DE DAG YIN, ,DE LA SEMS BSKYED PA DANG PO NI SA DANG 'DRA STE, SANGS RGYAS KYI CHOS THAMS CAD DANG DE'I TSOGS 'PHEL BA'I RTEN DU GYUR BA'I PHYIR RO, ,DE YANG GZHAN YANG ZHES BYA BA NAS, GZHAG PAR BYA'O ZHES BYA BA'I BAR GYIS GSUNGS PA YIN NO, ,DE LA BYANG CHUB SEMS DPA' ZHES BYA BA NI RIGS LA GNAS PA'I CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PAR 'DOD PAS ZHES BYA BA NI YANG DAG PAR RDZOGS PA'I BYANG CHUB 'DOD PA'O, ,SEMS DPA' CHEN PO ZHES BYA BA NI GZHAN GYI DON CHEN PO 'DOD PA'O, ,DE NYID SPYI'I MTSAN NYID DE DANG PO GROGS MED PA'I @81A *, ,MTSAN NYID DO, ,LHAG MA NI GROGS DANG BCAS PA'I MTSAN NYID DO, ,DE DAG LAS BYANG CHUB SEMS DPA' SEMS DPA' ZHES BYA BAS NI SPYI'I MTSAN NYID BSTAN TO, ,BSAM PA LA SOGS PAS NI GROGS BSTAN TO, ,BSAM PA DANG LDAN PA NI GSER BZANG PO DANG 'DRA STE, 'GYUR BA LA MI RTEN PA'I PHYIR RO, ,DE YANG 'DI LTAR ZHES BYA BA LA SOGS PAS GSUNGS TE, 'DI LTAR ZHES BYA BA NI JI LTAR 'CHAD PAR 'GYUR BA BZHIN DU'O, ,GNAS NAS ZHES BYA BA NI DAG PA DANG, 'DUN PA'I MTSAN NYID KYI BSAM PAS GNAS PA'O, ,MI GNAS PA'I TSUL GYIS ZHES BYA BA MI GNAS PA DANG, GNAS PAR BYED PA DANG GNAS PA'I GZHI MI DMIGS PAS SO, ,SBYOR BA DANG LDAN PA NI ZLA BA YAR GYI NGO TSES PA DANG 'DRA STE, DGE BA'I CHOS 'PHEL BAR 'GYUR BA'I PHYIR RO, ,DE YANG DE LTAR ZHES BYA BA LA SOGS PA GSUNGS TE, DE LTAR ZHES BYA BA NI BSHAD PA'I RIM PAS SO, ,GNAS PA ZHES BYA BA NI BSAMS LA GNAS NAS SO, ,YAR GYI NGO NI DRAN PA NYE BAR GZHAG PA LA SOGS PA NAS BTANG SNYOMS CHEN PO'I BAR DU DKAR PO'I CHOS THAMS CAD KYI TSOGS SO, ,SBYOR BA NI GOMS PA'O, ,DE YANG SKYE BA DANG 'PHEL BA STE, YAR GYI NGO'I ZLA BA TSES PA BZHIN NO, ,KHYAD PAR RTOGS PAR BYA BA'I PHYIR BSAM PA NI LHAG PA'I BSAM PA'O, ,DE DANG LDAN PA NI ME DANG 'DRA BA STE, DE NAS DE SHING GI BYE BRAG GIS ME BZHIN DU KHYAD PAR DU 'GRO BA'I PHYIR RO, ,DE YANG THAMS CAD MKHYEN PA NYID CES BYA BA LA SOGS PA GSUNGS TE, 'DIR YANG CHOS KHYAD PAR CAN 'DOD PAS LHAG PA'I BSAM PA MTSON PA YIN NO, ,DE'I 'OG TU PHA ROL TU PHYIN PA DRUG DANG LDAN PA'I SEMS BSKYED PA DRUG TU BRJOD PAR BYA STE, DES NA DE DAG GI MTSAN NYID RNAM PA LNGAR BRJOD DE, RIGS NYID DANG, SMON LAM NYID DANG, BSAM PA NYID DANG, DNGOS PO NYID DANG, RANG GI NGO BO NYID DO, ,DE LA RIGS NI CHOS NYID DE, BYANG CHUB SEMS DPA' GANG CHOS NYID GANG LA GNAS NAS BYANG CHUB KYI SEMS LA GNAS TE, SNYING RJE SNGON DU 'GRO BA'I SEMS KYIS DNGOS PO THAMS CAD YONGS @81B SU GTONG BA'O, ,DE BZHIN DU SDOM PA YANG DAG PAR BLANGS PA THAMS CAD BSRUNG BA DANG, DE BZHIN DU GNOD PAR BYED PA THAMS CAD LA JI MI SNYAM PA DANG, SDUG BSNGAL DANG DU LEN PA DANG, CHOS LA NGES PAR SEMS PA'I BZOD PA'O, ,DE BZHIN DU LUS DANG NGAG DANG YID KYI LAS KYI DGE BA'I CHOS THAMS CAD LA SGRUB PAR SPRO BA STE, GO RIMS JI LTA BA BZHIN DU SBYIN PA DANG, TSUL KHRIMS DANG, BZOD PA DANG, BRTZON 'GRUS KYI PHA ROL TU PHYIN PA'O, ,DE BZHIN DU LUS DANG, NGAG DANG YID KYI LAS RNAM PA THAMS CAD DU ZIL GYIS MNAN TE, SEMS RNAM PA THAMS CAD DU GNAS PA DANG, RNAM PA THAMS CAD DU CHOS RAB TU RNAM PAR 'BYED PA GANG YIN PA DE DAG NI GO RIMS BZHIN DU BSAM GTAN DANG SHES RAB KYI PHA ROL TU PHYIN PA'O, ,SBYIN PA DANG LDAN PA NI GTER CHEN PO BZHIN TE, ZANG ZING GI LONGS SPYOD KYIS SEMS CAN DPAG TU MED PA TSIM PAR BYED PA DANG, MI ZAD PA'I PHYIR RO, ,DE YANG SER SNA CAN ZHES BYA BA LA SOGS PA GSUNGS SO, ,TSUL KHRIMS KYI PHA ROL TU PHYIN PA DANG LDAN PA NI RIN PO CHE'I 'BYUNG KHUNGS LTA BU STE, DE LAS YON TAN RIN PO CHE THAMS CAD 'BYUNG BA'I PHYIR RO, ,DE YANG TSUL KHRIMS 'CHAL BA ZHES BYA BA LA SOGS PA GSUNGS SO, ,RIN PO CHE'I 'BYUNG KHUNGS NI RIN PO CHE 'BYUNG BA'I RI LA SOGS PA'O, ,BZOD PA'I PHA ROL TU PHYIN PA DANG LDAN PA NI RGYA MTSO DANG 'DRA STE, NYAM NGA BA 'BYUNG BA THAMS CAD KYIS MI 'KHRUGS PA'I PHYIR RO, ,DE YANG GNOD SEMS LA SOGS PA ZHES BYA BA LA SOGS PA GSUNGS SO, ,BRTZON 'GRUS KYI PHA ROL TU PHYIN PA DANG LDAN PA NI RDO RJE DANG 'DRA BA STE MI SHIGS PA NYID KYIS SRA BA'I PHYIR RO, ,DE YANG LE LO ZHES BYA BA LA SOGS PA GSUNGS SO, ,BSAM GTAN GYI PHA ROL TU PHYIN PA DANG LDAN PA NI RI'I RGYAL PO DANG 'DRA STE, G-YENG BAS MI G-YO BA'I PHYIR RO, ,DE YANG RNAM PAR G-YENG BA'I SEMS ZHES BYA BA LA SOGS PAS GSUNGS SO, ,SHES RAB KYI PHA ROL TU PHYIN PA DANG LDAN PA NI SMAN GYI RGYAL PO LTA BU STE, SGRIB PA THAMS CAD KYI NAD RAB TU ZHI BAR BYED PA'I PHYIR RO, ,DE YANG SHES RAB 'CHAL @82A *, ,PA ZHES BYA BA LA SOGS PAS GSUNGS SO, ,TSAD MED PA BZHI DANG LDAN PA NI MDZA' BO CHEN PO DANG 'DRA STE, GNAS SKABS THAMS CAD DU SEMS CAN RNAMS YAL BAR MI 'DOR BA'I PHYIR RO, ,TSAD MED PA BZHI NI SEMS CAN TSAD MED PA LA DMIGS PA'I BYAMS PA DANG, SNYING RJE DANG, DGA' BA DANG, BTANG SNYOMS DAG STE, GO RIMS BZHIN DU DE DAG BDE BA SKYED PA DANG, SDUG BSNGAL BSAL BA DANG, BDE BA LA GNAS PA DANG, NYON MONGS PA'I GNYEN PO DANG LDAN PA'I BSAM PAS TING NGE 'DZIN BSKYED PA STE, DE YANG DGE BA'I SEMS BSKYED PA GCIG TZAM YANG ZHES BYA BA NAS, SANGS RGYAS DANG BYANG CHUB SEMS DPA' RNAMS DANG MI 'BRAL ZHES BYA BA'I BAR GYIS GSUNGS SO, ,'DIR YANG SEMS CAN THAMS CAD LA ZHES BYA BA NI SEMS CAN THAMS CAD KYI DON GYI PHYIR RO, ,DE NI GONG DANG 'OG TU YANG SBYAR BAR BYA'O, ,SEMS CAN THAMS CAD KYI DON GYI PHYIR ZHES BYA BA 'DI NI BZOD PAR 'DOD PA ZHES BYA BA 'DIR YANG SBYAR TE, SEMS CAN LA LTOS PA ZHES BYA BA NI SEMS CAN LA RJES SU BRTZE BA'I PHYIR RO, ,'DI NI PHYI MAR YANG SBYAR BAR BYA'O, ,DE LA 'DIR TSIG GSUM GYIS NI TSAD MED PA RNAMS BSTAN LA, LHAG MA RNAMS KYIS NI DE'I 'BRAS BU'O, ,MNGON PAR SHES PA DANG LDAN PA NI YID BZHIN GYI NOR BU DANG 'DRA STE, JI LTAR MOS PA BZHIN DE'I 'BRAS BU 'BYOR BA'I PHYIR RO, ,DE YANG SANGS RGYAS DANG BYANG CHUB SEMS DPA' RNAMS DANG MI 'BRAL BAR 'DOD PA ZHES BYA BA NAS, GZHAN YANG ZHES BYA BA LA SOGS PA'I TSIG GSUM GYIS GSUNGS SO, ,'DIR GNAS PAR 'DOD PA ZHES BYA BA NI TSE RING BAR GNAS PAR 'DOD PA'O, ,GANG DANG GANG GIS ZHES BYA BA NI MNGON PAR SHES PA RNAMS KYIS SO, ,BSDU BA'I DNGOS PO DANG LDAN PA NI NYI MA DANG 'DRA STE, GDUL BYA'I LO THOG YONGS SU SMIN PAR BYED PA'I PHYIR RO, ,DE YANG BSDU BA'I DNGOS PO GO RIMS BZHIN DU BSTAN PA'I PHYIR GZHAN YANG ZHES BYA BA LA SOGS PA'I TSIG BZHIS GSUNGS SO, ,SEMS CAN RNAMS BSDU BA NI SEMS CAN RNAMS YANG DAG PAR BSDUD PAS @82B NA BSDU BA'O, ,DE'I DNGOS PO NI THABS TA, SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA DAG GO, ,DE LA GTZO BO NI SNYAN PAR SMRA BA STE, PHA ROL TU PHYIN PA DRUG STON PA'O, ,MI ZAD PAR BYED PAR 'DOD PAS ZHES BYA BAS NI SEMS CAN GYI DON SPYOD PAS SO, , STON PAS ZHES BYA BA NI DON MTHUN PA'O, ,SO SO YANG DAG PAR RIG PA DANG LDAN PA NI DRI ZA'I DBYANGS SNYAN PA LTA BU STE, GDUL BYA 'DUN PAR BYED PA'I CHOS STON PA YIN PA'I PHYIR RO, ,DE YANG GZHAN YANG ZHES BYA BA LA SOGS PA'I TSIG GSUM GYIS GSUNGS TE, 'DI LTAR TING NGE 'DZIN GYI STOBS KYIS MNGON SUM DU THOGS PA MED PAR SHES PA NI YANG DAG PAR RIG PA'O, ,MA LUS PAR YANG DAG PAR RIG PA NI SO SO YANG DAG PAR RIG PA'O, ,DE YANG DMIGS PA'I DBYE BAS RNAM PA BZHI STE, CHOS SO SO YANG DAG PAR RIG PA DANG, DON SO SO YANG DAG PAR RIG PA DANG, NGES PA'I TSIG SO SO YANG DAG PAR RIG PA DANG, SPOBS PA SO SO YANG DAG PAR RIG PA'O, ,DE LA CHOS NI CHOS THAMS CAD KYI RNAM GRANGS SO, ,DON NI DE DAG GI MTSAN NYID DO, ,NGES PA'I TSIG NI DE DAG GI NGES PA'I TSIG GO, ,SPOBS PA NI DE DAG GI RNAM PAR DBYE BA'O, ,CHOS 'DI THAMS CAD NI GNYIS TE, CHOS DANG CHOS NYID KYIS BSDUS PA'I PHYIR RO, ,DE LA CHOS NYID NI STONG PA NYID DE'I DBANG DU BYAS NAS, NANG STONG PA NYID LA SOGS PA NAS YANG DAG PA'I MTHA' DANG, DE BZHIN NYID CES BYA BA LA SOGS PA'I TSIG GIS GSUNGS SO, ,'DIR YANG SLOB PAR 'DOD PA ZHES BYA BA NI THOGS PA MED PA'I YE SHES 'DOD PAS SO, ,'DI NYID 'DI'I SPOBS PA SO SO YANG DAG PAR RIG PA'O, ,DE LTAR ZHES BYA BA LA SOGS PAS NI DPE BSTAN TE, JI LTAR 'DI LA RNAM PAR DBYE BAS BSLAB PAR BYA BA DE BZHIN DU CHOS DANG DON DANG NGES PA'I TSIG LA YANG BSLAB PAR BYA'O ZHES BYA BA'I DON TO, ,DE BZHIN NYID DANG, YANG DAG PA'I MTHA' DANG, MTSAN MA MED PA ZHES BYA BA LA SOGS PA NI 'DIR CHOS SO SO YANG DAG PAR RIG PA'O, ,'DI'I MTSAN NYID NI MTSAN NYID BCU GCIG LAS YANG DAG PAR 'DAS PA STE, 'DI LTA STE, @83A *, ,GZUNG BA'I MTSAN NYID LAS YANG DAG PAR 'DAS PA DANG, 'DZIN PA'I MTSAN NYID LAS YANG DAG PAR 'DAS PA DANG, DNGOS PO'I MTSAN NYID LAS YANG DAG PAR 'DAS PA ZHES BYA BA LA SOGS PA NI DON SO SO YANG DAG PAR RIG PA'O, ,DE BZHIN NYID NI RTAG TU DE BZHIN PAS TE 'GYUR BA MED PA'I PHYIR RO, ,YANG DAG PA NI DE BZHIN NYID DO, ,DE'I MTHA' NI RTZE MO STE, DE LAS LHAG PA'I DE KHO NA NYID YOD PA MA YIN PAS YANG DAG PA'I MTHA' ZHES BYA BA LA SOGS PA NI NGES PA'I TSIG SO SO YANG DAG PAR RIG PA'O, ,CHOS MTHA' YAS PA DE DAG NI MTHA' YAS PA STE, SO SO YANG DAG PAR RIG PA BZHIS BSDUS SO, ,RGYA CHER NI CHOS MNGON PA'I BSTAN BCOS LAS RTOGS PAR BYA'O, ,DE YANG DPER BRJOD PA TZAM ZHIG YIN TE, GZHAN YANG ZHES BYA BA LA SOGS PAS GSUNGS SO, ,'DI YANG SPOBS PA SO SO YANG DAG PAR RIG PA STE, RDUL PHRA RAB MANG POS SHES SHING RTOGS PA'I PHYIR RO, ,RTON PA DANG LDAN NI RGYAL PO LTA BU STE, CHUD MI ZA BA'I RGYU YIN PA'I PHYIR RO, ,GANG GI PHYIR RGYAL PO'I LCAGS KYUS SKYES BU DAG DAG LA LOG PAR MI GTONG STE, RTON PA'I LCAGS KYUS BYANG CHUB SEMS DPA' YANG DE DANG 'DRA'O, ,DE YANG GZHAN YANG ZHES BYA BA LA SOGS PA'I TSIG GNYIS DANG DRIS PA DANG LAN GYI TSIG GNYIS KYIS GSUNGS SO, ,DE LTAR SHES PA ZHES BYA BA NI DE NYID SHES PA STE, DON LA RTON GYI TSIG 'BRU LA MA YIN TE, DES NA PHAL PA'I SKAD DU CHOS STON KYANG GUS PAR NYAN PAR BYED DO, ,GZHAN YANG ZHES BYA BA'I TSIG GNYIS PA LA, THABS LA MKHAS PA SBYIN PAR BYA BA DANG, SBYIN PA PO LA SOGS PA MI DMIGS PA'I SHES RAB KYI PHA ROL TU PHYIN PA STONG PA NYID NI RIGS PAS GRUB PA STE, RIGS PAS MTSAN MA DANG LDAN PA'O, ,DES NI CHOS LA RTON GYI, GANG 'DI LTAR CHOS THAMS CAD STONG PA NYID MA YIN NO ZHES SMRAS PA'I GANG ZAG LA NI MA YIN NO, ,SANGS RGYAS BCOM LDAN 'DAS NI MCHOG TU TSAD MAR GYUR PA YIN TE, DES NA NGES PA'I DON GYI MDO SDE LA RTON GYI, DRANG BA'I DON GYI MDO SDE LA NI @83B MA YIN NO, ,BSGOMS PA LAS BYUNG BA'I SHES PA NI YE SHES SO, ,THOS PA DANG BSAMS PA LAS BYUNG BA NI RNAM PAR SHES PA STE, DES NA YE SHES KYIS GZIGS PA GANG YIN PA DE RNAM PAR SHES PAS MTHONG BA NI MA YIN NO, ,DE'I PHYIR YE SHES LA RTON GYI, RNAM PAR SHES PA LA NI MA YIN NO, , RTON PA 'DI GNYIS NI ZHUS PA DANG LAN GYIS GSUNGS TE, DE LTAR NA SANGS RGYAS BCOM LDAN 'DAS KYIS 'DI NI NGES PAR MDZAD PA STE DE LA RTON PAR BYA'O, ,DE NAS SH'A RI'I BU NI RNAM PAR SHES PA STE, ZHU BA PO YIN NO, ,DE BZHIN GSHEGS PA NI YE SHES YIN TE, LAN BKA' STZAL BA YIN NO; ,BSOD NAMS DANG YE SHES KYI TSOGS DANG LDAN PA NI MDZOD LTA BU STE, BSOD NAMS DANG YE SHES KYI TSOGS MANG PO'I MDZOD KYI GNAS YIN PA'I PHYIR RO, ,DE YANG GZHAN YANG ZHES BYA BA TSIG DGUS GSUNGS TE, DE LA TSIG BDUN GYIS NI TSUL KHRIMS DANG BSGOMS PA LAS BYUNG BA'I BSOD NAMS KYI TSOGS KYI PHUNG PO CHEN PO BSTAN TE, DE GNYIS MED PAR NI DE LTA BU'I MNGON PAR SHES PA MI SRID PA'I PHYIR RO, ,TSIG BRGYAD PAS NI SBYIN PA LAS BYUNG BA'I BSOD NAMS BSTAN TE, GSUM PO DES NI BSOD NAMS BSTAN TO, ,DGU PAS NI YE SHES KYI TSOGS BSTAN TO, ,BYANG CHUB KYI PHYOGS DANG LDAN PA NI LAM PO CHE LTA BU STE, 'PHAGS PA'I GANG ZAG THAMS CAD GSHEGS SHING RJES SU GSHEGS PA'I PHYIR RO, ,DE YANG GZHAN YANG ZHES BYA BA LA SOGS PA'I TSIGS GSUM GYIS GSUNGS TE, 'DIR SHES RAB KYI PHA ROL TU PHYIN PA NI BYANG CHUB KYI PHYOGS KYI CHOS SUM CU RTZA BDUN GYI MTSAN NYID DO, ,GZHAN THAMS CAD NI DE'I 'BRAS BUR BSTAN TO, ,ZHI GNAS DANG LHAG MTHONG DANG LDAN PA NI THEG PA LTA BU STE, BDE BLAG TU KHYER BA'I PHYIR RO, ,DE YANG NYAN THOS ZHES BYA BA LA SOGS PA NAS BRTZAMS TE 'DAS PA'I DE BZHIN GSHEGS PA LA SOGS PA'I ZHING BLTA BAR 'DOD PA'I BAR GYES GSUNGS SO, ,'DIR SHES RAB KYI PHA ROL TU PHYIN PA NI ZHI GNAS DANG LHAG MTHONG GI MTSAN NYID DO, ,GZHAN THAMS CAD NI DE'I 'BRAS BU'O, ,'DI LA CHU YOD PAS NA CHU STE, LDAN PA'I DON LA AA RKYEN DU BYA'O, ,BKOD MA YANG YIN LA CHU YANG YIN PAS BKOD MA'I CHU'O, , @84A *, ,GZUNGS DANG SPOBS PA DANG LDAN PA NI BKOD MA LTA BU STE, CHU SKYE ZHING MI ZAD PAR 'DZIN PA DANG CHOS DANG MTHUN PAR THOS PA DANG MA THOS PA'I CHOS DANG DON 'DZIN CING 'BYIN PA'I PHYIR RO, ,DE YANG SHAR PHYOGS ZHES BYA BA NAS, STENG GI PHYOGS ZHES BYA BA'I BAR GYIS GSUNGS SO, ,CHOS BSHAD PA DANG LDAN PA NI KUN TU DGA' BA'I SGRA DANG 'DRA STE, THAR PA 'DOD PA'I GDUL BYA RNAMS LA SNYAN PA THOS PAR BYED PA'I PHYIR RO, ,DE YANG SHAR PHYOGS ZHES BYA BA LA SOGS PA'I PHYOGS BCU'I BSTAN PA DANG BSHAD PA'I TSIG GNYIS GSUNGS PAS NI CHOS KYI MDO BZHI BSTAN TO, ,'DIR YANG SHES RAB KYI PHA ROL TU PHYIN PA ZHES BYA BA LA, PHYOGS BCU'I 'JIG RTEN GYI KHAMS THAMS CAD DU CHOS KYI MDO BZHI BSTAN PA'O, ,CHOS KYI MDO BZHI NI 'DU BYED THAMS CAD MI RTAG PA, ZAG PA DANG BCAS PA'I CHOS THAMS CAD NI SDUG BSNGAL BA, CHOS THAMS CAD NI BDAG MED PA, MYA NGAN LAS 'DAS PA NI ZHI BA'O, ,CHU BO ZHES BYA BA NI CHU RGYUN NO, ,BGROD PA GCIG PA'I LAM DANG LDAN PA NI KLUNG GI RGYUN DANG 'DRA STE, MI SKYE PA'I CHOS LA BZOD PA THOB NA RANG GI NGANG GIS 'BYUNG BA'I PHYIR RO, ,BGROD PA GCIG PA NYID NI DER GTOGS PA'I BYANG CHUB SEMS DPA' RNAMS KYI BYA BA BYED PA THA MI DAD PA'I PHYIR RO, ,DE YANG SHAR LA SOGS PA'I PHYOGS BCU DAG TU LONG BA DANG, 'ON PA LA SOGS PA'I TSIG GIS GSUNGS SO, ,'DIR YANG SHES RAB KYI PHA ROL TU PHYIN PA NI BGROD PA GCIG PA'I LAM GYI MTSAN NYID DO; ,GZHAN THAMS CAD NI DE'I 'BRAS BU'O, ,THABS LA MKHAS PA DANG LDAN PA NI SPRIN LTA BU STE JI LTAR SNOD KYI 'JIG RTEN GYI 'BYOR PA THAMS CAD SPRIN LAS BYUNG BA LTAR, ,DGA' LDAN GYI GNAS KYI GNAS NA BZHUGS PA LA SOGS PA STON PA'I SGO NAS SEMS CAN THAMS CAD KYI DON BYA BA RNAM PA DE LA RAG LAS PA'I PHYIR RO, ,DE YANG DE BZHIN GSHEGS PA'I SPYOD LAM ZHES BYA BA NAS BRTZAMS PA NAS, 'DOD PA'I YON TAN LNGA ZHES BYA BA'I BAR GYIS GSUNGS SO, ,DE DAG GIS NI SEMS BSKYED PA NYI SHU RTZA GNYIS BSTAN TO, ,DA NI GDAMS NGAG BRJOD PAR BYA STE, KHONG @84B DU CHUD PAR BYA BA'I PHYIR BRJOD PA NI GDAMS NGAG STE, YANG DAG PAR RDZOGS PA'I DON GYI MAN NGAG NYE BAR GDAMS PA'O, ,DE YANG YUL GYI BYE BRAG GIS RNAM PA BCU STE, SGRUB DANG BDEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG; ,LAM NE YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA LA GDAMS NGAG NI, ,BCU YI BDAG NYID SHES PAR BYA, ,ZHES BYA BA GSUNGS PA YIN NO, ,SGRUB PA NI SPYOD PA'O, ,GANG LA ZHE NA, SHES RAB KYI PHA ROL TU PHYIN PA LA STE, SKABS NYID YIN PA'I PHYIR RO, ,DE YANG 'DI SKAD DU TSE DANG LDA PA ZHES BYA BA LA SOGS PA NAS, DE LTAR SPYOD NA BYANG CHUB SEMS DPA' SHES RAB KYI PHA ROL TU PHYIN PA LA SPYOD DO ZHES BYA BA'I BAR GYIS GSUNGS SO, ,DE MAN CHAD KYI NI PHAN YON BSTAN TE, DE YANG SANGS RGYAS KYI CHOS SBYIN PAR BYED PA ZHES BYA BA'I BAR GYIS ZHUS PA DANG LAN GYIS GSUNGS SO, ,'DIR SHES RAB KYI PHA ROL TU PHYIN PA NI RNAM PAR MI RTOG PA'I YE SHES TE, RNAM PAR G-YENG BA'I RNAM PAR RTOG PA BCU'I GNYEN PO'O, ,DE DAG KYANG GANG DAG YIN ZHE NA, 'DIR TSIGS SU BCAD PA NI, DNGOS PO MED DANG DNGOS PO DANG, ,SGRO 'DOGS PA DANG SKUR 'DEBS DANG, ,GCIG PA NYID DANG THA DAD DANG, ,NGO BO NYID DANG KHYAD PAR DANG, ,MING NI JI BZHIN DON DANG NI, ,DON NI JI BZHIN MING LA ZHE NA, ,RNAM PAR G-YENG BA'I RNAM RTOG GANG, ,DE NI RNAM PA BCUR BSHAD DO, ,DE LA DNGOS PO MED PA'I RNAM PAR RTOG PA'I GNYEN POR NI BYANG CHUB SEMS DPA' NYID YOD BZHIN DU ZHES GSUNGS TE, BYANG CHUB SEMS DPA' NYID NI CHOS NYID KYI TSUL DU YOD DO ZHES BYA BA'I DON TO, ,DNGOS PO'I RNAM PAR RTOG PA'I GNYEN POR NI BYANG CHUB SEMS DPA' LA SOGS PA YANG DAG PAR RJES SU MI MTHONG NGO ZHES GSUNGS, NYE BAR MI DMIS PA'O ZHES BYA BA'I DON TO, ,'DIS NI GANG ZAG DANG CHOS KYI DNGOS PO BKAG PA'I PHYIR RO, ,GAL TE GZUGS LA SOGS PA'I STONG PA NYID CHOS NYID YIN NA, DE LTA NA NI @85A *, ,GZUGS LA SOGS PA YANG YOD PAR 'GYUR BAS, ,DES NA SGRO 'DOGS PA'I RNAM PAR RTOG PA'I GNYEN POR BYANG CHUB SEMS DPA' ZHES BYA BA LA SOGS PA GSUNGS SO, ,BYANG CHUB SEMS DPA' LA SOGS PA NI SGRA'I BRJOD PAR BYA BA'O, ,RANG BZHIN NI BYANG CHUB SEMS DPA' LA SOGS PA'I RANG BZHIN TE, DE NI DES STONG PA STE, DES NA DE DMIGS SU MED DO, ,DE LTAR NA NI MED NA STONG PA NYID KYANG MED PAR 'GYUR BAS SKUR BA 'DEBS PA 'DI'I GNYEN POR RANG BZHIN GYIS ZHES BYA BA LA SOGS PA GSUNGS SO, ,'DIR YANG NGO BO NYID NI RNAM PA GSUM STE, CHOS THAMS CAD NI KUN BRTAGS PA DANG, GZHAN GYI DBANG DANG, YONGS SU GRUB PA'O, ,JI LTAR SNANG BA BZHIN DU YOD PA MA YIN PA NI KUN TU BRTAGS PA'O, ,GANG RANG BZHIN MED KYANG SNANG BA'I TSUL DU YOD PA DE NI RTEN CING 'BREL BAR 'BYUNG BA YIN PA'I PHYIR GZHAN GYI DBANG NGO, , DANG POS GNYIS PA STONG ZHING BRAL BA DE NI YONGS SU GRUB PA STE, RTAG PA'I NGO BO NYID YIN PA'I PHYIR RO, ,'DI LA YANG, BCOM LDAN 'DAS KYIS GO RIMS BZHIN DU BRTAGS PA DANG, RNAM PAR RTOG PA DANG, CHOS NYID KYIS BSTAN TO, ,DE LTAR YANG MDZAD PA'I SKABS LAS STON PAR 'GYUR TE, NGO BO NYID RNAM PA GSUM STE, BRTAGS PA'I NGO BO DANG, RNAM PAR RTOG PA'I NGO BO DANG, CHOS NYID KYI NGO BO ZHES BYA BA LA SOGS PA'O, ,DE BAS NA 'DI'I ZHES BYA BA NI RNAM PAR BRTAGS PA'I GZUGS SO, ,'DI ZHES BYA BA NI KUN BRTAGS PA'I GZUGS KYIS STONG PA'O, , RANG BZHIN ZHES BYA BA LA NI DE NYID LA RTAG TU YOD PA'I PHYIR RO, ,'DI LTAR ZHES BYA BA NI GANG GI PHYIR RO, ,STONG PA NYID CES BYA BA NI KUN BRTAGS PA'I NGO BO NYID KYIS STONG PA'O, ,GZUGS ZHES BYA BA NI RNAM PAR BRTAGS PA'I GZUGS TE, DES STONG PA NYID MA YIN PA NI 'DI LA STONG PA NYID DE RTAG TU YOD PA'I PHYIR RO, ,DE BZHIN DU RNAM PAR SHES PA'I BAR DU SBYAR BAR BYA'O, ,GAL TE DE DANG DE GNYIS RANG BZHIN GCIG PA YIN PA DE'I TSE, DE GNYIS GCIG TU RNAM PAR RTOG PA 'DI'I GNYEN POR GZUGS KYI STONG PA NYID GANG YIN PA DE GZUGS MA YIN NO ZHES BYA BA LA SOGS PA @85B GSUNGS TE, MTSAN NYID KYI DBYE BAS GCIG PA MA YIN NO ZHES BYA BA'I DON TO, ,GAL TE GCIG PA MA YIN TE, THA DAD PA NYID YIN PA DE'I TSE NI THA DAD PA NYID DU RNAM PAR RTOG PA 'DI'I GNYEN POR GZUGS NI STONG PA NYID LAS GZHAN MA YIN NO ZHES BYA BA LA SOGS PA GSUNGS TE, GZHAN MA YIN NO ZHES BYA BA NI THA DAD PA MA YIN NO ZHES BYA BA'I DON TO, ,CHOS LAS CHOS NYID KYI NGO BO GZHAN MA YIN NO ZHES BYA BAR DGONGS SO, ,DE ZHES BYA BA NI GCIG PA NYID DU'O, ,GANG GI PHYIR ZHES BYA BA NI DRI BA'O, ,LAN DU GZUGS ZHES BYA BA LA SOGS PA GSUNGS SO, , 'DIR GZUGS ZHES BYA BA NI CHOS NYID KYI GZUGS SO, ,DE BZHIN DU RNAM PAR SHES PA'I BAR DU SBYAR RO, ,GZUGS LA SOGS PA'I STONG PA NYID DANG, CHOS NYID KYI GZUGS NI PHAN TSUN GCIG PA NYID DE, ,MTSAN NYID THA DAD PA MED DO ZHES BYA BAR DGONGS SO, ,DE CI'I PHYIR ZHES BYA BA LA SOGS PA LA, BYANG CHUB SEMS DPA' LA SOGS PA MED PA GANG ZHE NA, DE'I PHYIR BYANG CHUB SEMS DPA' ZHES BYA BA SMOS TE, SKYE BA DANG 'GAG PA'I TSUL GYIS NGO BO NYID YOD PAS KHYAD PAR YOD PAR 'GYUR TE, NGES PA'I SHES PA'I YUL YIN PA'I PHYIR RO, ,DES NA RE ZHIG NGO BO NYID KYI RNAM PAR RTOG PA'I GNYEN POR, RAB 'BYOR 'DI LTA STE, GZUGS ZHES BYA BA 'DI NI MING TZAM MO ZHES BYA BA LA SOGS PA GSUNGS TE, MING NI DON GYIS STONG PA'I MING TZAM MO, ,KHYAD PAR GYI RNAM PAR RTOG PA'I GNYEN POR NI NGO BO NYID MI SKYE MI 'GAG ,KUN NAS NYON MONGS PA MA YIN, RNAM PAR BYANG BA MA YIN NO ZHES BYA BA GSUNGS SO, ,DE CI'I PHYIR ZHES BYA BA LAS MING TZAM NYID CES BYA BA GA LAS ZHES PA'O, ,'DI LTAR GAL TE MING GI DNGOS PO LA MED PA DE'I TSE NI DNGOS PO LA RAG LAS PA'I MING GI THA SNYAD KYANG MED PAR 'GYUR RO, , DES NA MING JI LTA BA BZHIN DU DON LA RNAM PAR RTOG PA'I GNYEN POR 'DI LTAR MING BCOS MA LAS CHOS DE DAG SO SOR BRTAGS NAS ZHES BYA BA LA SOGS PA GSUNGS TE, BCOS MA ZHES BYA BA NI BRDA TZAM MO, ,CHOS SO SO LA ZHES BYA BA NI CHOS DANG CHOS LA'O, ,BCOS MA ZHES BYA BA NI BRDA LA @86A *, ,BRTEN PA'O, ,DE DAG CES BYA BA NI CHOS SO, ,BRTAGS PA ZHES BYA BA NI SGRO BTAGS PA STE, DNGOS PO LA DE'I DON MED PAS GLO BUR DU MING DU THA SNYAD BTAGS PA STE YOD PA MA YIN NO, ,'O NA MING DON THAMS CAD JI LTA BA BZHIN DU 'GYUR TE MING YIN PA'I PHYIR; SANGS RGYAS ZHES BYA BA'I TSIG BZHIN NO ZHE NA, DON JI LTA BA BZHIN DU MING LA ZHEN PA'I RNAM PAR RTOG PA'I GNYEN POR DE BYANG CHUB SEMS DPAS MING DE DAG YANG DAG PAR RJES SU MI MTHONG ZHES BYA BA LA SOGS PA GSUNGS SO, ,MING THAMS CAD CES BYA BA NI DNGOS PO THAMS CAD BRJOD PA'O, ,MI MTHONG ZHES BYA BA NI MI DMIGS PA STE, MING GI DON DNGOS PO MED PA'I PHYIR RO, ,SANGS RGYAS ZHES BYA BA'I TSIG GI BRDA JI LTA BA BZHIN LA DNGOS PO MI SNANG BA'I SGO NAS DNGOS PO LA MI SLU BA YIN GYI, DNGOS PO SNANG BA'I PHYIR NI MA YIN NO, ,GZHAN YANG ZHES BYA BA LA SOGS PA NI NYE BAR SDUD PA'O, ,'DI LTA STE DPER NA ZHES BYA BA NI MDO SDE PA LA SOGS PA'I DPE YIN NO, ,DE LA ZHES BYA BA NI RJOD PAR BYED PA YANG YIN NO, ,GAL TE SH'A RI'I BU 'DZAM BU'I GLING ZHES BYA BA NAS SANGS RGYAS DANG, SANGS RGYAS KYI CHOS RNAMS ZHES BYA BA'I BAR GYIS BSGRUBS PA'I PHAN YON NO, ,PHAN YON DANG BCAS PA'I SGRUB PA'I GDAMS NGAG RGYA CHER BSTAN NO, ,DA NI BDEN PA'I GDAMS NGAG BRJOD PAR BYA STE, 'PHAGS PA'I BDEN PA BZHI NI SDUG BSNGAL DANG, KUN 'BYUNG BA DANG, 'GOG PA DANG, LAM MO, ,DE DAG LA BYANG CHUB SEMS DPA' JI LTAR LDAN PA DANG, RAB TU LDAN PAR 'GYUR BA DE LTAR BDEN PA'I GDAMS NGAG STON PAR MDZAD DE, DE LA SDUG BSNGAL GYI BDEN PA'I DBANG DU BYAS NAS, DE BZHIN DU ZHES BYA BA LA SOGS PA NAS, LDAN PA DANG MI LDAN PA ZHES BYA BAR YANG DAG PAR MI MTHONG NGO ZHES BYA BA'I BAR DU GSUNGS TE, DE LTAR NA SDUG BSNGAL YONGS SU SHES PAR BYA BA NI SDUG BSNGAL KHO NA SHES PAR BYA BA MA YIN GYI, 'ON KYANG 'PHAGS PA'I BDEN PA BZHI PO DAG KYANG NGO, ,DE DAG GIS KYANG CHOS THAMS CAD YANG DAG PAR BSDUS TE, DES NA PHUNG @86B PO DANG, KHAMS DANG, SKYE MCHED DANG, BDEN PA DANG, RTEN CING 'BREL PAR 'BYUNG BA STE, DE RNAMS KYI DBYE BAS TSOGS LNGAR BYAS TE, DE DAG GI STONG PA NYID DANG, NANG STONG PA NYID LA SOGS PA LA YANG LDAN PA DANG MI LDAN PA ZHES BRJOD PAR BYA'O, ,DE TZAM KHO NA YANG MA YIN GYI, 'ON KYANG GANG GI TSE DE DAG LA LDAN PA DANG MI LDAN PA NYID DU JI LTAR YANG MI MTHONG BA DE'I TSE LDAN PA ZHES BRJOD PAR BYA BA STE, DE NI SDUG BSNGAL GYI BDEN PA LA GDAMS PA'O, ,KUN 'BYUNG GI BDEN PA'I DBANG DU BYAS NAS DE LA GZUGS MED DO ZHES BYA BA LA SOGS PA NAS, RNAM PAR SHES PA NYID STONG PA'O, ,STONG PA NYID RNAM PAR SHES PA'O ZHES BYA BA'I BAR GYIS GSUNGS SO, ,DE LTAR NA KUN 'BYUNG SPANG BAR BYA'O, ,GANG GI PHYIR GZUGS LA SOGS PA DE LAS 'BYUNG BA MA YIN PA DE'I PHYIR RGYU MA YIN TE DES NA JI LTAR KUN 'BYUNG YIN, GANG GI PHYIR 'GOG PA'I CHOS CAN MA YIN PA DE JI LTAR SPANG BAR BYA BA YIN, JI LTAR 'DI MA SPANGS PAS NI 'GA' YANG KUN NAS NYON MONGS PAR MI 'GYUR LA, SPANGS PAS NI 'GA' YANG RNAM PAR BYANG BAR MI 'GYUR NA, 'DI JI LTAR SPANG BAR BYA BA YIN, CI STE SDUG BSNGAL DANG, KUN 'BYUNG DAG DANG LDAN PA NI KUN NAS NYON MONGS PA YIN LA, MI LDAN PA NI RNAM PAR DAG PA YIN NO ZHE NA, DE YANG RIGS PA MA YIN TE, 'DI LTAR DES GANG ZHIG GANG DU YANG DAG PAR 'DU ZHING LDAN PAR MA MTHONG BA DE NI KUN 'BYUNG BA'I BDEN PA LA GDAMS PA'O, 'GOG PA'I BDEN PA'I DBANG DU BYAS NAS, SH'A RI'I BU STONG PA NYID CES BYA BA NAS, LDAN PA ZHES BRJOD PAR BYA'O ZHES BYA BA'I BAR DU GSUNGS SO, ,DON NI 'DI YIN TE BYANG CHUB SEMS DPA' CHOS THAMS CAD STONG PA NYID DU MTHONG NA, DE LA GANG GIS 'GOG PA MNGON SUM DU BYA, DE LA RE ZHIG DE NYID NI MA YIN TE, STONG PA NYID CES BYA BA LA SOGS PA GSUNGS SO, ,DE NI MI SKYE MI 'GAG STE, RTAG PA NYID KYI PHYIR RO, ,KUN NAS NYON MONGS PAR MI 'GYUR, RNAM PAR BYANG BAR MI 'GYUR TE, 'GYUR BA MED PA'I @87A *, ,PHYIR RO, ,BRI BAR MI 'GYUR 'PHEL BAR MI 'GYUR TE, KHYAB PA YIN PA'I PHYIR RO, ,'DAS PA LA SOGS PA MED PA YIN TE, RTAG PA LA SOGS PA'I PHYIR RO, ,DES NA YANG SNGAR KUN NAS NYON MONGS PA LAS PHYIS RNAM PAR BYANG BA MA YIN NO, ,GAL TE SDUG BSNGAL DANG, KUN 'BYUNG DAG DE LA 'GOG PA YIN NO ZHE NA, GANG YANG 'DI LTA BU ZHES BYA BA LA SOGS PA GSUNGS SO, ,KHYAB PA 'DI LA GZUGS LA SOGS PA MED DO ZHES BYA BA'I DON TO, ,DES NA SDUG BSNGAL MED DO, ,KUN 'BYUNG MED DO ZHES BYA BA NAS BYANG CHUB MED DO ZHES BYA BA'I BAR NI 'GOG PA'I BDEN PA LA GDAMS PA'O, ,DE LA LAM GYI BDEN PA'I DBANG DU BYAS NAS, DE SHES RAB KYI PHA ROL TU PHYIN PA ZHES BYA BA NAS BRTZAMS TE, GZHAN YANG ZHES BYA BA'I TSIG BZHI'I BAR GYIS GSUNGS SO, ,DE LTAR NA LAM BSGOM PAR BYA BA NI GANG GIS SDUG BSNGAL YONGS SU SHES PAR BYA BA DANG, KUN 'BYUNG SPANG BAR BYA BA DANG, 'GOG PA MNGON SUM DU BYA BA DANG, LAM BSGOM PAR BYA BA NI GANG LA SLOB PA DANG MI SLOB PA'I 'BRAS BU'I CHOS RNAMS YOD PA DE NI LAM YIN NO, ,DES NA LAM 'KHOR DANG BCAS PA DES NI CHOS THAMS CAD YANG DAG PAR BSDUS PA YIN NO, ,DE DAG MI DMIGS PA DANG, BDAG LDAN PA DANG, MI LDAN PA NYID DU DMIGS PA STE, DE NI SBYOR BA GCIG GO, ,STONG PA NYID LA SOGS PA'I TING NGE 'DZIN BSGOM PA LA NI STONG PA NYID LA SOGS PA DAG GIS TE, RANG GI NGO BO KUN BRTAGS PA DAG GIS MI SBYOR RO, ,STONG PA NYID LA SOGS PA'I RNAL 'BYOR RNAMS LA YANG DE'I SBYONG BA'I SGRAS KYANG MI SBYOR RO, ,MI SBYOR MI 'BYED CES BYA BA NI KUN BRTAGS PA'I SBYOR BA'I MTSAN NYID MED PA'I PHYIR MI SBYOR RO, ,RANG NYID BRJOD DU MED CING MTSAN MA MED PA'I TING NGE 'DZIN GYI NGO BO NYID KYI PHYIR MI 'BYED DO ZHES BYA BA NI GNYIS PA'O, ,RANG GI MTSAN NYID STONG PA NYID BSGOM PA NI GZUGS LA SOGS PA LA MI SBYOR TE, DE LA DE'I MTSAN NYID MED PA'I PHYIR RO, ,DE NYID SGOM PAR BYED PA YIN PA'I PHYIR, 'BYED PAR MI BYED DO ZHES BYA BA NI GSUM PA'O, ,BZHI PA @87B NI RTOGS PAR SLA'O, ,'DI NI LAM GYI BDEN PA LA GDAMS PA'O, ,DKON MCHOG GSUM LA GDAMS BA BSHAD PAR BYA STE, DE LA SANGS RGYAS DKON MCHOG LA GDAMS PA'I DBANG DU BYAS NAS, GZHAN YANG ZHES BYA BA LA SOGS PA'I TSIG GIS GSUNGS SO, ,DE LTAR NA RNAM PA THAMS CAD MKHYEN PA NYID NI SANGS RGYAS NYID DO, ,JI SKAD DU, SGRIB PA KUN GYI DRI MED PA, ,RNAM PA THAMS CAD MKHYEN NYID THOB, ,RIN CHEN SNOD NI PHYE BA LTAR, ,SANGS RGYAS NYID NI YANG DAG BSTAN, ,ZHES JI SKAD BSHAD PA LTA BU'O, ,DES NA PHUNG PO DANG SKYE MCHED RNAMS NI DBYE BA MA MTHONG BAS DE LA NGES MI SBYOR RO ZHES BYA BA NI SBYOR BA GCIG GO, ,DE BZHIN DU SBYIN PA'I PHA ROL TU PHYIN PA LA SOGS PA LAM 'DI'I 'BRAS BUR GYUR PA ZHES BYA BA NI GNYIS PA'O, ,DE BZHIN DU SANGS RGYAS DANG BYANG CHUB RNAM PA THAMS CAD MKHYEN PA NYID DANG MI SBYOR RO, ,DE YANG SANGS RGYAS DANG BYANG CHUB DANG MI SBYOR TE, GSUM PO DAG THA DAD PA MED PA'I PHYIR RO ZHES BYA BA NI SANGS RGYAS DKON MCHOG LA GDAMS PA'O, ,CHOS DKON MCHOG GI DBANG DU BYAS TE, GZHAN YANG ZHES BYA BA LA SOGS PA NAS, 'CHAL PA'I SHES RAB KYI SEMS MI BSKYED DO ZHES BYA BA'I BAR GYI TSIG MANG POS GSUNGS SO, ,'DI LTAR CHOS NI LAM GYI 'BRAS BU DANG LAM MO, ,LAM GYI 'BRAS BU NI BYANG CHUB STE, DE YANG SANGS RGYAS DKON MCHOG NYID DO, ,LHAG MA NI 'DIR LAM GYI BDEN PA STE, CHOS DKON MCHOG GO, ,DE YANG SNGA MA BZHIN DU BDEN PA NGES PA SNGON DU 'GRO BA'O; ,DE LA GANG LAS GZUGS LA SOGS PA DNGOS PO YOD CES BYA BAR MI SBYOR RO, ,DES NA KUN 'BYUNG MI DMIGS SO, ,GANG GI PHYIR DNGOS PO YOD CES BYA BAR YANG MI SBYOR TE, DES NA KUN 'BYUNG BA SPANG BAR BYA ZHES BYA BA MI DMIGS SO, ,GZUGS LA SOGS PA BRTAG CES BYA BA DANG MI RTAG CES BYA BA LA SOGS PAR MI SBYOR TE, SDUG BSNGAL GYI BDEN PA'I RNAM PA BZHI DANG DE LAS BZLOG PA YANG MI DMIGS SO, ,GZUGS LA SOGS PA STONG PA NYID DANG, MTSAN MA MED PA DANG, SMON PA MED PA DANG, DE LAS BZLOG PA YANG MI DMIGS SO, ,SPYOD @88A *, ,CES BYA BA DANG MI SPYOD CES BYA BA DANG, SPYOD KYANG SPYOD LA MI SPYOD KYANG MI SPYOD CES BYA BA DANG, SPYOD PA YANG MA YIN MI SPYOD PA YANG MA YIN ZHES BYA BAR MI DMIGS SO, ,GANG DE LTAR SPYOD NA SHES RAB KYI PHA ROL TU PHYIN PA LA SPYOD DO ZHES BYA BA NI SBYOR BA GCIG GO, , SBYIN PA'I PHA ROL TU PHYIN PA LA SOGS PA'I DON DU MI SPYOD CING CHED DU MI DMIGS SO ZHES BYA BA NI GNYIS PA'O, ,MNGON PAR SHES PA'I LAS RNAMS KYI PHYOGS BCU DAG TU SEMS CAN GYI DON BYA BA LA BDAG NYID LA SOGS PA MI DMIGS SO ZHES BYA BA NI GSUM PA'O, ,CHOS GANG LA YANG 'DU BA DANG BRAL BA MI MTHONG NGO ZHES BYA BA NI BZHI PA'O, ,BDAG NYID MNGON PAR RDZOGS PAR BYANG CHUB BAR MYUR BA DANG, MI MYUR BA MA MTHONG NGO ZHES BYA BA NI LNGA PA'O, ,CHOS KYI DBYINGS MA GTOGS PAR CUNG ZAD MI MTHONG NGO ZHES BYA BA NI DRUG PA'O, ,KHAMS BCO BRGYAD DANG STONG PA NYID DU SBYOR BAR MI BYED CING, DE YANG DE DAG DANG MI SBYOR RO ZHES BYA BA NI BDUN PA'O, ,DE LTAR SBYOR BA NA YANG PHAN YON MANG PO THOB PA YIN TE, DE YANG YANG DAG PAR RJES SU MI MTHONG NGO ZHES BYA BA NI BRGYAD PA'O, ,'DIR YANG STONG PA NYID LA SBYOR BA NI SHES RAB KYI PHA ROL TU PHYIN PA LA SBYOR BA'O, , DE YANG SBYOR BA THAMS CAD KYI NANG NAS MCHOG YIN NO ZHES BYA BA'I TSIG GIS SO, ,SHES RAB KYI PHA ROL TU PHYIN PA NYID NAS DKON MCHOG YIN TE, LAM RIN PO CHE NYID YIN PA'I PHYIR RO ZHES BYA BA NI CHOS DKON MCHOG LA GDAMS PA'O, ,DGE 'DUN DKON MCHOG GI DBANG DU BYAS NAS, DE SKAD CES BKA' STZAL PA ZHES BYA BA NAS, LUS DANG NGAG DANG YID KYI LAS YONGS SU DAG PA LA BSLAB PAR BYA ZHES BYA BA'I BAR GYIS GSUNGS SO, ,'DI YANG DGE 'DUN NI BYANG CHUB SEMS DPA'I DGE 'DUN LA BYA'O, ,DE YANG GANG ZAG NYI SHU STE, DE DAG NYAN THOS KYI GANG ZAG DANG MING TZAM MTHUN PA'I SGO NAS DGE 'DUN DU YID CHES PAR BYA BA'I DON DU'O, ,DE DAG LAS 'DI DAG 'ONG BA DANG 'GRO BA'I MTSAN NYID KYI DBYE BAS KHYAD PAR DU BSTAN PA'I PHYIR RO, ,SHES RAB KYI PHA ROL TU PHYIN PA LA GNAS PAS ZHES BYA BA NI NGES PAR 'BYED PA'I CHA DANG MTHUN PA LA SOGS PAS @88B SO; ,DE LA DANG PO DE DAG 'DIR 'ONGS PA NI SKYES SO ZHES BYA BA'I BAR GYIS BSHAD DO, ,DE'I 'OG TU TSIG BZHIS NI 'GRO BA BSHAD DO, ,DE DAG LAS GNYIS KYIS NI DAD PA'I RJES SU 'BRANG BA'I GANG ZAG BSTAN TE, DAD PAS LAM GYI RJES SU 'BRANG BA'I PHYIR RO, ,CIG SHOS GNYIS KYIS NI CHOS KYIS RJES SU 'BRANG BA BSTAN TE, CHOS NI SHES RAB STE, DES LAM GYI RJES SU 'BRANG BA'I PHYIR RO, ,DES NA YOD DO ZHES BYA BA'I TSIG GCIG GIS MTHONG BAS THOB PA'I MTSAN NYID RGYUN DU ZHUGS PA'I 'BRAS BU MNGON SUM DU BYA BA DE YANG YID LA MI SEMS TE, DBANG PO RNON PO THABS LA MKHAS PA ZHES BYA BA'I BAR GYIS GSUNGS SO, ,DANG PO 'DI NYE BAR DGOD PA NI DBANG PO RTUL PO YIN PA'I PHYIR DAD PAS MOS PA 'DI NYID THABS LA MKHAS PA DANG BRAL BA YIN NO ZHES MTSON PA'I DON DU'O, ,MTHONG BAS SPANG BAR BYA BA'I NYON MONGS PA RNAMS DANG, NYON MONGS PA CAN GYIS MI SHES PA SPANGS PA NI RGYUN DU ZHUGS PA'I 'BRAS BU'O, ,DE MNGON SUM DU BYED PA NI THOB PA'O, ,DE MI SEMS PA NI BDAG GIS 'DI THOB PAR BYA BA'O ZHES DE LTAR MI DMIGS PA'I PHYIR RO, ,DAD PA LHAG PA NYID KYI GROL BA NI DAD PAS MOS PA'O, , 'DI MAN CHAD MTHONG BAS THOB PA BSHAD PAR BYA STE, RIGS NAS RIGS SU SKYE BA'I SNGON DU'O, ,MTHONG BA NI SHES RAB YIN LA DES RGYUN DU ZHUGS PA'I 'BRAS BU THOB PA NI MTHONG BAS THOB PA ZHES BYA'O, ,DE'I MTSAN NYID NI SNGAR BSTAN TE, ZHAR LA YIN PA'I PHYIR RO, ,DE'I DBYE BA YANG RNAM PA DRUG STE, DRUG NYID NI YOD DO ZHES BYA BA NAS, TSE GCIG GIS THOGS PA ZHES BYA BAS DPER BRJOD PAR GSUNGS SO, ,MTHONG BAS THOB PA NI SNGAR BSTAN PA STE, DE NYID NI BYANG CHUB KYI GTZO BO'I RGYU YIN PAR BSTAN TO, ,CI'I PHYIR ZHE NA, MTHONG BAS THOB PA NYID KYIS DE DAG MYUR DU MTHAR PHYIN PAR 'GYUR BA'I PHYIR RO, ,DE LA DANG PO BSKAL PA BZANG PO'I SANGS RGYAS STONG DU BZHIS MTSANG BA'I TSIG DANG POS BSHAD DO, ,GZHAN YANG SANGS RGYAS KYI ZHING GZHAN DANG GZHAN DAG TU SRID PA THA MAR GYUR PA NI TSIG GNYIS PAS BSHAD DO, ,TSIG GZHAN BZHIS NI DGA' LDAN NAS @89A *, ,SHI 'PHOS NAS SANGS RGYAS KYI ZHING DE DANG DE DAG TU NI GO RIMS BZHIN DU GANG DU SANGS RGYAS BCOM LDAN 'DAS LA MCHOD PA'I PHYIR 'GRO BA DANG, GANG DU NYAN THOS DANG RANG SANGS RGYAS KYI THEG PA GZHAG PA MED PA DANG, GANG DAG TU TSE DPAG TU MED PA YOD PA DANG, GANG DAG TU SANGS RGYAS DANG CHOS DANG, DGE 'DUN GYI SGRA MI GRAG PAR 'GRO BA YIN NO, ,DE NAS SEMS CAN YONGS SU SMIN PAR BYA BA DE ZHES BYA BA'I BAR GYIS MI'I RIGS NAS RIGS SU SKYE BA BSTAN TO, ,GSOL BA GDAB PAR BYA'O ZHES BYA BA 'DI'I BAR GYIS NI LHA'I RIGS NAS RIGS SU SKYE BA BSTAN TO, ,DE NAS RIG PAR BYA'O ZHES BYA BA'I BAR GYIS NI BAR CHAD GCIG PA BSTAN TE, SKYE BA GCIG GIS BAR DU CHOD PA NI BAR CHAD GCIG PA'O, ,BAR CHAD NI MYA NGAN LAS 'DAS PA'I BAR DU GCOD PA'O, ,DE NAS, MNGON PAR RDZOGS PAR BYANG CHUB PA LA SEMS CAN RNAMS KYI DON BYED PA 'DI'I BAR GYIS NI BAR MA DOR MYA NGAN LAS 'DAS PA BSTAN TE, DE NYID DU ZHES BYA BA NI 'DIR 'OG MIN NYID DU STE, 'DZAM BU'I GLING DU MA YIN NO, ,DES NA BAR MDOR YONGS SU MYA NGAN LAS 'DAS PA BSTAN TO, ,DE NAS, DAM PA'I CHOS GNAS PAR 'GYUR RO ZHES BYA BA 'DI'I BAR GYIS NI SKYES NAS YONGS SU MYA NGAN LAS 'DAS PA BSTAN TO, ,BSKAL BA ZHES BYA BA NI 'DIR BAR GYI BSKAL BAR SHES PAR BYA'O, ,DE'I PHYOGS GCIG NI BSKAL BA LAS LHAG PA'O, ,DANG PO SEMS BSKYED PA NYID KYIS ZHES BYA BA NI 'OG MIN NAS DGA' LDAN DU DGA' LDAN NAS 'DZAM BU'I GLING DU GSHEGS NAS KHYIM GYI GNAS NAS NGES PAR BYUNG STE, BYANG CHUB KYI SHING DRUNG DU SKYIL MI KRUNG BCAS NAS DE MA THAG TU GANG DANG PO BYANG CHUB TU SEMS BSKYED PA DE NI DE DAG GI SEMS BSKYED PAR BRJOD PAR BZHED DO, ,DE LAS SKYES PA NYID NI PHUNG PO LHAG MA DANG BCAS PA'I MYA NGAN LAS 'DAS PA YIN TE, SKYES NAS MYA NGAN LAS 'DAS PA YIN NO, ,DE NAS, MNGON PAR RDZOGS PAR SANGS RGYAS PA ZHES BYA BA 'DI'I BAR GYI NI MNGON PAR 'DU BYED PA DANG BCAS PA'I YONGS SU MYA NGAN LAS 'DAS PA BSTAN TO, ,MNGON PAR 'DU BYED PA DANG BCAS PA'I YONGS @89B SU MYA NGAN LAS 'DAS PA NI 'DIR SEMS CAN GYI DON LA BRTZON PA'O, ,DE NAS MNGON PAR RDZOGS PAR BYANG CHUB PA ZHES BYA BA 'DI'I BAR GYI NI MNGON PAR 'DU BYED PA MED PAR YONGS SU MYA NGAN LAS 'DAS PA BSTAN TO, ,'DIR NI RIGS KYI KHYAD PAR LAS 'BAD PA CHUNG NGUS CHES MYUR BA NYID DU MNGON PAR RDZOGS PAR BYANG CHUB PA NI MNGON PAR 'DU BYED PA MED PAR YONGS SU MYA NGAN LAS 'DA' BA'O, ,DE NAS YANG MNGON PAR RDZOGS PAR BYANG CHUB PA ZHES BYA BA 'DI'I BAR GYIS NI 'OG MIN GYI MTHAR THUG PAR 'GRO BA BSTAN TO, ,DE NAS YANG, MNGON PAR RDZOGS PAR BYANG CHUB PO ZHES BYA THA 'DI'I BAR GYIS NI 'PHAR BA BSTAN TO, ,DE NAS YANG MNGON PAR RDZOGS PAR BYANG CHUB PA ZHES BYA BA 'DI'I BAR GYIS NI PHYED DU 'PHAR BA BSTAN TO, ,DE NAS YANG MNGON PAR RDZOGS PAR BYANG CHUB BA ZHES BYA BA 'DI'I BAR GYIS NI GNAS SKABS THAMS CAD DU 'CHI 'PHO BA BSTAN TO, ,DE LTAR NA RNAM PA GSUM DU BSTAN TO, ,DE NAS YANG SKYES PA ZHES BYA BA 'DI'I BAR GYIS SRID PA'I RTZE MO'I MTHAR THUG PAR 'GRO BA BSTAN TO, ,DE NAS YANG SKYES PA ZHES BYA BA ZHES BYA BA'I BAR GYIS NI GZUGS KYI 'DOD CHAGS DANG BRAL BA BSTAN TO, ,DE NAS, MNGON PAR RDZOGS PAR BYANG CHUB PA ZHES BYA BA 'DI'I BAR GYIS NI MTHONG BA'I CHOS LA YONGS SU MYA NGAN LAS 'DA' BA YIN NO, ,SKYE BA THAMS CAD DU RGYUN MI 'CHAD PAR TSUL KHRIMS LA SOGS PA'I CHOS LA GOMS PAR BYAS PAS MTHONG BA'I CHOS LA YONGS SU MYA NGAN LAS 'DAS PA YIN NO, ,DE NAS YANG, MNGON PAR RDZOGS PAR BYANG CHUB PA ZHES BYA BA 'DI'I BAR GYI NI LUS KYIS MNGON SUM DU BYED PA BSTAN TO, ,DE NAS YANG, RANG SANGS RGYAS RNAM PA GNYIS TE, GCIG NI DE DANG CHOS MTHUN PA'I PHYIR TE, GCIG NI BDAG DANG GZHAN LA CHOS THOS PA MED PAR SANGS RGYAS KYI CHOS SNANG BAR BYED PA'I PHYIR RO, , CIG SHOS NI RANG SANGS RGYAS KYI CHA BYAD KYANG 'DZIN PAS SO, ,'ON NYAN THOS DANG RANG SANGS RGYAS KYIS THOB PA'I 'BRAS BU BYANG CHUB SEMS DPAS THOB PA YIN NAM 'ON TE MA YIN, GAL TE THOB PA YIN NA NI DES BYAS PA NYID KYI GANG ZAG RNAM PAR GZHAG PA DE DAG LA YANG YOD PAR 'GYUR @90A *, ,TE; 'BAD PA GZHAN GYIS CI ZHIG BYA, ,CI STE THOB PA MA YIN NA NI 'BRAS BU DE JI LTAR GZHAN GYIS THOB PAR 'GYUR ZHE NA, DE'I PHYIR, YOD DO ZHES BYA BA LA SOGS PA GSUNGS TE, MANG PO YOD PA NYID DU JI LTAR GSUNGS PA'I, ,GAL TE DE LTA NA NI DE DAG GI BSGOM PAS SPANG BAR BYA BA'I NYON MONGS PA ZAD PAR 'GYUR RO ZHE NA, SH'A RI'I BU GANG ZHES BYA BA LA SOGS PA GSUNGS SO, ,JI LTAR BSKAL PA BZANG PO 'DI LA BYANG CHUB SEMS DPA' DU ZHIG MNGON PAR RDZOGS PAR 'TSANG RGYA BAR 'GYUR ZHE NA, DE'I PHYIR YOD DO ZHES BYA BA LA SOGS PA GSUNGS TE RTOGS SLA'O, ,DE NI DGE 'DUN DKON MCHOG LA GDAMS PA'O, ,MA ZHEN PA LA GDAMS PA'I DBANG DU BYAS NAS, DE SKAD CES BKA' STZAL TO ZHES BYA BA NAS, SUS KYANG THUB PA MED DE ZHES BYA BA'I BAR GYIS GSUNGS SO, ,LUS DANG NGAG DANG YID KYI DGE BA BCU DANG, PHA ROL TU PHYIN PA DRUG LA SPYOD PA NA LUS LA SOGS PA MI DMIGS PA NI MA ZHEN PA STE, DE'I MAN NGAG NI MA ZHEN PA LA GDAMS PA'O, ,NGAL BA'I GNYEN PO NI MI NGAL BA STE, DE LA GDAMS PA DE'I BAR DU BYAS NAS GZHAN YANG ZHES BYA BA NAS, LHA DANG BCAS PA'I 'JIG RTEN ZHES BYA BA'I BAR GYIS GSUNGS SO, ,NGAL BA'I RGYU NI RLOM SEMS PA STE, DE'I GNYEN PO NI PHUNG PO DANG KHAMS DANG SKYE MCHED LA SOGS PA LA MI SEMS PA STE, DE NI MI NGAL BA LA GDAMS PA'O, ,DMIGS PA MED PA'I TSUL GYIS PHA ROL TU PHYIN PA LA SOGS PA BSGOM PA NI LAM MO, ,PHYOGS BCU KUN DU DE YONGS SU 'DZIN PA NI YANG DAG PAR YONGS SU 'DZIN PA STE, DE'I DBANG DU BYAS NAS SH'A RI'I BU YE SHES DE LTA BU DANG LDAN PA ZHES BYA BA NAS, SANGS RGYAS KYI CHOS THAMS CAD KYANG YANG DAG PAR RJES SU MI MTHONG NGO ZHES BYA BA'I BAR GYIS GSUNGS SO, ,DE NI LAM YONGS SU 'DZIN PA LA GAD MAS PA'O, ,'DI LTAR YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, ,MIG LNGA RAB TU THOB PA DANG, YONGS SU SBYONG BA YOD DE, DE LA SHES RAB KYI SPYAD NI DON DAM PA'I SPYOD @90B YUL CAN NO, ,CHOS KYI SPYAN NI 'PHAGS PA RNAMS KYI SPYOD YUL CAN NO, ,LHAG MA NI RTOGS PAR SLA'O, ,DE DAG NI RGYA CHER SPYAN LNGA DAG LA GDAMS PA'O, ,DE BZHIN DU MNGON PAR SHES PA'I PHA ROL TU PHYIN PA RAB TU THOB PO ZHES BYA BA LA SOGS PAS NI RGYA CHER MNGON PAR SHES PA DRUG LA GDAMS PA'O, ,JI LTAR NA SANGS RGYAS KYI SPYAN DANG, MNGON PAR SHES PA DRUG PA BYANG CHUB SEMS DPA' LA YOD CE NA, BYANG CHUB SEMS DPA' SA BRGYAD PA LA NI DE GNYI GA THOB PA YIN LA, SANGS RGYAS KYI SA LA NI GNYI GA YONGS SU RDZOGS PA DANG, YONGS SU DAG PA DANG, MTHAR PHYIN PA YIN NO, ,MTHONG BA'I LAM LA GDAMS PA BRJOD PAR BYA STE, DE'I SKABS NI, DE NAS BCOM LDAN 'DAS ZHES BYA BA LA SOGS PA NAS, BSTAN TO ZHES BYA BA'I BAR GYIS GSUNGS SO, ,LAM DE YANG SKAD CIG MA BCU DRUG STE, DE DAG GI JI LTA BA BZHIN DU RANG RANG GI DMIGS PA DANG MI DMIGS PA'I BYE BRAG GIS, ,'DI LTA ZHES BYA BA LA SOGS PA NAS RGYA CHER 'CHAD PAR 'GYUR RO, ,DE DAG GI THUN MONG NGAG GI CHA NI BYANG CHUB SEMS DPA' DANG SHES RAB KYI PHA ROL TU PHYIN PA MI DMIGS PA STE, DE'I DBANG DU BYAS NAS, DE NAS ZHES BYA BA NAS, 'DI LTA STE DPER NA ZHES BYA BA'I BAR GYIS GSUNGS SO, ,MING TZAM ZHES BYA BA NI DON GYIS STONG PA'I MING STE, GANG GI PHYIR NANG GI BDAG NYID KYI DON GYI MING MED DE PHYI ROL DU KHA BLTAS PA NYID DU SHES PA'I PHYIR RO, ,PHYI ROL GYI DON MED BZHIN DU YANG DE LTAR SNANG BA'I PHYIR PHYI ROL GYI DON DU YANG MED DO, ,GNYI GAR YANG MED DE GNYI GA LAS GZHAN PA'I PHYOGS GSUM PA MED PA'I PHYIR RO, ,DE BAS NA SHES RAB KYI PHA ROL TU PHYIN PA NI MING TZAM MO, ,BYANG CHUB SEMS DPA' ZHES BYA BA'I MING YANG RIGS PA 'DI NYID KYIS GSAL BAR BSTAN PAR BYA BA'I PHYIR DE YANG ZHES BYA BA LA SOGS PA GSUNGS SO, ,DE BAS NA MING TZAM THA SNYAD TZAM BTAGS PA TZAM 'DI NI DE KHO NA NYID MA YIN PA NYID DO ZHES BLTA BAR BYA'O, ,RIGS PA LA SOGS PA'I RNAM PAR RTOG PAS NI 'DIR LHAG MTHONG YANG DAG PAR BSDUS PA YIN PAR BRJOD DE, DE LAS @91A *, ,MTHONG BA'I SKAD CIG MA'I MI RTAG PA SKYE BA'I PHYIR RO, ,SEMS CAN SEMS CAN ZHES BYA BA NI THOG MA DANG THA MA MED PA'I LUS CAN TE, DE'I MING NI SEMS CAN GYI MING NGO, ,SKYE BA MED PA NI MA SKYES PA'O, ,'GAG PA MED PA NI MA 'GAGS PA'O, ,DE NYID LA SDUG PA DANG SDUG BSNGAL GYI MTSAN NYID MI DMIGS PA STE, DE NI SDUG BSNGAL LA CHOS SHES PA'I BZOD PA'O, ,DE NAS NANG GI PHUNG PO DANG, KHAMS DANG, SKYE MCHED DANG, LUS DANG, DE'I YAN LAG DAG DANG, PHYI ROL GYI RTZVA DANG, SHING LA SOGS PA RNAMS NI RMI LAM DANG BRAG CA LA SOGS PA LTA BU STE, DE DAG KYANG MING TZAM, BTAGS PA TZAM SKYE BA MED PA DANG, 'GAG PA MED PAR SHES PA STE, DE BZHIN DU BYANG CHUB SEMS DPA' DANG SHES RAB KYI PHA ROL TU PHYIN PA ZHES BYA BA DANG, DE DAG GI MI DMIGS PA NI SDUG BSNGAL LA CHOS SHES PA'O, ,DE NAS DE PHUNG PO DANG SKYE MCHED DANG KHAMS KYI BYE BRAG GSUM DANG, GSUM 'DUS PA LAS BYUNG BA'I REG PA DANG, TSOR BA DANG, KUN NAS NYON MONGS PA DANG, RNAM PAR BYANG BA RNAM PA MANG PO YANG DAG PAR RJES SU MI MTHONG NGO, ,DE CI'I PHYIR ZHES BYA BA NI GANG GI DON DU'O, ,DE LTAR NA SPYOD DO ZHES BYA BAR SBYAR RO, ,SHES RAB KYI PHA ROL TU PHYIN PA NI 'DUS BYAS KYI KHAMS DANG 'DUS MA BYAS KYI KHAMS NA YANG DAG PAR RJES SU MI MTHONG NGO, ,DE DAG KYANG MI MTHONG BA'I PHYIR RO, ,DE NI SDUG BSNGAL LA RJES SU SHES PA'I BZOD PA'O, ,SDUG BSNGAL LA RJES SU SHES PA'I DBANG DU BYAS NAS, RAB 'BYOR DE NI 'DI LTAR ZHES BYA BA LA SOGS PA GSUNGS SO, ,CHOS DE DAG THAMS CAD LA MI RTOG PA NI RANG GI NGO BOR RO, ,RNAM PAR MI RTOG PA NI KHYAD PAR DU STE, RNAM PAR MI RTOG PA'I CHOS LA GNAS NAS, DRAN PA NYE BAR GZHAG PA LA SOGS PA SGOM PA NI SDUG BSNGAL LA RJES SU SHES PA'O, ,SDUG BSNGAL LA RJES SU SHES PA LA SOGS PAS RNAM PAR MI RTOG PA'I CHOS LA GNAS TE, DGE BA'I CHOS RNAMS SGOM PA NI MTHONG BA'I LAM MO, ,CHOS RNAMS KYI MTSAN NYID NI BTAGS PA TZAM MO, ,KUN NAS NYON MONGS PAR YANG MI 'GYUR @91B RNAM PAR BYANG BAR MI 'GYUR RO ZHES BYA BA NI DNGOS PO MED PA'I PHYIR RO, ,GANG YANG KUN NAS NYON MONGS PAR MI 'GYUR ZHES BYA BA NI KUN 'BYUNG BA MED PA'O, ,GANG RNAM PAR BYANG BAR MI 'GYUR ZHES BYA BAS NI DE'I SPANG BAR BYA BA MED PA STE, DE NI KUN 'BYUNG LA CHOS SHES PA'I BZOD PA'O, , GZUGS LA CHAGS PAR 'GYUR BA MED DO ZHES BYA BA NI YANG MNGON PAR CHAGS PAR MI 'GYUR BA'O, ,MNGON PAR CHAGS PA NYID NI DNGOS SU NA SDUG BSNGAL DANG KUN 'BYUNG YIN PA'I PHYIR RO, ,DE YANG DE'I TSE SHIN TU NYAM CHUNG BA NYID KYIS GNAS SKABS PHYI MA YIN PA'I PHYIR DE SKAD GSUNGS SO, , DE YANG DE NI PHUNG PO MED DO, ,MIG LA SOGS PA MED DO, ,DE LA RNAM PAR SHES PA MED DO, ,DE LA SHES PA DANG REG PA MED DO, ,REG PA LAS BYUNG BA'I TSOR BA YANG MED DO, ,'DUS BYAS PA YANG MED DO, ,DE SPONG BA LA MNGON PAR CHAGS PAR MI 'GYUR RO ZHES BYA BA NI KUN 'BYUNG LA CHOS SHES PA'O, ,PHA ROL TU PHYIN PA DANG, MIG DANG, MNGON PAR SHES PA DANG, STONG PA NYID DANG, DE BZHIN NYID LA SOGS PA DANG, SEMS CAN YONGS SU SMIN PA DANG BCAS PA LA MNGON PAR CHAGS PAR 'GYUR BA MED PA NI KUN 'BYUNG LA RJES SU SHES PA'I BZOD PA'O, ,DE LTAR DE CHOS THAMS CAD LA MNGON PAR CHAGS PA MED PA'I PHA ROL TU PHYIN PA RNAMS KYIS RNAM PAR 'PHEL BA NI BYANG CHUB SEMS DPA'I SKYON MED PA LA YANG DAG PAR 'JUG PAR 'GYUR TE, DE BAS NA RNAM PAR BYANG BA RNAMS LA YANG RGYU DANG 'BRAS BU DAG TU RJES SU RTOGS PA'I PHYIR KUN 'BYUNG LA RJES SU SHES PA'O, ,DE LTAR SPYOD PA NA PHYIR MI LDOG PA'I SA NON PAR 'GYUR RO ZHES BYA BA NI DE'I SGRIB PA 'GOG PAS NI 'GOG PA LA CHOS SHES PA'I BZOD PA'O, ,DE LTAR SPYOD PA NA MNGON PAR SHES PA RNAMS YONGS SU RDZOGS PA LA SOGS PA KHYAD PAR DU MNGON PAR RTOGS PA NI 'GOG PA LA CHOS SHES PA'O; ,PHUNG PO DANG, SKYE MCHED DANG, KHAMS RNAMS DANG, SA LA SOGS PA KHAMS DRUG DANG, RTEN CING 'BREL PAR 'BYUNG BA'I YAN LAG LA RNAM PA LNGAR BYANG CHUB SEMS DPA' DMIGS PA MED PA NI 'GOG PA LA RJES SU SHES PA'I BZOD PA'O, ,PHUNG PO RNAMS KYI BSDUS PA DANG, @92A *, ,THA DAD PA DANG, KHAMS NYI SHU RTZA BZHI'I BSDUS PA DANG THA DAD PA DANG, SKYE MCHED BCU GNYIS KYI BSDUS PA DANG, THA DAD PA DANG, RTEN CING 'BREL PAR 'BYUNG BA YAN LAG BCU GNYIS KYI BSDUS PA DANG THA DAD PA DAG GI DE BZHIN NYID LA RNAM PA LNGAR BYANG CHUB SEMS DPA' GTAN DU MI DMIGS PA NYID KYIS BYANG CHUB SEMS DPA' MED PAS MI DMIGS PA'I PHYIR 'GOG PA LA RJES SU SHES PA'O, ,GZUGS MA YIN PA DANG, GZUGS KYI LAM MA YIN PA DANG, SDUG BSNGAL GYI BDEN PA'I RNAM PA DANG, DE LAS BZLOG PA DANG, GZUGS KYI STONG PA NYID DANG, MTSAN MA MED PA DANG, SMON PA MED PA MA YIN PA DANG, DE LAS BZLOG PA RNAMS MA YIN PA DE NI BYANG CHUB SEMS DPA'I TSIG BLA DAGS TE, GZUGS DANG DE DAG GI KHYAD PAR MED PAS MI DMIGS PA'I PHYIR RO, ,DE BZHIN DU RNAM PAR SHES PA'I BAR DU MA YIN PA DANG; DE DAG GI LAM MA YIN PA'I BAR DU BSTAN TE, DE NI LAM LA CHOS SHES PA'I BZOD PA'O, ,GNYIS PO 'DI NI CHOS DANG CHOS KYI DBYINGS TE, DES NA GSUNGS PA, CHOS KYI DBYINGS YANG DAG PAR RJES SU MI MTHONG NGO, CHOS KYI DBYINGS KYIS KYANG CHOS YANG DAG PAR RJES SU MI MTHONG STE, 'DI NI LAM LA CHOS SHES PA'O, ,SO SOR PHUNG PO'I DBYINGS DANG, SKYE MCHED KYI DBYINGS KYIS CHOS KYI DBYINGS YANG DAG PAR RJES SU MI MTHONG NGO, ,CHOS KYI DBYINGS KYIS KYANG DE DAG YANG DAG PAR RJES SU MI MTHONG NGO, ,DE NI LAM LA RJES SU SHES PA'I BZOD PA'O, , LAM LA RJES SU SHES PA'I DBANG DU BYAS NAS, RAB 'BYOR 'DUS BYAS KYI DBYINGS KYIS 'DUS MA BYAS KYI DBYINGS YANG DAG PAR RJES SU MI MTHONG NGO ZHES BYA BA NAS, DE NYID RJES SU BSTAN PA YIN NO ZHES BYA BA'I BAR GYIS GSUNGS SO, ,CHOS KYI DBYINGS KYI MNGON SUM DU BYED CING SNANG BAS NA CHOS KYI RANG GI MTSAN NYID MI SNANG BA'I PHYIR GNYIS SU MED PA SNANG BA STE, MTHA' YAS PA SNANG BA SNANG BA MED PA TZAM NI YANG DAG PA'I YE SHES KYI MTSAN NYID DE, DE NI 'DUS BYAS KYI KHAMS TE, 'DUS BYAS THAMS CAD LAS PHRA BA YIN PA'I PHYIR RO, ,DE NYID LA KUN BRTAGS PA'I GZUGS LA @92B SOGS PAS STONG PA NYID KYI MTSAN NYID NI 'DUS MA BYAS KYI KHAMS TE, 'DUS MA BYAS NI PHRA BA NYID KYI PHYIR RO, ,DE DAG NI SNGA MA DANG PHYI MA MI MTHONG STE, MI 'DZIN PA'I DON TO, ,'DZIN PA NI RNAM PAR RTOG PA YIN PA'I PHYIR RO, ,'O NA JI LTAR RNAM PAR MI RTOG PAS DON DAM PAR MTHONG BAS MTHONG BA'I LAM ZHES BYA ZHE NA, MA YIN TE ZHES BYA BA LA SOGS PA GSUNGS SO, ,DE BAS NA 'DUS BYAS KYI DBYINGS MA GTOGS PAR 'DUS MA BYAS KYI DBYINGS GDAGS PAR MI NUS SO ZHES BYA BA LA SOGS PA GSUNGS SO, ,DE GNYIS THA DAD NA NI 'DUS BYAS KYI KHAMS NYID DU SNANG BAR 'GYUR TE, SNANG BA'I NGO BO YIN PA'I PHYIR 'DUS MA BYAS KYI DBYINGS NI MA YIN TE, DE LAS BZLOG PA'I PHYIR RO, ,'DUS MA BYAS KYI DBYINGS MA GTOGS PAR 'DUS BYAS KYI DBYINGS KYANG RNAM PAR GZHAG PAR MI NUS TE, STONG PA NYID LAS THA DAD NA NI STONG PA NYID MA YIN PAR THAL BA'I PHYIR TE, SNGON PO NYID LAS THA DAD PA'I SER PO NI SNGON PO MA YIN PA BZHIN NO, ,DE BAS NA SNANG BA'I BDAG NYID STONG PA NYID KYI MI RTOG PA'I SHES PA NI MTHONG BA'I LAM STE, 'DZIN PA NI MA YIN NO, ,PHYOGS 'DIS SDUG BSNGAL LA CHOS SHES PA'I BZOD PA LA SOGS PA YANG RNAM PAR MI RTOG PA STONG PA NYID KYI YE SHES KYI NGO BO NYID DU RIG PAR BYA'O, ,CHOS GANG YANG YANG DAG PAR RJES SU MI MTHONG ZHES BYA BA NI CHOS THAMS CAD KYI RANG GI MTSAN NYID KYI SNANG BA NUB PA'I PHYIR RO, ,'DI NI BSTAN PA'O, ,'DI NYID RGYAS PAR BSHAD PA NI GZUGS YANG DAG PAR RJES SU MI MTHONG NGO ZHES BYA BA NAS, DE NYID RJES SU BSTAN PA YIN NO ZHES BYA BA'I BAR GYIS GSUNGS PA YIN NO, ,'DI NI MTHONG BA'I LAM LA GDAMS PA'O, ,BSGOM PA'I LAM GYI DBANG DU BYAS NAS, DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO ZHES BYA BA NAS, CHOS LA SRED PA STE SKYON DU 'GYUR BA'O ZHES BYA BA'I BAR GYIS GSUNGS SO, ,YONGS SU RTOGS PAR 'TSAL BAS ZHES BYA BAS NI YONGS SU BCAD PAR 'TSAL BA'O, ,SHES RAB KYI PHA ROL TU PHYIN PA LA ZHES BYA BA NI RNAM PAR MI RTOG PA STE, CHOS THAMS CAD CHOS KYI DBYINGS SU KUN TU 'GRO BA MTHONG @93A *, ,BA'O; ,GANG GI PHYIR 'JIG RTEN LAS 'DAS PA'I RJES LA THOB PA DAG PA 'JIG RTEN PA'I YE SHES KYI YONGS SU GCOD PA NI BSGOM PA'I LAM MO, ,DE LTAR YANG THEG PA CHEN PO'I LAM GYI YAN LAG BRGYAD NI BSGOM PA'I LAM STE, DE RNAM PAR 'GREL PA NI DBUS DANG MTHA' RNAM PAR 'BYED PA LAS, YONGS SU GCOD DANG GO BYED DANG, ,RNAM GSUM GZHAN YID CHES PAR BYED, ,MI MTHUN PHYOGS KYI GNYEN POR NI, ,LAM GYI YAN LAG DE BRGYAD DO, ,LTA DANG TSUL KHRIMS YO BYAD BSNYUNGS, ,GZHAN LA RNAM PAR RIG BYED 'DOD, ,NYON MONGS NYE BA'I NYON MONGS PA DBANG, ,MI MTHUN PHYOGS KYI GNYEN PO'O, ,ZHES BSHAD PA LTA BU'O, ,DE NI BSGOM PA'I LAM LA GDAMS PA'O, ,DGE 'DUN DKON MCHOG LA GDAMS PA LA, BYANG CHUB SEMS DPA'I GANG ZAG NI DGE 'DUN ZHES GSUNGS PA STE, GANG ZHIG ,DU ZHIG CE NA, DBANG PO RTUL DANG RNON PO DAG ,DAD DANG MTHONG THOB RIGS NAS RIGS, ,BAR CHAD GCIG PAR SKYE NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI 'DOD CHAGS BCOM PA DANG, ,MTHONG CHOS ZHI LUS MNGON SUM BYED, ,BSE RU DANG NI NYI SHU'O, ,ZHES GSUNGS TE, GSUM ZHES BYA BA NI RIM PA BZHIN DU SBYAR BA STE, THA MAR SBYAR RO, ,DBANG PO RTUL PO ZHES BYA BA NAS BSE RU ZHES BYA BA'I BAR NI NYI SHU STE, GSUM PO NI MDO JI LTA BA BZHIN DU RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA ZHES BYA BA'I DON TO, ,DBANG PO RTUL PO DANG RNON PO NI DAD PAS RJES SU 'BRANG BA DANG, CHOS KYIS RJES SU 'BRANG BA'O, ,DAD DANG MTHONG THOB CES BYA BA NI DAD PAS MOS PA DANG, MTHONG BAS THOB PA'O, ,RIGS NAS RIGS ZHES BYA BA NI MI'I RIGS NAS RIGS SU 'GRO BA DANG, LHA'I RIGS NAS RIGS SU 'GRO BA'O, ,BAR CHAD GCIG CES BYA BA NI BAR CHAD GCIG PA'O, ,BAR ZHES BYA BA NI BAR MA DOR YONGS SU MYA NGAN LAS 'DA' BA'O, ,SKYES NAS ZHES BYA BA NI SKYES NAS YONGS SU MYA NGAN LAS 'DA' BA'O, ,BYED DANG ZHES BYA BA NI MNGON PAR 'DU BYED PA DANG BCAS @93B PAS YONGS SU MYA NGAN LAS 'DA' BA'O, ,BYED MIN ZHES BYA BA NI MNGON PAR 'DU BYED PA MED PAS YONGS SU MYA NGAN LAS 'DA' BA'O, ,'OG MIN GYI BAR DU 'GRO BAS NA 'OG MIN 'GRO STE, 'OG MIN GYI MTHAR THUG PAR 'GRO BA'O, ,BAR CHAD GCIG PA ZHES BYA BA NAS, 'OG MIN 'GRO ZHES BYA BA'I BAR GYI TSIG DRUG PO 'DI DAG NI ZLAS DBYE BA'I BSDU BA BYAS TE, TSIG DE DAG LA TSIG GI PHYOGS GCIG RJES SU 'GRO BA NI RIGS PA YIN PA'I PHYIR RO, ,YONGS SU MYA NGAN LAS 'DA' BA DANG, MNGON PAR 'DU ZHES BYA BA'I SGRA MI MNGON PAR BYAS PA'O, ,SKYES NAS ZHES BYA BA'I SGRA NI RDZUS TE SKYES PA STE, DE NI KHYAD PAR CHUNG BA YIN PA'I PHYIR RO, ,'PHAR BA ZHES BYA BA NI 'PHAR BA DANG, PHYED DU 'PHAR BA DANG, GNAS SKABS THAMS CAD DU 'CHI 'PHO BA'O, ,SRID RTZE'I MTHAR THUG 'GRO ZHES BYA BA NI SRID PA'I RTZE'I MTHAR THUG PAR 'GRO BA'O, ,GZUGS KYI 'DOD CHAGS BCOM ZHES BYA BA NI GZUGS KYI 'DOD CHAGS DANG BRAL BA'O, ,MTHONG CHOS ZHI ZHES BYA BA NI MTHONG BA'I CHOS LA YONGS SU MYA NGAN LAS 'DA' BA'O, ,LUS KYI MNGON SUM DU BYED CES BYA BA NI RNAM PAR THAR PA BRGYAD LA BSAM GTAN PA'O, ,BSE RU ZHES BYA BA NI RANG SANGS RGYAS KYI DGRA BCOM PA STE, DE DANG CHOS MTHUN PA'I PHYIR RO, ,'DIR 'BRAS BU LAS NI GANG YANG RNAM PAR GZHAG PA MED DE, DE BAS NA 'BRAS BU LA LTOS NAS ZHUGS PAR YANG MI 'DOD DO, ,BYANG CHUB LA ZHUGS PA'I PHYIR ZHES BYA BAR YANG RNAM PAR GZHAG PA MED DE, DE THA DAD PA MED PA'I PHYIR RO, ,SHES RAB KYI PHA ROL TU PHYIN PA LA SPYOD PA DANG, BDEN PA SHES PA DANG, SKYABS SHES PA DANG, MA ZHEN PA DANG, MI NGAL BA DANG, PHYOGS BCU DAG TU SONG NAS, DE BZHIN GSHEGS PA RNAMS KYI ZHAL MTHONG ZHING BSNYEN BKUR BYAS TE, DE NAS DE'I LAM YONGS SU 'DZIN PAR 'GYUR BA DANG, SPYAN LNGA DANG LDAN PAR 'GYUR BA DANG, MNGON PAR SHES PA DRUG DANG LDAN PAR 'GYUR BA DANG, MTHONG BA DANG BSGOM PA'I LAM DAG GIS 'PHAGS PA'I SA LA GNAS PAR 'GYUR BA STE, 'DI NI GDAMS NGAG GI GO RIMS SO,, ,,DE LTAR GDAMS @94A *, ,NGAG BSHAD NAS NGES PAR 'BYED PA'I CHA DANG MTHUN PA RNAMS BRJOD PAR BYA STE, DMIGS PA DANG NI RNAM PA DANG, ,RGYU DANG YONGS SU 'DZIN PA YIS, ,BYANG CHUB SEMS DPA' SKYOB PA YIS, ,DROD SOGS BDAG NYID JI BZHIN DU, ,RNAM RTOG BZHI PO LDAN STEN PA; ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,ZHES BYA BA GSUNGS SO, ,NGES PAR BYED PA NI NGES 'BYED DE, GCIG TU NGES PA DANG LDAN PA'O, ,DE'I YAN LAG NI RNAM PA BZHI STE, DROD DANG, RTZE MO DANG; BZOD PA DANG, CHOS KYI MCHOG GO, ,DE DAG NI NGES PAR 'BYED PA'I CHA DANG MTHUN PA YANG YIN TE, RNAM PAR MI RTOG PA RTOGS PA NI NGES PAR 'BYED PA STE, MTHONG BA'I LAM MO, ,DE THOB PA NI CHA'O, ,DE LA PHAN PA NI NGES PAR 'BYED PA'I CHA DANG MTHUN PA'O, ,LA LAR NI MANG PO'I TSIG GSAL BA'I DBYE BA BYAS TE, DRO BA RNAMS DANG, RTZE MO RNAMS DANG, BZOD PA RNAMS DANG, 'JIG RTEN CHOS KYI MCHOG RNAMS ZHES BYA BA'O, ,LA LAR NI GYUR PA'I SGRA SPYI'I TSIG TU BRJOD DE, DRO BAR GYUR PA DANG, RTZE MOR GYUR PA DANG, BZOD PAR GYUR PA DANG, 'JIG RTEN CHOS KYI MCHOG TU GYUR PA'O, ,SEMS CAN THAMS CAD YONGS SU SKYOB PA'I BSAM PA NYID KYIS NA BYANG CHUB SEMS DPA' RNAMS NI SKYOB PA'O, ,DE RNAMS KYI GANG CHUNG NGU DANG, 'BRING DANG CHEN PO NI KHYAD PAR 'PHAGS ZHES BYA BA NI KHYAD PAR DU GYUR PA NYID KYI PHYIR RO, ,GANG LAS SHE NA, NYAN THOS DAG DANG BSE RU DANG BCAS PA DAG LAS TE, NYAN THOS LA SOGS PA RNAMS KYI LAS ZHES BYA BA'I DON TO, ,GTAN TSIGS GANG LAS SHE NA, DMIGS PA DANG NI ZHES BYA BA LA SOGS PA GSUNGS SO, ,DMIGS PA DANG, RNAM PA DANG, THEG PA GSUM THOB PA'I RGYUR 'GYUR BA DANG, THABS LA MKHAS PA DANG, DGE BA'I BSHES GNYEN GYIS YONGS SU GZUNG BA DANG, JI LTAR RNAM PAR RTOG PA BZHI DANG LDAN PA STE, DE DAG RAB TU BYED PA LAS NI GO RIMS JI LTA BA BZHIN DU SBYAR RO, ,MDO LAS NI 'DI LAS GZHAN DU GSUNGS TE, @94B DES NA MDO'I RIM PAS 'DI NYID BSHAD PAR BYA STE, GO RIMS JI LTA BA BZHIN DU NI MA YIN NO, ,DE LA NYAN THOS LA SOGS PA DANG 'BREL PA'I NGES PAR 'BYED PA'I CHA DANG MTHUN PAS NI BDEN PA BZHI LA DMIGS PA STE, BDEN PA RE RE LA YANG RNAM PA BZHI BZHI STE, MI RTAG PA DANG, SDUG BSNGAL LA SOGS PA DANG, RGYU DANG KUN 'BYUNG BA LA SOGS PA DANG, 'GOG PA DANG, ZHI BA LA SOGS PA DANG, LAM DANG RIGS PA LA SOGS PA'O, ,BYANG CHUB SEMS DPA'I DROD DANG, RTZE MO DANG, BZOD PA DANG, CHOS KYI MCHOG GANG YIN PA DE DAG RE RE LA YANG CHUNG NGU DANG, 'BRING DANG, CHEN PO'I DBYE BAS RNAM PA BCU GNYIS SU 'GYUR TE, DE LA DRO BA CHUNG NGU'I NI, ,DMIGS PA MI RTAG LA SOGS PA, ,BDEN PA'I RTEN CAN DE YI NI, ,RNAM PA MNGON ZHEN LA SOGS 'GOG ,CES BYA BA GSUNGS SO, ,BDEN PA'I RTEN CAN ZHES BYA BA NI BDEN PA BZHI'I YUL LO, ,MI RTAG LA SOGS ZHES BYA BA NI MI RTAG PA NYID LA SOGS PA LA DMIGS PA STE, MDO JI LTA BA BZHIN NO, ,DE'I RNAM PA ZHES BYA BA NI DE LA DMIGS PA DE DANG 'DRA STE, 'DI LTA STE, MNGON ZHEN LA SOGS 'GOG CES BYA BA NI MNGON PAR ZHEN PA MA YIN PA DANG, GNAS PA MED PA DANG, 'DU SHES MED PA'O, ,DE LA DNGOS PO NYID KYI SHAS CHER NGAR 'DZIN PA NI, ,MNGON PAR ZHEN PA'O, ,'BRING NI GNAS PA'O, ,CHUNG NGU NI 'DU SHES SO, ,DE DAG 'GOG PA'O, ,DE DAG GIS STONG PA NI YE SHES KYI RANG GI NGO BO STE, DPER NA BUM PAS DBEN PA'I PHYOGS KYI NGO BO NYID NI PHYOGS NA BUM PA MED PA'O, ,DE LA DANG PO NI CHOS LA SRED PA ZHES BYA BA NAS, SKYON DU 'GYUR RO ZHES BYA BA'I BAR GYIS GSUNGS SO, ,DE NI SDUG BSNGAL GYI BDEN PA LA DROD CHUNG NGU'I DMIGS PA DANG RNAM PA'O, ,DE NAS MI MTHONG STE ZHES BYA BA'I BAR GYIS NI KUN 'BYUNG GI BDEN PA LA DROD CHUNG NGU'I DMIGS PA GSUNGS TE, DMIGS PA NI GZUGS LA SOGS PA'I GZHI SPANG BAR BYA BA LA SOGS PA'O, ,RNAM PA NI DE LAS MNGON PAR ZHEN PA LA SOGS PA DGAG PA'O, ,DE NAS DE LTAR 'GOG PA ZHES BYA BA NAS, YANG DAG PAR MI SHES PA'O ZHES BYA BA'I BAR GYIS NI 'GOG PA LA SOGS PA'I GZHI MNGON @95A *, ,SUM DU BYED PA LA SOGS PA'O, ,RNAM PA NI SNGA MA BZHIN DU STE, DE LA SKYON MED PA NI 'DI YIN TE, PHYI LA SOGS PA'I GZHI LA STONG PA NYID NI DMIGS PA'O, ,NANG LA SOGS PA'I GZHI LA STONG PA NYID DU DE DAG YANG DAG PAR RJES SU MI MTHONG BA NI RNAM PA STE, 'DI NI SKYON MED PA'O, ,DE NI 'GOG PA'I BDEN PA LA DROD CHUNG NGU'I DMIGS PA DANG RNAM PA'O, ,DE NAS ZHES BYA BA NAS RIG PAR BYA'O ZHES BYA BA'I BAR GYIS NI LAM GYI BDEN PA LA'O, ,DE LA GZUGS LA SOGS PA'I GZHI SHES PAR BYA BA NYID NI DMIGS PA'O, ,DE LTAR YANG BSAM PAR BYA BA MA YIN PA NI RNAM PA'O, ,DE BZHIN DU SEMS MED PA NI DE'I RANG BZHIN 'OD GSAL BA'O, ,'OD GSAL BA GANG LAS SHE NA, GANG GI PHYIR SEMS DE 'DOD CHAGS LA SOGS PA DANG LDAN PA YANG MA YIN, BRAL BA YANG MA YIN PA'O, ,DE'I SEMS MED PA GANG ZHE NA, GANG DE'I RANG BZHIN NI CHOS NYID DE, 'GYUR BA MED CING RNAM PAR RTOG PA MED PA'O, ,JI LTAR SEMS MA YIN PA NI SEMS MED PA NYID DO, ,DE BZHIN DU GZUGS LA SOGS PA YANG GZUGS LA SOGS PA MED PA NYID DE, DES NA SEMS LA SOGS PA'I RTEN CAN GYI RANG BZHIN NI DMIGS PA'O; ,'OD GSAL BA NI RNAM PA'O, ,DE NI LAM GYI BDEN PA LA DROD CHUNG NGU'I DMIGS PA DANG RNAM PA'O, ,THEG PA GSUM CHAR THOB PA'I RGYU ZHES BYA BA LA BYANG CHUB SEMS DPA'I DRO BA LA SOGS PA'I RNAM PA BCU GNYIS NI THEG PA GSUM STE, BYANG CHUB RNAM PA GSUM THOB PA'I RGYU'O, ,GANG DAG RIGS LA SOGS PA'I STOBS KYIS BYANG CHUB DMAN PA YANG THOB PA'I PHYIR RO, ,NYAN THOS DANG RANG SANGS RGYAS KYI THEG PA'I DRO BA LA SOGS PAS NI NAM YANG BYANG CHUB DAM PA THOB PAR MI BYED DO, ,GANG NYAN THOS KYI SA LA SLOB PAR 'DOD PAS KYANG ZHES BYA BA NAS, BSLANG PAR BYA'O ZHES BYA BA'I BAR GYIS GSUNGS SO, ,'BRING GIS NI, GZUGS SOGS SKYE 'JIG GNAS PA DANG, ,ZHES BYA BA LA, MING GIS ZHES BYA BA NI LHAG MA'O, ,GNAS PA MED PA BRAL BA STE, ,MING GIS ZHES BYA BA YANG LHAG MA'O, ,GZUGS LA SOGS PA NI MDO JI LTA BA BZHIN @95B DU RGYA CHER SHES PAR BYA'O, ,DE'I SKYE BA NI MING GIS GZHAN LAS RTOGS PA STE DE MED PA'O, ,'JIG PA NI MING GIS GZHAN DAG LA STON PA STE, DE MED PA DE NI DRO BA 'BRING GI DMIGS PA'O, ,MING DE STON PA LA GNAS PA YANG MED LA, MI GNAS PA YANG MED PA STE, NYAN PA PO LA BRAL ZHING 'PHOS PA YANG MED PA NI RNAM PA'O, ,DE YANG GANG LAS SHE NA, MING NI MED PA'I PHYIR RO, ,DES NA YANG DE DAG MED DO ZHES DGONGS PA'O, ,GANG DE NAS TSE DANG LDAN PA RAB 'BYOR GYIS ZHES BYA BA NAS GANG YANG 'DI BCOM LDAN 'DAS ZHES BYA BA'I BAR GYIS GSUNGS SO, , GNAS PA MED PA MA YIN MI GNAS PA MED PA YANG MA YIN ZHES BYA BA YANG 'DIR BRJOD DE, RNAM PA BZHI MED PAR 'DIR BSTAN NA NI 'BREL PA MED PAR 'GYUR BA'I PHYIR RO, ,BSTAN BCOS SU NI GNAS PA DANG BRAL BA MI DGAG PA NI GTZO BO YIN PA'O, ,DE NI DROD 'BRING GI DMIGS PA DANG RNAM PA'O, ,CHEN PO'I NI, GNAS DANG BTAGS DANG BRJOD DU MED, ,CES BYA BA LA, 'DI DAG NI BTAGS PA TZAM STE 'DI LTA STE BYANG CHUB SEMS DPA' ZHES CHOS KYI BRDAR BGYI BA ZHES BYA BA NAS, SANGS RGYAS KYI CHOS ZHES BGYI BA'I MING ZHES BYA BA'I BAR NI DMIGS PA'O, , DE PHUNG PO'AM, KHAMS SAM, DNGOS PO'AM DNGOS PO MED PA GANG GIS KYANG BRJOD DU MED DO ZHES BYA BA NI RNAM PA'O, ,GANG YANG 'DI BCOM LDAN 'DAS ZHES BYA BA LA SOGS PA NAS, MI GNAS PA'I TSUL GYIS LEGS PAR GNAS SO ZHES BYA BA'I BAR NI DRO BA CHEN PO'I DMIGS PA DANG RNAM PA'O, ,DPER NA GTZUB SHING GIS GTZUBS PA NA ME 'BYUNG BA'I SNGA LTAS DRO BA DE BZHIN DU 'JIG RTEN LAS 'DAS PA'I YE SHES KYI ME YANG DE BZHIN NO, ,DES NA DRO BA DANG CHOS MTHUN PA'I PHYIR NA DROD DO, ,RTZE MO CHUNG NGU'I NI, GZUGS SOGS MI GNAS DE DAG NI, ,DE YI NGO BO RANG BZHIN MED; ,DE DAG GCIG GI RANG BZHIN GCIG ,CES BYA BA LA, GZUGS SOGS MI GNAS ZHES BYA BA NI GZUGS LA SOGS PA LA MI GNAS PA'O, ,GZUGS LA SOGS PA GANG YIN PA DE DAG GI DNGOS PO STONG PA NYID NI DE DMIGS PA'O, ,GZUGS SOGS KYI STENG PA NYID GANG YIN PA DE @96A *, ,GZUGS MA YIN TE, MTSAN NYID THA DAD PA'I PHYIR RO ZHES BYA BA 'DI NI GZUGS LA SOGS PA'I STONG PA NYID GANG LAGS PA DE GZUGS MA YIN NO ZHES BYA BA GSUNGS SO, ,DE DAG GCIG GI RANG BZHIN GCIG ,CES BYA BA NI PHAN TSUN GYI NGO BO NYID DE GZUGS LA SOGS PA NYID STONG PA NYID KYANG GZUGS LA SOGS PA'O ZHES BYA BA NI RNAM PA'O, ,GZHAN YANG, DE MI RTAG SOGS PAR MI GNAS, ,DE RNAMS DE YI NGO BOS STONG, ,DE DAG GCIG GI RANG BZHIN GCIG ,CES BYA BA LA, GZUGS LA SOGS PA LA MI RTAG PA LA SOGS PAR MI GNAS PA NI GNAS PA MED PA'O, ,GANG GZUGS LA SOGS PA'I MI RTAG PA LA SOGS PA NI GZUGS MI RTAG PA LA SOGS PAS STONG PA NYID DE DMIGS PA'O, ,GZUGS MI RTAG PA LA SOGS PA NYID STONG PA NYID DO, ,STONG PA NYID KYANG GZUGS MI RTAG PA LA SOGS PA NYID DE, DE NI RNAM PA'O, ,GANG MI GNAS PA'I TSUL GYIS LEGS PAR GNAS PA ZHES BYA BA NAS, RANG GI NGO BO STONG PA NYID NYE BAR BLANG BAR BYA'O ZHES BYA BA'I BAR GZHAN GYIS GSUNGS TE, DE NI RTZE MO CHUNG NGU'I DMIGS PA DANG RNAM PA'O, ,'BRING GI NI, CHOS RNAMS MI 'DZIN GANG YIN DANG, ,ZHES BYA BA LA, GZUGS LA SOGS PA'I CHOS RNAMS MI 'DZIN PA GANG YIN PA DE NI DMIGS PA'O, ,DE DAG MTSAN MAR MI MTHONG PHYIR, ,ZHES BYA BA LA, GZUGS LA SOGS PA NYID MTSAN MA'O, ,MTSAN MA NYID NYON MONGS PA'O, ,DE YID LA MI BYED PA'I PHYIR TE, DE NI RNAM PA'O, ,GANG DE CI'I PHYIR ZHE NA, DE LTAR NA RNAM PA THAMS CAD MKHYEN PA NYID MTSAN MAR MI GZUNG NGO ZHES BYA BA NAS, CHOS THAMS CAD YONGS SU MI GZUNG BA'I SLAD DU'O ZHES BYA BA'I BAR GYIS GSUNGS TE, DE NI RTZE MO 'BRING GI DMIGS PA DANG RNAM PA'O, ,CHEN PO NI, THAMS CAD DMIGS SU MED PAR NI, ,SHES RAB KYIS NI YONGS RTOGS PA'O, ,ZHES BYA BA LA, SHES RAB KYI PHA ROL TU PHYIN PA ZHES BYA BA NI GANG YIN, CHOS GANG CI YANG RUNG BA MI DMIGS PA'AM ZHES PA STE, DE NI DMIGS PA'O, ,GANG MI DMIGS PA ZHE NA, PHA ROL TU PHYIN PA LA SOGS @96B PA'I CHOS THAMS CAD MI DMIGS PA STE, DE NI RNAM PA'O, ,GANG GZHAN YANG BCOM LDAN 'DAS ZHES BRTAGS PA BYA BA NAS BRTZAMS NAS, RIG PAR BYA'O ZHES BYA BA'I BAR GYIS GSUNGS SO, ,DE NI RTZE MO CHEN PO'I DMIGS PA DANG RNAM PA'O, ,DGE BA'I RTZA BA G-YO BA THAMS CAD KYI RTZE MO YIN PA'I PHYIR RTZE MO'O, ,BZOD PA CHUNG NGU'I NI, GZUGS SOGS NGO BO NYID MED NYID, ,DE MED PA YI NGO BO NYID, ,CES BYA BA LA, GZUGS LA SOGS PA'I NGO BO NYID MED PA NI RANG GI MTSAN NYID DANG BRAL BA STE DMIGS PA'O, ,GANG GI PHYIR GZUGS LA SOGS PA DE'I DNGOS PO MED PA'I NGO BO DE NI RNAM PA'O, ,GANG DE NAS TSE DANG LDAN PA SH'A RI'I BUS ZHES BYA BA NAS, RNAM PA THAMS CAD MKHYEN PA NYID DU NGES PAR 'BYUNG NGO ZHES BYA BA'I BAR GYIS GSUNGS TE, DE NI BZOD PA CHUNG NGU'I DMIGS PA DANG RNAM PA'O, ,'BRING GI NI, DE DAG SKYE MED NGES 'BYUNG MED, ,DAG DANG ZHES BYA BA LA GZUGS LA SOGS PA DE DAG RANG GI DNGOS PO MED PA'I PHYIR SKYE BA MED CING NGES PAR 'BYUNG BA MED PA STE, DE NI DMIGS PA'O, ,DE LTAR SPYOD PA NI LUS LA SOGS PA DAG PA THOB PA ZHES BYA BA DE NYID DAG PA STE RNAM PA'O, ,GANG DE CI'I PHYIR ZHE NA, 'DI LTAR TSE DANG LDAN PA ZHES BYA BA NAS, YANG DAG PAR RDZOGS PA'I BYANG CHUB CES BYA BA'I BAR GYIS GSUNGS TE, DE NI BZOD PA 'BRING GI DMIGS PA DANG RNAM PA'O, ,CHEN PO'I NI, DE DAG DE YI MTSAN MED NYID, ,DE YI MTSAN MAR MI RTEN PAS, ,MOS MIN 'DU SHES MED PA YIN, ,ZHES BYA BA LA, GZUGS LA SOGS PA'I MTSAN MA MED PA NI DMIGS PA'O, ,RNAM PA YANG DE'I MTSAN MA LA MI RTEN PA DANG BCAS PA'I MOS PA MA YIN PA DANG, 'DU SHES MED PA YIN NO, ,GANG DE NAS TSE DANG LDAN PA ZHES BYA BA NAS, RNAM PA THAMS CAD MKHYEN PA NYID CES BYA BA'I BAR GYIS GSUNGS SO, ,DE NI BZOD PA CHEN PO'I DMIGS PA DANG RNAM PA'O, ,CHOS KYI MCHOG LA BZOD PA'I PHYIR NA BZOD PA'O, ,CHOS KYI MCHOG CHUNG NGU NI, TING 'DZIN DA YI BYED PA NYID, ,CES BYA BA LA, TING NGE 'DZIN NI DMIGS PA STE, CHOS THAMS CAD LEN PA MED PA ZHES BYA BA GSUNGS SO, ,GANG LAS SHE NA, GANG GI PHYIR CHOS THAMS CAD NI LEN @97A *, ,PA MED PA STE, DES DNGOS PO MED PA'I NGO BO NYID KYI PHYIR RO, ,DE'I BYED PA NI MYUR DU MNGON PAR RDZOGS PAR BYANG CHUB PA STE, DE NI RNAM PA'O, ,GANG DE YANG TSE DANG LDAN PA ZHES BYA BA LA SOGS PA NAS, NAM MKHA' LTAR CHAGS PA MED PAS RNAM PAR GROL ZHING GOS PA MED PA ZHES BYA BA'I TING NGE 'DZIN CES BYA'O ZHES BYA BA'I BAR GYIS GSUNGS TE, 'DI NI CHOS KYI MCHOG CHUNG NGU'I DMIGS PA DANG RNAM PA'O, ,'BRING GI NI, LUNG STON PA DANG RLOM PA ZAD, ,CES BYA BA LA, DE LTAR SPYOD PA NA DUS GSUM DU GSHEGS PA'I DE BZHIN GSHEGS PA RNAMS KYIS LUNG BSTAN PA NI DMIGS PA'O, ,TING NGE 'DZIN DANG BDAG DANG SNYOMS PAR ZHUGS PA ZHES BYA BA MI DMIGS SHING RLOM PA ZAD PA NI RNAM PA'O, ,GANG DE NAS ZHES BYA BA LA SOGS PA NAS, MI DMIGS SO ZHES BYA BA'I BAR GYIS GSUNGS TE, 'DI NI CHOS KYI MCHOG 'BRING GI DMIGS PA DANG RNAM PA'O, ,CHEN PO'I NI, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,ZHES BYA BA LA, BYANG CHUB SEMS DPA' DANG TING NGE 'DZIN DANG SHES RAB KYI PHA ROL TU PHYIN PA DAG GI PHAN TSUN RANG GI NGO BO GCIG PA NI DMIGS PA'O, ,DE YANG TING NGE 'DZIN LA RNAM PAR MI RTOG PA NI RNAM PA'O, ,GANG SH'A RI'I BUS SMRAS PA ZHES BYA BA LA SOGS PA NAS, YANG DAG PAR MI SHES SO ZHES BYA BA'I BAR GYIS GSUNGS TE, DE NI CHOS KYI MCHOG CHEN PO'I DMIGS PA DANG RNAM PA'O, ,'JIG RTEN PA THAMS CAD KYI CHOS KYI MCHOG YIN PAS NA CHOS KYI MCHOG GO, ,DE LTAR NGES 'BYED CHA MTHUN NI, ,CHUNG DANG 'BRING DANG CHEN POS YIN, ,ZHES BYA BA LA, RE RE LA YANG CHUNG NGU DANG 'BRING DANG, CHEN PO'I DBYE BAS RNAM PA BCU GNYIS NI NGES PAR 'BYED PA'I CHA DANG MTHUN PA'O, ,DE LTAR ZHES BRJOD PA NI DE BZHIN TE, DMIGS PA DANG RNAM PA'I DBYE BAS GO RIMS BZHIN DU SHES PAR BYA'O, , DROD LA SOGS PA'I RNAM PAR RTOG PA DANG YANG DAG PAR 'BREL PA BRJOD PAR BYA STE, DE'I GNAS SKABS NI MDO LAS, DE NAS BCOM LDAN 'DAS ZHES BYA BA NAS, RNAM PAR DAG PA ZHES BRJOD DO ZHES BYA BA'I BAR GYIS GSUNGS TE, ZHI DANG DE YI GNYEN PO YIS, ,GZUNG BAR RTOG PA RNAM @97B PA GNYIS, ,RMONGS DANG PHUNG SOGS BYE BRAG GIS, ,DE NI SO SOR RNAM PA DGU, ,ZHES BYA BA LA, GZUNG BA'I RTOG PA ZHES BYA BA NI GZUNG BA'I RNAM PAR RTOG PA'O, ,DE NI RNAM PA GNYIS TE, DANG PO BZHI NI 'JIG RTEN LA GRAGS PA'O, ,CIG SHOS NI DE'I GNYEN PO STE, NYAN THOS LA SOGS PA LA RAB TU GRAGS PA'O, ,DE DAG RE RE LA YANG RNAM PA DGU DGU STE, MA RIG PA DANG PHUNG PO LA SOGS PA'I DBYE BA DANG, PHUNG PO DANG SKYE BA'I SGO LA SOGS PA'I DBYE BAS TE, GO RIMS BZHIN DU DANG PO NI DRO BA DAG LA, GNYIS PA NI RTZE MO DAG LA'O, ,DE LA MED PA'I DON NI MA RIG PA'I YUL YIN PA'I PHYIR RO, ,DE 'DZIN PA'I RNAM PAR RTOG PA NI MA RIG PA'I RNAM PAR RTOG PA STE, GANG SH'A RI'I BUS GSOL PA ZHES BYA BA NAS, DE'I PHYIR MED CES BYA'O ZHES BYA BA'I BAR GYIS GSUNGS SO, ,PHUNG PO'I RNAM PAR RTOG PA NI GANG SH'A RI'I BUS GSOL BA ZHES BYA BA NAS; DNGOS PO MED PA'I NGO BO NYID STONG PA NYID NYE BAR BLANG BAR BYA'O ZHES BYA BA'I BAR GYIS GSUNGS SO, ,MING DANG GZUGS LA MNGON PAR ZHEN PA'I RNAM PAR RTOG PA NI GANG DE LA BYIS PA ZHES BYA BA NAS, MNGON PAR ZHEN PA ZHES BYA BA'I BAR GYIS GSUNGS SO, ,MTHA' GNYIS LA MNGON PAR ZHEN PA'I RNAM PAR RTOG PA NI GANG DE DAG CHOS RNAMS LA MNGON PAR ZHEN PA ZHES BYA BA LA SOGS PA NAS, GRANGS SU 'GRO'O ZHES BYA BA'I BAR GYIS GSUNGS SO, ,KUN NAS NYON MONGS PA DANG, RNAM PAR BYANG BAR MI SHES PA'I RNAM PAR RTOG PA NI GANG DE DAG MA RIG PA DANG, SRED PA'I RKYEN ZHES BYA BA LA SOGS PA NAS, CHOS RNAMS LAS NGES PAR MI 'BYUNG NGO ZHES BYA BA'I BAR GYIS GSUNGS SO, ,'PHAGS PA'I LAM LA MI GNAS PA'I RNAM PAR RTOG PA NI GANG DE DAG YID MI CHES ZHES BYA BA LA SOGS PA NAS, RNAM PA THAMS CAD MKHYEN PA NYID LA ZHES BYA BA'I BAR GYIS GSUNGS SO, ,DMIGS PA'I RNAM PAR RTOG PA NI YANG SH'A RI'I BUS GSOL BA, JI LTAR YANG ZHES BYA BA LA SOGS PA NAS, MI DMIGS PA'I TSUL GYIS ZHES BYA BA'I BAR GYIS GSUNGS SO, ,BDAG LA SOGS PA'I RNAM PAR RTOG PA NI GANG SH'A RI'I BUS GSOL BA GANG GIS ZHES BYA BA LA SOGS PA NAS, SHIN TU RNAM PAR DAG @98A *, ,PA NYE BAR BLANG BAR BYA'O ZHES BYA BA'I BAR GYIS GSUNGS SO, ,SKYE BA LA SOGS PA'I RNAM PAR RTOG PA'I GNYEN POR NI GANG SKYE BA MED PA ZHES BYA BA LA SOGS PA NAS, RNAM PAR DAG PA ZHES BYA BA'I BAR GYIS GSUNGS SO, ,DE NI GZUNG BA'I RNAM PAR RTOG PA DANG PO RNAM PA DGU'O, ,PHUNG PO'I DON GYI RNAM PAR RTOG PA NI GANG THABS LA MI MKHAS PAS GZUGS LA SOGS PA ZHES BYA BA GSUNGS SO, ,SKYE BA'I SGO'I DON GYI RNAM PAR RTOG PA NI GANG MIG LA RTOG CING ZHES BYA BA LA SOGS PAS GSUNGS SO, ,RIGS KYI DON GYI RNAM PAR RTOG PA NI GANG MIG DANG GZUGS DANG, MIG GI RNAM PAR SHES PA'I KHAMS ZHES BYA BA LA SOGS PAS GSUNGS SO, ,RTEN CING 'BREL PAR 'BYUNG BA'I DON GYI RNAM PAR RTOG PA NI GANG MA RIG PA ZHES BYA BA LA SOGS PAS GSUNGS SO, ,STONG PA NYID KYI DON GYI RNAM PAR RTOG PA NI GANG DE NANG STONG PA NYID CES BYA BA LA SOGS PAS GSUNGS SO, ,PHA ROL TU PHYIN PA'I DON GYI RNAM PAR RTOG PA NI GANG PHA ROL TU PHYIN PA DRUG CES BYA BA LA SOGS PAS GSUNGS SO, ,MTHONG BA'I LAM GYI RNAM PAR RTOG PA NI GANG BYANG CHUB KYI PHYOGS KYI CHOS SUM CU RTZA BDUN ZHES BYA BA LA SOGS PAS GSUNGS SO, ,BSGOM PA'I LAM GYI RNAM PAR RTOG PA NI GANG BSAM GTAN DANG, MNGON PAR SHES PA DANG, TSAD MED PA LA SOGS PAS GSUNGS SO, ,MI SLOB PA'I LAM GYI RNAM PAR RTOG PA NI GANG DE BZHIN GSHEGS PA'I STOBS BCU ZHES BYA BA LA SOGS PAS GSUNGS SO, ,DE NI GZUNG BA'I RNAM PAR RTOG PA RNAM PA DGU'O, ,BDAG SOGS RANG DBANG NGO BO DANG, ,DE BZHIN PHUNG SOGS RTEN SGO NAS, ,RDZAS DANG BTAGS PA'I RTEN CAN GYI, ,'DZIN PA'ANG RNAM PA GNYIS SU 'DOD, ,'DZIN PA ZHES BYA BA NI 'DZIN PA'I RNAM PAR RTOG PA'O, ,DE YANG RNAM PA GNYIS SU 'DOD DO, ,JI LTAR ZHE NA, GANG GI PHYIR BDAG RANG DBANG LA SOGS PA'I NGO BOS RDZAS LA BRTEN PA DANG, PHUNG PO LA SOGS PA LA BRTEN PAS BTAGS PA LA BRTEN PA STE, DE DAG NI GO RIMS BZHIN DU BZOD PA DANG CHOS KYI MCHOG LA SBYAR RO, ,DE BZHIN DU ZHES BYA BA NI JI LTAR GZUNG BA'I RNAM PAR RTOG PA SO SOR RNAM PA DGU @98B YIN PA DE BZHIN DU 'DZIN PA'I RNAM PAR RTOG PA YANG DE BZHIN NO ZHES BYA BA'I DON TO, ,DE LA BDAG RANG DBANG CAN GYI RNAM PAR RTOG PA'I GNYEN POR NO, GANG SH'A RI'I BU BDAG NYE BAR MI DMIGS ZHES BYA BA LA SOGS PAS GSUNGS SO, ,BDAG GCIG PUR RNAM PAR RTOG PA'I GNYEN POR NI; GANG SH'A RI'I BU GZUGS ZHES BYA BA LA SOGS PAS GSUNGS SO, ,DE NAS BDAG RGYUR RNAM PAR RTOG PA'I GNYEN POR NI, GANG SH'A RI'I BU MIG CES BYA BA LA SOGS PAS GSUNGS SO, ,DE NAS BDAG LTA BA PO LA SOGS PA RNAM PAR RTOG PA'I GNYEN POR NI, GANG SH'A RI'I BU MIG DANG GZUGS DANG, MIG GI RNAM PAR SHES PA ZHES BYA BA LA SOGS PAS GSUNGS SO, ,DE NAS BDAG KUN NAS NYON MONGS PA'I RTEN DU RNAM PAR RTOG PA'I GNYEN POR NI, GANG SH'A RI'I BU RTEN CING 'BREL PAR 'BYUNG BA ZHES BYA BA LA SOGS PAS GSUNGS SO, ,DE NAS BDAG 'DOD CHAGS DANG BRAL BA'I RTEN DU RNAM PAR RTOG PA'I GNYEN POR NI GANG BSAM GTAN DANG PO LA ZHES BYA BA LA SOGS PAS GSUNGS SO, ,DE NAS BDAG MTHONG BA'I LAM GYI RTEN DU RNAM PAR RTOG PA'I GNYEN POR NI GANG 'PHAGS PA'I BDEN PA ZHES BYA BA LA SOGS PAS GSUNGS SO, ,DE NAS BDAG BSGOM PA'I LAM GYI RTEN DU RNAM PAR RTOG PA'I GNYEN POR NI GANG RNAM PAR THAR PA BRGYAD CES BYA BA LA SOGS PAS GSUNGS SO, ,DE NAS BDAG DON DAM PA'I RTEN DU RNAM PAR RTOG PA'I GNYEN POR NI GANG STOBS BCU ZHES BYA BA LA SOGS PAS GSUNGS SO, ,DE NI 'DZIN PA'I RNAM PAR RTOG PA DANG PO DGU'O, ,SGYU MA'I NGO BO NYID KYI PHYIR BTAGS PA'O, ,DE LA DANG POR BTAGS PAR RNAM PAR RTOG PA NI BCOM LDAN 'DAS DE LTA MA LAGS SO ZHES BYA BA'I BAR GYIS GSUNGS SO, ,DE NAS SKYE MCHED LA BTAGS PAR YOD PA'I RNAM PAR RTOG PA NI BCOM LDAN 'DAS DE LTA MA LAGS SO ZHES BYA BA'I BAR GYIS GSUNGS SO, ,DE NAS KHAMS BTAGS PAR RNAM PAR RTOG PA NI SGYU MA NYID RNAM PAR SHES PA'I KHAMS SO ZHES BYA BA'I BAR GYIS GSUNGS SO, ,DE NAS RTEN CING 'BREL PAR 'BYUNG BA BTAGS PAR RNAM PAR RTOG PA NI SGYU MA NYID RGA SHI ZHES BYA BA'I BAR GYIS GSUNGS SO, ,DE NAS @99A *, ,RNAM PAR BYANG BAR BTAGS PAR RTOG PA NI BCOM LDAN 'DAS MA LAGS SO ZHES BYA BA'I BAR GYIS GSUNGS SO, ,DE NAS MTHONG BA'I LAM BTAGS PAR RNAM PAR RTOG PA NI, BCOM LDAN 'DAS MA LAGS SO ZHES BYA BA'I BAR GYIS GSUNGS SO, ,DE NAS BSGOM PA'I LAM BTAGS PAR RNAM PAR RTOG PA NI BCOM LDAN 'DAS MA LAGS SO ZHES BYA BA'I BAR GYIS GSUNGS SO, ,DE NAS KHYAD PAR GYI LAM BTAGS PAR RNAM PAR RTOG PA NI BCOM LDAN 'DAS MA LAGS SO ZHES BYA BA'I BAR GYIS GSUNGS SO, ,DE NAS MI SLOB PA'I LAM BTAGS PA'I RNAM PAR RTOG PA NI RNAM PA THAMS CAD MKHYEN PA NYID RJES SU THOB PAR 'GYUR RO ZHES BYA BA'I BAR GYIS GSUNGS SO, ,DE NI 'DZIN PA'I RNAM PAR RTOG PA GNYIS PA DGU YIN NO, ,RNAM PAR RTOG PA DANG YANG DAG PAR 'BREL PA BSHAD NAS, YANG DAG PAR YONGS SU 'DZIN PA'I DBANG DU BYAS TE, SEMS MI 'GONG BA NYID SOGS KYI, ,NGO BO NYID MED SOGS STON BYED, ,DE YI MI MTHUN PHYOGS BOR BA, ,RNAM PA KUN TU YONGS 'DZIN YIN, ,ZHES BYA BA LA, SKRAG PA NYID NI CHUNG NGU DANG 'BRING DANG CHEN PO'I RIM PA JI LTA BAR SKRAG PA DANG DNGANG BA DANG SHIN TU DNGANG BAR 'GYUR BA STE, DE'I GNYEN POR MI 'GONG, YANG DAG PAR MI 'GONG, YANG DAG PAR MI 'GONG BAR MI 'GYUR BA'O, ,GANG GI PHYIR DE BZHIN DU GANG LAS SEMS MI 'GONG BA LA SOGS PAR 'GYUR BA DE LA DE SKAD CES BYA BA STE, THABS LA MKHAS PA ZHES BYA BA'I DON TO, ,NGO BO NYID MED CES BYA BA NI CHOS THAMS CAD NGO BO NYID MED PA'O; SOGS PA ZHES BYA BA'I SGRAS NI RNAM PA THAMS CAD MKHYEN PA NYID YID LA BYED PA DANG, YONGS SU BSNGO BA LA SOGS PA'O, ,DE STON PAR BYED PA NI 'CHAD PAR BYED PA STE, DGE BA'I BSHES GNYEN ZHES BYA BA'I DON TO, ,DE'I MI MTHUN PA'I PHYOGS NI THABS LA MI MKHAS PA DANG, SDIG PA'I GROGS PO'O, ,DE'I MI MTHUN PA'I PHYOGS BOR BA NI YONGS GTONG BA'O, ,GANG BZHI PO DE DAG NI RNAM PA KUN TU STE RNAM PA THAMS CAD DU'O, ,DE YANG DAG PAR YONGS SU 'DZIN PA ZHES BYA BA LA, YANG DAG PAR YONGS SU 'DZIN PA NYID NI NANG DANG PHYI ROL GYI 'DREN PA DAG GIS MI MTHUN @99B PA'I PHYOGS MED PA'O, ,'DI DAG GI SKABS KYI MDO NI DE NAS TSE DANG LDAN PA RAB 'BYOR ZHES BYA BA LA SOGS PA NAS, RAB 'BYOR GYIS GSOL BA ZHES BYA BA YAN CHAD KYIS GSUNGS SO, ,DE DAG SO SOR NGES PAR BSTAN PA NI RAB 'BYOR GYIS GSOL PA ZHES BYA BA SNGON DU 'GRO BAS RNAM PA BZHI'I RGYUN GYIS TE, SHES PAR BYAS NAS YONGS SU SPANG BAR BYA'O ZHES BYA BA'I BAR DU'O, ,NGES PAR 'BYED PA'I YAN LAG RNAM PA BZHI BSTAN NAS, SGRUB PA'I RTEN YANG BRJOD PAR BYA STE, DE YANG BYANG CHUB KYI RIGS TE, DE YANG, RTOG PA YI NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, ,SHES RAB SNYING BRTZER BCAS PA DANG, ,SLOB MA THUN MONG MIN NYID DANG, ,GZHAN GYI DON GYI GO RIMS DANG, ,YE SHES RTZOL BA MI MNGA' BAR, ,'JUG PA'I RTEN LA RIGS ZHES BYA, ,ZHES GSUNGS SO, ,SGRUB PA DANG, 'JUG PA DANG, TSOGS DANG, NGES PAR 'BYUNG BA ZHES BYA BA LAS 'DI NAS BZUNG STE, DE'I RTEN DANG, DMIGS PA DANG, CHED DU BYA BA RNAMS BSHAD DE, DE DAG LAS RIGS ZHES BYA BA NI SKABS KYI BYANG CHUB KYI RIGS TE, NGES PAR 'BYED PA'I CHA DANG MTHUN PA DANG, MTHONG BA DANG, BSGOM PA'I LAM STE, RTOGS PA'I CHOS NI DRUG GO, ,DES NA DRO BA LA SOGS PA BCU GSUM GYI RTEN GANG YIN PA NI RAB TU GNAS PA STE, RTEN DE NI BYANG CHUB KYI RIGS TE, 'DI DAG NYID KYIS BYANG CHUB YANG DAG PAR SGRUB PA'I PHYIR RO, ,GANG BYANG CHUB KYI RIGS DE NI 'DI DAG GI RTEN TE, RIGS MED PA DANG, RIGS DMAN PA NI 'DI DAG GI RTEN MA YIN PA'I PHYIR RO, ,GO ZHES BYA BA NI 'GRO BA DANG GNAS PA LA 'JUG PA'O, ,'DIR NI GNAS PAS NA 'JUG PA STE, RTEN PA ZHES BYA BA'I DON TE, DPER NA NAM MKHA' NI THAMS CAD DU 'GRO BA ZHES BYA BA LTA BU'O, ,MI G-YO BA'I TSUL GYIS 'DZIN PAS SKYOB PA STE, DES NA RIGS NI RTEN NO, ,DES NA BYANG CHUB KYI RIGS KYI SKABS NAS, RAB 'BYOR GYIS GSOL PA, BCOM LDAN 'DAS KYIS BYANG CHUB SEMS DPA' BYANG CHUB SEMS DPA' ZHES GSUNGS PA, BCOM LDAN 'DAS BYANG CHUB SEMS DPA' ZHES BYA BA'I TSIG GI DON GANG LAGS ZHES BYA BA LA, @100A *, ,GANG BYANG CHUB SEMS DPA' ZHES BYA BA BYANG CHUB KYI RTEN SEMS DPA' NI BYANG CHUB SEMS DPA' ZHES BYA BA NAS TE, DE BYANG CHUB SEMS DPA' ZHES BRJOD DO, ,DES NA BYANG CHUB SEMS DPA' ZHES BYA BA'I TSIG 'DI NI BYANG CHUB KYI RTEN SEMS DPA' TSIG GO, ,TSIG GI DON GANG YIN PA ZHES BYA BA NI BRJOD PAR BYA BA GANG YIN ZHES PA STE, BDAG SKYE MCHED DRUG GANG YIN ZHES DRIS PA'I DON TO, ,BCOM LDAN 'DAS KYIS BKA' STZAL PA, RAB 'BYOR BYANG CHUB SEMS DPA'I TSIG GI DON NI TSIG GI DON MED PA STE, RAB 'BYOR BYANG CHUB SEMS DPA'I TSIG GI DON ZHES BYA BA LA, BDAG DANG SKYE MCHED DRUG GI NGO BO NI TSIG GI DON TE, TSIG GI DON DU MNGON PAR 'DOD PA NYID KYI PHYIR RO, ,TSIG GI DON MED PA NI TSIGS GI DON TO, ,GZHAN GYI DBANG GI NGO BO'I SKYE MCHED DRUG GI RDZAS LA GANG KUN BRTAGS PA'I NGO BO DE DAG MED DO, ,DE DAG GI CHOS NYID STONG PA NYID CHOS KYI DBYINGS NI 'DIR BYANG CHUB SEMS DPA'I TSIG GI DON TO ZHES BYA BA'I THA TSIG GO, ,'O NA RDZAS 'GA' ZHIG GI GZHIR 'GYUR PA DE NI DPER NA RGYA SHUG GI SNOD BZHIN NO, ,DNGOS PO MED PA NI RDZAS SU MED DE, DE JI LTAR BYANG CHUB KYI GZHIR 'GYUR SNYAM NA, DE CI'I PHYIR ZHE NA ZHES BYA BA LA SOGS PAS GSUNGS SO, , GZHI LAS SKYE BA DANG YOD PA NI RDZAS YIN LA, DE'I GZHI RDZAS NYID DU 'GYUR TE, DPER NA LO THOG GIS DANG RGYA SHUG GI SNOD LTA BU'O, ,BYANG CHUB LA NI SKYE BA MED, YOD PA YANG MED, MED PA MED, GRUB PAR BYA BA MED, DMIGS SU MED DE, 'DI LTA STE, CHOS KYI DBYINGS SGRIB PA THAMS CAD DANG BRAL BA'AM, RNAM PA THAMS CAD DU SHIN TU GSAL BA NI BYANG CHUB BO, ,DE YANG CHOS KYI DBYINGS LAS THA MI DAD PAS DE BZHIN DU BYANG CHUB DE SKYE BA MED DO, ,YOD PA MED DO, ,GRUB PAR BYA BA MED DO, ,DMIGS PA MED DE, CHOS KYI DBYINGS LAS THA DAD PA'I BYANG CHUB MED PA'I PHYIR RO, ,MED PA NYID KYANG MA YIN TE, KUN RDZOB TU YOD PA'I PHYIR RO, ,CHOS KYI DBYINGS RNAM PAR DAG PA GANG YIN PA YOD PA NYID LA DMIGS PA DE DAG KHO NA LA BYANG CHUB TU NYE BAR GDAGS PA'I PHYIR RO, ,DE'I PHYIR BYANG CHUB KYI RTEN PA YOD PA RDZAS SU MA YIN NO, ,CHOS KYI DBYINGS KYANG DE'I RTEN DU JI @100B LTAR 'GYUR ZHE NA, DPER NA ZHES BYA BA LA SOGS PAS GSUNGS SO, ,NAM MKHA' LA NI RJES MED DE, ,GZUGS CAN GYI MTSAN NYID RJES MED PA'I PHYIR RO, ,DE DE NYID KYIS NA MED DO, ,DES NA MI DMIGS SO, ,NAM MKHA' LA CHA SHAS MED PAS BYA'I RJES MED CING MI DMIGS KYANG NAM MKHA' DE'I GZHIR YANG 'GYUR RO, ,DE BZHIN DU ZHES BYA BA NI NAM MKHA' BZHIN DU'O, ,BYANG CHUB SEMS DPA'I TSIG GI DON CHOS KYI DBYINGS NI MED CING MI DMIGS SO, ,DES NA YANG CHA MED CING BRAL BAS NA BYANG CHUB NI MED CING MI DMIGS TE, BYA'I RJES BZHIN NO, ,DE NI DE'I RTEN DU 'GYUR TE; DE NI BYANG CHUB KYI RTEN NO, ,RTOGS PA DRUG NI DROD LA SOGS PA'I RTOG PA STE, DON DAM PA RTOGS PA NYID KYI PHYIR RO, ,DE DAG GI KHYAD PAR NI DPE'I KHYAD PAR LAS SHES PAR BYA'O, ,DE LA GZHI'I GZUNG BA YOD PAR 'GYUR BA MA YIN PAR NGES PAS NA DRO BAR GYUR PA NI BYANG CHUB PO, ,DES NA DE'I DE DANG 'DRA BA NYID KYI DPE NI RMI LAM LA SOGS PA STE, 'DI LTAR RMI LAM LA SOGS PA NI RMI LAM LA SOGS PA NYID KYIS NGES PAR RMI LAM LA SOGS PA'I SGRAR BRJOD DO, ,DE'I GZUNG BA'I DNGOS PO'I GNAS MI DANG, GLANG PO DANG, RTA LA SOGS PA MED CING MI DMIGS TE, DE NYID MED PAR NGES PA'I PHYIR RO, , BYANG CHUB SEMS DPA'I TSIG GI DON ZHES BYA BA LA, BYANG CHUB NI NDROD DO, ,DE'I TSIG GI DON DU MNGON PAR 'DOD PA'I BDAG DANG SKYE MCHED DRUG GI RANG GI NGO BO YANG MED CING MI DMIGS TE, KUN BRTAGS PA NYID KYI PHYIR RO, ,DES NA GANG ZAG GI CHOS KUN BRTAGS PAS STONG PA NYID KYI MTSAN NYID CHOS KYI DBYINGS NYID DE'I RTEN TE, DE'I DE NI DROD DU GYUR PA'I RTEN NO, ,RTZE MOR GYUR PA'I BYANG CHUB NI GZUNG BA'I GNYEN PO JI LTAR SNANG BA MED PAR NGES PA'I PHYIR RO, ,DES NA DE'I DE DANG 'DRA BA'I DPE NYID NI YANG DAG PA'I MTHA' LA SOGS PA STE, GZUNG BA MED PAR NGES PA'O, ,DE'I GZUNG BA'I GNAS NI YANG DAG PA'I MTHA' LA SOGS PA'O, ,LHAG MA YANG RJES SU DPAG PAR BYA STE, DE NI RTZE MOR GYUR PA'I RTEN NO, ,BDAG GI RDZAS DE NYID KYI YANG GZUGS LA SOGS PA MED PAR NGES PA NI BZOD PA'I BYANG CHUB PO, DES NA DE'I DPE NI SGYU MA'I SKYES BU ZHES BYA BA LA SOGS PAS GSUNGS SO, ,SGYU MA NYID DU NGES PA'I SKYES BU'I @101A *, ,RDZAS NI SGYU MA'I SKYES BU STE, DE'I GZUGS LA SOGS PA'I GNAS DE NYID NI SKYES BU'O, ,DE YANG MED CING MI DMIGS SO, ,SHES RAB KYI PHA ROL TU PHYIN PA LA ZHES BYA BA NI BZOD PA LA STE, DE'I PHYIR GZUNG BA MED PAR NGES PA'I PHA ROL TU PHYIN PA NI SHES RAB PO, ,LHAG MA NI RJES SU DPAG PAR BYA STE, 'DI NI BZOD PAR GYUR PA'I RTEN NO, ,BTAGS PA'I BDAG NYID KYANG MED PAR NGES PA'I PHYIR, CHOS KYI MCHOG GI BYANG CHUB NI SHES RAB KYI PHA ROL TU PHYIN PA STE, BZOD BZHIN NO, ,DES NA 'DI'I DPE NI SGYU MA'I SKYES BU'I NANG STONG PA NYID CES BYA BA LA SOGS PA GSUNGS SO; ,BTAGS PA PA'I YANG BDAG NYID SEMS CAN BKAG PAS SGYU MA'I SKYES BU STE, SKYES BU 'DI'I ZHES BYA BA NI SGYU MA'I SKYES BU'O, ,DE'I NANG STONG PA NYID LA SPYOD PA'I ZHES BYA BA NI BZHI PA'I DON GYI DRUG PA'O, ,BYANG CHUB 'DOD PA'I SEMS DPA' NI BYANG CHUB SEMS DPA' STE, DE NYID TSIG GI DON TO, ,RTEN GYI DNGOS PO NI BDAG DANG SKYE MCHED DE MED CING MI DMIGS PA STE, DE BZHIN DU ZHES BYA BA LA SOGS PAS SNGA MA BZHIN DU BKAG PA'I PHYIR RO, ,SHES RAB KYI PHA ROL TU PHYIN PA ZHES BYA BA NI CHOS KYI MCHOG STE, CHOS KYI MCHOG GI BYANG CHUB PO, ,DE'I RTEN SEMS DPA' NI BYANG CHUB SEMS DPA'O, ,LHAG MA NI SNGA MA BZHIN TE, DE NI CHOS KYI MCHOG GI RTEN NO, ,CHOS THAMS CAD KYI CHOS NYID TZAM MTHONG BA'I PHYIR MTHONG BA'I LAM GYI BYANG CHUB PO, ,DE NYID SHES RAB KYI PHA ROL TU PHYIN PA STE, RNAM PAR RTOG PA'I PHA ROL TU 'GRO BA'I PHYIR RO, ,DES NA DE'I DPE GSUNGS PA NI DE BZHIN GSHEGS PA'I GZUGS LA SOGS PA'I TSIG GI DON NI KUN BRTAGS PAR MED DE, GA LAS SHE NA, GANG GI PHYIR DE MI DMIGS PAS SO, ,LHAG MA NI SNGA MA BZHIN TE, DE NI MTHONG BA'I LAM GYI RTEN NO, ,BSGOM PA'I LAM GYI 'BRAS BU NI SGRIB PA THAMS CAD SPONG BA'O, ,DE'I RNAM GRANGS NI SKYE BA MED PA LA SOGS PA STE, DES NA 'DIR NYE BA'I RIGS PAS 'DIR DPER BSTAN PA STE, JI LTAR DE DAG GIS TSIG GI DON RTEN GYI DNGOS PO MED CING MI DMIGS TE, 'ON KYANG CHOS KYI DBYINGS NYID NI RTEN TE, DE BZHIN DU SHES RAB KYI PHA ROL TU PHYIN PA LA ZHES BYA BA NI BSGOM PA'I LAM LA'O, , @101B DES NA JI LTAR MTHONG BA'I DON DAM PA YONGS SU GCOD PA'I PHYIR RO, DE NYID KYI PHYIR DE NYID 'DIR BYANG CHUB STE, DE'I RTEN SEMS DPA' NI BYANG CHUB SEMS DPA'O, ,LHAG MA NI SNGA MA BZHIN TE, DE NI BSGOM PA'I LAM GYI RTEN NO, ,GNYEN PO'I SNANG BA'I 'OD NI SNANG BA STE NYI MA'I 'OD DO, ,DE'I GNAS NAM MKHA' MED CING MI DMIGS TE, GZUGS CAN GYI RDZAS KYI MTSAN NYID MED PA'I PHYIR RO, ,SHES RAB KYI PHA ROL TU PHYIN PA LA ZHES BYA BA NI GNYEN PO STE, DE NYID YIN LA DE'I RTEN SEMS DPA'O, ,LHAG MA NI SNGA MA BZHIN DU STE, DE NI GNYEN PO'I RTEN NO, ,MI MTHUN PA'I PHYOGS SPANGS PA'I DPE NI BSKAL PA'I ME 'BAR BA'I TSE NA SA LA SOGS PA'I 'DU BYED THAMS CAD KYI RTEN PA'I GNAS MED PA YIN TE, SHI BA'I 'DU BYED BZHIN NO, ,DE'I GNAS NI NAM MKHA'O, ,YANG NA SA LA SOGS PA'I 'DU BYED ZAD PAR 'GYUR BA NI DPE STE, DE DAG GI RTEN NI MED DE, GANG DU YANG MI GNAS PA'I PHYIR RO, ,SHES RAB KYI PHA ROL TU PHYIN PA LA ZHES BYA BA NI GNYEN POR GYUR BA'O, ,CHOS KYI DBYINGS DAG PA NI BYANG CHUB STE, MI MTHUN PA'I PHYOGS SPANGS PA'I MTSAN NYID DO, ,DE'I RTEN SEMS DPA'O, ,LHAG MA NI SNGA MA BZHIN TE DE NI SPONG BA'I RTEN NO, ,DE DAG NI GNYEN PO DANG SPONG BA DAG GO, ,YONGS SU GTUGS PA NI MTHAR 'GRO BA STE, GNYEN PO KHYAD PAR DU GYUR CING MTHAR THUG PA DANG, MI MTHUN PA'I PHYOGS ZAD PA'I MTHAR THUG PA'O, ,DE LA DPE NI DE BZHIN GSHEGS PA'I TSUL KHRIMS LA SOGS PA LA 'CHAL BA'I TSUL KHRIMS LA SOGS PA ZAD PA'I MTHAR THUG PA'O, ,SHES RAB KYI PHA ROL TU PHYIN PA LA ZHES BYA BA NI GNYEN POR GYUR PA LA'O, ,DE NYID NI BYANG CHUB STE, DE'I RTEN SEMS DPA'O, ,LHAG MA NI SNGA MA BZHIN TE, DE NI DE DAG YONGS SU GTUGS PA'I RTEN NO, ,SHES RAB DANG SNYING RJE'I RTEN DE'I DPE NI NYI MA DANG ZLA BA'I 'OD DE, DE'I GNAS NI NAM MKHA'O, ,SHES RAB KYI PHA ROL TU PHYIN PA LA ZHES BYA BA NI CHOS THAMS CAD MNYAM PA DANG, SEMS CAN THAMS CAD LA MNYAM PA NYID DU SHES PA'O, ,DE GNYI GA YANG BYANG CHUB STE, DON DAM PA SHES PA'I PHYIR RO, ,DE'I RTEN SEMS DPA'O, ,LHAG MA NI SNGA MA BZHIN @102A *, ,TE; DE NI SHES RAB DANG SNYING RJE'I RTEN NO, ,NYAN THOS DANG RANG SANGS RGYAS DANG THUN MONG MA YIN PA'I YE SHES NI SLOB MA DANG THUN MONG MA YIN PA NYID DO, ,NYAN THOS LA SOGS PA'I YE SHES KYI DPE NI GZA' DANG RGYU SKAR LA SOGS PA'I 'OD DO, ,DE DAG GI GNAS NI GO RIMS JI LTA BA BZHIN DU GANG ZAG LA BDAG MED PA DANG, NAM MKHA'I PHYOGS SO, ,DE GNYI GA MED DO, ,SHES RAB KYI PHA ROL TU PHYIN PA LA ZHES BYA BA NI YANG DAG PAR RDZOGS PA'I BYANG CHUB KYI MTSAN NYID DO, ,DE NYID BYANG CHUB STE, NYI MA DANG ZLA BA'I 'OD DANG 'DRA LA, DE'I RTEN SEMS DPA'O, ,LHAG MA NI SNGA MA BZHIN NO, ,DE NI SLOB MA DANG THUN MONG MA YIN PA'I RTEN NO, ,RGYAL CHEN RIS BZHI NAS 'OG MIN GYI BAR GYI MTHAR THUG PA'I RIM PA NI BYANG CHUB SEMS DPA' GZHAN GYI DON TE, DE BSTAN PA LAS NGES PAR SKYES PA NYID KYI PHYIR RO, ,DE NI NYE BAR GYUR PA RIGS PA 'DIS DE DAG GI 'OD NI GZHAN GYI DON GYI GO RIMS KYI DPE YIN NO, ,DE DAG GI 'OD KYI GNAS NI NAM MKHA'O, ,SHES RAB KYI PHA ROL TU PHYIN PA LA SPYOD PA ZHES BYA BA NI DE NYID GO RIMS SU STON PA'O, ,DE NYID STON PA NI BYANG CHUB STE, BYANG CHUB KYI RTZA BA NYID KYI PHYIR RO, ,DE'I RTEN SEMS DPA'O, ,LHAG MA NI SNGA MA BZHIN TE, DE NI GZHAN GYI DON GYI GO RIMS KYI RTEN NO, ,YE SHES RTZOL PA MI MNGA' BA ZHES BYA BA NI SANGS RGYAS RNAMS KYI STE, DE NYE BA'I RIGS PA 'DIS DE BZHIN GSHEGS PA'I RANG BZHIN GYI 'OD DE 'DRA BA DPER BSTAN TO, ,DE'I GNAS NI NAM MKHA'O, ,SHES RAB KYI PHA ROL TU PHYIN PA LA ZHES BYA BA NI LHUN GYIS GRUB PAR 'BYUNG BA'I YE SHES SO, ,YE SHES DE NYID NI BYANG CHUB STE, DE'I RTEN SEMS DPA'O, ,LHAG MA NI SNGA MA BZHIN NO, ,DE CI'I PHYIR ZHES BYA BA LA, YE SHES RTZOL BA MI MNGA' BA DE GA LAS SHE NA'O, ,'DI LTAR ZHES BYA BA NI GANG GI PHYIR RO, ,BYANG CHUB GANG YIN PA ZHES BYA BA NI CHOS RNAMS KYI YE SHES GANG GIS SO, ,BYANG CHUB SEMS DPA'I TSIG GI DON ZHES BYA BA NI SKYE MCHED DRUG GI KHYAD PAR RO, ,LDAN PA MA YIN PA NI KUN RDZOB TU THA DAD PA MED PA MA YIN PA'O, ,MI LDAN PA MA YIN ZHES BYA BA NI DON DAM PAR THA DAD PA MED PA'O, ,GZUGS @102B CAN MA YIN PA NI GZUGS KYI PHUNG PO MED PA'O, ,DE MED PA NI BEMS PO LA GSAL BA DANG BRAL BA'I PHYIR RO, ,GZUGS MED PA'I PHYIR BSTAN DU MED CING THOGS PA MED PA'O, ,GAL TE DE LTA NA YANG SNGON PO DANG, SER PO LA SOGS PA'I RANG GI MTSAN NYID KYI DBYE BA GRUB PO ZHE NA, MTSAN NYID GCIG PA ZHES GSUNGS TE, THA DAD NA NI CIG CAR NYAMS SU MYONG BA DANG MI LDAN NO SNYAM DU BSAMS PA YIN NO, ,GAL TE DE LTA NA SPYI'I MTSAN NYID YOD DO ZHE NA, 'DI LTAR MTSAN NYID MED PA ZHES GSUNGS SO, ,GANG GI PHYIR KHYAD PAR MED PAS SPYI YANG MED PAR 'GYUR TE, DE BAS NA DON DAM PAR NI GSAL BA TZAM MTSAN NYID MED PA YIN NO, ,RANG LA RAG LAS PA'I PHYIR LHUN GYIS GRUB PA NYID DU THAMS CAD DU THAMS CAD MKHYEN PA MTHAR BYANG CHUB SEMS DPA' RNAMS LA GRUB PO, ,RGYU GZHAN YANG CHOS THAMS CAD KYI ZHES BYA BA LA SOGS PA GSUNGS SO, ,DE NYID KYIS NA GANG GI PHYIR ZHES BYA BA'I SGRA NI RGYU'O, ,RTOG PA MED PA NI 'DU SHES MED PA STE, DES NA CHAGS PA MED PA NYID DO, ,RNAM PAR RTOG PA MED PA NI MNGON PAR ZHEN PA MED PA'O, ,DES NA YANG DAG PAR MED PA NYID DE, DES NA RNAM PAR RTOG PA DANG BRAL BA'I PHYIR CHOS THAMS CAD NI RTZOL BA MED PAR SHES PAR BYA'O; ,DES NA YANG THAMS CAD DU RTZOL BA MI MNGA' BAS YE SHES MTHAR GRUB PA STE, DE NI YE SHES RTZOL BA MI MNGA' BAR 'JUG PA'I RTEN NO, ,CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,ZHES BYA BA LA, GANG GI PHYIR CHOS KYI DBYINGS NI RIGS ZHES BRJOD DE, DE YANG THAMS CAD DU RO GCIG PA YIN PA'I PHYIR THA MI DAD DO, ,THA DAD PA MA YIN PA'I PHYIR 'DI NI NYAN THOS KYI RIGS SO, ,'DI NI SANGS RGYAS KYI RIGS SO, ,'DI NI YANG DAG PAR RDZOGS PA'I SANGS RGYAS KYI RIGS SO ZHES RIGS THA DAD PAR RUNG BA MA YIN NO ZHE NA, RTEN PA'I CHOS KYI BYE BRAG GIS; ,DE YI DBYE BA YONGS SU BRJOD, ,CES BYA BA NI LEN NO, ,NYAN THOS KYI CHOS RNAMS KYI RTEN GYI DBYINGS GANG YIN PA DE NI DE'I RIGS SO, ,GANG RANG SANGS RGYAS KYI GANG YIN PA DANG, GANG YANG DAG PAR RDZOGS PA'I SANGS RGYAS KYI GANG YIN PA'I YANG DE BZHIN NO, ,DPER NA BUM PAR KHYAD @103A *, ,PAR MED KYANG KHA CIG NI TIL MAR GYI BUM PA, KHA CIG NI SBRANG RTZI'I BUM PA LTA BU'O, ,SGRUB PA'I RTEN BRJOD NAS, DE'I DMIGS PA BRJOD PAR BYA STE, DE NI, DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MA THUN MONG CHOS RNAMS DANG, ,GANG DAG THUB PA'I THUN MONG MIN, ,ZHES BYA BA GSUNGS TE, DGE LA SOGS PA ZHES BYA BA NI DGE BA DANG MI DGE BA DANG, LUNG DU MA BSTAN PA'O, ,RTOGS PAR BYA BAS NA RTOGS PA STE, DGE ZHES BYA BA'I DON TO, ,'JIG RTEN PA DANG 'JIG RTEN LAS 'DAS PA'I RTOGS PA NI 'JIG RTEN DANG 'JIG RTEN LAS 'DAS PA'I RTOGS PA'O, ,DE DAG NI PHUNG PO GNYIS TE LHAG MA NI RTOGS PAR SLA'O, ,'DI DAG GI BSHAD PA NI MDO NYID LAS BSTAN PAR RIG PAR BYA'O, ,BCOM LDAN 'DAS CHOS THAMS CAD NI GANG LAGS ZHES BYA BA NAS, RTOG PA MED CING RNAM PAR RTOG PA MED PA'I PHYIR BLANG BAR BYA'O ZHES BYA BA'I BAR GYIS GSUNGS SO, ,BYANG CHUB KYI PHYOGS KYI CHOS SUM CU RTZA BDUN ZHES BYA BA LA, 'DIR BYANG CHUB NI YANG DAG PAR RDZOGS PA'I BYANG CHUB STE, DES NA THUN MONG MA YIN PA NYID DO, ,SGRUB PA'I DMIGS PA BSHAD NAS DE'I CHED DU BYA BA BSHAD PAR BYA STE, DE'I SKABS SU, RAB 'BYOR GYIS GSOL BA ZHES BYA BA LA SOGS PA LA, GANG BYANG CHUB SEMS DPA' DE JI LTAR SEMS DPA' CHEN PO ZHES BYA BA'I SGRAR BRJOD CE NA ZHES BYA BA'I DON TO, ,BCOM LDAN 'DAS KYIS BKA' STZAL PA, SEMS CAN GYI PHUNG PO CHEN PO'I PHUL ZHES BYA BA LA SOGS PA GSUNGS SO, ,'DI SNYAM DU SEMS CAN GYI PHUNG PO CHEN PO'I MCHOG BYED PAR 'DOD PA'I BSAM PA GANG YIN PA DE NI 'DIR SEMS PA STE, SPYI'I SGRA YANG KHYAD PAR LA BRJOD PA'I PHYIR RO, ,CHEN PO GSUM GYI CHE BA'I SEMS PA 'DI LA YOD PAS NA SEMS DPA' CHEN PO'O, ,CHEN PO GSUM GANG ZHE NA, SEMS CHEN PO NYID DANG, SPONG BA CHEN PO NYID DANG, RTOGS PA CHEN PO NYID DE, MDO JI LTA BA BZHIN NO, ,DE LA SEMS CHEN PO NI BCOM LDAN 'DAS KYIS @103B RDO RJE LTA BU'I SEMS ZHES BYA BA LA SOGS PA GSUNGS SO, ,DE NAS LTA BA THAMS CAD SPANG BA'I PHYIR STON PAR BYED PA NI SPONG BA CHEN PO STE, SH'A RI'I BUS GSOL PA'O, ,DE NAS BYANG CHUB SEMS LA SOGS PA LA YANG CHAGS PA MED PA NYID NI RTOGS PA CHEN PO NYID DU RAB 'BYOR GYIS 'PHAGS PA GANG PO'I TSIG GI SNGON DU BSTAN TO, ,DE'I PHYIR, SEMS CAN KUN MCHOG NYID SEMS DANG, ,SPONG DANG RTOGS DANG GSUM PO LA, ,CHEN PO GSUM GYI RANG BYUNG GI ,CHED DU BYA BA 'DI ZHES BYA, ,ZHES BYA BA GSUNGS TE, BYANG CHUB SEMS DPA' RNAMS KYI ZHES BYA BA'I DON TO, ,CHED DU GNYER BA YIN PAS NA CHED DU BYA BA STE, LAS SU SGRUB PA'O, ,'DI NI RANG BYUNG GI SGRUB PA'I CHED DU BYA BA YIN PAR SHES PAR BYA'O, ,GANG SEMS CAN THAMS CAD KYI MCHOG NI CI 'DRA ZHE NA, CHEN PO GSUM GYIS BSGRUB PAR BYA'O, ,GSUM PO GANG DAG CE NA, SEMS DANG, SPONG BA DANG, RTOGS PA NYID GSUM MO, ,DE'I PHYIR DE LA DE RNAMS DANG 'BREL PA'I PHYIR DE YANG CHEN PO'O, ,DE LA SEMS DPA' BA YIN PA DE YANG CHEN PO'O, ,DES NA SEMS DPA' CHEN PO ZHES BRJOD DO, ,SGRUB PA'I RTEN DANG DMIGS PA DANG CHED DU BYA BA BRJOD NAS SGRUB PA DAG BSHAD PAR BYA STE, DE LA GNAS BRTEN GANG BOS GO CHA DANG 'JUG PA'I SGRUB PA'I SKABS BSTAN TO, ,GO CHA CHEN PO BGOS PA'I SEMS NI SEMS DPA' CHEN PO STE, TSIG BAR MA MI MNGON PAR BSDUS PA'O, ,DE NI DANG PO'O, ,THEG PA CHEN PO LA YANG DAG PAR ZHUGS SHING THEG PA CHEN PO LA YANG DAG PAR GNAS PA NI SEMS DPA' CHEN PO STE, DE NI GNYIS PA'O, ,GO CHA NI THAMS CAD NYE BAR BSDOGS PAS GO BGOS PA STE, DPUNG GI TSOGS GO CHA BGOS PA BZHIN NO, ,RE RE LA YANG THAMS CAD NYE BAR GNAS PA NI GO CHA CHEN PO'O, ,'PHAGS PA SH'A RI'I BUS JI TZAM ZHES BYA BA LA SOGS PA'I BAR GYIS SMRAS SO, ,'PHAGS PA GANG POS 'DI LA ZHES BYA BA LA SOGS PA NAS, DE NAS 'DI LTAR ZHES BYA BA LA SOGS PA'I BAR GYIS GSUNGS SO, ,'DI YANG SO SOR SBYIN PA LA SOGS PA LA GNAS ZHES BYA BA NI MI GNAS PA'I TSUL GYIS GNAS PA STE, BYA BA DANG BYED PA PO SGYU MA LTA BU NYID DU MTHONG BA'I PHYIR RO, ,'DI DAG GIS NI SHES RAB KYI PHA ROL @104A *, ,TU PHYIN PA LA NYE BAR GNAS PA GSUNGS SO, ,SEMS CAN THAMS CAD KYI DON DU BYANG CHUB KYI PHYIR SPYOD PA NI ZHES BYA BA NI RNAM PA THAMS CAD MKHYEN PA NYID DANG LDAN PA'I YID LA BYED PAS ZHES BYA BA'I DON TO, ,DES NI GSUM PO 'DI DAG GIS NYE BAR GNAS PA STON PAR BYED DO, ,'DI LTAR NYAN THOS LA SOGS PA'I YID LA BYED PAS MI BYED CING, YONGS SU SPANGS PA GANG YIN PA DE NI TSUL KHRIMS KYI PHA ROL TU PHYIN PA'O, ,GANG YANG RNAM PA THAMS CAD MKHYEN PA NYID YID LA BYED PA DE DAG LA BZOD PA DANG, 'DOD PA DANG, NYE BAR SPYOD PA NI DAD PA DANG, DGA' BA DANG, GUS PA'I MTSAN NYID DE, DE NI BZOD PA'I PHA ROL TU PHYIN PA'O, ,GANG YANG DE DAG LA SEMS BRTAN ZHING NYAN THOS LA SOGS PA'I YID LA BYED PA'I SKABS MI 'BYED DE, DE NI BSAM GTAN GYI PHA ROL TU PHYIN PA'O, ,DE LTAR YANG 'DI BDAG GIS KYANG PHA ROL TU PHYIN PA YONGS SU RDZOGS PAR BYA ZHING SEMS CAN THAMS CAD KYANG DE DAG LA GZHAG PAR BYA'O ZHES BYA BA LA, SEMS CAN THAMS CAD DANG THUN MONG DU YONGS SU BSNGO'O ZHES DGONGS PA YIN NO, ,DE LA 'DIS NI NYE BAR GNAS PA GNYIS STON TE, 'DI LTAR SEMS CAN THAMS CAD DANG THUN MONG NYID KYIS SEMS CAN THAMS CAD LA PHA ROL TU PHYIN PA SBYIN PA NI SBYIN PA'I PHA ROL TU PHYIN PA'O, ,DE LA SBYIN PA CHEN PO LA SPRO BA NI BRTZON 'GRUS KYI PHA ROL TU PHYIN PA'O, ,DE TZAM GYIS ZHES BYA BA NI SPYI'I MTSAN NYID 'DIS SO, ,DE'I 'OG TU KHYAD PAR GYI MTSAN NYID NI DRUG TSAN DRUG GIS GSUNGS SO, ,DE'I 'OG TU THABS LA MKHAS PA GNYIS PO GANG YIN PA DE YANG GO RIMS BZHIN DU LNGA PA DANG DRUG PA DAG LA DRUG TU SBYAR TE, SHES RAB KYI PHA ROL TU PHYIN PA LA NYE BAR GNAS PA'O, ,THA MAS NI GO CHA'I SGRUB PA'I PHAN YON STON TO, ,DES NA BSTAN BCOS MDZAD PAS, SBYIN PA LA SOGS RNAM DRUG LA, ,DE DAG SO SOR BSDUS PA YIS, ,GO CHA'I SGRUB PA GANG YIN DE; ,DRUG TSAN DRUG GIS JI BZHIN BSHAD, ,CES BYA BA LA GSUNGS PA, SBYIN PA LA SOGS RNAM DRUG LA, ,ZHES BYA BA NI SBYIN PA NAS SHES RAB KYI BAR RO, ,SO SO ZHES BYA BA NI RE RE LA'O, ,DE DAG BSDUS PA NI THAMS CAD NYE BAR GNAS PA'O, ,GANG GO CHA CHEN PO'I SGRUB PA'I NGO BO NI GO CHA'I SGRUB PA STE, @104B DRUG TSAN DRUG GIS MDO LAS JI LTAR GSUNGS PA BZHIN NO, ,GO CHA'I SGRUB PA BSHAD NAS, 'JUG PA'I SGRUB PA BSHAD PAR BYA STE, DE'I DBANG DU BYAS NAS BSTAN BCOS MDZAD PAS, BSAM GTAN GZUGS MED PA SBYIN SOGS DANG, ,LAM DANG BYAMS LA SOGS PA DANG, ,DMIGS PA MED DANG LDAN PA DANG, ,'KHOR GSUM RNAM PAR DAG PA DANG, ,CHED DU BYA DANG MNGON SHES DRUG ,RNAM KUN MKHYEN PA'I TSUL LA NI, ,'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES GSUNGS TE, 'GRO BA'I RTZOM PA NI 'JUG PA'I SGRUB PA'O, ,DE NYID THEG PA CHEN PO'I LAM GYI RANG BZHIN LA 'DZEG PAR BYED PA'O, ,DE YANG BSAM GTAN DANG GZUGS MED PA NAS, RNAM PA THAMS CAD MKHYEN PA NYID KYI BAR TE, DES NA RNAM PA DGU'O, ,MDO LAS, SH'A RI'I BUS SMRAS PA ZHES BYA BA LA SOGS PA NI SH'A RI'I BUS DRIS PA'O, ,GANG POS SMRAS PA ZHES BYA BA LA SOGS PA NI LAN NO, ,'DOD PA DAG LAS DBEN PA ZHES BYA BA NYON MONGS PA'I 'DOD PA DAG DANG BRAL BA'I PHYIR DANG, DNGOS PO'I 'DOD PA DAG LA MI DMIGS PA'I PHYIR RO, ,SDIG PA MI DGE BA'I CHOS KYIS DBEN PA ZHES BYA BA LA, 'DOD PA'I NYON MONGS PA DAG NI 'DOD PA'I RGYU STE, LUS DANG NGAG DANG YID KYIS NYES PAR SPYOD PA DAG GIS SO, ,RTOG PA DANG DPYOD PA DANG BCAS PA ZHES BYA BA NI 'DOD PA DAG GI GNYEN PO RTOG PA DANG DPYOD PA DANG YANG DAG PAR LDAN PA'I PHYIR RO, ,DBEN PA LAS SKYES PA NI 'DOD PA DAG LAS DBEN PAR SKYES PA'O, ,DGA' BA DANG BDE PA ZHES BYA BA NI 'DOD PA'I DON SGRUB PA DANG, LUS DANG SEMS SHIN TU SBYANGS PA'I DGA' BA DANG BDE BA DANG BCAS PA'O, ,BSAM GTAN DANG PO NYE BAR BSGRUBS TE ZHES BYA BA NI SNYOMS PAR ZHUGS PA'O, ,GNAS SO ZHES BYA BA NI RANG GI RJES SU MYONG BA'O, ,DE BZHIN DU GNYIS PA ZHES BYA BA NI DE RNAM PAR RTOG PA DANG, RNAM PAR DPYOD PA NYE BAR ZHI BAS NANG YONGS SA DANG BA STE, SEMS KYI RGYUD GCIG TU GYUR PAS RTOG PA MED PA, DPYOD PA MED PA'I BSAM GTAN GNYIS PA NYE BAR BSGRUBS TE GNAS SO, ,DE ZHES BYA BA NI RNAL 'BYOR PA DE NYID DO, ,RNAM PAR RTOG PA DANG RNAM PAR DPYOD PA DAG LA SEMS 'KHRUG PAR BYED PA NYID KYI SKYON MTHONG NAS DE DAG LAS @105A *, ,BZLOG STE SEMS YANG DAG PAR 'DZIN TO, ,RNAM PAR RTOG PA DANG DPYOD PA NYE BAR ZHI BAS ZHES BYA BA NI TING NGE 'DZIN GYI STOBS KYIS SO, ,SEMS KYI RGYUD GCIG TU GYUR PA ZHES BYA BA NI RNAM PAR RTOG PA DANG RNAM PAR DPYOD PA RGYUN MI 'CHAD PAR 'JUG PA MED PA'O, ,RTOG PA MED CING DPYOD PA MED PA ZHES BYA BA NI THAMS CAD KYI THAMS CAD DU SPANGS PA'I PHYIR RO, ,GSUM PA ZHES BYA BA NI DE DGA' BA LAS 'DOD CHAGS DANG BRAL BAS DRAN PA DANG LDAN ZHING SHES BZHIN DU BTANG SNYOMS LA GNAS TE, BDE BA LUS KYIS MYONG LA 'PHAGS PA RNAMS KYIS DE LA DRAN PA DANG LDAN PA BDE BA LA RNAM PAR SPYOD PA BTANG SNYOMS PA'O ZHES BRJOD PA STE, DGA' BA LAS 'DOD CHAGS DANG BRAL BA ZHES BYA BA NI DE NI RIGS PA YIN PA'I PHYIR RO, ,BTANG SNYOMS PA'O ZHES BYA BA NI RNAM PAR RTOG PA DANG RNAM PAR DPYOD PA'I DGA' BA LA BTANG SNYOMS PA'I PHYIR RO, ,DRAN PA DANG LDAN SHES BZHIN DU, ,ZHES BYA BA NI SHES RAB LAN MANG DU BYAS PAS DGA' BA'I SKABS MI 'BYED PA'I PHYIR RO, ,BDE BA ZHES BYA BA NI TSOR BA'I BDE BA DANG SHIN TU SBYANGS PA'I BDE BA'O DANG SHIN TU SBYANGS PA'I BDE BA'O, ,LUS KYI ZHES BYA BA NI GZUGS KYI LUS DANG SEMS KYI LUS KYIS SO, ,'PHAGS PA ZHES BYA BA NI NYAN THOS DANG RANG SANGS RGYAS SO, BDE BA LA GNAS SO ZHES BYA BA'I BAR GYIS 'DI NYID BSAM GTAN PA 'DI'O ZHES BYA BA NI LHAG MA'O, ,BZHI PA ZHES BYA BA NI DE BDE BA YANG SPANGS, SDUG BSNGAL YANG SNGA NAS SPANGS SHING YID BDE BA DANG YID MI BDE BA NUB PAS SDUG BSNGAL YANG MED PA BDE BA YANG MED PA, BTANG SNYOMS DANG DRAN PA YONGS SU DAG PA'I BSAM GTAN BZHI PA NYE BAR BSGRUBS TE GNAS SO ZHES BYA BA LA, DE LA BDE BA SPANGS PA NI BSAM GTAN BZHI PA'O, ,SDUG BSNGAL GYI NI GNYIS PA'O, ,DE NYID KYI PHYIR SNGA NAS ZHES BYA BA SMOS SO, ,YID BDE BA NI GSUM PA LA'O, ,YID MI BDE BA NI GNYIS PA LA'O, ,SNGA NYID NAS ZHES BYA BAR RJES SU 'BRANG NGO, ,BTANG SNYOMS NYID NI 'DIR TSOR BA STE, SDUG BSNGAL YANG MED BDE BA YANG MED PA'O, ,DES NI BDE BA YANG MED SDUG BSNGAL MED CES BYA BA GSUNGS SO, ,BTANG SNYOMS DANG DRAN PA YONGS SU DAG PAS ZHES BYA BA DE DAG NI 'DIR SHIN TU RNAM PAR DAG PA THOB PA'I PHYIR @105B RO; ,DE BSAM GTAN DANG PO LA YAN LAG LNGA STE, RNAM PAR RTOG PA DANG RNAM PAR DPYOD PA DAG NI GNYEN PO'I YAN LAG GO, ,DGA' BA DANG BDE BA NI PHAN YON GYI YAN LAG GO, ,SEMS RTZE GCIG PA NYID NI DE GNYI GA'I GNAS KYI YAN LAG GO, ,BSAM GTAN GNYIS PA LA YAN LAG BZHI STE, NANG YONGS SU DANG BA NI GNYEN PO'I YAN LAG GO, ,YAN LAG LHAG MA NI SNGA MA BZHIN NO, ,GSUM PA LA NI YAN LAG LNGA STE, BTANG SNYOMS DANG DRAN PA DANG SHES BZHIN NI GNYEN PO'I YAN LAG GO, ,BDE BA NI PHAN YON GYI YAN LAG GO, ,LHAG MA NI SNGA MA BZHIN NO, ,BZHI PA LA YAN LAG BZHI STE, BTANG SNYOMS YONGS SU DAG PA DANG, DRAN PA YONGS SU DAG PA NI GNYEN PO'I YAN LAG GO, ,SDUG BSNGAL YANG MA YIN BDE BA YANG MA YIN PA NI PHAN YON GYI YAN LAG GO, ,LHAG MA NI SNGA MA BZHIN NO, ,GZUGS MED PA'I DBANG DU BYAS NAS DE BZHIN DU NAM MKHA' MTHA' YAS SKYE MCHED CES BYA BA LA SOGS PA GSUNGS TE, DE RNAM PA THAMS CAD DU GZUGS KYI 'DU SHES LAS YANG DAG PAR 'DAS TE, THOGS PA'I 'DU SHES RNAMS NUB PAR GYUR CING SNA TSOGS KYI 'DU SHES RNAMS YID LA MI BYED PAS NAM MKHA' MTHA' YAS SO ZHES TE, NAM MKHA' MTHA' YAS SKYE MCHED NYE BAR BSGRUBS TE GNAS SO ZHES BYA BA LA, GZUGS KYI 'DU SHES NI SNGON PO DANG, SER PO LA SOGS PA'I 'DU SHES SO, ,DE DAG LA MA CHAGS PA NI DE DAG THAMS CAD LAS YANG DAG PAR 'DAS PA STE, THAMS CAD DU NAM MKHA'I 'DU SHES BSGOMS PAS SNANG BA MED PA'I PHYIR RO, ,THOGS PA'I 'DU SHES ZHES BYA BA NI RTZIG PA DANG, RA BA LA SOGS PA'I SGRIB PA'I 'DU SHES SO, ,SNA TSOGS KYI 'DU SHES ZHES BYA BA NI KHANG BZANGS DANG, SKYED MOS TSAL DANG, RI DANG, CHU BO DANG, ZLA BA DANG, NYI MA LA SOGS PA'I 'DU SHES SO, ,NAM MKHA' MTHA' YAS ZHES BYA BA NI 'DI LA NAM MKHA' MTHA' YAS SKYE MCHED LA DMIGS PA YOD PA DE LA DE SKAD CES BYA'O, ,DE RNAM PA THAMS CAD DU NAM MKHA' MTHA' YAS SKYE MCHED LAS YANG DAG PAR 'DAS TE, RNAM PAR SHES PA MTHA' YAS SO ZHES RNAM SHES MTHA' YAS SKYE MCHED NYE BAR BSGRUBS TE GNAS SO, ,JI LTAR @106A *, ,'DI LAS YANG DAG PAR 'DAS SHE NA, DE RNAM PAR SHES PA GANG GIS NAM MKHA' MTHA' YAS PAR MOS PA DE DE NYID MTHA' YAS PA LAS GROL BA STE, RNAM PA THAMS CAD DU NAM MKHA'I 'DU SHES BZLOG PA'I PHYIR RO, ,DE RNAM PA THAMS CAD DU RNAM SHES MTHA' YAS SKYE MCHED LAS YANG DAG PAR 'DAS TE, CUNG ZAD MED PA'I SKYE MCHED NYE BAR BSGRUBS TE GNAS SO ZHES BYA BA LA, RNAM SHES MTHA' YAS LAS GYEN DU BSKYOD PA'I DMIGS PA CUNG ZAD KYANG MI MTHONG BA DE NI CUNG ZAD MED PA NYID DU DMIGS PA BYAS TE SNYOMS PAR ZHUGS PA'O, ,DE RNAM PA THAMS CAD DU CUNG ZAD MED PA'I SKYE MCHED LAS YANG DAG PAR 'DAS TE, 'DU SHES MED 'DU SHES MED MIN SKYE MCHED NYE BAR BSGRUBS TE GNAS SO ZHES BYA BA LA, CUNG ZAD MED PA'I 'DU SHES LAS KYANG CHAGS PA DANG BRAL NAS DE LAS KYANG ZLOG PAR BYED DE, CUNG ZAD MED PA'I 'DU SHES KYANG SNGA MA NYID NAS BZLOG PAS 'DU SHES MED PA'O, ,'DU SHES PHRA BAR 'JUG PA NYID DE, DES NA 'DU SHES MED MIN NO, ,GANG LA 'DU SHES MED MIN SKYE MCHED NYE BAR 'DZIN PA DE LA DE SKAD CES BRJOD DO, ,BSAM GTAN DANG GZUGS MED PA BRGYAD PO DE DAG LA BYANG CHUB SEMS DPA' NYIN RE ZHING SNYOMS PAR ZHUGS PA DE'I SNGON DANG PHYIS NI NAM MKHA'I RNAM PA DANG, RTAGS DANG, MTSAN MA YID LA BYED PA'I PHYIR RO, ,DE LA CHOS 'DI DAG THAMS CAD DANG LDAN PA YANG MA YIN PA MI LDAN PA YANG MA YIN ZHES BYA BA NI NAM MKHA'I RNAM PA STE, THA DAD PA DANG THA DAD PA MA YIN PA KHAS MI LEN PA'I PHYIR RO, ,GZUGS CAN MA YIN PA DANG, BSTAN DU MED PA DANG, THOGS PA MED PA ZHES BYA BA NAM MKHA'I RTAGS TE, DE DANG CHOS MTHUN PA'I PHYIR RO, ,MTSAN NYID MED PAR MTSAN NYID GCIG PA ZHES BYA BA NI NAM MKHA'I MTSAN MA STE, NAM MKHA' LTA BUR STONG PA NYID KYI MTSAN MAR SNANG BA'I PHYIR RO, ,GAL TE SBYIN PA'I PHA ROL TU PHYIN PA LA SPYOD PA DE'I TSE, DGE BA'I RTZA BA THAMS CAD SEMS CAN THAMS CAD DANG THUN MONG DU BYAS TE BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA DE LTAR SBYIN PA'I PHA ROL TU PHYIN PA NYID DU 'GYUR RO, ,GAL TE TSUL KHRIMS KYI PHA ROL TU PHYIN PA LA SPYOD PA'I TSE, NYAN THOS LA SOGS PA'I @106B YID LA BYED PA GTAN DU SPANGS PA NI TSUL KHRIMS KYI PHA ROL TU PHYIN PA'O, ,DE BZHIN DU LHAG MA NI GO CHA DRUG GI RJES SU 'BRANGS NAS SHES PAR BYA'O, ,BSAM GTAN DANG GZUGS MED PA'I SNYOMS PAR 'JUG PA NI DE LTA BU'O, ,PHA ROL TU PHYIN PA DRUG DANG, SNYING RJE DANG, DGA' LA 'JUG PA YANG MDO JI LTA BA BZHIN TE, LAM GYI RAB TU DBYE BA YANG LAM GYI TSOGS NAS RNAM PAR 'GREL BAR 'GYUR RO, ,TSAD MED PA'I RAB TU 'JUG PA BSHAD PAR BYA STE, SEMS CAN DPAG TU MED PAS DMIGS PA'I PHYIR TSAD MED PA'O, ,DE NI BZHI STE, BYAMS PA DANG, SNYING RJE DANG, DGA' BA DANG, BTANG SNYOMS SO, ,DE LA BDE BA YANG DAG PAR LDAN PA'I BSAM PA NI BYAMS PA'O, ,SDUG BSNGAL DANG BRAL BA'I BSAM PA NI SNYING RJE'O, ,BDE BA DANG MI 'BRAL BA'I BSAM PA NI DGA' BA'O, ,KUN NAS NYON MONGS PA DANG MI LDAN PA'I BSAM PA NI BTANG SNYOMS SO, ,KYE MA MA LA SEMS CAN THAMS CAD BDE BA DANG LDAN PAR SMON PA DANG, SDUG BSNGAL DANG BRAL BAR SMON PA DANG, BDE BA DANG MI 'BRAL BAR SMON PA DANG, NYON MONGS PA LAS GROL BAR SMON PA DANG, BZHI PO YANG MOS PAS SPYOD PA'I SA LA NI SEMS CAN LA DMIGS PA'O, ,RAB TU DGA' BA LA SOGS PA BDUN LA NI TSES LA DMIGS PA'O, ,DE LAS GONG MAR GYUR PA RNAMS LA NI DMIGS PA MED PA'O, ,BYAMS PA DANG LDAN PA'I SEMS KYIS ZHES BYA BA LA, 'DI TZAM GYIS NI YON TAN DANG LDAN PAR BSTAN TO, ,LHAG MAS NI YON TAN BSTAN TO, ,YANGS PA ZHES BYA BAS NI BSAM PA CHEN PO BSTAN TO, ,CHEN POS ZHES BYA BAS NI 'PHEL BA'O, ,TSAD MED PAS ZHES BYA BAS NI DMIGS PA LAS SO, ,MI GNYIS PA ZHES BYA BAS NI BDAG NYID GCIG PA NYID KYIS RNAM PAR MI RTOG PA'I PHYIR RO, ,'GRAN ZLA MED PA ZHES BYA BA NI MI MTHUN PA'I PHYOGS SPANGS PA'I PHYIR RO, ,DE LA BYAMS PA LA SOGS PA'I MI MTHUN PA'I PHYOGS NI GO RIMS BZHIN DU GNOD SEMS DANG, RNAM PAR 'TSE BA DANG, MI DGA' BA DANG, RJES SU CHAGS PA DANG KHONG KHRO BA DAG GO, ,LHOD PA MED PA ZHES BYA BA NI GNYID DANG, RMUGS PA NYE BAR ZHI BA'I PHYIR RO, ,SGRIB PA MED PA ZHES BYA BA NI RGOD PA DANG 'GYOD PA NYE BAR ZHI BA'I PHYIR RO, ,GNOD PA MED PA @107A *, ,ZHES BYA BA NI GSUM PO DE DAG NYID KYIS SEMS DRI MA DANG BRAL BA'I PHYIR RO, ,THAMS CAD KYI RJES SU SONG BA ZHES BYA BA NI BSHES DANG DGRA DANG THA MAL PA GSUM PO DAG LA YANG DAG PAR RAB TU 'JUG PA'I PHYIR RO, ,SHIN TU BSGOMS PA ZHES BYA BA NI JI SKAD BRJOD PA'I RNAM PAS GSUM PO DAG LA MNYAM PA NYID DU GYUR PA'I PHYIR RO, ,RGYAS PAR YANG ZHES BYA BA NI KHYAB PA'O, ,'JIG RTEN ZHES BYA BA NI SEMS CAN GYI 'JIG RTEN NO, ,THAMS CAD DANG LDAN PA ZHES BYA BA NI LHA DANG, KLU DANG, GNOD SBYIN LA SOGS PA'I DBYE BAS THAMS CAD DANG LDAN PA'O, ,PHYOGS GCIG CES BYA BA NI PHYOGS GCIG TU GYUR PA'O, ,GANG DU ZHE NA, 'JIG RTEN DU ZHES GSUNGS TE SNOD KYI 'JIG RTEN DU'O, ,CHOS KYI DBYINGS KYIS KLAS PA ZHES BYA BA NI CHOS KYI DBYINGS BZHIN DU MTHA' YAS PA'O, ,NAM MKHA'I KHAMS BZHIN DU 'DI LA MTHA' GTUGS PA YOD PAS NA DE SKAD CES BYA'O, , NYE BAR BSGRUBS TE ZHES BYA BA NI SEMS YANG DAG PAR BYAS PAS SO, ,GNAS SO ZHES BYA BAS NI 'PHAGS PA'I GNAS PAS SO, ,PHYOGS BCUR ZHES BYA BA NI PHYOGS BCUR GYUR PA'O, ,DE LTAR ZHES BYA BA NI RTOGS PAR SLA'O, ,SEMS YANGS PA ZHES BYA BA NI SNYING RJE DANG DGA' BA DAG LA YANG BRJOD PAR BYA'O, ,TSAD MED PA DAG KYANG PHA ROL TU PHYIN PA DRUG GI GO CHA BZHIN DU MDO'I RJES SU 'BRANG STE, DE NI TSAD MED PA'I 'JUG PA'O, ,DE'I 'OG TU TSIG DRUG GIS NI THEG PA CHEN PO LA MI DMIGS PA DANG LDAN PA'I 'JUG PA'O, ,'KHOR GSUM YONGS SU DAG PA'I 'JUG PA NI MDO JI LTA BA BZHIN NO,, BSGOM PA DANG RNAM PAR BSGOM PA'I DON DU ZHES BYA BA LA, BSGOM PA ZHES BYA BA NI BSGOM PAR BYA BA DANG, SGOM PA PO'I GZUGS LA SOGS PA CUNG ZAD KYANG MED PA'O, ,DE BAS NA CHOS 'DI DAG THAMS CAD NI MING TZAM STE, DE NI BSGOM PA'O, ,DE'I RNAM PAR BSGOM PA NI DMIGS PA MED PA'O, , DE'I DON NI BSGOM PA'I DE'I DON DU STE, CHED DU BYA BA'I 'JUG PA'O, ,MNGON PAR SHES PA DRUG GI 'JUG PA NI MDO JI LTA BA BZHIN NO, ,RNAM PA THAMS CAD MKHYEN PA NYID KYI 'JUG PA NI MDO JI LTA BA BZHIN NO, ,'JUG PA'I SGRUB PA BSHAD NAS TSOGS KYI BSGRUB PA BSHAD PAR BYA STE, DE YANG BSTAN @107B BCOS MDZAD PAS, BRTZE DANG SBYIN LA SOGS PA DRUG ,ZHI GNAS LHAG MTHONG BCAS PA DANG, ,ZUNG DU 'BREL BA'I LAM GANG DANG, ,THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANG SA BCU DANG, ,GNYEN PO'I TSOGS KYI BSGRUB PA YI, , RIG PA YIN PAR SHES PAR BYA, ,ZHES BYA BA GSUNGS TE, TSOGS NI BCU BDUN TE, SNYING RJE'I TSOGS DANG, SBYIN PA'I TSOGS DANG, TSUL KHRIMS KYI TSOGS DANG, BZOD PA'I TSOGS DANG, BRTZON 'GRUS KYI TSOGS DANG, BSAM GTAN GYI TSOGS DANG, SHES RAB KYI TSOGS DANG, ZHI GNAS KYI TSOGS DANG, LHAG MTHONG GI TSOGS DANG, ZUNG DU 'BREL BA'I LAM GYI TSOGS DANG, THABS LA MKHAS PA'I TSOGS DANG, YE SHES KYI TSOGS DANG, BSOD NAMS KYI TSOGS DANG, LAM GYI TSOGS PA DANG, GZUNGS KYI TSOGS DANG, SA'I TSOGS DANG, GNYEN PO'I TSOGS SO, ,DE LA SNYING RJE'I TSOGS NI SEMS CAN SHIN TU MANG PO RNAMS NGAN SONG DAG LAS RNAM PAR BKROL TE, LHA DANG MI'I DNGOS PO LA SOGS PA THOB PAR BYED PA LAS SNYING RJE'I TSOGS TE, MDO JI LTA BA BZHIN NO, ,SBYIN PA LA SOGS PA DRUG GI TSOGS NI MDO JI LTA BA BZHIN NO, , BDAG GAM PHYOGS BCU'I SEMS CAN THAMS CAD PHA ROL TU PHYIN PA DRUG PO DE DAG LA RAB TU 'GOD PA NI ZHI GNAS TE, DE NI ZHI GNAS KYI TSOGS SO, ,SEMS CAN DPAG TU MED PA THAMS CAD LAM DE'I 'BRAS BU LA RAB TU 'GOD PA 'DI NI ZHI GNAS KYI TSOGS GZHAN NO, ,SEMS CAN GZHAL DU MED PA RNAMS PHA ROL TU PHYIN PA NAS THAMS CAD MKHYEN PA'I YE SHES KYI BAR DU BKOD KYANG 'GA' YANG BKOD PA MED DE, SPRUL PA LTA BU NYID KYI PHYIR DANG, THAMS CAD RANG GI MTSAN NYID STONG PA NYID KYI PHYIR DANG, CHOS THAMS CAD MA BYAS RNAM PAR MA BYAS PA MNGON PAR 'DUS MA BYAS PA'I PHYIR RO, ,RNAM PAR MA BYAS PA NI 'PHEL BA DANG NYAMS PA DAG GO, ,MNGON PAR 'DUS BYAS PA NI YON TAN GYI KHYAD PAR RNAMS KYIS SO, ,DE NI LHAG MTHONG GI TSOGS SO, ,ZHI GNAS DANG LHAG MTHONG NI ZUNG NGO, ,DE DANG 'BREL BA'I PHYIR ZUNG DU 'BREL BA'I LAM MO, ,'BREL ZHING BCINGS PA NI YANG DAG PAR @108A *, ,LDAN PA'O, ,GROL BA NI MI LDAN PA'O, ,MED PA DANG DBEN PA DANG ZHI BA NYID KYI PHYIR DE GNYI GA MI DMIGS TE, DE'I PHYIR CHOS THAMS CAD MA BCINGS MA GROL BA'O, ,DE'I ZUNG DU 'BREL BA'I LAM GYI TSOGS SO, ,THEG PA CHEN PO NI GANG LAGS, CI TZAM GYIS NA YANG DAG PAR ZHUGS PAR RIG PAR BGYI BA LAGS, DE NI GANG NAS 'BYUNG BA LAGS, DE NI GANG DU GNAS PAR 'GYUR BA LAGS, DES NI SU ZHIG 'BYUNG BAR 'GYUR ZHES BYA BA LNGA NI RAB 'BYOR GYIS ZHUS PA'O, ,BCOM LDAN 'DAS KYIS BKA' STZAL PA, PHA ROL TU PHYIN PA DRUG NI THEG PA CHEN PO'O, ,DE YANG MDO JI LTA BA BZHIN TE, DE NI THABS LA MKHAS PA'I TSOGS SO, ,MDO 'DI LAS GSUNGS PA'I STONG PA NYID NYI SHU NI YE SHES KYI TSOGS SO, ,DE NYE BAR DGOD PA DANG BSHAD PA NI MDO NYID LAS SO, ,DE LA MI GSAL BA BSHAD PAR BYA STE, YONGS SU BRTAGS PA'I NGO BOS THAMS CAD MED DE, MED PA DE'I PHYIR GNAS PA MED CING 'JIG PA MED DE, RTAG PA DANG MI RTAG PA MED CES BYA BA'I DON TO, ,DE'I PHYIR DES STONG PA'O, ,PHYI NANG STONG PA NYID CES BYA BA LA NI NANG NI PHYIS STONG STE YUL MED PA'I PHYIR RO, ,PHYI NI NANG GIS STONG STE DE DAG GI YUL CAN MA YIN PA'I PHYIR RO, ,STONG PA NYID STONG PA NYID CES BYA BA NI CHOS THAMS CAD KYI SO SO 'AM BSDUS PA STONG PA NYID DE, DE NYID KYIS STONG PA NI STONG PA NYID STONG PA NYID DO, ,CHEN PO STONG PA NYID NI PHYOGS RNAMS KYI STONG PA NYID DO, ,PHYOGS BCUR KHYAB PA'I PHYIR RO, ,SKYE BA DANG 'JIG PA DANG, GNAS PA DANG, GZHAN DU 'GYUR BA ZHES BYA BA NI 'DUS BYAS KYI MTSAN NYID DE, RAB TU SKYES PA DANG, RGYUN CHAD PA'I MTSAN NYID DANG, SKAD CIG CING 'JUG PA DANG, RGYUN 'JUG PA DANG, SNGA MA DANG, PHYI MA RGYUN MI 'DRA BA ZHES BYA BA'I DON TO, ,DE LAS BZLOG PA NI 'DUS MA BYAS PA'I MTSAN NYID DO, ,DE GNYIS STONG PA NYID NI GO RIMS BZHIN DU 'DUS BYAS STONG PA NYID DANG, 'DUS MA BYAS STONG PA NYID DO, ,MTHA' MED PAS NA MTHA' LAS 'DAS PA STE, LONGS SPYOD RDZOGS PA'I SKU'O, ,DE'I STONG PA NYID NI MTHA' LAS 'DAS PA STONG PA NYID DE, THOG MA DANG THA MA DAG GI MTHA' MED PA'I PHYIR THOG MA DANG THA MA MED PA STE @108B 'KHOR BA'O, ,DE STONG PA NYID NI THOG MA DANG THA MA MED PA STONG PA NYID DO, ,DOR BA MED PA NI GTANG BAR BYA BA MA YIN PA STE THEG PA CHEN PO'O, ,DE'I STONG PA NYID NI DOR PA MED PA STONG PA NYID DO, ,DE BZHIN GSHEGS PA LA SOGS PAS MA BYAS PA'I PHYIR RANG BZHIN TE, CHOS RNAMS KYI RANG BZHIN GYI CHOS NYID DE DE'I STONG PA NYID DO, ,DUS GSUM PHAN TSUN MI DMIGS PA'I PHYIR MI DMIGS PA STE DE'I STONG PA NYID DO, ,'DUS BYAS PA LAS BYUNG BA'I NGO BO DE NI DNGOS PO MED PA YANG MA YIN LA NGO BO NYID KYANG YIN PAS NA DNGOS PO MED PA'I NGO BO'O, ,SBYOR BA LAS BYUNG BA'I NGO BO NYID DE JI LTAR MED CE NA, NYE BAR LEN PA YOD KYANG GZHAN MED NA MED PA'I PHYIR RO, ,DE NYID KYI PHYIR 'DUS PA LA SOGS PA'I CHOS RNAMS KYI DNGOS PO MED PA STE, RTEN CING 'PHREL BAR 'BYUNG BA'I PHYIR RO ZHES GSUNGS SO, ,DE STONG PA NYID NI DNGOS PO MED PA'I NGO BO NYID STONG PA NYID DO, ,SKYE BAS NA DNGOS PO'O, ,DE DE'I BDAG NYID KYIS STONG PA NYID NI DNGOS PO STONG PA NYID DO, ,SKYE BA MED PAS NA DNGOS PO MED PA STE, DE DE'I BDAG NYID KYIS STONG PA NYID NI DNGOS PO MED PA STONG PA NYID DO, ,CHOS RNAMS KYI PHYIN CI MA LOG PA'I NGO BO NI RANG GI NGO BO STE, YE SHES DANG MTHONG BA DAG GIS MA BYAS PA'I PHYIR RO, ,DE NI DE'I BDAG NYID KYIS STONG PA NYID DO, ,'DI NI DAM PA YANG YIN PA'I PHYIR GZHAN YANG YIN LA GZHAN GYIS MA BYAS PA'I NGO BO NYID YIN PA'I PHYIR NGO BO YANG YIN PAS DE NI GZHAN GYI NGO BO STE, DE BZHIN NYID DO, ,DE NI DE'I BDAG NYID KYIS STONG PA NYID DE, DE NI YE SHES KYI TSOGS SO, ,DE NA DPA' BAR 'GRO BA ZHES BYA BA LA SOGS PA NAS, NAM MKHA' LTAR CHAGS PA MED PAS RNAM PAR GROL ZHING GOS PA MED PA ZHES BYA BA'I BAR GYIS TING NGE 'DZIN DAG NI SANGS RGYAS DANG BYANG CHUB SEMS DPA' THAMS CAD KYI RNAM PAR MI RTOG PA ZAG PA MED PA 'JIG RTEN LAS 'DAS PA'I SEMS KYI RANG BZHIN NO, ,SNGON GYI YID LA BYED PA'I STOBS KYIS SO SO SOR BYA BA BYED PA NA MING SNA TSOGS SU BRJOD DO, ,DE NYID DANG LDAN PA NI BSOD NAMS KYI TSOGS SO, ,LAM GYI TSOGS BSHAD PAR BYA STE, BYANG CHUB KYI PHYOGS LA SOGS PA NI LAM MO, ,DE LA GANG GIS YANG DAG PAR SHES PA NI DRAN PA NYE BAR GZHAG @109A *, ,PA STE, DRAN PA NYE BAR GZHAG PA DE DAG NI DMIGS PA'I BYE BRAG GIS BZHI STE, LUS DRAN PA NYE BAR GZHAG PA DANG, TSOR BA DRAN PA NYE BAR GZHAG PA DANG, SEMS DRAN PA NYE BAR GZHAG PA DANG, CHOS DRAN PA NYE BAR GZHAG PA'O, ,DE LA NANG GI LUS LA LUS KYI RJES SU LTA ZHING GNAS NAS MI DMIGS PA'I TSUL GYIS LUS DANG LDAN PA'I RTOG PAS RNAM PAR MI RTOG GO, ,PHYI'I LUS LA LUS KYI RJES SU LTA BA YANG DE BZHIN NO, ,PHYI NANG GI LUS LA LUS KYI RJES SU LTA BA YANG DE BZHIN NO, ,NANG DANG PHYI DANG, PHYI NANG GI TSOR BA DANG, SEMS DANG, CHOS DAG LA TSOR BA'I RJES SU LTA BA NAS, CHOS KYI RJES SU LTA BA'I BAR GYIS GNAS NAS MI DMIGS PA'I TSUL GYIS CHOS GYI RJES SU LTA ZHING RTUL BA DANG SHES BZHIN CAN DRAN PA DANG LDAN PAS 'JIG RTEN GYI CHAGS SEMS DANG, YID MI BDE BA BSAL ZHING RNAM PAR DPYOD KYANG CHOS DANG LDAN PA'I RNAM PAR RTOG PAS RNAM PAR MI RTOG GO, , DE LA NANG GI LUS NI RANG GI MIG LA SOGS PA DRUG GO, ,PHYI'I LUS NI RANG GI LUS LAS PHYI ROL GYI 'DUS BYAS SO, ,PHYI NANG GI LUS NI RANG GI LUS SU GYUR PA'I LHAG MA 'BYUNG BA DANG 'BYUNG BA LAS GYUR PA'O, ,TSOR BA LA SOGS PA'I RNAM PA GSUM YANG YANG, ,LUS RNAM PA GSUM LA DMIGS PA'I BYA BAS SO, ,TSOR BA NI BDE BA DANG, SDUG BSNGAL DANG, SDUG BSNGAL YANG MA YIN, BDE BA YANG MA YIN PA'O, ,CHOS NI SEMS LAS BYUNG BA DGE BA DANG MI DGE BA'O, ,LUS LA SOGS PA LA RJES SU LTA BA ZHES BYA BA NI LUS LA SOGS PA'I CHOS NYID LA RJES SU LTA BA'O, ,LUS LA SOGS PA DANG LDAN PA ZHES BYA BA NI LUS LA SOGS PA'I 'DU SHES DANG LDAN PA'O, ,RTOG PA ZHES BYA BA NI RNAM PAR RTOG PA'O, ,LUS 'DI GCIG DANG BDAG GI LUS DANG, RTAG PA DANG, MI RTAG PA DANG, BDE BA DANG, SDUG BSNGAL ZHES BYA BA DE LTA BU LA SOGS PA MI DMIGS PA'I TSUL GYIS DE RJES SU MI MTHONG ZHING RNAM PAR MI RTOG GO, ,GUS PAR BYED PA DANG RTAG TU BYED PA DANG LDAN PA'I RTUL BA DANG LDAN PA'O, ,RJES SU LTA BA DANG, SHES BZHIN DANG LDAN PA NI SHES BZHIN CAN NO, ,MI BRJED PA'I BDAG NYID KYIS KUN TU SRUNG BAR BYED PA DANG, RNAM PAR MI G-YENG BA'I DRAN PA DANG 'BREL PAS DRAN PA DANG LDAN PA'O, , @109B BRTZON 'GRUS DANG, SHES RAB DANG, DRAN PA DANG, 'DI DAG NYID KYI PHAN YON NI 'JIG RTEN GYI CHAGS SEMS DANG YID MI BDE BA RNAM PAR BSAL ZHES GSUNGS SO, ,BSAL BA ZHES BYA BA NI SPANGS PA'O, ,'JIG RTEN GYI CHOS LA RNYED PA DANG, GRAGS PA DANG, BDE BA DANG, BSTOD PA DAG LA NI BRNAB SEMS DANG, CHAGS PA'O, ,MA RNYED PA DANG, MA GRAGS PA DANG, SDUG BSNGAL BA DANG, SMOD P LA NI YID MI BDE BA'O, ,DE LTAR BYANG CHUB SEMS DPA'I TSUL LA DRAN PA NYE BAR GZHAG PA BSTAN NAS NYAN THOS KYI TSUL LA LUS DRAN PA NYE BAR GZHAG PA NYID RNAM PA BCU BZHI GSUNGS TE, DE LA SHES BZHIN GYI SGO NAS NI GSUM STE, DBUGS RING DU 'GRO BA DANG 'OD BA LA SOGS PA DE DAG LA NI GCIG GO, ,THUNG NGU 'ONG BA LA SOGS PA DAG LA GNYIS PA'O, ,DBYUNG BA DANG RNGUB PA DRAN PA LA NI GSUM PA'O, ,KHAMS KYI RAB TU DBYE BA'I SGO NAS NI BZHI PA'O, ,MI GTZANG BA'I RDZAS SUM CU RTZA DRUG GI SGO NAS NI LNGA PA'O, ,MI SDUG PA'I SGO NAS NI DGU'O, ,DE LA MNGON DU 'ONG BA ZHES BYA BA NI 'GRO BA'O, ,PHYIR MI LDOG PA ZHES BYA BA NI LDOG PA'O, ,KUN TU LTA BA ZHES BYA BA NI MDUN DU'O, ,RNAM PAR LTA BA ZHES BYA BA NI PHYOGS MTSAMS SU'O, ,BSKUM PAR BYA BA NI BSDUS PA'O, ,NANG DU YANG DAG PAR 'JOG PA NI ZHI GNAS DANG, LHAG MTHONG LA MNGON PAR BRTZON PA'O, ,DRAN PA 'DI LA YOD PAS NA DRAN PA DANG LDAN PA'O, ,LUS KYI RLUNG SNA NAS 'JUG PA NI BRNGUB PA'O, ,'BYUNG BA NI PHYIR 'BYUNG BA STE, RDZA MKHAN LEGS PAR BSLABS PA 'AM, DE'I NYE GNAS KYI SLOB MA BZHIN NO, ,PAGS PA DANG RLOG PA NI PHYI NANG GI DBYE BAS SO, ,RGYUS PA NI RTZA'O, ,MKHAL MA NI MKHAL MA'O, ,MCHIN PA NI MCHIN PA'O, ,GLO BA NI GLO BA'O, ,MCHER PA NI MCHER PA'O, ,ZHU BA DANG MA ZHU BA NI ZAS SO, ,MCHIL MA'I THAL BA NI BAD KAN GYI GONG BU'O, ,KHRAG NI KHRAG RUL BA'O, ,CHUN PA NI ZHING RMO BA'O, ,BAD PA NI 'BRU RNAMS KYI SNOD DO, ,DUR KHROD CES BYA BA NI BSTAN PA'O, ,RO BOR BA'I GNAS ZHES BYA BA NI RJES SU BSTAN PA'O, ,SHI NAS ZHAG GCIG LON PA ZHES BYA BA LA SOGS PA NI GO RIMS BZHIN RNAM PAR BAM PA LA SOGS PA GSUM MO, ,GANG RNAM @110A *, ,PAR RNAGS PA DE NYID NI RNAM PAR 'BUS GZHIGS PA YIN TE, SRIN BU SKYES PA NYID KYI PHYIR RO, ,YANG NA RNAM PAR ZOS PA NI RNAM PAR 'THONG BA'O, ,DE LA DUR KHROD KYI LUS MTHONG BA NA BDAG NYID KYANG DE DANG 'DRA BA NYID DU NYE BAR SBYOR RO, ,CHOS NYID 'DI ZHES BYA BA NI BSTAN PA'O, ,'DI LTA BU'I RANG BZHIN CAN ZHES BYA BA NI RJES SU BSTAN PA'O, ,'O NA GSON PO'I LUS NI DE LTA BU MA YIN LA SHI BA'I LUS NI DE LTA BU YIN NO ZHES DOGS PA LA, DE'I PHYIR CHOS NYID 'DI LAS MA 'DAS SO ZHES SMOS TE, 'GAL BA'I RKYEN NYE BAR GNAS PA YOD NA NGES PAR DE BZHIN DU 'GYUR PA'I PHYIR RO, ,SEMS 'DIS NGES PAR 'DOR BA NI YANG DAG PAR SPONG BA STE, DE DAG NI RNAM PA BZHI'O, ,'DI LTA STE, SDIG PA MI DGE BA'I CHOS MA SKYES PA RNAMS MI SKYED PA'I PHYIR 'DUN PA SKYED DO, ,'BAD DO, ,BRTZON 'GRUS RTZOM MO, ,SEMS RAB TU 'DZIN TO, ,YANG DAG PAR 'JOG GO,, DE BZHIN DU SKYES PA RNAMS SPANG BA'I PHYIR DANG, DE BZHIN DU DGE BA'I CHOS MA SKYES PA RNAMS BSKYED PA'I PHYIR DANG, DE BZHIN DU SKYES PA RNAMS GNAS PA DANG, 'PHEL BAR BYA BA DANG, PHYIR ZHING 'BYUNG BAR BYA BA'I PHYIR RO, ,DE LA 'DUN PA BSKYED PA NI GO CHA'I BRTZON 'GRUS SO, ,DE LTAR 'BAD PA BYA'O ZHES BYA BA NI SBYOR BA NI BRTZON 'GRUS SO, ,BRTZON 'GRUS RTZOM PA NI SKYE BO'I BRTZON 'GRUS SO, ,SEMS RAB TU 'DZIN PA DANG, YANG DAG PAR 'JOG PA NI THABS KYI BRTZON 'GRUS SO, ,DE LAS ZHUM PA LA SEMS RAB TU 'DZIN PA'O, ,RGOD PA LA SEMS YANG DAG PAR 'JOG PA STE, MNGON PAR 'JOG PA'O, ,RDZU 'PHRUL NI 'JIG RTEN LAS 'DAS PA'I CHOS SO, ,RDZU 'PHRUL GYI RKANG PA STE, GNAS YIN PA'I PHYIR RDZU 'PHRUL GYI RKANG PA'O, ,DE YANG BZHI STE, 'DUN PA'I TING NGE 'DZIN DANG, BRTZON 'GRUS KYI TING NGE 'DZIN DANG, SEMS KYI TING NGE 'DZIN DANG, DPYOD PA'I TING NGE 'DZIN TO, ,'DI LTAR KHA CIG NI SEMS 'DUN PA DRAG PA DANG LDAN PA NYID KYIS SEMS RTZE GCIG PA'I MTSAN NYID KYI TING NGE 'DZIN SKYE BAR 'GYUR RO, ,KHA CIG GI YANG DAG PAR SPONG BA NI BRTZON 'GRUS DANG SHIN TU LDAN PAS MI DGE BA YANG DAG PAR SPANGS TE DGE BA'I CHOS SKYED PA NYID KYIS SO, ,KHA CIG GI NI ZHI @110B GNAS DANG, RAB TU 'DZIN PA DANG, BTANG SNYOMS KYI RGYU MTSAN DAG GIS SEMS YONGS SU SBYANGS PA LAS SO, ,KHA CIG NI CI BDAG MI DGE BA PHRA MO LA KUN TU MI SPYOD DAM, CI YANG KUN TU MI SPYOD CES GANG BDAG NYID LA, YONGS SU DPYOD PA NI YANG DAG PAR NYE BAR DPYOD PA'O, , DE DAG SKYES PA LA KUN NAS DKRIS PA NI RING DU GYUR LA, BAG LA NYAL RNAMS SPANG BA'I PHYIR YANG YANG DAG PAR SPONG BA RTZOM PA NI SPONG BA 'DU BYED PA BRGYAD MNGON PAR 'BYUNG STE, 'DUN PA DANG, BRTZON 'GRUS DANG, DAD PA DANG, SHIN TU SBYANGS PA DANG, DRAN PA DANG, SHES BZHIN DANG, SEMS PA DANG, BTANG SNYOMS SO, ,DE LA GANG GI TSE 'JIG RTEN DANG, 'JIG RTEN LAS 'DAS PA RNAMS KYI SNYOMS PAR 'JUG PA BSKYED PAR BYA SNYAM PA NI 'DUN PA'O, ,MI DGE BA'I CHOS THAMS CAD NGES PAR 'JOMS PA NI BRTZON 'GRUS SO, ,DAD PA NI BLA MA'I CHOS RTOGS PA LA BYA'O, ,DE'I SNGON DU 'GRO BA NI SHIN TU SBYANGS PA'O, ,DE LA YANG DRAN PA NI SHES BZHIN GYI PHYOGS SO, ,SHES BZHIN NI LHAG MTHONG GI PHYOGS SO, ,DE LA SEMS MNGON PAR 'DU BYED PA NI SEMS PA'O, ,NYON MONGS PA MED PA NI BTANG SNYOMS SO, ,DE 'DUN PA LA SOGS PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA SGOM PAR BYED DE, DBEN PA NI NYON MONGS PA LAS SO, ,'DOD CHAGS DANG BRAL BA NI SRID PA'I 'DOD CHAGS DANG BRAL BA'O, ,'GOG PA NI SDUG BSNGAL LO, ,DE DAG LA BSTAN NAS RNAM PAR SPONG BA NI SDUG BSNGAL TE, DE DAG LA BRTEN PA'O, , DE'I PHYIR YONGS SU GRUB PA SGOM MO, ,MCHOG TU DBANG BYED PAS NA DBANG PO STE, DAD PA LA SOGS PA LNGA'O, ,'JIG RTEN LAS 'DAS PA'I CHOS SKYED CING THOB PA LA BDAG POR GYUR PAS NA DBANG PO STE, DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO'O, ,RDZU 'PHRUL GYI RKANG PA DANG LDAN PA'I RTAGS MTHONG BA LAS PHYIS KHYAD PAR CAN DU 'BYUNG BA LA NGES PA SKYE BA'I PHYIR NSTON PA DANG NYAN THOS DE DAG GI RTOGS PA LA DAD PA SKYE BA DE NI 'DI'I DAD PA'I DBANG PO'O, ,DAD PA LHAG PAS @111A *, ,NA BRTZON 'GRUS LA SOGS PA YANG LHAG PAR 'GYUR TE, DES NA DBANG PO LNGAR 'GYUR RO, ,DE LTAR DBANG PO SGOM PA NA BDUD LA SOGS PA MI MTHUN PA'I PHYOGS KYIS MI BRDZI BA'I PHYIR DAD PA'I STOBS NAS SHAS RAB KYI BAR RO, ,BYANG CHUB NI YANG DAG PA JI LTA BA BZHIN DU RTOGS PA'I MTHONG BA'I LAM NI RDZOGS PA'I BYANG CHUB STE, DRAN PA YANG DAG BYANG CHUB KYI YAN LAG NAS, BTANG SNYOMS YANG DAG BYANG CHUB KYI YAN LAG GI BAR DU'O, ,DE LA CHOS RAB TU RNAM PAR 'BYED PA DANG, BRTZON 'GRUS DANG, DGA' BA NI LHAG MTHONG GI PHYOGS SO, ,SHIN TU SBYANGS PA DANG, TING NGE 'DZIN DANG, BTANG SNYOMS NI ZHI GNAS KYI PHYOGS SO, ,DRAN PA NI GNYI GA'I PHYOGS SO, ,DES DE DAG THOB PAS MTHONG BAS SPANG BAR BYA BA'I NYON MONGS PA SPANGS PAR BDAG NYID KYIS MTHONG NAS BSGOM PAS SPANG BAR BYA BA DAG SPONG BA'I PHYIR 'PHAGS PA'I LAM YAN LAG BRGYAD PHUNG PO GSUM DU SGOM PAR BYED DO, ,DE LA YANG DAG PA'I LTA BA DANG, YANG DAG PA'I RTOG PA DANG, YANG DAG PA'I BRTZON PA NI SHES RAB KYI PHUNG PO'O, ,YANG DAG PA'I NGAG DANG, LAS KYI MTHA' DANG, TSOR BA NI TSUL KHYIMS KYI PHUNG PO'O, ,YANG DAG PA'I DRAN PA DANG, TING NGE 'DZIN NI TING NGE 'DZIN GYI PHUNG PO'O, ,'PHAGS PA NI SLOB PA RNAMS SO, ,DE DAG GIS NI NYON MONGS PA THAMS CAD SPANG BA'I PHYIR DANG, RNAM PAR GROL BA MNGON SUM DU BYA BA'I PHYIR 'PHAGS PA SLOB PA'I LAM 'DI SKYED PAR BYED DO, ,DE BAS NA 'DI 'PHAGS PA RNAMS KYI YAN LAG BRGYAD YIN PAS NA 'PHAGS PA'I LAM YAN LAG BRGYAD DO, ,DE DAG NI DAN PA NYE BAR GZHAG PA LA SOGS PA STE, SDE TSAN BDUN RE RER RNAM PAR DBYE BA BYAS NAS BYANG CHUB KYI PHYOGS DANG MTHUN PA SUM CU RTZA BDUN DU 'GYUR RO, ,BYANG CHUB NI ZAD PA DANG MI SKYE BA SHES PA'I YE SHES SO,, DE'I RJES SU MTHUN PA NI BYANG CHUB KYI PHYOGS SO, ,TING NGE 'DZIN GSUM ZHES BYA BA NI RNAM PAR THAR PA'I SGO GSUM GYI STE, RANG GI MTSAN NYID KUN BRTAGS PA DE'I NGO BO GTAN DU MED PAS DES STONG PA'O, ,YONGS SU GRUB PA'I RANG GI NGO BO NI BRJOD DU MED PAS MTSAN MA MED PA STE, DES NA MTSAN @111B MA MED PA'O, ,GZHAN GYI DBANG GI NGO BO NI 'KHRUL PA STE, MED PA'I NGO BOR SNANG BA'I PHYIR RO, ,'KHRUL PA'I RTZA BA YANG NYON MONGS PA STE, DE'I PHYIR DE NI SPANG BAR BYA BA YIN GYI, SMON PAR 'OS PA NI MA YIN TE, DES NA SMON PA MED PA'O, ,SHES PA BCU GCIG NI MDO JI LTA BA BZHIN TE, SDUG BSNGAL MI SKYE BAR SHES PA NI SDUG BSNGAL 'BYUNG BA MI SKYE BA STE DE SHES PA'O, ,SPANGS PA SHES PA ZHES BYA BA NI KUN 'BYUNG GI BDAG NYID NYON MONGS PA LA SOGS PA SPANGS PA STE DE SHES PA'O, ,SDUG BSNGAL 'GOG PA SHES PA ZHES BYA BA NI SDUG BSNGAL DAG 'GOG PA STE DE SHES PA'O, ,'GOG PA MNGON SUM DU BYA BA DE LAM GANG GIS 'GOG PA MNGON SUM DU BYED PA NI DE'I SHES PA STE, 'DIS SDUG BSNGAL 'GOG PA'O, ,'DOD CHAGS LA SOGS PA ZAD PA SHES PA NI ZAD PA SHES PA'O, ,'DOD CHAGS LA SOGS PA MI SKYE BA SHES PA NI MI SKYE BAR SHES PA'O, ,RNAM PAR GROL BA MNGON SUM DU BYED PA SHES PA NI CHOS SHES PA'O, ,MI RTAG PA NYID LA SOGS PA DE RJES SU DPAG PAS SHES PA NI RJES SU SHES PA'O, ,GCIG TU KUN BRTAGS PA LA DMIGS PA NYID YIN PA'I PHYIR GZHAN GYI SEMS SHES PA NI KUN RDZOB SHES PA'O, ,LAM LA 'DRIS PA NI LAM LA GOMS PA'O, ,SGRA JI BZHIN SHES PA NI DE BZHIN GSHEGS PA RNAMS DANG LHA DANG MI LA SOGS PA THAMS CAD KYI SKAD SHES PA'O, ,DBANG PO GSUM NI MDO JI LTA BA BZHIN TE, RNAM PAR BYANG BA'I CHOS RNAMS LA BDAG PO YIN PA'I PHYIR DBANG PO'O, ,DBANG PO GANG LA MI SHES PA KUN SHES PAR BYED PA YOD PA DE LA DE SKAD CES BYA'O, ,KUN SHES PA'I DBANG PO DANG KUN SHES PA BSRUNG BA'I DBANG PO NI KUN SHES PA DANG LDAN PA'I DBANG PO'O, ,SNANG BA MED PA ZHES BYA BA NI NYAN THOS LA SOGS PA'I PHYIN CI LOG BZHI SNANG BA MED PA'I PHYIR DANG, BYANG CHUB SEMS DPA' RNAMS KYI YANG SPROS PA'I MTSAN MA THAMS CAD NUB PAS CHOS NYID TZAM LA DMIGS PA'I PHYIR RO, ,DREGS PA 'DUL BA NI JI LTAR 'OS PA NYON MONGS PA 'DUL BA'I PHYIR RO, ,RNAM PAR RTOG PA DANG RNAM PAR DPYOD PA DANG BCAS PA LA SOGS PA'I TING NGE 'DZIN GSUM NI MDO JI LTA BA BZHIN NO, ,SANGS RGYAS LA SOGS PA RJES SU DRAN PA BCU NI MDO JI LTA BA BZHIN NO, , @112A *, ,BSAM GTAN DANG GZUGS MED PA NI 'JUG PA'I SGRUB PAR BSTAN PA'O, ,TSAD MED PA YANG 'JUG PA'I SGRUB PA'I TSAD MED PA BZHIN NO, ,RNAM PAR THAR PA BRGYAD NI GZUGS CAN GZUGS RNAMS LA LTA BA 'DI NI RNAM PAR THAR PA DANG PO'O, ,NANG GZUGS MED PAR 'DU SHES BAS PHYI ROL GYI GZUGS RNAMS LA LTA BA NI RNAM PAR THAR BA GNYIS PA'O, ,SDUG PAR MOS PA NI RNAM PAR THAR PA GSUM PA'O, ,GSUM PO 'DI DAG NI SPRUL PA'I SGRIB PA'I GNYEN POR 'GYUR BA'I PHYIR RNAM PAR DAG PA'O, ,DE LA DANG PO GNYIS NI MI SDUG PA'O, ,GSUM PA NI SDUG PA'O, ,RNAL 'BYOR PA KHA CIG 'DOD PA NA SPYOD PA'I KHA DOG GI 'DOD CHAGS LA SOGS PA'I GNYEN POR NANG GI SGRA LA SOGS PA LA DMIGS PA'I SNYOMS PAR 'JUG PA LA SNYOMS PAR ZHUGS NAS DE NYID KYI 'OG TU PHYI ROL GYI SNGON PO LA SOGS PA LA DMIGS TE, BSAM GTAN DANG PO LA SNYOMS PAR 'JUG GO, ,BSAM GTAN DANG PO'I KHA DOG GI 'DOD CHAGS LA SOGS PA'I GNYEN POR BSAM GTAN GNYIS PA LA SNYOMS PAR 'JUG PA DE BSTAN TE, GZUGS CAN GZUGS RNAMS LA LTA BA ZHES BYA BA NI NANG GI GZUGS LA DMIGS PA'I PHYIR GZUGS CAN ZHES BRJOD DO, ,PHYI ROL GYI GZUGS LA DMIGS PA'I PHYIR GZUGS LA LTA BA ZHES BRJOD DO, ,RNAL 'BYOR BA LA NANG LA MI DMIGS PA NYID KYIS PHYI ROL GYI DNGOS PO LA SOGS PA 'BA' ZHIG LA DMIGS SHING SNGA MA BZHIN DU BSAM GTAN DANG PO'AM GNYIS PA LA SNYOMS PAR ZHUGS PA YANG BRJOD DO, ,DE NI NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA ZHES BYA'O, ,DE BZHIN DU MI SDUG PA RNAM PAR SGOM PAS SEMS KYI RGYUD ZHUM PA DGA' BAR BYA BA 'AM, CI BDAG YID DU 'ONG BA'I GZUGS RNAMS SDUG PA NYID DU YID LA BYED PA NA KHA DOG LA 'DOD CHAGS LA SOGS PA SKYE 'AM ZHES SAD PA'I PHYIR YID DU 'ONG BA'I GZUGS LA DMIGS NAS, BSAM GTAN BZHI PA LA SNYOMS PAR 'JUG PA LA SDUG PAR MOS PAR 'GYUR ZHES BRJOD PAR BYA'O, ,DE NI GZUGS CAN GYI RNAM PAR THAR PA GSUM MO, ,GZUGS MED PA'I RNAM PAR THAR PA LA NI LNGA STE, NAM MKHA' MTHA' LAS SKYE MCHED KYI RNAM PAR THAR PA NAS, 'DU SHES DANG TSOR BA 'GOG PA @112B ZHES BYA BA'I RNAM PAR THAR PA ZHES BYA BA'I BAR DU'O, ,DE LA NAM MKHA' MTHA' YAS SKYE MCHED LA SOGS PA GZUGS MED PA BZHI'I DAG PA LA NI DE'I RO MYANG BA'I SGRIB PA'I GNYEN PO YIN PA'I PHYIR RNAM PAR THAR BA STE, ZHI BAR GNAS BA ZHES KYANG BRJOD DO, ,'DU SHES DANG TSOR BA 'GOG PA YANG THAR PA DANG RJES SU MTHUN PAR GNAS PA'O, ,'DU SHES MED 'DU SHES MED MIN SKYE MCHED LA RTEN CING LANGS NAS SEMS DANG SEMS LAS BYUNG BA RNAMS 'GOG PA STE, DE'I SGRIB PA SPANGS PA'I PHYIR RNAM PAR THAR PA STE ZHI BAR GNAS PA ZHES KYANG BRJOD DO, ,MTHAR GYIS GNAS PA'I SNYOMS PAR 'JUG PA DGU ZHES BYA BA NI BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'DU SHES DANG TSOR BA 'GOG PA'O, ,DE BZHIN GSHEGS PA'I STOBS BCU NI GNAS DANG GNAS MA YIN PA MKHYEN PA'I STOBS DANG, LAS KYI RNAM PAR SMIN PA MKHYEN PA'I STOBS DANG, KHAMS SNA TSOGS MKHYEN PA'I STOBS DANG, MOS PA SNA TSOGS MKHYEN PA'I STOBS DANG, DBANG PO MCHOG DANG MCHOG MA YIN PA KHYEN PA'I STOBS DANG, THAMS CAD DU 'GRO BA'I LAM MKHYEN PA'I STOBS DANG, BSAM GTAN DANG RNAM PAR THAR PA DANG TING NGE 'DZIN DANG SNYOMS PAR 'JUG PA'I KUN NAS NYON MONGS PA DANG RNAM PAR BYANG BA DANG LDANG BA MKHYEN PA'I STOBS DANG, SNGON GYI GNAS RJES SU DRAN PA MKHYEN PA'I STOBS DANG, 'CHI 'PHO DANG SKYE BA MKHYEN PA'I STOBS DANG, ZAG PA ZAD PA MKHYEN PA'I STOBS ZHES BYA BA LA, DE DAG GI MTSAN NYID MDO'I GO RIMS JI LTA BA BZHIN NO, ,GNAS LA YANG GNAS SU GNAS PA LA YANG GNAS MA YIN PAR RAB TU SHES ZHES BYA BA NI NYES PAR SPYOD PA RNAMS LAS MI 'DOD PA'I RNAM PAR SMIN PA NI GNAS SO, ,'DOD PA NI GNAS MA YIN PA'O, ,LEGS PAR SPYOD PA RNAMS LAS 'DOD PA NI GNAS SO, ,MI 'DOD PA NI GNAS MA YIN PA'O, ,SER SNAS DBUL PA NI GNAS SO, , LONGS SPYOD CHEN PO NI GNAS MA YIN PA'O, ,SBYIN PA LAS LONGS SPYOD CHEN PO NI GNAS SO, ,DBUL POR GYUR BA NI GNAS MA YIN PA'O, ,'CHAL BA'I TSUL KHRIMS KYIS NGAN 'GROR SKYE BA NI GNAS SO, ,BDE 'GO NI GNAS MA YIN PA'O, ,TSUL KHRIMS KYI BDE 'GROR SKYE BA NI GNAS SO, ,NGAN 'GRO @113A *, ,NI GNAS MA YIN PA STE, DE LA SOGS PA GNAS DANG GNAS MA YIN PA RAB TU MKHYEN PA NI DAG PA DANG MA CHAGS PA DANG THOGS PA MED PA'I YE SHES KYIS DE NYID KYI PHYIR YANG DAG PA JI LTA BA BZHIN DU MKHYEN PA NI PHYIN CI MA LOG PAR RO, ,DES NA DAG PA NYID CES BRJOD DO, ,GANG DANG GANG YANG DAG PA ZHES ZLOS PA NI CHAGS PA MED PAR BSTAN TO, ,RNAM PA GANG DANG GANG GIS YANG DAG PA ZHES BYA BA NI, RNAM PA THAMS CAD MKHYEN PA'I PHYIR THOGS PA MED PA BSTAN TO, ,YE SHES DE NYID STOBS TE GTAN DU GZHAN GYIS MI THUB PA'I PHYIR DANG GTAN DU GZHAN DAG ZIL GYIS GNON PA'I PHYIR RO; ,'DAS PA ZHES BYA BA LA SOGS PA LA 'DIR GNAS DANG RGYU ZHES BYA BA NI GNAS DANG RGYU DANG BCAS PA'O, ,PHYOGS GANG DU DE'I LAS BYED PA DE NI GNAS SO, ,NYAN THOS LA SOGS PA GANG GI RGYU DE'I LAS TE RGYUD DANG BCAS PA'O, ,RNAM PAR SMIN PA NI BDE BA DANG SDUG BSNGAL LA SOGS PA'O, ,KHAMS SNA TSOGS ZHES BYA BA NI BSTAN PA'O, ,KHAMS DU MA ZHES BYA BA NI RJES SU BSTAN PA'O, ,KHAMS NI LHAG PA'I BSAM PA STE, BSOD NAMS DANG BSOD NAMS MA YIN PA DANG MI G-YO BA LA SOGS PA SKYED PAR BYED PA'O, ,MOS PA SNA TSOGS ZHES BYA BA NI 'DIR 'DOD PA NI MOS PA STE, , DPER NA CHAGS PA LA GNAS PA YANG ZHE SDANG LA MOS PA DANG, ZHE SDANG LA GNAS PA YANG CHAGS PA LA MOS PA LTA BU'O, ,DBANG PO'I RIM PA ZHES BYA BA NI DAD PA LA SOGS PA'I DBANG PO THA DAD PA NYID DE, 'DI NI DBANG PO RTUL PO'O, ,DBANG PO 'BRING PO'O, ,DBANG PO RNON PO'O, ,DBANG PO MED PA'O ZHES BYA BA LA SOGS PA'O, ,THAMS CAD DU 'GRO BA'I LAM MKHYEN PA NI 'DIR BYANG CHUB SEMS DPA' SEMS CAN GYI KHAMS YANG DAG PA NYID DU NGES PA DANG MA NGES PA SHES PA NI DE DAG GI RJES SU MTHUN PA'I LAM MKHYEN CING STON PA DANG, LOG PA NYID DU NGES PA NI BTANG SNYOMS SU BYA BA DANG MTHUN PAR BTANG SNYOMS SU BYED DO, ,'DI NI 'DOD CHAGS KYI GNYEN POR GYUR PA'I LAM MO, ,'DI NI ZHES SDANG GI GNYEN POR GYUR BA'I LAM MO ZHES BYA BA LA SOGS PA'O, ,BSAM GTAN DANG RNAM PAR THAR PA DANG TING NGE 'DZIN DANG, SNYOMS PAR 'JUG PA'I KUN NAS NYON MONGS PA DANG RNAM PAR BYANG BA DANG LDANG BA ZHES BYA BA LA, @113B BSAM GTAN NI BZHI PA'O, ,RNAM PAR THAR PA NI BRGYAD DO, ,TING NGE 'DZIN NI GSUM STE, RTOG PA DANG BCAS PA DPYOD PA DANG BCAS PA LA SOGS PA'O, ,SNYOMS PAR 'JUG PA NI GZUGS MED PA'I SNYOMS PAR 'JUG PA BZHI DANG MTHAR GYIS GNAS PA'I SNYOMS PAR 'JUG PA DGU'O, ,KUN NAS NYON MONGS PA LA SOGS PA DE LA KUN NAS NYON MONGS PA NI RO MYANG BA'O, ,RNAM PAR BYANG BA NI MI DMIGS PA LA SOGS PA'O, ,LDANG BA NI SENG GE RNAM PAR BSGYINGS PA'AM THOD RGAL BA'O, ,LHAG MA GSUM NI MDO JI LTA BA BZHIN NO, ,SENG GE BZHIN DU SHIN TU BSNYENGS PA MED PAS RIGS PAR GSUNGS PA NI MI 'JIGS PA STE, DE'I DNGOS PO 'AM LAS NI DE NYID DO, ,MI 'JIGS PA NI BZHI STE, MNGON PAR RDZOGS PAR BYANG CHUB PA LA MI 'JIGS PA DANG, ZAG PA ZAD PA LA MI 'JIGS PA DANG, BAR DU GCOD PA'I CHOS LA MI 'JIGS PA DANG, NGES PAR 'BYIN PA'I LAM LA MI 'JIGS PA'O, , MNGON PAR RDZOGS PAR BYANG CHUB PA ZHES BYA BA LA SOGS PA LA, MI 'JIGS PA NI DER DAM 'CHA' BA DANG, DGOD PA LA ZHES BYA BA'I DON TO, ,DANG PO GNYIS NI YE SHES DANG SPANGS PA'I MTSAN NYID DE RANG GI DON TO, ,THA MA GNYIS NI GZHAN GYI DON TE GZHAN DAG LA DE STON PA'I PHYIR RO, ,MTSAN NYID RGYA CHER NI MDO JI LTA BA BZHIN NO, ,'DIR YANG DGE SBYONG DANG BRAM ZE SMOS PA NI SHES RAB KYI MNGON PA'I NGA RGYAL BYED PA'I PHYIR RO, ,LHA DANG BDUD SMOS PAS LHA'I MIG DANG PHA ROL GYI SEMS SHES PA PHUN SUM TSOGS PA'I PHYIR RO, ,TSANGS PA NI MTHU LA SOGS PA CHE BA'I PHYIR RO, ,RGYU DE MI MTHONG ZHES BYA BA NI DE DAG GIS BRGAL BA'I RGYUR GYUR BA'I SKYON NO, ,BDE BA THOB PA DANG, BAG TSA BA MED PA THOB PA DANG, MI 'JIGS PA THOB PA ZHES BYA BA NI GO RIMS BZHIN DU LUS LA SOGS PA'I LAS RNAM PAR DAG PA STE, SKUL SPU LDANG BA DANG, SPA BKOD PA LA SOGS PA DANG, GSUNG LA ZHUM PA DANG, DMAN PA LA SOGS PA DANG, THUGS LA DOGS PA DANG ZHUM PA NYID LA SOGS PA DANG BRAL BA'I PHYIR RO, ,DE NYID KYI PHYIR GO RIMS BZHIN DU KHYU MCHOG GI GNAS SU DAM BCA' SENG GE'I SGRA YANG DAG PA SGROG ,TSANGS PA'I 'KHOR LO SKOR BAR MDZAD, ,TSANGS PA NI DE BZHIN GSHEGS PA STE, 'JIG RTEN THAMS CAD @114A *, ,LAS MNGON PAR 'PHAGS PA'I PHYIR RO, ,TSANGS PA DE RNAMS KYI'O, ,YANG NA TSANGS PA NI THAR PA STE, DE'I DON GYI PHYIR TSANGS PA'I 'O, ,'GRO BA'I DON GYIS NA 'KHOR LO STE, CHOS KYI 'KHOR LO ZHES BYA BA'I DON TO, ,DE BZHIN GSHEGS PA RNAMS KYI GSUNG RAB YAN LAG BCU GNYIS NI CHOS SO, ,DE'I BRJOD PAR BYA BA MA LUS PA NI DON TO, ,DE DAG NYID KYI MING GI TSOGS LA SOGS PA RNAM PA MANG PO'I TSIG NGES PA NI NGES PA'I TSIG GO, ,YANG NA RGYU'I CHOS THAMS CAD NI CHOS SO, ,'BRAS BU'I CHOS THAMS CAD NI DON TO, ,'GRO BA DRUG TU GTOGS PA'I SEMS CAN RNAMS KYI SKAD THAMS CAD NI NGES PA'I TSIG STE, DE DAG SO SOR RIG PA NI GO RIMS BA BZHIN DU CHOS SO SOR RIG PA DANG, DON SO SOR RIG PA DANG, NGES PA'I TSIG SO SOR RIG PA'O, ,CHOS LA SOGS PA GZHAN DAG LA STON PA'I PHYIR CHOS LA SOGS PA SO SO YANG DAG PAR RIG PA MNGON SUM DU GYUR PA NI SPOBS PA STE, 'DI NI DE YANG YIN LA SO SO YANG DAG PAR RIG PA YANG YIN PAS NA SPOBS PA SO SO YANG DAG PAR RIG PA'O, ,MA 'DRES PAR SPYOD PA'I PHYIR CHOS MA 'DRES PA DAG STE, GZHAN DAG DANG THUN MONG MA YIN PA ZHES BYA BA'I DON TO, ,DE YANG BCO BRGYAD DE, MDO JI LTA BA BZHIN NO, ,DE LA DANG PO LUS KYI LAS DANG, GNYIS PA DAG GI LAS DANG, DE NAS BZHI NI YID KYI LAS YONGS SU DAG PA'O, ,DE NAS DRUG NI DE BZHIN GSHEGS PA'I DBANG PO'I RTEN DANG BCAS PA DANG, 'BRAS BU DANG BCAS PA LA MA THOB PA'I YONGS SU NYAMS PA MED PA'I PHYIR RO, ,DE LA RTEN NI 'DUN PA'O, ,'BRAS BU NI RNAM PAR GROL BA'O, ,DBANG PO NI BRTZON 'GRUS LA SOGS PA'O, ,DE NAS NI GSUM NI LUS LA SOGS PA'I LAS RNAMS LA YE SHES GNAS PA NYID KYIS YE SHES KYI RGYU NYID DANG, YE SHES DANG LHAN CIG SPYOD PA NYID KYIS SO, ,DE NAS DUS GSUM LA MA CHAGS MA THOGS PA'I YE SHES 'JUG STE, DES NA GSUM STE DRUG PO DE DAG GIS BCO BRGYAD DU 'GYUR RO, ,'KHRUL PA MI MNGA' BA ZHES BYA BA NI 'DI LTAR DGRA BCOM PA RNAMS GRONG LA SOGS PAR BSOD NAMS KYI PHYIR RGYU BA NA GLANG PO CHE DANG, BA GLANG DANG, KHYI GTUM PO DANG, TSER MA DANG, SDIG @114B SPRUL LA SOGS PA'I GNOD PA 'BYUNG BA DANG, YANG NA DGON PA NA CHOM RKUN DANG STAG LA SOGS PA'I 'JIGS PA DE LTA BU'I 'KHRUL PA DE BZHIN GSHEGS PA LA RNAM PA THAMS CAD DU MI MNGA' BA STE, RTAG TU YANG DAG PAR RTOG PAR MDZAD PA NYID KYI PHYIR RO, ,CA CO MED PA ZHES BYA BA NI JI LTAR DGRA BCOM PA DAG DGON PA NA LAM STOR NAS CA CO'I SGRA 'BYIN PA BAG CHAGS KYI DBANG GIS GAD MO RTA GAD 'BYIN PA DE LTA BU SANGS RGYAS LA MI MNGA' STE, RTAG TU MNYAM PAR BZHAG PA'I PHYIR RO, ,BSNYEL BA MI MNGA' BA ZHES BYA A NI JI LTAR DGRA BCOM PA RNAMS BRJED PAS BYA BA SHOR BA DANG, DU MA LAS YON PAR 'GYUR PA DE LTAR SANGS RGYAS LA MI MNGA' STE, THUGS RJE CHEN PO MNGA' BA'I PHYIR RO, ,THUGS MNYAM PAR MA BZHAG PA MED PA ZHES BYA BA NI 'DI LTAR DGRA BCOM PA DAG GANG GI TSE SNYOMS PAR ZHUGS PA NYID NI MNYAM PAR GZHAG PA YIN GYI TSE NI MA YIN NO, ,DE LTAR SANGS RGYAS NI MA YIN TE, RTAG TU MNYAM PAR GZHAG PA'I PHYIR RO, ,THA DAD PA'I 'DU SHES MED PA ZHES BYA BA NI JI LTAR DGRA BCOM PA DAG NI PHUNG PO LA GCIG TU MI MTHUN PAR 'DU SHES LA MYA NGAN LAS 'DAS PA LA NI ZHI BAR 'DU SHES PA DE LTAR SANGS RGYAS NI MA YIN TE, GNYI GA LA RNAM PAR MI RTOG PA NYID KYI PHYIR RO, , SO SOR MA BRTAGS PA'I BTANG SNYOMS MED CES BYA BA NI JI LTAR DGRA BCOM PA RNAMS SO SOR MA BRTAGS PAR SEMS CAN GYI DON YAL BAR 'DOR GYI, DE LTAR SANGS RGYAS NI MA YIN TE, DE NI DUS LA SOGS PA SO SOR BRTAGS NAS YAL BAR 'JOG PA YIN GYI, GZHAN DU NI MA YIN NO, , 'DUN PA NYAMS PA MED PA ZHES BYA BA LA SOGS PA NI DGRA BCOM PA DAG NI SANGS RGYAS KYI SA DANG SANGS RGYAS KYI MDZAD PA LA 'DUN PA LA SOGS PA MI SKYE STE, DE BAS NA DE DAG LAS MA THOB PA'I YONGS SU NYAMS PAS YONGS SU NYAMS PA YIN TE, DE LTAR SANGS RGYAS NI MA YIN TE, DE DAG LAS KHYAD PAR GYI CHOS MA THOB PA MI MNGA' BA'I PHYIR RANG, THOB PA RNAMS NI RTAG PA NYID KYI PHYIR RO, ,LHAG MA NI GO SLA'O, ,DE NI LAM GYI TSOGS SO, ,GZUNGS KYI TSOGS BSHAD PAR BYA STE, DE LA GZUNGS KYI SGO RNAMS LA ZHES BYA BA LA GZUNGS NI BZHI STE, BZOD PA'I GZUNGS DANG, CHOS @115A *, ,KYI GZUNGS DANG, DON GYI GZUNGS DANG, GSANG SNGAGS KYI GZUNGS SO, ,DE RNAMS KYI SGO NI YI GE RNAMS SO, ,YI GE NGES PAR BSAMS PA'I STOBS KYIS DE DAG 'BYUNG BAR 'GYUR RO, ,GCIG NYID LA MANG PO'I TSIG NI 'BRAS BU LA RGYU NYE BAR BTAGS PA YIN TE, DE YANG 'DIR GZUNGS KYI SGO LAS SKYES PA'I YE SHES NYID LA GZUNGS KYI SGO ZHES BYA'O, ,YI GE'I TSUL MNYAM PA NYID CES BYA BA LA, YI GES 'DREN PAR BYED SHES PAR BYED PAS NA YI GE'I TSUL TE, DON DAM PAR DE NYID CHOS THAMS CAD KYI MTSAN NYID YIN LA DE LA DMIGS PA'I YE SHES LA DE SKAD CES BRJOD DO; ,YI GE'I SGO ZHES BYA BA NI 'DI'I SGO YE GE YIN PAS NA YI GE'I SGO'O, ,YI GES 'JUG PAR BYED PA STE, THOB PAR BYED PA ZHES BYA BA'I DBANG DU BYAS PA'O, ,AA ZHES BYA BA NI GZOD MA NAS MA SKYES PA'I PHYIR CHOS THAMS CAD KYI SGO YIN NO ZHES BYA BA LA, YI GE AA'I SGO NI YANG DAG PA JI LTA BA BZHIN RTOGS PAR 'GYUR BA'I PHYIR CHOS THAMS CAD KYI SGO DANG RGYU'O, ,CI'I PHYIR ZHE NA GZOD MA NAS SKYE BA MED PA'I PHYIR TE, GANG GI PHYIR CHOS THAMS CAD GZOD MA NAS DRI MA DANG BCAS PA'I GNAS SKABS NYID NA SKYE BA MED PA DE'I PHYIR RNAL 'BYOR SPYOD PA PA 'DI YI GE A MA SKYES PA'I DON DU SBRO BTAGS NAS SGOM PA NA GOMS PA'I STOBS LAS YI GE A TZAM SHIN TU BSGOMS PAS CHOS THAMS CAD MI SKYE BA'I BZOD BA THOB STE, DE BAS NA BZOD PA'I GZUNGS SU 'GYUR RO, ,DE NAS PHYOGS BCU'I SANGS RGYAS DANG BYANG CHUB SEMS DPA' THAMS CAD KYI BSHAD PA'I TSOGS 'DZIN PA'I RGYUR GYUR PA NI CHOS KYI GZUNGS SO, ,DE NAS DE'I DON 'DZIN PA'I RGYU NI DON GYI GZUNGS SO, ,SEMS CAN THAMS CAD KYI YAMS DANG GNOD PA YANG DAG PAR ZHI BAR BYA BA'I DON GYI SNGAGS KYI GZHI NI GSANG SNGAGS KYI GZUNGS O, ,SKYE BA MED PA LA SOGS PA NI CHOS THAMS CAD KYI DE BZHIN NYID YIN TE, DE YANG NAM MKHA' DANG MTSUNGS PA DE BAS NA JI LTAR NAM MKHA' SKYE BA MED PA BZHIN DU DE BZHI NYID KYANG NGO, ,TSUL 'DIS YI GE THAMS CAD BLTA BAR BYA'O, ,RDUL DANG BRAL BA'I PHYIR ZHES BYA BA NI JI LTAR NAM MKHA' RDUL GYIS MA GOS PA NYID KYI PHYIR RDUL DANG BRAL BA DE BZHIN DU DE BZHIN NYID KYANG NGO, ,DON DAM PAR KHYAD @115B PAR MED PA NYID KYI PHYIR ZHES BYA BA NI DE BZHIN NYID LA DON DAM PAR THA DAD PA MED PA'I PHYIR RO, ,'CHI 'PHO DANG SKYE BA MI DMIGS PA NYID KYI PHYIR ZHES BYA BA NI DE BZHIN NYID LA 'CHI BA'I SRID PA DANG SKYE BA'I SRID PA MI DMIGS PA'I PHYIR RO, ,MING DANG BRAL BA'I PHYIR ZHES BYA BA NI DE BZHIN NYID LA MING DU BRJOD PA DANG BRAL BA'I PHYIR RO, ,'JIG RTEN LAS 'DAS SHING SRED PA'I 'KHRI SHING GI RGYU DANG RKYEN YANG DAG PAR BCOM PA NYID KYI PHYIR ZHES BYA BA LA, DE BZHIN NYID NI MA DUL BAR BYED PA NYON MONGS PA DAG DANG MA DUL BAR GNAS PA'I NGO BO NYID KYI LAS DAG MED PA'I PHYIR DUL BA DANG DUL BAR GNAS PA NYID DU YONGS U NYID NI YANG DAG PAR BCOM PA THOB PA NYID KYI PHYIR RO, ,DUL BA DANG DUL BAR GNAS PA YONGS SU GCOD PA NYID KYI PHYIR ZHES BYA BA LA, DE BZHIN NYID NI MA DUL BAR BYED PA NYON MONGS PA DAG DANG MA DUL BAR GNAS PA'I NGO BO NYID KYI LAS DAG MED PA'I PHYIR DUL BA DANG DUL BAR GNAS PA NYID DU YONGS SU GCOD PA'O, ,BCINGS PA LAS GROL BA NYID KYI PHYIR ZHES BYA BA NI 'DOD CHAGS DANG ZHE SDANG DANG GTI MUG GI 'CHING BA DE DAG LAS GROL BA NYID KYI PHYIR RO, ,KHRAG KHRUG DANG BRAL BA NYID KYI PHYIR ZHES BYA BA NI NYON MONGS PA DANG LAS DANG RNAM PAR SMIN PA'I DBANG GIS KHRAG KHRUG STE RNAM PAR G-YENG BA GANG YIN PA DE DAG DANG BRAL BA NYID KYI PHYIR RO, ,CHAGS PA MI DMIGS PA NYID KYI PHYIR ZHES BYA BA NI NYON MONGS PA DANG LAS DANG RNAM PAR SMIN PA'I SGRIB PA'I CHAGS PA GSUM PO DE DAG MED PA'I PHYIR RO, ,DAG GI LAM NI SGRA YANG DAG PAR CHAD PA NYID KYI PHYIR ZHES BYA BA NI DAG GI THA SNYAD KYI BDAG NYID KYI SGRA RNAMS MANG DAG PAR CHAD PA NYID KYI PHYIR RO, ,DE BZHIN NYID LAS MA G-YOS PA NYID KYI PHYIR ZHES BYA BA NI DE BZHIN NYID KYI RANG GI NGO BOS MA SPANGS PA NYID KYI PHYIR RO, ,JI LTA BA BZHIN DU MA SKYES PA NYID KYI PHYIR ZHES BYA BA NI JI LTAR RIGS PA BZHIN DU MA SKYES PA NYID KYI PHYIR RO, ,KHENGS PA MI DMIGS PA NYID KYI PHYIR ZHES BYA BA NI KHENGS PA STE, NYE BA'I NYON MONGS PA DANG SPA BKOD BA NYID MED PA'I PHYIR RO, ,BYED PA PO MI DMIGS PA NYID KYI PHYIR ZHES BYA BA LA BYED PA PO NI BDAG DANG DBANG PHYUG LA SOGS PA MI MTHUN PA'I RGYU RNAMS DANG, RGYU DANG RKYEN GYI CHOS RNAMS TE, DE DAG MI DMIGS PA'I PHYIR RO, ,MNYAM @116A *, ,PA NYID LAS MI 'DA' BA NYID KYI PHYIR ZHES BYA BA NI CHOS THAMS CAD MNYAM PA NYID GANG YIN PA LAS MI 'DA' BA'O, ,NGA YIR 'DZIN PA MI DMIGS PA NYID KYI PHYIR ZHES BYA BA NI BDAG GI BA NYID KYI SGO NAS SRED PA'I 'DZIN PA MED PA'I PHYIR RO, ,'GRO BA MI DMIGS PA NYID KYI PHYIR ZHES BYA BA NI DE NI BDE 'GRO DANG NGAN 'GRO'I 'GRO BA MED PA'I PHYIR RO, ,GNAS MI DMIGS PA'I PHYIR ZHES BYA BA NI RGYUN GYI MTSAN NYID CAN GYI GNAS PA MED PA'I PHYIR RO, ,SKYE BA MI DMIGS PA'I PHYIR ZHES BYA BA NI MA BYUNG BA LAS BYUNG BA'I MTSAN NYID CAN SKYE BA MED PA'I PHYIR RO, ,DBUGS MI DMIGS PA'I PHYIR ZHES BYA BA NI STOBS MED PA'I PHYIR RO, ,CHOS MI DMIGS PA'I PHYIR ZHES BYA BA NI CHOS KYI RNAM PA MI DMIGS PA'I PHYIR RO, ,ZHI GNAS MI DMIGS PA'I PHYIR ZHES BYA BA NI ZHI GNAS MED PA'I PHYIR RO, ,NAM MKHA' DANG MNYAM PAR MI DMIGS PA'I PHYIR ZHES BYA BA NI CHOS THAMS CAD NAM MKHA' DANG MNYAM PA NYID KYIS DMIGS SU MED PA'I PHYIR RO, ,ZAD PA MI DMIGS PA'I PHYIR ZHES BYA BA NI MI RTAG PA NYID KYIS MTSAN NYID CAN GYI ZAD PA MED PA'I PHYIR RO, ,BSTOD PA MI DMIGS PA'I PHYIR ZHES BYA BA NI BSTOD PA MED PA'I PHYIR RO, ,SHES PA MI DMIGS PA'I PHYIR ZHES BYA BA NI SHES BYA MED PAS SHES PA'I MTSAN NYID MED PA'I PHYIR RO, ,GZHAN MI DMIGS PA'I PHYIR ZHES BYA BA NI GZHAN MED PA'I PHYIR RO, ,RGYU BA MI DMIGS PA'I PHYIR ZHES BYA BA NI RGYU'I MTSAN NYID MED PA'I PHYIR RO, 'JIG PA MI DMIGS PA'I PHYIR ZHES BYA BA LA, 'JIG PA NI RNAM PAR NYAMS PA'O, ,MDOG MI DMIGS PA'I PHYIR ZHES BYA BA NI DE BZHIN NYID LA KHA DOG STE 'OD DE MED PA'O, ,DRAN PA MI DMIGS PA'I PHYIR ZHES BYA BA NI DE BZHIN NYID NI DRAN PAR BYED PA'I SHES PA'I SPYOD YUL MA YIN NO, ,BOD PA MI DMIGS PA'I PHYIR ZHES BYA BA NI BRJOD PAR BYA BA NYID MED PA'I PHYIR RO, ,SPRO BA MI DMIGS PA'I PHYIR ZHES BYA BA NI CHOS THAMS CAD G-YO BA MED PA'I PHYIR RO, ,STUG PO MI DMIGS PA'I PHYIR ZHES BYA BA NI STUG PO'I RNAM PAR RTOG PA LOG PA'I PHYIR RO, ,RNAM PAR BSGRUB PA MI DMIGS PA'I PHYIR ZHES BYA BA LA, RNAM PAR BSGRUB PA NI 'DUS BYAS PA DANG RNAM PAR SBYAR BA STE, DE MED PA'I PHYIR RO, ,NYON MONGS PA MED PA NYID KYI PHYIR @116B ZHES BYA BA NI NYON MONGS PA'I NYON MONGS PA DANG RNAM PAR RTOG PA'I NYON MONGS PA DANG BRAL BA'I PHYIR RO, ,'BRAS BU MI DMIGS PA'I PHYIR ZHES BYA BA NI 'BRAS BU'I CHOS RNAMS MI DMIGS PA'I PHYIR RO, ,PHUNG PO MI DMIGS PA'I PHYIR ZHES BYA BA NI NYON MONGS PA DANG LAS DANG RNAM PAR SMIN PA'I PHUNG PO DAG MED PA'I PHYIR RO, ,RGA BA MI DMIGS PA'I PHYIR ZHES BYA BA LA, RGA BA NI GNAS PA LAS RNAM PA GZHAN DU 'GYUR BA'I PHYIR RO, ,SPYOD PA MI DMIGS PA'I PHYIR ZHES BYA BA LA, SPYOD PA NI 'GRO BA DANG 'OD BA'O, ,BSDIGS PA MI DMIGS PA'I PHYIR ZHES BYA BA LA, BSDIGS PA NI RNAM PAR 'TSE BA'O, ,NGAR 'DZIN PA MI DMIGS PA'I PHYIR ZHES BYA BA LA, NGAR 'DZIN PA NI LTA BA DANG NGA RGYAL GYI BDAG NYID DO, ,DE YAN CHAD NI ZHES BYA BA NI DE BZHIN NYID LAS GZHAN DU'O, ,GANG ZHES BYA BA NI MING NGO, ,DE ZHES BYA BA NI CHOS SO, ,THA SNYAD 'DOGS PA ZHES BYA BA NI STON PA PO DANG NYAN PA PO DAG GO, ,BRJOD PA DANG BSTAN PA ZHES BYA BA NI STON PA PO STE, DE LA RANG GI NGO BO BRJOD PA NI BA LANG ZHES BYA BA DANG, KHYAD PAR BSTAN PA NI DKAR PO ZHES BYA BA LTA BU'O, ,RTOGS PA NI MNGON SUM MA YIN PA'I SHES PAS SO, ,MTHONG BA NI MNGON SUM GYIS SO, ,DE LTA BU ZHES BYA BA NI CHOS NYID KYI TSUL GYIS SO, ,GANG YANG MED DO ZHES BYA BA NI CHOS GANG YANG MED PA STE, CHOS RNAMS KYI MTSAN NYID JI LTA BA BZHIN DU MED PA'I PHYIR RO, ,GZUNGS KYI SGO LA 'JUG PA ZHES BYA BA LA, GZUNGS NI DON LA NGES PA STE, AA LA SOGS PA'I YI GE BSTAN PA LA 'JUG PA NI YI GE GANG YIN PA DES DON NGES PAR BSTAN PA DE LA 'JUG PA NI NGES PA'O, ,YI GE DAG GI DON LA MKHAS PA NI MKHAS PA'I YUL CAN NYID YIN PA'I PHYIR RO, ,GANG GIS GANG LA 'JUG PAR SHES PA DE NI DE LA 'JUG PA'O, ,DE YANG 'DIR GZUNGS KYI GZHUNG GI TSOGS SO, ,SGRA GANG LA YANG THOGS PAR MI 'GYUR ZHING ZHES BYA BA NI BRJOD PA THAMS CAD LA DON DAM PA TSOL BAR BYED PA'I PHYIR RO, ,'DI ZHES BYA BA NI SGRA'O, ,MNYAM PA NYID KYIS YANG DAG PAR SGRUB PAR 'GYUR ZHES BYA BA NI DE BZHIN NYID DU YANG DAG PAR SBYOR BAR BYED PA'O, ,SGRA SHES PA LA MKHAS PA ZHES BYA BA NI SKAD THAMS CAD LA BSAM PA SHES PA'O, ,YI GE NYID @117A *, ,NI PHYAG RGYA STE, DON DAM PA BRDA GZUNGS KYI GZHUNG GI TSOGS ZHES BYA BA'I DON TO, ,TSUL DANG LDAN PA NI RIGS PA'I RJES SU 'GRO BA CAN NO, ,RGYUD NI SEMS KYI RGYUN NO, ,DRAN PA NI YANG DAG PAR MA BRJED PA'O, ,BLO GROS NI DON DAM PA'I RJES SU 'BRANG BA CAN NO, ,RTOG PA NI YID GZHUNGS PA DANG GANG GI DBANG GIS SHES RAB MYUR BAR 'GYUR BA'O, ,BLO NI KUN RDZOB KYI SPYOD YUL CAN NO, ,LHAG MA NI GO SLA'O, ,DE NI GZUNGS KYI TSOGS SO, ,SA BCU PO DAG CES BYA BAS SA'I TSOGS STON PA DE DAG BRJOD PAR BYA BA YIN NO, ,DE DAG KYANG GANG ZHE NA, RAB TU DGA' BA DANG, DRI MA MED PA DANG, 'OD BYED PA DANG, 'OD 'PHRO BA CAN DANG, SHIN TU SBYANG DKA' BA DANG, MNGON DU GYUR PA DANG, RING DU SONG BA DANG, MI G-YO BA DANG, LEGS PA'I BLO GROS DANG, CHOS KYI SPRIN NO, ,GANG GI PHYIR DANG PO 'DI LA RANG DANG GZHAN GYI DON SGRUB PAR BYED PA'I NUS PA THOB PA LAS RAB TU DGA' BA DE'I PHYIR RAB TU DGA' BA'O, ,GANG GI PHYIR 'DIR 'CHAL BA'I TSUL KHRIMS KYI DRI MA DANG BRAL BA'I PHYIR DRI MA MED PA'O, ,GANG GI PHYIR 'DIR TING NGE 'DZIN LAS NYAMS PA MED CING CHOS KYI SNANG BA CHEN PO'I GNAS SU GYUR PA DE'I PHYIR 'OD BYED PA'O, ,GANG GI PHYIR 'DIR BYANG CHUB KYI PHYOGS DAG GIS SGRIB PA THAMS CAD SREG PA'I PHYIR 'OD 'PHRO BA CAN NO, ,GANG GI PHYIR 'JIG RTEN PA DANG 'JIG RTEN LAS 'DAS PA'I RIGS PA DANG BDE BA SHES PA DAG PHAN TSUN 'GAL BA'I PHYIR BYA DKA' BA DE BAS NA 'DI NA SHIN TU SBYANG DKA' BA'O, ,GANG GI PHYIR 'DIR RTEN CING 'BREL PAR 'BYUNG BA'I RAB TU RNAM PAR 'BYED PA LAS SHES RAB KYI PHA ROL TU PHYIN PA LA GNAS PA CHAGS PA MED PA'I SGO ZHES BYA BA MNGON DU GYUR PA DE'I PHYIR MNGON DU GYUR PA'O, ,GANG GI PHYIR 'DIR BYANG CHUB KYI PHYOGS DANG BDEN PA DANG RTEN CING 'BREL PAR 'BYUNG BA LA MTSAN MA MED PAR DMIGS PA LA GNAS PA'I 'BAD PA'I RGYU CAN YIN PA DE'I PHYIR 'DI NI RING DU SONG BA'O, ,GANG GI PHYIR 'DIR DE NYID KYI RANG GI DANG GIS 'JUG PA LAS G-YO BA MED PA DE'I PHYIR MI G-YO BA'O, ,GANG GI PHYIR 'DIR SO SO YANG DAG PAR RIG BDAG GIS CHOS CHEN PO STON PA NYID KYIS BYANG CHUB SEMS DPA' LEGS PA YIN PA DE'I PHYIR 'DI NI LEGS PA'I BLO GROS SO, ,GANG GI @117B PHYIR 'DIR BYANG CHUB SEMS DPA' CHOS KYI RGYAL TSAB TU DBANG BSKUR BA DE'I PHYIR 'DI NI CHOS KYI SPRIN NO, ,CI'I PHYIR 'DI LA THEG PA CHEN PO ZHES BYA ZHE NA, DE DAG LA RIM GYIS 'PHO BA NA BYANG CHUB THOB PA'I PHYIR RO, ,JI LTAR 'PHO ZHE NA, THABS LA MKHAS PAS SO, ,DE YANG GANG ZHE NA, BDEN PA GNYIS LA YANG DAG PAR BRTEN PA STE, KUN RDZOB KYI BDEN PA LA BRTEN NAS YONGS SU SBYONG BA'I PHYIR DANG, DON DAM PA'I BDEN PA LA BRTEN NAS DE DAG THAMS CAD DBYER MED PAR MTHONG BA'I PHYIR RO, ,YONGS SU SBYONG BA'I RIM PA BZHIN DU BSTAN PA DANG 'GREL PA NI MDO NYID DU BSTAN TO, ,RAB TU BYED PA DAG GIS NI MDOR BSDUS PA TZAM YIN TE, YONGS SU SBYONG BA RNAM BCU YIS, ,SA NI DANG PO 'THOB 'GYUR TE, ,SBYONG BA BCU PO DAG GIS ZHES BYA BA'I DON TO, ,DE DAG KYANG GANG ZHE NA, BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN BSTEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS SKUR 'DOD DGA' BA DANG, ,CHOS STON PA DANG BDEN PA YI, ,TSIG NI BCU PA YIN PAR 'DOD, ,CES GSUNGS TE, BSAM PA NI DAD PA DANG 'DUN PA'O, ,PHAN PA'I DNGOS PO NI SEMS CAN THAMS CAD LA PHAN PAR 'DOD PA NYID DO, ,DE'I RGYU NI SEMS MNYAM PA NYID DO, ,GTONG BA NI SBYIN PA'I PHA ROL TU PHYIN PA NYID DO, ,TSOL BA NI YONGS SU TSOL BA STE, DE YANG DAM PA'I CHOS LA DMIGS NAS CHOS TSOL BAR 'DOD CES BYA BA'I THA TSIG GO, ,NGES PAR 'BYUNG BA NI KHYIM GYI GNAS NGES PAR 'BYUNG BA'O, ,NGES PAR 'BYUNG BAR SEMS PA NI DE 'DOD PA NYID DO, ,DGA' BA NI ZHES BYA BA 'DIR RTAG TU ZHES BYA BA DANG SBYAR RO, ,BDEN PA'I TSIG CES BYA BA NI BDEN PAR SMRA BA STE, DE NI BCU'O, ,'DI DAG RANG BZHIN MI DMIGS PAS, ,YONGS SU SBYONG BA SHES PAR BYA, ,'DI DAG CES BYA BA NI BSAM PA LA SOGS PA'O, ,TSUL KHRIMS BYAS PA GZO DANG BZOD, ,RAB TU DGA' DANG SNYING BRTZE CHE, ,BKUR STI GUS PAR NYAN PA DANG, ,BRGYAD PA SBYIN LA SOGS LA BRTZON, ,ZHES BYA BA LA, TSUL KHRIMS NI TSUL KHRIMS YONGS SU DAG PA NYID DO, ,BZOD PA NI BZOD PA'I STOBS SO, ,RAB TU DGA' @118A *, ,BA NYID NI RAB TU DGA' BA'O, ,SNYING RJE CHEN PO NI SEMS CAN THAMS CAD YONGS SU MI GTONG BAS SO, ,BKUR STI NI BKUR BAR 'OS PA DAG LA'O, ,BLA MA LA GUS PAR NYAN PA NI DGE BA'I BSHES GNYEN DAG LA STON PAR 'DU SHES PA'O, ,SBYIN PA LA SOGS PA NI ZHES BYA BA NI PHA ROL TU PHYIN PA DAG LA'O, ,BRGYAD PA SMOS PAS NI GNYIS PA'I YONGS SU SBYONG BA NI BRGYAD KHO NA YIN NO, ,THOS PA MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, ,'KHOR BAS YONGS SU MI SKYO DANG, ,NGO TSA KHRIL YOD CES BYAS PA, ,RLOM MED BDAG NYID DE RNAM LNGA, ,ZHES BYA BA LA, THOS PA ZHES BYA BA NI THOS PA MANG BA'O, ,KUN TU SBYONG BA NI BSOD NAMS DE NYID YONGS SU BSNGOS PA'I PHYIR RO, ,RLOM MED BDAG NYID CES BYA BA NI DES KHENGS PA MED PA'I PHYIR RO, ,DE RNAM LNGA ZHES BYA BA NI GSUM PA'I YONGS SU SBYONG BA NI LNGA KHO NA YIN NO, , NAGS GNAS 'DOD CHUNG CHOG SHES DANG, ,SBYANGS PA YANG DAG SDOM STEN DANG, ,BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,SKYO BA DANG NI BDOG KUN GTONG, ,MI ZHUM PA DANG LTOS PA MED, ,CES BYA BA LA, NAGS GNAS NI DGON PAR GNAS BCAS PA STE, DE'I 'BRAS BU YIN PA'I PHYIR RO, ,CHOG SHES PA NI KUN NAS CHOG SHES PA YIN NO, ,SBYANGS PA YANG DAG SDOM STEN NI MI 'DOR BA'O, ,SKYO BA DANG NI BDOG KUN GTONG, ,ZHES BYA BA NI YID BYUNG BA DANG BDOG PA THAMS CAD YONGS SU GTONG BA'O, ,MI ZHUM PA DANG LTOS PA MED, ,CES BYA BA NI SEMS ZHUM PA MED PA NYID DANG DNGOS PO THAMS CAD LA LTOS PA MED PA NYID DE ZHUM PA MED PA NI BAG 'KHUMS PA MED PA NYID DO, ,BCU ZHES BYA BA 'OG NAS 'BYUNG BA 'DIR YANG SBYAR RO, ,DE BAS NA BZHI PA'I SBYONG BA NI BCU KHO NA YIN NO, ,'DRIS DANG KHYIM LA 'KHREN PA DANG, ,'DU 'JAR GYUR PA'I GNAS DANG NI, ,BDAG BSTOD GZHAN LA BRNYAS PA DANG, ,MI DGE LAS KYI LAM BCU DANG, ,RLOM PAS KHENGS DANG PHYIN CI LOG, ,YID GNYIS DANG NI NYON MONGS BZOD, ,BCU PO 'DI DAG RNAMS SPANGS NA, ,SA LNGA PA NI YANG DAG 'THOB, ,KHYIM PA DAG DANG RAB TU @118B BYUNG BA DANG 'DRIS PA DANG, KHYIM STE NYE BAR 'GRO BAR BYA BA'I KHYIM LA 'KHREN PA DANG, 'DU 'DZI NI TSUL MA YIN PA'I GTAM MO, ,BSTOD PA NI STOD PAR BYED PA'O, ,BRNYAS PA NI SMOD PA'O, ,LAS KYI LAM NI LAS KYI GZHI'O, ,RLOM PA NI SEMS MTHO BA'O, ,KHENGS PA NI LUS KYIS BLA MA LA MI 'DUD PA'O, ,PHYIN CI LOG NI DON LA LOG PAR 'DZIN PA'O, ,YID GNYIS NI THE TSOM MO, ,NYON MONGS PA BZOD PA NI 'DOD CHAGS DANG ZHE SDANG DANG GTI MUG LA GNAS PA STE, CHOS BCU PO DE DAG RNAM PAR SPANGS NAS LNGA PA 'THOB PAR 'GYUR RO, ,SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB RAB RDZOGS PAS, ,SLOB MA DANG NI BSE RU LA, ,DGA' DANG SKYO BA'I SEMS SPANGS PA, ,BSLANGS NA MI ZHUM BDOG PA KUN, ,BTANG YANG MI DGA' MED PA DANG, ,DBUL YANG SLONG BA MI SPONG BAS, ,SA NI DRUG PA YANG DAG 'THOB, ,CES BYA BA LA, SBYIN PA LA SOGS PA'I PHA ROL TU PHYIN PA DE DAG SO SOR YONGS SU RDZOGS PA STE, DE LTAR CHOS DRUG DANG, DE BZHIN DU NYAN THOS LA DGA' BA DANG, RANG SANGS RGYAS LA DGA' BA DANG, SKYO BA'I SEMS YONGS SU SPANGS PA STE, DE LTAR GSUM DANG, BSLANGS NA MI ZHUM PA STE SEMS ZHUM PA MED PA NYID DANG, ,BDOG PA KUN BTANG YANG YID MI BDE BA MED PA DANG, BKREN YANG SLONG MO PA DAG MI SPONG BA DANG, DE LTAR GSUM STE CHOS BCU GNYIS PO DE DAG GIS SA DRUG PA THOB PAR 'GYUR RO, ,BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG DANG NI, ,KHAMS GSUM PA LA CHAGS GNAS DANG, ,SEMS NI RTAG PA LA ZHEN DANG, ,DKON MCHOG GSUM DANG TSUL KHRIMS LA, ,DER LTA BA YI MNGON ZHEN DANG, ,STONG PA NYID LA YID GSOD DANG, ,DE DANG 'GAL BA'I NYES PA NI, ,NYI SHU GANG LA RNAM CHAD PA, ,DE YIS SA NI BDUN PA 'THOB, ,RNAM THAR SGO GSUM SHES PA DANG, ,'KHOR GSUM RNAM PAR DAG NYID DANG, ,SNYING RJE DANG NI BRNYAS MED DANG, ,CHOS MNYAM DANG NI TSUL GCIG SHES, ,MI SKYE BA DANG BZOD SHES DANG, ,CHOS RNAMS RNAM PA GCIG TU STON, ,RTOG PA KUN TU @119A *, ,'JOMS PA DANG, ,'DU SHES LTA DANG NYON MONGS SPONG, ,ZHI GNAS NGES PAR SEMS PA DANG, ,LHAG MTHONG LA NI MKHAS PA DANG, ,SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STONG PA NYID DANG NYI SHU'O, ,ZHES BYA BA LA, NYI SHU PA'I SGRA GNYIS PA'I 'OG TU YONGS SU RDZOGS PAS ZHES BYA BA NI LHAG MA'O, ,BDAG TU 'DZIN PA LA SOGS PA NYES PA'I DRI MA NYI SHU GANG LAS RNAM PAR CHAD PA STE, RNAM PAR THAR PA'I SGO GSUM SHES PA LA SOGS PA YON TAN NYI SHU YONGS SU RDZOGS PAS SA BDUN PA THOB PAR 'GYUR ZHES BYA BA NI BSDUS PA'I DON TO, ,'DZIN PA NI MNGON PAR ZHEN PA STE, DE'I YUL NI BDAG LA SOGS PA NAS SKYE MCHED KYI BAR DU'O, ,RTAG PA LA ZHES BYA BA NI TSOGS PA GTZO BOR GYUR PA'I ZLAS DBYE BA'I BDUN PA'O; ,DKON MCHOG GSUM NI SANGS RGYAS DANG CHOS DANG DGE 'DUN TE, DER LTA BA NI SANGS RGYAS DANG CHOS LA SOGS PA LA LTA BA'O, ,DE LA MNGON PAR ZHEN PA NI GNAS PA'O, ,YID GSOD PA NI SKYO BA'O, ,DE DANG 'GAL BA NI STONG PA NYID DANG MI MTHUN PAR BYED PA'O, ,MNYAM ZHES BYA BA NI 'DRA BA ZHES BYA BA'I DON TO, ,BDAG TU 'DZIN PA DANG, SEMS CAN DU 'DZIN PA DANG, SROG TU 'DZIN PA DANG, GANG ZAG TU 'DZIN PA DANG, CHAD PAR 'DZIN PA DANG, RTAG PAR 'DZIN PA DANG, MTSAN MAR 'DZIN PA DANG, RGYUR 'DZIN PA DANG, PHUNG POR 'DZIN PA DANG, KHAMS SU 'DZIN PA DANG; SKYE MCHED DU 'DZIN PA DANG, KHAMS GSUM PA LA GNAS PA DANG, KHAMS GSUM PA LA CHAGS PA DANG, KHAMS GSUM PA LA BRTEN PA DANG, SANGS RGYAS SU LTA BA LA GNAS PA DANG, CHOS SU LTA BA LA GNAS PA DANG, DGE 'DUN DU LTA BA LA GNAS PA DANG, TSUL KHRIMS SU LTA BA LA GNAS PA DANG, STONG PA NYID KYI CHOS LA YI GSOD PA DANG, STONG PA NYID DANG 'GAL BA ZHES BYA BA NI NYES PA BSTAN PA'I DON TO, ,STONG PA NYID YONGS SU RDZOGS PA DANG, MTSAN MA MED PA MNGON SUM DU BYA BA DANG, SMON PA MED PA SHES PA DANG, 'KHOR GSUM YONGS SU DAG PAR BYA BA DANG, SEMS @119B CAN THAMS CAD LA SNYING BRTZE BA DANG, DE DAG LA BRNYAS PA MED PA DANG, CHOS THAMS CAD MNYAM PA NYID DU MTHONG BA DANG, YANG DAG PAR RTOGS PA DANG, MI SKYE BA'I BZOD PA SHES PA DANG, CHOS THAMS CAD TSUL GCIG TU STON PA DANG, RTOG PA KUN TU 'JOMS PA DANG, 'DU SHES SU LTA BA RNAM PAR BZLOG PA DANG, NYON MONGS PA RNAM PAR BZLOG PA DANG, ZHI GNAS NGES PAR SEMS PA DANG, LHAG MTHONG LA MKHAS PA DANG, SEMS DUL BA NYID DANG, THAMS CAD LA THOGS PA MED PA'I YE SHES NYID DANG, CHAGS PA'I SA MA YIN PA DANG, GANG DU 'DOD PA'I ZHING DU 'GRO BA DANG, DE YANG SANGS RGYAS KYI 'KHOR GYI NANG DU BDAG NYID YANG DAG PAR STON PA ZHES BYA BA NI YON TAN BSTAN PA'I DON TO, ,SEMS CAN KUN YID SHES PA DANG, ,MNGON PAR SHES PAS BRTZE BA DANG, ,SANGS RGYAS ZHING BZANG SGRUB PA DANG, ,YONGS SU BRTAG PHYIR SANGS RGYAS BSTEN, , DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, BSAMS BZHIN SRID PA LEN PA DANG, ,LAS NI RNAM PA 'DI BRGYAD BSHAD, ,CES BYA BA LA, BZANG ZHES BYA BA NI YONGS SU DAG PA STE, SGRUB PA ZHES BYA BA DANG SBYAR RO, ,RNAM BRGYAD CES BYA BA'I TSIG GIS BRGYAD PA LA YONGS SU SBYONG BA RNAM PA BRGYAD KHO NA YIN TE, 'DI LTA STE SEMS CAN THAMS CAD KYI SEMS KYI RJES SU 'JUG PA DANG, MNGON PAR SHES PAS RNAM PAR BRTZE BA DANG, SANGS RGYAS KYI ZHING BSGRUB PA DANG, SANGS RGYAS BSTEN PA DANG YONGS SU BRTAG PA ZHES BYA BA GCIG TU BYAS PA DANG, DBANG PO MCHOG DANG MCHOG MA YIN PA SHES PA DANG, SANGS RGYAS KYI ZHING YONGS SU SBYONG BA DANG, SGYU MA LTA BU'I TING NGE 'DZIN LA YANG DANG YANG DU SNYOMS PAR 'JUG PA DANG, BSAMS BZHIN DU SRID PA LEN PA'O, ,SANGS RGYAS KYI ZHING NI RNAM PA GNYIS TE, DANG POR SNOD KYI 'JIG RTEN DANG, DE NA SEMS CAN GYI 'JIG RTEN NO, ,SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU DANG, MNGAL DU 'JUG PA MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB BSHING RNAMS KYI, ,YON TAN PHUN SUM TSOGS @120A *, ,PA YIN, ,SA BRGYAD PA'I DE MA THAG TU DGU PA YIN TE, DE'I YONGS SU SBYONG BA DAG NI SMON LAM MTHA' YAS PA DANG, LHA LA SOGS PA'I SKAD SHES PA DANG, SPOBS PA YONGS SU RDZOGS PA DANG, MNGAL DU 'JUG PA PHUN SUM TSOGS PA DANG, RIGS PHUN SUM TSOGS PA DANG; RUS PHUN SUM TSOGS PA DANG, CHO 'BRANG PHUN SUM TSOGS PA DANG, 'KHOR PHUN SUM TSOGS PA DANG, SKYE BA PHUN SUM TSOGS PA DANG, NGES PAR 'BYUNG BA PHUN SUM TSOGS PA DANG, BYANG CHUB KYI SHING PHUN SUM TSOGS PA DANG, YON TAN THAMS CAD YONGS SU RDZOGS PA PHUN SUM TSOGS PA STE BCU GNYIS SO, ,SA DGU 'DAS NAS YE SHES NI, ,GANG GI SANGS RGYAS SAR GNAS PA, ,DE NI BYANG CHUB SEMS DA'I SA, ,BCU PA YIN PAR SHES PAR BYA, ,ZHES BYA BA LA SA DGU ZHES BYA BA NI RIGS KYI SA LA SOGS PA'O, ,DE LA MYA NGAN LAS 'DA' BA'I RIGS CAN NI RIGS KYI'O; ,RGYUN DU ZHUGS PA'I 'BRAS BU LA ZHUGS PA NI BRGYAD PA'I SA'O, ,MTHONG BA'I SA NI RGYUN DU ZHUGS PA'O, ,LAN CIG PHYIR 'ONG BA NI BSRABS PA'I SA'O, ,PHYIR MI 'ONG BA NI 'DOD CHAGS DANG BRAL BA'I SA'O, ,BYA BA BYAS SO ZHES SHES PA'I PHYIR BYAS PA RTOGS PA CAN NI DGRA BCOM PA STE, DE'I SA NI BYAS PA RTOGS PA CAN GYI SA'O, ,NYAN THOS KYIS NI NYAN THOS KYI SA STE DRUG PO DE NYID DO, ,RANG SANGS RGYAS KYI SA NI RANG SANGS RGYAS KYI'O, ,BYANG CHUB SEMS DPA'I SA NI GONG DU BSTAN PA'I BYANG CHUB SEMS DPA'I SA DGU PO STE, SA DGU PO DE DAG LAS 'DAS PA'I YE SHES GANG GIS BYANG CHUB SEMS DPA' SANGS RGYAS KYI SAR GNAS PAR 'GYUR BA DE NI BYANG CHUB SEMS DPA'I SA BCU PA YIN NO, ,DE NI SA'I TSOGS SO, ,SA'I TSOGS KYI 'OG TU NGES PAR 'BYUNG BA'I SGRUB PA'I GONG DU MDO LAS BRGYAS PAR GNYEN PO'I TSOGS BSHAD DE, DE'I DBANG DU BYAS NAS, MTHONG DANG GOMS PA'I LAM DAG LA, ,GZUNG DANG 'DZIN PA'I RNAM RTOG RNAMS, ,NYE BAR ZHI BAR BYA BA'I PHYIR, ,GNYEN PO RNAM PA BRGYAD CES BYA, ,ZHES GSUNGS PA LA, GOMS PA NI BSGOMS PA'O, ,'DZIN PA NI 'DZIN PAR BYED PA'O, ,MTHONG BA'I LAM GYI MI MTHUN PA'I PHYOGS RNAM PAR RTOG PA BZHI PO DAG @120B NI MTHONG BAS SPANG BAR BYA BA YIN TE, DE LA GZUNG BA'I RNAM PAR RTOG PA GNYIS NI DNGOS PO TZAM LA BRTEN PA CAN DANG, GNYIS PO LA BRTEN PA CAN NO, ,'DZIN PA'I RNAM PAR RTOG PA GNYIS NI GANG ZAG RDZAS SU YOD PA LA BRTEN PA CAN DANG, SKYES BU BTAGS PA'I RTEN CAN NO, ,RNAM PAR RTOG PA BZHI PO DE NYID NI BSGOM PA'I LAM GYI MI MTHUN PA'I PHYOGS BSGOM PAS SPANG BAR BYA BA'ANG YIN NO, ,DE BAS NA DE DAG SPANG BAR BYA BA'I DON DU LAM GNYIS NI GNYEN PO RNAM PA BRGYAD PO KHO NA YIN NO, ,DE LA DANG PO NI RAB 'BYOR KHYOD KYIS GANG YANG 'DI SKAD DU THEG PA DE GANG NAS NGES PAR 'BYUNG BAR 'GYUR ZHES SMRAS PA ZHES BYA BA NAS, DE BZHIN GSHEGS PA'I SPRUL PA NGO BO NYID KYIS STONG ZHES BYA BA'I BAR GYIS GSUNGS SO, ,'DIR GZUNG BA'I DNGOS PO DE BZHIN NYID LA SOGS PA DANG, GZUGS LA SOGS PA DANG, RMI LAM LA SOGS PA MI DMIGS PA'I CHOS NYID TZAM MTHONG BA'I LAM 'DI NI GZUNG BA'I RNAM PAR RTOG PA DANG PO'I GNYEN PO'O, ,GNYIS PA NI SBYIN PA'I PHA ROL TU PHYIN PA ZHES BYA BA NAS BRTZAMS TE, SANGS RGYAS KYI CHOS RNAMS KYI NGO BO NYID KYIS STONG PA ZHES BYA BA DE DAG GI BAR GYIS SO, ,'DIR SBYIN PA LA SOGS PA GNYEN PO'I PHYOGS KYI DNGOS PO DAG MI DMIGS PA MTHONG BA'I LAM ZHES BYA STE, MTHONG BA'I LAM 'DI NI GZUNG BA'I RNAM PAR RTOG PA GNYIS PA'I GNYEN PO'O, ,GSUM PA NI RAB 'BYOR GANG MTSAN NYID MED PA'I CHOS RNAMS 'BYUNG BAR 'DOD PA DE'I DGRA BCOM PA ZHES BYA BA NAS, RNAM PA THAMS CAD MKHYEN PA NYID KYI NGO BO NYID KYIS STONG PA'I PHYIR ZHES BYA BA'I BAR GYIS SO, ,'DIR DGRA BCOM PA LA SOGS PA GANG ZAG RDZAS SU YOD PA MI DMIGS PA NI MTHONG BA'I LAM STE, MTHONG BA'I LAM 'DI NI 'DZIN PA'I RNAM PAR RTOG PA DANG PO'I GNYEN PO'O, ,BZHI PA NI RAB 'BYOR MTSAN NYID MED PA'I CHOS RNAMS 'BYUNG BAR 'DOD PA DE NI MING ZHES BYA BA DE NAS BRTZAMS TE, GNAS DE NI BSKYOD DU MED PA ZHES BYA BA DE DAG GI BAR GYIS SO, ,'DIR NI MING DANG BRDA DANG THA SNYAD LA SOGS PA MI DMIGS PA NI MTHONG BA'I LAM YIN TE, MTHONG BA'I LAM 'DI NI 'DZIN PA'I RNAM PAR RTOG PA GNYIS PA'I GNYEN PO'O, ,LNGA PA NI RAB 'BYOR GANG YANG KHYOD KYIS @121A *, ,'DI SKAD DU THEG PA DE GANG DU GNAS PAR 'GYUR ZHES SMRAS PA ZHES BYA BA DE NAS BRTZAMS TE, BSKYOD DU MED PA'I TSUL GYIS GANG DU YANG GNAS PAR 'GYUR BA MED DO ZHES BYA BA'I BAR GYIS GSUNGS SO, ,CHOS THAMS CAD MI GNAS PA NYID KYIS GNAS PA MED PA DAG NI CHOS KYI DBYINGS GNAS PA MED PA'I TSUL GYIS GZUNG BA NI DNGOS PO DAG MI DMIGS PA'I GOMS PA'I LAM YIN TE BSGOM PA'I LAM 'DI NI GZUNG BA'I RNAM PAR RTOG PA DANG PO'I GNYEN PO'O, ,DRUG PA NI RAB 'BYOR GANG YANG KHYOD KYIS 'DI SKAD DU THEG PA DES SU ZHIG 'BYUNG BAR 'GYUR ZHES BYA BA DE NAS BRTZAMS TE, SANGS RGYAS KYI CHOS MA 'DRES PA RNAMS MI DMIGS SO ZHES BYA BA'I BAR GYIS SO, ,'DIR NI SBYIN PA'I PHA ROL TU PHYIN PA LA SOGS PA MI DMIGS PA NI GOMS PA'I LAM YIN TE, BSGOM PA'I LAM 'DI NI GZUNG BA'I RNAM PAR RTOG PA GNYIS PA'I GNYEN PO'O, ,'DUN PA NI SHIN TU RNAM PAR DAG PA'I PHYIR RGYUN DU ZHUGS PA'O ZHES BYA BA NAS BRTZAMS TE, SHIN TU RNAM PAR DAG PA NYE BAR GZUNG NA ZHES BYA BA DE DAG GI BAR GYIS SO, ,'DIR NI RGYUN DU ZHUGS PA LA SOGS PA'I GANG ZAG RDZAS SU YOD PA MI DMIGS PA NI GOMS PA'I LAM YIN TE, BSGOM PA'I LAM 'DI NI 'DZIN PA'I RNAM PAR RTOG PA DANG PO'I GNYEN PO'O, ,BRGYAD PA NI RGYUN DU ZHUGS PA'I 'BRAS BU ZHES BYA BA NAS BRTZAMS TE, RNAM PA THAMS CAD MKHYEN PA NYID DU GNAS PAR 'GYUR RO ZHES BYA BA'I BAR GYIS SO, ,'DIR NI RGYUN DU ZHUGS PA'I 'BRAS BU LA SOGS PAS RGYAN DU ZHUGS PA'I SKYES BU BTAGS PAR YOD PA DAG MI DMIGS PA NI GOMS PA'I LAM YIN TE, BSGOM PA'I LAM 'DI NI 'DZIN PA'I RNAM PAR RTOG PA GNYIS PA'I GNYEN PO'O, ,DE NI GNYEN PO'I TSOGS SO, ,TSOGS KYI SGRUB PA BSTAN NAS, RNAM PA THAMS CAD MKHYEN PA NYID KYI DBANG DU BYAS PA YONGS SU RDZOGS PA'I BAR GYIS NGES PAR 'BYUNG BA'I SGRUB PA BSTAN PAR BYA BA'I DBANG DU MDZAD NAS, CHED DU BYA DANG MNYAM NYID DANG, ,SEMS CAN DON DANG 'BAD MED DANG, ,SHIN TU NGES PAR 'BYUNG BA DANG, ,THOB PA'I MTSAN NYID NGES 'BYUNG DANG, ,RNAM PA THAMS CAD MKHYEN NYID DANG, ,NGES 'BYUNG LAM GYI SPYOD YUL @121B CAN, ,RNAM PA BRGYAD KYI BDAG NYID 'DI, ,NGES 'BYUNG BSGRUB PA YIN ZHES BYA, ,ZHES BYA BA GSUNGS PA LA, THEG PA CHEN PO'I MTSAN NYID GSUNGS PA, 'CHAD PAR 'GYUR BA DE LA CI'I PHYIR THEG PA CHEN PO ZHES BYA ZHE NA, GANG GI PHYIR 'JIG RTEN ZIL GYIS MNAN NAS NGES PAR 'BYUNG BAR 'GYUR BA'I PHYIR RO, ,CI'I PHYIR THEG PA CHEN PO ZHES BYA ZHE NA, GANG GI PHYIR NAM MKHA' DANG MNYAM PA DANG, SEMS CAN THAMS CAD LA GO 'BYED PA'I PHYIR DANG, 'GRO BA DANG 'ONG BA DANG GNAS PA DANG BRAL BA'I PHYIR DANG, DUS GSUM MNYAM PA NYID KYI PHYIR RO, ,DE LA 'DIR 'JIG RTEN NI KHAMS GSUM PA'O, ,DE LAS SHIN TU 'DAS PA'I PHYIR MCHOG GO, ,DE YANG GANG ZAG DGU PO DAG GI CHOS SO, ,DGU GANG ZHE NA, RIGS KYI SA DANG, BRGYAD PA DANG, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, BYANG CHUB SEMS DPA' DANG, SANGS RGYAS SO, ,DE YANG SEMS CAN THAMS CAD KYI STE, THEG PA CHEN PO NI NAM MKHA' DANG MNYAM PA NYID KYI PHYIR SEMS CAN THAMS CAD KYI MCHOG GO, ,DE YANG NGES PAR 'BYUNG BA'I GZHUNG DANG PO RAB 'BYOR GAL TE SEMS DANG PO BSKYED PA ZHES BYA BA DE'I GONG DU RGYAS PAR BSTAN TO SEMS DANG PO BSKYED PA LA SOGS PA ZHES BYA BA'I GZHUNG GIS SEMS BSKYED PA CHEN PO NYID DANG, YE SHES RDO RJE LTA BU ZHES BYA BA LA SOGS PA'I GZHUNG GIS RTOGS PA CHEN PO NYID DANG, GANG ZAG DGU'I CHOS KYI SGRIB PA SPANG PA'I PHYIR CHOS KYI 'KHOR LO BSKOR BA'I GZHUNG GIS SPANGS PA CHEN PO NYID DE, CHEN PO NYID GSUM PO DE DAG GIS SEMS CAN THAMS CAD KYI MCHOG NYID DU BSGRUB PAR BYA BA NI, CHED DU BYA BA'O, ,CHED DU BYA BA DE'I DON DU SGRUB PA RNAM PA BZHI LA SPYAD PA'I PHYIR RO, ,DE SKAD DU YANG, SEMS CAN KUN MCHOG NYID SEMS DANG, ,SPONG DANG RTOGS PA GSUM PO LA, ,CHEN PO GSUM GYI RANG BYUNG GI, ,CHED DU BYA BA 'DI ZHES BYA, ,ZHES GSUNGS SO, ,DE'I NGES PAR 'BYUNG BA NI 'GRO BA'I BYA BA MA LUS PA YONGS SU RDZOGS PA YIN TE, YONGS SU RDZOGS PA DANG YONGS SU SPYANGS PA LAS SO, ,'DOD PA'I KHAMS LA SOGS PA DANG, ,SEMS CAN THAMS CAD CHOS KYI 'KHOR LO BSKOR @122A *, ,BA'I MTHAR THUG PA DAG LA DNGOS PO MED PA'I NGO BO NYID DU YONGS SU SHES PA'I PHYIR YONGS SU SBYANGS PA'O, ,DE NI CHED DU BYA BA'I NGES PAR 'BYUNG BA'O, ,PHYOGS DANG KHA DOG DANG DUS DANG 'PHEL BA DANG 'GRIB PA LA SOGS PA DANG BRAL BA'I PHYIR THEG PA CHEN PO NAM MKHA' DANG MNYAM PA NYID DU SHES PA NI MNYAM PA NYID DO, ,DE'I NGES PAR 'BYUNG BA NI MNYAM PA NYID DU NGES PAR 'BYUNG BA'O, ,THEG PA CHEN PO NI NAM MKHA' DANG 'DRA BAR SEMS CAN TSAD MED GRANGS MED DPAG TU MED PA DAG GI GO SKABS 'BYED PA DE BAS NA DE DAG GI DON BYED PA'I PHYIR RO, ,'DI LTAR SEMS CAN MED PA NYID KYIS NAM MKHA' DANG MNYAM PA MED PA NYID DE, DE MED PA NYID KYIS THEG PA CHEN PO MED PA NYID DO, ,GSUM PO DAG KYANG MI DMIGS PA'I PHYIR ZHES BYA BA LA SOGS PAS RGYAS PAR SEMS CAN GYI DON GYI NGES PAR 'GYUR BA BSTAN TO, ,THEG PA CHEN PO NI NAM MKHA' DANG 'DRA BAR 'ONG PA DANG 'GRO BA DANG GNAS PA MI DMIGS TE, G-YO BA MED PA'I PHYIR ZHES BYA BA LA SOGS PA'O, ,G-YO BA DANG 'GUL BA DANG RTZOL BA NI 'BAD PA STE, DE MED PA'I PHYIR LHUN GYIS GRUB PA'I NGES PAR 'BYUNG BA'O, ,THEG PA CHEN PO LA SNGON GYI MTHA' YANG MI DMIGS PA LA SOGS PA STE, DUS GSUM MNYAM PA NYID KYI PHYIR RO ZHES BYA BA LA SOGS PAS SO, ,DE BZHIN DU DUS GSUM MNYAM PA NYID KYI MTHA' LAS 'DAS PA NYID KYI PHYIR THEG PA CHEN PO 'DI NI SHIN TU NGES PAR 'BYUNG BA'O, ,THOB PA'I NGES PAR 'BYUNG BA BRJOD PAR BYA STE, DE LA DANG POR NI THEG PA CHEN PO LA BYANG CHUB SGRUB PAR BYED PA NYID DANG DUS GSUM MNYAM PA NYID KYIS THEG PA CHEN PO ZHES BYA BA'I BSNGAGS PA GSUNGS SO, ,DE NAS GANG POS GSOL BA, ,'DIR SHES RAB KYI PHA ROL TU PHYIN PA BRJOD PAR BYA BA'I THEG PA CHEN PO NI MA YIN NO, ,DE BAS NA GNYI GA THA MI DAD PA NI BCOM LDAN 'DAS KYIS RJES SU MTHUN PA ZHES BYA BA NAS, STON PA ZHES BYA BA'I BAR GYIS GSUNGS TE, BYANG CHUB SEMS DPA'I DMIGS PA THAMS CAD NI STONG PA NYID DU BSTAN TE, STONG PA NYID DU BSTAN PA NYID KYANG SHES RAB KYI PHA ROL TU PHYIN PA LA YIN NO ZHES BYA BAR DGONGS SO, ,RAB 'BYOR GYIS RNAM PA THAMS CAD MKHYEN PA NYID JI LTAR 'THOB, DE @122B MDOR BSDUS PA'I TSIG BCU GNYIS KYIS SMRAS TE, DE LA BCOM LDAN 'DAS 'DI LTAR YANG BYANG CHUB SEMS DPA' SEMS DPA' CHEN PO SNGON GYI MTHA' ZHES BYA BA LA SOGS PA NI DANG PO'O, ,GZUGS KUN TU MTHA' YAS PA'I PHYIR ZHES BYA BA LA SOGS PA NI GNYIS PA'O, ,GZUGS BYANG CHUB SEMS DPA' ZHES BYA BA LA SOGS PA NI GSUM PA'O, ,BCOM LDAN 'DAS DE LTAR ZHES BYA BA LA SOGS PA NI BZHI PA'O, ,BYANG CHUB SEMS DPA' NYID KYANG RIL GYIS ZHES BYA BA LA SOGS PA NI LNGA PA'O, ,JI LTAR BDAG CES BYA BA LA SOGS PA NI DRUG PA'O, ,BCOM LDAN 'DAS DE LTAR RANG BZHIN MA MCHIS PA'I CHOS THAMS CAD LA ZHES BYA BA NI BDUN PA'O, ,GANG MNGON PAR MA GRUB PA'I GZUGS LTA ZHES BYA BA LA SOGS PA NI BRGYAD PA'O, ,BCOM LDAN 'DAS GANG MNGON PAR MA GRUB PA DE NI ZHES BYA BA LA SOGS PA NI DGU PA'O, ,MNGON PAR MA GRUB PA'I MNGON PAR MA GRUB PAS ZHES BYA BA LA SOGS PA NI BCU BA'O, ,BYANG CHUB SEMS DPA' LAS GUD NA ZHES BYA BA LA SOGS PA NI BCU GCIG PA'O, ,GAL TE DE LTAR BSTAN PA'I TSE ZHES BYA BA LA SOGS PA NI BCU GNYIS PA'O, ,DE BAS NA DE DAG GI DON BRJOD PAR BYA STE, THOB PA'I BYA BA DANG THOB PAR BYED PA PO'I BYANG CHUB SEMS DPA' DANG, THOB PAR BYED PA'I SHES RAB KYI PHA ROL TU PHYIN PA DANG, THOB PAR BYA BA'I RNAM PA THAMS CAD MKHYEN PA DANG CHOS THAMS CAD NI MI DMIGS PA STE, DE DES DE'I SGO NAS THOB PAR 'GYUR RO ZHES BYA BA NI BSDUS PA'I DON TO,, YAN LAG GI DON BRJOD PAR BYA STE, BYANG CHUB SEMS DPA' DUS GSUM DU YANG THOB PA MED CING RNYED PA MED DO ZHES BYA BA NI DANG PO'I DON TO, ,MTHA' DANG LDAN PA 'GRO BA POS 'GRO BAR BYA BAR PHYIN PAR 'GYUR GYI, ,MTHA' MED PA NAM MKHA' LA SOGS PA NI MA YIN TE, BYANG CHUB SEMS DPA' YANG MTHA' MED PA YIN TE, DE JI LTAR THOB PAR 'GYUR ZHES BYA BA NI GNYIS PA'I DON TO, ,BYANG CHUB SEMS DPA' GZUGS LA SOGS PA MA YIN ZHING GANG LA CI YANG MED NA DE JI LTAR THOB PAR 'GYUR ZHES BYA BA NI GSUM PA'I DON TO, ,DE LTAR DE DANG SHES RAB KYI PHA ROL TU PHYIN PA RNAM PA THAMS CAD DU MI DMIGS @123A *, ,PA'I PHYIR GDAMS NGAG MED PAR 'GYUR LA, DE MED PA GANG LAS THOB PAR 'GYUR ZHES BYA BA NI BZHI PA'I DON TO, ,BYANG CHUB SEMS DPA' ZHES BYA BA DE NI MING TZAM STE, DON CI YANG MED PA DE BAS NA DE LA GDAMS PA 'AM THOB PA MED DO ZHES BYA BA NI LNGA PA'I DON TO, , JI LTAR BDAG BDAG CES BYA BA DE SHIN TU MNGON PAR MA GRUB PA DE BZHIN DU BYANG CHUB SEMS DPA' YANG YIN NA GANG LAS GDAMS PA 'AM THOB PAR 'GYUR ZHES BYA BA NI DRUG PA'I DON TO, ,CHOS THAMS CAD KYANG DE BZHIN DU DNGOS PO MED PA'I NGO BO NYID YIN NA GDAMS PA 'AM THOB PA MED DO ZHES BYA BA NI BDUN PA'I DON TO, ,DE LA BYANG CHUB SEMS DPA' NI GZUGS LA SOGS PA'O, ,DE NI RNAM PA GSUM STE, KUN BRTAGS PA'I GZUGS LA SOGS PA DANG RNAM PAR BRTAGS PA'I GZUGS LA SOGS PA DANG, CHOS NYID KYI GZUGS LA SOGS PA'O, ,DE LA KUN BRTAGS DANG RNAM PAR BRTAGS PA GANG YIN PA DE NI MNGON PAR BSGRUB PA STE, RGYU YOD PA'I PHYIR RO, ,GANG YANG CHOS NYID KYI GZUGS LA SOGS PA GANG YIN PA DE NI MNGON PAR SGRUB PA MA YIN PA DANG MNGON PAR 'DUS BYAS PA MA YIN TE, RTAG TU DE KHO NA BZHIN DU GNAS PA'I PHYIR RO, ,DE LA MNGON PAR MA GRUB PA GANG YIN PA DE GANG ZHE NA, CI YANG MED DE, MTSAN NYID JI LTA BA BZHIN DU KUN BRTAGS PA DANG JI LTAR SNANG BA BZHIN DU RNAM PAR BRTAGS PA MED PA'I PHYIR ZHES BYA BA NI BRGYAD PA'I DON TO, ,GANG YANG MNGON PAR MA GRUB PA DE NI GZUGS LA SOGS PA MA YIN NO, ,'ON KYANG GZUGS LA SOGS PA'I CHOS NYID DO ZHES BYA A NI DGU BA'IU DON TO, ,DE LA GZUGS LA SOGS PA'I CHOS NYID KYANG GZUGS LA SOGS PA'I BDAG NYID YIN NA DE'I TSE JI LTAR BYANG CHUB SEMS DPA' MNGON PAR MA GRUB PA LA SHES RRAB KYI PHA ROL TU PHYIN PA MNGON PAR MA GRUB PA GDAMS PARBYA BAR 'GYUR TE, GO RIMS BZHIN DU BEBS PO NYID DANG, MNGON PAR BRJOD PA MA YIN PA NYID KYI PHYIR ZHES BYA BA NI BCU PA'I DON TO, ,MNGON PAR MA GRUB PA LAS GZHAN DU BYANG CHUB SEMS DPA' MI DMIGS SO ZHES BYA BA NI BCU GCIG PA'I DON TO, ,DE LTAR RNAM PA BCU GCIG MI DMIGS PA BSTAN PA NA SEMS GANG BSTAN PA LA DMIGS PA ZHES BYA BA'I DON TO, ,DE @123B GANG MI ZHUM PA STE DE DMIGS PA BOR NAS GZHAN DU ZHUM PA MED PA NI RANG BZHIN GYIS G-YO BA'I PHYIR RO, ,MI 'GONG BA NI DMIGS PA DE LA BSDUS PAR GYUR PA'O, ,GZHAN DU YANG ZHUM PA MED DE RANG BZHIN GYIS RGYA CHE BA NYID KYI PHYIR RO, ,YID 'GONG BAR MI 'GYUR ZHES BYA BA NI YID G-YO BA MED PA DANG BSDUS PA LA DE DANG 'GAL BAR 'GRO BAS NA 'GONG BAR 'GYUR BA STE, GO RIMS BZHIN DU ZHUM PA DANG RGOD PA'O, ,DE LA ZHUM PA NI SEMS BYID BA STE BLONG BA'O, ,RGOD PA NI CHAGS PAR BYA BA'I YUL RJES SU DRAN NAS 'DOD CHAGS KYI CHAR GYUR PA NYE BA'I NYON MONGS PA STE, DE DAG ZHI BAR BYA BA'I PHYIR YID PHYIR PHYOGS PAR MI 'GYUR RO, ,DE SKAD DU, TING 'DZIN YON TAN MTHONG BA'I PHYIR, ,DE LA MI DGA' ZHI BAR BYA, ,RNAM G-YENG NYES PA MTHONG BA'I PHYIR, RGOD PA YANG NI ZHI BAR BYA, ,ZHES BSHAD DO, ,'BAD PA BTANG BAR GYUR NA 'DI LA 'DI DAG KYANG YOD PAR 'GYUR RO SNYAM STE, BTANG BA LAS SKRAG PA NI SKRAG PA STE; DE 'BAD PAS ZLOG PA NI MI SKRAG PA'O, ,'BAD PA DANG 'DU BYED PA DANG RTZOL BA ZHES BYA BA NI RNAM GRANGS SO, ,DE NAS LHUN GYIS GRUB PA'I 'JUG PA BOR NAS 'DUS BYAS PA LA SKRAG PA NI DNGANG BA STE, DES 'DU BYED PA DE BTANG BAR GYUR PA LA MI DNGANG BA'O, ,SHIN TU LHUN GYIS GRUB PA'I TING NGE 'DZIN LA YANG DNGANG BAR MI 'GYUR BA 'DI TZAM GYIS NI RANG BZHIN GYI SPROS PA MED PA'I TING NGE 'DZIN YONGS SU GRUB PA BSTAN TO, ,DE NYID KYI PHYIR BYANG CHUB SEMS DPA' DE LTAR SPYOD NA ZHES BYA BA LA SOGS PA GSUNGS SO, ,MDOR BSDUS PA'I TSIG DE DAG GI 'OG TU DE DAG NYID GO RIMS BZHIN DU RE RE BA 'AM LHAN CIG TU SH'A RI'I BUS RJES SU BRJOD NAS RGYU DRIS PA DE LA RE RE BA LA DANG PO DANG GNYIS PA DANG BCU GCIG PA DANG BCU GNYIS PA LA'O, ,GSUM PA DANG BZHI PA NI LHAN CIG PA NYID DO, ,LNGA PA DANG DRUG PA DANG BDUN PA DANG BRGYAD PA DANG DGU PA DANG BCU PA DAG KYANG LHAN CIG PA NYID DO, ,DE DAG GI 'OG TU GO RIMS BZHIN DU RE RE ZHING 'DRI BA RJES SU BRJOD NAS, RAB 'BYOR GYIS BCU GNYIS NYID KYI LAN RGYAS PAR SMRAS TE, DE DAG GI DANG PO NI SEMS CAN MED PA NYID DO, ,TSE DANG LDAN PA KHYOD KYIS GANG LA YANG 'DI SKAD DU GZHAN YANG ZHES BYA BA NI DE LTAR GNYIS PA LA SOGS PA THAMS CAD LA DANG POR RJES @124A *, ,SU BZLAS NAS THA MAR MJUG BSDU BA'O, ,BCU GNYIS PA'I LAN RGYAS PA'I MJUG TU GSUNGS PA NI SHES RAB KYI PHA ROL TU PHYIN PA LA SPYOD PA NA ZHES GSUNGS SO, ,DE BAS 'DI LTAR 'DI LA SPYOD PA NI CHOS KYI RJES SU RTOGS PA YIN LA DE NI GZUGS LA SOGS PAS GZUGS LA SOGS PA LA MI DMIGS SHING MI GNAS PA STE, MNGON PAR ZHEN PAR MI BGYID LA, 'DOGS PAR MI BGYID DO ZHES GSUNGS PA NYID DO, ,DE DAG GI DON GO RIMS BZHIN DU RANG RIG PAS MI SHES TE, RANG GI MTSAN NYID MED PA'I PHYIR RO, ,MI SNANG BA STE, GZUNG BA DANG 'DZIN PA MED PAS DE BZHIN SNANG BA MED PA'I PHYIR RO, ,DON DAM PA NYID KYIS RTOGS PAR MI BYED BRTAGS PA TZAM NYID KYIS RNAM PAR RTOG PAR MI BYED DO, ,DE DAG GI RNAM PA NI DE GZUGS ZHES BYA BA LA SOGS PA SMOS SO, ,CI'I PHYIR MI SHES SHE NA, MED PA'I PHYIR DANG SKYE BA MED PA'I PHYIR DANG ZAD PA MED PA'I PHYIR RO, ,GANG YANG GZUGS ZHES BYA BA LA SOGS PA DANG, DE DAG NI GNYIS SU MED PA'I GRANGS SU 'GRO'O ZHES BYA BA SMOS TE, CHOS NYID KYI GZUGS LA SOGS PA ZHES BYA BAR DGONGS SO, ,DE NI THOB PA'I NGES PAR 'BYUNG BA'O, ,RNAM PA THAMS CAD MKHYEN PA NYID KYI BRJOD PAR BYA BA YIN PA DE BAS NA SH'A RI'I BUS BYANG CHUB SEMS DPA' NI GANG, SHES RAB KYI PHA ROL TU PHYIN PA NI GANG, YONGS SU BRTAGS PA NI GANG ZHES DRIS PA STE, RNAM PA THAMS CAD MKHYEN PA NYID LA GSUM PO DE DAG CI 'DRA BA ZHES BYA BAR BSAMS PA'O, ,RAB 'BYOR GYIS LAN DU SMRAS PA, BYANG CHUB KYI BDAG NYID KYI SEMS DPA' NI BYANG CHUB SEMS PA'O, ,BYANG CHUB DES KYANG CHOS THAMS CAD KYI RNAM PA SHES KYANG 'DI MNGON PAR ZHEN PA NI MED DO, ,CHOS KYI GZUGS LA SOGS PA'O, ,RNAM PA GANG GIS ZHES BYA BA LA SOGS PA LA RNAM PA ZHES BYA BA NI BSTAN PA'O, ,RTAGS ZHES BYA BA NI MING DANG BRDA'O, ,MTSAN MA ZHES BYA BA NI MTSAN NYID DO, ,BRAL BA DANG RING DU SONG BA DE BAS NA SHES RAB KYI PHA ROL TU PHYIN PA ZHES BYA STE SPANG BAR BYA BA MA LUS PA SPANGS PAS BRAL BA STE MI LDAN PA'O, ,SONG BAS NA SONG BA STE BGROD PAR BYA BA RGAL BA ZHES BYA BA'I DON TO, ,PHA ROL TU 'GRO ZHING @124B PHYIN PAS RING DU SONG BA DE BAS NA 'DI SHES RAB KYI PHA ROL TU PHYIN PA'O, ,JI LTAR YONGS SU BRTAGS PA NI GANG GZUGS RTAG PA MA YIN ZHES BYA BA DANG MI RTAG PA MA YIN ZHES BYA BAR YONGS SU RTOG PA ZHES BYA BA LA SOGS PA'O, ,LAM GYI NGES PAR 'BYUNG BA BRJOD PAR BYA BA DE SH'A RI'I BU JI LTAR NA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA'I TSE BYANG CHUB KYI LAM YONGS SU SBYONG BA YIN ZHES SKABS 'BYED PA LA TSE DANG LDAN PA ZHES BYA BA LA SOGS PA SMOS TE GO SLA'O, ,DE NI NGES PAR 'BYUNG BA'I SGRUB PA RNAM PA BRGYAD YIN TE, RNAM PA THAMS CAD MKHYEN PA NYID YONGS SU RDZOGS PA YANG YIN NO, ,'DIR DANG PO SEMS BSKYED PA BSTAN PA NI YANG DAG PAR RDZOGS PA'I BYANG CHUB KYI SA BON YIN PA'I PHYIR RO, ,DE NAS GDAMS NGAG NI THOG MAR YONGS SU SHES PAR BYA BA BCU PO DAG YONGS SU SHES PAR BYA BA'I PHYIR RO, ,DE NAS NGES PAR 'BYED PA'I CHA DANG MTHUN PA DAG NI 'JIG RTEN LAS 'DAS PA'I LAM GYI SBYOR BA YIN PA'I PHYIR RO, ,DE NAS RTEN NI SGRUB PA'I RTEN TE, BDAG TU 'DZIN PA SPANGS PA'I PHYIR RO, DE NAS DMIGS PA NI DE LA RMONGS PA SPANGS PA'I PHYIR RO, ,DE NAS CHED DU BYA BA NI LOG PA'I CHED DU BYA BA SPANGS PA'I PHYIR DANG, YANG DAG PA'I CHED DU BYA BA'I RANG GI NGO BO SHES PAR BYA BA'I PHYIR RO, ,DE NAS SGRUB PA RNAM PA BZHI STE, DE LA SGRUB PA GANG LA BAR DU GCOD PAR BYED PA THAMS CAD SO SOR BCOM PA DE NI GO CHA'I SGRUB PA DRUG GO, ,GANG GI THEG PA CHEN PO LA 'DZEG PAR BYED PA DE NI 'JUG PA'I SGRUB PA RNAM PA DGU'O, ,GANG GIS RGYU'I MTHAR THUG PA THOB PAR BYED PA DE NI TSOGS KYI SGRUB PA RNAM PA BCU BDUN NO, ,GANG GIS 'BRAS BU'I MTHAR THUG PAS GNON PA DE NI NGES PAR BYUNG BA'I SGRUB PA BRGYAD DO, ,DE BAS NA BZHI PO 'DI NI SGRUB PA YIN NO, ,RAB TU DBYE BA'I GRANGS BYAS NAS BZHI BCUR 'GYUR RO, ,MNGON PAR RTOGS PA'I RGYAN GYI 'GREL PA DAG LDAN ZHES BYA BA, RIN CHEN 'BYUNG GNAS ZHI BAS SBYAR BA LAS RNAM PA THAMS CAD MKHYEN PA NYID KYI LE'U STE DANG PO'O,, ,,LAM SHES PA NYID BSTAN PAR BYA BA LA, RUNG BAR MA BYAS PA LA BSTAN PAR RIGS PA MA YIN TE, DE YANG RUNG BAR BYAS PA NYID NI BYANG CHUB KYI SEMS YIN NO, ,DE BAS NA DANG POR DE NYID @125A *, ,KHYAD PAR DU 'PHAGS PA'I CHOS RNAMS LAS ZHES BYA BA NAS, LHAG PAR DMIGS PAR BYA BA DE DAG GI BAR GYIS SEMS BSKYED PA GSUNGS TE, DE NI, LHA RNAMS RUNG BAR BYA BA'I PHYIR, ,'OD KYIS MOG MOG POR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, ,ZHES BYA BA SMOS TE, GSUNGS SO ZHES BYA BA NI LHAG MA'O, ,LHA RNAMS ZHES BYA BA NI LHA'I TSOGS RNAMS SO, ,RUNG BAR BYA BA'I PHYIR ZHES BYA BA CI'I PHYIR ZHE NA, BCOM LDAN 'DAS KYIS 'JIG RTEN THAMS CAD ZIL GYIS MNAN BAR SHES NAS DE'I DNGOS POR SEMS BSKYED PA'I PHYIR RO, ,KOO SHI KA DE LAS ZHES BYA BA LA SOGS PAS SKABS 'BYED PA YIN NO, ,DE BAS NA BYANG CHUB TU SEMS MA BSKYED PA GANG YIN PA DE DAG GIS SEMS BSKYED PAR BYA'O ZHES BYA BA NI RUNG BAR BYA BA'I PHYIR BSKYED PA'O, ,'OD KYIS ZHES BYA BA NI SANGS RGYAS KYI 'OD KYIS SO, ,MOG MOG POR MDZAD CES BYA BA NI GZI MED PAR MDZAD CES BYA BA'I DON TO, ,GANG YANG ZHES BYA BA NI YUL NGES PA STE, YUL NYAN THOS ZHI BA PHYOGS GCIG PAS MA BSKYED PA'I PHYIR RO, ,'ON KYANG ZHES BYA BA LA SOGS PAS BSAM GYIS MI KHYAB PA STE, BYANG CHUB TU YONGS SU GYUR PA'I NYAN THOS DAG GIS KYANG BSKYED PA'I PHYIR RO, ,DGE BA'I PHYOGS LA BDAG CES BYA BA LA SOGS PAS NI RNAG BZHIN TE, DGE BA'I PHYOGS NI DGE BA'I CHOS SO, ,KHYAD PAR DU 'PHAGS PA ZHES BYA BA NI BYANG CHUB KYI SEMS YANG DAG PAR BZUNG BAS SO, ,SHIN TU KHYAD PAR DU 'PHAGS PA ZHES BYA BA NI THEG PA CHEN PO YANG DAG PAR GZUNG BA STE DE NI LAS SO, LAM SHES NYID KYI TSUL LA NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,ZHES BYA BA LA, DANG PO NYID DU ZHES BYA BA NI LHAG MA'O, ,DE'I MDO YANG KOO SHI KA DE LA ZHES BYA BA NAS BRTZAMS TE, BCOM LDAN 'DAS ZHES BYA BA'I DONG MA YAN CHAD DO, ,GZUGS LA SOGS PA NI RNAM PA GNYIS TE, SDUG BSNGAL GYI BDEN PA DANG KUN 'BYUNG GI BDEN PA'O, ,DE LA SDUG BSNGAL NI RNAM PA BZHIR YID LA STE, MI RTAG PA DANG, SDUG BSNGAL BA DANG, BDAG MED PA DANG, ZHI @125B PA STE, GO RIMS BZHIN DU SKYE BA DANG 'JIG PA DANG LDAN PA'I PHYIR DANG MI MTHUN PA NYID KYI PHYIR DANG BDAG GI MTSAN NYID MED PA NYID KYI PHYIR DANG BDAG GI BAS STONG PA NYID KYI PHYIR RO, ,DE LTAR SHI BA'I RO LA SHI BA ZHES BYA BA STE, BDAG GI BAS STONG PA NYID KYI PHYIR RO, ,KUN 'BYUNG NI RNAM PA BZHIS SPANG BAR 'OS PAR SHES PAR BYA BA'I DON TO, ,NAD DANG SHU BA DANG ZUG RDU DANG SDIG PA STE, GO RIMS BZHIN DU SDUG BSNGAL GYI RGYU NYID KYI PHYIR DANG, SDUG BSNGAL 'PHEL BAR BYED PA'I RGYU NYID DANG GDON PAR DKA' BA NYID KYI PHYIR DANG, 'DI DANG GZHAN DU SDUG BSNGAL GYI RGYU'I CHOS MTHUN PA NYID CAN YIN PA'I PHYIR RO, ,YANG RNAM PA BZHIS NUS PA NYID DU YONGS SU SHES PA'I DON TE, PHA ROL DANG 'JIG PA'I CHOS CAN DANG G-YO BA DANG RAB TU 'JIG PA STE, BDAG NI DOR BAR MI NUS PAS 'DIS NI PHA ROL LO, ,'JIG PA'I CHOS CAN NI SKAD CIG MA RE RER 'JIG PA NYID KYI PHYIR RO, ,G-YO BA NI DGRA BCOM PA DAG GIS LAM RNAM MAS RTZA BA NAS BTON PA NYID KYI PHYIR RO, ,SKABS SU BAB PA'I LAM GYIS 'JIG PA NYID KYI PHYIR RAB TU 'JIG PA'O, ,MYUR DU BYED PA'I DON YANG GSUMS TE, THOG 'BAB PA LA SOGS PA BZHI DU 'JIG PA'I RGYUD NYID KYI PHYIR 'JIG PA'O, ,'BYUNG PO DANG SRIN PO DANG CHOS MTHUN PA NYID KYI PHYIR 'GO BA'I NAD DO, ,MU GE DANG PHA ROL GYI DMAG TSOGS LA SOGS PA DANG CHOS MTHUN PA NYID KYI PHYIR 'TSE BA'O, ,DE BZHIN DU RTEN CING 'BREL PAR 'BYUNG BA LUGS LAS BZLOG PA NI MA RIG PA 'GAGS PAS 'DU BYED 'GAG CES BYA BA NAS BRTZAMS TE, SDUG BSNGAL GYI PHUNG PO CHEN PO 'BA' ZHIG 'GAG PAR 'GYUR RO ZHES BYA BA'I BAR DU STE, DE LA NGES PAR 'GOG PAS NA 'GOG PA STE ZHES BYA BA NI 'GOG PA'I BDEN PA'O, ,'DIS 'GOG PAR BYED PAS NA 'GOG PA STE, LAM GYI BDEN PA'O, ,DE DAG SO SO LA YANG RNAM PA BDUN TE, BDAG MED PA DANG, ZHI BA DANG, DBEN PA DANG; STONG PA DANG, MTSAN MA MED PA DANG, SMON PA MED PA DANG, MNGON PAR 'DUS MA BYAS PA ZHES BYA BA'O, ,DE LA RNAL 'BYOR BA'I BDAG NI SDUG BSNGAL GYI BDAG NYID KYI PHUNG PO DAG STE, DE BAS NA SDUG BSNGAL GYI DNGOS PO MED PA NYID KYI PHYIR BDAG MED PA'O, ,NYON MONGS PA NYE BAR ZHI BA NYID KYI PHYIR ZHI BA'O,, @126A *, ,DE GNYIS NI MI GTZANG BA STE, DE DAG ZAD PA NYID KYI PHYIR DBEN PA STE, GTZANG PA ZHES BYA BA'I DON TO, ,BDAG DANG BDAG GI DANG BRAL BA'I PHYIR STONG BA'O, ,'DUS BYAS KYI MTSAN MA THAMS CAD DANG BRAL BA'I PHYIR MTSAN MA MED PA'O, ,KHAMS GSUM PA LA SMON PA NI SMON LAM STE, DE ZAD PA'I PHYIR SMON PA MED PA'O, ,MA 'ONGS PA'I LAS MNGON PAR 'DU BYED PA MED PA'I PHYIR MNGON PAR 'DU BYED PA MED PA ZHES BYA STE, 'GOG PA'I BDEN PA'I RNAM PA'O, ,LAM GYI BDEN PA YANG DE DAG KHO NA YIN TE, LAM YANG MYA NGAN LAS 'DAS PA THOB PAR BYED PA YIN PA DE BAS NA BDAG MED PA LA SOGS PA THOB PAR BYED PA NYID KYI PHYIR BDAG MED PA LA SOGS PA'O, ,DE LTAR NA 'DIR RNAM PA NYI SHU RTZA DGU NI NYAN THOS KYI LAM YIN TE, DE'I BYANG CHUB THOB PAR BYED PA YIN PA'I PHYIR RO, ,DE NI DE DAG MI DMIGS PAS LAM SHES PA NYID LA 'JUG STE, SNGAR YANG BYANG CHUB CHEN PO LA SMON PA'I PHYIR DANG, PHYIS KYANG RNAM PA THAMS CAD MKHYEN PA NYID DU BSNGOS PA'I PHYIR RO, ,KHYAD PAR DE DAG GNYIS KYIS LAM GZHAN LA YANG 'DIR 'JUG PA'I PHYIR GZHAN YANG ZHES BYA BA'I TSIG GNYIS GSUNGS PA YIN NO, ,YONGS SU DPYOD PAR BYED PA LNGA PO DAG GI GZHUNG LHAG MAS NI MI DMIGS PA NYID RGYAS PAR BYED DO, ,DE LA BSTAN PA NYID NI CHOS KYI CHOS RNAMS ZHES BYA BA NAS; SO SOR DPYOD PA ZHES BYA BA DE DAG GI BAR DU'O, ,'DI LTAR ZHES BYA BA NI 'CHAD PAR 'GYUR BA'I TSIG GIS SO, ,CHOS KYIS ZHES BYA BA NI BYANG CHUB KYI SEMS SAM YONGS SU BSNGO BA'I SEMS KYIS SO, ,CHOS RNAMS ZHES BYA BAS NI NYAN THOS KYI LAM LA SOGS PA'O, ,SBYOR BAR BYED PA NI GANG ZAG GIS STONG PA NYID KYIS MNYAM PA NYID MTHONG BA NYID KYI PHYIR SBYOR BA'O, ,'GROGS PAS STONG PA NYID DU SBYOR BA LAS KYANG RNAM PA GNYIGS BRLAN PA NI MNGON PAR BRLAN PA'O, ,PHAN TSUN STONG PA NYID DU SBYOR BA LAS KUN NAS BRLAN PA'O, ,RANG BZHIN STONG PA NYID LHAG MAR BYAS PA DE SBYOR BA NI YONGS SU RDZOGS PA STE, RANG BZHIN STONG PA NYID KYIS CHOS THAMS CAD STONG PA NYID YONGS SU RDZOGS SHING GSOS PA DE BAS NA DE MTHONG BA YONGS SU RDZOGS PA'O, ,YONGS SU RDZOGS PA LAS KYANG RIG PA LHAG PAR MTHONG BA NI YONGS SU RGYAS PA'O, ,DPER NA BRE 'DI LAS BRE 'DIR CHAD 'DI TZAM @126B GYIS LHAG PAR GYUR PA 'DI LHAG PA ZHES BYA BA'I DON TO, ,LHAG MA NI BSHAD PA STE, DE LA DANG PO SBYOR BA DE'I BSHAD PA NI BDAG MED PA ZHES BYA BA LA SOGS PA'O, ,DE CI'I PHYIR ZHE NA ZHES BYA BA NI MNGON PAR BRLAN PAR BYED PA DE GANG LAS ZHES BYA BA'O, ,LAN NI 'DI LTAR ZHES BYA BA LA SOGS PA'O, ,DE CI'I PHYIR ZHE NA ZHES BYA BA NI YONGS SU BRLAN PAR BYED PA DE GANG LAS ZHES BYA BA'O, ,LAN NI KOO SHI KA GANG ZHES BYA BA LA SOGS PA'O, ,MNGON PAR MI ZHEN MI DMIGS ZHES BYA BA NI BDAG DANG BDAG GI DNGOS PO MED PA'I PHYIR RO, ,BRGYA BYIN GYI DRI BA NI, BTZUN PA RAB 'BYOR ZHES BYA BA LA SOGS PA STE; SEMS SNGA MA DAG GIS SEMS KYI PHYI MA DAG LA BAG CHAGS BSGOS PA LAS DE'I SGO NAS YONGS SU BSNGO BA'I SEMS DANG 'GROGS PA STE, PHAN TSUN 'DRES PAR GYUR PA ZHES BYA BAR BSAMS PA'O, ,LAN NI KOO SHI KA GANG ZHES BYA BA LA SOGS PA'O, ,SEMS MA YIN TE ZHES BYA BA LA SEMS KYI STONG PA NYID DE, CHOS THAMS CAD RANG BZHIN MED PA NYID KYI PHYIR TE, RANG BZHIN MED PA DAG NI BAG CHAGS DANG BAG CHAGS KYI GZHI'I DNGOS POR MED DO ZHES BYA BAR BSAMS PA'O, ,'ON KYANG SEMS MA YIN PA NYID KYIS ZHES BYA BA NI SMON LAM GYI SEMS KYIS STONG PA NYID DO, ,SEMS MA YIN PA NYID LA ZHES BYA BA NI DGE BA'I RTZA BAS STONG PA NYID DE, DNGOS PO MED PA NI LAS DANG BYED PA PO LA SOGS PA'I NUS PA DANG BRAL BA'I PHYIR RO, ,DE LTAR NA ZHES BYA BA LA SOGS PA NI YONGS SU RGYAS PAR BSHAD PA STE, DE LTAR NA ZHES BYA BA NI SEMS DE NYID RANG BZHIN MED PA'I PHYIR RO, ,SEMS MA YIN PA GANG ZHES BYA BA NI SEMS GANG YIN PA STONG PA NYID DANG, DE BZHIN NYID DANG CHOS NYID DO, ,DE NI BSAM GYIS MI KHYAB PA ZHES BYA BA NI RNAM PAR RTOG PA'I SPYOD YUL MA YIN PA NYID KYI PHYIR DANG RNAM PAR MI RTOG PA NYID KYI PHYIR DE NI BSAM GYIS MI KHYAB PA STE, BSAM PA LAS 'DAS ZHES BYA BA'I DON TO, ,BSAM GYIS MI KHYAB PA GANG YIN PA DE NI SEMS MA YIN PA ZHES BYA BA NI SEMS PAR BYED PAS NI SEMS SO ZHES BYA BA'I RIGS PAS SO, ,SEMS MA YIN PA NYID NI SEMS YONGS SU SNGO BAR BYED CES BYA BA NI, RTOG PA MED PAS RNAM PAR MI RTOG PA YONGS SU BSNGO BAR @127A *, ,BYA BA'I DON TO, ,DE LTAR NA RIGS PA MA YIN NO ZHES BYA BA NI LHAG MA'O, ,DE LTAR YONGS SU DPYOD PA LNGA PO DAG GIS DON DAM PA'I TSUL YONGS SU BSNGO BA BKAG PA YIN NO, ,DE LTA MOD KYI KUN RDZOB KYI TSUL DU NI YONGS SU BSNGO BA YIN TE, DMAN PA'I BYANG CHUB SPANGS NAS NI, , DRUG BAS PHA ROL PHYIN LNGA RDZOGS, ,KUN RDZOB TSUL DANG BRAL BAS NI, ,DE DAG BDE BAR TSOGS RDZOGS MIN, ,DE NI NYAN THOS KYI LAM GYI RNAM PA'O, ,DE NAS BCOM LDAN 'DAS ZHES BYA BA LA SOGS PA NAS MNGON PAR RDZOGS PAR 'TSANG RGYA BAR 'GYUR RO ZHES BYA BA DE DAG GI BAR GYI SKABS 'BYED PA YIN TE, 'PHAGS PA NYAN THOS LAM LA NI, ,GZUGS SOGS PHUNG PO STONG PA'I PHYIR, ,STONG PA NYID RNAMS DBYER MED PHYIR, ,DRO BA DE DAG MI DMIGS PAS, ,RTZE MOR GYUR PA DAG TU 'DOD, ,DE LA RTAG LA SOGS TSUL GYIS, ,GNAS PA BKAG PAS BZOD PA RNAMS, ,SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DO, ,CI PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,ZHES BYA BA LA, 'PHAGS PA NYAN THOS LAM LA NI, ,ZHES BYA BA NI NYAN THOS RNAMS KYIS BSTAN MA THAG PA'I LAM GYI RGYU MTSAN NI DROD YIN PAR 'DOD DE, JI LTAR GZUGS LA SOGS PA'I PHUNG PO NI TSOGS TE DE STONG PA NYID KYIS SO, ,STONG PA NYID DE DAG KYANG DBYER MED PAS SO, ,DE DAG CES BYA BA NI GZUGS LA SOGS PA MI DMIGS PAS, RTZE MOR GYUR PA DAG TU 'DOD DO, ,DE LA ZHES BYA BA NI GZUGS LA SOGS PA LA'O, ,RTAG PA NYID LA SOGS PA'I TSUL GYIS DE'I GNAS PA BKAG PA STE, DMIGS PA BKAG PAS BZOD PA DAG TU 'DOD DO, ,SA BCU DAG LAS ZHES BYA BA NI DANG PO DANG GNYIS PA DAG LA SOGS PA DAG LAS SO, ,BRTZAMS NAS ZHES BYA BA NI DANG POR BYAS PA'O, ,SA DANG PO ZHES BYA BA LA SOGS PA NAS MI BYA'O ZHES BYA BA'I BAR GYIS NGAG GI TSOGS RGYAS PAR MI GNAS TE, MI DMIGS PA BSTAN PA'I PHYIR RO, ,JI LTAR BSTAN ZHE NA, CI'I PHYIR ZHE NA SANGS RGYAS KYIS, MKHYEN NAS TE MNGON PAR RTOGS PAS SO, ,CHOS RNAMS MA GZIGS PA'I PHYIR ZHES BYA BA NI RGYU DANG BCAS PA'O, , @127B GANG ZHE NA, CHOS KYI MCHOG TU GYUR PAR 'DOD PA'O, ,DE NAS TSE DANG LDAN PA RAB 'BYOR ZHES BYA BA LA SOGS PA DANG, DE NAS BRGYA BYIN ZHES BYA BA LA SOGS PA DANG, DMIGS PA'I TSUL GYIS GZUGS RTAG CES BYA BAR GNAS PAR MI BYA'O ZHES BYA BA LA SOGS PA DANG, GZHAN YANG SH'A RI'I BU ZHES BYA BA LA SOGS PA NAS MI GNAS PA'I TSUL GYIS ZHES BYA BA DE DAG GI BAR GYIS GO RIMS BZHIN DU DROD DANG RTZE MO DANG BZOD PA DANG CHOS KYI MCHOG GO, ,YANG JI LTAR NYAN THOS KYI NGES PAR 'BYED PA'I CHA DANG MTHUN PA DE DAG NYAN THOS KYI YIN ZHE NA, DE DAG GI 'PHAGS PA'I LAM GYI CHED DU SGOM PA'I PHYIR NYAN THOS KYI LAM ZHES GSUNGS SO, ,RANG SANGS RGYAS KYI LAM BRJOD PAR BYA STE, DE'I SKABS 'BYED PA NI DE NAS 'KHOR DE'I ZHES BYA BA LA SOGS PA DANG, RAB 'BYOR GYIS SMRAS PA ZHES BYA BA'I LTAG DANG, DE'I 'OG TU STON PA 'DI NI SHES RAB ZAB PO ZHES BYA BA'I LTAG YAN CHAD DO, ,TSIG CES BYA BA NI BSTAN PA'O, ,LHAG MA NI BSHAD PA'O, ,SKAD NI NGAG GO, ,RAB TU BRJOD PA NI TSIG GI TSOGS SO, ,SMRAS PA NI BRJOD PA STE, RAB TU BRJOD PA DE'I TSOGS KYIS SO, ,'CHAD PA NI 'KHOR GYI NANG DU'O, ,STON PA NI DE'I RIGS CAN DAG LA'O, ,YI GE GCIG KYANG ZHES BYA BA NI YI GE GCIG PU ZHIG KYANG NGO, ,MA BRJOD PA ZHES BYA BA NI GZHAN DAG GI BSE RU LTA BU LA MA BSTAN PA'O, ,DE NI ZHES BYA BA NI SRID PA THA MA LA THOS PAR MI RUNG BA'O, ,DE DAG GIS SHES PAR MI RUNG BA NI THOS PA'I STOBS KYIS SO, ,YI GE ZHES BYA BA NI BSTAN PA MED PAR BDAG NYID MNGON PAR BYANG CHUB PA'I PHYIR RO, ,SHES RAB KYI PHA ROL TU PHYIN PA ZHES BYA BA NI BSE RU LTA BU'I 'PHAGS PA'I LAM MO, ,STON PA MED PA ZHES BYA BA NI STON PA PO MED PA'O, ,MI DGOS LA ZHES BYA BA NI GZHAN GYIS BSTAN MI DGOS PA'O, ,YE SHES ZAB PA NYID KYI DBANG DU BYAS NAS YI GE MED PA ZHES BYA BA LA SOGS PA GSUNGS TE, BSTAN PA LAS MI 'BYUNG BA'I PHYIR DANG, GZHAN DAG LA STON PA MED PA'I PHYIR YI GE MED PA'O, ,DE CI'I PHYIR ZHE NA, LHA'I BU DAG DE BZHIN GSHEGS PA ZHES BYA BA LA SOGS PA LA, DE BZHIN GSHEGS PA NI DE BZHIN NYID THUGS SU CHUD PA'I PHYIR RO, ,DGRA @128A *, ,BCOM PA NI BSE RU LTA BU'O, ,YANG DAG PAR RDZOGS PA'I SANGS RGYAS NI GZUNG BA'I RNAM PAR RTOG PA SPANGS PA'I PHYIR RO, ,BYANG CHUB NI 'BRAS BUR GYUR PA'I YE SHES SO, ,YE SHES DE NYID DPES BSTAN PAR MDZAD PA NI DPER NA ZHES BYA BA NAS BRTZAMS TE, ,RAB 'BYOR DE NI MED DO ZHES BYA BA'I BAR DU'O, ,KYE MA GNAS BRTAN RAB 'BYOR 'DI NI BDAG CAG LA BSE RU LTA BU'I LAM GSAL BAR BYED DO SNYAM DU BSAMS PA'I DE MA THAG TU ZAB PA DANG PHRA BA'I LAM LAS BYANG CHUB KYI YE SHES SHIN TU ZAB PA DANG, PHRA BAR BSTAN PA NI YE SHES ZAB PA NYID DO, ,DE NAS TSE DANG LDAN PA RAB 'BYOR ZHES BYA BA LA SOGS PA NAS, SUS KYANG BRJOD PA MED PA THOS PA MED PA BSTAN PA MED PA ZHES BYA BA DE DAG GI BAR GYIS GZUGS LA SOGS PA DE DAG ZAB PA MA YIN, PHRA BA MA YIN ZHES GSUNGS TE, MED PA NYID KYI PHYIR RO, ,GZUGS SU BRTAGS PA STE BZHAG PA MED PA LA SOGS PA NI MED PA NYID KYI PHYIR RO, ,DE LTAR NA BSE RU LTA BU DAG NI GZUNG BA'I RNAM PAR RTOG PA SPANGS PA'O, ,DE NAS LHA'I BU DAG CES BYA BA LA SOGS PA NAS, GNYIS SU BYAR MED CES BYA BA'I BAR GYIS DE DAG GSUNGS TE, BDAG GI RDZAS MI DMIGS SU ZIN KYANG PHUNG PO DAG LA SEMS CAN DU BTAGS PA'I PHYIR SEMS CAN DANG CHOS NYAN PA SGYU MA LTA BU LA SOGS PA YIN LA, PHYI ROL GYI GZUGS LA SOGS PA LA YANG SGYU MA LTA BU LA SOGS PA STE, MTSAN NYID JI LTA BA BZHIN DU MED PA'I PHYIR RO, ,DE LTAR NA BSE RU LTA BU DAG NI 'DZIN PA'I RNAM PAR RTOG PA MA SRANGS PA'O, ,DE NAS 'DI BSTAN PA NA DON DU GNYER BA DANG DON DU MI GNYER BA DAG GNAS SKABS JI LTA BA BZHIN DU, GNAS BRTAN RAB 'BYOR LA GNAS BRTAN DRUG PO DE DAG DANG, LHA'I BU BYE BA KHRAG KHRIG STONG PHRAG BRGYAS DRIS PA'O, ,SU DAG DON DU GNYER BA NI 'DOD PA'O, ,ZAB PA NI RTOGS PAR DKA' BA NYID KYI PHYIR RO, , BRTAG PAR DKA' BA NI SO SO RANG GIS RIG PA NYID KYI PHYIR RO, ,RTOG GE'I SPYOD YUL MA YIN PA NI BSAM PA'I LAM LAS 'DAS PA'I PHYIR RO, ,PHRA BA NI RNAM PAR RTOG PA'I SPROS PA THAMS CAD ZHI BA'I PHYIR RO, ,MKHAS PA NI CHOS THAMS CAD YANG DAG PA JI LTA BA BZHIN DU RTOGS PA LA MKHAS PA'I RGYU YIN @128B BA'I PHYIR RO, ,MTHONG BAR DKA' BA NI RNAM PAR SHES PA'I TSOGS LNGA'I YUL MA YIN PA'I PHYIR RO, ,RTOGS PAR DKA' BA NI YID KYI RNAM PAR SHES PA'I YUL MA YIN PA'I PHYIR RO, ,ZHI BA NI NYON MONGS PA THAMS CAD NYE BAR ZHI BA'I PHYIR RO, ,GYA NOM PA NI SDUG BSNGAL THAMS CAD NYE BAR ZHI BA'I PHYIR RO, ,CHOS RNAMS LAS SHIN TU 'PHAGS PA NI SHIN TU 'PHAGS PA'O, ,MKHAS PA DANG MDZANGS PAS RIG BAR BYA BA NI PHYIR MI LDOG PA LA SOGS PAS RIG PAR BYA BA NYID KYI PHYIR RO, ,BSE RU LTA BU'I RIGS CAN DAG GI TSIG DON DU GNYER BA'I DGAG PA RGOL BA DANG BCAS PA'I LAN NI, ,DE NAS TSE DANG LDAN PA RAB 'BYOR GYIS LHA'I BU DE DAG LA ZHES BYA BA NAS, DE NAS BCOM LDAN 'DAS KYIS LHA'I DBANG PO BRGYA BYIN LA ZHES BYA BA'I LTAG YAN CHAD DO, ,DE NAS BCOM LDAN 'DAS KYIS LHA'I DBANG PO BRGYA BYIN LA ZHES BYA BA LA SOGS PAS NI BSE RU LTA BU'I RIGS KYANG CHOS KYI DBYINGS KHO NA YIN NO ZHES GSUNGS SO, ,CHOS KYI MIG GIS ZHES BYA BA NI CHOS KYI MIG GIS SO, ,'DI LTAR MA SKYES PA NI ME TOG MA YIN PA DE BZHIN DU GZUGS MA SKYES PA NI GZUGS MA YIN PA NAS, YANG DAG PAR RDZOGS PA'I SANGS RGYAS MA SKYES PA NI YANG DAG PAR RDZOGS PA'I SANGS RGYAS MA YIN ZHES BYA BA'I NI BSE RU LTA BU'I RIGS SO, ,'DIR BSTAN BCOS MDZAD PAS, RANG BYUNG BDAG NYID RTOGS PA'I PHYIR, ,GZHAN GYIS BSTAN YANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,CES GSUNGS SO, ,GZHAN GYIS BSTAN PA NI GZHAN DAG GIS BSTAN PA'O, ,DE MI DGOS PA DANG YE SHES ZAB PA NYID CES BYA BA DANG GNYIS NI BSE RU LTA BU STE, RANG SANGS RGYAS ZHES BYA'O, ,MI DGOS PA CI'I PHYIR ZHE NA, DE DAG RANG BYUNG BDAG NYID KYIS MNGON PAR RTOGS PA'I PHYIR RO, ,BSE RU LTA BU JI LTAR GZHAN GYI DON BYED CE NA, 'DOD PA TZAM GYIS SO, , JI LTAR DE DAG LAS THOS PAR 'GYUR ZHE NA, NYAN PAR 'DOD PA TZAM GYIS SO, ,DE NI, GANG DANG GANG DON GANG GANG LA, ,JI LTA JI LTAR NYAN DE DANG, ,DE LA SGRA MED KYANG DON DE, ,DE NI DE LTA DE LTAR SNANG, ,ZHES BYA BA GSUNGS TE, DE NAS DE DAG GI 'PHAGS PA'I LAM JI TZAM GYIS ZHE NA, @129A *, ,GZUNG BA'I RTOG PA NYAMS PHYIR DANG, ,'DZIN PA MA SPANGS PHYIR DANG NI, ,RTEN GYIS BSE RU LTA BU'I LAM, ,YANG DAG BSDUS PAR SHES PAR BYA, ,ZHES BYA BA GSUNGS SO, ,BTAGS PA CHOS NYID MI 'GAL BAR, ,STON PA'I RNAM PA DRO GYUR PA, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,NANG STONG NYID LA SOGS PA YIS, ,GZUGS SOGS MI 'DZIN PHYIR BZOD PA, ,GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,CES BYA BA LA, GZUGS LA SOGS PA BTAGS PA DANG MI 'GAL BAS GZUGS LA SOGS PA'I CHOS NYID BSTAN PA'I RNAM PA NI DRO BA'O, ,GZUGS LA SOGS PA'I 'PHEL BA DANG 'GRIB PA MED PA'I RNAM PA NI RTZE MO'O, ,NANG STONG PA NYID LA SOGS PA BCU DRUG DAG GIS CHOS RNAMS YONGS SU 'DZIN PA DGAG PA'I RNAM PA NI BZOD PA'O, ,GZUGS LA SOGS PA SO SO LA SKYE BA MED PA DANG, 'GAG PA MED PA LA SOGS PA RNAM PA BCU NI CHOS KYI MCHOG GO, ,MDO NI BSE RU LTA BU'I RIGS LAS 'OG TU, DE NAS BCOM LDAN 'DAS KYIS LHA'I DBANG PO BRGYA BYIN LA ZHES BYA BA NAS, RNAM PA THAMS CAD MKHYEN PA NYID LA GANG SLOB PA DAG NYIS SU BYAR MED PAR SANGS RGYAS KYI CHOS GRANGS MED TSAD MED PA LA SLOB PO ZHES BYA BA'I BAR NI DROD KYI'O, ,GZUGS 'PHEL BAR BYA BA DANG 'GRIB PAR BYA BA'I PHYIR MI SLOB CES BYA BA NAS, GZUGS YONGS SU GZUNG BA DANG MED PAR BYA BA'I PHYIR MI SLOB PO ZHES BYA BA'I BAR NI RTZE MO'I'O, ,CI'I PHYIR ZHE NA ZHES BYA BA NAS BRTZAMS TE, CHOS THAMS CAD YONGS SU 'DZIN PA MED PA'I TSUL GYIS RNAM PA THAMS CAD MKHYEN PA NYID DU 'BYUNG NGO ZHES BYA BA'I BAR NI BZOD PA'O, ,DE'I 'OG NAS MI SLOB MI 'BYUNG ZHES BYA BA'I TSUL GYIS ZHES BYA BA'I BAR NI CHOS KYI MCHOG GO, ,DE NI RANG SANGS RGYAS KYI LAM BSTAN PA'O, ,DE'I 'OG TU BYANG CHUB SEMS DPA'I LAM BRJOD PAR BYA STE, DE LA DANG POR MTHONG BA'I LAM PHAN YON DANG BCAS PA'I MDO DE'I DON MDOR BSDUS PA NI, BDEN DANG BDEN LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON @129B BCAS PA 'DI BSHAD DO, ,ZHES BYA BA GSUNGS TE, BDEN PA SO SO LA SKAD CIG MA BZHI'O, ,BZOD PA GNYIS DANG SHES PA GNYIS TE SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA DANG, SDUG BSNGAL LA RJES SU SHES PA'I BZOD PA DANG, SDUG BSNGAL LA RJES SU SHES PA'O, ,KUN 'BYUNG DANG 'GOG PA DANG LAM LA YANG DE BZHIN TE, DE DAG NI 'DIR LAM SHES PA NYID LA MTHONG BA'I LAM ZHES BYA'O, ,PHAN YON DANG BCAS BA RGYAS PAR NI, DE BZHIN NYID DANG SANGS RGYAS DAG ,PHAN TSUN RTEN DANG BRTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MED NYID DANG BCAS, ,DPAG MED MTHA' NYID MED PA DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG, ,BLANG MED DOR BA MED SOGS DANG, ,BYAMS SOGS STONG NYID KHYAB PA DANG, ,SANGS RGYAS NYID NI YONGS 'DZIN DANG, ,RNAM PAR BYANG BA KUN DANG NI, ,NYAM NGA BA DANG NAD KUN SEL, ,MYA NGAN 'DAS 'DZIN ZHI NYID DANG, ,SANGS RGYAS RNAMS KYIS SRUNG LA SOGS, ,SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS NAS SEMS CAN DAG ,'GOD DANG SBYIN PA LA SOGS PA, ,RDZOGS PA'I BYANG CHUB TU BSNGO PA, ,LAM SHES NYID KYI SKAD CIG MA, ,ZHES BYA BA'I TSIGS SU BCAD PA LNGAS GSUNGS TE, TSAD MED PA DANG BCAS PA NI TSAD MED PA DANG LHAN CIG PA STE, CHEN PO NYID DANG TSAD MED PA ZHES BYA BA'I DON TO, ,MTHA' KHO NA NI MTHA' NYID DE DPAG TU YOD PA DANG MTHA' NYID DO, , DE DAG MED PA NI DPAG TU MED PA DANG MTHA' NYID MED PA DANG ZHES BYA BA'I DON TO, ,GZUGS LA SOGS PA ZHES BYA BA NI SKAD CIG MA BDUN PO DAG DANG SBYAR BAR BYA STE, GZUGS LA SOGS PA NYID NI SDUG BSNGAL DANG KUN 'BYUNG NYID KYI PHYIR RO, ,BYAMS PA LA SOGS PAS GZUGS MTHONG BA NYID NI SKAD CIG MA BRGYAD PA STE, 'DI'I DMIGS PA NI GZUGS LA SOGS PA NYID DE, SEMS CAN DU STON PA'O, ,DE BAS NA SKAD CIG MA BRGYAD NI GZUGS LA SOGS PA LA GNAS PA'O, ,DE LA SKAD CIG MA DANG PO NI GZUGS LA SOGS PA'I DE BZHIN NYID LA DE BZHIN GSHEGS PA GNAS PA NYID @130A *, ,DU MTHONG NGO ZHE NA, DE YANG MI RIGS TE, DE BZHIN NYID DANG SANGS RGYAS DANG, ,PHAN TSUN RTEN DANG BRTEN MED PHYIR, ,GANG YANG GZUGS KYI DE BZHIN NYID LA DE BZHIN GSHEGS PA MED CING DE BZHIN GSHEGS PA LA GZUGS KYI DE BZHIN NYID MED DO ZHES GSUNGS PA'I PHYIR RO, , RNAM GRANGS ZHES BYA BA NI RNAM PA GZHAN NO, ,KHAS LEN PA NI GNAS PA STE, MI RTAG PA LA SOGS PA DANG 'DRA BAR BDAG NYID KYIS SO, ,GANG YANG GZUGS KYI DE BZHIN NYID LAS DE BZHIN GSHEGS PA GZHAN MA YIN, DE BZHIN GSHEGS PA LAS GZUGS KYI DE BZHIN NYID GZHAN MA YIN NO ZHES RGYAS PAR GSUNGS TE, 'DI LTAR DE BZHIN GSHEGS PA GZHAN MA YIN PA DE BZHIN DU SHES RAB KYI PHA ROL TU PHYIN PA YANG GZHAN MA YIN NO, ,GZHAN NYID DU GYUR NA NI RNAM PAR MI RTOG PA MI RIGS PA'I PHYIR RO, ,GANG GZUGS SHES RAB KYI PHA ROL TU PHYIN PA MA YIN, ,GZUGS LAS GUNG NA YANG SHES RAB KYI PHA ROL TU PHYIN PA MED DO ZHES BYA BA LA SOGS PA NAS, RNAM PA THAMS CAD MKHYEN PA NYID KYI CHOS NYID LAS GUNG NA YANG SHES RAB KYI PHA ROL TU PHYIN PA MED DO ZHES BYA BA'I BAR DU GSUNGS SO, ,SHES RAB KYI PHA ROL TU PHYIN PA ZHES BYA BA NI SDUG BSNGAL LA CHOS SHES PA'I BZOD PA'O, ,CHEN PO LA SOGS PA LA DMIGS PA CAN GYI SKAD CIG MA BZHI PO DE DAG GI SKABS 'BYED PA NI PHA ROL TU PHYIN PA 'DI NI RGYA CHE BA YIN TE ZHES BYA BA NAS BRTZAMS TE, DE CI'I PHYIR ZHE NA ZHES BYA BA DE'I LTAG YAN CHOD NI BSTAN PA'O, ,DE'I 'OG NAS DBANG PO DANG BCAS PA ZHES BYA BA DE'I GONG YAN CHAD NI BSHAD PA'O, ,DE'I DON NI 'DI YIN TE, GZUGS LA SOGS PA'I CHEN PO NYID NI DUS GSUM DU DNGOS PO DANG DNGOS PO MED PA NYID DU YONGS SU CHAD PA MED PA STE, DE BZHIN NYID KYIS NAM MKHA' LTA BU YIN PA'I PHYIR, ,DE BAS NA DMIGS PA CHEN PO NYID KYIS 'DI NI PHA ROL TU PHYIR PA CHEN PO YIN TE, TSAD MED PA ZHES GSUNGS PA'I LTAG YAN CHAD NI SDUG BSNGAL LA CHOS SHES PA'O, ,'DI TZAM DU YONGS SU BCAD DU MED PA NI TSAD MED PA STE, PHA ROL TU PHYIN PA NI DPAG TU MED DO ZHES BYA BA'I LTAG YAN CHAD NI SDUG BSNGAL LA RJES SU SHES PA'I BZOD PA'O, ,GRANGS SU MI CHOD PA NYID DPAG TU MED PA STE, GANG @130B MTHA' MED PA ZHES GSUNGS PA'I GONG YAN CHAD NI SDUG BSNGAL LA RJES SU SHES PA'O, ,SKYE BA NI SNGON GYI MTHA' YIN LA 'GOG PA NI PHYI MA'I MTHA' YIN TE, DE YANG YONGS SU TSAD MED PA NYID NI GZUGS LA SOGS PA MTHA' MED PA NYID DO, ,RNAM PA THAMS CAD MKHYEN PA NYID MTHA' MED PA DANG, CHOS KYI DBYINGS MTHA' MED PA DANG, DE BZHIN NYID MTHA' MED PA DANG, SEMS CAN MTHA' MED PA DE LA DMIGS PA'I PHYIR 'DI NI PHA ROL TU PHYIN PA MTHA' MED PA'O, ,GANG NAM MKHA' MTHA' YAS PA'I PHYIR PHA ROL TU PHYIN PA MTHA' YAS PA NAS BRTZAMS TE, DE NAS DBANG PO DANG BCAS PA'I LHA RNAMS ZHES BYA BA DE'I GONG YAN CHAD KYIS GSUNGS PA NI KUN 'BYUNG LA CHOS SHES PA'I BZOD PA'O, ,DER ZHES BYA BA NI GZUGS LA SOGS PA SHES RAB KYI PHA ROL TU PHYIN PA LA GNAS PA'O, ,SANGS RGYAS NYID DU NGES PAR 'DZIN PA NI SANGS RGYAS KHO NA NYID DU BLTA BAR BYA'O, ,GANG DE NAS DBANG PO DANG BCAS PA'I LHA RNAMS ZHES BYA BA NAS BRTZAMS TE, SANGS RGYAS BCOM LDAN 'DAS SU 'GYUR RO ZHES BYA BA'I BAR DU GSUNGS PA NI KUN 'BYUNG LA CHOS SHES PA'O, ,BLANG MED DOR BA MED SOGS DANG, ,ZHES BYA BA NI GZUGS LA SOGS PA YONGS SU GZUNG BA MED PA DANG DOR BA MED PA STE, GZUGS LA SOGS PA'I STONG PA NYID LA GNAS PA'O, ,DE NAS LHA'I BU DE DAG GIS BCOM LDAN 'DAS ZHES BYA BA NAS BRTZAMS TE, GLAGS RNYED PAR MI 'GYUR RO ZHES BYA BA'I BAR DU GSUNGS PA NI KUN 'BYUNG LA RJES SU SHES PA'I BZOD PA'O, ,BYAMS PA LA SOGS PA DANG ZHES BYA BA NI BYAMS PA DANG SNYING RJE DANG DGA' BA DANG BTANG SNYOMS SO, ,LHAG MA NI PHAN YON NO, ,GANG KOO SHI KA RIGS KYI BU'AM RIGS KYI BU MO ZHES BYA BA NAS BRTZAMS TE, RNAM PA THAMS CAD MKHYEN PA'I SEMS DANG YANG MA BRAL BAR BYA'O ZHES BYA BA'I BAR DU GSUNGS PA NI KUN 'BYUNG LA RJES SU SHES PA'O, ,STONG PA NYID KHYAB PA ZHES BYA BA NI STONG PA NYID BCU DRUG DAG MTHONG BA'O, ,'THAD PA DANG BCAS PA LHAG MA NI PHAN YON NO, ,GANG KOO SHI KA GZHAN YANG ZHES BYA BA NAS BRTZAMS TE, RGYUN MI 'CHAD PAR BSRUNG BA DANG BSKYANG BA DANG SPED PAR BGYI'O ZHES BYA BA'I BAR DU GSUNGS PA NI 'GAG PA LA CHOS SHES PA'I BZOD PA'O, ,SANGS RGYAS @131A *, ,NYID NI YONGS 'DZIN DANG, ,ZHES BYA BA NI SANGS RGYAS MI BZHUGS PA'I SANGS RGYAS KYI ZHING DU SEMS CAN GDUL BAR BYA BA'I PHYIR, BDAG NYID SANGS RGYAS KYI GZUGS SU SPRUL PA'O, ,GANG DE NAS LHA'I DBANG PO BRGYA BYIN GYIS BCOM LDAN 'DAS LA ZHES BYA BA NAS BRTZAMS NAS THEG PA GSUM LA 'DUL BA NI NGO MTSAR CHE'O ZHES BYA BA'I BAR DU GSUNGS PA NI 'GOG PA LA CHOS SHES PA'O, ,RNAM PAR BYANG KUN ZHES BYA BA LA, YONGS 'DZIN ZHES BYA BAR SBYAR RO, ,DE LTAR NA SHES RAB KYI PHA ROL TU PHYIN PA YONGS SU GZUNG BAS RNAM PAR BYANG BA'I CHOS THAMS CAD YONGS SU GZUNG BAR 'GYUR RO, ,LHAG MA NI PHAN YON NO, ,GANG DE NAS LHA'I DBANG PO BRGYA BYIN GYIS ZHES BYA BA NAS BRTZAMS TE, SDUG BSNGAL MTHAR 'BYIN PAR 'GYUR RO ZHES BYA BA'I BAR DU GSUNGS PA NI 'GOG PA LA RJES SU SHES PA'I BZOD PA'O, ,NYAM NGA BA DANG NAD KUN SEL, ,ZHES BYA BA LA NYAM NGA BA NI PHONGS PA DANG RNAM PAR RTZOD PA LA SOGS PA'O, ,NAD NI SRID PA'I SDUG BSNGAL LO, ,KOO SHI KA 'DI LTA STE DPER NA ZHES BYA BA NAS BRTZAMS TE, RNAM PAR 'PHEL BAR MI 'GYUR RO ZHES BYA BA'I BAR DU GSUNGS PA NI 'GOG PA LA RJES SU SHES PA'O, ,MYA NGAN LAS 'DAS 'DZIN ZHI NYID DANG, ,ZHES BYA BA NI MYA NGAN LAS 'DAS PAR 'DZIN PA ZAD PA'O, ,GANG DE CI'I PHYIR ZHE NA KOO SHI KA ZHES BYA BA NAS BRTZAMS TE, SDIG TO MI DGE BA'I CHOS DE DAG THAMS CAD ZHI BAR BYED PA YIN TE, RNAM PAR 'PHEL BAR BYED PA MA YIN NO ZHES BYA BA'I BAR DU GSUNGS PA NI LAM LA CHOS SHES PA'I BZOD PA'O, ,SANGS RGYAS RNAMS KYIS SRUNG LA SOGS, ,ZHES BYA BA NI RDZOGS PA'I SANGS RGYAS KYIS SRUNG BA DANG SKYOB PA DANG SBED PA DANG, DGE BA'I CHOS RNAMS RNAM PAR 'PHEL BAR 'GYUR BA'O, ,GANG KOO SHI KA STONG GSUM ZHES BYA BA NAS BRTZAMS TE RNAM PA THAMS CAD MKHYEN PA NYID KYI BAR DU RNAM PAR 'PHEL BAR 'GYUR GYI; YONGS SU 'GRIB PAR MI 'GYUR RO ZHES BYA BA'I BAR DU GSUNGS PA NI LAM LA CHOS SHES PA'O, ,SROG MI GCOD PA LA SOGS PA, ,RNAM KUN MKHYEN PA'I TSUL LA NI, ,BDAG NYID GNAS TE SEMS CAN DAG ,'GOD DANG ZHES BYA BA NI SROG GCOD PA LAS LDOG PA DANG POR BYAS NAS, RNAM @131B PA THAMS CAD MKHYEN PA NYID LA BDAG NYID GNAS LA DE BZHIN DU GZHAN DAG 'GOD PA NYID KYI BAR DU'O, ,GANG DE'I TSIG BLANG BAR 'OS PAR 'GYUR ZHES BYA BA NAS BRTZAMS TE, LEGS PA BRJOD CING RJES SU DGA' BAR 'GYUR RO ZHES BYA BA'I BAR DU GSUNGS PA NI LAM LA RJES SU SHES PA'I BZOD PA'O,, SBYIN PA LA SOGS PA, RDZOGS PA'I BYANG CHUB TU BSNGO BA, ,ZHES BYA BA NI SBYIN PA LA SOGS PA LA SPYAD PA GANG DANG GANG YIN PA DE DANG DE BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA NA DRAN PA DANG LDAN PAS SO, ,KOO SHI KA GZHAN YANG DE PHA ROL TU PHYIN PA DRUG LA SPYOD PA'I TSE SBYIN PA YONGS SU GTONG YANG ZHES BYA BA NAS BRTZAMS TE, YON TAN 'DI DAG THOB PAR 'GYUR RO ZHES BYA BA'I BAR DU GSUNGS PA NI LAM LA RJES SU SHES PA'O, ,LAM SHES PA NYID KYI SKAD CIG MA, ,ZHES BYA BA NI 'DIR DE DAG NI LAM SHES PA NYID LA MTHONG BA'I LAM NI SKAD CIG MA BCU DRUG GO, , DE LTAR MTHONG BA'I LAM BSTAN NAS, BSGOM PA'I LAM BRJOD PAR BYA'O, ,DE'I BYED PA RNAM PA DRUG GI MDO NYUNG BAS DANG POR GSUNGS TE, KUN NAS DUL DANG THAMS CAD NAS, ,BDUD DANG NYON MONGS LAS RGYAL DANG, ,GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,CES BYA BA GSUNGS TE, BDAG DANG BDAG GI LA CHAGS PA MED PA NI DUL BA'O, ,DE DAG GI KHENGS PA MED PA NI 'DUD PAR BYED PA STE, 'DUD PA'O, ,KUN NAS ZHES BYA BA'I SGRA'I DON NI YONGS SU DUL BA DANG YONGS SU 'DUD PA ZHES BYA BA'I THA TSIG STE, DE GNYI GA YANG DMIGS SU MED PA'I PHYIR RO, ,GANG DE SKAD DU BRGYA BYIN GYIS GSOL BA ZHES BYA BA NAS BRTZAMS TE, NYE BAR GNAS SO ZHES BYA BA'I BAR GSUNGS PA NI YONGS SU DUL BA DANG YONGS SU 'DUD PA'I BYED PA'O, ,THAMS CAD NAS NYON MONGS PA LAS RGYAL BA LA, THAMS CAD CES BYA BA NI 'DIR BDAG DANG GZHAN LAS SO, ,GANG DE NAS BCOM LDAN 'DAS ZHES BYA BA NAS BRTZAMS TE, PHOG CING ZUG PAR MI 'GYUR RO ZHES BYA BA'I BAR DU GSUNGS PA NI NYON MONGS PA LAS RGYAL BA'I BYED PA'O, ,GNOD PA BRDZI BA MED NYID DANG, ,ZHES BYA BA NI PHA ROL GYI GNOD PAS THAMS CAD DU GNOD PAR BYA BA MA YIN PA DANG, @132A *, ,GNOD PA MED PA NYID DO, ,GANG YANG KOO SHI KA GZHAN YANG GAL TE RIGS KYI BU ZHES BYA BA NAS BRTZAMS TE, GNYI GA LA YANG GNOD PAR MI BYED DO ZHES BYA BA'I BAR DU GSUNGS PA NI GNOD PAS BRDZI BA MED PA NYID KYI BYED PA'O, ,BYANG CHUB CES BYA BA NI BLA NA MED PA YANG DAG PAR RDZOGS PA'I BYANG CHUB PO, ,GANG DE CI'I PHYIR ZHE NA ZHES BYA BA NAS BRTZAMS TE, MNGON PAR RDZOGS PAR SANGS RGYAS SO ZHES BYA BA'I BAR DU GSUNGS PA NI MNGON PAR RDZOGS PA'I BYANG CHUB PA'I BYED PA'O, ,RTEN MCHOD NYID CES BYA BA NI GANG 'DIR SHES RAB KYI PHA ROL TU PHYIN PA 'DZIN PA NAS, YID LA BYED PA'I BAR DE NI RTEN TE, DE'I LHA'I TSOGS THAMS CAD KYIS MCHOD PA'O, ,GANG KOO SHI KA 'DI LTA STE ZHES BYA BA NAS BRTZAMS TE, BKUR STI BYAS PAR GYUR TO ZHES BYA BA'I BAR DU GSUNGS PA NI RTEN MCHOD PA NYID DO, ,'JIG RTEN LAS 'DAS PA'I LAM GYI BYED PA DRUG PO DE DAG NI BSDUS NAS THA MI DAD PA NYID DU GONG DU GSUNGS PA YIN NO, ,'JIG RTEN PA'I BSGOM PA'I LAM DANG POR BRJOD PAR BYA STE, DANG PO NYID YIN PA'I PHYIR RO, ,DE YANG RNAM PA GSUM STE, MOS PA YID LA BYED PA DANG, BSNGO BA YID LA BYED PA DANG, RJES SU YI RANG BA YID LA BYED PA'O, , DE LA MOS PA'I DBANG DU MDZAD NAS, MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM SHES BYA DE YANG NI, ,ZHES BYA BA GSUNGS TE, 'DI RANG GI DON YIN PAS NA RANG GI DON TO, ,DE BZHIN DU RANG DANG GZHAN GYI DANG, GZHAN GYI NYID KYANG NGO, ,DE YANG NI, SO SOR RNAM PA GSUM DU 'DOD, ,CES BYA BA LA DE ZHES BYA BA NI RANG GI DON LA SOGS PA'O, ,JI LTAR RNAM PA GSUM ZHE NA, CHUNG DANG 'BRING DANG CHEN PO STE, ,DE LTAR ZHES BYA BA DANG 'BREL TO, ,CHUNG NGU'I CHUNG SOGS DBYE BA YIS, ,DE YANG RNAM GSUM SO SOR ZHES BYA BAR SBYAR TE, DE LTAR NA, RNAM PA NYI SHU BDUN DU 'DOD, ,DE LTAR ZHES BYA BA NI DE LTAR RNAM PA PHYE BAS SO, ,DE ZHES BYA BA NI MOS PA'O, ,'DI LTA STE RANG GI DON GYI MOS PA CHUNG NGU'I CHUNG NGU DANG, CHUNG NGU'I 'BRING PO DANG, CHUNG NGU'I CHEN PO DANG, 'BRING GI CHUNG NGU DANG, 'BRING GI 'BRING DANG, 'BRING GI CHEN PO DANG, @132B CHEN PO'I CHUNG NGU DANG, CHEN PO'I 'BRING DANG, CHEN PO'I CHEN PO'O, ,DE BZHIN DU RANG DANG GZHAN GYI DON GYI MOS PA DANG, GZHAN GYI DON GYI MOS PA'O, ,MOS PA NI DAD PA DANG 'DUN PA STE, YID CHES PA DANG 'DOD PA'I MTSAN NYID DO, ,GANG LA MOS SHES NA, MDO LAS BSTAN PA'I BCOM LDAN 'DAS MA 'DRI BA DANG, KLOG PA LA SOGS PA DE'I SPYOD PA DANG, ME TOG LA SOGS PA NAS MAR ME'I MTHAR THUG PA DE'I MCHOD PA LA'O, ,SPYOD PA DANG MCHOD PA LAS BYUNG BA'I BSOD NAMS DE'I 'THAD PA YANG MDO JI LTA BA BZHIN NO, ,SKU GDUNG RIN PO CHE SNA BDUN GYI MCHOD RTEN DU STZAL BA'AM, RIN PO CHE SNA BDUN GYI SNOD DU STZAL TE, DE LA MCHOD PA'I BSOD NAMS LAS BSOD NAMS CHES MANG BA NI DANG PO'O, ,MDO JI LTA BA BZHIN DU BYANG CHUB NI LE LO CAN DANG BRTZON 'GRUS MED PA DANG, MOS PA DMAN PA DANG, BSAM PA DMAN PA DANG, SHES RAB 'CHAL BA DAG GIS RTOGS PAR DKA' BAR SHES PA'O, ,LHAG MA NI DE BZHIN TE BSOD NAMS LHAG PAR RTOGS PAR BYA STE, GNYIS PA'O, ,BCOM LDAN 'DAS MA LA YANG DANG YANG DU SPYOD PA DANG MCHOD PA DANG, DE'I NANG DU CHUD PA'I SBYIN PA'I PHA ROL TU PHYIN PA LA SOGS PA TSUL BZHIN DU YID LA BYED PA'I SPYOD PA LHAG MA LA BSOD NAMS LHAG PAR 'PHAGS TE GSUM PA'O, ,THAMS CAD MKHYEN PA NYID KYI SEMS DANG MA BRAL BA ZHES BYA BA NI KHYAD PAR RO, ,LHAG MA NI GSUM PA DANG 'DRA STE, RIN PO CHE SNA BDUN GYI MCHOD RTEN DPAG TSAD TZAM BYAS LA DE BZHIN DU MCHOD PA BYAS PA'I BSOD NAMS LAS BSOD NAMS CHES MANG DU 'PHEL BA ZHES BYA BA NI BZHI PA'O, ,LNGA PA LA SOGS PA NI THAMS CAD DU BZHI PA DANG 'DRA STE, KHYAD PAR NI BSOD NAMS LHAG PA NA DE'I MOS PA LAS SO, ,BZHI PA LAS BSTAN PA'I MCHOD RTEN GYIS 'DZAM BU'I GLING YONGS SU BKANG BA ZHES BYA BA NI LNGA PA'O, ,GLING BZHI PA'I 'JIG RTEN GYI KHAMS ZHES BYA BA NI DRUG PA'O, , STONG GI ZHES BYA BA NI BDUN PA'O, ,STONG GNYIS PA ZHES BYA BA NI BRGYAD PA'O, ,STONG GSUM GYI STONG CHEN PO ZHES BYA BA NI DGU PA'O, ,DGU PO DE DAG NI RANG GI DON YIN TE, BSOD NAMS 'DIS BDAG LA YON TAN SHIN TU MANG PO SGRUB PAR 'GYUR RO ZHES SHES PA'I PHYIR RO, ,DE'I 'OG TU DGU @133A *, ,NI RANG DANG GZHAN GYI DON YIN TE, BDAG GI BSOD NAMS 'DIS RANG DANG GZHAN GYI DON SHIN TU MANG POR 'GYUR RO ZHES SHES PA'I PHYIR RO, ,BCOM LDAN 'DAS MA NI 'PHAGS PA'I GANG ZAG THAMS CAD KYI YANG DAG PA'I RGYU YIN NO ZHES LHAG PAR MOS PA DANG BSOD NAMS LA MOS PA LHAG PA'I PHYIR PHYOGS BCU'I 'JIG RTEN GYI KHAMS KYI SEMS CAN RNAMS KYIS JI SKAD DU GSUNGS PA'I MCHOD RTEN RE RE BYAS LA, BKUR STI BYAS PA'I BSOD NAMS NI BCOM LDAN 'DAS MA LA BKUR STI BYAS PA'I BSOD NAMS KYI BRGYA'I CHAR YANG NYE BAR MI 'GRO'O ZHES BYA BA NAS NYE BAR MI BZOD DO ZHES BYA BA'I BAR NI RANG DANG GZHAN GYI DON GYI MOS PA DANG PO'O, ,SHES RAB KYI PHA ROL TU PHYIN PA 'DI ZUNG SHIG CES BYA BA LA SOGS PAS 'JIG RTEN DU MI DGE BA THAMS CAD YONGS SU NYAMS PA LA SOGS PA RAB TU 'BYUNG BAR 'GYUR RO ZHES BYA BA DE LTA BU'I RNAM PAR MOS PA LHAG PA NI GNYIS PA'O, ,MDO JI LTA BA BZHIN DU BCOM LDAN 'DAS MA NYID NI SANGS RGYAS KYI CHOS THAMS CAD KYI 'DREN PA'O ZHES LHAG PAR MOS PA 'THAD PA DANG BCAS PA NI GSUM PA'O, ,BCOM LDAN 'DAS MA 'DZIN PA LA SOGS PAS DE BZHIN GSHEGS PA DANG MNYAM PAR 'GYUR TE, NYAN THOS DANG RANG SANGS RGYAS KYI YE SHES DANG TSUL KHRIMS KYI PHUNG PO LA SOGS PA GANG YIN PA DE NI, ,DE'I TSUL KHRIMS KYI PHUNG PO LA SOGS PA BRGYA'I CHAR YANG NYE BAR MI 'GRO'O ZHES BYA BA NAS MI BZOD DO ZHES BYA BA'I BAR GYIS MOS PA LHAG PA NI BZHI PA'O, ,BCOM LDAN 'DAS MA SPYOD PA DANG MCHOD PA LA MNGON PAR BRTZON PA LA LHA BYE BA BRGYA STONG NYAN PA'I PHYIR NYE BAR 'ONG BAR 'GYUR ZHING SPOBS PA NYE BAR BSGRUB PAR SEMS SO, ,DE DAG LA YANG BCOM LDAN 'DAS MA BSRUNG BA DANG BSKYAB PA DANG SBED PA MDZAD PAR 'GYUR RO, ,DE LTAR NA CHOS THAMS CAD DMIGS SU MED PA LA GANG LAS 'JIGS PA DANG GANG 'JIGS PA DANG 'JIGS PA GANG YIN ZHES BYA BA NI MOS PA LNGA PA'O, ,DE 'PHAGS PA'I GANG ZAG THAMS CAD DANG LHA DANG MI DANG LHA MA YIN DU BCAS PA'I SKYE DGU DAG GI YID DU 'ONG BAR BYA BA YIN NO ZHES BYA BA NI DRUG PA'O, ,SPOBS PA NI MI 'PHROGS PA DANG SBYIN PA MI 'PHROGS PA LA SOGS PA NAS RNAM PA THAMS CAD MKHYEN PA NYID KYI BAR DU STE, MU STEGS PA @133B DAG CHOS DANG LDAN PAS TSAR GCOD PA ZHES BYA BA NI BDUN PA'O, ,PHYOGS BCU'I 'JIG RTEN GYI KHAMS KYI LHA'I BU 'GA' ZHIG BYANG CHUB TU SMON PA BYAS PAR GYUR PA DE DAG LA CHOS KYI SBYIN PA 'DI SBYIN PAR GYUR CIG CES DE LTAR GANG SEMS BSKYED PA DE NAS DE DAG DER 'ONGS PA NAS SPYOD PA DANG MCHOD PA BYA STE, DE LA SRUNG BA DANG SKYOB PA DANG SBED PA BYAS NAS 'GRO BAR 'GYUR RO ZHES BYA BA NI BRGYAD PA'O, ,DES SNANG BA RGYA CHE BA MTHONG BA'AM LHA'I DRI MA NAM PA LAS LHA RNAMS 'ONGS PAR SHES PAR 'GYUR TE, DES BDAG NYID KYANG GTZANG SBRA SPYOD PA DANG LDAN PAR BYA, SA PHYOGS GTZANG BA DE YANG ME TOG DRI ZHIM PA DAG GI GCAL BKRAM PAR BYA STE, MDO JI LTA BA BZHIN DU PHAN YON RNAM PA MANG PO YANG THOB PAR 'GYUR BA NI DGU PA'O, ,DE'I 'OG TU GZHAN GYI DON GYI MOS PA NI DGU KHO NA YIN TE, GNAS SKABS DE LA GZHAN GYI DON KHO NA LA RTZOL BA'I PHYIR RO, ,DE LA PHYOGS BCU'I SANGS RGYAS NYAN THOS KYI DGE 'DUN DANG BCAS PA LA YO BYAD THAMS CAD KYIS BSNYEN BKUR BYAS PA DANG, NYAN THOS KYI DGE 'DUN DANG BCAS PA YONGS SU MYA NGAN LAS 'DAS PA DAG GI MCHOD RTEN RIN PO CHE SNA BDUN LAS BYAS PA SO SOR BYED DU BCUG PA LA DE BZHIN DU MCHOD PA BYAS PA'I BSOD NAMS LAS BCOM LDAN 'DAS MA MCHOD PAS KYANG BSOD NAMS CHES MANG DU 'PHEL NA, SPYOD PA DANG MCHOD PA DAG LTA CI SMOS ZHES BYA BA NI GZHAN GYI DON GYI MOS PA DANG PO'O, ,'DZAM BU'I GLING DE BZHIN GSHEGS PA'I SKU GDUNG GIS BYUR BUR BLTAMS PA GTAD LA BCOM LDAN 'DAS MA GLEGS BAM DU BYAS PA ZHIG KYANG BYIN NA DE LAS BDAG GIS 'DI NYID BLANG BAR BGYI'O, ,DE LTAR 'DI NYID LAS SKYES PA NYID KYIS DE DAG GI MCHOD PA BRNYES PA YIN TE, BCOM LDAN 'DAS MA NI SANGS RGYAS KYI CHOS THAMS CAD STZOL BAR MDZAD PA'O, ,GZUNG DU MED PA NI MTSAN NYID MED PA'I PHYIR 'GA' ZHIG GI YANG RTZOL BA MDZAD PA MED PA MA YIN TE, GNYIS SU MED PA'I PHYIR RO, ,DE LTAR NA SANGS RGYAS KYI CHOS THAMS CAD DANG STONG PA NYID THAMS CAD DANG BCOM LDAN 'DAS MA GNYIS SU MED DE, DE DAG GNYIS SU BYAR MED CES BYA BA NI GNYIS PA'O, ,BCOM LDAN 'DAS MA BSNYEN BKUR BYAS PA GANG GIS 'GRO BA DMAN PA DANG, BYANG CHUB DMAN PAR MI 'GYUR BA DANG, SEMS CAN YONGS SU @134A *, ,SMIN PAR BYED PA DANG MA BRAL BA STE, SANGS RGYAS KYI ZHING SNA TSOGS SU SONG NAS SANGS RGYAS RNAMS LA BSNYEN BKUR SNA TSOGS BYED PA ZHES BYA BA NI GSUM PA'O, ,GAL TE STONG GSUM GYI STONG CHEN PO'I 'JIG RTEN GYI KHAMS DE BZHIN GSHEGS PA'I SKU GDUNG GIS BYUR BUR BLTAMS PA ZHIG DANG BCOM LDAN 'DAS MA GLEGS BAM LA BRIS PA RNYED NA 'DI NYID LEN TO, ,SKU GDUNG BSNYEN BKUR BYAS PA LAS BDE 'GRO'I BDE BA DANG, BYANG CHUB GSUM GYI PHUN SUM TSOGS PA GANG YIN PA DE BCOM LDAN 'DAS MA LAS BYUNG BA YIN TE, GANG BCOM LDAN 'DAS MA LA BLTA BA DES SANGS RGYAS LA BLTA BA STE, DE BZHIN GSHEGS PA DANG BCOM LDAN 'DAS MA GNYIS SU MED DE DE DAG GNYIS SU BYAR MED DO ZHES BYA BA NI BZHI PA'O, ,GANG YANG PHYOGS BCU'I DE BZHIN GSHEGS PA THAMS CAD CHO 'PHRUL RNAM PA GSUM GYIS BKA' YAN LAG BCU GNYIS KYI CHOS STON PAR MDZAD PA DANG, GANG YANG 'GA' ZHIG BCOM LDAN 'DAS MA BZUNG ZHING BCANGS LA GZHAN DAG LA RGYA CHER STON PA DE NI DE DANG MNYAM STE, DE BZHIN GSHEGS PA DANG CHO 'PHRUL DANG GSUNG RAB DAG NI 'DI LAS BYUNG BA'O ZHES BYA BA NI LNGA PA'O, ,GANG GIS STONG GSUM GYI STONG CHEN PO'I 'JIG RTEN GYI KHAMS 'DIR SEMS CAN RNAMS KYIS 'DI 'DZIN PAR 'GYUR BA NAS TSUL BZHIN YID LA BYED PA'I BAR DU BYED PA DE LA MI DANG MI MA YIN PAS GLAGS RNYED PAR MI 'GYUR, BCOM LDAN 'DAS MA DE NI SANGS RGYAS KYI MDZAD PA MDZAD PAR 'GYUR, 'JIG RTEN GYI KHAMS DER SANGS RGYAS 'BYUNG BA BLTA BAR BYA STE, 'DIR DPE NI LHA'I NOR BU RIN PO CHE ZHES BYA BA STE DRUG PA'O, ,GAL TE GANG G'A'I KLUNG GI BYE MA SNYED KYI 'JIG RTEN GYI KHAMS DE BZHIN GSHEGS PA'I SKU GDUNG GIS BYUR BUR BLTAMS PA DANG, BCOM LDAN 'DAS MA GLEGS BAM DU BRIS PA RNYED NA BDAG NI 'DI LEN TO, ,DE DAG NI DE LAS SKYES BA NYID KYIS MCHOD PAR 'GYUR TE, DE MCHOD PA BYAS PA LAS KYANG NGAN SONG BCOM NAS, BDE 'GRO'I BDE BA NYUNG ZAD NYAMS SU MYONG STE, SDUG BSNGAL MTHAR BYED PAR 'GYUR TE, BCOM LDAN 'DAS MA 'DI BZUNG BA NAS TSUL BZHIN YID LA BYAS PA'I BAR GYIS PHA ROL TU PHYIN PA LA SOGS PA NAS, @134B MA 'DRES PA'I MTHAR THUG PA YONGS SU RDZOGS PA DANG, BYANG CHUB SEMS DPA'I MNGON PAR SHES PA THOB NAS SANGS RGYAS KYI ZHING DAG TU 'GRO BAR 'GYUR RO, ,PHYOGS BCU'I SANGS RGYAS THAMS CAD BLTA BAR 'DOD PAS SANGS RGYAS RJES SU DRAN PA DANG 'DUS BYAS KYI CHOS RNAMS DANG 'DUS MA BYAS KYI CHOS RNAMS BSGOM PAR 'GYUR RO ZHES BYA BA NI BDUN PA'O, ,DUS GSUM GYI DE BZHIN GSHEGS PA DANG, NYAN THOS DANG RANG SANGS RGYAS KYI BYANG CHUB GANG YIN PA DE THAMS CAD NI KUN RDZOB TU BCOM LDAN 'DAS MA LAS BYUNG BA YIN GYI DON DAM PAR NI MA YIN TE, GAG GI PHYIR BCOM LDAN 'DAS MA GNYIS SU MED PA STE, CUNG ZAD KYANG DOR BA MED CING LEN PA MED DO ZHES BYA BA NI BRGYAD PA'O, ,BCOM LDAN 'DAS MA 'DI NI PHA ROL TU PHYIN PA RIN PO CHE STE, GANG 'DI LA SPYOD PAS SEMS CAN THAMS CAD KYI SEMS KYI SPYOD PA DAG RAB TU SHES TE, SEMS CAN 'GA' YANG MI DMIGS PA NAS, SROG DANG GSO BA DANG SKYES BU LA SOGS PA DANG, PHUNG PO LA SOGS PA DANG, BYANG CHUB DANG, SANGS RGYAS DANG SANGS RGYAS KYI CHOS RNAMS KYI BAR DU MI DMIGS SO, ,GANG GIS NGO BO NYID KYI CHOS SNA TSOGS SHES PA 'DIR MI DMIGS PA DE BAS NA BCOM LDAN 'DAS MA DMIGS PA MED PA STE, DE LTAR CHOS THAMS CAD NI RO GCIG PA NYID YIN NO ZHES BYA BA NI GZHAN GYI DON GYI MOS PA DGU PA'O, ,SHES RAB PHA ROL PHYIN PA LA, ,MOS PA YIS NI CHOS RNAMS LA, ,DGU TSAN GSUM GYIS BSTOD PA DANG, ,BKUR BA DANG NI BSNGAGS PAR 'DOD, ,CES BYA BA NI MOS PA DANG LHAG PAR MOS PA'O, ,CHA DANG CHA SHAS DANG PHYOGS 'GA' ZHES BYA BA NI RNAM GRANGS SO, ,SHES RAB KYI PHA ROL TU PHYIN PA LA MOS PA DGU TSAN GSUM GYIS DBYE BA GSUNGS PA GANG YIN PA DE'I CHA RNAMS LA DGU TSAN GSUM GYIS RAB TU PHYE BA DAG NI GO RIMS BZHIN DU BSTOD PA DANG BKUR BA DANG BSNGAGS PA DAG TU 'DOD DE, BYANG CHUB SEMS DPA'I MOS PA RNAMS LA SPRO BAR BYA BA'I PHYIR RO, ,DE RNAMS KYI DGU TSAN DANG PO LA NI BSTOD PA CHUNG DU STE, YANG DAG PA'I YON TAN BRJOD PA'O, ,DE DAG NYID KYI GNYIS PA LA NI BKUR BA STE, 'BRING NGO, ,DE DAG NYID KYI GSUM PA LA NI @135A *, ,BSNGAGS PA STE CHEN PO'O, ,GSUM PO DE NYID KYI 'OG TU LHAG PA DGU TSAN GSUM GYIS BRJOD PAR BYA STE, GANG GIS BCOM LDAN 'DAS MA LA SPYOD PA DANG MCHOD PA BDAG NYID BYED LA GANG GIS DE DAG GLEGS BAM DU BRIS NAS GZHAN LA BYIN NA 'DI NYID SNGA MA LAS BSOD NAMS MNGON DU 'PHAGS TE, BCOM LDAN 'DAS MA BYIN PA NI CHOS SBYIN PA BLA NA MED PA NYID YIN PA'I PHYIR ZHES BYA BA NI BSTOD PA DANG PO'O, ,BCOM LDAN 'DAS MA JI SKAD BSTAN PA BZHIN DU GZHAN GYI DRUNG DU SONG STE, BSHAD CING BSTAN PA DANG BRJOD CING BKROL BA DANG, RNAM PAR PHYE STE GSAL BAR BYAS NA 'DI NYID SNGA MA LAS BSOD NAMS MANG DU 'PHEL TE, DE NI STON PA YIN NO ZHES BLTA BAR BYA'O, ,STON PA YANG GZHAN MA YIN, BCOM LDAN 'DAS MA YANG GZHAN MA YIN TE, GANG GI PHYIR 'DI NYID LA BSLABS NA BYANG CHUB GSUM THOB PAR 'GYUR RO ZHES BYA BA NI BSTOD PA GNYIS PA'O, , SEMS CAN GCIG CIG RGYUN DU ZHUGS PA'I 'BRAS BU LA BKOD PA'I BSOD NAMS GANG YIN PA DE NI 'DZAM BU'I GLING GI SEMS CAN DGE DGE BA BCU LA ZHES BYA BA NI GSUM PA'O, ,DE BZHIN DU LAN CIG PHYIR 'ONG BA'I 'BRAS BU LA ZHES BYA BA NI BZHI PA'O, ,DE BZHIN DU PHYIR MI 'ONG BA'I 'BRAS BU LA ZHES BYA PA NI LNGA PA'O, ,DE BZHI DU DGRA BCOM PA LA ZHES BYA BA NI DRUG PA'O, ,DE BZHIN DU RANG BYANG CHUB LA ZHES BYA BA NI BDUN PA'O, ,GANG GIS 'DZAM BU'I GLING GI SEMS CAN RGYUN DU ZHUGS PA'I 'BRAS BU LA BKOD PA BAS, GANG GIS SEMS CAN GCIG CIG BLA NA MED PA'I BYANG CHUB LA BKOD PA 'DI NI DE BAS BSOD NAMS CHES MANG DU ZHES BYA BA NI BRGYAD PA'O, ,GANG GIS 'DZAM BU'I GLING GI SEMS CAN LAN CIG PHYIR 'ONG BA'I 'BRAS BU LA BKOD PA BAS GANG GIS SEMS CAN GCIG CIG BLA NA MED PA'I BYANG CHUB LA BKOD PA NI DE BAS CHES BSOD NAMS MANG DU 'PHEL LO ZHES BYA BA NI BSTOD PA DGU PA'O, ,GANG GIS 'DZAM BU'I GLING BDAG PHYIR MI 'ONG BA'I 'BRAS BU DANG, GANG GIS GCIG CIG BLA NA MED PA'I BYANG CHUB LA ZHES BYA BA NI BKUR PA DANG PO'O, ,GANG GIS 'DZAM BU'I GLING PA DGRA BCOM PA NYID LA ZHES BYA BA DANG, GANG GIS SEMS CAN GCIG CIG BLA NA @135B MED PA'I BYANG CHUB LA ZHES BYA BA NI BKUR BA GNYIS PA'O, ,GANG GIS 'DZAM BU'I GLING PA RANG SANGS RGYAS KYI BYANG CHUB LA ZHES BYA BA DANG GCIG CIG BLA NA MED PA'I BYANG CHUB LA ZHES BYA BA NI GSUM PA'O, ,ZAG PA MED PA'I CHOS THAMS CAD NI BCOM LDAN 'DAS MA LAS BSTAN PA DANG GANG ZAG THAMS CAD KYI PHUN SUM TSOGS PA THAMS CAD DANG, LHA DANG MI RNAMS KYI PHUN SUM TSOGS PA YANG BCOM LDAN 'DAS MA LAS BYUNG BA YIN TE, DE'I PHYIR PHYOGS RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS DAG GI SEMS CAN LA GANG YIN PAS RANG BYANG CHUB LA BKOD PA PAS, GZHAN GYIS BCOM LDAN 'DAS MA GLEGS BAM DU BRIS PA YANG BYAS LA, GZHAN LA BRI BA DANG KLAG PA'I PHYIR BYIN NA 'DI NYID DE BAS BSOD NAMS MANG DU 'PHEL LO, ,GANG GI PHA ROL TU PHYIN PA DRUG LA SOGS PA NAS, RNAM PA THAMS CAD MKHYEN PA'I MTHAR THUG PA TSUL BZHIN YID LA BYED PA STE, BYANG CHUB LA GNYIS SU SPYOD PA MA YIN PA'I PHYIR STONG GSUM GYI STONG CHEN PO'I 'JIG RTEN GYI KHAMS KYI SEMS CAN DAG DGE BA BCU DANG, BSAM GTAN DANG, GZUGS MED PA DANG, TSAD MED PA DANG MNGON PAR SHES PA LA BKOD PA'I BSOD NAMS LAS CHES MANG DU 'PHEL LO ZHES BYA BA NI BZHI PA'O, ,GANG GIS 'DI GZHAN DAG LA RGYA CHER STON PAR BYED LA DON GTAN LA 'BEBS PA STON PAR BYED DE 'DI LTAR DE DAG NI GNYIS SU MA YIN GNYIS SU MED PAR BLTA BAR BYA BA MA YIN TE RNAM PAR MI RTOG PA'I PHYIR RO, ,DE BZHIN DU YANG DAG PA'I MTHAR MA YIN, YANG DAG PA'I MTHA' MA YIN PAR MA YIN PA'I BAR DU STE, 'DI NYID BSOD NAMS MANG DU 'PHEL GYI, GANG BDAG 'BA' ZHIG GIS DE DAG BZUNG BA NAS TSUL BZHIN YID LA BYAS PAS MA YIN NO ZHES BYA BA'I BAR NI LNGA PA'O, ,BDAG GIS SHES RAB KYI PHA ROL TU PHYIN PA 'DZIN PA NAS, DE'I DON GTAN LA DBAB PAR BSTAN PA GANG YIN PA DE'I BSOD NAMS KYI PHUNG PO TSAD MED GRANGS MED DPAG TU MED PA ZHES BYA BA NI DRUG PA'O, ,GANG GIS PHYOGS BCU RE RE ZHING DE BZHIN GSHEGS PA TSAD MED GRANGS MED DPAG TU MED PA DAG LA NAM 'TSO'I BAR DU RGYAL MTSAN DANG, BA DAN DANG SIL SNYAN DAG GI BAR GYIS BDE BAR SBYAR @136A *, ,BA THAMS CAD KYIS RIM GROR BYAS PA BAS GANG GIS 'DI GZHAN DAG LA RNAM GRANGS DU MAR RGYA CHER BSTAN PA NAS, YANG DAG PAR BSTAN PAR BYAS PA'I BAR 'DI NYID SNGA MA LAS BSOD NAMS CHES MANG DU 'PHEL TE, GANG GI PHYIR DUS GSUM DU BZHUGS PA'I SANGS RGYAS DAG NI 'DI NYID LA BSLABS PA LAS BYANG CHUB BRNYES SO ZHES BYA BA NI BDUN PA'O, ,GANG LA LAS BSKAL BA GRANGS MED PAR DMIGS PA'I TSUL GYIS PHA ROL TU PHYIN PA DRUG PO DAG GZHAN DAG LA RGYA CHER BRJOD PA NAS, YANG DAG PAR STON PA'I BAR BYED PA BAS MI DMIGS PA'I TSUL GYIS NAM 'TSO'I BAR DU BCOS MA YONGS SU SPANGS PA NYID SNGA MA LAS BSOD NAMS MANG DU 'PHEL LO, ,DE LA BDAG GIS SBYIN PA BYA, 'DI NI SBYIN PAR BYA, ,GZHAN LA SBYIN PAR BYA ZHES BYA DE LTA BU LA MI DMIGS PA'I DMIGS PA YIN LA, PHA ROL TU PHYIN PA DAG LA 'KHOR GSUM YONGS SU DAG PA NI MI DMIGS PA STE, MI RTAG PA DANG SDUG BSNGAL BA DANG, STONG PA DANG BDAG MED PA ZHES BYA BA BCOS MA YONGS SU SPANGS PA NI BRGYAD PA'O, ,GANG LA LA ZHIG GIS PHYOGS BCU RE RE ZHING GANG G'A'I KLUNG GI BYE MA SNYED KYI SEMS CAN DAG RGYUN DU ZHUGS PA'I 'BRAS BU LA BKOD PA BAS, GANG GIS 'DI GZHAN LA DON DANG LDAN PA DANG, YI GE DANG LDAN PA RGYA CHER BRJOD PA NAS YANG DAG PAR STON PAR BYAS PA'I BAR DANG, 'DI ZUNG SHIG PA NAS NAN TAN DU GYIS SHIG CES BSGO BA'I BAR 'DI NI DE BAS BSOD NAMS MANG DU 'PHEL TE, 'DI LAS RGYUN DU ZHUGS PA RNAMS 'BYUNG BAR 'GYUR RO ZHES BYA BA NI BKUR BA DANG DGU PA'O, GANG GIS 'DZAM BU'I GLING PA'I SEMS CAN LAN CIG PHYIR 'ONG BA'I 'BRAS BU LA BKOD PA BAS ZHES BYA BA NI BSNGAGS PA DANG PO'O, ,PHYIR MI 'ONG BA'I 'BRAS BU LA ZHES BYA BA NI GNYIS PA'O, ,GANG LA LAS PHYOGS BCU RE RE ZHING GANG G'A'I KLUNG GI BYE MA SNYED KYI 'JIG RTEN GYI KHAMS KYI SEMS CAN DGRA BCOM PA NYID LA BKOD PA BAS, GANG GIS GZHAN DAG LA 'DI'I DON DANG LDAN YI GE DANG LDAN PAR BRJOD PA NAS, NAN TAN DU GYIS SHIG CES BSGO BA'I BAR 'DI NYID SNGA MA BAS CHES BSOD NAMS MANG DU 'PHEL LO ZHES BYA BA NI GSUM PA'O, ,GANG LA LA ZHIG GIS PHYOGS BCU NAS RANG SANGS RGYAS KYI BYANG CHUB LA BKOD @136B PA BAS ZHES BYA BA'I BAR DANG, GANG GIS DE DAG DON DU GNYER BA DAG LA DON DANG LDAN YI GE DANG LDAN PA DAG RGYA CHER BRJOD PA NAS, NAN TAN DU GYIS SHIG CES BYA BA BSGO BA'I BAR DE NI SNGA MA BAS BSOD NAMS CHES MANG DU 'PHEL LO ZHES BYA BA NI BZHI PA'O, ,GANG LA LA ZHIG GIS 'DZAM BU'I GLING GI SEMS CAN THAMS CAD YANG DAG PAR RDZOGS PA'I BYANG CHUB LA YANG DAG PAR BSKUL BA BAS, GANG GIS 'DI DON DANG LDAN YI GE DANG LDAN PA NAS NAN TAN DU GYIS SHIG CES PA'I BAR DU STE, JI LTA JI LTAR NAN TAN DU BYAS PA DE LTA DE LTAR YANG DAG PAR RDZOGS PA'I BYANG CHUB DANG NYE BAR 'GYUR RO ZHES BYA BA NI LNGA PA'O, ,GLING BZHI PA'I SEMS CAN THAMS CAD CES BYA BA NI DRUG PA'O, ,STONG GI 'JIG RTEN GYI KHAMS ZHES BYA BA NI BDUN PA'O, ,GANG LA LA ZHIG GIS PHYOGS BCU NAS YANG DAG PAR RDZOGS PA'I BYANG CHUB LA BSKUL NA ZHES BYA BA'I BAR NI BRGYAD PA'O, ,GANG LA LA ZHIG GIS PHYOGS BCU NAS PHYIR MI LDOG PA'I SA LA BKOD PA'I BAR BAS, GANG GIS DE DAG THAMS CAD DAM, PHYIR MI LDOG PA'I BYANG CHUB SEMS DPA' GCIG CIG LA BRJOD DE BSTAN PA NAS DON DANG LDAN YI GE DANG LDAN PA RGYA CHER BRJOD DE BSTAN NAS ZHES BYA BA DE'I BAR DE NI SNGA MA BAS BSOD NAMS CHES MANG DU 'PHEL LO ZHES BYA BA NI BSNGAGS PA DGU PA'O, ,'DI LTAR BYANG CHUB SEMS DPA' SPRO BA BSKYED PA'I PHYIR CHA DAG LA BSTOD PA DANG BKUR BA DANG BSNGAGS PA GSUNGS PA DE LTAR BYANG CHUB SEMS DPA' YANG JI LTA JI LTAR KHYAD PAR DU 'GYUR BA DE LTA DE LTAR CHOS DANG ZANG ZING DAG GIS SHIN TU RJES SU GZUNG ZHING BSTED PAR BYA BAR 'OS PA YIN TE, DKON MCHOG GSUM PO DAG BYANG CHUB SEMS DPAS RAB TU PHYE BA NYID KYI PHYIR RO ZHES BSTAN PAR BYA BA'I DON DU DE NAS LHA'I DBANG PO BRGYA BYIN ZHES BYA BA LA SOGS PA NAS, DE NAS BYANG CHUB SEMS DPA' BYAMS PAS ZHES BYA BA DE'I LTAG YAN CHAD KYIS GSUNGS SO; ,DE LTAR MOS PA YID LA BYED PA PHAN YON DAN BCAS PA BSTAN NAS, BSNGO BA YID LA BYED PA NI, YONGS SU BSNGO BA KHYAD PAR CAN, ,'DI YI BYED PA NA MCHOG YIN NO, ,DE NI DMIGS MED RNAM PA CAN, ,PHYIN CI MA LOG MTSAN NYID DO, ,DBEN DANG SANGS RGYAS BSOD NAMS TSOGS, , @137A *, ,RANG BZHIN DRAN PA'I SPYOD YUL CAN, ,THABS BCAS MTSAN MA MED PA DANG, ,SANGS RGYAS RJES SU YI RANG DANG, ,KHAMS GSUM GTOGS PA MA YIN DANG, ,CHUNG DANG 'BRING DANG CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO; ,ZHES BYA BA GSUNGS TE, MDO NI DE NAS BYANG CHUB SEMS DPA' CHEN PO BYAMS PA ZHES BYA BA NAS BRTZAMS TE, MI MNYAM DANG MNYAM PA'I BAR ZHES BYA BA'I BAR DU'O, ,'DI'I DON NI BYANG CHUB SEMS DPA'I BSOD NAMS YONGS SU BSNGO BA NI THEG PA DMAN PA THAMS CAD KYI BSOD NAMS KYI PHUNG PO LAS KHYAD PAR DU BYED PA NI BYE BRAG TU BYED PA STE, RAB DANG DAM PA NAS MI MNYAM PA DANG MNYAM PA ZHES BYA BA'O, ,THABS GANG GIS SHE NA, SEMS CAN THAMS CAD DANG THUN MONG DU BYAS NAS YANG DAG PAR RDZOGS PA'I BYANG CHUB TU BSNGOS BAS SO, ,DE BAS NA 'DI 'DIS KHYAD PAR DU BYED PAS NA KHYAD PAR TE, DES BSNGOS PA NI YONGS SU BSNGO BA KHYAD PAR CAN NO, ,DE CI'I PHYIR ZHE NA ZHES BYA BA LA SOGS PA NAS, YONGS SU BSNGO'O ZHES BYA BA DE DAG GI MTHAR THUG PA DE NI DE'I BYED PA'O, ,MDO NI DE NAS TSE DANG LDAN PA RAB 'BYOR GYIS ZHES BYA BA NAS BRTZAMS TE, YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BYA BA'I BAR YIN TE, 'DAS PA DANG DA LTAR GYI DE BZHIN GSHEGS PA DANG DE'I NYAN THOS DANG DE LA MNGON PAR DAD PA'I LHA DANG MI DE DAG GI DGE BA'I RTZA BA GANG YIN PA DE DAG LA RJES SU YI RANG BA DANG, DE'I RJES SU YI RANG BA DANG LDAN PA'I BSOD NAMS BYA BA'I DNGOS PO BYANG CHUB GANG DU SEMS GANG GIS YONGS SU BSNGO BA STE, GANG YANG SEMS DE LA DNGOS POR 'DZIN PA DANG, GANG YANG DMIGS PA STE 'DZIN PA'I YONGS SU BSNGO BA DE THAMS CAD NI MTSAN NYID JI LTA BA BZHIN DU MED PA'I PHYIR MI DMIGS PAS YONGS SU BSNGO BA NI MI DMIGS PA'I YONGS SU BSNGO BA'O, ,MDO NI BYAMS PAS SMRAS PA ZHES BYA BA NAS BRTZAMS TE, BLA NA MED PAR YONGS SU BSNGO BAR BYA'O ZHES BYA BA'I BAR GYIS TE, DE DAG THAMS CAD MED PA'I PHYIR MTSAN MAS MA YIN MNGON PAR ZHEN PAS MA YIN PA DE BAS NA PHYIN CI MA LOG PA'I YONGS SU @137B BSNGO BA'O, ,MDO NI GAL TE ZHES BYA BA NAS BRTZAMS TE, BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA ZHES BYA BA'I BAR DU STE, DE DAG THAMS CAD RANG GI MTSAN NYID KYIS DBEN PA DE LTAR CHOS THAMS CAD CES BYA BA DBEN PA'I SEMS KYIS YONGS SU BSNGO BA NI DBEN PA'I YONGS SU BSNGO BA'O, ,MDO NI GZHAN YANG ZHES BYA BA NAS PA'I YONGS SU BSNGO BA'O, ,MDO NI GZHAN YANG ZHES BYA BA NAS BRTZAMS TE, BYAMS PAS SMRAS PA ZHES BYA BA DE'I GONG YAN CHAD DO, ,'DAS PA DANG DA LTAR GYI PHYOGS BCU'I SANGS RGYAS THAMS CAD DANG DE'I NYAN THOS LA SOGS PA DAG GIS 'DAS PA'I DGE BA'I RTZA BA THAMS CAD GANG YIN PA DE NI ZAD PA 'GAG PAS BRAL BA STE, BSOD NAMS YONGS SU BSNGO BA LA SOGS PA 'DUS BYAS KYI CHOS THAMS CAD KYANG DE NYID KYI CHOS NYID YIN PA DE LTAR SANGS RGYAS PA'I BSOD NAMS KYI TSOGS KYI RANG BZHIN RJES SU DRAN PA'I YONGS SU BSNGO BA LA SOGS PA'I 'DUS BYAS PA GANG YIN PA DE NI SANGS RGYAS KYI DGE BA'I RTZA BA YONGS SU BSNGO BA STE, RANG BZHIN DRAN PA'I YONGS SU BSNGO BA'O, ,MDO NI BYAMS PAS SMRAS PA ZHES BYA BA NAS BRTZAMS TE, YONGS SU BSNGO BA ZUG RNGU CAN ZHES BYA BA'I BAR DU STE, THABS LA MKHAS PA NI SHES RAB KYI PHA ROL TU PHYIN PA NYID KYIS BSOD NAMS YONGS SU BSNGO PA DE BAS NA DMIGS SU MED CING MTSAN MA MED PA'I YONGS SU BSNGO BA NI THABS LA MKHAS PA'I YONGS SU BSNGO BA'O, ,MDO NI DA LTAR DPER NA ZHES BYA BA NAS BRTZAMS TE, BSLAB PAR MI BYA'O ZHES BYA BA'I BAR DU STE, JI LTAR KHA DOG DANG DRI PHUN SUM TSOGS PA'I KHA ZAS DUG DANG BCAS PA DE BZHIN DU MTSAN MA DANG BCAS PA'I YONGS SU BSNGO BA YIN NO, ,DE BAS NA DE YONGS SU BSNGO BA NI MTSAN MA MED PA'I YONGS SU BSNGO BA'O, ,MDO NI RAB 'BYOR GYIS SMRAS PA ZHES BYA BA NAS BRTZAMS TE, DUG MED CING BDUD RTZI'I MTHAR THUG PA ZHES BYA BA'I BAR DU STE, JI LTAR SANGS RGYAS BCOM LDAN 'DAS DE DAG GIS BLA NA MED PA'I SANGS RGYAS KYI YE SHES KYI DGE BA'I RIGS CAN GANG YIN PA DANG, RANG BZHIN GANG YIN PA DANG, MTSAN NYID GANG YIN PA DANG, CHOS NYID GANG GIS YOD PA MKHYEN PA DE LTAR BDAG KYANG RJES SU YI RANG NGO, ,JI LTAR SANGS RGYAS BCOM LDAN 'DAS DE DAG GIS BLA NA MED PA @138A *, ,YANG DAG PAR RDZOGS PA'I BYANG CHUB GANG LA YONGS SU BSNGO BA RJES SU GNANG BA DE LTAR YONGS SU BSNGO BAR BGYI'O ZHES BYA BA NI SANGS RGYAS THAMS CAD KYIS GNANG BA'I YONGS SU BSNGO BA'O, ,MDO NI GZHAN YANG ZHES BYA BA NAS BRTZAMS TE, BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BAR BYA'O ZHES BYA BA'I BAR DU STE, KHAMS GSUM PA THAMS CAD KYI KHONGS SU GTOGS PA MA YIN PA DE BZHIN DU CHOS THAMS CAD KYI YANG KHONG SU GTOGS PA MA YIN PA DE NI 'DAS PA MA YIN, MA 'ONGS PA MA YIN, DA LTAR BYUNG BA YANG MA YIN NO, ,GANG YANG 'DI LTAR DNGOS PO MED PA STE, DNGOS PO MED PA DE YANG DNGOS PO MED PAS YONGS SU BSNGO BAR MI NUS PA GANG