@1A [DD] #, ,RGYA GAR SKAD DU, PRA DZNY'A PRA D'I PAm t'I K'A, BOD SKAD DU, SHES RAB SGRON MA RGYA CHER 'GREL PA, BAM PO DANG PO, DKON MCHOG GSUM LA PHYAG 'TSAL LO, ,'JAM [DD] DPAL GZHON NUR GYUR PA LA PHYAG 'TSAL LO, ,SLOB DPON BTZUN PA SPYAN RAS GZIGS BRTUL ZHUGS LA PHYAG 'TSAL LO, ,GANG PHYIR SHES RAB SGRON MA YIS, ,SHES RAB PHA ROL PHYIN RTOGS DANG; ,SNYEMS RGOL THAMS CAD TSAR BCAD PA, ,THOB 'GYUR DE PHYIR BDE GSHEGS DANG, ,BYANG CHUB SEMS DPA' RNAMS LA YANG, ,BSAM PA THAG PAS PHYAG 'TSAL NAS, ,BLA MA'I MTHU YIS BDAG GIS NI, ,DE'I DON GSAL BAR RNAM BSHAD BYA, ,GANG GI PHYIR 'JIG RTEN NI LAS SAM BSTAN BCOS 'BRAS BU DANG BCAS PA LA 'JUG GI 'BRAS BU MED PA LA MI 'JUG PA DE'I PHYIR DBU MA'I BSTAN BCOS LA CHOS THAMS CAD KYI DE KHO NA NYID RTOGS PA NI KUN RDZOB TU 'BRAS BUR RNAM PAR GZHAG GO, ,DON DAM PAR NI 'BRAS BU'I RNAM PAR RTOG PA MED DE, 'PHAGS PA GLANG PO'I @2A *, ,RTZAL GYI MDO LAS, MYA NGAN LAS 'DAS PA'I DBYINGS NI 'BRAS BU THAMS CAD DANG BRAL BA'O ZHES JI SKAD GSUNGS PA LTA BU'O, ,DE KHO NA RTOGS PA 'DI LAS SHES RAB KYI PHA ROL TU PHYIN PA RTOGS PAR 'GYUR TE; DE LTAR NA STONG PA NYID DANG, NGO BO NYID MED PA NYID DANG, SKYE BA MED PA'I SKU MYA NGAN LAS 'DAS PA RTOGS PAR 'GYUR RO, ,DE'I PHYIR BLO GROS DANG LDAN PAS BSTAN BCOS 'DIS THAMS CAD MKHYEN PA NYID BSAM GYIS MI KHYAB PA'I 'BRAS BUS 'BRAS BU DANG LDAN PAR RTOGS NAS GUS PAR GYUR PAS 'DI LA MOS PA BSKYED PAR BYA'O, ,LA LA LA BCOM LDAN 'DAS KYIS MTSAN NYID JI LTA BU DANG LDAN PA'I DE KHO NA THUGS SU CHUD NAS BSTAN BCOS KYI DE KHO NA NI YI GE MED PA YIN NA JI LTAR BSTAN, CI'I PHYIR BSTAN SNYAM PA'I BLO DE LTA BU SKYES PAS DE'I PHYIR 'GREL PA BYED PAS DANG PO KHO NAR BSTOD PA'I SGO NAS DE NYID LA, GANG GIS CHOS KYI DE NYID RNAM RTOG LEGS BRAL BA, ,SPROS PA KUN ZHI BLO NGAN RAB RIB SKYON 'JOMS CAN, ,TSIG GI YUL MA YIN YANG DE YI SGRO BTAGS NAS, ,SA KUN 'BYOR PHYIR BSTAN PA DE LA PHYAG 'TSAL LO, ,ZHES BYA BA SMRAS SO, ,DE LA GANG GIS CHOS KYI DE NYID BSTAN PA DE LA @2B PHYAG 'TSAL LO ZHES BYA BAR SBYAR RO, ,DE LA CHOS KYI DE NYID CES BYA BA NI KHYAD PAR GYI GZHI YIN LA, RNAM RTOG LEGS BRAL BA ZHES BYA BA DANG, SPROS PA KUN ZHI ZHES BYA BA DANG, BLO NGAN RAB RIB SKYON 'JOMS CAN ZHES BYA BA DANG, TSIG GI YUL MA YIN PA ZHES BYA BA BZHI PO DE DAG NI DE'I KHYAD PAR YIN NO, ,DE LA GANG GIS ZHES BYA BA NI SANGS RGYAS BCOM LDAN 'DAS KYIS SO, ,CHOS KYI DE NYID CES BYA BA NI CHOS THAMS CAD KYI DE KHO NA'O, ,RNAM RTOG LEGS BRAL BA ZHES BYA BA LA RNAM RTOG CES BYA BA NI RNAM PAR RTOG PA STE SEMS KYI SPYOD PA NI RNAM PAR RTOG PA ZHES BYA'O, ,LEGS ZHES BYA BA NI YANG DAG PAR TE PHYIN CI MA LOG PAR RO, ,BRAL BA ZHES BYA BA NI RGYUN CHAD PA STE, CHOS KYI DE KHO NA GANG THUGS SU CHUD NA BCOM LDAN 'DAS KYIS BDAG GI NGO BO DANG GZHAN GYI NGO BO DANG YOD PA DANG MED PA LA SOGS PA'I RNAM PAR RTOG PA DAG LEGS PAR BRAL BAR GYUR PA DE NI RNAM RTOG LEGS BRAL BA ZHES BYA'O, ,SOGS PA'I SGRAS NI GZUGS DANG, SGRA DANG, DRI DANG, RO DANG, REG BYA DANG, CHOS LA SOGS PAR RNAM PAR RTOG PA DAG GZUNG NGO, ,SPROS PA KUN ZHI ZHES BYA BA LA, SPROS PA ZHES BYA BA NI NGAG GI SPYOD PA STE, PHUNG PO DANG, KHAMS DANG, SKYE MCHED DANG; SKYE BA DANG, 'GAGS PA LA SOGS PA'I RNAM PA BRJOD PA NI SPROS PA'O, ,KUN ZHI ZHES BYA BA NI THAMS CAD ZHI BAR GYUR CES BYA BA'I THA TSIG STE, DPER NA BUD SHING MED PAS ME SHI BA LA ZHI BAR GYUR CES BYA BA LTA BU'O, ,DE'I PHYIR CHOS KYI DE KHO NA GANG THUGS SU CHUD NA BCOM LDAN 'DAS KYIS SPROS PA THAMS CAD ZHI BAR GYUR PA DE NI SPROS PA KUN ZHI ZHES BYA'O, ,BLO NGAN RAB RIB SKYON 'JOMS CAN, ,ZHES BYA BA LA, BLO NGAN CES BYA BA NI BLO NGAN PA STE, BDAG GI NGO BO DANG, GZHAN GYI NGO BO DANG, YOD PA DANG MED PA LA SOGS PAR SEMS PA'I BLO NI NGAN PA'O, ,RAB RIB CES BYA BA NI BLO NGAN PA DE NYID RAB RIB STE, BLO NGAN RAB RIB NI MUN PA'O, ,SKYON ZHES BYA BA NI BLO NGAN PA'I RAB RIB DE NYID SKYON YIN PAS BLO NGAN RAB RIB SKYON NO, ,'JOMS ZHES BYA BA NI SEL BA'O, ,CAN ZHES BYA BA NI DE LTAR CHOS KYI DE KHO NA GANG LA BLO NGAN PA'I RAB RIB KYI SKYON 'JOMS PA'I NGANG TSUL @3A *, ,YOD PA DE NI BLO NGAN RAB RIB SKYON 'JOMS CAN ZHES BYA'O, ,TSIG GI YUL MA YIN PA ZHES BYA BA NI BSTAN PAR BYA BA MA YIN PA ZHES BYA BA'I THA TSIG GO, ,TSIG GI YUL MA YIN YANG CHOS KYI DE KHO NA DE NI SGRO BTAGS NAS BSTAN TO ZHES BYA BAR SBYAR RO, ,CI RNYED PA DANG BKUR STI'I ZANG ZING GI PHYIR BSTAN TAM ZHE NA, MA YIN TE, 'O NA CI'I PHYIR ZHE NA, DE'I PHYIR, SA KUN 'BYOR PHYIR ZHES BYA BA SMRAS SO, ,SA KUN 'BYOR ZHES BYA BA NI SA KUN GYI 'BYOR PA'O, ,'BYOR PA ZHES BYA BA NI DBANG PHYUG CES BYA BA'I RNAM GRANGS SO, ,SA KUN 'BYOR PHYIR ZHES BYA BA NI SA KUN GYI 'BYOR PA'I PHYIR TE; SA KUN GYI 'BYOR PA'I RGYU DANG, SA KUN GYI 'BYOR PA THOB PAR BYA BA'I PHYIR RO, ,BSTAN PA ZHES BYA BA NI BSTAN PAR GYUR PA ZHES BYA BA'I THA TSIG GO, ,DE LTAR NA SANGS RGYAS BCOM LDAN 'DAS GANG GI CHOS THAMS CAD KYI DE KHO NA RNAM PAR RTOG PA DANG LEGS PAR BRAL BA, SPROS PA KUN ZHI BA DANG; BLO NGAN PA'I RAB RIB KYI SKYON 'JOMS PA CAN, TSIG GI YUL MA YIN PA DE SGRO BTAGS NAS SA KUN GYI 'BYOR PA'I PHYIR BSTAN PA DE LA PHYAG 'TSAL LO ZHES SMRAS PA YIN NO, ,YANG NA CHOS KYI DE NYID CES BYA BA NI KHYAD PAR GYI GZHI YIN LA RNAM RTOG LEGS BRAL BA ZHES BYA BA DANG, SPROS PA KUN ZHI ZHES BYA BA DANG, BLO NGAN RAB RIB SKYON 'JOMS CAN ZHES BYA BA TSIG GSUM PO DE DAG NI DE'I KHYAD PAR YIN ZHING, SA KUN 'BYOR PHYIR ZHES BYA BA NI DGOS PA YIN LA, BSTAN PA ZHES BYA BA NI LAS YIN NO, ,'DI LA KHA CIG NA RE GAL TE CHOS KYI DE KHO NA TSIG GI YUL MA YIN ZHING BRJOD PAR BYA BA MA YIN LA SPROS PA MA LUS PA DANG BRAL BA YIN NA, 'O NA DE JI LTAR BSTAN PAR BYA ZHES ZER BAS DE'I PHYIR LA LAN GDAB PA'I DON DU, TSIG GI YUL MA YIN YANG DE NI SGRO BTAGS NAS ZHES BYA BA SMRAS TE, DE NI JI LTAR BSTAN PAR BYA ZHES RGOL BA'I LAN YIN NO, ,DE LTAR SANGS RGYAS BCOM LDAN 'DAS GANG GIS MTSAN NYID KYI GZHI CHOS THAMS CAD KYI DE KHO NA MTSAN NYID GSUM PO RNAM PAR RTOG PA DANG LEGS PAR BRAL BA DANG, SPROS PA KUN ZHI BA DANG, BLO NGAN PA'I RAB RIB KYI SKYON 'JOMS PA CAN ZHES BYA BA DAG GIS MTSON PA DE, SA KUN GYI 'BYOR PA'I PHYIR RGOL BA'I LAN GYI SGO NAS BSTAN PA DE LA PHYAG 'TSAL LO @3B ZHES SMRAS PA YIN NO, ,YANG NA CHOS KYI DE NYID CES BYA BA LA CHOS ZHES BYA BA NI RANG GI MTSAN NYID 'DZIN PA'I PHYIR CHOS SO, ,KUN RDZOB PA'I CHOS RNAMS KYI RANG GI MTSAN NYID NI RNAM PA GNYIS TE, MA DAG PA'I NGO BO NYID DANG, DAG PA'I NGO BO NYID DO, ,DE LA MA DAG PA'I NGO BO NYID NI GZUGS SU RUNG BA NYID LA SOGS PA'I RANG GI MTSAN NYID DANG, SA LA SOGS PA DANG, RTON PA LA SOGS PA RANG GI NGO BO NYID DAG GO, ,DAG PA'I NGO BO NYID NI CHOS THAMS CAD KYI NGO BO NYID MED PA NYID DANG, SKYE BA MED PA'I MTSAN NYID DO, ,'DI LA GZHAN DAG NA RE GAL TE NGO BO MED PA NYID CHOS THAMS CAD KYI RANG GI MTSAN NYID YIN NA, DE'I PHYIR DE'I CHOS RNAMS LA SPYI'I MTSAN NYID YIN PA'I PHYIR DE NYID SPYI'I MTSAN NYID DU 'GYUR TE, JI SKAD DU, GCIG GI STONG NYID GANG YIN PA, ,DE NYID KUN GYI STONG PA NYID, ,CES GSUNGS PAS DE'I PHYIR RANG GI MTSAN NYID DU YANG RNAM PAR MI GNAS LA, SPYI'I MTSAN NYID DU YANG RNAM PAR MI GNAS PA'AM, MTSAN NYID GNYI GA MED PAR 'GYUR RO ZHES ZER BAS DE'I PHYIR SMRAS PA, DE'I PHYIR CHOS THAMS CAD MI GNAS PA, RNAM PAR MI GNAS PA ZHES GSUNGS PA GANG YIN PA DE NI THEG PA MCHOG GI TSUL GSAL BAR BYED PA YIN TE, 'PHAGS PA NYI MA'I SNYING PO'I MDO LAS, RGYAL PO CHEN PO CHOS THAMS CAD NI MI GNAS PA, RNAM PAR MI GNAS PA'O ZHES JI SKAD GSUNGS PA LTA BU'O, ,MTSAN NYID MED PAR YANG MI 'GYUR TE, 'DI LTAR GANG GI TSE CHOS THAMS CAD MA LUS PA NGO BO NYID MED PA NYID DU BRJOD PA NA CHOS GCIG NGO BO NYID MED PA NYID DU BRJOD NAS KHA ROG PAR 'DUG GAM; GTAM GZHAN DAG SMRA BAR BYED NA DE'I TSE RANG GI MTSAN NYID RNAM PAR GNAS SO, ,GANG GI TSE JI LTAR GZUGS NGO BO NYID MED PA DE BZHIN DU TSOR BA LA SOGS PA YANG NGO BO NYID MED PA NYID DU BRJOD PA DE'I TSE NA NI SPYI'I MTSAN NYID RNAM PAR GNAS PAS DE'I PHYIR DE NI KLAN KAR MI RUNG NGO, ,YANG NA DNGOS PO RNAMS NGO BO NYID KYI GCIG PA NYID DANG THA DAD PA NYID DANG BRAL BA'I RANG BZHIN NI RANG GI MTSAN NYID YIN LA, DE'I SPROS PA NI SPYI'I MTSAN NYID YIN TE, DE'I PHYIR KUN RDZOB PA'I CHOS DE RNAMS RANG GI MTSAN NYID DAG PA DANG MA DAG PA GNYIS 'DZIN PA'I PHYIR CHOS ZHES BYA'O, ,DE NYID CES BYA BA NI CHOS DE RNAMS @4A *, ,KYI DE KHO NA STE, DE KHO NA NI PHYIN CI MA LAG PA DANG YANG DAG PA JI LTA BA BZHIN ZHES BYA BA'I RNAM GRANGS SO, ,RNAM RTOG LEGS BRAL BA ZHES BYA BA NI DON DAM PAR BDAG GI NGO BO DANG, GZHAN GYI NGO BO DANG, YOD PA DANG MED PA LA SOGS PA'I RNAM PA GZUNG BA'I YUL RNAMS MA SKYES PA'I PHYIR DANG, BDAG GI NGO BO DANG GZHAN GYI NGO BO DANG YOD PA DANG MED PA LA SOGS PA'I RNAM PAR 'DZIN PA'I RNAM PAR RTOG PA DANG BRAL BA'I PHYIR RO, ,SPROS PA KUN ZHI ZHES BYA BA NI LUNG LAS MA BRTAGS MA DPYAD PAR TSIG MI SMRA'O ZHES GSUNGS PAS, DE'I PHYIR RTOG PA DANG DPYOD PA'I BDAG NYID KYI RNAM PAR RTOG PA DANG BRAL BA'I PHYIR DANG, BRJOD PA'I RNAM PAR SPROS PA MA LUS PAR ZHI BA'I PHYIR RO, ,TSIG GI YUL MA YIN YANG ZHES BYA BA NI CHOS KYI DE KHO NA NI TSIG GI SPYOD YUL LAS YANG DAG PAR 'DAS PA YIN, YANG SANGS RGYAS BCOM LDAN 'DAS SEMS CAN GYI KHAMS MA LUS PA LA DMIGS PA'I THUGS RJE CHEN POS BSKUL BAS NA CHOS KYI DE KHO NA NYID TSIG GI YUL MA YIN PA YI GE MED PA YANG YI GE DAG GIS BSTAN PA'O, ,DE NI SGRO BTAGS NAS ZHES BYA BA NI CHOS KYI DE KHO NA ZHES BYA BA DER SGRO BTAGS NAS BSTAN PA STE, CHOS KYI DE KHO NA ZHES BYA BAR DE SKAD BSTAN PA'O, ,YANG NA DE NI SGRO BTAGS NAS ZHES BYA BA NI CHOS KYI DE KHO NA'I TSIG BLA DGAS, 'GAG PA MED PA DANG, SKYE BA MED PA DANG, CHAD PA MED PA DANG, RTAG PA MED PA DANG, DON THA DAD PA MA YIN PA DANG, DON GCIG PA MA YIN PA DANG, 'ONG BA MED PA DANG, 'GRO BA MED PA ZHES BYA BA GANG DAG YIN PA DE DAG TU YANG DAG PA PHYIN CI MA LOG PAR SGRO BTAGS NAS BSTAN PA'O, ,YANG NA DE NI SGRO BTAGS NAS ZHES BYA BA NI CHOS KYI DE KHO NA NYID DE LA SGRO BTAGS PA NI SGRO BTAGS PA STE, DE LA JI ZHIG SGRO BTAGS SHE NA, CHOS KYI DE KHO NA DE LA RNAM RTOG LEGS BRAL BA ZHES BYA BA DANG, SPROS PA KUN ZHI ZHES BYA BA DANG, BLO NGAN RAB RIB SKYON 'JOMS CAN ZHES BYA BAR BRJOD PA GSUM PO DE DAG SGRO BTAGS NAS BSTAN PA'O, ,SA KUN 'BYOR PHYIR ZHES BYA BA LA, SA ZHES BYA BA NI 'DOD PA'I KHAMS DANG, GZUGS DANG, GZUGS MED PA'I KHAMS SO, ,KUN ZHES BYA BA NI CHA DANG BCAS PA STE CHA ZHES BYA BA @4B NI CHA PHRA BA NYID DE DE DANG BCAS PA'O, ,SA KUN 'BYOR PHYIR ZHES BYA BA NI BCOM LDAN 'DAS KYIS SA CHA DANG BCAS PA GANG GIS 'BYOR PA'I PHYIR CHOS KYI DE KHO NA MA BSTAN PA NI CHA PHRA MO'I RNAM PA YANG MED DE, 'PHAGS PA SHES RAB KYI PHA ROL TU PHYIN PA'I MDO LAS, SHES RAB KYI PHA ROL TU PHYIN PA LA BRTEN NAS 'JIG RTEN NA RGYAL RIGS SHING S'A LA CHEN PO LTA BU DAG YOD PA YIN, RGYAL CHEN BZHI'I RIS KYI LHA RNAMS KYI BAR DAG YOD PA YIN, 'DU SHES MED 'DU SHES MED MIN SKYE MCHED DU NYE BAR 'GRO BA'I LHA RNAMS KYI BAR DAG YOD PA YIN, SHES RAB KYI PHA ROL TU PHYIN PA LA BRTEN NAS, 'JIG RTEN NA RGYUN DU ZHUGS PA'I 'BRAS BU YOD PA YIN, RNAM PA THAMS CAD MKHYEN PA NYID KYI BAR DAG YOD PA YIN ZHES JI SKAD GSUNGS PA LTA BU STE, DE'I PHYIR SA KUN GYI 'BYOR BA'I PHYIR SANGS RGYAS BCOM LDAN 'DAS KYIS CHOS KYI DE KHO NA BSTAN TO ZHES BYA BA DE NI LEGS PAR SMRAS PA YIN NO, ,BSTAN PA ZHES BYA BA NI GDUL DKA' BA RNAMS GDUL BA'I PHYIR DNGOS PO'I DE KHO NA NGO BO NYID MED PA NYID BSTAN PAR GYUR PA'AM, ,MI SHES PA'I MUN PA MA LUS PAR SPANG PA'I PHYIR CHOS KYI DE KHO NA NYI MA'I 'OD ZER GYI SNANG BA LTA BU BSTAN PAR GYUR PA STE, DE LA PHYAG 'TSAL LO ZHES BYA BA SMRAS SO, ,YANG NA GANG GIS CHOS KYI DE NYID BSTAN PA DE LA PHYAG 'TSAL LO ZHES BYA BA LA 'DIR GANG GIS ZHES BYA BA NI KHYAD PAR GYI GZHI YIN LA, RNAM RTOG LEGS BRAL BA ZHES BYA BA DANG, SPROS PA KUN ZHI ZHES BYA BA GNYIS NI DE'I KHYAD PAR YIN NO, ,CHOS KYI DE NYID CES BYA BA NI KHYAD PAR GYI GZHI YIN LA, BLO NGAN RAB RIB SKYON 'JOMS CAN, ,ZHES BYA BA NI DE'I KHYAD PAR YIN NO, ,DE LA RNAM RTOG LEGS BRAL BA ZHES BYA BA NI YANG DAG PA PHYIN CI MA LOG PA'I SGO NAS GANG GI RNAM PAR RTOG PA DAG JI LTAR 'GAGS NAS YANG MI SKYE BA DE LTAR LEGS PAR BRAL BA DE NI RNAM RTOG LEGS BRAL BA'O, ,SPROS PA KUN ZHI ZHES BYA BA NI GANG GIS SPROS PA THAMS CAD ZHI BAR GYUR PA DE NI SPROS PA KUN ZHI BA'O, ,DE'I PHYIR RNAM PAR RTOG PA DANG LEGS PAR BRAL BA'I MTSAN NYID DE LTA BU DANG LDAN PA DANG, SPROS PA KUN ZHI BA'I MTSAN DE LTA BU DANG LDAN PA'I SANGS RGYAS BCOM LDAN 'DAS GANG GIS SA KUN GYI 'BYOR PA'I @5A *, ,PHYIR CHOS KYI DE KHO NA BSTAN PA DE LA PHYAG 'TSAL LO ZHES BYA BAR SBYAR RO, ,'DI LA KHA CIG GAL TE BCOM LDAN 'DAS RNAM PAR RTOG PA DANG SPROS PA LAS 'DAS SHING TSIG GI YUL YANG MA YIN NA, 'O NA BCOM LDAN 'DAS DE LA JI LTAR BSTOD PAR BYA ZHING, BCOM LDAN 'DAS DE STON PAR YANG JI LTAR RIGS ZHES RGOL BAS, DE'I PHYIR DE LA LAN GDAB PA'I DON DU TSIG GI YUL MA YIN YANG DE NI SGRO BTAGS NAS ZHES SMRAS TE, GANG ZAG GANG GIS STOD PAR BYED PA DANG, BCOM LDAN 'DAS GANG LA BSTOD PAR BYA BA DE GNYIS JI LTAR BSTOD PA'I TSIG 'DI DANG 'BREL BA MED PAR 'GYUR TE, 'BREL PA YOD PA KHO NA YIN NO, ,BCOM LDAN 'DAS DE STON PAR YANG JI LTAR RIGS ZHES SMRAS PA GANG YIN PA DE NI TSIG GI YUL MA YIN YANG CHOS DE SGRO BTAGS NAS STON PAR MDZAD PAS, BCOM LDAN 'DAS DE STON PAR YANG JI LTAR MI RIGS PAR 'GYUR TE RIGS PA KHO NA YIN NO,, YANG KHA CIG 'DI SNYAM DU GANG GIS SA KUN GYI 'BYOR PA'I PHYIR CHOS KYI DE KHO NA BSTAN PA RNAM PAR RTOG PA DANG LEGS PAR BRAL BA, SPROS PA KUN ZHI BA DE GANG YIN SNYAM DU THE TSOM ZA BA DE BSTZAL BA'I PHYIR SANGS RGYAS BCOM LDAN 'DAS GANG GI MTSAN NYID KYI GZHI CHOS KYI DE NYID CES BYA BA MTSAN NYID, BLO NGAN RAB RIB SKYON 'JOMS CAN, ,ZHES BYA BA THUN MONG MA YIN PA GCIG GIS MTSON PA BSTAN PA DE LA PHYAG 'TSAL LO ZHES SMRAS PA YIN NO, ,GANG GIS ZHES BYA BA DANG DE LA ZHES BYA BAR JI LTAR SBYAR DU RUNG ZHE NA, 'DI LTAR DON GYI DBANG GIS TSIG BSGYUR ZHING SBYAR DU RUNG STE, DPER NA LHA SBYIN GANG GI KHYIM BRTZIGS PA DE BOS SHIG CES BYA BA DANG 'DRA BAR 'DIR YANG SANGS RGYAS BCOM LDAN 'DAS GANG GI CHOS KYI DE NYID BSTAN PA DE LA PHYAG 'TSAL LO ZHES BYA BAR SBYAR RO, ,DE LTAR NA JI SKAD BSTAN PA'I RNAM PA DE DAG GIS NI SNGAR LA LA LA BCOM LDAN 'DAS KYIS MTSAN NYID JI LTA BU DANG LDAN PA'I DE KHO NA THUGS SU CHUD NAS BSTAN, CHOS KYI DE KHO NA NI YI GE MED PA YIN NA JI LTAR BSTAN, CI'I PHYIR BSTAN SNYAM PA'I BLO DE LTA BU SKYE BAS ZHES SMOS PA GANG YIN PA DE'I LAN RNAM PAR BSHAD PA YIN TE, MTSAN NYID JI LTA BU DANG LDAN PA'I DE KHO NA THUGS SU CHUD NAS BSTAN CE NA, MTSAN NYID @5B BZHI'AM MTSAN NYID GSUM MAM, MTSAN NYID GCIG DANG LDAN PA'I DE KHO NA THUGS SU CHUD NAS BSTAN TO, ,CHOS KYI DE KHO NA NI YI GE MED PA YIN NA JI LTAR BSTAN CE NA, TSIG GI YUL MA YIN YANG DE NI SGRO BTAGS NAS BSTAN TO, ,CI'I PHYIR BSTAN CE NA, SA KUN GYI 'BYOR BA'I PHYIR BSTAN TO ZHES RNAM PAR BSHAD PA YIN NO, ,DE LTAR BCOM LDAN 'DAS LA BDAG DANG GZHAN GYI DON BSAM GYIS MI KHYAB PA BLA NA MED PA'I 'BRAS BU DANG LDAN PA'I CHOS KYI DE KHO NA STON PA NYID KYI YON TAN BRJOD PAS STOD PAR BYED PA DANG, BSTAN BCOS KYI 'BRAS BU KHYAD PAR DANG BCAS PA DANG, DGOS PA DANG BCAS PA DANG, GZHAN GYIS BTZAL BA'I KLAN KA BSAL BA'I SGO NAS STON PAR BYED PA GANG YIN PA DE NI 'GREL PA BYED PA'I MKHAS PA NYID YIN NO, ,GZHAN DAG PHAL CHER SLOB DPON LEGS LDAN 'BYED KYIS RNAM PAR BSHAD PA'I BRNAG PA MI BZOD PA NA, GAL TE 'DIS MDO MDZAD PAS RANG GI 'GREL PA GA LAS 'JIGS MED DU SHES RAB KYI PHA ROL TU PHYIN PA'I TSUL GYI MTSAN NYID GANG KHO NA BSTAN PA'I MTSAN NYID DE KHO NA STON NA NI DE'I PHYIR DE DANG PO NYID DU RNAM PAR BSHAD ZIN PAS BTAGS PA LA 'THAG PA DANG 'DRA BAS RNAM PAR BSHAD PA BRTZAMS PA 'DI MI DGOS SO, ,'O NA TE DER MA BSHAD PA 'DIR 'CHAD NA NI DE LTAR NA YANG MDO LAS LHAG PA RANG GI BLOS RNAM PAR BSHAD PA MI RIGS SO ZHES PHYIR ZLOG PAR BYED PAS DE'I PHYIR 'GREL PA BYED PAS DANG PO KHO NAR KHONG NAS DBYUNG BA'I PHYOGS SNGA MA DE GNYIS KA BSAL BA'I PHYIR, SLOB DPON GYI ZHAL SNGA NAS KYIS TSIG LE'UR BYAS PA DAG KHO NA RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA DANG, LTA BA NGAN PA'I DRA BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL BKA' STZAL MOD KYI, TSANGS PA MTSUNGS PAR SPYOD PA RNAMS LAS KHA CIG GIS MI RTOGS PAS DE'I PHYIR DE DAG GIS RTOGS PAR BYA BAR 'DOD NAS LUNG JI LTA BA BZHIN DU DBU MA'I BSTAN BCOS BSHAD PAR BYA'O ZHES BYA BA SMRAS SO, ,DE LA SLOB DPON GYI ZHAL SNGA NAS KYIS ZHES BYA BAS NI NGA RGYAL SPANGS PA BSTAN TO, ,TSIG LE'UR BYAS PA DAG CES BYA BA NI DE DAG @6A *, ,TSIG LE'U YANG YIN LA BYED PA YANG YIN TE, 'DOD PA'I DON BYED PA DANG, MNGON PAR 'GRUB PAR BYED PA DANG, SGRUB PAR BYED PA DAG GO, ,KHO NAS ZHES BYA BA NI DE TSIG LE'UR BYED PA DE DAG KHO NAS TE, DE'I PHYIR 'DI LA BDAG GI SKYES BU'I RTZAL MED PAS SO, ,RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA ZHES BYA BA NI SHES RAB KYI PHA ROL TU PHYIN PA'I TSUL GANG DU RANG GI PHYOGS SGRUB PA'I PHYIR, RJES SU DPAG PA'I GSAL BA DANG DE KHO NA DAG BSTAN PA DANG, GZHAN GYI PHYOGS GZHIG PA'I PHYIR SUN DBYUNG BA'I GSAL BA DANG DE KHO NA DAG BSTAN PA GANG YIN PA DE NI RJES SU DPAG PA DANG, SUN DBYUNG BA'I GSAL BA DANG, DE KHO NA DAG BSTAN PA YIN NO, ,DE LA RJES SU DPAG PA'I GSAL BA DAG CES BYA BA NI YI GE DANG TSIG DANG NGAG SHIN TU RNAM PAR DAG PA DAG GO, ,DE KHO NA DAG CES BYA BA NI RJES SU DPAG PA LTAR SNANG BA MA YIN PA DAG GO, ,YANG NA GSAL BDAG CES BYA BA NI TSIG GI BDAG NYID DAG GO, ,DE KHO NA DAG CES BYA BA NI DON GYI BDAG NYID DAG GO, ,DE BZHIN DU SUN DBYUNG BA'I GSAL BA DAG CES BYA BA YANG YI GE DANG TSIG DANG NGAG SHIN TU RNAM PAR DAG PA DAG GO, ,DE KHO NA DAG CES BYA BA NI SUN DBYUNG BA LTAR SNANG BA MA YIN PA DAG GO, ,YANG NA GSAL BA DAG CES BYA BA NI TSIG GI BDAG NYID DO, ,DE KHO NA DAG CES BYA BA NI DON GYI BDAG NYID DAG GO, ,BSTAN PA ZHES BYA BA NI GSAL BAR BYAS PA'O, ,YANG NA SHES RAB KYI PHA ROL TU PHYIN PA'I TSUL GANG DU DBU MA PAS NYE BAR SBYAR BA'I RJES SU DPAG PA GSAL BAR RJOD PA DAG GIS GZHAN GYI PHYOGS SUN DBYUNG BA'I DE KHO NA DAG BSTAN PA GANG YIN PA DE NI RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA YIN NO, ,YANG NA SHES RAB KYI PHA ROL TU PHYIN PA'I TSUL GANG DU GZHAN GYIS NYE BAR SBYAR BA'I RJES SU DPAG PA GSAL BA DAG KYANG DBU MA PAS SUN DBYUNG BA'I DE KHO NA DAG BSTAN PA GANG YIN PA DE NI RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA YIN NO, ,SHES RAB KYI PHA ROL TU PHYIN PA'I TSUL DER RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA 'BA' ZHIG TU YANG MA ZAD DE, SHES RAB KYI PHA @6B ROL TU PHYIN PA'I TSUL DE NI LTA BA NGAN PA'I DRA BA ZHI BAR BYED PA DANG LDAN PA YANG YIN NO, ,DE LA LTA BA ZHES BYA BA NI MTHONG BA ZHES BYA BA DANG, DON THA DAD PA MA YIN TE DON GCIG GO, ,LTA BA NGAN PA ZHES BYA BA NI MTHONG BA NGAN PA STE, BDAG GI NGO BO DANG, GZHAN GYI NGO BO DANG, YOD PA DANG MED PA LA SOGS PAR MTHONG BA'I LTA BA'O, ,LTA BA NGAN PA'I DRA BA ZHES BYA BA NI LTA BA NGAN PA DE NYID DRA BA STE, DPER NA DRA BAS G-YOGS NAS RANG DGAR 'GRO MI NUS PA DANG 'DRA BAR LTA BA NGAN PA'I DRA BAS BSGRIBS NA MYA NGAN LAS 'DAS PAR 'GRO MI NUS PAS DE'I PHYIR LTA BA NGAN PA DE NYID DRA BA DANG 'DRA BAS LTA BA NGAN PA'I DRA BA'O, ,ZHI BAR BYED PA DANG LDAN PA ZHES BYA BA NI SHES RAB KYI PHA ROL TU PHYIN PA'I TSUL GANG LA LTA BA NGAN PA'I DRA BA ZHI BAR BYED PA'I NGANG TSUL YOD PA DE NI LTA BA NGAN PA'I DRA BA ZHI BAR BYED PA DANG LDAN PA YIN NO, ,DE YANG GANG ZHE NA, DE'I PHYIR SHES RAB KYI PHA ROL TU PHYIN PA'I TSUL ZHES BYA BA SMRAS SO, ,DE LA SHES RAB CES BYA BA NI RAB TU 'BYED PA'I MTSAN NYID DE, GANG GIS CHOS RNAMS RAB TU 'BYED PAR BYED PA DANG, RNAM PAR 'JOG PAR BYED PA DE NI SHES RAB CES BYA'O, ,PHA ROL TU PHYIN PA ZHES BYA BA NI MI DMIGS PA'I MTSAN NYID DO, ,PHA ROL ZHES BYA BA NI MI DMIGS PA STE SHES RAB GANG MI DMIGS PA DER PHYIN CING SON PA DE NI SHES RAB KYI PHA ROL TU PHYIN PA ZHES BYA STE, PHYIN PA MED PA YIN NO, ,TSUL ZHES BYA BA NI SHES RAB KYI PHA ROL TU PHYIN PA'I TSUL TE, SHES RAB KYI PHA ROL TU PHYIN PA'I MTSAN NYID KYI CHOS BSTAN PA GANG YIN PA'O, ,YANG NA SHES RAB KYI PHA ROL TU PHYIN PA NYID TSUL TE, GANG GIS CHOS THAMS CAD DMIGS SU MED PAR KHRID PAR BYED PA'AM, GANG GIS GZHAN GYI RGYUD LA DON KHRID PAR BYED PA'O, ,YANG NA GANG GIS BSOD NAMS DANG YE SHES KYI TSOGS GZHAL DU MED PA NYE BAR BSAGS PA'I 'JIG RTEN 'KHOR BA'I BTZON RA NAS BSGRAL TE; BSAM PA THAMS CAD YONGS SU RDZOGS PAR BYED PA'I YID BZHIN GYI NOR BU RIN PO CHE LTA BUR KHRID PAR BYED PA DE NI TSUL LO, ,BKA' STZAL MOD KYI ZHES BYA BA NI DE LTAR RJES SU DPAG PA DANG SUN DBYUNG BA'I GSAL BA DANG DE KHO NA DAG BSTAN PA DANG, LTA BA NGAN PA'I DRA BA ZHI BAR BYED PA DANG LDAN PA @7A *, ,SHES RAB KYI PHA ROL TU PHYIN PA'I TSUL DE BSTAN CING BSHAD KYANG NGO, ,TSANGS PA MTSUNGS PAR SPYOD PA RNAMS ZHES BYA BA NI GANG DAG GI TSANGS PAR SPYOD PA DANG LTA BA MTHUN PA DE DAG NI TSANGS PA MTSUNGS PAR SPYOD PA RNAMS TE, 'DI LTA STE, THEG PA MCHOG GI 'GRO BA RNAMS SO, ,DE RNAMS LAS KHA CIG GIS ZHES BYA BA NI RNAM PAR SPROS NAS GO BA DAG GIS TE, MGO SMOS PAS GO BA DAG GIS NI MA YIN NO, ,MI RTOG PAS ZHES BYA BA NI GANG DAG RJES SU DPAG PA DANG, SUN DBYUNG BA DAG MA BSTAN PAR RANG GIS NYE BAR SBYOR MI NUS PA DAG GIS SO, , DE'I PHYIR DE DAG GIS RTOGS PAR BYA BAR 'DOD NAS ZHES BYA BA NI RJES SU DPAG PA'I RIGS PA MED PAR LUNG TZAM GYIS NI 'DOD PA'I DNGOS PO MI 'GRUB STE, SLOB DPON 'PHAGS PA LHA'I ZHAL SNGA NAS KYIS, GAL TE YOD PA'I TSIG TZAM GYIS, ,DNGOS PO YOD PAR 'GYUR NA NI, ,MED CES BYA BA'I TSIG TZAM GYIS, ,CI PHYIR MED PAR 'GYUR BA MIN, ,DE'I PHYIR, DON GANG LUNG DANG RIGS PA YIS, ,LEGS PAR MNGON PAR BRJOD PA DANG, ,SNGA PHYI 'GAL BA MED PA DE, ,DAM PA RNAMS KYIS YONGS SU GZUNG, ,ZHES JI SKAD GSUNGS PA LTA BU STE, DE'I PHYIR RNAM PAR SPROS NA GO BA RJES SU DPAG PA DANG SUN DBYUNG BA NYE BAR SBYOR MI NUS PA DE DAG GIS RTOGS PAR BYA BA 'DOD NAS SO, ,YANG NA DE'I PHYIR DE DAG GIS RTOGS PAR BYA BAR 'DOD NAS ZHES BYA BA NI 'DI LA BCOM LDAN 'DAS KYIS 'PHAGS PA SPRIN CHEN PO'I MDO LAS, LITZTSA B'I GZHON NU 'JIG RTEN THAMS CAD KYIS MTHONG NA DGA' BA LUNG BSTAN PA LAS, NGA YONGS SU MYA NGAN LAS 'DAS NAS 'DI RGYAL PO MTHAR 'GRO ZHON GYI DUS NA DGE SLONG KLU ZHES BYA BAR GYUR NAS NGA'I BSTAN PA GSAL BAR BYAS TE, RIM GYIS 'JIG RTEN GYI KHAMS DANG BA'I 'OD CES BYA BAR, DE BZHIN GSHEGS PA YE SHES 'BYUNG GNAS 'OD CES BYA BAR 'GYUR RO ZHES LUNG BSTAN PA DANG, DE BZHIN DU 'PHAGS PA LANG KAR GSHEGS PA'I MDO LAS KYANG, ,BDE GSHEGS MYA NGAN 'DAS 'OG TU, ,TSUL RNAMS 'DZIN PAR 'GYUR BA DE, ,DUS DAG 'DAS NAS BYUNG BA NI, ,BLO GROS CHEN PO @7B KHYOD SHES BYOS, ,LHO PHYOGS BHE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS TE, DE'I PHYIR DES THEG PA MCHOG 'DI YOD PA DANG MED PA'I PHYOGS 'JIG PA NYID KYIS RNAM PAR BSTAN NAS, GANG DAG MA MOS SHING MA RTOGS PA NA NGES PA'I DON NI DRANG BA'I DON DU RJOD PAR BYED LA, DRANG BA'I DON NI NGES PA'I DON DU RJOD PAR BYED DE, DE'I PHYIR MA RTOGS PA DE DAG GIS RTOGS PAR BYA BAR 'DOD NAS SO, ,NGES PA'I DON DANG DRANG BA'I DON GYI MTSAN NYID NI, 'PHAGS PA BLO GROS MI ZAD PAS BSTAN PA'I MDO LAS, DE LA NGES PA'I DON GYI MDO SDE NI GANG, DRANG BA'I DON GYI MDO SDE NI GANG ZHE NA, MDO SDE GANG DAG BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, SHED LAS SKYES DANG, SHED BU DANG, BYED PA PO DANG, TSOR BA PO DANG, SHES PA PO DANG, MTHONG BA PO DANG, SGRA RNAM PA SNA TSOGS SU BSHAD PA DANG, BDAG PO MED PA LA BDAG PO DANG BCAS PAR BSTAN PA DE DAG NI DRANG BA'I DON CES BYA'O, , MDO SDE GANG DAG STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU MI BYED PA DANG, MA SKYES PA DANG, MA BYUNG BA DANG, DNGOS PO MED PA DANG, BDAG MED PA DANG, SEMS CAN MED PA DANG, SROG MED PA DANG, GSO BA MED PA DANG, SKYES BU MED PA DANG, GANG ZAG MED PA DANG, BDAG PO MED PA DANG, RNAM PAR THAR PA'I SGO'I BAR DU BSTAN PA DE DAG NI NGES PA'I DON ZHES BYA'O ZHES GSUNGS PA DANG, 'PHAGS PA ZLA BA SGRON MA'I MDO LAS KYANG, STONG PA BDE BAR GSHEGS PAS BSHAD PA LTAR, ,DES DON MDO SDE DAG GI BYE BRAG SHES, ,GANG LAS SEMS CAN GANG ZAG SKYES BUS BSTAN, ,CHOS DE THAMS CAD DRANG BA'I DON DU SHES, ,ZHES GSUNGS PA YIN TE, DE'I PHYIR MA RTOGS PA DE DAG GIS RTOGS PAR BYA BA NI DE DAG GIS KHONG DU CHUD PAR BYA BA ZHES BYA BA'I THA TSIG GO, ,DE DAG GIS RTOGS PAR BYA BAR 'DOD PAS ZHES BYA BA NI DE DAG @8A *, ,GIS KHONG DU CHUD PAR BYA BAR 'DOD NAS SO, ,LUNG JI LTA BA BZHIN DU ZHES BYA BA NI RANG GI BLOS MA YIN PAR RO, ,DE LTAR NA BRTZAMS PA 'DI ZLOS PA DANG DON MED PAR YANG MI 'GYUR TE, SEMS CAN RJES SU DPAG PA DANG SUN DBYUNG BA LA MI MKHAS PA RNAMS KYI BLO GROS RAB TU DBYE BA LA 'JUG PA'I PHYIR RO, ,YANG NA LUNG JI LTA BA BZHIN DU ZHES BYA BA NI NGES PA'I DON JI LTA BA DANG DRANG BA'I DON JI LTA BA DE DAG DE KHO NA BZHIN DU RNAM PAR BSHAD PA STE, DE'I PHYIR NGES PA'I DON DANG DRANG BA'I DON BZLOG PA LEGS PA MA YIN PA DE SPANG BA'I PHYIR YANG RNAM PAR BSHAD PA LA NYES PA MED DO, ,DBU MA'I ZHES BYA BA LA; DBU MA ZHES BYA BA NI SNYING PO STE TSIG LAS 'BYUNG BA THAMS CAD KYI NANG NAS DBU MA'I LAM 'DI MCHOG DANG SNYING PO YIN PA'O, ,GSUNG RAB GZHAN DAG NI CHAD PA DANG RTAG PA'I MTHA' STON PA'I PHYIR SNYING PO MA YIN LA, DBU MA NI CHAD PA DANG RTAG PA'I MTHA' SEL BAS DE'I PHYIR SNYING PO YIN PAS DBU MA ZHES BYA'O, ,YANG NA DBU MA ZHES BYA BA NI SHES RAB KYI PHA ROL TU PHYIN PA'I TSUL SKYE BA MED PA LA SOGS PA'I DNGOS PO BSDUS PA'I BSTAN BCOS NAM MKHA' LTA BU DAG GI NANG NAS BTUS PA'I PHYIR DBU MA'O, ,YANG NA DBU MA PA ZHES BYA BA NI DNGOS PO DANG, DNGOS PO MED PA'I MTHA' SPANGS PAS 'DIR DBU MA'I LAM BSTAN PA STE, MTHA' GNYIS SPANG BA'I THABS NI BSTAN BCOS 'DI MTHA' DAG TU RNAM PAR 'CHAD MOD KYI, 'ON KYANG MTHA' GNYIS SPANG BA LA NGO MTSAR SKYE BA RNAMS KYI DON DU PHYOGS TZAM ZHIG BRJOD PAR BYA STE, DON DAM PAR NA DNGOS PO THAMS CAD SKYE BA MED PA'I PHYIR DNGOS PO'I MTHAR 'DZIN PA YANG MED LA, DNGOS PO MED PA'I MTHAR 'DZIN PA YANG MED DO, ,'DI LTAR ZHIG NAS MED PA LTAR DNGOS PO ZHIG PAS DNGOS PO MED PAR GDAGS TE, DPER NA RING PO LA LTOS TE THUNG DU DANG, PHA ROL LA LTOS TE TSU ROL DU GDAGS PA LTA BU YIN NA DON DAM PAR DNGOS PO SKYE BA MED PA'I PHYIR GANG ZHIG PAS DNGOS PO MED PA'AM, GANG LA LTOS NAS GDAGS PAR 'GYUR TE, SLOB DPON NYID KYIS, GAL TE DNGOS PO MA GRUB NA, ,DNGOS MED GRUB PAR MI 'GYUR RO, ,DNGOS PO GZHAN DU 'GYUR BA NI, ,DNGOS MED YIN PAR SKYE BO SMRA, ,ZHES JI SKAD GSUNGS PA LTA BU'O, ,BSTAN @8B BCOS ZHES BYA BA NI NYON MONGS PA'I DGRA RNAMS 'CHOS PA'I PHYIR DANG, NGAN SONG BA'I 'JIGS PA LAS SKYOB PA'I PHYIR BSTAN BCOS ZHES BYA'O, ,YANG NA BSTAN BCOS ZHES BYA BA NI RNAM PAR RTOG PA'I DGRA 'CHOS PA'I PHYIR DANG, BSAM GYIS MI KHYAB CING RMAD DU BYUNG BA'I SKU GSUM THOB PAR BYED PA'I PHYIR BSTAN BCOS SO, ,YANG NA BSTAN BCOS ZHES BYA BA NI CHOS ZHI BA NYE BAR STON PA'I PHYIR DANG, LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB KYI BSLAB PA GSUM NYE BAR STON PA'I PHYIR DANG, DE BZHIN GSHEGS PA SH'AKYA THUB PAS BSTAN PA RNAM PAR THAR PA GSUM STON PA'I PHYIR BSTAN BCOS SO, ,BSHAD PAR BYA'O ZHES BYA BA NI DE'I PHYIR RGYU DE DAG GIS NA, 'GREL PA PHYED PA'I RNAM PAR BSHAD PA BRTZAMS PA, 'BRAS BU MED PA MA YIN PAS LUNG JI LTA BA BZHIN DU DBU MA'I BSTAN BCOS BSHAD PAR BYA'O ZHES BYA BA'I THA TSIG GO, ,DE LA BSTAN BCOS KYI 'BREL PA SMRAS PA ZHES BYA BA DE LA ZHES BYA BA'I SGRA NI BSTAN BCOS KYI 'BREL PA'I TSIG NYE BAR DGOD PAR 'DOD NAS DANG POR SBYAR TE, BSTAN BCOS ZHES BYA BA'I SGRA NI 'DAS MA THAG KHO NAR RNAM PAR BSHAD PA YIN NO, ,'BREL PA ZHES BYA BA NI RNAM PA GNYIS TE, RIGS PA'I 'BREL BA DANG, DON GYI 'BREL PA'O,, DE LA RIGS PA'I 'BREL BA NI BLA MA BRGYUD PA STE, SANGS RGYAS BCOM LDAN 'DAS DANG BSTAN BCOS MDZAD PA JI LTAR 'BYUNG BA'I RGYU BSTAN PA'O, ,DON GYI 'BREL PA NI YAN LAG GI DON BSTAN PA STE, RIGS PA'I 'BREL PA BSTAN PA DE NYID KYIS GZHUNG RNAMS KYI YAN LAG GI DON BSTAN PA'O,, DE LA DANG POR BLA MA DAM PA SANGS RGYAS BCOM LDAN 'DAS KYI 'BYUNG BA'I RGYU BSTAN PAR BYA ZHING, PHYIS BSTAN BCOS MDZAD PA'I 'BYUNG BA'I RGYU BSTAN PAR BYA'O, ,DE LTA BAS NA DE NYID BSTAN PA'I PHYIR, 'DI LA BCOM LDAN 'DAS THUGS RJE DAM PAS SPRO BA RAB TU BSKYED PA'I BLO GROS MNGA' BA, BSKAL PA BYE BA KHRAG KHRIG 'BUM PHRAG DPAG TU MED PAR BSOD NAMS DANG YE SHES KYI TSOGS GZHAL DU MED PA'I KHUR BZHES PAR MDZAD PA NA, GZHAN LA PHAN PA SKYE BA DANG RJES SU 'BREL BA'I THUGS RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO BA MNGA' BAS 'JIG RTEN SKYE BA DANG, @9A *, ,'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, THA DAD PA DANG, GCIG PA LA SOGS PA SPROS PA'I DRA BA THIBS POR 'KHYAMS SHING SNANG BA MED PA LA GZIGS NAS, SHES RAB KYIS SHES BYA'I RGYA MTSO MNGON PAR BSRUBS TE CHOS THAMS CAD KYI DE KHO NA'I BDUD RTZI SPROS PA'I DRA BA MTHA' DAG DANG LEGS PAR BRAL BA, GZHAN GYI DRING MI 'JOG PA, RNAM PAR MI RTOG PA BRNYES NAS, THEG PA MCHOG GIS 'GRO BA RNAMS LA, RTEN CING 'BREL BAR 'BYUNG BA'I RIN PO CHE DAM PA, SKYE BA DANG NA TSOD DANG, RIGS DANG, YUL DANG, DUS LAS 'DA' BA MED PA, MU STEGS BYED DANG, NYAN THOS DANG, RANG SANGS RGYAS THAMS CAD DANG THUN MONG MA YIN PA KUN RDZOB DANG, DON DAM PA'I BDEN PA LA BRTEN NAS SKYE BA DANG, SKYE BA MED PA LA SOGS PA'I BRJOD PA DAG GIS BKA' STZAL TO ZHES BYA BA SMRAS SO, ,TSIG 'DI'I BSDUS PA'I DON NI SANGS RGYAS BCOM LDAN 'DAS KYI RGYU BSTAN PA DANG, 'BRAS BU RANG DANG GZHAN GYI DON GYI MTSAN NYID RNAM PA GNYIS BSTAN PA YIN NO, ,YAN LAG GI DON DU NA 'DI LA BCOM LDAN 'DAS SNGON BYANG CHUB SEMS DPA'I SPYAD PA SPYOD PA NA SANGS RGYAS BCOM LDAN 'DAS KYI RGYU CI ZHIG MNGON PAR BSGRUB TE, 'BRAS BU RANG GI DON GYI MTSAN NYID BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS 'BRAS BU GZHAN GYI DON GYI MTSAN NYID THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA BKA' STZAL ZHE NA, SANGS RGYAS BCOM LDAN 'DAS KYI RGYU NI THUGS RJE DAM PAS SPRO BA RAB TU BSKYED PA'I BLO GROS MNGA' BA, BSKAL PA BYE BA KHRAG KHRIG 'BUM PHRAG DPAG TU MED PAR BSOD NAMS DANG YE SHES KYI TSOGS GZHAL DU MED PA'I KHUR BZHES PAR MDZAD PA NA, GZHAN LA PHAN PA SKYE BA DANG RJES SU 'BREL PA'I THUGS RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO BA MNGA' BAS, 'JIG RTEN SKYE PA DANG, 'GAG PA DANG, CHAD PA DANG, RTAG PA DANG, 'ONG BA DANG, THA DAD PA DANG, GCIG PA LA SOGS PA SPROS PA'I DRA BA THIBS POR 'KHYAMS SHING SNANG BA MED PA LA GZIGS NAS SHES RAB KYIS SHES BYA'I RGYA MTSO MNGON PAR BSRUBS TE ZHES BYA BAS @9B BSTAN TO, ,'BRAS BU RANG GI DON GYI MTSAN NYID NI CHOS THAMS CAD KYI DE KHO NA'I BDUD RTZI SPROS PA'I DRA BA MTHA' DAG DANG LEGS PAR BRAL BA GZHAN GYI DRING MI 'JOG PA RNAM PAR MI RTOG PA BRNYES NAS ZHES BYA BAS BSTAN TO, ,'BRAS BU GZHAN GYI DON GYI MTSAN NYID NI THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA, SKYE BA DANG NA TSOD DANG, RIGS DANG YUL DANG, DUS LAS 'DA' BA MED PA, MU STEGS BYED DANG, NYAN THOS DANG RANG SANGS RGYAS THAMS CAD DANG THUN MONG MA YIN PA, KUN RDZOB DANG DON DAM PA'I BDEN PA LA BRTEN NAS SKYE BA DANG SKYE BA MED PA LA SOGS PA'I BRJOD PA DAG GIS BKA' STZAL TO ZHES BYA BAS BSTAN TE, DE NI DON GYI 'BREL PA YIN NO, ,DE LA DON GYI 'BREL PA SBYAR BA NI 'DI YIN TE, BCOM LDAN 'DAS SNGON BYANG CHUB SEMS DPA'I SPYAD PA SPYOD PA NA THUGS RJE DAM PAS SPRO BA RAB TU BSKYED PA'I BLO GROS MNGA' BA, 'JIG RTEN LA THUGS BRTZE ZHING THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA BSTAN PAR DGONGS PA NA, GANG GI PHYIR BDAG MA GROL BAS GZHAN DGROL BAR BYA BA DE NI GNAS MA YIN NO SNYAM NAS, BSKAL PA BYE BA KHRAG KHRIG 'BUM PHRAG DPAG TU MED PAR BSOD NAMS DANG YE SHES KYI TSOGS GZHAL DU MED PA'I KHUR BZHES PAR MDZAD PA NA, GZHAN LA PHAN PA SKYE BA DANG RJES SU 'BREL BA'I THUGS DKA' BA SPYOD PAS RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO BA MNGA' BAS, 'JIG RTEN SKYE BA DANG 'GAG PA LA SOGS PA SPROS PA'I DRA BA MUN NAG THIBS PO DANG 'DRA BAR 'KHYAMS SHING 'JIG RTEN LAS 'DAS PA'I SHES RAB KYI SNANG BA NYI MA LTA BU MED PA LA GZIGS NAS, SHES RAB RI RAB KYI SRUB SHING LTA BUS SHES BYA'O MA'I RGYA MTSO LTA BU MNGON PAR BSRUBS PA'I RGYU DES 'BRAS BU RANG GI DON GYI MTSAN NYID THAMS CAD KYI DE KHO NA'I BDUD RTZI BRNYES SHING BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, 'BRAS BU GZHAN GYI DON GYI MTSAN NYID THEG PA MCHOG GIS 'GRO BA RNAMS LA RTEN CING 'BREL PAR 'BYUNG BA'I RIN PO CHE DAM PA KUN RDZOB DANG DON DAM PA'I BDEN PA LA BRTEN @10A *, ,NAS SKYE BA DANG SKYE BA MED PA LA SOGS PA'I BRJOD PA DAG GIS BKA' STZAL TE, BLA MA DAM PA SANGS RGYAS BCOM LDAN 'DAS KYI 'BYUNG BA'I RGYU NI DE LTA BU YIN NO ZHES DON GYI 'BREL BA SBYAR BAS RIGS PA'I 'BREL PA SBYAR BAR BLTA'O, ,DA NI YI GE'I DON BSHAD PAR BYA STE, 'DI LA ZHES BYA BA NI NYE BAR BSTAN PA'O, ,'DI LA BCOM LDAN 'DAS ZHES BYA BA NI 'JIG RTEN LAS 'DAS PA'I LAM 'DI LA BCOM LDAN 'DAS GANG YOD PA DE DANG SBYAR GYI, 'JIG RTEN PA'I LAM LA SRED MED KYI BU LA SOGS PA LEGS LDAN GANG DAG YOD PA DE DAG DANG MI SBYAR TE, 'DI NYID BCOM LDAN 'DAS DNGOS PO YIN PA'I PHYIR RO, ,BCOM LDAN 'DAS ZHES BYA BA NI GANG GI PHYIR 'JIG RTEN LAS 'DAS PA'I LAM GYI 'JIG RTEN PA'I 'JIG PA DANG BRAL ZHING 'DAS PAR GYUR PA DE'I PHYIR BCOM LDAN 'DAS SO, YANG NA NYON MONGS PA DANG, PHUNG PO DANG LHA'I BU DANG, 'CHI BDAG GI BDUD THAMS CAD BCOM PAS BCOM LDAN 'DAS SO, ,YANG NA BDUD BZHI LAS DE'I 'JIGS PA BRAL ZHING MI 'BYUNG BAS BCOM LDAN 'DAS SO, ,YANG NA DE'I BDUD BZHI LAS BYUNG BA'I 'JIGS PA DNGOS PO MED PA DANG BRDZUN PAR THUGS SU CHUD PAS BCOM LDAN 'DAS SO, ,YANG NA BSOD NAMS DANG MNGA' DBANG GI SKAL BA DANG LDAN PA'I PHYIR BCOM LDAN 'DAS SO, ,YANG NA 'PHAGS PA PHYIR MO LDOG PA'I 'KHOR LO'I MDO LAS, NAM MKHA' 'DRA BA'I CHOS RNAMS NI, ,LUS CAN DAG LA RAB STON KYANG, ,DE LA BRNYES PA MI MNGA' BAS, ,DE'I PHYIR BCOM LDAN 'DAS ZHES BYA, ,ZHES GSUNGS PA LTA BU'O, ,'DI LA BCOM LDAN 'DAS SNGON BYANG CHUB SEMS DPA'I SPYAD PA SPYOD PA NA SANGS RGYAS BCOM LDAN 'DAS KYIS RGYU CI ZHIG MNGON PAR BSGRUBS SHE NA, DE'I PHYIR THUGS RJE DAM PAS SPRO BA RAB TU BSKYED PA'I BLO GROS MNGA' PA ZHES BYA BA LA SOGS PA SMRAS SO, ,BYANG CHUB SEMS DPA' GANG LA THUGS RJE DAM PAS SPRO BA RAB TU BSKYED PA'I SHES RAB KYI BLO GROS YOD PA DE NI THUGS RJE DAM PAS SPRO BA RAB TU BSKYED PA'I BLO GROS MNGA' BA'O, ,THUGS RJE DAM PAS ZHES BYA BA NI BYANG CHUB SEMS DPAS 'JIG RTEN RTOG PA DANG CHAD PA LA SOGS PA SPROS PA'I DRA BA THIBS POR 'KHYAMS SHING SNANG BA MED PAR GZIGS NAS, AE MA @10B 'O KYE MA 'JIG RTEN SDUG BSNGAL LO SNYAM DU DE LTAR DGONGS PA NA 'JIG RTEN LA THUGS RJE CHEN PO SKYES PAS SO, ,DE LA THUGS RJE ZHES BYA BA NI SDUG BSNGAL LAS SKYOB PA'I MTSAN NYID DO, ,DAM PA ZHES BYA BA NI CHEN PO STE 'JIG RTEN THAMS CAD LA DMIGS PA'I PHYIR RO, ,THUGS RJE DAM PA DES SPRO BA RAB TU BSKYED PA'I BLO GROS ZHES BYA BA NI THUGS RJE CHEN PO SKYES PA'I RGYU DES 'JIG RTEN LA THUGS BRTZE ZHING THEG PA MCHOG GIS 'GRO BA RNAMS LA RTEN CING 'BREL PAR 'BYUNG BA'I RIN PO CHE DAM PA BSTAN PAR BYA'O SNYAM DU DGONGS PA'I SHES RAB BO, ,DE LA SPROS BA ZHES BYA BA NI THEG PA MCHOG GIS 'GRO BA RNAMS LA RTEN CING 'BREL PAR 'BYUNG BA'I RIN PO CHE DAM PA BSTAN PAR BYA'O SNYAM DU DGONGS PA'O, ,RAB TU BSKYED PA ZHES BYA BA NI MCHOG TU BSKYED PA'AM, YANG NA SEMS CAN RE RE'I PHYIR BSKYED PA'O, ,BLO GROS ZHES BYA BA NI SHES RAB STE, THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA BSTAN PAR BYA'O SNYAM DU DGONGS PA'I SHES RAB BO, ,MNGA' BA ZHES BYA BA NI DE LTAR BYANG CHUB SEMS DPA' GANG LA THUGS RJE DAM PAS SPRO BA RAB TU BSKYED PA'I BLO GROS YOD PA DE NI THUGS RJE DAM PAS SPRO BA RAB TU BSKYED PA'I BLO GROS MNGA' BA ZHES BYA'O, ,BYANG CHUB SEMS DPAS 'JIG RTEN RTAG PA DANG CHAD PA LA SOGS PA'I SPROS PA'I DRA BA THIBS POR 'KHYAMS SHING SNANG BA MED PA GZIGS NAS THUGS RJE CHEN PO SKYE BA DE JI LTAR SHES SHE NA, 'DI LTAR 'PHAGS PA DKON MCHOG SPRIN DANG TSANG PA KHYAD PAR SEMS KYIS ZHUS PA DANG, GZUNGS KYI DBANG PHYUG RGYAL POS ZHUS PA LA SOGS PA'I MDO LAS, DE LA DE BZHIN GSHEGS PA'I THUGS RJE CHEN PO GANG ZHE NA, RIGS KYI BU DE BZHIN GSHEGS PA'I THUGS RJE CHEN PO NI RNAM PA SUM CU RTZA GNYIS DANG LDAN PAR PHYOGS BCU'I 'JIG RTEN GYI KHAMS MTHA' YAS MU MED PA DAG TU BSAM GYIS MI KHYAB PA'I RANG BZHIN DU 'BYUNG STE, SUM CU RTZA GNYIS GANG ZHE NA, 'DI LTA STE, CHOS THAMS CAD NI BDAG MED PA YIN NA SEMS CAN RNAMS NI BDAG MED PAR MA MOS PAS DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE'O, ,CHOS THAMS CAD NI SEMS CAN MED PA DANG, SROG MED PA DANG, GANG ZAG @11A *, ,MED PA DANG, NGO BO NYID MED PA DANG, GNAS MED PA DANG, GZHI MED PA DANG, NGA YIR BYA BA MED PA DANG, BDAG PO MED PA DANG, DNGOS PO MED PA DANG, MA SKYES PA DANG, SHI 'PHOS MED CING MA SKYES PA DANG, KUN NAS NYON MONGS PA CAN MA YIN PA DANG, 'DOD CHAGS DANG BRAL BA DANG, ZHE SDANG DANG BRAL BA DANG, GTI MUG DANG BRAL BA DANG, 'ONG BA MED PA DANG, 'GRO BA MED PA DANG, MNGON PAR 'DU BYA BA MED PA DANG, SPROS PA MED PA DANG, STONG PA DANG, MTSAN MA MED PA DANG, SMON PA MED PA YIN NA, SEMS CAN RNAMS NI SMON LAM LA SPYOD DO ZHES DE'I PHYIR SEMS CAN RNAMS LA DE BZHIN GSHEGS PA'I THUGS RJE CHEN PO SKYE'O, ,KYE MA 'JIG RTEN GNAS PA 'DI NI PHAN TSUN RTZOD PAS YONGS SU ZIN CING GNOD SEMS KYI THA BA DANG, ZHE SDANG LA ZHUGS PAR GZIGS NAS DE DAG LA GNOD SEMS KYI THA BA DANG ZHE SDANG SPANGS PA'I PHYIR CHOS BSTAN PAR BYA'O, ,KYE MA 'JIG RTEN GNAS PA 'DI NI PHYIN CI LOG DANG LDAN ZHING LAM NYAM NGA BAR ZHUGS PA LAM GOL BA LA GNAS PA YIN GYI, DE DAG YANG DAG PA'I LAM DU GZUD PAR BYA'O, ,KYE MA 'JIG RTEN GNAS PA 'DI NA BRKAM ZHING 'DOD PA'I ZIL GYIS NON PA STE, CHOG MI SHES SHING GZHAN GYI NOR LA 'PHROG PA YIN GYI DE DAG 'PHAGS PA'I NOR DAD PA DANG, TSUL KHRIMS DANG, THOS PA DANG, GTONG BA DANG, SHES RAB DANG, NGO TSA SHES PA DANG, KHREL YOD PA'I NOR LA DGOD DO, ,KYE MA SEMS CAN 'DI DAG NI BU SMAD DANG, KHYIM DANG, NOR DANG, 'BRU LA SRED PAS 'KHOL BA STE, SNYING PO MED PA LA SNYING POR 'DU SHES PA YIN GYI DE DAG LA SHIN TU MI RTAG PA BSTAN PAR BYA'O, ,KYE MA SEMS CAN 'DI DAG NI MI RIGS PAS 'TSO BA STE, GCIG LA GCIG 'DRID PAR GNAS PA YIN GYI DE DAG LA 'TSO BA YONGS SU DAG PAR BYA BA'I PHYIR CHOS BSTAN TO, ,KYE MA SEMS CAN 'DI DAG NI CHO GA MI SHES PA STE, RNYED PA DANG, BKUR STI DANG, TSIGS SU BCAD PA LA SPYOD PAS KYANG, BDAG CAG NI CHOG SHES PA'O SNYAM DU 'DZIN GYI DE DAG LA GANG 'DI SDUG BSNGAL SHIN TU ZHI ZHING BDE BA'I MYA NGAN LAS 'DAS PAS SHIN TU CHOG SHES PAR BYA'O, ,KYE MA SEMS CAN 'DI DAG NI KHYIM GYI GNAS SDUG BSNGAL GYI SNOD KUN NAS NYON MONGS PA LA RTAG @11B TU DGA' BA YIN GYI DE DAG LAS YID 'BYUNG ZHING KHAMS GSUM PA LAS YANG DAG PAR 'DAS PAR BYA BA'I PHYIR CHOS BSTAN TO, ,CHOS THAMS CAD NI RGYUS NYE BAR 'GRO BA STE, BSGRUBS PAS NYE BAR GNAS PA'I MTSAN NYID YIN NA DE LA SEMS CAN RNAMS NI 'PHAGS PA'I RNAM PAR GROL BA LA LE LO BYED KYI DE DAG LA RNAM PAR GROL BA LHUR BLANGS PA'I PHYIR BRTZON 'GRUS BRTZAMS PAR CHOS BSTAN TO, ,SEMS CAN RNAMS NI CHAGS PA MED PA'I YE SHES DAM PA KHYAD PAR DU 'PHAGS PA YONGS SU MYA NGAN LAS 'DAS PA 'DI BTANG ZHING GANG 'DI NYAN THOS KYI THEG PA DANG, RANG SANGS RGYAS KYI THEG PA DMAN PA TSOL BA YIN GYI, DE DAG LA GANG 'DI SANGS RGYAS KYI YE SHES LA DMIGS PAR BYA BA'I PHYIR, RGYA CHEN PO LA BLO MOS PAR BYA'O ZHES SEMS CAN RNAMS LA DE BZHIN GSHEGS PA'I THUGS RJE CHEN PO SKYE STE, RIGS KYI BU RNAM PA SUM CU RTZA GNYIS PO DE DAG DANG LDAN NA SEMS CAN RNAMS LA DE BZHIN GSHEGS PA'I THUGS RJE CHEN PO SKYE'O; ,DE BAS NA DE BZHIN GSHEGS PA THUGS RJE CHEN PO LA GNAS PA ZHES BYA STE, RIGS KYI BU BYANG CHUB SEMS DPA' GANG LA LA ZHIG SEMS CAN DAG LA RNAM PA SUM CU RTZA GNYIS PO DE DAG DANG LDAN PA'I SNYING RJE CHEN PO SKYEN, BYANG CHUB SEMS DPA' SEMS DPA' CHEN PO DE NI BSOD NAMS KYI ZHING GZI BRJID CHEN POS RGYAS PA PHYIR MI LDOG PA SEMS CAN GYI DON LA BRTZON PAR RIG PAR BYA'O, ,ZHES GSUNGS PA LAS SHES PAR BYA'O, ,DE LTAR THUGS RJE DAM PAS SPRO BA RAB TU BSKYED PA'I BLO GROS MNGA' BA 'JIG RTEN LA THUGS BRTZE ZHING THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA BSTAN PAR DGONGS PA NA, GANG GI PHYIR BDAG MA GROL BAS GZHAN GROL BAR BYA BA DE NI GNAS MA YIN TE, BDAG GIS SANGS RGYAS NYID MA THOB PAR 'JIG RTEN SKYE BA DANG 'GAG PA LA SOGS PA'I SPROS PA'I DRA BA THIBS POR 'KHYAMS SHING SNANG BA MED PA DE NGES PAR DBYUNG MI NUS KYI, DE'I PHYIR BDAG GIS JE DANG PAR SANGS RGYAS KYI RGYU MNGON PAR BSGRUB PO SNYAM NAS DE BSKAL PA BYE BA KHRAG KHRIG 'BUM PHRAG DPAG TU MED PAR BSOD NAMS DANG YE SHES KYI TSOGS GZHAL DU MED PA'I KHUR BZHES PAR MDZAD DO, ,DUS JI SRID DU SANGS RGYAS BCOM LDAN 'DAS KYIS RGYU MNGON PAR SGRUB PAR MDZAD CE NA, DE'I @12A *, ,PHYIR BSKAL PA BYE BA KHRAG KHRIG 'BUM PHRAG DPAG TU MED PAR ZHES BYA BA SMRAS TE, BSKAL PA GRANGS MED PA GSUM DU'O, ,DUS JI SRID DU SANGS RGYAS BCOM LDAN 'DAS KYI RGYU CI ZHIG MNGON PAR SGRUB PAR MDZAD CE NA, CI'I PHYIR BSOD NAMS DANG YE SHES KYI TSOGS GZHAL DU MED PA ZHES BYA BA SMRAS SO, ,DE LA BSOD NAMS KYI TSOGS ZHES BYA BA NI SBYIN PA DANG, TSUL KHRIMS DANG, BZOD PA'I PHA ROL TU PHYIN PA GSUM PO DAG GO, ,YE SHES KYI TSOGS ZHES BYA BA NI, BSAM GTAN DANG, SHES RAB KYI PHA ROL TU PHYIN PA GNYIS SO, ,BRTZON 'GRUS KYI PHA ROL TU PHYIN PA NI TSOGS GNYI GA'I BDAG NYID DE TSOGS GNYI GA LA YANG BRTZON PA YOD PA'I PHYIR RO, ,YANG NA GANG GI TSE PHA ROL TU PHYIN PA THAMS CAD GZHAN DAG LA STON PAR BYED PA DE'I TSE NA NI THAMS CAD KYANG CHOS SBYIN PA'I MTSAN NYID KYI BSOD NAMS KYI TSOGS YIN LA, GANG GI TSE PHA ROL TU PHYIN PA THAMS CAD SBYIN PAR BYA BA DANG, SBYIN PA PO DANG, LEN PA PO LA SOGS PA MI DMIGS PA'I RNAM PAS SGOM PAR BYED PA, DE'I TSE NA NI THAMS CAD KYANG 'KHOR GSUM YONGS SU DAG PA'I MTSAN NYID KYI YE SHES KYI TSOGS YIN NO, ,TSOGS ZHES BYA BA NI TSOGS PA STE, PHUNG PO ZHES BYA BA'I THA TSIG GO, , GZHAL DU MED PA ZHES BYA BA NI GZHAL GYIS MI LANG BAS GZHAL DU MED PA STE, BSOD NAMS KYI TSOGS KYANG GZHAL DU MED PA DANG, YE SHES KYI TSOGS KYANG GZHAL DU MED PA YIN NO, ,KHUR ZHES BYA BA NI BSOD NAMS DANG YE SHES KYI TSOGS GZHAL DU MED PA DE NYID KHUR YIN TE, RANG GI DON LHUR LAN PA RNAMS KYIS BKUR BAR DKA' BA'I PHYIR RO, ,BZHES PAR MDZAD CES BYA BA NI KHUR DE BSNAMS PAR MDZAD PA STE, SGRUB PAR MDZAD CES BYA BA'I THA TSIG GO, ,PA NA ZHES BYA BA'I SGRA NI DE LTAR KHUR BZHES PAR MDZAD PA'I TSE NA ZHES BYA BA'I DON TE, DE'I TSE NA THUGS RANG GI SROG DANG 'BRAL BA'I SDUG BSNGAL GYIS KYANG YONGS SU SKYO BA MI MNGA' BAS 'JIG RTEN LA GZIGS NAS ZHES BYA BAR SBYAR RO, ,CI'I PHYIR BYANG CHUB SEMS DPA'I THUGS BDOG PA THAMS CAD DANG, SRAS SDUG PA LA SOGS PA YONGS SU GTONG BA'I SDUG BSNGAL GYIS YONGS SU MI SKYO ZHE NA, DE'I PHYIR GZHAN LA PHAN PA SKYE BA DANG RJES @12B SU 'BREL BA'I THUGS ZHES BYA BA SMRAS SO, ,DE LA GZHAN LA PHAN PA ZHES BYA BA NI GZHAN DAG LA PHAN PA STE, PHAN PA NI PHAN 'DOGS PA'O, ,GZHAN LA PHAN PA SKYE BA NI ZHES BYA BA GZHAN DAG LA PHAN PA SKYE BA STE, SKYE BA NI 'BYUNG BA ZHES BYA BA'I THA TSIG GO, ,DE DANG RJES SU 'BREL BA'I THUGS ZHES BYA BA NI RANG GI SROG DANG BRAL BA'I SDUG BSNGAL GYIS KYANG YONGS SU MI SKYO BA'I THUGS GANG LA GZHAN LA PHAN PA SKYE BA DANG RJES SU 'BREL PA YOD PA DE NI GZHAN LA PHAN PA SKYE BA DANG RJES SU 'BREL BA'I THUGS SO, ,GANG GI PHYIR GZHAN LA PHAN PA SKYE BA DANG RJES SU 'BREL BA'I THUGS DE RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO BA DE'I PHYIR BYANG CHUB SEMS DPA'I THUGS BDOG PA THAMS CAD DANG, SRAS SDUG PA LA SOGS PA YONGS SU GTONG BA'I SDUG BSNGAL GYIS YONGS SU MI SKYO'O, ,JI LTAR DGONGS PA NA RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO ZHE NA; BDAG GIS 'KHOR BA NA SROG DANG 'BRAL BA'I SDUG BSNGAL DON MED PA DU MA DAG NYAMS SU MYONG BAR GYUR KYANG SANGS RGYAS NYID SKYED PA'I GZHAN LA PHAN PA MA THOB KYI RANG GI SROG YONGS SU GTONG BA 'DIS NI GZHAN LA PHAN PAS SANGS RGYAS NYID THOB PAR 'GYUR RO SNYAM DU DGONGS PA NI RNYED PA BLA NA MED PA'I BDE BAS MNGON PAR BRLAN PA'I THUGS RJE DE RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO'O, ,MNGA' BAS ZHES BYA BA'I SGRA NI BYANG CHUB SEMS DPA' GANG LA THUGS DE LTA BU MNGA' BA DES 'JIG RTEN SKYE BA DANG 'GAG PA LA SOGS PA'I SPROS PA'I DRA BA THIBS POR 'KHYAMS SHING SNANG BA MED PA LA GZIGS NAS ZHES BYA BAR SBYAR RO, ,'JIG RTEN ZHES BYA BA NI KHYAD PAR GYI GZHI YIN LA, SKYE BA DANG, 'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, THA DAD PA DANG, GCIG PA LA SOGS PA SPROS PA'I DRA BA THIBS POR 'KHYAMS SHING SNANG BA MED PA ZHES BYA BA NI DE'I KHYAD PAR YIN NO, ,DE LA 'JIG RTEN ZHES BYA BA NI 'JIG PA'I PHYIR, 'JIG RTEN TE SEMS CAN GYI 'JIG RTEN NO, ,SKYE BA DANG, 'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, THA DAD PA DANG, GCIG PA LA SOGS PA SPROS PA'I DRA BA THIBS PO ZHES BYA BA NI 'KHOR @13A *, ,BA'I TSIG BLA DAGS SO, ,SOGS PA ZHES BYA BA'I SGRAS NI GZUGS DANG SGRA DANG, DRI DANG RO DANG REG BYA DANG, CHOS LA SOGS PA GZUNG NGO, ,SPROS PA ZHES BYA BA NI SKYE BA DANG 'GAG PA LA SOGS PA DA DAG NYID SPROS PA STE, SPROS PA ZHES BYA BA NI NGAG GI SPYOD PA'O, ,SPROS PA'I DRA BA ZHES BYA BA NI 'KHOR BA SPROS PA DE NYID 'CHING BAR BYED PA YIN PAS SPROS PA'I DRA BA'O, ,THIBS PO ZHES BYA BA NI DRA BA DE NYID MUN NAG YIN PAS SPROS PA'I DRA BA THIBS PO STE, 'THOM ZHING RGAL BAR DKA' BA ZHES BYA BA'I THA TSIG GO, ,DE LTAR NA SKYE BA DANG 'GAG PA LA SOGS PA SPROS PA'I DRA BA THIBS POR ZHES BYA BA DES NI 'KHOR BAR ZHES BSTAN PA YIN NO, ,'KHYAMS SHING ZHES BYA BA NI SPROS PA'I DRA BA THIBS PO JI SKAD BSTAN PA DER ZHUGS PA STE, DES NI 'JIG RTEN SKYE BA DANG 'GAG PA LA SOGS PA 'KHOR BA SPROS PA'I DRA BA MUN NAG THIBS PO DANG 'DRA BAR 'KHYAMS PA BSTAN TO, ,SNANG BA MED PA ZHES BYA BA NI DE LTAR 'JIG RTEN DE 'KHOR BA SPROS PA'I DRA BA THIBS POR 'KHYAMS PA 'BA' ZHIG TU YANG MA ZAD KYI, 'DI LTAR 'JIG RTEN DE NI SNANG BA MED PA YANG YIN TE, DES NI 'JIG RTEN LAS 'DAS PA'I SHES RAB KYI SNANG BA NYI MA LTA BU MED PA BSTAN TO, ,DPER NA TSER MA DANG, SHING LJON PA DANG, LCUG MA'I DRA BA THIBS POR 'KHYAMS PAR SNANG BA MED PA DE NAS 'BYUNG BAR MI NUS PA DANG 'DRA BAR 'KHOR BA SPROS PA'I DRA BA THIBS POR 'KHYAMS PAS KYANG 'JIG RTEN LAS 'DAS PA'I SHES RAB KYI SNANG BA MED PAR DE LAS 'BYUNG BAR MI NUS PAS DE'I PHYIR SPROS PA'I DRA BA THIBS POR 'KHYAMS SHING SNANG BA MED PA ZHES BYA'O, ,DE LA GZIGS NAS ZHES BYA BA NI BCOM LDAN 'DAS SNGON BYANG CHUB SEMS DPA'I SPYAD PA SPYOD PA NA 'JIG RTEN DE LA GZIGS NAS SO, ,DE LA GZIGS NAS GANG GIS CI ZHIG BSRUBS SHE NA, DE'I PHYIR SHES RAB KYIS SHES BYA'I RGYA MTSO MNGON PAR BSRUBS TE ZHES BYA BA SMRAS TE; JI LTAR 'DI NA LHA DANG MA YIN DAG GIS RI RAB KYI SRUB SHING GIS 'O MA'I RGYA MTSO BSRUBS PA LAS BDUD RTZI GANG BYUNG BA DE NI SEMS CAN THAMS CAD KYIS 'THUNGS SU ZIN KYANG 'CHI BAR 'GYUR GYI, BCOM LDAN 'DAS KYIS BSOD NAMS DANG YE SHES KYI KHUR BZHES SHING BSAGS PAS BYANG CHUB KYI SNYING PO @13B LA BZHUGS NAS SHES RAB RI RAB KYI SRUB SHING LTA BUS SHES BYA 'O MA'I RGYA MTSO LTA BU MNGON PAR BSRUBS PA LAS CHOS THAMS CAD KYI DE KHO NA'I BDUD RTZI GANG BRNYES PA DE NI NYAG GCIG GIS BSTAR KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA'I RGYU YIN NO, , DE LA SHES RAB KYIS ZHES BYA BA NI RDO RJE LTA BU'I TING NGE 'DZIN GYIS RAB TU PHYE BA'I SHES RAB CHOS RAB TU 'BYED PAS SO, ,SHES BYA'I RGYA MTSO ZHES BYA BA NI SHES BYA NYID RGYA MTSO YIN PAS SHES BYA'I RGYA MTSO STE, RGYA MTSO LTAR MTHA' YAS PA'I PHYIR RO, ,MNGON PAR BSRUBS TE ZHES BYA BA NI DE KHO NA JI LTA BA BZHIN DU RTOGS PAR MDZAD DE'O, ,DE NI SANGS RGYAS BCOM LDAN 'DAS KYI RGYU BSTAN PA YIN NO,, ,,BAM PO GNYIS PA, DE LTAR BCOM LDAN 'DAS SNGON BYANG CHUB SEMS DPA'I SPYAD PA SPYOD PA NA SANGS RGYAS BCOM LDAN 'DAS KYIS RGYU DE LTA BU MNGON PAR BSGRUBS PAS, 'BRAS BU RANG GI DON GYI MTSAN NYID JI ZHIG BRNYES SHE NA, DE'I PHYIR CHOS THAMS CAD KYI DE KHO NA'I BDUD RTZI SPROS PA'I DRA BA MTHA' DAG DANG LEGS PAR BRAL BA, GZHAN GYI DRING MI 'JOG PA, RNAM PAR MI RTOG PA BRNYES ZHES BYA BA SMRAS SO, ,DE LA CHOS THAMS CAD KYI DE KHO NA'I BDUD RTZI ZHES BYA BA NI KHYAD PAR GYI GZHI YIN LA, SPROS PA'I DRA BA MTHA' DAG DANG LEGS PAR BRAL BA ZHES BYA BA DANG, GZHAN GYI DRING MI 'JOG PA ZHES BYA BA DANG, RNAM PAR MI RTOG PA ZHES BYA BA GSUM PO DE DAG NI DE'I KHYAD PA YIN NO, ,DE LA CHOS THAMS CAD KYI ZHES BYA BA NI PHYI ROL DANG NANG DANG 'JIG RTEN DANG 'JIG RTEN LAS 'DAS PA'I CHOS THAMS CAD KYI'O, ,DE KHO NA ZHES BYA BA NI CHOS THAMS CAD KYI DE KHO NA STE, DE KHO NA NI BSLU BA MED PA'O, ,GANG LA DON DAM PAR GZHAN DU 'GYUR BA MED CING NGO BO NYID STONG PA NYID DE NI BSLU BA MED PA DE KHO NA ZHES BYA'O, ,BDUD RTZI ZHES BYA BA NI DE KHO NA GANG YIN PA DE NYID BDUD RTZI STE, SEMS CAN RNAMS KYIS DE RTOGS NA SKYE BA DANG, RGA BA DANG, NA BA DANG, 'CHI BA MED PAR 'GYUR BAS, DE'I PHYIR CHOS THAMS CAD KYI DE KHO NA NI BDUD RTZI DANG 'DRA BAS BDUD RTZI STE, JI SKAD DU, MDOR NA CHOS NI MI 'TSE STE, ,MYA NGAN LAS 'DAS STONG PA NYID, ,'DI LA DE NYID 'BA' ZHIG CES, ,DE BZHIN GSHEGS PA RNAMS KYIS GSUNGS, ,ZHES GSUNGS PA LTA BU'O, ,SPROS @14A *, ,PA ZHES BYA BA NI NGAG GI SPYOD PA STE, PHUNG PO DANG, KHAMS DANG, SKYE MCHED DANG, SKYE BA DANG, 'GAG PA LA SOGS PA'I RNAM PAR BRJOD PA NI SPROS PA'O, ,SPROS PA'I DRA BA ZHES BYA BA NI SPROS PA DE NYID DRA BA STE, DPER NA DRA BAS G-YOGS NA RANG DGAR 'GRO MI NUS PA DANG 'DRA BAR SPROS PA'I DRA BAS BSGRIBS NA MYANG NGAN LAS 'DAS PAR 'GRO MI NUS PAS DE'I PHYIR SPROS PA DE NYID DRA BA DANG 'DRA BAS SPROS PA'I DRA BA'O, ,MTHA' DAG DANG LEGS PAR BRAL BA ZHES BYA BA NI THAMS CAD YANG DAG PAR BRAL BA STE, MTHA' DAG CES BYA BA NI THAMS CAD DO, ,LEGS PAR ZHES BYA BA NI YANG DAG PAR TE PHYIN CI MA LOG PAR RO, ,'BRAL BA ZHES BYA BA NI RGYUN CHAD PA STE, CHOS THAMS CAD KYI DE KHO NA'I BDUD RTZI GANG PHUNG PO DANG, KHAMS DANG, SKYE MCHED DANG, SKYE BA DANG, 'GAG PA LA SOGS PA'I RNAM PA BRJOD PA SPROS PA'I DRA BA MTHA' DAG DANG LEGS PAR BRAL BAR GYUR PA DE NI SPROS PA'I DRA BA MTHA' DAG DANG LEGS PAR BRAL BA'O;; CHOS THAMS CAD KYI DE KHO NA'I BDUD RTZI DE SPROS PA'I DRA BA MTHA' DAG DANG LEGS PAR BRAL BA 'BA' ZHIG TU YANG MA ZAD DE, 'DI LTAR DE NI GZHAN GYI DRING MI 'JOG PA YANG YIN TE, GZHAN GYI DRING MI 'JOG PA ZHES BYA BA NI CHOS THAMS CAD KYI DE KHO NA'I BDUD RTZI 'DI NI GZHAN GYI RKYEN GYIS RTOGS PAR BYA BA MA YIN GYI RANG GIS RTOGS PAR BYA BA STE, RANG GIS BSKYED PAR BYA BA YIN NO ZHES BYA BA'I THA TSIG GO, ,CHOS THAMS CAD KYI DE KHO NA'I BDUD RTZI DE GZHAN GYI DRING MI 'JOG PAR YANG MA ZAD DE, 'DI LTAR DE NI RNAM PAR MI RTOG PA YANG YIN TE, RNAM PAR MI RTOG PA ZHES BYA BA NI, SEMS KYI SPYOD PA DANG BRAL BA STE; BDAG GI NGO BO DANG GZHAN GYI NGO BO YOD PA DANG MED PA LA SOGS PA'I RNAM PAR RTOG PA MED PA'O, ,BRNYES NAS ZHES BYA BA NI THUGS SU CHUD NAS TE 'BRAS BU RANG GI DON GYI MTSAN NYID BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS ZHES BYA BA'I THA TSIG GO, , DE NI SANGS RGYAS BCOM LDAN 'DAS KYI 'BRAS BU RANG GI DON GYI MTSAN NYID BSTAN PA YIN NO, ,DE LTAR 'BRAS BU RANG GI DON GYI MTSAN NYID BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, 'BRAS BU GZHAN GYI DON GYI MTSAN NYID CI ZHIG MDZAD CE NA, DE'I PHYIR @14B THEG PA MCHOG GIS 'GRO BA RNAMS LA RTEN CING 'BREL BAR 'BYUNG BA'I RIN PO CHE DAM PA SKYE BA DANG, NA TSOD DANG, RIGS DANG, YUL DANG, DUS LAS 'DAS PA MED PA, MU STEGS BYED DANG, NYAN THOS DANG, RANG SANGS RGYAS THAMS CAD DANG THUN MONG MA YIN PA, KUN RDZOB DANG DON DAM PA'I BDEN PA LA BRTEN NAS, SKYE BA DANG SKYE BA MED PA LA SOGS PA'I BRJOD PA DAG GIS BKA' STZAL TO ZHES BYA BA SMRAS SO, ,RTEN CING 'BREL PAR 'BYUNG BA'I RIN PO CHE DAM PA 'DI NI MU STEGS BYED DANG, NYAN THOS DANG, RANG SANGS RGYAS THAMS CAD DANG THUN MONG MA YIN TE, DE DAG LA 'DI LA MOS PA MED DO, ,DE DAG LA 'DI LA MOS PA MED NA 'O NA BCOM LDAN 'DAS KYIS SU DAG LA BKA' STZAL ZHE NA, DE'I PHYIR THEG PA MCHOG GIS 'GRO BA RNAMS LA ZHES BYA BA SMRAS SO, ,DE LA THEG PA MCHOG CES BYA BA NI THEG PA CHEN PO STE, THABS DANG SHES RAB DANG SNYING RJE CHEN PO LA SOGS PA CHOS ZAB CING RGYA CHE BA'I YON TAN DANG LDAN PA'I PHYIR DANG, RANG DANG GZHAN GYI DON BLA NA MED PA MA LUS PA BSGRUB PA'I PHYIR RO, ,THEG PA ZHES BYA BA NI BYANG CHUB SEMS DPA'I LAM 'BRAS BU DANG BCAS PA STE DE NAS DER 'GRO BA'I PHYIR RO, ,MCHOG CES BYA BA NI PHUL DANG RAB DANG GTZO BO ZHES BYA BA'I RNAM GRANGS SO, ,THEG PA MCHOG DES 'GRO BA RNAMS ZHES BYA BA NI GANG DAG THEG PA MCHOG NGES 'KHOR BA'I SDUG BSNGAL GYI GNOD PA DAG GIS GNOD PA MED PAR YON TAN GZHAL DU MED PA DANG LDAN PA THAMS CAD MKHYEN PA NYID KYI GRONG KHYER SANGS RGYAS KYIS KUN TU 'OD DU BDE BAS MYUR BA KHO NAR 'GRO BA RNAMS SO, ,DE DAG KYANG GANG ZHE NA, BYANG CHUB SEMS DPA' SEMS DANG PO BSKYED PA YAN CHAD DANG, MTHAR THUG PA'I SA LA GNAS PA 'PHAGS PA BYAMS PA DANG 'JAM DPAL DANG SPYAN RAS GZIGS DBANG PHYUG LA SOGS PA STE, DE RNAMS LA BKA' STZAL TO ZHES BYA BAR SBYAR RO, ,DE RNAMS LA CI ZHIG BKA' STZAL ZHE NA, DE'I PHYIR RTEN CING 'BREL BAR 'BYUNG BA'I RIN PO CHE DAM PA ZHES BYA BA LA SOGS PA SMRAS SO, ,'DIR YANG RTEN CING 'BREL PAR 'BYUNG BA'I RIN PO CHE DAM PA ZHES BYA BA NI KHYAD PAR GYI GZHI YIN LA, SKYE BA DANG NA TSOD DANG RIGS DANG, YUL DANG DUS LAS 'DA' BA MED PA ZHES BYA BA DANG, MU STEGS BYED DANG, NYAN THOS DANG, RANG SANGS RGYAS THAMS CAD DANG @15A *, ,THUN MONG MA YIN PA ZHES BYA BA DE GNYIS NI DE'I KHYAD PAR YIN NO, ,DE LA RTEN CING 'BREL BAR 'BYUNG BA ZHES BYA BA NI, CHOS THAMS CAD KYI DE KHO NA 'GAG PA MED PA DANG, SKYE BA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD BA MA YIN PA DANG, DON GCIG PA MA YIN PA SPROS PA NYE BAR ZHI ZHING NGO BO NYID KYIS ZHI BA'I MTSAN NYID GANG YIN PA'O, ,RIN PO CHE ZHES BYA BA NI RTEN CING 'BREL BAR 'BYUNG BAR DE NYID RIN PO CHE STE DGON PA DANG, RIN CHE BA DANG, DGA' BAR BYED PA DANG, PHAN 'DOGS PA DANG, MI MA YIN PA LA SOGS PA GNOD PA BYED PA'I GNYEN POR GYUR PAS RIN PO CHE DANG 'DRA BA'I PHYIR RIN PO CHE'O, ,DAM PA ZHES BYA BA NI RIN PO CHA THAMS CAD KYI NANG NA DAM PAR GYUR PAS NA RIN PO CHE DAM PA STE, RIN PO CHE THAMS CAD DE'I RGYU LAS BYUNG BA'I PHYIR RO, ,RTEN CING 'BREL BAR 'BYUNG BA'I RIN PO CHE DAM PA 'DI NI SKYE BA DANG, NA TSOD DANG, RIGS DANG, YUL DANG, DUS LAS 'DAS PA MED PA YIN NO, ,DE NI DE DAG LA DBRI BKOL MED PA YIN NO, ,DE LA SKYE BA LAS 'DA' BA MED PA ZHES BYA BA NI 'DI NI LHA DANG MER SKYES PA YIN GYI 'DI LA NI BSTAN PAR BYA'O, ,'DI NI SEMS CAN DMYAL BA DANG, DUD 'GRO DANG, YI DAGS SU SKYES PA YIN GYI 'DI LA NI BSTAN PAR MI BYA'O ZHES BYA BA DE LTAR SKYE BA LA DBRI BKOL MED PA YIN NO, ,NA TSOD LAS 'DA' BA MED PA ZHES BYA BA NI, 'DI NI NA TSOD DAR LA BAB PA YIN GYI 'DI LA BSTAN PAR BYA'O, ,'DI NI NA TSOD HA CANG GZHON CHES PA DANG, HA CANG RGAN CHES PA YIN GYI 'DI LA NI BSTAN PAR MI BYA'O ZHES BYA BA DE LTAR NA TSOD PA DBRI BKOL MED PA YIN NO;; RIGS LAS 'DA' BA MED PA ZHES BYA BA NI, 'DI NI BRAM ZE DANG, RGYAL RIGS YIN GYI 'DI LA NI BSTAN PAR BYA'O, ,'DI NI RJE'U RIGS DANG, DMANGS RIGS YIN GYI 'DI LA NI BSTAN PAR MI BYA'O ZHES BYA BA DE LTAR RIGS LA DBRI BKOL MED PA STE, PHYI ROL PA RNAMS KYI GZHUNG LAS, DMANGS RIGS LA NI BLO GROS DANG, ,LHAG MA BSREG BYA SBYIN MI BYA, ,DE LA CHOS BSTAN MI BYA ZHING, ,DE LA BRTUL ZHUGS BSTAN MI BYA, ,ZHES JI SKAD 'BYUNG BA LTA BU'I DBRI BKOL MED PA YIN NO, ,YUL LAS 'DA' BA MED PA ZHES BYA BA NI, 'DI NI YUL DBUS SU SKYES PA DANG, GRONG DANG GTZUG LAG KHANG NA 'DUG PA YIN GYI @15B 'DI LA NI BSTAN PAR BYA'O, ,'DI NI YUL MTHA' 'KHOB TU SKYES PA DANG, DUR KHROD DANG LAM GYI BZHI MDO NA 'DUG PA YIN GYI 'DI LA NI BSTAN PAR MI BYA'O ZHES BYA BA DE LTAR YUL LA DBRI BKOL MED PA YIN NO, ,DUS LAS 'DA' BA MED PA ZHES BYA BA NI NANG PAR DANG NYIN MTSAN NI BSTAN PAR BYA'O, ,DGONGS KAR NI BSTAN PAR MI BYA'O ZHES BYA BA DE LTAR DUS LA DBRI BKOL MED PA YIN NO, ,RTEN CING 'BREL PAR 'BYUNG BA'I RIN PO CHE DAM PA DE SKYE BA DANG NA TSOD DANG RIGS DANG YUL DANG DUS LAS 'DA' BA MED PA 'BA' ZHIG TU YANG MA ZAD DE; 'DI LTAR DE NI MU STEGS BYED DANG NYAN THOS DANG RANG SANGS RGYAS THAMS CAD DANG THUN MONG MA YIN PA YANG YIN NO, ,DE LA MU STEGS BYED THAMS CAD DANG THUN MONG MA YIN PA ZHES BYA BA LA, MU STEGS BYED CES BYA BA NI GANG DAG CHOS KYI PHYIR 'JUG NGOGS SU 'JUG PAR BYED PA DAG STE, NOR LHA DANG, LHA CHEN PO DANG, TSANGS PA DANG, SER SKYA DANG, GZEGS ZAN DANG, RKANG MIG DANG, 'PHEL BA DANG, RGYAL DPOG GI BU LA SOGS PA'O, ,DE DAG THAMS CAD DANG, THUN MONG MA YIN PA NI DE DAG LA YANG 'DI LA MOS PA MED PA'I PHYIR RO, ,NYAN THOS THAMS CAD DANG THUN MONG MA YIN PA ZHES BYA BA LA, NYAN THOS ZHES BYA BA NI GANG DAG GZHAN LAS CHOS THOS NAS SDUG BSNGAL MTHAR BYED PA DAG GO; ,DE DAG THAMS CAD DANG THUN MONG MA YIN PA DE DAG LA YANG 'DI LA MOS PA MED PA'I PHYIR RO, ,RANG SANGS RGYAS THAMS CAD DANG THUN MONG MA YIN PA ZHES BYA BA LA, RANG SANGS RGYAS ZHES BYA BA NI GANG DAG SNGON DBEN PA DANG SKYO BA LA GOMS PA'I BAG CHAGS KYIS GZHAN LA BRTEN PA MED PAR BDAG NYID GCIG PU KHO NA'I RKYEN LA BRTEN NAS MNGON PAR RDZOGS PAR SANGS RGYAS PA DAG GO, ,DE DAG THAMS CAD DANG THUN MONG MA YIN PA NI DE DAG LA YANG 'DI LA MOS PA MED PA'I PHYIR RO, ,RTEN CING 'BREL PAR 'BYUNG BA'I RIN PO CHE DAM PA SKYE BA DANG, NA TSOD DANG, RIGS DANG, YUL DANG, DUS LAS 'DA' BA MED PA, MU STEGS BYED DANG, NYAN THOS DANG, RANG SANGS RGYAS THAMS CAD DANG THUN MONG MA YIN PA DE JI ZHIG LA BRTEN NAS BKA' STZAL ZHE NA, DE'I PHYIR KUN RDZOB DANG DON DAM PA'I BDEN PA LA BRTEN NAS ZHES BYA BA SMRAS SO, ,'DI LA BCOM LDAN 'DAS KYIS RTEN CING 'BREL BAR 'BYUNG BA'I @16A *, ,RIN PO CHE DAM PA DE THABS DANG THABS LAS BYUNG BA'I MTSAN NYID DANG CHOS MTHUN PAR BDEN PA GNYIS LA BRTEN NAS BKA' STZAL TO, ,DE LA KUN RDZOB KYI BDEN PA NI THABS KYI MTSAN NYID YIN LA, DON DAM PA'I BDEN PA NI THABS LAS BYUNG BA'I MTSAN NYID YIN NO, ,DE LA KUN RDZOB KYI BDEN PA NI DMIGS PA'I MTSAN NYID DE, SEMS CAN GROL BA DANG, MA GROL BA DANG, BRJOD PA DANG, BRJOD PAR BYA BA DANG, SHES PA DANG, SHES BYAR 'BREL BA'I MTSAN NYID DANG, LAS DANG 'BRAS BUS 'BREL PA RNAM PAR GZHAG PA'I MTSAN NYID DO, ,DON DAM PA'I BDEN PA NI THAMS CAD DMIGS SU MED PA'I MTSAN NYID DE, 'PHAGS PA TSANGS PA KHYAD PAR SEMS KYIS ZHUS PA'I MDO LAS, TSANGS PA DE BZHIN GSHEGS PA RNAMS KYI BYANG CHUB NI DMIGS SU MED PA'O ZHES JI SKAD GSUNGS PA LTA BU'O, ,NGES PA'I TSIG TU NA KUN RDZOB CES BYA BA NI YANG DAG PA PHYIN CI MA LOG PA'I RNAM PAS SGRIB PA KUN RDZOB PO, ,KUN ZHES BYA BA NI YANG DAG PA PHYIN CI MA LOG PA'I RNAM PAS SO, ,RDZOB CES BYA BA NI SGRIB CING G-YOGS PAR BYED PA STE, 'GEBS PAR BYED CES BYA BA'I THA TSIG GO , ,GANG GIS CI ZHIG BSGRIBS SHE NA, DMIGS PA'I MTSAN NYID KUN RDZOB KYI BDEN PAS DMIGS SU MED PA'I MTSAN NYID DON DAM PA'I BDEN PA BSGRIBS SO, ,BDEN PA ZHES BYA BA NI KUN RDZOB DE NYID BDEN PA YIN PAS KUN RDZOB KYI BDEN PA'O, ,'DIR KHA CIG NA RE, DE LTAR BSDU BA BYAS NA KUN RDZOB 'BA' ZHIG BDEN PAR 'GYUR GYI DON DAM PA NI BDEN PAR MI 'GYUR TE, DE LTAR NA LUNG DANG YANG 'GAL BAR 'GYUR TE, LUNG LAS RIGS KYI BU GAL TE DON DAM PA MED PAR GYUR NA TSANGS PAR SPYOD PA DON MED PAR GYUR RO ZHES GSUNGS SO ZHES ZER PAS, 'DIR DE LA SMRAS PA, LUNG DANG 'GAL BAR MI 'GYUR TE, 'DI LTAR CHOS THAMS CAD MA SKYES PA'I PHYIR DMIGS PA DE NYID SHES RAB KYIS NYE BAR BRTAGS PA NA DON DAM PAR DMIGS SU MED PA NYID NI DON DAM PA'I BDEN PA YIN PAS, DE'I PHYIR DON DAM PA'I BDEN PA YANG BDEN PA NYID DU 'THAD DE, LUNG LAS 'JAM DPAL NGA BYANG CHUB KYI SNYING PO LA 'DUG NAS CI YANG MA DMIGS PA KHO NAR LANGS SO ZHES JI SKAD GSUNGS PA LTA BU'O, ,YANG NA DMIGS PA ZHES BYA BA KUN RDZOB KYI @16B BDEN PA'I MTSAN NYID GANG YIN PA DE NI KUN RDZOB KHO NAR BDEN PAS KUN RDZOB KYI BDEN PA ZHES BYA BAR BSDU'I DE DON DAM PAR BDEN PA NI MA YIN TE, 'DI LTAR 'BYUNG BA CHEN PO RNAMS KYANG KUN RDZOB KHO NAR SRA BA DANG GSHER BA DANG DRO BA DANG, G-YO BA NYID KYI NGO BO NYID DU YOD KYI, DON DAM PAR NI MED DO, ,GAL TE SRA BA NYID LA SOGS PA DON DAM PAR YANG YOD PAR GYUR NA RNAL 'BYOR PA RNAMS RTZIG PA LA YANG THAD KAR 'GRO BA DANG, RA BA LA YANG THAD KAR 'GRO BA DANG, RI LA YANG MI THOGS PAR 'GRO BA YANG MI 'GYUR LA, KUN RDZOB LAS DON DAM PA KHYAD PAR YOD PAR YANG MI 'GYUR TE, DE LTAR NA DE KHO NA MA MTHONG BA'I SEMS CAN THAMS CAD KYIS KYANG 'PHAGS PAS THUGS SU CHUD PAR BYA BA'I DE KHO NA RTOGS PAS SEMS CAN THAMS CAD KYIS KYANG DE KHO NA MTHONG BA'I SKYON DU 'GYUR BAS, DE'I PHYIR DMIGS PA ZHES BYA BA KUN RDZOB KYI BDEN PA NI KUN RDZOB KHO NAR BDEN PAS KUN RDZOB KYI BDEN PA ZHES BYA BAR BSDU'O, , DMIGS PA DE NYID SHES RAB KYIS NYE BAR BRTAGS NA DON DAM PAR DMIGS SU MED PA NYID NI DON DAM PA'I BDEN PA YIN PAS DON DAM PA'I BDEN PA YANG MED PA MA YIN NO, ,DON DAM PA ZHES BYA BA NI DE'I DON YANG YIN LA DAM PA YANG YIN PAS DON DAM PA'O, ,DON ZHES BYA BA NI RTOGS PAR BYA BA'I DON TE; 'DIR RTOGS PAR BYA BA MED PA'I TSUL GYIS DMIGS SU MED PA RTOGS PAR BYA BA'I DON TO, ,DAM PA ZHES BYA BA NI DE NYID DAM PA STE, CHOS THAMS CAD KYI DE KHO NA NYID PHYIN CI MA LOG PA YIN PA'I PHYIR RO, BDEN PA ZHES BYA BA NI DON DAM PAR DE NYID DMIGS SU MED PAR BDEN PAS DON DAM PA'I BDEN PA ZHES BYA'O, ,BCOM LDAN 'DAS KYIS RTEN CING 'BREL BAR 'BYUNG BA'I RIN PO CHE DAM PA DE KUN RDZOB DANG DON DAM PA'I BDEN PA LA BRTEN NAS BKA' STZAL BA DANG, BDEN PA GNYIS PO DE YANG DMIGS PA DANG DMIGS SU MED PA'I MTSAN NYID YIN PAR JI LTAR SHES SHE NA, DE NI 'DI LTAR 'PHAGS PA SHES RAB KYI PHA ROL TU PHYIN PA'I MDO LAS, RAB 'BYOR 'DI DAG THAMS CAD NI 'JIG RTEN GYI THA SNYAD DU BSTAN PA YIN GYI DON DAM PAR NI MA YIN NO ZHES GSUNGS PA DANG, 'PHAGS PA DKON MCHOG SPRIN GYI MDO LAS KYANG, KUN RDZOB KYI BDEN PA LA MKHAS PA DANG, DON DAM PA'I BDEN PA LA @17A *, ,MKHAS PA YIN ZHES BYA BA DANG, DE'I MTSAN NYID GZUGS SU 'DOGS PAR BYED CING DON DAM PAR GZUGS DMIGS SU MED CING MNGON PAR ZHEN PA MED PA DANG, BYANG CHUB DANG BYANG CHUB PAR BYED PA'I BAR DU 'DOGS PAR BYED CING, DON DAM PAR BYANG CHUB DANG BYANG CHUB PAR BYED PA DMIGS SU MED CING MNGON PAR ZHEN PA MED PA ZHES BYA BA BKA' STZAL PA DANG, 'PHAGS PA BLO GROS MI ZAD PAS BSTAN PA'I MDO LAS KYANG, KUN RDZOB KYI BDEN PA GANG ZHE NA, JI TZAM DU 'JIG RTEN GYI THA SNYAD DU YI GE DANG SGRA DANG BRDAS BSTAN PA'O, ,DON DAM PA'I BDEN PA GANG ZHE NA, GANG LA SEMS KYI SPYOD PA YANG MED NA YI GE RNAMS KYI LTA CI SMOS PA'O ZHES BDEN PA GNYIS MTSAN NYID DANG BCAS PAR BKA' STZAL PA DANG, 'PHAGS PA LANG KAR GSHEGS PA'I MDO LAS KYANG, KUN RDZOB DANG NI DON DAM STE, ,RGYU LAS SKYES PA GSUM PA MED, ,KUN RDZOB RTOG PAS BTAGS PA STE, ,DE CHAD 'PHAGS PA'I SPYOD YUL LO, ,ZHES GSUNGS TE; TSIGS SU BCAD PA PHYED GONG MAS BDEN PA GNYIS BSTAN LA, PHYED 'OG MAS DE'I MTSAN NYID BSTAN PA DANG, YANG DE NYID LAS, JI LTAR 'PHAGS PAS RNAM BRTAGS LTAR, ,DNGOS PO RNAMS KYI DNGOS NYID MED, ,JI LTAR BYIS PAS RNAM BRTAGS LTAR, ,DNGOS RNAMS YOD PA KHO NA YIN, ,ZHES GSUNGS PA DANG; 'PHAGS PA YAB SRAS MJAL BA'I MDO LAS KYANG, 'JIG RTEN MKHYEN PAS GZHAN LA MA GSAN PAR, ,BDEN PA GNYIS PO 'DI DAG RANG GIS GZIGS, ,KUN RDZOB GANG YIN DE BZHIN DON DAM STE, ,BDEN PA GSUM PA GZHAN NI YOD MA YIN, ,ZHES GSUNGS PA DANG, 'DI LTAR DE BZHIN GSHEGS PA KUN RDZOB DANG DON DAM PA THUGS SU CHUD CING, SHES BYA YANG KUN RDZOB DANG DON DAM PA JI TZAM PA DE TZAM DU ZAD LA, DE YANG BCOM LDAN 'DAS KYIS STONG PA NYID DU SHIN TU GZIGS SHIN TU THUGS SU CHUD SHIN TU MNGON SUM DU MDZAD PA DES NA THAMS CAD MKHYEN PA ZHES BYA BA 'DI NI NGO MTSAR CHE'O ZHES KYANG GSUNGS TE, DE LA KUN RDZOB NI DE BZHIN GSHEGS PAS 'JIG RTEN GYI SPYOD PA'I SGO NAS GZIGS PA YIN NO, ,DE LA 'JIG RTEN ZHES BYA BA NI RIGS PA DANG RIGS PA MA YIN PA'I TSOGS SU BRJOD PA'O, ,'JIG RTEN DE'I SPYOD PA NI LUS DANG NGAG DANG YID KYI SPYOD PAR DMIGS PA JI SNYED PA STE, DE NI KUN RDZOB KYI BDEN PA'O, ,YANG NA @17B GANG LA 'JIG RTEN GYI SPYOD CING RNAM PAR GNAS PA LA LONGS SPYOD KYI SGO NAS LAS DANG 'BRAS BUR 'BREL PA DE NI KUN RDZOB BO, ,KUN RDZOB KUN TU LAS DANG LAS KYI 'BRAS BUR 'BREL PA YIN GYI DON DAM PAR MA YIN PA DE NI 'THAD KYI, GAL TE DON DAM PAR LAS DANG LAS KYI 'BRAS BU LA SPYOD PA YOD PAR GYUR NA; 'KHOR BA LAS THAR BA BYE BRAG MED PAR 'GYUR BAS DE'I PHYIR DON DAM PAR LAS DANG LAS KYI 'BRAS BU LA SPYOD PA MED DE, 'PHAGS PA DKON MCHOG BRTZEGS PA'I MDO LAS, GANG LA LAS MED PA DANG LAS KYI 'BRAS BU MED PA DE NI 'PHAGS PA RNAMS KYI RIGS YIN LA, 'PHAGS PA RNAMS KYI RIGS GANG YIN PA'I RIGS DE LA NI LUS KYIS LAS MI BYED, NGAG GIS MI BYED, YID KYIS MI BYED DO, ,ZHES JI SKAD GSUNGS PA LTA BU'O, ,DON DAM PA GANG YIN PA DE NI BRJOD DU MED PA SHES PAR BYAR MED PA, RNAM PAR SHES PAR BYAR MED PA, YONGS SU SHES PAR BYAR MED PA, MA BSTAN PA RAB TU MA BSTAN PA, MA MNYAN PA, NYAN DU MA BCUG PA, MA SHES PA, RNAM PAR MA SHES PA, MA MTHONG BA, MTHONG BAR MA BYAS PA, MA BTAGS PA, 'DZIN DU MA BCUG PA, MA RTOGS PA, MA THOB PA, MA BOR BA, MA BLANGS PA, MA BSDUS PA, MA BSAL BA, MI ZAD PA, BYED PA MED PA, RAB TU MA ZHI BA; MA SMAD PA, MA SDOD PA, THOB PA MA YIN PA, MA THOB PA MA YIN PA, BDE BA MA YIN PA, MI BDE BA MA YIN PA, SNYAN PA MA YIN PA, MI SNYAN PA MA YIN PA, GZUGS MA YIN PA, GZUGS MED PA MA YIN PA, GRANGS MED PA, BGRANG DU MED PA, 'JIG RTEN MA YIN PA, 'JIG RTEN MED PA MA YIN PA; BRAL BA MA YIN PA, KUN NAS NYON MONGS PA MA YIN PA, RNAM PAR BYANG BA MA YIN PA, KUN RDZOB MA YIN PA, MYA NGAN LAS 'DAS PA MA YIN PA, RNAM PAR MA BRTAGS PA, RNAM PAR MA BSGRUBS PA, G-YO BA MED PA, RLOM SEMS MED PA, BSKYOD PA MED PA, MNGON PAR 'DUS MA BYAS PA; MA SPROS PA, SPROS PA DANG BRAL BA STE, 'DI LTAR GZUGS DMIGS SU MED PA DANG, RNAM PA THAMS CAD MKHYEN PA NYID KYI BAR DU DMIGS SU MED PA YIN NO ZHES GSUNGS PA DANG, DE DAG LA SOGS PA MDO SDE MTHA' YAS PA GZHAN DAG LAS KYANG BDEN PA GNYIS BKA' STZAL TO, ,NYAN THOS KYI THEG @18A *, ,PA LAS KYANG NGA NI YOD PA'I CHOS KYANG YOD PAR STON LA, MED PA'I CHOS KYANG MED PAR STON TO ZHES GSUNGS TE, DE JI BSTAN ZHE NA, GANG 'JIG RTEN LA BDEN PAR GRAGS PA DE NI NGA LA YANG BDEN PAR GRAGS PA YIN LA, GANG 'JIG RTEN LA MI BDEN PAR GRAGS PA DE NI NGA LA YANG MI BDEN PAR GRAGS PA YIN NO ZHES BSTAN PA YIN TE, DE LA GANG BYED RGYU DANG BCAS PA DANG, RGYU MTSAN DANG BCAS PA DE NI BDEN PAR GRAGS PA YIN LA, GANG BYED RGYU MED PA DANG RGYU MTSAN MED PA DE NI MI BDEN PAR GRAGS PA YIN NO, ,DE LTAR NA KUN RDZOB DANG DON DAM PA'I BDEN PA GNYIS NI DMIGS PA'I MTSAN NYID DANG, DMIGS SU MED PA'I MTSAN NYID YIN PAR THEG PA CHE CHUNG GI PHYOGS GNYI GA LA GRAGS PA YIN NO, ,RTEN CING 'BREL PAR 'BYUNG BA'I RIN PO CHE DAM PA DE DE LTAR KUN RDZOB DANG DON DAM PA'I BDEN PA LA BRTEN NAS BRJOD PA GANG DAG GIS BKA' STZAL ZHE NA, DE'I PHYIR SKYE BA DANG SKYE BA MED PA LA SOGS PA'I BRJOD PA DAG GIS ZHES BYA BA SMRAS SO, ,DE LA BRJOD PA GANG DAG LA SKYE BA LA SOGS PA YOD PA DE DAG NI SKYE BA LA SOGS PA'I BRJOD PA DAG STE, SOGS PA'I SGRAS NI 'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, DON GCIG PA DANG, DON THA DAD PA DAG BSDU'O, ,BRJOD PA GANG DAG LA SKYE BA MED PA LA SOGS PA YOD PA DE DAG NI SKYE BA MED PA LA SOGS PA'I BRJOD PA DAG STE, SOGS PA'I SGRAS NI 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DAG BSDU'O, ,DE LTAR KUN RDZOB TU DNGOS PO RNAMS LAS SKYE BA DANG, 'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, DON THA DAD PA DANG, DON GCIG PA DAG YOD PAS DE'I PHYIR BCOM LDAN 'DAS KYIS KUN RDZOB KYI BDEN PA LA BRTEN NAS NI SKYE BA LA SOGS PA'I BRJOD PA DAG GIS BKA' STZAL TO, ,DON DAM PAR DNGOS PO RNAMS SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PAS, DE'I PHYIR BCOM LDAN 'DAS KYIS DON DAM PA'I BDEN PA LA BRTEN NAS NI SKYE BA MED PA LA SOGS PA'I BRJOD PA DAG GIS @18B BKA' STZAL TO, ,BKA' STZAL TO ZHES BYA BA NI BSTAN TO ZHES BYA BA'I THA TSIG GO , ,DE NI SANGS RGYAS BCOM LDAN 'DAS KYI 'BRAS BU GZHAN GYI DON GYI MTSAN NYID BSTAN PA YIN NO, ,DE LTAR DON GYI 'BREL PA SBYAR BAS RIGS PA'I 'BREL PAR SBYAR BA DE NI RE ZHIG BLA MA DAM PA SANGS RGYAS BCOM LDAN 'DAS KYI 'BYUNG BA'I RGYU BSTAN PA YIN NO, ,DA NI BSTAN BCOS MDZAD PA'I 'BYUNG BA'I RGYU BSTAN PAR BYA STE, DE'I PHYIR SLOB DPON GYIS KYANG DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA, MA NOR BA DE BZHIN NYID THUGS SU CHUD NAS DGYES PA'I SHUGS DRAG PO YANG DAG PAR SKYES PAS JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS ZHES BYA BA SMRAS SO, ,TSIG 'DI'I BSDUS PA'I DON YANG SLOB DPON GYI ZHAL SNGA NAS KYIS RGYU BSTAN PA DANG, 'BRAS BU RANG DANG GZHAN GYI DON GYI MTSAN NYID RNAM PA GNYIS BSTAN PA YIN NO, ,YAN LAG GI DON DU SLOB DPON GYIS KYANG SNGON MOS PAS SPYOD PA'I SA LA GNAS PA NA LHAG PA'I BSAM PA RNAM PAR DAG PA'I SA 'THOB PA'I RGYU CI ZHIG THUGS SU CHUD NAS, 'BRAS BU RANG GI DON GYI MTSAN NYID BYANG CHUB SEMS DPA'I SA DANG PO RAB TU DGA' BA BRNYES TE, 'BRAS BU GZHAN GYI DON GYI MTSAN NYID SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS BSTAN BCOS MDZAD CE NA, SLOB DPON GYI ZHAL SNGA NAS KYIS RGYU NI DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA'O, ,MA NOR BA DE BZHIN NYID THUGS SU CHUD NAS ZHES BYA BAS BSTAN TO, ,'BRAS BU RANG GI DON GYI MTSAN NYID NI DGYES PA'I SHUGS DRAG PO YANG DAG PAR SKYES PA, JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DO; ;BSTAN BCOS MDZAD PAR BZHED NAS ZHES BYA BA BSTAN TO, ,'BRAS BU GZHAN GYI DON GYI MTSAN NYID NI THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS ZHES BYA BAS BSTAN TE, DE NI DON GYI 'BREL PA YIN NO, , @19A *, ,DE LA DON GYI 'BREL PAR SBYAR BA NI 'DI YIN TE, SLOB DPON GYI ZHAL SNGA NAS KYIS KYANG, DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA, MA NOR BA DE BZHIN NYID THUGS SU CHUD PA'I RGYU DES 'BRAS BU RANG GI DON GYI MTSAN NYID BYANG CHUB SEMS DPA'I SA RAB TU DGA' BA BRNYES PAS JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS, 'BRAS BU GZHAN GYI DON GYI MTSAN NYID THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS BSTAN BCOS MDZAD DE, SLOB DPON GYI ZHAL SNGA NAS KYANG 'BYUNG BA'I RGYU NI DE LTA BU YIN NO ZHES DON GYI 'BREL BA SBYAR BAS RIGS PA'I 'BREL BA SBYAR BAR BLTA'O, ,DA NI YI GE'I DON BSHAD PAR BYA STE, SLOB DPON ZHES BYA BA NI MTHO RIS DANG, THAR PA THOB PAR BYED PA'I CHO GA RTOGS SHING KHONG DU CHUD PA'I SLOB DPON NO, ,YANG NA DE THOB PAR BYED PA LAM GYI CHO GA LA RNAM PAR GNAS PA'I SLOB DPON NO, ,YANG NA MNGON DU LDANG BA DANG PHYAG 'TSAL BA LA SOGS PA SPYOD LAM GYIS CHOS 'DUL BA'I CHO GA RTOGS SHING DE LA GNAS PAS SLOB DPON NO, ,YANG NA 'DOD CHAGS LA SOGS PA NYON MONGS PA'I SPONG BA 'DUL BA'I CHO GA RTOGS SHING DE THOB PAS SLOB DPON NO, ,YANG NA GZHAN DAG MTHO RIS DANG THAR PA THOB PAR BYED PA DANG, SPYOD LAM LAS BYUNG BA DANG, NYON MONGS PA 'DUL BA ZHES BYA BA'I CHO GA GSUM LA SBYOR BAR BYED PAS SLOB DPON NO, ,KYANG ZHES BYA BA'I SGRA NI BCOM LDAN 'DAS NYAG GCIG THUGS RJES SEMS CAN GYI DON LA SBYOR BAR MDZAD PA 'BA' ZHIG TU MA ZAD DE, 'DI LTAR SLOB DPON GYI ZHAL SNGA NAS KYIS KYANG THUGS RJES SEMS CAN GYI DON LA SBYOR BAR MDZAD DO ZHES BYA BAR SBYAR RO, ,SLOB DPON GYIS KYANG SNGON MOS PAS SPYOD PA'I SA LA GNAS PA NA LHAG PA'I BSAM PA RNAM PAR DAG PA'I SA THOB PA'I RGYU CI ZHIG THUGS SU CHUD CE NA, DE'I PHYIR DE BZHIN GSHEGS PA'I TSUL ZHES BYA BA LA SOGS PA SMRAS SO, ,'DIR YANG DE BZHIN GSHEGS PA'I TSUL ZHES BYA BA NI KHYAD PAR GYI GZHI YIN LA, SKYE BA MED PA LA SOGS PA'I TSIG GIS RAB TU BSTAN PA ZHES BYA BA DANG, MA NOR BA DE BZHIN NYID CES BYA BA DE GNYIS NI DE'I KHYAD PAR YIN NO, , @19B DE LA LHAG PA'I BSAM PA RNAM PAR DAG PA'I SA 'THOB PA'I RGYU 'DI SUS RAB TU BSTAN GANG ZHIG YIN, CI ZHIG GIS RAB TU BSTAN, DE'I KHYAD PAR GANG YIN ZHE NA, DE'I PHYIR DE BZHIN GSHEGS PA DANG, DE'I TSUL DANG, SKYE BA MED PA LA SOGS PA'I TSIG GIS RAB TU BSTAN PAR, MA NOR BA DE BZHIN NYID CES BYA BA SMRAS TE; GO RIMS BZHIN NO, ,DE SUS RAB TU BSTAN ZHE NA, DE'I PHYIR DE BZHIN GSHEGS PA ZHES BYA BA SMRAS SO, ,CI'I PHYIR DE BZHIN GSHEGS PA ZHES BYA BA ZHE NA, GANG GI PHYIR DES DE BZHIN THUGS SU CHUD PAS, DE'I PHYIR DE BZHIN GSHEGS PA STE, DE BZHIN ZHES BYA BA DE GANG YIN ZHE NA, MYA NGAN LAS 'DAS PA'O, ,DE NI MI BSLU BA'I PHYIR DE BZHIN ZHES BYA STE, BCOM LDAN 'DAS KYIS DGE SLONG BDEN PA'I MCHOG NI 'DI YIN TE, 'DI LTA STE MI BSLU BA'I CHOS CAN MYA NGAN LAS 'DAS PA'O ZHES JI SKAD GSUNGS PA LTA BU'O, ,GSHEGS PA ZHES BYA BA NI THUGS SU CHUD PA ZHES BYA BA'I THA TSIG STE, DPER NA 'JIG RTEN NA SMRA BA PO DAG MI 'DI NI KHONG DU CHUD PA DANG LDAN PA YIN NO ZHES ZER BA LTA BU'O, ,DE'I PHYIR DES MYA NGAN LAS 'DAS PA THUGS SU CHUD CING SHIN TU RTOGS PA DANG, MNGON PAR RDZOGS PAR SANGS RGYAS PAS NA DE BZHIN GSHEGS PA ZHES BYA'O, ,YANG NA DE BZHIN ZHES BYA BA NI RNAM PAR THAR PA'I SGO GSUM PO STONG PA NYID DANG; MTSAN MA MED PA DANG, SMON PA MED PA DAG GO , ,GSHEGS PA ZHES BYA BA NI DES DE DAG RNAM PA THAMS CAD DU THUGS SU CHUD PA STE DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI 'PHAGS PA'I BDEN PA BZHI PO DAG GO , ,GSHEGS PA ZHES BYA BA NI DES DE DAG RNAM PA THAMS CAD DU THUGS SU CHUD PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI, BYIN GYI RLABS BZHI PO BDEN PA DANG GTONG BA DANG, NYE BAR ZHI BA DANG, SHES RAB CES BYA BA DAG GO , ,GSHEGS PA ZHES BYA BA NI DES DE DAG RNAM PA THAMS CAD DU THUGS SU CHUD PA STE DE'I PHYIR DE BZHIN GSHEGS PA'O, , YANG NA DE BZHIN ZHES BYA BA NI SANGS RGYAS KYI CHOS THAMS CAD DO, ,GSHEGS PA ZHES BYA BA NI DES DE DAG RNAM PA THAMS CAD DU THUGS SU CHUD PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI PHA ROL TU PHYIN PA DRUG PO DAG GO , ,GSHEGS PA ZHES BYA BA NI DE DAG GIS YANG DAG PAR RDZOGS PA'I SANGS @20A *, ,RGYAS SU GSHEGS PA STE DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI RAB TU DGA' BA ZHES BYA BA LA SOGS PA BYANG CHUB SEMS DPA'I SA BCU PO DAG GO , ,GSHEGS PA ZHES BYA BA NI DE DAG GIS, YANG DAG PAR RDZOGS PA'I SANGS RGYAS NYID DU GSHEGS PA STE DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI 'DI LTA STE, 'PHAGS PA'I LAM YAN LAG BRGYAD PA'I DE BZHIN GYIS SO, ,GSHEGS PA ZHES BYA BA NI DES YANG DAG PAR RDZOGS PA'I SANGS RGYAS NYID DU GSHEGS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI BSKAL PA DPAG TU MED PA GRANGS MED PAR BSOD NAMS DANG YE SHES KYI TSOGS MTHA' YAS PA NYE BAR BSAGS PA DES SO, ,GSHEGS PA ZHES BYA BA NI MNGON PAR RDZOGS PAR SANGS RGYAS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI BYANG CHUB TU THUGS BSKYED NAS MGO DANG GOS LA ME 'BAR BA LTA BU'I BRTZON 'GRUS KYIS SANGS RGYAS KYI YON TAN MA LUS PA NYE BAR SGRUB PA NA JI LTAR YUN RIN PO NAS YANG DAG PAR ZHUGS PA 'PHAGS PA BYAMS PA LA SOGS PA BYANG CHUB SEMS DPA' DAG RGYAB TU MDZAD PA DE LTAR MNGON PAR BRTZON PA'O, ,GSHEGS PA ZHES BYA BA NI DANG POR KHO NAR MNGON PAR RDZOGS PAR SANGS RGYAS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI BSKAL PA GRANGS MED PA GSUM DU PHYI DANG NANG GI MGO DANG LAG PA DANG RKANG PA DANG MIG DANG YAN LAG DAM PA DANG, RUS PA DANG RKANG DANG LUS YONGS SU GTONG BA'I DKA' BA MDZAD PA 'BUM PHRAG DU MA DAG MDZAD PAS, JI LTAR GZHAN MU STEGS BYED NOR LHA DANG, LHA CHEN PO DANG, TSANGS PA DANG, SER SKYA DANG, GZEGS ZAN DANG, RKANG MIG DANG, 'PHEL BA DANG, RGYAL DPOG GI BU LA SOGS PA MI 'ONG BA DE LTAR RO, ,GSHEGS PA ZHES BYA BA NI MNGON PAR RDZOGS PAR SANGS RGYAS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI JI LTAR 'DAS PA'I DE BZHIN GSHEGS PA THAMS CAD THUGS BRTZE BA DANG THUGS RJE DANG BYAMS PA'I THUGS KYIS 'GRO BA MTHA' DAG LA PHAN PA DANG BDE BA KHO NA'I PHYIR MNGON PAR RDZOGS PAR SANGS RGYAS PA DE BZHIN DU'O, , @20B GSHEGS PA ZHES BYA BA NI BCOM LDAN 'DAS 'DI YANG MNGON PAR RDZOGS PAR SANGS RGYAS PA DE DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI BSAM GTAN BZHI BA LA BRTEN NAS SKYE PA RDO RJE LTA BU'I TING NGE 'DZIN GYI STOBS KYIS SRID PA'I RTZE MO PA'I NYON MONGS PA SPONG BA MDZAD NAS JI LTAR PHYI ROL PA NYON MONGS PA SPONG BA RAB TU MI SHES PA DAG 'KHOR BAR LDOG PAR 'GYUR BA DE LTA MA YIN PA DE BZHIN DU'O, ,GSHEGS PA ZHES BYA BA NI MYA NGAN LAS 'DAS PA'I GRONG KHYER DU GSHEGS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI JI LTAR DE BZHIN GSHEGS PA MAR ME MDZAD LA SOGS PAS SEMS CAN GYI KHAMS SKAL BA DANG LDAN PA MTHA' YAS PA DAG MYA NGAN LAS BZLA BAR MDZAD NAS MYA NGAN LAS 'DAS PA DE BZHIN DU'O, ,GSHEGS PA ZHES BYA BA NI BCOM LDAN 'DAS 'DI YANG MYA NGAN LAS 'DAS PAR GYUR PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI LAS KYI SGRIB PA DANG, NYON MONGS PA'I SGRIB PA DANG, SHES BYA'I SGRIB PA SPONG BAR MDZAD NAS, JI LTAR GZHAN MU STEGS BYED DAG GIS 'GRO BAR MI NUS PA DE LTAR RO, ,GSHEGS PA ZHES BYA BA NI, MYA NGAN LAS 'DAS PAR GYUR PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NA LAS KYI SGRIB PA DANG, NYON MONGS PA'I SGRIB PA DANG, SHES BYA'I SGRIB PA SPONG BAR MDZAD NAS, JI LTAR YANG LAS DANG NYON MONGS PA'I DBANG GIS MI SKYE ZHING, SHES BYA LA YE SHES THOGS PA MI MNGA' BAS DE LTAR RO, ,GSHEGS ZHES BYA BA NI MYA NGAN LAS 'DAS PAR GYUR PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI LAS DANG NYON MONGS PA DANG SHES BYA'I SGRIB PA SPONG BAR MDZAD CING, RNAM PAR RTOG PA DANG SPROS PA THAMS CAD KYANG SPONG BAR MDZAD NAS, JI LTAR YANG LAS DANG NYON MONGS PA DANG SHES BYA'I SGRIB PA MI SKYE ZHING RNAM PAR RTOG PA DANG SPROS PA MI 'BYUNG BA DE LTAR RO;; GSHEGS PA ZHES BYA BA NI MYA NGAN LAS 'DAS PAR GYUR PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI DE BZHIN NYID DO, ,GSHEGS PA ZHES BYA BA NI THOB PA MED PAR THOB PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI DE BZHIN NYID DO, ,GSHEGS @21A *, ,PA ZHES BYA BA NI RTOGS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI DE BZHIN NYID DO, ,GSHEGS PA ZHES BYA BA NI GSUNGS PA STE, DE'I PHYIR DE BZHIN GSHEGS PA STE, DPER NA SA'I STENG NA SGROGS PAS SA STENG SGROGS ZHES BYA BA DANG 'DRA'O, ,YANG NA DE BZHIN ZHAS BYA BA NI 'JIG RTEN PA DANG 'JIG RTEN LAS 'DAS PA'I CHOS THAMS CAD DANG KUN RDZOB DANG DON DAM PA'I BDEN PA GNYIS THUGS SU CHUD PAS DMIGS PA DANG DMIGS SU MED PA'I MTSAN NYID JI LTA BA BZHIN DU'O, ,GSHEGS PA ZHES BYA BA NI GSUNGS PA STE, DE'I PHYIR DE BZHIN GSHEGS PA'O, ,YANG NA DE BZHIN ZHES BYA BA NI NGAR 'DZIN PA DANG, BDAG GIR 'DZIN PA DANG, SGRIB PA DANG RNAM PAR RTOG PA DANG, SPROS PA THAMS CAD KYI RGYU LAS BYUNG BA 'KHOR BA'I SDUG BSNGAL GYI DRA BA THAMS CAD DRUNGS DBYUNG BAR MDZAD DE, YON TAN RIN PO CHE MI ZAD PA'I GTER BLA NA MED PA BSAM GYIS MI KHYAB PA RMAD DU BYUNG BA MA LUS PA NYE BAR SGRUB PA MDZAD NAS, JI LTAR BCOM LDAN 'DAS DE 'KHOR BA JI SRID PA'I BAR DU 'JIG RTEN GYI KHAMS SKAL BA DANG LDAN PA RAB 'BYAM MA LUS PA DAG TU RNAM PAR RTOG PA'I RTZOL BA MI MNGA' BAR SNGON GYI SMON LAM GYI SHUGS KYIS DGA' LDAN GYI GNAS NA BZHUGS PA DANG, 'PHO BA DANG, 'JUG PA DANG, LHUMS NA ZHUGS PA DANG, BLTAMS PA DANG, GZHON NU ROL PA DANG, BTZUN MO'I 'KHOR NYE BAR BSTEN PA DANG, MNGON PAR 'BYUNG BA DANG, DKA' BA SPYOD PA DANG, BYANG CHUB KYI SNYING POR GSHEGS PA DANG, BDUD BTUL BA DANG, MNGON PAR BYANG CHUB PA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO LA SOGS PA'I MDZAD PA GZHAL DU MED PA LA 'JUG PA DE LTAR RO, ,GSHEGS PA ZHES BYA BA NI SKYE BA DANG 'GAG PA MED PA'I CHOS KYI SKU ZHES BYA BA'I MYA NGAN LAS 'DAS PA BRNYES PAR GYUR PA STE DE'I PHYIR DE BZHIN GSHEGS PA'O, ,YANG NA BCOM LDAN 'DAS NYID KYIS 'PHAGS PA PHYIR MI LDOG PA'I 'KHOR LO'I MDO LAS, JI LTAR BYIS PAS RNAM BRTAGS PA, ,DE LTAR BYANG CHUB MI RNYED DE, ,CHOS KUN RNYED PA MED PAS NA, ,DE PHYIR DE BZHIN GSHEGS ZHES BYA, ,ZHES NGES PA'I TSIG JI SKAD BKA' STZAL PA LTA BU'O, ,NYEN PA'I SKYE BO SPOBS PA BSKYED PA'I PHYIR DE BZHIN GSHEGS PA'I SGRA BYE BRAG TU @21B RTOGS PAR BYA BA BYAS TE RGYA CHER NI MI DGOS SO, ,LHAG PA'I BSAM PA RNAM PAR DAG PA'I SA 'THOB PA'I RGYUD DE GANG ZHIG YIN ZHE NA, DE'I PHYIR DE BZHIN GSHEGS PA'I TSUL ZHES BYA BA SMRAS SO, ,DE LA DE BZHIN GSHEGS PA'I ZHES BYA BA NI DE BZHIN GSHEGS PAS RAB TU BSTAN PA'AM, DE BZHIN GSHEGS PA YIN PAS NA; DE BZHIN GSHEGS PA'I ZHES BYA'O, ,TSUL ZHES BYA BA NI DE BZHIN GSHEGS PAS RAB TU BSTAN PA'AM, ,DE BZHIN GSHEGS PA'I GANG YIN PA DE NYID TSUL TE, GANG GIS CHOS THAMS CAD DMIGS SU MED PAR KHRID PAR BYED PA'AM, GANG GIS GZHAN GYI RGYUD LA DON KHRID PAR BYED PA'O, ,YANG NA GANG GIS BSOD NAMS DANG YE SHES KYI TSOGS GZHAL DU MED PA NYE BAR BSAGS PA'I 'JIG RTEN 'KHOR BA'I BTZON RA NAS BSGRAL TE, BSAM PA THAMS CAD YONGS SU RDZOGS PAR BYED PA'I YID BZHIN GYI NOR BU RIN PO CHE LTA BUR KHRID PAR BYED PA DE NI TSUL LO, ,DE CI ZHIG GIS RAB TU BSTAN ZHE NA, DE'I PHYIR SKYE BA MED PA LA SOGS PA'I TSIG GIS RAB TU BSTAN PA ZHES BYA BA SMRAS SO, ,DE LA SKYE BA MED PA LA SOGS PA'I TSIG GIS ZHES BYA BA NI SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA ZHES JI SKAD SNGAR BSTAN PA'I TSIG DE DAG GIS SO, ,RAB TU BSTAN PA ZHES BYA BA LA, RAB TU ZHES BYA BA NI SEMS CAN SKAL BA DANG LDAN PA'I PHYIR RAM MCHOG TU'O, ,BSTAN PA ZHES BYA BA NI PHYE BA'AM BZHAG PA'O, ,DE BZHIN GSHEGS PA'I TSUL DE SKYE BA MED PA LA SOGS PA'I TSIG GIS RAB TU BSTAN PA 'BA' ZHIG TU YANG MA ZAD DE, 'DI LTAR DE NI MA NOR BA DE BZHIN NYID KYANG YIN TE, MA NOR BA DE BZHIN NYID CES BYA BA NI PHYIN CI MA LOG PA'I RNAM PA NYID DO, ,'DI LA KHA CIG 'DI SKAD CES, GAL TE DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA DE LA NOR BA YANG YOD NA NI DE'I TSE DE LA 'KHRUL PA YOD PAS MA NOR BA DE BZHIN NYID CES BYA BA'I KHYAD PAR GZHAN YANG BSTAN PAR BYA DGOS PA ZHIG NA, KHYAD PAR GYI GZHI DE BZHIN GSHEGS PA'I TSUL ZHES BYA BA SKYE BA MED PA LA SOGS PA'I TSIG GIS RAB TU BSTAN PA ZHES BYA BA'I KHYAD PAR GYIS MTSON PA DE LA NOR BA MED PA SNGON BZHIN @22A *, ,DU CI'I PHYIR MA NOR BA DE BZHIN NYID CES BYA BA'I KHYAD PAR GZHAN GYIS MTSON PAR BYED CES ZER NA, DE LA 'DI SKAD CES BRJOD PAR BYA'O, ,KHA CIG GIS 'DI NOR BA'I RNAM PAR RTOGS TE, DNGOS PO RNAMS JI LTAR BYIS PA'I RNAM PAR SHES PAS GZUNG BA KUN BRTAGS PA'I BDAG NYID KYIS NI STONG LA, 'PHAGS PA'I YE SHES KYI SPYOD YUL YONGS SU GRUB PA'I BDAG NYID KYIS NI MI STONG NGO ZHES ZER BA DAG GIS NI NOR PA'I RNAM PAR RTOGS PA YIN NO, ,GAL TE DE CI'I PHYIR NOR PA'I RNAM PAR RTOGS PA YIN ZHE NA, 'DI LTAR BCOM LDAN 'DAS KYIS 'PHAGS PA LANG KAR GSHEGS PA'I MDO LAS, JI LTAR 'PHAGS PAS RNAM BRTAGS LTAR, ,DNGOS PO RNAMS KYI DNGOS NYID MED, ,JI LTAR BYIS PAS RNAM BRTAGS LTAR, ,DNGOS RNAMS YOD PA KHO NA YIN, ,ZHES GSUNGS PA DANG, 'PHAGS PA SHES RAB KYI PHA ROL TU PHYIN PA LAS KYANG, BCOM LDAN 'DAS LA TSE DANG LDAN PA RAB 'BYOR GYIS ZHUS PA, BCOM LDAN 'DAS KYIS CHOS GANG MNGON PAR RDZOGS PAR SANGS RGYAS PA'I CHOS DE CI LAGS, 'JIG RTEN GYI THA SNYAD DU MNGON PAR RDZOGS PAR SANGS RGYAS SAM, 'ON TE DON DAM PAR MNGON PAR RDZOGS PAR SANGS RGYAS, BCOM LDAN 'DAS KYIS BKA' STZAL PA, RAB 'BYOR DE BZHIN GSHEGS PAS CHOS 'DI MNGON PAR RDZOGS PAR SANGS RGYAS SO ZHES BYA BA NI 'JIG RTEN GYI THA SNYAD DU BRJOD PAR ZAD KYI, DE LA CHOS 'DIS CHOS 'DI MNGON PAR RDZOGS PAR SANGS RGYAS PA ZHES BYA BA 'GA' YANG DMIGS SU MED DO, ,DE CI'I PHYIR ZHE NA, RAB 'BYOR CHOS 'DIS CHOS 'DI MNGON PAR RDZOGS PAR SANGS RGYAS PA ZHES BYA BA DE NI DMIGS PA YIN TE, GNYIS LAS 'THOB PA DANG MNGON PAR RTOGS PA 'GA' YANG MED CING GNYIS MED PA'I PHYIR RO ZHES GSUNGS PA DANG, YANG DE NYID LAS RAB 'BYOR DE BZHIN GSHEGS PAS DON DAM PAR SPYAN LNGA PO DE DAG GIS MA DMIGS PA GANG YIN PA DE LA MI GTI MUG CAN SANGS RGYAS LA SKUR PA 'DEBS PA DAG DNGOS PO DMIGS PAR BYA BA DE GANG YIN SNYAM DU SEMS SO ZHES GSUNGS PA'I PHYIR RO, ,NOR BA DANG MA NOR BAR RTOGS PA NI 'GREL PA BYED PA NYID KYIS MYA NGAN LAS 'DAS PA BRTAG PA'I SKABS SU BYAS PA LTAR BLTA BAR BYA'O, ,DA NI SKABS NYID BRJOD PAR BYA STE, DE BZHIN GSHEGS @22B PA'I TSUL SKYE BA MED PA LA SOGS PA'I TSIG GIS RAB TU BSTAN PA MA NOR BA DE BZHIN NYID THUGS SU CHUD NAS ZHES BYA BA NI BYANG CHUB SEMS DPA'I SA DANG PO RAB TU DGA' BA BRNYES NAS ZHES BYA BA'I THA TSIG STE, DE LTAR YANG 'PHAGS PA LANG KAR GSHEGS PA'I MDO LAS, BDE GSHEGS MYA NGAN 'DAS 'OG TU, ,TSUL RNAMS 'DZIN PAR 'GYUR BA DE, ,DUS DAG 'DAS NAS 'BYUNG BA NI, ,BLO GROS CHEN PO KHYOD SHES BYOS, ,LHO PHYOGS BHE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG PA RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES JI SKAD GSUNGS PA DANG, ,SLOB DPON GYIS SHES RAB KYI PHA ROL TU PHYIN PA KLOG PA NA BYANG CHUB SEMS DPA'I SA DANG PO RAB TU DGA' BA BRNYES SO ZHES GRAGS PA LAS SHES PAR BYA'O, ,DE LA THUGS SU CHUD NAS ZHES BYA BA NI MNGON PAR RTOGS NAS TE, BYANG CHUB SEMS DPA'I SA DANG PO RAB TU DGA' BA LA GNAS PAR GYUR NAS ZHES BYA BA'I THA TSIG GO, ,DE LTAR YANG 'PHAGS PA BYANG CHUB SEMS DPA' SA BCU'I MDO LAS, GNAS GANG YOD PA DANG, GANG GI PHYIR DANG, GZHI GANG YIN PA DANG, JI 'DRA BA'I SEMS SKYE BAS SA DANG PO LA GNAS PAR GYUR PA DE NI GNAS PA YIN TE, DE LA RE ZHIG GNAS GANG YOD NA SEMS DE SKYE BA DE NI KYE RGYAL BA'I SRAS DAG ,DE LA SEMS CAN DGE BA'I RTZA BA SHIN TU BSAGS PA, TSOGS SHIN TU BSAGS PA, SPYAD PA SHIN TU SPYAD PA, SANGS RGYAS BYUNG BA LA SHIN TU BSNYEN BKUR BYAS PA, CHOS DKAR PO SHIN TU BSDUS PA, DGE BA'I BSHES GNYEN GYIS SHIN TU BZUNG BA, BSAM PA SHIN TU RNAM PAR DAG PA, LHAG PA'I BSAM PA RGYA CHEN PO DANG LDAN PA, MOS PA RGYA CHEN PO DANG LDAN PA, SNYING BRTZE BA DANG SNYING RJE MNGON DU GYUR PA ZHES GSUNGS PA YIN NO, ,GANG GI PHYIR SEMS DE SKYE BA DE NI SANGS RGYAS KYI YE SHES LA MNGON PAR 'DOD PAR BYA BA'I PHYIR DANG, STOBS BCU'I STOBS THOB PAR BYA BA'I PHYIR DANG, MI 'JIGS PA CHEN PO THOB PAR BYA BA'I PHYIR DANG, SANGS RGYAS KYI CHOS MNYAM PA NYID THOB PAR BYA BA'I PHYIR DANG, 'GRO BA THAMS CAD YONGS SU BSKYAB PAR BYA BA'I PHYIR DANG, SNYING BRTZE BA DANG, SNYING RJE CHEN PO RNAM PAR DAG PAR BYA BA'I PHYIR DANG, PHYOGS BCU MA LUS PAR SHES PA THOB PAR @23A *, ,BYA BA'I PHYIR DANG, SANGS RGYAS KYI ZHING THAMS CAD THOGS PA MED PAR YONGS SU SBYONG BAR BYA BA'I PHYIR DANG, DUS GSUM SKAD CIG GCIG GIS KHONG DU CHUD PAR BYA BA'I PHYIR DANG, CHOS KYI 'KHOR LO CHEN PO RAB TU BSKOR BA LA 'JIGS PA MED PAR BYA BA'I PHYIR BYANG CHUB SEMS DPA' RNAMS KYI SEMS DE SKYE BAR 'GYUR TE, ZHES GSUNGS PA YIN NO, ,GZHI GANG LAS SEMS DE SKYE BAR 'GYUR BA DE NI SNYING RJE CHEN PO SNGON DU 'GRO BA SHES RAB DANG, YE SHES KYI DBANG DU GYUR PA THABS MKHAS PAS YONGS SU BZUNG BA, BSAM PA DANG LHAG PA'I BSAM PAS RAB TU BSTAN PA, DE BZHIN GSHEGS PA'I STOBS DPAG TU MED PA DANG LDAN PA, SNYING STOBS KYI STOBS DANG, BLO'I STOBS KYIS SHIN TU RNAM PAR PHYE BA RNAM PAR 'BYED PA DANG LDAN PA, RANG BYUNG GI YE SHES DANG MTHUN PA, SANGS RGYAS KYI CHOS THAMS CAD LA SHES RAB DANG YE SHES KYI GDAMS NGAG YANG DAG PAR CHOL BA, CHOS KYI DBYINGS KYIS KLAS PA DANG LDAN PA, NAM MKHA'I KHAMS LTAR GNAS SHING PHYI MA'I MTHA'I MUR THUG PA LAS SEMS DE SKYE BAR 'GYUR TE ZHES GSUNGS PA YIN NO, ,JI 'DRA BA'I SEMS DE SKYE BAR 'GYUR BA DE NI SEMS SKYE BA DE SKYES MA THAG TU BYANG CHUB SEMS DPA' BYIS PA SO SO SKYE BO'I SA LAS SHIN TU 'DAS PA YIN, BYANG CHUB SEMS DPA'I SKYON MED PAR ZHUGS PA YIN, DE BZHIN GSHEGS PA'I RIGS SU SKYES PA YIN, MAN NGAG BRJOD PAS KHA NA MA THO BA MED PA YIN, 'JIG RTEN GYI 'GRO BA THAMS CAD LAS PHYIR LOG PA YIN, 'JIG RTEN LAS 'DAS PA'I 'GRO BAR ZHUGS PA YIN, BYANG CHUB SEMS DPA'I CHOS NYID LA GNAS PA YIN, BYANG CHUB SEMS DPA'I GNAS LA RAB TU GNAS PA YIN, DUS GSUM MNYAM PA NYID DU RTOGS PA YIN, DE BZHIN GSHEGS PA'I RIGS SU NGES SHING RDZOGS PA'I BYANG CHUB LA GZHOL BA YIN TE, KYE RGYAL BA'I SRAS DAG CHOS 'DI LTA BU LA GNAS PA'I BYANG CHUB SEMS DPA' NI BYANG CHUB SEMS DPA'I SA RAB TU DGA' BA LA MI G-YO BA'I TSUL GYIS GNAS PA YIN NO ZHES GSUNGS PA YIN NO, ,SLOB DPON GYI ZHAL SNGA NAS CHOS DE LTA BU LA GNAS SHING BYANG CHUB SEMS DPA'I SA RAB TU DGA' BA LA MI G-YO BA'I TSUL GYIS RAB TU GNAS PAR GYUR PA NI DE BZHIN GSHEGS PA'I TSUL SKYE BA MED PA LA SOGS PA'I @23B TSIG GIS RAB TU BSTAN PA, MA NOR BA DE BZHIN NYID THUGS SU CHUD NAS ZHES BYA BAS BSTAN PA YIN NO, ,DE NI SLOB DPON GYI ZHAL SNGA NAS KYIS RGYU BSTAN PA YIN NO,, ,,BAM PO GSUM PA, DE LTAR SLOB DPON GYI ZHAL SNGA NAS, SNGON MOS PAS SPYOD PA'I SA LA GNAS PA NA, LHAG PA'I BSAM PA RNAM PAR DAG PA'I SA 'THOB PA'I RGYU DE LTA BU THUGS SU CHUD PAS, 'BRAS BU RANG GI DON GYI MTSAN NYID CI ZHIG BRNYES SHE NA, DE'I PHYIR DGYES PA'I SHUGS DRAG PO YANG DAG PAR SKYES PAS JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS ZHES BYA BA SMRAS SO, ,DE LA DGYES PA'I SHUGS DRAG PO YANG DAG PAR SKYES PAS ZHES BYA BA NI 'BRAS BU RANG GI DON GYI MTSAN NYID BRNYES PA DNGOS BSTAN LA, JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE ZHES BYA BAS NI BDAG NYID KYI SANGS RGYAS KYI CHOS YONGS SU SMIN PAR BYA BA'I PHYIR JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD PAR MDZAD NAS, 'BRAS BU RANG GI DON GYI MTSAN NYID DE BRNYES PA BYE BRAG TU BSTAN TO, ,BSTAN BCOS MDZAD PAR BZHED NAS ZHES BYA BA NI PHYI ROL GYI SEMS CAN YONGS SU SMIN PAR BYA BA'I PHYIR BSTAN BCOS MDZAD PAR BZHED PAS, 'BRAS BU RANG GI DON GYI MTSAN NYID DE BRNYES PA BYE BRAG TU BSTAN TO, ,DE LA DGYES PA'I SHUGS DRAG PO YANG DAG PAR SKYES PAS ZHES BYA BA NI BYANG CHUB SEMS DPA'I SA DANG PO RAB TU DGA' BA BRNYES PA ZHES BYA BA'I THA TSIG GO, ,DE LA DGYES PA'I SHUGS ZHES BYA BA NI MCHOG TU DGA' BA MANG BAS RAB TU DGA' BA DANG, DMIGS PAS RAB TU DGA' BA'I SHUGS SO, ,DRAG PO ZHES BYA BA NI CHEN PO'O, ,YANG DAG PAR SKYES PAS ZHES BYA BA NI PHYIS KYANG 'BRAL BAR MI 'GYUR BA SKYES PA'O, ,DE LTAR NA SLOB DPON GANG LA BYANG CHUB SEMS DPA'I SA DANG PO RAB TU DGA' BA BRNYES PAS DGYES PA'I SHUGS DRAG PO YANG DAG PAR BRNYES PA MNGA' BA DE NI DGYES PA'I SHUGS DRAG PO YANG DAG PAR SKYES PA STE DES SO, ,DE LTAR YANG 'PHAGS PA BYANG CHUB SEMS DPA' SA BCU'I MDO LAS, MCHOG TU DGA' BA MANG BAS RAB TU DGA' BA DANG, DMIGS PAS RAB TU DGA' BA YIN TE, DE LA RE ZHIG MCHOG TU DGA' BA MANG BAS RAB TU @24A *, ,DGA' BA NI, KYE RGYAL BA'I SRAS DE LA BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPA' NI MCHOG TU DGA' BA MANG BA YIN TE, DANG BA MANG BA YIN, DGA' BA MANG BA YIN, RANGS PA MANG BA YIN, MGU BA MANG BA YIN, DGA' RLABS MANG BA YIN, SPROS PA MANG BA YIN, MI 'KHRUG PA MANG BA YIN, RNAM PAR 'TSE BA MED PA MANG BA YIN, KHRO BA MED PA MANG BA YIN NO ZHES GSUNGS PA YIN NO, ,DMIGS PAS RAB TU DGA' BA NI RNAM PA GNYIS TE, MA 'ONGS PA NA THOB PAR BYA BA DANG, DA LTAR BYUNG BA NA THOB PA'I DMIGS PAS RAB TU DGA' BA'O, ,DE LA MA 'ONGS PA NA THOB PAR BYA BA'I DMIGS PAS RAB TU DGA' BA NI, KYE RGYAL BA'I SRAS DAG DE LTAR BYANG CHUB SEMS DPA'I SA RAB TU DGA' BA LA GNAS PA'I BYANG CHUB SEMS DPA' NI SANGS RGYAS BCOM LDAN 'DAS RNAMS DANG, SANGS RGYAS KYI CHOS RNAMS DANG, BYANG CHUB SEMS DPA' RNAMS DANG, BYANG CHUB SEMS DPA'I SPYOD PA RNAMS DANG, PHA ROL TU PHYIN PA RNAM PAR DAG PA DANG, BYANG CHUB SEMS DPA'I SA'I KHYAD PAR DANG, BYANG CHUB SEMS DPA'I MI 'PHROGS PA NYID DANG, DE BZHIN GSHEGS PA'I GDAMS NGAG DANG, RJES SU BSTAN PA DANG, SEMS CAN GYI DON YANG DAG PAR THOB PAR BYED PA DANG, DE BZHIN GSHEGS PA'I YE SHES LA 'JUG PA'I SBYOR BA RJES SU DRAN ZHING RAB TU DGA' BA YIN NO ZHES GSUNGS PA YIN NO, ,DA LTAR BYUNG BA NA THOB PA'I DMIGS PAS RAB TU DGA' BA NI PHYIR ZHING MCHOG TU DGA' BA DANG LDAN PA YIN TE, BDAG NI 'GRO BA THAMS CAD KYI YUL LAS PHYIR LOG GO, ,BDAG NI SANGS RGYAS DANG NYE BA LA ZHUGS SO, ,BDAG NI BYIS PA SO SO'I SKYE BO'I SA LAS RING DU GYUR TO, ,BDAG NI YE SHES KYI SA DANG NYE BAR GYUR TO, ,BDAG NI NGAN SONG NGAN 'GRO LOG PAR LTUNG BA THAMS CAD KYI RGYUN CHAD PA'O, ,BDAG NI SEMS CAN THAMS CAD KYI STON PAR GYUR TO, ,BDAG NI DE BZHIN GSHEGS PA RNAMS MTHONG BA DANG; NYE BAR GYUR TO, ,BDAG NI SANGS RGYAS KYI YUL LA YANG DAG PAR BYUNG NGO, ,BDAG NI BYANG CHUB SEMS DPA' THAMS CAD KYI MNYAM PA NYID DANG LDAN PAR GYUR TO, ,BDAG NI 'JIGS PA DANG, DNGANG BA DANG, BAG CHA BA DANG BRAL LO ZHES MCHOG TU DGA' BSKYED DO ZHES GSUNGS PA YIN NO, ,JI LTAR @24B THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE ZHES BYA BA NI DE LTAR DGYES PA'I SHUGS DRAG PO YANG DAG PAR SKYES PAS BDAG NYID KYI SANGS RGYAS KYI CHOS YONGS SU SMIN PAR BYA BA'I PHYIR, JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD PAR MDZAD DO ZHES BYA BAR SBYAR RO, ,DE LA JI LTAR THUGS SU CHUD PA'I TSUL GYIS ZHES BYA BA NI DE BZHIN GSHEGS PA'I TSUL GANG KHO NA THUGS SU CHUD PA DE KHO NA DANG, JI LTAR THUGS SU CHUD PA DE KHO NAS TE SKYE BA MED PA LA SOGS PA'I TSIG GIS RAB TU BSTAN PA, MA NOR BA'I DE BZHIN NYID THUGS SU CHUD PA'I TSUL GYIS SO,, BCOM LDAN 'DAS LA MNGON PAR BSTOD DE ZHES BYA BA NI, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, , DAM PA DE LA PHYAG 'TSAL LO, ,ZHES 'OG NAS 'BYUNG BA'I TSIGS SU BCAD PA GNYIS PO DE DAG GIS MNGON PAR BSTOD DE'O, ,CI'I PHYIR BCOM LDAN 'DAS LA MNGON PAR BSTOD PA MDZAD CE NA, DE'I PHYIR BSTAN BCOS MDZAD PAR BZHED NAS ZHES BYA BA SMRAS TE, 'DIS NI PHYI ROL GYI SEMS CAN YONGS SU SMIN PAR BYA BA'I PHYIR BSTAN BCOS MDZAD PAR BZHED DO ZHES BYA BAR SBYAR RO, ,DE LA BSTAN BCOS ZHES BYA BA'I TSIG GI DON NI SNGA MA BZHIN NO, ,MDZAD PAR BZHED NAS ZHES BYA BA NI PHRIN LAS SU BRTZAMS PAR BZHED NAS SO, ,BSTAN BCOS MDZAD PAR BZHED PAR CI'I PHYIR DANG POR BCOM LDAN 'DAS LA MNGON PAR BSTOD PAR MDZAD CE NA, 'DI LTAR PHYI ROL GYI SEMS CAN YONGS SU SMIN PAR BYA BA'I PHYIR BSTAN BCOS MDZAD PAR BZHED PA NA, BDAG NYID KYI SANGS RGYAS KYI CHOS YONGS SU SMIN PAR BYA BA'I PHYIR DANG POR LHA YID DU 'ONG BA LA MNGON PAR BSTOD CING PHYAG 'TSAL NA, BDAG NYID KYI SANGS RGYAS KYI CHO YONGS SU SMIN PAS BRTZAMS PA DE 'GRUB CING PHYI ROL GYI SEMS CAN YONGS SU SMIN PAR 'GYUR BA'I PHYIR RO, ,DE LTAR SLOB DPON GYI ZHAL SNGA NAS KYIS BYANG CHUB SEMS DPA'I SA DANG PO RAB TU DGA' BA BRNYES SHING, BDAG NYID KYI SANGS RGYAS KYI CHOS YONGS SU SMIN PAR BYA BA DANG, PHYI ROL GYI SEMS CAN YONGS SU SMIN PAR BYA @25A *, ,BA'I THABS DANG LDAN PAR GYUR PA NI 'BRAS BU RANG GI DON GYI MTSAN NYID YIN NO, ,DE NI SLOB DPON GYI ZHAL SNGA NAS KYI 'BRAS BU RANG GI DON GYI MTSAN NYID BSTAN PA YIN NO, ,DE LTAR 'BRAS BU RANG GI DON GYI MTSAN NYID BYANG CHUB SEMS DPA'I SA DANG PO RAB TU DGA' BA BRNYES SHING, BDAG NYID KYI SANGS RGYAS KYI CHOS YONGS SU SMIN PAR BYA BA DANG, PHYI ROL GYI SEMS CAN YONGS SU SMIN PAR BYA BA'I THABS DANG LDAN PAR GYUR NAS, 'BRAS BU GZHAN GYI DON GYI MTSAN NYID CI ZHIG MDZAD CE NA, DE'I PHYIR THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS ZHES BYA BA SMRAS SO, ,DE LA THUGS RJE NYID KYI CHUS BRLAN PA'I THUGS MNGA' BAS ZHES BYA BAS NI 'BRAS BU GZHAN GYI DON GYI MTSAN NYID BSTAN BCOS MDZAD PA'I RGYU BSTAN LA, SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS ZHES BYA BAS NI 'BRAS BU GZHAN GYI DON GYI MTSAN NYID BSTAN BCOS MDZAD PA DE GANG LA PHAN GDAGS PA'I PHYIR MDZAD PA'I YUL BSTAN TO, ,RTOGS PAR BZHED NAS ZHES BYA BAS NI 'BRAS BU GZHAN GYI DON GYI MTSAN NYID BSTAN BCOS MDZAD PA DNGOS BSTAN TO, ,DE LA CI'I PHYIR BSTAN BCOS MDZAD CE NA, DE'I PHYIR THUGS RJE NYID KYI CHUS BRLAN PA'I THUGS MNGA' BAS ZHES BYA BA SMRAS TE, SLOB DPON GYI ZHAL SNGA NAS THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS BSTAN BCOS MDZAD KYI, ZANG ZING DANG BCAS PA'I SEMS KYIS RNYED PA DANG BKUR STI'I PHYIR NI MA YIN NO ZHES BYA BAR SBYAR RO, ,DE LA THUGS RJE NYID CES BYA BA LA THUGS RJE'I DNGOS PO NI THUGS RJE NYID DO, ,THUGS RJE NYID KYI CHU ZHES BYA BA NI THUGS RJE NYID CHU DANG 'DRA BAS THUGS RJE NYID KYI CHU STE DES SO, ,BRLAN PA ZHES BYA BA NI THUGS RJE NYID KYI CHUS GSHER BA DANG BANGS PA DANG KHYAD PAR GYUR PA'O, ,THUGS MNGA' BAS ZHES BYA BA NI SLOB DPON GANG LA THUGS RJE NYID KYI CHUS BRLAN PA'I THUGS MNGA' BA STE NGES SO, ,GANG LA PHAN GDAGS PA'I PHYIR BSTAN BCOS BRTZAM PA MDZAD CE NA, DE'I PHYIR SKYE BO RJES SU DPAG PA GTZOR @25B 'DZIN CING KHONG DU CHUD PAR 'DOD PAS ZHES BYA BA SMRAS TE, SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BYA ZHING DE LA PHAN GDAGS PA'I PHYIR BSTAN BCOS BRTZAMS SO ZHES BYA BAR SBYAR RO, ,DE LA SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS ZHES BYA BA LA SKYE BO ZHES BYA BA NI LAS DANG NYON MONGS PA DAG GIS BSKYED PAR BYA BA YIN PAS SKYE BO'O, ,RJES SU DPAG PA GTZOR 'DZIN CING ZHES BYA BA NI RJES SU DPAG PA LA MOS SHING ZHES BYA BA'I THA TSIG GO, ,KHONG DU CHUD PAR 'DOD PAS ZHES BYA BA NI DBU MA'I BSTAN BCOS 'DI KHONG DU CHUD PA DANG SHES PAR 'DOD PAS SO; DE LTAR NA SKYE BO GANG LA RJES SU DPAG PA LA MOS PA DANG DBU MA'I BSTAN BCOS 'DI KHONG DU CHUD PA DANG SHES PAR 'DOD PA YOD PA DE NI SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS TE NGES SO, ,'DI LA GANG ZAG BZHI YOD DE, MGO SMOS PA GO BA DANG, RNAM PAR SPROS NAS GO BA DANG, BKRI DGOS PA DANG, TSIG LHUR LEN PA'O, ,DE LA MGO SMOS PAS GO BA NI MGO SMOS SHING GLENGS PA TZAM GYIS DON GO BA GANG YIN PA'O, ,RNAM PAR SPROS NAS GO BA NI RNAM PAR SPROS SHING RGYAS PAR BSHAD NA DON GO BA GANG YIN PA'O, ,BKRI DGOS PA NI BSDU BA BYAS PA'I DON GSAL BA YANG MI GO ZHING MTSON MA PAS 'DI LTAR GYIS SHIG CES BYAS KYANG MI SHES PA, BYA BAS KHRID PA NA DON GO BA LONG BA DANG 'ON PA LTA BU GANG YIN PA'O, ,TSIG LHUR LEN PA NI RNAM PA THAMS CAD DU DON MI GO ZHING TSIG LA 'CHEL PA GANG YIN PA STE, 'PHAGS PA LANG KAR GSHEGS PA'I MDO LAS, ,JI LTAR BYIS PA MDZUB MO'I RTZER, , 'DZIN CING ZLA BA MI MTHONG BA, ,DE BZHIN YI GER BZHED PA YIS, ,NGA YI DE BZHIN NYID MI MTHONG, ,ZHES JI SKAD GSUNGS PA LTA BU'O, ,DE LA MGO SMOS PAS GO BA DANG, RNAM PAR SPROS NAS GO BA DANG, BKRA DGOS PA GSUM NI THAR PA'I SKAL BA YOD PA YIN NO, ,TSIG LHUR LEN PA NI TSE DE LA THAR PA'I SKAL BA MED PAS BCOM LDAN 'DAS KYANG DE LA CHOS STON PAR MI MDZAD DE, 'DI LTAR SANGS RGYAS BCOM LDAN 'DAS RNAMS NI CHOS STON PA 'BRAS BU MED PA MA YIN PA'I PHYIR RO, ,GANG ZAG BZHI PO DE DAG NI RTA BZHI DANG 'DRA BAR SHES PAR BYA STE, 'DI LTA STE DPER NA, RTA LA LA KHA LO'I BSAM PA SHES @26A *, ,NAS RGYUG PA DANG, RTA LA LA LCAG GI GRIB MA MTHONG NAS RGYUG PA DANG, RTA LA LA LCAG GIS BTAB NAS RGYUG PA DANG, RTA SKYON CHAGS PA LA LCAG GIS GZHUS KYANG RGYUG TU MI BTUB PA DANG 'DRA BAR, GANG ZAG MGO SMOS PAS GO BA NI SANGS RGYAS BCOM LDAN 'DAS SKYES BU GDUL BA'I KHA LO BSGYUR BA, BLA NA MED PA CHEN POS NGES PAR 'BYUNG BA BSTAN PA THOS NAS SRID PA GSUM GYI BTZON RA NAS NGES PAR 'BYUNG STE, DPER NA 'PHAGS PA KUN SHES KOOndI N+YA LTA BU STE, 'DOD PA'I RO MYANG BA RIG PA'I PHYIR DANG, 'DOD PA'I NYES DMIGS RIG PA'I PHYIR RO, ,DE LA 'DOD PA'I RO MYANG BA ZHES BYA BA NI, 'DOD PA RNAMS NI RO MYANG BA'I MNOG CHUNG BA STE, RAL GRI'I SO LA SBRANG RTZI'I THIGS PAS BSKUS PA LA LCES BLDAGS PA LTA BU YIN NO, ,'DOD PA RNAMS KYI NYES DMIGS ZHES BYA BA NI MDOR BSDU NA NYES PA MANG BA STE, 'DI LTA STE, 'DOD PA RNAMS NI SDUG BSNGAL MANG PO DANG LDAN PA DANG, 'KHRUG PA MANG PO DANG LDAN PA YIN NO, ,RGYAS PAR NI 'DOD PA RNAMS NI RO MYANG BA CHUNG BA'I DON GYIS RUS PA'I KENG RUS LTA BU DANG, 'DOD PA RNAMS NI MANG PO DANG THUN MONG BA'I DON GYIS SHA'I KHAM TSAD LTA BU DANG, 'DOD PA RNAMS NI YUN THUNG BA'I DON GYIS RTZVA'I SGRON MA LTA BU DANG, 'DOD PA RNAMS NI YONGS SU GDUNG BA CHE BA'I DON GYIS ME MDAG GI RLUBS LTA BU DANG, 'DOD PA RNAMS NI YUN MI RING BAR GNAS PA'I DON GYIS CHUNG BA DANG, 'DOD PA RNAMS NI RE ZHIG PA'I DON GYIS BRNYAN PO LTA BU DANG, 'DOD PA RNAMS NI BCAG NAS RTOG PA'I DON GYIS SHING LJON PA'I RTZE MO'I 'BRAS BU LTA BU DANG, 'DOD PA RNAMS NI LHAG PAR GCOD PA'I DON GYIS RAL GRI'I SO LTA BU DANG, 'DOD PA RNAMS NI NGES PAR 'BIGS PA'I DON GYIS MDUNG THUNG GI GSAL SHING LTA BU DANG, 'DOD PA RNAMS NI 'JIG PA DANG BCAS PA'I DON GYIS SBRUL GYI MGO LTA BU DANG, 'DOD PA RNAMS NI BSDU BA DANG BSRUNG DKA' BA'I DON GYIS 'BAB CHU'I DOGS LTA BU DANG, 'DOD PA RNAMS NI BYIS PA 'DRID PA'I DON GYIS SGYU MA LTA BU DANG, 'DOD PA RNAMS NI MIG GIS MI RTZOL BA'I DON GYIS MUN PA LTA BU DANG, 'DOD PA RNAMS NI DGE BA'I BAR CHAD BYED PA'I DON GYIS LAM 'GOG PA LTA BU DANG, 'DOD PA RNAMS @26B NI DRAN PA NYAMS PAR BYED PA'I DON GYIS RMONGS PAR BYED PA DANG, 'DOD PA RNAMS NI CHAGS PA'I DON GYIS 'CHING BA DANG, 'DOD PA RNAMS NI SKROD PA'I DON GYIS SLU BAR BYED PA DANG, 'DOD PA RNAMS NI YON TAN 'PHROG PA'I DON GYIS CHOM RKUN PA LTA BU DANG, 'DOD PA RNAMS NI 'THAB KROL BSKYED PA'I DON GYIS SHA KHO NA CAN LTA BU DANG, 'DOD PA RNAMS NI NYAM THAG PAR BYED PA'I DON GYIS SDUG BSNGAL BA YIN NO ZHES BYA BA 'DI NI NYES DMIGS YIN NO, ,NGES PAR 'BYUNG BA NI MI RTAG PA DANG SDUG BSNGAL BA DANG, STONG PA DANG BDAG MED PAR BSTAN PA STE, DE LTAR YANG KOOndI N+YA MIG MI RTAG PA YIN NAM, BCOM LDAN 'DAS LAGS SO ZHES JI SKAD GSUNGS PA LTA BU'O, ,GANG ZAG RNAM PAR SPROS NAS GO BA NI MDOR BSTAN PA DANG, RGYAS PAR BSHAD PA RNAM PAR DBYE BA LAS NYES DMIGS MTHONG BAS NGES PAR 'BYUNG BA BSTAN PA THOS NAS NGES PAR 'BYUNG BA STE, RO MYANG BA CHUNG BAR RIG PA'I PHYIR DANG, NYES DMIGS CHE BAR RIG PA'I PHYIR DANG, NGES PAR 'BYUNG BA MA RIG PA'I PHYIR RO, ,GANG ZAG BKRI DGOS PA NI RO MYANG BA CHUNG BAR BSTAN PA DANG, NYES DMIGS CHE BAR BSTAN PA DANG, NGES PAR 'BYUNG BA BSTAN PA THOS NAS NGES PAR 'BYUNG STE, 'DOD PA RNAMS LA LHAG PAR CHAGS PA'I PHYIR DANG, RO MYANG BA CHUNG BAR MA RIG PA'I PHYIR DANG, NYES DMIGS CHE BAR MA RIG PA'I PHYIR DANG, NGES PAR 'BYUNG BA MA RIG PA'I PHYIR RO, ,'DIR SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS ZHES BYA BA NI GANG ZAG MGO SMOS PAS GO BA YIN PAR SHES PAR BYA STE, 'DI LTAR CHOS DANG CHOS CAN BSDUS PA'I PHYOGS TZAM ZHIG THOS PA KHO NAS RANG NYID KYI PHYOGS KYI CHOS DANG, DPE YANG RJES SU DPOGS SHING MNGON DU RTOGS PAR NUS PA DANG, PHYOGS KYI CHOS THOB PA TZAM GYIS RANG NYID KYI PHYOGS DANG DPE YANG MNGON DU RTOGS PAR NUS PA DANG DPE THOS PA TZAM GYIS RANG NYID KYIS GTAN TSIGS DANG DAM BCAS PA YANG MNGON DU RTOGS PAR NUS PA'I PHYIR TE, DES NI 'BRAS BU GZHAN GYI DON GYI MTSAN NYID BSTAN BCOS MDZAD PA DE GANG LA PHAN GDAGS PA'I PHYIR MDZAD PA'I YUL BSTAN PA YIN NO, ,RTOGS PAR BZHED NAS ZHES BYA BA NI SLOB DPON LA SKYE BO RJES SU DPAG PA GTZOR 'DZIN @27A *, ,CING KHONG DU CHUD PAR 'DOD PAS DBU MA'I BSTAN BCOS 'DI 'DZIN DU GZHUG PAR BZHED BA MNGA' BAS SO, ,DE LTAR NA SLOB DPON GANG LA SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS DBU MA'I BSTAN BCOS 'DI 'DZIN DU GZHUG PAR BZHED PA MNGA' BA DE NI SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED PA STE, DES, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, , RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BCOM LDAN 'DAS LA MNGON PAR BSTOD DE BSTAN BCOS MDZAD DO, ,DE LTAR SLOB DPON GYI ZHAL SNGA NAS KYIS THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS, BCOM LDAN 'DAS LA TSIGS SU BCAD PA GNYIS PO DE DAG GIS MNGON PAR BSTOD DE, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DANG GANG NA YANG, ,SKYES PA NAM YANG YOD MA YIN, ,ZHES BYA BA LA SOGS PA RAB TU BYED PA'I SKABS NYI SHU BDUN GYIS BSTAN BCOS RDZOGS PAR MDZAD PA NI 'BRAS BU GZHAN GYI DON GYI MTSAN NYID YIN NO, ,DE NI SLOB DPON GYI ZHAL SNGA NAS KYIS 'BRAS BU GZHAN DON GYI MTSAN NYID BSTAN PA YIN NO, ,DE LTAR 'BREL PA BYED PAS BSTAN BCOS KYI 'BREL PA GNYIS PO RIGS PA'I 'BREL PA DANG, DON GYI 'BREL PA SMRAS PA LA, RIGS PA'I 'BREL PA BLA MA BRGYUD PA DAG JI LTAR 'BYUNG BA'I RGYU BSTAN PA DE'I DON GYI 'BREL PA YAN LAG GI DON BSTAN PAS BYE BRAG TU BSHAD PA DE DAG NI BSTAN BCOS KYI 'BREL BA YIN PAR SHES PAR BYA'O, ,GANG GIS RTEN CING 'BREL BAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BYA BA NI GANG GIS RTEN CING 'BREL BAR 'BYUNG BA BSTAN PA DE LA PHYAG 'TSAL @27B LO ZHES BYA BAR SBYAR RO, ,DE LA RTEN CING 'BREL BAR 'BYUNG BA ZHES BYA BA NI KHYAD PAR GYI GZHI YIN LA, 'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI ZHES BYA BA DAG NI DE'I KHYAD PAR YIN TE DES NI LAS BSTAN TO, GANG GIS BSTAN PA ZHES BA BA NI KHYAD PAR GYI GZHI YIN LA, RDZOGS PA'I SANGS RGYAS SMRA RNAMS KYI, ,DAM PA ZHES BYA BA DAG NI DE'I KHYAD PAR YIN TE, DES NI MDZAD PA PO BSTAN TO, ,DE LTAR NA MDZAD PA PO GANG GIS PHRIN LAS DE LTA BU BSTAN PA MDZAD PA DE LA PHYAG 'TSAL LO ZHES BYA BAR DON GYI 'BREL PA SBYAR BAR BYA'O, ,'DIR SU'I MING YANG DMIGS KYIS MA BSTAN NA, 'OG NAS DE LA PHYAG 'TSAL LO ZHES 'BYUNG BA DE GANG LA PHYAG 'TSAL LO ZHES BYA BAR SBYAR ZHES 'DRI BA LA LAN GDAB PA'I PHYIR, GANG GIS ZHES BYA BA'I SGRA SPYI YIN YANG, 'DIS NI THUN MONG MA YIN PA'I KHYAD PAR DANG LDAN PA'I RTEN CING 'BREL PAR 'BYUNG BA STON PAR MDZAD PA NYID KYIS BRJOD PAR BZHED PA'I PHYIR BCOM LDAN 'DAS KHO NA DANG SBYAR RO ZHES BYA BA SMRAS TE, GANG GIS ZHES BYA BA'I SGRA SPYI YIN YANG SKABS 'DIR BCOM LDAN 'DAS KHO NA DANG SBYAR RO ZHES BYA BAR BLTA'O, ,'DIS NI ZHES BYA BA NI, 'GAG PA MED PA SKYE MED PA, , ZHES BYA BA LA SOGS PA'I MTSAN NYID JI SKAD BSTAN PA'I GZHUNG 'DIS SO, ,THUN MONG MA YIN PA'I KHYAD PAR DANG LDAN PA'I RTEN CING 'BREL BAR 'BYUNG BA ZHES BYA BA NI RTEN CING 'BREL BAR 'BYUNG BA GANG LA MU STEGS BYED DANG, NYAN THOS DANG RANG SANGS RGYAS THAMS CAD LA MED CING DE DAG DANG THUN MONG MA YIN PA'I KHYAD PAR 'GAG PA MED PA DANG, SKYE BA MED PA LA SOGS PA YOD PA DE NI THUN MONG MA YIN PA'I KHYAD PAR DANG LDAN PA'I RTEN CING 'BREL PAR 'BYUNG BA ZHES BYA'O, ,STON PAR MDZAD PA NYID KYIS ZHES BYA BA NI BCOM LDAN 'DAS THUN MONG MA YIN PA'I KHYAD PAR DANG LDAN PA'I RTEN CING 'BREL BAR 'BYUNG BA STON PAR MDZAD PA'O, ,STON PAR MDZAD PA'I DNGOS PO NI STON PAR MDZAD PA NYID DE STON PAR MDZAD PA NYID KYI SGO NAS SO, ,BRJOD PAR BZHED PA'I PHYIR ZHES BYA BA NI SLOB DPON BCOM LDAN 'DAS KYI YON TAN BRJOD PAR BZHED PA'I PHYIR TE, BCOM LDAN 'DAS THUN MONG MA YIN PA'I KHYAD PAR DANG LDAN PA'I @28A *, ,RTEN CING 'BREL BAR 'BYUNG BA STON PAR MDZAD PA'I PHRIN LAS KYI SGO NAS, 'DIR SLOB DPON BCOM LDAN 'DAS KYI YON TAN BRJOD PAR BZHED PA'I PHYIR RO, ,BCOM LDAN 'DAS KHO NA DANG SBYAR RO ZHES BYA BA NI BCOM LDAN 'DAS SH'AKYA THUB PA KHO NA DANG SBYAR BAR DGONGS SO ZHES BYA BA'I THA TSIG GO, ,'DI SKAD BSTAN TE, GANG GIS ZHES BYA BA'I SGRA DMIGS KYIS MA BSTAN PAR SPYI YIN DU ZIN KYANG, THUN MONG MA YIN PA'I KHYAD PAR DANG LDAN PA'I RTEN CING 'BREL BAR 'BYUNG BA STON PAR MDZAD PA NYID KYIS PHRIN LAS KYI SGO NAS BCOM LDAN 'DAS NYID YIN PAS YANG MNGON LA, SLOB DPON YANG DE KHO NA THUGS SU CHUD PA YIN PAS LHA GZHAN LA PHYAG MI 'TSAL BA'I PHYIR, BCOM LDAN 'DAS KHO NA DANG SBYAR BAR NGES SO ZHES BYA BA'I THA TSIG GO, ,'DIR GZHAN DAG NA RE, GAL TE BSTAN BCOS 'DI GTZO CHER DON RAB TU 'BYED PA YIN LA, MDO NI DON SMOS PA'I PHYIR MDO ZHES BYA BA YIN NA, MDO'I GNAS SU, GANG GIS RTEN CING 'BREL BAR 'BYUNG BA BSTAN PA RDZOGS PA'I SANGS RGYAS SMRA BA RNAMS KYI DAM PA DE LA PHYAG 'TSAL LO ZHES BYA BA DE TZAM ZHIG BRJOD PAS CHOG NA, GANG GIS RTEN CING 'BREL BAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BYA BA'I TSIG MANG PO DE SNYED SMRAS PAS, DE'I PHYIR MDO BYED PAS NYES PAR SMRAS PA NYID YIN NO ZHES ZER BAS DE'I LAN DU, RTEN CING 'BREL PAR 'BYUNG ZHES BYA BAS NI GANG GI PHYIR KHYAD PAR BSTAN KYANG KHYAD PAR GYI GZHI'I MING MA BSTAN NA DE MI RTOGS PAS DE BSTAN PA YIN NO ZHES BYA BA SMRAS SO, ,DE LA GANG GI PHYIR ZHES BYA BA'I SGRA NI 'DI LTAR ZHES BYA BA'I DON TE, 'DI LTAR KHYAD PAR BSTAN KYANG KHYAD PAR GYI GZHI'I MING MA BSTAN NA DE MI RTOGS PAS, DE'I PHYIR RTEN CING 'BREL BAR 'BYUNG BA ZHES KHYAD PAR GYI GZHI'I MING DNGOS SU BSTAN TO ZHES BYA BAR SBYAR RO, ,KHYAD PAR BSTAN KYANG ZHES BYA BA NI KHYAD PAR GYI GZHI RTEN CING 'BREL PAR 'BYUNG BA ZHES BYA BA GANG GI KHYAD PAR, ,'GAG PA MED PA SKYE MED PA, ,CHAD PA MED PA @28B RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI ZHES BYA BA DAG BSTAN KYANG NGO, ,KHYAD PAR GYI GZHI'I MING MA BSTAN NA ZHES BYA BA NI 'GAG PA MED PA SKYE MED PA ZHES BYA BA LA SOGS PA KHYAD PAR DE DAG GI GZHI RTEN CING 'BREL BAR 'BYUNG ZHES BYA BA'I MING MA BSTAN NA'O, ,DE MI RTOGS PAS ZHES BYA BA NI, 'GAG PA MED PA SKYE MED PA, ,ZHES BYA BA LA SOGS PA KHYAD PAR DE DAG GANG GI YIN PA DE MI RTOGS PAS SO, ,DE BSTAN PA YIN NO ZHES BYA BA NI RTEN CING 'BREL BAR 'BYUNG ZHES BYA BA KHYAD PAR GYI GZHI DE BSTAN PA YIN NO, ,CI STE GANG GIS RTEN CING 'BREL PAR 'BYUNG BA BSTAN PA RDZOGS PA'I SANGS RGYAS SMRA BA RNAMS KYI, DAM PA DE LA PHYAG 'TSAL LO, ,ZHES BYA BA DE TZAM ZHIG BRJOD DU ZIN NA YANG, RTEN CING 'BREL PAR 'BYUNG BA DE NI MTSAN NYID JI LTA BU YIN PA MI RTOGS PAS DE'I PHYIR MTSAN NYID KYI GZHI DANG MTSAN NYID GNYI GA SMOS SO, ,MDO DAG KYANG MTSAN NYID KYI GZHI DANG MTSAN NYID DAG SMOS PAR BYED PAS DE'I PHYIR SLOB DPON GYIS LEGS PAR GSUNGS PA YIN NO, ,RTEN CING 'BREL PAR 'BYUNG ZHES BYA BA LA ZHES BYA BA'I SKABS 'DIR NI SLOB DPON RNAMS KYI BLO THA DAD PA'I BYE BRAG STON TO, ,KHA CIG NA RE, RTEN CING ZHES BYA BA'I TSIG GI PHRAD NI ZLOS PA'I DON YIN PA'I PHYIR DANG, 'BREL PAR ZHES BYA BA NI PHRAD PA'I DON YIN PA'I PHYIR DANG, 'BYUNG ZHES BYA BA'I SGRA NI SKYE BA'I DON YIN PA'I PHYIR RTEN CING 'BREL BAR 'BYUNG BA STE, DE DANG DE LA RTEN CING PHRAD NAS 'BYUNG BA'O ZHE'O ZHES BYA BA LA, KHA CIG NA RE ZHES BYA BA NI DBU MA PA'I GRUB PA'I MTHA' SMRA BA KHA CIG NA RE, RTEN CING ZHES BYA BA'I TSIG GI PHRAD NI ZLOS PA'I DON YIN PA'I PHYIR DANG ZHES BYA BA NI RGYU DANG RKYEN SO SOR NGES PA DE DANG DE LA RTEN CING ZHES BYA BA'I TSIG GI PHRAD DE NI ZLOS PA'I DON YIN PA'I PHYIR RTEN CING ZHES BYA BAR SBYAR RO, ,ZLOS PA'I DON YIN PA'I PHYIR ZHES BYA BA NI RGYU DANG RKYEN SO SOR NGES PA DE DANG DE LA RTEN CING ZHES ZLOS PA'I PHYIR TE, DPER NA YUL 'DI NA GRONG DANG GRONG DAG NYAMS DGA'O ZHES BYA BA LTA BU'O, ,'BREL PAR ZHES BYA BA NI PHRAD PA'I DON YIN PA'I PHYIR DANG ZHES BYA BA NI RGYU DANG, RKYEN SO SOR NGES PA DE DANG DE DAG DANG 'BRAS BU GANG YIN PAR PHRAD CING 'BREL PA'I DON YIN PA'I PHYIR TE, DPER NA SRANG MDA'I MTHON DMAN PHRAD CING 'BREL PA ZHES BYA BA LTA @29A *, ,BU'O; ,'BYUNG ZHES BYA BA'I SGRA NI SKYE BA'I DON YIN PA'I PHYIR ZHES BYA BA NI 'BRAS BU MTSAN NYID 'BYUNG ZHING SKYE BA'I DON YIN PA'I PHYIR RO, ,RTEN CING 'BREL BAR 'BYUNG BA STE ZHES BYA BA NI DE LTAR RGYU DANG RKYEN SO SOR NGES PA DE DANG DE DAG LA RTEN CING 'BREL PAR 'BYUNG BA'I PHYIR RTEN CING 'BREL BAR 'BYUNG BA STE ZHES BYA BA'I THA TSIG GO, ,DE DANG DE LA RTEN CING PHRAD NAS 'BYUNG BA'O ZHES BYA BA NI TSIG GI DON SNGA MA DAG GI MJUG BSDU BA BSTAN TE, RGYU DANG RKYEN SO SOR NGES PA DE DANG DE LA RTEN CING PHRAD NAS 'BRAS BU 'BYUNG BA'O ZHES BYA BA'I THA TSIG GO ZHE'O ZHES BYA BA NI 'GREL PA BYED PA RANG NYID MA YIN PA DBU MA PA'I GRUB PA'I MTHA' SMRA BA KHA CIG NA RE DE SKAD ZER RO ZHES BYA BA'I THA TSIG GO, ,GZHAN DAG NA RE SO SOR 'JIG PA DANG LDAN PA RNAMS KYI 'BYUNG BA NI RTEN CING 'BREL PAR 'BYUNG BA'O ZHE'O ZHES BYA BA LA, GZHAN DAG NA RE ZHES BYA BA NI DBU MA PA'I GRUB PA'I MTHA' SMRA BA GZHAN DAG NA RE'O, ,SO SOR 'JIG PA DANG LDAN PA RNAMS KYI 'BYUNG BA ZHES BYA BA NI RGYU DANG RKYEN SO SOR NGES PA SKAD CIG SO SO RE RE LA 'JIG PA DANG LDAN PA'I 'BRAS BU RNAMS KYI TSOGS SHING 'BYUNG BA STE, PHRAD NAS 'BYUNG BA ZHES BYA BA'I THA TSIG GO, ,RTEN CING 'BREL PAR 'BYUNG BA'O ZHES BYA BAS NI TSIG GI DON SNGA MA'I MJUG BSDU BA BSTAN TE, RGYU DANG RKYEN SO SOR NGES PA SKAD CIG SO SO RE RE LA 'JIG PA DANG LDAN PA'I 'BRAS BU RNAMS KYI TSOGS SHING 'BYUNG BA GANG YIN PA DE NI RTEN CING 'BREL PAR 'BYUNG BA'O ZHES BYA BAR STON TO ZHE'O ZHES BYA BA NI, 'GREL PA BYED PA RANG NYID MA YIN PA DBU MA PA'I GRUB PA'I MTHA' SMRA BA GZHAN DAG DE SKAD ZER RO ZHES BYA BA'I THA TSIG GO, ,GZHAN MA YIN PA NI DE YANG MI RUNG STE, MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG NGO ZHES GSUNGS PA 'DI LA DON GNYI GA MED PA'I PHYIR RO ZHES BYA BA LA, GZHAN MA YIN PA NI ZHES BYA BA NI GZHAN MA YIN PAS RANG NYID YIN TE, 'GREL PA BYED PA NYID YIN NO, ,DE'I PHYIR 'GREL PA BYED PA NYID NI DBU MA PA'I GRUB PA'I MTHA' SMRA BA SNGA MA DAG GNYIS KYIS SMRAS PA DE GNYI GA YANG MI RUNG STE ZHES ZER BAR SBYAR RO, ,DE YANG MI RUNG STE ZHES BYA BA NI DBU MA PA'I GRUB PA'I MTHA' SMRA BA SNGA MA GNYIS KYIS RNAM PAR BSHAD PA DE GNYI GA YANG MI RUNG STE'O, ,MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES @29B GSUNGS PA 'DI LA DON GNYI GA MED PA'I PHYIR RO ZHES BYA BA LA NI, DE DANG DE LA RTEN CING PHRAD NAS 'BYUNG BA'O ZHES BYA BA DANG, SO SOR 'JIG PA DANG LDAN PA RNAMS KYI 'BYUNG BA ZHES BYA BA'I DON DE GNYI GA MED PA'I PHYIR TE, DE DANG DE LA RTEN CING PHRAD NAS 'BYUNG BA ZHES BYA BA'I DON DE JI LTAR MED CE NA, DE'I PHYIR LUNG LAS; DE NI MIG DANG GZUGS LA MED, ,DE GNYIS BAR NA'ANG YOD MA YIN, ,GANG DU DE NI GNAS 'GYUR BA, ,DE YOD MA YIN DE MED MIN, ,ZHES GSUNGS PAS, LUNG DES NA MIG GI RNAM PAR SHES PA NI MIG LA YANG MED, GZUGS LA YANG MED, GNYI GA'I BAR NA YANG MED DE, MIG GI RNAM PAR SHES PA DE GANG DU GNAS PAR 'GYUR BA DE NI YOD PA YANG MA YIN, MED PA YANG MA YIN PAS DE'I PHYIR MIG GI RNAM PAR SHES PA 'BYUNG BA NI MED PA YIN LA, MIG GI RNAM PAR SHES PA BDAG NYID MED PA DES DE 'BYUNG BA'I RGYU DANG RKYEN MIG DANG GZUGS DANG SNANG BA DANG NAM MKHA' DANG DE DAG 'BYUNG BA'I YID LA BYED PA LA SOGS PA DE DAG DE LA JI LTAR RTEN CING PHRAD PAR RUNG STE MI RUNG NGO, ,GAL TE MIG GI RNAM PAR SHES PA YOD NA NI DE DAG DANG PHRAD PAR YANG RUNG MOD KYI, YOD NA 'BYUNG BAR YANG BYA MI DGOS PAS DE'I PHYIR MIG GI RNAM PAR SHES PA MED PA RKYEN DANG MI PHRAD PA'I LUNG DES NA DE DANG DE LA RTEN CING PHRAD NAS 'BYUNG BA ZHES BYA BA DE MED DO, ,SO SOR 'JIG PA DANG LDAN PA RNAMS KYI 'BYUNG BA ZHES BYA BA'I DON DE JI LTAR MED CE NA, 'DI LTAR RGYU DANG RKYEN SO SOR NGES PA SKAD CIG SO SO RE RE LA 'JIG PA GANG DAG YIN PA DE DAG NI 'BYUNG BA'I TSE YONGS SU MA GRUB PA'I GNAS SKABS KHO NAR SKAD CIG RE RE LA 'GAG CING MED PAR 'GYUR BAS TSOGS SHING 'BRAS BU BSKYED PAR 'GYUR BA MED PAS 'BRAS BU 'BYUNG BA YANG MED DE, 'BRAS BU YANG 'BYUNG BA'I TSE NYID NA SKAD CIG RE RE LA 'JIG PAR 'GYUR BA'I SO SOR 'JIG PA DANG LDAN PA RNAMS KYI 'BYUNG BA ZHES BYA BA DE YANG MED DO, ,GAL TE DE LTAR DON DE GNYI GA MED PAS DBU MA PA'I GRUB PA'I MTHA' SMRA BA DE GNYIS KYI GZHUNG LUGS MA RUNG NA, 'O NA 'DIR RTEN CING 'BREL PAR 'BYUNG BA'I DON GAN YIN ZHE NA, DE'I PHYIR 'DI YOD PAS 'DI 'BYUNG LA 'DI SKYE PA'I PHYIR 'DI SKYE BA STE ZHES BYA BA RKYEN 'DI DANG LDAN PA NYID KYI DON NI RTEN CING 'BREL BAR 'BYUNG BA'I DON TO ZHES ZER RO ZHES BYA BA @30A *, ,SMRAS TE; 'DIR 'GREL PA BYED PA NYID NI RTEN CING 'BREL BAR 'BYUNG BA'I DON RNAM PA DE LTA BU YIN NO ZHES ZER RO ZHES BYA BAR SBYAR RO, ,DE LA 'DI YOD PAS 'DI 'BYUNG LA ZHES BYA BA NI PHYI ROL GYI SA BON DANG, SA DANG CHU DANG ME DANG RLUNG DANG NAM MKHA' DANG DUS KYI KHAMS ZHES BYA BA DAG YOD PAS MYU GU 'BYUNG BA DANG, NANG GI LAS DANG NYON MONGS PA DANG, KHU CHU DANG, KHRAG DANG, SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA DAG YOD PAS, MER MER PO DANG, NUR NUR PO DANG, NAR NAR PO DANG, MKHRANG GYUR DANG, RKANG LAG 'GYUS PA DAG 'BYUNG BA'O, ,'DI SKYES PA'I PHYIR 'DI SKYE BA STE ZHES BYA BA NI PHYI ROL GYI SKYE BA DANG MI MTHUN PA'I RKYEN MED PAS MYU GU SKYES PA'I PHYIR 'DAB MA DANG, SBU GU DANG, SDONG PO DANG, SBAL MIG DANG, ME TOG DANG, GRA MA DANG, SBUN PA DANG, SRUS DANG, 'BRAS THUG PO CHE RNAMS SKYE BA DANG, NANG GI MI MTHUN PA'I RKYEN MED PAS MER MER PO DANG, NUR NUR PO DANG, NAR NAR PO DANG, MKHRANG GYUR DANG, RKANG LAG 'GYUS PA RNAMS SKYES PA'I PHYIR BTZA' BA'I GNAS SKABS KYI LUS SKYE BA'O, ,YANG NA 'DI YOD PAS 'DI 'BYUNG BA ZHES BYA BA NI MIG DANG, RNA BA DANG, SNA DANG, LCE DANG, LUS DANG, YID KYI DBANG PO RNAMS DANG, GZUGS DANG, SGRA DANG, DRI DANG, RO DANG; REG BYA DANG, CHOS RNAMS YOD PAS 'BRAS BU MIG DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA DAG 'BYUNG BA'O, ,'DI SKYE BA'I PHYIR 'DI SKYE BA STE ZHES BYA BA NI MIG GI RNAM PAR SHES PA LA SOGS PA SKYES PA NA DE DAG DANG LHAN CIG 'BYUNG BA, TSOR BA DANG, SEMS PA DANG, 'DU SHES DANG, 'DUN PA DANG, REG PA LA SOGS PA SA MANG PO PA DAG SKYE BAR 'GYUR BA'O, ,DE BZHIN DU BUM PA DANG, SNAM BU LA SOGS PA DAG LA YANG SBYAR BAR BYA'O, ,RKYEN 'DI DANG LDAN PA NYID KYI DON ZHES BYA BA LA, RKYEN 'DI DANG LDAN PA NYID CES BYA BA NI RGYU DANG RKYEN LA RAG LAS PA'I SKYE BA NYID DE, 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BAS TE ZHES JI SKAD SNGAR BSTAN MA THAG PA NYID YIN NO, ,RTEN CING 'BREL BAR 'BYUNG BA'I DON TO ZHES ZER RO ZHES BYA BA NI 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA STE ZHES BYA BA RKYEN 'DI DANG LDAN PA NYID KYI DON NI RTEN CING @30B 'BREL BAR 'BYUNG BA'I DON TO ZHES 'GREL PA BYED PA NYID ZER RO ZHES PA'I THA TSIG GO, ,'DIR KHA CIG NA RE, GAL TE 'BYUNG BA'I SNGA ROL DU 'BRAS BU RKYEN DANG PHRAD NAS PHYIS 'BYUNG NA NI DE'I PHYIR RTEN CING 'BREL PAR 'BYUNG ZHES BYA BAR 'GYUR BA ZHIG NA NI, 'BYUNG BA'I SNGA ROL DU 'BRAS BU RKYEN DANG MI PHRAD DE MED PA'I PHYIR RO, ,DE LTA BAS NA RTEN CING 'BREL BAR 'BYUNG BA'I SGRA MI 'GRUB PO, ,GAL TE RTEN CING 'BREL PAR ZHES BYA BA DANG, 'BYUNG ZHES BYA BA GNYIS DUS GCIG TU KHAS LEN PAS NYES PA MED DO ZHE NA YANG, RTEN CING 'BREL PAR 'BYUNG BA'I SGRA LA BYA BA GNYIS DUS GCIG NA MED DO, BAR ZHES BRJOD PA'I PHYIR DPER NA KHRUS BYAS TE BZA' ZHES BYA BA BZHIN NO, ,BYED PA PO MED PAR YANG GZHI MED PA'I BYA BA MI RUNG STE, MED PA'I PHYIR MO GSHAM GYI BU 'GRO BA BZHIN NO ZHES ZER RO ZHES BYA BA NI 'DI BRDA SPROD PA DAG SANGS RGYAS PA LA RGOL BA'I TSIG YIN NO, ,DE LA 'DIR ZHES BYA BA NI LUNG DANG RIGS PAS RTEN CING 'BREL BAR 'BYUNG BA'I DON BSGRUBS PA LA PHAS KYI RGOL BA THAMS CAD KYI SNYING BSKAM PAR GYUR PA'I SKABS 'DIR TE, 'DI LTAR RGYU MED PAR SMRA BA RNAMS DANG, RGYU MI MTHUN PAR SMRA BA THAMS CAD KYI SNYING BSKAM PAR GYUR PA'I PHYIR RO, ,KHA CIG NA RE ZHES BYA BA NI DE DAG NYID 'DIR SKABS MED BZHIN DU BRDA SPROD PA'I THAM LAG GI RJES SU ZHUGS NAS DGRAS RGOL BAR BYED PA KHA CIG NA RE'O, ,GAL TE 'BYUNG BA'I SNGA ROL DU ZHES BYA BA NI GAL TE 'BRAS BU 'BYUNG BA'I DUS KYI SNGA ROL DU STE, JI SRID DU 'BRAS BU MA BYUNG BA'I DUS DE'I TSE'O, ,'BRAS BU ZHES BYA BA NI MYU GU ZHES BYA BA'AM, MIG GI RNAM PAR SHES PA ZHES BYA BA'I 'BRAS BU'O, ,RKYEN DANG PHRAD NAS ZHES BYA BA NI RKYEN GYI GAN DU 'GRO ZHING RKYEN DANG PHRAD PA'AM, RKYEN RNYED NAS SO, ,PHYIS 'BYUNG NA NI ZHES BYA BA NI DE'I 'OG TU 'BRAS BU MYU GU ZHES BYA BA'AM, MIG GI RNAM PAR SHES PA ZHES BYA BA DE 'BYUNG NA NI'O, ,DE'I PHYIR RTEN CING 'BREL PAR 'BYUNG BA ZHES BYA BAR 'GYUR BA ZHIG NA ZHES BYA BA NI SANGS RGYAS PA RNAMS KYIS RTEN CING 'BREL BAR 'BYUNG BA ZHES SMRAR RUNG BA ZHIG NA'O, ,CI STE SANGS RGYAS PA RNAMS RTEN CING 'BREL BAR 'BYUNG BA ZHES BYA BAR 'GRUB PAR BYA BA'I PHYIR RANG GI LUNG BOR TE 'BYUNG BA'I SNGA ROL DU 'BRAS BU RKYEN DANG PHRAD NAS PHYIS 'BYUNG NGO ZHES ZER NA, DE'I @31A *, ,PHYIR 'BYUNG BA'I SNGA ROL DU 'BRAS BU RKYEN DANG MI PHRAD DE ZHES BYA BAR SMRAS SO, ,CI'I PHYIR 'BYUNG BA'I SNGA ROL DU 'BRAS BU RKYEN DANG MI PHRAD CE NA, DE'I PHYIR MED PA'I PHYI ROL ZHES BYA BA SMRAS TE, 'BYUNG BA'I SNGA ROL DU 'BRAS BU RKYEN DANG PHRAD CES BYA BAR NI DE'I TSE NA 'BRAS BU BDAG NYID MA BYUNG ZHING MED PA'I PHYIR RKYEN DANG MI PHRAD DE, 'DI LTAR SANGS RGYAS PA RNAMS KYI LUNG LAS 'DUS BYAS NI MA BYUNG BA LAS 'BYUNG NGO ZHES ZER BA'I PHYIR RO, ,DE LTA BAS NA RTEN CING 'BREL PAR 'BYUNG BA'I SGRA MI 'GRUB PO ZHES BYA BA NI JI SKAD BSTAN PA'I GTAN TSIGS DES NA, SANGS RGYAS RNAMS KYI RTEN CING 'BREL PAR 'BYUNG BA ZHES BYA BA'I SGRA DE MI 'GRUB PO, ,GAL TE RTEN CING 'BREL BAR ZHES BYA BA DANG 'BYUNG BA ZHES BYA BA GNYIS DUS GCIG TU KHAS LEN PAS NYES PA MED DO ZHE NA YANG ZHES BYA BA NI BRDA SPROD PA NYID KYIS SANGS RGYAS PA'I BSAM PA LA BRTAGS NAS DOGS PA BSU BA YIN TE, GAL TE SANGS RGYAS PA DAG DUS GANG GI TSE KHO NA NA RTEN CING 'BREL BAR 'BYUNG BA'I DUS DE KHO NA'I TSE NA 'BRAS BU 'BYUNG BAR KHAS LEN PAS DE'I PHYIR 'BRAS BU MED PA'I PHYIR RKYEN DANG MI PHRAD PA'I NYES PA SNGAR BSTAN PA GANG YIN PA DE YANG MED LA, RTEN CING 'BREL BAR 'BYUNG BA ZHES BYA BA'I SGRA YANG 'GRUB PAR 'GYUR RO ZHES ZER NA YANG NGO, ,GAL TE SANGS RGYAS PA DAG DE SKAD CES ZER NA YANG, SANGS RGYAS PA DAG NYID LA 'BRAS BU 'BYUNG BA GANG YIN PA DE JI LTAR MED PA NA DUS GCIG TU RTEN CING 'BREL PAR 'BYUNG NGAM, 'ON TE YOD PA NA RTEN CING 'BREL PAR 'BYUNG ZHES DRI BAR BYA'O, ,DE SKAD DRIS PA NA GAL TE SANGS RGYAS PA DAG 'BRAS BU DE SNGA NA MED PA NA RTEN CING 'BREL PAR 'BYUNG BA DE'I PHYIR RTEN CING 'BREL PAR 'BYUNG BA ZHES BYA'O ZHES KHAS LEN NA, DE'I LAN DU RTEN CING 'BREL BAR 'BYUNG BA'I SGRA LA BYA BA GNYIS DUS GCIG NA MED DE, ,PAR ZHES BRJOD PA'I PHYIR DPER NA KHRUS BYAS TE BZA' ZHES BYA BA BZHIN NO ZHES BRJOD PAR BYA'O, ,'DIR RTEN CING 'BREL PAR 'BYUNG BA'I SGRA LA ZHES BYA BA 'DI NI CHOS CAN YIN LA, BYA BA GNYIS DUS GCIG NA MED DE ZHES BYA BA 'DI NI BSGRUB PAR BYA BA CHOS YIN, PAR ZHES BRJOD PA'I PHYIR ZHES BYA BA 'DI NI SGRUB PA'I CHOS YIN, DPER NA KHRUS BYAS TE BZA' ZHES BYA BA BZHIN NO ZHES BYA BA 'DI NI DPE YIN PAR SBYAR @31B RO;; DE LA RTEN CING 'BREL PAR 'BYUNG BA'I SGRA LA ZHES BYA BA NI 'BRAS BU NUS PA'I TSUL GYIS SNGA NA MED PA RTEN CING 'BREL BAR 'BYUNG BA ZHES BYA BA'I SGRA LA'O, ,BYA BA GNYIS DUS GCIG NA MED DE ZHES BYA BA NI RTEN CING 'BREL PA ZHES BYA BA'I BYA BA DANG, 'BYUNG ZHES BYA BA'I BYA BA GNYIS DUS GCIG NA MED PA STE; RTEN CING 'BREL PAR ZHES BYA BA'I BYA BA NI SNGA LA 'BYUNG BA ZHES BYA BA'I BYA BA NI 'PHYI BAS BYA BA DE GNYIS DUS GCIG NA MED DO, ,CI'I PHYIR MED CE NA, PAR ZHES BRJOD PA'I PHYIR TE, SANGS RGYAS PA'I GZHUNG LAS RTEN CING 'BREL PAR ZHES BRJOD PA'I PHYIR, DES NA RTEN CING 'BREL PAR ZHES BYA BA'I BYA BA NI SNGA LA 'BYUNG ZHES BYA BA'I BYA BA NI 'PHYI BA'I PHYIR RO, ,DE YANG JI LTA BU ZHE NA, DPER NA KHRUS BYAS TE BZA' ZHES BYA BA BZHIN TE, DPER NA KHRUS BYAS TE ZHES BYA BA'I BYA BA NI SNGA LA BZA' ZHES BYA BA'I BYA BA NI 'PHYI BAS BYA BA DE GNYIS DUS GCIG NA MED PA DANG 'DRA BAR 'DIR YANG, PAR ZHES BRJOD PA'I PHYIR RTEN CING 'BREL PAR 'BYUNG BA'I SGRA LA RTEN CING 'BREL PAR ZHES BYA BA'I BYA BA DANG, 'BYUNG ZHES BYA BA'I BYA BA GNYIS DUS GCIG NA MED PAS DE'I PHYIR 'BRAS BU MED PA NA DUS GCIG TU RTEN CING 'BREL BAR 'BYUNG ZHES BYA BAR MI RUNG NGO, ,'ON TE YOD PA NA RTEN CING 'BREL PAR 'BYUNG STE, 'BRAS BU NUS PA'I TSUL GYIS SNGA NA YOD PA RGYU DANG RKYEN LA RTEN CING 'BREL PAR 'BYUNG NGO ZHES SANGS RGYAS PA DAG ZER NA, DE'I LAN DU BYED PA PO MED PAR YANG GZHI MED PA'I BYA BA MI RUNG STE, MED PA'I PHYIR MO GSHAM GYI BU 'GRO BA BZHIN NO ZHES BRJOD PAR BYA'O, ,'DIR YANG BYED PA PO MED PAR YANG ZHES BYA BA NI CHOS CAN YIN LA, GZHI MED PA'I BYA BA MI RUNG BA STE ZHES BYA BA 'DI NI BSGRUB PAR BYA BA'I CHOS YIN, MED PA'I PHYIR ZHES BYA BA 'DI NI SGRUB PA'I CHOS YIN, MO GSHAM GYI BU 'GRO BA BZHIN NO ZHES BYA BA 'DI NI DPE YIN PAR SBYAR RO, ,DE LA BYED PA PO MED PAR YANG GZHI MED PA'I BYA BA MI RUNG STE ZHES BYA BA NI BYED PA PO YOD NA NI GZHI DE LA BRTEN PA'I BYED PAS BYA BA YANG YOD PAR RUNG STE, DPER NA SHING GCOD PAR BYED PA'I BYED PA PO'I MI YOD NA DE LA BRTEN PA'I BYED PA STA RES BYA BA SHING BCAD PA YANG 'GRUB PAR RUNG BA BZHIN DU, 'DIR YANG BYED PA PO'I DNGOS PO NANG GI BYED PA PO'I SKYES BU ZHIG YOD NA NI DE LA BRTEN PA BYED PA RGYU RKYEN GYI BYA BA 'BRAS BU BSKYED PA YANG @32A *, ,'GRUB PAR RUNG BA ZHIG NA, SANGS RGYAS PA RNAMS KYI GZHUNG LAS BYED PA PO MED PAR 'DOD PAS GZHI MED PA'I BYED PAS BYA BA MI RUNG STE, DPER NA SHING GCOD PAR BYED PA'I BYED PA PO MED NA GZHI MED PAS BYED PA STA RE YOD KYANG DES BYA BA SHING BCAD PA MI 'GRUB PA BZHIN DU 'DIR YANG BYED PA PO'I DNGOS PO NANG GI BYED PA PO'I SKYES BU MED NA GZHI MED PAS BYED PA RGYU RKYEN YOD KYANG DES BYA BA 'BRAS BU BSKYED PAR MI RUNG NGO, ,DE'I PHYIR GZHI MED PA LA 'BRAS BU 'BYUNG BA'I BYA BA MI RUNG BA 'DI NI PHYOGS YIN NO, ,MED PA'I PHYIR ZHES BYA BA NI PHYOGS KYI CHOS YIN TE, CI'I PHYIR BYED PA PO MED PAR YANG GZHI MED PA'I BYA BA MI RUNG ZHE NA, DE'I PHYIR BYED PA PO'I DNGOS PO NANG GI BYED PA PO'I SKYES BU MED PA'I PHYIR DE LA BRTEN PA'I BYED PA RGYU RKYEN GYI BYA BA 'BRAS BU SKYED PA MI RUNG BA'I PHYIR RO, ,DE YANG JI LTA BU ZHE NA, DPER NA MO GSHAM GYI BU 'GRO BA BZHIN TE, DPER NA MO GSHAM GYI BU GTAN MED PAS DE LA BRTEN PA'I BYED PA RKANG PAS 'GRO BA YANG MED PA DANG 'DRA BAR 'DIR YANG BYED PA PO'I DNGOS PO NANG GI BYED PA PO'I SKYES BU MED PAS GZHI MED PA'I PHYIR BYED PA RGYU RKYEN GYI BYA BA 'BRAS BU SKYED PA MI RUNG STE, DE'I PHYIR 'BRAS BU NUS PA'I TSUL GYIS YOD PA NA DUS GCIG TU RTEN CING 'BREL PAR 'BYUNG ZHES BYA BAR YANG MI RUNG NGO ZHES ZER RO ZHES BYA BA'I BRDA SPROD PA PA DAG SANGS RGYAS PA LA RGOL BA'I TSIG DE SKAD CES ZER BA YIN NO, ,DE NI BZANG PO MA YIN TE, 'BRAS BU MED PA 'BYUNG BA'I MTSAN NYID KYI BYA BA KHAS LEN NA NI LAM NGES PA'I PHYIR RO, ,YOD PA LAS 'BYUNG BA'I PHYOGS LA YANG GTAN TSIGS KYI DON YOD PA MA GRUB PA'I PHYIR RO ZHES BYA BA NI BRDA SPROD PA PAS MED PA LAS BYUNG BA DGAG PA DANG, YOD PA LAS 'BYUNG BA DGAG PA'I SGRUB PA RNAM PA GNYIS SMRAS PA GANG YIN PA'I PHYOGS SNGA MA RNAM PA GNYIS RNAM PAR BRTAGS PA DE'I LAN DU 'GREL PA BYED PAS SMRAS PA YAN NO, ,DE NI BZANG PO MA YIN TE ZHES BYA BA NA BRDA SPROD PA PAS MED PA LAS 'BYUNG BA DGAG PA DANG, YOD PA LAS 'BYUNG BA DGAG PA SGRUB PA RNAM PA GNYIS SMRAS PA GANG YIN PA DE NI BZANG PO MA YIN TE, SKYON CHAGS PA YIN NO ZHES BYA BA'I THA TSIG GO, ,JI LTAR BZANG PO MA YIN ZHEN, DE LA RE ZHIG MED PA LAS 'BYUNG BA YIN PA, DGAG PA'I PHYOGS LA NI 'BRAS BU @32B MED PA 'BYUNG BA'I MTSAN NYID KYI BYA BA KHAS LEN NA NI RANG LA MA NGES PA'I PHYIR RO ZHES BYA BA SMRAS TE, 'BRAS BU MED PA 'BYUNG BA'I MTSAN NYID KYI BYA BA KHAS LEN NA NI ZHES BYA BA NI 'BRAS BU DE SNGA NA RTEN CING 'BREL PAR 'BYUNG BA'I MTSAN NYID KYI BYA BA KHAS LEN NA NI'O, ,RANG LA MA NGES PA'I PHYIR RO ZHES BYA BA NI SNGAR BRDA SPROD PA PA NA RE, RTEN CING 'BREL PAR 'BYUNG BA'I SGRA LA BYA BA GNYIS DUS GCIG NA MED DE, PAR ZHES BRJOD PA'I PHYIR, DPER NA KHRUS BYAS TE BZA' ZHES BYA BA BZHIN NO ZHES SGRUB PA GANG YIN PA DE RANG LA MA NGES PA'I PHYIR BZANG PO MA YIN TE, 'DI LTAR KHYOD KYI GRUB PA'I MTHA' NYID LAS, PAR ZHES BRJOD PA'I PHYIR TE, DES DPER NA KHA GDANGS TE NYAL ZHES BYA BA DANG, LAM KHYAB PAR BYAS TE 'GRO ZHES BYA BA LTA BU'I BYA BA GNYIS DUS GCIG NA YOD PAR KHYOD RANG GI GZHUNG LAS 'BYUNG BAS, DE'I PHYIR KHYOD NA RE, RTEN CING 'BREL PAR 'BYUNG BA'I SGRA LA BYA BA GNYIS DUS GCIG NA MED DE, PAR ZHES BRJOD PA'I PHYIR, DPER NA KHRUS BYAS TE, BZA' ZHES BYA BA BZHIN NO ZHES ZER BA'I GTAN TSIGS DE KHYOD RANG LA MA GRUB PA'I PHYIR BZANG PO MA YIN NO, ,YOD PA LAS 'BYUNG BA DGAG PA'I PHYOGS LA NI YOD PA LAS 'BYUNG BA'I PHYOGS LA YANG GTAN TSIGS KYI DON YOD PA MA GRUB PA'I PHYIR RO ZHES BYA BA SMRAS TE, YOD PA LAS 'BYUNG BA'I PHYOGS LA YANG ZHES BYA BA NI 'BRAS BU NUS PA'I TSUL GYIS SNGA NA YOD PA LAS PHYIS RGYU RKYEN GYI BYED PAS GSAL BAR BYA STE, 'BYUNG ZHES SGRUB PA GANG YIN PA'I PHYOGS DE LA YANG NGO, ,GTAN TSIGS KYI DON YOD PA MA GRUB PA'I PHYIR RO ZHES BYA BA NI SNGAR BRDA SPROD PA PA NA RE, BYED PA PO MED PAR YANG GZHI MED PA'I BYA BA MI RUNG STE, MED PA'I PHYIR MO GSHAM GYI BU 'GRO BA BZHIN NO ZHES ZER BA'I GTAN TSIGS DE'I DON BYED PA PO YOD PAR SGRUB PA DE YOD PAR MA GRUB PA'I PHYIR BZANG PO MA YIN TE, 'DI LTAR SANGS RGYAS PA'I GZHUNG LAS KYANG BYED PA PO MED PAR DNGOS PO RNAMS RGYU RKYEN LAS 'BYUNG BAR 'DOD LA, GRANGS CAN LA SOGS PA'I GZHUNG LAS KYANG NANG GI BDE BA DANG SDUG BSNGAL LAS GZHAN PA LA BYED PA PO MED PAR 'DOD PAS DE'I PHYIR KHYOD NA RE, BYED PA PO MED PAR YANG GZHI MED PA'I BYA BA MI RUNG STE, MED PA'I PHYIR MO GSHAM GYI BU 'GRO BA BZHIN NO @33A *, ,ZHES ZER BA'I GTAN TSIGS DE'I DON NI BYED PA PO YOD PAR SGRUB PA MA YIN NA GTAN TSIGS KYI DON BYED PA PO DE YOD PAR MA GRUB PA'I PHYIR BZANG PO MA YIN NO,, ,,BAM PO BZHI PA, DA NI RANG LA MA NGES PA'I PHYIR RO ZHES BYA BA DANG, GTAN TSIGS KYI DON YOD PA MA GRUB PA'I PHYIR RO ZHES BYA BA GNYIS KYI SKYON BRJOD PA GO RIMS BZHIN DU BSHAD PAR BYA STE, DE LA DANG POR RANG LA MA NGES PA'I PHYIR RO ZHES BYA BA'I SKYON BRJOD PA'I PHYIR, BYED PA PO GCIG DANG LDAN PA'I BYA BA GNYIS DUS GCIG NA YANG YOD DE, PAR ZHES BRJOD PA'I PHYIR DPER NA KHA GDANGS TE NYAL ZHES BYA BA DANG, LAM KHYAB PAR BYAS TE 'GRO ZHES BYA BA BZHIN TE, MA NGES PA'I PHYIR RO ZHES BYA BA SMRAS TE, DES NI SNGAR BRDA SPROD PA PA NA RE, RTEN CING 'BREL PAR 'BYUNG BA'I SGRA LA BYA BA GNYIS DUS GCIG NA MED DE, PAR ZHES BRJOD PA'I PHYIR DPER NA KHRUS BYAS TE BZA' ZHES BYA BA BZHIN NO ZHES ZER BA'I DPE DE RANG LA MA NGES PA'I PHYIR DPES MTSON PA'I DON YANG MI 'GRUB PAR STON TO, ,'DIR YANG BYED PA PO GCIG DANG LDAN PA'I ZHES BYA BA 'DI NI CHOS CAN YIN LA, BYA BA GNYIS DUS GCIG NA YANG YOD DE ZHES BYA BA 'DI NI BSGRUB PAR BYA BA'I CHOS YIN TE, PAR ZHES BRJOD PA'I PHYIR ZHES BYA BA 'DI NI SGRUB PA'I CHOS YIN, DPER NA KHA GDANGS TE NYAL ZHES BYA BA DANG, LAM KHYAB PAR BYAS TE 'GRO ZHES BYA BA BZHIN TE ZHES BYA BA 'DI NI DPE YIN PAR SBYAR RO, ,MA NGES PA'I PHYIR RO ZHES BYA BAS NI DPE RANG LA MA NGES PA'I GTAN TSIGS BSTAN TO, ,DE LA BYED PA PO GCIG DANG LDAN PA'I BYA BA GNYIS DUS GCIG NA YANG YOD DE ZHES BYA BA NI SNGAR BRDA SPROD PA PA NA RE BYA BA GNYIS DUS GCIG NA MED DE, PAR ZHES BRJOD PA'I PHYIR DPER NA KHRUS BYAS TE BZA' ZHES BYA BA BZHIN NO ZHES ZER BA'I DAM BCAS PA DANG, GTAN TSIGS DANG DPE DE MA NGES PAR STON PA YIN TE, BYED PA PO GCIG DANG LDAN PA'I BYA BA GNYIS DUS GCIG NA YANG YOD DE ZHES BYA BA PAS; DE'I PHYIR RTEN CING 'BREL BAR 'BYUNG BA'I SGRA LA YANG BYA BA GNYIS DUS GCIG NA YOD PAR STON TO, ,CI'I PHYIR YOD CE NA, PAR ZHES BRJOD PA'I PHYIR TE, SANGS RGYAS PA'I GZHUNG LAS RTEN CING 'BREL PAR ZHES BRJOD PA'I PHYIR, DES NA RTEN CING 'BREL PAR ZHES BYA BA'I BYA BA NI SNGA LA 'BYUNG ZHES @33B BYA BA'I BYA BA NI 'PHYI BA MA YIN TE, PAR ZHES BRJOD PA'I PHYIR BYED PA PO GCIG DANG LDAN PA'I BYA BA GNYIS DUS GCIG NA YANG YOD DE, DE YANG JI LTA BU ZHE NA, DPER NA KHA GDANGS TE NYAL ZHES BYA BA DANG, LAM KHYAB PAR BYAS TE 'GRO ZHES BYA BA BZHIN TE, DPER NA LHAS BYIN DUS GANG GI TSE KHO NA NA KHA GDANGS PA'I DUS DE KHO NA'I TSE NA NYAL LO ZHES BYA BA LA YANG BYED PA PO LHAS BYIN GCIG PU DANG LDAN PA'I BYA BA KHA GDANGS TE ZHES BYA BA DANG NYAL ZHES BYA BA GNYIS DUS GCIG YOD PA LTA BU DANG, SHING RTAS DUS GANG GI TSE KHO NA NA LAM KHYAB PAR BYAS PA'I DUS DE KHO NA'I TSE NA 'GRO'O ZHES BYA BA LA YANG, BYED PA PO SHING RTA GCIG PU DANG LDAN PA'I BYA BA LAM KHYAB PAR BYAS TE ZHES BYA BA DANG, 'GRO ZHES BYA BA GNYIS DUS GCIG NA YOD PA BZHIN NO, ,MA NGES PA'I PHYIR RO ZHES BYA BA NI SNGAR BRDA SPROD PA PA NA RE ZHES BYA BA GNYIS DUS GCIG NA MED DE, PAR ZHES BRJOD PA'I PHYIR DPER NA KHRUS BYAS TE BZA' ZHES BYA BA BZHIN NO ZHES ZER BA'I DPE DE MA NGES PA'I PHYIR MI RUNG BA STE, KHRUS BYAS TE ZHES BYA BA DANG BZA' ZHES BYA BA'I BYA BA GNYIS DUS GCIG NA MED DU ZIN KYANG, PAR ZHES BRJOD PA'I PHYIR KHA GDANGS TE ZHES BYA BA'I BYA BA DANG, NYAL ZHES BYA BA'I BYA BA GNYIS DUS GCIG NA YOD LA, LAM KHYAB PAR BYAS TE ZHES BYA BA'I BYA BA DANG, 'GRO ZHES BYA BA'I BYA BA GNYIS KYANG DUS GCIG NA YOD PAS DE'I PHYIR BRDA SPROD PA PAS SMRAS PA'I DPE DANG GTAN TSIGS MA NGES PA'I PHYIR MI RUNG NGO, ,DPE DE MI RUNG BAS DES MTSON PAR BYA BA'I DON KYANG MI RUNG BAS RTEN CING 'BREL PAR ZHES BYA BA DANG, 'BYUNG ZHES BYA BA GNYIS DUS GCIG TU SRANG MDA'I MA THON DMAN BZHIN DU YOD PAR KHAS LEN PA LA NYES PA MED DO, ,GTAN TSIGS KYI DON YOD PA MA GRUB PA'I PHYIR RO ZHES BYA BA'I SKYON BRJOD PA'I PHYIR, BYED PA PO YOD PA DANG MED PA LA PAS, BYED PA PO YOD PA DANG MED PA'I PHYOGS DE GNYIS LA YANG BA SMRAS TE, DES NI SNGAR BRDA SPROD PA PA NA RE, BYED PA PO MED PAR YANG GZHI MED PA'I BYA BA MI RUNG STE MED PA'I PHYIR MO GSHAM GYI BU 'GRO BA BZHIN NO ZHES ZER BA'I GTAN TSIGS KYI DON BYED PA PO YOD PAR SGRUB PA DE MA GRUB PAS DES BSGRUBS PA'I PHYOGS NYAMS PAR STON TO, ,BYED PA PO YOD PA DANG MED PA LA YANG ZHES BYA BA NI 'DI LA BRDA SPROD PA PO'I LUNG LAS RANG DBANG NI BYED PA @34A *, ,PO'I ZHES 'BYUNG BAS KHYOD NI BYED PA PO YOD PAR 'DOD LA, SANGS RGYAS PA'I GZHUNG LAS NI BYED PA PO MED PAR 'DOD PAS, BYED PA PO YOD PA DANG MED PA'I PHYOGS DE GNYIS LA YANG NGO, ,JI SKAD SMOS PA'I SKYON DU 'GYUR BA'I PHYIR RO ZHES BYA BA NI SNGAR YOD PA LAS 'BYUNG BA'I PHYOGS LA YANG GTAN TSIGS KYI DON YOD PA LA MA GRUB PA'I PHYIR RO ZHES JI SKAD SMOS PA'I SKYON DU 'GYUR BA'I PHYIR TE, KHYOD LA BYED PA PO YOD PA YANG NGED LA MA GRAGS LA, NGED LA BYED PA PO MED PA DE YANG KHYOD LA MA GRAGS PAS NA, GANG YANG RUNG BA LA GTAN TSIGS KYI DON MA GRUB PA YIN TE, JI SKAD DU PHYOGS KYI CHOS NI RGOL BA DANG, PHYIR RGOL BA LA NGES PA GANG YIN PA DE GZUNG NGO ZHES ZER BA'I PHYIR RO, ,'ON TE BRDA SPROD PA PAS GTAN TSIGS KYI DON YOD PA MA GRUB PA'I SKYON DE YANG SPANG BA'I PHYIR BYED PA PO MED PA NYID DU 'DOD NA NI DES NA KHYOD KYIS SNGAR BYED PA PO YOD PAR GRUB PA'I MTHA' LAS 'BYUNG NGO ZHES SMRAS PAS, RANG GIS KHAS BLANGS PA DE LA GNOD PAR 'GYUR RO, ,'ON TE NGO TSA BOR NAS BDAG LA BYED PA PO YOD PAR GRUB KYANG GZHAN LA BYED PA PO MED PAR GRAGS PAS, BDAG GIS KYANG GZHAN GYI GZHUNG BSGRUB DGOS PAS BYED PA PO MED PAR SMRA STE, DES NA YOD PA'I GTAN TSIGS KYI DON MA GRUB PAR MI 'GYUR RO ZHE NA, DE'I PHYIR GZHAN LA GRAGS PA'I GTAN TSIGS BRJOD NA NI HA CANG THAL BAR 'GYUR BA'I PHYIR RO ZHES BYA BA SMRAS TE, JI SKAD BSTAN ZHE NA, GAL TE RANG GI GRUB PA'I MTHA' LA BYED PA PO YOD PA NYID DU GRUB KYANG SANGS RGYAS DAG GI GZHUNG LAS BYED PA PO MED PA NYID DU GRAGS PAS DE'I PHYIR BDAG KYANG BYED PA PO MED PA NYID DU KHAS LEN TO ZHE NA, 'O NA NI BYED PA PO DANG, BYED PA DANG, BYA BA DANG LAS DANG, GANG LA SBYIN PA DANG, 'BRAL BA DANG, GZHI ZHES BYA BA BYED PA PO THAMS CAD BSAL BA GZHAN DAG KYANG LHUR BLANGS TE BRDA SPROD PA PA'I GRUB PA'I MTHA' DANG MI MTHUN PA'I CHOS, CHOS BDAG MED PA LA SOGS PA YANG KHAS BLANG BAR BYA DGOS SO, ,'ON TE DE DAG KHAS MI LEN NA NI BYED PA PO MED PA NYID DU KHAS LEN CES BYA BA 'DI YANG BRJOD PAR MI BYA'O, ,DE LTAR RTEN CING 'BREL BAR 'BYUNG BA'I SGRA SUN 'BYIN PA'I GRUB PA GSAL BAS RTEN CING 'BREL BAR 'BYUNG BA'I SGRA YANG GRUB PA NYID DU BSTAN PA YIN NO, ,'DIR @34B GZHAN DAG NA RE, SNGAR DBU MA'I BSTAN BCOS LA CHOS THAMS CAD KYI DE KHO NA RTOGS PA NI KUN RDZOB TU 'BRAS BUR RNAM PAR GZHAG GO ZHES SMRA BA LA, 'BRAS BU DE NI RGYUR GYUR PA'I LAS GZHAN GYIS THOB PAR BYA BA YIN NA 'DIR JI LTAR LAS NYID 'BRAS BUR BRJOD PAR BYA ZHES ZER BAS DE'I PHYIR BSTAN PA NI LAS YIN TE ZHES BYA BA SMRAS SO, ,DE BSTAN PA ZHES BYA BA NI BSTAN BCOS KYI 'BRAS BU DE BSTAN PA'O, ,LAS YIN TE ZHES BYA BA NI BSTAN BCOS 'BRAS BU DE BSTAN PA NYID LAS YIN TE, 'DI LTAR 'BRAS BU DE NYID STON PA NA LAS SU 'GYUR PA'I PHYIR RO, ,DE YANG DPER NA LAS KYI RNAM PA GSUM STE, LUS KYI LAS DANG NGAG GI LAS DANG YID KYI LAS SO ZHES JI SKAD BRJOD PA LTA BU'O, ,DE BSTAN PA YANG GANG ZHE NA, DE'I PHYIR, 'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,ZHES BYA BA YIN NO ZHES BYA BA SMRAS SO, ,TSIG GI DON BRGYAD PO 'DI DAG NI, BCOM LDAN 'DAS KYIS SHES RAB KYI PHA ROL TU PHYIN PA'I GZHUNG CHEN PO LAS BKA' STZAL TE, SHES RAB KYI PHA ROL TU PHYIN PA'I DON KYANG 'DI NYID YIN LA, SLOB DPON GYIS KYANG 'DI NYID THUGS SU CHUD PAS DE KHO NA THUGS SU CHUD PA YIN, DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA MA NOR BA DE BZHIN NYID KYANG 'DI NYID YIN, BCOM LDAN 'DAS LA MNGON PAR BSTOD PAR BRJOD PAR BYA BA YANG 'DI YIN NO, ,TSIG GI DON BRGYAD PO 'DI DAG SHES RAB KYI PHA ROL TU PHYIN PA LAS 'BYUNG BA JI LTAR NGES PAR SHES SHE NA, DE'I PHYIR SMRAS PA, 'PHAGS PA SHES RAB KYI PHA ROL TU PHYIN PA'I MDO LAS, LHA'I BU DAG SHES RAB KYI PHA ROL TU PHYIN PA ZAB MO 'DI LA NI STONG PA NYID KYI MTSAN NYID DANG, MTSAN MA MED PA'I MTSAN NYID DANG, SMON PA MED PA'I MTSAN NYID DANG, MNGON PAR 'DU BYED PA MED PA'I MTSAN NYID DANG, SKYE BA MED PA'I MTSAN NYID DANG, 'GAG PA MED PA'I MTSAN NYID DANG, KUN NAS NYON MONGS PA MED PA'I MTSAN NYID DANG, RNAM PAR BYANG BA MED PA'I MTSAN NYID DANG, NGO BO NYID MED PA'I MTSAN NYID DANG, RTEN PA MED PA'I MTSAN NYID DANG, CHAD PA MED PA'I MTSAN NYID DANG, RTAG PA MED PA'I MTSAN NYID DANG, DON GCIG PA MA YIN PA'I MTSAN NYID DANG, DON @35A *, ,THA DAD PA MA YIN PA'I MTSAN NYID DANG, 'ONG BA MED PA'I MTSAN NYID DANG, 'GRO BA MED PA'I MTSAN NYID DO, ,LHA'I BU DAG SHES RAB KYI PHA ROL TU PHYIN PA ZAB MO 'DI NI NAM MKHA'I MTSAN NYID DO, ,LHA'I BU DAG SHES RAB KYI PHA ROL TU PHYIN PA ZAB MO 'DI NI MTSAN NYID GCIG PA STE, 'DI LTA STE MTSAN NYID MED PAR MTSAN NYID GCIG PA'O, ,LHA'I BU DAG SHES RAB KYI PHA ROL TU PHYIN PA ZAB MO 'DI NI DE BZHIN GSHEGS PAS 'JIG RTEN DU BRDAS THA SNYAD DU BSTAN GYI, DON DAM PAR NI MA YIN NO ZHES BYA BA LA SOGS PA GSUNGS PA LAS SHES PAR BYA'O, ,TSIG GI DON BRGYAD PO 'DI DAG SHES RAB KYI PHA ROL TU PHYIN PA LAS 'BYUNG BA 'BA' ZHIG TU YANG MA ZAD DE, 'DI LTAR 'PHAGS PA SDONG PO BKOD PA LA SOGS PA MDO SDE MTHA' YAS PA GZHAN DAG LAS KYANG 'BYUNG STE, 'PHAGS PA BYAMS PAS BDAG NYID KYI RNAM PAR THAR PA LAS BYANG CHUB SEMS DPA' RNAMS KYI RTOGS PA NI 'ONG BA MED PAR RTOGS PA DANG, 'GRO BA MED PAR RTOGS PA DANG, SKYE BA MED PAR RTOGS PA DANG, 'GAG PA MED PAR RTOGS PA DANG, CHAD PA MED PAR RTOGS PA DANG, RTAG PA MED PAR RTOGS PA DANG, DON THA DAD PA MA YIN PAR RTOGS PA DANG, DON GCIG PA MA YIN PAR RTOGS PA'O ZHES JI SKAD GSUNGS PA DANG, DE BZHIN DU 'PHAGS PA RGYA CHER ROL PA'I MDO LAS KYANG, CHOS KYI 'KHOR LO BSKOR BA'I LE'U LAS, BYAMS PA DE NI SKYE BA MED PA'I 'KHOR LO DANG, 'GAG PA MED PA'I 'KHOR LO DANG, CHAD PA MED PA'I 'KHOR LO DANG, RTAG PA MED PA'I 'KHOR LO DANG, DON THA DAD PA MA YIN PA'I 'KHOR LO DANG, DON GCIG PA MA YIN PA'I 'KHOR LO DANG, 'ONG BA MED PA'I 'KHOR LO DANG, 'GRO BA MED PA'I 'KHOR LO YIN NO ZHES GSUNGS PA DANG, DE DAG LA SOGS PA MDO SDE GZHAN DAG LAS KYANG TSIG GI DON BRGYAD PO 'DI DAG RGYA CHER 'BYUNG NGO, ,'DIR GZHAN DAG NA RE, BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS ZHES SMRA NA, DE'I PHYIR BSTAN BCOS BYED PAR 'DOD PAS BSTAN BCOS NYID BYA BA YIN NA, 'DIR 'GAG PA MED PA LA SOGS PA TSIG GI DON BRGYAD PO DAG TZAM KHO NA ZHIG DANG PO KHO NAR SMOS PA, BSTAN BCOS NI MA SMOS PAS DE'I PHYIR SLOB DPON GYIS NYES PAR SMRAS PA YIN NO ZHES ZER BA'I PHYOGS @35B SNGA MA KHONG NAS DBYUNG BA DE'I LAN NI, DE LA TSIG GI DON RTOGS PA MED PAR NGAG DANG, RAB TU BYED PA DANG, BSTAN BCOS KYI DON MI RTOGS PAS DE'I PHYIR DANG PO KHO NAR TSIG GI DON BRJOD PAR BYA'O ZHES BYA BA'I GZHUNG 'DI YIN NO, ,DE LA ZHES BYA BA'I SGRA NI LAN GYI TSIG NYE BAR DGOD PA'I DON LA'O, ,TSIG GI DON RTOGS PA MED PAR ZHES BYA BA NI TSIG GI DON KHONG DU CHUD PA MED PAR RAB TSIG GI DON KHONG DU CHUD PA MA GTOGS PAR RO, ,NGAG DANG RAB TU BYED PA DANG BSTAN BCOS KYI DON MI RTOGS PAS ZHES BYA BA NI TSIG GI DON RTOGS PA MED PAR NGAG DANG RAB TU BYED PA DANG BSTAN BCOS KYI DON MI RTOGS SHING KHONG DU MI CHUD PAS SO, ,'DI LA TSIG BSDUS PA NI NGAG YIN LA, NGAG BSDUS PA NI RAB TU BYED PA YIN, RAB TU BYED PA BSDUS PA NI BSTAN BCOS YIN TE, DE LA KHO RIMS DE DAG NI BSTAN BCOS THAMS CAD KYI GO RIMS YIN NO, ,DE LA TSIG GI DON ZHES BYA BA NI MING DANG BYA BA TZAM BRJOD PA STE, 'DIR NI 'GAG PA MED PA ZHES BYA BA DANG, SKYE BA MED PA ZHES BYA BA DANG, CHAD PA MED PA ZHES BYA BA DANG, RTAG PA MED PA ZHES BYA BA DANG, 'ONG BA MED PA ZHES BYA BA DANG, 'GRO BA MED PA ZHES BYA BA DANG, DON THA DAD PA MA YIN PA ZHES BYA BA DANG, DON GCIG PA MA YIN PA ZHES BYA BA LTA BU DAG RE RE LA TSIG GI DON ZHES BYA'O, ,NGAG GI DON ZHES BYA BA NI TSIG GI DON BSDUS PA STE, 'DIR NI, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THAD DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BYA BA LTA BU'I TSIG GIS DON MANG PO BSDUS PAS DON YONGS SU RDZOGS PA CIG BSTAN PA NI NGAG GI DON ZHES BYA'O, ,RAB TU BYED PA'I DON ZHES BYA BA NI NGAG GI DON BSDUS PAS SKABS KYI DON YONGS SU RDZOGS PA STE, 'DIR NI RKYEN BRTAG PA LA SOGS PA RAB TU BYED PA'I SKABS NYI SHU RTZA BDUN BSTAN PA DAG RE RE LA RAB TU BYED PA'I DON ZHES BYA'O, ,BSTAN BCOS KYI DON ZHES BYA BA NI RAB TU BYED PA'I GZHUNG MTHA' DAG GI DON YONGS SU RDZOGS PA STE, 'DI NI DBU MA'I RTZA BA'I TSIG LE'UR BYED PA JI SNYED PA THAMS CAD KYI DON YONGS SU RDZOGS PA SPYI LA BSTAN PA BCOS KYI DON ZHES BYA'O, ,DE'I PHYIR @36A *, ,TSIG GI DON RTOGS PA MED PAR NGAG DANG, RAB TU BYED PA DANG, BSTAN BCOS KYI DON MI RTOGS SO, ,DE'I PHYIR DANG PO KHO NAR TSIG GI DON BRJOD PAR BYA'O ZHES BYA BA NI, GANG GI PHYIR BSTAN BCOS MDZAD PA 'GA' LA YANG LUGS MI MTHUN PA GZHAN MED DE, TSIG GI DON RTOGS PAS NGAG GI DON STON LA, NGAG GI DON RTOGS PAS RAB TU BYED PA'I DON STON NA, RAB TU BYED PA'I DON RTOGS PAS BSTAN BCOS KYI DON STON PAR MDZAD LA, TSIG DANG NGAG DANG, RAB TU BYED PA DANG, BSTAN BCOS DAG NI DUS GCIG TU CIG CAR GCIG TU BSDUS TE TSIG TU GDON DU MI RUNG BA DE'I PHYIR, 'DIR GO RIMS BZHIN DU DANG PO KHO NAR TSIG GI DON BSTAN PA YIN TE, DE BAS NA SLOB DPON GYIS NYES PAR SMRAS PA MA YIN NO, ,'DIR GZHAN DAG NA RE, GAL TE DE LTA NA YANG KHYOD KYI GO RIMS NYAMS PA YIN TE, 'DI LTAR TSIG GI DON LA SOGS PA'I MDUN DU YI GE'I DON 'GRO BAS, TSIG GI DON LA SOGS PA NI YI GE'I DON GYI RGYU LAS 'BYUNG BA YIN PA'I PHYIR, DANG PO KHO NAR YI GE'I DON BYE BRAG TU RTOGS PAR BYA BA'I RIGS TE, DPER NA PHRA RAB RDUL DANG RDUL PHRAN DANG, ,CHU DANG LCAGS DANG RI BONG DANG, ,LUG DANG GLANG DANG NYI ZER DANG, ,SRO MA SHIG DANG NAS DANG SOR, ,KHRU DANG MI DANG GZHU DANG NI, ,RGYANG GRAGS DANG NI DPAG TSAD RNAMS, ,BSGRE BAS LAM GYI RTZOM PA DAG ,CI RIGS SU NI RNAM PAR GZHAG ,CES BYA BAS RDUL PHRA RAB BDUN LA RDUL PHRA MO GCIG GO, ,RDUL PHRA MO BDUN LA CHU RDUL GCIG GO, ,CHU RDUL BDUN LA LCAGS RDUL GCIG GO, ,LCAGS RDUL BDUN LA RING BONG RDUL GCIG GO, ,RI BONG RDUL BDUN LA LUG RDUL GCIG GO, ,LUG RDUL BDUN LA GLANG RDUL GCIG GO, ,GLANG RDUL BDUN LA NYI ZER RDUL GCIG GO, ,NYI ZER GYI RDUL BDUN LA SRO MA GCIG GO, ,SRO MA BDUN LA SHIG GCIG GO, ,SHIG BDUN LA NAS GCIG GO, ,NAS BDUN LA SOR GCIG GO, ,SOR NYI SHU RTZA BZHI LA KHRU GANG NGO, ,KHRU PHYED DANG BZHI LA MI'I SRID DO, ,KHRU BZHI LA GZHU'O, ,GZHU LNGA BRGYAL RGYANG GRAGS SO, ,RGYANG GRAGS BRGYAD LA DPAG TSAD GCIG GO ZHES BSHAD DE, RDUL PHRA RAB LA SOGS PA BSGRE BAS DPAG TSAD LA SOGS PA'I LAM GYI RTZOM PA DAG ,BDUN DANG NYI SHU RTZA BZHI DANG, PHYED DANG BZHI DANG, BZHI DANG LNGA BRGYA DANG, @36B BRGYAD 'GYUR GYIS CI RIGS SU RNAM PAR GZHAG PA THAMS CAD KYI DANG PO RTZOM PA NI RDUL PHRA RAB YIN PAS DE DANG POR BRJOD PAR BYA DGOS PA DANG 'DRA BAR, 'DIR YANG BSTAN BCOS DANG RAB TU 'BYED PA DANG NGAG DANG TSIG GI DON CI RIGS SU RNAM PAR GZHAG PA THAMS CAD KYI DANG PO RTZOM PA NI YI GE YIN PAS; DE'I PHYIR DANG PO KHO NAR YI GE'I DON BRJOD PAR BYA BAR RIGS NA, MA BRJOD PAS GO RIMS NYAMS PA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR DBU MA PA'I GRUB PA'I MTHA' SMRA BA KHA CIG NA RE, TSIG LA SOGS PA'I DON RNAMS NI NGAG LA SOGS PA'I DON LA PHAN PA BYED PA NYID YIN GYI, TSIG GI PHYOGS GCIG NI LAM DU 'GRO BA BZHIN NO ZHE'O, ,DE LA KHA CIG NA RE ZHES BYA BA NI 'GREL PA BYED PA NYID MA YIN PA DBU MA PA'I GRUB PA'I MTHA' SMRA BA KHA CIG NA RE'O, ,TSIG LA SOGS PA'I DON RNAMS NI ZHES BYA BA NI TSIG GI DON DANG NGAG GI DON DANG RAB TU BYED PA'I DON RNAMS SO, ,SOGS PA'I SGRAS NI NGAG GI DON RAB TU BYED PA'I DON GNYIS BSDU'O, ,NGAG LA SOGS PA'I DON LA ZHES BYA BA NI, NGAG GI DON DANG RAB TU BYED PA'I DON DANG, BSTAN BCOS KYI DON LA'O, ,SOGS PA'I SGRAS KYANG RAB TU BYED PA'I DON DANG BSTAN BCOS KYI DON GNYIS BSDU'O,, PHAN PA BYED PA NYID YIN GYI ZHES BYA BA NI KHYAD PAR SKYED PAR BYED PA NYID YIN PAS TE, TSIG GI DON GYIS NI NGAG GI DON GSAL BAR 'GYUR BA'I KHYAD PAR SKYED PAR BYED LA, NGAG GI DON GYIS NI RAB TU BYED PA'I DON GSAL BAR 'GYUR BA'I KHYAD PAR SKYED PAR BYED, RAB TU BYED PA'I DON GYIS NI BSTAN BCOS KYI DON GSAL BAR 'GYUR BA'I KHYAD PAR SKYED PAR BYED PA NYID YIN PA'O, ,DE LTA BAS NA 'DIR TSIG GI DON RTOGS NA NGAG DANG RAB TU BYED PA DANG, BSTAN BCOS KYI DON YANG RTOGS PAR 'GYUR BAS, 'DIR DANG PO KHO NAR TSIG GI DON BSTAN TE, DE NI BYA BA'I SGO NAS RJES SU 'GRO BA BSTAN PA YIN NO, ,'DI LA CHOS MTHUN PA'I DPE YANG YOD DE, DPER NA RKANG PA NI LAM DU 'GRO BAR BYED PA LA PHAN PA NYID YIN TE, LAM DU 'GRO BA'I YAN LAG GI GTZO BO NYID YIN PA DANG 'DRA BAR TSIG GI DON KYANG NGAG LA SOGS PA'I DON RTOGS PAR BYA BA LA PHAN PAR BYED PA NYID YIN TE, NGAG @37A *, ,LA SOGS PA'I DON RTOGS PAR BYA BA'I YAN LAG GI GTZO BO NYID YIN PAS 'DIR DANG POR BSTAN TO, ,TSIG GI PHYOGS GCIG NI LAM DU 'GRO BA BZHIN NO ZHES BYA BA LA, 'DIR TSIG GI PHYOGS GCIG NI ZHES BYA BA'I SGRA NI RGYA GAR SKAD LAS, PA DEE KA DE SHA ZHES BYA BA TSIG ZUR GNYIS SU SBYAR BA YIN TE, TSIG GI PHYOGS GCIG CES KYANG BYA, RKANG PA'I PHYOGS GCIG CES KYANG BYA STE, TSIG GI PHYOGS GCIG NI NGAG LA SOGS PA'I DON LA PHAN PAR BYED PA NYID MA YIN TE, DPER NA RKANG PA'I PHYOGS GCIG LAM DU 'GRO BA LA PHAN PAR BYED PA NYID MA YIN PA BZHIN NO ZHES BYA BAR SBYAR RO, ,DE LA TSIG GI PHYOGS GCIG CES BYA BA NI TSIG GI DON GYI PHYOGS GCIG TU GYUR PA STE, TSIG GI DON RTZOM PAR BYED PA'I RGYU YI GE'I DON TO, ,TSIG GI DON GYI PHYOGS GCIG TU GYUR PA YI GE'I DON DE NI NGAG LA SOGS PA'I DON LA PHAN PA BYED PA NYID MA YIN TE, 'DI LTAR YI GE'I SGRA KA ZHES BYA BA LA SOGS PA BRJOD PA NA YI GE RNAMS LA YAN LAG MED PA'I PHYIR, DE LAS LHAG PA'I DON GZHAN RTOGS PAR 'GYUR BA MED PAS NGAG LA SOGS PA'I DON RTOGS PAR 'GYUR BA'I YAN LAG GI GTZO BO NYID MA YIN PA'I PHYIR RO, ,DE LTA BAS NA TSIG GI PHYOGS GCIG NI NGAG LA SOGS PA'I DON RTOGS PAR BYA BA LA PHAN PAR BYED PA NYID MA YIN PAS 'DIR MA BSTAN TE, DE NI DGAG PA'I SGO NAS LDOG PA BSTAN PA YIN NO, ,'DI LA CHOS MI MTHUN PA'I DPE GANG ZHE NA, DE'I PHYIR RKANG PA'I PHYOGS GCIG LAM DU 'GRO BA LA PHAN PAR BYED PA NYID MA YIN PA BZHIN NO ZHES BYA BAR SBYAR TE, RKANG PA'I PHYOGS GCIG CES BYA BA NI RKANG PA'I YAN LAG GI PHYOGS GCIG TU GYUR PA STE, RKANG PA'I NYING LAG TU GYUR PA'I RTING PA DANG SOR MO LA SOGS PA'O, ,RKANG PA'I PHYOGS GCIG TU GYUR PA RTING PA DANG SOR MO LA SOGS PA DE NI LAM DU 'GRO BA LA PHAN PAR BYED PA NYID MA YIN TE, LAM DU 'GRO BA'I YAN LAG GI GTZO BO NYID MA YIN PA DANG 'DRA BA'I TSIG GI PHYOGS GCIG TU GYUR PA YI GE'I DON KYANG NGAG LA SOGS PA'I DON RTOGS PAR BYA BA LA PHAN PAR BYED PA NYID MA YIN TE, NGAG LA SOGS PA'I DON RTOGS PAR BYA BA'I YAN LAG GI GTZO BO NYID MA YIN PAS 'DIR MA BSTAN TO, ,RDUL PHRA RAB LA SOGS PA BSGRES PAS DPAG TSAD LA SOGS PA'I LAM GYI RTZOM @37B PA DAG CI RIGS SU RNAM PAR GZHAG PA NI LAM GYI TSAD KYI RTZOM PA RNAM PAR GZHAG PA'I SKABS SU DNGOS PO BSAM PA YIN PAS, RDUL PHRA RAB DANG POR BYE BRAG TU RTOGS PAR BYA BA RIGS KYI, 'DIR TSIG LA SOGS PA'I DON RTOGS PAR BYA BA NI BSTAN BCOS KYI KHYAD PAR BSKYED PA'I RTZOM PA RNAM PAR GZHAG PA'I SKABS SU DON RTOGS PAR BYA BA BSAM PA YIN PAS, YI GE'I DON DANG POR BYE BRAG TU RTOGS PAR BYA BA MI RIGS PAS RDUL PHRA RAB LAS DPE BLANGS TE RGOL BA DE NI DPE YANG MA GRUB PA YIN NO ZHE'O ZHES BYA BA'I SGRA NI 'GREL PA BYED PA NYID MA YIN PA DBU MA'I GRUB PA'I MTHA' SMRA BA KHA CIG NA RE DE SKAD ZER RO ZHES BYA BA'I DON TO, ,PHYOGS SNGA MA KHONG NAS DBYUNG BA DANG, DE'I LAN DU DBU MA PA'I GRUB PA'I MTHAR SMRA BA KHA CIG TSIG LA SOGS PA'I DON RNAMS NI NGAG LA SOGS PA'I DON LA PHAN PAR BYED PA NYID YIN GYI, TSIG GI PHYOGS GCIG GI LAM DU 'GRO BA BZHIN NO ZHES SMRAS PA DE LA 'DIR 'GRO BA LA BYED PA NYID KYIS PHYOGS SNGA MA DE'I LAN 'DI SKAD BTAB NA RIGS KYI, DE'I LAN KHA CIG GIS SMRAS PA DE NI MI RIGS PAR SGRUB PA'I PHYIR, GZHAN MA YIN PA NI TSIG LA SOGS PA NI 'DU BYED BSKYED PAS BSTAN BCOS KYI DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS KYI; SNGAR BRTAGS PA NI MI RIGS SO ZHES ZER RO ZHES BYA BA SMRAS SO, ,DE LA GZHAN MA YIN PA NI ZHES BYA BA NI GZHAN MA YIN PAS RANG NYID YIN TE, 'GREL PA BYED PA NYID YIN NO, ,DE'I PHYIR 'GREL PA BYED PA NYID NI PHYOGS SNGA MA DANG, DE'I LAN KHA CIG GIS SMRAS PA DE LA 'DI SKAD CES ZER RO ZHES BYA BAR SBYAR RO, ,TSIG LA SOGS PA NI ZHES BYA BA NI TSIG GI DON DANG, NGAG GI DON DANG, RAB TU BYED PA'I DON DE DAG GO, ,SOGS PA ZHES BYA BA'I SGRAS NI NGAG GI DON DANG RAB TU BYED PA'I DON GNYIS BSDU'O, ,'DU BYED SKYED PAS ZHES BYA BA NI BLO'I 'DU BYED DANG DRAN PA'I 'DU BYED SEMS LA SKYED PAS SO; ,BSTAN BCOS KYI DON YAN LAG MA LUS PA ZHES BYA BA NI BSTAN BCOS KYI DON YAN LAG THAMS CAD DANG BCAS PA STE, BSTAN BCOS KYI DON GSAL BAR BYED PA'I YAN LAG NI RAB TU BYED PA'I DON YIN LA, RAB TU BYED PA'I DON GSAL BAR BYED PA'I YAN LAG NI NGAG GI DON YIN, NGAG GI DON @38A *, ,GSAL BAR BYED PA'I YAN LAG NI TSIG GI DON YIN PAS, BSTAN BCOS KYI DON GSAL BAR BYED PA'I YAN LAG RAB TU BYED PA DANG, NGAG DANG TSIG MA LUS PA THAMS CAD CES BYA BA'I THA TSIG GO, ,KHONG DU CHUD PA LA PHAN PAR BYED PA NYID DU ZHES BYA BA NI RTOGS PAR BYA BA LA PHAN PAR BYED PA NYID DU STE, YAN LAG GI GTZO BO NYID YIN PAR RO, ,RIGS KYI ZHES BYA BA NI 'OS SHING GSHA'I ZHES BYA BA'O, ,DE LA TSIG LA SOGS PA 'DU BYED SKYED PAS BSTAN BCOS KYI DON YAN LAG MA LUS PA KHONG DU CHUD PA LA PHAN PAR BYED PA NYID DU JI LTAR RIGS SHE NA, DPER NA GOM PA GCIG PUS YUL GZHAN DU PHYIN PAR MI NUS KYI, GOM PA SNGA MAS GOM PA PHYI MA LA SBYOR BA'I 'DU BYED BSKYED LA, 'DU BYED SKYES PA DES GOM PA GZHAN 'DOR ZHING DE LTA BU BRGYUD PA'I TSUL GYIS YUL GZHAN DU PHYIN PAR NUS PA DANG 'DRA BAR, 'DIR YANG TSIG LA SOGS PA'I DON BRJOD PA 'BA' ZHIG GIS NGAG LA SOGS PA'I DON LA PHAN PAR BYED PA NYID MA YIN GYI, 'DI LTAR TSIG GI DON BRJOD PAS NI BLO'I 'DU BYED DANG DRAN PA'I 'DU BYED BSKYED LA, 'DU BYED SKYES PA DES TSIG GI DON SNGA MA 'DZIN CING PHYI MA MI BRJED PAS TSIG GI DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS PA DANG, DE BZHIN DU TSIG GI DON KHONG DU CHUD NAS NGAG GI DON BRJOD NAS KYANG BLO'I 'DU BYED DANG DRAN PA'I 'DU BYED BSKYED LA, 'DU BYED SKYES PA DES NGAG GI DON SNGA MA BZHIN 'DZIN CING PHYI MA MI BRJED PAS NGAG GI DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS PA DANG, NGAG GI DON KHONG DU CHUD NAS RAB TU BYED PA'I DON BRJOD PAS KYANG BLO'I 'DU BYED DANG DRAN PA'I 'DU BYED BSKYED LA, 'DU BYED SKYED PA DES RAB TU BYED PA'I DON SNGA MA 'DZIN CING PHYI MA MI BRJED PAS RAB TU BYED PA'I DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS PA DANG, RAB TU BYED PA'I DON KHONG DU CHUD NAS BSTAN BCOS KYI DON BRJOD PAS KYANG BLO'I 'DU BYED DANG DRAN PA'I 'DU BYED BSKYED LA, 'DU BYED SKYED PA DES BSTAN BCOS KYI DON SNGA MA 'DZIN CING PHYI MA MI BRJED PAS BSTAN BCOS KYI DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS SO, ,SNGAR BRTAGS PA NI MI RIGS SO ZHES BYA BA NI SDAR DBU MA PA'I GRUB PA'I MTHA' SMRA BA KHA CIG GIS TSIG @38B LA SOGS PA'I DON RNAMS NI NGAG LA SOGS PA'I DON LA PHAN PAR BYED PA NYID YIN GYI ZHES BRTAGS PA DE NI MI RIGS PA'O, ,CI'I PHYIR ZHE NA, CHOS THAMS CAD SKAD CIG MA MA YIN PAS TSIG GI DON BRJOD MA THAG TU 'GAGS PAS NGAG GI DON MA BYUNG BA LA PHAN PAR BYED PA NYID DU MI RIGS PA DANG, DE BZHIN DU NGAG GI DON BRJOD MA THAG TU 'GAGS PAS KYANG RAB TU BYED PA'I DON MA BYUNG BA LA PHAN PAR BYED PA NYID DU MI RIGS PA DANG, RAB TU BYED PA'I DON BRJOD MA THAG TU 'GAGS PAS KYANG BSTAN BCOS KYI DON MA BYUNG BA LA PHAN PAR BYED PA NYID DU MI RIGS PA'I PHYIR RO, ,SNGAR TSIG GI PHYOGS GCIG NI LAM DU 'GRO BA BZHIN NO ZHES BRTAGS PA NI RIGS PA KHO NA YIN TE, TSIG GI PHYOGS GCIG NI YI GE YIN LA, YI GE LA NI THA SNYAD MED PAS 'DU BYED BSKYED PAR MI NUS PA'I PHYIR NGAG LA SOGS PA'I DON LA PHAN PAR BYED PA NYID MA YIN PAS, 'DIR YANG DANG POR MA BSTAN TE, DPER NA RKANG PA'I PHYOGS GCIG NI 'GRO BA LA PHAN PAR BYED PA NYID MA YIN PA BZHIN NO ZHES BSTAN PA'I PHYIR RO, ,DE LTA BAS NA SLOB DPON GYIS NYES PAR SMRAS PA NYID YIN NO ZHES ZER BA'I PHYOGS SNGA MA KHONG NAS DBYUNG BA GANG YIN PA DE NI DE LTA MA YIN NO, ,PHYOGS SNGA MA KHONG NAS DBYUNG BA DE DAG DE'I LAN GYI DBU MA PA'I GRUB PA'I MTHA' SMRA BA KHA CIG DANG, 'GREL PA BYED PAS JI SKAD SMRAS PA'I GZHUNG 'DI NYID LA SHES RAB SGRON MA RGYA CHER 'GREL BAR BYED PA'I SLOB DPON YON TAN BYIN ZHES BYA BA GZHAN ZHIG NI 'DI SKAD CES KYANG ZER TE, 'DIR GZHAN DAG NA RE, BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS ZHES SMRAS NA, DE'I PHYIR BSTAN BCOS BYED PAR 'DOD PAS BSTAN BCOS NYID BYA BA YIN NA 'DIR 'GAG PA MED PA LA SOGS PA'I TSIG GI DON BRGYAD PO DAG TZAM KHO NA ZHIG DANG PO KHO NAR SMOS LA, BSTAN BCOS NI MA SMOS PAS DE'I PHYIR, SLOB DPON GYIS NYES PAR SMRAS PA NYID YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN NI, DE LA TSIG GI DON RTOGS PA MED PAR NGAG DANG, RAB TU BYED PA DANG, BSTAN BCOS KYI DON MI RTOGS PAS DE'I PHYIR DANG PO KHO NAR TSIG GI DON BRJOD PAR BYA'O ZHES BYA BA'I GZHUNG 'DI YIN NO, ,KHA CIG NA RE TSIG LA SOGS PA'I DON @39A *, ,RNAMS NI NGAG LA SOGS PA'I DON LA PHAN PAR BYED PA NYID YIN GYI, TSIG GI PHYOGS GCIG NI LAM DU 'GRO BA BZHIN NO ZHE'O ZHES BYA BA NI RGOL BA'I TSIG YIN LA, GZHAN MA YIN PA NI TSIG LA SOGS PA'I 'DU BYED BSKYED PA LA BSTAN BCOS KYI DON YAN LAG MA LUS PA KHONG DU CHUD PA LA PHAN PAR BYED PA NYID DU RIGS KYI, SNGAR BSTAN PA NI MI RIGS SO ZHES ZER RO ZHES BYA BA NI DE'I LAN YIN TE, DE DAG GIS JI SKAD BSTAN ZHE NA, SNGAR GZHAN DAG NA RE, BCOM LDAN 'DAS LA MNGON PAR BSTOD DE BSTAN BCOS MDZAD PAR BZHED NAS ZHES SMRA NA, DE'I PHYIR BSTAN BCOS BYED PAR 'DOD PAS BSTAN BCOS NYID BYA BA YIN NA, 'DIR 'GAG PA MED PA LA SOGS PA TSIG GI DON BRGYAD PO DAG TZAM KHO NA ZHIG DANG PO KHO NAR SMOS LA, BSTAN BCOS NI MA SMOS PA DE'I PHYIR SLOB DPON GYIS NYES PAR SMRAS PA KHO NA YIN NO ZHES ZER BA'I PHYOGS SNGA MA KHONG NAS DBYUNG BA DE'I LAN DU 'GREL PA BYED PAS, DE LA TSIG GI DON RTOGS PA MED PAR NGAG DANG RAB TU BYED PA DANG BSTAN BCOS KYI DON MI RTOGS PAS, DE'I PHYIR DANG PO KHO NAR TSIG GI DON BRJOD PAR BYA'O ZHES BYA BA'I GZHUNG GIS LAN BTAB PA DANG, DE NYID LAS RGOL BA KHA CIG NA RE, GAL TE DE LTAR NA YANG KHYOD KYI GO RIMS NYAMS PA YIN TE, 'DI LTAR TSIG LA SOGS PA'I DON RNAMS NI NGAG LA SOGS PA'I DON LA PHAN PAR BYED PA NYID YIN PAS DE'I PHYIR DANG PO KHO NAR TSIG GI DON BRJOD PAR BYA'O ZHES ZER NA, 'O NA 'DI TSIG GI PHYOGS GCIG TU GYUR PA'I YI GE'I DON DANG PO KHO NAR BRJOD PAR BYA DGOS TE, DPER NA LAM DU 'GRO BA'I DANG PO RTZOM PA, PHRA RAB RDUL DANG RDUL PHRAN DANG, ,CHU DANG LCAGS DANG RI BONG DANG, ,LUG DANG GLANG DANG NYI ZER DANG, ,SRO MA SHIG DANG NAS DANG SOR, ,KHRU DANG MI DANG GZHU DANG NI, ,RGYANG GRAGS DANG NI DPAG TSAD RNAMS, ,BSGRE BAS LAM GYI RTZOM PA DAG , CI RIGS SU NI RNAM PAR GZHAG ,CES BYA BAS DPAG TSAD LA SOGS PA'I LAM DU 'GRO BA'I DANG PO RTZOM PA NI RDUL PHRA RAB YIN PAS DE DANG PO KHO NAR BRJOD PAR BYA DGOS PA BZHIN DU, 'DIR YANG BSTAN BCOS DANG RAB TU BYED PA DANG NGAG DANG TSIG GI DON CI RIGS SU RNAM PAR GZHAG PA THAMS CAD @39B KYI DANG PO RTZOM PA NI YI GE YIN PAS, DE'I PHYIR DANG PO KHO NAR YI GE'I DON BRJOD PAR BYA BA RIGS NA, MA BRJOD PAS GO RIMS NYAMS PA YIN NO ZHES DNGOS SU RGOL BA DE'I LAN DU 'DIR 'GREL PA BYED PA GZHAN MA YIN PA RANG NYID NI 'DI SKAD CES ZER TE, TSIG LA SOGS PA NI YAN LAG DANG BCAS PA YIN PAS DE DAG LA NE RANG GI NGO BO LAS GZHAN PA'I DON KYANG YOD PA'I PHYIR, TSIG LA SOGS PA BRJOD PAS YI GE RNAMS KLOG PA'I 'DU BYED SKYED PAS NA TSIG DANG, NGAG DANG RAB TU BYED PA'I DON YI GE'I 'DU BYED SKYED PA BRJOD NA, BSTAN BCOS KYI DON YAN LAG MA LUS PA KHONG DU CHUD PA LA PHAN PAR BYED PA NYID DU 'GYUR BAS, DE'I PHYIR DANG PO KHO NAR TSIG GI DON BRJOD PAR BYA'O ZHES SMRAS PA GANG YIN PA DE RIGS KYI, RGOL BA DANG PO KHO NAR YI GE'I DON BRJOD PAR BYA BA'I RIGS SO ZHES SNGAR BRTAGS PA NI MI RIGS TE, YI GE'I SGRA KA ZHES BYA BA LA SOGS PA BRJOD PA NA YI GE RNAMS LA YAN LAG MED PA'I PHYIR, DE LAS LHAG PA'I DON GZHAN RTOGS PHAR 'GYUR BA MED PAS DE'I PHYIR DANG PO KHO NAR YI GE'I DON BRJOD PAR BYA BA MI RIGS SO ZHES LAN BTAB PA YIN NO ZHES ZER TE, SLOB DPON PHYI MAS BSHAD PA'I LUGS 'DI LA DBU MA PA'I GRUB PA'I MTHA' SMRA BA DAG PHAL CHER NI SNYING POR MI 'DZIN TO, ,DE LTAR NA PHYAG 'TSAL BA'I TSIGS SU BCAD PAS BSDUS PA 'DI NYID BSTAN BCOS KYI LUS YIN TE, TSIG GI DON BRGYAD PO 'DI DAG NI SLOB DPON NYID KYIS TSIG LE'UR BYED PA DAG GI LUNG DANG RIGS PA'I SGO NAS RAB TU BYED PA'I SKABS NYI SHU RTZA BDUN GYIS RNAM PAR BSHAD DO, ,'DI NYID DON DAM PA PA'I CHOS MNGON PA YIN TE, 'DI LTAR 'DIR CHOS RNAMS KYI DON DAM PA'I MTSAN NYID RNAM PAR 'JOG CING YONGS SU RTOGS PAR BYED PA DANG, 'DI NYID KYIS MYA NGAN LAS 'DAS PA MNGON SUM DU BYED CING MYA NGAN LAS 'DAS PA THOB PAR BYED PA'I PHYIR RO, ,SDE SNOD GSUM LAS 'BYUNG BA NI KUN RDZOB PA'I CHOS MNGON PA YIN TE, 'DI LTAR DE NI CHOS RNAMS KYI THA DAD PA'I MTSAN NYID SRAB DANG GSHER BA DANG DRO BA DANG G-YO BA LA SOGS PA DAG BSTAN CING DON RNAM PA MA BSTAN PA'I PHYIR RO, ,'DI LTAR DE'I PHYIR LUNG GZHAN DAG LAS KYANG, PHUNG PO LNGA PO @40A *, ,DNGOS MED DE, ,MA BYUNG NYID LAS BYUNG BA YIN, ,GANG GIS PHUNG PO KUN BSLANGS PA, ,DE LA KUN NAS SLONG BA MED, ,LNGA PHUNG MTSAN NYID GANG YIN PA, ,DE NI CHOS KUN MTSAN NYID DO, ,DE DAG DE YI MTSAN NYID DU, ,BSHAD KYANG MTSAN NYID YOD MA YIN, ,ZHES JI SKAD GSUNGS PA LTA BU'O; ,GAL TE SDE SNOD GSUM LAS 'BYUNG BA'I CHOS MNGON PA THA SNYAD PA YIN NA, 'ON TE MYA NGAN LAS 'DAS PA MNGON SUM DU BYED PA MA YIN PAS, DE LTAR NA NYAN THOS DANG, RANG SANGS RGYAS RNAMS LA MYA NGAN LAS 'DAS PA MED PAR 'GYUR BAS KHAS BLANGS PA LA GNOD PAR 'GYUR RO ZHE NA; KHAS BLANGS PA LA GNOD PAR MI 'GYUR TE 'DI LTAR DE DAG GI MYA NGAN LAS 'DAS PA NI BSTI GNAS YIN GYI, DE DAG GI MYA NGAN LAS 'DAS PA STE DE KHO NA NI MA YIN TE, DAM PA'I CHOS PAD MA KHAR PO'I MDO DANG, BDEN PA PO'I LE'U DANG, RAB TU ZHI BA RNAM PAR GDON MI ZA BA'I CHO 'PHRUL BSTAN PA DANG, TING NGE 'DZIN GYI SGO'I MDO DAG LAS DE DAG KYANG MTHAR STOBS BCU MNGA' BAR 'GYUR RO ZHES RIGS PAS RGYA CHER JI SKAD BKA' STZAL PA LTA BU'O, ,'PHAGS PA LANG KAR GSHEGS PA'I MDO LAS KYANG, THEG PA RNAM GZHAG YOD MIN TE, ,NGA NI THEG PA GCIG TU SMRA, ,BYIS PA RNAMS NI DRANG BA'I PHYIR, ,THEG PA THA DAD NGAS BSHAD DO, ,ZHES GSUNGS TE, JI SKAD BSTAN ZHE NA, THEG PA NI GCIG KHO NA STE, SANGS RGYAS NYID THOB PAR BYED PA'I THEG PA CHEN PO'O, ,DE YANG DUS YUN RING PO NAS YANG DAG PAR BSGRUB PAR BYA BA DANG, SDUG BSNGAL GRANGS MED PA'I GZHI'I 'KHOR BAR GNAS PAS YANG DAG PAR BSGRUB PAR BYA BA DANG, SHIN TU BYA DKA' BA 'BUM PHRAG DU MAS YANG DAG PAR BSGRUB PAR BYA BA YIN PA'I PHYIR, SNYING STOBS CHUNG NGU RNAMS DE LA MNGON PAR BRTZON PA BYA BAR MI SPRO BAS DE'I PHYIR BCOM LDAN 'DAS KYIS BYIS PA SO SO'I SKYE BO RNAMS DANG, NYAN THOS DANG, RANG SANGS RGYAS DMAN PA LA MOS PA RNAMS DRANG ZHING BSDU BA'I PHYIR THEG PA THA DAD PAR YANG BKA' STZAL TE, 'DI LTAR MNGON PAR BRTZON PA RNAMS KYI DBANG DU MDZAD NAS, THAR PA MYUR BA SRID GSUM GYI, RANG SANGS RGYAS KYI THEG PA RNAM PAR GZHAG PAR @40B MDZAD DO ZHES BSTAN PA YIN NO, ,NYAN THOS DANG RANG SANGS RGYAS DE DAG GIS CI ZHIG MA RTOGS NA, DE'I PHYIR DE DAG SANGS RGYAS NYID 'DOD CE NA, DE'I PHYIR, DE DAG RNAM GROL RNAM PA GSUM, ,CHOS LA BDAG MED NYID DANG NI, ,DE BZHIN MNYAM NYID YE SHES DANG, ,NYON MONGS RNAM PAR GROL BAS SPANGS,, ZHES GSUNGS SO, ,NYAN THOS DANG RANG SANGS RGYAS DANG, SANGS RGYAS KYI CHOS RNAMS DANG BRAL BA DE DAG GI 'GRO BA GANG YIN ZHE NA, DE'I PHYIR, JI LTAR RGYA MTSO SHING ZHIG NI, ,RLABS RNAMS KYIS NI RAB G-YENGS LTAR, ,DE BZHIN NYAN THOS RMONGS PA YANG, ,MTSAN NYID KYIS NI RAB TU G-YENGS, ,ZHES BYA BA GSUNGS TE, JI LTAR BSTAN ZHE NA, GANG GI PHYIR DE DAG GIS CHOS BDAG MED PA MA RTOGS PA DE'I PHYIR, CHOS LA THA SNYAD PA'I RANG GI MTSAN NYID GANG YIN PA DER MNGON PAR ZHEN PAS, DES NA SANGS RGYAS KYI MYA NGAN LAS 'DAS PA'I MTHAR MA PHYIN LA, NYON MONGS PA SPANG BA'I PHYIR NI 'KHOR BAR MI SKYE ZHING 'KHOR BA'I SKYON DAG GIS KYANG GNOD PAR MI 'GYUR TE, DPER NA SHING RGYA MTSO'I NANG NA THAMS CAD DU 'KHYAMS YANG 'BYING BAR MI 'GYUR BA BZHIN TE, JI SKAD DU, DE LA MTHAR THUG YOD MIN ZHING, ,PHYIR YANG LDOG PAR MI 'GYUR RO, ,ZHES GSUNGS PA LTA BU'O, ,GANG GI TSE DE DAG MYA NGAN LAS 'DAS PA'I TING NGE 'DZIN LA SNYOMS PAR 'JUG PA DE'I TSE NA SEMS DANG, YID DANG, RNAM PAR SHES PA'I RNAM PAR RTOG PA THAMS CAD BKAG NAS, BSKAL PA GRANGS MED PA BRGYA PHRAG DU MA 'DA' BAR BYED DE, DE'I PHYIR, TING NGE 'DZIN GYI LUS THOB NAS, ,BSKAL PA'I BAR DU DE MI ZAD, , CES GSUNGS SO, ,DE DAG TING NGE 'DZIN DE LA GNAS PA DAG GI YON TAN NI GANG DAG YIN, KHYAD PAR NI GANG DAG YIN ZHE NA, DE'I PHYIR, NYON MONGS BAG CHAGS KUN KU 'BREL, ,KUN NAS SLONG BA RNAM PAR SPANGS, ,TING NGE 'DZIN GYI MYOS PAS BRGYAL, ,DE DAG ZAG MED DBYINGS NA 'KHOD, ,CES GSUNGS TE, JI SKAD BSTAN ZHE NA, NYON MONGS PA RNAMS KYI BAG CHAGS NI YOD LA, NYON MONGS PA RNAMS KUN TU 'BYUNG BA NI MED DE, 'DU SHES MED PAS BRGYAL BA BZHIN DU 'KHOD DO, ,DE'I PHYIR DE NYID LAS, JI LTAR GLANG CHEN RDZAB SONG BA, ,PHAN TSUN RGYUG PAR MI BYED LTAR, ,TING NGE 'DZIN MYOS PAR @41A *, ,BYING BA YI, ,NYAN THOS RNAMS NI DE BZHIN GNAS, ,ZHES GSUNGS PA LTA BU'O, ,DE DAG GANG GI TSE YUN RING PO 'DAS NAS SAD PAR BYED PA DE'I TSE NA, DE BZHIN GSHEGS PA RNAMS KYIS BSKUL NAS, NYON MONGS PA RNAMS ZAD KYANG SKYE BA LA DBANG THOB PA'I PHYIR YANG SKYE BA KUN TU STON CING, BSOD NAMS DANG YE SHES KYI TSOGS BSGRUB PA YANG BYAS, BAG CHAGS KYI MTSAMS SBYOR BA SPANG BA YANG BYAS NAS, RNAM PA THAMS CAD MKHYEN PA NYID THOB PAR BYED DE, DE NYID LAS, NYAN THOS DANG RANG SANGS RGYAS RNAMS BAG CHAGS RTZAD NAS 'JOMS PA'I SNYOMS PAR 'JUG PA BSGOMS PAS ZAG PA MED PA'I CHOS KYI DBYINGS RTOGS TE, YANG 'JIG RTEN LAS 'DAS PA ZAG PA MED PA CHOS KYI DBYINGS SU RTOGS PA'I TSOGS RNAMS YONGS SU RDZOGS PAR BYAS NAS, CHOS KYI SKU BSAM GYIS MI KHYAB PA LA DBANG BSGYUR BA NYID 'THOB PAR 'GYUR RO ZHES GSUNGS PA DANG, JI SKAD DU; JI LTAR SKYES BU RA RO BA, ,CHANG DANG BRAL NAS SAD PA LAR, ,DE LTAR DE DAG NGA YI SKU, ,SANGS RGYAS CHOS ZHES BYA BA THOB, ,CES GSUNGS PA LTA BU STE, DE LTA BAS NA THEG PA NI GCIG KHO NA'O ZHES BYA BA DE NI LEGS PAR SMRAS PA YIN NO, ,'PHAGS PA BDEN PA POS BSTAN PA'I LE'U LAS KYANG, NGAS NYAN THOS DANG RANG SANGS RGYAS KYI THEG PA RNAM PAR GZHAG PA MED DO, ,DE CI'I PHYIR ZHE NA, DE BZHIN GSHEGS PA NI 'DU SHES SNA TSOGS NYID DANG BRAL BA'I PHYIR RO, ,GAL TE DE BZHIN GSHEGS PA KHA CIG LA THEG PA CHEN PO STON PAR 'GYUR, KHA CIG LA NI RANG SANGS RGYAS KYI THEG PA STON PAR 'GYUR, KHA CIG LA NI NYAN THOS KYI THEG PA STON PAR 'GYUR NA, DE NI DE BZHIN GSHEGS PA'I THUGS YONGS SU MA DAG PA YIN PAR YANG 'GYUR, MNGON PAR ZHEN PA'I SKYON DU YANG 'GYUR, THUGS RJE CHEN PO NYI TSE BAR YANG 'GYUR, 'DU SHES SNA TSOGS NYID KYI SKYON DU YANG 'GYUR, NGAS CHOS LA SLOB DPON GYI DPE MKHYUD BYAS PAR YANG 'GYUR BA ZHIG NA, 'DI LTAR NGA NI SEMS CAN RNAMS LA CHOS GANG DANG GANG STON PA DE DANG DE THAMS CAD 'DI LTA STE, THAMS CAD MKHYEN PA'I YE SHES THOB PAR BYA BA'I PHYIR, BYANG CHUB LA GZHOL BA, THEG PA CHEN PO LA 'BAB PA, THAMS CAD MKHYEN PA NYID LA BAB PA, PHYOGS @41B GCIG YANG DAG PAR THOB PAR BYED PA YIN NO ZHES JI SKAD GSUNGS PA LTA BU STE, DE LTA BAS NA THEG PA THA DAD PAR RNAM PAR GZHAG PA MED DO, ,SDE PA GZHAN DAG GI GZHUNG LAS KYANG, GANG GIS RDZU 'PHRUL GYI RKANG PA BZHI PO 'DI DAG KUN DU BSTAN ZHING GOMS PAR BYAS LAN MANG DU BYAS PA DE NI 'DOD NA BSKAL PA'AM; BSKAL PA LAS LHAG PAR 'JUG PAR 'GYUR TE, BSKAL PA LAS LHAG PA ZHES BYA BA NI BSKAL PA GRANGS MED PA DU MA DAG TU TSE BYIN GYIS BRLABS NAS SANGS RGYAS KYI CHOS BSGRUBS TE, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BA'O, ,DE LTA BAS NA SANGS RGYAS BCOM LDAN 'DAS RNAMS NI SANGS RGYAS KYI RIGS CAN RNAMS DANG, MA NGES PA'I RIGS CAN RNAMS NYAN THOS DANG RANG SANGS RGYAS NYID DU SEMS BSKYED PA LAS BZLOG PAR MDZAD DE, 'DI LTAR TING NGE 'DZIN DE LA GNAS PA RNAMS NI SEMS CAN GYI DON MTHA' YAS PA LAS YONGS SU NYAMS PA DANG, DAD PA LA SOGS PA'I DBANG PO RNAMS KYANG PHYI ROL PA SRID PA'I RTZE MO NAS SHI 'PHOS PA DAG GI LTAR RTUL POR 'GYUR BA'I PHYIR RO, ,NYAN THOS DANG RANG SANGS RGYAS KYI RIGS CAN RNAMS NI NGES PAR MYA NGAN LAS 'DAS PA BSTI GNAS DER BSTIS NAS, PHYIS RIM PA DE NYID KYIS BLA NA MED PA YANG DAG PAR RDZOGS PA'I BYANG CHUB 'THOB PAR 'GYUR RO ZHES GSUNGS SO,, ,,BAM PO LNGA PA, ZHAR LA BSHAD PAS CHOG GI ,DA NI SKABS NYID BSGRUB PAR BYA STE, DE LA 'GAG PA MED PA ZHES BYA BA LA SOGS PA TSIG GI DON BRGYAD PO GANG DAG SMRAS PA DE DAG GI DON DAG MTHUN PA'I MING NI GANG DAG YIN, 'GAG PA MED PA ZHES BYA BAS NI CI ZHIG BSTAN, DON GCIG MIN ZHES BYA BA'I BAR GYIS KYANG CI ZHIG BSTAN ZHE NA, DE'I PHYIR 'GAG PA ZHES BYA BA NI 'JIG PA'O ZHES BYA BA SMRAS TE, 'JIG PA DANG, MED PA DANG, NYAMS PA GANG YIN PA DE NI 'GAG PA ZHES BYA'O, ,SKYE ZHES BYA BA NI 'BYUNG BA'O ZHES BYA BA STE 'BYUNG BA DANG SRID PA DANG 'PHEL BA GANG YIN PA DE NI SKYE ZHES BYA'O, ,CHAD PA ZHES BYA BA NI RGYUN CHAD PA'I ZHES BYA BA LA, RGYUN ZHES BYA BA NI RGYUN CHAGS SU BAR DU MA CHOD PAR 'BREL PA STE, DPER NA MAR ME'I ME LCE 'BAR BA DANG, CHU'I 'OD PA 'BAB PA'I RGYUN 'BAB PA'I RGYUN LTA BU'O, ,RGYUN DE CHAD @42A *, ,PA NI BAR DU CHAD CING MI 'BYUNG BA STE DE NI CHAD PA ZHES BYA'O, ,RTAG PA ZHES BYA BA NI DUS THAMS CAD DU GNAS PA'O ZHES BYA BA NI GANG LA DUS THAMS CAD DU GNAS PA'I NGANG TSUL YOD PA STE, RNAM PA GANG GIS SNGON NYE BAR MTSON PAR GYUR PA'I RNAM PA DE NYID KYIS PHYIS KYANG NYE BAR MTSON PAR 'GYUR ZHING MI 'GYUR BA DE NI RTAG PA ZHES BYA'O, ,'ONG BA ZHES BYA BA NI TSUR 'ONG BA'O ZHES BYA BA NI YUL THAG RING PO NAS YUL THAG NYE BAR TSUR 'ONG BA NI 'ONG BA ZHES BYA'O, ,'GRO ZHES BYA BA NI PHAR 'GRO BA'O ZHES BYA BA NI YUL THAG NYE BA NAS YUL THAG RING POR PHAR 'GRO BA NI 'GRO ZHES BYA'O, ,THA DAD DON ZHES BYA BA NI DON THA DAD PA'O ZHES BYA BA NI KHA DOG DANG SGRA SKUD DANG, RNAM PA DANG YON TAN DAG GIS DON THA DAD PA STE, DPER NA CHU LA ME LTA BU DE NI DON THA DAD PA ZHES BYA'O, ,DON GCIG CES BYA BA NI DON THA MI DAD PA STE GZHAN MA YIN PA ZHES BYA BA GANG YIN PA'O ZHES BYA BA NI GANG LA KHA DOG DANG SGRA SKAD DANG RNAM PA DANG YON TAN DAG GIS DON THA DAD PA MED PA STE, DPER NA CHU LA ME LTA BU MA YIN PA DE NI DON GCIG CES BYA'O, ,DE LA 'GAG PA MED PA ZHES BYA BA NI 'DI LA 'GAG PA YOD PA MA YIN PA'O ZHES BYA BAS JI SKAD BSTAN ZHE NA, 'JIG PA DANG MED PA DANG NYAMS PA ZHES BYA BA'I SGRAS BSTAN PA'I 'GAG PA GANG YIN PA DE NI CHOS KYI DE KHO NA RTOGS PA MED PA'I TSUL GYIS RTOGS PA 'DI LA MED PA'O, ,'DI LTAR DE LA NI RTOGS PAR BYA BA CUNG ZAD KYANG MED DE, LUNG LAS, DE LA CHOS RDUL TZAM YANG DMIGS SU MED PA DES NA BLA NA MED PA YANG DAG PAR RDZOGS PA'I BYANG CHUB CES BYA'O ZHES JI SKAD GSUNGS PA LTA BU'O, ,DE'I PHYIR PHYI ROL LAM NANG NGAM 'JIG RTEN PA'AM 'JIG RTEN LAS 'DAS PA'I CHOS 'GA' LA YANG 'GAG PA MED PA DE DMIGS SU MED PAS 'GAG PA MED PA ZHES BYA'O, ,DON GCIG MIN ZHES BYA BA'I BAR DU YANG 'DI LA DON GCIG PA YOD PA MA YIN PA'O ZHES BYA BAS NI 'DI SKAD BSTAN TE, JI LTAR 'JIG PA DANG, MED PA DANG, NYAMS PA ZHES BYA BA'I SGRAS BSTAN PA'I 'GAG PA GANG DAG YIN PA DE CHOS KYI DE KHO NA RTOGS PA MED PA'I TSUL GYIS RTOGS PA 'DI LA MED PA DE BZHIN DU, SKYE BA DANG, CHAD PA DANG, RTAG PA DANG, 'ONG BA DANG, 'GRO BA DANG, DON THA DAD PA DANG, DON GCIG PA ZHES BYA BA'I SGRAS BSTAN @42B PA GANG DAG YIN PA DE DAG KYANG CHOS KYI DE KHO NA RTOGS PA MED PA'I TSUL GYIS RTOGS PA 'DI LA MED PA'O, ,DE LA KHA CIG NA RE, 'GAG PA DANG, SKYE BA DANG, THA DAD PA NYID DANG, GCIG PA NYID BKAG PA NI DON DAM PAR RO, ,CHAD PA DANG RTAG PA BKAG PA NI THA SNYAD DU'O, ,'ONG BA DANG 'GRO BA BKAG PA NI GNYI GAR RO ZHE'O ZHES BYA BA LA, DE LA ZHES BYA BA NI 'GAG PA MED PA ZHES BYA BAS 'GAG PA BKAG PA DANG, SKYE BA MED PA ZHES BYA BAS SKYE BA BKAG PA DANG, CHAD PA MED PA ZHES BYA BAS CHAD PA BKAG PA DANG, RTAG PA MED PA ZHES BYA BAS RTAG PA BKAG PA DANG, 'ONG BA MED PA ZHES BYA BAS 'ONG BA BKAG PA DANG, 'GRO BA MED PA ZHES BYA BAS 'GRO BA BKAG PA DANG, THA DAD DON MIN ZHES BYA BAS THA DAD PA NYID BKAG PA DANG, DON GCIG MIN ZHES BYA BAS DON GCIG PA NYID BKAG PA JI SKAD BSTAN PA DE LA'O, ,KHA CIG NA RE ZHES BYA BA NI DBU MA PA'I GRUB PA'I MTHA' SMRA BA KHA CIG NA RE'O, ,'GAG PA DANG SKYE BA DANG THA DAD PA NYID DANG GCIG PA NYID BKAG PA NI DON DAM PAR RO ZHES BYA BA NI DNGOS PO RNAMS KYI 'GAG PA DANG SKYE BA DANG THA DAD PA NYID DANG MTSAN NYID GCIG PA NYID NI DON DAM PAR BKAG GO , ,KUN RDZOB TU NI MA BKAG STE, ,'DI LTAR KUN RDZOB TU NI 'JIG RTEN GYI THA SNYAD DU DNGOS PO THAMS CAD LA 'GAG PA YANG YOD, SKYE BA YANG YOD PA'I PHYIR DANG, BUM PA DANG SNAM BU LA SOGS PA THA DAD PA NYID KYANG YOD PA'I PHYIR DANG, LHAS BYIN NI MCHOD SBYIN LA SOGS PA GZHAN MED PAS GCIG PA NYID DO ZHES BRJOD PA'I PHYIR RO, ,CHAD PA DANG RTAG PA BKAG PA NI THA SNYAD DU'O ZHES BYA BA NI DNGOS PO RNAMS KYI CHAD PA DANG RTAG PA BKAG PA NI DON DAM PAR BKAG PA 'BA' ZHIG TU MA ZAD KYI, KUN RDZOB KYI THA SNYAD DU YANG BKAG PA STE, 'DI LTAR KUN RDZOB TU YANG DNGOS PO RNAMS LA CHAD PA DANG RTAG PA MED DE, BSKAL PA'I DANG PO TSUN CHAD NAS RTZVA LA SOGS PA'I RGYUN 'BREL PA DAG DA DUNG YANG RGYUN CHAD PA MED PA'I PHYIR DANG; 'JIG RTEN NA DNGOS PO THAMS CAD MI RTAG PAS RTAG PA 'GA' YANG MI SNANG BA'I PHYIR RO, ,'ONG BA DANG 'GRO BA BKAG PA NI GNYI GAR RO ZHES BYA BA NI DNGOS PO RNAMS KYI 'ONG BA DANG 'GRO BA BKAG PA NI KUN RDZOB DANG DON DAM PA GNYI GAR BKAG STE, 'DI LTAR KUN RDZOB TU YANG 'DUS BYAS THAMS @43A *, ,CAD SKAD CIG GCIG LA 'JIG PA'I NGANG CAN YIN PAS 'ONG BA DANG 'GRO BA MED DO ZHES GRUB PA'I MTHA' LAS GSUNGS PA'I PHYIR DANG, DON DAM PAR YANG SLOB DPON NYID KYIS 'ONG BA DANG 'GRO BA BRTAG PA'I SKABS NAS 'ONG BA DANG 'GRO BA DGAG PA MDZAD PA'I PHYIR RO, ,DE LTAR DNGOS PO KHA CIG DON DAM PAR BKAG PA DANG, KHA CIG THA SNYAD DU BKAG PA DANG, KHA CIG GNYI GAR BKAG PA'I TSUL DU BSHAD PA 'DI NI, 'JIG RTEN DANG 'GAL BA SPANG BA'I PHYI DANG, LUNG DANG 'GAL BA SPANG PA'I PHYIR BSHAD PA YIN TE, 'DI LTAR KHA CIG DNGOS PO RNAMS KUN RDZOB TU BKAG PAR 'DOD PA NI 'JIG RTEN DANG 'GAL BA YIN LA, KHA CIG DNGOS PO RNAMS DON DAM PAR BKAG PAR 'DOD PA'I LUNG DANG 'GAL BA YIN PA'I PHYIR RO, ,GZHAN MA YIN PA NI 'DIR THAMS CAD DON DAM PAR BKAG STE NGES PAR GZUNG BA'I PHYIR RO, ,GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYIS BZHED PA MCHOG YIN PA'I PHYIR RO ZHES ZER RO ZHES BYA BA LA, GZHAN MA YIN PA NI ZHES BYA BA NI GZHAN MA YIN PAS RANG NYID YIN TE, 'GREL PA BYED PA NYID YIN NO, ,DE'I PHYIR 'GREL PA BYED PA NYID NI 'DIR 'GAG PA DANG, SKYE BA LA SOGS PA DGAG PA NI THAMS CAD DON DAM PAR BKAG PA PA YIN NO ZHES ZER BAR SBYAR RO, ,'DIR ZHES BYA BA NI 'GAG PA DANG SKYE BA LA SOGS PA DGAG PA'I SKABS 'DIR RO, ,THAMS CAD CES BYA BA NI 'GAG PA DANG SKYE BA LA SOGS PA THAMS CAD DO, ,DON DAM PAR BKAG STE ZHES BYA BA NI DON DAM PAR 'GAG PA DANG SKYE BA LA SOGS PA MED PA YIN TE, CI'I PHYIR ZHE NA, GANG GI TSE SLOB DPON DON DAM PA'I MTSAN NYID RTOGS PAR MDZAD PA DE'I TSE NA SHES RAB KYI PHA ROL TU PHYIN PA'I TSUL BSTAN PA 'DIR DNGOS PO RNAMS KYI 'GAG PA DANG, SKYE BA DANG, CHAD PA DANG, RTAG PA DANG, 'ONG BA DANG, 'GRO BA DANG, DON THA DAD PA DANG, DON GCIG PA ZHES BYA BA DAG DGAG PAR BZHED PA'I PHYIR RO ZHES ZER RO, ,CI'I PHYIR DE DAG THAMS CAD DON DAM PAR DGAG CE NA, DE'I PHYIR NGES PAR GZUNG BA'I PHYIR RO ZHES BYA BA SMRAS TE, 'DI LTAR TSIG THAMS CAD NI GDON MI ZA BAR NGES PAR GZUNG BAR BYA BA YIN LA, NGES PAR GZUNG BAR BYA BA DE YANG DON @43B DAM PA'I YUL KHO NA LA YIN GYI, KUN RDZOB KYI YUL LA NI MA YIN PA'I PHYIR RO, ,GZHAN DU YANG MI 'GAL TE ZHES BYA BA NI DNGOS PO RNAMS KYI 'GAG PA DANG, SKYE BA LA SOGS PA DE DAG NGES PAR GZUNG BA LAS DON DAM PAR DGAG PA 'BA' ZHIG TU YANG MA ZAD DE, 'DI LTAR RNAM PA GZHAN DU YANG 'JIG RTEN DANG YANG MI 'GAL ZHING, LUNG DANG YANG MI 'GAL LA, 'GAG PA DANG SKYE BA LA SOGS PA DE DAG THAMS CAD DON DAM PAR BKAG PA YANG YIN NO, ,RNAM PA GZHAN YANG GANG ZHE NA, DE'I PHYIR KHYAD PAR GYI GZHI KHYAD PAR JI SKAD BSTAN PA LA 'GAL BA MED PA'I PHYIR DANG ZHES BYA BA SMRAS SO; ,GANG LA 'JIG RTEN DANG 'GAL BA DANG LUNG DANG 'GAL BA MED CE NA, DE'I PHYIR KHYAD PAR GYI GZHI'I KHYAD PAR JI SKAD BSTAN PA LA ZHES BYA BA SMRAS TE, KHYAD PAR GYI GZHI SHES RAB KYI PHA ROL TU PHYIN PA'I TSUL RTEN CING 'BREL PAR 'BYUNG BA GANG LA KHYAD PAR 'GAG PA MED PA DANG, SKYE BA MED PA LA SOGS PA YOD PA SNGAR JI SKAD BSTAN PA DE NI KHYAD PAR GYI GZHI'I KHYAD PAR JI SKAD BSTAN PA STE DE LA'O, ,DE LA 'GAL BA MED PA'I PHYIR ZHES BYA BA NI, DE LA 'JIG RTEN DANG 'GAL BA DANG, LUNG DANG 'GAL BA MED PA'I PHYIR TE, GANG GI PHYIR DE LA DON GYIS NYES PA MED PA DE'I PHYIR, GZHAN GYI 'JIG RTEN DANG 'GAL BA DANG, LUNG DANG 'GAL BA YOD DO ZHES RGAL BAR MI NUS SO, ,YANG NA GZHAN DU YANG MI 'GAL TE ZHES BYA BA NI, NGES PAR GZUNG BA'I PHYIR MI 'GAL BA DANG, DON GYIS NYES PA MED PA'I PHYIR MI 'GAL BA 'BA' ZHIG TU YANG MA ZAD DE, 'DI LTAR MDZAD PA POS BSTAN PA NYID KYI BZHED PA MCHOG YIN PA'I PHYIR YANG MI 'GAL TE, 'GAG PA DANG SKYE BA LA SOGS PA DE DAG THAMS CAD DON DAM PAR BKAG PA YIN NO, ,MDZAD PA POS BSTAN PA NYID KYIS ZHES BYA BA NI SGRA'I BSTAN BCOS KYI MTSAN NYID LAS BYED PA PO'I 'DOD PA MCHOG NI LAS YIN NO ZHES 'BYUNG BAS, 'DIR YANG RTEN CING 'BREL BAR 'BYUNG BA BDEN PA GNYIS SU BSTAN PA'I PHRIN LAS LA STON PAR MDZAD PA'I MDZAD PA PO NI BCOM LDAN 'DAS YIN LA, BCOM LDAN 'DAS KYIS KUN RDZOB KYI BDEN PA DANG, DON DAM PA'I BDEN PA GNYI GA BSTAN PA'I SGO NYID KYIS SO, ,BZHED PA MCHOG YIN PA'I PHYIR RO ZHES BYA BA NI MDZAD PA PO BCOM LDAN 'DAS KYIS KUN RDZOB @44A *, ,KYI BDEN PA YANG BSTAN PAR BZHED LA, DON DAM PA'I BDEN PA YANG BSTAN PAR BZHED PA LAS SKABS 'DIR BCOM LDAN 'DAS KYIS BSTAN PAR BZHED PA MCHOG NI DON DAM PA'I BDEN PA YIN PA'I PHYIR MDZAD PA PO'I BZHED PA MCHOG GI PHRIN LAS DON DAM PA YIN PAS, 'GAG PA DANG; SKYE BA DANG CHAD PA DANG, RTAG PA DANG, 'ONG BA DANG, 'GRO BA DANG, DON THA DAD PA DANG, DON GCIG PA ZHES BYA BA DE DAG THAMS CAD DON DAM PAR BKAG PA KHO NA YIN PAR SHES PAR BYA'O, ,DE LTAR YANG BCOM LDAN 'DAS KYIS BCOM LDAN 'DAS MA SHES RAB KYI PHA ROL TU PHYIN PA LAS, RAB 'BYOR 'DI DAG THAMS CAD NI THA SNYAD DU BSTAN PA YIN GYI DON DAM PAR NI MA YIN NO ZHES GSUNGS PA'I PHYIR RO, ,SPROS PA NYER ZHI ZHES BYA BA NI BRJOD PA'I BDAG NYID LA MNGON PAR ZHEN PA ZHI BA'I PHYIR RO ZHES BYA BA LA, BRJOD PA ZHES BYA BA NI BRJOD PAR BYA BA'I DNGOS PO RNAMS MNGON SUM DU BYAS TE TSIG GI SBRAR BRJOD PA NI BRJOD PA ZHES BYA'O, ,BDAG NYID LA ZHES BYA BA NI BRJOD PA DE'I NGO BO NYID LA'O, ,MNGON PAR ZHEN PA ZHES BYA BA NI BRJOD PA'I BDAG NYID GANG LA MNGON PAR ZHEN PA DANG, CHAGS PA DANG, LHAG PAR CHAGS PA YOD PA DE NI BRJOD PA'I BDAG NYID LA MNGON PAR ZHEN PA'O, ,ZHI BA'I PHYIR RO ZHES BYA BA NI NYE BAR ZHI BA'I PHYIR TE, BRJOD PA'I BDAG NYID LA MNGON PAR ZHEN PA DE ZHI BA'I PHYIR SPROS PA NYER ZHI ZHES BYA'O, ,'DI LTAR GANG LA BRJOD PAR 'DOD PA'I MNGON PAR ZHEN PA YOD PA DE LA BRJOD PA'I BDAG NYID KYI SPROS PA 'BYUNG GI ,GANG LA BRJOD PAR 'DOD PA'I MNGON PAR ZHEN PA MED PA DE LA BRJOD PA'I BDAG NYID KYI SPROS PA MI 'BYUNG ZHING NYE BAR ZHI BAR 'GYUR BA'I PHYIR RO, ,ZHI ZHES BYA BA NI GNOD PA THAMS CAD DANG BRAL BA'I PHYIR RAM, NGO BO NYID KYIS STONG PA'I PHYIR RO ZHES BYA BA LA, GNOD PA THAMS CAD DANG BRAL BA'I PHYIR ZHES BYA BA NI 'DI LAS DBUL BA LA SOGS PA'I SDUG BSNGAL GYIS GNOD PAR GYUR PA NI GZHAN GYI NOR DBROG PA LA SOGS PA LA BRTZON PA'I PHYIR MA ZHI BA YIN LA, ZHE SDANG LA SOGS PA NYON MONG PA SKYES PAS KYANG GNOD PA BYED PAS MA ZHI BA YIN GYI, RTEN CING 'BREL BAR 'BYUNG BA 'DI NI GNOD PA THAMS CAD DANG BRAL BA'I PHYIR ZHI BA YIN NO, ,NGO BO NYID KYIS STONG PA'I PHYIR RO ZHES BYA BA NI SKYE BA MED @44B PA'I MTSAN NYID YIN PAS NGO BO NYID KYIS STONG PA STE, DE'I PHYIR YANG ZHI BZHES BYA'O, ,BSTAN PA ZHES BYA BA NI BKA' STZAL PA'O ZHES BYA BA NI, GANG GIS RTEN CING 'BREL PAR 'BYUNG, 'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, , SPROS PA NYER ZHI ZHI BSTAN PA, ,ZHES BYA BA DANG SBYAR TE, GANG GIS BSTAN CING BKA' STZAL PA ZHES BYA BA'I THA TSIG GO , ,RDZOGS PA'I SANGS RGYAS ZHES BYA BA NI BCOM LDAN 'DAS TE, CHOS DANG GANG ZAG BDAG MED PA NYID YANG DAG PA PHYIN CI MA LOG PAR THUGS SU CHUD PA'I PHYIR RO ZHES BYA BA NI, THEG PA CHEN PO 'DI LA BDAG MED PA NI RNAM PA GNYIS TE, CHOS BDAG MED PA DANG, GANG ZAG BDAG MED PA'O, ,DE LA CHOS ZHES BYA BA NI KUN RDZOB DANG DON DAM PA'I BDEN PA GNYIS KYI MTSAN NYID 'DZIN PAS NA CHOS RNAMS SO, ,GANG ZAG CES BYA BA NI 'KHOR BAR YANG DANG YANG DU 'GRO BA LEN PA'AM, YANG DANG YANG DU LEN CING 'GRO BAS NA GANG ZAG GO, ,CHOS DE DAG DANG GANG ZAG DE BDAG MED PA ZHES BYA BA NI CHOS DE DAG DANG GANG ZAG DE'I NGO BO NYID DANG BRAL BA'O, ,NYID CES BYA BA NI CHOS DANG GANG ZAG BDAG MED PA'I DNGOS PO NI CHOS DANG GANG ZAG BDAG MED PA NYID DO, ,DE YANG DAG PA PHYIN CI MA LOG PAR THUGS SU CHUD PA ZHES BYA BA NI CHOS DANG GANG ZAG BDAG MED PA NYID YANG DAG PA JI LTA BA BZHIN PHYIN CI MA LOG PAR THUGS SU CHUD PA'O, ,'DI LTAR CHOS DE DAG DANG GANG ZAG DE LA PHYIN CI LOG TU RTOGS PA NI JI LTAR DON DAM PAR CHOS RNAMS DANG GANG ZAG BDAG MED PA DE BZHIN DU KUN RDZOB TU YANG GTAN MED DO SNYAM PA'AM, JI LTAR KUN RDZOB TU DNGOS PO THAMS CAD YOD PA DE BZHIN DU DON DAM PAR YANG DNGOS PO THAMS CAD YOD DO SNYAM PA'O, ,DE LAS ZLOG PA NI YANG DAG PA PHYIN CI MA LOG PAR THUGS SU CHUD PA'O, ,PHYIR RO ZHES BYA BA NI DE YANG DAG PA PHYIN CI MA LOG PAR THUGS SU CHUD PA'I PHYIR BCOM LDAN 'DAS NI RDZOGS PA'I SANGS RGYAS ZHES BYA'O, ,YANG NA YANG DAG PAR SANGS RGYAS PA DANG, THAMS CAD SANGS RGYAS PA'I PHYIR YANG DAG PAR RDZOGS PA'I SANGS RGYAS ZHES KYANG BYA'O, ,YANG NA 'PHAGS PA PHYIR MI LDOG PA'I 'KHOR LO'I MDO LAS BCOM LDAN 'DAS NYID KYIS, DES NI CHOS KUN DNGOS @45A *, ,MED PA; ,SPROS MED NGO BO NYID MED CING, ,SPRUL PA LTA BUR SANGS RGYAS PAS, ,DES NA SANGS RGYAS ZHES BYA'O, ,ZHES JI SKAD GSUNGS PA LTA BU'O, ,SMRA RNAMS KYI ZHES BYA BA NI SMRA BA NYAN THOS DANG RANG SANGS RGYAS DANG BYANG CHUB SEMS DPA' RNAMS KYIS TE, RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG BYANG GROL THOB PAR BYED PA'I LAM NYE BAR STON PAR BYED PA'I PHYIR RO ZHES BYA BA LA, SMRA RNAMS ZHES BYA BA DE RNAMS NI GANG DAG YIN, DE DAG CI ZHIG SMRA BA'I PHYIR NI SMRA RNAMS ZHES BYA ZHE NA, DE'I PHYIR SMRA RNAMS ZHES BYA BA NI SMRA BA NYAN THOS DANG, RANG SANGS RGYAS DANG, BYANG CHUB SEMS DPA' RNAMS TE DE RNAMS KYI'O, ,DE DAG CI ZHIG SMRA BA'I PHYIR NI SMRA RNAMS ZHES BYA ZHEN, DE'I PHYIR RTEN CING 'BREL BAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG BYANG GROL THOB PAR BYED PA'I LAM NYE BAR STON PAR BYED PA'I PHYIR RO ZHES BYA BA SMRAS TE, SMRA BA NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYANG RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG, BYANG GROL THOB PAR BYED PA'I LAM NYE BAR STON PAR BYED PA'I PHYIR SMRA RNAMS ZHES BYA'O ZHES BYA BAR SBYAR RO, ,DE LA RTEN CING 'BREL PAR 'BYUNG BA PHYIN CI MA LOG PAR STON PAR BYED PA ZHES BYA BA NI MA RIG PA'I RKYEN GYIS 'DU BYED RNAMS ZHES BYA BA LA SOGS PA RTEN CING 'BREL PAR 'BYUNG BA'I YAN LAG BCU GNYIS LUGS SU 'BYUNG BA DANG, LUGS LAS BZLOG PA'I TSUL PHYIN CI MA LOG PAR STON PAR BYED PA'O, ,NYID CES BYA BA NI RTEN CING 'BREL PAR 'BYUNG BA PHYIN CI MA LOG PAR STON PAR BYED PA'I DNGOS PO NI RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID DO, ,DE'I PHYIR RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID DES MTHO RIS DANG, BYANG GROL THOB PAR BYED PA'I LAM NYE BAR STON PAR BYED PA'I PHYIR SMRA RNAMS ZHES BYA'O, ,DE LA MTHO RIS ZHES BYA BA NI 'DOD PA'I KHAMS KYI LHA DANG, MI RNAMS DANG, GZUGS KYI KHAMS DANG, GZUGS MED PA'I KHAMS ZHES BYA BA DAG GO, ,BYANG GROL ZHES BYA BA NI PHUNG PO'I LHAG MA DANG BCAS PA DANG, PHUNG PO'I LHAG MA MED PA ZHES BYA @45B BA'I MYA NGAN LAS 'DAS PA RNAM PA GNYIS SO, ,THOB PAR BYED PA'I LAM ZHES BYA BA NI MI BSLU BA'I LAM GANG YIN PA STE, 'DI LTA STE MTHO RIS DANG 'DOD PA'I KHAMS KYI LHA DANG, MI RNAMS THOB PAR BYED PA'I LAM NI DGE BA BCU'I LAS KYI LAM RNAMS SO, ,MTHO RIS GZUGS KYI KHAMS THOB PAR BYED PA'I LAM NI BSAM GTAN BZHI PO RNAMS SO, ,MTHO RIS GZUGS MED PA'I KHAMS THOB PAR BYED PA'I LAM NI GZUGS MED PA'I SNYOMS PAR 'JUG PA BZHI PO RNAMS SO, ,BYANG GROL RNAM GNYIS THOB PAR BYED PA'I LAM NI YANG DAG PA'I LTA BA LA SOGS PA'I MTSAN NYID KYIS BSDUS PA 'PHAGS PA'I LAM YAN LAG BRGYAD PO 'KHOR DANG BCAS PA'O, ,NYE BAR STON PAR BYED PA'I PHYIR RO ZHES BYA BA NI, DE LTAR SMRA BA NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYANG RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG BYANG GROL THOB PAR BYED PA'I LAM NYE BAR STON PAR BYED PA'I PHYIR SMRA RNAMS ZHES BYA'O, ,DAM PA ZHES BYA BA NI MTSOG CES BYA STE, GANG GIS RTEN CING 'BREL PAR 'BYUNG BA 'GAG PA MED PA DANG, SKYE BA MED PA LA SOGS PA'I MTSAN NYID JI SKAD SMOS PA DANG LDAN PA BSTAN PA, RDZOGS PA'I SANGS RGYAS DE NI SMRA BA NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI DAM PA MCHOG YIN TE, DE LA PHYAG 'TSAL LO ZHES BYA BAR SBYAR RO, ,'DIR GZHAN DAG NA RE, GAL TE NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYANG RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG BYANG GROL THOB PAR BYED PA'I LAM NYE BAR STON PAR BYED PA YIN NA, 'O NA GANG GIS RTEN CING 'BREL BAR 'BYUNG BA STON PA, RDZOGS PA'I SANGS RGYAS DE NYAN THOS DANG RANG SANGS RGYAS DANG, BYANG CHUB SEMS DPA' SMRA BA RNAMS KYI DAM PA MCHOG TU JI LTAR 'GYUR ZHES ZER BA'I PHYOGS SNGA MA KHONG NAS DBYUNG BA DE'I LAN DU 'DIR 'GREL PA BYED PAS, JI LTAR SMOS PA'I KHYAD PAR PHYIN CI MA LOG PA DANG LDAN PA'I RTEN CING 'BREL PAR 'BYUNG BA GSUNGS PA'I PHYIR RO ZHES BYA BA SMRAS SO, ,JI SKAD SMOS PA'I KHYAD PAR PHYIN CI MA LOG PA DANG LDAN PA'I RTEN CING 'BREL PAR 'BYUNG BA ZHES BYA BA NI RTEN CING 'BREL BAR 'BYUNG @46A *, ,BA GANG LA SNGAR JI SKAD SMOS PA'I KHYAD PAR 'GAG PA MED PA DANG, SKYE BA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG, SPROS PA NYE BAR ZHI BA DANG, ZHI BA ZHES BYA BA PHYIN CI MA LOG PA DAG YOD PA DE NI JI SKAD SMOS PA'I KHYAD PAR PHYIN CI MA LOG PA DANG LDAN PA'I RTEN CING 'BREL PAR 'BYUNG BA YIN NO, ,GSUNGS PA'I PHYIR RO ZHES BYA BA NI BCOM LDAN 'DAS NI DE LTAR JI SKAD SMOS PA'I KHYAD PAR PHYIN CI MA LOG PA DANG LDAN PA'I RTEN CING 'BREL BAR 'BYUNG BA DE LTA BU GSUNGS PA YIN LA, NYAN THOS DANG, RANG SANGS RGYAS DANG, BYANG CHUB SEMS DPA' RNAMS NI, DE LTA BU SMRA BA MA YIN PAS, DE'I PHYIR BCOM LDAN 'DAS NI, DE RNAMS KYI DAM PA MCHOG CES BYA'O, ,DE'I PHYIR DE LA PHYAG 'TSAL LO ZHES BYA BA NI, DE LA PHYAG 'TSAL BA NI 'DUD PAR BYA BA 'DI YIN NO ZHES BYA BA'I THA TSIG GO; ,'DIR KHA CIG NA RE, GAL TE RTEN CING 'BREL BAR 'BYUNG NA NI JI LTAR SKYE BA MED PA YIN, JI LTAR SKYE BA MED NA NI RTEN CING 'BREL BAR 'BYUNG ZHES BYAR YANG MI RUNG BAS RANG GI TSIG DANG 'GAL ZHING DAM BCAS PA'I SKYON DU 'GYUR TE, DE NYID KYIS DE'I DON LA SKUR PA BTAB PA'I PHYIR, DPER NA SMRAS PA THAMS CAD BRDZUN NO ZHES BYA BA LTA BU'O ZHES ZER RO, ,ZHES BYA BA NI RGOL BA SNGA MA DE DAG NYID BRDA SPROD PA PA'I GZHUNG LAS GRAGS PA SGRA'I MTSAN NYID KYIS RTEN CING 'BREL BAR 'BYUNG BA'I SGRA LA KLAN KA'I SKABS MA RNYED NAS, 'DIR RIGS PA CAN GYI SGYU THABS KYIS RIGS PA'I BSTAN BCOS GZHAN KLOG CING SGRA'I NYES PAS SKYON 'DOGS PAR BYED PA YIN NO, ,DE LA 'DIR ZHES BYA BA NI DE LTAR RTEN CING 'BREL BAR 'BYUNG BA'I SGRA GRUB PA'I SKABS 'DIR RO, ,KHA CIG NA RE, ZHES BYA BA NI RGOL BA SNGA MA DE DAG NYID NA RE'O, ,GAL TE RTEN CING 'BREL PAR 'BYUNG NA NI JI LTAR SKYE BA MED PA YIN, JI STE SKYE BA MED NA NI RTEN CING 'BREL BAR 'BYUNG ZHES BYAR YANG MI RUNG BAS RANG GI TSIG DANG 'GAL ZHING DAM BCA' BA'I SKYON DU 'GYUR TE ZHES BYA BA 'DI NI PHYOGS YIN NO, ,DE LA GAL TE, RTEN CING 'BREL BAR 'BYUNG NA NI, ,JI LTAR SKYE BA MED PA YIN, ,ZHES BYA BA NI, 'DI LTA STE, DBU MA PA KHYOD KYIS RTEN CING 'BREL BAR 'BYUNG BA SKYE BA MED PA LA SOGS PA'I @46B MTSAN NYID DANG LDAN PA BSTAN PA DE LA 'DIR RTEN CING 'BREL BAR 'BYUNG ZHES BYA BA NI KHYAD PAR GYI GZHI YIN LA, SKYE BA MED PA LA SOGS PA NI DE'I KHYAD PAR YIN PAR BSTAN PAS, DES NA 'DIR RTEN CING 'BREL PAR 'BYUNG ZHES BYA BA'I SGRA DANG, SKYE BA MED PA ZHES BYA BA'I SGRAR 'GAL BA DANG, GAL TE RTEN CING 'BREL PAR 'BYUNG BA YIN NA NI JI LTAR SKYE BA MED PA YIN ZHES ZER RO, ,JI STE SKYE BA MED NA NI RTEN CING 'BREL BAR 'BYUNG ZHES BYAR YANG MI RUNG BAS ZHES BYA BA YANG DE LTAR DBU MA PA KHYOD KYI RTEN CING 'BREL BAR 'BYUNG BA SKYE BA MED PA LA SOGS PA'I MTSAN NYID DANG LDAN PA BSTAN PA DE LA, 'DIR SKYE BA MED PA LA SOGS PA NI KHYAD PAR YIN LA, RTEN CING 'BREL PAR 'BYUNG ZHES BYA BA NI DE DAG GI KHYAD PAR GYI GZHI YIN PAR BSTAN PAS, DES NA 'DIR SKYE BA MED PA ZHES BYA BA'I SGRA DANG, RTEN CING 'BREL PAR 'BYUNG BA ZHES BYA BA'I SGRAR 'GAL BAS, CI STE SKYE BA MED PA YIN NA NI RTEN CING 'BREL PAR 'BYUNG ZHES BYAR YANG ME RUNG BAS ZHES ZER RO, ,RANG GI TSIG DANG 'GAL ZHING DAM BCAS PA'I SKYON DU 'GYUR TE ZHES BYA BA NI DE'I PHYIR DBU MA PA KHYED KYI RANG GI DAM TSIG DANG 'GAL ZHING DAM BCAS PA'I SKYON DU 'GYUR TE, DE LA RTEN CING 'BREL PAR 'BYUNG BA ZHES ZER ZHING SKYE BA MED PA ZHES KYANG ZER BA NI RANG GI TSIG DANG 'GAL BA YIN LA; SKYE BA MED PA ZHES ZER ZHING RTEN CING 'BREL PAR 'BYUNG ZHES KYANG ZER BA NI DAM BCAS PA'I SKYON DU 'GYUR BA YIN NO ZHES ZER RO, ,DE NYID KYIS DE'I DON LA SKUR PA BTAB PA'I PHYIR ZHES BYA BA 'DI NI PHYOGS KYI CHOS YIN NO, ,DE LA DE NYID KYIS DE'I DON LA SKUR PA BTAB PA'I PHYIR ZHES BYA BA NI GANG GI TSE RTEN CING 'BREL BAR 'BYUNG ZHES KHAS BLANGS PA DE'I TSE NA NI DE NYID KYIS SKYE BA MED PA ZHES BYA BA DE'I DON LA SKUR PA BTAB PA'I PHYIR DANG, GANG GI TSE SKYE BA MED PA ZHES KHAS BLANGS PA DE'I TSE NA NI, DE NYID KYIS RTEN CING 'BREL BAR 'BYUNG ZHES BYA BA DE'I DON LA SKUR PA BTAB PA'I PHYIR RO ZHES ZER RO, ,DPER NA SMRAS PA THAMS CAD NI BRDZUN NO ZHES BYA BA LTA BU'O, ,ZHES BYA BA 'DI NI DPE YIN NO, ,DE LA DPER NA SMRAS PA THAMS CAD BRDZUN NO ZHES BYA BA LTA BU'O ZHES BYA BA NI RIGS PA'I BSTAN BCOS DAG LAS GRAGS PA'I DPE NYID BSTAN PA YIN TE, DPER NA LA LA NA RE, BHA RA TA LA SOGS PA'I TSIG SMRAS PA THAMS CAD NI BRDZUN NO ZHES ZER BA LTA BU'O,, @47A *, ,DE YANG DPER NA LA LA ZHIG RANG GI TSIG BDEN PAR SGRUB PA'I PHYIR, BHA RA TA LA SOGS PA'I TSIG SMRAS PA THAMS CAD BRDZUN NO ZHES ZER NA, SMRAS PA ZHES BYA BA'I SGRA DANG, THAMS CAD CES BYA BA'I SGRA DE'I NANG DU DE SKAD ZER BA DE RANG GI TSIG KYANG 'DUS PAS, DES NA RANG GI TSIG BDEN PAR BSGRUB PA'I RANG GI TSIG DANG YANG 'GAL ZHING, BHA RA TA LA SOGS PA'I TSIG BRDZUN PAR DAM BCAS PA'I SKYON DU 'GYUR TE, TSIG SMRAS PA THAMS CAD BRDZUN NO ZHES BYA BA DE NYID KYIS DE RANG GI TSIG SMRAS PA DE'I DON LA YANG SKUR PA BTAB PAR 'GYUR BA YANG 'DRA BAR, 'DIR YANG DBU MA BA KHYED KYIS RANG GI TSIG DANG YANG 'GAL ZHING DAM BCAS PA'I SKYON DU 'GYUR BAR RNAM PAR GZHAG STE, 'DI LTAR RTEN CING 'BREL PAR 'BYUNG ZHES ZER ZHING SKYE BA MED PA ZHES KYANG ZER BA NI RANG GI TSIG DANG 'GAL BA YIN LA, RTEN CING 'BREL BAR 'BYUNG ZHES ZER BA DE NYID KYIS SKYE BA MED PA ZHES BYA BA DE'I DON LA SKUR BA BTAB PA YIN, SKYE BA MED PA ZHES ZER ZHING RTEN CING 'BREL BAR 'BYUNG ZHES KYANG ZER BA NI DAM BCAS PA'I SKYON DU 'GYUR BA YIN LA, SKYE BA MED PA ZHES ZER BA DE NYID KYIS RTEN CING 'BREL BAR 'BYUNG ZHES BYA BA DE'I DON LA SKUR BA BTAB PA YIN NO ZHES ZER RO ZHES BYA BA NI RGOL BA SNGA MA DE DAG NYID BRDA SPROD PA PA'I GZHUNG LAS GRAGS PA'I SGRA'I MTSAN NYID KYIS RTEN CING 'BREL PAR 'BYUNG BA'I SGRA LA KLAN KA'I SKABS MA RNYED NAS, 'DIR RIGS PA CAN GYI SGYU THABS KYIS RIGS PA'I BSTAN BCOS GZHAN KLOG CING, SGRA'I NYES PAS SKYON 'DOGS PAR BYED PA DAG DE SKAD CES ZER BA YIN NO, ,RGOL BA DE'I LAN DU 'DIR 'GREL PA BYED PAS, DE LA GAL TE RTEN CING 'BREL BAR 'BYUNG BA THAMS CAD SKYE BA MED PA ZHES DAM 'CHA' BAR BYED NA NI SKYON DER YANG 'GYUR BA ZHIG NA, THAMS CAD CES BYA BA'I SGRAS KUN RDZOB PA'I RTEN CING 'BREL PAR 'BYUNG BA KHAS BLANGS PA BSDUS PA'I PHYIR DANG, DON DAM PAR YANG RTEN CING 'BREL PAR 'BYUNG BA YOD PAR KHAS BLANGS NAS, DE LA SKUR BA GDAB PAR MA BYAS PAS DE'I PHYIR GTAN TSIGS KYI DON MA GRUB PA NYID DO ZHES BYA BA SMRAS SO, ,DE LA ZHES BYA BA NI RANG GI TSIG DANG 'GAL BA SPANG BA'I TSIG NYE BAR DGOD PA'I DON DE LA'O, ,'DI LA SANGS RGYAS PA RNAMS KYI BDEN PA NI RNAM PA GNYIS TE KUN RDZOB KYI BDEN PA DANG, DON DAM PA'I BDEN PA'O, , @47B DE LA JI LTAR KUN RDZOB TU RANG GI TSIG DANG 'GAL BAR 'GYUR BA DE BSTAN PA'I PHYIR, GAL TE RTEN CING 'BREL PAR 'BYUNG BA THAMS CAD SKYE BA MED PA ZHES DAM 'CHA' BAR BYED NA NI SKYON DER YANG 'GYUR BA ZHIG NA ZHES BYA BA SMRAS TE, DBU MA PA SMRA BA RNAMS KYI GRUB PA'I MTHA' NI KUN RDZOB TU DNGOS PO THAMS CAD RGYU DANG RKYEN SO SOR NGES PA LAS SKYE BAR 'DOD PAS, 'DIR GAL TE DBU MA PAS KUN RDZOB TU DNGOS PO THAMS CAD RGYU DANG RKYEN SO SOR NGES PA LAS SKYE BAR SMRA NA, DE'I 'OG TU BYE BRAG MED PAR DNGOS PO THAMS CAD KUN RDZOB TU SKYED MED PA ZHES DAM 'CHA' BAR BYED NA NI RANG GI TSIG DANG 'GAL BA'I SKYON DER YANG 'GYUR PA ZHIG NA; DE LTAR DAM 'CHA' BAR MI BYED PAS DE'I PHYIR RANG GI TSIG DANG 'GAL BA'I SKYON DER YANG MI 'GYUR RO ZHES BYA BA'I THA TSIG GO, ,JI LTAR SKYON DER MI 'GYUR ZHE NA, DE'I PHYIR THAMS CAD CES BYA BA'I SGRAS KUN RDZOB PA'I RTEN CING 'BREL BAR 'BYUNG BA'I KHAS BLANGS PA BSDUS PA'I PHYIR ZHES BYA BA SMRAS TE, SNGAR DNGOS PO THAMS CAD RGYU DANG RKYEN SO SOR NGES PA LAS SKYE'O ZHES SMRAS PA GANG YIN PA'I THAMS CAD CES BYA BA'I SGRA DES NI KUN RDZOB PA'I RTEN CING 'BREL PAR 'BYUNG BA KHAS BLANGS PA BSDUS PA'I PHYIR RTEN CING 'BREL PAR 'BYUNG BA THAMS CAD SKYE BA MED PA ZHES DAM 'CHA' BAR MI BYED PAS RANG GI TSIG DANG 'GAL BA'I SKYON DER MI 'GYUR TE, SKYE BA MED PA ZHES BYA BA'I TSIG GI KHONGS SU NI MA GTOGS SO ZHES BYA BA'I THA TSIG GO, ,DON DAM PAR YANG RTEN CING 'BREL PAR 'BYUNG BA YOD PA, KHAS BLANGS NAS DE LA SKUR BA GDAB PAR MA BYAS PAS ZHES BYA BAS NI 'DI SKAD BSTAN TE, GAL TE DON DAM PAR DNGOS PO THAMS CAD RGYU DANG RKYEN SO SOR NGES PA LAS SKYE BAR KHAS BLANGS NAS, YANG DON DAM PA NYID DU DNGOS PO THAMS CAD SKYE BA MED DO ZHES DE LA SKUR PA GDAB PAR BYAS SAM, KUN RDZOB TU DNGOS PO THAMS CAD RGYU DANG RKYEN SO SOR NGES PA LAS SKYE BAR KHAS BLANGS NAS, YANG KUN RDZOB NYID DU DNGOS PO THAMS CAD SKYE BA MED DO ZHES DE LA SKUR PA GDAB PA BYAS NA NI RANG GI TSIG DANG 'GAL BA'I SKYON DER YANG 'GYUR BA ZHIG NA, KHO BOS NI BDEN PA GANG LA RTEN CING 'BREL PAR 'BYUNG BA LAS KHAS BLANGS PA'I BDEN PA NYID LA SKYE BA MED PA DE NYID KHAS BLANGS PA YANG MA BYAS LA, BDEN PA GANG LA SKYE BA MED PAS KHAS BLANGS PA'I BDEN @48A *, ,PA DE NYID LA RTEN CING 'BREL PAR 'BYUNG BA KHAS BLANGS PA YANG MA BYAS PAS RANG GI TSIG DANG 'GAL BA'I SKYON DU MI 'GYUR RO, ,DE'I PHYIR GTAN TSIGS KYI DON MA GRUB PA NYID DO ZHES BYA BA NI THAMS CAD CES BYA BA'I SGRAS KUN RDZOB PA'I RTEN CING 'BREL BAR 'BYUNG BA KHAS BLANGS PA BSDUS PA'I PHYIR DANG, DON DAM PAR YANG RTEN CING 'BREL PAR 'BYUNG BA YOD PAR KHAS BLANGS NAS DE LA SKUR BA GDAB PA MA BYAS PA DE'I PHYIR, KHYOD KYIS KHO BO LA RANG GI TSIG DANG 'GAL BA'I SKYON BRJOD PA'I GTAN TSIGS KYI DON MA GRUB PA NYID YIN NO, ,GNAS BRTAN CHOS SKYONG GIS KYANG, SLOB DPON 'PHAGS PA LHAS MDZAD PA DBU MA'I TSIG LE'UR BYED PA BRGYA PA'I 'GREL PA BYAS PA LAS, RANG GI TSIG DANG 'GAL BA'I SKYON 'DI BRJOD DE, DBU MA DANG BRGYA PA NI LTA BA MTHUN PA YIN PAS DE'I PHYIR, GNAS BRTAN CHOS SKYONG GIS KYANG, DBU MA PA'I BSTAN BCOS KYI DON MI SHES BZHIN DU SKYON BTAGS PA YIN PAR SHES PAR BYA'O, , DAM BCAS PA'I SKYON DE'I LAN DU LUNG 'THAD PA DANG BCAS PAR SGRUB PA'I PHYIR, DPER NA SBYIN PA LA SOGS PA DON DAM PAR DGE BA MA YIN YANG 'KHOR BSDUS PA LAS DGE BA RNAMS ZHES BRJOD PA DANG, RNAM PAR SHES PA BDAG TU KHAS BLANGS NAS DON DAM PAR RNAM PAR SHES PA BDAG MA YIN NO ZHES DAM BCAS PA LA DAM BCAS PA'I SKYON DU MI 'GYUR BA LTA BU DANG ZHES BYA BA SMRAS SO, ,DE LA DPER NA SBYIN PA LA SOGS PA DON DAM PAR DGE BA MA YIN YANG 'KHOR SDUD PA LAS DGE BA RNAMS ZHES BRJOD PA DANG ZHES BYA BAS JI SKAD BSTAN ZHE NA 'DI LA DON DAM PAR NA DGE BA NI THAR PA GCIG PU KHO NAR ZAD KYI GZHAN NI CUNG ZAD MED PAS, DE'I PHYIR SBYIN PA LA SOGS PA DON DAM PAR DGE BA MA YIN TE, BCOM LDAN 'DAS KYIS DGE SLONG DAG NGA NI SRID PA MNGON PAR 'GRUB PAR BYED PA CHUNG NGU LA YANG MNGON PAR DGA' BAR MI BYED DE, DE CI'I PHYIR ZHE NA, BSHAD PA NI CHUNG NGU YANG DRI NGA BA YIN PA DANG 'DRA BA'I PHYIR RO ZHES JI SKAD GSUNGS PA LTA BU'O, ,DE LTA BAS NA SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB LA SOGS PA YON TAN RNAMS NI DON DAM PAR DGE BA MA YIN NO, ,'ON KYANG 'KHOR BA SDUD PA LA LTOS NA DGE BA RNAMS ZHES KYANG BRJOD DE, BCOM LDAN 'DAS KYIS DGE SLONG DAG @48B GUS PAR BYAS TE BSOD NAMS DAG BYA'O, ,GUS PAR BYAS TE BSOD NAMS DAG BYAS PA'I RNAM PAR SMIN PA NI, 'DOD PA DANG, SDUG PA DANG, DGA' BA DANG, YID DU 'ONG BA YIN NO ZHES JI SKAD GSUNGS PA LTA BU'O, ,DES NA DE LTAR DAM BCAS PA LA DAM BCAS PA'I SKYON DU MI 'GYUR RO, ,DE LA GAL TE SBYIN PA LA SOGS PA DON DAM PAR DGE BA MA YIN NO ZHES SMRAS NAS, DE DAG DON DAM PA KHO NAR DGE BA YANG YIN NO ZHES SMRAS NA NI DE'I TSE DAM BCAS PA'I SKYON DU YANG 'GYUR LA, SBYIN PA LA SOGS PA KUN RDZOB TU DGE BA KHAS BLANGS NAS DE DAG KUN RDZOB KHO NAR DGE BA MA YIN PAR YANG KHAS BLANGS NA NI DE'I TSE YANG DAM BCAS PA'I SKYON DU YANG 'GYUR BA ZHIG NA, SBYIN PA LA SOGS PA DON DAM PAR DGE BA MA YIN YANG 'KHOR BA SDUD PA LAS DGE BA RNAMS ZHES BRJOD PA LA DAM BCAS PA'I SKYON DU MI 'GYUR BA DANG 'DRA BAR 'DIR YANG DNGOS PO RNAMS DON DAM PAR SKYE BA MED PA YIN YANG, KUN RDZOB TU RGYU DANG RKYEN SO SOR NGES PA LAS RTEN CING 'BREL PAR 'BYUNG BA SMRA BA LA DAM BCAS PA'I SKYON DU MI 'GYUR RO, ,RNAM PAR SHES PA BDAG TU KHAS BLANGS NAS DON DAM PAR RNAM PAR SHES PA BDAG MA YIN NO ZHES DAM BCAS PA LA DAM BCAS PA'I SKYON DU MI 'GYUR BA LTA BU DANG ZHES BYA BAS JI SKAD BSTAN ZHE NA, BCOM LDAN 'DAS LA 'GA' ZHIG GIS, BCOM LDAN 'DAS GAL TE BDAG MA MCHIS NA, JI LTAR DGE BA DANG MI DGE BA'I LAS DANG 'BRAS BUR 'BREL PAR 'GYUR ZHES ZHUS PA DANG, BCOM LDAN 'DAS KYIS, SEMS DUL BA NI DGE BA STE, ,DUL BA'I SEMS KYIS BDE BA BSKYED, ,CES BKA' STZAL PAS, KUN RDZOB TU RNAM PAR SHES PA LA BDAG DANG BDAG NYID DU KHAS BLANGS NAS, SDUG BSNGAL LA SOGS PA'I BDEN PA MTHONG BA'I DUS NA RNAM PAR SHES PA BDAG MA YIN, BDAG RNAM PAR SHES PA DANG LDAN PA MA YIN, RNAM PAR SHES PA LA BDAG MED BDAG LA RNAM PAR SHES PA MED DO ZHES GSUNGS PAS, DE LTAR DAM BCAS PA LA DAM BCAS PA'I SKYON DU MI 'GYUR BA DANG 'DRA BAR, 'DIR YANG DNGOS PO RNAMS DON DAM PAR SKYE BA MED PA YIN YANG, KUN RDZOB TU RGYU DANG RKYEN SO SOR NGES PA LAS RTEN CING 'BREL BAR 'BYUNG BA SMRAS PA LA DAM BCAS PA'I SKYON DU MI 'GYUR RO, ,DE LA DAM BCAS PA'I SKYON DU 'GYUR BAR BRJOD NA NI DES NA @49A *, ,RANG GI SDE PA DAG GIS GANG GIS DE SKAD CES BKA' STZAL PA'I, BCOM LDAN 'DAS LA YANG DAM BCAS PA'I SKYON GYIS BRGAL BAR BYA BA'I RIGS SO, ,'THAD PA GANG ZHE NA, DE'I PHYIR DPER NA SPRUL PA'I SKYES BU SKYE BA LA SKYES BU'I NGO BO NYID DU SKYE BA MED PA DE BZHIN DU, SGYU MA DANG SMIG RGYU LTA BU'I NANG GI SKYE MCHED KYI BDAG NYID SKYE BA YANG KUN RDZOB TU YIN GYI, DON DAM PAR MA YIN PAS NYES PA MED DO ZHES BYA BA SMRAS TE, JI SKAD BSTAN ZHE NA, DPER NA DE BZHIN GSHEGS PA'AM, DE BZHIN GSHEGS PA'I NYAN THOS RDZU 'PHRUL DANG LDAN PAS SPRUL PA'I SKYES BU GANG SPRUL BAR MDZAD PA DE LA MGO DANG, RGYAB DANG, LTO DANG, RKANG LAG LA SOGS PA DANG LDAN PA NYID KYIS SPRUL PA'I SKYES BU SKYE BA NI YOD LA, DE LA SEMS DANG SEMS LAS BYUNG BA, TSOR BA DANG, SEMS DANG, 'DU SHES DANG, YID LA BYED PA DANG, REG PA LA SOGS PA MED PAS, SKYES BU'I NGO BO NYID DU SKYE BA MED PA DE BZHIN DU, JI LTAR SGYU MA MKHAN GYI NOR BU DANG, GSANG SNGAGS DANG, SMAN GYI RGYU LAS BYUNG BA'I SKYES BU BSKYED PA LA SEMS DANG SEMS LAS BYUNG BA LA SOGS PA MED PAS SEMS CAN DU BGRANG BA MED PA'I PHYIR SKYES BU'I NGO BO NYID DU SKYE BA MED PA LTA BU DANG, JI LTAR SA PHYOGS RLAN PA LA NYI MA'I 'OD ZER GYIS GDUNGS PA NA NAM MKHA' LA RLANGS PA'I SMIG RGYU CHUR 'KHRUL PA 'BYUNG BA LA CHU'I YON TAN MED PAS CHU'I NGO BO NYID DU SKYE BA MED PA LTA BU'I NANG GI SKYE MCHED KYI BDAG NYID SEMS CAN DU BGRANG BA'I PHUNG PO RNAMS SKYE BA YANG KUN RDZOB TU SKYE BA YIN GYI, DON DAM PA NI SKYE BA MED PA YIN PAS 'DI LA DAM BCAS PA'I SKYON DU 'GYUR BA'I NYES PA MED DO, ,'DIR BSTAN BCOS RNAM PAR BSHAD PAR BYA BA LA RAB TU BYED PA'I SKABS THAMS CAD DU GZHAN DAG GIS RANG GI TSIG DANG 'GAL BA DANG, LUNG DANG 'GAL BA DANG, 'JIG RTEN DANG 'GAL BA DANG, MNGON SUM DANG 'GAL BA DANG, RJES SU DPAG PA DANG 'GAL BDAG GIS RGOL BAR BYED PA DE DAG THAMS CAD KYI LAN NI 'GREL PA BYED PA NYID KYIS BRIS PA 'DI NYID YIN PAR SHES PAR BYA STE, 'OG NAS YANG NAS YANG DU RGYA CHER BZLAS PAR BYA MI DGOS SO, ,GZHAN DAG NA RE SKYE BA'I 'OG TU 'GAG PA DGAG PAR RIGS TE DE SNGON DU 'GRO BA CAN YIN PA'I PHYIR, CHAD PA BZHIN NO ZHES ZER RO ZHES @49B BYA BA NI RGOL BA GZHAN DAG 'DI LA RIGS PA'I MTSAN NYID KYIS KYANG NYES PA MED PAR GYUR PA DANG, DE'I 'OG TU BUD MED DANG DMANGS RIGS YA MTSAN BSKYED PA YANG RANG BZO'I NYES PA GZHAN SGRUB PAS SKYON 'DOGS PAR BYED PA YIN NO, ,GZHAN DAG NA RE, ZHES BYA BA NI RGOL BA GZHAN DAG NA RE'O, ,SKYE BA'I 'OG TU 'GAG PA DGAG PAR RIGS TE ZHES BYA BA NI MDO MDZAD PAS, 'GAG PA MED PA SKYE MED PA, ,CHAD PA MED PA RTAG MED PA, ,ZHES BYA BA LA SOGS PA BSTAN BCOS KYI LUS RNAM PAR GZHAG PA'I TSIG SMRAS PA DE LA 'DIR RGOL BA GZHAN DAG NA RE, TSIG DE MA LEGS TE, 'DIR DNGOS PO SKYES NAS 'GAG PAR 'GYUR GYI, MA SKYES NA MI 'GAG PAS 'DIR 'GAG PA MED PA ZHES BYA BAS, 'GAG PA BKAG PA DANG, SKYE BA MED PA ZHES BYA BAS SKYE BA DGAG PA DE'I GO RIMS MI RIGS TE, 'DI LTAR SKYE BA MED PA 'GAG PA MED PA ZHES BYA BA DE LTAR BRJOD KYANG SNGAR SKYE BA BKAG PA, DE'I 'OG TU 'GAG PA BKAG PAR RIGS SO ZHES ZER BA STE, DE NI BSGRUB PAR BYA BA CHOS YIN NO, ,DE'I SNGON DU 'GRO BA CAN YIN PA'I PHYIR ZHES BYA BA 'DI NI PHYOGS KYI CHOS YIN NO, ,DE ZHES BYA BA'I SGRAS NI SKYE BA BZUNG NGO, ,SNGON DU 'GRO BA CAN YIN PA'I PHYIR ZHES BYA BA NI 'GAG PA GANG LA SKYE BA DE SNGON DU 'GRO BA YOD PA DE NI SKYE BA SNGON DU 'GRO BA CAN YIN GYI 'GAG PA STE 'GAG PA NI SKYE BA SNGON DU 'GRO BA CAN YIN PA'I PHYIR RO, ,CHAD PA BZHIN NO ZHES BYA BA 'DI NI DPE YIN NO, ,DE LA CHAD PA BZHIN NO ZHES BYA BA 'DI NI KHYED KYI MDO BYED PAS, 'GAG PA MED PA SKYE MED PA, ,CHAD PA MED PA ZHES SMRAS PA'I RIM GYIS SKYE BA MED PA ZHES BYA BA'I 'OG TU CHAD PA MED PA ZHES SMRAS PAS, SKYE BA'I 'OG TU CHAD PA BKAG PA BZHIN TE, CHAD PA DE YANG SKYE BA SNGON DU 'GRO BA CAN YIN PA'I PHYIR, SKYE BA BKAG PA'I 'OG TU CHAD PA BKAG PA NI RIGS TE, 'DI LTAR SKYES PA'I RGYUN 'JIG PA'I MTSAN NYID NI CHAD PA YIN PAS, DE'I PHYIR SKYE BA BKAG PA'I 'OG TU CHAD PA BKAG PA BZHIN DU 'DIR YANG SKYE BA BKAG PA'I 'OG TU 'GAG PA DGAG PAR RIGS NA, 'GAG PA SNGAR BKAG LA SKYE BA PHYIS BKAG PAS, DE'I PHYIR MDO BYED PAS NYES PAR SMRAS PA NYID YIN NO ZHES BYA BA'I THA TSIG GO ZHES ZER RO ZHES BYA BA NI RGOL BA GZHAN DAG 'DI LA RIGS PA'I MTSAN NYID KYIS KYANG NYES PA MED PAR @50A *, ,GYUR PA DANG, DE'I 'OG TU BUD MED DANG DMANGS RIGS YA MTSAN BSKYED PA DANG RANG BZO'I NYES PA GZHAN SGRUB PAS SKYON 'DOGS PAR BYED PA DAG DE SKAD ZER BA YIN NO, ,DE SKAD RGOL BA DE'I LAN DU 'DIR 'GREL PA BYED PAS 'KHOR BA LA THOG MA MED PA'I PHYIR, 'GAG PA SNGON DU 'GRO BA CAN GYI SKYE BA YANG PHYIS DGAG PAR KHAS MA BLANGS PAS GTAN TSIGS MA NGES PA'I SKYON YOD DO ZHES BYA BA SMRAS SO, ,DE LA 'KHOR BA LA THOG MA MED PA'I PHYIR 'GAG PA SNGON DU 'GRO BA CAN GYI SKYE BA YANG PHYIS, DGAG PAR KHAS MA BLANGS PA ZHES BYA BA NI 'DI SKAD BSTAN TE, GAL TE 'KHOR BA LA THOG MA YOD NA NI DNGOS PO RNAMS KYI 'GAG PA SKYE BA SNGON DU 'GRO BA CAN KHO NAR 'GYUR BAS, DES NA SKYE BA SNGAR BSTAN CING DE'I 'OG TU 'GAG PA BSTAN LA, DE NYID KYI RIM GYIS SKYE BA DGAG PA'I 'OG TU 'GAG PA DGAG PAR YANG RIGS PAR 'GYUR BA ZHIG NA 'KHOR BA LA THOG MA MED PA'I PHYIR NANG GI DNGOS PO RNAMS KYI SKYE BA YANG SHI BA ZHES BYA BA 'DAS MA THAG PA'I 'GAG PA SNGON DU 'GRO BA CAN YIN LA, PHYI ROL GYI DNGOS PO RNAMS KYI SKYE BA YANG RGYU GCIG NAS GCIG TU BRGYUD PA'I 'GAG PA SNGON DU 'GRO BA CAN YIN PAR MTHONG BA'I PHYIR, SKYE BA'I 'OG TU 'GAG PA DGAG PA KHO NAR YANG KHAS MA BLANGS LA, 'GAG PA SNGON DU 'GRO BA CAN GYI SKYE BA YANG PHYIS DGAG PAR KHAS MA BLANGS PA'O, ,GTAN TSIGS MA NGES PA'I SKYON YOD DO ZHES BYA BA NI, KHYOD KYIS SKYE BA'I 'OG TU 'GAG PA DGAG PA'I RIGS SO ZHES SMRAS PA'I GTAN TSIGS DE LA MA NGES PA'I SKYON YOD PA STE, JI RE ZHIG 'GAG PA NI SKYE BA SNGON DU 'GRO BA CAN YIN PA'I PHYIR CHAD PA BZHIN PAS, 'GAG PA PHYIS DGAG PAR BYA BA ZHIG GAM, 'ON TE SKYE BA NI DGAG PA'I RGYU LAS BYUNG BA'I PHYIR SKYE BA PHYIS DGAG PAR BYA BA MA NGES PAS KHYOD KYI GTAN TSIGS DE MI RUNG NGO ZHES BYA BA'I THA TSIG GO, ,GTAN TSIGS DE MA NGES PA'I SKYON YOD PA KHO NA'I PHYIR SLOB DPON GYIS MDZAD PA 'DI LA TSIG GI SKYON MED PA 'BA' ZHIG TU YANG MA ZAD DE, 'DI LTAR GZHAN YANG DGAG PA NI SKYE BA'I RIM PA LA MI LTOS PA'I PHYIR DANG ZHES BYA BA SMRAS TE, DE'I PHYIR YANG TSIG GIS NYES PA MED DO, ,ZHES BYA BAR SBYAR RO, ,'DI SKAD BSTAN TE BSTAN BCOS GANG LA DNGOS POR GYUR PA'I TSIG DON RNAM PAR 'JOG PAR BYED PA DE LA NI TSIG GI DON @50B 'DI NI SNGAR RNAM PAR GZHAG PAR BYAS LA, TSIG GI DON 'DI NI PHYIS RNAM PAR GZHAG PAR BYA'O ZHES BRJOD PAR BYA BA YIN GYI, STAN BCOS 'DI LA NI 'GAG PA DANG SKYE BA ZHES BYA BA LA SOGS PA'I TSIG GI DON DE DAG THAMS CAD BKAG PAS BZHED PA 'GRUB PAR DGONGS PAS DE'I PHYIR TSIG GI DON DE DAG LAS GANG KHO NA'I DGAG PA SMRAS PA DE KHO NA RNAM PAR MI RTOG PA'I YE SHES KYI RJES SU MTHUN PA YIN NO, ,DE LTA BAS NA SNGA PHYI DGAG PA'I RIM PA DANG TSIG GI GO RIMS NGES PAR BYA BA GANG YIN PA DE SKABS 'DIR MI DGOS SO, ,DE'I PHYIR DON BRTAG PA YIN PA'I PHYIR DANG ZHES BYA BA SMRAS TE, GANG GI PHYIR 'DI NI BSTAN BCOS KYI DON DNGOS PO RNAMS KYI NGO BO NYID BRTAG CING DPYAD PA YIN PA DE'I JI LTAR BRDA SPROD PA LA SGRA DANG SGRA'I RANG GI MTSAN NYID DANG, RANG BZO'I MTSAN NYID BRTAG CING DPYAD PA LTA BU MI DGOS SO, ,TSIG GZHAN DU BYAS NA YANG THAL BA MTSUNGS PAR NYE BAR GNAS PA'I PHYIR NYES PA MED DO ZHES BYA BA NI RGYU DE DAG KHONG NAS MDO MDZAD PA LA NYES PAR SMRAS PA NYID MED PA 'BA' ZHIG TU YANG MA ZAD DE, 'DI LTAR TSIG GZHAN DU BYAS NA YANG BRGAL ZHING BRTAG PA HA CANG THAL BA MTSUNGS PAR NYE BAR GNAS PA'I PHYIR TE, GANG GI TSE, 'GAG PA MED PA SKYE MED PA, ,ZHES SMRAS NAS YANG DE'I TSE YANG KHYOD NA RE, CI'I PHYIR SKYE BA MED PA 'GAG PA MED PA ZHES MA BRJOD CES RGOL ZHING RTOG PA HA CANG THAL BAR BYED PAR 'GYUR LA, GANG GI TSE SKYE BA MED PA 'GAG PA MED PA ZHES SMRAS NA YANG DE'I TSE KHYOD NA RE, CI'I PHYIR, 'GAG PA MED PA SKYE MED PA, ,ZHES MA BRJOD CES RGOL ZHES RTOG PA HA CANG THAL BA MTSUNGS PAR NYE BAR GNAS PA'I PHYIR KHYOD KYI BRGAL ZHING BRTAG PA'I TSIG DE NI GYI NA'O, ,NYES PA MED DO ZHES BYA BA NI 'GREL PA BYED PAS LAN GYI LAM DE DAG GIS NYES PAR BRTAGS NA, SLOB DPON GYIS MDZAD PA'I SKABS 'DI LA RGOL BA GZHAN DAG GIS SMRAS PA'I NYES PA MED DO,, ,,BAM PO DRUG PA, BSTAN BCOS 'DIR 'DUS BYAS KYI CHOS THAMS CAD KYI DNGOS PO NYID 'GOG PAR BYED PAS DE'I PHYIR SANGS RGYAS PA DAG GIS KYANG BSTAN BCOS 'DI MI BZOD PAS DE'I PHYIR, RANG GI SDE PA DAG LAS KHA CIG BSTAN BCOS BRTZAM PA DGAG PAR 'DOD PA DAG NA RE, RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA @51A *, ,NI 'DUS MA BYAS YIN PA'I PHYIR, KHO BO CAG GI PHYOGS LA YANG GRUB PAS, RTEN CING 'BREL PAR 'BYUNG BA NI NYAN THOS DANG THUN MONG MA YIN PA NYID MA YIN TE, DE'I PHYIR BSTAN BCOS BRTZAM PA RIGS PA MA YIN NO ZHES ZER RO ZHES BYA BA SMRAS TE, 'DIS NI BSTAN BCOS 'DIR 'DUS BYAS KYI CHOS THAMS CAD KYI DNGOS PO NYID 'GOG PAR BYED PAS DE'I PHYIR SANGS RGYAS PA DAG GIS KYANG, BSTAN BCOS 'DI NI BZOD PAS 'DIR NYAN THOS BYE BRAG TU SMRA BA DAG DE SKAD ZER RO ZHES BYA BAR SBYAR RO, ,DE LA RANG GI SDE PA DAG LAS ZHES BYA BA LA, RANG GI ZHES BYA BA NI RANG GI PHYOGS GANG LA SDE PA GANG DAG YOD PA DE DAG NI RANG GI ZHES BYA'O, ,SDE ZHES BYA BA NI TSOMS DANG RIS DANG TSOGS ZHES BYA BA DAG DANG DON GCIG GO, ,PA DAG CES BYA BA NI DER GTOGS PA DAG GO, ,LAS ZHES BYA BA'I SGRA NI NGES PAR GZUNG BA STE, RANG GI SDE PA DAG KHO NA LAS YIN GYI, GZHAN GYI SDE PA DAG LAS NI MA YIN NO ZHES BYA BA'I THA TSIG GO, ,KHA CIG CES BYA BA NI NYAN THOS BYE BRAG TU SMRA BA DAG GO, ,BSTAN BCOS ZHES BYA BA NI DBU MA ZHES BYA BA'I BSTAN BCOS 'DI'O, ,BRTZAM PA ZHES BYA BA NI DBU MA ZHES BYA BA NI BSTAN BCOS 'DI BRTZAM PA DANG, YID LA 'JUG PA DANG 'DI BYA BA'O, ,DGAG PAR 'DOD PA DAG CES BYA BA NI GANG DAG DBU MA ZHES BYA BA'I BSTAN BCOS 'DI MI BYA ZHING DGAG PAR 'DOD PA DE DAG NI BSTAN BCOS BRTZAM PA DGAG PAR 'DOD PA DAG GO, ,NA RE ZHES BYA BA NI BSTAN BCOS BRTZAM PA DGAG PAR 'DOD PA DE DAG NA RE 'DI SKAD CES ZER RO ZHES BYA BAR SBYAR RO, ,RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA NI ZHES BYA BA NI SHES RAB KYI PHA ROL TU PHYIN PA LAS 'BYUNG BA, KHYAD PAR GYI GZHI RTEN CING 'BREL BAR 'BYUNG BA ZHES BYA BA, KHYAD PAR SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG LDAN PA, BSTAN BCOS DBU MA ZHES BYA BA 'DI'I LUS SU BZHAG PA GANG YIN PA DE'O, ,'DUS MA BYAS YIN PA'I PHYIR ZHES BYA BA NI DE LTAR SHES RAB KYI PHA ROL TU PHYIN PA LAS 'BYUNG BA'I RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG @51B LDAN PA DE KHYED DBU MA PA NA RE, 'DUS BYAS MA YIN PAS 'DUS MA BYAS YIN PA'I PHYIR NYAN THOS LA SOGS PA DANG, THUN MONG MA YIN NO ZHES ZER BA'O, ,KHO BO CAG GI PHYOGS LA YANG MA GRUB PAS ZHES BYA BA NI GAL TE DE LTA NA KHO BO CAG NYAN THOS BYE BRAG TU SMRA BA'I PHYOGS LA YANG RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA NI 'DUS MA BYAS NYID DU YOD PAR GRUB STE, 'DI LTAR KHO BO CAG GI PHYOGS LA YANG 'DUS MA BYAS BZHI PO DAG NI RDZAS SU YOD PAR 'DOD PA'I PHYIR TE, BZHI GANG ZHE NA, NAM MKHA' DANG, SO SOR MA BRTAGS PAR 'GOG PA DANG, SO SOR BRTAGS TE 'GOG PA DANG, DE BZHIN NYID DO, ,KHO BO CAG GI RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA 'DUS MA BYAS DE DAG GANG ZHE NA, 'DI LTAR, DE LA 'JUG PA MI SDUG DANG, ,RDUL DANG 'BYUNG BA DRAN PA DANG, ,ZHES BYA BA NAS DE MA THAG TU DRO BAR GYUR PA DANG, RTZE MO DANG, BZOD PA DANG, 'JIG RTEN PA'I CHOS KYI MCHOG DANG, ZAG PA MED PA'I CHOS SHES PA'I BZOD PA DANG, CHOS SHES PA DANG, RJES SU SHIS PA'I BZOD PA DANG, RJES SU SHES PA ZHES BYA BA SEMS KYI SKAD CIG MA BCU DRUG GI RIM GYIS, SLOB PA THAMS CAD KYI MTHAR RDO RJE LTA BU'I TING NGE 'DZIN GYI NYON MONGS PA RNAMS ZAD PA DANG; MI SKYE PA SHES PA'I SHES PA SKYE BA GANG YIN PA 'DI NI KHO BO CAG GI RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA 'DUS MA BYAS YIN NO, ,DE CI'I PHYIR RTEN CING 'BREL PAR 'BYUNG BA ZHES BYA ZHING, CI'I PHYIR 'DUS MA BYAS ZHES KYANG BYA ZHE NA, 'DI LTAR DE NI RGYU GCIG NAS; GCIG TU BRGYUD PAS BSKYED BA YIN PA'I PHYIR NI RTEN CING 'BREL BAR 'BYUNG BA ZHES BYA LA, DE LA MNGON SUM GYI RGYU MED PA'I PHYIR NI 'DUS MA BYAS ZHES BYA STE, JI SKAD DU, JI LTAR BOD BA GNAM 'GRO LA, ,LAG PA'I RGYU NI YOD PA DANG, ,DE NYID 'BAB LA RGYU MED PAS, ,DE LA 'PHEN RGYU 'BA' ZHIG GO,, ZHES GSUNGS PAS, DPER NA BONG BA GNAM DU 'PHANGS PA LA NI LAG PA'I SHUGS KYI RGYU YOD LA, DE NYID THUR DU 'BAB PA LA NI RGYU MED PAS, DE LA YAR 'PHEN PA LA NI MNGON SUM GYI RGYU YOD KYI, PHYIR 'BAB PA LA NI RGYU MED DE DE BRGYUD PA'I RGYU LAS 'BYUNG BA DANG 'DRA BAR, KHO BO CAG GI ZAD PA DANG MI SKYE BA @52A *, ,SHES PA 'DI LA YANG DANG PO MI SDUG PA BSGOM PA LA SOGS PA BRGYUD PA'I RGYU YOD PAS RTEN CING 'BREL PAR 'BYUNG BA ZHES KYANG BYA LA, MNGON SUM GYI RGYU MED PAS 'DUS MA BYAS ZHES KYANG BYA STE, DE'I PHYIR SHES RAB KYI PHA ROL TU PHYIN PA LAS 'BYUNG BA'I RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA 'DUS MA BYAS GANG YIN PA DE NI KHO BO CAG GI PHYOGS LA YANG GRUB PAS SO, ,RTEN CING 'BREL PAR 'BYUNG BA NI NYAN THOS DANG THUN MONG MA YIN PA NYID MA YIN TE ZHES BYA BA NI DE LTAR SHES RAB KYI PHA ROL TU PHYIN PA LAS 'BYUNG BA'I RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA 'DUS MA BYAS PA GANG YIN PA DE KHO BO CAG GI PHYOGS LA YANG GRUB PAS DE'I PHYIR, RTEN CING 'BREL PAR 'BYUNG BA NI NYAN THOS DANG THUN MONG MA YIN PA NYID MA YIN TE, THUN MONG KHO NA YIN NO ZHES BYA BA'I THA TSIG GO, ,DE'I PHYIR BSTAN BCOS BRTZAM BA RIGS PA MA YIN NO ZHES BYA BA NI, DE LA RTEN CING 'BREL BAR 'BYUNG PA NYAN THOS DANG THUN MONG MA YIN PA DE'I PHYIR, 'DIR BSTAN BCOS BYED PAS DBU MA ZHES BYA BA'I BSTAN BCOS 'DI BRTZAM PA RIGS PA MA YIN NO ZHES BSTAN BCOS BRTZAM PA 'DI 'GOG PAR BYED PA YIN NO ZHES ZER RO ZHES BYA BA NI, BSTAN BCOS 'DIR 'DUS BYAS KYI CHOS THAMS CAD KYI DNGOS PO NYID 'GOG PAR BYED PAS, DE'I PHYIR SANGS RGYAS PA DAG GIS KYANG BSTAN BCOS 'DI MI BZOD PAS, NYAN THOS BYE BRAG TU SMRA BA DAG DE SKAD ZER BA YIN NO, ,DE SKAD RGOL BA DE'I LAN DU 'DIR 'GREL PA BYED PAS, RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA NI DGAG PA'I TSUL GYIS STON PA'I PHYIR DANG, RTEN CING 'BREL BAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA MED PA'I PHYIR RO ZHES BYA BA LA SOGS PA SMRAS TE, 'DIS NI SNGAR NYAN THOS BYE BRAG TU SMRA BA RNAMS NA RE, RTEN CING 'BREL BAR 'BYUNG BA SKYE BA MED PA LA SOGS PA KHYAD PAR DANG LDAN PA NI 'DUS MA BYAS YIN PA'I PHYIR KHO BO CAG GI PHYOGS LA YANG GRUB PAS, RTEN CING 'BREL PAR 'BYUNG BA NI NYAN THOS DANG THUN MONG MA YIN PA NYID MA YIN TE, ZHES ZER BA'I LAN DU, SHES RAB KYI PHA ROL TU PHYIN PA LAS 'BYUNG BA'I RTEN CING 'BREL @52B PAR 'BYUNG BA'I 'DUS MA BYAS DANG, NYAN THOS BYE BRAG TU SMRA BA'I GRUB PA'I MTHA' LAS SMRA BA'I RTEN CING 'BREL PAR 'BYUNG BA 'DUS MA BYAS NI KHYAD PAR SHIN TU CHE BA'I PHYIR RTEN CING 'BREL PAR 'BYUNG BA NI NYAN THOS DANG THUN MONG MA YIN PAS DE'I PHYIR BSTAN BCOS 'DI BRTZAMS PA NI MI RIGS PA MA YIN NO ZHES BYA BAR STON TO, ,DE LA RTEN CING 'BREL BAR 'BYUNG BA NI SKYE BA MED PA LA SOGS PA'I KHYAD PAR DANG LDAN PA NI DGAG PA'I TSUL GYIS STON PA'I PHYIR DANG ZHES BYA BA NI, KHO BO NI SHES RAB KYI PHA ROL TU PHYIN PA LAS 'BYUNG BA KHYAD PAR GYI GZHI RTEN CING 'BREL PAR 'BYUNG BA ZHES BYA BA KHYAD PAR SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG LDAN PA, BSTAN BCOS DBU MA ZHES BYA BA 'DI'I LUS SU BZHAG PA GANG YIN PA NI, SKYE BA MED PA DANG, 'GAG PA MED PA ZHES BYA BA LA SOGS PA DGAG PA'I TSUL GYIS STON LA, KHYOD KYIS SKYE BA MED PA ZHES BYA BA DE DNGOS PO'I TSUL DU KHAS LEN PAS KHYAD PAR SHIN TU CHE BA'I PHYIR, RTEN CING 'BREL BAR 'BYUNG BA NI NYAN THOS DANG THUN MONG MA YIN PAS DE'I PHYIR BSTAN BCOS BRTZAM PA MI RIGS PA MA YIN NO ZHES BYA BA'I THA TSIG GO, ,RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA MED PA'I PHYIR RO ZHES BYA BA NI GAL TE NYAN THOS BYE BRAG TU SMRA BA KHYED NA RE, RTEN CING 'BREL BAR 'BYUNG BA DE DNGOS PO'I TSUL DU NI MED MOD KYI, 'ON KYANG DE 'DUS MA BYAS YOD PA NYID DU STON NA MI DE'I PHYIR RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA MED PA'I PHYIR TE, RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA NI TSIG TZAM GYIS GZHAN LA GO BAR BYAR MI RUNG STE, RJES SU DPAG PA'I TSAD MA DGOS NA RJES SU DPAG PA'I GSAL BA DANG DE KHO NA DE YANG KHYOD LA MED PA, KHYOD SUN DBYUNG BA'I GSAL BA DANG DE KHO NA NI NGA LA YOD PAS KHYAD PAR SHIN TU CHE BA'I PHYIR, RTEN CING 'BREL PAR 'BYUNG BA NI NYAN THOS DANG THUN MONG MA YIN PAS DE'I PHYIR BSTAN BCOS BRTZAM PA MI RIGS PA MA YIN NO ZHES BYA BA'I THA TSIG GO, ,RKYEN NGES PA LAS SKYES PA DE 'DUS MA BYAS NYID DU RTOG NA ZHES BYA BA NI @53A *, ,'GREL PA BYED PAS, NYAN THOS BYE BRAG TU SMRA BA'I DOGS PA BSU BA'I TSIG YIN TE, SNGAR RTEN CING 'BREL BAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA MED PA'I PHYIR RO ZHES SUN DBYUNG BA'I GSAL BA DANG DE KHO NA BSTAN PA DANG, 'DIR GAL TE NYAN THOS BYE BRAG TU SMRA BA DAG RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA RJES SU DPAG PA'I GSAL BA DANG DE KHO NA BSTAN PA'I PHYIR, RKYEN NGES PA LAS SKYE BA DE 'DUS MA BYAS NYID DU RTOG NA DE YANG MI RUNG BAR STON TO, ,DE LA RKYEN NGES PA LAS SKYE BA DE 'DUS MA BYAS NYID DU RTOG NA ZHES BYA BA LA, RKYEN NGES PA LAS ZHES BYA BA NI 'DI LTAR DE LA 'JUG PA MI SDUG DANG, RNGUB PA DANG 'BYUNG BA DRAN PA DANG, ZHES BYA BA NAS, DE MA THAG TU, DRO BAR GYUR PA DANG, RTZE MO DANG, BZOD PA DANG, 'JIG RTEN PA'I CHOS KYI MCHOG DANG, ZAG PA MED PA'I CHOS SHES PA'I BZOD PA DANG, CHOS SHES PA DANG, RJES SU SHES PA'I BZOD PA DANG, RJES SU SHES PA ZHES BYA BA SEMS KYI SKAD CIG MA BCU DRUG GIS RIM GYIS SLOB PA THAMS CAD KYI MTHA' RDO RJE LTA BU'I TING NGE 'DZIN GYIS NYON MONGS PA RNAMS ZAD PA DANG MI SKYE BA SHES PA'I SHES PA SKYE BA GANG YIN PA DE'I RKYEN DANG PO MI SDUG PA BSGOM PA LA SOGS PA BRGYUD PA GANG DAG YIN PA DE DAG NI RKYEN NGES PA ZHES BYA'O, ,DE LAS SKYE BA DE ZHES BYA BA NI RKYEN NGES PA DE LAS SKYE BA ZAD PA DANG MI SKYE BA SHES PA'I SHES PA SKYE BA DE'O, ,DE 'DUS MA BYAS NYID DU RTOG NA ZHES BYA BA NI ZAD PA DANG MI SKYE BA SHES PA'I SHES PA DE RKYEN NGES PA DANG PO MI SDUG PA BSGOM PA LA SOGS PA BRGYUD PA'I RGYU LAS BYUNG BAR ZAD KYI, ,DE LA MNGON SUM GYI RGYU BAR DU MA CHOD PA NYID MED PAS DES NA BRAL BA'I 'BRAS BU'I DBANG DU BYAS TE 'DUS MA BYAS NYID DU RTOG NA'O, ,DE LTAR RTOG NA DE YANG MI RUNG STE CI'I PHYIR MI RUNG ZHE NA, DE'I PHYIR SKYE BA BKAG PA NYID KYI PHYIR DE'I CHOS NYID MI SRID PA'I PHYIR RO ZHES BYA BA SMRAS TE, SKYE BA BKAG PA NYID KYI PHYIR ZHES BYA BA NI KHYOD KYI RKYEN NGES PA LAS SKYE BA ZAD PA DANG, MI SKYE BA SHES PA'I SHES PA SKYE BA DE KHO BOS DON DAM PAR BKAG PA NYID KYI PHYIR RO, ,DE'I CHOS NYID MI SRID PA'I PHYIR RO ZHES BYA BA NI SKYE BA DE'I @53B CHOS NYID 'DUS MA BYAS NYID MI SRID PA'I PHYIR TE, 'DI LTAR KHYOD KYI RKYEN NGES PA LAS SKYE BA ZAD PA DANG MI SKYE BA SHES PA'I SHAS PA SKYE BA DE KHO BOS DON DAM PAR BKAG PA NYID KYI PHYIR SKYE BA DE'I CHOS NYID 'DUS MA BYAS NYID KYANG MI SRID PAS DE'I PHYIR KHYOD RKYEN NGES PA LAS SKYE BA DE 'DUS MA BYAS NYID DU RTOG NA DE YANG MI RUNG NGO, ,DE LTA BAS NA KHYOD LA RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA'I GSAL BA DANG DE KHO NA MED LA, KHO BO LA NI KHYOD KYIS RTEN CING 'BREL BAR 'BYUNG BA 'DUS MA BYAS YOD PA NYID DU STON PA SUN DBYUNG BA'I GSAL BA DANG, DE KHO NA YOD PAS DE'I PHYIR RTEN CING 'BREL BAR 'BYUNG BA NYAN THOS DANG THUN MONG MA YIN PAS BSTAN BCOS BRTZAM PA MI RIGS PA MA YIN NO, ,GZHAN YANG NYAN THOS BYE BRAG TU SMRA BA'I RKYEN NGES PA LAS SKYE BA DE 'DUS MA BYAS NYID DU RTOG PA SUN DBYUNG BA'I GSAL BA DANG DE KHO NA BSTAN PA'I PHYIR, SKYE BA NI 'DUS MA BYAS PA YIN TE; RGYU DANG LDAN PA'I PHYIR GNAS PA BZHIN NO ZHES BYA BA SMRAS TE, DE LA SKYE BA NI 'DUS MA BYAS MA YIN TE ZHES BYA BA NI PHYOGS YIN TE, DA LTAR DANG MA 'ONGS PA'I NYON MONGS PA RNAMS ZAD PA DANG, MI SKYE BA SHES PA'I SHES PA SKYE BA GAD YIN PA DE NI 'DUS MA BYAS MA YIN NO, ,RGYU DANG LDAN PA'I PHYIR ZHES BYA BA 'DI NI PHYOGS KYI CHOS YIN TE, CE'I PHYIR SKYE BA NI 'DUS MA BYAS MA YIN ZHE NA, RGYU DANG LDAN PA'I PHYIR TE, 'DI LTAR BYE BRAG TU SMRA BA KHYED KYIS ZAD PA DANG MI SKYE BA SHES PA'I SHES PA SKYE BA DE RKYEN NGES PA LAS SKYE'O ZHES KHAS BLANGS PAS DE RGYU DANG LDAN PA'I PHYIR 'DUS MA BYAS PA MA YIN NO, ,GAL TE KHYED 'DI SKAD CES RKYEN NGES PA LAS SKYE BA ZHES BYA BA DE NI DE BRGYUD PA'I RGYU LAS SKYE BAR SMRAS PA YIN GYI, MNGON SUM GYI RGYU LAS SKYE BAR MA SMRAS PAS DE'I PHYIR DBU MA PA KHYED KYI GTAN TSIGS KYI DON MA GRUB PA NYID YIN NO ZHES KHO BO LA ZER NA, DE LTAR NA YANG KHO BO NI RGYU BRGYUD PA'AM, MNGON SUM DU SMRA BAR 'DOD PA MA YIN GYI, CHOS KYI SPYI NYID BZUNG NAS RJES SU DPAG PAR BYED DE, RGYU BRGYUD PA'AM, MNGON SUM GANG YIN PA DE'I BYE BRAG MI SEMS PAS DE'I PHYIR KHO BO'I GTAN TSIGS KYI DON MA GRUB PA MA YIN NO, ,GNAS PA BZHIN NO ZHES BYA BA 'DI NI DPE YIN TE, SKYE BA RGYU DANG LDAN PA'I PHYIR 'DUS MA @54A *, ,BYAS MA YIN PAR CI MNGON ZHE NA, GNAS PA BZHIN TE, DPER NA 'DUS BYAS KYI CHOS GNAS PA RNAMS KYANG RGYU DANG LDAN PA'I PHYIR, 'DUS MA BYAS MA YIN PA BZHIN DU, NYON MONGS PA RNAMS ZAD PA DANG, MI SKYE BA SHES PA'I SHES PA SKYE BA DE YANG RGYU DANG LDAN PA'I PHYIR 'DUS MA BYAS MA YIN NO, ,CI STE SKYE BA 'DUS MA BYAS MA YIN PA NYID SPANG PA'I PHYIR SKYE BA'I RGYU MI 'DOD NA NI DE'I TSE RGYU MED PAR SMRA BA NYID DU 'GYUR ZHING, LUNG DANG YANG 'GAL TE, 'DI LTAR LUNG LAS, SANGS RGYAS PA RNAMS KYI DNGOS PO NI RGYU MED PAR MI SKYE'O ZHES GSUNGS PA'I PHYIR RO, ,RJES SU DPAG PA LAS DE MED PAS MI RIGS PA MA YIN NO ZHES BYA BA NI MJUG BSDU BA YIN TE, DE LTAR RJES SU DPAG PA'I SGO NAS NYAN THOS BYE BRAG TU SMRA BA LA RTEN CING 'BREL PAR 'BYUNG BA THUN MONG BA NYID CES BYA BA DE MED PAS, SLOB DPON GYIS BSTAN BCOS BRTZAM PA MI RIGS PA MA YIN NO ZHES BYA BA'I THA TSIG GO, , BSTAN BCOS 'DIR SHES RAB KYI PHA ROL TU PHYIN PA LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA, KHYAD PAR SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG LDAN PA LA SANGS RGYAS PA DAG LAS, KHA CIG BLO GROS NGAN PA'I DRA BAS G-YOGS PA DAG DON LA LOG PAR RTOGS PAS DE'I PHYIR, RANG GI SDE BA DAG LAS GZHAN DAG 'DI SKAD CES SKYE BA MED PA NI DE LAS GZHAN SKYE BA MED PA'I PHYIR TE DBANG PHYUG MA YIN PA BZHIN NO, , 'GAG PA MED PA NI MU STEGS BYED KYIS YONGS SU BRTAGS PA'I 'GAG PA MED PA'I PHYIR TE, BDAG MED PA BZHIN NO, ,CHAD PA MED PA DANG RTAG PA MED PA NI RGYU LA BRTEN TE 'BRAS BU SKYE ZHING, 'BRAS BU SKYE BA NA RGYU 'GAG PA'I PHYIR RO, ,'ONG BA MED PA DANG 'GRO BA MED PA NI SKYE BA'I YUL NYID DU 'JIG PA'I PHYIR RO; ,DON THA DAD PA MA YIN PA DANG DON GCIG PA MA YIN PA NI DE NYID DANG GZHAN DU BRJOD PAR BYA BA NYID MA YIN PA'I PHYIR TE, ,NOR BU'AM BUD SHING NGAM NYI MA DANG PHRAD PA LAS BYUNG BA'I ME BZHIN NO, ,DE LTA BU'I RTEN CING 'BREL PAR 'BYUNG BA NI GSUNG RAB KYI TSUL YIN PA NYAN THOS DANG THUN MONG MA @54B YIN PA NYID MA YIN TE, DE'I PHYIR BSTAN BCOS BRTZAM MI DGOS SO ZHES ZER RO ZHES BYA BA SMRAS TE, 'DIR NI BSTAN BCOS 'DIR SHES RAB KYI PHA ROL TU PHYIN PA LAS 'BYUNG BA, KHYAD PAR GYI GZHI RTEN CING 'BREL PAR 'BYUNG BA ZHES BYA BA KHYAD PAR SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG LDAN PA BSTAN PA LA, SANGS RGYAS PA DAG LAS KHA CIG BLO GROS NGAN PA'I DRA BAS G-YOGS PA DAG DON LA LOG PAR RTOGS PAS 'DIR NYAN THOS MDO SDE PA DAG LAS KHA CIG DE SKAD ZER RO ZHES BYA BAR SBYAR RO, ,DE LA RANG GI SDE PA DAG LAS ZHES BYA BA NI NYAN THOS MDO SDE PA DAG LAS SO, ,GZHAN DAG ZHES BYA BA NI NYAN THOS MDO SDE PA DE DAG LAS KHA CIG GO, ,'DI SKAD CES BYA BA NI NYAN THOS MDO SDE PA DAG LAS KHA CIG 'DI SKAD CES ZER RO ZHES BYA BAR SBYAR RO, ,DE DAG 'DI SKAD CES RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR RNAM PA BRGYAD DANG LDAN PA DE GSUNG RA BA LAS 'BYUNG BA NI BDEN NA, 'DIR BSTAN BCOS BYED PAS DE'I DON MA RTOGS SO ZHES ZER TE, DE'I PHYIR DE DAG NYID NA RE, SKYE BA MED PA NI DE LAS GZHAN SKYE BA MED PA'I PHYIR TE, DBANG PHYUG MA YIN PA BZHIN NO ZHES ZER RO, ,DE LA SKYE BA MED PA NI ZHES BYA BA 'DI NI PHYOGS TE GSUNG RAB LAS 'BYUNG BA KHYAD PAR GYI GZHI RTEN CING 'BREL PAR 'BYUNG BA ZHES BYA BA'I KHYAD PAR SKYE BA MED PA ZHES BYA BA NI'O, ,DE LAS GZHAN SKYE BA MED PA'I PHYIR TE ZHES BYA BA 'DI NI PHYOGS KYI CHOS TE, 'DI LTAR MIG DANG GZUGS DANG SNANG BA DANG NAM MKHA' DANG YID LA BYED PA ZHES BYA BA RKYEN GYI TSOGS PA YOD PA DE LAS GZHAN 'BRAS BU RNA BA LA SOGS PA'I RNAM PAR SHES PA DANG, BUM PA DANG SNAM BU LA SOGS PA DANG, MYU GU DANG SDOD BU LA SOGS PA SKYE BA MED PA'I PHYIR SKYE BA MED PA ZHES BYA BA'AM, YANG NA 'BRAS BU MIG GI RNAM PAR SHES PA DE LAS GZHAN 'BRAS BU RNA BA LA SOGS PA'I RNAM PAR SHES PA DANG, BUM PA DANG SNAM BU LA SOGS PA DANG, MYU GU DANG SDONG BU LA SOGS PA'I RIGS MI MTHUN PA DAG SKYE BA MED PA'I PHYIR, SKYE BA MED PA ZHES BYA BA'I DNGOS PO RNAMS @55A *, ,LA RNAM PA THAMS CAD DU SKYE BA MED PA NI MA YIN TE, DE LTA BAS NA NI MIG DANG GZUGS RNAMS LA BRTEN NAS MIG GI RNAM PAR SHES PA SKYE BA DANG, YID DANG CHOS RNAMS LA BRTEN NAS YID KYI RNAM PAR SHES PA SKYE BA'I BAR DANG, SA BON DANG SA DANG CHU DANG ME DANG RLUNG DANG NAM MKHA' DANG DUS KYI RGYU DANG RKYEN TSOGS PA LAS MYU GU SKYE BA DANG, 'JIM PA DANG DBYUG GU DANG, 'KHOR LO DANG, SKUD PA DANG, CHU DANG ME'I RGYU RKYEN TSOGS PA LAS BUM PA SKYE BA DANG, RGYU SPUN DANG TSIG PA DANG, THAG BZANGS DANG, 'UL BU DANG, SNAS KHYER DANG, THAG PA LA SOGS PA'I RGYU RKYEN CHOGS PA LAS SNAM BU SKYE BA DANG, DE BZHIN DU RGYU RKYEN RIGS MTHUN PA LAS 'BRAS BU RIGS MTHUN PA SKYE BA NI YOD DO, ,DBANG PHYUG MA YIN PA BZHIN NO ZHES BYA BA 'DI NI DPE STE, DPER NA DBANG PHYUG LAS DNGOS PO RNAMS NI SKYE'O ZHES GSUNGS PA LAS NA, DBANG PHYUG MA YIN PA LAS DNGOS PO RNAMS SKYE BAR SHIS TE, LAS DANG NYON MONGS PA LAS SKYE BA SKYE BA DANG, SA BON DANG RKYEN LAS MYU GU SKYE BA BZHIN NO, ,YANG NA DBANG PHYUG MA YIN PA BZHIN NO ZHES BYA BA NI, DBANG PHYUG CES BYA BA NI RDZU 'PHRUL THOB PAS GCIG TU GYUR CING MANG POR 'GYUR PA YIN GYI, DBANG PHYUG MA YIN PA NI RDZU 'PHRUL MA THOB PA STE, DE LA LUS GZUGS DNGOS LAS GZHAN PA'I LUS GZUGS GNYIS PA SKYE BA MED KYANG DE LA LUS GZUGS DNGOS NYID SKYE BA MED PA MA YIN PA BZHIN DU DNGOS PO RNAMS KYI SKYE BA MED PA YANG DE BZHIN DU BLTA'O ZHES ZER RO, ,'GAG PA MED PA NI ZHES BYA BA 'DI YANG PHYOGS TE, GSUNG RAB LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA'I KHYAD PAR 'GAG PA MED PA ZHES BYA BA NI'O, ,MU STEGS BYED KYIS YONGS SU BRTAGS PA'I 'GAG PA MED PA'I PHYIR TE ZHES BYA BA 'DI YANG PHYOGS KYI CHOS TE, 'DI LTAR MU STEGS BYED DAG GIS 'GAG PA LA RGYU YOD PAR YONGS SU BRTAGS PA; JI SKAD DU, TSANGS PA NYID NI 'JIG RTEN 'BYIN NI, ,DRAG POS SKYE DGU SDUD PAR BYED, ,SKYES BU NYID NI BTANG SNYOMS TE, ,RANG BYUNG GNAS SKABS GSUM YIN NO, ,ZHES YONGS SU BRTAGS PA LTA BU'I 'GAG PA MED PA'I PHYIR 'GAG PA MED PA ZHES BYA BA'AM, MU STEGS BYED DAG GIS 'GAG PA LA @55B RGYU YOD PAR YONGS SU BRTAGS PA, JI SKAD DU, LAS KYIS BSKYED PA DAG 'JIG PA'I BSKAL PA'I MTHAR 'GAG PAR 'GYUR RO ZHES YONGS SU BRTAGS PA LTA BU'I 'GAG PA MED PA'I PHYIR 'GAG PA MED PA ZHES BYA BA'I DNGOS PO RNAMS LA RNAM PA THAMS CAD DU 'GAG PA MED PA NI MA YIN TE, DE LTA BAS NA DNGOS PO RNAMS RANG GI NGANG GIS SKAD CIG SKAD CIG LA 'GAG PA NI YOD DO, ,BDAG MED PA BZHIN NO ZHES BYA BA 'DI YANG DPE STE, DPER NA MU STEGS BYED DAG GIS BDAG GI DNGOS PO LUS SAM, MTHE BO 'AM NAS 'BRU'AM KHRE RGOD DAM 'BRAS THUG PO CHE LA SOGS PA'I BONG TSOD TZAM GYI NANG GI BYED PA'I SKYES BU YOD PAR KHAS BLANGS PA'I BDAG DE MED KYANG PHUNG PO LNGA'I BDAG NYID MED PA MA YIN PA BZHIN DU DNGOS PO RNAMS KYI 'GAG PA MED PA YANG DE BZHIN DU BLTA'O ZHES ZER RO, ,CHAD PA MED PA DANG, RTAG PA MED PA NI ZHES BYA BA 'DI YANG PHYOGS TE, GSUNG RAB LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA'I KHYAD PAR CHAD PA MED PA DANG, RTAG PA MED PA ZHES BYA BA NI'O, ,RGYU LA BRTEN TE 'BRAS BU SKYE ZHING 'BRAS BU SKYE BA NA RGYU 'GAG PA'I PHYIR RO ZHES BYA BA 'DI YANG PHYOGS KYI CHOS TE, 'DI LTAR CHAD PA ZHES BYA BA NI RGYUN MI 'JUG PA'I MTSAN NYID YIN NA, GANG GI PHYIR RGYU LA BRTEN TE RGYU'I STOBS KYIS 'BRAS BU SKYE BA DE NI RGYUN 'JUG PA'I MTSAN NYID SKYE BA YIN PA DE'I PHYIR CHAD PA MED PA YIN NA, GANG GI PHYIR 'BRAS BU SKYE BA SKYE BA'I DUS NYID NA MTSAN NYID MI MTHUN PA'I RGYU 'GAG PA DE'I PHYIR RTAG PA MED PA YIN NO, ,ZHES ZER RO, ,'ONG BA MED PA DANG, 'GRO BA MED PA NI ZHES BYA BA 'DI YANG PHYOGS TE, GSUNG RAB LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA'I KHYAD PAR 'ONG BA MED PA DANG 'GRO BA MED PA ZHES BYA BA NI'O, ,SKYES PA'I YUL NYID DU 'JIG PA'I PHYIR RO ZHES BYA BA 'DI YANG PHYOGS KYI CHOS TE, 'DI LTAR YUL GANG NAS YUL GZHAN DU 'ONG BA DANG 'GRO BA'I DNGOS PO 'GAG PA YANG MED DE, GANG SKYE BA DE NI SKYES PA'I YUL DE NYID DU 'JIG PAS GZHAN DU 'GRO BA MED PA'I PHYIR DANG, GANG YUL GZHAN DU SKYE BA DE YANG SKYES PA NA SKYES PA'I YUL GZHAN DE NYID DU 'JIG PAS 'DIR 'ONG PA MED PA'I PHYIR 'ONG BA MED PA DANG 'GRO BA MED PA YIN NO @56A *, ,ZHES ZER RO, ,DON THA DAD PA MA YIN PA DANG, DON GCIG PA MA YIN PA NI ZHES BYA BA 'DI YANG PHYOGS TE, GSUNG RAB LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA'I KHYAD PAR DON THA DAD PA MA YIN PA DANG, DON GCIG PA MA YIN PA ZHES BYA BA NI'O, ,DE NYID DANG GZHAN DU BRJOD PAR BYA BA NYID MA YIN PA'I PHYIR TE ZHES BYA BA 'DI YANG PHYOGS KYI CHOS TE, 'DI LTAR DNGOS PO RGYU RKYEN GANG LAS BYUNG BA DE NI RGYU RKYEN DE DANG GCIG PA NYID DU BRJOD PAR BYA BA NYID KYANG MA YIN LA, DE DANG THA DAD PA NYID DU BRJOD PAR BYA BA NYID KYANG MA YIN PA'I PHYIR DON THA DAD PA MA YIN PA DANG, DON GCIG PA MA YIN NO, ,NOR BU'AM BUD SHING NGAM NYI MA DANG PHRAD PA LAS BYUNG BA'I ME BZHIN NO ZHES BYA BA 'DI YANG DPE STE, DPER NA NOR BU ME SHEL DANG PHRAD PA LAS BYUNG BA'I ME'AM, BUD SHING DANG PHRAD PA LAS BYUNG BA'I ME'AM, NYI MA DANG PHRAD PA LAS BYUNG BA'I ME GANG YIN PA DE NI NOR BU DANG BUD SHING DANG NYE MA DAG LAS SO SOR BTZAL NA, NOR BU DANG BUD SHING DANG NYI MA DAG LA MED PAS DE'I PHYIR RGYU DANG 'BRAS BU GNYIS GCIG PA NYID KYANG MA YIN LA, GANG GI PHYIR ME DE NI NOR BU DANG BUD SHING DANG NYI MA'I RKYEN LAS BYUNG BAS DE THA DAD PA MA YIN PA DE'I PHYIR, RGYU DANG 'BRAS BU'I RIGS MTHUN PA NYID THA DAD PA YANG MA YIN PA BZHIN DU, DNGOS PO RNAMS KYANG RGYU RKYEN GANG LAS BYUNG BA'I RGYU RKYEN DE DANG, DON THA DAD PA YANG MA YIN LA, DON GCIG PA YANG MA YIN NO ZHES ZER RO, ,DE LTA BU'I RTEN CING 'BREL BAR 'BYUNG BA NI GSUNG RAB KYI TSUL YIN PAS ZHES BYA BA NI SKYE BA MED PA DANG, 'GAG PA MED PA ZHES BYA BA LA SOGS PA KHYAD PAR RNAM PA BRGYAD DANG LDAN PA DE LTA BU'I RTEN CING 'BREL BAR 'BYUNG BA NI SANGS RGYAS KYI BKAS RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA YIN PAR GSUNGS PAS SO, ,NYAN THOS DANG THUN MONG MA YIN PA NYID MA YIN PA STE ZHES BYA BA NI GANG GI PHYIR DE LTA BU'I RTEN CING 'BREL BAR 'BYUNG BA DE NI SDE SNOD GSUM PO DAG LA YANG YOD PA DE'I PHYIR NYAN THOS DANG THUN MONG MA YIN PA NYID MA YIN TE, THUN MONG KHO NA YIN NO ZHES ZER RO, ,DE'I PHYIR BSTAN BCOS BRTZAM MI DGOS SO ZHES BYA BA NI DE LTAR RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA DE NI GSUNG @56B RAB KYI TSUL YIN PAS, NYAN THOS DANG THUN MONG NYID YIN PA DE'I PHYIR, 'DIR DBU MA ZHES BYA BA'I BSTAN BCOS 'DI BRTZAM MI DGOS SO ZHES ZER BA YIN NO ZHES ZER RO ZHES BYA BA NI BSTAN BCOS 'DIR SHES RAB KYI PHA ROL TU PHYIN PA LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA KHYAD PAR SKYE BA MED PA DANG, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DANG LDAN PA BSTAN PA LA, SANGS RGYAS PA DAG LAS KHA CIG BLO GROS NGAN PA'I DRA BAS G-YOGS PA DAG DON LA LOG PAR RTOGS PAS, NYAN THOS MDO SDE PA DAG LA KHA CIG DE SKAD CES ZER BA YIN NO, ,DE SKAD CES RGOL BA DE'I LEN DU, 'DIR 'GREL PA BYED PAS DE NI MANG PO YANG YIN, DE NI SNA TSOGS KYANG YIN MOD KYI, DE NI DE LTA MA YIN NO ZHES BSTAN PA'I PHYIR, SKYE BA NYID SKYE BA MED PA'I NGO BO NYID KHO NAR STON PAS, RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA KHAS LEN PA'I PHYIR, DE NI KHYAD PAR SHIN TU CHE BA DE'I PHYIR BSTAN BCOS BRTZAM MI DGOS PA MA YIN NO ZHES BYA BA SMRAS SO, ,DE LA SKYE BA NYID SKYE BA MED PA'I NGO BO NYID KHO NAR STON PAS ZHES BYA BAS JI SKAD BSTAN ZHE NA, KHO BO NI KHYED NYAN THOS MDO SDE PAS MIG DANG GZUGS RNAMS LA BRTEN TE, MIG GI RNAM PAR SHES PA SKYE BA DANG, SA BON DANG RKYEN LA BRTEN NAS MYU GU SKYE BA LA SOGS PAR KHAS BLANGS PA GANG YIN PA'I SKYE BA DE NYID SKYE BA MED PA'I NGO BO NYID KHO NAR STON PA DANG, DE BZHIN DU KHYED KYIS RANG GI RANG GIS 'GAGS PAS 'GAG PA YOD PAR KHAS BLANGS PA DANG, RGYU LA BRTEN TE 'BRAS BU SKYE BAS CHAD PA MED PAR KHAS BLANGS PA DANG, 'BRAS BU SKYE BA NA RGYU 'GAGS PAS RTAG PA MED PAR KHAS BLANGS PA DANG, SKYES PA'I YUL GZHAN NYID DU 'JIG PAS 'ONG BA MED PAR KHAS BLANGS PA DANG, SKYES PA'I YUL 'DI NYID DU 'JIGS PAS 'GRO BA MED PAR KHAS BLANGS PA DANG, RGYU RKYEN DAG LA 'BRAS BU MED PAS DON GCIG PA MA YIN PAR KHAS BLANGS PA DANG, RGYU RKYEN RIGS MTHUN PA LAS 'BRAS BU RIGS MTHUN PA 'BYUNG BAS DON THA DAD PA MA YIN PAR KHAS BLANGS PA GANG DAG YIN PA DE DAG @57A *, ,THAMS CAD 'GAG PA MED PA LA SOGS PA'I NGO BO NYID KHO NAR STON PAS, RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA KHAS LEN PA'I PHYIR KHYED DANG KHYAD PAR SHIN TU CHE BAS DE'I PHYIR BSTAN BCOS BRTZAM PA SHIN TU DGOS SO ZHES BYA BAR STON TO, , RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA KHAS LEN PA'I PHYIR ZHES BYA BA NI KHO BO NI KHYED KYIS SKYE BA DANG 'GAG PA LA SOGS PA KHAS BLANGS PA NYID, SKYE BA MED PA DANG, 'GAG PA MED PA LA SOGS PA'I NGO BO NYID KHO NAR STON PAS SHES RAB KYI PHA ROL TU PHYIN PA LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA ZHES BYA BA, KHYAD PAR SKYE BA MED PA DANG 'GAG PA MED PA LA SOGS PA DANG LDAN PA KHAS LEN PA'I PHYIR RO, ,DE NI KHYAD PAR SHIN TU CHE BAS ZHES BYA BA NI KHYED KYI KHAS BLANGS PA DANG, KHO BOS KHAS BLANGS PA'I RTEN CING 'BREL BAR 'BYUNG BA DE NI KHYAD PAR SHIN TU CHE BAS, SHES RAB KYI PHA ROL TU PHYIN PA LAS 'BYUNG BA'I RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA DE NI NYAN THOS DANG THUN MONG MA YIN PAS SO, ,DE'I PHYIR BSTAN BCOS BRTZAM MI DGOS PA MA YIN NO ZHES BYA BA NI DE LTAR GANG GI PHYIR KHYAD PAR SHIN TU CHE BAS NYAN THOS DANG THUN MONG MA YIN PA DE'I PHYIR 'DIR SLOB DPON GYI ZHAL SNGA NAS KYIS DBU MA ZHES BYA BA'I BSTAN BCOS 'DI BRTZAM MI DGOS PA MA YIN TE DGOS PA KHO NA YIN NO ZHES BYA BA'I THA TSIG GO, ,DE LTAR BSTAN BCOS BRTZAM MI DGOS SO ZHES ZER BA'I LAN BTAB PA DANG, 'DIR GAL TE DMIGS PA CAN DAG 'DI SKAD CES SHES RAB KYI PHA ROL TU PHYIN PA LAS 'BYUNG BA'I RTEN CING 'BREL BAR 'BYUNG BA'I SKYE BA MED PA LA SOGS PA'I KHYAD PAR RNAM PA BRGYAD DANG LDAN PA 'DI NI RTEN CING 'BREL BAR 'BYUNG BA'I MTSAN NYID DANG BRAL BA'I PHYIR, DPER NA GRANGS CAN DAG LA SOGS PA'I BSTAN BCOS DANG 'DRA BAS SANGS RGYAS KYI BKA' MA YIN NO, ,RTEN CING 'BREL BAR 'BYUNG BA'I MTSAN NYID GANG ZHE NA, 'DI LTA STE, LUGS SU 'BYUNG BA NYID DANG, LUGS LAS BZLOG PA NYID DANG, RGYU DANG 'BRAS BU'I DNGOS PO NYID DO, ,DE LA LUGS SU 'BYUNG BA NYID GANG ZHE NA, BCOM LDAN 'DAS KYIS @57B RTEN CING 'BREL BAR 'BYUNG BA'I YAN LAG BCU GNYIS JI SKAD BKA' STZAL PA, 'DI LTA STE, MA RIG PA'I RKYEN GYIS 'DU BYED RNAMS, 'DU BYED KYI RKYEN GYIS RNAM PAR SHES PA, RNAM PAR SHES PA'I RKYEN GYIS MING DANG GZUGS, MING DANG GZUGS KYI RKYEN GYIS SKYE MCHED DRUG ,SKYE MCHED DRUG GI RKYEN GYIS REG PA, REG PA'I RKYEN GYIS TSOR BA, TSOR BA'I RKYEN GYIS SRED PA, SRED PA'I RKYEN GYIS LEN PA, LEN PA'I RKYEN GYIS SRID PA, SRID PA'I RKYEN GYIS SKYE BA, SKYE BA'I RKYEN GYIS RGA SHI DANG MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'BYUNG BAR 'GYUR RO ZHES GSUNGS PA YIN NO, ,LUGS LAS BZLOG PA NYID GANG ZHE NA, 'DI LTA STE, MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG , SREG PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'GAG PAR 'GYUR TE, DE LTAR NA SDUG BSNGAL GYI PHUNG PO CHEN PO 'BA' ZHIG PA 'DI 'GAG PAR 'GYUR RO ZHES GSUNGS PA YIN NO, ,RGYU DANG 'BRAS BU'I DNGOS PO NYID GANG ZHE NA, 'DI LTA STE, MA RIG PA NI RGYU'I DNGOS PO NYID YIN LA, 'DU BYED LA SOGS PA YAN LAG LHAG MA BCU GCIG PO DAG NI 'BRAS BU'I DNGOS PO NYID YIN NO, ,YANG NA MA RIG PA NI 'DU BYED RNAMS KYI RGYU'I DNGOS PO NYID YIN LA, 'DU BYED RNAMS NI MA RIG PA'I 'BRAS BU'I DNGOS PO NYID YIN PA DANG, 'DU BYED RNAMS NI RNAM PAR SHES PA'I RGYU'I DNGOS PO NYID YIN LA RNAM PAR SHES PA NI 'DU BYED RNAMS KYI 'BRAS BU'I DNGOS PO @58A *, ,NYID YIN PA DANG, RNAM PAR SHES PA NI MING DANG GZUGS KYI RGYU'I DNGOS PO NYID YIN LA, MING DANG GZUGS NI RNAM PAR SHES PA'I 'BRAS BU'I DNGOS PO NYID YIN PA DANG, MING DANG GZUGS NI SKYE MCHED DRUG GI RGYU'I DNGOS PO NYID YIN LA, SKYE MCHED DRUG NI MING DANG GZUGS KYI 'BRAS BU'I DNGOS PO NYID YIN PA DANG, SKYE MCHED DRUG NI REG PA'I RGYU'I DNGOS PO NYID YIN LA, REG PA NI SKYE MCHED DRUG GI 'BRAS BU'I DNGOS PO NYID YIN PA DANG, REG PA NI TSOR BA'I RGYU'I DNGOS PO NYID YIN LA, TSOR BA NI REG PA'I 'BRAS BU'I DNGOS PO NYID YIN PA DANG, TSOR BA NI SRID PA'I RGYU'I DNGOS PO NYID YIN LA, SRID PA NI TSOR BA'I 'BRAS BU'I DNGOS PO NYID YIN PA DANG, SRED PA NI LEN PA'I RGYU'I DNGOS PO NYID YIN LA, LEN PA NI SRED PA'I 'BRAS BU'I DNGOS PO NYID YIN PA DANG, LEN PA NI SRID PA'I RGYU'I DNGOS PO NYID YIN LA, SRID PA NI LEN PA'I 'BRAS BU'I DNGOS PO NYID YIN PA DANG; SRID PA NI SKYE BA'I RGYU'I DNGOS PO NYID YIN LA, SKYE BA NI SRID PA'I 'BRAS BU'I DNGOS PO NYID YIN PA DANG, SKYE BA NI RGA SHI LA SOGS PA'I RGYU'I DNGOS PO NYID YIN LA, RGA SHI LA SOGS PA NI SKYE BA'I 'BRAS BU'I DNGOS PO NYID YIN PA'O, ,RTEN CING 'BREL BAR 'BYUNG BA'I MTSAN NYID DE DAG KHYOD KYI RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR DANG LDAN PA 'DI LA MED PAS, DE'I PHYIR SANGS RGYAS KYI BKA' MA YIN NO ZHES ZER NA, 'DIR DE'I LAN DU 'DI SKAD CES BRJOD PAR BYA STE, BCOM LDAN 'DAS KYIS, SDANG BAS CHOS RNAMS MI SHES SHING, ,SDANG BAS CHOS RNAMS MI MTHONG STE, ,MI GANG ZHE SDANG BRTEN PA NI, ,DE TSE MUN PAS MUN NAG 'GYUR, ,ZHES BKA' STZAL PA, DE NI LEGS PAR GSUNGS PA YIN TE, DE'I PHYIR ZHE SDANG GI DRI MA MANG PO'I LING TOG GIS BLO GROS KYI MIG BSGRIBS PA LONG BA LTA BU KHYOD KYIS KYANG, STON KA'I NAM MKHA'I DKYIL NAS SHAR BA'I ZLA BA LTAR GSAL BA RTEN CING 'BREL BAR 'BYUNG BA'I MTSAN NYID LUGS SU 'BYUNG BA NYID DANG, LUGS LAS BZLOG PA NYID DANG, RGYU DANG 'BRAS BU'I DNGOS PO NYID KYI YON TAN DANG LDAN PA 'DI YOD BZHIN DU MI MTHONG NGO, ,'DI LTAR RTEN CING 'BREL BAR 'BYUNG BA 'DI LA YANG MTSAN NYID THAMS @58B CAD YOD DE, 'DI LTA STE, SKYE BA'I RKYEN GYIS 'GAG PA DANG, SKYE PA'I RKYEN GYIS CHAD PA DANG, SKYE BA'I RKYEN GYIS RTAG PA DANG, SKYE BA'I RKYEN GYIS 'ONG BA DANG, SKYE BA'I RKYEN GYIS 'GRO BA DANG, SKYE BA'I RKYEN GYIS DON THA DAD PA DANG, SKYE BA'I RKYEN GYIS DON GCIG PAR 'GYUR BA GANG YIN PA DE NI KUN NAS NYON MONGS PA'I LUGS SU 'BYUNG BA NYID YIN NO, ,'DI LTA STE, SKYE BA MED PAS 'GAG PA MED PA DANG, SKYE BA MED PAS CHAD PA MED PA DANG, SKYE BA MED PAS RTAG PA MED PA DANG, SKYE BA MED PAS 'ONG BA MED PA DANG, SKYE BA MED PAS 'GRO BA MED PA DANG, SKYE BA MED PAS DON THA DAD PA MED PA DANG, SKYE BA MED PAS DON GCIG PA MED PAR 'GYUR BA GANG YIN PA DE NI RNAM PAR BYANG BA'I LUGS LAS BZLOG PA NYID YIN NO, ,'DI LTA STE, SKYE BA MED PA YOD PAS 'GAG PA MED PA YOD PA DANG, SKYE BA MED PA YOD PAS CHAD PA MED PA YOD PA DANG, SKYE BA MED PA YOD PAS RTAG PA MED PA YOD PA DANG, SKYE BA MED PA YOD PAS 'ONG BA MED PA YOD PA DANG, SKYE BA MED PA YOD PAS 'GRO BA MED PA YOD PA DANG, SKYE BA MED PA YOD PAS DON THA DAD PA MA YIN PA YOD PA DANG, SKYE BA MED PA YOD PAS DON GCIG PA MA YIN PA YOD PA GANG YIN PA DE NI RNAM PAR BYANG BA'I LUGS SU 'BYUNG BA NYID YIN NO, ,GZHAN YANG RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR RNAM PA BRGYAD DANG LDAN PA 'DIR LUGS SU 'BYUNG BA NYID DANG, LUGS LAS BZLOG PA NYID KYI MTSAN NYID NI NANG DANG PHYI ROL GYI DNGOS PO THAMS CAD LA KHYAB PA YIN GYI, YAN LAG BCU GNYIS PO DAG GI LUGS SU 'BYUNG BA NYID DANG; LUGS LAS BZLOG PA NYID KYI MTSAN NYID NI NANG GI DNGOS PO 'BA' ZHIG LA KHYAB PA YIN TE, 'DI LTAR YAN LAG BCU GNYIS PO DAG GI LUGS SU 'BYUNG BA NYID DANG, LUGS LAS BZLOG PA NYID KYI MTSAN NYID NI NANG GI DNGOS PO RNAMS NYI TSE LA YOD PAR ZAD KYI, PHYI ROL GYI DNGOS PO RNAMS LA MED PA'I PHYIR DANG, 'DI'I LUGS SU 'BYUNG BA'I MTSAN NYID NI JI LTAR NANG GI DNGOS PO RNAMS SKYES PA'I RKYEN GYIS 'GAG PA DE BZHIN DU, PHYI ROL GYI DNGOS PO RNAMS SKYES PA'I RKYEN GYIS KYANG 'GAG PAR 'GYUR BA'I PHYIR DANG, 'DI'I LUGS LAS BZLOG PA'I MTSAN NYID KYANG, JI LTAR NANG GI @59A *, ,DNGOS PO RNAMS KYI SKYE BA MED PAS 'GAG PA MED PA DE BZHIN DU PHYI ROL GYI DNGOS PO RNAMS KYI SKYE BA MED PAS KYANG 'GAG PA MED PAR 'GYUR BA'I PHYIR RO, ,GZHAN YANG RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR RNAM PA BRGYAD DANG LDAN PA 'DI'I LUGS SU 'BYUNG BA NYID KYI MTSAN NYID NI KUN NAS NYON MONGS PA DANG, RNAM PAR BYANG BA'I DNGOS PO THAMS CAD LA KHYAB PA YIN GYI, YAN LAG BCU GNYIS PO DAG GI LUGS SU 'BYUNG BA NYID KYI MTSAN NYID KYI MTSAN NYID KYI MTSAN NYID NI KUN NAS NYON MONGS PA PA'I DNGOS PO 'BA' ZHIG LA KHYAB KYI, RNAM PAR BYANG BA'I DNGOS PO LA KHYAB PA MA YIN TE, 'DI LTAR YAN LAG BCU GNYIS PO DAG GI LUGS SU 'BYUNG BA NYID KYI MTSAN NYID NI MA RIG PA'I RKYEN GYIS 'DU BYED RNAMS ZHES BYA BA LA SOGS PA KUN NAS NYON MONGS PA PA'I DNGOS PO 'BA' ZHIG LA YOD PAR ZAD KYI, RNAM PAR BYANG BA PA'I DNGOS PO LA MED PA'I PHYIR DANG, 'DI'I LUGS SU 'BYUNG BA NYID KYI MTSAN NYID KYIS NI SKYE BA'I RKYEN GYIS 'GAG PA ZHES BYA BA LA SOGS PA KUN NAS NYON MONGS PA PA'I DNGOS PO RNAMS LA YANG KHYAB LA, SKYE BA MED PA YOD PAS 'GAG PA MED PA YOD CES BYA BA LA SOGS PAS RNAM PAR BYANG BA PA'I DNGOS PO RNAMS LA YANG KHYAB PA'I PHYIR RO, ,GZHAN YANG RTEN CING 'BREL BAR 'BYUNG BA SKYE BA MED PA LA SOGS PA'I KHYAD PAR RNAM PA BRGYAD DANG LDAN PA 'DI'I RGYU'I RTZA BA NI KUN NAS NYON MONGS PA DANG RNAM PAR BYANG BA PA'I DNGOS PO THAMS CAD KYI MNGON SUM GYI RGYU NYID YIN GYI, YAN LAG BCU GNYIS PO DAG GI RGYU'I RTZA BA NI KUN NAS NYON MONGS PA PA'I DNGOS PO THAMS CAD KYI MNGON SUM GYI RGYU NYID MA YIN TE, 'DI LTAR YAN LAG BCU GNYIS PA DAG GI RGYU'I RTZA BA MA RIG PA NI 'DU BYED RNAMS NYI TSE'I MNGON SUM GYI RGYU YIN GYI, YAN LAG LHAG MA RNAMS KYI MNGON SUM GYI RGYU NYID MA YIN PA'I PHYIR DANG, 'DI'I KUN NAS NYON MONGS PA'I RGYU'I RTZA BA SKYE BA YANG 'GAG PA LA SOGS PA KUN NAS NYON MONGS PA PA'I DNGOS PO THAMS CAD KYI MNGON SUM GYI RGYU NYID KYANG YIN LA, RNAM PAR BYANG BA PA'I RGYU'I RTZA BA SKYE BA MED PA LA YANG 'GAG PA MED PA LA SOGS PA RNAM PAR BYANG BA BA'I DNGOS PO THAMS CAD KYI MNGON SUM GYI RGYU NYID YIN PA'I PHYIR RO, ,DE LTAR NA RTEN CING 'BREL @59B PAR 'BYUNG BA SKYE BA MED PA LA SOGS PA'I KHYAD PAR RNAM PA BRGYAD DANG LDAN PA 'DI NI RTEN CING 'BREL PAR 'BYUNG BA'I MTSAN NYID THAMS CAD DANG LDAN PAS DMIGS PA CAN KHYOD KYI GTAN TSIGS KYI DON NYID MA GRUB PA'I PHYIR, 'DI SANGS RGYAS KYI BKA' MA YIN PA MA YIN TE, SANGS RGYAS KYI BKA' KHO NA YIN NO,, ,,BAM PO BDUN PA, ZHAR LA BSHAD PAS CHOG GI ,DA NI SKABS NYID BSGRUB PAR BYA'O, ,DA 'DI MAN CHAD NI BSTAN BCOS KYI GZHUNG NYID BSHAD PAR BYA STE, DE'I PHYIR SLOB DPON GYIS RTEN CING 'BREL PAR 'BYUNG BA SKYE BA MED PA LA SOGS PA THUN MONG MA YIN PA'I KHYAD PAR DANG LDAN PA DE KHO NA STON PAR MDZAD PA NYID KYIS BCOM LDAN 'DAS LA MNGON PAR BSTOD NAS ZHES BYA BA LA SOGS PA SMRAS TE, 'DI DAG GIS NI BSTAN BCOS KYI GZHUNG NYID BSHAD PAR RTZOM PA'I MGO 'DREN PA STON TO, ,DE YANG SLOB DPON GYIS DE LTAR BCOM LDAN 'DAS LA MNGON PAR BSTOD NAS, NYID KYIS CHOS THAMS CAD KYI DE KHO NA JI LTAR THUGS SU CHUD PA DE BZHIN DU GZHAN LA BSTAN PAR DGONGS PA NA, SKYE BA MED PA DANG POR BSTAN PAR BZHED NAS, GZHAN GYIS YONGS SU BRTAGS PA'I SKYE BAR RNAM PAR RTOG PA MNGON SUM DU MDZAD DE, DNGOS PO RNAMS BDAG DANG GZHAN DANG GNYIS KA DANG RGYU MED PA LAS SKYE'O ZHES ZER BA DAG ,RIGS PA DANG LUNG DAG GIS BRTAGS PA NA, SKYE BA RNAM PA THAMS CAD DU 'THAD PA MI BZOD PAR RANG LA NGES PA'I DBANG GIS SKYE BA MED PAR BSTAN PA'I SGO NAS, RKYEN BRTAG PA'I RAB TU BYED PA DANG PO'I SKABS BRTZAM PA MDZAD DO ZHES BYA BAR SBYAR RO, ,DE LA SLOB DPON GYIS ZHES BYA BA NI 'PHAGS PA KLU SGRUB KYIS SO, ,RTEN CING 'BREL BAR 'BYUNG BA'I SKYE BA MED PA LA SOGS PA THUN MONG MA YIN PA'I KHYAD PAR DANG LDAN PA DE KHO NA STON PAR MDZAD PA NYID KYIS BCOM LDAN 'DAS LA MNGON PAR BSTOD NAS ZHES BYA BA NI SHES RAB KYI PHA ROL TU PHYIN PA LAS 'BYUNG BA KHYAD PAR GYI GZHI RTEN CING 'BREL BAR 'BYUNG BA, KHYAD PAR SKYE BA MED PA DANG, 'GAG PA MED PA LA SOGS PA THUN MONG MA YIN PA DANG LDAN PA SNGAR JI SKAD BSTAN PA'I SGRA DANG DON DE KHO NA STON PAR MDZAD PA NYID KYIS, BCOM LDAN 'DAS LA, GANG GI RTEN CING 'BREL PAR 'BYUNG, , @60A *, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES MNGON PAR BSTOD NAS SO, , SKYE BA MED PA BSTAN PAS 'GAG PA MED PA LA SOGS PA KHYAD PAR BSTAN SLA BAR DGONGS PA NA ZHES BYA BA NI, SLOB DPON GYIS NGAS CHOS THAMS CAD KYI DE KHO NA JI LTAR RTOGS PA DE KHO NA BZHIN DU SEMS CAN RNAMS LA YANG BSTAN PAR BYA'O SNYAM NAS, 'GAG PA MED PA SKYE MED PA, ,CHAD PA MED PA RTAG MED PA; ,'ONG BA MED PA 'GRO MED PA, ,THA DAD DON MIN DON GCIG MIN, ,ZHES BYA BA TSIG GI DON BRGYAD PO DAG GIS BSTAN BCOS KYI LUS RNAM PAR GZHAG PAR MDZAD PA DE LAS 'DIR SKYE BA MED PA DANG POR BSTAN PAS, 'GAG PA MED PA LA SOGS PA KHYAB PAR GZHAN BSTAN SLA BAR DGONGS NAS SO; ,SKYE BA MED PA DANG POR BSTAN PAR BZHED NAS ZHES BYA BA NI 'DI SKAD CES BSTAN TE, 'DI LTAR BSTAN BCOS KYI LUS RNAM PAR GZHAG PA SNGAR BSTAN PA'I SKABS SU 'GAG PA MED PA ZHES BYA BA'I TSIG GI DON DANG POR RNAM PAR GZHAG MOD KYI, 'DIR DE DAG BSTAN PA'I SKABS SU SKYE BA MED PA DANG POR BSTAN NA, 'GAG PA MED PA DANG, CHAD PA MED PA DANG, RTAG PA MED PA DANG, 'ONG BA MED PA DANG, 'GRO BA MED PA DANG, DON THA DAD PA MA YIN PA DANG, DON GCIG PA MA YIN PA DAG BSTAN SLA BAS, DE'I PHYIR SKYE BA MED PA DANG POR BSTAN PAR BZHED NAS SO, ,'DIR GZHAN DAG NA RE, SNGAR YANG SKYE BA'I 'OG TU 'GAG PA DGAG PAR RIGS TE, DE SNGON DU 'GRO BA CAN YIN PA'I PHYIR, CHAD PA BZHIN NO ZHES GLENGS PA'I TSE KHYED NA RE, 'KHOR BA LA THOGS MA MED PA'I PHYIR SKYE BA DANG 'GAG PA LA GO RIMS NGES PA MED PA'I PHYIR, 'GAG PA MED PA SKYE MED PA, ,ZHES BSTAN PA LA NYES PA MED DO ZHES ZER NA, 'DIR YANG DE'I GO RIMS BZHIN DU 'GAG PA MED PA DANG POR BSTAN PA'I RIGS NA, CI'I PHYIR SKYE BA MED PA DANG POR BSTAN PAR 'DOD CE NA, DE'I LAN DU 'DI SKAD CES BRJOD PAR BYA STE, SNGAR, 'GAG PA MED PA SKYE MED PA, ,ZHES BSTAN PA LA NYIS PA MED DO ZHES BSHAD PA NI @60B 'KHOR BA LA THOG MA MED PA'I PHYIR DANG, 'GAG PA NI SKYE BA'I RIM PA LA MI LTOS PA'I PHYIR DANG, DON BRTAG PA YIN PA'I PHYIR DE SKAD BSHAD PA YIN GYI, 'DIR DE DAG GI DON BSTAN PA LA NI SKYES NA 'GAG PAR 'GYUR GYI, MA SKYES NA 'GAG PAR MI 'GYUR BA DANG, SKYE BA RGYUN CHAD PA'I MTSAN NYID NI CHAD PA YIN GYI, MA SKYES NA CHAD PAR MI 'GYUR BA DANG, SKYES PA MA ZHIG PAS RTAG PA YIN GYI, MA SKYES NA RTAG PAR MI 'GYUR BA DANG, SKYES PA YUL GZHAN NAS 'ONG BAS 'ONG BA YIN GYI, MA SKYES PA NA 'ONG BAR MI 'GYUR BA DANG, SKYES PA YUL GZHAN DU 'GRO BAS 'GRO BA YIN GYI, MA SKYES NA 'GRO BAR MI 'GYUR BA DANG, SKYES PA MTSAN NYID THA DAD PAS DON THA DAD PA YIN GYI, MA SKYES NA DON THA DAD PAR MI 'GYUR BA DANG, SKYES PA MTSAN NYID GCIG PAS DON GCIG PA YIN GYI MA SKYES NA DON GCIG PAR MI 'GYUR BAS DE'I PHYIR 'GAG PA LA SOGS PA THAMS CAD KYI RGYU NI SKYE BA YIN PA'I PHYIR, RGYU BKAG NA DE'I 'BRAS BU RNAMS KYANG MI 'BYUNG BA'I PHYIR DANG, 'JIG RTEN YANG PHAL CHER SKYE BA LA SHIN TU LHAG PAR CHAGS PA DANG, SKYE BA LA MNGON PAR ZHEN PA YIN NA, BSTAN BCOS 'DI NI LHAG PAR CHAGS PA DANG MNGON PAR ZHEN PA SPONG BA'I PHYIR ZHUGS PA YIN PA'I PHYIR DANG, LHAG PAR CHAGS PA DANG MNGON PAR ZHEN PA SPANGS NA MYA NGAN LAS 'DAS PA THOB PAR 'GYUR BA'I PHYIR, 'DIR SLOB DPON SKYE BA MED PA DANG POR BSTAN PAR BZHED DO, ,DE'I PHYIR GZHAN GYIS YONGS SU BRTAGS PA'I SKYE BAR RNAM PAR RTOG PA MNGON SUM DU MDZAD DE ZHES BYA BA SMRAS TE, DE LA GZHAN GYIS YONGS SU BRTAGS PA'I ZHES BYA BA NI DON DAM PAR NA NYID KYI BLO LA SKYE BA RNAM PAR RTOG PA'I DGONGS PA NYID MI MNGA' BAS, 'DI LTAR GZHAN DAG GIS DON DAM PAR SKYE BA YOD PAR YONGS SU BRTAGS PA'I SKYE BAR RNAM PAR RTOG PA GANG DAG YIN PA DE DAG MNGON SUM DU MDZAD DE ZHES BYA BAR SBYAR RO, ,SKYE BAR RNAM PAR RTOG PAR ZHES BYA BA NI, RNAM PAR RTOG PA GANG DAG GIS SKYE BAR RNAM PAR BRTAGS SHING GZUNG BA GANG DAG YIN PA DE DAG NI SKYE BAR RNAM PAR RTOG PA ZHES BYA STE, SKYE BA'I RNAM PA ZHES BYA BA'I THA TSIG GO, ,MNGON SUM DU MDZAD DE ZHES BYA BA NI SEMS KYI MDUN DU BZHAG PA MDZAD PA STE DMIGS PAR MDZAD DE ZHES BYA BA'I THA TSIG GO, ,SKYE BAR RNAM PAR RTOG @61A *, ,PA DE DAG KYANG GANG ZHE NA, DE'I PHYIR 'DI LTAR SKYE BAR SMRA BA DAG LAS, KHA CIG NI DNGOS PO RNAMS BDAG LAS SKYE'O ZHES ZER, GZHAN DAG NI GZHAN LAS SO ZHES ZER KHA CIG NI GNYI GA LAS SO ZHES ZER, GZHAN DAG NI RGYU MED PA LAS SO ZHES ZER BA DAG CES BYA BA SMRAS SO; ,SKYE BAR RNAM PAR RTOG PA DE DAG MNGON SUM DU MDZAD DE'O, ,RIGS PA DANG LUNG DAG GIS BRTAGS PA NA ZHES BYA BA NI SKYE BAR RNAM PAR RTOG PA DA DAG MNGON SUM DU MDZAD DE RIGS PA DANG LUNG DAG GIS BRTAGS PA NA'O, ,DE LA RIGS PA ZHES BYA BA NI GTAN TSIGS DANG, DPE 'JIG RTEN DANG LUNG LA GRAGS PA DAG GO, ,LUNG ZHES BYA BA NI SHES RAB KYI PHA ROL TU PHYIN PA LA SOGS PA'I MDO SDE MTHA' DAG STE, DE LAS KYANG BCOM LDAN 'DAS KYIS, RAB 'BYOR GZUGS ZHES BYA BA DE NI CHOS SU BTAGS PA TZAM STE, CHOS SU BTAGS PA DE LA SKYE BA YANG MED, 'GAG PA YANG MED DE, MING DANG BRDA TZAM GYI THA SNYAD DU BRJOD PA 'BA' ZHIG TU ZAD DO ZHES BYA BA LA SOGS PA JI SKAD GSUNGS PA DAG YIN NO, ,LUNG DE YANG DE BZHIN GSHEGS PA'I YIN PAR BRJOD PAR BYA'I GZHAN DAG LA NI LUNG GI MTSAN NYID MED DE, JI SKAD DU, LUNG NI YID CHES TSIG YIN TE, NYES ZAD LUNG DU SHES PAR BYA, ,NYES PA ZAD PAS BRDZUN GYI TSIG ,SMRA BAR MI 'GYUR RGYU MED PHYIR, ,ZHES BSHAD PA DE LTA BU STE, DE'I PHYIR RIGS PA DANG LUNG DE DAG GIS BRTAGS PA NA'O, ,SKYE BA RNAM PA THAMS CAD DU 'THAD PA MI BZOD PAR ZHES BYA BA LA, SKYE BA ZHES BYA BA NI GZHAN GYIS YONGS SU BRTAGS PA'I SKYE BAR RNAM PAR RTOG PA GANG YIN PA DES SO, ,RNAM PA THAMS CAD DU ZHES BYA BA NI, BDAG LAS DANG, GZHAN LAS DANG, GNYI GA LAS DANG, RGYU MED PA LAS ZHES BYA BA MU BZHI'I RNAM PA THAMS CAD DU'O, ,'THAD PA MI BZOD PAR ZHES BYA BA NI SKYE BA 'THAD PA'I GTAN TSIGS YOD PAR MI BZOD PAR RO, ,RANG LA NGES PA ZHES BYA BA NI, SLOB DPON GYIS GANG GI TSE DNGOS PO RNAMS KYI SKYE BA RNAM PA DE DAG GIS MI 'THAD MI RIGS PAR RTOGS PA DE'I TSE NA, SLOB DPON NYID LA DON DAM PAR CHOS THAMS CAD SKYE BA MED DO ZHES DE KHO NA THUGS SU CHUD PA'I NGES PA SKYES PAR GYUR PA'O, ,DE'I DBANG @61B GIS ZHES BYA BA NI SLOB DPON RANG LA NGAS PA SKYES PA DE'I DBANG GIS TE, DE'I DBANG GIS JI LTAR BDAG GIS CHOS THAMS CAD KYI DE KHO NA RTOGS PA DA LTAR SEMS CAN GZHAN DAG LA YANG BSTAN PAR BYA'O SNYAM DU DGONGS NAS, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN; ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA GSUNGS TE ZHES BYA BAR SBYAR RO, ,'DI SKAD BSTAN TE, JI LTAR BDAG GIS RIGS PA DANG LUNG DAG GIS BRTAGS PA NA DNGOS PO RNAMS KYI SKYE BA YANG DAG PAR RJES SU MTHONG ZHING DE KHO NA KHONG DU CHUD PAR DE KHO NA BZHIN NO; ,SEMS CAN RNAMS KYIS KYANG BSGOM PA'I RNAM PA 'DI NYID KYIS DE KHO NA KHONG DU CHUD PAR BYAS, DE'I PHYIR BSGOM PA'I RNAM PA BSTAN PA DBU MA'I BSTAN BCOS 'DI BSTAN PAR BYA'O ZHES GSUNGS PA YIN NO, ,'DI NI DAM BCAS PA'I SPYI BKOD PA YIN NO ZHES BYA BA LA, 'DI NI ZHES BYA BA NI, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES GSUNGS PA'I TSIG LE'UR BYAS PA 'DI NI'O, ,DAM BCAS PA ZHES BYA BA NI DNGOS PO RNAMS BDAG LAS SKYE BA MED DO ZHES BYA BA 'DI NI DAM BCAS PA GCIG GO, ,GZHAN LAS SKYE BA MED DO ZHES BYA BA 'DI NI DAM BCAS PA GNYIS PA'O, ,GNYIS LAS SKYE BA MED DO ZHES BYA BA 'DI NI DAM BCAS PA GSUM PA'O, ,RGYU MED PA LAS SKYE BA MED DO ZHES BYA BA 'DI NI DAM BCAS PA BZHI PA'O, ,DAM BCAS PA DE DAG GI SPYI ZHES BYA BA NI NYE BAR SBYAR BA'AM BSTAN PA'O, ,DE LA CI'I PHYIR DAM BCAS PA RNAM PA BZHI KHO NA BYAS SHING MANG DU MA BYAS SHE NA, 'DI LTAR YA MTSAN CAN DGU BCU RTZA DRUG PO DAG GYES PA NA RGOL BU SUM BRGYA DRUG CU RTZA GSUM DU GYUR PA DE DAG THAMS CAD KYANG PHYOGS BZHI PO 'DI'I KHONGS SU 'DUS SHING, 'DI LAS GZHAN PA'I RNAM PA LNGA PA MED PAS DE'I PHYIR DAM BCAS PA RNAM PA BZHI PO KHO NA MDZAD DO, ,DE LA RE ZHIG BDAG LAS MA YIN ZHES BYA BA CI ZHIG CE NA ZHES BYA BA NI BDAG LAS CI ZHIG MA YIN ZHE NA ZHES 'GROL BAR BYED PA NYID KYIS DRI BA'I TSIG YIN NO, ,DE'I LAN DU 'GREL PA BYED PA NYID KYIS, SKYES PA @62A *, ,NAM YANG YOD MA YIN, ,ZHES BYA BA LA SOGS PA STE ZHES BYA BA SMRAS TE, BDAG LAS JI ZHIG MA YIN ZHE NA, BDAG LAS, SKYES PA NAM YANG YOD MA YIN, ,ZHES BYA BAR SBYAR RO, ,SOGS PA STE ZHES BYA BA'I SGRAS NI, DNGOS PO GANG DAG GANG NA YANG, ,ZHES BYA BA BSDU STE; DES NA BDAG LAS CI ZHIG MA YIN ZHE NA, BDAG LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA YIN NO ZHES BSTAN TO, ,RE RE DANG SBYAR BAR BYA'O ZHES BYA BAS JI SKAD BSTAN ZHE NA, BDAG LAS, DNGOS PO GANG DAG GANG NA YANG, ,SKYES PA NAM YANG YOD MA YIN; ,ZHES BYA BA DANG, GZHAN LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA DANG, GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA DANG, RGYU MED PA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ZHES BYA BA DANG, DE LTAR RE RE DANG SBYAR BAR BYA'O, ,BDAG LAS ZHES BYA BA NI BDAG NYID LAS ZHES BYA BA'I THA TSIG GO ZHES BYA BA LA, GAL TE GANG LAS DOGS PA SKYE NA 'DIR BDAG LAS ZHES BYA BA NI BDAG NYID LAS ZHES BYA BA'I THA TSIG GO ZHES BSHAD CE NA, 'DI LTAR BDAG CES BYA BA'I DON RNAM PA LNGA LA SBYOR TE, BDAG NYID DANG, BDAG GI DANG, SHES PA DANG, DBANG PHYUG DANG, NYE DU DAG LA SBYOR BAS, DE'I PHYIR BDAG GIS DANG, SHES PA DANG, DBANG PHYUG DANG, NYE DU DAG RNAM PAR GCAD PA'I PHYIR, 'DIR BDAG LAS ZHES BYA BA NI BDAG NYID LAS ZHES BYA BA'I THA TSIG GO ZHES BSHAD DE, DNGOS PO RNAMS BDAG NYID LAS SKYE BA MED DO ZHES BYA BA'I THA TSIG GO , ,DAM BCAS PA TZAM GYIS BSAMS PA'I TSIG GIS DON MI 'GRUB PAS ZHES BYA BAS NI 'DI SKAD BSTAN TE, GAL TE TSIG TZAM GYIS SLOB DPON GYIS SKYE BA MED PAR BSAMS PA'I TSIG GIS DON MI 'GRUB NA NI GZHAN DAG GIS KYANG SKYE BAR BSAMS PA'I TSIG GIS DON 'GRUB PAR 'GYUR BA ZHIG NA, MI 'GRUB PAS DE'I PHYIR DAM BCAS PA TZAM GYIS BSAMS PA'I TSIG GIS DON MI 'GRUB STE, SLOB DPON 'PHAGS PA LHA'I ZHAL SNGA NAS KYIS, GAL TE YOD PA'I TSIG TZAM GYIS, ,DNGOS PO YOD @62B PAR 'GYUR NA NI, ,MED CES BYA BA'I TSIG TZAM GYIS, ,CI PHYIR MED PAR 'GYUR BA MIN, ,DE'I PHYIR, DON GANG LUNG DANG RIGS PA YIS, ,LEGS PAR MNGON PAR BRJOD PA DANG, ,SNGA PHYI 'GAL BA MED PA DE, ,DAM PA RNAMS KYIS YONGS SU BZUNG, ,ZHES JI SKAD GSUNGS PA LTA BU'O, ,MDOR BSTAN PA JI LTA BA BZHIN DU RGYAS PAR BSHAD DGOS PAS, SNGAR BDAG LAS SKYE BA MED DO ZHES GSUNGS PA DE'I PHYIR, 'DIR DE NYID DANG POR BSGRUB PAR BYA STE, DE'I PHYIR 'DIR PHYOGS KYI CHOS NI YOD PA NYID YIN PAR GZUNG STE ZHES BYA BA SMRAS TE, TSAD MA BYED PAR 'DOD PA'I TSAD MA NYID NI RIGS PA YIN PAS; 'DIR DNGOS PO RNAMS BDAG LAS SKYE BA MED NGO ZHES BYA BA'I PHYOGS KYI CHOS GTAN TSIGS SU BZUNG BA NI BDAG NYID YOD PA NYID YIN NO ZHES BYA BA'I THA TSIG GO, ,GAL TE BDAG NYID YOD PA NYID JI LTAR PHYOGS KYI CHOS YIN ZHE NA, DE'I LAN DU, 'DI LTAR BDAG LAS ZHES BYA BA NI BDAG NYID YOD PA LA SNYAD GDAGS PA'I PHYIR RO ZHES BYA BA SMRAS TE, 'DI LTAR ZHES BYA BA'I SGRA NI GANG GI PHYIR ZHES BYA BA'I DON TO, ,GANG GI PHYIR DNGOS PO GANG LA BDAG NYID KYI RANG GI NGO BO YOD PA DE LA BDAG LAS ZHES SNYAD GDAGS SU RUNG BA'I PHYIR, YOD PA LA NI YANG SKYE BA MED PA'I PHYIR, YOD PA NYID NI SKYE BA MED PA'I PHYOGS KYI CHOS GTAN TSIGS YIN NO ZHES BYA BAR STON TO, ,BDAG LAS ZHES BYA BA NI BDAG NYID YOD PA LA SNYAD GDAGS PA'I PHYIR RO ZHES BYA BA NI, DNGOS PO GANG LA BDAG NYID YOD PA DE NI BDAG NYID YOD PA STE, DE LA BDAG LAS ZHES SNYAD GDAGS SU RUNG BA'I PHYIR RO, ,DPER NA 'JIG RTEN DAG NA YANG SMRA BA PO DAG NA RE; LHAS BYIN BDAG NYID YOD PA LA LHAS BYIN BDAG LAS ZHES ZER BA DANG 'DRA BAR, 'DIR YANG DNGOS PO BDAG NYID YOD PA NYID YIN NA BDAG LAS ZHES SNYAD GDAGS SU RUNG LA, BDAG LAS ZHES SNYAD DU GDAGS SU RUNG BA'I DNGOS PO BDAG NYID YOD PA NYID YIN NA, YOD PA NYID LA NI YANG SKYE BA MED PAS DE'I PHYIR YOD PA NYID NI SKYE BA MED PA'I PHYOGS KYI CHOS GTAN TSIGS YIN PAR GZUNG NGO, ,DPER NA BSGRUB PAR BYA BA DANG SGRUB PA'I CHOS KYI DBANG GIS TE ZHES BYA BAS NI 'DI SKAD BSTAN TE, CHOS CAN NANG GI SKYE MCHED LA SOGS PA GANG LA BSGRUB PAR BYA BA CHOS BDAG LAS SKYE BA MED PA DANG, @63A *, ,SGRUB PA'I CHOS YOD PA NYID DAG YOD PA DE'I DBANG GIS DPE BSTAN DGOS SO ZHES BYA BA'I THA TSIG GO, ,DE LA DPE NI ZHES BYA BA NI 'OG NAS DON DAM PAR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES 'BYUNG BA'I DPE DE'O; ,BSGRUB PAR BYA BA CHOS ZHES BYA BA NI BSGRUB PAR BYA BA NYID CHOS YIN PAS BSGRUB PAR BYA BA CHOS SO, ,YANG NA DE NI BSGRUB PAR BYA BA YANG YIN LA CHOS KYANG YIN PAS BSGRUB PAR BYA BA CHOS ZHES BSDU BAR BYA'I, BSGRUB PAR BYA BA'I CHOS ZHES NI BSDU BAR MI BYA'O, ,BSGRUB PAR BYA BA CHOS DE YANG GANG ZHE NA; SKABS 'DIR NI SKYE BA MED PA ZHES BYA BA YIN PAR SBYAR RO, ,SGRUB PA'I CHOS ZHES BYA BA NI BDAG LAS SKYE BA MED PA SKYE BA MED PA SGRUB PA'I CHOS TE GTAN TSIGS SO, ,SGRUB PA'I CHOS DE GANG ZHE NA, SKABS 'DIR NI YOD PA NYID CES BYA BA YIN PAR SBYAR RO, ,DBANG GIS TE ZHES BYA BA NI CHOS CAN NANG GI SKYE MCHED LA SOGS PA GANG LA BSGRUB PAR BYA BA CHOS BDAG LAS SKYE BA MED PA YOD PA'I DBANG DANG SGRUB PA'I CHOS YOD PA NYID YOD PA'I DBANG GIS CHOS CAN DE'I DPE SHES PA YOD PA NYID LA SOGS PA BSTAN DGOS PA'O, ,DE BSTAN PA'I PHYIR BSGRUB PAR BYA BA DANG SGRUB PA'I CHOS GRAGS PA DANG LDAN PA'I CHOS CAN GYI DPE YIN PA'I PHYIR RO ZHES BYA BA SMRAS TE, CHOS CAN NANG GI SKYE MCHED LA SOGS PA GANG LA BSGRUB PAR BYA BA CHOS BDAG LAS SKYE BA MED PA RGOL BA DANG PHYIR RGOL BA GNYI GA LA GRAGS PA DANG, SGRUB PA'I CHOS YOD PA NYID RGOL BA DANG, PHYIR RGOL BA GNYI GA LA GRAGS PA YOD PA DE NI BSGRUB PAR BYA BA DANG SGRUB PA'I CHOS GRAGS PA DANG LDAN PA'I CHOS CAN ZHES BYA'O, ,CHOS CAN DE'I DPE YIN PA'I PHYIR DPE NI BSGRUB PAR BYA BA DANG, SGRUB PA'I CHOS KYI DBANG GIS BSTAN DGOS SO ZHES BYA BAR SBYAR RO, ,DE LA BSGRUB PAR BYA BA CHOS GRAGS PA ZHES BYA BA NI, BDAG LAS SKYE BA MED PA ZHES BYA BA RGOL BA DANG PHYIR RGOL BA GNYI GA LA GRAGS PA'O, ,SGRUB PA'I CHOS GRAGS PA ZHES BYA BA NI SKYE BA MED PA SGRUB PA'I CHOS YOD PA NYID CES BYA BA RGOL BA DANG PHYIR RGOL BA GNYI GA LA GRAGS PA'O, ,DE GNYIS DANG LDAN PA'I CHOS CAN ZHES BYA BA NI BSGRUB PAR BYA BA CHOS GRAGS PA DANG SGRUB PA'I CHOS GRAGS PA DE GNYIS DANG LDAN PA'I CHOS CAN @63B NANG GI SKYE MCHED LA SOGS PA'O, ,CHOS CAN DE'I DPE ZHES BYA BA NI SHES PA YOD PA NYID LA SOGS PA STE, DPER NA SHES PA YOD PA NYID CES BYA BA CHOS CAN DE LA BSGRUB PAR BYA BA CHOS BDAG LAS SKYE BA MED PA ZHES BYA BA RGOL BA DANG, PHYIR RGOL BA GNYI GA LA GRAGS PA DANG, SGRUB PA'I CHOS YOD PA NYID CES BYA BA RGOL BA DANG PHYIR RGOL BA GNYI GA LA GRAGS PA YOD PA DE BZHIN DU, 'DIR YANG CHOS CAN NANG GI SKYE MCHED LA SOGS PA LA BSGRUB PAR BYA BA CHOS BDAG LAS SKYE BA MED PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, SGRUB PA'I CHOS YOD PA NYID CES BYA BA DANG PHYIR RGOL BA GNYI GA LA GRAGS PA YOD PAR STON PAS, DE'I PHYIR DPE NI BSGRUB PAR BYA BA DANG, SGRUB PA'I CHOS GRAGS PA DANG LDAN PA'I CHOS CAN GYI DPE YIN PA'I PHYIR RO ZHES SMRAS TE, JI SKAD DU DPE GANG LA BSGRUB PAR BYA BA DANG GTAN TSIGS KYI RJES SU 'GRO BAS KHYAB PAR BYED PA DE NI CHOS MTHUN PA'I DPE YIN NO ZHES BSHAD PA LTA BU'O, ,BDAG LAS MA YIN ZHES BYA BA'I DGAG PA 'DI NI DPE MED PAR DGAG PA'I DON DU BLTA BAR BYA STE ZHES BYA BA LA, GAL TE GANG LAS DOGS PA SKYE NA, 'DIR BDAG LAS YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE ZHES BSHAD CE NA, 'DI LTAR BRDA SPROD PA LAS DGAG PA LTA BU NI RNAM PA GNYIS TE, MED PAR DGAG PA DANG, MA YIN PAR DGAG GO ZHES 'BYUNG BA'I DE'I PHYIR MA YIN PAR DGAG PA RNAM PAR GCAD PA'I PHYIR, 'DIR, BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE ZHES BSHAD DE, DNGOS PO RNAMS BDAG LAS SKYE BA MED PAR DGAG PA'I DON DU BLTA BAR BYA'I, BDAG LAS MA SKYES PA YOD DO ZHES MA YIN PAR DGAG PA'I DON DU NI BLTA BAR MI BYA'O ZHES BYA BA'I THA TSIG GO, ,DE LAS DGAG PA 'DI GNYIS KYI MTSAN NYID NI JI SKAD DU, DGAG PA DON GYIS BSTAN PA DANG, ,TSIG GCIG SGRUB PAR BYED PA DANG, ,DE LDAN RANG TSIG MI STON PA, ,MA YIN GZHAN PA GZHAN YIN NO, ,ZHES BSHAD PA YIN NO, ,'DI SKAD BSTAN TE, DGAG PA GANG DON GYIS GO BA STON PA DANG, TSIG GCIG GIS DNGOS PO SGRUB PAR BYED PA DANG, DON GYIS GO BA DANG, DNGOS PO SGRUB PA DE DANG LDAN PA DANG, @64A *, ,RANG GI TSIG GIS MI STON PA, DPER NA RGYAL RIGS LA RGYAL RIGS ZHES BYA BA'I TSIG GIS MI STON PAR, BRAM ZE MA YIN PA ZHES BYA BA'I TSIG GIS STON PA DE NI MA YIN PAR DGAG PA YIN PAR BLTA BAR BYA'O, ,GZHAN PA GZHAN YIN NO ZHES BYA BA NI DE LAS GZHAN PA'I DGAG PA GANG YIN PAR DGAG PA LAS GZHAN PA MED PAR DGAG PA YIN NO ZHES BYA BA'I THA TSIG GO , ,GZHAN PA ZHES BYA BA NI DON GYIS GO BA BSTAN PA LAS GZHAN PA DANG, TSIG GCIG GIS DNGOS PO SGRUB PAR BYED PA LAS GZHAN PA DANG, DON GYIS GO BA DANG DNGOS PO SGRUB PA DE DANG LDAN PA LAS GZHAN PA DANG, RANG GI TSIG GIS MI STON PA LAS GZHAN PA GANG YIN PA'O, ,GZHAN YIN NO ZHES BYA BA NI DE NI MA YIN PAR DGAG PA LAS GZHAN PA MED PAR DGAG PA YIN NO ZHES BYA BA'I THA TSIG STE, DE NI DON GYIS GO BA'I MTSAN NYID STON PA MA YIN PA DANG, DGAG PA LHUR LEN TE DGAG PA KHO NA DE'I DGOS PA YIN ZHING GZHAN GYIS KHAS BLANGS PA GANG YIN PA DE DGAG PA TZAM BYED LA, DNGOS PO'I DE KHO'AM DNGOS PO MED PA'I DE KHO NA SGRUB PAR MI BYED PA DANG, DON GYIS GO BA DANG LDAN PA YANG MA YIN, DNGOS PO DANG LDAN PA YANG MA YIN ZHING DGAG PA DANG LDAN PA DANG, RANG GI TSIG GIS STON TE DPER NA BRAM ZE MA YIN PA NYID CES DGAG PA TZAM NYID TSE BYED PA YIN NO, ,CI'I PHYIR MA YIN PAR DGAG PAR SPANGS TE MED PAR DGAG PA GZUNG ZHE NA, DE'I PHYIR DGAG PA GTZO CHE BA'I PHYIR DANG ZHES BYA BA SMRAS TE, MED PAR DGAG PA DE NI DGAG PA GTZO CHE BA'I PHYIR 'DIR GZUNG GI ,MA YIN PAR DGAG PA NI SGRUB PA GTZO CHE BA'I PHYIR 'DIR MI GZUNG NGO ZHES BYA BAR SBYAR RO, ,DGAG PA GTZO CHE BA ZHES BYA BA NI MED PAR DGAG PA GANG LAS DGAG PA GTZO CHE BA DANG, BSAM PA DANG, 'DOD PAS SGRUB PAR NUS PA YOD PA DE NI DGAG PA GTZO CHE BA'O, ,DGAG PA GTZO CHE BA'I PHYIR ZHES BYA BA NI DGAG PA GTZO CHE BA'I RGYU DE'I PHYIR 'DIR MED PAR DGAG PA LA BRTEN PAR BYA'O ZHES BYA BA'I THA TSIG GO, ,YANG NA DGAG PA GTZO CHE BA'I PHYIR DANG ZHES BYA BA NI DBU MA'I BSTAN BCOS NI DGAG PA GTZO CHE BA'I PHYIR 'DIR MED PAR DGAG PA GZUNG BAR BYA'I, MA YIN PAR DGAG PA GZUNG BAR MI BYA'O, ,CI'I PHYIR DBU MA'I BSTAN BCOS LA DGAG @64B PA TZAM KHO NA BYED CING DNGOS PO SGRUB PAR MI BYED CE NA, DE'I PHYIR 'DI LTAR RTOGS PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA YUL MA LUS PA DANG LDAN PAR 'GRUB PAR DGONGS PA'I PHYIR RO ZHES BYA BA SMRAS TE, 'DIR LTAR ZHES BYA BA'I SGRA NI GANG GI PHYIR ZHES BYA BA'I DON TE, GANG GI PHYIR RTOG PA'I DRA BA MA LUS PA DANG LDAN PA 'GRUB PAR DGONGS PA DE'I PHYIR, DBU MA'I BSTAN BCOS LA DGAG PA TZAM KHO NA BYED CING DNGOS PO SGRUB PAR MI BYED DO ZHES BYA BAR SBYAR RO, ,RTOG PA MA LUS PA ZHES BYA BA NI DNGOS PO RNAMS BDAG DANG GZHAN DANG GNYIS DANG RGYU MED PA LAS SKYE BAR RTOG PA DE DAG NI RTOG PA MA LUS PA ZHES BYA'O, ,DRA BA ZHES BYA BA NI RTOG PA MA LUS PA DE DAG NYID DU DRA BA STE, 'DI LTAR RTOG PA MA LUS PA'I DRA BA 'DIS G-YOGS NA CHOS THAMS CAD DMIGS SU MED PA'I THAR PA ZHES BYA BAR 'GRO BAR MI NUS PAS DE'I PHYIR, RTOG PA MA LUS PA DE DAG NYID DRA BA DANG 'DRA BAS DRA BA'O, , DGAG PAS ZHES BYA BA NI RTOG PA MA LUS PA'I DRA BA DE DGAG PA NI RTOG PA MA LUS PA'I DRA BA DGAG PA STE, RTOG PA MA LUS PA'I DRA BA DGAG PA DES SO, ,RNAM PAR MI RTOG PA'I YE SHES SHES BYA YUL MA LUS PA DANG LDAN PA ZHES BYA BA NI RNAM PAR MI RTOG PA'I YE SHES GANG LA ZHES BYA BA SHES PAR BYA BA DANG, RTOGS PAR BYA BA DANG, YONGS SU GCAD PAR BYA BA MA LUS PA DANG, YUL ZHES BYA BA SPYOD YUL DANG, GZUNG BA DANG, DMIGS PA MA LUS PA, YOD PA DE NI RNAM PAR ME RTOG PA'I YE SHES SHES BYA YUL MA LUS PA DANG LDAN PA ZHES BYA'O, ,DE 'GRUB PAR ZHES BYA BA NI RNAM PAR MI RTOG PA'I YE SHES SHES BYA YUL MA LUS PA DANG LDAN PA DE 'GRUB PAR RO, DGONGS PA'I PHYIR RO ZHES BYA BA NI BZHED PA'I PHYIR RO ZHES BYA BA'I THA TSIG GO , YANG NA MED PAR DGAG PA 'DIS 'DI LTAR RTOG PA MA LUS PA'I DRA BA DGAG PAS, RNAM PAR MI RTOG PA'I YE SHES SHES BYA YUL MA LUS PA DANG LDAN PA DE 'GRUB PAR DGONGS PA'I PHYIR TE RJES SU MTHUN PA'I PHYIR RO ZHES BYA BA'I THA TSIG GO , ,'DIR RNAM PAR MI RTOG PA'I YE SHES SHES BYA YUL MA LUS PA DANG LDAN PA 'GRUB PA ZHES BYA BA NI 'JIG RTEN LAS 'DAS PA'I KUN RDZOB KYI RNAM PAR GZHAG PA YIN GYI, ,GNAS GYUR PA'I MTSAN NYID LA NI DON DAM PAR YE SHES 'GRUB PAR MI BZHED DE, @65A *, ,BCOM LDAN 'DAS MA SHES RAB KYI PHA ROL TU PHYIN PA LAS, YE SHES KYI SKYE BA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES JI SKAD GSUNGS PA LTA BU'O, ,MA YIN PAR DGAG PA YONGS SU GZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO ZHES BSGRUBS PAS SKYE BA MED PA STON PA'I PHYIR MDZAD PA'I MTHA' DANG BRAL BAR 'GYUR TE ZHES BYA BAS NI 'DI SKAD BSTAN TE, GAL TE MA YIN PAR DGAG PA YONGS SU GZUNG BA KHO NA BYED CING, MED PAR DGAG PA YONGS SU GZUNG BA MI BYED NA NI DES NA MA YIN PAR DGAG PA DE SGRUB PA GTZO CHE BA'I PHYIR, DGAG PA KHO NA TZAM 'GRUB PAR MI 'GYUR TE, 'DI LTAR MA YIN PAR DGAG PA NI CHOS RNAMS MA SKYES SO ZHES BSGRUBS PAS DES NA SKYE BA MED PA NYID YOD PAR STON PA'I PHYIR DE YANG MI BZHED DE, 'DI LTAR MDZAD PA'I MTHA' DANG BRAL BA'I PHYIR RO ZHES BYA BAR STON TO, ,DE SGRUB PA GTZO CHE BA'I PHYIR ZHES BYA BA NI MA YIN PAR DGAG PA DE NI SGRUB PA GTZO MED PA'I PHYIR TE, 'DI LTAR DNGOS PO RNAMS SKYE BA MED DO ZHES DGAG PA'I SGO NAS MA SKYES PA YOD DO ZHES SGRUB PA'I PHYIR RO, ,DE NYID BSTAN PA'I PHYIR CHOS RNAMS MA SKYES SO ZHES BSGRUBS PAS SKYE BA MED PA STON PA'I PHYIR ZHES BYA BA SMRAS TE, MA YIN PAR DGAG PA DE NI CHOS RNAMS MA SKYES SO ZHES BSGRUB PA'I SGO DE NAS SKYE BA MED PA NYID YOD PAR STON PA'I PHYIR SGRUB PA GTZO CHE BA YIN NO, ,DE NI 'DIR MI BZHED DE CI'I PHYIR ZHE NA, 'DI LTAR MDZAD PA'I MTHA' DANG BRA BAR 'GYUR TE ZHES BYA BA SMRAS SO, ,DE LA MDZAD PA'I MTHA' ZHES BYA BA NI GRUB PA'I MTHA' STE, BDAG NYID CHEN PO RNAMS KYIS MDZAD PA'I DON GYI MTHA' NGES PA YIN PA'I PHYIR RO, ,DE DANG BRAL BAR 'GYUR TE ZHES BYA BA NI DE DANG 'GAL BAR 'GYUR TE ZHES BYA BA'I THA TSIG GO , ,MDZAD PA'I MTHA' DANG JI LTAR BRAL BAR 'GYUR BA DE NYID BSTAN PA'I PHYIR, LUNG LAS, GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO ZHES BYA BA SMRAS TE, BCOM LDAN 'DAS MA SHES RAB KYI PHA ROL TU PHYIN PA LAS, BCOM LDAN 'DAS LA GZHAN DAG GIS BYANG CHUB SEMS DPA' JI LTAR SHES RAB KYI PHA ROL TU PHYIN PA LA SPYOD NA, @65B SHES RAB KYI PHA ROL TU PHYIN PA LA SPYOD PA MA LAGS ZHES ZHUS PA DANG, BCOM LDAN 'DAS KYIS BKA' STZAL PA, GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO, ,GZUGS KYI SKYE PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES BYA BA LA SOGS PA GSUNGS PA'I PHYIR RO, ,JI SKAD BSTAN ZHE NA, SHES RAB KYI PHA ROL TU PHYIN PA NI SKYE BA DANG SKYE BA MED PA LA SOGS PA'I RTOG PA MA LUS PA DANG BRAL BA YIN PAS, GANG GI TSE BYANG CHUB SEMS DPA' SKYE BA MED PA'I RNAM PAR RTOG PA LA YANG MI SPYOD PA DE'I TSE NA SHES RAB KYI PHA ROL TU PHYIN PA LA SPYOD PA YIN PAR BSTAN TO, ,DE LTA BAS NA MA YIN PAR DGAG PA YONGS SU GZUNG NA LUNG DANG 'GAL BAS 'DIR NI MED PAR DGAG PA KHO NA LA BRTEN PAR BYA'O, ,'DIR DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA'O ZHES BYA BA LA, NGES PAR GZUNG BA ZHES BYA BA'I SGRA NI DE KHO NA ZHES BYA BA'I DON LA SNYEGS SO, ,'DIR NGES PAR GZUNG BA DE YANG RNAM PA GSUM STE, BDAG LAS SKYE BA MED PA KHO NA'O ZHES BYA BA NI NGES PAR GZUNG BA DANG PO'O, ,BDAG KHO NA LAS SKYE BA MED DE ZHES BYA BA NI NGES PAR GZUNG BA GNYIS PA'O, ,BDAG KHO NA LAS SKYE BA MED DE ZHES BYA BA NI NGES PAR GZUNG BA GSUM PA'O, ,DE LA 'DIR DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA'O ZHES BYA BA 'DI NI NGES PAR GZUNG BA DANG PO STE, DON 'DIR NI DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA BA YIN NO, ,GZHAN DU NGES PAR GZUNG NA ZHES BYA BAS NI NGES PAR GZUNG BA GNYIS PA DANG GSUM PA 'OG NAS 'BYUNG BA DAG LTAR GZUNG NA GNYI GA YANG SKYON DU 'GYUR PAS MI RUNG NGO ZHES BSTAN TO, ,NGES PAR GZUNG BA GNYIS PA BSTAN PA'I PHYIR, BDAG KHO NA LAS SKYE BA MED DE, 'O NA CI ZHE NA, GZHAN LAS SKYE'O ZHES BYA BAR NGES PAR 'GYUR BA DANG ZHES BYA BA SMRAS TE, 'DI NI NGES PAR GZUNG BA GNYIS PA STE, DNGOS PO RNAMS BDAG KHO NA LAS SKYE BA MED DO ZHES NGES PAR GZUNG NA, 'O NA CI ZHE NA, GZHAN LAS SKYE'O ZHES BYA BAR NGES PAR 'GYUR BA'I SKYON DU 'GYUR BAS 'DI NI MI RUNG NGO, ,NGES PAR GZUNG BA GSUM PA BSTAN @66A *, ,PA'I PHYIR DE BZHIN DU BDAG KHO NA LAS NI SKYE BA MED DE, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BAS ZHES BYA BA SMRAS TE, 'DI NI NGES PAR GZUNG BA GSUM PA STE, DNGOS PO RNAMS BDAG KHO NA LAS NI SKYE BA MED DO ZHES NGES PAR GZUNG NA, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BA'I SKYON DU 'GYUR BAS 'DI YANG MI RUNG NGO, ,NGES PAR GZUNG BA GNYIS PA DANG GSUM PA DE GNYIS CI'I PHYIR MI RUNG ZHE NA, DE'I PHYIR DE YANG MI BZHED DE ZHES BYA BA SMRAS TE, NGES PAR GZUNG BA GNYIS PA DANG GSUM PA DE YANG SLOB DPON MI BZHED DE, GNYI GA DE YANG SKYE BAR KHAS LEN PA'I SKYON CHAGS PA'I PHYIR RO, ,CI'I PHYIR MI BZHED CE NA, DE'I PHYIR MDZAD PA'I MTHA' DANG BRAL BA'I PHYIR RO ZHES BYA BA SMRAS TE, JI LTAR MDZAD PA'I MTHA' DANG BRAL ZHE NA, SNGAR DAM BCAS PA'I SPYI BKOD PA'I SKABS SU DNGOS PO RNAMS BDAG LAS SKYE BA MED PA DANG GZHAN LAS SKYE BA MED PA DANG, GNYIS LAS SKYE BA MED PA DANG, RGYU MED PA LAS SKYE BA MED PAR KHAS BLANGS LA, 'DIR NGES PAR GZUNG BA GNYIS PAS GZHAN LAS SKYE BAR BSTAN PA DANG, NGES PAR GZUNG BA GSUM PA DANG BDAG DANG GZHAN LAS SKYE BAR BSTAN PA 'DI GNYIS SNGAR DAM BCAS PA DANG 'GAL BA'I PHYIR RO,, 'DIR SBYOR BA'I TSIG TU 'GYUR BA NI ZHES BYA BA NI DNGOS PO RNAMS BDAG LAS SKYE BA MED PAR BSTAN PA'I SKABS 'DIR SBYOR BA DANG SBYOR BA DANG BCAS PA'I TSIG TU 'GYUR BA NI, 'OG NAS CHOS CAN DANG, BSGRUB PAR BYA BA CHOS DANG, SGRUB PA'I CHOS DANG, DPE NYE BAR SBYAR BA RNAMS YIN NO ZHES BYA BAR SBYAR RO; ,DE LA SBYOR BA'I TSIG CES BYA BA NI SBYOR BA DANG BCAS PA'I TSIG STE, RJES SU DPAG PA GTAN TSIGS DANG DPE DANG LDAN PA ZHES BYA BA'I THA TSIG GO, ,DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR DPER NA SHES PA YOD PA NYID BZHIN NO ZHES BYA BA LA, DON DAM PAR ZHES BYA BA NI SNGAR GZHAN MA YIN PA NI 'DIR THAMS CAD DON DAM PAR BKAG STE NGES PAR GZUNG BA'I PHYIR RO, ,GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYI BZHED PA MCHOG YIN PA'I PHYIR RO ZHES ZER RO @66B ZHES SMRAS PAS, 'DIR SKYE BA MED PAR 'GAG PA YANG DON DAM PAR DGAG GO ZHES BYA BAR SBYAR RO, ,DE LA DON DAM PAR ZHES BYA BA NI DON DAM PAR SKYE BA RDZAS DANG DNGOS PO DANG GZHI'I SGO NAS DGAG PA STE, DE YANG KUN RDZOB KYI BDEN PA LA GNAS NAS DON DAM PA'I YUL LA DGAG PAR BYA BA YIN GYI, DON DAM PA NYID DU NI BRJOD PA MED PA'I PHYIR DGAG PA'I THA SNYAD KYANG MED DO, ,DE LA NANG GI SKYE MCHED RNAMS ZHES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, ,BDAG LAS SKYE BA MED PAR NGES TE ZHES BYA BA 'DI NI RJES SU DPAG PA PHYOGS TE BSGRUB PAR BYA BA CHOS YIN NO, ,YOD PA'I PHYIR ZHES BYA BA 'DI NI SGRUB PA'I CHOS GTAN TSIGS TE PHYOGS KYI CHOS YIN NO, ,DPER NA SHES PA YOD PA NYID BZHIN NO ZHES BYA BA 'DI NI DPE STE, CHOS MTHUN PA'I DPE YIN NO, ,DE LA NANG GI ZHES BYA BA NI BDAG GIS BYIN GYIS BRLABS SHING GNAS SU BYAS PA'O, ,BDAG CES BYA BA NI MTSAMS LA BDAG GIR BYED PA STE, YO BYAD GYA NOM PA DANG, RGYA CHEN PO DAG DANG POR BYAS NAS, YO BYAD NGAN PA DANG KHYON CHUNG NGU'I BAR DAG LA BDAG GIR BYED PAS BDAG CES BYA'O, ,BDAG DES BYIN GYIS BRLABS SHING GNAS SU BYAS PA NI NANG GI ZHES BYA'O, ,SKYE MCHED RNAMS ZHES BYA BA NI SEMS DANG SEMS LAS 'BYUNG BA RNAMS SKYE ZHING 'BYUNG BA DANG, MCHED CING RGYAS PAR BYED PAS SKYE MCHED RNAMS TE 'DI LTA STE, MIG DANG RNA BA DANG SNA DANG LCE DANG LUS DANG YID CES BYA BA RNAMS SO, ,NANG GI SKYE MCHED RNAMS ZHES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, ,DE LA RJES SU DPAG PAR BYA BA ZHES BYA BA NI GANG LA MI DMIGS PA LAS DNGOS PO MED PAR RJES SU DPAG PA DANG, NGO BO NYID LAS MI RTAG PAR RJES SU DPAG PA DANG, 'BRAS BU LAS RGYU RJES SU DPAG PA'I GZHI STE, SKABS 'DIR NI GANG LA BDAG LAS SKYE BA MED PA ZHES BYA BA DE RJES SU DPAG PAR BYA BA'I GZHI NANG GI SKYE MCHED RNAMS SO; ,DE NYID PHYOGS ZHES BYA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE, SKABS 'DIR NI BSGRUB PAR BYA BA CHOS BDAG LAS SKYE BA MED PA ZHES BYA BA DANG, GANG LA DE BSGRUB PAR BYA BA'I GZHI'I CHOS CAN NANG GI SKYE MCHED RNAMS ZHES BYA BA DE GNYIS BSDUS PA'I PHYOGS LA PHYOGS @67A *, ,ZHES BYA'O, ,DE NYID CHOS CAN ZHES BYA BA STE, CHOS CAN ZHES BYA BA NI RJES SU DPAG PAR BYA BA'I GZHI GANG LA BSGRUB PAR BYA BA DANG, SGRUB PA'I CHOS GNYIS YOD PA DE NI CHOS CAN TE, SKABS 'DIR NI NANG GI SKYE MCHED RNAMS ZHES BYA BA GZHI GANG LAS BSGRUB PAR BYA BA CHOS BDAG LAS SKYE BA MED PA ZHES BYA BA RGOL BA DANG, PHYIR RGOL BA GNYIG LA GRAGS PA DANG, BDAG LAS SKYE BA MED PA DE SGRUB PA'I CHOS YOD PA NYID CES BYA BA RGOL BA DANG PHYIR RGOL BA GNYIS KA LA GRAGS PA DE GNYIS YOD PA DE NI CHOS CAN ZHES BYA'O, ,BDAG LAS ZHES BYA BA NI BDAG NYID YOD PA NYID LAS SO, ,SKYE BA MED PAR NGES TE ZHES BYA BA NI DNGOS PO RNAMS BDAG NYID YOD PA NYID LAS SKYE BA MED PAR NGES PA'O, ,BDAG NYID LAS SKYE BA MED PAR NGES TE, ZHES BYA BA 'DI NI RJES SU DPAG PA PHYOGS TE BSGRUB PAR BYA BA CHOS YIN NO, ,DE LA RJES SU DPAG PA ZHES BYA BA NI MI DMIGS PA LAS DNGOS PO MED PAR RJES SU DPAG PA DANG; NGO BO NYID LAS MI RTAG PAR RJES SU DPAG PA DANG 'BRAS BU LAS RGYU RJES SU DPAG PA STE, SKABS 'DIR NI RJES SU DPAG PAR BYA BA'I GZHI NANG GI SKYE MCHED RNAMS LA BDAG LAS SKYE BA MED PA RJES SU DPAG PA'O, ,DE NYID PHYOGS ZHES BYA BA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE SKABS 'DIR NI BSGRUB PAR BYA BA CHOS BDAG LAS SKYE BA MED PA ZHES BYA BA DANG GANG LA DE BSGRUB PAR BYA BA'I GZHI CHOS CAN NANG GI SKYE MCHED RNAMS ZHES BYA BA DE GNYIS BSDUS PA'I PHYOGS LA PHYOGS ZHES BYA'O, ,DE NYID BSGRUB PAR BYA BA CHOS ZHES BYA STE, BSGRUB PAR BYA BA CHOS ZHES BYA BA NI DNGOS PO MED PA DANG, MI RTAG PA DANG, RGYU STE, SKABS 'DIR NI CHOS CAN NANG GI SKYE MCHED RNAMS LA BSGRUB PAR BYA BA CHOS BDAG LAS SKYE BA MED PA DE BSGRUB PAR BYA BA'O, ,YOD PA'I PHYIR ZHES BYA BA NI BDAG NYID YOD PA NYID KYI PHYIR TE 'DI LTAR BDAG LAS ZHES BYA BA NI BDAG NYID YOD PA LA SNYAD GDAGS PA'I PHYIR RO, ,YOD PA'I PHYIR ZHES BYA BA 'DI NI BSGRUB PA'I CHOS GTAN TSIGS TE, PHYOGS KYI CHOS YIN NO, ,DE LA BSGRUB PA'I CHOS ZHES BYA BA NI DNGOS PO MED PA DANG MI RTAG PA DANG RGYU SGRUB PA'I CHOS MI DMIGS PA DANG, NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS PA DAG LAS SKYE BA MED @67B PA ZHES BYA BA DE SGRUB PA'I CHOS YOD PA'I PHYIR ZHES BYA BA STE, 'DI LTAR BDAG LAS ZHES BYA BA NI BDAG NYID YOD PA LA SNYAD GDAGS SU RUNG BA DANG, BDAG LAS ZHES SNYAD GDAGS SU RUNG BA'I NANG GI SKYE MCHED RNAMS BDAG NYID YOD PA NYID YIN NO, ,YOD PA NYID LA NI YANG SKYE BA MED PAS DE'I PHYIR YOD PA'I PHYIR ZHES BYA BA NI, BDAG LAS SKYE BA MED PA BSGRUB PA'I CHOS YIN NO, ,DE NYID GTAN TSIGS ZHES BYA BA STE, GTAN TSIGS ZHES BYA BA YANG DNGOS PO MED PA DANG, MI RTAG PA DANG, RGYU SGRUB PA'I GTAN TSIGS MI DMIGS PA DANG, NGO BO NYID DANG 'BRAS BU STE, SKABS 'DIR MI BSGRUB PAR BYA BA CHOS BDAG LAS SKYE BA MED PA ZHES BYA BA DE SGRUB PA'I GTAN TSIGS YOD PA'I PHYIR ZHES BYA BA STE, NANG GI SKYE MCHED RNAMS CI'I PHYIR BDAG LAS SKYE BA MED CE NA, YOD PA'I PHYIR TE, NANG GI SKYE MCHED RNAMS BDAG NYID YOD PA NYID YIN NA YOD PA NYID LA NI YANG SKYE BA MED PAS DE'I PHYIR YOD PA'I PHYIR ZHES BYA BA NI, BDAG LAS SKYE BA MED PAR SGRUB PA'I GTAN TSIGS YIN NO, ,DE NYID PHYOGS KYI CHOS ZHES BYA STE, PHYOGS KYI CHOS ZHES BYA BA YANG CHOS DANG CHOS CAN BSDUS PA'I PHYOGS KYI CHOS MI DMIGS PA DANG NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS BDAG LAS SKYE BA MED PA ZHES BYA BA DANG, CHOS CAN NANG GI SKYE MCHED RNAMS ZHES BYA BA BSDUS PA'I PHYOGS DE'I CHOS YOD PA'I PHYIR ZHES BYA BA STE, NANG GI SKYE MCHED RNAMS CI'I PHYIR BDAG LA SKYE BA MED CE NA, YOD PA'I PHYIR TE, NANG GI SKYE MCHED RNAMS BDAG NYID YOD PA NYID YIN NA YOD PA NYID LA NI YANG SKYE BA MED PAS DE'I PHYIR YOD PA'I PHYIR ZHES BYA BA NI CHOS DANG CHOS CAN BSDUS PA'I PHYOGS DE'I GTAN TSIGS KYI CHOS YIN PAS PHYOGS KYI CHOS ZHES BYA'O, ,DPER NA SHES PA YOD PA NYID BZHIN NO ZHES BYA BA LA, SHES PA YOD PA ZHES BYA BA NI GRANGS CAN LA SOGS PA'I GZHUNG LA SKYES BU'I RANG BZHIN NI SHES PA YOD PA'O ZHES ZER BA STE, BDAG TU SMRA BA'I RNAM GRANGS YIN NO, ,NYID CES BYA BA NI SHES PA YOD PA'I DNGOS PO NI SHES PA YOD PA NYID DO, ,DPER NA SHES PA YOD PA NYID BZHIN NO ZHES BYA BA 'DI NI DPE STE CHOS MTHUN PA'I DPE YIN ,DE LA DPE ZHES BYA BA NI CHOS CAN GANG LA BSGRUB PAR BYA BA DAG SGRUB PA'I CHOS YO PA'I DPE STE, 'DIR DPE NI RJES SU @68A *, ,DPAG PAR BYA BA PHYOGS CHOS CAN SHES PA YOD PA NYID CES BYA BA GANG LA RJES SU DPAG PA PHYOGS BSGRUB PAR BYA BA CHOS BA LAS SKYE BA MED PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, SGRUB PA'I CHOS GTAN TSIGS PHYOGS KYI CHOS YOD PA NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PA YIN PAR SBYAR RO, ,DE NYID CHOS MTHUN PA'I DPE ZHES BYA STE, CHOS MTHUN PA'I DPE ZHES BYA BA NI DMIGS PA LAS SNGO PO MED PAR RJES SU DPAG PA'I CHOS MTHUN PA'I DPE PHYOGS 'DI NA DNGOS PO MED DE DMIGS PA'I RIGS BYAR GYUR PA'I BUM PA MI DMIGS PA'I PHYIR RO ZHES BYA BA DANG, NGO BO NYID LAS MI RTAG PAR RJES SU DPAG PA'I CHOS MTHUN PA'I DPE 'DI NI SHING YIN TE, SHING SHA PA YIN PA'I PHYIR RO ZHES BYA BA DANG, 'BRAS BU LAS RGYU RJES SU DPAG PA'I CHOS MTHUN PA'I DPE, TSANG MANG 'DI NA ME YOD DE DU BA 'THUL BA'I PHYIR RO ZHES BYA BA STE, SKABS 'DIR NI DPER NA CHOS CAN SHES PA YOD PA NYID CES BYA BA DE RGOL BA'I PHYOGS LA NI SHES PA YOD PA NYID CES BYA BA YOD PA NYID DU GRAGS LA, PHYIR RGOL BA'I PHYOGS LA NI KUN RDZOB TU RNAM PAR SHES PA NYID CES BYA BAR YOD PA NYID DU GRAGS PA DE LA BSGRUB PAR BYA BA CHOS BDAG LAS SKYE BA MED PA ZHES BYA BA RGOL BA DANG, PHYIR RGOL BA GNYI GA LA GRAGS PA DANG, BDAG LAS SKYE BA MED PA DE SGRUB PA'I CHOS YOD PA NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PAS DE NI CHOS CAN ZHES BYA STE, CHOS CAN SHES PA YOD PA NYID DE LA BDAG LAS SKYE BA MED DE YOD PA'I PHYIR RO ZHES BYA BA DE BZHIN DU, 'DIR YANG CHOS CAN NANG GI SKYE MCHED RNAMS ZHES BYA BA 'DI YANG RGOL BA'I PHYOGS LA NI BDAG GIS BYIN GYIS BRLABS SHING GNAS SU BYAS PA NYID CES BYA BAR YOD PA NYID DU GRAGS LA, PHYIR RGOL BA'I PHYOGS LA NI KUN RDZOB TU YUL 'DZIN NUS PA NYID CES BYA BAR YOD PA NYID DU GRAGS PA, DPER NA SGRA LA BRTZAL MA THAG TU 'BYUNG BA NYID DU YOD PA NYID DU GRAGS PA DANG 'DRA BA DE LA BSGRUB PAR BYA BA CHOS BDAG LAS SKYE BA MED PA ZHES BYA BA, RGOL BA DANG PHYIR RGOL BA GNYI GA LA GRAGS PA DANG, BDAG LAS SKYE BA MED PA DE SGRUB PA'I CHOS YOD PA NYID CES BYA BA RGOL @68B BA DANG PHYIR RGOL BA GNYI GA LA GRAGS PA DE GNYIS YOD PAS DE YANG CHOS CAN ZHES BYA STE, CHOS CAN NANG GI SKYE MCHED RNAMS LA YANG BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES BYA BAR SBYAR RO, ,DE'I PHYIR GANG DANG GANG YOD PA DE LA SKYE BA MED DE, DPER NA SHES PA YOD PA NYID BZHIN NO, ,NANG GI SKYE MCHED NYID RNAMS KYANG YOD PA NYID YIN PAS DE'I PHYIR DE DAG LA YANG SKYE BA MED DO, ,GAL TE YOD PA NYID DU 'DRA BA LAS NANG GI SKYE MCHED RNAMS LA NI SKYE BA YOD PAR 'DOD LA, SHES PA YOD PA NYID LA NI SKYE BA MED PAR 'DOD NA NI DE'I TSE RGYU 'DIS NANG GI SKYE MCHED RNAMS LA SKYE BA YOD PAR 'DOD LA, RGYU 'DI NI SHES PA YOD PA NYID LA SKYE BA MED PAR 'DOD DO ZHES KHYAD PAR NYID DU BYA BA'I KHYAD PAR GYI GTAN TSIGS BRJOD PAR BYA DGOS SO, ,GANG GI PHYIR BDAG LAS SKYE BAR SMRA BA DAG LA SHES PA YOD PA NYID YOD PA'I GNAS SKABS LA SKYE BAR MI 'DOD PA DE'I PHYIR, NANG GI SKYE MCHED RNAMS KYANG BDAG NYID YOD PA LAS SKYE BA MED PAR 'GYUR PO, ,GZHAN YANG DNGOS PO RNAMS KYI SKYE BA CI'I PHYIR 'DOD CE NA, BDAG NYID KYI NGO BO NYID MA THOB PA THOB PAR BYA BA'I PHYIR SKYE BAR 'DOD PA YIN NA, GAL TE NANG GI SKYE MCHED DE DAG LA SKYE BA'I SNGA ROL NA BDAG NYID KYI NGO BO NYID YOD PAR GYUR NA DE DAG LAS SKYE BAR BRTAGS PAS CI ZHIG BYA STE, SKYES PA LA YANG SKYE BA MED DO ZHES GSUNGS PA'I PHYIR RO, ,GZHAN YANG DGAG PA MI MTHUN PAR YANG 'GYUR TE, GAL TE YOD NA NI SKYE BAR MI 'GYUR LA, CI STE SKYE NA NI YOD PA MA YIN NO, ,GZHAN YANG 'JIG RTEN NA YOD PA NYID SKYE BA NI 'GAL TE; 'DI LTAR 'JIG RTEN NA BUM PA SBRANG RTZI DANG CHU DANG 'O MA 'DZIN PA LA SOGS PA'I BYA BA BYED NUS PA GSAL BAR YOD PA NI YANG SKYE BAR MI MTHONG BA'I PHYIR RO, ,DON DAM PAR PHYI NANG GI DNGOS PO THAMS CAD BDAG LAS SKYE BA MED PAR 'GAG PA YIN NA CI'I PHYIR 'DIR, NANG GI SKYE MCHED RNAMS NYI TSE CHOS CAN DU GZHAG CE NA, DE NI, DNGOS PO GCIG LA GANG MTHONG BA, ,DE NI KUN LA'ANG MTHONG BAR 'DOD, ,GCIG GI STONG NYID GANG YIN PA, ,DE NYID KUN GYI STONG PA NYID, ,CES GSUNGS PA'I RIGS PAS, NANG GI SKYE MCHED RNAMS BDAG LAS SKYE BA MED PAR GRUB NA PHYI ROL GYI SKYE MCHED LA @69A *, ,SOGS PA CHOS THAMS CAD KYANG BDAG LAS SKYE BA MED PA NYID DU 'GRUB PA'I PHYIR DANG, NANG GI SKYE MCHED RNAMS CHOS CAN DU BZHAG NA PHYI ROL GYI SKYE MCHED LA SOGS PA GZHAN DAG GTAN TSIGS DANG DPER GZHAG TU RUNG BAS DE'I PHYIR NANG GI SKYE MCHED RNAMS NYI TSE CHOS CAN DU GZHAG GO,, ,, BAM PO BRGYAD PA, ,GAL TE GTAN TSIGS YOD PA NYID NI MI MTHUN PA'I PHYOGS LAS LDOG PA MA BSTAN PAS GTAN TSIGS NYID MA YIN NO ZHE NA ZHES BYA BA NI, RTOG GE PA DAG 'GREL PA BYED PA LA GTAN TSIGS MA NGES PA'I SKYON GYIS RGOL BA'I DOGS PA BSU BA YIN NO, ,DE LA GAL TE ZHES BYA BA'I SGRA NI 'GREL BA BYED PA NYID KYIS RTOG GE PA DAG GI DOGS BA BSU BA'I TSIG YIN NO, ,GTAN TSIGS YOD PA NI ZHES BYA BA NI, 'GREL PA BYED PAS SNGAR NANG GI SKYE MCHED RNAMS BDAG LAS SKYE BA MED PA'I GTAN TSIGS SU YOD PA'I PHYIR ZHES BSHAD PA GANG YIN PA DE NYID DO, ,MI MTHUN PA'I PHYOGS LAS LDOG PA MA BSTAN PAS GTAN TSIGS NYID MA YIN NO ZHES BYA BA LA, MI MTHUN PA'I PHYOGS ZHES BYA BA NI CHOS DANG CHOS CAN GYI MI 'DRA BA'I PHYOGS KYI TSIG GI DON MI MTHUN PA'I PHYOGS SO, ,MI MTHUN PA'I PHYOGS DE LAS LDOG PA ZHES BYA BA NI MI MTHUN PA'I PHYOGS LA BSGRUB PAR BYA BA DANG SGRUB PA'I CHOS GNYIS MED PA NI MI MTHUN PA'I PHYOGS LAS LDOG PA ZHES BYA BA'O, ,DE MA BSTAN PAS ZHES BYA BA NI MI MTHUN PA'I PHYOGS LAS LDOG PA DE MA BSTAN MA BSHAD PAS SO, ,GTAN TSIGS NYID MA YIN NO ZHES BYA BA NI 'GREL PA BYED PAS SNGAR NANG GI SKYE MCHED RNAMS BDAG LAS SKYE BA MED PA'I GTAN TSIGS SU YOD PA'I PHYIR ZHES BSHAD PA GANG YIN PA DE GTAN TSIGS NYID MA YIN TE, CI'I PHYIR ZHE NA, 'DI LTAR MI MTHUN PA'I PHYOGS LAS LDOG PA MA BSTAN PAS YOD PA'I PHYIR ZHES BYA BA'I GTAN TSIGS DE MA NGES PA'I PHYIR GTAN TSIGS NYID MA YIN NO, ,DE GTAN TSIGS NYID MA YIN PAS DE BSGRUB PAR BYA BA CHOS KYANG MI 'GRUB PO ZHES BYA BA'I THA TSIG GO, ,DE YANG 'DI LTAR GTAN TSIGS KYI MTSAN NYID NI 'DI YIN TE, TSUL GSUM LDAN PA'I RTAGS BSTAN PA, ,PHYOGS KYI CHOS LA GNAS PA YIN, ,LHAG MA TSUL GNYIS BTAGS PA NI, ,DPE YIS RAB TU BSTAN PA YIN, ,ZHES BYA BAS TSUL GSUM DANG LDAN PA'I RTAGS BSTAN @69B PA YIN NO, ,DE LA TSUL GSUM NI RJES SU DPAG PAR BYA BA LA YOD PA DANG, MTHUN PA'I PHYOGS LA YOD PA DANG, ,MI MTHUN PA'I PHYOGS LA MED PA NYID DU NGES PA'O, ,TSUL GSUM PO DAG LA RTAGS KYANG GSUM STE, MI DMIGS PA DANG, NGO BO NYID DANG, 'BRAS BU'O, ,DES RJES SU DPAG PAR BYA BA LA YOD PA NYID DU NGES PA'I TSUL GYI RTAGS GSUM NI, MI DMIGS PA LAS DNGOS PO MED PAR RJES SU DPAG PAR BYA BA LA NI, 'DI NA DNGOS PO MED DE MI DMIGS PA'I PHYIR RO ZHES BYA BA DANG, NGO BO NYID LAS MI RTAG PAR RJES SU DPAG PAR BYA BA LA NI SGRA MI RTAG PA STE BYAS PA'I PHYIR RO ZHES BYA BA DANG, 'BRAS BU LAS RGYU RJES SU DPAG PAR BYA BA LA NI 'DI LA RGYU YOD DE 'BRAS BU DMIGS PA'I PHYIR RO ZHES BYA BA YIN NO, ,MTHUN PA'I PHYOGS LA YOD PA NYID DU NGES PA'I TSUL GYI RTAGS GSUM NI, MI DMIGS PA LAS DNGOS PO MED PAR RJES SU DPAG PA'I CHOS MTHUN PA'I DPE PHYOGS 'DI NA DNGOS PO MED DE; DMIGS PA'I REG BYAR GYUR PA'I BUM PA MI DMIGS PA'I PHYIR RO ZHES BYA BA DANG, NGO BO NYID LAS MI RTAG PAR RJES SU DPAG PA'I CHOS MTHUN PA'I DPE 'DI NI SHING YIN TE, SHING SHA PA YIN PA'I PHYIR RO ZHES BYA BA DANG, 'BRAS BU LAS RGYU RJES SU DPAG PA'I CHOS MTHUN PA'I DPE TSAD MANG 'DI NA ME YOD DE DU BA 'THUL BA'I PHYIR RO ZHES BYA BA 'DI YIN NO, ,MI MTHUN PA'I PHYOGS LA MED PA NYID DU NGES PA'I TSUL GYI RTAGS GSUM NI MI DMIGS PA LAS DNGOS PO MED PAR RJES SU DPAG PA'I CHOS MI MTHUN PA'I DPE, PHYOGS 'DI NA DNGOS PO YOD DE DMIGS PA'I REG BYAR GYUR PA'I BUM PA DMIGS PA'I PHYIR RO ZHES BYA BA DANG, NGO BO NYID LAS MI RTAG PAR RJES SU DPAG PA'I CHOS MI MTHUN PA'I DPE, NAM MKHA' RTAG STE MA BYAS PA'I PHYIR RO ZHES BYA BA DANG, 'BRAS BU LAS RGYU RJES SU DPAG PA'I CHOS MI MTHUN PA'I DPE, KHRON PA 'DI NA ME MED DE BA MO YOD PA'I PHYIR RO ZHES BYA BA YIN NO, ,DE LTAR TSUL GSUM DANG LDAN PA'I RTAGS KYIS GTAN TSIGS KYI MTSAN NYID BSTAN DGOS NA, 'DIR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR ZHES BSTAN PAS, RJES SU DPAG PAR BYA BA LA YOD PA NYID DU NGES PA'I TSUL GYIS RTAGS KYANG YOD, @70A *, ,DPER NA SHES PA YOD PA NYID BZHIN NO ZHES BSTAN PAS MTHUN PA'I PHYOGS LA YOD PA NYID DU NGES PA'I TSUL GYIS RTAGS KYANG YOD NA, 'DI LTAR MI MTHUN PA'I PHYOGS LA MED PA NYID DU NGES PA'I TSUL GYIS RTAGS MA BSTAN PAS DE'I PHYIR GTAN TSIGS KYI MTSAN NYID MA TSANG NAS; GTAN TSIGS YOD PA NYID CES BYA BA DE MA NGES PA'I PHYIR GTAN TSIGS NYID MA YIN NO ZHES NA, DE'I LAN DU 'DIR 'GREL PA BYED PA NYID KYIS MED PA KHO NA'I PHYIR DE LA LDOG PA MED PAS 'DI DANG THAMS CAD LA NYES PA MED DO ZHES BYA BA SMRAS SO, ,DE LA MED PA KHO NA'I PHYIR ZHES BYA BA NI MI MTHUN PA'I PHYOGS MED PA KHO NA'I PHYIR TE, 'DI LTAR KHO BO CAG DBU MA PA LA NI NANG GI SKYE MCHED RNAMS BDAG LAS SKYE BA MED PA'I MI MTHUN PA'I PHYOGS GZHAN LAS SKYE BA ZHES BYA BA MED PA KHO NA'I PHYIR RO, ,DE LA LDOG PA MED PAS ZHES BYA BA NI MI MTHUN PA'I PHYOGS MED PA DE LA BSGRUB PAR BYA BA DANG SGRUB PA'I CHOS GNYIS LDOG PA MED PAS TE, GAL TE BDAG LAS SKYE BA MED PA'I MI MTHUN PA'I PHYOGS GZHAN LAS SKYE BA ZHES BYA BA YOD NA NI DE LA BSGRUB PAR BYA BA DANG SGRUB PA'I CHOS DE GNYIS LDOG CING MED PAR 'GYUR BAS MI MTHUN PA'I PHYOGS LA MED PA NYID DU NGES PA'I TSUL GYIS RTAGS KYANG BSTAN DU RUNG BA ZHIG NA, KHO BO CAG LA BDAG LAS SKYE BA MED PA'I MTHUN PA'I PHYOGS GZHAN LAS SKYE BA ZHES BYA BA DE MED PA KHO NA'I PHYIR, DE LA BSGRUB PAR BYA BA DANG SGRUB PA'I CHOS LDOG PA MED PAS 'DIR MI MTHUN PA'I PHYOGS LA MED PA NYID DU NGES PA'I TSUL GYIS RTAGS BSTAN MI DGOS SO ZHES BYA BA'I THA TSIG GO, ,'DI DANG THAMS CAD LA NYES PA MED DO ZHES BYA BA NI SBYOR BA'I TSIG 'DI LA YANG GTAN TSIGS MA NGES PA'I SKYON GYI NYES PA MED LA, 'DI 'BA' ZHIG TU YANG MA ZAD DO, 'DI LTAR BSTAN BCOS 'DI LA 'OG NAS 'BYUNG BA'I SGRUB PA GZHAN THAMS CAD LA YANG NYES PA 'DI MED DO, ,'DI SKAD BSTAN TE MI MTHUN PA'I PHYOGS YOD NA NI DE LA BSGRUB PAR BYA BA DANG SGRUB PA'I CHOS LDOG PA YANG BSTAN PAR BYA STE, DPER NA SGRA MI RTAG STE BYAS PA'I PHYIR RO ZHES BYA BA'I MI MTHUN PA'I PHYOGS NAM MKHA' NI RTAG STE MA BYAS PA'I PHYOGS DE LA BSGRUB PAR BYA BA DANG, SGRUB PA'I CHOS MI RTAG STE BYAS PA'I PHYIR RO ZHES BYA BA @70B DE GNYIS NI LDOG CING MED PAR 'GYUR BA ZHIG NA, SMRAS PA, GANG LA MI MTHUN PA'I PHYOGS NYID MED PA DE LA BSGRUB PAR BYA BA DANG SGRUB PA'I CHOS LDOG PA MED DO, ,DE'I PHYIR KHO BO'I PHYOGS BDAG LAS SKYE BA MED PA ZHES BYA BA 'DI'I MI MTHUN PA'I PHYOGS NI GZHAN LAS SKYE BA ZHES BYA BAR BRTAG GRANG NA, KHO BOS NI RNAM PA THAMS CAD KHO NA SKYE BA MED PAR KHAS BLANGS PAS DE'I PHYIR KHO BO LA MI MTHUN PA'I PHYOGS MED PA KHO NA'I PHYIR, DE LA LDOG PA MED PAS GTAN TSIGS KYI SKYON MED DO, ,GTAN TSIGS KYI MTSAN NYID MA TSANG BAR YANG MI 'GYUR TE, 'DI LTAR KHO BO LA MI MTHUN PA'I PHYOGS MED PA KHO NA'I PHYIR, DE LA GTAN TSIGS RANG BZHIN GYIS MI 'JUG PA NYID LDOG PA YANG YIN PAS MI MTHUN PA'I PHYOGS LA MED PA NYID DU NGES PA'I TSUL GYIS RTAGS KYANG YOD PA YIN NO, ,'DIR GRANGS CAN DAG LAS KHA CIG PHYIR ZLOG PAR BYED DO, DAM BCAS PA 'DI'I DON GANG YIN, CI BDAG LAS ZHES BYA BA 'BRAS BU'I BDAG NYID LAS SAM, 'ON TE RGYU'I BDAG NYID LAS, DES CIR 'GYUR, GAL TE 'BRAS BU'I BDAG NYID LAS NA NI GRUB PA LA SGRUB PO, ,'ON TE RGYU'I BDAG NYID LAS NA NI 'GAL BA'I DON NYID DE, SKYE BA CAN THAMS CAD NI RGYU'I BDAG NYID DU YOD PA KHO NA LAS SKYE BA'I PHYIR RO ZHE NA ZHES BYA BA NI, 'DIR DE LTAR GTAN TSIGS KYI SKYON BSAL BA LA GRANGS CAN DAG LAS 'BRAS BU DANG RGYU DANG GNYI GA'I NGO BO NYID SMRA BA KHA CIG DNGOS PO RNAMS KYI SKYE BA SGRUB PA'I PHYIR, SLOB DPON GYI DNGOS PO RNAMS BDAG LAS SKYE BA MED PAR SGRUB PA LA DAM BCAS PA'I SKYON BRJOD PA'I RNAM PAS PHYIR RGOL BA NYID DU GNAS PAR BYED PA YIN NO, ,DE LA 'DIR ZHES BYA BA NI DE LTAR GTAN TSIGS KYI SKON BSAL BA'I SKABS 'DIR RO, ,GRANGS CAN DAG LAS ZHES BYA BA NI GRANGS CAN DAG LAS GYES PA NYI SHU RTZA LNGA YOD DO ZHES GRAGS PA DE DAG LAS SO, ,KHA CIG CES BYA BA NI DE DAG LAS RGYU DANG 'BRAS BU DANG GNYI GA SMRA BA GANG DAG DAG YIN PA KHA CIG GO, ,PHYIR ZLOG PAR BYED DE ZHES BYA BA NI DE DAG DNGOS PO RNAMS KYI SKYE BA SGRUB PA'I PHYIR, SLOB DPON GYIS DNGOS PO RNAMS BDAG LAS SKYE BA MED PAR SGRUB PA LA DAM BCAS PA'I SKYON BRJOD PA'I RNAM PAS PHYIR RGOL BA NYID DU GNAS PAR BYED PA'O, ,DAM BCAS PA 'DI'I DON GANG YIN ZHES BYA BA NI DBU MA PAS DNGOS PO RNAMS BDAG LAS SKYE BA MED DO ZHES DAM BCAS PA DE @71A *, ,LA BDAG LAS ZHES BYA BA 'DI'I DON GANG YIN ZHES KLAN KA TSOL BA'I TSIG YIN NO, ,CI BDAG LAS ZHES BYA BA ZHES BYA BAS NI 'DI SKAD BSTAN TE, 'DI LA DNGOS PO THAMS CAD KYI NGO BO NYID KYI RNAM PA GNYIS TE, 'BRAS BU'I NGO BO NYID DANG, RGYU'I NGO BO NYID DO, ,DE LA 'BRAS BU'I NGO BO NYID NI 'BRAS BU GSAL BA'I TSUL GYIS YOD PA'O, ,RGYU'I NGO BO NYID NI 'BRAS BU'I NUS PA DANG LDAN PA'I RGYU'I BDAG NYID YOD PA KHO NA LAS SKYE BAR MTHONG BA STE, GAL TE 'BRAS BU'I NUS PA MED PA'I RGYU LAS SKYE NA NI 'BRAS KYI SA BON LAS KYANG NAS KYI MYU GU SKYE BA'I RIGS NA MI SKYE BAS DE'I PHYIR RGYU GANG LAS 'BRAS BU GANG GI NGO BO NYID YOD PA DE RGYU DE LAS SKYES PAS, KHO BOS DNGOS PO RNAMS BDAG LAS SKYE'O ZHES BRJOD PA GANG YIN PA DE NI BDAG RGYU'I BDAG NYID DU YOD PAS SKYES PA YIN NA, KHYED KYI NANG GI SKYE MCHED RNAMS BDAG LAS SKYE BA MED DO ZHES DAM BCAS PA'I BDAG LAS ZHES BYA BA DE GANG YIN ZHES GLENG BA YIN NO, ,'BRAS BU'I BDAG NYID LAS SAM ZHES BYA BA NI 'BRAS BU GSAL BA'I NGO BO NYID DU YOD PA'I BDAG NYID LAS SKYE BA MED PA YIN NAM ZHES 'DRI BA YIN NO, ,'ON TE RGYU'I BDAG NYID LAS ZHES BYA BA NI 'BRAS BU'I NUS PA DANG LDAN PA'I RGYU'I BDAG NYID DU YOD PA LAS SKYE BA MED PA YIN ZHES GAL GZUNG BA YIN NO, ,DES CIR 'GYUR ZHES BYA BA NI, PHYOGS DE GNYI GA YANG SKYON CHAGS PA YIN NO ZHES BYA BA'I THA TSIG GO, ,DE NYID BSTAN PA'I PHYIR, GAL TE 'BRAS BU'I BDAG NYID LAS NA NI GRUB PA LA SGRUB PO ZHES BYA BA SMRAS SO, ,GAL TE 'BRAS BU'I BDAG NYID LAS NA NI ZHES BYA BA NI 'BRAS BU GSAL BA'I NGO BO NYID DU YOD PA'I BDAG NYID LAS SKYE BA MED PA ZHES BSGRUB NA NI'O, ,GRUB PA LA SGRUB PO ZHES BYA BA NI DE LTAR NA KHYOD KYI GTAN TSIGS DE GRUB PA LA SGRUB PA'I SKYON DU 'GYUR TE, 'DI LTAR 'DI NA MIG LA SOGS PA SKYE MCHED YUL 'DZIN NA NUS PA GSAL BA'I NGO BO NYID DU YOD PA DAG LA YANG SKYE BA MED PA NI 'JIG RTEN THAMS CAD LA GRUB ZIN PA YIN PAS DE LAS SKYE BA MED PAR BSGRUB NA NI GRUB PA LA SGRUB PA YIN NO, ,DE LTAR NA KHYED NANG GI SKYE MCHED YUL 'DZIN NUS PA 'BRAS BU GSAL BA'I NGO BO NYID DU YOD PA'I BDAG NYID LAS SKYE BA MED PAR BSGRUB PA'I TSIG DE NI DPER NA SMYON PA'AM GDON GYIS ZIN PA DAG BUM PA BYAS ZIN PA @71B YANG BYA'O ZHES ZER BA'I TSIG BZHIN DU GRUB PA LA SGRUB PA'I SKYON DU 'GYUR RO, ,'ON TE RGYU'I BDAG NYID LAS NA NI 'GAL BA'I DON DE NYID DE ZHES BYA BA LA, 'ON TE RGYU'I BDAG NYID LAS NA NI ZHES BYA BA NI 'BRAS BU'I NUS PA DANG LDAN PA'I RGYU'I BDAG NYID YOD PA LAS SKYE BA MED PA ZHES BSGRUB NA NI'O, ,'GAL BA'I DON NYID DE ZHES BYA BA NI DE LTAR NA KHYED KYI GTAN TSIGS DE 'GAL BA'I SKYON DU 'GYUR TE, 'DI LTAR 'JIG RTEN NA 'BRAS BU'I NUS PA DANG LDAN PA'I RGYU MER MER PO LA SOGS PA BDAG NYID YOD PA LAS 'BRAS BU NANG GI SKYE MCHED RNAMS GSAL BA'I NGO BO NYID DU SKYE BAR GRAGS PA LAS 'BRAS BU SKYE BA MED PAR SGRUB NA NI 'JIG RTEN LA GRAGS PA DANG 'GAL BA'I DON NYID DU 'GYUR RO, ,DE NYID BSTAN PA'I PHYIR, SKYE BA CAN THAMS CAD NI RGYU'I BDAG NYID DU YOD PA KHO NA LAS SKYE BA'I PHYIR RO ZHES BYA BA SMRAS TE, SKYE BA CAN THAMS CAD CES BYA BA NI DNGOS PO GANG LA SKYE BA YOD PA DE NI SKYE BA CAN TE NANG DANG PHYI ROL GYI SKYE MCHED THAMS CAD DO, ,RGYU'I BDAG NYID DU YOD PA KHO NA LAS SKYE BA'I PHYIR RO ZHES BYA BA NI SKYE BA CAN DE DAG THAMS CAD NI 'BRAS BU'I NUS PA'I RGYU'I BDAG NYID DU YOD PA KHO NA LAS SKYE BAR 'JIG RTEN NA GRAGS PA'I PHYIR TE, 'DI LTAR 'JIG RTEN NANG GI SKYE MCHED THAMS CAD KYANG MER MER PO LA SOGS PA RGYU'I BDAG NYID DU YOD PA KHO NA LAS SKYE BAR MTHONG LA, MYU GU YANG SA BON GYI BDAG NYID DU YOD PA KHO NA LAS SKYE BA DANG, BUM PA YANG 'JIM PA'I BDAG NYID DU YOD PA KHO NA LAS SKYE BAR MTHONG BA'I PHYIR RO, ,DE LTA BAS NA GAL TE RGYU'I NGO BO NYID DU YOD PA'I BDAG NYID LAS SKYE BA MED PAR SGRUB NA NI 'JIG RTEN NA DNGOS PO SKYE BA CAN THAMS CAD RGYU'I BDAG NYID DU YOD PA KHO NA LAS SKYE BAR GRAGS PA DANG 'GAL BAR 'GYUR RO ZHE NA ZHES BYA BA NI 'DIR DE LTAR GTAN TSIGS KYI SKYON BSAL BA LA, GRANGS CAN DAG LAS 'BRAS BU DANG RGYU DANG GNYI GA'I NGO BO NYID SMRA BA KHA CIG DNGOS PO RNAMS KYI SKYE BA SGRUB PA'I PHYIR, SLOB DPON GYIS DNGOS PO RNAMS KYI SKYE BA BDAG LAS SKYE BA MED PAR BSGRUB PA LA DAM BCAS PA'I SKYON BRJOD PA'I RNAM PAS PHYIR RGOL BA NYID DU GNAS PA DAG DE SKAD CES ZER NA'O, ,DE SKAD ZER BA DE'I LAN DU, 'DIR 'GREL PA BYED PA NYID KYIS, DE NI BZANG PO MA YIN TE BDAG @72A *, ,LAS SKYE BA TZAM DGAG PA'I PHYIR RO, ,RGYU'I BDAG NYID LAS NA YANG BDAG DANG GZHAN DU GYUR PA LAS KYANG SKYE BA SEL BA'I PHYIR RO, ,SHES PA YOD PA NYID NI NUS PA'I MTSAN NYID DANG LDAN PA YONGS SU GZUNG BA'I PHYIR YANG NYES PA MED DO ZHES BYA BA SMRAS SO, ,DE LA DE NI BZANG PO MA YIN TE ZHES BYA BA NI SUN DBYUNG BA'I RNAM PA GNYI GA YANG SUN DBYUNG BA LTAR SNANG BA YIN PAS BZANG PO MA YIN TE, 'DI LTAR GRUB PA LA SGRUB PA MA YIN PA'I PHYIR DANG, 'GAL BA'I DON NYID MA YIN PA'I PHYIR RO, ,JI LTAR NA GRUB PA LA SGRUB PA MA YIN ZHE NA, DE'I PHYIR BDAG LAS SKYE BA TZAM 'GAG PA'I PHYIR RO ZHES BYA BA SMRAS TE, 'DI LA GRUB PA LA SGRUB PA ZHES BYA BA NI RGOL BA DANG PHYIR RGOL BA GNYI GA'I BLO MTHUN PA'I DON LA YANG GTAN TSIGS GZHAN GYIS SGRUB PA YIN NA, KHO BOS NI 'BRAS BU'I BDAG NYID DU YOD PA LA SKYE BA MED DO ZHES MA SMRAS TE, 'DI LTAR 'BRAS BU'I BDAG NYID LAS SAM, RGYU'I BDAG NYID LAS ZHES BYE BRAG TU BRJOD PA MA BYAS PA KHO NAR BDAG LAS SKYES PA TZAM KHO NAR 'GOG PAR BYED LA, KHYOD KYIS NI 'BRAS BU'I BDAG NYID LAS SAM, 'ON TE RGYU'I BDAG NYID LAS ZHES BYE BRAG TU BRJOD PA BYAS PAS DES NA 'U BU CAG BLO MTHUN PA MA YIN PA'I PHYIR, KHO BOS DNGOS PO RNAMS BDAG LAS SKYE BA MED PAR BKAG PA 'DI GRUB PA LA SGRUB PA MA YIN NO, ,JI LTAR NA 'GAL BA'I DON NYID MA YIN ZHE NA, DE'I PHYIR RGYU'I BDAG NYID LAS NA YANG ZHES BYA BA LA SOGS PA SMRAS TE, DNGOS PO RNAMS RGYU'I BDAG NYID LAS SKYE BA MED PAR BSGRUB NA YANG 'JIG RTEN LAS GRAGS PA DANG 'GAL BA'I DON NYID DU MI 'GYUR TE, 'DI LTAR KHYOD NA RE, SKYE BA CAN THAMS CAD NI RGYU'I BDAG NYID DU YOD PA KHO NA LAS SKYE BA'I PHYIR RO ZHES ZER BA GANG YIN PA DE 'DIR BRTAG GI NYON CIG , ,CI MYU GU'I RGYU'I SA BON ZHES BYA BA DE MYU GU'I RANG GI BDAG NYID YIN NAM, 'ON TE BDAG NYID GZHAN YIN, GANG YANG RUNG BA ZHIG TU BRTAG GRANG NA, DE LA KHO BO NI BDAG DANG GZHAN DU GYUR PA LAS KYANG SKYE BA SEL BA'I PHYIR 'GAL BA'I DON NYID DU MI 'GYUR RO, ,'DI SKAD BSTAN TE, GAL TE MYU GU'I RGYU'I SA BON DE RANG GI BDAG NYID YIN TE, SA BON GANG YIN PA DE NYID MYU GU YIN NA NI DE'I PHYIR BDAG LAS SKYE BA MED PA ZHES BYA BA DE LEGS PAR GSUNGS PA YIN NO, ,CI STE MYU GU'I @72B NGO BO NYID LAS SA BON BDAG NYID GZHAN YIN NA NI DE'I PHYIR 'OG KHO NA NAS DNGOS PO RNAMS GZHAN LAS SKYE BA MED PAR STON PA'I SKABS SU BRTAG GI ,CUNG ZAD SDOD CIG ,DE LTAR GTAN TSIGS KYI SKYON BSAL BA, 'DIR GRANGS CAN DAG KHO NA LAS NUS PA SMRA BA GZHAN KHA CIG DPE LA SKYON 'DOGS PAR BYED PA DAG NA RE; KHYED KYIS SNGAR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES SBYOR BA'I TSIG SMRAS PA'I SKABS SU, SHES PA YOD PA NYID LA DPE BLANGS PA DE NI MI RUNG STE, SHES PA YOD PA NYID NI SKYES BU'I RANG GI NGO BO NYID DE, DPER NA DRO BA NI ME'I RANG GI NGO BO NYID YIN PA DANG 'DRA'O, ,DE YANG DUS THAMS CAD DU MED DE 'DI LTAR, BLO YIS DON NI GNAS BYAS PA, ,SKYES BUS SEMS PAR BYED PA YIN, ,ZHES 'BYUNG BAS, GANG GI TSE BLOS SGRA LA SOGS PA'I DON RGYUD LA GNAS PAR BYAS SHING SKYES BU LA 'BUL BAR BYED PA DE'I TSE NA SHES PA YOD PA NYID SKYE'I, JI SRID DU BLOS SGRA LA SOGS PA DON RGYUD LA GNAS PAR MA BYAS SHING SKYES BU LA 'BUL BAR MI BYED PA DE SRID DU SHES PA YOD PA NYID MI SKYE BAS DE'I PHYIR SHES PA YOD PA NYID NI NUS PA'I MTSAN NYID KYIS RTAG TU YOD KYANG, GSAL BA'I MTSAN NYID KYIS RTAG TU MED PAS GTAN TSIGS YOD PA NYID KYI DPE SHES PA YOD PA NYID LAS BLANGS PA DE'I MTSAN NYID MA TSANG BAS SGRUB PA'I SKYON DU 'GYUR RO ZHES ZER BA'I PHYOGS SNGA MA KHONG NAS DBYUNG BA DE'I LAN DU, SHES PA YOD PA NYID NI NUS PA'I MTSAN NYID DANG LDAN PA YONGS SU GZUNG BA'I PHYIR YANG NYES PA MED DO ZHES BYA BA SMRAS SO; ,'DI SKAD BSTAN TE, GANG GI TSE BLO'I RTZOL BAS MA SKYES PA'I SHES PA YOD PA NYID NUS PA'I MTSAN NYID KYI GNAS SKABS NA YOD PA NYID GANG YIN PA DE KHO BOS DPE NYID DU BSTAN PAR BYAS PAS DE'I PHYIR DPE'I SKYON MED DO, ,DE LA SHES PA YOD PA NYID NI ZHES BYA BA NI SNGAR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES GTAN TSIGS YOD PA NYID KYI DPER BSTAN PA'I SHES PA YOD PA NYID DO, ,NUS PA'I MTSAN NYID DANG LDAN PA ZHES BYA BA NI SHES PA YOD PA NYID GANG LA NUS PA'I MTSAN NYID YOD PA DE NI NUS PA'I MTSAN NYID DANG LDAN PA STE, DE YANG @73A *, ,GRANGS CAN GYI SKYES BU LA DUS THAMS CAD DU YOD PAR KHAS BLANGS PAS YOD PA NYID YIN NO, ,YONGS SU GZUNG BA'I PHYIR ZHES BYA BA NI NUS PA'I MTSAN NYID DANG LDAN PA DE KHO BOS YOD PA NYID KYI DPER YONGS SU GZUNG BA'I PHYIR GTAN TSIGS KYI DPE LA SKYON MED DO, ,YANG ZHES BYA BA'I SGRA NI NUS PA'I MTSAN NYID DANG LDAN PA 'BA' ZHIG YONGS SU BZUNG BA'I PHYIR GTAN TSIGS KYI DPE LA SKYON MED PAR MA ZAD KYI, GSAL BA'I MTSAN NYID DANG LDAN PA YONGS SU GZUNG BA'I PHYIR YANG GTAN TSIGS KYI DPE LA SKYON MED DO ZHES BYA BA'I DON TO, ,NYES PA MED DO ZHES BYA BA NI DE'I PHYIR GTAN TSIGS YOD PA NYID KYI DPER SHES PA YOD PA NYID BSTAN PA LA DPE'I SKYON GYIS NYES PA MED PA'O, ,'DI LA GZHAN NI DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,ZHES RNAM PAR BSHAD PAR BYED DO ZHES BYA BA NI DNGOS PO RNAMS BDAG LAS SKYE BA MED PAR SGRUB PA'I SKABS 'DI LA 'GREL BA BYED PA SLOB DPON BUDDHA P'A LI TA NI 'DI SKAD DU RNAM PAR BSHAD PAR BYED DO ZHES BSTAN PA YIN NO, ,DE LA 'DI LA ZHES BYA BA NI DNGOS PO RNAMS BDAG LAS SKYE BA MED PAR SGRUB PA'I SKABS 'DI LA'O, ,GZHAN NI ZHES BYA BA'I SGRA NI BSTAN BCOS 'DI'I 'GREL PA BYED PA MANG STE, 'DI LTA STE, SLOB DPON GYI ZHAL SNGA NAS DANG, GNAS BRTAN BUDDHA P'A LI TA DANG, TZANDRA K'IRTI DANG, DE BA SHARMA DANG, GU nA SHR'I DANG, GU nA MA TI DANG, SthI RA MA TI DANG, SLOB DPON LEGS LDAN 'BYED NYID LA THUG PA'I BAR DAG YOD PA LAS DE DAG PHAL LAS GZHAN PAS TE GNAS BRTAN BUDDHA P'A LI TA DANG SBYAR RO, ,GNAS BRTAN BUDDHA P'A LI TA NI DNGOS PO RNAMS BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PA NYID DU 'GYUR BA'I PHYIR RO ZHES RNAM PAR BSHAD PAR BYED DO, ,DE LA DNGOS PO RNAMS ZHES BYA BA NI PHYI DANG NANG GI SKYE MCHED RNAMS SO, ,BDAG GI BDAG NYID LAS ZHES BYA BA NI BDAG NYID LAS BYA BA'I THA TSIG STE DE LAS SO, ,SKYE BA MED DE ZHES BYA BA NI DON DAM PAR RO, ,CI'I PHYIR DNGOS PO RNAMS BDAG GI BDAG NYID LAS SKYE BA MED CE NA, DE DAG GI SKYE BA DON MED PA NYID DU 'GYUR BA'I PHYIR TE, DE DAG GI SKYE BA @73B ZHES BYA BA NI DNGOS PO DE DAG GI SKYE BA'O, ,DON MED PA ZHES BYA BA NI DON DANG BRAL BA NI DON MED PA STE 'BRAS BU MED PA'O, ,NYID CES BYA BA NI DE DAG GI SKYE BA DON MED PA'I DNGOS PO NI DE DAG GI SKYE BA DON MED PA NYID DO, ,DE DAG GI SKYE BA DON MED PA NYID DU 'GYUR BA'I PHYIR ZHES BYA BAS NI 'DI SKAD BSTAN TE, GAL TE DNGOS PO RNAMS YOD PA LAS SKYE NA DE DAG GI SKYE BA DON MED PA NYID DU 'GYUR TE, 'DI LTAR SKYES ZIN PA LAS KHYAD PAR SNGON MA BYUNG BA 'GA' YANG MED PA'I PHYIR RO, ,GZHAN YANG SKYE BA THUG PA MED PAR 'GYUR BA'I PHYIR TE, GAL TE YOD KYANG SKYE BAR 'GYUR NA YANG SKYE BAR 'GYUR BAS, RNAM PA DES MA SHI BA'I BAR DU SKYE BAR 'GYUR TE, DES NA SKYE BA YONGS SU RDZOGS PA MED PA KHO NAR 'GYUR RO ZHES RNAM PAR BSHAD PA BYED DO ZHES BYA BA NI, GNAS BRTAN BUDDHA P'A LI TA NI, DNGOS PO RNAMS BDAG LAS SKYE BA MED PAR BSGRUB PA'I SKABS 'DIR DE SKAD CES RNAM PAR BSHAD PAR BYED DO, ,DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL BA'I PHYIR RO, ,GLAGS YOD PA'I TSIG YIN PA'I YANG PHYIR TE, SKABS KYI DON LAS BZLOG PAS BSGRUB PAR BYA BA DANG DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR MDZAD PA'I MTHA' DANG 'GAL BAR 'GYUR RO ZHES BYA BA NI, 'GREL PA BYED PA NYID KYIS GNAS BRTAN BUDDHA P'A LI TAS RNAMS PAR BSHAD PA DE RIGS PA MA YIN PAR SGRUB PA'I TSIG YIN NO, ,DE LA DE NI RIGS PA MA YIN TE ZHES BYA BA NA; GNAS BRTAN BUDDHA P'A LI TAS RNAMS PAR BSHAD PA DE NI RIGS PA MA YIN NO ZHES DAM BCAS PA YIN NO, ,CI'I PHYIR RIGS PA MA YIN ZHE NA, GTAN TSIGS DANG DPE MA BRJOD PA'I PHYIR TE, 'DI SKAD BSTAN TE, RNAM PAR BSHAD PA DE LA DNGOS PO RNAMS BDAG LAS SKYE BA MED DO ZHES DAM BCAS PA DE TZAM KHO NA ZHIG GRAGS PAR ZAD KYI, JI LTAR BDAG LAS SKYE BA MED PA'I GTAN TSIGS YOD PA'I PHYIR ZHES BYA BA LTA BU DANG, YOD PA BDAG LA SKYE BA MED PA'I DPE, ,DPER NA SHES PA YOD PA NYID BZHIN NO, ,ZHES BYA BA LTA BU MA BRJOD PA'I PHYIR DE NI RIGS PA MA YIN NO, @74A *, ,GZHAN YANG GZHAN GYIS SMRAS PA'I NYES PA MA BSAL BA'I PHYIR TE, GAL TE DE LA GTAN TSIGS DANG DPE DAG BRJOD CING SGRUB PA RDZOGS PAR BRJOD DU ZIN KYANG DE LA SKYE BAR SMRA BA GZHAN GYIS SMRAS PA'I NYES PA GDON MI ZA BAR 'BYUNG BAR 'GYUR NA, DE YANG KHYOD KYIS MA BSAL PAS, DE'I PHYIR GZHAN GYIS SMRAS PA'I NYES PA MA BSAL BA'I PHYIR DE NI RIGS PA MA YIN NO, ,GZHAN YANG DE JI LTAR RIGS PA MA YIN ZHE NA, GLAGS YOD PA'I TSIG YIN PA'I YANG PHYIR TE, GNAS BRTAN BUDDHA P'A LI TAS RNAM PAR BSHAD PA DE NI RGOL BA GZHAN GYI KLAN KA'I GLAGS YOD PA'I TSIG YIN PA'I PHYIR YANG RIGS PA MA YIN NO, ,YANG ZHES BYA BA'I SGRA NI GTAN TSIGS DANG DPE MA BRJOD PA'I PHYIR DANG GZHAN GYIS SMRAS PA'I NYES PA MA BSAL BA'I PHYIR RIGS PA MA YIN PA 'BA' ZHIG TU MA ZAD KYI, DE NI GLAGS YOD PA'I TSIG YIN PA'I PHYIR YANG RIGS PA MA YIN NO ZHES BYA BAR SBYAR RO, ,DE NYID BSTAN PA'I PHYIR, SKABS KYI DON LA ZLOG PA ZHES BYA BA SMRAS TE, SKABS KYI DON GANG ZHE NA, GNAS BRTAN BUDDHA P'A LI TA NYID KYIS DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO ZHES RNAM PAR BSHAD PA NYID YIN NO, ,DE LAS BZLOG PAS ZHES BYA BAS NI SKABS KYI DON DE LAS BZLOG PA STE, DNGOS PO RNAMS BDAG GI BDAG NYID LAS SKYE BA MED DE ZHES BYA BA LAS BZLOG PA, DNGOS PO RNAMS GZHAN LAS SKYE BAR 'GYUR BA DANG, DE DAG GI SKYE BA DON MED PA NYID DU 'GYUR BA'I PHYIR ZHES BYA BA LAS BZLOG PA SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA MED PA NYID DU 'GYUR BA'I PHYIR RO ZHES BYA BA LAS BZLOG PA SKYE BA THUG PA YOD PAR 'GYUR BA'I PHYIR ZHES BYA BAS, GLAGS YOD PA'I TSIG YIN PA'I PHYIR YANG RIGS PA MA YIN NO, ,SKABS KYI DON LAS BZLOG PAS JI LTAR GLAGS YOD PA'I TSIG YIN PAR 'GYUR ZHE NA, DE'I PHYIR BSGRUB PAR BYA BA DANG, DE'I CHOS BZLOG PA'I DON MNGON PAS ZHES BYA BA SMRAS TE, BSGRUB PAR BYA BA ZHES BYA BA NI DNGOS PO RNAMS BDAG GI BDAG NYID LAS SKYE BA MED DE ZHES BSGRUB PAR BYA'O, ,DE BZLOG PA'I DON MNGON PAS ZHES BYA BA NI DNGOS PO RNAMS BDAG GI BDAG NYID LAS SKYE BA @74B MED DE ZHES BYA BA LAS BZLOG PA'I DON DNGOS PO RNAMS GZHAN LAS SKYE BA ZHES BYA BA MNGON PAS SO, ,DE'I CHOS ZHES BYA BA NI BSGRUB PAR BYA BA DE'I CHOS TE DNGOS PO RNAMS BDAG GI BDAG NYID LAS SKYE BA MED DE ZHES BSGRUB PAR BYA BA DE'I PHYOGS KYI CHOS DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO ZHES BYA BA'O, ,DE BZLOG PA'I DON MNGON PAS ZHES BYA BA NI DE DAG GI SKYE BA DON MED PA NYID DU 'GYUR BA'I PHYIR ZHES BYA BA BZLOG PA'I DON SKYE BA 'BRAS BU DANG BCAS PA NYID DU 'GYUR BA ZHES BYA BA DANG, SKYE BA THUG PA MED PAR 'GYUR PA'I PHYIR RO ZHES BYA BA BZLOG PA'I DON SKYE BA THUG PA YOD PAR 'GYUR PA'I PHYIR RO ZHES BYA BA MNGON PAS SO, ,DE DAG BZLOG PA'I DON MNGON PAS GLAGS JI LTA BU YOD PAR 'GYUR ZHE NA, DE'I PHYIR DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR ZHES BYA BA SMRAS TE, BSGRUB PAR BYA BA DNGOS PO RNAMS BDAG GI BDAG NYID LAS SKYE BA MED DE ZHES BYA BA BZLOG PA'I DON MNGON PAS NI DNGOS PO RNAMS GZHAN LAS SKYE BA ZHES BYA BA'I GLAGS YOD PAR 'GYUR BA DANG, DE'I CHOS DE DAG GIS SKYE BA DON MED PA NYID DU 'GYUR PA'I PHYIR ZHES BYA BA BZLOG PA'I DON MNGON PAS NI SKYE BA 'BRAS BU DANG BCAS PA NYID CES BYA BA'I GLAGS YOD PAR 'GYUR BA DANG, DE'I CHOS SKYE BA THUG PA MED PAR 'GYUR BA'I PHYIR RO ZHES BYA BA BZLOG PA'I DON MNGON PAS NI SKYE BA THUG PA YOD PA ZHES BYA BA'I GLAGS YOD PAR 'GYUR BA'I PHYIR RO, ,DE LTAR GYUR NA NYES PA CI YOD CES 'DRI BA'I PHYOGS SNGA MA KHONG NAS DBYUNG BA DE'I LAN DU MDZAD PA'I MTHA' DANG 'GAL BAR 'GYUR RO ZHES BYA BA SMRAS TE, 'DI LTAR SLOB DPON GYI LUNG LAS, DNGOS PO RNAMS GZHAN LAS SKYE BAR MI BZHED PA DANG, SKYE BA 'BRAS BU DANG BCAS PAR MI BZHED PA DANG, SKYE BA THUG PA YOD PAR MI BZHED PA'I GRUB PA'I MTHA' DANG 'GAL BAR 'GYUR RO, ,DE LTA BAS NA GNAS BRTAN BUDDHA P'A LI TAS RNAMS PAR BSHAD PA DE NI SGRUB PA DANG LUNG DANG 'GAL BAS RIGS PA MA YIN NO, ,GZHAN DAG NA RE, DNGOS PO RNAMS BDAG LAS SKYE BA MED PA ZHES BYA BA DE RIGS PA MA YIN TE, PHYOGS SNGA MA RANG DGAR SBYAR BA LA SEL BA'I PHYIR RI @75A *, ,BONG GI RVA LAS 'JIG RTEN GSUM SKYE BA SEL BA BZHIN NO ZHES ZER RO ZHES BYA BA NI GRANGS CAN DAG KHO NA LAS NUS PA SMRA BA GZHAN DAG DBU MA PAS DNGOS PO RNAMS BDAG LAS SKYE BA MED PA ZHES SMRAS PA GANG YIN PA'I SGRUB PA 'DI LA RJES SU DPAG PAS 'GOG PAR BYED PA'I TSIG YIN NO; ,DE LA GZHAN DAG NA RE ZHES BYA BA NI GRANGS CAN DAG KHO NA LAS NUS PA SMRA BA GZHAN DAG NA RE'O, ,'DIR DNGOS PO RNAMS BDAG LAS SKYE BA MED PA ZHES BYA BA STE ZHES BYA BA 'DI NI CHOS CAN YIN PA, RIGS PA MA YIN TE ZHES BYA BA 'DI NI BSGRUB PAR BYA BA CHOS YIN, PHYOGS SNGA MA RANG DGAR SBYAR PA LA SEL BA'I PHYIR ZHES BYA BA 'DI NI SGRUB PA'I CHOS YIN, RI BONG GI RVA LAS 'JIG RTEN GSUM SKYE BA SEL BA BZHIN NO ZHES BYA BA 'DI NI DPE YIN PAR SBYAR RO, ,DE LA DNGOS PO RNAMS BDAG LAS SKYE BA MED PA ZHES BYA BA DE ZHES BYA BA NI DBU MA PAS NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES DAM BCAS PA DANG, GTAN TSIGS DANG DPE BSTAN PAS SBYOR BA'I TSIG SMRAS PA GANG YIN PA DE'O, ,RIGS PA MA YIN TE ZHES BYA BA NI DBU MA PAS DNGOS PO RNAMS BDAG LAS SKYE BA MED PA ZHES SMRAS PA GANG YIN PA'I SGRUB PA DE RJES SU DPAG PA'I SGO NAS RIGS PA MA YIN NO ZHES DAM BCAS PA YIN NO, ,PHYOGS SNGA MA RANG DGAR SBYAR BA LA SEL BA'I PHYIR ZHES BYA BA LA PHYOGS SNGA MA ZHES BYA BA NI DBU MA PAS SUN DBYUNG BA'I PHYOGS SNGA MA STE, 'DI LTAR SKYE BAR SMRA BDAG LAS KHA CIG NI DNGOS PO RNAMS BDAG LAS SKYE'O ZHES ZER ZHES DBU MA PA NYID KYIS NGAR SMRA BA GANG YIN PA DE'O, ,RANG DGAR ZHES BYA BA NI BDAG NYID KYI BSAM PA STE NGES SO, ,SBYAR BA PA LA ZHES BYA BA NI SGRO BTAGS PA LA'O, ,SEL BA'I PHYIR ZHES BYA BA NI SUN DBYUNG BA'I PHYIR RO, ,'DI SKAD BSTAN TE, DBU MA PAS NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES DAM BCAS PA DANG, GTAN TSIGS DANG DPE BSTAN PAS SBYOR BA'I TSIG SMRAS PA GANG YIN PA DE RIGS PA MA YIN TE, CI'I PHYIR ZHE NA DBU MA PAS SUN DBYUNG BA'I PHYOGS SNGA MA 'DI LTAR SKYE BAR SMRA BDAG LAS, @75B KHA CIG NI DNGOS PO RNAMS BDAG LAS SKYE'O ZHES ZER ZHES SNGAR SMRAS PA GANG YIN PA DE SKYE BAR SMRAS PA DAG LAS SU YANG DE SKAD MI ZER BAR DBU MA PA DAG NYID KYIS RANG DGAR SBYAR BA YIN LA, DE LA DNGOS PO RNAMS BDAG LAS SKYE BA MED DO ZHES SEL BAR BYED PA'I PHYIR, RJES SU DPAG PA DE'I SGO NAS BRTAG NA RIGS PA MA YIN NO, ,DE YANG JI LTA BA ZHE NA, RI BONG GI RVA LAS 'JIG RTEN GSUM SKYE BA SEL BA BZHIN TE, DPER NA SUS KYANG RI BONG GI RVA LAS 'JIG RTEN GSUM SKYES SO ZHES KHAS MA BLANGS PAR, 'GA' ZHIG GIS BYUNG RGYAL KHO NAR RI BONG GI RVA LAS 'JIG RTEN GSUM SKYES SO ZHES SMRAS SHING, DE'I 'OG TU DE RANG NYID KYIS SEL BAR BYED DE, RI BONG GI RVA LAS 'JIG RTEN GSUM SKYES SO ZHES ZER BA DE NI MI RUNG NGO ZHES SUN 'BYIN BAR BYED PA DANG 'DRA BAR, 'DIR YANG SUN KYANG DNGOS PO RNAMS BDAG LAS SKYE'O ZHES KHAS MA BLANGS PAR DBU MA PA KHYED NYID KYIS 'DI LTAR SKYE BAR SMRA BA DAG LAS, KHA CIG NI DNGOS PO RNAMS BDAG LAS SKYE'O ZHES ZER RO ZHES PHYOGS SNGA MA RANG DGAR SBYAR ZHING, DE'I 'OG TU KHYER RANG NYID KYIS SEL BAR BYED DE, DNGOS PO RNAMS BDAG LAS SKYE BA MED DO ZHES SUN 'BYIN PAR BYED PA 'DI YANG RIGS PA MA YIN NO, ,'DI SKAD BSTAN TE, KHO BOS 'DI LTAR NANG GI SKYE MCHED RNAMS GSAL BA'I NGO BO NYID DU YOD BZHIN DU BDAG LAS SKYE'O ZHE'AM, MYU GU GSAL BA'I NGO BO NYID DU YOD BZHIN DU BDAG LAS SKYE'O ZHES NI KHAS MA BLANGS KYI, 'DI LTAR NANG GI SKYE MCHED RNAMS KYI NUS PA MER MER PO LA SOGS PA'I GNAS SKABS NA YOD PAS DE'I PHYIR NUS PA LAS GSAL BAR SKYE BA DANG, MYU GU'I NUS PA YANG SA BON SO SOR NGES PA RNAMS LA YANG YOD PAS, DE'I PHYIR NUS PA LAS GSAL BA SKYE BAR KHAS BLANGS PAS, DE'I PHYIR KHO BO CAG DNGOS PO RNAMS BDAG LAS SKYE ZHES MI ZER BZHIN DU, KHYED DNGOS PO RNAMS BDAG LAS SKYE BA MED DO ZHES SEL BAR BYED PA DE RIGS PA MA YIN NO ZHES ZER RO ZHES BYA BA NI GRANGS CAN DAG KHO NA LAS NUS PA SMRA BA GZHAN DAG DBU MA PAS DNGOS PO RNAMS BDAG LAS SKYE BA MED PA ZHES SMRAS PA GANG YIN PA'I SGRUB PA 'DI LA RJES SU DPAG PAS 'GOG PAR BYED PA DAG DE SKAD CES ZER BA YIN NO, ,RJES SU DPAG PA 'GAL BAS RGOL BA DE LA @76A *, ,'DIR 'GREL PA BYED PAS RJES SU DPAG PA DANG 'GAL BA NYID KYIS LAN GDAB PA'I PHYIR, NUS PA DANG GSAL BA NI BDAG NYID THA MI DAD PA'I PHYIR, BDAG GI BDAG NYID BZHIN TE, DE LAS SKYE BA NI BDAG LAS SKYE BA ZHES BYA BA YIN PAS PHYOGS SNGA MA GRUB PO ZHES BYA BA SMRAS SO, ,'DIR YANG NUS PA'I NGO BO NYID CES BYA BA 'DI NI CHOS CAN YIN LA, GSAL BA'I NGO BO NYID LAS NUS PA'I NGO BO NYID THA MI DAD PA ZHES BYA BA 'DI NI BSGRUB PAR BYA BA CHOS YIN NO, ,BDAG NYID THA MI DAD PA'I PHYIR ZHES BYA BA 'DI NI SGRUB PA'I CHOS YIN, BDAG GI BDAG NYID BZHIN TE ZHES BYA BA 'DI NI DPE YIN PAR SBYAR RO; ,DE LAS SKYE BA NI BDAG LAS SKYE BA ZHES BYA BA YIN PAS PHYOGS SNGA MA GRUB PO ZHES BYA BA 'DI NI TSAD MA'I 'BRAS BU YIN NO, ,DE LA NUS PA DANG GSAL BA NI ZHES BYA BA LA, 'DIR DE GNYIS THA MI DAD PAR SGRUB PA'I TSAD MA DE GNYI SA SBYOR BA GCIG KHO NAS NUS PA DANG GSAL PA'I PHYOGS LA STON TO, , DE LA NUS PA ZHES BYA BA NI GRANGS CAN GYI 'BRAS BU'I NUS PA RGYU LA SNGA NA YOD PAR BRTAGS PA GANG YIN PA STE, NUS PA'I NGO BO NYID 'DI LA BSGRUB PAR BYA BA CHOS, GSAL BA'I NGO BO NYID LAS NUS PA'I NGO BO NYID THA MI DAD PA DANG, SGRUB PA'I CHOS NUS PA DANG GSAL BA GNYIS KYI BDAG NYID THA MI DAD PA GNYIS YONG PA'I PHYIR CHOS CAN ZHES BYA'O, ,GSAL BA ZHES BYA BA NI GRANGS CAN GYIS 'BRAS BU RKYEN GYI BYED PAS BSGRUBS TE BDAG NYID THOB PA NI GSAL BA ZHES BYA'O ZHES BRTAGS PA GANG YIN PA DE, SKABS 'DIR GSAL BA'I NGO BO NYID LAS NUS PA'I NGO BO NYID LA THA MI DAD PAR BSGRUB PAR BYA BA YIN PAS, GSAL BA'I NGO BO NYID LAS NUS PA'I NGO BO NYID THA MI DAD PAR NI BSGRUB PAR BYA BA CHOS ZHES BYA'O, ,'DIR NI RIGS MTHUN PA'I RGYU LA THA DAD PA MED PA'I PHYIR THA MI DAD PAR SGRUB PO, ,CI'I PHYIR GSAL BA'I NGO BO NYID LAS NUS PA'I NGO BO NYID THA MI DAD CE NA, BDAG NYID THA MI DAD PA'I PHYIR TE NUS PA DANG GSAL BA DE GNYIS KYI BDAG NYID THA MI DAD PA'I PHYIR GSAL BA'I NGO BO NYID LAS NUS PA'I NGO BO NYID THA MI DAD DO, ,JI LTAR THA MI DAD CE NA, RIGS MTHUN PA'I RGYU LA THA DAD PA MED PA'I PHYIR THA MI DAD PA ZHES BYA'O, ,DE YANG JI LTA BU ZHE NA, BDAG GI BDAG NYID BZHIN TE, DPER NA GSAL BA BDAG GI BDAG NYID DANG THA MI DAD PA @76B BZHIN DU NUS PA YANG GSAL BA THA ME DAD PA'I PHYIR, GSAL BA'I NGO BO NYID LAS NUS PA'I NGO BO NYID THA MA DAD DO, ,DE BZHIN DU DPER NA NUS PA BDAG GI BDAG NYID DANG THA MI DAD PA BZHIN DU, GSAL BA YANG NUS PA DANG THA MI DAD PA'I PHYIR GSAL PA'I NGO BO NYID LAS NUS PA'I NGO BO NYID THA MI DAD DO, ,DE LTAR NUS PA DANG GSAL BA GNYIS THA MI DAD PAR BSTAN PA NYID TSAD MA'I 'BRAS BU YIN TE, DE NYID BSTAN PA'I PHYIR, DE LAS SKYE BA NI BDAG LAS SKYE BA ZHES BYA BA YIN PAS ZHES BYA BA SMRAS TE, DE LAS SKYE BA NI ZHES BYA BA MI NUS PA DANG, GSAL PA THA MI DAD PA DE LAS SKYE BA NI'O, ,'DI SKAD BSTAN TE, NUS PA DANG GSAL BA GNYIS BDAG NYID THA MI DAD PA'I PHYIR BDAG GI BDAG NYID BZHIN PAS GSAL BA'I NGO BO NYID KHO NA LAS GSAL BA'I NGO BO NYID KHO NA SKYE BAR GRUB PO ZHES BYA BA'I THA TSIG GO, ,DE'I PHYIR BDAG LAS SKYE BA ZHES BYA BA YIN PAS ZHES BYA BA SMRAS TE, GSAL BA BDAG LAS GSAL BA BDAG KHO NA SKYE BA YIN PAS SO 'DI SKAD BSTAN TE, DE LTAR NA DNGOS PO RNAMS BDAG LAS SKYE BA ZHES BYA BA 'DI NI GRANGS CAN KHYED NYID KYI GRUB PA'I MTHA' NYID YIN PAS, KHO BOS YANG DAG PA MA YIN PAS KHYED LA SGRO BTAGS PA NI MA YIN NO ZHES STON TO, ,PHYOGS SNGA MA GRUB PO ZHES BYA BA NI KHO BOS PHYOGS SNGA MA RANG DGAR SBYAR BA MA YIN TE, DE LTAR DAM BCA' BA DANG, GTAN TSIGS DANG, DPE'I 'THAD PA JI SKAD BSTAN PA DE NYID KYIS NA, GRANGS CAN KHYED KYIS GRUB PA'I MTHA' LAS DNGOS PO RNAMS BDAG LAS SKYE ZHES 'BYUNG BAS KHO BA'I PHYOGS SNGA MA GRUB PA YIN NO, ,DE LTA BAS NA KHYOD KYI GRUB PA'I MTHA' LAS DNGOS PO RNAMS BDAG LAS SKYE'O ZHES 'BYUNG BA DE NYID KHO BOS PHYOGS SNGA MAR BYAS PA 'KHO BO DNGOS PO RNAMS BDAG LAS SKYE BA MED DO ZHES SEL ZHING SUN 'BYIN PAR BYED PA DE RIGS PA KHO NA YIN NO ZHES BYA BA'I THA TSIG GO, ,PHYOGS RNAM PAR BRTAGS SU ZIN KYANG MI RIGS PA BRJOD PAR BYA BA'I PHYIR DE YONGS SU GZUNG BAS NYES PA MED DO ZHES BYA BA NI 'GREL PA BYED PAS PHYOGS SNGA MA RANG DGAR SBYAR BA LA SEL BAR BYED DU ZIN NA YANG NYES PA MED DO ZHES BSTAN PA'I TSIG YIN NO, ,DE LA PHYOGS RNAM PAR BRTAGS SU ZIN NA YANG ZHES BYA BA NI GAL TE DNGOS PO RNAMS BDAG LAS @77A *, ,SKYE'O ZHES SUS KYANG KHAS BLANGS PA MED DU ZIN NA YANG SKYE BA 'GAG PAR SMRA BAS 'DI LA DNGOS PO SKYE BA 'DI DAG CI BDAG LAS SKYE BAR 'GYUR RAM, 'ON TE GZHAN NAM, GNYIS SAM RGYU MED PA LAS SKYE BAR 'GYUR ZHES NGES PA KHO NAR PHYOGS SNGA MA RNAM PAR BRTAG DGOS PAS, DE'I PHYIR KHO BOS PHYOGS RANG GIS RNAM PAR BRTAGS SU ZIN NA YANG NYES PA MED DO ZHES BYA BAR SBYAR RO, ,JI LTAR NYES PA MED CE NA, MI RIGS PA BRJOD PAR BYA BA'I PHYIR TE, MI RIGS PA ZHES BYA BA NI SKYE BA'O, ,BRJOD PAR BYA BA'I PHYIR ZHES BYA BA NI DGAG PA'I PHYIR RO, ,'DI SKAD BSTAN TE, DON DAM PAR DNGOS PO RNAMS SKYE BA MI RIGS PA DGAG PA BRJOD PAR BYA BA'I PHYIR, PHYOGS RNAM PAR BRTAGS PA YIN NA YANG NYES PA MED DO, ,DE YONGS SU BZUNG BAR ZHES BYA BA NI SKYE BA DGAG PA DE YONGS SU GZUNG BAS SO, ,NYES PA MED DO ZHES BYA BA NI RJES SU DPAG PA DANG 'GAL BA'I NYES PA MED PA'O, ,DE LTAR NA RE ZHIG DNGOS PO RNAMS BDAG LAS SKYE BA MED DO ZHES BYA BA NI SNGAR DAM BCAS PA'I SPYI BKOD PA LAS, DNGOS PO RNAMS BDAG LAS SKYE BA MED PA DANG, GZHAN LAS SKYE BA MED PA DANG, GNYIS LAS SKYE PA MED PA DANG, RGYU MED PA LAS SKYE BA MED PA ZHES SMOS PA LAS DNGOS PO RNAMS BDAG LAS SKYE BA MED PA BSTAN PA'I MJUG BSDU BA YIN NO, ,DE LA DE LTAR NA ZHES BYA BA NI RJES SU DPAG PA'I RIGS PA KHA NA MA THO BA MED PA JI SKAD BSTAN PA DE YOD PAS DNGOS PO RNAMS BDAG LAS SKYE BA MED PAR GRUB PA DE LTAR NA'O, ,RE ZHIG CES BYA BA'I SGRA NI RIM PA LA LTOS PA STE, DAM BCAS PA SPYI'I RNAM PA BZHI BKOD PA LAS, JI RE ZHIG DNGOS PO RNAMS BDAG LAS SKYE BA MED PA NI BDAG GIS BSTAN ZIN TE, BDAG GI DNGOS PO RNAMS BDAG 'BA' ZHIG LAS SKYE BA MED PAR BSTAN PAR YANG MA ZAD DE, 'DI LTAR BDAG GIS RNAM PA GZHAN GYIS KYANG DNGOS PO RNAMS SKYE BA MED PAR STON TO ZHES BYA BA'I THA TSIG GO, ,DNGOS PO RNAMS BDAG LAS SKYE BA MED DO ZHES BYA BA NI DON DAM PAR DNGOS PO RNAMS BDAG LAS SKYE BA MED PAR GRUB PO ZHES BSTAN PA YIN NO, ,DAM BCAS PA'I SPYI BKOD PA DANG PO BSHAD ZIN TO,, ,,BAM PO DGU PA, DA NI DAM BCAS PA'I SPYI BKOD PA @77B GNYIS PA BSGRUB PAR BYA STE, DE'I PHYIR GZHAN LAS MIN ZHES BYA BA YANG CI ZHIG CE NA, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA'I SKABS YIN NO ZHES BYA BA SMRAS SO, ,'DI SKAD BSTAN TE, KHO BOS SNGAR DAM BCAS PA'I SPYI RNAM PA BZHI BKOD PA LAS, DAM BCAS PA'I SPYI DANG PO DNGOS PO RNAMS BDAG LAS SKYE BA MED PA ZHES BYA BA NI BSGRUBS ZIN TO, ,DE'I 'OG TU DA NI DAM BCAS PA'I SPYI BKOD PA GNYIS PA DNGOS PO RNAMS GZHAN LAS SKYE BA MED PA ZHES BYA BA DE BSGRUB PAR BYA'O, ,DE LA GZHAN LAS MIN ZHES BYA BA YANG CI ZHIG CE NA ZHES BYA BA NI GZHAN LAS CI ZHIG MA YIN ZHE NA ZHES 'GREL PA BYED PA NYID KYI DRI BA'I TSIG YIN NO, ,DE'I LAN DU 'GREL PA BYED PA NYID KYIS, DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES BYA BA'I SKABS YIN NO ZHES BYA BA SMRAS TE, GZHAN LAS CI ZHIG MA YIN ZHE NA, GZHAN LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA'I SKABS YIN NO ZHES BYA BAR SBYAR RO, ,DE LA DNGOS PO GANG DAG CES BYA BA NI NANG DANG PHYI ROL GYI DANG CHA PHRA BA DANG RAGS PA DAG GO, ,GANG NA YANG ZHES BYA BA NI BDAG CAG GI PHYOGS DANG GZHAN GYI PHYOGS NA YANG NGO, ,SKYES PA NAM YANG YOD MA YIN, ,ZHES BYA BA NI DON DAM PAR YANG NANG DANG PHYI ROL DANG CHA PHRA BA DANG RAGS PA'I DNGOS PO GANG DAG ,BDAG CAG GI PHYOGS DANG GZHAN GYI PHYOGS GANG NA YANG SKYES PA DUS NAM YANG YOD PA MA YIN PA'O, ,NAM YANG ZHES BYA BA NI, 'DAS PA DANG, MA 'ONGS PA DANG, DA LTAR BYUNG BA'I DUS NAM YANG NGAM, RANG GI SDE PA DANG GZHAN GYI SDE PAS BRTAG PA'I GNAS SKABS NAM YANG NGO, ,YOD PA MA YIN ZHES BYA BA NI GZHAN LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES MED PAR DGAG PA'I DON DU BLTA BAR BYA BA YIN GYI, MI SKYE BA YOD DO ZHES MA YIN PAR DGAG PA'I DON DU NI BLTA BAR MI BYA'O ZHES BYA BAR SBYAR RO ZHES BYA BA'I SKABS YIN NO ZHES BYA BA NI, SNGAR DAM BCA' BA'I SPYI BKOD PA DANG PO SGRUB PA'I SKABS @78A *, ,SU DE LA RE ZHIG BDAG LAS MA YIN ZHES BYA BA CI ZHIG CE NA, SKYES PA NAM YANG YOD MA YIN, ,ZHES BYA BA LA SOGS PA STE RE RE DANG SBYAR BAR BYA'O ZHES JI SKAD BSTAN PA'I SKABS YIN PA STE, DES NA GZHAN LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA YIN NO ZHES BSTAN TO, ,GZHAN LAS ZHES BYA BA NI PHA ROL LAS ZHES BYA BA'I THA TSIG GO ZHES BYA BA LA GAL TE GANG LAS DOGS PA SKYE NA, 'DIR GZHAN LAS ZHES BYA BA NI PHA ROL PO LAS ZHES BYA BA'I THA TSIG GO ZHES BSHAD CE NA, 'DI LTAR GZHAN ZHES BYA BA NI GZHAN GYI YUL 'KHOR DANG, GZHAN GYI PHYOGS DANG PHAS KYI DGRA ZHES BYA BA LA SOGS PA DON MANG PO ZHIG LA SBYOR BAS DE'I PHYIR DE DAG RNAM PAR GCAD PA'I PHYIR, 'DIR GZHAN LAS ZHES BYA BA NI PHA ROL LAS ZHES BYA BA'I THA TSIG GO ZHES BSHAD DE, DNGOS PO RNAMS BDAG NYID DANG, RIGS MTHUN PA DANG, RIGS MI MTHUN PA'I SKYON GZHAN LAS SKYE BA MED DO ZHES BYA BA'I THA TSIG GO, ,DGAG PA'I DON RGYAS PA DANG BCAS PA NI SNGA MA BZHIN NO ZHES BYA BA NI 'DIR GZHAN LAS MIN ZHES BYA BA'I DGAG PA'I DON RGYAS PA DANG BCAS PA NI SNGAR BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, CI'I PHYIR ZHE NA, DE'I PHYIR DGAG PA GTZO CHE BA'I PHYIR DANG ZHES SMRAS PAS MED PAR DGAG PA DANG, DBU MA'I BSTAN BCOS NI DGAG PA GTZO CHE BA'I PHYIR RO ZHES BSHAD PA DANG, DGAG PA GTZO CHE BA'I 'BRAS BU GANG YIN ZHE NA, DE'I PHYIR 'DI LTAR RTOG PA MA LUS PA'I DRA BA DGAG BAS RNAM PAR MI RTOG PA'I YE SHES SHES BYA YUL MA LUS PA DANG LDAN PA 'GRUB PAR DGONGS PA'I PHYIR RO ZHES SMRAS PAS, DGAG PA GTZO CHE BAS RTOG PA MA LUS PA'I DRA BA DGAG PAS 'JIG RTEN LAS 'DAS PA'I KUN RDZOB KYI RNAM PAR GZHAG PA RNAM PAR MI RTOG PA'I YE SHES SHES BYA YUL MA LUS PA DANG LDAN PA 'GRUB PAR DGONGS PA'I PHYIR RO ZHES BSHAD PA DANG, MA YIN PAR DGAG PA YONGS SU BZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO ZHES BSGRUBS PAS SKYE BA MED PAR @78B STON PA'I PHYIR, MDZAD PA'I MTHA' DANG BRAL BAR 'GYUR TE, LUNG LAS, GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO ZHES SMRAS PAS, MA YIN PAR DGAG PAR YONGS SU GZUNG BA'I NYES DMIGS BSTAN PA DANG, 'DIR DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA BDAG KHO NA LAS SKYE BA MED DE, 'O NA CI ZHE NA, GZHAN LAS SKYE'O ZHES BYA BAR NGES PAR 'GYUR BA DANG, DE BZHIN DU BDAG KHO NA LAS NI SKYE BA MED DE, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO ZHES SMRAS PAS, NGES PAR GZUNG BA RNAM PA GSUM LAS DANG PO LTAR GZUNG BAR BYA BA YIN GYI, NGES PAR GZUNG BA GNYIS PA DANG GSUM PA LTAR GZUNG NA GZHAN LAS SKYE BA DANG, BDAG DANG GZHAN LAS SKYE BAR THAL BAR 'GYUR RO ZHES BSHAD PA BZHIN DU 'DIR YANG GZHAN LAS MIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, DGAG PA GTZO CHE BA'I PHYIR DANG, 'DI LTAR RTOG PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA YUL MA LUS PA DANG LDAN PA 'GRUB PAR DGONGS PA'I PHYIR RO, ,MA YIN PAR DGAG PA YONGS SU GZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO ZHES BSGRUBS PAS SKYE BA MED PAR STON PA'I PHYIR, MDZAD PA'I MTHA' DANG BRAL BAR GYUR TE, LUNG LAS, GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO, ,'DIR DNGOS PO RNAMS GZHAN LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA GZHAN KHO NA LAS SKYE BA MED DE, 'O NA CI ZHE NA, BDAG LAS SKYE'O ZHES BYA BAR NGES PAR 'GYUR BA DANG, DE BZHIN DU GZHAN KHO NA LAS NI SKYE BA MED DE, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BAS, DE YANG MI BZHED DE, MDZAD PA'I MTHA' DANG BRAL BA'I PHYIR RO @79A *, ,ZHES SNGA MA BZHIN DU SBYAR RO ZHES BYA BA'I THA TSIG GO, ,DE LA RE ZHIG DNGOS PO RNAMS BDAG LAS SKYE BAR NI RIGS TE, 'DI LTAR THAMS CAD KYANG BDAG GI DON KHO NAR RTZOL BAR BYED KYI, GZHAN GYI DON DU RTZOL BAR MI BYED PA YIN NA DE LA GANG GI TSE DNGOS PO RNAMS BDAG LAS SKYE BAR MA GRUB PA DE'I TSE NA GZHAN NGO BO NYID DANG RNAM PA THA DAD PA LAS LTA SKYE BAR GA LA 'GYUR TE, DPER NA ME NI NGO BO NYID DANG RNAM PA THA DAD PA'I CHU LAS SKYE BAR MI 'GYUR BA DANG 'DRA'O, ,CI'I PHYIR DNGOS PO RNAMS GZHAN LAS SKYE BA MED CE NA, GTAN TSIGS BSTAN PA'I PHYIR, 'DIR YANG GZHAN GYI GZHAN NYID CHOS YIN PAS PHYOGS KYI CHOS MNGON NO ZHES BYA BA SMRAS TE, JI SKAD BSTAN ZHE NA, JI LTAR NANG GI SKYE MCHED RNAMS BDAG LAS SKYE BA MED PA'I PHYOGS LA, PHYOGS KYI CHOS YOD PA NYID YIN PA DE BZHIN DU 'DIR 'BRAS BU MIG LA SOGS PA NANG GI SKYE MCHED GZHAN DU 'GYUR BA RNAMS RKYEN MER MER PO DANG NUR NUR PO LA SOGS PA GZHAN LAS SKYE BA MED PA'I PHYOGS LA YANG RKYEN MER MER PO DANG NUR NUR PO LA SOGS PA GZHAN GYI 'BRAS BU MIG LA SOGS PA NANG GI SKYE MCHED GZHAN NYID DANG, 'BRAS BU MIG LA SOGS PA NANG GI SKYE MCHED GZHAN NYID KYI RKYEN MER MER PO DANG NUR NUR PO LA SOGS PA GZHAN NYID NI SGRUB PA'I CHOS YIN PAS PHYOGS KYI CHOS MNGON PA STE, 'BRAS BU MIG LA SOGS PA NANG GI SKYE MCHED RNAMS DANG, RKYEN MER MER PO DANG NUR NUR PO LA SOGS PA RNAMS PHAN TSUN GZHAN NYID DU YOD PA NI PHYOGS KYI CHOS YIN PAS DE'I PHYIR PHYOGS KYI CHOS MNGON NO ZHES BSTAN TO, ,DE LA 'DIR YANG ZHES BYA BA NI DNGOS PO RNAMS GZHAN LAS SKYE BA MED PAR SGRUB PA'I SKABS 'DIR YANG NGO, ,GZHAN GYIS ZHES BYA BA NI 'BRAS BU MIG LA SOGS PA NANG GI SKYE MCHED RNAMS LA LTOS NA GZHAN DU GYUR PA RKYEN MER MER PO DANG NUR NUR PO LA SOGS PA GZHAN GYI DANG, RKYEN MER MER PO DANG NUR NUR PO LA SOGS PA RNAMS LA LTOS NA GZHAN DU GYUR PA 'BRAS BU MIG LA SOGS PA NANG GI SKYE MCHED GZHAN GYI'O, ,GZHAN NYID @79B CES BYA BA NI RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS PA'I GZHAN NYID DE, 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU 'GYUR BA DE DAG LA LTOS NAS GZHAN NYID DU YOD PA NYID DANG, 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS PA'I GZHAN NYID DE, RKYEN MER MER PO DANG NUR NUR PO LA SOGS PA RNAMS 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NAS GZHAN NYID DU YOD PA NYID DO, ,CHOS MA YIN PAS ZHES BYA BA NI SGRUB PA'I CHOS YIN PAS TE, DE LTAR RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NAS 'BRAS BU MIG LA SOGS PA NANG GI SKYE MCHED RNAMS GZHAN NYID DU YOD PA NYID DANG, 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NAS RKYEN MER MER PO DANG NUR NUR PO LA SOGS PA RNAMS GZHAN NYID DU YOD PA GANG YIN PA DE NI 'BRAS LAS SKYE BA MED PAS DE'I PHYIR, 'BRAS BU MIG LA SOGS PA NANG MED PA SGRUB PA'I CHOS YIN TE, 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NAS GZHAN NYID DU YOD PA DE LA NI YANG GZHAN LAS SKYE BA MED PAS DE'I PHYIR, 'BRAS BU MIG LA SOGS PA NANG GI SKYE MCHED GZHAN NYID CES BYA BA DE YANG GZHAN LAS SKYE BA MED PA SGRUB PA'I CHOS YIN LA, RKYEN MER MER PO DANG NUR NUR PO LA SOGS PA RNAMS GZHAN NYID DU YOD PA DE LA NI 'BRAS BU MIG LA SOGS PA NANG GI SKYE MCHED GZHAN NYID DU YOD PA'I RKYEN MA YIN PAS DE'I PHYIR RGYEN MER MER PO DANG NUR NUR PO LA SOGS PA RNAMS GZHAN NYID CES BYA BA DE YANG GZHAN LAS SKYE BA MED PA SGRUB PA'I CHOS YIN NO, ,PHYOGS KYI CHOS MNGON NO ZHES BYA BA NI 'DI SKAD BSTAN TE, DE LTAR GZHAN GYI GZHAN NYID SGRUB PA'I CHOS YIN PAS PHYOGS KYI CHOS MNGON TE, 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN LAS SKYE BA @80A *, ,MED PAR BSGRUB PAR BYA BA'I PHYOGS LA YANG GTAN TSIGS GZHAN NYID YIN LA RKYEN MER MER PO DANG NUR NUR PO LA SOGS PA GZHAN 'BRAS BU MIG LA SOGS PA NANG GI SKYE MCHED GZHAN NYID DU YOD PA'I RKYEN MA YIN PAR SGRUB PA'I PHYOGS LA YANG GTAN TSIGS GZHAN NYID CES BYA BA DE KHO NA YIN PA'I PHYIR RO, ,DPE NI DE'I DBANG GIS SO ZHES BYA BA NI, DPE NI BSGRUB PAR BYA BA DANG SGRUB PA'I CHOS KYI DBANG GIS TE,BSGRUB PAR BYA BA DANG SGRUB PA'I CHOS GRAGS PA DANG LDAN PA'I CHOS CAN GYI DPE YIN PA'I PHYIR RO, ,DE'I ZHES BYA BA'I SGRA NI SGRUB PAR BYA BA DANG SGRUB PA'I CHOS DANG SBYAR TE, DPE GANG LA PHYOGS DANG MTHUN PAR BSGRUB PAR BYA BA CHOS GZHAN LAS SKYE BA MED PA ZHES BYA BA DANG, SGRUB PA'I CHOS GZHAN NYID CES BYA BA YOD PA DE NI CHOS MTHUN PA'I DPE YIN NO ZHES BYA BA'I THA TSIG GO, ,'DIR SBYOR BA'I TSIG NI ZHES BYA BA NI DNGOS PO RNAMS GZHAN LAS SKYE BA MED PAR BSTAN PA'I SKABS 'DIR SBYOR BA DANG BCAS PA'I TSIG TU 'GYUR BA NI 'OG NAS CHOS CAN DANG, BSGRUB PAR BYA BA CHOS DANG, SGRUB PA'I CHOS DANG DPE NYE BAR SBYAR BA RNAMS YIN NO ZHES BYA BAR SBYAR RO, ,DE LA SBYOR BA'I TSIG CES BYA BA NI SBYOR BA DANG BCAS PA'I TSIG STE, RJES SU DPAG PA GTAN TSIGS DANG DPE DANG LDAN PA ZHES BYA BA'I THA TSIG GO, ,DON DAM PAR NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE, GZHAN YIN PA'I PHYIR DPER NA BUM PA BZHIN NO ZHES BYA BA LA, DON DAM PAR ZHES BYA BA NI SNGAR GZHAN MA YIN PA NI 'DIR THAMS CAD DON DAM PAR BKAG STE NGES PAR GZUNG BA'I PHYIR RO, ,GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYIS BZHED PA MCHOG YIN PA'I PHYIR RO ZHES ZER RO ZHES SMRAS PAS, 'DIR GZHAN LAS SKYE BA MED PAR DGAG PA YANG DON DAM PAS DGAG GO ZHES BYA BAR SBYAR RO, ,DE LA DON DAM PAR ZHES BYA BA NI DON DAM PAR GZHAN LAS SKYE BA RDZAS DANG DNGOS PO DANG DNGOS GZHI'I SGO NAS DGAG PA STE, DE YANG @80B KUN RDZOB KYI BDEN PA LA GNAS NAS DON DAM PA'I YUL LA DGAG PAR BYA BA YIN GYI, DON DAM PA NYID DU NI BRJOD PA MED PA'I PHYIR DGAG PA'I THA SNYAD KYANG MED DO, ,DE LA NANG GI SKYE MCHED RNAMS ZHES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, ,DE DAG GI RKYEN GZHAN DAG LAS SKYE BA MED DO ZHES BYA BA 'DI NI RJES SU DPAG PA PHYOGS TE BSGRUB PAR BYA BA CHOS YIN NO, ,GZHAN YIN PA'I PHYIR RO ZHES BYA BA 'DI SGRUB PA'I CHOS GTAN TSIGS TE PHYOGS KYI CHOS YIN NO, ,DPER NA BUM PA BZHIN NO ZHES BYA BA 'DI NI DPE STE, CHOS MTHUN PA'I DPE YIN NO, ,DE LA NANG GI ZHES BYA BA NI BDAG GIS BYIN GYIS BRLABS SHING GNAS SU BYAS PA'O, ,BDAG CES BYA BA NI MTSAMS LA BDAG GIR BYED PA STE, YO BYAD GYA NOM PA DANG, RGYA CHEN PO DAG DANG POR BYAS NAS YO BYAD NGAN PA DANG, KHYON CHUNG NGU'I BAR DAG LA BDAG GIR BYED PAS BDAG CES BYA'O, ,BDAG NGES BYIN GYIS BRLABS SHING GNAS SU BYAS PA NI NANG GI ZHES BYA'O, ,SKYE MCHED RNAMS ZHES BYA BA NI SEMS DANG SEMS LAS BYUNG BA RNAMS SKYE ZHING 'BYUNG BA DANG, MCHED CING RGYAS PAR BYED PAS SKYE MCHED RNAMS TE, 'DI LTA STE, MIG DANG, RNA BA DANG, SNA DANG, LCE DANG, LUS DANG, YID CES BYA BA RNAMS SO, ,NANG GI SKYE MCHED RNAMS ZHES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, ,DE LA RJES SU DPAG PAR BYA BA ZHES BYA BA NI GANG LA MI DMIGS PA LAS DNGOS PO MED PAR RJES SU DPAG PA DANG NGO BO NYID LAS MI RTAG PAR RJES SU DPAG PA DANG, 'BRAS BU LAS RGYU RJES SU DPAG PA'I GZHI STE, SKABS 'DIR NI GANG LA DE DAG GI RKYEN GZHAN DAG LAS SKYE BA MED PA ZHES BYA BA DE RJES SU DPAG PAR BYA BA'I GZHI NANG GI SKYE MCHED RNAMS SO, ,DE NYID PHYOGS ZHES BYA BA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE, SKABS 'DIR NI BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DANG, GANG LA DE BSGRUB PAR BYA BA'I GZHI CHOS CAN NANG GI SKYE MCHED RNAMS ZHES BYA BA DE GNYIS BSDUS PA'I @81A *, ,PHYOGS LA PHYOGS ZHES BYA'O, ,DE NYID CHOS CAN ZHES BYA STE RJES SU DPAG PAR BYA BA'I GZHI GANG LA BSGRUB PAR BYA BA DANG, SGRUB PA'I CHOS GNYIS YOD PA DE NI CHOS CAN TE, SKABS 'DIR NI NANG GI SKYE MCHED RNAMS ZHES BYA BA GZHI GANG LA BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, DE DAG GI RKYEN GZHAN DAG LAS SKYE BA MED PA DE SGRUB PA'I CHOS GZHAN NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PA DE NI CHOS CAN ZHES BYA'O, ,DE DAG GI RKYEN ZHES BYA BA NI NANG GI SKYE MCHED DE DAG GI RKYEN KHYAD PAR CAN NO, ,GZHAN DAG LAS ZHES BYA BA NI RKYEN KHYAD PAR CAN MER MER PO DANG NUR NUR PO LA SOGS PA 'BRAS BU LAS GZHAN DU GYUR BA DAG LAS SO, ,SKYE BA MED DE ZHES BYA BA NI NANG GI SKYE MCHED RNAMS DE DAG GI RKYEN GZHAN DAG LAS SKYE BA MED PA'O, ,CI'I PHYIR NANG GI SKYE MCHED RNAMS GZHAN LAS SKYE BA MED PAR DAM BCA' BA 'DI LA DE DAG GI RKYEN ZHES BYA BA DANG, GZHAN DAG LAS ZHES BYA BA KHYAD PAR GNYIS SMOS SHE NA, 'DI LTAR GAL TE NANG GI SKYE MCHED RNAMS GZHAN DAG LAS SKYE BA MED DE ZHES BYA BA DE TZAM ZHIG SMOS SU ZIN NA NI DE'I TSE GZHAN DAG NA RE, NANG GI SKYE MCHED RNAMS RKYEN SA BON DANG, SA DANG, CHU DANG, ME DANG, RLUNG DANG, NAM MKHA' DANG, DUS DANG, RGYU SPUN LA SOGS PA GZHAN DAG LAS SKYE BA MED PAR 'JIG RTEN THAMS CAD LA GRAGS ZIN PA LA, DA KHYED KYI NANG GI SKYE MCHED RNAMS GZHAN DAG LAS SKYE BA MED DA ZHES SGRUB PA 'DI NI GRUB PA LAS SGRUB PA YIN NO ZHES ZER BAS, DE BSAL BA'I PHYIR DE DAG GI RKYEN ZHES BYA BA SMOS SO, ,GAL TE NANG GI SKYE MCHED RNAMS DE DAG GI RKYEN LAS SKYE BA MED DE ZHES BYA BA DE TZAM ZHIG SMOS SU ZIN NA YANG, DE'I TSE PHYOGS LA GZHAN NYID CES BYA BA'I KHYAD PAR GYIS KHYAD PAR CAN DU MA BYAS BAS PHYOGS KYI CHOS NYID GTAN TSIGS SU MI RUNG BAR 'GYUR BAS, DE'I PHYIR GZHAN DAG LAS ZHES BYA BA SMOS SO, ,DE DAG GI RKYEN GZHAN @81B DAG LAS SKYE BA MED DE ZHES BYA BA 'DI NI RJES SU DPAG PA PHYOGS TE BSGRUB PAR BYA BA CHOS YIN NO, ,DE LA RJES SU DPAG PA ZHES BYA BA NI MI DMIGS PA LAS DNGOS PO MED PAR RJES SU DPAG PA DANG, NGO BO NYID LA MI RTAG PAR RJES SU DPAG PA DANG, 'BRAS BU LAS RGYU RJES SU DPAG PA DANG, SKABS 'DIR NI RJES SU DPAG PAR BYA BA'I GZHI NANG GI SKYE MCHED RNAMS LA DE DAG GI RKYEN GZHAN DAG LAS SKYE BA MED PA RJES SU DPAG PA'O, ,DE NYID PHYOGS ZHES BYA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE, SKABS 'DIR NI BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DANG, GANG LA DE BSGRUB PAR BYA BA'I GZHI CHOS CAN NANG GI SKYE MCHED RNAMS ZHES BYA BA DE GNYIS BSDUS PA'I PHYOGS LA PHYOGS ZHES BYA'O, ,DE GNYIS BSGRUB PAR BYA BA CHOS ZHES BYA STE, BSGRUB PAR BYA BA CHOS ZHES BYA BA NI DNGOS PO MED PA DANG, MI RTAG PA DANG, RGYU STE, SKABS 'DIR NI CHOS CAN NANG GI SKYE MCHED RNAMS LA BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA DE BSGRUB PAR BYA'O, ,GZHAN YIN PA'I PHYIR ZHES BYA BA NI 'BRAS BU MIG LA SOGS PA NANG GI SKYE MCHED RNAMS, RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN YIN PA'I PHYIR TE, 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA, GZHAN NYID YIN PA DE LA NI YANG GZHAN LAS SKYE BA MED PAS, DE'I PHYIR 'BRAS BU MIG LA SOGS PA NANG GI SKYE MCHED RNAMS GZHAN YIN PA'I PHYIR, DE DAG GI RKYEN GZHAN DAG LAS SKYE BA MED DO, ,GZHAN YIN PA'I PHYIR ZHES BYA BA 'DI NI SGRUB PA'I CHOS GTAN TSIGS TE PHYOGS KYI CHOS YIN NO, ,DE LA SGRUB PA'I CHOS ZHES BYA BA NI DNGOS PO MED PA DANG, MI RTAG PA DANG, RGYU SGRUB PA'I CHOS MI DMIGS PA DANG, NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DE SGRUB PA'I CHOS GZHAN @82A *, ,YIN PA'I PHYIR ZHES BYA BA STE, 'DI LTAR 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN PA DE LA NI YANG GZHAN LAS SKYE BA MED PAS DE'I PHYIR 'BRAS BU MIG LA SOGS PA NANG GI SKYE MCHED RNAMS GZHAN YIN PA'I PHYIR ZHES BYA BA NI, DE DAG GI RKYEN GZHAN DAG LAS SKYE BA MED PAR SGRUB PA'I CHOS YIN NO, ,DE NYID GTAN TSIGS ZHES BYA STE, GTAN TSIGS ZHES BYA BA YANG DNGOS PO MED PA DANG, MI RTAG PA DANG, RGYU SGRUB PA'I GTAN TSIGS MI DMIGS PA DANG, NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DE SGRUB PA'I GTAN TSIGS GZHAN YIN PA'I PHYIR ZHES BYA BA STE, NANG GI SKYE MCHED RNAMS CI'I PHYIR DE DAG GI RKYEN GZHAN DAG LAS SKYE BA MED CE NA, GZHAN NYID YIN PA'I PHYIR TE, NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN NA GZHAN NYID YIN PA DE LA NI YANG DE DAG GI RKYEN GZHAN DAG LAS SKYE BA MED PAS GZHAN YIN PA'I PHYIR ZHES BYA BA NI, DE DAG GI RKYEN GZHAN DAG LAS SKYE BA MED PA SGRUB PA'I GTAN TSIGS YIN NO, ,DE NYID PHYOGS KYI CHOS ZHES BYA STE, PHYOGS KYI CHOS ZHES BYA BA YANG CHOS DANG CHOS CAN BSDUS PA'I PHYOGS KYI CHOS MI DMIGS PA DANG NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DANG, CHOS CAN NANG GI SKYE MCHED RNAMS ZHES BYA BA BSDUS PA'I PHYOGS DE'I CHOS GZHAN YIN PA'I PHYIR ZHES BYA BA STE, NANG GI SKYE MCHED RNAMS CI'I PHYIR DE DAG GI RKYEN GZHAN DAG LAS SKYE BA MED CE NA, GZHAN YIN PA'I PHYIR TE, NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN NA, GZHAN NYID YIN PA DE LA NI YANG DE DAG GI RKYEN GZHAN DAG LAS SKYE BA MED PAS DE'I PHYIR GZHAN YIN PA'I PHYIR ZHES BYA BA NI CHOS DANG CHOS CAN @82B BSDUS PA'I PHYOGS DE'I GTAN TSIGS KYI CHOS YIN PAS PHYOGS KYI CHOS ZHES BYA'O, ,DPER NA BUM PA BZHIN NO ZHES BYA BA NI, DPER NA BUM PA NI NANG GI SKYE MCHED RNAMS KYI RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN PA'I PHYIR, BUM PA GZHAN NYID YIN PA DE NANG GI SKYE MCHED DE DAG GI RKYEN MER MER PO DANG NUR NUR PO LA SOGS PA GZHAN DAG LAS SKYE BA MED PA DE BZHIN DU, 'DIR YANG NANG GI SKYE MCHED RNAMS DE DAG GI RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN PA'I PHYIR, NANG GI SKYE MCHED GZHAN NYID YIN PA DE RNAMS DE DAG GI RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN NA, GZHAN NYID YIN PA DE LA NI YANG DE DAG GI RKYEN GZHAN DAG LAS SKYE BA MED DO ZHES BYA BAR SBYAR RO, ,DPER NA BUM PA BZHIN NO ZHES BYA BA 'DI NI DPE STE, CHOS MTHUN PA'I DPE YIN NO, ,DE LA DPE ZHES BYA BA NI CHOS CAN GANG LAS BSGRUB PAR BYA BA DANG SGRUB PA'I CHOS YOD PA'I DPE STE, 'DIR DPE NI RJES SU DPAG PAR BYA BA PHYOGS CHOS CAN BUM PA GANG LA RJES SU DPAG PA PHYOGS BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, SGRUB PA'I CHOS GTAN TSIGS PHYOGS KYI CHOS GZHAN NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PA YIN PAR SBYAR RO, ,DE GNYIS CHOS MTHUN PA'I DPE ZHES BYA BA STE, CHOS MTHUN PA'I DPE ZHES BYA BA NI MI DMIGS PA LAS DNGOS PO MED PAR RJES SU DPAG PA'I CHOS MTHUN PA'I DPE PHYOGS 'DI NI DNGOS PO MED DE, DMIGS PA'I RIG BYAR GYUR PA'I BUM PA MI DMIGS PA'I PHYIR ZHES BYA BA DANG, NGO BO NYID LAS MI RTAG PAR RJES SU DPAG PA'I CHOS MTHUN PA'I DPE 'DI NI SHING YIN TE SHING SHA PA YIN PA'I PHYIR RO ZHES BYA BA DANG, 'BRAS BU LAS RGYU RJES SU DPAG PA'I CHOS MTHUN PA'I DPE, TSANG MANG 'DI NA ME YOD DE DU BA 'THUL BA'I PHYIR RO ZHES BYA BA STE, SKABS 'DIR NI DPER NA CHOS CAN BUM PA ZHES BYA BA RGOL BA DANG PHYIR RGOL BA GNYI GA'I PHYOGS LA, NANG GI SKYE MCHED DE DAG GI RKYEN @83A *, ,MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NAS GZHAN NYID DU GRAGS PA DE LA BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA RGOL BA DANG, PHYIR RGOL BA GNYI GA LA GRAGS PA DANG, DE DAG GI RKYEN GZHAN DAG LAS SKYE BA MED PA DE SGRUB PA'I CHOS GZHAN NYID CES BYA BA RGOL BA DANG PHYI RGOL BA GNYI GA LA GRAGS PA DE GNYIS YOD PAS DE NI CHOS CAN ZHES BYA STE, CHOS CAN BUM PA DE LA DE DAG GI RKYEN GZHAN DAG LAS SKYE BA MED DE GZHAN YIN PA'I PHYIR RO ZHES BYA BA DE BZHIN DU, 'DIR YANG CHOS CAN NANG GI SKYE MCHED RNAMS ZHES BYA BA RGOL BA DANG PHYIR RGOL BA GNYI GA'I PHYOGS LA, NANG GI SKYE MCHED DE DAG GI RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID DU GRAGS PA DE LA BSGRUB PAR BYA BA CHOS DE DAG GI RKYEN GZHAN DAG LAS SKYE BA MED PA ZHES BYA BA DANG RGOL BA DANG PHYIR RGOL BA GNYI GA LA GRAGS PA DANG, DE DAG GI RKYEN GZHAN DAG LAS SKYE BA MED PA DE SGRUB PA'I CHOS GZHAN NYID CES BYA BA DANG RGOL BA GNYI GA LA GRAGS PA DE GNYIS YOD PAS DE LA CHOS CAN ZHES BYA STE, CHOS CAN NANG GI SKYE MCHED RNAMS LA YANG DE DAG GI RKYEN GZHAN DAG LAS SKYE BA MED DE GZHAN YIN PA'I PHYIR, DPER NA BUM PA BZHIN NO ZHES BYA BAR SBYAR RO, ,DE'I PHYIR GANG DANG GANG GZHAN NYID YIN PA DE LA DE DAG GI RKYEN GZHAN DAG LAS SKYE BA MED DE DPER NA BUM PA BZHIN NO, ,NANG GI SKYE MCHED RNAMS KYANG GZHAN NYID YIN PAS DE'I PHYIR DE DAG LA YANG DE DAG GI RKYEN GZHAN DAG LAS SKYE BA MED DE, GAL TE GZHAN NYID DU 'DRA BA LAS NANG GI SKYE MCHED RNAMS LA NI DE DAG GI RKYEN GZHAN DAG LAS SKYE BAR 'DOD LA, BUM PA LA NI DE DAG GI RKYEN GZHAN DAG LAS SKYE BA MED PAR 'DOD NA NI, DE'I TSE RGYU 'DIS NI NANG GI SKYE MCHED RNAMS LA DE DAG GI RKYEN GZHAN DAG LAS SKYE BA YOD PAR 'DOD LA, RGYU 'DIS NI BUM PA LA DE DAG GI RKYEN GZHAN DAG LAS SKYE BA MED PAR 'DOD DO ZHES KHYAD PAR NYID DU BYA BA'I KHYAD PAR GYI @83B GTAN TSIGS BRJOD PAR BYA DGOS SO, ,GANG GI PHYIR GZHAN LAS SKYE BAR SMRA BA DAG BUM PA GZHAN NYID YIN PA'I GNAS SKABS LA DE DAG GI RKYEN GZHAN DAG LAS SKYE BAR MI 'DOD PA DE'I PHYIR, NANG GI SKYE MCHED RNAMS KYANG GZHAN NYID YIN PA'I PHYIR, DE DAG GI RKYEN DAG LAS SKYE BA MED PAR GRUB BO, ,GZHAN YANG DNGOS PO RNAMS KYI GZHAN LAS SKYE BAR CI'I PHYIR 'DOD CE NA, GZHAN NYID KYI NGO BO NYID MA THOB PA THOB PAR BYA BA'I PHYIR, DE DAG GI RKYEN GZHAN DAG LAS SKYE BAR 'DOD PA YIN NA, GAL TE NANG GI SKYE MCHED DE DAG GI RKYEN GZHAN DAG LAS SKYE BA'I SNGA ROL NA GZHAN NYID YIN PAR GYUR NA, DE DAG LA DE DAG GI RKYEN GZHAN DAG LAS SKYE BAR BRTAGS PAS CI ZHIG BYA STE, GZHAN NYID NI YANG GZHAN LAS SKYE BA MED DO ZHES GSUNGS PA'I PHYIR RO, ,GZHAN YANG DGAG PA MI MTHUN PAR YANG 'GYUR TE, GAL TE GZHAN NYID YIN NA NI GZHAN LAS SKYE BA MED PAR MI 'GYUR LA, CI STE GZHAN DAG LAS SKYE NA NI GZHAN NYID MA YIN NO, ,GZHAN YANG 'JIG RTEN NA GZHAN NYID GZHAN LAS SKYE BA NI 'GAL TE 'DI LTAR 'JIG RTEN NA BUM PA SBRANG RTZI DANG CHU DANG 'O MA 'DZIN PA LA SOGS PA'I BYA BA BYED NUS PA GSAL BA GZHAN NYID YIN PA NI YANG GZHAN LAS SKYE BA MA MTHONG BA'I PHYIR RO, ,DON DAM PAR PHYI NANG GI DNGOS PO THAMS CAD GZHAN LAS SKYE BA MED PAR DGAG PA YIN NA, CI'I PHYIR 'DIR NANG GI SKYE MCHED RNAMS NYI TSE CHOS CAN DU BZHAG CE NA, DE NI, DNGOS PO GCIG LA GANG MTHONG BA, ,DE NI KUN LA'ANG MTHONG BAR 'DOD, ,GCIG GI STONG NYID GANG YIN PA, ,DE NYID KUN GYI STONG PA NYID, ,CES GSUNGS PA'I RIGS PAS, NANG GI SKYE MCHED RNAMS GZHAN LAS SKYE BA MED PAR GRUB NA, PHYI ROL GYI SKYE MCHED LA SOGS PA CHOS THAMS CAD KYANG GZHAN LAS SKYE BA MED PA NYID DU 'GRUB PA'I PHYIR DANG, NANG GI SKYE MCHED RNAMS CHOS CAN DU BZHAG NA PHYI ROL GYI SKYE MCHED LA SOGS PA GZHAN DAG GTAN TSIGS DANG DPER BZHAG TU RUNG BAS DE'I PHYIR 'DIR NANG GI SKYE MCHED RNAMS NYI TSE CHOS CAN DU GZHAG GO, ,YANG NA DON @84A *, ,DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES BYA BA 'DIS NI RKYEN RNAMS RKYEN MA YIN PAR 'GOG PAR BYED DE, ,DE LA YANG NA ZHES BYA BA'I SGRA NI SBYOR BA'I TSIG SNGA MAS 'BRAS BU MIG LA SOGS PA NANG GI SKYE MCHED RNAMS RKYEN MER MER PO DANG NUR NUR PO LA SOGS PA GZHAN DU GYUR PA DE DAG LA LTOS NA GZHAN NYID YIN PAS, DE DAG GI RKYEN GZHAN DAG LAS SKYE BA MED DO ZHES 'BRAS BU BKAG PA YANG TSAD MA RNAM PA GCIG YIN NO, ,'DIR RKYEN MER MER PO DANG NUR NUR PO LA SOGS PA RNAMS 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN PAS, DE DAG 'BRAS BU MIG LA SOGS PA NANG GI SKYE MCHED RNAMS KYI RKYEN MA YIN NO ZHES RKYEN DGAG PA 'DIR YANG TSAD MA RNAMS PA GCIG YIN NO ZHES BYA BA'I DON TO, ,DON DAM PAR ZHES BYA BA NI SNGAR GZHAN MA YIN PA NI 'DIR THAMS CAD DON DAM PAR BKAG STE NGES PAR GZUNG BA'I PHYIR, GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYIS BZHED PA MCHOG YIN PA'I PHYIR RO ZHES ZER RO ZHES SMRAS PAS, 'DIR RKYEN RNAMS RKYEN MA YIN PAR DGAG PA YANG DON DAM PAR DGAG GO ZHES BYA BAR SBYAR RO, ,DE LA DON DAM PAR ZHES BYA BA NI DON DAM PAR RKYEN RNAMS RDZAS DANG DNGOS PO DANG BZHI'I SGO NAS DGAG PA STE, DE YANG KUN RDZOB KYI BDEN PA LA GNAS NAS DON DAM PA'I YUL LA DGAG PAR BYA BA YIN GYI, DON DAM PA NYID DU NI BRJOD DU MED PA'I PHYIR DGAG PA'I THA SNYAD KYANG MED DO, ,DE LA GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR SKYED PA DAG CES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, ,RKYEN MA YIN PAR NGES TE ZHES BYA BA 'DI NI RJES SU DPAG PA PHYOGS TE BSGRUB PAR BYA BA CHOS YIN NO, ,GZHAN YIN PA'I PHYIR ZHES BYA BA 'DI NI SGRUB PA'I CHOS GTAN TSIGS TE @84B PHYOGS KYI CHOS YIN NO, ,DPER NA RGYU SPUN LA SOGS PA BZHIN NO ZHES BYA BA 'DI NI DPE STE, CHOS MTHUN PA'I DPE YIN NO, ,DE LA GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA NI 'BRAS BU MIG LA SOGS PA NANG GI SKYE MCHED RNAMS KYI RKYEN MER MER PO DANG NUR NUR PO LA SOGS PA DE DAG NI GZHAN YANG YIN, BRJOD PAR 'DOD PA YANG YIN, MIG LA SGOS PA NANG GI SKYE MCHED 'GRUB PAR BYED PA DAG KYANG YIN NO ZHES BYA BA KHYAD PAR GYIS BSDU BAR BYA'O, ,DE LA GZHAN ZHES BYA BA NI RKYEN MER MER PO DANG NUR NUR PO LA SOGS PA DE DAG 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN PA'I PHYIR GZHAN ZHES BYA'O, ,BRJOD PAR 'DOD PA ZHES BYA BA NI RKYEN MER MER PO DANG NUR NUR PO LA SOGS PA DE DAG RKYEN DU SMRA BA GZHAN DAG GIS RKYEN NYID DU BRJOD PAR 'DOD PA'I PHYIR BRJOD PAR 'DOD PA ZHES BYA'O, ,MIG LA SOGS PA NANG GI SKYE MCHED 'GRUB PAR BYED PA DAG CES BYA BA NI RKYEN MER MER PO DANG NUR NUR PO LA SOGS PA DE DAG KUN RDZOB TU MIG LA SOGS PA NANG GI SKYE MCHED 'GRUB PAR BYED PA DAG YIN PA'I PHYIR, MIG LA SOGS PA NANG GI SKYE MCHED MNGON PAR 'GRUB PAR BYED PA DAG CES BYA'O, ,DE LA MIG LA SOGS PA NANG SKYE MCHED CES BYA BA NI NANG GI SKYE MCHED GANG LAS MIG DANG, RNA BA DANG, SNA DANG, LCE DANG, LUS DANG, YID CES BYA BA DAG YOD PA DE NI MIG LA SOGS PA NANG GI SKYE MCHED DO ZHES BYA BAR BSDU BA BYA'O, ,MIG LA SOGS PA NANG GI SKYE MCHED 'GRUB PAR BYED PA DAG CES BYA BA YANG, RKYEN LAS DANG NYON MONGS PA DANG, KHU CHU DANG, KHRAG DANG, MER MER PO DANG, NUR NUR PO LA SOGS PA GANG DAG LA MIG LA SOGS PA NANG GI SKYE MCHED 'GRUB PAR BYED PA YOD PA DE DAG NI MIG LA SOGS PA NANG GI SKYE MCHED 'GRUB PAR BYED PA DAG GO ZHES BYA BAR BSDU BA BYA'O, ,GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA 'DI NI RJES SU DPAG PAR BYA BA PHYOGS TE CHOS CAN YIN NO, , @85A *, ,DE LA RJES SU DPAG PAR BYA BA ZHES BYA BA NI GANG LA MI DMIGS PA LAS DNGOS PO MED PAR RJES SU DPAG PA DANG, NGO BO NYID LAS MI RTAG PAR RJES SU DPAG PA DANG, 'BRAS BU LAS RGYU RJES SU DPAG PA'I GZHI STE, SKABS 'DIR NI GANG LA RKYEN MA YIN PAR NGES PA ZHES BYA BA DE RJES SU DPAG PAR BYA BA'I GZHI GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG GO, ,DE NYID PHYOGS ZHES BYA BA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE, SKABS 'DIR NI BSGRUB PAR BYA BA CHOS CAN MA YIN PAR NGES PA ZHES BYA BA DANG, GANG LA DE BSGRUB PAR BYA BA'I GZHI CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA DE GNYIS BSDUS PA'I PHYOGS LA PHYOGS ZHES BYA'O, ,DE NYID CHOS CAN ZHES BYA STE, CHOS CAN ZHES BYA BA NI RJES SU DPAG PAR BYA BA'I GZHI GANG LA BSGRUB PAR BYA BA DANG, SGRUB PA'I CHOS GNYIS YOD DE NI CHOS CAN TE, SKABS 'DIR NI GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA GZHI GANG LA BSGRUB PAR BYA BA CHOS RKYEN MA YIN PAR NGES PA ZHES BYA BA RGOL BA DANG PHYI RGOL BA GNYI GA LA GRAGS PA DANG, RKYEN MA YIN PAR NGES PA DE SGRUB PA'I CHOS GZHAN NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PA DE NI CHOS CAN ZHES BYA'O, ,RKYEN MA YIN PAR NGES TE ZHES BYA BA NI DON DAM PAR RKYEN MER MER PO DANG NUR NUR PO LA SOGS PA RNAMS, 'BRAS BU MIG LA SOGS PA NANG GI SKYE MCHED RNAMS KYI RKYEN MA YIN PAR DGAG PA YIN NO, ,RKYEN MA YIN PAR NGES TE ZHES BYA BA 'DI NI RJES SU DPAG PAR STON TE BSGRUB PAR BYA BA CHOS YIN NO, ,DE LA RJES SU DPAG PA ZHES BYA BA NI MI DMIGS PA LAS DNGOS PO MED PAR RJES SU DPAG PA DANG, NGO BO NYID LAS MI RTAG PAR RJES SU DPAG PA DANG, 'BRAS BU LAS RGYU RJES SU DPAG PA STE, SKABS 'DRI NI RJES SU DPAG PAR BYA BA'I GZHI GZHAN BRJOD PAR 'DOD PA MIG LA SOGS PA @85B NANG GI SKYE MCHED 'GRUB PAR BYED PA DAG LA RKYEN MA YIN PAR NGES PA RJES SU DPAG PA'O, ,DE NYID PHYOGS ZHES BYA STE, PHYOGS ZHES BYA BA NI CHOS DANG CHOS CAN BSDUS PA'I PHYOGS TE, SKABS 'DIR NI BSGRUB PAR BYA BA CHOS CAN MA YIN PAR NGES PA ZHES BYA BA DANG, GANG LA DE BSGRUB PAR BYA BA'I GZHI CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA DE GNYIS BSDUS PA'I PHYOGS LA PHYOGS ZHES BYA'O, ,DE NYID BSGRUB PAR BYA BA CHOS ZHES BYA STE, BSGRUB PAR BYA BA CHOS ZHES BYA BA NI DNGOS PO MED PA DANG MI RTAG PA DANG RGYU STE, SKABS 'DIR NI CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG LA BSGRUB PAR BYA BA CHOS RKYEN MA YIN PAR NGES PA ZHES BYA BA DE BSGRUB PAR BYA'O, ,GZHAN YIN PA'I PHYIR ZHES BYA BA NI RKYEN MER MER PO DANG NUR NUR PO LA SOGS PA'I 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN YIN PA'I PHYIR TE, RKYEN MER MER PO DANG NUR NUR PO LA SOGS PA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NAS GZHAN NYID YIN PA DE NI 'BRAS BU MIG LA SOGS PA SOGS PA NANG GI SKYE MCHED GZHAN DU GYUR PA DE DAG GI RKYEN MA YIN PAR NGES PAS DE'I PHYIR RKYEN MER MER PO DANG NUR NUR PO LA SOGS PA GZHAN YIN PA'I PHYIR, 'BRAS BU MIG LA SOGS PA NANG GI SKYE MCHED GZHAN DU GYUR PA RNAMS KYI RKYEN MA YIN PAR NGES PA'O, ,GZHAN MA YIN PA'I PHYIR ZHES BYA BA 'DI NI SGRUB PA'I CHOS GTAN TSIGS TE PHYOGS KYI CHOS YIN NO, ,DE LA SGRUB PA'I CHOS ZHES BYA BA NI DNGOS PO MED PA DANG, MI RTAG PA DANG, RGYU SGRUB PA'I CHOS MI DMIGS PA DANG NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS CAN MA YIN PAR NGES PA ZHES BYA BA DE, SGRUB PA'I CHOS GZHAN YIN PA'I PHYIR ZHES BYA BA STE, 'DI LTAR RKYEN MER MER PO DANG NUR NUR PO LA SOGS PA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN @86A *, ,PA DE NI 'BRAS BU MIG LA SOGS PA NANG GI SKYE MCHED GZHAN DU GYUR PA DAG GI RKYEN MA YIN PAR NGES PAS, DE'I PHYIR RKYEN MER MER PO DANG NUR NUR PO LA SOGS PA GZHAN NYID YIN PA'I PHYIR ZHES BYA BA NI RKYEN MA YIN PAR NGES PA SGRUB PA'I CHOS YIN NO, ,DE NYID GTAN TSIGS ZHES BYA STE, GTAN TSIGS ZHES BYA BA YANG DNGOS PO MED PA DANG, MI RTAG PA DANG, RGYU SGRUB PA'I GTAN TSIGS MI DMIGS PA DANG, NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS RKYEN MA YIN PAR NGES PA ZHES BYA BA DE SGRUB PA'I GTAN TSIGS GZHAN YIN PA'I PHYIR ZHES BYA BA STE, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG ,CI'I PHYIR RKYEN MA YIN PAR NGES SHE NA, GZHAN YIN PA'I PHYIR TE, RKYEN MER MER PO DANG NUR NUR PO LA SOGS PA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN NA, GZHAN NYID YIN PA DE DAG NI RKYEN MA YIN PAR NGES PAS, DE'I PHYIR GZHAN YIN PA'I PHYIR ZHES BYA BA NI RKYEN MA YIN PAR NGES PA SGRUB PA'I GTAN TSIGS YIN NO, ,DE NYID PHYOGS KYI CHOS ZHES BYA STE, PHYOGS KYI CHOS ZHES BYA BA YANG CHOS DANG CHOS CAN BSDUS PA'I PHYOGS KYI CHOS MI DMIGS PA DANG, NGO BO NYID DANG 'BRAS BU STE, SKABS 'DIR NI BSGRUB PAR BYA BA CHOS CAN MA YIN PAR NGES PA ZHES BYA BA DANG, CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA BSDUS PA'I PHYOGS DE'I CHOS GZHAN YIN PA'I PHYIR ZHES BYA BA STE, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG ,CI'I PHYIR RKYEN MA YIN PAR NGES SHE NA, GZHAN YIN PA'I PHYIR TE, RKYEN MER MER PO DANG NUR NUR PO LA SOGS PA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN NA, GZHAN NYID YIN PA DE DAG GI RKYEN MA YIN PAR NGES PAS DE'I PHYIR, GZHAN YIN PA'I PHYIR ZHES BYA BA NI CHOS DANG CHOS CAN BSDUS PA'I PHYOGS DE'I GTAN TSIGS KYI CHOS YIN PAS PHYOGS KYI CHOS @86B ZHES BYA'O, ,DPER NA RGYU SPUN LA SOGS PA BZHIN NO ZHES BYA BA NI DPER NA RGYU SPUN DANG, TSIG PA DANG, THAG ZANGS DANG, 'UL BU DANG, SNAS KHYER LA SOGS PA THAG SHA RNAMS NI MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN PA'I PHYIR, RGYU SPUN DANG, TSIG PA DANG, THAG ZANGS DANG, 'UL BU DANG, SNAS KHYER LA SOGS PA THAG SHA GZHAN NYID YIN PA DE DAG MIG LA SOGS PA NANG GI SKYE MCHED RNAMS KYI RKYEN MA YIN PAR NGES PA DE BZHIN DU, 'DIR YANG RKYEN MER MER PO DANG NUR NUR PO LA SOGS PA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA GZHAN NYID YIN PA'I PHYIR, RKYEN MER MER PO DANG NUR NUR PO LA SOGS PA GZHAN NYID YIN PA DE DAG 'BRAS BU MIG LA SOGS PA NANG GI SKYE MCHED RNAMS KYI RKYEN MA YIN PAR NGES SO ZHES BYA BAR SBYAR RO, ,DPER NA RGYU SPUN LA SOGS PA BZHIN NO ZHES BYA BA 'DI NI DPE STE, CHOS MTHUN PA'I DPE YIN NO, ,DE LA DPE ZHES BYA BA NI CHOS CAN GANG LA BSGRUB PAR BYA BA CHOS DANG, SGRUB PA'I CHOS YOD PA'I DPE STE, 'DIR DPE NI RJES SU DPAG PAR BYA BA PHYOGS, CHOS CAN RGYU SPUN LA SOGS PA GANG LA RJES SU DPAG PA PHYOGS BSGRUB PAR BYA BA CHOS CAN MA YIN PAR NGES PA ZHES BYA BA, RGOL BA DANG PHYIR RGOL BA GNYI GA LA GRAGS PA DANG, SGRUB PA'I CHOS GTAN TSIGS PHYOGS KYI CHOS GZHAN NYID CES BYA BA RGOL BA DANG PHYIR RGOL BA GNYI GA LA GRAGS PA DANG, DE GNYIS YOD PA YIN PAR SBYAR RO, ,DE NYID CHOS MTHUN PA'I DPE ZHES BYA STE, CHOS MTHUN PA'I DPE ZHES BYA BA NI MI DMIGS PA LAS, DNGOS PO MED PAR RJES SU DPAG PA'I CHOS MTHUN PA'I DPE PHYOGS 'DI NA DNGOS PO MED PA DE DMIGS PA'I RIG BYAR GYUR PA'I BU MA PA MI DMIGS PA'I PHYIR RO ZHES BYA BA DANG, NGO BO NYID LAS MI RTAG PAR RJES SU DPAG PA'I CHOS MTHUN PA'I DPE 'DI NI SHING YIN TE, SHING SHA PA YIN PA'I PHYIR RO ZHES BYA BA DANG, 'BRAS BU LAS RGYU RJES SU DPAG PA'I CHOS MTHUN PA'I DPE TSANG MANG 'DI NA ME YOD DE DU BA 'THUL BA'I PHYIR RO ZHES BYA BA @87A *, ,STE, SKABS 'DIR NI DPER NA CHOS CAN RGYU SPUN LA SOGS PA ZHES BYA BA RGOL BA DANG, PHYIR RGOL BA GNYI GA'I PHYOGS LA, 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NA, GZHAN NYID DU GRAGS PA DE DAG LAS BSGRUB PAR BYA BA CHOS RKYEN MA YIN PAR NGES PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, RKYEN MA YIN PAR NGES PA DE SGRUB PA'I CHOS GZHAN NYID CES BYA BA RGOL BA DANG PHYIR RGOL BA GNYI GA LA GRAGS PA DE GNYIS YOD PAS DE NI CHOS CAN ZHES BYA STE, CHOS CAN RGYU SPUN LA SOGS PA DE DAG RKYEN MA YIN PAR NGES TE GZHAN YIN PA'I PHYIR RO ZHES BYA BA DE BZHIN DU 'DIR YANG CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG CES BYA BA RGOL BA DANG PHYIR RGOL BA GNYI GA'I PHYOGS LA 'BRAS BU MIG LA SOGS PA NANG GI SKYE MCHED GZHAN DU GYUR PA DE DAG LA LTOS NAS GZHAN NYID DU GRAGS PA DE DAG LA BSGRUB PAR BYA BA CHOS RKYEN MA YIN PAR NGES PA ZHES BYA BA RGOL BA DANG PHYIR RGOL BA GNYI GA LA GRAGS PA DANG, RKYEN MA YIN PAR NGES PA DE SGRUB PA'I CHOS GZHAN NYID CES BYA BA RGOL BA DANG, PHYIR RGOL BA GNYI GA LA GRAGS PA DE NYID YOD PAS DE YANG CHOS CAN ZHES BYA BA STE, CHOS CAN GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DE DAG KYANG RKYEN MA YIN PAR NGES TE, GZHAN MA YIN PA'I PHYIR, DPER NA RGYU SPUN LA SOGS PA BZHIN NO ZHES BYA BAR SBYAR RO, ,DE'I PHYIR GANG DANG GANG GZHAN NYID YIN PA DE NI RKYEN MA YIN PAR NGES TE, DPER NA RGYU SPUN LA SOGS PA BZHIN NO, ,GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DE DAG KYANG GZHAN NYID YIN PAS DE'I PHYIR DE DAG KYANG RKYEN MA YIN PAR NGES SO, ,GAL TE GZHAN NYID DU 'DRA BA LAS GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DE DAG NI RKYEN YIN PAR 'DOD LA, RGYU SPUN LA SOGS PA NI RKYEN MA YIN PAR 'DOD NA NI DE'I TSE RGYU 'DIS NI GZHAN BRJOD PAR 'DOD PA MIG LA SOGS PA NANG GI SKYE MCHED GRUB PAR BYED PA DAG NI RKYEN @87B YIN PAR 'DOD LA, RGYU 'DIS NI RGYU SPUN LA SOGS PA'I RKYEN MA YIN PAR 'DOD DO ZHES KHYAD PAR NYID DU BYA BA'I KHYAD PAR GYI GTAN TSIGS BRJOD PAR BYA DGOS SO, ,GANG GI PHYIR RKYEN DU SMRA BA DAG RGYU SPUN LA SOGS PA GZHAN NYID YIN PA'I GNAS SKABS DAG RKYEN YIN PAR MI 'DOD PA DE'I PHYIR, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG KYANG GZHAN NYID YIN PA'I PHYIR RKYEN MA YIN PAR NGES PAR GRUB BO, ,GZHAN YANG DNGOS PO RNAMS KYI RKYEN NYID CI'I PHYIR 'DOD CE NA, GZHAN NYID KYI NGO BO NYID MA THOB PA THOB PAR BYED PA'I PHYIR RKYEN DU 'DOD PA YIN NA, GAL TE GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DE DAG RKYEN DU 'GYUR BA'I SNGA ROL NA GZHAN NYID YIN PAR GYUR NA, DE DAG LA RKYEN YIN PAR BRTAG PAS CI ZHIG BYA STE, GZHAN NYID NI GZHAN GYI RKYEN MA YIN NO ZHES GSUNGS PA'I PHYIR RO, ,GZHAN YANG DGAG PA MI MTHUN PAR YANG 'GYUR TE, GAL TE GZHAN NYID YIN NA NI GZHAN GYI RKYEN MA YIN LA, CI STE GZHAN GYI RKYEN YIN NA NI GZHAN NYID MA YIN NO, ,GZHAN YANG 'JIG RTEN NA GZHAN NYID GZHAN GYI RKYEN YIN PA NI 'GAL TE, 'DI LTAR 'JIG RTEN NA BUM PA SBRANG RTZI DANG, CHU DANG, 'O MA 'DZIN PA LA SOGS PA'I BYA BA BYED NUS PA GSAL BA GZHAN NYID YIN PA NI GZHAN GYI RKYEN YIN PAR MA MTHONG BA'I PHYIR RO, ,DON DAM PAR PHYI NANG GI DNGOS PO THAMS CAD KYI RKYEN, RKYEN MA YIN PAR DGAG PA YIN NA, CI'I PHYIR 'DIR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG NYI TSE CHOS CAN DU BZHAG CE NA, DE NI, DNGOS PO GCIG LA GANG MTHONG BA, ,DE NI KUN LA'ANG MTHONG BAR 'DOD, ,GCIG GI STONG NYID GANG YIN PA, ,DE NYID KUN GYI STONG PA NYID, ,CES GSUNGS PA'I RIGS PAS, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR GRUB NA PHYI ROL GYI RKYEN LA SOGS PA RKYEN THAMS CAD KYANG RKYEN MA YIN PA NYID DU 'GRUB PA'I PHYIR DANG, GZHAN BRJOD PAR 'DOD PA MIG LA SOGS PA @88A *, ,NANG GI SKYE MCHED 'GRUB PAR BYED PA DAG CHOS CAN DU BZHAG NA, PHYI ROL GYI RKYEN LA SOGS PA GZHAN DAG GTAN TSIGS DANG DPER GZHAG TU RUNG BAS DE'I PHYIR 'DIR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG NYI TSE CHOS CAN DU GZHAG GO, ,,BAM PO BCU PA, 'DI LA GZHAN SLOB DPON BLO BRTAN GYIS BDAG NYID KYI 'GREL PA BYED PA'I GTAN TSIGS KYI MTSAN NYID GZHAN NYID CES BYA BA 'DI 'GAL TE, 'DI LTAR DBU MA PAS MIG LA SOGS PA NANG GI SKYE MCHED RNAMS KYI RKYEN MER MER PO DANG NUR NUR PO LA SOGS PA KUN RDZOB TU KHAS LEN CING, DE LTAR KHAS BLANGS NAS GANG GI TSE DON DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA MER MER PO LA SOGS PA DAG NANG GI SKYE MCHED RNAMS KYI RKYEN MA YIN PAR NGES TE, GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES SBYOR BA'I TSIG DE LTA BUR BYED PA DE'I TSE, JI LTAR DON DAM PAR RGYU SPUN LA SOGS PA MIG LA SOGS PA'I RKYEN MA YIN PA DE BZHIN DU, KUN RDZOB TU YANG RGYU SPUN LA SOGS PA MIG LA SOGS PA'I RKYEN MA YIN PA DANG 'DRA BAR MER MER PO LA SOGS PA YANG RGYU SPUN LA SOGS PA BZHIN DU YANG KUN RDZOB TU YANG MIG LA SOGS PA'I RKYEN NYID MA YIN PAR 'GYUR TE, DES NA GTAN TSIGS GZHAN NYID CES BYA BA DE RKYEN MER MER PO LA SOGS PA'I RKYEN RNAMS KUN RDZOB TU MIG LA SOGS PA'I RKYEN NYID MA YIN PAR SGRUB PA 'GAL TE, JI SKAD DU, CHOS DANG CHOS CAN DE GNYIS KYI, ,KHYAD PAR GYI NI NGO BO NYID, ,LOG PAR SGRUB PHYIR 'GAL BA NI, ,ZHES BSHAD PA'I PHYIR RO ZHES DRIS PAS 'DIR DE LA 'DI SKAD CES BRJOD PAR BYA STE, DE LTAR GYUR NA KHO BO'I GTAN TSIGS DE 'GAL YANG BDEN GRANG NA, GNAS BRTAN BLO BRTAN GYIS 'GAL BA'I MTSAN NYID KYI TSIG LE 'UR BYED PA 'DI'I RTZA BA BZHI PA MA THOS SAM CI NA, DE'I PHYIR KHYAD PAR MED PA KHO NAR KHO BO LA GTAN TSIGS 'GAL BA'I SKYON 'DI LTA BU RJOD PAR BYED, 'DI LTAR 'GAL BA'I MTSAN NYID KYI TSIG LE'UR BYED PA 'DI'I RTZA BA BZHI PA LAS, GNOD PA MED NA @88B 'GAL BA YIN, ,ZHES 'BYUNG BAS, GAL TE GNAS BRTAN BLO BRTAN GYIS 'GAL BAR BRJOD PA DE NYID LA LUNG GI GNOD PA DANG, 'JIG RTEN GYI GNOD PA DANG, RANG GI TSIG GI GNOD PA DANG, MNGON SUM GYI GNOD PA DANG, RJES SU DPAG PA'I GNOD PA MED NA NI DE'I TSE KHO BO'I GTAN TSIGS DE 'GAL BA YIN NO, ,CI STE GNAS BRTAN BLO BRTAN GYIS 'GAL BAR BRJOD PA DE NYID LA GNOD PA LNGA PO DE DAG LAS THAMS CAD 'GA' ZHIG YOD NA NI DE'I TSE KHO BO'I GTAN TSIGS DE 'GAL BA MA YIN NO, ,GNAS BRTAN BLO BRTAN GYIS 'GAL BAR BRJOD PA DE NI DPER NA LTAG CHOD DAG LAS 'DI SKAD DU, SGRA NI MNYAM PAR BYA BA MA YIN TE, BTZAL MA THAG TU 'BYUNG BA'I PHYIR DPER NA BUM PA BZHIN NO ZHES ZER BA LTA BU STE, DE LTAR GTAN TSIGS BTZAL MA THAG TU 'BYUNG BA ZHES BYA BA DE LAS GNOD PA YOD PA DANG, MED PA'I MTSAN NYID BRJOD PAR BYA STE, GAL TE MTHONG BA'I MTHUS RJES SU DPAG PA DE LDOG PAR MI 'GYUR NA NI GNOD PA MED PA ZHIG NA, 'DI LA LUNG DANG, MNGON SUM DANG, 'JIG RTEN LAS SGRA NI MNYAN PAR BYA BA NYID YIN PAR MTHONG BA'I MTHUS RJES SU DPAG PA DE LDOG PAR 'GYUR BAS GNOD PA YOD DO, , 'DIR GAL TE GNAS BRTAN BLO BRTAN GYIS 'GAL BAR BRJOD PA DE LA JI LTAR GNOD PA YOD CE NA, 'DI LTAR GNAS BRTAN BLO BRTAN DE YANG DBU MA PA KHO NA YIN PAS DE'I PHYIR, DE YANG NANG GI SKYE MCHED RNAMS KYI RKYEN MER MER PO LA SOGS PA KUN RDZOB TU KHAS LEN LA, 'DIR MER MER PO LA SOGS PA KUN RDZOB TU YANG MIG LA SOGS PA'I RKYEN MA YIN PAR SMRA BAS, DES NA DANG PO KHO NAR GNAS BRTAN BLO BRTAN GYIS 'GAL BAR BRJOD PA DE LA LUNG DANG 'GAL BA'I GNOD PA YOD DO, ,KUN RDZOB NYID NI 'JIG RTEN GYI THA SNYAD DU BRJOD PA YIN LA, 'JIG RTEN LA NI NANG GI SKYE MCHED RNAMS KUN RDZOB TU RKYEN MER MER PO LA SOGS PA LAS SKYE BAR GRAGS LA, 'DIR MER MER PO LA SOGS PA KUN RDZOB TU YANG MIG LA SOGS PA'I RKYEN MA YIN PAR SMRA BAS, DES NA GNAS BRTAN BLO BRTAN GYIS 'GAL BAR BRJOD PA DE LA 'JIG RTEN DANG 'GAL BA'I @89A *, ,GNOD PA YANG YOD DO, ,MIG LA SOGS PA'I GNAS LAS KUN RDZOB TU MIG GI RNAM PAR SHES PA LA SOGS PA YUL LA DMIGS PA RNAM PAR RTOG PA MED PA DRUG PO DAG DBANG PO SO SO'I MNGON SUM DU SKYE LA, 'DIR MER MER PO LA SOGS PA KUN RDZOB TU YANG MIG LA SOGS PA'I RKYEN MA YIN PAR SMRAS PAS, DES NA GNAS BRTAN BLO BRTAN GYIS 'GAL BAR BRJOD PA DE LA MNGON SUM DANG 'GAL BA'I GNOD PA YANG YOD DO, ,GNAS BRTAN BLO BRTAN GYIS 'GAL BAR BRJOD PA'I TSIG GANG YIN PA DE YANG KUN RDZOB TU SKYE BA KHO NA YIN LA, 'DIR GNAS BRTAN BLO BRTAN NYID KYIS KUN RDZOB TU SKYE BA DES MER MER PO LA SOGS PA KUN RDZOB TU YANG MIG LA SOGS PA'I RKYEN MA YIN PAR SMRAS PAS, DES NA GNAS BRTAN BLO BRTAN GYIS 'GAL BAR BRJOD PA DE LA RANG GI TSIG DANG 'GAL BA'I GNOD PA YANG YOD DO, ,MIG LA SOGS PA SKYE MCHED RNAMS KUN RDZOB TU SKYE STE, 'GA' ZHIG LA PHAN PAR BYED PA'I PHYIR, DPER NA BUM PA BZHIN TE, BUM PA YANG KUN RDZOB TU SKYE STE, CHU LA SOGS PA 'DZIN PA NYID KYIS 'GA' ZHIG LA PHAN PAR BYED PA YIN PA DANG 'DRA BAR NANG GI SKYE MCHED RNAMS KYANG KUN RDZOB TU SKYE STE, YUL 'DZIN PA LA SOGS PA NYID KYIS 'GA' ZHIG LA PHAN PAR BYED PA YIN PA LAS 'DIR MER MER PO LA SOGS PA KUN RDZOB TU YANG MIG LA SOGS PA'I RKYEN MA YIN PAR SMRAS PAS, DES NA GNAS BRTAN BLO BRTAN GYIS 'GAL BAR BRJOD PA DE LA RJES SU DPAG PA DANG 'GAL BA'I GNOD PA YANG YOD DO, ,DE LTAR NA GNAS BRTAN BLO BRTAN GYIS 'GAL BAR BRJOD PA DE LA LUNG LA SOGS PA'I GNOD PA YOD PAS KHO BO'I GTAN TSIGS DE 'GAL BA MA YIN NO, ,GAL TE GNAS BRTAN BLO BRTAN 'DI SKAD CES GZHAN DAG RNAM PA DES KHYED KYI GTAN TSIGS DE 'GAL BAR BRJOD KYI, KHO BO NI DE SKAD MI BRJOD DO ZHES ZER NA, DE LTA NA YANG GAL TE GZHAN DAG DON DAM PA KHO NAR MIG LA SOGS PA DANG, DBANG PO SO SO'I SHES PA DAG SKYE BAR KHAS LEN NA, KUN RDZOB TU SKYE BA MED PAR KHAS LEN NA, GZHAN DE DAG KYANG RANG GI TSIG DANG 'GAL BA DANG, RJES SU DPAG PA DANG 'GAL BA DANG, 'JIG RTEN DANG 'GAL PA @89B LAS THAR PA MED DE, 'DI LTAR 'JIG RTEN PA'I DON RTOGS NAS 'JIG RTEN BZHIN DU BSGRUB PAR BYA ZHES GSUNGS PAS, DE'I PHYIR 'JIG RTEN NA PHYI DANG NANG GI DNGOS PO RNAMS KYI SKYE BA YOD PAR GRAGS BZHIN DU GAL TE GZHAN DAG KUN RDZOB TU PHYI NANG GI DNGOS PO RNAMS KYI SKYE BA MED PAR SGRUB NA, DE NYID KYIS 'JIG RTEN LA GRAGS PA DANG 'GAL BA'I GNOD PAR 'GYUR RO, ,DES NA GNAS BRTAN BLO BRTAN GYIS SMRAS PA'I 'GAL BA'I SKABS MED DO, ,YANG NA KHO BOS KUN RDZOB TU YANG DNGOS PO RNAMS GZHAN LAS SKYE BA MED DO ZHES KHAS MA BLANGS TE, GANG GI TSE KHO BOS DE SKAD KHAS MA BLANGS PA LA 'GAL BA CI YANG MED DO, ,'O NA KHYOD KYIS JI SKAD KHAS BLANGS SHE NA, GRUB PA'I MTHA' LAS, RTEN CING 'BYUNG BA GANG YIN PA, ,DE NI RE ZHIG DE NYID MIN, ,DE LAS GZHAN PA'ANG MA YIN TE, ,DE PHYIR CHAD MIN RTAG MA YIN, ,ZHES GSUNGS PA BZHIN KHAS BLANGS PAS KHO BO'I GTAN TSIGS DE LA 'GAL BA'I SKABS MED DO, ,DE LTA BAS NA GNAS BRTAN BLO BRTAN GRUB PA'I MTHA' LA TE POR ZHUGS PAR SNANG NGO, ,CI STE GZHAN YIN PA'I PHYIR ZHES BYA BA DE GTAN TSIGS SU MI RUNG STE, DAM BCAS PA'I DON GYI PHYOGS GCIG YIN PA'I PHYIR, DPER NA SGRA RTAG STE SGRA YIN PA'I PHYIR RO ZHES BYA BA BZHIN NO ZHE NA ZHES BYA BA 'DI NI SKYE BAR SMRA BA DAG RIGS PA CAN GYI SGYU THABS KYIS 'GREL PAR BYED PA'I GTAN TSIGS GZHAN NYID CES BYA BA DE MA GRUB PA NYID DU BRJOD PA YIN NO, ,DE LA CI STE ZHES BYA BA'I SGRA NI GAL TE SKYE BAR SMRA BA DAG RIGS PA CAN GYI SGYU THABS KYIS 'GREL PAR BYED PA'I GTAN TSIGS GZHAN NYID CES BYA BA DE MA GRUB PA NYID DU BRJOD PA'I TSAD MA 'DI LTA BU BYED NA ZHES DOGS PA BSU BA'I DON YIN NO, ,'DIR GZHAN YIN PA'I PHYIR ZHES BYA BA DE ZHES BYA BA 'DI NI CHOS CAN TE, DBU MA PAS DON DAM PAR NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE GZHAN YIN PA'I PHYIR ZHES SMRAS PA DANG, DON DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE, GZHAN YIN PA'I PHYIR ZHES SMRAS PA'I GTAN @90A *, ,TSIGS DE'O, ,GTAN TSIGS SU MI RUNG STE ZHES BYA BA 'DI NI BSGRUB PAR BYA BA CHOS TE, DBU MA PAS GZHAN YIN PA'I PHYIR ZHES SMRAS PA'I GTAN TSIGS DE DAG GI RKYEN GZHAN DAG LAS SKYE BA MED DE ZHES BYA BA DANG, GZHAN DAG RKYEN MA YIN PAR NGES TE ZHES BYA BA'I GTAN TSIGS SU MI RUNG STE ZHES RJES SU DPAG PA'O, ,DAM BCAS PA'I DON GYI PHYOGS GCIG YIN PA'I PHYIR ZHES BYA BA 'DI NI PHYOGS KYI CHOS TE, DAM BCAS PA'I DON GYI PHYOGS GCIG CES BYA BA LA, DAM BCAS PA ZHES BYA BA NI DBU MA PAS NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE ZHES DAM BCAS PA DANG, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE ZHES DAM BCAS PA'O, ,DE'I DON GYI PHYOGS GCIG CES BYA BA NI DE DAG GI RKYEN GZHAN DAG CES BYA BA DANG, GZHAN DAG RKYEN MA YIN PA ZHES BYA BA GZHAN DU GYUR PA'I DON DE'I PHYOGS GCIG NI GZHAN YIN PA'I PHYIR ZHES BYA BA DE YIN TE DE DAG GI RKYEN GZHAN DAG LAS SKYE BA MED DE ZHES PA'I DON GYI PHYOGS GCIG KYANG GZHAN YIN PA'I PHYIR ZHES BYA BA YIN LA, GZHAN DAG RKYEN MA YIN PAR NGES TE ZHES BYA BA'I DON GYI PHYOGS GCIG KYANG GZHAN YIN PA'I PHYIR, ,DPER NA SGRA RTAG STE SGRA YIN PA'I PHYIR RO ZHES BYA BA BZHIN NO ZHES BYA BA 'DI NI DPE STE, 'DI LA RIGS PA'I BSTAN BCOS LA DAM BCAS PA'I DON GYI TSOGS GCIG GTAN TSIGS SU MI RUNG BA RNAM PA GSUM RNAM PAR 'JOG STE, DPER NA SGRA RTAG STE SGRA YIN PA'I PHYIR RO ZHES BYA BA DE'I CHOS CAN GYI DAM PA'I DON GYI PHYOGS GCIG YIN TE, 'DI LTAR SGRA NYID CHOS CAN PHYOGS SU BYAS LA SGRA NYID DE SGRUB PA'I CHOS SU YANG BYAS PAS DE'I PHYIR DE YANG GTAN TSIGS SU MI RUNG NGO, ,DPER NA SGRA RTAG STE RTAG PA'I PHYIR RO ZHES BYA BA DE NI BSGRUB PAR BYA BA'I DON GYI PHYOGS GCIG YIN TE, 'DI LTAR RTAG PA NYID BSGRUB PAR BYA BA PHYOGS SU BYAS LA, RTAG PA NYID DE SGRUB PA'I CHOS SU YANG BYAS PAS DE'I PHYIR DE YANG GTAN TSIGS SU MI RUNG NGO, ,DPER NA SGRA RTAG STE SGRA RTAG PA'I PHYIR RO ZHES BYA BA DE NI CHOS DANG CHOS CAN BSDUS PA'I PHYOGS @90B KYI DON GYI PHYOGS GCIG YIN TE, 'DI LTAR SGRA RTAG PA ZHES BYA BA CHOS DANG CHOS CAN BSDUS PA'I PHYOGS SU BYAS LA, SGRA RTAG PA ZHES BYA BA CHOS DANG CHOS CAN BSDUS PA'I PHYOGS DE NYID DE SGRUB PA'I CHOS SU YANG BYAS PAS DE'I PHYIR DE YANG GTAN TSIGS SU MI RUNG NGO, ,DPE DE DANG 'DRA BAR 'DIR DBU MA PA KHYOD KYI GTAN TSIGS DE DAG GI RKYEN GZHAN DAG LAS SKYE BA MED DE GZHAN YIN PA'I PHYIR ZHES BYA BA DANG, GZHAN DAG RKYEN MA YIN PAR NGES TE GZHAN YIN PA'I PHYIR ZHES BYA BA DE YANG DAM BCAS PA'I DON GYI PHYOGS GCIG YIN PA'I PHYIR GTAN TSIGS SU MI RUNG NGO ZHE NA ZHES BYA BA NI SKYE BAR SMRA BA DAG RIGS PA CAN GYI SGYU THABS KYIS 'GREL PAR BYED PA'I GTAN TSIGS GZHAN NYID CES BYA BA DE MA GRUB PA NYID DU BRJOD CING DE SKAD CES ZER NA'O, ,DE SKAD ZER BA DE'I LAN DU 'DIR 'GREL PA BYED PAS, DE NI BZANG PO MA YIN TE, SNYAN TSIG GI SGRA NI MI RTAG STE, SGRA YIN PA'I PHYIR, DPER NA RNGA BO CHE'I SGRA BZHIN NO ZHES BYA BAS DAM BCAS PA'I DON GYI PHYOGS GCIG GTAN TSIGS NYID DU GRUB PA MTHONG BAS GTAN TSIGS MA NGES PA NYID DO ZHES BYA BA SMRAS TE, 'DIS NI SKYE BAR SMRA BA DAG RIGS PA CAN GYI SGYU THABS KYIS 'GREL BAR BYED PA'I GTAN TSIGS GZHAN NYID CES BYA BA DE MA GRUB PA NYID DU BRJOD PA DE NI DE LTA MA YIN NO ZHES BYA BAR STON TO, ,DE LA DE NI BZANG PO MA YIN TE ZHES BYA BA NI SKYE BAR SMRA BA DAG RIGS PA CAN GYI SGYU THABS KYIS DBU MA PA'I GTAN TSIGS GZHAN NYID CES BYA BA DE DAM BCAS PA'I DON GYI PHYOGS GCIG YIN PA'I PHYIR MA GRUB PA NYID DO ZHES ZER BA DE NI BZANG PO MA YIN TE, 'DI LTAR SBYOR BA'I TSIG 'DI LA MTSAN NYID DE LTA BU MED DO ZHES BYA BA'I THA TSIG GO, ,DE NYID BSTAN PA'I PHYIR, SNYAN TSIG GI SGRA MI RTAG STE, SGRA YIN PA'I PHYIR RO, ,DPER NA RNGA BO CHE'I SGRA BZHIN NO ZHES BYA BAS ZHES BYA BA SMRAS TE, 'DIS NI KHYAD PAR CAN PHYOGS SU BYAS PA LA SPYI PHYOGS KYI CHOS YIN PA'I DPE BSTAN TO, ,'DIR SNYAN TSIG GI SGRA ZHES BYA BA 'DI NI CHOS CAN YIN LA, MI RTAG STE ZHES BYA BA 'DI NI BSGRUB PAR BYA BA CHOS YIN, SGRA YIN PA'I PHYIR ZHES BYA BA 'DI NI SGRUB PA'I CHOS YIN, @91A *, ,DPER NA RNGA BO CHE'I SGRA BZHIN NO ZHES BYA BA 'DI NI DPE YIN PAR SBYAR RO, ,DE LA SNYAN TSIG GI SGRA ZHES BYA BA NI MU STEGS DPYOD PA CAN GYI RIG BYED RNAM PA BZHI'O, ,NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED CES BYA BA DAG LAS SNYAN TSIG GI RIG BYED CES BYA BA'I SGRA STE, YI GE'I BDAG NYID DO, ,SNYAN TSIG GI SGRA ZHES BYA BA DE KHYAD PAR CAN DE LA BSGRUB PAR BYA BA CHOS MI RTAG PA DANG, SGRUB PA'I CHOS SGRA SPYI YIN PA'I PHYIR ZHES BYA BA DE GNYIS YOD PAS CHOS CAN NO, ,MI RTAG STE ZHES BYA BA NI SNYAN TSIG GI SGRA KHYAD PAR CAN DE MI RTAG PAR BSGRUB PAR BYA BA STE DE MI RTAG PAR RJES SU DPAG PA YIN NO, ,SGRA YIN PA'I PHYIR ZHES BYA BA NI SPYI PHYOGS KYI CHOS YIN PAR BSTAN PA STE, SNYAN TSIG GI SGRA KHYAD PAR CAN DE CI'I PHYIR MI RTAG CE NA, SGRA SPYI YIN PA'I PHYIR DE YANG MI RTAG GO ZHES BSTAN PA YIN NO, ,DPER NA RNGA BO CHE'I SGRA BZHIN NO ZHES BYA BA NI DPER NA RNGA BO CHE'I SGRA ZHES BYA BA KHYAD PAR CAN DE NI MI RTAG STE, SGRA SPYI YIN PA'I PHYIR RO ZHES BYA BA DANG 'DRA BAR SNYAN TSIG GI SGRA KHYAD PAR CAN DE YANG MI RTAG STE, SGRA SPYI YIN PA'I PHYIR RO ZHES BYA BAR SBYAR TE, DPER NA 'DI NI SHING YIN TE SHING SHA PA YIN PA'I PHYIR RO ZHES BYA BA BZHIN NO, ,'DI SKAD BSTAN TE, DPER NA SBYOR BA'I TSIG 'DI LA SNYAN TSIG GI SGRA KHYAD PAR CAN PHYOGS SU BYAS PA LA, SGRA SPYI PHYOGS KYI CHOS YIN PAR BSTAN PAS DE DAM BCAS PA'I DON GYI PHYOGS GCIG YIN YANG GTAN TSIGS SU MI RUNG NGO, ,DE BZHIN DU 'DIR YANG GZHAN GYIS YONGS SU BRTAGS PA'I RKYEN MER MER PO DANG NUR NUR PO LA SOGS PA GZHAN KHYAD PAR CAN DAG PHYOGS SU BYAS PA LA, GZHAN SPYI PHYOGS KYI CHOS YIN PAR BSTAN PAS DE DAM BCAS PA'I DON GYI PHYOGS GCIG YIN YANG GTAN TSIGS SU RUNG NGO ZHES BYA BAR SBYAR RO, ,DE NYID BSTAN PA'I PHYIR, DAM BCAS PA'I DON GYI PHYOGS GCIG GTAN TSIGS NYID DU GRUB PA MTHONG BAS ZHES BYA BA SMRAS TE, 'DIS NI KHYAD PAR CAN PHYOGS SU BYAS PA LA SPYI PHYOGS KYI CHOS YIN PA'I DON BSTAN TO, ,DE LA @91B DAM BCAS PA ZHES BYA BA'I KHYAD PAR CAN YIN TE, DPER NA SNYAN TSIG GI SGRA DANG, RNGA BO CHE'I SGRA KHYAD PAR CAN MI RTAG PAR DAM BCAS PA DANG 'DRA BAR 'DIR YANG NANG GI SKYE MCHED RNAMS DE DAG GI RKYEN GZHAN KHYAD PAR CAN DAG LAS SKYE BA MED DO ZHES BYA BA DANG, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA KHYAD PAR CAN DAG RKYEN MA YIN PAR NGES TE ZHES DAM BCAS PA YIN NO, ,DE'I DON GYI PHYOGS GCIG CES BYA BA NI SPYI YIN TE, DPER NA SGRA SPYI YIN PA'I PHYIR ZHES BYA BA DANG 'DRA BAR 'DIR YANG GZHAN SPYI YIN PA'I PHYIR ZHES BSTAN PA YIN NO, ,GTAN TSIGS NYID DU GRUB PA MTHONG BAS ZHES BYA BA NI DAM BCAS PA'I DON GYI PHYOGS GCIG CES BYA BA KHYAD PAR CAN PHYOGS SU BYAS PA LA, SPYI PHYOGS KYI CHOS YIN PAR BSTAN PA DE BSGRUB PAR BYA BA DANG DPE GNYI GA LA GTAN TSIGS NYID DU 'GRUB PA MTHONG BAS SO, , GTAN TSIGS MA NGES PA NYID DO ZHES BYA BA NI SKYE BAR SMRA BA DAG GI GTAN TSIGS DAM BCAS PA'I DON GYI PHYOGS GCIG YIN PA'I PHYIR, DPER NA SGRA RTAG STE SGRA YIN PA'I PHYIR RO ZHES BYA BA BZHIN NO ZHES ZER BA DE MA NGES PA NYID DE, 'DI LTAR DPER NA SGRA RTAG STE SGRA YIN PA'I PHYIR RO ZHES BYA BA LTA BU KHYAD PAR CAN PHYOGS SU MA BYAS LA, SPYI PHYOGS KYI CHOS YIN PAR MA BSTAN PA NI DAM BCAS PA'I DON GYI PHYOGS GCIG YIN YANG GTAN TSIGS SU MI RUNG LA, DPER NA SNYAN TSIG GI SGRA MI RTAG STE SGRA YIN PA'I PHYIR RO, ,DPER NA RNGA BO CHE'I SGRA YIN NO ZHES BYA BA LTA BU KHYAD PAR CAN PHYOGS SU BYAS LA, SPYI PHYOGS KYI CHOS YIN PAR BSTAN PA NI DAM BCAS PA'I DON GYI PHYOGS GCIG YIN YANG GTAN TSIGS NYID DU GRUB PAR MTHONG BAS DE'I PHYIR SKYE BAR SMRA BA KHYOD KYI GTAN TSIGS DE MA NGES PA NYID YIN PAS MI RUNG NGO, ,'DI SKAD BSTAN TE, GANG GI TSE SPYI BTANG STE KHYAD PAR CAN PHYOGS SU BYED PA DE'I TSE NA CHOS DANG CHOS CAN RUNG BAR 'GYUR BAS DE'I PHYIR, CI RE ZHIG DAM BCAS PA'I DON GYI PHYOGS GCIG YIN PA'I PHYIR, DPER NA SGRA RTAG STE SGRA YIN PA'I PHYIR RO ZHES BYA BA BZHIN NO ZHES BYA BA DE GTAN TSIGS SU MI RUNG BAR 'GYUR RAM, 'ON TE SNYAN TSIG @92A *, ,GI SGRA MI RTAG STE SGRA YIN PA'I PHYIR, DPER NA RNGA BO CHE'I SGRA BZHIN NO ZHES BYA BAS DAM BCAS PA'I DON GYI PHYOGS GCIG GTAN TSIGS NYID DU GRUB PA MTHONG BA DE GNYIS GANG YIN PA MA NGES PAS KHYOD KYI GTAN TSIGS MI RUNG NGO, ,BYE BRAG PA DAG LAS GZHAN RDUL PHRA RAB DAG KHO NA LAS RDUL PHRA MO GNYIS LA SOGS PA'I RIM GYIS SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PA MNGON PAR 'DOD PA DAG PHYIR ZLOG PAR BYED DE, GZHAN YIN PA'I PHYIR ZHES BYA BA GTAN TSIGS KYI DON YON TAN YIN PAR RTOG NA NI RANG LA MA GRUB PA'I DON NYID DO, ,DE LAS GZHAN PA'I DON YIN PAR RTOG NA NI GRAGS PA'I GNOD PAR 'GYUR RO ZHES BYA BAS NI MU STEGS BYE BRAG PA DAG ,'GREL PA BYED PA'I GTAN TSIGS GZHAN NYID CES BYA BA DE LA, RANG LA MA GRUB PA'I DON NYID DANG, 'JIG RTEN LA GRAGS PA DANG 'GAL BA'I GNOD PA YOD DO ZHES GTAN TSIGS KYI SKYON RJOD PAR BYED PAR STON TO, ,'DI LA GAL TE DGAG PA 'DIS DNGOS PO RNAMS GZHAN LAS SKYE BAR SMRA BA DAG MA LUS PAR BKAG PA YIN NA 'DI CI'I PHYIR BYE BRAG PA DAG DGAG PA DMIGS KYIS STON PAR BYED CE NA, GANG GI PHYIR DE LTAR BSKYED PAR BYA BA DANG, SKYED PA NYID BRTAG PA BYA BAS NANG GI DNGOS PO RNAMS DE DAG GI RTEN GZHAN DAG LAS SKYE BA MED PAR BKAG PA NA, PHYI ROL GYI DNGOS PO RNAMS KYANG DE DAG GI RKYEN GZHAN DAG LAS SKYE BA MED PA KHO NAR BKAG PA YIN MOD KYI, 'ON KYANG MI MKHAS PA KHA CIG 'DI SNYAM DU, NANG GI DNGOS PO RNAMS KYI SKYE BA BKAG GI ,PHYI ROL GYI DNGOS PO RNAMS KYI SKYE BA NI MA BKAG PAS DE'I PHYIR PHYI ROL GYI DNGOS PO RNAMS KYI SKYE BA YOD PAR GYUR NA, NANG GI DNGOS PO RNAMS KYI SKYE BA LA YANG DNGOS PO MED DO SNYAM DU SEMS PAR 'GYUR BAS DE'I PHYIR PHYI ROL GYI DNGOS PO RNAMS KYI SKYE BA DGAG PA'I PHYIR DANG, SKYE BO LAS DANG PO PA RNAMS KYI BLO LA PHAN GDAGS PA'I PHYIR BYE BRAG PA DAG DGAG PA 'DI DMIGS KYIS BSTAN PAR BYA'O, ,BYE BRAG PA DAG CES BYA BA NI MU STEGS GZEGS ZAN GYI SLOB MA MU STEGS BYE BRAG PA ZHES BYA BA DAG GO , ,LAS @92B ZHES BYA BA'I SGRA NI NGES PAR GZUNG BA'I DON TO, ,BYE BRAG PA DAG KHO NA LAS YIN GYI GZHAN LAS NI MA YIN TE, BYE BRAG BA DAG NI BLUN PA NYID KYIS DE LTAR PHYI ROL GYI DNGOS PO RNAMS KYI SKYE BA DGAG PA BYAS KYANG KHONG DU MI CHUD PA'I PHYIR RO, ,GZHAN RDUL PHRA RAB DAG KHO NA LAS GZHAN ZHES BYA BA NI BYE BRAG PA DAG RGYU RKYEN GZHAN RDUL PHRA RAB KHO NA LAS 'BRAS BU SA DANG CHU DANG ME DANG RLUNG GI RNAM GRANGS KYI CHA SHAS CAN GYI RDZAS SKYE BA 'GRUB PA MNGON PAR 'DOD PA'O, ,RDUL PHRA RAB DAG CES BYA BA NI RDUL SHIN TU PHRA RAB DAG STE, GANG LA DE'I PHA ROL NA PHRA RAB GZHAN MED PA DE NI RDUL PHRA RAB DAG CES BYA'O, ,KHO NA LAS ZHES BYA BA'I SGRA 'DI YANG NGES PAR GZUNG BA STE, GZHAN RDUL PHRA RAB DAG KHO NA LAS YIN GYI BDAG LAS NI MA YIN NO ZHES BYA BA'I THA TSIG GO, ,DE'I PHYIR RAB TU 'JIG PA CHEN PO'I DUS KYI TSES LA SOGS PA 'BYUNG BA CHEN PO'I RDUL PHRA RAB GZHAN SO SO NAS MCHED PA KHO NA DAG LAS SO, ,RDUL PHRA MO GNYIS LA SOGS PA'I RIM GYIS SA DANG CHU DANG ME DANG RLUNG GI RNAM GRANGS CHA SHAS TZAM GYI RDZAS SKYE BA 'GRUB PA MNGON PAR 'DOD PA DAG CES BYA BA NI BYE BRAG PA DAG LAS GZHAN RDUL PHRA RAB DAG KHO NA LAS RDUL PHRA MO GNYIS LA SOGS PA'I RIM GYIS SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PAR MNGON PAR 'DOD PA DE DAG STE, DE LA RDUL PHRA MO GNYIS LA SOGS PA'I RIM GYIS ZHES BYA BA NI DE DAG GI GZHUNG LAS 'JIG RTEN CHAGS PA'I DUS KYI TSE DANG DBANG PHYUG GIS MNGON PAR 'DOD PA DANG, SEMS CAN DE DAG GI LAS YONGS SU SMIN PAS DES NA CHOS DANG CHOS MA YIN PA'I DBANG GIS BDAS PAS SA LA SOGS PA'I RDUL PHRA RAB DE DAG LAS DANG PO KHO NAR RDUL PHRA RAB GNYIS SBYOR BAR BYED DE, DE NI RDUL PHRA MO GNYIS KYI RDZAS ZHES BYA'O, ,DE'I 'OG TU RDUL PHRA MO GNYIS KYI RDZAS DE LA RDUL PHRA RAB GSUM PA SBYOR BAR BYED DE, DE NI RDUL PHRA MO GNYIS KYI RDUL PHRA MO ZHES BYA'O, ,DE'I 'OG TU RDUL PHRA MO GNYIS KYI RDUL PHRA MO DE'I RIM GYIS SE GOL GTOGS PA TZAM GYIS SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS, SKYE BA GRUB PA MNGON PAR 'DOD, @93A *, ,CES GRAGS PA'I RIM GYIS SO, ,SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS ZHES BYA BA LA CHA SHAS CAN GYI RDZAS GANG LAS DANG CHU DANG ME DANG RLUNG GI MING GI RNAM GRANGS YOD PA DE NI SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS ZHES BYA'O, ,RNAM GRANGS ZHES BYA BA NI MING STE, SA DANG CHU DANG ME DANG RLUNG ZHES BYA BA'I MING GI RNAM GRANGS SO, ,CHA SHAS CAN GYI RDZAS ZHES BYA BA NI RDZAS SA DANG CHU DANG ME DANG RLUNG GANG LA CHA SHAS RDUL PHRA RAB DAG YOD PA DE NI DE'I CHA SHAS CAN GYI RDZAS ZHES BYA'O, ,RDZAS DE SKYE BA ZHES BYA BA NI SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA'O, ,SKYE BA DE 'GRUB PA ZHES BYA BA NI SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PA'O, ,RDZAS SKYE BA'I GRUB PA DE DAG MNGON PAR 'DOD PA DAG CES BYA BA NI BYE BRAG PA GANG DAG SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PA DE DAG MNGON SUM DU BYA BAR 'DOD PA DE DAG NI RDZAS SKYE BAR 'GRUB PA MNGON PAR 'DOD PA DAG GO, ,'DI SKAD BSTAN TE, MU STEGS BYE BRAG PA DAG GI GZHUNG LAS, 'JIG RTEN 'JIG CING STONGS PA'I TSE NA SA DANG CHU DANG ME DANG RLUNG GI RDUL PHRA RAB DE DAG PHYOGS CHA MED PA'I TSUL GYIS SO SO NA RTAG PAR 'DUG GO, ,DE'I 'OG TU 'JIG RTEN 'CHAGS PA'I TSE NA DBANG PHYUG CHEN PO LA 'JIG RTEN SPRUL 'DOD PA'I 'DOD PA SKYE'O, ,DE'I 'OG TU SEMS CAN DE DAG GI LAS YONGS SU SMIN PAS DES NA CHOS DANG CHOS MA YIN PA'I DBANG GIS BDAS PAS, SA LA SOGS PA'I RDUL PHRA RAB DE DAG LAS DANG PO KHO NAR RLUNG GI RDUL PHRA RAB GNYIS SBYOR BAR BYED DE, DE NI RLUNG GI RDUL PHRA MO GNYIS KYI RDZAS ZHES BYA'O, ,DE'I 'OG TU RLUNG GI RDUL PHRA MO GNYIS KYI RDZAS DE LA RLUNG GI RDUL PHRA RAB GSUM PA SBYOR BAR BYED DE DE NI RLUNG GI RDUL PHRA MO GNYIS KYI RDUL PHRA MO ZHES BYA'O, ,DE'I 'OG TU RLUNG GI RDUL PHRA MO GNYIS KYI RDUL PHRA MO DE'I RIM GYIS SE GOL GTOGS PA TZAM GYIS RLUNG GI RDUL PHRA RAB DAG 'BRAS BU'I RDZAS RTZOM PAR BYED DE, DES NA DANG PO KHO NAR RLUNG GI PHUNG PO CHEN PO YANG DANG YANG DU SHIN @93B TU G-YO ZHING 'DUG GO, ,DE BZHIN DU RDUL PHRA RAB GNYIS SBYOR BAR BYED DE, DE NI CHU'I RDUL PHRA MO GNYIS KYI RDZAS ZHES BYA'O, ,DE'I 'OG TU CHU'I RDUL PHRA MO GNYIS KYI RDZAS DE LA CHU'I RDUL PHRA RAB GSUM PA SBYOR BAR BYED DE, DE NI CHU'I RDUL PHRA MO GNYIS KYI RDUL PHRA MO ZHES BYA'O, , DE'I 'OG TU CHU'I RDUL PHRA MO GNYIS KYI RDUL PHRA MO DE'I RIM GYIS SE GOL GTOGS PA TZAM GYIS CHU'I RDUL PHRA RAB DAG 'BRAS BU'I RDZAS RTZOM PAR BYED DO, ,DES NA DE'I 'OG TU RLUNG GI PHUNG PO CHEN PO YANG DANG YANG DU SHIN TU G-YO ZHING 'DUG PA DE'I STENG DU CHU'I PHUNG PO CHEN PO YANG DANG YANG DU SHIN TU 'KHYIL ZHING 'DUG GO, ,DE BZHIN DU SA'I RDUL PHRA RAB GNYIS PA SBYOR BAR BYED DE, DE NI SA'I RDUL PHRA MO GNYIS KYI RDZAS ZHES BYA'O, ,DE'I 'OG TU SA'I RDUL PHRA MO GNYIS KYI RDZAS DE LA SA'I RDUL PHRA RAB GSUM SBYOR BAR BYED DO, DE NI SA'I RDUL PHRA MO GNYIS KYI RDUL PHRA MO ZHES BYA'O, ,DE'I 'OG TU SA'I RDUL PHRA MO GNYIS KYI RDUL PHRA MO DE'I RIM GYIS SE GOL GTOGS PA TZAM GYIS SA'I RDUL PHRA RAB DAG 'BRAS BU'I RDZAS RTZOM PAR BYED DE, DES NA DE'I 'OG TU CHU'I PHUNG PO CHEN PO YANG DANG YANG DU SHIN TU 'KHYIL ZHING 'DUG PA DE'I STENG DU SA'I DKYIL 'KHOR CHEN PO SHIN TU MKHREGS SHING LHUN GCIG TU GYUR PA CHAGS SHING 'DUG GO, ,DE BZHIN DU ME'I RDUL PHRA MO GNYIS SBYOR BAR BYED DE, DE NI ME'I RDUL PHRA MO GNYIS KYI RDZAS ZHES BYA'O, ,DE'I 'OG TU ME'I RDUL PHRA MO GNYIS KYI RDZAS DE LA ME'I RDUL PHRA RAB GSUM PA SBYOR BAR BYED DE, DE NI ME'I RDUL PHRA MO GNYIS KYI RDUL PHRA MO ZHES BYA'O, ,DE'I 'OG TU ME'I RDUL PHRA MO GNYIS KYI RDUL PHRA MO DE'I RIM GYIS SE GOL GTOGS PA TZAM GYIS ME'I RDUL PHRA RAB DAG 'BRAS BU'I RDZAS RTZOM PAR BYED DE, DE NAS DE'I 'OG TU SA'I DKYIL 'KHOR CHEN PO SHIN TU MKHREGS SHING LHUN GCIG TU GYUR PA DE'I STENG DU ME'I PHUNG PO CHEN PO 'BAR BA RAB TU 'BAR BA KUN DU RAB TU 'BAR BA ME LCE GCIG TU GYUR CING SREG PAR 'DUG PAR 'GYUR RO, ,ME'I PHUNG PO CHEN PO'I NANG DU DBANG PHYUG GI MNGON PAR 'DOD PAS TSANGS PA'I SGO NGA CHEN PO GSAL ZHING 'BAR BA 'DUG PAR 'GYUR RO, , @94A *, ,TSANGS PA'I SGO NGA CHEN PO GSAL ZHING 'BAR BA DE SMIN CING 'PHRUGS PA'I NANG NAS, 'JIG RTEN THAMS CAD KYI MES PO TSANGS PA ZHES BYA BA GDONG BZHI PA LA RAL PA CAN PADMA'I SKYE GNAS NAS BYUNG BA PADMA'I STAN LA 'DUG PA 'BYUNG BAR 'GYUR TE, 'JIG RTEN THAMS CAD KYI MES PO TSANGS PA DES SKYE DGU THAMS CAD BYAS NAS, 'JIG RTEN 'CHAGS SHING GNAS PAR 'GYUR RO ZHES BYA BA DE LTAR 'DOD CES GRAG GO, ,GAL TE RDUL PHRA RAB DAG JI SKAD SMOS PA'I RIM PA DES SA LA SOGS PA CHA SHAS CAN GYI RDZAS KYI RTZOM PA NYID YIN PA 'DI JI LTAR NGES PAR SHES PAR BYA ZHE NA, 'DI LTAR ME GYEN DU 'BAR BA DANG, RLUNG THAD KAR 'GRO BA DANG, RDUL PHRA RAB DANG, YID DAG NI MA MTHONG BAS BYED DU BCUG PA NA BSKAL PA DANG PO'I LAS BYED PA YIN PAS ME GYEN DU 'BAR BA DANG, RLUNG THAD KAR 'GRO BA LA SOGS PA GANG YIN PA 'DI NI CHOS DANG CHOS MA YIN PA'I MTHU YIN NO, ,PHYIR ZLOG PAR BYED DE ZHES BYA BA NI DE LTAR BYE BRAG PA DE DAG DBU MA PA LA PHYIR RGOL BA NYID DU GNAS PAR BYED PA STE, SNGAR BSTAN MA THAG PA'I SGRUB PA DE NYID LA GNAS PAR BYED CES BYA BA'I THA TSIG GO, ,JI LTAR PHYIR ZLOG PAR BYED CE NA, DE'I PHYIR GZHAN YIN PA'I PHYIR ZHES BYA BA GTAN TSIGS KYI DON YON TAN YIN PAR RTOG NA NI RANG LA MA GRUB PA'I DON NYID DO, ,DE LAS GZHAN PA'I DON YIN PAR RTOG NA NI GRAGS PA'I GNOD PAR 'GYUR RO ZHES BYA BA SMRAS TE, GZHAN YIN PA'I PHYIR ZHES BYA BA NI DBU MA PA'I SBYOR BA'I TSIG LAS DON DAM PAR NANG GI SKYE MCHED RNAMS DE DAG GI RKYEN GZHAN DAG LA SKYE BA MED DE, GZHAN YIN PA'I PHYIR ZHES BYA BA DANG, DON DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE, GZHAN MA YIN PA'I PHYIR ZHES SMRAS PA GANG YIN PA STE, DBU MA PA'I GTAN TSIGS KYI DON GZHAN YIN PA'I PHYIR ZHES BYA BA DE'O, ,GTAN TSIGS KYI DON ZHES BYA BA YANG DBU MA PA'I GTAN TSIGS KYI DON TE GZHAN YIN PA'I PHYIR ZHES BYA BA DE NYID DO, ,YON TAN YIN PAR RTOG NA NI ZHES BYA BA NI DBU MA PA'I GTAN TSIGS KYI DON @94B GZHAN YIN PA'I PHYIR ZHES BYA BA DE BYE BRAG PA'I GRUB PA'I MTHA' LAS TSIG GI DON DRUG BYUNG BA LAS, YON TAN ZHES BYA BA'I NANG NAS GZHAN ZHES BYA BA DE YIN PAR RTOG NA NI RANG LA MA GRUB PA'I DON NYID YIN PAS MI RUNG NGO ZHES BYA BAR SBYAR RO, ,DE LA BYE BRAG PA'I GRUB PA'I MTHA' LAS 'BYUNG BA'I TSIG GI DON DRUG GANG ZHE NA, RDZAS DANG, YON TAN DANG, LAS DANG, SPYI DANG, BYE BRAG DANG, 'DU BA'O, ,DE LA RDZAS GANG ZHE NA, RNAM PA DGU STE, SA DANG, CHU DANG, ME DANG, RLUNG DANG, NAM MKHA' DANG, DUS DANG, PHYOGS DANG, BDAG DANG, YID DO, ,YON TAN GANG ZHE NA, RNAM PA NYI SHU RTZA BZHI STE, GZUGS DANG, DRI DANG, RO DANG, REG PA DANG, GRANGS DANG, BONG TSOD DANG, SO SO BA DANG, PHRAD BA DANG, BYE BA DANG, GZHAN DANG, GZHAN MA YIN PA DANG, MIG GI BLO DANG, RNA BA'I BLO DANG, SNA'I BLO DANG, LCE'I BLO DANG, LUS KYI BLO DANG, BDE BA DANG, SDUG BSNGAL BA DANG, 'DOD PA DANG, SDANG BA DANG, CHOS DANG, CHOS MA YIN PA DANG, BYAS PA'I SHUGS DANG, 'BAD PA'O, ,LAS GANG ZHE NA, RNAM PA LNGA STE, 'DEGS PA DANG, 'JOG PA DANG, BSKUM PA DANG, BRKYANG PA DANG, 'GRO BA'O, , SPYI GANG ZHE NA, YOD PA STE SPYI CHEN PO DANG, NYI TSE'I SPYI'O, ,BYE BRAG GANG ZHE NA, DE LAS BYE BRAG TU DBYE BA'O, ,'DU BA GANG ZHE NA, 'DI DANG 'DIR 'DU BA'O, ,DE LTAR BYE BRAG PA'I TSIG GI DON DRUG PO DE DAG LAS, YON TAN NYI SHU RTZA BZHI'I NANG NAS, GZHAN ZHES BYA BA DE DANG LDAN NA NI RDUL PHRA RAB DE DAG KYANG GZHAN ZHES BRJOD PA YIN LA, GZHAN DE DANG MI LDAN NA NI RDUL PHRA RAB DE DAG KYANG GZHAN MA YIN PA ZHES BRJOD PA YIN PAS, 'DIR DBU MA PA KHYOD KYI GTAN TSIGS GZHAN YIN PA'I PHYIR ZHES BYA BA DE YANG BYE BRAG PA'I TSIG GI DON DRUG PO DE DAG LAS YON TAN NYI SHU RTZA BZHI'I NANG NAS GZHAN ZHES BYA BA DE DANG LDAN PAS NANG GI SKYE MCHED RNAMS DE DAG GI RKYEN GZHAN DAG LAS SKYE BA MED PA DANG, GZHAN BRJOD PAR 'DOD PA MIG LA SOGS PA'I NANG GI SKYE MCHED 'GRUB PAR BYED PA DAG RKYEN MA YIN PAR NGES TE ZHES BYA BAR RTOG GAM ZHES ZER RO, ,RANG LA @95A *, ,MA GRUB PA'I DON NYID DO ZHES BYA BA NI DE LTAR KHYOD KYI GTAN TSIGS KYI DON GZHAN YIN PA'I PHYIR ZHES BYA BA DE KHO BO CAG GI GRUB PA'I MTHA' LAS BYUNG BA'I TSIG GI DON DRUG PO DE DAG LAS YON TAN NYI SHU RTZA BZHI'I NANG NAS GZHAN ZHES BYA BA DE DANG LDAN PAS KHYOD NANG GI SKYE MCHED RNAMS DE DAG GI RKYEN GZHAN DAG LAS SKYE BA MED PA DANG, GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES PAR RTOG NA, DE LTA NA NGED KYI GRUB PA'I MTHA' LAS 'BYUNG BA'I GZHAN DES KHYOD RANG LA MA GRUB PA'I DON NYID YIN PAS, DE'I PHYIR KHYOD KYI GTAN TSIGS DE GANG YANG RUNG BA LA MA GRUB PA NYID YIN PAS MI RUNG NGO, ,DE LAS GZHAN PA'I DON YIN PAR RTOG NA NI ZHES BYA BA NI, 'ON TE DBU MA PA'I GTAN TSIGS KYI DON GZHAN YIN PA'I PHYIR ZHES BYA BA DE DAG BYE BRAG PA'I GRUB PA'I MTHA' LAS TSIG GI DON DRUG 'BYUNG BA'I NANG NAS YON TAN ZHES BYA BA DE LAS GZHAN PA'I DON YIN PAR RTOG NA NI 'JIG RTEN LA GRAGS PA DANG 'GAL BA'I GNOD PAR 'GYUR BAS MI RUNG NGO ZHES BYA BAR SBYAR RO, ,DE LA BYE BRAG PA'I GRUB PA'I MTHA' LAS GZHAN PA'I DON YIN PAR RTOG NA NI 'BRAS BU NANG GI SKYE MCHED RNAMS KYI RKYEN GZHAN MER MER PO DANG NUR NUR PO LA SOGS PA DANG, 'BRAS BU MYU GU LA SOGS PA PHYI ROL GYI SKYE MCHED RNAMS KYI RKYEN GZHAN SA BON LA SOGS PA DE DAG GZHAN YIN PA'I PHYIR 'BRAS BU YANG DE DAG GI RKYEN GZHAN DAG LAS SKYE BA MED PA DANG, RKYEN GZHAN DAG KYANG RKYEN MA YIN PAR RTOG PA'O, ,GRAGS PA'I GNOD PAR 'GYUR RO ZHES BYA BA NI DE LTAR KHYOD KYI GTAN TSIGS KYI DON GZHAN YIN PA'I PHYIR ZHES BYA BA DE, 'BRAS BU RNAMS RKYEN LAS GZHAN YIN PA'I PHYIR DE DAG GI RKYEN GZHAN DAG LAS SKYE BA MED PA DANG, RKYEN RNAMS KYANG 'BRAS BU LAS GZHAN YIN PA'I PHYIR RKYEN MA YIN PAR RTOG NA, DE LTA NA 'JIG RTEN NA BA LANG RDZI'I CHUNG MA YAN CHAD LA YANG 'BRAS BU RNAMS DE DAG GI RKYEN GZHAN DAG LAS SKYE BA DANG, RKYEN GZHAN DAG 'BRAS BU'I RKYEN GZHAN YIN PAR GRAGS PA DANG 'GAL BA'I GNOD PAR 'GYUR @95B BAS DE'I PHYIR, KHYOD KYI GTAN TSIGS DE LA 'JIG RTEN LA GRAGS PA DANG 'GAL BA'I GNOD PA YOD PAS MI RUNG NGO ZHE'O ZHES BYA BA NI BYE BRAG PA DAG LAS GZHAN RDUL PHRA RAB DAG KHO NA LAS, RDUL PHRA MO GNYIS LA SOGS PA'I RIM GYIS SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PA MNGON PAR 'DOD PA DAG DE SKAD CES ZER ZHING, DBU MA PA LA PHYIR RGOL BA NYID DU GNAS PA ZLOG PAR BYED NA'O, ,DE SKAD CES ZER BA DE'I LAN DU 'DIR 'GREL PA BYED PAS, DE NI BZANG PO MA YIN TE, GZHAN GYI BLO'I RGYU SPYI'I CHOS GRUB PA KHO NA STE, GTAN TSIGS NYID SPYIR BRJOD PA'I PHYIR DANG, DE YON TAN NYID DAM GZHAN NYID YIN PAR SEMS PA YANG GZHAN YIN PA'I PHYIR RO, ,GRAGS PA'I GNOD PAR YANG MI 'GYUR TE, DAM BCAS PA KHYAD PAR CAN YIN PA'I PHYIR RO, ,DON DAM PAR SA'I RDUL PHRA RAB DAG SA ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR, DPER NA ME'I RDUL PHRA RAB DAG BZHIN NO, ,DE BZHIN DU ME'I RDUL PHRA RAB DAG KYANG ME'I RDZAS RTZOM PAR BYED PA MA YIN TE ZHES BYA BA LA SOGS PA YANG BRJOD PAR BYA'O ZHES BYA BA SMRAS TE, 'DIR NI SNGAR BYE BRAG PA DAG NA RE, DBU MA PA'I GTAN TSIGS KYI DON GZHAN YIN PA'I PHYIR ZHES BYA BA DE YON TAN YIN PAR RTOG NA NI RANG LA MA GRUB PA'I DON NYID DO, ,DE LAS GZHAN PA'I DON YIN PAR RTOG NA NI GRAGS PA'I GNOD PAR 'GYUR RO ZHES ZER BA DE BZANG PO MA YIN TE, SUN 'BYIN PA LTAR SNANG BA YIN NO ZHES STON TO, ,DE LA DE NI BZANG PO MA YIN TE ZHES BYA BA NI BYE BRAG PA JI SKAD SMRAS PA DE NI SUN 'BYIN PA MA YIN TE, SUN 'BYIN PA LTAR SNANG BA YIN NO ZHES BYA BA'I THA TSIG GO, ,SUN 'BYIN PA LTAR SNANG BA NYID YIN PAR BSTAN PA'I PHYIR GZHAN GYI BLO'I RGYU SPYI'I CHOS GRUB PA KHO NA STE ZHES BYA BA LA SOGS PA SMRAS SO, ,DE LA GZHAN GYI BLO'I RGYU ZHES BYA BA NI GZHAN NYID YIN PAR SHES PA'I BLO SKYE BA'I RGYU DANG RGYU MTSAN DANG BYED RGYU NI GZHAN GYI BLO'I RGYU STE, 'DI LTA STE, SKYE MCHED RNAMS DANG DE DAG GI RKYEN RNAMS SO, ,DE DAG GI SPYI ZHES BYA BA NI CHOS TE, GZHAN GYI BLO'I RGYU SKYE @96A *, ,MCHED RNAMS DANG DE DAG GI RKYEN RNAMS KYI SPYI'O, ,SPYI DE'I CHOS ZHES BYA BA NI SPYI'I TSOGS DE'I CHOS GANG YIN PA STE, 'DI LTA STE, SKYE MCHED RNAMS LAS KYANG RKYEN RNAMS GZHAN NYID YIN LA, RKYEN RNAMS LAS KYANG SKYE MCHED RNAMS GZHAN NYID YIN PA'O, ,SPYI DE'I CHOS GRUB PA KHO NA STE ZHES BYA BA NI SKYE MCHED DE YANG RKYEN DE DAG GI GZHAN NYID KHO NA YIN LA, RKYEN DE DAG KYANG SKYE MCHED DE'I GZHAN NYID KHO NA YIN PAS DE'I PHYIR SPYI DE'I CHOS GRUB PA KHO NA YIN NO, ,GZHAN GYI BLO'I RGYU SPYI'I CHOS GRUB PA KHO NA STE ZHES BYA BA 'DI NI PHYOGS YIN NO, ,JI LTAR NA GZHAN GYI BLO'I RGYU SPYI'I CHOS DE GRUB PA KHO NA YIN ZHE NA, DE'I PHYIR GTAN TSIGS NYID SPYIR BRJOD PA'I PHYIR ZHES BYA BA SMRAS TE, 'DI NI PHYOGS KYI CHOS YIN NO, ,DE LA GTAN TSIGS NYID CES BYA BA NI DBU MA PA'I GTAN TSIGS GZHAN YIN PA'I PHYIR ZHES BYA BA'O, ,SPYIR BRJOD PA'I PHYIR ZHES BYA BA NI BYE BRAG PA'I GRUB PA'I MTHA' LAS 'BYUNG BA'I YON TAN YIN NO ZHE'AM, DE LAS GZHAN PA'I DON YIN NO ZHES BYA BAR BYE BRAG TU KHAS MA BLANGS PAR BDAG NYID CES BYA BA SPYI THUN MONG GANG YIN PA DE GTAN TSIGS NYID DU BRJOD PA'I PHYIR, GZHAN GYI BLO'I RGYU SPYI'I CHOS GRUB PA KHO NA YIN PAS GZHAN NYID CES BYA BA'I DON DBU MA PA RANG LA MA GRUB PA'I DON NYID MA YIN PAS, KHYED BYE BRAG PA NA RE, GTAN TSIGS KYI DON YON TAN YIN PAR RTOG NA NI RANG LA MA GRUB PA'I DON NYID DO ZHES ZER BA DE NI SUN 'BYIN PA LTAR SNANG BA YIN NO ZHES BYA BAR GNAS SO, ,DE YON TAN NYID DAM GZHAN NYID YIN PAR SEMS PA YANG SEMS PA GZHAN YIN PA'I PHYIR RO ZHES BYA BA NI SNGAR BYE BRAG PA KHYED NA RE, GZHAN YIN PA'I PHYIR ZHES BYA BA'I GTAN TSIGS KYI DON TE, BYE BRAG PA'I GRUB PA'I MTHA' LAS 'BYUNG BA'I YON TAN YIN PAR RTOG GAM, DE LAS GZHAN PA'I DON YIN PAR RTOG CES KHYED DE LTAR SEMS PA DE NI BSAM PA GZHAN YIN PA'I PHYIR GNAS SKABS 'DIR DNGOS PO RNAMS GZHAN LAS SKYE BA MED PA'I GTAN TSIGS KYI MTSAN NYID BSAM PA 'DI LA MI DGOS SO ZHES BYA BA'I THA TSIG GO, ,GRAGS PA'I GNOD PAR MI 'GYUR TE, ,ZHES BYA BA NI, @96B SNGAR BYE BRAG PA DAG NA RE GZHAN YIN PA'I PHYIR ZHES BYA BA'I GTAN TSIGS KYI DON YON TAN LAS GZHAN PA'I DON YIN PAR RTOG NA NI GRAGS PA'I GNOD PAR 'GYUR RO ZHES ZER BA DE GRAGS PA'I GNOD PAR YANG MI 'GYUR TE ZHES DAM 'CHA' ZHING DE SUN 'BYIN BA LTAR SNANG BA YIN NO ZHES BSGRUB PA STE, DE YANG PHYOGS YIN NO, ,JI LTAR NA GRAGS PA'I GNOD PAR YANG MI 'GYUR ZHE NA, DE'I PHYIR DAM BCAS PA KHYAD PAR CAN YIN PA'I PHYIR ZHES BYA BA SMRAS TE, 'DI NI PHYOGS KYI CHOS YIN NO, ,DE LA DAM BCAS PA KHYAD PAR CAN YIN PA'I PHYIR ZHES BYA BA NI GANG GI PHYIR DON DAM PAR SKYE MCHED RNAMS GZHAN LAS SKYE BA MED DO ZHES SMRAS PA GANG YIN PA DES KUN RDZOB TU YANG SKYE MCHED RNAMS GZHAN LAS SKYE BA MED DO ZHES ZLOG PAR MI BYED PA DE'I PHYIR GRAGS PA'I GNOD PAR 'GYUR BA'I SKABS MED DO, ,DA NI SNGAR GZHAN DAG 'DI SNYAM DU PHYI ROL GYI DNGOS PO RNAMS KYI SKYE BAM BKAG PA DES NA NANG GI DNGOS PO RNAMS KYI SKYE BA YANG GNOD BA MED DO SNYAM DU SEMS PA GANG YIN PA DE DAG GI PHYIR, BYE BRAG PA DAG LAS GZHAN RDUL PHRA RAB DAG KHO NA LAS RDUL PHRA MO GNYIS LA SOGS PA'I RIM GYIS, SA DANG CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PAR MNGON PAR 'DOD PA JI SKAD SMOS PA DAG DGAG PAR BYA STE, DE'I PHYIR DON DAM PAR SA'I RDUL PHRA RAB DAG SA ZHES BYA BA'I RDZAS RTZOM PAR BYED PA MA YIN TE RDUL PHRA RAB YIN PA'I PHYIR, DPER NA ME'I RDUL PHRA RAB DAG BZHIN NO ZHES BYA BA LA SOGS PA SMRAS SO, ,DON DAM PAR ZHES BYA BA NI SNGAR GZHAN MA YIN PA NI 'DIR THAMS CAD DON DAM PAR BKAG STE, NGES PAR GZUNG BA'I PHYIR RO, ,GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYIS BZHED PA MCHOG YIN PA'I PHYIR RO ZHES ZER RO ZHES SMRAS PAS, 'DIR RDUL PHRA RAB DAG PA LA SOGS PA'I RDZAS RTZOM PAR BYED PA MA YIN PAR DGAG PA YANG DON DAM PAR DGAG GO ZHES BYA BAR SBYAR RO, ,DE LA DON DAM PAR ZHES BYA BA NI DON DAM PAR RDUL PHRA RAB DAG SA LA SOGS @97A *, ,PA'I RDZAS RTZOM PAR BYED PA RDZAS DANG DNGOS PO DANG GZHI'I SGO NAS DGAG PA STE, DE YANG KUN RDZOB KYI BDEN PA LA GNAS NAS DON DAM PA'I YUL LA DGAG PAR BYA BA YIN GYI, DON DAM PA NYID DU NI BRJOD PA MED PA'I PHYIR DGAG PA'I THA SNYAD KYANG MED DO, ,DE LA SA'I RDUL PHRA RAB DAG CES BYA BA 'DI NI CHOS CAN YIN TE, 'DI DAG LA BSGRUB PAR BYA BA CHOS ZHES BYA BA'I RDZAS RTZOM PAR BYED PA MA YIN TE ZHES BYA BA DANG, SGRUB PA'I CHOS RDUL PHRA RAB YIN PA'I PHYIR ZHES BYA BA DE GNYIS YOD PA'I PHYIR CHOS CAN ZHES BYA'O, ,SA ZHES BYA BA'I RDZAS RTZOM PAR BYED PA MA YIN TE ZHES BYA BA 'DI NI BSGRUB PAR BYA BA CHOS YIN TE, SA'I RDUL PHRA RAB DAG SA ZHES BYA BA'I RDZAS RTZOM PAR BYED PA'I RGYU MA YIN PAR DAM BCAS PA YIN PA'I PHYIR BSGRUB PAR BYA BA CHOS ZHES BYA'O, ,SA ZHES BYA BA'I RDZAS ZHES BYA BA NI BYE BRAG PA DAG GIS YONGS SU BRTAGS PA'I SA'I RDZAS GANG LAS ZHES BYA BA'I MING YOD PA DE NI SA ZHES BYA BA'I RDZAS YIN NO, ,RTZOM PAR BYED PA MA YIN TE ZHES BYA BA NI CHA SHAS SA'I RDUL PHRA RAG CES BYA BA DAG CHA SHAS CAN GYI RDZAS SA ZHES BYA BA RTZOM PAR BYED PA'I RGYU MA YIN PA'O, ,RDUL PHRA RAB YIN PA'I PHYIR ZHES BYA BA DE NI SGRUB PA'I CHOS YIN TE, SA'I RDUL PHRA RAB KHYAD PAR CAN DAG CI'I PHYIR SA ZHES BYA BA'I RDZAS RTZOM PAR BYED PA MA YIN ZHE NA, RDUL PHRA RAB SPYI YIN PA'I PHYIR TE, 'DIR YANG KHYAD PAR CAN PHYOGS SU BYAS PA LA SPYI'I PHYOGS KYI CHOS SU BSTAN PAS, DAM BCAS PA'I DON GYI PHYOGS GCIG GTAN TSIGS NYID DU GRUB BO, ,DPER NA ME'I RDUL PHRA RAB DAG BZHIN NO ZHES BYA BA 'DI NI DPE STE, DPER NA ME'I RDUL PHRA RAB DAG LA RDUL PHRA RAB DAG CES BYA BA SPYI YOD PA'I PHYIR, ME'I RDUL PHRA RAB DAG SA ZHES BYA BA'I RDZAS RTZOM PAR BYED PA MA YIN PA BZHIN DU, SA'I RDUL PHRA RAB DAG LA YANG RDUL PHRA RAB CES BYA BA'I SPYI YOD PA'I PHYIR, SA'I RDUL PHRA RAB DAG KYANG SA ZHES BYA BA'I RDZAS RTZOM PAR BYED PA MA YIN NO, ,'DI SKAD BSTAN TE, DPER NA SNYAN TSIG GI SGRA MI RTAG STE SGRA YIN PA'I PHYIR, DPER NA RNGA BO CHE'I SGRA BZHIN NO ZHES BYA BAS SNYAN TSIG DANG RNGA BO @97B CHE'I SGRA KHYAD PAR CAN PHYOGS SU BYAS PA LA, SGRA SPYI'I PHYOGS KYI CHOS YIN PAR BSTAN PAS DE DAM BCAS PA'I DON GYI PHYOGS GCIG YIN YANG GTAN TSIGS SU RUNG BA DE BZHIN DU 'DIR YANG GZHAN GYIS YONGS SU BRTAGS PA'I SA'I RDUL PHRA RAB KHYAD PAR CAN DAG PHYOGS SU BYAS PA LA, RDUL PHRA RAB SPYI'I PHYOGS KYI CHOS YIN PAR BSTAN PAS, DE DAM BCAS PA'I DON GYI PHYOGS GCIG YIN YANG GTAN TSIGS SU RUNG BAR BSTAN TO, ,DE BZHIN DU ME'I RDUL PHRA RAB DAG KYANG ME'I RDZAS RTZOM PAR BYED PA MA YIN TE ZHES BYA BA LA SOGS PA YANG BRJOD PAR BYA'O ZHES BYA BAS NI 'DI SKAD BSTAN TE, JI LTAR DON DAM PAR SA'I RDUL PHRA RAB DAG SA ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR, DPER NA MI'I RDUL PHRA RAB DAG BZHIN NO ZHES BSTAN PA DE BZHIN DU, DON DAM PAR CHU'I RDUL PHRA RAB DAG KYANG CHU ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR, DPER NA RLUNG GI RDUL PHRA RAB DAG BZHIN NO, ,DON DAM PAR ME'I RDUL PHRA RAB DAG KYANG ME ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR, DPER NA CHU'I RDUL PHRA RAB DAG BZHIN NO, , DON DAM PAR RLUNG GI RDUL PHRA RAB DAG KYANG RLUNG ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR, DPER NA SA'I RDUL PHRA RAB DAG BZHIN NO ZHES BRJOD PAR BYA STE, 'DI LA GANG LA RDUL PHRA RAB NYID MTHONG BA DE LA RLUNG GI RDZAS RTZOM PAR BYED PA NYID MA MTHONG STE, DPER NA SA'I RDUL PHRA RAB DAG BZHIN NO ZHES KHYAD PAR CAN PHYOGS SU BYAS PA LA, SPYI PHYOGS KYI CHOS YIN PAR BSTAN PAS NGES PAR DAM BCAS PA'I DON GYI PHYOGS GCIG YIN YANG GTAN TSIGS NYID DU RUNG BAS SHES PAR BYA'O, ,DE BZHIN DU PHYI ROL GYI BUM PA DANG SNAM BU DANG SHING RTA DANG MYU GU LA SOGS PA RGYU RKYEN SO SOR NGES PA LAS SKYE BA RNAMS KYI DGAG PA YANG CI RIGS PAR KHONG DU CHUD PAR BYA'O,, ,,BAM PO BCU GCIG PA, GZHAN LAS SKYE BA SPYIR DGAG PA 'DIS GZHAN GYI SDE PA DAG 'BA' ZHIG GIS BKAG PA KHO NAR MA ZAD KYI, 'DI LTAR RANG GI SDE PA @98A *, ,DAG GI YANG BKAG PA DE'I PHYIR, 'DIR CHOS MNGON PA PA DAG NA RE, GZHAN NYID CES BYA BA GAL TE 'BRAS BU'I NUS PAS STONG PA NYID LA BYA BA NI GTAN TSIGS KYI DON MA GRUB PA NYID DO, ,GAL TE DES MI STONG PA NYID LA BYA NA NI DPE SGRUB PA'I CHOS DANG MI LDAN PAR 'GYUR RO ZHES ZER RO ZHES BYA BA SMRAS TE, 'DIR NI DBU MA PA'I GTAN TSIGS GZHAN NYID CES BYA BA DANG, DPE BUM PA DANG RGYU SPUN LA SOGS PA BZHIN NO ZHES BYA BA DE LA NYAN THOS BYE BRAG TU SMRA BA DAG NA RE, GTAN TSIGS KYI DON MA GRUB PA DANG, DPE SGRUB PA'I CHOS DANG MI LDAN PA YIN NO ZHES ZER BA STON TO, ,DE LA CHOS MNGON PA PA DAG CES BYA BA NI SDE PA DAG LAS GRUB PA'I MTHA' CHOS MNGON PA ZHES BYA BA YOD PA DE DAG NI CHOS MNGON PA PA DAG STE, DE DAG KYANG NYAN THOS BYE BRAG TU SMRA BA DAG YIN NO, ,NA RE ZHES BYA BA NI NYAN THOS BYE BRAG TU SMRA BA DE DAG NA RE, DBU MA PA'I GTAN TSIGS GZHAN NYID CES BYA BA DANG, DPE BUM PA DANG RGYU SPUN LA SOGS PA BZHIN NO ZHES BYA BA DE LA GTAN TSIGS KYI DON MA GRUB PA DANG, DPE SGRUB PA'I CHOS DANG MI LDAN PA YIN NO ZHES ZER BAR SBYAR RO, ,GZHAN NYID CES BYA BA NI SNGAR DBU MA PAS DON DAM PAR NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE, GZHAN YIN PA'I PHYIR, DPER NA BUM PA BZHIN NO ZHES BYA BA DANG, DON DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES SBYOR BA'I TSIG RNAM PA GNYIS BYAS PAS SKYE MCHED RNAMS RKYEN GZHAN DAG LAS SKYE BA MED PA DANG, RKYEN GZHAN DAG SKYE MCHED RNAMS KYI RKYEN MA YIN PA'I GTAN TSIGS SU GZHAN NYID CES BYA BA BSTAN PA GANG YIN PA DE'O, ,NYAN THOS BYE BRAG TU SMRA BA DE DAG RKYEN RNAMS LA 'BRAS BU'I NUS PA 'DI LTAR TSOL BAR BYED DE, DE DAG ,GCIG NI 'PHEN PA'I LAS YIN TE, ,GNYIS PA YONGS SU RDZOGS PAR BYED, ,CES ZER RO ZHES GRAGS PAS DE'I PHYIR 'PHEL BA'I LAS KYIS NI MER MER PO'I GNAS SKABS SU MIG LA SOGS PA'I NUS @98B PA 'PHEL BAR BYED DO, ,YONGS SU RDZOGS PAR BYED PA'I LAS KYIS NI MIG LA SOGS PA YONGS SU RDZOGS PAR BYED CING DBANG PO MA TSANG BAR MI 'GYUR BAR BYED DO, ,DE LTAR NA SKYE MCHED RNAMS KYI NUS PA MER MER PO LA GNAS PA DE DAG LA LTOS NA MER MER PO LA SOGS PA GZHAN NYID YIN LA, MER MER PO LA SOGS PA LA LTOS NA YANG SKYE MCHED RNAMS KYI NUS PA GZHAN NYID YIN PAS, DE'I PHYIR DE NI 'BRAS BU'I NUS PAS MI STONG BA'I GZHAN NYID CES BYA'O, ,DE LTA BU MA YIN PA SKYE MCHED RNAMS KYI NUS PAS STONG PA DPER NA BUM PA DANG RGYU SPUN LA SOGS PA LA SKYE MCHED RNAMS KYI NUS PA MED PA LTA BU NI SKYE MCHED RNAMS LA LTOS NA BUM PA DANG RGYU SPUN LA SOGS PA GZHAN NYID YIN LA, BUM PA DANG RGYU SPUN LA SOGS PA LA LTOS NA YANG SKYE MCHED RNAMS GZHAN NYID YIN PAS DE'I PHYIR DE NI 'BRAS BU'I NUS PAS STONG PA'I GZHAN NYID CES BYA'O ZHES ZER BAS DE'I PHYIR 'DIR NYAN THOS BYE BRAG TU SMRA BA DAG NA RE, DBU MA PA'I GTAN TSIGS GZHAN NYID CES BYA BA DE 'BRAS BU'I NUS PAS STONG PA'I GZHAN NYID LA BYA'AM, 'ON TE DES MI STONG PA'I GZHAN NYID LA BYA ZHES GAL GNYIS RNAM PAR 'JOG PAR BYED DO ZHES BYA BAR SBYAR RO, ,GAL TE 'BRAS BU'I NUS PAS STONG PA NYID LA BYA NA NI ZHES BYA BA NI, DBU MA PA'I GTAN TSIGS GZHAN NYID CES BYA BA DE GAL TE 'BRAS BU MIG LA SOGS PA'I SKYE MCHED RNAMS KYI NUS PAS STONG PA'I GZHAN NYID CES BYA BA DPER NA GZHAN BUM PA DANG RGYU SPUN LA SOGS PA LTA BU DBU MA PA KHYOD KYI GTAN TSIGS NYID DU BRJOD NA NI ZHES GAL 'DZIN PA YIN NO, ,'BRAS BU'I NUS PAS STONG PA'I GZHAN NYID CES BYA BA DPER NA GZHAN BUM PA DANG RGYU SPUN LA SOGS PA LTA BU GTAN TSIGS NYID DU BRJOD NA CI NYES SHE NA, DE'I PHYIR GTAN TSIGS KYI DON MA GRUB PA NYID DO ZHES BYA BA SMRAS TE, SKYE MCHED RNAMS RKYEN 'BRAS BU'I NUS PAS STONG PA GZHAN DAG LAS SKYE BA MED PA DANG, RKYEN RNAMS KYANG 'BRAS BU'I NUS PAS STONG PA GZHAN DAG RKYEN MA YIN PAR SGRUB PA'I PHYOGS DE NYID LA GTAN TSIGS KYANG 'BRAS BU'I NUS PAS STONG PA GZHAN YIN PA'I PHYIR ZHES @99A *, ,GTAN TSIGS KHYAD PAR CAN GZHAN BRJOD NA NI GTAN TSIGS KYI DON 'GRUB PA ZHIG NA, PHYOGS DE GNYIS LA GTAN TSIGS GZHAN YIN PA'I PHYIR ZHES GZHAN SPYIR BRJOD PAS, 'DI LTAR DES NA SKYE MCHED RNAMS RKYEN 'BRAS BU'I NUS PAS STONG PA GZHAN DAG LAS SKYE BA MED KYANG 'BRAS BU'I NUS PAS MI STONG PA GZHAN DAG LAS SKYE BAR 'GYUR BA DANG, RKYEN RNAMS KYANG 'BRAS BU'I NUS PAS STONG PA GZHAN DAG RKYEN MA YIN YANG 'BRAS BU'I NUS PAS MI STONG BA GZHAN DAG RKYEN YIN PAR 'GYUR BAS SKYE BA MED PA DANG, RKYEN MA YIN PAR SGRUB PA'I GTAN TSIGS KYI DON 'KHRUL PA YOD PAS MA GRUB PA NYID DE, DPER NA SGRA RTAG STE MIG GIS GZUNG BA YIN PA'I PHYIR GZUGS BZHIN NO ZHES ZER BA BZHIN NO, ,GAL TE DES MI STONG PA NYID LA BYA NA NI ZHES BYA BA NI DBU MA PA'I GTAN TSIGS GZHAN NYID CES BYA BA STE, GAL TE 'BRAS BU MIG LA SOGS PA STE SKYE MCHED RNAMS KYI NUS PA DES MI STONG PA'I GZHAN NYID CES BYA BA MER MER PO LA SOGS PA LTA BU DBU MA PA KHYOD KYI GTAN TSIGS SU BRJOD NA NI ZHES GAL 'DZIN PA YIN NO, ,'BRAS BU'I NUS PAS MI STONG PA'I GZHAN NYID CES BYA BA MER MER PO LA SOGS PA LTA BU GTAN TSIGS NYID DU BRJOD NA NI CI NYES SHE NA, DE'I PHYIR DPE SGRUB PA'I CHOS DANG MI LDAN PAR 'GYUR RO ZHES BYA BA SMRAS TE, SKYE MCHED RNAMS RKYEN 'BRAS BU'I NUS PAS MI STONG PA GZHAN DAG LAS SKYE BA MED PA DANG, RKYEN RNAMS KYANG 'BRAS BU'I NUS PAS MI STONG PAS GZHAN DAG RKYEN MA YIN PAR SGRUB PA'I PHYOGS DE GNYIS LA, DPER YANG 'BRAS BU'I NUS PAS MI STONG PA SGRUB PA'I CHOS GZHAN NYID DANG LDAN PA LAS BLANGS NA NI DPE SGRUB PA'I CHOS DANG LDAN PAR 'GYUR BA ZHIG NA PHYOGS DE GNYIS LA DPE BUM PA DANG RGYU SPUN LA SOGS PA BZHIN NO ZHES 'BRAS BU MIG LA SOGS PA'I SKYE MCHED RNAMS KYI NUS PAS STONG PA'I BUM PA DANG RGYU SPUN LA SOGS PA LAS BLANGS PA 'DI LTAR DES NA 'BRAS BU SKYE MCHED NUS PAS MI STONG PA GZHAN NYID RKYEN MER MER PO LA SOGS PA GZHAN LAS SKYE BA MED PA'I DPE BUM PA 'BRAS BU'I NUS PAS STONG PA GZHAN NYID CES BYA BA DE YANG @99B SGRUB PA'I CHOS 'BRAS BU'I SKYE MCHED NUS PAS MI STONG PA DE DANG MI LDAN PA DANG, RKYEN MER MER PO LA SOGS PA 'BRAS BU'I NUS PAS MI STONG BA GZHAN NYID RKYEN MA YIN PA'I DPE RGYU SPUN LA SOGS PA 'BRAS BU'I NUS PAS STONG PA GZHAN NYID CES BYA BA DE YANG SGRUB PA'I CHOS MER MER PO LA SOGS PA 'BRAS BU'I NUS PAS MI STONG PA GZHAN NYID CES BYA BA DE DANG MI LDAN PAR 'GYUR BAS, DPE DANG GTAN TSIGS MI MTHUN PAS DPE SGRUB PA'I CHOS DANG MI LDAN PAR 'GYUR TE, DPER NA SGRA RTAG STE LUS MED PA'I PHYIR DPER NA RDUL PHRA RAB BZHIN NO ZHES ZER BA BZHIN NO ZHES BYA BA NI, NYAN THOS BYA BRAG TU SMRA BA DE SKAD CES ZER BA YIN NO, ,DE SKAD CES ZER BA'I LAN DU, 'DIR 'GREL PA BYED PAS GZHI GZHAN LA LTOS PA GZHAN NYID KYI BLO SKYED PA SPYI'I CHOS SPYIR BRJOD PA'I PHYIR, LTAG CHOD DE NI MA GRUB PA LTAR SNANG BA DANG, SGRUB PA DANG MI LDAN PA LTAR SNANG BA YIN NO ZHES BYA BA SMRAS TE, 'DIS NI DBU MA PAS GTAN TSIGS GZHAN NYID CES BYA BA DE 'BRAS BU'I NUS PAS STONG PA'I GZHAN NYID DAM DES MI STONG PA'I GZHAN NYID LA BYA'O ZHES BYE BRAG TU MA PHYE BAR SPYIR BRJOD PA'I PHYIR BYE BRAG TU SMRA BA'I LTAG CHOD GTAN TSIGS KYI DON MA GRUB PA NYID DO ZHES ZER BA DE YANG GSAL BA DANG DE KHO NA MA YIN TE, MA GRUB PA LTAR SNANG BA YIN LA, DPE SGRUB PA'I CHOS DANG MI LDAN PAR 'GYUR RO ZHES ZER BA DE YANG GSAL BA DANG DE KHO NA MA YIN TE, SGRUB PA DANG MI LDAN PA LTAR SNANG BA YIN NO ZHES STON TO, ,DE LA GZHI GZHAN LA LTOS PA GZHAN NYID KYI BLO SKYED PA SPYI'I CHOS SPYIR BRJOD PA'I PHYIR ZHES BYA BAS NI 'DI SKAD BSTAN TE, KHO BO'I GTAN TSIGS GZHAN NYID CES BYA BA DE NI 'BRAS BU'I NUS PAS STONG PA'I GZHAN NYID DAM DES MI STONG PA'I GZHAN NYID LA BYA'O ZHES BYE BRAG TU MA PHYE BAR GZHAN NYID CES BYA BA SPYIR BRJOD PA'I PHYIR NYES PA DE GNYI GA MED DO ZHES STON TO, ,DE LA GZHI ZHES BYA BA NI 'DI LA BYAS PA NYID DANG SKYE BA DANG LDAN PA NYID CES BYA BA LA SOGS PA CHOS DU MA DAG LA GNAS PAR BZHI STE, DE YANG 'DI LA STE, SKYE MCHED RNAMS DANG, RKYEN RNAMS DANG, BUM PA DANG, RGYU SPUN LA SOGS PA'O, , @100A *, ,GZHI DE NYID GZHAN LA LTOS PA YIN TE, 'DI LTAR GZHI LAS GZHAN PA'I GZHI GANG YIN PA DE NI GZHI GZHAN YIN LA, GZHI GZHAN DE LA LTOS PA'I GZHI GANG YIN PA DE NI GZHI GZHAN LA LTOS PA YIN PAS GZHI GZHAN LA LTOS PA STE, DE YANG 'DI LTA STE, SKYE MCHED RNAMS DANG, RKYEN RNAMS DANG, BUM PA DANG, RGYU SPUN LA SOGS PA'O, ,GZHI GZHAN LA LTOS PA DE NYID GZHAN NYID KYI BLO SKYED PA YIN TE, 'DI LTAR SKYE MCHED RNAMS KYANG RKYEN RNAMS DANG BUM PA DANG RGYU SPUN LA SOGS PA LAS GZHAN NYID YIN LA, RKYEN RNAMS KYANG SKYE MCHED RNAMS DANG BUM PA DANG RGYU SPUN LA SOGS PA LAS GZHAN NYID YIN, BUM PA YANG SKYE MCHED RNAMS DANG, RKYEN RNAMS DANG, RGYU SPUN LA SOGS PA LAS GZHAN NYID YIN, RGYU SPUN LA SOGS PA YANG SKYE MCHED RNAMS DANG, RKYEN RNAMS DANG BUM PA LAS GZHAN NYID YIN PAS DE GZHAN NYID KYANG YIN LA, DE LA 'JIG RTEN NA GZHAN NYID KYI BLO SKYED PAR BYED PA YANG YIN PAS, DE'I PHYIR GZHAN NYID KYI BLO SKYED PA STE, DE YANG 'DI LTA STE, SKYE MCHED RNAMS DANG, RKYEN RNAMS DANG, BUM PA DANG, RGYU SPUN LA SOGS PA'O, ,GZHI GZHAN LA LTOS PA GZHAN NYID KYI BLO SKYED PA DE NYID SPYI YIN TE, 'DI LTAR GZHAN NYID CES BYA BA GANG YIN PA STE SPYI LA YOD PA'I PHYIR TE, DE YANG 'DI LTA STE, SKYE MCHED RNAMS DANG, RKYEN RNAMS DANG, BUM PA DANG, RGYU SPUN LA SOGS PA'O, ,GZHI GZHAN LA LTOS PA GZHAN NYID KYI BLO SKYED PA SPYI DE'I CHOS ZHES BYA BA NI GZHAN NYID CES BYA BA STE, SKYE MCHED RNAMS DANG, RKYEN RNAMS DANG, BUM PA DANG, RGYU SPUN LA SOGS PA SPYI'I CHOS GZHAN NYID CES BYA BA KHO BO'I GTAN TSIGS SU BRJOD PA GANG YIN PA'O, ,SPYIR BRJOD PA'I PHYIR ZHES BYA BA NI KHO BO'I GTAN TSIGS GZHAN NYID CES BYA BA SPYI'I CHOS DE KHO BOS 'BRAS BU'I NUS PAS STONG PA'I GZHAN NYID DO ZHE'AM, DES MI STONG PA'I GZHAN NYID DO ZHES BYE BRAG TU MA PHYE BAR GZHAN NYID CES SPYIR GTAN TSIGS SU BRJOD PA'I PHYIR RO, ,DE LTAR KHO BO'I GTAN TSIGS GZHAN NYID CES BYA BA DE SPYIR BRJOD PA @100B DE'I PHYIR, KHYOD KYI LTAG CHOD DE NI MA GRUB PA LTAR SNANG BA DANG, SGRUB PA DANG MI LDAN PA SNANG BA YIN NO ZHES MJUG BSDU BAR BYA'O, ,DE LA LTAG CHOD DE NI ZHES BYA BA NI LOG THABS SU SMRA BA DE STE, SNGAR CHOS MNGON PA DAG NA RE, GZHAN NYID CES BYA BA GAL TE 'BRAS BU'I NUS PAS STONG PA NYID LA BYA NA NI GTAN TSIGS KYI DON MA GRUB PA NYID DO, ,GAL TE DES MI STONG PA NYID LA BYA NA NI DPE SGRUB PA'I CHOS DANG MI LDAN PAR 'GYUR RO ZHES ZER BA DE'O, ,MA GRUB PA LTAR SNANG BA ZHES BYA BA NI KHYOD LA KHO BO'I GTAN TSIGS KYI DON MA GRUB PA NYID KYI GSAL BA DANG DE KHO NA MED PAS MA GRUB PA LTAR SNANG BA YIN GYI, MA GRUB PA NYID MA YIN PA STE, KHO BOS GTAN TSIGS GZHAN NYID CES BYA BA DE 'BRAS BU'I NUS PA STONG PA'I GZHAN NYID LA BYA'O ZHES BYE BRAG TU MI BRJID PAS KHO BO'I GTAN TSIGS KYI DON GZHAN NYID CES BYA BA DE GRUB PA NYID YIN PA'I PHYIR RO, SGRUB PA DANG MI LDAN PA LTAR SNANG BA YIN NO ZHES BYA BA NI KHYOD LA KHO BO'I DPE SGRUB PA'I CHOS DANG MI LDAN PA'I GSAL BA DANG DE KHO NA MED PAS SGRUB PA DANG MI LDAN PA LTAR SNANG BA YIN GYI, SGRUB PA DANG MI LDAN PA NYID MA YIN PA STE, KHO BOS GTAN TSIGS GZHAN NYID CES BYA BA DE 'BRAS BU'I NUS PAS MI STONG PA'I GZHAN NYID LA BYA'O ZHES BYE BRAG TU MA BRJOD PAS, KHO BO'I DPE BUM PA DANG RGYU SPUN LA SOGS PA SGRUB PA'I CHOS GZHAN NYID CES BYA BA DANG LDAN PA KHO NA YIN PA'I PHYIR RO, ,GZHAN DAG NA RE, DON DAM PA PHYI DANG NANG GI SKYE MCHED RNAMS KHAS MA BLANGS PA'I PHYIR, CHOS CAN MA GRUB PAS GZHI MA GRUB PA'I PHYIR, KHYOD KYI MA GRUB PA'I DON NYID KYI SKYON DU 'GYUR RO ZHES ZER RO ZHES BYA BA 'DIS NI, MU STEGS RIGS PA CAN DAG NA RE, DBU MA PAS DON DAM PAR PHYI DANG NANG GI SKYE MCHED RNAMS KHAS MA BLANGS PA'I PHYIR, DPE DANG DNGOS KYI CHOS CAN MA GRUB PAS GTAN TSIGS KYI GZHI MA GRUB PA'I PHYIR, DBU MA PA'I GTAN TSIGS GZHAN NYID CES BYA BA MA GRUB PA'I DON NYID KYI SKYON DU 'GYUR RO ZHES ZER BA STON TO, ,DE LA GZHAN DAG CES BYA BA NI MU STEGS RIGS PA CAN DAG GO, ,NA RE ZHES BYA BA NI MU STEGS RIGS PA CAN @101A *, ,DAG NA RE, 'DI SKAD CES ZER RO ZHES BYA BAR SBYAR RO, ,DON DAM PAR PHYI DANG NANG GI SKYE MCHED RNAMS KHAS MA BLANGS PA'I PHYIR ZHES BYA BA NI DBU MA PAS DON DAM PAR PHYI ROL GYI SKYE MCHED RNAMS DANG NANG GI SKYE MCHED RNAMS KHAS MA BLANGS SHING YONGS SU MA BZUNG BA'I PHYIR RO, ,DE LTAR DON DAM PAR PHYI DANG NANG GI SKYE MCHED RNAMS KHAS MA BLANGS PA DE'I PHYIR, DBU MA PA KHYOD KYI CHOS CAN MA GRUB BO ZHES BYA BAR SBYAR RO, ,DE LA CHOS CAN MA GRUB CES BYA BA NI DON DAM PAR PHYI ROL GYI SKYE MCHED RNAMS KHAS MA BLANGS PA'I PHYIR, DPE'I CHOS CAN BUM PA DANG RGYU SPUN LA SOGS PA MA GRUB LA, NANG GI SKYE MCHED RNAMS KHAS MA BLANGS PA'I PHYIR, DNGOS KYI CHOS CAN MIG LA SOGS PA DANG, DE DAG GI RKYEN RNAMS MA GRUB BO, ,DE LTAR CHOS CAN MA GRUB PAS DBU MA PA KHYOD KYI GTAN TSIGS KYI GZHI MA GRUB BO ZHES BYA BAR SBYAR RO, ,DE LA GZHI MA GRUB CES BYA BA NI GTAN TSIGS GZHAN NYID CES BYA BA'I GZHI DPE DANG DNGOS KYI CHOS CAN MA GRUB PA'O, ,DE LTAR GZHI MA GRUB PA'I PHYIR DBU MA PA KHYOD KYI GTAN TSIGS GZHAN NYID CES BYA BA DE MA GRUB PA'I DON NYID KYI SKYON DU 'GYUR RO ZHES BYA BAR SBYAR RO, ,'DI SKAD BSTAN TE, DBU MA PAS DON DAM PAR PHYI ROL GYI SKYE MCHED RNAMS KHAS MA BLANGS PA'I PHYIR, DPE'I CHOS CAN BUM PA DANG RGYU SPUN LA SOGS PA MA GRUB LA, NANG GI SKYE MCHED RNAMS KHAS MA BLANGS PA'I PHYIR DNGOS KYI CHOS CAN MIG LA SOGS PA DANG DE DAG GI RKYEN KHYAD PAR CAN GYI PHYOGS MA GRUB BO, , DPE DANG DNGOS KYI CHOS CAN MA GRUB PAS GTAN TSIGS KYI GZHI MA GRUB PA'I PHYIR, DBU MA PA KHYOD KYI GTAN TSIGS GZHAN NYID CES BYA BA MA GRUB PA'I DON NYID KYI SKYON DU 'GYUR RO ZHES ZER RO, ,DE SKAD CES ZER BA DE'I LAN DU 'DIR 'GREL PA BYED PAS, THA SNYAD DU DE'I GZHI BUM PA DANG, MIG LA SOGS PA SKYE MCHED RNAMS DANG, GZHAN NYID KHAS BLANGS PA'I PHYIR JI SKAD SMOS PA'I SKYON MI 'THAD PAS DE NI RIGS PA MA YIN NO ZHES BYA BA SMRAS TE, 'DIS NI DBU MA PAS KUN RDZOB TU DPE DANG PHYOGS DANG, GTAN TSIGS KYI BUM PA DANG, MIG LA SOGS PA SKYE MCHED RNAMS DANG, GZHAN @101B NYID CES BYA BA DAG KHAS BLANGS PA'I PHYIR, DPE DANG KHYAD PAR CAN GYI PHYOGS GRUB PAS GTAN TSIGS KYI GZHI GRUB PA'I PHYIR, GTAN TSIGS MA GRUB PA'I SKYON JI SKAD SMRAS PA DE MI 'THAD PAS, RIGS PA CAN DAG GI TSIG DE NI RIGS PA MA YIN NO ZHES STON TO, ,DE LA THA SNYAD DU ZHES BYA BA NI KUN RDZOB TU'O, ,DE'I ZHES BYA BA NI DPE BRJOD PA DANG PHYOGS NYE BAR GZHAG PA DANG, GTAN TSIGS NYE BAR SBYAR BA'O, ,GZHI ZHES BYA BA NI GZHI DANG RTEN DANG GNAS ZHES BYA BA'I RNAM GRANGS SO, ,DE'I GZHI GANG ZHE NA, DE'I PHYIR BUM PA DANG MIG LA SOGS PA SKYE MCHED RNAMS DANG, GZHAN NYID CES BYA BA SMRAS TE, BUM PA ZHES BYA BA NI DPE BRJOD PA'I GZHI YIN LA, MIG LA SOGS PA'I SKYE MCHED RNAMS ZHES BYA BA NI PHYOGS NYE BAR GZHAG PA'I GZHI YIN, GZHAN NYID CES BYA BA NI GTAN TSIGS NYE BAR SBYAR BA'I GZHI YIN NO, ,KHAS BLANGS PA'I PHYIR ZHES BYA BA NI THA SNYAD DU DPE BRJOD PA'I GZHI BUM PA DANG PHYOGS NYE BAR GZHAG PA'I GZHI MIG LA SOGS PA'I SKYE MCHED RNAMS DANG, GTAN TSIGS NYE BAR SBYAR BA'I GZHI GZHAN NYID CES BYA BA DAG KHAS BLANGS PA'I PHYIR RO, ,DE LTAR THA SNYAD DU DE'I GZHI BUM PA DANG, MIG LA SOGS PA SKYE MCHED RNAMS DANG, GZHAN NYID KHAS BLANGS PA DE'I PHYIR, RIGS PA CAN KHYED KYIS JI SKAD SMRAS PA'I SKYON MI 'THAD PAS DE NI RIGS PA MA YIN NO ZHES MJUG BSDU BAR BYA'O, ,'DI SKAD BSTAN TE, KUN RDZOB TU KHO BO LA BUM PA LA SOGS PA YOD PAS DPE MED PA MA YIN LA, MIG LA SOGS PA'I SKYE MCHED RNAMS YOD PAS KHYAD PAR CAN GYI PHYOGS MA GRUB PA MA YIN PAS, GZHI GRUB PA'I PHYIR GTAN TSIGS GRUB PA NYID YIN PAS DE'I PHYIR GTAN TSIGS MA GRUB PA'I SKYON JI SKAD SMRAS PA DE MI 'THAD PAS, RIGS PA CAN DAG GI TSIG DE NI RIGS PA MA YIN NO, ,BSTAN BCOS 'DI NI THAMS CAD DU DPE LA SOGS PA MED PAR SKYON 'DOGS PA DAG LA THAMS CAD DU 'GREL PA BYED PA RANG NYID KYIS LAN GDAB PA'I TSUL 'DI NYID YIN PAR RIG PAR BYA'O, ,'DI LA GZHAN NI DNGOS PO RNAMS GZHAN LAS KYANG SKYE BA MED DE, CI'I PHYIR ZHE NA, THAMS CAD @102A *, ,LAS THAMS CAD SKYE BAR THAL BAR 'GYUR BA'I PHYIR RO ZHES RNAM PAR BSHAD PA BYED DO ZHES BYA BAS NI DNGOS PO RNAMS GZHAN LAS SKYE BA MED PAR SGRUB PA'I SKABS 'DI LA 'GREL PA BYED PA SLOB DPON BUDDHA P'A LI TA NI 'DI SKAD CES RNAM PAR BSHAD PA BYED DO ZHES BSTAN PA YIN NO, ,DE LA 'DI LA ZHES BYA BA NI DNGOS PO RNAMS GZHAN LAS SKYE BA MED PAR SGRUB PA'I PHYOGS 'DI LA'O, ,GZHAN NI ZHES BYA BA'I SGRA NI BSTAN BCOS 'DI'I 'GREL PA BYED PA MANG STE, 'DI LTA STE, SLOB DPON GYI ZHAL SNGA NAS DANG, GNAS BRTAN BUDDHA P'A LI TA DANG, TZANDRA K'IRTI DANG, DE BA SHA RMA DANG, GU nA SHR'I DANG, GU nA MA TI DANG, STHI RA MA TI DANG, SLOB DPON LEGS LDAN BYED NYID LA THUG PA'I BAR DAG YOD PA LAS, DE DAG PHAL LAS GZHAN PA STE, GNAS BRTAN BUDDHA P'A LI TA DANG SBYAR RO, ,GNAS BRTAN BUDDHA P'A LI TA NI DNGOS PO RNAMS GZHAN LAS KYANG SKYE BA MED DE, CI'I PHYIR ZHE NA, THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES RNAM PAR BSHAD PAR BYED DO, ,DE LA DNGOS PO RNAMS ZHES BYA BA NI PHYI DANG NANG GI SKYE MCHED RNAMS SO, ,GZHAN LAS KYANG SKYE BA MED DE ZHES BYA BA NI DNGOS PO RNAMS BDAG LAS SKYE BA MED PA 'BA' ZHIG TU MA ZAD DE, 'DI LTAR GZHAN LAS KYANG SKYE BA MED DO, ,CI'I PHYIR ZHE NA, GAL TE GZHAN LAS SKYE BAR GYUR NA, THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES BYA BA SMRAS TE, THAMS CAD LAS SKYE BAR THAL BAR 'GYUR BA'I PHYIR RO ZHES BYA BA NI RKYEN THAMS CAD LAS TE, JI LTAR MER MER PO LA SOGS PA LAS MIG LA SOGS PA SKYE BAR 'GYUR BA DE BZHIN DU 'BRU LA SOGS PA DANG, RGYU SPUN LA SOGS PA DANG, RTZI RKYANG LA SOGS PA LAS KYANG MIG LA SOGS PA SKYE BAR THAL BAR 'GYUR BA'I PHYIR RO, ,'DI LTAR 'BRU LA SOGS PA DE DAG KYANG MIG LA SOGS PA LAS GZHAN YIN PA'I PHYIR RO, ,THAMS CAD SKYE BAR THAL BAR 'GYUR BA'I PHYIR RO ZHES BYA BA NI 'BRAS BU THAMS CAD DE, JI LTAR MER MER PO LA SOGS PA LAS MIG LA SOGS PA SKYE BAR 'GYUR BA DE BZHIN DU, MER MER PO LA SOGS PA LAS MYU GU LA @102B SOGS PA DANG, SNAM BU LA SOGS PA DANG SAB MA LA SOGS PA SKYE BAR THAL BAR 'GYUR BA'I PHYIR TE, 'DI LTAR MYU GU LA SOGS PA DE DAG KYANG MER MER PO LA SOGS PA LAS GZHAN YIN PA'I PHYIR RO, ,DE LTA BAS NA DNGOS PO RNAMS GZHAN LAS SKYE BA MED DO ZHES GNAS BRTAN BUDDHA P'A LI TA NI DE SKAD DU RNAM PAR BSHAD PAR BYED DO, ,DES NA DE LA GLAGS YOD PA'I TSIG YIN PA'I PHYIR BSGRUB PAR BYA BA DANG, SGRUB PA BZLOG PAR BYAS NAS DNGOS PO RNAMS BDAG GAM GNYI GA'AM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BA'I PHYIR PHYOGS SNGA MA DANG 'GAL BAR 'GYUR RO, ,GZHAN DU NA YANG THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES BYA BA DE LA SGRUB PA DANG SUN DBYUNG BA NYID MED PA'I PHYIR, DE NI DON 'BREL PA MED PA YIN TE, DPER NA, GLA SGANG SLE TRES SKYU RU RA DAG RIMS LA PHAN, ,SMAD 'TSONG RNAMS LA SNYING DU SDUG PA 'GA' YANG MED, ,SMYIG MA'I SMYIG MDE'U DAG NI LCI ZHING KHA BAG YOD, ,ZLA BA'I 'OD ZER DAG NI TSA BA'I DUS NA BSIL, ,ZHES BYA BA LTA BUR 'GYUR RO ZHES BYA BA NI, 'GREL PA BYED PA NYID KYIS GNAS BRTAN BUDDHA P'A LI TAS RNAM PAR BSHAD PA DE RIGS PA MA YIN PAR SGRUB PA'I TSIG YIN NO, ,DE LA DES NA ZHES BYA BA NI GNAS BRTAN BUDDHA P'A LI TAS DE SKAD CES RNAM PAR BSHAD PA DES NA'O, ,DE LA ZHES BYA BA NI GNAS BRTAN BUDDHA P'A LI TA'I RNAM PAR BSHAD PA DE LA STE DE LA 'GREL PA BYED PA 'DIS SKYON 'DI MTHONG NGO, ,GLAGS YOD PA'I TSIG YIN PA'I PHYIR ZHES BYA BA NI, GNAS BRTAN BUDDHA P'A LI TAS RNAM PAR BSHAD PA DE NI RGOL BA GZHAN GYI GLAN KA'I GLAGS YOD PA'I PHYIR RIGS PA MA YIN NO ZHES BYA BA'I THA TSIG GO, ,JI LTAR GLAGS YOD PA'I TSIG YIN PA DE NYID BSTAN PA'I PHYIR, BSGRUB PAR BYA BA DANG SGRUB PA BZLOG PAR BYAS NA ZHES BYA BA SMRAS TE, BSGRUB PAR BYA BA ZHES BYA BA NI DNGOS PO RNAMS GZHAN LAS KYANG SKYE BA MED DE ZHES BYA BA'O, ,SGRUB PA ZHES BYA BA NI DNGOS PO RNAMS GZHAN LAS SKYE BA MED DE ZHES BYA BA NI SGRUB PA'I CHOS TE, THAMS CAD LAS THAMS CAD SKYE BAR THAL @103A *, ,BAR 'GYUR BA'I PHYIR RO ZHES BYA'O, ,DE GNYIS BZLOG PAR BYAS NA ZHES BYA BA NI BSGRUB PAR BYA BA DNGOS PO RNAMS GZHAN LAS KYANG SKYE BA MED DE ZHES BYA BA BZLOG PA BYAS NA, DNGOS PO RNAMS BDAG GAM GNYI GA'AM RGYU MED PA LAS SKYE BAR 'GYUR BA DANG, SGRUB PA THAMS CAD LAS THAMS CAD SKYE BAR THAL BAR 'GYUR RO ZHES BYA BA BZLOG PAR BYAS NA 'GA' ZHIG LAS 'GA' ZHIG SKYE BAR 'GYUR TE, DE'I PHYIR GNAS BRTAN BUDDHA P'A LI TA'I RNAM PAR BSHAD PA DE GLAGS YOD PA'I TSIG YIN PA'I PHYIR RIGS PA MA YIN NO, ,GAL TE DE LTAR DNGOS PO RNAMS BDAG GAM GNYI GA'AM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR NA NYES PA CI YOD CE NA, DE'I PHYIR PHYOGS SNGA MA DANG 'GAL BAR 'GYUR RO ZHES BYA BA SMRAS TE, 'DI LTAR SLOB DPON GYIS PHYOGS SNGA MA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES GSUNGS PAS, DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR ZHAL GYIS MA BZHES LA, GNAS BRTAN BUDDHA P'A LI TA'I RNAM PAR BSHAD PA 'DIS DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BAR RNAM PAR BSHAD PAS, SLOB DPON GYIS PHYOGS SNGA MA DE DANG 'GAL BAR 'GYUR RO, ,GAL TE GNAS BRTAN BUDDHA P'A LI TA PHYOGS SNGA MA DANG 'GAL BAR 'GYUR BA'I NYES PA DE SPANG BA'I PHYIR, 'DI SKAD CES KHO BO'I BSGRUB PAR BYA BA DANG, SGRUB PA MI BZLOG PAR SO NA BZHAG NA NYES PA CI YOD CES ZER NA DE'I PHYIR GZHAN DU NA YANG THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES BYA BA DE LA SGRUB PA DANG SUN DBYUNG BA NYID MED PA'I PHYIR, DE NI DON 'BREL PA MED PA YIN TE ZHES BYA BA SMRAS SO, ,DE LA GZHAN DU NA YANG ZHES BYA BA NI GNAS BRTAN BUDDHA P'A LI TA'I RNAM PAR BSHAD PA DE BSGRUB PAR BYA BA DANG, SGRUB PA MA BZLOG PAR SGRA JI BZHIN DU SO NA BZHAG NA YANG NGO, ,'O NA THAMS @103B CAD LAS THAMS CAD SKYE BAR THAL BAR 'GYUR BA'I PHYIR RO ZHES BYA BA DE LA NYES PA CI YOD CE NA, DE'I PHYIR DE LA SGRUB PA DANG SUN DBYUNG BA NYID MED PA'I PHYIR ZHES BYA BA SMRAS TE, GANG GI PHYIR 'DIR BSGRUB PAR BYA BA NI DNGOS PO RNAMS GZHAN LAS KYANG SKYE BA MED DE ZHES BYA BA DE YIN NA, GNAS BRTAN BUDDHA P'A LI TAS THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES RNAM PAR BSHAD PA DES NA, THAMS CAD LAS THAMS CAD SKYE BAR SMRAS PA DE PHYOGS KYI CHOS MA YIN PA'I PHYIR, DE LA RANG GI SGRUB PA NYID KYANG MED PA YIN LA, GNAS BRTAN BUDDHA P'A LI TA'I RNAM PAR BSHAD PA DE MNGON SUM LA SOGS PA DANG 'GAL BA PHYOGS KYI SKYON RNAMS LAS 'GA' YANG MA BRJOD PAS, DE LA GZHAN SUN DBYUNG BA NYID KYANG MED PA YIN PA'I PHYIR NYES PA YOD DO, ,SGRUB PA DANG SUN DBYUNG BA NYID MED PA'I NYES PA BSTAN PA'I PHYIR, DE NI DON 'BREL PA MED PA YIN TE ZHES BYA BA SMRAS TE, 'DI LTAR SNGAR DNGOS PO RNAMS GZHAN LAS SKYE BA MED DO ZHES SMRAS LA, DE'I 'OG TU THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES SMRAS PAS, DE LTAR GYUR NA RANG GIS SNGAR SKYE BA MED PAR SMRAS PA DANG, DE'I 'OG TU THAMS CAD LAS THAMS CAD SKYE BAR SMRAS PA GNYIS DON 'BREL PA MED PA NYID YIN PAS RNAM PAR BSHAD PA DE NI MI RUNG NGO, ,DON 'BREL PA MED PAS RNAM PAR BSHAD PA DE MI RUNG PA'I DPE BSTAN PA'I PHYIR, DPER NA GLA SGANG SLE TRES SKYU RU RA DAG RIMS LA PHAN, , SMAD 'TSONG RNAMS LA SNYING DU SDUG PA 'GA' YANG MED, ,SMYIG MA'I SMYIG MDE'U DAG NI LCI ZHING KHA BAG YOD, ,ZLA BA'I 'OD ZER DAG NI TSA BA'I DUS NA BSIL, ,ZHES BYA BA LTA BUR 'GYUR RO ZHES BYA BA SMRAS TE, DPER NA SMAN DPYAD DANG, 'DOD PA BSTEN PA DANG, G-YOS MKHAS DANG, DUS TSIGS KYI GNAS SKABS BSTAN PA'I TSIGS SU BCAD PA 'DI LA, RTZA BA BZHI PO DAG LTAG 'OG GI DON 'BREL PA MED PA DE BZHIN DU, GNAS BRTAN BUDDHA P'A LI TA'I RNAM PAR BSHAD PA DE BSGRUB PAR BYA BA DANG, SGRUB PA DAG MA BZLOG PAR SO NA BZHAG TU ZIN NA YANG @104A *, ,SNGAR DNGOS PO RNAMS GZHAN LAS KYANG SKYE BA MED DE ZHES SMRAS LA, DE'I 'OG TU THAMS CAD LAS THAMS CAD SKYE BAR THAL BAR 'GYUR RO ZHES BYA BA DE LA SGRUB PA DANG SUN DBYUNG BA NYID MED PA'I PHYIR, DE NI DON 'BREL PA MED PAS RNAM PAR BSHAD PA DE MI RUNG NGO, , DES NA DE LTAR DNGOS PO RNAMS GZHAN LAS SKYE BA MED DO ZHES BYA BA NI DNGOS PO RNAMS GZHAN LAS SKYE BA MED PAR BSTAN PA'I MJUG BSDU BA YIN NO, ,DE LA DES NA ZHES BYA BA NI RJES SU DPAG PA'I MTSAN NYID JI SKAD BSTAN PA DES NA'O, ,DE LTAR DNGOS PO RNAMS GZHAN LAS SKYE BA MED DO ZHES BYA BA NI DON DAM PAR PHYI DANG NANG GI DNGOS PO RNAMS GZHAN LAS SKYE BA MED PAR GRUB BO ZHES BSTAN PA YIN NO, ,DAM BCAS PA'I SPYI BKOD PA GNYIS PA BSHAD ZIN TO, ,DA NI DAM BCAS PA'I SPYI BKOD PAS GSUM PA BSGRUB PAR BYA STE, DE'I PHYIR GRANGS CAN DAG NI BYED RGYU RNAM PAR PHYE BA DANG, RNAM PAR MA PHYE BAS LA SOGS PA DANG, SA BON GYI MTSAN NYID DAG LAS 'BRAS BU MYU GU ZHES BYA BA SKYE'O ZHES SMRA ZHING, GNYIS LAS SKYE BAR SEMS PAS DE'I PHYIR DE DAG LA GNYIS LAS MA YIN ZHES BYA BA 'DI BKA' STZAL TO, ,BDAG DANG GZHAN GNYIS LAS MA YIN ZHES BYA BA'I THA TSIG GO ZHES BYA BA LA SOGS PA SMRAS SO, ,'DIS NI MU STEGS GRANGS CAN DAG DNGOS PO RNAMS BDAG DANG GZHAN GNYIS LAS SKYE BAR SEMS PA DGAG PA'I PHYIR, GNYIS LAS MA YIN ZHES BYA BA 'DI BSTAN TO ZHES BYA BAR SBYAR RO, ,'DI SKAD BSTAN TE, KHO BOS SNGAR DAM BCAS PA'I SPYI RNAM PA BZHI BKOD PA LAS DAM BCAS PA'I SPYI DANG DNGOS PO RNAMS BDAG LAS SKYE BA MED PA ZHES BYA BA DANG, DAM BCAS PA'I SPYI GNYIS PA DNGOS PO RNAMS GZHAN LAS SKYE BA MED PA ZHES BYA BA NI BSGRUBS ZIN TO, ,DE'I 'OG TU DA NI DAM BCAS PA SPYI'I BKOD PA GSUM PA DNGOS PO RNAMS GNYIS LAS SKYE BA MED PA ZHES BYA BA DE BSGRUB PAR BYA'O, ,DE LA GRANGS CAN DAG NI ZHES BYA BA NI MU STEGS GRANGS CAN DAG KHO NA'O, ,BYED RGYU ZHES BYA BA NI 'BRAS BU MYU GU ZHES BYA BA'I RGYU DANG RKYEN TE, RNAM PAR PHYE BA DANG RNAM PAR MA PHYE BA'O, ,RNAM @104B PAR PHYE BA ZHES BYA BA NI CHA THA DAD PAR RNAM PAR GNAS PA STE, SA LA SOGS PA'I RKYEN TO, ,RNAM PAR MA PHYE BA ZHES BYA BA NI CHA THA DAD PAR RNAM PAR GNAS PA MA YIN PA STE, SA BON RGYU'O, ,BYED RGYU RNAM PAR PHYE BA NYID BSTAN PA'I PHYIR, SA LA SOGS PA ZHES BYA BA SMRAS TE, SA DANG CHU DANG ME DANG RLUNG ZHES BYA BA DAG GO, ,BYED RGYU RNAM PAR MA PHYE BA NYID BSTAN PA'I PHYIR SA BON ZHES BYA BA SMRAS TE, NAS LA SOGS PA 'BRU RNAMS SO, ,MTSAN NYID CES BYA BA NI SA LA SOGS PA DANG SA BON GYI MTSAN NYID DO, ,DE DAG LAS ZHES BYA BA NI BYED RGYU RNAM PAR PHYE BA DANG, RNAM PAR MA PHYE BA SA LA SOGS PA DANG, SA BON GYI MTSAN NYID DE DAG LAS SO, ,'BRAS BU MYU GU ZHES BYA BA SKYE'O ZHES SMRA ZHING ZHES BYA BA NI 'BRAS BU GANG LA MYU GU ZHES BYA BA'I MING YOD PA DE NI 'BRAS BU MYU GU ZHES BYA BA'O, ,SKYE'O ZHES SMRA ZHING ZHES BYA BA NI MU STEGS GRANGS CAN DAG BYED RGYU RNAM PAR PHYE BA DANG, RNAM PAR MA PHYE BA SA LA SOGS PA DANG, SA BON GYI MTSAN NYID DAG LAS 'BRAS BU MYU GU ZHES BYA BA SKYE'O ZHES SMRA ZHING NGO, ,GNYIS LAS SKYE BAR SEMS PAS ZHES BYA BA NI DNGOS PO RNAMS BDAG DANG GZHAN GNYIS LAS SKYE BAR SEMS PA STE, GANG GI PHYIR BYED RGYU RNAM PAR MA PHYE BA SA BON GYI MTSAN NYID LAS 'BRAS BU MYU GU ZHES BYA BA'I MTSAN NYID THA MI DAD PA DE'I PHYIR DNGOS PO RNAMS BDAG LAS SKYE BA DANG GANG GI PHYIR BYED RGYU RNAM PAR PHYE BA SA LA SOGS PA'I MTSAN NYID DAG 'BRAS BU MYU GU ZHES BYA BA'I MTSAN NYID LAS THA DAD PA DE'I PHYIR DNGOS PO RNAMS GZHAN LAS SKYE BA DANG, DE BZHIN DU GANG GI PHYIR BYED RGYU RNAM PAR MA PHYE BA 'JIM PA DANG, RGYU SPUN DANG, RTZI RKYANG LA SOGS PA'I MTSAN NYID DAG LAS 'BRAS BU BUM PA DANG SNAM BU DANG SAB MA LA SOGS PA'I MTSAN NYID THA MI DAD PA DE'I PHYIR, DNGOS PO RNAMS BDAG LAS SKYE BA DANG, GANG GI PHYIR BYED RGYU'I RNAM PAR PHYE BA MYU GU DANG, 'KHOR LO LA SOGS PA DANG, TSIG PA DANG, THAG ZANGS LA SOGS PA DANG, LAG CHA DANG, SAB MA MKHAN LA SOGS PA'I MTSAN NYID DAG 'BRAS BU BUM PA DANG, SNAM BU DANG, SAB MA LA SOGS PA'I MTSAN @105A *, ,NYID LAS THA DAD PA DE'I PHYIR DNGOS PO RNAMS GZHAN LAS SKYE BA DANG, DE BZHIN DU GANG GI PHYIR BYED RGYU RNAM PAR MA PHYE BA MER MER PO LA SOGS PA'I MTSAN NYID LAS 'BRAS BU MIG LA SOGS PA'I MTSAN NYID THA MI DAD PA DE'I PHYIR, DNGOS PO RNAMS BDAG LAS SKYE BA DANG, GANG GI PHYIR BYED RGYU RNAM PAR PHYE BA LAS DANG NYON MONGS PA LA SOGS PA'I MTSAN NYID DAG 'BRAS BU MIG LA SOGS PA'I MTSAN NYID LAS THA DAD PA DE'I PHYIR DNGOS PO RNAMS GZHAN LAS SKYE BAR SEMS PA'I PHYIR RO, ,DE'I PHYIR DE DAG LA ZHES BYA BA NI DE LTAR GRANGS CAN DAG GNYIS LAS SKYE BAR SEMS PA DE'I PHYIR, SLOB DPON KLU SGRUB KYI ZHAL SNGA NAS KYIS DE DGAG PA'I PHYIR DE DAG LA, GNYIS LAS MA YIN ZHES BYA BA 'DI BKA' STZAL TE ZHES BYA BAR SBYAR RO, ,GNYIS LAS MA YIN ZHES BYA BA DE JI LTA BU ZHE NA, DE'I PHYIR BDAG DANG GZHAN GNYIS LAS MA YIN ZHES BYA BA'I THA TSIG GO ZHES BYA BA SMRAS SO, ,DGAG PA'I DON NI SNGA MA BZHIN NO ZHES BYA BA NI, 'DIR GNYIS LAS MA YIN ZHES BYA BA'I DON NI SNGAR BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, CI'I PHYIR ZHE NA, DE'I PHYIR DGAG PA GTZO CHE BA'I PHYIR DANG ZHES SMRAS PAS, MED PAR DGAG PA DANG DBU MA PA'I BSTAN BCOS NI DGAG PA GTZO CHE BA'I PHYIR RO ZHES BSHAD PA DANG, DGAG PA GTZO CHE BA'I 'BRAS BU GANG YIN ZHE NA, DE'I PHYIR 'DI LTAR RTOG PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA YUL MA LUS PA DANG LDAN PA 'GRUB PAR DGONGS PA'I PHYIR RO ZHES BYA BA SMRAS PAS, DGAG PA GTZO CHE BAS RTOG PA MA LUS PA'I DRA BA DGAG PAS 'JIG RTEN LAS 'DAS PA'I KUN RDZOB KYIS RNAM PAR GZHAG PA RNAM PAR MI RTOG PA'I YE SHES SHES BYA YUL MA LUS PA DANG LDAN PAS 'GRUB PAR DGONGS PA'I PHYIR RO ZHES BSHAD PA DANG, MA YIN PAR DGAG PA YONGS SU GZUNG NA NI DE SGRUB PA GTZO CHE BA'I PHYIR, CHOS RNAMS MA SKYES SO ZHES SGRUB PAS SKYE BA MED PAR STON PA'I PHYIR MDZAD PA'I MTHA' DANG BRAL BAR 'GYUR TE, LUNG LAS GZUGS KYI SKYE BA MED PA LA @105B SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO ZHES SMRAS PAS, MA YIN PAR DGAG PA YONGS SU GZUNG BA'I NYES DMIGS BSTAN PA DANG, 'DIR DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA BDAG KHO NA LAS SKYE BA MED DE, 'O NA CI ZHE NA, GZHAN LAS SKYE'O ZHES BYA BAR NGES PAR 'GYUR BA DANG, DE BZHIN DU BDAG KHO NA LAS NI SKYE BA MED DE, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO ZHES SMRAS PAS, NGES PAR GZUNG BA RNAM PA GSUM LAS DANG PO LTAR GZUNG BAR BYA BA YIN GYI, NGES PAR GZUNG BA GNYIS PA DANG GSUM PA LTAR GZUNG NA GZHAN LAS SKYE BA DANG BDAG DANG GZHAN LAS SKYE BAR THAL BAR 'GYUR RO ZHES BSHAD PA BZHIN DU, 'DIR YANG GZHAN LAS MA YIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, DGAG PA GTZO CHE BA'I PHYIR DANG, 'DI LTAR RTOG PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA YUL MA LUS PA DANG LDAN PA BSGRUB PAR DGONGS PA'I PHYIR RO, , MA YIN PAR DGAG PA YONGS SU GZUNG NA NI, DE SGRUB PA GTZO CHE BA'I PHYIR, CHOS RNAMS MA SKYES SO ZHES SGRUB PAS SKYE BA MED PAR STON PA'I PHYIR, MDZAD PA'I MTHA' DANG BRAL BAR 'GYUR TE, LUNG LAS GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO, ,'DIR DNGOS PO RNAMS GNYIS LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA GNYIS KHO NA LAS SKYE BA MED DE, 'O NA CI ZHE NA, GCIG LAS SKYE'O ZHES BYA BAR NGES PAR 'GYUR BA DANG, DE BZHIN DU GNYIS KHO NA LAS NI SKYE BA MED DE, 'O NA CI ZHI NA, RGYU MED PA LAS SKYE'O ZHES BYA BA NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO ZHES SNGA MA BZHIN DU CI RIGS PAR SBYAR RO ZHES BYA BA'I THA TSIG GO , ,CI ZHIG CE NA ZHES BYA BA NI GNYIS LAS CI ZHIG MA YIN ZHE NA ZHES 'GREL @106A *, ,PA BYED PA NYID KYIS DRI BA'I TSIG YIN NO, ,DE'I LAN DU 'GREL PA BYED PA NYID KYIS, DNGOS PO GANG DAG GANG NA YANG, ,SKYES PA RNAMS KYANG YOD MA YIN, ,ZHES BYA BA'I SKABS YIN NO ZHES BYA BA SMRAS TE, GNYIS LAS CI ZHIG MA YIN ZHE NA, GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA'I SKABS YIN NO ZHES BYA BAR SBYAR RO, ,DE LA DNGOS PO GANG DAG CES BYA BA NI NANG DANG PHYI ROL GYI DANG CHA PHRA BA DANG RAGS PA DAG GO, ,GANG NA YANG ZHES BYA BA NI BDAG CAG GI PHYOGS DANG GZHAN GYI PHYOGS NA YANG NGO, ,SKYES PA NAM YANG YOD MA YIN, ,ZHES BYA BA NI DON DAM PAR NANG DANG PHYI ROL DANG CHA PHRA BA DANG RAGS PA'I DNGOS PO GANG DAG BDAG CAG GI PHYOGS DANG, GZHAN GYI PHYOGS GANG NA YANG SKYES PA DUS NAM YANG YOD PA MA YIN PA'O, ,NAM YANG ZHES BYA BA NI 'DAS PA DANG, MA 'ONGS PA DANG, DA LTAR BYUNG BA'I DUS NAM YANG NGAM, RANG GI SDE PA DANG, GZHAN GYI SDE PAS BRTAGS PA'I GNAS SKABS NAM YANG NGO, ,YOD PA MA YIN ZHES BYA BA NI GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES MED PAR DGAG PA'I DON DU BLTA BAR BYA BA YIN GYI, MI SKYE BA YOD DO ZHES MA YIN PAR DGAG PA'I DON DU NI BLTA BAR MI BYA'O ZHES BYA BAR SBYAR RO ZHES BYA BA'I SKABS YIN NO ZHES BYA BA NI SNGAR DAM BCAS PA SPYI'I BKOD PA DANG PO SGRUB PA'I SKABS SU, DE LA RE ZHIG BDAG LAS MA YIN ZHES BYA BA CI ZHIG CE NA, SKYES PA NAM YANG YOD MA YIN, ,ZHES BYA BA LA SOGS PA STE, RE RE DANG SBYAR BAR BYA'O ZHES JI SKAD BSTAN PA'I SKABS YIN PA STE, DE NI GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA YIN NO ZHES BSTAN TO, ,CI'I PHYIR ZHE NA ZHES BYA BA NI CI'I PHYIR GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES 'GREL PA BYED PA NYID KYIS DRI BA'I TSIG YIN NO, ,DE'I LAN DU 'GREL PA BYED PA NYID KYIS PHYOGS GNYIS KAR BSTAN PA'I SGRUB PA DAG GIS GTAD KHONGS SU CHUD PAR 'GYUR @106B BA'I PHYIR DANG, GNYIS LAS SKYE BAR STON PA'I RJES SU DPAG PA MED PA'I PHYIR YANG NGO ZHES BYA BAR DGONGS SO ZHES BYA BA SMRAS TE, SLOB DPON GYI ZHAL SNGA NAS KYIS DE LTAR DGONGS SO ZHES BYA BA'I THA TSIG GO, ,DE LA PHYOGS GNYI GAR BSTAN PA'I SGRUB PA DAG GIS ZHES BYA BA NI SNGAR BDAG LAS SKYE BA DGAG PA'I PHYOGS DANG, GZHAN LAS SKYE BA DGAG PA'I PHYOGS GNYI GAR BSTAN PA'I SGRUB PA DAG GIS TE, 'DI LA BDAG LAS SKYE BA DGAG PA'I PHYOGS SU BSTAN PA'I SGRUB PA NI DON DAM PAR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES SNGAR BSTAN PA YIN NO, ,GZHAN LAS SKYE BA DGAG PA'I PHYOGS SU BSTAN PA'I SGRUB PA NI DON DAM PAR NANG GI SKYE MCHED RNAMS DE DAG GI RKYEN GZHAN LAS SKYE BA MED DE, GZHAN YIN PA'I PHYIR DPER NA BUM PA BZHIN NO, ,YANG NA DON DAM PAR GZHAN BRJOD PAR 'DOD PAS MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES SNGAR BSTAN PA YIN NO, ,SGRUB PA DE DAG GIS GTAD KHONGS SU CHUD PAR 'GYUR BA'I PHYIR ZHES BYA BA NI SNGAR NYE BAR SBYAR BA'I SGRUB PAS DE DAG GIS PHYOGS 'DIR YANG NYE BAR SBYAR TE, GTAD KHONGS SU CHUD PAR 'GYUR BA'I PHYIR RO, ,GTAD KHONGS SU CHUD PAR 'GYUR BA ZHES BYA BA'I ZLA 'BYOR PA'AM KHYAB PAR 'GYUR BA STE, PHYOGS GNYI GAR BSTAN PA'I SGRUB PA DE DAG NYID PHYOGS 'DIR YANG SBYOR BAR 'GYUR BA'I PHYIR ZHES BYA BA'I THA TSIG GO, ,DES NA 'DI SKAD BSTAN TE, DON DAM PAR GRANGS CAN DAG GI BLOS YONGS SU BRTAGS PAS 'BRAS BU MYU GU ZHES BYA BA BYED RGYU RNAM PAR MA PHYE BA SA BON GYI MTSAN NYID LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO, ,DON DAM PAR GRANGS CAN DAG GI BLOS YONGS SU BRTAGS PA 'BRAS BU MYU GU ZHES BYA BA, DE DAG GI BYED RGYU RNAM PAR PHYE BA SA LA SOGS PA GZHAN DAG LAS SKYE BA MED DE GZHAN YIN PA'I PHYIR, DPER NA BUM PA BZHIN NO, ,DON DAM PAR GRANGS CAN DAG @107A *, ,GI BLOS YONGS SU BRTAGS PA GZHAN BRJOD PAR 'DOD PA BYED RGYU RNAM PAR PHYE BA SA LA SOGS PA DAG RKYEN MA YIN PAR NGES TE, GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES BYA BA SBYOR BA'I TSIG RNAMS DANG, GAL TE GTAN TSIGS YOD PA NYID NI MI MTHUN PA'I PHYOGS LAS BZLOG PA MA BSTAN PAS GTAN TSIGS NYID MA YIN NO ZHE NA, MED PA KHO NA'I PHYIR, DE LA LDOG PA MED PAS 'DI DANG THAMS CAD LA NYES PA MED DO ZHES BYA BA LA SOGS PA RGAL BA'I LAM RNAMS DANG, CI STE GZHAN YIN PA'I PHYIR ZHES BYA BA DE GTAN TSIGS SU MI RUNG STE, DAM BCAS PA'I DON GYI PHYOGS GCIG YIN PA'I PHYIR, DPER NA SGRA RTAG STE SGRA YIN PA'I PHYIR RO ZHES BYA BA BZHIN NO ZHE NA, DE NI BZANG PO MA YIN TE, SNYAN TSIG GI SGRA MI RTAG STE SGRA YIN PA'I PHYIR, DPER NA RNGA BO CHE'I SGRA BZHIN NO ZHES BYA BAS DAM BCAS PA'I DON GYI PHYOGS GCIG GTAN TSIGS NYID DU GRUB PA MTHONG BAS GTAN TSIGS MA NGES PA NYID DO ZHES BYA BA LA SOGS PA BRGAL PA'I LAN RNAMS KYANG 'DIR SNGA MA DAG BZHIN DU SBYAR BAR KHONG DU CHUD PAR BYA'O, ,GNYIS LAS SKYE BAR STON PA'I RJES SU DPAG PA MED PA'I PHYIR YANG NGO ZHES BYA BAR DGONGS SO ZHES BYA BA NI GRANGS CAN DAG GI DNGOS PO RNAMS BDAG DANG GZHAN GNYIS LAS SKYE BAR SEMS PA GANG YIN PA DE NI TSIG TZAM DU ZAD DE, 'DI LTAR GRANGS CAN DAG GI DAM BCAS PA DE LA NI DNGOS PO RNAMS GNYIS LAS SKYE BAR STON PA'I RJES SU DPAG PA SGRUB PA GTAN TSIGS DANG DPE DAG MED PA'I PHYIR, YANG DNGOS PO RNAM PA GNYIS LAS SKYE BA MED DO, ,YANG NGO ZHES BYA BA'I SGRA NI THA DAD PAR RTOG PA'I DON TE, PHYOGS GNYI GAR BSTAN PA'I SGRUB PA DAG GIS GTAD KHONGS SU CHUD PAR 'GYUR BA'I PHYIR GNYIS LAS SKYE BA MED PA 'BA' ZHIG TU YANG MA ZAD DE, 'DI LTAR GNYIS LAS SKYE BAR STON PA'I RJES SU DPAG PA MED PA'I PHYIR YANG GNYIS LAS SKYE BA MED DO ZHES BYA BAR THA DAD PAR RTOG PA YIN NO ZHES BYA BAR DGONGS SO ZHES BYA BA NI SLOB DPON GYI ZHAL SNGA NAS KYIS DE LTAR DGONGS PA'O, ,DGONGS ZHES BYA BA NI THUGS LA DGONGS PA STE, @107B SLOB DPON GYI DGONGS PA 'DI GNYIS LAS, DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES BKA' STZAL PA YIN NO,, ,,BAM PO BCU GNYIS PA, GCER BUR RGYU BA'I PHYOGS DGAG PA'I PHYIR YANG GNYIS LAS MA YIN ZHES BYA BA LA SOGS BA 'DI BKA' STZAL TE ZHES BYA BA 'DIS NI GANG GI PHYIR PHYOGS KYI GOS CAN DAG KYANG DNGOS PO RNAMS BDAG DANG GZHAN GNYIS LAS SKYE BAR SMRAS PAS DE'I PHYIR, DE DGAG PA'I PHYIR YANG SLOB DPON GYI ZHAL SNGA NAS KYIS, GNYIS LAS SKYE BA DAG GA PA'I PHYOGS 'DI YANG 'KHOR LO BZHIN DU BSKOR TE BKA' STZAL TO ZHES BYA BAR STON TO, ,DE LA GCER BUR RGYU BA PA ZHES BYA BA NI MU STEGS RGYAL BA'I GRUB PA'I MTHA' SMRA BA MU STEGS GCER BUR RGYU BA PHYOGS KYI GOS CAN ZHES BYA BA DAG GO, ,DE DAG GI PHYOGS ZHES BYA BA NI DNGOS PO RNAMS BDAG DANG GZHAN GNYIS LAS SKYE BAR SMRA BA YIN NO, ,DGAG PA'I PHYIR YANG ZHES BYA BA NI GCER BUR RGYU BA'I PHYOGS DE DGAG PA'I PHYIR YANG SLOB DPON GYI ZHAL SNGA NAS KYIS, GNYIS LAS MA YIN ZHES BYA BA LA SOGS PA 'DI BKA' STZAL TE ZHES BYA BAR SBYAR RO, ,SOGS PA ZHES BYA BA'I SGRAS NI GNYIS LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA DAG BKA' STZAL BAR BSDU'O, ,DE DAG JI LTAR RTOG PAR BYED CE NA, DE'I PHYIR 'DI LTAR DE DAG NI GSER GYI SOR GDUB NI GSER DANG ME LA SOGS PA LAS BDAG DANG GZHAN LAS SKYE BAR SMRA BA'I PHYIR RO ZHES BYA BA SMRAS SO, ,'DI LTAR ZHES BYA BA'I SGRA NI GANG GI PHYIR ZHES BYA BA'I DON TO, ,GANG GI PHYIR GCER BUR RGYU BA PA DE DAG NI GSER GYI SOR GDUB NI GSER DANG ME LA SOGS PA LAS SKYE BAR MTHONG BA NA DE NYID KYIS DE DAG DNGOS PO RNAMS BDAG DANG GZHAN LAS SKYE BAR SMRA BA'I PHYIR TE, DES NA GCER BUR RGYU BA PA DAG GI BLOS YONGS SU BRTAGS PA'I PHYOGS NI, DNGOS PO RNAMS BDAG DANG GZHAN GNYIS LAS SKYE BAR SMRA BA YIN PAR GNAS SO, ,DE'I PHYIR GCER BUR RGYU BA PA'I PHYOGS DE DGAG PA'I PHYIR, YANG SLOB DPON GYI ZHAL SNGA NAS KYIS GNYIS LAS, DNGOS PO GANG @108A *, ,DAG GANG NA YANG, ,SKYES PA NAM YANG YOD MA YIN, ,ZHES BYA BA'I PHYOGS 'DI BKA' STZAL TO, ,'DI SKAD BSTAN TE, GANG GI PHYIR GCER BUR RGYU BA PA DE DAG GSER GYI SOR GDUB GSER DANG ME LA SOGS PA LAS SKYE BA NA, GSER GYI SOR GDUB KYI RNAM PA DE'I RGYU RIGS MTHUN PA GSER KHO NA LAS SKYE BAR MTHONG BA DE'I PHYIR, BDAG LAS SKYE BAR SMRA LA, GANG GI PHYIR GSER GYI SOR GDUB KYI RNAM PA DE RKYEN RIGS MI MTHUN PA ME DANG GSER MGAR DANG, MGAR SPYAD DANG, BSREG PA DANG, BRDUNG BA DANG, BKRU BA LA SOGS PA GZHAN LAS SKYE BAR MTHONG BA DE'I PHYIR, GZHAN LAS SKYE BAR SMRA'O, ,DE BZHIN DU GANG GI PHYIR MI'I LUS KYI GNAS SKABS KYI SROG THOG MA DANG THA MA MED PA'I BDAG NYID KYI RDZAS KYI DGE BA DANG MI DGE BA'I LAS BYAS BA GANG YIN PA DES, LHA LA SOGS PA'I LUS SAM SEMS CAN DMYAL BA LA SOGS PA'I LUS SU SKYE BA NA LHA LA SOGS PA'I LUS KYI GNAS SKABS KYI SROG DANG, SEMS CAN DMYAL BA LA SOGS PA'I LUS KYI GNAS SKABS KYI SROG GI RNAM PA STE RGYU RIGS MTHUN PA MI'I LUS KYI GNAS SKABS KYI SROG KHO NA LAS SKYE BAR MTHONG BA DE'I PHYIR BDAG LAS SKYE BAR SMRA LA, GANG GI PHYIR LHA LA SOGS PA'I LUS KYI GNAS SKABS KYI SROG DANG SEMS CAN DMYAL BA LA SOGS PA'I LUS KYI GNAS SKABS KYI SROG GI RNAM PA DE RKYEN RIGS MI MTHUN PA MI'I LUS KYI RNAM GRANGS GZHAN LAS SKYE BAR MTHONG BA DE'I PHYIR GZHAN LAS SKYE BAR SMRA'O, ,DES NA DE DAG SANGS RGYAS PA DAG GIS DNGOS PO RNAMS BDAG LAS SKYE BA MED PAR SGRUB PA GANG SMRAS PA DE NI GRUB PA LA SGRUB PA'I SKYON CHAGS PA YIN TE, 'DI LTAR SROG NI RKYEN RIGS MI MTHUN PA LUS KYI RNAM GRANGS GZHAN LAS SKYE BA'I PHYIR RO ZHES KYANG ZER, SANGS RGYAS PA DAG GIS DNGOS PO RNAMS GZHAN LAS KYANG SKYE BA MED PAR SGRUB PA GANG SMRAS PA DE, YANG GRUB PA LA SGRUB PA'I SKYON CHAGS PA KHO NA YIN TE, 'DI LTAR SROG NI RGYU RIGS MTHUN PA SROG GI RDZAS DAG LAS SKYE BA'I PHYIR RO ZHES KYANG ZER ZHING, DE'I PHYIR DE DAG RNAM PA GNYIS SU SMRAS TE, @108B 'DI LTAR BDAG LAS KYANG SKYE LA GZHAN LAS KYANG SKYE BA DANG, RTAG PA YANG YIN LA MI RTAG PA YANG YIN PA DANG, DE NYID KYANG YIN LA GZHAN YANG YIN PA'I PHYIR ZHES RNAM PA GNYIS SU SMRA BAS, DE DAG LA DBU MA PAS 'DI SKAD CES BRJOD PAR BYA'O, ,SHES LDAN DAG JI RE ZHIG GTAM ZHIG NYON CIG ,MI GCIG CIG GIS CHOM RKUN PA GCIG DANG MI BSAD PA GCIG BZUNG STE, RGYAL PO LA PHUL BA DANG, DE NAS RGYAL POS CHOM RKUN PA DE LA K'ARsh'A PAn LNGA BRGYA'I CHAD PAS BCAD, MI GSOD PA NI K'ARsh'A PA nA STONG GI CHAD PAS BCAD DO, ,DE NAS YANG MI GZHAN ZHIG GIS CHOM RKUN PA YANG YIN LA, MI GSOD PA YANG YIN PA'I MI GCIG BZUNG STE, RGYAL PO LA PHUL BA DANG, DE NAS RGYAL POS MI DES NYES PA GNYI GA BYAS SO ZHES CHAD PA NYIS 'GYUR GYIS BCAD DO ZHES GRAGS PA DE BZHIN DU, KHO BOS KHYOD KYANG CHAD PA NYIS 'GYUR GYIS GCAD PAR BYA'O, ,DE LA CHAD PA NYIS 'GYUR NI 'DI YIN TE, DON DAM PAR PHYOGS KYI GOS CAN DAG GI BLOS YONGS SU BRTAGS PA LHA LA SOGS PA'I LUS SAM, SEMS CAN DMYAL BA LA SOGS PA'I LUS KYI SROG GI BDAG NYID BDAG LAS SKYE BA MED DE YOD PA'I PHYIR, DPER NA SHES PA YOD PA NYID BZHIN NO, ,DON DAM PAR PHYOGS KYI GOS CAN DAG GI BLOS YONGS SU BRTAGS PA LHA LA SOGS PA'I LUS SAM, SEMS CAN DMYAL BA LA SOGS PA'I LUS KYI SROG GI BDAG NYID DE'I RKYEN MI'I LUS LA SOGS PA LUS KYI RNAM GRANGS GZHAN DAG LAS SKYE BA MED DE GZHAN YIN PA'I PHYIR, DPER NA BUM PA BZHIN NO, ,DON DAM PAR GZHAN PHYOGS KYI GOS CAN DAG GIS BRJOD PAR 'DOD PA MI'I LUS LA SOGS PA DAG LHA LA SOGS PA'I LUS SAM, SEMS CAN DMYAL BA LA SOGS PA'I LUS KYI SROG GI BDAG NYID KYI RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO, ,GZHAN YANG KHYED KYI BRTUL ZHUGS NI THAR PA THOB PAR BYED PA MA YIN TE, 'DI LTAR KHYED NA RE, GSOD SEMS MED PAR YANG GANG NA SROG CHAGS YOD PA DER BSOD NAMS MA YIN PA DANG 'BREL PAR @109A *, ,'GYUR RO ZHES ZER BAS, DES NA KHYIM PA DAG NYIN RE BZHIN KHA ZAS KYI G-YOS BYED PA GANG YIN PA DE YANG BU DANG, CHUNG MA DANG, LHA DANG, MGRON DANG, DGE SBYONG LA SOGS PA DANG, GTOR MA DANG, SLONG BA LA SBYIN PA LA SOGS PA DANG, THUN MONG KHO NAR G-YOS BYED PA YIN LA, 'DIR YANG 'BRU DANG, CHU DANG, SHING DANG, LO MA DANG, YAL GA LA SOGS PA LA SEMS CAN GANG DAG BRTEN PA DE DAG GSOD PAR BYED PAS DER SLONG MO LEN PA DANG, ZA BA BSOD NAMS MA YIN PA DANG 'BREL PAS THAR PA MED CING NGAN SONG DU 'GRO BAR 'GYUR BA'I PHYIR DANG, PHYOGS KYI GOS CAN DAG GI PHYIR 'DUG GNAS GANG DAG BYED PA DANG, MU STEGS BYED DAG GI PHYIR LHA KHANG GANG DAG BYED PA DER SHING DANG PHA GU DANG, 'JIM PA DANG, CHU LA SOGS PA NYE BAR STOBS PA DAG TU YANG SROG CHAGS MTHA' YAS MU MED PA DAG 'CHI BAR 'GYUR PAS, GAL TE LONGS SPYAD NAS BSOD NAMS MA YIN PA SKYE BAS PHYOGS KYI GOS CAN DAG DANG, MU STEGS BYED DAG LA THAR PA MED CING NGAN SONG DU 'GRO BAR 'GYUR BA LTA NA, KHYED CAG GIS DER YANG 'JUG PAR MI BYA BA'I PHYIR RO,, GZHAN YANG RDZING BU DANG, LTENG KA DANG, KHRON PA DANG, CHU SBYIN PA'I KHANG PA DAG TU YANG SROG CHAGS DAG SKYE ZHING 'CHI BAS DE YANG BTANG DGOS LA, DES NA PHYOGS KYI GOS CAN DAG CHU DANG KHA ZAS MED PAR BYED PA'I CHU DE DAG TU YANG SRIN BU'I RIGS BRGYA STONG PHRA DU MA DAG SKYE ZHING 'CHI BAR 'GYUR BAS DER YANG BSOD NAMS MA YIN PA DANG 'BREL PAS KHYED LA THAR PA MED CING NGAN SONG DU 'GRO BAR 'GYUR BA'I PHYIR RO, ,GZHAN YANG KHYED NA RE, SA DANG CHU DANG, ME DANG RLUNG DANG, SHING LA SOGS PA NI REG PA'I DBANG PO DANG LDAN PA'I PHYIR, DBANG PO GCIG PA SROG DANG LDAN PA YIN NO ZHES ZER BAS DE'I PHYIR KHYED KYIS BZA' BA DANG, BCA' BA DAG ZOS PA NA SROG CHAGS KYI YAN LAG ZOS PAR 'GYUR BAS KHYED LA THAR PA MED CING NGAN SONG DU 'GRO BAR 'GYUR BA'I PHYIR RO, ,GZHAN YANG KHYOD KYIS BSTAN PA'I CHOS MA YIN PA NI NGAN SONG DU 'GRO @109B PA'I RGYU YIN TE, 'DI LTAR MI 'DOD BZHIN DU SROG CHAGS DAG SHI BA YANG BSOD NAMS MA YIN PAR 'GYUR BAR KHYED CAG 'DOD PA'I PHYIR, SKAMS DANG CHU DANG NAM MKHA' LA SKYE BA PO PHRA MO GRANGS MED PA DAG BRTEN PAS KHYED CAG 'GRO BA DANG 'GRENG BA DANG 'DUG PA DANG NYAL BA'I G-YANG LA YANG SKYE BA PO MTHA' YAS MU MED PA DAG 'CHI BAR 'GYUR BA DES NA KHYED CAG LA THAR PA MED CING NGAN SONG DU 'GRO BAR 'GYUR BA'I PHYIR RO, ,GZHAN YANG KHYED NA RE, RTZI SHING LA SOGS PA SHES PA YOD PA NYID YIN TE, LDUM BU AANYDZA LI KA RI KA DANG, SA MANG GA DAG 'DZUMS PA'I PHYIR, DPER NA SROG CHAGS MAN DA LA KA RI KA LA SOGS PA BZHIN NO ZHES ZER DE YANG GTAN TSIGS KYI DON MA NGES PA NYID YIN TE, 'DI LTAR SKRA DANG KO LPAGS LA SOGS PA YANG SHES PA YOD PA NYID MA YIN BZHIN DU MES BSREGS NA 'DZUMS PAR SNANG BA'I PHYIR RO, ,GZHAN YANG KHYED NA RE, RTZI SHING LA SOGS PA SHES PA YOD PA NYID YIN TE, 'DAB MA DANG YAL GA LA SOGS PA SKYE BA'I PHYIR, DPER NA MI LA SOGS PA BZHIN NO ZHES ZER BA DE YANG GTAN TSIGS KYI DON MA NGES PA NYID YIN TE, 'DI LTAR BYI RU'I MYU GU DANG, GSER DANG BEEd'U RYA LA SOGS PA YANG SHES PA YOD PA NYID MA YIN BZHIN DU SKYE BAR SNANG BA'I PHYIR RO, ,GZHAN YANG KHYED NA RE, RTZI SHING LA SOGS PA SHES PA YOD PA NYID YIN TE, SHING LJON PA NYAMS PA RNAMS PHYIR GSOR RUNG BA'I PHYIR, DPER NA SROG CHAGS NYAMS PA BZHIN NO ZHES ZER BA DE YANG GTAN TSIGS KYI DON MA NGES PA NYID YIN TE, 'DI LTAR RI MO LA SOGS PA YANG SHES PA YOD PA NYID MA YIN BZHIN DU NYAMS PA GSOR RUNG BA SNANG BA'I PHYIR RO, ,GZHAN YANG KHYED NA RE, RTZI SHING LA SOGS PA SHES PA YOD PA NYID YIN TE, SHING LJON PA DANG LCUG MA LA SOGS PA 'GRO BAR 'GYUR BA'I PHYIR RO, ,SROG CHAGS KYI YAN LAG LA SOGS PA BZHIN NO ZHES ZER BA DE YANG GTAN TSIGS KYI DON MA NGES PA NYID YIN TE, 'DI LTAR KHAB LA SOGS PA LCAGS LAS BYAS PA DAG KYANG SHES PA YOD PA NYID MA YIN BZHIN DU RDO KHAB LEN GYIS 'DREN PA DANG, 'DZIN PA DANG, @110A *, ,'GRO BAR SNANG BA'I PHYIR RO, ,GZHAN YANG KHYED NA RE, RTZI SHING LA SOGS PA SHES PA YOD PA NYID TE YIN DUS SU SKYE BA'I PHYIR RO, ,DPER NA SEMS CAN BZHIN NO ZHES ZER BA DE YANG GTAN TSIGS KYI DON MA NGES PA NYID YIN TE, 'DI LTAR SEMS CAN DMYAL BA DAG NA YANG MI DGE BA'I LAS BYAS PA RNAMS LA SDUG BSNGAL MYONG BA'I DUS SU NAGS TSAL RAL GRI'I LO MA CAN DANG, ME 'BAR BA LA SOGS PA YANG SHES PA YOD PA NYID MA YIN BZHIN DU SKYE BAR SNANG BA'I PHYIR DANG, LHA DAG LA YANG DGE BA'I LAS BYAS PA RNAMS LA BDE BA'I LONGS SPYOD MYONG BA'I DUS SU RIN PO CHE'I SHING LJON PA SHIN TU YID 'PHROG PA LHA'I NA BZA' DANG, DBU RGYAN DANG, GDU BU RGYAN CAN DANG, DPUNG RGYAN DANG, DO SHAL DANG, SE MO DO 'PHYANG BA, ME TOG SNA TSOGS RNAM PAR 'BYES PA DANG LDAN PA LA SOGS PA YANG SHES PA YOD PA NYID MA YIN BZHIN DU SKYE BA SNANG BA'I PHYIR RO, ,GZHAN YANG KHYED KYI DKA' THUB YONGS SU GDUNG BA DANG, SKRA 'BAL BA DANG, ZAS CHUNG DU RTZUB MO ZA BA LA SOGS PA'I RNAM PA DAG NI NYON MONGS PA ZHI BAR 'GYUR BA'I RGYU MA YIN TE, 'DI LTAR BONG BU RTZVA DANG PHUB MA ZA BA RNAMS DANG, LAS MI DANG GDOL PA LA SOGS PA RLUNG DANG LHAGS PA DANG, NYI MA DANG, SHA SPRANG DANG, SBRANG BU MCHU RINGS DANG, SDIG SBRUL LA SOGS PA'I REG PAS YONGS SU GDUNGS PA RNAMS LA YANG 'DOD CHAGS SHAS CHEN PO SKYE BAR SNANG BA'I PHYIR RO, ,GZHAN YANG KHYED NA RE, LHA YID DU 'ONG BA RJES SU DRAN PA DANG, BSAM GTAN LA RTZE GCIG TU DMIGS PA BZHIN DU SHI BA RNAMS BDE 'GROR 'GRO BAR 'GYUR RO ZHES ZER BA DE YANG KHYED LA MI 'GRUB STE, 'DI LTAR SDUG BSNGAL GYIS BAB COL DU SEMS G-YENGS PAR 'GYUR PA KHYED LA, LHA YID DU 'ONG BA RJES SU DRAN PA DANG, BSAM GTAN LA RTZE GCIG TU DMIGS BZHIN DU 'CHI 'PHO BA MED PAS GCER BUR RGYU BA DUS KYI CHOS KUN DU SPYOD BA'I GNAS SKABS SU SHI BA RNAMS SEMS CAN DMYAL BA DANG, DUD 'GRO DANG, YI DAGS RNAMS SU SKYE BA KHO NAR 'GYUR BA'I PHYIR RO, ,GZHAN YANG 'UG PA PA @110B DAG GIS GRANGS CAN LA SOGS PA'I TSIG NI BDEN TE, SMRAS PA'I PHYIR SANGS RGYAS KYI BKA' BZHIN NO ZHES SMRAS PA GANG YIN PA DE LA, GRANGS CAN LA SOGS PA'I TSIG BDEN PA NYID DU SGRUB PA KHAS BLANGS PA LA GNOD PAR 'GYUR TE, 'DI LTAR 'UG PA PA DAG GRANGS CAN LA SOGS PA'I TSIG MI LDAN PAR 'DOD PA'I PHYIR TE, 'UG PA PA'I GTAN TSIGS DE YANG MA NGES PA YIN TE, 'DI LTAR KHYED NA RE, GRANGS CAN LA SOGS PA'I TSIG NI BRDZUN TE, SMRAS PA'I PHYIR, SANGS RGYAS KYI BKA' BZHIN NO ZHES KYANG ZER BA'I PHYIR RO, ,GZHAN YANG KHYED NA RE, SANGS RGYAS KYI BKA' NI MI BDEN TE SMRAS PA'I PHYIR, GRANGS CAN LA SOGS PA'I TSIG BZHIN NO ZHES ZER BA GANG YIN PA DE YANG GTAN TSIGS MA NGES PA NYID YIN TE, 'DI LTAR KHYED MU STEGS BYED KYI TSIG LA YANG SMRAS PA NYID YOD PA DE LA YANG DON JI LTA BA BZHIN DU 'DOD PA'I PHYIR RO, , GZHAN YANG KHYED NA RE, SANGS RGYAS PA DAG GIS DON DAM PAR DE DAG GI THAR PA'I TSIG GI DON DU GYUR PA MED PA KHO NA'O ZHES SMRAS PAS, RANG NYID KYIS RANG NYID SUN DBYUNG BA BYAS PAS, KHO BO CAG GIS SUN DBYUNG BAR BYA MI DGOS SO ZHES ZER BA GANG YIN PA DE NI KHYED KYIS SANGS RGYAS PA'I GRUB PA'I MTHA' MA RTOGS PA KHO NA RANG DGAR SMRAS PA YIN TE, 'DI LTAR SANGS RGYAS PA'I GRUB PA'I MTHA' LAS, MYA NGAN 'DAS PA DNGOS MED MIN, ,DE LA DNGOS PO GA LA YOD, ,DNGOS DANG DNGOS MED YONGS SHES PA, ,SKYE BA MED PA THAR ZHES BYA, , ZHES GSUNGS PA'I PHYIR RO, ,GZHAN YANG KHYED KYIS 'JIG RTEN GYI SPYI GTZUG LTA BU'I THAR PA YOD PAR BRJOD PA NI MYA NGAN LAS 'DAS PA BRTAG PA'I SKABS SU DPYAD PAR BYA'O, ,ZHAR LA BSHAD PAS CHOG GI SKABS NYID BSGRUB PAR BYA'O, ,DE'I PHYIR DE LTAR GNYIS LAS MA YIN NO ZHES BYA BA NI DAM BCAS PA SPYI'I BKOD PA GSUM PA'I MJUG BSDU BA YIN NO, ,DE LA DE PHYIR ZHES BYA BA NI JI SKAD BSTAN PA'I RJES SU DPAG PA DAG GIS BSGRUBS PA DE'I PHYIR RO, ,DE LTAR GNYIS LAS MA YIN NO ZHES BYA BA NI DON DAM PAR DNGOS PO RNAMS GNYIS LAS SKYE BA MED PAR SGRUB PO @111A *, ,ZHES BSTAN PA YIN NO, ,DAM BCAS PA'I SPYI'I BKOD PA GSUM PA BSHAD ZIN TO, ,DA NI DAM BCAS PA'I SPYI BKOD PA BZHI PA BSGRUB PAR BYA STE, DE'I PHYIR DE NI RGYU MED MIN, ,ZHES BYA BA BRJOD PAR BYA STE, RGYU MED PAR ZHES BYA BA'I THA TSIG GO ZHES BYA BA LA SOGS PA SMRAS SO, ,'DI SKAD BSTAN TE, KHO BOS SNGAR DAM BCAS PA'I SPYI RNAM PA BZHI BKOD PA LAS, DAM BCAS PA'I SPYI DANG PO DANG GNYIS PA DANG GSUM PA NI BSGRUBS ZIN TO, ,DE'I 'OG TU DA NI DAM BCAS PA'I SPYI BKOD PA BZHI PA DNGOS PO RNAMS RGYU MED PA LAS SKYE BA MED PA ZHES BYA BA DE BSGRUB PAR BYA'O, ,DE LA DA NI ZHES BYA BA NI DA'AM DA LTAR TE, DA NI DAM BCAS PA'I SPYI BKOD PA BZHI PA BSGRUB PAR BYA'O ZHES BYA BAR SBYAR RO, ,DE'I PHYIR RGYU MED MIN ZHES BYA BA BRJOD PAR BYA STE ZHES BYA BA LA SOGS PA SMRAS SO, ,'DIR YANG RGYU MED MIN ZHES BYA BA'I DGAG PA 'DI NI MED PAR DGAG PA'I DON DU BLTA BAR BYA STE, DGAG PA GTZO CHE BA'I PHYIR DANG, 'DI LTAR RTOG PA MA LUS PA'I DRA BA DGAG PAS RNAM PAR MI RTOG PA'I YE SHES BYA YUL MA LUS PA DANG LDAN PA 'GRUB PAR DGONGS PA'I PHYIR RO, ,MA YIN PAR DGAG PA YONGS SU GZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO ZHES SGRUB PAS SKYE BA MED PAR STON PA'I PHYIR MDZAD PA'I MTHA' DANG BRAL BAR 'GYUR TE, LUNG LAS GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO, ,'DIR DNGOS PO RNAMS RGYU MED PA LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA RGYU MED PA KHO NA LAS SKYE BA MED DE, 'O NA CI ZHE NA, RGYU LAS SKYE'O ZHES BYA BAR NGES PAR 'GYUR BA DANG, DE BZHIN DU RGYU MED PA KHO NA LAS NI SKYE BA MED DO, ,'O NA CI ZHE NA, RGYU YOD PA DANG MED PA LAS SKYE'O ZHES BYA BAR NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO ZHES SNGA MA BZHIN DU SBYAR BAR BYA'O, ,RGYU MED PA NI RNAM PA GNYIS TE, DNGOS POR GYUR PA MA YIN PA DANG, DNGOS POR GYUR PA'O, ,DE LA DNGOS POR GYUR @111B PA MA YIN PA NI RGYU'I DNGOS POR GYUR PA GTAN MED PAR SMRA BA STE, 'JIG RTEN RGYANG PAN PA'I GRUB PA'I MTHA' LAS DNGOS PO RNAMS RGYU MED PA LAS SKYE BAR SMRA BA YIN NO, ,DNGOS POR GYUR PA NI RGYU'I DNGOS POR GYUR PA MI MTHUN PA GZHAN YOD PAR SMRA BA STE, NGO BO NYID DANG DBANG PHYUG LA SOGS PA RGYUR SMRA BA'I GRUB PA'I MTHA' LAS MI MTHUN PA RGYUR SMRA BA YIN NO, ,DE LA DANG POR RGYU MED PAR DNGOS POR GYUR PA MA YIN PA LAS SKYE BA DGAG PAR BYA STE, DE'I PHYIR RGYU MED PAR ZHES BYA BA'I THA TSIG GO ZHES BYA BA SMRAS TE, RGYU MED CES BYA BA NI RGYU MED PAR ZHES BYA BA'I THA TSIG GO ZHES BYA BAR SBYAR RO, ,CI ZHIG CE NA ZHES BYA BA NI RGYU MED PA LAS CI ZHIG MA YIN ZHE NA ZHES 'GREL PA BYED PA NYID KYIS DRI BA'I TSIG YIN NO, ,DE'I LAN DU 'GREL PA BYED PA NYID KYIS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA'I SKABS YIN NO ZHES BYA BA SMRAS TE, RGYU MED PA LAS CI ZHIG MA YIN ZHE NA, RGYU MED PA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA'I SKABS YIN NO ZHES BYA BAR SBYAR RO, ,DE LA DNGOS PO GANG DAG CES BYA BA NI NANG DANG PHYI ROL GYI CHA PHRA BA DANG RAGS PA DAG GO, , GANG NA YANG ZHES BYA BA NI BDAG CAG GI PHYOGS DANG, GZHAN GYI PHYOGS NA YANG NGO, ,SKYES PA NAM YANG YOD MA YIN, ,ZHES BYA BA NI DON DAM PAR NANG DANG PHYI ROL DANG, CHA PHRA BA DANG RAGS PA'I DNGOS PO GANG DAG BDAG CAG GI PHYOGS DANG, GZHAN GYI PHYOGS GANG NA YANG SKYES PA DUS NAM YANG YOD PA MA YIN PA'O, ,NAM YANG ZHES BYA BA NI 'DAS PA DANG, MA 'ONGS PA DANG, DA LTAR BYUNG BA'I DUS NAM YANG NGAM RANG GI SDE PA DANG GZHAN GYI SDE PAS BRTAGS PA'I GNAS SKABS NAM YANG NGO, ,YOD MA YIN ZHES BYA BA NI RGYU MED PA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES MED PA DGAG PA'I DON DU BLTA BAR BYA BA YIN GYI, MI SKYE BA YOD DO ZHES MA YIN PAR DGAG PA'I DON DU NI BLTA BAR MI BYA'O ZHES BYA BAR SBYAR RO ZHES BYA BA'I SKABS YIN NO ZHES BYA BA NI SNGAR DAM BCAS PA'I SPYI BKOD PA DANG PO SGRUB @112A *, ,PA'I SKABS SU DE LA RE ZHIG BDAG LAS MA YIN ZHES BYA BA CI ZHIG CE NA, SKYES PA NAM YANG YOD MA YIN, ,ZHES BYA BA LA SOGS PA STE, RE RE DANG SBYAR BAR BYA'O ZHES JI SKAD BSTAN PA'I SKABS YIN PA STE, DES NA RGYU MED PA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA YIN NO ZHES BSTAN TO, ,'DI LA DRANG SRONG CHEN PO 'JIG RTEN MIG CES BYA BA DES GRANGS CAN DAG KHO NA'I GYES PA GCIG LA BRTEN NAS 'JIG RTEN RGYANG PAN PA'I GRUB PA'I MTHA' 'BUM BYAS PAS DE 'DI SKAD CES, SEMS CAN SKYE BA GZHAN DU LAS DGE BA DANG MI DGE BA NYE BAR BSAGS PA'I RGYU CAN DAG 'DIR SKYE BAR 'GYUR BA YANG MED DO, ,'DAS PA'I 'JIG RTEN YANG MED DO, ,DE NAS 'DIR 'ONG BA YANG 'GA' YANG MED DO, ,'DI NAS GANG DU 'GRO BAR 'GYUR BA'I 'JIG RTEN GZHAN YANG MED DE, 'DI LTAR RGYU LAS DANG NYON MONGS PA MED PAR YANG BU RAM DANG, CHU DANG, SKYU RU RA DANG, DHA TA KI DANG, PHABS DANG, 'BRAS PHYE DANG, SHING SHUN LA SOGS PA SMAN BSDUS TE MNAN PA LAS BU RAM CHANG GI KHYAD PAR RNAM PA THA DAD PA RO DANG MTHU DANG SMIN PA THA DAD PA DAG 'BYUNG BAR 'GYUR BA DE DAG KYANG 'JIG RTEN PHA ROL NAS 'ONGS TE 'DIR SKYE BA MA YIN GYI, 'DI LTAR BU RAM DANG, CHU DANG, SKYU RU RA DANG, DHA TA KI DANG, PHABS DANG, 'BRAS PHYE DANG, SHING SHUN LA SOGS PA SMAN GYI RDZAS DE DAG NYID BSDUS TE MNAN PA'I MTHU LAS BU RAM CHANG DE LTA BUR 'GYUR BA YIN NO, ,DE BZHIN DU NANG GI SKYE MCHED RNAMS KYANG LAS DANG NYON MONGS PA DAG MED PAR KHU CHU DANG, KHRAG LA SOGS PA TSOGS PA LAS SKYE'O, ,GZHAN YANG GAL TE SHA'I PHUNG PO RI RAB TZAM SPUNGS TE, DER ZHAG BDUN GYI BAR DU CHAR BAB PAR 'GYUR NA, DER SHA'I PHUNG PO'I TSAD KHO NA TZAM GYI SRIN BU'I PHUNG PO SKYE BAR 'GYUR NA, CI DE SNYED KYI SEMS CAN DE DAG 'JIG RTEN PHA ROL NAS 'ONGS SAM ZHES ZER TE, DE DAG LA SOGS PA DPE LTAR SNANG BA DU MA DAG GIS RGYU MED PA LAS SKYE BAR SEMS PAS DE DAG LA SOGS PA LTA BA NGAN PA SPANG BA'I PHYIR, SLOB DPON KLU SGRUB @112B KYI ZHAL SNGA NAS KYIS RGYU MED PA LAS, DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA 'DI BKA' STZAL TO, ,CI'I PHYIR ZHE NA ZHES BYA BA NI 'GREL BA BYED PA NYID KYIS, GAL TE GZHAN DAG CI'I PHYIR RGYU MED PA LAS SKYE BA MED SNYAM DU SEMS PA'I BSAM PA LA BRTAGS NAS DOGS PA BSU BA'I TSUL DU DRI BA YIN NO, ,DE'I PHYIR DE STON PA'I RJES SU DPAG PA MED PA'I PHYIR DANG, RJES SU DPAG PA DANG GRAGS PA'I GNOD PAR 'GYUR BA'I SKYON YOD PA'I PHYIR YANG NGO ZHES BYA BAR DGONGS SO ZHES BYA BA SMRAS SO, ,'DI SKAD BSTAN TE, KHYOD KYI RGYU MED PA LAS SKYE BAR SGRUB PA'I DON DE STON PA'I RJES SU DPAG PA MED PA'I PHYIR, 'DI LTAR DE NI TSIG TZAM DU ZAD PAS DE'I PHYIR DNGOS PO RNAMS RGYU MED PA LAS SKYE BA MED DO, ,GZHAN YANG KHYOD KYI RGYU MED PA LAS SKYE BAR SGRUB PA DE LA RJES SU DPAG PA'I GNOD PAR 'GYUR BA'I SKYON YOD PA'I PHYIR DANG, GRAGS PA'I GNOD PAR 'GYUR BA'I SKYON YOD PA'I PHYIR YANG DNGOS PO RNAMS RGYU MED PA LAS SKYE BA MED DO, ,YANG NGO ZHES BYA BA'I SGRAS NI SKYON GNYI GA BSDU BA'I DON TO ZHES BYA BAR DGONGS SO ZHES BYA BA NI DE LTAR KHYOD KYI RGYU MED PA LAS SKYE BAR SGRUB PA'I DON DE STON PA'I RJES SU DPAG PA MED PA'I PHYIR DANG, KHYOD KYI PHYOGS 'DI LA RJES SU DPAG PA'I GNOD PAR 'GYUR BA'I SKYON DANG, GRAGS PA'I GNOD PAR 'GYUR BA'I SKYON YOD PA'I PHYIR, YANG DNGOS PO RNAMS RGYU MED PA LAS SKYE BA MED DO ZHES BYA BAR MDO MDZAD PAS DGONGS SO ZHES BYA BA'I THA TSIG GO, ,GAL TE JI LTAR RJES SU DPAG PA'I GNOD PAR 'GYUR BA'I SKYON YOD CE NA, DE BSTAN PA'I PHYIR, DE LA RJES SU DPAG PA'I GNOD PA NI ZHES BYA BA LA SOGS PA SMRAS SO, ,DE LA JI LTAR RJES SU DPAG PA'I GNOD PAR 'GYUR BA'I SKYON YOD PA DE BSTAN PA'I PHYIR, KUN RDZOB TU KHAS BLANGS PA NANG GI SKYE MCHED KYI DNGOS PO RNAMS RGYU MED PA LAS SKYE BA MED DE, SPYI DANG KHYAD PAR NYID DANG LDAN PA'I PHYIR, DPER NA MYU GU BZHIN NO ZHES BYA BA SMRAS SO, ,DE LA KUN RDZOB TU KHAS BLANGS PA NANG GI SKYE MCHED KYI DNGOS PO RNAMS ZHES BYA BA 'DI NI CHOS CAN @113A *, ,YIN LA, RGYU MED PA LAS SKYE BA MED DE ZHES BYA BA 'DI NI BSGRUB PAR BYA BA CHOS YIN, SPYI DANG KHYAD PAR NYID DANG LDAN PA'I PHYIR ZHES BYA BA 'DI NI SGRUB PA'I CHOS YIN, DPER NA MYU GU BZHIN NO ZHES BYA BA 'DI NI DPE YIN PAR SBYAR RO, ,DE LA KUN RDZOB TU KHAS BLANGS PA NANG GI SKYE MCHED KYI DNGOS PO RNAMS ZHES BYA BA NI DBU MA PAS KUN RDZOB TU KHAS BLANGS PA NANG GI SKYE MCHED KYI DNGOS PO MIG LA SOGS PA GANG DAG YIN PA RNAMS TE, DE RNAMS 'DIR CHOS CAN DU BYA'O, ,RGYU MED PA LAS SKYE BA MED DE ZHES BYA BA NI KUN RDZOB TU KHAS BLANGS PA NANG GI SKYE MCHED KYI DNGOS PO DE RNAMS RGYU MED PA LAS SKYE BA MED PAR BSGRUB PAR BYA BA STE, DE NI 'DIR BSGRUB PAR BYA BA CHOS YIN NO, ,SPYI DANG KHYAD PAR NYID DANG LDAN PA'I PHYIR ZHES BYA BA LA SPYI NYID DANG LDAN PA'I PHYIR ZHES BYA BA NI MIG LA SOGS PA SKYE MCHED DRUG PO DAG LA SKYE MCHED CES BYA BA SPYI YOD PA'I PHYIR RO, ,KHYAD PAR NYID DANG LDAN PA'I PHYIR ZHES BYA BA NI MIG LA SOGS PA SKYE MCHED DRUG PO DAG LA, MIG DANG, RNA BA DANG, SNA DANG, LCE DANG, LUS DANG, YID CES BYA BA SO SO'I KHYAD PAR NYID YOD PA'I PHYIR RO, ,YANG NA SPYI NYID DANG LDAN PA'I PHYIR ZHES BYA BA NI SKYE MCHED THAMS CAD LA SKYE MCHED RNAMS SKYE MCHED RNAMS ZHES BYA BA SPYI YOD PA'I PHYIR RO, ,KHYAD PAR NYID DANG LDAN PA'I PHYIR ZHES BYA BA NI MI'I SKYE MCHED RNAMS ZHES BYA BA DANG, LHA'I SKYE MCHED RNAMS ZHES BYA BA DANG, DUD 'GRO'I SKYE MCHED RNAMS ZHES BYA BA KHYAD PAR NYID YOD PA'I PHYIR, NYID CES BYA BA NI SPYI DANG KHYAD PAR GYI DNGOS PO RNAMS NI SPYI DANG KHYAD PAR NYID DO, ,LDAN PA'I PHYIR ZHES BYA BA NI SPYI DANG KHYAD PAR NYID DANG LDAN PA'I PHYIR TE, DE NI 'DIR SGRUB PA'I CHOS SO, ,DPER NA MYU GU BZHIN NO ZHES BYA BA NI 'DI LTAR MYU GU LA YANG MYU GU THAMS CAD LA MYU GU ZHES BYA BA'I RIGS SPYI NYID KYANG YOD LA, 'BRAS KYI MYU GU DANG, NAS KYI MYU GU ZHES BYA BA LA SOGS PA KHYAD PAR NYID KYANG YOD PA STE, DPER NA MYU GU KUN RDZOB TU SPYI DANG KHYAD PAR NYID DANG LDAN PA'I PHYIR RGYU MED PA LAS SKYE BA MED DE, 'DI LTAR THOG MA MED PA'I RGYU BRGYUD PA LAS SKYE BAS RGYU MED PA @113B LAS SKYE BA MED PA DE BZHIN DU KUN RDZOB TU KHAS BLANGS PA NANG GI SKYE MCHED KYI DNGOS PO RNAMS KYANG SPYI DANG KHYAD PAR NYID DANG LDAN PA'I PHYIR RGYU MED PA LAS SKYE BA MED DO, ,'DI LTAR THOG MA MED PA'I RGYU BRGYUD PA LAS SKYE BAS RGYU MED PA LAS SKYE BA MED DE, DE NI 'DIR CHOS MTHUN PA'I DPE YIN NO, ,DE LTAR RE ZHIG KHYOD KYI RGYU MED PA LAS SKYE BAR SGRUB PA DE LA RJES SU DPAG PA'I GNOD PAR 'GYUR BA'I SKYON YOD PA'I PHYIR DNGOS PO RNAMS RGYU MED PA LAS SKYE BA MED PAR DGONGS SO, ,GAL TE JI LTAR GRAGS PA'I GNOD PAR 'GYUR BA'I SKYON YOD CE NA, DE BSTAN PA'I PHYIR GRAGS PA'I GNOD PA NI ZHES BYA BA LA SOGS PA SMRAS SO, ,DE LA JI LTAR GRAGS PA'I GNOD PAR 'GYUR BA'I SKYON YOD PAS DE BSTAN PA'I PHYIR, 'JIG RTEN 'DI NA YOD PA GANG YIN PA DE NI RGYU LAS SKYE BAR GRAGS PA STE, DPER NA RGYU SPUN DAG LAS SNAM BU DANG RTZI RKYANG DAG LAS SAB MA SKYE BA LA SOGS PA BZHIN NO ZHES BYA BA SMRAS SO, ,'DI SKAD BSTAN TE, BA LANG RDZI'I CHUNG MA YAN CHAD LA SNAM BU DANG SAB MA LA SOGS PA RGYU DANG BCAS PA LAS SKYE BAR GRAGS PAS, KHYOD KYI KUN RDZOB TU NANG GI SKYE MCHED KYI DNGOS PO RNAMS RGYU MED PA LAS SKYE BAR SGRUB PA'I DON DE LA NI GRAGS PA DANG 'GAL BA'I GNOD PAR 'GYUR BA'I SKYON YOD PA'I PHYIR YANG DNGOS PO RNAMS RGYU MED PA LAS SKYE BA MED PAR DGONGS SO, ,DE LTAR NA RE ZHIG RGYU MED PA DNGOS POR GYUR PA MA YIN PA LAS GLO BUR DU SKYE BA MED DO, ,DA NI RGYU MED PA DE DNGOS POR GYUR PA LAS SKYE PA DGAG PAR BYA STE, DE'I PHYIR YANG NA RGYU MED CES BYA BA NI RGYU NGAN BA STE, CHUNG MA MED PA ZHES BYA BA LA SOGS PA BZHIN NO ZHES BYA BA SMRAS TE, YANG NA RGYU MED CES BYA BA NI RGYU NGAN PA STE, NGO BO NYID DANG DBANG PHYUG LA SOGS PA RGYUR SMRA BA'I GRUB PA'I MTHA' LAS MI MTHUN PA RGYUR SMRA BA YIN NO ZHES BYA BAR SBYAR RO, ,DE LA YANG NA ZHES BYA BA NI RGYU MED CES BYA BA NI RGYU MED PA DNGOS POR GYUR PA MA YIN PA SNGAR BSTAN PA 'BA' ZHIG TU YANG MA ZAD DE, YANG RNAM PA GCIG TU NA RGYU MED CES BYA BA NI, RGYU MED PA DNGOS POR GYUR PA NGAN PA LA YANG BYA'O ZHES BYA BA'I THA TSIG @114A *, ,GO; ,RGYU MED CES BYA BA NI RGYU NGAN PA STE ZHES BYA BA NI RGYU'I BYA BA BYED PA NYID MA YIN PAS RGYU MED PA DANG 'DRA BAR RGYU MED PA ZHES BYA STE, GANG NGO BO NYID KYIS YOD KYANG SKYE BAR BYED PA MA YIN PAS NGAN PA DE NI RGYU MED PA ZHES BYA'O, ,DE YANG JI LTA BU ZHE NA, DPER NA CHUNG MA MED PA ZHES BYA BA LA SOGS PA BZHIN NO ZHES BYA BA SMRAS TE, DPER NA CHUNG MA NGAN PA SKYON CHAGS PA DNGOS POR GYUR PA YOD KYANG CHUNG MA'I BYA BA NI MI BYED PAS DE LA CHUNG MA MED PA ZHES BYA BA DANG, BU NGAN PA SKYON CHAGS PA DNGOS POR GYUR PA YOD KYANG BU'I BYA BA MI BYED PAS DE LA BU MED PA ZHES BYA BA BZHIN DU, NGO BO NYID DANG DBANG PHYUG LA SOGS PA RGYUR SMRA BA'I GRUB PA'I MTHA' LAS MI MTHUN PA RGYUR SMRA BA DAG KYANG RGYU NGAN PA SKYON CHAGS PA DNGOS POR GYUR PA YOD KYANG RGYU'I BYA BA MI BYED PAS DE YANG RGYU MED PA ZHES BYA'O, ,RGYU NGAN PA GANG ZHE NA ZHES BYA BA NI RGYU MED PA DNGOS PO GYUR PA YOD KYANG RGYU'I BYA BA MI BYED PAS RGYU NGAN PA THEG PA ZHES BYA BA DE YANG GANG ZHE NA ZHES 'DIR 'GREL PA BYED PA NYID KYIS DRI BA'I TSIG YIN NO, ,DE'I LAN DU 'GREL PA BYED PA NYID KYIS, NGO BO NYID DANG, DBANG PHYUG DANG, SKYES BU DANG, GTZO BO DANG, DUS DANG, SRED MED KYI BU LA SOGS PA STE ZHES BYA BA SMRAS TE, SOGS PA ZHES BYA BA'I SGRAS NI TSANGS PA DANG, SKYE DGU'I BDAG PO DANG, MA NU DANG, GNAM GYIS BSKOS PA DANG, PAR SIG RNAMS KYI DRU B'A NA DANG, BAR BAR RNAMS KYI YU NA ZHES BYA BA'I BAR DAG BSDU'O, ,CI'I PHYIR DE DAG RGYU MED PA YIN ZHE NA, DE'I PHYIR YANG DAG PA MA YIN PA'I PHYIR RO ZHES BYA BA SMRAS TE, NGO BO NYID DANG, DBANG PHYUG DANG, SKYES BU DANG, GTZO BO DANG, DUS DANG, SRED MED KYI BU DANG, TSANGS PA DANG, SKYE DGU'I BDAG PO DANG, MA NU DANG, GNAM GYI SA BSKOS PA DANG, DRU B'A NA DANG; YU NA LA SOGS PA DE DAG NI NGO BO NYID KYI RGYU YANG DAG PA MA YIN PA'I PHYIR TE, DE DAG NI KUN RDZOB TU DNGOS POR GYUR PA YIN DU ZIN KYANG SKYED PAR BYED PA NYID MA YIN PA'I PHYIR, NGAN PAS MED PA DANG 'DRA BA'I PHYIR RGYU NYID MA YIN NO, ,DA NI RGYU MED PA DNGOS POR GYUR PA DE LAS SKYE @114B BA DGAG PAR BYA STE, DE'I PHYIR DNGOS PO RNAMS RGYU MED PA DE LAS SKYE BA MED DE ZHES BYA BA LA SOGS PA SMRAS SO, ,GAL TE DNGOS PO RNAMS RGYU MED PA DE LAS CI'I PHYIR SKYE BA MED CE NA, DE'I PHYIR DE LAS SKYE BAR STON PA'I RJES SU DPAG PA MED PA'I PHYIR DANG, RJES SU DPAG PA'I GNOD PAR 'GYUR BA'I PHYIR YANG NGO ZHES BYA BAR DGONGS SO ZHES BYA BA SMRAS SO, ,'DI SKAD BSTAN TE, KHYOD KYI NGO BO NYID DANG, DBANG PHYUG LA SOGS PA DE LAS DNGOS PO RNAMS SKYE BAR STON PA'I RJES SU DPAG PA MED PA'I PHYIR, 'DI LTAR DE NI TSIG TZAM DU ZAD PAS DE'I PHYIR DNGOS PO RNAMS RGYU NGAN PA LAS SKYE BA MED DO, ,GZHAN YANG KHYED KYI RGYU NGAN PA NGO BO NYID DANG, DBANG PHYUG LA SOGS PA DE LAS DNGOS PO RNAMS SKYE BAR SGRUB PA DE DAG THAMS CAD KHO BOS RJES SU DPAG PA DAG GIS DGAG PAR NUS PA'I GNOD PA KHYOD LA 'BYUNG BAR 'GYUR BA'I PHYIR YANG DNGOS PO RNAMS RGYU NGAN PA LAS SKYE BA MED DO, ,YANG NGO ZHES BYA BA'I SGRA NI SKYON GNYI GA BSDUS PA'I DON TO ZHES BYA BAR DGONGS SO ZHES BYA BA NI, DE LTAR KHYOD KYI RGYU NGAN PA NGO BO NYID DANG DBANG PHYUG LA SOGS PA DE LAS DNGOS PO RNAMS SKYE BAR STON PA'I RJES SU DPAG PA MED PA'I PHYIR DANG, KHYOD KYI PHYOGS 'DI LA RJES SU DPAG PA'I GNOD PAR 'GYUR BA'I PHYIR YANG DNGOS PO RNAMS RGYU NGAN PA LAS SKYE BA MED DO ZHES BYA BAR MDO MDZAD PAS DGONGS SO ZHES BYA BA'I THA TSIG GO, ,DE NI RE ZHIG RGYU MED PAS DNGOS POR GYUR PA LAS SKYE BA DGAG PA SPYIR BSTAN PA YIN NO, ,DA NI RGYU MED PA DNGOS POR GYUR PA LAS SKYE BAR SMRA BA DAG RIM BZHIN DU DGAG PAR BYA'O, ,DE LA RE ZHIG RGYU MED PA DNGOS POR GYUR PA NGO BO NYID DU SMRA BA DAG GI GRUB PA'I MTHA' NI GANG YIN, JI LTAR DNGOS PO RNAMS NGO BO NYID LAS SKYE BA MED CE NA, DE'I PHYIR RE ZHIG NGO BO NYID DU SMRA BA DAG GI GRUB PA'I MTHA' BSTAN PA'I PHYIR, DE LA RE ZHIG NGO BO NYID DU SMRA BA DAG NA RE, NANG GI SKYE MCHED RNAMS NGO BO NYID LAS SKYE BAR DAM 'CHA' STE, LUS SNA TSOGS 'GRUB PA'I PHYIR, DPER NA PADMA DAG GI KHA DOG DANG, DBYIBS DANG, LO MA DANG, CHU BA DANG, 'DAB MA DANG, ZE BA DANG, @115A *, ,SNYING PO MDZES PA LTA BU DANG, RMA BYA DAG GI MGRIN PA'I PHYOGS RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG LA, MJUG SGRO'I TSOGS DAG GI MDONGS PA BKRA ZHING 'TSER BAG YOD PA BZHIN NO ZHES ZER RO ZHES BYA BA SMRAS TE, 'DIS CI BSTAN ZHE NA, SNGAR DBU MA PAS DNGOS PO RNAMS RGYU MED PA DE LAS SKYE BA MED DE, DE LAS SKYE BAR STON PA'I RJES SU DPAG PA MED PA'I PHYIR DANG, RJES SU DPAG PA'I GNOD PAR 'GYUR BA'I PHYIR YANG NGO ZHES BYA BAR DGONGS SO ZHES SMRAS PA GANG YIN PA DE LA NGO BO NYID DU SMRA BA DAG NGO BO NYID LAS SKYE BAR STON PA'I RJES SU DPAG PA'I PHYIR ZHES BYA BA DE MI BZOD PAS, 'DIR NGO BO NYID LAS SKYE BAR STON PA'I RJES SU DPAG PA DANG, RANG GI LO RGYUS KYANG STON PAR BYED PA YIN NO, ,DE LA ZHES BYA BA'I SGRA NI DMIGS KYIS BSAL BA'I DON DE RGYU MED PA DNGOS POR GYUR PA LAS SKYE BAR SMRA BA DE LA'O, , RE ZHIG CES BYA BA'I SGRA NI RIM PA LA LTOS PA'I DON TE, RGYU MED PA DNGOS POR GYUR PA LAS SKYE BAR SMRA BA DAG LAS RE ZHIG NGO BO NYID DU SMRA BA DAG GI LO RGYUS STON PA YIN NO, ,NGO BO NYID DU SMRA BA DAG NA RE ZHES BYA BA NI RGYU MED PA DNGOS POR GYUR PA NGO BO NYID LAS SKYE BAR SMRA BA DAG NA RE 'DI SKAD CES ZER RO ZHES BYA BAR SBYAR RO, ,DE LA NGO BO NYID CES BYA BA NI GANG DNGOS PO THAMS CAD LA MI LTOS PAR RANG GI NGO BO NYID KYIS YANG DAG PAR 'GRUB PA LHAN CIG SKYES PA BCOM MA MA YIN PA DE NI NGO BO NYID CES BYA'O, ,NGO BO NYID DU SMRA BA ZHES BYA BA NI DNGOS PO RNAMS NGO BO NYID LAS SKYE BAR SMRA BA STE, 'JIG RTEN RGYANG PAN PA'I GRUB MTHA' BYED PA DRANG SRONG CHEN PO 'JIG RTEN MIG CES BYA'O, ,NGO BO NYID DU SMRA BA DAG CES BYA BA'I SGRAS NI DRANG SRONG CHEN PO 'JIG RTEN MIG GI GRUB PA'I MTHA' SMRA BA DAG CES BYA BA'I DON TE, 'JIG RTEN RGYANG PAN PA DAG CES BYA BA'I THA TSIG GO, ,DE LA 'DIR NANG GI SKYE MCHED RNAMS ZHES BYA BA 'DI NI CHOS CAN YIN LA, NGO BO NYID LAS SKYE BAR DAM 'CHA' STE ZHES BYA BA 'DI NI BSGRUB PAR BYA BA CHOS YIN, LUS SNA TSOGS 'GRUB PA'I PHYIR ZHES BYA BA 'DI NI SGRUB PA'I CHOS YIN, DPER NA PADMA DAG GI KHA DOG DANG, DBYIBS DANG, LO MA DANG, @115B CHU BA DANG, 'DAB MA DANG, ZE BA DANG, SNYING PO MDZES PA LTA BU DANG, RMA BYA DAG GI MGRIN PA'I PHYOGS RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG LA, MJUG SGRO'I TSOGS DAG GI MDONGS BKRA ZHING 'TSER BAG YOD PA BZHIN NO ZHES BYA BA 'DI NI DPE YIN PAR SBYAR RO, ,DE LA NANG GI SKYE MCHED RNAMS ZHES BYA BA LA, NANG GI ZHES BYA BA NI BDAG GIS BYIN GYIS BRLABS SHING GNAS SU BYAS PA'O, ,BDAG CES BYA BA NI 'TSAM LA BDAG GIR BYED PA STE, YO BYAD GYA NOM PA DANG, RGYA CHEN PO DAG DANG POR BYAS NAS, YO BYAD NGAN PA DANG KHYON CHUNG NGU'I BAR DAG LA BDAG GIR BYED PAS BDAG CES BYA'O, ,BDAG DES BYIN GYIS BRLABS SHING GNAS SU BYAS PA NI NANG GI ZHES BYA'O, ,SKYE MCHED RNAMS ZHES BYA BA NI SEMS DANG SEMS LAS BYUNG BA RNAMS SKYE ZHING 'BYUNG BA DANG, MCHED CING RGYAS PAR BYED PAS SKYE MCHED RNAMS TE, 'DI LTA STE, MIG DANG, RNA BA DANG, SNA DANG LCE DANG, LUS DANG, YID CES BYA BA RNAMS SO, ,NANG GI SKYE MCHED DE DAG LA BSGRUB PAR BYA BA CHOS NGO BO NYID LAS SKYE BAR DAM 'CHA' STE ZHES BYA BA DANG, SGRUB PA'I CHOS LUS SNA TSOGS 'GRUB PA'I PHYIR ZHES BYA BA DE GNYIS YOD PAS DE NI 'DIR CHOS CAN YIN NO, ,NGO BO NYID LAS SKYE BAR DAM 'CHA' STE ZHES BYA BA NI, NANG GI SKYE MCHED DE DAG DNGOS PO THAMS CAD LA MI LTOS PAR RANG GI NGO BO NYID KYIS YANG DAG PAR 'GRUB PA LHAN CIG SKYES PA BCOS MA MA YIN PAR KHAS LEN PA STE, DE NI 'DIR BSGRUB PAR BYA BA CHOS YIN NO, ,RJES SU DPAG PA'I 'DI LA BSGRUB PAR BYA BA CHOS NGO BO NYID LAS SKYE BAR DAM 'CHA' STE ZHES BYA BA DANG, GANG LA DE BSGRUB PAR BYA BA'I CHOS CAN NANG GI SKYE MCHED RNAMS ZHES BYA BA DE GNYIS GCIG TU BSDUS PA NI PHYOGS YIN PAR SBYAR RO, ,LUS SNA TSOGS GRUB PA'I PHYIR ZHES BYA BA LA, LUS ZHES BYA BA NI RANG GI NGO BO NYID DO, ,SNA TSOGS ZHES BYA BA NI SNA TSOGS PA DANG BRGYAN PA DANG SPRAS PA'O, ,'GRUB PA'I PHYIR ZHES BYA BA NI KHA DOG DKAR PO DANG, DMAR PO DANG, SNGON PO DANG, SER PO LA SOGS PA DANG, DBYIBS RING PO DANG, THUNG DU @116A *, ,DANG, ZLUM PO DANG, GRU BZHI LA SOGS PAS LUS SNA TSOGS 'GRUB PA'I PHYIR TE, DE NI 'DIR NANG GI SKYE MCHED RNAMS NGO BO NYID LAS SKYE BAR DAM 'CHA' BA'I SGRUB PA'I CHOS YIN NO, ,DE YANG JI LTA BU ZHE NA, DE'I PHYIR DPER NA ZHES BYA BA LA SOGS PA SMRAS TE, DPER NA PADMA DAG GI KHA DOG LA SOGS PA MDZES PA DANG, RMA BYA DAG GI MGRIN PA'I PHYOGS MTHON MTHING DU 'DUG PA DAG LA SOGS PA BYED PA PO GANG YANG MED PAR NGO BO NYID KYIS DE LTAR SKYES PA BZHIN DU NANG GI SKYE MCHED KHA DOG DANG DBYIBS LA SOGS PA DAG GI LUS SNA TSOGS GRUB PA RNAMS KYANG BYED PA PO GANG YANG MED PAR NGO BO NYID KYIS DE LTAR SKYE'O ZHES DAM 'CHA' BAR SBYAR RO, ,DE LA PADMA DAG CES BYA BA NI MTSO LAS SKYES PA DAG MTSON PA STE, DES NA PADMA MA DANG, AUTPALA DANG, KU MU DA DANG, DRI MCHOG DANG, PADMA DKAR PO LA SOGS PA DAG SPYIR GZUNG NGO, ,KHA DOG DANG, DBYIBS DANG, LO MA DANG, CHU BA DANG, 'DAB MA DANG, ZE BA DANG, SNYING PO MDZES PA ZHES BYA BA NI, KHA DOG LA SOGS PA GANG LA MDOG MDZES PA YOD PA DE NI KHA DOG LA SOGS PA MDZES PA'O, ,DES NA PADMA LA SOGS PA MTSO NAS SKYES PA GANG DAG LA KHA DOG MDZES PA DANG, DBYIBS MDZES PA DANG, LO MA MDZES PA DANG, CHU BA MDZES PA DANG, 'DAB MA MDZES PA DANG, ZE BA MDZES PA DANG, SNYING PO MDZES PA YOD PA DE DAG NI, KHA DOG DANG, DBYIBS DANG, LO MA DANG, CHU BA DANG, 'DAB MA DANG, ZE BA DANG, SNYING PO MDZES PA ZHES BYA BA'O, LTA BU ZHES BYA BA NI DPER NA, PADMA LA SOGS PA DE DAG GI KHA DOG LA SOGS PA'I MDZES PA DE DAG SU ZHIG CHUR ZHUGS TE, KHA DOG DANG DBYIBS SNA TSOGS BKRA ZHING MDZES PA DAG TU BYED PAR 'GYUR TE, BYED PA PO MANG PO ZHIG YOD DU ZIN KYANG DE DAG BYED MI NUS NA BYED PA PO DANG 'BYIN PA PO GCIG GIS DE DAG BYED NUS PAR LTA GA LA 'GYUR TE, MI NUS PA DE BZHIN DU NANG GI SKYE MCHED KHA DOG DANG DBYIBS LA SOGS PA DAG GIS LUS SNA TSOGS GRUB PA RNAMS KYANG BYED PA PO GANG GIS @116B KYANG MA BYAS PAR NGO BO NYID LAS SKYE BAR DAM 'CHA'O ZHES BYA BA LA SOGS PA'I THA TSIG GO, ,RMA BYA DAG CES BYA BA 'DIS NI NANG GI SEMS CAN DU BGRANG BA DAG GI DPE YIN NO, ,DE LA MGRIN PA'I PHYOGS RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG LA ZHES BYA BA NI RMA BYA GANG DAG LA MGRIN PA'I PHYOGS KYI NOR BU RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG PA YOD PA DE DAG NI MGRIN PA'I PHYOGS RIN PO CHE MTHON KA CHEN PO DANG AANDA RNYIL LTAR MTHON MTHING DU 'DUG PA ZHES BYA'O, ,DE LA RIN PO CHE MTHON KA CHEN PO ZHES BYA BA NI KHA DOG MTHON KA'I SHAS SHIN TU CHE BAS MTHON KA CHEN PO ZHES BYA'O, ,AANDA RNYIL ZHES BYA BA NI RIN PO CHE MTHON KA CHEN PO DE DAG NYID KYI BYE BRAG STE, RIN PO CHE AINDRA N'I LA ZHES BYA BA YIN NO, ,DES NI RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG LA ZHES BYA BA NI DE 'DRA BAR MGRIN PA'I PHYOGS MTHON MTHING DU 'DUG PA YIN NO, ,RMA BYA DE DAG GI MGRIN PA'I PHYOGS RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG LA ZHES BYA BA 'BA' ZHIG TU YANG MA ZAD DE, 'DI LTAR MJUG SGRO'I TSOGS DE DAG GI MDONGS BKRA ZHING 'TSER BAG YOD PA YANG YIN TE, RMA BYA GANG DAG LA MJUG SGRO'I TSOGS DAG GI MDONGS BKRA ZHING 'TSER BAG YOD PA DE DAG NI MJUG SGRO'I TSOGS DAG GI MDONGS BKRA ZHING 'TSER BAG YOD PA ZHES BYA'O, ,BZHIN NO ZHES BYA BA NI DPER NA RMA BYA DE DAG GI MGRIN PA'I PHYOGS RIN PO CHE MTHON KA CHEN PO DANG, AANDA RNYIL LTAR MTHON MTHING DU 'DUG PA, MJUG SGRO'I TSOGS DAG GI MDONGS BKRA ZHING 'TSER BAG YOD PA DE DAG SU ZHIG TSON LA SOGS PA THOGS TE, KHA DOG DANG DBYIBS SNA TSOGS LA BKRA ZHING 'TSER BAG TU BYED PAR 'GYUR TE, BYED PA PO MANG PO ZHIG YOD DU ZIN NA YANG DE DAG BYED MI NUS NA, BYED PA PO DANG 'BYIN PA PO GCIG GIS DE LTAR BYED NUS PAR GA LA 'GYUR TE, MI NUS PA DE BZHIN DU NANG GI SKYE MCHED KHA DOG DANG DBYIBS LA SOGS PA DAG GI LUS SNA TSOGS GRUB PA RNAMS KYANG BYED PA PO GANG GIS KYANG MA BYAS PAR NGO BO NYID LAS SKYE BAR @117A *, ,DAM 'CHA'O ZHES BYA BA'I THA SIG GO, ,DE LTAR NA PHYI ROL DANG NANG GI RDZAS TSOGS PA'I MTHU LAS PHYI NANG GI DNGOS PO RNAMS KYI KHA DOG DANG, DBYIBS DANG, BONG TSOD DANG, SGRA SKAD DANG, BSAM PA'I DBYE BA THA DAD PAR GYUR PA YIN PAS, DBU MA PA NA RE, NGO BO NYID LAS SKYE BAR STON PA'I RJES SU DPAG PA MED PA'I PHYIR DNGOS PO RNAMS NGO BO NYID LAS SKYE BA MED DO ZHES ZER BA DE RIGS PA MA YIN NO ZHES ZER RO,, ,,BAM PO BCU GSUM PA, DE SKAD CES ZER BA DE'I LAN DU 'DIR 'GREL PA BYED PA NYID KYIS DES NA DE LA DAM PA'I DON DE GAL TE KUN RDZOB TU NANG GI SKYE MCHED KUN RDZOB PA'I SHES PA SPYOD YUL RNAMS BYED PA PO RANG DBANG CAN GYI BYA BA LA MI LTOS PA'I PHYIR DANG, SUS KYANG MA BYAS PA KHO NA'I PHYIR RKYEN NGES PA LAS SKYE BA YIN NA NI GRUB PA LA SGRUB BO, ,CI STE DON DAM PAR NA NI DPE MED DE, DON DAM PAR PADMA LA SOGS PA SKYE BAR KHAS MA BLANGS PA'I PHYIR RO ZHES BYA BA SMRAS SO, ,DE LA DES NA ZHES BYA BA NI NGO BO NYID DU SMRA BA DAG GIS JI SKAD SMRAS PA DES NA'O, ,DE LA ZHES BYA BA NI NGO BO NYID DU SMRA BA DAG GIS SGRUB PA'I SBYOR BA BYAS PA DE LA'O, ,DAM BCAS PA'I DON DE ZHES BYA BA NI NGO BO NYID DU SMRA BA DAG GIS BSGRUB PAR BYAS PA'I DAM BCAS PA'I DON SNGAR SMRAS PA DE'O, ,DES NA DE LA RE ZHIG 'DI SKAD CES DRI BAR BYA STE, CI NGO BO NYID LAS SKYE BAR DAM BCAS PA'I DON DE KUN RDZOB TU SGRUB BAM, 'ON TE DON DAM PAR SGRUB PA 'DI LA KHYED KYI BSAM PA NI GANG, DAM BCAS PA NI GANG ZHES DRI BAR BYA'O, ,DE SKAD DRIS PA NA NGO BO NYID DU SMRA BA DAG DAM BCAS PA'I DON DE KUN RDZOB TU SGRUB PO ZHES ZER NA, DE'I PHYIR DE DAG LA 'DI SKAD CES GAL TE KUN RDZOB TU NANG GI SKYE MCHED KUN RDZOB SHES PA'I SPYOD YUL RNAMS BYED PA PO RANG DBANG CAN GYI BYA BA LA MI LTOS PA'I PHYIR DANG, SUS KYANG MA BYAS PA KHO NA'I PHYIR RKYEN NGES PA LAS SKYE BA YIN NA NI GRUB PA LA SGRUB PO ZHES BRJOD PAR BYA'O, ,DE LA GAL TE KUN RDZOB TU ZHES BYA BA NI GAL TE NANG GI SKYE MCHED KUN RDZOB PA'I SHES PA'I SPYOD YUL RNAMS BYED PA PO RANG DBANG CAN GYI BYA BA LA MI LTOS PA'I PHYIR @117B DANG; SUS KYANG MA BYAS PA KHO NA'I PHYIR KUN RDZOB TU RKYEN NGES PA LAS SKYE BA SGRUB KYI, DON DAM PAR MI SGRUB NA NI'O, ,NANG GI SKYE MCHED CES BYA BA NI KHYAD PAR GYI GZHI YIN TE, MIG LA SOGS PA NANG GI SKYE MCHED DRUG PO RNAMS SO, ,KUN RDZOB PA'I SHES PA'I SPYOD YUL RNAMS ZHES BYA BA NI DE DAG GI KHYAD PAR YIN TE, NANG GI SKYE MCHED DE DAG NYID KUN RDZOB PA'I SHES PA'I SPYOD YUL DANG YUL YIN PA'I PHYIR RO, ,BYED PA PO RANG DBANG CAN GYI BYA BA ZHES BYA BA NI, BYED PA PO'I MTSAN NYID NI RANG DBANG CAN YIN LA, DE'I BYA BA NI G-YO BA DANG RTZOL BA YIN PAS BYED PA PO RANG DBANG CAN GYI BYA BA ZHES BYA BA STE, GZHAN LA MI BRTEN PAR BYED PA ZHES BYA BA'I THA TSIG GO, ,BYED PA PO RANG DBANG CAN GYI BYA BA DE LA MI LTOS PA'I PHYIR ZHES BYA BA NI NANG GI SKYE MCHED KUN RDZOB PA'I SHES PA'I SPYOD YUL GANG DAG BYED PA PO RANG DBANG CAN GYI BYA BA LA MI LTOS SHING RKYEN NGES PA LA LTOS PA DE DAG NI BYED PA PO RANG DBANG CAN GYI BYA BA LA MI LTOS PA ZHES BYA STE, DE LA MI LTOS PA'I PHYIR RKYEN NGES PA LAS SKYE BA YIN NA NI ZHES BYA BAR SBYAR RO, ,SUS KYANG MA BYAS PA KHO NA'I PHYIR ZHES BYA BA NI NANG GI SKYE MCHED KUN RDZOB PA'I SHES PA'I SPYOD YUL GANG DAG TSANGS PA LA SOGS PA SUS KYANG MA BYAS PA KHO NA YIN ZHING, RKYEN NGES PA KHO NA LAS SKYE BA DE DAG NI SUS KYANG MA BYAS PA KHO NA ZHES BYA STE, SUS KYANG MA BYAS PA KHO NA'I PHYIR NGES PA LAS SKYE BA YIN NO ZHES BYA BAR SBYAR RO, ,BYED PA PO RANG DBANG CAN GYI BYA BA LA MI LTOS PA DANG, TSANGS PA LA SOGS PA SUS KYANG MA BYAS PA DE DAG KYANG GANG ZHE NA, NANG GI SKYE MCHED KUN RDZOB PA'I SHES PA'I SPYOD YUL RNAMS ZHES BYA BA YIN TE, DE RNAMS BYED PA PO RANG DBANG CAN GYI BYA BA LA MI LTOS PA'I PHYIR DANG, TSANGS PA LA SOGS PA SUS KYANG MA BYAS PA KHO NA'I PHYIR RKYEN NGES PA LAS SKYE PA YIN NA NI, NGO BO NYID DU SMRA BA DAG GI DAM BCAS PA'I DON DE GRUB PA LA SGRUB PA'I SKYON DU 'GYUR RO ZHES BYA BAR SBYAR RO, ,DE LA RKYEN ZHES BYA BA NI LAS DANG NYON MONGS PA DANG, KHU CHU DANG, KHRAG LA SOGS PA ZHES BYA BA DANG, SA BON DANG, SA DANG, CHU DANG, ME DANG, RLUNG ZHES @118A *, ,BYA BA DAG GO, ,NGES PA ZHES BYA BA NI MER MER PO LA SOGS PA DANG, MIR GYUR PA'I LAS KYI RKYEN LAS MI'I SKYE MCHED RNAMS SKYE BAR 'GYUR BA DANG, DE BZHIN DU DUD 'GRO DANG, YI DAGS DANG, SEMS CAN DMYAL BAR 'GYUR BA'I LAS KYI RKYEN LAS DUD 'GRO DANG, YI DAGS DANG, SEMS CAN DMYAL BA PA'I SKYE MCHED RNAMS SKYE BAR 'GYUR BA DANG, DE BZHIN DU PADMA DANG, AUTPALA DANG, DRI MCHOG DANG, PADMA DKAR PO LA SOGS PA'I SA BON RIGS MTHUN PA LAS, PADMA DANG, AUTPALA LA SOGS PA SKYE BAR 'GYUR BA DE NI NGES PA ZHES BYA'O, ,DE'I PHYIR RKYEN NGES PA DE LAS NANG GI SKYE MCHED KUN RDZOB PA'I SHES PA'I SPYOD YUL RNAMS SKYE BA YIN NA NI DES NA KHYOD KYIS DAM BCAS PA'I DON DE GRUB PA LA SGRUB PA YIN TE, 'DI LTAR GRUB PA'I MTHA' GANG LAS SA BON YANG 'DI SNYAM DU, BDAG GIS MYU GU MNGON PAR BSGRUB PAR BYA'O SNYAM DU MI SEMS LA, MYU GU YANG 'DI SNYAM DU BDAG NI SA BON GYIS MNGON PAR BSGRUBS SO SNYAM DU MI SEMS SO, ,DE BZHIN DU MA RIG PA YANG 'DI SNYAM DU BDAG GIS 'DU BYED RNAMS MNGON PAR SGRUB BO SNYAM DU MI SEMS LA, 'DU BYED RNAMS KYANG 'DI SNYAM DU BDAG CAG NI MA RIG PAS MNGON PAR BSGRUBS SO SNYAM DU MI SEMS TE, 'DI LTAR BYED PA PO YONGS SU BTZAL NA NANG GI BYED PA'I SKYES BU'AM 'BYIN PA PO DMIGS SU MED MOD KYI, 'ON KYANG RGYU DANG RKYEN SO SOR NGES PA TSOGS PA'I DBANG DANG SEMS CAN RNAMS KYI LAS THUN MONG BA'I DBANG GIS 'BRAS BU YO BYAD SO SOR NGES PA DAG KUN RDZOB TU SKYE BA GANG YIN PA DE NI CHOS NYID YIN NO ZHES GSUNGS PA'I GRUB PA'I MTHA' DE NYID KHYOD KYIS BSGRUBS PAS GRUB PA LA SGRUB PA YIN NO, ,DE SKAD CES SMRAS PA NA, GAL TE NGO BO NYID DU SMRAS PA DAG DAM BCAS PA'I DON DE DON DAM PAR SGRUB BO ZHES ZER NA, DE'I PHYIR DE DAG LA 'DI SKAD CES TE, DON DAM PAR NA NI DPE MED DE, DON DAM PAR PADMA LA SOGS PA SKYE BAR KHAS MA BLANGS PA'I PHYIR RO ZHES BRJOD PAR BYA'O, ,DE LA CI STE DON DAM PAR NA NI ZHES BYA BA NI NGO BO NYID DU SMRA BA DAG GI @118B NGO BO NYID LAS SKYE BAR DAM BCAS PA'I DON DE JI STE DON DAM PAR SGRUB NA NI'O, ,DPE MED DE ZHES BYA BA NI DON DAM PAR DNGOS PO RNAMS KYI DPE MED PAS DNGOS PO RNAMS NGO BO NYID LAS SKYE BAR DAM BCAS PA'I DON DE NI MI 'GRUB PO ZHES BYA BAR SBYAR RO, ,GAL TE DON DAM PAR JI LTAR DPE MED CE NA, DE'I PHYIR DON DAM PAR PADMA LA SOGS PA SKYE BAR KHAS MA BLANGS PA'I PHYIR RO ZHES BYA BA SMRAS TE, CI KHYED KYI KHO BO'I GRUB PA'I MTHA' LAS GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES GSUNGS PA MA THOS SAM, DE'I PHYIR DON DAM PAR PADMA LA SOGS PAR CHOS THAMS CAD SKYE BAR KHAS MA BLANGS PA'I PHYIR DPE MED DO, ,GZHAN YANG KHYED KYIS GAL TE BSKAL PA DU MAR RKANG PA'I MTHE BO YA GCIG GIS 'GRENG STE, LHA THAMS CAD MNYES PAR BYED CING, BDAG LA DBU MA PA'I PHYIR DON DAM PAR GNYI GA LA GRAGS PA'I DPE ZHIG STZOL CIG CES GSOL BA BTAB DU ZIN KYANG, LHA DE DAG GIS KHYOD LA DPE DE LTA BU SBYIN PAR MI NUS TE, 'DI LTAR BCOM LDAN 'DAS KYIS DON DAM PAR DNGOS PO THAMS CAD SKYE BA MED PA KHO NAR BKA' STZAL PA'I PHYIR RO, ,KHYED KYI GTAN TSIGS LUS SNA TSOGS 'GRUB PA'I PHYIR ZHES BYA BA DE YANG GANG YANG RUNG BA LA MA GRUB PA YIN TE, BYAS PA'I PHYIR ZHES BYA BA BZHIN TE, 'DI LTAR KHO BO'I LUNG DON DAM PA'I BDEN PA GANG ZHE NA, GANG LA SHES PA YANG MI 'JUG NA, YI GE RNAMS LTA SMOS KYANG CI DGOS ZHES GSUNGS PA DES NA, LUS SNA TSOGS 'GRUB PA ZHES BYA BA KHYOD KYI GTAN TSIGS KYI DON DE KHO BO LA MA GRUB PA NYID YIN PAS, DES NA NANG GI SKYE MCHED RNAMS NGO BO NYID LAS SKYE BAR DAM 'CHA' STE ZHES BYA BA DE NI DAM BCAS PA TZAM KHO NAR ZAD DO, ,RGYU MED PA SMRA BA DAG KHO BO'I PHYIR NI THAMS CAD RGYU MED PA LAS 'GRUB PAR 'DOD LA, BSGRUB PAR BYA BA NI GTAN TSIGS KYIS 'GRUB PAR 'DOD NA NI PHYOGS SNGA MA DANG 'GAL LO ZHES BYA BAS NI 'DI SKAD BSTAN TE, NGO BO NYID DU SMRA BA KHYED KYI LUNG NI DNGOS PO THAMS CAD RGYU MED PA LAS SKYE BA 'DI YIN PAS DES NA KHYED KHO BO'I PHYIR DNGOS PO THAMS CAD RGYU MED PA LAS 'GRUB PAR 'DOD PA'I BSGRUB @119A *, ,PAR BYA BA DNGOS PO RNAMS RGYU MED PA LAS SKYE BAR SGRUB PA GANG YIN PA DE MI 'GRUB BO, ,CI'I PHYIR ZHE NA, RGYU MED PAR SMRA BA KHYED DNGOS PO RNAMS RGYU MED PA LAS SKYE BAR SGRUB PA'I GTAN TSIGS SU LUS SNA TSOGS 'GRUB PA'I PHYIR ZHES BYA BA GTAN TSIGS KYI MTSAN NYID DU KHAS LEN PAS, DES NA KHYED KYI DNGOS PO RNAMS RGYU KHO NA LAS SKYE BAR KHAS BLANGS PA YIN GYI, RGYU MED PA LAS SKYE BAR KHAS MA BLANGS PA'I PHYIR, DE LTAR NA RANG GI PHYOGS SNGA MA DANG 'GAL TE, DPER NA BYE BRAG PAS SNGAR SGRA MI RTAG PA NYID DU KHAS MA BLANGS PA 'GYED PA'I DUS NA RTAG PA NYID DU SGRUB PA DE BZHIN DU, KHYED KYANG RANG GI GRUB PA'I MTHA' LAS DNGOS PO THAMS CAD RGYU MED PA LAS SKYE BAR SMRA LA, 'GYED PA'I DUS SU KHO BO'I PHYIR NI BSGRUB PAR BYA BA GTAN TSIGS KYI RGYUS 'GRUB PAR 'DOD PAS DE LTA NA KHYED RANG GI GRUB PA'I MTHA' DANG 'GAL BAR 'GYUR RO ZHES BYA BAR STON TO, ,DE LA RGYU MED PAR SMRA BA DAG CES BYA BA NI NGO BO NYID DU SMRA BA DAG GO, ,KHO BO'I PHYIR NI ZHES BYA BA NI DBU MA PA LA BRGAL BA'I PHYIR NA'O, ,THAMS CAD RGYU MED PA LAS 'GRUB PAR 'DOD PA ZHES BYA BA NI NANG GI SKYE MCHED LA SOGS PA DNGOS PO THAMS CAD NGO BO NYID LAS SKYE BAR DAM 'CHA' ZHING RGYU MED PA LAS 'GRUB PAR 'DOD PA'O, ,BSGRUB PAR BYA BA NI GTAN TSIGS KYIS 'GRUB PAR 'DOD NA NI ZHES BYA BA NI NGO BO NYID DU SMRA BA DAG GIS BSGRUB PAR BYA BA NANG GI SKYE MCHED RNAMS NGO BO NYID LAS SKYE BAR DAM 'CHA' STE ZHES SMOS PA GANG YIN PA DE NI GTAN TSIGS GANG LUS SNA TSOGS 'GRUB PA'I PHYIR ZHES BYA BA DES 'GRUB PAR 'DOD NA NI'O, ,PHYOGS SNGA MA DANG 'GAL LO ZHES BYA BA NI NGO BO NYID DU SMRA BA DAG GI GRUB PA'I MTHA' LAS DNGOS PO THAMS CAD RGYU MED PA LAS 'GRUB PAR 'DOD PA'I PHYOGS SNGA MA DE DANG, DE SGRUB PA GTAN TSIGS KYI RGYUS 'GRUB PAR 'DOD PA 'GAL BA'O, ,CI STE RGYU YOD PAR SMRA BA LA GTAN TSIGS MED PAR BSTAN PAR MI NUS PAS KLA KLO LA KLA KLO'I SKAD BZHIN TE, DES NA GTAN TSIGS SBYAR KYANG PHYOGS SNGA MA'I GNOD PA MED DO ZHE NA ZHES BYA BA NI CI STE NGO BO NYID DU SMRA BA DAG DBU MA PA LA LAN 'DI SKAD @119B CES KHYED DBU MA PA RGYU YOD PAR SMRA BA LA GTAN TSIGS KYI RGYU MED PAR DON BSTAN PAR MI NUS PAS, DPER NA KLA KLO LA KLA KLO'I SKAD MA SMRAS PAR DBUS PA'I SKAD KYI DON BSTAN PAR MI NUS PA BZHIN NO, DES NA KHO BO CAG RGYU MED PAR SMRA BA RNAMS KYIS KYANG KHYED DBU MA PA RGYU YOD PAR SMRA PA RNAMS LA BSTAN PAR BYA BA'I PHYIR, GTAN TSIGS SBYAR BA BYAS KYANG KHO BO CAG LA PHYOGS SNGA MA DANG 'GAL BA'I GNOD PA MED DO ZHES ZER BA DE'I DOGS PA BSU BA YIN NO, ,DE LA CI STE ZHES BYA BA NI DBU MA PAS NGO BO NYID DU SMRA BA DAG GI DOGS PA BSU BA'I TSIG YIN NO, ,RGYU YOD PAR SMRA BA LA ZHES BYA BA NI DBU MA PA LA'O, ,GTAN TSIGS MED PAR BSTAN PAR MI NUS PAS ZHES BYA BA NI NANG GI SKYE MCHED RNAMS NGO BO NYID LAS SKYE BAR DAM 'CHA' STE ZHES BYA BA'I GTAN TSIGS LUS SNA TSOGS 'GRUB PA'I PHYIR ZHES BYA BA MA SMOS PAR DON DE BSTAN PAR MI NUS PAS SO, , KLA KLO LA KLA KLO'I SKAD BZHIN TE ZHES BYA BA NI DPER NA DBUS PAS KLA KLO MTHA' 'KHOB PA LA KLA KLO'I SKAD MA SMRAS PAR DBUS PA'I SKAD KYIS DON BSTAN PAR MI NUS PAS DBUS PAS KLA KLO MTHA' 'KHOB PA LA KLA KLO'I SKAD KYIS DON BSTAN KYANG, DBUS PA DE KLA KLO YIN PAR BRJOD PAR MI BYA BA BZHIN DU NGO BO NYID DU SMRA BA DAG GIS KYANG, DBU MA PA LA GTAN TSIGS MED PAR DON BSTAN PAR MI NUS PAS NGO BO NYID DU SMRA BA DAG GIS DBU MA PA GTAN TSIGS KYI DON BSTAN KYANG NGO BO NYID DU SMRA BA RGYU YOD PAR SMRA BA YIN PAR BRJOD PAR MI BYA BA'O, ,DES NA GTAN TSIGS SBYAR KYANG ZHES BYA BA NI RIGS PA DES NA NGO BO NYID DU SMRA BA DAG GIS NANG GI SKYE MCHED RNAMS NGO BO NYID LAS SKYE BAR DAM 'CHA' STE ZHES BYA BA'I GTAN TSIGS SU LUS SNA TSOGS 'GRUB PA'I PHYIR ZHES BYA BA SBYAR DU ZIN KYANG NGO, ,PHYOGS SNGA MA'I GNOD PA MED DO ZHES BYA BA NI NGO BO NYID DU SMRA BA DAG GI GRUB PA'I MTHA' LAS DNGOS PO THAMS CAD RGYU MED PA LAS 'GRUB PAR DAM BCAS PA'I PHYOGS SNGA MA DANG 'GAL BA'I GNOD PA MED DO ZHE NA'O, ,DE SKAD CES ZER BA DE'I LAN DU 'DIR 'GREL PA BYED PA NYID KYIS, SKAD GZHAN DU BSGYUR KYANG JI LTAR RTOGS PA'I RTAGS KHO NAS RTAGS CAN GYI DON STON PA'I PHYIR, DPER NA KLA KLO @120A *, ,LA PHYOGS 'DI NA DU BA LAS ME YOD DO ZHES STON PAR BYED PA DE LA RTAGS RTOGS PA SKYE BA'I THABS THA DAD PA BZHIN PAS DE NI LAN DU MI RUNG NGO ZHES BYA BA SMRAS SO, ,'DI SKAD BSTAN TE, KLA KLO'I SKAD GZHAN YONGS SU GZUNG YANG BDAG NYID KYIS JI LTAR RTOGS PA'I RTAGS KYI RGYU DE KHO NAS RTAGS KYIS MTSON PAR BYA BA'I RTAGS CAN GYI DON STON PAR BYED PA LA DON STON PA'I RGYU YOD PA YIN TE, DPER NA DBUS PAS RANG GI DU BA'I RTAG LAS ME YOD PAR RTOGS PA'I RTAGS KHO NAS KLA KLO LA KLA KLO'I SKAD KYIS PHYOGS 'DI NA DU BA 'THUL BA LAS ME YOD DO ZHES RTAGS KYIS RTAGS CAN STON PAR BYED PA NA DE LA RTAGS SU DU BA RTOGS PA SKYE BA'I THABS SKAD THA DAD PA TZAM DU ZAD KYI RTAGS NYID YOD PA DANG 'DRA BAR KHYED KYANG KHO BO LA GTAN TSIGS KYI DON STON PAR BYED PA NYID DON GO BAR BYA BA'I RGYU GTAN TSIGS THA DAD PA GZHAN GYIS BSGYUR TE STON PA YIN PAS RGYU YOD PAR SMRA BA YIN NO ZHES BYA BAR SBYAR RO, ,DE LA SKAD GZHAN DU BSGYUR KYANG ZHES BYA BA NI DBUS PAS KLA KLO'I SKAD GZHAN DU BSGYUR KYANG NGO, ,JI LTAR RTOGS PA'I ZHES BYA BA NI JI LTAR KHONG DU CHUD PA'O, ,RTAGS KHO NAS ZHES BYA BA NI DU BA SNGO BA NYID DANG LHUN STUG PA NYID DANG, 'THUL BA NYID DANG, GYEN DU 'GRO BA NYID KYI MTSAN NYID DANG LDAN PA'I RTAGS KHO NAS SO, ,RTAGS CAN ZHES BYA BA NI RJES SU DPAG PAR BYA BA GANG LA RTAGS YOD PA ZHES BYA BA DE NI RTAGS CAN ZHES BYA STE, SKABS 'DIR NI RJES SU DPAG PAR BYA BA ME'I MTSAN NYID GANG LA RTAGS DU BA YOD PA DE NI RTAGS CAN YIN NO, ,DE'I DON STON PAR BYED PA'I PHYIR ZHES BYA BA NI JI LTAR BDAG NYID KYIS DU BA LAS ME YOD PAR RTOGS PA'I RTAGS DU BA KHO NA YID LA BZHAG STE SKAD GZHAN DU BSGYUR NAS, DU BA'I SGRA GZHAN GYIS ME'I DON STON PA'I PHYIR, DE LA SKAD GZHAN DU BSGYUR KYANG RTAGS DANG GTAN TSIGS DANG RGYU YOD PAR 'GYUR BA'I PHYIR RO, ,DPER NA KLA KLO LA PHYOGS 'DI NA DU BA LAS ME YOD DO ZHES STON PAR BYED PA'I ZHES BYA BA NI, DPER NA DBUS PAS JI LTAR BDAG NYID KYIS DU BA'I RTAGS LAS ME YOD PAR RTOGS PA'I RTAGS DE KHO NA YIN LA BZHAG NAS, KLA KLO LA KLA KLO'I SKAD @120B KYIS PHYOGS 'DI BA DU BA 'THUL BA LAS 'DI NA ME YOD DO ZHES STON PAR BYED PA'I GANG ZAG DE'I SKAD GZHAN DU BSGYUR BAS THA DAD PA TZAM DU ZAD KYI, ME YOD PAR STON PA'I RTAGS SU DU BA YIN PAR SMRAS PAS DE NYID RGYU YOD PAR SMRA BA YIN NO ZHES BYA BAR SBYAR RO, ,DE LA ZHES BYA BA NI KLA KLO LA PHYOGS 'DI NA DU BA LAS ME YOD DO ZHES STON PAR BYED PA'I GANG ZAG GI TSIG DE LA'O, ,RTAGS RTOGS PA ZHES BYA BA NI ME'I RTAGS SU DU BA RTOGS PA'O, ,SKYE BA'I ZHES BYA BA NI RTAGS RTOGS PA SKYE BA STE RTAGS RTOGS PAR 'GYUR BA'O, ,THABS ZHES BYA BA NI RTAGS RTOGS PA SKYE BA'I THABS TE SKAD KYI MTSAN NYID DO, ,THA DAD PA BZHIN PAS ZHES BYA BA NI DE LA ME'I RTAGS DU BA RTOGS PA SKYE BA'I THABS DBUS PA'I SKAD LAS THA DAD PA KLA KLO'I GZHAN ZHIG BRJOD PA TZAM DU ZAD KYIS, SKAD GZHAN GYIS RTAGS BRJOD PA DE NYID RGYU YOD PAR SMRA BA GANG YIN PA DANG 'DRA BAR BYED KYANG DBU MA PA LA GTAN TSIGS SBYOR BA BYED PA NYID RGYU YOD PAR SMRA BA YIN PAS SO, ,DE NI LAN DU MI RUNG NGO ZHES BYA BA NI DE LTA BAS NA, KHYED NA RE, RGYU YOD PAR SMRA BA LA GTAN TSIGS MED PAR BSTAN PAR MI NUS PAS, KLA KLO LA KLA KLO'I SKAD BZHIN TE, DES NA GTAN TSIGS SBYAR KYANG PHYOGS SNGA MA'I GNOD PA MED DO ZHES ZER BA DE NI LAN DU MI RUNG NGO, ,YANG NA DE NI SGRUB PAR MI RUNG BA STE, JI SKAD SMRAS PA'I SGRUB PA DE NI SGRUB PAR MI RUNG NGO ZHES BYA BA'I THA TSIG GO, ,DE LTAR NA NGO BO NYID LAS SKYE BAR STON PA'I RJES SU DPAG PA MED PA'I PHYIR ZHES BYA BA DE DE BZHIN DU GNAS PA KHO NA YIN PAS, DE'I PHYIR DNGOS PO THAMS CAD NGO BO NYID LAS SKYE BA MED DO, ,'JUG STOBS CAN DAG NA RE, MER MER PO DANG MYU GU LA SOGS PA NI RKYEN MED PA LAS SKYE LA, BUM PA LA SOGS PA NI RKYEN DANG BCAS PA LAS SKYE BAS NGO BO NYID LAS SKYE BA MA YIN PA'I PHYIR, DNGOS PO THAMS CAD NGO BO NYID LAS SKYE BA MED DO ZHES BYA BA NI GRUB PA LA SGRUB BO ZHES ZER RO ZHES BYA BA NI, MU STEGS 'JIG RTEN RGYANG PAN PA [*PA NA PA'I?] 'JUG STOBS CAN DAG GI GZHUNG LAS, MER MER PO DANG MYU GU LA SOGS PA DNGOS PO KHA CIG NI RKYEN MED PAR NGO BO NYID LAS SKYE LA, BUM PA DANG SNAM @121A *, ,BU LA SOGS PA DNGOS PO KHA CIG NI RKYEN DANG BCAS PA LAS SKYE BAR 'DOD PAS DE DAG NA RE, DNGOS PO THAMS CAD NGO BO NYID LAS SKYE BA MA YIN PA'I PHYIR, DBU MA PAS DNGOS PO THAMS CAD NGO BO NYID LAS SKYE BA MED DO ZHES SGRUB PAR BYED PA NI GRUB PA LA SGRUB PA YIN NO ZHES ZER BA DE'I PHYOGS YIN NO, ,DE LA 'JUG STOBS CAN DAG CES BYA BA NI DRANG SRONG CHEN PO 'JIG RTEN MIG GI SLOB MA 'JUG STOBS CAN ZHES BYA BA ZHIG BYUNG NGO ZHES BYA BAR GRAGS TE, DES 'JIG RTEN RGYANG PAN PA'I LTA BA GZHAN ZHIG NYE BAR SBYAR BA DE LA, 'JIG RTEN RGYANG PAN PA GANG DAG ZHUGS PA DE DAG NI 'JUG STOBS CAN DAG CES BYA STE, 'JUG STOBS CAN GYI RNAM PA DANG YAN LAG YIN PA'I PHYIR 'JUG STOBS CAN DAG CES BYA STE, DE DAG NA RE, 'DI SKAD CES ZER RO ZHES BYA BAR SBYAR RO, ,MER MER PO DANG MYU GU LA SOGS PA NI RKYEN MED PA LAS SKYE LA, ZHES BYA BA NI MER MER PO DANG, NUR NUR PO DANG, NAR NAR PO DANG, 'KHRANG GYUR DANG, RKANG LAG 'GYUS PA CAN DAG DANG, MYU GU DANG, 'DAB MA DANG, SBU GU DANG, SDONG BU DANG, SBAL MIG DANG, ME TOG DANG, GRA MA DANG, SBUN PA DANG, SRUBS DANG, 'BRAS THUG PO CHE LA SOGS PA GANG DAG YIN PA DE DAG NI RKYEN MED PAR NGO BO NYID LAS SKYE'O ZHES ZER RO, ,BUM PA LA SOGS PA'I RKYEN DANG BCAS PA LAS SKYE BAS ZHES BYA BA NI, BUM PA LA SOGS PA YO BYAD GANG DAG YIN PA DE DAG NI RKYEN DANG BCAS RGYU DANG BCAS PA LAS SKYE BA YIN NO ZHES ZER RO, , NGO BO NYID LAS SKYE BA MA YIN PA'I PHYIR ZHES BYA BA NI BUM PA LA SOGS PA RKYEN DANG BCAS PA LAS SKYE BA DE DAG NI NGO BO NYID LAS SKYE BA MA YIN PAR GNYI GA LA GRUB PA'I PHYIR RO, ,DNGOS PO THAMS CAD NGO BO NYID LAS SKYE BA MED DO ZHES BYA BA NI, DBU MA PAS DNGOS PO THAMS CAD NGO BO NYID LAS SKYE BA MED DO ZHES SMRAS PA GANG YIN PA DE'O, ,GRUB PA LA SGRUB PO ZHES BYA BA NI DBU MA PAS DNGOS PO THAMS CAD NGO BO NYID LAS SKYE BA MED DO ZHES SMRAS PA GANG YIN PA DE NI GRUB PA LA SGRUB PA'I SKYON DU 'GYUR BA YIN TE, 'DI LTAR MER MER PO DANG MYU GU LA SOGS PA NGO BO NYID LAS SKYE BA MED PAR @121B SGRUB PA NI RUNG NA, BUM PA LA SOGS PA RKYEN DANG BCAS PA LAS SKYE BA DAG NGO BO NYID LAS SKYE BA MA YIN PAR GNYI GA LA GRUB BZHIN DU DE DAG NGO BO NYID LAS SKYE BA MED PAR SGRUB PA NI GRUB PA LA SGRUB PA'I SKYON CHAGS PA YIN PA'I PHYIR RO ZHES ZER RO, ,DE SKAD CES ZER BA DE'I LAN DU, 'DIR 'GREL PA BYED PA NYID KYIS, THAMS CAD LAS THAMS CAD SKYE BAR BKAG PA'I PHYIR, DE NI RIGS PA MA YIN NO ZHES SMRAS TE, 'DIS NI DBU MA PAS DON DAM PAR RKYEN THAMS CAD LAS 'BRAS BU THAMS CAD SKYE BA BKAG PA'I PHYIR, 'JUG STOBS CAN DAG NA RE, GRUB PA LA SGRUB BO ZHES ZER BA DE NI RIGS PA MA YIN NO ZHES STON TO, ,DE LA THAMS CAD LAS ZHES BYA BA NI RKYEN THAMS CAD LAS TE, MER MER PO LA SOGS PA'I MTSAN NYID DANG, SA BON LA SOGS PA'I MTSAN NYID DANG, 'JIM PA DANG, DBYU GU DANG, 'KHOR LO LA SOGS PA'I MTSAN NYID DANG, RGYU SPUN LA SOGS PA'I MTSAN NYID DANG, RGYU MED PA'I MTSAN NYID THAMS CAD LAS SO, ,THAMS CAD CES BYA BA NI 'BRAS BU THAMS CAD DE SKYE MCHED RNAMS DANG, MYU GU DANG, BUM PA DANG, SNAM BU DANG, SAB MA LA SOGS PA THAMS CAD DO, ,SKYE BA BKAG PA'I PHYIR ZHES BYA BA NI DBU MA PAS DON DAM PAR RO, ,DE NI RIGS PA MA YIN ZHES BYA BA NI 'JUG STOBS CAN DAG NA RE, GRUB PA LA SGRUB BO ZHES ZER BA DE NI RIGS PA MA YIN NO, ,GZHAN YANG 'JUG STOBS CAN DAG GIS YONGS SU BRTAGS PA MER MER PO DANG MYU GU LA SOGS PA RKYEN MED PA LAS SKYE BAR SMRAS PA DE DAG NI KUN RDZOB TU RGYU DANG BCAS PA LAS SKYE BA KHO NAR NGES TE SKYE BA CAN YIN PA'I PHYIR, BDE BA DANG, SDUG BSNGAL DANG, THE TSOM DANG, YANG DAG PA'I SHES PA LA SOGS PA'I RGYU CAN YIN PA'I PHYIR, DPER NA BUM PA DANG SNAM BU LA SOGS PA BZHIN TE, DPER NA BUM PA DANG SNAM BU LA SOGS PA SKYE BA CAN YIN PA'I PHYIR, KUN RDZOB TU RGYU DANG BCAS PA LAS SKYE BA DE BZHIN DU MER MER PO DANG MYU GU LA SOGS PA YANG SKYE BA CAN YIN PA'I PHYIR, KUN RDZOB TU RGYU DANG BCAS PA LAS SKYE BA KHO NAR 'GYUR RO, ,DE LTAR RE ZHIG NGO BO NYID LAS SKYE BA @122A *, ,MED DO ZHES BYA BA NI RGYU MED PA DNGOS POR GYUR PA DAG LAS NGO BO NYID LAS SKYE BA MED PAR BSTAN PA'I MJUG BSDU BA YIN NO, ,DE LA DE LTAR ZHES BYA BA NI RIGS PAS DPYAD PAS JI LTAR BSTAN PA DE LTAR RO, ,RE ZHIG CES BYA BA'I SGRA NI RIM PA LA LTOS PA STE, RGYU MED PA DNGOS POR GYUR PA DAG LAS RE ZHIG NGO BO NYID LAS DE LTAR SKYE BA MED DO ZHES BYA BA'I THA TSIG GO, ,NGO BO NYID LAS SKYE BA MED DO ZHES BYA BA NI RGYU MED PA DNGOS POR GYUR BA NGO BO NYID LAS DNGOS PO RNAMS SKYE BA MED PAR GRUB PA YIN NO, ,DA NI RGYU MED PA DNGOS POR GYUR PA DBANG PHYUG RGYUR 'DOD PA DAG GI 'DOD PA BSAL BAR BYA STE, DE LA RE ZHIG DBANG PHYUG RGYUR 'DOD PA DAG NI GRUB PA'I MTHA' BSTAN PAR BYA BA'I PHYIR, DBANG PHYUG RGYUR 'DOD PA DAG NA RE, GANG ZHIG PHRAR GYUR GCIG PU SKYE GNAS 'DUG ,DE YIS 'DI KUN SKYE ZHING 'JIG PAR BYED, ,DE NI DBANG BDAG MCHOG SBYIN LHA MCHOD BYA, ,YON TAN BYED PA SHIN TU ZHI BA THOB, ,SKYE BA PO 'DI SHES PA YOD MIN TE, ,BDAG GI BDE SDUG BDAG LA RANG DBANG MED, ,DBANG PHYUG GIS BSTAN YANG NA G-YANG SA'AM, ,MTHO RES DAG TU 'GRO BA KHO NAR 'GYUR, ,ZHES ZES ZER RO ZHES BYA BA SMRAS TE, 'DIS NI DBANG PHYUG RGYUR 'DOD PA DAG GI GRUB PA'I MTHA' BSTAN TO, ,DE LA DBANG PHYUG RGYUR 'DOD PA DAG NA RE ZHES BYA BA NI GZHAN MU STEGS CAN GANG DAG PHYI NANG GI DNGOS PO THAMS CAD DBANG PHYUG GI RGYU LAS SKYE BAR 'DOD PA DE DAG NA RE, 'DI SKAD CES ZER RO ZHES BYA BAR SBYAR RO, ,GANG ZHIG CES BYA BA NI DBANG PHYUG STE, DES NI KHYAD PAR GYI GZHI BSTAN TO, ,PHRAR GYUR ZHES BYA BA LA SOGS PA NI DBANG PHYUG GI YON TAN DE DAG GIS NI DE'I KHYAD PAR BSTAN TO, ,DE LA PHRAR GYUR ZHES BYA BA NI CHA PHRA MOR GYUR NAS SO, ,GCIG PU ZHES BYA BA NI GZHAN MED PAS TE, DE LA STONG PA'I GROGS GZHAN MED DE RANG DBANG CAN KHO NA YIN PA'O, ,SKYE GNAS SU 'DUG CES BYA BA NI DE DNGOS PO THAMS CAD SKYED PA'I PHYIR, SKYE GNAS ZHES BYA BA SEMS CAN SKYE BA'I GNAS MNGAL ZHES BYA BAR 'JUG CING SKYE GNAS KYI PHYOGS DE NA 'DUG PA'O, ,DE YIS 'DI KUN SKYE ZHING 'JIG PAR BYED, ,CES @122B BYA BA LA DE YIS ZHES BYA BA NI, GANG ZHIG PHRAR GYUR GCIG PU SKYE GNAS 'DUG ,CES BYA BA DES TE, DBANG PHYUG GIS ZHES BYA BAR SBYOR RO, ,'DI KUN ZHES BYA BA NI 'JIG RTEN GSUM PO 'DI DAG THAMS CAD DO, ,SKYE ZHES BYA BA NI SKYE BA'I MTSAN NYID DO, ,'JIG CES BYA BA NI 'JIG PA'I MTSAN NYID DO, ,BYED CES BYA BA NI DES 'JIG RTEN GSUM PO 'DI THAMS CAD MA LUS PA SKYE BAR YANG BYED CING 'JIG PAR YANG BYED CES BYA BA'I THA TSIG GO, ,'O NA, GANG ZHIG PHRAR GYUR GCIG PU SKYE GNAS 'DUG ,DE YIS 'DI KUN SKYE ZHING 'JIG PAR BYED, ,CES BYA BA DE GANG YIN ZHE NA, DE'I PHYIR, DE NI DBANG BDAG MCHOG SBYIN LHA MCHOD BYA, ,YON TAN BYED PA SHIN TU ZHI BA THOB, ,CES BYA BA SMRAS TE, DE NI ZHES BYA BA NI SNGAR GANG ZHIG CES SMOS PA DANG SBYAR TE DBANG PHYUG GO, ,DBANG BDAG CES BYA BA NI DBANG PHYUG GI BDAG PO ZHES BYA BA STE, DBANG PHYUG GI BDAG PO DES NA DE LA 'JIG RTEN GSUM PO THAMS CAD 'DUG PAR BYED PAS DE'I PHYIR DE NI DBANG BDAG YIN NO, ,MCHOG SBYIN ZHES BYA BA NI DAM PA SBYIN PAR BYED PA STE, DES GUS SHING 'DUD PA RNAMS LA YID LA BSAMS PA'I DON SBYIN PAR BYED PAS DE'I PHYIR MCHOG SBYIN YIN NO, , LHA ZHES BYA BA NI 'OD DANG GZI BRJID KYIS THAMS CAD ZIL GYIS MNAN CING GSAL BAS NA LHA'O, ,MCHOD BYA ZHES BYA BA NI YON TAN DE DAG DANG LDAN PA'I PHYIR MCHOD PAR BYA BA YIN PAS NA MCHOD BYA'O, ,YON TAN BYED PA ZHES BYA BA NI YON TAN SOGS PAR BYED PA ZHES BYA BA'I THA TSIG STE, GANG GI PHYIR YON TAN BYED PA NYID KYIS DE LA SLOB DPON MED PA'I PHYIR YON TAN BYED PA ZHES BYA'O, ,SHIN TU ZHI BA THOB CES BYA BA NI SHIN TU ZHI BA'I MTSAN NYID KYIS THAR PA THOB PA ZHES BYA BA'I THA TSIG GO, ,YANG NA SHIN TU ZHI BA THOB CES BYA BA NI GANG DE SGRUB PAR BYED CING THOB PAR BYED PA YIN NO, ,DE DAG GIS NI DBANG PHYUG GI YON TAN BRGYAD BSTAN TE, BRGYAD GANG ZHE NA, PHRA BA DANG, YANG BA DANG, MCHOD PAR BYA BA DANG, BDAG POR GYUR PA DANG, DBANG DU GYUR PA DANG, GAR YANG PHYIN PA DANG, 'DOD DGUR LDAN BA DANG, DGA' MGUR GNAS PA'O, ,DE DAG THAMS CAD KYANG @123A *, ,TSIGS SU BCAD PA GCIG GIS BSTAN TE, DE LA, GANG ZHIG PHRAR GYUR GCIG PU SKYE GNAS 'DUG ,CES BYA BA 'DIS NI YON TAN PHRA BA BSTAN TE, LAG PA DAG DANG RKANG PA DANG, ,MIG DANG BZHIN DANG LUS RNAMS KYI, ,MANG PO BYED CING 'JIG BYED PAS, , DES NA PHRA RAB BRJOD PA YIN, ,ZHES JI SKAD SMRAS PA DE BZHIN TE, DES NI SEMS CAN GYI 'JIG RTEN SKYE BA DANG 'JIG PAR BYED PA BSTAN TO, ,DE YIS 'DI KUN SKYE ZHING 'JIG PAR BYED, ,CES BYA BA 'DIS NI YON TAN YANG BSTAN TE, MKHA' DANG RLUNG DANG SA DANG NI, ,CHU DANG ME DAG GNAS BYED CING, ,SDUD PA DANG NI RGYAS BYED PAS, ,DES NA YANG BAR BRJOD PA YIN, ,ZHES JI SKAD SMRAS PA BZHIN TE, DES NI SNOD KYI 'JIG RTEN SKYE BA DANG, 'JIG PAR BYED PA BSTAN TO, ,DE NI DBANG BDAG CES BYA BA 'DIS NI YON TAN BDAG POR GYUR PA BSTAN TE, 'BYUNG PO KUN LA DBANG BYED CING, ,GNAS PA DAG DANG RGYU BA DAG ,GANG DAG GANG 'DOD DE BYED PAS, ,DES NA BDAG POR GYUR CES BYA, ,ZHES JI SKAD SMRAS PA BZHIN TE, DES NI SEMS CAN DANG SNOD KYI 'JIG RTEN GNYI GA SKYE BA DANG 'JIG PAR BYED PA BSTAN TO, ,MCHOG SBYIN ZHES BYA BA 'DIS NI YON TAN DBANG PHYUG TU GYUR PA BSTAN TE, BDAG LA RAG LUS RANG DBANG CAN, ,'GA' LA'ANG 'JIGS PA YOD MIN TE, ,THAMS CAD DBANG DU GYUR PAS NA, ,DES NA DBANG DU GYUR CES BYA, ,ZHES JI SKAD SMRAS PA BZHIN TE, DES NI 'BYUNG PO THAMS CAD LA PHAN 'DOGS PA DANG GNOD PA BYED PA'I DBANG BYED PA BSTAN TO, ,LHA ZHES BYA BA 'DIS NI YON TAN GAR YANG PHYIN PA BSTAN TE, YUL DANG BZA' BA BCA' BA DANG, ,GZHAN YANG YID KYIS GANG BSAMS PA, YID KYI RJES 'GRO MI SDOD PAS, ,DES NA GAR YANG PHYIN ZHES BYA, ,ZHES JI SKAD SMRAS PA BZHIN TE, DES NI LHA RNAMS NI YID KYIS THAMS CAD 'GRUB LA, RGYAL PO RNAMS NI TSIG GIS THAMS CAD 'GRUB, RNAL 'BYOR PA RNAMS NI SEMS BSKYED PA TZAM GYIS THAMS CAD 'GRUB PA'I TSUL BSTAN TO, ,MCHOD BYA ZHES BYA BA 'DIS NI YON TAN MCHOD PAR BYED PA BSTAN TE, 'JIG RTEN GSUM NA MCHOG GYUR CING, , @123B GNAS PA DAG DANG RGYU BA DANG, ,'BYUNG PO KUN GYIS RJED PAS NA, ,DES NA MCHOD PAR BYA BA YIN, ,ZHES JI SKAD SMRAS PA BZHIN TE, DES NI 'BYUNG PO THAMS CAD KYIS MCHOD PAR BYA BA BSTAN TO, ,YON TAN BYED PA ZHES BYA BA 'DIS NI YON TAN 'DOD DGUR LDAN TE, SNYING STOBS RDUL DANG MUN PA GSUM, ,DE DAG GANG LA GNAS GYUR PA, ,MIG 'BYED TZAM GYIS BYED 'GYUR BAS, ,DES NA 'DOD DGUR LDAN ZHES BYA, ,ZHES JI SKAD SMRAS PA BZHIN TE, DES NI YON TAN THAMS CAD 'DOD DGUR BYED PA BSTAN TO, ,SHIN TU ZHI BA THOB CES BYA BA 'DIS NI YON TAN DGA' MGUR GNAS PA BSTAN PA BSTAN TO, ,THAR PA'AM YANG NA LHA YI LUS, ,GANG DU BDAG NYID 'DOD PA DAG ,THAMS CAD 'DOD PAS THOB 'GYUR BAS, ,DES NA DGA' MGUR GNAS ZHES BYA, ,ZHES JI SKAD SMRAS PA BZHIN TE, DES NI MTHO RIS DANG THAR PA GANG 'DOD PA THOB PA BSTAN DGA' MGUR GNAS PA BSTAN TE, SKYE BA PO 'DI SHES PA YOD MIN TE, ,ZHES BYA BAS NI SROG CHAGS RNAMS LA DBANG PHYUG MED PA BSTAN TO, ,BDAG GI BDE SDUG BDAG LA RANG DBANG MED, ,CES BYA BA NI SKYE BO DE KHO NAR MA MTHONG BA DE LA BDAG GI BDE BA DANG, SDUG BSNGAL BSKYED PA DANG, DBRI BA'I MTHU MED DO ZHES BYA BA'I THA TSIG GO, ,'O NA GANG GI MTHUS BDE BA DANG SDUG BSNGAL 'THOB PAR 'GYUR ZHE NA, DE'I PHYIR, DBANG PHYUG GIS BTANG YANG NA G-YANG SA'AM, ,MTHO RIS DAG TU 'GRO BA KHO NAR 'GYUR, ,ZHES BYA BA SMRAS TE, 'DIS NI DBANG PHYUG GIS BTANG BAS SEMS CAN RNAMS NGAN SONG DANG MTHO RIS DAG TU 'GRO BAR 'GYUR RO ZHES ZER BA BSTAN TO, ,DE LA DBANG PHYUG GIS BTANG ZHES BYA BA NI DBANG PHYUG RGYUR 'DOD PA YIN NO, ,G-YANG SA ZHES BYA BA NI NGAN SONG GSUM GYI MTSAN NYID DO, ,MTHO RIS ZHES BYA BA NI LHA DANG MI'O,, 'GRO BA KHO NAR 'GYUR ZHES BYA BA NI DBANG PHYUG GI RGYUS 'GRO BA KHO NAR 'GYUR RO ZHES ZER BA YIN NO,,DE SKAD CES ZER BA DE'I LAN DU, 'DIR 'GREL PA BYED PA NYID KYIS, DE NI DAM BCAS PA TZAM STE, DBANG PHYUG NI KUN RDZOB TU YANG 'GRO BA MTHA' DAG SKYE BA'I RGYU YIN PAR MI RUNG STE, LA LA'I @124A *, ,DGA' BA DANG YONGS SU GDUNG BA'I RGYU YIN PA'I PHYIR, DPER NA BA LANG RDZI BZHIN NO ZHES BYA BA LA SOGS PA SMRAS TE, 'DIS NI YON TAN BRGYAD DANG LDAN PA'I DBANG PHYUG DES MTHO RIS DANG THAR PA DANG, SEMS CAN DMYAL BA LA SOGS PA'I RGYU BYED PAR 'GYUR RO ZHES JI SKAD SMRAS PA DE NI DAM BCAS PA TZAM STE, DE'I PHYIR DE NI DE DAG GI YID LA BSAMS PA TZAM DU ZAD DO ZHES STON TO, ,DE LA DE NI ZHES BYA BA NI YON TAN BRGYAD DANG LDAN PA'I DBANG PHYUG GANG YIN PA DES MTHO RIS DANG THAR PA DANG, SEMS CAN DMYAL BA LA SOGS PA'I RGYU BYED PAR 'GYUR RO ZHES JI SKAD SMRAS PA DE NI'O, ,DAM BCAS PA TZAM STE ZHES BYA BA NI DE DAG GI YID LA BSAMS PA TZAM DU ZAD DE, DE LA RJES SU DPAG PA'I GSAL BA DANG, DE KHO NA MED DO ZHES BYA BA'I THA TSIG GO, ,'DIR YANG DBANG PHYUG NI ZHES BYA BA 'DI NI CHOS CAN YIN LA, KUN RDZOB TU YANG 'GRO BA MTHA' DAG SKYE BA'I RGYU YIN PAR MI RUNG STE ZHES BYA BA 'DI NI BSGRUB PAR BYA BA CHOS YIN, LA LA'I DGA' BA DANG YONGS SU GDUNG BA'I RGYU YIN PA'I PHYIR ZHES BYA BA 'DI NI SGRUB PA'I CHOS YIN, DPER NA BA LANG RDZI BZHIN NO ZHES BYA BA DPE YIN PAR SBYAR RO, ,DE LA DBANG PHYUG NI ZHES BYA BA NI DBANG PHYUG RGYUR 'DOD PA DAG GIS YONGS SU BRTAGS PA DBANG PHYUG CES BYA BA YON TAN BRGYAD DANG LDAN PA JI SKAD BSTAN PA GANG YIN PA DE, DE LA BSGRUB PAR BYA BA CHOS KUN RDZOB TU YANG 'GRO BA MTHA' DAG SKYE BA'I RGYU YIN PAR MI RUNG STE ZHES BYA BA DANG, SGRUB PA'I CHOS LA LA'I DGA' BA DANG YONGS SU GDUNG BA'I RGYU YIN PA'I PHYIR ZHES BYA BA DE GNYIS YOD PAS DE'I PHYIR CHOS CAN ZHES BYA'O, ,KUN RDZOB TU YANG 'GRO BA MTHA' DAG SKYE BA'I RGYU YIN PAR MI RUNG STE ZHES BYA BA NI, DBANG PHYUG DE KUN RDZOB TU YANG PHYI NANG GI 'GRO BA MTHA' DAG SKYE BA'I RGYU YIN PAR MI RUNG NA, DON DAM PAR LTA 'GRO BA MTHA' DAG SKYE BA'I RGYU YIN PAR RUNG RE SKAN ZHES BYA BA'I THA TSIG GO, ,DBANG PHYUG DE BDEN PA GNYI GAR 'GRO BA MTHA' DAG SKYE BA'I RGYU YIN PAR MI RUNG BA DGAG PA 'DI NI BSGRUB PAR BYA BA CHOS YIN NO, ,LA LA'I DGA' BA DANG @124B YONGS SU GDUNG BA'I RGYU YIN PA'I PHYIR ZHES BYA BA DE NI KHYED NA RE, DBANG PHYUG GIS BTANG YANG NA G-YANG SA'AM, ,MTHO RIS DAG TU 'GRO BA KHO NAR 'GYUR, ,ZHES ZER BAS, DE'I PHYIR DBANG PHYUG NI 'GRO BA MTHO RIS SU BTANG BA LA LA'I DGA' BA'I RGYU YANG YIN LA, NGAN SONG DU BTANG BA LA LA'I YONGS SU GDUNG BA'I RGYU YANG YIN PA'I PHYIR RO, ,'GRO BA MTHA' DAG SKYE BA'I RGYU YIN PAR MI RUNG BA STE, DE NI 'GRO BA MTHA' DAG SKYE BA'I RGYU YIN PAR MI RUNG BA'I SGRUB PA'I CHOS YIN NO, ,DPER NA BA LANG RDZI BZHIN NO ZHES BYA BA NI DPER NA BA LANG RDZI NI BA LANG GANG DAG LA RTZVA DANG CHU DANG PHRUG PA LA SOGS PAS PHAN 'DOGS PAR BYED PA DE DAG GI DGA' BA'I RGYU YIN LA, BA LANG GANG DAG LA DBYUG PA LA SOGS PAS RDEG PAR BYED PA DE DAG GI YONGS SU GDUNG BA'I RGYU YIN PA'I PHYIR, 'GRO BA MTHA' DAG SKYE BA'I RGYU YIN PAR MI RUNG BA DE BZHIN DU DBANG PHYUG KYANG SEMS CAN GANG DAG MTHO RIS SU GTONG BA DE DAG GI DGA' BA'I RGYU YIN LA, SEMS CAN GANG DAG NGAN SONG DU GTONG BA DE DAG GI YONGS SU GDUNG BA'I RGYU YIN PA'I PHYIR, 'GRO BA MTHA' DAG SKYE BA'I RGYU YIN PAR MI RUNG NGO, ,GAL TE DBANG PHYUG NI MTHO RIS DANG NGAN SONG 'THOB PAR BYED NUS PAS DGA' BA DANG YONGS SU GDUNG BA'I RGYU YIN PAR MA GRUB PAS, SANGS RGYAS PA RNAMS KYI GTAN TSIGS MA GRUB BO ZHE NA, 'DI LTAR DBANG PHYUG GI TSIG NI NYES PAR SMRAS PA YIN PA'I PHYIR, DBANG PHYUG TU SMRA BA DAG GIS KHO BO CAG MA THUB NA DBANG PHYUG KHO BO'I DGA' BA'I RGYU YIN LA, DBANG PHYUG TU SMRA BA DAG GIS GZHAN THUB PA NA DBANG PHYUG GZHAN GYI YONGS SU GDUNG BA'I RGYU YANG YIN PAS, KHO BO'I GTAN TSIGS MA GRUB PA MA YIN TE, DE NI RE ZHIG RGYU DGAG PA YIN NO, ,DA NI 'BRAS BU DGAG PAR BYA STE, DE'I PHYIR YANG NA 'GRO BA NI RGYU BYED PA PO DBANG PHYUG CES BYA BA GCIG PU DANG LDAN PA MA YIN PAR NGES TE GZHAL BYA YIN PA'I PHYIR, DPER NA DBANG PHYUG SBYIN PAS KUN RDZOB TU YANG DNGOS PO RNAMS DE LAS SKYE BA MED DO ZHES BYA BA SMRAS TE, 'DIS NI KUN RDZOB TU YANG 'GRO BA MTHA' DAG RGYU DBANG PHYUG CES BYA BA LAS SKYE BA MED DO ZHES 'BRAS BU @125A *, ,'GOG PA STON TO, ,DE LA YANG NA ZHES BYA BA NI SNGAR DBANG PHYUG RGYU MA YIN PAR BKAG PAS DNGOS PO RNAMS DBANG PHYUG LAS SKYE BA MED PAR YANG MA ZAD DE, YANG NA 'GRO BA RNAMS DBANG PHYUG GI 'BRAS BU MA YIN PAR DGAG PA 'DIS KYANG DNGOS PO RNAMS DBANG PHYUG LAS SKYE BA MED PAR STON PA YIN NO, ,'DIR YANG 'GRO BA NI ZHES BYA BA 'DI NI CHOS CAN YIN LA, RGYU BYED PA PO DBANG PHYUG CES BYA BA GCIG PU DANG LDAN PA MA YIN PAR NGES TE ZHES BYA BA 'DIS NI BSGRUB PAR BYA BA CHOS YIN, GZHAL BYA YIN PA'I PHYIR ZHES BYA BA 'DIS NI SGRUB PA'I CHOS YIN, DPER NA DBANG PHYUG BZHIN PAS ZHES BYA BA 'DI NI DPE YIN, KUN RDZOB TU YANG DNGOS PO RNAMS DE LAS SKYE BA MED DO ZHES BYA BA 'DIS NI TSAD MA'I 'BRAS BU YIN PAR SBYAR RO, ,DE LA 'GRO BA ZHES BYA BA NI PHYI DANG NANG GI 'GRO BA MTHA' DAG STE DE LA BSGRUB PAR BYA BA CHOS RGYU BYED PA PE DBANG PHYUG CES BYA BA GCIG PU DANG LDAN PA MA YIN PAR NGES TE ZHES BYA BA DANG, SGRUB PA'I CHOS GZHAL BYA YIN PA'I PHYIR ZHES BYA BA DE GNYIS YOD PAS DE'I PHYIR CHOS CAN ZHES BYA'O, ,RGYU BYED PA PO DBANG PHYUG CES BYA BA GCIG PU DANG LDAN PA MA YIN PAR NGES TE ZHES BYA BA LA, RGYU ZHES BYA BA NI 'GRO BA BYED PA'I RGYU STE, BYED PA PO DBANG PHYUG CES BYA BA GANG YIN PA'O, ,RGYU DE YANG GANG ZHE NA, DE'I PHYIR BYED PA PO ZHES BYA BA SMRAS TE, DBANG PHYUG RGYUR 'DOD PA DAG GIS YONGS SU BRTAGS PA 'GRO BA MTHA' DAG GI BYED PA PO DBANG PHYUG CES BYA BA GANG YIN PA'O, ,DE NYID BSTAN PA'I PHYIR DBANG PHYUG CES BYA BA SMRAS TE, RGYU BYED PA PO GANG LA MING DBANG PHYUG CES BYA BA YOD PA DE NI RGYU BYED PA PO DBANG PHYUG CES BYA BA YIN NO, ,GCIG PU DANG LDAN PA ZHES BYA BA NI 'GRO BA'I RGYU BYED PA PO DBANG PHYUG CES BYA BA GCIG PU DANG LDAN PAR BRTAGS PA STE, GCIG PU ZHES BYA BA GZHAN MED PA'O, , MA YIN PAR NGES TE ZHES BYA BA NI DBANG PHYUG RGYUR 'DOD PA DAG GIS YONGS SU BRTAGS PA RGYU DBANG PHYUG CES BYA BA GCIG PU DE'I 'BRAS BU 'GRO BA MA YIN PAR NGES PA STE, DE NI 'GRO BA DBANG PHYUG GI 'BRAS BU MA YIN PAR BSGRUB PAR BYA BA CHOS YIN NO, ,GZHAL BYA YIN PA'I PHYIR ZHES BYA @125B BA NI 'GRO BA RNAMS NI GZHAL BAR BYA BA DANG YONGS SU GCAD PAR BYA BA DANG, RTOGS PAR BYA BA YIN PA'I PHYIR, DBANG PHYUG GI 'BRAS BU MA YIN PA STE, DE NI 'GRO BA DBANG PHYUG GI 'BRAS BU MA YIN PAR SGRUB PA'I CHOS YIN NO, ,DPER NA DBANG PHYUG BZHIN PAS ZHES BYA BA NI, DPER NA KHYED KYI GZHUNG LAS KYANG, DBANG PHYUG NI BSAM GTAN PA BLO MNYAM PAR GZHAG PA, RNAL 'BYOR GOMS PAR BYA BA RNAMS KYI GZHAL BYA YIN NO ZHES ZER BA LA, KHO BO'I GZHUNG LAS KYANG KUN RDZOB TU DBANG PHYUG CES BYA BA'I TSIG GI DON LA GZHAL BYA NYID YOD PAS, DE'I PHYIR JI LTAR DBANG PHYUG GZHAL BYA YIN PA'I PHYIR DBANG PHYUG NYID DBANG PHYUG NYID KYI BYED PA PO MA YIN TE, BDAG NYID LA BDAG NYID BYED PA 'GAL BA'I PHYIR RO ZHES BYA BA BZHIN DU DBANG PHYUG DE 'GRO BA'I BYED PA PO YANG MA YIN PAS, DE'I PHYIR 'GRO BA NI RGYU BYED PA PO DAG DBANG PHYUG CES BYA BA GCIG PU DANG LDAN PA MA YIN PAR NGES SO, ,TSAD MA'I 'BRAS BU BSTAN PA'I PHYIR, KUN RDZOB TU YANG DNGOS PO RNAMS DE LAS SKYE BA MED DO ZHES BYA BA SMRAS TE, RE ZHIG DON DAM PAR LTA ZHOG GI KUN RDZOB TU YANG DNGOS PO RNAMS DBANG PHYUG DE LAS SKYE BA MED DO ZHES BYA BA'I THA TSIG GO, ,DBANG PHYUG RGYU YIN NA YANG 'BRAS BU'I BDAG GI BDAG NYID DAM, GZHAN DU GYUR PA'AM, GNYI GAR GYUR PA ZHIG TU 'GYUR GRANG NA GANG YANG RUNG BA ZHIG TU RTOG NA YANG DGAG PA SNGAR SMRAS PA'I PHYIR DANG, YOD PA DANG MED PA SKYE BA YANG 'GOG PAR 'GYUR BA'I PHYIR, DON DAM PAR DNGOS PO RNAMS DBANG PHYUG LAS SKYE BA MED DO ZHES BYA BAS NI 'DI SKAD BSTAN TE, GAL TE DBANG PHYUG RGYU NYID YIN PAR 'DOD NA YANG, CI DBANG PHYUG DE 'BRAS BU 'JIG RTEN GSUM GYI BDAG GI BDAG NYID DAM DE LAS GZHAN DU GYUR PA'AM, GNYIS KAR GYUR PA ZHIG TU BRTAG GRANG NA, DE LA 'BRAS BU'I BDAG GI BDAG NYID YIN NA NI BDAG LAS SKYE BA DGAG PA SNGAR SMRAS PA BKAG ZIN LA, DE LAS GZHAN DU GYUR PA YIN NA YANG GZHAN LAS SKYE BA DGAG PA SNGAR SMRAS PA BKAG ZIN, GNYI GAR GYUR PA ZHIG YIN NA YANG, GNYIS LAS SKYE BA DGAG PA SNGAR SMRAS PA BKAG ZIN PA'I PHYIR, @126A *, ,DON DAM PAR DNGOS PO RNAMS DBANG PHYUG LAS SKYE BA MED DO, ,'GRO BA YANG YOD PA'AM MED PA ZHIG DBANG PHYUG LAS SKYE BAR BRTAG GRANG NA, DE YANG, YOD NA RKYEN GYIS CI ZHIG BYA, ,MED NA GANG GI RKYEN DU 'GYUR, ,ZHES 'OG NAS 'GOG PAR 'GYUR BA'I PHYIR DON DAM PAR DNGOS PO RNAMS DBANG PHYUG LAS SKYE BA MED DO ZHES STON TO, ,DE LA DBANG PHYUG RGYU YIN NA'ANG, ,ZHES BYA BA LA SOGS PAS NI SNGAR RGYU DGAG PA'I RJES SU DPAG PA JI SKAD BSTAN PA DE'I GSAL BA DANG DE KHO NA STON TO, ,DE LA DBANG PHYUG RGYU YIN NA'ANG, ,ZHES BYA BA NI GAL TE DBANG PHYUG RGYUR 'DOD PA DAG GI GZHUNG LTAR DBANG PHYUG DNGOS PO RNAMS KYI RGYU YIN DU ZIN NA YANG NGO, ,'BRAS BU'I BDAG GI BDAG NYID DAM ZHES BYA BA NI RGYU DBANG PHYUG DE 'BRAS BU 'JIG RTEN GSUM GYI BDAG GI BDAG NYID YIN NAM ZHES GAL GZUNG BA YIN NO, ,GZHAN DU GYUR PA'AM ZHES BYA BA NI YANG NA RGYU DBANG PHYUG DE 'BRAS BU 'JIG RTEN GSUM LAS GZHAN DU GYUR PA ZHIG YIN NAM ZHES GAL GZUNG BA YIN NO, ,GNYI GAR GYUR PA ZHIG TU 'GYUR GRANG NA ZHES BYA BAS NI YANG NA RGYU DBANG PHYUG DE 'BRAS BU 'JIG RTEN GSUM GYI BDAG GI BDAG NYID KYANG YIN LA, GZHAN DU GYUR PA YANG YIN PA ZHIG TU 'GYUR GRANG NA ZHES GAL GZUNG BA YIN NO, ,GANG YANG RUNG BA ZHIG TU RTOG NA YANG ZHES BYA BA NI GAL SNGA MA GSUM LAS GANG YANG RUNG BA GCIG TU RTOG NA YANG NGO, ,DE LTAR RTOG NA SKYON CI YOD CE NA, DE'I PHYIR DGAG PA SNGAR SMRAS PA'I PHYIR ZHES BYA BA SMRAS TE, DE LA 'BRAS BU'I BDAG GI BDAG NYID YIN NA NI BDAG LAS SKYE BA DGAG PA SNGAR SMRAS PA'I PHYIR TE, 'BRAS BU'I BDAG GI BDAG NYID YIN PAR GYUR NA RGYU DBANG PHYUG DE'I 'BRAS BU 'JIG RTEN GSUM GYI BDAG NYID YIN PAS, DE LTAR NA DBANG PHYUG LAS DBANG PHYUG SKYE BA'AM, 'JIG RTEN GSUM LAS 'JIG RTEN GSUM SKYE BAR 'GYUR BAS DE'I DGAG PA NI SNGAR BDAG LAS SKYE BA MED PAR DGAG PA'I SKABS SU, DON DAM PAR NANG GI SKYE MCHED RNAMS BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES BSHAD PA'I RIGS PAS 'DIR YANG @126B DON DAM PAR DBANG PHYUG BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES BYA BA'AM, DON DAM PAR 'JIG RTEN GSUM BDAG LAS SKYE BA MED PAR NGES TE YOD PA'I PHYIR, DPER NA SHES PA YOD PA NYID BZHIN NO ZHES BYA BAR SBYAR RO, ,GZHAN DU GYUR PA YIN NA YANG, GZHAN LAS SKYE BA DGAG PA SNGAR SMRAS PA'I PHYIR TE, RGYU LAS 'BRAS BU GZHAN DU GYUR PA YIN PAR GYUR NA RGYU DBANG PHYUG DE LA 'BRAS BU 'JIG RTEN GSUM LAS GZHAN DU GYUR PA YIN PAS, DE LTAR NA DBANG PHYUG LAS 'JIG RTEN GSUM SKYE BA'AM, 'JIG RTEN GSUM GYI RKYEN DBANG PHYUG YIN PAR 'GYUR BAS DE'I DGAG PA YANG SNGAR GZHAN LAS SKYE BA MED PAR DGAG PA'I SKABS SU DON DAM PAR NANG GI SKYE MCHED RNAMS DE DAG GI RKYEN GZHAN LAS SKYE BA MED DE GZHAN YIN PA'I PHYIR, DPER NA BUM PA BZHIN NO ZHES BYA BA DANG, YANG NA DON DAM PAR GZHAN BRJOD PAR 'DOD PAR MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES BSHAD PA'I RIGS PAS 'DIR YANG DON DAM PAR 'JIG RTEN GSUM DE DAG GI RKYEN DBANG PHYUG GZHAN LAS SKYE BA MED DE GZHAN YIN PA'I PHYIR, DPER NA BUM PA BZHIN NO ZHES BYA BA DANG, YANG NA DON DAM PAR GZHAN BRJOD PAR 'DOD PA 'JIG RTEN GSUM 'GRUB PAR BYED PA DBANG PHYUG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES BYA BAR SBYAR RO, ,GNYI GAR GYUR PA YIN NA YANG GNYIS LAS SKYE BA DGAG PA SNGAR SMRAS PA'I PHYIR TE, 'JIG RTEN GSUM GYI NUS PA NI DBANG PHYUG YIN PAS, NUS PA LAS SKYE BA NI BDAG LAS SKYE BA YIN LA, 'JIG RTEN GSUM GYI GSAL BA NI DBANG PHYUG LAS GZHAN YIN PAS GSAL BA LAS SKYE BA NI GZHAN LAS SKYE BA YIN NO ZHES ZER NA DE'I DGAG PA YANG SNGAR GNYIS LAS SKYE BA MED PA DGAG PA'I SKABS SU, PHYOGS GNYI GAR BSTAN PA'I SGRUB PA DAG GIS GTAD KHONGS SU CHUD PAR 'GYUR BA'I PHYIR DANG, GNYIS LAS SKYE BA MED PAR STON PA'I RJES SU DPAG PA MED PA'I @127A *, ,PHYIR YANG NGO ZHES BYA BAR DGONGS SO ZHES BSHAD PA'I RIGS PAS, 'DIR DBANG PHYUG LAS 'JIG RTEN GSUM GYI NUS PA SKYE BA MED DE YOD PA'I PHYIR, DPER NA SHES PA YOD PA NYID BZHIN NO ZHES BYA BA DANG, DE BZHIN DU DBANG PHYUG LAS 'JIG RTEN GSUM GYI GSAL BA YANG SKYE BA MED DE GZHAN YIN PA'I PHYIR, DPER NA BUM PA BZHIN NO ZHES BYA BA DANG, YANG NA DON DAM PAR GZHAN BRJOD PAR 'DOD PA DBANG PHYUG RKYEN MA YIN PAR NGES TE GZHAN YIN PA'I PHYIR, DPER NA RGYU SPUN LA SOGS PA BZHIN NO ZHES BYA BAR SBYAR RO,, ,,BAM PO BCU BZHI PA, YOD PA DANG MED PA SKYE BA YANG 'GOG PAR 'GYUR BA'I PHYIR ZHES BYA BA LA SOGS PAS NI SNGAR 'BRAS BU DGAG PA'I RJES SU DPAG PA JI SKAD BSTAN PA DE GSAL BA DANG DE KHO NA STON TO, ,'DI SKAD BSTAN TE, PHA ROL PO LA 'DI SKAD CES, CI 'GRO BA YOD PA DBANG PHYUG LAS SKYE BAR 'DOD DAM, 'ON TE MED PA DBANG PHYUG LAS SKYE BAR 'DOD CES DRI BAR BYA'O, ,DE SKAD CES DRIS PA NA, GAL TE 'GRO BA YOD PA DBANG PHYUG LAS SKYE'O ZHES ZER NA, DE'I PHYIR YOD PA SKYE BA YANG 'GOG PAR 'GYUR BA'I PHYIR ZHES BYA BA SMRAS TE, 'OG NAS, YOD NA RKYEN GYIS CI ZHIG BYA, ZHES 'BYUNG BAS, 'GRO BA YOD PA NI GRUB PA YIN PA'I PHYIR TE, RKYEN DBANG PHYUG GIS CI ZHIG BYA ZHES STON PAR 'GYUR BAS, 'GRO BA YOD PA NI RKYEN DBANG PHYUG LAS SKYE BA MED DO, ,GAL TE 'GRO BA MED PA DBANG PHYUG LAS SKYE'O ZHES ZER NA, DE'I PHYIR MED PA SKYE BA YANG 'GOG PAR 'GYUR BA'I PHYIR ZHES BYA BA SMRAS SO, ,'OG NAS, MED NA GANG GI RKYEN DU 'GYUR, ,ZHES 'BYUNG BAS, 'GRO BA MED NA DBANG PHYUG DE GANG GI RKYEN DU 'GYUR TE, DPER NA RI BONG GI RVA MED PA'I RKYEN DU GANG YANG MI 'GYUR BA BZHIN NO ZHES STON PAR 'GYUR BAS, 'GRO BA MED PA YANG RKYEN DBANG PHYUG LAS SKYE BA MED DO, ,DON DAM PAR DNGOS PO RNAMS DBANG PHYUG LAS SKYE BA MED DO ZHES BYA BA NI RGYU DGAG PA DANG 'BRAS BU DGAG PA'I RJES SU DPAG PA JI SKAD BSTAN PA DE GNYI GA'I MJUG BSDU BA YIN NO, ,'DIR DON DAM PAR DNGOS PO RNAMS DBANG PHYUG LAS SKYE BA MED DO ZHES MJUG BSDU BA BYAS PA DE'I BSAM PA GANG @127B YIN, RE ZHIG KUN RDZOB TU DNGOS PO RNAMS DBANG PHYUG LAS SKYE BAR KHAS LEN TAM ZHE NA, DE'I PHYIR 'DIR DON DAM PAR DNGOS PO RNAMS DBANG PHYUG LAS SKYE BA MED DO ZHES 'GOG PAR BYED CE NA, DE'I PHYIR CI STE SEMS CAN DANG SNOD DU BGRANG BA'I 'JIG RTEN SNA TSOGS KYI RGYU'I LAS DBANG PHYUG CES BYA STE, GNAS PA DANG, 'BYUNG BA DANG, 'JIG PA DANG, BDE BA DANG, SDUG BSNGAL DANG, YAR SKYE BA DANG, MAR DBRI BA SKYED PAR BYED PA'I PHYIR RO ZHE NA YANG, THA SNYAD KYI PHYOGS LA NI GRUB PA LA SGRUB PA YIN NO ZHES BYA BA SMRAS SO, ,'DI SKAD BSTAN TE, CI STE DBANG PHYUG RGYUR 'DOD PA DAG KUN RDZOB TU SEMS CAN DANG SNOD DU BGRANG BA'I 'JIG RTEN SNA TSOGS 'GRUB PA'I RGYU'I LAS DGE BA DANG, MI DGE BA DBANG PHYUG CES BYA STE, CI'I PHYIR ZHE NA, 'JIG RTEN GNAS PA DANG, 'BYUNG BA DANG, 'JIG PA DANG, BDE BA DANG, SDUG BSNGAL BA DANG, YAR SKYE BA DANG, MAR 'BRI BA BSKYED PA'I PHYIR RO ZHE NA YANG, KUN RDZOB KYI PHYOGS LA LAS DGE BA DANG, MI DGE BA'I RGYUS 'JIG RTEN SNA TSOGS PA 'GRUB PAR SANGS RGYAS PA'I GZHUNG LA YANG GRUB PAS, DE NI GRUB PA LA SGRUB PA'I SKYON CHAGS PA YIN NO ZHES STON TO, ,DE LA CI STE ZHES BYA BA'I SGRA NI DBANG PHYUG RGYUR 'DOD PA DAG GI DOGS PA BSU BA'I TSIG YIN NO, ,SEMS CAN DU BGRANG BA'I 'JIG RTEN GYIS NI 'GRO BA DRUG TU SKYE BA'I 'JIG RTEN GANG YIN PA GZUNG NGO, ,SNOD DU BGRANG BA'I 'JIG RTEN GYIS NI RLUNG DANG CHU DANG GSER GYI DKYIL 'KHOR DANG, SEMS CAN DMYAL BA DANG, GLING DANG RI RAB LA SOGS PA RI RNAMS DANG, 'DOD PA NA SPYOD PA DANG, GZUGS NA SPYOD PA'I GZHAL MED KHANG GI MTSAN NYID SNOD KYI 'JIG RTEN GANG YIN PA GZUNG NGO, ,SEMS CAN DANG SNOD DU BGRANG BA'I 'JIG RTEN DE'I SNA TSOGS ZHES BYA BA NI KHA DOG DANG DBYIBS DANG TSAD KYI MOS PAS MTSAN NYID MI 'DRA BA GANG YIN PA'O, ,SNA TSOGS DE'I RGYU'I LAS ZHES BYA BA SNA TSOGS DE MNGON PAR 'GRUB PA'I RGYU SEMS CAN DE DAG NYID KYI SPYI MTHUN GYI LAS DGE BA DANG MI DGE BA GANG YIN PA'O, ,LAS DE NYID DBANG PHYUG CES BYA STE, CI'I PHYIR ZHE NA, GNAS PA LA @128A *, ,SOGS PA SKYED PAR BYED PA'I PHYIR RO ZHES BYA BAR SBYAR RO ZHES DE LA GNAS PA ZHES BYA BA NI BSKAL PA BAR MA NYI SHUR 'JIG RTEN GNAS PA'I MTSAN NYID DO, ,'BYUNG BA ZHES BYA BA NI DANG PO RLUNG GI DKYIL 'KHOR 'BYUNG BA NAS SEMS CAN DMYAL BA 'BYUNG BA'I BAR DU 'JIG RTEN CHAGS PA'I MTSAN NYID DO, ,'JIG PA ZHES BYA BA 'DI LTA STE, 'JIG PA'I BSKAL PA 'BYUNG BA'I TSE, SEMS CAN DMYAL BA LA SOGS PA MED PAS SNOD KYI 'JIG RTEN 'JIG PA'O, ,BDE BA ZHES BYA BA NI LHA DANG MI'I BDE BA'O, ,SDUG BSNGAL ZHES BYA BA NI 'KHOR BA'I SDUG BSNGAL LO,, YAR SKYE BA ZHES BYA BA NI SKYE DGU'I TSE LO BCU PA NAS LO BRGYAD KHRI LA THUG PA'I BAR DU YAR SKYE BA'O, ,MAR 'BRI BA ZHES BYA BA NI BSKAL PA DANG PO LA SKYE DGU'I TSE LO GRANGS DPAG TU MED PA NAS LO BCU PA LA THUG GI BAR DU MAR 'BRI BA'O, ,SKYED PAR BYED PA'I PHYIR RO ZHES BYA BA NI 'JIG RTEN GNAS PA LA SOGS PA JI SKAD SMOS PA DE DAG LAS KYIS SKYED PAR BYED PA'I PHYIR, SEMS CAN DANG SNOD DU BGRANG BA'I PHYIR 'JIG RTEN SNA TSOGS KYI RGYU'I LAS GANG YIN PA DE NYID DBANG PHYUG YIN NO ZHE NA YANG NGO, ,DE SKAD CES ZER NA, DE NI THA SNYAD KYI PHYOGS LA NI GRUB PA LA SGRUB PA YIN NO ZHES BYA BA SMRAS TE, 'DI LTAR 'DIR BYED PA PO NYID KYI PHYIR NI SANGS RGYAS PA LA YANG LAS KYI DBANG NYID YIN PAR GRUB PA'I PHYIR RO, ,DON DAM PAR NI MA YIN TE ZHES BYA BA NI BSAMS TE SMRAS PA YIN TE, SANGS RGYAS PA LA THA SNYAD KYI PHYOGS LA NI SEMS CAN DANG, SNOD DU BGRANG BA'I 'JIG RTEN SNA TSOGS KYI RGYU'I LAS DBANG PHYUG YIN PAR GRUB PA YIN GYI, DON DAM PAR NI MA YIN TE, DON DAM PAR NI LAS KYI SKYE BA YANG KHAS MA BLANGS PA'I PHYIR RO ZHES BYA BAR SBYAR RO, ,DE LTAR YANG 'PHAGS PA DKON MCHOG BRTZEGS PA'I MDO LAS, GANG LA LAS MED PA DANG LAS KYI 'BRAS BU MED PA DE NI 'PHAGS PA RNAMS KYI RIGS YIN LA, 'PHAGS PA RNAMS KYI RIGS GANG YIN PA'I RIGS DE LA NI LUS KYI LAS MI BYED, NGAG GI LAS MI BYED, YID KYI LAS MI BYED DO ZHES JI SKAD GSUNGS PA LTA BU'O, ,GZHAN GYIS KYANG KHO BOS SANGS RGYAS PA LA DGA' BAS LAS @128B KYI MING DBANG PHYUG CES BYA'O ZHES SMRA BAR MI NUS TE, 'DI LTAR GZHAN DBANG PHYUG LAS YIN PAR MI 'DOD PA'I PHYIR RO, ,GZHAN YANG KHYOD KYIS THOG MA MED PA'I DUS KYI LAS DANG, NYON MONGS PA'I MTSAN NYID JI SKAD SMRAS PA'I RGYU YIN PA DE LTAR YONGS SU MA SHES PAS, BSKAL PA'I DANG PO NAS DBANG PHYUG 'JIG RTEN GSUM GYI BYED PA PO NYID DU BRTAGS LA, KHYOD BDAG CES BYA BA NI MA BYAS PAR 'DOD PAS DE'I PHYIR DBANG PHYUG THAMS CAD KYI BYED PA PO NYID MA YIN NO, ,BDAG DE LA YANG BLO DANG, BDE BA DANG, SDUG BSNGAL DANG, 'DOD PA DANG, ZHE SDANG DANG, CHOS DANG, CHOS MA YIN PA LA SOGS PA'I YON TAN DAG KYANG YOD LA, DBANG PHYUG LUS GANG GIS BDE BA DANG SDUG BSNGAL DMIGS PA'I LUS DE YANG CHOS DANG CHOS MA YIN PA'I RGYUS MNGON PAR GRUB PA YIN PAS, DE'I PHYIR JI LTAR DBANG PHYUG DANG BDAG GI LUS CHOS DANG CHOS MA YIN PA'I RGYU LAS SKYE BA DE BZHIN DU, SEMS CAN THAMS CAD KYI BSKAL PA DANG PO'I LUS KYANG SNGON BYAS PA'I CHOS DANG CHOS MA YIN PA'I RGYU LAS 'BYUNG BAR 'GYUR TE, BDE BA DANG SDUG BSNGAL 'BYUNG BA'I RGYU YIN PA'I PHYIR, DPER NA DA LTAR SEMS CAN RNAMS KYI LUS GANG YIN PA BZHIN NO, ,GZHAN YANG DBANG PHYUG GI YON TAN BRGYAD SMRAS PA GANG YIN PA DE YANG CI BSOD NAMS KYIS THOB BAM, 'ON TE BSOD NAMS MED PAS THOB, ,GAL TE BSOD NAMS KYIS DE THOB NA NI DES NA BSOD NAMS LA RAG LUS PA'I PHYIR, DBANG PHYUG DE 'JIG RTEN GSUM SKYE BA'I RGYU MA YIN TE, DPER NA SEMS CAN BSOD NAMS DANG LDAN PA GZHAN BZHIN NO, ,'ON TE BSOD NAMS MED PAS DE 'THOB PAR 'DOD NA NI, DES NA DBANG PHYUG RGYU MA YIN TE, DPER NA BSOD NAMS MED PA GZHAN BZHIN NO, ,GZHAN YANG 'DI LA KHYOD KYI DBANG PHYUG DE CI SHES PA YOD DAM, 'ON TE SHES PA MED PA YIN, ,GAL TE SHES PA YOD PAR 'DOD NA NI, DES NA SA DANG, RI DANG, LUNG DANG, AANDA RNYIL DANG, BONG BA DANG, SHING LA SOGS PA YO BYAD RNAMS KYANG SHES PA YOD PA NYID YIN PAR THAL BAR 'GYUR TE, 'DI LTAR RGYU'I NGO BO NYID KHO NA BZHIN DU 'BRAS BU @129A *, ,'BYUNG BAR 'GYUR BA'I PHYIR TE, DPER NA AA MRA SA BON MNGAR PO LAS AA MRA'I 'BRAS BU MNGAR PO KHO NA SKYE BAR MTHONG BA DANG, SA BON SKYUR BO LAS 'BRAS BU SKYUR PO KHO NA SKYE BAR MTHONG BA DANG, KU BA'I SA BON KHA BA LAS KU PA'I 'BRAS BU KHA BA KHO NA SKYE BAR 'GYUR BA LTA BU YIN NO, ,SA DANG, RI DANG, LUNG DANG, AANDA RNYIL DANG, BONG BA DANG, SHING LA SOGS PA DE DAG NI SHES PA YOD PA NYID MA YIN PAS DE'I PHYIR DBANG PHYUG NI DE DAG GI RGYU MA YIN NO, ,CI STE SHAS PA YOD PA NYID MA YIN PAR 'DOD NA NI, DES NA MTSAN NYID LAS RGYU'