@1A [DD] #, ,RGYA GAR SKAD DU, MA DHY'A MA KA HRi DA YA K'A RI K'A, BOD SKAD DU, DBU MA'I SNYING PO'I TSIG LE'UR BYAS PA, 'JAM DPAL GZHON NUR GYUR PA LA PHYAG 'TSAL LO, ,GANG GIS [DD] DE NYID RAB BRTAG MIN, ,RNAM SHES BYA MIN GZHI MA YIN, ,MTSON MIN BRTAG MIN RIG BYA MIN, ,SKYE 'JIG MED CING BDE BA DANG, ,RNAM BRTAG MA YIN SNANG BA MED, ,MTSAN MA MED CING GSAL BYED MED; ,GNYIS MIN GNYIS MED MA YIN DANG, ,ZHI DANG BLO 'JUG SPANGS PA DANG, ,YI GE MED PA YI GE YIS, ,THUGS RJE NYID KYIS BSTAN MDZAD PA, ,STON PA MA NOR NYID GSUNG BA, ,DE LA GUS PAR PHYAG 'TSAL LO, ,GZHAN DON BSGRUB PHYIR BRTUL ZHUGS KYIS, ,BYANG CHUB CHEN POR BLOS BYAS RNAMS, ,DE NYID BDUD RTZIR GZUNG BA'I PHYIR, ,NUS PAS CUNG ZHIG BRJOD PAR BYA, ,BYANG CHUB SEMS NI MI GTONG DANG, ,THUB PA'I BRTUL ZHUGS YANG DAG BRTAN, ,DE NYID SHES PA TSOL BA NI, ,DON KUN SGRUB PA'I SPYOD PA YIN, ,BYAMS PA DANG NI SNYING RJE DANG, ,SHES PA CHEN POS @2A *, ,BRGYAN PA YI, ,SANGS RGYAS SA BON BYANG CHUB SEMS, ,DE PHYIR MKHAS PAS DE MI GTANG, ,BLO LDAN SNYING STOBS CHE BA DANG, ,GZHAN GYI SDUG BSNGAL MI BZOD CING, ,YANG DAG BRTZON 'GRUS BRTZAMS PA DANG, ,MTHU DANG LDAN ZHING MKHAS PAS NI, ,SHES RAB SNANG BA MED PA YI, ,'JIG RTEN KUN LA BLTA BYAS NAS, ,'KHOR BA MI GTZANG SA 'OG NAS, ,BDAG NYID BRGAL BAS BSGRAL BAR RIGS, ,GANG ZHIG SHES RAB MTSON RNON GYIS, ,'CHING BA KUN BCAD GROL GYUR PA, ,SNYING RJE'I BDAG NYID LDAN PA YIS, ,GANG PHYIR MGON MED SDUG BSNGAL BA, ,'KHOR BA'I BRTZON RA MI BZAD PAR, ,'DOD CHAGS LA SOGS SGROG GIS BCINGS, ,BAG MED PA YI CHANG 'THUNGS NAS, ,GTI MUG GNYID KYIS LOG PA DANG, ,RNAM PAR RTOG PA'I CHOM RKUN GYIS, ,DGE TSOGS MA LUS BRKUS PA DAG ,GAL TE GROL BAR MI BYED NA, ,MTHU LDAN MTHU NI CI LA PHAN, ,GANG ZHIG LAG PA'I MTHUS BSGRUBS PA, ,'DOD PAS BSKYED PA'I BDE CHUNG YANG, ,GCIG PU GDU BAS ZA BYED PA, ,DE YANG MKHAS PAS @2B SMAD 'GYUR NA, ,'KHOR LOS SGYUR DANG DBANG PO DANG, ,TSANGS PA LA YANG RAB BKOD PA, ,SRED PA RNAM PAR GCOD PA DANG, ,THABS KYI SGO NAS THUN MONG BA, ,LEN DANG ZAD DANG MTHAR THUG DANG, ,SDUG LA SOGS PAS MI 'GYUR ZHING, ,SDUG BSNGAL MA LUS ZHI BYED PA'I, , DE NYID DON RTOGS BDUD RTZI CI, ,GZHAN YANG SNGON CHAD NYON MONGS PA'I, ,GDON GYIS BRLAMS PA BDAG GIS NI, ,RMA LA 'GYUR BYED 'DEBS PA BZHIN, ,SDUG BSNGAL NAD PA GANG SDUG BYAS, ,SKYE BA GZHAN DU GANG DAG GIS, ,BYAMS DANG BSNYEN BKUR PHAN PA BYAS, ,DE LA LAN DU PHAN GDAGS PA, ,MYA NGAN BZLA LAS GZHAN CI YOD, ,GZHAN DON BYED LAS BYUNG BA YI, ,DGA' BAS SEMS DGA' MKHAS PA DAG ,RAL GRI RAB TU 'BAR 'DRA BA'I, ,SRID PA DAG GIS GNOD MI 'GYUR, ,TSUL KHRIMS 'CHAL PA MI BYED PAS, ,NGAN 'GRO'I SGO KUN BCAD PA'I PHYIR, ,STONG NYID LTA BA GOMS BYAS PAS, ,NYON MONGS 'JUG PA BCOM PHYIR RO, ,MKHAS PA BSOD NAMS BYAS PA YIS, ,'GRO DRUG BSKYED TSAL DUS STON LTAR, ,MTHONG BA SRID PA'I BTZON RA YIS, ,SKRAG PAR 'GYUR BA YOD MA YIN, ,SKYON MTHONG PHYIR NI SRID PAR MIN, ,BRTZE PHYIR MYA NGAN 'DAS MI GNAS, ,GZHAN DON BSGRUB PHYIR BRTUL ZHUGS CAN, ,SRID PA NA YANG GNAS PAR BYED, ,'KHOR BA DANG NI MYA NGAN 'DAS, ,GNYIS DANG GNYIS MIN MI DMIGS PA'I, ,MKHAS PA GAR YANG MI GNAS SHING, ,SRID PA NA YANG GNAS PAR BYED, ,BYANG LAG RIN CHEN BDUN PHYUG CING, ,YON TAN DPAG MED 'BYUNG BA'I GNAS, ,LHA DANG LHA MIN PHYAG BYAS PA, ,DAM CHOS 'KHOR LO BSKOR BRNYES SHING, ,MU TIG 'PHO 'DRA'I GRAGS PA DANG, ,STON ZLA NYA BA'I DRI MED PA'I, ,'OD ZER LTA BU'I GSUNG DAG GIS, ,PHYOGS BCU DAG NI RGYAS MDZAD LA, ,DKON MCHOG GSUM GDUNG GNAS BYA'I PHYIR, ,YON TAN 'BYUNG GNAS DAM PA'I SRAS, ,LHA KLU LA SOGS SPYI GTZUG GIS, ,BSTAN PA MCHOD PA BZHAG MDZAD DE, ,RANG DANG GZHAN DON MDZAD PA'I PHYIR, ,DE DAG MYA NGAN 'DAS LEGS @3A *, ,'DAS, ,DE LAS GZHAN GANG LUS BCUD CHAD, ,DE YANG MYA NGAN 'DAS PA YIN, ,WA NI GLANG CHEN DREGS PA YI, ,GLAD PA 'GEMS SHING DBYE MI SEMS, ,GDOL PA RGYA MTSO'I MTHAS GLAS PA'I, ,SA YID KYIL 'KHOR BSKYANG MI SEMS, ,DE BZHIN SEMS CAN DMAN PA YANG, ,ZAB CING BLA MED RGYA CHE BA, ,YON TAN BGRANG 'DAS 'BYUNG BA'I GNAS, ,SANGS RGYAS NYID LA RE BA'ANG MED, ,GZHAL YAS RMAD BYUNG BSAM MI KHYAB, ,SNANG BA THAMS CAD ZIL GNON PA, ,RDZOGS SANGS YON TAN RIN CHEN LA, ,SU ZHIG YID KYIS SEMS MI BSKYED, ,GZHAN DON BYED PA DPA' BA DANG, ,SKYES BU CHEN PO'I TSUL LDAN PA, ,SU ZHIG 'KHOR MTHA' MED PAR YANG, ,NYIN GCIG LTA BUR GNAS MI BYED, ,MKHAS PA GANG ZHIG 'DAS GYUR KYANG, ,GANG GIS GTAM GZHI 'PHEL 'GYUR PA, ,'PHAGS PA GZHAN DON MDZAD RNAMS KYI, ,LAM GYI RJES SU 'JUG MI BYED, ,SU ZHIG CHU SHING DBU BA LTAR, ,SNYING PO MED PA'I LUS 'DI DAG, ,GZHAN PHAN RKYEN DU SGRUB BYED PAS, ,LHUN PO SNYING POR SGRUB MI BYED, ,YA RABS SNYING RJE LDAN PAS NI, ,SKAD CIG RE RE RGA SHI DANG, ,NAD KYI GZHIR GYUR LUS DAG NI, , GZHAN LA BDE SKYID GZHIR BYED DO, ,DAM CHOS SGRON MA DANG BCAS LA, ,MI KHOM BRGYAD SPANGS KHOM PA 'DI, ,SKYES BU CHEN PO'I SPYOD PA YIS, ,'BRAS BU YOD PAR BYA BA'I RIGS, ,DBU MA'I SNYING PO LAS BYANG CHUB KYI SEMS MI GTONG BA'I LE'U STE DANG PO'O,, ,,DE LTAR 'GRO LA PHAN PA'I PHYIR, ,BYANG CHUB CHEN POR BRTAN BLANGS PA, ,TSUL DANG MTHUN PA'I LAM NYID DU, ,RAB TU ZHUGS PA RNAM PAR MDZES, ,DE NI BYAMS PA GNOD MED DANG, ,SNYING RJE PHAN PA BSGRUB PA YIS, ,DAM CHOS RTOGS PA NGOMS MED DANG, ,CHOS SBYIN PA LA SER SNA MED, , DRANG DANG NGA RGYAL BCOM PA DANG, ,YID KYIS DE NYID BLTA BA DANG, ,GZHAN SKYON RTOG LA LONG BA DANG, ,RANG SKYON 'BYUNG BAS 'JIGS PA YIN, ,RTZOD DANG 'JIG RTEN 'DU 'DZI DANG, ,'JIG RTEN RGYANG PAN RGYAB KYIS PHYOGS, ,YON TAN MED LA'ANG YON TAN GYI, ,RGYUN RNAMS SKYE @3B BAR RTAG TU GUS, ,SNYING RJES BSKYED PA'I SBYIN PA DAG ,SKYE BO'I TSOGS RNAMS THAMS CAD KYI, ,SDUG BSNGAL CHU BO KUN ZHI'I PHYIR, ,THAMS CAD MKHYEN NYID 'DOD PA SKYED, ,TSUL KHRIMS DRI MED CHUS KHRUS DANG, ,BZOD PA'I SE RAL PHRENG DKAR DANG, ,BRTZON 'GRUS RAL PA'I KHUR BCINGS DANG, ,BSAM GTAN SHES PA LHUR LEN TE, ,BLO MIG LEGS PAR BYE BA DANG, ,BSTAN BCOS 'JIG RTEN SHES LA MKHAS, ,NGO TSA KHREL YOD GOS DANG NI, ,DES PA'I SKA RAGS 'CHING BA YIN, ,SNYING RJE'I BAGS PA GNAG 'CHANG ZHING, ,DAD PA DRI MED RIL BA DANG, ,DRAN PAS DBANG PO'I SGO BSRUNGS SHING, ,BRTAN PA'I SBA STEGS STAN LA 'DUG ,THEG PA CHEN PO DGA' CHEN GYI, ,DKA' THUB NAGS TSAL YANG DAG BSTEN, ,BSAM GTAN DGA' BA'I 'BRAS BU ZA, ,DRAN PA NYER GZHAG SPYOD YUL CAN, ,ZAB CING RGYA CHE MDO SDE'I MTHA',, 'DON CING SDIG PA BCOM PA DANG, ,BDEN PA GNYIS LA BRTEN PA YI, ,RTEN CING 'BREL 'BYUNG NYI BSHAD ZLOS, ,SGRUB PA'I ME TOG BSNGAGS LDAN PA, ,PHYOGS RNAMS KUN DU DRIS KHYAB PAS, ,RDZOGS PA'I SANGS RGYAS NYI MA LA, ,NYIN GCIG BZHIN DU BSNYEN BKUR BYED, ,SO SOR RTOG PA'I ME THAB TU, ,MI DGE'I KUN DU RTOG PA SREG ,BLA MED GO 'PHANG THOB BYA'I PHYIR, ,DE LTAR THUB PA'I BRTUL ZHUGS SPYOD, ,DBU MA'I SNYING PO LAS THUB PA'I BRTUL ZHUGS LA YANG DAG PAR BSTAN PA'I LE'U STE GNYIS PA'O,, ,,GANG LA SHES PA'I MIG YOD PA, ,DE LA MIG YOD GZHAN MA YIN, , DES NA GANG PHYIR BLO LDAN DAG, ,DE NYID SHES PA TSOL PA BRTZON, ,BLO LDAN 'JIG RTEN GSUM PO DAG ,THOGS MED MTHONG PA LONG BAS KYANG, ,BLTA 'DOD THAG RING CHA PHRA DANG, ,BSGRIBS PA'I DON YANG MTHONG BAR 'GYUR, ,MIG STONG PA YANG BLO MED NA, ,MIG DANG LDAN PA MA YIN TE, ,MTHO RIS DANG NI BYANG GROL GYI, ,LAM DANG LAM MIN MI MTHONG PHYIR, ,SHES RAB MIG BYE MTHONG BA DANG, ,MA MTHONG KHYAD PAR 'DOD PA YI, ,'BRAS BU RE BA DUG TSER GYI, ,SBYIN PA SOGS LA 'JUG MI BYED, ,SNYING RJES THAMS CAD MKHYEN PA'I PHYIR, ,'KHOR GSUM YONGS SU DAG PA YI, SBYIN @4A *, ,LA SOGS LA BRTZON BYED CING, ,DE LA'ANG YID NI GNAS MI BYED, ,SHES RAB 'DUD RTZI NGOMS BYED DANG, ,SGRON MA SNANG BA THOGS MED DANG, ,THAR PA'I KHANG BZANGS THEM SKAS DANG, ,NYON MONGS BUD SHING SREG PA'I ME, ,BLO GROS DE YANG BDEN GNYIS LA, ,LTOS NAS RNAM PA GNYIS SU 'DOD, ,YANG DAG DON RTOGS RJES MTHUN PHYIR, ,YANG DAG KUN RDZOB SHES PA YIN, ,SBYIN DANG BSOD NAMS YI SHES KYI, ,TSOGS RNAMS YONGS SU RDZOGS BYED DANG, ,RGYUD DAG GI 'BRAS BU DANG, ,'BREL DANG MTSAN NYID LA SOGS SHES, ,BYAMS DANG SNYING RJE BSGOM PA DANG, ,SEMS CAN SDUD DANG SMIN BYED DANG, ,SKYE MCHED BCU GNYIS BRTEN PA YI, ,SHES RAB BRDAR BTAGS SHES PAR BYA, ,RTOG PA'I DRA BA MA LUS PA, ,DGAG PA SGRUB PAR BYED PA DANG, ,ZHI DANG SO SO RANG RIG DANG, ,RNAM RTOG MED CING YI GE MED, ,GCIG NYID THA DAD NYID BRAL DANG, ,MKHA' LTAR DRI MED DE NYID LA, ,'JUG PA MED PAS 'JUG PA YI, ,SHES RAB DON DAM SHES PA YIN, ,YANG DAG KUN RDZOB RNAMS KYI SKAS, ,MED PAR YANG DAG KHANG PA YI, ,STENG DU 'GRO BAR BYA BA NI, ,MKHAS LA RUNG BA MA YIN NO, ,DE NYID KHANG BZANGS THOG 'DZEG PA; ,YANG DAG KUN RDZOB THEM PA'I SKAS, ,MED PAR RUNG BA MA YIN PA, ,GANG GI PHYIR BA DE PHYIR RO, ,MKHAS PAS SEMS NI MNYAM GZHAG PHYIR, ,MNGON PAR BRTZON PA NYID DU BYA, ,DE BZHIN THOS BYUNG SHES PA LA, ,DE LAS GZHAN SHES RGYU PHYIR RO, ,JI LTAR CHU RNYOG G-YO BA LA, ,BZHIN NI MTHONG BAR MI 'GYUR BA, ,DE LTAR SEMS MNYAM MA BZHAG DANG, ,SGRIB PAS BSGRIBS LA DE NYID DO, ,YID KYI GLANG PO LOG 'GRO BA, ,DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RIM DBANG BYA, ,RGOD PA MI RTAG LA SOGS PA, ,YID LA BYED PAS ZHI BAR BYA, ,ZHUM PA DMIGS PA RGYA CHEN DAG ,BSGOM PAS SPANG PA NYID DU BYA, ,G-YENGS PAS G-YENG BA'I MTSAN MA LA, ,NYES DMIGS BLTA BAS BSDU BAR BYA, ,ZHUM PA YANG NI BRTZON 'GRUS KYI, ,PHAN YON MTHONG BAS GZENGS BSTOD BYA, ,'DOD CHAGS ZHE SDANG GTI MUG GI ,RDZAB DRIS SPAGS @4B SHING MA BSDAMS PA, ,MI SDUG BYAMS PA RTEN 'BYUNG BA'I, ,CHU DAG GIS NI BKRU BAR BYA, ,DBEN ZHING MI G-YO ZHI BA DANG, ,DMIGS PA DAG LA GZHOL BA DANG, ,LAS SU RUNG ZHING MNYEN SHES NAS, ,DE LA LEGS PAR BTANG SNYOMS BYA, ,BLO GROS MNYAM GZHAG 'OG TU NI, ,THA SNYAD SGO NAS GZUNG BYA YI, ,CHOS RNAMS DNGOS PO 'DI DAG LA, ,SHES RAB KYIS NI 'DI LTAR BRTAG ,BLO YIS RNAM PAR DPYAD PA NA, ,'DI DAG DON DAM YOD DAM CI, ,GAL TE YIN NA 'DI DE NYID, ,GAL TE GZHAN NA DE BTZAL BYA, ,PHYOGS SU LHUNG BAS SEMS GDUNGS PAS, ,ZHI BA NAM YANG RTOGS MI 'GYUR, ,'DUS BYAS 'DUS MA BYAS CHOS NI, ,PHUNG PO SKYE MCHED KHAMS RNAMS SO, ,NYON MONGS SGRIB PA SPANG BA'I PHYIR, ,NYAN THOS RNAMS LA RAB TU BSHAD, ,NYON MONGS SHES BYA'I SGRIB DRI MA, ,SPANG PHYIR SNYING RJE LDAN RNAMS LA, ,RAG PHYIR DANG PO KHO NAR NI, ,GZUGS KYI PHUNG PO BRTAG PAR BYA, ,DE LA'ANG DANG POR 'BYUNG BA RNAMS, ,JI SKAD BSTAN PA'I GTAN TSIGS KYIS, ,'DIR NI SA LA SOGS PA DAG ,DON DAM PAR NA 'BYUNG BA YI, ,NGO BO NYID MIN BYAS PHYIR DANG, ,RGYU LDAN SOGS PHYIR SHES PA BZHIN, ,SA NI SRA BA'I NGO BO MIN, ,'BYUNG BA NYID PHYIR RLUNG BZHIN NO; ,SA YIS LAS NI 'DZIN MA YIN, ,BYAS PA NYID PHYIR CHU BZHIN NO, ,MED KYANG GAL TE DE NYID DU, ,SA YI DNGOS NYID SA SNYAM NA, ,RNAL 'BYOR PA DAG DE LA NI, ,'BYUNG DANG 'BYING BA MI RIGS SO, ,BSAM GTAN PA YI BSAM GTAN MTHUS, ,SA NI GSHER BA NYID MI RIGS, ,NGO BO NYID LA 'GYUR MED PHYIR, ,YANG NA DE SPA NYID MA YIN, ,DE BZHIN CHU DANG ME RLUNG DAG ,GSHER LA SOGS PA'I DNGOS NYID MIN, ,DE DAG LAS KYANG SDUD PA DANG, ,SMIN DANG G-YO BAR BYED MI RIGS, ,RLUNG LA SOGS PA KUN RDZOB TU, ,YON TAN MNYAM PAR MI 'DOD MIN, ,LUS KYI DBANG POS DMIGS PHYIR DANG, ,'BYUNG BA YIN PHYIR SA BZHIN NO, ,SA LA SOGS PA RDZAS YOD MIN, ,TSOGS PA'I YAN LAG MIN MED PHYIR, ,GANG DAG JI SKAD BSTAN PA DE, ,RDZAS YOD MA MTHONG NAGS TSAL BZHIN, ,SA LA SOGS PA YUL GYI BLO, ,, @5A *, ,DE YANG RDZAS YOD MA YIN 'DOD, ,RGYU DANG BCAS PHYIR 'JIG PA'I PHYIR, ,NAGS TSAL LA SOGS BLO BZHIN NO, ,SA LA SOGS PA STON PA'I SGRA, ,BRJOD PA RDZAS SU MI 'DOD DE, ,MNYAM PA YIN PHYIR DMAG LA SOGS, ,STON PA'I SGRA DAG MI 'DOD BZHIN, ,PAL SHA PA NA DHA LA SOGS PA, ,NAGS TSAL RTZOM PA YIN MI 'DOD, ,RGYU LDAN LA SOGS GTAN TSIGS KYIS, ,DPER NA RTZA BA LA SOGS BZHIN, ,YAN LAG CAN GYI NAGS TSAL NI, ,PA LA SHA LA SOGS BRTZAMS MIN, ,DE DAG RE RER MA RDZOGS PHYIR, ,YAL GA LA SOGS GANG YIN BZHIN; ,NAGS TSAL SGRA NI MA NGES PA, ,DU MA'I RDZAS GRANGS 'JUG MA YIN, ,KHYAD PAR CAN GYI BLOS BRTAG PHYIR, ,BUM BZANGS LA SOGS SGRA BZHIN NO, ,GANG PHYIR GZUGS NI DON DAM DU, ,MIG GI DBANG PO'I GZUNG BA MIN, ,BSAGS PHYIR DPER NA SGRA BZHIN DANG, , 'BYUNG LAS GYUR PHYIR DE NYID BZHIN, ,GZUGS NI MIG GIS BZUNG MIN TE, ,'BYUNG LAS GYUR PHYIR RANG GZUGS BZHIN, ,BDE LA SOGS 'BYUNG RGYU PHYIR DANG, ,BRJOD BYA YIN PHYIR RO SOGS BZHIN, ,DE BZHIN GZUGS NI 'BYUNG 'GYUR MIN, ,'BYUNG PHYIR ME LA SOGS PA BZHIN, ,RGYU LDAN LA SOGS GTAN TSIGS KYI, ,YANG NA SEMS BZHIN SHES PAR BYA, ,DES NI KHA DOG DBYIBS DANG NI, ,BSAGS DANG PHRA DANG RAGS SOGS KYI, ,DBYE BAS GZUGS KYI MTSAN NYID DAG ,JI SNYED RNAM PAR BRTAGS PA RNAMS, ,JI LTAR RIGS PA'I SBYOR BA YIN, ,BKAG PAR KHONG DU CHUD PAR BYA; ,SGRA DANG DRI DANG RO DANG REG ,DGAG PA'I TSUL YANG DE BZHIN NO, ,MIG GI DBANG PO DON DAM DU, ,GZUGS LA LTA BA MA YIN TE, ,SEMS DANG SEMS BYUNG LAS GZHAN PHYIR, ,DPER NA RI BO'I DBANG PO BZHIN, ,YANG NA MIG NI DON DAM DU, ,GZUGS LA LTA BA MA YIN TE, ,RNAM SHES DNGOS MED MI SKYE'I PHYIR, ,PAGS PA DAG LA SOGS PA BZHIN, ,MIG NI GZUGS KYI YUL CAN MIN, ,RANG GI GZUGS LA MI 'DZIN PHYIR, ,NYAN LA SOGS PA'I DBANG PO DANG, ,GZUGS CAN YIN PHYIR RO SOGS BZHIN, ,DE BZHIN LTA PO MIG MED PA, ,DPE YANG MED PAS @5B MTHONG MA YIN; ,BLTA BA'I NGO BO NYID YIN PAS, ,JI LTAR GZUGS LA BLTA BAR RIGS, ,BLTA BA'I NGO BO NYID MIN PAS, ,JI LTAR GZUGS LA BLTA BAR RIGS, ,GAL TE LTA PO NYAN PO NA, ,CI PHYIR DE NI NYAN POR 'GYUR, ,DE SHES NYID DANG RTAG MI 'DOD, ,BSGYUR RUNG KHYAD PAR YIN PA'I PHYIR; ,GCIG NYID MA YIN TSUL GNYIS PHYIR, ,LUS GZHAN DAG GI GZUGS BZHIN NO, ,DE BZHIN MIG GI DBANG PO NI, ,GZUGS LA DMIGS PA'I BYED MI 'DOD, ,YID BRAL NYID NA LTA PO LAS, ,GZHAN PHYIR NYAN LA SOGS PA BZHIN, ,DE NI LTA PO NYID MI RIGS; ,MIG LA SOGS LA LTOS PA'I PHYIR, ,YID BZHIN YONGS SU 'GYUR PHYIR DANG, ,DE BZHIN GZUGS BRNYAN 'CHAR PHYIR RO, ,LTA PO JI LTAR YID DANG 'DRA, ,DBANG PO GZHAN GYIS MI MTHONG PHYIR, ,YID NI YANG DAG NYID DU NA, ,LTA BAR MI 'DOD BDAG BZHIN NO, ,DE NI LTA MIN TSOGS PA DAG ,RDZAS SU MED PHYIR DE NYID BZHIN, ,BYED PO NYID RUNG CHOS GZHAN DAG ,MNGON PAR 'GRUB PHYIR DRIL BU BZHIN, ,MIG NI 'OD ZER LDAN MI RIGS, ,DBANG PO YIN PHYIR DBANG GZHAN BZHIN, ,MTSAN MO RGYU BA'I MIG 'BRAS SNANG; ,DBANG PO SNANG BA MA YIN NO, ,MIG NI BDE SOGS BDAG NYID MIN, ,DNGOS PO YIN PHYIR SKYES BU BZHIN, ,MIG NI KUN TU SONG MIN TE, ,G-YO PHYIR DE 'BRAS LA SOGS BZHIN, ,YANG NA MIG NI KUN 'GRO MIN, ,GZHAN DON NYID PHYIR BUM PA BZHIN, , GZUGS DMIGS 'GYUR BA'I RGYU YIN PHYIR, ,DPER NA GZUGS BZHIN DE BZHIN NO, ,MIG NI ME DANG LDAN MA YIN, ,DBANG PO YIN PHYIR LPAGS SOGS BZHIN, ,'BYUNG CHEN DANG SOGS BDAG NYID NI, ,ME SHAS CHE BA MA YIN NO, ,MIG NI YUL DANG PHRAD MA YIN, , DBANG PO YIN PHYIR YID BZHIN DANG, ,RGYU PHYIR RGYU DANG LDAN PA'I PHYIR, ,YANG NA GZUGS LA SOGS PA BZHIN, ,SNA SOGS YUL PHRAD 'DZIN MI 'DOD, ,PHYI DON MNGON SUM 'DZIN PHYIR DANG, ,'DAS DANG MA 'ONGS MI 'DZIN PHYIR, ,DPER NA MIG GI DBANG PO BZHIN, ,SGRUB DANG 'DRA BAR @6A *, ,BKAG PA'I PHYIR, ,LUS LA SOGS PA MA NGES MIN, ,MIG RNA YID KYI MTSAN NYID GSUM, ,YUL DANG MA PHRAD 'DZIN MA YIN, ,LTA BA JI LTAR RGYAS BSHAD PAS, ,NYAN DANG SNOM DANG MYANG BA DANG, ,LUS KYI DBANG PO GSAL BDAG , NGES PAR KHONG DU CHUD PAR BYA, ,SGRA DANG DRI DANG RO DANG REG ,DGAG PA'I TSUL YANG DE YIN TE, ,MKHAS PAS GZU BO'I BLO DAG GIS, ,CI RIGS PAR NI SHES PAR BYA, ,TSOR BA DON DAM NYID DU NA, ,MYANG BA'I BDAG NYID YIN MI RIGS, ,RNAM SHES MTSUNGS PAR LDAN PA'I PHYIR, ,DE LAS GZHAN PA'I SEMS BYUNG BZHIN, ,BDE BA PHAN 'DOGS MI 'DOD DE, ,REG LAS BYUNG PHYIR DE GZHAN BZHIN, ,SDUG BSNGAL GNOD PA'I BDAG NYID MIN, ,GTAN TSIGS BSTAN PAS SHES PAR BYA, ,SDUG MIN BDE MIN MI 'DOD DE, ,'BRAS BU SRED PHYIR GZHAN BZHIN NO, ,RNAM SHES NGO BO NYID KYANG NI, ,DGAG PA SMRA BAR 'DOD PHYIR RO, ,'DU SHES 'DU BYED RNAM GNYIS DAG ,DES NI RNAM PAR BSHAD GYUR TE, ,MKHAS PAS GZU BO'I BLO DAG GIS, ,CI RIGS PAR NI SHES PAR BYA, ,RNAM SHES DON DAM NYID DU NA, ,DNGOS PO RNAM RIG DNGOS NYID MIN; ,DMIGS DANG BCAS PHYIR 'DU SHES BZHIN, ,YANG NA 'JIG PHYIR MAR ME BZHIN, ,PHUNG PO LNGA PO RNAM DPYAD PA'I, ,SGRUB PA JI SKAD BSTAN PA DAS, ,PHUNG PO RNAMS KYI KHAMS SHES BYA, ,SKYE MCHED RNAMS KYANG SHES PAR BYA, ,SKYE SOGS 'DUS BYAS NYID KYIS NI, , MTSAN NYID MTSAN GZHI NYID MI RIGS, ,'DUS BYAS YIN PHYIR RTOGS BYA'I PHYIR, ,DE LAS GZHAN PA NYID BZHIN NO, ,DNGOS RNAMS MTSAN NYID YOD PA'I PHYIR, ,NGO BO NYID YOD NYID MI 'DOD, ,DE PHYIR GTAN TSIGS DON MA GRUB, ,DON 'GAL NYID DU'ANG GYUR PA YIN, ,SA YI MTSAN NYID SA NYID KYIS, ,SRA BA NYID DU MTSON MI RIGS, ,LUS KYI RNAM SHES RGYU YIN PHYIR, ,ME NYID KYIS NI MI RIGS BZHIN, ,GLANG GI MTSAN NYID GLANG NYID KYIS, ,NOG DANG LKOG SHAL SOGS MI 'DOD, ,KHYAD PAR CAN GYI BLOS BRTAG PHYIR, ,DPER NA BONG BU'I MTSAN NYID @6B BZHIN; ,GCIG NA JI LTAR MTSAN NYID YIN, ,DES NI DE NYID MI MTSON PHYIR, ,GZHAN NA JI LTAR MTSAN NYID YIN, ,GZHAN GYIS GZHAN NYID MI MTSON PHYIR, ,MA SONG BA LA DON DAM DU, ,'GRO BA YOD PAR MI 'DOD DE, ,LAM YIN PHYIR DANG 'GRO MED PHYIR, ,DPER NA MA 'ONGS LAM BZHIN NO, ,'GOM LA DON DAM NYID DU NA, ,'GRO BA YOD PA MA YIN TE, ,SONG DANG MA SONG MA GTOGS PAR, ,'GOM PA RTAG TU MED PHYIR RO, ,'GOM PA SONG DANG MA SONG BAR, ,BRJOD PA MIN LA'ANG 'GRO MED DE, ,LAM YIN PHYIR NA 'DAS PA BZHIN, ,YANG NA MA 'ONGS LAM BZHIN NO, ,'GRO MA GRUB PHYIR 'GRO PO MED, ,DE PHYIR DE NI 'GRO MI 'DOD, ,'GRO PO MIN PAR 'GRO MI RIGS, ,'GRO DANG BRAL PHYIR SNGON BZHIN NO, ,RANG LAS GZHAN PA'I DON 'BREL LA, ,'GRO PO SNYAM PA'I BLO 'DI 'DOD, ,BLO DANG SNGA RJES 'JUG PA'I PHYIR, ,DBYUG CAN BZHIN MIN RJES 'GRO MED, ,RGYUN CHAGS YUL GZHAN 'BYUNG BA YI, ,'DU BYED RGYUN LA BRTEN NAS NI, ,ME LA SOGS BZHIN 'KHRUL PA'I 'GRO, ,DE YANG KUN RDZOB DE NYID MIN, ,SER SKYA PA YIS RNAM BRTAGS PA'I, ,'GRO PO DON DAM NYID MI RIGS, ,TSOGS PA RDZAS SU MED PHYIR DANG; ,YANG NA G-YO BA MED PHYIR RO, ,GAL TE TSOGS PA RDZAS YOD DE, ,TSOGS BYED MA BZUNG GZUNG MED PHYIR, ,DE YI BDAG BZHIN DE MI RIGS, ,DE DAG RDZAS SU MED PHYIR RO, ,BYA BA LHAG MA DGAG PA YANG, ,PHYOGS DES RAB TU BSTAN PA YIN, ,GAL TE DNGOS NYID YOD 'DOD DE; ,'KHOR DANG THAR PA YOD PHYIR NA, ,GANG TSE JI LTAR RNAM BRTAGS PA, ,DE DAG RANG BZHIN RNAM DPYAD NA, ,DES GZUNG MED PA DE YI TSE, ,JI LTAR BCINGS SHING GANG NAS THAR, ,NGO BO NYID YOD MA YIN PA, ,SGYU MA RMI LAM LTA BU DANG, ,RANG GI RGYU DANG RKYEN DBANG LAS, ,BDAG NYID KHYAD PAR 'THOB LA 'THAD, ,MING DANG GZUGS NI DON DAM DU, ,'KHOR BAR RIGS PA MA YIN TE, ,'DUS BYAS YIN PHYIR PHYI ROL GYI, ,SA LA SOGS PA MI 'DOD BZHIN, ,MING GZUGS DON DAM NYID DU NA, ,JI LTAR YANG NI THAR MI 'GYUR, ,SKYE DANG LDAN PHYIR 'JIG PA'I @7A *, ,PHYIR; ,PHYI ROL CHU LA SOGS PA BZHIN, ,GANG ZAG YANG DAG NYID DU NI, ,'KHOR DANG THAR PAR MI 'GYUR TE, ,GDAGS BYA YIN PHYIR KHANG PA BZHIN, ,BRJOD BYA YIN PHYIR RI DANG 'DRA, ,YANG NA GANG ZAG GANG ZAG MIN, ,RGYU DANG LDAN PHYIR BUM PA BZHIN, , SKYE DANG LDAN PHYIR 'JIG PA'I PHYIR, ,SHES BYA YIN PHYIR 'ONG BA BZHIN, ,GANG ZAG BRJOD DU MED PHYIR BAS, ,RDZAS SU YOD PAR MI 'GYUR STE, ,DRI DANG DKAR SDOR BRJOD MED PA'I, ,MO GSHAM BUS NI MA NGES 'GYUR, ,DE LTAR PHUNG PO BDAG MED CING, ,SROG MED SEMS CAN YOD MIN PA, , MKHAS PAS GZU BO'I BLO DAG GIS, ,CI RIGS PAR NI SHES PAR BYA, ,LUS DANG DBANG PO'I TSOGS RNAMS LA, ,DE NYID DU NA BDAG MED 'DOD, ,RGYU DANG LDAN PHYIR KA BA BZHIN, ,YANG NA BSAGS PHYIR GROG MKHAR BZHIN, ,DRAN PA DANG NI NGO SHES DANG, ,SHES SKYE LA SOGS GTAN TSIGS KYI; ,BDAG YOD NYID DU DAM 'CHA' BA, ,GTAN TSIGS RNAMS NI MA GRUB NYID, ,GAL TE DBANG BCAS LUS LA NI, ,BDAG YOD NYID DU SGRUB BYED NA, ,GTAN TSIGS THUN MONG NYID MI 'GYUR, ,RJES SU 'GRO BA MED PHYIR RO, ,GAL TE BDAG SGRA DON BZHIN TE, ,'GA' LA NYE BAR GDAGS PA'I PHYIR, ,SENG GE'I SGRA DANG 'DRA ZHE NA, ,BDAG NI GRUB PA NYID MI 'GYUR, ,CI STE RNAM SHES YUL LA NI, ,DON BZHIN GZHAN LA SGRUB BYED NA, ,RTAG DANG KUN 'GRO SOGS BRAL PHYIR, ,'GAL BA NYID DU 'GYUR BA YIN, ,DE PHYIR GANG LA'ANG DON DAM DU, ,BCINGS DANG THAR PA YOD MI 'DOD, ,SONG DANG MA SONG 'GOM PA YIS, ,DE BZHIN SEMS LA LHAG MA BSHAD, ,GANG TSE SEMS NI 'GAG PA LA, ,MNGON DU PHYOGS SHING SKYES PA'I TSE, ,GANG LA GANG GIS CHAGS PAR 'DOD, ,CHAGS PA 'GAGS LA'ANG MI 'DOD DO, ,GAL TE SKYE BZHIN CHAGS ZHE NA, , DE CI GAL TE SKYE MNGON PHYOGS, ,MA SKYES PA LA DE MI 'DOD, ,GZHI MED BYA BA MI LDAN PHYIR, ,SKYE BZHIN SKYES DANG MA SKYES PAR, ,BRJOD PA MIG LA'ANG CHAGS PA MED, ,BRJOD MED SEMS KYANG CHAGS MIN TE, ,BRJOD DU MED PHYIR 'DOD CHAGS BZHIN, ,GAL TE SEMS NI CHAGS PA YI, , @7B RNAM PAR SHES PA CHAGS 'DOD DE, ,SHEL LA TSON CHAGS BLO BZHIN NA, ,DE'I BLO JI LTAR CHAGS NYID YIN, ,DE LTAR CHAGS PA MED PA'I PHYIR, ,'DOD CHAGS RTOG PA KUN RDZOB YIN, ,'DOD CHAGS BZHIN DU CHOS RNAMS KUN, ,CI RIGS PAR NI SHES PAR BYA, ,DNGOS PO RDZAS LA RTEN RIGS NA; ,DE YANG DE LAS DBYER YOD MIN, ,DE PHYIR 'DOD CHAGS JI BZHIN DU, ,SEMS LA'ANG CHAGS PA 'THAD MI 'GYUR, ,'DOD CHAGS CHAGS LAS GZHAN MI RIGS, ,CHAGS PA MA BZUNG GZUNG MED PHYIR, ,CHAGS PA NYID BZHIN THA DAD NA'ANG, ,DES NI MI CHAGS GZHAN BZHIN NO, , DNGOS PO RNAM PAR RIG PA'I SEMS, ,'DOD CHAGS LAS GZHAN YOD MIN TE, ,DMIGS PA LA SOGS MTSUNGS PHYIR DANG, ,THA DAD RGYU GZHAN MED PHYIR RO, ,DE PHYIR 'DUS PA GCIG RANG NYID, ,SKYES LA LTOS NAS 'DUS PA CAN, ,THA DAD BSTAN PA NYID 'DOD DE, ,ME TOG RGYAS PAS SHING BZHIN NO, ,DE SPANGS PHYIR NI MYA NGAN 'DAS, ,MI RIGS DE NYID MI 'THAD PHYIR, ,MYA NGAN 'DAS PA DON DAM DU, ,DNGOS DANG DNGOS MED MTSAN NYID MIN, ,GAL TE MYA NGAN 'DAS DNGOS NA, ,DNGOS PO YIN PHYIR DE 'DUS BYAS, ,GNYEN PO MA YIN 'DUS BYAS PHYIR, ,DPER NA 'DUS BYAS 'GAGS PA BZHIN, ,GAL TE DNGOS MED GZHAN BRTEN 'GYUR, ,DNGOS PO MED PHYIR ZHIG PA BZHIN, ,DE NI GNYEN POR MI 'DOD DE, ,GZHAN LA BRTEN PHYIR ZHIG BZHIN NO, ,DE NI 'DUS MA BYAS MI RIGS, ,DGAG PA GONG DU BSTAN PA'I PHYIR, ,GRANGS CAN DAG GIS RAB BRTAGS PA'I; ,GROL BA'I SEMS LAS KHYAD CI YOD, ,NYON MONGS RNAM RTOG GTZUB SHING LAS, ,BYUNG BA RANG GI NGANG ZAD PA, ,DE LA BSAGS PA YOD MIN PAS, ,GANG ZAG KHYOD THAR MI ZAD 'GYUR, ,SKYE BA MED LA RTOG PA YANG, ,DE BZHIN MED PHYIR TSUL NYID MTSUNGS, ,ZAD PA CAN NAM ZAD MED NA; ,GANG GI ZAD PAS THAR PA SMROS, ,RANG BZHIN STONG NYID RTOGS PA'I PHYIR, ,DE YI BLO YANG ZLOG GYUR PAS, ,ZAD MED MI ZAD CHOS NYID 'THOB, ,THOB PA MED PA'I TSUL GYIS SO, ,YANG DAG JI BZHIN YONGS RTOG PA, ,BDAG LA PHAN PA 'DOD PA DAG ,LTA NGAN DANG DRI NGAN BSGOS PA'I, , @8A *, ,SGREGS PA'I TSIG LA RTEN MI BYED, ,PHYIN CI LOG DAG YOD PA'I PHYIR, ,'DOD CHAGS YOD PAR MI RIGS TE, ,'DOD CHAGS BZHIN DU BRTAGS PA'I PHYIR, ,RTOG PA DE YANG KUN RDZOB PA, ,SEMS DANG SEMS LAS BYUNG BA YI, ,NGO BO NYID PHYIR SNGAR BKAG PHYIR, , GANG GI DE NI CHAGS 'GYUR BA'I, ,'DOD CHAGS CHAGS PA'I DNGOS NYID MED, ,DES NI SDANG DANG RMONGS LA SOGS, ,SO SOR BSHAD PA BYAS PAR 'GYUR, ,DE LTAR BCINGS THAR MA GRUB PHYIR, ,NGO BO NYID MED G-YO BA MED, ,SA NI DON DAM NYID DU NA, ,SA LAS GZHAN MIN NYID MI 'DOD; ,RGYU DANG LDAN PHYIR RLUNG BZHIN DANG, ,DNGOS PO YIN PHYIR SHES PA BZHIN, ,SA LAS DON DAM NYID DU NA, ,CHU NI GZHAN PAR MI BZUNG STE, ,SKYE DANG LDAN PHYIR RDZAS LAS NI, ,SA GZHAN MIN PA JI BZHIN NO, ,SA LA SOGS PA SGRA BLO DANG, ,LAS DANG MTSAN NYID THA DAD PAS; ,DE DAG GZHAN NYID MI 'DOD DE, ,BSGRUB BYA'I CHOS DANG MI LDAN PHYIR, ,GZUGS KYI BDAG NYID MI GZHAN YANG, ,THA SNYAD YOD PHYIR MA NGES 'GYUR, ,YONGS SU BRTAGS PA MA GRUB PHYIR, ,DE DON MA GRUB NYID DU 'GYUR, ,SGRA SOGS BYE BRAG THA DAD KYANG, ,DE PHYIR DE DAG 'KHRUL PAR 'GYUR; ,KHYAD PAR BRJOD PAR GYUR KYANG NI, ,'GAL BAS NGES PAR ZLOG PAR 'GYUR, ,GNYI GA NYID KYANG MI RUNG STE, ,'GAL PHYIR ME LA GRANG DRO BZHIN, ,GZHAN DANG GZHAN MIN PHYOGS DGAG PA, ,BSTAN PHYIR DE YANG BZANG PO MIN, ,GNYI GA'I BDAG NYID NYID YIN YANG, ,KUN LA GRAGS PA'I CHA DPER BSTAN, ,DES NA GZHAN LA DPE MED PA, ,RAB TU SKYE BAR MI 'GYUR RO, ,DE NI LTOS NAS 'GRUB PA STE, ,GNYIS LAS GANG YANG RUNG BA ZHIG ,SNGAR MA GRUB NA MI 'GRUB PHYIR, ,YID KYIS RNAM PAR BRTAGS PAR ZAD, ,GNYI GAR SMRA BA THAMS CAD LA, ,DGAG PA'I TSUL YANG DE NYID DO, ,DE LTAR 'DI SKAD BSGRUB BSTAN PAS, ,NGO BO NYID YOD NYID MA GRUB, ,DE LTAR 'DUS BYAS CHOS DE DAG ,BSDU BAS RNAM PAR BRTAGS PA YIN, ,'DUS MA BYAS NI 'GOG GNYIS DANG, ,NAM MKHA' DANG NI DE BZHIN NYID, ,SO SOR BRTAGS TE 'GOG PA NI, , @8B DON DAM DU NA DNGOS PO MIN, ,RTAG DANG RANG BZHIN MI 'GYUR PHYIR, ,MO GSHAM BU YI GZUGS BZHIN NO, ,MA SKYES PHYIR DANG RGYU MED PHYIR, ,DE BZHIN LAS KYANG MED PHYIR DANG, ,'DUS BYAS MA BSDUS PHYIR DANG NI, ,'GAG PA MED PA'I PHYIR YANG NGO, ,GANG GI 'BRAS BUR GANG 'DOD PA; ,DE NI DE'I RGYU MA YIN TE, ,MA SKYES LA SOGS GTAN TSIGS KYIS, ,GLANG CHEN GLAD KYI RVA BZHIN NO, ,MA SKYES RGYU DANG LDAN PA YI, ,'BRAS BUR MI 'DOD SHES PAR BYA, ,'BRAS BU YIN PHYIR SBRANG RTZI NI, ,MKHA' MIN SOGS RGYU LDAN MIN BZHIN, ,DES NI NAM MKHA' DE BZHIN NYID; ,PHYOGS DANG DUS DANG BDAG LA SOGS, ,'DUS MA BYAS PA JI SNYED PA, ,BKAG PAR MKHAS PAS SHES PAR BYA, ,RDZAS DANG GTZO BO SROG LA SOGS, ,MU STEGS BRTAGS PA'I SHES BYA DAG ,RIGS DANG LUNG LA MKHAS RNAMS KYIS, ,CI RIGS PAR NI DGAG PAR BYA; ,RANG DANG GZHAN GYIS GRUB PA'I PHYIR, ,DNGOS PO RNAMS LA BDAG BTAGS PA, ,MKHAS PAS BDAG MED RTOGS BYA ZHING, ,DE NYID SHES PA'I BDUD RTZI BTUNG, ,YANG NA RNAM RTOG DRA BA YI, ,RGYUN 'BREL DE DAG LA SOGS PA, ,DNGOS PO SKYE BAR 'DZIN BRTEN PAS, , NAN GYIS BYIS PA 'KHRUG PAR BYED, ,GANG TSE MKHAS PA RIG SGRON GYIS, ,YANG DAG JI BZHIN YONGS RTOGS PA, ,DE TSE SKYE BKAG DE ZHI BAS, ,SPROS PA NYE BAR ZHI BAR 'GYUR, ,DE LA RE ZHIG BDAG SKYE BA, ,KUN RDZOB TU YANG MI RIGS TE, ,BDAG NYID YOD PHYIR DPER BYA NA, , ZHO NI BDAG LAS MI SKYE BZHIN, ,DNGOS RNAMS BDAG LAS MA SKYES TE, ,DNGOS PO YIN PHYIR SKYES BU BZHIN, ,MA SKYES PA LA BDAG MED DE, ,MA SKYES PHYIR NA MKHA' MIN BZHIN, ,NAM MKHA'I ME TOG MED PA'I DON, ,MKHA' LA SOGS PAR KHYOD 'DOD PA, ,DE DAG NAM MKHA'I ME TOG MIN; ,DE PHYIR KHO BO'I PHYOGS MED MIN, ,GAL TE RGYU LA 'BRAS BDAG YOD, ,DE LAS DE NI SKYE SNYAM ZHING, ,DNGOS RNAMS DE LAS SKYE BA NI, ,BDAG LAS SKYE BA NYID 'DOD NA, ,DE LA GZHAN MIN BDAG BZHIN NA, ,RGYU NI RGYU MIN NYID DU 'GYUR, ,MA SKYES PHYIR NI RGYU MIN PA, ,CI ZHIG @9A *, ,YIN ZHING GANG GI RGYU, ,'BRAS BU BDAG NYID NYID YIN NA, ,RGYUR BRTAGS PA NI DON MED 'GYUR, ,DE NYID LAS NI DE SKYE NA, ,BSKYED DANG BSKYED BYA GCIG TU 'GYUR, ,GAL TE 'O MA ZHO NYID DU, ,GNAS PAS GNOD PA MED SNYAM NA, ,PHA NI BU NYID MI 'GYUR BAS; ,GNOD PA MED PA MA YIN NO, ,MI MTHUN PHYOGS NI MED PA'I PHYIR, ,GTAN TSIGS 'GAL BA NYID MI 'DOD, ,DE LTAR RE ZHIG DNGOS PO RNAMS, ,BDAG LAS SKYE BAR MI RIGS SO, ,NGO BO NYID NI MED PA'I PHYIR, ,GANG ZHIG GANG LAS GZHAN DU 'DOD, ,GLANG RU DANG NI RI RTZE LAS, , RTA RU GZHAN DU MI 'DOD BZHIN, ,MIG LA SOGS PA RKYEN GZHAN RNAMS, ,DON DAM DU NA MIG SOGS KYI, ,RNAM SHES SKYED PAR BYED MA YIN, ,GZHAN PHYIR RTZI SKYANG LA SOGS BZHIN, ,GZUGS KYI BLO LA SOGS PA DAG ,BRJOD 'DOD MI SOGS RGYU CAN MIN, ,GZHAN PHYIR SNGA NA MED PA'I PHYIR, ,DPER NA BUM SNAM LA SOGS BZHIN, ,MA SKYES PA YI GZHAN NYID NI, ,KUN RDZOB YIN PAS DON DAM MIN, ,GZHAN LAS SKYE BA NYID KYANG NI, ,RIGS PA MA YIN GZUNG BAR BYA, ,SKYES PA BRJOD DU MED PA LA, ,SKYE BA DON MED NYID DU 'GYUR, ,MA SKYES PA LA SKYE MED DE; ,MA SKYES PHYIR NI MKHA' MIN BZHIN, ,SKYE BZHIN SKYE BAR 'DOD PA LA, ,BRGAL ZHING BRTAG PA MTSUNGS PAR 'GYUR, ,BRJOD DU MED LA 'ANG DE MED DE, ,BRJOD DU MED PHYIR GZHAN BZHIN NO, ,YANG NA MIG LA SOGS PA DAG ,BRTAGS PA'I BDAG NYID NYID KYIS STONG, ,BYAS PA'I PHYIR DANG 'JIG PA'I PHYIR, ,DPER NA SGYU MA'I 'O MA BZHIN, ,BSGRUB DANG MTSUNGS PAR BKAG PA'I PHYIR, ,CIG SHOS KYI NI THE TSOM MED, ,SGYU MA'I BDAG NYID MA BRTAGS PA'ANG, ,YANG DAG TU NA LOG PAR 'DOD, ,LA LA'I 'DOD CHAGS RGYU YIN PHYIR, ,DPER NA BRTAGS PA DE NYID BZHIN; ,GRAGS PA'I CHAS NI DE GRUB PHYIR, ,KHO BO'I DPE NI MED MA YIN, ,YANG NA MIG LA SOGS PA NI, ,YANG DAG TU NA DNGOS NYID STONG, ,BYAS PA NYID PHYIR 'JIG NYID PHYIR, ,BDUD KYIS SPRUL PA'I SANGS RGYAS BZHIN, ,DNGOS PO RNAMS KYI DNGOS NYID GANG, ,YANG @9B DAG TU NA DNGOS DE MED, ,BYAS PHYIR DPER NA CHU YI NI, ,TSA BA NYID DANG BRTAN NYID BZHIN, ,DNGOS RNAMS RANG GI BDAG NYID DU, ,SKYE BAR 'THAD PA MA YIN PAS, ,GZHAN GYI DNGOS POR MI SKYE STE, ,BA LANG BONG BUR MA MTHONG BZHIN, ,RGYU LA SOGS PA'I RKYEN GZHAN LAS, ,SKYE BA KUN RDZOB THA SNYAD YIN, ,DE PHYIR KHAS BLANGS GNOD PA MED, ,DE DAG YANG DAG NYID MA YIN, ,YOD LA RKYEN RNAMS MI RIGS TE, ,MED LA'ANG MI RIGS YOD MED PHYIR, ,DE LAS GZHAN BZHIN RKYEN MA SKYES, ,RKYEN RNAMS SU NI JI LTAR 'GYUR, ,RGYU NI 'BRAS BU BSKYED MA YIN; ,DE YIS STONG PHYIR DE GZHAN BZHIN, ,SKYE BAR 'DOD PA'ANG DES BSKYED MIN, ,SNGA NA MED PHYIR DE GZHAN BZHIN, ,DES NI SKYES DANG MA SKYES DANG, ,SKYES BZHIN SKYED PA MI BYED DE, ,NYES PA BSTAN PHYIR MA SKYES PA'I, ,RGYU NI YANG DAG NYID MA YIN, ,SKYES PA DMIGS DANG MI PHRAD DE, ,SKYES LA'ANG SKYE BA DON MED PHYIR, ,MA SKYES PA YANG MA SKYES PHYIR, ,DPER NA MI SKYE CHOS BZHIN NO, ,SKYE BZHIN PHRAD PAR 'GYUR SNYAM NA, ,DE YANG DMIGS PA MED PAR MED, ,YAN LAG MA TSANG BA LA NI, ,SKYE BA'I BYA BA 'JUG MI 'DOD, ,YANG NA SEMS DANG SEMS BYUNG RNAMS, ,YANG DAG DMIGS PA YOD MI 'DOD, ,SKYE BZHIN PHYIR DANG GZUNG BA'I PHYIR, ,DPER NA GZUGS LA SOGS PA BZHIN, ,YANG NA DE DAG DMIGS BCAS PA, ,DUS GCIG PHYIR NA DE MI RUNG, ,DE LTAR DMIGS PA YOD MIN PAS, ,GANG ZHIG GANG GIS DMIGS PAR 'GYUR; ,MA SKYES PA LA 'GAG MED DE, ,MA SKYES NYID PHYIR MKHA' MIN BZHIN, ,'GAGS PA LA YANG 'GAG MED DE, ,'GAGS PHYIR DPER NA SHI BA BZHIN, ,MA 'GAGS PA LA'ANG MA 'GAGS PHYIR, ,DA LTAR 'JUG PA'I MAR ME BZHIN, ,'GAG BZHIN PA LA MI 'DOD DE; ,DGAG PA GONG DU BSTAN PHYIR RO, ,DE YANG DUS MNYAM NYID CIG GAM, ,YANG NA DUS GZHAN 'GYUR GRANG NA, ,MI RIGS 'GAG BZHIN YIN PA'I PHYIR, ,DGRA BCOM SEMS KYI THA MA BZHIN, ,DNGOS PO YOD PA DON DAM DU, ,MI RIGS SKYE BA MED PA'I PHYIR, ,MO @10A *, ,GSHAM BU YI YOD PA BZHIN, ,DE PHYIR BDAG PO MED PAR 'DOD, ,'BRAS BUS STONG NGAM MI STONG PA'I, ,RKYEN ZHIG BDAG POR 'GYUR GRANG NA, ,STONG PA MA YIN DES STONG PHYIR, ,DPER NA MIG NI SGRA BLO BZHIN, ,SBYANG LA SOGS NA GNAS PA YI, ,RGYU TZAM YOD PA NYI TSE LA; ,'BRAS BU 'BRAS BUR MI 'GYUR ZHING, ,MED PA KHYOD LA 'BRAS BUR 'GYUR, ,GAL TE 'BRAS BU'I NUS 'BRAS NA, ,DE LAS GZHAN PA'I RGYU CI YOD, ,DE LAS GZHAN PA MA YIN LA, ,GZHI DANG BZHAG PA'I DNGOS MI 'DOD, ,'BRAS BU'I MING TZAM NYID LA NI, , DPER NA MKHA' LA MKHA' GNAS BZHIN, ,GAL TE DE NYID RGYU YIN NA, ,GANG GIS MI GTONG DE CIR YOD, ,YOD LA SKYE BA MED PA'I PHYIR, ,GANG ZHIG GANG GIS BDAG POR 'DOD, ,MED LAS RKYEN YANG MED PA'I PHYIR, ,GANG ZHIG GANG GIS BDAG POR 'DOD, ,GAL TE BUM SOGS SKYES MTHONG BAS, ,MTHONG LA GTAN TSIGS DON MED DE, ,MNGON SUM DANG NI GRAGS PA YI, ,GNOD PAS GNOD PAR 'GYUR ZHE NA, ,BUM PA LA SOGS SKYE BA DAG ,BYIS PA'I BLO DANG MTHUN MTHONG BA, ,GANG PHYIR DE NI MI 'GOG PAS, ,DE PHYIR JI SKAD SMRAS SKYON MED, ,GZUGS LA DMIGS PA'I BLO LA NI, ,YANG DAG TU NA RANG RIG MED, ,DE MA SKYES PHYIR KHO BO LA, ,DE YI GNOD PA MED PHYIR RO, ,MNGON SUM BLO NI DON DAM DU, ,DON BZHIN NYID DU MI RIGS TE, ,PHYIS PA'I BLO DANG KHYAD MED PHYIR, ,MGAL ME'I 'KHOR LO'I BLO BZHIN NO, ,DE YI SPYOD YUL DNGOS MIN TE; ,'DUS BYAS YIN PHYIR BDAG BLO BZHIN, ,GZUGS LA SOGS PA RDZAS MIN PHYIR, ,NGED LA MNGON SUM GNOD PA MED, ,MKHAS PA'I TSUL LA SPYOD PA LA, ,GRAGS PA'I GNOD PA YOD MA YIN, ,DE NYID LA NI MA RIG PA'I, ,LING TOG LDONGS PA'I TSIG SKABS MIN, ,YOD LA'ANG SKYE BAR MI 'DOD DE, ,YOD PA CI PHYIR SKYE BAR GYUR, ,YOD PA RIGS PAR MI BYED DE, ,SNGA NA MED DANG PHYIS 'BYUNG PHYIR, ,MIG RAGS PA NYID GANG YIN PA, ,DE NI RKYEN GYIS MA BYAS TE, ,SNGA NA MED PHYIR RDZA MKHAN BZHIN, ,SHES BYA MIN PHYIR ZA PO BZHIN, ,ZA PO LA SOGS KUN @10B RDZOB TU; ,THUN MONG YIN PAR 'DOD PA'I PHYIR, ,DE PHYIR NGED LA GANG DU YANG, ,DPE YI SKYON DU 'GYUR BA MED, ,GAL TE GSAL BA SKYON MED NA, ,GANG GIS CI GSAL JI LTA BU, ,GAL TE DE DAG 'DI SKAD CES, ,DPER NA MAR MES BUM PA BZHIN, ,YOD LA MNGON GSAL BYED PHYIR RO, , KUN RDZOB TU YANG MAR MES NI, ,BUM PA SNANG DANG BCAS PA DANG, ,DE YI BLO'AM GNYEN PO DAG ,SKYE BAR BYED PA NYID YIN NO, ,MNGON PAR MI GSAL GSAL MI BYED, ,MI GSAL PHYIR NA MKHA' MIN BZHIN, ,RANG TSUL GYIS KYANG DPER BYA NA, ,GTZO BO ZA PO BZHIN DU BSTAN, ,GAL TE DE YANG MNGON GSAL NA, ,ZA PO KUN 'GRO MA YIN ZHING, ,RGYU MED MA YIN SHES YOD MIN, ,MI GSAL BA YANG NYAMS PAR 'GYUR, ,GAL TE GTZO BO MNGON GSAL NA, ,KHYOD KYI GTZO BO BYA BA DANG, ,DPAG YOD GSAL BAR THAL 'GYUR TE, ,DE NI DE DAG MIN PAR GRAGS, , GANG GIS GSAL BYED GANG DAG 'DOD, ,DE DAG DE GSAL BYED MI 'DOD, ,RGYU NYID LA SOGS GTAN TSIGS KYIS, ,RGYU SPUN LA SOGS ZHO MIN BZHIN, ,GAL TE RGYU SPUN LA SOGS LA'ANG, ,DE NUS YOD PHYIR DPER MED NA, ,DE MIN RGYU SPUN LA SOGS DNGOS, ,DE DAG DE GSAL BYED MIN PHYIR, ,BDAG DANG GZHAN LAS SKYE BA DANG, ,BDAG NYID YOD DANG MED MI 'DOD, ,GNYI GAR SMRA BA YOD MIN TE, ,RIGS PAS GONG DU BRTAGS PHYIR RO, ,KUN RDZOB TU YANG 'BRAS BU NI, ,RKYEN RNAMS KYIS NI GSAL MI 'DOD, ,DE ZHIG BAR DU RJES SGRUB PHYIR, , SA LA SOGS PAS BUM PA BZHIN, ,MIG NI KUN RDZOB NYID DU YANG, ,GLO BUR SKYE BAR MI 'DOD DE, ,SPYI DANG KHYAD PAR LDAN PA'I PHYIR, ,DE NI DPER NA BUM PA BZHIN, ,'BRAS BU YIN PHYIR RIM SKYE'I PHYIR, ,'JIG PA'I PHYIR DANG YONGS 'GYUR PHYIR, ,RGYU RKYEN NGES PA'I PHYIR DANG NI, ,SKYE BA'I PHYIR YANG SHES PAR BYA, ,GAL TE 'JIM GONG TSE GZHAN LA, ,'GAGS PA MI SKYE ZHIG PA'I PHYIR, ,'BRAS BU YIN PHYIR DPER NA NI, ,BUM PA BZHIN DU 'DOD CE NA, ,JI LTAR BUM PA BUM PA YI, ,NGO BO NYID 'GAGS MI SKYE BA, ,DE LTAR 'JIM GONG 'DOD NA NI, ,'DOD PA NYID NI SGRUB PA @11A *, ,YIN; ,'ON TE 'GAGS PA RGYUN MIN NA, ,DES NA GTAN TSIGS 'GAL BA NYID, ,GAL TE RGYUN NYID MA NYAMS NA, ,DES NA 'KHRUL PA NYID DU 'GYUR, ,MNGAL NAS SNGON ROL BLO LA NI, ,MDUN ROL KHO NAR 'GAGS BLO YOD, ,SHES BYA GZHAN GYIS DE GZHAN PHYIR; ,YANG NA BLO PHYIR DE 'OG BZHIN, ,TZE'I TRA LA NI SGRA BLO DANG, ,GZUGS BLO SKYE BA GANG YIN PA, ,DE GNYIS MI GCIG YUL GZHAN PHYIR, ,DPER NA RGYUD GZHAN DAG GI BZHIN, ,DE PHYIR PHA ROL PHYIR YANG NI, ,DPE MED PAR NI MI 'GYUR TE, ,BLO PHYIR DE YANG GCIG NYID MIN, , GZHAN BLOS 'KHRUL PAR 'GYUR PHYIR RO, ,GAL TE MED SMRA BYIS PA YIS, ,'CHI 'PHO'I SEMS LA MTSAMS SBYOR MED, ,'CHI 'PHO'I SEMS PHYIR DGRA BCOM GYI, ,THA MA'I SEMS BZHIN SGRUB BYED NA, ,GTAN TSIGS MA NGES NYID 'GYUR TE, ,'DAS PA'I 'CHI 'PHO'I SEMS KYIS SO; ,TSE RABS DRAN LA SOGS YOD DANG, ,TSUL SMRAS PHYIR NA DE YANG YOD, ,'PHAGS PA MIN PA'I 'CHI 'PHO'I SEMS, ,SEMS GZHAN BSKYED PA NYID YIN TE, ,MA RIG PA DANG BCAS PA'I PHYIR, ,SEMS DE SKYED PAR BYED PA BZHIN, ,GAL TE LUS DANG DBANG BLO DAG ,RANG GI LAS KYIS SKYED MI 'DOD, ,ZHIG PHYIR DPER NA BUM PA BZHIN, ,DE PHYIR 'JIG RTEN PHA ROL MED, ,DE NYID KYIS NI DE MA BYAS, ,DE GZHAN GYIS KYANG MA BYAS PHYIR, ,'JIG RTEN RANG GI LAS BSKYED MIN, ,GZHAN 'DI NGED LA CI ZHIG GNOD, ,LAS KYIS SKYED NYID MA YIN LA; ,DPE NI YOD PA MA YIN NO, ,SHING LA SOGS PA DUS SKYE BA, ,SEMS CAN LAS KYI DBANG GIS TE, ,SEMS DMYAL GNAS DANG MTHO RIS NA, ,MTSON DANG DPAG BSAM SHING SKYE BZHIN, ,'BYUNG BA RNAMS LA BLO GROS NI, ,MTSAN NYID MI MTHUN JI LTAR 'BYUNG, ,'BYUNG BA SEMS MED RNAMS LAS NI, ,SHES PA YOD PA NYID SKYE STE, ,SKYE CAN YIN PHYIR MYOS MTHU DANG, ,ME SHEL LAS NI ME BZHIN NO, ,MYOS MTHU SHES YOD MA YIN PAS, ,KHYOD KYI DPE NI MED PA NYID, ,RGYU RNAMS RIGS MTHUN YIN PA'I PHYIR, ,GTAN TSIGS KYANG NI 'GAL BA NYID, ,NANG @11B GI 'BYUNG BA RNAMS KYANG NI, ,SHES PA YOD PA MA YIN TE, ,SA LA SOGS PA'I DNGOS PHYIR DANG, ,'BYUNG BA YIN PHYIR DE GZHAN BZHIN, ,DE PHYIR MNGAL NAS SNGON ROL SEMS, ,SEMS GZHAN SNGON DU SONG YIN PAR, ,MKHAS PA RNAMS KYIS SHES BYA STE, ,'DZIN PA YIN PHYIR DE 'OG BZHIN, ,BE'U YANG SNGON CHAD GOMS BYAS PAS, ,BYUNG MA THAG TU ZAS TSOL BYED, ,ZAS KYI DON DU SKYOD PA'I PHYIR, ,DPER NA DBANG PO SMIN PA BZHIN, ,KHAB LONG GIS NI RDO BSKYOD PAS, ,GTAN TSIGS MA NGES NYID MA YIN, ,DE NI ZAS ZA MTHONG BA'I PHYIR, ,MA GRUB NYID KYANG MA YIN NO, ,DBANG PHYUG 'JIG RTEN BYED PO MIN, ,LA LA'I DGA' BA'I RGYU YIN PHYIR, ,DPER NA DBANG PHYUG DGA' BYED PA'I, ,BYED PO DBANG PHYUG MA YIN BZHIN, ,DBANG PHYUG KUN GYI RGYUR MI 'DOD, ,MA SKYES PHYIR DANG RGYU MED PHYIR, ,DPER NA NAM MKHA'I ME TOG NI; ,KUN GYI RGYUR NI MI 'DOD BZHIN, ,'GRO BA MA LUS 'DI DAG GI ,RGYU NI DBANG PHYUG RAB TU MIN, ,SEMS DANG LDAN PHYIR DPER NA NI, ,GLANG RDZI 'GRO RGYU RAB MIN BZHIN, ,DBANG PHYUG GCIG PU 'GA' YANG MED, ,DNGOS RNAMS TSOGS LAS 'GRUB PA'I PHYIR, ,BYED PO GCIG PU 'GA' YANG MED, ,DE PHYIR MA NGES NYID MA YIN, ,GAL TE MIG SOGS DBANG PHYUG BCAS, ,MANG PHYIR BRAN BZHIN 'DOD CE NA, ,MA SKYES DBANG PHYUG GCIG MI 'GRUB, ,DBANG PHYUG DE LAS ZLOG PAR 'GYUR, ,CI STE BYED POR BCAS 'DOD DE, ,BKOD PHYIR BUM SOGS BZHIN ZHE NA; ,GAL TE KHYAD PAR MA BSTAN PA'I, ,BYED PO YIN NA GRUB PA SGRUB, ,CI STE RTAG CIG PHRA SOGS KYI, ,KHYAD PAR GYIS NI KHYOD DPE MED, ,KHYOD KYI DE NI MI RTAG DANG, ,GZUGS CAN SKYES NYID SKYON DU 'GYUR, ,GAL TE SEMS CAN SNOD BGRANG BA'I, ,'JIG RTEN SNA TSOGS RGYU YI LAS, , DBANG PHYUG YIN NA KUN RDZOB TU'ANG, ,GRUB PA NYID LA RAB TU SGRUB, ,DES NI DUS DANG SKYES BU DANG, ,GTZO BO RDUL PHRAN KHYAB 'JUG DAG ,'GRO BA 'DI YI RGYU MIN PAR, ,DGAG PA KHONG DU CHUD PAR BYA, ,GAL TE LTA BA'I MUN SEL BA, ,GANG PHYIR SANGS RGYAS 'BYUNG DE'I PHYIR, ,DE BZHIN SKYE @12A *, ,MCHED SKYE 'DOD NA, ,LAN DU RUNG BA MA YIN NO, ,DUS MED SKYE BA YOD MIN NA, ,GANG LA LTA BA GANG ZHIG 'DOD, ,DE YOD MA YIN RTOGS BYA'I PHYIR, ,SANGS RGYAS 'BYUNG BA BYED PO NYID, ,GAL TE LHA DANG LHA MIN GCIG ,DES NA JI LTAR RTAG MI 'GYUR, , GAL TE LHA DANG LHA MIN GZHAN, ,JI LTAR CHAD PAR MI RIGS 'GYUR, ,BRJOD MIN BUM PA BZHIN NA YANG, ,CHAD PA JI LTAR SPONG BAR 'GYUR, ,YIN DANG MA YIN NYID YIN YANG, ,MYA NGAN 'DAS TSE GCIG 'DA' MED, ,GAL TE 'GAGS PA SKYE GYUR NA, ,DES NA JI LTAR RTAG MA YIN, , 'GAGS PA SKYE BA MED GYUR NA, ,JI LTAR CHAD SMRA NYID MA YIN, ,RGYUN NI RDZAS SU MED PA'I PHYIR, ,RTAG CHAD DE DAG GA LA YOD, ,DE MED PHYIR NA MA SKYES LA, ,RTAG MED CHAD MED RIGS PA YIN, ,GAL TE SDUG BSNGAL MI BSKYED PHYIR, ,SANGS RGYAS RNAMS NI CHOS STON PA, ,DE PHYIR DE YI 'BRAS YOD PHYIR, ,SKYE BA YOD PAR 'DOD CE NA, ,GAL TE DE NI SKYE 'DOD NA, ,DE NI SNGAR BZHIN SKYE MED PHYIR, ,SKYE BA MED PA DE 'BRAS MIN, ,DE YONGS SHES PA DE'I 'BRAS YIN, ,DE NI BDAG GIS BYAS MI RIGS, ,DE NYID KYIS DE MA BYAS PHYIR, ,GZHAN GYIS BYAS PAR MI 'DOD DE, ,GZHAN GYIS GZHAN BYED 'GAL BA'I PHYIR, ,SDUG BSNGAL RANG RGYUD SKYE MI 'DOD, ,SEMS CAN LA SOGS MED PHYIR DANG, ,RDZAS MED PHYIR DANG DBYER MED PHYIR, ,SDUG BSNGAL DE LA RGYUD KYANG MED, ,GAL TE MIG SOGS 'DU BYED RNAMS, ,DE NYID DU NA SKYE CAN TE, ,SEMS CAN MING DU BRJOD PA'I PHYIR, ,SANGS RGYAS NYID DU SGRUB BYED NA, ,NGED LA SANGS RGYAS SKYE CHOS MIN, ,DE PHYIR DE YOD MA YIN LA, ,DE BZHIN DE SKYE YOD MIN TE, ,BDAG BZHIN SGYU MA BZHIN 'BYUNG YOD, ,GZUGS NI YANG DAG NYID DU NA, ,SANGS RGYAS MA YIN RTOGS BYA'I PHYIR, ,'KHOR LOS SGYUR BZHIN RNAM SHES MIN, ,RANG GZHAN SNANG PHYIR MIG 'PHRUL BZHIN, ,PHUNG PO GZUGS CAN SANGS RGYAS MIN, ,PHUNG PO BSDUS PA YIN 'DOD PHYIR, ,SKYE 'JIG CHOS CAN YIN PHYIR DANG, ,SHES BYA YIN PHYIR GZUGS BZHIN NO, ,SKU @12B NI SANGS RGYAS YIN MI RIGS, ,DE ZHIG 'JIG PA'I SKYON PHYIR DANG, ,GZHAN GYI MTSAN NYID MED PA'I PHYIR, ,BDAG BZHIN DE NI GA LA YOD, ,BRJOD MIN RDZAS MED MIN 'DOD DE, ,SNGA MA BZHIN DU GSAL BA'I PHYIR, ,BUM PA BZHIN DU BRJOD MIN NA, ,DE NI JI LTAR SANGS RGYAS 'DOD; ,RTEN CING 'BREL PAR 'BYUNG MTHONG BAS, ,CHOS DANG SANGS RGYAS MTHONG BA'I PHYIR, ,SKYE MCHED SKYE YOD MI 'DOD DE, ,SNGA MA BZHIN DU BSAL PHYIR RO, ,BDAG DANG GZHAN GNYIS RGYU MED MIN, ,YOD MED RTAG DANG MI RTAG MIN, ,GZHAN DANG GZHAN MIN SKYE MED PAS; ,RTAG DANG CHAD PA RNAM PAR SPANGS, ,SKYE BA YOD MIN MED MA YIN, ,YOD MED MA YIN DE GANG NA, ,DE MTHONG STON PA MTHONG 'GYUR BAS, ,JI LTA BUR NI SHES PAR BYA, ,DE PHYIR NGO BO NYID SMRA'I TSIG ,'DOD PA RNAM PAR NYAMS PA YIN, ,GANG LA SKYE BA SGYU MA YI, ,SKYE BA YOD PA DE LA RUNG, ,SMRAS PA'I NYES PA'I DRI BSAL BAS, ,DAM CHOS SGRON MA RAB BSTAN PHYIR, ,MDZAD PAS PHAN THOGS TSUL GYIS NI, ,KUN RDZOB TU NI SANGS RGYAS MTHONG, ,DE NI DE NYID MTHONG MIN TE, ,SGYU 'DRA YANG DAG MA YIN PHYIR, ,RAB TU BRTAG MIN RNAM SHES MIN; ,BRTAG BYA MA YIN DPE MED PA, ,MTSAN MA MED CING SNANG BA MED, ,RNAM RTOG MED CING YI GE MED, ,LTA BA'I BLO YIS RTOGS BYA BA, ,MTHONG BA MED PAS DE MTHONG YIN, ,DE NI DON DAM NYID DU NA, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN; ,YOD MED MA YIN GZHAN MA YIN, ,SRED MED DBANG PHYUG SKYES BU DANG, ,GTZO BO RDUL PHRAN LA SOGS PA'I, ,RGYU LAS SKYES DANG GSAL BYA YI, ,DNGOS PO 'GA' YANG YOD MA YIN, ,DE LA NGO BO NYID DANG LAS, ,MTSAN GZHI MTSAN NYID BRTEN PA DANG, ,GCIG NYID GZHAN NYID KUN NYON MONGS, ,RNAM PAR BYUNG BAR BYA BRTEN PA, ,DPER NA MKHA' LA LCAG 'DEBS DANG, ,TSON GYI RI MO'I LAS DANG NI, ,SA BON DAG NI SKYE MED LTAR, ,RTOG PA THAMS CAD SKYE BA MED, ,RAB RIB BRAL BAR GYUR PA'I MIG ,RNAM DAG DRI MA MED PA LA, ,SKRA DANG @13A *, ,SBRANG BU ZLA GNYIS DANG, ,RMA BYA'I MDONGS DAG MI SNANG LTAR, ,MKHAS PA NYON MONGS SHES BYA YI, ,SGRIB MUN RAB RIB BRAL GYUR CING, ,YANG DAG MKHYEN SPYAN DRI MED LA'ANG, ,DE BZHIN CI YANG SNANG BA MED, ,DPER NA GNYID LOG GNYID DBANG GIS, , BU DANG BUD MED GZHAL MED KHANG, ,GNAS LA SOGS PA MTHONG GYUR PA, ,SAD NA DE LA MI MTHONG LTAR, ,DE BZHIN KUN RDZOB SHES PA DAG ,BLO GROS MIG NI BYE GYUR CING, ,MI SHES GNYID DANG BRAL GYUR NAS, ,SAD PA'I TSE NA MI MTHONG NGO, ,DPER NA MTSAN MO MUN KHROD NA, , 'BYUNG PO YANG DAG MI MTHONG BA, ,NYI MA SHAR CING MIG BYE'I TSE, ,SNANG BAR GYUR PA MA YIN LTAR, ,DE BZHIN MKHAS PA YANG DAG GI ,SHES PA'I NYI MAS MI SHES PA'I, ,BAG CHAGS MA LUS BCOM PA'I TSE, ,SEMS DANG SEMS BYUNG YUL MI MTHONG, ,DNGOS RNAMS NGO BO NYID YOD PAR; ,MI MTHONG DNGOS NYID MA GRUB PHYIR, ,YANG NA DNGOS NYID SKYE MED PHYIR, ,SGYU MA'I GLANG CHEN JI BZHIN NO, ,DNGOS RNAMS NGO BO NYID YOD PAR, ,MI MTHONG KUN RDZOB SKYE YOD PHYIR, ,YANG NA RGYU DANG LDAN PA'I PHYIR, ,SGYU MA'I GLANG CHEN JI BZHIN NO, ,DNGOS RNAMS MED CES BYA BA'I BLO; ,DON BZHIN YIN PAR MI 'DOD DE, ,RTOG PA'I SGO NAS GRUB PA'I PHYIR, ,MTHO YOR LA NI MI BLO BZHIN, ,YANG NA YANG DAG MA YIN BLOS, ,DMIGS BYA'I DNGOS BDAG LOG PAR 'DOD, ,RTOG PA'I SHES PA'I YUL YIN PHYIR, ,SMIG RGYU LA NI CHU BLO BZHIN, ,YOD MED BLOS NI RTOGS BYA BA, ,BKAG PHYIR DE BZHIN MKHAS RNAMS KYIS, ,RNAM PAR MI RTOG BLO GROS NI, ,SKYE BA MED PA'I TSUL GYIS SKYE, ,CHOS RNAMS THAMS CAD STONG PA'I PHYIR, ,DE NI GTONG BA'I SGO NAS KYANG, ,MI RTOG BLO GROS MI 'DOD MIN, ,DE NI SNGAR BZHIN BGAG PHYIR RO; ,GANG PHYIR STONG NYID STONG SOGS KYI, ,NGO BO NYID KYIS STONG DE'I PHYIR, ,MKHAS PA STONG PA NYID LA YANG, ,STONG PA NYID DU LTA MI 'GYUR, ,DNGOS PO'I BDAG NYID SNANG MED PA, ,MI RTOG BLO YI SPYOD YUL YANG, ,DON BZHIN MA YIN DMIGS BYA'I PHYIR, ,CHU ZLA LA NI ZLA BLO BZHIN, , @13B RNAM PAR MI RTOG DON YUL GYI, ,BLO RNAMS RTOG PA MED PA'ANG BRDZUN, ,BDAG MED LA SOGS NGO BO'I PHYIR, ,DPER NA RNAM RTOG BCAS BLO BZHIN, ,SHES BYA RNAM KUN MA GRUB PHYIR, ,GANG LA RNAM PAR MI RTOG PA'I, ,BLO YANG SKYE BAR MI 'GYUR BA, ,DE NYID MNYAM MED DE MKHYEN GSUNG; ,DE RTOGS PHYIR NA GANG ZHIG LA, ,BLO SKYE MED PAS SANGS RGYAS DNGOS, ,RNAM RTOG GNYID NI SANGS PHYIR DANG, ,RTOG PA MED PAS RGYAS PHYIR RO, ,YONGS SHES BYAS SOGS MTHAR THUG DANG, ,MNYAM NYID RTOGS PAR GYUR PA DANG, ,SPRUL PA DAG GIS SKAL LDAN GYI, , BLO YI PAD MA KHA 'BYED PHYIR, ,CHOS RNAMS MTSAN NYID THA DAD PA, ,SKYED DANG DGAG PA MA MDZAD PAR, ,MNYAM PA NYID KYI MNYAM NYID DANG, ,BDAG GZHAN BDAG NYID MNYAM PA NYID, ,DMIGS MED NYID DU RDZOGS RGYAS SHING, ,RDZOGS SANGS RGYAS MED SANGS RGYAS PAS, , LHA MIR BCAS PA'I 'JIG RTEN NA, ,DE NI RDZOGS SANGS RGYAS ZHES BRJOD, ,CHOS RNAMS GSAL DANG GZHAG MED PHYIR, ,CHOS NYID JI LTA BA BZHIN DU, ,GANG PHYIR DE NI GSHEGS GYUR PA, ,DE PHYIR DE NI DE BZHIN GSHEGS, ,RTOGS BYA GTAN DANG MA LUS DANG, ,MTHAR LHUNG RNAM PAR SPANGS PA DAG ,RTOGS MED TSUL GYIS RTOGS PA YIS, ,BDER GSHEGS PHYIR NA BDE BAR GSHEGS, ,GZHAL MED GZHAL YAS RTOGS PA'I PHYIR, ,GRANGS MED GZUNG DU MED PA'I PHYIR, ,BSAM YAS SEMS YUL MA YIN PHYIR, ,BSTAN MIN BSTAN DU MED PA'I PHYIR; ,BRTAG MED DE NI 'DI'O ZHES, ,RNAM KUN BRTAG TU MED PA'I PHYIR, ,GSAL MIN GSAL BYED MED PA'I PHYIR, ,ZHI BA GNOD PA MED PA'I PHYIR, ,BRTAG PAR BRJOD DE SNANG MED PA'I, ,BDAG NYID NYID KYIS RNAM KUN TU, ,RNAM RTOG MED PAS RTAG PHYIR DANG, ,RTAG TU DON NI RAB BSGRUB PHYIR, ,ZHI BA NGO BO NYID STONG PHYIR, ,MTSAN MA MED PA DNGOS MED PHYIR, ,MTSAN MA NYID DU MI 'GRO DANG, ,MTSAN MA MED PHYIR DE YANG YIN, ,MTSAN MA MED PHYIR SNANG BA MED, ,SNANG MED PHYIR YANG MTSAN MA MED, ,MTSAN MA MED CING SNANG MED PA, ,LTA 'DOD BDAG @14A *, ,NYID GROL BAS MTHONG, ,MI GNAS MTSAN MA MED PA'I PHYIR, ,RNAM PAR MI RTOG MI GNAS PHYIR, ,SPROS MED RNAM PAR MI RTOG PHYIR, ,DMIGS MED DER 'DZIN MED PA'I PHYIR, ,SKYE BA MED PA RNAM PA MED, ,'GYUR BA MED PA 'OD GSAL BA, ,MNYAM PA MI MNYAM MU MED PA, ,RNAM PAR MI RTOG MTSAN NYID MED, ,MKHA' BZHIN DE LA LTA MED PAR, ,BDAG NYID CHEN PO DE DAG LTA, ,GANG DAG RNAM PAR MI RTOG PA'I, ,GNAS PAS LHUN GRUB DRI MED MIG ,'DUD PAR BYED DANG YID BYED DANG, ,BRJOD LA SOGS PA GSAL BA DAG , MGON PO LA NI PHYAG 'TSAL BA, ,DE DAG LA NI GUS PHYAG 'TSAL, ,SANGS RGYAS LA SOGS SGRO BTAGS PAS, ,SGRUB DANG RJES SU MTHUN PAR BSTAN, ,DE NYID DU NA RNAM KUN DU, ,RNAM BRTAG MIN PHYIR BRJOD MI 'DOD, ,'DI LA TSIG DANG LDOG 'GYUR ZHING, ,'DI NI SEMS KYI SPYOD YUL MIN, ,'DI LA KUN RTOG LDOG 'GYUR ZHING, ,SHES PA 'JUG PAR MI 'GYUR RO, ,GRANGS MED BSOD NAMS TSOGS LDAN ZHING, ,SHES BYA MTHA' YAS MKHYEN GYUR PA'I, ,SANGS RGYAS RNAMS KYI CHOS SKU 'DI, ,SPROS PA NYER ZHI ZHI BA YIN, ,SHA YI MIG GIS DE LTA MIN, ,LHA YI MIG GIS BLTA MA YIN, ,RTOG BCAS RNAM RTOG MED PA YI, ,SHES PAS KYANG NI MTHONG BAR DKA', ,MTHO RIS SDIG CAN YUL MIN DANG, ,NYON MONGS MED PA DE BCAS MIN, ,NYI MA DMUS LONG YUL MIN LTAR, ,DE YANG RTOG GE'I SPYOD YUL MIN, , YOD MIN MED MIN YOD MED MIN, ,DE LAS GZHAN MIN GZHAN MA YIN, ,PHRA BA MA YIN CHEN PO MIN, ,GCIG MIN RING MIN NYE BA'ANG MIN, ,DE LAS CUNG ZAD JI LTAR YANG, ,SKYE BA MED CING GSAL BA MED, ,'DI LA 'GA' YANG GNAS PA MED, ,'GA' YANG BAG LA ZHAR MI 'GYUR, , TSANGS LA SOGS PAS GANG MI RTOGS, ,DE NI TSANGS PA DAM PA YIN, ,DE NI BDEN PA DAM PA ZHES, ,THUB PA BDEN PA GSUNG BAS GSUNGS, ,'PHAGS PA SPYAN RAS GZIGS DBANG DANG, ,'PHAGS PA BYAMS PA LA SOGS PA, ,MKHAS PA THUB PA MANG PO DAG ,BSNYEN MED TSUL @14B GYIS DE BSNYEN BYED, ,DE LAS DNGOS NYID MI GZHAN DANG, ,DES NI THUGS SU CHUD PA'I PHYIR, ,DE BZHIN GSHEGS PA'I SKUR 'DOD DE, ,GZHAN GYIS MA YIN DE MA RTOGS, ,DE NYID BSGOMS PA GOMS BYED PA, ,DMIGS MED GNAS PA DE LA YANG, ,GANG LA YID NI CHAGS 'GYUR ZHING, ,SDANG 'GYUR RMONGS 'GYUR GA LA YOD, ,SDUG BRAL MI SDUG PHRAD PA LAS, ,BYUNG BA'I SDUG BSNGAL GA LAS 'BYUNG, ,'JIG RTEN CHOS KYIS MI GOS TE, ,PADMA LA NI CHUS BZHIN NO, ,'KHOR BA LAS NI BYUNG MA YIN, ,'KHOR BA LAS GNOD BRAL BA YIN, ,MYA NGAN 'DAS PA THOB MA YIN, ,MYA NGAN 'DAS LA GNAS DANG 'DRA, ,NYON MONGS ME YIS GDUNG BA MED, ,NYON MONGS LDAN YANG NAM MKHA' BZHIN, ,SEMS MED SEMS MED MA YIN TE, ,SNYOMS PAR 'JUG LA GNAS PHYIR RO, ,DE NI SHES RAB LHUN PO'I RTZER, ,'DZEGS SHING MYA NGAN MED GYUR KYANG, ,SNYING RJE'I DBANG GIS 'JIG RTEN PA, ,MYA NGAN GDUNGS DANG SDUG BSNGAL BLTA, ,DE NI DE TSE SNYING RJE YIS, ,BRLAN PA'I MIG GIS 'JIG RTEN PA, ,RNAM RTOG BZO LAS BYUNG BA YI, ,RTOG PA'I DRA BAS DKRIS PA DANG, ,SKYE RGA NA 'CHI'I ZUG RNGU YIS, ,RMA BTOD NA BAR GYUR PA DANG, ,ZHAN DANG BKREN DANG MTHA' NGAN DANG, ,MGON MED DPUNG GNYEN MED PA DANG, ,SDUG BSNGAL NYE BAR ZHI 'DOD PAS, ,SDUG BSNGAL CHU BO CHER LHUNG DANG, ,SDUG BSNGAL RGYU DAG SPEL BA'I PHYIR, ,RMONGS PA'I YID KYIS ZHUGS PA DANG, ,DE NYID BDUD RTZI ZHI BA DANG, ,SPROS PA NYER ZHI STON KA YI, ,DRI MED MKHA' LA BLOS DPYOD PA'I, ,SNANG MED MIG MED KUN BLTAS NAS, ,SNYING RJES SHIN TU YID GDUNGS PA, ,DE LA PHAN PHYIR BRTUL ZHUGS CAN, ,RDO RJE RIN CHEN SRA BA'I SEMS, ,SEMS CAN GTZO BO LEGS BSLABS PA, , SBYIN PA TSUL KHRIMS BZOD PA DANG, ,BRTZON 'GRUS BSAM GTAN SHES RAB BRTZON, ,DUS GZHAN DANG NI MTHU BZHIN DU, ,SHES RAB DRAN PA SNGON 'GRO BAS, ,SEMS CAN KUN LA PHAN PA'I PHYIR, ,SBYIN LA SOGS PA'I RI BO LAS, ,BYUNG BA'I CHU KLUNG BSOD NAMS DANG, ,DRI @15A *, ,MED DGE BA'I CHU LDAN 'BEBS, ,SLONG BA KUN LA DUS KUN DU, ,PHYI NANG DNGOS PO THAMS CAD KYIS, ,DBUL DANG SLONG BA'I SDUG BSNGAL KUN, ,RNAM PA KUN DU SEL BAR BYED, ,SLONG BA RNAMS KYI BSAM PA DAG ,SKAD CIG SKAD CIG DAGS RDZOGS SHING, ,DUS KUN MI ZAD 'BRAS BU YIS, ,'BYOR CING DPAG BSAM SHING LTAR BYED, ,DE NI GZHAN PHAN BDE SKYID PA'I, ,BDE 'GRO KHO NAR SKYE BAR 'GYUR, ,YANG NA 'DOD PAS GZHAN DAG TU, ,GZHAN PHAN BDE BA SKYED PAR SKYE, ,'GRO BA DE DANG DE DAG TU, ,'KHOR BTZUGS RTAG BZOD MTHA' YAS DANG, ,RGYA MTSO BZHIN DU SGO KUN NAS, ,BSOD NAMS CHU BOS YONGS RGYAS 'GYUR, ,SEMS GNYEN RNAM PAR MI G-YENG DANG, ,SHES BYA RTOGS DANG MKHAS PA'I BLO, ,LHAN CIG SKYES DANG LDAN GYUR CING, ,JI SRID 'DOD PA'I SKAL BAR GNAS; ,GRANGS MED DPAG TU MED PA YI, ,TING 'DZIN NGES RTOG BLO DANG LDAN, ,'JIG RTEN KHAMS NI MTHA' YAS DAG ,RGYAN RNAMS KYIS NI BRGYAN PAR BYED, ,BZO DANG LAS SNGON 'DU BYED DANG, ,LAS KYI RNAM SMIN RAB TU STON, ,'GRO LA PHAN PA BSGRUB 'DOD PAS, , JI LTAR 'DOD PA RAB TU SKYE, ,SANGS RGYAS SKUS NI GANG BA YI, ,'JIG RTEN KHAMS RNAMS STON PAR BYED, ,JI LTAR 'DOD PA'I DUS DANG NI, ,ZHING DU RDZOGS PAR BYANG CHUB STON, ,YE SHES MIG GIS SHES BYA BA'I, ,DE NYID THAMS CAD STON PAR BYED, ,CHOS RNAMS BZHAG PA NYID RTOGS SHING, ,MING LA SOGS PA THOB PA NYID, ,RDZU 'PHRUL RNAM PAR 'PHRUL PA YIS, ,MTHA' YAS ZHING DAG G-YO BAR BYED, ,DUS GCIG GAM NI RIM YANG RUNG, ,LUS LAS 'BAR DANG 'BEBS PAR BYED, ,PHYOGS NI MTHA' YAS KUN TU YANG; ,RANG GI 'OD KYIS SPRO BAR BYED, ,TSAD MED RMAD BYUNG BSAM MI KHYAB, ,YON TAN RIN CHEN 'OD 'BAR BA, ,'JIG RTEN RTZA LAG SANGS RGYAS RNAMS, ,'KHOR DANG BCAS PA'ANG STON PAR BYED, ,GSER DANG NOR BU BEE d'U RYA, ,MU TIG RDO RJE MTHON KA CHER, ,RI BO'I DBANG @15B PO CHE RNAMS DANG, ,ME NYID GRANG BAR BZHED PAR BYED, ,CHEN POR GYUR BA'I LUS KYIS SU, ,RDO RJE SOGS LA MI CHAGS PAR, ,NGO MTSAR BYED CING SKAD CIG GIS, ,PHYOGS KUN DU NI 'GRO ZHING 'ONG, ,RANG GI LUS SAM RDUL PHRAN LA, ,DPAG TU MED PA'I 'JIG RTEN KHAMS, , YANG DAG 'DZUD KYANG SEMS CAN LA, ,GNOD PA MED PA'ANG STON PAR BYED, ,'JIG RTEN KHAMS RNAMS PHRA RAB TU, ,PHRA RAB DE YI TSAD NYID DU, ,BSDUS PA'AM NI RGYAS PAR YANG, ,BZHED PA TZAM BYED 'OG STENGS KYANG, ,DE'I TSAD 'OD DANG KHA DOG DANG, ,DBYANGS DANG SPYOD LAM PHUN TSOGS KYIS, ,GDUL BYA 'DUL BAR 'DOD PA'I PHYIR, ,TSANGS BA LA SOGS 'KHOR DU 'GRO, ,SNANG BAR 'GYUR ZHING MI SNANG 'GYUR, ,DE DAG 'GAS KYANG MI SHES DANG, ,GZHAN GYIS ZIL GYIS GNON PAR YANG, ,BYED DE SNYING RJES BSKUL BA'I PHYIR, ,'GRO BA'I GNAS NI BRJOD RNAMS SU, ,'GRO BA DBANG BYAS DGOD 'DOD PAS, ,SPOBS SOGS KYIS NI DMAN PA LA, ,SPOBS PA'I BDE BA RAB TU STER, ,DMYAL SOGS SDUG BSNGAL GYIS GDUNGS PA, ,'OD ZER BTANG BA LA SOGS KYIS, ,ZHI BAR BYED CING LHA DBANG SOGS, , SKAL BA MNYAM PAR 'GRO BAR BYED, ,GDUL BYA JI BZHIN SPRUL PA YI, ,SPRUL PA YIS NI PHYOGS BKANG NAS, ,BSTAN PA RIN CHEN CHAR PHAB PAS, ,'JIG RTEN 'DAS PA'I BDE BA BSKYED, ,DUS GSUM TSAD MED LUS NYID DANG, ,SANGS RGYAS ZHING NI PHUN SUM TSOGS, ,'JIG RTEN KHAMS NI DPAG MED RNAMS, ,'JIG PA DANG NI CHAGS PA YANG, ,RANG LUS BDE BAR GSHEGS ZHING DU, ,DE YANG RANG LUS BDAG NYID DU, ,RANG GI ZHING NI BDE GSHEGS SKUR, ,BZHED PA TZAM GYIS BYIN GYIS RLOB, ,BA SPU'I KHUNG DANG 'OD ZER LAS, ,NAM MKHA' LA NI ROL MO'I SGRA, ,SPRUL PA YIS NI RAB BTON NAS, ,THOS NA DGA' BAR 'GYUR BAS NI, ,MTHAR THUG PAR NI GSAL BAR 'GENGS, ,KA LA PINGKA'I SGRA DBYANGS NI, ,ZAB CING RGYA CHEN SGROGS PA YIS, ,'JIG RTEN RNAMS NI GSUNG GIS 'GENGS, ,MOS PA'I DBANG DANG DBANG @16A *, ,PO BZHIN, ,ZHI BAR RO GCIG ZHI BA DANG, ,GDUL BYA RNAMS NI 'DUL BA'I PHYIR, ,CHOS 'DI RNAMS NI GSUNG BAR MDZAD, ,DMAN DANG BAG LA NYAL BCAS DAG ,BDE DANG SDUG BSNGAL SOGS DANG BCAS, ,DMAN DANG 'BRING DANG MCHOG RNAMS DANG; ,YANG DAG GYI [*GI] NOM SOGS DE RNAMS, ,GANG LA JI LTAR JI SRID DU, ,LUS CAN RNAMS KYI SEMS 'BYUNG BA, ,DE RNAMS DE LA DE BZHIN DANG, ,DE SNYED MANG RNAMS RIG PAR BYED, ,LHA DANG SPRUL PA PHRA MO DANG, ,DE LAS BZLOG PAR GYUR PA DAG ,KUN TU GZUGS NI THAMS CAD KYANG, ,LHA YI MIG GIS DE DAG MTHONG, ,LHA DANG 'PHAGS PA BKOD DANG SPRUL, ,GSAL PO'I SGRA DANG MIR BCAS DANG, ,RING NA GNAS DANG BZLOG PA DAG ,LHA YI RNA BA 'DI YIS THOS, ,SNGON GYI GNAS RNAMS THAMS CAD DE, ,SEMS CAN RNAMS DANG BDAG NYID KYI, , MING DANG RIGS KYI BYE BRAG RNAMS, ,DRAN ZHING GZHAN DAG GI YANG DRAN, ,THA DAD 'GRO BA'I 'DOD PA DANG, ,MI 'DOD LAS 'BRAS SNA TSOGS GNAS, ,'CHI DANG 'PHO DANG SKYE BA RNAMS, ,LUS CAN KUN GYI RIG PAR GYUR, ,'JIG RTEN KHAMS NI DPAG MED DU, ,'DI YIS GDUL BYA 'DUL BA'I PHYIR; ,DGA' LDAN GNAS 'PHOS 'JUG PA DANG, ,YANG DAG BYANG CHUB MNGON PAR STON, ,RANG GI 'DOD PAS DPAG MED PA'I, ,'JIG RTEN KHAMS KYI RDUL MNYAM PA, ,SANGS RGYAS ZHING YANG DE SNYED DU, ,SEMS CAN RNAMS KYANG DE SNYED KYI, ,GDUL BYA THABS KYIS SPRUL PA NI, ,RANG GI ZHING NAS MA G-YOS PAR, ,RANG GI 'DOD PAS LUS SPRUL PA, ,RE RE LAS KYANG DE SNYED LAG ,DE SNYED PA YI MGO LAS LCE, ,SO SO KUN NAS DE SNYED SPRO, ,LAG PA DE DAG GIS BZUNG BA'I, ,ME TOG DRIS BKANG SNA TSOGS PA, ,GANGG'A'I KLUNG GI BYE MA SNYED, ,LHUN PO'I TSAD TZAM DRI SPRO ZHING, ,RGYAS PA MCHOG BZANG DRI DAG DANG, ,RDZOGS SANGS RNAM PAR SANGS RGYAS DAG ,'GRO LA PHAN PA BYED PA'I MCHOG ,SHIN TU GUS PAS MCHOD PAR BYED, ,LAN CIG MIN PAR BSTOD PAS BSTOD, ,RIN CHEN GDUGS DANG BLA RE SOGS, ,MU TIG DRA BAS @16B YONGS BRGYAN PA, ,TSAD MED RIN CHEN MYU GU LAS, ,MCHE BA LTA BU'I 'OD ZER 'PHRO, ,STENG G-YOGS KA BA 'BAR BAS DGA', ,MU TIG PHRENG BA 'PHYANG BA DANG, ,RIN CHEN SNA TSOGS DU MA LAS, ,SNA TSOGS LAS KYIS BZO SBYAR BA, ,RIN CHEN 'BAR BA'I GZHAL YAS KHANG,, 'OD ZER SGRON MA BRGYA SNYED 'BAR, ,SHIN TU MTHO BA MKHA' MNYAM PA, ,RIN CHEN 'OD KYIS PHYOGS KHYAB BYED, ,DE YIS RNAM GRANGS DU MA YIS, ,BSTAN PA RTAG TU MKHAS PA DES, ,THOS NAS GUS PA GZHAN DAG LA, ,LHAG CHAD MED PA'I YI GES STON, ,MKHAS PA LEGS PAR BSLABS PA DES, ,BSKAL PA GRANGS MED DPAG MED PAR, ,BSOD NAMS YE SHES STOBS KYIS 'PHAGS, ,PHA ROL PHYIN RNAMS PHA ROL PHYIN, ,'DI NI 'DI LTAR SKYES BU MCHOG ,RDZOGS SANGS NYI MAR GYUR NAS NI, ,GDUL BYA'I SEMS CAN PADMA'I MTSO, , BSTAN PA'I 'OD KYIS RGYAS PAR BYED, ,DRI MA MED PAS DRI MA SBYONG, ,GANGS PHRED BSIL BA'I 'OD ZER DANG, ,TZANDAN PAS LHAG BSUNG GI CHUS, ,LUS CAN YID KYI NYON MONGS MES, ,RAB TU GDUNGS BA ZHI BAR BYED, ,SKYE BA'I 'KHOR BA DPA' KLONG CAN, ,'CHI BA'I CHU SRIN BCAS MTSO LAS, ,THEG PA GSUM GYI GRU CHEN GYIS, ,'DI YIS SKYE BO MYUR DU SGROL, ,BDAG GIS LEGS BSHAD CHU RGYUN GYIS, ,THOG MA MED DUS 'GRO BA RNAMS, ,SHIN TU SKOM PA SEL BAR BYED, ,YON TAN GYIS PHONGS KYANG SEL BYED, ,SRID PA'I DGON PAR LAM STOR BAS, , MA RIG PAS BSGRIBS LAM STON BYED, ,'GRO RNAMS SHES RAB MIG PHYE NAS, ,MYA NGAN 'DAS PAR PHYIN PAR BYED, ,NYON MONGS SBRUL GDUG MCHE BAS BTAB, ,RANG LA PHAN PA'I THABS LA BRGYAL, ,YE SHES SMAN NI YANG DAG PA, ,RIG PA BSTAN PAS 'GRO RNAMS GSO, ,SRID PAR MGON MED SROG CHAGS RNAMS, ,YUN RINGS GNYID KYIS LOG PA LA, ,BSTAN PA RNGA YI SGRA DAG GIS, ,SNYING RJE YID NI SAD PAR BYED, ,YUN RING 'KHOR BA'I BTZON RA NA, ,SRID PA'I LCAGS SGROG GIS BSDAMS PA, ,BDUD BZHI LAS NI RGYAL BYAS NAS, ,BCINGS PA LAS NI @17A *, ,GROL BAR BYED, ,BYIN ZA NGOMS PA MED PA BZHIN, ,LHA DANG MI YI YUL DAG GIS, ,SHES RAB BDUD RTZI'I RO BZANG POS, ,LUS CAN RNAMS NI TSIM PAR BYED, ,'KHOR DU STONG NYID SENG GE YI, ,SGRA CHEN SGRA NI BSGRAGS PA YIS, ,GDUL DKA' MU STEGS MYOS PA NI, ,SHES PAS MYOS PA'I NGA RGYAL SEL, ,DBANG PO CHEN PO'I GZHU 'DRA BA, ,'DOM GANG 'OD KYIS KUN TU BSKOR, ,GZUGS NAS 'BAR BA YONGS RDZOGS PA'I, ,MTSAN DANG DPE BYAD RNAMS KYI DPAL, ,DPAL NYID RGYAN DU GYUR PA YI, ,YID DANG MIG NI 'PHROG BYED PA'I, ,GZUGS NI MNYAM PA'I GZUGS MED PA, ,MDZES PA THAMS CAD ZIL GYIS GNON, ,DE YIS RNAM PA DRUG CU DANG, ,LDAN PA'I GSUNG GI CHO 'PHRUL DANG, ,BCAS PAS LHA DANG LHA MIN MI, ,LA SOGS YID NI DGA' BAR BYED, ,DE YI GSUNG DANG SKU RNAMS KYIS, ,YID BZHIN NOR BU DPAG BSAM LTAR, ,GDUL BA'I DBANG GIS PHYOGS KUN TU, ,SNA TSOGS BDAG PO'I GZUGS SU BSGYUR, ,DE DAG DE LTAR SOGS GRANGS MED, ,DPAG MED RMAD DU BYUNG BA'I GNAS, ,CHE BA'I BDAG NYID MKHAS PAS LAM, ,'DI LA BRTEN NAS THOB PAR 'GYUR, ,DBU MA'I SNYING PO LAS DE KHO NA NYID KYI SHES PA TSOL BA'I LE'U STE GSUM PA'O,, ,,RTOGS PAR DKA' BA'I LUGS 'DI LA, ,RTOGS PA'I NUS PA CHUNG GYUR PA, ,GNAS MIN SKRAG PA'I DMAN MOS DAG ,YANG DANG YANG DU RTZOD PAR RTZOM; ,STON PA'I RNAM PAR MI RTOG BLO, ,SKU LA BRTEN PA MA YIN TE, ,LUS CAN YIN PHYIR BA RDZI YI, ,LUS LA JI LTA BA BZHIN ZER, ,YANG DAG LTA SOGS LAM GYIS NI, ,RDZOGS PA'I SANGS RGYAS BYANG CHUB CHER, ,'DREN BYED YANG DAG RAB RTOGS BYED, ,BYANG CHUB YIN PHYIR SLOB MA'I BZHIN, ,STON PA'I DBANG PO KHYAD 'PHAGS PAS, ,KUN MKHYEN YE SHES SRID PA YIN, ,LAM GCIG NA YANG 'DOD PA BZHIN, ,'GA' YI SO SO YANG DAG RIG ,SHES BYA'I SGRIB PA ZAD BYED PA, ,DE YANG LAM DE NYID KYIS YIN, ,SEMS LAS BYUNG BA'I SGRIB YIN @17B PHYIR; ,NYON MONGS SGRIB PA JI BZHIN 'DOD, ,THEG CHEN DU YANG LAM 'DI YIS, ,KUN RIG THUB PA 'THOB BYED DE, ,THEG PA GZHAN NYID YIN PA'I PHYIR, ,RANG RGYAL THEG PA BZHIN DU 'DOD, ,MDO SDE SOGS SU MA BSDUS DANG, ,LAM GZHAN NYE BAR STON PHYIR YANG, ,THEG CHEN SANGS RGYAS GSUNG MA YIN, ,RIG BYED MTHA' PA'I LTA BA BZHIN, ,CHAD PAR LTA BA JI BZHIN DU, ,RGYU DANG 'BRAS BUR SKUR 'DEBS PAS, ,SDE PA BCO BRGYAD KHONGS SU YANG, ,GTOGS PA MED PAS MA YIN NGES, ,GZUGS LA SOGS LA DMIGS PA'I BLO, ,RANG RIG NYID DU YOD PAS KYANG, ,MNGON SUM GNOD PA GANG YIN DES, ,SKYE MED SMRA BA DE LA GNOD, ,SRID PA RNAMS NI DE NYID DU, ,SKYE MED CES BYA'I KHYAD PAR GYIS, ,MNGON SUM DANG NI GRAGS PA DAG ,GNOD PA 'DI LA MED CE NA, ,BGROD MIN LA YANG YANG DAG TU, ,BGROD PAR BYA STE BUD MED PHYIR, ,BUD MED GZHAN BZHIN ZER BA YI, ,SKYON BCAS TSIG KYANG SKYON MED 'GYUR, ,BDEN PA MTHONG BA DE NYID MIN, ,DE NYID MED PAR THAL BAR 'GYUR, ,NAM MKHA'I LHA YIS BSTAN PA LTAR, ,DE NYID YIN PAR MI 'DOD DO, ,PHYI ROL SKYE MCHED YOD PA LAS, , DER SNANG BA YI BLO 'BYUNG BAS, ,YOD PAR RIGS TE SEMS NYID NI, ,YOD LA DGA' BA JI BZHIN GYIS, ,GAL TE SEMS YOD MI 'DOD NA, ,KHYOD KYI 'GRO BA SEMS TZAM MIN, ,'GRO BA PHYOGS SU BYA BA DANG, ,GTAN TSIGS BSGRUB PA KHYOD LA MED, ,DE LA SNGAR SMRAS RIGS PA NI; ,RANG GI PHYOGS NYAMS DOGS PAS GZHAN, ,MI 'DOD GYUR PA GANG SMRA BA, ,DE NI RIGS PA MA YIN NO, ,STON PA'I RNAM PAR MI RTOG BLO, ,BDAG MED PA LA DMIGS PAR 'DOD, ,YUL CAN GYI NI BLO YIN PHYIR, ,GANG ZAG BDAG MED PA BZHIN NO, ,SBYOR LAS BYUNG SOGS BLO DAG NI, ,'BYUNG BA GAL TE 'GOG BYED NA, ,SHES BYA KUN DU MA GRUB PAS, ,BLO GANG GANG GI RJES 'BYUNG BA, ,DE NI RTOG MED SNGON BYANG CHUB, ,SHES BYA DE NYID MA LOG PHYIR, ,DE YI NGO BO RNAM RTOG SOGS, ,BRAL BA'I BLOR NI MNGON 'DOD PAS, , @18A *, ,DE YI RTEN NI 'GOG BYED NA, ,GRUB PA NYID NI RANG SGRUB BYED, ,DE NI ZHI NYID SOGS BSTAN PA, ,RTOG PA RNAMS KYIS SGRO BTAGS PA'O, ,MTHONG BA MED PA RTOG MED PA, ,BRJOD PA MED PA BYED MED PA, ,'TSO BA MED PA RTZOM MED PA, ,DE BZHIN DGA' MED GNAS MED PA, ,DE TSE LAM NI DE NYID KYIS, ,SANGS RGYAS BYANG CHUB 'DOD PHYIR BDAG ,GRUB PA SGRUB PA'I SKYON YANG YIN, ,BSGOM NYID LA YANG BTAG PAR BYA, ,JI LTAR LUNG DANG MI 'GAL BAR, ,RJES SU DPAG PA'I RJES 'BRANGS PA, ,'DI LTAR DE NYID BSGOM PA STE, , DE NI DE BZHIN MKHAS PAS 'DOD, ,GANG GIS DE RTOGS TE SANGS RGYAS, ,GZHAN NI MI YI LA DU MTSUNGS, ,THEG CHEN SANGS RGYAS GSUNG MIN ZHES, ,ZER BA 'DI YANG GTAN LA DBAB, ,SNGAR BSTAN PA YI LAM 'DI YIS, ,SANGS RGYAS BYANG CHUB THOB MI NUS, ,SDUG BSNGAL RNAM PAR RTOGS BYED PHYIR, ,RANG SANGS RGYAS KYI THEG PA BZHIN, ,RJES SU DPAG PAS GNOD PA YANG, ,GZHAN GYI PHYOGS LA 'BYUNG BAR 'GYUR, ,DPE NI MA GRUB PA NYID KYANG, ,DE LA ZHUGS PA BZLOG PAR DKA', ,MI SKYE ZAD PAR SHES PA NI, ,JI BZHIN DON GYI DON DAM MIN,, 'KHRUL BZHIN RNAM RTOG BCAS PA'I PHYIR, ,DE RTOGS JI LTAR DE NYID YIN, ,THEG PA GZHAN NYID RGYU YIN ZHES, ,ZER BA DE YI LAN YANG BTAB, ,JI LTAR SGRIB PA YOD BZHIN DU, ,DGRA BCOM MYA NGAN 'DA' BAR RIGS, ,MA RIG NYON MONGS CAN SPANGS PAS, ,DE NI GROL GYUR SANGS RGYAS BZHIN, ,DE NI MI BDEN MED PA'I PHYIR, ,DNGOS DANG SPRUL PA'I SANGS RGYAS LA, ,YANG DAG TU NA THEG CHEN GYI, ,LAM GYI SANGS RGYAS BYANG CHUB DAG ,SGRUB MIN RTOG BCAS MTSAN BCAS PHYIR, ,'JIG RTEN PA YI LAM BZHIN NO, ,JI SRID 'GA' ZHIG SKRAG PA YIS, ,THAG PA LA NI SBRUL ZHES 'KHRUL, ,'KHRI SHING BSDOGS PAR SHES PA NI, ,GNYEN PO'I PHYOGS KYIS SHES PAR 'BYUNG, ,DES NA GTAN TSIGS MA NGES BCAS, ,RGOL BA'I SMRA BA SPANGS PA YIN, ,KUN NAS NYON MONGS GNYEN PO'I PHYIR, ,'DIS NI LAN YANG BTAB PA @18B BYAS; ,THEG CHEN SANGS RGYAS GSUNG YIN TE, ,BDAG MED LA SOGS STON PA DANG, ,DKON MCHOG GSUM GYI BDAG NYID CHE, ,STON PHYIR SLOB MA'I THEG PA BZHIN, ,PHYIR RGOL TSAD MAS GNOD PA'I PHYIR, ,DE YI GTAN TSIGS MA GRUB NYID, ,BLA MA KUN DGA' PA TA LI,, SDUG BSNGAL PHUNG PO SA PA DANG, ,'CHAR BYED STONG PA 'CHAR BA DANG, ,GAD PO SPANGS PA RIM PA DANG, ,MYA NGAN 'DAS DANG YUL 'KHOR SKYONG, ,ZHES BYA GZHAN YANG 'GRO BA'I MDO, ,RTZA BA'I SDUD PAR MA TSANG BAS, ,RGYAS PA MIN PAR RTOGS PAR BYA, ,YANG DAG LTA BA SNGON 'GRO BA, , GANG PHYIR THEG CHEN LAS GSUNGS PA, ,DE PHYIR GTAN TSIGS MA GRUB NYID, ,SDUG BSNGAL SKYE BA BKAG BSTAN PAS, ,MA SKYE SDUG BSNGAL YIN MI 'DOD, ,SKYES PA SDUG BSNGAL NGO BO NA, ,DE STONG CI'I PHYIR KHAS MI LEN, ,'DUS BYAS YIN PHYIR SGYU MA'AM, ,ZAG MED PHUNG PO JI BZHIN NO; ,KHYOD CI SDUG BSNGAL BDEN 'DOD PA, ,YANG DAG LTA BA'I BLOS 'DOD PA, ,TSOR BA SDUG BSNGAL SDUG BSNGAL YIN, ,SKYE SOGS SDUG BSNGAL NYID JI LTAR, ,MI RTAG PHYIR NA SDUG BSNGAL NA, ,RGYU DANG LAM YANG SDUG BSNGAL NYID, ,SDUG BSNGAL RGYU YIN PHYIR ZHE NA, ,KUN 'BYUNG SDUG BSNGAL NYID DU 'GYUR, ,SDUG BSNGAL NYID NI TSIG TZAM PHYIR, ,DE SHES JI LTAR SDUG BSNGAL SHES, ,SDUG BSNGAL YUL CAN SHES PA DE, ,DE NYID DU NA BDEN PA MIN, ,SDUG BSNGAL NYID DU DE SHES PHYIR, ,PHUNG SOGS SDUG BSNGAL BLO BZHIN NO, ,RGYU NI SDUG BSNGAL RGYU NYID DU, ,MI RIGS KUN 'BYUNG BDAG NYID PHYIR, ,RAL GRIS GSHAGS SOGS BZHIN DU'AM, ,SEMS BYUNG YIN PHYIR LAM BZHIN NO, ,SDUG BSNGAL RGYU YI YUL CAN GYI, ,BLO DE BRDZUN PA NYID DU 'DOD, ,RGYU SOGS RNAM PAR RTOG PA'I PHYIR, ,SDUG BSNGAL RGYU YI BLO CAN BZHIN, ,SKYE MED 'GAG PA YOD MIN TE, ,SNGAR SMRAS PA YI DGAG PA NYID, ,SKYES PA 'GAG NA MA SKYES LA, ,NAM MKHA'I ME TOG BZHIN MI RIGS, ,GANG TSE SKYES PAS DE MA SKYES, ,'GOG PA NYID KYIS 'GOG YIN PAR, ,MI 'DOD DE TSE MKHAS PA KHYOD, , @19A *, ,CI ZHIG BDEN PA YOD PAR SMROS, ,MA SKYES PA YI 'GOG PA YANG, ,YANG DAG TU NA 'GOG PA MIN, ,MA SKYES PA YI 'GOG YIN PHYIR, ,SO SOR BRTAGS MIN 'GOG PA BZHIN, ,'GOG PA'I NGO BO NYID MED NA, ,KHYOD KYI LAM GYIS CI ZHIG LEN; ,MA SKYES LAM YANG JI LTAR YIN, ,GANG GIS CI ZHIG THOB PAR BYED, ,LAM GYIS NGAN GROL THOB MIN TE, ,'DUS BYAS YIN PHYIR GZHAN BZHIN NAM, ,'GOG PA LA NI DMIGS PA'I PHYIR, ,DE LAS GZHAN PA'I 'GOG PA BZHIN, ,SPYI LA DMIGS PA YIN PHYIR RAM; ,'DUS BYAS YIN PHYIR DE BZHIN DU, ,SDUG BSNGAL LA SOGS MTHONG BA BRDZUN, ,BRDZUN PA'I SHES PA BZHIN DU 'DOD, ,'DIS NI YANG DAG RTOG PA DANG, ,RTZOL BA SOGS KYANG BRDZUN NYID PHYIR, ,LAM GYI BDEN PA DON DAM DU, ,MI BDEN PAR NI GRUB PA YIN, ,DES NA BSGOM DE MI RIGS LA, ,SDUG BSNGAL LA SOGS MA MTHONG RIGS, ,MTHONG BA RNAMS KYIS MA MTHONG GZUGS, ,THAMS CAD DU YANG DE BZHIN GNAS, ,GAL TE BLO NGAN 'BA' ZHIG NI, ,BDEN PA MTHONG BA MI 'DOD PHYIR, ,KHYOD NI THAR PAR RIGS MIN TE, ,BYIS PA'I SKYE BO BZHIN ZHE NA, ,SDUG BSNGAL DES SDUG MA SKYES PHYIR, ,SU ZHIG THAR PA GANG LA 'DOD, ,GROL BA'ANG SGYU MA BYAS PA BZHIN, ,'KHRUL PA'I DBANG GIS BSTAN PA YIN, ,SDUG BSNGAL LA SOGS GANG DAG RNAMS, ,GTAN DU MA MTHONG GROL BAR 'DOD, ,DE PHYIR DPE YANG YOD MIN LA, ,DE BZHIN GTAN TSIGS MA GRUB NYID, ,YANG DAG LTA BA SNGON 'GRO BA'I, ,JI LTAR 'BYUNG BA'I LAM 'DI NYID, ,THEG CHEN DU YANG NYER BSTAN PAS, ,DE PHYIR GTAN TSIGS MA GRUB NYID, ,BDEN PA GNYIS LA NYER BRTEN NAS, ,SANGS RGYAS RNAMS KYIS CHOS BSTEN TE, ,'JIG RTEN KUN RDZOB BDEN PA DANG, ,DON DAM NYID KYI BDEN PA'O, ,RIG BYED MTHA' YANG LEGS BSTAN GANG, ,DE KUN SANGS RGYAS GSUNGS PA YIN, ,DE PHYIR DPE NI MA GRUB STE, ,THE TSOM ZA NA BRTAG PAR GYIS, ,YOD DANG MED PA'I RTOG @19B BRAL ZHING, ,SHES RAB SPYOD PAS GNAS PA LA, ,RGYU DANG 'BRAS BU SKUR 'DEBS PA'I, ,LTA BA GANG YOD 'DOD PA GANG, ,RGYU DANG 'BRAS BU 'BREL PA DAG ,'JIG RTEN GRAGS PA JI LTA BAR, ,DE BZHIN DE NI 'GOG PA MIN, ,DE PHYIR GTAN TSIGS MA GRUB NYID, ,DNGOS PO MNGON SUM SPYOD YUL GYI, ,KUN RDZOB BYIS PAS GZUNG BA 'DI, ,NYID NI LAN YANG SNGA MA BZHIN, ,DE YI GNOD PAS MI GNOD DO, ,MKHAS PA'I LUGS KYIS BRTAGS PA LA, ,GRAGS PAS GNOD PA MA YIN TE, ,JI LTAR CHOS BDAG MED PA DANG, ,SKAD CIG MA ZHES BRJOD PA BZHIN; ,GZUGS KYI DE NYID BYIS RNAMS KYI, ,YUL NYID 'GYUR BA MA YIN TE, ,NANG LA RIG PA MA SBYANGS PHYIR, ,BDAG SOGS STONG PA JI BZHIN NO, ,BYIS RNAMS BLO LA YANG DAG TU, ,GZUGS KYI DE NYID LDAN PA MIN, ,MA RIG RAB RIB KYIS BSGRIBS PHYIR, ,MYA NGAN 'DAS PA'I SPYOD YUL BZHIN, ,SRID PA RNAMS NI YANG DAG TU, ,SKYE MED CES BYA'I KHYAD PAR GYIS, ,MNGON SUM DANG NI GRAGS PA DAG ,GNOD PA BSTAN PAS GNOD PA MED, ,YANG DAG PAR NA CHOS RNAMS NI, ,ZHI ZHING MKHA' DANG MNYAM PA LA, ,BUD MED NYID KYANG MA GRUB NA; ,DPE YI GNOD PAR JI LTAR 'DOD, ,BGROD BYA BGROD PA BGROD PO DANG, ,GSUM PO JI LTAR YOD BZHIN DU, ,BGROD MIN BGROD PAR SGRUB BYED PA, ,DE BZHIN SKYON ZHIG 'DOGS PAR 'DOD, ,GRAGS PAS GNOD PA NYID NI BDEN, ,KHYAD PAR CAN LA MA GRUB PHYIR, ,DES NA MI MTHUN PHYOGS 'DI LA, ,BDAG GI PHYOGS GNOD NUS PA MED, ,SPROS PA MED CING RANG RIG LA, ,RNAM RTOG DRI MA DANG BRAL BA, ,DU MA NYID DANG GCIG NYID BRAL, ,ZHI BA DE NYID MKHAS RIG PA, ,NAM MKHA'I LHA YIS BSTAN PA NYID, ,DE NYID YIN PAR MI RIGS KYANG, ,TSANGS PA DANG PO'I LHA LAS BYUNG, ,LHA DE LA GUS DE SKAD SMRA, ,GZUGS SOGS SKYE MCHED SNANG BA NYID, ,BLO YI YUL DU 'DOD PA YIN, ,DE YI YOD PA THUN MONG NYID, ,BSGRUB BYA ZHE NA RA YANG 'DOD, ,'BYUNG LAS GYUR SOGS NGO BO YI, ,GZUGS SOGS SKYE MCHED YOD NYID NI, ,BSGRUB BYA'O @20A *, ,ZHE NA DPE YANG MED, ,PHYIR RGOL RTOG GES GNOD PA'ANG YOD, ,GZUGS SOGS SKYE MCHED 'BYUNG BA DANG, ,'BYUNG BA LAS GYUR MTSAN NYID MIN, ,RANG BDAG RNAM PAR SNANG BA'I BLO, ,SKYED PA'I RGYU PHYIR YID BZHIN NO, ,SEMS DANG SEMS BYUNG NGO BO NYID; ,SEMS DANG SEMS BYUNG RAB TU GRAGS, ,GTAN TSIGS DANG NI DPE YANG MED, ,PHYOGS KYANG RNAL 'BYOR PA LA MED, ,RNAM SHES TZAM ZHES BYA BA 'DIR, ,PHYI ROL DON NI BZLOG PA'I PHYIR, ,TSIG DON 'DI NI DE SPONG ZER, ,BDAG GI PHYOGS NYAMS JI LTAR 'DOD, , 'GA' YI TSIG GIS SMRAR MED PAR, ,BYA BAR MI NUS ZHI BA'I BLO, ,SNYING PO YOD DAM SNYING PO MED, ,MKHAS PAS DE LA DPYAD PAR GYIS, ,DBU MA'I SNYING PO LAS NYAN THOS KYI DE KHO NA NYID LA 'JUG PA'I LE'U STE BZHI PA'O,, ,,RANG GI LUGS KYI NGA RGYAL GYIS, ,MKHAS PAR RLOM GZHAN 'DI SKAD SMRA, ,DE NYID BDUD RTZIR 'JUG PA DANG, ,RNAL 'BYOR SPYOD PAS LEGS BSTAN ZER, ,DNGOS PO GNYIS PO MED PA'I PHYIR, ,GNYIS DNGOS MED PA'I YOD PA NI, ,YOD LA SOGS PA'I BLO YI YUL, ,DAM PA'I DON DU 'DOD DO LO, ,MED PA'I DNGOS PO BDAG MED PA, ,DE BZHIN NYID DANG CHOS GNAS DANG, ,RNAM PAR MI RTOG BLO'I GZUNG STE, ,DE SHES PAR NI BYA BA YANG, ,DMIGS PA LA NI BRTEN BYAS NAS, ,MI DMIGS PA NI RAB TU SKYE, ,MI DMIGS PA LA BRTEN BYAS NAS, ,MI DMIGS PA NI RAB TU SKYE, ,BRTAGS PA NYE BAR MI DMIGS SHING, ,GZHAN GYI DBANG YANG GZUNG MED PAS, ,DE NYID MTHONG BA YONGS GRUB PA'I, ,NGO BO NYID LA BLTA BA YIN, ,BRTAGS PA RGYU MTSAN BCAS PHYIR DANG, ,GZHAN DU GNYIS PO MED PHYIR DANG, ,KUN NAS NYON MONGS DMIGS PA'I PHYIR, ,GZHAN DBANG YOD PA NYID DU 'DOD, SHES RAB PHA ROL PHYIN TSUL 'DI, ,THAMS CAD MKHYEN NYID THOB PA YIN, ,SKYE DANG 'GAG LA SOGS PA DAG ,DGAG PA LHUR LEN MA YIN NO, ,'DIR BSHAD DE BZHIN GSHEGS BKA' KUN, ,KHO BO CAG GI TSAD MA YIN, ,TSAD MA YID CHES LUNG YIN @20B PHYIR; ,BZANG PO DAG NI SGRUB PAR BYED, ,LUNG GZHAN DAG GIS THE TSOM DANG, ,LOG PA'I BLO CAN GZHAN MI BYED, ,DE PHYIR DE DAG SGRUB GZHUG PHYIR, ,RIGS PA LDAN PA'I TSUL BTZAL BYA, ,GNYIS MED PA YI DNGOS PO NI, ,RIGS PA MA YIN 'GAL BA'I PHYIR, ,NAM MKHA'I ME TOG MED DNGOS SAM, ,DE DNGOS YIN PAR BRTAG MI BYA, ,GAL TE YANG DAG BRTAGS MED PHYIR, ,DE LA DBYE BA MED SNYAM NA, ,MTSAN GZHI MTSAN NYID RNAM BZHAG LA, ,DE NI MTSUNGS PHYIR LAN MA YIN, ,GAL TE DE DNGOS MA BTANG GANG, ,DE NI DE DNGOS YIN 'DOD NA; ,DE LTAR DNGOS NYID MI GTONG BA, ,DE PHYIR DE NI DNGOS MA YIN, ,DES NA DE NYID GZIGS RNAMS KYI, ,MKHYEN PA DNGOS MED DMIGS PAR 'GYUR, ,DE YANG CHOS BDAG MED YIN TE, ,MED PA'I BLO YI RGYU PHYIR RO, ,GAL TE DNGOS MED DMIGS PA'I BLO, , RNAM PAR MI RTOG YIN 'DOD NA, ,DES NA GZUGS BLO MI RTOG PA'ANG, ,DAM PA YIN PA NYID DU GYUR, ,GAL TE GZUNG BAR SNANG 'DOD PAS, ,GZUGS BLO YANG DAG MA YIN NA, ,DES NA GTAN TSIGS 'KHRUL 'GYUR ZHING, ,DAM BCAS PA YANG NYAMS PAR 'GYUR, ,NGO BO NYID LA DMIGS YIN NA, ,STON PA'I BYANG CHUB RTOG CAN DANG, ,DMIGS PA CAN DU 'GYUR BA DANG, ,RNAM PAR MI RTOG BLOR MI 'GYUR, ,SEMS TZAM DU NI DMIGS PA DANG, ,GZUGS LA SOGS PA MI 'DZIN NA, ,KHAS BLANGS PA DANG GRAGS PA YIS, ,DAM BCAS PA LA GNOD PAR 'GYUR, ,DE LTAR SNANG BA SKYE BA'I PHYIR, ,RMI LAM GZUGS SOGS BLO BZHIN DU, ,GZUGS LA SOGS PA DON MED PAR, ,RNAM PAR SHES ZHES BYAR MI RUNG, ,GANG PHYIR RMI LAM LA SOGS PA'I, ,RNAM SHES CHOS LA DMIGS PA'I PHYIR, ,DE PHYIR DPE YANG MED PA DANG; ,YUL LA SKUR PA 'DEBS PAR 'GYUR, ,GAL TE YUL DU SNANG BA NYID, ,SEMS KYI DMIGS PA YIN 'DOD NA, ,YUL DU SNANG BA MA GTOGS PAR, ,SEMS KYI BDAG NYID GZHAN CI YOD, ,GZHAN LTAR SKYES PHYIR DE GNYIS SNANG, ,SHEL DANG 'DRA BAR MI 'DOD DE, , @21A *, ,NYE BAR BZHAG LAS DER SKYE BAS, ,SHEL GYI SKAD CIG MIN PHYIR RO, ,DE 'GAGS GZHAN NI SKYES PA LA, ,DE YI BLO NI 'KHRUL PAR 'DOD, ,GNYIS SU SNANG MED NUS PA NI, ,THA DAD MIN PHYIR YUL SNANG BZHIN, ,SEMS NI RANG DANG GZHAN SNANG BA, , LHAN CIG 'DRA BAR 'BYUNG BA'I PHYIR, ,GZUGS BRNYAN BZHIN DU MI 'DOD DE, ,DE PHYIR GNYIS SU SNANG MA YIN, ,GAL TE TSAD MA 'BRAS YOD PHYIR, ,GNYIS SU SNANG BAR 'DOD CE NA, ,GZHAN DU'ANG DE DAG 'GRUB PA'I PHYIR, ,RTOG PA DE YANG MI 'DOD DO, ,YUL DU SNANG BA 'DZIN PA YI; ,RNAM PAR SHES PA SKYE BZHIN PAS, ,GZHAL BYA GANG YIN 'JAL BYED PA, ,DES NA DE NI TSAD MAR 'DOD, ,BSTAN DU MED PA'I NGO BO NYID, ,DE BZHIN RTOGS PA GANG THOB PA, ,GAL TE SMRA 'DOD BSGRUB BYA BA, ,PHYI DON SEMS KYI DNGOS NYID DE, ,RNAM PAR SHES PA'I YUL YIN PHYIR, ,DPER NA DE MA THAG BZHIN NA, ,DES NA SEMS BYUNG SO SO YIS, ,GTAN TSIGS 'KHRUL PA NYID DU 'GYUR, ,MDO LAS SEMS TZAM GSUNGS PA NI, ,BYED PO ZA PO DGAG PHYIR RO, ,GAL TE RNAM BRTAGS DON MTHONG BAS, ,RNAM PAR SHES PA SGRUB BYED NA, ,BRTAGS PA MA YIN DON YOD PHYIR, ,YUL MED PAR NI MI 'GYUR RO, ,RMI LAM LA YANG BRTAGS MIN PA'I, ,NGO BO NYID BLOS MA NGES 'GYUR, ,DMIGS PA MED PAR MI 'DOD DE, ,DPE NI RAB TU MA GRUB PHYIR, ,CI STE BLO YUL RNAM GNYIS TE, ,GCIG DANG 'DUS PA YIN SNYAM NA, ,RIGS PAS YONGS SU BRTAGS PA NA, ,DE NI GNYI GAR MI RIGS SO, ,DE LA GZUGS RDUL GCIG PU NI, ,GZUGS BLO'I SPYOD YUL MA YIN TE, ,DE SNANG NYID DU MI 'GYUR PHYIR, ,DBANG GZUGS SPYOD YUL MA YIN BZHIN, ,PHRA RAB GZUGS NI DU MA DE; ,SEMS KYI SPYOD YUL YIN MI 'DOD, ,RDZAS SU YOD PA MA YIN PHYIR, ,DPER NA ZLA BA GNYIS BZHIN NO, ,DE LA GAL TE PHA ROL PO, ,BSAGS PA MIN PA'I GZUGS SEMS KYIS, ,SPYOD YUL MIN PAR SGRUB BYED NA, ,DER NI GRUB PA NYID SGRUB 'GYUR, ,CI STE @21B BSAGS PA'I GZUGS LA NI, ,GTAN TSIGS MA GRUB NYID 'GYUR TE, ,GZUGS GZHAN DAG GIS BSAGS PA NI, ,DER SNANG BLO NI SKYE PHYIR RO, ,DE NI DMIGS NYID YIN 'DOD DE, ,DER SNANG BLO YI RGYUR 'GYUR PHYIR, ,'DOD CHAGS BZHIN TE DE YI PHYIR, ,KHYOD DAM BCAS LA RJES DPAG GNOD, ,GAL TE RANG BLO DMIGS MED DE, ,RANG GI SA BON LAS SKYE'I PHYIR, ,YID BLO BZHIN 'DOD BRTAGS MIN PHYIR, ,KHYOD KYI DMIGS BCAS NYID DU 'GYUR, ,DMIGS PA MED PA RJES DPOG PAS, ,DE NI BLO NYID MA YIN 'GYUR, ,'DUS PA DAM NI MA BCAS PAS, ,DE 'GOG PA NI GNOD PA MED, ,MI RTOG BLO NI SPANG MIN TE, ,'PHAGS PHYIR RNAM PAR MI RTOG PHYIR, ,DE SKYE THAR PA GA LA YOD, ,DE YI SA BON MA BCOM PHYIR, ,GNYIS KYI 'DU SHES 'JUG PA NA, ,SNA TSOGS SNANG BA RAB TU SKYE, ,DE YI SNA TSOGS SNANG GANG DANG, ,DE RANG SA BON LAS SKYE'I PHYIR, ,ZHI BA DE LA NUS PHUL DANG, ,RANG BDAG NYID DANG GZHAN LAS SO, ,RNAM PAR SHES PA'I MING GIS NI, ,DE LA BDAG TU BTAGS PAR 'GYUR, ,GNYIS YOD SGYU MA LTA BU DANG, ,ZAD CAN MA ZHI BDAG MED DANG, ,GNYIS MED MI ZAD YANG DAG DANG, ,'CHI MED GO 'PHANG MCHOG RTOGS NAS, ,DE LA 'DRA BA MED PA'I PHYIR, ,RNAM PAR RTOG PA RNAM LDOG PAS, ,MI RTOG BLOS NI DMIGS BYAS PA'I, ,GROL BA KHYAD PAR MED PAR 'GYUR, ,YANG NA SEMS TZAM BSGRUB PA'I PHYIR, ,SEMS LAS BYUNG RNAMS SEMS LAS NI, ,THA DAD MED PAR KHAS BLANG BYA, ,YANG NA RNAM RIG TZAM MI 'GRUB, ,YANG NA TSOR SOGS 'DUS PA LA, ,SEMS SU GDAGS PAR 'DOD PAR GYIS, ,DES NA GZHAN GYI RJES SMRA DANG, ,RANG GI GZHUNG YANG BTANG BAR 'GYUR, ,KUN NAS NYON MONGS RNAM BYANG LAS, ,GAL TE SEMS NI RDZAS 'DOD NA, ,TSOR SOGS DE BZHIN SKYE BA'I PHYIR, ,DE GRUB PAS NA GNOD PA MED, ,AUTPALA RTZA BA NUS MANG LAS, ,LO MA LA SOGS RGYUN 'BYUNG LTAR, ,DE BZHIN SEMS RDZAS MED PA LAS, ,RGYUN RNAMS SNA TSOGS 'BYUNG BAR 'GYUR, ,GNYEN POS @22A *, ,SKYE BAR MI 'GYUR ZHING, ,BYED RGYU YOD NA SKYE BAR 'GYUR, ,'DI LAS SNA TSOGS SKYES LA SOGS, ,BRTAGS PA MI 'DOD RDZAS MED PHYIR, ,DE LA DMIGS PAS MI 'GROL TE, ,BLO 'GAG MED PA'ANG MA YIN PAS, ,DE PHYIR KUN RDZOB DON DAM DU'ANG, , BDAG TU SMRA DANG 'DRA MI 'GYUR, ,GZUGS LA SOGS PA STONG PA STE, ,NGO BO NYID KYIS MA SKYES PHYIR, ,RDZAS SU MED PHYIR 'JIG PA'I PHYIR, ,SGYU MA BZHIN GOMS CHAGS MED 'GYUR, ,GZUGS LA SOGS PA YOD KYANG NI, ,YANG DAG JI BZHIN RTOGS GYUR PA, ,DE YOD MA YIN DE YI TSE, ,LOG 'DZIN CI PHYIR MI LDOG 'GYUR, ,GNYIS SU RNAM PAR RTOG PA DAG ,SEMS DANG SEMS BYUNG SPYOD YUL NA, ,GZUGS LA SOGS PA DGAG BYAS KYANG, ,'JUG PAR MI 'GYUR MI RIGS SO, ,GAL TE DE NI DGAG PA'I PHYIR, ,SGRUB GZHAN YONGS SU 'DZIN 'DOD NA, ,'DAM RDZAB 'KHRU BAR BYED PA BAS, ,MA REG PAR NI BSRINGS NA BZANG, ,KUN BRTAGS YOD PA MA YIN TE, ,BTAGS PHYIR SBRUL DANG 'DRAR MI 'DOD, ,THAG PA'I DNGOS POR MA NGES PHYIR, ,YANG NA GRAGS PAS GNOD PAR 'GYUR, ,DE NI 'KHRUL MIN GANG GI PHYIR, ,DU MA'I CHA DE MTHONG PHYIR RO, ,KHYOD NI DNGOS LA SKUR 'DEBS 'GYUR, ,RNAM PA KUN TU YUL 'GOG PHYIR, ,DE MED PAR YANG KUN NYON MONGS, ,MING LAS DON 'JUG LAS 'BYUNG MIN, ,SMRA MI SHES PA'I DUD 'GRO YANG, ,NYON MONGS SKYE BA MTHONG PHYIR RO; ,GZUGS NI GZUGS KYI NGO BOS STONG, ,GZUGS ZHES BRJOD LA LTOS BCAS PAR, ,GZUGS BLO SKYE BAR 'GYUR PHYIR ZHES, ,BRTAG PA BZOD PAR MI 'GYUR RO, ,GZUGS NI STONG NYID MI RIGS TE, ,GZUGS MIN BDAG NYID RNAM BCAS PA'I, ,DNGOS POR SNANG BLO SPYOD YUL GYI, ,GZUGS KYI BDAG NYID DE YOD PHYIR, ,MNGON PAR BRJOD BYA SPYI YIN NA, ,SPYI NI CI YANG YOD MIN PAS, ,DES NA MNGON BRJOD BDAG NYID KYIS, ,STONG PA 'THAD PAR MI 'GYUR RO, ,BRJOD BYA SPYI LDAN DNGOS PO DE, ,DER SNANG BLO YI RGYU YIN PHYIR, ,DE NI DE @22B BDAG NYID YOD PAS, ,BRJOD MED NYID DU MI RIGS SO, ,RIGS MI MTHUN PAS STONG NYID DE, ,BLO MTHUN 'JUG PA'I RGYU YIN PHYIR, ,RIGS MTHUN PA LA MTHUN PAS NA, ,SPYI ZHES BYA BAR NGES PA YIN, ,GZHI MA BZUNG NA GZUNG MED DE, ,DE BZUNG GZUNG DU YOD PA'I PHYIR, ,GRANGS BZHIN DES NA DNGOS DE NI, ,BRTAG BYA BRJOD PAR 'DOD GZHAN MIN, ,DBYER MED PHYIR NA GCIG PA DANG, ,RDZAS MED PHYIR NA DU MAR 'JUG ,DE NYAMS NA YANG MI NYAMS PHYIR, ,GZHAN LA'ANG DE 'DOD MA YIN MIN, ,SNGON MIN AUTPALA MA YIN PA, ,MED PA'I DNGOS POS MA BSAL BAS; ,GZHI MTHUN LDAN PA NYID YIN TE, ,GNYI GA DON GCIG 'JUG PHYIR RO, ,GZHAN SEL GZHAN GYI SPYI MA YIN, ,CHOS GZHAN YIN PHYIR KHYAD PAR BZHIN, ,LKOG SHAL LA SOGS BLO DBYE MED, ,MED LA KHYAD PAR MED PHYIR RO, ,DNGOS MA BZUNG BAR DE 'DZIN PHYIR, ,BRTAG BYA BRJOD MIN YIN MI 'DOD, ,DE YI SGO NAS GZHAN BRJOD NA, ,DE NI BRJOD BYA'I NYID SOGS NYAMS, ,DE NI GZHAN GYI NGO BO NA, ,DES NA BRJOD MED NYID MI RIGS, ,DE PHYIR RNAL 'BYOR SPYOD PA YI, ,TSUL GYIS SMRA BA MI RIGS SO, ,DNGOS RNAMS NGO BO NYID MED DE, ,MNGON BRJOD BDAG NYID STONG PHYIR RO, ,DE NYID KYIS DE SKYE MED PHYIR, ,MA SKYES PA DANG MA 'GAGS NYID, ,GANG PHYIR MNGON BRJOD LDAN DNGOS NI, ,JI LTAR BRJOD PA DE LTAR MED, ,DE PHYIR CHOS RNAMS DNGOS MED NYID, ,CES BYA LA SOGS GANG SMRAS DANG, ,GZHAN DBANG YOD PA NYID SMRAS PA, ,KUN RDZOB TU NI GRUB PA SGRUB; ,GAL TE DON DAM DPE MED CING, ,GTAN TSIGS 'GAL BA NYID DU 'GYUR, ,GAL TE GZHAN DBANG NGO BO NYID, ,SKYE BA NGO BO NYID MED DE, ,YOD PAR GYUR LAS MA SKYES NA, ,SKYE 'GAG LA SOGS 'GAL SGRUB YIN, ,RKYEN RNAMS LAS NI GANG SKYES PA, ,DE SKYE MED PAR THUB PAS GSUNGS, ,DON DAM DU NA DNGOS NYID LAS, ,DE YI SKYE BA DGAG PHYIR RO, ,CHOS RNAMS YANG DAG NYID MIN PHYIR, ,DE DAG KUN RDZOB BLO DANG SGRA, ,SNA TSOGS RANG SPYI'I SPYOD YUL DU, ,'GYUR PA LA NI 'GAL BA MED, ,MING NI GANG DANG GANG DAG GIS, ,CHOS RNAMS @23A *, ,GANG DANG GANG BRJOD PA, ,DE LA DE NI YOD MIN PA, ,DE NI CHOS RNAMS CHOS NYID DO, ,CI STE RKYEN 'BYUNG NGO BO YIS, ,GZHAN GYI DBANG LAS SKYE 'DOD NA, ,RGYU BZHIN YANG DAG NYID MIN PAS, ,'DOD PA SGRUB PAR BYED PA YIN, ,GZHAN GYI DBANG YANG GZUNG MED PA, ,NGO BO NYID KYIS MA SKYES 'DOD, ,DON DAM DU NI SKYES PA LA, ,LOG PAR SNANG BA MI RIGS PHYIR, ,GAL TE JI LTAR SNANG BA LTAR, ,DER SNANG BDAG NYID YOD GYUR NA, ,JI LTAR BA DER YOD PHYIR, ,CHOS RNAMS JI LTAR SGYU MA BZHIN, ,MA SKYES PA DANG MA 'GAGS DANG, ,DNGOS MED NGO BO NYID MED PA'ANG, ,YOD PA NYID LAS MA SKYES DANG, ,RDZAS SU YOD PA MA YIN PHYIR, ,GDAGS PA SKYON CHAGS NYID MED DE, ,RNAM RIG TZAM DU MTSUNGS PHYIR RO, ,SPANG DANG SPONG BYED YOD PA'I PHYIR, ,YONGS SHES SOGS YOD GANG GIR 'DOD, , DE NI GANG PHYIR RDZAS MED KYANG, ,RNAM RTOG BRAL BAS THAR PAR 'GYUR, ,RDZAS YOD NYID NA'ANG SKYE MED PHYIR, ,'DI LAS BZHIN DU BRTAG MI 'DOD, ,DNGOS RNAMS NGO BO NYID MED NA, ,GDAGS PA'ANG YOD PAR MI 'GYUR BAS, ,DE NI MED PAR LTA BA DAG ,MI GLENG BSTAN PAR BYA MIN DANG, ,RANG YANG NGAN SONG GZHOL BA DANG, ,GZHAN YANG PHUD PAR BYED PA YIN, ,ZHE SDANG SHA RUL SGREGS PA 'DI, ,NGA RGYAL MA ZHU STON PA YIN, ,CHOS RNAMS SGYU MA BZHIN 'DOD DE, ,NGO BO NYID NI MED PHYIR DANG, ,BYIS PA RMONGS PA'I RGYU PHYIR DANG, ,MA BYUNG BA LAS 'BYUNG PHYIR RO, ,RNAM PAR MI RTOG DNGOS PO NI, ,MKHA' DANG MTSUNGS PA NYID MI RIGS, ,RNAM RTOG 'DU SHES SNA TSOGS KYI, ,GO SKABS RAB TU 'BYED PHYIR RO, ,SKYES PA BRJOD MED NYID MI RIGS, ,DGAG PA GONG DU BSTAN PHYIR RO, ,BRJOD DU MED NYID YIN GYUR NA'ANG, , KUN RDZOB LA NI DE NYID NOR, ,DE LA DE NYID GZHAN MED PHYIR, ,GAL TE DE NYID MTHONG 'DOD NA, ,BUM PA'ANG BUM PA GZHAN MED PAS, ,CI PHYIR DE NYID MTHONG MI 'DOD, ,KHYOD KYI TSUL SKYON SPA PHYIR GYI, ,DE NI NYON MONGS BYANG MI 'GYUR, ,GSER LA SOGS PA RKYEN RNAMS KYI, , @23B RJES SU 'GYUR BA YIN PHYIR RO, ,NAM MKHA' RTAG TU RNAM DAG STE, ,MIG NI DAG DANG MA DAG PAS, ,DRI BCAS DRI MED MKHA' 'DOD DANG, ,CHOS RNAMS CHOS NYID DE BZHIN NO, ,MA DAG LA SOGS BLO 'KHRUL TE, ,BYED PA'I CHOS YIN LAS KYI MIN, ,DE LA DMIGS PA DAG MA YIN; ,DE NYID DMIGS BYAR MI 'DOD DO, ,DE NYID RDZAS SU YOD YIN NA, ,SKYON NI SNGA MA BZHIN DU 'GYUR, ,'JIG RTEN 'DAS PA RNAM MI RTOG ,DE BLOR MI 'DOD 'JIG PHYIR RO, ,DE SRID SHES PA DMIGS YOD PA, ,DE SRID SHES BYA'I RJES 'JUG NYID, ,THAMS CAD MKHYEN NYID CIG CAR MIN, ,SHES PA RANG LA 'JUG PA NI, ,MED PHYIR RAL GRI'I SO BZHIN DANG, ,RANG RIG 'GOG PAR BYED PHYIR RO, ,RNAM PAR MI RTOG 'PHAGS BLO'I GZUNG, ,RNAM PA KUN TU BRJOD MED NYID, ,SNGAR BZHIN SKYE BA BKAG PA'I PHYIR, ,SKYE MED RDZAS SU YOD MIN PHYIR, , YOD DANG MED PA'I DNGOS NYID KYI, ,NGO BO DON DAM NYID YIN NA, ,SGRO 'DOGS PA DANG SKUR MTHA' LAS, ,GROL BA KHYOD LA JI LTAR YOD, ,YOD MIN DE NYID SKYE MED PHYIR, ,MED MIN DE YOD MA YIN PHYIR, ,YOD DANG MED PA GNYIS SPANGS PAS, ,DE 'DOD DE PHYIR GNYIS SU MED; ,STON PA DMIGS MED MI 'GYUR TE, ,DE BZHIN NYID LA DMIGS PA'I PHYIR, ,BYANG CHUB MNYAM NYID MI 'GYUR TE, ,DE NYID RANG SNANG THA DAD PHYIR, ,DE BZHIN NYID LA DMIGS PA'I BLO, ,NUS PA MA BZHAG GA LAS 'BYUNG, ,NAM MKHA'I ME TOG SNANG BA'I BLO, ,NUS PA MA BZHAG MI RIGS BZHIN, ,RANG TSUL SBED PAS KHYOD KYIS NI, ,DE NYID GCIG NYID GZHAN MI 'GRO LA, ,RDZAS MED DMIGS SU MED PA'I PHYIR, ,DE LA JI SKAD SMRAS DE RIGS, ,NAM MKHA' 'DRA BA'ANG SKYE MED PAS, ,KHYAD PAR MED PHYIR MA GOS PHYIR, ,SHIN TU BRJOD DU MED NYID KYANG; ,BLOS NI RNAM KUN GZUNG MED PHYIR, ,SKYE BA RAB RIB BRAL BA'I BLO, ,'JIG RTEN 'DAS PA YIN PAR 'DOD, ,'JIG RTEN LAS SGROL DON PHYIR DANG, ,'JIG RTEN SHIN TU 'DA' PHYIR RO, ,DE NI MI RTOGS DMIGS MED DANG, ,MTSAN MA MED CING DE YIS NI, ,RANG GZHAN CHOS NYID @24A *, ,CIG CHAR DU, ,RTOGS MED TSUL GYIS MNYAM NYID RTOGS, ,CHOS RNAMS SKYE BA MED PA NI, ,CHOS BDAG MED PA NYID CES BYA, ,DE LA RTOG DRI'I MTSAN MA DAG ,'BYUNG BA MED PA SNGA MA BZHIN, ,GAL TE DE NYID RTOG GE YI, ,SPYOD YUL MIN PHYIR RJES DPAG PAS; ,DE MI RTOGS PA DE YI PHYIR, ,CHOS RNAMS CHOS NYID BRTAG MIN NA, ,'DI LA RJES DPAG SKYON MED PA, ,LUNG GIS RJES SU SGRUB BYED PAS, ,BRTAGS PA'I RNAM RTOG CHU BO DAG ,SNA TSOGS MA LUS BSAL MDZAD NAS, ,SANGS RGYAS RNAM RTOG MI MNGA' BA, ,DGONGS PA MKHA' MNYAM YE SHES KYI, ,SHES BYA MTHA' DAG JI BZHIN DU, ,CHOS RNAMS BZHAG PA NYID RTOGS SHING, ,MING LA SOGS PA THOB PA NYID, ,DES NA RJES SU DPAG PA'I YUL, ,DE NYID YIN PAR SGRUB MI NUS, ,DE NYID SHES PA'I MI MTHUN PHYOGS, ,GANG YIN DE NI DES ZLOG BYED, , LUNG GI KHYAD PAR THA DAD PAS, ,THA DAD GYUR BA'I BLO LA CI, ,LUNG GI DBYE BA MED PA LA, ,RTOGS PAR GYUR PA GZHAN CI YOD, ,MI MTHUN PHYOGS NI SPANG BYA NA, ,DAM BCAS TZAM GYIS JI LTAR 'DOD, ,RNAM PAR RTOG PA MA SPANGS PAR, ,RNAM PAR MI RTOG BLO JI LTAR, ,THUB PA BDEN PA GZIGS PA YI, ,'DI LTAR BDEN PA GNYIS SU GZUNGS, ,THA SNYAD LA NI BRTEN NAS SU, ,DE NYID DON NI RTOGS 'GYUR PHYIR, ,DE BZHIN NYID LA DMIGS PA'I BLO, ,DMIGS DANG BCAS PHYIR BRDZUN YIN TE, ,RMI LAM SOGS YIN DE SHES BYA, ,DES NA DE NYID YIN MI RIGS, ,GZUNG DU MED PA BRJOD MED PA, ,SHES PA'I SPYOD PA RNAM SPANGS PA, ,THUB PA'I DBANG POS GSUNGS PA'I CHOS, ,DE YIS 'DI LTAR 'DI LA GNOD, ,DE LTAR LUNG RIGS LDAN PA YI, ,DE NYID GANG ZHIG SNGAR BSTAN PA, ,RIGS PAS YONGS SU BRTAGS NA YANG, ,DE LA NYAMS PA MED PAR GNAS, ,KHA CIG PHUNG PO'I LJON SHING CHAGS, ,KHA CIG RNAM SHES RGYAL THOGS, ,YANG DAG MTHA' YI G-YANG SAR YANG, ,MA LHUNG RGYAL BA'I THUGS SRAS ROL, ,SHES BYA RNAM KUN MA GRUB PHYIR, ,GANG LA RNAM PAR MI RTOG PA'I, ,BLO YANG SKYE BAR MI 'GYUR BA, ,DE NYID MNYAM MED DE MKHYEN GSUNG, , @24B DBU MA'I SNYING PO LAS RNAL 'BYOR SPYOD PA BA'I DE KHO NA NYID GTAN LA DBAB PA LA 'JUG PA STE LE'U LNGA PA'O,, ,,RANG BZHIN GANG ZHIG RTOGS PA MED, ,YON TAN GSUM DANG SKYED BDAG NYID, ,DE LAS BZLOG PAS SKYES BU NYID, ,'DI DAG RTAG TU GOMS PAR BYA, ,RTZA BA'I RANG BZHIN MI 'GYUR BA, ,CHEN PO LA SOGS RNAM PA BDUN, ,RANG BZHIN 'GYUR BA BDUN NYID DO, ,'GYUR BA RNAM PA BCU DRUG KYANG, ,RANG BZHIN 'GYUR BA MIN SKYES BU, ,YID LAS SNYING STOBS SKYES PA CAN, ,SKYES BU'I GZUGS BRNYAN 'BYUNG BA'AM, ,DE BZHIN YONGS SU GYUR NAS NI, ,BLO 'JUG PA YI RJES SU BYED, ,BDAG KYANG GZHAN LA RANG BZHIN GZHAN, ,'DI LTAR DE NYID MTHONG BA YI, ,BYED DANG BYA BA LDOG PA YI, ,SKYES BU GROL BA YIN ZHES BRJOD, ,BDAG DANG BDAG MED RTOGS PA'AM, ,DON BYAS PA NA RJES GZUNG BA, ,RANG BZHIN GYIS NI GROL YIN PHYIR; ,DE NYID YIN PAR GRANGS CAN SMRA, ,DE LA GTZO BO SKYES BU NI, ,JI LTAR MI RIGS LAS SNGAR BSTAN, ,DE YANG YANG 'DIR BRTAG BYA STE, ,BDAG NI RTOGS PA MA YIN NO, ,SHES BYA RTOGS PAS RTOGS YIN NA, ,SHES BYA MED PAS DE YANG MED, ,RTOGS PA CAN NAM RTOGS MED PA, , 'DIR NI BDAG TU GANG ZHIG 'GYUR, ,MA BSREGS SREG PAR MI RIGS TE, ,BSREGS PA MED PHYIR DE SNGON BZHIN, ,DES NA SREG BYED DPE YIS NI, ,RTOGS PA'I BDAG NYID GRUB MA YIN, ,SHES BYA'I RNAM PA 'DZIN BYED PAS, ,SHES LA RTOGS PA ZHES 'DOD DE, ,DNGOS PO BYED PA LA BRTEN PHYIR, ,DE YANG SKYES BU 'DI LA BRTEN, ,BRTAGS PA BYAS PA YIN NA NI, ,SKYES BU 'GYUR MED RANG GI YUL, ,DE DANG 'DI NI LUGS 'DIS 'GAL, ,SHES LAS RTOGS PA GZHAN MIN PAS, ,CI ZHIG GZHAN DU BRTAG PAR BYA, ,RTOGS PA BLO GROS MA YIN TE, ,RGYU DANG LDAN PHYIR BUM PA BZHIN, ,DES NA RTOGS PA SHES PA MIN, ,GAL TE BLO LA DE SNYAM NA, ,RTOGS LAS SHES PA GZHAN YIN PAR, ,SGRUB BYED CE NA DPE YANG MED, ,SHES PA'ANG DE DNGOS MED CE NA, ,KHAS BLANGS PA YIS GNOD PA YIN, ,MA SKYES PA NI RTOGS MIN TE, ,MA SKYES PHYIR NA RIGS @25A *, ,LDAN MIN, ,BLO YI 'JUG PA'I KHYAD PAR NI, ,GANG PHYIR SHES LA 'JUG 'DOD NA'ANG, ,THA DAD KHYAD CAN NYID 'GYUR GYI, ,DE MED PAS NA DE YANG MED, ,GAL TE BDAG GI BLO GANG YANG, ,LA LAR JI BZHIN DON DU 'DOD, ,LA LAR DE LAS BZLOG NYID DE; ,MTHO LA MTHO YI BLO BZHIN NO, ,LA LAR JI LTAR JI BZHIN DON, ,ZHE NA KUN RDZOB GRUB PA SGRUB, ,JI BZHIN DON GYI SEMS KYI YUL, ,BDAG CES BYA BAR BDAG CAG 'DOD, ,CI STE KUN LA KHYAB SOGS KYI, ,MTSAN NYID CAN BLO DON BZHIN NA, ,DE NYID DU'ANG KUN RDZOB TU'ANG, ,DPE NI YOD PA MA YIN NO, ,RTOGS PA MED PAS RTOGS PA NI, ,RANG BZHIN RTOGS PA MED PA'AM, ,GANG GI DE NYID SHES SKYE BAS, ,GANG ZHIG GROL BAR 'GYUR BA YIN, ,RTOGS PAS 'DZIN PAR BYED PA NA, ,BDAG NI 'DI LTAR ZHES SOGS DES, ,RTOGS PA MED PHYIR GZHAN MI RIGS, ,DE MED GYUR NA YANG CI ZHIG ,'DI YI LDOG PA'ANG RIGS MIN TE, ,MANG PO DAG DANG THUN MONG PHYIR, ,JI LTAR RJE GCIG SHI GYUR KYANG, ,TSOGS PA DAG GI BRAN BZHIN 'DOD, ,THA DAD YUL LAM BSGREBS [*BSGRIBS?] PHYIR, ,JI LTAR BDAG GI DBYE BA LAS, ,SKYES BU'I YID LA SNYING STOBS DAG ,LHAG PAS DE NYID MTHONG BAR 'DOD, ,SGRA LA SOGS PA RTOGS PA DANG, ,DE BZHIN CHOS DANG CHOS MIN DAG ,SKYON NI RJES SU MTSUNGS PA'I PHYIR, ,MA MTHONG NGES PA MED PA'ANG YIN, ,GAL TE SKYES BU 'GYUR ZHE NA, ,SKYES BU RTOGS PA MED PA DANG, ,RGYU MED KHYAB PA MA YIN TE, ,SKYES BU 'GYUR PHYIR 'O MA BZHIN, , SEMS NI 'GYUR BA MED NA YANG, ,GZUGS BRNYAN GYI NI RGYU YIN PHYIR, ,JI SKAD SMRAS PA'I SKYON LDAN PAR, ,'GYUR TE GDONG GI GZUGS BRNYAN BZHIN, ,SKYES BU RTOG PA MED PA'I PHYIR, ,BDAG DANG GZHAN ZHES MI RIGS SO, ,BRTAGS NAS SKYON MED CE NA YANG, ,GROL BA BRTAGS PA NYID DU 'GYUR, ,GTZO BO YOD DE SNA TSOGS KYI, ,RJES SU 'GRO PHYIR YONGS GYUR PHYIR, ,BYA DANG BYED PA'I NGO BO'I PHYIR, ,NUS PHYIR SNA TSOGS NGO BO'I PHYIR, ,JI SKAD SMRAS PA DE BZHIN TE, ,SNOD CHAG PA YI DUM SOGS LTAR, ,DE BZHIN DBYE BA DE DANG LDAN, ,DES NA DBYE BA RGYU DANG BCAS, ,DBYE RNAMS RGYU DANG @25B BCAS NYID DU, ,SGRUB BYED CE NA GRUB PA BSGRUB, ,KUN LA KHYAB PAR MA GRUB STE, ,'DI YI GTAN TSIGS MA GRUB PHYIR, ,SPYI NI SNGON DU SONG 'DOD DE, ,SPYI DANG LDAN PA'I PHYIR ZHE NA, ,SPYI NYID DAM NI KHYAD PAR LA, ,SNGA MA BZHIN DU DPE YANG MED, ,BDE LA SOGS PA'I NGO BO'I PHYIR, ,TSOR BA'I PHUNG PO BZHIN MI 'DOD, ,PHUNG PO YIN PHYIR BDE SDUG SOGS, ,SO SOR MA NGES PA NYID YIN, ,MA NGES PA YIS SPANGS PAS NA, ,DE LTAR DON BYED BDAG NYID YIN, ,RGYU DANG LDAN PA YIN PA'I PHYIR, ,RJES 'GRO SOGS KYI RJES DPAG GI ,DAM BCAS SKYON GYIS GNOD PA YIN, ,SKYE MED MTHA' MED NYID SOGS KYI, ,DE YIS KHYAD PAR SPANGS PAS NA, ,GTZO BO'I YON TAN 'DOD PA YI, ,GTAN TSIGS MA NGES PA NYID YIN, ,DE BZHIN THA DAD RGYU LAS KYANG, ,'BYUNG BAR 'DOD PA'I DPE YOD MIN, ,TZANDAN DUM BUR GYUR PA NA, ,NYAMS PA MIN PAR RTOGS BYA STE, ,STOBS DANG GZUGS DANG TSAD LA SOGS, ,NYE BAR GNAS TE BDAG NYID BZHIN, ,NUS PA'I BDAG NYID NYID DU STE, ,YOD NA SNGAR BZHIN DPE MI 'GRUB, ,GSAL BA'I NGO BOR DE YOD NA'ANG, ,GRUB PA'I MTHA' NI SPANG BAR 'GYUR, ,BYA DANG BYED PA GCIG NYID DU, ,SGRUB NA'ANG SMRAS PA'I TSUL NYID YIN, ,RIGS MTHUN NYID LA GCIG NYID DU, ,SGRUB NA'ANG GRUB BSGRUB PA YIN, ,DE LAS DON GZHAN TOG NA YANG, ,SNGA MA BZHIN DU SKYON KUN 'BYUNG, ,BDE DANG SDUG BSNGAL SOGS KUN DU, ,GTAN TSIGS MA NGES PA NYID YIN, ,DUS DBYER MED PAS GZHAN MIN NA'ANG, ,GRAGS DANG LUNG DANG 'GAL BA NYID; ,TZANDAN NGO BO MI MNGON PAS, ,MED PAR GRUB PA MA YIN TE, ,DUS DANG DRUG PAS BSTAN PA'I PHYIR, ,DE LTAR SKAD CIG BZHIN ZHE NA, ,DE LTA NA YANG SPRO GYUR NAS, ,RANG GI LUGS KYI SKYON SBED KYANG, ,SMRAS PA'I SKYON RNAMS MED MIN TE, ,GYEN DU SKRA 'GRED BUM 'DRA BZHIN, ,DE GZUGS SHE NA GTAN TSIGS DON, ,RNAM PAR RTOG PA MA NGES NYID, ,DBYER MED NGO BO YIN NA YANG, ,GTAN TSIGS MA NGES PA NYID YIN, ,RNA SOGS SPYAD BYA BA YIN TE, ,RTOGS PA MED PHYIR GAL TE 'DOD, ,KHYAD PAR DAG NI MA BSTAN PAR, ,SPYAD BYA'O ZHE NA GRUB PA SGRUB, ,CI STE G-YO BA MED @26A *, ,SOGS KYI, ,KHYAD PAR CAN NA RJES 'GRO GANG, ,RTOGS PAR BDEN YANG RTZOL MED PHYIR, ,SPYOD PA POR NI MI 'DOD DO, ,DNGOS RNAMS BYA BA MED NYID DU, ,RAB TU RTOGS TE GZHAL BYA'I PHYIR, ,SMRAS PA CI LTAR DE DE LTAR, ,RTOGS TE BDE DANG GTI MUG BZHIN, ,BYA BA MED PAR SDUG BSNGAL YANG, ,SHES PAR BYA STE RGYUD LDAN PHYIR, ,RTOGS PA MED PHYIR BRJOD BYA'I PHYIR, ,GZHAL BYA YIN PHYIR GTI MUG BZHIN, ,RJES 'GRO LA SOGS GTAN TSIGS RNAMS, ,THA DAD NYID DU 'DOD PAS NA, ,GTZO BO'I YON TAN LA DE RNAMS, ,MA NGES MA YIN PA DE BDEN; ,BYA DANG BYED PA SGRUB BCAS PHYIR, ,RGYU DANG LDAN PAR RJES DPAG NYID, ,GTAN TSIGS RNAMS KYANG KHYAD BCAS PAS, ,DE LTAR 'GAL BA NYID DU 'GYUR, ,DE MA BZUNG BAR MI 'DZIN PAS, ,GZUGS SOGS GZHAN MIN DE DNGOS BZHIN, ,THA DAD DNGOS PHYIR GZHAN MIN MIN; ,GANG DE RTOGS BYA RTOGS BYED PHYIR, ,DES NA MI MNGON MA YIN LA, ,BYA BAR YOD PA'ANG MI 'DOD DO, ,DA LTAR GYI NA SKAD CIG KYANG, ,RJES SU YOD PAR MA GRAGS NYID, ,SPYOD DANG BCAS PA'I SPYAD BYA 'DI, ,SPYAD BYA YIN PHYIR MA LA SOGS BZHIN, ,RTOGS PA PO NI SPYOD PA NYID; ,DE YI SGRUB PAR BYED PA MIN, ,RTOGS PA NGES PAR RTOGS YIN NA, ,DE NI GANG GI YIN PA SMROS, ,DNGOS PO BYED PO LA BRTEN TE, ,GOS SOGS TSON DU BTZOS PA BZHIN, ,SGRA SOGS SHES PAR MI 'GYUR BA, ,YIN NA'ANG SHES PA JI LTAR YIN, ,SGRA SOGS SHES PAR 'GYUR BA NYID, , YIN NA'ANG SHES PA JI LTAR YIN, ,BYED PA MED PA MA SKYES PHYIR, ,BYED PO NYID DU JI LTAR 'DOD, ,MA SKYES PA LAB DOGS NA YANG, ,SKYES BU BTAGS PA PA RU 'GYUR, ,BYED PO'I SGRA YIS BRJOD BYA'I PHYIR, ,ME BZHIN KHYOD KYI SKYES BU YANG, ,RGYU BCAS BYA BCAS SPYOD BYA DANG, ,BYA BA RAB TU BSKYED PA'ANG YIN; ,KUN KHYAB MA YIN RANG BZHIN LAS, ,GZHAN PA MA YIN SKYES BU MIN, ,DE YI RANG DNGOS KHYAD PAR NI, ,DE YIS 'DI LTAR SPONG BAR 'GYUR, ,DES NA KHAS BLANGS PA DE LA, ,GNOD PHYIR DAM BCAS SKYON MED MIN, ,JI LTAR DBANG PHYUG RGYUR SMRA BZHIN, ,RTOGS PA LA SOGS @26B SPANGS PA YIN, ,BDAG DANG BDAG GI MIN RTOGS PA, ,BLO YI RJES SU RTOGS PA YI, ,LTA BA LOG PAS GROL BAR NI, ,KHYOD KYI SKYES BU 'GYUR MI RIGS, ,SKYES BU THA DAD MTHONG BA YIS, ,THAR PA 'THOB PA MA YIN TE, ,BLO GZHAN YIN PHYIR SPYAD BYA DANG, ,SKYES BU GZHAN NYID MTHONG BA BZHIN; ,JI LTAR RNAM RTOG BCAS PA'I PHYIR, ,MI NI THA DAD MTHONG BA LTAR, ,SKYES BU THA DAD MTHONG BA YIS, ,DE BZHIN GROL BA MI 'DOD DO, ,DE LTAR GRANGS CAN DE NYID NI, ,SNGON DANG PHYI MAR 'GAL BA DANG, ,RIGS PA DANG NI MI LDAN LA, ,MKHAS PA RNAMS KYI BLO MI 'JUG ,N+YA GRO DHA MI SA BON GYI; ,NANG NA YOD PA'I N+YA GRO DANG, ,BUD MED SKYES PA 'GROGS LA BU, ,RNGA YI NANG NA SPRA GNAS DANG, ,ZAS KYI NANG NA PHYI SA SOGS, ,SHING LA 'BAR YOD MI MTHONG ZHES, ,GANG ZHIG MNGON SUM SPONG BYED PA, ,DE NI BDEN SMRA JI LTAR YIN, ,DE NI YOD KYANG MI GSAL BAS, , DES NA BYA BA MNGON MA MTHONG, ,ZHE NA MI GSAL MED MIN PAS, ,AE MA'O BSTAN BCOS SHIN TU LEGS, ,DBU MA'I SNYING PO LAS GRANGS CAN GYI DE KHO NA NYID LA 'JUG PA STE LE'U DRUG PA'O,, ,,BLO SOGS BDAG GI YON TAN BCAS, ,DRUNGS NAS PHYUNG BA'I RNAL 'BYOR PA, , YID LA BDAG CES GNAS PA NI, ,BYE BRAG PA YIS THAR PAR SHES, ,RGYAS PAR SNGAR BSTAN RIM PA YIS, ,MI BDEN SKYE BA BKAG PA'AM, ,DNGOS PO YONGS SU BKAG PAS NA, ,'DOD DANG SDANG SOGS YON TAN MED, ,MA SKYES BYED POR MI RUNG STE, ,BYA BA NGES PAR BYA BA LA, ,BYED PO YIN PHYIR SBRANG RTZI'I RGYU, ,NAM MKHA'I ME TOG MIN PA BZHIN, ,MA SKYES SKYES PA MA YIN TE, ,NAM MKHA'I ME TOG MA SKYES BZHIN, ,'BYUNG BA'I NGO BO LA SOGS KYI, ,DON DAM PAR NA YOD MIN TE, ,RTAG PA'I BDAG LA SHES MI BRTEN, ,RGYU DANG LDAN PHYIR BUM PA BZHIN, ,BLO NI BDAG GI YON TAN DU; ,MI RIGS SKYE DANG LDAN PA'I PHYIR, ,JI LTAR DE YI YON TAN DU, ,GZUGS LA SOGS PA MI 'DOD BZHIN, ,'DU BA YIN PHYIR BDAG MED PAS, ,RIGS TE MI RTAG PA YI PHYIR, ,DE LTAR BDE DANG SDUG BSNGAL SOGS, ,DGAG PA MTHAR THUG SHES PAR BYA, ,YID NI RTAG PA MIN PAR @27A *, ,'DOD, ,BRJOD BYA YIN PHYIR BUM PA BZHIN, ,'DI NI BDAG GI BYED PA MIN, ,DNGOS PO YIN PHYIR BDE BA BZHIN, ,BDAG YOD PA NI BKAG ZIN KYANG, ,'DIR YANG BRTAG PAR BYA BA STE, ,BRTEN NAS BYUNG BA MA YIN PHYIR, ,BDAG MED NAM MKHA'I ME TOG BZHIN, , DE YI SPYI NI YOD PAR YANG, ,KHAS LEN PA YANG BRTAG PAR BYA, ,'DI NI KHYAB MIN RTAG PA MIN, ,RTOGS BYA YIN PHYIR BUM PA BZHIN, ,BLO SKYE 'GYUR DANG BCAS SHE NA, ,KHYOD KYI BDAG NYID NYAMS PAR 'GYUR, ,'ON TE 'GYUR MED SHES PA MIN, ,SHES DANG SHES MIN JI LTAR RUNG, ,'DU BA DGAG PA BYAS PAS NA, ,DE DANG 'BREL PA'ANG RIGS PA MIN, ,BDE DANG SDUG BSNGAL 'BAD DANG 'DOD, ,SDANG LA SOGS KYANG TSUL 'DI YIN, ,BRTAG PA'I BDAG LA BDE MI RTEN, ,RGYU DANG LDAN PHYIR BUM PA BZHIN, ,YANG NA BDAG GI YON TAN NI, ,BDE BA YIN PAR MA RTOGS TE, ,SKYE DANG LDAN PHYIR GZUGS LA SOGS, ,DE YI YON TAN MI 'DOD BZHIN, ,YANG NA 'DI DAG 'DU BA NI, ,BDAG LA YOD PAR MA RTOGS NYID, ,LHAN CIG YOD CHEN DANG 'BREL BAR, ,YOD DANG MED PA MI RIGS SO, ,YOD NA'ANG DE SBYOR DON MED LA, ,MED NA DE YANG MED PAR 'GYUR, ,GSAL BAR BYED PA CHOS GZHAN PHYIR, ,DE NI GSAL BYED JI LTAR YIN, ,GRANGS LA SOGS DANG 'BREL BA YANG, ,'DI NYID KYIS NI LAN BTAB BO, ,GAL TE SPYI SOGS DANG 'BREL BAS, ,SKYES BU SPYI DANG GCIG RTOGS PAR, ,DE SOGS RKYEN DANG PHRAD TZAM GYIS, ,SKYES BU 'BYUNG BAR 'DOD NA NI, ,YOD MIN MED MIN DU MA MIN, ,GCIG MIN PHRA MIN CHEN PO MIN, ,'DI NI RTAG MIN MI RTAG MIN, ,GZHAN MIN GZHAN MIN MIN DE NYID, ,JI LTAR BDAG BZHIN TSIG GI DON, ,GZHAN YANG 'DI LTAR STONG PA DE, ,'BAD NAS GSANGS SU ZIN KYANG NI, ,GZEGS ZAN PA YIS GSAL BAR BYAS, ,'DI DAG MTSAN MAR 'DZIN PA'I PHYIR, ,DE NYID MTHONG BAR MI RIGS SO, ,MTSAN MA MI BDEN PAR SKYES PA'I, ,NGO BO RTAG PAR MI BDEN 'DOD, ,BDAG LAS THA DAD GYUR PA'I DON, ,DE DANG 'BREL PAR MI 'DOD DE, ,YOD PA'I BLO PHYIR BLO SPYI LA, ,SPYI ZHES BYA BAR 'DOD @27B PA BZHIN, ,DE BZHIN GRANGS SOGS 'BREL BA YANG, ,BDAG GAM GZHAN PA LA LA LA, ,MKHAS PAS JI LTAR RIGS PA BZHIN, ,BLO DE MIN PAR RTOGS PAR BYA, ,BDAG NI BLO DANG SDUG BSNGAL DANG, ,BDE SOGS YON TAN DANG MI 'BRAL, ,YON TAN YIN PHYIR GRANGS BZHIN NO, , DE PHYIR YON TAN MED BDAG MIN, ,YUL DANG NGO BOR DBYER MED KYANG, ,GANG ZHIG RANG GI BDAG NYID 'GYUR, ,BDAG DANG SBYOR BAR 'DOD PA LAS, ,DRAN NAS SHES PA KUN TU 'BYUNG, ,MA MTHONG NGES PA'ANG SNGAR BZHIN DU, ,THAL 'GYUR LAN YANG 'DI LA YIN, ,MED PA'I SKYE BA BKAG PAS NA; ,DE YI SBYOR BA'ANG MI 'DOD DO, ,YID DANG BDAG GI MED PA LA, ,RTEN DANG BRTEN PAR MI 'DOD DO, ,BDAG DANG YID NI YOD NA YANG, ,RTEN DANG BRTEN PAR MI 'DOD DO, ,RNAM RTOG RGYU MTSAN BCAS PA'I PHYIR, ,RDZAS SOGS MTHONG BAS GROL BAR NI, ,JI LTAR 'UG PA MI 'DOD PA; ,DE BZHIN 'UG PA PA MI 'DOD, ,SA SOGS DE NYID 'BYUNG BA'I BLO, ,THAR PA MIN PAR GZEGS ZAN 'DOD, ,KHYAD PAR DAG NI MI 'DZIN PHYIR, ,'TSO BA'I DE NYID BLO BZHIN NO, ,BYE BRAG PA YI DE NYID LA'ANG, ,LTA NGAN RAB RIB SKYES PAS NA, ,DES NA RIGS PA DANG BRAL PHYIR; ,BLO NI DGA' BAR MI BYA'O, ,DBU MA'I SNYING PO LAS BYE BRAG PA'I DE KHO NA NYID LA 'JUG PA STE LE'U BDUN PA'O,, ,,RIG BYED MTHAR SMRAS SMRAS PA NI, ,'DUS BYAS STONG PAR SMRA BA YI, ,PHYI ROL PA LA BDAG RIG DKON, ,BDAG SDANG THAR PA GA LA YOD, ,MUN PA LAS GZHAN SKYES BU NI, ,CHEN POR GYUR PA NYI MA'I 'OD, ,DBANG PHYUG CHEN PO BDAG DE NYID, ,MKHAS PAS SHES NA 'CHI MED 'GYUR, ,BYED PO DBANG PHYUG GSER MDOG TU, ,GANG GIS MTHONG ZHING BLTA BA DE, ,SDIG DANG BSOD NAMS LAS 'DAS NAS, ,MCHOG TU ZHI BA THOB PAR 'GYUR, ,BYUNG GYUR BYUNG DANG 'BYUNG BA DAG ,THAMS CAD SKYES BU YIN 'DOD DE, ,DE NI PHYI NANG RING BA DANG, ,DE NI NYE DANG DE LAS BYED, ,SRID PA SNA TSOGS DE LAS SKYES, ,DAR GYI SRIN BU'I SKUD PA BZHIN, ,MKHAS PA DE YI CHAR THIM PA, ,YANG SRID LEN PAR MI 'GYUR RO, ,'CHI @28A *, ,BCAS RNAMS LA BDUD RTZI MED, ,ME LA GRANG BA JI BZHIN NO, ,DES NA BDUD RTZI SKYES BU NYID, ,MA RTOGS BDUD RTZI YOD MI RIGS, ,GANG LAS MCHOG GYUR GZHAN MED PHYIR, ,GANG LAS DAM PA GZHAN MED LA, ,'DI LAS PHRA GYUR GZHAN MED PAS, ,SNA TSOGS 'DI DAG RGYU GCIG NYID, ,DE NI PHRA DANG RAGS DANG LDAN, ,YANG LDAN GTZO BO DBANG BSGYUR BA, ,RAB PHYE 'DOD PA'I MTHAR THUG GANG, ,RNAL 'BYOR JI LTAR 'DOD PAR 'GRO, ,DER NI 'BYUNG BA THAMS CAD KYANG, ,BDAG NYID DU NI 'DUS PAR MTHONG, ,BYIS DANG MKHAS DANG GDOL PA DANG, , BRAM ZE SOGS RNAMS MNYAM PA NYID, ,BUM PA 'BYUNG ZHING 'JIG PA LTAR, ,NAM MKHA' DE YI BDAG NYID MIN, ,LUS CAN 'BYUNG ZHING 'JIG PA LTAR, ,DE BDAG YIN PAS BDAG MI 'DOD, ,BUM PA'I NAM MKHA' BZHIN DU GCIG ,DU MA'O ZHE NA BUM PA DAG ,CHAG NA DBYER MED GCIG NYID DU, ,THAMS CAD MNYAM PAR 'GYUR BAR 'DOD, ,JI LTAR BUM SOGS THA DAD KYANG, ,SA LA THA DAD 'GA' YANG MED, ,DE BZHIN LUS NI THA DAD KYANG, ,BDAG LA THA DAD 'GA' YANG MED, ,JI LTAR BUM PA'I NAM MKHA' GCIG ,RDUL DANG DU BAS BSGRIBS PA NA, ,THAMS CAD DE BZHIN MA YIN LTAR, ,BDE SOGS DE BZHIN BDAG LA MIN, ,BDAG MA SHES SHING MA RTOGS PAS, ,RMI LAM LONGS SPYOD NGA RGYAL BZHIN, ,LAS RNAMS SOGS SHING DGE BA DANG, ,MI DGE'I 'BRAS BU SPYOD PA YIN, ,LUS LA GNAS KYANG MA CHAGS DANG, ,SPYOD PAR BYED KYANG MI GOS TE, ,'DOD BZHIN SPYOD KYANG RGYAL PO BZHIN, ,SDIG PAS GNOD PAR MI 'GYUR RO, ,GCIG PO KUN KHYAB RTAG PA STE, ,TSANGS MCHOG 'CHI BA MED PA'I GNAS, ,RNAL 'BYOR PA YIS GOMS BYAS NA, ,DE NI YANG SRID LEN MI 'GYUR, ,DE NI RTAG PAR RTOG MED PA, ,GANG GI SPYOD YUL GANG MA GYUR, ,BLO NI DBYE BAS PHROGS RNAMS KYIS, ,DE LA TSIG TU SBYOR BAR BYED, ,PHYOGS SU LHUNG BA MA YIN PAS, ,'DIR NI 'DI YANG 'DI LTAR DPYAD, ,PHYOGS LA CHAGS PAS BSGRIBS PA'I BLOS, ,JI LTAR @28B BDEN PA'ANG RTOGS MI 'GYUR, ,BDAG YOD PAS NI BKAG PA NA, ,'GRO BA'I RGYU YANG DE BZHIN TE, ,DES NA DE MTHONG GROL BA NI, ,MI BDEN PAR NI RAB BRTAGS NYID, ,BYOL SONG RNAMS LA 'JIG TSOGS LTA, LHAN CIG SKYES YOD ZHIM GYUR, ,KUN NYON MONGS KUN RTZA BA'I PHYIR; ,DE NYID KHYOD KYIS SHIN TU SPEL, ,'JIG TSOGS LTA LA ZHEN PA YI, ,BDAG 'DZIN BDAG GIR 'DZIN PA DAG ,GANG LAS 'KHOR BAR 'BYUNG 'GYUR BA, ,DE NYID GROL BA YIN PAR SMRA, ,MYOS PAR GYUR LA MYOS 'GYUR BZHIN, ,DE LTA BA YIS ZHI GYUR NA, ,SHIN TU MA ZHU'I NAD LDAN LA, ,KHA ZAS ZOS PAS PHAN PAR 'GYUR, ,RIG BYED SMRA BAS BDAG DE NI, ,RNAM PA GNYIS SU 'DOD BYED DE, ,LUS ZHES BYA BA BCINGS BDAG DANG, ,MCHOG NA GNAS PA GROL BA'I BDAG ,MCHOG TU 'DZIN PA BDAG GI YUL, ,BDAG BLO JI BZHIN DON MA YIN; ,BDAG NI 'DI ZHES MCHOG 'DZIN PHYIR, ,LUS LA BDAG GI BLO BZHIN NO, ,YONGS SU BTAGS PA YOD NA YANG, ,KHYOD KYI BDAG GIS CI ZHIG BYED, ,GZUGS DANG SGRA SOGS YUL RNAMS LA, ,BLO 'O ZHE NA DE MI RIGS, ,GZUGS SOGS YUL LA BLO DAG NI; ,BYED PO BDAG NI MED KYANG SKYE, ,RKYEN LA LTOS PA'I SKYE YIN PHYIR, ,ME SHEL GYI NI ME BZHIN NO, ,GANG YANG YI GE'I BDAG NYID SGRA, ,DE YI BYED PO BDAG MIN 'DOD, ,MNYAN BYA'I PHYIR DANG SGRA YIN PHYIR, ,DPER NA BRAG CA JI BZHIN NO, ,'DIS NI LUS KYI BYA BA GZHAN, ,'ONG BA DANG NI 'GRO BA DANG, ,LAG PA RKANG PA G-YO BA NI, ,MTSAN NYID LHAG MA RNAMS KYANG BKAG ,RNAM PAR BCAS NAS KUN SHES LAS, ,KUN SHES DRAN PA NYID LAS DRAN, ,SO SOR RNAM PAR RAB SHES LAS, ,SHES RAB NYAMS SU MYONG LAS TSOR, ,SHES SOGS BYED PAR SMRA ZHE NA; ,BYED PA NYID DU SGRUB PA'AM, ,DE LAS GZHAN PA'I BYED PO NYID, ,GCOD BYED BZHIN DU RIGS LDAN MIN, ,BYED PA PO LA RKYEN LDAN ZHING, ,GANG PHYIR BYED PA LA MIN PAS, ,DES NA GTAN TSIGS MA GRUB PA'AM, ,MA NGES PA NYID YIN PAR 'GYUR, ,SHES PA SOGS PA BYED @29A *, ,PO NYID, ,BYED PO'I SGRA YIS BRJOD PA'I PHYIR, ,LHAS SBYIN GYIS NI GCOD DO ZHES, ,JI LTAR BYED POR MTHONG BA BZHIN, ,'DUS BYAS PHUNG PO BYED BRAL NYID, ,'DI LA BYED POR BRJOD BYA STE, ,BYED PA YIN PHYIR MAR ME YIS, ,GSAL BAR BYED PA YIN PA BZHIN; ,YANG DAG GTZO GCIG BYED PO MIN, ,GANG PHYIR GCIG GIS BUM MI BYED, ,DES NA MAR ME SOGS BYED PO, ,GDAGS PA PAR NI MI 'DOD DO, ,'DOD CHAGS SOGS KYI DBANG PHYUG SEMS, ,GZUGS SOGS YUL LA MNGON ZHEN PA'I, ,THAR PA MI MTHUN PHYOGS KYIS PHROGS, ,'KHOR BA'I BTZON RAR BCINGS PA YIN, ,LAG PA LA SOGS TSOGS PA NI, ,SEMS BCAS SEMS CAN ZHES BYA STE, ,GTONG BA LA SOGS SEMS 'BYUNG BA, ,YOD PA GTONG PO LA SOGS BRJOD, ,RIG PA SKYES BAS MA RIG SOGS, ,KUN SBYOR LDOG PAR GYUR PA'I PHYIR, ,CHAGS SOGS 'CHING BA LAS GROL BA, ,GROL BA ZHES NI BRJOD PA YIN, ,NAM MKHA' 'DRA BA'I BDAG LA NI, ,'DI DAG THAMS CAD BRJOD PAR DKA', ,GAL TE BDAG LA LHAG CHAGS NA, ,NAM MKHA'I ME TOG BDAG 'DOD KYIS, ,GANG PHYIR BDAG NI RANG BZHIN GYIS; ,SHES PA'I NGO BOR 'DOD NA NI, ,BYED PA LA SOGS LTOS PA'I PHYIR, ,DE NI GCIG TU MI RIGS SO, ,BDAG SOGS SHES BYA YOD PAS NA, ,SHES PA LDOG PAR MI 'GYUR TE, ,DON BYAS ZIN PA'I MAR ME YANG, ,RANG GI RGYU LAS SKYE BAR MTHONG, ,CI SRID YID LA SHES 'BYUNG BA; ,DE SRID SA BON SOGS 'GYUR TE, ,JI SRID SGRA NI YOD GYUR PA, ,DE SRID SGRA BRNYAN 'BYUNG BA BZHIN, ,BYED PA MED PAR SHES PA NI, ,'KHOR BA JI LTAR SHES PA YIN, ,KUN TU KHYAB MED YIN PA'I PHYIR, ,GANG LAS JI LTAR BCINGS DANG GROL, ,SDUG BSNGAL LAS KYANG THAR MIN TE, ,THAR DANG GCIG TU SMRA BA'I PHYIR, ,BDAG LAS DE NI GZHAN MIN PHYIR, ,JI LTAR ME DANG TSA BA BZHIN, ,NYAMS DANG MA SKYES PA YI BLO, ,BYED PA MED PAR JI LTAR YIN, ,GANG POS GCOD PAR BYED PA YANG, ,STA RE MED PAR JI LTAR RIGS, ,ME YIS BSREG CES @29B SMRAS PA NA, ,ME YIS BSREGS KYI BYED PAS MIN, ,DE BZHIN BLO YIS RIG SMRAS PAS, ,SHES PAS RIG GI SKYES BUS MIN, ,RDZA MKHAN BZHIN DU DE MI 'GRUB, ,DE YI NGO BOR MED PA'I PHYIR, ,SRED BYED BZHIN DU'ANG 'GRUB MI 'DOD, ,BSREG BYA MED PAS ME MED PHYIR, ,GAL TE MI SHES BYED PO DANG, ,ZA PO KHYOD KYIS SHES CI LTAR, ,MKHA' 'DRA RTOG PA MED PA YANG, ,LUNG 'BA' ZHIG GIS BRTAGS CI BYA, ,MI SHES PA'AM SHES DNGOS MIN, ,'DI NI DNGOS PO MED PAR 'GYUR, ,DNGOS MED BDAG TU MI 'GYUR TE, ,'DI NI MO GSHAM BU BZHIN NO, ,GANG LA GNOD DANG PHAN PA LAS, ,GANG LA GNOD DANG BDE MI 'BYUNG, ,DE DE'I BDAG TU MI RIGS TE, ,NAM MKHA' DE BA SHAR MA'I BZHIN, ,NYI TSE'I BDAG DANG GROL BAR NI, ,BSAM GTAN SHES SOGS KYIS 'DOD NA, ,BDAG MED DON LA 'BAD PA YIS, ,SHI BA MI 'CHIR JI LTAR 'GYUR, ,NYI TSE'I BDAG NI BDAG LAS GZHAN, ,ZHE NA THAMS CAD SKYES BU YIN, ,DE NI NYI TSE GNYIS DAG DANG, ,PHYI ZHES DAM BCAS NYAMS PA YIN, ,BDAG LAS NYI TSE'I BDAG DE NI, ,GZHAN MIN ZHE NA'ANG DAM BCAS NYAMS, ,GANG YANG BDAG GI BDE SDUG SOGS, ,'GRO BAS MI SHES GTZO BO MIN, ,GAL TE PHRA YIN 'DI TSE MIN, ,CHEN PO YIN NA PHRA BA MIN, ,GCIG KYANG MA YIN GZUGS KYI CHOS, ,JI LTAR GZUGS MED BDAG GI YIN, ,GCIG NYID DU MA'I NGO BO RU, ,GLANG PO'I DPE 'DI MI RIGS TE, ,SNA NI GLANG DU MI 'DOD PHYIR, ,SNA TSOGS RNAMS KYANG GCIG NYID MIN, ,GANG YANG BDAG NI NYI SOGS MDOG ,YIN NA MDOG BRAL JI LTAR YIN, ,BDAG DE DU MA'I NGO BO YI, ,DPER NI PA LA SHA MI 'DOD, ,GCIG PU PA LA SHA MED DE, ,KUN TU 'GYUR BA'I BDAG NYID DANG, ,JI LTAR RTZA BA SOGS DU MAR, ,RKYEN LA SOGS PAS 'BYED PA'I PHYIR, ,GTZO BO NYID DANG DAM PA NYID, ,DE LAS GZHAN LA LTOS NAS 'DOD, ,GCIG NYID YIN NA TSUL 'DI NYID, ,YOD PAR JI LTAR 'DOD PAR BYA, ,GAL TE BDAG DE RDZAS YIN NA, ,RDZAS YIN PHYIR NA KUN KHYAB MIN, ,BUM PA BZHIN DU RTAG MI 'GYUR, ,DES NA 'GRO @30A *, ,BA RGYAS JI LTAR, ,RDZAS NI RTEN DU RIGS 'GYUR NA, ,BDAG NI RDZAS SU MI RIGS TE, ,NAM MKHA'I ME TOG JI LTA BAR, ,DE BZHIN MA SKYES PHYIR RDZAS MED, ,THAMS CAD BYUNG GYUR BYUNG BA DANG, ,'BYUNG 'GYUR BDAG MED JI LTAR MTHONG, ,BDAG MED BDAG TU MI RIGS TE, ,JI LTAR DNGOS MED NGO BO BZHIN, ,BYIS SOGS KHYAD PAR MED MA YIN, ,BRTEN MED PA DANG DPE MED PHYIR, ,BDAG GCIG YIN NA DU MA YI, ,SKYON RNAMS 'BYUNG BAR 'GYUR MA YIN, ,TZE TRA'I BDAG DE ME TRA'I BYED, ,ME TRA'I BDAG GI'ANG DE BZHIN TE; ,TZE TRA THA DAD MIN DNGOS PHYIR, ,YANG NA YUL LA DBYER MED PHYIR, ,BDE DANG SDUG BSNGAL SPYOD PA DANG, ,DE GROL BAS KYANG GROL BA DANG, ,DE BCINGS PAS KYANG BCINGS PA DANG, ,DE SDUG PAS KYANG SDUG NYID 'GYUR, ,BUM PA'I NAM MKHA' DPER BSTAN PA, , KUN LA DE NI 'BYUNG MA YIN, ,GANG PHYIR NAM MKHA' GCIG NYID DU, ,KHYOD KYI DE NI MA GRUB STE, ,RDZAS KYI NGO BOS GANG STONG PA, ,DE NI KUN RDZOB NAM MKHA' YIN, ,DE LA 'GRO LDAN 'GRO BA DANG, ,DE NI SKABS 'DOD SKABS CAN NO, ,DES NA NAM MKHA'I SGRIB MED MIN, ,SKABS SBYIN PA YANG MA YIN TE, ,DE YOD GTAN TSIGS SMRAS PA YIS, ,GTAN TSIGS 'DI YANG MA GRUB NYID, ,RGYU LAS NYE BAR MA BYUNG BA, ,NAM MKHA' DNGOS POR MI 'DOD DO, ,DE NI GCIG KYANG MA YIN TE, ,MO GSHAM GYI NI BU BZHIN NO, ,BUM SOGS GZUGS KYIS RNAMS NI, , SA YI RIGS SU GCIG NA YANG, ,RDZA SOGS GZHAN DANG GZHAN YIN LTAR, ,DES NA BDAG NI GCIG MA YIN, ,BDAG MA SHES SHING MA RTAGS PAS, ,RMI LAM LONGS SPYOD NGA RGYAL BZHIN, ,SHES NYID PHYIN CI MA LOG PAS, ,SHES 'DI NGA RGYAL MI RIGS SO, ,MI SHES NYID NA'ANG LOG MED PAS, ,MI SHES NGA RGYAL MI 'DOD DO, ,NAM MKHA' BZHIN DU 'GYUR MED PHYIR, ,DE BZHIN CHAGS PA MED PA'I PHYIR, ,BDAG NI BYED POR MI RIGS LA, ,ZA BA POR YANG MI RIGS SO, ,BYED PO BDAG YIN MI GOS PA, ,BYED PO'I 'BRAS BU 'DOD CI LTAR, ,MI DBANG @30B SDIG DANG BCAS PA'I PHYIR, ,RGYAL PO'I DPE NI MI RIGS SO, ,PHYI ROL LA NI MA LTOS PAR, ,GCIG NYID NGO BO NYID MI RIGS, ,GCIG NYID DANG LDAN PAS SHE NA, ,DE NI DE DANG LDAN MA YIN, ,DU MA NYID DU BRTAGS PA DAG ,GSAL BA GCIG NYID YIN ZHE NA, ,JI LTAR BRTAGS PA KUN RDZOB PHYIR, ,DES NA GCIG STE DON DAM MIN, ,RTAG DANG GCIG SOGS NGO BO YIS, ,DON DAM DE YOD YIN ZHE NA, ,GCIG SOGS SGRA DANG BLO 'JUG PA, ,DON YOD NA NI SKYON MED 'GYUR, ,GCIG LA SOGS PAR RNAM RTOG PA, ,'DI NI CI LTAR MI RTAG NYID, ,RNAM PAR RTOG PA'I YUL DON LA, ,TSIG 'JUG PAR NI MA BKAG GO , ,'DI LTAR BLO YI YUL MIN DANG, ,NGAG GI SPYOD YUL MIN CI LTAR, ,BRJOD MED RTOG PA MED PA YANG, ,SNGAR BSTAN RIGS PAS BRDZUN PA NYID, ,SHES BYA YE NAS MA GRUB PAS, ,BLO YI YUL DU MI RIGS SO, ,BLO YI YUL LAS LOG PAS NA, ,NGAG GI YUL LAS LOG PA'ANG YIN, ,DE BZHIN GSHEGS PA'I MI BRDZUN PA'I, ,LUGS 'DI DGE BAR SHES NAS NI, ,DE PHYIR MU STEGS 'DOD SKYES TE, ,DE LA BDAG GIR BYAS PA YIN, ,SNGON DANG PHYI MAR 'GAL BA YI, ,DE YI LUGS LA SU ZHIG DAD, , SHIN TU RIGS MI GCIG PA'I PHYIR, ,LCAGS LAS NOR BU RIN CHEN BZHIN, ,'DI LTAR 'DI NI LUGS 'DI LA, ,KHA CIG DAG NI DRANG PHYIR DANG, ,LHAG MA 'DZIN LAS BZLOG PA'I PHYIR, ,SNA TSOGS DAG TU BSTAN PA YIN, ,DNGOS PO RNAMS NI MA SKYES NYID, ,RANG BZHIN BCOS MA MED PA'I PHYIR, ,'DI LA NYAMS PA MED PAS NA, ,BDAG CES KYANG NI BRJOD PA YIN, ,THA DAD DNGOS KYANG DBYER MED PHYIR, ,NGO BO GCIG PHYIR GCIG NYID YIN, ,KUN KHYAB CHOS RNAMS THAMS CAD PHYIR, ,RTAG PA'ANG DE YIN MI NYAMS PHYIR, ,MA SKYES PHYIR NA SKYE MED NYID, , DE NYID PHYIR NA RGA SHI MED, ,'PHO BA MED PHYIR 'DI 'PHO MED, ,RAB MTHAR THUG PHYIR MCHOG YIN NYID, ,GZUGS DANG SGRA DANG DRI SOGS MIN, ,SA DANG ME DANG CHU RLUNG MIN, ,NAM MKHA' ZLA BA NYI MA MIN, ,YID DANG SHES PA'I MTSAN NYID MIN, ,THAMS CAD 'DI YIN RANG BZHIN @31A *, ,PHYIR; ,NYAMS PA MED PHYIR THAMS CAD MIN, ,DE LA NYON MONGS SKYE MED PHYIR, ,DAG PA 'DI YIN ZHI NYID 'DI, ,DE NI BRTAGS PAS SGRO BTAGS NAS, ,BRJOD BYA YANG DAG BRJOD BYA MIN, ,YI NAS BRJOD BYA MA YIN PHYIR, ,'DI NI DRI MA MED CES BSTAN; ,GANG ZHIG 'DI LTAR MNGON 'DOD PA, ,KHYOD KYIS BDAG KYANG YIN NA NI, ,MING SOGS CHOS MANG 'DRA BA LA, ,SKYON MED RIGS PA DANG BCAS YIN, ,BDAG MED NYID KYIS 'JIGS PA RNAMS, ,'JIGS KYANG DE NYID LA GNAS TE, ,NAM MKHA' 'JIGS PAR GYUR PA DAG ,GZHAN PA'I GNAS 'GA'ANG MED PA BZHIN, ,SANGS RGYAS 'JIG RTEN GNYEN RNAMS KYI, ,DE NYID BDUD RTZI MCHOG 'DI LA, ,'DI NI 'GA' YANG BKAG MED PAS, ,LEGS PAR 'ONGS SO NGOMS PAR GYIS, ,YANG DAG LTA LA SGRIB MED PA'I, ,BDAG NI BYED PO ZA PO SOGS, ,RTEN MED BRDZUN PA'I 'DZIN PA NI, ,DES NA SPANG BA KHO NAR GYIS, ,DNGOS RNAMS RANG BZHIN SKYE MED PHYIR, ,DE NYID DU NA SKYE MED 'DOD, ,NGO BO NYID KYIS SKYE MED NYID, ,'DI YI NGO BO NYID DU BSTAN, ,DNGOS MED NYID NI BDAG MED PA, ,DE NI BDAG MIN 'GAL BA NYID, ,BDAG MED BDAG TU 'GYUR ZHE NA, ,BA LANG MIN PA 'ANG BA LANG 'GYUR, ,DNGOS PO'I NGO BO MED 'DI NI, ,'DI LTAR BYED PO ZA POR RIGS, ,GANG PHYIR MO GSHAM DAG GI BU, ,BYED PO ZA POR MA YIN BZHIN, ,DE LTAR GYUR LA SKYE JI LTAR, , DE LAS NYAMS PAR 'GYUR JI LTAR, ,MKHA' LA ME TOG MED PA LA, ,JI LTAR SKYE 'JIG BTAGS PA BZHIN, ,DNGOS PO MED PA'I YUL DAG LA, ,JI SRID BLO NI 'JUG GYUR PA, ,BLO YIS BTAGS PAS SGRO BTAGS PHYIR, ,DE SRID GCIG LA SOGS PAR 'DOD, , RTOG BCAS RTOG PA MED PA LAS, ,GANG TSE BLO NI LOG GYUR PA, ,DE TSE BLO LA YUL MED PHYIR, ,SPROS PA NYER ZHI ZHI BA NYID, ,DBU MA'I SNYING PO LAS RIG BYED KYI MTHA' RGYUR SMRA BA'I DE KHO NA NYID LA 'JUG PA STE LE'U BRGYAD PA'O,, ,,NGO TSA MED PA KHA CIG NI, , @31B BYANG GROL LEGS LAM BSAM GTAN DANG, ,SHES LA SKUR 'DEBS BYA BA TZAM, ,BDAG GIS DE NI 'THOB PAR SEMS, ,CHAGS SOGS SKYON GYIS NYAMS PA'I PHYIR, ,SKYES BU'I TSIG NI BRDZUN NYID YIN, ,RIG BYED SKYES BUS MA BYAS PHYIR, ,DES NA TSAD MAR GZUNG BAR BYA; ,BYED PO MI DRAN PAR 'DOD PHYIR, ,RIG BYED SKYES BUS MA BYAS LA, ,BRGYUD NAS 'ONGS PA MA CHAD PHYIR, ,DES NA LUNG YIN DE MED NA, ,SGRA RTAG DBYANGS KYIS GSAL BAR BYED, ,DON DANG 'BREL BA RTAG PA NYID, ,DON LA RTOGS PA DANG LDAN LA, ,RTOGS PA RAB TU SKYE BAR 'GYUR; ,LAN CIG 'JUG PHYIR GOMS PA'I PHYIR, ,PHYIS KYANG SHES PHYIR DE BZHIN DU, ,MNYAN BYA YIN PHYIR SGRA NYID BZHIN, ,SGRA NI RTAG PAR SHES PAR BYA, ,MNGON SUM RJES SU DPAG PA DANG, ,SGRA LAS BYUNG DANG NYER 'JAL BCAS, ,DON GYIS GO DANG DNGOS MED PA'I; ,GTAN TSIGS BSGRUB BYA SGRUB PAR BYED, ,'DI NI RJES DPAG LAS THA DAD, ,TSAD MA YIN PHYIR GZHAN DE BZHIN, ,YANG NA GCIG DANG DU MA'I YUL, ,RTOGS PAR GYUR PA JI BZHIN NO, ,RTAGS DANG 'BREL PA MA MTHONG BA'I, ,DNGOS DON BLO YI RGYU PHYIR RAM, , YANG NA THA DAD BLO SKYE BA'I, ,RGYUR GYUR PA NYID YIN PHYIR RO, ,SNGON MED PA YANG BYA BAS GSAL, ,THAR PA'ANG BYA BAS SGRUB PAR BYED, ,MKHAS GANG ZLA BA'I BTUNG SOGS KYIS, ,MTHAR BYED PA LAS NGES PAR RGYAL, ,DRANG SRONG LHAS BSTEN DAM PAS 'DOD, ,LAM RNYING BZANG PO RIG DON 'DI, ,PHYI ROL DMANGS RIGS BUD MED GZUGS, ,'DZIN PAS RIGS LDAN GSUM 'DI SPANGS, ,'DI LA GANG YOD GZHAN LA YOD, ,'DI LA GANG MED 'GA' LA'ANG MIN, ,CHOS LA SOGS PA BZHI PO YANG, ,DE NYID GZHAN NA'ANG MTHONG BA MIN; ,GTAN TSIGS SMRA BAS GTAN TSIGS KYIS, ,LAM GSUM PO NI SUN 'BYIN TE, ,RJES SU DPAG PA GTZOR GYUR PHYIR, ,RANG GI LUGS NI GSAL BYED GANG, ,LONG BA RKANG PA'I TSOD DPAGS KYIS, ,NYAM NGA'I LAM DU RGYUG PA LTAR, ,RJES SU DPAG @32A *, ,PA GTZOR 'DZIN RNAMS, ,LTUNG BAR DKA' BA MA YIN NO, ,'DI NA 'GA' YANG KUN MKHYEN MED, ,DANG PHYIR 'DI NI MA MTHONG PHYIR, ,THAMS CAD MKHYEN PAR SANGS RGYAS LA, ,BRTAGS PA 'JIG RTEN GUS BYA'I PHYIR, ,SANGS RGYAS GSUNG YANG TSAD MA MIN, ,BYAS PA'I PHYIR NA GZHAN BZHIN NO, ,RDZOGS PA'I SANGS RGYAS KUN MKHYEN MIN, ,SKYES BU YIN PHYIR GZHAN BZHIN NO, ,SANGS RGYAS GSUNG NI TSAD MA YIN, ,LTA BA GSUM PO SUN 'BYIN PHYIR, ,JI LTAR GANG SMRA DE DE LTAR, ,GCER BUR RGYU BA'I LTA BA BZHIN, ,SGRA DON RIGS PA SHES PA YIS, ,PHYOGS SU LTA BA'I DUG SPANGS NAS, ,YANG DAG JI BZHIN TSOL BYED NA, ,'DI LA 'DI LTAR DPYAD PAR BYA, ,BRGYUD NAS 'ONGS PAS MA CHAD PA, ,LUNG NYID YIN PAS LUNG ZHE NA, ,KUN GYI LUNG YANG 'GRUB 'GYUR BAS, , NGES PAR GANG GI DE NYID BZUNG, ,GAL TE RIGS PAS BRTAG BZOD PA'I, ,TSIG GANG YIN PA DE LUNG YIN, ,RE ZHIG DE NYID DPYAD PAR BYA, ,PHYI NAS DE YIS GANG BSTAN PA'O, ,DE LA DE YI GNYEN PO'I PHYIR, ,YE SHES GROL BA ZHES 'DOD DE, ,NAD KYI GNYEN PO YIN PA'I PHYIR, ,SMAN GYIS NAD LAS GROL BA NYID, ,BYA BAS GROL BA 'THOB PA MIN, ,BYA BA YIN PHYIR ZHING LAS BZHIN, ,BLO MA YIN PHYIR BRJOD BYA'I PHYIR, ,CUNG ZAD DUS CAN YIN PHYIR YANG, ,SKYES BU'I TSIG NI SKYON BCAS PHYIR, ,TSAD MA MIN PAR 'DOD CE NA, , GSER TOG SHES SOGS TSIG RNAMS KYIS, ,GTAN TSIGS NYID NI MA NGES 'GYUR, ,'ON TE BYAS PA MIN PA'I PHYIR, ,RIG BYED TSAD MAR SGRUB CE NA, ,GTAN TSIGS THUN MONG MIN NYID DANG, ,MA GRUB PA YI DON YANG YIN, ,RJES SU BSTAN MIN SKYON MED DO, ,ZHE NA SANGS RGYAS KYI'ANG MA BYAS, ,SNGON GYI SANGS RGYAS RDZOGS SANGS RGYAS, ,JI LTAR RTOGS DE GSAL BYAS YIN, ,BYAS PA NYID DU RJES DPAG PAS, ,PHYOGS LA RJES SU DPAG PAS GNOD, ,BYED PA MI DRAN MA GRUB PAS, ,GTAN TSIGS 'DI NI MA GRUB NYID, ,GAL TE SNGAGS @32B KYI BYED PO SNGON, ,SNGAGS DANG BCAS PAR BYUNG GYUR PAS, ,BYED POS BYAS KYANG MA BYAS PAR, ,KHYOD KYI BSTAN BCOS MNGON 'DOD PA, ,DE DANG LHAN CIG BYUNG BCAS PHYIR, ,SKYE BA DRAN PAS SMRAS PA BZHIN, ,BSTAN BCOS BYED PO DANG BCAS NA, ,'DI LTAR CI PHYIR SMRA MI BYED, ,RTOGS DANG RJES SU MTHUN PHYIR RAM, ,DE BZHIN YE GE'I LUGS LDAN PHYIR, ,RIG BYED TSIG RNAMS GZUNG BYA BA'I, ,BYED PO SKYES BA MIN NAM CI, ,'DIS KYANG RIG BYED TSIG RNAMS NI, ,SKYES BUS BYAS PA YIN PAR 'DOD, ,BRJOD 'DOD DON GYI BLO SKYE BA'I; ,RGYU PHYIR 'DOD PA SPYOD PA BZHIN, ,SKYES BU MI BZANG BAS BYAS PAR, ,RIG BYED 'DI NI GZHAL BYA STE, ,'BYUNG PO 'TSE DANG CHANG 'THUNG BRDZUN, ,SMRA PHYIR MA GA'I BSTAN BCOS BZHIN, ,GAL TE GNOD SEMS MI 'DOD PA'I, ,'BRAS BU MI SBYIN 'DOD PA'I 'BYIN; ,SNGAGS KYIS GZUNG PHYIR DUG SPYOD BZHIN, ,BSTAN BCOS 'BYUNG PHYIR SBYIN PA BZHIN, ,SNGAGS SOGS PHYE MAS BKUG PA YI, ,BGROD MIN LA YANG BGROD BYA GANG, ,SNGAR BSTAN CHANG BTUNG PHYI MA YANG, ,DES NA MA NGES PA NYID YIN, ,BLO SNGON MA SONG BYA BA YIS, , DUG ZOS NA YANG 'CHI BYED LA, ,LAS NI BLO SNGON MA SONG LA, ,'BRAS BU 'BYIN PAR MA BSTAN TO, ,DE NYID PHYIR NA DUG GI DPE, ,MTHUN PA MIN PAS RIGS LDAN MIN, ,DES NA SNGAGS KYIS PHYUGS GSOD PA, ,RIGS PA MIN PAR RTOGS PAR BYA, ,TSE YI BAR DU GCOD BYED PHYIR; ,SNGAGS KYIS GZUNG BA 'DOD PA YI, ,'BRAS BU 'BYIN PAR MI 'DOD DE, ,DUG MTSON BSTAN BCOS SBYOR BA BZHIN, ,RANG GI LUGS LAS BSTAN CE NA, ,'KHOR BA SGROL BYED PA'I YANG 'GRUB, ,THUN MONG GTAN TSIGS SMRA ZHE NA, ,GZHAN LA MA GRUB PA NYID YIN; ,GANG YANG SNGAGS KYIS MA BZUNG BA'I, ,BSOD NAMS CUNG ZHIG CI BYAS PA, ,DE KUN 'BRAS BU MED 'GYUR BA, ,MI 'DOD PA YI 'BRAS SHE NA, ,SNGAGS KYIS GZHAN NI GSOD PA GANG, ,DE YANG SKYON MED THAL BAR 'GYUR, ,DBANG DU BYED PA'I SNGAGS GANG GIS, , @33A *, ,GZHAN GYI BUD MED BSTEN PA DANG, ,SNGAGS KYI STOBS KYIS 'TSE 'GYUR GANG, ,GAL TE GSOD PAR MI 'DOD NA, ,GZHAN GYI NOR NI RKU BYED PA, ,DE YANG SKYON BCAS MA YIN 'GYUR, ,GAL TE SNGAGS SNGON SONG BA'I LAS, ,DER NI DGER 'DOD GZHAN MA YIN; ,ZHE NA LUNG 'DI 'DRA BA LA, ,GTAN TSIGS KHYAD PAR SMRA DGOS SO, ,GAL TE SROG CHAGS SNGAGS BTAB PAS, ,GANG YANG BCING BA MA BYAS LA, ,G-YO BA MED PAR BYA ZHE NA, ,DE LTA NA YANG KHYAD PAR MED, ,GANG PHYIR SGO KUN BSUBS NAS NI, ,BZUNG NAS NUS MED BYOL SONG DAG ,MTSON CHA RNON POS GSOD PA LA, ,DE LA SNGAGS KYIS CI ZHIG BYA, ,RANG NYID RANG BYUNG GYUR PA YIS, ,MCHOD SBYIN DON DU BYOL SONG BSKYED, ,DES NA DE LA DGOS PA'I PHYIR, ,MCHOD SBYIN CHOS YIN 'DI LTAR DPER, ,BRAM ZE'I DON DU 'TSE BYED PA, ,'DI LTAR CHOS MIN MIN PA BZHIN, ,MCHOD SBYIN BYOL SONG RNAMS GTZES KYANG, ,'BRAS BU MI 'DOD MIN DE YI, ,DON PHYIR ZHE NA BRAM ZE'I PHYIR, ,CI LTAR 'DOD PAR 'TSE BYED BZHIN, ,BYOL SONG SPYAD PA'I PHYIR BSKYED DE, ,SPYAD BYA YIN PHYIR BUD MED BZHIN, ,DE PHYIR MCHOD SBYIN PHYIR MA GRUB; ,BYOL SONG GTAN TSIGS MA GRUB PHYIR, ,DBUS KYI MCHOG SBYIN GNAS BSAD NA'ANG, ,MA 'KHRUL BSAMS BZHIN BSAD PA'I PHYIR, ,PHYI MAR BYED PO MI 'DOD PA'I, ,'BRAS BUR GYUR TE GZHAN BZHIN NO, ,MCHOD SBYIN LA NI BSAD PA YANG, ,MI 'DOD PA YI 'BRAS BU 'BYUNG; ,BSAMS BZHIN DU NI SROG 'CHAD PA'I, ,SDUG BSNGAL BSKYED PHYIR GZHAN BZHIN NO, ,BYA BA JI LTAR BYAS PA LAS, ,DE 'DRA'I 'BRAS BU LUS LA MTHONG, ,BYED PO DE 'DRA'I MA MTHONG YANG, ,BSAD PA YIN PHYIR GZHAN BZHIN NO, ,MYOS 'GYUR BTUNG SOGS KYANG BSHAD PAS, ,CI LTAR BSTAN BZHIN SPANG BYA STE, ,DES NA MYOS 'GYUR BSTEN MI BYA, ,MYOS PAR 'GYUR PHYIR MYOS SOGS BZHIN, ,MCHOD SBYIN SNGAGS KYIS YONGS BZUNG BA'I, ,MYOS 'GYUR SKYON MED MA YIN TE, ,MYOS PHYIR DPER NA GZHAN BZHIN TE, ,SNGAGS KYIS @33B BTAB PA MTHONG BA BZHIN, ,RTAGS NI MTHONG BA MED CES TE, ,GAL TE MTHO RIS SOGS MI NGES, ,SHE NA RTAGS LAS RJES DPAG DES, ,NGES PAS NGES PA MIN NAM CI, ,LAN CIG 'JUG PHYIR ZHES BYA 'DIR, ,MAR ME'ANG LAN CIG NYID 'JUG PAS, ,GTAN TSIGS MA NGES NYID YIN PHYIR, ,SGRA YI RTAG PA NYID KYANG BRDZUN, ,YOD PHYIR SGRA NI MI RTAG STE, ,CI PHYIR BYA BA BZHIN MI BZUNG, ,YANG NA LUS KYI G-YO BA BZHIN, ,BLO YI RGYU PHYIR NYAMS PAR 'GYUR, ,GOMS PHYIR PHYIS SHES PHYIR ZHES PA'ANG, ,GTAN TSIGS RJES 'GRO MED PA NYID; ,GOMS DANG PHYIS KYANG SHES PA NI, ,RTAG MIN NAM YANG MA MTHONG PHYIR, ,SGRA NYID RTAG PA NYID MA GRUB, ,SGRA NYID DPE YANG MA YIN LA, ,MNGON PAR GSAL BYED PA YANG BKAG ,'DI NI NGAG GI GSAL BYED MIN, ,GAL TE SGRA DE MNYAN BYA NA, ,NGAG GIS GSAL BAR JI LTAR 'DOD; ,RTOGS PA ZHES BYA'ANG BRDA NYID PAS, ,'DI NYID SGRA RU THAL BAR 'GYUR, ,DANG PO BRDA NI MED PA NA, ,RTOGS PA YOD PAR MI RIGS SO, ,'KHOR BA THOG MA MED PA LTAR, ,BRDA YANG RJES SU 'JUG PA NYID, ,RJES SU DPAG PA'I TSAD MA NYID, ,DE BDAG NYID LAS THA DAD MIN, ,DES NA TSAD MA YIN PHYIR ZHES, ,BYA BA'I GTAN TSIGS 'DI MA NGES, ,THA DAD SPYOD YUL CAN GYI BLO'I, ,RGYU NYID DU NI KHYOD KYI DE, ,MA GRUB THA DAD YUL YIN PHYIR, ,GTAN TSIGS MA GRUB NYID DU 'GYUR, ,DU MA'I DON DNGOS THA DAD PHYIR, ,DON GCIG MIN PA RTOGS PA'I RGYU, ,RJES SU DPAG PAR YANG 'DOD PAS, ,DE PHYIR SGRA BYUNG LAS GZHAN MIN, ,RTAGS DANG 'BREL BA MA MTHONG BAS, ,MTHONG BA'I DON LAS RJES DPAG NYID, ,GANG PHYIR RTOG BYA RTOGS PAR BYED, ,DE PHYIR DE MA THAG TU MIN, ,RJES DPAG SGRA BYUNG THA DAD MIN; ,LKOG GYUR SHES PA'I RGYU NYID YIN, ,'BREL PA DRAN LA LTOS BCAS PHYIR, ,JI LTAR RJES DPOG RANG NYID BZHIN, ,SNGON MED BYA BAS GSAL MI BYED, ,SGRA YIS GSAL BYED BKAG PA BZHIN, ,GSAL BAR BYAS PA'I BUM PA LTAR, ,SNGON MED PA YANG MI RTAG 'DOD, , @34A *, ,ZLA BA'I BTUNG SOGS BYA BA'I 'BRAS, ,RTAG PA MIN PA NYID DU 'DOD, ,BYA BA'I 'BRAS BU YIN PHYIR DPER, ,'DOD PA'I RGYUS BYUNG 'BRAS BU BZHIN, ,ZLA BA'I BTUNG SOGS BYA BA YIS, ,THAR PA 'THOB PAR MI RIGS TE, ,BYA BA YIN PHYIR 'DOD PA YI, , RGYU MTSAN BYA BA MI 'DOD LTAR, ,DE'I PHYIR LAM 'DI LA BRTEN NAS, ,MTHAR BYED LAS RGYAL 'GYUR MA YIN, ,BLO YIS DPYOD PA'I NUS MED PAS, ,GZHAN RJES 'BRANG BAS 'DI LA BRTEN, ,'CHI MED NYID NI YOD PA'I PHYIR, ,NYER ZHI RIG BYED YOD CE NA, ,MED DE 'DI NI PHYIN CI LOG ,MI RTAG PA LA RTAG PAR BTAGS, ,RIG LAS 'BYUNG BA'I DON GSUM MO, ,SHIS BRJOD BSTOD DANG CHO GA DAG ,GANG PHYIR DON 'DI GSUM PO 'DIS, ,THAR PA NAM YANG 'THOB MA YIN, ,GAL TE SNYING PO NYID YIN PAS, ,RIG BYED TSAD MAR 'DOD CE NA, ,MI SHES PHYIN CI LOG LTA SOGS, ,CI YI PHYIR NA TSAD MA MIN, ,LAN GSUM PO NI STON BYED PA, ,TSANGS PA KHYAB 'JUG BDE BYED RNAMS, ,NYON MONGS BDAG NYID SPYOD MTHONG PAS, ,GANG PHYIR GSUM 'DI SPANG BA'I RIGS, ,'DOD PA MED NA JI LTAR 'DI, ,'DOD DGA' MA LA SPYOD PAR BYED, ,DE BZHIN 'DOD BRAL LHA MO LA, ,'GRO GTZO STOBS KYIS CI PHYIR BRJOD, ,'DI NI SKYE DGU'I BDAG LAS SKYES, ,DE NI RANG BYUNG BU YIN NA, ,RANG BYUNG TSA MO 'DOD LDAN LA, ,SPYAD PAR GYUR PA MIN NAM CI, ,RIG LAS DRANG SRONG SKYE BSTAN PA, ,'DI LTAR BYUNG 'DI BRTAG MI BYA, ,GNYIS SKYES RNAMS KYI GSANG BA GANG, ,KUN LA BRJOD PAR BYA BA MIN, ,RANG BYUNG GI NI SPYOD PA 'DI, ,'KHRUL PAR GYUR PA 'DI LA LTOS, ,TSA MO MTHONG DANG REG PA LAS, ,BYOL SONG BZHIN DU GANG CHAGS NAS, ,LUS NI 'BYUNG BAR GYUR PA LAS, , MI GTZANG SHONG BAR GYUR PA 'DI, ,MI NI SEMS DANG LDAN PA 'GA', ,MI SKYE YIN NA 'DI BYED DAM, ,KHYI DANG BONG BU DAG GI NI, ,SPYOD PA 'PHAGS PAS DMAD PA LA [*DAM DPAL?], ,RANG BYUNG SPYOD PAS DES NA DES, ,DE DAG DANG NI KHYAD CI YOD, ,SHES LDAN SHES PAS SDIG PA DAG , @34B SREG STE ME YIS SHING BZHIN NO, ,DES NA MTHU YI KHYAD PAR GYIS, ,NGAN 'GROR DE MI 'GRO ZHE NA, ,GANG GIS NYON MONGS SREG NUS PA'I, ,MKHAS PA SHES DES SHES LDAN LA, ,DE NI SDIG PA BYED MI 'GYUR, ,DE RGYU SHES LDAN LA MED PHYIR, ,LTUNG BAR BYED PA'I LAS RNAMS KYIS; ,RNAL 'BYOR GRUB LA MI GROS ZHES, ,SMRA ZHING YANG DAG LAM NYAMS LA, ,GZHAN DAG GI YANG NYAMS PAR BYED, ,TSANGS LA SOGS PAS DE NYID DON, ,BLO YIS MTHONG BAR MI 'DOD DE, ,TSANGS PA DANG NI RTZE GSUM CAN, ,THIG LE MCHOG MAR KUN CHAGS PHYIR, , DANG POR KHRO MES MA BSREGS NA, ,GRONG KHYER SUM RTZEG JI LTAR BSREGS, ,NYI RGYAL SO PHYUNG CI LTA BU, ,NYI SKAL MIG PHYUNG CI LTA BU, ,TSANGS BSAD CHANG 'THUNGS 'DOD PA CAN, ,DBANG PHYUG DE NYID MTHONG ZHE NA, ,DE YI LAM GYI RJES 'BRANG BA, ,JI LTAR DE NYID MI MTHONG 'GYUR, , KHYAB 'JUG YIN NA SGRA GCAN DANG, ,TZA TU RA DANG DMYAL LA SOGS, ,SNYING RJE MED PAR GYUR PA YI, ,NOR SROG PHRAL BA JI LTA BU, ,GZHAN NOR CHUNG MA MA BYIN LEN, ,CHANG SRED SROG NI GCOD PA DANG, ,DE NYID MTHONG BAS 'ONGS GYUR NA, ,RI BRAGS RKUN MO SHIN TU'ANG YIN, ,SKYE DGU BSKYANG LA GSAL BA'I PHYIR, ,LHA MIN LHA YI TSER MA DAG ,BSAD KYANG SKYON NI YOD MIN TE, ,DE NI CHOS BSRUNG PHYIR ZHE NA, ,GAL TE DE NI CHOS BSRUNG BAR, ,'DOD PA YIN NA CI YI PHYIR, ,GZHAN NOR BUD MED RKU BA DANG, ,G-YO SGYU LA 'JUG SPONG MI BYED, ,'GRO BA'I DE NYID DE RANG BZHIN; ,RANG BZHIN YIN PHYIR DOR TSE BZHIN, ,'GRO BA MI RTAG PAR MTHONG NA, ,DE NI JI LTAR RTAG PAR 'DOD, ,GAL TE 'GRO LAS DE GZHAN TE, ,SA DANG RDZA MKHAN BZHIN ZHE NA, ,RDZA MKHAN DANG NI SA BZHIN DU, ,MI RTAG PAR NI MTSON PAR BYA, ,CHOS MIN 'DOD PA MA YIN NA; ,DE BYED PAR NI JI LTAR 'GYUR, ,YANG NA LKOG TU GYUR PA'I DON, ,MI SHES PHYIR NA BYAS PA YIN, ,SRED PAS 'JIG RTEN SKYONG ZHE NA, ,SRED PA'I BRAN DU JI LTAR 'OS, ,SNYING RJE ZHE NA 'JIG RTEN RNAMS, ,SGYU MAS RMONGS PAR CI PHYIR BYED, ,SKYE DANG 'CHI SOGS SDUG @35A *, ,BSNGAL CAN; ,LHA MA YIN LA'ANG CIS MI BRTZE, ,THAMS CAD MNYAM PAR MTHONG BA'I PHYIR, ,DGRA YI 'DU SHES MI RIGS SO, ,RANG NYID 'GRO BA'I BYED PO YIN, ,SKYE 'JIG DAG GI GTZO BO NI, ,PHAN PAR BYED LA BRTZE BA LTAR, ,PHAN BYED LA BRTZE DE CI LTAR; ,GAL TE 'GRO GTZO 'DI YIN PAS, ,'DI LAS LHAG PA'I MCHOG MED NA, ,CI PHYIR MDANGS LDAN MA BCAS PAS, ,THUB BA GOS NGAN KHUR BAR BYED, ,YANG NA DE YI SPYOD MTHONG NAS, ,SKYE DGU BYED PO ZHES BYA'I BLO, ,RANG GIS BYAS SAM SLOB YIN NA'ANG, ,KHUR BAR BYED PA'I BLO CI YIN, ,MCHOD 'OS DKA' THUB LHAG CE NA, ,DKA' THUB GTZO YIN DE MA YIN, ,DMOD PAS 'JIGS PA YIN ZHE NA, ,BYED PO YIN PA'I YON TAN CI, ,'DOD CHAGS ZHE SDANG SOGS 'DRES PA'I, ,'PHROG BYED SPYOD PA 'DI CI YIN, ,'PHAGS MIN SPYOD PA 'DI LDAN PA, ,DE NI JI LTAR SKYES MCHOG YIN, ,'GRO BA MNYAM MED 'PHROG BYED PA, ,GAL TE DE LA STOBS YOD NA, ,CI PHYIR SHUGS CAN NAG PO YIS, ,'JIGS NAS PHUG TU ZHUGS ZHES DRAG ,SHUGS CAN NAG POS 'JIGS SKRAG NAS, ,RGYAL PO'I DRANG SRONG MU TZU KU'I; ,KHRI YI 'OG TU ZHUGS GYUR PAR, ,NAG POR GYUR PA MIN NAM CI, ,GRONG KHYER MANG POR GNAS PA NA, ,KHUNG NAS RKUN MO BZHIN 'BROS PA, ,GAL TE SRID GSUM DES BSKYED NA, ,LHA MA YIN LA CI PHYIR 'JIGS, ,GANG TSE RGAS BYED MDAS PHOG NAS, ,'DI NI 'CHI BAR 'GYUR BA'I TSE, ,DE NYID MTHONG BA'I SHES PA DANG, ,DE YI STOBS KYANG GANG DU SONG, ,SGYU DANG G-YO YIS RMONGS BYAS TE, ,NGAN PA'I LAS LA SBYAR BYAS NAS, ,BLA MA GNYEN BSAD 'JIGS PA YIS, ,SRID SGRUB TU GYUR JI LTA BU, ,DGRA TSOGS ZAD PAR BYAS PA LA, NGES PAR RANG LA NUS MED PAS, ,GANG PHYIR SNYING RJE MED PAS GZHAN, ,BSKUL BA'I DON DU SONG BAR GYUR, ,GANG YANG CUNG ZHIG DBANG PHYUG LDAN, ,GAL TE DE LA GNAS YIN NA, ,DE NI KUN LA KHYAB NYID MIN, ,DES NA GZHUNG 'DI DOR BAR GYIS, ,'OG TU ZHUGS NAS SA BTEG PA, , @35B KHYAB PA YIN NA JI LTAR RUNG, ,'ON TE 'DI DER MA GNAS NA'ANG, ,KHYAB PAR SMRA BA MI MDZES SO, ,'OG TU ZHUGS NAS SA 'DZIN PAR, ,NUS NA DRANG SRONG DMOD PA YIS, ,RANG RIGS SA 'OG 'GRO GYUR PA, ,'DZIN PAR MI BYED JI LTA BU, ,DE LA GUS PA MI NYAMS ZHES, , GANG LA DE LTA'I BLO YOD NA, ,DE LA GUS PA'I BUD MED DAG ,CO BZUNG DGRAS KHYER JI LTA BU, ,DE 'BA' ZHIG KYANG MA YIN GYI, ,BSHES DANG GNYEN DANG BU RNAMS DANG, ,DE LA GUS PAR MTHONG BA GZHAN, ,KUN KYANG NYAMS PAR GYUR PA NYID, ,'PHROG BYED 'DI YI DNGOS GZHAN ZHIG ,ZHI BAR GAL TE RTOG BYED LA, ,GANG MTHONG DUL GANG YANG SRID DU, ,'BYUNG BAR MI 'GYUR GANG YIN PA, ,'DI YI YOD MIN MED MA YIN, ,YOD MIN MED PA MIN PA'ANG MIN, ,DES NA MED PHYIR YOD PA'I PHYIR, ,YOD MED MIN PHYIR DE NI MCHOG ,NYA SOGS NGO BO YOD PA'I PHYIR, ,GZHAN YIN NA YANG 'CHI MED MIN, ,GZHAN MIN NYID NA'ANG GZHAN MIN PHYIR, ,DE NI ZHI MIN GZHAN BZHIN NO, ,GAL TE GCIG NI ZHI BDAG NYID, ,YIN NA'ANG GCIG NI MA ZHI NA, ,BUD MED 'PHYON MA'ANG BSNGAGS PAR 'OS, ,LUS KYI PHYED NI 'DOD PA'I PHYIR; ,YOD SOGS SGRA YIS BRJOD MIN PHYIR, ,MCHOG CES BYA BA'ANG RIGS PA MIN, ,YOD NA MCHOG TU RIGS 'GYUR LA, ,RGYU NYID DU YANG RIGS PA YIN, ,RGYU NYID YIN PA SPANGS PA YIN, ,GZHAN NYID YIN PA 'ANG SNGA MA BZHIN, ,RGYU YANG MA YIN GZHAN YANG MIN, , 'CHI MED MA YIN SKYE BA'ANG MIN, ,GAL TE 'CHI MED DNGOS YIN NA, ,'DI NI NYAMS 'GYUR RO SOGS BZHIN, ,GAL TE 'CHI MED DNGOS MIN NA, ,DE MED NAM MKHA'I ME TOG BZHIN, ,YOD MIN MED MIN MI RIGS TE, ,ME LA GRANG DANG DRO BZHIN NO, ,DE BZHIN 'CHI BA MED PA DE; ,BRJOD MED YIN PAR JI LTAR RIGS, ,BRJOD DU MED NYID BDAG DANG NI, ,'DRA NA MED YIN BKAG PA NYID, ,'CHI MED PHYIR 'CHI MED CE NA, ,'CHI MED MED PHYIR 'CHI MED MIN, ,SKYON RNAMS SBA PHYIR BTAGS PA YI, ,DE YI DNGOS PO GZHAN ZHIG STE, ,DE LA DMIGS @36A *, ,NA JI LTA BU; ,GROL 'DOD GROL BAR 'GYUR BA YIN, ,TSANGS PA DANG NI NOR LHA YIS, ,GLUR BLANGS GSANG BA AOm ZHES BYA, ,TSANGS PA'I YI GE DE NYID NI, ,YOD DE KUN LA KHYAB PA YIN, ,DE NI TSAD GSUM GSAL BA YIN, ,DE BZHIN SHIN TU PHRA BAR BSTAN, ,DANG PO'I RGYU NI AI GE AA:, ,NGAG DANG SNYING STOBS SA ME BSDUS, ,LAS DANG NAM MKHA' NYID DAG KYANG, ,YID RTUL SNYING STOBS AU DANG LDAN, ,BYED PO'I YI GE MA'I MING CAN, ,SROG DANG MUN PA GSUM PA YIN, ,'GRO BA THAMS CAD SDUD PAR BYED, ,GNYID CHEN SHIN TU LOG PA'I RGYU'O,, 'PHO DANG BSAM GTAN RLUNG 'BYUNG 'JUG ,GZUNG BAR BYA DANG BRTAG PA DANG, ,TING 'DZIN ZHES BYA RNAL 'BYOR GYI, ,YAN LAG DRUG TU BRJOD PA YIN, ,DBANG PO KUN GYI SHES PA NI, ,YUL LA G-YO BAR BYED PA RNAMS, ,YANG DAG BSDUS LA SROG LDAN NI, ,YID LA BSAM GTAN BYA BA STE; ,GNAS DAG TU NI SPO ZHI BYA, ,DBANG PO DAG DANG DBANG DON DAG ,RUS SBAL YAN LAG BZHIN BSDUS LA, ,DRAN PAS YI GE AOm BRJOD NA, ,DE GUS SKYES BU GROL BAR 'GYUR, ,'PHROG BYED GUS PAS GROL BAR NI, ,'PHROG BYED MTHONG BAS MI RIGS NYID, ,RNAM RTOG MTSAN MA DANG BCAS PHYIR, ,DPER NA 'PHROG BYED MTHONG BA BZHIN, ,GROL PHYIR RNAL 'BYOR LDAN PA YI, ,MI RTOG BLO YANG MI 'DOD DE, ,MTSAN MAR 'DZIN PHYIR BRDZUN YIN NA, ,YONGS SU BRTAGS PA SMOS CI DGOS, ,CHAGS SOGS KUN TU SPYOD PA'I PHYIR, ,TSANGS SOGS RNAMS NI PHYUGS RDZI BZHIN, , DE NYID RIG PA SPANGS PA'I PHYIR, ,RGYU LA MKHAS PA MA YIN NO, ,BDEN PA'I CHOS NI BSTAN PA'AM, ,RANG NYID SGRUB PAR BYED PA YIS, ,CHOS NI BSRUNGS PAR 'GYUR YIN NA, ,DE LA 'DI NI GNYI GA MED, ,KUN KYANG BSKYED PA'I RGYU NYID DU, ,SMRA LA RANG BDAG THA DAD PA, ,GANG GI TSIG LA BDEN PA'AM; ,MI BDEN PAR NI BRTAG PAR BYA, ,DE GCIG PHYIR SKYON MED CE NA, ,TSANGS PAS TSANGS BSAD JI LTA BU, ,GCIG NYID RAB TU BKAG PA'I PHYIR, ,GCIG NYID YIN PAR MI RIGS SO, ,BDAG LAS DBYE BA MI RIGS PAS, ,GSUM NYID DU YANG JI LTAR 'GYUR, ,SDUG BSNGAL RGYU LA @36B RMONGS RNAMS LA, ,DE ZHI'I GTAM YANG GA LA YOD, ,RIG LAS RNAL 'BYOR BSTAN PA NI, ,DE BSTAN PA LAS NYAMS PA'I PHYIR, ,CHOS BSRUNG BAR NI NUS PA YI, ,RE ZHIG CHOS BDEN SMRA MI NUS, ,SGRUB PA LAS NI NYAMS PA'I PHYIR, ,GZHAN DAG ZHI BAR KHRID MI NUS, ,JI LTAR G-YANG SAR RANG LHUNG BA, ,GZHAN DAG 'DREN PAR MI NUS SO, ,RTOG PA'I DRA BAS BTAGS PA YI, ,LOG PA'I GTAN TSIGS GSUM PO LA, ,RIGS SAM MI RIGS DPYAD NAS NI, ,GSUM PO 'DI NI GTANG BA'I RIGS, ,SNA TSOGS BYED PA BYED BYED SOGS, ,RIGS PA MIN PAS SNGAR SMRAS SO, ,BYED PO YIN PAR BDEN NYID NA, ,'DI DAG GIS NI CI ZHIG BYAS, ,RE ZHIG BDAG NI MA SKYES PHYIR, ,DE YIS BYAS PAR MI 'DOD DO, ,CHOS DANG CHOS MIN DES MA BSKYED, ,DE'I YON TAN PHYIR DA LTA BZHIN, ,GAL TE 'DI DAG BYED POS YIN, ,LAS KYIS BYA BA'I MA YIN NA, ,LAS DANG BYA BA DE DAG GIS, ,RGYU DANG 'BRAS BU JI LTAR 'GYUR, ,BDE DANG SDUG BSNGAL NYER DMIGS PA'I, ,LUS KYANG DE DAG LA 'JUG PAS, ,DES NA LUS CAN RNAMS KYI LUS, ,DBANG PHYUG SOGS KYIS BYAS MI RIGS, ,BSKAL PA DANG PO'I LUS CAN LUS, ,SNGON BYAS MA MTHONG RGYU CAN TE, , BDE SOGS 'BYUNG BA'I RGYU YIN PHYIR, ,DPER NA DA LTAR LUS BZHIN NO, ,GAL TE DBANG PHYUG GI DBANG PHYUG ,DE YANG BSOD NAMS BYAS SHE NA, ,DE YANG BSOD NAMS GZHAN DBANG PHYIR, ,DBANG PHYUG DBANG PHYUG MIN PAR 'GYUR, ,GAL TE DBANG PHYUG GI DBANG PHYUG ,GLO BUR GYUR PAR 'DOD NA NI, ,DES NA GZHAN DANG MTSUNGS PA'I PHYIR, ,DBANG PHYUG DBANG PHYUG MIN PAR 'GYUR, ,DBANG PHYUG SHES DNGOS YIN ZHE NA, ,DES NA DES BYAS 'GRO BA RNAMS, ,RGYU YI RJES SU BYED PA'I PHYIR, ,KUN KYANG SEMS DANG LDAN PAR 'GYUR, ,GAL TE DBANG PHYUG RGYU YIN NA, ,'GRO BA PHRA SOGS LDAN PAR 'GYUR, ,LAS BYED DBANG PHYUG YIN ZHE NA, ,DE YANG DMYAL BA DAG TU 'TSED, ,DE MIN GZHAN DAG 'TSED NA NI, ,BYAS NYAMS MA BYAS 'PHRAD PAR 'GYUR, ,THAR PA MED PA YANG YIN TE, ,RTAG TU SDUG BSNGAL RGYU LDAN PHYIR, ,DE YI SDUG BSNGAL GA LA ZHI, ,ME NI 'BAR BAR GYUR BA YI, , @37A *, ,TSA BA MA ZHI MTHONG BA BZHIN, ,GCIG PU SNA TSOGS MIN ZHE NA, ,'BRAS BU SNA TSOGS JI LTA BU, ,'DOD PAS SNA TSOGS YIN ZHE NA'ANG, ,GCIG PU SNA TSOGS MI RIGS SO, ,RTAG PA CHA MED PHRA BA DANG, ,'GRO BA'I BYED PO GCIG PU NYID, ,KUN LA KHYAB PA YIN NO LO, ,'DI LAS MTSAR BA GZHAN CI YOD, ,PHAN TSUN ZA BAS 'JIGS PA YI, ,BDE BA RNYED DKA'I DUD 'GRO DANG, ,ZHIB TU 'THAG CING GCOD 'BIGS PA'I, ,SDUG BSNGAL GYIS GI ZAD DMYAL BA DANG, ,MI RNAMS SKYE RGA NAD DAG DANG, ,SDUG BSNGAL ZUG RDU'I RMA BTOD NAS, ,DGA' 'GYUR GANG YIN DRAG PO ZHES, ,MING DON LDAN PA DE PHYAG 'TSAL, ,'DZIN PA CAN GANG NOR LDAN DANG, ,GZHAN GYI MTSO BCAS DGE BA CAN, ,CHOS MIN CAN 'GA' MTHO GNAS LDAN, ,DBANG PHYUG SPYOD PAR GSAL BA YIN, ,YON TAN NOR LDAN TSE THUNG DANG, ,NGAN PAR SPYOD RNAMS TSE RING DANG, ,GTONG LDAN DBUL PO MTHONG BAS NA, ,DBANG PHYUG GIS BYAS GSAL BA YIN, ,KHA CIG SANGS RGYAS PA YANG BDE, ,DE LA GUS PA KHA CIG SDUG ,DBANG PHYUG BKAS NI BSOD NAMS CAN, ,DAG KYANG CI PHYIR SDIG MI BYED, ,SNA TSOGS LAS LA MI SHES PAS, ,DE RGYU NYID DU SMRA BA YIN, ,SNA TSOGS BYED POR TSANGS PA NI, ,MI RIGS SNGON DU BSTAN PA BZHIN, ,TSANGS PA BYED POR BDEN NA YANG, ,DE YIS CI ZHIG BYAS PAR 'GYUR, ,DANG POR SEMS NI MNYAM BZHAG PAS, ,BLO YI SGO RNAMS LEGS BSDAMS LA, ,YID LA SHI BA GZHAG PAR BYA, ,'DI LTAR YI GE AOm BSGOMS TE, ,SNYING LA GZUNGS KYIS BZUNG BYAS PA, , SA SOGS GZUGS LA GOMS PAR BYA, ,BDE BYED MNYES NA SDUG BSNGAL LAS, ,GROL 'GYUR ZER BA 'DI MI BDEN, ,CI SRID YID KYI SHES 'BYUNG BAS, ,DE SRID GROL BAR MI RIGS TE, ,YID SHES 'BYUNG PHYIR JI LTAR SNGAR, ,GROL BAR MA GYUR PA BZHIN NO, ,DBANG PHYUG LA GUS GROL 'GYUR BAR, , MI RIGS BDE BYED MTHONG BA YANG, ,DMIGS LA GNAS PA YIN PA'I PHYIR, ,DPER NA MTHO YOR MTHONG BA BZHIN, ,SDUG BSNGAL RGYU NI DBANG PHYUG NA, ,DE NI RTAG PHYIR BCOS SU MED, ,DES NA SDUG BSNGAL MTHAR 'GRO BAR, ,DBANG PHYUG NAM YANG 'GYUR MA YIN, ,'DIS NI LHAG MA'ANG DGAG @37B BYAS PHYIR, ,TSANGS PA KHYAB 'JUG BDAG SMRA LA, ,MI RIGS PHYIR NA DBANG PHYUG SOGS, ,BTAGS LA BLO NI DGA' MI BYED, ,DUS CHEN SHIN TU MANG PO 'DAS, ,BUD MED SEMS NI SHIN TU G-YO, ,DE PHYIR BRAM ZE ZHES BYA'I RIGS, ,'GA' YANG GANG LA'ANG YOD MA YIN, ,RTZAL DANG RTZAL GYI SDE DAG DANG, ,DE BZHIN THOS PA'I RTZA CAN DAG ,DRANG SRONG CHEN PO GOO TA MA, ,BRAN SONG NYAL BA'I MNGAL NAS SKYES, ,GZHUNG NI RTZOM PAR BYED PA YI, ,KUN 'DA' BRAM ZE'I DRANG SRONG YANG, ,THUB PA CHEN PO TUN 'DA' YIS, ,GDOL PA MO DANG NYAL LAS SKYES, ,NYA PA YI NI BU MO LA, ,PHA NI MCHOG 'GRO ZHES BYA BAS, ,NYAL LAS DRANG SRONG GLING LAM SKYES, ,DE YANG BRAM ZE ZHES BRJOD DO, ,BRAM ZE'I DRANG SRONG 'JIG RTEN GRAGS, ,THOS MANG RIG BYED 'DON BYED PA, ,DRANG SRONG RVA ZHES BYA BA'I MA, ,DUD 'GROR SKYES PA'I RI DAGS YIN, ,SBOM DANG DE BZHIN RAS BAL CAN, ,DMANGS RIGS BU YIN BRAM ZER GRAGS, ,ZLA BA'I BTUNG BA YANG 'THUNGS NAS, ,'JIG RTEN DRANG SRONG CHEN POR GRAGS, ,'JIG RTEN DU NI GRAGS GYUR PA, ,BRAM ZE LUNG PHU ZHES BYA BA, ,THOS MANG DE YANG GDOL PA'I RIGS, ,LUNG MA ZHES BYA BA LAS SKYES, ,BUR SHING BU MO LAS SKYES PA'I, ,DRANG SRONG DRANG SRONG KA NVA YA, ,KA NVA YA YI RIGS BCAS PA, ,SKYES PA YIN ZHES RJOD PAR BYED, ,DRANG SRONG KA BI DZA LA YANG, ,DRANG SRONG DBANG BYED CHEN PO YIS, ,GDOL PA PHRENG BA MO LA NI, ,NYAL LAS SKYES PA YIN ZHES THOS, ,AA GA STA DANG DBANG BYED NI, ,BUM PA'I NANG NAS SKYES ZHES THOS, , BUM PA'ANG BUM PA'I NANG NAS SKYES, ,DE BZHIN GTZANG SKYES CHU LAS SKYES, ,PADMA'I 'DAB LAS SHES RAB MYUR, ,KA BANG TYA NI THAL BA LAS, ,MGO LA THOD PA CAN NYID NI, ,THOD PA LAS NI SKYES ZHES ZER, ,CHU YIS SDIG PA DAG PA 'KHRUL, ,DGE SOGS NYO TSONG BYED PA DAG ,NYES BSTAN GSUM LA MTHONG BAS NA, ,GANG PHYIR GSUM 'DI GTONG BA'I RIGS, ,'DIS NI SDIG BDAG MI 'GYUR, ,MA REG PHYIR DANG MA MTHONG PHYIR, ,MA BSGOMS PHYIR DAD BAG CHAGS PHYIR, ,DRAN PA'I SHES DANG DGE BA BZHIN, ,PAD SNYING RKANG PHYUNG KLUNG SOGS KYI, ,CHUS NI SDIG PA 'DAG @38A *, ,MI 'GYUR; ,REG BYA'I PHYIR RAM PA SGO BYA'I PHYIR, ,KHYIM GYI NGAN SKYUGS CHU BZHIN NO, ,RANG BZHIN BSOD NAMS MA YIN LAS, ,CHUR ZHUGS SOGS KYIS ZAD 'GYUR NA, ,'BAB STEGS SOGS SU KHRUS BYAS RNAMS, ,SDUG BSNGAL MI 'GYUR RGYU MED PHYIR, ,LAS RNAMS ZAD PA'ANG MA YIN PAS, ,SDIG PA ZAD PA 'GA' YANG MED, ,NANG GI BDAG NYID MI 'DAG CES, ,BSTAN PA YOD PAS DE YANG BRDZUN, ,RGYUD GZHAN LAS NI RGYUD GZHAN DU, ,SDIG PA 'PHO BA MIN PAR BZUNG, ,LUS CAN MIN PHYIR 'DOD CHAGS DANG, ,ZHE SDANG GTI MUG MI 'PHO BZHIN, ,DE TSE BSOD NAMS BLANGS PAR NI, ,MI RIGS ZHES NI NGES PAR BYA, ,SEMS DANG MTSUNGS PAR LDAN PA'I PHYIR, ,DPER NA BDE DANG SDUG BSNGAL BZHIN, ,'BAR SOGS NANG DU MCHONGS PA NYID, ,TSANGS PA'I 'JIG RTEN SOGS 'GRO BAR, ,BSTAN PA'I LUGS NGAN GSUM LAS MTHONG, , DE PHYIR SPANG BAR RIGS PA YIN, ,MER MCHONG LA SOGS TSANGS PA YI, ,'JIG RTEN SOGS 'THOB RGYU MA YIN, ,SROG LA GNOD PAR BYED PA'I PHYIR, ,PHYI MA LEB SOGS MTHONG BA BZHIN, ,BZA' DANG BTUNG BA SPANGS PA YIS, ,MTHO RIS THOB PAR MI 'DOD DE, ,BKRES DANG SKOM PA'I RGYU YIN PHYIR; ,ZAS MA ZOS PAS GDUNGS PA BZHIN, ,ZAS MA ZOS SOGS BSOD NAMS 'GYUR, ,SPANGS PHYIR SDIG SPANGS BZHIN ZHE NA, ,BDEN SOGS SPANGS PAS GTAN TSIGS 'DI, ,MA NGES PA NYID YIN PAR 'GYUR, ,ZAS SPANGS BSOD NAMS MI 'GYUR TE, ,BYA BA DE LA SDIG MED PHYIR; ,DGE BA YID LA BYED PA YI, ,YID LA BYED PA SPANGS PA BZHIN, ,MTHA' GSUM DAG PA'I SHA GANG DAG ,ZOS KYANG SDIG TU MI 'GYUR TE, ,DANGS MA SOGS SU 'GYUR BA'I PHYIR, ,SLONG MO'I ZAS LA SDIG MED BZHIN, ,GANG YANG SHA NI ZOS PA YIS, ,SDIG PA'I RGYUR NI MI 'GYUR TE; ,BKRES BZLOG PA'I RGYU YIN PHYIR, ,MA BLANGS BYIN PA'I ZAS SKOM BZHIN, ,SHA NI MI BZA' BA YIN PHYIR, ,MI ZA ZHE NA LUS LA RTOGS, ,SA BON DANG NI BRTAN BYED PA, ,MI GTZANG MI GTZANG SRIN BU BZHIN, ,KHU BA SOGS LAS BYUNG BA'I PHYIR, ,NYA SHA SOGS NI SMAD CE NA, ,MAR @38B DANG 'O SOGS RGYU YIN PAS, ,'DI NI MA NGES PA NYID YIN, ,SHA ZA SROG GCOD NYID YIN TE, ,DE YI RGYU MTSAN PHYIR ZHE NA, ,LPAGS SOGS THOGS PAS GTAN TSIGS NI, ,MA NGES PA NYID YIN PAR 'GYUR, ,'JAL DANG SRANG LA G-YO BYED DANG, ,NYE BAR 'DOD PA MI DGE MNYAM, ,'TSO BYED NOR NI RNYED PA DE'I, ,GANG YANG SDIG PA DAG LAS NI, ,SKYON NI GNYIS KYIS LHAG PA RU, ,NYO BA PO LA 'BYUNG BAR 'DOD, ,DE BZHIN BUD MED BDAG PO GZHAN, ,'DOD PA'I KHA ZAS SBYIN BYED DANG, ,SKAL PAR LDAN PA'I BUD MED DANG, ,GANG DAG CHOS DE STON PA DANG, ,TSUL KHRIMS MED LA SMOD PA DANG, ,SKYON TSOGS 'JOMS PHYIR TI TI RI, ,DGRA GSOS LAS KYANG NGES PAR NI, ,CHOS MA YIN PA THOB PAR 'GYUR, ,KUN DGA' RA BA KHRON PA RDZING, ,DER NI LUS CAN SHI GYUR NA, ,BYED PA'I SKYE MCHED YIN PA'I PHYIR, ,DE LA SKYON 'DI YOD PAR 'GYUR, ,GSAD BYA YOD PAS GSOD YOD KYIS, ,GANG PHYIR MED NA MA YIN NO, ,DES NA GSAD BYA GSOD PA GNYIS, ,SDIG PA MNYAM PAR THOB PAR 'GYUR, ,MTHONG DANG THOS DANG BSNAMS PA DANG, ,REG DANG DRAN PA NYID DANG NI, ,SHA LAS BYAS NA'ANG CHOS MIN 'BREL, ,'DI LTA BUR NI 'GYUR BA YIN, , GSAL BAR BYED PA'I NYI MA DANG, ,SKYE BA'I RGYU YI PHA DAG DANG, ,SKYONG BAR BYED PA'I MI BDAG RNAMS, ,DE RNAMS SDIG PA'I BYED PO NYID, ,GOS BYED PA YI LTAR BYAS NA, ,ZAS KYI BYA BA'ANG MI RIGS TE, ,GANG PHYIR SKYON NI GNYIS 'BYUNG BA, ,MA ZOS PA LA MA YIN TE, ,ZOS LAS SROG CHAGS SKYE 'GYUR ZHING, ,DE DAG THUR DU 'BYUNG BAR 'GYUR, ,SKYES PA NYAMS GYUR MA ZOS NA, ,MA SKYES SKYE BAR MI 'GYUR RO, ,GAL TE GZHAN GYI RGYU MTSAN GYI, ,SKYON DE KHYOD NI MI 'DOD NA, ,GZHAN GYIS BSAD PAR GYUR PA YI, ,SDIG DE SPYOD LA GA LA 'ONG, ,GANG PHYIR MI SDIG GNAS MI SBYIN, ,DES NA SDIG DE YOD MA YIN, ,DE PHYIR SHA SOGS RJES GNANG BA, ,SKYON MED PAR NI GZUNG BAR BYA, ,SHA ZA BA NI SKYON BCAS MIN, ,DE TSE SROG CHAGS GNOD MIN PHYIR, ,MU TIG RMA BYA'I SGRO SOGS DANG, ,'BRAS DANG CHU YI DGOS PA BZHIN, ,'DOD @39A *, ,CHAGS KUN RTOG LAS BYUNG PHYIR, ,SHA ZOS DE YI RGYU MA YIN, ,DE MA ZOS LA'ANG DE 'BYUNG STE, ,RTZVA ZA NA BA LANG LA SOGS BZHIN, ,SEMS MED PA YI BRTAN PA LA'ANG, ,SEMS NI YOD PAR RTOGS BYED PA'I, ,NYES BSTAN GSUM LA MTHONG BAS NA, , GSUM PO 'DI NI SPANG BA'I RIGS, ,LJON SHING SEMS DANG BCAS PA MIN, ,SKYE GNAS BZHIR NI MA BSDUS PHYIR, ,DKYIL DU BCAD KYANG BZOD PA'I PHYIR, ,PHAG DUM BZHIN DU BEMS PO YIN, ,GAL TE SROG CHAGS RKANG BRGYA LTAR, ,REG NA 'KHUMS PAR 'GYUR BAS NA, ,SA MA GA DANG THAL SBYAR NI, ,SEMS DANG BCAS PAR 'DOD CE NA, ,ME YIS REG PA'I SKRA SOGS DANG, ,SKRA LA 'TSAL BYES BLUGS PA YI, ,KHYAD PAR DE DAG NYID KYIS KYANG, ,'DI NI MA NGES PA NYID YIN, ,GSO BA YOD PAS SHING RNAMS NI, ,SEMS DANG BCAS PAR MI 'GRUB STE,, CHANG LA SOGS PA NYAMS PA DAG ,LDOG PA YOD PAR THE TSOM 'GYUR, ,MTHUN PA LAS SKYES 'PHEL 'GYUR DANG, ,SDANG SEMS DUS LDAN SKYE BA'I PHYIR, ,DE BZHIN GNYID LOG SMYO BA'I PHYIR, ,SEMS YOD RTA SOGS BZHIN DU 'DOD, ,LHOG PA BYU RU BEE d'U RYA, ,RIN CHEN GSER GYI MYUG SOGS KYIS, ,SHING RNAMS SEMS DANG BCAS PAR NI, ,'DI LTAR MA NGES PA NYID YIN, ,'DI DAG LA NI SEMS MED PHYIR, ,SDANG SEMS ZHES BYA'ANG MA GRUB NYID, ,GTAN TSIGS DON YANG MI 'GRUB STE, ,LHOG PA SOGS KYIS MA NGES NYID, ,SEMS CAN RNAMS KYI LAS DBANG GIS, ,RTZA BAS 'BYUNG BA DUS SU SKYE, ,DMYAL BA DANG NI MTHO RIS KYI, ,MTSON DANG DPAG BSAM SHING BZHIN NO, ,LAM GSUM JI BZHIN DON LDAN YIN, ,TSANGS PAS BSTAN PHYIR SMAN DPYAD BZHIN, ,'DAS DANG MA 'ONGS MKHYEN PA PO, ,DES BSTAN BSGRUB BYA YIN ZHE NA; ,TSANGS SMRAS ZHES BYA'I GTAN TSIGS DAG ,SKYED BYED SOGS KYIS SMRAS PA NI, ,NYAS PAR BRTAGS PAR BSGRUBS PA'I PHYIR, ,DES NA KHYOD KYI 'DI MA NGES, ,'GA' ZHIG DON BZHIN MTHONG BA YIS, ,KUN TU DON BZHIN MA YIN TE, ,GNAG RDZI SMYON PA'I TSIG RNAMS NI, , @39B KUN TU JI BZHIN DON MIN BZHIN, ,'DAS DANG MA 'ONGS SHES PA NYID, ,YI DVAGS LA SOGS PA YANG YOD, ,DE YIS SMRAS PA'I THAMS CAD MIN, ,DE PHYIR GTAN TSIGS DPYAD BYA YIN, ,CHOS SOGS 'DI LA GANG YOD PA, ,DE NYID GZHAN LA'ANG YOD CES PA, ,RES 'GA' SRIN BU'I YI GE'I TSUL, ,LEGS BSHAD 'GA' ZHIG MTHONG BA YIN, ,JI LTAR MI GTZANG PHUNG PO'I NANG, ,RIN CHEN 'GA' ZHIG MTHONG GYUR PA, ,RAB TU SKYE DANG DE YI MTHU, ,SHES DANG LDAN PAS DE SHES 'GYUR, ,LEGS BSHAD 'GA' ZHIG GSUM PA LA, ,RAB TU MTHONG BA'ANG DE DANG 'DRA, ,KHYIM SRANG MI GTZANG PHUNG PO LAS, ,RIN CHEN 'BYUNG BA MA YIN NO, ,SKYON MED RJES SU DPAG PA YIS, ,RIGS SAM MI RIGS MA DPYAD PAR, ,BLO NI GZHAN GYIS BSKYED PA'I PHYIR, ,LUNG GZHAN DAG LA THE TSOM ZA, ,JI LTAR KLUNG CHEN RGAL 'DOD PA,, GZINGS DAG YONGS SU 'DZIN PA LTAR, ,DE BZHIN GTANG BYA YIN NA YANG, ,RJES SU DPAG PA GZUNG BAR RIGS, ,SGRA TZAM RJES SU 'BRANG BYED CING, ,SONG BA'I RJES SU 'GRO BYED PA'I, ,DMUS LONG BZHIN DU DKYIL 'KHOR 'DIR, ,BYIS PA 'KHOR BAR 'KHOR BA YIN, ,RTEN PA MED PA'I DMUS LONG DAG ,NYAM NGA'I LAM DU 'GRO BYED LTAR, ,SGRA TZAM GTZO BOR BYED PA RNAMS, ,LTUNG BAR DKA' BA MA YIN NO, ,KUN MKHYEN ZHES BYA'I SGRA 'DI YANG, ,YUL 'GA' ZHIG LA JI BZHIN YIN, ,SENG GE'I SGRA YANG LA LA BDEN, ,KHA CIG NYE BAR BTAGS PA NYID; ,CHOS DANG SPRUL PA'I SKU DAG NI, ,NGA LA MI NYID DU MA GRUB, ,DE BZHIN GSHEGS PA'ANG MA GRUB STE, ,DES NA MA NGES PA NYID YIN, ,GAL TE JI LTAR KHYOD BCOM LDAN, ,THAMS CAD MKHYEN PA MIN PAR 'DOD, ,BDE BYED KHYAB 'JUG SOGS DAG GIS, ,SHES PA DE LTAR MIN ZHE NA; ,JI LTAR DE DAG GIS SHES LTAR, ,THAMS CAD MKHYEN PA DE BDEN NA, ,RAB RIB CAN GYIS MTHONG BLTAR, ,DRI MED MIG GIS MI MTHONG BZHIN, ,YANG NA 'DI LTAR THAMS CAD MKHYEN, ,CHOG SHES NYID DU 'DOD NA NI, ,GANG PHYIR MDZE NI MI SOGS KYIS, ,GTAN TSIGS @40A *, ,'DI NI MA NGES NYID, ,CUNG ZHIG SHES KYI KUN MI SHES, ,SHE NA THUB PAS GANG MA MKHYEN, ,MTHO RIS BYANG GROL LAM ZHE NA, ,BSTAN PA 'DI LAS BSTAN PA NYID, ,BSTAN DU ZIN KYANG MI RIGS ZHES, ,GAL TE KHYOD KYI BLO 'BYUNG NA, ,MI SHES PA NYID YIN PAS NA; ,DE YI LAN YANG SMRAS ZIN TO, ,BSTAN BCOS BLO SGRA'I PHYOGS BYAS KYANG, ,GTAN LA DBAB PAR 'DRA BA YIN, ,DPYAD PA CAN SOGS MA NGES NYID, ,BYAS PA'I PHYIR NA SKYON DANG LDAN, ,GSUM PO SUN 'BYIN BAR 'DRA BAS, ,GCER BUR RGYU LTAR BDAG 'DOD PAS; ,BSGRUB BYA'I RJES SU 'GRO MED PHYIR, ,DPE NI MED PA NYID YIN NO, ,DBU MA'I SNYING PO LAS DPYOD PA'I DE KHO NA NYID GTAN LA DBAB PA LA 'JUG PA STE LE'U DGU PA'O,, ,,GCER BUR RGYU BAS THUB PA LA, ,KUN MA BSTAN PAS KUN MKHYEN MIN, ,ZHES SMRAS KHYU MCHOG SOGS MA NGES, ,BRJOD DU MED PAR BRJOD PA'I PHYIR, ,'KHOR BA'I THOG MA MA RIG CING, ,RGYU YANG RAB TU MA SHES LA, ,DE PHYIR MA RIG RIG MED PHYIR, ,DE BZHIN NAM MKHA'I RO BZHIN NO, ,GAL TE THUB PA'I MTHUS NUS NA, ,SEMS CAN THAMS CAD MYA NGAN 'DA', , MU STEGS RNAMS KYIS ZHAG BDUN NA, ,NOR DANG PHRAG DOG DAG GI PHYIR, ,MDZES MA BDAG GIS BSAD DO ZHES, ,RANG NYID KYIS NI BSTAN PA YIN, ,JI LTAR THAG PA CHAD GYUR NAS, ,SHING GSHONGS LA LHUNG BA NI, ,RGYAL BCAS SKYE BO'I 'KHOR MTHONG NAS, DE DAG NGO MTSAR CHE BAR GYUR; ,MNGON DU BSTAN PAR BYA BA'I PHYIR, ,SKYOB PAS GZHAN DU DE MA BSGYUR, ,S'A LA CAN GRONG ZHUGS PA NI, ,SEMS CAN DON GYI BYA BA MDZAD, ,GANG PHYIR BDUD LAS RGYAL ZIN PAS, ,BDUD KYI LAS NI DE NA MED, ,NYAN THOS TSOGS BCAS DPA' BO NI, DER NI BSOD SNYOMS CHAD GYUR PAS, ,SEMS NI ZHUM PAR MA MTHONG TSE, ,MANG PO BYANG CHUB TU NGES 'GYUR, ,GLANG CHEN DUL BAR BYA PHYIR DANG, ,'GRO BA RNAMS NI GDUL BA'I PHYIR, ,BCOM LDAN GRONG KHYER GSHEGS PA YIN, ,THUB PA BCOM LDAN MI MKHYEN MIN, ,LHA SBYIN GYIS @40B NI SGYOGS 'PHANGS PA, ,DE YANG 'GRO LA PHAN PHYIR TE, ,GZHAN GYI GNOD LAS GROL BA YI, ,CHE BA'I BDAG NYID BSTAN PA YIN, ,SKYES BU LDAS BRGYAB BRTEN PA'I RDO, ,CHEN PO 'PHANGS PAR GYUR PA NI, ,GNOD SBYIN KIM PAS DE MTHONG NAS, ,RANG GI LUS LA BZED PA YIN, , LHA DANG LHA MIN RNAMS DANG NI, ,STONG PHRAG DAG NI BRGYA SNYED KYIS, ,DAD PA'I DBANG PO SOGS THOB NAS, ,SRID PA LAS NI GROL BAR GYUR, ,LHAS SBYIN KHYIM NA GNAS NA NI, ,'KHOR LOS SGYUR BA'I STOBS LDAN ZHING, ,'KHOR DANG STOBS NI THOB GYUR NAS, ,BSTAN PA 'DI NI NYAMS PAR BYED; ,BLO NGAN 'DI NI RAB BYUNG NA, ,NGA LA CI YANG BYED MI NUS, ,DE LTAR STON PAS GZIGS NAS NI, ,RAB TU BYUNG BA MA BZLOG GO, ,CHO 'PHRUL DAG NI MTHONG 'GYUR ZHING, ,CHOS NI THOS PAR GYUR NAS 'DI, ,BSOD NAMS SOG PAR GZIGS GYUR NAS, ,RGYU SKAR BZANG PO BZHAG PA YIN, ,DBU MA'I SNYING PO LAS THAMS CAD MKHYEN PA NYID DU GRUB PAR BSTAN PA STE LE'U BCU PA'O,, ,,THA SNYAD LA YANG RMONGS GYUR PA, ,LTA BA'I PHRENG 'KHRUGS 'GRO RNAMS LAS, ,GNYIS MED DE NYID NAM MKHA' 'DRA, ,SKAL LDAN SEMS CAN BKRI PHYIR DANG; ,'JIG RTEN GNYIS LA PHAN GDAGS PHYIR, ,GANG GIS 'JIG RTEN KUN RDZOB NI, ,'JIG RTEN 'DAS KYANG STON MDZAD PA, ,'JIG RTEN RIG PA DE LA 'DUD, ,DE LTAR 'DI NI DBU MA YI, ,SNYING PO MDOR BSDUS BYAS PA YIN, ,BLO LDAN MDO SDE DU MA YI, , GZUGS BRNYAN BLTA BA'I ME LONG YIN, ,DBU MA'I SNYING PO LAS BSTOD PA DANG MTSAN BSTAN PA'I LE'U STE BCU GCIG PA'O, ,DBU MA'I SNYING PO TSIG LE'UR BYAS PA SLOB DPON CHEN PO BHA BYAS MDZAD PA RDZOGS SO,, ,,RAS 'PHRUL SNANG GI GTZUG LAG KHANG GI GZHIR, RGYA GAR GYI MKHAN PO D'I PAm KA RA SHR'I DZNY'A NA'I ZHAL SNGA NAS DANG, LO TZTSA BA DGE SLONG TSUL KHRIMS RGYAL BAS BSGYUR CING ZHUS TE GTAN LA PHAB PA'O,,#, ,RGYA GAR SKAD DU, MAD DHY'A MA K'A HRi DA YA BRi TTI TAR K'A DZV'A LI, BOD SKAD DU, DBU MA'I @41A *, ,SNYING PO'I 'GREL PA RTOG GE 'BAR BA, BAM PO DANG PO, THAMS CAD MKHYEN PA LA PHYAG 'TSAL LO, ,'DI NA RANG GI LHA YID DU 'ONG BA LA DANG POR PHYAG 'TSAL BA NYE BAR BSTAN PA'I BSTAN BCOS DAG NI SKYES BU DPA' BO'I RKYEN DANG, BAR CHAD MED PA DANG, 'BRAS BU DANG LDAN PAR 'GYUR BAS, DE'I PHYIR BSTAN BCOS BYED PAS BSTAN BCOS KYI DANG POR, GANG GIS DE NYID RAB BRTAG MIN, ,RNAM SHES BYA MIN GZHI MA YIN, ,MTSON MIN BRTAG MIN RIG BYA MIN, ,SKYE 'JIG MED CING BDE BA DANG, ,RNAM BRTAG MA YIN SNANG BA MED, , MTSAN MA MED CING GSAL BYED MED, ,GNYIS MIN GNYIS MED MA YIN DANG, ,ZHI DANG BLO 'JUG RNAM SPANGS PA, ,YI GE MED PA YI GE YIS, ,THUGS RJE NYID KYIS BSTAN MDZAD PA, ,STON PA MA NOR NYID GSUNG PA, ,DE LA GUS PAR PHYAG 'TSAL LO, ,ZHES STON PA LA, DE NYID KHYAD PAR THUN MONG MA YIN PA DAG GIS KHYAD PAR CAN STON PAR MDZAD PA NYID KYIS MNGON PAR BSTOD DO, ,DE LA GANG GIS ZHES BYA BA'I SGRA NI SPYI YIN YANG, DE NYID PHYIN CI MA LOG PAR STON PAR MDZAD PA NYID KYIS NA 'DIS NI BCOM LDAN 'DAS KHO NA DANG SBYAR BAR BYA'O, ,DE NYID CES BYA BA NI KHYAD PAR DAG BSTAN DU ZIN KYANG, KHYAD PAR GYI GZHI'I MING MA BSTAN NA DE MI RTOGS PAS DE'I PHYIR, DE NYID CES SMOS TE, 'JIG RTEN PA DANG, 'JIG RTEN LAS 'DAS PA'I DNGOS PO DE DAG GI DE NYID DE, DE BZHIN NYID DANG, CHOS KYI DBYINGS DANG, STONG PA NYID CES BYA BA DAG GI RNAM GRANGS SO, , RAB BRTAG MIN ZHES BYA BA NI SPYI DANG LDAN PA LKOG TU GYUR PA'I DON SNANG BA LA RJES SU DPOG PA'I SHES PAS RAB TU BRTAG PAR BYA BA MA YIN PA'AM, RTOG PA DANG DPYOD PA RTZING BA DANG, ZHIB PA'I RNAM PAS RJES SU 'JUG PA YANG RUNG LHAN CIG 'BYUNG BA YANG RUNG BA'I SPYOD YUL MA YIN PA'I PHYIR RO; ,RNAM SHES BYA MIN ZHES BYA BA NI SHES BYA RNAM PA LNGA LA 'JUG PA'I RNAM PAR SHES PA LNGAS RNAM PAR SHES PAR BYA BA MA YIN PA'I PHYIR RAM, BYIS PA DANG, MU STEGS BYED DANG, SLOB PA DANG, MI SLOB PA DANG, RANG SANGS RGYAS THAMS CAD KYIS RTOGS PAR MI NUS PA'I PHYIR RO, , @41B GZHI MA YIN ZHES BYA BA NI JI LTAR KUN GZHI RNAM PAR SHES PA LA RTOG PA'I SA BON THAMS CAD KYI GZHI YOD PA DANG, SKYES BU LA BDAG GROL BA RNAMS KYI GZHI YOD PA LTAR, 'DI LA GANG GZHI DANG KUN TU SBYAR BA YANG YOD PA MA YIN PA'AM, SA YUL GANG NA YANG 'DI'I GZHI DANG KUN TU SBYAR BA 'GA' YANG YOD PA MA YIN PA'O, ,MTSON MIN ZHES BYA BA 'DI RANG DANG SPYI'I MTSAN NYID KYIS MTSON PAR BYA BA MA YIN PA'AM, 'DIS DNGOS PO GANG YANG MTSON PAR BYED PA MA YIN PA'O, ,BRTAG MIN ZHES BYA BA NI CHOS THAMS CAD RANG GI NGO BOR YONGS SU MA GRUB PA'I PHYIR 'DI DANG DE'I ZHES BRTAG PAR MI NUS PA'I PHYIR RO, ,RIG BYA MIN ZHES BYA BA NI RANG BYUNG GI YE SHES SKAD CIG GCIG GIS CHOS THAMS CAD PHYIN CI MA LOG PAR RNAM PA THAMS CAD MNGON PAR RTOGS PAS RIG PA MED PA'I TSUL GYIS RIG PAR BYA BA'O, ,SKYE 'JIG MED CING ZHES BYA BA NI SKYE BA NI 'BYUNG BA YIN LA; 'JIG PA NI RGYUN CHAD PA'AM ZHIG PA STE, 'DI LA DE GNYIS YOD PA MA YIN PA'O, ,BDE BA ZHES BYA BA NI SKYE BA LA SOGS PA'I GNOD PA MA LUS PA DANG BRAL BA'I PHYIR RO, ,RNAM BRTAG MA YIN ZHES BYA BA NI GZUNG BA DANG, 'DZIN PA DANG, BDAG GI DNGOS PO DANG, GZHAN GYI DNGOS PO DANG; DNGOS PO MED PAR RNAM PA BRTAG PA MA YIN PA'I PHYIR RO, ,SNANG BA MED CES BYA BA NI RANG DANG GZHAN DU SNANG BA MED PA'I PHYIR RO, ,MTSAN MA MED CING ZHES BYA BA NI GZUGS DANG GZUGS MED PA'I MTSAN MA DANG BRAL BA'I PHYIR RO, ,GSAL BYED MED CES BYA BA NI SKYE BA DANG, GNAS PA DANG, 'JIG PA DANG, GZHAN DU 'GYUR BA NYID CES BYA BA'I GSAL BYED DAG DANG BRAL BA'I PHYIR RO, ,GNYIS MIN GNYIS MED MA YIN ZHES BYA BA NI DMIGS PA GNYIS DANG, DMIGS SU MED PA GNYIS DANG, DMIGS PA DANG DMIGS PA MED PA MNYAM PA NYID KYI PHYIR RO, , ZHI ZHES BYA BA NI YE SHES ZHI BAS RTOGS PAR BYA BA YIN PA'I PHYIR RAM, RAB TU ZHI BA BLA NA MED PA'I RGYU YIN PA'I PHYIR RO, ,BLO 'JUG RNAM SPANGS PA ZHES BYA BA NI DON DAM PA RTOGS PA DANG RJES SU MTHUN PA'I SHES RAB 'JUG PA MED PA'I TSUL DU 'JUG PA'I YUL YIN PA'I PHYIR, MTSAN MA DANG BCAS @42A *, ,PA DANG DMIGS PA DANG BCAS PA'I BLO'I 'JUG PA RNAM PAR SPANGS PA'O, ,YI GE MED PA ZHES BYA BA NI BLO'I YUL MA YIN PA'I PHYIR, TSIG GI YUL YANG MA YIN PAS DE'I PHYIR YI GE MED PA NI BRJOD DU MED PA'O, ,YI GE YIS ZHES BYA BA NI YI GE DAG GIS SGRO BTAGS TE'O, ,THUGS RJE NYID KYIS ZHES BYA BA NI BRTZAD PA'I PHYIR MA YIN PAR RO, ,BSTAN MDZAD PA ZHES BYA BA NI RAB TU BSTAN PAR GYUR PA'O, STON PA ZHES BYA BA NI LHA DANG MI RNAMS LA PHYIN CI MA LOG PAR STON PA'O, ,MA NOR NYID GSUNG PA ZHES BYA BA NI DON YANG DAG PA JI LTA BA NYID GSUNG PA'O; ,DE LA ZHES BYA BA NI STON PA LA'O, ,GUS PAR ZHES BYA BA NI BSAM PA THAG PA NAS SO, ,PHYAG 'TSAL LO ZHES BYA BA NI PHYAG 'TSAL BAR GYUR CIG CES BYA'O, ,DE LTAR NA DES NI BCOM LDAN 'DAS KYI RANG DANG GZHAN GYI DON PHUN SUM TSOGS PA BSTAN TE, RANG GIS DE NYID THUGS SU CHUD NAS GZHAN DAG LA STON PAR MDZAD PA'I PHYIR RO, ,'O NA GANG GI PHYIR DANG 'BREL PA GANG GIS BSTAN BCOS 'DI RTZOM PAR BYED CE NA, DE'I PHYIR, GZHAN DON BSGRUB PHYIR BRTUL ZHUGS KYIS, ,BYANG CHUB CHEN POR BLOS BYAS RNAMS, ,DE NYID BDUD RTZIR GZUNG BA'I PHYIR, ,NUS PAS CUNG ZHIG BRJOD PAR BYA, ,ZHES SMRAS TE, GZHAN DON BSGRUB PHYIR ZHES BYA BA NI, GZHAN DAG GI DON BYA BA'I PHYIR RO, ,BRTUL ZHUGS KYIS ZHES BYA BA NI GANG DAG GIS BRTUL ZHUGS DRAG PO BLANGS PAS SO, ,BYANG CHUB CHEN PO ZHES BYA BA NI DE BYANG CHUB KYANG YIN LA, CHEN PO YANG YIN PAS BYANG CHUB CHEN PO STE, THEG PA THAMS CAD THEG PA GCIG GI RJES SU 'JUG PA'I PHYIR DANG RTOGS PAR BYA BA MTHA' YAS PA'I PHYIR RO, ,DER BLOS BYAS RNAMS ZHES BYA BA NI MI PHYED BA'I BSAM PA YANG DAG PAR BSKYED PA RNAMS SO, ,DE RNAMS DE NYID BDUD RTZI LA GZUNG PA'I PHYIR BSTAN BCOS 'DI RTZOM PAR BYED DE, DE LTAR 'DI NI DGOS MA YIN NO, ,NUS PAS CUNG ZHIG BRJOD PAR BYA, ,ZHES BYA BA NI 'BREL PA YIN TE, JI LTAR ZHE NA, GANG GI PHYIR BCOM LDAN 'DAS KYIS THEG PA CHEN PO'I PHYIR, DE NYID BDUD RTZI'I YI GE DPAG TU MED PA DANG, DON SHIN TU RGYA CHEN PO BKA' STZAL PA DE'I RJES SU @42B SLOB DPON GYIS KYANG DE DBU MA'I BSTAN BCOS SU RGYA CHER BSTAN GYI, BDAG GIS NI BLO ZHAN PA RNAMS DRANG BA'I PHYIR CI NUS PAS CUNG ZAD TZAM ZHIG BRJOD PA'I PHYIR RO, ,BSTAN BCOS MTHA' DAG GI DON GYI SGO NAS YONGS SU RDZOGS PA DANG 'DRA BAR BLOS YANG DAG MTHONG BA NA, SPYI SDOM BYED PA NI, BYANG CHUB SEMS NI MI GTONG DANG, ,THUB PA'I BRTUL ZHUGS YANG DAG BRTEN, ,DE NYID SHES PA TSOL BA NI, ,DON KUN SGRUB PA'I SPYOD PA YIN, ,ZHES BYA BA STE, BYANG CHUB CHEN POR SMON LAM BTAB PA RNAMS KYIS DANG POR BYANG CHUB YID LA BYED PA DANG MI 'BRAL BAR BYA'O, ,DE NAS PHYI ROL BA'I THUB PA'I CHOS DANG MTHUN PAR THEG PA CHEN PO LAS GSUNGS PA'I THUB PA'I BRTUL ZHUGS LA YANG DAG PAR BRTEN PAR BYA'O, ,DE'I 'OG TU PHYOGS SU LHUNG BA'I BLO MED PAS GZHUNG LUGS THAMS CAD RNAM PAR BRTAGS NAS RIGS PA DANG LUNG DANG MI 'GAL BA'I DE NYID SHES PAR BYA BA'I PHYIR 'BAD PAR BYA STE; DE LTAR SPYOD PA GSUM PO DE DAG NI RANG DANG GZHAN GYI DON THAMS CAD SGRUB PA'I SPYOD PA YIN TE, BSTAN BCOS 'DI LA MDOR BSTAN PA NI DE YIN NO, ,DE LA RE ZHIG BYANG CHUB KYI SEMS MI GTONG BA JE BRJOD PAR BYA STE, BYANG CHUB KYI SEMS ZHES BYA BA DE JI LTA BU ZHE NA, ,BYAMS PA DANG NI SNYING RJE DANG, ,SHES PA CHEN POS BRGYAN PA YI, ,SANGS RGYAS SA BON BYANG CHUB SEMS, ,DE PHYIR MKHAS PAS DE MI BTANG, ,ZHES BYA BA STE, BYAMS PA CHEN PO ZHES BYA BA NI SEMS CAN THAMS CAD BSGRAL BA DANG, SGROL BA DANG, MNGON PAR BYANG CHUB PAR BYA BA DANG, YONGS SU MYA NGAN LAS 'DA' BA'I SEMS BSKYED PA BZHI DANG LDAN PA'O, ,SNYING RJE CHEN PO ZHES BYA BA NI SEMS CAN THAMS CAD KYI DON BYA BA DANG, NGAN 'GRO LAS YONGS SU BSKYAB PA DANG, THEG PA DMAN PA LAS BSLANG BA DANG, YANG DAG PA'I LAM DU DGOD PA'I SEMS BSKYED PA BZHI DANG LDAN PA'O; ,SHES PA CHEN PO ZHES BYA BA NI RNAM PA GNYIS TE, THABS KYI SHES PA DANG, SHES RAB KYI SHES PA'O, ,DE LA THABS KYI SHES PA NI 'KHOR GSUM YONGS SU DAG PA DANG LDAN PA'I DGE BA'I RTZA BA THAMS CAD SKYED CING, SEMS CAN THAMS CAD DANG THUN MONG DU BYAS SHING, BLA NA MED @43A *, ,PA YANG DAG PAR RDZOGS PA'I BYANG CHUB TU YONGS SU BSNGO BA DANG, SDIG PA 'CHAGS PA DANG, BSOD NAMS KYI RJES SU YI RANG BA LA SOGS PA DANG, TSOGS GSUM YONGS SU RDZOGS PAR BYED PA'O, ,SHES RAB KYI SHES PA NI CHOS THAMS CAD DMIGS SU MED PA DANG; MTSAN MA MED PA DANG, MNGON PAR 'DU BYA BA MED PA DANG, SKYE BA MED PA DANG, DNGOS PO MED PA DANG, YONGS SU MA GRUB PAS SO SOR RTOG PA'I NGO BO NYID KYI SHES PA SKAD CIG GCIG DANG LDAN PA BSKYED PA'O, ,DE DAG GIS BRGYAN PA'I SANGS RGYAS KYI SA BON NA NI BYANG CHUB KYI SEMS YIN TE, BYANG CHUB NI CHOS THAMS CAD RNAM PA THAMS CAD DU YONGS SU MKHYEN PA'O, ,BYANG CHUB KYI SEMS NI BYANG CHUB KYI PHYIR SEMS PA'O, ,GANG GI PHYIR DE SANGS RGYAS KYI SA BON YIN PA DE'I PHYIR MKHAS PA SEMS CAN LA BLTA BAS BSAM PA DANG, LHAG PA'I BSAM PA DANG MOS PA DANG MOS BRGYA CHEN PO DE MI GTANG BAR BYA BA'I RIGS SO, ,BYANG CHUB TU SEMS BSKYED PAS CI ZHIG BYA BAR RIGS SHE NA, DE'I PHYIR, BLO LDAN SNYING STOBS CHE BA DANG, ,GZHAN GYI SDUG BSNGAL MI BZOD CING, ,YANG DAG BRTZON 'GRUS BRTZAMS PA DANG, ,MTHU DANG LDAN ZHING MKHAS PAS NI, , SHES RAB SNANG BA MED PA YI, ,'JIG RTEN KUN LA BLTA BYAS NAS, ,'KHOR BA MI GTZANG SA 'OG NAS, ,BDAG NYID RGAL BAS BSGRAL BAR RIGS, ,ZHES BYA BA SMRAS TE, BLO DANG LDAN PA CHOS THAMS CAD RAB TU RNAM PAR 'BYED PA'I MTSAN NYID KYI SHES RAB DRI MA MED PA DANG LDAN PA DANG, SNYING STOBS CHE BAR BDUD DANG NYON MONGS PA THAMS CAD KYIS MI PHYED CING BRTAN PA'I SEMS DANG LDAN PA DANG, GZHAN GYI SDUG BSNGAL MI BZOD PA SEMS CAN THAMS CAD BDAG NYID DANG 'DRA BAR KHAS BLANGS NAS DE DAG SDUG BSNGAL BAS BDAG NYID SDUG BSNGAL BA DANG, YANG DAG PAR BRTZON 'GRUS BRTZAMS PA DGE BA'I CHOS KYI SPYOD PA NGAG LA BRTZON 'GRUS BRTAN PA BRTZAMS PA DANG, MTHU DANG LDAN PA BDAG DANG GZHAN GYI DON BYED PAR NUS PA DANG, MKHAS PA SHES NYEN CAN GYI NI SHES RAB KYI SNANG BA MED PA BLO'I GSAL BA DANG BRAL BA'I 'JIG RTEN MA LUS PA KUN LA BLTA BA YANG DANG @43B YANG DU BRTAG PA BYAS NAS 'KHOR BA MI GTZANG BA'I SA 'OG NAS, BDAG NYID RGAL BAS 'JIG RTEN YANG BSGRAL BAR RIGS SO ZHES BYA BAR SBYAR RO, ,BYAMS PA CHEN PO'I BSHAD PA SEMS CAN THAMS CAD BSGRAL BA'I SEMS BSKYED PA ZHES BYA BA DANG PO BSHAD ZIN TO, ,SEMS CAN THAMS CAD DGROL BA'I SEMS BSKYED PA ZHES BYA BA GNYIS PA'I DBANG DU BYAS NAS, ,GANG ZHIG SHES RAB MTSON RNON GYIS, ,'CHING BA KUN BCAD GROL GYUR PA, ,SNYING RJE'I BDAG NYID LDAN PA YIS, ,GANG PHYIR MGON MED SDUG BSNGAL BA, ,'KHOR BA'I BRTZON RA MI BZAD PAR, ,'DOD CHAGS LA SOGS SGROG GIS BCINGS, ,BAG MED PA YI CHANG 'THUNGS NAS, ,GTI MUG GNYID KYIS LOG PA DANG, ,RNAM PAR RTOG PA'I CHOM RKUN GYIS, ,DGE TSOGS MA LUS RKUS PA DAG ,GAL TE GROL BAR MI BYED NA, ,MTHU LDAN MTHU NI CI LA PHAN, ,ZHES BYA BA SMRAS TE, GANG ZHIG SHES RAB KYI MTSON NYON MONGS PA MA LUS PA GCOD PA'I BDAG NYID KYI RAL GRI SHIN TU RNON POS SRID PA'I KUN TU SBYOR BA'I 'CHING BA KUN MA LUS PAR BCAD CING BDAG NYID GROL BAR GYUR BA SNYING RJE'I BDAG NYID DANG LDAN PAS GZHAN DAG KYANG GROL BAR BYED PA DE NI MTHU DANG LDAN PA'I MTHU YIN NO ZHES BYA BAR SBYAR RO, , BYAMS PA'I SKABS SU SNYING RJE'I BDAG NYID DANG LDAN PA ZHES BYA BA'I TSIG SMOS PA NI BYAMS PA DANG SNYING RJE GNYIS ZUNG DU 'BREL BAR 'BYUNG BA'I PHYIR MI RUNG BA MED DO, ,MGON MED CES BYA BA NI DAD PA LA SOGS PA MGON MED PA'I CHOS BCU DANG BRAL BA'I PHYIR RO, ,SDUG BSNGAL BA ZHES BYA BA NI 'CHI 'PHO DANG YONGS SU TSOL BA LA SOGS PA'I SDUG BSNGAL GDUNG BA DAG DANG LDAN PA'I PHYIR RO, ,'KHOR BA'I BTZON RA MI BZAD PAR ZHES BYA BA NI SRID PA'I 'CHING BA'I GNAS 'JIGS PA MANG BA SKYE BA DANG RGA BA LA SOGS PA'I RGYUN GYI DPYANG THAG MA CHAD PA'I MTSAN NYID SEMS KUN NAS NYON MONGS PAR BYED PAR RO; ,'DOD CHAGS LA SOGS SGROG GIS BCINGS ZHES BYA BA NI 'DOD CHAGS LA SOGS PA KUN TU SBYOR BA DGU PO LCAGS SGROG DANG 'DRA BA DAG GIS BCINGS PA'I PHYIR RO, ,BAG MED PA'I CHANG 'THUNGS NAS ZHES BYA BA NI 'DOD CHAGS DANG, ZHE SDANG DANG GTI MUG DANG, LE LO ZHES BYA BA BAG MED @44A *, ,PA CHAD DANG 'DRA BA BSTEN CING MYOS PAR GYUR BA'O, ,GTI MUG GNYID KYIS LOG PA ZHES BYA BA NI ME SHES PA'I GNYID KYIS SHIN TU RMYA BAR GYUR PA'O, ,RNAM PAR RTOG PA'I CHOM RKUN GYIS ZHES BYA BA NI 'DOD PA DANG, GNOD SEMS DANG RNAM PAR 'TSE BA LA SOGS PA'I RNAM PAR RTOG PA CHOM RKUN DANG 'DRA BA DAG GIS SO, ,DGE TSOGS MA LUS RKUS PA DAG ,CES BYA BA NI 'PHAGS PA'I NOR BDUN GYI NOR THAMS CAD PHROGS PA DAG GO, ,BYAMS PA CHEN PO'I BSHAD PA SEMS CAN THAMS CAD DGROL BA'I SEMS BSKYED PA ZHES BYA BA GNYIS PA BSHAD ZIN TO,, SEMS CAN THAMS CAD MNGON PAR BYANG CHUB PAR BYA BA'I SEMS BSKYED PA ZHES BYA BA GSUM PA'I DBANG DU BYAS NAS, ,GANG ZHIG LAG PA'I MTHUS BSGRUBS PA, ,'DOD PAS BSKYED PA'I BDE CHUNG YANG, ,GCIG PU GDU BAR ZA BYED PA, ,DE YANG MKHAS PAS SMAD GYUR NA, ,'KHOR LOS SGYUR DANG DBANG PO DANG, ,TSONGS PA LA YANG RAB DKON PA, ,SRED PA RNAM PAR GCOD PA DANG, ,THABS KYI SGO NAS THUN MONG BA, ,LEN DANG ZAD DANG MTHAR THUG DANG, ,SDUG LA SOGS PAS MI 'GYUR ZHING, ,SDUG BSNGAL MA LUS ZHI BYED PA'I, ,DE NYID DON RTOGS BDUD RTZI CI; ,ZHES BYA BA SMRAS TE, RE ZHIG 'JIG RTEN NA GANG ZHIG RANG GI LAG PA'I MTHUS BSGRUBS PA 'DOD PAS BSKYED PA'I BDE BA CHA SHAS CHUNG NGU YANG BDAG GCIG PUS GROGS PO DANG, MDZA' BSHES DANG, MGRON LA GCUGS PA DANG, BSTABS PA MED PAR GDU ZHING 'DOD PAS KUN NAS DKRIS PA'I SEMS KYIS ZA BAR BYED PA DE YANG MKHAS PAS SMAD PAR 'GYUR TE, SER SNAS KUN NAS DKRIS PA'I SEMS DANG LDAN PA'I PHYIR RO, ,DE YANG DE LTAR 'GYUR NA GANG ZHIG RANG GIS DE NYID KYI DON RTOGS PAS BDUD RTZI RNYED NAS SEMS CAN LA MI LTOS PAR BDAG RANG GCIG PUS RTOGS PAR BYED NA DE JI LTAR SMAD PAR MI 'GYUR ZHES BYA BA TSIG GI LHAG MA'O, ,DE LA 'KHOR LOS SGYUR BA'I BDE BA NI 'KHOR LO DANG, NOR BU DANG, GLANG PO CHE DANG, RTA DANG, BLON PO DANG, BTZUN MO DANG, DMAG DPON ZHES BYA BA RIN PO CHE SNA BDUN DANG LDAN PA DANG, GLING BZHI'I DBANG PHYUG DANG, YUL LA @44B LONGS SPYOD PA MI'I BDE BA THAMS CAD LAS LHAG PA'O, ,DBANG PO'I BDE BA NI LHA'I PHO BRANG NA LHA MO LHA'I RIN PO CHE DRI MA MED PA'I 'OD KYIS SNANG BAR BYAS PA DANG, DGA' BA'I TSAL LA SOGS PA'I LONGS SPYOD SHIN TU CHE BA'O, ,TSANGS PA'I BDE BA NI STONG LA DBANG BSGYUR BA'I TSANGS PA, TSANGS PA'I GNAS PA BZHI BSGOM PA DANG, BSAM GTAN GYI RO MYANG BA YUL GYI BDE BA THAMS CAD LAS LHAG PA'O, ,DE DAG LA YANG DE NYID KYI DON RTOGS PA BDUD RTZI RAB TU DKON TE, GANG GI PHYIR SRID PA RNAM PAR GCOD PA ZHES BYA BA NI 'DOD PA DANG, SRID PA DANG, THAR PA LA MNGON PAR ZHEN PA SPANGS PA ZHES BYA BA'I THA TSIG GO, ,THABS KYI SGO NAS THUN MONG BA ZHES BYA BA NI BSOD NAMS DANG, BSOD NAMS MA YIN PA DAG NI GZHAN RGYUD LA 'PHO BA MED KYI 'BRAS BU LA LONGS SPYOD PA NI SEMS CAN THAMS CAD DANG THUN MONG DU BYAR RUNG STE, MCHOD SBYIN CHEN PO'I DON DU NOR DANG 'BRU'I TSOGS BSAGS PA BZHIN PAS JI LTAR ZANG ZING GI SBYIN PA CHUNG YANG TSE RABS GZHAN DAG TU RNAM PAR SMIN PA 'BUM 'GYUR 'GRUB PA DE LTAR DGE BA'I RTZA BA CHUNG NGU SEMS CAN RNAMS LA STOBS SHING SMON LAM YONGS SU RDZOGS PAR BYED PA LA YANG BLA NA MED PA YANG DAG PAR RDZOGS PA'I BYANG CHUB KYI DUS NA RNAM PAR SMIN PA'I 'BRAS BU GRANGS MED PA DANG TSAD MED PAR 'GYUR TE, 'DIR THABS NI SEMS CAN THAMS CAD KYANG BDE BAR GYUR CIG CES BYA BA YIN NO, ,LEN DANG ZAD DANG MTHAR THUG DANG, ,SDUG LA SOGS PAS MI 'GYUR ZHING, ,ZHES BYA BA LA LEN PA NI SKYE BA'O, ,ZAD PA NI DGA' BA'O; ,MTHAR THUG PA NI 'CHI BA'O, ,SDUG LA SOGS PAS ZHES BYA BA NI 'DU BYED DANG, 'GYUR BA DANG, SDUG BSNGAL GYI SDUG BSNGAL GSUM DANG, DE DAG LAS BYUNG BA MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA LA SOGS PAS SO, ,DE DAG THAMS CAD KYIS MI 'GYUR BA NI SUN MA PHYIN PA'O, ,SDUG BSNGAL MA LUS ZHIG BYED PA'I, ,ZHES BYA BA NI SKYE BA LA SOGS PA'I SDUG BSNGAL LO, ,DE NYID DON RTOGS BDUD RTZI STE, ,ZHES BYA BA NI DE NYID KYI DON RTOGS PA NYID BDUD RTZI STE, 'CHI 'PHO MED PA'I GO 'PHANG THOB PAR BYED PA'I PHYIR RO, ,BYAMS @45A *, ,PA CHEN PO'I BSHAD PA, SEMS CAN THAMS CAD MNGON PAR BYANG CHUB PAR BYA BA'I SEMS BSKYED PA ZHES BYA BA GSUM PA BSHAD ZIN TO, ,SEMS CAN THAMS CAD YONGS SU MYA NGAN LAS 'DA' BA'I SEMS BSKYED PA ZHES BYA BA BZHI PA'I DBANG DU BYAS NAS, ,GZHAN YANG SNGON CHAD NYON MONGS PA'I, ,GDON GYIS BRLAMS PA BDAG GIS NI, ,SMAS LA 'GYUR BYED 'DEBS PA BZHIN, ,SDUG BSNGAL NAD PA GANG SDUG BYAS, ,SKYE BA GZHAN DU GANG DAG GIS, ,BYAMS DANG BSNYEN BKUR PHAN PA BYAS, ,DE LA LAN DU PHAN GDAGS PA, ,MYA NGAN BZLA BAS GZHAN CI YOD, ,CES BYA BA SMRAS TE, GZHAN YANG SNGON CHAD 'DAS PA'I DUS DAG TU NYON MONGS PA SEMS KYI RGYUD LA GNOD PA BYED PA 'DOD CHAGS LA SOGS PA NYES PA'I GDON GYIS BRLAMS PAR GYUR PA BDAG GIS MTSON LA SOGS PAS SMAS PA'I LUS LA 'GYUR BYED 'DEBS PA BZHIN DU SDUG BSNGAL NAD PA GANG DAG SKYE BA LA SOGS PA'I SDUG BSNGAL GYI NAD KYIS LUS DANG YID MI BDE BAR GYUR PA DAG LA GSAD PA DANG, BCING BA DANG, BTZON DU BZUNG BA LA SOGS PA GNOD PA'I BDAG NYID KYI SDUG BSNGAL DAG BYAS SHING BSKYED PA DANG, TSE RABS BRJES PA'I SKYE BA GZHAN DU PHA DANG, MA DANG; BU DANG GROGS PO DANG, NYE DUR GYUR PA KHONG DGE BA SHIN TU PHAN PA DANG, BDE BA 'DOD PA GANG DAG GIS BDAG LA BYAMS PA DANG BSNYEN BKUR DANG PHAN PA BYAS PA DE DAG LA LAN DU PHAN GDAGS PA NI NYING [?] MTSAMS SBYOR BA'I 'CHING BA MA LUS PAR BCAD PAR PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS BZLA BA LAS GZHAN CI YOD CES BYA BAR SBYAR RO, ,BYAMS PA CHEN PO'I BSHAD PA SEMS CAN THAMS CAD YONGS SU MYA NGAN LAS BZLA BA'I SEMS BSKYED PA ZHES BYA BA BZHI PA BSHAD ZIN TO, ,SEMS BSKYED PA DE DAG NI DON CHE STE, 'PHAGS PA SHES RAB KYI PHA ROL TU PHYIN PA LAS BYANG CHUB SEMS DPA' GANG SEMS CAN RNAMS KYI DON DANG, PHAN PA DANG, BDE BA DANG, GRUB PA DANG, BDE BA 'DOD PA DE NI 'DI SNYAM DU SEMS TE, JI LTAR BDAG RGAL NAS SEMS CAN MA RGAL BA RNAMS BSGRAL BAR BYA'O, ,JI LTAR BDAG GROL NAS @45B SEMS CAN MA GROL BA RNAMS DGROL BAR BYA'O, ,JI LTAR BDAG DBUGS PHYIN NAS SEMS CAN DBUGS MA PHYIN PA RNAMS DBUGS DBYUNG BAR BYA'O, ,JI LTAR BDAG YONGS SU MYA NGAN LAS 'DAS NAS, SEMS CAN YONGS SU MYA NGAN LAS MA 'DAS PA RNAMS YONGS SU MYA NGAN LAS BZLA BAR BYA'O SNYAM STE; STONG GSUM GYI STONG CHEN PO'I 'JIG RTEN GYI KHAMS NI SKRA'I RTZE MO'I KHYON TZAM GYIS TSAD GZUNG BA DANG, RGYA MTSO CHEN PO NI SKRA'I RTZE MO BRGYAR GSHAGS PAS BCU ZHING TSAD GZUNG BA KHO NAR RUNG GI SEMS BSKYED PA DE DAG GI BSOD NAMS KYI TSAD NI GZUNG BAR MI RUNG STE, DE CI'I PHYIR ZHE NA, GANG GIS SEMS BSKYED PA DE DAG MNGON PAR BSGRUBS NAS BYANG CHUB SEMS DPA' THAMS CAD KYI RJES SU YI RANG BAR BYAS TE, CI NAS KYANG GNYIS KYI 'DU SHES MED PA DANG, GNYIS MA YIN PA'I 'DU SHES MED PA DANG, SEMS MA YIN PA DANG, SEMS LAS GZHAN MA YIN PAS BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA'I SEMS CAN DE DAG NI BDUD KYI GNAS RNAM PAR 'JIG PAR BYED PA YIN PA'I PHYIR RO ZHES BYA BA LA SOGS PA JI SKAD GSUNGS PA LTA BU'O, 'DIR SMRAS PA, RANG GI DON PHUN SUM TSOGS PA THOB PA NYON MONGS PA'I CHA SHAS MA LUS PAR SPANGS PA RNAMS NI JI SKAD SMRAS PA DE DAG RUNG GI ,GANG DAG GIS STOBS BSKYED PA MA LUS PA DE DAG NI RANG NYID SRID PA DAG DANG, SRID PA LA BRTEN PA'I NYON MONGS PA RNAMS KYIS GNOD BZHIN PA NA JI LTAR GZHAN DAG BSGRAL BA DANG, DGROL BA DANG, MNGON PAR BYANG CHUB PAR BYA BA DANG, YONGS SU MYA NGAN LAS BZLA BA BZOD PAR 'GYUR ZHE NA, DE'I PHYIR DE'I LAN DU SNYING RJE CHEN PO SNGON DU BTANG NAS, ,GZHAN DON BYED LAS BYUNG BA YI, ,DGA' BAS SEMS DGA' MKHAS PA DAG ,RAL GRI RAB TU 'BAR 'DRA BA'I, ,SRID PA DAG GIS GNOD MI 'GYUR, , ZHES BYA BA SMRAS TE, SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA NYID LA SOGS PAS 'JIG RTEN LA PHAN 'DOGS PAS MKHAS PA DAG NI RAL GRI RAB TU 'BAR BA DANG 'DRA BA'I SRID PA 'DOD PA DANG, GZUGS DANG GZUGS MED PA ZHES BYA BA DAG GIS GNOD @46A *, ,PAR MI 'GYUR RO, ,DE CI'I PHYIR ZHE NA, 'DI LTAR DE DAG NI GZHAN GYI DON BYED PA LAS BYUNG BA'I DGA' BAS LUS DANG SEMS KYI RGYUD DGA' BAR GYUR CING BYANG CHUB KYANG GZHAN GYI DON KHO NA'I PHYIR 'DOD PA DANG, SRID PA NYE BAR BLANG BA'I PHYIR LAS MNGON PAR 'DU MI BYED PA DANG; SRID PA'I SRID PA DANG BRAL BA'I PHYIR DE DAG GIS GNOD PAR MI 'GYUR BA'I PHYIR RO, ,SNYING RJE CHEN PO'I BSHAD PA SEMS CAN THAMS CAD KYI DON BYA BA'I SEMS BSKYED PA ZHES BYA BA DANG PO BSHAD ZIN TO, ,YANG NA 'DI LTAR GNOD PAR MI 'GYUR TE, ,TSUL KHRIMS 'CHAL PA MI BYED PAS, , NGAN 'GRO'I SGO KUN GCAD PA'I PHYIR, ,DE DAG NI BDAG NYID DGE BA BCU'I LAS KYI LAM LHAG PAR SPYOD PAS GNOD PA MED PA NA GZHAN DAG KYANG DE DAG NYID LA SBYOR BAR BYED PAS NGAN 'GRO 'GRO BA NGAN PA'I SGO THAMS CAD GCAD PA'I PHYIR BDE 'GRO'I SGO GLEGS 'BYED PAR BYED CING, SEMS CAN RNAMS LHA DANG MI'I 'GRO BA DAG LA 'GOD PAR BYED PA'I PHYIR RO, ,DES NI SNYING RJE CHEN PO'I BSHAD PA NGAN 'GRO LAS YONGS SU BSKYAB PA'I SEMS BSKYED PA ZHES BYA BA GNYIS PA BSTAN TE, 'DI SKAD DU, GANG GI PHYIR BDAG NYID LAM LOG PAR ZHUGS PAS GZHAN DAG YANG DAG PA'I LAM LA DGOD PA NI GNAS MA YIN ZHING SKABS MA YIN GYI, KYE MA BDAG KYANG DGE BA BCU PO 'DI DAG LA LHAG PAR SPYOD CING GZHAN DAG KYANG DE DAG NYID LA DGOD PAR BYA'O ZHES JI SKAD GSUNGS PA LTA BU'O, JI LTAR SRID PA LA BRTEN PA'I NYON MONGS PA DAG GIS GNOD PAR MI 'GYUR ZHE NA, DE'I PHYIR; ,STONG NYID LTA BA GOMS BYAS PAS, ,NYON MONGS 'JUG PA BCOM PHYIR RO, ,ZHES BYA BA SMRAS TE, RGYU DANG RKYEN TSOGS PA DANG, THA DAD PA'I DNGOS PO DANG, ZHIG BA [?] DAG LA DNGOS PO MI DMIGS PA'I PHYIR RO, ,GANG LA 'DOD CHAGS DANG, KHONG KHRO BA DANG, GTI MUG 'BYUNG BAR 'GYUR TE, DE LTAR NYON MONGS PA RNAMS KYI MTHU BCOM PA'I SRID PA LA BRTEN PA'I NYON MONGS PA RNAMS KYIS KYANG GNOD PAR MI 'GYUR RO, 'ON 'DI LTAR BYANG CHUB SEMS DPA' RNAMS PHAL CHER 'GRO BA THAMS CAD RNAM PAR RGYU BA DANG, DE DAG TU SKYES PA YANG SNANG NA, JI LTAR DE'I CHA @46B DANG MTHUN PA'I SDUG BSNGAL DAG GIS GNOD PAR MI 'GYUR ZHE NA, DE'I PHYIR, MKHAS PA BSOD NAMS BYAS PA YIS, ,'GRO DRUG SKYED TSAL DUS STON LTAR, ,MTHONG BA SRID PA'I BTZON RA YIS, ,SKRAG PAR 'GYUR BA YOD MA YIN, ,ZHES BYA BA SMRAS TE, MKHAS PA GZHAN GYI DON DU SMON LAM BTAB PA BSOD NAMS KYI TSOGS DPAG TU MED PA YANG DAG PAR BSAGS PA DAG GIS SEMS CAN DMYAL BA DANG, YI DAGS DANG, DUD 'GRO DANG, LHA DANG, LHA MA YIN DANG, MI'I 'GRO BA DRUG PO DAG ME TOG KU MU TA'I DUS STON LTA BUR MTHONG BA NA 'CHI 'PHO BA DANG, YONGS SU TSOL PA DANG, NGA RGYAL DANG, SDUG BSNGAL DANG, GCIG LA GCIG ZA BA DANG, BKRES PA LA SOGS PA'I SDUG BSNGAL DAG GIS GNOD PA'I TSE YANG SRID PA'I BTZON RA'I GNAS KYI YID 'BYUNG BAR 'GYUR BA MED DO, ,'O NA GAL TE DE DAG DE LTAR SRID PA DAG DANG, DE DAG LA BRTEN PA'I SKYON DAG GIS MI GOS NA, JI SRID PA NA GNAS SHING CI'I PHYIR MYA NGAN LAS 'DAS PAR MI 'GRO ZHE NA, DE'I PHYIR, SKYON MTHONG PHYIR NI SRID PAR MIN, ,BRTZE PHYIR MYA NGAN 'DAS MI GNAS, ,GZHAN DON BSGRUB PHYIR BRTUL ZHUGS CAN, ,SRID PA NA YANG GNAS PAR BYED, , CES BYA BA SMRAS TE, SKYON DANG NYES DMIGS MANG PO MTHONG BA'I PHYIR SRID PAR GNAS 'CHA' BAR MI BYED LA, SEMS CAN GYI KHAMS MTHA' DAG YONGS SU BSKYAB PA LA BRTZON PA'I PHYIR MYA NGAN LAS 'DAS PA'I DBYINGS SU YANG 'GRO BAR MI BYED DE, GZHAN GYI DON BSGRUB PA'I PHYIR BRTUL ZHUGS BLANGS PA DAG NI SNYING RJE'I DBANG DU GYUR PA'I SEMS KYIS PADMA BZHIN DU 'JIG RTEN GYI DRI MA DAG GIS MI GOS PAR SRID PA NA YANG GNAS PAR BYED DE, JI SKAD DU, GANG LA 'GRO BA'I RANG BZHIN MA LUS MNGON MDZAD PA, ,DE BZHIN GSHEGS NYID ZHAR LA BRNYES PA NYID LAGS SHING, , GZHAN DON LHUR MDZAD KHYOD KYI YON TAN DAG LA NI, ,BSTOD RA MKHAN ZHIG BSTOD PAS JI TZAM BSTOD PAR 'GYUR, ,ZHES BYA BA 'BYUNG BA LTA BU'O, ,'KHOR BA DANG NI MYA NGAN 'DAS, ,GNYIS DANG GNYIS MIN MI DMIGS PA'I, ,MKHAS PA GAR YANG MI GNAS SHING, ,SRID PA @47A *, ,NA YANG GNAS PAR BYED, ,'KHOR BA DANG MYA NGAN LAS 'DAS PA GNYIS NGO BO NYID MTSUNGS PA'I PHYIR SRID PA DANG THAR PA GNYIS DANG GNYIS MA YIN PAR MI DMIGS PA'I MKHAS PA DAG NI GAR YANG MI GNAS SHING, SRID PA GSUM NA YANG GNAS PAR SNANG STE; DES NI SLOB DPON GYIS BYANG CHUB SEMS DPA' RNAMS KYI MI GNAS PA'I MYA NGAN LAS 'DAS PA BSTAN PAR 'GYUR TE, JI SKAD DU, GANG GI PHYIR BYANG CHUB SEMS DPA' CHOS THAMS CAD LA YONGS SU 'DRIS PAR SHES PAS DBANG BSGYUR BA KHAMS GSUM DANG LHAN CIG GNAS PA DANG MYA NGAN LAS 'DAS PAR LTUNG BA NI GNAS MA YIN ZHING SKABS MA YIN NO ZHES BYA BA LA SOGS PA GSUNGS PA LTA BU'O, ,BDAG DANG GZHAN GYI DON PHUN SUM TSOGS PA YONGS SU RDZOGS PA'I MYA NGAN LAS 'DAS PA ZHAR LA 'ONGS PA BRJOD PAR BYA STE, ,BYANG LAG RIN CHEN BDUN PHYUG CING, ,YON TAN DPAG MED 'BYUNG BA'I GNAS, ,LHA DANG LHA MIN PHYAG BYAS PA, ,DAM CHOS 'KHOR LO BSKOR BRNYES SHING, ,MU TIG 'PHRO 'DRA'I GRAGS PA DANG, ,STON ZLA NYA BA'I DRI MED PA'I, ,'OD ZER LTA BU'I GSUNG DAG GIS, ,PHYOGS BCU DAG NI RGYAS MDZAD LA; ,DKON MCHOG GSUM GDUNG GNAS BYA'I PHYIR, ,YON TAN 'BYUNG GNAS DAM PA'I SRAS, ,LHA KLU LA SOGS SPYI GTZUG GIS, ,BSTAN PA MCHOD PA BZHAG MDZAD DE, ,RANG DANG GZHAN DON MDZAD PA'I PHYIR, ,DE DAG MYA NGAN 'DAS LEGS 'DAS, ,DE LAS GZHAN GANG LUS BCAD CHAD, ,DE YANG MYA NGAN 'DAS PA YIN, ,ZHES BYA BA BDAG NI DRAN PA DANG, CHOS RNAM PAR 'BYED PA DANG, BRTZON 'GRUS DANG, DGA' BA DANG, SHIN TU SBYANGS PA DANG, TING NGE 'DZIN DANG, BTANG SNYOMS ZHES BYA BA BYANG CHUB KYI YAN LAG RIN PO CHE SNA BDUN GYIS PHYUG CING LDAN PA DANG, YON TAN DPAG TU MED PA DAG 'BYUNG BA'I SGOR GYUR PA'I 'BYUNG GNAS DANG, LHA SUM CU PA DANG, LHA MIN SBYIN BYED MA'I BUS PHYAG BYAS SHING MCHOD PA DANG, DAM PA'I CHOS KYI 'KHOR LO BDEN PA BZHI LA LAN GSUM DU BZLAS TE RNAM PA BCU GNYIS SU @47B BSKOR BA NYID BRNYES SHING, MU TIG GI 'BRU BCAG PA'I 'PHRO 'DRA BAR 'OD ZER DKAR BA'I GRAGS PA DAG STON KA'I ZLA BA NYA BA DRI MA MED PA'I 'OD ZER LTA BU'I GSUNG RAB BCU GNYIS PO DAG GIS PHYOGS BCU DAG KYANG RGYAS PAR MDZAD LA, SANGS RGYAS DANG CHOS DANG 'PHAGS PA'I DGE 'DUN DKON PA'I DON DANG DGA' BAR BYED PA'I DON GYI DKON MCHOG CES BYA BA DE GSUM GYI GDUNG RGYUN MI 'CHAD CING GNAS PAR BYA BA'I PHYIR SNYING RJE DANG SHES RAB LA SOGS PA'I YON TAN 'BYUNG BA'I SGOR GYUR PA'I GNAS RGYAL BA DAM PA'I SRAS, LHA DANG KLU DANG MI DANG MI'AM CI LA SOGS PA'I SPYI GTZUG GIS BKA'I BSTAN PA RAB TU GNAS PAR BYAS SHING MCHOD PA DAG ,DAM PA'I CHOS KYI RGYAL TSAB TU BZHAG PA MDZAD DE, RANG GI DON TSOGS GSUM YONGS SU RDZOGS SHING BLA NA MED PA'I GO 'PHANG BRNYES PA DANG, GZHAN GYI DON SEMS CAN GYI KHAMS MTHA' DAG PHUNG PO LHAG MA MED PA'I MYA NGAN LAS 'DAS PA'I DBYINGS SU DGOD PA DANG, GZHAN YANG MNGON PAR RDZOGS PAR BYANG CHUB PA'I NGES PAR BYA BA BZHI PO CHOS KYI 'KHOR LO BSKOR BA DANG, CHO 'PHRUL CHEN PO YANG DAG PAR BSTAN PA DANG, BYANG CHUB SEMS DPA' LUNG BSTAN PA DANG, YAB DANG YUM 'BRAS BU LA DGOD PA DAG MDZAD PA'I PHYIR DE DAG MYA NGAN LAS 'DAS PA NI DE LTAR DON MA LUS PA MDZAD PAS MDZAD PA GZHAN MED PA'I PHYIR DANG, NYON MONGS PA DANG, SHES BYA'I SGRIB PA BAG CHAGS DANG BCAS PA MTHA' DAG DRUNGS NAS PHYUNG BA'I PHYIR LEGS PAR MYA NGAN LAS 'DAS PA YIN NO, ,DE DAG LAS GZHAN PA NYAN THOS DANG, RANG SANGS RGYAS GANG DAG PHUNG PO'I LUS RGYUN BCAD PA TZAM GYIS YANG 'BYUNG BA'I SRID PA ZAD CING CHAD PA DE DAG KYANG MYA NGAN LAS 'DAS PA YIN TE, NYON MONGS PA'I SGRIB PA TZAM SPANGS PA'I PHYIR RO, DE DAG LA NI NYON MONGS PA'I BAG CHAGS DANG, SHES BYA'I SGRIB PA'I BAG CHAGS KYI NGO BO NYID YOD PA'I PHYIR YANG BYANG CHUB KYI TSOGS DAG BSAGS SHING BAG CHAGS DANG MTSAMS SBYOR BA SPANGS TE, BLA NA MED PA'I BYANG CHUB MNGON PAR RDZOGS PAR BYANG CHUB PAR BYA DGOS SO, ,ZHAR LA 'ONGS PA YONGS SU @48A *, ,RDZOGS PAR BYAS NAS, DA NI SNYING RJE CHEN PO'I BSHAD PA, THEG PA DMAN BA LAS BSLANG BA'I SEMS BSKYED PA ZHES BYA BA GSUM PA'I DBANG DU BYAS NAS, ,WA NI GLANG CHEN DREGS PA YI, ,GLAD PA DAG MA ZHING DBYE MI SEMS, ,GDOL BA RGYA MTSO'I MTHAS KLAS PA'I, ,SA YI DKYIL 'KHOR BSKYANG MI SEMS, ,DE BZHIN SEMS CAN DMAN PA YANG, ,ZAB CING BLA MED RGYA CHE BA, ,YON TAN BGRANG 'DAS 'BYUNG BA'I GNAS, ,SANGS RGYAS NYID LA RE BA'ANG MED, ,GZHAL YAS RMAD BYUNG BSAM MI KHYAB, ,SNANG BA THAMS CAD ZIL GNON PA, ,RDZOGS SANGS YON TAN RIN CHEN LA, ,SU ZHIG YID KYIS SEMS MI BSKYED, ,CES BYA BA SMRAS TE, DPER NA WA NI SENG GE SDER MO RNON PO'I LAG STANGS KYIS 'GEMS PA LA MKHAS PA LTAR, ,GLANG PO CHE DREGS PA 'DOD CHAGS KYI RDUL CHAGS PA'I DRI MAS 'GRAM GLANG GI NGOS YOGS PA'I GLAD PA DAG MA ZHING DBYE BAR BYA BA'I SEMS KYANG MI SKYE BA DANG, GDOL BA'I RIGS NGAN YANG RGYAL PO'I GDUNG RIGS MTHON POR SKYES PA LTAR, RGYA MTSO CHEN PO BZHI'I CHUS RKED GDUNG BZHIN BSKOR BA'I MTHAS KLAS PA'I SA'I DKYIL 'KHOR 'DI BSKYANG ZHING BSRUNG BAR 'DOD PA'I SEMS KYANG MI SKYE BA DE BZHIN DU, NYAN THOS DANG, RANG SANGS RGYAS KYI THEG PA PA'I SEMS CAN DMAN PA RANG NYID ZHI BA DANG DUL BA LHUR LEN PA YANG RGYA MTSO LTAR ZAB CING, ,ZLA MED PAR BLA NA MED PA YANGS SHING RGYA CHE BA YON TAN BGRANG BA LAS 'DAS PA 'BYUNG BA'I GNAS SU GYUR PA SANGS RGYAS NYID LA 'DUN PA'I RE BA TZAM YANG SKYED PAR MI BYED DO, ,DE'I PHYIR BLA NA MED PA'I GO 'PHANG 'DOD PA NI GZHAL YAS SHING DPAG TU MED PA RMAD DU BYUNG BA SHIN TU YA MTSAN CHE BA BSAM GYIS MI KHYAB PA BSAM PA LAS YANG DAG PAR 'DAS PA SNANG BA THAMS CAD ZIL GYIS GNON PA, YON TAN GYI SNANG BA GZHAN MA LUS PAR ZIL GYIS GNON PAR MDZAD PA RDZOGS PA'I SANGS RGYAS KYI YON TAN RIN PO CHE BDE BAR GSHEGS PA'I YON TAN GYI NOR BU DAG LA SHES RAB DANG LDAN PA SU ZHIG YID KYIS SEMS MI BSKYED CES BYA BAR SBYAR RO, ,GZHAN @48B YANG, GZHAN DON BYED PA DPA' BA DANG, ,SKYES BU CHEN PO'I TSUL LDAN PA, ,SU ZHIG 'KHOR MTHA' MED PA YANG, ,NYIN GCIG LTA BUR GNAS MI BYED, ,GZHAN GYI DON BYED PA SEMS CAN THAMS CAD KYI SDUG BSNGAL MA LUS PAR GCOD PA DPA' BA NYON MONGS PA'I DGRA LAS RNAM PAR RGYAL BA'I RTZAL DANG LDAN PA SKYES BU CHEN PO'I TSUL DANG LDAN PA SU ZHIG 'KHOR BA'I SRID PA SNGON DANG PHYI MA'I MTHA' MED PAR YANG NYIN GCIG LTA BUR GNAS PAR MI BYED DE, JI SKAD DU, MKHAS PA GANG ZHIG 'GRO BA NYAM NGAR ZHUGS MTHONG NAS, ,DKA' 'AM MI DKA' SNYAM PA'I RNAM RTOG RNAM SPANGS TE, ,GZHAN DON NYI TSE SGRUB CES BSKAL PA'I MTHAR YANG NI, ,'KHOR BA'I SDUG BSNGAL DANG DU LEN CING SGRUB PAR BYED, ,CES BYA BA LA SOGS PA GSUNGS PA LTA BU YIN NO, ,SNYING RJE CHEN PO'I BSHAD PA, THEG PA DMAN PA LAS BSLANG BA'I SEMS BSKYED PA ZHES BYA BA GSUM PA BSHAD ZIN TO, ,SNYING RJE CHEN PO'I BSHAD PA YANG DAG PA'I LAM DU DGOD PA'I SEMS BSKYED PA ZHES BYA BA BZHI PA'I DBANG DU BYAS NAS, ,MKHAS PA GANG ZHIG 'DAS GYUR KYANG, ,GANG GIS GTAM GZHI 'PHEL 'GYUR BA, ,'PHAGS PA GZHAN DON MDZAD RNAMS KYI, ,LAM GYI RJES SU 'JUG MI BYED, ,CES BYA BA SMRAS TE, MKHAS PA SHES NYEN CAN GANG ZHIG DUS YUN RING POR 'DAS PAR GYUR KYANG YON TAN GANG GIS NA BDE BAR GSHEGS PA BZHIN DU GTAM GZHI'I RGYUD DAG LAS MKHAS PA RNAMS KYI SNYAN PA RNAM PA MANG PO BSNGAGS PA 'PHEL BAR 'GYUR BA, 'PHAGS PA 'KHOR BA YUN RING PO NAS GSHEGS PA GZHAN GYI BSAM PA YONGS SU RDZOGS PAR MDZAD PA 'BA' ZHIG GIS GZHAN GYI DON MDZAD PA RNAMS KYI LAM GYI RJES SU 'JUG PAR MI BYED DE, DE LTAR BDAG NYID YANG DAG PA'I LAM DU ZHUGS PAS NI MU STEGS CAN LA SOGS PA GZHAN DAG KYANG YANG DAG PA'I LAM DU DGOD PAR BYED DE, DE NI SNYING RJE CHEN PO'I BSHAD PA YANG DAG PA'I LAM DU DGOD PA'I SEMS BSKYED PA ZHES BYA BA BZHI PA YIN NO, ,BYAMS PA DANG SNYING RJES LUS DANG SROG DON DU MI GNYER BA NYID BSTAN @49A *, ,PA'I PHYIR; ,SU ZHIG CHU SHING DBU BA LTAR, ,SNYING PO MED PA'I LUS 'DI DAG ,GZHAN PHAN RKYEN DU SGRUB BYED PAS, ,LHUN PO SNYING POR SGRUB MI BYED, ,CES BYA BA SMRAS TE, MKHAS PA BYAMS PA DANG SNYING RJE CAN SU ZHIG CHU SHING GI LO MA DANG DBU BA DANG ZIL PA'I THIGS PA DANG, STON KA'I SPRIN DANG, BYE MA'I KHANG BU LA SOGS PA LTAR SNYING PO MED PA'I LUS 'DI DAG GZHAN LA PHAN PA SGRUB PA'I RKYEN LAG PA DANG, RKANG PA DANG, MIG DANG, MGO DANG, RANG GI SHA DANG, KHRAG LA SOGS PA GTONG BA SGRUB PAR BYED PAS RI RAB LHUN PO LTAR RAB TU MI SGUL BA NYID KYI SNYING PO DANG LDAN PA SKYES BU CHEN PO'I MTSAN DRI MA MED PA SUM CU RTZA GNYIS DANG, DPE BYAD BZANG PO BRGYAD CUS LEGS PAR BRGYAN PA'I SKU RDO RJE'I RANG BZHIN LTA BU MNGON PAR SGRUB PAR MI BYED, DE LTAR SHES NAS, YA RABS SNYING RJE LDAN PAS NI, ,SKAD CIG RE RER RGA SHI DANG, ,NAD KYI GZHIR GYUR LUS DAG NI, ,GZHAN LA BDE SKYED GZHIR BYED DO, ,YA RABS BSTOD PAR 'OS PA DAG NI SNYING RJE DANG LDAN ZHING SNYING RJE'I DBANG DU GYUR PA'I SEMS KYIS SKAD CIG RE REL RGA ZHING 'GYUR BA DANG, 'CHI 'PHO BA DANG NAD KYI GZHIR GYUR PA'I LUS 'DI DAG GZHAN LA BDE BA SKYED PA'I GZHIR GYUR PAR BYED DO, ,DAL 'BYOR RNYED DKA' BA NYID BSTAN PA'I PHYIR, DAM CHOS SGRON DANG BCAS PA LA, ,MI KHOM BRGYAD SPANGS KHOM PA 'DI, ,SKYES BU CHEN PO'I SPYOD PA YIS, ,'BRAS BU YOD PAR BYA BA'I RIGS, ,ZHES BYA BA SMRAS TE, DAM CHOS ZHES BYA BA NI DAM PA RNAMS KYI CHOS NI DAM CHOS SO, ,DE NYID SGRON MA YIN TE, GTI MUG GI MUN PA SEL BAR BYED PA'I PHYIR RO, ,DAM CHOS KYI SGRON MA DANG LHAN CIG BYUNG BA NI DAM CHOS SGRON DANG BCAS PA STE DE'I DUS LA'O, ,MI KHOM PA BRGYAD CES BYA BA NI; SEMS CAN DMYAL BA DANG, DUD 'GRO DANG, GSHIN RJE'I 'JIG RTEN DANG, DBANG PO MA TSANG BA DANG, KLA KLO DANG, LTA BA LOG PA DANG, LHA TSE RING PA DANG, SANGS RGYAS MED PA'I 'JIG RTEN ZHES BYA BA DAG GO, ,DE DAG SPANGS SHING GANG GI TSE KHOM PA DGU DANG @49B LDAN PA'I MTSAN NYID KYI KHOM PA 'DI RNYED PA SKYES BU CHEN PO'I SPYOD PA'I RJES SU 'JUG PA NYID KYIS 'BRAS BU YOD PAR BYA BA'I RIGS SO, ,KHOM PA DGU DANG LDAN PA GANG ZHE NA, MI NYID THOB PA DANG, DBANG PO RNAMS TSANG BA NYID DANG, LAS KYI MTHA' MA LOG PA NYID DANG, RIGS BTZUN PAR SKYES PA NYID DANG, SANGS RGYAS 'BYUNG BA NYID DANG, GNAS LA DAD PA NYID DANG, DAM PA'I CHOS BSTAN PA DANG, CHOS BSTAN PA LA RNAM PAR GZHAG PA DANG, RNAM PAR GZHAG PA RNAMS RJES SU 'JUG PAR BYED PA'O, ,YANG NA KHOM PA NI MI'I SKYE BA YON TAN BCU YONGS SU RDZOGS PA STE, YON TAN BCU GANG ZHE NA, RIGS DMAN PA RNAM PAR SPANGS PA DANG, GLEN PA NYID MA YIN PA DANG, RMONGS PA NYID MA YIN PA DANG, DBANG PO ZHAN PA NYID MA YIN PA DANG, SKYES PA NYID THOB PA DANG, GZUGS BZANG BA NYID DANG, DBUL PO NYID MA YIN PA DANG, ZIL GYIS MI NON PA NYID DANG, TSIG BTZUN PA NYID DANG, SKYE BO MANG POS BLTA BAR 'OS PA NYID DO, ,DBU MA'I SNYING PO'I 'GREL PA RTOG GE 'BAR PA LAS, BYANG CHUB KYI SEMS MI GTONG BA'I LE'U STE DANG PO'O,, ,,DBU MA'I SNYING PO'I 'GREL PA RTOG GE 'BAR BA, BAM PO GNYIS PA, DA NI BYANG CHUB KYI SEMS SHIN TU YONGS SU MA BTANG BA'I THUB PA'I BRTUL ZHUGS BLA NA MED PA LA YANG DAG PAR BRTEN PA RAB TU BSTAN PA'I PHYIR LE'U GNYIS PA NYE BAR GZHAG PA'I DBANG DU BYAS NAS, DE LTAR 'GRO LA PHAN PA'I PHYIR, ,BYANG CHUB CHEN POR BRTAN BLANGS PA; TSUL DANG MTHUN PA'I LAM NYID DU, ,RAB TU ZHUGS PA RNAM PAR MDZES, ,ZHES BYA BA LA SOGS PA SMRAS TE, DE LTAR JI SKAD BSTAN PA'I TSUL GYIS SRID PA GSUM GYI 'GRO BA NYID LA PHAN PA'I PHYIR, BLA NA MED PA YANG DAG PAR RDZOGS PA'I BYANG CHUB CHEN POR BRTUL ZHUGS MI PHYED PA BRTAN PA YANG DAG PAR BLANGS PA, RIGS PA'I TSUL DANG MTHUN PA, BDE BAR GSHEGS PA'I LAM NYID KYI RJES SU RAB TU ZHUGS PA NI RNAM PAR MDZES SO, ,LAM DE YANG GANG ZHE NA, DE'I PHYIR, DE NI BYAMS PA GNOD MED DANG, ,SNYING RJE PHAN PA SGRUB PA YIS, , @50A *, ,DAM CHOS RTOGS PAS NGOMS MED DANG, ,CHOS SBYIN PA LA SER SNA MED, ,CES BYA BA SMRAS TE, BYANG CHUB KYI SEMS MA BTANG BA DE NI BYAMS PA CHEN PO'I SEMS CAN GYI KHAMS MTHA' DAG YONGS SU BSKYAB PAR 'DOD PA'I NGO BO NYID GNOD SEMS MED PA'I MTSAN NYID DANG, SNYING RJE CHEN PO GZHAN SDUG BSNGAL BAS BDAG NYID SDUG BSNGAL BA'I NGO BO NYID LA PHAN PA SGRUB PA'I MTSAN NYID DANG LDAN PAS THEG PA CHEN PO'I TSUL MNYAN PA DANG, GZUNG BA DANG, BCANG BA DANG, DON KUN CHUB PAR BYA BA DANG, BSTAN PA DAG LA BRTZON PA MI 'DOR BAS DAM PA'I CHOS RTOGS PAR BYA BAS NGOMS PA MED PA YIN TE, JI SKAD DU, DE NYID NYIN PAR DANG, MTSAN MO CHOS 'DOD PA DANG, CHOS LA DGA' BA DANG, CHOS LA GZHOL BA DANG, CHOS KYI RJES SU MTHUN PA'I CHOS SPYOD DE, NANG DANG PHYI ROL GYI DNGOS PO YANG YONGS SU MI GTONG BA DE CUNG ZAD KYANG MED CING BLA MA LA BKUR STI DANG, BSNYEN BKUR BYA BA GANG NYE BAR MI LEN PA DE YANG CUNG ZAD KYANG MED LA NGA RGYAL LAS KYANG NGA RGYAL SPANGS SHING NGA RGYAL MED PA'I NYE BAR SPYOD PA NYID NYE BAR MI LEN PA DE YANG CUNG ZAD KYANG MED DO ZHES BYA BA LA SOGS PA GSUNGS PA LTA BU'O, ,SKYE BA DANG, NA TSOD DANG, RIGS DANG, YUL DANG, DUS LA 'DA' BA MED CING, SEMS CAN THAMS CAD LA SNYOMS PAR CHOS RNAM PAR 'BYED CING, CHOS SBYIN PA LA SER SNA MED PA YANG YIN NO, ,DRANG DANG NGA RGYAL BCOM PA DANG, ,YID KYIS DE NYID BLTA BA DANG, ,GZHAN SKYON RTOG LA LONG BA DANG, ,RANG SKYON 'BYUNG BAS 'JIGS PA YIN, ,G-YO SGYU BRAL BAS DRANG BA DANG, KHENGS PA DANG RANG RED DANG BRAL BAS NGA RGYAL BCOM PA DANG, RTEN CING 'BREL BAR 'BYUNG BA'I DON YANG DAG PA JI LTA BA BZHIN MTHONG BAS YID KYIS DE NYID BLTA BA DANG, GZHAN GYI SKYON CHEN PO DAG LA YANG BLUN ZHING LONG BA LTAR BYED PAS GZHAN GYI SKYON LA RTOG PA LA LONG BA DANG, BDAG NYID KHA NA MA THO BRTUL TZAM GYIS KYANG 'JIGS PAR LTA BAS RANG GI SKYON 'BYUNG BAS 'JIGS PA STE, DE LTA BU DE DAG YID DANG LDAN PAS RNAM PAR MDZES PA YIN NO, , @50B RTZOD DANG 'JIG RTEN 'DU 'DZI DANG, ,'JIG RTEN RGYANG PA NA RGYAB KYIS PHYOGS, ,YON TAN MED LA'ANG YON TAN GYI, ,RGYUN RNAMS SKYE BAR RTAG TU GUS, ,RTZOD PA NI GZHAN GYI PHYOGS SUN DBYUNG BA DANG, RANG GI PHYOGS BZHAG PA'I SGO NAS PHYOGS GNYIS LA BRTEN PA'I TSIG NGAN PAR SMRA BA DANG, 'JIG RTEN PA'I 'THAB MO DANG, MTSANG 'BRU BA DANG, 'GYOD PA'I PHYIR RTZOD PA'O, ,'JIG RTEN GYI 'DU 'DZI NI CHOS MA YIN PA DANG, DON MA YIN PA DANG, BYA BA MA YIN PA DANG, 'KHOR BA 'DOD PA'I 'JIG RTEN DANG LHAN CIG 'GROGS SHING KUN TU SMRA BA'O, ,'JIG RTEN RGYANG PAN NI YANG DAG PA NYID KYI LUNG DANG BRAL BA'I GSANG TSIG SNA TSOGS LA SPOBS PA'O, ,DE DAG LA RGYAB KYIS PHYOGS PA NI MI PHYOGS PA'O, ,YON TAN MED LA'ANG YON TAN GYI, ,RGYUN RNAMS SKYE BAR RTAG TU GUS PA NI SKYE BO YON TAN MA LUS PA MED PA LA YANG SEMS CAN THAMS CAD DE BZHIN GSHEGS PA'I SNYING PO DANG LDAN PAR MOS SHING 'DI YANG DUS GZHAN NA YON TAN DANG LDAN PAR 'GYUR RO ZHES YON TAN GYI RGYUN RNAMS SKYE BAR RTAG TU GUS PA MI LHOD PA STE, BCOM LDAN 'DAS KYIS KYANG DGE SLONG DAG GANG ZAG GIS GANG ZAG LA CHOS MA 'DZIN CIG GANG ZAG LA TSOD KYANG MA 'DZIN CIG ,DGE SLONG DAG NGA'AM 'DRA BAS GANG ZAG LA TSAD GZUNG BAR BYA'O ZHES GSUNGS PA LTA BU'O, ,GZHAN YANG, SNYING RJES BSKYED PA'I SBYIN PA DAG ,SKYE BO'I TSOGS RNAMS THAMS CAD KYI, ,SDUG BSNGAL CHU BO KUN ZHI'I PHYIR, ,THAMS CAD MKHYEN NYID 'DOD PA BSKYED, , CES BYA BA LA, SNYING RJES BSKYED PA'I SBYIN PA DAG CES BYA BA NI LAN DANG 'BRAS BU LA RE BA MED PAR SNYING RJE NYID 'BA' ZHIG GIS YANG DAG PAR BSKYED PAS GTONG BA'I SEMS PA DES CHOS DANG, ZANG ZING DANG, DBANG DANG, DON DANG, RIGS PA DANG, GNAS DANG, MI 'JIGS PA ZHES BYA BA'I DNGOS PO RNAM PA BDUN SBYIN PAR BYED PA'O, ,SKYE BO'I TSOGS RNAMS THAMS CAD KYI, ,SDUG BSNGAL CHU BO KUN ZHI'I PHYIR, ,ZHES BYA BA NI GANG GI DON DU YONGS SU SNGO BAR BYED CE NA, 'JIG RTEN SGO NGA LAS SKYES PA DANG, MNGAL NAS SKYES PA DANG, DROD @51A *, ,GSHER LAS SKYES PA DANG, RDZUS TE SKYES PA DANG, GZUGS CAN DANG, GZUGS CAN MA YIN PA MA LUS PA DAG GI SKYE BA LA SOGS PA'I SDUG BSNGAL GYI CHU RGYUN THAMS CAD NYE BAR ZHI BA'I PHYIR RO, ,DE'I PHYIR GANG DU YONGS SU SNGO BAR BYED CE NA, THAMS CAD MKHYEN PA NYID 'DOD PA BSKYED CES BYA BA STE, SANGS RGYAS NYID LA 'DOD PA YANG DAG PAR BSKYED PAS DE NYID DU YONGS SU SNGO BAR BYED DO, ,'DIR 'DI SKAD CES RGOL TE, GAL TE THAMS CAD MKHYEN PA NYID 'DOD PAS SBYIN PA SBYIN PAR BYED NA JI LTAR DES 'BRAS BU LA RE BA MED PAR 'GYUR TE, ZANG ZING DANG CHOS KYI SBYIN PA DAG GI 'BRAS BU GZUGS DANG CHOS KYI SKU DAG KYANG SNANG NGO, ,RANG GI RGYUD KHO NA LA 'BRAS BU SNANG BAS JI LTAR SKYE BO MTHA' DAG GI SDUG BSNGAL NYE BAR ZHI BA YIN TE, SNYING RJES SDUG BSNGAL BA RNAMS LA GTONG BAR BYED PA, ZHING 'DAM PAR MI BYED PA LA DE LTAR PHA ROL TU PHYIN PA YONGS SU RDZOGS PAR 'GYUR ZHE NA, BSHAD PA DE THAMS CAD MKHYEN PA NYID 'DOD PA'I THABS KYIS NYAN THOS DANG, RANG SANGS RGYAS NYID SPONG BAR BYED DO, ,ZANG ZING DANG CHOS KYI 'BRAS BU GZUGS DANG CHOS KYI SKU DAG KYANG GZHAN DON KHO NA YIN TE; GANG GI PHYIR CHOS KYI DE NYID MNGON PAR RDZOGS PAR BYANG MA CHUB PA DANG, CHOS KYI 'KHOR LO RAB TU MA BSKOR BAR SEMS CAN THAMS CAD MYA NGAN LAS 'DAS BA RNAM PA GSUM LA DGOD PAR MI NUS PA'I PHYIR RO, ,DE LA CHOS KYI SKU NI MNGON PAR RDZOGS PAR BYANG CHUB PAR MDZAD PA YIN LA; GZUGS KYI SKU NI STON PAR MDZAD PA YIN TE, YI GE DANG TSIG DANG RTZA BA'I GO RIMS KYI MTSAN NYID KYI SGRA NI GNAS DANG BYED PA DANG, RTZOL BDAG LAS 'BYUNG BA'I PHYIR DANG, DE'I DUS NA LONG BA DANG, 'ON PA DANG, SMYON PA LA SOGS PAS NI MIG LA SOGS PA 'THOB LA, RGYUD YONGS SU SMIN PA DAG NI RGYUN DU ZHUGS PA LA SOGS PA'I 'BRAS BU DAG GI SNOD DU 'GYUR BAS DE'I PHYIR DE LTAR 'BRAS BU DE DAG GZHAN GYI RGYUD LA YANG SNANG NGO, ,'BRAS BU LA RE BA'I ZHAGS PAS BCINGS PA'I BLO GROS CAN DAG NYID TSOL BAR YANG BYED LA, GANG GZHAN DAG GIS BKRES @51B PA LA SOGS PA'I SDUG BSNGAL NYE BAR ZHI BAR BYA BA TZAM KHO NA LA DMIGS NAS SNOD LA MI RTOG PAR SNYOMS PAR SBYIN PA SBYIN PAR BYED PA DES CHOS NYID MNYAM PAR YANG RTOGS PAR 'GYUR TE, JI SKAD DU GZHON NU CHOS GCIG GIS BYANG CHUB SEMS DPA' MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA STE, 'DI LTA STE SEMS CAN THAMS CAD LA SEMS MNYAM PA NYID DO ZHES BYA BA DANG, DE BZHIN DU GAL TE BYANG CHUB SEMS DPA' 'DI SNYAM DU DE BZHIN GSHEGS PA NI BDAG GI YON GNAS YIN GYI DUD 'GRO NI MA YIN NO SNYAM DU SEMS NA, BYANG CHUB SEMS DPA'I CHOS SU MI 'GYUR RO ZHES BYA BA LA SOGS PA GSUNGS PA LTA BU'O, ,DE LA PHYI ROL BA'I THUB PA DAG NI CHU NGOS KYI KHRUS DANG, SE RAL PHRENG DANG, RAL PA DANG, SHING SHUN DANG, PAGS PA DANG, RIL BA DANG, RTZVA STAN LA SOGS PA RNAL 'BYOR BA'I RTAGS 'CHANG ZHING, 'BRAS BU DANG, RTZA BA ZA BA DANG, RANG GI LHA NYID MGU PAR BYED PA DANG, ME LA NYE BAR BSTEN PA DANG, DKA' THUB KYI NAGS TSAL NA GNAS PAR BYED DO, 'DI'I THUB PA DAG NI, TSUL KHRIMS DRI MED CHUS KHRUS DANG, ,BZOD PA'I SE RAL PHRENG DKAR DANG,, BRTZON 'GRUS RAL PA'I KHUR BCINGS DANG, ,BSAM GTAN SHES PA LHUR LEN TE, ,ZHES BYA BA LA SOGS PA LA YANG DAG PAR BRTEN TO, ,TSUL KHRIMS DRI MED CHUS KHRUS ZHES BYA BA NI DBANG PO DRUG YANG DAG PAR SDOM PA'I NGO BO NYID KYI DGE BA BCU LHAG PAR SPYOD PA'I MTSAN NYID KYI TSUL KHRIMS DRI MA MED PA'I TSUL LUS DANG NGAG DANG SEMS KYI RGYUD RNAM PAR DAG PA'O, ,BZOD PA'I SE RAL PHRENG DKAR ZHES BYA BA NI SDUG BSNGAL DANG DU LEN PA DANG, GNOD PA BYED PA LA JI MI SNYAM PA DANG, CHOS LA NGES PAR RTOG PA ZHES BYA BA'I BZOD PA SE RAL PHRENG DKAR PO LTA BU THOGS PA'O, , BRTZON 'GRUS RAL PA'I KHUR BCINGS ZHES BYA BA NI DGE BA'I CHOS LA MNGON PAR SPRO BA'I MTSAN NYID KYI BRTZON 'GRUS KYI RAL PA'I TSOGS KYIS BRGYAN PA'O, ,BSAM GTAN SHES PA LHUR LEN CES BYA BA NI LUS DANG SEMS 'DZIN PA'I NGO BO NYID KYI BSAM GTAN DANG, SHES RAB DANG THABS KYIS SHES @52A *, ,PAS BYANG CHUB KYI LAM SHIN TU RNAM PAR SBYANGS PA'O, ,BLO MIG LEGS PAR BYE BA DANG, ,BSTAN BCOS 'JIG RTEN SHES LA MKHAS, ,NGO TSA KHREL YOD GOS DANG NI, ,DES PA'I SKA RAGS 'CHING BA YIN, ,ZHES BYA BA BLO MIG LEGS PAR BYE BA ZHES BYA BA NI KUN RDZOB DANG DON DAM PA LA DMIGS PA'I SHES RAB RNAM PA GNYIS KYI MIG RNAM PAR BYE BA'O, ,BSTAN BCOS 'JIG RTEN SHES LA MKHAS, ,ZHES BYA BA NI NGAN SONG BA'I 'JIGS PA LAS SKYOB PA DANG, NYON MONGS PA'I DGRA 'DUL NUS PA'I BSTAN BCOS SHES PA LA MKHAS PA DANG, BLA MA DAG LA GUS PAR SMRA BA DANG, PHYAG 'TSAL BA DANG, LDANG BA DANG, THAL MO SBYAR BA DANG, GUS PA'I LAS LA BRTZON PA DANG, GROGS PO DANG, MDZA' BSHES DANG, MGRON DAG LA GCUGS PA LA SOGS PA 'JIG RTEN SHES PA NYID LA MKHAS PA'O, ,NGO TSA KHREL YOD GOS ZHES BYA BA NI CHOS DANG 'JIG RTEN GYI DBANG DU BYAS NAS KHA NA MA THO BAS 'DZEM PA'I NGO TSA SHES PA DANG, KHREL YOD PA'I GOS SHING SHUN LTAR GYON PA'O, ,DES PA'I SKA RAGS 'CHING BA ZHES BYA BA NI 'GROGS NA BDE BA NYID KYI SKA RAGS DAM PO 'CHING PA'O, ,SNYING RJE'I PAGS PA GNAG 'CHANG ZHING, , DAD PA DRI MED RIL BA DANG, ,DRAN PAS DBANG PO'I SGO BSRUNGS SHING, ,BRTAN PA'I SPA STEGS STAN LA 'DUG ,CES BYA BA LA, SNYING RJE'I PAGS PA GNAG 'CHANG ZHES BYA BA NI SEMS CAN THAMS CAD LA PHAN PAR 'DOD PA'I SNYING RJE DE NYID G-YANG GZHI NAG PO LTA BU STE, DE 'CHANG BA'O, DAD PA DRI MED RIL BA ZHES BYA BA NI SANGS RGYAS KYI CHOS BLA NA MED PA LA MOS PA DRI MA MED PA'I RIL BA SPYI BLUGS DANG LDAN PA'O, ,DRAN PAS DBANG PO'I SGO BSRUNGS ZHES BYA BA NI DGE BA'I CHOS MI BRJED PA ZHES BYA BA'I DRAN PAS MIG LA SOGS PA DBANG PO RNAMS KYI SGO'I SGO GLEGS LEGS PAR BCAD PA'O, BRTAN PA'I SBA STEGS STAN LA 'DUG CES BYA BA NI BDUD LA SOGS PAS MI PHYED PA BRTAN PA'I SBA STEGS KYI STAN LA 'DUG PA'O, ,THEG PA CHEN PO DGA' CHEN GYI, ,DKA' THUB NAGS TSUL YANG DAG BRTEN, ,BSAM GTAN DGA' BA'I 'BRAS BU ZA, ,DUN PA NYER GZHAG SPYOD YUL CAN, ,ZHES @52B BYA BA LA THEG PA CHEN PO ZHES BYA BA NI DE LAS GZHAN PA'I THEG PA DAG LTOS NA GO SKABS YANGS PA'I PHYIR DANG, THEG PA GCIG PA'I PHYIR PHA ROL TU PHYIN PA DRUG GI LAM 'BRAS BU DANG BCAS PA NI THEG PA CHEN PO'O, ,DGA' CHEN ZHES BYA BA NI DE NYID LHA DANG MI'I PHUN SUM TSOGS PA BSKYED PA'I PHYIR DANG; BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA DANG, MNGON PAR SHES PAS RNAM PAR RTZE BA'I PHYIR DGA' BA CHEN PO YIN NO, ,DKA' THUB NAGS TSAL ZHES BYA BA NI BSKAL PA GRANGS MED PAR DKA' THUB SPYAD PA'I PHYIR DANG, BYANG CHUB KYI YAN LAG GI ME TOG RGYAS PA DANG, MNYAM PA MED PA'I BYANG CHUB KYI 'BRAS BUS BRGYAN PA DANG, NYON MONGS PA'I GCAN GZAN DANG, SRIN PO'I TSOGS DANG BRAL BA DANG, DGE BA DPAG TU MED PA'I RTZA BA'I TSOGS RNAM PAR MDZES PA'I PHYIR TE, DE NA YANG DAG PAR BRTEN TO, ,BSAM GTAN DGA' BA'I 'BRAS BU ZA ZHES BYA BA NI 'DOD PA DANG, RTOG PA DANG, DPYOD PA DANG, DGA' BA DANG, BDE BA DANG, SDUG BSNGAL DANG BRAL BA'I BSAM GTAN BZHI PO SHIN TU SBYANGS PA BSKYED PAS DGA' BA BSGOM PA'I 'BRAS BU LA LONGS SPYOD PA'O, ,DRAN PA NYER GZHAG SPYOD YUL CAN, , ZHES BYA BA NI LUS DANG, TSOR BA DANG, SEMS DANG, CHOS ZHES BYA BA'I DRAN PA NYE BAR GZHAG PA'I YUL GYI SPYOD YUL DANG LDAN PA'O, ,ZAB CING RGYA CHE MDO SDE'I MTHA', ,'DOD CING SDIG PA BCOM PA DANG, ,BDEN PA GNYIS LA BRTEN PA YI, ,RTEN CING 'BREL 'BYUNG NYI BSHAD ZLOS, , ZHES BYA BA LA, ZAB CING RGYA CHE BA'I MDO SDE'I MTHA' 'DON CES BYA BA NI, SHES RAB KYI PHA ROL TU PHYIN PA LA SOGS PA GTING DPAG DKA' BA'I MDO SDE'I MTHA' DES PA'I DON STON PA DAG KHA TON DU 'DON PA'O, ,SDIG PA BCOM PA ZHES BYA BA NI DES SDIG PA MA LUS PAR SPANGS PA STE, JI SKAD DU, GANG GIS SHES RAB KYI PHA ROL TU PHYIN PA 'DI LAS THA NA TSIG BZHI PA'I TSIGS SU BCAD PA GCIG BLANGS TE 'CHANG NGAM KLOG GAM TSUL BZHIN YID LA BYED NA DE'I TSES BYAS SNGA MA'I MI DGE BA DE DAG TSE 'DI NYID LA YONGS SU ZAD PAR 'GYUR RO ZHES GSUNGS PA LTA BU'O, ,BDEN PA GNYIS LA BRTEN PA YI,, @53A *, ,ZHES BYA BA LA, KUN RDZOB LA BRTEN PA'I RTEN CING 'BREL PAR 'BYUNG BA CI LTA BU ZHE NA, MA BRTAGS NA GRAGS PA YOD PA DANG MED PA LA SOGS PA BRTAGS NA MED PA, RGYU DANG RKYEN TSOGS PA LAS BYUNG BA'I MTSAN NYID DE, JI SKAD DU, GANG DU TSOGS LAS SNANG 'GYUR BA, , 'DREN PAS RAB TU BSTAN MDZAD PA, ,DE NI BLO CAN 'JIG RTEN CHOS, ,NYE BAR GDAGS PA'I SAR STON TO, ,ZHES GSUNGS PA LTA BU'O, ,DON DAM PA LA BRTEN PA'I RTEN CING 'BREL PAR 'BYUNG BA NI SKYE BA MED PA STE, JI SKAD DU, GANG ZHIG RKYEN LAS SKYE BA DE MA SKYES, ,ZHES GSUNGS PA LTA BU'O, , RTEN CING 'BREL PAR 'BYUNG BA ZHES BYA BA NI RGYU DANG RKYEN THA DAD PA 'DUS PA LAS 'BRAS BU 'BYUNG BA DANG, 'JIG PA'I DUS NA BAR DU MCHOD PAR 'BYUNG BA'O, ,DE NYID NYI BSHAD YIN TE, RDZOGS PA'I SANGS RGYAS NYI MAS BSHAD PA'I PHYIR RO, ,DE ZLOS ZHES BYA BA NI RGYUN MI 'CHAD PAR BZLAS BRJOD DU ZLOS PA'O, ,JI LTAR ZHE NA, SA BCU PA'I MDO LAS, 'DI LA BYANG CHUB SEMS DPA' RTEN CING 'BREL PAR 'BYUNG BA YAN LAG BCU GNYIS LUGS SU 'BYUNG BA DANG, LUGS SU MI 'BYUNG BA LA 'DI LTAR RNAM PAR BLTA STE MA RIG PA'I NGO BO NYID NI DON DAM PA MI RTOGS PA'O, ,MA RIG PA'I MTSAN NYID NI 'DU BYED LA KUN TU RMONGS PA'O, ,DE LA MA RIG PA NI BYA BA RNAM PA GNYIS SU NYE BAR GNAS TE, SEMS CAN RNAMS DMIGS PA LA KUN TU RMONGS PAR BYED PA DANG, 'DU BYED MNGON PAR SGRUB PA'I RGYU YANG 'BYIN PAR BYED PA'O ZHES BYA BA LA SOGS PA RGYA CHER GSUNGS PA DAG LAS RIG PAR BYA'O, ,BSGRUB PA'I ME TOG SNGAGS LDAN PA, ,PHYOGS RNAMS KUN TU DRIS KHYAB PAS, ,RDZOGS PA'I SANGS RGYAS NYI MA LA, ,NYIN GCIG BZHIN DU BSNYEN BKUR BYED, ,CES BYA BA LA NI BSGRUB PA'I ME TOG YON TAN MTHA' YAS PA'I BSNGAGS PA DANG LDAN PA PHYOGS BCU THAMS CAD DU GRAGS PA'I DRI 'BYUNG BA DAG GIS YANG DAG PAR RDZOGS PA'I SANGS RGYAS NYI MA LA NYIN GCIG MI 'CHAD PAR BSNYEN BKUR BYED PA YIN NO, ,SO SOR RTOG PA'I MI THAB TU, ,MI DGE'I KUN TU RTOG PA SREG ,BLA MED GO 'PHANG THOB BYA'I PHYIR, ,DE LTAR THUB PA'I BRTUL ZHUGS SPYOD @53B CES BYA BA NI YUL SNA TSOGS 'DOD PA PHYIR ZLOG PA'I SO SOR RTOG PA'I ZHUGS THAB TU TSUL BZHIN MA YIN PA YID LA BYED PA'I BUD SHING GI DU MA GRUGS MA LUS PA SREG PA STE, CHOS 'DI'I THUB PA DAG NI SKAD CIG GCIG GIS CHOS THAMS CAD MNGON PAR RTOGS PA'I YE SHES THOB PAR BYA BA'I PHYIR DE LTAR JI SKAD BSTAN PA DAG LTAR THUB PA'I BRTUL ZHUGS LA YANG DAG PAR RTEN PAR BYED DO, ,DBU MA'I SNYING PO'I 'GREL PA RTOG GE 'BAR BA LAS THUB PA'I BRTUL ZHUGS LA YANG DAG PAR BRTEN PA'I LE'U STE GNYIS PA'O,, ,,DA NI DE NYID SHES PA TSOL BA'I SKABS SU BAB PAS DE BSTAN PA'I PHYIR LE'U GSUM PA BRTZAM PA'I DBANG DU BYAS NAS, GANG LA SHES PA'I MIG YOD PA, ,DE LA MIG YOD GZHAN MA YIN, ,DES NA GANG PHYIR BLO LDAN DAG ,DE NYID SHES PA TSOL LA BRTZON, ,ZHES BYA BA LA SOGS PA SMRAS TE, SHES PA'I NGO BO NYID NI MIG YIN TE, 'DAS PA DANG, MA 'ONGS PA DANG, DA LTAR DANG, THAG RING BA DANG, NYE BA DANG, RAGS PA DANG, CHA PHRA BA'I DNGOS PO DAG LA THOGS PA MED PAR 'JUG PA'I PHYIR RO, ,GANG LA SHES PA'I MIG DE YOD PA DE LA NI MIG YOD PA YIN NO, ,GZHAN MA YIN ZHES BYA BA NI SHA'I MIG NI HA CANG NYE BA DANG RING BA DANG DBANG PO LAS 'DAS PA LA SOGS PA'I DNGOS PO DAG LA LONG BA 'DRA BAS DE YOD DU ZIN KYANG CI LA YANG MI PHAN PAS DE YOD KYANG MIG DANG LDAN PA MA YIN NO, ,DES NA GANG GI PHYIR BLO DANG LDAN PA DAG NI SHA'I MIG NGAN PA DE TSOL BA SPANGS TE, DE NYID SHES PA TSOL BA LA BRTZON PAR BYED DO, ,DON DE NYID BSTAN PA'I PHYIR BLO LDAN 'JIG RTEN GSUM PO DAG ,THOGS MED MTHONG BA LONG BAS KYANG, ,BLTA 'DOD THAG RING CHA PHRA DANG, ,BSGRIBS PA'I DON YANG MTHONG BAR 'GYUR, ,ZHES BYA BA SMRAS TE, SHES PA'I MIG GI BLO DANG LDAN PA 'JIG RTEN GSUM PO DAG THOGS PA MED PAR MTHONG BA NI SHA'I MIG NYAMS SHING LONG BAS KYANG BLTA BAR 'DOD PA, THAG RING BA DPAG TSAD STONG DAG DANG, CHA PHRA BA RDUL PHRAN LTA BU DANG, BSGRIBS PA'I DON GYI DNGOS PO YANG MIG DANG LDAN PA BZHIN DU YANG DAG PAR MTHONG BAR 'GYUR RO, ,GZHAN YANG, MIG @54A *, ,STONG PA YANG BLO MED NA, ,MIG DANG LDAN PA MA YIN TE, ,MTHO RIS DANG NI BYANG GROL GYI, ,LAM DANG LAM MIN MI MTHONG PHYIR, ,MIG STONG PA NI LHA'I DBANG PO YIN ZHES GRAGS TE, DE NI YUL LA RE BA'I ZHAGS PAS BLO GROS YONGS SU DKRIS PAS GAL TE SHES PA'I MIG GI BLO MED NA MIG DANG LDAN PA MA YIN TE, DE CI'I PHYIR ZHE NA, MTHO RIS DANG BYANG GROL GYI LAM DANG LAM MA YIN PA YANG DAG PA JI LTA BA BZHIN DU MI MTHONG BA'I PHYIR RO, ,DE LA MTHO RIS KYI LAM NI DGE BA BCU'O, ,BYANG GROL GYI LAM NI 'PHAGS PA'I LAM YAN LAG BRGYAD PA'O, ,GANG GIS NA MIG DANG LDAN PAR 'GYUR BA'I SHES PA DE GANG ZHE NA, DE'I PHYIR, SHES RAB MIG PHYE MTHONG BA DANG, ,MA MTHONG KHYAD PAR 'DOD PA YI, ,'BRAS BU RE BA DUG TSER GYI, ,SBYIN PA SOGS LA 'JUG MI BYED, ,CES BYA BA SMRAS TE, SHES RAB KYI MIG BYE BA NI MTHONG BA'I 'BRAS BU ZHES BYA BA 'BRAS BU THOB PA DAG DANG LAN BYED PA DAG LA BYIN NA 'DI NYID LA 'BRAS BU THOB PA DANG, MA MTHONG BA'I 'BRAS BU ZHES BYA BA 'JIG RTEN PHA ROL DANG KHYAD PAR GYI 'BRAS BU ZHES BYA BA 'KHOR LOS SGYUR BA DANG, BRGYA BYIN NYID LA SOGS PA DANG 'DOD PA'I 'BRAS BU ZHES BYA BA, SKYE GNAS NGAN PA NA YANG YUL LA LONGS SPYOD PA'I BDAG NYID DU 'ONG BA STE, DE DAG LTA BU'I 'BRAS BU LA RE BA NYID DUG YIN TE, GROL BA'I LUS KYI BAR CHAD BYED PA'I PHYIR RO, ,DE NYID TSER MA YIN TE, 'KHOR BA'I SDUG BSNGAL GYIS GNOD PAR 'GYUR BA'I PHYIR RO, ,DE LTA BU'I SBYIN PA DANG TSUL KHRIMS LA SOGS PA LA 'JUG PAR MI BYED DO, ,'O NA JI LTA BU ZHIG LA BRTZON PAR BYED CE NA, SNYING RJES THAMS CAD MKHYEN PA'I PHYIR, ,'KHOR GSUM YONGS SU DAG PA YI, ,SBYIN LA SOGS LA BRTZON BYED CING, ,DE LA'ANG YID NI GNAS MI BYED, ,CES BYA BA STE, SNYING RJES GRAGS PA DANG BDE BA DANG 'GRAN PA LA SOGS PA'I PHYIR MA YIN PAR THAMS CAD MKHYEN PA NYID KHO NA LA GCIG TU DMIGS NAS DE THOB PAR BYA BA'I PHYIR 'KHOR GSUM YONGS SU DAG PA'I SBYIN PA LA SOGS PA LA BRTZON PAR BYED @54B DO; ,'KHOR GSUM NI 'KHOR GSUM PO DAG GO, ,YONGS SU DAG PA NI DRI MA MED PA STE, LUS KYI MI DGE BA RNAM PA GSUM DANG, NGAG GI RNAM PA BZHI DANG, YID KYI RNAM PA GSUM PO DE DAG DANG BRAL ZHING DRI MA MED PA'I SBYIN PA LA SOGS PA LA BRTZON PAR BYED PA'O, ,YANG NA SBYIN PA DANG SBYIN PA PO DANG, LEN PA LA SOGS PA MI DMIGS PAS STONG PA NYID KYI RJES SU SONG BA'I 'KHOR GSUM YONGS SU DAG PA DANG, 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG BRAL BAS MTSAN MA MED PA'I RJES SU 'BRANG BA'I 'KHOR GSUM YONGS SU DAG PA DANG, 'DOD PA DANG, GZUGS DANG GZUGS MED PA'I KHAMS MNGON PAR MI 'DOD PAS SMON PA MED PA'I SNGON DU 'GRO BA'I 'KHOR GSUM PO YONGS SU DAG PA'O, ,DE LA'ANG YID NI GNAS MI BYED, ,CES BYA BA NI THAMS CAD MKHYEN PA NYID DE LA YANG CHAGS PA MED PA STE, DE LTAR YANG JI SKAD DU, DE LA BYANG CHUB SEMS DPA'I 'DOD PA CHUNG BA NYID GANG ZHE NA, GANG BYUNG CHUB KYANG MI 'DOD PA NYID DO ZHES GSUNGS PA LTA BU'O, ,SHES RAB MED NA SBYIN PA LA SOGS PA BSKAL PA STONG SNYED DU NYE BAR BSAGS PAS KYANG PHA ROL TU PHYIN PA YONGS SU RDZOGS PA'I RGYUR MI 'GYUR RO ZHES GSUNGS PAS DE'I PHYIR SHES RAB KYI MTHU STON PA NI, ,SHES RAB BDUD RTZI NGOMS BYED DANG, ,SGRON MA SNANG BA THOGS MED DANG, ,THAR PA'I KHANG BZANGS THEM SKAS DANG, ,NYON MONGS BUD SHING SREG PA'I ME, ,ZHES BYA BA LA SOGS PA SMRAS TE, SHES RAB NI SHES PA RAB BO, ,DE NYID BDUD RTZI STE, RGA SHI MED PA'I GNAS 'THOB PA'I RGYU YIN PA'I PHYIR RO, ,DE NYID NGOMS BYED KYANG YIN TE, YUL LA MNGON PAR 'DOD PA LDOG PAS SHIN TU SBYANGS PA BSKYED PA'I PHYIR TE, GANG DAG 'PHAGS PA'I SHES RAB KYIS NGOMS PA DE DAG NI NGOMS PA YIN NO ZHES GSUNGS PA'I PHYIR RO, ,SHES RAB DE NYID SGRON MA STE, MI SHES PA'I MUN PA 'JOMS PA'I PHYIR RO, ,DE NYID SNANG BA THOGS MED YIN TE, PHAS KYI RGOL BA DANG BDUD KYI PHYI MA LEB DANG NYES PA'I RLUNG DAG GIS SNANG BA MI @55A *, ,CHOMS PA'I PHYIR RO, ,DE NYID THAR PA'I KHANG BZANGS KYI THEM SKAS YIN TE, MYA NGAN LAS 'DAS PA'I GRONG KHYER 'JIG RTEN THAMS CAD LAS MNGON PAR 'PHAGS PA DANG, BYANG CHUB KYI YAN LAG GI KA BAS BRGYAN PA BZANG PO'I GNAS SU 'DZEGS PA'I YA GAD LTA BUR GYUR PA YIN NO, ,DE NYID NYON MONGS PA'I BUD SHING SREG PA'I ME YIN TE, NAGS MES BSREGS PA BZHIN DU NYON MONGS PA'I TSANG TSING MA LUS PA SREG PA'I BDAG NYID YIN PA'I PHYIR RO, ,BLO GROS DE YANG BDEN GNYIS LA, ,LTOS NAS RNAM PA GNYIS SU 'DOD, , YANG DAG DON RTOGS RJES MTHUN PHYIR, ,YANG DAG KUN RDZOB SHES PA YIN, ,SHES RAB KYI BLO GROS DE YANG KUN RDZOB DANG DON DAM PA'I BDEN PA GNYIS LA LTOS NAS RNAM PA GNYIS SU 'DOD DO, ,DE LA RE ZHIG YANG DAG PA'I KUN RDZOB SHES PA NI DAG PA 'JIG RTEN PA'I YE SHES ZHES BYA BA YIN TE, YANG DAG PA'I DON RTOGS PA'I RJES SU MTHUN PA'I PHYIR YANG DAG PA'I KUN RDZOB SHES PA YIN NO, ,DE NYID RNAM PAR DBYE BA'I SGO NAS STON PA NI, SBYIN DANG BSOD NAMS YE SHES KYI, ,TSEGS RNAMS YONGS SU RDZOGS BYED DANG, ,RGYU DE DAG GI 'BRAS BU DANG, , 'BREL DANG MTSAN NYID LA SOGS SHES, ,BYAMS DANG SNYING RJE CHE BSGOM DANG, ,SEMS CAN SDUD DANG SMIN BYED DANG, ,SKYE MCHED BCU GNYIS BRTEN PA YI, ,SHES RAB BRDAR BTAGS SHES PAR BYA, ,ZHES BYA BA DAG STE, SBYIN PA'I TSOGS NI GTONG BA DANG GTONG BA CHEN PO DANG SHIN TU GTONG BA'O, ,BSOD NAMS KYI TSOGS NI DAD PA DANG BAG YOD PA DANG YANG DAG PA'I LTA BA LA SOGS PA'O, ,YE SHES KYI TSOGS NI THOS PA DANG BSAM PA DANG BSGOM PA GOMS PA'I SHES PA'O, ,DE RNAMS YONGS SU RDZOGS PAR BYED PA NI SHES RAB BRDAR BTAGS PA YIN PAR SHES PAR BYA STE, YANG DAG PA'I KUN RDZOB SHES PA YIN NO ZHES BYA BAR SBYAR RO, ,RGYU DE DAG GI 'BRAS BU ZHES BYA BA NI TSOGS ZHES BYA BA RGYU GSUM PO DE DAG 'BRAS BU DANG JI LTAR 'BREL PA SHES PA YANG YANG DAG PA'I KUN RDZOB SHES PA YIN TE, DE LA SBYIN PA'I TSOGS KYI @55B 'BRAS BU NI SKYES BU CHEN PO'I MTSAN SUM CU RTZA GNYIS DANG DPE BYAD BZANG PO BRGYAD CUS LEGS PAR BRGYAN PA'I GZUGS KYI SKU'O, ,BSOD NAMS KYI TSOGS KYI 'BRAS BU NI CHOS KYI SKU'O, ,YE SHES KYI TSOGS KYI 'BRAS BU NI SKAD CIG GCIG DANG LDAN PA'I SHES RAB BO, , 'BREL ZHES BYA BA NI RGYU DANG 'BRAS BUR 'BREL PA STE, DE LA SEMS KYI SKAD CIG MA MANG POS RGYU NYE BAR BSAGS PA'I RGYUN GYIS MA DU LUNG GA'I ME TOG GI ZE BA DMAR BA LTA BU'AM, SA BON DANG MYU GU'I RGYUN LTAR SEMS KYI SKAD CIG MA GZHAN LA 'BRAS BU SKYED PA'I NUS PA YOD PAS DE LTAR RGYU DANG 'BRAS BUR 'BREL PA ZHES PA YANG DAG PA'I KUN RDZOB SHES PA YIN NO, ,MTSAN NYID CES BYA BA NI CHOS RNAMS KYI MTSAN NYID NI RANG DANG SPYI'I BYE BRAG LAS RNAM PA GNYIS TE, DE LA RANG GI MTSAN NYID NI DNGOS PO RANG GI NGO BO SPYOD YUL DANG LDAN PA RNAM PAR RTOG PA MED PA'I SHES PAS NGES PAR GZUNG BAR BYA'O, ,SPYI'I MTSAN NYID NI RJES SU DPOG PA'I SHES PA RNAM PAR RTOG PA CAN GYIS RTOGS PAR BYA BA'O, ,SOGS PA ZHES BYA BA'I SGRAS NI NGO BO NYID DANG BRDA DANG GDAGS PA DANG MTSAN MA DANG BRTZAL BA DANG BLANG BA LA SOGS PA DAG BSDU'O, , SHES ZHES BYA BA NI RAB TU RNAM PAR DBYE BA DE DAG SHES PA'I BLO GROS TE, DE YANG YANG DAG PA'I KUN RDZOB SHES PA YIN NO, ,BYAMS DANG SNYING RJE CHE BSGOM ZHES BYA BA NI BYAMS PA DANG SNYING RJE DANG, DGA' BA DANG BTANG SNYOMS CHEN PO GOMS PAR BYED PA'O, ,SEMS CAN SDUD CES BYA BA NI BZHI PO DE DAG DANG BSDU BA'I DNGOS PO BZHIS SEMS CAN SDUD PA'O, ,SMIN BYED CES BYA BA NI SEMS CAN DE DAG GI RGYUD LA DGE BA'I CHOS 'JOG PAS GANG DAG YONGS SU SMIN PAR BYED PA'O, ,DE DAG SHES PA'I SHES RAB GANG YIN PA DE YANG YANG DAG PA'I KUN RDZOB SHES PA YIN NO; ,SKYES CHED BCU GNYIS BRTEN PA'I ZHES BYA BA NI MIG LA SOGS PA SKYE MCHED BCU GNYIS PO DAG RAB TU RNAM PAR 'BYED NUS PA'I SHES RAB GANG YIN PA'O, ,JI SKAD SMOS PA DE DAG SHES PA'I SHES RAB NI BRDAR BTAGS PA YIN PAR SHES PAR BYA STE, YANG DAG PA'I KUN RDZOB @56A *, ,SHES PA YIN NO, ,DON DAM PA'I SHES RAB BSTAN PA'I PHYIR, ,RTOG PA'I DRA BA MA LUS PA, ,DGAG PA SGRUB PAR BYED PA DANG, ,ZHI DANG SO SO RANG RIG DANG, ,RNAM RTOG MED CING YI GE MED, ,GCIG NYID THA DAD NYID BRAL DANG, ,MKHA' LTAR DRI MED DE NYID LA, ,'JUG PA MED PAS 'JUG PA YI, ,SHES RAB DON DAM SHES PA YIN, ,ZHES BYA BA SMRAS TE, RTOG PA'I DRA BA MA LUS PA DGAG PA SGRUB PAR BYED PA NI CHOS KYI DE BZHIN NYID YIN TE, RTAG PA DANG, MI RTAG PA DANG, YOD PA DANG, MED PA DANG, THER ZUG DANG, CHAD PA LA SOGS PA RTOG PA'I DRA BA MA LUS PA SEL BAR BYED PA'I NGANG TSUL CAN YIN PA'I PHYIR RO, ,ZHI BA NI SPROS PA THAMS CAD LAS YANG DAG PAR 'DAS PA'O, ,SO SO RANG RIG PA NI GZHAN LAS SHES PA MA YIN PA'O, ,RNAM RTOG MED PA NI RTOG PA LA SOGS PA'I RNAM PAR RTOG PA MED PA'O, , YI GE MED PA NI BRJOD PA'I YUL MA YIN PA'O, ,GCIG PA NYID DANG THA DAD PA NYID DANG BRAL BA NI DE NYID DANG GZHAN NYID DANG, GNYI GA NYID DANG GNYI GA MA YIN PA NYID DU BRJOD PAR BYA BA MA YIN PA'O, ,MKHA' LTAR DRI MA MED PA NI NAM MKHA' SPRIN GYI RIM PA DANG BRAL BA LTAR DRI MA MED PA'O, , JI SKAD SMOS PA'I RNAM PA DE DAG LTA BU'I CHOS KYI DE NYID LA 'JUG PA MED PAS 'JUG PA NI SNANG BA MED CING 'JUG PA MED PA NYID DE'I 'JUG PA YIN PA'I PHYIR TE, DE LTA BU'I SHES RAB NI DON DAM PA SHES PA YIN PAR SHES PAR BYA STE, JI SKAD DU MTHONG BA MED PA NI DE NYID MTHONG BA'O ZHES GSUNGS PA LTA BU'O, ,DE GNYIS LAS DANG PO KHO NAR GANG LA BRTZON PAR BYA ZHE NA, DE DAG GI GO RIMS BSTAN PA'I PHYIR, YANG DAG KUN RDZOB RNAMS KYI SKAS, ,MED PAR YANG DAG KHANG PA YI, ,STENG DU 'GRO BAR BYA BA NI, ,MKHAS LA RUNG BA MA YIN NO, ,DE BSTAN PA'I PHYIR, DE NYID KHANG BZANGS THOG 'DZEG PA, ,YANG DAG KUN RDZOB THEM PA'I SKAS, ,MED PAR RUNG BA MA YIN PA, ,GANG GI PHYIR BA DE PHYIR RO, ,ZHES BYA BA SMRAS TE, DE NYID KHANG BZANGS ZHES BYA BA NI THAR PA'I KHANG BZANGS SA GSUM GYI GNAS LAS MNGON PAR 'PHAGS PA DGE BA'I BZO BO @56B DPAG TU MED PAS BRTZIGS PA, BYANG CHUB KYI YAN LAG GI KA BA SHIN TU MTHON POS LEGS PAR BRGYAN PA, DGE BA'I CHOS MTHA' YAS PA'I DKAR RTZIS BYUGS PA, BDE BAR GSHEGS PA'I ZLA BA'I ZHAL GYI 'OD ZER GYIS SNANG BAR BYAS PA RAB RIB KYI RIM PA MA LUS PA RNAM PAR BSAL BA THAMS CAD MKHYEN PA'I GNAS SO, ,DE'I THOG TU 'DZEG PA NI YANG DAG PA'I KUN RDZOB KYI BDEN PA'I THEM SKAS BSKAL PA GRANGS MED PA BDUN PO DAG TU SPYAD PA MED PAR PHA ROL TU PHYIN PA DANG, DBANG DANG MNGON PAR SHES PA YONGS SU MA RDZOGS PAS GYA TSOM KHO NAR NUS PAR RUNG BA MA YIN TE, BCOM LDAN 'DAS KYIS KYANG KUN RDZOB KYI CHOS RNAMS MED PAR DON DAM PAR RTOGS PAR MI NUS ZHES GSUNGS SO, ,GANG GI PHYIR DE LTA YIN PA DE'I PHYIR DANG POR KUN RDZOB KYI BDEN PA BLO GROS KYIS RAB TU RNAM PAR DBYE BAR BYA'O, ,KUN RDZOB CES BYA BA NI GZUGS LA SOGS PA'I DNGOS PO KUN RNAM PAR 'BYED PA'I DON GYIS TE, 'JIG RTEN GYI THA SNYAD PHYIN CI MA LOG PA'O, ,DE NYID BDEN PA STE, RNAM PAR GZHAG PA THAMS CAD LA 'GRO BA'I TSAD MA YIN PA'I PHYIR RO, ,DE LA DANG POR, GZUGS NI RNAM GNYIS RNAM PA NYI SHU ZHES BYA BA LA SOGS PA DANG; DE BZHIN DU YIG 'BRU DANG BSTAN BCOS DANG LAG RTZIS DANG SHOD THABS DANG, NOR BRGYUD PA'I RGYUD DANG, SMAN DPYAD DANG, RTZIS DANG, GSANG SNGAGS DANG, RIG SNGAGS LA SOGS PA GANG DAG 'JIG RTEN NA GRAGS PA DAG RAB TU RNAM PAR DBYE BA BYAS NAS DE'I 'OG TU CHOS RNAMS KYI RANG BZHIN DANG SPYI'I MTSAN NYID LA SHIN TU RNAM PAR NGES PAR 'GYUR TE, DE'I PHYIR DES NI MTSAN NYID MED PA DON DAM PA'I RJES LA THOB PA DAG PA 'JIG RTEN PA'I SHES PA'I SPYOD YUL YANG DAG PA'I KUN RDZOB KYI RAB TU RNAM PAR DBYE BA BSTAN TO, ,DE LA CHOS RNAMS KYI RANG GI MTSAN NYID NI GZUGS SU RUNG BA DANG, MYONG BA DANG, MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA LA SOGS PA'O, ,SPYI'I MTSAN NYID NI MI RTAG PA DANG SDUG BSNGAL BA DANG STONG PA DANG, BDAG MED PA LA SOGS PA'O, ,YANG RANG @57A *, ,GI MTSAN NYID NI SNGON PO DANG SER PO DANG RING PO DANG, THUNG NGU LA SOGS PA DANG GZUGS DANG SGRA LA SOGS PA'O, ,SPYI'I MTSAN NYID NI RIGS MI MTHUN PAS STONG PA NYID DO, ,DE LA SHIN TU RNAM PAR NGES PAR GYUR NAS, MKHAS PA SEMS NI MNYAM GZHAG PHYIR, , MNGON PAR BRTZON PA NYID DU BYA, ,DE BZHIN THOS BYUNG SHES PA LA, ,DE LAS GZHAN SHES RGYU PHYIR RO, ,ZHES BYA BA LA JI LTAR SEMS MNYAM PAR GZHAG PAR BYA ZHE NA, DBUGS DBYUNG BA DANG RNGUB PA DRAN PAS SO, ,DE LA DBUGS DBYUNG BA DANG RNGUB PA NI DBUGS PHYIR DBYUNG BA DANG DBUGS NANG DU RNGUB PA'O, ,DE GNYIS SNA'I RTZE MOR DRAN PA NYE BAR BZHAG NAS BGRANG BAR BYA STE, DANG PO DBYUNG BA NAS BCU LA SOGS PA DANG BRGYA'I BAR DU RJES SU MTHUN PA DANG RJES SU MI MTHUN PAR BGRANG NGO, ,YANG 'BYUNG BA DANG 'JUG PA LA DRAN PA GTAD PAR BYA STE, 'BYUNG BA NI DRI NGA BA DANG RING BA DANG DRO BAR DBUGS DBYUNG BA'O, ,'JUG PA NI DRI ZHIM PA DANG THUNG BA DANG GRANG BAR DBUGS 'JUG PA'O, ,LTE BA'I PHYOGS NAS 'BYUNG ZHING SNA'I RTZE MOR THUG PA DE LTA BUR RKANG PA'I MTHE BONG NAS LUS THAMS CAD LA DRAN PAR 'JUG PAR BYA'O, ,GANG GI TSE DES LCAGS MGAR GYI SBUD PA BZHIN DU LUS GANG BAR MTHONG BA DE'I TSE NA LUS THAMS CAD SO SO YANG DAG PAR RIG PA ZHES PA'I CHOS KYI SGO THOB CING LUS DANG SEMS LAS SU RUNG BAR YANG 'GYUR RO, ,KHA CIG NI DBUGS DBYUNG BA DANG RNGUB PA 'GAGS PA NA CHOS KYI SGO SKYE BAR YANG 'DOD DO, , DE LTAR DE DAG LA SOGS PAS SEMS MNYAM PAR GZHAG PA'I PHYIR MNGON PAR BRTZON PA NYID DU BYA'O, ,DE BZHIN DU SGRA DANG, GTAN TSIGS DANG, GSO BA DANG, NANG ZHES BYA BA'I RIG PA'I GNAS BZHI PO DAG LA YONGS SU 'DRIS PA'I MTSAN NYID KYI THOS PA LAS BYUNG BA'I SHES PA LA YANG MNGON PAR BRTZON PA NYID DU BYA STE, DE NI DE LAS GZHAN PA BSAMS PA DANG, BSGOMS PA LAS BYUNG BA BLA NA MED PA'I SHES PA DAG 'THOB PA'I RGYU YIN PA'I PHYIR RO, ,SEMS MNYAM PAR GZHAG PAS DE NYID RTOGS PAR 'GYUR GYI GZHAN GYIS MA YIN PAR BSTAN PA'I PHYIR @57B RO; ,JI LTAR CHU RNYOG G-YO BA LA, ,BZHIN NI MTHONG BAR MI 'GYUR BA, ,DE LTAR SEMS MNYAM MA BZHAG DANG, ,SGRIB PAS BSGRIBS LA DE NYID DO, ,ZHES BYA BA SMRAS TE, JI LTAR CHU RDUL MANG POS RNYOG PA CAN DANG, RLUNG GIS BSKYOD CING G-YO BA LA BZHIN GYI GZUGS BRNYAN MTHONG BAR 'DOD PA MTHONG BAR MI 'GYUR BA DE LTAR SEMS YUL MANG PO LA 'PHRO ZHING MNYAM PAR GZHAG PA DANG, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM ZHES BYA BA'I SGRIB PA LNGA PO DE DAG GIS BSGRIBS PA LA CHOS KYI DE NYID MTHONG BAR 'DOD PA MI MTHONG BA YANG DE BZHIN NO, ,DE LTA BAS NA, YID KYI GLANG PO LOG 'GRO BA, ,DMIGS PA'I KA BA BRTAN PO LA, ,DRAN PA'I THAG PAS NGES BCINGS NAS, ,SHES RAB LCAGS KYUS RIM DBANG BYA, ,ZHES BYA BA NI SNGAR BSTAN PA BZHIN DU SEMS MNYAM PAR GZHAG PA DAG GI YID KYI GLANG PO CHE THAR PA DANG MI MTHUN PA'I SPYOD PA LA LOG PAR 'GRO BA NI DGE BA'I CHOS TSAD MED PA BZHI LA SOGS PA DMIGS PA'I KA BA BRTAN PO LA DRAN PA'I ZHAGS THAG GIS NGES PAR BCINGS NAS, SHES RAB KYI BLO GROS KYI LCAGS KYUS GTZAGS PAS RIM GYIS KHAD KYIS KHAD KYIS DBANG DU BYA'O, ,DE BZHIN DU, RGOD PA MI RTAG LA SOGS PA, ,YID LA BYED PAS ZHI BAR BYA, ,ZHUM PA DMIGS PA RGYA CHEN DAG ,BSGOMS PAS SPANGS PA NYID DU BYA, ,ZHES BYA BA NI RIGS DANG GZUGS DANG LANG TSO'I RGYAGS PAS RGOD PA NYID DU GYUR NA MI RTAG PA DANG, SDUG BSNGAL BA DANG, STONG PA DANG, BDAG MED PA LA SOGS PA YID LA BYED PAS ZHI BAR BYA'O, ,HA CANG ZHUM PA NYID DU GYUR NA YANG MDO SDE LA SOGS PA'I DMIGS PA RGYA CHEN PO DAG BSGOMS PAS SPANGS PA NYID DU BYA'O, ,DE LTAR DE DAG GIS NI RNAL 'BYOR PA'I SEMS BZHAG PA BSTAN TO, ,SEMS BSDU BA DANG GZENGS BSTOD PA DAG BSTAN PA'I PHYIR, G-YENGS PAS G-YENG BA'I MTSAN MA LA, ,NYES DMIGS LTA BAS BSDU BAR BYA, ,ZHUM PA YANG NI BRTZON 'GRUS KYI, ,PHAN YON MTHONG BAS GZENGS BSTOD BYA, ,ZHES BYA BA SMRAS TE, SEMS @58A *, ,DMIGS PA MANG PO LAS 'PHRO ZHING SPRE'U BZHIN DU NGES PAR MI GNAS PAS CHOS KYI DE NYID KYI DON LAS NYAMS PA'AM, MI MA YIN PA LA SOGS PAS SUN PHYUNG STE, G-YENGS PA NYID DU GYUR NA DE'I TSE G-YENG BA'I MTSAN MA 'DI LTA STE, MIG DAG ME LTAR 'BAR BA DANG, CHUS G-YENG BA DANG, G-YANG SA NAS LHUNG BA LA SOGS PA MANG PO 'BYUNG BA LA NYES DMIGS SU LTA BAS SEMS NANG DU BSDU BAR BYA'O, ,HA CANG BRTZON 'GRUS ZHUM ZHING LE LO SKYE BAR GYUR NA DE YONGS SU SPANG BA'I PHYIR, ,BRTZON 'GRUS KYI PHAN YON MTHONG BAS ZHUM PA GZENGS BSTOD PAR BYA'O, , SEMS BKRU BA DAG BSTAN PA'I PHYIR, 'DOD CHAGS ZHE SDANG GTI MUG GI ,RDZAB DRIS SBAGS SHING MA BSDAMS BA, ,MI SDUG BYAMS PA RTEN 'BYUNG BA'I, ,CHU DAG GIS NI BKRU BAR BYA, ,ZHES BYA BA SMRAS TE, 'DOD CHAGS YUL LA LHAG PAR CHAGS PA DANG, ZHE SDANG DANG, KHONG KHRO BA DANG; GTI MUG MUN PA DAG GI 'DAM RDZAB KYI DRI MAS SPAGS SHING SPROS PA NYE BAR MA ZHI BAS MA BSDAMS PA DAG GO RIMS BZHIN DU MI SDUG PA DANG, BYAMS PA DANG, RTEN CING 'BREL PAR 'BYUNG BA'I CHU DAG GIS BKRU ZHING RNAM PAR SBYANG BAR BYA'O, ,RIM PA DE DAG GIS, DBEN ZHING MI G-YO ZHI BA DANG, ,DMIGS PA DAG LA GZHOL BA DANG, ,LAS SU RUNG ZHING MNYEN SHES NAS, ,DE LA LEGS PAR BTANG SNYOMS BYA, ,ZHES BYA BA LA DBEN PA NI BKRA BAS SO, ,MI G-YO BA NI MI G-YENG BAS SO, ,ZHI BA NI NANG DU BSDU BAS SO, ,DMIGS PA DAG LA GZHOL BA NI DMIGS PA MTHA' DAG LA 'JUG PAS SO, ,LAS SU RUNG BA NI DGA' MGUR 'JUG PAS SO, ,MNYEN PA NI NGA RGYAL DANG KHENGS PA MED PAS SO, ,SEMS DE LTAR BSGRIM PA MED KYANG LAM LOG PA DE DAG TU 'GRO BAR MI 'GYUR BAR SHES NAS DE LA LEGS PAR BTANG SNYOMS SU GZHAG PAR BYA'O, ,BLO GROS MNYAM GZHAG 'OG TU NI, ,THA SNYAD SGO NAS GZUNG BYA YI, ,CHOS RNAMS DNGOS PO 'DI DAG LA, ,SHES RAB KYIS NI 'DI LTAR BRTAG ,CES BYA BA NI GANG GI TSE DE'I SEMS KYI BLO GROS MNYAM PAR GZHAG PA'I TING NGE 'DZIN SKYES PAR GYUR PA DE'I 'OG TU THA SNYAD KYI SGO NAS GZUNG BAR BYA BA @58B KUN RDZOB KYI BDEN PA'I TSUL GYIS RNAM PAR GZHAG PA'I CHOS SA DANG CHU DANG ME DANG RLUNG LA SOGS PA RNAMS KYI DNGOS PO SRA BA DANG GSHER BA DANG TSA BA DANG G-YO BA LA SOGS PA 'DI DAG LA SHES RAB KYIS 'DI LTAR BRTAG PAR BYA'O, ,BLO YIS RNAM PAR DPYAD PA NA, ,'DI DAG DON DAM YOD DAM CI, , ZHES BYA BA NI DE BLOS YONGS SU RTOG PA NA DNGOS PO 'DI DAG DON DAM PAR YANG 'THAD DAM 'ON TE JI LTAR SNYAM PA'O, ,GAL TE YIN NA 'DI DE NYID, ,GAL TE GZHAN NA DE BTZAL BYA, ,ZHES BYA BA NI GAL TE RE ZHIG DON DAM PAR YANG CHOS RNAMS KYI NGO BO NYID 'DI DAG YOD PAR RIGS PA NYID YIN NA NI DE LTA NA NI DNGOS PO 'DI DAG NYID DON DAM PA'I DE NYID YIN NO, ,GAL TE 'DI DAG BRTAG MI BZOD PA'I PHYIR, 'DI DAG LAS DON DAM PA'I DE NYID GZHAN YIN NA NI PHYOGS SU LHUNG BA MED PA'I BLOS DE BTZAL BAR BYA'O, ,GANG GI PHYIR ZHE NA, PHYOGS SU LHUNG BAS SEMS GDUNGS PAS, , ZHI BA NAM YANG RTOGS MI 'GYUR, ,ZHES BYA BA STE, GANG GI PHYIR 'JIG RTEN NI PHAL CHER PHYOGS SU LHUNG BAS SEMS KYI RGYUD GDUNGS BAS LOG PAR BZUNG BA LA DAM DU NYE BAR 'DZIN PA YIN PAS DE DAG GIS NI NAM YANG ZHI BA RTOGS PAR MI 'GYUR BA'I PHYIR RO,, ,,DBU MA'I SNYING PO'I 'GREL PA RTOG GE 'BAR BA, ,BAM PO GSUM PA, DE LA MDOR BSDU NA, 'DUS BYAS 'DUS MA BYAS CHOS NI, ,PHUNG PO SKYE MCHED KHAMS RNAMS SO, ,ZHES BYA BA LA 'DUS BYAS KYI CHOS NI RGYU DANG RKYEN GYIS BSKYED PA RNAMS SO, ,'DUS MA BYAS KYI CHOS NI SKYE BA DANG GNAS PA DANG 'JIG PA DANG BRAL BA RNAMS SO, ,DE DAG KYANG GANG ZHE NA, DE DAG NI PHUNG PO LNGA DANG SKYE MCHED BCU GNYIS DANG KHAMS BCO BRGYAD PO RNAMS SO, ,DE DAG KYANG BCOM LDAN 'DAS KYIS NYAN THOS KYI THEG PAR NI, KYE MA 'DU BYED MI RTAG STE, ,SKYE ZHING 'JIG PA'I CHOS CAN YIN, , SKYES NAS 'GAG PAR 'GYUR BA STE, ,DE DAG NYE BAR ZHI BA BDE, ,ZHES DE LTAR, NYON MONGS SGRIB PA SPANG BA'I PHYIR, ,NYAN THOS RNAMS LA RAB TU BSHAD, ,CES BYA BAR SBYAR RO, ,JI LTAR ZHE NA, 'JIG RTEN SNA TSOGS GANG YIN DE DAG 'DOD PA MIN, ,KUN TU RTOG PA'I 'DOD CHAGS @59A *, ,SKYES BU'I 'DOD PA YIN, ,'JIG RTEN SNA TSOGS DAG NI DE LTAR GNAS BZHIN DU, ,BSTAN PA DAG NI DE LA 'DUN PA 'DUL BAR BYED, ,CES GSUNGS PA LTAR RO, ,THEG PA CHEN PO NI BYUNG BA MED PA DANG, DNGOS PO MED PA DANG, SKYE BA MED PA DANG, 'GAG PA MED PA DANG; MNGON PAR 'DU BYA BA MED PA DANG, GNYIS SU MED PA'I TSUL GYIS SHES BYA YOD PA MA YIN NA NYON MONGS PA RNAMS GAL 'BYUNG STE, DE LTAR BAG CHAGS BCAS PA YI, ,NYON MONGS SHES BYA'I SGRIB DRI MA, ,SPANG PHYIR SNYING RJE LDAN RNAMS LA, ,RAB TU BSTAN TO ZHES BYA BAR SBYAR RO, , DNGOS PO LA MNGON PAR ZHEN PA RAGS PA SPANGS NA DNGOS POR 'DZIN PA PHRA MO DANG BRAL PAR SLA BAS, DE'I PHYIR, RAGS PHYIR DANG PO KHO NAR NI, ,GZUGS KYI PHUNG PO BRTAG PAR BYA, ,DE LA'ANG DANG POR 'BYUNG BA RNAMS, ,JI SKAD BSTAN PA'I GTAN TSIGS KYIS, ,ZHES BYA BA SMRAS TE, GNAS PA KHYON CHE BA DANG, BLO RTZING GE MA'I GZUNG BA YIN PAS RAGS PA'I PHYIR, DANG PO KHO NAR GZUGS KYI PHUNG PO BRTAG PAR BYA'O, ,GZUGS KYI PHUNG PO DE LA'ANG DANG POR 'BYUNG BA RNAMS BRTAG PAR BYA STE, DE CI'I PHYIR ZHE NA, JI SKAD BSTAN PA'I GTAN TSIGS KYIS TE, 'BYUNG BA RNAMS PAS 'BYUNG BA'I RGYU LAS BYUNG BA'I GZUGS RNAMS CHA PHRA BAS DE'I PHYIR, ,RAGS PHYIR DANG PO KHO NAR NI, ,'BYUNG BA'I GZUGS RNAMS BRTAG PAR BYA, ,ZHES BYA BAR SBYAR TE, 'DIR NI SA LA SOGS PA DAG ,DON DAM PAR NA 'BYUNG BA YI, ,NGO BO NYID MIN BYAS PHYIR DANG, ,RGYU LDAN SOGS PHYIR SHES PA BZHIN, ,ZHES BYA BA LA 'DIR NI ZHES BYA BA LA NI DE NYID SHES PA TSOL BA'I SKABS 'DIR RO, ,'DIR CI ZHIG CE NA, SA LA SOGS PA DAG CES BYA BA SMRAS TE, SA ZHES BYA BA NI GTOS CHE BA'I PHYIR RO, ,SOGS PA ZHES BYA BA NI SA DE CHU LA SOGS PA 'OG MA DAG GI DANG POR SMOS PA'I YAN LAG GIS BSDUS PA SPYIR BSDU BA'I DON TE, SOGS PA'I SGRAS CHU DANG ME DANG RLUNG RNAMS KYANG BSDU'O, ,DON DAM PA ZHES BYA BA LA DON ZHES BYA BA NI SHES BAR BYA BA YIN PA'I PHYIR DON TE, BRTAG PAR BYA BA DANG GO BAR BYA BA ZHES BYA BA'I THA TSIG GO, ,DAM PA ZHES BYA BA @59B NI MCHOG CES BYA BA'I TSIG GI SGRA YIN TE, DON DAM PA ZHES BSDU BA NI DE DON YANG YIN LA DAM PA YANG YIN PAS DON DAM PA'O, ,YANG NA DAM PA'I DON TE RNAM PAR MI RTOG PA'I YE SHES DAM PA'I DON YIN PAS DAM PA'I DON TO, YANG NA DON DAM PA DANG MTHUN PA STE DON DAM PA RTOGS PA DANG RJES SU MTHUN PA'I SHES RAB LA DON DAM PA DE YOD PAS DON DAM PA DANG MTHUN PA'O, ,DON DAM PAR NA ZHES BYA BA NI DON DAM PA DE NYID DU'ANG DON DAM PAR RO, ,'BYUNG BA ZHES BYA BA NI RANG NYID DU 'BYUNG BA'AM GZHAN 'BYUNG BAR BYED PAS 'BYUNG BA DAG GO, ,NGO BO NYID CES BYA BA NI 'BYUNG BA 'DI NYID SA LA SOGS PA'I NGO BO NYID YIN PAS 'BYUNG BA'I NGO BO NYID DO, ,MIN ZHES BYA BA NI DGAG PA STON PA'I SGRA STE, MA YIN ZHES BYA BAR SBYAR RO, ,GANG ZHIG CI ZHIG MA YIN ZHE NA, SA LA SOGS PA DAG DON DAM PAR NA 'BYUNG BA'I NGO BO NYID NI MA YIN NO ZHES BYA BAR SBYAR RO, ,'DIR MIN ZHES BYA BA'I DGAG PA 'DI NI MED PAR DGAG PA'I DON DU GZUNG GI MA YIN PAR DGAG PA'I DON DU NI MI GZUNG NGO, ,MED PAR DGAG PA DANG MA YIN PAR DGAG PA ZHES BYA BA DE GNYIS KYI BYE BRAG JI LTA BU ZHE NA, MA YIN PAR DGAG PA NI DNGOS PO'I NGO BO NYID DGAG PAS DE DANG 'DRA BA DE LAS GZHAN PA'I DNGOS PO'I NGO BO NYID SGRUB PAR BYED PA STE, DPER NA 'DI BRAM ZE MA YIN NO ZHES DGAG PAS BRAM ZE DE 'DRA BA DE LAS GZHAN PA BRAM ZE MA YIN PA DKA' THUB DANG THOS PA LA SOGS PAS DMAN PA'I DMANGS RIGS YIN PAR BSGRUBS PA LTA BU'O, ,MED PAR DGAG PA NI DNGOS PO'I NGO BO NYID TZAM ZHIG 'GOG PAR ZAD KYI DE DANG 'DRA BA DE MA YIN PA GZHAN GYI DNGOS PO SGRUB PAR MI BYED PA STE, DPER NA BRAM ZES CHANG BTUNG BAR MI BYA'O ZHES BYA BA DE TZAM ZHIG 'GOG PAR ZAD KYI DE LAS GZHAN PA'I BTUNG BA BTUNG NGO ZHE'AM MI BTUNG NGO ZHES MI BRJOD PA LTA BU'O, ,DES NA 'DIR NA 'JIG RTEN PAS YONGS SU BTAGS PA'I SA LA SOGS PA DON DAM PAR NA 'BYUNG BA'I NGO BO NYID MA YIN PAR DGAG PA TZAM ZHIG BYED PAR ZAD KYI GZHAN GYI NGO BO NYID YIN PA'AM, DNGOS PO MED PA'I NGO BO NYID YIN PAR MI SGRUB PA YIN NO, ,'DIR SA LA SOGS PA DAG CES BYA BA NI CHOS CAN YIN @60A *, ,LA; DON DAM PAR NA 'BYUNG BA'I NGO BO NYID MA YIN ZHES BYA BA NI DE'I CHOS YIN NO, ,CHOS CAN DANG CHOS BSDUS PA NI PHYOGS YIN TE, RIGS PA LA MKHAS PA DAG NA RE GZHAN LA GSAL BAR BYED PA'I PHYIR PHYOGS ZHES BYA'O ZHES ZER RO, ,'DIR GZHAN DAG GIS BRGAL BA KHYED CAG GI STON PA'I TSIG LAS 'DI SKAD CES, KYE BRAM ZE THAMS CAD THAMS CAD CES BYA BA NI PHUNG PO LNGA DANG SKYE MCHED BCU GNYIS DANG KHAMS BCO BRGYAD PO DAG GO ZHES BYA BA DANG, ,DE BZHIN DU GZUGS KYI MTSAN NYID NI GZUGS SU RUNG BA'O ZHES BYA BA LA SOGS PA 'BYUNG LA, ,KHYED KYIS KYANG DE KHAS BLANGS NAS DE NYID 'GOG PAR BYED NA KHAS BLANGS PAS GNOD DO, ,DE BZHIN DU YUL SO SOR NGES PA LA 'JUG PA NYID NI DBANG PO RNAMS KYI MNGON SUM YIN PAR GRAGS TE, MTHONG BA LAS LHAG PA'I TSAD MA GZHAN MED LA, KHYED DANG NYID KYI MIG GIS KYANG 'BYUNG BA'I DBYIBS DANG; GZUGS DAG MTHONG ZHING DE'I NGO BO NYID KYI REG PA RTZUB PA DAG KYANG TSOL LA 'DZIN PA LA SOGS PA'I BYA BA BYED PA 'JIG RTEN PA THAMS CAD KYANG NYE BAR GZUNG BA YOD BZHIN DU DE DAG 'GOG PA LA MNGON SUM GYIS KYANG GNOD DO, ,DE BZHIN DU GZUGS LA SOGS PA GANG YIN PA 'DI DAG DANG, DE DAG GI SRA BA DANG GSHER BA DANG TSA BA DANG G-YO BA LA SOGS PA'I NGO BO NYID GANG YIN PA DAG NI RI KHROD PA DANG GDOL PA YAN CHAD LA YANG GRAGS TE, DE LTAR 'JIG RTEN THAMS CAD LA GRAGS PA'I DNGOS PO'I NGO BO NYID GSAL BAR BYED PAS GRAGS PAS KYANG GNOD DO ZHE NA; BSHAD PAR BYA STE DON DAM PAR ZHES SAM BCAS PA'I KHYAD PAR YOD PA'I PHYIR KHAS BLANGS PA DANG MNGON SUM DANG GRAGS PA'I GNOD PA MED DO, ,GANG GI PHYIR BCOM LDAN 'DAS KYIS BDEN PA GNYIS BKA' STZAL PA, DE LA KUN RDZOB TU NI CHOS RNAMS KYI NGO BO NYID DANG, MTSAN NYID RNAM PAR GZHAG PA YANG MDZAD LA, DON DAM PAR NI NGO BO NYID MED PAR GSUNGS TE, DE LTAR YANG KOO SHI KA CHOS THAMS CAD NI NGO BO NYID KYIS STONG STE, CHOS THAMS CAD NGO BO NYID KYIS STONG PA GANG YIN PA DE NI DNGOS PO MED PA'O, ,DNGOS PO MED PA GANG YIN PA DE NI SHES RAB KYI PHA ROL TU @60B PHYIN PA'O ZHES GSUNGS PA LA SOGS PAS DNGOS PO NYID KYANG MED NA DE'I NGO BO NYID LTAG LA YOD DE, DE'I PHYIR KHAS BLANGS PAS GNOD PA YANG MED DO, ,MNGON SUM GYIS GNOD PA YANG MED DE, YUL RNAMS LOG PA YIN PA'I PHYIR DANG, DBANG PO RNAMS BLUN PA YIN PA'I PHYIR MTHONG BA LA SOGS PA'I NUS PA MED PA BZHIN DU YANG RAB RIB CAD LA SKRA DANG SBRANG MA DANG SBRANG BU LA SOGS PA SNANG BA LTA BU DANG, BRAG CA LA SOGS PA LTAR MNGON SUM YANG MNGON PA'I NGA RGYAL YIN PAS DE'I PHYIR GANG LA CI ZHIG MNGON SUM DU GYUR NA DES GNOD PAR 'GYUR, GRAGS PA'I GNOD PA YANG MED DE, GANG GI PHYIR 'JIG RTEN NA MI SHES PA'I LING TOG GIS MDONGS PA YIN PAS DON DAM PAR DPYAD PA'I SKABS SU DE NI NOR BU RIN PO CHE BRTAG PA DAG LA DMUS LONG MA BRTAGS PA BZHIN DU MI RTOGS PAS GRAGS PA'I GNOD PA MED DO, ,'O NA DON DAM PA NI GANG DAG BLO THAMS CAD LAS 'DAS PA YIN LA, DNGOS PO'I NGO BO NYID DGAG PA NI YI GE'I YUL YIN PAS DE'I PHYIR DGAG PA MED PAR MI 'GYUR RAB ZHE NA, DON DAM PA NI RNAM PA GNYIS TE, DE LA GCIG NI MNGON PAR 'DU BYED PA MED PAR 'JUG PA 'JIG RTEN LAS 'DAS PA ZAG PA MED PA SPROS PA MED PA'O, ,GNYIS PA NI MNGON PAR 'DU BYED PA DANG BCAS PAR 'JUG PA BSOD NAMS DANG YE SHES KYI TSOGS KYI RJES SU MTHUN PA DAG PA 'JIG RTEN PA'I YE SHES ZHES BYA BA SPROS PA DANG BCAS PA STE, 'DIR DE DAM BCAS PA'I KHYAD PAR NYID BZUNG BAS NYES PA MED DO,, GAL TE RANG GI PHYOGS BZHAG PA MED PA'I PHYIR DANG, GZHAN GYI PHYOGS SUN 'BYIN PA'I CO 'DRI BA NYID MA YIN NAM ZHE NA, KHO BO CAG GI PHYOGS LA NI NGO BO NYID STONG PA NYID YIN TE, CHOS RNAMS KYI NGO BO NYID NI DE YIN PA'I PHYIR DES NA CO 'DRI BA NYID MA YIN TE, RE ZHIG DE LTAR PHYOGS KYI SKYON MED PAR RNAM PAR GZHAG GO, ,RIGS PA CAN DAG GTAN TSIGS MED PA NI TSAD MA MA YIN NO ZHES BYA BA DE LTAR KUN TU ZHUGS PA YIN PAS DE'I PHYIR DAM BCAS PA'I MJUG THOGS SU BSGRUB PAR BYA BA 'KHRUL PA MED PA'I SHES PAR BYED PA BSTAN PA'I PHYIR GTAN TSIGS NYE BAR @61A *, ,'JOG PA NI BYAS PHYIR ZHES BYA BA YIN TE, BYAS PA ZHES BYA BA NI RGYU DANG RKYEN RNAMS KYIS MNGON PAR BSGRUBS PA'O, ,DE'I DNGOS PO NI BYAS PA NYID DE, DE'I PHYIR BYAS PA NYID KYI PHYIR ZHES BYA BA NI GTAN TSIGS KYI DON DU PHYIR ZHES SMOS SO, ,'O NA GTAN TSIGS 'DI MA GRUB PA YIN TE, MNGON PAR GSAL BA SMRA BA LA 'DI MA GRUB PA'I PHYIR RO ZHE NA, SKABS 'DI NYID DU 'OG NAS MNGON PAR GSAL BA 'GOG PAR 'GYUR BA'I PHYIR SKYON MED DO, ,MTHUN PA'I PHYOGS SU RJES SU 'GRO BA BSTAN PA NI GANG DANG GANG BYAS PA NYID YIN PA DE DANG DE 'BYUNG BA'I NGO BO NYID MA YIN TE, DPER NA SHES PA BZHIN NO, ,SHES PA JI LTAR BYAS PA NYID YIN ZHE NA, MTHO RIS DANG BYANG GROL LA SOGS PA'I RTOG GES YONGS SU BSGRUBS PA'I PHYIR RO, ,'DIR SHES PA YANG BYAS PA NYID KYI PHYIR 'BYUNG BA'I NGO BO NYID MA YIN NO ZHES DGAG PA YANG MED PAR DGAG PA'I DON NYID DANG SBYAR RO, ,TSUL GSUM PA'I RTAGS LAS 'DIR MI MTHUN PA'I PHYOGS LAS LDOG PA NYID KYI TSUL MA BSTAN PA NI 'DIR SMRA BAR 'DOD PA'I TSUL GNYIS KHO NA'I GTAN TSIGS KYIS THA SNYAD BYED DO, ,PHYOGS KYI CHOS NYID MTHUN PA'I PHYOGS KHO NA LA YOD PAR ZAD KYI, DE DANG MI MTHUN PA'I DNGOS PO GANG LA NGO BO NYID YOD PA GZHAN RDUL PHRAN TZAM YANG MED PAS MI MTHUN PA'I PHYOGS NYID MED PA'I PHYIR DES NA MI MTHUN PA'I PHYOGS LAS LDOG PA'I DPE DANG GTAN TSIGS BSTAN PA MA BYAS SO, ,GTAN TSIGS KYI RNAM GRANGS GZHAN BSTAN PA'I PHYIR RGYU LDAN SOGS ZHES BYA BA SMRAS TE, RGYU LDAN ZHES BYA BA NI 'DI LA RGYU YOD PA'I PHYIR RGYU DANG LDAN PA'O, ,RGYU DANG LDAN PA'I DNGOS PO NI RGYU DANG LDAN PA NYID DO, ,SOGS PA ZHES BYA BA'I SGRAS NI DNGOS PO NYID DANG, SHES BYA NYID DANG, BRJOD PAR BYA BA NYID LA SOGS PA'I GTAN TSIGS GZHAN DAG KYANG GZUNG NGO, ,'DIR YANG RGYU DANG LDAN PA LA SOGS PA NYID KYI PHYIR ZHES BYA BA NI GTAN TSIGS KYI DON DU PHYIR ZHES SMOS TE, ,GANG DANG GANG RGYU DANG LDAN PA NYID DANG, DNGOS PO NYID DANG, SHES BYA NYID DANG, BRJOD PAR BYA BA NYID LA SOGS PA GANG YIN PA DE DANG DE NI @61B 'BYUNG BA'I NGO BO NYID MA YIN TE, DPER NA SHES PA BZHIN NO, ,DE BZHIN DU SA LA SOGS PA DAG KYANG DON DAM PAR NA 'BYUNG BA'I NGO BO NYID MA YIN NO ZHES BYA BAR SBYAR RO, ,DE LTAR PHYOGS 'DIS TSAD MA THAMS CAD KYANG RNAM PAR BSHAD PAR BYA'O, ,'DIR GANG DAG GO SLA BA DANG RNAM PAR BSHAD ZIN PA'I DON DE DAG NI 'OG NAS KYANG YI GE MANGS KYIS DOGS NAS RNAM PAR MI 'CHAD DO, ,SPYIR DGAG PA BSTAN NAS DE DAG BYE BRAG TU DGAG PA BSTAN PA'I PHYIR, ,SA NI SRA BA'I NGO BO MIN, ,'BYUNG BA NYID PHYIR RLUNG BZHIN NO, ,SA YI LAS NI 'DZIN MA YIN, ,BYAS PA NYID PHYIR CHU BZHIN NO, ,ZHES BYA BA LA SOGS PA SMRAS TE, 'JIG RTEN DANG CHOS MNGON PA LA SOGS PA'I BSTAN BCOS LAS SA'I MTSAN NYID NI SRA PA NYID YIN PA LAS NI BRTAN PAR BYED PAR BSTAN PAS DE DAG DGAG PA'I PHYIR TSAD MA RNAM PA GNYIS NYE BAR BKOD DE, GANG GI PHYIR CHU DANG ME DANG RLUNG LAS LOGS SHIG NAS ZHES BYA BA 'GA' YANG YOD PA MA YIN TE, 'DUS PA'I NGO BO NYID DAG LAS SA'I MTSAN NYID LOGS SHIG TU BKAR TE BSTAN PAR NI JI LTAR YANG MI NUS LA, LAS KYI BYE BRAG KYANG DE BZHIN PAS DE'I PHYIR NGO BO NYID YOD PA MA YIN NO, ,DE LTAR DPYAD PA NA, MED KYANG GAL TE DE NYID DU, ,SA YI DNGOS NYID SRA SNYAM NA, ,RNAL 'BYOR PA DAG DE LA NI, ,'BYUNG DANG 'BYING BA MI RIGS SO, ,ZHES BYA BA NI NGO BO NYID MED PA NYID YIN NA YANG DE'I MTSAN NYID DE LTA BU YOD PAR SEMS NA RNAL 'BYOR PA DAG SA LA CHU LA BYA BA BZHIN DU STENG DU 'BYUNG BA DANG 'OG TU 'BYING BA DAG MI RIGS SO, ,GAL TE BSAM GTAN GYI MTHUS SRA BA NYID KYANG GSHER BA NYID DU SGYUR BAR BYED DO ZHE NA, BSAM GTAN PA YI BSAM GTAN MTHUS, ,SA NI GSHER BA NYID MI RIGS, ,DE CI'I PHYIR ZHE NA, NGO BO NYID LA 'GYUR MED PHYIR, ,YANG NA DE NYID SRA MA YIN, ,NGO BO NYID CES BYA BA NI BYAS PA MA YIN PA DANG, 'GYUR BA MED PA YIN PAS SUS KYANG NAM YANG GZHAN DU BSGYUR BAR MI NUS PA'I PHYIR RO, ,YANG NA GAL TE RNAL 'BYOR PA DAG GIS SA'I SRA BA NYID GZHAN DU BSGYUR DU RUNG NA NI DE'I NGO BO NYID SRA BA YIN NO ZHES BYA BA DE JI LTA BUR RUNG BAR 'GYUR, DE BZHIN CHU DANG @62A *, ,ME RLUNG DAG ,GSHER LA SOGS PA'I DNGOS NYID MIN, ,DE DAG LAS KYANG SDUD PA DANG, ,SMIN DANG G-YO BAR BYED MI RIGS, ,ZHES BYA BA NI CHU LA SOGS PA DAG KYANG THAMS CAD 'BYUNG BA CHEN PO BZHI'I RGYU LAS BYUNG BA YIN TE, DE DAG THAMS CAD LA SRA BA DANG GSHER BA DANG TSA BA DANG YANG BA NYID YOD PAS DE DAG GI RANG GI MTSAN NYID 'BA' ZHIG PA RNAM PAR GZHAG PA NI BSTAN PAR DKA'O, ,LAS KYANG THAMS CAD LA CHA MNYAM PAR YOD DE KHA CIG LA LHAG PAR SNANG BA NI RNAM PAR RMONGS PA BSKYED PA YIN NO, ,GANG GI PHYIR DE DAG GI RDUL PHRA RAB KYANG 'DUS PA'I NGO BO NYID DE, SA DANG CHU DANG ME DANG RLUNG DANG GZUGS DANG DRI DANG RO DANG REG PA ZHES BYA BA RDZAS BRGYAD 'DUS PA YIN PAS DE'I PHYIR GANG GIS SO SO LA NGO BO NYID DANG LAS RNAM PAR GZHAG PAR BYA BA'I MTSAN NYID 'BA' ZHIG PA NI GANG LA CI YANG MED LA, LAS 'BA' ZHIG PA YANG GANG LA CI YANG MED DO, ,DE LTAR YANG DAG PAR NA DE DAG 'BYUNG BA'I NGO BO NYID MA YIN BZHIN DU YANG GAL TE NGO BO NYID YOD PAR SEMS NA, RNAL 'BYOR PA DAG GTING DANG PHA ROL GYI MU MED PA'I CHU LA SA'I STENG BZHIN DU RGYU BA DANG, NAGS MES MCHED PA YANG BA MO DANG MU TIG LTAR BSIL BA NYID DU BYED PA DANG, BRAG GI RTZE MO RNAM PAR 'JOMS PA'I RNAM PAR 'THOR RLUNG DAG KYANG SOR MO'I RTZE MOS MI G-YO BAR BYED PA DAG JI LTAR RUNG STE, DE'I PHYIR NGO BO NYID KYANG YOD PA MA YIN LA, LAS KYANG YOD PA MA YIN NO, ,SDUD PA NI GZUNGS BYED PA'O; ,SMIN PA NI DRO BA'O, ,G-YO BA NI 'GUL BA ZHES BYA BA'I THA TSIG GO , ,'DIR KHA CIG GIS SMRAS PA, RDZU 'PHRUL DANG LDAN PA RNAMS KYI SEMS MNYAM PAR GZHAG PA'I MTHU'I BYE BRAG GIS, DNGOS PO THOGS PA DANG BCAS PA'I RDZAS RNAMS LA GANG DU 'GRO BAR 'DOD PA DAG TU 'GRO BA 'GRUB PAR ZAD KYI, DNGOS PO RNAMS RNAM PA THAMS CAD DU MED PA'I PHYIR NI MA YIN NO, ,GAL TE DNGOS PO RNAMS MED PA'I PHYIR THOGS PAR MI 'GYUR BA YIN NA NI RDZU 'PHRUL DANG LDAN PA MNYAM PAR BZHAG PA LAS LANGS PA DANG, SROG CHAGS GZHAN DAG @62B KYANG RANG GI GNAS LA SOGS PA NA GNAS PAR YANG MI 'GYUR BA ZHIG NA THOGS PAR YANG MTHONG BAS DE'I PHYIR DNGOS PO RNAMS RNAM PA THAMS CAD DU MED PA MA YIN NO, GAL TE 'DI LTAR YONGS SU RTOG STE, RNAL 'BYOR PA MNYAM PAR BZHAG PA LAS LANGS PA DAG GI MOS PA'I DBANG GIS NA DNGOS PO YOD PA MA YIN YANG LUS LA THOGS PA KHO NAR 'GYUR RO ZHE NA, DE NI MI RUNG STE, GANG GI PHYIR ZHE NA, MOS PA'I MTSAN MA MA YIN TE, NAM MKHAR 'DU SHES PA MUN PA LA SOGS PA'I NANG DU KA BA LA SOGS PA DAG LA THOGS PA YOD PA'I PHYIR DANG, SHEL LA SOGS PA'I SKYANG NUL DAG LA CHUR 'DU SHES PA YANG LOG PA YIN PA BZHIN NO ZHE NA, 'DIR BSHAD PA, MOS PA YANG GZHAN LA 'DOD PA'I KHYAD PAR YANG GZHAN KHO NA YIN TE, JI LTAR ZHE NA, GANG GI PHYIR RNAL 'BYOR PA'I MOS PAS ZAD PAR NAM MKHA' LA SOGS PA DAG LA SA DANG CHU DANG ME DANG RLUNG LA SOGS PA THAMS CAD NAM MKHA' KHO NAR MOS PAR BYED PA'I RNAL 'BYOR PA 'BA' ZHIG LA DE LTAR SNANG BAR ZAD KYI, GZHAN SU LA YANG MI SNANG BA'I PHYIR DANG, DNGOS PO GZHAN DAG NAM MKHA' NYID DU YANG MI 'GYUR BA'I PHYIR RO, ,'DOD PA'I KHYAD PAR GYIS NI RNAL 'BYOR PA'I RDZU 'PHRUL GYI MTHUS SA YANG GSHER PA NYID DU BYED PA KHO NA YIN GYI, ,MOS PA TZAM DU MA ZAD DE, RTZIG PA DANG RA BA DANG RI LA SOGS PA DAG LA THAL BYUNG DU THOGS PA MED PAR 'GRO BA'I PHYIR DANG, CHU YANG SRA BA NYID DU BYED DE, CHU LA YANG SA LA BYA BA BZHIN DU MI 'GYUR BAR 'GRO BA'I PHYIR DANG, ME YANG BSIL BA NYID DU BYED DE SEMS CAN DMYAL BA'I BSREG BYA 'BAR BA DAG ZHI BAR BYED PA'I PHYIR DANG, RLUNG GI G-YO BA YANG THOGS PAR BYED DE, RNAM PAR 'THOR RLUNG CHEN PO LA SOGS PA'I RLUNG GI DKYIL 'KHOR DAG KYANG SOR MO GCIG GIS GNON PAR BYED PA'I PHYIR RO, ,'DOD PA'I KHYAD PAR GYIS KHA CIG TU NI BDAG NYID KHO NA LA THOGS PA MED PAR STON PAR YANG BYED DE, RI LA SOGS PA DAG LA BDAG NYID LHUNG BZED DANG, CHOS GOS DANG, YO BYAD DAG DANG BCAS BZHIN DU THOGS PA MED PAR 'GRO BA'I PHYIR RO, ,KHA CIG @63A *, ,TU NI GZHAN DAG KHO NA STON TE, DPER NA YI DAGS LA SOGS PA LA CHU LA SOGS PA SBYIN PA LTA BU'O, ,KHA CIG TU NI RANG DANG GZHAN GNYIG STON TE, DPER NA SEMS CAN DMYAL BA'I ME 'BAR BA LA SOGS PA ZHI BAR BYED PA LTA BU'O, ,DE LA GAL TE MOS PA TZAM KHO NAR ZAD NA NI DNGOS PO GZHAN DU MI 'GYUR BAS ME'I GDUNG BA YANG ZHI BAR MI 'GYUR LA, SKOM PA YANG NGOMS PAR MI 'GYUR BA'I RIGS NA DE LTA MA YIN NO, ,SHEL LA SOGS PA'I SKYANG NUL DAG LA CHUR 'DU SHES PA NI LOG PA YIN PAS DPER MI RUNG NGO, ,ZAD PAR NAM MKHA' LA SOGS PA DAG DON DAM PA NYID YIN PAR GYUR NA YANG SA LA SOGS PA NGO BO NYID YOD PA NYID DU MI 'GRUB BO, ,KHA CIG ,'BYUNG BA MKHA' RLUNG ME CHU SA, ,YON TAN DAG NI LHAG PA YIN, ,SGRA DANG REG PA GZUGS DANG RO, ,DRI DANG DE YI YON TAN YIN, ,ZHES BYA BAR 'DOD PAS DE DGAG PA'I PHYIR, RLUNG LA SOGS PA KUN RDZOB TU, ,YON TAN MNYAM PAR MI 'DOD MIN, ,LUS KYI DBANG POS DMIGS PHYIR DANG, ,'BYUNG BA YIN PHYIR SA BZHIN NO, ,ZHES BYA BA SMRAS TE, RLUNG LA SOGS PA DE DAG NI KUN RDZOB TU YANG THAMS CAD YON TAN CHA MNYAM PA YIN TE, LUS KYI DBANG POS DMIGS PA'I PHYIR DANG, 'BYUNG BA NYID YIN PA'I PHYIR DPER NA SA BZHIN NO, ,NAM MKHA' NYID MA YIN TE, 'BYUNG BA NYID YIN PAR MI RIGS PA'I PHYIR RO, ,LA LA YON TAN KHA CIG SHAS CHE BA YOD DO, ,LA LA YON TAN KHA CIG BAG LA ZHA STE, HA CANG CHA PHRA BA'I PHYIR NGES PAR GZUNG BAR MI NUS SO, ,KHA CIG NI SA LA SOGS PA 'DUS PA'I BDAG NYID KYANG YIN LA, RDZAS SU YOD PA KHO NAR YANG 'DOD DE, 'DI LTAR GANG RDUL PHRA RAB TU BSHIG KYANG DE'I BLO YOD PA NYID YIN PA DE'I RDZAS SU YOD PA NYID YIN NO ZHE NA, DE NI RIGS PA MA YIN TE, GANG GI PHYIR, SA LA SOGS PA RDZAS YOD MIN, ,TSOGS PA'I YAN LAG MIN MED PHYIR, ,GANG DAG JI SKAD BSTAN PA DE, ,RDZAS YOD MA MTHONG NAGS TSAL BZHIN, ,ZHES BYA BA LA SA LA SOGS PA NI RDZAS SU YOD PA MA YIN TE, CHU LA SOGS PA'I TSOGS PA'I YAN LAG MA @63B GTOGS PAR SA ZHES BYA BA DMIGS SU MED PA'I PHYIR RO, ,GANG TSOGS PA'I YAN LAG MA BZUNG NA GZUNG DU MED PA DE NI RDZAS SU YOD PA MA YIN TE, DPER NA NAGS TSAL BZHIN NO, ,SHING DHA BA DANG SENG LDENG DANG, PA LA SHA LA SOGS PA MA GTOGS PAR NAGS TSAL ZHES BYA BA GZUNG DU MED PA BZHIN NO, ,'DUS PA LA NI NAGS TSAL ZHES THA SNYAD GDAGS SU RUNG NGO, ,GANG GI PHYIR SA LA SOGS PA RDZAS SU YOD PA MA YIN PA DE'I PHYIR DE'I YUL CAN GYI BLO GROS KYANG RDZAS SU YOD PA MA YIN TE, RGYU YOD PA'I PHYIR DANG, 'JIG PA'I PHYIR NAGS TSAL GYI BLO BZHIN PAS DE'I PHYIR; SA LA SOGS PA YUL GYI BLO, ,DE YANG RDZAS YOD MA YIN 'DOD, ,RGYU DANG BCAS PHYIR 'JIG PA'I PHYIR, ,NAGS TSAL LA SOGS BLO BZHIN NO, ,ZHES BYA BA SMRAS SO, ,SGRA NI GNAS DANG BYED PA DANG, RTZOL BA DAG LAS MNGON PAR 'GRUB PA'I PHYIR GANG GIS SA LA SOGS PA BRJOD PA'I SGRA DE YANG, SA LA SOGS PA STON PA'I SGRA, ,BRJOD PA RDZAS SU MI 'DOD DE, ,MNYAN PA YIN PHYIR DMAG LA SOGS, ,STON PA'I SGRA DAG MI 'DOD BZHIN, ,'DIR BYE BRAG PA DAG PHYIR ZLOG PAR BYED DE, GANG DAG LA NAGS TSAL DANG DMAG LA SOGS PA RDZAS SU YOD PA MA YIN PA DE DAG LA SKYON 'DI LTA BUR 'GYUR TE, KHO BO CAG GI TSIG LAS PHRAD PA RNAMS KYI RDZAS ZHES 'BYUNG BAS NAGS TSAL LA SOGS PA DAG RDZAS SU YOD PA KHO NA YIN NO, ,JI LTAR ZHE NA, 'DI NA SHING PA LA SHA NAGS TSAL RTZOM PA NI PHRAD PA DANG BCAS PAS SHING PAN DA NA DANG LHAN CIG SBYOR BAR 'GYUR RO, ,SHING PA LA SHA DANG PAN DAN GNYIS KYANG PHRAD PA DANG BCAS PAS SHING DHA BA LA SOGS PA DANG LHAN CIG SBYOR BAR 'GYUR RO, ,DE BZHIN DU GLANG PO CHE DMAG RTZOM PA NA YANG PHRAD PA DANG BCAS PAS RTA DANG LHAN CIG SBYOR BAR 'GYUR BA GLANG PO CHE DANG RTA GNYIS DANG PHRAD PA DANG BCAS PAS SHING RTA LA SOGS PA DANG LHAN CIG SBYOR BAR 'GYUR BAS DE'I PHYIR NAGS TSAL DANG DMAG LA SOGS PA DAG RDZAS SU YOD PA'I PHYIR KHYED KYI DPE LA BSGRUB PAR BYA BAS STONG PAS DPE MED DO ZHES ZER RO, ,GRANGS CAN DAG KYANG 'DI SKAD CES ZER TE, GRANGS NI RNAM PA GNYIS TE, NGES @64A *, ,PA'I GRANGS NI GCIG BU PA'O, ,MA NGES PA'I GRANGS NI NYI SHU PA LA SOGS PA'O, ,DE LA GANG GI TSE MA NGES PA RDZAS DU MA DAG LA NGES PA'I GRANGS SU 'JUG PA DE'I TSE NA NAGS TSAL LA SOGS PA'I THA SNYAD YOD PAS, NAGS TSAL LA SOGS PA DE DAG KYANG RDZAS SU YOD PA YIN TE, GRANGS DANG LDAN PA'I PHYIR RO, ,DE'I YUL CAN GYI BLO DANG SGRA YANG RDZAS SU YOD PA KHO NA YIN PAS DE'I PHYIR, NAGS TSAL GYI BLO DANG SGRA'I DPE DAG SA LA SOGS PA RDZAS SU YOD PA MA YIN PA'I DPER MI RUNG NGO ZHES ZER RO, ,DE LA RE ZHIG BYE BRAG PA DAG LA SKYON 'DOGS PA LTAR SNANG BA NYID YIN PAR BSTAN PA'I PHYIR, PA LA SHA PAN DHA LA SOGS PA, ,NAGS TSAL RTZOM PA YIN MI 'DOD, ,RGYU LDAN LA SOGS GTAN TSIGS KYIS, ,DPER NA RTZA BA LA SOGS BZHIN, ,ZHES BYA BA SMRAS TE, SHING PA LA SHA DANG PAN DHA LA SOGS PA DAG NI NAGS TSAL RTZOM PA YIN PAR MI 'DOD DE, JI LTAR PA LA SHA LA SOGS PA NI NAGS TSAL GYI YAN LAG TU GYUR PA YIN LA, DE DAG GI YAN LAG NI RTZA BA LA SOGS PA YIN LA, YAN LAG NYID YIN PAR 'DRA BZHIN PA LAS PA LA SHA LA SOGS PA NI NAGS TSAL RTZOM PAR BYED PA YIN LA, RTZA BA LA SOGS PA DAG NI MA YIN NO ZHES BYA BA 'DI LA GTAN TSIGS KYI KHYAD PAR CI YOD, DE'I PHYIR PA LA SHA DANG PAN DHA LA SOGS PA DE DAG NI NAGS TSAL RTZOM PAR BYED PA MA YIN NO, ,DE CI'I PHYIR ZHE NA, RGYU DANG LDAN PA'I PHYIR ZHES BYA BA LA SOGS PA'I GTAN TSIGS KYIS TE, DPER NA RTZA BA DANG SDONG BU DANG LO MA DAD 'DAB MA LA SOGS PA BZHIN NO, ,'DIR SMRAS PA, SHING DHA BA DANG, PA LA SHA LA SOGS PA YAN LAG TU GYUR PA THAMS CAD LA NAGS TSAL YAN LAG CAN SO SO'I RJES SU ZHUGS PA LTAR NGES PAR GZUNG DU RUNG STE, YAN LAG DE DAG MED PAR YAN LAG CAN NAGS TSAL DMIGS SU MED PA'I PHYIR TE, DE'I PHYIR PA LA SHA LA SOGS PA NI NAGS TSAL RTZOM PAR BYED PA YIN LA, RTZA BA LA SOGS PA NI MA YIN NO, ,BSHAD PA, YAN LAG CAN GYI NAGS TSAL NI, ,PA LA SHA LA SOGS BRTZAMS MIN, ,DE DAG RE RER MA RDZOGS PHYIR, ,YAL GA LA SOGS GANG YIN BZHIN, ,ZHES BYA BA LA YAN @64B LAG CAN ZHES BYA BA NI 'DI LA YAN LAG YOD PA'I PHYIR YAN LAG CAN NO, ,YAN LAG CAN GYI NAGS TSAL ZHES BYA BA DE NI PA LA SHA LA SOGS PAS BRTZAMS PA MA YIN NO ZHES DAM BCA'O, ,CI'I PHYIR ZHE NA, PA LA SHA LA SOGS PA DE DAG RE RE LA NAGS TSAL DE MA RDZOGS PA'I PHYIR TE, DPER NA YAL GA DANG YAL GA PHRA MO LA SOGS PA GANG DAG YIN PA DE DAG LA NAGS TSAL ZHES BYA BA MA RDZOGS PA'I PHYIR, NAGS TSAL DE YAL GA LA SOGS PA DE DAG GIS BRTZAMS PA MA YIN PA DE BZHIN DU PA LA SHA LA SOGS PA DE DAG RE RE LA YANG NAGS TSAL ZHES BYA BA DE MA RDZOGS PA'I PHYIR, DE DE DAG GIS BRTZAMS PA MA YIN PAR GRUB PAS NAGS TSAL LA SOGS PA DAG RDZAS SU YOD PA MA YIN NO, ,DE'I PHYIR BYE BRAG PA DAG GI PHYOGS LA DPE'I SKYON YANG MI 'THAD DO, ,GNYIS PA GRANGS CAN GYI PHYOGS LA JI LTAR DPE'I SKYON MED PA DE DE LTAR 'DI BRJOD DE, NAGS TSAL SGRA NI MA NGES PA, ,DU MA'I RDZAS GRANGS 'JUG PA YIN, ,KHYAD PAR CAN GYI BLOS BRTAG PHYIR, ,BUM BZANGS LA SOGS SGRA BZHIN NO, ,ZHES BYA BA LA NAGS TSAL GYI SGRA NI PA LA SHA LA SOGS PA MA NGES PA DU MA'I RDZAS KYI GRANGS BRJOD PA LA 'JUG PA MA YIN NO ZHES DAM BCA'O, ,DE CI'I PHYIR ZHE NA, KHYAD PAR CAN GYI BLOS BRTAG PA'I PHYIR ZHES BYA BA'I GTAN TSIGS NYID KYIS RTOGS PA'I PHYIR TE, DPER NA BUM PA DANG, ZANGS DANG, PHRU TOG LA SOGS PA GCIG LA SOGS PAR NGES PAR GRANGS LA 'JUG PA'I SGRA BZHIN NO, ,DE LTAR RE ZHIG RIGS PA'I SGO NAS SA LA SOGS PA DAG MTSAN NYID YOD PA MA YIN PA DANG RDZAS SU YOD PA MA YIN PAR GNAS SO, ,LUNG GI SGO NAS KYANG BCOM LDAN 'DAS KYIS NANG GI SA'I KHAMS GANG YIN PA DANG, PHYI ROL GYI SA'I KHAMS GANG YIN PA DE NI DE BZHIN GSHEGS PAS GNYIS SU MED PA'I DON DANG, GNYIS SU MED PA DANG, GNYIS SU BYAR MED PA DANG, 'DI LTA STE, MTSAN NYID MED PAR MTSAN NYID GCIG PAR MNGON PAR RDZOGS PAR SANGS RGYAS SO ZHES BKA' STZAL CING, DE BZHIN DU, BLO YIS RNAM PAR DPYAD PA NA, ,GANG PHYIR DNGOS NYID GZUNG MED PA, ,DE PHYIR DBYUNG BA MED PA DANG, ,DNGOS NYID MED PAR NGA SMRA'O, ,ZHES GSUNGS SO, ,'DIR CHOS @65A *, ,MNGON PA BDAG GIS SMRAS PA, 'BYUNG BA'I BYE BRAG RNAMS NI NGO BO NYID YOD PA KHO NA YIN NO, ,DE DAG RGYUR BYAS NAS KHA DOG DANG DBYIBS KYI BDAG NYID KYI GZUGS RNAM PA NYI SHU 'BYUNG BA'I PHYIR TE, 'DI NA GANG NGO BO NYID MED PA NI DE RGYUR BYAS NAS CI YANG MI 'BYUNG STE, DPER NA RI BONG GI RVA DAG BZHIN NO, ,'BYUNG BA RNAMS RGYUR BYAS PA LAS NI KHA DOG DANG, DBYIBS KYI BDAG NYID KYI GZUGS GANG MIG GIS GZUNG BAR BYA BA DAG 'BYUNG STE, DE'I PHYIR 'BYUNG BA RNAMS NI NGO BO NYID YOD PA KHO NA YIN NO ZHE NA, 'DIR BSHAD PA, KUN RDZOB TU GZUGS KYI SKYE MCHED CES BYA BA YANG DAG PA MA YIN PA KUN RTOG PAS KUN NAS BSLANG BA DE YOD PA KHO NA YIN TE, DE YANG BYIS PA RNAMS NI SGYU MA DANG SMIG RGYU DANG, DRI ZA'I GRONG KHYER LA SOGS PA LA LTA BA BZHIN DU LTA BA RNAM PAR RMONGS LA, 'PHAGS PA RNAMS NI DE LTA MA YIN TE, GANG GI PHYIR 'JIG RTEN PA'I RNAL 'BYOR PA NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED KYI SNYOMS PAR 'JUG PA SGOM PA LA GNAS PA DAG KYANG RE ZHIG GZUGS KYI 'DU SHES DANG, THOGS PA'I 'DU SHES RNAM PA THAMS CAD DU NUB CING DE BZHIN DU RNAM PAR THAR PA BRGYAD DANG, ZIL GYIS GNON PA'I SKYE MCHED DANG, ZAD PAR GYI SKYE MCHED DAG BSGOM PA GOMS PAR 'JUG TU YANG GZUGS KYI 'DU SHES SPONG BAR 'GYUR NA, THEG PA CHEN PO BLA NA MED PA'I RNAL 'BYOR PA BSKAL PA DPAG TU MED PAR DNGOS PO'I RANG GI NGO BO NYID DU BSGOMS PA STONG PA NYID DANG, MTSAN MA MED PA DANG, SMON PA MED PA BSGOM PA MTHAR PHYIN PA LA GNAS PA RNAMS GZUGS SU 'DZIN PAR 'GYUR BA LTA SMOS KYANG CI DGOS TE, DE RIGS PA MA YIN PAS DE NYID KYI PHYIR BSHAD PA, GANG PHYIR GZUGS NI DON DAM DU, ,MIG GI DBANG PO'I GZUNG BA MIN, ,BSAGS PHYIR DPER NA SGRA BZHIN DANG, ,'BYUNG LAS GYUR PHYIR DE NYID BZHIN, ,ZHES BYA BA LA MIG GI YUL GYI GZUGS NI DON DAM PAR NA MIG GI DBANG PO'I GZUNG BA MA YIN NO ZHES DAM BCA'O, ,MIG CES BYA BA NI BLTA BA'I PHYIR MIG STE, DON RNAMS GSAL BAR 'DZIN PA ZHES BYA BA'I THA TSIG GO , ,DBANG PO ZHES BYA BA NI BSDUS PA 'DI LAS RANG GI YUL BYE BRAG TU 'BYED PA'I SGO NAS @65B DBANG BYED PAS DBANG PO'O, ,GZUGS NI DES GZUNG ZHING BRTAG PAR BYA BA MA YIN TE, CI'I PHYIR ZHE NA, BSAGS PA'I PHYIR TE, RDZAS BRGYAD BSAGS PA'I PHYIR TE DPER NA SGRA BZHIN NE ZHES BYA BAR SBYAR RO, ,YANG NA 'BYUNG BA LAS GYUR PA'I PHYIR DPER NA SGRA DE NYID BZHIN TE, GZUGS DANG SGRA GNYI GA BSAGS PA DANG 'BYUNG BA LAS GYUR PA NYID YIN PAR 'DRA BZHIN DU GZUGS NI MIG GI YUL YIN LA, SGRA NI MA YIN NO ZHES BYA BA'I GTAN TSIGS KYI KHYAD PAR MED PA'I PHYIR RO ZHES BYA BA'I THA TSIG GO , ,YANG RNAM GRANGS GZHAN DU NA, GZUGS NI MIG GIS GZUNG MIN TE, ,'BYUNG LAS GYUR PHYIR RANG GZUGS BZHIN, ,BDE LA SOGS 'BYUNG RGYU PHYIR DANG, ,BRJOD BYA YIN PHYIR RO SOGS BZHIN, ,ZHES BYA BA LA, GZUGS NI MIG GIS GZUNG BA MA YIN TE, 'BYUNG BA LAS GYUR PA'I PHYIR RANG GI GZUGS BZHIN NO ZHES BYA BAR SBYAR TE, KHYED KYI LUNG LAS GZUGS GANG YIN PA CI YANG RUNG STE, DE THAMS CAD MIG GI YUL YIN NO ZHES BYA BA DE YANG RANG GI GZUGS DANG GZHAN GYI GZUGS KYI BYE BRAG LAS RNAM PA GNYIS SU DBYE STE, DE LA 'DIR NI GZHAN GYI GZUGS CHOS CAN NYID DU GZUNG NGO, ,DE MIG GIS GZUNG BA MA YIN NO ZHES BYA BA NI DE'I CHOS SO, ,'BYUNG BA LAS GYUR PA'I PHYIR ZHES BYA BA LA SOGS PA NI GTAN TSIGS SO, ,RANG GI GZUGS BZHIN NO ZHES BYA BA NI DPE STE, 'DI LTAR MIG GI RANG GI GZUGS NI AUTPALA'I 'DAB MA LTAR SNGO BA, 'BRAS BU CUNG ZAD BKRA BA, RDZI MA BUNG BA'I TSOGS LTAR GNAG CING MDZES PAS BKAB PA, MIG SMAN GYI RDUL MDZES PAS MDOG BSGYUR BA STE; DE LTA BU'I MIG GI GZUGS KYANG MIG NYID KYIS GZUNG BA MA YIN PA, DE BZHIN DU GZHAN GYI GZUGS KYANG MIG DES GZUNG BA MA YIN NO, GZHAN YANG BDE BA LA SOGS PA 'BYUNG BA'I RGYU YIN PA'I PHYIR DANG, BRJOD PAR BYA BA YIN PA'I PHYIR DPER NA RO LA SOGS PA BZHIN NO, ,DE LTAR GZUGS YUL GYI DNGOS POR YOD PA MA YIN PAS DE YOD PA MA YIN PA'I PHYIR, MIG KYANG YUL CAN NYID DU YOD PA MA YIN LA, DE DAG GI SGRA YANG DE DAG BRJOD PA NYID MA YIN NO, ,DE DAG RGYUR BYAS NAS GZUGS 'BYUNG BA'I PHYIR TE ZHES BYA BA'I GTAN TSIGS TE DON MA GRUB PA NYID DU BSTAN PA'I PHYIR, DE BZHIN GZUGS @66A *, ,NI 'BYUNG 'GYUR MIN, ,'BYUNG PHYIR ME LA SOGS PA BZHIN, ,RGYU LDAN LA SOGS GTAN TSIGS KYIS, ,YANG NA SEMS BZHIN SHES PAR BYA, ,ZHES BYA BA SMRAS TE, GZUGS NI 'BYUNG BA LAS GYUR PA MA YIN TE, 'BYUNG BA DANG LDAN PA'I PHYIR ME LA SOGS PA BZHIN TE 'BYUNG BA LAS GYUR PA NI 'BYUNG BA RNAMS LAS MNGON PAR GRUB PA'O, ,DE YANG 'BYUNG BA DANG LDAN PA'I PHYIR DANG, RGYU DANG LDAN PA LA SOGS PA'I GTAN TSIGS KYIS 'BYUNG BA'I RANG GI GZUGS BZHIN NAM, YANG NA SEMS BZHIN DU 'BYUNG BA LAS GYUR PA'I NGO BO NYID MA YIN TE, GANG GI PHYIR 'BYUNG BA RNAMS MA GTOGS PAR 'BYUNG BA LAS GYUR PA'I GZUGS DMIGS SU MED DE, 'DUS PA'I BDAG NYID YIN PA'I PHYIR RO, ,DE'I PHYIR 'BYUNG BA DAG KHO NA BZHIN DU 'BYUNG BA LAS GYUR PA 'DI'I NGO BO NYID KYANG RDZAS SU YOD PA NYID MA YIN NO ZHES BYA BAR BSAMS SO, ,DES NI KHA DOG DBYIBS DANG NI, ,BSAGS DANG PHRA DANG RAGS SOGS KYI; ,DBYE BAS GZUGS KYI MTSAN NYID DAG ,JI SNYED RNAM PAR BRTAGS PA RNAMS, ,ZHES BYA BA LA, KHA DOG GI GZUGS NI RNAM PA BZHI STE, SNGON PO DANG, SER PO DANG, DMAR PO DANG, DKAR PO'O, ,DBYIBS KYI GZUGS NI RNAM PA BRGYAD DE THUNG NGU DANG, RING PO DANG, LHAM PA DANG, GRU BZHI DANG; MNYAM PA DANG, MI MNYAM PA DANG, MTHON PO DANG, DMA' BA'I BYE BRAG GIS SO, ,BSAGS PA NI RDUL PHRA RAB LA SOGS PA DAG GIS BSAGS PA'O, ,PHRA BA NI SRO MA DANG YUNGS KAR LA SOGS PA'O, ,RAGS PA NI RI LA SOGS PA'O, ,DE BZHIN DU THAG RING BA DANG NYE BA DANG, LHA DANG, MI DANG; NGAN PA DANG, BZANG PO LA SOGS PA'I BYE BRAG GI DBYE BAS RDUL PHRAN GYI GZUGS KYI MTSAN NYID JI SNYED GZHAN DAG GIS RNAM PAR BRTAGS PA RNAMS, JI LTAR RIGS PA'I SBYOR BA YIS, ,BKAG PAR KHONG DU CHUD PAR BYA, ,ZHES BYA BAR SBYAR TE, JI LTAR ZHE NA, DE BZHIN GZUGS NI KHA DOG MIN; ,'BYUNG PHYIR ME LA SOGS PA BZHIN, ,RGYU LDAN LA SOGS GTAN TSIGS KYIS, ,YANG NA SEMS BZHIN SHES PAR BYA, ,ZHES JI LTAR RIGS PA'I SBYOR BAS BKAG PA KHONG DU CHUD PAR BYA'O, ,SGRA DANG DRI DANG RO DANG REG ,DGAG PA'I TSUL YANG DE YIN NO, ,ZHES BYA BA LA SGRA NI RNAM PA GSUM STE @66B ZIN PA DANG, MA ZIN PA DANG GNYI GA'I 'BYUNG BA CHEN PO'I RGYU LAS BYUNG BA'O, ,DRI YANG RNAM PA GSUM STE, DRI ZHIM PA DANG, DRI MI ZHIM PA DANG, DRI MI MNYAM PA'I BYE BRAG LAS SO, ,RO NI RNAM PA DRUG STE, MNGAR BA DANG, SKYUR BA DANG, KHA BA DANG, LAN TSVA DANG, TSA BA DANG, BSKA BA ZHES BYA BA'O, ,REG PA NI RNAM PA BCU GCIG STE, LCI BA DANG, YANG BA DANG, GRANG BA DANG, 'JAM PA DANG, RTZUB PA DANG, BKRES PA DANG, SKOM PA DANG, 'BYUNG BA CHEN PO BZHI PO DAG GI BYE BRAG LAS SO, ,DE DAG DGAG PA'I TSUL YANG DE YIN TE, JI LTAR ZHE NA, GANG PHYIR SGRA NI DON DAM DU, ,RNA BA'I DBANG PO'I GZUNG BA MIN; ,BSAGS PHYIR DPER NA GZUGS BZHIN DANG, ,'BYUNG LAS GYUR PHYIR DE NYID BZHIN, ,ZHES JI LTAR RIGS PA'I SBYOR BA DES BKAG PAR KHONG DU CHUD PAR BYA'O,, ,,DBU MA'I SNYING PO'I 'GREL PA RTOG GE 'BAR BA, ,BAM PO BZHI PA, ,'DIR SMRAS PA, GZUGS NI MIG GI YUL KHO NA YIN TE; BYED PA PO DANG LAS KYI THA SNYAD YOD PA'I PHYIR DPER NA RAL GRIS BCAD PA GCOD PA BZHIN NO, ,MIG LA YANG BYED PA PO'I THA SNYAD YOD DE, MIG GIS GZUGS RNAMS MTHONG NGO ZHES ZER BA'I PHYIR RO, ,DE'I BLTA BAR BYA BA GZUGS NI LAS YIN NO, ,DE'I PHYIR GZUGS NI MIG GIS BLTA BAR BYA BA KHO NA YIN PAS DE YANG YOD PA YIN NO ZHE NA, 'DIR BSHAD PA, GAL TE MIG BYED PA PO NYID YIN PAR 'THAD NA NI GZUGS KYANG LAS YIN PAR 'GYUR GRANG NA, ,DE NI MI 'THAD DO, ,JI LTAR MI MTHAD CE NA, MIG GI DBANG PO DON DAM DU, ,GZUGS LA BLTA BA MA YIN TE, ,SEMS DANG SEMS BYUNG LAS GZHAN PHYIR; ,DPER NA RI YI DBANG PO BZHIN, ,ZHES BYA BA SMRAS TE, DON JI LTA BU ZHE NA, GAL TE MIG DE LA BLTA BA'I MTHU YOD PAR GYUR NA NI GNYID LOG PA DANG MYOS PA DANG SHI BA LA SOGS PA'I GNAS SKABS DAG DANG, MUN KHUNG DANG DUS THAMS CAD DU YANG THAMS CAD MTHONG BAR 'GYUR RO, ,GAL TE MI MTHONG NA NI DE LA BLTA BA YOD PA MA YIN NO ZHES BYA BAR TSAD MA RNAM PAR BZHAG GO , ,GAL TE RNAM PAR SHES PAS MTHONG NGO ZHE NA NI, DMUS LONG GIS KYANG GZUGS MTHONG BAR THAL BAR 'GYUR RO, ,GAL TE MIG MA NYAMS PAS YID KYIS MTHONG NGO ZHE NA NI DE LTA NA MIG BYED PA PO NYID MA YIN PAR 'GYUR RO, ,GAL TE @67A *, ,RNAM PAR SHES PA DANG BCAS PA'I MIG GIS MTHONG NGO ZHE NA DE NI KUN RDZOB TU KUN KYANG 'DOD PA KHO NA YIN TE, DE LA YANG MIG 'BA' ZHIG BYED PA PO MA YIN GYI, MTHONG BA NI GZUGS DANG SNANG BA DANG NAM MKHA' DANG YID LA BYED PA TSOGS PA LA RAG LUS PA'I PHYIR, DES NA MIG 'BA' ZHIG BYED PA PO NYID YIN PAR BSTAN DKA'O, ,DE LTAR BYED PA PO MED PA'I PHYIR LAS KYANG GA LA YOD PAS GTAN TSIGS KYI DON MA GRUB PA NYID DO, ,GANG DAG TSOGS PA LAS BLTA BA'I BYA BA SKYE BAS DE DAG THAMS CAD LA BLTA BA'I NUS PA YOD PA NYID MA YIN TE, DE'I PHYIR BLTA BA'I BYA BA SKYES PA'I MIG GIS MTHONG NGO ZHES BYA BA DE LTAR 'DOD PA DE DAG GI PHYIR RAB TU BSHAD PA, YANG NA MIG NI DON DAM DU, ,GZUGS LA BLTA BA MA YIN TE, ,RNAM SHES DNGOS MED MI SKYE'I PHYIR, ,PAGS PA DAG LA SOGS PA BZHIN, ,ZHES BYA BA'I TSIG GI DON NI GANG GI PHYIR RNAM PAR SHES PA MED PAR BLTA BA'I BYA BA, MI SKYE BA'I PHYIR MIG GIS KYANG MI MTHONG NGO ZHES BYA BA'I THA TSIG GO, ,CHOS MNGON PA LAS MIG GI DBANG PO NI GO SNYOD KYI ME TOG LTA BU 'AM ZHOG CHU LTA BU YUL KHA DOG GZUGS DANG BA'O ZHES DE'I MTSAN NYID BSTAN PA DE NI KHO BO CAG KYANG KUN RDZOB TU 'DOD DO, ,DON DAM PAR NI MIG GI DBANG PO YUL GYI KHA DOG GZUGS DANG BA MA YIN TE, BYAS PA NYID KYI PHYIR RO ZHES BYA BA LA SOGS PA'I GTAN TSIGS DAG GIS DPE YANG PAGS PA DAG LA SOGS PA BZHIN NO, ,DE'I YUL KHA DOG DGAG PA BYED PA NI, ,MIG NI GZUGS KYI YUL CAN MIN, ,RANG GI GZUGS LA MI 'DZIN PHYIR, ,NYAN LA SOGS PA'I DBANG PO DANG, ,GZUGS CAN YIN PHYIR RO SOGS BZHIN, ,ZHES BYA BA YIN TE, MIG NI GZUGS KYI YUL CAN MIN, ,ZHES BYA BA NI GANG LA YUL GZUGS YOD PA DE NI GZUGS KYI YUL CAN ZHES BYA STE, MIG NI GZUGS KYI YUL CAN MA YIN TE, RANG GI GZUGS LA MI 'DZIN PA'I PHYIR RNA BA'I DBANG PO LA SOGS PA BZHIN NAM, , GZUGS CAN YIN PA'I PHYIR RO ZHES BYA BA LA SOGS PA BZHIN NO, ,GZUGS NI RE ZHIG RANG GI GZUGS DANG GZHAN GYI GZUGS ZHES BYA BA DE TZAM DU ZAD DE, DE LA RE ZHIG MIG DES RANG GI GZUGS MI MTHONG BA NI GRAGS PA NYID YIN NO, ,GZHAN GYI GZUGS KYANG RI DANG RA BA LA SOGS PAS BSGRIBS PA TSU ROL @67B LAM; DBUS SAM PHA ROL GYI CHOS BCAD PA'I PHYOGS GCIG GRONG KHYER LA SOGS PA MTHONG BA BZHIN DU MTHONG BA NI 'DIS MTHONG NGO ZHES NYE BAR 'DOGS PA TZAM DU ZAD DE, NYE BAR 'DOGS PA TZAM GYI MTHONG BA NI DON DAM PAR DPYAD PA LA TSAD MAR MI RUNG NGO, ,DE'I PHYIR BCOM LDAN 'DAS KYIS KYANG, MIG NI GZUGS LA MI LTA ZHING, ,YID KYIS CHOS NYID MI RTOGS TE, ,GANG LA 'JIG RTEN MI 'JUG PA, ,DE NI DAM PA'I BDEN PA'O, ,ZHES GSUNGS SO, ,'DIR GRANGS CAN DANG BYE BRAG PA DAG GIS SMRAS PA, 'DIS MTHONG NGO ZHES LTA BA'I BYED PA LA 'DIS ZHES BYA BAR BRJOD PAS LTA BA'I BYED PA MIG GIS LTA BA POS MTHONG STE, DPER NA STA RES GCOD DO ZHES BYA BA YANG STA RE 'BA' ZHIG GIS GCOD PAR MI BYED DE, 'O NA JI LTA BU ZHE NA, BYED PA STA RES BCAD PA PO MI GCOD PA SHING GCOD PA DE BZHIN DU MI 'BA' ZHIG GIS MTHONG BA MA YIN TE, 'O NA JI LTA BU ZHE NA, BYED PA MIG GIS LTA BA PO MIS BLTA BAR BYA BA GZUGS LA LTA BAR BYED DO ZHE NA, DE DAG GI PHYIR BSHAD PA, DE BZHIN LTA PO MIG MED PA, ,DPE YANG MED PAS MTHONG MA YIN, ,ZHES BYA BA NI MIG GIS MTHONG BA BKAG PA DE BZHIN DU LTA BA POS MTHONG BA YANG DGAG PAR BYA STE, JI LTAR ZHE NA, 'DI NA GZUGS MTHONG BA LAS RJES SU DPAGS NAS LTA BA PO ZHES BYA NA, GZUGS MTHONG BA DE YANG MIG DANG, GZUGS DANG, NAM MKHA' DANG, SNANG BA DANG, YID LA BYED PA DAG TSOGS NA YOD PAR 'GYUR BA YIN PAS, DE'I PHYIR LHAS BYIN ZHES BYA BA LTA BU TSOGS PA NYID LA LTA BA PO ZHES BYA BAR RIGS KYI GZHAN MIG MED PA BUM PA LA SOGS PA LTA BU, DPER NA MIG KYANG MTHONG NGO ZHES BYA BA'I DPE YANG MED PAS MTHONG BAR MI RIGS SO, ,LTA BA PO MIG MED PA DE YANG LTA BA PO'I NGO BO NYID GCIG YIN TE, ,DPER NA GRANGS CAN DAG NA RE, SHES PA YOD PA NYID NI SKYES BU'I NGO BO NYID DE, YONGS SU LTA BAR BYED PA PO ZHES ZER BA LA SOGS PA LTA BU ZHIG GAM, 'ON TE LTA BA PO'I NGO BO NYID MA YIN PA ZHIG YIN TE, DPER NA BYE BRAG PA DAG NA RE, SHES PA YOD PA NYID NI YID TZAM DU ZAD LA, SKYES BU NI NAM MKHA' DANG 'DRA BAR THAMS CAD DU SONG BA SEMS PA MED PA YIN TE, DE YID DANG PHRAD PAS LTA BAR BYED DO ZHES ZER BA LTA BU ZHIG YIN GRANG NA, DE LTA GAL TE LTA BA @68A *, ,PO'I NGO BO NYID YIN NA NI NGO BO NYID NI GZHAN LA LTOS PA MED PA'I PHYIR, MIG MED PAR YANG DES LTA NUS PAR 'GYUR BA'I RIGS SO, ,CI STE STA RE MED PA'I GCOD PA POS GCOD PA NYID DU MI 'GRUB KYI, STA RE DANG MA BRAL BAR GCOD PAS GCOD PA PO NYID DU 'GRUB PA BZHIN DU BLTA BA DANG MA BRAL BAR BLTA BA'I LTA BA POS MTHONG BAR 'GYUR RO ZHE NA, DE'I PHYIR BSHAD PA BYED PA DANG MA PHRAD PA'I SNGA ROL DANG, BYED PA DANG BRAL BA'I 'OG ROL NA LTA BA MED PAS, LTA BA'I NGO BO NYID YIN PAS, ,JI LTAR GZUGS LA BLTA BAR RIGS, ,LTA BA PO'I NGO BO NYID MA YIN PA LA NI LTA BA'I NUS PA MED PA'I PHYIR; DMUS LONG LA LTA BA MED PA LTA BU YIN PAS, LTA BA'I NGO BO NYID MIN PAS, ,JI LTAR GZUGS LA BLTA BAR RIGS, ,GZHAN YANG JI LTAR LTA BA PO GANG YIN PA DE NYID NYAN PA PO DANG, SNOM PA PO DANG, MYONG BA PO DANG, REG PA PO DANG, SHES PA PO YANG YIN NAM 'ON TE THA DAD PA YIN; DE LA GAL TE THA DAD PA YIN NA NI BDAG MANG PO NYID DU 'GYUR TE, ,DE NI GCIG TU ZAD DE, 'ON TE DE NYID, GAL TE LTA PO NYAN PO NA, ,CI PHYIR DE NI NYAN PAR 'GYUR, GAL TE LTA BA PO'I NGO BO NYID YIN NA JI LTAR DE RANG GI NGO BO NYID BRAL NAS, NGO BO NYID GZHAN 'BYUNG BAR 'GYUR TE, DES NA NGO BO NYID DANG BRAL BAR 'GYUR RO, ,SKYON 'DI YANG YOD DE, DE SHES NYID DANG RTAG MI 'DOD, ,BSGYUR RUNG KHYAD PAR YIN PA'I PHYIR, ,GCIG NYID MA YIN TSUL GNYIS PHYIR, ,LUS GZHAN DAG GIS GZUGS BZHIN NO, ,ZHES BYA BA NI BDAG LTA BA PO NYAN PA POR YANG 'GYUR BA DE LTA BA PO'I SHES PA DE NYID KYANG MA YIN LA, RTAG PA NYID KYANG YIN PAR MI 'DOD DE, BSGYUR DU RUNG BA'I KHYAD PAR YIN PA'I PHYIR RO ZHES BYA BAR SBYAR RO, ,BSGYUR DU RUNG BA'I KHYAD PAR ZHES BYA BA NI DE BLTA BA DANG NYAN PA LA SOGS PA DAG GI KHYAD PAR DU BSGYUR BAR NUS PA'O, ,GANG RANG BZHIN GZHAN DU BSGYUR BAR NUS PA DE'I SHES PA NYID KYI NGO BO NYID KYANG MA YIN LA RTAG PA NYID KYANG MA YIN TE, 'DI LTAR RTAG PA NI MI 'GYUR BA'I RANG BZHIN DANG NGO BO NYID DANG MI 'BRAL BA YIN PA'I RIGS NA, DE SNGAR LTA BA POR GYUR NAS GANG GI TSE NYAN PA POR 'GYUR BA DE'I TSE, RANG BZHIN 'GYUR BA DANG NGO BO NYID BRAL BAR SNANG NGO, ,BDAG GI NGO BO NYID NI GCIG PA @68B NYID DU THA SNYAD GDAGS PA YIN NA DE NI GCIG PA NYID MA YIN TE, TSUL GNYIS SU GYUR PA'I PHYIR LUS GZHAN DAG GI GZUGS BZHIN NO, ,DE'I PHYIR DE NI SHES PA DE NYID KYI NGO BO NYID KYANG MA YIN LA, RTAG PA YANG MA YIN GCIG PA NYID KYANG MA YIN PAS NGO BO NYID MED PA KHO NAR 'GYUR RO, ,DE BZHIN MIG GI DBANG PO NI, ,GZUGS LA DMIGS PA'I BYED MI 'DOD, ,YID BRAL NYID NA LTA PO LAS, ,GZHAN PHYIR NYAN LA SOGS PA BZHIN, ,ZHES BYA BA NI GAL TE RE ZHIG DE DBANG PO'I TSOGS RNAMS LAS GZHAN MA YIN NA NI RANG GI MTSAN NYID LA BYED PA NYID MI SRID DO, ,'ON TE GZHAN YIN NA NI GZHAN NYID DU 'DRA BAS JI LTAR RNA BA GZUGS LA DMIGS PA'I BYED PA MA YIN PA DE BZHIN DU MIG KYANG BYED PA NYID MA YIN NO, ,YID DANG MA BRAL BA'I DBANG PO NI LTA BA YIN PAR GRUB PA'I MTHA' THAMS CAD LA YANG GRAGS PAS, DE'I PHYIR YID DANG BRAL BA NYID YIN NA MIG DE LTA BA PO LAS GZHAN YIN PA'I PHYIR ZHES GTAN TSIGS KYIS KHYAD PAR SMOS SO, ,GRANGS CAN DAG GIS SMRAS PA, KHO BO CAG GI GRUB PA'I MTHA' NI 'DI YIN TE, DBANG PO NI YUL DANG PHRAD PAR BYED DO, ,DBANG PO DANG PHRAD PA'I YUL LA YID KYIS RJES SU GCOD PAR BYED DO, ,YID KYIS BCAD PA LA NGA RGYAL GYIS RLOM PAR BYED DO, ,NGA RGYAL GYIS RLOM PA LA BLOS SEMS PAR BYED DO, ,BLOS BSAMS PA'I YUL DE SKYES BU LA SNANG BAR 'GYUR TE, DPER NA CHU RNYOG PA MED PA NYE BAR GNAS PA TZAM GYIS PHAN 'DOGS PAR GNAS PA'I NANG DU ZLA BA'I GZUGS KYI GZUGS BRNYAN SHAR BA LA BLTA BA LA SOGS PA'I THA SNYAD DU BRJOD PA YOD PA DE BZHIN DU SKYES BU'I RDZAS NGES PAR GNAS PA NYID LA CHOS GZHAN 'BYUNG BA DANG, CHOS GZHAN 'GAG PA NA SKYES BU'I NGO BO NYID NYAMS PAR YANG MI 'GYUR LA, RANG BZHIN DANG BRAL BAR YANG MI 'GYUR BAS DE'I PHYIR SKYES BU NI MI RTAG PA YANG MA YIN LA, NGO BO NYID MED PA YANG MA YIN, DU MA YANG MA YIN ZHING BYED PA MA YIN PA YANG MA YIN NO ZHE NA, 'DIR BSHAD PA, DE NI LTA PO NYID MI RIGS, ,MIG LA SOGS PA LTOS PA'I PHYIR, ,YID BZHIN YONGS SU 'GYUR PHYIR DANG, ,DE BZHIN GZUGS BRNYAN 'CHAR PHYIR RO, ,ZHES BYA BA NI GAL TE DE LTA BA PO'I NGO BO NYID YIN PAR GYUR NA, BYED PO'I CHOGS DAG LA MI LTOS PA KHO @69A *, ,NAR RIGS SO, ,DE MI RTAG PA YANG YIN TE, YONGS SU 'GYUR BA'I PHYIR 'O MA LA SOGS PA BZHIN NO, ,DE LTA PO NYID YIN PAR MI RIGS TE, GZUGS BRNYAN 'CHAR BA'I PHYIR BZHIN GYI GZUGS BRNYAN 'CHAR BA'I CHU BZHIN NO, ,YID JI LTA BA BZHIN DU LTA BA YANG 'DOD NA, DE YANG MI RIGS TE, GANG GI PHYIR MIG LA SOGS PAS MA MTHONG BA'I YUL LA YID KYIS KYANG MI 'DZIN PAS DE'I PHYIR RE ZHIG YID NYID KYANG LTA BA PO'I NGO BO NYID MA YIN NA, DE DANG 'DRA BAR BDAG LTA BA POR 'GYUR BA LTA GA LA YOD DE, DE'I PHYIR BSHAD PA, LTA PO JI LTAR YID DANG 'DRA, ,DBANG PO GZHAN GYIS MI MTHONG PHYIR, ,ZHES BYA BA LA DBANG PO NI DBANG PO RNAMS SO, ,GZHAN ZHES BYA BA NI DBANG PO GZHAN LAS GZHAN PA'I DBANG PO GZHAN GYIS SO, ,DON LHAG MA NI SMRAS PAR ZAD DO, ,GZHAN YANG, YID NI YANG DAG NYID DU NA, ,LTA BAR MI 'DOD BDAG BZHIN NO, ,ZHES BYA BA NI BDAG LTA BA MA YIN PAR BKAG PA BZHIN DU YID KYANG LTA BA MA YIN PAR DGAG PA STE, JI LTAR ZHE NA, 'DI LA YID KYANG LTA BA PO'I NGO BO NYID DAM LTA BA PO'I NGO BO NYID MA YIN PA ZHIG TU 'GYUR GRANG NA, GAL TE LTA BA PO'I NGO BO NYID YIN NA NI MIG MED PA LA YANG LTA BA YOD PAR 'GYUR RO, ,GAL TE LTA BA PO'I NGO BO NYID MA YIN NA NI DE LA NAM YANG LTA BA YOD PAR MI 'GYUR RO, ,JI STE MIG DANG GZUGS DANG, SNANG BA DANG, NAM MKHA' DANG, YID LA BYED PA TSOGS PA'I DBANG GIS YID LTA BAR BYED DO ZHE NA, BSHAD PA, DE NI LTA MIN TSOGS PA DAG ,RDZAS SU MED PHYIR DE NYID BZHIN, ,ZHES BYA BA NI YID DE NI LTA BA MA YIN TE; TSOGS PA DAG RDZAS SU MED PA'I PHYIR NAGS TSAL LA SOGS PA TSOGS PA DE NYID BZHIN NO ZHES STON TE, GAL TE YID MIG LA SOGS PA LA MI LTOS PA 'BA' ZHIG LA LTA BA YIN PAR GYUR NA NI DON DAM PA PA YIN PA ZHIG NA GANG GI PHYIR TSOGS PA DAG MED PAR YID LA LTA BA MED PA DE'I PHYIR NYE BAR GDAGS PA MA GTOGS PAR GANG YANG RUNG BA CIG LA LTA BA YOD PAR THA SNYAD GDAGS PAR MI NUS SO, ,TSOGS PA DAG KYANG RDZAS SU YOD PA MA YIN PA'I PHYIR NAGS TSAL LA SOGS PA BZHIN PAS DE'I PHYIR YID DANG 'DRA BAR BDAG LTA BA YIN PAR MI RIGS SO, ,GAL TE BDAG MED NA GANG GIS @69B MTHONG ZHE NA, ,KHO BO CAG NI THA SNYAD DU NI SEMS NYID KYIS MTHONG BAR 'DOD DO, ,GAL TE SEMS NI SKAD CIG MA YIN PA'I PHYIR BYED PA PO NYID MA YIN NO ZHE NA, BSHAD PA, BYED PO NYID RUNG CHOS GZHAN DAG ,MNGON PAR 'GRUB PHYIR DRIL BU BZHIN, ,ZHES BYA BA NI GZHAN MU STEGS CAN GYIS YONGS SU BRTAGS PA'I BDAG MED DU ZIN KYANG, SEMS SKAD CIG MA NYID THA SNYAD DU BYED PA PO NYID DU RUNG STE, NANG DANG PHYI ROL GYI 'DU BYED BDAG MED PA DAG LA RGYU DANG RKYEN SO SOR NGES PAR TSOGS PA'I DBANG GIS CHOS GZHAN DAG MNGON PAR 'GRUB PA'I PHYIR DPER NA DRIL BU SGRA 'BYIN PA DANG, MAR ME NGANG BAR BYED PA DANG, CHU 'BAB PAR BYED PA DE BZHIN DU STE, ,DE'I PHYIR KHO BO CAG NI TSOGS PA LAS THA SNYAD DU LTA BA KHAS LEN GYI DON DAM PAR NI DE GANG LA YANG MI GNAS TE, JI SKAD DU, DE NI MIG DANG GZUGS LA MED, ,DE GNYIS PAR NA'ANG MI GNAS TE, ,GANG DU DE NI GNAS 'GYUR BA, DE YOD MA YIN DE MED MIN, ,ZHES BYA BA LA SOGS PA GSUNGS PA LTA BU'O, ,KHA CIG MIG GI 'OD ZER YUL GYI PHYOGS SU SONG NAS 'DZIN PAR BYED DO SNYAM DU SEMS PA DE DGAG PA'I PHYIR BSHAD PA, MIG NI 'OD ZER LDAN MI RIGS, ,DBANG PO YIN PHYIR DBANG GZHAN BZHIN, ,ZHES BYA BA NI MIG NI 'OD ZER DANG LDAN PAR MI RIGS TE, DBANG PO YIN PA'I PHYIR DBANG PO GZHAN BZHIN TE, JI LTAR RNA BAS KYANG SGRA THAG RING PO NA 'DUG PA THOS LA, YID KYIS KYANG YUL DPAG TSAD STONG GIS BSKAL PA DAG KYANG SHES MOD KYI, DE DAG 'OD ZER DANG LDAN PA MA YIN PA DE BZHIN DU MIG KYANG DE DANG 'DRA BAS DE 'OD ZER DANG LDAN PAR MI RIGS SO, ,GAL TE DE LTAR MIG GI DBANG PO 'OD ZER DANG LDAN PA MA YIN NA 'O NA JI LTAR BYI LA DANG 'UG PA DAG MUN KHROD NA MIG DAG LAS SGRON MA LTAR 'BAR BA 'BYUNG BAR SNANG ZHE NA, DE'I PHYIR BSHAD PA, MTSAN MO RGYU BA'I MIG 'BRAS SNANG, ,DBANG PO SNANG BA MA YIN NO, ,ZHES BYA BA NI MUN KHROD NA MTSON MO RGYU BA RNAMS KYI MIG GI 'BRAS BU SNANG BAR ZAD KYI DBANG PO NI MI SNANG STE, DE NI BSTAN DU MED PA YIN PA'I PHYIR RO, ,DE'I PHYIR RNAM PAR RTOG PA DE YANG BZANG PO MA YIN NO, ,DE BZHIN DU, MIG NI BDE SOGS BDAG NYID MIN, ,DNGOS PO YIN @70A *, ,PHYIR SKYES BU BZHIN, ,ZHES BYA BA NI GRANGS CAN DAG MIG NI BDE BA DANG SDUG BSNGAL DANG GTI MUG GI BDAG NYID YIN TE, 'DI LTAR YUL YID DU 'ONG BA MTHONG NA BDE BA SKYE LA, DE LAS BZLOG PA DAG LA SDUG BSNGAL DANG GTI MUG SKYE'O ZHES ZER BAS DE DGAG PA'I PHYIR 'DI BSHAD DE, MIG BDE BA DANG, SDUG BSNGAL BA DANG, GTI MUG GI BDAG NYID MA YIN TE, DNGOS PO YIN PA'I PHYIR DPER NA SKYES BU BZHIN TE, JI LTAR ZHE NA MIG DE YOD PA'AM MED PA'AM, RTAG PA'AM MI RTAG PA'AM, GANG YIN YANG RUNG STE, YON TAN GSUM GYI BDAG NYID MA YIN NO, ,DE CI'I PHYIR ZHE NA, DNGOS PO DANG RDZAS YIN PA'I PHYIR RO, ,JI LTA BU ZHE NA, SKYES BU BZHIN TE, 'DI LTAR DE DAG SKYES BU NI YON TAN MED PAR 'DOD PA'I PHYIR RO, ,KHA CIG MIG NI THAMS CAD DU SONG BA YIN TE, BLTA BAR BYA BA THAMS CAD LA THOGS PA MED PA'I PHYIR RO SNYAM DU SEMS PA DE DAG LA 'DI BRJOD PAR BYA STE, MIG NI KUN TU SONG MIN TE, ,YOD PHYIR DE 'BRAS LA SOGS BZHIN, ,ZHES BYA BA NI MIG NI KUN TU SONG BA MA YIN TE, YOD PA'I PHYIR MIG DE'I 'BRAS BU LA SOGS PA BZHIN TE RANG GI GNAS BZHIN NO, ,DBANG PO YANG DE'I KHONGS NA 'DUG PAS THAMS CAD DU SONG BA MA YIN NO ZHES BYA BAR BSAMS SO, ,YANG NA MIG NI KUN 'GRO MIN, ,GZHAN DON NYID PHYIR BUM PA BZHIN, ,ZHES BYA BA NI YANG NA MIG NI KUN TU 'GRO BA MA YIN TE, GZHAN GYI DON NYID YIN PA'I PHYIR DPER NA BUM PA BZHIN TE, GRANGS CAN DAG GZHAN ZHES BYA BA NI SHES PA'I SKYES BU STE, MIG LA SOGS PA NI DE'I DON GYI PHYIR 'DOD DO, ,GZHAN GYI DON GYI DNGOS PO NI GZHAN GYI DON NYID DO, ,DPER NA BUM PA NI GZHAN DAG LA PHAN PA'I DON GYI PHYIR MNGON PAR SGRUB PAR BYED KYANG DE THAMS CAD DU 'GRO BA MA YIN PA DE BZHIN DU MIG KYANG SKYES BU'I DON DU MNGON PAR SGRUB PAR BYED PA THAMS CAD DU 'GRO BA MA YIN NO ZHES BYA BA SLOB DPON GYIS BSAMS SO, ,YANG NA MIG NI KUN 'GRO MIN, ,GZUGS DMIGS 'GYUR BA'I RGYU YIN PHYIR, ,DPER NA GZUGS BZHIN DE BZHIN NO, ,ZHES BYA BA NI YANG NA MIG NI KUN TU 'GRO BA MA YIN TE, GZUGS DMIGS PAR 'GYUR BA'I RGYU YIN PA'I PHYIR, DPER NA @70B GZUGS BZHIN NO, ,JI LTAR MIG NI GZUGS DMIGS PAR 'GYUR BA'I RGYU YIN PA DE BZHIN DU GZUGS DMIGS PAR 'GYUR BA'I RGYU YIN PAS, DPER NA GZUGS NI GZUGS DMIGS PAR 'GYUR BA'I RGYU YIN PA'I PHYIR KUN TU 'GRO BA MA YIN PA DE BZHIN DU MIG KYANG GZUGS DMIGS PAR 'GYUR BA'I RGYU YIN PA'I PHYIR KUN TU 'GRO BA MA YIN NO ZHES BYA BA'I THA TSIG GO, ,KHA CIG NA RE MIG NI ME'I RANG BZHIN YIN TE, GSAL BA CHES CHEN PO DAG GIS ZIL GYIS GNON PA'I PHYIR MAR ME BZHIN NO ZHES ZER BA DE YANG BZANG PO MA YIN TE, GANG GI PHYIR ZHE NA, MIG NI ME DANG LDAN MA YIN, , DBANG PO YIN PHYIR LPAGS SOGS BZHIN, ,ZHES BYA BA SMRAS SO, ,KHA CIG MIG NI 'BYUNG BA CHEN PO BZHI'I RGYU LAS BYUNG BA YIN YANG ME'I SHAS CHE BA YIN NO SNYAM DU SEMS PA DE DAG LA YANG, 'BYUNG CHEN DANG SOGS BDAG NYID NI, ,ME SHAS CHE BA MA YIN NO, ,ZHES BYA BA SMRAS TE, MIG 'BYUNG BA CHEN PO'I RGYU LAS BYUNG BA GZUGS DANG BA LA SOGS PA'I BDAG NYID CAN NI ME SHAS CHE BA MA YIN TE, DBANG PO YIN PA'I PHYIR LUS KYI DBANG PO LA SOGS PA BZHIN NO ZHES BYA BAR BSAMS SO, ,GRANGS CAN DAG YID MA GTOGS PA'I DBANG PO LNGA PO DAG NI YUL DANG PHRAD NAS 'DZIN PAR 'DOD DE, 'DI LTAR MIG LA SOGS PA'I 'JUG PA NI GNAS NAS PHYI ROL DU 'PHOS NAS YUL 'DZIN PAR BYED DO ZHES ZER BA DGAG PA'I PHYIR, MIG NI YUL DANG PHRAD MA YIN, ,DBANG PO YIN PHYIR YID BZHIN DANG, ,RGYUN PHYIR RGYU DANG LDAN PA'I PHYIR, ,YANG NA GZUGS LA SOGS PA BZHIN, ,ZHES BYA BAR SMRAS SO; ,CHOS MNGON PA PA DAG NA RE, MIG DANG RNA BA DANG YID NI YUL MA PHRAD PA 'DZIN PA YIN TE, 'DI LTAR MIG DANG RNA BA NI THAG RING POS BSKAL PA'I GZUGS DANG SGRA YANG 'DZIN LA YID KYANG 'DAS PA DANG MA 'ONGS PA DANG THAG RING BA DANG NYE BA'I DON RNAMS LA THOGS PA MED PAR 'DZIN PA'I PHYIR RO, ,SNA DANG LCE DANG LUS NI DE LTA MA YIN TE, GANG GI PHYIR DE DAG NI YUL PHRAD PA KHO NA 'DZIN PAR BYED DO ZHES ZER BA DE DAG GI 'DOD PA BSAL BA'I PHYIR, SNA TSOGS YUL PHRAD 'DZIN MI 'DOD, ,PHYI DON MNGON SUM 'DZIN PHYIR DANG, ,'DAS DANG MA 'ONGS MI 'DZIN PHYIR, ,DPER @71A *, ,NA MIG GI DBANG PO BZHIN, ,ZHES BYA BA SMRAS TE, SNA DANG LCE DANG LUS KYI DBANG PO DANG NI YUL PHRAD PA 'DZIN PAR MI 'DOD DE, PHYI ROL GYI DON MNGON SUM DU 'DZIN PA'I PHYIR DANG, 'DAS PA DANG MA 'ONGS PA MI 'DZIN PA'I PHYIR DPER NA MIG GI DBANG PO BZHIN TE, JI LTAR SNA DANG LCE DANG LUS KYI DBANG PO DAG NI PHYI ROL GYI DON MNGON SUM DU GYUR PA DAG 'DZIN PA DANG, 'DAS PA DANG MA 'ONGS PA DAG MI 'DZIN PA BZHIN DU MIG GI DBANG PO YANG DE BZHIN TE, MIG GI DBANG PO JI LTA BA BZHIN DU DE DAG KYANG YUL PHRAD PA 'DZIN PA MA YIN NO, ,LUS KYI DBANG PO LA SOGS PAS MA NGES PA'I SKYON BSAL BA'I PHYIR, ,BSGRUB DANG 'DRA BAR BKAG PA'I PHYIR, ,LUS LA SOGS PAS MA NGES MIN, ,ZHES BYA BA SMRAS SO, ,DE BZHIN DU, MIG RNA YID KYI MTSAN NYID GSUM, ,YUL DANG MA PHRAD 'DZIN MA YIN, ,ZHES BYA BA NI DBANG PO YIN PA'I PHYIR DANG, SEMS SKYE BA'I RGYU YIN PA'I PHYIR, DPER NA SNA LA SOGS PA BZHIN NO, ,LTA BA JI LTAR RGYAS BSHAD PAS, ,NYAN DANG SNOM DANG MYANG BA DANG, ,LUS KYI DBANG PO BSAGS PA DAG ,NGES PAR KHONG DU CHUD PAR BYA, ,ZHES BYA BA NI JI LTAR LTA BA DANG LTA BA'I BLO DANG LTA BA'I SGRA DAG MIG DANG LTA BA PO DANG YID LA YOD PAR MI RIGS PA DE BZHIN DU NYAN PA LA SOGS PA DANG, DE DAG GI BLO DANG DE DAG GI SGRA YANG DE DAG GI DBANG PO DANG, BDAG DANG YID LA YOD PAR MI RIGS PAR DGAG PA MTSUNGS PAR KHONG DU CHUD PAR BYA'O, ,SGRA DANG DRI DANG RO DANG REG ,DGAG PA'I TSUL YANG DE YIN TE, ,MKHAS PAS GZU BO'I BLO DAG GIS, ,CI RIGS PAR NI SHES PAR BYA, ,ZHES BYA BA NI JI LTAR GZUGS MIG DANG LTA BA PO DANG YID KYI YUL YIN PAR MI RIGS PA DANG, GZUGS KYI BLO DANG SGRA YANG DE DAG LA YOD PAR MI RIGS PA DE BZHIN DU SGRA LA SOGS PA YANG RNA BA LA SOGS PA'I DBANG PO DANG, BDAG DANG YID KYI YUL YIN PAR MI RIGS PA DANG, SGRA LA SOGS PA'I BLO DANG SGRA YANG DE DAG LA YOD PAR MI RIGS PAR DGAG PA MTSUNGS PAR MKHAS PAS PHYOGS SU LHUNG BA MED PA'I BLO DAG GIS CI RIGS PAR SHES PAR BYA'O, ,DE LTAR RE ZHIG GZUGS KYI PHUNG PO BRTAGS NAS TSOR BA'I PHUNG PO YANG BRTAG PAR BYA STE, ,TSOR BA DON DAM NYID DU NA, ,MYONG BA'I BDAG NYID YIN MI RIGS, ,RNAM SHES MTSUNGS @71B PAR LDAN PA'I PHYIR, ,DE LAS GZHAN PA'I SEMS BYUNG BZHIN, ,ZHES BYA BA NI PHA ROL PO DAG TSOR BA'I MTSAN NYID NI DBANG PO DANG YUL DANG RNAM PAR SHES PA GSUM 'DUS PA'I REG PA MYONG BA YIN LA, DE YANG MYONG BA'I BYE BRAG LAS RNAM PA GSUM DU 'DOD DO, ,TSOR BA DE DON DAM PA NYID DU NA MYONG BA'I BDAG NYID YIN PAR MI RIGS TE, RNAM PAR SHES PA DANG MTSUNGS PAR LDAN PA'I PHYIR DE LAS GZHAN PA'I SEMS LAS BYUNG BA BZHIN NO ZHES BYA BAR TSAD MA NYE BAR SBYAR RO, ,DE NI RIGS PA DANG MI LDAN PA MA YIN TE, GANG GI PHYIR BSAM GTAN BZHI LA SNYOMS PAR ZHUGS PA'I GNAS SKABS YANG RE ZHIG BDE BA DANG SDUG BSNGAL DAG SPANGS PA YIN NA, TSOR BA THAMS CAD 'GAGS PA'I MYA NGAN LAS 'DAS PA'I GNAS SKABS NA LTA SMOS KYANG CI DGOS TE, JI SKAD DU, TING NGE 'DZIN DE NI TSOR BA TSAD MED PA DANG, RNAM PAR RIG PA'I SA BON MED PA YIN NO ZHES GSUNGS PA LTA BU'O, , TSOR BA'I KHYAD PAR DAG KYANG DGAG PA'I PHYIR, ,BDE BA PHAN 'DOGS MI 'DOD DE, ,REG LAS BYUNG PHYIR DE GZHAN BZHIN, ,SDUG BSNGAL GNOD PA'I BDAG NYID MIN, ,GTAN TSIGS BSTAN PAS SHES PAR BYA, ,ZHES BYA BA SMRAS TE, BDE BA NI PHAN 'DOGS PA'I MTSAN NYID YIN LA SDUG BSNGAL NI GNOD PA'I MTSAN NYID YIN, SDUG BSNGAL YANG MA YIN BDE BA YANG MA YIN PA NYID NI GNYI GA'I BDAG NYID YIN NO ZHES BYA BA NI DE DAG GI NGO BO NYID MA YIN TE, REG PA LAS BYUNG BA'I PHYIR DE LAS GZHAN PA'I TSOR BA BZHIN TE, GANG GI PHYIR GCIG TU BDE BA NYID NI 'GA' YANG MED LA, GCIG TU SDUG BSNGAL BA NYID KYANG 'GA' YANG MED CING GNYI GA'I BDAG NYID KYANG GANG NA YANG MI SNANG BA'I PHYIR RO, ,'O NA SRED PA ZAD PA GTAN DU BDE BA MA YIN NAM ZHE NA, GNAS SKABS SU NI RNAM PAR RTOG PA MED PA MYONG BA THAMS CAD DANG BRAL BA NGO BO NYID GANG GIS KYANG THA SNYAD GDAGS PAR BYA BA MA YIN NO, , DE LA BDE BA NYE BAR GDAGS PA NI 'KHOR BA PA'I SDUG BSNGAL THAMS CAD DANG BRAL BA'I PHYIR NYES PA MED DO, ,SDUG MIN BDE MIN MI 'DOD DE, ,'BRAS BU SRED PHYIR GZHAN BZHIN NO, ,ZHES BYA BA'I SDUG PA YANG MA YIN BDE BA YANG MA YIN PA'I TSOR BA YANG DE'I NGO BO NYID YIN PAR MI 'DOD DE, DE'I @72A *, ,'BRAS BU SRED PA YIN PA'I PHYIR DE'I LAS GZHAN BZHIN NO ZHES DPE NYE BAR BZHAG GO, ,GANG GI 'BRAS BU SRED PA YIN PA DE NI 'BRAS BU SRED PA YOD PA YIN TE, TSOR BA THAMS CAD KYI 'BRAS BU NI SRED PA YIN PA'I PHYIR RO, ,SEMS DANG SEMS LAS BYUNG BA'I TSUL GYIS SEMS YOD PAS TSOR BA DAG KYANG YOD PA KHO NA YIN NO ZHE NA, DE'I PHYIR, RNAM SHES NGO BO NYID KYANG NI, ,DGAG PA SMRA BAR 'DOD PHYIR RO, ,ZHES BYA BA SMRAS TE, RNAM PAR SHES PA'I NGO BO NYID DGAG PAR YANG 'OG NAS SMRA BAR 'DOD PA'I PHYIR TSOR BA RNAM GSUM NI DON DAM PA MA YIN TE, SEMS DGAG PA NA SEMS LAS BYUNG BA DAG DGAG PA BYAS PA YANG KHONG DU CHUD PAR 'GYUR TE, PHA ROL GYI RGYAL PO PHAM NA DE'I DMAG KYANG PHAM PAR MNGON PA BZHIN NO, ,'DU SHES 'DU BYED RNAM GNYIS DAG ,DES NI RNAM PAR BSHAD GYUR TE, ,MKHAS PAS GZU BO'I BLO DAG GIS, ,CI RIGS PAR NI SHES PAR BYA; ,ZHES BYA BA NI 'DU SHES DANG 'DU BYED KYI PHUNG PO DAG DGAG PA YANG TSOR BA BKAG PA DES DE DANG 'DRA BAR RNAM PAR BSHAD PAR SHES PAR BYA STE, JI LTAR ZHE NA, 'DU SHES KYANG NGO BO NYID MED PA YIN TE, YONGS SU GCOD PA'I RNAM PAR 'JUG PA'I PHYIR SMIG RGYU DANG GRONG KHYER DANG, SKYED MOS TSAL GYI 'DU SHES BZHIN NO, ,DE BZHIN DU MTSUNGS PAR LDAN PA DANG LDAN PA MA YIN PA'I 'DU BYED RNAM PA GNYIS KYANG DON DAM PA MA YIN TE, 'DUS PA'I BDAG NYID YIN PA'I PHYIR CHU SHING GI PHUNG PO BZHIN NO, ,RNAM SHES DON DAM NYID DU NA, ,DNGOS PO RNAM RIG DNGOS NYID MIN, ,DMIGS DANG BCAS PHYIR 'DU SHES BZHIN, ,YANG NA 'JIG PHYIR MAR ME BZHIN, ,ZHES BYA BA NI RNAM PAR SHES PA NI DON DAM NYID DU NA DNGOS PO SO SOR RNAM PAR RIG PA'I DNGOS PO NYID MA YIN TE, DMIGS PA DANG BCAS PA'I PHYIR DPER NA 'DU SHES BZHIN NAM, YANG NA 'JIG PA'I PHYIR MAR ME BZHIN NO, ,DNGOS PO ZHES BYA BA NI DE DNGOS SU 'DUG PA'I PHYIR DNGOS PO'AM, YANG NA 'DI LA SEMS DANG SEMS LAS BYUNG BA'I CHOS RNAMS GNAS PA'I PHYIR DNGOS PO STE, GZUGS LA SOGS PA DAG GO, ,DE SO SOR RNAM PAR RIG PA NI RNAM PAR RTOG PA MED PA'I SGO NAS RANG GI NGO BO @72B YONGS SU SHES PA STE, RNAM PAR SHES PA NI DE'I NGO BO NYID MA YIN NO, ,PHUNG PO BKAG PA DANG 'DRA BAR KHAMS DANG SKYE MCHED DAG KYANG BSTAN PA'I PHYIR, PHUNG PO LNGA PO RNAM DPYAD PA'I, ,SGRUB PA JI SKAD BSTAN PA DES, ,PHUNG PO RNAMS KYI KHAMS ZHES BYA, ,SKYE MCHED RNAMS KYANG SHES PAR BYA, , ZHES BYA BA LA KHAMS NI BCO BRGYAD DE, DBANG PO DRUG DANG YUL DRUG DANG RNAM PAR SHES PA DRUG PO DAG GO, ,SKYE MCHED NI BCU GNYIS TE, MIG LA SOGS PA DRUG DANG, GZUGS LA SOGS PA DRUG GI BYE BRAG LAS SO, ,DE DAG KYANG 'DUS PA'I BDAG NYID YIN PA'I PHYIR, TSOGS PA LAS MA GTOGS PAR JI LTAR DMIGS SU MED PA DE LTAR SNGAR BSTAN PA BZHIN NO, ,KUN RDZOB TU GDAGS PA'I DNGOS PO TZAM DU NI YOD DE, BDE BAR GSHEGS PAS JI SKAD DU, SRID GSUM BTAGS PA NYID TZAM STE, ,DNGOS PO'I NGO BOR YOD MA YIN, ,BTAGS LA DNGOS PO'I DNGOS NYID DU, ,NGAN RTOG RNAMS NI RTOG PAR BYED, ,CES GSUNGS PA DANG DE BZHIN DU, GZUGS NI DBU BA RDOS PA 'DRA, ,TSOR BA CHU BUR DAG DANG MTSUNGS, ,'DU SHES SMIG RGYU 'DRA BA STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU ZHES, ,DE NYID GZIGS PAS BKA' STZAL TO, ,ZHES GSUNGS PA LTA BU'O; ,'DIR SMRAS PA, PHUNG PO DANG SKYE MCHED DANG KHAMS NI DON DAM PAR NGO BO NYID YOD PA KHO NA YIN TE, SKYE BA LA SOGS PA 'DUS BYAS KYI MTSAN NYID DANG LDAN PA'I PHYIR RO, ,'DI NA GANG YOD PA MA YIN PA DE NI 'DUS BYAS KYI MTSAN NYID DANG LDAN PA MA YIN TE, DPER NA NAM MKHA'I ME TOG BZHIN NO, ,PHUNG PO DANG SKYE MCHED DANG KHAMS RNAMS LA NI 'DUS BYAS KYI MTSAN NYID DANG LDAN PA YOD DE, DGE SLONG DAG GSUM PO 'DI DAG NI 'DUS BYAS KYI MTSAN NYID YIN TE, 'DI LTA STE, SKYE BA DANG GNAS PA DANG 'JIG PA'O ZHES GSUNGS PA'I PHYIR RO, ,DE'I PHYIR 'DUS BYAS PHUNG PO DANG; SKYE MCHED DANG KHAMS RNAMS NI NGO BO NYID YOD PA KHO NA YIN NO ZHE NA, 'DIR BSHAD PA, JI LTAR SKYE BA LA SOGS PA DE DAG 'DUS BYAS YIN NAM, 'ON TE 'DUS MA BYAS YIN, DE LA GAL TE 'DUS BYAS YIN NA NI PHUNG PO DANG KHAMS DANG SKYE MCHED LAS GZHAN PA'I SKYE BAR BYED PA @73A *, ,DANG; GNAS PAR BYED PA DANG, 'JIG PAR BYED PA YOD PA'I DPE MED DO, ,SKYE BA'I SKYE BA DANG, GNAS PA'I GNAS PA DANG, 'JIG PA'I 'JIG PA ZHES BYA BA'I DON LA YANG SKUR BA 'DEBS PA YIN LA, SKYE BA NI, 'DUS BYAS THAMS CAD KYI MTSAN NYID MA YIN TE, SKYED PAR BYED PA YIN PA'I PHYIR DPER NA PHA BU'I MTSAN NYID MA YIN PA BZHIN NO, ,GNAS PAR BYED PA YANG GNAS PA'I MTSAN NYID MA YIN TE, DPER NA BUM PA GNAS PAR BYED PA'I BRAN MO BUM PA'I MTSAN NYID MA YIN PA BZHIN NO, ,'JIG PA YANG 'DUS BYAS KYI MTSAN NYID MA YIN TE, 'JIG PAR BYED PA YIN PA'I PHYIR DPER NA BUM PA 'JIG PAR BYED PA'I THOB BUM PA'I MTSAN NYID MA YIN PA BZHIN NO ZHES SMRA BAR NUS SO, ,GAL TE SKYE BA LA SOGS PA DE DAG 'DUS MA BYAS YIN NA NI, DE DAG JI LTAR 'DUS BYAS KYI MTSAN NYID DU 'GYUR TE, 'DI LTAR NAM MKHA' NI 'DUS BYAS GANG GI MTSAN NYID YIN PAR YANG MA MTHONG NGO, ,GZHAN YANG SKYE BA LA SOGS PA 'DUS PA 'DUS BYAS KYI MTSAN NYID DU 'GYUR BA ZHIG YIN TE, DPER NA MDO SDE PA DAG NA RE, ,RGYU DANG RKYEN SO SOR NGES PA'I MTHU BA SKYED PA LAS BYUNG BA'I RGYUN LA DUS GCIG KHO NAR GANG MA BYUNG BA LAS BYUNG BA DE NI SKYE BA YIN LA, SKAD CIG MA SNGA MA NYID KYI RGYUN GYIS GNAS PA NI GNAS PA YIN LA, SKAD CIG MA SNGA MA DANG MI 'DRA BAR RGAS SHING BRAL BA NI 'JIG PA YIN NO ZHES ZER BA LTA BU ZHIG YIN NAM, 'ON TE SKYE BA LA SOGS PA SO SO BA DAG 'DUS BYAS KYI MTSAN NYID YIN PAR 'GYUR TE, DPER NA BYE BRAG TU SMRA BA DAG NA RE SNGON MA BYUNG BA LAS BYUNG BA NI SKYE BA YIN LA, SKYES PA'I GNAS PA NI GNAS PA YIN, GNAS PA LAS GZHAN DU 'GYUR BA DANG RGA BA DANG RNYINGS PA DANG 'GAG PA NI 'JIG PA YIN NO ZHES ZER BA LTA BU ZHIG YIN GRANG NA, ,DE LA RE ZHIG 'DUS PA RNAMS NI DUS GCIG TU SKYE BA LA SOGS PA DAG MI SRID DE, ,RIM GYIS 'BYUNG BA'I PHYIR DANG MTSAN NYID MI 'DRA BA'I PHYIR DANG, MI MTHUN PA'I PHYIR SO SO BA DAG KYANG MI SRID DO, ,JI LTAR ZHE NA, 'DI LTAR DNGOS PO MA SKYES PA LAS NI GNAS PA DANG 'JIG PA GNYIS MED PA'I PHYIR 'DUS BYAS @73B KYI MTSAN NYID MED LA, DNGOS PO GNAS PA LA NI SKYE BA DANG 'JIG PA GNYIS MED PA'I PHYIR 'DUS BYAS KYI MTSAN NYID MED DO, ,DNGOS PO ZHIG PA NI SKYE BA DANG GNAS PA GNYIS MED PA'I PHYIR 'DUS BYAS KYI MTSAN NYID MED DO, ,SKYE BA LA YANG SKYE BA MED PA DANG GNAS PA LA YANG GNAS PA MED PA DANG, 'JIG PA LA YANG 'JIG PA MED PA'I PHYIR, DE DAG LA 'DUS BYAS KYI MTSAN NYID MED PAS SKYE BA LA SOGS PA SO SO BA DAG GIS KYANG 'DUS BYAS KYI MTSAN NYID BYA BAR MI NUS SO, ,DE LTAR DE DAG SEMS KYI MDUN DU BZHAG NAS BSHAD PA, ,SKYE SOGS 'DUS BYAS NYID KYIS NI, ,MTSAN NYID MTSAN GZHI'I NYID MI RIGS, ,'DUS BYAS YIN PHYIR RTOGS BYA'I PHYIR, ,DE LAS GZHAN PA NYID BZHIN NO, ,ZHES BYA BA NI SKYE BA LA SOGS PA DE DAG NI 'DUS BYAS NYID KYI MTSAN NYID DU GYUR PAS PHUNG PO LA SOGS PA MTSAN GZHI'I MTSAN NYID YIN PAR MI RIGS TE, 'DUS BYAS YIN PA'I PHYIR DANG RTOGS PAR BYA BA YIN PA'I PHYIR, SKYE BA LA SOGS PA MTSAN NYID DE LAS GZHAN PA'I MTSAN GZHI NYID BZHIN NO ZHES BYA BAR BSAMS SO, ,DE'I PHYIR, SKAR MA RAB RIB MAR ME DANG, ,SGYU MA ZIL PA CHU BUR DANG, ,RMI LAM GLOG DANG SPRIN LTA BUR; ,'DUS BYAS DE LTAR BLTA BAR BYA, ,ZHES GSUNGS PA DE DAG GRUB PA YIN NO, ,GANG DAG DNGOS PO RNAMS NI NGO BO YOD PA KHO NA YIN TE, ,MTSAN NYID YOD PA'I PHYIR RO, ,MO GSHAM GYI BU LA SOGS PA YOD PA MA YIN PA DAG LA NI MTSAN NYID KYANG MED DO ZHES ZER BA DE DAG KYANG MA GRUB STE, ,DNGOS RNAMS MTSAN NYID YOD PA'I PHYIR, ,NGO BO NYID YOD NYID MI 'DOD, ,CES SMRAS TE, NGO BO NYID YOD NYID CES BYA BA NI NGO BO NYID DANG BCAS PA NYID CES BYA BA'I THA TSIG GO, ,DE'I PHYIR GTAN TSIGS DON MA GRUB, ,DON 'GAL NYID DU'ANG GYUR PA YIN, ,ZHES BYA BA NI GANG GI PHYIR DNGOS PO RNAMS NGO BO NYID MED PA NYID DU SNGAR BSTAN PA DE'I PHYIR PHA ROL PO DAG GI GTAN TSIGS MTSAN NYID DANG LDAN PA'I PHYIR ZHES BYA BA DE'I DON DBU MA PA LA MA GRUB STE, CHOS THAMS CAD MTSAN NYID MED PA'I PHYIR RO, ,GTAN TSIGS DE'I DON 'GAL BA NYID DU'ANG GYUR PA YIN TE SA LA @74A *, ,SOGS PA NGO BO NYID MED PA DAG SGRUB PA LA MTSAN NYID YOD PAR MTHONG BA'I PHYIR RO ZHES BYA BA'I GTAN TSIGS KYI DON 'GAL BA NYID YIN PA'I PHYIR RO, ,JI LTAR MTSAN NYID MED PA DE LTAR 'DI BSHAD DE, SA YI MTSAN NYID SA NYID KYIS, ,SRA BA NYID DU MTSON MI RIGS; ,LUS KYI RNAM SHES RGYU YIN PHYIR, ,ME NYID KYIS NI MI RIGS BZHIN, ,ZHES BYA BA NI GCIG PA NYID 'GOG STE, ,SA'I MTSAN NYID NI SA NYID KYIS SRA BA NYID DU MTSON PAR MI RIGS TE, LUS KYI RNAM PAR SHES PA SKYE BA'I RGYU YIN PA'I PHYIR DPER NA ME'I MTSAN NYID ME NYID KYIS SRA BA NYID DU MTSON PAR MI RIGS PA BZHIN NO, ,SA NYID KYIS ZHES BYA BA NI 'DI LTAR GYUR PA'I MTSAN NYID KYIS TE, ,DPER NA JI LTAR KHYOD KYIS RIL BA LAS SLOB MAR RAM, SLOB MA LAS MKHAN POR MTHONG NGAM ZHES RIL BA THOGS PA'I SGO NAS SLOB MA YIN PAR MTSON PA'AM, SLOB MA KHRID PA'I SGO NAS MKHAN PO YIN PAR MTSON PA LTA BU'O, ,'DIR NI SA NYID KYIS SA'I MTSAN NYID DE DE LTAR MTSON PAR MI RIGS TE, GAL TE GCIG PA NYID YIN NA SA NYID LAS LOGS SHIG NA GANG GIS DE MTSON PAR BYED PA'I SRA BA NYID CES BYA BA CI YANG MED PA'I PHYIR RO, ,DE BZHIN DU; GLANG GI MTSAN NYID GLANG NYID KYIS, ,NOG DANG LKOG SHAL SOGS MI 'DOD, ,KHYAD PAR CAN GYI BLOS BRTAG PHYIR, ,DPER NA BONG BU'I MTSAN NYID BZHIN, ,ZHES BYA BAS NI THA DAD PA NYID 'GOG STE, GLANG GI MTSAN NYID NI GLANG NYID KYIS NOG DANG LKOG SHAL LA SOGS PA YIN PAR MTSON PAR MI 'DOD DE, ,KHYAD PAR CAN GYI BLOS BRTAG PAR BYA BA YIN PA'I PHYIR DPER NA BONG BU'I MTSAN NYID BZHIN NO, ,GLANG NYID KYIS BYA BA NI GLANG GI DNGOS PO STE, RTA LA SOGS PA RIGS MI MTHUN PA DAG GIS STONG PA NYID DO, ,GLANG NYID CES BYA BA DE GLANG GI RDZAS KYI MTHUN PA NYID NOG DANG LKOG SHAL DANG MJUG MA DANG, RMIG PA DANG RVA LA SOGS PA YIN PAR MTSON PAR MI 'DOD DE, GAL TE GLANG NYID CES BYA BA DANG GLANG GI RDZAS GNYIS THA DAD PA YIN NA KHYAD PAR CAN GYI BLOS BRTAG PAR BYA BA YIN PA'I PHYIR, ,DPER NA GLANG NYID KYIS BONG BU'I MTSAN NYID @74B MTSON PAR MI NUS PA BZHIN NO, ,DE LA RANG GI SDE PA DAG NA RE, ,MTSAN GZHI LAS MTSAN NYID THA DAD PA MA YIN TE, ,DE MTSON PAR BYA BA YIN PA'I PHYIR DPER NA, SKYES BU CHEN PO LAS SKYES BU CHEN PO'I MTSAN RNAMS THA DAD PA MA YIN PA BZHIN NO, ,ZHES ZER BA DE DAG GI PHYIR BSHAD PA, GCIG NA JI LTAR MTSAN NYID YIN, ,DES NI DE NYID MI MTSON PHYIR, ,ZHES BYA BA NI MTSAN GZHI DANG MTSAN NYID GCIG PA NYID YIN NA, MTSAN GZHI NI GANG, MTSAN NYID GANG ZHES THA SNYAD GDAGS PA YANG MED DO, ,YANG NA MTSAN GZHI GCIG KHO NAS SAM MTSAN NYID GCIG KHO NAS 'GRUB PAS GNYIS SU SMOS PA ZLOS PA'I SKYON DU 'GYUR RO, ,BYE BRAG PA DAG NI MTSAN GZHI DANG MTSAN NYID THA DAD PA NYID DU 'DOD DE, ,'DIS MTSON PAR BYED PA'I PHYIR MTSAN NYID DO ZHES ZER BA DE DAG GI PHYIR 'DI BRJOD PAR BYA STE, GZHAN NA JI LTAR MTSAN NYID YIN, ,GZHAN GYIS GZHAN NYID MI MTSON PHYIR, ,ZHES BYA BA NI MTSAN GZHI DANG MTSAN NYID THA DAD PA NYID YIN LA, GAL TE GZHAN GYIS GZHAN MTSON PAR GYUR NA LKOG SHAL LA SOGS PA DAG GIS KYANG RTA MTSON PAR 'GYUR BA DANG, MTSAN GZHI MA SKYES PA'AM ZHIG PA NA YANG MTSAN NYID DMIGS PAR 'GYUR BAS DE'I PHYIR DE LTAR MTSAN GZHI LAS MTSAN NYID GCIG PA NYID KYANG MA YIN LA THA DAD PA NYID KYANG MA YIN NO, ,GZHAN YANG 'DI LA MTSAN NYID DANG BCAS PA ZHIG GAM MTSAN NYID MED PA ZHIG YIN GRANG NA, GAL TE MTSAN NYID DANG BCAS PA YIN NA NI DE LA YANG MTSAN NYID GZHAN YOD PAR 'GYUR LA, YANG DE LA YANG MTSAN NYID GZHAN DANG GZHAN YOD PAR 'GYUR BAS THUG PA MED PA'I SKYON DU 'GYUR RO, ,CI STE MTSAN NYID MED PA YIN NA NI DE LTAR NA YANG MTSAN NYID GTAN MED PA KHO NAR 'GYUR TE, NAM MKHA'I ME TOG LA SOGS PA MED PA'I PHYIR RO, ,DE'I PHYIR MTSAN NYID YOD PA MA YIN PA NYID GRUB STE, DE LA 'DIR KHUNGS NI, SHA RA DVA TI'I BU CHOS THAMS CAD NI MTSAN NYID MED PA STE, ,GANG CHOS GANG GI MTSAN NYID YIN PA DE NI DE'I MTSAN NYID MA YIN ZHING MTSAN NYID MNGON PAR @75A *, ,'GRUB PA'I PHYIR CHOS 'GA' YANG NYE BAR GNAS PA MA YIN NO ZHES BYA BA LA SOGS PA DANG, DE BZHIN DU, 'JIG RTEN NAM MKHA'I MTSAN NYID DE, NAM MKHA' LA YANG MTSAN NYID MED, ,CES BYA BA LA SOGS PA JI SKAD GSUNGS PA DAG YIN NO,, ,,DBU MA'I SNYING PO'I 'GREL PA RTOG GE 'BAR BA, BAM PO LNGA PA, 'DIR SMRAS PA, PHUNG PO DANG KHAMS DANG SKYE MCHED DAG NI DON DAM PAR MTSAN NYID YOD PA KHO NA YIN TE, DE'I YUL LA THA SNYAD KHYAD PAR CAN GYI BYA BA MI SKYE STE, MO GSHAM GYI BU LA 'GRO BA MED PA BZHIN NO, ,LHA SBYIN LA NI DE'I YUL LA 'GRO'O ZHES BYA BA LA SOGS PA'I THA SNYAD KHYAD PAR CAN GYI BYA BA YOD PAS DE'I PHYIR DNGOS PO RNAMS LA MTSAN NYID YOD PA KHO NA'O ZHE NA, 'DIR BSHAD PA, GAL TE MA BRTAGS NA GRAGS PAS 'JIG RTEN GYI DBANG DU 'GRO BA LA SOGS PA'I THA SNYAD YOD PAR 'DOD NA NI GRUB PA LA SGRUB PA YIN NO, ,'ON TE RNAL 'BYOR PA MNYAM PAR GZHAG PA SHES RAB KYIS DNGOS PO'I NGO BO NYID JI LTA BA BZHIN DU RNAM PAR DPYOD PA DAG LA DON DAM PAR 'GRO BA LA SOGS PAR YOD PAR 'DOD NA NI GTAN TSIGS KYI DON MA GRUB PA NYID DE, 'DI LTAR DON DAM PAR DE'I YUL LA GTAN TSIGS KHYAD PAR CAN GYI THA SNYAD YOD PAR MI 'THAD PA'I PHYIR RO, ,JI LTAR ZHE NA GAL TE 'GRO BA DON DAM PAR YOD PAR GYUR NA DE SONG BA'AM MA SONG BA'AM BGOM PA'I LAM LA YOD PAR 'GYUR GRANG STE, DE LA RE ZHIG BYE BRAG TU SMRA BA DANG BYE BRAG PA DAG MA SONG BA LA 'GRO BA YOD PAR 'DOD PA DE DAG DGAG PA'I PHYIR BSHAD PA, MA SONG BA LA DON DAM DU, ,'GRO BA YOD PAR MI 'DOD DE, ,LAM YIN PHYIR DANG 'GRO MED PHYIR, ,DPER NA MA 'ONGS LAM BZHIN NO, ,ZHES BYA BA NI 'GRO BA'I BYA BA MNGON PAR MA GRUB BO ZHES BYA BA'I TSIG GI LHAG MA'O, ,GRANGS CAN DAG KYANG RDUL GYI CHAS CHE BA'I BYA BA BYED PA'I TSOGS KYI 'JUG PA MNGON PAR GSAL BA'I TSON MA SONG BA LA 'GRO BA YOD PAR 'DOD DE, DE DAG NI MNGON PAR GSAL BA BKAG PAS 'GRO BA YANG MI 'GRUB PA'I PHYIR RTOG PA TZAM DU ZAD DO, ,'DIR SMRAS PA, MA SONG BA LA NI 'GO BA MED DE DER 'GRO BA'I BYA BA MA ZHUGS PA'I @75B PHYIR RO; ,SONG BA LA YANG 'GRO BA MED DE, 'GRO BA'I BYA BA ZHIG PA'I PHYIR RO, ,BGOM PA LA NI RKANG PA GNYIS 'JOG PA DANG, 'DEGS PA'I MTSAN NYID KYI BYA BA 'JUG PA'I PHYIR DE LA NI 'GRO BA YOD PA KHO NA YIN ZHE NA, 'DIR BSHAD PA, BGOM LA DON DAM NYID DU NA, ,'GRO BA YOD PA MA YIN TE, ,SONG DANG MA SONG MA GTOGS PAR, ,BGOM PAR RTAG TU MED PHYIR RO, ,ZHES BYA BA 'DI LA BGOM PA ZHES BYA BA DE NI SONG BA'AM MA SONG BA'AM, GANG CUNG ZAD NI MA SONG BA ZHIG YIN GRANG NA, GNYI GA'I DON YANG BSTAN ZIN TO, ,'ON TE GNYI GA'I BDAG NYID KYI BGOM PA ZHIG YOD PAR 'DOD NA, DE LA YANG GANG NAS RKANG PA BTEG PA DE NI SONG BA YIN LA, GANG DU RKANG PA 'JOG PA DE NI MA SONG BA YIN PAS DE GNYIS LAS MA GTOGS PA'I GSUM PA GANG BGOM PA ZHES BYA BAR GYUR PA DE NI CI YANG MED PAS DE'I PHYIR BGOM PA LA YANG 'GRO BA YOD PA MI 'THAD DO, ,CI STE BGOM PA ZHES BYA BA NI BRJOD PAR BYA BA MA YIN PA STE, DE NI SONG BA NYID DAM MA SONG BA NYID DU THA SNYAD GDAGS PAR MI NUS PA NYID YIN NO ZHE NA, DE'I PHYIR BSHAD PA, BGOM PA SONG DANG MA SONG BAR, ,BRJOD PA MIN LA'ANG 'GRO MED DE, ,LAM YIN PHYIR NA 'DAS PA BZHIN, ,YANG NA MA 'ONGS LAM BZHIN NO, ,ZHES BYA BA NI GAL TE BRJOD PAR BYA BA YANG MA YIN LA BLO'I SPYOD YUL DU YANG YOD PA MA YIN NA NI DES NA MED PA KHO NA YIN NO, ,GAL TE YOD NA YANG DE LA 'GRO BA YOD PAR MI RIGS TE, LAM YIN PA'I PHYIR DANG, 'DAS PA DANG MA 'ONGS PA'I LAM DAG PA BZHIN NO, ,'DIR SMRAS PA, 'GRO BA NI YOD PA KHO NA YIN TE, DES DE DANG LDAN PA'I THA SNYAD YOD PA'I PHYIR RO, ,'DI NA GANG YOD PA MA YIN PA DE LA NI DES DE DANG LDAN PA'I THA SNYAD MED DE, RI BONG GI RVA CAN ZHES BYA BA'I THA SNYAD MED PA BZHIN NO, ,'GRO BA YOD PA LA NI DES DE DANG LDAN PA'I THA SNYAD YOD DE, ,DPER NA TZEE TRA 'GRO'O ZHES BYA BA LTA BU'O, ,DE'I PHYIR 'GRO BA YOD PA KHO NA YIN NO ZHE NA, 'DIR BSHAD PA, TZEE TRA 'GRO'O ZHES BYA BA'I THA SNYAD GANG YIN PA DE YANG DAG PAR NA 'GRO BA PO'AM 'GRO BA PO MA YIN PA ZHIG LA BRTAG GRANG NA DE LA RE ZHIG ,'GRO MA GRUB PHYIR 'GRO @76A *, ,PO MED; ,DE PHYIR DE NI 'GRO MI 'DOD, ,CES BYA BA NI GANG GI TSE SONG BA DANG MA SONG BA DANG, BGOM PA'I LAM DAG LA 'GRO BA RNAM PA THAMS CAD DU MA GRUB PA'I PHYIR, 'GRO BA YOD PA MA YIN PA DE'I TSE 'GRO BA PO YANG MED BZHIN DU JI LTAR 'GRO BA YOD PA ZHIG GANG DU 'GRO NA TZEE TRA 'GRO BA PO ZHES BYA BA'I THA SNYAD DU 'GYUR, GAL TE DE 'GRO BA PO'I NGO BO NYID YIN PAR GYUR NA NI DE NAM YANG 'GRO BA'I BYA BA DANG BRAL BAR MI 'GYUR RO, ,DE'I PHYIR 'GRO BA PO DE NI 'GRO BAR MI 'DOD DO, ,KHA CIG 'GRO BA PO MA YIN PAR BYA BA'I SHUGS KYIS 'GRO BAR 'DOD PA DE DAG LA YANG; 'GRO BO MIN PAR 'GRO MI RIGS, ,'GRO DANG BRAL PHYIR SNGON BZHIN NO, ,ZHES BYA BA SMRAS TE, NGO BO NYID KYIS 'GRO BA PO MA YIN PA YANG 'GRO BAR MI RIGS TE, 'GRO BA DANG BRAL BA'I PHYIR DPER NA SNGON DANG PHYI MA DAG LA DE'I NGO BO NYID MED PA'I PHYIR 'GRO BAR MI RIGS PA BZHIN NO, ,GZHAN YANG GAL TE 'GRO BA PO MA YIN NA NI JI LTAR 'GRO BA PO YIN, 'ON TE 'GRO BA PO YIN NA NI 'O NA DE LTAR NA 'GRO BA PO MA YIN ZHES BYA BAR 'GAL LO, ,RNAM GRANGS LAS 'GRO BA PO YIN PA DANG, 'GRO BA PO MA YIN PA ZHIG 'GRO BA PO NYID DU KHAS LEN PA LA NI 'GRO BA PO YIN PA DANG, 'GRO BA PO MA YIN PA LAS GZHAN PA'I GSUM PA NI MED PAS DE LA 'GRO BA YANG YOD PA MA YIN PA'I PHYIR DE NI GYI NA'O, ,GAL TE 'GRO BA NI YOD PA KHO NA YIN TE, 'GRO BA PO'I MI MTHUN PA'I PHYOGS 'DUG PA PO YOD PA'I PHYIR RO ZHE NA, 'DUG PA PO DPYAD PA YANG DE NYID YIN TE, CI 'GRO BA PO 'DUG GAM 'ON TE 'GRO BA PO MA YIN PA 'DUG GRANG NA DE LA RE ZHIG 'GRO BA PO NI MI 'DUG STE, 'GRO BA'I BYA BA DANG MA BRAL BA'I PHYIR RO, ,'GRO BA PO MA YIN PA YANG MI 'DUG STE, 'GRO BA DANG BRAL BA LA NI THA SNYAD DU YANG 'GRO BA LAS LDOG PA'I 'JUG PA MI 'THAD PA'I PHYIR RO, ,DE GNYIS LAS GZHAN PA'I GSUM PA NI MED PAS DE'I PHYIR 'GRO BA'I MI MTHUN PA'I PHYOGS 'DUG PA PO YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DO, ,BYE BRAG PA DAG GIS SMRAS PA, GANG 'GRO BA'I BYA BA MA SKYES PAS MI 'GRO BAR NI RIGS SO, ,'GRO BA'I BYA BA SKYES PA NI @76B 'GRO BAR 'GYUR TE, GANG GI PHYIR RDZAS LAS GZHAN PA'I 'GRO BA YOD PAS DE DANG LDAN PA'I PHYIR 'GRO BA PO'I NGO BO NYID MA YIN YANG 'GRO BA KHO NAR 'GYUR TE, RANG GI BDAG NYID LAS GZHAN PA'I 'GRO BA'I DNGOS PO DANG 'BREL BA'I YUL LAS LHA SBYIN 'GRO BA DANG LDAN NO ZHES BYA BA'I BLO 'BYUNG STE, BLO DANG SGRA RJES SU 'JUG PA'I PHYIR DPER NA LHA SBYIN DBYUG PA DANG LDAN NO ZHES BYA BA'I BLO 'BYUNG BA LTA BU'O ZHES SMRA BAR NUS SO ZHE NA, 'DIR BSHAD PA, RANG LAS GZHAN PA'I DON 'BREL PA, ,'GRO PO SNYAM PA'I BLO 'DI 'DOD, ,BLO DANG SGRA RJES 'JUG PA'I PHYIR, ,DBYUG CAN BZHIN MIN RJES 'GRO MED, ,CES BYA BA NI PHA ROL PO DAG GIS RANG GI BDAG NYID LAS GZHAN PA'I 'GRO BA'I DNGOS PO DANG 'BREL BA'I YUL LA LHA SBYIN 'GRO BA DANG LDAN NO ZHES BYA BA'I BLO 'BYUNG STE, BLO DANG SGRA RJES SU 'JUG PA'I PHYIR, ,DPER NA LHA SBYIN DBYUG PA DANG LDAN NO ZHES BYA BA'I BLO 'BYUNG BA LTA BU'O ZHES SMRAS PA'I TSIG DES RANG LAS GZHAN PA'I DON DANG 'BREL PA LA 'GRO BA PO SNYAM PA'I BLO 'DI 'BYUNG BAR 'DOD DE, BLO DANG SGRA RJES SU 'JUG PA'I PHYIR DPER NA DBYUG PA CAN BZHIN NO ZHES BYA BA'I TSAD MA NYE BAR BZHAG PA DE NI DE LTA MIN TE, CI'I PHYIR ZHE NA, RJES SU 'GRO BA MED PA'I PHYIR RO ZHES BYA BAR SBYAR RO, ,JI LTAR RJES SU 'GRO BA MED CE NA, DBYUG PA DANG DBYUG PA CAN DAG NI DON DAM PAR NA NGO BO NYID MED PA'I PHYIR DANG LDAN PA SHIN TU MED PA'I PHYIR RJES SU 'GRO BA MED DO, ,KUN RDZOB TU NI 'DU BYED KYI TSOGS YUL GZHAN DU 'BYUNG BA'I KHYAD PAR GYI MTSAN NYID LA 'DI 'GRO BA DANG LDAN NO ZHES BYA BA'I THA SNYAD TZAM YOD MOD KYI 'DU BYED KYI TSOGS DE LAS GZHAN PA'I 'GRO BA NI CI YANG YOD PA MA YIN PAS DE'I PHYIR DE YANG BZANG PO MA YIN NO, ,RANG GI SDE PA KHA CIG NA RE 'BYUNG BA DANG 'BYUNG BA LAS GYUR PA'I TSOGS 'DUN PA'I RGYU DANG 'BAD PA BSKYED PAS RLANG GI KHAMS KYIS BDAS PAS YUL GZHAN DU RGYUN CHAGS SU 'BYUNG BA LA 'GRO ZHES BYA BAR ZAD KYI 'GRO BA ZHES BYA BA 'GRO BA PO LAS DON THA DAD PAR GYUR BA NI MED DE, SKYE BA'I PHYOGS NYID DU SKYE BA PO ZHIG PA'I PHYIR ME LA SOGS PA'I RGYUN BZHIN PAS 'GRO BA NI 'KHRUL PA YIN NO ZHES @77A *, ,ZER BA DE DAG LA YANG KHO BO CAG NI DON DAM PAR 'GRO BA ZHES BYA BA MED PA DANG, KUN RDZOB TU NI DE 'DOD PA KHO NA YIN PAR BSTAN PA'I PHYIR, RGYUN CHAGS YUL GZHAN 'BYUNG BA YI, ,'DU BYED RGYUN LA BRTEN NAS NI, ,ME LA SOGS BZHIN 'KHRUL PA'I 'GRO; ,DE YANG KUN RDZOB DE NYID MIN, ,ZHES BYA BA SMRAS TE, GCIG PA NYID DANG THA DAD PA NYID BKAG PA'I PHYIR DANG, 'DUS PA'I BDAG NYID YIN PA'I PHYIR DANG, SHES PA NYID 'KHRUL PA'I PHYIR RO ZHES BYA BAR BSAMS SO, ,GRANGS CAN DAG NI RDUL GYI SHAS CHE BA'I BYA BA BYED PA'I TSOGS KYI 'JUG PA MNGON PAR GSAL BA'I TSE NA, 'GRO BA PO YOD PAR 'DOD PAS DE DAG GI PHYIR, SER SKYA PA YIS RNAM BRTAGS PA'I, ,'GRO PO DON DAM NYID MI RIGS, ,TSOGS PA RDZAS SU MED PHYIR DANG, ,YANG NA G-YO BA MED PHYIR RO, ,ZHES BYA BA SMRAS SO, ,GAL TE SER SKYA PA DAG NA RE, GANG DAG LA TSOGS PA RDZAS SU YOD PA MA YIN PA DE DAG LA NI SKYON DER 'GYUR GYI, KHO BO CAG NI TSOGS PA CAN RDZAS SU YOD PA KHO NAR 'DOD DE, BYED PA TSOGS PA'I YAN LAG RNAMS MA BZUNG NA BYA BA TSOGS PA CAN YANG GZUNG DU MED PA'I PHYIR TSOGS PA'I YAN LAG GI BDAG NYID BZHIN NO ZHES ZER BA DE DAG GI 'DI LTAR GSAL BAR BYA STE, GAL TE TSOGS PA RDZAS YOD DE, ,TSOGS BYED MA BZUNG GZUNG MED PHYIR, ,DE YI BDAG BZHIN DE MI RIGS, ,DE DAG RDZAS SU MED PHYIR RO, ,ZHES BYA BA NI BYA BA LA SOGS PA 'BYUNG BA CHEN PO BZHI DANG, BYED PA MIG LA SOGS PA DE DAG NI RIGS PA MA YIN TE, BYA BA BYED PA TSOGS PA'I YAN LAG DE DAG RDZAS SU YOD PA MA YIN PA'I PHYIR RO, ,DE DAG JI LTAR RDZAS SU YOD PA NYID MA YIN PA DE LTAR NI SNGAR BSTAN ZIN TO, ,DE'I PHYIR 'GRO BA DANG 'ONG BA'I RNAM PAR BZHAG PA NI 'JIG RTEN PA'I THA SNYAD YIN PAS DON DAM PAR DPYAD PA MI BZOD DO, ,BYA BA LHAG MA DGAG PA YANG, ,PHYOGS DES RAB TU BSTAN PA YIN, ,JI LTAR ZHE NA, 'DI NI LHA SBYIN SMRA'O ZHES BYA BA DE YANG SMRAS PA SMRA'AM, 'ON TE MA SMRAS PA SMRA GRANG NA, RE ZHIG SMRAS PA @77B LA NI SMRA BA MED DE, TSIG GI BYA BA 'DAS PA'I PHYIR RO, ,MA SMRAS PA LA YANG SMRA BA MED DE, TSIG GI BYA BA MA ZHUGS PA'I PHYIR RO, ,SMRA BZHIN PA YANG SMRA BA MED DE, SMRAS PA DANG MA SMRAS PA MA GTOGS PAR SMRA BZHIN PA MED PA'I PHYIR RO, ,DE BZHIN DU JI LTAR SMRA BA PO SMRA'AM SMRA BA PO MA YIN PA SMRA GRANG NA, DE LA SMRA BA PO GANG SMRA BAR 'GYUR BA NI MED DE, RNAM PA THAMS CAD DU SMRA BA MED PA'I PHYIR RO, ,SMRA BA PO MA YIN PA LA YANG SMRA BA MED DE, SMRA BA DANG MI LDAN PA'I PHYIR RO, ,DE GNYIS LAS GZHAN PA'I SMRA BA PO NI MI 'THAD DE, SNGON DANG PHYI MA DAG LA DE'I NGO BO NYID MED PA BZHIN BAS DE'I PHYIR SU ZHIG SMRA BAR 'GYUR, DE BZHIN DU SMRA BA PO DANG SMRA BA GCIG GAM THA DAD PA CIG YIN GRANG NA, GNYI GA YANG SKYON DU 'GYUR RO, ,DE BZHIN DU ZA BA PO ZA BAR BYED PA DANG, BYED PA PO LAS BYED PA DANG, GCOD PA PO GCOD PA DANG, LTA BA PO LTA BA LA SOGS PA DAG KYANG 'GRO BA DANG 'GRO BA PO BKAG PA BZHIN DU DPYAD PA DANG DGAG PA 'DRA BAR BYA'O, ,DE'I PHYIR LUNG LAS, RAB 'BYOR CHOS THAMS CAD NI 'ONG BA DANG 'GRO BA MED PA STE, DE DAG NI GNAS DE LAS MI 'DA'O ZHES GSUNGS PA DANG, DE BZHIN DU, 'DI LA 'ONG MED 'GRO BA 'GA' YANG MED, ,CHOS RNAMS THAMS CAD NAM MKHA' JI BZHIN NO, ,ZHES GSUNGS PA DANG, DE BZHIN DU CHOS THAMS CAD NI BLUN PA DANG, SEMS MED PA DANG, BYA BA MED PA DANG, RTZVA DANG SHING DANG RTZIG PA LTA BU'O, ,ZHES GSUNGS PA LA SOGS PA DE DAG GRUB PA YIN NO, ,'DIR SMRAS PA NANG GI DNGOS PO RNAMS NI DON DAM PAR NGO BO NYID YOD PA KHO NA YIN TE, DE DAG LA BCINGS PA DANG THAR PA YOD PA'I PHYIR RO, ,YOD PA MA YIN PA LA NI DE DAG MED DE MO GSHAM GYI BU LAS BCINGS PA DANG THAR PA DAG MED PA BZHIN NO, ,NANG GI DNGOS PO RNAMS LA NI BCINGS PA DANG THAR PA DAG YOD DE, GANG GI PHYIR ZHE NA, BCOM LDAN 'DAS KYIS, DAM CHOS RNAM PAR MI SHES PA'I, ,BYIS PA LA NI 'KHOR BA RING, ,ZHES GSUNGS PA DANG, DE BZHIN DU 'KHOR BA'I BTZON RA NAS YANG DAG PAR BZLA BA'I PHYIR 'PHAGS PA'I LAM YAN LAG BRGYAD PA BSTAN TO ZHES GSUNGS PA'I PHYIR RO ZHE NA, @78A *, ,'DIR BSHAD PA, GAL TE DNGOS NYID YOD 'DOD DE, ,'KHOR DANG THAR PA YOD PHYIR NA, ,GANG TSE JI LTAR RNAM BRTAGS PA, ,DE DAG RANG BZHIN RNAM DPYAD NA, ,NGES GZUNG MED PA DE YI TSE, ,JI LTAR BCINGS SHING GANG NAS THAR, ,GANG GI TSE MTSAN NYID BYED PA DAG GIS JI LTAR RNAM PAR BRTAGS PA'I NANG GI DNGOS PO DE DAG GI RANG BZHIN RNAM PAR GZHAG PA JI SKAD BSTAN PA'I RIM PAS RNAM PAR DPYAD PA NA, ,NGES PAR GZUNG DU MED PA DE'I TSE NA GANG ZHIG DE LTAR BCINGS SHING GANG NAS THAR BAR 'GYUR TE, DE'I PHYIR GTAN TSIGS KYI DON MA GRUB PA NYID DO, ,CI BCINGS PA DANG THAR PA DAG MI 'THAD PA KHO NA YIN NAM ZHE NA, DE'I PHYIR 'DU BYED, NGO BO NYID YOD MA YIN PA, ,SGYU MA RMI LAM LTA BU DANG, ,RANG GI RGYU DANG RKYEN DBANG LAS, ,BDAG NYID KHYAD PAR 'THOB LA 'THAD, ,CES BYA BA SMRAS TE, GANG DAG LA 'DU BYED RNAMS NGO BO NYID YOD PA DE DAG NI SNGAR DPYAD PA'I GTAN TSIGS DAG GI PHYIR BCINGS PA DANG THAR BA DAG MI 'THAD DO, ,'DU BYED RNAMS NGO BO NYID YOD PA MA YIN PA SGYU MA DANG SMIG RGYU LTA BU RANG GI RGYU DANG RKYEN GYI DBANG LAS SKAD CIG MA SNGA MA DANG MTSAN NYID MI 'DRA BA'I RANG GI BDAG NYID KYI KHYAD PAR THOB PA DAG LA NI BCINGS PA DANG THAR PA DAG 'THAD DO, ,JI LTAR ZHE NA, 'DI NA 'DU BYED KYI TSOGS THOG MA MED PA'I DUS NA ZHUGS PA BDAG DANG BDAG GIR 'DZIN PA'I 'DZIN KHRIS ZIN PA, 'DOD CHAGS LA SOGS NYON MONGS PA'I LCAGS SGROG GIS BCINGS PA LAS YANG DAG PA'I SHES PA BSKYED PAS, BCING BA MTHA' DAG BKROL ZHING 'KHOR BA'I BTZON RA NAS YANG DAG PAR 'DAS PA'I THAR PA ZHES BYA BA THA SNYAD DU GTOGS PA'I SHES RAB KYIS THA SNYAD GDAGS PA 'THAD DO, ,DON DAM PAR NI MA YIN TE, DE LTAR YANG JI SKAD DU, DE BZHIN GSHEGS PAS 'KHOR BA LDOG PAR MDZAD KYANG DER 'GA' YANG 'KHOR BA MED LA, DE BZHIN GSHEGS PAS MYA NGAN LAS 'DAS PA STON PAR MDZAD KYANG DER 'GA' YANG MYA NGAN LAS 'DAS PA MED DO ZHES GSUNGS PA LTA BU'O, ,RANG GI SDE PA KHA CIG NA RE, RGYU DANG RKYEN GCIG NAS GCIG TU BRGYUD @78B PA'I RGYUN 'BREL BA'I MING DANG GZUGS 'DOD CHAGS LA SOGS PA DANG, LHAN CIG SKYES PA THAR PA'I MI MTHUN PA'I PHYOGS DANG LDAN PA NI BCINGS PA ZHES BYA BA LA, BCINGS PA LA DAM PA'I CHOS MNYAN PA DANG TSUL BZHIN YID LA BYED PA LAS BYUNG BA'I YANG DAG PA'I SHES PA'I SGRON MA MI SHES PA'I MUN PA DANG BRAL BA SKYES PAS 'DOD CHAGS LA SOGS PA'I 'CHING BA LAS GROL BA NI THAR PA ZHES BYA BA'O ZHES ZER BA DE DAG GI PHYIR BSHAD PA, MING DANG GZUGS NI DON DAM DU, ,'KHOR BAR RIGS PA MA YIN TE, ,'DUS BYAS YIN PHYIR PHYI ROL GYI, ,SA LA SOGS PA MI 'DOD BZHIN, ,ZHES BYA BA LA MING NI PHUNG PO GZUGS CAN MA YIN PA BZHI PO DAG GO, ,GZUGS NI LUS DANG DBANG PO ZHES BYA BA'I TSOGS SO, ,DE NI DON DAM PAR NA 'KHOR BAR 'BYUNG ZHING 'GRO BA DANG KUN DU 'GRO BAR MI RIGS TE, RGYU DANG RKYEN DAG GIS MNGON PAR 'DUS BYAS PA'I PHYIR; DPER NA PHYI ROL GYI SA LA SOGS PA DAG 'DUS BYAS YIN PA'I PHYIR 'KHOR BAR MI 'DOD PA BZHIN NO, ,DE THAR PA YANG MI 'THAD DE, JI LTAR ZHE NA, MING GZUGS DON DAM NYID DU NA, ,JI LTAR YANG NI THAR MI 'GYUR, ,SKYE DANG LDAN PHYIR 'JIG PA'I PHYIR, ,PHYI ROL CHU LA SOGS PA BZHIN, ,ZHES BYA BA NI 'DI LA DE'I RGYUN THAR PAR BRTAG GAM SKAD CIG MA THAR PAR BRTAG GRANG NA, DE LA RE ZHIG RGYUN NI RDZAS SU YOD PA MA YIN PA NYID KYIS CHU'I RLABS 'BYUNG BA DANG 'GAG PA BZHIN LA SKAD CIG MA YANG BCINGS PA NI BCINGS PA'I DUS NYID DU ZHIG PA'I PHYIR DANG, DUS PHYI MAR 'BYUNG BA YANG BCINGS BZHIN KHO NAR 'BYUNG BA'I PHYIR THAR PAR GA LA 'GYUR TE, DE LTAR RE ZHIG MING DANG GZUGS LA BCINGS PA DANG THAR PA DAG MI 'THAD DO, ,GNAS MA BU'I SDE PA DAG NI PHUNG PO DANG SKYE MCHED DANG KHAMS RNAMS LAS GZHAN PA'I GANG ZAG 'KHOR BA DANG THAR PAR 'DOD PAS DE DGAG PA'I PHYIR BSHAD PA, GANG ZAG YANG DAG NYID DU NI, ,'KHOR DANG THAR BAR MI 'GYUR TE, ,GDAGS BYA YIN PHYIR KHANG PA BZHIN, ,BRJOD BYA YIN PHYIR DRI DANG 'DRA, ,ZHES BYA BA NI DPER NA RTZVA DANG SHING DANG SA DANG SMYIG MA DANG RDO BA DANG SO PHAG LA SOGS @79A *, ,PA DAG GIS KHANG PAR GDAGS PA DE BZHIN DU, PHUNG PO DANG, KHAMS DANG, SKYE MCHED DAG LA BRTEN NAS GANG ZAG TU GDAGS PAR ZAD PAS DE DAG MED PAR DE BSTAN DKA'O, ,DE'I PHYIR GANG ZAG NI KHANG PA LA SOGS PA BZHIN DU GDAGS PAR BYA BA YIN PA'I PHYIR DANG, DRI BZHIN DU BRJOD PAR BYA BA YIN PA'I PHYIR BCINGS PA DANG THAR PA MED DO, ,YANG NA GANG ZAG DE NI YOD PA NYID MA YIN TE, GZUGS SU RUNG BA DANG MYONG BA DANG MTSAN MAR 'DZIN PA DANG MNGON PAR 'DU BYED PA DANG, RNAM PAR SHES PAR BYED PA DAG LAS GZHAN PA'I MTSAN NYID DMIGS SU MED PA'I PHYIR, NAM MKHA'I ME TOG BZHIN PAS, DE'I PHYIR BSHAD PA, YANG NA GANG ZAG GANG ZAG MIN, ,RGYU DANG LDAN PHYIR BUM PA BZHIN, ,SKYE DANG LDAN PHYIR 'JIG PA'I PHYIR, ,SHES BYA YIN PHYIR 'ONG BA BZHIN, ,ZHES BYA BA NI 'DI LA GANG ZAG DE PHUNG PO LA SOGS PA LAS GZHAN ZHIG YIN NAM, GZHAN MA YIN PA ZHIG YIN GRANG NA, GAL TE GZHAN YIN NA NI MTSAN NYID MED PAR 'GYUR RO, ,GZHAN MA YIN NA NI PHUNG PO LA SOGS PA ZHIG PA NA GANG ZAG KYANG 'JIG PA'I SKYON DU 'GYUR RO, ,CI STE GANG ZAG DE GCIG PA NYID DANG THA DAD PA NYID DU BRJOD PAR BYA BA NYID KYANG MA YIN LA, ,RDZAS SU YANG YOD PAR 'DOD DO ZHE NA, DE LTA YANG MI RIGS TE, GANG ZAG BRJOD DU MED PHYIR BAS, ,RDZAS SU YOD PA MA GRUB STE, ,DRI DANG DKAR SNGOR BRJOD MED PA'I, ,MO GSHAM BUS NI MA NGES 'GYUR, , ZHES BYA BA LA BRJOD DU MED PA'I PHYIR ZHES BYA BA 'DIS NI PHA ROL PO'I GTAN TSIGS KYI DON MA NGES PA NYID DU STON TE, ,BRJOD DU MED PA'I PHYIR ZHES BYA BA'I GTAN TSIGS KYIS GANG ZAG DE RDZAS SU YOD PAR MI 'GRUB STE, CI RE ZHIG DRI BRJOD DU MED KYANG RDZAS SU YOD PA BZHIN DU GANG ZAG KYANG BRJOD DU MED PA'I PHYIR RDZAS SU YOD PAR 'GYUR RAM, ,'ON TE MO GSHAM GYI BU DKAR PO DANG SNGON POR BRJOD DU MED PA'I PHYIR RDZAS SU MED PA BZHIN DU GANG ZAG KYANG BRJOD DU MED PA'I PHYIR, RDZAS SU MED PAR 'GYUR BA MA NGES PAS DE RDZAS SU YOD PA NYID NYAMS SO, ,DE LTAR PHUNG PO BDAG @79B MED CING, ,SROG MED SEMS CAN YOD MIN PA, ,MKHAS PAS GZU BO'I BLO DAG GIS, ,CI RIGS PAR NI SHES PAR BYA, ,ZHES BYA BA NI GANG ZAG DGAG PA DANG 'DRA BA'I PHYIR RO, ,ZHES BYA BAR BSAMS SO, ,DE LA BDAG CES BYA BA NI GRANGS CAN DANG BYE BRAG PA DAG GI GZHUNG LAS RGYUN DU 'GRO BA'AM, 'BYUNG PO THAMS CAD KYIS BRTAG PAR BYA BA YIN PA'I PHYIR BDAG CES BYA'O, ,SROG CES BYA BA NI GCER BU BDAG GI GZHUNG LAS 'TSO BA'I DON GYIS SROG CE'O, ,SEMS CAN ZHES BYA BA NI RGOL BA THAMS CAD KYI GZHUNG LAS YOD PA'I DNGOS PO NI SEMS CAN NO ZHE 'AM; ,'GRO BA RNAMS SU SBYOR BA NI SEMS CAN NO ZHE'O, ,GANG ZAG CES BYA BA NI GNAS MA BU'I SDE PA DAG GI GZHUNG LAS YANG 'GRO BA LEN PA'I PHYIR GANG ZAG CE'O, ,BDAG BKAG PA BZHIN DU SROG DANG GANG ZAG DGAG PA YANG 'DRA BAR MTHONG NAS, LUS DANG DBANG PO'I TSOGS RNAMS LA, ,DE NYID DU NA BDAG MED 'DOD, ,RGYU DANG LDAN PHYIR KA BA BZHIN, ,YANG NA BSAGS PHYIR GROG MKHAR BZHIN, ,ZHES BYA BA SMRAS TE, BDAG MED CES BYA BA NI DE DAG LAS BDAG BRAL BA'I PHYIR BDAG MED DO, ,GROG MKHAR BZHIN ZHES BYA NI GROG MA'I BRUN BZHIN NO ZHES BYA BA'I THA TSIG GO, ,MU STEGS CAN DAG NA RE BA DAG NI YOD PA KHO NA YIN TE, DRAN PA DANG NGO SHES PA DANG, SHES PA SKYE BA LA SOGS PA'I GTAN TSIGS DAG GIS LUS DANG DBANG PO'I TSOGS DAG NI BDAG DANG BCAS PA YIN NO, ,BUM PA DANG SNAM BU LA SOGS PA BDAG MED PA DAG LA NI DRAN PA DANG NGO SHES PA SKYE BA MA MTHONG BAS DE'I PHYIR DRAN PA LA SOGS PA DAG NI DAG NI BDAG GI CHOS YIN PA'I PHYIR, DES NA BDAG YOD PA KHO NAR RJES SU DPAG GO ZHES ZER RO, ,'DIR BSHAD PA, DRAN PA DANG NI NGO SHES DANG, ,SHES SKYE LA SOGS GTAN TSIGS KYIS; ,BDAG YOD NYID DU DAM BCA' BA, ,GTAN TSIGS RNAMS NI MA GRUB NYID, ,CES BYA BA LA, JI LTAR NYAMS SU MYONG BA'I YUL DRAN PA NI DRAN PA'I CHOS SO, ,NGO SHES PA NI 'DU BYED KYI CHOS SO, ,RTOG GE'I YUL LA SHES PA SKYE BA DE DAG NI BDAG MED KYANG RGYU DANG RKYEN SO SOR NGES @80A *, ,SA TSOGS PA'I DBANG LAS SEMS DANG SEMS LAS BYUNG BA'I RNAM GRANGS KYI GNAS SKABS KYI KHYAD PAR DE DAG 'BYUNG BAR 'GYUR BAS, DE'I PHYIR PHA ROL PO'I GTAN TSIGS RNAMS NI SANGS RGYAS PA DAG LAS GZHAN DU MA GRUB PA NYID DANG, PHUNG PO LAS GZHAN PA'I BDAG MED PA'I PHYIR GZHI MA GRUB PA NYID KYANG YIN NO, ,GZHAN YANG, ,GAL TE DBANG BCAS LUS LA NI, ,BDAG YOD NYID DU SGRUB BYED NA, ,GTAN TSIGS THUN MONG NYID MI 'GYUR, ,RJES SU 'GRO BA MED PHYIR RO, ,ZHES BYA BA NI DBANG PO DANG BCAS PA'I LUS LA DRAN PA LA SOGS PA DMIGS PA'I PHYIR BDAG YOD PA NYID DU SGRUB PA NI CI DANG 'DRA ZHES BYA BA'I CHOS MTHUN PA'I DPE MED PA'I PHYIR GTAN TSIGS THUN MONG MA YIN PA NYID DU 'GYUR RO, ,DRAN PA LA SOGS PA BDAG MED PA DAG LA YANG DRAN PA DANG NGO SHES PA DANG, SHES PA SKYE BA DAG MTHONG BA'I PHYIR DRAN PA LA SOGS PA'I GTAN TSIGS DAG GI DON 'GAL BA NYID KYANG YIN NO, ,GAL TE 'DI SNYAM DU BDAG CES BYA BA'I SGRA NI KHA CIG LA NYE BAR GDAGS SU RUNG BA'I PHYIR DON JI LTA BA BZHIN NYID DE, DPER NA BRAM ZE'I KHYE'U SENG GE ZHES BYA BA YANG BRAM ZE'I KHYE'U DE LA G-YER BAG DANG, GTUM BAG DANG, MTHU RTZAL LA SOGS PA DAG SNANG BAS DE LA SENG GE ZHES BYA BA'I THA SNYAD NYE BAR GDAGS SU YOD PA LAS NA, LOG SHIG NA SENG GE ZHES BYA BA RAL BA SPUNGS PA LA SOGS PA'I KHYAD PA DANG LDAN PA'I RI DVAGS KYI RGYAL PO DNGOS YOD PAR SHES PA DE BZHIN DU LUS DANG DBANG PO DANG BLO'I TSOGS SKAD CIG MA LA DRAN PA DANG NGO SHES PA DANG, SHES PA SKYE BA LA SOGS PA NYE BAR GDAGS PA SNANG BA LAS NA BDAG CES BYA BA DNGOS PO GANG LA DE DAG YOD PA'I BDAG DE YOD PA KHO NA YIN NO SNYAM DU PHA ROL PO DAG DRAN PA LA SOGS PA'I NYE BAR GDAGS PA YOD PA'I SGO NAS, LUS DANG DBANG PO DANG BLO'I TSOGS DE LAS GZHAN PA'I BDAG YOD DE SNYAM DU SEMS PA'I DOGS PA BSU NAS 'DIR SLOB DPON GYIS BSHAD PA, GAL TE BDAG SGRA DON BZHIN TE, ,'GA' LA NYE BAR GDAGS PA'I PHYIR, ,SENG GE'I SGRA DANG 'DRA ZHE NA, ,BDAG NI GRUB PA NYID MI 'GYUR, ,ZHES BYA BA NI GANG @80B GI PHYIR DPE MED PA DANG, GRUB PA LA SGRUB PA NYID YIN PA'I PHYIR TE, 'DI LTAR SGRA GANG KHA CIG LA TE BAR GDAGS PA DE NI 'DUS PA'I TSOGS LA MTHONG STE, SENG GE LA SOGS PA'I SGRA BZHIN NO, ,BDAG NI 'DUS PA'I BDAG NYID MA YIN PAS DE'I PHYIR 'DUS PA'I BDAG NYID MA YIN PA GANG LA YANG NYE BAR GDAGS PA MI SNANG BA'I PHYIR DPE MED DO, ,GRUB PA LA SGRUB PA NYID KYANG YIN TE, 'DI LTAR KHO BO CAG KYANG THA SNYAD DU RNAM PAR SHES PA LA BDAG GI SGRA DNGOS SU 'DOGS TE, ,'DI LTAR RNAM PAR SHES PA NI YANG SRID PA LEN PA'I PHYIR BDAG YIN NO ZHES LUS DANG DBANG PO'I TSOGS DAG LA NYE BAR 'DOGS PA'I PHYIR TE, JI SKAD DU, DPER NA YAN LAG TSOGS PA LA, ,SHING RTA ZHES NI DRAN PA LTAR, ,DE BZHIN PHUNG PO RNAMS BRTEN NAS, ,KUN RDZOB TU NI SEMS CAN BRJOD, ,CES GSUNGS PA'I PHYIR RO, ,CI STE RNAM SHES YUL LA NI, ,DON BZHIN GZHAN LA SGRUB CE NA, ,RTAG DANG KUN 'GRO SOGS BRAL PHYIR, ,'GAL BA NYID DU 'GYUR PA YIN, ,ZHES BYA BA NI CI STE PHA ROL PO DAG SANGS RGYAS PA LA RNAM PAR SHES PA LA DON JI LTA BA BZHIN GYI BDAG DNGOS YIN PAR THA SNYAD GDAGS PA GRUB PA DE KHO BO CAG BDAG DAM PA GZHAN LA DON JI LTA BA BZHIN GYI BDAG DNGOS YIN PAR THA SNYAD GDAGS SU RUNG BAR SGRUB PO ZHE NA, DE LTAR NA BDAG DAM PA DE RNAM PAR SHES PA KHO NA BZHIN DU RTAG PA DANG KUN TU 'GRO BA LA SOGS PA DANG BRAL BAS DE'I PHYIR RNAM PAR SHES PA BZHIN DU RJES SU DPOG PAS MI RTAG PA DANG, KUN TU 'GRO BA MA YIN PA NYID KYIS BDAG DAM PA CHOS CAN DE'I RANG GI NGO BO GSAL BA'I PHYIR 'GAL BA NYID 'GYUR RO, ,DE'I PHYIR GANG LA'ANG DON DAM DU, ,BCINGS DANG THAR PA YONG MI 'DOD, ,CES BYA BA NI MING DANG GZUGS SAM, GAN GZAG GAM, BDAG GANG LA YANG BRTAG MI BZOD PA'I PHYIR RO ZHES BYA BA'I THA TSIG GO, ,SONG DANG MA SONG BGOM PA YI, ,DE BZHIN SEMS LA LHAG MA BSHAD, ,CES BYA BA NI JI LTAR SONG BA DANG MA SONG BA DANG BGOM PA LA 'GRO BA MI 'THAD PA DE BZHIN DU SEMS KYANG BCINGS PA'AM MA BCINGS PA'AM, 'CHING BA BZHIN PA ZHIG 'CHING GRANG, ,GROL BA YANG @81A *, ,GROL BA'AM MA GROL BA'AM GROL BZHIN PA ZHIG 'GROL GRANG NA, DE LA RE ZHIG BCINGS PA LA NI YANG 'CHING BA DON MED DO, ,MA BCINGS PA LA YANG 'CHING BA MED PA'I PHYIR GROL BA BZHIN DU 'CHING BA MED DO, ,'CHING BZHIN PA LA YANG GNYI GA'I SKYON DU 'GYUR RO; ,GROL BA LA YANG 'GROL BA MED DE, BCINGS PA MED PA'I PHYIR RO, ,MA GROL BA LA YANG 'GROL BA MED DE, DPER NA NYON MONGS PA MTHA' DAG GIS BCINGS PA BZHIN NO, ,CI STE GROL BZHIN PA LA 'GROL BA YOD DE, MTSAN NYID LAS, MI SLOB SEMS NI SKYE BZHIN PA, ,SGRIB PA LAS NI RNAM PAR 'GROL, ,ZHES 'BYUNG BA'I PHYIR RO ZHE NA, 'GROL BZHIN PA DE YANG GANG YIN, GAL TE BCINGS PA YIN NA NI, ,BCINGS PA DANG 'GROL BA GNYIS DUS GCIG PA'I SKYON DU 'GYUR RO, ,GAL TE MA BCINGS PA YIN NA NI DE GANG LAS GROL BAR 'GYUR, GAL TE GNYIS KA'I BDAG NYID GCIG NA NI MI MTHUN TE GAL TE BCINGS PA YIN NA NI GROL BA MA YIN LA, 'ON TE GROL BA YIN NA NI BCINGS PA MA YIN NO, ,GAL TE BRJOD PAR BYA BA MA YIN PA ZHIG NA NI NGO BO NYID NYAMS SO, ,SLOB PA'I SEMS SEMS SNGA MA'I SKAD CIG MA LA LTOS NAS RNAM PAR GROL PAR RTOG PA LA NI THA SNYAD YIN PA'I PHYIR 'DOD PA NYAMS SO, ,DE'I PHYIR SEMS LA YANG DON DAM PAR NI BCINGS PA DANG THAR PA DAG MI 'THAD DO, ,DE'I PHYIR LUNG LAS RIGS KYI BU DE BZHIN GSHEGS PA NI 'KHOR BA SEL BAR MI MDZAD LA, MYA NGAN LAS 'DAS PA SGRUB PAR YANG MI MDZAD DE, ,DE CI'I PHYIR ZHE NA, 'DI LTAR MNYAM PA NYID LA 'KHOR BAR 'GYUR BA YANG MED, MYA NGAN LAS 'DAS BAR 'GYUR BA YANG MED, KUN NAS NYON MONGS PAR 'GYUR BA YANG MED, RNAM PAR BYANG BAR 'GYUR BA YANG MED PA'I PHYIR RO ZHES GSUNGS PA LA SOGS PA DE DAG GRUB PA YIN NO, ,GAL TE DE LTAR KUN NAS NYON MONGS PA DANG RNAM PAR BYANG BA DAG YOD PA MA YIN NA, 'O NA CI'I PHYIR BCOM LDAN 'DAS KYIS, CHAGS PAS CHOS RNAMS MI SHES SHING, ,CHAGS PAS CHOS RNAMS MI MTHONG STE, ,MI GANG @81B 'DOD CHAGS BSTEN BYED PA, ,DE TSE MUN PAS MUN NAG 'GYUR, ,ZHES BYA BA LA SOGS PA KUN NAS NYON MONGS PA'I NYES DMIGS BSTAN PA MDZAD CING, ,GANG DAG 'PHAGS PA'I SHES RAB KYIS NGOMS PA DE DAG NI NGOMS PA'O ZHES BYA BA LA SOGS PA CI'I PHYIR RNAM PAR BYANG BA'I YON TAN BSNGAGS PAR MDZAD CE NA, BSHAD PA, CHAGS PA SGYU MA LTA BU'I 'DU BYED KYI TSOGS 'DOD CHAGS LA SOGS PA'I 'JUG PA SHAS CHE BA DRI ZA'I GRONG KHYER GYI BUD MED BZANG MO LA CHAGS PA LTA BU DANG, DE'I NYES DMIGS MTHONG BA LA BRTEN NAS KUN RDZOB PA'I 'DOD CHAGS LA SOGS PA DE DAG NI YOD PA KHO NA YIN NO, ,DON DAM PAR NI, GANG CHE SEMS NI 'GAG PA LA, ,MNGON DU PHYOGS SHING SKYES PA'I TSE, ,GANG LA GANG GIS CHAGS PAR 'DOD, ,CHAGS PA 'GA' LA'ANG MI 'DOD DO, ,ZHES BYA BA NI 'DI LA 'DOD CHAGS DANG LHAN CIG SKYES PA'I SEMS LA CHAGS PA ZHES THA SNYAD GDAGS PA YIN NA DE YANG GANG GI TSE 'GAG PA LA MNGON DU PHYOGS BZHIN KHO NAR SKYES PA DE'I TSE NA SEMS 'GAG PA'I CHOS CAN DE LA, GANG LA 'DOD CHAGS GANG GIS CHAGS PAR 'GYUR, ,GZHAN YANG 'DOD CHAGS PA GANG YIN PA DE YANG 'GAGS SHING NYAMS PA NA CHAGS PA LA YANG 'DOD CHAGS SKYE BAR MI 'DOD DE, 'DOD CHAGS SKYE BA DON MED PAR 'GYUR BA'I PHYIR RO, ,CHAGS PA MA YIN PA'I SEMS KYI SKAD CIG MA LA YANG 'DOD CHAGS YOD PAR MI 'DOD DE, 'DOD CHAGS DANG BRAL BA BZHIN NO, ,GAL TE SKYE BZHIN CHAGS SHE NA, ,DE CIG GAL TE SKYE MNGON PHYOGS, ,ZHES BYA BA NI GAL TE SEMS SKYE BZHIN PA CHAGS PAR 'GYUR RO ZHE NA, SKYE BZHIN DE CI SKYES PA'AM MA SKYES PA ZHIG YIN, GAL TE SKYE BA LA MNGON DU PHYOGS PA YIN TE, DE NI SKYES PA MA YIN TE, YONGS SU MA GRUB PA'I PHYIR RO, , MA SKYES PA YANG MA YIN TE BYA BA 'JUG PA'I PHYIR RO ZHE NA, GAL TE DE LTA NA, MA SKYES PA LA DE MI 'DOD, ,GZHI MED BYA BA MI LDAN PHYIR, ,ZHES BYA BAR 'GYUR RO, ,'DI LTAR BYA BA NI BYED PA PO LA BRTEN PA YIN TE, DPER NA LHA SBYIN ZA BAR BYED DO ZHES BYA BA DE LTA BU YIN NA, SKYE BZHIN @82A *, ,PA NI RANG GI NGO BO YONGS SU MA GRUB PAS MA SKYES PA YIN PAS DE CI LTAR SKYE BA'I BYA BA DANG LDAN PAR 'GYUR, GAL TE SKYE BZHIN PA NI BRJOD PAR BYA BA MA YIN PA'O ZHE NA, DE LTA NA DE SKYES PA NYID DANG MA SKYES PA NYID DU BRJOD PAR MI NUS PAS, SKYE BZHIN SKYES DANG MA SKYES PAR, ,BRJOD PA MIN LA'ANG CHAGS PA MED, ,BRJOD MED SEMS KYANG CHAGS MIN TE, ,BRJOD PA MED PHYIR 'DOD CHAGS BZHIN, ,ZHES BYA BAR 'GYUR TE, GANG GI PHYIR 'DOD CHAGS KYANG CHAGS PA NYID DAM CHAGS PA MA YIN PA NYID DU BRJOD PAR BYA BA MA YIN PAS, JI LTAR 'DOD CHAGS LAS CHAGS PA MED PA BZHIN DU SEMS KYANG DE BZHIN NO ZHES BYA BA'I THA TSIG GO, ,GAL TE SEMS NI CHAGS PA YI, ,RNAM PAR SKYES PA CHAGS 'DOD DE, ,SHES LA TSON CHAGS BLO BZHIN NA, ,DE'I BLO JI LTAR CHAGS NYID YIN, ,ZHES BYA BA NI CHAGS PA DANG, LHAG PAR CHAGS PA DANG 'DOD CHAGS ZHES BYA BA DAG NI RNAM GRANGS TE, SEMS DE DAG GI RNAM PAR YONGS SU GYUR PA CHAGS PAR 'DOD DE, SHEL LA TSON GYIS CHAGS PA'I BLO BZHIN NO, ,ZHES PHA ROL PO'I BSAM PA NYE BAR BZHAG PA'I DPE DE LA BSGRUB PAR BYA BAS STONG PA NYID DU STON TE, JI LTAR 'JIG RTEN NA NOR BU SHEL LA KHA BSGYUR BA'I RKYEN NYE BAR GYUR PA NA, DE'I BDAG NYID DU YONGS SU GYUR PA CHAGS PA ZHES NYE BAR 'DOGS PAS DE'I BLO YANG CHAGS PA NYID DU NYE BAR BTAGS PA KHO NAR ZAD DO, ,RIGS PA'I SGO NAS NI RE ZHIG NOR BU SHEL DE NYID KYANG CHAGS PA MA YIN NA DE'I BLO LTA CHAGS PA NYID DUG LA 'GYUR, DE BZHIN DU SEMS KYI SKAD CIG MA YANG DANG PO YUL DANG PHRAD PA NA CHAGS PA'I RNAM PAR YONGS SU GYUR PA LA CHAGS PA ZHES NYE BAR GDAGS PAR ZAD KYI DE CHAGS NYID NI MA YIN TE, ,RTOG PA DANG RJES SU DRAN PA'I RNAM PAR RTOG PA DANG BRAL BA'I PHYIR RO, ,DES MNGON PAR BSGRUBS PA'I SKAD CIG MA GNYIS PA'I BLO SKYE BA DE LA NI RE ZHIG YUL NYE BAR GNAS PA MED DO, ,SEMS KYI SKAD CIG MA DANG PO'I RJES SU MYONGS BA YANG THA SNYAD GDAGS SU RUNG BA MA YIN PA'I PHYIR DE LA YANG YUL YOD PA MA YIN NO, ,DE LTAR CHAGS @82B PA MED PA'I PHYIR, ,'DOD CHAGS RTOG PA KUN RDZOB YIN, ,'DOD CHAGS BZHIN DU CHOS RNAM KUN, ,CI RIGS PAR NI SHES PAR BYA, ,DNGOS PO RDZAS LA BRTEN RIGS NA, ,DE YANG DE LAS DBYER YOD MIN, ,ZHES BYA BA NI 'DI NA CHAGS PAR BYED PA'I DNGOS PO NI 'DOD CHAGS SO; ,DNGOS PO DE YANG RDZAS LA BRTEN TE DPER NA SNAM BU'I TSON DANG, 'BRAS CHAN GYI CHOS PA ZHES BYA BA LTA BUR RIGS GRANG NA, DNGOS PO DE YANG RDZAS DE LAS THA DAD PAR DBYE ZHING BSTAN PAR MI NUS TE, ,DPER NA SNAM BU LAS LOGS SHOG NA TSON YOD PA MA YIN PA DANG, ,'BRAS CHAN LAS LOGS SHIG NA CHOS PA YOD PA MA YIN PA LTA BU'O, ,DE'I PHYIR 'DOD CHAGS 'DIS SEMS 'DI CHAGS SO ZHES BYA BA'I THA SNYAD 'DI SGRUB PAR DKA' PA'I PHYIR 'DOD CHAGS KYI RTOG PA NI KUN RDZOB PA YIN NO, ,DE PHYIR 'DOD CHAGS JI BZHIN DU, ,SEMS LA'ANG CHAGS PA 'THAD MI 'GYUR, ,ZHES BYA BA NI 'DOD CHAGS DANG CHAGS PA GNYIS DBYER MED PAS RANG GI BDAG NYID LA BYED PA 'GAL BA'I PHYIR RO ZHES BYA BAR BSAMS SO, ,DE GNYIS DBYER MED PA NI TSAD MA 'DIS SGRUB PAR BYED DE, 'DOD CHAGS 'CHAGS LAS GZHAN MI RIGS, ,CHAGS PA MANG ZUNG GZUNG MED PHYIR, ,CHAGS PA NYID BZHIN ZHES BYA BA NI 'DOD CHAGS NI CHAGS PA LAS LOGS SHIG NA YOD PA MA YIN LA, ,CHAGS PA YANG 'DOD CHAGS LAS LOGS SHIG NA YOD PA MA YIN PAS DPER NA CHAGS PA NYID BZHIN TE, 'DOD CHAGS DANG CHAGS PA GNYIS THA DAD PA MA YIN PA'I PHYIR RO, ,THA DAD NA'ANG, DES NI MI CHAGS GZHAN BZHIN NO, ,ZHES BYA BA NI GANG DAG 'DOD CHAGS NI CHAGS PA LAS THA DAD PA YIN TE, ,DPER NA LEB RGAN RTZI DANG GUR GUM LA SOGS PA GOS PA CHAGS PA BZHIN DU, KHA DOG YID 'PHROG PA DANG, SGRA SNYAN PA DANG, DRI ZHIM PA DANG, RO MNGAR BA DANG, REG BYA 'JAM PA LA SOGS PA DAG LA 'DUN PA'I 'DOD CHAGS KYI SEMS CHAGS PAR 'GYUR BAR 'DOD PA DE LA YANG THA DAD PA NYID YIN PAR 'DRA BZHIN DU GZUGS LA SOGS PAS NI SEMS CHAGS PAR 'GYUR LA, GZUGS LA SOGS PA DAG @83A *, ,NYID NI GCIG LA GCIG CHAGS PAR MI 'GYUR BA DANG, YUL YID DU MI 'ONG BA DAG GIS KYANG CHAGS PAR MI 'GYUR BA 'DI LA GTAN TSIGS KYI KHYAD PAR YANG DAG PAR BRJOD DGOS SO, ,GZHAN YANG GAL TE SEMS LAS LOGS SHIG NA 'DOD CHAGS ZHES BYA BA DMIGS SU YOD CING DES CHAGS PA NYID DU 'GYUR RO ZHE NA, DE'I PHYIR, DNGOS PO RNAM PAR RIG PA'I SEMS, ,'DOD CHAGS LAS GZHAN YOD MIN TE, ,DMIGS PA LA SOGS MTSUNGS PHYIR DANG, ,THA DAD RGYU GZHAN MED PHYIR RO, ,ZHES BYA BA SMRAS TE, RNAM PAR SHES PA'I MTSAN NYID NI GZUGS LA SOGS PA'I DNGOS PO SO SOR RNAM PAR RIG PA YIN NO, ,DNGOS PO SO SOR RNAM PAR RIG PA'I RNAM PAR SHES PA LAS LOGS SHIG NA 'DOD CHAGS KYI MYONG BA 'GA' YANG YOD PA MA YIN TE, GZUGS LA SOGS PA LAS LOGS SHIG NA YUL GZHAN 'GA' YANG YOD PA MA YIN PA'I PHYIR DANG, GANG GIS THA DAD PAR 'GYUR BA'I RGYU GZHAN MED PA'I PHYIR RO, ,DE PHYIR 'DUS PA GCIG RANG NYID, ,SKYES LA LTOS NAS 'DUS PA CAN, ,THA SNYAD BSTAN PA NYID 'DOD DE, ME TOG RGYAS PAS SHING BZHIN NO, ,ZHES BYA BA NI KHO BO CAG GI LUGS NI YANG DAG PA'I KUN RDZOB KYI BDEN PA'I TSUL GYIS 'DOD CHAGS LA SOGS PA 'DUS PA'I YAN LAG GCIG RANG GI BDAG NYID THOB PA LA LTOS NAS SEMS DANG SEMS SNGA LAS BYUNG BA 'DUS PA CAN DAG LA 'DOD CHAGS LA SOGS PA ZHES BYA BAR THA SNYAD DU BSTAN PA NYID DU 'DOD DE, DPER NA RTZA BA DANG, MYU GU DANG LCUG MA DANG, SBAL MIG DANG, LO MA DANG ME TOG DANG, 'BRAS BU LA SOGS 'DUS PA YAN LAG CAN GYI SHING LA ME TOG GAM 'BRAS BU'I YAN LAG GANG YANG RUNG BA CIG SHAS CHER GYUR PA MTHONG BA LA LTOS NAS SHING ME TOG RGYAS SO ZHE'AM, LJON PA 'BRAS BU CHAGS SO ZHES THA SNYAD GDAGS PA BZHIN NO, ,DE'I PHYIR RNAM PAR SHES PA DE NYID LA GNAS SKABS BZHIN GYI BYE BRAG GIS 'DOD CHAGS LA SOGS PA'I THA SNYAD DU GDAGS PAR ZAD DE, ,DE YANG 'DUS PA'I BDAG NYID YIN PA'I PHYIR DON DAM PA MA YIN PAS 'DOD CHAGS YOD PA MA YIN PA'I @83B PHYIR, CHAGS PA YANG GA LA YOD LA KUN NAS NYON MONGS PA YANG YOD PA MA YIN NO, ,DE'I PHYIR LUNG LAS, RAB KYI RTZAL GYIS RNAM PAR GNON PA GZUGS NI 'DOD CHAGS KYI CHOS CAN MA YIN, 'DOD CHAGS DANG BRAL BA'I CHOS CAN MA YIN, KUN NAS NYON MONGS PA'I CHOS CAN MA YIN, RNAM PAR BYANG BA'I CHOS CAN MA YIN NO ZHES GSUNGS PA LA SOGS PA DE DAG NYE BAR GZHAG PA YIN NO,, ,,DBU MA'I SNYING PO'I 'GREL PA RTOG GE 'BAR BA, BAM PO DRUG PA, 'DIR SMRAS PA, 'DOD CHAGS NI YOD PA KHO NA YIN TE, DE SPANG BA BSTAN PA'I PHYIR RO, ,'DI LTAR BCOM LDAN 'DAS KYIS DGA' BA'I 'DOD CHAGS DANG LHAN CIG SKYES PA'I SRED PA ZAD PA DANG, 'DOD CHAGS DANG BRAL BA DANG, 'GOG PA GANG YIN PA DE NI MYA NGAN LAS 'DAS PA'O ZHES GSUNGS PA'I PHYIR RO ZHE NA, BSHAD PA, JI SKAD BSTAN PA'I TSUL GYIS 'DOD CHAGS YOD PA MA YIN PA'I PHYIR, DE SPANGS PHYIR NI MYA NGAN 'DAS, ,MI RIGS DE NYID MI 'THAD PHYIR, ,MYA NGAN 'DAS PA DON DAM DU, ,DNGOS DANG DNGOS MED MTSAN NYID MIN,, ,,ZHES BYA BA NI MYA NGAN LAS 'DAS PAS DON DAM PAR DPYAD PA MI BZOD PA'I PHYIR DE NYID MI ROGS SO, ,JI LTAR ZHE NA, 'DI LA BYE BRAG TU SMRA BA DAG NI MYA NGAN LAS 'DAS PA RDZAS SU YOD PA DANG, RTAG PA DANG RTAG PA'I DNGOS PO BDAG NYID DU 'DOD DO, ,MDO SDE PA DANG GOS DMAR SDE PA DAG NI PHUNG PO MED PA TZAM STE, MAR ME SHI BAR GYUR PA LTAR, ,DE YI SEMS NI RNAM PAR THAR, ,ZHES BRJOD DO, GNAS MA BU'I SDE PA DAG NI DNGOS PO DANG DNGOS PO MED PA GNYI GA'I BDAG NYID DE, GANG GI PHYIR MYA NGAN LAS 'DAS PA NI LUNG DANG DBANG PO DANG, BLO MED PA'I PHYIR DNGOS PO MED PA YIN LA, GTAN GYI BDE BA BLA NA MED PA DANG LDAN PA'I PHYIR DNGOS PO YIN NO ZHES ZER RO, ,DE'I DNGOS PO DANG DNGOS PO MED PA BKAG PAS GNYI GA'I BDAG NYID KYANG BKAG PA BYAS PAR 'GYUR BAS DE'I PHYIR RO ZHIG DNGOS PO DANG DNGOS PO MED PA'I BDAG NYID DGAG PAR BYA STE, GAL TE MYA NGAN 'DAS DNGOS NA, ,DNGOS PO YIN PHYIR DE 'DUS BYAS, , @84A *, ,ZHES BYA BA LA DNGOS PO ZHES BYA BA 'BYUNG BA'I PHYIR DNGOS PO STE, RGYU DANG RKYEN RNAMS KYIS 'DUS BYAS PA ZHES BYA BA'I THA TSIG GO, ,DE'I PHYIR MYA NGAN LAS 'DAS PA DNGOS POR RJES SU DPAG PAS 'DUS BYAS NYID KYIS 'DUS MA BYAS NYID BSAL BA'I PHYIR CHOS CAN GYI NGO BO NYID NYAMS SO, ,GZHAN YANG MYA NGAN LAS 'DAS PA NI 'DUS BYAS KYI GNYEN PO YIN PAR 'DOD NA, GAL TE 'DUS BYAS YIN NA, GNYEN PO MA YIN 'DUS BYAS PHYIR, ,DPER NA 'DUS BYAS 'GAG PA BZHIN, ,ZHES BYA BA LTAR 'GYUR RO, ,GAL TE DNGOS MED GZHAN RTEN 'GYUR, ,DNGOS PO MED PHYIR ZHIG PA BZHIN, ,DE NI GNYEN POR MI 'DOD DE, ,GZHAN LA RTEN PHYIR ZHIG BZHIN NO, ,ZHES BYA BA LA DNGOS PO MED PA DANG, RDZAS SU YOD PA MA YIN PA DAG NI RNAM GRANGS TE, GAL TE MYA NGAN LAS 'DAS PA DNGOS PO MED PA NYID YIN NA BDE BA NYID LA SOGS PAR MI 'THAD PA'I PHYIR, ,NAM MKHA'I ME TOG BZHIN PAS NGO BO NYID NYAMS SO, ,DE GZHAN LA BRTEN PA YIN PAR YANG 'GYUR TE, ,DNGOS PO MED PA'I PHYIR ZHIG PA BZHIN TE, DPER NA KONG BU DANG 'BRU MAR DANG SNYING PO LA SOGS PA 'DUS PA LAS MAR ME ZHES BYA BAR 'JIG RTEN LA GRAGS PHA PHYIS DNGOS PO MED PAR GYUR PA NI DNGOS PO GZHAN LA BRTEN PA BZHIN DU MYA NGAN LAS 'DAS PA PHUNG PO'I RGYUN GYI SRED PA ZAD PA LAS LEN PA MED PA DANG, DNGOS PO MED PA ZHES BYA BA YANG MAR ME ZHIG PA BZHIN DU DNGOS PO LA BRTEN PA NYID DU 'GYUR RO, ,KHYED CAG MYA NGAN LAS 'DAS PA NI MI 'JIG PA DANG RTAG PAR KHAS LEN NA DE GZHAN LA BRTEN PA DANG, ZHIG PA LTA BU YIN NA 'KHOR BA'I GNYEN PO NYID YIN PAR YANG MI 'THAD DO, ,'ON LUNG LAS, DGE SLONG DAG MYA NGAN LAS 'DAS PA DE NI MA SKYES PA DANG, MA BYUNG BA DANG, 'DUS MA BYAS PA NYID DU YOD DO ZHES GSUNGS PAS 'DUS MA BYAS PA'I BDAG NYID KYI MYANG NGAN LAS 'DAS PA MA YIN NAM ZHE NA, BSHAD PA, DE NI 'DUS MA BYAS MI RIGS, ,DGAG PA GONG DU BSTAN PA'I PHYIR, ,ZHES BYA BA NI @84B GAL TE DE RDZAS SU YOD PA YIN NA DNGOS PO YIN PA'I PHYIR, DE 'DUS BYAS YIN PA'I PHYIR DE 'DUS BYAS NYID DU 'GYUR GYI, 'DUS MA BYAS MA YIN TE SKYON GONG DU BSTAN PA'I PHYIR RO, ,GAL TE MYA NGAN LAS 'DAS PA RDZAS SU YOD PA DANG THA SNYAD GDAGS SU RUNG BA NYID DANG MA SKYES PA DANG RTAG TU GNAS PA NYID DU BRTAG GRANG NA, GRANGS CAN DAG GIS RAB BRTAGS PA'I, ,GROL BA'I SEMS LAS KHYAD CI YOD, ,CES BYA BA NI GRANGS CAN DAG KYANG SHES PA YOD PA NYID CES BYA BA MA SKYES PA MI 'JIGS PA BYA BA DANG, BYED PA MTHAR THUG PA NI SKYES BU'I NGO BO NYID YIN NO ZHES GROL BA'I BDAG NYID YOD PAR 'DOD PAS GANG DAG GIS GZUNG BA DANG, 'DZIN PA'I RNAM PAR RTOG PA GNYIS DANG BRAL BA'I PHYIR DON THAMS CAD NANG DU BSDU BA DANG, PHYI ROL DU SPYOD PA MED PAR NGES PAR BRTAGS PA DE DAG KYANG GRANGS CAN GYI GRUB PA'I MTHA' DANG MTSUNGS SO, , MYA NGAN LAS 'DAS PA NI ZAD PA NYID YIN PAR YANG MI RIGS TE, JI LTAR ZHE NA, NYON MONGS RNAM RTOG GTZUB SHING LAS, ,BYUNG BA RANG GI NGANG ZAD PA, ,DE LA BSAGS PA YOD MIN PAS, ,GANG ZAG KHYOD THAR MI ZAD 'GYUR, ,ZHES BYA BA YIN TE, NYON MONGS PA YANG DAG PA MA YIN PA'I KUN TU RTOG PAS KUN NAS BSLANG BA CHU'I KHAMS KYI RNYOG PA DANG, NAM MKHA'I KHAMS KYI SPRIN LA SOGS PA LTA BU'I SGRIB PA KHONG KHRO BA LA SOGS PA DAG GIS SEMS KUN NAS NYON MONGS PAR BYED CING DE DAG KYANG YANG DAG PA'I SHES PA SKYES PAS RNAM PAR RTOG PA DANG BRAL BA'I PHYIR BSAGS PA MED PAS RANG GI RANG NYID KYIS ZAD PAR 'GYUR BAS DE DAG LA DANG PO NYID NAS KUN TU SBYOR BA MED NA ZAD PA GA LA YOD, ZAD PA MED PA'I PHYIR GANG THAR PAR 'GYUR, DE'I PHYIR GANG GI ZAD PA LA LTOS NAS KHYOD KYI THAR PA ZAD PA MED PA ZHES BYA BA YOD PAR 'DOD, YANG NA NYON MONGS PA RNAMS NI MA SKYES PA KHO NA YIN TE, NGO BO NYID KYIS MA BYUNG BA'I PHYIR RO, ,DE DAG YOD PA MA YIN PA'I PHYIR BSAGS PA MED DO, ,BSAGS PA MED NA GANG GIS BCINGS SHING GANG LAS THAR PAR 'GYUR TE, DE'I PHYIR, SKYE BA MED @85A *, ,LA RTOG PA YANG, ,DE BZHIN MED PHYIR TSUL GNYIS MTSUNGS, ,ZHES BYA BA SMRAS SO, ,ZAD PA CAN NAM ZAD MED NA, ,GANG GIS ZAD PAS THAR PA SMROS, ,ZHES BYA BA NI RE ZHIG RANG GI NGANG GIS ZAD PA CAN MAR ME BZHIN DU ZAD PA LA NI THAR PA MI 'THAD DO, ,ZAD PA CAN MA YIN PA LA YANG ZAD PA MED PA'I PHYIR NAM MKHA' LTA BU LA THAR PA MED DO, ,CI THAR PA MED PA KHO NA YIN NAM ZHE NA, KUN RDZOB TU YOD DE, DON DAM PAR NI YOD PA MA YIN NO, ,GANG GI PHYIR ZHE NA, RANG BZHIN STONG NYID RTOGS PA'I PHYIR, ,DE YI BLO YANG LDOG GYUR PAS, ,ZAD MED MI ZAD CHOS NYID 'THOB, ,THOB PA MED PA'I TSUL GYIS SO, ,ZHES BYA BA'I PHYIR TE, GANG GI TSE DES NYON MONGS PA RNAMS DANG SEMS RANG BZHIN STONG PA NYID DU LEGS PAR RTOGS PAR GYUR PA DE'I TSE NA, DES CHOS THAMS CAD KYI NGO BO NYID MI DMIGS PA'I PHYIR THAR PA'I BLO YANG LDOG PAS, NYON MONGS PA BSAGS PA MED PA'I PHYIR MI ZAD PAS ZAD PA MED PA'I CHOS NYID 'THOB STE, THOB PA MED PA NYID THOB PA YIN PA'I PHYIR RO, ,JI SKAD DU, BCOM LDAN 'DAS KYIS, NGA NI THOB PA MED PA KHO NAR BYANG CHUB KYI SNYING PO LAS LANGS SO ZHES GSUNGS PA DANG, DE BZHIN DU, TSE DANG LDAN PA SHA RA DVA TI'I BU THOB PA YANG YOD, ,MNGON PAR RTOGS PA YANG YOD DE, DE NI 'JIG RTEN GYI THA SNYAD KYIS GNYIS SU BRJOD PAR ZAD KYI DON DAM PAR NI YOD PA MA YIN NO ZHES BYA BA LA SOGS PA GSUNGS PA LTA BU'O, ,DE'I PHYIR LO BO CAG NI PHO ROL PO DAG 'DOD PA LA MI BRTEN PAS, YANG DAG JI BZHIN YONGS RTOG PA, ,BDAG LA PHAN PAR 'DOD PA DAG ,LTA NGAN NAD DRI NGAN BSGOS PA'I, ,SGREGS PA'I TSIG LA RTEN MI BYED, ,CES BYA BA SMRAS TE, KHYED CAG GI RANG DAGS NYE BAR SBYAR BA'I TSIG GANG DAG YIN PA DE DAG LA NI MKHAS PA YANG DAG PA JI LTA BA BZHIN DU YONGS SU RTOG PA BDAG LA PHAN PAR 'DOD PA DAG RTEN PAR MI BYED DO, ,GANG GI PHYIR ZHE NA, 'DI LTAR KHYOD KYI TSIG DE DAG NI LTA BA NGAN PA'I NAD DRING BAS BSGOS PA'I SGREGS PA'I TSIG YIN PA'I PHYIR RO, ,LTA BA NGAN PA NYID NAD YIN PA DE NYID DRI NGAN PA YIN TE, DES BSGOS PA'I SGREGS PA'I @85B TSIG GANG DAG LA KHYAD PAR JI SKAD BSTAN PA DE LTA BU DAG YOD PA DE DAG NI LTA BA NGAN PA DE'I NAD DRING BAS BSGOS PA'I SGREGS PA'I TSIG DAG YIN TE, DE LA RTEN PAR MI BYED DO ZHES BYA BAR SPYAR RO, ,DE DAG LA BRTEN NA CI NYES SHE NA, ,LTA BA LOG PA'I RNAM PAR SMIN PA GANG DAG YIN PA DGA' THOB PAR 'GYUR TE, DE NI SEMS CAN DMYAL BA'AM DUD 'GRO'I SKYE GNAS SAM GSHIN RJE'I 'JIG RTEN DAG YIN TE, JI SKAD DU, DAD PA CAN NI NYES BZUNG BAS, ,KHROS PA GZHAN NI ZHE SDANG GIS, ,DAD PA CAN YANG BSREGS BSTAN NA, ,ZHE SDANG CAN DAG BSAM CI DGOS, ,ZHES GSUNGS PA'I PHYIR RO, ,'DIR SMRAS PA, 'DOD CHAGS NI YANG DAG PAR YOD PA KHO NA YIN TE, PHYIN CI LOG YOD PA'I PHYIR RO, ,'DI LTAR MI RTAG PA DANG SDUG BSNGAL BA DANG, STONG PA DANG BDAG MED PA DANG, MI SDUG PA DAG LA, RTAG PA DANG BDE BA DANG, DNGOS PO DANG, BDAG DANG SDUG PAR PHYIN CI LOG PA DAG NI YOD DO, ,DE DAG LA BRTEN NAS, 'DOD CHAGS LA SOGS PA DAG 'BYUNG BAR 'GYUR TE, JI SKAD DU, MA RIG PA NI NYON MONGS PA RNAMS KYI RTZA BA YIN LA, MA RIG PA'I RTZA BA NI TSUL BZHIN MA YIN PA YID LA BYED PA YIN, TSUL BZHIN MA YIN PA YID LA BYED PA'I RTZA BA NI 'DU SHES PHYIN CI LOG TU GYUR PA YIN NO ZHES GSUNGS PA'I PHYIR RO ZHE NA, BSHAD PA, PHYIN CI LOG DAG YOD PA'I PHYIR, ,'DOD CHAGS YOD PAR MI RIGS TE, ,'DOD CHAGS BZHIN DU BRTAGS PA'I PHYIR, ,RTOGS PA DE YANG KUN RDZOB PA, ,ZHES BYA BA NI PHYIN CI LOG KYANG 'DOD CHAGS BZHIN DU BRTAG PAR BYA STE, PHYIN CI LOG DE PHYIN CI LOG TU GYUR BA'AM, PHYIN CI LOG TU GYUR PA'AM, PHYIN CI LOG TU 'GYUR BZHIN PA'AM, PHYIN CI LOG LAS PHYIN CI LOG TU GYUR PA THA DAD DAM, 'ON TE THA MI DAD CE DE; PHYIN CING LOG RNAM PA THAMS CAD YANG DAG PAR NA 'DOD CHAGS KHO NA BZHIN DU MI 'THAD PAS, DE'I PHYIR PHYIN CI LOG TU RTOG PA YANG KUN RDZOB PA YIN NO, ,GZHAN YANG, SEMS DANG SEMS LAS BYUNG BA YI, ,NGO BO NYID PHYIR SNGAR BKAG PHYIR, ,GANG GIS DES NI CHAGS 'GYUR BA'I, , @86A *, ,'DOD CHAGS CHAGS PA'I DNGOS NYID MED, ,CES BYA BA NI GANG GI TSE SNGAR RAB TU BYED PA 'DI NYID KYI SKABS SU SEMS DANG SEMS LAS BYUNG BA RNAMS KYI NGO BO NYID SPYIR DGAG PA BYAS PA DE'I TSE 'DOD CHAGS ZHES BYA BA NGO BO NYID LAS YOD PA DE GANG YIN, GANG 'DOD CHAGS DES CHAGS PAR 'GYUR BA'I SEMS DE YANG GANG ZHIG YIN, DES NI SDANG DANG RMONGS LA SOGS, ,SO SOR BSHAD PA BYAS PAR 'GYUR, ,ZHES BYA BA NI 'DOD CHAGS DANG CHAGS PA BKAG PA'I TSUL DES ZHE SDANG BA DANG GTI MUG DANG RMONGS PA LA SOGS PA DAG KYANG 'DRA BAR BKAG PAR SHES PAR BYA'O, ,JI LTAR ZHE NA, GANG TSE SEMS NI 'GAG PA LA, ,MNGON DU PHYOGS SHING SKYES PA'I TSE, ,GANG LA GANG GIS SDANG BAR 'DOD, ,SDANG BA 'GAG LA'ANG MI 'DOD DO, ,GAL TE SKYE BZHIN SDANG ZHE NA, ,DE CI GAL TE SKYE MNGON PHYOGS, ,MA SKYES PA LA DE MI 'DOD; ,GZHI MED BYA BA MI LDAN PHYIR, ,ZHES BYA BA LA SOGS PA'I TSUL BZHIN DU THAMS CAD LA YANG SBYAR BAR BYA'O, ,DE LTAR BCINGS THAR MA GRUB PHYIR, ,NGO BO NYID MED G-YO BA MED, ,CES BYA BA NI PHA ROL PO DAG GIS SNGAR DNGOS PO RNAMS NI DON DAM PAR NGO BO NYID YOD PA KHO NA YIN TE, BCINGS PA DANG THAR PA YOD PA'I PHYIR RO ZHES GANG SMRAS PA DE'I GTAN TSIGS KYI DON MA GRUB PA NYID DANG, DON 'GAL BA NYID YIN PA'I PHYIR TE, BCINGS PA DANG THAR PA DAG KUN RDZOB PA YIN PA'I PHYIR RO, ,GRANGS CAN DAG NA RE, SRA BA NYID LA SOGS PA'I KHYAD PAR DANG BRAL BA'I SA LA SOGS PA NI RDZAS YIN TE, DE NI CHU LA SOGS PA RNAM PAR BCAD PA'I DNGOS POR SNANG BA'I BLO'I RGYU YIN PAS RDZAS LAS DON GZHAN MA YIN NO, ,SRA BA NYID LA SOGS PAS MTSON PA'I SA LA SOGS PA DE DAG NI RDZAS LAS DON GZHAN YIN NO ZHES ZER RO, ,GZEGS ZAN PA DAG NA RE, DNGOS PO LAS MA GTOGS PA'I YON TAN GZHAN NYID DANG, GZHAN MA YIN PA NYID CES BYA BA DANG LDAN PA'I PHYIR DNGOS PO LA YANG GZHAN NYID DANG GZHAN MA YIN PA NYID CES BYA BA'I THA SNYAD GDAGS TE, DE LA SA LA NI RANG GI BDAG NYID LAS GZHAN MA YIN PA NYID YOD LA, CHU LA SOGS PA @86B LA NI SA'I GZHAN NYID DO ZHES ZER RO, ,DE GNYI GA'I GZHAN MA YIN PA NYID DGAG PA'I PHYIR BSHAD PA, ,SA NI DON DAM NYID DU NA, ,SA LAS GZHAN MIN NYID MI 'DOD, ,RGYU DANG LDAN PHYIR RLUNG BZHIN DANG, ,DNGOS PO YIN PHYIR SHES PA BZHIN, ,ZHES BYA BA NI SRA BA NYID MA GTOGS PAR SA ZHES BYA BA CI YANG MED LA, SA MA GTOGS PAR YANG GANG GIS GZHAN MA YIN PA NYID DU 'GYUR BA'I GZHAN NYID MED DO ZHES BYA BAR TSAD MA RNAM PAR GZHAG STE, DNGOS PO RNAMS STONG PA NYID DU RO GCIG PA'I PHYIR RO, ,SHES PA BZHIN ZHES BYA BA NI SKYES BU BZHIN NO ZHES BYA BA'I THA TSIG GO, ,SA LAS DON DAM NYID DU NA, ,CHU NI GZHAN PAR MI GZUNG STE, ,SKYE DANG LDAN PA'I RDZAS LAS NI, ,SA GZHAN MIN PA JI BZHIN NO, ,ZHES BYA BA'I TSIGS SU BCAD PA'I DON NI DPER NA RDZAS KYI NGO BO NYID LAS SA'I THA SNYAD GZHAN YIN YANG DNGOS PO GZHAN NYID DU MI 'DOD PA DE BZHIN DU; CHU YANG GANG GIS GZHAN NYID DU 'GYUR ZHES BYA BA'I THA TSIG GO, ,CI STE 'DI SNYAM DU RDZAS KYI BDAG NYID DANG SA'I BDAG NYID GZHAN MA YIN PA NYID NI RUNG STE, 'DI LTAR DE LA SGRA DANG BLO YANG THA DAD PA MED PA'I PHYIR RO, ,SA DANG CHU LA SOGS PA NI GZHAN NYID YIN TE, SGRA DANG BLO THA DAD PA YANG YOD LA, LAS DANG MTSAN NYID KYANG THA DAD PAS DE'I PHYIR SA LA SOGS PA DAG NI GZHAN NYID YIN NO SNYAM NA BSHAD PA, SA LA SOGS PAS SGRA BLO DANG, ,LAS DANG MTSAN NYID THA DAD PAS, ,DE DAG GZHAN NYID MI 'DOD DE, ,BSGRUB BYA'I CHOS DANG MI LDAN PHYIR, , ZHES BYA BA LA 'DIR BSGRUB PAR BYA BA NI GZHAN NYID DE DO NYID CHOS YIN PAS BSGRUB PAR BYA BA'I CHOS SO, ,DE DANG MI LDAN PA NI LDAN PA MA YIN TE, 'DI LTAR CHU LA SOGS PA NI SA LA SOGS PA DAG LAS LOGS SHIG NA YOD PA MA YIN NO ZHES SDAR BSTAN ZIN PAS, DE'I PHYIR GZHAN NYID MA GRUB PA'I PHYIR DPE BSGRUB PAR BYA BA DANG MI LDAN NO, ,THA DAD PA'I PHYIR RO ZHES BYA BA'I GTAN TSIGS DE NI MA NGES PA YANG YIN TE, JI LTAR ZHE NA, GZUGS KYI BDAG NYID MIN GZHAN YANG, ,THA SNYAD YOD PHYIR MA NGES 'GYUR, ,ZHES BYA BA STE GZUGS KYI BDAG NYID CES BYA BA DANG, MCHI GU'I @87A *, ,LUS ZHES BYA BA DAG GZHAN NYID MA YIN YANG GZUGS KYI BDAG NYID CES BYA BA'I SGRA THA DAD PA'I THA SNYAD YOD PA'I PHYIR, ,DES NA RE ZHIG JI LTAR GZUGS KYI BDAG NYID CES BYA BA LA SGRA THA DAD PA'I THA SNYAD YOD KYANG GZUGS DANG, GZUGS KYI BDAG NYID GZHAN NYID MA YIN PA BZHIN DUS DANG CHU LA SOGS PA DAG LA YANG SGRA THA DAD PA YOD KYANG DNGOS GZHAN NYID MA YIN PAR 'GYUR RAM, 'ON TE JI LTAR LHA SBYIN GYI LA BZHES BYA BA LA SGRA THA DAD PA YOD PA'I PHYIR, DNGOS KYANG GZHAN NYID YIN PA BZHIN DU SA DANG CHU LA SOGS PA DAG LA YANG SGRA THA DAD PA YOD PA'I PHYIR DNGOS KYANG THA DAD PAR 'GYUR BA LA THE TSOM YOD CING MA NGES PA'I PHYIR RO, ,YONGS SU BRTAGS PA MA GRUB PHYIR, ,DE DON MA GRUB NYID DU 'GYUR, ,ZHES BYA BA NI SGRA DANG BLO THA DAD PA'I PHYIR RO ZHES YONGS SU BRTAGS PA DE'I DON MA GRUB PA'I PHYIR GTAN TSIGS DE'I DON MA GRUB PA NYID DU 'GYUR BAS, PHA ROL POS YONGS SU BRTAGS PA'I DON NI DON DAM PA PA MA YIN NO, ,SGRA SOGS BYE BRAG THA DAD KYANG, ,DE PHYIR DE DAG 'KHRUL PAR 'GYUR, ,ZHES BYA BA NI KHYAD PAR GZHAN NYID STON PA'I GTAN TSIGS DAG GO, ,KHYAD PAR BRJOD PAR GYUR KYANG NI, ,'GAL BAS NGES PAR BZLOG PAR 'GYUR, ,ZHES BYA BA NI GZHAN DANG GZHAN MA YIN PA NYID DGAG PA SGRUB PA'I TSIG GIS SO, ,GCER BU PA DAG NI DNGOS PO THAMS CAD GNYI GA'I BDAG NYID YIN PAR 'DOD DE, SA LAS CHU LA SOGS PA DAG GZHAN NYID DE MTSAN NYID DANG LAS THA DAD PA'I PHYIR RO, ,GZHAN NYID KYANG MA YIN TE, ,SRA BA NYID LA SOGS PA YOD PAS 'DUS PA'I BDAG NYID YIN PA'I PHYIR RO, ,ZHE NA, DE DAG LA 'DI SKAD CES BRJOD PAR BYA STE, ,GNYIG NYID KYANG MI RUNG STE, ,'GAL PHYIR ME LA GRANG DRO BZHIN, ,ZHES BYA BA NI GAL TE SA LAS CHU LA SOGS PA DAG GZHAN YIN NA NI JI LTAR GZHAN MA YIN PAR 'GYUR, ,CI STE GZHAN MA YIN NA NI 'ON DE LTA NA GZHAN ZHES BYA BA DANG 'GAL TE, DPER NA GAL TE ME TSA BA YIN NA NI JI LTAR GRANG BA YIN, CI STE GRANG BA YIN NA NI 'ON DE LTAR NA JI LTAR TSA BAR 'GYUR ZHES BYA BA @87B BZHIN NO, ,GZHAN YANG, GZHAN DANG GZHAN MIN PHYOGS DGAG PA, ,BSTAN PHYIR DE YANG BZANG PO MIN, ,ZHES BYA BA NI 'DI LA GZHAN NYID DANG GZHAN MA YIN PA NYID KYI PHYOGS DGAG PA BSTAN ZIN PA'I PHYIR, ,DE GNYIS LAS MA GTOGS PA GANG GNYI GA'I BDAG NYID DU 'GYUR BA GZHAN YANG YOD DE DE'I PHYIR GNYI GA'I BDAG NYID DE YANG BZANG PO MA YIN NO, ,CE STE GNYI GAR SMRA BA DAG 'DI SKAD CES, ME YANG GNYI GA'I BDAG NYID YIN TE, BTZO BA LA SOGS PA DAG LA NI TSA BA YIN LA BDEN PA'I GSANG SNGAGS LA SOGS PAS BYIN GYIS BRLABS PA DAG LA NI GRANG BA YIN PAS, DE'I PHYIR ME YANG GNYI GA'I BDAG NYID YIN PA'I PHYIR KHYED KYI DPE MED DO ZHE NA, DE DAG GI PHYIR BSHAD PA, GNYI GA'I BDAG NYID NYID YIN YANG, ,KUN LA GRAGS PA'I CHA DPER BSTAN, ,DES NA GZHAN LA DPE MED PA, ,RAB TU SKYE BAR MI 'GYUR RO, ,ZHES BYA BA NI ME LA GNYI GA'I BDAG NYID 'GA' ZHIG YOD DU ZIN KYANG DE LA GANG 'JIG RTEN KUN LA GRAGS PA'I CHA DE DPE NYID DU BSTAN PAS DE'I PHYIR GNYI GAR SMRA BA DAG LA KHO BO CAG GIS DPE MED PAR MI 'GYUR RO, ,GNYI GA'I BDAG NYID DE YANG DON DAM PA NYID MA YIN NO, ,GANG GI PHYIR ZHE NA, DE NI LTOS NAS 'GRUB PA STE, ,GNYIS LAS GANG YANG RUNG BA ZHIG ,SNGAR MA GRUB NA MI 'GRUB PHYIR, ,YID KYIS RNAM PAR BRTAGS PAR ZAD, ,CES BYA BA'I PHYIR TE, 'DI NA KHA BA LA SOGS PA GRANG BA DAG LA LTOS NAS ME LA SOGS PA TSA BA NYID DU 'GRUB LA, ME LA SOGS PA TSA BA NYID LA LTOS NAS KHA BA LA SOGS PA DAG GRANG BA NYID DU BRTAG STE, DE LTAR RNAM PAR DPYAD NA GRANG BA DANG TSA BA DE GNYIS LAS GANG YANG RUNG BA ZHIG SNGA NA MA GRUB PA'I TSE NA PHYI MA YANG MI 'GRUB PA'I PHYIR GANG LA LTOS NA CIG SHOS 'GRUB PAR BYA BA GANG YIN PA MA GRUB PA'I TSE NA, DE LA LTOS NAS 'GRUB PAR 'GYUR PA GANG YIN PA YANG MI 'GRUB PAS, DE DAG NI YID LA BSAMS PA TZAM DU ZAD PA'I PHYIR GNYI GA'I BDAG NYID CES PA BDE YANG KUN RDZOB PA YIN NO, ,DE DAG NI RING PO DANG THUNG DUR RTOG PA BZHIN TE, DPER NA RING PO YOD NA THUNG DU YOD PAR 'GYUR LA, THUNG DU YOD @88A *, ,NA RING PO YOD PAR 'GYUR BA DE GNYIS LAS GANG YANG RUNG BA ZHIG MED NA MI 'GRUB PA BZHIN NO, ,BDAG YOD PA YANG YIN LA BDAG MED PA YANG YIN PA DANG, RTAG PA YANG YIN LA MI RTAG PA YANG YIN PA DANG, DNGOS PO YANG YIN LA DNGOS PO MED PA YANG YIN NO ZHES BYA BA LA SOGS PA, GNYI GAR SMRA BA THAMS CAD LA, ,DGAG PA'I TSUL YANG DE NYID DO, ,ZHES BYA BAR SBYAR RO, ,'DI LTAR 'DI SKAD BSGRUB BSTAN PAS, ,NGO BO NYID YOD NYID MA GRUB, ,CES BYA BA NI, DNGOS PO THAMS CAD KYI ZHES BYA BA'I TSIG GI LHAG MA'O, , YONGS SU BRTAGS PA'I TSIG GI DON GYI MJUG BSDU BA BYED PA NI, ,DE LTAR 'DUS BYAS CHOS DE DAG, ,BSDU BAS RNAM PAR BRTAGS PA YIN, ,ZHES BYA BA YIN NO, ,'DIR SMRAS PA, 'DUS BYAS KYI DNGOS PO NI YOD PA KHO NA YIN TE, DE'I GNYEN PO 'DUS MA BYAS YIN NO ZHE NA, DE'I PHYIR 'DIR 'DUS MA BYAS KYI DNGOS PO'I DBANG DU BYAS NAS DPER NA SGYU MA MKHAN GYIS SPRUL PA'I GZUGS BZHIN NO, ,'DUS BYAS LA NI GNYEN PO 'DUS MA BYAS YOD PAS DE'I PHYIR NA 'DUS BYAS NI YOD PA KHO NA YIN NO ZHE NA, DE'I PHYIR 'DIR 'DUS MA BYAS KYI DNGOS PO'I DBANG DU BYAS NAS, BYE BRAG TU SMRA BA'I GZHUNG GIS BSHAD PA, ,'DUS MA BYAS NI 'GOG GNYIS DANG, ,NAM MKHA' DANG NI DE BZHIN NYID, ,CIS BYA BA LA 'DUS MA BYAS NI SO SOR BRTAGS TE 'GOG PA DANG, SO SOR MA BRTAGS PAR 'GOG PA DANG, NAM MKHA' DANG DE BZHIN NYID DO, ,DE LA SO SOR RTOG PA NI SHES RAB STE, DES NYON MONGS PA MNGON DU GYUR PA RNAMS BRTAGS TE, 'GOG PA GANG YIN PA DE NI SO SOR BRTAGS TE, 'GOG PA STE, MYA NGAN LAS 'DAS PA ZHES BYA BA YIN NO, ,SO SOR MA BRTAGS PAR 'GOG PA NI 'GA' ZHIG GIS DNGOS PO RNAMS 'GOG PA LA MI 'BRAL BA GANG YIN PA'O, ,NAM MKHA' NI GO SKABS 'BYED PAR BYED PA DANG MI SGRIB PA'I MTSAN NYID DO, ,DE BZHIN NYID NI SNGA NA MED PA DANG ZHIG NAS MED PA DANG, GCIG LA GCIG MED PA DANG, GTAN MED @88B PA DAG GIS MTSON PA DNGOS PO RNAMS KYI NGO BO NYID MED PA NYID DO, ,DE DAG NI RTAG PA YIN TE, MI 'GYUR BA'I NGO BO NYID YIN PA'I PHYIR BZHI'O, ,DE LA RE ZHIG ,SO SOR BRTAGS TE 'GOG PA NI, ,DON DAM DU NA DNGOS PO YIN, ,RTAG DANG RANG BZHIN MI 'GYUR PHYIR, ,MO GSHAM BU YI GZUGS BZHIN NO, ,ZHES BYA BA NI 'BYUNG BA'I PHYIR DNGOS PO ZHES BYA BA DE NI RTAG PA DANG RANG BZHIN MI 'GYUR BA YIN PA'I PHYIR DNGOS PO NYID DU MI 'THAD DE, ,MO GSHAM BU'I LUS BZHIN NO, ,DE NYID KYI GTAN TSIGS KYI KHYAD PAR GZHAN BSTAN PA'I PHYIR, MA SKYES PHYIR DANG RGYU MED PHYIR, ,DE BZHIN LAS KYANG MED PHYIR DANG, ,'DUS BYAS MA BSDUS PHYIR DANG NI, ,'GAG PA MED PA'I PHYIR YANG NGO, ,ZHES BYA BA SMRAS TE, SO SOR BRTAGS TE 'GOG PA NI DON DAM PAR DNGOS PO MA YIN TE ZHES BYA BA'I TSIG GI LHAG MA'O, ,DNGOS PO'I BDAG NYID NI SKYE BA DANG RGYU DANG, LAS DANG, 'DUS BYAS DANG, 'GAG PA DAG GIS MTSON PAR BYA BA YIN NA DE NI MA SKYES PA DANG, RGYU MED PA DANG, LAS MED PA DANG, 'DUS BYAS MA YIN PA DANG, 'GAG PA MED PA'I PHYIR JI LTAR DNGOS PO NYID YIN PAR 'GYUR, SKYE BA LA SOGS PA MED PA'I PHYIR 'GAG PA YANG MED DE, 'DI LTAR SKYES PA LA 'GAG PA 'THAD KYI, MA SKYES PA LA MI 'THAD PA'I PHYIR RO, ,GANG GI 'BRAS BU GANG 'DOD PA, ,DE NI DE'I RGYU MA YIN TE, MA SKYES LA SOGS GTAN TSIGS KYIS, ,GLANG CHEN KLAD KYI RVA BZHIN NO, ,ZHES BYA BAS NI DE RGYU MA YIN PAR 'GOG PAR BYED DE, 'DUS MA BYAS GANG GI 'BRAS BU GANG ZHIG YIN PAR 'GA' ZHIG GIS JI LTAR BRTAGS PA DE LA 'DUS MA BYAS DE NI 'BRAS BU DE'I RGYU YIN PAR MI RIGS TE, SKYE BA MED PA LA SOGS PA'I GTAN TSIGS GONG DU BSTAN PA DE DAG GI PHYIR; DPER NA GLANG PO CHE'I KLAD LA NYID MED PA DE DE LAS GZHAN PA'I SENG GE'I KHRI LA SOGS PA DAG GI RGYU MI 'GYUR MI 'GYUR BA BZHIN NO, ,YANG NI GZHAN DU BRTAGS TE, MA SKYES RGYU DANG LDAN PA YI, ,'BRAS BU MI 'DOD SHES PAR BYA, ,'BRAS BU YIN PHYIR SBRANG RTZI NI, ,MKHA' MIN @89A *, ,SOGS RGYU LDAN MIN BZHIN, ,ZHES BYA BAS NI DE RGYU MA SKYES PA'I 'BRAS BU MA YIN PAR 'GOG PAR BYED DE, 'BRAS BU GANG LA RGYU MA SKYES PA YOD PA DE NI MA SKYES PA'I RGYU DANG LDAN PA'I 'BRAS BU ZHES BYA STE, SO SOR BRTAGS TE 'GOG PA DE RGYU MA SKYES PA DANG, LDAN PA'I 'BRAS BU YIN PAR PHA ROL PO DAG GIS BRTAGS PA DE LTAR MI 'DOD PAR SHES PAR BYA'O, ,CI'I PHYIR ZHE NA, DE NI MI RIGS TE, ,'BRAS BU YIN PA'I PHYIR DPER NA SBRANG RTZI NI 'BRAS BU YIN PA'I PHYIR, NAM MKHA'I ME TOG LA SOGS PA'I RGYU MA SKYES PA DANG LDAN PA'I RGYUR MI 'DOD PA BZHIN TE, DPER NA SBRANG BU'I SBRANG RTZI NI 'BRAS BU YIN PA'I PHYIR, RGYU ME TOG MA LA TI DANG, PADMA DANG, AUTPALA LA SOGS PA SKYES BU DAG GIS RGYU DANG LDAN PA YIN TE, ME TOG DE DAG SKYES PAS SBRANG RTZI DE RGYU DE DAG DANG LDAN PA'I 'BRAS BU YIN PAR 'DOD KYI; ,NAM MKHA'I ME TOG LA SOGS PA DAG NI MA SKYES PA YIN PAS SBRANG BU'I SBRANG RTZI DE NAM MKHA'I ME TOG LA SOGS PA DE DAG GI RGYU DANG LDAN PAR MI 'DOD PA BZHIN DU, SO SOR BRTAGS TE 'GOG PA DE YANG 'BRAS BU YIN PA'I PHYIR RGYU MA SKYES PA DANG LDAN PA'I 'BRAS BU YIN PAR MI 'DOD DO, ,DES NI NAM MKHA' DE BZHIN NYID, ,PHYOGS DANG DUS DANG BDAG LA SOGS, ,'DUS MA BYAS PA JI SNYED PA, ,BKAG PAR MKHAS PAS SHES PAR BYA, ,ZHES BYA BA NI DGAG PA DANG 'DRA BAR STON PA STE, SO SOR BRTAGS TE 'GOG PA BKAG PA DANG 'DRA BAR 'DUS MA BYAS JI SNYED PA THAMS CAD KYANG RIGS PA DE NYID KYIS BKAG PAR BLO DANG LDAN PA RNAMS KYIS SHES PAR BYA'O ZHES MDOR BSDU'O, ,GZHAN YANG, RDZAS DANG GTZO BO SROG LA SOGS, ,MU STEGS BTAGS PA'I SHES BYA DAG ,RIGS DANG LUNG LA MKHAS RNAMS KYIS; ,CI RIGS PAR NI DGAG PAR BYA, ,ZHES BYA BA NI GZHAN MU STEGS CAN GZHAN DAG GIS BTAGS PA'I SHES BYA RDZAS LA SOGS PA DANG, GTZO BO LA SOGS PA DANG, SROG LA SOGS PA JI SNYED PA THAMS CAD MKHAS PA RIGS PA DANG, ,LUNG LA MI 'JIGS PA THOB PA [?] @89B RNAMS KYIS CI RIGS PAR DGAG PAR BYA'O, DE LA RDZAS LA SOGS PA ZHES BYA BA NI BYE BRAG PA'I TSIG GI DON DRUG PO DAG STE, RDZAS DANG, YON TAN DANG, LAS DANG, SPYI DANG, BYE BRAG DANG, 'DU BA ZHES BYA BA DAG GO, ,DE LA RDZAS NI DGU STE, ,SA DANG, CHU DANG, ME DANG, RLUNG DANG, NAM MKHA' DANG, DUS DANG, PHYOGS DANG, BDAG DANG, YID CES BYA BA DAG GO, ,YON TAN NI NYI SHU RTZA LNGA STE, GZUGS DANG, RO DANG, DRI DANG, REG PA DANG, GRANGS DANG, BONG TSOD DANG, SO SO BA DANG, PHRAD PA DANG, BYED PA DANG, GZHAN DANG, GZHAN MA YIN PA DANG, BLO LNGA DANG, BDE BA DANG, SDUG BSNGAL BA DANG, 'DOD PA DANG, SDANG BA DANG, 'BAD PA DANG, CHOS DANG, CHOS MA YIN PA DANG, SHES PA DANG, BYAS PA'I SHUGS ZHES BYA BA DAG GO, , LAS NI LNGA STE, 'DEGS PA DANG, 'JOG PA DANG, BSKUM PA DANG, BRKYANG BA DANG, 'GRO BA ZHES BYA BA DAG GO, ,SPYI NI GNYIS TE, SPYI CHEN PO DANG, NYI TSE BA'I SPYI'O, ,DE LA SPYI CHEN PO NI GANG GI PHYIR RDZAS DANG, YON TAN DANG, LAS DAG LA YOD PA ZHES THA SNYAD GDAGS PA STE, DE NI YOD PA NYID DE SPYI CHEN PO'O, ,NYI TSE BA'I SPYI NI BA LANG NYID CES BYA BA LTA BU STE, DE NYID RTA LA SOGS PA DAG LAS LDOG PA NYI TSE BA'I SPYI YIN NO, ,BYE BRAG NI NYI TSE BA'I SPYI DE NYID DE BA LANG NYID CES BYA BA DE RTA LA SOGS PA DAG LAS LDOG PA NA BYE BRAG YIN NO, ,'DU BA NI RGYU DANG 'BRAS BU DAG PHRAD PA STE, DE LTAR DE DAG NI RDZAS LA SOGS PA'O, ,GTZO BO LA SOGS PA ZHES BYA BA NI GRANGS CAN DAG GIS BRTAGS PA'I DE NYID NYI SHU RTZA LNGA STE, GTZO BO DANG, CHEN PO DANG, NGAR 'DZIN PA DANG, BLO'I DBANG PO LNGA DANG, LAS KYI DBANG PO LNGA DANG, BDAG DANG, DE TZAM LNGA DANG, 'BYUNG BA CHEN PO LNGA DANG, SKYES BU ZHES BYA BA DAG GO, ,DE LA GTZO BO NI RANG BZHIN TE, SNYING STOBS DANG, RDUL DANG, MUN PA CHA MNYAM PA MI GSAL BA'O, ,CHEN PO NI BLO'I RNAM GRANGS SO, ,NGAR 'DZIN PA NI GANG GIS NGA DANG NGA YI ZHES MNGON PAR RLOM PA'O, ,BLO'I DBANG @90A *, ,PO LNGA NI MIG DANG, RNA BA DANG, SNA DANG, LCE DANG, LUS ZHES BYA BA DAG GO, ,LAS KYI DBANG PO LNGA NI NGAG DANG, LAG PA DANG, RKANG PA DANG, RKUB DANG, MDOMS ZHES BYA BA DAG GO, ,YID NI BLO DANG LAS KYI DBANG PO ZHES BYA BA'I GNYI GA'I BDAG NYID DO, ,DE TZAM LNGA NI KHYAD PAR LNGA ZHES KYANG BYA STE, GZUGS DANG, SGRA DANG, DRI DANG, RO DANG, REG PA ZHES BYA BA DAG GO, ,'BYUNG BA CHEN PO LNGA NI, SA DANG, CHU DANG, ME DANG, RLUNG DANG, NAM MKHA' ZHES BYA BA DAG GO, ,SKYES BU NI SHES PA YOD PA NYID CES BYA STE, NYI SHU RTZA LNGA PA'O, DE LTAR DE DAG NI GTZO BO LA SOGS PA'O, ,SROG LA SOGS PA ZHES BYA BA NI GCER BU PA DAG GIS YONGS SU BTAGS PA'I TSIG GI DON DGU STE, SROG DANG, ZAG PA DANG, SDOM PA DANG, NGES PAR RGA BA DANG, 'CHING BA DANG, LAS DANG; SDIG PA DANG, BSOD NAMS DANG, THAR PA ZHES BYA BA DAG GO, ,DE LA SROG NI SROG CAN GYI SDE TSAN DGU STE, SA DANG, CHU DANG, SHING DANG, ME DANG, RLUNG DANG, SRIN BU DANG, GROG MA DANG, BUNG BA DANG, MI ZHES BYA BA DAG GO, ,DE DAG LAS SA DANG, CHU DANG; SHING DANG, ME DANG, RLUNG RNAMS NI DBANG PO GCIG PA STE, REG PA'I DBANG PO DANG LDAN PA'I PHYIR RO, ,SRIN BU DANG, DUNG DANG, NYA PHYIS DANG, SRIN BU PAD PA LA SOGS PA NI DBANG PO GNYIS PA STE, REG PA DANG, RO'I DBANG PO GNYIS DANG LDAN PA'I PHYIR RO; ,GROG MA DANG, SRIN GYI ME LA SOGS PA NI DBANG PO GSUM PA STE, REG PA DANG, RO DANG, SNA'I DBANG PO DANG LDAN PA'I PHYIR RO, ,BUNG BA DANG, SBRANG BU DANG, SBRANG BU MCHU RINGS LA SOGS PA NI DBANG PO BZHI PA STE, REG PA DANG, RO DANG, SNA DANG, MIG GI DBANG PO DANG LDAN PA'I PHYIR RO, ,MI DANG, RKANG BZHI PA DANG, BYA LA SOGS PA NI DBANG PO LNGA STE, REG PA DANG, RO DANG, SNA DANG, MIG DANG, RNA BA'I DBANG PO DANG LDAN PA'I PHYIR TE, DE LTAR DE DAG NI SROG GI TSIG GI DON RNAM PA DGU'O, ,ZAG PA NI DGE @90B BA DANG MI DGE BA'I LAS RNAMS TE ZAG PAR BYED PA'I PHYIR RO, ,SDOM PA NI, ZAG PA 'GOG PA NYID DE LAS SAR PA MI SOG PA'I PHYIR RO, ,NGES PAR DGA' BA NI SDOM PA DE NYID DANG ZAS MI ZA BA DANG SKOM MI 'THUNG BA DANG, BSAM GTAN DANG SBYOR BA LA SOGS PA DKA' THUB DANG BCAS PAS SNGON NYE BAR BSAGS PA'I LAS NGES PAR RGAS PAR BYED PA STE, ZAD PA'I RGYU YIN PA'I PHYIR RO, ,'CHING BA NI NGES PAR SMRA BA SUM BRGYA DRUG CU RTZA GSUM PO DAG GIS BRTAGS PA'I LOG PAR LTA BA'O, ,LAS NI RNAM PA BZHI STE, PHYIS MYONG BAR 'GYUR BA DANG; MING DANG, RUS DANG, TSE ZHES BYA BA DAG GO, ,SDIG PA NI CHOS MA YIN PA'O, ,BSOD NAMS NI CHOS SO, ,THAR PA NI LAS THAMS CAD ZAS PAS 'JIG RTEN THAMS CAD KYI STENG NA 'DUG PA'I GNAS 'JIG RTEN 'DUS PA ZHES BYA BAR 'GRO BA STE, JI SKAD DU, RGYAL BA DAM PAS, KHA BA RGYA SPOS ME TOG MDOG ,BA ZHO BA MO MU TIG MDOG ,GDUGS DKAR BZUNG BA'I DBYIBS 'DRA BA, ,THAR PA YIN PAR RGYAL BAS BSHAD, ,CES BRJOD PA LTA BU STE, DE LTAR DE DAG NI SROG LA SOGS PA'O, ,DE DAG LAS GZHAN PA GANG DAG MU STEGS BYED GZHAN DAG GIS YONGS SU BRTAGS PA'I SHES BYA 'DUS BYAS SAM, 'DUS MA BYAS GANG CI YANG RUNG BDAG KYANG RIGS PA DANG LUNG LAS YONGS SU GOMS PA THE TSOM DANG BRAL BA 'JIGS PA MED PA'I MKHAS PA RNAMS KYIS CI RIGS BAR DGAG PAR BYA STE, DE LA 'DUS BYAS GANG YIN PA DE NI 'DUS BYAS BRTAGS PAS MTSUNGS PAR DGAG PAR BYA'O, ,'DUS MA BYAS GANG YIN PA DE NI 'DUS MA BYAS BRTAGS PAS MTSUNGS PA DGAG PAR BYA'O, ,DE LTAR, RANG DANG GZHAN GYIS GRUB PA'I PHYIR, ,DNGOS PO RNAMS LA BDAG BRTAGS PA, ,MKHAS PAS BDAG MED RTOGS BYA ZHING, ,DE NYID SHES PA'I BDUD RTZI BTUNG, ,ZHES BYA BA NI GZHAN DAG GIS RANG DANG GZHAN GYI GRUB PA'I MTHA' DAG TU DNGOS PO RNAMS LA BDAG DANG, NGO BO NYID YOD PAR YONGS SU BRTAGS PA DAG RNAL 'BYOR PA MKHAS PAS JI SKAD @91A *, ,BSTAN PA'I TSUL GYIS BDAG DANG DNGOS PO MED PA NYID DU RTOGS PAR BYAS SHING, DON DAM PA RNAM PAR MI RTOG PA'I YE SHES NGO BO NYID MED PAS SHES PA MED PA'I TSUL DU SHES PAR BYA BA DE NYID SHES PA'I BDUD RTZI'I RO MYANG BAR BYA BA LA 'BAD PAR BYA'O ZHES BYA BA'I THA TSIG GO, ,YANG NA RNAM RTOG DRA BA YI, ,RGYUN 'BREL DE DAG LA SOGS PA, ,DNGOS PO SKYE BAR 'DZIN BRTEN PAS, ,NAN GYIS BYIS PA 'KHRUL BAR BYED, ,GANG TSE MKHAS PA RIG SGRON GYIS, ,YANG DAG JI BZHIN YONGS RTOG PA, ,DE TSE SKYE BKAG DE ZHI BAS, ,SPROS PA NYE BAR ZHI BAR 'GYUR, ,ZHES BYA BA NI YANG NA DNGOS PO RNAMS NGO BO NYID MED PA NYID DU BSTAN PA'I PHYIR 'BAD PAR BYED PA DE NI GNAS MA YIN PA KHO NA STE, GANG GI PHYIR ZHE NA, RANG DANG GZHAN DAG GIS YONGS SU BTAGS PA RNAM PAR RTOG PA'I DRA BA'I RGYUN 'BREL BA DE DAG LA SOGS PA MA LUS PA NI DNGOS PO RNAMS LA SKYE BA YOD PAR 'DZIN PA LA BRTEN TE, BYUNG BA YIN PAS DE DAG GIS NAN GYIS BYIS PA MA RIG PAS BLO GROS KYI MI GZUMS [?] PA MI MKHAS PA DAG 'KHRUL PAR BYED PA YIN PA'I PHYIR RO, ,DE'I PHYIR GANG GI TSE RNAL 'BYOR PA MKHAS PA RIG PA DRI MA MED PA'I SGRON MAS BLO GROS KYI MIG LEGS PAR BYE BA DAG PHYOGS SU LHUNG BA'I BLO NA MED PAS DNGOS PO RNAMS LA SKYE BA MED PA NYID DU YANG DAG PA JI LTA BA BZHIN YONGS SU RTOG PA DE'I TSE, DNGOS PO THAMS CAD SGYU MA BZHIN DU NGO BO NYID KYIS SKYE BA MED PAR MTHONG ZHING SKYE BA BKAG PA'I PHYIR, SKYE BAR RNAM PAR RTOG PA'I DRI MA DE ZHI BAS TSIG GI BRJOD PA'I SPROS PA THAMS CAD NYE BAR ZHI BAR 'GYUR BAS CIG CAR THABS DE NYID LA BRTUL BAR BYA BA'I RIGS SO, ,DNGOS PO DE DAG MA SKYES PAR JI LTAR KHONG DU CHUD PAR BYA ZHE NA, 'DI LA KHA CIG NI DNGOS PO RNAMS BDAG LAS SKYE BAR 'DOD, KHA CIG NI GZHAN LAS, KHA CIG NI GNYI GA LAS, KHA CIG NI RGYU MED PA LAS, KHA CIG NI DBANG PHYUG DANG, SKYES BU DANG, GTZO BO DANG, DUS DANG SRED MED KYI BU DAG LAS SKYE BAR 'DOD DO, ,DE LA GRANGS CAN @91B DAG NI BDAG LAS SKYE BAR SMRAS PA, DE DAG GI PHYIR BSHAD PA, DE LA RE ZHIG BDAG SKYE BA, ,KUN RDZOB TU YANG MI RIGS TE, ,BDAG NYID YOD PHYIR DPER BYA NA, ,ZHO NI BDAG LAS MI SKYE BZHIN, ,ZHES BYA BA BDAG LAS ZHES BYA BA NI RANG LAS ZHES BYA BA'I THA TSIG GO, , 'DI LTAR GAL TE DNGOS PO RNAMS BDAG LAS SKYE BAR GYUR NA, RGYU DANG RKYEN RNAMS MED PAR YANG SKYE BA'I RIGS NA, DE LTA BU NI 'JIG RTEN NA YANG MA MTHONG NA, DON DAM PAR LTA SMOS KYANG CI DGOS, ,BDAG NYID YOD PA'I PHYIR ZHES BYA BA LA BDAG CES BYA BA NI RANG GI NGO BO NYID DANG BCAS PA STE, ,BDAG NYID YOD PA'I DON NI BDAG GO, ,DE'I DNGOS PO NI BDAG NYID DO, ,DE'I PHYIR BDAG NYID YOD PA'I PHYIR ZHES BYA BA NI RANG GI NGO BO NYID DU YOD PA'I PHYIR ZHES BYA BA'I THA TSIG GO, ,GAL TE DE SKYE BA NA YOD PA NYID YIN NA, DE LA YANG SKYE BAS CI ZHIG BYA, DPER BYA NA 'JIG RTEN NA 'O MA LAS ZHO SKYE BAR 'DOD KYI, ZHO NYID ZHO'I RANG GI BDAG NYID LAS SKYE BAR MI 'DOD PA BZHIN DU DNGOS PO BDAG NYID YOD PA YANG BDAG LAS MI SKYE STE, RANG GI BDAG NYID LA BYED PA 'GAL BA'I SKYON DU 'GYUR BA'I PHYIR RO, ,YANG NA TSAD MA'I LAM GZHAN YANG YOD DE, ,DNGOS RNAMS BDAG LAS MA SKYES TE, ,DNGOS PO YIN PHYIR SKYES BU BZHIN, ,ZHES BYA BA LA SKYES BU NI DE DAG GI GZHUNG LAS MA SKYES PAR 'DOD PAS, DE BZHIN ZHES BYA BA NI MA SKYES PA TZAM ZHIG KHAS BLANGS NAS DNGOS PO RNAMS KYI SKYE BA DGAG PA'I DPER BYA'O, ,MA SKYES PA LA BDAG MED DE, ,MA SKYES PHYIR NA MKHA' MIN BZHIN, ,ZHES BYA BA LA BDAG NI NGO BO NYID YIN NA DE NI SKYES BU LA SOGS PA BDAG LAS MA SKYES PAS BDAG LA MED DE MA SKYES PA'I PHYIR NAM MKHA'I ME TOG BZHIN NO,, ,,DBU MA'I SNYING PO'I 'GREL PA RTOG GE 'BAR BA, ,BAM PO BDUN PA, 'DIR GRANGS CAN DAG ,NAM MKHA'I ME TOG GI DON RNAM PA DU MAR RNAM PAR BRTAGS NAS DPE MED PA NYID DU RGOL BAR BYED DE, CI NAM MKHA'I ME TOG CES BYA BA DE'I DON GAL TE NAM MKHA' LA 'DUG PA'I ME @92A *, ,TOG YIN PAS, NAM MKHA'I ME TOG CES BYA NA NI ME TOG TI LA KA DANG, AUTPALA LA SOGS PA DAG YIN PAR THAL BAR 'GYUR TE, DE DAG KYANG NAM MKHA' LA 'DUG PA YIN TE, NAM MKHA' NI GO SKABS 'BYED PA'I BDAG NYID YIN PA'I PHYIR RO; ,'ON TE NAM MKHA' LAS BYUNG BA'I ME TOG YIN PAS NAM MKHA'I ME TOG CES BYA NA NI 'DI LA YANG NAM MKHA' LAS ZHES BYA BA'I DON RNAM PAR BRTAGS NAS, CI NAM MKHA' LAS GZHAN PA'I ME TOG YIN NAM, 'ON TE NAM MKHA' LAS 'ONGS PA'I ME TOG YIN GROL; GAL TE NAM MKHA' DANG ME TOG LA NAM MKHA'I ME TOG CES BYA NA NI DE LTA NA, DE GNYI GA YANG YOD PA YIN PA'I PHYIR NAM MKHA'I ME TOG CES BYA BA'I DPE DE DNGOS PO MED PAR SGRUB PAR MI NUS SO, ,GAL TE KHYED 'DI SKAD CES NAM MKHA' DANG 'BREL BA'I ME TOG MED PAS, NAM MKHA'I ME TOG CES BYA BA NI NAM MKHA' LA NI ME TOG YOD PA MA YIN PA LA BYA STE, DE'I PHYIR NAM MKHA'I ME TOG CES BYA'O ZHE NA, DE LTA NA, YANG 'JIG RTEN GSUM PO THAMS CAD NAM MKHA'I ME TOG MA YIN PA'I DON DANG MTHUN PAR MI 'GYUR TE, GANG GI PHYIR ZHE NA, NAM MKHA'I ME TOG KYANG BDAG NYID 'GA' ZHIG GIS YOD PA'I PHYIR KHYED KYI DPE MED PA KHO NA YIN NO ZHES ZER RO, ,'DIR BSHAD PA, NAM MKHA'I ME TOG MED PA'I DON, ,MKHA' LA SOGS PAR KHYOD 'DOD PA, ,DE DAG NAM MKHA'I ME TOG MIN, , DE'I PHYIR KHO BO'I PHYOGS MED MIN, ,ZHES BYA BA NI KHO BO CAG GI DPE NAM MKHA'I ME TOG CES BYA BA DE'I MED PA'I DON LA NAM MKHA' LA SOGS PA ZHES BYA BA NAM MKHA' LA DANG, NAM MKHA' LAS DANG, NAM MKHA' DANG, ME TOG DANG, NAM MKHA'I ME TOG CES RNAM PAR DBYE BA DAG GIS 'JIG RTEN GSUM PO THAMS CAD KYANG YOD PAR KHYED 'DOD PA DE DAG NI, KHO BO CAG GI DPE NAM MKHA'I ME TOG CES BYA BA'I DON MA YIN TE, 'O NA JI LTA BU ZHE NA, KHO BO CAG NI DPE NAM MKHA'I ME TOG CES BYA BA DE'I DON NI KHYOD KYIS MKHA' LA SOGS PAR BTAGS PA DE @92B DAG LAS GZHAN YIN LA, NAM MKHA'I ME TOG CES KHO BO CAG GI DPER BZHAG PA DE BDAG NYID 'GA' ZHIG GIS YOD PAR YANG KHYED KYIS SGRUB PAR MI NUS PAS, ,DE'I PHYIR KHO BO'I PHYOGS 'DI LA YANG CHOS MTHUN PA'I DPE MED PA MA YIN NO, ,'DIR SMRAS PA, GANG DAG GI PHYOGS LA 'BRAS BU'I RANG GI BDAG NYID KYI BDAG LAS SKYE BAR 'DOD PA DE DAG GI PHYOGS LA NI SKYON DE DAG TU YANG 'GYUR GYI, KHO BO NI RGYU'I RANG GI MTSAN NYID LAS SKYE BAR 'DOD PAS KHO BO'I PHYOGS LA SKYON DE DAG MED DE, SKYE BA CAN THAMS CAD NI RGYU'I BDAG NYID DU YOD PA NYID LAS SKYE BA'I PHYIR RO ZHE NA, PHA ROL PO DE DAG GIS DOGS PA BSU NAS BSTAN BCOS BYED PAS, ,GAL TE RGYU DANG 'BRAS DAG YOD, ,DE LAS DE NI SKYE SNYAM ZHING, ,BDAG LAS SKYE BA NYID 'DOD NA, ,ZHES BYA BA SMOS SO, ,DE LA SKYON 'DI YOD DE, DE LAS GZHAN MIN BDAG BZHIN NA, ,RGYU NI RGYU MIN NYID DU 'GYUR, ,ZHES BYA BA NI, GAL TE RGYU DANG 'BRAS BU DAG GZHAN NYID YIN NA 'DI NI RGYU'O, ,'DI NI 'BRAS BU'O ZHES BYA BA'I THA SNYAD RNAM PAR GZHAG TU RUNG GI GZHAN NYID MA YIN PA LA MI RUNG STE, SA BON YANG MYU GU'I RGYU NYID MA YIN PAR 'GYUR RO, ,JI LTAR ZHE NA, DE LAS GZHAN MA YIN PA'I PHYIR 'BRAS BU'I RANG GI BDAG NYID BZHIN PA'I PHYIR RO, ,DES NA MYU GU YANG YANG DAG PAR NA SA BON GYI 'BRAS BU MA YIN TE, DE LAS GZHAN NYID MA YIN PA'I PHYIR RGYU'I RANG GI BDAG NYID BZHIN PAS, DE LTA NA RGYU DANG 'BRAS BU'I DNGOS PO NYID MED PA'I SKYON DU 'GYUR RO, ,GZHAN YANG MA SKYES PHYIR NI RGYU MIN PA, ,CI ZHIG YIN ZHING GANG GI RGYU, ,ZHES BYA BA NI GTZO BO DANG SKYES BU LA SOGS PA RANG NYID MA SKYAS PA'I PHYIR SNGA PHYI'I KHYAD PAR MED PAR NI RGYU MA YIN PAS, CI MED [?] MA YIN ZHING GANG GI RGYUR YANG MI 'GYUR BAS JI LTAR GZHAN GYI RGYUR 'GYUR, DE BZHIN DU SA BON LA SOGS PA MA SKYES PA DAG GIS NI MYU GU LA SOGS PA MNGON PAR SGRUB PAR MI NUS SO ZHES BYA BA'I THA TSIG GO, ,CI STE 'DI SNYAM DU RGYU GANG KHO NA YIN PA DE NYID 'BRAS BU MA YIN @93A *, ,TE; 'O NA JI LTA BU ZHE NA, RGYU LA 'BRAS BU NUS PA'I BDAG NYID DU YOD PAS, DE RGYU DANG RKYEN RNAMS KYIS GSAL BAR BYED DE, NUS PA DANG, GSAL BA DE GNYIS KYANG BDAG NYID THA MI DAD PA'I PHYIR DE LAS SKYE BA NI BDAG LAS SKYE BA YIN PAR SEMS NA DE'I PHYIR BSHAD PA, 'BRAS BU BDAG NYID NYID YOD NA, ,RGYUR BRTAG PA NI DON MED 'GYUR, ,ZHES BYA BA NI, RGYU NI 'BRAS BU BSKYED PA YIN PAR 'DOD NA, GAL TE 'BRAS BU NYID YOD PA NYID YIN NA RGYUR BRTAG PAS CI ZHIG BYA, SKYON CHEN PO GZHAN 'DI YANG YOD DE, DE NYID LAS NI DE SKYE NA, ,SKYED DANG BSKYED BYA GCIG TU 'GYUR, ,ZHES BYA BA NI RGYU DANG 'BRAS BU GNYIS ZHES BYA BA'I THA TSIG GO, ,GAL TE 'DI SNYAM DU BDAG LAS SKYE BA KHO NA YANG YIN LA, SKYED PA DANG BSKYED PAR BYA BA GNYIS GCIG PA NYID DU YANG MI 'GYUR BA KHO BOS STON PAR NUS TE, DPER NA 'O MA ZHES BYA BA'I RDZAS JI LTAR GNAS PA'I CHOS GZHAN 'GAG PA NA ZHO ZHES BYA BA'I CHOS GZHAN SKYE ZHING DE LA RGYU DANG 'BRAS BU'I THA SNYAD RNAM PAR GZHAG PA YANG YOD PA BZHIN NO SNYAM DU SEMS NA BSHAD PA, GAL TE 'O MA ZHO NYID DU, ,GNAS PAS GNOD PA MED SNYAM NA, ,PHA NI BU NYID MI 'GYUR BAS, ,GNOD PA MED PA MA YIN NO, ,ZHES BYA BA NI 'DI LTAR PHAS PHA'I DNGOS PO NYID YONGS SU BTANG NAS BU'I NGO BO NYID DU 'GYUR BA NI SUS KYANG GANG DU JI LTAR YANG MA MTHONG BAS, DE'I PHYIR KHYOD KYIS SKYED PA DANG BSKYED PAR BYA BA GNYIS GCIG PA NYID DU 'GYUR BA'I SKYON BZLOG PAR DKA'O, ,'DIR PHA ROL PO DAG DBU MA PA'I GTAN TSIGS BDAG NYID YOD PA'I PHYIR ZHES BYA BA DANG, DNGOS PO YIN PA'I PHYIR ZHES BYA BA DAG SKYE BA MED PA'I GTAN TSIGS SU BZHAG PA DAG NI SKYE BA MED PA'I MI MTHUN PA'I PHYOGS SKYE BA CAN DAG SGRUB PA'I GTAN TSIGS YIN GYI, SKYE BA MED PA SGRUB PA'I GTAN TSIGS SU MI RUNG NGO ZHES PHYIR ZLOG PAR BYED DE, 'DI LTAR BDAG NYID YOD PA NYID DANG, DNGOS PO NYID CES BYA BA NI BUM PA LA SOGS PA'I DNGOS PO SKYES PA DAG LA YOD KYI, RI BONG GI RVA LA @93B SOGS PA MA SKYES PA DAG LA NI MED PAS DE'I PHYIR BDAG NYID YOD PA NYID DANG, DNGOS PO NYID CES BYA BA DNGOS PO'I BDAG NYID KYI GTAN TSIGS DE DAG DNGOS PO MED PA'I BDAG NYID KYI MI MTHUN PA'I PHYOGS GANG LA YANG MED LA, MI MTHUN PA'I PHYOGS KHO NA LA YOD PA'I PHYIR DON 'GAL BA NYID KYIS SKYE BA MED PA ZHES BYA BA'I CHOS CAN GYI NGO BO NYID LAS BZLOG PA SKYE BA YOD PA NYID SGRUB PAR BYED PA'I PHYIR DON 'GAL BA NYID YIN NO ZHE NA, BSHAD PA, BDAG NYID YOD PA NYID DANG DNGOS PO NYID CES BYA BA DE DAG NI KUN RDZOB PA YIN TE, DE DAG LA BRTEN NAS BYUNG BA NI DON DAM PAR NGO BO NYID MED PA NYID YIN TE, BDAG DANG GZHAN DANG GNYI GA DANG RGYU MED PA LAS RNAM PA THAMS CAD DU SKYE BA MED PA'I PHYIR, SKYE BA MED PA'I MI MTHUN PA'I PHYOGS SKYE BA MED PAS, ,MI MTHUN PHYOGS NI MED PA'I PHYIR, ,GTAN TSIGS 'GAL BA NYID MI 'DOD; ,CES BYA BA SMRAS SO, ,DE LTAR RE ZHIG DNGOS PO RNAMS, ,BDAG LAS SKYE BAR MI RIGS SO, ,ZHES BYA BA'I TSIG GI DON NI JI SKAD BSTAN PA'I TSUL GYIS ZHES BYA BA'I THA TSIG GO, ,MDO SDE PA DANG BYE BRAG TU SMRA BA DAG GIS SA BON DANG SA DANG, CHU DANG ME DANG RLUNG LA SOGS PA GZHAN DU GYUR PA DAG LAS MYU GU LA SOGS PA PHYI ROL GYI DNGOS PO RNAMS SKYE BA DANG, MA RIG PA DANG, SRED PA DANG, LAS ZHES BYA BA GZHAN DU GYUR PA DAG LAS NANG GI SKYE MCHED KYI DNGOS PO SKYE BAR 'DOD DE, DE BZHIN DU BYE BRAG PA DAG KYANG SA LA SOGS PA'I RDUL PHRA RAB DAG DANG RDUL PHRA RAB GNYIS PA DANG, GSUM PA LA SOGS PA'I RIM PA GZHAN DU GYUR PA DAG LAS SA LA SOGS PA'I RDZAS MNGON PAR 'GRUB PAR 'DOD DO, ,DE DAG LA 'DI SKAD CES BRJOD PAR BYA STE, ,NGO BO NYID NI MED PA'I PHYIR, ,GANG ZHIG GANG LAS GZHAN DU 'DOD, ,GANG DU DANG NI RI RTZE LAS, ,RTA RU GZHAN DU MI 'DOD BZHIN, ,ZHES BYA BA LA, NGO BO NYID CES BYA BA NI BDAG NYID KYI DNGOS PO STE, DE YANG JI SKAD BSTAN PA'I TSUL GYIS NA DNGOS PO RNAMS LA YOD PA MA YIN NO, ,DE MED PA'I PHYIR RGYU'I BDAG @94A *, ,NYID KYI DNGOS PO GANG ZHIG 'BRAS BU'I BDAG NYID KYI DNGOS PO GANG LAS GZHAN DU 'DOD DE, DPER NA GLANG RU DANG RI RTZE MA SKYES PA DAG LAS RTA'I RVA GZHAN DU THA SNYAD GDAGS PAR MI 'DOD PA BZHIN NO, ,YANG NA, MIG LA SOGS PA RKYEN GZHAN RNAMS, , DON DAM DU NI MIG SOGS KYI, ,RNAM SHES SKYED PAR BYED MA YIN, ,GZHAN PHYIR RTZI SKYANG LA SOGS BZHIN, ,ZHES BYA BA NI GAL TE GZHAN YIN NO COG LA SKYED PA'I MTHU YOD PA YIN NA GZHAN YIN PA 'DRA BA BZHIN PA LAS, MIG LA SOGS PAS NI MIG GI RNAM PAR SHES PA LA SOGS PA DAG NYI TSE SKYED PAR BYED LA, ,SAB MA DANG BUM PA DANG SNAM BU LA SOGS PA MNGON PAR SGRUB PAR MI BYED PA DANG, RTZI SKYANG DANG RGYU SPUN DANG 'JIM PA LA SOGS PAS NI SAB MA DANG SNAM BU DANG, BUM PA LA SOGS PA NYI TSE DAG MNGON PAR SGRUB PAR BYED KYI, MIG GI RNAM PAR SHES PA LA SOGS PA DAG ,SKYED PAR MI BYED PAR RGYU DANG RKYEN SO SOR NGES PA DE DAG CI LAS GYUR PA'I GTAN TSIGS KYI KHYAD PAR BRJOD PAR BYA DGOS SO, ,SBYOR BA GZHAN YANG, GZUGS KYI BLO LA SOGS PA DAG, ,BRJOD 'DOD MIG SOGS RGYU CAN MIN; ,GZHAN PHYIR SNGA NA MED PA'I PHYIR, ,DPER NA BUM SNAM LA SOGS BZHIN, ,ZHES BYA BA NI GZUGS KYI BLO LA SOGS PA DAG CES BYA BA RNAM PAR SHES PA'I TSOGS DRUG PO DAG NI BRJOD PAR 'DOD PA'I MIG LA SOGS PA'I RGYU CAN MA YIN TE, GZHAN YIN PA'I PHYIR DANG; SNGA NA MED PA'I PHYIR DPER NA BUM PA DANG SNAM BU LA SOGS PA BZHIN NO ZHES BYA BAR SBYAR RO, ,BRJOD 'DOD CES BYA BA NI BRJOD PAR 'DOD PA STE, MIG LA SOGS PA DAG GO, ,MIG LA SOGS PA ZHES BYA BA NI MIG DANG, GZUGS DANG, SNANG BA DANG, NAM MKHA' DANG, YID LA BYED PA DAG DANG, RNA BA LA SOGS PA GZHAN DAG KYANG BSDU'O, RGYU CAN MIN ZHES BYA BA NI GZUGS KYI BLO LA SOGS PA GANG DAG LA RGYU BRJOD PAR 'DOD PA MIG LA SOGS PA DAG YOD PAR BTAGS PA DE DAG DE'I RGYU CAN MA YIN PAR BKAG PA'O, , @94B GZHAN YANG DNGOS PO SKYES PA NYID YIN NA GZHAN ZHES BYA BA'I THA SNYAD GDAGS SU RUNG NA 'BRAS BU DE NI MA SKYES PAS 'BRAS BU DE LAS RGYU GZHAN NYID DU RTOG PA NI NYE BAR BTAGS PA YIN PAS, DE'I PHYIR, MA SKYES PA YI GZHAN NYID NI, ,KUN RDZOB YIN PAS DON DAM MIN; ,GZHAN YANG SKYE BA NYID KYANG NI, ,RIGS PA MA YIN GZUNG BAR BYA, ,ZHES BYA BA SMRAS SO, ,GZHAN YANG SKYE BAR SMRA BA DAG LAS, ,KHA CIG NI RGYU LAS 'BRAS BU YOD PA NYID YIN LA, DE SKYES PA NYID DAM MA SKYES PA NYID DU NI THA SNYAD GDAGS PAR BYA BA MA YIN PAR SEMS SO, ,KHA CIG NI MA SKYES PA RGYU DANG RKYEN RNAMS KYI MNGON PAR SGRUB PAR 'DOD DO, ,KHA CIG NI SKYES BZHIN PA GNYI GA'I BDAG NYID CAN DU 'DOD DO, ,KHA CIG NI BRJOD PAR BYA BA MA YIN PA NYID DU 'DOD DE, 'DI LTAR DE NI SKYES PA MA YIN TE, BDAG NYID KYI DNGOS PO MA THOB PA'I PHYIR RO, ,MA SKYES PA YANG MA YIN TE, ,BYA BA 'JUG PA'I PHYIR RO ZHES ZER RO, ,DE LA BSHAD PA RE ZHIG ,SKYES PA BRJOD DU MED PA LA, ,SKYE BA DON MED NYID DU 'GYUR, ,ZHES BYA BA NI, GAL TE RGYU LA 'BRAS BU YOD PA NYID YIN ZHING THA SNYAD GDAGS PAR BYA BA MA YIN PAS, DE NI SKYES PA YIN PAS SKYES BA DE LA YANG SKYE BA DON MED PA NYID DU YANG 'GYUR LA, ,MA SKYES PA NA THA SNYAD GDAGS PAR BYA BA MA YIN PA NI SKYES NA YANG DE 'BRAS BU'I NGO BO NYID DU THA SNYAD GDAGS SU MI RUNG BAR 'GYUR RO, ,GANG DAG 'BRAS BU MA SKYES PA DE DAG LA YANG, ,MA SKYES PA LA SKYE MED DE, ,MA SKYES PHYIR NI MKHA' MIN BZHIN, ,ZHES BYA BA SMRAS SO, ,SKYE BZHIN SKYE BAR 'DOD PA LA, ,BRGAL ZHING BRTAGS PA MTSUNGS PAR 'GYUR, ,ZHES BYA BA NI SKYE BZHIN PA LA YANG GANG SKYES PA'I CHA DE LA NI YANG SKYE BA DON MED LA, GANG MA SKYES PA'I CHA DE NI MED PA'I PHYIR, NAM MKHA'I ME TOG LA SOGS PA BZHIN DU SKYE BA MED DO, ,BRJOD DU MED PA'ANG DE MED DE, ,BRJOD DU MED PHYIR GZHAN BZHIN NO, ,ZHES BYA BA LA 'DIR GZHAN BZHIN NO ZHES BYA BA'I SGRAS NI SNGO BSANGS DANG @95A *, ,DKAR SHAM LA SOGS PA NYID DU BRJOD DU MED PA'I MO GSHAM GYI BU LA SOGS PA DAG YONGS SU BZUNG NGO, ,'DIR SMRAS PA, DNGOS PO RNAMS NI SKYE BA KHO NA YIN TE, BRTAGS PA'I BDAG NYID DU DMIGS PA'I PHYIR RO, ,DE'I PHYIR DE DAG LA RNAM PAR SHES PAS RNAM PAR BRTAGS PA'I NGO BO NYID YOD DO ZHE NA, DE DAG GI PHYIR BSHAD PA, YANG NA MIG LA SOGS PA DAG ,BRTAGS PA'I BDAG NYID NYID KYIS STONG, ,BYAS PA'I PHYIR DANG 'JIG PA'I PHYIR, ,DPER NA SGYU MA'I 'O MA BZHIN, ,ZHES BYA BA NI MIG LA SOGS PA DAG NI DON DAM PAR NA GZUGS LA SOGS PA'I DNGOS PO RNAMS LA SNGON PO DANG SER POR BRTAGS PA'I DNGOS POR 'DOD PA GANG DANG GANG YIN PA DE DANG DE'I DNGOS PO'I NGO BO NYID KYIS STONG STE, BYAS BA'I PHYIR DANG 'JIG PA'I PHYIR DPER NA TSIG DAG GIS DPER NA SGYU MA'I BDAG NYID KYI 'O MA BZHIN NO, ,GAL TE 'DI SNYAM DU MA BRTAGS PA'I DNGOS PO RNAMS KYI BDAG NYID KYANG YOD DE, RNAM PAR SHES PA'I TSOGS LNGA PO DAG NI BSAGS PA'I GNAS LA DMIGS PA YIN PAS, GAL TE DE DAG GCIG TU RNAM PAR RTOG PAR MI BYED KYANG DE DAG GI DMIGS PA'I DNGOS PO YOD PAS, DES NA BYAS PA'I PHYIR DANG 'JIG PA'I PHYIR SGYU MA'I 'O MA BZHIN DU RNAM PAR BRTAGS PA'I DNGOS PO RNAMS STONG PAR 'GYUR RAM, RNAM PAR MA BRTAGS PA'I DNGOS PO RNAMS YOD PAR 'GYUR BA MA NGES PAR SEMS NA; DE'I PHYIR BSHAD PA, BSGRUB DANG MTSUNGS PAR BKAG PA'I PHYIR, ,CIG SHOS KYIS NI THE TSOM MED, ,CES BYA BA LA CIG SHOS NI BRTAGS PA'I BDAG NYID KYI DNGOS PO LAS GZHAN PA MA BRTAGS PA'I DNGOS PO STE, DES NA MA NGES PA NYID DU MI 'GYUR RO, , CI'I PHYIR ZHE NA, BRTAGS PA'I BDAG NYID DGAG PAR SGRUB PA DANG, MTSUNGS PAR MA BRTAGS PA'I DNGOS PO YANG BKAG PA'I PHYIR MIG LA SOGS PA NI MA BRTAGS PA'I BDAG NYID KYIS KYANG STONG STE, BYAS PA'I PHYIR DANG 'JIG PA'I PHYIR SGYU MA KHO NA BZHIN TE, @95B GANG GI PHYIR SGYU MA LA YANG BRTAGS PA MA YIN PA'I CHA YOD PA'I PHYIR RO, ,'O NA DE LTAR SGYU MA'I CHA RNAM PAR BRTAGS PA MA YIN PA CIG SHOS GANG YIN PA DE BZHIN DU STONG PA NYID MA YIN PAR 'GYUR RO ZHE NA, DE DGAG PA'I PHYIR BSHAD PA, SGYU MA'I BDAG NYID MA BRTAGS PA'ANG, ,YANG DAG TU NI LOG PAR 'DOD, ,LA LA'I 'DOD CHAGS RGYU YIN PHYIR, ,DPER NA BRTAGS PA DE NYID BZHIN, ,ZHES BYA BA NI SGYU MA MKHAN GYIS SPRUL PA'I GZUGS LA SOGS PA YANG MI MKHAS PA LA LA'I 'DOD CHAGS LA SOGS PA'I RGYU YIN TE, JI LTAR SGYU MA'I BRTAGS PA'I BDAG NYID LOG PA YIN PA DE BZHIN DU BRTAGS PA MA YIN PA'I PHYIR BDAG NYID KYANG YANG DAG PAR NA LOG PA NYID YIN NO, ,GAL TE DE LTAR NA SGYU MA LA BRTAGS PA MA YIN PA'I BDAG NYID KYANG MED PAS KHYOD KYI DPE MED DO ZHE NA, DE'I PHYIR BSHAD PA; GRAGS PA'I CHAS NI DE GRUB PHYIR, ,KHO BO'I DPE NI MED MA YIN, ,ZHES BYA BA NI DE LA YANG GANG PHA ROL LA YOD PA NYID DU GRAGS PA'I CHA DE DPE NYID DU BYAS PAS DE GRUB PA'I PHYIR KHO BO'I DPE MED PA MA YIN NO, ,YANG NA BRTAGS PA DANG BRTAGS PA MA YIN PA'I BDAG NYID DPYAD PA DES CI BYA STE, DNGOS PO 'DI DAG NI RNAM PA THAMS CAD DU NGO BO NYID YOD PA MA YIN PA KHO NAR TSAD MA NYE BAR SBYAR BAR BYA STE, ,YANG NA MIG LA SOGS PA NI, ,YANG DAG TU NA DNGOS NYID STONG, ,BYAS PA NYID PHYIR 'JIG NYID PHYIR, ,BDUD KYIS SPRUL PA'I SANGS RGYAS BZHIN, ,ZHES BYA BA NI, DPER NA BDUD KYIS KHYIM BDAG DPA' BO'I KHANG PAR DGRA BCOM PA NYE BAR SBAS PA KHA DRANG BA'I PHYIR, ,SANGS RGYAS BCOM LDAN 'DAS KYI SKU 'OD ZER GYI KHA DOG SHIN TU DBAR BA LTA BU, SPYAN ME TOG AUTPALA'I 'DAB MA LTAR YANGS SHING SNGO BA, DBU GTZUG TOR SHIN TU LEGS PAS RNAM PAR MDZES PA, GSUNG DBYANGS KA LA PING KA LTAR SNYAN PA, YAN LAG DANG NYID LAG SHIN TU RNAM PAR 'BYES PA ZHIG MNGON PAR SPRUL PA'I SKU DES, YID DANG, MIG 'PHROG PA DANG, LHA YUL @96A *, ,PA RMAD DU BYUNG BA LTAR KUN DU SNANG DU ZIN KYANG BYAS PA NYID YIN PA'I PHYIR DANG, 'JIG PA'I CHOS CAN YIN PA'I PHYIR, NGO BO NYID DMIGS SU MED PA DE BZHIN DU MIG LA SOGS PA YANG RGYU DANG RKYEN LAS SNANG BA'I BDAG NYID YIN PA'I PHYIR SNANG YANG NGO BO NYID MED PAS SKYE BO MI MKHAS PA DAG SLU BAR BYED PA YIN NO, ,'O NA DNGOS PO RNAMS KYI NGO BO NYID SRA BA DANG GSHER BA DANG, TSA BA DANG G-YO BA NYID LA SOGS PA DAG SNANG BZHIN PA NYID MA YIN NAM ZHE NA, BSHAD PA DE DAG KUN RDZOB KYI BDEN PA'I TSUL GYIS GZHAN SEL BA'I NGO BO NYID TZAM LA BRTEN NAS YOD PAR ZAD DE, ,DON DAM PA NI MA YIN NO, ,GANG GI PHYIR ZHE NA, ,DNGOS PO RNAMS KYI DNGOS NYID GANG, ,YANG DAG TU NA DNGOS DE MED, ,BYAS PHYIR DPER NA CHU YI NI, ,TSA BA NYID DANG BRTAN NYID BZHIN, ,ZHES BYA BA NI GZHAN DAG GIS DNGOS PO GANG GI NGO BO NYID GANG RNAM PAR BRTAGS PA DE NI YANG DAG PAR NA DE'I NGO BO NYID YOD PA MA YIN TE, BYAS PA NYID YIN PA'I PHYIR DPER NA, CHU LA LAN 'GA' TSA BA NYID DANG, BRTAN PA NYID DU THA SNYAD GDAGS PA YOD KYANG DE RTAG TU DE'I NGO BO NYID YIN PAR SHES PAR MI NUS PA BZHIN NO, ,DE'I PHYIR DE LTAR, SGRUB PA JI SKAD BSTAN PA'I MTHUS, ,DNGOS RNAMS RANG GI BDAG NYID DU, ,SKYE BAR 'THAD PA MA YIN PAS, ,GZHAN GYI DNGOS POR MI SKYE STE, ,BA LANG BONG BUR MA MTHONG BZHIN, ,ZHES BYA BA NI DPER NA, LKOG SHAL DANG MJUG MA DANG NO GAM DANG, RMIG PA DANG RVA LA SOGS PA'I MTSAN NYID DANG LDAN PA'I BA LANG THAL KHUNG NA 'GRE BA DANG, DU BA'I KHA DOG DANG, SGRA BO CHE DANG, RMIG PA GCIG PA DANG, RNA BA RING BA LA SOGS PA'I MTSAN NYID DANG LDAN PA'I BONG BU'I BDAG NYID DU 'GYUR BAR MA MTHONG BA BZHIN NO, ,'DIR RANG GI SDE PA DAG GIS SMRAS PA, KHYOD KYI DNGOS PO RNAMS GZHAN LAS SKYE BA 'GOG PAR BYED PA NI KHAS BLANGS PA NYAMS TE, BCOM LDAN 'DAS KYIS MDO SDE LAS, RGYU'I RKYEN DANG, DMIGS PA'I RKYEN DANG, DE MA THAG @96B PA'I RKYEN DANG, BDAG PO'I RKYEN ZHES BYA BA RKYEN BZHI PO DAG BKA' STZAL TE, DE LA RGYU'I RKYEN NI LHAN CIG 'BYUNG BA'I RGYU DANG SKAL BA MNYAM PA'I RGYU DANG MTSUNGS PAR LDAN PA'I RGYU DANG, KUN DU 'GRO BA'I RGYU DANG, RNAM PAR SMIN PA'I RGYU ZHES BYA BA RGYU LNGA PO DAG GO, , DMIGS PA'I RKYEN NI CHOS THAMS CAD DO, ,DE MA THAG PA'I RKYEN NI SEMS DANG SEMS LAS BYUNG BA 'GAGS MA THAG PA RNAMS LAS DGRA BCOM PA'I SEMS THA MA MA GTOGS PA'O, ,BDAG PO'I RKYEN NI BYED PA'I RGYU STE, ,DE LTAR RKYEN BZHI PO GZHAN DU GYUR PA DE DAG LAS DNGOS PO RNAMS SKYE BAR 'GYUR RO ZHES GSUNGS PA'I PHYIR RO ZHE NA, BSHAD PA, RGYU LA SOGS PA RKYEN GZHAN LAS, ,SKYE BA KUN RDZOB THA SNYAD LEN, ,DE PHYIR KHAS BLANGS GNOD PA MED, ,DE DAG YANG DAG NYID MA YIN, ,JI LTAR NA RGYU LA SOGS PA'I RKYEN DE DAG NI DON DAM PA PA MA YIN NO ZHE NA, DE'I PHYIR BSHAD PA, YOD LA RKYEN RNAMS MI RIGS TE, ,MED LA'ANG MI RIGS YOD MED PHYIR, ,DE LAS GZHAN BZHIN RKYEN MA SKYES, ,RKYEN RNAMS SU NI JI LTAR 'GYUR, ,ZHES BYA BA NI 'DI LA RKYEN DE DAG 'BRAS BU YOD PA'AM MED PA'I RKYEN DU 'GYUR GRANG NA, DE LA RE ZHIG 'BRAS BU YOD PA LA NI RKYEN RNAMS MI RIGS TE, YOD PA'I PHYIR DE LAS GZHAN PA BUM PA LA SOGS PA YONGS SU GRUB PA LA 'JIM PA'I GONG BU LA SOGS PA'I RKYEN RNAMS MI RIGS PA BZHIN NO, ,'BRAS BU MED PA LA'ANG RKYEN RNAMS MI RIGS TE, MED PA'I PHYIR DE LAS GZHAN PA NAM MKHA'I ME TOG LA SOGS PA MED PA LA CHU LA SOGS PA'I RKYEN RNAMS MI RIGS PA BZHIN NO, ,YANG NA BDAG DANG GZHAN DANG GNYI GA DANG RGYU MED PA LAS SKYE BA MED PAR BRTAGS ZIN PA'I PHYIR, RKYEN MA SKYES PA RNAMS DNGOS PO GZHAN MA SKYES PA GANG GI RKYEN RNAMS SU JI LTAR 'GYUR, ,GZHAN YANG RGYU NI SGRUB PAR BYED NA RGYU YIN PAR 'DOD NA DE NI SGRUB PAR BYED PA NYID DU MI 'THAD DO, ,JI LTAR ZHE NA, RGYU NI 'BRAS BUR SKYED MA YIN, ,DE YIS STONG PHYIR DE GZHAN BZHIN, ,SKYE BAR @97A *, ,'DOD PA'ANG DES BSKYED MIN, ,SNGA NA MED PHYIR DE GZHAN BZHIN, ,ZHES BYA BA NI GANG ZHIG GANG GIS STONG PA DE NI DE BSKYED PA MA YIN TE, DPER NA BUM PA LA SOGS PA MYU GU BSKYED PA MA YIN PA BZHIN NO, ,GANG ZHIG GANG NA SNGA NA MED PA DE NI DE LAS SKYE BAR 'DOD PA YIN PAR MI RIGS TE, DPER NA, 'JIM PA'I GONG BU LAS SNAM BU SKYE BAR MI RIGS PA BZHIN NO, ,YANG NA JI SKAD BSTAN PA'I TSUL GYIS, DES NI SKYES DANG MA SKYES DANG, ,SKYE BZHIN SKYED PAR MI BYED DE, ,NYES PA BSTAN PHYIR NA SKYES PA'I, ,RGYU NI YANG DAG NYID MA YIN, ,DE LTAR RE ZHIG RGYU'I RKYEN MI 'THAD DO, ,DMIGS PA'I RKYEN DGAG PA'I PHYIR BSHAD PA, SKYES PA DMIGS PA MI PHRAD DE, ,SKYES LA'ANG SKYE BA DON MED PHYIR, ,MA SKYES PA'ANG MA SKYES PHYIR, ,DPER NA MI SKYE CHOS BZHIN NO, ,ZHES BYA BA LA DMIGS PA ZHES BYA BA NI DE DMIGS PAR BYA BA YIN PAS DMIGS PA STE, GZUNG BA ZHES BYA BA'I THA TSIG GO, ,DE LA MIG LA SOGS PA'I RNAM PAR SHES PA DMIGS PAR BYED PA SKYES PA'AM MA SKYES PA'AM, SKYE BZHIN PA ZHIG GZUGS LA SOGS PA'I DMIGS PA DANG PHRAD GRANG NA, DE LA RE ZHIG SKYES PA NI DMIGS PA DANG MI PHRAD DE, SKYES BA LA'ANG SKYE BA DE NI MED PA'I PHYIR RO, ,MA SKYES PA YANG DMIGS PA DANG MI PHRAD DE, MA SKYES PA'I PHYIR DPER NA MO GSHAM GYI BU'I MIG LA SOGS PA'I RNAM PAR SHES PA MI SKYE BA'I CHOS DAG DMIGS PA DANG MI PHRAD PA BZHIN NO, ,SKYE BZHIN PA YANG, ,SKYE BZHIN PHRAD PAR 'GYUR SNYAM NA, ,DE YANG DMIGS PA MED PAR MED, ,CES BYA BA LA NI SKYE BZHIN PA ZHES BYA BA NI SKYES PA DANG, ,MA SKYES PA'I RANG BZHIN GNYI GA'I BDAG NYID DE, ,DE YANG DMIGS PA DANG PHRAD PA MED DE, GANG GI PHYIR ZHE NA, DE LA DMIGS PA NYE BAR GYUR PA MED DE, RANG GI BDAG NYID MA THOB PA'I PHYIR RO, ,GAL TE SKYE BA ZHIN PA DE LA SKYE BA'I BYA BA BZHUGS NAS BDAG NYID THOB PA'I TSE NA DE DMIGS PA DANG PHRAD PAR @97B 'GYUR RO ZHE NA, BSHAD PA, ,YAN LAG MTSANG BA LA NI, ,SKYE BA'I BYA BA 'JUG MI 'DOD, ,CES BYA BA LA BYA BA NI RTAGS YOD PA TZAM DU GZUNG NAS DNGOS PO THAMS CAD LA BRTEN TE, GNAS PA YIN NA GAL TE SKYE BZHIN PA NI CUNG ZHIG SKYES PA DANG CUNG ZHIG MA SKYES PA YIN PAS DE LA SKYE BA'I BYA BA JI LTAR 'JUG STE, YOD PA DANG MED PA'I BDAG NYID YIN PA'I PHYIR RO, ,CI STE 'DI SNYAM DU LUNG LAS DMIGS PA DANG BCAS PA'I CHOS RNAMS GANG ZHE NA, SEMS DANG SEMS LAS BYUNG BA RNAMS SO, ,DMIGS PA MED PA'I CHOS RNAMS GANG ZHE NA, GZUGS DANG MYA NGAN LAS 'DAS PA'O, ,ZHES GSUNGS PAS SEMS DANG SEMS LAS BYUNG BA RNAMS LA DMIGS PA YOD PA KHO NA YIN PAR SEMS NA BSHAD PA, ,YANG NA SEMS DANG SEMS BYUNG RNAMS, ,YANG DAG DMIGS PA YOD MI 'DOD, SKYE BZHIN PHYIR DANG GZUNG BA'I PHYIR, ,DPER NA GZUGS LA SOGS PA BZHIN, ,ZHES BYA BA LA SKYE BZHIN PA DMIGS PA DANG PHRAD PAR SEMS NA DE'I DUS NA DMIGS PAR BYED PA SEMS DANG SEMS LAS BYUNG BA RNAMS KYANG SKYE BZHIN PA YIN LA, ,DMIGS PA GZUGS LA SOGS PA DAG KYANG SKYE BZHIN PA BZHIN TE, SKYE BZHIN PAR 'DRA BA DE LA SEMS DANG SEMS LAS BYUNG BA RNAMS LA NI DMIGS PA'I RKYEN YOD PAR 'DOD LA, ,GZUGS LA SOGS PA DAG LA NI DMIGS PA'I RKYEN YOD PAR MI 'DOD PA 'DI LA GTAN TSIGS KYI KHYAD PAR CI YOD DE; DE'I PHYIR DMIGS PA'I RKYEN DU BRTAGS PA NI KUN RDZOB PA YIN GYI, ,DON DAM PA BA MA YIN NO, ,YANG NA DE DAG DMIGS BCAS PA, ,DUS GCIG PHYIR NA DE MI RUNG, ,ZHES BYA BA NI SEMS DANG SEMS LAS BYUNG BA'I TSOGS DMIGS PA DANG BCAS PA DE DAG GZUGS LA SOGS PA DMIGS PA DANG PHRAD PAR SEMS NI DE LA DUS THA DAD PA MED DE, BA LANG GI RVA G-YAS G-YON BZHIN PAS DMIGS PAR BYED PA DANG DMIGS PAR BRTAG PA DE MI RUNG NGO, ,DE LTAR DMIGS PA YOD MIN PAS, ,GANG ZHIG GANG GIS DMIGS @98A *, ,PAR 'GYUR, ,ZHES BYA BA NI GANG YANG GANG GI DMIGS PAR MI 'THAD PA NYID DO ZHES BYA BA'I TSIG GI DON TO, ,DE LTAR DMIGS PA'I RKYEN YANG MI 'THAD DO, ,DE MA THAG PA'I RKYEN YANG 'GAG PA MED PA'I PHYIR MI 'THAD DE, JI LTAR ZHE NA, MA SKYES PA LA 'GAG MED DE, ,MA SKYES NYID PHYIR MKHA' MIN BZHIN, ,ZHES BYA BA NI, 'GAG PA NI SKYE BA LA LTOS PA YIN NA, SKYE BA MED PA'I PHYIR 'GAG PA YANG MED DO, ,'GAGS PA LA YANG 'GAG MED DE, ,'GAGS PHYIR DPER NA SHI BA BZHIN, ,ZHES BYA BA NI SHI BA LA YANG 'CHI BA MED PA BZHIN NO, ,MA 'GAGS PA LA'ANG MA 'GAGS PHYIR, ,DA LTAR 'JUG PA'I MAR ME BZHIN, ,ZHES BYA BA NI 'GAG PA MED DO ZHES BYA BA'I TSIG GI LHAG MA STE, GAL TE MA 'GAGS PA LA 'GAG PA YOD PAR GYUR NA NI MAR ME 'BAR BZHIN PA GSAL BAR BYA BA GSAL BAR BYED NUS PA YANG 'GAGS PA BZHIN DU 'GYUR RO, ,'GAG BZHIN PA LA'ANG MI 'DOD DE, ,'GAG PA GONG DU BSTAN PHYIR RO, ,ZHES BYA BA 'GAG BZHIN PA NI GONG GI CUNG ZAD NI 'GAGS, CUNG ZAD NI 'GAGS PA YIN NA 'GAGS PA DANG MA 'GAGS PA GNYIS LA NI 'GAG PA MI 'THAD DE, SKYON JI SKAD BSTAN PA NYID KYI PHYIR RO, ,CI STE 'DI SNYAM DU RGYU DANG RKYEN SO SOR NGES PA'I DBANG GIS DNGOS PO SKYE BZHIN PA LA NI 'GAG BZHIN PA PHAN 'DOGS PA YIN PA'I PHYIR DE LAS GZHAN PA 'DAS PA'I SKAD CIG MAS BAR DU MCHOD PA'I 'GAG BZHIN PA NI DE MA THAG PA'I RKYEN YIN PAR SEMS NA, BSHAD PA, DE YANG DUS MNYAM NYID GCIG GAM, ,YANG NA DUS GZHAN 'GYUR GRANG NA, ,MI RIGS 'GAG BZHIN YIN PA'I PHYIR, ,DGRA BCOM SEMS KYI THA MA BZHIN, ,ZHES BYA BA NI DE LTA NA YANG DE MA THAG PA'I RKYEN 'GAG BZHIN PA NI DES BSKYED PA'I DNGOS PO SKYE BZHIN PA'I DE MA THAG PA'I RKYEN DU MI RIGS TE, DUS MNYAM PA'I PHYIR SKYON SNGAR BSTAN PA'I PHYIR RO, ,YANG NA DUS THA DAD PAR GYUR NA YANG DE DE MA THAG PA'I RKYEN YANG MI 'THAD DE, 'GAG BZHIN PA YIN @98B PA'I PHYIR DGRA BCOM PA YANG 'BYUNG BA'I SRID PA ZAD PA NYID MTSAMS SBYOR MI BZOD PA MYA NGAN LAS 'DAS PA'I SEMS KYI SKAD CIG MA THA MA BZHIN NO, ,DE LTAR DE MA THAG PA'I RKYEN YANG MI 'THAD DO, ,DA NI BDAG PO'I RKYEN BDAG PO'I GO RIMS LA BAB PAS, DE'I PHYIR BSHAD PA, DNGOS PO YOD PA DON DAM DU, ,MI RIGS SKYE BA MED PA'I PHYIR, ,MO GSHAM BU YI YOD PA BZHIN, ,DE PHYIR BDAG PO MED PAR 'DOD, ,CES BYA BA LA BDAG PO'I RKYEN ZHES BYA BA NI GANG YOD NA GANG 'BYUNG BA DE YIN PAR 'DOD NA, 'DI LA GANG YOD NA ZHES BYA BA'I DNGOS PO DE DON DAM PAR SKYE BA MED PAR BSTAN PA'I PHYIR BDAG NYID KYI DNGOS PO MA THOB STE, MO GSHAM GYI BU DANG 'DRA BA YIN NA DE GANG 'BYUNG BA ZHES BYA BA GZHAN GYI RKYEN DU JI LTAR 'GYUR TE, DE'I PHYIR BDAG PO YANG MI 'THAD DO, ,GZHAN YANG, ,'BRAS BU STONG NGAM MI STONG PA'I, ,RKYEN ZHIG BDAG POR 'GYUR GRANG NA, ,ZHES BYA BA DE LA RE ZHIG ,STONG PA MA YIN DES STONG PHYIR, ,DPER NA MIG NI SGRA BLO'I BZHIN, ,ZHES BYA BA NI DPER NA MIG SGRA'I RNAM PAR SHES PAS STONG PA NI SGRA'I RNAM PAR SHES PA'I RKYEN MA YIN TE, SGRA'I RNAM PAR SHES PA'I 'BRAS BU DES STONG PA'I PHYIR RO ZHES BYA BA DE BZHIN DU MIG MIG GI RNAM PAR SHES PAS STONG PA YANG MIG GI RNAM PAR SHES PA'I BDAG PO'I RKYEN MA YIN TE, DES STONG PA'I PHYIR RO, ,MIG STONG PA ZHES BYA BA LA KUN RDZOB TU YANG GRAGS PA'I GNOD PAR 'GYUR TE, GANG GI PHYIR ZHE NA, ,SBYANG LA SOGS NA GNAS PA YI, ,RGYU TZAM YOD PA NYI TSE LA, ,NAS LA SOGS PA'I MYU GU LA SOGS PA 'BRAS BU SKYE BAR MA MTHONG BA'I PHYIR RO ZHES BYA BAR BSAMS SO, ,SKYON GZHAN 'DI YANG YOD DE, 'BRAS BU 'BRAS BUR MI 'GYUR ZHING, ,MED PA KHYOD LA 'BRAS BUR 'GYUR, ,ZHES BYA BA LA 'BRAS BU ZHES BYA BA NI BYA BA'I PHYIR 'BRAS BU YIN NA GAL TE RGYU LA 'BRAS BU DES MI STONG NA DE LA YANG BYA BA MED PA'I PHYIR SNGA NA YOD PA 'BRAS BU YIN PAR 'DOD PA DE YANG 'BRAS BUR MI 'GYUR ZHING GZHAN @99A *, ,ZHIG PHYIS BYED PA DES NA MED PA GZHAN CUNG ZAD CIG KHYOD KYI PHYOGS LA 'BRAS BU YIN PAR 'GYUR RO, ,'DI SNYAM DU RGYU LA 'BRAS BU NUS PAR YOD PA DE NYID LA 'BRAS BU ZHES NYE BAR GDAGS TE DES RGYU MI STONG PA KHO NA YIN NO, ,GANG GI PHYIR ZHE NA, BUM PA'I DON DU 'JIM PA KHO NA LEN PAR BYED KYI BYE MA DAG NI MI LEN TE, NUS PAS STONG PA'I PHYIR RO ZHES BYA BAR SEMS NA BSHAD PA, ,GAL TE 'BRAS BU'I NUS 'BRAS NA, ,DE LAS GZHAN PA'I RGYU CI YOD, ,DE LAS GZHAN PA MA YIN LA, ,GZHI DANG GZHAG PA'I DNGOS MI 'DOD; ,CES BYA BA NI GAL TE 'BRAS BU'I NUS PA GANG KHO NA YIN PA DE NYID 'BRAS BU YIN NA 'BRAS BU'I NUS PA LAS GZHAN PA'I RGYU ZHES BYA BA CE ZHIG YOD DE GANG GI PHYIR DE LAS GZHAN MA YIN NA GZHI DANG GZHAG PA'I DNGOS POR RTAG TU YANG MI RUNG STE, DPER NA DUG DANG CHAD DAG LAS DUG DANG CHANG GI NUS PA THA MI DAD PA BZHIN DU GZHI DANG GZHAG PA'I DNGOS PO MED PAR 'GYUR RO, ,CI STE GZHAN MA YIN YANG SLA STE, ,'BRAS BU'I MING TZAM NYID LA NI, ,DPER NA MKHA' LA MKHA' GNAS BZHIN, ,ZHES BYA BA NA DPER NA GZHAN MA YIN YANG NAM MKHA' LA NAM MKHA' GNAS SO ZHES BYA BA LA GZHI DANG GZHAG PA'I DNGOS PO NYE BAR GDAGS SU RUNG BA DE BZHIN DU, GAL TE RGYU LA 'BRAS BU'I NUS PA GZHAN MA YIN YANG RGYU LA 'BRAS BU'I NUS PA YOD DO ZHES NYE BAR GDAGS SU RUNG NGO ZHES NA, DE NI KHO BO CAG KUN RDZOB PAR 'DOD PA YIN NO, ,GAL TE DE NYID RGYU YIN NA, ,GANG GIS MI STONG DE CIR YOD, ,GANG ZHIG GANG GI ZHES BYA BA NI, GAL TE 'BRAS BU'I BDAG NYID DE RGYU YIN NA NI DE LTA NA, KHYED CAG 'BRAS BU GANG GIS MI STONG PA DE RGYU YIN PAR 'DOD PA'I 'BRAS BU ZHES BYA BA DE LAS GZHAN CI ZHIG YIN PAR 'DOD, ,GZHAN YANG, ,YOD PA SKYE BA MED PA'I PHYIR, ,GANG ZHIG GANG GI BDAG POR 'DOD, ,MED LA RKYEN YANG MED PA'I PHYIR, ,GANG ZHIG GANG GI BDAG POR 'DOD, ,CES BYA BA NI GAL TE 'BRAS BU YOD PA NYID YIN NA YOD PA NYID YIN @99B PA'I PHYIR BUM PA LA SOGS PA YONGS SU GRUB PA DAG LA SKYE BA MED PA BZHIN DU SKYE BA MED PA'I PHYIR RGYU GANG ZHIG 'BRAS BU GANG GI BDAG PO YIN PAR 'DOD, GAL TE 'BRAS BU MED PA NYID YIN NA NI DE MED PA NYID YIN PA'I PHYIR NAM MKHA'I ME TOG LA SOGS PA MED PA DAG LA RKYEN RNAMS MED PA BZHIN DU RKYEN MED PA'I PHYIR, RGYU GANG ZHIG 'BRAS BU GANG GI BDAG PO'I RKYEN DU 'DOD, 'DIR PHA ROL PO'I RGOL PA'I SKABS SNANG NAS SLOB DPON GYIS BSHAD PA, GAL TE BUM SOGS SKYES MTHONG BAS, ,MTHONG LA GTAN TSIGS DON MED DE; ,MNGON SUM DANG NI GRAGS PA YI, ,GNOD PAS GNOD PAR 'GYUR ZHE NA, ,ZHES BYA BA NI GAL TE KHA CIG 'DI SKAD CES, BUM PA LA SOGS PA DAG 'JIM PA DANG DBYUG GU DANG 'KHOR LO DANG SRAD BU DANG CHU DANG, RDZA MKHAN GYI 'DOD PA LA SOGS PA'I RKYEN RNAMS KYIS MNGON PAR BSGRUBS PA SKYES PA YIN PAR MIG LA SOGS PAS MTHONG BAS DBANG PO RNAMS KYIS MTHONG BA DE LA NI KHYOD KYIS SMRAS PA'I GTAN TSIGS DON MED DE, GANG GI PHYIR ZHE NA, MTHONG BA LAS LHAG PA'I TSAD MA GZHAN MED PA'I PHYIR TE, GANG ZHIG BA LANG LA RVA MED DE, SROG CHAGS YIN PA'I PHYIR RTA BZHIN NO ZHES ZER BA DE LA MNGON SUM GYI GNOD PAR 'GYUR BA BZHIN DU KHYOD LA YANG RE ZHIG DE BZHIN DU 'GYUR RO, ,DE BZHIN DU RI KHROD PA YAN CHAD DANG GDOL PA YAN CHAD DANG BA LANG RDZI YAN CHAD LA YANG 'DI LTA STE, BUM PA LA SOGS PA DAG SKYES PAR GRAGS PAS DE'I PHYIR KHYOD LA GRAGS PA'I GNOD PAR YANG 'GYUR RO ZHE NA, 'DIR BSHAD PA, BUM PA LA SOGS SKYE BA DAG ,BYIS PA'I BLO DANG MTHUN MTHONG BA, ,GANG PHYIR DE NI MI 'GOG PAS, ,DE PHYIR JI SKAD SMRAS SKYON MED, ,CES BYA BA NI BUM PA LA SOGS PA'I SKYE BA BDAG DANG GZHAN DANG GNYI GA DANG RGYU MED PA DANG, YOD PA DANG MED PA LA SOGS PA DPYAD PA DANG BRAL BA SGYU MA DANG SMIG RGYU DANG, DRI ZA'I GRONG KHYER LA SOGS PA'I SKYE BA SNANG BA LTA BU'I BYIS PA'I SKYE BO'I BLO DANG MTHUN PAR MTHONG BA DE NI KUN @100A *, ,RDZOB KYI TSUL DU YOD PAS BYIS PA'I BLO DANG MTHUN PAR MTHONG BA DE NI MA BKAG STE, 'DI LTAR DON DAM PA'I BLO RTOG PA'I SKYON GYI DRI MA MA LUS PA SPONG PAR BZOD PAS BRTAGS NA MI RIGS PAR BSTAN PAS DE'I PHYIR MNGON SUM DANG GRAGS PA'I GNOD PA JI SKAD SMRAS PA'I SKYON MED DO, ,DE LTAR SPYIR LAN BTAB NAS, DA NI KHYAD PAR BRJOD PAR BYA STE, 'DI LA MNGON SUM DU SMRA BAS NI RE ZHIG MNGON SUM GYI SGO NAS NGES PAR BZUNG NAS DE'I GNOD PAS BRGAL BAR BYA BA YIN NA MNGON SUM YANG KUN RDZOB PA YIN PAS DON DAM PA PA MA YIN NO, ,JI LTAR ZHE NA, GZUGS LA DMIGS PA'I BLO LA NI, ,YANG DAG TU NA RANG RIG MED, ,DE MA SKYES PHYIR KHO BO LA, ,DE YI GNOD PA MED PHYIR RO, ,ZHES BYA BA NI SHES BYA DANG DE LA 'JUG PA SKYE BA MED PAR BSTAN PA'I PHYIR DANG, 'DU BYED KYI TSOGS G-YO BA MED PA'I PHYIR DANG, DBANG PO RNAMS BLUN PA NYID KYI PHYIR GCIG GIS YUL 'DZIN PA YANG MI NUS LA, TSOGS PA LAS BYANG BA'I BLO YANG KUN RDZOB PA YIN PA'I PHYIR GANG ZHIG GANG GI MNGON SUM DU 'GYUR NA DES KHO BO LA GNOD PAR 'GYUR ZHES DON BSDU BA NI DE YIN NO, ,YANG NA DE'I MNGON SUM 'DI LTAR MI RUNG STE, ,MNGON SUM BLO NI DON DAM DU, ,DON BZHIN NYID DU MI RIGS TE, ,BYIS PA'I BLO DANG KHYAD MED PHYIR, ,MGAL ME'I 'KHOR LO'I BLO BZHIN NO, ,ZHES BYA BA LA, ,BYIS PA'I BLO DANG KHYAD MED PHYIR, ,ZHES BYA BA NI RANG RIG PA NYID DANG BSTAN DU MED PA NYID DANG, RNAM PAR RTOG PA MED PA NYID NI BYIS PA DANG, 'PHAGS PA'I BLO LA KHYAD PAR MED PA'I PHYIR RO, ,DNGOS PO RANG GI NGO BO SNANG BA RTZAM GYI SPYOD YUL DANG LDAN PA'I PHYIR, MGAL ME LA 'KHOR LOR SNANG BAR GYUR PA'I BLO RTOG PA MED PA BZHIN NO; ,DE YI SPYOD YUL DNGOS MED DE, ,'DUS BYAS YIN PHYIR BDAG BLO BZHIN, ,ZHES BYA BA NI MNGON SUM GYI BLO'I SPYOD YUL GYI GZUGS BSTAN DU MED PA YANG DNGOS PO MA YIN TE, 'DUS BYAS YIN PA'I PHYIR BDAG GI BLO BZHIN NO, ,GZHAN YANG, GZUGS LA @100B SOGS PA RDZAS MIN PHYIR, ,DE LA MNGON SUM GNOD PA MED, ,CES BYA BA NI GZUGS LA SOGS PA RDZAS BRGYAD 'DUS PA DANG, DE LA DMIGS PA'I BLO DAG NI DMAG DANG NAGS TSAL LA SOGS PA'I BLO BZHIN DU RDZAS SU YOD PA MA YIN PAS DE LTAR MNGON SUM MED PA'I PHYIR, KHO BO CAG LA DE'I GNOD PA MED DO, ,KHO BO CAG LA GRAGS PA'I GNOD PA YANG MED DE, GANG GI PHYIR ZHE NA, MKHAS PA'I TSUL LA DPYAD PA LA, ,GRAGS PA'I GNOD PA YOD MA YIN, ,DE NYID LA NI MA RIG PA'I, ,LING TOG MDONGS PA'I TSIG SKABS MIN, ,ZHES BYA BA NI DPER NA MIG THOGS PA MED CING DRI MA MED PAS YONGS SU BTAGS PA'I DON RIN PO CHE MA RGAD DANG, BEE d'U RYA LA SOGS PA RIN PO CHE BRTAG PA DAG LA DMUS LO RNAMS DANG, RAB RIB KYIS MIG NYAMS PA RNAMS KYI SKABS MA YIN GYI, DE LA BLO GSAL BA DANG MIG DANG LDAN PA RNAMS KYI SKABS YIN PA DE BZHIN DU, STONG PA NYID KYI LTA BA'I MIG SMAN GYIS YONG SU SBYANGS PA'I RIGS PA DRI MA MED PA'I MIG YANGS PA DANG LDAN PA'I MKHAS PA RNAMS KYI SKABS YIN GYI, MA RIG PA'I LING TOG GIS RMONGS PA DANG, DNGOS PO'I RANG GI NGO BO MTHONG BAR MI NUS PAR RAB RIB CAN DANG 'DRA BA KHAMS GSUM PA'I DNGOS PO SNA TSOGS LA RTOG PA YANG DAG PHAM YIN PA'I KUN DU RTOG PAS KUN NAS BSLANG BA'I DRI MAS BLO GROS KYI MIG DKRUGS PA MI MKHAS PA RNAMS KYI TSIG GI SKABS MED PAS GRAGS PA'I GNOD PAR 'GYUR RE SKAN, DE LTAR GZHAN LAS SKYE BA BKAG PA'I ZHAR LA 'ONGS PA DAG YONGS SU RDZOGS PAR BYAS NAS, YANG GRANGS CAN 'BRAS BU SNGA NA YOD PAR SMRA BA DAG GI PHYIR BSHAD PA, YOD LA'ANG SKYE BAR MI 'DOD DE, ,YOD PA CI PHYIR SKYE BAR 'GYUR, ,ZHES BYA BA NI 'BYUNG BA'I MTSAN NYID DANG LDAN PA NI SKYE BA YIN NA YOD PA LA NI 'BYUNG BA MED DO ZHES BYA BA'I THA TSIG GO, ,CI STE 'DI SNYAM DU RGYU LA 'BRAS BU NAS PA'I BDAG NYID DU YOD PA DE RKYEN RNAMS KYIS RAGS PA NYID DU SGRUB PAR SEMS NA BSHAD PA, YOD PA RAGS PAR MI BYED DE, SNGA NA @101A *, ,MED DANG PHYIS 'BYUNG PHYIR, ,ZHES BYA BA NI DE LTA NA YANG 'BRAS BU SNGA NA MED PAR GYUR PA YIN TE, RAGS PA NYID SNGA NA MED PA'I PHYIR RO, ,DPER NA SHING N-YA GRO DHA'I SA BON CHUNG NGU LA SHING N-YA GRO DHA ZHES BYA BA'I SDONG PO YAL GA DANG YAL GA PHRA MO DU MAS RGYAS PA'I RANG GI NGO BO YOD PA MA YIN PAS DE'I PHYIR DE SNGA NA YOD PA MA YIN PA'I PHYIR DANG, PHYIS 'BYUNG BA'I PHYIR DE YOD DO ZHES BYA BAR MI RIGS SO, ,GZHAN YANG, MIG GI RAGS PA NYID GANG YIN, ,DE NI RKYEN GYIS MA BYAS TE, ,SNGA NA MED PHYIR RDZA MA BZHIN, , SHES BYA YIN PHYIR ZA PO BZHIN, ,ZHES BYA BA NI GAL TE RKYEN RNAMS LA 'BRAS BU RAGS PA NYID CES BYA BA SNGA NA MED PA SKYED PA'I MTHU YOD NA NI MIG GI RKYEN GYI 'BYUNG BA CHEN PO RNAMS KYIS KYANG MIG LA SOGS PA LAS GZHAN PA RDZA MA LA SOGS PA DAG CI'I PHYIR MI BYED, YANG DPER NA SKYES BU SHES BYA YANG YIN LA NUS PA'I BDAG NYID DU YANG YOD MOD KYI, DES GANG YANG RAGS PA NYID DU MI BYED PA DE BZHIN DU MIG LA SOGS PA LA YANG THAL BAR 'GYUR RO, ,'DI SNYAM DU KHYOD NI BDAG MED PAR SMRA BA YIN LA KHYOD KYIS ZA BA PO'I DPE NYID DU BYAS PA NI RANG LA DPE MA GRUB PAR SEMS NA BSHAD PA, ZA PO LA SOGS KUN RDZOB TU, ,THUN MONG YIN PAR 'DOD PA'I PHYIR, ,DE PHYIR NGED LA GANG DU YANG, ,DPE NI SKYON DU 'GYUR BA MED, ,CES BYA BA NI, 'DI LTAR KHO BO CAG KYANG LUS DANG, DBANG PO DANG BLO'I TSOGS KYI YAN LAG GANG YANG RUNG BA SHAS CHE BAR 'JUG PA LA LTOS NAS ZA BA PO ZHES BYA BA LA SOGS PA'I THA SNYAD KUN RDZOB TU PHUNG PO DANG, KHAMS DANG, SKYE MCHED KYI YUL DAG LA THA SNYAD GDAGS PA THUN MONG DU GRUB PAS DE'I PHYIR KHO BO CAG LA TSAD MA GANG DU YANG RANG LA DPE MA GRUB PA'I SKYON DU 'GYUR BA MED DE, KHO BOS KUN RDZOB KHO NAR TSAD MA RNAM PAR GZHAG PA BYAS KYI DON DAM PAR NI MA YIN TE, DE NI BRJOD DU MED PA YIN PA'I PHYIR RO,, ,,DBU MA'I SNYING PO'I 'GREL PA RTOG GE 'BAR BA, ,BAM PO BRGYAD PA, 'DIR GRANGS CAN PA @101B DAG NYID LAS MNGON PAR GSAL BAR SMRA BA KHA CIG PHYIR ZLOG PAR BYED DE, GANG DAG GIS DNGOS PO RNAMS SKYE BAR BTAGS PA DE DAG NYID LA SKYON DER 'GYUR GYI, KHO BO CAG NI BUM PA LA SOGS PA DNGOS PO RNAMS 'JIM PA LA SOGS PA DAG LA YOD PA NYID RKYEN RNAMS KYIS MNGON PAR GSAL BAR BYED PAR SMRA BAS KHO BO CAG LA SKYON DE LTA BUR MI 'GYUR RO ZHE NA, DE LA PHYIR 'DI SKAD CES BRJOD PAR BYA STE, GAL TE GSAL BA SKYON MED NA, ,GANG GIS CI GSAL JI LTA BU, ,GAL TE DE DAG 'DI SKAD CES, ,DPER NA MAR MES BUM PA BZHIN, ,ZHES ZER NA DE LA BSHAD PA, YOD LA MNGON GSAL MED PHYIR RO, ,ZHES BYA BA NI 'DI LTAR DNGOS PO SKYES SHING YOD PA NYID LA YOD PA GZHAN GYIS MNGON PAR GSAL BAR BYED PA NI RIGS GRANG NA, 'DI LA NI MA SKYES PAR BSTAN PAS JI LTAR NA, BUM PA MA SKYES PA MAR ME MA SKYES PAS MNGON PAR GSAL BAR BYED DE, GANG GI PHYIR SGYU MA'I SKYES BU MA SKYES SHING MED PA NI NAM MKHA'I ME TOG LA SOGS PA MA SKYES SHING MED PA DAG GIS MNGON PAR GSAL BAR BYED PAR MI RIGS PA'I PHYIR RO, ,DE YOD PA NYID DU KHAS BLANGS SU ZIN KYANG, THA SNYAD KYI BDEN PA'I TSUL GYIS BSHAD PA, ,KUN RDZOB TU'ANG MAR MES NI, ,BUM PA SNANG DANG BCAS PA DANG, ,DE YI BLO'AM GNYEN PO DAG ,SKYE BAR BYED PA NYID YIN NO, ,ZHES BYA BA NI KHO BO CAG GI PHYOGS LA BUM PA ZHES BYA BA NI 'BYUNG BA DANG, 'BYUNG BA LAS GYUR PA'I TSOGS YIN PAS KUN RDZOB TU YANG MAR ME NYE BAR GYUR PAS NI BUM PA SNANG BA DANG BCAS PA SNGON MA SKYES PA GDOD PA SKYE BAR BYED PA NYID YIN GYI, SKYES PA MNGON PAR GSAL BAR BYED PA NI MA YIN NO, ,GAL TE BUM PA DE SNGON BLO'I GZUNG BA NYID DU MA GYUR BA YIN LA, PHYIS MAR MES DE BLO'I GZUNG BA NYID DU GYUR PAR BYED NA NI DE LTA NA MAR MES DE'I BLO DE NYID SNGA NA MED PA SKYED PAR BYED PA YIN GYI, DE'I BLO SNGA NA YOD PA MNGON PAR GSAL BAR BYED PA MA YIN NO, ,CI STE MUN PA'I NANG NA BUM PA MIG GI RNAM PAR SHES PA'I GZUNG BA NYID DU @102A *, ,MED PAR GYUR PA MAR MES MIG GI RNAM PAR SHES PA'I GZUNG BA NYID DU YOD PAR BYED PA NA YANG DE NYID SNGA NA MED PA YOD PAR BYED PA YIN GYI, YOD PA MNGON PAR GSAL BAR BYED PA NI MA YIN NO, ,CI STE BUM PA GZUNG BA'I MI MTHUN PA'I PHYOGS KYI MUN PA YOD PA MAR MES SEL BAR BYED DO ZHE NA, DE LTA NA YANG MUN PA'I GNYEN POR SNANG BA DAG SNGA NA MED PA NYID MAR MES SKYE BAR BYED PA NYID YIN GYI, GNYEN PO SNGA NA MED PA DAG PHYIS MNGON PAR GSAL BAR BYED PA MA YIN TE, CI STE BUM PA GZUNG BAR SNANG BA NYID SNGA NA YOD NA MAR MES CI BYA, GZHAN YANG CHEN PO LA SOGS PA MNGON PAR MI GSAL BA DAG GSAL BAR BYED DO ZHE NA, DE YANG MI 'THAD DE, JI LTA ZHE NA, ,MNGON PAR MI GSAL GSAL MI BYED, ,MI GSAL PHYIR NA MKHA' MIN BZHIN, ,RANG TSUL GYIS KYANG DPER BYA NA; ,GTZO BO ZA PO BZHIN DU BSTAN, ,ZHES BYA BA NI GRANGS CAN DAG NYID KYI RANG GI TSUL GYIS KYANG DPER BYA NA SNYING STOBS DANG RDUL DANG MUN PA CHA MNYAM PA MI GSAL BA NI GTZO BO STE, RANG BZHIN YIN LA DE BZHIN DU ZA BA PO SKYES BU ZHES BYA BA YANG MA SKYES PA'I PHYIR, MNGON PAR MI GSAL BA YIN PAS GSAL BAR MI BYED PA DE BZHIN DU CHEN PO LA SOGS PA MNGON PHAR MI GSAL BA LA YANG GSAL BAR MI BYED DE, MI GSAL BA'I PHYIR RO ZHES BSTAN TO, ,CI STE RNAM PA 'GA' ZHIG GIS ZA BA PO YANG GSAL BAR BYA BA YIN PAR RTOG NA DE LTA NA, , GAL TE DE YANG MNGON GSAL NA, ,ZA PO KUN 'GRO MA YIN ZHING, ,RGYU MED MA YIN SHES YOD MIN, ,MI GSAL BA YANG NYAMS PAR 'GYUR, ,ZHES BYA BA NI GAL TE ZA BA PO DE YANG MNGON PAR GSAL BAR BYA BA YIN NA ZA BA PO DE YANG BUM LA SOGS PA BZHIN DU KUN TU 'GRO BA MA YIN PA DANG, RGYU MED PA MA YIN PA DANG, SHES PA YOD PA NYID MA YIN PA DANG, ZA BA PO'I NGO BO NYID MI GSAL BA ZHES BYA BA YANG NYAMS PAR 'GYUR RO, ,GTZO BO YANG MNGON PAR GSAL BAR BYA BA NYID DU RTOG NA DE LTA NA, GAL TE GTZO BO MNGON @102B GSAL NA, ,KHYOD KYI GTZO BO BYA BA DANG, ,DPAG YOD GSAL BAR THAL 'GYUR TE, ,DE NI DE DAG MIN PAR GRAGS, ,ZHES BYA BA NI GAL TE GTZO BO YANG MNGON PAR GSAL BAR BYA BA YIN NA KHYOD KYI GTZO BO BYA BA NYID DANG, DPAG TU YOD PA NYID DANG, GSAL BA NYID YIN PAR THAL BAR 'GYUR TE, ,GTZO BO DE NI MA BYAS PA DANG THAMS CAD DU SONG BA DANG, MI GSAL BA YIN PAS BYANG BA DANG DPAG TU YOD PA DANG GSAL BAR DE DAG MA YIN PAR KHYED NYID LA GRAGS PA DANG 'GAL LO, ,GSAL BAR BYED PA YANG MI 'THAD DE, JI LTA ZHE NA, GANG GIS GSAL BYED GANG DAG 'DOD, ,DE DAG DE GSAL BYED MI 'DOD, ,RGYU NYID LA SOGS GTAN TSIGS KYIS, ,RGYU SPUN LA SOGS ZHO'I MIN BZHIN, ,ZHES BYA BA NI MYU GU LA SOGS PA GANG GIS GSAL BYED SA LA SOGS PA RKYEN GANG DAG YIN PAR 'DOD PA DE DAG NI GSAL BAR BYED PA YIN PAR MI 'DOD DE, CI'I PHYIR ZHE NA, RGYU NYID LA SOGS PA YIN PA'I GTAN TSIGS KYIS TE, RGYU NYID YIN PA'I PHYIR DANG, DNGOS PO NYID YIN PA'I PHYIR DANG, SHES BYA NYID YIN PA'I PHYIR RO, ,DPE JI LTA BU ZHE NA; RGYU SPUN LA SOGS PA ZHO'I GSAL BAR BYED PA MA YIN PA BZHIN TE, DPER NA 'O MA LAS ZHOR 'GYUR BA'I GSAL BAR BYED PA SNAM BU LA SOGS PA MNGON PAR SGRUB PA'I RGYU SPUN DANG, TSIG PA DANG THAGS ZANGS DANG 'UL BU LA SOGS PA DAG MA YIN PA BZHIN NO, , GAL TE 'DI SNYAM DU RGYU SPUN LA SOGS PA DAG LA YANG RNAM GRANGS GZHAN GYIS NA ZHO LA SOGS PA'I DNGOS PO DAG MNGON PAR GSAL BAR BYED PA'I NUS PA NYID YOD DE, GANG GI PHYIR ZHE NA, RGYU SPUN LA SOGS PA GANG DAG YIN PA DE DAG 'JIG PA'I BSKAL PAS ZHIG NAS YANG PHYIR CHAGS PA'I BSKAL PAS PHYIR CHAGS PA'I TSE NA RKYEN GZHAN DAG GIS MNGON PAR GSAL BAR BYED PAS ZHO LA SOGS PA'I DNGOS PO GZHAN DAG GIS MNGON PAR GSAL BAR BYED PAR 'GYUR BA'I DUS DE LTA BU YANG YOD PAS DBU MA PA'I DPE MED PAR SEMS NA DE'I PHYIR @103A *, ,BSHAD PA, ,GAL TE RGYU SPUN LA SOGS PA LA'ANG, ,DE'I NUS YOD PHYIR DPER MED NA, ,DE MIN RGYU SPUN LA SOGS DNGOS, ,DE DAG DE GSAL BYED MIN PHYIR, ,ZHES BYA BA NI, ,GAL TE RGYU SPUN LA SOGS PA DAG RNAM GRANGS GZHAN GYIS ZHO LA SOGS PA'I GSAL BAR BYED PA NYID DU 'GYUR BA YOD DU ZIN NA YANG RGYU SPUN LA SOGS PAS RGYU SPUN LA SOGS PA DNGOS KYI NGO BO NYID DE DAG GIS ZHO ZHES BYA BA LA SOGS PA'I 'BRAS BU DE GSAL BAR BYED PA MA YIN TE, JI LTAR YANG MI SRID PA'I PHYIR DANG GANG DU YANG MA MTHONG BAS DE'I PHYIR KHO BO'I DPE MED PA MA YIN NO, ,GRANGS CAN DAG LAS KHA CIG SA LA SOGS PA RNAM PAR PHYE BA DANG, SA BON GYI MTSAN NYID RNAM PAR MA PHYE BA'I BYED RGYU DAG LAS 'BRAS BU SKYE BAR SEMS PA DE DAG NI BDAG DANG GZHAN LAS SKYE BAR SMRA LA, GCER BU PA DAG KYANG GSER DANG ME LA SOGS PA LAS GSER GYI SOR GDUB BDAG DANG GZHAN LAS SKYE BAR SEMS PA DE DAG NYID KYANG 'BRAS BU SNGA NA YOD PA DANG MED PAR SMRA STE, 'DI LTAR SOR GDUB CES BYA BA'I 'BRAS BU DE MA THAG TU 'BYUNG BA'I PHYIR NI SNGA NA YOD PA YIN LA RANG GI BDAG NYID MA THOB PA'I PHYIR NI SNGA NA MED PA YIN PAR SMRA'O, ,DE DAG GI PHYIR BSHAD PA, ,BDAG DANG GZHAN LAS SKYE BA DANG, ,BDAG NYID YOD DANG MED MI 'DOD, ,GNYI GAR SMRA BA YOD MIN TE, ,RIGS PAS GONG DU BSTAN PHYIR RO, ,ZHES BYA BA NI GNYI GAR SMRA BA DAG KYANG 'GAL BA'I SKYON YOD PA'I PHYIR MI 'THAD DE, GAL TE BDAG LAS NA NI JI LTAR GZHAN LAS YIN, 'ON TE GZHAN LAS NA NI 'O NA DE LTA NA BDAG LAS ZHES BYA BA 'DI DANG 'GAL LO, ,SO SOR YANG BDAG LAS DANG GZHAN LAS BYA BA'I CHA JI LTAR SNGAR BKAG PA DE KHO NA BZHIN DU BRJOD PAR BYA'O, ,YANG GZHAN YANG, ,KUN RDZOB TU YANG 'BRAS BU NI, ,RKYEN RNAMS KYIS NI GSAL MI 'DOD, ,DE ZHIG BAR DU RJES SGRUB PHYIR, ,SA LA SOGS PAS BUM PA BZHIN, ,ZHES BYA BA NI 'DI LA TSAD MA THAMS CAD DON DAM @103B PA BA YIN PA LAS TSAD MA 'DI NI KUN RDZOB TU YANG GZHAN GYIS YONGS SU BTAGS PA'I MNGON PAR GSAL BA 'GOG PAR BYED PA YIN TE, 'JIM PA LA SOGS PA NI BUM PA ZHIG PA'I MTHAR THUG GI BAR DU RJES SU 'BREL PAR SGRUB PA NYID YIN PAS, DE'I PHYIR DE DE BZHIN DU 'BRAS BU GZHAN DAG GI MNGON PAR GSAL BAR BYED PA YIN PA MI RIGS TE, GANG GI PHYIR ZHE NA, MNGON PAR GSAL BA ZHES BYA BA NI DNGOS PO'I RJES SU GTAN DU 'BREL PAR SGRUB PA MA YIN TE, MAR ME BUM PA'I RJES SU GTAN DU SGRUB PA MA YIN PA BZHIN LA 'BRAS BU NI ZHIG PA'I MTHAR THUG GI BAR DU YANG YAN LAG DANG YAN LAG CAN GYI DNGOS POS RTAG PAR DNGOS PO'I RJES SU 'BREL PAR SGRUB PA YIN PA'I PHYIR MNGON PAR GSAL BA DANG 'BRAS BU LA KHYAD PAR DE YOD DO, ,DE LTAR NA DNGOS PO RNAMS BDAG DANG GZHAN GNYI GA LAS KYANG SKYE BA MED DO, ,'DIR 'JIG RTEN RGYANG PAN PA DAG GIS SMRAS PA, DNGOS PO RNAMS BDAG DANG GZHAN DANG GNYI GA LAS SKYE BA MED PA NI BDEN MOD KYI, 'ON KYANG NANG GI SKYE MCHED KYI DNGOS PO RNAMS NI RGYU DANG RKYEN LA MI LTOS PAR NGO BO NYID KHO NA LAS SKYE BAR DAM 'CHA' STE, GSAL BA MED PAS BYAS PA'I DNGOS PO SNA TSOGS MNGON PAR 'GRUB PA SNANG BA'I PHYIR DPER NA, PADMA ZE BA KHA DOG GSAR PA YID TZAM SER ZHING DMAR BA DRI ZHIM PO DANG, ZE'U 'BRU MDZES PA DANG, LO MA 'JAM PA DANG, SDONG BU RTZUB PA DANG LDAN PA DAG DANG, ,RMA BYA MJUG SGO'I TSOGS ZLA GAM SNA TSOGS GSAL BA MANG PO DANG, LUS KYI SGRO GSHOG SNGO ZHING 'TSER BAG CAN DANG LDAN PA DAG DANG, TSER MA RTZE MO MA BZHOGS PAR RNO ZHING RTZUB PA DANG LDAN PA DAG BZHIN NO ZHE NA, DE DAG GI PHYIR 'DI SKAD BSHAD PAR BYA STE, MIG NI KUN RDZOB NYID DU YANG, ,GLO BUR SKYE BAR MI 'DOD DE, ,SPYI DANG KHYAD PAR LDAN PA'I PHYIR, ,DE NI DPER NA BUM PA BZHIN, ,ZHES BYA BA NI 'DI LTAR 'JIG RTEN NA NANG DANG PHYI ROL GYI DNGOS PO GANG LA RGYU MI SNANG BA DE NI 'GA' YANG MED DE, @104A *, ,RE ZHIG PADMA LA SOGS PA YANG CHU DANG RDZAS DANG SA BON LA SOGS PA'I RGYU DAG DANG LDAN NO, ,DE BZHIN DU 'JIG RTEN NI SEMS KYIS BRIS SO ZHES BRJOD PAS RMA BYA LA SOGS PA YANG SEMS PAS MNGON PAR 'DUS BYAS PAS SNA TSOGS SU BKRA'O, ,CHER MA LA SOGS PA RTZUB PA DANG ME TOG LA SOGS PA 'JAM PA YANG SEMS CAN RNAMS KYI LAS KYI DBANG NYID LAS 'GYUR RO, ,DE BZHIN DU MIG KYANG KHU CHU DANG KHRAG DANG MER MER PO LA SOGS PA DANG, 'BYUNG BA CHEN PO DAG GI RGYU LAS BYUNG BA NYID YIN PAS KUN RDZOB KYI BDEN PA'I TSUL NYID DU YANG GLO BUR DU SKYE BAR MI 'DOD DE, MI RTAG PA LA SOGS PA SPYI'I MTSAN NYID DANG LDAN PA'I PHYIR DANG, MIG LA SOGS PA NI 'BYUNG BA LAS GYUR PA'I GZUGS DANG LDAN PA'I BDAG NYID DO ZHES BYA BA'I KHYAD PAR GYI MTSAN NYID DANG LDAN PA'I PHYIR DE NI DPER NA BUM PA BZHIN TE, BUM PA YANG MI RTAG PA LA SOGS PA SPYI'I MTSAN NYID DANG LDAN PA DANG, GSUS PA CHE BA DANG, KHA YANGS PA DANG, DBYIBS ZLUM PA LA SOGS PA'I KHYAD PAR GYI MTSAN NYID DANG LDAN PA'I PHYIR KUN RDZOB NYID DU YANG GLO BUR DU SKYE BAR MI 'DOD PA BZHIN NO, ,GZHAN YANG, 'BRAS BU YIN PHYIR RIM SKYE'I PHYIR, ,'JIG PA'I PHYIR DANG YONGS 'GYUR PHYIR, ,RGYU RKYEN NGES PA'I PHYIR DANG NI, ,SKYE BA'I PHYIR YANG SHES PAR BYA, ,ZHES BYA BA NI BUM PA BZHIN NO ZHES BYA BA'I TSIG GI LHAG MA'O, ,DE LA 'BRAS BU ZHES BYA BA'I PHYIR 'BRAS BU'O, ,RIM SKYE ZHES BYA BA NI RGYU DANG RKYEN TSOGS PA'I PHYIR DUS SU SKYE BA'O, ,'JIG PA ZHES BYA BA NI CHUD ZA BA'O, ,YONGS 'GYUR ZHES BYA BA NI GZHAN DU 'GYUR BA'O, ,RGYU RKYEN NGES PA ZHES BYA BA NI, RGYU DANG RKYEN SO SOR NGES PAR SNANG BA LAS 'BRAS BU NGES PAR 'BYUNG BA'O, ,SKYE BA ZHES BYA BA NI MNGON PAR GRUB PA'O, ,DNGOS PO DE DAG NI 'BRAS BU YIN PA'I PHYIR ZHES BYA BA LA SOGS PA'I GTAN TSIGS DAG GIS BUM PA BZHIN DU KUN RDZOB KYI BDEN PA'I TSUL NYID DU @104B YANG RGYU MED PA LAS GLO BUR DU SKYE BA MA YIN PAR NGES SO, ,'DIR MED PAR SMRA BA DAG DBU MA PA LA DPE'I SKYON 'DOGS PA'I RGYU THABS KYIS 'JIG RTEN SNGA MA DGAG PAR YANG SEMS NA, PHYIR LDOG PAR BYED DE, KHYED DBU MA PA NI 'JIM GONG DANG GLEBS PA DANG BSKOR BA LA SOGS PA'I RIM GYIS BUM PA MNGON PAR 'GRUB PAR 'DOD CES GRAGS PAS DE DPE NYID DU STON PAR BYED DO, ,KHO BO CAG NI 'JIM GONG NI 'JIM GONG GI RANG BZHIN NYID DU 'GAGS PAS YANG SKYE BA MED LA DE BZHIN DU GLEBS PA DANG, BSKOR BA LA SOGS PA YANG DE DAG GI RANG BZHIN NYID DU 'GAGS PAS YANG SKYE BA MED PA'I PHYIR BUM PA LA SOGS PA NI RGYU MED PA KHO NA LAS 'BYUNG BAR 'DOD PAS DE'I PHYIR KHYED KYI DPE MED DO, ,YANG NA 'JIM GONG ZHES BYA BA DE TZEE TRA'AM MEE TRA ZHIG YIN NA YANG TSE RABS GZHAN DU 'GAGS PAS YANG SKYE BA MED DE ZHIG PA'I PHYIR RO, ,YANG NA 'BRAS BU YIN PA'I PHYIR BUM PA BZHIN NO ZHES MED PAR SMRA BA DAG GIS 'JIG RTEN SNGA MA 'GAGS PA'I PHYIR SMRAS PA, DE LA 'DIR SLOB DPON GYIS BSHAD PA, ,GAL TE 'JIM GONG TSE GZHAN LA, ,'GAGS PA MI SKYE ZHIG PA'I PHYIR, ,'BRAS BU YIN PHYIR DPER NA NI, ,BUM PA BZHIN DU 'DOD CE NA, ,ZHES BYA BA NI PHYOGS SNGA MA NYE BAR BZHAG PA NYID YIN NO, ,DE'I LAN NI, JI LTAR BUM PA BUM PA YI, ,NGO BO NYID 'GAGS MI SKYE BA, ,DE LTAR 'JIM GONG 'DOD NA NI; ,'DOD PA NYID DU SGRUB PA YIN, ,ZHES BYA BA YIN TE, JI LTAR KHO BO BUM PA BUM PA'I NGO BO NYID GANG GIS 'GAGS PAR GYUR PA'I NGO BO NYID DE NYID KYIS MI SKYE BAR 'DOD MOD KYI, 'ON KYANG DE LAS GYO MO DANG GYO DU MA LA SOGS PA'I NGO BO NYID KYI RGYUN GZHAN SKYA BA YOD PA KHO NAR 'DOD PA DE LTAR KHYOD KYANG 'JIM GONG ZHES BYA BA 'JIM PA'I GONG BU NYID LA BYA YANG RUNG TZEE TRA'AM MEE TRA LA YANG BYA YANG RUNG STE, GAL TE NGO BO NYID GANG GIS 'GAGS PAR GYUR PA'I NGO BO NYID KYIS KYANG MI SKYE BAR 'DOD MOD KYI, 'ON KYANG DE LAS BUM PA LA SOGS @105A *, ,PA'I NGO BO NYID KYI RGYUN GZHAN SKYE BA YOD PA KHO NAR 'DOD NA NI KUN RDZOB TU YANG GRUB PA LA SGRUB PA YIN LA, DON DAM PAR YANG RNAM PA THAMS CAD DU SKYE BA MED PA'I PHYIR KHO BO'I 'DOD PA NYID SGRUB PA YIN NO, ,'ON TE 'GAGS PA RGYU YIN NA; ,DES NA GTAN TSIGS 'GAL BA NYID, ,CES BYA BA NI, 'ON TE KHYOD 'DI SNYAM DU 'JIM GONG LA SOGS PA DGAG PAR GYUR BA DE DAG NI PHYIS GZHAN DAG GI RGYUR MI 'GYUR TE, 'DI LTAR GANG 'GAGS PA DE NI RGYUN CHAD PA NYID DE, 'GAGS PA NI RAB TU ZHIG PA'I MTSAN NYID YIN PA'I PHYIR RO ZHES BYA BA DANG, GANG SKYE BA DE NI NGO BO NYID KHO NA LAS SKYE STE, 'GAGS PA GANG LA YANG MI LTOS PA YIN PAR SEMS NA DES NA ZHIG PA'I PHYIR RO ZHES BYA BA KHYOD KYI GTAN TSIGS DE'I DON 'GAL BA NYID DE, SA BON 'GAGS PA LAS MYU GU LA SOGS PA SKYE BAR 'GYUR BA SNANG BA'I PHYIR RO, ,GAL TE SA BON MA 'GAGS PAR YANG MYU GU SKYE BAR GYUR NA NI SBYANG LA SOGS PA LA 'DUG PA YANG SKYE BAR THAL BAR 'GYUR RO, ,DE'I PHYIR ZHIG PA NYID DU RJES SU DPOG PAS 'BRAS BU SKYE BA'I PHYIR 'JIM GONG LA SOGS PA 'GAGS PAR GYUR PA DAG KYANG GNAS SKABS PHYI MA GZHAN DAG GI RGYU'I DNGOS POR 'GYUR BAS, DE LAS SKYE BA KHO NAR BSTAN PAR GYUR PAS CHOS CAN GYI NGO BO NYID LOG PAR BSGRUB PA'I PHYIR GTAN TSIGS KYI DON 'GAL BA NYID DO, ,GAL TE RGYUN NYID MA NYAMS NA, ,DES NA 'KHRUL PA NYID DU 'GYUR, ,ZHES BYA BA NI GAL TE SA BON LA SOGS PA RGYUN NYID KYIS NGES PAR GNAS PA MA NYAMS PA MYU GU DANG SDONG BU DANG, SDU GU DANG YAL GA DANG 'DAB MA DANG, LO MA LA SOGS PA'I BDAG NYID DU SKYE BA DE LTAR 'DOD NA; DES NA KHYOD KYI GTAN TSIGS ZHIG PA'I PHYIR RO ZHES BYA BA DE 'KHRUL PA NYID DU 'GYUR TE, GANG GI PHYIR ZHE NA, RGYU DANG 'BRAS BU'I DNGOS POS 'BREL PA'I RGYUN NI RGYUN CES BYA'I, RGYU CHAD PA LA YANG RGYUN MI 'BYUNG LA RGYUN MA NYAMS PA LA YANG RGYUN MI 'BYUNG BAS @105B 'BRAS BU MI SRID PA NI 'KHRUL PA NYID YIN PA'I PHYIR RO, ,'JIG RTEN SNGA MA SGRUB PA'I TSAD MA NI 'DI YIN TE, MNGAL GNAS SNGON ROL BLO LA NI, ,MDUN ROL KHO NAR 'GAGS BLO YOD, ,SHES BYA GZHAN GYIS DE GZHAN PHYIR, ,YANG NA BLO PHYIR DE'I 'OG BZHIN, , ZHES BYA BA NI MNGAL NA GNAS PA'I SNGON ROL GYI BLO GANG YIN PA DE LA NI MDUN ROL KHO NAR 'GAGS PA'I BLO SNGON DU SONG BA YOD DE, CI'I PHYIR ZHE NA, SHES BYA GZHAN GYIS DE GZHAN YIN PA'I PHYIR TE, GANG GI PHYIR BLO DE NI SHES BYA RTOGS PA YIN NA MNGAL NA GNAS PA'I SNGON ROL GYI BLO DE LA NI SHES BYA MED DE, SHES BYA NI, MIG DANG, RNA BA DANG, SNA DANG, LCE DANG, LUS KYI DBANG PO DAG LAS MNGON PAR 'GRUB PA YIN NA, DE LA DE'I TSE DBANG PO DE DAG MED PA'I PHYIR DE LA SHES BYA MED DO, ,BLO DE NI 'JIG RTEN SNGA MA GZHAN GYI SHES BYA THA DAD PA GZHAN LA DMIGS PAS BLO THA DAD PA GZHAN ZHES THA SNYAD GDAGS PAR RIGS PA'I PHYIR TE, DE LTAR SHES BYA GZHAN GYI BLO DE GZHAN YIN PA'I PHYIR RO, ,YANG NA BLO YIN PA'I PHYIR TE, GANG DANG GANG BLO YIN PA DE DANG DE LA NI MDUN ROL KHO NAR 'GAGS PA'I BLO SNGA MA YANG YOD PA'I PHYIR RO, ,DPER NA JI LTA BU ZHE NA, DE'I 'OG BZHIN TE, BTZAS PA'I 'OG ROL GYI DUS KYI BLO LA YUL DU MA LA 'JUG PA DANG, MDUN ROL KHO NAR 'GAGS PA'I BLO SNGA MA GZHAN YOD PA BZHIN TE, SLOB DPON DPA' BOS, BLO NI SHES BYA RTOGS PA YIN PAR GSUNGS, ,DES NA MNGAL GNAS SNGON ROL BLO YUL YOD, ,DE 'DI MA YIN MIG LA SOGS MED PHYIR, ,GANG GI YIN TE 'JIG RTEN SNGA MAR GRUB, ,CES JI SKAD BSHAD PA LTA BU'O, ,GAL TE 'DI SNYAM DU BLO NI GCIG KHO NAR ZAD DE, BLO YIN PA'I PHYIR MA SHI BA'I BAR DU NGES PAR GNAS PA YIN PAS DE'I PHYIR DPE MED PAR SEMS NA BSHAD PA, TZEE TRA LA NI SBRA BLO DANG, ,GZUGS BLO SKYE BA GANG YIN PA, ,DE GNYIS MI GCIG YUL GZHAN PHYIR, ,DPER NA RGYUD GZHAN DAG GI BZHIN, ,ZHES BYA BA NI TZEE TRA'I RGYUD LA SGRA'I BLO DANG GZUGS KYI BRO SKYE BA GANG YIN PA @106A *, ,DE DAG NI GCIG PA MA YIN TE, SHES BYA'I YUL THA DAD PA'I PHYIR MEE TRA ZHES BYA BA'I RGYUD GZHAN GYI BLO BZHIN NO, ,DE'I PHYIR PHA ROL PHYIR YANG NI, ,DPE MED PAR NI MI 'GYUR TE, ,BLO PHYIR DE YANG GCIG NYID MIN, ,GZHAN BLOS 'KHRUL PAR 'GYUR PHYIR RO, ,ZHES BYA BA NI PHA ROL PO'I GTAN TSIGS BLO YIN PA'I PHYIR ZHES BYA BA DES BLO DE YANG GCIG PA NYID DU MI 'GRUB STE, GZHAN GYI BLOS GTAN TSIGS 'KHRUL PAR 'GYUR BA'I PHYIR TE, JI LTA ZHE NA, BLO YIN PA'I PHYIR DES NA CI RGYUD GZHAN GYI BLO BZHIN DU THA DAD PA NYID DU 'GYUR RAM, 'ON TE RGYUD GCIG TU GTOGS PA'I GZUGS LA SOGS PA'I BLO BZHIN DU GCIG PA NYID DU 'GYUR BA DE MA NGES PA'I PHYIR RO, ,DE LTAR RE ZHIG 'JIG RTEN SNGA MA GZHAN YOD PA NYID DU BSGRUBS NAS, DA NI 'JIG RTEN PHYI MA GZHAN YOD PA NYID DU BSGRUB PA'I PHYIR PHA ROL PO DAG GI BSAM PAS PHYOGS SNGA MA NYE BAR GZHAG PA BYAS NAS SUN DBYUNG BAR BYA STE, DE LA, GAL TE MED SMRA BYIS PA YI, ,'CHI 'PHO'I SEMS LA MTSAMS SBYOR MED, ,'CHI 'PHO'I SEMS PHYIR DGRA BCOM GYI, ,THA MA'I SEMS BZHIN SGRUB BYED NA, ,ZHES BYA BA NI PHYOGS SNGA MA NYE BAR BZHAG PA NYID YIN NO, ,DE'I LAN NI, GTAN TSIGS MA NGES NYID 'GYUR TE, ,'DAS PA'I 'CHI 'PHO'I SEMS KYIS SO, ,ZHES BYA BA LA SOGS PA SMOS TE, PHA ROL PO'I GTAN TSIGS 'CHI 'PHO'I SEMS NI SEMS YIN PA'I PHYIR ZHES BYA BA DE MA NGES PA NYID DU 'GYUR TE; CI RE ZHIG 'CHI 'PHO'I SEMS YIN PA'I PHYIR, DGRA BCOM PA'I SEMS THA MA BZHIN DU NYID MTSAMS SBYOR BA MED PAR 'GYUR RAM 'ON TE 'DAS PA'I 'CHI 'PHO'I SEMS BZHIN DU NYID MTSAMS SBYOR BA YOD PAR 'GYUR BA MA NGES PA NYID DO, ,'DAS PA'I 'CHI 'PHO'I SEMS YOD PAR JI LTAR SHES SHE NA, TSE RABS DRAN LA SOGS YOD DANG, ,TSUL SMRAS PHYIR NA DE YANG YOD, ,CES BYA BA SMRAS TE, 'JIG RTEN 'DI NA TSE RABS DRAN PA GANG DAG GIS TSE RABS SNGA MA RNAM PA DU MA DRAN PAR BYED MA DAG DANG, KHA CIG PHA MA'I SPYOD YUL THA DAD @106B PA DAG DANG MI MTHUN PA'I TSUL KHRIMS LA SOGS PA'I DBYE BAS THA DAD PA DAG SNANG BA LA SOGS PA DAG KYANG YOD PAS DE'I PHYIR DE DAG GI SPYOD PA DE LTA BU DAG NI SNGON GOMS PA NYID LAS GYUR PA YIN PAR KHONG DU CHUD PAR BYA'O, ,YANG NA, 'JIG RTEN SNGA MA YOD PA'I TSUL, ,MNGAL NAS SNGON ROL BLO LA NI, ,MDUN ROL KHO NAR 'GAGS PA YOD, ,SHES BYA GZHAN GYIS DE GZHAN PHYIR, ,YANG NA BLO PHYIR DE'I 'OG BZHIN, ,ZHES SNGAR JI SKAD SMRAS PA'I PHYIR NA 'DAS PA'I 'CHI 'PHO'I SEMS DE YANG YOD PA KHO NAR NGES SO ZHES BYA BA'I THA TSIG GO, ,GZHAN YANG, 'PHAGS PA MIN PA'I 'CHI 'PHO'I SEMS, ,SEMS GZHAN BSKYED PA NYID YIN TE, ,MA RIG PA DANG BCAS PA'I PHYIR, ,SEMS DE SKYED PAR BYED PA BZHIN, ,ZHES BYA BA NI BYIS PA 'PHAGS PA MA YIN PA'I 'CHI 'PHO'I SEMS NI SEMS GZHAN BSKYED PA NYID YIN TE ZHES DAM BCA'O, ,CI'I PHYIR ZHE NA, MA RIG PA DANG BCAS PA'I PHYIR ZHES BYA BA'I GTAN TSIGS KYI PHYIR RO, ,DPE JI LTA BU ZHE NA, 'DAS PA'I 'CHI 'PHO NYID KYI SEMS DE SKYED PAR BYED PA BZHIN NO, ,YANG RNAM PA GZHAN DU 'JIG RTEN RGYUD PAN PA'I BSAM PAS PHYOGS SNGA MA NYE BAR BZHAG NAS DE DGAG PA'I PHYIR, GAL TE LUS DANG DBANG BLO DAG ,RANG GI LAS KYIS SKYED MI 'DOD, ,ZHIG PHYIR DPER NA BUM PA BZHIN, ,DE PHYIR 'JIG RTEN PHA ROL MED, ,CES BYA BA NI PHYOGS SNGA MA NYE BAR BZHAG PA YIN TE, GAL TE KHYED SANGS RGYAS PA DAG 'JIG RTEN NI LAS BDAG GIR BYA BA DANG, LAS KYI SKYE GNAS PA DANG, LAS KYI RJES SU 'BRANG BA DANG, LAS KYI BGO SKAL BA'O ZHES BYA BA LA SOGS PA GANG DAG GIS LUS DANG, DBANG PO DANG, BLO DAG RANG GI LAS KYIS BSKYED PAR 'DOD PA GANG YIN PA DE LTAR KHO BO CAG MI 'DOD DE, ZHIG PA'I PHYIR DPER NA BUM PA BZHIN NO ZHE NA, DE'I LAN NI, DE NYID KYIS NI DE MA BYAS, ,DE GZHAN GYIS KYANG MA BYAS PHYIR, ,'JIG RTEN RANG GI LAS SKYED MIN, ,GZHAN 'DI DED LA CI ZHIG GNOD, ,CES BYA BA YIN TE, KHO BO CAG GI LAS BRTAG GI LAS BRTAG PA'I SKABS SU DON DAM PAR LAS BDAG GIS BYAS PA DANG, GZHAN GYIS @107A *, ,BYAS PA DANG, GNYI GAS BYAS PA BKAG ZIN PA'I PHYIR, KHYOD KYIS SMRAS PA'I TSAD MA GZHAN 'DI DED LA CI ZHIG GNOD, CI STE KHYOD DNGOS PO RNAMS LAS LA MI LTOS PAR SKYES PAR SMRA NA NI DE LA, LAS KYIS SKYED NYID MA YIN LA, ,DPE NI YOD PA MA YIN NO, ,ZHES BYA BA NI 'GA' ZHIG 'DI LTAR LAS LAM LTOS PAR SKYE'O ZHES BYA BA'I DPE BRJOD PAR BYA DGOS SO, GAL TE PHYI ROL GYI RTZA DANG LO MA DANG, 'DAB MA LA SOGS PA DAG LTA BU'O ZHE NA, DE'I PHYIR, SHING LA SOGS PA DUS SKYE BA, ,SEMS CAN LAS KYI DBANG GIS TE, ,SEMS DMYAL GNAS DANG MTHO RIS NA, ,MTSON DANG DPAG BSAM SHING SKYE BZHIN, ,ZHES BYA BA BSHAD DE, LAS KYI SAM BSKYED PA'I DPE 'GA' YANG MED PA'I PHYIR, 'JIG RTEN LAS KYIS MA BSKYED DO ZHES BYA BA DE MI RUNG NGO, ,RE ZHIG DE LA 'DI SKAD CES DRI BAR YANG BYA STE, 'BYUNG BA RNAMS LAS BLO GROS NI, ,MTSAN NYID MI MTHUN JI LTAR 'BYUNG, ,ZHES BYA BA NI 'DI LTAR DNGOS PO RNAMS KYI RGYU DANG 'DRA BA'I BDAG NYID DU 'BYUNG BA YIN NA 'BYUNG BA CHEN PO SEMS MED PA RNAMS LAS BLO GROS MTSAN NYID SHIN TU MI MTHUN PA JI LTAR 'BYUNG STE, JI SKAD DU, SA DANG CHU DANG ME DANG RLUNG, ,NAM MKHA' LHAN CIG TSOGS PA LA, ,TIL LA TIL MAR YOD PA LTAR, ,SHES PA YOD PA MA YIN NO, ,ZHES BSHAD PA LTA BU'O, 'DIR PHA ROL PO DAG GIS SMRAS PA, 'BYUNG BA SEMS MED RNAMS LAS NI, ,SHES PA YOD PA NYID SKYE STE, ,SKYE CAN YIN PHYIR MYOS MTHU DANG, ,ME SHEL LAS NI ME BZHIN NO, ,ZHES BYA BA NI 'BYUNG BA CHEN PO SEMS MED PA RNAMS LAS BLO SHES PA YOD PA NYID SKYE STE, CI'I PHYIR ZHE NA, SKYE BA CAN YIN PA'I PHYIR RO, ,DPE JI LTA BU ZHE NA, CHANG LAS MYOS PA'I MTHU 'BYUNG BA DANG, ME SHEL LAS MI 'BYUNG BA DANG, CHU SHES LAS CHU 'BYUNG BA DANG, BA LANG GI SDU DANG, LUG GI BAL LAS RTZVA D'UR BA 'BYUNG BA DANG, RVA LAS SMYI MA 'BYUNG BA DANG, SHING LAS THAL BA 'BYUNG BA DANG, 'O MA LAS ZHO 'BYUNG BA LA SOGS PA RGYU LAS @107B 'BRAS BU MTSAN NYID SHIN TU MI MTHUN PA DAG 'BYUNG BA BZHIN NO, ,DE LA BSHAD PA, DE NI MI RIGS TE, GANG GI PHYIR ZHE NA, MYOS MTHU SHES YOD MA YIN PAS, ,KHYOD KYI DPE NI MED PA NYID, ,CES BYA BA NI GANG DAG KHYOD KYI DPER BSTAN PA DE DAG THAMS CAD LA NI SHES PA NYID MED PAS DE'I PHYIR 'BYUNG BA SHES PA MED PA NYID LA SHES PA YOD PA NYID SKYE BA'I DPE SNGA MA DANG MI 'DRA BA 'GA' YANG MED PAS KHYOD KYI DPE MED PA NYID DO, ,GZHAN YANG, RGYU RNAMS RIGS MTHUN YIN PA'I PHYIR, ,GTAN TSIGS KYANG NI 'GAL BA NYID, ,CES BYA BA NI RGYU DE DAG THAMS CAD NI RIGS MTHUN PA NYID YIN TE, DE'I NUS PA YIN PA'I PHYIR RO, GAL TE NUS PAS STONG PA'I DNGOS PO THAMS CAD LAS KYANG 'BRAS BU MI MTHUN PA 'BYUNG BAR GYUR NA NI, ME SHEL LAS KYANG CHU 'BYUNG BA DANG, CHU SHEL LAS KYANG ME 'BYUNG BAR 'GYUR BA'I RIGS SO, ,'DI LTAR CHANG GI 'BRAS BU MYOS PA NI SO SOR NGES PA YIN PAS DE LAS DE NYID 'BYUNG GI GZHAN MI 'BYUNG BAS RIGS MTHUN PA'I MI MTHUN PA'I PHYOGS KYI DNGOS PO LAS RIGS MI MTHUN PA'I 'BRAS BU MI 'BYUNG BA'I PHYIR KHYOD KYI GTAN TSIGS SKYE BA CAN YIN PA'I PHYIR RO ZHES BYA BA DE'I DON RIGS MI MTHUN PA LAS MI 'BYUNG BAS 'GAL BA NYID DO, ,GZHAN YANG, NANG GI 'BYUNG BA RNAMS KYANG NI, ,SHES PA YOD PA MA YIN TE, ,SA LA SOGS PA'I DNGOS PHYIR DANG, ,'BYUNG BA YIN PHYIR DE GZHAN BZHIN, ,ZHES BYA BA NI NANG DANG PHYI ROL GYI 'BYUNG BA RNAMS NI NGO BO NYID MTSUNGS PA'I PHYIR NANG GI 'BYUNG BA RNAMS NI SHES PA YOD PA'I NGO BO NYID YIN LA, PHYI ROL GYI 'BYUNG BA RNAMS NI SHES PA YOD PA'I NGO BO NYID MA YIN NO ZHES BYA BA 'DI LA RGYU'I KHYAD PAR CI YOD PA YANG BRJOD DGOS SO, ,DES NA JI LTAR 'BYUNG BA RNAMS LAS SHES PA YOD PA NYID MI 'BYUNG BA BZHIN DU SHES PA YOD PA NYID LAS KYANG 'BYUNG BA RNAMS MI 'BYUNG NGO, ,DE'I PHYIR MNGAL GNAS SNGON ROL SEMS, ,SEMS GZHAN SNGON DU SONG YIN PAR, ,MKHAS PA RNAMS KYIS SHES BYA STE, ,'DZIN PA YIN PHYIR DE'I 'OG BZHIN, ,ZHES BYA BA NI MNGAL @108A *, ,NA GNAS PA'I SNGON ROL GYI RNAM PAR SHES PA GANG YIN PA DE YANG RNAM PAR SHES PA GZHAN SNGON DU SONG BA LAS BYUNG BA YIN PAR MKHAS PA RNAMS KYIS SHES PAR BYA STE, 'DZIN PA YIN PA'I PHYIR BTZAS PA'I 'OG ROL GYI RNAM PAR SHES PA'I RGYUN BZHIN NO, ,GANG GI PHYIR; BE'U YANG SNGON CHAD GOMS BYAS PAS, ,BYUNG MA THAG TU ZAS TSOL BYED, ,ZAS KYI DON DU BSKYOD PA'I PHYIR, ,DPER NA DBANG PO SMIN PA BZHIN, ,ZHES BYA BA NI DE'I PHYIR YANG MNGAL NA GNAS PA'I SNGON ROL GYI RNAM PAR SHES PA GANG YIN PA DE YANG RNAM PAR SHES PA GZHAN SNGON DU SONG BA LAS BYUNG BA YIN PAR KHONG DU CHUD PAR BYA STE, GAL TE DE SNGON GYI SRID PA GZHAN DAG TU KHA ZAS LA SOGS PA GOMS PAR MA BYAS NA, JI LTAR BE'U BYUNG MA THAG KHO NAR SUS KYANG MA BSKUL BAR SEMS GSAL BAS ZAS KYI DON DU SKYOD PAR BYED DE, DE LTAR ZAS KYI DON DU SKYOD PAR BYED PA'I PHYIR DPER NA DBANG PO YONGS SU SMIN PA GZHON NU DANG BAR MA DANG, RGAN PO'I GNAS SKABS NA GNAS PA DAG BZHIN DU BE'U DAG GIS KYANG SNGON GYI TSE RABS GZHAN DAG TU GOMS PAR BYAS PAR MNGON NO, ,GAL TE 'DI SNYAM DU BSKYOD PA'I PHYIR ZHES BYA BA'I GTAN TSIGS DE MA NGES PA STE, BSKYOD PA'I PHYIR DES NA CI RE ZHIG KHAB LONG GIS RDO LA SOGS PA BSKYOD PA BZHIN DU, BE'US KYANG SNGON GOMS PAR MA BYAS PA KHO NAR SKYOD PAR BYED PA YIN NAM, 'ON TE DBANG PO YONGS SU SMIN PA BZHIN DU SNGON GOMS PAR BYAS PAS BSKYOD PA YIN PA MA NGES PA'I PHYIR RO ZHES BYA BAR SEMS NA, DE'I PHYIR BSHAD PA, KHAB LONG GIS NI RDO BSKYOD PAS, ,GTAN TSIGS MA NGES NYID MA YIN, ,DE NI ZAS ZA MTHONG BA'I PHYIR, ,MA GRUB NYID KYANG MA YIN NO, ,ZHES BYA BA NI KHAB LONG GIS RDO LA SOGS PA BSKYOD PA YOD PA BDEN MOD KYI DE NI ZAS KYI DON DU MA YIN NO, ,DE'I PHYIR ZAS KYI DON DU BSKYOD PA'I PHYIR ZHES GTAN TSIGS KHYAD PAR CAN BYAS PA'I PHYIR, ,JI SKAD SMRAS PA'I SKYON MED DO, ,'JIG RTEN PHA ROL LA SKUR BA 'DEBS PA LA MNGON PAR ZHEN PA'I LTA BA CAN DAG CAG GIS DE SGRUB PA GANG YIN PA @108B SMRAS PA; 'JIG RTEN PHA ROL NI YOD PA MA YIN TE, MI DMIGS PA'I PHYIR NA NAM MKHA'I ME TOG RGYAS PA BZHIN NO ZHEN BSHAD PA, 'DI LA MI DMIGS PA'I PHYIR ZHES BYA BA'I GTAN TSIGS DE MNGON DUM GYIS 'GRUB PAR 'GYUR RAM, 'ON TE RJES SU DPAG PAS 'GRUB PAR *'GYUR BAR RTOG GRANG NA, DE LA GAL TE MNGON DUM GYIS 'GRUB BO ZHE NA NI, YI DAGS DANG SHA ZA LA SOGS PA DAG GIS MA NGES SO, ,'BYUNG PO DAG MED PA YANG MA YIN TE, PHYIR BTANG BA'I GSOS BYED PA DAG SNANG BA'I PHYIR RO, KHYED KYIS DE DAG MI MTHONG NA BAR MDO'I SRID PA LHA'I MIG SHIN TU RNAM PAR DAG PA'I YUL DAG MTHONG BA LTA SMOS KYANG CI DGOS, DRANG SRONG LHA'I MIG SHIN TU RNAM PAR DAG PA DANG LDAN PA DAG NI MED PA MA YIN TE, SHES PA'I MTHU KHYAD PAR DANG LDAN PA'I PHYIR 'JIG RTEN RGYANG PAN PA'I BSTAN BCOS KYI BYED PO BZHIN NO, ,GTAN TSIGS MA GRUB PA YANG MA YIN TE, DE DAG GIS BYAS PA'I SMAN DBYANG LAS BSHAD PA'I BYA BA DAG GRUB PA'I PHYIR DANG, DUG DANG GNAM LCAGS DANG RIG SNGAGS DAG KYANG GRUB PA'I PHYIR RO, ,'JIG RTEN RGYANG PAN PA'I BSTAN BCOS KYI BYED PA BO NI LHA'I MIG DANG LDAN PA NYID DU MA GRUB PO ZHE NA, 'O NA DE LTA NA DES SHES PA GANG GIS 'JIG RTEN PHA ROL MED DO ZHES BYA BA'I DON 'DI DMIGS PAR 'GYUR, ,GAL TE MNGON SUM GYIS SO ZHE NA, 'JIG RTEN PHA ROL MED PA NI MNGON SUM GYI TSAD MAS RTOGS PAR BYA BA MA YIN TE, MED PA'I NGO BO NYID YIN PA'I PHYIR DNGOS PO MED PA BZHIN NO, , GAL TE RJES SU DPAG PAS 'GRUB PO ZHE NA, RJES SU DPAG PAS KYANG MI 'GRUB STE, ,MED PA PO MNGON SUM TZAM TSAD MAR SMRA BA DAG LA KHAS BLANGS PAS GNOD PA'I SKYON DU 'GYUR BA'I PHYIR RO, ,DE'I PHYIR KHYED KYIS 'JIG RTEN PHA ROL MED PAR SHES PAR MI BYA STE, MNGON SUM DANG RJES SU DPAG PA DAG GIS RTOGS PAR BYA BA MA YIN PA'I PHYIR MO GSHAM GYI BU'I YOD PA NYID BZHIN NO, ,'JIG RTEN RGYANG PAN PA'I BSTAN BCOS NI TSAD MA LAS KHAS BLANG BAR MI BYA STE, LHA'I MIG DANG MI LDAN PAS BYAS PA'I PHYIR SMYON PA'I TSIG BZHIN NO, ,RJES SU DPAG PA LAS KYANG @109A *, ,BZLOG PAR BYA STE, MNGAL NA GNAS PA'I SNGON ROL GYI BLO NI RGYUD THA DAD PA MA YIN PA'I BLO RIGS MTHUN PA SNGON DU SONG BA LAS BYUNG BA YIN TE, BLO YIN PA'I PHYIR LANG TSO LA SOGS PA'I GNAS SKABS GZHAN GYI BLO BZHIN NO, ,LDOG PA NI BUM PA LTA BU'O, , GAL TE 'DI SKAD CES DE NI GRUB PA LA SGRUB PA YIN TE, PHA MA DAG GI BLO YANG SO SOR RGYUD THA DAD PA MA YIN ZHING RIGS MTHUN PA YANG YIN LA, MER MER PO LA SOGS PA'I BLO DE DAG GI SNGON DU SONG BA YANG YIN PA'I PHYIR RO ZHE NA, DE NI MI RUNG STE, 'DIR BSGRUB PAR BYA BA'I DON NI MER MER PO LA SOGS PA'I BLO DAG RGYUD THA DAD PA MA YIN PA'I BLO RIGS MTHUN PAS BSKYED PAR SGRUB PA YIN PAS, RGYUD THA DAD PA MA YIN PA'I BLO RIGS MTHUN PA SNGA MA GZHAN GANG YIN PA DE NYID 'JIG RTEN PHA ROL SNGA MA YIN PA'I PHYIR GRUB PA LA SGRUB PA MA YIN PA NYID DO, ,GZHAN YANG DGRA BCOM PA MA YIN PA'I 'CHI BA'I BLO YANG RGYUD THA DAD PA MA YIN PA'I BLO RIGS MTHUN PA GZHAN GYI RGYU YIN TE, 'DOD CHAGS LA SOGS PA'I BAG LA NYAL GYI KUN TU SBYOR BA DANG LDAN PA'I PHYIR, DGRA BCOM PA MA YIN PA GZHON NU'I GNAS SKABS KYI BLO BZHIN NO, ,CHOS MI MTHUN PA'I DPE NI DGRA BCOM PA'I BLO THA MA BZHIN NO, ,DE'I PHYIR 'JIG RTEN PHA ROL NA YANG YOD DO, ,CI STE, 'DI SNYAM DU MNGAL NA GNAS PA'I SNGON ROL GYI BLO NI RGYUD THA DAD PA MA YIN PA'I BLO RIGS MTHUN PA SNGON DU SONG BA LAS BYUNG BA MA YIN TE, BLO DANG PO YIN PA'I PHYIR ZAG PA MED PA'I BLO'I SKAD CIG MA DANG PO BZHIN NO ZHES BYA BAR SEMS NA 'DIR MNGAL NA GNAS PA'I SNGON ROL GYI BLO LA BLO DANG PO YIN PA'I PHYIR ZHES BYA BA DE MIG LA SOGS PA'I DBANG PO'I BLO DANG POR 'GYUR RAM, ,'ON TE YID KYI BLO DANG POR 'GYUR GRANG NA, DE LA RE ZHIG MIG LA SOGS PA'I DBANG PO'I BLO NI DANG PO NYID YIN PAR MI RIGS TE, DE'I TSE NA MIG LA SOGS PA'I DBANG PO DAG MED PA'I PHYIR DANG, DMIGS PA YANG NYE BAR MA GYUR PA'I PHYIR RO, ,YID KYI BLO YANG DANG PO MA YIN TE, ,DRUG PO 'DAS MA THAG PA YI, ,RNAM SHES GANG YIN DE YID DO, ,ZHES 'BYUNG BA'I PHYIR DANG, 'JIG RTEN SNGA MA @109B KHAS MI LEN PA'I PHYIR SNGA MA 'DAS PA'I RNAM PAR SHES PA NYID MED NA 'DAS MA THAG PA NYID YOD PAR GA LA 'GYUR, 'JIG RTEN PHA ROL YOD PA NYID DU SMRA BA DAG LA NI GNYI GA YANG RUNG STE, 'JIG RTEN SNGA MA PA'I MIG LA SOGS PA'I DBANG PO DAG 'GAGS PA NA DE MA THAG PA'I RKYEN DU 'GYUR BA'I PHYIR DANG, DMIGS PA NYE BAR MA GYUR KYANG SNGA MA'I DMIGS LA LTOS PAS BLO ZHES THA SNYAD GDAGS SU RUNG BA'I PHYIR RO, ,SNGA MA'I RNAM PAR SHES PA 'DAS PA NYID LAS YID KYI BLO DE'I DANG PO YANG 'BYUNG BAR RIGS PA'I PHYIR RO, ,DE'I PHYIR 'DI SKAD SMRA BAR NUS TE, MER MER PO'I GNAS SKABS KYI BLO GANG YIN PA DE NI 'DAS PA DE MA THAG PA'I BLO'I KHYAD PAR LA LTOS PA YIN TE, BLO YIN PA'I PHYIR GNYID LOG PA'I 'OG TU SAD PA'I BLO BZHIN NO, ,CHOS MI MTHUN PA'I DPE NI DGE SLONG 'GOG PA LA SNYOMS PAR ZHUGS PA LTA BU'O, ,DE'I PHYIR MED PA BDAG MNGAL NA GNAS PA'I SNGON ROL LA BLO NYID YOD PAR RTOG PA LA YANG 'JIG RTEN PHA ROL GRUB PA NYID DO, ,JI LTAR ZHE NA, MNGAL NA GNAS PA'I SNGON ROL GYI BLO NI 'DAS PA DE MA THAG PA'I BLO'I YUL LA LTOS PA YIN TE, DBANG PO'I BLO YIN PA'I PHYIR BSAM GTAN GYI DBANG PO'I BLO BZHIN NO, ,GANG DAG 'DI SKAD CES MNGAL NA GNAS PA LUS DANG YAN LAG THAMS CAD YONGS SU RDZOGS PA MNGAL NAS 'BYUNG BA'I BLO NI DANG PO YIN PAR SMRA BA DE DAG LA YANG SKYE BA'I SNGON ROL GYI BLO GANG YIN PA DE NI 'DAS PA DE MA THAG PA'I BLO'I YUL LA LTOS PA YIN TE, DBANG PO'I BLO YIN PA'I PHYIR, BSAM GTAN GYI DBANG PO'I BLO BZHIN NO ZHES BRJOD PAR BYA'O, ,ZAG PA MED PA'I BLO'I SKAD CIG MA DANG PO LA YANG PHA ROL POS BSGRUB PAR BYA BA'I DON MED DE, DE NI THOS PA DANG, BSAMS PA DANG, BSGOMS PA LAS BYUNG BA'I SHES PA'I BAG CHAGS SNGON DU SONG BA LAS BYUNG BA'I PHYIR RO, , CI STE BLO GZHAN GYIS SKYED PA'I BLO YANG DANG PO YIN PAS DANG PO'O ZHES BRJOD NA MNGAL NA GNAS PA'I SNGON ROL GYI BLO GRUB PA'I PHYIR, DANG PO NYID CES BYA BA DE KHO BO LA YANG 'GAL BA MED DO, ,TSE RABS GZHAN GYI LAS THUN MONG MA YIN PA YOD PA'I PHYIR YANG 'JIG RTEN PHA ROL YOD PA NYID DU @110A *, ,NGES PAR GZUNG NGO, ,GAL TE LAS MED PAR GYUR NA PHA MA MTSUNGS PA'I RKYEN RIGS MTHUN PAS BSKYED PA'I BU SPUN DAG ,TSUL KHRIMS DANG BZOD PA DANG BDEN PA LA SOGS PA'I DBYE BAS THA DAD PA DAG TU 'GYUR BA'I MI RIGS PAS DE'I PHYIR, GANG DU DE DAG GIS BDEN PA DANG GTANG BA LA SOGS PA GOMS PAR BYAS PA DE NYID 'JIG RTEN PHA ROL SNGA MA YIN NO, ,SKYE BA DAG NI RKYEN THUN MONG BA NYID NYI TSE DANG 'BREL PA MA YIN TE, SPUN LUS DANG DBANG PO DANG BLO LA SOGS PA'I DBYE BAS THA DAD PA DAG THA DAD PA'I PHYIR 'BRAS S'A LU DANG NAS LA SOGS PA'I MYU GU BZHIN NO, ,ZHAR LA BSHAD PAS CHOG STE, DE LTAR DNGOS PO RNAMS RGYU MED PA LAS KYANG SKYE BA MED DO,, ,,DBU MA'I SNYING PO'I 'GREL PA RTOG GE 'BAR BA, BAM PO DGU PA, ,DBANG PHYUG RGYUR 'DOD PA DAG NI, ,SKYE BA PO 'DI SHES PA YOD MIN TE, ,BDAG GI BDE SDUG DAG LA RANG DBANG MED, ,DBANG PHYUG GIS BTANG YANG NA G-YANG SA'AM, ,MTHO RIS DAG TU 'GRO BA KHO NAR 'GYUR, ,ZHES BYA BA'I LUNG GIS 'GRO BA THAMS CAD SKYE BA'I RGYU NI DBANG PHYUG YIN PAR KHAS LEN PAS DE DAG GI PHYIR BSHAD PA, DBANG PHYUG 'JIG RTEN BYED PO MIN, ,LA LA'I DGA' BA'I RGYU YIN PHYIR, ,DPER NA DBANG PHYUG DGA' BYED PA'I, ,BYED PO DBANG PHYUG MA YIN BZHIN, ,ZHES BYA BA NI, DBANG PHYUG NI KUN RDZOB TU YANG 'GRO BA MTHA' DAG GI SKYE BA'I RGYU YIN PAR MI RIGS TE, LA LA DE LA DAD PA'I DGA' BA'I RGYU YIN PA'I PHYIR DPER NA DBANG PHYUG DE NYID KYI BYED PA PO DBANG PHYUG MA YIN PA BZHIN NO, ,YANG NA, DBANG PHYUG KUN GYI RGYUR MI 'DOD, ,MA SKYES PHYIR DANG RGYU MED PHYIR, ,DPER NA NAM MKHA'I ME TOG NI, ,KUN GYI RGYUR NI MI 'DOD BZHIN, ,ZHES BYA BA NI DE NI SKYE BA MED PA'I PHYIR DANG, RGYU MED PA'I PHYIR NAM MKHA'I ME TOG BZHIN DU YOD PA NYID DU YANG MI RIGS NA 'GRO BA'I RGYU NYID DU LTA SMOS KYANG CI DGOS ZHES BYA BA'I THA TSIG GO, ,YANG NA, 'GRO BA MA LUS 'DI DAG GI ,RGYU NI DBANG PHYUG RAB TU MIN, ,SEMS DANG LDAN PHYIR DPER NA NI, ,GLANG RDZI 'GRO RGYUR BA MIN BZHIN, ,ZHES BYA BA NI 'GRO BA RNAMS RGYU DBANG @110B PHYUG DANG LDAN PA MA YIN PAR DGAG PA'O, ,GAL TE 'DI SNYAM DU SEMS DANG LDAN PA'I PHYIR RO ZHES BYA BA'I GTAN TSIGS DE MA GRUB STE, GANG GI PHYIR ZHE NA, DBANG PHYUG NI GCIG PU YIN LA, GLANG RDZI LA SOGS PA NI MANG PO YIN PAS DE'I PHYIR GLANG RDZI DAG NI SEMS DANG LDAN DU ZIN KYANG 'GRO BA MA LUS PA'I BYED PA PO MA YIN GYI, DBANG PHYUG DE NI RGYAL PO BZHIN DU 'JIG RTEN THAMS CAD RNAM PAR GNAS PA'I BYED PA PO YIN PAR SEMS NA BSHAD PA, DBANG PHYUG GCIG PU 'GA' YANG MED, ,DNGOS RNAMS TSOGS LAS GRUB PA'I PHYIR, ,BYED PO GCIG PU 'GA' YANG MED, ,DE PHYIR MA NGES NYID MA YIN, ,ZHES BYA BA NI DNGOS PO THAMS CAD NI RGYU DANG RKYEN TSOGS PA LAS 'BYUNG BA'I PHYIR BYED PA PO GCIG PU ZHES BYA BA MI 'THAD DE, GAL TE GCIG PU NYID LA BYED PA PO NYID KYI MTHU YOD PAR GYUR NA RGYU DANG RKYEN MANG POR BRTAGS PA DAG GIS CI BYA, 'JIG RTEN NA DNGOS PO RNAMS KYI RGYU BYED PA PO GCIG PU NI 'GA' YANG MI SNANG BAS KHO BO'I GTAN TSIGS MA NGES PA NYID DU GA LA 'GYUR, ,CI STE 'DI SNYAM DU MIG LA SOGS PA DAG NI DBANG PHYUG DANG LDAN PA KHO NA YIN TE, MANG BA'I PHYIR JI LTAR 'JIG RTEN NA BRAN G-YOG MANG PO LA, BDAG PO GCIG YOD PA BZHIN NO ZHES BYA BAR SEMS NA BSHAD PA, GAL TE MIG SOGS DBANG PHYUG BCAS, ,MANG PHYIR BRAN BZHIN 'DOD CE NA, ,MA SKYES DBANG PHYUG GCIG MI 'GRUB, ,DBANG PHYUG DE LAS BZLOG PAR 'GYUR, ,ZHES BYA BA NI 'DI LTAR RGYAL PO LA SOGS PA 'GA' ZHIG SKYES PA NI DBANG PHYUG GCIG PU ZHES BYA BAR YANG 'GYUR GRANG NA, DBANG PHYUG DE NI MA SKYES PA'I PHYIR GCIG PU NYID DU YANG MI 'GYUR TE, MO GSHAM GYI BU BZHIN PAS DBANG PHYUG DE LAS BZLOG PA DBANG PHYUG MA YIN PA NYID DU RIGS PAR 'GYUR RO, ,CI STE BYED POR BCAS 'DOD DE, ,BKOD PHYIR BUM SOGS BZHIN ZHE NA, , GAL TE KHYAD PAR MA BSTAN PA'I, ,BYED PO YIN NA GRUB PA SGRUB, ,CES BYA BA NI CI STE YANG MIG LA SOGS PA DAG NI RGYU DANG RKYEN RNAMS KYIS NYE BAR BKOD PA YIN GYI, BDAG NI SUS KYANG NYE BAR BKOD PA MA YIN PAS DE'I PHYIR MIG LA SOGS PA DAG NI BYED PA PO DANG BCAS PA NYID YIN TE, NYE BAR @111A *, ,BKOD PA'I PHYIR BUM PA LA SOGS PA BZHIN NO ZHE NA, DE'I LAN DU BSHAD PA, GAL TE MIG LA SOGS PA BYED PA PO 'BYUNG BA DANG, 'BYUNG BA LAS GYUR PA LA SOGS PA 'DUS PA'I NGO BO NYID DAM PHA MA LA SOGS PA GANG YANG RUNG BA KHYAD PAR DU MA BSTAN PA DANG LDAN PAS BYED PA PO DANG BCAS PA NYID DU 'DOD NA NI GRUB PA LA SGRUB PA YIN TE, KHO BO CAG LA YANG DE LTAR GRUB PA'I PHYIR RO, ,CI STE RTAG GCIG PHRA SOGS KYI, ,KHYAD PAR GYIS NA KHYOD DPE MED, ,CES BYA BA NI DBANG PHYUG NI MIG LA SOGS PA'I BYED PA PO YIN TE, RTAG PA'I PHYIR DANG, GCIG PA'I PHYIR DANG, MA SKYES PA'I PHYIR CI DANG 'DRA ZHES BYA BA'I DPE KHYOD LA MED PAS MIG LA SOGS PA'I BYED PA PO DBANG PHYUG YIN NO ZHES KHYAD PAR DU STON NA DPE MED PAS MA GRUB BO, ,GAL TE DBANG PHYUG YIN PA'I PHYIR BUM PA LA SOGS PA'I BYED PA PO RDZA MKHAN LA SOGS PA YIN PA BZHIN NO ZHE NA BSHAD PA, KHYOD KYI DE NI MI RTAG DANG, ,GZUGS CAN SKYES NYID SKYON DU 'GYUR, ,ZHES BYA BA NI DBANG PHYUG CES BYA BA'I TSIG GI LHAG MA'O, ,GAL TE SEMS CAN SNOD BGRANG BA'I, ,'JIG RTEN SNA TSOGS RGYU YI LAS, ,DBANG PHYUG YIN NA KUN RDZOB TU'ANG, ,GRUB PA NYID LA RAB TU SGRUB, ,CES BYA BA NI GAL TE YANG SEMS CAN DU BGRANG BA LHA DANG MI LA SOGS PA SKYE BA DANG GNAS PA DANG 'JIG PA DANG, SNOD DU BGRANG BA DE DAG GI GNAS SNOD KYI 'JIG RTEN SNA TSOGS KYI RGYU'I LAS DGE BA DANG MI DGE BA DANG, MI G-YO BA DAG DBANG PHYUG YIN PAR SGRUB NA NI KUN RDZOB KYI BDEN PA'I TSUL DU YANG GRUB PA NYID LA RAB TU SGRUB PA YIN TE, JI LTA ZHE NA, 'DI LTAR MA RIG PA'I RKYEN GYIS 'DU BYED RNAMS ZHES BYA BA DE LA 'DU BYED DE DAG NI RNAM PA GSUM STE, BSOD NAMS DANG BSOD NAMS MA YIN PA DANG MI G-YO BA'O, ,KHAMS GSUM PA 'DI DAG NI DE LAS BYUNG BAS DE'I PHYIR KHO BO YANG MA RIG PA NYID 'DU BYED KYI LAS BYED PA'I DBANG PHYUG DANG, 'DU BYED NYID 'JIG RTEN 'GRUB PA'I DBANG PHYUG YIN PAR 'DOD PA'I PHYIR RO, ,DES NA KHYOD 'DOD PA'I DBANG PHYUG CES BYA BA DE NI MED PA'I PHYIR MI RIGS PA'I SKYON DU 'GYUR RO, ,DES NI DUS DANG SKYES BU DANG, ,GTZO BO RDUL PHRAN KHYAB 'JUG DAG ,'GRO BA 'DI @111B YI RGYU MIN PAR, ,DGAG PA KHONG DU CHUD PAR BYA, ,ZHES BYA BA NI DE LA DUS RGYUR 'DOD PA KHA CIG NI SA BON LA SOGS PA DANG, DE DAG GI RKYEN SA DANG CHU DANG ME DANG RLUNG LA SOGS PA DAG YOD DU ZIN KYANG MYU GU LA SOGS PA LAN 'GA' 'BYUNG BAR SNANG BA'I PHYIR DUS 'DI 'JIG RTEN MA LUS PA SKYE BA'I RGYU YIN NO ZHES BYA BAR ZHUGS SO, ,DE BZHIN DU SKYES BU RGYUR 'DOD PA DAG KYANG SKYES BU NYID 'JIG RTEN GSUM PO MA LUS PA DAG GI KHONGS NA RGYU BA YIN TE, BA NI BA SBRA RNAMS KYI YIN, ,CHU SHEL CHU RNAMS KYI BZHIN DANG, ,BLAG SHA YAL GA RNAMS KYI BZHIN, ,DE NI LUS CAN KUN GYI RGYU, ,ZHES BYA BAR MNGON PAR ZHEN NO, ,GTZO BO RGYUR SMRA BA DAG KYANG TSANGS PA LA SOGS PA MYU GU'I MTHAR THUG PA BDE BA DANG SDUG BSNGAL DANG GTI MUG GI BDAG NYID CAN GYI 'GRO BA MTHA' DAG SKYE BA'I RGYU NI GTZO BO ZHES BYA BA RANG BZHIN YIN PAR SEMS SO, ,DE BZHIN DU RDUL PHRAN RGYUR 'DOD PA DAG KYANG SA LA SOGS PA RDUL PHRA RAB KYIS BRTZAMS PA DAG NI RDZAS SU YOD PA YIN TE, RDUL PHRA RAB GNYIS PA LA SOGS PA'I RIM GYIS MNGON PAR BSGRUBS PA'I 'BYUNG BA CHEN PO LA SOGS PA DAG GI RGYU NI RDUL PHRA RAB RTAG PA DAG YIN PAR DAM 'CHA'O, ,YANG KHA CIG NI KHYAB 'JUG CES BYA BA RI DANG SHING DANG, CHU DANG SA DANG ME DANG RLUNG LA SOGS PA'I DNGOS PO THAMS CAD KYI KHONGS SU GTOGS PA SKYE BA MED PA DANG, 'JIG PA MED PA NI 'GRO BA MA LUS PA'I RGYU YIN NO ZHES ZER RO, ,DE DAG THAMS CAD KYANG DBANG PHYUG BZHIN DU DPYAD CING DGAG PAR YANG BYA STE, DUS NI 'JIG RTEN BYED PO MIN, ,LA LA DGA' BA'I RGYU YIN PHYIR, ,DPER NA DUS LA DGA' BYED PA'I, ,BYED PO DUS NI MA YIN BZHIN, ,ZHES BYA BA LA SOGS PA'I TSUL GYIS CI RIGS PAR KHONG DU CHUD PAR BYA'O, ,DE'I PHYIR DE LTAR DON DAM PAR RNAM PA THAMS CAD DU SKYE BA MED PA'I PHYIR LUNG LAS RTEN CING 'BREL PAR 'BYUNG BA NI SKYE BA MED PA'O ZHES GSUNGS PA DANG, DE BZHIN DU, CHOS KYI 'KHOR LO BSKOR BA NI, ,GZOD NAS ZHI DANG MA SKYES DANG, ,RANG BZHIN MYA NGAN 'DAS PA YI, ,CHOS RNAMS MGON PO KHYED KYIS BSTAN, ,ZHES GSUNGS PA @112A *, ,DANG; DE BZHIN DU, JI LTAR BYIS PAS RNAM BRTAGS LTAR, ,RGYU DANG RKYEN RNAMS KHO NA LAS, ,'JIG RTEN YOD PA MI SKYE ZHING, ,MED DANG YOD MED GANG YANG MED, ,CES GSUNGS PA LA SOGS PA DE DAG GRUB PA YIN NO, ,MDO SDE PA DAG RGYUD PA'I SGO NAS TSAD MA NYE BAR SBYOR BAR BYED PA DAG LA BSHAD PA, GAL TE LTA BA'I MUN SEL BA, ,GANG PHYIR SANGS RGYAS 'BYUNG DE'I PHYIR, ,DE BZHIN SKYE MCHED SKYE 'DOD NA, ,LAN DU RUNG BA MA YIN NO, ,ZHES BYA BA LA LTA BA DANG, MNGON PAR ZHEN PA DANG, 'DZIN PA ZHES BYA BA DAG NI RNAM GRANGS TE DRUG CU RTZA GNYIS PO DAG GI BYE BRAG DAG GO, ,LTA BA DAG NI MUN PA YIN PAS LTA BA'I MUN PA STE, DE NYID MTHONG BA LA GEGS BYED PA'I PHYIR RO, ,LTA BA'I MUN PA DE SEL BA NI 'DOR BA'O, ,LTA BA'I MUN PA SEL BA 'BRAS BUR GYUR PA DE NI, GANG GI PHYIR SANGS RGYAS 'BYUNG BA DE'I PHYIR YOD PAS, SANGS RGYAS 'BYUNG BA NI LTA BA'I MUN PA SEL BA DE'I RGYU YIN NO, ,GANG GI PHYIR DA LTA YIN PA DE'I PHYIR, 'BRAS BU LTA BA'I MUN PA SEL BA YOD PA'I SGO NAS, DE'I RGYU SANGS RGYAS 'BYUNG BA YANG YOD PAS RJES SU DPAG PA DE BZHIN DU 'BRAS BU YUL NGES PAR 'DZIN PA NYE BAR DMIGS PA'I SGO NAS, DE'I RGYU SKYE MCHED RNAMS SKYE BA YANG YOD PA KHO NA YIN TE, DE'I 'BRAS BU YUL NGES PAR 'DZIN PA YOD PA'I PHYIR RO, ,'DI LTAR NAM MKHA'I ME TOG LA SOGS PA YOD PA MA YIN PA DAG LA NI 'BRAS BU YANG MED KYI, ,SANGS RGYAS 'BYUNG BA YOD PA LA NI 'BRAS BU LTA BA'I MUN PA SEL BA DE YANG YOD PA DE BZHIN DU, SKYE MCHED RNAMS YOD PA'I 'BRAS BU YANG YUL NYE BAR DMIGS PA YIN PAS DE'I PHYIR, SKYE MCHED RNAMS SKYE BA YOD PAR 'DOD DO ZHES SGRUB PAR BYED NA DE LA SLOB DPON GYIS BSHAD PA, PHA ROL POS SMRAS PA DE NI LAN DU RUNG BA MA YIN NO ZHES BYA BA YIN NO, ,JI LTA ZHE NA, DUS MED SKYE BA YOD MIN NA, ,GANG LA LTA BA GANG ZHIG 'DOD, ,CES BYA BA NI LTA BA DRUG CU RTZA GNYIS PO RNAMS LAS BCU DRUG NI SNGON GYI MTHA' LA BRTEN PA YIN LA, BZHI BCU RTZA BZHI NI PHYI MA'I MTHA' LA BRTEN PA YIN, LTA BA GNYIS NI DA LTAR BA LA @112B BRTEN PA YIN NA, DE YANG DUS GSUM PO DAG GI SKYE BA BKAG PAS DUS MED CING DUS KYI SKYE BA YOD PA MA YIN NA, MU STEGS CAN MA SKYES PA GANG LA 'JIG RTEN RTAG PA ZHES PA LA SOGS PA'I LTA BA MA SKYES PA GANG ZHIG BSAL PAS SANGS RGYAS 'BYUNG BA MED PA PO NYID YIN PAR 'GYUR BA YOD PAR 'DOD, GAL TE DE LTA NA LTA BA NYID KYANG MED PAS DE SEL BA YANG MED NA, SANGS RGYAS 'BYUNG BA NI BYED PA PO NYID MA YIN PAR THAL BAR 'GYUR BAS BYED PA PO NYID NI MED PA NYID MA YIN NO ZHE NA, BSHAD PA, DE YOD MA YIN RTOGS BYA'I PHYIR, ,SANGS RGYAS 'BYUNG BA BYED PO NYID, ,CES BYA BA NI BCOM LDAN 'DAS KYIS LTA BAR GYUR PA DE DAG BTAGS PA TZAM NYID DU RANG GIS THUGS SU CHUD NAS GZHAN DAG LA YANG GO BAR MDZAD PAS DE'I PHYIR LTA BA DE YOD PA MA YIN PA NYID DU RTOGS PAR BYA BA'I PHYIR, SANGS RGYAS 'BYUNG BA NI KUN RDZOB TU BYED PA PO NYID DU STON TE, SANGS RGYAS 'BYUNG BA YANG BSOD NAMS DANG YE SHES KYI TSOGS LA SOGS PA RGYU DANG RKYEN DU MA TSOGS PA LAS 'BYUNG BA'I PHYIR KUN RDZOB YIN GYI, DON DAM PA PA MA YIN PAS KHYOD KYI DPE YANG MED LA, DE'I 'BRAS BU YOD PA'I PHYIR ZHES BYA BA'I GTAN TSIGS KYANG KUN RDZOB YIN PA'I PHYIR DON 'GAL BA NYID DO, ,GZHAN YANG BCOM LDAN 'DAS KYIS LTA BA'I MUN PA BSAL BA MDZAD DU ZIN KYANG, SDE PA GZHAN DAG DON DAM PAR RTAG PA DANG CHAD PA'I MTHA' NYID LAS GROL BA MED DO, ,GANG GI PHYIR ZHE NA, GCIG DANG THA DAD PA DANG GNYI GA NYID KYIS BRTAG MI BZOD PA'I PHYIR RO, ,JI LTA ZHE NA, GAL TE LHA DANG LHA MIN GCIG ,DES NA JI LTAR RTAG MI 'GYUR, ,GAL TE LHA DANG LHA MIN GZHAN, ,JI LTAR CHAD PAR MI RIGS 'GYUR, ,ZHES BYA BA NI LHA LAS LHA MA YIN SBYIN BYED MA'I BU'AM MI LA SOGS PA GZHAN YIN PA DE GANG GI TSE LHA MA YIN GYI PHUNG PO DAG YONGS SU BTANG STE, LHA'I 'GRO BAR SKYE BA'I TSE NA CI DE SNGON GYI PHUNG PO RNAMS DANG GCIG PA NYID YIN NAM, 'ON TE THA DAD PA NYID YIN GRANG NA, GAL TE GCIG PA NYID YIN NA NI DES NA JI LTAR RTAG PA NYID DU MI 'GYUR TE, PHUNG PO SNGA MA DANG PHYI MA GCIG PA NYID YIN PAS KHYAD PAR YOD PAR MI 'THAD PA'I PHYIR RO, ,GAL TE LHA DANG LHA @113A *, ,MA YIN THA DAD PA NYID YIN NA NI JI LTAR CHAD PAR MI 'GYUR TE, PHUNG PO SNGA MA MAR ME LA SOGS PA BZHIN DU 'GAGS PA'I PHYIR RO, ,GAL TE 'DI SNYAM DU RE ZHIG LHA MA YIN DANG LHA THA DAD PA NYID KYANG MA YIN TE, GANG GI PHYIR ZHE NA, LHA MA YIN GYI PHUNG PO'I RGYU LAS LHA'I PHUNG PO MNGON PAR GRUB PA'I PHYIR RO, ,GCIG PA NYID KYANG MA YIN TE, ,GZUGS LAS THA DAD PA'I PHYIR RO, ,'ON KYANG BUM PA BZHIN DU GCIG DANG THA DAD PA NYID DU BRJOD PAR BYA BA MA YIN TE, DPER NA BUM PA DANG 'JIM PA'I GZUGS LA SOGS PA GCIG PA NYID DANG THA DAD PA NYID DU BRJOD PAR BYA BA MA YIN PA BZHIN NO ZHES BYA BAR SEMS NA BSHAD PA, BRJOD MIN BUM PA BZHIN YANG, ,CHAD PA JI LTAR SPONG BAR 'GYUR, ,ZHES BYA BA NI GCIG NYID DANG THA DAD PA NYID DU BRJOD PAR BYA BA MA YIN TE, BUM PA DANG 'JIM PA DANG GZUGS LA SOGS PA BZHIN NA YANG GANG GI TSE BUM PA RAB TU ZHIG PAR 'GYUR PA DE'I TSE NA CHAD PA JI LTAR SPONG BAR 'GYUR TE, NGO BO NYID DE NYID KYIS YANG SKYE BA MED PA'I PHYIR RO, CI STE YANG 'DI SNYAM DU LHA MA YIN GYI PHUNG PO SNGA MA'I RGYU LAS BYUNG BA'I PHYIR DANG, LHAS LHA'I PHUNG PO YONGS SU 'DZIN PA'I PHYIR GNYI GA'I BDAG NYID YIN PAR SEMS NA; BSHAD PA, YIN DANG MA YIN NYID YIN YANG, ,MYA NGAN 'DAS TSE GCIG 'DA' MED, ,CES BYA BA NI RNAM PA GNYIS SU SMRAR ZIN KYANG MYA NGAN LAS 'DAS PA'I DUS NA PHUNG PO'I RGYUN CHAD PAS CHAD PA'I MTHA' GCIG LAS 'DA' BA MED DE CHAD PA KHO NAR 'GYUR RO, ,GZHAN YANG, GAL TE 'GAGS PA SKYE 'GYUR NA, ,DES NA JI LTAR RTAG MA YIN, ,'GAGS PA SKYE BA MED GYUR NA, ,JI LTAR CHAD SMRA NYID MA YIN, ,ZHES BYA BA NI, LHA MA YIN 'GAGS PA GANG YIN PA DE LHA'I PHUNG PO DAG TU SKYE BA NI CI STE SKYE'AM 'ON TE MI SKYE, GAL TE SKYE BAR GYUR NA NI DES NA JI LTAR RTAG PA MA YIN TE, 'GAGS PAR GYUR KYANG YANG SKYE BA'I PHYIR RO, ,CI STE SKYE BA MED PAR GYUR NA NI, JI LTAR CHAD PAR SMRA BA NYID MA YIN TE, LHA MA YIN GYI PHUNG PO 'GAGS PA GTAN DU SKYE BA MED PA'I PHYIR RO, ,GAL TE 'DI SNYAM DU RGYUN NGES PAR GNAS PA LA GANG GI PHYIR PHUNG PO SNGA MA 'GAGS PA'I @113B PHYIR, RTAG PA NYID MA YIN LA GANG GI PHYIR PHUNG PO PHYI MA SKYE BA'I PHYIR NI CHAD PA NYID MA YIN PAR SEMS NA, BSHAD PA, RGYUN NI RDZAS SU MED PA'I PHYIR, ,RTAG CHAD DE DAG GA LA YOD, ,CES BYA BA NI, SKAD CIG MA SNGA MA DANG PHYI MA 'GAGS PA DANG, SKYE BAS MTSON PA'I RGYUN NI RDZAS SU YOD PA MA YIN PA'I PHYIR, KUN RDZOB TU YANG RTAG PA MED PA DANG, CHAD PA MED PAR THA SNYAD GDAGS SU RUNG NGO, ,DON DAM PAR NI 'DU BYED KYI TSOGS GANG 'GAGS PA DE NI SKYE BA DANG MTSAMS SBYOR BA MED LA, 'DU BYED KYI TSOGS GANG SKYE BA DE NI 'GAGS PA DANG MTSAMS SBYOR BA MED PAS, DE LA DE GNYIS MA GTOGS PAR GANG LA RTAG PA DANG, CHAD PA GNYIS MED PAS RTAG PA MA YIN PA DANG, CHAD PA MA YIN PAR THA SNYAD GDAGS SU RUNG BA'I DNGOS PO RDZAS SU GYUR PAR YOD PA DE LTA BU YANG YOD, DE MED PHYIR NA MA SKYES LA, ,RTAG MED CHAD MED RIGS PA YIN, , ZHES BYA BA NI DNGOS PO SKYES PA YUN RING DU NGES PAR GNAS PA'I TSUL CAN NYID NI RTAG PA NYID YIN LA, SKYES PA NYID RAB TU ZHIG PA NI CHAD PA YIN LA, GANG MA SKYES PA DE NI RTAG PA NYID DU YANG MI 'GYUR LA, CHAD PA NYID DU YANG MI 'GYUR BAS, DE'I PHYIR KHO BO CAG 'DOD PA LTAR DON DAM PAR SKYE BA MED PA NYID DU GRUB PA LA NI RTAG PA MED PA DANG CHAD PA MED PA NYID DU RIGS KYI KHYED 'DOD PA'I RGYUN LA NI MI RIGS SO, ,YANG RANG GI SDE PA DAG RNAM PA GZHAN GYIS PHYIR ZLOG PAR BYED PA LA BRGAL ZHING BRTAG PAR BYA STE, GAL TE SDUG BSNGAL MI BSKYED PHYIR, ,SANGS RGYAS RNAMS NI CHOS STON PAS, ,DE PHYIR DE YI 'BRAS YOD PHYIR, ,SKYE BA YOD PAR 'DOD CE NA, ,ZHES BYA BA NI PHA ROL PO DAG GI BSAM PA LA BRTAGS NAS PHYOGS SNGA MA NYE BAR GZHAG PA YIN TE, SDUG BSNGAL ZHES BYA BA'I PHUNG PO LNGA NI SKYE BA YOD PA KHO NA YIN TE, DE MI BSKYED PA'I PHYIR, BCOM LDAN 'DAS KYIS CHOS BSTAN PA YOD PA'I PHYIR RO, ,'DI NI GANG YOD PA MA YIN PA DE LA NI DE MI BSKYED PA'I PHYIR, BCOM LDAN 'DAS KYIS CHOS BSTAN PA MA MDZAD DE, DPER NA MO GSHAM GYI BU BZHIN NO, ,GANG SDUG BSNGAL DE YOD PA LA NI DE MI BSKYED PA'I PHYIR, BCOM LDAN @114A *, ,'DAS KYIS LAM ZHES BYA BA'I CHOS BSTAN PAR YANG MDZAD DE, DE YANG THOS PA DANG, BSAM PA DANG, BSGOM PA DANG, GOMS PAR BYAS PA'I DGRA BCOM PA LA SOGS BDAG GI PHUNG PO SKYE BA MED PA'I 'BRAS BU DANG LDAN PAR MTHONG BAS DE'I PHYIR CHOS BSTAN PA DE'I 'BRAS BU YOD PA'I PHYIR, SDUG BSNGAL SKYE BA NI YOD PA KHO NA YIN NO ZHE NA, DE'I LAN DU BSHAD PA, GAL TE KHYED DE LTAR SDUG BSNGAL SKYE BA YOD PAR 'DOD NA, GAL TE DE NI SKYE 'DOD NA, ,DE NI SNGAR BZHIN SKYE MED PHYIR, ,SKYE BA MED PA DE'I 'BRAS MIN, ,DE YONGS SHES PA DE 'BRAS YIN, ,ZHES BYA BA NI BSTAN BCOS NYID DU KHO BOS SNGAR SDUG BSNGAL DE BDAG DANG GZHAN DANG GNYI GA DANG RGYU MED PA LAS SKYE BA MED PAR BSTAN ZIN PAS SKYE BA MED PA NI CHOS BSTAN PA DE'I 'BRAS BU MA YIN NO, ,'O NA CI ZHE NA, SDUG BSNGAL YONGS SU SHES PA ZHES BYA BA NI SDUG BSNGAL DE SKYE BA MED PAR YONGS SU SHES PA GANG YIN PA STE, DE NYID CHOS BSTAN PA'I 'BRAS BU YIN PAS SKYE BAR BTAGS PAS CI ZHIG BYA, SDUG BSNGAL DE JI LTAR SKYE BA MED PAR YONGS SU SHES PAR BYA ZHE NA, DES NI BDAG GIS BYAS MI RIGS, ,DE NYID KYIS DE MA BYAS PHYIR, ,GZHAN GYIS BYAS PAR MI 'DOD DE, ,GZHAN GYIS GZHAN BYED 'GAL BA'I PHYIR, ,ZHES BYA BA NI RE ZHIG SDUG BSNGAL DE NI SDUG BSNGAL DE NYID KYIS MI BYED DE, RANG GI BDAG NYID LA BYED PA 'GAL BA'I PHYIR, DPER NA LAM DE NYID DU LAM DE NYID MI 'GRO BA DANG, SOR MO'I RTZE MO DE NYID LA SOR MO'I RTZA MO DE NYID KYIS REG PAR MI BYED PA BZHIN NO, ,SDUG BSNGAL DE YANG DAG PAR NA SDUG BSNGAL GYI RGYU GZHAN GYIS KYANG MI BYED DE, GZHAN GYIS GZHAN BYED PA 'GAL BA'I PHYIR, DPER NA 'BRAS S'A LU'I SA BON GYIS NAS KYI MYU GU MI BYED PA DANG, NAS KYI SA BON GYIS KYANG 'BRAS SNGA LA'I MYU GU MI BYED PA BZHIN NO, ,GZHAN YANG, SDUG BSNGAL RANG RGYUD SKYE MI 'DOD, ,SEMS CAN LA SOGS MED PHYIR DANG, ,RDZAS MED PHYIR DANG DBYER MED PHYIR, ,SDUG BSNGAL DE LA RGYUD KYANG MED, ,CES BYA BA NI, CI STE SDUG BSNGAL DE SUS KYANG @114B MA BYAS PA NYID YIN DU ZIN KYANG, RANG GI RGYUD LAS SKYES PAS SDUG BSNGAL NI RANG GI RGYUD LAS SKYES BAR SEMS NA, RGYUD DE LA SEMS CAN LA SOGS PAS STONG BA'I PHYIR SDUG BSNGAL DE SU'I YIN PAR 'GYUR, SEMS DANG SEMS LAS BYUNG BA DAG KYANG RGYU DANG 'BRAS BU'I DNGOS POR 'BREL BA'I RGYUD LA RGYUD CES BYA NA RGYUD DE LA YANG SKAD CIG MA SNGA MA 'GAG PA NA SKAD CIG MA PHYI MA PHYI MA SKYE BA'I PHYIR MAR ME'I 'OD SKYE BA DANG 'GAG PA BZHIN NAM, CHU LAS RLABS 'BYUNG BA DANG, 'JIG PA BZHIN PAS RDZAS SU NGES PAR GNAS PA MED PA'I PHYIR DANG, DBYER MED PA'I YANG PHYIR TE, SDUG BSNGAL DANG SDUG BSNGAL CAN LA 'DI'I RGYUD LA SDUG BSNGAL 'DI YOD DO ZHES THA DAD PA DBYER MED PA'I PHYIR DON DAM PAR NA RGYUD LA YANG SDUG BSNGAL DE YOD PA MA YIN TE, DE LTAR SDUG BSNGAL SKYE BA MED PAR YONGS SU SHES PA NI CHOS BSTAN PA'I 'BRAS BU YIN GYI SKYE BA MED PAR NI 'BRAS BU MA YIN NO, ,CI STE YANG SDE PA GZHAN DAG PHYIR ZLOG PAR BYED NA, MIG LA SOGS PA 'DU BYED RNAMS NI SKYE BA DANG LDAN PA NYID YIN TE, SEMS CAN GYI MING DU BRJOD PA'I PHYIR, ,SANGS RGYAS BZHIN NO ZHE NA, DE DAG LA 'DI SKAD CES BRJOD PAR BYA STE; GAL TE MIG SOGS 'DU BYED RNAMS, ,DE NYID DU NA SKYE CAN DE, ,SEMS CAN MING DU BRJOD PA'I PHYIR, ,SANGS RGYAS BZHIN DU SGRUB BYED NA, ,ZHES BYA BA NI PHYOGS SNGA MA NYE BAR GZHAG PA NYID YIN NO, ,DE'I LAN NI 'DI YIN TE, DES LA SANGS RGYAS SKYE CHOS MIN, ,DE PHYIR DE YOD MA YIN LA, ,DE BZHIN DE SKYE YOD MIN TE, ,BDAG BZHIN SGYU MA BZHIN 'BYUNG YOD, ,CES BYA BA NI CHOS THAMS CAD SKYE BA MED PAR BSTAN PA'I PHYIR DE BZHIN GSHEGS PA YANG MA SKYES PAS KHYOD KYI DPE MED DO, ,DE'I PHYIR 'DI SKAD CES SMRA PAR NUS TE, DE BZHIN GSHEGS PA YANG DON DAM PAR YOD PA MA YIN TE, SKU DANG GCIG GAM THA DAD PAR DMIGS SU MED PA'I PHYIR BDAG DANG SEMS CAN DANG GANG ZAG LA SOGS PA BZHIN NO, ,'O NA GANG ZAG GCIG SKYE BA NA SKYE'O ZHES MA GSUNGS SAM ZHE NA, RGYU DANG RKYEN TSOGS PA LAS 'BYUNG BA'I PHYIR YANG @115A *, ,DAG PA MA YIN PA'I BDAG NYID DU SNANG STE, SANGS RGYAS KYANG MTSAN GYI BDAG NYID KYIS SGYU MA BZHIN DU 'BYUNG BA NI YOD PAR 'DOD DE, KUN RDZOB PA YIN PAS 'JIG RTEN GYI THA SNYAD DU RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, BYANG CHUB SEMS DPA' DANG, SANGS RGYAS RNAMS ZHES GDAGS PAR ZAD KYI, DON DAM PAR NI MA YIN NO, ,DE NYID LUNG DANG RIGS PAS BSGRUB PAR BYA STE, GZUGS NI YANG DAG NYID DU NA, ,SANGS RGYAS MA YIN RTOGS BYA'I PHYIR, , 'KHOR LOS SGYUR BZHIN RNAM SHES MIN, ,RANG GZHAN SNANG PHYIR MIG 'PHRUL BZHIN, ,ZHES BYA BA NI 'DI LA MTSAN DANG DPE BYAD BZANG POS LEGS PAR BRGYAN PA'I GZUGS SANGS RGYAS YIN NAM, 'ON TE RNAM PAR SHES PA RANG DANG YUL GYI NGO BO NYID GNYIS SU SNANG BAR GRAGS PA SANGS RGYAS YIN PAR 'DOD GRANG NA, GNYI GA YANG YANG DAG PA NYID DU NA YOD PA MA YIN TE, MTSAN DANG DPE BYAD BZANG PO RNAMS NI 'KHOR LOS SGYUR BA LA YANG YOD PA'I PHYIR DANG, MIG 'PHRUL GYI SHES PA NI RNAM PAR RTOG PA MED PA'I CHA DAG LA YANG YOD PA'I PHYIR RO, ,DE BZHIN DU, PHUNG PO GZUGS CAN SANGS RGYAS MIN, ,PHUNG POS BSDUS PA YIN 'DOD PHYIR, ,SKYE 'JIG CHOS CAN YIN PHYIR DANG, ,SHES BYA YIN PHYIR GZUGS BZHIN NO, ,ZHES BYA BA NI 'DI LTAR, BCOM LDAN 'DAS LA YANG 'KHRUNGS PA'I TSE NA SKYE BA YOD LA, MYA NGAN LAS 'DAS PA'I TSE NA 'JIG PA YANG YOD CING, SKAD CIG MA'I RGYUN LA YANG 'BYUNG BA DANG 'JIG PA'I SKAD CIG MA DAG YOD PA'I PHYIR DANG, MIG LA SOGS PA'I YUL YIN PAS SHES BYA NYID YIN PA'I PHYIR DANG, RNAL 'BYOR PA DAG GIS BSGOMS PAS MTHONG BA'I YANG PHYIR RO, ,SKU NI SANGS RGYAS YIN MI RIGS, ,DE ZHIG 'JIG PA'I SKYON PHYIR DANG, , GZHAN GYI MTSAN NYID MED PA'I PHYIR, ,BDAG BZHIN DE NI GA LA YOD, ,CES BYA BA NI PHUNG PO DAG NYID NI SANGS RGYAS MA YIN TE, PHUNG PO ZHIG PA NA SANGS RGYAS KYANG 'JIG PAR THAL BAR 'GYUR BA'I PHYIR, MAR ME ZHIG PA NA 'OD KYANG 'JIG PAR 'GYUR BA BZHIN NO, ,PHUNG PO RNAMS LAS GZHAN LA YANG, , @115B SANGS RGYAS YOD PA MA YIN TE, ,PHUNG PO'I MTSAN NYID LAS LOGS SHIG NA DMIGS SU MED PA'I PHYIR BDAG LA SOGS PA BZHIN NO, ,BRJOD MIN RDZAS MED MI 'DOD DE, ,SNGA MA BZHIN DU BSAL BA'I PHYIR, ,BUM PA BZHIN DU BRJOD MIN NA, ,DE NI JI LTAR SANGS RGYAS 'DOD, ,CES BYA BA NI PHUNG PO RNAMS NYID KYANG SANGS RGYAS MA YIN LA, PHUNG PO RNAMS NYID LAS GZHAN PA NYID KYANG SANGS RGYAS MA YIN TE, GCIG PA NYID DANG THA DAD PA NYID DU BRJOD PAR BYA BA MA YIN NO ZHE NA YANG, DE NI DNGOS PO MA YIN PA'I PHYIR RDZAS SU YOD PA MA YIN PA NYID DANG, BRJOD PAR BYA BA MA YIN PA'I PHYIR BUM PA BZHIN DU SANGS RGYAS CHAD PAR 'GYUR TE, SNGA MA BZHIN DU BSAL BA'I PHYIR BRJOD PAR BYA BA MA YIN PA NYID KYANG RIGS PA DANG LDAN PA MA YIN TE, DE'I PHYIR SANGS RGYAS KYANG SKYE BA MED PA NYID DU BSTAN TO, ,DE'I PHYIR LUNG LAS, ,DE BZHIN GSHEGS PA RTAG TU SKYE MED CHOS, ,CHOS RNAMS THAMS CAD BDE BAR GSHEGS DANG 'DRA, ,BYIS PA'I BLO CAN MTSAN MAR 'DZIN PA RNAMS, ,'JIG RTEN DAG NA CHOS RNAMS MED LA SPYOD, ,DE BZHIN GSHEGS PA ZAG MED DGE BA YI, ,CHOS KYI GZUGS BRNYAN YIN TE 'DI LA NI, ,DE BZHIN NYID MED DE BZHIN GSHEGS MED KYANG, ,'JIG RTEN KUN NA GZUGS BRNYAN KUN TU SNANG, ,ZHES GSUNGS PA DANG DE BZHIN DU 'JAM DPAL SKYE BA MED PA DANG 'GAG PA MED PA ZHES BYA BA NI DE BZHIN GSHEGS PA'I TSIG BLA DGAG SO ZHES GSUNGS PA LA SOGS PA DE DAG KYANG GRUB PA YIN NO, ,CI STE YANG 'DI SNYAM DU SKYE MCHED RNAMS NI SKYE BA YOD PA KHO NA YIN TE, RTEN CING 'BREL BAR 'BYUNG MTHONG BAS, ,CHOS DANG SANGS RGYAS MTHONG BA'I PHYIR, ,RMI LAM GYI GLANG PO CHE YOD PA MA YIN PA MTHONG BAS NI, CHOS DANG SANGS RGYAS MTHONG BAR MA GSUNGS SO, ,'DI SKAD CES SUS RTEN CING 'BREL BAR 'BYUNG BA MTHONG BA DES CHOS MTHONG NGO, , SUS CHOS MTHONG BA DES SANGS RGYAS MTHONG NGO ZHES NI GSUNGS PAS DE'I PHYIR RTEN CING 'BREL BAR 'BYUNG BA'I NGO BO NYID KYI SKYE MCHED RNAMS NI SKYE BA YOD PA KHO NAR SEMS NA, 'DIR BSHAD PA, RTEN CING 'BREL BAR 'BYUNG MTHONG BAS, ,CHOS DANG SANGS RGYAS MTHONG BA'I PHYIR, ,SKYE @116A *, ,MCHED SKYE YOD MI 'DOD DE, ,SNGA MA BZHIN DU BSAL PHYIR RO, ,ZHES BYA BA NI BSTAN BCOS 'DI NYID KYI DANG POR BDAG DANG GZHAN GNYIS DANG RGYU MED PA LAS SKYE BA MED PAR BSTAN PAS SKYE BA YOD PA DANG MED PA DANG GNYI GA DANG, GZHAN LA SOGS PAR BRTAG MI BZOD PAR BSAL ZIN PA'I PHYIR JI LTAR DE MTHONG BAS CHOS DANG SANGS RGYAS MTHONG BA YOD PAR 'GYUR, DON DE NYID KYANG BRTAG PAR BYA STE, BDAG DANG GZHAN GNYIS RGYU MED MIN, ,YOD MED RTAG DANG MI RTAG MIN, ,GZHAN DANG GZHAN MIN SKYE MED PAS, ,RTAG DANG CHAD PA RNAM PAR SPANGS, ,SKYE BA YOD MIN MED PA MIN, , YOD MED MA YIN DE GANG NA, ,DE MTHONG STON PA MTHONG 'GYUR BA, ,JI LTA BUR NI SHES PAR BYA, ,ZHES BYA BA NI DON DAM PAR SKYE BA GRUB NA NI DE MTHONG BAS CHOS DANG SANGS RGYAS MTHONG BAR YANG 'GYUR GRANG NA, JI SKAD BSTAN PA'I TSUL GYIS SKYE BA DE NYID BSTAN PAR DKA' NA DE NYID DU DE MTHONG BA GA LA YOD DE MTHONG BA YOD PA MA YIN NA CHOS DANG SANGS RGYAS MTHONG BAR YOD RE SKAN, DE PHYIR NGO BO NYID SMRA'I TSIG ,'DOD PA RNAM PAR NYAMS PA YIN, ,ZHES BYA BA NI NGO BO NYID YOD PA MA YIN PA'I PHYIR DNGOS PO RNAMS MTHONG PA YANG MA GRUB PA'I PHYIR RO ZHES BYA BAR BSAM SO, ,SMRAS PA, CI RTEN CING 'BREL PAR 'BYUNG BA MED PA KHO NA YIN ZHING DE MA MTHONG BAS CHOS DANG SANGS RGYAS MTHONG BA YANG MED PA KHO NA YIN NAM ZHE NA, BSHAD PA, GANG LA SKYE BA SGYU MA YI, ,SKYE BA YOD PA DE LA RUNG, ,CI ZHIG RUNG ZHE NA, SMRAS PA'I NYES PA'I DRI BSAL BAS, ,DAM CHOS SGRON MA RAB BSTAN PHYIR, ,MDZAD PAS PHAN THOGS TSUL GYIS NI, ,KUN RDZOB TU NI SANGS RGYAS MTHONG, ,ZHES BYA BA NI YOD PA DANG MED PA LA SOGS PAR SMRA BA'I SKYON RNAMS NYID DRI MA STE, DE BSAL ZHING BRAL BAR BYAS BAS RTEN CING 'BREL BAR 'BYUNG BA ZHES BYA BA'I DAM PA'I CHOS KYI SGRON MA GTI MUG GI MUN PA 'DZOMS PA JI SKAD BSTAN PA GANG YIN PA DE RAB TU BSTAN PA'I PHYIR MDZAD PAS PHAN 'DOGS PA'I TSUL GYIS KUN RDZOB TU SANGS RGYAS MTHONG BAR RUNG NGO, ,GANG GI PHYIR ZHE NA, RTEN CING 'BREL BAR 'BYUNG BA 'DUS PA'I BDAG NYID NGO BO NYID MED PA KUN RDZOB PA'I SHES PAS MTHONG NA DE DANG THA MI DAD PA'I CHOS MTSAN DANG DPE BYAD BZANG PO DANG, @116B STOBS DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA 'DUS PA'I NGO BO NYID MED PA'I SANGS RGYAS KYANG MTHONG BAR 'GYUR BA'I PHYIR RO, ,'ON DE NYID DON DAM PAR MTHONG BA MA YIN NAM ZHE NA MA YIN TE, JI LTA ZHE NA, BSHAD PA, DE NI DE NYID MTHONG MIN TE, ,SGYU 'DRA YANG DAG MA YIN PHYIR, ,ZHES BYA BA NI RTEN CING 'BREL BAR 'BYUNG BA DE NYID YANG DAG PAR RNAM PAR DPYAD NA RGYU RKYEN TSOGS PA THA DAD PA DAG LA DNGOS POR DMIGS SU MED PA'I PHYIR, SGYU MA BYAS PA DANG 'DRA BAS MTHONG BA MED PA NYID MTHONG BA ZHES THA SNYAD GDAGS PA DE YANG KUN RDZOB YIN NO, ,DE YANG, RAB TU RTAG MIN RNAM SHES MIN, ,BRTAG BYA MA YIN DPE MED PA, ,MTSAN MA MED CING SNANG BA MED, ,RNAM RTOG MED CING YI GE MED, ,LTA BA'I BLO YIS RTOGS BYA BA, ,MTHONG BA MED PAS DE MTHONG YIN, ,ZHES BYA BA LA RAB TU BRTAG MIN ZHES BYA BA LA SOGS PA'I TSIG RNAMS KYI DON NI SNGAR PHYAG 'TSAL BA'I TSIG LE'UR BYAS PA DAG GI SKABS SU BSHAD PA BZHIN DU KHONG DU CHUD PAR BYA'O, ,LTA BA'I BLO YIS RTOGS BYA BA, ,ZHES BYA BA NI RAB TU SPYOD PA MED PA'I TSUL GYIS RAB TU SPYOD PA'I MTSAN NYID KYI BLOS RTOGS PAR BYA BA CHOS KYI DE NYID SO SOR RANG GIS RIG PAR BYA BA THUB PA'I YUL GYI DNGOS POR YANG MI 'GYUR PA STE, CHOS THAMS CAD KYI NGO BO NYID YONGS SU MA GRUB PA'I PHYIR RO, ,DE'I PHYIR MTHONG BA MED PA DE MTHONG BA YIN NO ZHES MTHONG BA MED PA NYID MTHONG BA'O ZHES NYE BAR GDAGS TE, JI SKAD DU MTHONG BA MED PA DE NYID MTHONG BA'O ZHES GSUNGS PA LTA BU'O, ,SKYE BA DGAG PA JI SKAD BSTAN PA DAG GI MJUG SDUD PAR BYED PA NI 'DI YIN TE, DE NI DON DAM NYID DU NA, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,YOD MED MA YIN GZHAN MA YIN, ,SRED MED DBANG PHYUG SKYES BU DANG, ,GTZO BO RDUL PHRAN LA SOGS PA'I, ,RGYU LAS SKYES DANG GSAL BYA YI; ,DNGOS PO 'GA' YANG YOD MA YIN, ,ZHES BYA BA'I TSIG LE'UR BYAS PA DE GNYIS NI DNGOS PO THAMS CAD LA SKYE BA'I RNAM PA GZHAN MED PA DANG, SKYED BA DANG MNGON PAR GSAL BAR BYED PA'I RGYU MED PAS KHYAB PAR GYUR PA NYID DU BSTAN TO, ,GZHAN YANG, DE LA NGO BO NYID DANG LAS, ,MTSAN @117A *, ,GZHI MTSAN NYID BRTEN PA DANG, ,GCIG NYID GZHAN NYID KUN NYON MONGS, ,RNAM PAR BYANG BAR BYA BRTEN PA, ,DPER NA MKHA' LA LCAG 'DEBS DANG, ,TSON GYI RI MO'I LAS DANG NI, ,SA BON DAG NI SKYE MED LTAR, ,RTOG PA THAMS CAD SKYE BA MED, ,CES BYA BA NI SKYE BA MED PA NYID DE LA SRA BA NYID DANG, GSHER BA NYID DANG, TSA BA NYID DANG, YANG ZHING G-YO BA NYID CES BYA BA'I NGO BO NYID LA RTEN DANG, BRTEN PA DANG, SDUD PA DANG, SMIN PA DANG, 'GYUR BAR BYED PA ZHES BYA BA'I LAS LA BRTEN PA DANG, BA LANG LA SOGS PA'I LKOG SHAL DANG, MJUG MA LA SOGS PA'I MTSAN NYID 'DUS PA ZHES BYA BA'I MTSAN GZHI DANG MTSAN NYID LA BRTEN PA DANG, BUM PA LA SOGS PA GZUGS LA SOGS PA DAG DANG GCIG PA NYID DANG GZHAN NYID LA BRTEN PA DANG, BCINGS PA DANG THAR PA'I KUN NAS NYON MONGS PA DANG, RNAM PAR BYANG BAR BYA BA LA BRTEN PA'I RTOG PA THAMS CAD DPER NA NAM MKHA' LA LCAG 'DEBS PA DANG, TSON GYI RI MO'I LAS SNA TSOGS DANG SA BON DAG SKYE BA MED PA LTAR RTOG PA DE DAG THAMS CAD SKYE BA MED DO, ,SKYE BA MED PA DE LA RTOG PA DE DAG THAMS CAD MI SRID DE DE LTAR DES NI DE NYID SHES PA'I RNAM PAR MI RTOG PA NYID STON PAR BYED DO, ,DA NI MTHONG BA MED PA NI DE NYID MTHONG BA'O ZHES BYA BA DE RIGS PAS SGRUB PAR BYED DE, RAB RIB BRAL BAR GYUR PA'I MIG ,RNAM DAG DRI MA MED PA LA, ,SKRA DANG SBRANG BU ZLA GNYIS DANG, ,RMA BYA'I MDONGS DAG MI SNANG LTAR, ,MKHAS PA NYON MONGS SHES BYA YI, ,SGRIB MUN RAB RIB BRAL GYUR CING, , YANG DAG MKHYEN SPYAN DRI MED LA'ANG, ,DE BZHIN CI YANG SNANG BA MED, ,CES BYA BA NI DPER NA RLUNG DANG BAD KAN DANG MKHRIS BA DANG, 'DUS PA LA SOGS PA'I SKYON MI MNYAM PA SHAS CHEN POS RAB RIB STUG POR GYUR BA LA SKRA SHAD DANG, SBRANG MA DANG, SBRANG BU LA SOGS PA YANG DAG PA MA YIN PA DAG RGYUN DU SNANG NGO, ,DE SMAN PA MKHAS PA RAB RIB SEL BA'I MIG SMAN RING BU LEGS PAR SBYAR BA YANG DAG PAR BSTEN PAS SKYON GYI MTHU NYAMS SHING RAB RIB DANG BRAL TE, MIG RNAM PAR DAG CING DRI MA MED PA LA SNGAR MTHONG BA'I SKRA SHAD LA SOGS PA DAG MI SNANG BA DE BZHIN DU RNAL 'BYOR PA MKHAS @117B PA LA YANG SNGON THOG MA MED PA'I DUS NAS BSAGS PA'I SKYON NYON MONGS PA DANG, SHES BYA'I SGRIB PAS BLO GROS KYI MIG BSGRIBS PA'I TSE NA RANG GI RNAM PAR RTOG PAS SGRO BTAGS PA GZUGS LA SOGS PA'I DNGOS PO'I NGO BO NYID DANG, MTSAN NYID DANG, MTSAN NYID KYI GZHI DANG, RGYU DANG, 'BRAS BU DANG, GCIG PA NYID DANG, THA DAD PA NYID DANG, GNYI GA NYID DANG, YOD PA DANG MED PA DANG, RTAG PA DANG CHAD PA DANG, KUN NAS NYON MONGS PA DANG, RNAM PAR BYANG BA LA SOGS PA RTOG PA'I RNAM PA DPAG TU MED PA'I BYE BRAG THA DAD PAS THA DAD PAR GYUR PA'I DNGOS PO RNAMS RNAM PA DU MAR SNANG NGO, ,DES CHOS THAMS CAD KYI NGO BO NYID DMIGS SU MED PA'I BDAG NYID STONG PA NYID MTHONG BA'I MIG SMAN YONGS SU BSTEN PAS 'DOD CHAGS LA SOGS PA'I SKYON SHAS CHEN PO'I RAB RIB KYI LING TOG ZHI BAR GYUR CING, RNAM PA THAMS CAD MKHYEN PA NYID KYI YE SHES RNAM PAR MI RTOG PA SKAD CIG GCIG GIS CHOS THAMS CAD MKHYEN PA SKYES PA'I DUS NA CI YANG MI GZIGS TE, SANGS RGYAS KYI SPYAN SGRIB PA MED CING THOGS PA MED PAS SHES BYA THAMS CAD LAG MTHIL DU SKYU RU RA'I 'BRAS BU BZHAG PA BZHIN MNGON SUM DU GZIGS PA, RNAM PAR RTOG PA DANG PHYIN CI LOG MI MNGA' BA BRNYES PA'I PHYIR RO, ,GZHAN YANG, DPER NA GNYID LOG GNYID DBANG GIS, ,BU DANG BUD MED GZHAL MED KHANG, ,GNAS LA SOGS PA MTHONG GYUR PA, ,SAD NA DE LA MI MTHONG LTAR, ,DE BZHIN KUN RDZOB SHES PA DAG ,BLO GROS MIG NI BYE GYUR CING, ,MI SHES GNYID DANG BRAL GYUR NAS; ,SAD PA'I TSE NA MI MTHONG NGO, ,ZHES BYA BA NI DPER NA GNYID LOG PA'I RMI LAM NA MED BZHIN DU YANG GNYID KYI DBANG GIS BU MCHOG TU YID DU 'ONG BA ZUR PHUD MDZES PAS MGO BRGYAN PA, GZHON NU SKAD SNYAN DES SMRA BA DAG DANG, BUD MED SKRA MDOG SNGO ZHING SNUM PAG CAN GYIS MGO BRGYAN PA, MIG AUTPALA'I 'DAB MA LTA BU YID 'PHROG PA DANG LDAN PA, SO'I 'OD ZER GSAL BAS BZHIN MDANGS DRI MA MED PA BZANG POS GSAL BAR SNANG BA, NU MA ZLUM BAG MTHON PO ZUNG GIS BRANG GI NU 'JING LEGS PAR BRGYAN PA, LUS DANG YAN LAG 'JAM ZHING MDZES LA GZHON SHA CHAGS PA DAG DANG, @118A *, ,GZHAL MAD KHANG PU SHU NYAMS DGA' BA, YANG THOG MDZES PA, KHANG BZHAG KHYER SDUG PA, GDUNG PHYAM SNOL MAR BTANG BA, KA BA'I PHRENG BAS KHYAMS LA SOGS PA MDZES PAR BYAS PA DANG, GNAS KHANG BZANGS RGYUD MO DANG PHYIR STUG POR 'BREL PA, YANG THOG DANG GRONG KHYER DU LDANG BA DAG DANG, DE LTA BU LA SOGS PA SKYED MOS TSAL 'BRAS BU DANG ME TOG GI SHING LJON PA'I TSOGS SBRENGS PA DAG DANG, RI BO RI DAGS KYI RIGS SNA TSOGS RNAM PAR RGYU BA, BYA'I TSOGS MTHA' YAS PA SKRA SKAD SNYAN PA 'BYIN PA, NAGS TSAL GYI PHRENG BA MDZES PA STUG PO SBRENGS PA, SPO MTHON PO DANG LDAN PA DANG, RGYAL PO LA SOGS PA DPUNG GI TSOGS SHING RTA MANG PO DANG, GLANG PO CHE DREGS PA DANG, RTA BZANG PO DANG, DMAG MI RUNG BA BKRABS PA, RGYAL MTSAN CAN MANG PO DKRIGS PA DANG LDAN PA DAG DANG, DE LTA BU LA SOGS PA'I DNGOS PO DAG MTHONG BAR GYUR PA NA THAMS CAD LA YANG DAG PA'I 'DU SHES 'BYUNG BAR 'GYUR RO, ,DE GNYID SAD NA YANG DE LA CI YANG MI MTHONG STE, RMI LAM NA MTHONG BA'I DNGOS PO RNAMS NI YANG DAG PA MA YIN PA'I PHYIR RO, ,DE BZHIN DU RNAL 'BYOR PA YANG SNGON MI SHES PA'I GNYID KYIS BLO GROS RNAM PAR RMONGS PA'I TSE NA KUN RDZOB KYI DNGOS PO KHA DOG DANG, DBYIBS DANG KHA GDONG DANG, RKANG PA DANG, LAG PA DANG, SPYOD TSUL DANG, CHA LUGS DPAG TU MED PA DANG, KHAMS DANG, 'GRO BA DANG, SKYE GNAS RNAM PA SNA TSOGS THA DAD PAS THA DAD PAR GYUR PA'I SEMS CAN DANG, YUL DANG, LHA DANG MI LA SOGS PA DAG MTHONG BA DANG, THOS PA DANG, BSNAMS PA DANG, MYANGS PA DANG, REG PA DANG, BSAMS PA RGYUN MI 'CHAD PA NYE BAR BSTEN CING SHES PAR BYAS PA DAG GANG GI TSE BLO GROS KYI MIG BYE BAR GYUR CING MI SHES PA'I BAG CHAGS KYI GNYID DANG BRAL BAR GYUR NAS SAD PA DANG 'DRA BAR BDE BAR GSHEGS PA'I YE SHES DRI MA MED PA SHAR BAR GYUR PA DE'I TSE NA CI YANG MI MTHONG STE, DNGOS PO'I NGO BO NYID MI DMIGS PA'I PHYIR RO, ,YANG DPER NA 'GA' ZHIG MTSAN MO'I SPRIN STUG POS SKAR MA'I TSOGS KYI SNANG BA'I CHA YANG BSGRIBS PA'I MUN KHROD NA 'JIGS PAS KUN NAS PA SLANG ZHING MI BDEN PA'I RNAM PAR RTOG PA'I BOS @118B BSGRUBS PA'I 'BYUNG PO YANG DAG PA MA YIN PA RAL PA CAN MIG DMAR SER BGRAD PA LTA BU DANG LDAN PA, LAG SOR GYI SEN MO RING ZHING RTZUB PA'I LAG PA BRKYANG ZHING RDEG PAR GZO BA 'JIGS SU RUNG BA DAG MTHONG BA LAS DES NYI MA'I DKYIL 'KHOR SHAR BA NA MUN PA MA LUS PAR BSAL TE, PHYOGS DANG PHYOGS MTSAMS GSAL BAR SNANG BA'I TSE NA 'JIGS SHING SKRAG PA DANG BRAL TE, YANG DAG PA MA YIN PA'I 'BYUNG PO CI YANG MI MTHONG BA DE BZHIN DU 'DIR YANG SEMS CAN SRID PA'I MTSAN MO MA RIG PA'I MUN PAS SHES PA'I SNANG BA BSGRIBS PA'I MUN KHROD NA YANG DAG PA MA YIN PA'I RNAM PAR RTOG PAS BLO GROS DKRUGS PA DAG GIS NANG DANG PHYI ROL GYI DNGOS PO DON DAM PA MA YIN PA YUL DANG YUL CAN GYI NGO BO NYID DU NGES PAR GNAS PA 'JIGS SU RUNG BA DAG MTHONG NGO, ,DE NYID KYIS STONG PA NYID DANG MTSAN MA MED PA DANG, SMON PA MED PA'I SHES PA'I YANG DAG PA'I YE SHES KYI NYI MA SHAR NAS MI SHES PA'I BAG CHAGS DANG, MTSAMS SBYOR BA'I NYON MONGS PA MTHA' DAG BSAL BA'I TSE NA, SEMS DANG SEMS LAS BYUNG BA'I SPYOD YUL DANG BCAS PA RNAMS DNGOS PO DANG NGO BO NYID DU MI MTHONG ZHING MI DMIGS TE, BLA NA MED PA'I YE SHES SHAR BA NA DBUGS PHYIN PA CHEN PO THOB PA'I PHYIR RO, ,DON DE NYID TSIG LE'UR BYAS PA GNYIS KYIS STON PAR BYED DE, DPER NA MTSAN MO MUN KHROD NA, ,'BYUNG PO YANG DAG MIN MTHONG BA, ,NYI MA SHAR ZHING MIG BYE'I TSE, ,SNANG BAR 'GYUR BA MA YIN LTAR, ,DE BZHIN MKHAS PA YANG DAG GI ,SHES PA'I NYI MAS MI SHES PA'I, ,BAG CHAGS MA PUS BCOM PA'I TSE, ,SEMS DANG SEMS BYUNG YUL MI MTHONG, ,ZHES BYA BA GNYIS KYIS BSTAN TO,, ,,DBU MA'I SNYING PO'I 'GREL PA RTOG GE 'BAR BA, BAM PO BCU PA, GAL TE 'DI SNYAM DU, RAB RIB CAN MIG DAG PA DANG, GNYID LOG PA SAD PA DANG, MUN KHROD NA 'DUG PA SNANG BA DANG PHRAD NAS 'KHRUL PA DANG BRAL BAR GYUR PA DAG GIS NI GZUGS LA SOGS PA'I DNGOS PO'I NGO BO NYID MTHONG BAR 'GYUR GYI, RNAL 'BYOR BA DE NYID SHES PA'I SHES PA SKYES PA'I TSE NA NI CI YANG MI MTHONG BAS DPE DANG DON MI MTHUN PA'I PHYIR DPES DON MI 'GRUB PAR SEMS NA, DE LA BSHAD PA, 'DI LA RNAM @119A *, ,PA THAMS CAD DU MTHONG BA MI 'GRUB PA'I PHYIR MTHONG BA MED PA NYID MTHONG BA'O ZHES NYE BAR GDAGS SO ZHES BSTAN ZIN MOD KYI, YANG BSHAD PAR BYA STE, DNGOS RNAMS NGO BO NYID YOD PAR, ,MI MTHONG DNGOS NYID MA GRUB PHYIR, ,YANG NA DNGOS NYID SKYE MED PHYIR, ,SGYU MA'I GLANG CHEN JI BZHIN NO, ,ZHES BYA BA NI MKHAS PA RNAMS NI KUN RDZOB TU GZUGS LA SOGS PA JI LTAR YID KYIS RNAM PAR BRTAGS PA'I NGO BO NYID LA SGRO 'DOGS BAR YANG MI BYED, SKUR BA 'DEBS PAR YANG MI BYED PAR 'JIG RTEN DANG MTHUN PA'I SHES BAS LTA BAR BYED PAS DNGOS PO CI YANG MI MTHONG BA YANG MA YIN LA, NGO BO NYID MED PAR YANG MTHONG NGO, ,DON DAM PAR NI DNGOS PO RNAMS NGO BO NYID YOD PAR MI MTHONG STE, DNGOS PO'I NGO BO NYID MA GRUB PA'I PHYIR SGYU MA'I GLANG PO CHE BZHIN NO ZHES STON TO, ,DE LA RE ZHIG SEMS DANG SEMS LAS BYUNG BA DAG NI SKAD CIG TZAM LAS MI SDOD DE, SKAD CIG DE YANG DANG PO DANG BAR DANG THA MA'I DBYE BAS CHES PHRA BA NYID DU ZHUGS PAS RANG GI NGO BO SPANG BA'I PHYIR NGES PAR MI 'GRUB PAS RE ZHIG DE LTAR SEMS DANG SEMS LAS BYUNG BA DAG NGO BO NYID DU MA GRUB STE, LAG BZANGS KYIS ZHUS PA'I MDO LAS JI SKAD DU, 'JIG RTEN 'DI NI SKAD CIG LAS LHAG PAR MI GNAS TE, SKAD CIG GANG YIN PA DE LA YANG SKYE BA'I DUS KYANG GZHAN GNAS PA'I DUS KYANG GZHAN 'GAG PA'I DUS KYANG GZHAN NO ZHES BYA BA LA SOGS PA GSUNGS PA LTA BU'O, ,GZUGS CAN YANG NANG DANG PHYI ROL GYI DNGOS PO LUS DANG MYU GU LA SOGS PA THAMS CAD KYANG, SA DANG CHU DANG ME DANG RLUNG DANG, GZUGS DANG DRI DANG RO DANG REG PA ZHES BYA BA'I RDZAS BRGYAD 'DUS PA SHA STAG STE, DE LA LUS DANG MYU GU DAG NI SA MA YIN LA SA LAS GZHAN PA YANG MA YIN, DE GNYIS LA YANG SA MED, SA LA YANG DE GNYIS MED DO, ,DE BZHIN DU BDUN PO GZHAN DAG LA YANG SBYAR RO, ,SA DANG CHU LA SOGS PA DAG NYID KYANG RDZAS BRGYAD 'DUS PA'I BDAG NYID DE; DE LA GZUGS NI SA NYID MA YIN LA GZUGS LAS SA GZHAN PA YANG MA YIN, GZUGS LA YANG SA MED, SAL YANG GZUGS MED DE, GZHI DANG GZHAG PA'I NGO BO NYID DU GNAS PA YANG MED PA'I PHYIR RO, ,DE BZHIN DU LTAG MA RE RE LA YANG RE RE'I NGO BO NYID MED DO, ,DE BZHIN DU 'BYUNG BA GSUM @119B YANG SA MA YIN TE, NGO BO NYID DANG, LAS THA DAD PA'I PHYIR RO, ,'BYUNG BA GSUM LAS SA GZHAN PA YANG MA YIN TE, DE DAG MA GTOGS PAR SA DMIGS SU MED PA'I PHYIR RO, ,GAL TE 'BYUNG BA GSUM MA GTOGS PAR SA 'GRUB PAR GYUR NA DE'I PHYIR 'BYUNG BA GSUM LA SA GNAS PA'AM SA LA 'BYUNG BA GNAS PAR 'GYUR BA ZHIG NA, 'BYUNG BA GSUM MA GTOGS PAR SA'I NGO BO NYID MED DE, ME LAS LOGS SHIG NA BUD SHING MED PA BZHIN NO, ,ME YANG 'BYUNG BA GSUM 'DUS PA SPYIR GNAS PA NYID LA DMIGS PAR ZAD KYI ME 'BA' ZHIG GI NGO BO NYID NI RDUL PHRAN TZAM YANG MED DO, ,GAL TE 'BYUNG BA GSUM MA GTOGS PAR ME 'BA' ZHIG YOD PAR GYUR NA, BUD SHING MED PAR YANG ME DMIGS PAR 'GYUR BA'I RIGS SO, ,DE BZHIN DU CHU DANG RLUNG GNYIS KYANG NGO BO NYID 'BA' ZHIG PA MED DO, ,GZUGS KYI NGO BO NYID KYANG DRI DANG RO DANG REG PA MA GTOGS PAR MED LA DE DAG GI NGO BO NYID KYANG PHAN TSUN GCIG LA GCIG MA GTOGS PAR MED DO, ,DE DAG GCIG PA NYID DANG GZHAN NYID KYANG MA YIN TE, GZUGS NYID KYANG DRI DANG RO DANG REG PA NYID MA YIN TE, MTSAN NYID THA DAD PA'I PHYIR RO, ,GZUGS DE DAG LAS GZHAN PA NYID KYANG MA YIN LA, GZUGS LA YANG DE DAG MED DE, DE DAG LA YANG GZUGS MED DE, THA DAD PA MA YIN PA'I PHYIR RO, ,THA DAD PA'I DNGOS PO LAS KYANG SA LA SOGS PA DAG LAS GZUGS LA SOGS PA THA DAD DU BKAR TE DE NYID DANG GZHAN NYID DANG, DE LA DE DAG YOD PA DANG DE DAG LA DE YOD PA MA YIN PAR DGAG PAR BYA'O, ,GZUGS LA SOGS PA DAG KYANG PHAN TSUN BLOS RNAM PAR PHYE STE, DE NYID DANG GZHAN NYID DANG DE LA DE DAG YOD PA DANG, DE DAG LA DE YOD PA MA YIN PAR DGAG PAR BYA'O, ,'BA' ZHIG PA'I DNGOS POS KYANG GZUGS LAS RDUL PHRA RAB BKAR TE, DE NYID DANG GZHAN NYID DANG, DE LA DE DAG YOD PA DANG, DE DAG LA DE YOD PA MA YIN PAR DGAG PAR BYA'O, ,RDUL PHRA RAB DAG KYANG PHYOGS KYI BYE BRAG GIS CHA DRUG TU DBYE BAS THA DAD LA, CHA YANG PHYOGS KYI BYE BRAG GIS DRUG TU DBYE BAS THA DAD PA DAG KYANG DE NYID DANG GZHAN NYID DANG, DE LA DE DAG YOD PA DANG DE DAG LA DE YOD PA MA YIN PAR DGAG PAR BYA STE, DE LTAR DNGOS PO RNAMS NGO @120A *, ,BO NYID YONGS SU MA GRUB PAR KHONG DU CHUD PAR BYA'O, ,YANG NA DNGOS NYID SKYE MED PHYIR, ,ZHES BYA BA'I GTAN TSIGS KYIS NI RGYU NI 'BRAS BU LOGS SHIG PAR SKYED PAR MI BYED DE, RGYU 'BANG ZHIG YOD DU ZIN KYANG 'BRAS BU SKYE BA MED PA'I PHYIR RO, ,RKYEN RNAMS KYANG SKYED PAR BYED PA DAG MA YIN TE, RGYU MED NA 'BRAS BU BSKYED PAR MI NUS PA'I PHYIR RO, ,RGYU DANG RKYEN TSOGS PA DAG KYANG SKYED PAR BYED PA MA YIN TE, DE DAG LA 'BRAS BU MYU GU'AM MI ZHES BYA BA DAG MED PA'I PHYIR RO, ,DE'I PHYIR KUN RDZOB TU RGYU DANG RKYEN DU SNANG BA'I BDAG NYID LAS SKYE BAR MTHONG BA ZHING NGO BO NYID NI MED DE SGYU MA'I GLANG PO CHE BZHIN NO, ,DPER NA SGYU MA'I GLANG PO CHE NI SGYU MKHAN GYI BSAM PA DANG, RTZVA DANG, ME TOG DANG, SMAN DANG, RMA BYA'I MJUG SGRO DAG GIS MNGON PAR BSGRUBS PA RGYU RKYEN DANG, GLANG PO CHE LTA BUR SNANG BA NI YOD LA DE LA GLANG PO CHE YANG DAG PA'I NGO BO NYID NI MED DO, ,GLANG PO CHE YANG DAG PA'I NGO BO NYID KYIS STONG YANG GLANG PO CHE'I GZUGS NI SNANG STE, DE LA SGYU MA SHES PA DAG GIS NGO BO NYID MI DMIGS PA DE BZHIN DU PHYI DANG NANG GI DNGOS PO THAMS CAD KYANG RGYU DANG RKYEN TSOGS PAS BSKYED PA BCOS MA'I NGO BO NYID DU NI DMIGS SU YOD LA, DE DAG LA RGYU DANG RKYEN DU SNANG BA MA GTOGS PA'I DNGOS PO NI RDUL PHRA RAB TZAM GYI CHA SHAS KYANG YOD PA MA YIN TE, 'DI SKAD DU, RAB 'BYOR GANG LA GNAS NAS SEMS CAN RNAMS LAS SNA TSOGS MNGON PAR 'DU BYA BA BYED PA'I DNGOS PO NI SGRA'I RTZE MO'I CHA SHAS TZAM YANG YOD PA MA YIN NO ZHES BYA BA LA SOGS PA GSUNGS PA DANG, DE BZHIN DU, DNGOS PO 'GA' YANG MED MI SKYE, ,YOD PA MI SKYE YOD MED MIN, ,RKYEN RNAMS NYI TSE 'BA' ZHIG DAG ,SKYE BA DANG NI 'GAG PAR SNANG, ,ZHES GSUNGS PA LTA BU'O, ,DON DE NYID BSTAN PA'I PHYIR TSIG LE'UR BYAS PA GZHAN GYIS TSAD MA GNYIS NYE BAR SBYOR BAR BYED DE, DNGOS RNAMS NGO BO NYID YOD PAR, ,MI MTHONG KUN RDZOB SKYE YOD PHYIR, ,YANG NA RGYU DANG LDAN PA'I PHYIR, ,SGYU MA'I GLANG CHEN JI BZHIN NO, ,ZHES BYA BA NI DNGOS PO RNAMS NI NGO BO NYID MED PA YIN TE, KUN RDZOB TU RGYU DANG RKYEN 'DRA BA'I BDAG NYID LAS SKYE BA YOD PA'I PHYIR, SGYU MA'I GLANG PO CHE BZHIN NO, ,YANG NA SO SOR NGES PA'I 'BRAS BU BSKYED NUS PA'I RGYU DANG @120B LDAN PA'I PHYIR SGYU MA'I GLANG PO CHE BZHIN NO, ,'DIR SMRAS PA, KHYOD SKYE BA MED PA BSGRUB PA'I SGO NAS YOD PA NYID 'GOG PAR BYED PAS MED PA NYID KHAS BLANGS SHING CHAD PAR SMRA BA YANG BSGRUB PAR GYUR TO ZHE NA, BSHAD PA, GAL TE KHO BOS BSGRUBS PA'I TSUL GYIS DNGOS PO RNAMS KYI YOD PA NYID BKAG PAS MED PA'I NGO BO NYID BSGRUBS PAR GYUR NA NI DE LTAR YANG 'GYUR BA ZHIG NA GANG GI PHYIR KHO BO MTHA' GNYIS SPANG BA'I TSUL GYIS DBU MA'I LAM STON PA'I SHES PA RTOGS PAR 'DOD PA DE'I PHYIR MED PA NYID KYANG 'GOG PAR BYED DE, DNGOS RNAMS MED CES BYA BA'I BLO, ,DON BZHIN YIN PAR MI 'DOD DE, , RTOG PA'I SGO NAS GRUB PA'I PHYIR, ,MTHO YOR LA NI MI BLO BZHIN, ,ZHES BYA BA NI DNGOS PO RNAMS MED DO ZHES BYA BA'I BLO GANG YIN PA DE YANG DON DAM PAR NI LOG PA YIN TE, CI'I PHYIR ZHE NA, DE YANG RTOG PA'I SGO NAS GRUB PA'I PHYIR DPER NA MUN KHROD DAM THAG RING PO NA 'DUG PA'I SHING RDO LA SOGS PA LA MIR SHES PA'I BLO BZHIN NO, ,YANG NA YANG DAG MA YIN BLOS, ,DMIGS BYA'I DNGOS BDAG 'OG BAR 'DOD, ,RTOG PA'I SHES PA'I YUL YIN PHYIR, ,SMIG RGYU LA NI CHU BLO BZHIN, ,ZHES BYA BA NI YANG DAG PA MA YIN PA'I BLOS DMIGS PAR BYA BA'I DON GYI NGO BO NYID GANG YIN PA DE NI LOG PA YIN GYI YANG DAG PA MA YIN TE, DON JI LTA BA BZHIN MA YIN PA'I RTOG PA SHES PA'I YUL YIN PA'I PHYIR, DPER NA SMIG RGYU LA CHUR 'DU SHES PA YOD DU ZIN KYANG CHU NYID MA YIN PA BZHIN NO, ,GANG DAG 'DI SKAD CES DNGOS PO RNAMS NI GCIG TU YOD PA NYID KYANG MA YIN TE, RGYU'I SKAD CIG MA 'GAG PA'I PHYIR RO, ,GCIG TU MED PA NYID KYANG MA YIN TE, 'BRAS BU'I SKAD CIG MA SKYE BA'I PHYIR RO, ,DE'I BLO YANG YOD MED KYI NGO BO NYID KHO NA'O ZHES ZER BA DE DAG GI PHYIR BSHAD PA, YOD MED BLOS NI RTOGS BYA BA, ,BKAG PHYIR DE BZHIN MKHAS RNAMS KYI, ,RNAM PAR MI RTOG BLO GROS NI, ,SKYE BA MED PA'I TSUL GYIS SKYE, ,ZHES BYA BA NI DNGOS PO RNAMS YOD MED GCIG YIN NO SNYAM PA'I BLO GANG YIN PA DE YANG DE NYID DU NA LOG PA YIN TE, DE YANG RTOG PA'I SGO NYID NAS GRUB PA'I PHYIR, DPER NA MTHO YOR LA 'DI MI'AM MTHO YOR SNYAM DU THE TSOM ZAR ZIN KYANG MI NYID YIN NO SNYAM PA'I BLO LOG PA BZHIN NO, ,DE BZHIN DU YOD MED KYI BLOS DMIGS @121A *, ,PAR BYA BA'I DNGOS PO'I BDAG NYID GANG YIN PA DE YANG DE NYID DU NA LOG PA YIN TE, DE YANG RTOG PA'I SHES PA'I YUL YIN PA'I PHYIR SMIG RGYU LA CHU NYID BZHIN TE, DE LA YANG DANG PO CHU'I BLO SKYE ZHING CHUR MI DMIGS PA NA DE'I BLO YANG MED PA'I PHYIR RO, ,DE'I PHYIR DE LTAR YOD PA DANG MED PA GNYI GA'I BDAG NYID KYI SHES BYA MED PA'I PHYIR DMIGS PA MED PA'I BLO YANG SKYE BA MED LA BLO DE'I SKYE BA MED PA GANG YIN PA DE NYID SKYE BA ZHES NYE BAR GDAGS TE, DMIGS SU MED PA RTOGS PA'I PHYIR RO, ,SKYE BA MED PA NYID NI DE'I RNAM PAR MI RTOG PA NYID YIN PAR SHES PAR BYA'O, ,GAL TE PHA ROL PO DAG 'DI SNYAM DU STONG PA NYID NI DNGOS PO RNAMS KYI NGO BO NYID MED PAR BYED PAS DPER NA THOBS BUM PA LA SOGS PA 'JIG PAR BYED PA DANG, MINGS [?] KYIS SKYE BO ZAD PAR BYED PA LTA BU YIN LA STONG PA NYID DE RANG GI STONG PA NYID MA YIN PAS STONG PA NYID DU RNAM PAR RTOG PA DANG MA BRAL BA'I PHYIR, JI LTAR RNAM PAR MI RTOG PA'I BLO GROS SRID PAR 'GYUR SNYAM DU SEMS PA BSAL BA'I PHYIR BSHAD PA, CHOS RNAMS THAMS CAD STONG PA'I PHYIR, ,DE MI STONG PA'I SGO NAS KYANG, ,MI RTOG BLO GROS MI 'DOD MIN, ,DE NI SNGAR BZHIN BKAG PHYIR RO, ,ZHES BYA BA NI CHOS RNAMS STONG NGO SNYAM PA'I BLO GANG YIN PA DE YANG DON DAM PAR NA LOG PA YIN TE, RTOG PA'I SGO NAS GRUB PA'I PHYIR DPER NA MTHO YOR LA MI'I BLO BZHIN NO, ,DE BZHIN DU STONG PA NYID KYI BLOS DMIGS PAR BYA BA'I DNGOS PO'I BDAG NYID GANG YIN PA DE NI LOG PA YIN TE, RTOG PA'I SHES PA'I YUL YIN PA'I PHYIR DPER NA SMIG RGYU LA CHUR SHES PA BZHIN NO ZHES SNGA MA BZHIN DU DE YANG BKAG PA'I PHYIR RNAM PAR MI RTOG PA'I BLO GROS MI SRID PA MA YIN TE, 'O NA JI LTA ZHE NA, SRID PA KHO NA YIN NO, ,MDO SDE LAS STONG PA NYID STONG PA NYID CES GSUNGS PA'I RJES SU 'JUG PA'I PHYIR BSHAD PA, GANG PHYIR STONG NYID STONG SOGS KYI, ,NGO BO NYID KYIS STONG DE'I PHYIR, ,MKHAS PA STONG PA NYID LA YANG, ,STONG PA NYID DU LTA MI 'GYUR, ,ZHES BYA BA NI DNGOS PO'I NGO BO NYID MI DMIGS PA'I PHYIR STONG PA NYID YIN LA DE YANG NGO BO NYID KYIS DMIGS SU MED PA DANG DNGOS PO MED PA YIN PAS MKHAS PA RNAMS DE LA STONG PA NYID YIN NO ZHES STONG PA NYID KYI DNGOS POR GYUR PAR MI LTA BAS STONG PA NYID DU @121B YANG RNAM PAR RTOG PAR MI BYED DO, ,GANG YANG YOD PA MA YIN PA DE LA DNGOS POR 'DZIN PAR BYED PA DE DAG NI SMAD PAR 'GYUR TE, JI SKAD DU, GANG STONG PA NYID DU LTA BA DE NI GSOR MI RUNG BAR NGA SMRA'O ZHES GSUNGS PA LTA BU'O, ,CI STE 'DI SNYAM DU STONG PA NYID GANG YIN PA DE NI DE BZHIN NYID YIN TE, DE NI SNANG BA MED PA DANG DNGOS PO MED PA'I NGO BO NYID YIN NA, DE LA DMIGS PA BDE BAR GSHEGS PA'I YE SHES DE YANG DON JI LTA BA BZHIN NYID MA YIN PAR 'GYUR RAM CI ZHES BYA BAR SEMS PA DAG GI PHYIR BSHAD PA, DNGOS PO'I BDAG NYID SNANG MED NA, ,MI RTOG BLO YI SPYOD YUL YANG, ,DON BZHIN MA YIN DMIGS BYA'I PHYIR, , CHU ZLA LA NI ZLA BLO BZHIN, ,ZHES BYA BA NI CHU ZLA LA YANG MNGON SUM GYI BLO RNAM PAR RTOG PA SKYE BA MED PA'I PHYIR DMIGS PAR BYA BA NYID DU MTHUN PAS LOG PA YIN PA DE BZHIN DU SNANG BA MED PA'I YE SHES KYI SPYOD YUL YANG LOG PA NYID YIN TE, 'DIR KHUNGS NI MDO SDE LAS, BYANG CHUB KYANG RMI LAM LTA BU DANG SGYU MA LTA BU'O ZHES GSUNGS PA LTA BU YIN NO, ,GZHAN YANG, RNAM PAR MI RTOG DON YUL GYI, ,BLO RNAMS RTOG PA MED PA'ANG BRDZUN, ,BDAG MED LA SOGS NGO BO'I PHYIR, ,DPER NA RNAM RTOG BCAS BLO BZHIN, ,ZHES BYA BA NI RNAM PAR MI RTOG PA'I BLO'I DON GYI YUL SNANG BA MED PA ZHES BYA BA GANG LA YOD PA'I BLO RNAM PAR RTOG PA MED PA DE YANG LOG PA YIN TE, BDAG DANG BDE BA LA SOGS PAR RNAM PAR RTOG PA SPANGS SU ZIN KYANG, BDAG MED PA DANG SDUG BSNGAL BA LA SOGS PAR RNAM PAR RTOG PA'I NGO BO NYID YIN PA'I PHYIR, DPER NA RNAM PAR RTOG PA DANG BCAS PA'I BLO GZHAN BZHIN NO, ,GAL TE 'DI SKAD CES GZHAN GYI PHYOGS SU 'BYIN PA'I PHYIR DANG, RANG GI PHYOGS MI 'DZIN PA'I PHYIR CO 'DRI BA NYID DU MA GYUR TAM ZHE NA, DE'I PHYIR RANG GI GRUB PA'I MTHA' LAS GRAGS PA'I DE NYID DANG, DE THUGS SU CHUD PA'I STON PA PHYOGS NYID DU GZHAG PAR BYA STE, SHES BYA RNAM KUN MA GRUB PHYIR, ,GANG LA RNAM PAR MI RTOG PA'I, ,BLO YANG SKYE BAR MI 'GYUR BA, ,DE NYID MNYAM MED DE MKHYEN GSUNGS, ,ZHES BYA BA NI 'DAS PA DANG MA 'ONGS PA DANG DA LTAR BYUNG BA DANG BRJOD PAR BYA BA MA YIN PA DANG, 'DUS MA BYAS PA ZHES BYA BA RNAM PA LNGA PO BSTAN PA DE DAG RNAM PA THAMS CAD DU NGO BO NYID YONGS SU MA GRUB PA'I PHYIR @122A *, ,YUL GANG LA RNAM PAR MI RTOG PA'I BLO DMIGS PA MED PA YANG SKYE BAR MI 'GYUR BA'I DON DAM PA DE NYID GZHAN GYI DRING MI 'JOG PA RNAM PAR MI RTOG PA, ZHI BA MTSAN NYID MED PA THA DAD PA NYID MA YIN PA SKYE BA MED PA 'GAG PA MED PA DNGOS PO MED PA MNGON PAR 'DU BYA BA MED PA BRJOD DU MED PA, MNYAM PA MED PA NYID YIN PAR DE MKHYEN PA'I THAMS CAD MKHYEN PA GSUNG NGO, ,DE RTOGS PHYIR NA GANG ZHIG LA, ,BLO SKYE MED PA SANGS RGYAS DNGOS, ,RNAM RTOG GNYID NI SANGS PHYIR DANG, ,RTOG PA MED PAS RGYAS PHYIR RO, ,ZHES BYA BA NI DE NYID RNAM PA DE LTA BU DE RTOGS PA'I PHYIR GANG LA BLO SKYE BA MED PA DE NI SANGS RGYAS DNGOS ZHES BYA STE, RNAM PAR RTOG PA'I GNYID SANGS PA'I PHYIR DANG, SHES BYA DMIGS SU MED PAS RTOG PA MED PA NYID KYIS BLO RGYAS PA'I PHYIR TE, RTOG PA MED PA NYID RTOGS PA'O ZHES NYE BAR GDAGS BA BYAS PA'I PHYIR RO, ,'O NA RTOG PA DE NYE BAR BTAGS PAR 'GYUR TE, CHU LA ME NYID DU NYE BAR BTAGS PA LTA BUR MI 'GYUR RAM ZHE NA, NYE BAR BTAGS PA MA YIN TE, DE LAS GZHAN PA'I DNGOS PO MED PA'I PHYIR RNAM PAR SHES PA LA BDAG NYID DU BRJOD PA BZHIN NO, ,'O NA JI LTAR DE NYID RTOGS PAS MDZAD PA NYID YIN ZHE NA, GNYID LOG PA LTA BU'I RNAM PAR RTOG PA YANG DAG PA MA YIN PA DANG BRAL NA GNYID SANGS BA LTA BU DANG, DMIGS SU MED PA YANG DAG PA'I DON JI LTA BA BZHIN RTOGS PAS BLO RGYAS PA'I PHYIR RO, ,YONGS SHES BYA SOGS MTHAR THUG DANG, ,MNYAM NYID RTOGS PAR GYUR PA DANG, ,SPRUL PA DAG GIS SKAL LDAN GYI, ,BLO YI PADMA KHA 'BYED PHYIR, ,SANGS RGYAS ZHES BYA'O ZHES BYA BAR SBYAR RO, ,DE LA GTZUG LAG GSUM GYI TSUL GYIS KUN RDZOB TU YONGS SU SHES PAR BYA BA LA SOGS PA MTHAR THUG PA'I PHYIR SANGS RGYAS ZHES BYA STE, YONGS SU SHES PAR BYA BA DANG SPANG BAR BYA BA DANG, MNGON SUM DU BYA BA DANG, BSGOM PAR BYA BA'I RNAM PAS SDUG BSNGAL BA DANG KUN 'BYUNG BA DANG 'GOG PA DANG, LAM MTHAR THUG PA BRNYES PA'I BLO GANG GIS 'PHAGS PA'I BDEN PA BZHI PO DAG YONGS SU SHES PA DANG SPANGS PA DANG MNGON SUM DU MDZAD PA DANG, BSGOM PA THUGS SU CHUD PA DES 'PHAGS PA'I BDEN PA BZHI RTOGS PA'I PHYIR SANGS RGYAS ZHES BYA STE, JI SKAD DU, YONGS SU @122B SHES BYA YONGS SHES SHING, ,SPANG BYA SPANGS SHING MNGON SUM BYAS, ,BSGOM BYA DAG NI BSGOMS PAS NA, ,DE PHYIR BZOD LDAN NGA SANGS RGYAS, ,ZHES GSUNGS PA LTA BU'O, ,THEG PA CHEN PO'I TSUL GYIS NI MNYAM PA NYID RTOGS PAR 'GYUR BA'I PHYIR SANGS RGYAS ZHES BYA STE, JI SKAD DU SHES RAB KYI PHA ROL TU PHYIN PA CHEN MO LAS, SDUG BSNGAL SHES PAS YONGS SU MYA NGAN LAS MI 'DA' ZHING SDUG BSNGAL GYIS KYANG MI 'DA'O, ,KUN 'BYUNG BA SHES PAS YONGS SU MYA NGAN LAS MI 'DA' ZHING KUN 'BYUNG BAS KYANG MI 'DA'O, ,'GOG PA SHES PAS YONGS SU MYA NGAN LAS MI 'DA' ZHING 'GOG PAS KYANG MI 'DA'O, ,LAM SHES PAS YONGS SU MYA NGAN LAS MI 'DA' ZHING LAM GYIS KYANG MI 'DA' STE, 'DI LTAR 'PHAGS PA'I BDEN PA BZHI PO 'DI DAG GI MNYAM PA NYID GANG YIN PA DE NI NGAS RNAM PAR BYANG BA YIN PAR BSTAN TE, MNYAM PA NYID NI DE BZHIN NYID, ,CES BYA BA LA SOGS PA GSUNGS PA DAG GIS NGES PAR GZUNG NGO, ,YANG STONG GSUM GYI STONG CHEN PO'I 'JIG RTEN GYI KHAMS KYI STENG NA 'OG MIN ZHES BYA BA'I GZHAL MED KHANG 'JIG RTEN LAS 'DAS PA'I DGE BA'I RTZA BA MCHOG KHYAD PAR DU 'PHAGS PA BLA NA MED PA LAS NGES PAR BYUNG BA'I DKYIL 'KHOR NA BYANG CHUB SEMS DPA' 'DOD PA TZAM GYIS MNGON PAR RDZOGS PAR 'TSANG RGYA BA'I MTHU YOD PA DKRIGS PA DAG GIS MCHOD CING, BDE BAR GSHEGS PA PHYOGS BCU NA BZHUGS PA MTHA' YAS PA DAG GI PHYAG GIS BLA NA MED PA'I DAM PA'I CHOS KYI RGYAL SRID LA MNGA' GSOL BA'I COD PAN DBU LA GSOL BA, LEGS PAR SPYOD PA BSKAL PA GRANGS MED PA GSUM DU YANG DAG PAR BSAGS PA DPAG TU MED PA DAG GIS NYON MONGS PA CAN GYI MUN NAG RAB 'BYAM MTHA' YAS PA RAB TU BCOM STE, YID BZHIN GYI NOR BU DANG DPAG BSAM GYI SHING MTHU SNA TSOGS DANG LDAN PA LTAR, RANG BYUNG GI YE SHES SKAD CIG GCIG GIS CHOS THAMS CAD MNYAM PA NYID DU MKHYEN PA RNAM PAR MI RTOG PA SGRIB PA MED PA PHYIN CI MA LOG PAS RANG GIS DE NYID GNYIS SU MED PA GZHAN GYI DRING MI 'JOG PA RNAM PAR MI RTOG PA ZHI BA THA DAD PA NYID MA YIN PA, DMIGS SU MED PA'I BDAG NYID THUGS SU CHUD BA NI SANGS RGYAS ZHES BYA'O, ,DE NYID @123A *, ,NA BZHUGS BZHIN DU 'DZAM BU'I GLING BYE BA PHRAG BRGYA DAG TU DGA' LDAN GYI PHO BRANG NA BZHUGS PA THOG MAR MDZAD DE, 'PHO BA DANG, LHUMS SU 'JUG PA DANG, LHUMS NA BZHUGS PA DANG, BLTAMS PA DANG, GZHON NU ROL PA DANG, BTZUN MO'I 'KHOR GYI NANG NA BZHUGS PA DANG, MNGON PAR 'BYUNG BA DANG, DKA' BA SPYOD PA DANG, BYANG CHUB KYI SNYING POR GSHEGS PA DANG, BDUD 'DUL BA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR BSKUL BA DANG, YONGS SU MYA NGAN LAS 'DAS PA CHEN PO STON PA LA SOGS PA'I SPRUL PA DAG GIS SEMS CAN TSE RABS GZHAN DAG TU DAD PA LA SOGS PA'I DGE BA'I RTZA BA RGYA CHEN PO NYE BAR BSAGS PAS NYE BAR BRTEN PA, RGYU YONGS SU SMIN PA SKAL BA DANG LDAN PA RNAMS BLO'I PADMA KHA 'BYED PAR MDZAD PA'I PHYIR YANG SANGS RGYAS ZHES BYA STE, JI SKAD DU, RDZOGS SANGS RGYAS RNAMS 'OG MIN GYI, ,PHO BRANG DGYES PA SDIG PA KUN, ,RNAM SPANGS DER NI 'TSANG RGYA ZHING, ,SPRUL PA DAG GIS 'DIR 'TSANG RGYA, ,ZHES GSUNGS PA DANG, DE BZHIN DU SHES RAB KYI PHA ROL TU PHYIN PA 'BUM PA LAS BYANG CHUB SEMS DPA'I SHES RAB KYI STOBS NI DBANG PHYUG CHEN PO'I LHA'I 'JIG RTEN DU SKYES SHING GNAS PA MNGON PAR RDZOGS PAR 'TSANG RGYA'O, ,SHES RAB KYI KHYAD PAR NI BYANG CHUB KYI SNYING POR 'GRO BA NYID DO ZHES GSUNGS PA DAG GZUNG BAR BYA'O, ,SANGS RGYAS DE NYID DON GYI KHYAD PAR GANG GIS RDZOGS PA'I SANGS RGYAS ZHES BYA BA LA SOGS PA'I SGRAR BRJOD PAR BYA BA DE DAG KYANG BSTAN PAR BYA STE, CHOS RNAMS MTSAN NYID THA DAD PAS, ,BSKYED DANG DGAG PA MA MDZAD PAR, ,MNYAM PA NYID KYIS MNYAM NYID DANG, ,BDAG GZHAN BDAG NYID MNYAM PA NYID, ,DMIGS MED NYID DU RDZOGS RGYAS SHING, ,RDZOGS SANGS RGYAS MED SANGS RGYAS PAS; ,LHA MIR BCAS PA'I 'JIG RTEN NA, ,DE NI RDZOGS SANGS RGYAS ZHES BRJOD, ,CES BYA BA NI CHOS RNAMS KYI MTSAN NYID SRA BA NYID DANG, GSHER BA NYID DANG, TSA BA NYID DANG, YANG ZHING G-YO BA NYID LA SOGS PA'I DBYE BAS THA DAD PA DU MA NGAG MTSAN NYID MED PAR MTSAN NYID GCIG PA MNYAM @123B PA NYID DU THUGS SU CHUD CING BSKYED PA DANG, DGAG PA MA MDZAD PAR BDAG DANG, GZHAN DANG, GNYI GA DANG, RGYU MED PA DANG, YOD PA DANG, MED PA LAS SKYE BA MED PA'I PHYIR SKYE BA MED PA DANG, 'GAG PA MED PAR MNYAM PA NYID KYIS MNYAM PA NYID DANG, BDAG DANG GZHAN GYI BDAG NYID MNYAM PA NYID KYANG GZUNG BA DANG 'DZIN PAR RNAM PAR RTOG PA MED PAS SHES BYA DANG, SHES PA DBYER MED PA'I TSUL GYIS, DMIGS PA MED PA NYID DU RDZOGS PAR SANGS RGYAS SHING RDZOGS PAR SANGS RGYAS PA MED PA'I TSUL DU RDZOGS PAR SANGS RGYAS PAS, DE'I PHYIR LHA DANG MIR BCAS PA'I 'JIG RTEN NA DE NI RDZOGS PA'I SANGS RGYAS ZHES BRJOD DO, ,CHOS RNAMS BSAL DANG GZHAG MED PHYIR, ,CHOS NYID JI LTA DE BZHIN DU, ,GANG PHYIR DE NI GSHEGS GYUR PA, ,DE PHYIR DE NI DE BZHIN GSHEGS, ,ZHES BYA BA NI CHOS RNAMS KYI RANG BZHIN GANG YIN PA DE NI 'JIG PA'I BDAG NYID MA YIN PAS BSAL BA MED PA'I PHYIR DANG, THER ZUG TU GNAS PA'I BDAG NYID MA YIN PAS GZHAG PA MED PA'I PHYIR DE BZHIN GSHEGS PA RNAMS BYUNG YANG RUNG MA BYUNG YANG RUNG, CHOS RNAMS KYI CHOS NYID DE NI GNAS PA NYID YIN PAS DE LA CUNG ZAD KYANG SEL BA DANG GZHOG PAR MI MDZAD PAR CHOS NYID JI LTA BA DE BZHIN DU MKHYEN PA'I PHYIR DE BZHIN MKHYEN PA ZHES BYA'O, ,YANG NA DE BZHIN BZHUD PA'I PHYIR DE BZHIN GSHEGS PA STE, GANG GI PHYIR DE NI CHOS NYID DE LAS MA GOL BAR NGO BO NYID MED PAR MNYAM PA NYID DU RTOGS PAR GSHEGS PAR GYUR PA DE'I PHYIR DE NI DE BZHIN GSHEGS PA ZHES BRJOD DO, ,DE NYID KYI RNAM GRANGS GZHAN BRJOD PAR BYA BA NYID BSTAN PA'I PHYIR, RTOGS BYA GTAN DANG MA LUS DANG, ,MTHAR LHUNG RNAM PAR SPANGS PA DAG ,RTOG MED TSUL GYIS RTOGS PA YIS, ,BDE GSHEGS PHYIR NI BDE BAR GSHEGS, ,ZHES BYA BA SMRAS TE, 'DIR GTAN DU ZHES BYA BA'I SGRA 'DIS NI YANG BZLAS MI DGOS PA'I DON BSTAN TE, RIMS NAD LEGS PAR BYANG BA BZHIN NO, ,MA LUS PAR ZHES BYA BA'I SGRA 'DIS NI MTHA' DAG GI DON BSTAN TE, BUM PA GANG BA BZHIN NO, ,MTHAR LHUNG BA RNAM PAR SPANGS PA ZHES BYA BA'I SGRA 'DIS NI LEGS PA'I DON BSTAN TE GZUGS BZANG BA BZHIN NO, ,GSHEGS ZHES BYA BA'I SGRA @124A *, ,NI RTOGS PA DANG SONG BA'I DON RNAM PA GNYIS SU 'DREN TE, DE LA RTOGS PA NI PHUNG PO DANG, KHAMS DANG SKYE MCHED KYI MTSAN NYID KYI SHES BYA GTAN DU DANG, MA LUS PAR DANG, MTHAR LHUNG BA RNAM PAR SPANGS PA DAG RTOG PA MED PA'I TSUL GYIS RTOGS PAR GSHEGS SHING RTOGS PA'I PHYIR NA BDE BAR GSHEGS PA ZHES BYA'O, ,SONG BA NI LAM GTAN DU LEGS PAR BSGOMS PA'I PHYIR LAS DANG NYON MONGS PA CHUNG NGU'I CHUNG NGU NYID LA SOGS PA'I RNAM PA DAG MA LUS PAR YONGS SU ZAD PAS SRID PAR 'GRO BA DAG TU MTHAR LHUNG BA MED PAR YANG DAG PAR DRUNGS PHYUNG BA'I PHYIR GSHEGS PA MED PA'I TSUL GYIS BLA NA MED PA'I CHOS KYI SKU'I GNAS SU GSHEGS PA'I PHYIR BDE BAR GSHEGS PA ZHES BYA'O, ,GZHAL MED GZHAL YAS RTOGS PA'I PHYIR, ,GRANGS MED GZUNG DU MED PA'I PHYIR, ,BSAM YAS SEMS YUL MA YIN PHYIR, ,BSTAN MIN BSTAN DU MED PA'I PHYIR, ,ZHES BYA BA LA 'DIR SKAD CIG GCIG GIS CHOS THAMS CAD MNYAM PA NYID DU MKHYEN PA'I YE SHES ZHES BYA BA'I SANGS RGYAS SNGAR BSTAN PA DE NI CHOS CAN NO, ,DE NI GZHAL DU MED PA YIN NO ZHES BYA BA NI DE'I CHOS SO, ,GZHAL YAS RTOGS PA'I PHYIR ZHES BYA BA NI GTAN TSIGS TE, DE LA RTOGS PAR BYA BA'I CHOS KYI DBYINGS MU MED PA'I MTSAN NYID GZHAL YAS PA MNGA' BA'I PHYIR RO, ,NAM MKHA' BZHIN NO ZHES 'OG NAS 'BYUNG BA NI DPE YIN NO, ,DE NYID GRANGS MED PA YIN TE, GZUNG DU MED PA'I PHYIR RO, ,'DI LTAR DE NI DMIGS SU MED PA'I PHYIR GZUNG DU MED DO, ,DMIGS SU YOD PA'I RDZAS LA NI GCIG LA SOGS PA'I GRANGS SU BRJOD PAS GZUNG DU YOD PAR 'GYUR GYI, DE NI CHOS THAMS CAD RAB TU RNAM PAR 'BYED PA'I MTSAN NYID KYI SHES RAB KYI SPYOD YUL YANG MA YIN TE, DE BZHIN NYID KYI NGO BO NYID YIN PA'I PHYIR RO, ,DE NYID BSAM YAS PA YIN TE, RNAM PAR SHES PA'I TSOGS DRUG PO DAG GI SEMS KYI YUL MA YIN PA'I PHYIR RO, ,DE NI CHOS KYI SKYE MCHED KYANG MA YIN ZHING DE CHOS KYANG MA YIN, CHOS MA YIN PAS MA YIN LA, GNYI GAR YANG THA SNYAD GDAGS SU MED PA'I PHYIR RO, ,DE NYID BSTAN PAR BYA BA YANG MA YIN TE, BSTAN DU MED PA'I PHYIR RO, ,DE LA @124B RIGS MTHUN PA'I DON GZHAN MED PAS DPER NA, 'DI LTA BU ZHES DPE BSTAN PAR MI NUS PA'I PHYIR RO ZHES BYA BA'I THA TSIG GO, ,BRTAG MED DE NI 'DI'O ZHES, ,RNAM KUN BRTAG TU MED PA'I PHYIR, ,ZHES BYA BA YANG DE NI BRTAG PAR BYA BA MA YIN TE, DE NI 'DI'O ZHES RNAM PA KUN DU BRTAG TU MED PA'I PHYIR RO, ,'DI LTAR KHA DOG DANG DBYIBS DAG LA NI DE NI 'DI'O ZHES BRTAG TU RUNG GI ,DE NI KHA DOG DANG DBYIBS KYI BDAG NYID MA YIN PA'I PHYIR SNGON PO DANG SER PO DANG, DMAR PO DANG DKAR PO DANG RING PO DANG THUNG NGU DANG, MTHON PO DANG, DMA' BA LA SOGS PA'I RNAM PA THAMS CAD KYIS BRTAG PAR MI NUS PA'I PHYIR RO, ,GSAL MIN GSAL BYED MED PA'I PHYIR, ,ZHI BA GNOD PA MED PA'I PHYIR, ,ZHES BYA BA YANG DE NI GSAL BAR BYA BA MA YIN TE, GSAL BYED MED PA'I PHYIR RO, ,GSAL BYED CES BYA BA NI SKYE BA DANG GNAS PA DANG, 'JIG PA DAG DANG, SKYES PA DANG, BUD MED DANG, MA NING ZHES BYA BA DNGOS PO GZHAN GSAL BAR BYED PA DAG STE, DE LA DE DAG MED PAS DE'I PHYIR GSAL BAR BYA BA MA YIN NO, ,DE NI ZHI BA YIN TE, GNOD PA MED PA'I PHYIR RO, ,'DI LTAR DE NI SKYE BA DANG, RGAS PA DANG, 'CHI BA LA SOGS PA'I GNOD PA MA LUS PA DANG BRAL BA'I PHYIR RO, ,BRTAG PAR BRJOD DE SNANG MED PA'I, ,BDAG NYID NYID KYIS RNAM KUN DU, ,RNAM RTOG MED PAS RTAG PHYIR DANG, ,RTAG TU DON NI RAB BSGRUB PHYIR, ,ZHES BYA BA YANG DE NI RTAG PAR BRJOD PA YIN TE, SNANG BA MED PA'I BDAG NYID NYID KYIS RNAM PA KUN TU RNAM PAR RTOG PA MED PAS RTAG PA'I PHYIR RO, ,'DI LTAR GZUGS KYI MTHA' NI RDUL PHRA RAB KYI CHA SHAS SU SNANG BA MED PAR 'GYUR LA, RDUL PHRA RAB KYI MTHA' PHYOGS CHA THA DAD PA'I PHYIR NI MTHAR SNANG BA MED PAR 'GYUR RO, ,SEMS DANG SEMS LAS BYUNG BA DAG GI GNAS PA'I MTHA' NI SKAD CIG MAR 'JUG PA YIN LA; DE YANG SNGON DANG BAR DANG THA MA'I DUS KYI BYE BRAG GIS SHIN TU CHA PHRA BA'I PHYIR SNANG BA MED PA NYID DU 'GYUR LA, CHOS KYI DBYINGS DE LA DE'I DNGOS PO MED PA'I PHYIR CI ZHIG RTOG NA RNAM PAR RTOG PA'I SHES PA SKYE BAR 'GYUR, RNAM PAR RTOG PA SKYE BA MED NA NGO BO NYID KYIS 'JIG PA MED PA'I PHYIR @125A *, ,DE NI RTAG PA YIN PAR BRJOD DO, ,YANG NA DE NI GANG GI PHYIR RTAG TU SEMS CAN GYI DON RAB TU SGRUB PA'I PHYIR YANG RTAG PAR BRJOD DE, 'DI LTAR MDO SDE DAG LAS, NAM MKHA'I MTHA' CI TZAM PA SEMS CAN GYI MTHA' DANG, LAS DANG NYON MONGS PA'I MTHA' YANG DE TZAM PAR 'KHOR BA'I MTHA' JI SRID KYI BAR DU RGYUN MI 'CHAD PAR SMON LAM CHEN PO MNGON PAR SGRUB PA DAG GIS SEMS CAN GYI DON MDZAD PA'I PHYIR RTAG PAR GSUNGS PA LTA BU'O, ,ZHI BA NGO BO NYID STONG PHYIR, ,MTSAN MA MED PA DNGOS MED PHYIR, MTSAN MA NYID DU MI 'GRO DANG, ,MTSAN MA MED PHYIR DE YANG YIN; ,ZHES BYA BA NI MTSAN NYID JI SKAD BSTAN PA'I SANGS RGYAS ZHES BYA BA'I TSIG GI LHAG MA'O, ,DE NI ZHI BA YANG YIN TE, NGO BO NYID STONG PA'I PHYIR RO, ,'DI LTAR NGO BO NYID DU RTOG PA YOD NA 'BYUNG BA DANG 'JIG PA DANG, 'GRO BA DANG 'ONG BA DANG, TSIG 'JUG PA LA SOGS PA'I BYA BA RGYUN MI 'CHAD PA'I PHYIR DNGOS PO RNAMS BYA BA DANG BCAS PA LTA BUR NGES PAR GZUNG DU RUNG GI ,NGO BO NYID STONG PA NYID LA NI BYA BA THAMS CAD DANG BRAL BA'I PHYIR BYA BA CUNG ZAD KYANG MED PAS DE'I PHYIR DE NI NGO BO NYID STONG PA'I PHYIR ZHI BA YIN NO, ,DE NI MTSAN MA MED PA YANG YIN TE, DNGOS PO'I NGO BO NYID MED PA'I PHYIR RO; ,'DI LTAR NGO BO NYID MED PA KHO NA'I PHYIR YOD PA DANG, MED PA LA SOGS PA'I MTSAN MAR RTOG PAR MI 'JUG PA'I PHYIR RO, ,YANG NA DE NI MTSAN MA MED PA YANG YIN TE, MTSAN MA MED PA NYID DU MI 'GRO BA'I PHYIR DANG, MTSAN MA MED PA'I PHYIR TE, DE NI GZHAN GANG LA YANG MTSAN MA'I NGO BO NYID DU MI 'GRO BA'I PHYIR DANG, RANG YANG MTSAN MAR RTOG PAR MI BYED PA'I PHYIR RO, ,MTSAN MA MED PHYIR SNANG BA MED, ,SNANG MED PHYIR YANG MTSAN MA MED, ,MTSAN MA MED CING SNANG MED PA, ,LTA 'DOD BDAG NYID GROL BAS MTHONG, ,ZHES BYA BA NI GANG KHO NA'I PHYIR DE MTSAN MA MED PA DE KHO NA'I PHYIR SNANG BA MED PA YIN TE, RTAG PA DANG MI RTAG PA DANG YOD PA DANG MED PA LA SOGS PA'I MTSAN MA'I NGO BO NYID DU SNANG BA MED PA'I PHYIR RO, ,GANG GI PHYIR SNANG BA MED PA DE'I PHYIR YANG MTSAN MA MED PA NYID YIN NO, ,GANG DAG DE MTHONG BAR 'DOD PA'I RNAL 'BYOR PA GROL BA'I BDAG NYID CAN DE DAG @125B GIS KYANG SANGS RGYAS DE MTSAN MA MED PA DANG SNANG BA MED PA NYID DU MTHONG STE, JI SKAD DU, BYANG CHUB SEMS DPA' SKYE BA GCIG GIS THOGS PAS NI DE BZHIN GSHEGS PA GZUGS LAS MI MTHONG STE, MTSAN MA LAS MI MTHONG, YON TAN LAS MI MTHONG, CHOS LAS MI MTHONG, CHOS MA YIN PA LAS MI MTHONG NGO ZHES BYA BA LA SOGS PA GSUNGS PA LTA BU'O, ,MI GNAS MTSAN MA MED PA'I PHYIR, ,RNAM PAR MI RTOG MI GNAS PHYIR, ,SPROS MED RNAM PAR MI RTOG PHYIR, ,DMIGS MED DER 'DZIN MED PA'I PHYIR, ,ZHES BYA BA YANG SANGS RGYAS DE NI MI GNAS PA YIN TE, MTSAN MA MED PA'I PHYIR RO, ,'DI LTAR SANGS RGYAS LA NI GZUGS SU RUNG BA DANG MYONG BA DANG MTSAN MAR 'DZIN PA DANG, MNGON PAR 'DU BYED PA DANG, RNAM PAR SHES PAR BYED PA LA SOGS PA'I MTSAN MA 'GA' YANG DMIGS SU MED PA'I PHYIR RO, ,DE NI RNAM PAR MI RTOG PA YIN TE, MI GNAS PA'I PHYIR RO; ,MI GNAS NA CI ZHIG LA RNAM PAR RTOG PAR 'GYUR TE, DE'I PHYIR DE NYID RNAM PAR MI RTOG PA YIN NO, ,DE NI SPROS PA MED PA YIN TE, RNAM PAR MI RTOG PA'I PHYIR RO, ,'DI LTAR RNAM PAR RTOG NA JI LTAR RNAM PAR RTOG PA'I DNGOS PO LA TSIG 'JUG PA NI SPROS PA YIN NA RNAM PAR RTOG PA MED PA LA NI SPROS PA MED PA'I PHYIR RO, ,DE NI DMIGS PA MED PA YIN TE, DMIGS PA DER 'DZIN PA MED PA'I PHYIR RO, ,RNAM PAR RTOG PA MED PA KHO NA'I PHYIR DMIGS PAR 'DZIN PAR MI BYED DO, ,JI SKAD BSTAN PA'I SKABS KYIS SANGS RGYAS DE NYID KYANG JI SKAD BSTAN PA'I TSUL GYIS NA, SKYE BA MED PA RNAM PA MED; ,'GYUR BA MED PA 'OD GSAL BA, ,MNYAM PA MI MNYAM MU MED PA, ,RNAM PAR MI RTOG MTSAN NYID MED, ,CES BYA BA DAG YIN TE, SKYE BA MED PA ZHES BYA BA NI SHES BYA'I NGO BO NYID YONGS SU MA GRUB PAS BLO SKYE BA MED PA'I PHYIR RO, ,RNAM PA MED PA ZHES BYA BA NI KHA DOG DANG DBYIBS KYI BDAG NYID MA YIN PA'I PHYIR RO, ,'GYUR BA MED PA ZHES BYA BA NI BYA BA THAMS CAD NYE BAR ZHI BA'I PHYIR RO, ,'OD GSAL BA ZHES BYA BA NI NYON MONGS PA DANG SHES BYA'I MUN PA DANG BRAL BA'I PHYIR RO, ,MNYAM PA ZHES BYA BA NI STONG PA NYID KYI NGO BO NYID YIN PAS CHOS THAMS CAD DANG MNYAM PA NYID KYI PHYIR @126A *, ,RO; ,MI MNYAM PA ZHES BYA BA NI NYAN THOS DANG RANG SANGS RGYAS LA SOGS PA GZHAN DAG DANG MI MNYAM PA'I PHYIR RO, ,MU MED PA ZHES BYA BA NI CHOS KYI DBYINGS LA DMIGS PA'I PHYIR RO, ,RNAM PAR MI RTOG PA ZHES BYA BA NI MNGON SUM GYI MTSAN NYID YIN PAS RTOG PA DANG RJES SU DRAN PA'I RNAM PAR RTOG PA DAG MI 'JUG PA'I PHYIR RO, ,MTSAN NYID MED PA ZHES BYA BA NI 'BYUNG BA DANG 'BYUNG BA LAS GYUR PA'I MTSAN NYID DAG GIS MTSON PAR BYA BA MA YIN PA'I PHYIR RO, ,DE DAG PHYOGS SU BYAS NAS SNGAR BSTAN PA'I GTAN TSIGS RNAMS DANG SBYAR NAS, MKHA' BZHIN DE LA LTA MED PAR, ,BDAG NYID CHEN PO DE DAG BLTA, ,ZHES BYA BAS PHYOGS DANG PHYOGS KYI CHOS SNGAR BSTAN PA THAMS CAD KYI CHOS MTHUN PA'I DPE NAM MKHA' BZHIN ZHES BYA BA 'DI DANG SBYAR TE, SANGS RGYAS DE LTA BU DE LA BYANG CHUB SEMS DPA' SA BCU PA'I DBANG PHYUG BSOD NAMS DANG YE SHES KYI TSOGS DPAG TU MED PA YANG DAG PAR NYE BAR BSAGS PA BDAG NYID CHEN PO DE DAG LTA BA MED PA'I TSUL GYIS LTA BAR BYED DO ZHES STON TO, ,BYANG CHUB SEMS DPA' DE DAG NYID KYI BSNGAGS PA BRJOD PAR BYA STE, GANG DAG RNAM PAR MI RTOG PA'I, ,GNAS PAS LHUN GRUB DRI MA MED, ,'DUD PAR BYED DANG YID BYED DANG, ,BRJOD LA SOGS PA BSAL BA DAG ,MGON PO LA NI PHYAG 'TSAL BA, ,DE DAG LA YANG GUS PHYAG 'TSAL, ,ZHES BYA BA NI GANG DAG LA LHA'I GNAS PA BSAM GTAN BZHI DANG, TSANGS PA'I GNAS PA TSAD MED PA BZHI SNGAR GOMS PAR BYAS NAS 'PHAGS PA'I GNAS PA STONG PA NYID DANG, MTSAN MA MED PA DANG, SMON PA MED PA'I BDAG NYID RNAM PAR MI RTOG PA'I GNAS PAS RTZOL BA MED PAR LHUN GYIS GRUB PA LAS SKYES PA'I DRI MA MED PA'I MIG YOD PA DE DAG NI JI SKAD BSTAN PA DAG YIN NO, ,'DUD PAR BYED PA ZHES BYA BA NI LUS KYI THAL MO SBYOR BA LA SOGS PA'O, ,YID LA BYED PA ZHES BYA BA NI DE DANG 'BREL BA'I YID NYID DO, ,BRJOD CES BYA BA NI BSTOD RA LA SOGS PA'I TSIG BRJOD PA'O, ,THABS LA MKHAS PAS KUN RDZOB TU LAS RNAM PA GSUM PO DE DAG LA SOGS PA BYED DU ZIN KYANG DON DAM PAR BYED PA PO MED PA'I PHYIR, SUS @126B KYANG LAS DE BYAS PA MED PA'I PHYIR LAS SU RTOG PA BSAL BA DAG ,JI SKAD BSTAN PA'I STON PA MGON PO LA RNAM PA DE LTA BUS PHYAG 'TSAL BA DE DAG LA YANG KHO BOS GUS PAR PHYAG 'TSAL LO ZHES BYA BAR SBYAR RO, ,YANG ZHES BYA BA'I SGRAS NI BYANG CHUB SEMS DPA' RNAM PAR MI RTOG PA'I YE SHES SHIN TU GOMS PAR BYAS PA 'DOD PA TZAM GYIS RTOGS PAR BYA BA YANG DAG PAR RDZOGS PAR BYANG CHUB PAR 'GYUR BA DE DAG LA YANG GUS PAR PHYAG 'TSAL BA NA RNAM PA THAMS CAD MKHYEN PA NYID KYI YE SHES MNGON PAR RDZOGS PAR SANGS RGYAS PA 'JIG RTEN GYI MGON PO GCIG PU DE LA GUS PAR PHYAG 'TSAL BA LTA SMOS KYANG CI DGOS ZHES BYA BA'I DON STON TO,, ,,DBU MA'I SNYING PO'I 'GREL PA RTOG GE 'BAR BA, BAM PO BCU GCIG PA, GAL TE RNAM PA DE LTA BU YIN NA JI LTAR DE SANGS RGYAS DANG BDE BAR GSHEGS PA LA SOGS PA'I TSIG TU BRJOD PA NYID DU RUNG ZHE NA, BSHAD PA, SANGS RGYAS LA SOGS SGRO BTAGS PAS, ,SGRUB DANG RJES SU MTHUN PAR BSTAN, ,DE NYID DU NA RNAM KUN TU, ,RNAM BRTAG MIN PHYIR BRJOD MI 'DOD, ,CES BYA BA NI RTOG PA MED PA'I TSUL GYIS RTOGS PA NYID CES BYA BA LA SOGS PA JI SKAD BSTAN PA DAG GIS SANGS RGYAS LA SOGS PA'I TSIG TU BRJOD PAR BYA BA MA YIN DU ZIN KYANG KUN RDZOB TU CHOS THAMS CAD RTOGS PA'I PHYIR SANGS RGYAS DANG BGROD PAR BYA BAR LEGS PAR GSHEGS PA'I PHYIR, BDE BAR GSHEGS PA DANG, DE BZHIN DU GSHEGS PA'I PHYIR DE BZHIN GSHEGS PA DANG, BSOD NAMS KYI PHUNG PO DPAG TU MED PA YANG DAG PAR NYE BAR BSAGS PA SKAL BA DANG LDAN PA'I PHYIR BCOM LDAN 'DAS DANG, MCHOD PAR 'OS PA'I PHYIR DGRA BCOM PA DANG, GZHAN GYI DRING MI 'JOG PAR MKHYEN PA'I PHYIR RANG BYUNG DANG, BDUD BZHI LAS RNAM PAR RGYAL BA'I PHYIR RGYAL BA DANG, SKU DANG GSUNG DANG THUGS THUB PA'I PHYIR THUB PA ZHES BYA BA LA SOGS PA DAG TU SGRO BTAGS PAS TSUL KHRIMS DANG, TING NGE 'DZIN DANG, SHES RAB DANG, YE SHES ZHES BYA BA DAG GI SGRUB PA DANG RJES SU MTHUN PAR BSTAN PAR ZAD KYI, DON DAM PAR DE NYID DU RNAM PA KUN TU RNAM PAR BRTAG @127A *, ,PAR BYA BA MA YIN PA'I PHYIR, ,BRJOD PAR BYA BA MA YIN PA NYID DU 'DOD DO, ,JI LTAR RNAM PAR BRTAGS PA'I DNGOS PO LA NI RNAM PA'I KHYAD PAR DAG SGRO BTAGS NAS BRJOD PAR BYA BA DAG TU SBYAR DU RUNG GI ,'DI NI YUL NYID DU RNAM PAR BRTAG PAR BYA BA MA YIN PA KHO NA'I PHYIR; 'DI LA TSIG DAG LDOG 'GYUR ZHING, ,'DI NI SEMS KYI SPYOD YUL MIN, ,ZHES BYA BA NI DNGOS PO SO SOR RNAM PAR RIG PA'I MTSAN NYID KYI RNAM PAR SHES PA'I TSOGS DRUG PO DAG GI YUL MA YIN PA'I PHYIR RO, ,'DI NI ZHES BYA BA'I SGRA NI DE NYID DANG YE SHES GNYI GA LA SNYEGS TE, DMIGS PA DANG DMIGS PAR BYED PA MNYAM PA NYID KYIS DE NYID DANG YE SHES GNYIS THA MI DAD PA'I PHYIR RO, ,'DI LA KUN RTOG LDOG 'GYUR ZHING, ,SHES PA 'JUG PAR MI 'GYUR RO, ,ZHES BYA BA NI YID KYI RNAM PAR SHES PAS BRTAG PAR BYA BA MA YIN PA'I PHYIR DANG, RTOG GE'I YUL MA YIN PA'I PHYIR RO ZHES BYA BAR BSAMS SO, ,GRANGS MED BSOD NAMS TSOGS LDAN ZHING, ,SHES BYA MTHA' YAS MKHYEN GYUR PA'I, ,SANGS RGYAS RNAMS KYI CHOS SKU 'DI, ,SPROS PA NYER ZHI ZHI BA YIN, ,ZHES BYA BA NI BSKAL PA GRANGS MED PA GSUM DU BSOD NAMS KYI TSOGS YANG DAG PAR BSAGS PA DANG LDAN ZHING SHES BYA DUS GSUM DANG BRJOD PAR BYA BA MA YIN PA DANG, 'DUS MA BYAS PA MTHA' YAS PA DAG LEGS PAR MKHYEN PAR GYUR PA'I SANGS RGYAS CHOS THAMS CAD KYI NGO BO NYID YONGS SU MA GRUB PA'I PHYIR, YE SHES KYI SKAD CIG MA SKYE BA MED PA'I NGO BO NYID GANG YIN PA SANGS RGYAS SU BSTAN PA DE NYID STOBS DANG, MI 'JIGS PA DANG, MA 'DRES PA LA SOGS PA SANGS RGYAS KYI CHOS RNAMS KYI GZHIR GYUR PA'I PHYIR SANGS RGYAS RNAMS KYI CHOS KYI SKU YIN TE, 'DI NI TSIG TU BRJOD PA THAMS CAD NYE BAR ZHI BA'I PHYIR SPROS PA NYE BAR ZHI BA YIN LA, RANG NYID BSNYENGS PA DANG BRAL BA'I PHYIR DANG, GZHAN DAG GI 'JIGS PA SEL BA'I PHYIR ZHI BA YIN TE, DE BZHIN GSHEGS PA'I YE SHES KYI PHYAG RGYA'I MDO LAS, YANG DAG PA GANG YIN PA DE NI DE BZHIN GSHEGS PA'I SKU STE, DE NI MIG GI LAM THAMS CAD LAS YANG DAG PAR 'DAS PA'O, , @127B DE NI SKU MED PA DANG, MA BYAS PA DANG, MA BYUNG BA DANG, MA 'GAGS PA DANG, 'DUS PA LAS MA BYUNG BA DANG, MA SKYES PA DANG, MA BZHUGS PA DANG, MNGON PAR MA GRUB PA DANG, MTHA' YAS PA DANG, MU MED PA DANG, ZHI BA DANG, RAB TU ZHI BA'O ZHES BYA BA LA SOGS PA JI SKAD GSUNGS PA LTA BU'O, ,DE NYID RIGS PAS BSGRUB PAR BYA STE, SHA YI MIG GIS DE BLTA MIN, ,LHA YI MIG GIS BLTA MA YIN, ,RTOG BCAS RNAM RTOG MED PA YI, ,SHES PAS KYANG NI MTHONG BAR DKA', ,ZHES BYA BA NI GANG DAG DE BZHIN GSHEGS PA NI THAG RING BA DANG BSGRIBS PA'I PHYIR MI MTHONG NGO SNYAM DU RTOG PA DANG, GZHAN DAG DE BZHIN GSHEGS PA DE THAG NYE NA MTHONG NGO SNYAM DU RTOG PA DE DAG GI PHYIR SHA'I MIG GIS DE BLTA BA MA YIN PA NYID KYIS YUL NA MI GNAS PA NYID DU STON TE, SHA'I MIG DRI MA MED PA NI BSGRIBS PA DANG SKAL BA DAG LA YANG 'JUG PA'I PHYIR RO, ,LHA'I MIG GIS BLTA BA MA YIN PA NYID NI DE LA GZUGS CHA PHRA BA YANG MED PA'I PHYIR TE, LHA'I MIG GIS NI SRID PA BAR MA'I PHUNG PO SHIN TU CHA PHRA BA YANG MTHONG BA'I PHYIR RO, ,RTOG PA DANG BCAS PA NI RJES SU DPAG PA'I SHES PA STE, RTOG PA DANG RJES SU DRAN PA'I RNAM PAR RTOG PA YOD PA'I PHYIR RO, ,RNAM PAR RTOG PA MED PA NI MNGON SUM GYI SHES PA STE, DNGOS PO TZAM LA DMIGS PA'I PHYIR RO, ,SHES PA DE NYID KYIS KYANG MTHONG BAR DKA' BA'I PHYIR RNAM PA THAMS CAD DU SHES PA THAMS CAD KYI YUL MA YIN PA NYID DU BSTAN TO, ,DE NYID KYI PHYIR, MTHO RIS SDIG CAN YUL MIN DANG, ,NYON MONGS MED PA DE BCAS MIN, ,NYI MA DMUS LONG YUL MIN LTAR, ,DE YANG RTOG GE'I SPYOD YUL MIN, ,ZHES BYA BA LA MTHO RIS ZHES BYA BA'I TSIG GI PHRAD NI BDAG GIR 'DZIN PA'I TSIG YIN TE, DE DANG BRAL BA'I PHYIR MTHO RIS TE LHA'I GNAS SO, ,DE NI DGE BA'I LAS KYI 'BRAS BU YIN PA'I PHYIR SDIG CAN RNAMS KYIS BSGRUB PAR BYA BA NYID KYANG MA YIN NA DE DAG GI SPYOD YUL DU MI 'GYUR BLTA SMOS KYANG CI DGOS, NYON MONGS PA ZHES BYA BA NI 'KHOR BA'I NYES RTZOM THAMS CAD KYI RGYU YIN TE, NYON MONGS PA RNAMS SO, ,NYON MONGS PA MED PA NI DE @128A *, ,DAG SKYE BAR BYA BA'I BSAM GTAN NO, ,DE NI NYON MONGS PA DE DANG BCAS PA RNAMS KYIS SKYED PAR MI NUS SO, ,NYI MA NI DMUS LONG RNAMS KYIS MA MTHONG MI MTHONG MTHONG BAR MI 'GYUR TE, DE DAG GI YUL MA YIN PA DE BZHIN DU CHOS KYI SKU DE YANG RANG DANG GZHAN GYI SDE PA'I RTOG GE BA 'BAD PA'I BLO GROS CAN RNAMS KYIS RJES SU DPAG PAS KYANG MTHONG BAR MI NUS TE, DE DAG GI SPYOD YUL MA YIN NO, ,CI'I PHYIR DE DAG GIS MI MTHONG ZHE NA, GANG GI PHYIR DE NI, YOD MIN MED MIN YOD MED MIN, ,DE LAS GZHAN MIN GZHAN MA YIN, ,ZHES BYA BA LA DE NI GZUGS LA SOGS PA BZHIN DU YOD PA MA YIN TE, YOD PA'I BLO'I SPYOD YUL MA YIN PA'I PHYIR RO, ,RI BONG GI RVA LA SOGS PA BZHIN DU MED PA YANG MA YIN TE, MED PA'I BLO'I YUL MA YIN PA'I PHYIR RO, ,YOD MED KYANG MA YIN TE, GNYI GA'I BLOS NGES PAR GZUNG DU MED PA'I PHYIR RO, , DE DAG LAS GZHAN PA YANG MA YIN TE, YOD PA LA SOGS PA DAG LAS GZHAN PA'I MTSAN NYID MED PA'I PHYIR RO, ,GZHAN PA YANG MA YIN TE, KUN RDZOB TU RNAM GRANGS LAS DE NYID YOD PA LA SOGS PA DAG TU BRJOD PAR BYA BA YIN PA'I PHYIR RO, ,DE JI LTAR YOD PA NYID YIN ZHE NA, STOBS DANG, MI 'JIGS PA DANG, SANGS RGYAS KYI CHOS MA 'DRES PA 'DUS PA'I BDAG NYID YIN PA'I PHYIR RO, ,JI LTAR MED PA NYID YIN ZHE NA, RGYU DANG RKYEN GYI TSOGS PA THA DAD PA DAG LA NGO NYID MED PA'I PHYIR RO, ,JI LTAR YOD MED NYID YIN ZHE NA, GNYI GA DANG 'BREL PA LAS NYE BAR GDAGS PA'I PHYIR RO, ,MU STEGS CAN DAG GIS YONGS SU BTAGS PA'I BDAG DAM PA YANG RNAM PAR RTOG PA MED PA DANG, RTAG PA DANG 'GYUR BA MED PA DE LTA BU'I RNAM PA NYID DU 'DOD NA DE LAS CHOS KYI SKU 'DI KHYAD PAR CI YOD CE NA, DE NI DE DAG NI PHRA BA NYID KYI YON TAN DANG LDAN PA'I PHYIR PHRA BAR BSTAN CING CHEN PO NYID KYI YON TAN DANG LDAN PA'I PHYIR NI CHEN POR BSTAN, GCIG PA NYID KYI YON TAN DANG LDAN PA'I PHYIR NI GCIG TU BSTAN, ,THAMS CAD DU SONG BA'I PHYIR NI RING BA DANG NYE BA LA KHYAB PAR BSTAN GYI, CHOS KYI SKU NI, PHRA BA MA YIN CHEN PO MIN, ,GCIG MIN RING MIN NYE BA'ANG MIN, , @128B ZHES BYA BA NI DE YON TAN CAN MA YIN PA'I PHYIR DANG YUL NA MI GNAS PA'I PHYIR RO, ,DE BZHIN DU RNAM PAR MI RTOG PA'ANG SKYES BUR SMRA BA DAG NI SKYES BU 'GRO BA SKYE BA'I RGYU YIN PAR 'DOD LA, GTZO BOR SMRA BA DAG NI GTZO BO 'GRO BA MTHA' DAG GSAL BAR BYED PA'I RGYU YIN PAR 'DOD PAS CHOS KYI SKU NI DE DAG DANG MTSAN NYID MI 'DRA BA NYID DU BSTAN PA'I PHYIR, BSHAD PA, DE LA CUNG ZAD JI LTAR YANG, ,SKYE BA MED CING GSAL BA MED, ,CES BYA BA NI DNGOS PO MED PA NYID LA RGYU NYID DANG GSAL BYED NYID MED PA'I PHYIR RO ZHES BYA BA'I THA TSIG GO , ,DE BZHIN DU GROL BA'I BDAG KYANG 'JIG RTEN GYI MTHAR SONG NAS 'JIG RTEN 'DUS PA ZHES BYA BA'I THAR PA NA GNAS LA, SKYES BU MUN PA'I MTHAR GYUR PA MTHONG NA DER BAG LA ZHA BAR 'DOD KYI, 'DI NI BLTA BAR BYA BA MA YIN ZHING MTHONG BA MED DE, 'DI LA 'GA' YANG GNAS PA MED, ,'GA' YANG BAG LA ZHAR MI 'GYUR, , ZHES BYA BA NI GROL BA'I LAM YANG DAG PAR BSKYED PA DE YANG DE KHO NA BZHIN DU SNANG BA MED PA NA RANG DANG GZHAN DMIGS SU MED PA'I PHYIR GAR YANG GNAS PA DANG BAG LA ZHA BAR 'GYUR BA MED DO, ,TSANGS PAR SMRA BA DAG TSANGS PA NI 'JIG RTEN THAMS CAD KYI DAM PA DANG, 'GRO BA RNAMS KYI MES PO YIN PAR 'DOD PAS DE LAS 'DIR KHYAD PAR DU 'PHAGS PA NYID YIN PAR BSTAN PA'I PHYIR BSHAD PA, TSANGS LA SOGS PA GANG MI RTOGS, ,DE NI TSANGS PA DAM PA YIN, ,ZHES BYA BA NI TSANGS PA DANG, KHYAB 'JUG DANG, DBANG PHYUG CHEN PO LA SOGS PA DE NYID MTHONG BA'I MNGON PA'I NGA RGYAL DANG LDAN PA DMIGS PA'I LTA BA CAN DAG GIS GANG MI RTOGS PA DE NI TSANGS PA DAM PA YIN TE, TSANGS PA ZHES BYA BA'I SGRA 'DI SKYE DGU'I BDAG PO DANG, MYA NGAN LAS 'DAS PA GNYI GA LA YANG SNYEGS MOD KYI 'DIR NI MYA NGAN LAS 'DAS PA NYID YIN PAR GZUNG NGO, DE NI DE DAG GIS RTOGS PAR MI RIGS TE, DMIGS PA CAN GYI SHES PAS BLTA BAR BYA BA MA YIN PA'I PHYIR RO, ,GANG DAG GIS MI BSLU BA'I TSIG GI DBANG DU BYAS NAS, BDEN PA LAS LHAG PA'I CHOS MED DO ZHES ZER BA DE DAG KYANG 'DUS BYAS YIN PA'I PHYIR DANG, SPROS PA DANG BCAS PA @129A *, ,YIN PA'I PHYIR GCIG TU BDEN PA NYID MA YIN PAR BSTAN PA'I PHYIR BSHAD PA, DE NI BDEN PA DAM PA ZHES, ,THUB PA BDEN PA GSUNG BAS GSUNGS, ,ZHES BYA BA NI MNGON PAR 'DU BYED PA MED PA DE NI MA LOG PA NYID YIN PA'I PHYIR GCIG TU BDEN PA DAM PA'O ZHES THUB PA YANG DAG PA JI LTA BA BZHIN GYI BDEN PA GSUNG BA NYID KYIS RDO RJE GCOD PA LA SOGS PA'I MDO LAS, JI TZAM DU 'DUS BYAS PA DE TZAM DU BRDZUN LA, CI TZAM DU 'DUS MA BYAS PA DE TZAM DU MI BRDZUN NO ZHES GSUNGS SO, ,TSANGS PA CHEN PO NI STONG LA DBANG BSGYUR BA'I PHYIR GNAS PA CHEN PO NYID YIN LA; DBANG PHYUG LA SOGS PA DAG NI RANG GI 'KHOR GYIS BSNYEN BKUR BYED PA'I PHYIR GNAS PA CHEN PO NYID YIN GYI, 'DI LA NI, 'PHAGS PA SPYAN RAS GZIGS DBANG DANG, ,'PHAGS PA BYAMS PA LA SOGS PA, ,MKHAS PA THUB PA MANG PO DAG ,BSNYEN MED TSUL GYIS DE BSNYEN BYED, ,CES BYA BA NI 'PHAGS PA SPYAN RAS GZIGS DBANG PHYUG DANG, 'PHAGS PA BYAMS PA DANG, KUN DU BZANG PO DANG, 'JAM DPAL GZHON NUR GYUR PA LA SOGS PA PHA ROL TU PHYIN PA THAMS CAD YONGS SU RDZOGS PAS SA BCU PA'I DBANG PHYUG BRNYES PA DMIGS SU MED PA GOMS PAR BSGOMS PAS DRI MA MED PA, NGO BO NYID KYIS DMIGS PA MED PA LA MKHAS PA, THUB PA MANG PO DAG KYANG LUS DANG NGAG DANG YID NGO BO NYID MED PA SGYU MA LTA BU'I PHYAG 'TSAL BA DANG, BSTOD RA DANG BSAM PA DAG GIS DE LA BSNYEN BKUR BYA BA MED PA'I TSUL GYIS BSNYEN BKUR BYED DE, BSNYEN BKUR BYA BA MED PA NYID BSNYEN BKUR YIN PA'I PHYIR RO, ,GAL TE SMOS PA MED PA DANG RNAM PAR MI RTOG PA THAMS CAD DU SONG BA YIN NA, 'O NA JI LTAR DE BZHIN GSHEGS PA KHO NA'I SPU YIN LA GZHAN DAG GI MA YIN PAR SHES PAR BYA ZHE NA, BSHAD PA, DE LAS DNGOS NYID MIN GZHAN DANG, ,DES NI THUGS SU CHUD PA'I PHYIR, ,DE BZHIN GSHEGS PA'I SKUR 'DOD DE, ,GZHAN GYI MA YIN DE MA RTOGS, ,ZHES BYA BA NI DON DAM PAR DE TSIG DANG BLO'I YUL MA YIN DU ZIN KYANG, DE BZHIN GSHEGS PA'I NGO BO NYID MTSAN DANG DPE BYAD BZANG PO MNGA' @129B BA GANG YIN PA DE NYID NGA'I YIN PAS, DE BZHIN GSHEGS PA DE LAS SKU DE'I DNGOS PO NYID MI GZHAN PA'I PHYIR DE NI DE BZHIN GSHEGS PA'I SKU YIN PAR 'DOD DO, ,DE'I DNGOS PO NYID GANG ZHE NA, STONG PA NYID DE JI SKAD DU, ,STONG PA NYID LA THA DAD NYID, ,CUNG ZAD MED PAR RAB TU BSTAN, ,STONG NYID DE NI GCIG NYID DE, ,GANG GIS STONG NYID DE MTHONG BA, ,DES NI SANGS RGYAS MTHONG BAR 'GYUR, ,STONG PA NYID LAS DE GZHAN MIN, ,ZHES GSUNGS PA LTA BU'O, ,YANG NA YE SHES KYI SKAD CIG MA ZHES BYA BA'I DE BZHIN GSHEGS PA DES GZUGS LA SOGS PA DANG, STOBS DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA'I CHOS 'DUS PA DAG DMIGS SU MED PA'I SGO NAS DMIGS PAR BYA BA DANG, DMIGS PA MNYAM PAS MNYAM PA'I NGO BO NYID DU THUGS SU CHUD PA'I PHYIR, DE DE BZHIN GSHEGS PA KHO NA'I SKU YIN PAR 'DOD KYI GZHAN SU'I YANG MA YIN NO, ,CI'I PHYIR ZHE NA, NYAN THOS LA SOGS PA GZHAN DAG GIS DE YANG DAG PA JI LTA BA DE BZHIN DU MA RTOGS PA'I PHYIR RO, ,SKU GSUM RNAM PAR GZHAG PA NYID KYANG SLOB DPON GYIS RANG GI BSTAN BCOS KYI SKABS SU 'DI SKAD BSHAD DE, 'OG MIN GYI PHO BRANG DU MNGON PAR RDZOGS PAR BYANG CHUB PA'I SEMS KYI MOD LA DE BZHIN GSHEGS PA'I SKU YE SHES KYI BDAG NYID BSKAL PA BYE BA KHRAG KHRIG 'BUM PHRAG GRANGS MED PAR BSOD NAMS DANG YE SHES KYI TSOGS DPAG TU MED PA NYE BAR BSAGS PA LAS NGES PAR 'KHRUNGS PA YID BZHIN GYI NOR BU'I RGYAL PO GZUGS SNA TSOGS CAN LTAR RTOG PA MI MNGA' BA, SPROS PA THAMS CAD DANG BRAL BA, SGRIB PA RNAM PA GNYIS SPANGS PA, SA THAMS CAD LA PHAN GDAGS PA'I PHYIR GNAS PAR GYUR PA'I MTSAN NYID KYI GZUGS KYI SKU DANG LHAN CIG NYID DU MNGON PAR 'GRUB PO, , DE BZHIN GSHEGS PA'I SKU RNAM PAR MI RTOG PA'I DE LAS GZHAN LA PHAN PA SGRUB PA'I TSUL KHRIMS KYIS YONGS SU BSGOS PA'I SNGON GYI SMON LAM GYI SHUGS KYI DBANG GIS SPRUL PA'I SKUS THAMS CAD LA PHAN 'DOGS PAR MTHONG BA, 'DZAM BU'I GLING BYE BA PHRAG BRGYA DAG TU DGA' LDAN @130A *, ,GYI PHO BRANG NA BZHUGS PA THOG MAR MDZAD DE, 'PHO BA DANG, LHUMS SU 'JUG PA DANG, LHUMS NA BZHUGS PA DANG, BLTAMS PA DANG, GZHON NU ROL PA DANG, BTZUN MO'I 'KHOR GYI NANG NA BZHUGS PA DANG, MNGON PAR 'BYUNG BA DANG, DKA' BA SPYOD PA DANG BYANG CHUB KYI SNYING POR GSHEGS PA DANG, BDUD 'DUL BA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR BSKUL BA DANG, YONGS SU MYA NGAN LAS 'DAS PA CHEN PO LA SOGS PA SANGS RGYAS KYI MDZAD PA KUN DU STON PA NYID 'BYUNG NGO, ,DE LA BRTEN NAS YI GE DANG RTZA BA DANG TSIG GI GO RIMS KYI MTSAN NYID KYI GSUNG YAN LAG DRUG CU DANG LDAN PA, SEMS CAN THAMS CAD KYI BSAM PA RANGS PAR MDZAD PA GANG LA THEG PA MCHOG GIS 'GRO BA RNAMS KYI THEG PA CHEN PO ZHES BYA BAR BRJOD PA 'BYUNG STE, YE SHES DANG, GZUGS DANG, GSUNG GI SKU GSUM PO DE DAG NI SDOM PA GSUM LAS NGES PAR 'KHRUNGS PA, LUS DANG NGAG DANG SEMS GNAS GYUR PA'I NGO BO NYID YIN NO ZHES BSHAD DO, ,MDO SDE LAS, GANG DAG NGA LA GZUGS SU MTHONG, ,GANG DAG NGA LA SGRAR SHES PA, ,LOG PAR SPONG BAS ZHUGS PA STE, ,SKYE BO DE DAG NGA MI MTHONG, ,SANGS RGYAS RNAMS NI CHOS NYID BLTA, ,'DREN PA RNAMS NI CHOS KYI SKU, ,CHOS NYID SHES PAR BYA MIN PAS, ,DE NI RNAM PAR SHES MI NUS, ,ZHES GSUNGS PA DES KYANG SKU GSUM PO DE DAG KUN RDZOBS DANG DON DAM PAR RNAM PAR GZHAG PA NYID DU STON TE, 'DIR YE SHES NI CHOS KYI SKUR BZHED DO, ,SHES RAB KYI PHA ROL TU PHYIN PA CHEN PO LAS KYANG, DE BZHIN GSHEGS PA DE LA CHOS KYI SKU DANG GZUGS KYI SKU DANG GZUGS KYI SKU DANG YE SHES KYI SKUR BLTA BAR 'DOD PAS ZHES GSUNGS TE, DER CHOS KYI SKU ZHES GSUNGS PA NI GSUNG RAB TU GTOGS PA YAN LAG BCU GNYIS PO DAG YIN PAR 'DOD DO, ,'O NA SKYABS GNYIS PA MED PAR 'GYUR RAM ZHE NA, MED PAR MI 'GYUR TE, SGRUB PA DANG 'BRAS BU'I CHOS YOD PA'I PHYIR RO, ,'PHAGS PA RDO RJE SDES NI GZUGS KYI SKU 'OG MIN GYI SPYOD YUL CAN CHOS KYI SKU'I GZHI LA BRTEN PA NI RNAM PAR SMYIN PA'I @130B SKU ZHES BSHAD DO, ,'PHAGS PA THOGS MED KYIS NI DE NI LONGS SPYOD RDZOGS PA'I SKU ZHES BSTAN LA, STOBS DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA'I CHOS KYI GZHIR GYUR PA NI CHOS KYI SKUR BSTAN, 'DZAM BU'I GLING DU MNGON PAR RDZOGS PAR BYANG CHUB PA NI SPRUL PA'I SKUR BSTAN TO, ,DE LTAR CHOS DANG GZUGS DANG SPRUL PA'I SKU GSUM PO DE DAG NI BDE BAR GSHEGS PA NYID KYI YIN GYI GZHAN GYI NI MA YIN NO, ,RNAM PAR GROL BA'I SKU NI NYAN THOS LA SOGS PA DAG LA YANG 'DRA BAR YOD PA DE DAG LAS KHYAD PAR DU CHOS KYI SKU ZHES GSUNGS SO, ,CHOS KYI SKU DE RNAL 'BYOR PA TSANGS PA BSGOM PA GOMS PAR BYED PAS MTHONG BAR BSTAN PA'I PHYIR BSHAD PA, DE NYID BSGOM PA GOMS BYED PA, ,DMIGS MED GNAS PA DE LA YANG, ,GANG LA YID NI CHAGS 'GYUR ZHING, ,SDANG 'GYUR RMONGS 'GYUR GA LA YOD, ,CES BYA BA NI RNAL 'BYOR PA DE NYID SHES PA TSOL BAR SEMS PA DANG, BSGOM PA DAG GIS DMIGS SU MED PA'I RNAM PA GOMS PAR BYED PA DE NYID MI RTOG PA DMIGS PA MED PAR GNAS PA DE LA YANG GNAS PA'I GZHI MED PA'I PHYIR YUL GANG LA YID CHAGS PA DANG SDANG BA DANG RMONGS PAR 'GYUR TE, GZHI MED PA'I 'DOD CHAGS DANG ZHES SDANG DANG GTI MUG DAG 'BYUNG BAR MI 'GYUR RO, ,'O NA JI LTAR DE BSGOM PA GOMS PAR BYA ZHE NA, SANGS RGYAS RJES SU DRAN PAS DE BSGOM PA GOMS PAR BYA'O, ,SANGS RGYAS RJES SU DRAN PA MED PA DANG, YID LA BYED PA MED PA'I BDAG NYID YIN TE, SHES RAB KYI PHA ROL TU PHYIN PA LAS SANGS RGYAS RJES SU DRAN PA MED PA DANG YID LA BYED PA MED PA'O ZHES JI SKAD GSUNGS PA DANG, DE BZHIN DU SGO MTHA' YAS PA BSGRUB PA'I GZUNGS LAS, DE SANGS RGYAS RJES SU DRAN PA 'BA' ZHIG BSGOM STE, GZUGS LAS MA YIN, MTSAN DANG DPE BYAD LAS MA YIN, YON TAN LAS MA YIN, CHOS LAS MA YIN, CHOS MA YIN PA LAS MA YIN NO ZHES BYA BA LA SOGS PA JI SKAD GSUNGS PA DANG, DE BZHIN DU DE BZHIN GSHEGS PA'I @131A *, ,LE'U LAS, DE BZHIN GSHEGS PA LA LTA BA NI STONG PA NYID DANG, MTSAN MA MED PA DANG, SMON PA MED PA DANG, SKYE BA MED PA DANG, 'GAG PA MED PA DANG, 'BYUNG BA MED PA DANG, DNGOS PO MED PA DANG, MNGON PAR 'DU BYED PA MED PAR LTA BA YIN NO ZHES JI SKAD GSUNGS BA DANG, DE BZHIN DU BLO GROS MI ZAD PAS BSTAN PA'I MDO LAS, DE LA SANGS RGYAS SU DRAN PA GANG ZHE NA, GZUGS DANG MTSAN GYIS RAB TU PHYE BA MA YIN PA DANG, SKYE BA DANG, RIGS DANG, DUS KYIS RAB TU PHYE BA MA YIN PA DANG, SNGON GYI MTHA'I SPYOD PA DKAR POS RAB TU PHYE BA MA YIN PA DANG; PHYI MA'I MTHA'I SHES PA RLOM PAS RAB TU PHYE BA MA YIN PA DANG, DA LTAR BYUNG BA'I GNAS PAS RAB TU PHYE BA MA YIN PA GANG YIN PA STE, SGRIB PA THAMS CAD KYI GZHI MA YIN PA DANG, MTSAN MA THAMS CAD KUN NAS SLONG PA MA YIN PA DANG, RTOG PA DANG, RNAM PAR RTOG PA DANG, YONGS SU RTOG PA THAMS CAD NYE BAR ZHI BA GANG YIN PA'O ZHES JI SKAD GSUNGS PA LTA BU'O, ,DE NYID GOMS PAR BYED PA LA NI, SDUG BRAL MI SDUG PHRAD PA LAS, ,BYUNG BA'I SDUG BSNGAL GA LAS 'BYUNG, ,'JIG RTEN CHOS KYIS MI GOS TE, ,PADMA LA NI CHUS BZHIN NO, ,ZHES BYA BA NI SDUG PA DANG MI SDUG PA DE DAG DMIGS SU MED PA'I PHYIR SDUG PA DANG BRAL BA DANG, MI SDUG PA DANG PHRAD PA LAS SDUG BSNGAL GYI TSOR BA GANG DAG 'BYUNG BA DE DAG KYANG DE LA 'BYUNG BAR MI 'GYUR RO, ,'JIG RTEN NA GNAS SU ZIN KYANG 'JIG RTEN GYI CHOS BRGYAD PO RNYED PA DANG, MA RNYED PA DANG, SNYAN PA DANG, MI SNYAN PA DANG, BDE BA DANG, SDUG BSNGAL BA DANG, BSTOD PA DANG, SMAD PA ZHES BYA BA DAG GIS MI GOS TE, DE LA CHAGS PA ME PA'I PHYIR PADMA CHU NAS SKYES KYANG CHU'I NYES PAS MI GOS PA BZHIN NO, ,MI GNAS PA'I MYA NGAN LAS 'DAS PA NI SNGAR BSTAN MOD KYI YANG SKABS SU BAB PAS BSTAN PAR BYA STE, 'KHOR BA LAS NI 'BYUNG MA YIN, ,ZHES BYA BA NI NYON MONGS PA RNAMS SPANGS PA MA YIN PA'I PHYIR RO, ,'KHOR BA LAS GNOD BRAL MA YIN, ,ZHES BYA BA NI MI DGE BA'I CHOS MNGON PAR 'DU MI BYED PA'I PHYIR DANG, NYON MONGS PA RNAM PAR MNAN PA'I PHYIR @131B RO; ,MYA NGAN 'DAS PA THOB MA YIN, ,ZHES BYA BA NI SEMS CAN LA LTA BA'I PHYIR RO, ,MYA NGAN 'DAS LA GNAS DANG 'DRA, ,ZHES BYA BA NI RANG DANG GZHAN GYI DON BYED NUS PA'I PHYIR RO, ,NYON MONGS ME YIS GDUNG BA MED, ,CES BYA BA NI NYON MONGS PA KUN DU SPYOD PA SPANGS PA'I PHYIR RO, ,NYON MONGS LDAN YANG NAM MKHA' BZHIN, ,ZHES BYA BA NI 'KHOR BA BSKYED PA'I SA BON GYI NYON MONGS PA CHUNG NGU YOD KYANG DES MI GOS PA'I PHYIR RO, ,SEMS MED SEMS MED MA YIN TE, ,ZHES BYA BA NI 'JUG PA'I RNAM PAR SHES PA 'GAGS PA'I PHYIR DANG, RNAM PAR SMIN PA'I RNAM PAR SHES PA YOD PA'I PHYIR RO, ,JI LTA ZHE NA, GANG GI PHYIR DE NI SNYOMS PAR 'JUG PA LA GNAS PA'I PHYIR RO ZHES BYA BA NI BSAM GTAN SHIN TU GOMS PAR BYAS PAS LUS DANG SEMS LAS SU RUNG BAS 'GOG PA'I SNYOMS PAR 'JUG PA THOB PA'I PHYIR RO, ,'JIG RTEN LAS 'DAS PA'I SNYOMS PAR 'JUG PA THOB KYANG BYANG CHUB MA RTOGS PA'I MI GNAS PA'I MYA NGAN LAS 'DAS PA LA GNAS PA NA YANG, DE NI SHES RAB LHUN PO'I RTZER, ,'DZEGS SHING MYA NGAN MED GYUR KYANG, ,SNYING RJE'I DBANG GIS 'JIG RTEN PA, ,MYA NGAN GDUNGS DANG SDUG BSNGAL LTA, ,ZHES BYA BA NI 'JIG RTEN LAS 'DAS PA'I SHES RAB NI CHE BA'I PHYIR DANG, MNGON PAR MTHO PA'I PHYIR LHUN PO'I RTZE DANG 'DRA'O, ,DER 'DZEGS PA NI THOS PA DANG BSAMS PA DANG BSGOMS PA DAG GIS SHIN TU RAB TU GNAS PAR GYUR PA'O, ,MYA NGAN MED PAR GYUR KYANG ZHES BYA BA NI DES SGYU MA LTA BU'I CHOS NYID RTOGS PA'I PHYIR BDAG NYID MYA NGAN MED PAR GYUR KYANG NGO, ,SNYING RJE'I DBANG GIS ZHES BYA BA NI DE'I SEMS KYI RGYUD SNYING RJE LA GNAS PA'I PHYIR RO, ,'JIG RTEN PA MYA NGAN GYIS GDUNGS PA DANG, SDUG BSNGAL BA LA LTA'O ZHES BYA BA NI 'JIG RTEN PA PHA MA DANG BRAL BA LA SOGS PA'I MYA NGAN ME LTA BUS SEMS GDUNGS PA DANG; RGYUN DU MI RTAG PA NYID KYI RJES SU 'BREL PA'I SDUG BSNGAL DANG LDAN PA LA RNAM PAR LTA BAR BYED PA'O, ,DE NI DE TSE SNYING RJE YIS, ,BRLAN PA'I MIG GIS 'JIG RTEN PA, ,RNAM RTOG BZO LAS BYUNG BA YI, ,RTOG PA'I DRA BAS DKRIS PA DANG, ,SKYE RGAN CHI'I ZUG RNGU @132A *, ,YIS; ;RMA BTOD NA BAR GYUR PA DANG, ,ZHAN DANG BKREN DANG MTHA' NGAN DANG, ,MGON MED DPUNG GNYEN MED PA DANG, ,SDUG BSNGAL NYE BAR ZHI 'DOD PAS, ,SDUG BSNGAL CHU BO CHER LHUNG DANG, ,SDUG BSNGAL RGYU DAG SPEL BA'I PHYIR, ,RMONGS PA'I YID KYIS ZHUGS PA DANG; ,DE NYID BDUD RTZI ZHI BA DANG, ,SPROS PA NYER ZHI STON KA YI, ,DRI MED MKHA' BLO SPYOD PA YI, ,SNANG MED MIG MED KUN BLTAS NAS, ,ZHES BYA BA DAG GIS NI BYANG CHUB SEMS DPA' DE MI GNAS PA'I MYA NGAN LAS 'DAS PA DE LA GNAS PA DE'I TSE NA SNYING RJES BRLAN PA'I SHES RAB KYI MIG GIS 'JIG RTEN PA LA KUN DU BLTAS NAS SNYING RJES SHIN TU GDUNGS PA LA SOGS PA'I YON TAN DANG LDAN PAS PHA ROL TU PHYIN PA'I CHU BO 'BEBS SHING GZHAN GYI SDUG BSNGAL SEL BA DANG, BDAG NYID DPAG BSAM GYI SHING LTA BUR BYED CING BDE 'GRO LA SOGS PA GANG DU GZHAN LA PHAN PA DANG BDE BAR 'GYUR PA'I GNAS SU SKYE BA DANG, DE DAG TU SKYES PA'I TSE NA 'KHOR BTZUGS SHING SRAN THUB PA DAG DANG LDAN ZHING RGYA MTSO BZHIN DU SGO MANG PO NAS BSOD NAMS KYI CHU BO DAG GIS YONGS SU GANG BAR 'GYUR RO ZHES 'OG NAS 'BYUNG BA'I DON DANG TSIG GI MJUG SDUD 'BYUNG BA DAG SPYIR BLO LA BZHAG STE STON TO, ,DE DE'I TSE SNYING RJES BRLAN PA'I SHES RAB KYI MIG GIS 'JIG RTEN PA LA KUN DU BLTA BA NA 'JIG RTEN PA GNAS SKABS JI LTA BUR GYUR PA DAG LA KUN DU BLTA ZHE NA, RNAM RTOG BZO LAS BYUNG BA YI, ,RTOG PA'I DRA BAS DKRIS PA DANG, ,ZHES BYA BA LA SOGS PA LTA BU'I GNAS SKABS SU GYUR PA LA KUN DU BLTA'O ZHES BYA BAR SBYAR RO, ,YID KYI RNAM PAR SHES PAS KUN NAS BSLANG PA'I RNAM PAR RTOG PA NYID BZO YIN TE, DE LAS BYUNG BA'I RTOG PA'I DRA BA YOD PA DANG MED PA LA SOGS PAR BLTA BA PHUNG PO DANG, KHAMS DANG SKYE MCHED KYI GZHI LA DMIGS PA MANG PO DAG GIS KUN NAS DKRIS SHING G-YOGS PA LA'O, ,RTOG PA'I DRA BAS DKRIS PA 'BA' ZHIG TU YANG MA ZAD DE 'O NA JI LTA BUR GYUR PA ZHE NA, SKYE RGA NA 'CHI'I ZUG RNGU YIS, ,RMA BTOD NA BAR GYUR PA DANG, ,ZHES BYA BA NI PHUNG PO 'BYUNG BA'I SKYE BA DANG, YONGS SU 'GYUR @132B BA'I RGA BA DANG, NAD KYIS NA BA DANG, RNAM PAR 'JIG PA'I 'CHI BA DE DAG NYID YID MI BDE BA'I BDAG NYID KYI ZUG RNGU YIN TE, DES RMA BTOD PAS RTAG TU NA PAR GYUR CING MI BDE BAR GYUR PA LA ZHES BYA BA'I THA TSIG GO, ,GZHAN YANG, ZHAN DANG BKREN DANG MTHA' NGAN DANG, , MGON MED DPUNG GNYEN MED PA DANG, ,ZHES BYA BA NI SRID PA'I KHYIM NAS NGES PAR 'BYUNG BA'I BYA BA LA MONG BRTUL BAS ZHAN PA DANG, DGE BA'I CHOS KYIS DBUL BAS BKREN PA DANG, MJUG MI BZANG BAS MTHA' NGAN PA DANG, DAD PA DANG, TSUL KHRIMS LA SOGS PA'I MGON BYED PA'I CHOS BCU DANG BRAL BAS MGON MED PA DANG, NGES PAR 'BYUNG BA'I LAM LA MI MKHAS PAS DPUNG GNYEN MED PA LA'O, ,GZHAN YANG, SDUG BSNGAL NYE BAR ZHI 'DOD PAS, ,SDUG BSNGAL CHU BO CHER LHUNG DANG, ,SDUG BSNGAL RGYU DAG SPEL BA'I PHYIR, ,RMONGS PA'I YID KYIS ZHUGS PA DANG, ,ZHES BYA BA NI DPER NA 'GA' ZHIG 'BAB CHUS KHYER BA NA DE LAS BSKYAB PA'I PHYIR CHU BOR MCHONGS PA NA DES DE SHIN TU SNGA MA PAS CHER KHYER BAR GYUR PA DE BZHIN DU 'JIG RTEN 'DI YANG SNGON NYE BAR BLANGS PA'I LAS DAG GIS SDUG BSNGAL GYI CHU BOR BYING BA NA, SDUG BSNGAL BA DE NYE BAR 'DOD PAS SGRIB PA SHAS SHIN TU CHEN POS BSGRIBS PAR BYAS NAS, LAS GANG DAG GIS YUN RING POR 'KHOR BA'I CHU BO CHEN POR 'KHOR BAR 'GYUR BA'I LAS NYE BAR LEN PA DE DAG NYE BAR LEN PAS SDUG BSNGAL GYI CHU BOR LHUNG BA DANG, 'DOD PA DANG, SRID PA DANG BDAG TU SMRA BA DANG, TSUL KHRIMS DANG, BRTUL ZHUGS MCHOG TU 'DZIN PAS 'DI BDEN NO SNYAM DU MNGON PAR ZHEN PA'I LTA BA NYE BAR LEN PA LA SOGS PA SDUG BSNGAL GYI RGYU DAG SPEL BA'I PHYIR MA RIG PAS RMONGS PA'I YID KYIS 'KHOR BA'I RGYUN DU ZHUGS PA YIN TE, DE LTA BUR GYUR PA LA KUN DU BLTA'O, ,DE LTAR DE DAG GIS NI 'KHOR BA'I RGYUN DU ZHUGS PA NYID BSTAN TE, THAR PA'I THABS RAB TU NYAMS PAR BSTAN PA'I PHYIR, DE NYID BDUD RTZI ZHI BA DANG, ,SPOS PA NYER ZHI STON KA YI, ,DRI MED MKHA' LA BLO SPYOD PA'I, ,SNANG MED MIG MED CES SMRAS TE, ,DON @133A *, ,DAM PA'I DE NYID BDUD RTZI LTAR NGOMS PAR BYED PA SKYE BA LA SOGS PA'I GNOD PA THAMS CAD ZHI BA MNGON PAR BRJOD PA THAMS CAD KYI SPROS PA NYE BAR ZHI BA STON KA'I DUS KYI NAM MKHA'I DKYIL DRI MA MED PA LTA BU LA GANG GI BLO'I SPYOD PA'I SNANG BA MED PA DE NYID SHES RAB KYI MIG DANG BRAL BA'I PHYIR MIG MED PA YIN TE, DE LTAR SDUG BSNGAL DANG NYON MONGS PA MANG POS GTZES PA'I 'JIG RTEN LA KUN DU BLTAS NAS ZHES BYA BAR SBYAR RO, ,DE LTA BU'I 'JIG RTEN LA KUN DU BLTAS NAS, PHA ROL TU PHYIN PA'I CHU BO 'BEBS PA LA SOGS PAR BYED PA'I BYANG CHUB SEMS DPA' DE YON TAN JI LTA BU DANG LDAN PA ZHIG CE NA, SNYING RJES SHIN TU YID GDUNGS PA, ,DE LA PHAN PHYIR BRTUL ZHUGS CAN, ,RDO RJE RIN CHEN SRA BA'I SEMS, ,SEMS CAN GTZO BO LEGS BSLABS PA, ,SBYIN PA TSUL KHRIMS BZOD PA DANG, ,BRTZON 'GRUS BSAM GTAN SHES RAB BRTZON, ,DUS BZHIN DANG NI MTHU BZHIN DU, ,SHES RAB DRAN PA SNGON 'GRO BA, ,ZHES BYA BA STE, SNYING RJES SHIN TU YID GDUNGS LA, ,ZHES BYA BA NI SNYING RJE'I SHUGS KYIS SHIN TU SEMS GDUNGS PA'O, ,DE LA PHAN PHYIR BRTUL ZHUGS CAN, ,ZHES BYA BA NI 'JIG RTEN DE LA PHAN GDAGS PA'I PHYIR BRTUL ZHUGS DRAG PO BLANGS PA'O, ,RDO RJE RIN CHEN SRA BA'I SEMS, ,ZHES BYA BA NI RDO RJE'I RI BOS KYANG MI PHRED PA'I BYANG CHUB KYI SEMS DANG LDAN PA'O, ,SEMS CAN GTZO BO ZHES BYA BA NI SEMS BSKYED PA TZAM KHO NAS NYAN THOS LA SOGS PA ZIL GYIS GNON PA'I PHYIR RO, ,LEGS BSLABS PA ZHES BYA BA NI LHAG PA'I TSUL KHRIMS LA SOGS PA BYANG CHUB SEMS DPA'I BSLAB PA DAG LA SHIN TU LEGS PAR BSLABS PA'O, ,SBYIN PA TSUL KHRIMS BZOD PA DANG, ,BRTZON 'GRUS BSAM GTAN SHES RAB BRTZON, ,ZHES BYA BA NI PHA ROL TU PHYIN PA RNAMS DANG, SNYING RJES NI THEG PA CHEN PO'I DON MTHA' DAG BSDUS TE, SLOB DPON CHEN PO 'PHAGS PA N'A GA RDZU NAS JI SKAD DU, SBYIN PA TSUL KHRIMS BZOD DANG BRTZON, ,BSAM GTAN SHES RAB SNYING RJE YI, ,BDAG NYID THEG PA CHEN PO 'DI, ,SANGS RGYAS BYANG CHUB SEMS @133B DPAS BSNGAGS, ,SBYIN PA RANG GI BDOG PA GTONG, ,TSUL KHRIMS GZHAN LA PHAN PA BYED, ,BZOD PA KHRO BA'I GNYEN POR GSUNGS, ,BRTZON 'GRUS DGE LA BRTZON PA STE, ,BSAM GTAN NYON MONGS MED RTZE GCIG ,SHES RAB BDEN DON NGES 'BYED YIN, ,SBYIN PAS LONGS SPYOD KHRIMS KYIS BDE, ,BZOD BAS MDANGS DANG BRTZON PAS 'OD, ,BSAM GTAN ZHI DANG BLO GROS GROL, ,SNYING RJES THAMS CAD SGRUB PAR BYED, ,CIG CAR PHA ROL PHYIN GYUR PA'I, ,DGE BA BDUN PO 'DI DAG GIS, ,SHES BYA DPAG MED YUL GYUR PA'I, ,'JIG RTEN MGON PO NYID THOB 'GYUR, ,ZHES GSUNGS PA LTA BU'O, ,DUS BZHIN DANG NI MTHU BZHIN DU, ,SHES RAB DRAN PA SNGON 'GRO BA, ,ZHES BYA BA NI GDUL BA'I DUS JI LTA BA BZHIN DANG, RANG GI NUS PA'I MTHU JI LTA BA BZHIN DU KUN RDZOB DANG DON DAM PA PA'I SHES RAB RNAM PA GNYIS DANG RJES SU DRAN PA DRUG BSGOM PA SNGON DU 'GRO BAS SBYIN PA LA SOGS PA GOMS PAR BYED PA STE, ,LAG BZANGS KYIS ZHUS PA'I MDO LAS JI SKAD DU, GAL TE SBYIN PA DANG, GTONG BA DANG, RNAM PAR SPONG BA LA SLOB PAR MI NUS PAR GYUR NA 'DI LTAR SO SOR YANG DAG PAR SLOB PAR BYED DE, DUS DUS SU CUNG ZAD CUNG ZAD 'DOD PA DANG SER SNA DANG SBYIN PAS 'JIGS PA NYID GDUL BA DANG, SPANG BA DANG, RNAM PAR SPANG BA DANG, SBYIN PA DANG, GTONG BA DANG, RNAM PAR SPONG BA LA BSLAB PA DANG, SPYAD PA DANG, MNGON PAR SPEL BAR BRTZAL BA DANG, 'BAD PA DANG, BRTZON PAR BYA'O SNYAM DU SO SOR YANG DAG PAR SLOB PAR BYED DO, ,DE BZHIN DU PHA ROL TU PHYIN PA LNGA PO DAG LA YANG RGYA CHER SBYAR RO ZHES GSUNGS PA LAS KHONG DU CHUD PAR BYA'O, ,DE LA PHA ROL TU PHYIN PA DRUG PO DE DAG YANG DAG PAR BLANG BAR 'DOD PA DANG, LHAG PAR SPYOD PAR 'DOD PAS YANG NA SEMS CAN THAMS CAD BSGRAL BA DANG, DGROL BA'I PHYIR LHAG PAR SPYAD PA YANG DAG PAR LEN PAR BYED PA BSTAN PA'I PHYIR BSHAD PA, SEMS CAN KUN LA PHAN PA'I PHYIR, ,SBYIN LA SOGS PA'I RI BO LAS, ,BYUNG BA'I CHU KLUNG BSOD NAMS DANG, ,DRI MED DGE BA'I CHU LDAN 'BEBS, ,ZHES BYA BA NI SEMS CAN KUN LA PHAN GDAGS PA'I @134A *, ,PHYIR SBYIN PA DANG, TSUL KHRIMS LA SOGS PA DRUG PO RI BO LTA BUR GYUR PA LAS BYUNG BA'I PHA ROL TU PHYIN PA DRUG PO CHU KLUNG LTA BUR 'DOD PA MED PA DANG, ZHE SDANG MED PA DANG, GTI MUG MED PA'I BDAG NYID KYI BSOD NAMS NYID DRI MA MED PA YIN LA, SDIG PA SPONG BAS DGE BA'I CHU DE LTA BU DANG LDAN PA 'BEBS PAR BYED DO DE'I 'OG TU SBYIN 'DOD PA'I BSAM PA CHES SHAS CHEN PO MNGON BAR 'PHEL BAR GYUR PA NA, SLONG BA KUN LA DUS KUN TU, ,PHYI NANG DNGOS PO THAMS CAD KYIS, ,DBUL DANG SLONG BA'I SDUG BSNGAL KUN, ,RNAM PA KUN DU SEL BAR BYED, , CES BYA BA NI SLONG BA KUN LA SNYOMS PA'I SEMS KYIS DUS KUN DU GUS PAR RANG GI LAG NAS GZHAN LA MI GNOD CING 'GYOD PA MED PAR PHYI DANG NANG GI DNGOS PO GOS DANG ZAS DANG, RIN PO CHE DANG, BU DANG, BU MO DANG, MGO DANG, LAG PA DANG, RKANG PA LA SOGS PA RNAM PA THAMS CAD KYIS BKREN ZHING DBUL BA DANG, RE ZHING SLONG BA LAS BYUNG BA'I SDUG BSNGAL MI DGA' BA KUN MA LUS PAR RNAM PA KUN DU SEL BAR BYED DE, 'DIS NI GTONG BA DANG GTONG BA CHEN PO DANG SHIN TU GTONG BA GOMS PAR BYED PAS PHA ROL TU PHYIN PA YONGS SU RDZOGS PAR BSTAN TO, ,DE YONGS SU RDZOGS PAR BYAS PAS, SLONG BA RNAMS KYI BSAM PA DAG ,SKAD CIG SKAD CIG DAGS RDZOGS SHING, ,DUS KUN MI ZAD 'BRAS BU YI, ,'BYOR ZHING DPAG BSAM SHING LTAR BYED, ,CES BYA BA NI SLONG MO PA DAG GI BSAM PA DAG SKAD CIG GCIG LA DGA' BAS YONGS SU RDZOGS PAR BYED CING, BDAG NYID DUS THAMS CAD DU PHA ROL TU PHYIN PA RNAMS KYI RNAM PAR SMIN PA'I 'BRAS BU ZAD MI SHES PA DAG GIS 'BYOR ZHING DPAG BSAM GYI SHING LTAR 'GRO BA'I DON BYED PA YIN NO, ,DE LA SLONG BA RNAMS KYI ZHES BYA BA NI SLONG MO PA 'BYOR PA DANG BRAL BA RNAMS KYI'O, ,BSAM PA DAG CES BYA BA NI, BSAM PA DANG, RE BA DANG, YID LA BSAM PA ZHES BYA BA DAG GI RNAM GRANGS SO, ,SKAD CIG SKAD CIG DAGS RDZOGS SHING, ,ZHES BYA BA NI SKAD CIG SKAD CIG LA DGA' BA DAG GIS YONGS SU RDZOGS PAR BYED CING NGO, ,DE'I PHYIR DE DUS KUN DU PHA ROL TU PHYIN PA @134B DE DAG GI RNAM PAR SMIN PA'I 'BRAS BU MI ZAD PA DAG GI 'BRAS BU CAN DU GYUR PAS DE NYID KYIS 'BYOR ZHING BSNGAGS PAR 'OS LA, DPAG BSAM GYI SHING LTAR 'GRO BA RNAMS KYI DON BYED DO, ,DE LTAR GTONG PHOD PA'I NGANG TSUL CAN DU GYUR PA NA, TSUL KHRIMS SKYON MED PA YANG DAG PAR BLANGS PAS; DE NI GZHAN PHAN BDE SKYED PA'I, ,BDE 'GRO KHO NAR SKYE BAR 'GYUR, ,YANG NA 'DOD PAS GZHAN DAG TU, ,GZHAN PHAN BDE BA BSKYED PAR SKYE, ,ZHES BYA BA NI TSUL KHRIMS YONGS SU DAG PAS BDE 'GRO 'BA' ZHIG TU SKYE'I NGAN SONG RNAMS SU MI LTUNG NGO, ,YANG NA BSAMS BZHIN DU NGAN 'GRO GZHAN DAG TU SKYE BA LEN CING GZHAN DAG LA PHAN PA DANG BDE BA BSKYED PA'I GNAS SU SKYE'I BDAG NYID LA PHAN PA DANG BDE BA'I DON DU NI MA YIN NO, ,DE DE DAG TU SKYES PA NA YANG, 'GRO BA DE DANG DE DAG TU, ,'KHOR GCUGS BRTAG BZOD MTHA' YAS DANG, ,RGYA MTSO BZHIN DU SGO KUN NAS, , BSOD NAMS CHU BOS YONGS RGYAS 'GYUR, ,ZHES BYA BA NI DE 'GRO BA'I GNAS DE DAG TU YANG 'KHOR YID GCUGS PA DANG, BRTAG BZOD PA DANG, MTHA' YAS PA DANG LDAN PAR 'GYUR ZHING, RGYA MTSO CHEN PO SGO KUN NAS CHU BO'I RGYUN RNAMS KYIS YONGS SU RGYAS PAR 'GYUR BA BZHIN DU; SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI BDAG NYID KYI PHA ROL TU PHYIN PA DRUG GI DGE BA'I RGYUN GYI SGO KUN NAS BSOD NAMS DANG YE SHES KYI TSOGS KYIS YONGS SU RGYAS PAR 'GYUR RO, ,PHA ROL TU PHYIN PA RNAMS BSHAD ZIN TO, ,DBANG PO RNAMS BSHAD PAR BYA STE, SEMS MNYEN RNAM PAR MI G-YENG DANG, ,SHES BYA RTOGS DANG MKHAS PA'I BLO, ,LHAN CIG SKYES DANG LDAN GYUR CING, ,JI SRID 'DOD PA'I SKAL BAR GNAS, ,ZHES BYA BA NI GANG LA SEMS LAS SU RUNG BA DANG, KUN DU MI 'PHRO BA YOD PA DE NI SEMS MNYEN PA DANG RNAM PAR MI G-YENG BA STE, ZHI GNAS KYI YAN LAG LA GNAS PA YIN NO, ,DE NYID PHUNG PO DANG, KHAMS DANG, SKYE MCHED RAB TU RNAM PAR 'BYED PA DANG SO SOR RTOG PA'I NUS PA'I BLO TSE RABS BYE BA BRGYA STONG DU MA NAS GOMS PAR, @135A *, ,BYAS PA DANG LDAN PA NI SHES BYA RTOGS PA DANG MKHAS PA'I BLO LHAN CIG SKYES PA DANG LDAN PAR GYUR PA STE, ZHI GNAS KYI YAN LAG DANG LDAN PA YIN NO, ,DE LTAR GYUR CING BSAM GTAN DANG, TING NGE 'DZIN DANG, SNYOMS PAR 'JUG PA'I STOBS CAN DU GYUR PA JI SRID 'DOD PA'I BSKAL PAR GNAS TE, 'DIS NI DE'I TSE'I TSAD BSKAL PA GRANGS MED PAR BYIN GYIS RLOB PA NYID KYIS TSE LA DBANG BA BSTAN TO, ,GRANGS MED DPAG TU MED PA YIS, ,TING 'DZIN NGES RTOG BLO DANG LDAN, ,ZHES BYA BA NI 'DI NI BRJOD DU MED PA'I YANG BRJOD DU MED PA'I TING NGE 'DZIN LA NGES PAR RTOG PA LA 'JUG PAS SEMS LA DBANG BA NYID YIN NO, ,'JIG RTEN KHAMS NI MTHA' YAS DAG ,RGYAN RNAMS KYIS NI BRGYAN PAR BYED, ,CES BYA BA 'DI NI 'JIG RTEN GYI KHAMS THAMS CAD BKOD PA DU MA'I RGYAN GYIS BRGYAN PA BYIN GYIS RLOB PA DAG KUN DU STON PA'I TSUL GYIS YO BYAD LA DBANG BA YIN NO, ,BZO DANG LAS SNGON 'DU BYED DANG, ,LAS KYI RNAM SMIN RAB TU STON, ,CES BYA BA 'DI NI BZO DANG SGYU RTZAL DANG LAS DAG CI 'DOD PAR KUN DU STON PA DANG, LAS KYI RNAM PAR SMIN PA DUS JI LTA BA BZHIN DU BYIN GYIS RLOB PA KUN DU STON PA NYID KYIS LAS LA DBANG PA YIN NO, ,'GRO LA PHAN PA SGRUB 'DOD PAS, ,JI LTAR 'DOD PA RAB TU SKYE, ,ZHES BYA BA LA 'GRO BA LA PHAN PA SGRUB PAR 'DOD PA NI 'GRO BA LA PHAN PA BYED PAR 'DOD PA STE, 'DI NI 'JIG RTEN GYI KHAMS THAMS CAD DU SKYE BA KUN DU STON PA NYID KYIS SKYE BA LA DBANG BA YIN NO; ,SANGS RGYAS SKUS NI GANG BA YI, ,'JIG RTEN KHAMS RNAMS STON PAR BYED, ,CES BYA BA 'DI NI 'JIG RTEN GYI KHAMS THAMS CAD SANGS RGYAS KYIS YONGS SU GANG BA KUN DU STON PA NYID KYIS MOS PA LA DBANG BA YIN NO, ,JI LTAR 'DOD PA'I DUS DANG NI, ,ZHING DU RDZOGS PAR BYANG CHUB STON, ,CES BYA BA 'DI NI JI LTAR 'DOD PA'I DUS DANG ZHING DU SANGS RGYAS KYI SPRUL PA MNGON PAR RDZOGS PAR BYANG CHUB PAR KUN DU STON PA NYID KYIS SMON LAM LA DBANG BA YIN NO, ,YE SHES MIG GIS SHES BYA YI, ,DE NYID THAMS CAD STON PAR BYED, ,CES BYA BA @135B 'DI NI CHOS THAMS CAD RNAM PA THAMS CAD DU MNGON BAR RDZOGS PAR BYANG CHUB PA KUN DU STON PA NYID KYIS YE SHES LA DBANG BA YIN NO, ,CHOS RNAMS GZHAG PA NYID RTOGS SHING, ,MING LA SOGS PA THOB PA NYID, ,CES BYA BA 'DIS NI MTHA' DANG DBUS MED PA'I CHOS KYI SGO SNANG BA KUN DU STON PA NYID KYIS CHOS LA DBANG BA BSTAN TO,, ,,DBU MA'I SNYING PO'I 'GREL PA RTOG GE 'BAR BA BAM PO BCU GNYIS PA, DE NAS GZHAN YANG 'JIG RTEN GYI KHAMS THAMS CAD DU SBRUL PA MTHA' YAS PA CIG CAR DU STON PA NI RDZU 'PHRUL LA DBANG BA ZHES BRJOD DE, RDZU 'PHRUL RNAM PAR 'PHRUL PA YIS, , MTHA' YAS ZHING DAG G-YO BAR BYED, ,G-YO BA DAG NI RAB TU 'GUL BA STE, GLING LA SOGS PA BYE BA PHRAG BRGYAD PAG TU MED PA'I STONG GSUM GYI STONG CHEN PO GRANGS MED PA RNAMS KYI SANGS RGYAS KYI ZHING RNAMS G-YO BA'O, ,RDZU 'PHRUL RNAM PAR 'PHRUL PA STE, ,RNAM PAR BRTZE BA DANG RNAM PAR ROL PA NI RDZU 'PHRUL GYI RKANG PA LEGS PAR BSGOMS PA'I PHYIR RO, ,'DI NI TSIGS SU BCAD PA PHYED KYI DON YIN NO, ,DUS GCIG GAM NI RIM YANG RUNG, ,LUS LA 'BAR DANG 'BEBS PAR BYED, ,DUS MNYAM DU STOD NAS 'BAR BA DANG, SMAD NAS 'BEBS PAR BYED PA DANG, SMAD NAS 'BAR BAR BYED PA DANG, STOD NAS 'BEBS PAR BYED PA'AM, DUS THA DAD DU ME'I PHUNG PO LTAR 'BAR BA DANG, SPRIN GYI PHUNG PO CHEN PO LTAR CHAR 'BEBS PA YANG THA DAD DU BYED PA'O, ,PHYOGS NI MTHA' YAS KUN DU YANG, ,RANG GI 'OD KYIS SPRO BAR BYED, ,SHAR LA SOGS PA PHYOGS KUN DU YANG RANG GI LUS LAS BYUNG BA'I 'OD ZER NYI MA DANG ZLA BA'I BAS LHAG PAR KUN DU KHYAB PAR BYED DE, BZHED PA TZAM GYIS LHA LA SOGS PA THAMS CAD 'GYOD PA BSKYED PA'I PHYIR, DMYAL BA LA SOGS PA RAB TU STON PAR BYED DE, JI LTA BUR ZHE NA, LHA DANG MI GANG DAG 'DOD PA LA SHIN TU CHAGS SHING ZHE NA YAB BRGYAL BA RNAMS 'GYOD PA BSKYED PA'I PHYIR SGRA DANG BCAS PA'I ME 'BAR BA'I PHRENG BA SHIN TU RGYA CHEN PO DANG, GSOD 'DOD PA KHROS PA'I BZHIN GYIS SGRA CHEN PO 'JIGS PA DANG BCAS PAS RAL GRI DANG, 'KHOR LO DANG, SOG LE LA SOGS PA THOGS SHING @136A *, ,SNYING RJE MED PA'I GSHIN RJE'I SKYES BU RNAMS KYIS BSRUNGS PA DANG, KHVA LCAGS KYI MCHU CAN RNAMS KYI TSOGS RNAMS DANG, 'JIGS PA'I SGRA SGROGS PA'I 'JIGS SU RUNG BA'I KHYI'I TSOGS DANG, DPAG TSAD DU MA TZAM GYI SHIN TU 'BAR ZHING BSKOL BA'I ZAD PA CHEN PO DAG TU BTZOS PAR GYUR PA NA DUD MO DANG BCAS PA'I SKYE BO MANG POS BSKYED PA'I KU CO CHEN PO DANG, RAL GRI'I NAGS TSAL DANG, ME MAR MUR GYI 'BAS DANG, SHAL MA RI'I SDONG PO DANG, RO MYAGS DANG, CHU BO RAB MED DU BCUG PA DRAG CING RTZUB PA'I DMYAL BA DANG, GSHIN RJE'I 'JIG RTEN LA SOGS PA YANG STON PAR BYED DO, ,DE BZHIN DU, TSAD MED RMAD BYUNG BSAM MI KHYAB, ,YON TAN RIN CHEN 'OD 'BAR BA, ,'JIG RTEN RTZA LAG SANGS RGYAS RNAMS, ,'KHOR DANG BCAS PA'ANG STON PAR BYED, ,STOBS DANG MI 'JIGS PA DANG, SO SO YANG DAG PAR RIG PA LA SOGS PA RMAD DU BYUNG BA BSAM GYIS MI KHYAB PA'I YON TAN RIN PO CHE 'OD KYI GZI BRJID CAN RNAMS DANG, MTSAN DANG DPE BYAD KYIS BRGYAN PA'I 'GRO BA'I RTZA LAG TU GYUR PA RNAMS DANG DGE SLONG DANG, DGE SLONG MA DANG, DGE BSNYEN DANG, DGE BSNYEN MA'I 'KHOR RNAMS KYANG RDZU 'PHRUL GYI MTHUS STON PAR BYED DO, ,GSER DANG NOR BU BEE d'U RYA, ,MU TIG RDO RJE MTHON KA CHER, ,RI BO'I DBANG PO CHE RNAMS DANG, ,ME NYID BGRANG BAR BZHED PAS BYED, ,GSER LA SOGS PA'I NGO BO NYID DU RI CHEN PO RNAMS KYANG BZHED PA TZAM NYID KYIS BYED DO, ,BZHED PA TZAM NYID KYIS SREG PAR BYED PA'I BDAG NYID KYI ME YANG KHA BA LTAR BSIL BAR BYED DO, ,CHEN POR GYUR PA'I LUS KYIS SU, ,RDO RJE SOGS LA MI CHAGS PAR, ,NGO MTSAR BYED CING SKAD CIG GIS, ,PHYOGS KUN DU NI 'GRO ZHING 'ONG, ,LUS CHEN POR GYUR PA NYID KYIS RI 'BIGS BYED LA SOGS PA LA YANG MI THOGS PAR MYUR BA NYID DU NGO MTSAR DANG BCAS PAR PHYOGS BCU DAG TU 'GRO ZHING 'ONG BA YANG STON PAR BYED DO, ,RANG GI LUS SAM RDUL PHRAN LA, ,DPAG TU MED PA'I 'JIG RTEN KHAMS, ,YANG DAG 'DZUD KYANG SEMS CAN LA, ,GNOD PA MED PA'ANG STON PAR BYED, , @136B BDAG NYID KYI LUS KYI NANG NYID DU DPAG TU MED PA'I 'JIG RTEN GYI KHAMS RNAMS 'DZUD PAR BYED PA'AM, RDUL PHRA RAB KYI NANG DU 'JIG RTEN GYI KHAMS DE DAG 'DZUD PAR BYED LA, GANG DAG 'JIG RTEN GYI KHAMS DE DAG LA BRTEN PA'I LHA DANG, MI DANG, DUD 'GRO LA SOGS PA DE DAG RNAMS LA NYAM NGA BA DANG, GNOD PA MED PAR YANG STON PAR BYED DO, ,'JIG RTEN KHAMS RNAMS PHRA RAB TU, ,PHRA RAB DE YI MTSAN NYID DU, ,BSDUS PA'AM NI RGYAS PAR YANG, ,BZHED PA TZAM BYED 'OG STENG KYANG, ,BZHED PA TZAM GYIS 'JIG RTEN GYI KHAMS RNAMS SDUD PAR YANG BYED DE RDUL PHRA RAB DANG MNYAM PAR BYED DO, ,DE NYID RGYA CHEN POR MOS NA YANG RDUL PHRA RAB DE 'JIG RTEN GYI KHAMS DPAG TU MED PA'I TSAD DU YANG BYED DO, ,'JIG RTEN GYI KHAMS DE DAG NYID STENG GI CHA GANG YIN PA DE YONGS SU BSGYUR NAS 'OG GI CHAR BYED DO, ,'OG GI CHA YONGS SU BSGYUR NAS STENG GI CHA NYID DU BYED DO, ,DE'I TSAD 'OD DANG KHA DOG DANG, ,DBYANGS DANG SPYOD LAM PHUN TSOGS KYIS, ,GDUL BYA 'DUL BAR 'DOD PA'I PHYIR, ,TSANGS PA LA SOGS 'KHOR DU 'GRO, ,TSANGS PA LA SOGS PA DE RNAMS KYI TSAD DANG, 'OD DANG, KHA DOG DANG, DBYANGS DANG, SPYOD LAM RNAMS PHUN SUM TSOGS PA NYID KYIS TSANGS PA'I DBANG PO LA SOGS PA'I 'KHOR DU MNGON BAR 'GRO BAR BYED DO, CI'I PHYIR ZHE NA, SKAL PA DANG LDAN PA RNAMS GDUL BAR 'DOD PA'I PHYIR RO, ,SNANG BAR 'GYUR ZHING MI SNANG 'GYUR, ,DE DAG 'GAS KYANG MI SHES DANG, , GZHAN GYI ZIL GYIS GNON PAR YANG, ,BYED DE SNYING RJES BSKUL BA'I PHYIR, ,SNANG BAR 'GYUR BA NI RANG GI LUS GSAL POR STON PA'O, ,MI SNANG BAR 'GYUR BA NI BSGRIBS PA'AM, MI MTHONG BAR GYUR PA STE, DE DAG GNYI GA YANG BYED LA, TSANGS PA LA SOGS PA 'GAS KYANG GANG NAS 'ONGS PA DANG GANG DU SONG BAR GYUR PA MI SHES PA'O, ,GZHAN DAG GI RDZU 'PHRUL ZIL GYIS GNON PAR YANG BYED, SNYING RJES BSKUL NAS NGA RGYAL BCAG PAR BYA BA'I PHYIR YIN GYI, 'GRAN PA LA SOGS PA'I PHYIR NI MA YIN NO, ,'GRO BA'I GNAS NI BRJOD RNAMS SU, ,'GRO BA DBANG BYAS @137A *, ,DGOD 'DOD PAS, ,SPOBS SOGS KYIS NI DMAN PA LA, ,SPOBS PA'I BDE BA RAB TU STER, ,'GRO BA'I GNAS NI GLING LA SOGS PA STE, DE DAG GI DBANG DU BYAS PA'I TSIG GI BYE BRAG GIS THA DAD PA NI GRONG KHYER LA SOGS PA STE, 'GRO BA'I GNAS ZHES BYA BA'I THA TSIG GO, ,DE DAG TU SKYE BO BSAM PA JI LTA JI LTA BUR YOD PA RNAMS DBANG DU BYAS NAS 'GOD PAR BYED DO, ,GANG DAG DE NA SPOBS PA DANG 'DZIN PA DANG BLOS PHONGS PA DE RNAMS LA SPOBS PA LA SOGS PA DANG, LUS KYI BDE BA LA SOGS PA SGRUB PAR BYED DO, ,DMYAL SOGS SDUG BSNGAL GYIS GDUNGS PA, ,'OD ZER BTANG BA LA SOGS KYIS, ,ZHI BAR BYED CING LHA DBANG SOGS, ,SKAL BA MNYAM PAR 'GRO BAR BYED, ,TSA BA'I DMYAL BA BSTIR MED PA DANG, YANG SOS DANG, THIG NAG DANG, TSA BA DANG, RAB TU TSA BA DANG, BSDUS 'JOMS DANG, NGU 'BOD DANG, NGU 'BOD CHEN PO ZHES BYA BA BRGYAD DANG, GRANG BA'I DMYAL BA, GAS PA DANG, AUTPALA LTAR GAS PA DANG, KU MU TA LTAR GAS PA DANG, PADMA LTAR GAS PA DANG, PADMA CHEN PO LTAR GAS PA LA SOGS PA TSA BA DANG, GRANG BA'I SDUG BSNGAL GYIS NYEN PA'I SEMS CAN RNAMS KYI SDUG BSNGAL MA LUS PAR ZHI BAR BYED PA'I PHYIR, BSIL BA DANG DRO BA'I 'OD ZER 'BYIN PAR BYED DE, 'OD ZER DE DAG GIS REG PA TZAM GYIS DMYAL BA DE DAG DE DAG NAS SHI 'PHOS NAS LHA'I DBANG PO DANG, 'THAB BRAL DANG, DGA' LDAN LA SOGS PA RNAMS DANG, SKAL BA MNYAM PAR SKYE BAR BYED PAR 'GYUR RO, ,GDUL BYA JI BZHIN SPRUL PA YI, ,SPRUL PA YIS NI PHYOGS BKANG NAS, ,BSTAN PA RIN CHEN CHAR BAB PAS, ,'JIG RTEN 'DAS PA'I BDE BA SKYED, ,GDUL BYA GANG DANG GANG LA SPRUL PA GANG GIS YONGS SU SMIN PAR 'GYUR BA'I NYAN THOS DANG, RANG SANGS RGYAS DANG, BRGYA BYIN DANG, TSANGS PA DANG, 'JIG RTEN SKYONG BA DANG, DBANG PHYUG CHEN PO DANG, SRED MED KYI BU LA SOGS PA'I SPRUL PA DE DAG GIS PHYOGS THAMS CAD KHYAB PAR BYAS NAS SPRUL PA DE DAG LAS BYUNG BA'I BSTAN PA RIN @137B PO CHE'I CHAR GYIS 'JIG RTEN LAS SHIN TU 'DAS PA'I DGA' BA BSKYED DO, ,DUS GSUM TSAD MED LUS NYID DANG, ,SANGS RGYAS ZHING NI PHUN TSOGS DANG, ,'JIG RTEN KHAMS RNAMS DPAG MED RNAMS, ,'JIG PA DANG NI 'CHAGS PA YANG, ,'DAS PA DANG, MA 'ONGS PA DANG, DA LTAR BYUNG BA'I DUS RNAMS SU DPAG TU MED PA'I LUS BYIN GYIS RLOB PAR BYED, YONGS SU MA DAG PA'I ZHING RNAMS YONGS SU DAG PAR BYIN GYIS RLOB PAR BYED DO, ,SANGS RGYAS KYI ZHING TSAD MED PA RNAMS DUS SU MA PHYIN PAR 'JIG PA DANG 'CHAGS PAR BYIN GYIS RLOB PAR BYED DE, 'JIG PA RNAMS NI 'CHAGS PAR BYIN GYIS RLOB PAR BYED DO, ,RANG LUS BDE BAR GSHEGS ZHING DU, ,DE YANG RANG LUS BDAG NYID DU, ,RANG GI ZHING NI BDE GSHEGS SKUR, ,BZHED PA TZAM GYIS BYIN GYIS RLOB, ,RANG GI LUS SANGS RGYAS KYI ZHING DU BYIN GYIS RLOB PAR BYED DO, ,SANGS RGYAS KYI ZHING DE YANG RANG GI LUS SU BYIN GYIS RLOB PAR BYED DO, ,SANGS RGYAS KYI ZHING DE BZHIN GSHEGS PA'I SKUR BYIN GYIS RLOB PAR BYED DO, ,BA SPU'I KHUNG DANG 'OD ZER LAS, ,NAM MKHA' LAS NI ROL MO'I SGRA, ,SPRUL PA YIS NI RAB BTANG NAS, ,THOS NA DGA' BAR 'GYUR BAS NI, , MTHAR THUG PAR NI KHYAB PAR 'GENGS, ,KA LA PINGKA'I SGRA DBYANGS NI, ,ZAB CING RGYA CHE SGROGS PA YIS, ,'JIG RTEN RNAMS NI GSUNG GIS 'GENGS, ,RANG GI LUS KYI BA SPU'I KHUNG BU DANG 'OD ZER LAS BYUNG BA'I RNGA DAG LAS BRDUNGS PA'AM, MA BRDUNGS PAR NAM MKHA' LAS BYUNG PA'AM, SPRUL PA SNGAR BSTAN PA DAG LAS NGES PAR BYUNG BA NI THOS NA YID DGA' BA DANG KHYAB PAR BYED CING 'GENGS PA DANG, MTHAR THUG PAR BYED PAS NA, MTHAR THUG PA DANG GSAL BAS NA DRANG BA DANG, KA LA PINGKA'I DBYANGS SNYAN PA DANG, SKYE BO THAMS CAD KYIS DON GZUNG BAR MI NUS PA DANG, DBYANGS CHEN POS GSUNG BA DANG, KHYAD PAR GSUNG BA'I GSUNG DAG GIS SO, ,CI ZHIG BYED CE NA, 'JIG RTEN RNAMS LA, MOS PA'I DBANG DANG DBANG PO BZHIN, ,ZHI BA RO GCIG ZHI BA DANG, ,GDUL BYA RNAMS NI GDUL BA'I PHYIR, , @138A *, ,CHOS 'DI RNAMS NI GSUNG BAR MDZAD, ,MOS PA'I STOBS DANG DANG PA LA SOGS PA'I DBANG PO'I NUS PA DANG ZHI BA NYID RO GCIG PA 'DI LA YOD PAS ZHI BAR RO GCIG PA'O, ,'JIGS PA THAMS CAD SEL BA DANG, SKAL BA DANG LDAN PA'I SKYE BO YONGS SU SMIN PAR BYA BA'I PHYIR CHOS RNAM PA DU MAR STON PAR MDZAD PA'O, ,'DI DAG NI RDZU 'PHRUL LA DBANG BA STE, RAB TU BYED PA BCU BDUN GYIS YANG DAG PAR BSTAN PA YIN NO, ,DE LTAR BSTAN PA'I DBANG BCU'I BYE BRAG SHES PAR 'DOD PA RNAMS KYIS, MDO SDE DKON MCHOG SPRIN LAS BYE BRAG RGYAS PA NGES PAR SHES PAR BYA'O, ,DE NAS GZHAN YANG MNGON PAR SHES PA BRJOD PAR BYA STE, DMAN DANG BAG LA NYAL BCAS DAG ,BDE DANG SDUG BSNGAL SOGS DANG BCAS, ,DMAN DANG 'BRING DANG MCHOG RNAMS DANG, ,YANG DAG GYA NOM SOGS DE RNAMS, , GANG LA JI LTAR JI SRID DU, ,LUS CAN RNAMS KYI SEMS 'BYUNG BA, ,DE RNAMS DE LA DE BZHIN DANG, ,DE SNYED MANG RNAMS RIG PAR BYED, ,DMAN PA NI NYON MONGS PA DANG NYE BA'I NYON MONGS PA NYAMS PAR BYAS PA'O, ,BAG LA NYAL BCAS PA NI 'DOD CHAGS DANG, ZHE SDANG DANG, GTI MUG DANG, NGA RGYAL DANG, LTA BA ZHES BYA BA'I BAG LA NYAL GYI BAG LA NYAL DANG BCAS PA'O, ,DAG PA NI NYON MONGS PA'I BAG LA NYAL SPANGS PA'O, ,SDUG BSNGAL GSUM DANG BRAL BA NI BDE BA DANG BCAS PA'AM, DUS DE SRID PA'I TSOR BA BDE BA DANG LDAN PA'O, ,DE LAS BZLOG PA NI SDUG BSNGAL DANG BCAS PA'O, ,GNYI GA'I NGO BO NI SDUG BSNGAL DANG BDE BA MA YIN PA DANG BCAS PA'O, ,DMAN PA NI SHIN TU SMAD PA DANG GZHAN DAG KYANG NGO, ,'BRING NI DE BAS MTHO BAR GYUR PA'O, ,MCHOG NI DAM PA DANG MCHOG DANG GYA NOM PA'O, ,THEG PA GSUM LA ZHUGS PAR GYUR PA NI YANG DAG PA'I GYA NOM PA'O, ,SRID PA LA MNGON PAR DGA' BA NI PHYIN CI LOG GI GYA NOM PA'O, ,SEMS CAN DE RNAMS YUL GANG LA JI LTAR DUS JI SRID DU ZHUGS PA'I SEMS CHUNG NGU DANG YANGS PA DANG CHEN POR GTOGS PA DANG, TSAD MED PA'I DBYE BAS SEMS JI LTA BAR SKYE BAR GYUR PA DE THAMS CAD @138B RTEN DANG BRTEN PA'I BYE BRAG DANG ZHUGS PAR GYUR PA'I BYE BRAG MANG PO DAG SKAD CIG LA SHES PAR 'GYUR RO, ,'DIS NI GZHAN GYI SEMS SHES PA'I MNGON PAR SHES PA BSTAN TO, ,LHA'I MIG NI RNAM PA GNYIS TE, 'CHI 'PHO BA DANG, SKYE BA'I YUL CAN DANG, GZUGS KYI YUL CAN NO, ,DE LA SHA'I MIG DAG PA NI PHRA MO DANG BSGRIBS PA DANG, RING BA DAG LA THOGS PA MED PAR 'JUG CING 'BYUNG BA'I PHYIR GZUGS KYI YUL CAN ZHES BYA STE, DES RIG PA DE BSTAN PA'I PHYIR, ,LHA DANG SPRUL PA PHRA MO DANG, ,DE LAS BZLOG PAR GYUR PA DAG ,KUN DU GZUGS NI THAMS CAD KYANG, ,LHA YI MIG GIS DE DAG MTHONG, ,BYANG CHUB SEMS DPA'I LHA'I MIG GANG YIN PA DE NI LHA RNAMS KYIS MI SHES SO, ,GANG YANG LHA RNAMS KYI LHA'I MIG DE NI BYANG CHUB SEMS DPAS RAB TU SHES TE, LHA