@109A *, ,RGYA GAR SKAD DU, SAm SKRi TA AA SAm SKRi TA BI NI shTZA YA N'A MA, BOD SKAD DU, 'DUS BYAS DANG 'DUS MA BYAS RNAM PAR NGES PA ZHES BYA BA, SANGS RGYAS LA PHYAG 'TSAL LO, ,CHOS RNAMS SPROS DANG BCAS PA NI, ,DPAL LDAN RANG NYID KUN MKHYEN NAS, ,DE LTAR SEMS CAN LA GSUNG GANG, ,THAMS CAD RIG PA DE LA 'DUD, ,CHOS NI 'DUS BYAS 'DUS MA BYAS, ,MDOR BSDUS NAS NI THUB PAS GSUNGS, ,DE DAG RNAM PAR NGES PA NI, ,BDAG NYID 'BA' ZHIG DRAN PHYIR BSHAD, ,CHOS MDOR BSDUS NA RNAM PA GNYIS NYID DE, 'DI LTA STE, 'DUS BYAS DANG 'DUS MA BYAS SO, , DE LA 'DUS BYAS NI MI RTAG PA NYID DO, ,'DUS MA BYAS NI RTAG PA NYID DO, ,YANG 'DUS BYAS NI KUN RDZOB KYI BDEN PA'O, ,'DUS MA BYAS NI DON DAM PA'I BDEN PA'O, ,YANG 'DUS BYAS NI RTEN CING 'BREL BAR 'BYUNG BA'O, ,'DUS MA BYAS NI RTEN CING 'BREL BAR 'BYUNG BA MA YIN PA'O, ,YANG 'DUS BYAS NI BLA NA YOD PA'O, ,'DUS MA BYAS NI BLA NA MED PA'O, ,YANG 'DUS BYAS NI 'JIG RTEN DANG 'JIG RTEN LAS 'DAS PA'O, ,'DUS MA BYAS NI 'JIG RTEN LAS 'DAS PA KHO NA'O, ,YANG 'DUS BYAS NI GZUGS CAN DANG GZUGS CAN MA YIN PA'O, ,'DUS MA BYAS NI GZUGS CAN MA YIN PA KHO NA'O, ,YANG 'DUS BYAS NI ZAG PA DANG BCAS PA DANG ZAG PA MED PA'O, ,'DUS MA BYAS NI ZAG PA MED PA KHO NA'O, ,YANG 'DUS BYAS NI NYON MONGS PA CAN DANG NYON MONGS PA CAN MA YIN PA'O, ,'DUS MA BYAS NI NYON MONGS PA CAN MA YIN PA KHO NA'O, ,YANG 'DUS BYAS NI KUN NAS NYON MONGS PA DANG RNAM PAR BYAD ? PA PA'O, , 'DUS MA BYAS NI RNAM PAR BYAD PA PA KHO NA'O, ,YANG 'DUS BYAS NI SPANG BYA DANG BLANG BYA'O, ,'DUS MA BYAS NI BLANG BYA KHO NA'O, ,YANG 'DUS BYAS NI BRTEN PAR BYA BA DANG BRTEN PAR BYA BA MA YIN PA'O, ,'DUS MA BYAS NI BRTEN PAR BYA BA MA YIN PA KHO NA'O, ,YANG 'DUS BYAS NI DGE BA DANG MI DGE BA DANG LUNG DU MA BSTAN PA'O, ,'DUS MA BYAS NI DGE BA DANG LUNG DU MA BSTAN PA KHO NA'O, ,DE LA DGE BA NI GCIG STE, 'DI LTAR SO SOR BRTAG PA'I 'GOG PA'O, ,LUNG DU MA BSTAN PA NI RNAM PA GNYIS TE, 'DI LTAR NAM MKHA' DANG SO SOR BRTAG PA MA YIN PA'O, ,YANG 'DUS BYAS NI 'DOD PA'I KHAMS KYI RNAM GRANGS @109B SU GTOGS PA DANG GZUGS KYI KHAMS KYI RNAM GRANGS SU GTOGS PA DANG GZUGS MED PA'I KHAMS KYI RNAM GRANGS SU GTOGS PA'O, ,'DUS MA BYAS NI ZAG PA MED PA'I KHAMS KYI RNAM GRANGS SU GTOGS PA KHO NA'O, ,YANG 'DUS BYAS NI SDUG BSNGAL GYI BDEN PA DANG KUN 'BYUNG GI BDEN PA DANG LAM GYI BDEN PA'O, ,'DUS MA BYAS NI 'GOG PA'I BDEN PA KHO NA'O, ,YANG 'DUS BYAS NI SDUG BSNGAL GYIS THOB PA DANG KUN 'BYUNG GIS THOB PA DANG 'GOG PAS THOB PA DANG LAM GYIS THOB PA DANG BSGOM PAS SPANG BAR BYA'O, ,'DUS MA BYAS NI SPANG BYA MA YIN PA KHO NA'O, ,YANG 'DUS BYAS NI, GZUGS KYI PHUNG POS KUN TU BSDUS PA DANG, TSOR BA'I PHUNG POS KUN DU BSDUS PA DANG, 'DU SHES KYI PHUNG POS KUN DU BSDUS PA DANG, 'DU BYED KYI PHUNG POS KUN DU BSDUS PA DANG, RNAM PAR SHES PA'I PHUNG POS KUN DU BSDUS PA'O, ,'DUS MA BYAS NI PHUNG POS BSDUS PA MA YIN PA KHO NA'O, ,YANG 'DUS BYAS NI; MIG GI SKYE MCHED KYIS KUN DU BSDUS PA DANG, RNA BA'I SKYE MCHED KYIS KUN DU BSDUS PA DANG, SNA'I SKYE MCHED KYIS KUN DU BSDUS PA DANG, LCE'I SKYE MCHED KYIS KUN DU BSDUS PA DANG, LUS KYI SKYE MCHED KYIS KUN DU BSDUS PA DANG, YID KYI SKYE MCHED KYIS KUN DU BSDUS PA DANG, GZUGS KYI SKYE MCHED KYIS KUN DU BSDUS PA DANG, SGRA'I SKYE MCHED KYIS KUN DU BSDUS PA DANG, DRI'I SKYE MCHED KYIS KUN DU BSDUS PA DANG, RO'I SKYE MCHED KYIS KUN DU BSDUS PA DANG, REG PA'I SKYE MCHED KYIS KUN DU BSDUS PA DANG, CHOS KYI SKYE MCHED KYIS KUN DU BSDUS PA'O, ,'DUS MA BYAS NI CHOS KYI SKYE MCHED KYIS KUN DU BSDUS PA KHO NA'O, ,YANG 'DUS BYAS NI, MIG GI KHAMS KYIS KUN DU BSDUS PA NAS, YID KYI KHAMS KYI BAR DU KUN DU BSDUS PA DANG, MIG GI RNAM PAR SHES PA'I KHAMS KYIS BSDUS PA NAS, YID KYI RNAM PAR SHES PA'I KHAMS KYI BAR DU KUN DU BSDUS PA DANG, GZUGS KYI KHAMS KYIS BSDUS PA NAS, CHOS KYI KHAMS KYI BAR GYIS BSDUS PA'O, ,'DUS MA BYAS NI CHOS KYI KHAMS KYIS KUN DU BSDUS PA KHO NA'O, ,DE LA GZHUNG DU 'CHAD PAR 'GYUR BA GANG 'GOG PA'I BDEN PAS KUN DU BSDUS PA'I CHOS RNAMS DANG NAM MKHA' NI 'DUS MA BYAS KYI CHOS SO, ,CHOS GZHAN THAMS CAD @110A *, ,NI 'DUS BYAS SO, ,DE SKAD DU YANG, NAM MKHA' DANG NI 'GOG PA GNYIS, ,'DI GSUM RTAG CING 'DUS MA BYAS, ,'DUS BYAS THAMS CAD SKAD CIG MA, ,BDAG GIS STONG ZHING BYED PO MED, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS 'DUS BYAS DANG 'DUS MA BYAS RNAM PAR DBYE BA NGES PA ZHES BYA BA LE'U DANG PO'O,, ,,DE LA 'DI GSUM NI 'DUS BYAS KYI MTSAN NYID 'DUS BYAS TE, SKYE BA DANG, GNAS PA DANG, MI RTAG PA'O, ,'DI RNAMS SU RGAS PA BSDUS PAS BZHI NI 'DUS BYAS KYI MTSAN NYID CES KHA CIG GO, ,'DUS BYAS NI 'DI BSKYED PAR BYA BA'I PHYIR RGYU NI DRUG STE, BYED PA'I RGYU DANG, LHAN CIG 'BYUNG BA'I RGYU DANG, SKAL BA MNYAM PA'I RGYU DANG, MTSUNGS PAR LDAN PA'I RGYU DANG, THAMS CAD DU 'GRO BA'I RGYU DANG, RNAM PAR SMIN PA'I RGYU'O, ,RGYU DE RNAMS KYIS KHYAD PAR MA YIN PA'I 'BRAS BU NI GCIG STE, 'DI LTA STE, 'DUS BYAS THAMS CAD DO, ,KHYAD PAR NI 'BRAS BU BZHI STE, 'DI LTA STE, RNAM PAR SMIN PA'I 'BRAS BU NI RNAM PAR SMIN PA'I RGYU'I 'O, ,BYED PA'I RGYU'I NI BDAG PO'I 'BRAS BU'O, ,SKAL BA MA NYAM PA DANG THAMS CAD DU 'GRO BA'I RGYU DAG GI NI RGYU MTHUN GYI 'BRAS BU'O,, LHAN CIG 'BYUNG BA DANG MTSUNGS PAR LDAN PA'I RGYU DAG GI NI SKYES BU BYED PA'I 'BRAS BU'O, ,RKYEN BZHI'O, ,'DI LTA STE, RGYU'I RKYEN DANG, DE MA THAG PA'I RKYEN DANG, DMIGS PA'I RKYEN DANG, BDAG PO'I RKYEN RNAMS SO, ,DE LA CHOS 'DUS BYAS KYI BDAG NYID RANG GI NGO BO LAS GZHAN CHOS THAMS CAD NI BYED PA'I RGYU STE, SKYE BA RNAMS LA GEGS MED PA'I NGO BOS RNAM PAR GNAS PAS SO, ,GANG CHOS PHAN TSUN 'BRAS BUR GYUR PA DE NI PHAN TSUN LHAN CIG TU 'BYUNG BA'I RGYU STE, 'DI LTA STE, 'BYUNG BA CHEN PO BZHI'O, ,SNGON GOMS PAR BYAS PA 'DRA BA'I CHOS PHYI MA 'DRA BA RGYAS PA'I RGYU MTSAN NYID YIN PAR SKAL BA MNYAM PA'I RGYU'O, ,'DI LTA STE, DGE BA'I PHUNG PO LNGA LAS DGE BA DANG, NYON MONGS PA CAN LAS NYON MONGS PA CAN DANG, LUNG DU MA BSTAN PA LAS LUNG DU MA BSTAN PA'O, ,GANG CHOS NGO BO LHAN CIG TU DMIGS PA KUN DU GRUB PA STE, YANG GANG RUNG MA TSANGS @110B BAS NI MA YIN PA DE NI MTSUNGS PAR LDAN PA'I RGYU STE, 'DI LTA STE, SEMS DANG SEMS LAS BYUNG BA'O, ,RANG GIS LA SNGON NYE BAR SKYES PA NYID KUN DU 'GRO BA'I CHOS RNAMS NI NYON MONGS PA CAN PHYI MA RNAMS KYI KUN DU 'GRO BA'I RGYU STE, NYON MONGS PA CAN GYI CHOS SPYI'I RGYU NYID YIN PAS 'DI NI SKAL BA MNYAM PA'I RGYU LAS THA DAD DU RNAM PAR GZHAG GO, ,'DOD CHAGS LA SOGS PA GANG 'GA' ZHIG GI NYON MONGS PA GOMS PAS ZHE SDANG LA SOGS PA THAMS CAD KYI RGYUN RGYAS PAR BYED PA'O, ,BDAG NYID DNGOS PO YONGS SU BZUNG BA'I PHYIR MI DGE BA DANG DGE BA ZAG BCAS KYI CHOS GANG DE NI RNAM PAR SMIN PA'I RGYU'O, ,LUNG DU MA BSTAN PA YANG MA YIN TE, SA BON RUL BA BZHIN DU STOBS ZHAN PA'O, ,ZAG PA MED PA YANG MA YIN TE, SRED PAS MNGON PAR BRLAN PA NYID YIN PAS MNGON PAR BRLAN PA MED PA'I SNYING PO SA BON BZHIN DU BDAG GI NGO BO MNGON PAR 'GRUB PA'I NUS PA MED PA'O, , DE LA LUNG DU MA BSTAN PA DANG ZAG PA DANG BCAS PA'I DGE BA DANG MI DGE BAS MNGON PAR GRUB PA SEMS CAN DU BSTAN PA'I CHOS NI RNAM PAR SMIN PA'I 'BRAS BU'O, ,SNGON SKYES PA LAS GZHAN 'DUS BYAS PA'I CHOS NI 'DUS BYAS THAMS CAD KYI BDAG PO'I 'BRAS BU'O, ,CHOS GANG RANG GI RGYU DANG 'DRA BA DE NI RGYU MTHUN PA'I 'BRAS BU'O, ,STOBS GANG GIS GANG NYE BAR SKYE BA DE NI SKYES BU BYED PA'I 'BRAS BU STE, 'DI LTAR SA 'OG MA'I SBYOR BA'I SEMS NI SA GONG MA'I TING NGE 'DZIN DANG, ZAG PA DANG BCAS PAS ZAG PA MED PA ZHES BYA BA LA SOGS PA'O, ,DE LA BYED PA'I RGYU MA GTOGS PA RGYU LNGA NI RGYU'I RKYEN NO, ,DGRA BCOM PA'I THA MA'I SEMS DANG SEMS LAS BYUNG BA SPANGS TE, SEMS DANG SEMS LAS BYUNG BA NYE BAR SKYE BA THAMS CAD NI DE MA THAG PA'I RKYEN NO, ,MIG GI RNAM SHES LA SOGS PA'I GZUGS LA SOGS PA DANG, YID KYI RNAM SHES KYI CHOS THAMS CAD CES PA LA SOGS PA NI DMIGS PA'I RKYEN NO, ,GANG BYED PA'I RGYU DE NI BDAG PO'I RKYEN NO, ,DE LA 'GOG PA LA MNGON PAR PHYOGS TE LHAN CIG 'BYUNG BA DANG MTSUNGS PAR LDAN PA'I RGYU GNYIS BYA BA BYED DE, LHAN CIG NYE BAR SKYE BA'I 'BRAS BU LA DE GNYIS RTZOM PA BYED PAS SO, ,SKAL BA MNYAM PA THAMS CAD DU 'GRO BA RNAM @111A *, ,PAR SMIN PA'I RGYU RNAMS NI SKYE BA LA MNGON PAR PHYOGS TE MA 'ONGS PA LA BYED DO, ,DE MA THAG PA'I RKYEN NI SKYE BZHIN PA LA BYA BA BYED DE GO SKABS STER BAS SO, ,DMIGS PA'I RKYEN NI 'GAG BZHIN PA LA BYA BA BYED DO, ,DA LTAR BA'I SEMS DANG SEMS LAS BYUNG BA 'DZIN PAS SO; ,BDAG PO'I RKYEN NI'ANG GNAS SKABS THAMS CAD DU SGRIB PA MED PA'I NGO BOS RNAM PAR GNAS PA'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS RGYU RNAM PAR NGES PA ZHES BYA BA LE'U GNYIS PA'O,, ,,CHOS 'DUS BYAS NI RNAM PA GNYIS TE, 'DI LTA STE, SNOD KYI 'JIG RTEN DANG, SEMS CAN GYI 'JIG RTEN NO, ,DE LA SNOD GYI 'JIG RTEN RNAM PA MANG DU GYUR PA YIN YANG, 'DI LTA STE, NAM MKHA'I MTHAR THUG PA RLUNG GI DKYIL 'KHOR RO, ,DE'I STENG NA CHU'I DKYIL 'KHOR RO, ,DE'I STENG NA DBANG CHEN GSER GYI DKYIL 'KHOR RO, , DE SKAD DU YANG, ,DE LA SNOD KYI 'JIG RTEN GYI, ,GNAS DBYIBS BSHAD DE 'OG DAG NA, ,RLUNG GI DKYIL 'KHOR RNGAMS SU NI, ,'BUM PHRAG DRUG CU GRANGS MED DO, ,CHU RNGAM 'BUM PHRAG BCU GCIG DANG, ,STONG PHRAG DAG NI NYI SHU'O, ,PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU 'GYUR, ,ZHES SO; ,DE LA LHAG MA ZHES BYA BA NI DBANG CHEN GSER GYI DKYIL 'KHOR RNGAMS SU DPAG TSAD STONG PHRAG NYI SHUS LHAG PA'I 'BUM PHRAG GSUM GYI TSAD DO, ,RGYAR YANGS PA'I TSAD KYANG, CHU DANG GSER GYI DKYIL 'KHOR LA, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, , PHYED DANG LNGA RNAMS KHO NA'O, ,KHOR YUG TU NI SUM 'GYUR RO, ,ZHES SO, ,DBANG CHEN GSER GYI DKYIL 'KHOR GYI STENG DBUS NI RI RAB RIN PO CHE BZHI'I RANG BZHIN NO, ,DE LA RIN PO CHE BZHI NI, 'DI LTA STE, GSER DANG, DNGUL DANG, BEE d'UR+YA DANG, SHEL LO, ,RI BO RGYUD BDUN NI GSER RO, , 'DI LTA STE, GNYA' SHING 'DZIN DANG, GSHOL MDA' 'DZIN DANG, SENG LDENG CAN DANG, BLTA NA SDUG DANG, RTA RNA RI DANG, RNAM PAR 'DUD DANG, MU KHYUD 'DZIN NO, ,DE LAS PHYI ROL KHOR YUG RI NI LCAGS SO DGU PA'O, ,GSER GYI SA GZHI'I DKYIL 'KHOR GYI STENG NA CHU'I DKYIL 'KHOR RNGAMS SU @111B DPAG TSAD STONG PHRAG BRGYAD CU DANG RI RAB LA SOGS PA RI DGU PO RNAMS BYING BA'O, ,DE SKAD DU YANG, LHUN PO RIN CHEN BZHI RANG BZHIN, ,CHU RU STONG PHRAG BRGYAD CU NUB, ,CHU LAS STENG DU RI BO YANG, ,STONG PHRAG DAG NI BRGYAD CU'O, ,BRGYAD PO 'PHANG DU PHYED PHYED DBRI, ,DE DAG RNGAMS SU 'PHANG DANG MNYAM, ,ZHES SO, ,RI BO MCHOG LA SOGS PA NAS MU KHYUD 'DZIN GYI MTHAR THUG PAR RI RNAMS KYI BAR DANG BAR DU BSIL BA ZHES PA RGYA MTSO BDUN TE, YAN LAG BRGYAD DANG LDAN PA'I CHUS GANG BA'O, ,DE LA CHU'I YAN LAG BRGYAD NI 'DI LTA STE, BSIL BA DANG, MYANG BDE BA DANG, YANG BA DANG, 'JAM PA DANG, DANGS BA DANG, DRI NGAN PA MED PA DANG, 'THUNG BA NA MGRIN PA MI 'GAG PA DANG, 'THUNGS NA YANG LTO BA LA MI GNOD PA'O, ,YANG GSUNGS TE, DE DAG BAR BDUN ROL MTSO YIN, ,DANG PO STONG PHRAG BRGYAD CU'O, ,DE NI NANG GI RGYA MTSO YIN, ,DE YI NGOS LA SUM 'GYUR TE, ,ROL MTSO GZHAN RNAMS PHYED PHYED DO, ,ZHES SO, ,MU KHYUD 'DZIN DANG KHOR YUG DAG GI BAR DU NI BA TSVA CAN GYI RGYA MTSO CHEN PO'O, ,YANG GSUNGS TE, LHAG MA PHYI YI MTSO CHEN LA, ,'BUM PHRAG GSUM DANG STONG PHRAG NI, ,NYI SHU GNYIS SO DE LA NI, ,ZHES SO, ,MU KHYUD 'DZIN GYI PHYI ROL PHYOGS BZHIR GLING BZHI'O, ,'DI LTA STE, LHO RU 'DZAM BU'I GLING DANG, NUB TU BA LANG SPYOD DANG, BYANG DU SGRA MI SNYAN DANG, SHAR DU LUS 'PHAGS PO'O, ,YANG GSUNGS TE, DE YANG, 'DZAM BU'I GLING NI NGOS GSUM LA, ,STONG PHRAG GNYIS TE SHING RTA'I DBYIBS, ,GCIG LA DPAG TSAD PHYED DANG BZHI, ,SHAR GYI LUS 'PHAGS ZLA GAM 'DRA, ,NGOS GSUM 'DI DANG 'DRA GCIG LA, ,DPAG TSAD SUM BRGYA LNGA BCU'O, ,BA LANG SPYOD NI ZLUM PO LA, ,STONG PHRAG PHYED DANG BRGYAD YIN NO, ,DBUS LA STONG PHRAG PHYED DANG GSUM, ,SGRA MI SNYAN BRGYAD GRU BZHIR MNYAM, ,ZHES SO, ,BAR BAR DU GLING BRGYAD DE, 'DI LTA STE, 'DZAM BU'I GLING GI LOGS GNYIS SU RNGA YAB DANG, RNGA YAB GZHAN NO, ,BA LANG SPYOD KYI NI, G-YO LDAN DANG, LAM MCHOG 'GRO'O, ,SGRA MI SNYAN GYI NI, SGRA MI SNYAN DANG, SGRA MI SNYAN GYI ZLA'O, ,SHAR GYI LUS 'PHAGS KYI NI, LUS DANG, LUS 'PHAGS @112A *, ,PA'O, ,'DIR 'DZAM BU'I GLING LA 'DZAM BU'I GLING GI BYANG DU RI NAG PO GSUM STE, DE LAS 'DAS PA NA YANG GSUM MO, ,YANG GSUM STE DGU'O, ,DE'I PHA ROL NA RI KHA BA CAN NYID DO, ,DE'I PHA ROL NA CHU DANG ZHENG DU DPAG TSAD LNGA BCU YOD PA MTSO MA DROS PA ZHES BYA BA YAN LAG BRGYAD DANG LDAN PA'I CHUS GANG BA'O, ,DE LAS CHU BO CHEN PO BZHI 'BAB PA NYID DO, ,'DI LTA STE, GANG G'A DANG, SIN DHU DANG, SH'I TA DANG, PAKshU'O, ,MTSO 'DI'I 'GRAM BYANG PHYOGS NA 'DZAM BU'I SHING YOD DE, MTHO BA DANG RGYAR DPAG TSAD LNGA BCU'I TSAD DANG LDAN PA'O, ,GZHI GANG ZHIG GIS 'DZAM GLING ZHES GRAGS PA, ,GANG GI 'BRAS BU MNGAR DANG RO MCHOG GO, ,DE'I PHA ROL NA RI SPOS KYI NGAD LDANG BA'O, ,'DZAM BU GLING 'DI'I DBUS, RDO RJE'I GDAN GSER GYI RANG BZHIN GYI SA GZHI LAS MNGON PAR GRUB PA, MTHO RU 'DZAM BU'I GLING GI MTHA' DANG, ZHENG DU SHING RTA 'KHOR LO'I TSAD DANG LDAN PA, GANG DU SRID PA THA MA'I BYANG CHUB SEMS DPA' BZHUGS NAS RDO RJE LTA BU'I TING NGE 'DZIN SKYED PAR BYED PA GANG YIN PA'O, ,'DZAM BU'I GLING 'DI NYID KYI 'OG ,DPAG TSAD STONG PHRAG NYI SHU NA MNAR MED PA'I DMYAL BA CHEN PO YOD DE RNGAMS DANG ZHENG DAG TU DPAG TSAD STONG PHRAG NYI SHU'I TSAD DANG LDAN PA'O, ,DE LTAR 'DI NAS MNAR MED PA 'DI'I 'OG GI SA GZHI NI DPAG TSAD STONG PHRAG BZHI BCUR 'GYUR RO, ,MNAR MED PA'I STENG, GONG NAS GONG DU DMYAL BA BDUN RNAM PAR GNAS SO, ,'DI LTA STE, RAB TU TSA BA DANG, TSA BA DANG, DU 'BOD CHEN PO DANG, DU 'BOD DANG, BSDUS 'JOMS DANG, THIG NAG DANG, YANG SOS SO ZHES MNAR MED PA'I PHYOGS BZHI RU PHYI ROL 'KHOR NAS GNAS SO ZHES GZHAN DAG GO, ,MNAR MED LA SOGS PA DE RNAMS NI DMYAL BA CHEN PO BRGYAD DO, ,DMYAL BA CHEN PO BRGYAD PO RNAMS SO SO LA NYE 'KHOR GYI DMYAL BA BCU DRUG STE, 'DI LTA STE, KU K'U LA DANG, KU nA PA DANG, SPU GRIS GTAMS PA'I LAM LA SOGS PA DANG, CHU BO RAB MED DO, ,PHYOGS GCIG LA'ANG NYE BA'I DMYAL BA BZHI STE, 'DI LTAR PHYOGS GZHAN GSUM LA SO SOR BZHI KHO NA NYID DE BCU DRUG GO, ,GZHAN YANG GRANG BA'I DMYAL BA BRGYAD NI DMYAL @112B BA CHEN PO RNAMS KYI THAD DU GNAS PA NYID DO, ,'DI LTA STE, CHU BUR CAN DANG, CHU BUR CHEN PO DANG, SO THAMS THAMS DANG, HA HA DANG, HU HU DANG, AUTPA LA LTA BU DANG, PADMA LTA BU DANG, PADMA CHEN PO LTA BU'O, ,NYI TSE BA'I DMYAL BA RNAMS NI GNAS NGES PA MED DE, CHU BO'I 'GRAM DANG, RGYA MTSO'I 'GRAM DANG RI DANG MYA NGAM THANG DANG YUL NGAN LA SOGS PA RNAMS SU GNAS PA'O, ,DUD 'GRO RNAMS KYI RTZA BA'I GNAS NI RGYA MTSO CHE, SKAM DANG CHU DANG NAM MKHA' LA'ANG, ZHES SO, ,YI DAGS RNAMS KYI RGYAL PO GSHIN RJE'O, ,DE YANG 'DI NAS DPAG TSAD LNGA BRGYA'I 'OG GI CHA LA, DPAG TSAD LNGA BRGYAS MTSAMS YONGS SU BCAD PA NI RGYAL PO'I GNAS SA'O, ,DE LAS GZHAN DU RNAM PAR BRTEN PA NYID DO, ,LHA MA YIN NI RI RAB LA STE, BANG RIM 'OG MA LAS 'OG GI NANG CHEN PO'I PHUG NA KUN DU GNAS SO, ,'DOD PA NA SPYOD PA'I LHA RNAMS KYI SA NI DRUG STE, 'DI LTA STE, RGYAL PO CHEN PO BZHI'I RIS KYI LHA'I GNAS DANG, SUM CU RTZA GSUM PA'I LHA'I GNAS DANG, 'THAB BRAL GYI GZHAL YAS DANG, DGA' LDAN GYI GZHAL YAS DANG, 'PHRUL DGA'I GNAS DANG, GZHAN 'PHRUL DBANG BYED KYI GZHAL YAS SO, ,DE LA RGYAL CHEN BZHI'I GNAS NI RNAM PA GSUM STE, 'DI LTA STE, RI RAB KYI BANG RIM BZHI DANG, RI BO RGYUD BDUN DANG, NYI MA DANG ZLA BA DANG SKAR MA'I GZHAL YAS RNAMS SO, ,DE LA 'DI NAS STENG DU BAR SNANG DPAG TSAD STONG PHRAG BZHI BCU NA, RLUNG NI CHU'I DKYIL 'KHOR LTAR, RI RAB LA YONGS SU BSKOR TE ZLA BA DANG, NYI MA DANG SKAR MA RNAMS KYI GZHAL YAS KHANG RNAMS RGYU BAR BYED DO, ,DE LA ZLA BA DANG NYI MA DAG LHUN PO'I PHYED NAS TE, MU KHYUD 'DZIN GYI RI'I RTZE MO DANG MNYAM PAR RGYU BAR BYED DO, ,TSAD NI ZLA BA'I DKYIL 'KHOR LA DPAG TSAD LNGA BCU'O, ,NYI MA'I DKYIL 'KHOR LA DPAG TSAD LNGA BCU GCIG GO, ,DE SKAD DU YANG, LHUN PO'I PHYED NA NYI ZLA STE, DPAG TSAD LNGA BCU GCIG DANG BCAS, ,ZHES SO, ,SKAR MA RNAMS KYI GZHAL YAS KYI TSAD NI, GANG DAG CHUNG BA DE NI RGYANG GRAGS TZAM MO, ,NYI MA'I GZHAL YAS KYI 'OG PHYI ROL NI ME SHEL GYI RANG BZHIN ZLUM PO STE 'OD ZER NI TSA BA DANG RAB TU GSAL BAR BYED DO, ,ZLA BA'I GZHAL @113A *, ,YAS KHANG GI 'OG KYANG CHU SHEL ZLUM PO BSIL BA DANG GSAL BAR SNANG BAR BYED DO, ,ZLA BA GCIG GIS GLING BZHIR BYA BA BYED DO, ,NYI MA GCIG GIS KYANG NGO, ,'DI LTA STE, GANG GI TSE BYANG SGRA MI SNYAN DU MTSAN BYED YIN PA DE'I TSE SHAR GYI LUS 'PHAGS SU NYI MA NUB PA'O, ,'DZAM BU'I GLING DU NYI MA PHYED DO, ,BA GLANG SPYOD DU SHAR BA'O, ,DE BZHIN DU GLING GZHAN LA CI RIGS SU SBYAR RO, ,'DIR NYI MA'I 'GRO BA'I BYE BRAG GIS MTSAN MO DANG NYIN MO DAG 'PHEL BA DANG 'GRIB PA'O, ,'DI LTA STE, BH'A DRA BA DE'I NAG PO'I PHYOGS KYI DGU NAS MTSAN MO 'PHEL LO, ,PH'A LA GU NA'I NAG PO'I PHYOGS KYI DGU NAS MTSAN MO 'GRIB BO, ,GANG GI TSE MTSAN MO 'PHEL BA DE'I TSE NYIN MO 'GRIB BO, ,GANG GI TSE NYIN MO 'GRIB PA DE'I TSE MTSAN MO 'PHEL LO ZHES SO, ,DKAR PO'I PHYOGS KYI DANG POR ZLA BA'I DKYIL 'KHOR NYAMS PAR MTHONG BA CI YIN ZHE NA, NYI MA'I 'OD ZER GYIS ZLA BA'I DKYIL 'KHOR GYI NGOS GZHAN LA GRIB MA BABS TE DKYIL 'KHOR MA RDZOGS PAR MTHONG BA YIN NO LO, ,YANG NA RGYU BA'I 'TSOGS PA GANG LAS DE DE 'DRA BA STE, RES 'GA' NI NYAMS PA DANG PHYED DANG RDZOGS PAR MTHONG BA YIN NO ZHES SNGON GYI SLOB DPON RNAMS GSUNGS SO, ,NYI MA LA SOGS PA'I GZHAL YAS 'DI RNAMS LA NI, RGYAL CHEN RIS BZHI'I GZHAL YAS KHANG NA GNAS PA'I LHA RNAMS GNAS SO, ,BANG RIM BZHI PA LA RGYAL PO CHEN PO BZHI GNAS PA NYID DO, ,'DI LTA STE, SHAR DU YUL 'KHOR SKYONG DANG, LHO RU 'PHAGS SKYES PO DANG, NUB TU MIG MI BZANG DANG, BYANG DU LUS NGAN PO'O, ,YANG GSUNGS TE, 'DI LA BANG RIM BZHI YOD DE, ,BAR GYI THAG NI STONG PHRAG BCU, ,STONG PHRAG DAG NI BCU DRUG DANG, ,BRGYAD DANG BZHI DANG GNYIS THAD 'PHAGS, ,DE LA LAG NA GZHONG THOGS DANG, ,PHRENG THOGS DANG NI RTAG MYOS DANG, ,RGYAL CHEN BZHI PA'I LHA RNAMS GNAS, ,RI BO BDUN PO RNAMS LA YANG, ,DES NA DE YI LHUN PO YI, ,PHYED KYIS 'OG MA BSGRIBS BA'O, ,RI RAB KYI STENG SUM CU RTZA GSUM PA'I LHA'I GNAS CHU DANG ZHENG DU STONG PHRAG BRGYAD CU'O, ,RI MCHOG GI LOGS RE RE LA DPAG TSAD STONG PHRAG NYI SHU STE KUN DU YONGS @113B SU 'KHOR BAR BRGYAD CU'O ZHES GZHAN DAG GO, ,DE'I DBUS NA GRONG KHYER BLTA ? NA SDUG CES BYA BA BRGYA BYIN LHA'I DBANG PO'I RGYAL BA'I GNAS SO, ,YANG GSUNGS TE, DBUS NA, GRONG KHYER BLTA NA SDUG CES PA, 'OG GZHI GSER BZHIN BKRA ZHING MNYEN, ,LOGS LA STONG PHRAG PHYED DANG GSUM, ,'PHANG DU DPAG TSAD GCIG DANG PHYED, ,CES SO, ,GRONG KHYER DE'I DBUS NA RNAM PAR RGYAL BA ZHES BYA BA NI KHANG BZANGS RIN PO CHE SNA BDUN GYI RANG BZHIN CAN YOD DO, ,YANG GSUNGS TE, DE NA RNAM PAR RGYAL BYED DE, ,LOGS LA NYIS BRGYA LNGA BCU'O, ,ZHES SO, ,GRONG KHYER DE'I PHYOGS BZHI RU SKYED MOS TSAL BZHI RNAMS SO, ,'DI LTA STE, SHING RTA SNA TSOGS DANG, RTZUB 'GYUR DANG, 'DRES PA'I NAGS DANG, DGA' BA'I TSAL LO, ,SKYED MOS TSAL BZHI PO DE RNAMS KYI BAR DU NI SA GZHI BZANG PO DPAG TSAD NYI SHUR LHA RNAMS KYI ROL MO'I GNAS PHAN TSUN 'GRAN PA LTAR MDZES PA 'DZIN PA'O, ,GRONG KHYER DE'I BYANG SHAR GYI MTSAMS NA SHING YONGS 'DU SA BRTOL ZHES PA YOD DO, ,DE YANG SUM CU RTZA GSUM PA'I LHA RNAMS KYI 'DOD PA'I DGA' BA RAB TU GYUR PA'I RTEN NO, ,DE'I RTZA BA SBOMS SU THANG KAR DPAG TSAD LNGA DANG 'PHANG DU DPAG TSAD GCIG GO, ,YAL GA DANG LO MA DANG 'DAB MA RGYAS PAR GNAS PA LA NI DPAG TSAD LNGA BCU'O, ,DE LA YANG ME TOG THAMS CAD YONGS SU RGYAS PA NA DRI NI RDZI PHYOGS SU DPAG TSAD BRGYA RU DAD LDAN ZHING, RDZI PHYOGS MA YIN PAR NI DPAG TSAD LNGA BCU DANG LDANG NGO, ,SHING 'DI DAG GI RTZA BA NA SHIN TU CHES 'JAM PA P'An ? RU KAM PA LA ZHES PA'I BRGYA BYIN LHA'I DBANG PO BZHUGS PA'I PHYIR MNGON PAR GRUB PA SRID DU DPAG TSAD DRUG CU'O, ,ZHING ? DU DPAG TSAD LNGA BCU'I TSAD TZAM MO, ,RNGAMS SU TSAD NI DPAG TSAD BCO LNGA'I, ,BLTA NA SDUG GI LHO NUB KYI MTSAMS NA CHOS BZANGS LHA'I 'DUN SA STE, GANG DU BSDAD NAS SUM CU RTZA GSUM PA'I LHA RNAMS BYA BA DANG, BYA BA MA YIN PA BKA' BGRO BAR MDZAD PA'O, ,RI RAB KYI STENG GRU BZHI LA COG BZHI STE, 'PHANG DU DPAG TSAD STONG PHRAG BCU'O, ,KHA CIG GRU'I COG NI DPAG TSAD LNGA BRGYA'I TSAD DANG LDAN PA GAD NA ? LHA PHYAG NA RDO RJE GNAS PA GANG YIN PA'O ZHES SO, ,GZUGS @114A *, ,KYI KHAMS LAS GZHI DANG, KUN 'KHOR BZHI'O, ,'DI LTA STE, BSAM GTAN DANG PO'I SA DANG, BSAM GTAN GNYIS PA'I SA DANG, BSAM GTAN GSUM PA'I SA DANG, BSAM GTAN BZHI PA'I SA'O, ,BSAM GTAN DANG PO'I KUN 'KHOR DANG, MING GZHAN NI MI LCOGS PA MED PA'O, ,BSAM GTAN GNYIS PA'I KUN 'KHOR DANG, MING GZHAN NI BSAM GTAN KHYAD PAR CAN NO, ,BSAM GTAN GSUM PA'I KUN 'KHOR DANG, BSAM GTAN BZHI PA'I KUN 'KHOR RO, ,DE LA BSAM GTAN DANG PO'I SA LA GNAS GSUM MO, ,TSANGS RIS KYI GZHAL YAS KHANG DANG, TSANGS PA MDUN NA 'DON GYI GZHAL YAS KHANG DANG, TSANGS PA CHEN PO'I GZHAL YAS KHANG NGO, ,BSAM GTAN GNYIS PA'I SA LA GNAS GSUM MO, ,'DI LTA STE, 'OD CHUNG GI GZHAL YAS KHANG DANG, TSAD MED 'OD KYI GZHAL YAS KHANG DANG, 'OD GSAL GYI GZHAL YAS KHANG NGO, ,BSAM GTAN GSUM PA'I GNAS LA GSUM STE, 'DI LTA STE, DGE CHUNG GI GZHAL YAS KHANG DANG, TSAD MED DGE'I GZHAL YAS KHANG DANG, DGE RGYAS KYI GZHAL YAS KHANG NGO, ,BSAM GTAN BZHI PA'I SA LA GNAS BRGYAD DE, 'DI LTA STE, SPRIN MED KYI GZHAL YAS KHANG DANG, BSOD NAMS 'PHEL GYI GZHAL YAS KHANG DANG, 'BRAS BU CHE BA'I GZHAL YAS KHANG DANG, MI CHE BA'I GZHAL YAS KHANG DANG, MI GDUNG BA'I GZHAL YAS KHANG DANG, GYA NOM SNANG BA'I GZHAL YAS KHANG DANG, SHIN TU MTHONG GI GZHAL YAS KHANG DANG, 'OG MIN GYI GZHAL YAS KHANG NGO, ,'THAB ? BRAL LA SOGS PA BZHI RNAMS KYI GZHAL YAS KHANG GI TSAD NI LHUN PO'I STENG DANG MNYAM MO ZHES KHA CIG GO, ,GONG MA NYIS 'GYUR RO ZHES GZHAN DAG GO, ,BSAM GTAN DANG PO'I GZHAL YAS KHANG NI GLING BZHI'I TSAD TZAM MO, ,BSAM GTAN GNYIS PA'I GZHAL YAS KHANG NI STONG CHUNG NGU 'JIG RTEN GYI KHAMS KYI TSAD DO, ,BSAM GTAN GSUM PA'I GZHAL YAS KHANG NI STONG GNYIS KYI 'JIG RTEN GYI KHAMS KYI TSAD DO, ,BSAM GTAN BZHI PA'I GZHAL YAS KHANG GI TSAD NI STONG GSUM GYI STONG CHEN PO'I 'JIG RTEN GYI KHAMS SO ZHES GZHAN DAG @114B GO, ,BSAM GTAN DANG PO LA SOGS PA GZHAL YAS KHANG GSUM GYI TSAD NI STONG CHUNG NGU LA SOGS PA'I TSAD DO, ,BSAM GTAN BZHI PA'I GZHAL YAS KHANG NI DPAG TU MED PA'O ZHES KHA CIG GO, ,DE LA GNAS 'OG MAR SKYES PA'I LHA RNAMS KYIS GONG MA'I GZHAL YAS KHANG MTHONG BA NI MA YIN NO, ,GNAS GONG MAR SKYES PA'I LHA RNAMS KYIS 'OG MA'I GZHAL YAS KHANG MTHONG BA NYID DO, ,RDZU 'PHRUL LAM, RDZU 'PHRUL DANG LDAN PA LA BRTEN NAS GONG DU 'GRO BAR 'GYUR RO, ,GONG DU SKYES PA 'ONGS NAS MTHONG BAR 'GYUR ZHING, KHAMS GONG MA NI MA YIN NO, ,SA GONG MA PA ZHES PA YANG MTHONG BA MA YIN NO ZHES SO, ,GZUGS MED PA'I KHAMS NI SA GZHI DANG, KUN 'KHOR BZHI'O, ,'DI LTA STE, NAM MKHA' MTHA' YAS SKYE MCHED KYI SA DANG, RNAM SHES MTHA' YAS SKYE MCHED KYI SA DANG, CI YANG MED PA'I SKYE MCHED KYI SA DANG, 'DU SHES MED 'DU SHES MED MIN SKYE MCHED KYI SA'O, ,NAM MKHA' MTHA' YAS SKYE MCHED KYI KUN 'KHOR DANG, RNAM SHES MTHA' YAS SKYE MCHED KYI KUN 'KHOR DANG, CI YANG MED PA'I SKYE MCHED KYI KUN 'KHOR DANG, 'DU SHES MED 'DU SHES MED MIN SKYE MCHED KYI KUN 'KHOR RO, ,DE LTAR GYUR PA'I 'JIG RTEN GYI KHAMS KYI MTHA' NI YOD PA MA YIN TE, NAM MKHA'I KHAMS CI SNYED PA DE SNYED 'JIG RTEN GYI KHAMS SO, ,RNAM PAR GZHAG PA 'DI RNAMS NI 'JIG RTEN GYI KHAMS RNAMS KYI PHYOGS BCU DANG STENG DANG 'OG TU GO SKABS SAM BAR CHOD NAS YOD PA MA YIN TE, 'JIG RTEN GYI KHAMS RNAMS NI 'JIG BZHIN PA DANG 'CHAGS BZHIN PA YIN PA DANG, 'OG MIN LAS STENG NA YANG 'DOD PA'I KHAMS, 'DOD PA'I KHAMS LAS 'OG TU YANG 'OG MIN NO ZHES SO, ,GANG ZHIG RGYAL CHEN BZHI'I LHA'I GNAS LA SOGS PA NAS 'OG MIN GYI MTHAR THUG PA NYI SHU NYER GSUM GYI GNAS RNAMS KYI 'OG DANG STENG DU TSAD BRJOD PAR BYA STE, 'DI LTA STE, BANG RIM BZHI PA NI RGYAL PO CHEN PO BZHI'I RTZA BA'I GNAS TE, 'DI NAS DPAG TSAD STONG PHRAG BZHI BCU'O, ,DE NAS 'OG GI 'DZAM BU'I GLING DU, JI SRID YOD PA DE SRID NAS STENG SUM CU RTZA GSUM GYI GNAS SO, ,DE LAS YANG 'OG TU 'DZAM @115A *, ,BU'I GLING DU JI SRID PA DE SRID STENG DU 'THAB BRAL GYI GNAS SO, ,DE LAS YANG 'OG 'DZAM BU'I GLING DU JI SRID PA DE SRID DU DGA' LDAN GYI GZHAL YAS ZHES SO, ,DE BZHIN DU RGYAS PAR THAMS CAD LA RJES SU GZHAL LO, ,SHIN TU MTHONG NAS 'OG TU 'DZAM BU'I GLING DU JI SRID PA DE SRID STENG DU 'OG MIN GYI GNAS SO, ,DE SKAD DU YANG, 'OG TU JI SRID GNAS LAS GNAS, ,GONG DU DE SRID DE LAS DE, ,ZHES SO, ,DE LAS STENG DU YANG GNAS NI YOD PA MA YIN NO, ,DE NAS 'DI NI THU BOR GYUR PA NYID PAS 'OG MIN ZHES BRJOD DO ZHES SO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS SNOD KYI 'JIG RTEN RNAM PAR NGES PA ZHES BYA BA LE'U GSUM PA'O,, ,,SEMS CAN GYI 'JIG RTEN NI RNAM PA GNYIS SO, ,'DI LTA STE, SO SO'I SKYE BO'I 'JIG RTEN DANG, 'PHAGS PA'I 'JIG RTEN NO, ,DE LA DANG PO NI RNAM PA GNYIS SO, ,'DI LTA STE, NGAN 'GRO'I SKYE BA DANG, BDE 'GRO'I SKYE BA'O, ,DE LA NGAN 'GRO'I SKYE BA RNAM PA GSUM MO, ,'DI LTA STE, DMYAL BA'I 'GRO BA PA DANG, DUD 'GRO'I 'GRO BA PA DANG, YI DAGS KYI 'GRO BA PA'O, ,BDE 'GRO'I SKYE BA LA YANG RNAM PA GNYIS TE, 'DI LTA STE, MI'I 'GRO BA PA DANG, LHA'I 'GRO BA PA'O, ,YANG RNAM PA LNGA STE, DMYAL BA'I 'GRO BA PA DANG, DUD 'GRO'I 'GRO BA PA DANG, YI DAGS KYI 'GRO BA PA DANG, MI'I 'GRO BA PA DANG, LHA'I 'GRO BA PA'O, ,'DI RNAMS SU LHA MIN GYI 'GRO BA PA BCUG STE, RNAM PA DRUG TU 'GYUR RO; ,DE LA DMYAL BA'I 'GRO BA LA GSUM STE, TSA BA'I DMYAL BA BRGYAD GNAS PA DANG, GRANG BA'I DMYAL BA BRGYAD GNAS PA DANG, NYI TSE BA'I DMYAL BA GNAS PA'O, ,YI DAGS KYI 'GRO BA LA RNAM PA GNYIS SO, ,'DI LTA STE, GZI BRJID CHUNG BA DANG, GZI BRJID CHEN PO'O, ,DUD 'GRO'I 'GRO BA LA RNAM PA GSUM MO, ,'DI LTA STE, CHU LA SPYOD PA DANG, SKAM LA SPYOD PA DANG, MKHA' LA SPYOD PA'O, ,MI'I 'GRO BA LA RNAM PA BZHI'O, ,'DI LTA STE, 'DZAM BU'I GLING DU SKYES PA DANG, BA GLANG SPYOD KYI GLING DU SKYES PA DANG, SGRA MI SNYAN GYI GLING DU SKYES PA DANG, @115B LUS 'PHAGS PO'I GLING DU SKYES PA'O, ,LHA'I 'GRO BA PA NI RNAM PA GSUM MO, ,'DI LTA STE, 'DOD PA NA SPYOD PA DANG, GZUGS NA SPYOD PA DANG, GZUGS MED PA NA SPYOD PA'O, ,DE LA 'DOD PA NA SPYOD PA LA RNAM PA DRUG STE, 'DI LTA STE, RGYAL CHEN GYI LHA DANG, SUM CU RTZA GSUM PA'I LHA DANG, 'THAB BRAL GYI LHA DANG, 'PHRUL DGA' BA RNAMS KYI'O, ,BLTAS PAS NI 'PHRUL DGA'I LHA DANG, GZHAN 'PHRUL DBANG BYED KYI LHA'O, ,LHA 'DI RNAMS KYI 'KHRIG PA RNAM PA LNGA STE, 'DI LTA STE, GNYIS GNYIS DANG, 'KHYUD PA DANG, LAG PAS BCANGS PA DANG, BZHAD PA DANG, BLTA BA'O, ,DE LA GNYIS SPROD KYI 'KHRIG PA NI SA LA GNAS PA'I RGYAL PO CHEN PO PA DANG SUM CU RTZA GSUM PA RNAMS TE, DPER NA MI RNAMS BZHIN NO, ,DE RNAMS NI RLUNG GROL BA LAS YONGS SU GDUNG BA RNAM PAR 'BRAL BA'O, ,'KHYUD PAS 'KHRIG PA NI 'THAB BRAL RNAMS 'KHYUD PA TZAM GYIS YONGS SU GDUNG BA DANG BRAL BA'O, ,DE LTAR LAG PAS BCANGS PA NI DGA' LDAN PA RNAMS KYI'O, ,BZHAD PAS NI DGA' LDAN GYI LHA DANG GZHAN 'PHRUL DBANG BYED RNAMS KYI'O, ,'DOD PA'I LHA DRUG PO 'DI RNAMS NI GRAGS BZHIN DU LO LNGA PA LTA BU NAS CI SRID DU LO BCU PA'I BYIS PA LTA BU SKYE BA'O, , DE LA GZUGS NA SPYOD PA RNAMS NI NA BZA' DANG BCAS PA YONGS SU RDZOGS PA SKYE BAR 'GYUR RO, ,GZUGS NA SPYOD PA RNAM BZHI STE, 'DI LTA STE, BSAM GTAN DANG PO'I GNAS SU SKYES PA DANG, BSAM GTAN GNYIS PA'I SA RU SKYES PA DANG, BSAM GTAN GSUM PA'I GNAS SU SKYES PA DANG, BSAM GTAN BZHI PA'I SA LA SKYES PA'O, ,DE LA BSAM GTAN DANG PO'I GNAS SU SKYES PA LA RNAM PA GSUM STE, 'DI LTA STE, TSANGS RIS KYI LHA DANG, TSANGS PA MDUN NA 'DON GYI LHA DANG, TSANGS PA CHEN PO'I LHA'O, ,BSAM GTAN GNYIS PA'I SA LA SKYES PA LA RNAM PA GSUM, 'DI LTA STE, 'OD CHUNG GI LHA DANG, TSAD MED 'OD KYI LHA DANG, 'OD GSAL GYI LHA'O, ,BSAM GTAN GSUM PA'I SA LA SKYES PA LA RNAM PA GSUM, 'DI LTA STE, DGE CHUNG GI LHA DANG, TSAD MED DGE'I LHA DANG, DGE RGYAS KYI LHA'O, ,BSAM GTAN BZHI PA'I SA LA SKYES PA @116A *, ,LA RNAM PA BRGYAD, 'DI LTA STE, SPRIN MED KYI LHA DANG, BSOD NAMS 'PHEL GYI LHA DANG, 'BRAS BU CHE BA'I LHA DANG, 'DU SHES MED PA'I SEMS CAN NI 'BRAS BU CHE BA'I PHYOGS GCIG KHO NA'O, ,BCU GNYIS PO 'DI RNAMS NI NYE BAR SKYE BA'I GNAS SO, ,GZHAN LNGA NI GNAS GTZANG MA'I LHA STE, 'OG NAS BSHAD PA'I 'PHAGS PA'I 'JIG RTEN PHYIR MI 'ONG BA'I NANG DU BSDU BAR BYA'O, ,DE YANG JI LTAR, MI CHE BA'I LHA DANG, MI GDUNG BA'I LHA DANG, GYA NOM SNANG GI LHA DANG, SHIN TU MTHONG GI LHA DANG, 'OG MIN GYI LHA'O, ,GZUGS MED PA LA SPYOD PA NI BZHI STE, 'DI LTA STE, NAM MKHA' MTHA' YAS SKYE MCHED DU NYE BAR SONG BA'I LHA DANG, RNAM SHES MTHA' YAS SKYE MCHED DU NYE BAR SONG BA'I LHA DANG, CUNG ZAD MED PA'I SKYE MCHED DU NYE BAR SONG BA'I LHA DANG, 'DU SHES MED 'DU SHES MED MIN SKYE MCHED DU NYE BAR SONG BA'I LHA'O, , DMYAL BA YI DAGS DUD 'GRO DANG, ,MI RNAMS DANG NI LHA DRUG DANG, ,GLING BCAS DMYAL BA'I DBYE BA YIN, ,'DOD PA'I KHAMS LA NYI SHU'O, ,STENG DU GZUGS KHAMS BCU BDUN NO, ,GNAS NI SO SOR THA DAD DO, ,'DIR NI BSAM GTAN SA GSUM PA, ,BZHI PA YANG NI SA BRGYAD PA'O, ,GZUGS MED KHAMS LA GNAS MED DE, ,NYE BAR SKYE BAS RNAM BZHI'O, ,LHA RNAMS NI RNAM PAR SMIN PA GSUM LAS SKYES TE, 'DI LTA STE, TSUL KHRIMS RNAM PAR SMIN PA DANG LDAN PAS 'DOD PA NA SPYOD PA'I LHA RNAMS SO, ,TING NGE 'DZIN RNAM PAR SMIN PA DANG LDAN PAS TSANGS RIS LA SOGS PA GZUGS NA SPYOD PA'I LHA BCU GNYIS SO, ,SHES RAB RNAM PAR SMIN PA DANG LDAN PAS GNAS GTZANG MA'I LHA LNGA'O, ,'DOD PA NA SKYE BA GSUM STE, 'DI LTA STE, 'DOD PA RNAMS SO SOR NYE BAR GNAS PA'I SEMS CAN YOD DE, 'DI LTA STE, MI RNAMS DANG LHA 'GA' ZHIG GO, ,DE YANG LHA GZHAN NI, 'DI LTA STE, RGYAL PO CHEN PO PA DANG, SUM CU RTZA GSUM PA DANG, 'THAB BRAL DANG, DGA' LDAN PA'O, ,'DOD PA RNAMS SPRUL PA'I SEMS CAN YOD DE, 'DI LTA STE, 'PHRUL DGA'I LHA RNAMS SO, ,'DOD PA RNAMS GZHAN GYI 'PHRUL PA'I @116B SEMS CAN YOD DE, 'DI LTA STE, GZHAN 'PHRUL DBANG BYED KYI LHA RNAMS SO, ,BDE BAS NYE BAR SKYE BA GSUM MO, ,'DI LTA STE, BSAM GTAN DANG POR NYE BAR SKYE BA DANG, BSAM GTAN GNYIS PAR NYE BAR SKYE BA DANG, ,BSAM GTAN GSUM PAR NYE BAR SKYE BA'O, ,SEMS CAN GYI 'JIG RTEN 'DI SKYE BA'I GNAS BZHI STE, 'DI LTA STE, RDZUS SKYES KYI SKYE GNAS DANG, MNGAL SKYES KYI SKYE GNAS DANG, DROD GSHER LAS SKYE BA'I SKYE GNAS DANG, SGO NGA LAS SKYE BA'I SKYE GNAS SO, ,DE LA MI'I 'GRO BA NI, SKYE GNAS BZHI KA YANG NGO, ,DUD 'GRO'I 'GRO BA LA SKYE GNAS BZHI'O, ,YI DAGS KYI 'GRO BA NI, SKYE GNAS GNYIS SO, ,DMYAL BA'I 'GRO BA NI RDZUS SKYES KYI SKYE GNAS GCIG KHO NA'O, ,LHA'I 'GRO BA NI RDZUS SKYES KYI SKYE GNAS GCIG KHO NA'O, ,YI DAGS NI 'DI LTA STE, MNGAL SKYES KYI SKYE GNAS DANG, RDZUS SKYES KYI SKYE GNAS SO, ,SRID PA NI BZHI STE, 'DI LTA STE, 'CHI BA'I SRID PA DANG, BAR DO'I SRID PA DANG, SKYE BA'I SRID PA DANG, SNGON GYI DUS KYI SRID PA'O, ,YANG SRID PA GNYIS 'DI LTA STE, MTHONG BA'I CHOS KYI SRID PA DANG, SKYE BA GZHAN GYI SRID PA'O, ,YANG SRID PA GSUM STE, 'DI LTA STE, 'DOD PA'I SRID PA DANG, GZUGS KYI SRID PA DANG, GZUGS MED PA'I SRID PA'O, ,YANG SRID PA BDUN TE, 'DI LTA STE, DMYAL BA'I SRID PA DANG, DUD 'GRO'I SRID PA DANG, YI DAGS KYI SRID PA DANG, MI'I SRID PA DANG, LHA'I SRID PA DANG, LAS KYI SRID PA DANG, BAR MA'I SRID PA'O, , DE NYID KYIS NA CHOS BZHI PO 'DI SHES PAR NUS PA MA YIN TE, 'DI LTA STE, SEMS CAN GYI PHUNG PO DANG, NAM MKHA'I KHAMS DANG, 'JIG RTEN GYI KHAMS DANG, SANGS RGYAS KYI YE SHES SO, ,TSOGS NI GSUM STE, 'DI LTA STE, MING GI TSOGS DANG, TSIG GI TSOGS DANG, YI GE'I TSOGS SO, , SKYON NI GSUM STE, LUS KYI SKYON DANG, NGAG GI SKYON DANG, YID KYI SKYON NO, ,YON PO GSUM STE, LUS DANG NGAG DANG YID DO, ,SNYIGS MA GSUM STE, LUS DANG NGAG DANG YID KYI'O, ,BAG MED PA'I GNAS NI GSUM STE, 'DOD PA'I BDE BA MYONG BA DANG, BSAM GTAN GYI BDE BA MYONG BA DANG, MYA NGAN @117A *, ,LAS 'DAS PA'I BDE BA MYANG BA'O, ,MNGAL RNAM PAR GNON PA NI BZHI STE, 'DI LTA STE, BLUN PO'I SEMS CAN THAMS CAD NI MNGAL DU 'JUG PA DANG GNAS PA DANG 'BYUNG BA NI MI SHES SO, ,'KHOR LOS SGYUR BA NI MNGAL DU 'JUG PA YANG DAG PAR SHES PA NYID DO, ,RANG RGYAL GYI BYANG CHUB KYI SRID PA THA MA PA NI 'JUG PA DANG GNAS PA YANG DAG PAR RAB TU SHES PA'O, ,YANG DAG PAR RDZOGS PA'I BYANG CHUB KYI SRID PA THA MA PA'I BYANG CHUB SEMS DPA' NI MNGAL DU 'JUG PA DANG 'BYUNG BA YANG DAG PAR RAB TU MKHYEN PA NYID DO, ,MNGAL GYI GNAS SKABS RNAM PA LNGA STE, 'DI LTA STE, NUR NUR PO'I GNAS SKABS DANG, MER MER PO'I GNAS SKABS DANG, NAR NAR PO'I GNAS SKABS DANG, GOR GOR PO'I GNAS SKABS DANG, RKANG LAG 'GYUS PA'I GNAS SKABS SO, ,YANG MNGAL GYI GNAS SKABS BCU STE, 'DI LTA STE, KHU BA'I LUS KYI GNAS SKABS DANG, MER MER PO'I LUS KYI GNAS SKABS DANG, SLE SLE PO'I LUS KYI GNAS SKABS DANG, SNYING PO'I LUS KYI GNAS SKABS DANG, LUS DANG RJES SU MTHUN PA'I THABS KYI GNAS SKABS DANG, RANG BZHIN DANG RJES SU MTHUN PA'I GNAS SKABS DANG, LAS DANG BCAS PA'I LUS KYI GNAS SKABS DANG, YONGS SU RDZOGS PA'I LUS KYI GNAS SKABS TE, 'DI LA PHYE BAS DBYE BA GSUM STE, DBANG PO YONGS SU RDZOGS PA DANG, RTAGS YONGS SU RDZOGS PA DANG, SRID DU DANG ZHING DU YONGS SU RDZOGS PA'O, ,MNGAL DU RNAM PAR GNON PA'I RGYU GSUM STE, 'DI LTA STE, MA NYID DGE BA'I DUS TSIGS DANG LDAN PAR GYUR PA DANG, PHA DANG MA DAG CHAGS PAS TSOGS PAR GYUR PA DANG, DRI ZA NYE BAR GNAS PAR GYUR PA'O, ,SEMS CAN GNAS PA'I CHED DU ZAS RNAM PA BZHI STE, 'DI LTA STE, KHAM GYI ZAS DANG, RIG PA'I ZAS DANG, SEMS PA'I ZAS DANG, RNAM SHES KYI ZAS SO, ,SDUG BSNGAL NYID LA GSUM STE, 'DI LTA STE, SDUG BSNGAL GYI SDUG BSNGAL DANG, 'DU BYED KYI SDUG BSNGAL DANG, YONGS SU 'GYUR BA'I SDUG BSNGAL LO, ,NYE BAR 'TSE BA NI BCU STE, 'DI LTA STE, 'CHI BA DANG, KUN NAS NYON MONGS PA DANG, DBUL BA DANG, SPYOD @117B PA NGAN PA DANG, 'GRO BA NGAN PA DANG, YONGS SU TSOL BA'I NGAL BA DANG, CHOS KYIS PHONGS PAR GYUR PA'I LAS KYI SGRIB PA DANG, 'DOD PA NYAMS PA DANG, SPA ZHUM PA DANG, THE TSOM CI DANG CI ZHES PA'O, ,'JIG RTEN GYI CHOS BRGYAD NI, 'DI LTA STE, RNYED PA DANG, MA RNYED PA DANG, BDE BA DANG, SDUG BSNGAL BA DANG, SNYAN PA DANG, MI SNYAN PA DANG, SMOD PA DANG, BSNGAGS PA'O, ,PHYIN CI LOG RNAM PA BZHI NI 'DI LTA STE, MI RTAG PA LA RTAG PA'O ZHES PHYIN CI LOG DANG, SDUG BSNGAL LA BDE BA ZHES PHYIN CI LOG DANG, MI SDUG PA LA SDUG PA ZHES PHYIN CI LOG DANG, BDAG MED PA LA BDAG CES PHYIN CI LOG GO, ,PHYIN CI LOG 'DI RNAMS LA SO SOR 'DU SHES PHYIN CI LOG DANG, LTA BA PHYIN CI LOG RNAMS SBYAR BAS PHYIN CI LOG BCU GNYIS SU 'GYUR RO, ,KUN NAS NYON MONGS PA NI RNAM PA GSUM STE, ,'DI LTA STE, ,NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA'O, ,'JIGS PA LNGA NI 'DI LTA STE, MYA NGAN GYI 'JIGS PA DANG, SBE ? SNGAGS 'DON PA'I 'JIGS PA DANG, SDUG BSNGAL GYI 'JIGS PA DANG, YID MI BDE BA'I 'JIGS PA DANG, 'KHRUG PA'I 'JIGS PA'O, ,YANG 'JIGS PA BDUN TE, 'DI LTA STE, BDAG RJES SU RTZOD PA'I 'JIGS PA DANG, GZHAN RJES SU RTZOD PA'I 'JIGS PA DANG, NGAN 'GRO'I 'JIGS PA DANG, 'TSE BA'I 'JIGS PA DANG, CHAD PA'I 'JIGS PA DANG, TSIGS SU BCAD PA MA YIN PA'I 'JIGS PA DANG, 'CHI BA'I 'JIGS PA'O, , YANG 'JIGS PA GCIG STE, 'DI LTA STE, 'JIG RTEN GYI CHOS BRGYAD KYIS NYE BAR GOS PA'I 'JIGS PA'O, ,YANG 'JIGS PA NI GSUM STE, 'DI LTA STE, MI SHES PA'I 'JIGS PA DANG, THE TSOM GYI 'JIGS PA DANG, LOG PA'I SHES PAS 'JIGS PA'O, ,MNGON PAR ZHEN PA GNYIS TE, 'DI LTA STE, 'DOD PA LA LHAG PAR ZHEN PA DANG, LTA BA LA LHAG PAR ZHEN PA'O, ,DOGS PA BZHI STE, 'DI LTA STE, SDUG BSNGAL GYI DOGS PA DANG, 'JIGS PA'I DOGS PA DANG, 'JIG RTEN CHOS BRGYAD KYI DOGS PA DANG, MI SHES PA'I DOGS PA'O, ,KHUR NI BZHI STE, @118A *, ,'DI LTA STE, PHUNG PO'I KHUR DANG, NYON MONGS PA'I KHUR DANG, KHAS BLANGS PA'I KHUR DANG, BRTZON PA'I KHUR RO, ,NYES PA LNGA STE, 'DI LTA STE, SDUG BSNGAL DANG, LONGS SPYOD NYAMS PA DANG, DGA' BA DANG BRAL BA DANG, BCINGS PA DANG, SGRIB PA'O, ,PHONGS PA NI LNGA STE, 'DI LTA STE, NAD MED PAS PHONGS PA DANG, LONGS SPYOD KYIS PHONGS PA DANG, NYE DUS PHONGS PA DANG, TSUL KHRIMS KYIS PHONGS PA DANG, LTA BAS PHONGS PA'O, ,SDUG BSNGAL NI DRUG STE, 'DI LTA STE, SKYE BA'I SDUG BSNGAL DANG, RGAS PA'I SDUG BSNGAL DANG, 'CHI BA'I SDUG BSNGAL DANG, DGA' BA DANG RNAM PAR 'BRAL BA'I SDUG BSNGAL DANG, MI DGA' BA DANG PHRAD PA'I SDUG BSNGAL DANG, 'DOD PA RNAM PAR NYAMS PA'I SDUG BSNGAL LO, ,LOG PA NI BCU STE, 'DI LTA STE, LOG PA'I LTA BA DANG, LOG PA'I RTOG PA DANG, LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA DANG, LOG PA'I RTZOL BA DANG, LOG PA'I DRAN PA DANG, LOG PA'I TING NGE 'DZIN DANG, LOG PA'I SHES PA DANG, LOG PA'I GROL BA'O, ,SGRIB PA NI GNYIS TE, 'DI LTA STE, NYON MONGS PA'I SGRIB PA DANG, SHES BYA'I SGRIB PA'O, ,YANG SGRIB PA GSUM STE, NYON MONGS PA'I SGRIB PA DANG, SHES BYA'I SGRIB PA DANG, SNYON MONGS PAR 'JUG PA'I SGRIB PA'O, ,YANG SGRIB PA BZHI NI 'DI LTA STE, SHES BYA'I SGRIB PA DANG, NYON MONGS PA'I SGRIB PA DANG, RNAM PAR SMIN PA'I SGRIB PA DANG, GTONG BA'I SGRIB PA'O, , MTHONG BA'I GEGS NI GSUM STE, MI SHES PA DANG, MUN PA DANG, MIG GI RAB RIB PO, ,'DOD TSOL NI GSUM STE, 'DI LTA STE, 'DOD PA'I 'DOD TSOL DANG, SRID PA'I 'DOD TSOL DANG, TSANGS PAR SPYOD PA'I 'DOD TSOL LO, ,'GRO BA MA YIN PAR 'GRO BA NI BZHI STE, 'DI LTA STE, 'DUN PA LAS 'GRO BA MA YIN PAR 'GRO BA DANG, ZHE SDANG LAS 'GRO BA MA YIN PAR 'GRO BA DANG, 'JIGS PA LAS 'GRO BA MA YIN PAR 'GRO BA DANG, RMONGS PA LAS 'GRO BA MA YIN PAR 'GRO BA'O, ,SER SNA LNGA NI 'DI LTA STE, GNAS KYI SER SNA DANG, RIGS KYI SER SNA DANG, @118B RNYED PA'I SER SNA DANG, KHA DOG GI SER SNA DANG, CHOS KYI SER SNA'O, ,RTZOD PA'I RTZA BA DRUG NI 'DI LTA STE, KHRO BA DANG, 'CHAB PA DANG, PHRAG DOG DANG, G-YO DANG, SDIG PA 'DOD PA DANG, RANG GI LTA BA MCHOG TU 'DZIN PA'O, ,RNAM PAR SHES PA'I GNAS PA NI BDUN TE, 'DI LTA STE, LUS THA DAD LA 'DU SHES THA DAD PA'I SEMS CAN YOD PA DANG, LUS THA DAD LA 'DU SHES GCIG PA'I SEMS CAN YOD PA DANG, LUS GCIG NYID LA 'DU SHES THA DAD PA'I SEMS CAN YOD PA DANG, LUS GCIG NYID LA 'DU SHES GCIG NYID KYI SEMS CAN YOD PA DANG, GZUGS MED PA NA NAM MKHA'I 'DU SHES DANG, RNAM SHES MTHA' YAS KYI 'DU SHES DANG, CI YANG MED PA'I 'DU SHES SO, ,SEMS CAN GYI GNAS DGU LA 'DI LTA STE, DE LTAR RNAM SHES KYI GNAS PA BDUN DANG, 'DU SHES MED 'DU SHES MED MIN GYI SKYE MCHED DANG, 'DU SHES MED PA'O, ,PHUNG PO NI GSUM LA 'DI LTA STE, YANG DAG PA NYID DU NGES PA'I PHUNG PO DANG, LOG PA NYID DU NGES PA'I PHUNG PO DANG, MA NGES PA'I PHUNG PO'O, ,SNYIGS MA LNGA NI 'DI LTA STE, TSE'I SNYIGS MA DANG, BSKAL PA'I SNYIGS MA DANG, NYON MONGS PA'I SNYIGS MA DANG, LTA BA'I SNYIGS MA DANG, SEMS CAN GYI SNYIGS MA'O, , RNAM PAR RGUD PA BZHI STA, TSE'I SNYIGS MAS 'TSO BA RNAM PAR RGUD PA DANG, BSKAL PA'I SNYIGS MAS PHAN 'DOGS PA RGUD PA DANG, NYON MONGS PA'I SNYIGS MA DANG LTA BA'I SNYIGS MAS DGE BA'I PHYOGS RGUD PA DANG, SEMS CAN GYI SNYIGS MAS BDAG GI DNGOS PO RNAM PAR RGUD PA'O, ,DE LA BDAG GI DNGOS PO RNAM PAR RGUD PA LA BRGYAD DE 'DI LTA STE, TSAD NYAMS PA DANG, GZUGS NYAMS PA DANG, NAD MED PA NYAMS PA DANG, STOBS NYAMS PA DANG, BLO NYAMS PA DANG, DRAN PA NYAMS PA DANG, ,BRTZON 'GRUS NYAMS PA DANG, BSTAN PA NYAMS PA'O, ,YANG PHONGS PA BZHI STE, 'DI LTA STE, TSUL KHRIMS KYIS PHONGS PA DANG, LTA BAS PHONGS PA DANG, KUN SPYOD KYIS PHONGS PA DANG, 'TSO BAS PHONGS PA'O, ,'PHO BA GNYIS TE, 'DI LTA STE, RNAM PAR CHAD PA'I 'PHO BA DANG, YONGS SU 'GYUR BA'I 'PHO BA'O, ,SHES PA'I MI MTHUN PA'I PHYOGS NI GSUM STE, 'DI LTA STE, MI @119A *, ,SHES PA DANG, THE TSOM GYI SHES PA DANG, LOG PA'I SHES PA'O, ,SDUG BSNGAL GYI RTAGS NI LNGA STE, 'DI LTA STE, MYA NGAN DANG, SME SNGAGS 'DON PA DANG, SDUG BSNGAL DANG, YID MI BDE BA DANG, NYE BAR 'KHRUG PA'O, ,KUN NAS MNAR SEMS KYI DNGOS PO BCU STE, 'DI LTA STE, BDAG GI DON MED PA SPYOD CING SPYOD DO SPYOD PAR 'GYUR RO ZHES KUN NAS MNAR SEMS SKYED PAR 'GYUR RO, ,BDAG GI DGA' ZHING YID DU 'ONG BA LA DON MED PA SPYAD CING SPYOD DO SPYOD PAR 'GYUR RO ZHES KUN NAS MNAR SEMS SKYE BAR 'GYUR RO, ,BDAG GI MI DGA' BA YID DU MI 'ONG BA'I DON YOD PA SPYAD CING SPYOD DO SPYOD PAR 'GYUR RO ZHES KUN NAS MNAR SEMS SKYE BAR 'GYUR RO, ,GNAS MA YIN PA LA YANG KUN NAS MNAR SEMS SKYE BAR 'GYUR RO, ,RMUGS PA DANG GNYID KYI RGYU NI LNGA STE 'DI LTA STE, KHA ZAS KYI TSOD MA RIG PA DANG, SNYOM LAS DANG, MI DGA' BA DANG, SNYANG GLAL DANG, SEMS ZHUM PA NYID DO, ,BAG CHAGS GSUM STE, 'DI LTA STE, LAS KYI BAG CHAGS DANG, NYON MONGS PA'I BAG CHAGS DANG, SKYE BA'I BAG CHAGS SO, ,BAG CHAGS GSUM PO 'DI NYID MTSAMS SBYOR BA GSUM DU 'GYUR TE, 'DI LTA STE, LAS KYI MTSAMS SBYOR BA DANG, NYON MONGS PA'I MTSAMS SBYOR BA DANG, SKYE BA'I MTSAMS SBYOR BA'O ZHES PA LA SOGS PA'O, ,PAndI TA CHEN PO STOBS BCU DPAL BSHES GNYEN GYIS RNAM PAR BSDUS PA 'DUS BYAS DANG 'DUS MA BYAS RNAM PAR NGES PA LAS SEMS CAN GYI 'JIG RTEN RNAM PAR NGES PA ZHES BYA BA LE'U BZHI PA'O,, ,,'DIR SEMS CAN DANG SNOD KYI 'JIG RTEN DAG GZUGS 'DUS PA THAMS CAD KYI PHRA BA NI RDUL PHRA RAB CES BRJOD DO, ,GANG LAS CHES CHUNG BA SHES PAR BYA BA MED PA DE NI RDUL PHRA RAB BO, ,'DOD PA'I KHAMS SU SGRA DANG BRAL BA DANG DBANG PO SPANGS PA'I RDZAS BRGYAD LDAN SKYE BAR 'GYUR RO, ,DE LA RDZAS BRGYAD NI 'DI LTA STE, SA DANG, CHU DANG, ME DANG, RLUNG DANG, GZUGS DANG, DRI DANG, RO DANG, REG BYA'O, ,'DI RNAMS SU SGRA RAB TU BCUG PAS RDZAS DGU LDAN 'GYUR RO, ,LUS KYI DBANG PO'I RDUL PHRA RAB NI RDZAS DGU @119B LDAN DE, DE LA RDZAS DGU NI 'DI LTA STE, RDZAS BRGYAD PO DE NYID DANG LUS KYI DBANG PO'I RDZAS SO, ,SGRA DANG BCAS PA NA RDZAS BCU'O, ,DBANG PO GZHAN RNAMS KYI RDUL PHRA RAB NI RDZAS BCU LDAN NO, ,DE LA RDZAS BCU NI 'DI LTA STE, RDZAS DGU PO DE NYID DANG DBANG PO RANG RANG GI RDZAS SO, , SGRA DANG BCAS PA NA RDZAS BCU GCIG TU 'GYUR RO, ,GSUNGS TE, 'DOD NA PHRA RAB RDZAS BRGYAD DE, ,SGRA MED PA MIN DBANG MED MIN, ,LUS DBANG LDAN LA RDZAS DGU'O, ,DBANG PO GZHAN LDAN RDZAS BCU'O, ,'DIS NI GZUGS KYI KHAMS NA DRI DANG RO DAG MED PAR GSUNGS PA DES NA DE DAG NA NI RDUL PHRA RAB DAG NI RIM PA BZHIN DU RDZAS DRUG DANG BDUN BRGYAD DO ZHES GSUNGS PA'I TSUL NYID KYIS NA CI YANG BRJOD PAR MI BYA'O, ,DE LTAR GZUGS 'DI NYID KYI 'GRIB BZHIN PA NA MTHAR THUG PA NI RDUL PHRA RAB PO, ,RDUL PHRA RAB LA SOGS PA'I SGRA BCU GCIG NI, GONG MA BDUN 'GYUR TE, 'DI LTA STE, RDUL PHRA RAB BDUN LA RDUL PHRAN NO, ,RDUL PHRAN BDUN LA LCAGS SO, ,LCAGS BDUN LA RI BONG NGO, ,RI BONG BDUN LA LUG GO, ,LUG BDUN LA GLANG NGO, ,GLANG BDUN LA NYI ZER RO, ,NYI ZER BDUN LA RDUL LO, ,RDUL BDUN LA SRO MA'O, ,SRO MA BDUN LA SHIG GO, ,SHIG BDUN LA NAS SO, ,NAS BDUN LA SOR MO'I TSIGS SO, ,SOR MO'I TSIGS GSUM LA MDZUB MO'O, ,LOGS LA GZHAL BAS, SOR MO NYI SHU BZHI LA KHRU GANG NGO, ,KHRU BZHI LA GZHU GANG NGO, ,GZHU LNGA BRGYA LA RGYANG GRAGS SO, ,RGYANG GRAGS BRGYA LA DPAG TSAD DO, ,'PHAGS PA GNAS BRTAN PA'I SDE PA'I LUNG LAS KYANG, GZHU 'DOM LNGA BRGYA RGYANG GRAGS TE, ,RGYANG GRAGS BZHI LA BA LANG 'GROS, ,BA LANG 'GROS BZHI DPAG TSAD DO, ,ZHES SO, ,DUS KYI MTHA' NI SKAD CIG MA STE, DE YANG DUS CI SRID DU RDUL PHRA RAB KYIS RDUL PHRA RAB GZHAN BRGAL BAR GYUR PA DE SRID KYI DUS LA SKAD CIG CES BYA'O, ,YANG NA STOBS DANG LDAN PA'I SKYES BUS SE GO LA GTOGS PA TZAM LA SKAD CIG MA DRUG CU RTZA LNGA'O, ,SUM CU RTZA BDUN ZHES PA YANG NGO, ,SKAD CIG BRGYA NYI SHU LA DE'I SKAD CIG CES SO, ,DE'I SKAD CIG DRUG CU LA THANG CIG GO, ,THANG CIG @120A *, ,SUM CU LA YUD TZAM MO, ,NA LI KA ZHES KYANG BRJOD DO, ,YUD TZAM SUM CU LA NYIN ZHAG GO, ,NYIN ZHAG SUM CU LA ZLA BA'O, ,ZLA BA BCU GNYIS LA LO 'KHOR BA'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS GZUGS DANG DUS RNAM PAR NGES PA ZHES BYA BA LE'U LNGA PA'O,, ,,'DZAM BU'I GLING DU BSKAL PA DANG PO PA'I MI RNAMS KYI TSE LO DPAG TU MED PA'O, ,BAR DU TSE LO NGES PA MED PA'O, ,THA MAR TSE LO BCU PA'O, ,BA GLANG SPYOD DU MI RNAMS KYI TSE LO LNGA BRGYA'O, ,BYANG GI SGRA MI SNYAN GYI MI RNAMS KYI TSE LO STONG NGO, ,SHAR GYI LUS 'PHAGS GLING DU MI RNAMS KYI TSE LO NYIS BRGYA LNGA BCU'O, ,MI RNAMS KYI TSE LO LNGA BCU LA NI RGYAL PO CHEN PO PA'I LHA RNAMS KYI NYIN ZHAG GCIG GO, ,DES NA TSE LO LNGA BCU'O, ,MI RNAMS KYI RTZIS KYIS LO DGU BCU THAM PA'O, ,MI'I LO BRGYA LA NI SUM CU RTZA GSUM PA'I LHA RNAMS KYI NYIN ZHAG GCIG GO, ,DES NA TSE LO STONG NGO, ,MI'I RTZIS KYIS LO BYE BA GSUM DANG LO 'BUM PHRAG DRUG CU'O, ,MI'I LO BRGYA PHRAG GNYIS LA 'THAB BRAL GYI LHA RNAMS KYI NYIN MTSAN NO, ,DES NA LO STONG PHRAG GNYIS KYI TSE'O, ,MI RNAMS KYI GRANGS RTZIS KYIS LO BYE BA BCU BZHI DANG 'BUM PHRAG BZHI BCU'O, ,MI LO BRGYA PHRAG BZHI LA DGA' LDAN PA'I LHA RNAMS KYI NYIN MTSAN NO, ,DES NA TSE NI LO STONG PHRAG BZHI'O, ,MI'I GRANGS RTZIS KYIS LO BYE BA LNGA BCU RTZA BDUN DANG LO 'BUM PHRAG DRUG CU'O, ,MI'I LO BRGYAD BRGYA LA 'PHRUL DGA'I LHA RNAMS KYI NYIN MTSAN GCIG GO, ,DES NA TSE NI LO STONG PHRAG BRGYAD DO, ,MI'I GRANGS RTZIS KYIS LO BYE BA PHRAG NYIS BRGYA DANG LO BYE BA PHRAG SUM CU DANG LO 'BUM PHRAG BZHI BCU'O, ,MI'I LO BRGYA PHRAG BCU DRUG LA GZHAN 'PHRUL DBANG BYED KYI LHA RNAMS KYI NYIN ZHAG GCIG GO, ,DES NA TSE LO STONG PHRAG BCU DRUG GO, ,MI'I GRANGS RTZIS KYIS LO BYE BA BRGYA PHRAG DGU DANG LO BYE BA PHRAG NYER GCIG DANG LO 'BUM PHRAG DRUG CU'O, ,LUS KYI TSAD KYANG NI, 'DZAM BU GLING PA'I MI RNAMS KYI NI KHRU PHYED DANG BCAS PA'I GSUM MAM, KHRU BZHI PA'O, ,SHAR GYI LUS 'PHAGS PO'I MI RNAMS KYI NI @120B LUS KYI TSAD NI KHRU BRGYAD DO, ,BA LANG SPYOD PA RNAMS KYI LUS KYI TSAD NI KHRU BCU DRUG GO, ,BYANG SGRA MI SNYAN GYI MI RNAMS KYI LUS KYI TSAD NI KHRU SUM CU RTZA GNYIS SO, ,RGYAL CHEN PA'I LHA RNAMS KYI TSAD NI RGYANG GRAGS KYI BZHI CHA'O, ,SUM CU RTZA GSUM PA'I TSAD NI RGYANG GRAGS PHYED DO, ,'THAB BRAL BA RNAMS KYI TSAD NI RGYANG GRAGS KYI CHA GSUM MO, ,DGA' LDAN PA'I TSAD NI RGYANG GRAGS SO, ,'PHRUL DGA'I LHA RNAMS KYI TSAD NI RKANG PA DANG BCAS PA'I RGYANG GRAGS SO, ,GZHAN 'PHRUL DBANG BYED LHA RNAMS KYI PHYED DANG BCAS PA'I RGYANG GRAGS NI LUS KYI TSAD DO, ,NUB PHYOGS PA BYE BRAG TU SMRA BA NA RE, RTA STONG PHRAG DANG LDAN PA'I SHING RTA DANG, GDUGS KYI TSAD NI DPAG TSAD TZAM NYID DO, ,LHA RNAMS DBANG PO BRGYA BYIN GYI, ,LUS KYI TSAD NI RGYANG GRAGS GSUM, ,ZHES ZER RO, ,TSANGS RIS KYI LHA RNAMS KYI TSE NI BAR GYI BSKAL PA NYI SHU'O, ,TSANGS PA'I MDUN NA 'DON RNAMS KYI TSE NI BAR GYI BSKAL PA BZHI BCU'O, ,TSANGS PA CHEN PO'I LHA RNAMS KYI TSE NI BSKAL PA CHEN PO GCIG GO, ,'OD CHUNG GI LHA RNAMS KYI TSE NI BSKAL PA CHEN PO GNYIS SO, ,TSAD MED 'OD KYI LHA RNAMS KYI TSE NI BSKAL PA CHEN PO BZHI'O, ,'OD GSAL GYI LHA RNAMS KYI TSE NI BSKAL PA CHEN PO BRGYAD DO, ,DGE CHUNG GI LHA RNAMS KYI TSE NI BSKAL PA CHEN PO BCU DRUG GO, ,TSAD MED DGE'I LHA RNAMS KYI TSE NI BSKAL PA CHEN PO SUM CU RTZA GNYIS SO, ,DGE RGYAS KYI LHA RNAMS KYI TSE NI BSKAL PA CHEN PO DRUG CU RTZA BZHI'O, ,SPRIN MED KYI LHA RNAMS KYI TSE NI BSKAL PA CHEN PO BRGYA DANG NYI SHU RTZA LNGA'O, ,BSOD NAMS 'PHEL GYI LHA RNAMS KYI TSE NI BSKAL PA CHEN PO BRGYA PHRAG GNYIS DANG LNGA BCU'O, ,'BRAS BU CHE BA'I LHA RNAMS KYI TSE NI BSKAL PA CHEN PO LNGA BRGYA'O, ,MI CHE BA'I LHA RNAMS KYI TSE NI BSKAL PA CHEN PO STONG NGO, ,MI GDUNG BA'I LHA RNAMS KYI TSE NI BSKAL PA CHEN PO STONG PHRAG GNYIS SO, ,GYA NOM SNANG GI LHA RNAMS KYI TSE NI BSKAL PA CHEN PO STONG PHRAG BZHI'O, ,BLTA NA SDUG GI LHA RNAMS KYI TSE NI BSKAL PA CHEN PO STONG PHRAG BRGYAD DO, ,'OG MIN GYI LHA RNAMS KYI TSE NI BSKAL PA CHEN PO STONG PHRAG BCU DRUG GO, ,NAM MKHA' 'THA' YAS SKYE MCHED DANG, RNAM SHES MTHA' YAS SKYE @121A *, ,MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED RNAMS LA TSE NI GRANGS BZHIN DU BSKAL PA CHEN PO STONG PHRAG NYI SHU DANG, STONG PHRAG BZHI BCU DANG, STONG PHRAG DRUG CU DANG, STONG PHRAG BRGYAD CU RNAMS SO, ,LUS KYI TSAD NI TSANGS RIS KYI LHA LA SOGS PA RNAMS KYI RIM PA BZHIN DU DPAG TSAD PHYED DANG, DPAG TSAD GCIG DANG PHYED DANG, DPAG TSAD GNYIS DANG, DPAG TSAD BZHI DANG, DPAG TSAD BRGYAD DANG, DPAG TSAD BCU DRUG DANG, DPAG TSAD SUM CU RTZA GNYIS DANG, DPAG TSAD DRUG CU RTZA BZHI DANG, DPAG TSAD BRGYA DANG NYI SHU RTZA LNGA DANG, DPAG TSAD BRGYA PHRAG GNYIS DANG LNGA BCU DANG, DPAG TSAD BRGYA PHRAG LNGA DANG, DPAG TSAD STONG DANG, DPAG TSAD STONG PHRAG GNYIS DANG, DPAG TSAD STONG PHRAG BZHI DANG, DPAG TSAD STONG PHRAG BRGYAD DANG, DPAG TSAD STONG PHRAG BCU DRUG DANG SBYOR RO ZHES SO, ,NGAN 'GRO RNAMS KYI NI RGYAL CHEN PA'I LHA RNAMS KYI TSE'I TSAD DAG DMYAL BA CHEN PO YANG SOS KYI NYIN ZHAG GCIG GO, ,DES NA TSE NI LO LNGA BRGYA'O, ,SUM CU RTZA GSUM PA'I LHA RNAMS KYI TSE'I TSAD NI THIG NAG GI NYIN ZHAG GO, ,DES NA TSE NI LO STONG PHRAG GCIG GO, ,'THAB BRAL GYI TSE'I TSAD NI DMYAL BA CHEN PO BSDUS 'JOMS KYI NYIN MTSAN NO, ,DES NA TSE NI LO STONG PHRAG GNYIS SO, ,DGA' LDAN GYI LHA'I TSE'I TSAD NI NGU 'BOD DMYAL BA CHEN PO'I NYIN MTSAN NO, ,DES NA TSE NI LO STONG PHRAG BZHI'O, ,'PHRUL DGA'I LHA'I TSE'I TSAD NI DMYAL BA CHEN PO NGU 'BOD CHEN PO'I NYIN MTSAN NO, ,DES NA TSE NI LO STONG PHRAG BRGYAD DO, ,GZHAN 'PHRUL DBANG BYED LHA'I TSE'I TSAD NI DMYAL BA CHEN PO TSA BA'I NYIN MTSAN NO, ,DES NA TSE NI LO STONG PHRAG BCU DRUG GO, ,DMYAL BA CHEN PO RAB TU TSA BA'I TSE NI BAR GYI BSKAL PA'I PHYED DO, ,MNAR MED PA'I TSE NI BAR GYI BSKAL PA GCIG GO, ,DUD 'GRO RNAMS NI NGES PA MED DE TSE MCHOG TU RING BA'I DUD 'GRO RNAMS NI BAR GYI BSKAL PA STE, DGA' BO DANG NYE DGA' LA SOGS PA LTA BU'O, ,MI'I ZLA BA GCIG LA YI DAGS KYI NYIN ZHAG GO, ,DES NA TSE NI LO LA BRGYA'O, ,BCOM LDAN 'DAS KYIS GRANG BA'I DMYAL BA'I TSE TSAD GSUNGS PA 'DI LTA STE, DGE SLONG DAG 'DIR TIL KHA LA NYI SHU SHONG BA'I MA @121B GA DH'A'I BRE BO CHE RES KYIS RAB TU GANG BAR BYAS TE, SPYI PHUD DU 'GYUR BA LA, DE LAS SKYES BU 'GA' ZHIG GIS LO BRGYAR GYUR PA'I TSE TIL RE RE PHYUNG BAR GYUR PA NA, DGE SLONG DAG TIL GYI PHUNG PO DE DE SRID DU RIM PA 'DIS MYUR DU ZAD CING MTHAR THUG PAR 'GRO BAR GYUR PA LA, 'DIR NGAS CHU BUR CAN DU GYUR PA'I SEMS CAN RNAMS KYI TSE'I TSAD MTHAR THUG PA NI SMRA BAR BYA BA MA YIN PA NYID DO, ,CI LTAR YANG DGE SLONG DAG CHU BUR CAN GYI NYI SHU NI CHU BUR RDOL BA CAN GYI NYIN GCIG GO, ,CHU BUR RDOL BA CAN GYI NYI SHU NI AA tA tA'O, ,AA tA tA'I NYI SHU LA HA HA'O, ,HA HA BA NYI SHU NI HU HU BA'O, ,HU HU BA NYI SHU NI AUTPA LI LTAR GAS PA'O, ,DE NYID SHU LA PADMA LTAR GAS PA'O, ,PADMA NYI SHU LA PADMA CHEN PO'O, ,SGRA NGAN SPANGS TE BAR DU 'CHI BA NI, THAMS CAD DU YOD LA BYANG NA NI NGES PA'I TSE TSAD YOD DO ZHES PA'I DON TO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS LUS DANG TSE RNAM PAR NGES PA ZHES BYA BA LE'U DRUG PA'O,, ,,RNAM PAR MI SNANG BA'I 'GRO BA PA'I SEMS CAN NI, CHOS MNGON PA MDZOD LAS NI MA GSUNGS TE, DE LTA NA MDO SDE LA SOGS PA RNAMS SU MANG DU GSUNGS PAS NI 'DIR BRJOD PAR BYA STE, CI LTAR BCOM LDAN 'DAS KYIS 'CHI 'PHO DANG SKYE BA MKHYEN PA'I STOBS BSTAN PA'I SKABS SU GSUNGS TE, DE LA 'DI NI DE BZHIN GSHEGS PA'I LHA'I SPYAN YIN TE, SPYAN GANG GIS PHYOGS BCU'I 'JIG RTEN CHOS KYI DBYINGS KYI MTHA', NAM MKHA'I DBYINGS KYI MTHAR THUG PA TSAD MED GRANGS MED PA BGRANG BA LAS YANG DAG PAR 'DAS PA'I SANGS RGYAS KYI ZHING DU, SNANG BA DE DAG THAMS CAD LA ZHING KHA CIG NI SREG PAR BYED PA DANG 'CHAGS BZHIN PA DANG 'JIG BZHIN PAR SNANG ZHING MTHONG NGO, ,GANG SEMS CAN DU SNANG BA DE DAG THAMS CAD LA KHA CIG NI CI LTAR LAS KYI NYE BAR 'GRO BA LAS 'CHI 'PHO BA BYED PA DANG, SKYE BAR BYED PA DANG, BDE BAR BYED PA DANG, NGAN 'GROR YANG SNANG ZHING MTHONG NGO, ,GANG BYANG CHUB SEMS DPAR SNANG BA DE DAG THAMS CAD LA KHA CIG NI 'PHO BAR BYED PA DANG, 'CHAGS PAR BYED BZHIN PA DANG, NGES PAR 'BYUNG BA RNAMS SNANG ZHING MTHONG NGO, ,GANG SANGS RGYAS SU SNANG BA DE DAG THAMS CAD LA KHA @122A *, ,CIG NI MNGON PAR RDZOGS PAR BYANG CHUB BZHIN PA DANG, CHOS KYI 'KHOR LO BSKOR BZHIN PA DANG, TSE'I 'DU BYED 'DOR BA DANG, YONGS SU MYA NGAN LAS 'DA' BA RNAMS SNANG ZHING MTHONG NGO, ,GANG NYAN THOS SU SNANG BA DE DAG THAMS CAD LA KHA CIG NGES PAR 'GROL BZHIN PA DANG, YONGS SU MYA NGAN LAS 'DA' BZHIN PA RNAMS MKHYEN ZHING MTHONG NGO, ,GANG RANG SANGS RGYAS SU SNANG BA DE DAG THAMS CAD LA KHA CIG NI RDZU 'PHRUL STON PA DANG, YON TAN RNAM PAR DAG PAR BYED PA RNAMS MKHYEN ZHING MTHONG NGO, ,GANG YANG MI SNANG BA'I 'GRO BA PA'I SEMS CAN RNAMS PHYI ROL PA'I MNGON SHES LNGA DANG LDAN PA RNAMS KYI MIG GI LAM DU 'GRO BA MA YIN NO, ,NYAN THOS RNAMS KYI MA YIN, RANG SANGS RGYAS RNAMS KYI MA YIN, BYANG CHUB SEMS DPA' RNAMS KYI MA YIN NO, ,DE NI DE BZHIN GSHEGS PA RNAMS KYI LHA'I SPYAN GYIS SNANG BAR 'ONGS PA YIN NO, ,GANG DAG YANG DE BZHIN GSHEGS PA RNAMS KYIS PHYOGS 'GA' ZHIG TU SHING RTA'I 'KHOR LO'I TSAD TZAM DU, MI SNANG BA'I 'GRO BA PA'I SEMS CAN RNAMS MTHONG BAR YANG DAG PAR 'ONGS PA DE NI SHIN TU CHES MANG BA STE, STONG GSUM GYI STONG CHEN PO'I 'JIG RTEN GYI KHAMS KYI LHA DANG MI RNAMS NI DE LTA BU MA YIN NO, , DE LTAR RNAM PAR MI SNANG BA'I SEMS CAN RNAMS KYI KHAMS NI TSAD MED PA'O, ,'DI DAG YANG DE BZHIN GSHEGS PA RNAMS KYI LHA'I SPYAN GYIS SEMS CAN SANGS RGYAS KYI SPYAN GYIS GDUL BYAR GYUR PA GANG YIN ZHES SANGS RGYAS KYI ZHING THAMS CAD DU SEMS CAN GYI KHAMS LA RNAM PAR GZIGS PAR MDZAD DO, ,CI SNYED SANGS RGYAS KYI GDUL BYAR GYUR PA'I SEMS CAN DE SNYED PA DE DAG RNAMS KYI MDUN DU DE BZHIN GSHEGS PA YANG DAG PAR GNAS PA NYID DO, ,SEMS CAN DE RNAMS NI 'DUL BAR BYED DO, ,DE LAS GZHAN SEMS CAN GYIS YANG DAG PAR SHES PA MA YIN NO, , 'JIG RTEN GYI KHAMS RNAM PA GSUM STE, 'DI LTA STE, STONG CHUNG NGU'I 'JIG RTEN GYI KHAMS DANG, STONG GNYIS PA'I 'JIG RTEN GYI KHAMS DANG, STONG GSUM GYI STONG CHEN PO'I 'JIG RTEN GYI KHAMS SO, ,GLING BZHI DANG ZLA BA NYI MA'I RI RAB 'DOD PA NA SPYOD PA'I LHA DRUG BSAM GTAN @122B DANG PO LA SOGS RNAMS SO SOR STONG STONG TSOGS PA RNAMS LA, STONG CHUNG NGU'I 'JIG RTEN GYI KHAMS SO, ,STONG CHUNG NGU'I 'JIG RTEN DE RNAMS LA NI STONG GNYIS PA BAR MA'I 'JIG RTEN GYI KHAMS SO, ,STONG GNYIS PA DE RNAMS STONG LA NI STONG GSUM GYI STONG CHEN PO'I 'JIG RTEN GYI KHAMS SO, ,RIM PA BZHIN DU STONG PHRAG GCIG DANG, 'BUM PHRAG BCU DANG, BYE BA BRGYA'I GLING BZHI PA LA SOGS PA RNAMS CIG CHAR DU 'JIG PA DANG 'CHAGS PA YIN NO, ,GANG GSUNGS TE, GLING BZHI DANG NI RI RAB DANG, ,NYI ZLA DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI CHUNG NGU DAG TU 'DOD, ,DE STONG LA NI STONG GNYIS PA, ,BAR MA'I 'JIG RTEN KHAMS YIN NO, ,DE STONG LA NI STONG GSUM STE, ,MNYAM DU 'JIG CING CHAGS PA YIN, ,ZHES SO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS SNANG BA'I 'GRO BA PA'I SEMS CAN RNAM PAR NGES PA ZHES BYA BA LE'U BDUN PA'O,, ,,BSKAL PA YANG RNAM PA BZHI STE, 'DI LTA STE, BAR GYI BSKAL PA DANG, 'JIG PA'I BSKAL PA DANG, CHAGS PA'I BSKAL PA DANG, BSKAL PA CHEN PO'O, ,DE LA BAR GYI BSKAL PA'I TSAD NI LCAGS KYI RANG BZHIN GYI RA BA GRU BZHI PA MTHO BA DANG LOGS SO SO LA RGYANG GRAGS RE RE YOD PA'I NANG DU TIL LAM NYUNGS KAR GYIS BKANG STE SPYI PHUNG DU BYAS PA'I NANG NAS LO BRGYA TSANG BA LAS, RE RE PHYUNG BAR GYUR PA NA CI SRID DU THAMS CAD YONGS SU ZAD PA'I DUS SU GYUR PA DE SRID KYI DUS LA BAR GYI BSKAL PA ZHES BYA'O, ,BAR GYI BSKAL PA BRGYAD CU LA NI BSKAL PA CHEN PO'O, ,'JIG PA'I BSKAL PA YANG BAR GYI BSKAL PA NYI SHUR GYUR PA YIN TE, DE LA 'JIG PA NI GNYIS TE, 'DI LTA STE, 'GRO BA 'JIG PA DANG KHAMS 'JIG PA'O, ,YANG 'JIG PA NI GNYIS TE, 'DI LTA STE, SEMS CAN 'JIG PA DANG SNOD 'JIG PA'O, ,YANG 'JIG PA GSUM STE, 'DI LTA STE, MES 'JIG PA DANG, CHUS 'JIG PA DANG, RLUNG GIS 'JIG PA'O, ,'DI LTA STE, DE'I DUS DE 'BYUNG BAR 'GYUR BA YIN TE, DMYAL BA 'DI'I SEMS CAN @123A *, ,'PHO BAR 'GYUR LA SKYE BAR MI 'GYUR BA NA, 'JIG PA'I BSKAL PA DE DBU BRTZAMS PA STE, ,RIM GYIS DMYAL BA'I SEMS CAN GCIG KYANG LHAG MA MA LUS PAR GYUR PAR NGES PA NA 'JIG RTEN 'JIG PAR 'GYUR BA YIN NO, ,'DI LTA STE, DMYAL BA'I 'GRO BA 'JIG PA'O, ,DE'I TSE DMYAL BA 'DI DAG NGES PAR MYONG BA'I LAS 'DZIN PA GANG DE STONG GSUM GZHAN GYI DMYAL BAR SKYE BAR 'GYUR RO, ,DE BZHIN DU DUD 'GRO'I 'GRO BA 'JIG PA'O, ,RGYA MTSO CHEN POR GTOGS PA'I DUD 'GRO RNAMS SNGON DU 'JIG PAR 'GYUR BA YIN TE, MI DANG LHAN CIG SPYOD CING GNAS PA'I DUD 'GRO NI MI NYID DANG LHAN CIG TU 'JIG PA YIN NO, ,DE BZHIN DU YI DAGS KYI 'GRO BA 'JIG PA'O, ,DUS DE 'BYUNG BAR 'GYUR BA 'DI YIN TE, MI 'DI RNAMS SU SEMS CAN GANG YANG RUNG BAS RANG BZHIN GYIS SLOB DPON MED PAR CHOS NYID KYIS THOB PA'I BSAM GTAN DANG PO YANG DAG PAR SKYE'O, ,DE BSAM GTAN DE LAS LANGS NAS TSIG TU SMRA BAR 'GYUR TE, KYE MA BDE BA 'DI NI DBEN PA LAS SKYES PA DGA' ZHING BDE BA'O, ,KYE MA ZHI BA 'DI NI DBEN PA LAS SKYES PA DGA' ZHING BDE BA'O ZHES SO, ,SGRA DE THOS NAS SEMS CAN GZHAN LA YANG KUN DU SKYE BAR 'GYUR BA'O, ,DUS BYAS TE TSANGS PA'I 'JIG RTEN DU SKYE BAR 'GYUR RO, ,GANG GI TSE 'DZAM BU'I GLING DU SEMS CAN GCIG KYANG LUS PA MED PAR GYUR PA 'DI TZAM NYID 'DI 'JIG RTEN 'JIG PAR 'GYUR BA YIN TE, 'DI LTA STE, 'DZAM BU'I GLING GI MI RNAMS 'JIG PA'O, ,DE BZHIN DU SHAR GYI LUS 'PHAGS KYI MI RNAMS 'JIG PA'O, ,DE BZHIN DU BA LANG SPYOD KYI MI RNAMS 'JIG PA'O, ,DE BZHIN DU BYANG GI SGRA MI SNYAN GYI MI RNAMS 'JIG PA'O, ,BYANG GI SGRA MI SNYAN GYI MI RNAMS NI 'DOD PA NA SPYOD PA'I LHAR SKYE BAR 'GYUR TE, DE RU SKYE BA MI SRID PA'I PHYIR RO, ,NGES PAR 'JIG RTEN 'DI 'JIG PAR 'GYUR BA YIN TE, 'DI LTA STE, MI'I 'GRO BA 'JIG PA'O, ,DE BZHIN DU RGYAL CHEN BZHI PA'I LHA RNAMS SU LHA RNAMS KYI BSAM GTAN DANG PO BSKYED DO, TSANGS PA'I 'JIG RTEN DU SKYE BAR 'GYUR RO, ,GANG GI TSE DE RU SEMS CAN GCIG KYANG LHAG MA LUS PA MED PAR GYUR PA 'DI TZAM NI 'JIG RTEN 'JIG PAR GYUR PA YIN TE, 'DI LTA STE, RGYAL PO CHEN PO BZHI'I LHA'I @123B 'JIG PA'O, ,DE BZHIN DU SUM CU RTZA GSUM PA'I LHA'I 'JIG PA'O, ,'THAB BRAL GYI LHA'I 'JIG PA NI DE BZHIN NO, ,DE BZHIN DU DGA' LDAN LHA'I 'JIG PA'O, ,DE BZHIN DU 'PHRUL DGA'I LHA'I 'JIG PA'O, ,DE BZHIN DU GZHAN 'PHRUL DBANG BYED KYI LHA'I 'JIG PA'O, ,GANG TSE 'DOD PA NA SPYOD PA'I LHA RNAMS GCIG KYANG LUS PA MED PAR GYUR PA 'DI TZAM NI 'JIG RTEN 'JIG PAR 'GYUR BA YIN TE, 'DI LTA STE, 'DOD PA NA SPYOD PA'I LHA'I 'JIG PA'O, ,TSANGS PA'I 'JIG RTEN DU YANG SEMS CAN GANG YANG RUNG BAS CHOS NYID KYIS THOB PA'I BSAM GTAN GNYIS PA YANG DAG PAR SKYE'O, , DE NAS BSAM GTAN DE LAS LANGS TE, TSIG TU SMRA BAR 'GYUR TE, KYE MA BDE BA 'DI TING NGE 'DZIN LAS SKYES PA DGA' ZHING BDE BA'O, ,KYE MA ZHI BA 'DI NI TING NGE 'DZIN LAS SKYES PA DGA' ZHING BDE BA'O ZHES PA'I SGRA DE THOS NAS SEMS CAN GZHAN LA YANG BSAM GTAN GNYIS PA YANG DAG PAR SKYE BAR 'GYUR RO, ,DUS BYAS TE 'OD GSAL GYI LHA RU SKYE BAR 'GYUR RO, ,GANG TSE TSANGS PA'I 'JIG RTEN DU SEMS CAN GCIG KYANG LUS PA MED PAR GYUR PA 'DI TZAM NYID NI 'JIG RTEN 'JIG PAR 'GYUR BA STE, 'DI LTA STE, SEMS CAN KUN DU 'JIG PA'O, ,DE NAS SNOD SEMS CAN GYIS STONG PAR GYUR PAS, DE'I TSE 'PHEN BYED KYI LAS YONGS SU ZAD PAS LHAS CHAR MI 'BEBS SHING, SA BON GYI GRONG DANG, SDONG BU'I GRONG DANG, 'BAB CHU CHUNG NGU RNAMS SKAMS PAR 'GYUR RO, ,DE'I RJES SU NYI MA GNYIS PA RAB TU 'BYUNG BAR 'GYUR RO, ,'BAB CHU CHEN PO THAMS CAD SKAMS PAR 'GYUR RO, ,DE LA YANG CHU BO CHEN PO BDUN NI 'DI LTA STE, GANG G'A, YA MU NA, SAR BHU, SAR BHU, AA DZI RA BA TI, MA H'I, NI MA NA GA'O, ,DE NAS NYI MA GSUM PA 'BYUNG BAR 'GYUR RO, ,CHU BO CHEN PO BZHI DANG MA DROS PA LA SOGS PA MTSO CHEN PO RNAMS SKAMS PAR 'GYUR RO, ,DE LA CHU BO CHEN PO BZHI NI 'DI LTA STE, GANG G'A DANG, SIN DHU DANG, BAKshU DANG, SH'I TA'O, ,MTSO'U CHEN PO BDUN NI, SING HA SRA S'A T'A, HANG SA SRA P'A TA, RA THA K'A RA, NA dA DAN TA, KU N'A LA, AA NA BA T'A BA TA, MAN T'A KI N'I'O, ,DE'I PHYI NAS NYI MA BZHI PA 'BYUNG BAR 'GYUR RO, ,DE'I TSE RGYA MTSO CHEN PO YANG @124A *, ,DPAG TSAD BRGYA CI SRID DU CHU SKAMS PAR 'GYUR RO, ,DE MA THAG TU NYI MA LNGA BA 'BYUNG BAR 'GYUR RO, ,DE'I TSE DPAG TSAD BRGYA PHRAG GNYIS SU CHU SKAMS PAR 'GYUR RO, ,DE NAS NYI MA DRUG PA 'BYUNG BAR 'GYUR RO, ,DE'I TSE RGYA MTSO CHEN PO LA CHU SHIN TU NYUNG BA THIGS PA YANG LUS PA MED PAR 'GYUR RO, ,SA CHEN PO DANG RI RAB LAS DU BA 'BYUNG BAR 'GYUR RO, ,DE'I RJES SU NYI MA BDUN PA 'BYUNG BAR 'GYUR RO, ,DE'I TSE STONG GSUM GYI STONG CHEN PO 'JIG RTEN GYI KHAMS BSREGS TE, CI SRID DU THAL BA YANG SHES PAR BYA BA MED DO, ,BSREGS PA DANG NYI MA RANG NYID KYANG MED PAR 'GYUR TE, BUD SHING MA TSANG BA'I ME BZHIN NO, ,DES NA NYI MA BDUN GYI MES 'JIG PA STE, BSAM GTAN DANG PO'I BAR DU SREG PAR BYED DO, ,DE BZHIN DU BA TSA CAN GYI CHU'I CHAR PHAB NAS BSAM GTAN GNYIS PA NYAMS PAR BYED PA NI CHUS 'JIG PA'O, ,DE'I RJES SU RNAM PAR 'KHRUGS PA'I RLUNG CHEN POS BSAM GTAN GSUM PA 'THOR BAR BYED PA NI RLUNG GIS 'JIG PA'O, ,BSAM GTAN BZHI PA LA NI 'JIG PA MED DO, ,DES NA 'JIG PA NI MDOR BSDU NA GSUM STE, 'DI LTA STE, MES 'JIG PA DANG, CHUS 'JIG PA DANG, RLUNG GIS 'JIG PA'O, ,DE'I PHYIR YANG BSAM GTAN DANG PO NA MES 'JIG PA KHO NA SRID PA STE, DE DAG GI DRI MA DANG CHOS MTHUN PA'I PHYIR RO, ,DE YANG 'DI LTAR BSAM GTAN DANG PO NA RNAM PAR RTOG PA DANG RNAM PAR DPYOD PA'I DRI MA YOD DE, DE YANG YONGS SU SREG PAR BYED PA'I PHYIR NA ME'I BSKAL PA'O, ,BSAM GTAN GNYIS PA NI CHU'I 'JIG PA KHO NA STE, DE'I DRI MA DANG CHOS MTHUN PA'I PHYIR RO, ,DE YANG 'DI LTAR BSAM GTAN GNYIS PA NA DGA' BA'I DRI MA YOD DE, DE YANG SHIN TU SBYONGS PA'I SBYOR BAS RTEN 'JAM PAR BYED PA'I PHYIR NA CHU'I BSKAL PA'O, ,BSAM GTAN GSUM PA NA RLUNG GI 'JIG PA KHO NA'O, ,DE YANG 'DI LTAR BSAM GTAN GSUM PA NA DBUGS 'BYUNG BA DANG, 'JUG PA'I DRI MA YOD DE, DE YANG RLUNG NYID KHO NA'O, ,DES NA GANG LA NANG GI BDAG NYID KYI BSAM GTAN SNYOMS 'JUG CI 'DRA BA'I DRI MA YOD PA DE LA BSAM GTAN LAS SKYES PA'I PHYI ROL YANG DE 'DRA BA'O, ,DE NYID KYIS NA BSAM GTAN BZHI PA NA RNAM PAR RTOG PA LA SOGS @124B PAS MI BSKYOD PAS DRI MA DANG BRAL BA'I PHYIR NA 'JIG PA NI MED DO, ,GAL TE BSAM GTAN BZHI PA LA 'JIG PA MED NA, CI BSAM GTAN BZHI PA RTAG PA YIN NAM ZHE NA MA YIN TE, DE RU YANG LHA'I BU RNAMS SKYE BAR 'GYUR BA NA GZHAL YAS KHANG DANG BCAS NAS SKYE BAR 'GYUR BA DANG, 'GAG PA NA YANG GZHAL YAS KHANG DANG BCAS NAS 'JIG PAR 'GYUR RO, ,DES NA 'JIG PA'I RTZE MO NI GSUM STE, 'DI LTAR MES 'JIG PA'I RTZE MO NI BSAM GTAN GYIS PA'O, ,CHUS 'JIG PA'I RTZE MO NI BSAM GTAN GSUM PA'O, ,RLUNG GIS 'JIG PA'I RTZE MO NI BSAM GTAN BZHI PA'O, ,'PHAGS PA GNAS BRTAN PA'I SDE PA'I LUNG GI TSUL LAS KYANG 'JIG PA NI DRUG CU RTZA BZHI STE, DE LA MES 'JIG PA LNGA BCU RTZA DRUG GO, ,CHUS 'JIG PA NI BDUN NO, ,RLUNG GIS 'JIG PA NI GCIG GO, ,'DI LTA STE, BAR MED PAR MES 'JIG PA BDUN NO, ,CHUS GCIG GO, ,DE NAS MES BDUN NO, , CHUS GCIG GO, ,DE NAS MES BDUN NO, ,CHUS GCIG GO, ,DE NAS MES BDUN NO, ,CHUS GCIG GO, ,DE NAS MES BDUN NO, ,CHUS GCIG GO, ,DE NAS MES BDUN NO, ,CHUS GCIG GO, ,DE NAS MES BDUN NO, ,CHUS GCIG GO, ,DE NAS MES BDUN NO, ,RLUNG GIS 'JIG PA NI GCIG GO, ,DE LTAR BSDUS TE 'JIG PA NI DRUG CU BZHI'O, ,YANG GSUNGS TE, ME YIS LAN NI BDUN BDUN LA, ,BRGYAD PA BRGYAD PA CHU YIS SO, ,GANG TSE RLUNG MCHOG GCIG BGRANGS NA, ,DRUG CU BZHI NI RDZOGS PAR 'GYUR, ,ZHES SO, ,DE LTAR DMYAL BA RU DANG PO SEMS CAN GYI 'PHO BA NAS BZUNG STE, CI SRID DU SNOD THAMS CAD YANG DAG PAR ZAD PAR 'GYUR BA'I DUS 'DI NI 'JIG PA'I BSKAL PA STE, BAR GYI BSKAL PA NYI SHU'O, ,DE'I RJES SU 'JIG RTEN 'DI ZHIG NA STONG PA NAM MKHA' TZAM NYID DU BAR GYI BSKAL PA NYI SHU GNAS PAR 'GYUR RO, ,DE'I PHYI NAS 'CHAGS PA NI GNYIS TE, 'DI LTA STE, SNOD 'CHAGS PA DANG, SEMS CAN 'CHAGS PA'O, ,DE LA SNOD 'CHAGS PA NI SEMS CAN RNAMS KYI LHAG PA'I BDAG POS NAM MKHA' LA RLUNG ZHAN GYIS CHUD PA RGYU BAR 'GYUR RO, ,DE LAS CI LTAR GSUNGS PA'I RLUNG GI DKYIL 'KHOR LA SOGS PA THAMS CAD SKYE BAR @125A *, ,'GYUR TE, 'DI TZAM NI 'JIG RTEN 'CHAGS PAR GYUR PA YIN TE, SNOD RNAM PAR 'CHAGS SO, ,DE NAS 'OD GSAL NAS SEMS CAN GZHAN GANG RUNG 'PHOS NAS TSANGS PA'I GZHAL YAS SU SKYE BAR 'GYUR RO, ,DE LTAR DE BZHIN DU DE'I 'KHOR YANG NGO, , DE NYID NAS SEMS CAN GZHAN DAG TSANGS PA'I MDUN NA 'DON DU 'PHO BAR 'GYUR RO, ,DE KHO NA BZHIN DU TSANGS RIS DANG, GZHAN 'PHRUL DBANG BYED RNAMS SU RIM GYIS CI SRID DU, SGRA MI SNYAN DU, BA LANG SPYOD DU, SHAR GYI LUS 'PHAGS PO RU, 'DZAM BU GLING DU, YI DAGS SU, DUD 'GRO RU, DMYAL BA RNAMS SU SKYE BAR 'GYUR RO, ,SEMS CAN 'CHAGS PA'I CHOS NYID KYIS 'DI LTAR 'BYUNG BA YIN TE, GANG PHYIS 'JIG PA DE DAG SNGON DU 'CHAGS PA YIN NO, ,GANG GI TSE DMYAL BAR SEMS CAN GCIG YANG BYUNG BAR GYUR PA DE'I TSE 'JIG RTEN 'DI CHAGS PA YIN TE, SEMS CAN 'CHAGS PA'O, ,BAR GYI BSKAL PA BCU DGUS SO, ,DE NAS BZUNG STE BAR GYI BSKAL PA NYI SHUR CHAGS PA GNAS SO, ,'DIR BSKAL PA DANG PO PA'I MI RNAMS 'OD GSAL NAS 'PHOS TE 'ONGS PA NI GZUGS NA SPYOD PA DANG 'DRA BAR GNAS SHING, YID KYI RANG BZHIN RANG GI 'OD DANG LDAN PA MKHA' LA KUN DU 'GRO BA DGA' BA'I ZAS CAN NO, ,DES SA'I DRI BSNAMS SHING SA'I RO MYANGS PA DANG LDAN PA DANG ZOS PA CAN DU 'GYUR RO, ,DE RNAMS KYI LUS LA SRA RTZUB DANG LCI BAS KUN DU NON CING 'OD SNANG BA YANG NUB PAR GYUR TO, ,DE NAS MUN PA'I RNAM PAR GYUR PA LA, NYI MA ZLA BA DAG BYUNG NGO, ,DANG PO SA'I BCUD ZHAG GI RNAM PA DANG, DE NAS SA ZHAG KHUR BLTA BU DANG, DE'I RJES SU SA ZHAG GI NAGS TSAL RNAMS RIM GYIS BYUNG BAR GYUR TO, ,SHIN TU ZHEN CHAGS PAS NUB PAR GYUR TO, ,DE MA THAG TU MA RMOS MA BTZUGS PA'I DRI BZANG BA MYANG BDE BA'I 'BRAS SKYES SO, ,DE LA ZOS BAS BSHANG ? GCI'I LAM DANG SKYES BA DANG BUD MED KYI DBANG PO DAG DANG LDAN PA 'BYUNG BAR 'GYUR RO, ,SKYES PA DANG BUD MED DAG GI DBYINGS THA DAD PAR 'GYUR RO, ,DE'I RJES SU SNGON GOMS PA'I DBANG GIS TSUL BZHIN MA YIN PA YID LA BYED PAS 'DOD PA LA CHAGS PA SHIN TU RGYAS PAR GYUR PA LAS SKYES PA DANG BUD MED DE DAG LA PHAN TSUN RJES SU CHAGS @125B PAS SGRUB PA MA YIN PA SKYES PA NYID DO, ,DE'I PHYI NAS LE LO LAS NYE BAR SDUD PAR BYED PA DANG BDAG GIR BYED PA BGYIS PAS 'BRAS S'A LU BRDAS ? PA NI YANG SKYE BA MED PAR GYUR TO, ,DE NAS ZHING RNAMS RNAM PAR BGOS TE, BDAG GIR 'DZIN PA BYAS SHING PHA ROL GIR BYAS SO, ,DE NAS SKYES BU KHYAD PAR DU GYUR PA LA BSRUNG BA'I DON DU CHA DRUG PA BYIN PAR GYUR TO, ,DE ZHING RNAMS KYI BDAG PO YIN PAS RJE'U RIGS ZHES DON DANG MTHUN PAR MING BTAGS SO, ,SKYE BO MANG PO 'DUN PA MTHUN PAS MANG POS BKUR BA'O, ,'BAD SA RNAMS DGE BAR MDZAD PAS RGYAL PO'O, ,KHYIM LAS PHYI ROL YID LA BYED PAS BRAM ZE'O ZHES MING RNAMS BYUNG NGO, ,RGYAL POS NYE BAR MNAN PA'I RKUN PO RNAMS BDAG GIS DE LTA BU MA BYAS SO ZHES BRDZUN GYI TSIG BYUNG BAR GYUR TO, ,DE LTAR 'JIG RTEN CHAGS BZHIN PA'I MI RNAMS KYI TSE DPAG TU MED PAR GYUR PA LAS, MI DGE BA'I LAS LAM RGYAS PAR GYUR NAS RIM GYIS TSE NYAMS TE MTHAR TSE LO BCU PA RNAMS CHOS MA YIN PA LA CHAGS PA YANG BA'I 'DOD PAS ZIL GYIS NON PAR GYUR PA, LOG PA'I CHOS LA YONGS SU ZHEN PA RNAMS KYI GNOD SEMS KUN DU 'PHEL BAR GYUR PA LA, 'JIG PA'I BSKAL PA GSUM 'BYUNG BAR 'GYUR TE, 'DI LTA STE, MTSON GYIS 'JIG PA DANG, NAD KYIS 'JIG PA DANG, MU GES 'JIG PA'O, ,DE LA LCUG MA LA SOGS PA RNAMS MTSON CHAR 'GYUR RO, ,DES SEMS CAN PHAN TSUN GSOD PAR BYED PA NI MTSON GYIS 'JIG PA STE, MTSON GYIS SROG GCOD PA NI NYI MA BDUN 'BYUNG BAR 'GYUR RO, ,YANG SKYON DE NYID KYIS MI MA YIN RNAMS KYIS 'TSE BA GTONG BAR BYED DO, ,GANG LAS SEMS CAN RNAMS NAD KYIS 'CHI BAR BYED DO, ,'DI NI NAD KYI 'JIG PA STE, ZLA BA BDUN DANG ZHAG BDUN 'BYUNG BAR 'GYUR RO, ,YANG SKYON DE NYID KYIS CHAR MI 'BAB PAS MU GE 'BYUNG STE, DE YANG MI RNAMS BKRES PA DANG SKOM PA DANG NYAM CHUNG BAS 'TSOGS NAS 'CHI BAR 'GYUR RO, ,GZHAN DAG NI RUS PA DKAR PO BSKOL NAS 'THUNG BAR BYED DO, ,GZHAN DAG NI KHYIM GYI ZANG ZING RNAM PAR BGOS TE, THUR MA NYE BAR STON PAS DE RING NI KHYIM BDAG PHO'I BZA' BA BYA ZHING SANG NI KHYIM BDAG MO'I ZHES BYA BA LA SOGS PA'O, ,GZHAN DAG @126A *, ,SO BA'I GNAS KYI MTSAMS BU GNAS THUR MAS SO BA'I 'BRAS BU PHYUNG NAS CHU MANG PO BSKOL BA 'THUNG BAR BYED PA NI MU GES 'JIG PA STE, LO BDUN DANG ZLA BA BDUN DANG NYI MA BDUN 'BYUNG BAR 'GYUR RO, ,DE LTAR BAR GYI BSKAL PA SO SOR RDZOGS PA NA 'JIG NA GSUM NYID DO, ,BA LANG SPYOD DANG SHAR GYI LUS 'PHAGS PO'I GNAS SU NI, MTSON DANG NAD DANG MU GE RNAMS GZUGS BRNYAN 'BYUNG BAR 'GYUR RO, ,MTSON NI GNOD SEMS DRAG PO SKYE BA'O, ,NAD NI MDOG NGAN PA DANG NYAM CHUNG BA'O, ,MU GE NI BKRES PA DANG SKOM PA'O, ,DE'I TSE YANG KHA DOG DANG STOBS CHUNG BA DANG BKRES PA DANG SKOM PA LAS GNOD SEMS DRAG PO SKYE BAR 'GYUR RO, ,'DIR CHAGS PA RNAMS KYIS GNAS PA NYID NI BAR GYI BSKAL PA DANG PO'O, ,DE RNAMS TSE LO BCU PA LAS YAR 'PHEL DU 'GRO STE, RIM GYIS TSE LO STONG PHRAG BRGYAD CUR 'GYUR RO, ,'PHAGS PA GNAS BRTAN PA NI YAR 'PHEL DU PHYIN PA NA TSE LO DPAG TU MED PA YIN NO ZHES ZER RO, ,YANG MAR 'GRIB DU PHYIN PA NA TSE LO BCU PA'O, ,'DI NI BAR GYI BSKAL PA GNYIS PA'O, ,DE LTAR CI SRID DU YAR 'PHEL DANG MAR 'GRIB BCO BRGYAD DO, ,NYI SHU PA LA NI MAR 'GRIB MED DE YAR 'PHEL KHO NA'O, ,TSE LO BCU PA NAS TSE LO STONG PHRAG BRGYAD CU PA'I BAR RO, ,BAR GYI BSKAL PA 'DI RNAMS KYI YAR 'PHEL DANG MAR 'GRIB NYID KYI DUS CI SRID PA BAR GYI BSKAL PA DANG PO'I MANG 'GRIB KHO NA'I DUS LA'ANG DE SRID DO, ,THA MA'I BAR GYI BSKAL PA YAR 'PHEL BA'I DUS LA YANG NGO, ,DES NA BAR GYI BSKAL PA THAMS CAD NI DUS MNYAM PA'O, ,DE LA BAR GYI BSKAL PA GCIG GIS SNOD CHAGS PA'O, ,BAR GYI BSKAL PA BCU DGUR NI GNAS PA'O, ,'JIG RTEN CHAGS NAS BAR GYI BSKAL PA NYI SHUR GNAS PA'O, ,GCIG GIS SNOD RNAM PAR NYAMS PAR 'GYUR TE, BCU DGUS STONGS PAR 'GYUR RO, ,'JIG RTEN ZHIG NAS BAR GYI BSKAL PA NYI SHUR GNAS PA'I BAR GYI BSKAL PA BRGYAD CU LA BSKAL PA CHEN PO'O, ,'PHAGS PA MANG POS BKUR BA'I SDE PA'I LUNG LAS KYANG 'DI LTAR RNAM PAR GZHAG STE, 'DI LTA STE, 'JIG RTEN CHAGS BZHIN PA NA DANG PO NYID DU TSANGS PA'I GZHAL YAS NI 'OD GSAL NAS BYUNG BA'O, ,DE'I RJES SU 'OD @126B GSAL GYI LHA'I RIS NAS LHA'I BU GZHAN DAG 'PHOS NAS RANG GI LAS LAS SKYES PA SKU LUS DKAR BA TSANGS PA ZHES PA TSANGS PA'I GZHAL YAS DE NYID DU SKYES SO, ,DE'I TSE DE BAR GYI BSKAL PA BCUR BSAM GTAN LA SNYOMS PAR ZHUGS PAR GYUR TO, ,DE NAS BSKAL PA NYI SHU'I MTHA' RU TSANGS PA DE GCIG BU SKYE BAR GYUR PAS, KYE MA 'DI NYID DU SEMS CAN GZHAN DAG KYANG SKYE BAR 'GYUR RO ZHES BSAMS PA DANG, DES BSAMS PA NYID KYIS DE MA THAG TU RANG RANG GI LAS KYIS DE DAG TU TSANGS PA'I 'KHOR GYI LHA RAB TU MANG BA KUN DU BYUNG NGO, ,DE YANG TSANGS PA RANG GIS BSAMS MA THAG NYID DU BYUNG BA DE RNAMS MTHONG NAS, BDAG NI 'DI RNAMS KYI SKYED BYED ZHES LOG PA'I NGA RGYAL SKYES PAR GYUR TO, ,DANG POR SKYES PA RDZU 'PHRUL CHEN PO DANG LDAN PA'I TSANGS PA DE DAG TSANGS 'KHOR GYI LHA RNAMS KYIS MTHONG NAS KYANG 'DIS BDAG SKYED PAS BDAG GI BYED PA PO ZHES KHAS BLANGS SO, ,TSANGS 'KHOR GYI LHA DE YANG BSKAL PA GCIG TU GNAS SO, ,DE'I 'OG TU BSKAL PA GCIG GIS TSANGS RIS KYI LHA RNAMS BYUNG NGO, ,DE NAS BSKAL PA GCIG GIS TSANGS PA MDUN NA 'DON GYI LHA'O, ,DE NAS BSKAL PA GCIG GIS 'DOD PA'I GNAS SA'I RTZE MO GZHAN 'PHRUL DBANG BYED KYI LHA'O, ,DE NAS BSKAL PA GCIG GIS 'PHRUL DGA'I LHA'O, ,DE NAS BSKAL PA GCIG GIS DGA' LDAN GYI LHA'O, ,DE NAS BSKAL PA GCIG GIS 'THAB BRAL GYI LHA'O, ,'DI RNAMS THAMS CAD NI RANG RANG GI LAS KYIS GZHAL YAS KHANG DANG BCAS NAS GRUB PA'O, ,DE'I PHYI NAS 'THAB BRAL GYI LHA RNAMS KYIS SKYE BA SNGON DANG SNGON DU BYUNG BA'I MTHA' RNAMS YANG DAG PAR DRAN NAS, SNGON DANG SNGON DU NYAMS SU MYONG BAR GYUR PA'I RI RAB LA SOGS PA RNAMS MTHONG BAR 'DOD PAS, RANG GI GZHAL YAS NAS 'OG TU 'ONGS TE, NAM MKHA'I PHYOGS 'DI NA NI RI RAB YOD PAR GYUR LA, RI RAB KYI STENG 'DI NA NI BRGYA BYIN LHA RNAMS KYI DBANG PO'I GRONG KHYER BYUNG BAR GYUR TO, ,'DI RU GNYA' SHING 'DZIN LA SOGS PA'I RI BO RGYUD BDUN BYUNG BAR GYUR TO, ,'DI RU RGYA MTSO BYUNG BA'O, ,'DI RU NI 'DZAM BU'I GLING GNAS PA YIN ZHES PA RNAMS DRAN PA SNGON DU 'GRO BAS 'DI NAS DE NAS 'CHAGS PA NAS LUS LAS RLUNG BYUNG @127A *, ,NAS STENG 'OG DANG 'KHOR BAR RAB TU BRKYANG STE SHIN TU CHE BA 'PHEL BAR SONG BAR GYUR TO, ,DE'I TSE STENG NAS SEMS CAN RNAMS KYI THUN MONG GI LAS LAS SKYES PA'I SPRIN MI ZAD PA'I SGRA SGROGS PA GLOG GI PHRENG BA DANG LDAN PA LAS SHIN TU CHES MANG BA'I CHU 'BAB PAR GYUR TO, , DE'I TSE RLUNG DE ZAB PA GTING DPAG DKA' BA DES KYANG CHU'I PHUNG PO'I 'OG DANG STENG DANG KHOR YUG TU BSKOR TE GZHI RTEN BYAS SO, ,DE NAS RIM GYIS 'BYUNG BA CHEN PO'I SNYING POR GYUR PA LA CHU'I STENG DU 'DAM GYI YOL BA BYUNG BAR GYUR TO, ,'O MA BSKOL BA'I SPRIS MA BZHIN NO, ,DE'I 'OG TU RLUNG DES KHU BA'I RANG BZHIN 'DAM GYIS G-YOGS PAR GYUR PA'I 'DAG PA LAS, RI RAB DANG RI BO RGYUD BDUN DANG KHOR YUG DANG ROL MTSO BDUN DANG SA DANG RGYA MTSO LA SOGS PA'I RANG BZHIN SNOD KYI 'JIG RTEN BZOS PAR GYUR TO, ,DE NAS PHYOGS BZHIR YONGS SU BRTAGS PA NYID DO, ,DE LA LHO PHYOGS SU 'DZAM BU GLING DANG, NUB PHYOGS SU BA LANG SPYOD KYI GLING DANG, BYANG PHYOGS SU BYANG GI SGRA MI SNYAN DANG, SHAR PHYOGS SU SHAR GYI LUS 'PHAGS SO, ,DE NAS RIM GYIS LAS LAS SKYES PA'I RLUNG GIS SRA BA NYID DU BYAS TE, RI RAB LA SOGS PA RI BO DGU RNAMS RIN PO CHE SNA TSOGS KYI RANG BZHIN DU SKYES SO, ,SA GZHI NI 'DAG PA'I RANG BZHIN KHO NA'O, ,DE'I RJES SU MTHO BA DANG DMA' BAR GYUR TE SNOD MA LUS PA RNAMS KYI BAR BAR DU STONG PAR GYUR PAS SO, ,YANG THUN MONG GI LAS LAS SKYES PA'I SPRIN LAS BYUNG BA'I CHU BO'I RGYUN GYIS YONGS SU GANG BAR GYUR TO, ,DE NAS RI RAB KYI STENG GRU BZHI RU MTHON DU LANGS PA'I COG BZHI YANG DAG PAR GRUB PO, , DE'I RJES SU RGYAL PO CHEN PO BA'I LHA RNAMS RI RAB KYI STENG THOB PAR MI 'GYUR BA BSOD NAMS CHUNG BA RNAMS 'BYUNG BAR 'GYUR BA DAG GNAS PA'I PHYIR, RI RAB KYI LOGS LA BSKOR BA'I RNAM PAS 'KHOR MO BZHI'O, ,MING GZHAN BANG RIM ZHES BRJOD DO, ,DE'I RJES SU THUN MONG BA'I LAS LAS RI RAB KYI STENG DU DBANG PO DANG BCAS PA'I LHA RNAMS YANG DAG PAR BYUNG NGO, ,DE'I RJES SU RI RAB KYI STENG DU BRGYA BYIN LHA'I DBANG PO'I GNAS GRONG KHYER BLTA NA SDUG CES PA BYUNG NGO, CHOS BZANG LHA'I 'DUN SA LA SOGS PA RNAM PA SNA TSOGS PA MTHA' MED PA BYUNG BAR GYUR TO, ,GNYA' SHING 'DZIN LA SOGS PA'I RI RNAMS @127B LA YANG RGYAL CHEN PA'I LHA RNAMS GNAS PA DANG, YUL 'KHOR SKYONG LA SOGS PA RGYAL PO BZHIS NANG DU BRGYAN PA'I 'KHOR MO BZHI KUN DU BYUNG NGO, ,'DI DAG THAMS CAD BSKAL PA GCIG GIS TE BCO BRGYAD KYIS CHAGS SO, ,DE'I RJES SU RANG RANG GI LAS LAS YANG DAG PAR BYUNG BA NAM MKHA' LA SPYOD PA BUD MED SKYES PA, MA NING GI RNAM PAR DBYE BA SPANGS PA RANG 'OD DANG LDAN PA'I MI RNAMS SKYES SO, ,DE NAS DUS RING BA NA RANG 'OD CAN GANG YANG RUNG BAS SA GZHI ZHAG GI RANG BZHIN KHYAD PAR CAN YID DU 'ONG BA'I DRI DANG LDAN PA MTHONG STE CHAGS PAR GYUR PAS SA ZHAG DE RNAMS LA MNGON PAR 'TSAL LO, ,DE DANG 'DRA BAR RANG 'OD CAN GZHAN GYIS KYANG MNGON PAR 'TSAL LO, ,DE NAS KHA ZAS KYI SBYOR BA DE DANG 'DRA BAR LUS KYI 'OD ZAD PAR GYUR CING LUS LCI BA NYID DU GYUR TO, ,SA LA SPYOD PA YANG GYUR TO, ,DE'I TSE MUN PA CHEN POR GYUR PA LA, SEMS CAN RNAMS KYI THUN MONG GI LAS KYIS DUS GCIG TU SHAR KYI LUS 'PHAGS SU RGYU SKAR SKAG DANG LDAN PAR NYI MA DANG, BA LANG SPYOD DU RGYU SKAR GRO BZHIN DANG LDAN PAR ZLA BA YANG DAG PAR BYUNG NGO, ,'DI TZAM GYI BSKAL PA GNYIS RDZOGS TE BSKAL PA NYI SHUS 'CHAGS PA'I GNAS SKABS RDZOGS SO,, ,, 'DI NAS BZUNG STE CHAGS PA'I GNAS SKABS BRJOD PAR BYA STE, DE BZHIN DU SA LA SPYOD PA RNAMS LA NYI MA DANG ZLA BAS SNANG BAR BYED DO, ,SA'I BCUD ZHAG SBRANG RTZI LTA BU MANG DU ZOS PAS KHA DOG NGAN PAR GYUR TO, ,NYUNG DU ZOS PAS KHA DOG BZANG DU GYUR TO, ,DE LA KHA DOG BZANG BA'I MIS KHA DOG NGAN PA'I MI RNAMS LA BRNYAS PA BYAS SO, ,DE'I TSE YANG ZHAG NUB PAR GYUR CING, SA'I ZHAG KHUR BA LTA BU BYUNG NGO, ,SA'I ZHAG KHUR BA ZA YANG GANG MANG DU ZA BA DE DMAN PAR GYUR LA, NYUNG DU ZA BA MCHOG TU GYUR TO, ,DE KHO NA BZHIN DU YID DGA' BAR GYUR PAS, NGA RGYAL 'PHEL ZHING GYA NOM PAR GYUR TO, ,NGA RGYAL STOBS LDAN DU GYUR PAS SA ZHAG KHUR BA YANG LOG PAR GYUR TO, ,DE'I RJES SU SA GZHI LAS SBRANG RTZI LTA BU'I TSAL BYUNG NGO, ,DE YANG SKYE BOS ZOS PAS NGA RGYAL 'PHEL BAR GYUR TO, ,DE NAS SA ZHAG TSAL YANG LOG PAR GYUR TO, ,DE RJES SU SPUN MA MED PA MA CHAGS PA DRI BZANG BA SHIN TU 'JAM @128A *, ,PA CHES MYANG BDE BA SBRANG RTZI LTA BU DKAR BA MA RMOS PA'I 'BRAS S'A LU RNAMS SA LAS SKYES SO, ,S'A LU DE LAS ZOS PAS SKYES PA DANG BUD MED THA DAD DU BYED PA'I RTAGS KYI GZHI BYUNG BAR GYUR TO, ,DE'I TSE BUD MED KYI RTAGS BYUNG BA MTHONG BAS SKYE BO GZHAN RNAMS SMOD PAR GYUR TE, , DE'I TSE NGO TSA DANG BCAS PA'I SKYES PA DANG BUD MED RNAMS RTAGS SGRIB PA'I PHYIR YID BZHIN GYI NA BZA' RNAMS BYUNG NGO, ,DE NAS SKYES PA BUD MED RNAMS PHAN TSUN RNAMS MTHONG BAS GNYIS SPROD KYI CHAGS PA SKYES SO, ,GZHAN DE RNAMS LA SHIN TU CHAGS PAS 'KHRIG PA BSTEN PAR BYAS SO, ,'KHRIG PA BSTEN PA'I MI DE DAG LA GZHAN RNAMS SHIN TU CHES SMOD PAR BYED DO, ,DE NAS 'KHRIG PA'I THA SNYAD RAB TU RGYAS PAS 'KHRIG PA'I DON DU SGRIB PA'I PHYIR KHANG PA BYAS SO, ,SKYE BO RNAMS KYIS SNGA BAR BZA' BA'I PHYIR S'A LU SNGA BAR LEN NO, ,DGONGS MO BZA' BA'I DON DU DGONGS MO LEN NO, ,DE'I BSOD NAMS DGONGS MO RNGAS PA NANG PAR SKYE BAR GYUR TO, ,NANG BAR RNGAS PA DGONGS MO SKYE BAR GYUR TO, ,DE LTAR MI RNAMS KHYIM DU GNAS PA'I MI RNAMS KHA CIG GIS MI GZHAN RNAMS LA SMRAS PA, BZA' BA'I DUS SU 'TSOGS ZHES SMRA'O, ,DE'I TSE LE LO'I RIGS CAN MI 'GA' ZHIG GIS YANG 'BRAS S'A LU MANG DU BLANGS TE, KHYIM GANG BAR BYAS SO, ,DE MTHONG NAS GZHAN RNAMS KYIS KYANG DE BZHIN DU BYAS SO, ,GZHAN RNAMS KYIS YANG SMRAS PA, GANG GIS DANG PO NYID DU S'A LU RNAMS BLANGS ZHES SO, ,GZHAN GYIS YANG SMRAS PA, 'DIS SO ZHES SO, ,DE BZHIN DU THAMS CAD KYIS DE BZHIN DU BYAS PAS 'BRAS S'A LU YANG NUB PAR GYUR TO, ,DE NAS GRANGS BZHIN MI RNAMS KYIS, ,BSKAL PA GNYIS GNYIS BGROD PA NI, ,ZHAG KHUR TSAL DANG S'A LU'I ZAS, ,DES NA BSKAL PA BRGYAD SONG NGO, ,DE NAS BSKAL PA DGU PA 'JUG PA NA, SHIN TU CHAGS PAS 'BRAS S'A LU DKAR PO MED CING SPUN MA DANG BCAS PA CHAGS PA DANG BCAS PA LUS LA YANG SHIN TU PHAN PA MA YIN PA BYUNG BAR GYUR TO, ,DE'I TSE SKYE BO RNAMS KYIS 'BRAS S'A LU DKAR BA MA YIN PA LA SOGS PA SKYON MTHONG BAS SMOD PAR BYED DE, NGAN PA 'DI BDAG CAG RNAMS KYI TSUL MA YIN PA YIN NO ZHES SO, ,DANG PO NYID DU SBRANG RTZI LAS CHES LHAG PA'I SA'I BCUD ZHAG MED PAR GYUR, DE NAS @128B SBRANG RTZI LAS LHAG PA'I SA'I BCUD KHUR BA MED PAR GYUR, DE NAS SBRANG CHUNG RTZI LTA BU'I TSAL YANG NUB PAR GYUR, SHIN TU CHAGS PAS MCHOG TU DKAR BA LA SOGS PA'I YON TAN DANG LDAN PA 'BRAS S'A LU YANG RNAM PAR NYAMS SO, ,KYI HUD BDAG NI CHAGS PAS RNAM PAR NYAMS SO, ,BDAG DA NI LEGS PAR CHAR BYAS TE BGO BAR BYAS NA PHUN SUM TSOGS PA BSTAN PAR 'GYUR RO ZHES SO, ,DE NAS DBANG PO'I DKYIL DU KHYIM BYAS TE SA RNAM PAR BGO BAR BYAS SO, ,DE'I SA'I BGO BA BYAS PA NA, SKYES BU RE RE DPAG TSAD DRUG GI TSAD TZAM ZHING BDAG GIR BZUNG NGO, ,YANG SA CHEN PO LA DPAG TSAD BZHI BZHI RE RE LA BYIN TO, ,DE NAS YANG CHOS MA YIN PA LA GZHOL BAS YID BZHIN GYI NA BZA' NUB PAR GYUR TO, ,DE'I TSE DE RNAMS KYI THUN MONG GI LAS LAS RAS BAL SKYES SO, ,DE NAS CHAGS PA'I RIGS CAN MI 'GA' ZHIG GIS GZHAN GYI S'A LU RKU BA BYAS SO, ,S'A LU RKU BAR BYED PA DE LA, , MI 'GA' ZHIG GIS YANG SMRAS PA, KYE KHYOD KYIS SPYOD PA NGAN PA DANG 'JUG TSUL NGAN PA BYAS SO, ,SKYE BO THAMS CAD NI LUGS NGES PAS GNAS TE, KHYOD LA YANG ZHING RMOS PA S'A LU YOD DO, ,DES NA TSUL MA YIN PA 'DI LAS LOG CES SO, ,S'A LU RKU BYED DE YANG S'A LU RKU BAR MI BYA'O ZHES DAM BCAS KYANG, YANG DANG YANG DU GZHAN RNAMS KYI S'A LU RKU BAR BYED DO, ,DES DE BZHIN DU BYAS PAS SKYES BU DE LA SKYES BU GZHAN RNAMS KYIS SHIN TU RNAM PAR BTZOGS SO, ,DE'I TSE SKYE BO THAMS CAD KYIS RKA LAG LA SOGS PAR MTSON CHAS BRGYAB PA'I RKUN PO'I LUS DE MTHONG BAS, SKYE BO GZHAN RNAMS KYIS SMOD PAR BYED DO, ,GZHAN GYI NOR PHROG PAR BYED PA NI SDUG BSNGAL LO, ,DE'I RGYU MTSAN GYIS PHAN TSUN RTZOD PA'O, ,RGYU DE LAS CA CO CHEN PO YANG BYUNG NGO, ,DE'I TSE YANG MI RNAMS THAMS CAD KYIS MI BDE BAS 'TSOGS TE PHAN TSUN BKA' GROS MDZAD DO, ,DE NI 'DI LTAR BYED PAR RIGS TE, 'DI LTAR MI GANG ZHIG DGE BA'I TSUL LUGS NGES PA DE LAS MI 'DA' BA'I SKYES BU SHIN TU KHYAD PAR CAN MI RNAMS KYI BDAG POR BYA'O, ,GANG DANG RJES SU MTHUN PA'I TSAR GCOD BYED PA NAM YANG RNAM PAR MI 'GYUR BA'O, ,SKYE BO THAMS CAD KYI 'THAD PA JI LTA BA BZHIN DU TSAR GCOD PA DANG @129A *, ,RJES SU 'DZIN PA BYED PA DE'I TSUL LUGS MA YIN PAS GOS PAR MA GYUR PA YON TAN THAMS CAD KYIS LUS CAN RNAMS KYI BLA MAR GYUR PA'O, ,THAMS CAD 'DI DAG GI RJES SU YI RANG ZHING RJES SU 'DUN PAR GYUR TO, ,DE NAS SKYES BU DES DAM PA 'GA' ZHIG GI DRUNG DU SMRAS PA, GANG LAS MI RNAMS DA LTAR 'THAD PA MA YIN PA LA 'JUG PA'I SKYON DANG, GANG YANG NYIN RE BZHIN DU 'BYOR PA NYAMS PAR GYUR PA NI KHYOD KYIS MKHYEN NO, ,'DI LTA BU MI RNAMS KYI MI 'THAD PA BZLOG PA LA KHYOD MA GTOGS PA 'GA' LA NUS PA MED DO, ,SKYE BO 'DI RNAMS KYI 'BRAS S'A LU DRUG CHA KHYOD LA STER BAR 'GYUR RO, ,KHYOD KYIS MI 'DI RNAMS 'THAD PA CI LTA BA BZHIN DU YONGS SU SKYONGS SHIG ,SA 'DI YANG SRUNGS SHIG ,DE'I TSE SKYES BU SHIN TU KHYAD PAR CAN DE, TSIG DE DAG KHAS BLANGS SHING SKYE BO DE RNAMS KYI BSAM PA'I DON YONGS SU RDZOGS PAR BYA'O, ,DE MA THAG TU MI DE RNAMS KYIS SKYES BU MCHOG DE LA RGYAL BOR DBANG BSKUR BAS MNGON BAR BKUR RO, ,DE SKYE BO'I TSOGS CHEN POS YANG DAG PAR 'DUN PA DANG, DGA' BAR MDZAD PAS RGYAL PO'O, ,TSIG BAR MA PHYIS TE MANG POS BKUR BA CHEN PO ZHES PA'I RGYAL PO BYUNG BAR GYUR TO, ,DE'I MING ZHING RNAMS KYI BDAG PO YIN PA NYID KYIS KshE TRI YA ZHES PAR GYUR TO, ,RGYAL PO'I DPAL 'BYOR KUN DU THOB BO, ,MI SRUN PA'I SKYE BO TSAR GCOD CING ZHI LEGS SKYE BO RJES SU 'DZIN PAR BYED CING, SA RNAMS KYI BDAG POR GRAGS NAS MI PHAN PA SPONG ZHING PHAN PA SGRUB BO, ,TSUL MA YIN PA BTANG ZHING RNAM PAR 'DZIN NO, ,DE NAS SKYE BO GZHAN YANG TSUL MA YIN PA BYED CING GZHAN DAG TSUL BZHIN BYED DO, ,DE'I RJES SU SKYE BO RNAMS SKYON RNAMS KYI 'BYUNG GNAS 'DOD CHAGS SKYES SO, ,DE'I RJES SU KHONG KHRO SKYES SO, ,DE'I RJES SU NGA RGYAL YANG DAG PAR BYUNG NGO, ,DE'I RJES SU DGE BA'I RJES SU MTHUN PA YANG DAG PA JI LTA RNAMS SBED PAR BYED PA'I RMONGS PA BYUNG NGO, ,DE RJES SU MA BYIN PAR LEN PA BYUNG NGO, ,DE NAS GZHAN GYI BUD MED LA 'GRO BA'O, ,DE NAS BRDZUN SMRA BA'O, ,DE RJES SU DBEN NO, ,DE NAS TSIG RTZUB PA'O, ,DE NAS TSIG KYAL PA'O, ,DE NAS GZHAN MNAR BA'I MTSAN MA GNOD SEMS SO, ,DE NAS GZHAN GYI NOR BSLU @129B BA'I MTSAN MA BRNAB SEMS SO, ,DE NAS LTA BA LOG PA BYUNG NGO, ,RNAM PA DE LTA BUR 'TSE BA LA SOGS PA SKYON RNAMS YONGS SU 'DZIN PA'I TSOGS PA LAS BYUNG NGO, ,DE LTAR KHA CIG PHYOGS KYI 'PHEL BA MTHONG NAS SEMS SKYO BAS YONGS SU 'DZIN PA SPANGS TE NAGS SU GNAS PAR GYUR TO; ,DE NI SDIG PA KUN MI SKYED PAS BRA HMA nA ZHES 'JIG RTEN RNAMS BRJOD DO, ,DE RNAMS KYI NANG NAS GANG ZHIG BSAM GTAN YONGS SU SPANGS TE, RANG NYID KYIS SNGAGS KYI TSIG SPROS NAS 'DON PA DE LAS 'DON BYED CES PA'I MING THOB PAR GYUR TO, ,GANG ZHIG NAGS SU GNAS PAR MI DGA' BA LHAG PAR CHOS GNAS LA DGA' BA ZHING GI LAS LA SHIN TU SPYOD PA DE LA DMANGS RIGS ZHES 'JIG RTEN GYI MING DU BTAGS SO, ,GZHAN DAG KHYIM LA DGA' ZHING BZO'I CHA SNA TSOGS LA RAB TU SBYOR BA DE LA GDOL RIGS ZHES 'JIG RTEN GYI MING DU BYAS SO, ,DE LTAR RIGS BZHI RNAMS LA GANG ZHIG RKU BA DE LA GCIG TU DGA' BA DE LA GTUM PO ZHES PA'I DE RNAMS KYIS GNOD PA BYED PAS GTUM PO ZHES 'JIG RTEN GYI MING DU BTAGS SO, ,DE RJES SU 'BRAS S'A LU RNAMS BCUD NYAMS PAS SMAD PAR BYA BAR 'GYUR RO, ,DE RJES SU S'A LU BRDAS PA'I SA PHYOGS SU RJES SU BZA' BA RNAM PA SNA TSOGS BYUNG BAR GYUR TO, ,'DI LTA STE, NAS DANG GRO DANG TIL DANG RGYA SRAN DANG MON SRAN RNGE'U ? DANG MON SRAN GRE'U LA SOGS PA'O, ,DE LA TIL NI BCUD KYIS SHIN TU GANG BA DANG LDAN PAS CHANG BAS BZANG BAS MAR NAG GI RGYUN GSUM 'JIG PAR GYUR TO, ,NAS LA SOGS PA RNAMS KYANG SEMS CAN DE RNAMS KYI BSOD NAMS LAS DE DANG RJES SU MTHUN PA'I BCUD BYUNG BAR GYUR TO, ,DE'I RJES SU PAGS PA DANG LO MA LA SOGS PA DANG BRAL BA GYA NOM PA MNGAR BA RJES SU MTHUN PA'I BCUD CAN BU RAM SHING MCHOG GIS SA STENG RNAM PAR BRGYAN PAR GYUR TO, ,DE RJES SU RDZUS SKYES KYI BA MO RANG NYID KYIS 'O MA'I RGYUN RAB TU 'BAB BA BYUNG NGO, ,DE'I TSE 'O MA'I RGYUN 'BAB PA'I G-YO BAS 'O MA LAS MAR SAR BYUNG BAR GYUR TO, ,MAR GSAR LAS MAR GYI NYING KHU BYUNG NGO, ,ZHUN MAR LAS MAR GYI SNYING PO BYUNG NGO, ,DE RJES SU RANG DUL PA GLANG PO CHE DANG RTA LA SOGS PA THEG PA'I KHYAD PAR RNAMS BYUNG BAR GYUR TO, ,DE'I TSE DPAL @130A *, ,LDAN MANG POS BKUR BA'I MI BDAG LA RIN PO CHE BDUN BYUNG BAR GYUR TO, ,'DI LTA STE, BUD MED RIN PO CHE DANG, SKYES BU RIN PO CHE DANG, RTA RIN PO CHE DANG, GLANG RIN PO CHE DANG, 'KHOR LO RIN PO CHE DANG, KHYIM BDAG RIN PO CHE DANG, BLON PO RIN PO CHE'O, ,DE'I TSE RGYAL PO MANG POS BKUR BA CHEN PO PHAN 'DOGS PA MA LUS PA DANG LDAN PAS, SKYE BO MA LUS PA'I 'DOD PA MA YIN PA'I RNAM PA RNAMS NUB PAR GYUR TO, ,DES NA 'BANGS RNAMS YO BYAD THAMS CAD PHUN SUM TSOGS PAS SHIN TU RING BA NYID DU BDE BAR GYUR TO, ,SEMS CAN DE RNAMS KYI LUS DBYIBS LA CHA MDZES PA DGE BA'I SNANG BA'I 'OD KYI TSUL GYIS RNAM PAR BRGYAN PAR GYUR TO, ,SEMS CAN DE RNAMS MYUR DU 'CHI BA YANG BYUNG NGO, ,DE NAS DUS RING DU GYUR PA NA RGYAL PO CHEN PO MANG POS BKUR BA SHI BAR GYUR TO, ,DE'I BU DANG TSA BO LA SOGS PA RGYAL BU MANG DU BYUNG ZHING SHI BAR GYUR TO, , DE NAS DE'I 'KHOR RNAMS THAMS CAD SHI'O, ,MI BDAG LA MI BDAG RNAMS KYIS DBANG RNAMS BSKUR NAS MI YI BDAG PO'I RGYUD NI DING SANG GI BAR DU YANG RJES SU 'JUG GO, ,DE LTAR SA RNAMS DAG KYANG RIM GYIS RNYINGS PAR GYUR CING RNYINGS PAR GYUR NAS PHUN SUM TSOGS PA YONGS SU SPANGS SHING YONGS SU SPANGS NAS GSAR PA 'GRIB PAR 'GYUR BA DANG 'BREL LO, ,YANG GSUNGS TE, DE LTAR YANG, BDAG PO DANG BRAL BUD MED LTA BU PA RNAMS NI, ,LHAG PA'I DPAL DANG RNAM PAR BRAL ZHING RNYINGS PAR GYUR, ,ZHES SO, ,DE'I TSE LUS CAN LHAG MA RNAMS KYIS CHOS DANG BRAL BAR NYE BAR 'ONGS PA DANG, YO BYAD KYI TSOGS PA ZAD PA MTHONG NAS THONG LCAGS DANG BCAS PA'I GSHOL STOBS KYI GLANG PO LTA BUR BDAG NYID KYIS KHUR TE BRTZON PAR BYED DO, ,DE'I TSE STOBS KYI GLANG PO'I TSOGS KYIS BDAG PO'I MI DE RNAMS LA 'DI SKAD SMRAS SO, ,GSHOL THONG 'DI DAG NI SPONGS SHIG BDAG NYID KYIS BSKUR BAR BYA'O, ,'BRAS BU'I DUS SU 'BRAS BU'I RNAM PA'I CHA RNAMS BYIN CIG CES SO, ,DE BZHIN DU KHAS BLANGS PA BYAS NAS DE NAS DE DAG ZHING PA LTAR ZHING RMO BAR BYED DO, ,MI RNAMS KYIS STOBS KYI GLANG PO LA BGOS PA'I CHA STER RO, ,DE BZHIN DU RTA DANG GLANG PO CHE LA @130B SOGS PA RNAMS KYANG CI DANG CI MTHONG BA DE DANG DE LTAR SMRAS TE MI RNAMS KYI ZHON PA LA SOGS PA RNAMS SU GYUR TO, ,DE'I TSE BA RNAMS KYI 'O MA RANG NYID KYIS MI STER ZHING SBYOR BA DE DANG DER 'O MA BABS PAR GYUR CING MI RNAMS 'TSOGS NAS 'JO BAR BYED PAR GYUR TO, ,BU RAM SHING YANG LO MAS RANG GI LUS LA BSGRIBS PA'I RNAM PAR GYUR TO, ,TIL LA SOGS PA'I 'BRU RNAMS KYANG RIM GYIS BCUD NYAMS PA NYID DU GYUR TO, ,DE LTAR BZA' STON RNAMS KYANG RNAM PAR NYAMS PAS MI RNAMS KYI TSE LA SOGS PA YANG 'GRIB PAR GYUR TO, ,DE'I RJES SU SHIN TU RGYAS PAS STOBS KYI GLANG PO LA ZHING THOG GI BGOS PA'I SKAL BA MI STER BAR GYUR TO, ,DE NAS LO THOG GI BGOS PA'I CHA MA THOB PAR GYUR PAS STOBS KYI GLANG PO GSHOL THONG KHUR BA LA G-YO SGYU RNAM PAR 'DZIN PAR GYUR TO, ,MI RNAMS KYIS STOBS LDAN GLANG RNAMS KYI G-YO SGYU MTHONG NAS DE RNAMS KYI SNA PHUG GO, ,DE'I TSE STOBS LDAN GLANG RNAMS KYI SMRA BA YANG NUB PAR GYUR TO, ,DE'I STOBS KYIS KHYU MCHOG RNAMS SNYING RJE MED PA'I MI RNAMS KYI DBANG DU SONG BAR GYUR CING BSKUR DKA' BA'I THONG GSHOL DANG GZHAN YANG KHUR KHYAR BAR BYED DO, ,DE BZHIN DU RTA DANG GLANG PO LA SOGS PA YANG RANG NYID KYIS DUL BA MED PAR GYUR TO, ,NGES PA DANG MA NGES PA'I DBYU GU BSNUN PAS KHA PHYIR PHYOGS PAR GYUR TE BRTAN POR GYUR PA'I THAG GUS BCINGS SO, ,DE NAS SNGON STER BA SNGON DU 'GRO BAS BA GLANG SKYONG GIS BA GLANG 'JO BAR GYUR TO, ,BUR MA SHING YANG LCAGS PAS G-YOGS SHING RAB TU BRTZON PAS BCUD KHU BA BYUNG BAR GYUR TO, ,TI LA LA SOGS PA YANG CHES BCUD DANG BRAL BAR GYUR TO, ,DE BZHIN DU YANG 'JIG RTEN MI RNAMS DE 'DRA BAR BZA' BA LA SOGS PA RO DANG CHES BRAL BAR GYUR CING MI RNAMS YANG DANG YANG DU ZAD PAR GYUR PA THOB BO, ,DE'I RJES SU RIM GYIS SNYIGS MA LNGAS SUM BYUNG BA'I 'JIG RTEN NI RAB TU 'JUG STE, GANG SKYES BU DAM PAR 'DUN PA MTHUN PA'I SKYES BU DE LTA BA LOG BAS DREGS PA CHOS MA YIN PA'I LAM MI RNAMS LA STON PAR BYED DO, ,MI DE RNAMS KYANG CHOS MA YIN PA RJES SU 'GRO BA'I PHONGS PAS GDUNGS PA, 'TSO BA'I YO BYAD DON DU CHES SRED PA ZHING LAS DAD PHYUGS SKYONG DANG G-YOG DANG NYO @131A *, ,TSONG LA SOGS RAB TU SGRUB PAR 'GYUR RO, ,DE RJES SU YO BYAD TSOGS PA RNAMS CHES SHIN TU RNAM PAR NYAMS SO, ,NGAL BA CHEN POS BDE BA'I CHA TZAM CI LTAR YANG SGRUB PAR MA GYUR TO, ,NGAL BA CHEN POS BSKYED PA'I TIL DANG BU RAM SHING LA SOGS PA DANG, BA LANG DANG MA HE MI LA SOGS PA NGAL BA CHEN POS BCUD RNAMS PHYUNG BAR GYUR TO, ,NGAL BA CHEN POS BSKYED PA'I 'BRU LA SOGS PA YANG SRA BA LA SOGS PA'I SKYON DANG LDAN PA NYID DU BYUNG BAR GYUR TO, ,DE NAS MI RNAMS BZA' BA DMA' BAS BGROD BAS TSE LA SOGS PA SHIN TU CHES YONGS SU NYAMS PA RAB TU BYUNG NGO, ,DE RJES SU YUL DANG YUL DU CHES RING BAR GRONG DANG GRONG KHYER DANG GRONG RDA LA SOGS PA MI RNAMS KYI GNAS KYI RNAM PAR SMRAS SO, ,DE LTAR DUS DANG DUS RNAMS YONGS SU 'GYUR BAR GYUR BA NYID NA, SANGS RGYAS BCOM LDAN 'DAS 'KHOR BA 'JIG CES PA BYUNG BAR GYUR TO, ,DE NAS DE DAG YONGS SU MYA NGAN LAS 'DAS NAS DUS CHES RING BA NA DE BZHIN GSHEGS PA GSER THUB BYUNG NGO, ,DE NAS DE DAG YONGS SU MYA NGAN LAS 'DAS NAS DUS CHES RING BAR GYUR PA NA THUB PA CHEN PO 'OD SRUNGS ZHES PA BYUNG BAR GYUR TO, ,DE DAG YONGS SU MYA NGAN LAS 'DAS NAS CHES RING BA NA RTZOD LDAN GYI DUS ZHES PA DUS THA MA LA BDAG CAG GI STON PA DE BZHIN GSHEGS PA SH'AKYA THUB PA ZHES BYA BA 'JIG RTEN DU BYUNG NGO, ,STON PA BCOM LDAN 'DAS SH'AKYA THUB PA DE NI 'GRO BA RNAMS KYI SDIG PA'I SGRUB PA MCHOG TU 'CHAGS PA'O, ,BCOM LDAN 'DAS DE YANG 'GRO BA RNAMS KYI 'GRO BA DRUG GI 'KHOR BA'I SDUG BSNGAL RNAM PAR NYAMS PAR BYED PA'I THAR PA'I LAM RAB TU GSAL BAR BYED PA'O, ,LAM DES MTHA' MED PA'I DAM PA'I SKYE BO'I TSOGS RNAMS KYI SDUG BSNGAL MA LUS PA NYE BAR ZHI BA'I RANG BZHIN THAR PA'I GRONG STON PAR BYED PA'O, ,DE LTAR GYUR PA'I LAM MCHOG TU GYUR BA LTA DANG MI RNAMS LA NYE BAR BSTAN TO, ,DE BZHIN GSHEGS PA SGRON MA DES DAM PA'I CHOS KYI SGRON MA RGYUD DU BZHAG NAS RANG NYID YONGS SU MYA NGAN LAS 'DAS SO, ,DE BZHIN GSHEGS PA YONGS SU MYA NGAN LAS 'DAS NAS ZLA BA GNYIS PA A'A PARHA'I ZLA BA DKAR PO'I PHYOGS KYI BCU GSUM LAS @131B 'DOD CHAGS DANG BRAL BA'I DGE SLONG LNGA BRGYAS SANGS RGYAS KYI BSTAN PA LO MA BDUN PA'I PHUG TU YANG DAG PAR BSDU BAR MDZAD DO, ,YANG DE BZHIN GSHEGS PA YONGS SU MYA NGAN LAS 'DAS NAS LO BRGYAR GYUR PA NA 'DOD CHAGS DANG BRAL BA DGE SLONG BDUN BRGYAS CHOS YANG DAG PAR BSDU PA MDZAD DO, ,YANG DE BZHIN GSHEGS PA YONGS SU MYA NGAN LAS 'DAS NAS LO BZHI BRGYA NA DKA' THUB KYI DGE 'DUN LA DGE 'DUN THA DAD DU GYUR BAS RANG RANG GI SDE PAR GNAS PA LA GNAS MA BU P'A RA B'ATSI PU TRAS SDE PA GCIG GI TSE BSDUS SO, ,DE NAS BZUNG STE SDE PA DE LAS CHOS SMRA BYED B'A T+SI ? PU TRA ZHES BRJOD DO, ,YANG DE BZHIN GSHEGS PA YONGS SU MYA NGAN LAS 'DAS NAS LO BDUN BRGYAN GNAS BRTAN THUB PA MANG POS BKUR BAS SDE BA DE'I LUNG NYID BSDU BA MDZAD DO, ,DE NAS BZUNG STE SDE PA DE LA MANG POS BKUR BA'I SDE PA ZHES BRJOD DO, ,YANG DE BZHIN GSHEGS PA YONGS SU MYA NGAN LAS 'DAS NAS LO BRGYAD BRGYA NA GNAS BRTAN BHU TI KA DANG SANGS RGYAS BSHES GNYEN GYIS SDE PA DE'I LUNG RNAMS BSDU BA NYID DU BYAS SO, ,'DI NI MANG POS BKUR BA'I SDE PA'I CHOS BSDU BA LAN LNGA ZHES BRJOD DO, ,BHU TI KA DANG SANGS RGYAS BA SHES GNYEN DE GNYIS KYIS, SBUN PA BYUNG BA NAS BZUNG STE, 'DI NI CHAGS PA'I BSKAL PA DGU PO'I ZHES GSUNGS SO, ,GTZO BO'I DON BRJOD PAR BYA STE, DA LTA NI DA NI TIL BUR SHING ZHO LA SOGS PA LAS RIM PA BZHIN DU MAR NAG KHU BA MAR LA SOGS PA'I SNYING PO RNAMS SHIN TU CHES NYUNG BA SKYE BAR 'GYUR RO, ,TIL LA SOGS PA RNAMS SEMS CAN GYI SKAL BA'I DBANG LAS DING SANG YANG 'BYUNG BAR SHES PAR BYA'O, ,MA 'ONGS PA'I BSKAL BA'I MTHA' RU MU GE NAD MTSON ZHES PA 'JIG PA GSUM GYI ME 'BYUNG BAR 'GYUR BA'I DU BA 'THUL BA LTA BU DA LTA MTSON PA'O, ,DA LTA DA NI YANG MI RNAMS BDAG NYE BAR MNAR BA'I PHYIR SER SNA NYES SPYOD KHRO BA LA SOGS PA'I BUD SHING GIS 'JIG PA'I ME DE RNAMS KUN DU 'BAR BAR BYED DO, ,GANG LAS DA NI CHAR CHE BA CHAR MED PA PHYOGS GCIG TU 'BAB PA DUS MA YIN PA'I CHAR LA SOGS PA DE DAG GIS MU GE 'PHEL BAR BYED DO, ,DES NA MU GE'I 'JIG PA NGES PAR 'BYUNG @132A *, ,BAR 'GYUR RO, ,NAD DANG MTSON GYI 'JIG PA NI 'DI DAG GI LHAN CIG PA'I 'KHOR YIN NO, ,DE LA MU GE CAN GYI 'JIG RTEN NA BZA' BA LA SOGS PA CHES RNYED DKA' BA 'BYUNG BAR 'GYUR RO, ,DE'I TSE YANG GZHAN GYI NOR LEN PA DANG LUS CAN RNAMS PA SANG NAS SHAS 'TSO BA'I BSKAL PA 'BYUNG BAR 'GYUR RO, ,YUL LJONGS GRONG KHYER GRONG RDAL LA SOGS PA NI GNAS PA'I 'JIG RTEN YANG YO BYAD SGRUB PAR DKA' BA DANG RIM GYIS ZAD PAR 'GYUR RO, ,DE PHYIS MI 'THAD PA 'JUG PA'I MI RNAMS KYIS DUS DRUG PO SPANG BAR GYUR CING KUN DU SPYOD PAS YO BYAD SUN 'BYIN PAR 'GYUR RO,, DE NAS NYE BAR 'TSE BA DANG LDAN PA'I SDIG PA YONGS SU SMIN PA THOB PAS SHA ZA'I TSOGS RJES SU SPYOD PAS NA NAD RNAM PA SNA TSOGS PA 'BYUNG BAR 'GYUR RO, ,DES NA GANG GI TSE NAD SNA TSOGS DANG SHA ZA SNA TSOGS KYIS RAB TU GTZES PA'I MI RNAMS DE'I TSE NAD LA SOGS PA ZHI BA'I DON DU, 'TSE BA'I BDAG NYID KYIS SBYIN SREG BYAS PAS NYE BAR 'TSE BA 'PHEL BAR 'GYUR RO, ,'DIR YUL 'KHOR GRONG KHYER LA SOGS PA RNAMS SU NAD KYIS MI RNAMS ZAD PAR 'GYUR RO, ,'DI PHYIS NYE BAR LONGS SPYOD PA TSOL BA'I MI RNAMS PHAN TSUN 'TSE BA'I SEMS PAS MTSO CHEN PO LDANG BAR 'GYUR RO, ,'DI LTA STE, SHAR DANG BYANG NA YOD PA DANG, NUB DANG LHO NA YOD PA'I MI'I BDAG PO RNAMS KYIS, PHAN TSUN NYE BAR NYED PA'I DON DU MNGON PAR BGROD PA 'BYUNG BAR 'GYUR RO, ,RGYAL PO RNAMS NI PHAN TSUN KUN DU 'KHRUG PA BYAS TE RGYAL BA DANG PHAM PA YANG DANG YANG DU NYAMS SU LEN PAR 'GYUR RO, ,CHAGS PA'I BUD SHING GIS BSLANG BA'I KHRO BA'I MES RGYAL PO RNAMS PHAN TSUN BSREG CING, RANG GI DGE BA RNAMS YONGS SU ZAD CING RNAM PAR NYAMS PAR BYED DO, ,LHAG MA YUL DANG GRONG DANG RGYUD RNAMS PHAN TSUN RNAM PAR NYAMS PAR BYED DO, ,LAS NGAN PA LAS SKYES PAS RTZVA LA SOGS PA LA REG PAS MTSON DU 'GYUR PA NA GNYIS GSUM MAM LNGA DRUG YANG PHAN TSUN SPUN PAR 'GYUR RO, ,LO DANG, ZLA BA DANG NYI MA RNAMS RIM PA BZHIN DU BDUN BDUN BDUN MU GE DANG NAD DANG MTSON GYI 'JIG PA GSUM MO, ,DE NAS 'JIG PA GSUM GYI DE MA THAG TU LHAG MA LUS PA'I MI RNAMS @132B GZUGS SRID DU DANG ZHENG DU DANG STOBS LA SOGS PA RNAMS NYAMS PAS TSE LO BCU PA LO BDUN CUR GNAS PAR 'GYUR RO, ,'DIS NA SDIG PA LA GCIG TU GZHOL BA'I MI'I 'JIG RTEN RAB TU MANG BA RNAMS CHES CHER DMAN PA'I NGAN 'GROR 'GRO BAR 'GYUR RO, ,'JIG PA GSUM PO RNAMS 'DIR NYE BAR 'DAS NAS, MI RNAMS KYI NANG NA KHA CIG 'GA' ZHIG TU GZHAN RNAM PAR BRAL BAR MTHONG NAS, MI RNAMS BYAMS PA'I BSAM PA SKYE BAR 'GYUR RO, ,SDIG PA CHEN PO'I DUS SU YANG LEGS PA'I LAM MA DOR BA 'GA' ZHIG GIS KYANG LHAG MA LUS PA MTHONG NAS SKYE BO RGYUN CHAD PAR GYUR CIG CES BSAM ZHING DE RNAMS BSRUNG BAR 'GYUR RO, ,DE'I TSE MI DE RNAMS KHYAMS PA'I RANG BZHIN GYIS SEMS BSKYED PAS BSKAL PA'I MTHA' YANG RGYAS PAR MI 'GYUR RO, ,DE'I RJES SU BSKAL PA BCU PA MGO 'JUG PAR 'GYUR RO, ,DE'I TSE MI RNAMS GROGS LTAR PHAN TSUN MTHONG BAS DGA' BA DANG LDAN PAR 'GYUR RO, ,MI DE RNAMS YANG DAG PAR 'DZIN PAR BYED PA BSKAL PA BCU PAR 'BYUNG BAR 'GYUR RO, ,DE'I TSE DON YANG DGE BA'I LAM LA BGRED PAR 'GYUR RO, ,DUS TSIGS KYANG NYES PA DANG BRAL BA 'BYUNG BAR 'GYUR RO, ,DE BZHIN DU NANG GI BDAG NYID KYI DNGOS PO RNAMS RANG BZHIN MNYAM PAR GYUR PA NA CHOS KYI DBANG PHYUG 'BYUNG BAR 'GYUR RO, ,BDE BA YANG PHUN SUM TSOGS PAR 'GRO BAR 'GYUR RO, ,DE LAS MI LAS MI SKYE BAR 'GYUR RO, ,DE LAS MI GZHAN, DE LAS YANG MI GZHAN NO, ,DE LAS YANG NI GZHAN TE RIM GYIS MI RNAMS TSE LO STONG PHRAG NYI SHU 'BYUNG BAR 'GYUR RO, ,'DI NI YANG 'PHEL CHUNG NGU'O, ,DE NAS RIM GYIS STONG PHRAG BZHI BCU BA'I MI 'BYUNG BAR 'GYUR RO, ,'DI NI YAR 'PHEL 'BRING PO'O, ,YANG RIM GYIS TSE LO STONG PHRAG BRGYAD CU PA'I MI RNAMS 'BYUNG BAR 'GYUR RO, ,'DI NI YAR 'PHEL CHEN PO'O, ,DE LA YAR 'PHEL RTZE MOR BYIN PA'I MI RNAMS KYI KHYIM NI DPAL MO BZHIN DU 'PHEL BA NYID DO, ,BU MO LO LNGA BRGYA NA KHYO LA GTONG BAR 'GYUR RO, ,MI DE RNAMS TSE LO DANG MTHUN PA 'BYUNG BA'I GZUGS LA SOGS PA LEGS PAR 'BYUNG BAR 'GYUR RO, ,DE'I TSE KHYIM BYA'I BRJOD PA'I YUL MI RNAMS KYI GNAS SA GZHI @133A *, ,MA LUS PA GRONG DANG GRONG KHYER LA SOGS PA YONGS SU GANG BAR 'BYUNG BAR 'GYUR RO, ,SA CHEN POS MI GTZANG BA 'OG TU BYUNG STE GTZANG SBRA CAN 'BYUNG BAR 'GYUR RO, ,MI RNAMS BDE BA DANG LHAN CIG PA'I PHUN SUM TSOGS PAS YANG DAG PAR TSIM PAR 'GYUR ZHING SDUG BSNGAL DRAN PAR MI 'GYUR RO, ,BSIL DRO LA SOGS PA BKRES RGAS YONGS SU LONGS SPYOD PA RNAMS 'DOD PA TZAM BYED PA STE, SDUG BSNGAL YIN YANG DE'I TSE SDUG BSNGAL GYI THA SNYAD TZAM MO, ,'DI NI MI RNAMS YAR 'PHEL CHEN PO THOB PA STE, LO STONG DANG DPAG TU MED PA 'PHEL BAR 'GYUR RO, ,YANG DE NAS YAR 'PHEL CHEN MO NAS MI RNAMS KYI TSE NYAMS PAR 'GYUR RO, ,DE NAS MI RNAMS CHOS MA YIN PAS CHES NYAMS PAS YANG SNGON BZHIN DU TSE LO BCU PA NYID THOB PAR 'GYUR RO, ,DE'I TSE YANG BSKAL PA BCU BAR RGYAB TU GYUR PA 'BYUNG BAR 'GYUR RO, ,CI LTAR BSKAL PA BCU PA THOG MTHA' BDE SDUG LDAN PA DE BZHIN DU GZHAN YANG 'BYUNG BAR 'GYUR BA BSKAL PA BCU RNAMS SO SOR THOG MTHA' BDE SDUG LDAN PA 'BYUNG BAR 'GYUR RO, ,DES NA NYI MA SHAR BA NAS BZUNG STE, BSKAL PA NYI SHU NI CHAGS PA'I 'JIG RTEN GNAS PA'O ZHES RNAM PAR GZHAG PA'O, ,'CHAGS PA'I BSKAL PA NYI SHU'I THA MA LA BAR GYI 'JIG PA GSUM GYI DE MA THAG TU LHAG MA LUS PA'I MI RNAMS PHAN TSUN DGA' BA'I BSAM PA 'BYUNG BAR 'GYUR RO, ,DE'I TSE BYAMS PAS NYE BAR BSAGS PA'I LAS DBANG LAS PHYI ROL GYI DNGOS PO YANG CHES NYAMS DGA' BAR 'BYUNG BAR 'GYUR RO, ,BYAMS PAS KUN DU BSKYED PA'I PHUN SUM TSOGS PA ME'I DUS LAS SNGON DU NYAMS SU MYONG BAR 'GYUR RO, ,NGAN 'GRO'I SEMS CAN RNAMS KYANG PHAN TSUN BYAMS PA CHEN PO BSKRUN TE, KHA CIG LHA RNAMS SU NYE BAR SKYE BAR 'GYUR RO, ,DE'I TSE 'CHAD PAR BYED PA'I MI MU STEGS KYI TSOGS KYIS SAM, 'OD GSAL GYI LHA YANG SMRA BAR 'GYUR TE, CHOS KYI RGYAL PO SKYES BU BZHIN NO, ,DE LAS CHOS THOS TE 'DOD PA LA RNAM PAR SMAD DE DGA' BA DANG LDAN PA'I BSAM GTAN GNYIS PA YANG DAG PAR BSKYED DE, BSAM GTAN GNYIS PA'I SA LAS GZHAN TING NGE 'DZIN RNAM PAR SPANGS TE, LHA'I RIS DE NYID DU 'OD GSAL DU 'GRO BAR 'GYUR RO, ,'DI NI BSKAL PA BCUS STONG GI 'JIG RTEN GYI SEMS CAN RNAMS 'JIG RTEN @133B PAR 'GYUR BA'O, ,DE'I RJES SU BSKAL PA PHYED DANG BCAS PA'I GCIG TU SNOD KYI 'JIG RTEN STONG PAR RO, ,LHA RNAMS CHAR 'BEBS PAR MI 'GYUR RO, ,DE'I TSE SHING GEL BA NYAL STONG LA SOGS PA YONGS SU SKAMS PAR 'GYUR RO, ,DE RJES SU SUM CU RTZA GSUM PA'I LHA'I RIS SU NYI MA GNYIS PA SNGON MA'I GNYIS 'GYUR GYI TSAD KUN DU SHAR TE 'OG TU MA LUS PA SREG PA NI PHYED DANG BCAS PA'I BSKAL PA GCIG GIS SO, ,DE'I TSE 'BAB CHU LA SOGS PA CHU BZHI THAMS CAD SKAMS PAR 'GYUR RO, ,DE RJES SU 'THAB BRAL LHA'I RTZE MO RU NYI MA GSUM PA NYI MA GNYIS PA'I NYIS 'GYUR GYI TSAD 'OG TU SREG PA NI PHYED DANG BCAS PA'I BSKAL PA GCIG GIS SO, ,DE'I TSE MTSO CHEN PO MA DROS PA LA SOGS PA YONGS SU SKAMS PAR 'GYUR RO, ,DE'I RJES SU NYI MA BZHI PA NYI MA GSUM PA'I NYIS 'GYUR GYI TSAD DGA' LDAN GYI RTZE MO RU KUN DU SHAR TE PHYED DANG BCAS PA'I BSKAL PA GCIG GIS 'OG TU SREG PAR BYED DO, ,DE'I TSE CHU BO CHEN PO BDUN RNAM PAR SKAMS PAR 'GYUR RO, ,DE'I RJES SU NYI MA LNGA PA NYI MA BZHI PA'I NYIS 'GYUR GYI TSAD 'PHRUL DGA'I RTZE MO RU KUN DU SHAR TE PHYED DANG BCAS PA'I BSKAL PA GCIG GIS 'OG TU SREG PAR BYED DO, ,DE'I TSE RGYA MTSO CHEN PO THAMS CAD LHAG MA DANG BCAS PA RNAM PAR SKAMS PAR 'GYUR TE, RIM GYIS GAN RGYAL GYI LUS SU 'BYUNG BAR 'GYUR RO, ,DE'I RJES SU NYI MA DRUG PA NYI MA LNGA PA'I NYIS 'GYUR GYI TSAD GZHAN 'PHRUL DBANG BYED KYI RTZE LA KUN DU SHAR TE PHYED DANG BCAS PA'I BSKAL PA GCIG GIS 'OG TU SREG PAR BYED DO, ,DE'I TSE RI RAB LA SOGS PA'I RI RNAMS DANG SA CHEN PO RNAMS LAS DU BA 'THUL BAR 'GYUR RO, ,DE'I RJES SU NYI MA BDUN PA NYI MA DRUG PA'I NYIS 'GYUR GYI TSAD BSAM GTAN DANG PO'I RTZE MO LA SHAR TE, BSKAL PA GCIG GIS 'OG TU THAMS CAD LHAG MA DANG BCAS PA SREG PAR BYED DO, ,DE'I TSE BSAM GTAN DANG PO'I BAR DU THAL BA'I LHAG MA YANG MA LUS PAR 'GYUR RO, ,DE LTAR THAMS CAD BSREGS TE RANG NYID KYIS NYE BAR ZHI BAR 'GYUR TE, BUD SHING MA TSANG BA'I ME BZHIN NO, ,DUS GCIG TU STONG GI 'JIG RTEN GYI KHAMS 'JIG PAR 'GYUR RO, ,ME CHU RLUNG GI 'JIG PA GSUM NI BAR CHAD MED PAR @134A *, ,RIM GYIS GSUM KA 'BYUNG BA'I NGES PA MED DE, ME'I 'JIG PA 'BYUNG BA'I TSE CHU RLUNG GI 'JIG PA MI 'BYUNG LA, CHUS 'JIG PA NA ME RLUNG GI 'JIG PA MI 'BYUNG BA'I PHYIR RO, ,DE BZHIN DU RLUNG YANG NGO, ,'JIG PA RE RE LA BAR GYI BSKAL PA NYI SHU'O, ,DES NA BAR GYI BSKAL PA NYI SHU 'JIG PA'I BSKAL PA CHEN PO'O, ,DE BZHIN DU GSUNGS TE, TSANGS PA GCIG PU BSKAL PA BCU RU GNAS, ,DE YI 'KHOR GNAS BSKAL PA GCIG GIS BZHENGS, ,TSANGS RIS NAS NI 'THAB BRAL MTHAR THUG PA, ,SO SOR BSKAL PA RE RES 'BYUNG BAR 'GYUR, ,SA GZHI RI SOGS BSKAL PA GCIG GIS BZHENGS, ,RANG NYID 'OD ZER BSKAL PA GNYIS KYIS BZHENGS, ,NYI MA SHAR BA LA NI RAB TU REG ,'DI LTAR 'CHAGS BZHIN PA STE NYI SHU'O, ,SA YI ZHAG DANG KHUR BA TSAL DANG NI, ,S'A LU 'BRAS TE 'DI RNAMS BDE GNAS NI, ,BRGYAD DE GZHAN YANG THOG MTHA' BDE SDUG 'GYUR, ,SPUN MA BYUNG BA LA SOGS BCU GNYIS NI, ,'DI RNAMS CHAGS NAS 'JIG PA NYI SHU'O, ,DE NAS BSKAL PA BCU YIS SEMS CAN RNAMS, ,BDE BA LDAN PAR KUN DU 'JIG PAR 'GYUR, ,DE NAS PHYED BCAS BSKAL PAR CHAR MED DO, ,DE NAS GZHAN DU NYI MA LNGA RNAMS LA, ,SO SO LA NI BSKAL PA GCIG DANG PHYED, ,RTZE LA SHAR TE 'OG TU SREG PAR BYED, ,BSKAL PA GCIG GIS BSKAL PA BDUN PA YI, ,THAMS CAD SREG PAR BYED DE NYI SHU'O, ,KUN DU 'JIG PAR 'GYUR TE 'DI RNAMS NI, ,DES NA 'JIG PA'I BSKAL PA NYI SHU NYID, ,DE'I RJES SU DE LTAR GNAS RNAMS STONG PA NAM MKHA' TZAM DU BSKAL PA NYI SHU NYID DU GNAS PAR 'GYUR RO, ,DE NAS YANG SNGON BZHIN DU 'CHAGS PA LA SOGS PA THAMS CAD DO, ,DE RJES SU 'GA' ZHIG GI TSE BSAM GTAN GNYIS NA GNAS PA'I SEMS CAN RNAMS DGA' BA DANG BCAS PA DON GYI 'DOD PA SUN PHYUNG STE, BSAM GTAN GSUM PA YANG DAG PAR BSKYED DE, DE NAS 'PHOS TE BSAM GTAN GSUM PAR KUN DU SKYE'O, ,DE RJES SU DE RU ZLA BA BDUN 'CHAR BAR 'GYUR RO, ,ZLA BA SHAR BA'I RKYEN GYIS CHU KUN DU 'KHOR BAR RAB TU 'PHEL TE, BSAM GTAN GNYIS PA KHOR YUG TU NYAMS PAR 'GYUR RO, ,DE RJES SU BDE BA DANG BCAS PA'I @134B 'DOD PA NI SKYON MANG BA SNANG BA ZHES RIG STE, BSAM GTAN GSUM PA GNAS PA'I SEMS CAN RNAMS BSAM GTAN BZHI PA YANG DAG PAR BSKYED DE, DE'I RKYEN GYIS YANG BSAM GTAN GSUM PA NAS 'PHOS TE, BSAM GTAN BZHI PA 'JIG PA'I RTZE MO 'BRAS BU CHE BA ZHES PA'I LHA'I RIS SU KUN DU NYE BAR SKYE'O, ,DE'I TSE SNOD KYI 'JIG RTEN MA LUS PAR ZHIG PAR GYUR PA NA, SHIN TU DAG PA'I RLUNG KUN DU 'KHOR BAR RAB TU RGYU'O, ,RLUNG DES THAMS CAD RNAM PAR BSHIG NAS 'JIG PA GSUM RDZOGS PAR 'BYUNG BAR 'GYUR RO, ,'DI LTA STE, MES 'JIG PA DANG, CHUS 'JIG PA DANG, RLUNG GIS 'JIG PA'O, ,'JIG PA GSUM PO 'DIS NI 'JIG PA GNYIS RDZOGS PAR GYUR TE, 'DI LTA STE, SEMS CAN 'JIG PA DANG, SNOD 'JIG PA'O, ,DE LTAR 'JIG PA LHAG MA LA MI MJED CES PA'I 'JIG RTEN GYI KHAMS LHAG MA DANG BCAS PA RNAM PAR RLAG PAR BYED DO, ,'JIG RTEN GYI KHAMS GZHAN YANG DUS CI LTA BA BZHIN DU DE BZHIN DU 'JIG PA DANG 'CHAGS PA'I CHOS CAN NO, ,YANG GSUNGS TE, 'JIG RTEN GSUM GYI MI MJED CES PA'I GNAS DANG SEMS CAN MA LUS PA, ,KUN KYANG MED PAR 'GYUR ZHING GANG 'DI 'JIG PA RNAM GSUM G-YANG GI DBANG, ,DE LTAR GZHAN YANG KHAMS DANG SEMS CAN MTHA' MED GNAS RNAMS ZAD PAR 'GYUR, ,DES NA 'DUS BYAS BRTAN YOD MIN ZHES THUB PA'I BSTAN PA BDEN PA NYID CES SO, ,BSKAL PA'I TSAD KYANG, 'PHANG DANG LOGS LA RGYANG GRAGS GNYIS YONGS SU GZHAL BA'I RGYU BZHI PA BYAS TE, NYUNGS KAR GYIS SPYI PHUD MED PAR YONGS SU GANG BAR BYAS NAS, GNAS DE NAS LO BRGYA BRGYAR GYUR PA NA, NYUNGS KAR RE RE BYUNG BAS NYUNGS KAR THAMS CAD YONGS SU ZAD PA TZAM GYIS 'DZAD PAR 'GYUR BA'I DUS DE BAR GYI BSKAL PA'O, ,BAR GYI BSKAL PA DES 'JIG PA DANG CHAGS PA'I RNAM PAR GZHAG PA NI BAR GYI BSKAL PA BRGYAD CUR 'GYUR BA YIN NO, ,BAR GYI BSKAL PA BRGYAD CU NI BSKAL PA CHEN PO'O, ,YANG NA BSKAL PA CHEN PO YONGS SU GZHAL BA NI 'DI LTA STE, 'PHANG DANG 'KHOR BAR DPAG TSAD KYIS YONGS SU GZHAL BA'I GNAS SPYI PHUD DU NYUNGS KAR GYIS YONGS SU GANG BAR BYAS TE, @135A *, ,GNAS DE LAS LO BRGYA BRGYA NA NYUNGS KAR RE RE PHYUNG BAS NYUNGS KAR MA LUS PAR ZAD PAR DUS CI SRID KYIS 'GYUR BA'I DUS DE SRID LA BSKAL PA CHEN PO'O ZHES SO, ,DE BZHIN DU BZANG PO LA SOGS PA'I BSKAL PA CHEN PO NI GRANGS KYIS GNAS GZHAN DRUG CUR SON PA RJES SU THOB PA NI GRANGS MED CES BRJOD DO, ,DE LA GNAS DRUG CU NI 'DI LTA STE, GCIG GCIG BCU LA BCU'O, ,BCU BCU LA BRGYA'O, ,BRGYA BCU LA STONG NGO, ,STONG BCU LA KHRI'O, ,KHRI BCU LA 'BUM MO, ,'BUM BCU LA SA YA'O, ,SA YA BCU LA BYE BA'O, ,BYE BA BCU LA DUNG PHYUR RO, , DUNG PHYUNG BCU LA THER 'BUM MO, ,THER 'BUM BCU LA THER 'BUM CHEN PO'O, ,THER 'BUM CHEN PO BCU LA KHRAG KHRIG GO, ,KHRAG KHRIG BCU LA KHRAG KHRIG CHEN PO'O, ,KHRAG KHRIG CHEN PO BCU LA PHYAL PHYOL LO, ,PHYAL PHYOL BCU LA PHYAL PHYOL CHEN PO'O, ,PHYAL PHYOL CHEN PO BCU LA RAB BKRAM MO, ,DE BCU LA RAB BKRAM CHEN PO'O, ,DE BCU LA GTAMS PA'O, ,DE BCU LA GTAMS PA CHEN PO'O, ,DE BCU LA MI SPYOD PA'O, ,DE BCU LA MI SPYOD PA CHEN PO'O, ,DE BCU LA KHYAD PHYIN NO, ,DE BCU LA KHYAD PHYIN CHEN PO'O, ,DE BCU LA YANG STENGS SO, ,DE BCU LA YANG STENGS CHEN PO'O, ,DE BCU LA DENG 'DREN NO, ,DE BCU LA DENG 'DREN CHEN PO'O, ,DE BCU LA PAD MA'O, ,DE BCU LA PAD MA CHEN PO'O, ,DE BCU LA MTHA' SNANG NGO, ,DE BCU LA MTHA' SNANG CHEN PO'O, ,DE BCU LA RGYU RIG GO, ,DE BCU LA RGYU RIG CHEN PO'O, ,DE BCU LA 'OD MDZES SO, ,DE BCU LA 'OD MDZES CHEN PO'O, ,DE BCU LA DBANG PO'O, , DE BCU LA DBANG PO CHEN PO'O, ,DE BCU LA RGYA MTSO'O, ,DE BCU LA RGYA MTSO CHEN PO'O, ,DE BCU LA LEGS BYIN NO, ,DE BCU LA LEGS BYIN CHEN PO'O, ,DE BCU LA RTOGS 'GRO'O, ,DE BCU LA RTOGS 'GRO CHEN PO'O, ,DE BCU LA GZUGS SKYES SO, ,DE BCU LA GZUGS SKYES CHEN PO'O, ,DE BCU LA DGRA RLABS SO, ,DE BCU LA DGRA RLABS CHEN PO'O, ,DE BCU LA RGYA RTAGS SO, ,DE BCU LA RGYA RTAGS CHEN PO'O, ,DE BCU LA STOBS 'KHOR RO, ,DE BCU LA STOBS 'KHOR CHEN PO'O, ,DE BCU LA BRDA SHES SO, ,DE BCU LA BRDA SHES CHEN PO'O, ,DE BCU LA RIN MCHOG @135B GO, ,DE BCU LA RIN MCHOG CHEN PO'O, ,DE BCU LA SHANG KU'O, ,DE BCU LA SHANG KU CHEN PO'O, ,DE BCU LA RNAM 'BYUNG NGO, ,DE BCU LA RNAM 'BYUNG CHEN PO'O, ,DE BCU LA STOBS MIG GO, ,DE BCU LA STOBS MIG CHEN PO'O, ,ZHES GNAS DRUG CU PA'O, ,KHA CIG GRANGS MED NI GNAS BCO BRGYAD PA LAS 'DAS PA'O ZHES ZER RO, ,'PHAGS PA GNAS BRTAN PA NI GCIG NAS BZUNG STE SNGON BZHIN DU LNGA BRGYA RTZA LNGA PA'I GRANGS KYI GNAS SU PHYIN PA 'DI NI BSKAL PA GRANG MED CHUNG NGU'O, ,DE NAS BSKAL PA GRANGS MED CHUNG NGU DANG PO'I GNAS GCIG TU BGRANGS TE, DE KHO NA BZHIN DU LNGA BCU RTZA LNGA PA'I GNAS SU SON PA NI BSKAL PA GRANGS MED PA'O ZHES ZER RO, ,'PHAGS PA MANG POS BKUR BA NI, SH'AKYA THUB PA 'DIS, GRANGS MED DANG PO LA SNGON GYI SANGS RGYAS SH'AKYA THUB PA NAS BZUNG STE, SANGS RGYAS STONG PHRAG BDUN CU RTZA BDUN DANG, GRANGS MED GNYIS PA LA SANGS RGYAS STONG PHRAG BDUN CU RTZA DRUG DANG, GRANGS MED GSUM PA LA SANGS RGYAS STONG PHRAG BDUN CU RTZA LNGA PA SANGS RGYAS DBANG PO RGYAL MTSAN GYI MTHAR THUG PA RNAMS MNYES PAR BYAS TE, YANG DAG PAR RDZOGS PA'I BYANG CHUB TU MNGON PAR RDZOGS PAR BYANG CHUB BO ZHES GSUNGS SO, ,KHA CHE BYE BRAG TU SMRA PA NA RE, YANG DAG PAR RDZOGS PA'I SANGS RGYAS SH'AKYA THUB PA ZHES BYA BA 'BYUNG BAR 'GYUR RO, ,GANG GI DRUNG DU BDAG CAG GI STON PA BCOM LDAN 'DAS BYANG CHUB SEMS DPAR GYUR PAS, RNAM PA 'DI LTA BU KHO NAR BDAG SANGS RGYAS SU GYUR CIG CES DANG PO SMON LAM MDZAD DO, ,DE NAS BZUNG STE, BCOM LDAN 'DAS SH'AKYA THUB PAS BSKAL PA GRANGS MED DANG PO LA YANG DAG PAR RDZOGS PA'I SANGS RGYAS RIN CHEN GTZUG TOR GYI MTHAR THUG PA SANGS RGYAS STONG PHRAG BDUN CU RTZA LNGA MNYES PAR BYA'O, ,DE NAS BSKAL PA GRANGS MED GNYIS PA LA RDZOGS PA'I SANGS RGYAS RIN CHEN GTZUG TOR GYI DE MA THAG GI SANGS RGYAS NAS BZUNG STE, SANGS RGYAS MAR ME MDZAD KYI MTHAR THUG PA SANGS RGYAS STONG PHRAG BDUN CU RTZA DRUG MNYES PAR BYAS SO, ,DE NAS BSKAL PA GRANGS MED GSUM PA LA SANGS RGYAS MAR ME MDZAD KYI DE MA THAG GI SANGS RGYAS NAS BZUNG STE, SANGS RGYAS STONG PHRAG BDUN CU @136A *, ,RTZA BDUN MNYES PAR BYAS SO, ,DE'I TSE RDZOGS PA'I BYANG CHUB TU NGES PAR 'GYUR RO, ,DE NAS PHU GCIG TU DE BZHIN GSHEGS PA SKAR RGYAL GZI BRJID KYI DBYINGS SU MNYAM PAR ZHUGS PA MTHONG ZHING RAB TU DANG BA CHEN POS BRTZON 'GRUS BRTZAMS NAS RKANG PA GCIG GIS GNAS TE, LHA'I YUL DANG ZHES PA LA SOGS PA'I TSIGS SU BCAD PA GCIG GIS NYI MA BDUN DU SDOD PAS, BSKAL PA CHEN PO DGU PHYIR BZLOG PAR GYUR TO, ,DE'I RJES SU SANGS RGYAS RNAM PAR GZIGS LA SOGS PA NAS 'OD SRUNGS KYI MTHAR THUG PAR MNYES PAR BYAS NAS, BSKAL PA CHEN PO DGU BCU RTZA GCIG TU MTSAN BZANGS KYI LAS MDZAD DE, BSKAL PA CHEN PO DGU BCU RTZA GCIG GI RTZE MO LA DGA' LDAN GYI GNAS SU GNAS PA LA SOGS PA RNAM PAR BZUNG STE, BCOM LDAN 'DAS SH'AKYA THUB PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR BYANG CHUB PA'O ZHES ZER RO, ,'PHAGS PA GNAS BRTAN NA RE; SH'AKYA THUB PAS BSKAL PA GRANGS MED PA CHEN PO NYI SHU DANG BSKAL PA 'BUM PHRAG GCIG LHAG PAS THAMS CAD MKHYEN PA RAB TU BSGRUBS SO ZHES ZER RO, ,DE LA BCOM LDAN 'DAS BYANG CHUB SEMS DPAR GYUR PAS BSKAL PA GRANGS MED BDUN GYIS SANGS RGYAS STONG PHRAG NYI SHU RTZA LNGA LHAG PA'I 'BUM PHRAG GCIG MNYES PAR BYAS SHING BSAM PA TZAM NYID KYIS BYANG CHUB DON DU SMON LAM MDZAD DO, ,BSKAL PA GRANGS MED GZHAN DGUS SANGS RGYAS STONG PHRAG BRGYAD CU RTZA BDUN PA'I 'BUM PHRAG GSUM MNYES PAR BYAS TE, BYANG CHUB SEMS DPA'I SPYAD PA LA SPYOD CING SEMS DANG NGAG GIS SMON LAM MDZAD DO, ,BSKAL PA GRANGS MED GZHAN BZHIS SANGS RGYAS BCU GNYIS MNYES PAR BYAS SHING BYANG CHUB DON DU SPYAD PA LA SPYOD CING LUS DANG NGAG DANG YID KYIS BYANG CHUB DON DU SMON PA MDZAD DO, ,BSKAL PA 'BUM PHRAG GCIG GIS BCOM LDAN 'DAS BYANG CHUB SEMS DPAR GYUR PAS SANGS RGYAS BCO LNGA MNYES PAR BYAS TE, BYANG CHUB SEMS DPA'I SPYAD PA LA SPYOD CING LUS DANG NGAG DANG YID KYI LAS PHRAN THAMS CAD RDZOGS PAR BYAS TE, BSKAL PA 'BUM PHRAG GI RTZE MO LA STON PAS THAMS CAD MKHYEN PA THOB PAR GYUR TO, ,RAB TU SPROS PA NI DGA' BA ZHES BYA BA'I BSKAL PA GRANGS MED DANG PO LA BCOM LDAN 'DAS LHAG PA'I LHA ZHES @136B BYA BA 'KHOR LOS SGYUR BA MI'I BDAG POR GYUR PAS THOG MA MED PA'I 'KHOR BA RU SNGON MA MTHONG BA SANGS RGYAS TSANGS PA'I LHA MTHONG BAS RNAM PA 'DI LTA BUR BDAG SANGS RGYAS NYID DU GYUR CIG CES BSAMS PA TZAM GYIS MNGON PAR 'DOD DO, ,GRANGS MED DGA' BA DE LA SANGS RGYAS TSANGS PA'I LHA LA SOGS PAS SANGS RGYAS LNGA STONG MNYES PAR BYAS SO, ,GRANGS MED GNYIS PA MDZES DGA' LA SANGS RGYAS STONG PHRAG DGU MNYES PAR BYAS SO, ,GRANGS MED GSUM PAS GZHI'I MING CAN LA SANGS RGYAS STONG PHRAG BCU MNYES PAR BYAS SO, ,GRANGS MED BZHI PA SNYING PO ZHES PA LA SANGS RGYAS STONG PHRAG BCU GCIG MNYES PAR BYAS SO, ,GRANGS MED LNGA PA 'DZIN GZUGS ZHES PA'I MING CAN SANGS RGYAS STONG PHRAG NYI SHU MNYES PAR BYAS SO, ,GRANGS MED DRUG PA RGYA MTSO ZHES PA LA SANGS RGYAS STONG PHRAG SUM CU MNYES PAR BYAS SO, ,GRANGS MED PADMA DKAR PO LA SANGS RGYAS STONG PHRAG BZHI BCU MNYES PAR BYAS SO, ,THAMS CAD BZANG PO ZHES GRANGS MED BRGYAD PA LA SNGON GYI SH'AKYA THUB PA LA SOGS PA SANGS RGYAS STONG PHRAG LNGA BCU MNYES PAR BYAS SO, ,GRANGS MED PADMA DKAR PO'I DE MA THAG TU THAMS CAD BZANG PO'I DANG POR 'KHOR LO RGYA MTSO ZHES PA'I BYANG CHUB SEMS DPAR GYUR PAS SNGON GYI SANGS RGYAS SH'AKYA THUB PA MTHONG NAS RAB TU DANG BA CHEN POS YID DANG NGAG GIS 'DI LTA BUR GYUR PA BZHIN DU BDAG SANGS RGYAS SU GYUR CIG CES SMON LAM MDZAD DO, ,DE'I RJES SU THAMS CAD BZANG PO ZHES PA'I GRANGS MED BRGYAD PA LA SNGON GYI SH'AKYA THUB PA LA SOGS PA SANGS RGYAS STONG PHRAG LNGA BCU MNYES PAR BYAS SO, ,THAMS CAD RGYAS PA ZHES PA'I GRANGS MED DGU PA LA SANGS RGYAS STONG PHRAG DRUG CU MNYES PAR BYAS SO, ,THAMS CAD RIN CHEN ZHES PA'I GRANGS MED BCU PA LA SANGS RGYAS STONG PHRAG BDUN CU MNYES PAR BYAS SO, ,PHUNG PO GTZO BO ZHES PA GRANGS MED BCU GCIG PA LA SANGS RGYAS STONG PHRAG BRGYAD CU MNYES PAR BYAS SO, ,NOR BU BZANG PO ZHES PA'I GRANGS MED BCU GNYIS PA LA SANGS RGYAS STONG PHRAG DGU BCU MNYES PAR BYAS SO, ,PADMA ZHES PA'I GRANGS MED BCU GSUM PA LA SANGS RGYAS STONG PHRAG NYI SHU MNYES PAR BYAS SO, ,KHYU MCHOG CES PA'I GRANGS MED @137A *, ,BCU BZHI PA LA SANGS RGYAS STONG PHRAG BCU MNYES PAR BYAS SO, ,BSHES GNYEN DAM PA ZHES PA'I GRANGS MED BCO LNGA PA LA SANGS RGYAS STONG PHRAG LNGA MNYES PAR BYAS SO, ,THAMS CAD SKYONG ZHES PA'I GRANGS MED BCU DRUG PA LA SANGS RGYAS STONG PHRAG GNYIS MNYES PAR BYAS SO, ,DE'I RJES SU THAMS CAD SKYOB CES PA'I GRANGS MED KYI MTHA' MA RI BO ZHES PA'I GRANGS MED KYI SNGON SNYING PO MCHOG GI BSKAL PA SANGS RGYAS RTA RNA KAR DANG, YID GZHUNGS MDZAD DANG, SKYABS G-YOGS MDZAD RNAMS MNYES PAR BYAS SHING, BSKAL PA DE NYID LA BCOM LDAN 'DAS DRANG SONG YID GZHUNGS MCHOG TU GYUR PAS SANGS RGYAS MAR ME MDZAD MNYES PAR MDZAD DE, SANGS RGYAS MAR ME MDZAD DE NYID LAS NGES PA'I LUNG BSTAN PA SO SOR THOB BO, ,GRANGS MED BDUN PA RI BO ZHES PA LA SANGS RGYAS MED PA NGAN 'GRO LTA BU ZHES BRJOD DO, ,GRANGS MED RI BO'I MTHA' MA GRANGS MED SNANG BA'I SNGON DU SNYING PO ZHES PA'I BSKAL PA LA BCOM LDAN 'DAS 'KHOR LOS SGYUR BA'I RGYAL PO RNAM PAR RGYAL BAR GYUR PAS SANGS RGYAS KOOndA NYI ? MNYES PAR MDZAD DO, ,DE'I RJES SU GRANGS MED SNANG BA YANG SANGS RGYAS KYIS STONG PA NGAN 'GROR 'GYUR RO, ,GRANGS MED SNANG BA'I MTHA' MA GRANGS MED RGYAL BA'I LAS SNGON DU SNYING PO MCHOG GI BSKAL PA LA BRAM ZE MDZES PAR GYUR PAS SANGS RGYAS BKRA SHIS MNYES PAR BYAS SO, ,KLU'I RGYAL PO MNYAM MED DU GYUR PAS SANGS RGYAS YID RAB CES PA BSNYEN BKUR BA DANG LDAN PAR 'GYUR RO, ,BRAM ZE LHAG PA'I LHAR GYUR PAS SANGS RGYAS RE BA TA MNYES PAR BYAS SO, ,BRAM ZE LHAG PA'I LHAR GYUR PAS SANGS RGYAS MDZES PA MNYES PAR BYAS SO, ,DE RJES SU GRANGS MED RGYAL BA LA SANGS RGYAS MED PA NGAN 'GRO ZHES BRJOD DO, ,GRANGS MED RGYAL BA'I MTHA' MA GRANGS MED MDZES PA LAS SNGON DU BSKAL PA MCHOG CES PA LA GNOD SBYIN SDE DPON DU GYUR PA NA SANGS RGYAS KUN SNANG MTHONG ZHES PA MNYES PAR BYAS SO, ,SENG GER GYUR PAS SANGS RGYAS PADMA MNYES PAR BYAS SO, ,DRANG SRONG RAB BYUNG DU GYUR PAS SANGS RGYAS N'AR DAM MNYES PAR BYAS SO, ,GRANGS MED MDZES PA LA SANGS RGYAS MED PA NGAN 'GRO ZHES BRJOD DO, ,GRANGS @137B MED MDZES PA'I MTHA' MA BSKAL PA SNYING PO ZHES PA LA BCOM LDAN 'DAS YUL LJONGS THAMS CAD PA ZHES PA'I RAL PA CAN DU GYUR PA SANGS RGYAS PADMA'I BLA MA MNYES PAR BYAS SO, ,DE RJES SU BSKAL PA CHEN PO STONG PHRAG SUM CUR SANGS RGYAS MED PA'I NGAN 'GROR GYUR TO, ,DE RJES SU BSKAL PA MAndA ZHES PA LA KHYE'U BLA MAR GYUR PAS SANGS RGYAS YID GZHUNGS MCHOG MNYES PAR BYAS SO, ,'KHOR LOS SGYUR PA'I RGYAL PO ZLA BA BZANG POR GYUR PAS SANGS RGYAS DON MTHONG LA BSNYEN BKUR BYAS SO, ,LHA'I DBANG PO BRGYA BYIN DU GYUR PAS SANGS RGYAS CHOS MTHONG MNYES PAR BYAS SO, ,DE NAS BAR MED PAR BSKAL PA DGU BCU RTZA BZHIR SANGS RGYAS MED PA'I NGAN 'GROR 'GYUR RO, ,DE MA THAG TU BSKAL PA SNYING PO LA MA KUL ZHES PA'I DKA' THUB PAR GYUR PAS SANGS RGYAS DON GRUB BSTEN PA DANG LDAN NO, ,DE DANG BAR MED PAR BSKAL PA DGU BCU RTZA GNYIS SU SANGS RGYAS MED PA'I NGAN 'GROR 'GYUR RO, ,DE DANG BAR MED PAR SNYING PO MCHOG GI BSKAL PA LA RJE'U RIGS BZANG PO SKYES SU GYUR PAS SANGS RGYAS SKAR RGYAL MNYES PAR BYAS SO, ,RJE'U RIGS RNAM PAR RGYAL PAR GYUR PAS SANGS RGYAS RGYAL MNYES PAR BYAS SO, ,DE DANG BAR MED PA'I BSKAL PA DGU BCU RTZA GCIG GO, ,DE DANG BAR MED PAR BSKAL PA SNYING PO ZHES PA LA KLU'I RGYAL PO MNYAM MED DU GYUR PAS SANGS RGYAS RNAM PAR GZIGS MNYES PAR BYAS SO, ,DE DANG BAR MED PAR BSKAL PA SUM CU RTZA GCIG TU SANGS RGYAS MED PA'I NGAN 'GROR 'GYUR RO, ,DE MA THAG TU SNYING PO MCHOG GI BSKAL PA LA RGYAL PO DGU 'DUL DU GYUR PAS SANGS RGYAS GTZUG TOR CAN MNYES PAR BYAS SO, ,RGYAL PO BLTA NA SDUG TU GYUR PAS SANGS RGYAS THAMS CAD SKYOB MNYES PAR BYAS SO, ,DE MA THAG TU BSKAL PA BZANG PO LA RGYAL PO BZOD PAR GYUR PAS SANGS RGYAS 'KHOR BA 'JIG MNYES PAR BYAS SO, ,RGYAL PO RI BO ZHES PAR GYUR PAS, SANGS RGYAS GSER THUB MNYES PAR BYAS SO, ,SNANG BA GSAL BA SKYONG DU GYUR PAS SANGS RGYAS 'OD SRUNGS MNYES PAR BYAS SO, ,DE'I RJES SU DPAL GZHON NU DON THAMS CAD GRUB PAR GYUR PAS RANG NYID KYIS THAMS CAD MKHYEN PA NYID MNGON DU MDZAD DE, SH'AKYA THUB PA ZHES PA'I MING CAN SANGS RGYAS SU @138A *, ,GYUR TO, ,DA NI DE MA THAG TU DUS MI RING BAR BYANG CHUB SEMS DPA' BYAMS PA RGYAL BA MI PHAM PA ZHES BYA BA'I SANGS RGYAS 'BYUNG BAR 'GYUR RO, ,BDAG CAG GI STON PA 'DI'I RNAM PAR GZHAG PA NI DE LTA BU'O, ,GZHAN GYI NI GZHAN DU STE, ,YANG GZHAN RNAMS NI GZHAN DU RIG PAR BYA'O, ,'DI LTA STE, GANG ZAG NI GSUM STE, 'DI LTA STE, LHAG PA'I DAD PA CAN DANG, LHAG PA'I BRTZON 'GRUS CAN DANG, LHAG PA'I SHES RAB CAN NO, ,DE LA LHAG PA'I DAD PA CAN NI GO BAR NGES PAR 'GYUR BA YIN NO, ,LHAG PA'I BRTZON 'GRUS CAN NI RNAM PAR SPROS PAS GO BAR 'GYUR RO, ,LHAG PA'I SHES RAB CAN NI MGO SMOS PAS GO BAR 'GYUR RO, ,DE LA LHAG PA'I DAD PA CAN NI LUNG BSTAN PA THOB PA NAS BZUNG STE, BSKAL PA STONG PHRAG BRGYA LHAG PA'I BSKAL PA GRANGS MED BCU DRUG GIS THAMS CAD MKHYEN PA MNGON DU BYED PA'O, ,LHAG PA'I BRTZON 'GRUS CAN NI LUNG BSTAN PA THOB PA NAS BZUNG STE, BSKAL PA 'BUM PHRAG GCIG LHAG PA'I BSKAL PA GRANGS MED BRGYAD KYIS THAMS CAD MKHYEN PA MNGON DU THOB PAR 'GYUR RO, ,SHES RAB LHAG PA CAN NI LUNG BSTAN THOB PA NAS BZUNG STE, BSKAL PA STONG PHRAG BRGYA LHAG PA'I BSKAL PA GRANGS MED BZHIS THAMS CAD MKHYEN PA MNGON DU BYED DO ZHES RNAM PAR GZHAG PA'O, ,YANG BYANG CHUB SEMS DPA'I THEG PA PA BSKAL PA GRANGS MED GSUM GYIS SANGS RGYAS NYID DU 'BYUNG BA'O ZHES ZER RO, ,DE LTAR YANG BSKAL PA GRANGS MED DANG BOS TSOGS KYIS NAS BRTZAMS TE CI SRID DU SA DANG PO RDZOGS PAR 'GYUR RO, ,BSKAL PA GRANGS MED GNYIS PAS DRI MA MED PA LA SOGS PAS DRUG RDZOGS PAR 'GYUR RO, ,BSKAL PA GRANGS MED GSUM PAS MI G-YO BA'I SA NAS BRTZAMS TE SANGS RGYAS KYI SA'I BAR DU RDZOGS PAR 'GYUR RO ZHES MDO SDE LA SOGS PA LAS SO, ,KHA CIG NA RE BYANG CHUB SEMS DPA'I THEG PA NYID GSUM DU CHOS MTHUN PA LAS BSKAL PA GRANGS MED GSUM GYIS SANGS RGYAS NYID THOB STE, YANG DON DAM PAR NI MA YIN NO ZHES ZER RO, ,DE YANG 'DI LTAR BYANG CHUB SEMS DPA' TSOGS KYIS KUN DU RDZOGS PA NI BSKAL PA GRANGS MED GCIG 'DA' BAR 'GYUR RO, ,DE RJES SU MOS PAS @138B SPYOD PA'I SA YONGS SU RDZOGS PAR 'GYUR BA NI BSKAL PA GRANGS MED GNYIS 'DA'O, ,DE'I RJES SU SA DANG PO RAB TU DGA' BA NAS BZUNG STE SA BCU PA CHOS KYI SPRIN GYIS JI SRID DU SO SOR BSKAL PA GRANGS MED GSUM GYIS RDZOGS PAR BYAS TE, SANGS RGYAS KYIS KUN DU BZANG PO SGRUB PAR BYED PAR 'GYUR RO, ,DE LTAR BSKAL PA GRANGS MED SUM CU RTZA GSUM GYIS SANGS RGYAS NYID THOB PO ZHES ZER RO, ,SANGS RGYAS 'BYUNG BA YANG, SKYE BO RNAMS TSE LO STONG PHRAG BRGYAD CU LAS 'GRIB PA NAS BRTZAMS TE, CI SRID DU MI RNAMS TSE LO BRGYAR 'GYUR PA 'DI'I BAR DU 'BYUNG BA YIN NO, ,SNGON MI RNAMS KYI TSE LO 'PHEL BA NA MI 'BYUNG STE KUN DU SKYO BA MED PA'I PHYIR RO, ,PHYIS SKYE BO RNAMS KYI TSE THUNG BA LA YANG MA YIN TE, GANG LAS DE'I TSE SNYIGS MA RGYAS PAR 'GYUR BAS SO, ,'DI LTA STE, TSE'I SNYIGS MA DANG, BSKAL PA'I SNYIGS MA DANG, LTA BA'I SNYIGS MA DANG, NYON MONGS PA'I SNYIGS MA DANG, SEMS CAN GYI SNYIGS MA'O, ,DANG POS NI 'TSO BA RGUD PAR BYED DO, ,GNYIS PAS NI PHAN PA'I TSOGS PA RGUD PAR BYED DO, ,GSUM PA DANG BZHI PAS NI DGE BA'I PHYOGS RGUD PAR BYED DO, ,LNGA PAS NI BDAG GI DNGOS PO RGUD PAR BYED DO, ,TSAD GZUGS NAD MED PA STOBS BLO DRAN PA BRTAN PA RNAMS NYAMS PAR 'GYUR BAS SO, ,RANG SANGS RGYAS NI YAR 'PHEL LA YANG DANG MAR 'GRIB LA YANG 'BYUNG BAR 'GYUR RO, ,'KHOR LOS SGYUR BA NI MI RNAMS KYI TSE DPAG TU MED PA DANG CI SRID DU LO STONG PHRAG BRGYAD CU PA LA 'BYUNG BAR 'GYUR RO, ,MNGAL SKYES SAM, RDZUS SKYES SAM, PADMA'I SNYING PO LAS SKYES PA YANG 'BYUNG NGO, ,DE LA 'KHOR LOS SGYUR BA'I RGYAL PO NI BZHI STE, 'DI LTA STE, GLING GCIG GI BDAG PO DANG, GLING GNYIS KYI MNGA' BDAG DANG, GLING GSUM GYI MGON PO DANG, GLING BZHI'I DBANG PHYUG GO, ,'DI RNAMS GRANGS CI LTA BA BZHIN DU BAR SNANG LAS 'ONGS BA'I LCAGS KYI 'KHOR LO DANG, ZANGS KYI 'KHOR LO DANG, DNGUL GYI 'KHOR LO DANG, GSER GYI 'KHOR LO'O, ,'KHOR LO CAN 'DI THAMS CAD KYI RIN PO CHE SNA BDUN NI 'DI LTA STE, 'KHOR LO RIN PO CHE DANG, GLANG PO RIN PO CHE MCHE BA DRUG LDAN GLANG PO'I RIGS LAS 'ONGS PA GLANG PO CHE @139A *, ,THAMS CAD KYI GONG MA'O, ,RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BLON PO RIN PO CHE'O, ,'PHAGS PA GNAS BRTAN NA RE, 'KHOR LO RIN PO CHE NI SHAR GYI RGYA MTSO LAS 'ONGS PAS RTZIBS ? STONG DANG LDAN PA LTE PA DANG BCAS PA MU KHYUD DANG BCAS PA'O, ,GLANG PO RIN PO CHE NI GLANG PO CHE GSO SBYONG 'PHAGS KYI RIGS LAS 'ONGS PA GLANG PO CHEN PO RNAMS KYI GTZO BO'O, ,RTA RIN PO CHE NI SPRIN GYI SHUGS CAN GYI RTA'I RIGS LAS 'ONGS PA'O, ,NOR BU RIN PO CHE NI RI BO YANGS PA LAS 'ONGS PA'O, ,BUD MED RIN PO CHE NI BYANG GI SGRA MI SNYAN LAS 'ONGS PA'O, ,KHYIM BDAG RIN PO CHE NI 'DZAM BU GLING GI'O, ,BU THU BO NI BLON PO RIN PO CHE'O ZHES ZER RO, ,DE LA GLANG PO RIN PO CHE'I RIGS BCU NI 'DI LTA STE, GLANG PO CHE NAG PO DANG, GLANG PO CHE DMAR SER DANG, GLANG PO CHE DMAR SKYA DANG, ZANGS KYI GLANG PO CHE DANG, GLANG PO CHE SER SKYA'I RIGS DANG, SPOS KYI GLANG PO'I RIGS DANG, GLANG PO CHE BKRA SHIS KYI RIGS DANG, GLANG PO CHE GSER GYI RIGS DANG, GLANG PO CHE GSO SBYONG 'PHAGS KYI RIGS DANG, GLANG PO CHE MCHE BA DRUG LDAN GYI RIGS SO, ,GLANG PO CHE RIGS BCU PO 'DI RNAMS THAMS CAD NI SO SOR PHYI MA BCU 'GYUR GYI STOBS SO, ,GLANG PO CHE MCHE BA DRUG LDAN GYI RIGS STONG PHRAG DGU'I STOBS NI SRID PA THA MA'I BYANG CHUB SEMS DPA' STOBS KYI GLANG PO STONG PHRAG DGU'I STOBS ZHES BRJOD DO, ,RTA'I RIGS NI BZHI'O, ,'DI LTA STE, ,BA dA'I ? RTA'I RIGS DANG, RNAM PAR SMIN PA'I RTA'I RIGS DANG, CAD SHES KYI RTA'I RIGS DANG, SPRIN GYI SHUGS CAN GYI RTA'I RIGS SO ZHES SO, ,KHA CIG TU GLING BZHI DBANG PHYUG GI 'KHOR LOS SGYUR BA 'GA' ZHIG LHA'I 'JIG RTEN DU 'GRO BAR YANG 'GYUR RO ZHES ZER RO, ,LHA'I 'JIG RTEN DU 'GRO BA'I 'KHOR LOS SGYUR BA'I RGYAL PO DE YANG RNAM PA DRUG STE, 'DI LTA STE, RGYAL CHEN BZHI PA'I LHA'I 'JIG RTEN DU 'GRO BA DANG, SUM CU RTZA GSUM PA'I LHA'I 'JIG RTEN DU 'GRO BA DANG, 'THAB BRAL GYI LHA'I 'JIG RTEN DU 'GRO BA DANG, DGA' LDAN GYI LHA'I 'JIG RTEN DU 'GRO BA DANG, 'PHRUL DGA'I LHA'I 'JIG RTEN DU 'GRO BA DANG, GZHAN 'PHRUL DBANG BYED KYI LHA'I @139B 'JIG RTEN DU 'GRO BA'O, ,GLING BZHI PA 'JIG RTEN GYI KHAMS GCIG TU 'KHOR LOS SGYUR BA GNYIS DUS GCIG TU 'BYUNG BA MA YIN TE, 'GRAN BZOD MED PA'I LAS BYAS PA'I PHYIR RO, ,SANGS RGYAS BZHI'O, ,ZHING GCIG TU SANGS RGYAS GNYIS 'BYUNG BA MA YIN TE, SANGS RGYAS KYI SKU GZUGS 'DUS NAS GDUL BAR BYA BA'I SKYE BO MI SRID PA'I PHYIR DANG, MYUR BAR GUS PA'I DON GYI PHYIR RO, ,SANGS RGYAS GCIG LA SHIN TU CHES GUS PAR 'GYUR TE, 'DI 'DRA BA RNYED DKA' BA'O ZHES BSAMS NAS BSTAN PA SGRUB PA LA SHIN TU CHES GUS PAR 'GYUR RO, ,'DI NI GSHEGS PA'I MA YONGS SU MYA NGAN LAS 'DAS PA NA BDAG DON MED PAR 'GYUR ZHES SO, ,STONG GSUM GYI 'JIG RTEN KHAMS GZHAN DU 'ANG SANGS RGYAS YOD PA NYID DE, GANG LAS TSOGS BSAGS PA LA 'JUG PA MANG DU MTHONG BA DANG, ZHING GCIG TU MANG PO RNAMS CIG CAR DU SKYE BA MI 'THAD PA'I PHYIR RO, ,STONG GSUM GZHAN DU SANGS RGYAS 'BYUNG BA YOD PA GEGS YOD PA MA YIN NO, ,STONG GSUM GYI STONG CHEN PO GZHAN DU YANG SANGS RGYAS 'BYUNG NGO ZHES PA NI NGES PA'O, ,BUD MED KYANG 'KHOR LOS SGYUR BA DANG BRGYA BYIN LA SOGS PA THOB PAR 'GYUR BA YIN TE, BUD MED NI GZHAN DBANG DU GYUR PA DANG, BUD MED LA SOGS PA'I RIN PO CHE RNAMS NYE BAR LONGS SPYOD PA'I NUS PA MED PAS SO, ,RANG SANGS RGYAS DANG BLA NA MED PA'I BYANG CHUB TU LHAG PAR 'GRO BA YANG MA YIN NO, ,DE YANG RIM PA BZHIN DU BSE RU LTA BUR 'GROGS PA DANG, 'JIG RTEN GSUM GYI STON PA NYID MI SRID PA'I PHYIR RO, ,DE YANG SKYE BO DMU RGOD BGROD BYA YIN PA DANG SHES RAB CHUNG BA DANG, SLOB DPON MED PAR RDZOGS PAR BYANG CHUB PA MI RUNG BA'I PHYIR DANG, KUN SPYOD LA YANG GZHAN DBANG YIN PA'I PHYIR RO, ,DE NAS BSKUL PA GANG LA SANGS RGYAS GANG 'BYUNG ZHE NA, BSKAL PA BZANG PO 'DI NYID LA SANGS RGYAS LNGA 'BYUNG NGO ZHES KHA CIG GO, ,LNGA BRGYA NYID DO ZHES GZHAN DAG GO, SANGS RGYAS STONG NGO ZHES YANG GZHAN DAG GO, ,BSKAL PA BZANG PO'I MDO LAS BYANG CHUB SEMS DPA'I TSUL LUGS GSUNGS TE, BSKAL PA BZANG POS 'DI LA PHYIS SANGS RGYAS MED PA'I BSKAL PA STONG PHRAG DRUG CU 'BYUNG BAR @140A *, ,'GYUR RO, ,DE NAS PHYIS BSKAL GRANGS PA CHEN PO ZHES BYA BA 'BYUNG BAR 'GYUR RO, ,BSKAL BA GCIG PO DE LA SANGS RGYAS STONG PHRAG BRGYAD CU 'BYUNG BAR 'GYUR RO, ,BSKAL PA SKAR MA LTA BU'I DE MA THAG TU BSKAL PA BRGYA PHRAG GSUM DU SANGS RGYAS 'BYUNG BAR MI 'GYUR RO, ,DE NAS PHYIS BSKAL PA YON TAN BKOD PA ZHES BYA BA 'BYUNG BAR 'GYUR RO, ,BSKAL PA GCIG PO DE LA SANGS RGYAS STONG PHRAG BRGYAD CU RTZA BZHI 'BYUNG BAR 'GYUR RO, ,'PHAGS PA GNAS BRTAN PA NA RE, SANGS RGYAS SPYAN GYI BSKAL PA LNGA NYID DE, 'DI LTA STE, SNYING PO ZHES PA'I BSKAL PA DANG, SNYING PO MCHOG CES PA'I BSKAL PA DANG, MCHOG RAB CES PA'I BSKAL PA DANG, SNYING PO'I SNYING PO ZHES PA'I BSKAL PA DANG BSKAL PA BZANG PO'O, ,DE LA SNYING PO'I BSKAL PA LA SANGS RGYAS GCIG NYID 'BYUNG BAR 'GYUR RO, ,SNYING PO MCHOG GI BSKAL PA LA SANGS RGYAS GNYIS NYID 'BYUNG BAR 'GYUR RO, ,MCHOG RAB KYI BSKAL PA LA SANGS RGYAS GSUM NYID 'BYUNG BAR 'GYUR RO, ,SNYING PO'I SNYING PO BSKAL PA LA SANGS RGYAS BZHIN NYID 'BYUNG BAR 'GYUR RO, ,BSKAL PA BZANG PO LA SANGS RGYAS LNGA NYID 'BYUNG BAR 'GYUR RO, ,SANGS RGYAS DRUG LA SOGS PA'I BSKAL PA RNAM PA THAMS CAD DU SRID PAR MI 'GYUR RO ZHES ZER RO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYES ? RNAM PAR NGES PA LAS BSKAL PA RNAM PAR NGES PA ZHES BYA BA LE'U BRGYAD PA'O,, ,,SEMS CAN GYI 'JIG RTEN 'DI NI, 'GA' ZHIG TU PHUNG PO'I SGO NAS RNAM PAR GZHAG PAR BYED LA, 'GA' ZHIG TU SKYE MCHED KYI SGO NAS RNAM PAR GZHAG PAR BYED CING, 'GA' ZHIG TU KHAMS KYI SGO NAS SO, ,DE LA PHUNG PO NI LNGA STE, 'DI LTA STE, GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,SPUNGS BA'I DON GYIS NA PHUNG PO'O, ,DE LA GZUGS NI RNAM PA GSUM STE, 'DI LTA STE, DBANG PO'I GZUGS DANG, YUL GYI GZUGS DANG, RNAM PAR RIG BYED MA YIN PA'I GZUGS SO, ,DE LA DBANG PO'I @140B GZUGS NI RNAM PA LNGA'O, ,'DI LTA STE, MIG GI DBANG PO DANG, NYAN PA'I DBANG PO DANG, SNA'I DBANG PO DANG, LCE'I DBANG PO DANG, LUS KYI DBANG PO'O, ,YUL GYI GZUGS RNAM PA LNGA STE, 'DI LTA STE, YUL GZUGS DANG, YUL SGRA DANG, YUL DRI DANG, YUL RO DANG, YUL REG BYA'O, ,DE LA YUL GZUGS LA RNAM PA GNYIS TE, 'DI LTA STE, KHA DOG LAS DANG, DBYIBS LAS SO, ,DE LA KHA DOG LA NI RNAM PA BZHI STE, 'DI LTA STE, SNGON PO DANG, SER PO DANG, DMAR PO DANG, DKAR PO'O, ,DE LAS PHYE BAS MANG DU 'GYUR RO, ,DBYIBS LA RNAM PA BDUN TE, 'DI LTA STE, THUNG BA DANG, RING BA DANG, RDOG PO DANG, ZLUM PO DANG, MTHO BA DANG, DMA' BA DANG, MI MNYAM PA'O, ,YANG GZUGS NI RNAM PA NYI SHU STE, 'DI LTA STE, KHA DOG BZHI DANG, DBYIBS BRGYAD DANG, SPRIN DANG, DU BA DANG, RDUL DANG, KHUG RNA DANG, GRIB MA DANG, NYI 'OD DANG, SNANG BA DANG, MUN PA'O, ,YANG GZUGS LA RNAM PA GSUM STE, 'DI LTA STE, BSTAN DU YOD CING THOGS PA DANG BCAS PA'I GZUGS DANG, BSTAN DU MED CING THOGS PA MED PA'I GZUGS SO, ,DE LA BSTAN DU YOD CING THOGS PA DANG BCAS PA'I GZUGS NI GCIG GO, ,'DI LTA STE, MI'I GZUNG BYA'I GZUGS SO, ,BSTAN DU MED CING THOGS PA DANG BCAS PA'I GZUGS NI DGU STE, 'DI LTA STE, MIG LA SOGS PA'I DBANG PO LNGA DANG, SGRA LA SOGS PA'I YUL BZHI'O, ,BSTAN DU MED CING THOGS PA MED PA'I GZUGS NI GCIG STE, 'DI LTA STE, RNAM PAR RIG BYED MA YIN PA'I GZUGS SO, ,YANG GZUGS NI RNAM PA GNYIS TE, 'DI LTA STE, 'BYUNG BA CHEN PO'I GZUGS DANG, 'BYUNG BA CHEN PO NYE BAR BLANG BYA'I GZUGS SO, ,DE LA 'BYUNG BA CHEN PO NI BZHI STE, 'DI LTA STE, SA DANG, CHU DANG, ME DANG, RLUNG NGO, ,DE LA SA'I CHOS BZHI LA 'DI LTA STE, SRID RUNG DANG, SRA BA DANG, MKHRENG ? BA DANG, 'DZIN PA'I LAS SO, ,CHU'I CHOS GSUM LA 'DI LTA STE, GSHER BA DANG, SNUM PA DANG, SDUD PA'I LAS SO, ,ME'I CHOS GNYIS LA 'DI LTA STE, TSA BA DANG, SMIN CING @141A *, ,SKAMS PAR BYED PA'I LAS SO, ,RLUNG GI CHOS GSUM LA 'DI LTA STE, YANG BA DANG, G-YO BA DANG, 'PHEL ZHING RAB TU RGYAS PAR BYED PA'I LAS SO, ,'BYUNG BA CHEN PO NYE BAR BLANG BA'I GZUGS LA RNAM PA BCU STE, 'DI LTA STE, DBANG PO LNGA DANG, YUL LNGA'O, ,SGRA LA RNAM PA GNYIS NI 'DI LTA STE, ZIN PA'I 'BYUNG BA CHEN PO'I RGYU LAS BYUNG BA DANG, MA ZIN PA'I 'BYUNG BA CHEN PO'I RGYU LAS BYUNG BA'O, ,DE LA ZIN PA'I 'BYUNG BA CHEN PO'I RGYU LAS BYUNG BA LA RNAM PA GNYIS NI 'DI LTA STE, SEMS CAN DU STON PA DANG, SEMS CAN DU STON PA MA YIN NO, ,MA ZIN PA'I 'BYUNG BA CHEN PO'I RGYU LAS BYUNG BA LA RNAM PA GNYIS NI 'DI LTA STE, SEMS CAN DU STON PA DANG, SEMS CAN DU STON PA MA YIN PA'O, ,YANG BZHI PO 'DI RNAMS LA SO SOR YID DU 'ONG BA DANG YID DU MI 'ONG BA'I DBYE BAS RNAM PA BRGYAD DO, ,DRI LA RNAM PA GSUM STE, 'DI LTA STE, DRI BZANG PO DANG, DRI NGAN PA DANG, DRI MNYAM PA'O, ,RO LA DRUG STE 'DI LTA STE, MNGAR BA DANG, SKYUR BA DANG, LAN TSVA DANG, TSA BA DANG, KHA BA DANG, BSNGAL BA'O, ,REG BYA RNAM PA BCU GCIG NI 'DI LTA STE, SA DANG, CHU DANG, ME DANG, RLUNG DANG, 'JAM PA DANG, RTZUB PA DANG, LCI BA DANG, YANG BA DANG, BSIL BA DANG, BKRES PA DANG, SKOM PA'O, ,RNAM PAR RIG BYED MA YIN PA'I GZUGS LA RNAM PA GSUM STE, 'DI LTA STE, SDOM PA DANG RJES SU 'BREL PA'I GZUGS DANG, SDOM PA MA YIN PA DANG RJES SU 'BREL PA'I GZUGS DANG, SDOM PA DANG SDOM PA MA YIN PA DANG RJES SU 'BREL PA'I GZUGS SO, ,TSOR BA'I PHUNG PO LA RNAM PA GNYIS TE 'DI LTA STE, LUS LAS BYUNG BA'I TSOR BA DANG, SEMS LAS BYUNG BA'I TSOR BA'O, ,DE LA LUS LAS BYUNG BA'I TSOR BA LNGA NI 'DI LTA STE, MIG GI 'DUS TE REG PA'I RKYEN LAS BYUNG BA'I TSOR BA DANG, RNA BA'I 'DUS TE REG PA'I RKYEN LAS SKYES PA'I DANG, SNA'I 'DUS TE REG PA'I RKYEN LAS SKYES PA'I DANG, LCE'I 'DUS TE REG PA'I RKYEN LAS BYUNG BA'I DANG, LUS KYI 'DUS TE REG PA'I RKYEN LAS SKYES PA'I 'O, ,YID KYI NI GCIG STE, 'DI LTA STE, YID KYI 'DUS TE REG PA'I RKYEN LAS SKYES PA'I TSOR BA'O, ,DES NA TSOR BA DRUG TU 'GYUR BA YIN NO, , @141B YANG TSOR BA DE RNAMS SO SOR RNAM PA GSUM DU PHYE BAS BCO BRGYAD DU 'GYUR BA YIN NO, ,'DI LTA STE, BDE BA DANG, SDUG BSNGAL DANG, SDUG BSNGAL MA YIN PA DANG, BDE BA MA YIN PA'O, ,YANG RNAM PA LNGA STE, 'DI LTA STE, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO'O, ,'DU SHES KYI PHUNG PO LA DRUG STE, 'DI LTA STE, MIG GI RNAM SHES DANG MTSUNGS PAR LDAN PA'I 'DU SHES DANG, RNA BA'I RNAM SHES DANG MTSUNGS PAR LDAN PA'I DANG, SNA'I RNAM SHES DANG MTSUNGS PAR LDAN PA'I DANG, LCE'I RNAM SHES DANG MTSUNGS PAR LDAN PA'I DANG, LUS KYI RNAM SHES DANG MTSUNGS PAR LDAN PA'I DANG, YID KYI RNAM SHES DANG MTSUNGS PAR LDAN PA'I 'O, ,YANG SO SOR RNAM PA GSUM DU PHYE BAS 'DI LTA STE, CHUNG NGU DANG, CHEN POR GYUR PA DANG, TSAD MED PA STE ZHES BYA BA BCO BRGYAD DU 'GYUR PA YIN NO, ,'DU BYED KYI PHUNG PO NI RNAM PA GNYIS TE 'DI LTA STE, SEMS DANG MTSUNGS PAR LDAN PA'I 'DU BYED DANG, SEMS DANG MI LDAN PA'I 'DU BYED DO, ,DE LA SEMS DANG MTSUNGS PAR LDAN PA'I MDOR BSDU NA CHOS BZHI BCU STE, 'DI LTA STE, SEMS PA DANG, REG PA DANG, YID LA BYED PA DANG, 'DUN PA DANG, MOS PA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR RTOG PA DANG, RNAM PAR DPYOD PA DANG, BAG MED PA DANG, BAG YOD PA DANG, YID 'BYUNG BA DANG, YI RANG BA DANG, SHIN TU SBYANGS PA DANG, SHIN TU SBYANGS PA MA YIN PA DANG, RNAM PAR 'TSO BA DANG, MI 'TSO BA DANG, NGO TSA SHES PA DANG, KHREL YOD PA DANG, BTANG SNYOMS DANG, RNAM PAR GROL BA DANG, DGE BA'I RTZA BA DANG, MI DGE BA'I RTZA BA DANG, LUNG DU MA BSTAN PA'I RTZA BA DANG, KUN DU SBYOR BA DANG, 'CHING BA DANG, BAG LA NYAL BA DANG, NYE BA'I NYON MONGS PA DANG, KUN NAS DKRAS PA DANG, ZAG PA DANG, CHU BO DANG, SBYOR BA DANG, NYE BAR LEN PA DANG, MDUD PA DANG, SGRIB PA DANG, SHES PA DANG, BZOD PA'O, ,RGYAS PAR DU, SEMS PA RNAM PA GSUM STE, 'DI LTA STE, DGE BA DANG, MI DGE BA DANG, LUNG DU MA BSTAN @142A *, ,PA'O, ,YANG SEMS PA DRUG STE, 'DI LTA STE, MIG GI RNAM SHES DANG MTSUNGS PAR LDAN PA NAS YID KYI RNAM SHES DANG MTSUNGS PAR LDAN PA'I BAR DU'O, ,REG PA DRUG NI 'DI LTA STE, MIG GI 'DUS TE REG PA NAS YID KYI 'DUS TE REG PA'I BAR DU'O, ,DAD PA LA RNAM PA GSUM STE, 'DI LTA STE, BDEN PA GNYIS DANG, BDEN PA BZHI DANG, DKON MCHOG GSUM DANG LAS DANG 'BRAS BU LA MNGON PAR YID CHES PA'I RNAM PA'I DAD PA DANG, DE RNAMS KYI YON TAN DANG LDAN PA LA RAB TU DAD PA'I RNAM PA DANG, BDAG GIS DE DAG BSTAN PAR NUS SHING THOB PAR NUS PA'O ZHES MNGON PAR 'DOD PA'I RNAM PA'I DAD PA'O, ,SHIN TU SBYANGS PA GNYIS NI 'DI LTA STE, LUS SHIN TU SBYANGS PA DANG, SEMS SHIN TU SBYANGS PA'O, ,SHIN TU MA SBYANGS PA LA GNYIS NI 'DI LTA STE, LUS SHIN TU MA SBYANGS PA DANG, SEMS SHIN TU MA SBYANGS PA'O, ,BTANG SNYOMS RNAM PA GSUM NI 'DI LTA STE, DGRA BCOM PA RNAMS KYI YE SHES KYI RJES SU 'GRO BA SO SOR BRTAGS PA'I BTANG SNYOMS DANG, SO SO SKYE BO'I SHES PA'I RJES SU 'GRO BA SO SOR MA BRTAGS PA'I BTANG SNYOMS SO, ,DGE BA'I RTZA BA GSUM NI 'DI LTA STE, MA CHAGS PA DGE BA'I RTZA BA DANG, MI SDANG BA DGE BA'I RTZA BA DANG, RMONGS PA MED PA DGE BA'I RTZA BA'O, ,MI DGE BA'I RTZA BA LA GSUM NI 'DI LTA STE, CHAGS PA MI DGE BA'I RTZA BA DANG, ZHE SDANG MI DGE BA'I RTZA BA DANG, RMONGS PA MI DGE BA'I RTZA BA'O, ,LUNG MA BSTAN GYI RTZA BA LA GSUM NI 'DI LTA STE, SRID PA LUNG MA BSTAN GYI RTZA BA DANG, NGA RGYAL LUNG MA BSTAN GYI RTZA BA DANG, MA RIG PA LUNG MA BSTAN GYI RTZA BA'O, ,MI RNAMS LA MA RIG PA BZHAG STE, LUNG MA BSTAN GYI RTZA BA GSUM YIN NO ZHES KHA CIG GO, ,KUN DU SBYOR BA LA DGU NI 'DI LTA STE, RJES SU CHAGS PA'I KUN DU SBYOR BA DANG, KHONG KHRO BA KUN DU SBYONG BA DANG, NGA RGYAL KUN DU SBYOR BA DANG, MA RIG PA KUN DU SBYOR BA DANG, LTA BA KUN DU SBYOR BA DANG, MCHOG TU 'DZIN PA KUN DU SBYOR BA DANG, THE TSOM KUN DU SBYOR BA DANG, PHRAG DOG KUN DU SBYOR BA DANG, SER SNA KUN DU SBYOR BA'O, ,DE LA LTA BA KUN @142B DU SBYOR BA LA GSUM NI 'DI LTA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA'O, ,MCHOG TU 'DZIN PA'I KUN DU SBYOR BA LA GNYIS NI 'DI LTA STE, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,YANG KUN DU SBYOR BA LA GNYIS NI 'DI LTA STE, 'OG MA'I CHA DANG MTHUN PA KUN DU SBYOR BA DANG, GONG MA'I CHA DANG MTHUN PA KUN DU SBYOR BA'O, ,DE LA 'OG MA'I CHA DANG MTHUN PAR KUN DU SBYOR BA LA RNAM PA LNGA NI 'DI LTA STE, 'DOD PA LA 'DUN PA DANG, GNOD SEMS DANG, 'JIG TSOGS LA LTA BA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,GONG MA'I CHA DANG MTHUN PA'I KUN DU SBYOR BA LA LNGA NI 'DI LTA STE, GZUGS LA CHAGS PA DANG, GZUGS MED PA LA CHAGS PA DANG, RGOD PA DANG, NGA RGYAL DANG, MA RIG PA'O, ,DE LA NYON MONGS PA RE RE RAB TU 'JUG PA NA BYA BA BCU BCU BYED PAR 'GYUR RO, ,'DI LTA STE, RTZA BA BRTAN PAR BYED PA DANG, RGYUD RNAM PAR 'JOG PAR BYED PA DANG, ZHING KUN DU RDZOGS PAR BYED PA DANG, RGYU MTHUN NGES PAR BYED PA DANG, LAS SRID PA MNGON PAR SGRUB PAR BYED PA DANG, RANG NYID KHUR YONGS SU 'DZIN PAR BYED PA DANG, DMIGS PA LA RMONGS PAR BYED PA DANG, RNAM SHES RGYUN RGYU BAR BYED PA DANG, DGE BA'I PHYOGS LAS SHIN TU 'DA' BAR BYED PA DANG, KHAMS LAS MI 'DA' BA'I 'CHING BA RGYAS PAR BYED PA'O, ,'CHING BA LA GSUM STE, 'DI LTA STE, 'DOD CHAGS 'CHING BA DANG, ZHE SDANG 'CHING BA DANG, RMONGS PA 'CHING BA'O, ,BAG LA NYAL LA DRUG STE, 'DI LTA STE, 'DOD CHAGS BAG LA NYAL BA DANG, KHONG KHRO BAG LA NYAL BA DANG, NGA RGYAL NGAG LA NYAL BA DANG, MA RIG PA BAG LA NYAL BA DANG, LTA BA BAG LA NYAL BA DANG, THE TSOM BAG LA NYAL BA'O, ,DE LA 'DOD CHAGS LA 'DOD PA'I 'DOD CHAGS DANG SRID PA'I 'DOD CHAGS ZHES RNAM PA GNYIS SU DBYE BA BYAS PAS BAG LA NYAL DANG BDUN DU GYUR PA YIN NO, ,YANG LTA BA'I BAG LA NYAL LA RNAM PA LNGAR PHYE BAS BAG LA NYAL BCUR GYUR BA YIN NO, ,'DI LTA STE, 'DOD CHAGS @143A *, ,DANG, KHONG KHRO DANG, NGA RGYAL DANG, MA RIG PA DANG, 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG THE TSOM MO, ,DE LA NGA RGYAL BAG LA NYAL RNAM PA BDUN TE 'DI LTA STE, NGA RGYAL DANG, LHAG PA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, LOG PA'I NGA RGYAL DANG, CUNG ZAD SNYAM PA'I NGA RGYAL LO, ,MA RIG PA'I BAG LA NYAL RNAM PA GSUM STE, 'DI LTA STE, MI SHES PA DANG, LOG PAR SHES PA DANG, THE TSOM SHES PA'O, ,PHRA RGYAS BCU PO 'DI RNAMS NI RNAM PA GNYIS TE 'DI LTA STE, KHAMS KYI DBYE BAS THA DAD PA DANG, RNAM PAR DBYE BAS THA DAD PA'O, ,DE LA KHAMS KYI DBYE BAS THA DAD PA NI RNAM PA GSUM STE 'DI LTA STE, 'DOD PAS BSDUS PA BCU DANG KHONG KHRO BA SPANGS PA'I GZUGS KYIS BSDUS PA DGU DANG, DE BZHIN DU GZUGS MED PAS BSDUS PA DGU STE, PHRA RGYAS NYI SHU BRGYAD DU 'GYUR BA YIN NO, ,RNAM PA'I DBYE BAS THA DAD PA NI RNAM PA LNGA STE, 'DI LTA STE, SDUG BSNGAL GYIS BSDUS PA DANG, KUN 'BYUNG GIS BSDUS PA DANG, 'GOG PAS BSDUS PA DANG, LAM GYIS BSDUS PA DANG, BSGOM PAS SPANG BAR BYA BA'O, ,DE LA 'DOD PA'I KHAMS SU SDUG BSNGAL GYIS THOB PA BCU STE, 'DI LTA STE, 'DOD CHAGS DANG, KHONG KHRO BA DANG, NGA RGYAL DANG, MA RIG PA DANG, 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,DE BZHIN DU KHONG KHRO MA GTOGS PA GZUGS KHAMS SU SDUG BSNGAL GYIS THOB PA DGU'O, ,DE KHO NA BZHIN DU GZUGS MED KHAMS SU KHONG KHRO MA GTOGS PA SDUG BSNGAL GYIS THOB PA DGU'O, ,DE LTAR KHAMS GSUM LA SDUG BSNGAL GYIS THOB PA PHRA RGYAS NYI SHU BRGYAD DU 'GYUR BA YIN NO, ,'DOD PA'I KHAMS SU KUN 'BYUNG GIS THOB PA BDUN NI, 'DI LTA STE, 'DOD CHAGS DANG, KHONG KHRO DANG, @143B NGA RGYAL DANG, MA RIG PA DANG, LOG PAR LTA BA DANG, LTA BA MCHOG TU 'DZIN PA DANG, THE TSOM MO, ,DE BZHIN DU GZUGS KHAMS SU KHONG KHRO MA GTOGS PA DRUG DANG, DE BZHIN DU GZUGS MED KHAMS SU KHONG KHRO MA GTOGS PA DRUG STE, KHAMS GSUM LA KUN 'BYUNG GIS THOB PA PHRA RGYAS BCU DGU'O, , KUN 'BYUNG GIS BSDUS PA JI BZHIN DU 'GOG PAS BSDUS PA YANG DE BZHIN NO, ,KHAMS GSUM LA BDUN DANG DRUG DANG DRUG STE 'GOG PAS BSDUS PA GCIG MA TSANG BA'I NYI SHUR 'GYUR RO, ,'DOD PA'I KHAMS SU LAM GYIS BSDUS PA PHRA RGYAS BRGYAD DE, 'DI LTA STE, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,DE BZHIN DU GZUGS KHAMS SU ZHE SDANG SPANGS PA BDUN DANG, DE BZHIN DU GZUGS MED PA'I KHAMS SU BDUN TE, KHAMS GSUM LA LAM GYIS BSDUS PA PHRA RGYAS NYI SHU NYER GNYIS SU 'GYUR BA YIN NO, ,DE LTAR BDEN PA BZHI LA MTHONG BAS SPANG BAR BYA BA SPYIR BSDUS TE PHRA RGYAS BRGYAD CU BRGYAD DU 'GYUR RO, ,BSGOMS PAS SPANG BAR BYA BA RNAM PA GSUM STE, 'DI LTA STE, 'DOD PAS BSDUS PA DANG, GZUGS KYIS BSDUS PA DANG, GZUGS MED PAS BSDUS PA PHRA RGYAS SO, ,DE LA 'DOD PAS BSDUS PA BZHI STE, 'DI LTA STE, 'DOD CHAGS DANG, KHONG KHRO DANG, NGA RGYAL DANG, MA RIG PA'O, ,GZUGS KYIS THOB PA NI GSUM STE, 'DI LTA STE, 'DOD CHAGS DANG, NGA RGYAL DANG, MA RIG PA'O,, DE BZHIN DU GZUGS MED LA GSUM DANG, KHAMS GSUM LA BSGOM PAS SPANG BAR BYA BA'I BAG LA NYAL BCUR 'GYUR RO, ,DES NA 'DOD PAS THOB PA'I SDUG BSNGAL DANG, KUN 'BYUNG DANG, 'GOG PA DANG, LAM DANG BSGOM PAS SPANG BYA RNAMS LA RNAM PA LNGAS GRANGS CI BZHIN DU BCU DANG BDUN DANG BRGYAD DANG BZHI DANG STE BAG LA NYAL SUM CU SO DRUG TU 'GYUR RO, ,DE BZHIN DU GZUGS KYIS THOB PA DGU DANG DRUG DANG BDUN DANG GSUM DANG STE BAG LA NYAL SUM CU SO GCIG TU 'GYUR RO, ,DE BZHIN DU GZUGS MED PAS BSDUS PA DGU DANG DRUG DANG DRUG DANG BDUN DANG @144A *, ,GSUM STE BAG LA NYAL SUM CU SO GCIG TU 'GYUR RO, ,DES NA 'DI RNAMS KHAMS DANG RNAM PA'I DBYE BA THA DAD PAS SUM CU SO DRUG DANG SUM CU SO GCIG DANG SUM CU SO GCIG DANG STE BAG LA NYAL DGU BCU RTZA BRGYAD DU 'GYUR BA YIN NO, ,DE LA 'KHOR BA'I SA DGU'I NANG NAS 'DOD PA'I KHAMS SU BSGOM PAS SPANG BYA BAG LA NYAL BZHI STE, 'DI LTA STE, 'DOD CHAGS DANG, KHONG KHRO DANG, NGA RGYAL DANG, MA RIG PA'O, ,BSAM GTAN DANG PO'I SA LA GSUM STE, 'DI LTA STE, 'DOD CHAGS DANG, NGA RGYAL DANG, MA RIG PA'O, ,DE BZHIN DU BSAM GTAN GNYIS PA'I SA LA GSUM, BSAM GTAN BZHI BA'I SA LA GSUM, NAM MKHA' MTHA' YAS SKYE MCHED SA LA GSUM, RNAM SHES MTHA' YAS SKYE MCHED SA LA GSUM, CI YANG MED PA'I SKYE MCHED SA LA GSUM, 'DU SHES MED 'DU SHES MED MIN SKYE MCHED SA LA GSUM, BZHI DANG GSUM SO BRGYAD DE BSGOM PAS SPANG BAR BYA BA BAG LA NYAL NYI SHU NYER BRGYAD DU 'GYUR RO, ,YANG 'DOD PA'I KHAMS SU 'DOD PA KHONG KHRO NGA RGYAL MA RIG PA RNAMS PA ZLUMS TE, MCHOG DANG 'BRING DANG THA MA RNAM PA GSUM DU BYAS NAS, YANG SO SOR CHEN PO'I CHEN PO DANG, CHEN PO'I 'BRING DANG, CHEN PO'I THA MA DANG, 'BRING GI CHEN PO DANG, 'BRING GI 'BRING DANG, 'BRING GI THA MA DANG, CHUNG NGU'I CHEN PO DANG, CHUNG NGU'I 'BRING DANG, CHUNG NGU'I CHUNG DU STE RNAM PA DGUR BYAS SO, ,DE BZHIN DU BSAM GTAN DANG PO'I SA LA 'DOD CHAGS DANG NGA RGYAL DANG MA RIG PA ZHES PA BAG LA NYAL GSUM PO BSDOMS TE, SNGON BZHIN DU RNAM PA GSUM DU BYAS NAS, YANG DE BZHIN DU SO SOR RNAM PA GSUM DU BYAS PAS DBYE BA DGUR 'GYUR RO, ,DE BZHIN DU SA GZHAN BDUN LA DGU DGU STE, 'KHOR BA'I SA DGU LA DGU PA DGU STE, BSGOM PAS SPANG BAR BYA BA BAG LA NYAL RAB TU DBYE BA BRGYAD CU RTZA GCIG TU 'GYUR RO, ,BSGOM PA'I LAM YANG BZLOG NAS CHUNG NGU 'BRING CHEN PO RNAM PA GSUM DU BYAS NAS, YANG SO SOR CHUNG NGU'I CHUNG NGU DANG, CHUNG NGU'I 'BRING PO DANG, CHUNG NGU'I CHEN PO DANG, 'BRING PO'I CHUNG NGU DANG, 'BRING PO'I 'BRING PO DANG, 'BRING PO'I CHEN PO DANG, CHEN PO'I CHUNG NGU DANG, CHEN @144B PO'I 'BRING PO DANG, CHEN PO'I CHEN PO RNAMS 'KHOR BA'I SA DGU LA DGU PA DGU STE, NYON MONGS PA'I RAB TU DBYE BA BRGYAD CU RTZA GCIG GI GNYEN PO'I RAB TU DBYE BA BRGYAD CU RTZA GCIG TU 'GYUR BA YIN NO, ,NYE BA'I NYON MONGS PA RNAMS MANG STE, 'DI LTA STE, SGYU DANG, RGYAGS PA DANG, BAG MED PA DANG, KHON DU 'DZIN PA DANG, G-YO DANG, MA DAD PA DANG, BRDZED ? NGAS PA DANG, SHES BZHIN MA YIN PA DANG, RNAM PAR G-YENG BA DANG, RANG BZHIN RNAM PAR G-YENG BA DANG, PHYI ROL RNAM PAR G-YENG BA DANG, NANG RNAM PAR G-YENG BA DANG, MTSAN MA RNAM PAR G-YENG BA DANG, YID LA BYED PA RNAM PAR G-YENG BA LA SOGS PA RNAM PA DU MA CHOS MNGON PA LAS BSHAD DO, ,KUN NAS DKRIS PA BCU NI 'DI LTA STE, RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA DANG, NGO TSA MED PA DANG, KHREL MED PA DANG, KHRO BA DANG, 'CHAB PA'O, , ZAG PA GSUM NI 'DI LTA STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,DE LA 'DOD PA'I ZAG PA RDZAS BZHI BCU RTZA GCIG STE, 'DI LTA STE, 'DOD PA'I KHAMS SU SDUG BSNGAL GYIS BSDUS PA, 'DOD CHAGS DANG, KHONG KHRO DANG, NGA RGYAL DANG, 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG ? TU 'DZIN PA DANG, THE TSOM STE DGU'O, ,KUN 'BYUNG GIS BSDUS PA, 'DOD CHAGS DANG, KHONG KHRO DANG, NGA RGYAL DANG, LOG PAR LTA BA DANG, LTA BA MCHOG TU 'DZIN PA DANG, THE TSOM STE DRUG GO, ,DE BZHIN DU 'GOG PAS BSDUS PA DRUG GO ,LAM GYIS BSDUS PA, 'DOD CHAGS DANG, KHONG KHRO DANG, NGA RGYAL DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM STE BDUN NO, ,BSGOM PAS SPANG BAR BYA BA 'DOD CHAGS DANG, KHONG KHRO DANG, NGA RGYAL DANG, ZHEN PA DANG, KUN NAS DKRIS PA BCU DANG NI, 'DI LTA STE, RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA DANG, @145A *, ,NGO TSA BA MED PA DANG, KHREL MED PA DANG, KHRO BA DANG, 'CHAB PA ZHES PA STE 'DOD PA'I ZAG PA RDZAS BZHI BCU RTZA GCIG GO, ,SRID PA'I ZAG PA RDZAS LNGA BCU RTZA GNYIS NI 'DI LTA STE, GZUGS KHAMS SU SDUG BSNGAL GYIS BSDUS PA, 'DOD CHAGS DANG, NGA RGYAL DANG, 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA DANG, THE TSOM STE BRGYAD DO, ,KUN 'BYUNG GIS THOB PA, 'DOD CHAGS DANG, NGA RGYAL DANG, LOG PAR LTA BA DANG, LTA BA MCHOG TU 'DZIN PA DANG, THE TSOM STE LNGA'O, ,DE BZHIN DU 'GOG PAS THOB PA LNGA DANG, LAM GYIS BSDUS PA, 'DOD CHAGS DANG, NGA RGYAL DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM ZHES PA STE DRUG GO, ,BSGOM PAS SPANG BAR BYA BA 'DOD CHAGS DANG, NGA RGYAL ZHES PA STE NYI SHU NYER DRUG GO, ,DE BZHIN DU GZUGS MED PAS BSDUS PA NYI SHU DRUG STE, NYI SHU NYER DRUG PA GNYIS TE, SRID PA'I ZAG PA RDZAS LNGA BCU RTZA GNYIS SO, ,MA RIG PA'I ZAG PA RDZAS BCO LNGA STE, 'DI LTA STE, 'DOD PA'I KHAMS SU SDUG BSNGAL KUN 'BYUNG 'GOG PA LAM MTHONG BA DANG, BSGOM PAS SPANG BAR BYA BA MA RIG PA LNGA'O, ,DE BZHIN DU GZUGS KHAMS SU LNGA, DE BZHIN DU GZUGS MED PA'I KHAMS SU LNGA STE MA RIG PA'I ZAG PA RDZAS BCO LNGA'O, ,CHU BO LA BZHI NI 'DI LTA STE, 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO'O, ,DE LA 'DOD PA'I CHU BO NI RDZAS NYI SHU NYER DGU STE, 'DI LTA STE, 'DOD PAS BSDUS PA SDUG BSNGAL MTHONG BAS SPANG BAR BYA BA 'DOD CHAGS DANG, KHRO BA DANG, NGA RGYAL DANG, THE TSOM STE BZHI'O, ,DE NYID KUN 'BYUNG MTHONG BAS SPANG BAR BYA BA BZHI DANG, DE BZHIN DU 'GOS PA MTHONG BAS SPANG BAR BYA BA BZHI DANG, DE BZHIN DU LA MA MTHONG BAS SPANG BAR BYA BA BZHI DANG, BSGOM PAS SPANG BYA 'DOD CHAGS DANG, KHONG KHRO DANG, NGA RGYAL TE GSUM MO, ,RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA @145B DANG, NGO TSA MED PA DANG, KHREL MED PA DANG, KHRO BA DANG, 'CHAB PA STE, 'DI NI 'DOD PA'I CHU BO NYI SHU NYER DGU'O, ,SRID PA'I CHU BO RDZAS NYI SHU NYER BRGYAD NI 'DI LTA STE, 'DOD PA NA SPYOD PA'I 'DOD CHAGS DANG, NGA RGYAL DANG, THE TSOM STE 'DI GSUM NI SDUG BSNGAL GYIS BSDUS PA'O, , DE BZHIN DU KUN 'BYUNG GIS BSDUS PA GSUM DANG, DE BZHIN DU 'GOG PAS BSDUS PA GSUM DANG, DE BZHIN DU LAM GYIS BSDUS PA GSUM DANG, BSGOM PAS SPANG BAR BYA BA 'DOD CHAGS DANG, NGA RGYAL STE 'DI RNAMS RDZAS BCU BZHI'O, ,DE RNAMS NYID NI GZUGS MED PA NA SPYOD PA RDZAS BCU BZHI STE, BCU BZHI PA GNYIS NI SRID PA'I CHU BO NYI SHU NYER BRGYAD DO, ,LTA BA'I CHU BO RDZAS SUM CU RTZA DRUG STE, 'DI LTA STE, 'DOD PA NA SPYOD PA SDUG BSNGAL GYIS BSDUS PA, 'JIG TSOGS LA LTA BA DANG, LOG PAR LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA ZHES PA LNGA'O, ,DE BZHIN DU GZUGS KYIS BSDUS PA LNGA'O, ,DE BZHIN DU GZUGS MED PAS BSDUS PA LNGA STE 'DI NI BCO LNGA'O, ,'DOD PA NA SPYOD PA GNYIS NI KUN 'BYUNG GIS BSDUS PA STE, LOG PAR LTA BA DANG LTA BA MCHOG TU 'DZIN PA'O, ,DE DAG BZHIN DU GNYIS NI GZUGS KYIS BSDUS PA'O, ,DE DAG BZHIN DU GNYIS NI GZUGS MED PAS BSDUS PA STE 'DI NI DRUG GO ,'GOG PAS BSDUS PA NI DRUG PO DE NYID DO, ,'DOD PA NA SPYOD PA LAM GYIS BSDUS PA, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS BRTUL ZHUGS MCHOG TU 'DZIN PA ZHES PA STE, GSUM DANG, DE NYID DU GZUGS NA SPYOD PA GSUM, DE NYID GZUGS MED PA NA SPYOD PA GSUM STE DGU'O, ,'DI NI LTA BA'I CHU BO RDZAS SUM CU RTZA DRUG GO, ,MA RIG PA'I CHU BO RDZAS BCO LNGA STE 'DI LTA STE, 'DOD PA NA SPYOD PA SDUG BSNGAL KUN 'BYUNG 'GOG PA LAM MTHONG BA DANG BSGOM PAS SPANG BYA MA RIG PA LNGA PO DE NYID DO, ,DE BZHIN DU GZUGS KYIS BSDUS PA LNGA DANG, DE KHO NA BZHIN DU GZUGS MED PAS BSDUS PA LNGA STE MA RIG PA'I CHU BO RDZAS BCO LNGA'O, ,SBYOR BA BZHI NI 'DI LTA STE, 'DOD PA'I SBYOR BA DANG, SRID PA'I @146A *, ,SBYOR BA DANG, LTA BA'I SBYOR BA DANG, MA RIG PA'I SBYOR BA'O, ,DE LA 'DOD PA'I CHU BO NYID 'DOD PA'I SBYOR BA'O, ,SRID PA'I CHU BO NYID SRID PA'I SBYOR BA'O, ,LTA BA'I CHU BO NYID LTA BA'I SBYOR BA'O, ,MA RIG PA'I CHU BO NYID MA RIG PA'I SBYOR BA'O ZHES SO, ,NYE BAR LEN PA NI 'DI LTA STE, 'DOD PA'I NYE BAR LEN PA DANG, LTA BA'I NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA'I NYE BAR LEN PA'O, ,DE LA 'DOD PA'I CHU BO NYID MA RIG PA LNGA DANG BCAS PAS RDZAS SUM CU RTZA BZHI NI 'DOD PA'I NYE BAR LEN PA'O, ,LTA BA'I CHU BO NYID TSUL KHRIMS DANG BRTUL ZHUGS MCHOG TU 'DZIN PA RNAM PA DRUG SPANGS PA RDZAS SUM CU NI LTA BA'I NYE BAR LEN PA'O, ,TSUL KHRIMS DANG BRTUL ZHUGS MCHOG TU 'DZIN PA RNAM PA DRUG NI TSUL KHRIMS DANG BRTUL ZHUGS NYE BAR LEN PA'O, ,SRID PA'I CHU BO NYID GZUGS KYIS BSDUS PA MA RIG PA RNAM PA LNGA, GZUGS MED PAS BSDUS PA MA RIG PA RNAM PA LNGA BCUG STE, RMUGS PA DANG GNYID DANG BCAS PAS RDZAS BZHI BCU NI BDAG TU SMRA BA'I NYE BAR LEN PA'O, ,MDUD PA BZHI NI 'DI LTA STE, MA RIG PA'I TSOGS KYI MDUD PA DANG, GNOD SEMS KYI TSOGS KYI MDUD PA DANG, TSUL KHRIMS DANG BRTUL ZHUGS MCHOG TU 'DZIN PA'I TSOGS KYI MDUD PA DANG, 'DI NI YOD DE ZHES MNGON PAR ZHEN PA'I TSOGS KYI MDUD PA'O, ,SGRIB PA NI LNGA STE 'DI LTA STE, 'DOD PA LA 'DUN PA DANG, GNOD SEMS DANG, RMUGS GNYID DANG, RGOD 'GYOD DANG THE TSOM MO, ,SHES PA LA BCU GNYIS NI 'DI LTA STE, CHOS SHES PA DANG, RJES SU SHES PA DANG, GZHAN SEMS SHES PA DANG, KUN RDZOB SHES PA DANG, SDUG BSNGAL SHES PA DANG, KUN 'BYUNG SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA DANG, SGRA JI BZHIN PA SHES PA DANG, LEGS PAR GOMS PAR SHES PA'O, ,BZOD PA LA BRGYAD NI 'DI LTA STE, SDUG BSNGAL LA CHOS SHES PA'I BZOD PA DANG, SDUG BSNGAL LA RJES SU SHES PA'I BZOD PA DANG, KUN 'BYUNG LA CHOS SHES PA'I BZOD PA DANG, KUN 'BYUNG LA RJES SU SHES PA'I BZOD PA DANG, 'GOG @146B PA LA CHOS SHES PA'I BZOD PA DANG, 'GOG PA LA RJES SU SHES PA'I BZOD PA DANG, LAM LA CHOS SHES PA'I BZOD PA DANG, LAM LA RJES SU SHES PA'I BZOD PA'O, ,DE LA SEMS DANG MTSUNGS PAR LDAN PA'I 'DU BYED LA RNAM PA GNYIS NI 'DI LTA STE, SPANG BYA DANG, BLANG BYA'O, ,DE LA GTZO BO'I DNGOS KYI SPANG BYA NI 'DU BYED LA BCU BDUN NI 'DI LTA STE, SHIN TU MA SPANGS PA DANG, 'TSE BA DANG, BAG MED PA DANG, SHES BZHIN MA YIN PA DANG, MI DGE BA'I RTZA BA DANG, LUNG MA BSTAN GYI RTZA BA DANG, KUN DU SBYOR BA DANG, 'CHING BA DANG, BAG LA NYAL DANG, NYE BA'I NYON MONGS PA DANG, KUN NAS DKRIS PA DANG, ZAG PA DANG, CHU BO DANG, SBYOR BA DANG, NYE BAR LEN PA DANG, MDUD PA DANG, SGRIB PA'O, ,GTZO BO MA YIN PA YANG NYON MONGS PA LA 'BYUNG BA DANG, NYON MONGS PA DANG MI DGE BA DANG LUNG DU MA BSTAN DANG SEMS PA LA SOGS PA ZAG PA DANG BCAS PA DANG KUN RDZOB SHES PA NI SPANG BYA'O, ,BLANG BYA'I 'DU BYED LA NYI SHU RTZA BZHI NI 'DI LTA STE, SEMS PA DANG, REG PA DANG, YID LA BYED PA DANG, 'DUN PA DANG, MOS PA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM RTOG DANG, SPYOD PA DANG, BAG YOD PA DANG, YID 'BYUNG BA DANG, YI RANG BA DANG, SHIN TU SBYANGS PA DANG, MI 'TSO BA DANG, NGO TSA SHES PA DANG, KHREL YOD PA DANG, BTANG SNYOMS DANG, RNAM PAR GROL BA DANG, DGE BA'I RTZA BA DANG, SHES PA DANG, BZOD PA'O, ,YANG SEMS LAS BYUNG BA'I 'DU BYED LA RNAM PA LNGA NI 'DI LTA STE, SA CHEN PO PA DANG, DGE BA'I SA CHEN PO PA DANG, NYON MONGS PA'I SA CHEN PO PA DANG, MI DGE BA'I SA CHEN PO PA DANG, SA CHUNG NGU PA'O, ,DE LA SEMS GANG LA THAMS CAD 'BYUNG BA DE NI SA CHEN PO PA'O, ,'DI LTA STE, TSOR BA DANG, SEMS PA DANG, 'DU SHES DANG, 'DUN PA DANG, REG PA DANG, SHES RAB DANG, DRAN PA DANG, YID LA BYED PA DANG, MOS PA DANG, TING NGE 'DZIN NO, ,SEMS GANG LA DUS THAMS CAD DU DGE BA 'BYUNG BA DE NI DGE BA'I SA CHEN PO PA STE BCU'O, ,'DI LTA STE, DAD PA DANG, BAG YOD PA DANG, SHIN TU SBYANG PA DANG, BTANG SNYOMS DANG, @147A *, ,NGO TSA SHES PA DANG, KHREL YOD PA DANG, MA CHAGS PA DGE BA'I RTZA BA DANG, MI SPANG BA DGE BA'I RTZA BA DANG, MI 'TSE BA DANG, BRTZON 'GRUS SO, ,SEMS GANG DUS RTAG TU NYON MONGS PA CAN NYID 'BYUNG BA DE NI NYON MONGS PA'I SA CHEN PO PA STE DRUG GO, ,'DI LTA STE, RMONGS PA DANG, BAG MED PA DANG, LE LO DANG, MA DAD PA DANG, RMUGS PA DANG, RGOD PA'O, ,SEMS GANG DAG LA DUS RTAG TU MI DGE BA'I SEMS 'BYUNG BA DE DAG NI MI DGE BA'I SA CHEN PO PA GNYIS NI 'DI LTA STE, NGO TSA MED PA DANG, KHREL MED PA'O, ,GANG YID KYI SA ? PA BSGOM PAS SPANG BAR BYA BA MA RIG PA TZAM NYID KYIS RAB TU LDAN PA DE NI SA CHUNG NGU PA STE BCU'O, ,'DI LTA STE, KHRO BA DANG, KHON DU 'DZIN PA DANG, G-YO DANG, PHRAG DOG DANG, 'TSIG PA DANG, 'CHAB PA DANG, SER SNA DANG, SGYU DANG, RGYAGS PA DANG, RNAM PAR 'TSE BA'O, ,GZHAN SEMS CAN THAMS CAD LA YANG NGES PA MED PAR GYUR PA'I SEMS LAS BYUNG BA YIN PA NI 'DI LTA STE, RNAM PAR RTOG PA DANG, RNAM PAR DPYOD PA DANG, 'GYOD PA DANG, GNYID LA SOGS PA'O, ,'DOD PA NA SPYOD PA'I SEMS KYANG RNAM PA GSUM STE, 'DI LTA STE, DGE BA'I SEMS DANG, MI DGE BA'I SEMS DANG, LUNG DU MA BSTAN PA'I SEMS SO, ,DE LA DGE BA'I SEMS MANG DU GYUR PAS RNAM PA BCU STE, 'DI LTA STE, DAD PA MTSUNGS PAR LDAN PA DANG, BAG YOD PA MTSUNGS PAR LDAN PA DANG, SHIN TU SBYANGS BA MTSUNGS PAR LDAN PA DANG, BTANG SNYOMS MTSUNGS LDAN DANG, NGO TSA SHES PA MTSUNGS LDAN DANG, KHREL YOD PA MTSUNGS LDAN DANG, MA CHAGS PA MTSUNGS LDAN DANG, MI SDANG BA MTSUNGS LDAN DANG, MI 'TSE BA MTSUNGS LDAN DANG, BRTZON 'GRUS MTSUNGS LDAN NO, MI DGE BA'I SEMS LA RNAM PA GNYIS NI 'DI LTA STE, MA 'DRES PA DANG, NYON MONGS PA GZHAN GYIS MTSUNGS LDAN NO, ,DE LA MA 'DRES PA NI GANG LAS MA RIG PA 'GA' ZHIG GIS MTSUNGS LDAN NO, ,NYON MONGS GZHAN GYIS MTSUNGS LDAN NI RNAM PAR DBYE BA BCO BRGYAD DO, ,'DI LTA STE, LOG PAR LTA BAS DANG, LTA BA MCHOG TU 'DZIN PAS DANG, TSUL KHRIMS DANG BRTUL ZHUGS MCHOG TU 'DZIN PAS DANG, 'DOD CHAGS KYIS DANG, KHONG KHRO BAS DANG, @147B NGA RGYAL GYIS DANG, THE TSOM GYIS DANG, KHRO BAS DANG, 'KHON DU 'DZIN PAS DANG, G-YOS DANG, PHRAG DOG GIS DANG, 'TSIG PAS DANG, 'CHAB PAS DANG, SER SNAS DANG, SGYUS DANG, RGYAGS PAS DANG, RNAM PAR 'TSE BAS DANG, 'GYOD PAS DANG NGO, ,SO SO LA MTSUNGS LDAN ZHES SBYAR BAR BYA'O, ,LUNG MA BSTAN LA RNAM PAR DBYE BA GNYIS TE, 'DI LTA STE, SGRIB PA LUNG MA BSTAN DANG, SGRIB PA MA YIN PA LUNG MA BSTAN TO, ,DE LA SGRIB PA LUNG MA BSTAN LA GNYIS NI 'DI LTA STE, 'JIG TSOGS LA LTA BAS DANG, MTHAR 'DZIN PAR LTA BAS DANG NGO, ,MTSUNGS PAR LDAN PAS SO, ,SGRIB PA'I LUNG MA BSTAN LAS GZHAN LUNG MA BSTAN NI SGRIB PA MA YIN PA LUNG MA BSTAN NO, ,DE LA 'DOD PA NA SPYOD PA DGE BA'I SEMS LA NGES PAR SEMS LAS BYUNG BA NYI SHU NYER GNYIS SU 'GYUR RO, ,'DI LTA STE, SA CHEN PO PA BCU DANG, DGE BA'I SA CHEN PO PA BCU DANG, RNAM PAR RTOG PA DANG, RNAM PAR DPYOD PA'O, ,RES 'GA' YANG 'GYOD PA DANG, LHAN CIG PAS NYER GSUM DU 'GYUR RO, ,RES 'GA'I TSE YANG GNYIS DANG LHAN CIG PAS SEMS LAS BYUNG BA NYI SHU NYER GSUM DU 'GYUR BA YIN NO, ,MI DGE BA'I SEMS LA 'DRES PA LA YANG SEMS LAS BYUNG BA NYI SHU STE, 'DI LTA STE, SA CHEN PO PA BCU DANG, NYON MONGS PA'I SA CHEN PO PA DRUG DANG, MI DGE BA'I SA CHEN PO PA GNYIS DANG, RNAM PAR RTOG PA DANG, RNAM PAR DPYOD PA'O, ,LOG PAR LTA BA'I MTSUNGS LDAN MI DGE BA'I SEMS LA YANG DE BZHIN DU NYI SHU'O, ,RES 'GA' YANG GNYIS DANG LHAN CIG PAS NYI SHU NYER GCIG GO, ,LTA BA MCHOG TU 'DZIN PAS MTSUNGS LDAN MI DGE BA'I SEMS LA YANG DE BZHIN DU NYI SHU NYER GCIG GO, ,TSUL KHRIMS DANG BRTUL ZHUGS MCHOG TU 'DZIN PAS MTSUNGS LDAN MI DGE BA'I SEMS LA YANG DE BZHIN DU NYER GCIG GO, ,'DOD CHAGS MTSUNGS LDAN SEMS LA DE BZHIN DU NYI SHU'O, ,'DOD CHAGS DANG RES 'GA' YANG GNYID CES PA DANG NYI SHU NYER GNYIS SO, ,KHONG KHRO MTSUNGS LDAN SEMS LA DE BZHIN DU NYI SHU'O, ,KHONG KHRO DANG RES 'GA' YANG GNYID CES PA DANG NYER GNYIS SO, ,NGA RGYAL MTSUNGS LDAN SEMS LA DE BZHIN DU NYI @148A *, ,SHU'O, ,NGA RGYAL DANG RES 'GA' YANG GNYID CES PA DANG NYI SHU NYER GNYIS SO, ,THE TSOM MTSUNGS LDAN SEMS LA DE BZHIN DU NYI SHU'O, ,THE TSOM DANG RES 'GA' YANG GNYID CES PA STE NYI SHU NYER GNYIS SO, ,KHRO BA MTSUNGS LDAN LA DE BZHIN DU KHRO BA DANG GNYID CES PA STE NYER GNYIS SO, ,KHON DU 'DZIN PA MTSUNGS LDAN SEMS LA DE BZHIN DU KHON DU 'DZIN PA DANG GNYID CES PA STE NYER GNYIS SO, ,G-YO MTSUNGS LDAN SEMS LA DE KHO NA BZHIN DU G-YO DANG GNYID CES PA STE NYI SHU NYER GNYIS SO, ,'TSIG PA MTSUNGS LDAN SEMS LA DE KHO NA BZHIN DU 'TSIG PA DANG GNYID CES PA STE NYI SHU NYER GNYIS SO, ,'CHAB PA MTSUNGS LDAN SEMS LA DE KHO NA BZHIN DU 'CHAB PA DANG GNYID CES PA STE NYER GNYIS SO, ,SER SNA MTSUNGS LDAN SEMS LA DE KHO NA BZHIN DU SER SNA DANG GNYID CES PA STE NYER GNYIS SO, ,SGYU MTSUNGS LDAN SEMS LA DE KHO NA BZHIN DU SGYU DANG GNYID CES PA STE NYER GNYIS SO, ,RGYAGS PA MTSUNGS LDAN SEMS LA DE KHO NA BZHIN DU RGYAGS PA DANG GNYID CES PA STE NYER GNYIS SO, ,'TSE BA MTSUNGS LDAN SEMS LA DE KHO NA BZHIN DU 'TSE BA DANG GNYID CES PA STE NYER GNYIS SO, ,'GYOD PA MTSUNGS LDAN SEMS LA DE KHO NA BZHIN DU 'GYOD PA DANG GNYID CES PA STE NYER GNYIS SO, ,SGRIB PA LUNG MA BSTAN SEMS LA SEMS LAS BYUNG BA BCO BRGYAD DU 'GYUR TE, RES 'GA' YANG GNYID DANG LHAN CIG PAS BCU DGU'O, ,'DI LTA STE, SA CHEN PO PA BCU DANG, NYON MONGS PA'I SA CHEN PO PA DRUG DANG, RNAM RTOG DANG, RNAM PAR DPYOD PA DANG, GNYID DO, ,SGRIB PA MA YIN PA LUNG MA BSTAN SEMS LAS SEMS BYUNG BCU GNYIS TE 'DI LTA STE, SA CHEN PO BA BCU DANG, RNAM RTOG DANG, RNAM SPYOD DANG, RES 'GA' YANG GNYID DO, ,KHA CIG LUNG MA BSTAN LA YANG, ,'GYOD PA YOD PAS 'GYOD PA DANG, ,LHAN CIG SEMS BYUNG BCU BZHI'O, ,ZER RO, ,'DI NI 'DOD KHAMS KYI SEMS DANG SEMS BYUNG NGES PA'O, ,GZUGS DANG GZUGS MED KHAMS SU MI DGE BA DANG, SGRIB PA LUNG MA BSTAN GYI KHAMS RNAM PA THAMS CAD DU MED DO, ,DGE BA DANG SGRIB PA MA YIN PA LUNG MA BSTAN NI YOD PA NYID DO, ,DES NA BSAM GTAN DANG @148B PO NA 'GYOD PA DANG GNYID DAG RNAM PA THAMS CAD DU MED DO, ,'DI LTA STE, KHONG KHRO DANG, KHRO BA DANG, KHON DU 'DZIN PA DANG, PHRAG DOG DANG, 'TSIG PA DANG, 'CHAB PA DANG, SER SNA DANG, RNAM PAR 'TSE BA DANG, NGO TSA MED PA DANG, KHREL MED PA RNAMS MED DO, ,G-YO DANG, RGYAGS PA DANG, SGYU NI YOD DO, ,GZHAN THAMS CAD 'DOD KHAMS BZHIN NO, ,BSAM GTAN KHYAD PAR CAN LA YANG RNAM PAR RTOG PA YANG MED DO, ,BSAM GTAN DANG PO LAS PHA ROL NA BSAM GTAN GNYIS PA LA SOGS PA RNAMS SU GZUGS DANG GZUGS MED PA RNAMS SU 'DI LTAR RTOG PA YANG MED DO, , RNAM PAR DPYOD PA YANG MED DO, ,SGYU DANG G-YO YANG MED DO, ,LHAG MA NI SNGON BZHIN NO, ,SEMS DANG MI LDAN PA'I 'DU BYED LA BCU DGU NI 'DI LTA STE, THOB PA DANG, MA THOB PA DANG, 'DU SHES MED PA'I SNYOMS 'JUG DANG, 'GOG PA'I SNYOMS 'JUG DANG, 'DU SHES MED PA DANG, 'TSO BA'I DBANG PO DANG, SKAL BA MTHUN PA DANG, GNAS SO SOR THOB PA DANG, DNGOS PO SO SOR THOB PA DANG, SKYE MCHED SO SOR THOB PA DANG, SKYE BA DANG, RGAS PA DANG, GNAS PA DANG, MI RTAG PA NYID DANG, MING GI TSOGS DANG, TSIG GI TSOGS DANG, YI GE'I TSOGS DANG, MA 'TSOGS PA DANG, 'TSOGS PA'O, ,SO SO SKYE BO DANG, 'JUG PA DANG, 'JUG PA NGES PA DANG, SBYOR BA DANG, BANG MGYOGS PA DANG, RIM PA DANG, DUS DANG, YUL DANG, GRANGS ZHES PA CHOS DGU NI MI LDAN PA'O ZHES CHOS MNGON PA KUN LAS BTUS PA LAS SO, ,RNAM PAR SHES PA BDUN NI RNAM PAR SHES PA'I PHUNG PO'O, ,'DI LTA STE, MIG GI RNAM SHES DANG, RNA BA'I RNAM SHES DANG, SNA'I RNAM SHES DANG, LCE'I RNAM SHES DANG, LUS KYI RNAM SHES DANG, YID KYI RNAM SHES DANG, YID KYI DBANG PO'O, ,'DI BDUN RNAMS SU NYON MONGS PA CAN GYI YID DANG KUN GZHI RNAM PAR SHES PA DAG BSDUS PAS RNAM PAR SHES PA DGU NI RNAM PAR SHES PA'I PHUNG PO'O, ,DE LA CHOS BDUN KUN GZHI RNAM PAR SHES PA LA BRTEN NO, ,'DI LTA STE, DGE BA'I RTZA BA RGYUN GCOD PA DANG, DGE BA'I RTZA BA YANG DAG PAR 'DZIN PA DANG, KHAMS LA 'DOD CHAGS DANG BRAL BA DANG, SA LA 'DOD CHAGS DANG BRAL @149A *, ,PA DANG, YONGS SU NYAMS PA DANG, 'PHO BA DANG, SKYE BA'O, ,KHAMS LA BCO BRGYAD DE 'DI LTA STE, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAM PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS SO, ,SKYE MCHED NI BCU GNYIS TE 'DI LTA STE, MIG GI SKYE MCHED DANG, RNA BA'I SKYE MCHED DANG, SNA SKYE MCHED DANG, LCE'I SKYE MCHED DANG, LUS KYI SKYE MCHED DANG, YID KYI SKYE MCHED DANG, GZUGS KYI SKYE MCHED DANG, SGRA'I SKYE MCHED DANG, DRI'I SKYE MCHED DANG, RO'I SKYE MCHED DANG, REG BYA'I SKYE MCHED DANG, CHOS KYI SKYE MCHED DO, ,DE LA YID KYI SKYE MCHED DNGOS PO BDUN TE, 'DI LTA STE, DBANG PO DRUG GI RNAM SHES DANG YID KYI DBANG PO'O, ,KUN GZHI'I RNAM PAR SHES PA DANG NYON MONGS PA'I YID KYI RNAM SHES DANG GNYIS KYI LHAN CIG PAS YID KYI SKYE MCHED NI DNGOS PO DGU'O, ,CHOS BDUN NI CHOS KYI SKYE MCHED DO, ,'DI LTA STE, TSOR BA DANG, 'DU SHES DANG, 'DU BYED DANG, RNAM PAR SHES PA DANG, RNAM PAR RIG BYED PA YIN PA DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA'O, ,DE RNAMS KUN DU BSDU BA YANG 'DI BZHIN TE, GZUGS CAN GYI SKYE MCHED BCU NI GZUGS KYI PHUNG PO'O, ,YID KYI SKYE MCHED NI RNAM SHES KYI PHUNG PO'O, ,CHOS KYI SKYE MCHED NI TSOR BA DANG, 'DU SHES DANG, 'DU BYED KYI PHUNG PO'O, ,KHAMS RNAMS SU BSDU BA YANG 'DI BZHIN TE, GZUGS CAN SKYE MCHED BCU NI GZUGS CAN KHAMS BCU'O, ,YID KYI SKYE MCHED NI RNAM PAR SHES PA'I KHAMS DRUG DANG YID KYI KHAMS SO, ,CHOS KYI SKYE MCHED NI CHOS KYI KHAMS SO, ,KHAMS BCO BRGYAD PO 'DI RNAMS KYI NANG NA 'DOD PA NA SO SOR YANG DAG PAR LDAN PA DU ZHE NA, KHAMS THAMS CAD NYID DO, ,GZUGS NA SO @149B SOR KUN DU LDAN PA DU ZHE NA, KHAMS DE RNAMS LA DRI DANG RO DANG SNA'I RNAM SHES DANG LCE'I RNAM SHES MA GTOGS PA GZHAN KHAMS BCU BZHI RNAMS SO, ,GZUGS MED PA NA CHOS KUN DU LDAN PA DU ZHE NA, YID KYI KHAMS DANG, YID KYI RNAM PAR SHES PA'I KHAMS DANG, CHOS KYI KHAMS DANG GSUM CHAR ZAG PA DANG BCAS PA'O, ,KHAMS GSUM NA MI LDAN PA DU ZHE NA, GANG LA ZAG PA MED PA'I YID KYI KHAMS DANG, YID KYI RNAM PAR SHES PA'I KHAMS DANG CHOS KYI KHAMS SO, ,KHAMS BCU NI DGE BA DANG MI DGE BA DANG LUNG DU MA BSTAN PA STE, 'DI LTA STE, MIG GI RNAM PAR SHES PA'I KHAMS DANG, RNA BA'I RNAM PAR SHES PA'I KHAMS DANG, SNA'I RNAM PAR SHES PA'I KHAMS DANG, LCE'I RNAM PAR SHES PA'I KHAMS DANG, LUS KYI RNAM PAR SHES PA'I KHAMS DANG, YID KYI RNAM PAR SHES PA'I KHAMS DANG, YID KYI DBANG PO DANG, GZUGS KYI KHAMS DANG, SGRA'I KHAMS DANG, CHOS KYI KHAMS SO, ,LUNG DU MA BSTAN PA'I KHAMS BRGYAD DE, 'DI LTA STE, MIG GI KHAMS DANG, RNA BA'I KHAMS DANG, SNA'I KHAMS DANG, LCE'I KHAMS DANG, LUS KYI KHAMS DANG, DRI'I KHAMS DANG, RO'I KHAMS DANG, REG BYA'I KHAMS SO, ,YANG KHAMS LA RNAM PA GNYIS NI 'DI LTA STE, NANG DANG PHYI ROL LO, ,DE LA NANG GI NI LHAG DANG BCAS PA'I BCU GNYIS SO, ,'DI LTA STE, DBANG PO DRUG GI KHAMS DANG, RNAM SHES DRUG GI KHAMS DANG, CHOS KYI KHAMS KYI CHA 'GA' ZHIG GO, ,PHYI ROL GYI KHAMS LA LHAG DANG BCAS PA'I LNGA NI 'DI LTA STE, GZUGS SGRA DRI RO REG BYA'I KHAMS DANG, CHOS KYI KHAMS KYI CHA 'GA'O, ,YANG KHAMS NI RNAM PA GNYIS TE 'DI LTA STE, DMIGS PA DANG BCAS PA DANG, DMIGS PA MED PA'O, ,DE LA DMIGS PA DANG BCAS PA NI SEMS KYI KHAMS BDUN NO, ,LHAG MA NI DMIGS PA MED PA STE BCU GCIG GO, ,DE NYID NI BDEN PA BZHI STE, 'DI LTA STE, SDUG BSNGAL BDEN PA DANG, KUN 'BYUNG BDEN PA DANG, 'GOG PA'I BDEN PA DANG, LAM GYI BDEN PA'O, DE LA SDUG BSNGAL GYI BDEN PA NI KHAMS THAMS CAD DO, ,KUN 'BYUNG BDEN NI ZAG BCAS CHOS KYI KHAMS KYI CHA'O, ,LAM GYI BDEN PA NI ZAG PA MED PA'I CHOS KYI @150A *, ,KHAMS KYI CHA 'GA'O, ,'GOG PA'I BDEN PA NI 'DUS MA BYAS KYI CHOS KYI KHAMS KYI CHA 'GA' NYID DO, ,DE NYID NI RANG BZHIN GSUM STE, 'DI LTA STE, KUN BRTAGS KYI RANG BZHIN DANG, GZHAN DBANG GI RANG BZHIN DANG, YONGS SU GRUB KYI RANG BZHIN NO, ,DE LA KHAMS THAMS CAD NI KUN BRTAGS DANG GZHAN DBANG NYID DO, ,'DUS MA BYAS KYI CHOS KYI KHAMS KYI CHA 'GA' NI YONGS SU GRUB PA'I RANG BZHIN NO, ,DE NYID NI BDEN PA GNYIS TE, 'DI LTA STE, KUN RDZOB BDEN PA DANG, DON DAM PA'I BDEN PA'O, ,DE LA KHAMS KUN NYID NI KUN RDZOB BDEN PA'O,, 'DUS MA BYAS CHOS KYI KHAMS KYI CHA 'GA' NI DON DAM PA'I BDEN PA'O, ,'DIR KHAMS DRUG PO 'DI NI SKYES BU DANG GANG ZAG CES PA KHAMS DRUG NI 'DI LTA STE, SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS SO, ,YANG CHOS RNAMS MDOR BSDU NA RNAM PA GNYIS TE, 'DI LTA STE, GZUGS CAN DANG, GZUGS CAN MA YIN PA'O, ,DE LA CHOS GZUGS CAN NI RNAM PA GNYIS TE, 'DI LTA STE, 'BYUNG BA DANG, 'BYUNG BA LAS BYUNG BA'O, ,CHOS GZUGS CAN MA YIN PA NI GNYIS 'DI LTA STE, 'DUS BYAS DANG, 'DUS MA BYAS SO, ,DE LA CHOS GZUGS CAN MA YIN PA 'DUS BYAS NI RNAM PA GSUM STE, 'DI LTA STE, SEMS DANG, SEMS LAS BYUNG BA DANG, SEMS DANG MI LDAN PA'O, ,CHOS GZUGS CAN MA YIN PA 'DUS MA BYAS NI RNAM PA BZHI STE, 'DI LTA STE, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, CHOS RNAMS KYI CHOS NYID DO, ,DES NA 'DOD PA'I KHAMS THAMS CAD PHUNG PO LNGA'I BDAG NYID CAN NO, ,GZUGS KHAMS KYANG 'DU SHES MED PA'I SEMS CAN SPANGS PA PHUNG PO LNGA'I BDAG NYID CAN NO, ,'DU SHES MED PA'I SEMS CAN NI PHUNG PO GNYIS TE, GZUGS DANG 'DU BYED KYI PHUNG PO TZAM YIN PAS SO, ,GZUGS MED PA'I KHAMS NI PHUNG PO BZHI'I BDAG NYID CAN TE, DE LA GZUGS KYI PHUNG PO MED PA'I PHYIR RO, ,PAndI TA CHEN PO @150B STOBS BCU DPAL BSHES GNYEN GYIS RNAM PAR BSDUS PA 'DUS BYAS DANG 'DUS MA BYAS RNAM PAR NGES PA LAS PHUNG PO SKYE MCHED KHAMS RNAM PAR NGES PA ZHES BYA BA LE'U DGU PA'O,, ,,SNOD DANG SEMS CAN GYI 'JIG RTEN GNYIS DAG GIS SKYED PAR BYED PA RTEN CING 'BREL BAR 'BYUNG BA RNAM PA GNYIS TE, 'DI LTA STE, PHYI ROL GYI RTEN CING 'BREL BAR 'BYUNG BA DANG, NANG GI RTEN CING 'BREL BAR 'BYUNG BA'O, ,DE LA SNOD KYI 'JIG RTEN SKYED PAR BYED PA THUN MONG GI LAS NI PHYI'I RTEN CING 'BREL BAR 'BYUNG BA'O, ,SEMS CAN GYI 'JIG RTEN SKYED PAR BYED PA THUN MONG MA YIN PA LAS NI NANG GI RTEN CING 'BREL BAR 'BYUNG BA'O, ,DE LA NANG GI RTEN CING 'BREL BAR 'BYUNG BA NI YAN LAG BCU GNYIS TE, 'DI LTAR MA RIG PA'I YAN LAG DANG, 'DU BYED KYI YAN LAG DANG, RNAM PAR SHES PA'I YAN LAG DANG, MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG DANG, SRED PA'I YAN LAG DANG, NYE BAR LEN PA'I YAN LAG DANG, SRID PA'I YAN LAG DANG, SKYE BA'I YAN LAG DANG, RGA SHI'I YAN LAG GO, ,DE RNAMS NI YAN LAG BZHI NYID DU 'GYUR TE, 'DI LTA STE, 'PHEN PAR BYED PA'I YAN LAG DANG, 'PHANGS PA'I YAN LAG DANG, MNGON PAR SGRUB PAR BYED PA'I YAN LAG DANG, MNGON PAR BSGRUB PAR BYA BA'I YAN LAG GO, ,DE LA 'PHEN PAR BYED PA'I YAN LAG RNAM PA GNYIS TE 'DI LTA STE, MA RIG PA'I YAN LAG DANG, 'DU BYED KYI YAN LAG GO, ,'PHANGS PA'I YAN LAG LA RNAM PA LNGA NI 'DI LTA STE, RNAM PAR SHES PA'I YAN LAG DANG, MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG GO, ,MNGON PAR SGRUB PAR BYED PA'I YAN LAG LA RNAM PA GSUM NI 'DI LTA STE, SRED PA'I YAN LAG DANG, NYE BAR LEN PA'I YAN LAG DANG, SRID PA'I YAN LAG GO, ,MNGON PAR BSGRUB PAR BYA BA'I YAN LAG LA RNAM PA GNYIS NI 'DI LTA STE, SKYE BA'I YAN LAG DANG, RGA SHI'I YAN LAG GO, ,YANG RTEN CING 'BREL BAR 'BYUNG BA 'DI LA DUM BU NI 'DI LTA STE, SNGON GYI DUM BU DANG, BAR GYI DUM BU DANG, MTHA' MA'I DUM @151A *, ,BU'O, ,DE LA SNGON GYI DUM BU NI DE MA THAG PA'I SKYE BA SNGON MA DANG 'BREL PA'I YAN LAG GNYIS NI 'DI LTA STE, MA RIG PA'I YAN LAG DANG, 'DU BYED KYI YAN LAG GO, ,BAR GYI DUM BU'I SKYE BA LTA BA DANG 'BREL BA'I YAN LAG BRGYAD NI 'DI LTA STE, RNAM PAR SHES PA'I YAN LAG DANG, MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG DANG, SRED PA'I YAN LAG DANG, NYE BAR LEN PA'I YAN LAG DANG, SRID PA'I YAN LAG GO, ,MTHA' MA'I DUM BU NI MA 'ONGS PA'I SKYE BA DANG 'BREL BA'I YAN LAG GNYIS NI 'DI LTA STE, SKYE BA'I YAN LAG DANG, RGA SHI'I YAN LAG GO, YANG RTEN CING 'BREL BAR 'BYUNG BA LA MTHA' GNYIS NI 'DI LTA STE, SNGON GYI MTHA' CAN DANG, PHYI MA'I MTHA' CAN NO, ,DE LA SNGON GYI MTHA' CAN LA GNYIS NI BDAG NYID DE 'DI LTA STE, RGYU'I BDAG NYID DANG 'BRAS BU'I BDAG NYID DO, ,DE LA RGYU'I BDAG NYID NI SKYE BA SNGON MA DANG 'BREL BA'I YAN LAG LA GNYIS NI 'DI LTA STE, MA RIG PA'I YAN LAG DANG, 'DU BYED KYI YAN LAG GO, ,'BRAS BU'I BDAG NYID LA 'JUG BZHIN PA'I SKYE BA DANG 'BREL BA'I YAN LAG LNGA NI 'DI LTA STE, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA'O, ,PHYI MA'I MTHA' CAN YANG GNYIS KYI BDAG NYID DE, RGYU'I BDAG NYID DANG, 'BRAS BU'I BDAG NYID DO, ,DE LA RGYU'I BDAG NYID NI, DA LTA'I SKYE BA DANG 'BREL PA'I YAN LAG GSUM NI 'DI LTA STE, SRED PA DANG, NYE BAR LEN PA DANG, SRID PA'O, ,'BRAS BU'I BDAG NYID DE MA THAG PA MA 'ONGS PA'I SKYE BA DANG 'BREL PA'I YAN LAG GNYIS NI 'DI LTA STE, SKYE BA DANG, RGA SHI'O, ,YANG RTENG CING 'BREL PAR 'BYUNG BA LA NI PHUNG PO GSUM NI 'DI LTA STE, NYON MONGS PA'I PHUNG PO DANG, LAS KYI PHUNG PO DANG, SKYE BA'I PHUNG PO'O, ,DE LA NYON MONGS PA'I PHUNG PO LA YAN LAG GSUM NI 'DI LTA STE, MA RIG PA'I YAN LAG DANG, SRED PA'I YAN LAG DANG, NYE BAR LEN PA'I YAN LAG GO, ,LAS KYI PHUNG PO LA YAN LAG GNYIS NI 'DI LTA STE, 'DU BYED KYI YAN LAG DANG, SRID PA'I @151B YAN LAG GO, ,SKYE BA'I PHUNG PO LA YAN LAG BDUN NI 'DI LTA STE, RNAM PAR SHES PA'I YAN LAG DANG, MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG DANG, SKYE BA'I YAN LAG DANG, RGA SHI'I YAN LAG GO, ,YANG KUN NAS NYON MONGS PA GSUM GYI BDAG NYID DE, 'DI LTA STE, NYON MONGS PA'I KUN NAS NYON MONGS PA'I BDAG NYID DANG, LAS KYI KUN NAS NYON MONGS PA'I BDAG NYID DANG, SKYE BA'I KUN NAS NYON MONGS PA'I BDAG NYID DO, ,DE LA NYON MONGS PA'I KUN NAS NYON MONGS PA'I BDAG NYID LA YAN LAG GSUM NI 'DI LTA STE, MA RIG PA'I YAN LAG DANG, SRED PA'I YAN LAG DANG, NYE BAR LEN PA'I YAN LAG GO, ,LAS KYI NYON MONGS PA'I BDAG NYID LA YAN LAG GNYIS NI 'DI LTA STE, 'DU BYED KYI YAN LAG DANG, SRID PA'I YAN LAG GO, ,SKYE BA'I NYON MONGS PA'I BDAG NYID LA YAN LAG BDUN NI 'DI LTA STE, RNAM PAR SHES PA'I YAN LAG DANG, MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG DANG, SKYE BA'I YAN LAG DANG, RGA SHI'I YAN LAG GO, ,YANG KUN NAS NYON MONGS PA GSUM GYI BDAG NYID RTEN CING 'BREL BAR 'BYUNG BA NI GNYIS KYI BDAG NYID DE 'DI LTA STE, RGYU'I BDAG NYID DANG, 'BRAS BU'I BDAG NYID DO, ,DE LA RGYU'I KUN NAS NYON MONGS PA'I BDAG NYID LA KUN NAS NYON MONGS GNYIS NI 'DI LTA STE, NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, 'BRAS BU'I KUN NAS NYON MONGS PA'I BDAG NYID LA GCIG NI 'DI LTA STE, SKYE BA'I KUN NAS NYON MONGS PA'O, ,YANG LAM GSUM NI 'DI LTA STE, NYON MONGS PA'I LAM DANG, LAS KYI LAM DANG, RNAM PAR SMIN PA'I LAM MO, ,DE LA NYON MONGS PA'I LAM NI YAN LAG GSUM STE, 'DI LTA STE, MA RIG PA DANG, SRED PA DANG, NYE BAR LEN PA'O, ,LAS KYI LAM LA YAN LAG GNYIS TE 'DI YIN TE, 'DU BYED KYI YAN LAG DANG, SRID PA'I YAN LAG GO, ,RNAM PAR SMIN PA'I LAM LA YAN LAG BDUN NI 'DI LTA STE, RNAM PAR SHES PA'I YAN LAG DANG, @152A *, ,MING DANG GZUGS KYI YAN LAG DANG, SKYE MCHED DRUG GI YAN LAG DANG, REG PA'I YAN LAG DANG, TSOR BA'I YAN LAG DANG, SKYE BA'I YAN LAG DANG, RGA SHI'I YAN LAG GO, ,YANG RTEN CING 'BREL PAR 'BYUNG BA NI BCU GNYIS KYI BDAG NYID DE, 'DI YIN TE, GANG DE MA THAG PA'I 'DAS PA'I SKYE BA'I NYON MONGS PA THAMS CAD KYI GNAS SKABS NI MA YIN NO, ,GANG DE MA THAG PA'I 'DAS PA'I SKYE BA'I YANG SRID LEN BYED KYI LAS MTHA' DAG GI GNAS SKABS DE NI 'DU BYED KYI YAN LAG GO, ,MA'I LTO BAR SKYE BA NYID MTSAMS SBYOR BA'I DUS KYI PHUNG PO LNGA'I GNAS SKABS DE NI RNAM PAR SHES PA'I YAN LAG GO, ,NYID MTSAMS SBYOR BA'I DUS PHAN CHAD NAS SKYE MCHED DRUG MA DOD PA'I BAR GYI GNAS SKABS DE NI MING DANG GZUGS SO, ,DE'I RJES SU SKYE MCHED DRUG RDZOGS TE, CI SRID DU DBANG PO DANG YUL DANG RNAM PAR SHES PA RNAMS 'TSOGS PAR MA GYUR PA'I BAR GYI GNAS SKABS DE NI SKYE MCHED DRUG GI YAN LAG GO, ,DBANG PO DANG YUL DANG RNAM PAR SHES PA RNAMS PHRAD NAS 'TSOGS PA GSUM YONGS SU GCOD PAR MI NUS PA'I GNAS SKABS DE NI REG PA'O, ,TSOR BA GSUM YONGS SU BCAD NAS CI SRID DU 'KHRIG PA'I 'DOD CHAGS MA GYUR PA DE'I GNAS SKABS NI TSOR BA'I YAN LAG GO, ,'KHRIG PA'I 'DOD CHAGS KUN DU SPYOD PA'I GNAS SKABS DE NI SRED PA'I YAN LAG GO, ,YUL GANG GI GNAS SKABS THOB PA'I DON DU 'TSOL BA LA ZHUGS NAS THAMS CAD DU RGYUG PA'I GNAS SKABS DE NI NYE BAR LEN PA'I YAN LAG GO, ,YUL GANG THOB PA'I DON KUN DU RGYUG PAS YANG SRID LEN BYED KYI LAS NYE BAR SOGS PA'I GNAS SKABS DE SRID PA'I YAN LAG GO, ,SKYE BA LA 'DI NYID KYI RNAM PAR SHES PA'I GNAS SKABS GANG YIN PA DE NYID KYI BAR MED PA'I MA 'ONGS PA'I SKYE BA'I GNAS SKABS DE NI SKYE BA'I YAN LAG GO, ,SKYE BA 'DI NYID KYI MING DANG GZUGS SKYE MCHED DRUG TSOR BA'I GNAS SKABS GANG YIN PA DE NYID KYI BAR MED PA'I MA 'ONGS PA'I SKYE BA NI RGA SHI'I YAN LAG GO, ,YANG RTEN CING 'BREL BAR 'BYUNG BA NI PHAN TSUN RGYU YIN TE, 'DI LTA STE, MA RIG PA'I RKYEN LAS 'DU BYED DANG, 'DU BYED @152B KYI RKYEN LAS RNAM PAR SHES PA DANG, RNAM PAR SHES PA'I RKYEN LAS MING DANG GZUGS MING DANG GZUGS KYI RKYEN LAS SKYE MCHED DRUG DANG, SKYE MCHED DRUG GI RKYEN LAS REG PA DANG, REG PA'I RKYEN LAS TSOR BA DANG, TSOR BA'I RKYEN LAS SRED PA DANG, SRED PA'I RKYEN LAS NYE BAR LEN PA DANG, NYE BAR LEN PA'I RKYEN LAS SRID PA DANG, SRID PA'I RKYEN LAS SKYE BA DANG, SKYE BA'I RKYEN LAS RGA SHI'O, ,DES NA DE BZHIN DU SKYE BA'I RKYEN LAS RGA SHI DANG MYA NGAN DANG SMRE SNGAGS 'DON PA DANG, YID MI BDE BA DANG, 'KHRUG PA RNAMS 'BYUNG BAR 'GYUR RO ZHES BRJOD DE, DE LTAR SDUG BSNGAL GYI PHUNG PO CHEN PO 'BA' ZHIG KUN DU 'BYUNG BAR 'GYUR RO ZHES PA NI RJES SU MTHUN PA'O, ,'BA' ZHIG CES PA NI GZHAN GYIS YONGS SU BRTAGS PA'I BDAG LA SOGS PA DANG BRAL BA'I ZHES PA'O, ,RJES SU MI MTHUN PA NI MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS NYE BAR LEN PA 'GAG ,NYE BAR LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG MYA NGAN DANG SMRE SNGAGS 'DON PA DANG SDUG BSNGAL DANG YID MI BDE BA DANG 'KHRUG PA RNAMS 'GAG PAR 'GYUR RO, ,DE BZHIN DU SDUG BSNGAL GYI PHUNG PO CHEN PO 'BA' ZHIG 'GAG PAR 'GYUR RO, ,'BA' ZHIG NI GZHAN GYIS YONGS SU BRTAGS PA'I BDAG LA SOGS PA DANG BRAL BA'I ZHES PA'O, ,YANG DE LA MA RIG PA NI 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, DMIGS PA SEMS CAN RNAMS KUN DU RMONGS PAR BYED DO, ,'DU BYED MNGON PAR RDZOGS PA'I PHYIR RGYU YANG SBYIN PAR BYED DO, ,'DU BYED KYANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, MA 'ONGS PA'I RNAM PAR SMIN PA MNGON PAR SGRUB PAR BYED PA DANG, RNAM PAR SHES PA MNGON PAR @153A *, ,RDZOGS PA'I PHYIR RGYU YANG SBYIN PAR BYED DO, ,RNAM PAR SHES PA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, SRID PA NYID MTSAMS SBYOR BA SKYED PAR BYED PA DANG, MING DANG GZUGS MNGON PAR RDZOGS PA'I PHYIR RGYU YANG SMIN PAR BYED MING DANG GZUGS KYANG 'BRAS BU RNAM PA GNYIS NYE BAR GNAS PAR 'GYUR TE, 'DI LTA STE, PHAN TSUN NYE BAR BSTAN PAR YANG BYED PA DANG, SKYE MCHED DRUG MNGON PAR SGRUB PA'I DON DU RGYU STER RO, ,SKYE MCHED DRUG KYANG 'BRAS BU RNAM PA GNYIS NYE BAR GNAS PAR 'GYUR TE, 'DI LTA STE, YUL RNAM PAR 'BYED PAR BYED PA DANG, REG PA MNGON PAR SGRUB PA'I DON DU RGYU YANG STER RO, ,REG PA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, DMIGS PA DANG REG PAR BYED PA DANG, TSOR BA MNGON PAR RDZOGS PA'I CHED DU RGYU YANG STER RO, ,TSOR BA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, 'DOD PA DANG MI 'DOD PA DANG GNYIS KA BZLOG PA NYAMS SU MYONG BAR BYED PA DANG, SRED PA MNGON PAR RDZOGS PA'I DON DU RGYU YANG SBYIN PAR BYED DO, ,SRED PA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, KUN NAS GOS PAR BYA BA'I DNGOS PO LA KUN DU CHAGS PAR BYED PA DANG, NYER LEN MNGON PAR RDZOGS PA'I DON DU RGYU YANG SBYIN PAR BYED DO, ,NYE BAR LEN PA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, KUN NAS NYON MONGS PA DANG SDOM PAR BYED PA DANG, SRID PA MNGON PAR RDZOGS PA'I PHYIR RGYU YANG SBYIN PAR BYED DO, ,SRID PA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, SRID PA'I 'GRO BA GZHAN DANG SO SOR NYE BAR GNAS PAR BYED PA DANG, SKYE BA MNGON PAR RDZOGS PA'I PHYIR RGYU YANG SBYIN NO, ,SKYE BA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, PHUNG PO PHYE BA BYED PA DANG, RGA BA MNGON PAR RDZOGS PA'I PHYIR RGYU YANG SBYIN PAR BYED DO, ,RGA BA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, DBANG PO YANG RNAM PAR 'GYUR BAR BYED PA @153B DANG, 'CHI BA KUN DU 'DZIN PA MNGON PAR RDZOGS PA'I DON DU RGYU YANG STER BAR BYED DO, ,'CHI BA YANG 'BRAS BU RNAM PA GNYIS SO SOR NYE BAR GNAS PAR 'GYUR TE, 'DI LTA STE, 'DU BYED RNAM PAR 'JOMS PAR BYED PA DANG, YONGS SU MI SHES PA NYE BAR 'CHAD PAR MI BYED PA'O, ,DE LA DMIGS LA SEMS CAN RNAMS RMONGS PAR BYED DO ZHES PA NI YUL GTZANG BA LA SOGS PA'I MTSAN MAR BZUNG NAS KUN DU CHAGS PAR BYED PA'O, ,MA 'ONGS PA'I RNAM PAR SMIN PA MNGON PAR SGRUB PAR BYED CES PA NI 'DOD PA DANG MI 'DOD PA'I 'BRAS BU RDZOGS PAR BYED PA'O, ,SRID PAR NYID MTSAMS SBYOR BA ZHES PA NI SKYE BA'I SRID PA RDZOGS PAR BYED DO, ,MING ZHES PA NI, TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO'O, ,GZUGS ZHES PA NI GZUGS KYI PHUNG PO'O, ,DE RNAMS PHAN TSUN NYE BAR BSTEN PAR BYED CES PA NI, PHAN TSUN RJES SU 'GRO BAS MTHUN PAR 'DZIN PA'O,, YUL RNAM PAR BYED CES PA NI, GZUGS LA SOGS PA'I YUL RNAM PAR THA DAD PAR RO, ,DMIGS PA REG PAR BYED CES PA NI GZUGS LA SOGS PA'I YUL LA YANG DAG PAR REG PA'O, ,'DOD PA MI 'DOD PA GNYI GA BZLOG PA NYAMS SU MYONG BA ZHES PA NI, 'DOD PA NI BDE BA'O MI 'DOD PA NI SDUG BSNGAL LO, ,GNYI GA BZLOG CES PA NI SDUG BSNGAL MA YIN BDE BA MA YIN PA'O, ,DE RNAMS KYI NYAMS MYONG NI TSOR BA'O, ,KUN NAS GOS PAR BYA BA'I DNGOS PO LA KUN DU CHAGS PA ZHES PA NI KUN NAS CHAGS PAR BYA BA'I YUL LA KUN DU ZHEN PA'O, ,KUN NAS NYON MONGS PA DANG SDOM PAR ZHES PA NI NYON MONGS PA DANG LAS DANG SKYE BA'I KUN NAS NYON MONGS PA'I 'CHING BA'O, ,SRID PA'I 'GRO BA GZHAN NYE BAR GNAS PA ZHES PA NI, BAR MTSAMS MED PAR SKYE BA'I 'DOD PA DANG MI 'DOD PA'I 'GRO BA NYE BAR 'TSOGS PAR BYED PA'O, ,PHUNG PO PHYE BA BYED PA ZHES PA NI BAR MED PAR SKYE BA'I SRID PA LA PHUNG PO NYING MTSAMS SBYOR BA'O, ,DBANG PO RNAM PAR 'GYUR BA ZHES PA NI GNAS PA GZHAN DU GYUR PA'O, ,'DU BYED RNAM PAR 'JOMS PA ZHES PA NI PHUNG PO RNAM PAR 'JIG PA'O, ,YONGS SU MI SHES PA RGYUN MI GCOD PA ZHES PA NI KUN DU RMONGS PA MA NYAMS @154A *, ,PA'O, ,GZHAN THAMS CAD NI GO SLA'O, ,DE LA MA RIG PA'I RKYEN LAS 'DU BYED CES PA NI RKYEN MA RIG PA LAS 'DU BYED RNAMS KYI NYE BAR MI CHAD PA DANG NYE BAR BSTAN PA'O, ,'DU BYED KYI RKYEN LAS RNAM PAR SHES PA ZHES PA NI RKYEN 'DU BYED LAS RNAM PAR SHES PA NYE BAR MI CHAD PA DANG NYE BAR BSTAN PA'O, ,RNAM PAR SHES PA'I RKYEN LAS MING DANG GZUGS ZHES PA NI RKYEN RNAM PAR SHES PA LAS MING DANG GZUGS NYE BAR MI CHAD PA DANG NYE BAR BSTAN PA'O, ,MING DANG GZUGS KYI RKYEN LAS SKYE MCHED DRUG CES PA NI RKYEN MING DANG GZUGS LAS SKYE MCHED DRUG NYE BAR MI CHAD PA DANG NYE BAR BSTAN PA'O, ,SKYE MCHED DRUG GI RKYEN LAS REG PA ZHES PA NI RKYEN SKYE MCHED DRUG LAS REG PA NYE BAR MI CHAD PA DANG NYE BAR BSTAN PA'O, ,REG PA'I RKYEN LAS TSOR BA ZHES PA NI, RKYEN REG PA LAS TSOR BA NYE BAR MI CHAD PA DANG NYE BAR BSTAN PA'O, ,TSOR BA'I RKYEN LAS SRED PA ZHES PA NI RKYEN TSOR BA LAS SRED PA NYE BAR MI CHAD PA DANG NYE BAR BSTAN PA'O, ,SRED PA'I RKYEN LAS NYE BAR LEN PA ZHES PA NI RKYEN SRED PA LAS NYE BAR LEN PA NYE BAR MI CHAD PA DANG NYE BAR BSTAN PA'O, ,NYE BAR LEN PA'I RKYEN LAS SRID PA ZHES PA NI RKYEN NYE BAR LEN PA LAS SRID PA'I NYE BAR MI CHAD PA DANG NYE BAR BSTAN PA'O, ,SRID PA'I RKYEN LAS SKYE BA ZHES PA NI RKYEN SRID PA LAS SKYE BA NYE BAR MI CHAD PA DANG NYE BAR BSTAN PA'O, ,SKYE BA'I RKYEN LAS RGA SHI ZHES PA NI RKYEN SKYE BA LAS RGA SHI NYE BAR MI CHAD PA DANG NYE BAR BSTAN PA'O, ,DE LA 'DU BYED RNAMS KYI RGYU'I RKYEN MA RIG PA GANG YIN PA DE NI MA RIG PA'I RKYEN NO, ,DE RNAMS KYI NGO BO NI MA RIG PA'I RKYEN LAS SO, ,DE YANG 'DU BYED RNAMS KYI NYE BAR MI CHAD PA NI RGYUN RNAM PAR MI CHAD PA DANG, NYE BAR BSTAN PA NI RJES SU MTHUN PAS 'DZIN PA LA BRJOD DO, ,RNAM PAR SHES PA'I RKYEN 'DU BYED GANG YIN PA DE NI 'DU BYED KYI RKYEN NO, ,DE'I NGO BO NI 'DU BYED KYI RKYEN LAS SO, , DE YANG NYE BAR MI CHAD PA DANG NYE BAR BSTAN PA ZHES PA NI SNGON BZHIN NO, ,DE LTAR THAMS CAD DU SBYAR BAR BYA'O, ,MA RIG PA 'GAGS PAS 'DU BYED 'GAG CES PA NI RKYEN MA RIG PA DNGOS PO MED PA LAS 'DU BYED RNAMS KYI NYE BAR ZHI BA DANG NYE BAR BSTAN PA MA YIN PA'O, ,'DU BYED 'GAGS PAS @154B RNAM PAR SHES PA 'GAG CES PA NI, RKYEN 'DU BYED NGO BO MED PA LAS RNAM PAR SHES PA NYE BAR ZHI BA DANG NYE BAR BSTAN PA MA YIN PA'O, ,RNAM PAR SHES PA 'GAGS PAS MING DANG GZUGS 'GAG CES PA NI RKYEN RNAM PAR SHES PA NGO BO MED PA LAS MING DANG GZUGS NYE BAR ZHI BA DANG NYE BAR BSTAN PA MA YIN PA'O, ,MING DANG GZUGS 'GAGS PAS SKYE MCHED DRUG 'GAG CES PA NI RKYEN MING DANG GZUGS DNGOS PO MED PA LAS SKYE MCHED DRUG GI NYE BAR ZHI BA DANG NYE BAR BSTAN PA MA YIN PA'O, ,SKYE MCHED DRUG 'GAGS PAS REG PA 'GAG CES PA NI RKYEN SKYE MCHED DRUG DNGOS PO MED PA LAS REG PA NYE BAR ZHI BA DANG NYE BAR MI BSTAN PA'O, ,REG PA 'GAGS PAS TSOR BA 'GAG CES PA NI RKYEN REG PA DNGOS PO MED PA LAS TSOR BA NYE BAR BSTAN PA MA YIN PA'O, ,TSOR BA 'GAGS PAS SRED PA 'GAG CES PA NI RKYEN TSOR BA DNGOS PO MED PA LAS SRED PA NYE BAR ZHI BA DANG NYE BAR BSTAN PA MA YIN PA'O,, SRID PA 'GAGS PAS NYE BAR LEN PA 'GAG CES PA NI RKYEN SRED PA DNGOS PO MED PA LAS NYE BAR LEN PA NYE BAR ZHI BA DANG NYE BAR BSTAN PA MA YIN PA'O, ,NYE BAR LEN PA 'GAGS PAS SRID PA 'GAG CES PA NI RKYEN NYE BAR LEN PA DNGOS PO MED PA LAS SRID PA NYE BAR ZHI BA DANG NYE BAR MI BSTAN PA'O,, SRID PA 'GAGS PAS SKYE BA 'GAG CES PA NI RKYEN SRID PA DNGOS PO MED PA LAS SKYE BA NYE BAR ZHI BA DANG NYE BAR BSTAN PA MA YIN PA'O, ,SKYE BA 'GAGS PAS RGA SHI 'GAG CES PA NI RKYEN SKYE BA DNGOS PO MED PA LAS RGA SHI NYE BAR ZHI BA DANG NYE BAR BSTAN PA MA YIN PA'O ZHES SO, ,DE LA MA RIG PA LA RNAM PA GSUM NI 'DI LTA STE, MI SHES PA DANG, LOG PAR SHES PA DANG, THE TSOM ZHES PA'O, ,YANG NYON MONGS PA THAMS CAD NI MA RIG PA'O, ,MA RIG PA DE YANG RNAM PA GSUM STE, 'DI LTA STE, 'DOD PAS BSDUS PA DANG, GZUGS KYIS BSDUS PA DANG, GZUGS MED PAS BSDUS PA'O, ,DE LA 'DOD PAS BSDUS PA LA RNAM PA LNGA NI 'DI LTA STE, SDUG BSNGAL GYIS BSDUS PA DANG, KUN 'BYUNG GIS BSDUS PA DANG, 'GOG PAS BSDUS PA DANG, LAM GYIS BSDUS PA DANG, BSGOM PAS SPANG BAR BYA BA'O, ,DE BZHIN DU GZUGS KYIS BSDUS PA RNAM PA LNGA @155A *, ,DANG, DE BZHIN DU GZUGS MED PAS BSDUS PA RNAM PA LNGA DANG, LNGA PA GSUM STE MA RIG PA BCO LNGAR 'GYUR RO, ,'DU BYED KYI YAN LAG LA RNAM PA BZHI NI 'DI LTA STE, MI DGE BA DANG, DGE BA DANG, LUNG MA BSTAN DANG, MI G-YO BA'O, ,DE LA MI DGE BA'I LAS LA RNAM PA GNYIS NI 'DI LTA STE, RANG BZHIN GYI KHA NA MTHO BA DANG BCAS PA'I KHA NA MA THO BA'O, ,DE LA RANG BZHIN GYI KHA NA MA THO BA LA RNAM PA GSUM STE, 'DI LTA STE, LUS KYI LAS DANG NGAG GI LAS DANG YID KYI LAS SO, ,DE LA LUS KYI LAS NI RNAM PA GSUM STE, 'DI LTA STE, SROG GCOD PA DANG, MA BYIN PAR LEN PA DANG, 'DOD PAS LOG PAR SPYOD PA'O, ,NGAG GI YANG BZHIN NI 'DI LTA STE, BRDZUN DU SMRA BA DANG, DBYEN DANG, RTZUB MO DANG, NGAG KYAL PA'O, ,YID KYI LAS LA RNAM PA GSUM NI 'DI LTA STE, BRNAB SEMS DANG, GNOD SEMS DANG, LOG PAR LTA BA'O, , DE RNAMS NI MI DGE BA BCU'I LAS KYI LAM ZHES PA'O, ,BCAS PA'I KHA NA MA THO BA RNAM PA MANG STE 'DI LTA STE, SO SOR THAR PA'I BCAS PA'I BSLAB PA'I GZHI LAS 'DAS PA MTHAR DAG GO, ,CHANG GI BTUNG BA NI BCAS PA'I KHA NA MA THO BA NYID DO, ,RANG BZHIN GYI KHA NA MA THO BA ZHES KHA CIG GO, ,DGE BA'I LAS LA RNAM PA GSUM NI 'DI LTA STE, LUS KYI DANG, NGAG GI DANG, YID KYI'O, ,DE LA LUS KYI LAS RNAM PA GSUM NI 'DI LTA STE, SROG GCOD PA LAS LOG PA DANG, MA BYIN PAR LEN PA LAS LOG PA DANG, 'DOD PAS LOG PAR SPYOD PA LAS LOG PA'O, ,NGAG GI LA RNAM PA BZHI NI 'DI LTA STE, BRDZUN SMRA BA LAS LDOG PA DANG, DBYEN SMRA BA LAS LDOG PA DANG, TSIG RTZUB LAS LDOG PA DANG, TSIG KYAL PA LAS LDOG PA'O, ,YID KYI DGE BA'I LAS LA RNAM PA GSUM NI 'DI LTA STE, BRNAB SEMS MED PA'I MTSAN NYID MA CHAGS PA DANG, GNOD SEMS MED PA'I MTSAN NYID ZHE SDANG MED PA DANG, YANG DGE BA'I LTA BA'I MTSAN NYID RMONGS PA MED PA'O, ,DE RNAMS NI DGE BA BCU'I LAS KYI LAM ZHES PA'O, ,BCAS PA'I KHA NA MA THO BA LAS LDOG PA YANG DGE BA NYID DO, ,YANG LAS RNAM PA GSUM STE, 'DI LTA STE, MTHONG BA'I CHOS LA MYONG BAR BYA BA DANG, SKYES NAS MYONG BAR BYA BA @155B DANG, LAN GRANGS GZHAN LA MYONG BAR BYA BA YIN PA'O, ,DE LA SKYES NAS MYONG BAR BYA BA NI RNAM PA GNYIS TE 'DI LTA STE, MTSAMS MED PA'I LAS DANG, NYE BA'I MTSAMS MED PA'I LAS SO, ,DE LA MTSAMS MED PA'I LAS RNAM PA LNGA NI 'DI LTA STE, MA GSOD PA DANG, PHA GSOD PA DANG, DGRA BCOM PA GSOD PA DANG, DE BZHIN GSHEGS PA LA SDANG BA'I SEMS KYIS KHRAG PHYUNG BA DANG, DGE 'DUN 'BYED PA'O, ,DE LA DGE 'DUN 'BYED PA LA RNAM PA GNYIS NI 'DI LTA STE, 'KHOR LO 'BYED PA DANG, LAS 'BYED PA'O, ,DE LA 'KHOR LO 'BYED PA'I DGE 'DUN 'BYED PA PO NI, DGE SLONG KHO NA STE LTA BA LA SPYOD PA NYID YIN GYI SRED PA LA SPYOD PA NI MA YIN NO, ,TSUL KHRIMS 'CHAL BA MA YIN NO, ,DGE SLONG MA LA SOGS PA MA YIN NO, ,BRTUL ZHUGS LA GNAS PAS YIN GYI BRTUL ZHUGS ZHIG PAS NI MA YIN NO, ,DBYE BAR BYA BA DGE 'DUN BRGYAD DAM RAB TU MANG BA YANG RUNG SO SO SKYE BO'I DGE SLONG RNAMS TE 'PHAGS PAS MA YIN NO, ,'DZAM BU'I GLING NYID YIN PA, DE BZHIN GSHEGS PA 'DAS PA'I DUS MA YIN PA NYID DO, ,GANG GI TSE DGE SLONG RNAMS SANGS RGYAS LAS GZHAN STON PA DANG, SANGS RGYAS KYIS BSTAN PA'I LAM LAS GZHAN YANG THAR PA'I LAM YOD DO ZHES BRJOD PA DE'I TSE, DGE 'DUN PHYE BAR 'GYUR BA'O, ,CI SRID DU DGE 'DUN PHYE NAS, GNAS PA DE SRID DU MNAR MED PA DANG, SRID PA'I RTZE MO'I BAR DU 'PHAGS PA MA YIN PA'I SEMS CAN RNAMS KYI DGE BA'I SEMS SKYED PAR MI 'GYUR RO, ,DES NA DE BZHIN GSHEGS PA'I CHOS KYI 'KHOR LO 'BYED PAR 'GYUR BA NI 'KHOR LO 'BYED PA ZHES BRJOD DO, ,'KHOR LO 'BYED PA 'DI NI DGE 'DUN PHYE BA ZHAG TU MI GNAS PA NYID DE NGES PAR DGE 'DUN MTHUN PAR 'GYUR RO, ,'KHOR LO 'BYED PA 'DI DUS DRUG TU 'BYUNG BAR MI 'GYUR RO, ,'DI LTA STE, DANG PO CHOS KYI 'KHOR LO MA BSKOR BA LA MA YIN, THA MAR BCOM LDAN 'DAS YONGS SU MYA NGAN LAS 'DAS PA'I DUS SU MA YIN, BAR DU CI SRID DU SANGS RGYAS BSTAN PA LA TSUL KHRIMS CHU BUR DANG LTA BA'I CHU BUR MA BYUNG BAR MA YIN, CI SRID DU MCHOG ZUNG NYAN THOS GNYIS MA BYUNG BAR MA YIN, @156A *, ,DE BZHIN GSHEGS PA YONGS SU MYA NGAN LAS 'DAS NAS MA YIN, CI SRID DU MTSAMS MA BCAD PA LAS MA YIN NO, ,LAS 'BYED PA YANG DGE SLONG BRGYAD DAM RAB TU MANG PO RNAMS GANG GI TSE MTSAMS NANG GCIG TU 'TSOGS PA MED PAR LAS BYED NA'O, ,SGRA MI SNYAN PA SPANGS TE GLING GSUM DU 'BYUNG BAR 'GYUR RO, ,NYE BA'I MTSAMS MED PA'I LAS LNGA NI 'DI LTA STE, MA YIN CING DGRA BCOM PA YANG YIN PA SUN BYUNG BA DANG, NGES PA LA GNAS PA'I BYANG CHUB SEMS DPA' BSAD PA DANG, BSLAB PA'I GANG ZAG BSAD PA DANG, MCHOD RTEN BSHIG PA DANG, DGE 'DUN GYI 'TSO BA'I SGO 'PHROGS PA'O, ,NYE BA'I MTSAMS MED LAS 'DI LA MA NGES PA'I ZHES KHA CIG GO, ,YANG DGE BA'I LAS RNAM PA GSUM STE, 'DI LTA STE, BSOD NAMS KYI CHA DANG MTHUN PA DANG, THAR PA'I CHA DANG MTHUN PA DANG, NGES PAR 'BYED PA'I CHA DANG MTHUN PA'O, ,YANG LAS GSUM NI 'DI LTA STE, LAS 'GA' ZHIG BYAS SHING MI 'PHEL BA DANG, LAS 'GA' ZHIG MA BYAS SHING 'PHEL BA DANG, LAS 'GA' ZHIG BYAS SHING 'PHEL BA'O, ,YANG LAS RNAM PA GSUM NI 'DI LTA STE, MTHA' GCIG TU GNAG PA'I LAS DANG, MTHA' GCIG TU DKAR BA'I LAS DANG, RNAM PAR 'DRES PA'I LAS SO, ,YANG LAS RNAM PA GSUM NI 'DI LTA STE, LTUNG BYA DANG, SPANG BYA DANG, BRTEN BYA'O, ,YANG LAS RNAM PA LNGA NI 'DI LTA STE, BYAS PA'I LAS DANG, BYED DU BCUG PA'I LAS DANG, MNGON PAR RJES SU YI RANG BA'I LAS DANG, YANG DAG PAR RJES SU GNANG BA'I LAS DANG, RJES SU GNANG BA'I LAS SO, ,YANG LAS RNAM PA GNYIS NI 'DI LTA STE, RNAM PAR RIG BYED KYI RANG BZHIN GYI LAS DANG, RNAM PAR RIG BYED MA YIN PA'I RANG BZHIN GYI LAS SO, ,DE LA RNAM PAR RIG BYED KYI RANG BZHIN GYI LAS LA RNAM PA GNYIS NI 'DI LTA STE, DGE BA DANG, MI DGE BA'O, ,DE LA MI DGE BA LA RNAM PA GNYIS NI 'DI LTA STE, LUS KYI DANG, NGAG GI'O, ,DE LA LUS KYI RNAM PA GSUM NI 'DI LTA STE, SROG BCOD PA DANG, MA BYIN PAR LEN PA DANG, 'DOD PAS LOG PAR SPYOD PA'O, ,NGAG GI RNAM PA BZHI NI 'DI LTA STE, BRDZUN SMRA BA DANG, DBYEN GYI NGAG DANG, RTZUB PO'I NGAG DANG, NGAG RKYAL PA'O, ,DGE BA YANG RNAM PA GNYIS NI 'DI LTA STE, @156B LUS KYI DANG NGAG GI'O, ,DE LA LUS KYI RNAM PA GSUM NI 'DI LTA STE, SROG GCOD PA LAS LDOG PA DANG, MA BYIN PAR LEN PA LAS LDOG PA DANG, 'DOD PAS LOG PAR SPYOD PA LAS LDOG PA'O, ,NGAG GI YANG RNAM PA BZHI STE, BRDZUN SMRA BA LAS LDOG PA DANG, DBYEN GYI NGAG LAS LDOG PA DANG, RTZUB PO'I NGAG LAS LDOG PA DANG, NGAG KYAL PA LAS LDOG PA'O, ,RNAM PAR RIG BYED MA YIN PA'I RANG BZHIN LA RNAM PA GNYIS NI 'DI LTA STE, MI DGE BA'I RJES SU 'GRO BA DANG, DGE BA'I RJES SU 'GRO BA'O, ,DE LA MI DGE BA'I RJES SU 'GRO BA RNAM PA GNYIS NI 'DI LTA STE, LUS KYI MI DGE BA'I RJES SU 'GRO BA DANG, NGAG GI MI DGE BA'I RJES SU 'GRO BA'O, ,DE LA LUS KYI MI DGE BA'I RJES SU 'GRO BA RNAM PA GSUM NI 'DI LTA STE, 'DAS PA DANG MA 'ONGS PA DANG DA LTAR 'PHEN PAR BYED CING 'DZIN PAR BYED PA'I 'BYUNG BA CHEN PO NYE BAR BLANGS TE 'JUG PAR BYED PA NA SEMS RNAM PAR 'KHRUG PA YIN YANG SROG GCOD PA LAS MI LDOG PA'I RJES SU 'BREL PA'I BDAG NYID CAN NI MI LDOG PA'I SNGON DU RNAM PAR CHAD PA MED PAR RGYU BZHIN PA'I LAS SO, ,DE KHO NA BZHIN DU MA BYIN PAR LEN PA LAS MI LDOG PA'I RJES SU 'BREL PA'I BDAG NYID CAN DANG, DE BZHIN DU 'DOD PAS LOG PAR G-YEM PA LA MI LDOG PA'I RJES SU 'BREL PA'I BDAG NYID CAN NO, ,NGAG GI MI DGE BA'I RJES SU 'GRO BA RNAM PA BZHI NI 'DI LTA STE, DE BZHIN DU BRDZUN DU SMRA BA LAS MI LDOG PA'I RJES SU 'BREL PA'I BDAG NYID CAN DANG, DE BZHIN DU DBYEN TSIG LAS MI LDOG PA'I RJES SU 'BREL PA'I BDAG NYID CAN DANG, DE BZHIN DU TSIG RTZUB MO LAS MI LDOG PA'I RJES SU 'BREL PA'I BDAG NYID CAN DANG, DE BZHIN DU NGAG KYAL PA LAS MI LDOG PA'I RJES SU 'BREL PA'I BDAG NYID CAN NO, ,DGE BA'I RJES SU 'GRO BA YANG RNAM PA GNYIS NI 'DI LTA STE, SROG GCOD PA LA SOGS PA LAS SDOG PA YANG DAG PAR BLANGS PA THOB PA DANG, RTAG TU MCHOD RTEN BYED PA LA SOGS PA YANG DAG PAR BLANGS PA THOB PA'O, ,DE LA SROG GCOD PA LA SOGS PA LAS LDOG PA'I YANG DAG PAR BLANGS PA THOB PA RNAM PA GNYIS NI 'DI LTA STE, LUS KYI DGE BA'I RJES SU 'GRO BA DANG, NGAG GI DGE BA'I RJES SU 'GRO BA'O,, @157A *, ,DE LA LUS KYI DGE BA'I RJES SU 'GRO BA RNAMS PA GSUM NI 'DI LTA STE, SROG GCOD PA LAS LDOG PA YANG DAG PAR BLANGS PA'I DE MA THAG NAS BZUNG STE, CI SRID DU 'PHANGS PA DE SRID DU RNAM PAR CHAD PA MED PAR SEMS RNAM PAR 'KHRUGS PA YIN YANG 'DAS PA DANG MA 'ONGS PA DANG DA LTAR BA 'PHEN PAR BYED PA DANG 'DZIN PAR BYED PA'I 'BYUNG BA CHEN PO NYE BAR BLANGS TE, LDOG PA MA YIN PA'I SNGON DU 'JUG PAR BYED PA RJES SU 'BREL PA'I BDAG NYID CAN GYI LAS DANG, DE BZHIN DU MA BYIN PAR LEN PA LAS LDOG PA'I RJES SU 'BREL BA'I BDAG NYID CAN DANG, DE BZHIN DU 'DOD PAS LOG PAR SPYOD PA LAS LDOG PA'I RJES SU 'BREL BA'I BDAG NYID CAN NO, ,DAG GI DGE BA'I RJES SU 'GRO BA RNAM PA BZHI NI 'DI LTA STE, DE BZHIN DU BRDZUN DU SMRA BA LAS LDOG PA'I RJES SU 'BREL BA'I BDAG NYID CAN DANG, DE BZHIN DU DBYEN GYI TSIG LAS LDOG PA'I RJES SU 'BREL BA'I BDAG NYID CAN DANG, DE BZHIN DU TSIG RTZUB MO LAS LDOG PA'I RJES SU 'BREL BA'I BDAG NYID CAN DANG, DE BZHIN DU NGAG KYAL PA LAS LDOG PA'I RJES SU 'BREL BA'I BDAG NYID CAN NO, ,RTAG TU MCHOD RTEN BYED PA LA SOGS PA YANG DAG PAR BLANGS PA THOB PA NI RNAM PA MANG STE, 'DI LTA STE, CI SRID 'TSO'I BAR DU NYIN RE BZHIN MCHOD RTEN NAM DKYIL 'KHOR DANG SANGS RGYAS MCHOD PA LA SOGS PA BYAS NAS ZAS BZA' BA LA SOGS PA'I BYA BA RNAMS BYA'O ZHES YID DAM BLANGS NAS SEMS 'KHRUL PA YIN YANG SNGON BZHIN DU DGE BA'I RJES SU 'BREL BA'I BDAG NYID CAN NI, SDOM PA NYID MA YIN, SDOM PA MA YIN PA MA YIN PA'I RANG BZHIN, CI SRID DU 'PHAGS PA MI LDOG PA'I SNGON DU 'JUG PAR BYED PA'I LAS SO, ,DE LA LAS RNAMS KYI KUN NAS BSLANG BA DANG DMIGS PA NI NYON MONGS PA'O, ,NYON MONGS PA'I RTZA BA NI TSUL BZHIN MA YIN PA YID LA BYED PA DE BZHIN NYID MA YIN PA'I RNAM PAR RTOG PA'O, ,DE LA RGYU GSUM GYIS LAS BYED DE, 'DI LTA STE, YANG DAG MA YIN PA'I RTOG PAS PHYI NANG ZHES RNAM PAR RTOG PA LAS DANG, BRTAN PA BDE BA BDAG GI BDAG CES PA LA SOGS PA SGRO 'DOGS PA LAS DANG, BYA BA'I LAS KYI YON TAN MTHONG BA LAS SO, ,BYAS PA'I LAS KYI MJUG RDZOGS PAR BYED PA @157B NI RNAM PA MANG NGO, ,'DI LTA STE, LAS BYAS PA LA YONGS SU MGU BA DANG PHAN YON SGROGS PA LA SOGS PA'O, ,'DIR LAS BYED PA PO GANG ZAG GSUM STE, 'DI LTA STE, SDOM LDAN MA YIN PA DANG, SDOM LDAN DANG, SDOM LDAN NYID MA YIN, SDOM LDAN MIN PA MA YIN PA'O, ,DE LA SDOM LDAN MA YIN PA RNAM PA GNYIS NI 'DI LTA STE, RANG BZHIN GYIS SDOM LDAN MA YIN PA DANG, DON LA SDOM LDAN MA YIN PA'O, ,DE LA RANG BZHIN GYIS SDOM LDAN MA YIN PA RNAM PA BCU BZHI LA SOGS PA'O, ,'DI LTA STE, LUG 'TSONG PA DANG, KHYI RNGON PA DANG, PHAG 'TSONG BA DANG, BYA RNGON PA DANG, SHA 'TSONG PA DANG, RI DAGS RNGON PA DANG, NYA PA DANG, RKUN PO DANG, GSHED MA DANG, BTZON SRUNG BA DANG, GLANG PO CHE 'DZIN PA DANG, GLANG PO CHE 'DUL BA DANG, RANG 'TSED PA DANG, DRA BA CAN LA SOGS PA'O, ,DON LA SDOM LDAN MA YIN PA NI RNAM PA GSUM LA SOGS PA'O, , 'DI LTA STE, RGYAL PO DANG, CHAD PA LEN PA DANG, NYO TSONG PA LA SOGS PA'O, ,SDOM PA CAN NI RNAM PA BCU STE, 'DI LTA STE, DGE BSNYEN DANG, DGE BSNYEN MA DANG, BYA ROG SKROD BYED PA DANG, DGE TSUL DANG, DGE TSUL MA DANG, BAR SLOB MA DANG, DGE SLONG DANG, DGE SLONG MA DANG, BSNYEN GNAS PA'O, ,DE LA DGE BSNYEN LA RNAM PA GNYIS NI 'DI LTA STE, YAN LAG GSUM RDZOGS PA DANG, BSLAB PA'I GZHI LNGA DANG LDAN PA'O, ,DE LA BSLAB PA'I GZHI LNGA CAN LA RNAM PA GNYIS NI 'DI LTA STE, RANG GI BUD MED KYIS CHOG PAR 'DZIN PA DANG, TSANGS PAR SPYOD PA'O, ,DGE BSNYEN MA YANG RNAM PA GNYIS TE, 'DI LTA STE, YAN LAG GSUM RDZOGS PA DANG, BSLAB PA'I GZHI LNGA CAN NO, ,DE LA BSLAB PA'I GZHI LNGA 'DZIN PA MO LA RNAM PA GNYIS TE, 'DI LTA STE, RANG GI BDAG POS CHOG PAR 'DZIN PA DANG, TSANGS PAR SPYOD PA'O, ,DE LA YAN LAG GSUM RDZOGS PA'I YAN LAG GSUM NI, SANGS RGYAS LA SKYABS SU 'GRO BA DANG, CHOS LA SKYABS SU 'GRO BA DANG, DGE 'DUN LA SKYABS SU 'GRO BA'O, ,YAN LAG LNGA RDZOGS PA'I BSLAB PA'I GZHI LNGA NI 'DI LTA STE, SROG GCOD PA LAS LDOG PA DANG, MA BYIN PAR LEN PA LAS LDOG PA DANG, 'DOD PAS LOG PAR SPYOD PA LAS LDOG PA @158A *, ,DANG, BRDZUN DU SMRA BA LAS LDOG PA DANG, 'BRU'I CHANG DANG BCOS PA'I CHANG, BAG MED PA'I GNAS LAS LDOG PA'O, ,TSANGS PAR SPYOD PAS NI 'DOD PAS LOG PAR G-YEM PA'I GNAS SU MI TSANGS PAR SPYOD PA LAS LDOG PA ZHES BRJOD DO, ,DE BZHIN DU DGE BSNYEN MA RNAMS KYI'O, ,DGE TSUL RNAMS KYI BSLAB PA'I GZHI BCU STE, 'DI LTA STE, SROG GCOD PA LAS LDOG PA DANG, MA BYIN PAR LEN PA LAS LDOG PA DANG, MI TSANGS PAR SPYOD PA LAS LDOG PA DANG, BRDZUN DU SMRA BA LAS LDOG PA DANG, 'BRU'I CHANG DANG BCOS PA'I CHANG, BAG ? MED PA'I GNAS LAS LDOG PA DANG, KHRI STAN MTHON PO DANG KHRI STAN CHEN PO LAS LDOG PA DANG, GAR DANG GLU DANG RTZED 'JO LTA BA LAS LDOG PA DANG, DRI DANG PHRENG BA BYUG PA MDOG SGYUR BA 'DZIN PA LAS LDOG PA DANG, DUS MA YIN PA'I KHA ZAS LAS LDOG PA DANG, GSER DANG DNGUL SO SOR 'DZIN PA LAS LDOG PA'O, ,DGE TSUL MA RNAMS KYI BSLAB PA'I GZHI BCU NI, DE RNAMS NYID BZHIN NO, ,BAR SLOB MA RNAMS KYI NI DGE TSUL MA RNAMS LAS LHAG PA'I CHOS GNYIS NI 'DI LTA STE, CHOS DANG RJES SU MTHUN PA'I CHOS SO, ,DE LA CHOS LA RNAM PA DRUG NI 'DI LTA STE, GCIG PUR GRONG DU MI 'GRO BA DANG, GCIG PUR CHU'I PHA ROL DU MI BSGRAL BA DANG, SKYES PA LA MI REG PA DANG, SKYES PA DANG MTSAMS GCIG TU MI GNAS PA DANG, SMYAN BYED PA MI BYA BA DANG, KHA NA MA THOB MI SBED PA'O, ,RJES SU MTHUN PA'I CHOS LA YANG RNAM PA DRUG NI 'DI LTA STE, GSER DNGUL LA MI REG PA DANG, MGO'I 'OG LUS KYI SPU 'BYID PAR MI BYA BA DANG, SA RKO BAR MI BYA BA DANG, SNGON PO NYAMS PAR MI BYA BA DANG, BYIN LEN MA BYAS PA'I ZAS MI BZA' BA DANG, MTSAN MA GZHAG PA'I ZAS MI BZA' BA'O, ,BSNYEN PAR RDZOGS PA YANG NI RNAM PA BCU STE, 'DI LTA STE, RANG BYUNG NYID KYIS BSNYEN PAR RDZOGS PA NI RDZOGS PA'I SANGS RGYAS DANG RANG SANGS RGYAS SO, ,NGES PAR BGROD PAS BSNYEN PAR RDZOGS PA KUN SHES KOO ndI N+YA DANG RTA THUL DANG MDZES BZANG DANG RLANGS PA DANG MING CHEN RNAMS LNGA STE, STON PA'I BYA BA MANG DU BYED PA'I DGE SLONG RNAMS SO, ,DGE SLONG DAG TSUR SHOG CES PAS BSNYEN PAR @158B RDZOGS PA GRAGS PA LA SOGS PA RIGS KYI BU DRUG CU RNAMS SO, ,STON PA KHAS BLANGS PAS BSNYEN PAR RDZOGS PA 'OD SRUNGS CHEN PO DANG, DRIS LAN GYIS BSNYEN PAR RDZOGS PA 'CHAR KA DANG, BLA MA'I CHOS KHAS BLANGS PAS BSNYEN PAR RDZOGS PA SKYE DGU'I BDAG MO CHEN MO'O, ,PHO NYAS BSNYAN PAR RDZOGS PA CHOS KYIS BYIN PA'I DGE SLONG MA'O, ,'DUL BA 'DZIN PA LNGAS BSNYEN PAR RDZOGS PA MTHA' KHO NA SKYE BO'I YUL DU'O, ,BCU 'TSOGS PAS BSNYEN PAR RDZOGS PA YUL DBUS SU'O, ,SKYABS SU 'GRO BA LAN GSUM BRJOD PAS BSNYEN PAR RDZOGS PA BZANG PO LA SOGS PA'I DRUG CU'O, ,YANG NA BSNYEN PAR RDZOGS PA RNAM PA BRGYAD DE, 'DI LTA STE, RANG BYUNG GIS BSNYEN PAR RDZOGS PA DANG, GSUM LA SKYABS SU SONG BAS BSNYEN PAR RDZOGS PA DANG, PHO NYAS BSNYEN PAR RDZOGS PA DANG, NGES PA RNAM PAR BGROD PAS BSNYEN PAR RDZOGS PA DANG, DGE SLONG TSUR SHOG GIS BSNYEN PAR RDZOGS PA DANG, STON PA KHAS BLANGS PAS BSNYEN PAR RDZOGS PA DANG, DRIN LAN GYIS BSNYEN PAR RDZOGS PA DANG, GSOL BA DANG BZHI PA'I LAS DANG GEGS MED PA LNGA PAS BSNYEN PAR RDZOGS PA'O, ,RAB TU BYUNG BA RNAM PA GSUM STE, 'DI LTA STE, YANG DAG PAR BLANGS PA THOB PA DANG, LHAG PAR RTOGS PA THOB PA DANG, NGES PAR MTHONG BA THOB PA'O, ,BSNYEN PAR RDZOGS PA'I RGYU BZHI NI 'DI LTA STE, DGE 'DUN GYI TSOGS RNAMS KUN DU RDZOGS PA DANG, MTSAMS BCINGS PA DANG, GSOL BA BYED PA PO TSUL KHRIMS DANG LDAN PA DANG, BAR CHAD KYI CHOS RNAMS MED PA DANG, LAS DAM PA'O, ,DGE SLONG GI PHUN SUM TSOGS PA NI RNAM PA BZHI STE, 'DI LTA STE, CHA LUG PHUN SUM TSOGS PA DANG, LAS PHUN SUM TSOGS PA DANG, BSAM PA PHUN SUM TSOGS PA DANG, GNAS PHUN SUM TSOGS PA'O, ,DGE SLONG MA RNAMS KYI BSNYEN PAR RDZOGS PA NI RNAM PA GNYIS TE, 'DI LTA STE, GSOL BA DANG BZHI'I LAS LAN GSUM BRJOD PA DANG, BLA MA'I TSOS KHAS BLANGS PAS SO, ,DE LA BLA MA'I CHOS BRGYAD NI, 'DI LTA STE, BUD MED RNAMS NI DGE SLONG GI GZHI LAS RAB TU BYUNG BAR BYA BA DANG, BSNYEN PAR RDZOGS PA DGE SLONG MA'I DNGOS PO YANG RE BAR @159A *, ,BYA BA NI BLA MA'I CHOS DANG PO'O, ,DGE SLONG MAS ZLA BA PHYED PHYED CING GZHI DGE SLONG LAS YANG DAG PAR GDAMS PA DANG RJES SU BSTAN PA BTZAL BAR BYA'O ZHES PA NI GNYIS PA'O, ,DGE SLONG MAS DGE SLONG MED PA'I GNAS SU DBYAR GNAS PAR KHAS BLANG BAR MI BYA'O ZHES PA NI GSUM PA'O, ,DBYAR GNAS BYAS PA'I DGE SLONG MAS DGE 'DUN GNYIS PA GNAS GSUM GYI BAR DU 'CHAGS PA BYAS TE, MTHONG BAS DANG THOS PAS DANG DOGS PAS SO ZHES PA NI BZHI PA'O, ,YANG DGE SLONG MAS DGE SLONG GI RGYUD SMRA BA DANG DRAN PAR MI BYA STE, 'DI LTA STE, TSUL KHRIMS RGUD PA DANG, LTA BA'I RGUD PA DANG, KUN DU SPYOD PA RGUD PA DANG, 'TSO BA RNAM PAR RGUD PA'O ZHES PA NI LNGA PA'O, ,DGE SLONG MAS DGE SLONG KHRO BAR MI BYA SDANG BAR MI BYA ZHES PA NI DRUG PA'O, ,BLA MA'I CHOS KYI LTUNG BA BYUNG BA'I DGE SLONG MAS DGE 'DUN GNYI GA LA ZLA BA PHYED DU DGU PA SBYAD PAR BYA'O ZHES PA NI BDUN PA'O, ,BSNYEN PAR RDZOGS NAS LO BRGYA BA'I DGE SLONG MAS BSNYEN PAR RDZOGS NAS NYIN GCIG PA'I DGE SLONG LA GUS PAR SMRA BA DANG, BSNYEN BKUR DANG THAL MO SBYAR BA'I LAS DANG MNYAM DU LDANG BA'I LAS RNAMS BYA'O ZHES PA NI BRGYAD PA'O, ,DGE SLONG RNAM PA GSUM NI 'DI LTA STE, SLONG BA'I DANG TSUL GYI DGE SLONG DANG, NYON MONGS BCOM PA'I DGE SLONG DANG, BSNYEN PAR RDZOGS PA'I DGE SLONG NGO, ,BSNYEN GNAS KYI BSLAB PA'I GZHI BRGYAD NI 'DI LTA STE, SROG GCOD PA LAS LDOG PA DANG, MI BYIN PAR LEN PA LAS LDOG PA DANG, MI TSANGS PAR SPYOD PA LAS LDOG PA DANG 'BRU'I CHAD DANG BCOS PA'I CHAD MYOS PAR 'GYUR BA BAG MED PA'I GNAS LAS LDOG PA DANG, BRDZUN DU SMRA BA LAS LDOG PA DANG, KHRI STAN MTHON PO DANG KHRI STAN CHEN PO LAS LDOG PA DANG, GLU GAR SGRA SNYAN RTZE BAG LA LTA BA DANG DRI DANG PHRENG BA DANG BYUG PA DANG MDOG SGYUR BA 'DZIN PA LAS LDOG PA DANG, DUS MA YIN PA'I ZAS LAS LDOG PA'O, ,DE BZHIN DU BSLAB PA'I GZHI PA RGYAD LA DUS MA YIN PA'I ZAS LAS LDOG PA SPANGS PA YANG DAG PAR SLONG BA BLANGS PA NI BYA ROG SKRONG BYED MA RAB TU BYUNG BA'O, ,BSNYEN GNAS SDOM PA 'DI NYID CI SRID 'TSO'I BAR DU YANG DAG PAR BLANGS PA NI GO MI'I SDOM PA ZHES KHA CIG GDAMS PAR BYED DO, ,SO SOR THAR PA'I SDOM PA BCU PO 'DI NI DGE BA'I LAS SO, ,SDOM @159B PA 'DI RNAMS LAS 'DAS PA NI LTUNG BA STE, MI DGE BA'I LAS SO, ,LTUNG BA SDE RNAM PA BRGYAD DE 'DI LTA STE, PHAS PHAM PA CHOS BZHI DANG, DGE 'DUN LHAG MA CHOS BCU GSUM DANG, MA NGES PA'I CHOS GNYIS DANG, SPANG BA'I LTUNG BYED CHOS BCU DANG, LTUNG BYED 'GA' ZHIG PA CHOS DGU BCU RTZA GNYIS DANG, SO SOR BSHAGS PA CHOS BZHI DANG, BSLAB PA'I CHOS LNGA BCU LHAG DANG BCAS PA DANG, RTZOD PA ZHI BAR BYED PA'I CHOS BDUN NO, ,DE LA DGE SLONG RNAMS KYI PHAS PHAM PA'I LTUNG BA BZHI STE 'DI LTA STE, MI TSANGS PAR SPYOD PA DANG, MA BYIN PAR LEN PA DANG, MI GSOD PA DANG, MI'I CHOS BLA MAR GYUR PA'O, ,DGE SLONG MA RNAMS KYI BZHI PO DE NYID DANG GZHAN YANG BZHI STE 'DI LTA STE, RNAM PAR CHAGS PA RNAM PAR CHAGS PA'I SKYES BU LA MI'I 'OG NAS PUS MO'I GONG GI BAR DU NYUG PAR BYED PA LA SOGS PA ZHES PA DE LTA BUR RANG BZHIN NO, ,RNAM PAR CHAGS PA RNAM PAR CHAGS PA'I SKYES BU DANG LHAN CIG GNAS PA DANG, RTZE BA DANG KUN DU SMRA BA DANG RTAGS DANG MTSAN MA DANG BRDA RNAMS BYED PA DANG SKYES PA 'ONGS PA KHAS LEN PAR BYED PA DANG, DE'I RANG BZHIN GYI YUL DU DRA BA STON PA DANG, 'DZUD PA LAS GZHAN DU SKYES PA DANG BUD MED KYI DBANG RJES SU 'GRO BAR GYUR PA'O ZHES DE LTA BU RANG BZHIN NO, ,SNGON PHAS PHAM PA DANG GNAS MA BCAS PAR GYUR CING, DE GANG GI TSE SHI BA'AM RNAM PAR 'KHRUL PA'AM YUL GZHAN DU BROS PAR GYUR PA NA, DE'I TSE 'DI BZHIN SMRA STE, 'PHAGS MA SNGON BDAG GIS MTHONG BA NI GANG GI TSE LKOG SKYE BOS DBEN PA RU DGE SLONG MA 'DIS PHAS PHAM PA DANG GNAS MA BCAS PAR 'GYUR ZHES PA DE LTA BU RANG BZHIN NO, ,DGE SLONG GANG ZHIG DGE 'DUN 'TSOGS NAS PHYI ROL DU SKROD PA'I LAS BYAS SO, ,DGE SLONG MA DGE 'DUN 'TSOGS NAS PHYAG 'TSAL BAR MI 'OS ZHES BCA' BA BCAS SO, ,DGE 'DUN CHE BA CHUD PA LA SGRA 'BUL BAR BYED PA DANG NGES PAR 'BYUNG BA LA 'JUG PAR BYED PA DANG 'OS PA STOBS PA NYE BAR STON PA DANG MTSAMS KYI NANG DU GNAS TE RNAM PAR 'CHAGS PA ZHU BA NA, DGE SLONG MA GANG ZHIG SHES BZHIN MTHONG BZHIN DU 'DI BZHIN SMRA STE, 'PHAGS PA KHYED DGE 'DUN CHE CHUNG RNAMS LA @160A *, ,SGRA BTOGS 'BUL MA BYED, NGES 'BYUNG 'JUG PA MA BYED, 'OS PA STOBS PA NYE BAR STON PA MA BYED, MTSAMS KYI NANG DU GNAS PA'I RNAM PAR 'CHAGS PA ZHU BA MA BYED CIG ,BDAG GIS 'PHAGS PA'I LHUNG BZED KYIS DANG, LHUNG BZED DRA BA YIS DANG, CHU TSAGS KYIS DANG, SKE RAGS KYIS DANG, MDO STON PAS DANG, KLOG PAS DANG, 'DON PA DANG, BSAM GTAN GYIS DANG, RNAL 'BYOR GYIS DANG, YID LA BYED PAS DANG, GANG DANG GANG GIS BAR DU GCOD PAR GYUR PA DE DANG DES PAR DU GCOD PAR MI 'GYUR BAR BYA'O ZHES SO, ,DE LA DGE SLONG MA RNAMS KYIS 'DI LTAR BRJOD PAR BYA STE, DGE SLONG GANG ZHIG CES PA LA SOGS PA SNGON BZHIN DU DES NGES PAR GCOD PAR MI 'GYUR BAR BYA'O ZHES PA'I MTHAR THUG PAR PHYUNG BA 'JUG PA LDOG PA'I NGAG GI LAM SPONGS SHIG CES LAN GSUM DU BRJOD KYANG MI SPONG NA'O ZHES PA 'DI LTA BU RANG BZHIN NO ZHES SO, ,DGE 'DUN LHAG MA LA SOGS PA RNAMS KYI RNAM PAR BSHAD PA LA SOGS PA RNAMS NI MNGAS PAS 'JIGS PAS 'DIR MI BRI'O, ,'DUL BA'I GZHUNG LAS RTOGS PAR BYA'O, ,DE LTUNG BA SDE RNAM PA GSUM STE 'DI LTA STE, LTUNG BAR 'GYUR BA'I LTUNG BA'I SDE DANG, BSHAGS PAR BYA BA'I LTUNG BA'I SDE DANG, BSDAM PAR BYA BA'I LTUNG BA'I SDE'O, ,DE LA LTUNG BAR GYUR BA'I SDE LA RNAM PA BZHI NI 'DI LTA STE, MI TSANGS PAR SPYOD PA DANG, MA BYIN PAR LEN PA DANG, MI GSOD PA DANG, MI'I CHOS BLA MAR GYUR BA'O, ,BSHAGS BYA'I LTUNG BA'I SDE TSAN LA RNAM PA MANG NGO, ,'DI LTA STE, DGE 'DUN LHAG MA DANG, SPANG BA'I LTUNG BYED KYI CHOS DANG, LTUNG BYED RKYANG PA LA SOGS PA'O, ,BSDAM PAR BYA BA LA RNAM PA MANG NGO, ,'DI LTA STE, BSDAM BYA'I LTUNG BA LA SOGS PA'O, ,LTUNG BA GSUM STE, 'DI LTA STE, MA LUS PA DANG, DGE 'DUN LHAG MA DANG, GANG ZAG GI LHAG MA'O, , DE LA LHAG MA MED PA BZHI NI 'DI LTA STE, PHAS PHAM PA'I CHOS DANG, GNYIS PA NI DGE 'DUN LHAG MA'I CHOS DANG, GANG ZAG LHAG MA NI LTUNG BA GZHAN THAMS CAD DO, ,DGE SBYONG GI DRI MA BCU NI 'DI LTA STE, BRNAB SEMS DANG, GNOD SEMS DANG, KHRO BA DANG, KHON DU 'DZIN @160B PA DANG, BRDZUN DU SMRA BA DANG, DBYEN DANG, G-YO DANG, SGYU DANG, SDIG PA 'DOD PA DANG, LTA BA LOG PA'O, ,DE RNAMS NYID NI DGE SBYONG GI YON PO BCU'O, ,DE BZHIN DU DE RNAMS DGE SBYONG GI RKYEN BCU'O, ,DE BZHIN DU DE RNAMS DGE SLONG GI SNYIGS MA BCU'O, ,DGE SBYONG DU BYED PA'I CHOS BCU NI 'DI LTA STE, NGO TSA BA DANG, KHREL YOD PA DANG, LUS KYI LAS KYI MTHA' YONGS SU DAG PA DANG, NGAG GI LAS KYI MTHA' YONGS SU DAG PA NYID DANG, YID KYI LAS KYI MTHA' YONGS SU DAG PA NYID DANG, 'TSO BA YONGS SU DAG PA DANG, DBANG PO'I SGO BSDAMS PA DANG, SGRIB PA YONGS SU SPANGS PA DANG, BSAM GTAN BZHI DANG, MNGON PAR SHES PA DRUG GO, ,DE LA SGRIB PA LNGA NI 'DI LTA STE, BU LON SGRIB PA DANG, BRAN KHO NA NYID KYI SGRIB PA DANG, BCINGS PA'I SGRIB PA DANG, NAD KYI SGRIB PA DANG, 'JIGS PA'I SGRIB PA'O, ,DGE SLONG RNAMS RGYU BAR BYED PA'I RGYU BCO LNGA NI 'DI LTA STE, BYA BA YONGS SU RDZOGS PA NYID DANG, RANG LA PHAN PA TSOL BA DANG, DE BZHIN GSHEGS PA'I BYIN GYI RLABS DANG, PHUN SUM TSOGS PA THAMS CAD DANG, NYES PA LNGA DANG RNAM PAR BRAL BA DANG MI DGA' BA DANG, 'DOD CHAGS LA SOGS PA GZHOM PA DANG, RNYED PA LA SOGS PA SRED PA DANG, NUS PA DANG, RJES SU BRTZE BA DANG, BLA MA LA GUS PA DANG, NGO MTSAR BA BLTA BA DANG, KHYAD PAR GYI DON DANG, DKON MCHOG GSUM GYI BYA BA DANG, MCHOD RTEN LA SOGS PA LA PHYAG BYA BA'O, ,BYANG CHUB SEMS DPA' RNAMS KYI LTUNG BA SDE GNYIS TE, 'DI LTA STE, PHAS PHAM PA'I GNAS SU 'GYUR BA DANG, NYES BYAS KYI BYAS PA'I LTUNG BAS BSDUS PA'O, ,DE BZHIN DU RNAM PA GSUM STE, 'DI LTA STE, LTUNG BAR 'GYUR BA DANG, BSHAGS PAR BYA BA DANG, BSDAM PAR BYA BA'O, ,DE LA LTUNG BAR 'GYUR BA NI, PHAS PHAM PA'I LTUNG BA'I GNAS SU 'GYUR BA'O, ,BSHAGS PAR BYA BA NI NYES BYAS KYI LTUNG BAS BSDUS PA'O, ,LTUNG BA GZHAN RNAMS NI YANG DAG PAR BSDAM PAR BYA BA'O, ,GANG ZAG 'BRING BA'I DBANG DU BYAS NAS PHAS PHAM PA'I LTUNG BA LA LNGA NI 'DI LTA STE, DKON MCHOG GSUM GYI NOR 'PHROG PA'I PHAS PHAM PA'I LTUNG BA DANG, DAM PA'I CHOS SPONG BA PHAS PHAM PA'I LTUNG BA @161A *, ,DANG, DGE SLONG TSUL KHRIMS 'CHAL PA YIN KYANG SER PO PHROGPA'AM BRDUNG BA'AM BTZON KHANG DU 'DZUD PA'AM GSOD PA'AM RAB TU BYUNG BA LDOG PA STE PHAS PHAM PA'I LTUNG BA'O, ,MTSAMS MED LNGA LA GANG RUNG BYED PA PHAS PHAM PA'I LTUNG BA DANG, LTA BA LOG PAR 'DZIN PA'ANG PHAS PHAM PA'I LTUNG BA'O, ,GANG ZAG THA MA'I DBANG DU BYAS TE PHAS PHAM PA'I LTUNG BA BRGYAD NI 'DI LTA STE, YONGS SU MA SMIN PA'I SEMS CAN LA STONG PA NYID SGROGS PA PHAS PHAM PA'I LTUNG BA'AM, SANGS RGYAS BYANG CHUB LA RAB TU GNAS PA LDOG PA NI GNYIS PA'O, ,SO SOR THAR PA YONGS SU SPANGS TE THEG PA CHEN PO LA SBYOR BA NI GSUM PA'O, ,NYAN THOS KYI THEG PA NI 'DOD CHAGS LA SOGS PA SPANGS PA MA YIN NO ZHES RANG NYID 'DZIN PA LA GZHAN RNAMS 'DZIN DU 'JUG PA BZHI PA'O, ,RNYED PA DANG BKUR STI'I RGYU'I RANG GI YON TAN SGROGS PA'AM SMON PA NI LNGA PA'O, , NGA NI ZAB MO CHOS LA BZOD PA CAN NO ZHES PA LA SOGS PA NYID SMRA BA NI DRUG PA'O, ,DGE SBYONG RNAMS LA CHAD PA GCOD DU 'JUG PA'AM, DGE SBYONG RNAMS SKYABS GSUM GTONG BAR BYED PA'AM DGE SBYONG RNAMS LA SBYIN PA LEN PA NI BDUN PA'O, ,ZHI GNAS SPONG BA'AM 'DON PA LA KUN DU GZHOL BA LONGS SPYOD 'BUL BA'AM, BYANG CHUB KYI SEMS YONGS SU SPONG BA'AM, SER SNA DANG 'DOD PA DRAG PO DAG GIS SLONG BA LA MI STER BA'AM, KHROS NAS SEMS CAN LA BRDIG PA'AM, SEMS CAN BRTZON PAS RAB TU DANG BAR BYED PA'I BZOD PA MI SUN PAR BYED PA'AM, NYON MONGS PA'AM GZHAN GYI RJES SU 'JUG PAS CHOS LTAR SNANG BA STON PA NI BRGYAD PA'O, ,YANG PHAS PHAM PA'I LTUNG BA BZHI NI 'DI LTA STE, BYANG CHUB SEMS DPA' SDOM PA BLANGS PAS RNYED PA DANG BKUR STI LA MCHOG TU ZHEN PAS BDAG LA STOD PAR BYED CING GZHAN LA SMOD PAR BYED PA NI PHAS PHAM PA'I LTUNG BAR 'GYUR BA DANG PO'O, ,SBYIN PAR BYA BA'I DNGOS PO YOD PA'AM CHOS NGES PA YOD KYANG SER SNA DRAG POS ZIL GYIS GNON PAS DON DU GNYER BA YANG DAG PAR NYE BAR GNAS PA LA NOR DANG CHOS MI STER NA PHAS PHAM PA'I LTUNG BAR 'GYUR BA GNYIS PA'O, ,KHRO BA DRAG POS ZIL GYIS NON @161B PAS GZHAN PAS BRDEG PA NA YANG DAG PAR GSOL BA BYED PA, SHAD KYIS SBYANG BA MI LEN CING BZOD PA MI BYED NA PHAS PHAM PA'I LTUNG BAR 'GYUR BA GSUM PA'O, ,LTA BAS KUN NAS DKRIS PA NI MCHOG GI THEG PA CHEN PO SKUR BA DANG SPONG BA DANG, THEG PA CHEN PO'I GZUGS BRNYAN CHOS GSAL BAR MI BYED PA NI PHAS PHAM PA'I LTUNG BAR 'GYUR RO ZHES PA NI BZHI PA'O, ,SDOM PA NI 'PHANGS PA'I DUS LAS TSU ROL DU GTONG BA'I RGYU BZHI NI 'DI LTA STE, BSLAB PA PHUL BA DANG, LTUNG BAR 'GYUR BA'I CHOS LA LHAG PAR SPYAD PA DANG, MTSAN MA GNYIS BYUNG BA DANG, RTEN RNAM PAR 'KHRUGS NAS DBANG PO MED PA NYID THOB PA'O, ,BSNYEN GNAS SDOM PA YANG RKYEN CHAD PA DANG, SHI BA LAS GTANG NGO, ,SDOM PA MA YIN PA YANG DE BZHIN NO, ,SDOM PA CAN DANG SDOM PA CAN MA YIN PA LAS GZHAN SDOM PA CAN MA YIN PA DANG SDOM PA MA YIN PA DE DAG GI DGE BA'AM MI DGE BA'I LAS NI SDOM PA MA YIN SDOM PA MA YIN PA MA YIN NO, , YANG DGE BA'AM MI DGE BA'I LAS DE RNAMS NI RGYU LA YIS 'PHEL BA'AM 'GRIB PAR 'GYUR RO 'DI LTA STE, ZHING LAS DANG, BSAM GTAN LAS DANG, BYA BA NGES PA LAS DANG, DNGOS PO YONGS SU 'CHANG BA DANG, GUS PAS 'JUG PA LAS SO, ,DE LA ZHING LAS RNAM PA GSUM NI 'DI LTA STE, SANGS RGYAS GNAS PA'I GTZUG LAG KHANG BZHENGS PA LA SOGS PA DANG, DE BZHIN DU CHOS GNAS PA'I DANG, DE BZHIN DU DGE 'DUN GNAS PA'I 'O, ,NYE BAR MA CHAD KYI BAR DU NYE BAR SKYE BA MI ZAD PA'O, ,DE BZHIN DU RKU BA'I DON DU GSOD PA LA SOGS PA BYED PA LAS BSOD NAMS MA YIN PA'I PHUNG PO'O, DE BZHIN DU NYE BAR MA TSAD KYI BAR DU'O, ,DE BZHIN DU RDZONG GI LHA MO'I KHANG PA BYED PA LA SOGS PA BSOD NAMS MA YIN PA'I PHUNG PO'O, ,BSAM GTAN GSUM NI 'DI LTA STE, SANGS RGYAS LA DGA' BAS SKYABS SU 'GRO BA LAS BSOD NAMS DANG, MA CHAD KYI BAR DU'O, ,DE BZHIN DU CHOS LA SKYABS SU SONG BA LAS BSOD NAMS DANG, DE BZHIN DU DGE 'DUN LA SKYABS SU SONG BA LAS BSOD NAMS SO, ,LDOG PA LAS BSOD NAMS MA YIN PA'O, ,BYA BA NGES PA LAS NI RNAM PA MANG NGO, ,'DI LTA STE, DAM PA'I CHOS MA STON PAR, DMAN PA LA MA BYIN PAR, MCHOD RTEN MA RDZOGS PAR, @162A *, ,BSKOR BA MA BYAS PAR, BLA MA MKHAN PO, SLOB DPON, MA PHA LA SOGS PA LA PHYAG MA 'TSAL BAR KHA ZAS MI BZA'O ZHES PA LA SOGS PA RNAM PA RNAMS BSOD NAMS SO, ,BYA BA RNAM PAR CHAD PA LAS LDOG GO, ,SROG CHAGS GSOD PA LA SOGS PA MA BYAS PAR ZAS MI BZA'O ZHES PA LA SOGS PA BYA BA NGES PA LAS BSOD NAMS MA YIN PA'O, ,BYA BA RNAM PAR CHAD PA LAS LDOG GO, ,DNGOS PO YONGS SU CHAD PA LAS NI YANG RNAM PA MANG NGO, ,'DI LTA STE, MCHOD PA'I DON DU MCHOD RTEN LA SOGS PA 'CHANG BA YANG BSOD NAMS SO, ,DE DAG YONGS SU SPANGS PA NA LDOG PA NYID DO, ,GZHAN LA GNOD PA'I PHYIR RGYA DANG 'DZOL LA SOGS PA 'CHANG BA LAS BSOD NAMS MA YIN PA'O, ,DE DAG SPANGS PA NA LDOG PA NYID DO, ,GUS PAS 'JUG PA LA YANG RNAM PA MANG NGO, ,'DI LTA STE, RAB TU DAD PA'I SHUGS LAS DGE BA'I LAS DANG, NYON MONGS PA'I DGE BA'I LAS GUS PAR BYED PA'O, ,CI SRID DU RAB TU DAD PA'I SHUGS RJES SU 'JUG PA DE SRID DU BSOD NAMS RJES SU 'JUG GO, ,CI SRID DU NYON MONGS PA'I SHUGS RJES SU 'JUG PA DE SRID DU BSOD NAMS MA YIN PA RJES SU 'JUG PA NYID DO, ,GANG CUNG ZAD LEGS PAR SPYAD PA RNAMS NI RGYU BCU GSUM GYIS DGE BAR 'GYUR TE, 'DI LTA STE, RANG BZHIN LAS DANG, 'BREL PA LAS DANG, RJES SU 'BREL PA LAS DANG, KUN SLONG BA LAS DANG, SKYE BA THOB PA LAS DANG, DON DAM PA'I BDEN PA LAS DANG, SBYOR BA LAS DANG, YONGS SU LAN 'DZIN PA LAS DANG, MDUN DU BDAR BA LAS DANG, GNYEN PO LAS DANG, NYE BAR ZHI BA LAS DANG, MTHUN PA LAS SO, ,DE LA RANG BZHIN LAS DGE BA LA RNAM PA BCU BZHI NI 'DI LTA STE, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, NGO TSA SHES PA DANG, KHREL YOD PA DANG, MA CHAGS PA DANG, MI LDANG BA DANG, MA RMONGS PA DANG, BAG YOD PA DANG, SHIN TU SBYANGS PA DANG, BTANG SNYOMS DANG, RNAM PAR 'TSE BA MED PA'O, ,'BREL PA LAS DGE BA NI MANG NGO, ,'DI LTA STE, DAD PA LA SOGS PA DANG MTSUNGS PAR LDAN PA'I CHOS SO, ,RJES SU 'BREL PA LAS @162B DGE BA NI 'DI LTA STE, DAD PA LA SOGS PA RNAMS KYI BAG CHAGS SO, ,KUN SLONG LAS DGE BA NI 'DI LTA STE, DAD PA LA SOGS PAS KUN NAS BSLANG BA'I LUS DANG NGAG GI LAS SO, ,SKYE BAS THOB PA LAS DGE BA NI 'DI LTA STE, DAD PA LA SOGS PA RNAMS GOMS PA LAS DAD PA LA SOGS PA'I RANG BZHIN CAN MNGON PAR GRUB PA'O, ,DON DAM PA LAS DGE BA NI DE KHO NA NYID DO, ,SBYOR BA LAS DGE BA RNAM PA GSUM NI 'DI LTA STE, SKYES BU DAM PA BSNYEN PA LAS DAM PA'I CHOS THOS PA DANG, TSUL BZHIN YID LA BYED PA DANG, CHOS DANG RJES SU MTHUN PA'I CHOS SGRUB PA'O, ,RJES SU 'DZIN PA LAS DGE BA NI 'DI LTA STE, BSDU BA'I DNGOS PO BZHIS SEMS CAN RJES SU 'DZIN PA'I DGE BA GANG YIN PA'O, ,DE LA BSDU BA'I DNGOS PO BZHI NI 'DI LTA STE, SBYIN PA DANG, SNYAN PAR SMRA BA DANG, DON SPYOD PA DANG, DON MTHUN PA'O, ,YONGS SU LEN PA LAS DGE BA NI 'DI LTA STE, SBYIN PA'I RANG BZHIN BSOD NAMS BYA BA'I DNGOS PO LAS NOR CHE BA RIGS MTHONG BA'I SKYE BA YONGS SU LEN PA DANG, TSUL KHRIMS KYI RANG BZHIN BSOD NAMS BYA BA'I DNGOS PO LAS BDE 'GRO SKYE BA YONGS SU LEN PA DANG, BSGOM PA'I RANG BZHIN BSOD NAMS BYA BA'I DNGOS PO LAS RNAM PAR BYANG BA'I RJES SU MTHUN PA YONGS SU LEN PA'O, ,MDUN DU BDAR BA LAS DGE BA RNAM PA GNYIS NI 'DI LTA STE, DE BZHIN GSHEGS PA MDUN DU BYAS PA MCHOD RTEN NAM PO TI LA SOGS PA MCHOD PA'I CHO GA LAS DANG, CHOS MDUN DU BDAR BA CHOS KYIS BYIN GYIS BRLABS PA'I GANG ZAG LA MCHOD PA'I CHO GA LAS SO, ,GNYEN PO LAS DGE BA NI RNAM PA LNGA'O, ,'DI LTA STE, RNAM PAR SUN 'BYIN PA'I GNYEN PO DANG, RNAM PAR SEL BA'I GNYEN PO DANG, RING DU GYUR PA'I GNYEN PO DANG, NYON MONGS PA'I SGRIB PA'I GNYEN PO DANG, SHES BYA'I SGRIB PA'I GNYEN PO DANG, NYE BAR ZHI BA LAS DGE BA NI 'DI LTA STE, DE DANG DE YONGS SU BLANGS PAS 'DOD CHAGS SPANGS PA'O, ,MTHUN PA'I RGYU LAS DGE BA NI RNAM PA BZHI STE, 'DI LTA STE, 'DOD CHAGS SPANGS PA'I BDAG POS MNGON PAR SHES PA LA SOGS PA'I YON TAN THUN MONG BA DANG, DE NYID THUN MONG MA YIN PA DANG, DE NYID 'JIG RTEN PA DANG, DE NYID 'JIG RTEN LAS 'DAS PA'O, , @163A *, ,DE LA MI DGE BA'I LAS BYAS PA RNAMS DAG PAR BYED PA NI RNAM PA BZHI STE, 'DI LTA STE, SUN 'BYIN PA KUN DU SPYOD PAS DANG, GNYEN PO KUN DU SPYOD PAS DANG, SOR CHUD PA'I STOBS KYIS DANG, RTEN GYI STOBS KYIS SO, ,DE LA SDIG PA BYAS TE, DE MA THAG TU RJES SU GDUNG BA'I YID KYIS SKYON DU LTA BA DANG MI LEGS PA BYAS SO ZHES SUN 'BYIN PAR BYED PA'O, ,'JUG NYAMS PA'I PHYIR SDIG PA NYAM CHUNG BAR GYUR PA'O, ,'DI NI SUN 'BYIN PA KUN DU SPYOD PA'O, ,GNYEN PO KUN DU SPYOD PA NI MI DGE BA'I LAS, DGE BA'I LAS KYI DON DU SHIN TU MNGON PAR SBYOR BA'I MTSAN NYID SDIG PA CHES NYAM CHUNG BAR BYED PA'O, ,SOR CHUD PA'I STOBS NI SLAN CHAD MI BYED PA'I SDOM PA THOB PA'I MTSAN NYID CAN SO SOR THAR PA'I SDOM PA YANG DAG PAR BLANGS PAS SDIG PA NI BYA BA CUNG ZAD MI BYED DO, ,RTEN GYI STOBS NI DKON MCHOG GSUM LA SKYABS SU 'GRO BA'I MTSAN NYID DANG, BYANG CHUB KYI SEMS MI SPONG BA'I MTSAN NYID NI, SDIG PA DAG MI 'DOD PA'I 'BRAS BU 'BYIN PA'I NUS PA MED PAR BYED DO, ,GANG CUNG ZAD MI DGE BA RNAMS SU RGYU BCU GNYIS KYIS 'GYUR TE, RANG BZHIN LAS DANG, 'BREL PA LAS DANG, RJES SU 'BREL PA LAS DANG BSLANG BA LAS DANG, DON DAM PA LAS DANG, SKYE BA LAS DANG, SBYOR BA LAS DANG, MDUN DU BYAS PA LAS DANG, NYE BAR GNAD 'THAB PA LAS DANG, YONGS SU LEN PA LAS DANG, MI MTHUN PA'I PHYOGS LAS DANG, LAM LOG PA LAS SO, ,DE LA RANG BZHIN LAS MI DGE BA NI, YID DANG MTSUNGS PAR LDAN PA'I GZUGS DANG, GZUGS MED PA NI SPYOD PA'I NYON MONGS PA GZHAG STE, DE LAS GZHAN NYES SPYOD KUN NAS SLONG BAR BYED PA'I NYON MONGS PA DANG NYE BA'I NYON MONGS PA'O, ,DE YANG 'DOD PA SPYOD PA RANG BZHIN DANG RANG BZHIN MA YIN PA'I NYES PAR SPYOD PA DE GNYIS KUN NAS SLONG PAR BYED PA'I MI DGE BA GANG YIN PA'O, ,DE LAS GZHAN NI SGRIB PA'I LUNG MA BSTAN DU RIG PAR BYA'O, ,'BREL PA LAS MI DGE BA NI NYON MONGS PA NYE BA'I NYON MONGS PA DE RNAMS NYID KYI MTSUNGS PAR LDAN PA'I CHOS SO, ,RJES SU 'BREL BA LAS MI DGE BA NI NYON MONGS @163B PA DE NYID KYI BAG CHAGS SO, ,KUN NAS SLONG BA LAS MI DGE BA'I NYON MONGS PA DANG NYE BA'I NYON MONGS PA DE NYID KYIS KUN NAS BSLANG BA'I LUS DANG NGAG GI LAS SO, ,DON DAM PA LAS MI DGE BA NI 'KHOR BA THAMS CAD DO, ,SKYE BAS THOB PA'I MI DGE BA NI MI DGE BA DE GOMS PA LAS DE LAS BYUNG BA'I RNAM PAR SMIN PA MNGON PAR RDZOGS PA GANG GIS MI DGE BA 'BA' ZHIG 'DON PA KUN DU GNAS PA'O, ,SBYOR BA LAS MI DGE BA NI, DE DAG DAM PA MA YIN PA'I SKYES BU LA RTEN PAR BYED NA, DAM PA MA YIN PA'I CHOS NYAN PA, TSUL BZHIN MA YIN PA YID LA BYED PAS GANG LUS KYIS NYES PAR SPYAD PA SPYOD PA DANG, YID KYIS NYES PAR SPYAD PA SPYOD PA'O, ,MDUN DU BYAS PA LAS MI DGE BA NI, DE DAG GZHAN GANG YANG RUNG BA'I LHA'I RIS GANG YANG RUNG BRTEN DU BYAS TE, 'TSE BA SNGON DU 'GRO BA'AM LTA BA BAN ? PA SNGON DU 'GRO BA'I MCHOD BYA'I GNAS RAB TU 'JOG PAR BYED PA'O, ,DE LA MCHOD PA'I LAS RAB TU SBYOR BAR BYED PA'AM, GANG DU SKYE BO'I TSOGS CHEN PO RNAMS BSOD NAMS MA YIN PA LA SBYOR BA'O, ,DE LA 'TSE BA SNGON DU 'GRO BA NI MCHOD BYA'I GNAS GANG DU LUG DANG MA HE LA SOGS PA GSOD PA'O, ,LTA BA NGAN PA SNGON DU 'GRO BA NI GANG DU KHA ZAS SPONG BA LA SOGS PAS BSOD NAMS DON DU GNYER BA DANG MCHOG DON DU GNYER BA DAG NYON MONGS PAR BYED PA'O, ,NYE BAR GNAD 'THAB PA LAS MI DGE BA NI SEMS CAN RNAMS LA LUS KYIS DANG NGAG GIS DANG YID KYIS LOG PAR SGRUB PAR BYED PA'O, ,YONGS SU LEN PA LAS MI DGE BA NI, DE DAG LUS KYIS NYES PAR SPYOD PA SPYAD PA DANG, NGAG DANG YID KYIS NYES PAR SPYOD PA SPYAD PAS NGAN 'GRO'AM BDE 'GRO DAG TU 'DOD PA'I 'BRAS BU YONGS SU LEN PA NYID DE, 'PHEN PAR BYED PA'AM YONGS SU RDZOGS PAR BYED PA'O, ,NGAN 'GRO'I DBANG DU BYAS TE 'PHEN BYED DANG RDZOGS BYED DO, ,BDE 'GRO DU YONGS SU RDZOGS PAR BYED PA NYID NI GANG MI RU SKYES PA NA DBUL PO LA SOGS PA NYAMS SU MYONG BAR 'GYUR BA'O, ,MI MTHUN PA'I PHYOGS LAS MI DGE BA NI, GANG GNYEN PO'I MI MTHUN PA'I PHYOGS KYI CHOS SO, ,LOG PA'I LAM LAS MI DGE BA NI, GANG DGE BA'I BAR CHAD DU GYUR PA'I CHOS RNAMS TE, DE YANG TSOGS RNAMS RTAG TU 'DU BA LA @164A *, ,SOGS PA'O, ,LUNG DU MA BSTAN PA NI RGYU BCU BZHIS 'GYUR TE 'DI LTA STE, RANG BZHIN LAS LUNG MA BSTAN DU 'GYUR BA DANG, 'BREL PA LAS DANG, RJES SU 'BREL PA LAS DANG, KUN SLONG LAS DANG, DON DAM PA LAS DANG, SKYE BAS THOB PA LAS DANG, SBYOR BA LAS DANG, MDUN DU BYAS PA LAS DANG, RJES SU 'DZIN PA LAS DANG, NYE BAR SPYOD PA LAS DANG, YONGS SU LEN PA LAS DANG, GNYEN PO LAS DANG, NYE BAR BZHI PA LAS DANG, RGYU MTHUN PA LAS SO, ,DE LA RANG BZHIN GYIS LUNG DU MA BSTAN PA NI DNGOS PO BCU BZHI'O, ,'DI LTA STE, MIG DANG, RNA BA DANG, SNA DANG, LCE DANG, LUS DANG, DRI DANG, RO DANG, REG BYA DANG, KUN DU SBYOR BA DANG BCAS PA'I YID DANG, SROG GI DBANG PO DANG, RIS MTHUN PA DANG, MING GI TSOGS DANG, TSIG GI TSOGS DANG, YI GE'I TSOGS SO, ,'BREL PAS LUNG MA BSTAN NA SDANG BA MA YIN PA RAB TU DANG BA MA YIN PA'I SEMS KYI MING GI TSOGS DANG TSIG GI TSOGS DANG YI GE'I TSOGS DE NYID KYIS YONGS SU BZUNG BA'I SEMS DANG SEMS LAS BYUNG BA'I CHOS RNAMS SO, ,SDANG BA MA YIN PA RAB TU DANG BA MA YIN PA'I SEMS KYI ZHES PA NI DGE BA DANG MI DGE BA LAS BZLOG PA STON PAR BYED PA'O, ,DE NYID KYIS YONGS SU BZUNG BA ZHES PA NI MING GI TSOGS DANG TSIG GI TSOGS DANG YI GE'I TSOGS DON GYI RNAM PA YID KYIS BRJOD PA'I SGO NAS RAB TU 'JUG PAS SO, ,RJES SU 'BREL PA LAS LUNG MA BSTAN NA MING GI TSOGS LA SOGS PA DE NYID KYIS MNGON PAR BRJOD PA'I BAG CHAGS SO, ,MING GI TSOGS LA SOGS PA'I SEMS PA'I SEMS KYI BAG CHAGS KYI PHYIS SU MNGON PAR BRJOD PAR RAB TU 'JUG PAR BYED DO ZHES SO, ,KUN NAS SLONG BA LAS LUNG MA BSTAN NI, SEMS DANG SEMS LAS BYUNG BAS BAG CHAGS DE YONGS SU ZUNG NAS KUN NAS SLONG BA LUS DANG NGAG GI LAS SO, ,SDANG BA MA YIN PA RAB TU DANG BA MA YIN PA'I SEMS KYI MING GI TSOGS LA SOGS PA MNGON PAR BRJOD PA'I RNAM PAS SO, ,DON DAM PA LAS LUNG MA BSTAN NI, NAM MKHA' DANG, SO SOR BRTAGS PA'I 'GOG PA'O, ,SKYES PAS THOB PA'I LUNG MA BSTAN NI, MI DGE BA DANG, DGE BA ZAG PA DANG BCAS PA'I @164B CHOS RNAMS KYI RNAM PAR SMIN PA'O, ,SBYOR BA LAS LUNG MA BSTAN NI, SEMS NYON MONGS PA CAN MA YIN PA DANG, DGE BA MA YIN PA'I SPYOD LAM MAM, BZO'I GNAS SO, ,SEMS NYON MONGS PA CAN MA YIN PA DANG, DGE BA MA YIN PA ZHES PA NI GANG GI TSE NYON MONGS PA CAN MA YIN DGE BA YANG MA YIN PAR GYUR PA DE'I TSE SPYOD LAM LA SOGS PA RNAMS LUNG DU MA BSTAN PAR 'GYUR TE, GZHAN DU NA DGE BA'AM MI DGE BA CI RIGS PAR 'GYUR RO, ,MDUN DU BYAS PA LAS LUNG DU MA BSTAN PA NI, DE DAG LHA'I RIGS GANG YANG RUNG BA LA BRTEN CING MDUN DU BYAS TE, TSE BA DANG LTA BA NGAN PA SPANGS PA MCHOD PA'I GNAS RAB TU BZHAG STE, DE DAG LA MCHOD PA'I LAS LA SBYOR BA'AM, GANG DU SKYE BO'I TSOGS CHEN PO RNAMS BSOD NAMS DANG BSOD NAMS MA YIN PA MI BSKYED PA'O, ,RJES SU 'DZIN PA LAS LUNG MA BSTAN NI, DE DAG BRAN DANG G-YOG DANG LAS BYED PA'AM, BU DANG CHUNG MA LA SOGS SDANG BA MA YIN PA DANG RAB TU DANG BA MA YIN PA'I SEMS KYIS SBYIN PA STER BA'O, ,NYE BAR LONGS SPYOD PA LAS LUNG MA BSTAN PA NI, DE DAG SO SOR MA BRTAGS PA NYON MONGS PA MED PA'I SEMS KYIS LONGS SPYOD LA LONGS SPYOD PA'O, ,YONGS SU 'DZIN PA LAS LUNG MA BSTAN NI, DE DAG BZO'I GNAS RNAMS LA GOMS PAR BYAS PAS PHYIS DE DANG MTHUN PA'I BDAG NYID KYIS NGO BO YONGS SU LEN PAR BYED DO, ,GANG GIS MYUR ZHING MGYOGS PAR BZO'I GNAS DE RNAMS LA SLOB PA MTHAR PHYIN PAR 'GYUR RO, ,GNYEN PO LAS LUNG MA BSTAN NI, DE DAG NAD MED PA'I DON DU NAD KYI GNYEN PO SO SOR MA BRTAGS PA'I SMAN BSTEN PAR BYED PA'O, ,NYE BAR ZHI BA LAS LUNG MA BSTAN NI, DE DAG GZUGS DANG GZUGS MED PA NI SPYOD PA'I NYON MONGS PA DE ZHI BAR GNAS PA'I NYE BAR SBAS ? PA THOB PA'O, ,RGYU MTHUN PA LAS KYANG MA BSTAN NI, DE DAG LUNG DU MA BSTAN PA NI SPRUL PA'I SEMS DANG LHAN CIG TU SKYES BA'O, ,RTOGS PA'I RGYU MTHUN PA LAS LUNG DU MA BSTAN PA'O, ,SPRUL PA'I SEMS DANG LHAN CIG TU SKYES PA ZHES PA NI, SEMS DANG SEMS LAS BYUNG BA GANG GIS PHYI ROL GYI DON DU SPRUL PA'O, ,SEMS CAN LA PHAN PA'I DON DE @165A *, ,'GYUR NA DGE BA NYID DO, ,DGE BA'I LAS BYAS PA RNAMS KYIS DAG PAR BYED PA RNAM PA GSUM DU 'GYUR TE, 'DI LTA STE, BYANG CHUB KYI SEMS YONGS SU 'DZIN PAS DANG, RDZOGS PA'I BYANG CHUB TU YONGS SU BSNGO BAS DANG, YANG DAG PA'I DON SO SOR RIG PA'O, ,DE LA MI DGE BA DAG PAR BYED PA NI ZAD PAR BYED PA'O, ,DGE BA DAG PAR BYED PA NI DE DAG ZAD PA MED PA'I DGE BA NYID BSKYED DE, BSOD NAMS KYI TSOGS MNGON DU BYED PA'O, ,SDIG PA ZAD PA'I RTAGS DGU NI 'DI LTA STE, RMI LAM DU MI GTZANG BA LA SOGS PA ZAG PA DANG, RMI LAM DU 'O MA LA SOGS PA'I ZAS ZA BA DANG, RMI LAM DU ZHO DANG 'O MA LA SOGS PA SKYUG PA DANG, NYI MA DANG ZLA BA MTHONG BA DANG, 'ONGS PA DANG, ME 'BAR BA DANG, DUG DANG BCAS PA'I SKYES BU NAG PO PHAM PAR BYAS PA DANG, DGE SLONG DANG, DGE SLONG MA MTHONG BA DANG, 'O MA'I SHING DANG GLANG PO CHE DANG RI DANG SENG GE DANG, KHANG BZANGS LA 'DZEG PA DANG, CHOS NYAN PA'O, ,LUNG DU MA BSTAN PA'I LAS GNYIS NI 'DI LTA STE, SGRIB PA LUNG MA BSTAN GYI LAS DANG, SGRIB MIN LUNG MA BSTAN GYI LAS SO, ,MI G-YO BA'I LAS LA GNYIS NI 'DI LTA STE, BSAM GTAN BZHI PA'I SA LAS BYUNG BA'I LAS DANG, GZUGS MED PA NA SPYOD PA'I LAS SO, ,LAS DE RNAMS LA GANG LA 'DOD PA'I KHAMS KYI MI DGE BA'I LAS THAMS CAD DANG GANG YANG KHAMS GSUM GYI ZAG PA DANG BCAS PA'I DGE BA'I LAS THAMS CAD DAG BSDOMS PA DE NI YANG SRID 'BYUNG BA'I LAS YIN TE, DE NI 'DU BYED KYI YAN LAG GO, ,MI'I LTO RU SKYE BA NYID DANG MTSAMS SBYOR BA'I SKABS KYI PHUNG PO LNGA NI RNAM PAR SHES PA'I YAN LAG GO, ,GZUGS CAN MA YIN PA'I PHUNG PO BZHI NI MING YIN LA, GZUGS KYI PHUNG PO NI GZUGS, GNYI GA NI MING DANG GZUGS KYI YAN LAG GO, ,MIG DANG, RNA BA DANG, SNA DANG, LCE DANG, LUS DANG, YID CES PA SKYE MCHED DRUG PO 'DI RNAMS 'TSOGS PA NI SKYE MCHED DRUG GI YAN LAG GO, ,REG PA NI RNAM PA DRUG STE, 'DI LTA STE, MIG GI 'DUS TE REG PA DANG, RNA BA'I 'DUS TE REG PA DANG, SNA'I 'DUS TE REG PA DANG, LCE'I 'DUS TE REG PA DANG, LUS KYI @165B 'DUS TE REG PA DANG, YID KYI 'DUS TE REG PA'O, ,YANG REG PA LA RNAM PA GNYIS NI 'DI LTA STE, THOGS PA'I REG PA DANG, TSIG BLA DAGS KYI REG PA'O, ,DE LA THOGS PA'I REG PA LNGA NI 'DI LTA STE, MIG GI 'DUS TE REG PA NAS LUS KYI 'DUS TE REG PA'I BAR DU'O, ,TSIG BLA DAGS KYI REG PA GCIG NYID DE 'DI LTA STE, YID KYI 'DUS TE REG PA'O, ,YANG REG PA LA GSUM NI 'DI LTA STE, RIG PA'I REG PA DANG, MA RIG PA'I REG PA DANG, RIG PA MA YIN MA RIG PA MA YIN PA'I REG PA'O, ,YANG REG PA LA RNAM PA GNYIS NI 'DI LTA STE, NYON MONGS PA CAN MA YIN PA'I REG PA DANG, NYON MONGS PA CAN GYI REG PA'O, ,DE LA NYON MONGS PA CAN MA YIN PA NI, RIG PA'I REG PA'O, ,NYON MONGS PA CAN NI MA RIG PA'I REG PA'O, ,DE LA MA RIG PA'I REG PA LA GNYIS NI 'DI LTA STE, GNOD SEMS KYI REG PA DANG, RJES SU CHAGS PA'I REG PA'O, ,RIG PA MA YIN MA RIG PA MA YIN PA'I REG PA LA GNYIS NI 'DI LTA STE, DGE BA ZAG BCAS KYI REG PA DANG, SGRIB MIN LUNG MA BSTAN GYI REG PA'O, ,YANG REG PA LA RNAM PA GSUM NI 'DI LTA STE, SDUG BSNGAL MYONG BAR BYA BA'I REG PA DANG, BDE BA MYONG BAR BYA BA'I REG PA DANG, SDUG BSNGAL MA YIN BDE BA MA YIN PA MYONG BAR BYA BA'I REG PA'O, ,REG PA'I YAN LAG GO, ,TSOR BA LA DRUG NI 'DI LTA STE, MIG GI 'DUS TE REG PA LAS SKYES PA'I TSOR BA DANG, RNA BA DANG PHRAD PA LAS SKYES PA'I TSOR BA DANG, SNA DANG PHRAD PA LAS SKYES PA'I TSOR BA DANG, LCE'I 'DUS TE REG PA LAS SKYES PA'I TSOR BA DANG, LUS KYI 'DUS TE REG PA LAS SKYES PA'I TSOR BA DANG, YID KYI 'DUS TE REG PA LAS SKYES PA'I TSOR BA'O, ,YANG SO SOR RNAM PA GSUM DU PHYE STE TSOR BA BCO BRGYAD DU 'GYUR RO, ,'DI LTA STE, MIG GI 'DUS TE REG PA LAS BYUNG BA'I TSOR BA BDE BA DANG SDUG BSNGAL DANG SDUG BSNGAL MIN BDE BA MIN PA DANG ZHES DE BZHIN DU YID KYI 'DUS TE REG PA LAS SKYES PA'I TSOR BA BDE BA DANG SDUG BSNGAL DANG BDE BA MIN SDUG BSNGAL MIN PA'I TSOR BA'I BAR DU'O, ,YANG TSOR BA LA GNYIS NI 'DI LTA STE, LUS KYI TSOR BA DANG, SEMS LAS BYUNG BA'I TSOR BA'O, ,DE LA LUS KYI TSOR BA LNGA NI 'DI LTA STE, MIG GI 'DUS TE REG PA LAS SKYES PA NAS LUS KYI 'DUS TE REG PA @166A *, ,LAS SKYES PA'I TSOR BA'I BAR DU'O, ,YID KYI TSOR BA NI GCIG NYID DE, 'DI LTA STE, YID KYI 'DUS TE REG PA LAS SKYES PA'I TSOR BA'O, ,SEMS LAS BYUNG BA'I TSOR BA DE RNAMS 'DI LTAR NYE BAR SPYOD PA'I YID BCO BRGYAD DU PHYE BAS RNAM PA BRGYAD DU 'GYUR RO, ,'DI LTA STE, GZUGS LA SOGS PA'I YUL DRUG LA YID BDE BA'I RNAM PAR SPYOD PA'I TSOR BA DRUG DANG, DE BZHIN DU YID MI BDE BA'I SPYOD PA'I TSOR BA DRUG DANG, DE BZHIN DU BTANG SNYOMS KYI RNAM PAR SPYOD PA'I TSOR BA DRUG GO, ,'DI NI DRUG TSAN GSUM STE TSOR BA BCO BRGYAD DU 'GYUR RO, ,TSOR BA'I YAN LAG GO, ,SRED PA NI MNGON PAR 'DOD PA STE, DE YANG RNAM PA GSUM NI 'DI LTA STE, TSOR BA BDE BA DANG LDAN PAR MNGON PAR 'DOD PA DANG, TSOR BA SDUG BSNGAL DANG BRAL BAR MNGON PAR 'DOD PA DANG, TSOR BA BDE BA MA YIN SDUG BSNGAL MA YIN PA STE, GNYI GA MA YIN PA MNGON PAR 'DOD PA'O, ,SRED PA DE YANG, YANG SRID LA DGA' BA CAN GYIS 'DOD CHAGS DANG BCAS PA YIN TE, DE DANG DE RU MNGON PAR DGA' BA CAN LA GSUM NI 'DI LTA STE, 'DOD PA'I SRED PA, SRID PA'I SRED PA, SRID BRAL SRED PA'O, ,SRED PA'I YAN LAG GO, ,NYE BAR LEN PA LA BZHI NI 'DI LTA STE, 'DOD PA'I NYE BAR LEN PA DANG, LTA BA'I NYE BAR LEN PA DANG, KHRIMS DANG BRTUL ZHUGS NYE BAR LEN PA DANG, BDAG TU SMRA BA NYE BAR LEN PA'O, ,'DI NI NYE BAR LEN PA'I YAN LAG GO, ,SKYE BA DA LTAR BA LA BSAGS PA'I YANG SRID 'BYUNG BA'I LAS NI SRID PA'O, ,'DI NI SRID PA'I YAN LAG GO, ,CI LTAR SKYE BA 'DI NYID DU RNAM PAR SHES PA'I YAN LAG NI, DE BZHIN DU DE MA THAG PA'I SKYE BA'I SKYE BA'O, ,'DI NI SKYE BA'I YAN LAG GO, ,GANG SKYE BA 'DI'I MING DANG GZUGS KYI YAN LAG BZHI LA SOGS PA DE NYID NI BAR MED PA'I SKYE BA'I RGA SHI'I YAN LAG GO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS RTEN CING 'BREL BAR 'BYUNG BA RNAM PAR NGES PA STE, LE'U BCU PA'O,, ,,'PHAGS PA'I 'JIG RTEN LA RNAM PA GNYIS NI 'DI LTA STE, SLOB PA DANG, MI SLOB PA'O, ,DE LA SLOB @166B PA LA GSUM NI 'DI LTA STE, NYAN THOS KYI THEG PA BA DANG, RANG SANGS RGYAS KYI THEG PA BA DANG, BYANG CHUB SEMS DPA'I THEG PA BA'O, ,DE LA NYAN THOS KYI THEG PA LA GNYIS NI 'DI LTA STE, SROL DU ZHUGS PA DANG, 'BRAS BU LA GNAS PA'O, ,DE LA SROL DU ZHUGS PA RNAM PA BZHI NI 'DI LTA STE, RGYUN DU ZHUGS PA'I 'BRAS BU'I PHYIR ZHUGS PA DANG, LAN CIG PHYIR 'ONG BA'I 'BRAS BU'I PHYIR ZHUGS PA DANG, PHYIR MI 'ONG BA'I 'BRAS BU'I PHYIR ZHUGS PA DANG, DGRA BCOM PA'I 'BRAS BU'I PHYIR ZHUGS PA'O, ,DE LA RGYUN DU ZHUGS PA 'BRAS BU'I PHYIR ZHUGS PA LA RNAM PA GNYIS NI 'DI LTA STE, DAD PA'I RJES SU 'BRANG BA DANG, CHOS KYI RJES SU 'BRANG BA'O, ,'BRAS BU LA GNAS PA LA GSUM NI 'DI LTA STE, RGYUN DU ZHUGS PA DANG, LAN CIG PHYIR 'ONG BA DANG, PHYIR MI 'ONG BA'O, ,DE LA RGYUN DU ZHUGS PA LA LHA'I RIGS NAS RIGS SU DANG MI'I RIGS NAS RIGS SO ZHES GNYIS SU RNAM PAR 'JOG GO, ,LAN CIG PHYIR 'ONG BA NI SA BON GCIG PA ZHES RNAM PAR 'JOG GO, ,PHYIR MI 'ONG BA LA GNYIS NI 'DI LTA STE, 'DOD PA'I KHAMS KYI 'DOD CHAGS DANG BRAL BA DANG, KHAMS GNYIS KYI 'DOD CHAGS DANG BRAL BA'O, ,DE LA 'DOD PA'I KHAMS KYI 'DOD CHAGS DANG BRAL BA LA LNGA NI 'DI LTA STE, BAR DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, 'DU BYED DANG BCAS NAS YONGS SU MYA NGAN LAS 'DA' BA DANG, 'DU BYED MED PAR YONGS SU MYA NGAN LAS 'DA' BA DANG, GONG DU 'PHO BA'O, ,KHAMS GNYIS LA 'DOD CHAGS DANG BRAL BA'I PHYIR MI 'ONG BA LA BZHI NI 'DI LTA STE, BAR DOR YONGS SU MYA NGAN LAS 'DA' BA DANG, SKYES NAS YONGS SU MYA NGAN LAS 'DA' BA DANG, 'DU BYED DANG BCAS NAS YONGS SU MYA NGAN LAS 'DA' BA DANG, 'DU BYED MED PAR YONGS SU MYA NGAN LAS 'DA' BA'O, ,RANG SANGS RGYAS KYI THEG PA PA'I DBYE BA RNAM PAR MA BZHAG GO, ,BYANG CHUB SEMS DPA'I THEG PA LA LNGA NI 'DI LTA STE, LHAG PA'I BSAM PA RNAM PAR DAG PA CAN DANG, RTZOL BA DANG BCAS PA MTSAN MA MED PA LA GNAS PA DANG, RTZOL BA MED PA MTSAN MA MED PA LA GNAS PA DANG, SPYOD PA NGES PA LA ZHUGS PA DANG, NGES PAR SKYE BA GCIG GIS THOGS PA'O, ,YANG RNAM PA NYI @167A *, ,SHU NI 'DI LTA STE, DAD PA'I RJES SU 'BRANG BA DANG, CHOS KYI RJES SU 'BRANG BA DANG, RGYUN DU ZHUGS PA DANG, MI'I RIGS NAS RIGS DANG, LHA'I RIGS NAS RIGS DANG, DAD PA DANG LTA BAS THOB PA LAN CIG PHYIR 'ONG BA'I 'BRAS BU'I PHYIR ZHUGS PA NYID DANG, LAN CIG PHYIR 'ONG BA DANG, BAR CHAD GCIG PA DANG, DAD PA LTA BAS THOB PA PHYIR MI 'ONG BA'I 'BRAS BU'I PHYIR ZHUGS PA NYID DANG, BAR DOR YONGS SU MYA NGAN LAS 'DA' BA DANG, SKYES NAS MYA NGAN LAS 'DA' BA DANG, 'DU BYED DANG BCAS NAS YONGS SU MYA NGAN LAS 'DA' BA DANG, MNGON PAR 'DU BYED MED PAR YONGS SU MYA NGAN LAS 'DA' BA DANG, 'PHAR BA DANG, PHYED DU 'BAR BA DANG, GNAS THAMS CAD DU 'PHO BA DANG, MTHONG BA'I CHOS LA ZHI BA DANG, LUS KYI MNGON SUM DU BYED PA DANG, DGRA BCOM PA'I 'BRAS BU'I PHYIR ZHUGS PA DANG, BSE RU'O, ,DE LA SDUG BSNGAL LA CHOS SHES PA'I BZOD PA NAS BZUNG STE, 'DU SHES MED 'DU SHES MED MIN GYI SKYE MCHED NYON MONGS PA'I DBYE BA DGU PA'I GNYEN PO'I DBYE BA'I BSGOM PA'I LAM LA GNAS PA'I BAR DU NI SLOB PA'I NYAN THOS SO, ,STAN GCIG LA GNAS TE RANG SANGS RGYAS KYI LAM GYI SDUG BSNGAL LA CHOS SHES PA'I BZOD PA NAS BZUNG STE, 'DU SHES MED 'DU SHES MED MIN GYI SKYE MCHED KYI NYON MONGS PA'I DBYE BA DGU PA'I GNYEN PO'I DBYE BA'I BSGOM PA'I LAM LA GNAS PA'I BAR DU NI SLOB PA'I RANG BYANG CHUB KYI THEG PA'O, ,BYE BRAG PA'I TSUL LA NI, BYANG CHUB SEMS DPA' BYANG CHUB KYI SNYING POR GSHEGS TE, STAN GCIG LA GNAS PA DE NYID NI SDUG BSNGAL LA CHOS SHES PA NYID YIN PA NAS BZUNG STE, 'DU SHES MED 'DU SHES MED MIN GYI NYON MONGS PA'I DBYE BA DGU PA'I GNYEN PO BSGOM PA'I LAM LA GNAS PA'I BAR DU NI SLOB PA'I BYANG CHUB SEMS DPA' CHEN PO'O, ,BYANG CHUB SEMS DPA'I TSUL LA MTHONG BA'I LAM ZHES PA RAB TU DGA' BA'I SA NAS BZUNG STE, SKAD CIG GCIG LA MNGON PAR BYANG CHUB PA'I MNGON PAR RTOGS PA SEMS BSKYED NYI SHU PA BAR CHAD MED PA'I LAM GYI RANG BZHIN RDO RJE LTA BU'I TING NGE 'DZIN LA GNAS PA'I BAR DU NI MI SLOB PA'I BYANG CHUB SEMS DPA' CHEN PO'O, ,MI SLOB PA GSUM NI 'DI LTA STE, NYAN THOS KYI BYANG CHUB DANG, RANG RGYAL GYI BYANG CHUB @167B DANG, YANG DAG PAR RDZOGS PA'I BYANG CHUB PA'O, ,DE LA NYAN THOS KYI BYANG CHUB LA DRUG NI 'DI LTA STE, YONGS SU NYAMS PA'I CHOS CAN DANG, SEMS PA SKAL BA CAN DANG, RJES SU BSRUNG BA'I SKAL PA CAN DANG, GNAS PA MI BSKYOD PA DANG, MNGON DU BYED PA'I SKAL BA CAN DANG, MI G-YO BA'I CHOS CAN NO, , DE LA MI BSKYOD PA'I CHOS CAN LA GNYIS NI 'DI LTA STE, BRTZON BA 'BAR BAS THOB PA DANG, DANG PO NAS DE'I RIGS CAN NO, ,DE LA YONGS SU NYAMS PA'I CHOS CAN NO, GANG 'BRAS BU LA YONGS SU NYAMS PA'I SKAL BA CAN NO, ,SEMS PA SKAL PA CAN NI GANG DAG NYID 'DZIN PAR BYA BA SKAL BA CAN NO, ,RJES SU BSRUNG BA'I SKAL BA CAN NI, GANG 'BRAS BU RJES SU BSRUNG BA'I SKAL BA CAN NO, ,GNAS PA MI BSKYOD PA NI, GANG GNAS PA'I SKAL BA CAN NYAMS PAR MI 'GYUR BA MI G-YO BA SNGON DU MI BYED PA'O, ,MNGON DU BYED PA'I SKAL BA CAN NI, GANG MI G-YO BA MNGON DU BYED PA'I SKAL BA CAN NO, ,MI G-YO BA'I SEMS PA'I CHOS CAN NO, ,GANG GIS MI SKYE BA'I YE SHES SKYED PA'O, ,MI G-YO BA'I CHOS CAN DE YANG GSUM NI 'DI LTA STE, NYAN THOS KYI BYANG CHUB 'GA' ZHIG DANG, RANG RGYAL GYI BYANG CHUB DANG, YANG DAG PAR RDZOGS PA'I SANGS RGYAS SO, ,GAL TE MI G-YO BA CI LTA BU ZHE NA, BRJOD PAR BYA STE NYON MONGS PA MI SKYE BA SHES PA NI NYAN THOS RNAMS KYI MI G-YO BA'O, ,KUN NAS NYON MONGS PA MI SKYE BA SHES PA NI RANG RGYAL BYANG CHUB KYI MI G-YO BA'O, ,KUN NAS NYON MONGS PA THE TSOM SHES PA MI SKYE BA SHES PA NI SANGS RGYAS BCOM LDAN 'DAS RNAMS KYI MI G-YO BA'O, 'DI RNAMS LA YONGS SU NYAMS PA'I CHOS CAN KHO NA 'BRAS BU LAS NYAMS PAR 'GYUR TE, DGRA BCOM PA GZHAN NI MA YIN NO, ,DGRA BCOM PA DE NI KHYAD PAR RTOGS PA LAS NYAMS PAR 'GYUR RO ZHES PA NI, TING NGE 'DZIN GYI KHYAD PAR LAS ZHES PA'I DON TO, ,YANG DAG PAR RDZOGS PA'I SANGS RGYAS NI GANG LAS KYANG YONGS SU MI NYAMS TE, KUN NAS RMONGS PA MA YIN PA'I CHOS CAN YIN PA'I PHYIR RO, ,RANG RGYAL GYI BYANG CHUB GNYIS NI 'DI LTA STE, BSE RU LTAR SPYOD PA DANG, TSOGS SPYOD PA'O, ,YANG DAG PAR RDZOGS PA'I SANGS RGYAS NI GCIG KHO NA STE, GANG ZAG GCIG PU GANG ZAG DO MED PA, BRNYAN @168A *, ,MA MED PA'I GANG ZAG MNYAM PA MED PA'I GANG ZAG ,MI MNYAM PA DANG MNYAM PA'I GANG ZAG ,'GRAN ZLA MNYAM PA MED PA'I GANG ZAG CES PA LA SOGS PA'O, ,SO SO SKYE BO YANG SLOB PA YANG YIN TE, SLOB PA ZHES BRJOD PAR MI BYA ZHING MI SLOB PA ZHES KYANG MI BRJOD DO, , DKON MCHOG GSUM NI 'DI LTA STE, SANGS RGYAS DKON MCHOG DANG, CHOS DKON MCHOG DANG, DGE 'DUN DKON MCHOG GO, ,DE LA SANGS RGYAS GNYIS NI 'DI LTA STE, DON DAM PA PA DANG, BRDAR BTAGS PA'O, ,DE LA DANG PO NI GSUM STE, 'DI LTA STE, CHOS KYI SKU'I BDAG NYID DANG LONGS SPYOD RDZOGS PA'I BDAG NYID DANG, SPRUL PA'I SKU'I BDAG NYID DO, ,DE LA CHOS KYI SKU'I BDAG NYID LA GNYIS NI 'DI LTA STE, 'DUS MA BYAS DANG, 'DUS BYAS SO, ,DE LA GANG 'DUS MA BYAS DE NI DE BZHIN NYID RNAM PAR DAG PA LAS BYUNG BA'I SANGS RGYAS RNAMS KYI RANG BZHIN DE NYID DON DAM PA RU RTOGS PAR BYA'O, ,GANG YANG 'DUS BYAS NI CHOS KYI BDAG NYID KYI SKU, STOBS BCU MI 'JIGS PA LA SOGS PA SANGS RGYAS KYI MDZAD PA'I CHOS RANG BZHIN YONGS SU DAG PAR SHES PAR BYA'O, ,LONGS SPYOD RDZOGS PA'I SKU'I BDAG NYID NI MTSAN DANG DPE BYAD LA SOGS PAS YANG DAG PAR BRGYAN PA, SA BCU LA GNAS PA'I BYANG CHUB SEMS DPA' CHEN PO RNAMS KYI SPYOD YUL TE GZUGS SKU'O, ,SPRUL PA'I BDAG NYID NI SO SO SKYE BO THAMS CAD KYI SPYOD YUL MTSAN DANG DPE BYAD LA SOGS PAS YANG DAG PAR BRGYAN PA, GZUGS SKU NYID YIN TE, SH'A-KYA THUB PA LA SOGS PA LTA BU'O, ,BRDAR BTAGS PA'I SANGS RGYAS KYANG RNAM PA BZHI NI 'DI LTA STE, RING BSREL DANG, MCHOD RTEN DANG, SANGS RGYAS KYI GZUGS BRNYAN DANG, CI TYA'O, ,BYANG CHUB SEMS DPA'I SKU DANG LNGA YIN NO ZHES BYANG CHUB SEMS DPA'I THEG PA PA SMRA'O, ,CHOS NI GNYIS YIN TE, 'DI LTA STE, DON DAM PA PA DANG, BRDAR BTAGS PA PA'O, ,DE LA DANG PO NI GCIG NYID DE 'DI LTA STE, MYA NGAN LAS 'DAS PA'O, ,BRDAR BTAGS PA LA GNYIS NI 'DI LTA STE, YANG DAG PA'I LAM DANG, SANGS RGYAS KYI GSUNG RAB PO, ,YANG CHOS LA RNAM PA GNYIS NI 'DI LTA STE, @168B LUNG GI CHOS DANG, RTOGS PA'I CHOS SO, ,DE LA LUNG GI CHOS NI SANGS RGYAS KYI GSUNG RAB BO, ,RTOGS PA'I CHOS NI DRUG STE, 'DI LTA STE, DROD DANG, RTZE MO DANG, BZOD PA DANG, CHOS MCHOG DANG, MTHONG LAM DANG, 'BRAS BU DANG BCAS PA'I BSGOM LAM MO, ,DGE 'DUN LA GNYIS NI 'DI LTA STE, DON DAM PA PA DANG, BRDAR BTAGS PA'O, ,DE LA DON DAM PA PA GNYIS NI 'DI LTA STE, NYAN THOS KYI DGE 'DUN SKYES BU CHEN PO GANG ZAG BRGYAD DANG, PHYIR MI LDOG PA'I BYANG CHUB SEMS DPA' CHEN PO'I TSOGS SO, ,DE LA SKYES BU CHEN PO GANG ZAG BRGYAD NI 'DI LTA STE, RGYUN DU ZHUGS PA'I 'BRAS BU'I PHYIR ZHUGS PA DANG, RGYUN DU ZHUGS PA DANG, LAN CIG PHYIR 'ONG BA'I 'BRAS BU'I SROL DU ZHUGS PA DANG, LAN CIG 'ONG BA DANG, PHYIR MI 'ONG BA'I 'BRAS BU'I PHYIR ZHUGS PA DANG MI 'ONG BA'O, ,DGRA BCOM PA'I 'BRAS BU'I SROL DU ZHUGS PA DANG, DGRA BCOM PA'O, ,PHYIR MI LDOG PA'I BYANG CHUB SEMS DPA' LNGA NI 'DI LTA STE, LHAG PA'I BSAM PA DAG PA CAN DANG, RTZOL BA DANG BCAS PA'I MTSAN MA MED PA LA GNAS PA DANG, RTZOL BA MED PA'I MTSAN MA MED PA LA GNAS PA DANG, NGES PA'I SPYOD PA LA ZHUGS PA DANG, NGES PAR SKYE BA GCIG GIS THOGS PA'O, ,LHAG PAR MOS PA CAN YANG PHYIR MI LDOG PA'I BYANG CHUB SEMS DPA'O ZHES SMRA'O, ,BYANG CHUB SEMS DPA' LNGA PO 'DI RNAMS LA SO SOR PHYE BAS SNGON DU GSUNGS PA BZHIN DU DANG BA'I RJES SU 'BRANG BA LA SOGS PA GANG ZAG NYI SHU NI DGE 'DUN NO, ,BRDAR BTAGS PA'I DGE 'DUN GSUM NI 'DI LTA STE, LHAG PAR MOS PA CAN RDZOGS PA'I BYANG CHUB TU MA NGES PA SO SO SKYE BO'I DGE 'DUN DANG, SO SO SKYE BO'I DGE SLONG DANG, SO SO SKYE BO'I DGE SLONG MA'I DGE 'DUN NO, ,DES NA DE NYID SKYABS GSUM YIN TE 'DI LTA STE, SKYABS SANGS RGYAS DKON MCHOG DANG, SKYABS CHOS DKON MCHOG DANG, SKYABS DGE 'DUN DKON MCHOG STE, DE LA DKON MCHOG GSUM LA SKYABS SU 'GRO BA NI 'JIGS PA BRGYAD LAS SKYOB PA'I DON DU'O, ,DE LA 'JIGS PA BRGYAD NI 'DI LTA STE, NYON MONGS PA THAMS CAD KYI 'JIGS PA DANG, NYES PAR SPYOD PA THAMS CAD KYI 'JIGS @169A *, ,PA DANG, KA SHI'I 'JIGS PA DANG, NYE BAR 'TSE BA THAMS CAD KYI 'JIGS PA DANG, NGAN 'GRO THAMS CAD KYI 'JIGS PA DANG, RJES SU MTHUN PA'I NGAN 'GRO THAMS CAD KYI 'JIGS PA DANG, 'JIG TSOGS KYI 'JIGS PA DANG, THEG PA DMAN PA'I 'JIGS PA'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS 'PHAGS PA'I 'JIG RTEN RNAM PAR NGES PA ZHES BYA BA LE'U BCU GCIG PA'O,, ,,'PHAGS PA'I BDEN PA BZHI NI 'DI LTA STE, SDUG BSNGAL 'PHAGS PA'I BDEN PA DANG, KUN 'BYUNG 'PHAGS PA'I BDEN PA DANG, SDUG BSNGAL 'GOG PA 'PHAGS PA'I BDEN PA DANG, SDUG BSNGAL 'GOG PAR 'GRO BA'I LAM 'PHAGS PA'I BDEN PA'O, ,DE RNAMS 'BRAS BU DANG RGYU'I RIM PAS BSTAN PAR BYA BA NI 'DI LTA STE, SDUG BSNGAL 'BRAS BU'O, ,SDUG BSNGAL KUN 'BYUNG BA RGYU'O, ,SDUG BSNGAL 'GOG PA 'BRAS BU'O, ,SDUG BSNGAL 'GOG PAR 'GRO BA'I LAM RGYU'O, ,YANG BDEN PA GNYIS NI 'DI LTA STE, KUN RDZOB BDEN PA DANG, DON DAM PA'I BDEN PA'O, ,DE LA 'PHAGS PA'I BDEN PA GSUM NI KUN RDZOB BDEN PA'O, DE YANG CI LTAR SDUG BSNGAL BDEN PA DANG, KUN 'BYUNG BDEN PA DANG, LAM GYI BDEN PA'O, ,'PHAGS PA'I BDEN PA GCIG NI DON DAM PA'I BDEN PA STE, 'DI LTA STE, SDUG BSNGAL 'GOG PA'O, ,'PHAGS PA'I BDEN PA GNYIS NI 'DI LTAR SPANG BYA DANG, BLANG BYA'O, ,DE LA BDEN PA GNYIS NI SPANG BYA'O, ,'DI LTA STE, SDUG BSNGAL GYI BDEN PA DANG, KUN 'BYUNG GI BDEN PA'O, ,BDEN PA GNYIS NI BLANG BYA STE, 'DI LTAR 'GOG PA'I BDEN PA DANG, LAM GYI BDEN PA'O, ,'PHAGS PA'I BDEN PA DE RNAMS YONGS SU BCAD PA GSUM STE, 'DI LTAR, RANG BZHIN YONGS SU BCAD PA DANG, BYA BA YONGS SU BCAD PA DANG, BYA BA MTHAR PHYIN PA YONGS SU BCAD PA'O, ,DE LA RANG BZHIN YONGS SU BCAD PA NI 'DI LTA STE, 'DI NI SDUG BSNGAL LO, ,'DI NI SDUG BSNGAL KUN 'BYUNG BA'O, 'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I @169B LAM MO, ,BYA BA YONGS SU BCAD PA NI 'DI LTA STE, SDUG BSNGAL SHES PAR BYA'O, ,KUN 'BYUNG SPANG BAR BYA'O, ,'GOG PA MNGON DU BYA'O, ,LAM BSGOM PAR BYA'O, ,BYA BA MTHAR PHYIN PA YONGS SU BCAD PA NI 'DI LTA STE, SDUG BSNGAL SHES SO, ,KUN 'BYUNG SPANGS SO, ,'GOG PA MNGON DU BYAS SO, ,LAM BSGOMS SO, ,YONGS SU BCAD PA GSUM PO 'DI NYID LA YONGS SU BZLAS PA GSUM ZHES BRJOD DO, ,YANG BDEN PA SO SO LA RNAM PA GSUM MO, ,DE LA SDUG BSNGAL BDEN PA'I RNAM PA GSUM NI 'DI LTA STE, SDUG BSNGAL RANG BZHIN DANG YONGS SU SHES PAR BYA BA NYID DANG, YONGS SU SHES PA NYID DO, ,KUN 'BYUNG GI RNAM PA GSUM NI 'DI LTA STE, KUN 'BYUNG BA'I RANG BZHIN DANG, SPANG BYA NYID DANG, SPANGS PA NYID DO, ,'GOG PA'I RNAM PA GSUM NI 'DI LTA STE, 'GOG PA'I RANG BZHIN DANG, MNGON DU BYA BA NYID DANG, MNGON DU BYAS PA NYID DO, ,LAM GYI RNAM PA GSUM NI 'DI LTA STE, LAM GYI RANG BZHIN DANG, BSGOM BYA NYID DANG, BSGOMS PA NYID DO, ,YANG SDUG BSNGAL BDEN PA'I YONGS SU BZLAS PA GSUM NI 'DI LTA STE, 'DI NI SDUG BSNGAL 'PHAGS PA'I BDEN PA'O ZHES PA NI YONGS SU BZLAS PA GCIG GO , , DE DAG YONGS SU SHES PAR BYA BA NYID DO ZHES PA NI GNYIS PA'O, ,DE DAG YONGS SU SHES PA NYID DO ZHES PA NI GSUM PA'O, ,YONGS SU BZLAS PA SO SO LA MIG SKYE'O, ,SHES PA SKYE'O, ,RIG PA SKYE'O, ,BLO SKYE'O, ,RNAM PA BZHI BZHI STE RNAM PA BCU GNYIS SO, ,DE LA MIG CES PA NI SANGS RGYAS KYI SPYAN NO, ,SHES PA ZHES PA NI RNAM PAR MI RTOG PA'I YE SHES SO, ,RIG PA ZHES PA NI YANG DAG PA'I DON YIN PAS MI SLOB PA'O, ,BLO ZHES PA NI RNAM PA THAMS CAD MKHYEN PA'O, ,KUN 'BYUNG GI YONGS SU BZLAS PA GSUM NI 'DI LTA STE, 'DI NI KUN 'BYUNG 'PHAGS PA'I BDEN PA'O ZHES PA NI YONGS SU BZLAS PA GCIG GO , ,DE DAG SPANGS PAR BYA'O ZHES PA NI GNYIS PA'O, ,DE DAG SPANGS SO ZHES PA NI GSUM PA'O, ,YONGS SU LDABS PA SO SO LA DE BZHIN DU RNAM PA BCU GNYIS NYID DO, ,'GOG PA'I BDEN PA'I YONGS SU LDABS PA GSUM NI 'DI LTA STE, 'DI NI 'GOG PA @170A *, ,'PHAGS PA'I BDEN PA'O ZHES PA NI YONGS SU BZLAS PA GCIG GO , ,DE DAG MNGON DU BYA'O ZHES PA NI GNYIS PA'O, ,DE DAG MNGON DU BYAS SO ZHES PA NI GSUM PA'O, ,YONGS SU LDABS PA SO SO LA DE BZHIN DU RNAM PA BCU GNYIS SO, ,LAM GYIS YONGS SU BZLAS PA GSUM NI 'DI LTA STE, 'DI NI LAM 'PHAGS PA'I BDEN PA'O ZHES YONGS SU BZLAS PA GCIG GO , ,DE DAG BSGOM PAR BYA'O ZHES PA GNYIS PA'O, ,DE DAG BSGOMS PA NYID DO ZHES PA GSUM PA'O, ,YONGS SU LDABS PA SO SO LA DE BZHIN DU RNAM PA BCU GNYIS SO, ,DES NA BDEN PA SO SO LA BZLAS PA RNAM GSUM GYIS DANG, YONGS SU BZLAS PA RE RE LA RNAM PA BZHI STE, DE BZHIN GSHEGS PAS RNAM PA BCU GNYIS DANG LDAN PA'I CHOS GSUNGS PAS NA, YONGS SU BZLAS PA GSUM RNAM PA BCU GNYIS KYI CHOS KYI 'KHOR LO BSKOR RO ZHES BRJOD DO, ,YANG 'PHAGS PA'I BDEN PA SO SO LA RNAM PA BZHI STE RNAM PA BCU DRUG GO , ,DE LA SDUG BSNGAL BDEN PA'I MI MTHUN PA'I PHYOGS KYI RNAM PA BZHI NI 'DI LTA STE, RTAG PAR SGRO 'DOGS PA DANG, BDE BAR SGRO 'DOGS PA DANG, BDAG TU SGRO 'DOGS PA DANG, BDAG GI BAR SGRO 'DOGS PA'O, ,GRANGS BZHIN DU DE DAG GI GNYEN PO SDUG BSNGAL GYI RNAM PA BZHI NI 'DI LTA STE, MI RTAG PA DANG, SDUG BSNGAL BA DANG, BDAG MED PA DANG, STONG BA'O, ,KUN 'BYUNG GI BDEN PA'I MI MTHUN PA'I PHYOGS KYI RNAM PA BZHI NI 'DI LTA STE, CHOS THAMS CAD RGYU MED PAR SGRO 'DOGS PA DANG, CHOS THAMS CAD SEMS PA MED PA'I DUS LA SOGS PA RTAG PA'I RGYU CAN DU SGRO BTAGS PA DANG, CHOS THAMS CAD SGRA'I TSANGS PA LA SOGS PA YONGS SU 'GYUR BA'I DNGOS PO'I RGYU CAN DU SGRO BTAGS PA DANG, CHOS THAMS CAD BLO DANG LDAN PA'I DBANG PHYUG LA SOGS PA'I RGYU CAN DU SGRO BTAGS PA'O, ,RIM PA BZHIN DU DE RNAMS KYI GNYEN PO KUN 'BYUNG GI RNAM PA BZHI NI 'DI LTA STE, RGYU DANG, KUN 'BYUNG BA DANG, RAB TU SKYE BA DANG, RKYEN NO, ,'GOG PA'I BDEN PA'I MI MTHUN PHYOGS KYI RNAM PA BZHI NI 'DI LTA STE, THAR PA MED DO, ,THAR PA SDUG BSNGAL LO, ,BSAM GTAN GYI BDE BA GYA NOM PA'O, ,GROL BA YANG YANG 'KHOR BAR LTUNG BA @170B YOD DO ZHES SO, ,GRANGS BZHIN DU DE RNAMS KYI GNYEN PO 'GOG PA'I RNAM PA BZHI NI 'DI LTA STE, 'GOG PA DANG, ZHI BA DANG, GYA NOM PA DANG, NGES PAR 'BYUNG BA NYID DO, ,LAM GYI BDEN PA'I MI MTHUN PHYOGS KYI RNAM PA BZHI NI 'DI LTA STE, THAR PAR 'GRO BA'I LAM MED DO, ,LAM 'DI NGAN PA'O, ,LAM GZHAN YOD DO, ,PHYIR LDOG PA'I LAM MO, ,GRANGS BZHIN DU DE RNAMS KYI GNYEN PO LAM GYI RNAM PA BZHI NI 'DI LTA STE, LAM NYID DANG RIG PA DANG, SGRUB PA DANG, NGES PAR 'BYIN PAR BYED PA'O, ,BYANG CHUB SEMS DPA' THEG PA PA RNAMS NI STONG PHRAG NYI SHU LNGA PA'I GZHUNG GI RJES SU 'BRANGS NAS GRANGS BZHIN DU 'PHAGS PA'I BDEN PA BZHI LA BZHI DANG BCU GCIG DANG BDUN DANG BDUN TE, 'PHAGS PA'I BDEN PA RNAM PA NYI SHU DGU YIN NO ZHES BSHAD DO, ,DE LA SDUG BSNGAL BDEN PA'I RNAM PA LA BZHI STE, 'DI LTA STE, MI RTAG PA DANG, SDUG BSNGAL BA DANG BDAG MED PA DANG, STONG BA'O, ,KUN 'BYUNG BDEN PA'I RNAM PA BCU GCIG NI 'DI LTA STE, NAD DANG, 'BRAS DANG, ZUG RNGU DANG, SDIG PA NYID DANG, GZHAN NYID DANG, RAB TU NYAMS PA'I CHOS NYID DANG, G-YO BA DANG, 'JIG PA NYID DANG, 'JIGS PA NYID DANG, NYE BAR 'TSE BA NYID DANG, NYE BAR GNOD PA NYID DO, ,'GOG PA'I BDEN PA'I RNAM PA BDUN NI 'DI LTA STE, BDAG MED PA NYID DANG, ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON PAR 'DU BYED MED PA NYID DO, ,LAM GYI BDEN PA'I RNAM PA LA BDUN NI 'DI LTA STE, BDAG MED PA NYID DANG, ZHI BA NYID DANG, BDEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON PAR 'DU BYED PA MED PA NYID DO, ,BDEN PA RNAMS KYI RNAM PAR SPYAD PA YANG NI, DPER NA SMAN PAS NAD PA'I NAD MTHONG NAS NAD KYI GZHI YONGS SU RTOG GO , ,DE NAS NAD BYANG BA MTSON PAR BYED DO, ,DE NAS NAD SPYOD PA'I THABS SMAN RJES SU SBYOR BA'I GDAMS PA BYED DO, ,DE BZHIN DU BLA NA MED PA'I SMAN PA DE BZHIN GSHEGS PAS RNAL 'BYOR PA'I SDUG BSNGAL MTHONG NAS 'DI'I RGYU GANG YIN ZHES KUN 'BYUNG LA NGES PAR @171A *, ,SPYOD DO, ,DE NAS KUN 'BYUNG 'GAGS PA LAS SDUG BSNGAL ZAD PA'I MTHAR PHYIN PA SKYE BA MED PA 'GOG PA'I BDEN PA DMIGS KYIS 'DZIN PAR BYED DO, ,DE NAS SDUG BSNGAL ZAD PA'I THABS LAM GYI BDEN PA GOMS PAR BYED PA'I GDAMS PA BYED DO, ,DE LA SKYE BA'I SDUG BSNGAL DANG RGA BA'I SDUG BSNGAL LA SOGS PA RNAMS KYIS 'DU BYED KYI SDUG BSNGAL GYIS DANG SDUG BSNGAL GYI SDUG BSNGAL DANG YONGS SU 'GYUR BA'I SDUG BSNGAL DAG GIS 'KHOR BA'I NYE BAR LEN PA'I PHUNG PO LNGA RNAM PAR SHES PA MING DANG GZUGS SKYE MCHED DRUG REG PA TSOR BA SKYE BA RGA SHI RNAMS KYI YAN LAG GI BDAG NYID NI SDUG BSNGAL GYI BDEN PA'O, ,SDUG BSNGAL GYI RGYU LA GSUM NI 'DI LTA STE, RGYUN GYUR PA NYE BAR LEN PA'I PHUNG PO DANG, MA RIG PA SRED PA NYE BAR LEN PA'I MTSAN NYID NI NYON MONGS PA DANG, 'DU BYED DANG SRID PA'I MTSAN NYID KYI LAS NI KUN 'BYUNG BDEN PA'O, ,SDUG BSNGAL 'PHAGS PA NI 'GOG PA'I BDEN PA'O, ,'GOG PA DE YANG RNAM PA GNYIS NI 'DI LTA STE, SO SOR RTOG PA'I 'GOG PA DANG, SO SOR RTOG MIN GYI 'GOG PA'O, ,YANG 'GOG PA LA GNYIS NI 'DI LTA STE, ZAD PA SHES PA DANG, MI SKYE BA ZHES PA'O, ,YANG 'GOG PA LA GNYIS NI 'DI LTA STE, PHUNG PO LHAG MA DANG BCAS PA'I MYA NGAN LAS 'DAS PA'I DBYINGS DANG, LHAG MA MED PA'I MYA NGAN LAS 'DAS PA'I DBYINGS SO, ,MYA NGAN LAS 'DAS PA'I DBYINGS KYI RNAM PAR BZHAG PA DE DAG THEG PA GSUM LA CI RIGS PAR RNAM PA BCU GSUM DU RIG PAR BYA'O, ,MTSAN NYID LAS DANG, ZAG PA LAS DANG, DE'I CHA SHAS MYA NGAN LAS 'DAS PA DANG, DON DAM PA DANG, YONGS SU MA RDZOGS PA DANG, YONGS SU RDZOGS PA DANG, RGYAN MED PA DANG, RGYAN DANG BCAS PA DANG, KHYAD PAR CAN MA YIN PA DANG, KHYAD PAR CAN DANG, LHAG MA DANG BCAS PA DANG, LHAG MA MED PA DANG, RNAM GRANGS LAS SO, ,DE LA MTSAN NYID KYIS 'GOG PA LA GNYIS NI 'DI LTA STE, LAM GANG GIS 'GOG PAR BYED PA DE NI 'GOG PA'O, ,GANG DAG 'GAGS PA DE 'GOG PA'O, ,ZAD PAS 'GOG PA RNAM PA BZHI NI 'DI LTA STE, 'GOG PA DE NI GZHAN DU BRJOD DU MED DO,, @171B GZHAN MA YIN PAR BRJOD DU MED DO, ,GNYI GAR BRJOD DU MED DO, ,GNYI GA MA YIN PAR BRJOD PAR MI BYA'O, ,DE'I CHA SHAS MYA NGAN LAS 'DAS PAS 'GOG PA NI GCIG STE, 'DI LTA STE, 'JIG RTEN PA'I LAM GYIS GANG NYON MONGS PA 'GOG PA'O, ,DON DAM PA'I 'GOG PA NI GCIG NYID DE 'DI LTA STE, 'JIG RTEN LAS 'DAS PA'I LAM GYI SA BON DANG BCAS PA'I NYON MONGS PA YANG DAG PAR GCOD PA'I 'GOG PA GANG YIN PA'O, ,YONGS SU MA RDZOGS PA'I 'GOG PA LA BZHI NI 'DI LTA STE, RGYUN DU ZHUGS PA'I 'BRAS BUS BSDUS PA'I 'GOG PA GANG YIN PA DANG, LAN CIG PHYIR 'ONG BA'I 'BRAS BUS BSDUS PA'I 'GOG PA MA YIN PA DANG, PHYIR MI 'ONG BA'I 'BRAS BUS BSDUS PA'I 'GOG PA GANG YIN PA DANG, DGRA BCOM PA'I 'BRAS BU'I SROL DU ZHUGS PAS BSDUS PA'I 'GOG PA GANG YIN PA'O, ,YONGS SU RDZOGS PA'I 'GOG PA LA GCIG NI 'DI LTA STE, DGRA BCOM PA'I 'BRAS BUS YONGS SU BSDUS PA'I 'GOG PA GANG YIN PA'O, ,RGYAN MED PA'I 'GOG PA LA GCIG NI 'DI LTA STE, DGRA BCOM PA SEMS RNAM PAR GROL BA RNAMS KYI 'GOG PA GANG YIN PA'O, ,RGYAN DANG BCAS PA'I 'GOG PA LA GCIG NI 'DI LTA STE, DGRA BCOM PA GNYI GA'I CHA LAS GROL BA RNAMS KYI 'GOG PA GANG YIN PA'O, ,DE LA GNYI GA'I CHA NI SGRIB PA GNYIS TE 'DI LTA STE, NYON MONGS PA'I SGRIB PA DANG, SNYOMS PAR 'JUG PA'I SGRIB PA'O, ,KHYAD DU 'PHAGS PA MA YIN PA'I 'GOG PA LA GCIG NI 'DI LTA STE, NYON MONGS PA'I SGRIB PA MTHA' DAG RNAM PAR GROL BA NYAN THOS RNAMS KYI DANG, NYON MONGS PA'I SGRIB PA MTHA' DAG DANG, SHES BYA'I SGRIB PA PHYOGS GCIG RNAM PAR GROL BA RANG SANGS RGYAS RNAMS KYI 'GOG PA GANG YIN PA'O, ,KHYAD PAR DU 'PHAGS PA'I 'GOG PA LA GCIG NI 'DI LTA STE, SHES BYA'I SGRIB PA LHAG MA DANG BCAS PA RNAM PAR GROL BA YANG DAG PAR RDZOGS PA'I SANGS RGYAS RNAMS KYI 'GOG PA GANG YIN PA'O, ,LHAG MA DANG BCAS PA'I 'GOG PA LA GCIG NI 'DI LTA STE, PHUNG PO LHAG MA DANG BCAS PA'I MYA NGAN LAS 'DAS PA'I DBYINGS SO, ,LHAG MA MED PA'I MYA NGAN LAS 'DAS PA'I 'GOG PA LA GCIG NI 'DI LTA STE, @172A *, ,PHUNG PO LHAG MA MED PA'I DBYINGS SO, ,RNAM GRANGS LAS 'GOG PA LA RNAM GRANGS NYI SHU DGU NI 'DI LTA STE, MA LUS PAR SPANGS PA DANG, NGES PAR SPANGS PA DANG, BYANG BAR GYUR PA DANG, ZAD PA DANG, 'DOD CHAGS DANG BRAL BA DANG, 'GOG PA DANG, RNAM PAR ZHI BA DANG, NUB PA DANG, 'DUS MA BYAS DANG, BLTA DKA' BA DANG, MI G-YO BA DANG, MI GZHOL BA DANG, MI 'CHI BA DANG, ZAG PA MED PA DANG, GNAS DANG, GLING DANG, SKYOB PA DANG, SKYABS DANG, 'DREN PA DANG, MI 'PHO BA DANG, RIMS MED PA DANG, YONGS SU GDUNG BA MED PA DANG, BDE BA DANG, ZHI BA DANG, DNGOS PO MCHOG LAS BYUNG BA DANG, BDE LEGS GRUB PA DANG, NAD MED PA DANG, MI SPYOD PA DANG, MYA NGAN LAS 'DAS PA'O, ,DE LA MA LUS PAR SPANGS PA ZHES PA NI MDOR BSTAN PA'O, ,KUN NAS DKRIS PA SPANGS PA NI NGES PAR SPANGS PA'O, ,BAG LA NYAL BYANG BAR BYED PAS BYANG BAR 'GYUR BA'O, ,MTHONG BA'I LAM GYIS DE LTA BU DE RNAMS KUN DU SBYOR BA SPANGS PA'I DBANG DU BYAS TE ZAD PA'O, ,BSGOM PA'I LAM GYIS KUN DU SBYOR BA SPANGS PA'I DBANG DU BYAS TE CHAGS PA DANG 'BRAL BA'O, ,MTHONG BA DANG BSGOM PA'I LAS DAG GIS KUN DU SBYOR BA SPANGS PAS YANG MI SKYE BA SDUG BSNGAL 'GAGS PA 'DI NI 'GOG PA'O, ,MTHONG BA'I CHOS LA YID MI BDE BA NYE BAR ZHI BAS RNAM PAR ZHI BA'O, ,NYE BAR 'TSE BA MA LUS PAR BRAL BAS NUB PA'O, ,DE RNAMS NI MA LUS PAR SPANGS PA RGYAS PAR BSHAD PA'O, ,'DUS BYAS KYI MTSAN NYID RNAM PA GSUM DANG BRAL BAS 'DUS MA BYAS SO, ,SHA DANG LHA'I SPYAN GYI SPYOD YUL MA YIN PA'I PHYIR BLTA DKA' BA'O, ,'GRO BA LNGA RU RGYU BA DANG MI LDAN PA'I PHYIR MI G-YO BA'O, ,KHAMS GSUM GYI SRED PA GSUM MED PAS SRID PA RNAMS SU MI DAMS ? PA'I PHYIR MI GZHOM PA'O, ,PHUNG PO'I BDUD DANG MI LDAN PAS MI 'CHI BA'O, ,NYON MONGS PA'I BDUD DANG MI LDAN PAS ZAG PA MED PA'O, ,RNAM PAR GROL BA'I DGA' BA DANG RTEN YIN PA'I PHYIR GNAS SO, ,KHAMS GSUM YONGS SU BCAD PAS GLING NGO, ,NYE BAR 'TSE BA THAMS CAD BZLOG PAS SKYOB PA'O, ,RTEN GYI SBYOR BA 'BRAS @172B BU YOD PA'I GZHI'I GNAS NYID YIN PAS SKYABS SO, ,'PHAGS PA DAM PA RNAMS KYIS BGROD PA'I GZHI'I GNAS YIN PAS 'DREN PA'O, ,MI SKYE BA NYID YIN PAS 'KHRUL PA MI SRID PA'I PHYIR MI 'PHO BA'O, ,'DOD PA THAMS CAD NYAMS PA'I GDUNG BA MED PAS RIMS MED PA'O, ,MYA NGAN DANG SMRE SNGAGS 'DON PA DANG SDUG BSNGAL DANG YID MI BDE BA DANG 'KHRUG PA LA SOGS PA'I YONGS SU GDUNG BA MED PAS BSIL BAR GYUR PA'I PHYIR YONGS SU GDUNG BA MED PA'O, ,NA BA DANG, RGA SHI'I 'JIGS PA DANG BRAL BA 'PHAGS PA'I GNAS PA'I RTEN YIN PAS BDE BA'O, ,DGE BA'I CHOS THAMS CAD KYI RTEN YIN PAS ZHI BA'O, ,'JIG RTEN LAS 'DAS PA BDE BA'I DNGOS PO NYID YIN PAS DNGOS PO MCHOG LAS BYUNG BA'O, ,SBYOR BA BDE BAS BDE BA THOB PA'I PHYIR DMIGS PA'I NGO BO YIN PAS BDE LEGS GRUB PA'O, ,NYON MONGS PA LA SOGS PA SGRIB PA'I NAD DANG BRAL BA'I PHYIR NAD MED PA'O, ,SGROS ? PA'I G-YENG BA THAMS CAD DANG BRAL BA'I PHYIR MI BSKYOD PA'O, ,GZUGS LA SOGS PA'I 'DU SHES THAMS CAD DANG BRAL BA ZHI BA DANG BDE BAR GNAS PA'I DMIGS PA NYID YIN PA'I PHYIR MYA NGAN LAS 'DAS PA'O, ,SO SOR BRTAGS PA'I 'GOG PA LA RNAM PA MANG STE, DE LTAR YANG, ,KUN DU SBYOR BA'I RDZAS NI CI SNYED PA, ,KUN DU SBYOR BA BRAL RDZAS DE SNYED DO, ,ZHES PA NI GRUB PA'I MTHA'O, ,KUN DU SBYOR BA'I GNYEN PO CI SNYED PA, ,SO SOR BRTAGS PA'I 'GOG PA DE SNYED DO, ,YANG GSUNGS TE, SO SOR BRTAGS PA'I 'GOG PA DANG, ,BRAL BA SO SOR THA DAD DO, ,ZHES SO, ,LAM LA GNYIS NI 'DI LTA STE, 'JIG RTEN LAS 'DAS PA'O, ,DE LA 'JIG RTEN PA GNYIS NI 'DI LTA STE, GROL BA'I CHA DANG MTHUN PA DANG, NGES PAR 'BYED PA'I CHA DANG MTHUN PA'I DGE BA'I RTZA BA'O, ,DE LA GROL BA'I CHA DANG MTHUN PA LA RNAM PA GSUM NI 'DI LTA STE, DRAN PA NYE BAR GZHAG PA'I NGO BO DANG, YANG DAG PAR SPONG BA'I NGO BO DANG, RDZU 'PHRUL GYI RKANG PA'I NGO BO'O, ,NGES PAR 'BYED PA'I CHA DANG MTHUN PA LA GNYIS NI 'DI LTA STE, DBANG PO LNGA'I RANG BZHIN DANG, STOBS LNGA'I RANG BZHIN NO, ,DANG PO LA GNYIS NI 'DI LTA STE, @173A *, ,DROD THOB PA DANG, RTZE MOR PHYIN PA'O, ,GNYIS PA LA GNYIS NI 'DI LTA STE, BZOD PAR RTOGS PA DANG, CHOS MCHOG TU RTOGS PA'O, ,'JIG RTEN LAS 'DAS PA LA GNYIS NI 'DI LTA STE, BYANG CHUB YAN LAG BDUN GYI RANG BZHIN MTHONG LAM DANG, 'PHAGS PA'I LAM YAN LAG BRGYAD KYI RANG BZHIN BSGOM PA'I LAM MO, ,DE LA MTHONG BA'I LAM LA GNYIS NI 'DI LTA STE, BAR CHAD MED PA'I LAM GYI NGO BO DANG, RNAM PAR GROL BA'I LAM GYI NGO BO'O, ,DE LA BAR CHAD MED PA'I LAM GYI RANG BZHIN LA RNAM PA BRGYAD NI 'DI LTA STE, SDUG BSNGAL LA CHOS SHES PA'I BZOD PA DANG, SDUG BSNGAL LA RJES SU SHES PA'I BZOD PA DANG, KUN 'BYUNG LA CHOS SHES PA'I BZOD PA DANG, KUN 'BYUNG LA RJES SU SHES PA'I BZOD PA DANG, 'GOG PA LA CHOS SHES PA'I BZOD PA DANG, 'GOG PA LA RJES SU SHES PA'I BZOD PA DANG, LAM LA CHOS SHES PA'I BZOD PA DANG, LAM LA RJES SU SHES PA'I BZOD PA'O, ,RNAM PAR GROL BA'I LAM GYI RANG BZHIN LA YANG BRGYAD NI 'DI LTA STE, SDUG BSNGAL LA CHOS SHES PA DANG, SDUG BSNGAL LA RJES SU SHES PA DANG, KUN 'BYUNG LA CHOS SHES PA DANG, KUN 'BYUNG LA RJES SU SHES PA DANG, 'GOG PA LA CHOS SHES PA DANG, 'GOG PA LA RJES SU SHES PA DANG, LAM LA CHOS SHES PA DANG, LAM LA RJES SU SHES PA'O, ,MNGON PAR RTOGS PA'I RIM PA NI 'DI LTA STE, SDUG BSNGAL LA CHOS SHES PA'I BZOD PA DANG, SDUG BSNGAL LA CHOS SHES PA DANG, SDUG BSNGAL LA RJES SU SHES PA'I BZOD PA DANG, SDUG BSNGAL LA RJES SU SHES PA DANG, KUN 'BYUNG BA CHOS SHES PA'I BZOD PA DANG, KUN 'BYUNG LA CHOS SHES PA DANG, KUN 'BYUNG LA RJES SU SHES PA'I BZOD PA DANG, KUN 'BYUNG LA RJES SU SHES PA DANG, 'GOG PA LA CHOS SHES PA'I BZOD PA DANG, 'GOG PA LA CHOS SHES PA DANG, 'GOG PA LA RJES SU SHES PA'I BZOD PA DANG, 'GOG PA LA RJES SU SHES PA DANG, LAM LA CHOS SHES PA'I BZOD PA DANG, LAM LA CHOS SHES PA DANG, LAM LA RJES SU SHES PA'I BZOD PA DANG, LAM LA RJES SU SHES PA'O, ,SKAD CIG MA BCU DRUG NI BDEN PA BZHI LA DMIGS PA'O, ,DE LA CHOS SHES PA'I BZOD PA DANG, CHOS SHES PA'I SKAD CIG MA @173B BRGYAD NI 'DOD PA NA SPYOD PA'I NYON MONGS PA'I GNYEN PO'O, ,GZHAN RJES SU SHES PA'I BZOD PA DANG RJES SU SHES PA'I SKAD CIG MA BRGYAD NI GZUGS DANG GZUGS MED PA NA SPYOD PA'I NYON MONGS PA'I GNYEN PO'O, ,DE LA BZOD PA'I SKAD CIG MA THAMS CAD NI RKUN PO 'THON PA BZHIN DU NYON MONGS PA SPANGS PAS BAR CHAD MED PA'I LAM GYI RANG BZHIN NO, ,NYON MONGS PA THOB PA GCOD PAR BYED PA STE, SDUG BSNGAL LA SOGS PA MTHONG BA RNAMS SHES RAB KYI RANG GI NGO BO NYID YIN PA'O, ,CHOS SHES PA DANG RJES SU SHES PA'I SKAD CIG MA RNAMS KYANG NYON MONGS PA SPANGS PA LA SGO GLEGS GCOD PA'I RIGS LAS RTZOM PA DANG LDAN PA'O, ,RNAM PAR GROL BA'I LAM GYI RANG BZHIN NI, NYON MONGS PA BRAL BA THOB PA DANG LHAN CIG TU SKYE'O ZHES KHA CIG GO, ,GZHAN DAG BCU GNYIS NI MNGON DU BYED PA YIN LA RJES SU SHES PA NYID NI NGES PA'I BDAG NYID DO ZHES ZER RO, ,'DI DAG NI SPYAD PAR BYA BA YIN NO, ,DE RNAMS LA SKAD CIG BCO LNGA NI MTHONG BA'I LAM MO, ,DE LA GNAS PA'I RNAL 'BYOR PA RGYUN DU ZHUGS PA'I 'BRAS BU'I PHYIR ZHUGS PA ZHES BRJOD DO, ,BCU DRUG PA LAM LA RJES SU SHES PA NI BSGOM PA'I LAM MO, ,DE LA GNAS PA NI RGYUN DU ZHUGS PA NYID DO, ,RGYUN NI MYA NGAN LAS 'DA' BA'I RGYA MTSOR 'GRO BA'I LAM STE, DE LA ZHUGS PA NI THOB PA BYAS PA'O, ,'DIR MTHONG BA'I LAM LA SHES RAB DGUR 'GYUR TE 'DI LTA STE, 'DOD DU SPANG BYA SDUG BSNGAL DANG, KUN 'BYUNG SPANGS PA DANG, 'DOD DU 'GOG PA MTHONG BAS SPANG BYA SPANGS PA DANG, 'DOD DU LAM MTHONG BAS SPANGS BYA SPANGS PA DANG, DE BZHIN DU GZUGS KHAMS SU GSUM DANG, GZUGS MED PA'I KHAMS SU GSUM MO, ,MTHONG BA'I LAM GYIS MTHONG BA'I DON YANG DANG YANG DU RTZOL BAS BSGOM PA DE NYID RTZOL BYA DANG RTEN BYA YIN PAS LAM MO, ,'DIS NA BSGOM PA'I LAM ZHES BYA STE, DE LA YANG GNYIS NI 'DI LTA STE, BAR CHAD MED PA'I LAM GYI RANG BZHIN DANG, RNAM PAR GROL BA'I LAM GYI RANG BZHIN NO, ,DE LA BAR CHAD MED PA'I LAM NI 'DOD PA NA SPYOD PA'I NYON MONGS PA DBYE BA DGU'I GNYEN PO DBYE BA DGU NI 'DI LTA STE, CHUNG NGU DANG, 'BRING PO DANG, MCHOG GO, YANG RE RE LA GSUM DU PHYE STE, CHUNG NGU'I @174A *, ,CHUNG NGU DANG, CHUNG NGU'I 'BRING PO DANG, CHUNG NGU'I CHEN PO DANG, 'BRING PO'I CHUNG NGU DANG, 'BRING GI 'BRING DANG, 'BRING GI RAB DANG, RAB KYI CHUNG NGU DANG, RAB KYI 'BRING DANG, RAB KYI RAB STE DBYE BA DGU'O, ,DE BZHIN DU BSAM GTAN DANG PO'I SA LA NYON MONGS PA DBYE BA DGU'I GNYEN PO DBYE BA DGU'O, ,DE BZHIN DU BSAM GTAN GNYIS PA'I SA LA NYON MONGS PA DBYE BA DGU'I GNYEN PO RNAM PA DGU'O, ,DE BZHIN DU BSAM GTAN GSUM PA'I SA LA NYON MONGS PA DGU'I GNYEN PO DGU'O, ,DE BZHIN DU BSAM GTAN BZHI PA LA DGU'O, ,DE BZHIN DU NAM MKHA' MTHA' YAS SKYE MCHED LA DGU'O, ,DE BZHIN DU RNAM SHES MTHA' YAS SKYE MCHED LA DGU'O, ,DE BZHIN DU CI YANG MED PA'I SKYE MCHED LA DGU'O, ,DE BZHIN DU 'DU SHES MED 'DU SHES MED MIN GYI SKYE MCHED LA DGU STE, 'KHOR BA'I SA DGU PA SO SOR DGU DGU STE DGU PA DGU NI LAM GYI DBYE BA BRGYAD CU RTZA GCIG GO, ,KUN SBYOR RDZAS NI CI SNYED PA, ,KUN SBYOR BRAL RDZAS DE SNYED DO, ,ZHES BYAS SO, ,BAR CHAD MED PA'I LAM DE RNAMS KYI BAR DANG BAR DU RNAM PAR GROL BA'I LAM YANG BRGYAD CU RTZA GCIG NI 'DI LTA BU NYID DO, ,KHA CIG NA RE LAM DBYE BA DGU YIN TE 'DI LTA STE, SA DGU'I CHEN PO'I CHEN PO NYON MONGS PA'I GNYEN PA CHUNG NGU'I CHUNG NGU LAM DANG, SA DGU'I CHEN PO'I 'BRING NYON MONGS PA RNAMS KYI GNYEN PO CHUNG NGU'I 'BRING GI LAM DANG, SA DGU'I NYON MONGS PA CHEN PO'I CHUNG NGU'I GNYEN PO LAM CHUNG NGU'I CHEN PO DANG, SA DGU'I NYON MONGS PA 'BRING GI CHEN PO'I GNYEN PO LAM 'BRING GI CHUNG NGU DANG, SA DGU'I NYON MONGS PA 'BRING GI GNYEN PO LAM 'BRING GI 'BRING DANG, SA DGU'I NYON MONGS PA 'BRING GI CHUNG NGU GNYEN PO LAM 'BRING GI CHEN PO DANG, SA DGU'I NYON MONGS PA CHUNG NGU'I CHEN PO'I GNYEN PO LAM CHEN PO'I CHUNG NGU DANG, SA DGU'I NYON MONGS PA CHUNG NGU'I 'BRING GI GNYEN PO LAM CHEN PO'I 'BRING DANG, SA DGU'I NYON MONGS PA CHUNG NGU'I GNYEN PO LAM CHEN PO'I CHEN PO'O, ,DPER NA SKYES BU DPA' BO GCIG GIS DGRA MANG PO YANG RAB TE 'JOMS PA DE BZHIN DU, LAM GCIG GIS NYON MONGS PA RAB TU MANG BA RNAMS RTZA BA NAS 'BYIN PAR BYED @174B DO ZHES ZER RO, ,PHYOGS 'DI LA GZHAN DAG NA RE, LAM GYI RNAM PA DGU PAS SA DGU'I NYON MONGS PA DGU PA CHUNG NGU'I CHUNG NGU SPANGS PA NA, SPANG BAR BYA BA'I NYON MONGS PA MED PAS DE NYID KYI TSE RNAL 'BYOR PA KHAMS GSUM LA 'DOD CHAGS DANG BRAL BA'I DGRA BCOM PAR THAL BAR 'GYUR RO, ,DE LTA NA, 'DOD PAR RNAM PA DRUG PA DANG, DGU PA YANG DAG ZAD PA LAS, ,LAM GCIG 'ONG DANG MI 'ONG BA'I, ,GANG ZAG DAG TU 'GYUR BA'O, ,ZHES PA LA SOGS PA'I RNAM BAR GZHAG PA THAMS CAD NYAMS PAR 'GYUR BAS GUS PAR MI BYED DO, ,SPONG BA NA YANG, DANG POR MTHU RNAMS KYIS GZHIS LTAR YON TAN THAMS CAD KYI RTEN TSUL KHRIMS ZHES SHES PAR BYA STE, SO SOR THAR PA'I SDOM PA YANG DAG PAR BLANGS NAS BRTUL ZHUGS LA GNAS PA'I RNAL 'BYOR PAS BSGOM PAR RTZOM PA NA, SBYOR BA'I DUS SU DAM PA MA YIN PA'I TSOGS PA DANG DAM PA MA YIN PA'I RNAM PAR RTOG PA DAG YONGS SU SPANG BAR BYA'O, ,DE LA GANG ZAG RNAM PA GNYIS NI 'DI LTA STE, 'DOD CHAGS LA SPYOD PA DANG, RNAM PAR RTOG PA LA SPYOD PA'O, ,DE LA 'DOD CHAGS LA SPYOD PAS MI SDUG PA BSGOM PA SNGON DU 'GRO BAS ZHI GNAS BSKYED PAR BYA'O, ,DE LA 'DOD CHAGS LA DGU STE, 'DI LTA STE, DBYIBS LA CHAGS PA DANG, SDUG PA LA CHAGS PA DANG, LUS KYI DRI TZAN DAN LA SOGS PAS SKYED PA LA CHAGS PA DANG, LUS MDZES PA RGYAN LA SOGS PAS BSKYED PA LA CHAGS PA DANG, LUS KYI MDOG LA CHAGS PA DANG, SHA RGYAS PA LA CHAGS PA DANG, LUS DANG YAN LAG SGEG PA LA CHAGS PA DANG, SO MDZES PA PHUN SUM TSOGS PA LA CHAGS PA DANG, MDOG DANG DBYIBS LA CHAGS PA'O, ,GRANGS BZHIN DU DE RNAMS KYI GNYEN PO MI SDUG PA BSGOM PA'I DBYE BA RNAM PA DGU NI 'DI LTA STE, RNAM PAR SPANGS PA BZHIN DU RNAM PAR BAM PA'I 'DU SHES DANG, YAN LAG CHA SHAS THA DAD DU GYUR PAS RNAM PAR ZHIG PA'I 'DU SHES DANG, DRI NGAN PA RNAG GI RANG BZHIN YIN PAS RNAM PAR RNAGS PA'I 'DU SHES DANG, PAGS PA BSHUS PA BZHIN RNAM PAR DMAR BA'I 'DU SHES DANG, RUL BA'I RANG BZHIN YIN PAS RNAM PAR BSNGOS PA'I 'DU SHES DANG, MI GTZANG BA SPUNGS PA'I 'DU SHES DANG, RNAM PAR RING DU GYUR PAS @175A *, ,RNAM PAR 'BYER BA'I 'DU SHES DANG, RUS PA'I RANG BZHIN NYID YIN PAS KENG RUS KYI 'DU SHES DANG, RNAM PAR TSIG PA'I 'DU SHES SO, ,'DI BSGOM PA LAS NYON MONGS PA RNAMS RNAM PAR RENGS PAR BYED CING ZHI GNAS RDZOGS PAR BYED DO, ,RNAM PAR RTOG PA LA DPYOD PAS DBUGS RDUB PA DANG 'BYUNG BA RJES SU DRAN PA BSGOM PA SNGON DU 'GRO BA ZHI GNAS SKYED PAR BYED DO, ,DE LA DBUGS RDUB PA DANG 'BYUNG BA RJES SU DRAN PA LA DRUG NI 'DI LTA STE, BGRANG BA DANG, RJES SU BGROD PA DANG, GNAS PA DANG, MTSON PAR BYED PA DANG, SGYUR BA DANG, YONGS SU DAG PA'O, ,DE LA RDUB PA NI DBUGS TE 'JUG PA'I RLUNG NGO, ,'BYUNG BA NI DBUGS TE PHYIR 'BYUNG BA'I RLUNG NGO, ,RLUNG DE DAG LA DMIGS PAR BYED PA'I SHES RAB NI RDUB PA DANG 'BYUNG BA RJES SU DRAN PA'O, ,DE LA BGRANG BA ZHES BYA BA NI LUS DANG SEMS KYI GRANGS TE 'JUG PA DANG 'BYUNG BA TZAM LA SEMS BRLAN NAS BGRANG BAR 'GYUR BA'O, ,GCIG GNYIS NAS BCU'I BAR DU'O, ,DE BZHIN DU YANG DANG YANG DU'O, ,'DI LA SKYON GSUM STE 'DI LTA STE, MA TSANG BA BGRANG BA NI GANG GI TSE, GNYIS LA GCIG TU 'DZIN PA DANG, LHAG PA BGRANG BA NI GANG GI TSE GCIG LA GNYIS SU 'DZIN PA'O, , BSRES PA NI GANG GI TSE 'JUG PA LA 'BYUNG BAR 'DZIN PA DANG, 'BYUNG BA LA 'JUG PAR 'DZIN PA'O, ,DE LAS GZHAN DU BGRANG BA NI YANG DAG PA'I BGRANG BA'O, ,BAR DU G-YENG BAR GYUR NA, YANG DAG PA NAS BGRANG BAR BYA'O, ,CI SRID DU TING NGE 'DZIN RDZOGS PAR MA GYUR PA DE SRID DU BSGOM PAR BYA'O, ,RJES SU BGROD PA ZHES PA NI, 'JUG PA'I RLUNG NI MI RTZOL LA RIM GYIS MGRIN PA SNYING GA LTE BA RKED PA BRLA RJE NGAR NAS ZHUGS TE RKANG PA'I BAR DU NYE BAR BGROD PA'O, ,'BYUNG BA'I RLUNG NI MTHO GCIG GAM GNYIS SAM CI SRID DU 'DOM GYI BAR DU'O, ,GNAS PA ZHES PA SNA'I RTZE NAS RKANG PA'I MTHEB CHEN GYI BAR DU GNAS PA NOR BU'I SKUD PA BZHIN DU BLTA'O, ,CI 'DI DAG RJES SU 'DZIN PAR BYED PA'AM NYE BAR GNOD PA BYED PA'AM BSIL BA'AM DRO BA ZHES PA'O, ,MTSON PAR BYED PA ZHES PA NI, 'DI DAG NI RLUNG 'BA' ZHIG KHO NA MA YIN TE, 'DI NI 'BYUNG BA CHEN PO BZHI DANG @175B DE LA BRTEN PA DANG 'BYUNG BA LAS GYUR PA DANG SEMS DANG SEMS LAS BYUNG BA'O, ,PHUNG PO LNGA RU NYE BAR MTSON PAR BYED PA'O, ,SGYUR BA ZHES PA RLUNG LA DMIGS PA'I BLO BZLOG STE, DGE BA'I RTZA BA GONG MA LA NGES PAR SBYOR BA CI SRID DU CHOS MCHOG LA SOGS PA'I SBYOR BA LA SOGS PA'O, , YONGS SU DAG PA ZHES PA CI SRID DU MTHONG LAM LA SOGS PA LA NGES PAR SBYOR BAR BYED PA'O, ,DBUGS RDUB PA DANG 'BYUNG BA RJES SU DRAN PA 'DI NI NYON MONGS PA RNAMS RNAM PAR NGES PAR BYED CING ZHI GNAS RDZOGS PAR BYED DO, ,DE LA MI RTAG PA BSGOM PA'AM 'BYUNG 'JUG RJES SU DRAN PA BSGOMS PAS ZHI GNAS RDZOGS PA LA DRAN PA NYE BAR GZHAG PA BSGOM PAR BYA BA YIN NO, ,DRAN PA NYE BAR GZHAG PA BSGOM PA NI ZHI GNAS NGES PAR RDZOGS PAR BYA ZHES SO, ,DE LA DANG PO MI GTZANG BA LA GTZANG BA'I 'DU SHES PHYIN CI LOG GI GNYEN PO LUS DRAN PA NYE BAR GZHAG PA DANG, DE NAS SDUG BSNGAL LA BDE BAR 'DU SHES PHYIN CI LOG GI GNYEN PO TSOR BA DRAN PA NYE BAR GZHAG PA DANG, DE NAS MI RTAG PA LA RTAG PAR 'DU SHES PHYIN CI LOG GI GNYEN PO SEMS DRAN PA NYE BAR GZHAG PA DANG, DE NAS BDAG MED PA LA BDAG TU 'DU SHES PHYIN CI LOG GI GNYEN PO CHOS DRAN PA NYE BAR GZHAG PA'O, ,DAD PA LA SOGS PA'I CHOS NYID LA DMIGS PA NYID KYI PHYIR RO, ,BZHI PO DE RNAMS NI GZUGS PAR BYA BA'I MTSAN NYID KYIS GZUGS SO ZHES PA LA SOGS PA RANG GI MTSAN NYID KYIS DANG, STONG PA'I BDAG NYID KYI NGO BO SPYI'I MTSAN NYID KYIS NGAL SO BA MED PAR SEMS KYIS GZHIGS TE BSGOM MO, ,DE'I RJES SU SEMS 'DIS YANG DAG PAR 'DZIN PAR BYED PAS YANG DAG PA'I SPONG BA ZHES PA BSGOM PAR BYA'O, ,BZHI PO DE NI 'DI LTA STE, MI DGE BA SKYES PA RNAMS SPONG BA'I PHYIR 'DUN PA DANG, MI DGE BA MA SKYES PA RNAMS MI SKYED PA'I PHYIR 'DUN PA DANG, DGE BA SKYES PA RNAMS 'PHEL BA'I PHYIR 'DUN PA DANG, MA SKYES PA'I DGE BA RNAMS SKYED PA'I PHYIR 'DUN PA'O, ,'DUN PA NI 'DIR BRTZON 'GRUS SO, ,DE'I RJES SU 'JIG RTEN LAS 'DAS PA RDZU 'PHRUL GYI GO 'PHANG GI GNAS YIN PA'I PHYIR RDZU 'PHRUL GYI RKANG PA BZHI BSGOM PAR BYA'O, ,'DI LTA STE, 'DUN PA DRAG PO DANG LDAN PAS SEMS RTZA GCIG PA'I MTSAN NYID TING NGE @176A *, ,'DZIN NI 'DUN PA'I RDZU 'PHRUL GYI RKANG PA'O, ,MI DGE BA SPONG BA DANG DGE BA BSKYED PA LA YANG DAG PAR SPONG BA'I BRTZON 'GRUS KYIS RAB TU LDAN PA'I SEMS RTZE GCIG PA'I MTSAN NYID TING NGE 'DZIN NI BRTZON 'GRUS KYI RDZU 'PHRUL GYI RKANG PA'O, ,ZHI GNAS RAB TU SLONG BA BTANG SNYOMS KYI MTSAN MA SEMS KYIS SBYONG BAR BYED PAS SEMS RTZE GCIG PA'I MTSAN NYID TING NGE 'DZIN NI SEMS KYI RDZU 'PHRUL GYI RKANG PA'O, ,CI BDAG NI MI DGE BA PHRA MO LA KUN DU DPYOD PA, BDAG NI RTOG PA LA YONGS SU DPYOD PA'O ZHES YANG DAG PAR DMIGS PAR BYED PA SEMS RTZE GCIG PA'I MTSAN NYID TING NGE 'DZIN NI DPYOD PA'I RDZU 'PHRUL GYI RKANG PA'O, ,DE RNAMS RDZOGS PAR SKYES PA NA KUN NAS DKRIS PA RNAMS SPANGS SHING, BAG LA NYAL RNAMS SPANG BA'I PHYIR YANG, YANG DAG PAR SPONG BA'I BRTZON PA RTZOM PAR BYED PA NA, SPONG BA'I 'DU BYED BRGYAD 'BYUNG BAR 'GYUR RO, ,'DI LTA STE, DUS NAM 'JIG RTEN DANG 'JIG RTEN LAS 'DAS PA'I SNYOM PAR 'JUG PA SKYE BAR 'GYUR ZHES 'DUN PA DANG, MI DGE BA RNAMS GZHOM PA'I PHYIR BRTZON 'GRUS DANG, RTOGS PA GANG MA DAD PA DANG, DAD PA SNGON DU 'GRO BA'I SHIN TU SBYANGS PA DANG, DE LA'ANG DRAN PA SHES BZHIN GYI PHYOGS DANG, LHAG MTHONG GI PHYOGS SHES BZHIN DANG, DE'ANG SEMS MNGON PAR 'DU BYED PA'I MTSAN NYID SEMS PA DANG, KUN NAS NYON MONGS PA MED PA'I MTSAN NYID BTANG SNYOMS SO, ,DE RNAMS NI TSOGS KYI LAM STE THAR PA'I CHA DANG MTHUN PA'I DGE BA'I RTZA BA ZHES BRJOD DO, ,DE'I RJES SU DE BZHIN DU YONGS SU SBYANG BA BYAS PAS, YUL BDEN PA BZHI MI RTAG PA LA SOGS PA RNAM PA BCU DRUG TU BSGOM PA'I RANG BZHIN, BDAG TU LTA BA'I GNYEN PO'I NGO BO, 'JIG RTEN PA LA SBYOR BA'I LAM, NGES PAR 'BYED PA'I CHA DANG MTHUN PA'I DGE BA'I RTZA BA NI RNAM PA BZHIN 'GYUR BA YIN NO, ,'DI LTA STE, GTZUB SHING GI ME'I SNGON DU DRO BA'I NGO BO BZHIN DU, 'JIG RTEN LAS 'DAS PA'I ME'I SNGON DU YUL BDEN PA BZHI RNAM PA BCU DRUG GI NGO BO DROD DANG, DE NAS DE DANG 'DRA BA NYID DU G-YO BA'I DGE BA'I RTZA BA RNAMS KYI SPYI BO YIN PA'I PHYIR RTZE MOR PHYIN PA DANG, DE NAS THAMS CAD BZOD PA'I PHYIR @176B BZOD PA DANG, DE NAS 'JIG RTEN PA THAMS CAD KYI RTZE MO'I PHYIR CHOS MCHOG GO, ,DE LA DROD DANG RTZE MO'I RANG BZHIN DAD PA BRTZON 'GRUS DRAN PA TING NGE 'DZIN SHES RAB LNGA NI, 'JIG RTEN LAS 'DAS PA'I CHOS BSKYED PA LA BDAG POR GYUR PA THOB PA'I PHYIR NA DBANG POR GYUR PA YIN NO, ,RDZU 'PHRUL RKANG PA LA SBYOR BA'I RTAGS MTHONG BA LAS GONG MA'I CHOS SKYED PA MA NGES PA SKYES PA'I PHYIR DANG STON PA'I LHAG PAR RTOGS PA LA MNGON PAR YID CHES PA'I PHYIR DAD PA'I DBANG PO'O, ,DAD PA LHAG PA LAS BRTZON 'GRUS DRAN PA TING NGE 'DZIN SHES RAB LHAG PA CAN NO, ,DBANG PO LNGA NYID SGOM PAR BYED PA NI DE LTAR 'PHEL BA LAS CI LTAR BDUD LA SOGS RNAMS KYIS MI THUB PA'I PHYIR DANG RNAM PAR NYES PAR BYA BA MA YIN PA'I PHYIR STOBS ZHES PA'I MING THOB BO, ,STOBS DE RNAMS NI BZOD PA DANG CHOS MCHOG GI RANG BZHIN NO, ,DE'I RJES SU MTHONG BA'I LAM SKYE STE, DE'ANG ZAG PA MED PA YIN PAS 'PHAGS PA'I LAM 'JIG RTEN LAS 'DAS PA, MTHONG BAS SPANG BAR BYA BA'I NYON MONGS PA RTZA BA NAS MED PAR BYED PA'O, ,'DI LTA STE, SDUG BSNGAL LA CHOS SHES PA'I BZOD PA SKYE BZHIN PA NA, 'DOD PA NA SPYOD PA'I SDUG BSNGAL GEGS BCU 'DOD CHAGS KHONG KHRO NGA RGYAL MA RIG PA THE TSOM 'JIG TSOGS LA LTA BA LOG PAR LTA BA MTHAR 'DZIN PAR LTA BA, LTA BA MCHOG TU 'DZIN PA TSUL KHRIMS BRTUL ZHUGS MCHOG TU 'DZIN PA RNAMS KYIS THOB PA GCOD PAR BYED DO, ,DE NAS SDUG BSNGAL LA CHOS SHES PA NYON MONGS PA MI LDAN PA THOB PA DANG LHAN CIG TU SKYE'O, ,DE'I RJES SU SDUG BSNGAL LA RJES SU SHES PA'I BZOD PA SKYE BA NA, DE RNAMS LA KHONG KHRO MA GTOGS PA, GZUGS NA SPYOD PA SDUG BSNGAL BDEN PA'I GEGS DGU DANG, GZUGS MED PA NA SPYOD PA SDUG BSNGAL GEGS DGU STE, BAG LA NYAL BCO BRGYAD RNAMS KYIS THOB PA RNAMS GCOD PA'O, ,DE NAS SDUG BSNGAL LA RJES SU SHES PA NYON MONGS PA MI LDAN PA THOB PA DANG LHAN CIG TU SKYE'O, ,DE'I RJES SU KUN 'BYUNG LA CHOS SHES PA'I BZOD PA SKYE BZHIN PA NA, DE RNAMS LA 'JIG TSOGS LA LTA BA MTHAR 'DZIN PAR LTA BA TSUL KHRIMS BRTUL ZHUGS MCHOG TU 'DZIN PA MA GTOGS PA, 'DOD @177A *, ,PA NA SPYOD PA KUN 'BYUNG GI GEGS BDUN RNAMS KYIS THOB PA GCOD PA'O, ,DE NAS KUN 'BYUNG LA CHOS SHES PA NYON MONGS PA MI LDAN PA THOB PA DANG LHAN CIG TU SKYE'O, ,DE NAS KUN 'BYUNG LA RJES SU SHES PA'I BZOD PA SKYE BZHIN PA NA, DE RNAMS LA KHONG KHRO BA MA GTOGS PA, KUN 'BYUNG GEGS 'DOD PA NA SPYOD PA DRUG DANG, GZUGS MED PA NA SPYOD PA DRUG STE BAG LA NYAL BCU GNYIS RNAMS KYIS THOB PA RNAMS GCOD PA'O, ,DE NAS KUN 'BYUNG LA RJES SU SHES PA NYON MONGS PA BRAL BA THOB PA DANG LHAN CIG TU SKYE'O, ,DE'I RJES SU 'GOG PA LA CHOS SHES PA'I BZOD PA SKYE BZHIN PA NA, DE KHO NA BZHIN DU, 'GOG PA'I GEGS 'DOD PA NA SPYOD PA NYON MONGS PA BDUN RNAMS KYIS THOB PA GCOD DO, ,DE NAS 'GOG PA LA CHOS SHES PA NYON MONGS PA MI LDAN PA THOB PA DANG LHAN CIG TU SKYE'O, ,DE'I RJES SU 'GOG PA LA RJES SU SHES PA'I BZOD PA SKYE BZHIN PA NA, DE RNAMS LA KHONG KHRO MA GTOGS PA 'GOG PA'I GEGS GZUGS NA SPYOD PA DRUG DANG, GZUGS MED PAS BSDUS PA DRUG STE, BAG LA NYAL BCU GNYIS KYIS THOB PA GCOD PA'O, ,DE NAS 'GOG PA LA RJES SU SHES PA NYON MONGS PA 'GAGS PA THOB PA DANG LHAN CIG TU SKYE'O, ,LAM LA CHOS SHES PA'I BZOD PA SKYE BZHIN PA NA, DE RNAMS LA TSUL KHRIMS BRTUL ZHUGS MCHOG TU 'DZIN PA DANG BCAS PA 'DOD PA NA SPYOD PA LAM GYIS BSDUS PA BAG LA NYAL BRGYAD KYIS THOB PA GCOD PA'O, ,DE NAS LAM LA CHOS SHES PA NYON MONGS PA 'GAGS PA THOB PA DANG LHAN CIG TU SKYE'O, ,LAM LA RJES SU SHES PA'I BZOD PA SKYE BA NA, DE RNAMS LA KHONG KHRO MA GTOGS PA, LAM GYI GEGS GZUGS NA SPYOD PA BDUN DANG GZUGS MED PA NA SPYOD PA LAM GYI GEGS BDUN TE, BAG LA NYAL BCU BZHI RNAMS KYIS THOB PA GCOD PA'O, ,MTHONG LAM SKAD CIG BCO LNGA 'DI RNAMS NI MTHONG BA'I LAM STE BRGYAD PA'I SA ZHES SO, ,'DI LA GNAS PA'I GANG ZAG NI RGYUN DU ZHUGS PA'I 'BRAS BU'I PHYIR ZHUGS PA ZHES RNAM PAR BZHAG PAR BYA'O, ,BCU DRUG PA LAM LA RJES SU SHES PA'I SKAD CIG NI BSGOM PA'I LAM GYI RANG BZHIN TE, 'DI LA GNAS PA NI RGYUN DU ZHUGS PA RNAM PAR GZHAG GO, , @177B 'DI LAS PHA ROL DU SDUG BSNGAL LA SOGS PA'I BDEN PA MTHONG LA, YANG MTHONG BA'I DON RTZOL BAS SGOM PA DANG, 'DIS MYA NGAN LAS 'DAS PA TSOL BAR BYED PAS NA BSGOM PA'I LAM MO, ,DE 'ANG 'DOD PA'I KHAMS SU BAR CHAD MED PA'I LAM GYI BDAG NYID NYON MONGS PA 'JOMS PAR BYED PA RNAMS PA DGU SNGON DU BSHAD DO, ,DE LA 'DOD PAS BSDUS PA'I NYON MONGS PA RNAM PA LNGA'I MTHAR THUG PA SPANGS PA NI RGYUN DU ZHUGS PA KHO NA STE, MI'I RIGS NAS RIGS DANG LHA'I RIGS NAS RIGS KYI RANG BZHIN GYIS LAN CIG PHYIR 'ONG PA'I 'BRAS BU'I PHYIR ZHUGS PA'O, ,DRUG PA SPANGS PA NI LAN CIG PHYIR 'ONG BA'O, ,LAN CIG PHYIR 'ONG BA NYID RNAM PA BDUN DANG BRGYAD PA ZAD PA NI PHYIR MI 'ONG BA'I 'BRAS BU'I PHYIR ZHUGS PA'O, ,'DOD PAS BSDUS PA'I NYON MONGS PA RNAM PA DGU PA ZAD PA NA PHYIR MI 'ONG BA'O, ,DE'I RJES SU BSAM GTAN DANG PO'I SA'I NYON MONGS PA'I RNAM PA DANG PO NAS BZUNG STE, 'DU SHES MED 'DU SHES MED MIN SKYE MCHED KYI SA'I NYON MONGS PA RNAM PA BRGYAD PA TSUN CHAD NYON MONGS BDUN CU GCIG LAM RNAMS BDUN CU GCIG GIS ZAD PAR BYAS PA NI DGRA BCOM PA'I 'BRAS BU'I PHYIR ZHUGS PA'O, ,NYON MONGS PA DGU PA SPONG BAR BYED PA'I BSGOM PA'I LAM GANG YIN PA DE NI BAR CHAD MED PA'I LAM RDO RJE LTA BU'I TING NGE 'DZIN DU RNAM PAR GZHAG GO, ,DE RNAMS LA BAR BAR DU RNAM PAR GROL BA'I LAM BRGYAD CU'O, ,BRGYAD CU RTZA GCIG PA'I RNAM PAR GROL BA'I LAM NI BTZAL BAR BYA BA YIN PAS LAM STE ZAD PA SHES PA'O, ,ZAD PA SHES PA YANG DAG PAR SKYES PA NA GANG ZAG CHUNG NGU'I 'BRING MCHOG THAMS CAD KHAMS GSUM LA 'DOD CHAGS DANG BRAL BA DANG, YON GYI GNAS SU 'OS PA'I DGRA BCOM PAR GYUR PA NYID DO, ,DE LA GANG ZHIG MI G-YO BA'I CHOS CAN DE NI ZAD PA SHES PA'I DE MA THAG TU MI SKYE BA SHES PA SKYED PAR BYED DO, , NYAN THOS RNAMS KYIS YANG BCU STE, 'DI LTAR, LHAG MTHONG 'BA' ZHIG GI GNAS SKABS NGES PAR 'BYED PA'I CHA DANG MTHUN PA NI DKAR PO RNAM PAR MTHONG BA'I SA DANG, CHOS MCHOG GI GNAS SKABS RIGS KYI SA DANG, RGYUN DU ZHUGS PA'I 'BRAS BU'I PHYIR ZHUGS PA NI BRGYAD PA'I SA DANG, @178A *, ,RGYUN DU ZHUGS PA NYID NI MTHONG BA'I SA DANG, LAN CIG PHYIR 'ONG BA'I 'BRAS BU'I SROL DU ZHUGS PA'I SA DANG, LAN CIG PHYIR 'ONG BA NI BSRABS PA'I SA DANG, PHYIR MI 'ONG BA'I 'BRAS BU'I SROL DU ZHUGS PA'I SA DANG, PHYIR MI 'ONG BA NI 'DOD CHAGS DANG BRAL BA'I SA DANG, DGRA BCOM PA'I 'BRAS BU'I SROL DU ZHUGS PA'I SA DANG, DGRA BCOM PA NI BYAS PA SRUNG BA'I SA'O, ,YANG NA NYAN THOS KYI SA LA BDUN NI 'DI LTA STE, RIGS KYI SA DANG, BRGYAD PA'I SA DANG, MTHONG BA'I SA DANG, BSRABS PA'I SA DANG, 'DOD CHAGS DANG BRAL BA'I SA DANG, BYAS PA SRUNG BA'I SA DANG, SROL DU ZHUGS PA GSUM GYI SA'O, ,'DI NI RIGS KYI 'JUG PA'I RNAM PAR GZHAG PA'O, ,GZHAN DAG NI, DANG PO 'JIG RTEN PA'I LAM GYI 'DOD PAS BSDUS PA'I BSGOM PAS SPANG BAR BYA BA RNAM PA DRUG SPANGS NA, DE'I RJES SU ZAG PA MED PA'I MTHONG LAM SKAD CIG MA BCO LNGAS, MTHONG BAS SPANG PAR BYA BA'I NYON MONGS PA RNAM PA MTHA' DAG RTZA BA NAS BCAD DE, BCU DRUG PA LAM LA RJES SU SHES PA'I SKAD CIG MA LA LAN CIG PHYIR 'ONG BAR 'GYUR RO, ,RNAM PAR GZHAG PA 'DI LA, RGYUN DU ZHUGS PA'I 'BRAS BU'I PHYIR ZHUGS PA DANG, RGYUN DU ZHUGS PA'I 'BRAS BU'I RIGS DANG, RGYUN DU ZHUGS PA'I 'BRAS BU'I PHYIR ZHUGS PA'I THA SNYAD MED DO, ,YANG NA DANG PO 'JIG RTEN PA'I LAM GYI 'DOD PAS BSDUS PA'I SGOM PA'I SPANG BYA RNAM PA DGU SPANGS NAS, DE'I RJES SU ZAG PA MED PA'I MTHONG LAM SKAD CIG MA BCO LNGAS, MTHONG BAS SPANG BAR BYA BA NYON MONGS PA RNAM PA MTHA' DAG RTZA BA NAS BCAD DE, BCU DRUG PA LAM LA RJES SU SHES PA'I SKAD CIG MA LA 'DOD PA LA 'DOD CHAGS DANG BRAL BA PHYIR MI 'ONG BA'O, ,RNAM PAR GZHAG PA 'DI LA RGYUN DU ZHUGS PA'I 'BRAS BU'I PHYIR ZHUGS PA RGYUN DU ZHUGS PA RIGS NAS RIGS LAN CIG PHYIR 'ONG BA'I 'BRAS BU'I PHYIR ZHUGS PA LAN CIG PHYIR 'ONG BA BAR CHAD GCIG PA PHYIR MI 'ONG BA'I 'BRAS BU'I SROL DU ZHUGS PA RNAMS KYI THA SNYAD MED DO, ,YANG NA 'JIG RTEN PA'I LAM GYI KHAMS GNYIS LA 'DOD CHAGS DANG BRAL BAR GYUR NAS, MTHONG LAM GYI MTHONG BAS SPANG BAR BYA BA NYON MONGS PA SPANGS MA THAG TU BCU DRUG @178B PA LAM LA RJES SU SHES PA'I SKAD CIG MA LA KHAMS GNYIS LA 'DOD CHAGS DANG BRAL BA PHYIR MI 'ONG BAR 'GYUR BA YIN NO, ,DE'I RJES SU 'JIG RTEN LAS 'DAS PA BSGOM PA'I LAM RNAM PA DGUS, GZUGS MED PAS BSDUS PA'I NYON MONGS PA RNAM PA DGU SNGON BZHIN DU SPANGS TE ZAD PA SHES PA SKYED PAR BYED DO ZHES PA NI SNGON BZHIN DU THAMS CAD SBYAR BAR BYA'O, ,'DI KHO NA BZHIN DU DBANG PO 'BRING PO RANG SANGS RGYAS KYI THEG PA PA YANG ZAD PA DANG MI SKYE BA SHES PA SKYED PAR BYED DO, ,DE LA'ANG RIM GYIS NI MI SRID DO, ,'DI LA 'BRAS BU LA GNAS PA DANG SROL DU ZHUGS PA LA SOGS PA'I THA SNYAD NI MED DO, ,GANG 'DIS NI STAN GCIG NYID LA GNAS NAS THAMS CAD RDZOGS PAR BYED PA YIN NO, ,BYANG CHUB SEMS DPA' YANG BSOD NAMS DANG YE SHES KYI TSOGS YONGS SU RDZOGS PAR BYAS NAS, BYANG CHUB SNYING POR BYON PA NYID NA 'JIG RTEN PA'I LAM GYIS 'DOD PA'I KHAMS NAS BZUNG STE CI YANG MED PA'I SKYE MCHED KYI BAR DU 'DOD CHAGS DANG BRAL BAR GYUR NA, NGES PAR GNON PA 'JIG RTEN LAS 'DAS PA MTHONG BA'I LAM SKAD CIG MA BCU DRUG GIS MTHONG BAS SPANG BAR BYA BA NYON MONGS PA MTHA' DAG SPANGS TE, BSGOM PA'I LAM RNAM PA DGUS SRID PA'I RTZO MO'I NYON MONGS PA RNAM PA DGU SPANGS NAS YANG DAG PAR RDZOGS PA'I BYANG CHUB RJES SU THOB BO, ,DES NA MTHONG LAM SKAD CIG MA BCU DRUG DANG, BAR CHAD MED PA'I LAM DGU DANG, 'DI RNAMS KYI BAR BAR DU 'BYUNG BA RNAM PAR GROL BA'I LAM SKAD CIG MA DGU STE SEMS KYI SKAD CIG MA SUM CU BZHIS BLA NA MED PA YANG DAG PAR SANGS RGYA'O, ,CHOS MNGON PA MDZOD LAS KYANG GSUNGS TE, SKAD CIG SUM CU BZHIS THOB NYID, ,CES SO, ,'DI'I BYE BRAG TU BSHAD PA LAS, BYANG CHUB SEMS DPA' RNAMS KYI SKAD CIG SUM CU BZHIS RJES SU 'THOB PO LO, ,BDEN PA'I MNGON PAR RTOGS PA BCU DRUG DANG, SRID PA'I RTZE MO LA 'DOD CHAGS DANG BRAL BA STE NYON MONGS SKYE BA RNAM PA DGU SPANG BA'I PHYIR BAR CHAD MED PA DANG RNAM PAR GROL BA'I LAM DGU SKYE BAS SO, ,DES NA SUM CU RTZA BZHIR 'GYUR RO, ,CI YANG MED PA'I SKYE MCHED LA 'DOD CHAG DANG BRAL BA 'DIS NGES PA RNAM PAR NON PA NA @179A *, ,SA 'OG MA NI SPANG BYAR 'GYUR BA MA YIN NO, ,PAndITA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS 'PHAGS PA'I BDEN PA BZHI RNAM PAR NGES PA ZHES BYA BA LE'U BCU GNYIS PA'O,, ,,'PHAGS PA GNAS BRTAN PA'I SDE BA'I LUNG LAS 'DI LTAR RNAM PAR BZHAG STE, DE LA LAS DANG PO PA'I RNAL 'BYOR PAS RGA SHI LAS GROL BAR 'DOD PA DANG, 'KHOR BA'I RGYU YANG DAG PAR GCOD PA DON DU GNYER BA DANG, MA RIG PA'I MUN PA RNAM PAR SEL BA'I DON DU GNYER BA DANG, 'PHAGS PA'I SHES RAB THOB PA DON DU GNYER PA RNAMS KYIS GNAS LNGA LA MKHAS PAR BSKYED PAR BYA'O, ,'DI LTA STE, PHUNG PO LA MKHAS PA DANG, SKYE MCHED LA MKHAS PA DANG, KHAMS LA MKHAS PA DANG, RTEN CING 'BREL PAR 'BYUNG BA LA MKHAS PA DANG, 'PHAGS PA'I BDEN PA LA MKHAS PA'O, ,DE LA PHUNG PO LNGA NI 'DI LTA STE, GZUGS KYI PHUNG PO DANG, TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,DE LA GZUGS KYI PHUNG PO NI GNYIS TE 'DI LTAR, 'BYUNG BA CHEN PO DANG, 'BYUNG BA CHEN PO LAS BYUNG BA'I GZUGS SO, ,DE LA 'BYUNG BA CHEN PO LA BZHI NI 'DI LTAR, SA DANG, CHU DANG, ME DANG, RLUNG NGO, ,'BYUNG BA CHEN PO LAS BYUNG BA'I GZUGS NI NYI SHU NYER DRUG STE, 'DI LTAR, MIG DANG, RNA BA DANG, SNA DANG, LCE DANG, LUS DANG, GZUGS DANG, SGRA DANG, DRI DANG, RO DANG, REG PA DANG, BUD MED KYI DBANG PO DANG, SKYES PA'I DBANG PO DANG, SROG GI DBANG PO DANG, LUS KYI RIG BYED DANG, NGAG GI RIG BYED DANG, NAM MKHA'I KHAMS DANG, GZUGS KYI SPANG BA NYID DANG, GZUGS KYI 'JAM PA NYID DANG, GZUGS KYI LAS SU RUNG BA NYID DANG, GZUGS KYI 'PHEL BA DANG, GZUGS KYI RGYUD DANG, GZUGS KYI SKYE BA DANG; GZUGS KYI RGA BA DANG, GZUGS KYI MI RTAG PA DANG, KHAMS KYI ZAS DANG, DNGOS PO'I NGO BO DANG, GNYID DO, ,DE'I PHYIR 'BYUNG BA CHEN PO BZHI DANG NYE BAR BSLANG BA'I GZUGS NYI SHU NYER DRUG STE, GZUGS SUM CUR 'GYUR RO, ,GZUGS SUM CU RNAMS RGYU LNGA LAS BYE BRAG TU GYUR PA SHES PAR BYA'O, , @179B 'DI LTA STE, KUN SLONG DANG, TSOGS PA DANG, SKYE BA DANG, SNA TSOGS PA NYID DANG, GCIG NYID DO, ,DE LA KUN SLONG NI BZHI STE 'DI LTAR, LAS KYIS KUN DU BSLANG BA DANG, SEMS KYIS KUN DU BSLANG BA DANG, DUS KYIS KUN DU BSLANG BA DANG, KHA ZAS KYIS KUN DU BSLANG BA'O, ,DE LA GZUGS DGU NI LAS KYIS KUN DU BSLANG BA STE 'DI LTAR, MIG DANG, RNA BA DANG, SNA DANG, LCE DANG, LUS DANG, BUD MED KYI DBANG PO DANG, SKYES PA'I DBANG PO DANG, SROG GI DBANG PO DANG, DBANG PO'I NGO BO'O, ,GZUGS GNYIS NI SEMS KYIS KUN DU BSLANG BA STE, 'DI LTAR, LUS KYI RIG BYED DANG, NGAG GI RIG BYED DE, , GCIG NI DUS DANG SEMS KYIS KUN DU BSLANG BA STE SGRA'O, ,DUS DANG SEMS DANG ZAS KYIS KUN DU BSLANG BA NI BZHI STE, 'DI LTAR GZUGS KYI YANG BA DANG, GZUGS KYI 'JAM PA DANG, GZUGS KYI LAS SU RUNG BA DANG, GNYID DO, ,DUS DANG LAS DANG SEMS DANG ZAS RNAMS KYIS KUN DU BSLANG BA LA BCU GNYIS NI 'DI LTA STE, GZUGS KYI SKYE MCHED DANG, DRI DANG, RO DANG, NAM MKHA'I KHAMS DANG, GZUGS KYI 'PHEL BA DANG, GZUGS KYI RGYUD DANG, GZUGS KYI SKYE BA DANG, KHAM GYI ZAS DANG, SA'I KHAMS DANG, CHU DANG ME DANG RLUNG NGO, ,GZUGS GNYIS NI GANG GIS KYANG BSLANG BA MA YIN TE, 'DI LTA STE, GZUGS KYI RNYINGS PA DANG, GZUGS KYI MI RTAG PA'O, ,'ON KYANG SKYE BA'I RKYEN LAS RGA BA DANG, RGAS PA'I RKYEN LAS MI RTAG PA'O, ,TSOGS PA NI LAS KYIS KUN NAS BSLANG BA DGU TSOGS PA'O, ,'DI LTAR, MIG BCU DANG, RNA BA BCU DANG, SNA BCU DANG, LCE BCU DANG, LUS BCU DANG, BUD MED DBANG PO BCU DANG, DNGOS PO BCU DANG, SKYES PA'I DBANG PO BCU DANG, DNGOS PO BCU DANG, SROG GI DBANG PO BCU'O, ,DE LA MIG BCU ZHES PA NI, RAB TU DANG BA'I MIG GI DNGOS POR GYUR PA'I 'BYUNG BA CHEN PO BZHI DANG, KHA DOG DANG, DRI DANG, RO DANG, GZI BRJID DANG, SROG GI DBANG PO DANG, MIG GI RAB TU DANG BA'O, ,CHOS BCU PO 'DI RNAMS GNAS RNAM PA THA DAD MED PA'I GONG BU YIN PAS, MIG BCU ZHES BRJOD DO, ,MIG BCU NI 'BYUNG BA LA NI SKYE BA ZHES BRJOD DO, ,RNYINGS PA LA NI RGA BA ZHES BRJOD DO, ,'JIG PA LA NI MI RTAG PA ZHES BRJOD DO, ,YONGS SU CHAD PA NI NAM MKHA'I @180A *, ,KHAMS ZHES BRJOD DO, ,CHOS BZHI PO 'DI RNAMS NI, TSOGS PA DE'I RJES SU 'JUG PAR BYED PA YIN NO, ,YANG MIG BCU DE NYID KYI RGA BA'I DUS SU, MIG BCU DE LA BRTEN NAS MIG BCU GNYIS PA SKYE'O, ,MIG BCU DE GNYIS KYI 'DUS PA DE NI 'PHEL PA ZHES BRJOD DO, , GANG DE RNAMS KYI RJES SU 'BREL PA DE NI RGYUD CES BRJOD DO, ,SNGAR GYI SKYE BA LA SOGS PA BZHI DANG, GNYIS PO 'DI DAG STE, CHOS DRUG PO 'DI DAG NI DE RNAMS KYI RJES SU 'JUG BYED YIN NO, ,YANG MIG BCU GNYIS PA'I RGA BA'I DUS SU, MIG BCU GNYIS PA DE LA BRTEN NAS MIG BCU LDAN GSUM PA SKYE'O, ,GANG GNYIS PA'AM GSUM PA 'DUS PA DE NI 'PHEL BA ZHES BRJOD DO, ,GANG DE NYID KYI RJES SU 'BREL PA DE NI RGYUD CES BRJOD DO, ,BCU LDAN SNGON MA'I 'JIG PA DANG, GNYIS PA'I RGA BA DANG, GSUM PA'I SKYE BA RNAMS DUS GCIG DU 'JUG PA'O, ,DE LTAR 'JUG PA'I MIG BCU LDAN RNAMS LA NI BAR GCOD DAM GO SKABS MI SHES TE, SKAD CIG NI MYUR BA NYID KYI PHYIR RO, ,SGRON ME'I 'OD BZHIN DU MTHONG BA'O, ,'DI NI MIG BCU LDAN ZHES BRJOD DO, ,DE BZHIN DU RNA BA BCU LDAN DANG, SNA BCU LDAN DANG, LCE BCU LDAN DANG, LUS BCU LDAN DANG, BUD MED KYI DBANG PO BCU LDAN DANG, SKYES PA'I DBANG PO BCU LDAN DANG, DNGOS PO BCU LDAN DANG, SROG GI DBANG PO BCU LDAN RNAMS RGYAS PAR SHES PAR BYA'O, ,DE BZHIN GZUGS GZHAN RNAMS KYI YANG CI LTAR RIGS PAR RGYAS PAR SHES PAR BYA'O, ,'DIR MANGS PAR 'GYUR BAS 'JIGS PAS BDAG GIS MA BRJOD DO, ,SKYE BA NI 'DI LTAR, MNGAL GYI SKYE BA'I SKAD CIG LA GZUGS SUM CU 'BYUNG BAR 'GYUR RO, ,DNGOS PO BCU LDAN DANG, LUS BCU LDAN DANG, GANG GI TSE BUD MED NI BUD MED KYI DBANG PO BCU LDAN DANG, YANG NA SKYE BAR 'GYUR NA DE'I TSE SKYES PA'I DBANG PO BCU LDAN DANG, MA NING RNAMS KYI NI GZUGS NYI SHU 'BYUNG BAR 'GYUR TE, 'DI LTA STE, DNGOS PO BCU LDAN DANG, LUS BCU LDAN NO, ,'DOD PA NA SPYOD PA'I RDZUS SKYES SKYE MCHED YONGS SU RDZOGS PA'I SKYES PA DANG BUD MED RNAMS KYI SKYE BA'I DUS SU, GZUGS BDUN CU 'BYUNG BAR 'GYUR, 'DI LTAR, DNGOS PO BCU LDAN DANG, LUS BCU LDAN DANG, MIG BCU @180B LDAN DANG, RNA BA BCU LDAN DANG, SNA BCU LDAN DANG, LCE BCU LDAN DANG, GANG TSE BUD MED YIN PA NA BUD MED KYI DBANG PO BCU LDAN DANG, GANG TSE SKYES PA NA SKYES PA'I DBANG PO BCU LDAN NO, ,NGAN SONG RNAMS KYI RDZUS SKYES DMUS LONG BUD MED NGAM, SKYES PA RNAMS SKYE BA'I DUS SU GZUGS DRUG CU 'BYUNG BAR 'GYUR TE, MIG BCU LDAN MED PAS SO, ,DE BZHIN DU SKYE BA'I 'ON PA RNAMS KYI NI GZUGS DRUG CU STE, RNA BA BCU LDAN MED PAS SO, ,DMUS LONG MA NING RNAMS KYI NI GZUGS LNGA BCU STE, MIG BCU LDAN DANG, RNA BA BCU LDAN MED PAS SO, ,NGAN 'GRO RDZUS SKYES SKYE MCHED RDZOGS PA RNAMS DANG BSKAL PA DANG PO PA'I MI RNAMS KYI SKYE BA'I DUS SU GZUGS DRUG CU 'BYUNG STE 'DOD PA BCU LDAN MED PAS SO, ,DMUS LONG MA NING RNAMS KYI SKYE BA'I DUS SU GZUGS LNGA BCU 'BYUNG BAR 'GYUR TE, MIG BCU LDAN DANG 'DOD PA BCU LDAN MED PAS SO, ,DMUS LONG MA NING RNAMS KYI SKYE BA'I DUS SU YANG LNGA BCU STE, RNA BA BCU LDAN DANG 'DOD PA BCU LDAN MED PAS SO, ,MA NING DMUS LONG 'ON PA'I GZUGS BZHI BCU STE, 'DI LTAR, DNGOS PO BCU LDAN DANG, LUS BCU LDAN DANG, SNA BCU LDAN DANG, LCE BCU LDAN NO, ,TSANGS PA RNAMS KYI SKYE BA'I DUS SU GZUGS SUM CU DGU NI 'DI LTA STE, DNGOS PO BCU LDAN DANG, MIG BCU LDAN DANG, RNA BA BCU LDAN DANG, SROG GI DBANG PO DGU LDAN NO, ,'DU SHES MED PA'I SEMS CAN RNAMS KYI SKYE BA'I DUS SU GZUGS DGU 'BYUNG BAR 'GYUR TE 'DI LTAR SROG GI DBANG PO DGU'O, ,SNA TSOGS PA NYID NI 'DI LTAR RE ZHIG DE SRID DU, GZUGS LA GNYIS NI 'DI LTAR THOGS PA DANG BCAS PA'I DON GYIS RAGS PA DANG, THOGS PA MED PA'I DON GYIS PHRA MO'O, ,DE LA GZUGS RAGS PA LA BCU GNYIS NI 'DI LTAR, MIG DANG, RNA BA DANG, SNA DANG, LCE DANG, LUS DANG, GZUGS DANG, SGRA DANG, DRI DANG, RO DANG, SA'I KHAMS DANG, ME'I KHAMS DANG, RLUNG GI KHAMS SO, , GZUGS PHRA MO LA BCO BRGYAD NI 'DI LTA STE, GZHAN SROG GI DBANG PO LA SOGS PA GNYIS KYI MTHAR THUG PA'O, ,GZHAN YANG RNAM PA GNYIS NI 'DI LTAR, NANG DANG PHYI ROL LO, ,DE LA YUL DANG BCAS PA'I DON GYIS NANG GI LA RNAM PA LNGA NI 'DI LTAR, MIG DANG, RNA BA DANG, SNA DANG, LCE DANG, LUS SO, ,YUL @181A *, ,DANG MI LDAN PAS NA PHYI ROL NI RNAM PA NYI SHU LNGA STE, 'DI LTAR, GZUGS LHAG MA RNAMS SO, ,GZHAN YANG GZUGS LA RNAM PA GNYIS NI, 'DI LTAR, DBANG PO'I GZUGS DANG, DBANG PO MIN PA'I GZUGS SO, ,DE LA BDAG PO'I DON GYIS DBANG PO'I GZUGS LA BRGYAD NI 'DI LTAR, MIG DANG, RNA BA DANG, SNA DANG, LCE DANG, LUS DANG, BUD MED KYI DBANG PO DANG, SKYES PA'I DBANG PO DANG, SROG GI DBANG PO'O, ,DBANG PO DANG MI LDAN PA'I DON GYIS DBANG PO MIN PA'I GZUGS LA NYI SHU NYER GNYIS TE 'DI LTAR, GZUGS LHAG MA RNAMS SO, ,YANG GZUGS THAMS CAD NI RNAM PA GSUM STE 'DI LTAR, ZIN PA'I GZUGS DANG, MA ZIN PA'I GZUGS DANG, RNAM PAR PHYE BA'I GZUGS SO, ,DE LA LAS LAS SKYES PAS ZIN PA'I GZUGS LA DGU STE 'DI LTAR, DBANG PO'I GZUGS BRGYAD DANG, DNGOS PO'I NGO BO'O, ,LAS LAS MA SKYES PA'I DON GYIS MA ZIN PA'I GZUGS LA DGU NI 'DI LTAR, SGRA DANG, LUS KYI RNAM PAR RIG BYED DANG, NGAG GI RNAM PAR RIG BYED DANG, GZUGS KYI YANG BA NYID DANG, GZUGS KYI 'JAM PA NYID DANG, LAS SU RUNG BA DANG, RGA BA DANG, MI RTAG PA DANG, GNYID DO, ,GNYI GA YIN PA'I DON GYIS RNAM PAR PHYE BA'I GZUGS LA ? BCU GNYIS NI 'DI LTAR, LHAG MA GZUGS BCU GNYIS SO, ,GZHAN YANG RNAM PA GSUM STE, 'DI LTAR, BSTAN DU YOD PA'I GZUGS THOGS PA DANG BCAS PA DANG, BSTAN DU MED PA'I GZUGS THOGS PA DANG BCAS PA DANG, BSTAN DU MED PA'I GZUGS THOGS PA MED PA'O, ,DE LA GEGS BYED PA'I DON GYIS BSTAN DU YOD CING THOGS PA DANG BCAS PA STE GCIG GO, ,'DI LTAR, GZUGS KYI SKYE MCHED DO, ,MTHONG DU MED PA'I DON GYIS DANG GEGS KYI DON GYIS BSTAN DU MED PA'I GZUGS THOGS PA DANG BCAS PA LA BCU GCIG NI 'DI LTAR, GANG GZUGS RAGS PAS GSUNGS PA LA GZUGS KYI SKYE MCHED MA GTOGS PA'O, ,MTHONG DU MED PA DANG GEGS MED PA'I DON GYIS BSTAN DU MED PA'I GZUGS THOGS PA MED PA LA BCO BRGYAD DE 'DI LTAR, GANG PHRA MO'I GZUGS SU GSUNGS PA GANG YIN PA DE'O, ,YANG GZUGS THAMS CAD LA RNAM PA LNGA NI 'DI LTAR RANG @181B BZHIN GYI GZUGS DANG, RNAM PAR 'GYUR BA'I GZUGS DANG, MTSAN NYID KYI GZUGS DANG, YONGS SU CHAD PA'I GZUGS SO, ,DE LA YONGS SU RDZOGS PA'I DON GYIS RANG BZHIN GYI GZUGS LA DBYE BA DGU BCU STE, 'DI LTAR, GANG RAGS PA'I GZUGS SU GSUNGS PA'I BCU GNYIS PO DE DANG; BUD MED KYI DBANG PO DANG, SKYES PA'I DBANG PO DANG, SROG GI DBANG PO DANG, CHU'I KHAMS DANG, KHAM GYI ZAS DANG, DNGOS PO'I NGO BO DANG, GNYID DO, ,RANG BZHIN GYI GZUGS RNAM PAR 'GYUR BA'I DON GYIS RNAM PAR 'GYUR BA'I GZUGS LA BDUN NI 'DI LTAR, LUS KYI RNAM PAR RIG BYED DANG, NGAG GI RNAM PAR RIG BYED DANG, GZUGS KYI YANG BA NYID DANG, GZUGS KYI 'JAM PA NYID DANG, LAS SU RUNG BA NYID DANG, GZUGS KYI 'PHEL BA DANG, GZUGS KYI RGYUD DO, ,'DUS BYAS KYI DON GYIS MTSAN NYID KYI GZUGS LA GSUM NI 'DI LTAR, GZUGS KYI SKYE BA DANG, GZUGS KYI RGA BA DANG, GZUGS KYI MI RTAG PA'O, ,TSOGS PA YONGS SU CHAD PA'I DON GYI SA ? YONGS SU CHAD PA'I GZUGS GCIG NI 'DI LTA STE, NAM MKHA'I KHAMS SO, ,'DIR RANG BZHIN GYI GZUGS GANG YIN PA DE'I YONGS SU CHAD PA YIN GYI LHAG MA NI YONGS SU MA CHAD PA'O, ,GCIG PA NYID KYI GZUGS LA MING MANG DU 'GYUR TE, 'DI LTAR, RGYU MED PA MA YIN PA DANG, RGYU CAN DANG, MI LDAN PA DANG, RKYEN CAN DANG, 'DUS BYAS DANG, 'JIG RTEN PA DANG, RO LTA BU DANG, KUN DU SBYOR BAR BYA BA DANG, MDUD PAR BYA BA DANG, RMONGS PAR BYA BA DANG, SBYOR BAR BYA BA DANG, SGRIB PAR BYA BA DANG, MCHOG TU 'DZIN PA DANG, NYE BAR BLANG BA DANG, NYON MONGS PA CAN DANG, LUNG DU MA BSTAN PA DANG, DMIGS PA MED PA DANG, SEMS PA MED PA DANG, SEMS DANG MI LDAN PA DANG, CHUNG BA DANG, 'DOD PA NA SPYOD PA DANG, MA NGES PA DANG, NGES PAR 'BYIN PA MA YIN PA DANG, BDE BA DANG, LDAN PA DANG, SDUG BSNGAL DANG LDAN PA DANG, 'PHEL BA ? NYID DU 'GRO BA MA YIN PA DANG, 'GRIB PA NYID DU 'GRO BA MA YIN PA DANG, SLOB PA NYID MA YIN PA DANG, MI SLOB PA NYID MA YIN PA DANG, MTHONG BAS SPANG BAR BYA BA MA YIN PA DANG, BSGOM PAS SPANG BAR BYA BA MA YIN PA'O, ,DE @182A *, ,BZHIN DU'ANG YANG GZUGS KYI PHUNG PO SHES PAR BYA'O, ,TSOR BA NI MTSAN NYID KYIS GCIG STE, 'DI LTAR, GANG SEMS KYI DMIGS PA NYAMS SU MYONG BA'O, ,DNGOS PO'I DBANG GIS RNAM PA GNYIS NI 'DI LTAR, LUS LAS BYUNG BA DANG, SEMS LAS BYUNG BA'O, ,RANG BZHIN GYI DBANG GIS RNAM PA GSUM NI 'DI LTAR, BDE BA'I TSOR BA DANG, SDUG BSNGAL MA YIN PA'I TSOR BA'O, ,CHOS KYI DBANG GIS RNAM PA BZHI NI 'DI LTAR, DGE BA'I TSOR BA DANG, MI DGE BA'I TSOR BA DANG, RNAM PAR SMIN PA'I TSOR BA DANG, BYA BA'I TSOR BA'O, ,DBANG PO'I DBANG GIS RNAM PA LNGA NI 'DI LTAR; BDE BA'I DBANG PO DANG, SDUG BSNGAL GYI DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO'O, ,DKAR NAG GI DBANG GIS RNAM PA DRUG NI 'DI LTAR, ZANG ZING DANG BCAS PA SDUG BSNGAL GYI TSOR BA DANG, ZANG ZING MED PA SDUG BSNGAL GYI TSOR BA DANG, ZANG ZING DANG BCAS PA'I BDE BA'I TSOR BA DANG, ZANG ZING MED PA'I BDE BA'I TSOR BA DANG, ZANG ZING LDAN PA BDE MIN SDUG MIN TSOR BA DANG, ZANG ZING MED PA BDE MIN SDUG MIN TSOR BA'O, ,SGO'I DBANG PO RNAM PA BDUN NI 'DI LTAR, MIG GI 'DUS TE REG PA LAS SKYES PA'I TSOR BA DANG, RNA BA'I 'DUS TE REG PA LAS SKYES PA'I TSOR BA DANG, SNA'I 'DUS TE REG PA LAS SKYES PA'I TSOR BA DANG, LCE'I 'DUS TE REG PA LAS SKYES PA'I DANG, LUS KYI 'DUS TE REG PA LAS SKYES PA DANG, YID KYI TSOR BA PHRANG PA LAS SKYES PA DANG, RNAM PAR SHES PA'I KHAMS 'DUS TE REG PA LAS SKYES PA'O, ,RGYAS PAR NI TSOR BA BRGYA DANG BRGYAD DU 'GYUR RO, ,'DI LTAR, KHYIM GYI RE BA LA BRTEN PA'I YID BDE BA DRUG DANG, KHYIM GYI RE BA LA BRTEN PA'I YID MI BDE BA DRUG DANG, NGES PAR 'BYUNG BA LA BRTEN PA'I YID BDE BA DRUG DANG, NGES PAR 'BYUNG BA LA BRTEN PA'I YID MI BDE BA DRUG DANG, KHRIMS KYI RE BA LA BRTEN PA'I BTANG SNYOMS KYI DRUG DANG, NGES PAR 'BYUNG BA LA BRTEN PA'I BTANG SNYOMS KYI DRUG GO, ,'DI LTAR 'DI DUS GSUM LA TSOR BA DRUG TSAN DRUG STE, TSOR BA BRGYA DANG BRGYAD DU 'GYUR RO, ,'DI NI TSOR BA'I PHUNG PO ZHES BRJOD DO, ,'DU SHES NI MTSAN NYID KYIS GCIG STE, 'DI LTAR, GANG SEMS KYIS DMIGS @182B PA LA 'DU SHES PA NI 'DU SHES SO, ,DKAR NAG GI DBANG GIS 'DU SHES RNAM PA GNYIS NI 'DI LTAR, PHYIN CI LOG DANG, PHYIN CI MA LOG PA'O, ,MI DGE BA'I DBANG GIS RNAM PA GSUM NI 'DI LTAR, 'DOD PA'I 'DU SHES DANG, GNOD PA'I 'DU SHES DANG, RNAM PAR 'TSE BA'I 'DU SHES SO, ,DGE BA'I DBANG GIS RNAM PA GSUM NI 'DI LTAR, NGES PAR 'BYUNG BA'I 'DU SHES DANG, MI GNOD PA'I 'DU SHES DANG, RNAM PAR 'TSE BA'I 'DU SHES SO, ,BDAG GI RANG BZHIN YONGS SU MI SHES PA'I SGO NAS BZHI NI 'DI LTAR, MI SDUG PA LA SDUG PA'I 'DU SHES DANG, SDUG BSNGAL LA BDE BA'I 'DU SHES DANG, MI RTAG PA LA RTAG PA'I 'DU SHES DANG, BDAG MED PA LA BDAG GI 'DU SHES SO, ,BDAG GI DNGOS PO YONGS SU SHES PA'I SGO NAS BZHI NI 'DI LTAR, MI SDUG PA'I 'DU SHES DANG, SDUG BSNGAL GYI 'DU SHES DANG, MI RTAG PA'I 'DU SHES DANG, BDAG MED PA'I 'DU SHES SO, ,'DUL BA'I DBANG GIS RNAM PA LNGA NI 'DI LTAR, RUNG BA MA YIN PA LA RUNG BAR 'DU SHES PA DANG, RUNG BA LA MI RUNG BAR 'DU SHES PA DANG, RUNG BA MA YIN PA LA RUNG BA MA YIN PAR SHES PA DANG, RUNG BA LA RUNG BAR SHES PA DANG, RUNG BA MA YIN PA LA YID GNYIS KYIS 'DU SHES DANG, RUNG BA LA YID GNYIS KYIS 'DU SHES SO, , DMIGS PA'I DBANG GIS DRUG NI 'DI LTA STE, GZUGS KYI 'DU SHES DANG, SGRA'I 'DU SHES DANG, DRI'I 'DU SHES DANG, RI'I 'DU SHES DANG, REG BYA'I 'DU SHES DANG, CHOS KYI 'DU SHES SO, ,KHAMS KYI DBANG GIS RNAM PA BDUN NI 'DI LTAR, MIG GI KHAMS 'DUS TE REG PA LAS SKYES PA'I 'DU SHES DANG, RNA BA'I KHAMS 'DUS TE REG PA LAS SKYES PA'I 'DU SHES DANG, SNA'I KHAMS 'DUS TE REG PA LAS SKYES PA'I DANG, LCE'I KHAMS 'DUS TE REG PA LAS SKYES PA'I DANG, LUS KYI KHAMS 'DUS TE REG PA LAS SKYES PA'I DANG, YID KYI KHAMS 'DUS TE REG PA LAS SKYES PA'I DANG, RNAM PAR SHES PA'I KHAMS 'DUS TE REG PA LAS SKYES PA'O, ,GANG 'DI LTA BU'I 'DU SHES NI 'DU SHES KYI DE KHO NA NYID DE, 'DU SHES KYI PHUNG PO ZHES BRJOD DO, ,'DU BYED KYI PHUNG PO MANG STE 'DI LTAR, REG PA DANG, SEMS PA DANG, RNAM RTOG DANG, RNAM PAR DPYOD PA DANG, DGA' BA DANG, DAD PA DANG, BRTZON @183A *, ,'GRUS DANG, DRAN PA DANG, TING NGE 'DZIN DANG, SHES RAB DANG, SROG GI DBANG PO DANG, SDOM PA DANG, MA CHAGS PA DANG, MI SDANG PA DANG, MA RMONGS PA DANG, NGO TSA BA DANG, KHREL YOD PA DANG, SHIN TU SBYANGS PA DANG, 'DUN PA DANG, MOS PA DANG, BTANG SNYOMS DANG, YID LA BYED PA DANG, CHAGS PA DANG, ZHE SDANG DANG, GTI MUG DANG, NGA RGYAL DANG, LTA BA DANG, RGOD PA DANG, THE TSOM DANG, RMUGS PA DANG, NGO TSA MED PA DANG, KHREL MED PA DANG ZHES DE LTA BU LA SOGS PA 'DU BYED MANG PO RNAMS LA TSOR BA DANG 'DU SHES MA GTOGS PA NA 'DU BYED KYI PHUNG PO'O, ,RNAM PAR SHES PA NI 'DI LTAR, MIG GI RNAM SHES DANG, RNA BA'I RNAM SHES DANG, SNA'I RNAM SHES DANG, LCE'I RNAM SHES DANG, LUS KYI RNAM SHES DANG, YID KYI DBANG PO DANG, YID KYI RNAM PAR SHES PA'O, ,'DI NI RNAM PAR SHES PA'I PHUNG PO'O, ,YANG PHUNG PO DE RNAMS NI RGYU MTSAN BZHIS SO SOR THA DAD PAR SHES PAR BYA'O, ,'DI LTAR, NGO BO'I DON DANG, MTSAN NYID DANG, RNAM PAR DBYE BA DANG, BSDU BA'O, ,DE LA RTEN GYI DON NI DRUG STE 'DI LTAR, GZUGS PAR BYA BA'I DON GYIS GZUGS DANG, RIG PA'I DON GYIS TSOR BA DANG, KUN DU SHES PA'I DON GYIS 'DU SHES DANG, SO SOR BYED PA'I DON GYIS 'DU BYED DANG, RNAM PAR RTOG PA'I DON GYIS RNAM SHES SO, ,PHUNG PO ZHES PA NI RIGS MTHUN PA'I TSOGS PA'I DON GYIS SO, ,MTSAN NYID NI MTSAN NYID LNGA STE 'DI LTAR, GZUGS KYI MTSAN NYID NI GZUGS PAR BYA BA STE, BZOS PA'I GZUGS BZHIN NO, ,GZUGS DE'I GZHI'I GNAS NI 'BYUNG BA CHEN PO BZHI'O, ,TSOR BA'I MTSAN NYID NI SO SOR YANG DAG PAR RIG PA STE, MDZE RMA'I ZA PHRUG RO MYONG BZHIN NO, ,TSOR BA DE'I DNGOS PO'I GNAS NI REG PA'O, ,'DU SHES KYI MTSAN NYID NI MTSAN MAR 'DZIN PA STE, MNGON PAR SHES PA'I RGYU MTSAN BZHIN NO, ,'DU SHES DE'I DNGOS PO'I GNAS NI REG PA'O, ,'DU BYED KYI MTSAN NYID NI 'DU BA 'PHEN PAR BYED PA STE, 'KHOR LO 'PHANGS PA BZHIN NO, ,'DU BYED DE RNAMS KYI NGO BO'I GNAS NI REG PA'O, ,RNAM PAR SHES PA'I MTSAN NYID NI RNAM PAR RTOG PA STE, RNAM PAR SHES PA DE'I SKYE BA'I GNAS NI MING DANG GZUGS SO, , @183B RNAM PAR SHES PA NI PHUNG PO'I RNAM PAR DBYE BA STE, 'DI LTAR PHUNG LNGA DANG, NYE BAR LEN PA'I PHUNG LNGA DANG, CHOS KYI PHUNG PO LNGA'O, ,DE LA PHUNG PO LNGA GANG ZHE NA, 'DUS BYAS KYI CHOS THAMS CAD KYANG NGO, ,NYE BAR LEN PA'I PHUNG PO LNGA GANG ZHE NA, ZAG PA DANG BCAS PA'I CHOS THAMS CAD KYANG NGO, , CHOS KYI PHUNG PO LNGA GANG ZHE NA, 'DI LTA STE, TSUL KHRIMS KYI PHUNG PO DANG, TING NGE 'DZIN GYI PHUNG PO DANG, SHES RAB KYI PHUNG PO DANG, RNAM PAR GROL BA'I PHUNG PO DANG, RNAM PAR GROL BA YE SHES MTHONG BA'I PHUNG PO'O, ,SKABS 'DIR NYE BAR LEN PA'I PHUNG PO LA MNGON PAR 'DOD DO, ,BSDU BA NI SDUD PA STE; RNAM PA GSUM NI 'DI LTAR, SKYE MCHED DU BSDU BA DANG, KHAMS SU BSDU BA DANG, BDEN PAR BSDU BA'O, ,DE LA GZUGS KYI PHUNG PO NI SKYE MCHED BCU GCIG GIS BSDUS PA'O, ,'DI LTAR, GZUGS KYI SKYE MCHED BCU DANG, CHOS KYI SKYE MCHED GCIG STE PHYOGS GCIG GI, ,GZUGS CAN MA YIN PA'I PHUNG PO GSUM NI CHOS KYI SKYE MCHED KYIS BSDUS PA'O, ,'DI LTAR, TSOR BA DANG, 'DU SHES DANG, 'DU BYED DO, ,GCIG NI YID KYI SKYE MCHED KYIS BSDUS PA STE, 'DI LTAR, RNAM PAR SHES PA'I PHUNG PO'O, ,GZUGS KYI PHUNG PO NI KHAMS BCU GCIG GIS BSDUS PA'O, ,GZUGS CAN MA YIN PA'I PHUNG PO GSUM NI CHOS KYI KHAMS KYIS BSDUS PA'O, ,RNAM PAR SHES PA'I PHUNG PO NI, RNAM PAR SHES PA'I KHAMS BDUN GYIS BSDUS PA'O, ,TSUL KHRIMS DANG RING NGE 'DZIN DANG, SHES RAB DANG RNAM PAR GROL BA'I YE SHES MTHONG BA'I PHUNG PO DANG BZHI NI CHOS KYI SKYE MCHED DANG CHOS KYI KHAMS KYIS BSDUS PA'O, ,RNAM PAR GROL BA'I PHUNG PO NI CHOS KYI SKYE MCHED DANG CHOS KYI KHAMS DANG YID KYI RNAM PAR SHES PA'I KHAMS KYIS BSDUS PA'O, ,NYE BAR LEN PA'I PHUNG PO LNGA NI SDUG BSNGAL GYI BDEN PAS BSDUS PA'O, ,NYE BAR LEN PA NI KUN 'BYUNG GI BDEN PAS BSDUS PA'O, , TSUL KHRIMS TING NGE 'DZIN SHES RAB KYI PHUNG PO GSUM NI LAM GYI BDEN PAS BSDUS PA'O, ,RNAM PAR GROL BA'I PHUNG PO NI 'GOG PA'I BDEN PAS BSDUS PA'O, ,RNAM PAR GROL BA'I YE SHES MTHONG BA'I PHUNG PO NI SDUG BSNGAL GYI BDEN PAS BSDUS PA'O, ,DE LA PHUNG POS BSDUS SHING BDEN PAS @184A *, ,BSDUS PA MA YIN PA'I CHOS YOD DO, ,BDEN PAS BSDUS SHING PHUNG POS BSDUS PA MA YIN PA'I CHOS YOD DO, ,PHUNG POS BSDUS SHING BDEN PAS BSDUS PA'I CHOS YOD DO, ,PHUNG POS BSDUS PA MA YIN ZHING BDEN PAS BSDUS PA MA YIN PA'I CHOS YOD DO, ,DE LA DANG NGA PO MA YIN PA DANG 'BREL BA'I GZUGS DANG, LAM DANG MTSUNGS PAR LDAN PA DANG, DGE SBYONG GI 'BRAS BU CHOS NI PHUNG POS BSDUS SHING BDEN PAS BSDUS PA MA YIN PA'O, ,MYA NGAN LAS 'DAS PA NI BDEN PAS BSDUS SHING PHUNG POS BSDUS PA MA YIN PA'O, ,BDEN PA GSUM NI PHUNG POS BSDUS SHING BDEN PAS BSDUS PA'O, ,BTAGS YOD NI PHUNG POS BSDUS PA MA YIN ZHING BDEN PAS BSDUS PA MA YIN PA'O, ,BTAGS PA YANG CHOS BCU GCIG STE 'DI LTAR, SEMS PA DANG, PHYOGS DANG, YUL DANG, DUS DANG, 'ONGS PA DANG, SBYANGS PA'I YAN LAG DANG, ZAD PAR MTSAN MA DANG, CUNG ZAD MED PA'I SKYE MCHED KYI SNYOMS PAR 'JUG PA DMIGS PA DANG, 'GOG PA'I SNYOMS PAR 'JUG PA DANG, YANG DAG PA'I RNAM PAR RTOG PA DANG, YANG DAG MA YIN PA'I RNAM PAR RTOG PA'O, ,GANG RNAM PA DE RNAMS KYI PHUNG PO LA MKHAS PA ZHES BRJOD DO, ,SKYE MCHED LA MKHAS PA GANG ZHE NA, SKYE MCHED NI BCU GNYIS TE 'DI LTAR, MIG GI SKYE MCHED DANG, GZUGS KYI SKYE MCHED DANG, RNA BA'I SKYE MCHED DANG, SGRA'I SKYE MCHED DANG, SNA'I SKYE MCHED DANG, DRI'I SKYE MCHED DANG, LCE'I SKYE MCHED DANG, RO'I SKYE MCHED DANG, LUS KYI SKYE MCHED DANG, REG BYA'I SKYE MCHED DANG, YID KYI SKYE MCHED DANG, CHOS KYI SKYE MCHED DO, ,DE LA MIG GI SKYE MCHED NI KHAMS RAB TU DANG BA GANG GIS GZUGS YONGS SU GCOD PA'O, ,GZUGS KYI SKYE MCHED NI KHAMS KYI KHA DOG GANG MIG GI SPYOD YUL LO, ,RNA BA'I SKYE MCHED NI KHAMS SU RAB TU DANG BA GANG GIS SGRA NYAN PA'O, ,SGRA'I SKYE MCHED NI KHAMS KYI GRAG PA STE GANG RNA BA'I SPYOD YUL DE'O, ,SNA'I SKYE MCHED NI KHAMS RAB TU GSAL PA GANG GIS DRI SNOM PA'O, ,DRI'I SKYE MCHED NI GANG SNA'I SPYOD YUL LO, ,LCE'I SKYE MCHED NI KHAMS RAB TU DANG BA GANG GIS RO MYONG BAR BYED PA'O, ,RO'I SKYE MCHED NI KHAMS KYI RO GANG LCE'I SPYOD YUL LO, ,LUS KYI SKYE MCHED NI KHAMS @184B RAB TU DANG BA GANG GIS REG BYA LA REG PA'O, ,REG BYA'I SKYE MCHED NI SA'I KHAMS DANG, ME'I KHAMS DANG, RLUNG GI KHAMS DANG, CHU'I KHAMS DANG, SRA BA DANG, 'JAM PA DANG, DRO BA DANG, BSIL BA STE, GANG LUS KYI SPYOD YUL LO, ,YID KYI SKYE MCHED NI GANG RNAM PAR SHES PA BDUN GYI KHAMS DE'O, ,CHOS KYI SKYE MCHED NI GZUGS CAN MA YIN PA'I PHUNG PO GSUM DANG PHRA MO'I GZUGS BCU DANG MYA NGAN LAS 'DAS PA STE 'DI NI SKYE MCHED BCU GNYIS LA SOGS PA STE RGYAS PAR RO, ,GANG RNAM PA DE RNAMS KYI SKYE MCHED LA MKHAS PA'I SHES PA NI SKYE MCHED LA MKHAS PA ZHES BRJOD DO, ,KHAMS LA MKHAS PA GANG ZHE NA, KHAMS BCO BRGYAD DE, 'DI LTAR, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAM PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS DANG ZHES PA LA SOGS PA RGYAS PAR RO, ,'DIR PHUNG PO DANG, SKYE MCHED DANG KHAMS KYI SGO NAS BSTAN PA NA, KHYAD PAR CI ZHIG BSTAN PAR GYUR ZHE NA, BRJOD PAR BYA STE, RIS MTHUN PA'I CHES RNAMS TSOGS PA'I MTSAN NYID BSTAN PA NI PHUNG PO BSHAD PA'O, ,SGO'I MTSAN NYID BSTAN PA NI SKYE MCHED BSHAD PA'O, ,RANG GI NGO BO'I MTSAN NYID BSTAN PA NI KHAMS BSHAD PA'O, ,YANG NA BCOM LDAN 'DAS KYIS MGO SMOS PAS GO BA'I GANG ZAG RNAMS LA PHUNG PO'I SGO NAS SDUG BSNGAL GYI BDEN PA STEN PAR BYED DO, ,RNAM PAR SPROS PAS GO BA'I GANG ZAG RNAMS LA SKYE MCHED KYI SGO NAS SDUG BSNGAL GYI BDEN PA STON PAR BYED DO, , TSIG LA 'CHEL BA'I GANG ZAG RNAMS LA KHAMS KYI SGO NAS SDUG BSNGAL GYI BDEN PA STEN PAR BYED DO, ,YANG NA GZUGS CAN MA YIN PA'I PHUNG PO LA SDUG PA'I 'DU SHES CAN GYI GANG ZAG LA GZUGS MDOR BSTAN CING GZUGS CAN MA YIN PA'I PHUNG PO RNAMS DBYE BA BYAS TE PHUNG PO BSTAN TO, , @185A *, ,GZUGS LA SDUG PA'I 'DU SHES CAN GYI GANG ZAG LA GZUGS LA MANG DU DBYE BA BYAS TE GZUGS CAN MA YIN PA'I PHUNG PO MDOR BSDUS NAS SKYE MCHED BSTAN TO, ,GZUGS CAN MA YIN PA DANG BCAS PA'I GZUGS LA SDUG PA'I 'DU SHES CAN LA GZUGS CAN MA YIN PA DANG GZUGS CAN LA MANG DU DBYE BA BYAS TE KHAMS BSTAN TO, ,YANG NA GANG BDAG GI NGO BO DNGOS PO STON PA DE NI PHUNG PO BSTAN PA'O, ,GANG DNGOS PO'I DMIGS PA STON PA DE NI SKYE MCHED STON PA'O, ,GANG DNGOS PO'I DMIGS PA NGES PA SKYED BA STON PA DE NI KHAMS STON PA'O, ,GANG RNAM PA DE RNAMS KYI KHAMS SHES PA'I RNAM PAR BZHAG PA LA MKHAS PA 'DI NI KHAMS LA MKHAS PA ZHES BRJOD DO, ,PAndITA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS GNAS BRTAN PA'I SDE PA'I TSUL LUGS PHUNG PO SKYE MCHED KHAMS RNAM PAR NGES PA ZHES BYA BA LE'U BCU GSUM PA'O,, ,,RTEN CING 'BREL PAR 'BYUNG BA LA MKHAS PA NI 'DI LTAR, MA RIG PA'I RKYEN GYIS 'DU BYED DANG, 'DU BYED KYI RKYEN GYIS RNAM PAR SHES PA DANG, RNAM PAR SHES PA'I RKYEN GYIS MING DANG GZUGS DANG, MING DANG GZUGS KYI RKYEN GYIS SKYE MCHED DRUG DANG, SKYE MCHED DRUG GI RKYEN GYIS REG PA DANG, REG PA'I RKYEN GYIS TSOR BA DANG, TSOR BA'I RKYEN GYIS SRED PA DANG, SRED PA'I RKYEN GYIS NYE BAR LEN PA DANG, NYE BAR LEN PA'I RKYEN GYIS SRID PA DANG, SRID PA'I RKYEN GYIS SKYE BA DANG, SKYE BA'I RKYEN GYIS RGA SHI DANG MYA NGAN DANG SMRE SNGAGS 'DON PA DANG SDUG BSNGAL DANG YID MI BDE BA DANG 'KHRUG PA RNAMS 'BYUNG BAR 'GYUR RO, ,DE LTA BU 'BA' ZHIG GI SDUG BSNGAL GYI PHUNG PO CHEN PO RNAMS KUN DU 'BYUNG BAR 'GYUR RO ZHES PA NI LUGS SU BYUNG BA'O, ,MA RIG PA 'GAGS PAS 'DU BYED 'GAG ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MID DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS RIG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS NYE BAR LEN PA 'GAG ,NYE BAR LEN PA 'GAGS PAS SRID PA 'GAG ,SRID PA 'GAGS @185B PAS SKYE BA 'GAG ,SKYE BA 'GAGS PAS RGA SHI DANG MYA NGAN DANG SMRE SNGAGS 'DON PA DANG SDUG BSNGAL DANG YID MI BDE BA DANG 'KHRUG PA RNAMS 'GAG PAR 'GYUR RO, ,DE LTA BU 'BA' ZHIG GIS SDUG BSNGAL GYI PHUNG PO CHEN PO RNAMS 'GAG PAR 'GYUR RO ZHES PA NI LUGS LAS LDOG PA'O, ,DE LA BDEN PA BZHI LA MI SHES PA NI MA RIG PA'O, ,LUS NGAG YID KYI LAS NI 'DU BYED DO, ,NYING MTSAMS SBYOR BA'I DUS KYI SEMS NI RNAM PAR SHES PA'O, ,NYING MTSAMS SBYOR BA'I SEMS DANG LDAN PA'I SEMS LAS BYUNG BA'I CHOS NI MING NGO, ,MER MER PO NI GZUGS TE MING GZUGS SO, , NANG GI BDAG NYID KYI SKYE MCHED DRUG NI SKYE MCHED DRUG GO, ,REG PA DRUG GI TSOGS NI REG PA'O, ,TSOR BA DRUG GI TSOGS NI TSOR BA'O, ,SRED PA DRUG GI TSOGS NI SRED PA'O, ,NYE BAR LEN PA BZHI NI NYE BAR LEN PA'O, ,'DOD PA DANG GZUGS DANG GZUGS MED PA'I SRID PA SKYED PAR BYED PA'I LAS NI SRED PA'O, ,SRID PA RNAMS SU PHUNG PO RNAMS 'BYUNG BA NI SKYE BA'O, ,PHUNG PO YONGS SU SMIN PA NI RGA BA'O, ,PHUNG PO 'JIG PA NI SHI BA'O, ,'DIR SMRAS PA, MA RIG PA'I RKYEN LAS 'DU BYED NAS CI SRID DU SKYE BA'I RKYEN LAS RGA SHI ZHES PA 'DI GANG LAS SHE NA, BRJOD PAR BYA STE, 'DIR SO SO SKYE BO THOS PA DANG MI LDAN PA BDEN PA BZHI LA MI SHES PAR GYUR PAS, DUS RING PO NAS NYE BAR LEN PA'I PHUNG PO LNGA LA BDAG GI BAR MCHOG TU 'DZIN PAR 'GYUR TE, 'DI DAG NI BDAG GI'O, ,BDAG 'DI LA'O 'DI NI NGA'O BDAG GO ZHES LHAG PAR ZHEN PAR BYED DO, ,DE DAG DE BZHIN DU SRID PA LA ZHEN PAS SRID PAR KUN DU 'BYUNG ZHING SRID PA'I SKYE MCHED LA RAB TU RTOG PAR BYED CING RJES SU NYAL BAR BYED DO, ,DE DAG GI SEMS PA DANG RAB TU RTOG PA DANG BAG LA NYAL DE RNAMS NI DNGOS PO YONGS SU MI SHES PA LAS BYUNG BA'I SRID PA THOB PA'I CHED DU SRID PA LA GNAS PAR 'GYUR RO, ,RLAN CAN GYI SA LA SA BON BZANG PO BTAB PA BZHIN NO, ,DE LA SRID PA 'GAG PA'I YE SHES YOD PA MA YIN NO, ,DE'I PHYIR NA MA RIG PA'I RKYEN LAS 'DU BYED DO, ,DE DAG GI MI SHES PAS RAB TU BSKRUN PA MNGON PAR 'DU BYED PA'I SEMS PA DES, SRID PA LA DGA' BAS SRID PAR ZHUGS SHING, SRID PA MTSAN MAR DMIGS @186A *, ,PA RGYAS PAS YONGS SU 'GYUR BA'I SRID PA DANG MTSAMS SBYOR BA'I RNAM PAR SHES PA SKYED PAR BYED DO, ,DE DAG GI SRID PA NGES PA'I SEMS PA RGYUN CHAD PA NI MA YIN NO, ,DE'I PHYIR 'DU BYED KYI RKYEN LAS RNAM PAR SHES PA'O, ,DPER NA NYI MA MED PAR 'OD ZER SA LA GNAS PA'AM RGYU BA NI MA YIN NO, ,DE KHO NA BZHIN DU RNAM PAR SHES PA MED PAR MING DANG GZUGS MNGAL DU 'JUG PA 'AM 'PHEL BA NI MA YIN NO, ,NA dA PHUNG PO'I 'THAD PA PHAN TSUN BRTEN PA'I PHYIR RO, ,DE'I PHYIR RNAM PAR SHES PA'I RKYEN LAS MING DANG GZUGS SO, ,YID KYI SKYE MCHED NI DNGOS PO LA BRTEN TE MING DANG LHAN CIG TU 'BYUNG BA DANG 'JUG PAR BYED DO, ,GZHAN SKYE MCHED LNGA NI MING DANG LHAN CIG TU 'BYUNG BA CHEN PO LA BRTEN TE ZAS DANG DUS KYI RKYEN LAS SKYE BA DANG 'JUG PAR BYED DO, ,RKYEN DE MED PAR NI MA YIN NO, ,DE'I PHYIR MING DANG GZUGS LAS SKYE MCHED DRUG GO DBANG PO YUL DANG RNAM PAR SHES PA 'DUS PA LAS REG PA SKYE BAS NA, DE'I PHYIR SKYE MCHED DRUG GI RKYEN LAS REG PA'O, ,REG NAS BDE BA'AM SDUG BSNGAL LAM SDUG BSNGAL MIN BDE BA MIN PA TSOR BAR BYED DO, ,REG PA MED PAR MA YIN NO, ,DE'I PHYIR REG PA'I RKYEN LAS TSOR BA'O, ,BYIS PA SO SO'I SKYE BO RNAMS BDE BA NYAMS SU MYONG BAS CHAGS PAR BYAS TE, YANG DANG YANG DU DE DAG DON DU GNYER BAR BYED DO, ,SDUG BSNGAL NYAMS SU MYONG BA NA YANG SDUG BSNGAL 'JOMS PAR BYED BA'I BDE BA DON DU GNYER BAR BYED DO, ,SDUG BSNGAL MIN BDE BA MIN PA NYAMS SU MYONG BA LAS LHAG PAR ZHAN NAS TSOR BAR BYED DO, ,DE'I PHYIR TSOR BA'I RKYEN LAS SRED PA'O, ,ZHEN PAS TSOR BA NI SRED PA'O, ,DNGOS PO 'DZIN PA BRTAN BOS LEN PAR BYED DO, ,DE'I PHYIR SRED PA'I RKYEN LAS LEN PA'O, ,LEN PA DANG BCAS PA'I LAS BYAS PA RNAMS SRID PA'I SA BON DU 'GYUR RO, ,DE'I PHYIR LEN PA'I RKYEN LAS SRID PA'O, ,LAS KYI BYE BRAG CI LTA BA BZHIN DU 'GRO BA RNAMS SU SKYE BAR 'GYUR RO, ,DE'I PHYIR SRID PA'I RKYEN LAS SKYE BA'O, ,SKYES PAS RGAS SHING 'CHI BAR 'GYUR RO, ,DE'I PHYIR SKYE BA'I RKYEN LAS RGA SHI'O, ,GZHAN YANG RTOG PA NI, DPER NA SPUN MA DANG SA BON BZHIN DU MA @186B RIG PA 'DU BYED DO, ,DPAR GNAS BON DANG MYU GU BZHIN DU BYED DANG RNAM PAR SHES PA'O, ,DPER NA MYU GU DANG 'DAB MA BZHIN DU RNAM PAR SHES PA DANG MING DANG GZUGS SO, ,DPER NA 'DAB MA DANG SDONG PO BZHIN DU MING DANG GZUGS DANG SKYE MCHED DRUG GO, ,DPER NA SDONG BO DANG YAL GA BZHIN DU SKYE MCHED DRUG DANG REG PA'O, ,DPER NA YAL GA DANG ME TOG BZHIN DU REG PA DANG TSOR BA'O, ,DPER NA ME TOG DANG GONG BU BZHIN DU TSOR BA DANG SRED PA'O, ,DPER NA GONG BU DANG 'BRAS BU BZHIN DU SRED PA DANG LEN PA'O, ,DPER NA 'BRAS BU DANG SA BON BZHIN DU NYE BAR LEN PA DANG SRID PA'O,, DPER NA SA BON DANG MYU GU BZHIN DU SRID PA DANG SKYE BA'O, ,RKYEN LAS ZHES PA KUN LA BLTA'O, ,DPER NA DE LTAR SA BON GYI RGYUN 'JUG PA'I SNGON GYI MTHA' SHES PAR BYA BA NYID MA YIN ZHING PHYI MA'I MTHA' SHES PAR BYA BA MA YIN NO, ,DE KHO NA BZHIN DU MA RIG PA LA SOGS PA'I RTEN CING 'BREL BAR 'BYUNG BA'I RGYUN RAB TU 'JUG PA NI SNGON GYI MTHA' SHES PAR BYA BA NYID DE MA YIN ZHING PHYI MA'I MTHA' SHES PAR BYA BA MA YIN NO, ,DE NAS MA RIG PA'I RKYEN GANG ZHE NA, BRJOD PAR BYA STE, MA RIG PA NYID DO, ,MA RIG PA'I RKYEN LAS BAG LA NYAL LO, ,KUN NAS LDANG BA'I RKYEN BAG LA NYAL LO, ,BAG LA NYAL GYI RKYEN NI KUN NAS LDANG BA'O, ,SNGON MA'I RKYEN SNGON MA'O, ,PHYI MA'I RKYEN PHYI MA'O, ,YANG NA KUN NAS NYON MONGS PA THAMS CAD RKEYN DU 'GYUR BA YIN NO, ,DE LTAR YANG GSUNGS PA, ZAG PA KUN DU 'BYUNG BA LAS MA RIG PA KUN DU 'BYUNG NGO ZHES SO, ,GZHAN YANG, SEMS GCIG PA'I TSUL NI 'DI LTAR STE, DUS GANG GI TSE BYIS PA RNAMS MIG GI GZUGS MTHONG BA NA 'DOD CHAGS STZE STE, MDZES PA BDE BA'O ZHES SEMS KUN DU RMONGS PA 'DIS NI MA RIG PA'O, ,MA RIG PAS RAB TU SKYED PA'I LUS LA SOGS PA YONGS SU G-YO BA 'DI NI 'DU BYED DO, ,CHAGS BA'I SEMS NI 'DU BYED KYI RKYEN LAS RNAM PAR SHES PA'O, ,DE DANG LDAN PA'I SEMS LAS BYUNG BA DANG DES KUN NAS BSLANG BA'I GZUGS NI RNAM PAR SHES PA'I RKYEN LAS MING DANG GZUGS SO, ,'DOD CHAGS LAS SKYES PA'I RKYEN DGA' BA DANG, DGA' BA LAS SKYES PA'I RKYEN GZUGS DAG GI DBANG PO @187A *, ,RNAMS KYI RAB TU DANG BA MA YIN PA NI MING DANG GZUGS KYI RKYEN LAS SKYE MCHED DRUG GO, ,MA RIG PA 'DUS TE REG PA NI SKYE MCHED DRUG GI RKYEN LAS REG PA'O, ,DE'I TSE GANG YANG BDE BA DE NI REG PA'I RKYEN LAS TSOR BA'O, ,DE'I TSE 'DOD CHAG PA NI TSOR BA'I RKYEN LAS SRED PA'O, ,CHAGS PAS MDZES PA DANG BDE BAR 'DZIN PA NI SRED PA'I RKYEN LAS LEN PA'O, ,DE'I TSE CHAGS PA'I SEMS PA NI LEN PA'I RKYEN LAS SRID PA'O, ,CHOS DE RNAMS MNGON PAR SGRUB PAR BYED PA NI SRID PA'I RKYEN LAS SKYE BA'O, ,GNAS PA GZHAN DU GYUR PA NYID NI RGA BA'O, ,SKAD CIG 'JIG PA NI 'CHI BA'O, ,DE KHO NA BZHIN DU RIM GYIS SKAD CIG GCIG GIS YAN LAG BCU GNYIS MNYAMS DU RGYU BAR SHES PAR BYA'O, ,RTEN CING 'BREL PAR 'BYUNG PA'I YAN LAG BCU GNYIS DE RNAMS NI RGOL BA BCU DANG, LAN BCUS GRUB PO, ,DE LA RGOL BA BCU NI 'DI LTA STE, NYON MONGS PA DU DANG, LUS DU DANG, RNAM PAR SMIN PA DU DANG, 'DAS PA DU DANG, MA 'ONGS PA DU DANG, DE LTAR BA DU DANG, RTEN CING 'BREL PAR 'BYUNG BA GANG DANG, RTEN CING 'BREL PAR 'BYUNG BA'I CHOS GANG ZHE NA DANG, RTEN CING 'BREL PAR 'BYUNG BA DANG RTEN CING 'BREL PAR 'BYUNG BA'I CHOS DAG THA DAD PA'I RGYU CI DANG, RTEN CING 'BREL PAR 'BYUNG BA DE'I ZAB MO NYID GANG ZHE NA'O, ,GRANGS BZHIN DU BRJOD PAR BYA STE, 'DI LTAR NYON MONGS PA NI YAN LAG GSUM STE, 'DI LTAR, MA RIG PA DANG, SRED PA DANG, NYE BAR LEN PA'O, ,YAN LAG GNYIS NI LAS TE 'DI LTAR, 'DU BYED DANG, SRID PA'O, ,YAN LAG BDUN NI RNAM PAR SMIN PA STE, 'DI LTAR, YAN LAG LHAG MA RNAMS SO, ,DE LA RI MO'I LAS LA MTSON BYED PA'I RIGS PAS, NYON MONGS PA NI YANG SRID SGRUB PA'I RGYUR 'GYUR BA YIN NO, ,RI MOR BYED PA'I 'THAD PAS, LAS NI DMAN PA DANG GYI ? NOM PA THA DAD PA BYED PA YIN NO, ,BRIS PA'I GZUGS KYI RIGS PAS, RNAM PAR SMIN PA NI LAS DANG NYON MONGS PA MNGON PAR GRUB PA YOD PA'I RKYEN GYIS 'JUG PA'O, ,YAN LAG GNYIS NI 'DAS PA STE 'DI LTAR, MA RIG PA DANG 'DU BYED DO, ,GNYIS NI MA 'ONGS PA STE, 'DI LTAR, SKYE BA DANG, RGA SHI'O, ,BRGYAD NI DA LTAR PA STE, DE @187B 'DI LTAR, LHAG MA RNAMS SO, ,DUS GSUM BZUNG BA 'DIS NI THOG MA DANG TA MA MED PA 'KHOR BA'I LAM RJES SU 'BREL BAR BSTAN PA'O, ,GANG YAN LAG BCU GNYIS DE RNAMS NI RIM PA BZHIN DU PHAN TSUN RGYU NYID DANG, BYED PO NYID DANG, PHAN 'DOGS PA NYID DANG, 'DI NI RTEN NYID DO ZHES PA 'DI NI RTEN CING 'BREL PA 'BYUNG BA'O, ,RTEN CING 'BREL PAR 'BYUNG BA'I CHOS NI YAN LAG BCU GNYIS SO, ,RTEN CING 'BREL PAR 'BYUNG BA 'DI NI 'DU BYED RNAM PAR 'GYUR BA YONGS SU RDZOGS PA MA YIN PA ZHES BRJOD PAR BYA BA MA YIN, 'DUS BYAS ZHES BRJOD BAR BYA BA MA YIN, 'DUS MA BYAS ZHES BRJOD PAR BYA BA MA YIN NO, ,RTEN CING 'BREL PAR 'BYUNG BA'I CHOS NI, 'DU BYED YONGS SU RDZOGS PA 'DUS BYAS SO ZHES PA 'DI NI DA DAG GI THA DAD PA'I RGYU'O, ,GANG GI TSE RNAM PA DANG MTSAN NYID GANG GIS MA RIG PA 'DU BYED KYI RKYEN DU 'GYUR BA'I RNAM PA DE DANG MTSAN NYID DE DAG DANG RKYEN GZHAN DANG GZHAN DAG 'PHAGS PA RNAMS KYI SHES RAB KYI SPYAN GYIS MNGON DU MKHYEN TO, ,DE BZHIN DU THAMS CAD LA'O, ,'DI NI RTEN CING 'BREL PAR 'BYUNG BA DE'I ZAB PA NYID DO, ,PHYOGS GZHAN NI, RTEN CING 'BREL BAR 'BYUNG BA 'DI DAG RNAM PA BDUN DU BLTA BAR BYA STE, 'DI LTAR, MTSAMS GSUM DANG, MDOR BSDUS PA BZHI DANG, RNAM PA NYI SHU DANG, 'KHOR LO DANG, TSUL LUGS DANG, RNAM PAR DBYE BA DANG, BSDU BA'O, ,DE LA MTSAMS NI GSUM STE, 'DI LTAR, 'DU BYED DANG, RNAM PAR SHES PA'I BAR NI MTSAMS DANG PO'O, ,TSOR BA DANG SRED PA'I BAR NI MTSAMS GNYIS PA'O, ,SRID PA DANG SKYE BA'I BAR NI MTSAMS GSUM PA'O, ,DE LA 'DAS PA'I LDAS DANG NYON MONGS PA NI DA LTAR BYI RNAM PA SMIN PA'I RKYEN TE MTSAMS DANG PO'O, ,DA LTAR GYI LAS DANG NYON MONGS PA NI DA LTAR GYI RNAMS PAR SMIN PA'I RKYEN TE MTSAMS GNYID PA'O, ,DA LTAR GYI LAS DANG NYON MONGS PA NI MA 'ONGS PA'I RNAM PAR SMIN PA'I RKYEN TE MTSAMS GSUM PA'O, ,YANG NA DANG PO DANG GSUM PA NI RGYU 'BRAS KYI MTSAMS SO, ,GNYIS PA NI 'BRAS BU'I MTSAMS SO, ,SRID PA'I MTSAMS NI MED DO, ,SRID PA'I MTSAMS ZHES PAR DAN CI ZHE NA, BRJOD PAR BYA STE, SHI NAS DE MA THAG TU 'PHO BA @188A *, ,MA YIN PA'I PHUNG PO SKYE MCHED KHAMS RNAMS LA YANG SRID MNGON PAR GRUB PA 'DI NI SRID PA'I MTSAMS ZHES BRJOD DO, ,SRID PA'I MTSAMS DE CI LTAR 'GYUR ZHE NA, BRJOD PAR BYA STE, BYIS PA SO SO'I SKYE BO DE DAG MA RIG PAR GYUR PA SRED PA DANG LDAN PA BSOD NAMS DANG SDIG PA BSAGS PA STE, GANG GI TSE 'DI NYID 'CHI BA'I MTHA' CAN GYI TSOR BAS ZIL GYIS MNAN CING 'CHI BA LA LHAG PAR MA NYE BA DE'I TSE 'BYUNG BAR 'GYUR TE, 'DI LTAR, 'JIG RTEN 'DI MI MTHONG ZHING RMONGS PAS DRAN PA MI RNYED PAR GYUR BZHIN PA NA, TSOR BAS NON CING DRAN PA DANG BLO GROS YONGS SU NYAMS, LUS KYI STOBS DANG NUS PA YONGS SU NYAMS, DBANG PO RNAMS NYE BAR 'GAGS, TA LA'I LA MA SKAMS PA BZHIN DU LUS KYI MTHA' GNYIS NAS SROG GI DBANG PO NYE BAR SKAMS PAR 'GYUR RO, ,DE'I TSE DE'I RMI LAM DU GYUR PA BZHIN DU, LAS KYI CHOS BZHI NYE BAR GNAS PAR 'GYUR TE; 'DI LTAR, LAS DANG, LAS KYI MTSAN MA DANG, 'GRO BA DANG, 'GRO BA'I MTSAN MA'O, ,DE LA LAS ZHES BYA BA, ,GANG BSOD NAMS DANG BSOD NAMS MA YIN PA BYAS PA DANG, LCI BA 'AM YANG BA'AM, NYE BA 'AM SNGON BYAS SAM, LAS DE RNAMS NYE BAR GNAS PAR 'GYU ROR, ,LAS KYI MTSAN MA ZHES PA DNGOS PO GANG LA BRTEN NAS LAS BYAS PAR GYUR PA, DE'I DNGOS PO NYE BAR GNAS PAR 'GYUR RO, ,DE DE'I TSE LAS BYED PA BZHIN DU 'BYUNG NGO, ,'GRO BA ZHES PA BSOD NAMS KYI LAS BDE 'GROR NYE BAR GNAS PA DANG, BSOD NAMS MA YIN PA LAS NGAN 'GRO'O, ,'GRO BA'I MTSAN MA ZHES BYA BA MNGAL DU SKYE BA RNAMS NI DUS DANG LDAN ZHING KHRAG DANG LDAN PA'I MA'I LTO BAR NYE BAR GNAS PAR 'GYUR RO, ,RDZUS TE SKYE BA RNAMS NI GANG DANG GANG DU SKYE BA DE DANG DE'I GO SKABS NYE BAR GNAS PAR 'GYUR TE, GZHAL YAS KHANG NGAM, SEMS CAN NAM, NAGS SAM, SHING NGAM, 'GRO BA DE DANG 'DRA BA DANG LDAN PA'I MTSAN MA NYE BAR GNAS PA'I, ,DE'I TSE DE RNAMS SU BYIN PA LTA BU DANG BZHINGS PA DANG BSDAD PA DANG NYAL BA LTA BU DANG, MTHONG BA BZHIN DU DANG, LEN PA BZHIN DU 'BYUNG NGO, ,DE'I TSE LAS SAM LAS KYI MTSAN MA DANG, 'GRO BA 'AM 'GRO BA'I MTSAN MA LA DMIGS @188B PA BYAS TE SKYE BAR 'GYUR RO ZHES PA LA SOGS PA RGYAS PAR RO, ,MDOR BSDUS BZHI NI 'DI LTAR, 'DAS PA'I LAS DANG NYON MONGS PAS BSDUS PA DANG, DA LTAR GYI RNAM PAR SMIN PAS BSDUS PA DANG, DA LTAR GYI LAS DANG NYON MONGS PAS BSDUS PA DANG, MA 'ONGS PA'I RNAM PAR SMIN PAS BSDUS PA'O, ,DE LA MA RIG PA DANG 'DU BYED NI, 'DAS PA'I LAS DANG NYON MONGS PAS BSDUS PA'O, ,RNAM PAR SHES PA MING DANG GZUGS SKYE MCHED DRUG REG PA TSOR BA RNAMS NI DA LTA GYI RNAM PAR SMIN PAS BSDUS PA'O, ,SRED PA DANG LEN PA DANG SRID PA NI DA LTAR GYI LAS DANG NYON MONGS PAS BSDUS PA'O, ,SKYE BA DANG RGA SHI NI MA 'ONGS PA'I RNAM PAR SMIN PAS BSDUS PA'O, ,RNAM PA NYI SHU NI 'DI LTAR, MA RIG PA BZUNG BAS 'DAS PA'I SRED PA DANG NYE BAR LEN PAS BZUNG BA YIN TE, NYON MONGS PA'I MTSAN NYID DU MTSUNGS PAS SO, ,'DU BYED GZUNG BAS 'DAS PA'I SRED PA BZUNG BA YIN TE, LAS KYI MTSAN NYID YIN PAS SO, ,RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG, TSOR BA BZUNG BAS DA LTAR GYI SKYE BA DANG RGA SHI BZUNG BA YIN TE, RNAM PAR SMIN PA'I MTSAN NYID YIN PAS SO, ,SRED PA DANG NYE BAR LEN PA BZUNG BAS DA LTAR GYI MA RIG PA BZUNG BA YIN TE, NYON MONGS PA'I MTSAN NYID YIN PAS SO, ,SRID PA BZUNG BAS DA LTAR GYI 'DU BYED BZUNG BA YIN TE, LAS KYI MTSAN NYID YIN PAS SO, ,SKYE BA DANG RGA SHI BZUNG BAS MA 'ONGS PA'I RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG TSOR BA BZUNG BA YIN TE, RNAM PAR SMIN PA'I MTSAN NYID YIN PAS SO, ,CHOS NYI SHU BZHI PO 'DI RNAMS YONGS SU RDZOGS PA BZUNG BAS NYI SHUR 'GYUR RO, ,'DI LTA STE, CHOS MNGON PA LAS, SNGON GYI LAS KYI SRID PA LA MA RIG PA DANG 'DU BYED DANG SRED PA DANG NYE BAR LEN PA DANG SRID PA STE CHOS LNGA PO 'DI NI, 'DI NYING MTSAMS SBYOR BA'I RKYEN NO, ,'DIR RNAM PAR SHES PA DANG MING DANG GZUGS DANG, SKYE MCHED DRUG DANG REG PA DANG TSOR BA STE CHOS LNGA PO 'DI NI, ,'DIR SKYE BA'I SRID PA LA SNGON BYAS PA'I LAS NI RKYEN NO, ,'DIR SKYE MCHED LA SOGS PA RNAMS YONGS SU SMIN PAS, MA RIG PA DANG 'DU BYED @189A *, ,DANG SRED PA DANG NYE BAR LEN PA DANG SRID PA STE CHOS LNGA PO 'DI NI, 'DIR LAS KYI SRID PA LA MA 'ONGS PA'I NYING MTSAMS SBYOR BA'I RKYEN NO, ,SLAD MA'I RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG, TSOR BA STE CHOS LNGA PO 'DI NI, MA 'ONGS PAR SKYE BA'I SRID PA LA, 'DIR BYAS PA'I LAS NI RKYEN NO, ,BZHI PA LNGA NI RNAM PA NYI SHU YIN NO, ,'KHOR LO ZHES PA NI MA RIG PA'I RKYEN LAS 'DU BYED ZHES PA NAS SKYE BA'I RKYEN LAS RGA SHI ZHES PA'O, ,DE BZHIN DU SDUG BSNGAL GYI PHUNG PO CHEN PO 'BA' ZHIG 'BYUNG BA NYID DO, ,DE BZHIN DU YANG MA RIG PA'I RKYEN LAS 'DU BYED ZHES PA LA SOGS PA'O, ,YANG DE BZHIN DU STE RTEN 'BREL GYI 'KHOR LO'I RIM PA MTHA' MED PA'O, ,TSUL LUGS ZHES PA NI TSUL GNYIS TE 'DI LTAR, MA RIG PA LA SOGS PA'I TSUL DANG, RGA SHI LA SOGS PA'I TSUL LO, ,DE LA MA RIG PA LA SOGS PA'I TSUL NI, MA RIG PA'I RKYEN LAS 'DU BYED DANG, CI SRID DU RGA SHI MYA NGAN DANG SMRE SNGAGS 'DON PA SDUG BSNGAL YID MI BDE BA 'KHRUG PA LA SOGS PA RNAMS 'BYUNG BAR 'GYUR RO, ,RGA SHI LA SOGS PA'I TSUL NI, RGA SHI 'GAGS PAS SKYE BA 'GAG ,SKYE BA 'GAGS PAS SRID PA 'GAG CES PA NAS 'DU BYED 'GAGS PAS MA RIG PA 'GAG CES PA'I BAR DU'O, ,YANG NA MA RIG PA LA SOGS PA'I TSUL NI, PHYI MA'I MTHA' YONGS SU CHAD PA'I SGO STE MA 'ONGS PA'I CHA SHAS SHES PA'I LAM MO, ,RGA SHI LA SOGS PA'I TSUL NI SNGON GYI MTHA' YONGS SU CHAD PA'I SGO STE 'DAS PA'I CHA SHAS SHES PA'I LAM MO, ,RNAM PAR DBYE BA ZHES PA NI, RTEN CING 'BREL PAR 'BYUNG BA NI GNYIS TE, 'JIG RTEN PA DANG 'JIG RTEN LAS 'DAS PA'O, ,DE LA 'JIG RTEN PA NI, MA RIG PA'I RKYEN LA 'DU BYED NAS 'DI 'BA' ZHIG GI SDUG BSNGAL GYI PHUNG PO CHEN PO KUN DU 'BYUNG BAR 'GYUR RO ZHES PA'I BAR DU'O, ,'JIG RTEN LAS 'DAS PA YANG SDUG BSNGAL DANG, SDUG BSNGAL GYI RKYEN LAS DAD PA DANG, DAD PA'I RKYEN LAS MCHOG TU DGA' BA DANG, MCHOG TU DGA' BA'I RKYEN LAS DGA' BA DANG, DGA' BA'I RKYEN LAS SHIN TU SBYANGS PA DANG, SHIN TU SBYANGS PA'I RKYEN LAS BDE BA DANG, BDE BA'I RKYEN LAS TING NGE 'DZIN DANG, TING NGE 'DZIN GYI RKYEN LAS YANG DAG @189B PA CI LTA BA'I YE SHES MTHONG BA DANG, YANG DAG PA CI LTA BA'I YE SHES MTHONG BA'I RKYEN LAS YID 'BYUNG BA DANG, YID 'BYUNG BA'I RKYEN LAS 'DOD CHAGS DANG BRAL BA DANG, 'DOD CHAGS DANG BRAL BA'I RKYEN LAS RNAM PAR GROL BA DANG, RNAM PAR GROL BA'I RKYEN LAS ZAD PAR SHES PA'O, ,GZHAN DAG TU YANG GSUNGS PA, RTEN CING 'BREL BAR 'BYUNG BA LA RNAM PA BZHI NI 'DI LTA STE, LAS DANG NYON MONGS PA'I RGYU LAS BYUNG BA DANG, SA BON GYI RGYU LAS BYUNG BA DANG, MNGON PAR 'DU BYED PA LAS BYUNG BA DANG, THUN MONG GI LAS KYI RGYU LAS BYUNG BA'O, ,DE LA LAS DANG NYON MONGS PA'I RGYU LAS BYUNG BA NI; MA RIG PA'I RKYEN LAS 'DU BYED NAS 'DI DAG 'BA' ZHIG GI SDUG BSNGAL GYI PHUNG PO CHEN PO 'BYUNG BAR 'GYUR RO ZHES PA'I BAR DU'O, ,SA BON DANG MYU GU LA SOGS PA'I RGYUN GYI NGO BO, ,MNGON PAR 'DU BYED PA LAS BYUNG BA NA SPRUL PA'I GZUGS LA SOGS PA'O, ,THUN MONG GI LAS KYI RGYU LAS BYUNG BA NI SA DANG KHA BA CAN DANG RGYA MTSO DANG ZLA BA DANG NYI MA LA SOGS PA'O, ,BSDU BA ZHES PA NI BSDU BA RNAM PA BZHI STE 'DI LTAR, PHUNG POS BSDUS PA DANG, SKYE MCHED KYIS BSDUS PA DANG, KHAMS KYIS BSDUS PA DANG, BDEN PAS BSDUS PA'O, ,DE LA PHUNG POS BSDUS PA NI 'DI LTAR, YAN LAG DRUG NI 'DU BYED KYI PHUNG POS BSDUS PA'O, ,'DI LTA STE, MA RIG PA DANG, 'DU BYED DANG, REG PA DANG, SRED PA DANG, NYE BAR LEN PA DANG, SRID PA'O, ,RNAM PAR SHES PA NI RNAM PAR SHES PA'I PHUNG POS BSDUS PA'O, ,MING DANG GZUGS NI PHUNG PO LNGAS BSDUS PA'O, ,SKYE MCHED DRUG NI GZUGS DANG RNAM PAR SHES PA'I PHUNG PO DAG GIS BSDUS PA'O, ,TSOR BA'I YAN LAG NI TSOR BA'I PHUNG POS BSDUS PA'O, ,SKYE BA DANG RGA SHI NI GZUGS KYI PHUNG PO DANG 'DU BYED KYI PHUNG PO DAG GIS BSDUS PA'O, ,SKYE MCHED KYIS BSDUS PA NI 'DI LTAR, YAN LAG DGU NI CHOS KYI SKYE MCHED KYIS BSDUS PA'O, ,'DI LTAR, MA RIG PA DANG, 'DU BYED DANG, REG PA DANG, TSOR BA DANG, SRED PA DANG, NYE BAR LEN PA DANG, SRID PA DANG, SKYE BA DANG, RGA SHI'O, ,RNAM PAR SHES PA'I YAN LAG NI YID KYI SKYE MCHED KYIS BSDUS PA'O, ,MING DANG GZUGS NI YID KYI SKYE MCHED DANG CHOS KYI SKYE MCHED DANG @190A *, ,PHYI ROL GYI SKYE MCHED LNGAS BSDUS PA'O, ,SKYE MCHED DRUG NI NANG GI BDAG NYID KYI SKYE MCHED DRUG GIS BSDUS PA'O, ,KHAMS KYIS BSDUS PA NI 'DI LTAR, YAN LAG DGU NI CHOS KYI KHAMS KYIS BSDUS PA'O, ,'DI LTAR, MA RIG PA DANG, 'DU BYED DANG, RIG PA DANG, TSOR BA DANG, SRAD PA DANG, NYE BAR LEN PA DANG, SRID PA DANG, SKYE BA DANG, RGA SHI'O, ,RNAM PAR SHES PA'I YAN LAG NI RNAM PAR SHES PA'I KHAMS KYIS BSDUS PA'O, ,MING DANG GZUGS NI KHAMS BDUN GYIS BSDUS PA STE, 'DI LTAR, GZUGS KYI KHAMS DANG, SGRA'I KHAMS DANG, DRI'I KHAMS DANG, RO'I KHAMS DANG, REG BYA'I KHAMS DANG, YID KYI KHAMS DANG, CHOS KYI KHAMS SO, ,SKYE MCHED DRUG NI KHAMS BCU GNYIS KYIS BSDUS PA'O, ,'DI LTAR, MIG GI KHAMS KYIS DANG, RNA BA'I KHAMS KYIS DANG, SNA'I KHAMS KYIS DANG, LCE'I KHAMS KYIS DANG, LUS KYI KHAMS KYIS DANG, YID KYI KHAMS KYIS DANG, MIG GI RNAM PAR SHES PA'I KHAMS KYIS DANG, RNA BA'I RNAM PAR SHES PA'I KHAMS KYIS DANG, SNA'I RNAM PAR SHES PA'I KHAMS KYIS DANG, LCE'I RNAM PAR SHES PA'I KHAMS KYIS DANG, LUS KYI RNAM PAR SHES PA'I KHAMS KYIS DANG, YID KYI RNAM PAR SHES PA'I KHAMS KYIS SO, ,BDEN PAS BSDUS PA NI 'DI LTAR, YAN LAG GSUM NI KUN 'BYUNG GI BDEN PAS BSDUS PA STE, 'DI LTAR, MA RIG PA DANG, SRED PA DANG, NYE BAR LEN PA'O, ,LHAG MA YAN LAG DGU NI SDUG BSNGAL GYI BDEN PAS BSDUS PA STE, 'DI LTAR 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRID PA DANG, SKYE BA DANG, RGA SHI'O, ,'JIG RTEN LAS 'DAS PA'I RTEN CING 'BREL PAR 'BYUNG BA LA, SDUG BSNGAL NI SDUG BSNGAL GYI BDEN PAS BSDUS PA'O, ,YAN LAG BCU NI LAM GYI BDEN PAS BSDUS PA STE, 'DI LTAR, DAD PA DANG, RAB TU RANGS PA DANG, DGA' BA DANG, SHIN TU SBYANGS PA DANG, BDE BA DANG, TING NGE 'DZIN DANG, YANG DAG PA CI LTA BA'I YE SHES MTHONG BA DANG, YID 'BYUNG BA DANG, 'DOD CHAGS DANG BRAL BA DANG, RNAM PAR GROL BA'O, ,ZAD PA SHES PA NI 'GOG PA'I @190B BDEN PAS BSDUS PA'O, ,RNAM PA DE LTAR BU RNAMS KYIS RTEN CING 'BREL PAR 'BYUNG BA LA MKHAS PA'I SHES PA SKYES PA NI, RTEN CING 'BREL PAR 'BYUNG BA LA MKHAS PA'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS GNAS BRTAN PA'I SDE PA'I TSUL GYI RTEN CING 'BREL PAR 'BYUNG BA RNAM PAR NGES PA ZHES BYA BA LE'U BCU BZHI PA'O,, ,,'PHAGS PA'I BDEN PA LA MKHAS PA BRJOD PAR BYA STE, DE LTAR YANG, 'PHAGS PA'I BDEN PA NI BZHI STE, SDUG BSNGAL 'PHAGS PA'I BDEN PA DANG, KUN 'BYUNG 'PHAGS PA'I BDEN PA DANG, SDUG BSNGAL 'GOG PA 'PHAGS PA'I BDEN PA DANG, SDUG BSNGAL 'GOG PAR 'GRO BA'I LAM 'PHAGS PA'I BDEN PA'O, ,DE LA SDUG BSNGAL GYI BDEN PA GANG ZHE NA, BRJOD PAR BYA STE, SKYE BA YANG SDUG BSNGAL, RGAS PA YANG SDUG BSNGAL, 'CHI BA YANG SDUG BSNGAL, MYA NGAN SMRE SNGAGS 'DON PA YANG SDUG BSNGAL, YID MI BDE BA 'KHRUG PA YANG SDUG BSNGAL LO, ,MI SDUG PA DANG PHRAD PA YANG SDUG BSNGAL, SDUG PA DANG BRAL BA YANG SDUG BSNGAL LO, ,GANG 'DOD PA YONGS SU TSOL BAR BYED PA NA MI RNYED PA DE YANG SDUG BSNGAL, MDOR BSDUS PAS NYE BAR LEN PA'I PHUNG PO LNGA SDUG BSNGAL LO, ,DE LA SKYE BA NI SEMS CAN GYI RIS RNAMS KYI PHUNG PO SNGAR MED PA BYUNG BA'O, ,DE YANG SDUG BSNGAL THAMS CAD NYE BAR SOGS PAR BYED PAS SDUG BSNGAL LO, ,RGA BA NI SKYES PA'I KHAMS RNAMS YONGS SU SMIN PA'O, ,DE 'ANG DMIGS PA DANG KHA DOG DANG BYA BA DANG DBANG PO DANG DRAN PA DANG BLO GROS RNAMS NYAMS PAR BYED PA'I DON GYIS NA SDUG BSNGAL LO, ,'CHI BA NI 'TSO BA DANG BRAL BA STE, DE NI 'JIGS PA CHEN PO BYED PA'I DON GYIS NA SDUG BSNGAL LO, ,MYA NGAN NI SDUG BSNGAL DU SON PA'I SEMS YONGS SU 'CHANG BA'O, ,DE NI NANG DANG PHYI ROL SRED PAR BYED PA'I DON GYIS NA SDUG BSNGAL LO, ,SMRE SNGAGS 'DON PA NI SDUG BSNGAL DU GYUR PA'I NGAG GIS BRJOD PA'O, ,DE DAG NI PHYI NANG SREG PAR BYED PA'I DON GYIS NA SDUG BSNGAL LO, ,SDUG BSNGAL NI LUS KYI STE, DE NI LUS YONGS SU MNAR BA'I DON GYIS SDUG BSNGAL LO, ,YID MI BDE @191A *, ,BA NI SEMS KYI SDUG BSNGAL TE, SEMS YONGS SU GZIR BAR BYED PA'I DON GYIS SDUG BSNGAL LO, ,'KHRUG NGAL NI SDUG BSNGAL DU 'GYUR BA'I 'JIGS PA RGYAS PA STE, DE NI KUN DU RMONGS PAR BYED PA'I DON GYIS SDUG BSNGAL LO, ,MI SDUG PA DANG PHRAD PA NI MI 'DOD PA'I SEMS CAN GYI 'DU BYED DANG MNYAM DU 'TSOGS PA STE, DE SDUG BSNGAL BYED PA'I DON GYIS SDUG BSNGAL LO, ,SDUG PA DANG BRAL BA NI 'DOD PA'I SEMS PA CAN GYI 'DU BYED DANG BRAL BA STE, MYA NGAN DANG SMRE SNGAGS 'DON PAR BYED PA'I DON GYIS SDUG BSNGAL LO, ,GANG 'DOD PA MA RNYED PA ZHES PA NI MI 'DOD PA DANG BRAL BA DANG 'DOD PA DANG PHRAD PA DON DU GNYER BAR BYED PA NA DE DAG MA RNYED PA STE, DE YANG BSAM PA NYAMS PA'I DON GYIS SDUG BSNGAL LO, ,MDOR BSDUS NA NYE BAR LEN PA'I PHUNG PO LNGA NI SDUG BSNGAL LO ZHES PA NI, NYE BAR LEN PA'I PHUNG PO LNGA LA SDUG BSNGAL DANG MI LDAN PA YOD PA MA YIN TE, DE'I PHYIR BSDUS NA NYER LEN GYI PHUNG PO LNGA SDUG BSNGAL LO, ,DE LA SDUG BSNGAL RNAM PA GNYIS NI 'DI LTAR, DNGOS PO SDUG BSNGAL DANG, RANG RTAGS KYI SDUG BSNGAL LO, ,DE LA DNGOS PO NI SKYE YANG SDUG BSNGAL ZHES PA NAS MDOR NA NYE BAR LEN PA'I PHUNG PO LNGA NI SDUG BSNGAL LO ZHES PA'I BAR DU'O, ,RANG RTAGS KYI SDUG BSNGAL NI, MYA NGAN DANG SMRE SNGAGS 'DON PA DANG SDUG BSNGAL DANG YID MI BDE BA DANG 'KHRUG PA NI SDUG BSNGAL LO ZHES PA'O, ,YANG SDUG BSNGAL RNAM PA GSUM NI 'DI LTAR, SDUG BSNGAL GYI SDUG BSNGAL DANG, YONGS SU 'GYUR BA'I SDUG BSNGAL DANG, 'DU BYED KYI SDUG BSNGAL LO, ,DE LA LUS KYI DANG NGAG GI SDUG BSNGAL NI SDUG BSNGAL GYI SDUG BSNGAL LO, ,ZAG PA DANG BCAS PA'I BDE BA MYONG BA DE'I DNGOS PO YONGS SU 'GYUR BA NI YONGS SU 'GYUR BA'I SDUG BSNGAL LO, NYE BAR LEN PA'I PHUNG PO LNGA NI 'DU BYED KYI SDUG BSNGAL LO, ,'DIS NI SDUG BSNGAL 'PHAGS PA'I BDEN PA ZHES BRJOD DO, ,SDUG BSNGAL KUN 'BYUNG BA 'PHAGS PA'I BDEN PA GANG ZHE NA, GANG SRED PA YANG SRID PAR BYED PA DGA' BA'I CHAGS PA DANG LDAN PA DE DANG DE RU MNGON PAR DGA' BA CAN NO, ,DE DANG DE RU MNGON PAR DGA' @191B BA CAN NI, GANG DANG GANG DU BDAG GI DNGOS PO MNGON PAR 'GRUB PA DE DANG DE RU MNGON PAR DGA' BA'O, ,YANG GANG DANG GANG DU MDZA' BA'I RANG BZHIN NAM BDE BA'I NGO BO YOD PA DE DANG DE RU MNGON PAR DGA' BA'O, ,DE'ANG RNAM PA GSUM STE 'DI LTAR, 'DOD PA'I SRED PA DANG, SRID PA'I SRED PA DANG, SRID BRAL GYI SRED PA'O, ,DE LA SRID PA'I SRED PA DANG SRID BRAL GYI SRED PA DAG MA GTOGS PA, SRED PA THAMS CAD NI 'DOD PA'I SRED PA'O, ,RTAG PAR LTA BA DANG LDAN PA'I SRED PA NI SRID PA'I SRED PA'O, ,CHAD PAR LTA BA DANG LDAN PA'I SRED PA NI SRID BRAL GYI SRID PA'O, ,'DI NI SDUG BSNGAL KUN 'BYUNG BA 'PHAGS PA'I BDEN PA ZHES BRJOD DO, ,SDUG BSNGAL 'GOG PA 'PHAGS PA'I BDEN PA GANG ZHE NA, GANG SRED PA DE NYID MA LUS PAR 'DOD CHAGS DANG BRAL BA DANG 'GAGS PA DANG SPANGS PA DANG NGES PAR SPANGS PA DANG, GROL BA DANG GNAS MED PA STE, 'DI NI SDUG BSNGAL 'GOG PA 'PHAGS PA'I BDEN PA ZHES BRJOD DO, ,SDUG BSNGAL 'GOG PAR 'GRO BA'I LAM 'PHAGS PA'I BDEN PA GANG ZHE NA, 'DI NI 'PHAGS PA'I LAM YAN LAG BRGYAD DE, 'DI LTAR, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG; YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN NO, ,DE LA YANG DAG PA'I LTA BA NI BDEN PA BZHI'I SHES PA'O, ,YANG DAG PA'I RTOG PA NI DGE BA LA KUN DU RTOG PA'O, ,YANG DAG PA'I NGAG NI GANG NGAG GI NYES PAR SPYOD PA BZHI LAS LDOG PA'O, ,YANG DAG PA'I LAS KYI MTHA' NI LUS KYI NYES PAR SPYOD PA GSUM LAS LDOG PA'O, ,YANG DAG PA'I 'TSO BA NI GANG LOG PA'I 'TSO BA LAS LDOG PA'O, ,YANG DAG PA'I RTZOL BA NI YANG DAG PA'I SPONG BA RNAM PA BZHI'O, ,YANG DAG PA'I DRAN PA NI DRAN PA NYE BAR GZHAG PA BZHI'O, ,YANG DAG PA'I TING NGE 'DZIN NI BSAM GTAN BZHI'O, ,YANG, GANG DE DAG 'PHAGS PA'I LAM BSGOMS PAS LAS MYA NGAN LAS 'DAS PA YE SHES MTHONG BA 'DI NI YANG DAG PA'I LTA BA'O, ,MYA NGAN LAS 'DAS PA DE NYID LA RNAM PAR RTOG PA NI YANG DAG PA'I RTOG PA'O, ,DE NYID KYI @192A *, ,LOG PA'I NGAG SPANGS PA NI YANG DAG PA'I NGAG GO, ,DE NYID KYI LOG PA'I LAS KYI MTHA' SPANGS PA NI YANG DAG PA'I LAS KYI MTHA'O, ,DE NYID KYI LOG PA'I 'TSO BA SPANGS PA NI YANG DAG PA'I 'TSO BA'O, ,DE NYID KYI BRTZON 'GRUS NI YANG DAG PA'I RTZOL BA'O, , MYA NGAN LAS 'DAS PA DE NYID LA DRAN PA NI YANG DAG PA'I DRAN PA'O, ,MYA NGAN LAS 'DAS PA DE NYID LA SEMS RTZE GCIG PA NI YANG DAG PA'I TING NGE 'DZIN NO, ,YANG SHES RAB KYI DBANG PO DANG SHES RAB KYI STOBS DANG DPYOD PA'I RDZU 'PHRUL GYI RKANG PA DANG CHOS RNAM PAR 'BYED PA YANG DAG BYANG CHUB KYI YAN LAG NI YANG DAG PA'I LTA BA'I NANG DU GTOGS PA'O, ,BRTZON 'GRUS KYI DBANG PO DANG BRTZON 'GRUS KYI STOBS DANG BRTZON 'GRUS RDZU 'PHRUL GYI RKANG PA DANG 'DUN PA'I RDZU 'PHRUL GYI RKANG PA DANG, BRTZON 'GRUS YANG DAG BYANG CHUB KYI YAN LAG DANG, SHIN TU SBYANGS PA YANG DAG BYANG CHUB KYI YAN LAG DANG, YANG DAG PA'I SPONG BA BZHI NI YANG DAG PA'I RTZOL BA'I NANG DU GTOGS PA'O, ,DRAN PA'I DBANG PO DANG DRAN PA'I STOBS DANG DRAN PA YANG DAG BYANG CHUB KYI YAN LAG DANG DRAN PA NYE BAR GZHAG PA BZHI NI YANG DAG PA'I DRAN PA'I NANG DU GTOGS PA'O, ,TING NGE 'DZIN KYI DBANG PO DANG TING NGE 'DZIN GYI STOBS DANG SEMS KYI RDZU 'PHRUL GYI RKANG PA DANG, DAD PA'I DBANG PO DANG DAD PA'I STOBS DANG TING NGE 'DZIN YANG DAG BYANG CHUB KYI YAN LAG DANG DGA' BA YANG DAG BYANG CHUB KYI YAN LAG DANG BTANG SNYOMS YANG DAG BYANG CHUB KYI YAN LAG NI YANG DAG PA'I TING NGE 'DZIN GYI NANG DU GTOGS PA'O; ,DE LTAR 'PHAGS PA'I LAM YAN LAG BRGYAD KYI NANG DU BYANG CHUB KYI PHYOGS KYI CHOS SUM CU RTZA BDUN 'DUS PAR 'GYUR RO, ,'DI NI SDUG BSNGAL 'GOG PAR 'GRO BA LAM 'PHAGS PA'I BDEN PA ZHES BRJOD DO, ,'DI RNAMS NI 'PHAGS PA'I BDEN PA BZHI RNAMS SO, ,'DIR SMRAS PA, 'PHAGS PA'I BDEN PA BZHI YIN ZHING GSUM MA YIN, LNGA MA YIN PA GA LAS SHE NA, DE LA BRJOD PAR BYA STE, 'JIG RTEN DANG JIG RTEN LAS 'DAS PA'I 'BRAS BU DANG RGYU BZHI'O 'DI LTA STE, SDUG BSNGAL NI 'JIG RTEN GYI 'BRAS BU'O, ,KUN 'BYUNG 'JIG RTEN GYI RGYU'O, ,'GOG PA NI 'JIG RTEN LAS 'DAS PA'I @192B 'BRAS BU'O, ,LAM NI 'JIG RTEN LAS 'DAS PA'I RGYU'O, ,DES NA BZHI'O, ,YANG NA, YONGS SU SHES PAR BYA BA DANG SPANG BAR BYA BA DANG MNGON DU BYA BA DANG BSGOM PAR BYA BA DANG BZHI YIN PAS BDEN PA BZHI'O, ,YANG NA 'PHAGS PA'I BDEN PA BZHI PO DE RNAMS NI RNAM PA BCU GCIG GIS KHYAD PAR SO SO SHES PAR BYA'O, ,'DI LTAR, TSIG GI DON DANG, MTSAN NYID DANG, GO RIMS DANG, MDOR BSDU BA DANG, DPER BYA BA DANG, RNAM PAR DBYE BA DANG, BSDOM PAR BYA BA DANG, GCIG NYID DANG, SNA TSOGS PA NYID DANG, MTHAR CHAGS KYIS SANGS RGYAS PAR BSTAN PA DANG BSDU BA'O, ,DE LA TSIG GI DON NI BZHI ZHES PA GRANGS NI YONGS SU CHAD PA'O, ,'PHAGS PA'I BDEN PA ZHES PA NI 'PHAGS PAS BSTAN PA'I BDEN PA YIN PAS SAM, DE DAG MNGON DU BYAS PA LA 'PHAGS PAR 'GYUR BAS SO, ,DE BZHIN NYID KYI LA YANG DE BZHIN NYID RANG GI MTSAN NYI KYIS MI SLU BA'I DON GYIS NA 'PHAGS PA'I BDEN PA'O, ,SDUG BSNGAL ZHES PA NI MNAR BA'I DON GYIS SO, ,KUN 'BYUNG ZHES PA NI BSKYED PA'I DON GYIS SO, ,'GOG PA ZHES PA NI RJES SU 'GOG PA'I DON GYIS SO, ,LAM ZHES PA NI DAM PA'I DON GOMS PAR BYED PAS SO, ,MTSAN NYID ZHES PA NI SDUG BSNGAL NI NYES PA'I MTSAN NYID DANG, KUN 'BYUNG NI RGYU'I MTSAN NYID DANG, 'GOG PA NI MI SKYE BA'I MTSAN NYID DANG, LAM NI THABS KYI MTSAN NYID DO, ,YANG NA, SDUG BSNGAL NI GZIR BA'I MTSAN NYID DANG, KUN DU GDUNG BA'I MTSAN NYID DANG, 'DUS BYAS KYI MTSAN NYID DANG, YONGS SU 'GYUR BA'I MTSAN NYID DO, ,KUN 'BYUNG NI 'PHEN PAR BYED PA'I MTSAN NYID DANG, BZHI'I MTSAN NYID DANG, KUN DU TSOGS PA'I MTSAN NYID DANG, YONGS SU SPAGS PA'I MTSAN NYID DO, ,'GOG PA NI NGES PAR 'BYUNG BA'I MTSAN NYID DANG, DBEN PA'I MTSAN NYID DANG, 'DUS MA BYAS KYI MTSAN NYID DANG, MI 'CHI BA'I MTSAN NYID DO, ,LAM NI NGES PAR 'BYIN PAR BYED PA'I MTSAN NYID DANG, YANG DAG PAR THOB PAR BYED PA'I MTSAN NYID DANG, MTHONG BA'I MTSAN NYID DANG, LHAG PA'I BDAG PO'I MTSAN NYID DO, ,GO RIMS NGES PA NI RAGS PA'I DON GYIS DANG, RKYEN GYI DON GYIS DANG PO SDUG BSNGAL BSTAN TO, ,'DIS NI SDUG BSNGAL SKYED @193A *, ,PAR BYED PA'O ZHES GNYIS PA KUN 'BYUNG BSTAN PA'O, ,KUN 'BYUNG 'DI 'GAGS PAS SDUG BSNGAL 'DI 'GAG GO ZHES GSUM PA 'GOG PA'I BDEN PA BSTAN TO, ,'DI NI KUN 'BYUNG 'GOG PA'I THABS SO ZHES BZHI PA LAM GYI BDEN PA BSTAN TO, ,DPER NA SMAN PA MKHAS PAS DANG PO NAD SHES PAR BYED, DE NAS NAD KYI RGYU YONGS SU TSOL BA DANG, DE NAS NAD BYANG BA DANG RJES SU MTHUN PA'I SMAN STON PA'O, ,DE KHO NA BZHIN DU CI LTAR NAD DE LTAR SDUG BSNGAL LO, ,CI LTAR NAD KYI GZHI DE BZHIN DU KUN 'BYUNG NGO, ,CI LTAR NA NAD BYANG BA DE BZHIN DU 'GOG PA'O, ,CI LTAR SMAN DE BZHIN DU LAM DU BLTA BAR BYA'O, ,MDOR BSDU BA NI, 'JUG PA NI SDUG BSNGAL LO, ,'JUG PAR BYED PA NI KUN 'BYUNG NGO, ,LDOG PA NI 'GOG PA'O, ,LDOG PAR BYED PA NI LAM MO, ,NYON MONGS PA'I DNGOS PO NI SDUG BSNGAL LO, ,NYON MONGS PA NI KUN 'BYUNG NGO, ,NYON MONGS PA SPANGS PA NI 'GOG PA'O, ,NYON MONGS PA SPONG BA'I THABS NI LAM MO, ,SDUG BSNGAL RNAM PAR BZHAG PA NI 'JIG TSOGS LA LTA BA YANG DAG PAR 'JOMS PA'I SGO'O, ,KUN 'BYUNG RNAM PAR BZHAG PA NI CHAD PA'I LTA BA YANG DAG PAR 'JOMS PA'I SGO'O, ,'GOG PA RNAM PAR BZHAG PA NI SDUG BSNGAL THAMS CAD YANG DAG PAR 'JOMS PA'I SGO'O, ,LAM RNAM PAR BZHAG PA NI BYA BA MA YIN PA'I LTA BA YANG DAG PAR 'JOMS PA'I SGO'O, ,DPER BYA BA NI, DPER NA DUG GI SDONG PO BZHIN DU SDUG BSNGAL BLTA BAR BYA'O, ,DPER NA SA BON BZHIN DU KUN 'BYUNG NGO, ,DPER NA SA BON BSREGS PA BZHIN DU 'GOG PA'O, ,DPER NA ME BZHIN DU LAM DU BLTA BAR BYA'O, ,DPER NA TSU ROL DU DOGS PA DANG BCAS PA DANG 'JIGS PA DANG BCAS PA BZHIN DU SDUG BSNGAL BLTA BAR BYA'O, ,DPER NA CHU BO BZHIN DU KUN 'BYUNG NGO, ,DPER NA PHA ROL 'GRAM NA 'JIGS PA MED PA BZHIN DU 'GOG PA'O, ,DPER NA GRU BZHIN DU LAM DU LTA'O, ,DPER NA KHUR KHUR BA BZHIN DU SDUG BSNGAL BLTA BAR BYA'O, ,DPER NA KHUR LEN PA BZHIN DU KUN 'BYUNG NGO, ,DPER NA KHUR BOR BA BZHIN DU 'GOG PA'O, ,DPER NA KHUR BOR BA'I THABS BZHIN DU LAM BLTA @193B BAR BYA'O, ,RNAM PAR DBYE BA ZHES PA NI BDEN PA NI RNAM PA BZHI STE, 'DI LTAR NGAG BDEN PA DANG, SO SOR BDEN PA DANG, DON DAM PA'I BDEN PA DANG, 'PHAGS PA'I BDEN PA'O, ,DE LA BDEN PA KHO NA SMRA ZHING MI BDEN PA NI MA YIN NO ZHES PA NI NGAG BDEN PA'O, ,LTA BAR SONG BA NI SO SOR BDEN PA'O, , DE NI DGE SLONG GANG BRDZUN DANG RMONGS PA'I CHOS DE DAG NI MI BDEN PA'O, ,GANG RMONGS PA MED PA'I CHOS DE NI MYA NGAN LAS 'DAS PA ZHES PA NI DON DAM PA'I BDEN PA'O, ,'PHAGS PA RNAMS KYI BSGOM PAR BYA BA YIN PAS ZHES PA NI 'PHAGS PA'I BDEN PA'O, ,'DIR NI 'PHAGS PA'I BDEN PA LA MNGON PAR 'DOD PA'O, ,BSNGOM ? PAR BYA BA NI SRID PA MA GTOGS PA'O, ,'DOD PA GZUGS DANG GZUGS MED PA'I SA GSUM GYI DGE BA DANG MI DGE BA DANG LUNG MA BSTAN GYI CHOS RNAMS NI SDUG BSNGAL BDEN PA'O, ,SRED PA NI KUN 'BYUNG BDEN PA'O, ,SRED PA SPANGS PA NI 'GOG PA'I BDEN PA'O, , 'PHAGS PA'I LAM YAN LAG BRGYAD NI LAM GYI BDEN PA'O, ,TSUL GZHAN YANG, SRED PA DANG LHAG MA'I NYON MONGS PA NI MA GTOGS TE, 'DOD PA LA SOGS PA'I SA GSUM GYI DGE BA DANG, MI DGE BA DANG LUNG DU MA BSTAN PA'I CHOS NI SDUG BSNGAL BDEN PA'O, ,SRED PA DANG LHAG MA NYON MONGS PA NI KUN 'BYUNG BDEN PA'O, ,SRED PA DANG LHAG MA NYON MONGS PA DAG SPANGS PA NI 'GOG PA'O, ,'PHAGS PA'I LAM YAN LAG BRGYAD NI LAM GYI BDEN PA'O, ,YANG TSUL GZHAN, SRED PA DANG ? LHAG MA'I NYON MONGS PA DANG MI DGE BA THAMS CAD MA GTOGS TE, SA GSUM GYI DGE BA DANG LUNG DU MA BSTAN PA'I CHOS NI SDUG BSNGAL GYI BDEN PA'O, ,SRED PA DANG LHAG MA NYON MONGS PA DANG MI DGE BA THAMS CAD NI KUN 'BYUNG BDEN PA'O, ,SRED PA LA SOGS PA RNAMS SPANGS PA NI 'GOG PA'O, ,LAM GYI BDEN PA DE NYID DO, ,TSUL GZHAN, SRED PA DANG LHAG MA NYON MONGS PA DANG MI DGE BA THAMS CAD DANG SA GSUM GYI DGE BA RNAMS MA GTOGS TE, SA GSUM GYI LUNG MA BSTAN GYI CHOS NI SDUG BSNGAL GYI BDEN PA'O, ,SRED PA DANG LHAG MA NYON MONGS PA DANG MI DGE BA THAMS CAD DANG SA GSUM GYI DGE BA NI KUN 'BYUNG NGO, ,SRED PA LA SOGS PA SPANGS PA NI 'GOG PA'I BDEN PA'O, ,LAM @194A *, ,GYI BDEN PA NI DE NYID DO, ,DE LA SRID PA'I RO MYONG BA DON DU GNYER BA GTZO BOR GYUR PA'I DON GYIS SRED PA NI KUN 'BYUNG NGO, ,SRID PAR KUN DU SBYOR BA GTZO BOR GYUR PA'I DON GYIS LHAG MA NYON MONGS PA NI KUN 'BYUNG NGO, ,SPANG BAR BYA BA'I DON GYIS DANG SRID PA KUN DU SBYOR BA'I DON GYIS MI DGE BA THAMS CAD NI KUN 'BYUNG NGO, ,SRID PA SKYED PA'I DON GYIS SA GSUM GYI DGE BA'I CHOS RNAMS KUN 'BYUNG NGO, ,DES NA SRED PA DANG LHAG MA NYON MONGS PA DANG MI DGE BA THAMS CAD DANG SA GSUM GYI DGE BA RNAMS NI SDUG BSNGAL GYI BDEN PAR 'GYUR TE, MNAR BA DANG KUN DU GDUNG BA DANG 'DUS BYAS DANG YONGS SU 'GYUR BA'I MTSAN NYID YIN PA'I PHYIR RO, ,SRED PA LA SOGS PA DE NYID KUN 'BYUNG GI BDEN PAR 'GYUR TE, SDUD PAR BYED PA DANG LEN PA DANG SPAGS PA KUN DU SBYOR BA'I MTSAN NYID YIN PA'I PHYIR RO, ,GCIG PA NYID NI, 'PHAGS PA'I BDEN PA BZHI NI RNAM PA BZHIS GCIG PA NYID DE, 'DI LTAR BDEN PA'I DON GYIS DANG, DE BZHIN GYI DON GYIS DANG, CHOS KYI DON GYIS DANG, RIGS PA'I DON GYIS SO, ,SNA TSOGS PA NYID NI, ,BDEN PA GNYIS NI 'JIG RTEN PA DANG, ZAG PA DANG BCAS PA DANG, KUN DU SBYAR BA DANG, MDUD PAR BYA BA DANG, RGYUN RGYU BA DANG, SBYOR BAR BYA BA DANG, SGRIB PAR BYA BA DANG, MCHOG TU SPYOD PA DANG, NYE BAR LEN PA DANG, NYON MONGS PA CAN TE, 'DI LTAR, SDUG BSNGAL BDEN PA DANG, KUN 'BYUNG BDEN PA'O, ,BDEN PA GNYIS NI 'JIG RTEN LAS 'DAS PA DANG, ZAG PA MED PA DANG, KUN DU SBYOR BA MA YIN PA DANG, BCING BAR BYA BA MA YIN PA DANG, RGYUN RGYU BA MA YIN PA DANG, SBYOR BAR BYA BA MA YIN PA DANG, BSGRIB PAR BYA BA MA YIN PA DANG, MCHOG TU SPYOD BYA MA YIN PA DANG, NYE BAR LEN PA MA YIN PA DANG, NYON MONGS PA CAN MA YIN PA STE 'DI LTAR, 'GOG PA'I BDEN PA DANG, LAM GYI BDEN PA'O, , BDEN PA GSUM NI 'DUS BYAS SO, ,'GOG PA NI 'DUS MA BYAS SO, ,BDEN PA GSUM NI GZUGS CAN MA YIN PA DANG, SDUG BSNGAL GYI BDEN PA NI GZUGS DANG GZUGS MA YIN PA'O, ,KUN 'BYUNG GI BDEN PA NI MI DGE BA'O, ,DGE BA NI LAM GYI BDEN PA'O, ,LUNG DU MA BSTAN PA NI @194B 'GOG PA'I BDEN PA'O, ,DGE BA DANG MI DGE BA DANG LUNG DU MA BSTAN PA NI SDUG BSNGAL GYI BDEN PA'O, ,SDUG BSNGAL SHES PAR BYA BA DANG, KUN 'BYUNG SPANG BAR BYA BA DANG 'GOG PA MNGON DU BYA BA DANG, LAM BSGOM PAR BYA BA'O, ,MTHAR CHAGS KYIS RGYAS PAR BSHAD PA NI, ,RNAM PA GCIG GIS NI RNAM PAR SHES PA DANG LDAN PA'I LUS NI SDUG BSNGAL LO, ,NGA'O SNYAM PA'I NGA RGYAL NI KUN 'BYUNG NGO, ,NGA'O SNYAM PA'I NGA RGYAL SPANGS PA NA 'GOG PA'O, ,LUS SU GTOGS PA DRAN PA NI LAM MO, ,RNAM PA GNYIS KYIS NI, MING DANG GZUGS DAG NI SDUG BSNGAL LO, ,MA RIG PA DANG SRED PA NI KUN 'BYUNG NGO, ,DE DAG SPANGS PA NI 'GOG PA'O, ,ZHI GNAS DANG LHAG MTHONG NI LAM MO, ,RNAM PA GSUM GYIS NI SDUG BSNGAL GSUM NI SDUG BSNGAL BDEN PA'O, ,MI DGE BA'I RTZA BA GSUM NI KUN 'BYUNG BDEN PA'O, ,DE RNAMS SPANGS PA NI 'GOG PA'O, ,TSUL KHRIMS DANG TING NGE 'DZIN DANG SHES RAB NI LAM MO, ,RNAM PA BZHIS NI, BDAG GI NGO BO'I DNGOS PO BZHI NI SDUG BSNGAL TE, 'DI LTAR, SKYE BA'I SDUG BSNGAL DANG, RGA BA'I SDUG BSNGAL DANG, 'CHI BA'I SDUG BSNGAL DANG, NA BA'I SDUG BSNGAL LO, ,PHYIN CI LOG BZHI NI KUN 'BYUNG NGO, ,DE RNAMS SPANGS PA NI 'GOG PA'O, ,DRAN PA NYE BAR GZHAG PA BZHI NI LAM MO, ,RNAM PA LNGAS NI, 'GRO BA LNGA NI SDUG BSNGAL LO, ,SGRIB PA LNGA NI KUN 'BYUNG NGO, ,DE RNAMS SPANGS PA NI 'GOG PA'O, ,DBANG PO LNGA NI LAM MO, ,RNAM PA DRUG GIS NI, REG PA'I SKYE MCHED DRUG NI SDUG BSNGAL LO, ,'DI LTA STE, MIG GI 'DUS TE REG PA DANG, RNA BA'I 'DUS TE REG PA DANG, SNA'I 'DUS TE REG PA DANG, LCE'I 'DUS TE REG PA DANG, LUS KYI 'DUS TE REG PA DANG, YID KYI 'DUS TE REG PA'O, ,SRED PA'I TSOGS NI KUN 'BYUNG NGO, ,GZUGS KYI SRED PA DANG, SGRA'I SRED PA DANG, DRI'I SRED PA DANG, RO'I SRED PA DANG, REG BYA'I SRED PA DANG, CHOS KYI SRED PA'O, ,DE RNAMS SPANGS PA NI 'GOG PA'O, ,KUN DU CHAGS PAR BYA BA'I CHOS DRUG NI LAM MO, ,DE LA KUN DU CHAGS BYA'I CHOS DRUG NI 'DI LTAR, NANG GI CHOS LA CHOS KYI RJES SU LTA ZHING GNAS PA 'DI NI KUN DU CHAGS PAR BYA BA'I CHOS DANG PO'O, ,DE BZHIN DU PHYI ROL LAM, DE KHO NA BZHIN DU PHYI NANG @195A *, ,DAM; KUN DU SKYE BA LA RJES SU LTA BA'AM CHOS LA CHOS DANG MTHUN PAR LTA ZHING GNAS PA'O, ,DE BZHIN DU 'GAG PA'I CHOS LA RJES SU LTA BA'AM, DE BZHIN DU SKYE BA DANG 'GAG PA LA RJES SU LTA ZHING GNAS PA NI KUN DU CHAGS PAR BYA BA'I CHOS DRUG PA'O, ,RNAM PA GSUM GYIS NI; RNAM PAR SHES PA'I GNAS PA BDUN NI SDUG BSNGAL LO, ,SEMS CAN LUS THA DAD PA 'DU SHES THA DAD PA YOD DO ZHES PA NI RNAM PAR SHES PA'I GNAS PA DANG PO'O, ,SEMS CAN LUS THA DAD LA 'DU SHES GCIG PA NYID YOD DO ZHES PA 'DI NI GNYIS PA'O, ,SEMS CAN LUS GCIG NYID YIN LA 'DU SHES THA DAD PA YOD PA 'DI NI GSUM PA'O, ,SEMS CAN LUS GCIG LA 'DU SHES GCIG PA YOD DO ZHES PA NI BZHI PA'O, ,GZUGS MED PA RU NAM MKHA'I 'DU SHES 'DI NI LNGA PA'O, ,RNAM SHES KYI 'DU SHES 'DI NI DRUG PA'O, ,CI YANG MED PA'I 'DU SHES NI BDUN PA'O, ,BAG LA NYAL BDUN NI KUN 'BYUNG STE, 'DI LTAR, 'DOD PA'I 'DOD CHAGS BAG LA NYAL DANG, KHONG KHRO BAG LA NYAL DANG, NGA RGYAL BAG LA NYAL DANG, LTA BA BAG LA NYAL DANG, THE TSOM BAG LA NYAL DANG, SRID PA'I CHAGS PA BAG LA NYAL DANG, MA RIG PA BAG LA NYAL LO, ,DE DAG SPANGS PA NI 'GOG PA'O, ,BYANG CHUB YAN LAG BDUN NI LAM MO, ,RNAM PA BRGYAD KYIS NA, 'JIG RTEN CHOS BRGYAD NI SDUG BSNGAL LO, ,LOG PA BRGYAD NI KUN 'BYUNG NGO, ,'DI LTAR, LOG PA'I LTA BA DANG, LOG PA'I RTOG PA DANG, LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA DANG, LOG PA'I RTZOL BA DANG, LOG PA'I DRAN PA DANG, LOG PA'I TING NGE 'DZIN TO, ,DE RNAMS SPANGS PA NI 'GOG PA'O, ,YANG DAG PA BRGYAD NI LAM MO, ,'DI LTAR, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN TO, ,RNAM PA DGU NI, SEMS CAN GYI GNAS DGU NI SDUG BSNGAL LO, ,'DI LTAR, LUS THA DAD CING 'DU SHES THA DAD PA NI, 'DI LTAR MI RNAMS DANG LHA KHA CIG GO, ,'DI NI SEMS CAN GYI GNAS DANG @195B PO'O; ,LUS GCIG LA 'DU SHES THA DAD PA NI 'DI LTAR, TSANGS RIS KYI LHA DANG POR BYUNG BA RNAMS SO, ,'DI NI GNYIS PA'O, ,LUS THA DAD PA 'DU SHES GCIG PA NI 'DI LTAR 'OD GSAL GYI LHA RNAMS SO, ,'DI NI GSUM PA'O, ,LUS GCIG LA 'DU SHES GCIG NI 'DI LTAR DGE RGYAS KYI LHA RNAMS SO, ,'DI NI BZHI PA'O, ,NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED DANG, 'DU SHES MED PA'I SEMS CAN TE, SEMS CAN GYI GNAS DGU'O, ,SRED PA'I RTZA BA CAN GYI CHOS DGU NI KUN 'BYUNG STE, 'DI LTAR, DE DAG SPANGS PA NI 'GOG PA'O, ,TSUL BZHIN YID LA BYED PA'I RTZA BA CAN GYI CHOS DGU NI LAM STE, 'DI LTAR, RNAM PA BCUS NI, PHYOGS BCU'I 'DU BYED RNAMS NI SDUG BSNGAL LO, ,KUN DU SBYOR BA BCU NI KUN 'BYUNG STE, 'DI LTAR, 'DOD PA'I CHAGS PA KUN DU SBYOR BA DANG, KHONG KHRO BA KUN DU SBYOR BA DANG, NGA RGYAL KUN DU SBYOR BA DANG, LTA BA KUN DU SBYOR BA DANG, THE TSOM KUN DU SBYOR BA DANG, TSUL KHRIMS DANG BRTUL ZHUGS MCHOG TU 'DZIN PA KUN DU SBYOR BA DANG, SRID PA'I CHAGS PA KUN DU SBYOR BA DANG, PHRAG DOG KUN DU SBYOR BA DANG, SER SNA KUN DU SBYOR BA DANG, MA RIG PA KUN DU SBYOR BA'O, ,DE DAG SPANGS PA NI 'GOG PA'O, ,'DU SHES BCU NI LAM MO, ,'DI LTAR, MI RTAG PA'I 'DU SHES DANG, DON MED PA'I 'DU SHES DANG, MI SDUG PA'I 'DU SHES DANG, SKYON DANG BCAS PA'I 'DU SHES DANG, SROG CHAGS KYI 'DU SHES DANG, 'DOD CHAGS DANG BRAL BA'I 'DU SHES DANG, 'GOG PA'I 'DU SHES DANG, 'JIG RTEN THAMS CAD LA MNGON PAR DGA' BA MA YIN PA'I 'DU SHES DANG, 'DU BYED THAMS CAD LA MNGON PAR MI DGA' BA'I 'DU SHES DANG, DBUGS PHYI NANG DU RGYU BA'I 'DU SHES DANG BCU'O, , CI LTAR BSDU ZHE NA, BSDU BA RNAM PA GSUM STE, PHUNG POR BSDU BA DANG, SKYE MCHED DU BSDU BA DANG, KHAMS SU BSDU BA'O, ,DE LA SDUG BSNGAL BDEN PA NI PHUNG PO LNGAS BSDUS PA'O, ,KUN 'BYUNG DANG LAM GYI BDEN PA NI 'DU BYED KYI PHUNG POS BSDUS PA'O, ,'GOG PA'I BDEN PA NI PHUNG @196A *, ,POS BSDUS PA MA YIN PA'O, ,SDUG BSNGAL GYI BDEN PA NI SKYE MCHED BCU GNYIS KYIS BSDUS PA'O, ,BDEN PA GSUM NI CHOS KYI SKYE MCHED KYIS BSDUS PA'O, ,SDUG BSNGAL GYI BDEN PA NI KHAMS BCO BRGYAD KYIS BSDUS PA NYID DO, ,BDEN PA GSUM NI CHOS KYIS BSDUS PA'O, ,GANG DE RNAMS KYIS 'PHAGS PA'I BDEN PA LA MKHAS PA'I SHES PA SKYES PA NI 'PHAGS PA'I BDEN PA LA MKHAS PA ZHES BRJOD DO, ,'BRAS BU SNYOMS PAR 'JUG PA BRJOD PAR BYA STE, MTSAN MA'I 'DU BYED THAMS CAD LAS 'DAS TE, MYA NGAN LAS 'DAS PA DMIGS PAR BYAS NAS RIGS SPYOD YE SHES SKYE'O, ,DE LA DON GANG GIS RIGS SPYOD CE NA, BRJOD PAR BYA STE, SO SO SKYE BO'I CHOS RNAMS ZIL GYIS GNON PAS RIGS SPYOD DO, ,RIGS NI BRJOD PAR BYA STE, MYA NGAN LAS 'DAS PA STE, DE DAG ZA BAR BYED PAS RIGS SPYOD DO, ,CHOS MNGON PA LAS GSUNGS PA, SKYE BA RNAMS ZIL GYIS GNON PA 'DI NI RIGS SPYOD DO, ,MI SKYE BA ZA BA 'DI NI RIGS ZA'O, ,MTSAN MAR 'JUG PA RNAMS ZIL GYIS GNON PA 'DI NI RIGS ZA'O, ,MTSAN MAR 'JUG PA MA YIN PA BGROD PA 'DI NI RIGS ZA'O, ,DANG PO MYA NGAN LAS 'DAS PA YID LA BYED PA DANG LDANG 'JUG GI SHES RAB NI RIGS SPYOD YE SHES SO, ,RIGS ZA YE SHES DES SDUG BSNGAL YONGS SU SHES PAR BYAS, KUN 'BYUNG SPANGS, 'GOG PA MNGON DU BYAS, LAM BSGOMS PAS, BYANG CHUB KYI PHYOGS KYI CHOS 'KHOR DANG BCAS PA THAMS CAD DANG LHAN CIG TU RGYUN DU ZHUGS PA'I LAM SHES PAR SKYE'O, ,DE'I TSE DES SRID PA'I MTHAR THUG PA 'DUS MA BYAS 'CHI MED KYI BDUD RTZI'I DBYINGS SU MTHONG NGO, ,MTHONG BA'I SKAD CIG DE LA YE SHES 'DIS SNGON MA YIN CING PHYIS MA YIN PA BDEN PA BZHI MNGON DU RTOGS SO, ,'DI LTA STE, SDUG BSNGAL YONGS SU SHES PA'I MNGON PAR RTOGS PA DANG, KUN 'BYUNG SPANGS PA'I MNGON PAR RTOGS PA DANG, 'GOG PA MNGON DU BYAS PA'I MNGON PAR RTOGS PA DANG, LAM BSGOMS PA'I MNGON PAR RTOGS PA'O, ,'DIR GRU DPER BSTAN PA NI, 'DI LTAR, CHU LA GRU BSKYOD PA'I SKAD CIG LA SNGON MA YIN PHYIS MA YIN PA'I BYA BA BZHI BYED DE, 'DI LTAR, TSU ROL GYI 'GRAM @196B 'DOR BA DANG, CHU'O GCOD PA DANG, PHA ROL 'GRAM THOB PA DANG, SNOD RNAMS BSGROD PA'O, ,DE BZHIN DU GRANGS BZHIN DU, SDUG BSNGAL YONGS SU SHES PA'I MNGON RTOGS DANG, KUN 'BYUNG SPANGS PA'I MNGON RTOGS DANG, 'GOG PA MNGON DU BYAS PA'I MNGON RTOGS DANG, LAM BSGOMS PA'I MNGON RTOGS SO, ,YANG SGRON ME'I DPE BSTAN TE 'DI LTAR, SGRON ME BYUNG BA'I SKAD CIG LA LHAN CIG TU SNGON MIN GYI BYA BA BZHI BYED DE 'DI LTAR, SDONG BU SREG PA DANG, MUN PA SEL BA DANG, SNUM ZAD PA DANG, SNANG BA STON PA'O, ,DE LTAR GRANGS BZHIN DU SDUG BSNGAL LA SOGS PA'I BDEN PA RNAMS KYIS NGAS SU SHES PA'I MNGON PAR RTOGS PA LA SOGS PA BZHI'O, ,YANG NYI MA'I DPE BSTAN TE, 'DI LTAR, NYI MA SHAR BA'I SKAD CIG DU SNGON MIN PHYIS MIN GYI BYA BA BZHI BYED DE, 'DI LTAR, GZUGS SU RTOGS PA RNAMS STON PA DANG, MUN PA'I RNAM PA 'JOMS PA DANG, BSIL BA 'GOG PAR BYED PA DANG, SNANG BA STON PAR BYED PA'O, ,DE BZHIN DU GRANGS BZHIN DU SDUG BSNGAL LA SOGS PA BDEN PA RNAMS KYI YONGS SU SHES PA'I MNGON PAR RTOGS PA LA SOGS PA BZHI'O, ,DE LA BDEN PA MNGON PAR RTOGS PA 'DI DON CI ZHE NA, BRJOD PAR BYA STE, 'PHAGS PA'I BDEN PA BZHI PO RNAMS SKAD CIG LA MNYAM DU RTOGS PA DE NI BDEN PA MNGON PAR RTOGS PA ZHES BRJOD DO, ,DE'I DUS SU LAM DE DANG LDAN PA LA, BDAG PO'I DON GYIS DBANG PO RNAMS YANG DAG PAR NGES PAR NYE BAR LDAN PAR 'GYUR RO, ,MI SKYOD PA'I DON GYIS STOBS DANG, ,NGES PAR 'BYIN PA'I DON GYIS BYANG CHUB YAN LAG DANG, RGYU'I DON GYIS LAM GYI YAN LAG DANG, NYE BAR GNAS PA'I DON GYIS DRAN PA NYE BAR GZHAG PA DANG, GTZO BOS DON GYIS YANG DAG PA'I SPONG BA DANG, 'BYOR BA'I DON GYIS RDZU 'PHRUL RKANG PA DANG, DE LTA BU'I DON GYIS BDEN PA DANG, G-YENG BA MED PA'I DON GYIS ZHI GNAS DANG, RJES SU MTHONG BA'I DON GYIS LHAG MTHONG DANG, DE DAG LAS MI 'DA' BAS ZUNG DU 'JUG PA'O, ,SDOM PA YIN PA'I DON GYIS TSUL KHRIMS RNAM PAR DAG PA DANG, MI G-YENG BA'I DON GYIS SEMS RNAM PAR DAG PA DANG, MTHONG BA'I DON GYIS LTA BA RNAM PAR DAG PA DANG, @197A *, ,GROL BA'I DON GYIS RNAM PAR THAR PA DANG, MNGON DU BYED PA'I DON GYIS REG PA DANG, YONGS SU BTANG BA'I DON GYIS DAM PAR GROL BA DANG, KUN DU CHUD PA'I DON GYIS ZAD PA SHES PA DANG, RTZA BA YIN PA'I DON GYIS 'DUN PA DANG, KUN NAS LDANG BA'I DON GYIS YID LA BYED PA DANG, YANG DAG PAR PHRAD PA'I DON GYIS REG PA DANG, YANG DAG PAR GZHOL BA'I DON GYIS TSOR BA DANG, MNGON DU PHYOGS PA'I DON GYIS TING NGE 'DZIN DANG, BDAG PA'I DON GYIS DRAN PA DANG, BAR MED PA'I DON GYIS SHES RAB DANG, MTHAR PHYIN PA'I DON GYIS BDUD RTZIR ? ZHUGS PA'O, , 'GOG PA DANG MYA NGAN LAS 'DAS PA YANG DAG PAR NGES PA ZHES PAR LDAN PAR 'GYUR RO, ,DES DE LTAR SHES SHING DE LTAR MTHONG BA NA, KUN DU SBYONG BA GSUM RAB TU SPONG BAR 'GYUR TE, 'DI LTAR, 'JIG TSOGS LA LTA BA DANG, THE TSOM DANG, TSUL KHRIMS DANG BRTUL ZHUGS MCHOG TU 'DZIN PA'O, ,DE DANG GCIG TU GNAS PA'I NYON MONGS PA'O, ,DE LA 'JIG TSOGS LA LTA BA NI, 'DIR THOS PA DANG MI LDAN PA'I SO SO SKYE BOS, GZUGS NI BDAG DU YANG DAG PAR RJES SU LTA BA DANG, BDAG NI GZUGS DANG LDAN PA DANG, GZUGS LA BDAG YOD PA'O, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA NI BDAG DU YANG DAG PAR RJES SU LTA BA DANG, BDAG NI RNAM PAR SHES PA DANG LDAN PA DANG, BDAG LA RNAM PAR SHES PA YOD PA DANG, RNAM PAR SHES PA LA BDAG YOD PA YANG DAG PAR RJES SU LTA BA 'DI NI 'JIG TSOGS LA LTA BA ZHES BRJOD DO, ,DE 'DIS SPONG BAR BYED DO, ,DE SPANGS PA LAS 'JIG TSOGS LA LTA BA LA SOGS PA'I LTA BAR GTOGS PA DRUG CU RTZA GNYIS SPONG BAR 'GYUR RO, ,SDUG BSNGAL LAM KUN 'BYUNG NGAM 'GOG PA 'AM LAM MAM SANGS RGYAS SAM CHOS SAM, DGE 'DUN NAM SNGON GYI MTHA' 'AM PHYI MA'I MTHA' RKYEN 'DI LAS RTEN CING 'BREL PAR 'BYUNG BA'I CHOS LA THE TSOM ZA BA STE, MTHA' GCIG TU MA NGES PA'O, ,'DI NI THE TSOM ZHES BRJOD DE, 'DI YANG SPONG BAR 'GYUR RO, ,TSUL KHRIMS DANG BRTUL ZHUGS MCHOG TU 'DZIN PA NYID DO, ,'DI LTAR, SRED PA DANG LDAN PAR GYUR PA DANG, RMONGS PA DANG LDAN PAR GYUR @197B PA'O; ,DE LA BDAG GIS TSUL KHRIMS SAM BRTUL ZHUGS SAM DKA' THUB BAM TSANGS PAR SPYOD BAS LHA GZHAN GANG YANG RUNG BAR 'GYUR BAR BYA'O ZHES PA 'DI NI SRED PA DANG LDAN PA'I TSUL KHRIMS DANG BRTUL ZHUGS MCHOG TU 'DZIN PA'O, ,'DI LAS PHYI ROL DU GYUR PA NI, DGE SBYONG DAM BRAM ZE RNAMS KYIS, TSUL KHRIMS KYI DAG PA'AM, BRTUL ZHUGS KYI DAG PA'AM TSUL KHRIMS DANG BRTUL ZHUGS KYI DAG PA'O ZHES GANG DE TSUL KHRIMS DANG BRTUL ZHUGS MCHOG TU 'DZIN PA'O, ,DE 'DIS SPONG BAR 'GYUR RO, ,NGAN SONG DU 'GRO BAR 'GYUR BA'I 'DOD CHAGS DANG, ZHE SDANG DANG GTI MUG NI DE DANG GCIG TU GNAS PA'I NYON MONGS PA ZHES BRJOD DO, ,DE 'DIS SPONG BAR 'GYUR RO, ,DE 'DI SRID DU RGYUN DU ZHUGS PA'I 'BRAS BU MNGON DU BYA BA'I PHYIR CHED DU ZHUGS PA YIN GYI, DE SRID DU RGYUN DU ZHUGS PA NI MA YIN NO, , CHED DU ZHUGS PA'I SA'AM, BRGYAD PA'I SA'AM, MTHONG BA'I SA'AM, NGES PAR GYUR PA'AM GNYI GA LA LDANG ZHING 'JUG PA'I SHES RAB BAM RGYUN DU ZHUGS PA'I LAM SHES PA STE, DE RNAMS NI MING GI RNAM GRANGS KYI TSIG GO, ,RGYUN DU ZHUGS PA'I LAM GYI DE MA THAG TU LAM DANG MTSUNGS PA'I CHOS DANG MI LDAN PAR 'DUS MA BYAS LA DMIGS PA BYAS TE, RGYUN DU ZHUGS PA'I 'BRAS BU SHES PA SKYE BAR 'GYUR TE, 'BRAS BU SEMS GNYIS SAM GSUM MAM BAR MED PAR 'JUG PA'I PHYIR DANG, KUN DU SBYOR BA GSUM RNAMS SPANGS PA'I PHYIR RO, ,DE NAS BAR MED PAR SRID PA'I YAN LAG TU 'PO'O, ,SRID PA'I YAN LAG LAS LANGS TE LAM LA SO SOR RTOG GO, ,'BRAS BU LA SO SOR RTOG PAR BYED DO, ,MYA NGAN LAS 'DAS PA LA SO SOR RTOG GO, ,SPANGS PA'I NYON MONGS PA LA SO SOR RTOG GO, ,LHAG MA'I NYON MONGS PA LA SO SOR RTOG GO, ,DE LA NI RGYUN DU ZHUGS PA ZHES BRJOD DO, , NGAN 'GRO MED PA'I CHOS DANG, RDZOGS PA'I BYANG CHUB LA NGES PAR GZHOL BA DANG, MNGON PAR RTOGS PA DANG LDAN PA'I 'BRAS BU 'ONGS PA DANG, BCOM LDAN 'DAS KYI THUGS KYI SRAS DANG, ZHAL LAS SKYES PA DANG, CHOS LAS SKYES PA DANG, CHOS KYI SPRUL PA DANG, CHOS KYI BGO SKAL LA DBANG BA DANG, ZANG @198A *, ,ZING GI BGO SKAL LA MI DBANG BA DANG, DE LA NI LTA BA PHUN SUM TSOGS PA ZHES KYANG BYA'O, ,MTHONG BA LA YANG DAG PAR ZHUGS PA YANG NGO, ,CHOS 'DI CHUB PA DANG CHOS KYI MTHONG BA DANG, SLOB PA'I YE SHES DANG YANG DAG PAR LDAN PA ZHES KYANG NGO, ,SLOB PA'I RIG PA DANG YANG DAG PAR LDAN PA ZHES KYANG NGO, ,CHOS KYI SROL DU YANG DAG PAR ZHUGS PA DANG, 'PHAGS PA DANG, NGES PAR 'BYED PA DANG, SHES RAB DANG, BDUD RTZI'I SGO KUN DU BSGRUBS TE GNAS PA DANG, DES NA BRJOD PAR BYA STE, RANG NYID SA STENG RGYAL PO'AM, ,BDE 'GROR BDAG NYID BGROD PHYIR RAM, , 'JIG RTEN KUN GYI BDAG PO'I PHYIR, ,RGYUN DU ZHUGS PA'I 'BRAS BU MCHOG ,CES SO, ,SA DE LA GNAS PA DE, LAN CIG PHYIR 'ONG BA'I 'BRAS BU MNGON DU BYA BA'I PHYIR, GONG MA LA MNGON PAR SGRUB PAR BYED, SKYE BA DANG 'GAG PA LA RJES SU LTA BA DANG POR BYAS TE, BSTAN PA'I TSUL BZHIN DU LTA'O, , CI LTAR MTHONG BA'I DBANG PO STOBS, ,BYANG CHUB YAN LAG RNAMS YANG DAG PAR BLANGS PA DANG, DE BZHIN DU BDEN PA MNGON PAR RTOGS PA'I LAM RNAMS SGOM PAR BYED DO, ,DE LTAR CHED DU ZHUGS PA DE'I 'DOD PA RAGS PA 'DOD CHAGS DANG, GNOD SEMS DANG DE DANG LHAN CIG PA'I NYON MONGS PA RNAMS SPONG BAR 'GYUR RO, ,LAM GYI DE MA THAG TU LAN CIG PHYIR 'ONG BA'I 'BRAS BU MNGON DU BYED DO, ,SA DE LA GNAS TE PHYIR MI 'ONG BA'I 'BRAS BU MNGON DU BYA BA'I PHYIR GONG MA LA MNGON PAR SGRUB PAR BYED DO, ,SKYE 'GAG LA RJES SU LTA BA DANG POR BYAS TE, BSTAN PA'I TSUL BZHIN DU LTA'O, , CI LTAR MTHONG BA'I DBANG PO DANG STOBS DANG BYANG CHUB YAN LAG RNAMS YANG DAG PAR BLANGS TE, DE BZHIN DU BDEN PA MNGON PAR RTOGS PA'I LAM RNAMS SGOM PAR BYED DO, ,'DOD PA'I PHRA MO DANG LDAN PA'I 'DOD CHAGS DANG GNOD SEMS DANG, DE DANG GCIG TU GNAS PA'I NYON MONGS PA RNAMS SPONG BAR 'GYUR RO, ,DE NAS LAM DE'I DE MA THAG TU PHYIR MI 'ONG BA'I 'BRAS BU MNGON DU BYED DO, ,SA DE LA GNAS PA DE DGRA BCOM PA'I 'BRAS BU MNGON DU BYA BA'I PHYIR GONG MA LAS MNGON PAR SGRUB PAR BYED DO, ,SKYE 'GAG LA RJES SU LTA BA DANG POR BYAS TE, BSTAN PA'I TSUL BZHIN DU RNAM PAR LTA'O,, @198B CI LTAR MTHONG BA'I DBANG PO DANG STOBS DANG BYANG CHUB YAN LAG DANG, DE BZHIN DU BDEN PA MNGON PAR RTOGS PA RNAMS YANG DAG PAR BLANGS TE LAM SGOM PAR BYED DO, ,DE LTAR CHED DU ZHUGS PA DE'I GZUGS KYI 'DOD CHAGS DANG, GZUGS MED PA'I 'DOD CHAGS DANG, NGA RGYAL DANG RGOD PA DANG, MA RIG PA DANG, LHAG MA'I NYON MONGS PA RNAMS LHAG MA MA LUS PAR SPANGS TE, DE NAS LAM DE'I DE MA THAG TU DGRA BCOM PA NYID MNGON DU BYED DO, ,LAM DE LA SO SOR RTOG GO, ,'BRAS BU DANG MYA NGAN LAS 'DAS PA SPANGS PA'I NYON MONGS PA RNAMS LA SO SOR RTOG GO, ,DE NI DGE SLONG DGRA BCOM PA ZAG PA ZAD PA TSANGS SPYOD DU GNAS PA BYED PA BYAS PA KHUR BOR BA BDAG GI DON RJES SU THOB PA KUN DU SBYOR BA YONGS SU ZAD PA YANG DAG PA'I KUN SHES PAS SEMS SHIN TU RNAM PAR GROL BA YAN LAG LNGA RAB TU SPANGS PA, YAN LAG DRUG DANG YANG DAG PAR LDAN PA, GCIG KUN TU SRUNG BA, RTEN THA MA LA SO SOR BDEN PA RAB TU SPANGS PA 'DOD TSO LA LA YANG DAG PAR KUN DU DOR BA, KUN DU RTOG PA'I RNYOG PA MED PA, LUS KYI 'DU BYED SHIN TU SBYANGS PA, SEMS SHIN TU RNAM PAR GROL BA, SHES RAB SHIN TU RNAM PAR GROL BA, TSANGS PAR SPYOD PA GCIG TU GNAS PA DANG LDAN PA, SKYES BU MCHOG THOB PA DAM PA THOB PAR GYUR PA'O, ,DE NI YONGS SU 'KHRUG PA SPANGS PA DANG, DPA' KLONG 'KHRUGS PA LA YANG DAG PAR RGAL BA DANG, BAG CHA BAS TSOL BA MED PA, SGO GTAN MED PA, 'PHAGS PA'I RGYAL MTSAN BSGRENGS PA, LO 'DAB KYI KHUR DANG MI LDAN PA, DRA MA ZE DAG BYED, RIG BYED PA GTZANG MA MCHOD 'OS RGAL PA DUL BA, GROL BA, ZHI BA ZHOS ? KYANG BYA'O, ,DE LA GANG GI TSE YANG RGYUN DU ZHUGS PA DE'I RIGS KYIS, GONG MA LA 'BAD PA BYED PAR MI 'GYUR BA, DE NI RNAM PA GSUM GYI MTHA' RJES SU THOB PO, DE LTAR YANG, RGYUN DU ZHUGS PA NI GSUM YIN TE, 'DI LTAR, DBANG PO RTUL PO, ,DE LTAR THOGS NA LAN BDUN PAR 'GYUR BA DANG, DBANG PO 'BRING, RIGS NAS RIGS SU 'GYUR BA DANG, DBANG PO RNON PO, BAR CHAD GCIG BU PAR 'GYUR BA'O, ,YANG GANG GI TSE LAN CIG PHYIR 'ONG BA DE'I RIGS KYIS GONG MA LA 'BAD PAR BYED PAR MI 'GYUR NA, 'DI @199A *, ,NAS 'PHOS TE, MI'I NANG 'DIR LAN CIG 'ONGS NAS SDUG BSNGAL MTHAR BYED PAR 'GYUR RO, ,YANG GANG GI TSE PHYIR MI 'ONG BA DE'I RIGS KYIS GONG MA LA 'BAD PAR BYED PAR MI 'GYUR NA, 'DI NAS 'PHOS NA SA GTZANG MA'I GNAS SU SKYE BAR 'GYUR TE, DE DER DBANG PO'I BYE BRAG GIS MTHAR THUG PA RJES SU THOB PA RNAM PA LNGAR 'GYUR RO, ,PHYIR MI 'ONG BA LNGA NI 'DI LTAR, BAR DOR MYA NGAN LAS 'DAS PA DANG, SKYES NAS YONGS SU MYA NGAN LAS 'DAS PA DANG, 'DU BYED MED PAR YONGS SU MYA NGAN LAS 'DAS PA DANG, 'DU BYED DANG BCAS PAR YONGS SU MYA NGAN LAS 'DAS PA DANG, GONG DU 'PHO BA STE 'OG MIN DU 'GRO BA'O, ,PHYIR MI 'ONG BA LNGA PO 'DI NI, MI CHE BA LA SOGS PA'I SA GZHI LA LNGA LNGA STE NYI SHU'O, ,'OG MIN DU GONG DU 'PHO BA MED PAS PHYIR MI 'ONG BA BZHI'O, ,DES NA PHYIR MI 'ONG BA NYI SHU NYER BZHIR 'GYUR RO, ,DGRA BCOM PA NI, NYON MONGS PA THAMS CAD MA LUS PA YANG DAG PAR BCAD PA'I PHYIR, YANG SRID MED PA NYID DE RGYU MED PA'I PHYIR RO, ,DGRA BCOM PA NI TSE'I DUS CI SRID PAR GNAS SHING, TSE'I 'DU BYED YONGS SU ZAD NAS 'DI NYID SDUG BSNGAL 'GAGS TE, GZHAN DU SKYE BA MED DO, ,'DI NYID LA SDUG BSNGAL GYI MTHA' ZHES BYA'O, , DES NA BRJOD DE, RIGS KYI TSOR BAS 'BAR BA YI, ,LCAGS KYI GONG BU NYAMS PA NYID, ,RIM GYIS NYE BAR ZHI 'GYUR GYI, ,'GRO BA SHES PAR BYA MIN LTAR, ,DE BZHIN 'DOD PA'I 'DAM KLUNG LA, ,BGAL ZHING YANG DAG RNAM GROL GYI, ,MI G-YO GO 'PHANG THOB RNAMS KYIS, ,GSHEGS PA GDUGS SU NGES PAR MED, ,DE'I PHYIR, 'PHAGS PA'I SA LA GNYIS TE, DE LA MTHONG BA'I SA NI RGYUN DU ZHUGS PA'I 'BRAS BU'I LAM MO, ,LHAG MA LAM GSUM DANG DGE SBYONG GI 'BRAS BU BZHIN NI BSGOM PA'I LAM MO, ,DE LA LAM GSUM NI, 'DI LTAR, LAN CIG PHYIR 'ONG BA'I 'BRAS BU'I LAM DANG, PHYIR MI 'ONG BA'I 'BRAS BU'I LAM DANG, DGRA BCOM PA'I 'BRAS BU'I LAM MO, ,DGE SBYONG GI 'BRAS BU BZHI NI 'DI LTAR, RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA'I 'BRAS BU'O, ,DE LA SNGON MA MTHONG BA'I BDEN PA MTHONG BA MTHONG @199B BA'I SA DANG, CI LTAR MTHONG BA DE LTAR BSGOMS PAS BSGOM PA'I SA'O, ,YANG SA GNYIS TE 'DI LTAR, SLOB PA'I SA DANG, MI SLOB PA'I SA'O, ,DE LA LAM BZHI DANG DGE SBYONG GI 'BRAS BU GSUM NI SLOB PA'I SA'O, ,DE LA LAM BZHI NI 'DI LTAR, RGYUN DU ZHUGS PA'I 'BRAS BU'I LAM DANG, LAN CIG PHYIR 'ONG BA'I 'BRAS BU'I LAM DANG, PHYIR MI 'ONG BA'I 'BRAS BU'I LAM DANG, DGRA BCOM PA'I 'BRAS BU'I LAM MO, ,DGE SBYONG GI 'BRAS BU GSUM NI RGYUN DU ZHUGS PA'I 'BRAS BU DANG, LAN CIG PHYIR 'ONG BA DANG, PHYIR MI 'ONG BA'O, ,DGRA BCOM PA'I 'BRAS BU NI MI SLOB PA'I SA'O, ,'JIG RTEN LAS 'DAS PA'I DBANG PO GSUM NI 'DI LTAR, MI SHES PA KUN SHES PAR 'GYUR BA'I DBANG PO DANG, KUN SHES PA'I DBANG PO DANG, KUN SHES PA NYID KYI DBANG PO'O, ,DE LA RGYUN DU ZHUGS PA'I 'BRAS BU'I LAM SHES PA NI, SNGON MA SHES PA'I CHOS SHES PAS MI SHES PA KUN SHES PA'I DBANG PO'O, ,LAM GSUM GYI YE SHES DANG, DGE SBYONG GI 'BRAS BU GSUM GYI YE SHES NI KUN SHES PA'I DBANG PO STE, SHES PA'I CHOS RNAMS SHES PA'I PHYIR RO, ,DGRA BCOM PA'I YE SHES NI, CHOS RNAMS LHAG MA MED PAR SHES PAS KUN SHES PA NYID KYI DBANG PO'O, , RNAM PAR GROL BA NI GSUM STE, 'DI LTAR, MTSAN MA MED PA RNAM PAR THAR PA'I SGO DANG, SMON PA MED PA RNAM PAR THAR PA'I SGO DANG, STONG PA NYID RNAM PAR THAR PA'I SGO'O, ,DE LA LAM DANG YANG DAG PAR LDAN PA'I SHES PAS MTSAN MAR MI BYED PAS MTSAN MAR MI BYED PA NI MTSAN MA MED PA'I RNAM PAR THAR PA'I SGO'O, ,SMON PA MI BYED PA NI SMON PA MED PA RNAM PAR THAR PA'I SGO'O, ,MNGON PAR ZHEN PA MI BYED PA NI STONG PA NYID RNAM PAR THAR PA'I SGO'O, ,RNAM PAR THAR PA'I DANG RNAM PAR THAR PA'I SGO DAG THA DAD PA'I RGYU CI ZHE NA, BRJOD PAR BYA STE, LAM SHES PA DE NYID NYON MONGS PA LAS RNAM PAR GROL BA NI RNAM PAR THAR PA'O, ,YE SHES DE NYID BDUD RTZI'I SGOR GYUR PA'I DON GYIS RNAM PAR THAR PA'I SGO'O, ,LAM GSUM GYIS NYON MONGS PA NYI SHU SPONG BAR 'GYUR TE, 'DI LTAR, MI DGE BA'I RTZA BA DANG, 'DOD TSOL DANG, ZAG PA DANG, MDUD PA DANG, CHU BO DANG, SBYOR BA DANG, NYE @200A *, ,BAR LEN PA DANG, 'GRO BA MA YIN PAR BGROD PA DANG, SER SNA DANG, SGRIB PA DANG, RTZOD PA'I GZHI DANG, BAG LA NYAL DANG, 'JIG RTEN GYI CHOS DANG, NGA RGYAL DANG, NYON MONGS PA'I DNGOS PO DANG, MI DGE BA DANG, KUN DU SBYOR BA DANG, LOG PA NYID DANG, PHYIN CI LOG DANG, MI DGE BAR SEMS BSKYED PA'O, ,DE LA MI DGE BA'I RTZA BA LA GSUM NI 'DI LTAR, CHAGS PA DANG, ZHE SDANG DANG, RMONGS PA'O, ,'DI RNAMS LA GANG ZHE SDANG NI LAM GNYIS KYIS SRAB PAR BYAS TE, PHYIR MI 'ONG BA'I LAM GYIS LHAG MA MED PA'I SPONG BAR 'GYUR RO, ,CHAGS PA DANG GTI MUG NI LAM GSUM GYIS SRAB PAR BYAS TE, DGRA BCOM PA'I LAM GYIS LHAG MA MED PAR SPONG BAR 'GYUR RO, ,'DOD TSOL LA GSUM STE 'DI LTAR, 'DOD PA'I TSOL BA DANG, SRID PA'I TSOL BA DANG, TSANGS PAR SPYOD PA'I TSOL BA'O, ,DE LA TSANGS PAR SPYOD PA'I TSOL BA NI, RGYUN DU ZHUGS PA'I 'BRAS BU'I LAM GYIS LHAG MA MED PAR SPONG NGO, ,'DOD PA'I TSOL BA NI PHYIR MI 'ONG BA'I LAM GYIS SO, ,SRID PA'I TSOL BA NI DGRA BCOM PA'I LAM GYIS SO, ,ZAG PA LA BZHI STE, 'DI LTAR, 'DOD PA'I ZAG PA DANG, SRID PA'I ZAG PA DANG, LTA BA'I ZAG PA DANG, MA RIG PA'I ZAG PA'O, ,DE LA LTA BA'I ZAG PA NI RGYUN DU ZHUGS PA'I 'BRAS BU'I LAM GYIS SPONG NGO, ,'DOD PA'I ZAG PA NI, PHYIR MI 'ONG BA'I LAM GYIS SO, ,SRID PA'I ZAG PA DANG MA RIG PA'I ZAG PA NI DGRA BCOM PA'I LAM GYIS SPONG NGO, ,MDUD PA NI BZHI STE 'DI LTAR, BRNAB SEMS KYI TSOGS KYI MDUD PA DANG; GNOD SEMS KYI TSOGS KYI MDUD PA DANG, TSUL KHRIMS DANG BRTUL ZHUGS MCHOG TU 'DZIN PA'I TSOGS KYI MDUD PA DANG, 'DI NI BDEN ZHES MNGON PAR ZHEN PA'I TSOGS KYI MDUD PA'O, ,'DI RNAMS LA TSUL KHRIMS DANG BRTUL ZHUGS MCHOG TU 'DZIN PA'I TSOGS KYI MDUD PA DANG 'DI NI BDEN PA ZHES MNGON PAR ZHEN PA'I TSOGS KYI MDUD PA NI, RGYUN DU ZHUGS PA'I 'BRAS BU'I LAM GYIS SPONG NGO, ,GNOD SEMS TSOGS KYI MDUD PA NI PHYIR MI 'ONG BA'I LAM GYIS SO, ,BRNAB SEMS TSOGS KYI MDUD PA NI DGRA BCOM PA'I LAM GYIS SPONG NGO, ,CHU BO LA BZHI NI 'DI LTAR, @200B 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO'O, ,SBYOR BA LA BZHI NI, 'DI LTAR 'DOD PA'I SBYOR BA DANG, SRID PA'I SBYOR BA DANG, LTA BA'I SBYOR BA DANG, MA RIG PA'I SBYOR BA'O, ,'DI RNAMS NI ZAG PA BZHI BZHIN DU SPONG BA'O, ,NYE BAR LEN PA BZHIN NI 'DI LTAR, 'DOD PA'I NYE BAR LEN PA DANG, LTA BA'I NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA'I NYE BAR LEN PA'O, ,'DI RNAMS LA NYE BAR LEN PA GNYIS NI RGYUN DU ZHUGS PA'I 'BRAS BU'I LAM GYIS SPONG BA'O, ,'DOD PA'I NYE BAR LEN PA NI PHYIR MI 'ONG BA'I LAM GYIS SO, ,BDAG TU SMRA BA'I NYE BAR LEN PA NI DGRA BCOM PA'I LAM GYIS SO, ,'GRO BA MA YIN PAR BGROD PA NI BZHI STE, 'DI LTAR, 'DUN PA LAS 'GRO BA MA YIN PAR BGROD PA DANG, ZHE SDANG LAS 'GRO BA MA YIN PAR BGROD PA DANG, 'JIGS PA LAS 'GRO BA MA YIN PAR BGROD PA DANG, GTI MUG LAS 'GRO BA MA YIN PAR BGROD PA'O, ,BZHI KA YANG RGYUN DU ZHUGS PA'I 'BRAS BUS SPONG BA'O, ,SER SNA LA LNGA NI 'DI LTA STE, GNAS KYI SER SNA DANG, RIGS KYI SER SNA DANG, RNYED PA'I SER SNA DANG, BSNGAGS PA'I SER SNA DANG, CHOS KYI SER SNA'O, ,THAMS CAD NI PHYIR MI 'ONG BA'I LAM GYIS SPONG NGO, ,SGRIB PA NI LNGA STE, 'DI LTAR, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD 'GYOD DANG, THE TSOM MO, ,'DI RNAMS LA, THE TSOM NI RGYUN DU ZHUGS PA'I LAM GYIS SPONG BA'O, ,'DOD PA LA 'DUN PA DANG, GNOD SEMS DANG 'GYOD PA NI PHYIR MI 'ONG BA'I LAM GYIS RAB TU SPONG NGO, ,RMUGS PA DANG GNYID DANG RGOD PA NI DGRA BCOM PA'I LAM GYIS SO, ,GNYIS RTZOD PA'I GZHI LA DRUG STE 'DI LTAR, KHRO BA DANG, 'CHAB PA DANG, PHRAG DOG DANG, G-YO DANG, SDIG PA'I 'DOD PA DANG, RANG NYID KYI LTA BA MCHOG TU 'DZIN PA'O, ,'DI RNAMS LA G-YO DANG SDIG PAR 'DOD PA DANG RANG NYID KYI LTA BA NA CHOG TU 'DZIN PA NI RGYUN DU ZHUGS PA'I 'BRAS BU'I LAM GYIS RAB TU SPONG NGO, ,KHRO BA DANG 'CHAB PA DANG, PHRAG DOG NI PHYIR MI 'ONG BA'I LAM GYIS RAB TU SPONG NGO, ,BAG LA NYAL BA LA BDUN NI 'DI LTAR, 'DOD PA'I 'DOD CHAGS BAG LA NYAL DANG, KHONG KHRO BAG LA NYAL DANG, @201A *, ,NGA RGYAL BAG LA NYAL DANG, LTA BA BAG LA NYAL DANG, THE TSOM BAG LA NYAL DANG, SRID PA'I 'DOD CHAGS BAG LA NYAL DANG, MA RIG PA BAG LA NYAL LO, ,'DI RNAMS LA LTA BA'I BAG LA NYAL DANG THE TSOM BAG LA NYAL NI RGYUN DU ZHUGS PA'I 'BRAS BU'I LAM GYIS RAB TU SPONG BA'O; ,'DOD PA'I 'DOD CHAGS BAG LA NYAL DANG KHONG KHRO BAG LA NYAL DAG NI PHYIR MI 'ONG BA'I LAM GYIS RAB TU SPONG BA'O, ,NGA RGYAL BAG LA NYAL DANG SRID PA'I 'DOD CHAGS BAG LA NYAL DANG MA RIG PA BAG LA NYAL NI DGRA BCOM PA'I LAM GYIS RAB TU SPONG NGO, ,'JIG RTEN CHOS BRGYAD NI 'DI LTA STE; RNYED PA DANG, MA THOB PA DANG, SNYAN PA DANG, MI SNYAN PA DANG, SMOD PA DANG, BSTOD PA DANG, BDE BA DANG, SDUG BSNGAL LO, ,'DI RNAMS LA MI 'DOD PA'I DNGOS PO RNYED PA LA SOGS PA LA ZHE SDANG BA NI PHYIR MI 'ONG BA'I LAM GYIS SPONG BA'O, ,'DOD PA'I DNGOS PO RNYED PA LA SOGS PA LA RJES SU CHAGS PA NI DGRA BCOM PA'I LAM GYIS RAB TU SPONG BA'O, ,NGA RGYAL LA DGU NI 'DI LTA STE, NGA NI MCHOG LAS KYANG MCHOG GO SNYAM PA'I NGA RGYAL DANG, NGA NI MCHOG DANG 'DRA BA'O SNYAM PA'I NGA RGYAL DANG, NGA NI MCHOG LAS DMAN PA'O SNYAM PA'I NGA RGYAL DANG, NGA NI MNYAM PA LAS MCHOG GO SNYAM PA'I NGA RGYAL DANG, NGA NI MNYAM PA DANG MNYAM PA'O SNYAM PA'I NGA RGYAL DANG, NGA NI MNYAM PA LAS DMAN PA'O SNYAM PA'I NGA RGYAL DANG, NGA NI DMAN PA LAS MCHOG GO SNYAM PA'I NGA RGYAL DANG, NGA NI DMAN PA DANG MNYAM MO SNYAM PA'I NGA RGYAL DANG, NGA NI DMAN PA LAS DMAN PA'O SNYAM PA'I NGA RGYAL LO, ,NGA RGYAL DGU CHAR YANG DGRA BCOM PA'I LAM GYIS RAB TU SPONG NGO, ,NYON MONGS PA'I DNGOS PO LA BCU NI 'DI LTAR, CHAGS PA DANG, ZHE SDANG DANG, GTI MUG DANG, NGA RGYAL DANG, LTA BA DANG, THE TSOM DANG, RMUGS PA DANG, RGOD PA DANG, NGO TSA MI SHES PA DANG, KHREL MED PA'O, ,'DI RNAMS LA LTA BA DANG THE TSOM DAG RGYUN DU ZHUGS PA'I LAM GYIS RAB TU SPONG NGO, ,ZHE SDANG NI PHYIR MI 'ONG BA'I LAM GYIS SO, ,LHAG MA BDUN NI DGRA BCOM PA'I LAM GYIS RAB TU SPONG NGO, ,MNAR SEMS KYI DNGOS PO NI BCU STE 'DI LTAR, BDAG GIS DON MED PA SPYAD DO ZHES MNAR SEMS SKYE BA DANG, SPYOD DO ZHES MNAR @201B SEMS SKYE BA DANG, SPYOD PAR 'GYUR RO ZHES MNAR SEMS SKYE BA, DE BZHIN DU BDAG GIS MDZA' SDUG GI DON MA YIN PA SPYAD DO, ,SPYOD DO, ,SPYOD PAR 'GYUR RO, ,BDAG GIS MI MDZA' MI GCUGS PA'I DON SPYAD DO, ,SPYOD DO, ,SPYOD PAR 'GYUR RO, ,GNAS MAL LA YANG MNAR SEMS SKYE BA'O, , MNAR SEMS DNGOS PO BCU CHAR YANG PHYIR MI 'ONG BA'I LAM GYIS RAB TU SPONG NGO, ,MI DGE BA'I LAS BCU NI, 'DI LTAR, SROG GCOD PA DANG, MA BYIN PAR LEN PA DANG, 'DOD PAS LOG PAR SPYOD PA DANG, BRDZUN DU SMRA BA DANG, TSIG RTZUB PO DANG, DBYEN DANG, NGAG KYAL PA DANG, BRNAB SEMS DANG, GNOD SEMS DANG, LOG PAR LTA BA'O, ,'DI RNAMS LA SROG GCOD PA DANG MA BYIN PAR LEN PA DANG, 'DOD PAS LOG PAR SPYOD PA DANG BRDZUN DU SMRA BA DANG LOG PAR LTA BA RNAMS NI RGYUN DU ZHUGS PA'I 'BRAS BU'I LAM GYIS RAB TU SPONG NGO, ,RTZUB PO DANG, DBYEN DANG GNOD SEMS RNAMS NI PHYIR MI 'ONG BA'I LAM GYIS SO, ,NGAG KYAL PA DANG BRNAB SEMS RNAMS NI DGRA BCOM PA'I LAM GYIS RAB TU SPONG NGO, ,KUN DU SBYOR BA BCU NI, 'DI LTAR, 'DOD CHAGS DANG, KHONG KHRO DANG, NGA RGYAL DANG, LTA BA DANG, THE TSOM DANG, TSUL KHRIMS DANG BRTUL ZHUGS MCHOG TU 'DZIN PA DANG, SRID PA'I 'DOD CHAGS DANG, PHRAG DOG DANG, SER SNA DANG, MA RIG PA'O, ,'DI RNAMS LA LTA BA DANG THE TSOM DANG TSUL KHRIMS DANG BRTUL ZHUGS MCHOG TU 'DZIN PA'I KUN DU SBYOR BA RNAMS NI RGYUN DU ZHUGS PA'I LAM GYIS RAB TU SPONG NGO, ,'DOD PA'I 'DOD CHAGS DANG, KHONG KHRO DANG PHRAG DOG DANG SER SNA KUN DU SBYOR BA RNAMS NI PHYIR MI 'ONG BA'I LAM GYIS SO, ,NGA RGYAL DANG SRID PA'I CHAGS PA MA RIG PA'I KUN DU SBYOR BA RNAMS NI DGRA BCOM PA'I LAM GYIS SPONG NGO, ,LOG PA NYID NI BCU STE, 'DI LTAR, LOG PAR LTA BA DANG, LOG PAR KUN DU RTOG PA DANG, LOG PA'I NGAG DANG, LOG PA'I LAS KYI MTHA' DANG, LOG PA'I 'TSO BA DANG, LOG PA'I RTZOL BA DANG, LOG PA'I DRAN PA DANG, LOG PA'I TING NGE 'DZIN DANG, LOG PA'I YE SHES DANG, LOG PA'I RNAM PAR GROL PA'O, ,'DI RNAMS LA LOG PAR LTA BA DANG BRDZUN DU SMRA BA'I MTSAN NYID LOG PA'I NGAG DANG LOG PA'I LAS KYI MTHA' DANG LOG PA'I 'TSO BA @202A *, ,DANG LOG PA'I YE SHES DANG LOG PA'I RNAM PAR GROL BA RNAMS NI RGYUN DU ZHUGS PA'I LAM GYIS RAB TU SPONG NGO, ,LOG PA'I KUN DU RTOG PA DANG RTZUB PO DANG DBYEN GYI MTSAN NYID LOG PA'I NGAG RNAMS NI PHYIR MI 'ONG BA'I LAM GYIS SO, ,NGAG KYAL PA'I MTSAN NYID LOG PA'I NGAG DANG LOG PA'I RTZOL BA DANG LOG PA'I DRAN PA DANG LOG PA'I TING NGE 'DZIN NI DGRA BCOM PA'I LAM GYIS RAB TU SPONG NGO, ,PHYIN CI LOG LA BCU GNYIS NI 'DI LTAR, MI RTAG PA LA RTAG GO ZHES PA'I 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG DANG, DE LTAR SDUG BSNGAL LA BDE BA'O ZHES 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG DANG, MI SDUG PA LA MDZES PA'O ZHES 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG DANG, BDAG MED PA LA BDAG GO ZHES PA 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG GO, ,'DI RNAMS LA MI RTAG PA LA RTAG PA ZHES PA'I PHYIN CI LOG GSUM DANG, MI SDUG PA LA SDUG PA ZHES LTA BA PHYIN CI LOG DANG, SDUG BSNGAL LA BDE BA ZHES LTA BA PHYIN CI LOG DANG, BDAG MED PA LA BDAG GO ZHES LTA BA PHYIN CI LOG RNAMS NI RGYUN DU ZHUGS PA'I LAM GYIS SPONG NGO, ,MI SDUG PA LA SDUG PAR 'DU SHES PA DANG SEMS PHYIN CI LOG PA NI PHYIR MI 'ONG BA'I LAM GYIS SO, ,SDUG BSNGAL LA BDE BA ZHES 'DU SHES PHYIN CI LOG DANG SEMS PHYIN CI LOG DANG, BDAG MED PA LA BDAG GO ZHES 'DU SHES PHYIN CI LOG DANG SEMS PHYIN CI LOG RNAMS NI DGRA BCOM PA'I LAM GYIS RAB TU ZAD PAR BYED DO, ,MI DGE BA'I SEMS BSKYED PA NI BCU GNYIS TE, 'DI LTAR, YID BDE BA DANG LDAN ZHING LTA BAR 'GYUR BA DANG LDAN PA 'DU BYED LAS BYUNG BA MA YIN PA'I SEMS BSKYED PA DANG, 'DU BYED DANG, BCAS PA LAS BYUNG BA'I SEMS BSKYED PA DANG; YID BDE BA DANG LDAN ZHING LTA BAR GYUR BA DANG MI LDAN PA 'DU BYED LAS BYUNG BA MA YIN PA'I SEMS BSKYED PA DANG, 'DU BYED DANG BCAS PA LAS BYUNG BA'I SEMS BSKYED PA DANG, BTANG SNYOMS DANG LDAN CING LTA BAR RTOGS PA DANG LDAN PA 'DU BYED LAS BYUNG BA MA YIN PA'I SEMS BSKYED PA DANG, @202B 'DU BYED LAS BYUNG BA'I SEMS BSKYED PA DANG, BTANG SNYOMS DANG LDAN PA LTA BAR GYUR PA DANG MI LDAN PA 'DU BYED LAS BYUNG BA MA YIN PA'I SEMS BSKYED PA DANG, 'DU BYED DANG BCAS PA LAS BYUNG BA'I SEMS BSKYED PA DANG, YID MI BDE BA DANG LDAN PA ZHE SDANG DANG LDAN PA 'DU BYED LAS BYUNG BA MA YIN PA'I SEMS BSKYED PA DANG, 'DU BYED DANG BCAS PA LAS BYUNG BA'I SEMS BSKYED PA DANG, RGOD PA DANG LDAN PA'I SEMS BSKYED PA DANG, THE TSOM DANG LDAN PA'I SEMS BSKYED PA'O, ,'DI RNAMS LA LTA BAR GYUR PA DANG LDAN PA'I SEMS BSKYED PA BZHI DANG THE TSOM DANG LDAN PA'I SEMS BSKYED PA DAG NI RGYUN DU ZHUGS PA'I LAM GYIS RAB TU SPONG NGO, ,YID MI BDE BA DANG LDAN PA'I SEMS BSKYED PA GNYIS NI LAM GNYIS KYIS BSRABS PAR BYAS TE PHYIR MI 'ONG BA'I LAM GYIS LHAG MA MED PAR SPONG NGO, ,LTA BAR GYUR PA MI LDAN PA'I SEMS BSKYED PA BZHI DANG, RGOD PA DANG LDAN PA'I SEMS BSKYED PA DAG NI LAM GSUM GYIS BSRABS PAR BYAS TE DGRA BCOM PA'I LAM GYIS MA LUS PAR SPONG NGO, ,SO SO'I SKYE BO DANG THUN MONG MA YIN PA'I SNYOMS PAR 'JUG PA NI GNYIS TE, 'DI LTAR, 'BRAS BU SNYOMS PAR 'JUG PA DANG, 'DU SHES TSOR BA 'GOG PA'I SNYOMS PAR 'JUG PA'O, ,DE LA DANG PO LA NI DRI BA BCU STE 'DI LTAR, 'BRAS BU SNYOMS PAR 'JUG GANG YIN, ,GANG LAS 'BRAS BU SNYOMS PAR 'JUG ,DE LA SNYOMS PAR 'JUG PA GANG, ,CI YI DON DU SNYOMS PAR 'JUG ,CI LTAR SNYOMS PAR 'JUG YID LA BYED PA CI, BSAM GTAN PA DE'I SNYOMS PAR 'JUG PA'I RKYEN DU YIN, GNAS PA'I RKYEN DU YIN, LDANG BA'I CAN DU YIN, CI BSAM GTAN 'DI 'JIG RTEN PA'AM 'JIG RTEN LAS 'DAS PA'O ZHE NA, DE LA 'BRAS BU SNYOMS PAR 'JUG PA GANG YIN ZHES PA, DGE SBYONG GI 'BRAS BU'I SEMS MYA NGAN LAS 'DAS PA MA GTOGS PA DE NI 'BRAS BU SNYOMS 'JUG ZHES BRJOD DO, ,GANG LAS 'BRAS BU SNYOMS PAR 'JUG PA ZHES PA, DGE BA MA YIN, MI DGE BA MA YIN, LAM GONG MA'I RNAM PAR SMIN PA'I RANG BZHIN MA YIN, DE'I PHYIR 'BRAS BU SNYOMS PAR 'JUG PA'O, ,DE LA SNYOMS PAR 'JUG PA GANG ZHE NA, DGRA @203A *, ,BCOM PA DANG PHYIR MI 'ONG BA STE, 'DI GNYIS KYIS TING NGE 'DZIN YONGS SU RDZOGS PAR BYED PAS SO, ,CI'I DON DU SNYOMS PAR 'JUG ZHES PA MTHONG BA'I CHOS LA BDE BAR GNAS PA'I DON DU'O, ,DE BZHIN DU'ANG BCOM LDAN 'DAS KYIS BKA' STZAL PA, KUN DGA' BO GANG GI TSE DE BZHIN GSHEGS PA MTSAN MA THAMS CAD YID LA MI BYED PAS TSOR BA RNAMS KYI 'GA' ZHIG 'GAGS NAS, SEMS MTSAN MA MED PA'I TING NGE 'DZIN NYE BAR BSGRUBS TE GNAS SO, ,KUN DGA' BO DE'I TSE DE BZHIN GSHEGS PA'I SKU LA CHES REG PAR 'GYUR RO ZHES SO, ,CI LTAR SNYOMS PAR 'JUG CE NA, DE DBEN PAR SONG STE, 'BRAS BU SNYOMS PAR 'JUG PA'I DON DU, DE DBEN PAR PHYIN TE, 'DUG PA'AM NYAL NAS SEMS BSDUS TE, SKYE BA DANG 'GAG PA LA RJES SU LTA BA DANG POR BYAS NAS, 'DU BYED RNAMS LA RNAM PAR LTA'O, ,DE'I TSE RIGS LA LONGS SPYOD PA'I YE SHES GANG YIN PA'O, ,RIGS LONGS SPYOD KYI YE SHES DE'I DE MA THAG TU MYA NGAN LAS 'DAS PA 'BRAS BU SNYOMS PAR 'JUG PA LA GTONG BAR BYED DO, ,GANG DANG GANG LA BRTEN NAS LAM BSGOMS PAR GYUR PA DE DANG DE LA MNYAM PAR BZHAG STE 'BRAS BU SNYOMS PAR 'JUG PA NYID DU 'GYUR RO, ,YID LA BYED PA CI ZHES PA, 'DUS MA BYAS BDUD RTZI'I DBYINGS ZHING NYID YID LA BYED PA'O, ,BSAM GTAN PA DE'I SNYOMS PAR 'JUG PA'I RKYEN DU ZHES PA, BSAM GTAN GYI RKYEN NI GNYIS TE 'DI LTAR, MTSAN MA THAMS CAD YID LA MI BYED PA DANG, MTSAN MA MED PA'I DBYINGS YID LA BYED PA'O, , GNAS PA'I RKYEN DU ZHES PA, GNAS PA'I RKYEN GSUM STE, 'DI LTAR, MTSAN MA THAMS CAD YID LA MI BYED PA DANG, MTSAN MA MED PA'I DBYINGS YID LA BYED PA DANG, SNGON GYI MNGON PAR 'DU BYED PA'O, ,LDANG BA'I RKYEN ZHES PA, LDANG BA'I RKYEN GNYIS TE, 'DI LTAR, MTSAN MA THAMS CAD YID LA BYED PA DANG, MTSAN MA MED PA'I DBYINGS YID LA MI BYED PA'O, ,CI SNYOMS PAR 'JUG PA 'JIG RTEN PA'AM 'ON TE 'JIG RTEN LAS 'DAS PA ZHES PA 'JIG RTEN LAS 'DAS PA YIN TE, 'JIG RTEN PA NI MA YIN NO, ,'DU SHES DANG TSOR BA 'GOG PA'I SNYOMS PAR 'JUG PA LA DRI BA BCO LNGA NI 'DI @203B LTAR, 'DU SHES TSOR BA 'GOG PA'I SNYOMS PAR 'JUG PA GANG YIN DE LA SNYOMS PAR 'JUG PA DANG, SNYOMS PAR 'JUG PA MA YIN PA GANG, STOBS NGU DANG LDAN PAS SNYOMS PAR 'JUG ,'DU BYED DU ZHIG 'GAGS NAS SNYOMS PAR 'JUG ,BSAM GTAN PA 'DI'I SNGON DU BYA BA DU YIN, CI'I DON DU SNYOMS PAR 'JUG ,CI LTAR SNYOMS PAR 'JUG ,DE DAG GI LDANG BA CI LTAR 'GYUR, SEMS GANG GIS LDANG, LANGS NAS SEMS CI LA GZHOL BAR 'GYUR, REG PA NGU LA REG PAR 'GYUR, ,DANG PO 'DU BYED DU ZHIG 'BYUNG BAR 'GYUR, RO DANG 'DU SHES TSOR BA 'GOG PA THA DAD PA'I RGYU CI, ,CI SNYOMS PAR 'JUG ,DE 'DUS BYAS SAM 'ON TE 'DUS MA BYAS SHE NA, 'DIR BRJOD PAR BYA STE, GANG SEMS DANG SEMS LAS BYUNG BA'I CHOS RNAMS KYIS 'JUG PA MED PAR GNAS PA DE NI 'DU SHES DANG TSOR BA 'GOG PA'I SNYOMS PAR 'JUG PA'O, ,DE LA SNYOMS PAR 'JUG PA GANG ZHES PA, , DGRA BCOM PA DANG PHYIR MI 'ONG BA DAG SNYOMS PAR 'JUG GO, ,'DI DAG GIS TING NGE 'DZIN YONGS SU RDZOGS PAR BYAS PAS SO, ,SNYOMS PAR 'JUG PA MA YIN PA GANG ZHE NA, SO SO SKYE BO DANG RGYUN DU ZHUGS PA DANG LAN CIG PHYIR 'ONG BA DANG GZUGS MED DU SKYES PA'O, ,DE LA SO SO'I SKYE BO NI MNYAM PAR 'JOG PA MA YIN TE, YUL MA YIN PAS SO, ,RGYUN DU ZHUGS PA DANG LAN CIG PHYIR 'ONG BA DAG SNYOMS PAR 'JUG PA MA YIN TE, TING NGE 'DZIN GYI MI MTHUN PA'I PHYOGS NYON MONGS PA RNAMS YANG DAG PAR BCAD PA MA YIN PAS SO, ,GZUGS MED PAR SKYES PA NI SNYOMS PAR 'JUG PA MA YIN TE, PHYIS LDANG BA'I DNGOS PO MED PA'I PHYIR RO, ,STOBS NGU DANG LDAN PAS SNYOMS PAR 'JUG CES PA, STOBS GNYIS KYIS TE, ZHI GNAS KYI STOBS DANG, LHAG MTHONG GI STOBS KYIS SO, ,DE LA ZHI GNAS KYI STOBS KYIS BSAM GTAN BZHI DANG GZUGS MED PA'I SNYOMS PAR 'JUG PA BZHI RNAMS DBANG DU 'GYUR BA'O, ,LHAG MTHONG GI STOBS KYIS RJES SU LTA BA BDUN DBANG DU 'GYUR BA'O, ,DE LA RJES SU LTA BA BDUN NI 'DI LTAR, MI RTAG PA RJES SU LTA BA DANG, SDUG BSNGAL RJES SU LTA BA DANG, BDAG MED PA RJES SU LTA BA DANG, YID BYUNG BA RJES SU LTA BA DANG, CHAGS @204A *, ,PA BRAL BA RJES SU LTA BA DANG, 'GOG PA RJES SU LTA BA DANG, NGES PAR SPANGS PA RJES SU LTA BA'O, ,DE LA ZHI GNAS KYI STOBS NI BSAM GTAN GYI YAN LAG 'GOG PA'I DON DU DANG MI G-YO BA LA MOS PA'I DON DU'O, ,LHAG MTHONG GI STOBS NI 'JUG PA RNAMS NYES DMIGS SU MTHONG BA'I DON DANG, MI 'JUG PA RNAMS LA MOS PA'I DON TO, ,'DU BYED DU 'GAGS NAS SNYOMS PAR 'JUG ZHES PA, 'DU BYED GSUM 'GAGS NAS SNYOMS PAR 'JUG STE, 'DI LTAR, NGAG GI 'DU BYED DANG, LUS KYI 'DU BYED DANG, SEMS KYI 'DU BYED DO, ,DE LA BSAM GTAN GNYIS PA LA SNYOMS PAR ZHUGS PA RNAMS KYI, NGAG GI 'DU BYED RNAM PAR RTOG PA DANG RNAM PAR DPYOD PA DAG RGYUN CHAD PAR 'GYUR RO, ,BSAM GTAN BZHI PA LA SNYOMS PAR ZHUGS PA RNAMS KYI, LUS KYI 'DU BYED DANG DBUGS DBYUNG BA DANG DBUGS 'JUG PA DAG RGYUN CHAD PAR 'GYUR RO, ,'DU SHES DANG TSOR BA 'GOG PA LA SNYOMS PAR ZHUGS PA RNAMS KYI SEMS KYI 'DU BYED 'DU SHES DANG TSOR BA DAG 'GOG PAR 'GYUR RO, ,'DI'I SNGON GYI BYA BA DU YIN ZHES PA, SNGON GYI BYA BA NI BZHI STE 'DI LTAR, BCING BA GCIG PA DANG, RNAM PAR 'TSE BA MED PA DANG, DUS YONGS SU CHAD PA DANG, LAS DANG LAS MA YIN PA LA RNAM PAR GZIGS PA'O, ,DE LA BCING BA GCIG PA ZHES PA NI LHUNG BZED DANG CHOS GOS DAG LUS DANG SDOM PA GCIG TU BYIN GYIS RLOB PO, ,RNAM PAR 'TSE BA MED PA ZHES PA NI, SBYO BA GANG DANG GANG GIS LUS 'DI LA NYE BAR GNOD PA KUN DU 'BYUNG BAR MA GYUR CIG CES BYIN GYIS RLOB PO; ,DUS YONGS SU CHAD PA ZHES PA NI, LUS KYI STOBS YONGS SU GZHAL NAS DUS YONGS SU GCAD PA BGYIS TE GNAS SO, ,DUS 'DI SRID 'DAS PA LAS LDANG BAR BYA'O ZHES SO, ,LAS DANG LAS MA YIN PA RNAM PAR GZIGS PA ZHES BYA BA DUS YONGS SU CHAD PA THOB PAR DGE 'DUN GYI LAS DANG LAS MA YIN PA 'GA' ZHIG GI DON DU 'TSOGS PA LA GAnd'I SGROGS PA'I SGRA DES LDANG BAR BYA'O ZHES BYIN GYIS BRLAB BO, ,CI'I DON DU SNYOMS PAR 'JUG CES PA, MTHONG BA'I CHOS LA BDE BAR GNAS PA'I DON DU'O, MTHONG BA'I CHOS LA BDE BAR GNAS PA NI, 'PHAGS PA DE RNAMS KYI TING NGE @204B 'DZIN TSOGS PA RNAMS SHIN TU MI G-YO BAR BYA BA'I PHYIR RAM RDZU 'PHRUL RNAM PAR BSGOM PA'I DON DU SNYOMS PAR 'JUG PA'O, ,CI LTAR SNYOMS PAR 'JUG CES PA 'GOG PA'I DON DU 'GOG PA'I MNGON PAR 'DOD PAS DE DAG DBEN PA'I GNAS SU SONG STE, 'DUG PA'AM NYAL TE SEMS BZHUMS NAS, BSAM GTAN DANG PO LA SNYOMS PAR 'JUG GO, ,LANGS NAS DE MA THAG TU BSAM GTAN DE DAG LA RNAM PAR LTA STE, MI RTAG PA DANG SDUG BSNGAL DANG BDAG MED PA NAS 'DU BYED BTANG SNYOMS KYI YE SHES KYI BAR DU'O, ,DE BZHIN DU BSAM GTAN GNYIS PA DANG, BSAM GTAN GSUM PA DANG, BSAM GTAN BZHI PA DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CI YANG MED PA'I SKYE MCHED LA SNYOMS PAR ZHUGS TE, LANGS NAS DE MA THAG TU SNYOMS PAR 'JUG PA DE LA RNAM PAR LTA STE, MI RTAG PA DANG SDUG BSNGAL DANG BDAG MED PA NAS 'DU BYED BTANG SNYOMS PA'I YE SHES KYI BAR DU'O, ,DE NAS DE MA THAG TU 'DU SHES MED 'DU SHES MED MIN SKYE MCHED LA SNYOMS PAR 'JUG GO, ,DE NAS 'DU SHES MED 'DU SHES MED MIN GYI SKYE MCHED LA LAN GNYIS LAN GSUM DU SEMS BZHAG STE, SEMS KYI 'JUG PA MED CING 'GAGS PA'O, ,SEMS MI 'JUG PA DANG 'GAGS PA LA, 'DU SHES DANG TSOR BA 'GOG PA LA SNYOMS PAR 'JUG PA ZHES BRJOD DO, ,DE'I LDANG BA CI LTAR GYUR ZHES PA, DE NI 'DI LTAR, BDAG LDANG BAR BYA'O ZHES YID LA BYAS PAS SO, ,'ON KYANG SNGON DU BYAS PA'I DUS YONGS SU CHAD PA THOB PA NA LDANG BA NYID DO, ,SEMS GANG GIS LDANG ZHE NA, PHYIR MI 'ONG BA'I 'BRAS BU'I SEMS KYIS PHYIR MI 'ONG BAR LDANG NGO, ,DGRA BCOM PA'I 'BRAS BU'I SEMS KYIS DGRA BCOM PAR LDANG NGO, ,LANGS NAS SEMS CI LA GZHOL BAR 'GYUR ZHE NA, DBEN PA LA GZHOL BA'O, ,REG PAR BYA BA DAG DU LA REG PAR 'GYUR ZHES PA, GSUM LA REG STE 'DI LTAR, STONG PA NYID DANG, MTSAN MA MED PA DANG, SMON PA MED PA'O, ,DANG PO 'DU BYED DU 'BYUNG ZHES PA, SEMS KYI 'DU BYED DANG, DE NAS LUS KYI 'DU BYED DO, ,SHI BA DANG 'DU SHES MED PA'I SNYOMS PAR 'JUG PA BDAG THA DAD PA'I RGYU CI ZHES PA, , @205A *, ,SHI RO NI 'DU BYED GSUM 'GAGS SHING RGYUN CHAD PA STE, 'DI LTAR, TSE YONGS SU ZAD PA DANG, DRO BA NYE BAR ZHI BA DANG, DBANG PO RNAMS KYI RNAM 'GYUR ZHIG PA'O, ,'DU SHES DANG TSOR BA 'GOG PA'I SNYOMS PAR 'JUG PA NI 'DU BYED GSUM MA 'GAGS SHING RGYUN MA CHAD PA STE, 'DI LTAR, TSE YONGS SU MA ZAD PA DANG, DROD MA NYAMS PA DANG, DBANG PO RNAMS RAB TU DANG BA'O, 'DI NI DE DAG THA DAD PA'I RGYU'O, ,CI 'DU SHES TSOR BA 'GOG PA'I SNYOMS PAR 'JUG PA 'DUS BYAS SAM YANG NA 'DUS MA BYAS SHE NA, SNYOMS PAR 'JUG PA DE NI 'DUS BYAS SAM 'DUS MA BYAS ZHES BRJOD DU MED DO, ,SNYOMS PAR 'JUG PA DE NI CI'I PHYIR 'DUS BYAS ZHES SAM, 'DUS MA BYAS ZHES BRJOD PAR BYA BA MA YIN ZHE NA, GANG GI PHYIR SNYOMS PAR 'JUG PA DE LA NI 'DUS BYAS KYI CHOS RNAMS MI SRID PAS DANG, 'DUS MA BYAS LA NI SNYOMS PAR 'JUG PA DANG LDANG BAR SHES PAR BYAR MED PA'I PHYIR RO, ,DE'I PHYIR SNYOMS PAR 'JUG PA DE 'DUS BYAS ZHES SAM, 'DUS MA BYAS ZHES BRJOD PAR BYA BA MA YIN NO, ,'DI NI 'GOG PA'I SNYOMS PAR 'JUG PA'I MTHA'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS 'PHAGS PA GNAS BRTAN PA'I SDE PA'I TSUL LUGS LAS 'PHAGS PA'I BDEN PA LA MKHAS PA RNAM PAR NGES PA ZHES BYA BA LE'U BCO LNGA PA'O,, ,,'PHAGS PA MANG POS BKUR BA'I SDE PA'I LUNG LAS 'DI LTAR RNAM PAR GZHAG STE, BAG LA NYAL MA YIN PA NI RGYU BZHIS 'GYUR TE, 'DI LTAR, CHOS RNAM PAR GZHAG PA DANG, MTSAN NYID RNAM PAR GZHAG PA DANG, KHAMS KYI DBYE BA DANG, SPANG BYA'I DBYE BA LAS SO, ,DE LA CHOS RNAM PAR GZHAG PA NI 'DI LTAR, MA DAD PA DANG, NGO TSA BA MED PA DANG, SGYU DANG, G-YO DANG, MA BRTAGS PA DANG, RGOD PA DANG, BAG MED PA DANG; RMUGS PA DANG, ZHUM PA DANG, KHREL MED PA DANG, CHES 'DZIN PA DANG, SNYOM LAS DANG, GNYID DANG, PHRAG DOG DANG, 'GYOD PA DANG, 'CHAB PA DANG, DREGS PA DANG, SER SNA DANG, MI BZOD PA DANG, KHON DU 'DZIN PA DANG, ZAS KYIS RGYAGS PA STE NYER GCIG GO, ,MTSAN NYID RNAM PAR BZHAG PA NI @205B 'DI LTAR, DE KHO NA NYID LA LHAG PAR MOS PA MED PA NI, MA DAD PA'O, ,GANG ZHIG 'ANG DE KHO NA NYID MA YIN PA LA MOS PA RAB TU SKYED KYANG, DE YANG DMAN PA YIN PAS DAD PA MA YIN PAR SHES PAR BYA'O, ,MNGA' BDAG MA YIN PA BZHIN NO, ,DGE BA SPYOD PA SKYED PA LA DBANG PO MA YIN PA'AM, NYON MONGS PA CAN GYI SPYOD PA SKYED PA LA DBANG PHYUG YIN PAS SO, ,RANG NYID LA 'DZEM PA MED PA NI NGO TSA BA MED PA'O, ,NGO TSA MI SHES PA MED PAR NI NYON MONGS PA SKYE BA MA YIN NO, ,SGYU NI SLU BA STE, RANG DANG GZHAN SHIN TU BSGYUR BA'O, ,'DI LA RANG BZHIN GYI SEMS SLU BAR BYED PA'O, ,BSLU BA MED PA LA NYON MONGS PAS GO SKABS MI RED DO, ,G-YO NI SEMS G-YO BA STE, 'DI NI RANG NYID GYA GYU CAN DU GYUR CING, GZHAN YANG GYA GYU CAN DU DRANG BAR 'DOD PA'O, ,DRANG POS 'GRO BA'I RGYUD LA NYON MONGS PA SKYE BA MA YIN NO, ,MA BRTAGS PA NI, YANG DAG PAR MA BRTAGS PAR BYED PA'O, ,KUN DU BRTAGS NAS BYED PA'I RGYUD LA NYON MONGS PA SKYE BA MA YIN NO, ,NYE BAR MA ZHI BA'I SEMS NI RGOD PA'O, ,NYE BAR ZHI BA'I SEMS LA NYON MONGS PA SKYE BA YOD PA MA YIN NO, ,BAG MED PA NI NYON MONGS PA CAN GYI CHOS DANG RJES SU LDAN PA'O, ,BAG YOD PA'I SEMS LA NYON MONGS PA SKYE BA NI MED DO,, 'DI RNAMS LA RGYU LA SOGS PA LNGA NI, MTSUNGS PAR LDAN PA DANG, RAB TU MI LDAN PA'O, ,DE LA GANG MTSUNGS PAR LDAN PA DE NI KUN NAS DKRIS PA DANG, GANG RAB TU MI LDAN PA DE NI RNAM PAR RIG BYED KYI RANG BZHIN DANG, RNAM PAR RIG BYED MA YIN PA'I RANG BZHIN NO, ,LNGA GANG ZHE NA 'DI LTAR, SGYU DANG, G-YO DANG, GZU LUMS DANG, RGOD PA DANG, BAG MED PA'O, ,GANG THAMS CAD DU KUN NAS DKRIS PA'I SEMS LA DE RNAMS THAMS CAD KYANG YOD PA'O, ,DE LTAR YANG GANG GI TSE GZHAN SLU BAR BYED PA DE'I TSE GTZO BOR SGYU LAS BAG LA NYAL MA YIN PA'I MTSUNGS LDAN THAMS CAD KYANG SGYU DANG RJES SU 'BREL PAS 'DI DAG KUN NAS DKRIS PAR 'GYUR BA YIN NO, ,GANG YANG DE'I TSE RAB TU MI LDAN PA LUS DANG DAG GI RIG BYED DE YANG SGYU ZHES BRJOD DO, ,RNAM PAR RIG BYED DE DAG NI RNAM PAR RIG BYED KYI RANG BZHIN NO, ,RNAM PAR RIG BYED 'DI RNAMS KYI RJES SU DANG LHAN CIG TU GZHAN SLU BAR BYED @206A *, ,PAS; DE DAG GI RJES NI RNAM PAR RIG BYED MA YIN PA'I RANG BZHIN NO, ,DE BZHIN DU G-YO LA SOGS PA BZHI LA BRJOD PAR BYA'O, ,GANG LUS DANG SEMS KYI ZHEN PA DE NI RMUGS PA'O, ,GNAS NGAN LEN ZHES PA'I DON TO, ,DE LA GANG SEMS KYI ZHAN PA DE NI RNAM PA GNYIS TE, NYON MONGS PA CAN DANG, NYON MONGS PA CAN MA YIN PA'O, ,DE LA NYON MONGS PA CAN NI KUN NAS DKRIS PA'O, ,NYON MONGS PA CAN MA YIN PA NI GANG LUS KYI RNAM PAR RIG BYED MA YIN PA'I RANG BZHIN DE'O, ,ZHUM PA NI ZHAN PA'I MTSAN NYID DE, SEMS BKUM PA'I NGO BO'O, ,ZHAN PA 'DI NI DNGOS PO GANG LA CHAGS PA DE DAG RGUD PA LAS PHAL CHER SKYE'O, ,KHREL MED PA NI 'JIG RTEN PA'I CHOS LUGS LA SOGS PA LA LTOS PA MED CING MI 'DZEM PA STE, SDIG PA SPYOD PA LA SOGS PA LA RIG PAR BYED PA'O, ,CHES 'DZIN PA NI LTA BA MI GTONG PA STE, LTA BAR BGYIS PA LA SOGS PA DAM PA MA YIN PA'I 'DZIN PAS MI GTONG BA'O, ,SNYOM LAS NI LAS LCI BA STE, LDANG BA LCI BA NYID DO ZHES PA'I DON TE, DE YANG RNAM PA GNYIS TE 'DI LTAR, GANG SEMS KYI LAS LJID PA DE NI NGES PAR KUN NAS DKRIS PA'O, ,GANG LUS KYI RNAM PAR RIG BYED ZHAN PA NI RNAM PAR RIG BYED KYI RANG BZHIN NO, ,GNYID NI SEMS SDUD PA'O, ,DE LA GNYID NI 'DI LTAR, SEMS DANG BCAS PA DANG, SEMS DANG MI LDAN PA'O, ,DE SEMS DANG LDAN PA'I GNYID LA RNAM PA GNYIS TE 'DI LTAR, NYON MONGS PA CAN DANG, NYON MONGS PA CAN MA YIN PA'O, ,DE LA GNYID KYI BDE BA LA MNGON PAR DGA' BAS GNYID DU ZHUGS PA NYID KYI SEMS DE NI NYON MONGS PA CAN DE KUN NAS DKRIS PA'O, ,GANG LAS SO SOR RTOG PA'I DRAN PA NYE BAR BZHAG NAS LUS DANG SEMS NYE BAR BRTAN PA'I DON DU GNYER BA DE NI NYON MONGS PA MED PA'O, ,SEMS DANG MI LDAN PA'I GNYID NI RNAM PA THAMS CAD DU SEMS DANG SEMS LAS BYUNG BA SDUD PAR BYED PA'O, ,DE YANG RNAM PA GNYIS TE 'DI LTAR, NYON MONGS PA LAS BYUNG BA DANG, NYON MONGS PA LAS BYUNG BA MA YIN PA'O, ,DE LA NYON MONGS PA LAS BYUNG BA NI, GANG NYON MONGS PA CAN GYI SEMS 'GAGS PA'I DE MA THAG TU SKYES PA'O, ,LHAG MA NI NYON MONGS PA LAS BYUNG @206B BA MA YIN PA'O, ,PHRAG DOG NI GZHAN GYI PHUN SUM TSOGS PA MI BZOD PA NYID DO, ,'GYOD PA LA RNAM PA GNYIS NI 'DI LTAR, LEGS PA BYAS PA LA'AM BDAG GIS MA LEGS PAR BYAS SO ZHES RJES SU GDUNG BA DANG BYA BA NGAN PA MA BYAS PA'AM BDAG GIS MA LEGS PA BYAS ZHES PA NI GANG 'DI DAG MA BYAS PA ZHES RJES SU GDUNG BA'O, ,'DI'I GNYIS PA LA RNAM PA GNYIS TE 'DI LTAR NYON MONGS CAN DANG NYON MONGS CAN MA YIN PA'O, ,DE LA BYA BA MA YIN PA LA BYAS PA DANG BYA BA MA YIN PA BYAS PA LA GANG 'GYOD CING YID LA GCAGS PA DE NI NYON MONGS PA CAN KUN NAS DKRIS PA'O, ,GANG BYA BA MA YIN PA BYAS PA DANG BYA BA YIN PA MA BYAS PA LA 'GYOD PA YID LA GCAGS PA DE NI NYON MONGS PA CAN MA YIN ZHING KUN NAS DKRIS PA MA YIN PA'O, ,SDIG PA YONGS SU SBED PA NI 'CHAB PA'O, ,NAD MED PA LA SOGS PAS KHENGS PA NI DREGS PA STE, KUN NAS DKRIS PA'O, ,GANG YANG CHANG LA SOGS PA RNAMS KYIS SEMS GZENGS BSTOD PA'I MTSAN NYID DREGS PA STE, DE NI RNAM PA GNYIS TE 'DI LTAR, NYON MONGS PA CAN DANG, NYON MONGS PA CAN MA YIN PA'O, ,DE LA NYON MONGS PA CAN NI KUN NAS DKRIS PA DANG MTSUNGS PAR LDAN PA'O, ,NYON MONGS PA CAN MA YIN PA NI RNAM PA GSUM 'DI LTAR, DGE BA DANG, MI DGE BA DANG, LUNG DU MA BSTAN PA'O, ,DES NA DREGS PA NI MTSUNGS PAR LDAN PA'O, ,RAB TU MI LDAN PA'I DREGS PA DANG, DREGS PA PO'I RNAM PAR RIG BYED KYI RANG BZHIN DANG, RNAM PAR RIG BYED MA YIN PA'I RANG BZHIN NO, ,SER SNA NI NOR YONGS SU GTONG BAR 'DOD PA MED PA'O, ,MI BZOD PA NI SDUG BSNGAL LA SOGS PA SRAN MI BZOD PA'O, ,DE YANG RNAM PA GNYIS TE 'DI LTAR, GRANG BA LA SOGS PA'I SDUG BSNGAL MI BZOD PA NYID DANG, GZHAN GNOD PA BYED PA LA MI BZOD PA NYID DO, ,'DI DAG LA GZHAN GNOD PA BYED PA LA MI BZOD PA NI KUN NAS DKRIS PA'O, ,GZHAN NI MA YIN PA'O, ,KHO NA 'DZIN NI GZHAN GNOD PA BYAS PA SEMS LA 'DZIN PA'O, ,KHA ZAS MANGS PAS MYOS PA NI ZAS KYIS RGYAGS PA'O, ,DE NI RNAM PA GNYIS TE 'DI LTAR, LUS KYI RNAM PAR RIG BYED KYI RANG BZHIN DANG, SEMS LAS BYUNG BA NI KUN NAS DKRIS PA'O, ,DE RNAMS NI BAG LA NYAL MA YIN PA RNAMS KYI MTSAN NYID DO, ,KHAMS DANG SPANG @207A *, ,BYA'I RNAM PAR GZHAG PA STE, 'DI LTA STE, MA DAD PA DANG, NGO TSA MED PA DANG, SGYU DANG, G-YO DANG, MA BRTAGS PA DANG, RGOD PA DANG, BAG MED PA DANG, DREGS PA STE BRGYAD PO RNAMS SO, ,DE LA YANG DE RNAMS RNAM PA LNGA STE 'DI LTAR, 'DOD PA'I KHAMS SU SDUG BSNGAL GEGS DANG; KUN 'BYUNG GEGS DANG, 'GOG PA'I GEGS DANG, LAM GYI GEGS DANG, BSGOM PAS SPANG BAR BYA BA'O, ,'DI NI BRGYAD PA LNGA STE BZHI BCU THAM PAR 'GYUR RO, ,DE BZHIN DU GZUGS KYI KHAMS SU BRGYAD PA LNGA STE BZHI BCU THAM PA'O, ,DE BZHIN DU GZUGS MED PA'I KHAMS SU BZHI BCU'O, ,BZHI BCU LA GSUM NI BRGYA DANG NYI SHUR 'GYUR RO, ,KHREL MED PA DANG CHES 'DZIN PA DANG MI STON PA STE, 'DOD PA'I KHAMS SU 'DI RNAMS LA RE RE LA LNGA LNGA STE LNGA PA GSUM NI BCO LNGAR 'GYUR RO, ,DE BZHIN DU GZUGS KYI KHAMS SU BCO LNGAR 'GYUR RO, ,GZUGS MED PA'I KHAMS NA NI MED DO, ,RMUGS PA DANG ZHUM PA DANG SNYOM LAS DANG GNYID DANG PHRAG DOG DANG 'GYOD PA DANG SER SNA DANG MI BZOD PA DANG KHON DU 'DZIN PA STE, DGU PO 'DI RNAMS NI 'DOD PA'I KHAMS KHO NA'O, ,DE BZHIN DU LNGAR BYE STE LNGA PA DGU NI BZHI BCU RTZA LNGAR 'GYUR RO, ,ZAS KYIS RGYAGS PA'ANG 'DOD PA'I KHAMS KYI BSGOM PAS SPANG BAR BYA BA KHO NA'O, ,BAG LA NYAL MA YIN PA NI KHAMS DANG SPANG BYA'I DBYE BA THA DAD BRGYA DANG DGU BCU RTZA DRUG TU 'GYUR RO, ,YANG GSUNGS PA, MA DAD NGO TSA MED DANG SGYU, G-YO DANG RGOD DANG MA BRTAGS DANG, ,BAG MED PA DANG DREGS PA RNAMS, ,RNAM PA LNGA STE KHAMS GSUM SKYES, ,MI STON KHREL MED CHES 'DZIN RNAMS, ,'DOD DANG GZUGS SU RNAM PA LNGA, ,SER SNA MI BZOD 'GYOD PA DANG, ,RMUGS DANG SNYOM LAS KHON DU 'DZIN, ,PHRAG DOG GNYID DANG ZHUM PA RNAMS, ,RNAM LNGA 'DOD PA'I KHAMS SU SKYE, ,ZAS KYIS RGYAGS PA BSGOM SPANG NGO, ,YANG DAG LA NYAL MIN DE RNAMS RNAM PA GSUM STE, 'DI LTAR, THAMS CAD DU 'GRO BA CHEN PO DANG, THAMS CAD DU 'GRO BA CHUNG NGU DANG, SA CHUNG NGU BA'O, ,DE LA THAMS CAD DU 'GRO BA CHEN PO NI BDUN TE, 'DI LTAR, MA DAD PA DANG, NGO TSA MED PA DANG, SGYU DANG, G-YO DANG, MA BRTAGS PA DANG, RGOD PA DANG, BAG MED PA'O, ,THAMS CAD DU 'GRO BA @207B CHUNG NGU NI DRUG STE 'DI LTAR, GNYID DANG, ZHUM PA DANG, LE LO DANG, CHES 'DZIN PA DANG, RMUGS PA DANG, KHREL MED PA'O, ,SA CHUNG NGU BA NI BRGYAD DE, 'DI LTAR, MI BZOD PA DANG, KHON DU 'DZIN PA DANG, PHRAG DOG DANG, 'GYOD PA DANG, DREGS PA DANG, SER SNA DANG, MI STON PA DANG, ZAS KYIS RGYAGS PA'O, , YANG SPANG BYA LAS RNAM PA LNGAR 'GYUR TE, THAMS CAD DU 'GRO BA CHEN PO DANG, THAMS CAD DU 'GRO BA CHEN PO LTA BU DANG, THAMS CAD DU 'GRO BA CHUNG NGU DANG, THAMS CAD DU 'GRO BA CHUNG NGU DANG MTSUNGS PA DANG, SA CHUNG NGU BA'O, ,DE LA THAMS CAD DU 'GRO BA CHEN PO NI, BDUN PA DRUG STE 'DI LTAR, MA DAD PA LA SOGS PA BAG MED PA'I MTHAR THUG PA RNAMS 'DOD PAS BSDUS PA SDUG BSNGAL MTHONG BAS SPANG BAR BYA BA BDUN DANG, KUN 'BYUNG MTHONG BAS SPANG BAR BYA BA BDUN DANG, GZUGS KYIS BSDUS PA SDUG BSNGAL MTHONG BAS SPANG BAR BYA BA BDUN DANG, KUN 'BYUNG MTHONG BAS SPANG BAR BYA BA BDUN DANG; GZUGS MED PAS BSDUS PA SDUG BSNGAL MTHONG BAS SPANG BAR BYA BA BDUN DANG, KUN 'BYUNG MTHONG BAS SPANG BAR BYA BA BDUN TE, THAMS CAD DU 'GRO BA CHEN PO'O, ,DE RNAMS NYID NI KHAMS GSUM GYI, ,'GOG PA'I GEGS DANG, LAM GYI GEGS NI, BDUN PA DRUG STE THAMS CAD DU 'GRO BA CHEN PO LTA BU'O, ,GNYID LA SOGS PA DRUG NI, GANG SDUG BSNGAL GYI GEGS DANG, KUN 'BYUNG GI GEGS RNAMS NI THAMS CAD DU 'GRO BA CHUNG NGU'O, ,'DI NYID 'GOG PA'I GEGS DANG, LAM GYI GEGS NI, THAMS CAD DU 'GRO BA CHUNG NGU DANG MTSUNGS PA'O, ,BSGOM PAS SPANG BAR BYA BA MI BZOD PA LA SOGS PA BRGYAD, BSGOM PAS SPANG BAR BYA BA MA DAD PA LA SOGS PA BDUN DANG, GNYID LA SOGS PA DRUG NI SA CHUNG NGU BA'O, ,BAG LA NYAL MING 'DI RNAMS LA, ,GANG THAMS CAD DU 'GRO BA CHEN PO DE RNAMS DNGOS SU DANG GANG THAMS CAD DU 'GRO BA CHUNG NGU DE NI DNGOS CHAGS LA SOGS PA GZHAN LA BRTEN NAS, GEGS KYI SGO NAS BDEN PA'I GEGS BYED DO, ,DE LA BDEN PA RNAMS KYI GEGS KYI SGO BCU NI 'DI LTAR, SDUG BSNGAL BDEN PA'I GEGS KYI SGO NI BZHI STE, MI RTAG PA LA SKUR BA 'DEBS PA'I SGO DANG, BDAG MED PA NYID LA SKUR BA 'DEBS PA'I SGO DANG, SHES PAR BYA BA NYID LA SKUR BA 'DEBS @208A *, ,PA'I SGO DANG; LUNG DU MA BSTAN PA NYID LA SKUR BA 'DEBS PA'I SGO'O, ,KUN 'BYUNG GI GEGS KYI SGO NI BZHI STE, RGYU LA SKUR BA SMRA BA'I SGO DANG, LAS BDAG GIR BYA BA LA SKUR BA SMRA BA'I SGO DANG, KUN NAS NYON MONGS PA LA SKUR BA SMRA BA'I SGO DANG, RNAM PAR BYANG BA LA SKUR BA SMRA BA'I SGO'O, ,'GOG PA'I GEGS KYI SGO GCIG NI, ,RTAG PA NYID LA SKUR BA SMRA BA'I SGO'O, ,LAM GYI GEGS KYI SGO NI GCIG STE, NGES PAR 'BYIN PA LA SKUR BA SMRA BA'O, ,MIG GI RNAM SHES LA SOGS PA LNGA CHAR NI NYON MONGS PA LDAN PA MA YIN ZHING BSKYED PA YANG MA YIN NO, ,'ON KYANG LHAN CIG TU TSOR BA LA SOGS PA DANG LDAN PAS BSKYED PAR 'GYUR BA DANG LDAN PAR 'GYUR RO, ,GANG GI DBANG PO DANG BCAS PA'I RNAM PAR SHES PA SKYE BA NA, BDEN PA MTHONG BAS SPANG BAR BYA BA'I NYON MONGS PA SUN PHYUNG BA'I DE MA THAG PA'I RKYEN DU GYUR PA DE DANG DE'I RNAM PAR SHES PA NI BDEN PA MTHONG BA DANG BSGOM PA DE DANG DE'I SPANG BYA'O, ,SO SOR SPYOD PA YANG SPANG BAR BYA BA GANG GIS RNAM PA CI LTAR SUN PHYUNG BA DE LTAR 'GYUR RO, ,MIG GI RNAM PAR SHES PA LA SOGS PA RNAMS KYI DAG PA'AM MA DAG PA NI 'KHOR LO'I TSOGS PAS DRUG PA CHEN PO LAS 'ONGS PA STE, GANG GI PHYIR ZHE NA, DRUG PA CHEN PO 'DI NI SA BZHIR GYUR PAS SO, ,DE'I PHYIR MIG GI DBANG PO LA SOGS PA'I GZUGS CAN RNAMS KYANG, DRUG PA CHEN PO LA LTOS NAS SBAS PA'AM SBAS PA MA YIN PAR 'GYUR RO, ,'KHOR LO CAN GYI TSOGS PA'ANG CI LTAR 'GYUR PA DE LTAR BSHAD PAR BYA STE, DE LTAR YANG, 'DOD CHAGS KYIS CHAGS PAR 'DOD PA'I SKYES BUS MIG GIS GZUGS MTHONG BA NA, DE'I MNGON PAR TSOGS PA DANG PO LAS BYUNG BA'I MIG GI RNAM PAR SHES PA NI, RANG BZHIN LUNG MA BSTAN DU 'GYUR RO, ,SKYES BU DE 'DRA BA'I MIG GI RNAM PAR SHES PA DE'I DE MA THAG TU RJES SU SPYOD PA ZHES PA RNAM PAR SHES PA SKYE'O, ,'DI CI'ANG CI 'DRA BA ZHES DMIGS KYIS 'DZIN PAR BYED PA STE, RANG BZHIN LUNG DU MA BSTAN PA NYID DO, ,DE MA THAG TU SO SOR SPYOD PA ZHES PA'I RNAM PAR SHES PA SKYE STE, 'DI ZHES BYA BA 'DI LTA BU ZHES NGES PA, RANG BZHIN LUNG MA BSTAN NYID DO, ,SO SOR SPYOD PA DES GZUGS DE NGES PA'I @208B PHYIR; DE MA THAG TU DRUG PA CHEN PO ZHES BYA BA'AM MING GZHAN YID KYI RNAM PAR SHES PA ZHES PA SDUG PA'I MTSAN MAR 'DZIN PA'I RNAM PAR SHES PA SKYE'O, ,SKYES BU DE NI DRUG PA CHEN PO DES GZUGS DE LA CHAGS PAR BYAS TE NYON MONGS PA 'DOD CHAGS ZHES PA DE DANG LHAN CIG TU MIG GI DBANG PO SBAS PA MA YIN PA MI LDAN PA SKYE BAR 'GYUR RO, ,DRUG PA CHEN PO NI SBAS PA MA YIN PA, MTSUNGS PAR LDAN PA DANG RAB TU MI LDAN PA'O, ,SKYES BU DE'I DRUG PA CHEN PO DE MA THAG TU DE LAS GZUGS DE NYID MTHONG BA'AM DE DANG 'DRA BA MTHONG BA LAS, DRUG PA CHEN PO'I SA, BDAG PO SUN PHYUNG PA'I PHYIR, MIG GI RNAM PAR SHES PA NYON MONGS PA CAN DU 'GYUR RO, ,SDOM PA MA YIN PA DANG LDAN PA'O, ,DE NAS DE MA THAG TU RJES SU SPYOD PA DE NI SKYE BA MA YIN TE, GZUGS NGES PA'I PHYIR RO, ,SO SOR DPYOD PA NI SKYE STE, GZUGS DE NYID NI 'DI YIN NO ZHES DRAN PA TZAM NYE BAR SAD PAR BYED DO, , NYON MONGS PA CAN MA YIN ZHING SDOM PA MA YIN PA DANG LDAN PA'O, ,SKYES BU DE'I YANG DE NAS DE MA THAG TU NYON MONGS PA CAN SDOM PA MA YIN PA DRUG PA CHEN PO RNAMS SNGON BZHIN DU DE THAMS CAD DUS RIN DU YANG DANG YANG DU RNAM PAR SHES PA 'KHOR LO 'BYUNG STE, 'KHOR LO MA ZHIG GI BAR DU'O, ,DE BZHIN DU ZHE SDANG KYIS KYANG SUN 'BYIN PAR BYED DO, ,NGA RGYAL GYIS KYANG NGO, ,GTI MUG GIS KYANG NGO, ,THE TSOM GYIS KYANG NGO, ,LTA BA RNAMS KYIS KYANG CI LTAR RIGS PAR CHA SHAS SUN 'BYIN PAR BYED DO, ,CI LTAR MIG GI RNAM PAR SHES PA SUN PHYUNG BA DE BZHIN DU BGAL NYAL BCUS RNA 'DI RNAM PAR SHES PA BSKAL PA MTHUN PA'I SGRA RNAMS SUN 'BYIN PAR BYED DO, ,SNA DANG LCE DANG LUS KYI RNAM SHES NI, BSGOM PAS SPANG BAR BYA BA BGAL NYAL 'DOD CHAGS KHONG KHRO NGA RGYAL MA RIG PA BZHIS DRI DANG RO DANG REG BYA RNAMS LA CI RIGS PAR SUN 'BYIN PAR BYED DO, ,GZHAN GYIS NI MA YIN LO, ,CI LTAR 'KHOR LO CAN GYI TSOGS PA'I NYON MONGS PAS, MIG GI RNAM PAR SHES PA LA SOGS PA DE RNAMS SUN BYUNG ? BAR GYUR PA DANG SDOM PA MA YIN PA SKYES PA, ,DE BZHIN DU RNAM PAR DAG PA YANG 'KHOR LO CAN GYI TSOGS PA DGE BA'I RTZA BAS CI LTAR RIGS PAR SDOM PA SKYE BAR RIG PAR BYA'O, ,DE LA CI LTAR @209A *, ,RIGS PA'I DON CI ZHE NA, BRJOD PAR BYA STE, 'KHOR BA'I CHAGS PA LAS LDOG PAR 'DOD PA'I SKYES BU 'GA' ZHIG MIG GIS GZUGS MTHONG BA NA, DE'I MNGON PAR TSOGS PA DANG PO LAS BYUNG BA MIG GI RNAM PAR SHES PA NI RANG BZHIN LUNG MA BSTAN DU 'GYUR RO, ,SKYES BU DE'I MIG GI RNAM PAR SHES PA LAS DE MA THAG TU RJES SU SPYOD PA SKYE BAR 'GYUR TE, 'DI CI 'AM CI LTA BA ZHES SPYI NAS 'DZIN PAR BYED PA STE RANG BZHIN LUNG MA BSTAN NYID DO, ,RJES SU SPYOD PA'I DE MA THAG TU SO SOR SPYOD PA SKYE BAR 'GYUR TE, 'DI ZHES BYA BA DANG 'DI LTA BU ZHES NGES PA NI RANG BZHIN LUNG MA BSTAN NYID DO, ,SKYES BU DE'I GZUGS DE NGES PA'I PHYIR, DE NAS DE MA THAG TU MI SDUG PA'I MTSAN MAR 'DZIN PA DRUG PA CHEN PO SKYE BAR 'GYUR RO, ,MI SDUG PA'I MTSAN MAR 'DZIN PA'I DRUG PA CHEN PO DES GZUGS DE LA CHAGS PA DANG BRAL BAR BYAS TE, SKYES BU DES CHAGS BRAL DANG LHAN CIG TU MIG GI DBANG PO SPAS PA MI LDAN PA SKYE BAR 'GYUR RO, ,DRUG PA CHEN POS YANG SBAS PA MTSUNGS PAR LDAN PA DANG RAB TU MI LDAN PA'O, ,SKYES BU DE'I DRUG PA CHEN PO LAS DE MA THAG TU GZUGS DE NYID DAM DE DANG 'DRA BA'I GZUGS MTHONG BA LAS, SA'I BDAG PO'I DRUG PA CHEN PO DAG PA YIN PA NYID PAS, MIG GI RNAM PAR SHES PA NYON MONGS CAN MA YIN PA DAG PAR 'GYUR RO, ,SDOM PA DANG LDAN PA'O, ,DE NAS DE MA THAG TU RJES SU SPYOD PA NI MI SKYE STE, GZUGS NGES PA'I PHYIR RO, ,SO SOR SPYOD PA NI SKYE STE, GZUGS DE NYID NI 'DI YIN NO ZHES DRAN PA TZAM SAD PAR BYED PA NYON MONGS CAN MA YIN PA SDOM PA DANG LDAN PA'O, ,SKYES BU DE'I DE NAS SO SOR SPYOD PA BAS YANG DRUG PA CHEN PO NYON MONGS CAN MA YIN PA SDOM PAR GYUR PA'O, ,DE LTAR SNGON BZHIN DU YANG NAS YANG DU DUS RING POR YANG RNAM PAR SHES PA'I 'KHOR LO 'KHOR TE 'KHOR LO MA ZHIG GI BAR DU'O, ,DE BZHIN DU MI SDANG BA DANG MA RMONGS PA DANG 'DOD CHAGS DANG BRAL BA LA YANG SBYAR BAR BYA'O, ,DE BZHIN LUNG DU MA BSTAN PA LA SBYAR BAR BYA'O, ,YANG GSUNGS PA, 'KHOL LO BCING BA LNGA RNAMS KYIS, ,SA RNAMS DAG DANG MA DAG PHYIR, ,DRUG PA LAS SKYES DAG MA DAG ,GZUGS CAN RNAMS KYIS SBAS MA @209B SBAS; ,ZHES SO, ,MI DGE BA DANG DGE BA DANG LUNG DU MA BSTAN PA'I 'KHOR LO'I 'JUG PA RNAM PA GSUM GYI 'JIG PA'I RGYU LNGA NI, 'DI LTA STE, RNAM PA SPANGS PA DANG, DMIGS PA BTANG PA DANG, BZUNG BA 'GRIB PA DANG, BZUNG BA 'PHEL BA DANG, DRUG PA LAS DRUG PAR 'GRONG PA'O, ,DE LAS SDUG PA BSAMS NAS MI RTAG PA NYID BSAMS PA LAS RNAM PA SPANGS PA'O, ,BUD MED KYI LUS BSAMS NAS SKYES PA'I LUS BSAMS PA LAS DMIGS PA BTANG BA'O, ,MANG PO BSAMS NAS NYUNG NGU BSAMS PA LAS BZUNG BA 'GRIB PA'O, ,CHUNG NGU BSAMS NAS CHEN PO BSAMS PA LAS BZUNG BA 'PHEL BA'O, ,'KHOR LO 'JUG PA LA DRUG PA CHEN POS MI SDUG PA BSAMS NAS DE MA THAG NYID DU DRUG PA CHEN PO SKYE BA NI DRUG PA LAS DRUG PAR BGROD PA'O, ,DE LTAR 'KHOR LO ZHIG PA LA'ANG, YANG GZUGS DE NYID MTHONG BA LAS RANG BZHIN GYI LUNG MA BSTAN MIG GI RNAM PAR SHES PA 'BYUNG NGO, ,DE LA RNAM PAR SPANGS PA DANG DRUG PA BGROD PA DAG NI DRUG PA KHO NA LA SRID DO, ,MIG GI RNAM SHES LA SOGS PA LNGA LA NI MA YIN NA, ,DMIGS PA BTANG BA DANG, BZUNG BA 'GRIB PA DANG, BZUNG BA 'PHEL BA RNAMS NI, DRUG PA'AM MIG GI RNAM SHES LA SOGS PA LNGA LA SRID PA YIN NO, ,'KHOR LO THAMS CAD MYUR BAR 'JIG PA NI SEMS 'DUN PA LA YIN NO, ,'DI LTA STE, DANG PO 'PHRAD PA LAS BYUNG BA'I MIG GI RNAM SHES DANG, DE NAS RJES SU SPYOD PA DANG, DE NAS SO SOR SPYOD PA DANG, DE NAS DRUG PA CHEN PO DANG, DE NAS YANG MIG GI RNAM SHES DANG; DE NAS SO SOR SPYOD PA DANG, DE NAS DRUG PA CHEN PO'O, ,DRUG PA CHEN PO'I DUS DE LA 'KHOR LO 'JIG GO, ,SGRIB PA LUNG MA BSTAN GYI 'KHOR LO YANG, GZUGS KHAMS SU, DGE BA'I YUL LA, MI DGE BA'I YUL LA, LUNG DU MA BSTAN PA'I YUL LA, MI SGRIB PA'I YUL LA, SGRIB PA'I YUL RNAMS LA, SO SO LA SDUG BSNGAL DANG KUN 'BYUNG DANG 'GOG PA DANG LAM DANG BSGOM PAS SPANG BAR BYA BA RNAMS NI, 'DOD CHAGS LA SOGS PA RNAMS KYI SUN 'BYIN PA SBYAR BAR BYA'O, ,DE BZHIN DU 'DOD PA'I KHAMS SU SGRIB PA'I 'KHOR LO NI 'JIG TSOGS LA LTA BA DANG MTHAR 'DZIN @210A *, ,PAR LTA BA DAG GI SUN 'BYIN PA'O, ,KUN NAS DKRIS PAS SUN PHYUNG BA NI, SGRIB PA'I LUNG MA BSTAN, MIG GI RNAM PAR SHES PA YIN NO, ,SO SOR SPYOD PA YANG NGO, ,MI SGRIB PA'I LUNG MA BSTAN GYI 'KHOR LO NI, DGE BA'I SPYOD PA LA ZHEN PA KUN DU SPYOD PA NYID KYIS SGRUB PA ZHAN PAR 'GYUR BZHIN PA'I DRUG PA DANG LHAN CIG TU MIG GI DBANG PO'I SBAS PA DANG SGRIB PA'I LUNG MA BSTAN SKYE'O, ,DRUG PA'I YANG MI SGRIB PA'I LUNG MA BSTAN DANG DGE BA SKYE'O, ,DRUG PA LAS DE MA THAG TU GZUGS DE NYID DAM DE DANG 'DRA BA MTHONG BA LAS MIG GI RNAM SHES MI SGRIB PA LUNG MA BSTAN SKYE'O, ,DE NAS BAR MED PAR SO SOR SPYOD PA YANG MI SGRIB PA NYID DO, ,DE NAS DRUG PA MI SGRIB PA'O, ,'DI NI ZAD PAR 'GYUR BZHIN PA NA, DRUG PA NYID SGRUB PA ZHAN PAR 'GYUR PA DANG 'PHEL BAR GYUR PA'O, ,DGE BA NYID SGRUB PA ZHAN PAR 'GYUR BZHIN PA NI MI SGRIB PA'I LUNG MA BSTAN DU 'GYUR RO, ,YANG GSUNGS PA, DA LTAR 'DI YI GSUM PA LA, ,MYUR DU ZAD DANG SBAS PA DANG, DKAR PO NYAMS PA'I 'DU BYED NI, ,MANG DU MI SGRIB PAR 'DOD DO, ,ZHES SO, ,DE LTAR YANG, SKYES BU 'GA' ZHIG 'KHOR BA LAS LDOG PAR 'DOD PAS MIG GIS GZUGS MTHONG BA LAS, DANG PO MNGON PAR 'DUS PA LAS BYUNG BA'I MIG GI RNAM PAR SHES PA RANG BZHIN LUNG MA BSTAN YIN NO, ,DE NAS RJES SU SBYOR BA RANG BZHIN LUNG MA BSTAN NYID DO, DE NAS SO SOR SPYOD PA RANG BZHIN LUNG MA BSTAN NYID DO, ,DE NAS BZHI BA DRUG PA CHEN PO DGE BA'O, ,DE NAS MIG GI RNAM SHES DGE BA NYID DO, ,DE NAS BDUN PA DRUG PA CHEN PO LA DGE BA'I 'DU BYED ZHAN DU GYUR PA LA, DGE BA'I SA CHEN PO BA NI LOG CING, SDOM PA 'BA' ZHIG 'JUG PA NYID DO, ,'DI NI SGRUB PA ZHAN PA YIN NO, ,SDOM PA RJES SU 'JUG PA'I PHYIR MI SGRIB PA'I LUNG MA BSTAN NO, ,GANG GI TSE 'ANG SDOM PAS KYANG SPANG BAR 'GYUR PA DE'I TSE RANG BZHIN LUNG MA BSTAN NYID DU 'GYUR RO, ,DE BZHIN DU SGRUB PA ZHAN PA'ANG NGO, ,GANG GI TSE RANG BZHIN LUNG MA BSTAN SEMS GCIG NYID LAS DE MA THAG TU STON PAR BYED DO, ,DE NAS YANG 'DI MI SGRIB PA'I LUNG MA BSTAN DU 'GYUR RO, ,YANG NA SEMS GCIG GIS BAR CHOD NAS STON PAR BYED NA, @210B DE NAS DGE BA'I SEMS NYID DU 'GYUR TE, MI SGRIB PA'I LUNG MA BSTAN NI MA YIN NO, ,DE YANG STOD PAR BYED DO ZHES PA NI, DRUG PA CHEN PO 'PHEL BAR 'GYUR BA GANG GI TSE RAB TU BSNGAGS PA NYID KYI GNAS SKABS THOB PAR GYUR PA'O, ,GANG LAS YONGS SU NYAMS PA DE LAS DGE BAR 'GYUR BA NI, DRUG PA CHEN PO 'OG MA MIN ZHES PA'O, ,YANG GANG LAS SGRUB PA ZHAN PAR GYUR, DMIGS PA SGRUB PA ZHEN PA CI ZHE NA, BRJOD PAR BYA STE, BSGOM PA'I RANG BZHIN GYI SEMS KYI SPYOD PA RES 'GA' 'DU BYED ZHAN PAR GYUR PA NI SGRUB PA ZHAN PA'O, ,DE YANG DRUG PA CHEN PO YID KYI RNAM SHES SO, ,MING LA DMIGS PA DANG; MTSAN MA LA DMIGS PA DANG, YONGS SU DAG PA LA DMIGS PA SGRUB PA ZHAN PA STE, DON LA DMIGS PA NI MA YIN NO, ,YANG SGRUB PA ZHAN PA CI YIN ZHE NA, SGRUB PA DE NI BSAM GTAN MA YIN, BSAM GTAN LAM MA YIN NO, ,SGRUB PA ZHAN PA DE MTSAN MA DANG YONGS SU DAG PA DAG SGRUB PA ZHAN PAR GYUR PA CI SRID DU BSGOM PA'I RANG BZHIN DU'ANG 'GYUR RO, ,MING LA DMIGS PA SGRUB PA ZHAN PA RANG BZHIN SPYOD PA CAN NI MA YIN NO, ,YANG SGRUB PA ZHAN PA BSAM GTAN MA YIN BSAM GTAN LAM MA YIN PA CI'I DON DU ZHEN BRJOD PAR BYA STE, SNYOMS PAR 'JUG PA DANG LAM THAMS CAD NI YONGS SU RDZOGS PA'I BDE BA'I DNGOS PO DANG LDAN PA'I PHYIR RO, ,BDE BA'I DON YANG DGE BA'I DON TO, ,BDE BA'I DON NI RNAM PA GNYIS TE, YONGS SU RDZOGS PA DANG YONGS SU RDZOGS PA MA YIN PA'O, ,DE LA GANG GI TSE YONGS SU RDZOGS PA DE'I TSE DGE BA'O, ,GANG GI TSE YONGS SU MA RDZOGS PA DE'I TSE, MI SGRIB PA'I LUNG MA BSTAN DU 'GYUR RO, ,GANG GI TSE GANG DU DMAR PA'I DNGOS PO YONGS SU RDZOGS PA DE LA DMAR PO ZHES BRJOD DO, ,GANG YONGS SU MA RDZOGS PA DE NI PADMA'I DMAR PO ZHIG BRJOD DO, ,GNYI GA DMAR PO YIN PA DE BZHIN DU DGE BA DANG MI SGRIB PA'I LUNG MA BSTAN DAG RTOGS PAR BYA'O, ,YANG BDE BA'I DNGOS PO MA YIN PA GANG ZHE NA, BDE BA YIN PA'I DNGOS PO DE DAG GANG DU YONGS SU RDZOGS PA DE NI MI DGE BA'O, ,GANG DU YONGS SU MA RDZOGS PA DE NI SGRIB PA'I LUNG MA BSTAN PA'O, ,DPER NA BUNG BA DANG ZAR MA'I ME TOG DAG NAG PA NYID THA DAD PA DE BZHIN NO, ,YANG @211A *, ,GANG DU BDE BA'I DNGOS PO MED PA BDE BA MA YIN PA'I DNGOS PO MED PA DE RU CI LTAR ZHE NA, BRJOD PAR BYA STE, GANG LA GNYI GA YANG MED PA DE NI RANG BZHIN GYI LUNG DU MA BSTAN PA NYID DU RIG PAR BYA'O, ,NAM MKHA'I NGANG BZHIN NO, ,DE LA BDE BA'I DON NI MING GZHAN DGE BA'I DON TO, , THAMS CAD KUN NAS DKRIS PA MA YIN ZHING SDOM PA YIN NO, ,BDE BA MA YIN PA'I DNGOS PO NYID NI MING GZHAN MI DGE BA'O, ,THAMS CAD KUN NAS DKRIS PA YIN ZHING SDOM PA MA YIN PA YIN NO, ,CI LTAR 'KHOR LO 'DI RNAM PHA BZHIR BSTAN PA, DE BZHIN DU RANG BZHIN GYIS LUNG MA BSTAN 'KHOR LO YANG BRJOD PAR BYA'O, ,DE LA RANG BZHIN LUNG MA BSTAN 'KHOR LO LA YANG SNGON BZHIN DU RJES SU SPYOD PA MI SKYE'O, ,CI LTAR MIG GI RNAM SHES KYI DE BZHIN DU RNA BA'I RNAM SHES LA YANG 'KHOR LO RNAM PA LNGA DANG, 'KHOR LO 'JIG PA BRJOD PAR BYA'O, ,'DI LTAR, DGE BA'I 'KHOR LO DANG, MI SGRIB PA'I 'KHOR LO DANG, MI DGE BA'I 'KHOR LO DANG, SGRIB PA'I 'KHOR LO DANG, RANG BZHIN LUNG MA BSTAN GYI 'KHOR LO, ,LUS KYI RNAM PAR SHES PA NI SNGON BZHIN DU RNAM PA LNGA'O, ,DE LA 'DOD PA'I KHAMS SU SGRIB PA SPANGS PA'O, ,GZUGS KHAMS SU MI DGE BA SPANGS PA'O, ,GNYI GA GCIG TU BYAS PAS RNAM PA LNGAR 'GYUR RO, ,DE LTA NA YANG, 'DOD PA'I KHAMS KYI DANG GZUGS KYI DANG GZUGS KYI KHAMS KYI DAG GCIG TU BYAS TE DGE BA GCIG GO, ,'DOD PA'I KHAMS KYI DANG GZUGS KYI KHAMS KYI DAG GCIG TU BYAS TE MI SGRIB PA NI GNYIS PA'O, ,'DOD PA'I KHAMS KYI MI DGE BA NI GSUM PA'O, ,GZUGS KHAMS KYI SGRIB PA NI BZHI BA'O, ,'DOD PA'I KHAMS KYI DANG GZUGS KYI KHAMS KYI DAG GCIG TU BYAS TE, RANG BZHIN GYI LUNG MA BSTAN NI 'KHOR LO LNGA PA'O, ,KHAMS DANG BCAS PA'I REG BYA LA LUS KYI RNAM PAR SHES PA DE NI 'KHOR LO RNAM PA LNGAR 'GYUR RO, ,YID KYI RNAM PAR SHES PA LA YANG RNAM PA LNGA'O, ,DE'I YANG RJES SU SPYOD PA DANG SO SOR SPYOD PA'I RNAM PAR GZHAG PA NI YOD PA MA YIN TE, YID KYI RNAM PAR SHES PA'I RANG RGYUD CAN YIN PA'I PHYIR DANG, DRUG PA CHEN PO NYID YIN PA'I PHYIR RO, ,SNA'I RNAM SHES NI SGRIB PA SPANGS PAS RNAM PA BZHI'O, ,LCE'I RNAM @211B SHES NI, DE BZHIN DU RNAM PA LNGA'O, ,DE DAG 'KHOR LO RNAM BZHIR BYA, ,ZHES SO, ,YANG GZUGS LA SOGS PA LA DGE BA LA SOGS CI LTAR 'GYUR ZHE NA, BRJOD BYA STE, GZUGS LA SOGS PA RNAMS KYI DGE BA LA SOGS PA RNAMS NI SEMS KYIS BYAS PA STE, DE LTAR YANG RNAM PAR RIG BYED GANG ZHIG DGE BAS BYAS PA DE RNAMS NI DGE BA'O, ,DE BZHIN DU RANG BZHIN GYI SEMS KYI SKYED PA NI RANG BZHIN NO ZHES PA'I BAR DU'O, ,DE LA RNAM PAR RIG BYED KYI GZUGS DANG, SGRA NI DGE BA LA SOGS PA RNAM PA LNGA'O, ,LHAG MA GZUGS DANG SGRA DANG DRI DANG RO DANG REG BYA DANG THAMS CAD NI RANG BZHIN GYI LUNG MA BSTAN TO, ,CHOS NI DGE BA LA SOGS PA RNAM PA LNGA'O, ,YANG GSUNGS PA, GZUGS DANG SGRA DANG CHOS RNAMS LA, ,DGE LA SOGS PA RNAM PA LNGA, ,DRI RO REG BYA'I KHAMS RNAMS NI, RANG BZHIN LUNG DU MA BSTAN PA'O, ,ZHES SO, ,'DI LTAR 'ANG, RNAM PAR SHES PA'I TSOGS LNGA PO 'DI RNAMS KYI LUS DANG NGAG GI RNAM PAR RIG BYED DAG GI DGE BA LA SOGS PA NI DRUG PAS BYAS PA'O, ,DE BZHIN DU SDUG BSNGAL LA SOGS PA MTHONG BAS SPANG BAR BYA BA YANG DRUG PAS BYAS PA'O, ,GANG GI PHYIR ZHE NA, GANG DAG RNAM PAR RIG BYED KYI GZUGS DANG SGRA DAG DANG, RNAM PAR SHES PA'I TSOGS RNAMS SDUG BSNGAL MTHONG PAS SPANG BAR BYA BA'I SEMS LAS SKYES PA DE RNAMS SDUG BSNGAL MTHONG PAS SPANG BAR BYA BA YIN PAS DANG, DE BZHIN DU BSGOM PAS SPANG BAR BYA BA'I SEMS LAS SKYES PA NI BSGOM PAS SPANG BAR BYA BA DANG ZAG PA MED PA'I SEMS LAS SKYES PA NI SPANG BAR BYA BA MA YIN PA'I BAR DU'O, ,RNAM PAR RIG BYED MA YIN PA NI BSGOM PAS SPANG BAR BYA BA KHO NA'O, ,MIG GI RNAM PAR SHES PA NI SPANG BYA LAS RNAM PA DRUG STE, 'DI LTA STE, SDUG BSNGAL MTHONG BAS SPANG BAR BYA BA DANG, KUN 'BYUNG MTHONG BAS SPANG BAR BYA BA DANG, 'GOG PA MTHONG BAS SPANG BAR BYA BA DANG, LAM MTHONG BAS SPANG BAR BYA BA DANG, BSGOM PAS SPANG BAR BYA BA DANG, SPANG BYA MA YIN PA'O, ,DE BZHIN DU RNA BA'I RNAM SHES DANG, YID KYI RNAM SHES DANG, CHOS RNAMS LA SO SOR DRUG GO, ,YANG GSUNGS PA, MIG SNA YID KYI SEMS CHOS LA, ,YANG MIN BZUNG BAS DRUG YIN NO, , @212A *, ,ZHES SO, ,MIG GI RNAM PAR SHES PA LA SOGS PA DE RNAMS KYI YANG, GANG NYON MONGS PA CAN DANG RANG BZHIN NI DE NYON MONGS PA LAS 'BYUNG BA ZHES BRJOD DO, ,DE LA RNAM PA LNGA STE 'DI LTAR, SDUG BSNGAL GEGS NAS BSGOM PAS SPANG BAR BYA BA'I BAR DU CI RIGS PAR SRID PA'O, ,YANG GANG NYON MONGS PA MA YIN PA DE NI BSGOM PAS SPANG BAR BYA BA DANG SPANG BYA MA YIN PA'O, ,SNA DANG LCE DANG LUS KYI RNAM PAR SHES PA RNAMS NI RNAM PA GNYIS TE 'DI LTAR, BSGOM PAS SPANG BAR BYA BA DANG, SPANG BYA MA YIN PA'O, ,YANG GSUNGS PA, SNA SOGS SEMS LA RNAM PA GNYIS, ,ZHES SO, ,RNAM PAR RIG BYED KYI GZUGS DANG, SGRA'I PHYOGS GCIG NI BSGOM PAS SPANG BAR BYA BA'O, ,YANG GSUNGS PA, BYA MIN GZUGS NI BSGOM SPANG NGO, ,ZHES SO, ,LUS KYI RNAM PAR RIG BYED DANG DAG GI RNAM PAR RIG BYED DAG SPANG BYA LAS RNAM PA LNGA'O, ,YANG GSUNGS PA, RNAM PAR RIG BYED GANG RNAM LNGA, ,ZHES SO, ,SDOM PA MA YIN PA YANG SPANG BYA LAS RNAM PA LNGA'O, ,DE LA GZUGS CAN GYI DBANG PO LNGA RNAMS KYI MI LDAN PA NYID SDOM PA MA YIN PA'O, ,RNAM PAR SHES PA'I TSOGS LNGA RNAMS KYI DANG, SO SOR SPYOD PA'I MTSUNGS PAR LDAN PA NYID SDOM PA MA YIN PA'O, DRUG PA CHEN PO YANG MTSUNGS PAR LDAN PA DANG RAB TU MI LDAN PA'O, ,DRI DANG RO DANG REG BYA GSUM, ,'DI RNAMS BSGOM PAS SPANG BYA NYID, ,CES SO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS 'PHAGS PA MANG POS BKUR BA'I SDE BA'I LUNG GI TSUL LAS BAG LA NYAL MA YIN PA RNAM PAR DES PA ZHES BYA BA LE'U BCU DRUG PA'O,, ,,BAG LA NYAL YANG RNAM PAR GZHAG PA BZHI STE, 'DI LTAR, CHOS RNAM PAR GZHAG PA DANG, MTSAN NYID RNAM PAR GZHAG PA DANG, KHAMS KYI DBYE BA DANG, SPANG BYA'I DBYE BA'O, , DE LA CHOS RNAM PAR GZHAG PA NI BAG LA NYAL BCU STE, 'DI LTAR, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, LOG PAR LTA BA DANG, RANG LUS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, @212B THE TSOM MO, ,MTSAN NYID RNAM PAR GZHAG PA NI 'DI LTA STE, 'DOD CHAGS NI ZHEN PA'I MTSAN NYID DO, ,KHONG KHRO NI ZHE SDANG BA'I MTSAN NYID DO, ,NGA RGYAL NI MTHON PO'I MTSAN NYID DO, ,MA RIG NI KUN DU RMONGS PA'I MTSAN NYID DO, ,LOG PAR LTA BA NI RNAM PA GNYIS TE, 'DI LTAR, SBYIN PA MED CES PA LA SOGS PA'I MTSAN NYID YOD PA 'JIG PAR BYED PA'I LOG PAR LTA BA DANG, GZUGS MI RTAG ZHES PA LA SOGS PA PHYIN CI LOG TU RTOGS PA'I LOG PAR LTA BA'O, ,CHOS DANG SEMS PA LA BDAG TU BRTAGS PA NI RANG LUS LA LTA BA'O, ,GANG ZAG LA RTAG PA DANG RTAG PA MA YIN PAR BRTAGS PA NI MTHAR 'DZIN PAR LTA BA'O, ,ZAG PA DANG BCAS PA'I CHOS LA MCHOG 'BA' ZHIG TU RTOG PA NI LTA BA'I MCHOG TU 'DZIN PA'O, ,ZAG PA DANG BCAS PA'I CHOS LA DAG PAR BRTAGS PA NI TSUL KHRIMS DANG BRTUL ZHUGS MCHOG TU 'DZIN PA'O, ,THE TSOM NI RNAM PA GNYIS TE, BDEN PA LA SKUR BA SMRA BA DANG, RNAM PAR BYA BA LA SKUR BA SMRA BA'O, ,DE LA BDEN PA LA SKUR BA 'DEBS PA NI RNAM PA BZHI STE, 'DI LTAR, SDUG BSNGAL LA SKUR BA 'DEBS PA DANG, KUN 'BYUNG LA SKUR BA DANG, 'GOG PA LA SKUR PA DANG, LAM LA SKUR BA 'DEBS PA'O, ,RNAM PAR BYANG BA LA SKUR BA NI RNAM PA GSUM STE, 'DI LTAR, SANGS RGYAS LA SKUR BA 'DEBS PA DANG, CHOS LA SKUR BA SMRA BA DANG, DGE 'DUN LA SKUR BA SMRA BA'O, ,DE LA SANGS RGYAS DANG DGE 'DUN LA THE TSOM ZA BA NI SDUG BSNGAL GYI GEGS NYID DE, ,CHOS LA THE TSOM ZA BA NI 'GOG PA'I GEGS SO, ,BDEN PA LA SKUR PA YANG SO SOR BZHI STE 'DI LTAR, SDUG BSNGAL GYI GEGS DANG, KUN 'BYUNG GEGS DANG, 'GOG PA'I GEGS DANG, LAM GYI GEGS SO, ,KHAMS KYI DGE BAS RNAM PA GSUM STE 'DI LTAR, 'DOD PAS BSDUS PA DANG, GZUGS KYI BSDUS PA DANG, GZUGS MED PAS BSDUS PA'O, ,DE LA 'DOD PAS BSDUS PA NI BCU STE, 'DI LTAR, GZUGS GYIS BSDUS PA DGU STE, DE NYID KHONG KHRO SPANGS PA'O, ,GZUGS MED PAS SDUS PA DGU STE, DE NYID KHONG KHRO SPANGS PA'O, ,SPANG BYA'I DBYE BAS BAG LA NYAL RNAM PA LNGAR 'GYUR RO, ,SDUG BSNGAL MTHONG BAS SPANG BAR BYA BA DANG, KUN 'BYUNG MTHONG BAS SPANG BAR BYA BA DANG, 'GOG PA MTHONG @213A *, ,BAS SPANG BAR BYA BA DANG, LAM MTHONG BAS SPANG BAR BYA BA DANG, BSGOM PAS SPANG BAR BYA BA'O, ,DE LA 'DOD PA'I KHAMS SU 'DOD CHAGS RNAM PA LNGA STE, 'DI LTAR, SDUG BSNGAL KUN 'BYUNG 'GOG PA LAM BSGOM PAS SPANG BYA'O, ,DE BZHIN DU GZUGS KHAMS SU RNAM PA LNGA'O, , DE BZHIN DU GZUGS MED KHAMS SU RNAM PA LNGA'O, ,LNGA PA GSUM NI 'DOD CHAGS BCO LNGAR 'GYUR RO, ,DE BZHIN DU NGA RGYAL RNAM PA BCO LNGA DANG, DE BZHIN DU RMONGS PA BCO LNGA DANG, BCO LNGA LA GSUM NI BZHI BCU RTZA LNGAR 'GYUR RO, ,LOG PAR LTA BA NI 'DOD PA'I KHAMS SU RNAM PA BZHI STE, 'DI LTAR; SDUG BSNGAL KUN 'BYUNG 'GOG PA LAM MTHONG BAS SPANG BAR BYA BA'O, ,DE BZHIN DU GZUGS SU RNAM PA BZHI'O, ,DE BZHIN DU GZUGS MED PA'I KHAMS SU RNAM PA BZHI'O, ,'DI NI LOG PAR LTA BA BZHI PA GSUM STE BCU GNYIS SO, ,DE BZHIN DU LTA BA MCHOG TU 'DZIN PA BCU GNYIS SO; ,THE TSOM RNAM PA BCU GNYIS DANG, BCU GNYIS PA GSUM NI SUM CU DRUG GO, ,TSUL KHRIMS DANG BRTUL ZHUGS MCHOG TU 'DZIN PA NI 'DOD PA'I KHAMS RNAM PA GNYIS TE, 'DI LTAR SDUG BSNGAL DANG LAM MTHONG BAS SPANG BAR BYA BA DANG, DE BZHIN DU GZUGS KHAMS SU RNAM PA GNYIS DANG, DE BZHIN DU GZUGS MED PA'I KHAMS SU RNAM PA GNYIS SO, ,'DI NI TSUL KHRIMS BRTUL ZHUGS MCHOG TU 'DZIN PA GNYIS PA GSUM STE DRUG GO, ,DE LA GZUGS MED PA'I KHAMS SU TSUL KHRIMS MED PAS BRTUL ZHUGS 'BA' ZHIG TU RIG PAR BYA'O, ,RANG GI LUS LA LTA BA NI KHAMS GSUM DU LUS DAM PAR LTA BA GSUM NI SDUG BSNGAL MTHONG BAS SPANG BYA KHO NA'O, ,DE BZHIN MTHAR 'DZIN PAR LTA BA GSUM MO, ,GNYIS PO 'DI LAS KHAMS GSUM DU DRUG TU 'GYUR RO, ,ZHE SDANG NI 'DOD PA'I KHAMS SU RNAM PA LNGA STE, 'DI LTAR, SDUG BSNGAL KUN 'BYUNG 'GOG PA LAM BSGOM PAS SPANG BAR BYA BA'O, ,DE LTAR BAG LA NYAL DE RNAMS NI KHAMS DANG SPANG BYA'I DBYE BAS PHYE BA NA DGU BCU RTZA BRGYAD DU 'GYUR RO, ,YANG BAG LA NYAL RNAM PA GSUM STE 'DI LTAR, THAMS CAD DU 'GRO BA CHEN PO DANG, THAMS CAD DU 'GRO BA CHUNG NGU DANG, SA CHUNG NGU BA'O, ,KUN DU 'GRO BA CHEN @213B PO NI GTI MUG STE, KHAMS RE RE LA SPANG BYA'I DBYE BA THA DAD PA RNAM PA LNGA'O, ,KUN DU 'GRO BA CHUNG NGU NI DRUG STE, 'DI LTAR, LOG PAR LTA BA DANG, RANG LUS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, THE TSOM MO, ,SA CHUNG NGU BA NI GSUM STE, 'DI LTAR, 'DOD CHAGS DANG, KHONG KHRO DANG, NGA RGYAL LO, ,YANG GSUNGS PA, KUN 'GRO CHEN PO RMONGS PA'O, ,YID GNYIS DANG NI LTA BA LNGA, ,KUN 'GRO CHUNG NGU'O LHAG MA NI, ,NYON MONGS CHUNG NGU'I SA PA'O, ,ZHES SO, ,YANG RNAM PA LNGA STE, 'DI LTAR, THAMS CAD DU 'GRO BA CHEN PO DANG, THAMS CAD DU 'GRO BA CHEN PO DANG MTSUNGS PA DANG, THAMS CAD DU 'GRO BA CHUNG NGU DANG, THAMS CAD DU 'GRO BA CHUNG NGU LTA BU DANG, SA CHUNG NGU BA'O, ,GANG KUN DU 'GO BA NYID DU GSUNGS PA, KHAMS GSUM GYI SDUG BSNGAL GYI GEGS DANG KUN 'BYUNG GI GEGS DAG BAG LA NYAL DE NI KUN DU 'GRO BA CHEN PO NYID DO, ,BAG LA NYAL DE NYID 'GOG PA'I GEGS DANG LAM GYI GEGS DAG NI KUN DU 'GRO BA CHEN PO LTA BU'O, ,GANG KUN DU 'GRO BA CHUNG NGU GSUNGS PA, LTA BA LNGA DANG THE TSOM DE NI SDUG BSNGAL GYI GEGS DANG KUN 'BYUNG GI GEGS DAG NI KUN DU 'GRO BA CHUNG NGU'O; ,DE NYID 'GOG PA'I GEGS DANG LAM GYI GEGS CI LTAR SRID PA NI KUN DU 'GRO BA CHUNG NGU LTA BU'O, ,'DIR CI LTAR SRID PA'I DON CI ZHE NA, BRJOD PAR BYA STE, RANG LUS LA LTA BA DANG MTHAR 'DZIN PAR LTA BA DANG TSUL KHRIMS DANG BRTUL ZHUGS MCHOG TU 'DZIN PA ZHES PA LTA BA GSUM NI THAMS CAD DU YOD PA MA YIN PAS THAMS CAD DU 'GRO BA LTA BU ZHES PA'I DON TO, ,KHAMS GSUM GYI BSGOM PAS SPANG BAR BYA BA MA RIG PA DANG, 'DOD PA'I KHAMS SU 'DOD CHAGS DANG ZHE SDANG DANG NGA RGYAL RNAMS SDUG BSNGAL DANG KUN 'BYUNG DANG 'GOG PA DANG BSGOM PAS SPANG BAR BYA BA NYID KYIS RNAM PA LNGA'O, ,GZUGS KYI KHAMS SU 'DOD CHAGS DANG NGA RGYAL DAG DE BZHIN DU RNAM PA LNGA'O, ,DE BZHIN DU GZUGS MED PA'I KHAMS SU RNAM PA LNGA'O, ,'DI RNAMS NI SA CHUNG NGU BA'O, ,YANG GSUNGS PA, KUN DU 'GRO BAR GSUNGS DE GANG, ,KUN 'GRO CHUNG NGU DANG BCAS PA, ,DE DAG SDUG BSNGAL RGYU MTHONG BAS, ,SPANG BYAR @214A *, ,CI LTAR GSUNGS SHES BYA, ,DE 'DIR 'GOG PA'I GEGS DANG NI, ,LAM GEGS CI LTAR SRID PA RNAMS, ,KUN 'GRO LA SOGS LTA BU'O, ,LHAG MA GANG DE SA CHUNG BA, ,ZHES SO, ,YANG 'DI RNAMS RNAM PA LNGAR CI LTAR GZHAG PAR BYA ZHE NA, BRJOD PAR BYA STE, GANG LAS DE RNAMS KYI BYED PA RNAM PA LNGA STE, YUL CHEN PO DANG, YUL CHEN PO DANG 'DRA BA DANG, YUL CHUNG NGU DANG, YUL CHUNG NGU DANG 'DRA BA DANG, CHUNG NGU BA'O, ,YUL KUN DU 'GRO BA LA SOGS PA DE RNAMS KYI MTSAN NYID BRJOD PAR BYA STE, THAMS CAD DU 'GRO BA CHEN PO RNAMS NI CHEN PO NYID RNAM PA BZHI STE, 'DI LTAR, DMIGS PA CHEN PO NYID DANG, RGYU CHEN PO NYID DANG, BAG LA NYAL BA CHEN PO NYID DANG, KUN DU LDAN PA CHEN PO NYID DO, ,DE LA THAMS CAD DU 'GRO BA CHEN PO NI, SHES BYA THAMS CAD KYANG DMIGS PAR BYED PAS 'DI'I DMIGS PA CHEN PO NYID DO, ,THAMS CAD DU 'GRO BA CHEN PO NI, KHAMS MTHUN PA DANG SKAL PA MTHUN PA DANG MI MTHUN PA RNAMS KYI RGYUR GYUR PA DE NI RGYU CHEN PO NYID DO, DE THAMS CAD DU RJES SU NYAL BAR BYED PAS 'DI NI BAG LA NYAL CHEN PO NYID DO, ,THAMS CAD DU 'GRO BA NI SKAL PA MTHUN PA THAMS CAD KYIS KYANG KUN DU SBYOR BAR BYED PAS 'DI NI KUN DU LDAN PA CHEN PO NYID DO, , BYED PA CHEN PO NYID RNAM PA BZHI DANG LDAN PA 'DIS NA, RMONGS PA DRUG NI KUN DU 'GRO BA CHEN PO STE, 'DI LTAR, 'DOD PA RU SDUG BSNGAL GEGS DANG, KUN 'BYUNG GEGS DANG, GZUGS SU SDUG BSNGAL GEGS DANG, KUN 'BYUNG GEGS DANG, GZUGS MED PA LA SDUG BSNGAL GEGS DANG KUN 'BYUNG GEGS SO, ,THAMS CAD DU 'GRO BA CHUNG NGU'I BAG LA NYAL RNAMS NI CHEN PO NYID RNAM PA BZHI STE 'DI LTAR, DMIGS PA CHEN PO NYID DANG, RGYU CHEN PO NYID DANG, BAG LA NYAL BA CHEN PO NYID DO, ,KUN DU LDAN PA CHEN PO NYID MED PAS THAMS CAD DU 'GRO BA CHUNG NGU ZHES BRJOD DO, ,MA RIG PA 'BA' ZHIG GI KUN DU LDAN PA STE, PHAN TSUN NI MA YIN NO, ,THAMS CAD DU 'GRO BA CHEN PO LTA BU DANG THAMS CAD DU 'GRO BA CHUNG NGU LTA BU RNAMS KYI NI CHEN PO NYID NI GNYIS TE, 'DI LTAR, KHAMS GSUM PA DANG SKAL PA MTHUN PA DAG GI RGYU CHEN PO NYID DANG, BAG LA NYAL BA CHEN PO NYID DO, ,MA RIG PA @214B NI CHEN PO NYID GNYIS TE, 'DI LTAR DMIGS PA MED PA CHEN PO NYID DANG, KUN DU SBYOR BA CHEN PO NYID DO, ,LTA BA RNAMS DANG THE TSOM DAG NI CHEN PO NYID GCIG STE, 'DI LTAR, DMIGS PA CHEN PO NYID DO, ,DE NAS 'DI NI 'GOG PA DANG, LAM GEGS RNAMS NI DE LTA BU'O, ,DE LA MA RIG PA NI KHAMS GSUM GYI 'GOG PA DANG LAM GYI GEGS DAG THAMS CAD DU 'GRO BA CHEN PO LTA BU'O, ,RANG LUS LA LTA BA DANG MTHAR 'DZIN PAR LTA BA DANG TSUL KHRIMS DANG BRTUL ZHUGS MCHOG TU 'DZIN PA CES PA LTA BA GSUM DANG, THE TSOM DAG 'GOG PA DANG LAM GYI GEGS NI DE DANG 'DRA BA STE, THAMS CAD DU 'GRO BA CHUNG NGU DE DANG MTSUNGS PA'O, ,SA CHUNG NGU BA'I BAG LA NYAL RNAMS NI, ,CHEN PO NYID RNAM PA BZHI STE, KHAMS MTHUN PA SKAL PA MTHUN PA LA'O, ,SA CUNG ZHIG PA DE YANG, KHAMS GSUM GYI BSGOM PAS SPANG BAR BYA BA MA RIG PA DANG 'DOD CHAGS DANG NGA RGYAL RNAMS 'DOD PA'I KHAMS SU SNGON BZHIN DU RNAM PA LNGA'O, ,GZUGS KHAMS DANG GZUGS MED PA'I KHAMS SU SNGON BZHIN DU RNAM PA LNGAR RIG PAR BYA'O, ,BAG LA NYAL MA YIN PA RNAMS NI CHEN PO NYID GSUM STE, 'DI LTAR, DMIGS PA CHEN PO NYID DANG, RGYU CHEN PO NYID DANG, KUN DU LDAN PA CHEN PO NYID DO, ,GANG GI PHYIR DE NI GANG DU RJES SU NYAL BAR MI BYED CING, KUN NAS DKRIS PA TZAM NYID YIN PA'I PHYIR RO, ,YANG GSUNGS PA, THAMS CAD LA NI DMIGS PA DANG, ,RANG GI KHAMS KYI RGYU NYID DANG, ,RANG LA RJES SU NYAL NYID DANG, ,SKAL MTHUN KUN GYI SBYOR BA NI, ,KUN 'GRO CHEN PO'I MTSAN NYID NI, ,KUN DU 'GRO BA CHUNG NGU NI, ,DE MA THAG TU RNAM PA GSUM, ,KUN DU SBYOR BA MED SHES BYA, ,'DRA BA RNAMS DANG CHUNG RNAMS KYI, THAMS CAD SKAL PA MNYAM NYID DE, ,MA RIG TZAM DANG LDAN PA NYID, ,RGYU DON BAG LA NYAL 'DON DANG, ,RANG GI SKAL LA SNGON BZHIN GNYIS, ,'DOD CHAGS LA SOGS GSUNGS RNAMS KYI, ,MTSAN NYID DE RNAMS NYID YIN NO, ,ZHES SO, ,NYON MONGS PA'I BDUD KYI SDE TSOGS DE RNAMS NI GANG 'GRO BA MA LUS PA'I KUN NAS NYON MONGS PA'I RGYU'O, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS @215A *, ,'PHAGS PA MANG POS BKUR BA'I SDE BA'I LUNG GI TSUL LAS BAG LA NYAL RNAM PAR NGES PA ZHES BYA BA LE'U BCU BDUN PA'O,, ,,DE LTAR GROL BA 'DOD PAS NYON MONGS PA RNAMS KYI MTSAN NYID DANG RNAM PA DANG RGYU SHES PAS, BDE BA 'BAD PA MED PA LA SOGS PA RNAM PAR BSAL BAR BYAS TE, RNAM PA MI LDAN PA'I BAG LA NYAL RNAMS MED PAR BYED PA'I RGYU LA 'BAD PA BRTZAM PAR BYA'O, ,CI'I PHYIR ZHE NA, GANG LAS SGRIB PA MA LUS PA RNAM PAR BSAL YANG, RNAM PAR MI LDAN PA'I BAG LA NYAL DANG LDAN PAR GYUR NA, KHAMS GSUM PA'I LAS RNAMS RGYAS PAR GYUR PA LAS, YANG SRID SKYE BA LA NUS PA CAN DU 'GYUR RO, ,DE LTAR YANG, SROG CHAGS 'DI RNAMS RGYU YI 'KHOR LO GNYIS KYIS YANG DAG LDAN PA LAS, ,SDUG BSNGAL RANG BZHIN 'KHOR BA'I SHING RTA NYE BAR SDOD PA MED PAR BSKYOD, ,'DI LTA STE, NYON MONGS PA'I 'KHOR LOS DANG, NYON MONGS PA LAS SKYES PA'I LAS KYI 'KHOR LOS SO, ,YANG GSUNGS PA, DE RNAMS YOD LAS 'PHEL 'GYUR BA'I, ,LAS GANG LAS NI 'JIGS PA 'BYUNG, ,'KHOR LO GNYIS KYIS RTAG TU NI, ,SDUG BSNGAL RANG BZHIN SHING RTA 'BYUNG, ,ZHES SO, ,NYON MONGS PA'I 'KHOR LO NI SKYES BU BYED PAS MA TSANG BAR BYED NUS TE, LAS KYI 'KHOR LO RNAMS YIN NO, ,LAS KYI 'KHOR LO YANG SKYE BA SNGON MA YIN, MNGON PAR 'DU BYED PA RANG NYID RNAM PAR SMIN PA LAS MI TSANG BAR 'GYUR RO, ,ZAG PA DANG BCAS PA'I RGYU DANG 'BRAL BAS GSAR DU SKYE BAR MI 'GYUR RO, ,DE N+I SDUG BSNGAL GYI MTHA' NYID DO, , DE LA NYON MONGS PA'I RGYU, LAS LA RNAM PA GSUM STE, 'DI LTA STE, BSOD NAMS DANG, BSOD NAMS MA YIN PA DANG, MI G-YO BA'O, ,DE LA BSOD NAMS MA YIN PA NI, 'DOD PAS BSDUS PA'I NYON MONGS PA CAN LA RNAM PA GSUM NI 'DI LTAR, LUS KYI DANG, NGAG GI DANG, SEMS KYI'O, ,'DI NI BSOD NAMS MA YIN PA'I LAS KYI TSUL MDOR BSDUS PA'O, ,DE LA BSOD NAMS MA YIN PA NI MI GTZANG BA DANG MA DAG PA DANG MI DGE BA'O, ,BSOD NAMS NI RNAM PA BZHI STE, 'DI LTAR, 'DOD PA'I KHAMS PA DANG, GZUGS KYI KHAMS PA'O, ,'DOD PAS BSDUS PA'I LAS LA RNAM PA @215B GNYIS NI 'DI LTA STE, DGE BA'I LAS DANG SGRIB PA MA YIN PA'I LAS SO, ,GZUGS KYIS BSDUS PA YANG GNYIS TE, 'DI LTA STE, DGE BA DANG, SGRIB PA MA YIN PA'O, ,'DI GNYI GA YANG SGOM PA'I RANG BZHIN TE, GANG NA DBUGS 'BYUNG 'JUG YOD PA NA YOD DO, ,'DI NI BSOD NAMS KYI LAS KYI TSUL MDOR BSDUS PA'O, ,BSOD NAMS NI GTZANG BA DANG, DAG PA DANG DGE BA'O, ,GANG NA SGOM PA'I RANG BZHIN GYI LAS DBUGS 'BYUNG 'JUG GI DNGOS PO MED PA DE NI MI G-YO BA'I LAS SO, ,'DI NI MI G-YO BA'I LAS KYI TSUL MDOR BSDUS PA'O, ,SPYOD PAR BYA BA MED PA'I MI G-YO BA'I LAS SO, ,YANG GSUNGS TE, BSOD MIN BSOD NAMS MI G-YO BA, ,LAS DE RNAM PA GSUM DU 'DOD, ,DBUGS DANG BCAS DANG MNYAM GZHAG DANG, ,DAG PA GANG 'DI BSOD NAMS SO, ,'BYUNG DANG 'JUG LAS RNAM PAR GROL, ,BSGOM PA'I RANG BZHIN MI G-YO BA'O, ,ZHES SO, , YANG DE NI RNAM PA LNGA STE, 'DI LTA STE, SDUG BSNGAL GYIS BSDUS PA DANG, KUN 'BYUNG GEGS DANG 'GOG PA'I GEGS DANG, LAM GYI GEGS DANG, BSGOM PAS SPANG BAR BYA BA'O, ,BSOD NAMS MA YIN PA DANG BSOD NAMS DAG GI RGYU NI RNAM PAR SHES PA'I TSOGS DRUG KA'O, ,'DI LTA STE, MIG GI RNAM PAR SHES PA NAS YID KYI RNAM PAR SHES PA'I BAR DU'O, ,MI G-YO BA'I RGYU NI YID KYI RNAM PAR SHES PA KHO NA'O, ,DE LA LUS KYI BSOD NAMS MA YIN PA NI RNAM PA BZHI STE, 'DI LTA STE, SROG GCOD PA DANG, MA BYIN PAR LEN PA DANG, 'DOD PAS LOG PAR SPYOD PA DANG, MA BSDUS PA'O, ,NGAG GI RNAM PA BZHI NI 'DI LTA STE, BRDZUN DU SMRA BA DANG, DBYEN DANG, TSIG RTZUB DANG, NGAG KYAL BA'O, ,YID KYI LAS LA RNAM PA GSUM NI 'DI LTA STE, BRNAB SEMS TE 'DOD PA'I MTSAN NYID 'DOD PAS BSDUS PA DANG MTSUNGS PAR LDAN PA'I SUN PHYUNG BA'I SEMS PA'O, ,GNOD SEMS TE ZHE SDANG GI MTSAN NYID KYI MTSUNGS PAR LDAN PAS SUN PHYUNG BA'I SEMS PA'O, ,LOG PAR LTA BA STE, RMONGS PA'I MTSAN NYID KYIS MTSUNGS PAR LDAN PA'I SUN PHYUNG BA'I SEMS TE YID KYI LAS SO, ,DE SKAD DU YANG, SROG GCOD PA DANG RKU BA DANG, ,'DOD LOG G-YEM DANG RNAM 'TSE BA, ,BRDZUN DANG @216A *, ,DBYEN DANG TSIG RTZUB DANG, ,DGOS PA MED PA'I BRJOD PA DANG, ,BRNAB SEMS DANG NI GNOD SEMS DANG, ,LOG LTA DE RNAMS BSOD NAMS MIN, ,ZHES SO, ,YANG NI, 'DOD KHAMS KYIS BSDUS NYON MONGS CAN, ,LUS NGAG YID NI BSOD MIN NO, ,ZHES SO, ,DE LA LUS KYI RNAM PAR RIG BYED SROG GCOD PA NI MTSAN NYID LNGA DANG LDAN PA'O, ,'DI LTA STE, RANG LAS GZHAN YIN PA DANG, SEMS CAN YIN ZHING SEMS CAN MIN PA MA YIN PA DANG, SEMS CAN DU 'DU SHES PA YIN PA DANG, BSAD PA'I CHED DU SPANGS PA DANG, SHI BAR GYUR PA'I, ,SROG GCOD PA NI GSOD PA PO'I LUS KYI RNAM PAR RIG BYED DO, ,YANG GSUNGS PA, GZHAN GYUR SEMS CAN DER 'DU SHES, ,SPANGS DANG GANG TSE 'DIR 'DAS PA'O, ,ZHES SO, ,LUS KYI RNAM PAR RIG BYED NA, ,BYIN PAR LEN PA NI MTSAN NYID LNGA NYID DE, 'DI LTA STE, GZHAN GYI NOR DU GYUR PA DANG, ,GZHAN NOR DU 'DU SHES PA MIN PA DANG, RKU BA'I SEMS SKYES PA DANG, G-YO LAS G-YOS PA DANG, BDAG GIR BYAS PA'O, ,YANG GSUNGS PA, GZHAN NOR DE BLO RKU SEMS DANG, ,'PHOS DANG BDAG GIR BYAS PA'O, ,ZHES SO, ,'DOD PAS LOG PAR G-YEM PA LA RNAM PA GSUM NI 'DI LTA STE, BGROD BYA MIN PA LA MNGON PAR BGROD PA'I 'DOD PAS LOG PAR SPYOD PA DANG, BGROD BYA MIN LA CI 'GRO BYA 'AM 'GRO BYA MIN ZHES THE TSOM ZA ZHING, GANG SU DAG RUNG ZHES, BGROD BYA MA YIN PA NYID LA MNGON PAR BGROD PA'I 'DOD PAS LOG PAR G-YEM PA'O, ,GZHAN GYI BUD MED DANG SKYES PA DANG MA NING DANG, RANG GI CHUNG MA YANG LUS LAS SKYES PA LAS YAN LAG GZHAN DU YAN LAG MA YIN PA LA MI TSANGS PAR SPYOD PA STE, BSHAD PA'I LAM LA SOGS PAR MNGON PAR BGROD PA'I 'DOD PAS LOG PAR SPYOD DO, ,YANG GSUNGS PA, BGROD BYA MIN DANG SEMS GNYIS DANG NI GNAS SPANGS PA'O, ,ZHES SO, ,MA BSDUS PA NI KHROS BAS SAM DREGS PAS GSAD PA'I BSAM PA MED PAR SEMS CAN RNAMS LA GNOD PAR BYED PA'O, ,DE NI RNAM PA MANG NGO, ,'DI LTA STE, SEMS CAN GZHAN LA BRDEG PA DANG, ,'JOG PA DANG, 'JAR PA DANG, RKANG PA DANG LAG PA GCOD PA DANG, SHING GDOS DANG LCAGS @216B SGROG LA SOGS PAS 'CHING BA DANG, BTZON RAR 'DZUD PA DANG, CHANG 'THUNG BA DANG, CHANG SKYED PA DANG, CHANG 'TSONG BA DANG, CHANG SBYIN PA GTONG BA DANG, PHABS BYED PA DANG, SROG CHAGS 'TSONG BA DANG, SRIN BU'I SBUBS 'TSONG BA DANG, RGYA SKYEGS 'TSONG BA DANG, MA BTAGS PAR TIL DANG YUNGS KAR 'TSONG BA DANG, BGROD BYA LA MI TSANGS PAR SPYOD PA DANG, GAR DANG, GLU DANG, SIL SNYAN DANG, RGOD PA SGREG PA DANG, 'TSONG BA DANG, RKYAL PA DANG, SDANG BA'I SEMS KYIS GDOS DANG SGROG LA SOGS PA SBYIN PA DANG, MI TSANGS PAR SPYOD PA'I BSAM PAS BUD MED SBYIN PA DANG, MI TSANGS PAR SPYOD PA'I BSAM PAS RANG GI BU MO SBYIN PA DANG, LOG PAR LTA BA CAN NAM, GZHAN LA LOG LTA GSAL BAR BYED PA'I BSTAN BCOS SBYIN PA GTONG BA'AM 'DRI BA'AM BSHAD PA LA SOGS PA DANG, BSTAN BCOS DE LA YANG DAG PAR 'JOG PA'O, ,GANG CUNG ZAD DE'I LAS KYIS YONGS SU 'GYUR PA DE THAMS CAD NI MA BSDUS PA'I LAS SO, ,BRDZUN DU SMRA BA'I GZHI LA BZHI NI 'DI LTA STE, MIG GIS MTHONG BA DANG, RNA BAS THOS PA DANG, SNA LCE LUS KYIS BSNOMS MYANGS REG 'DOD PA DANG, YID KYIS RNAM PAR SHES PA'O, ,BRDZUN SMRA BA LA RNAM PA BCU GNYIS NI 'DI LTA STE, MTHONG ZHING MTHONG BAR 'DU SHES LAM MTHONG ZHES SMRA BA DANG, MTHONG ZHING MTHONG BAR 'DU SHES LA YID GNYIS SMRA BA DANG, MTHONG ZHING BRJOD DO MA MTHONG BAR 'DU SHES TE MTHONG ZHES SMRA BA DANG, YID GNYIS SMRA BA DANG, MA MTHONG ZHING THE TSOM ZA BA MTHONG BA SMRA BA DANG, MA MTHONG BA SMRA BA DANG, MTHONG BA LA YANG THOS ZHES PA SMRA BA DANG, MTHONG BA LA 'DOD BAR SMRA BA DANG, MTHONG BA LA RNAM PAR SHES PA SMRA BA DANG, THOS LA YID GNYIS SMRA BA DANG, 'DOD LA YID GNYIS SMRA BA DANG, RNAM PAR SHES PA LA YID GNYIS SMRA BA'O, ,DE RNAMS LAS BZLOG PAS YANG BRDZUN SMRA BA RNAM PA BCU GNYIS NI 'DI LTA STE, MA MTHONG LA MA MTHONG BAR 'DU SHES SHING MTHONG BA SMRA BA DANG, THE TSOM SMRA BA DANG, MA MTHONG ZHING BRJOD DE MTHONG BAR 'DU SHES SHING MA MTHONG BA SMRA BA DANG, THE TSOM SMRA BA'O, ,MA MTHONG LA THE TSOM ZA ZHING MA MTHONG BA SMRA BA DANG, MTHONG BA SMRA BA DANG, MA MTHONG BA THOS PA SMRA BA DANG, 'DOD PA SMRA BA DANG, RNAM PAR SHES LA SMRA BA DANG, MA MTHONG LA YID GNYIS @217A *, ,SMRA BA DANG, 'DOD PA LA YID GNYIS SMRA BA DANG, RNAM PAR SHES PA LA YID GNYIS SMRA BA'O, ,DES NA MTHONG BA'I RTEN LA BRDZUN NI SMRA BA NYER BZHIR 'GYUR RO, ,DE BZHIN DU THOS PA LA RTEN PA'I NYER BZHI DANG, 'DOD PA LA BRTEN PA NYER BZHI DANG, RNAM PAR SHES PA LA BRTEN PA'I NYER BZHI'O, ,NYI SHU BZHI PA BZHI STE BRDZUN DU SMRA BA DGU BCU RTZA DRUG TU 'GYUR RO, ,DBYEN NI GANG DAG MDZA' BDAG BDEN PAS 'BYED PA NYE BAR SGRUB PA'I NGAG GO, ,GNAD 'JOMS PA'I NGAG NI RTZUB PO'O, ,NGAG GSUM PO DE LAS RNAM PAR GROL BA, GANG NYON MONGS PA CAN GYI NGAG DE NI NGAG KYAL PA'O, ,YANG GSUNGS PA, 'DU SHES PHROG DANG 'BYED PA DANG, ,'JOMS DANG NYON MONGS CAN GYI SEMS, ,NGAG NI RNAM PA BZHI YIN NO, ,ZHES SO, ,YANG RNAM PA GZHAN GYIS SROG GCOD PA LA SOGS PA RNAMS RNAM PA GSUM NI, DE LA SROG GCOD PA NI RNAM PA GSUM MO; ,'DI LTA STE, SROG GCOD PA'I BSAM PA DANG, SROG GCOD PA'I PHYIR GZHAN LA BKA' BSGO BA DANG, SROG GCOD PA NYAMS SU LEN PA'O, ,DE LA SROG GCOD PA'I BSAM PA LA RNAM PA GSUM MO, ,'DI LTA STE, SROG GCOD PAR 'DOD PA DANG, SROG GCOD PA BYED DU 'JUG PAR 'DOD PA DANG; GZHAN GYIS SROG GCOD PAR BYAS PA LA YANG DAG PAR MGU PA'O, ,DE LTAR YANG, SROG GCOD PA GSAD PAR BYA'O ZHES 'DOD PA TZAM GYI SEMS BSKYED PA'O, ,DE'I SEMS DE DANG LHAN CIG TU SROG GCOD PA LA MI LDOG PA SKYE STE, DE NAS KUN DU MI DGA' BA'I BAR DU NI NYIN MO DANG MTSAN MO RU NYE BAR SKYE BA'I NGO BO MI DGE BA DANG RJES SU 'BREL PA'I RGYUN GYI RANG BZHIN RAB TU 'JUG GO, ,BYED DU 'JUG PAR 'DOD PA YANG 'DI LTA STE, GZHAN GYIS SROG GCOD DU 'JUG PAR BGYI'O ZHES SEMS BSKYED PA'O, ,'DI YANG SNGON BZHIN DU LDOG PA MA YIN PA NYIN MTSAN DU'O, ,GZHAN GYIS BYAS PA LA MGU BA NI, 'DI LTA STE, KHA CIG 'DIS SROG GCOD ZHES MTHONG BA'AM THOS PA NA, GANG LAS BSAD PA 'DI NI LEGS PA BYAS SO ZHES DE LA DE LAS SKYES PA'I MGU BA SKYE'O, ,'DI YID SNGON BZHIN DU MI SPONG BA MA YIN PA NYIN MTSAN DU'O, ,BKA' BSGO BA YANG RNAM PA GSUM MO, ,'DI LTA STE, @217B BSLUS TE 'JUG PA DANG, NGES PAR SBYOR BA DANG, RJES SU GNANG BA'O, ,DE LA BSLUS TE 'JUG PA NI, 'DI LTA STE, GZHAN DAG KHA CIG LA RANG GSOD PA'AM GZHAN GSOD PA LA RAB TU 'DZUD PA'O, ,'DIR YANG SNGON BZHIN MI LDOG PA NYIN MTSAN DU'O, ,NGES PAR SBYOR BA NI 'DI LTA STE, G-YOG PO KHA CIG LA'AM RJE PO'AM GZHAN LA SOG CHAGS NGAN PA 'DI SONG CES NGES PAR SBYOR BA'O, ,'DIR YANG MI LDOG PA'I NGO BO SKYE BAR 'GYUR BA NYID SNGON BZHIN NO, ,SROG GCOD PA RJES SU GNANG BA NI 'DI LTA STE, SROG GCOD PAR 'DOD PA KHA CIG SROG GCOD PAR BGYI'O ZHES SPYI NAS DRI BA'AM BRJOD PA NI DE LTAR MDZOD DO ZHES RJES SU GNANG BA'AM, MI SMRA BAR GYUR PAS KYANG RJES SU GNANG BA'O, ,DE'I MI SPONG BA YANG LEGS PAR PHYIR BCOS KYI BAR DU NYIN MTSAN DU'O, ,NYAMS SU LEN PA'I SROG GCOD PA NI RNAM PA GSUM MO, ,'DI LTA STE, LUS KYIS SROG GCOD PA NYAMS SU LEN PA DANG, NGAG GIS SROG GCOD PA NYAMS SU LEN PA DANG, YID KYIS SROG GCOD PA RJES SU SGRUB PA'O, ,DE LTAR MA BYIN PAR LEN PA LA SOGS PA NGAG KYAL PA'I MTHAR THUG PA RNAMS LA SO SOR RNAM PA GSUM DU BRJOD PAR BYA'O, ,YANG NA SO SOR RNAM PA BZHI STE, 'DI LTA STE, SROG GCOD PA YANG DAG PAR LEN PA DANG, GZHAN SROG GCOD PA YANG DAG PAR LEN DU 'JUG PA DANG, GZHAN GYIS SROG GCOD PA BYAS PA LA RJES SU YI RANG BA DANG, RANG NYID SROG GCOD PA LA LHAG PAR SPYOD PA'O, ,DE BZHIN DU NGAG KYAL PA'I BAR DU'O, ,DE LA GANG ZHIG MI DGE BA'I SEMS KYIS YANG DAG PAR LEN PA NAS LHAG PAR GCOD PA'I BAR DU BYED NA, DE NI MI DGE BA 'CHAL BA'I TSUL KHRIMS SDOM PA MA YIN PA NYIN DANG MTSAN DU 'BYUNG BAR 'GYUR RO, ,GANG YANG 'JIG TSOGS LA LTA BAS DANG MTHAR 'DZIN PAR LTA BAS YONGS SU BSLAD NAS, YANG DAG PAR LAN PA NAS LHAG PAR SPYOD PA'I BAR DU BYED NA, DE NI SGRIB PA'I LUNG DU MA BSTAN PA SDOM PA MA YIN PA NYIN DANG MTSAN DU STE, CI LTAR RIGS PAR BRJOD PAR BYA'O, ,YANG GSUNGS PA, YANG DAG LAN LA SOGS PA'I RGYUS, ,SO SOR RNAM PA BZHI YIN NO, ,ZHES SO, ,YANG GANG ZHIG TSUL KHRIMS 'CHAL BA THAMS CAD SPYAD PAR BYA'O ZHES PA NI, DE NI CI LTAR @218A *, ,'GYUR ZHE NA, BRJOD PAR BYA STE, NYES PAR SPYAD PA THAMS CAD SPYAD PAR BGYI'O ZHES YANG DAG PAR BLANGS PA'I SEMS DE DANG LHAN CIG TU 'DOD PAS BSDUS PA'I 'CHAL BA'I TSUL KHRIMS SDOM PA MA YIN PA BRGYAD DANG, GZUGS KYIS BSDUS PA LUS KYIS YANG DAG PAR MA BSDUS PA DANG NGAG GI NGAG KYAL PA DANG GNYIS NI, KHAMS GNYI GAR THAMS CAD KYANG DUS GCIG TU SKYE BAR 'GYUR RO, ,'DOD PAS BSDUS PA DANG GZUGS KYIS BSDUS PA'I SDOM PA MA YIN PA DAG 'DI NA GNAS PA LA YANG 'BYUNG SRID PA'I PHYIR RO, ,YANG GSUNGS TE, KHRIMS 'CHAL THAMS CAD BLANGS MI LA, ,'DOD DU SKYES PA BRGYAD DANG NI, ,GZUGS KYIS BSDUS PA THA MA GNYIS, ,KHRIMS 'CHAL SDOM MIN CIG CAR DU'O, ,ZHES SO, ,'DOD PAS BSDUS PA KHO NA'I SDOM PA MA YIN PA BAR CHAD MED PAR NYIN MTSAN DU SKYE BA NI, SO SOR SDOM PA MA YIN PA NYE BAR SKYE BAR 'GYUR RO, ,GZUGS KYIS BSDUS PA'I BAR MED DAG LA NI MA YIN NO, ,GZUGS KYIS BSDUS PA'I SDOM MIN DE DAG NI GEGS DE SRID PA YIN PAS SO, ,GEGS DE SRID PA LA NI NYE BAR 'PHEL BA YOD PA MA YIN NO, ,YANG, DE NAS 'DOD BSDUS BRGYAD RNAMS LAS, ,SO SOR CI BZHIN NYE BAR SKYE, ,ZHES GSUNGS SO, ,SROG GCOD PA LA SOGS PA RNAMS KYI YAN LAG GANG DANG GANG YANG DAG PAR BLANGS PA DE DANG DE NYID SDOM PA MA YIN PA NYIN DANG MTSAN DU 'BYUNG BA SNGON BZHIN NO, ,YANG NA, YANG DAG BLANGS PA'I YAN LAG GANG, ,RNAM PAR RIG BYED RJES KHO NA'O, ,ZHES SO, , DE BZHIN DU YANG DAG PAR LEN DU 'JUG PA DANG YANG DAG PAR RJES SU GNANG BA LA YANG SBYAR BAR BYA'O, ,LHAG PAR SPYOD PA NI GANG DANG GANG LHAG PAR SPYAD PA DE DANG DER SHES PAR BYA'O, ,GANG DAG LUS KYI RNAM PAR RIG BYED KYI LHAN CIG PA DANG NGAG GI RNAM PAR RIG BYED DANG LHAN CIG TU YANG DAG PAR LEN PA'AM, YANG DAG PAR LEN DU 'JUG PA'AM YANG DAG PAR RJES SU GNANG BAR GYUR PA NI, DE'I LUS KYI RNAM RIG GAM, NGAG GI RNAM RIG NI LHAG PAR GYUR PA YIN NO, ,LUS DANG NGAG GI RNAM RIG DE DAG GI RNAM PAR RIG BYED MA YIN PA NI GRIB MA LTA BUR GNAS PA'O ZHES SO, ,GANG YANG LUS KYI @218B RNAM PA BZHI RNAMS NGAG GIS LHAG PAR SPYOD PA DANG YI DAM LEN PA DANG YANG DAG PAR LEN DU 'JUG PA DANG BSAM PA DANG BKA' 'GOD PA DANG, NGAG GI RNAM PA BZHI RNAMS LUS KYIS LHAG PAR SPYOD PA LA SOGS PA DANG, DE RNAMS NI MTSAN NYID YONGS SU RDZOGS PA MA YIN NO, ,'ON KYANG BSAM PA'I DBANG GIS MTSAN NYID YONGS SU RDZOGS PA YANG 'BRAS BU MNYAM PA'I LHAG PA 'BYUNG BAR 'GYUR BA NI CI RIGS PAR BRJOD PAR BYA'O, ,YANG, YANG DAG LEN LA SOGS SKYES PA'I, ,LUS KYI BYA BA NGAG GIS DANG, ,GANG YANG LUS KYIS NGAG GI NI, ,GANG DE MTSAN NYID MA RDZOGS PA'O, , ZHES GSUNGS SO, ,CI LTAR MTSAN NYID YONGS SU RDZOGS PA YIN ZHING CI 'DRA BA YIN ZHE NA, BRJOD PAR BYA STE, GANG LAS LUS KYI LUS KYIS DANG, ,GANG DAG NGAG GI NGAG NYID KYIS, ,BYAS TE BYA BA BYAS PA GANG, ,THAMS CAD MTSAN NYID RDZOGS PA'O, ,ZHES SO, ,GAL TE SROG GCOD PA LA SOGS PA'I SGRAS BRJOD PA'I RNAM PAR RIG BYED GANG YIN ZHE NA, BRJOD PAR BYA STE, SROG GCOD PA NI GANG LAS 'DAS PA'I SBYOR BA GANG LUS KYI RNAM PAR RIG BYED KYIS GSAD BYA SHI BA DE LA SROG GCOD PA'I SGRA THOB PA'O, ,DE NI SKAD CIG YIN PAS DE'I TSE 'DAS PA YIN NO, ,'GA' ZHIG NI DA LTAR BA NYID DE, RNAM PAR RIG BYED 'BYUNG BZHIN PA GANG DAG GIS, GZHAN GANG DAG GI SROG NYE BAR 'GAG PA'I PHYIR RO, ,MA BYIN PAR LEN PA YANG 'DAS PA'I LUS KYI RNAM PAR RIG BYED NYID DO, ,'GA' ZHIG KYANG DA LTAR BA'O, ,'DOD PAS LOG PAR G-YEM PA NI 'DAS PA DANG DA LTAR BA STE, DA LTAR BA NI CHES MANG BA NYID DO, , DE BZHIN DU MA BSDUS PA LHAG PAR SPYOD PA LA YANG SBYAR BAR BYA'O, ,NGAG GI LAS RNAM PA BZHI NI, NGAG GI RNAM PAR RIG BYED DA LTAR BA NYID BRDZUN DU SMRA BA LA SOGS PA'I SGRAS BRJOD PA YIN TE, GANG LAS BRDZUN GYI TSIG RJOD PAR BYED PA NYID NA PHA ROL GYIS MA THOS KYANG BRDZUN YIN NO, ,DE BZHIN DU PHRA MA DANG TSIG RTZUB DANG NGAG KYAL PA'O, ,YANG, SROG GCOD PA NI LUS NGAG GIS, ,BYA BA 'DAS DANG DBU MA NYID, ,RKU SOGS NGAG GIS BRDZUN SOGS KYANG, ,DA LTA BA NI KHO NA'O, ,ZHES GSUNGS SO, ,GAL TE GANG RNAM PAR RIG PA MANG PO RNAMS KYIS PHA ROL GYI TSE NYE BAR 'GAG PA NA DE CI LTAR ZHE NA, BRJOD @219A *, ,PAR BYA STE, GANG ZHIG RNAM RIG CI SNYED PA RNAMS KYIS PHA ROL GYI TSE NYE BAR 'GAGS PAS SHI BAR GYUR PA, DE'I RNAM PAR RIG BYED DE SNYED PA DE THAMS CAD NI SROG GCOD PA'O, ,RNAM PAR RIG BYED GCIG GIS MANG PO BSAD PA NI SROG GCOD PA GCIG NYID DO, , KHA NA MA THO BA NI SEMS CAN GYI TSAD TZAM MO, ,GANG YANG RNAM PAR RIG BYED CI SNYED RNAMS KYIS GZHAN GYI NOR PHROGS PA NA, DE'I RNAM PAR RIG BYED DE THAMS CAD KYANG RDZAS PHROGS PAR GYUR PA NA MA BYIN PAR LEN PA YIN NO, ,RNAM PAR RIG BYED GCIG GIS PHROGS PA NA MA BYIN PAR LEN PA GCIG NYID DO, ,KHA NA MA THO BA NI RDZAS KYI TSAD DO, ,DE BZHIN DU 'DOD PAS LOG PAR G-YEM PA DANG YANG DAG PAR MA BSDUS PA LA CI RIGS SU SHES PAR BYA'O, ,NGAG GI'ANG SMRA BA'I RNAM PAR RIG BYED CI SNYED PA DE SNYED NI BRDZUN TSIG DANG PHRA MA DANG RTZUB PO DANG MA 'BREL PA'I BRJOD PA'O ZHES CI RIGS SU'O, , YANG; GANG CI SNYED KYIS DMAG SOGS LA, ,GSOD PA RAB TU 'JUG PA NA, ,SHI BA LA SOGS DE YIS DE, ,THAMS CAD SROG GCOD LA SOGS NYID, ,CES GSUNGS SO, ,GANG YANG GSAD BYAS DANG LHAN CIG TU SHI BA'AM SNGON DU NA, DE LA YANG SROG GCOD PA YOD PA MA YIN NO, ,GSAD BYA 'TSO BA THA MA'I SKAD CIG LA MTSON BSNUN PA LA SROG GCOD PA YOD PA MA YIN NO, ,YANG, GSAD BYA LHAN CIG DANG SNGON NAM, ,SHI LA SROG GCOD DE YOD MIN, ,'TSO BA PHYI MA'I SKAD CIG LA, MTSON BSNUN PA LA SROG GCOD MED, ,ZHES GSUNGS SO, ,GANG YANG GNYIS DAG MNYAM DU MTHONG BAR GYUR PA DAG GIS GZHAN LA BRDEG PAS GZHAN GSOD PAR BYED PA DE LA SROG GCOD PA YOD PA MA YIN NO ZHES PA LA SOGS PA BRJOD PAR BYA'O, ,GANG GI TSE 'DAS PA DANG DA LTAR BA'I RNAM PAR RIG BYED NI SROG GCOD PA LA SOGS PA YIN PA DE'I TSE 'DAS PA'AM DA LTAR BA LAS LDOG PAR NUS PA MA YIN TE, LUS BYAS ZIN PA'I PHYIR RO, ,DES NA DE LAS CI LTAR LDOG PAR BYA ZHE NA, BRJOD DE 'DAS PA'AM DA LTAR BA'I TSUL KHRIMS NGAN PA LAS LDOG PA NI 'GA' YANG MED DO, ,'ON KYANG DUS DE NAS MA 'ONGS PAR MI BYED PA'I BSAM PAS LDOG PA'O, ,DES NA MA 'ONGS PA'I BRGYAD PO DE LAS LDOG PA SKYE BA NYID DO, ,GANG @219B LAS DE RNAMS DUS GSUM PAR RNAM PAR GZHAG GO, ,YANG, 'DAS SAM MA 'ONGS PA DAG LAS, ,LDOG MIN 'ON KYANG MA 'ONGS LAS, ,MTSAN NYID DE LAS LDOG PA NI, ,DE RNAMS DUS GSUM PA GANG LAS, ,ZHES GSUNGS SO, ,BRNAB SEMS NI GZHAN GYI NOR LA 'DOD CHAGS PA'O, SEMS CAN LA GSAD PA'I BSAM PA MED PAR ZHE SDANG SHA STAG GIS SDUG BSNGAL 'DI DANG SEMS CAN NAM YANG PHRAD PAR 'GYUR ZHES PA 'DI NI GNOD SEMS SO, ,GANG YOD PA'I NGO BO RNAMS LA MED PAR RTOGS PA DE NI 'DIR LOG PA'I LTA BA'O, ,BRNAB SEMS LA SOGS PA DE GSUM YANG NGAN 'GRO RNAMS KYI LAS DANG LAM NI MA YIN NO, ,'ON KYANG 'DI GSUM GYIS MTSUNGS PAR LDAN PA'I SEMS PA NI NGAN 'GRO'I RGYU DANG LAM YIN PAR RIG PAR BYA'O, ,'O NA CI SEMS PA RNAM PA 'DI GSUM KHO NA YID KYI LAS YIN ZHE NA, MA YIN TE GANG NYON MONGS PA GZHAN GYIS MTSUNGS PAR LDAN PA'I SEMS PA DE YANG BSOD NAMS MA YIN PA'O, ,GANG YANG GZHAN NYON MONGS PA'I SEMS GANG LA NYON MONGS PA MTSUNGS PAR LDAN PA NI MA YIN TE, 'DI LTA STE, RNAM PAR SHES PA'I TSOGS LNGA DANG SO SOR SPYOD PA'O, ,GANG 'DI RNAMS KYIS KYANG MTSUNGS PAR LDAN PA'I SEMS PA DE YANG BSOD NAMS MA YIN PAR RIG PAR BYA'O, ,GANG LAS LUS DANG NGAG DANG YID KYI LAS DE NI NYON MONGS PA LAS BYUNG BA'O, ,DE NAS NYON MONGS PA DANG LAS LAS DMAN PA'I 'GRO BA NGAN PA BZHI 'BYUNG BAR 'GYUR RO, ,'DI LTA STE, DMYAL BA'I 'GRO BA DANG, YI DAGS KYI 'GRO BA DANG, DUD 'GRO'I 'GRO BA DANG; LHA MA YIN GYI 'GRO BA'O, ,DE LA ZHE SDANG YONGS SU GOMS PA'I BSOD NAMS MA YIN PAS DMYAL BA'I GNAS DANG DER GNAS PA'I SEMS CAN DU SKYE BAR 'GYUR RO, ,CHAGS PA YONGS SU GOMS PAS YI DAGS KYI GNAS DANG YI DAGS SO, ,GTI MUG YONGS SU SPYAD PAS DUD 'GRO'I GNAS DANG DUD 'GRO'O, ,NGA RGYAL YONGS SU SPYAD PAS LHA MA YIN GYI GNAS DANG LHA MA YIN NO, ,DE LA DMYAL BA LA RNAM PA GSUM STE, 'DI LTA STE, DMYAL BA CHEN PO DANG, GSHIN RJE'I 'JIG RTEN DANG, NYI TSE BA'I DMYAL BA'O, ,DE LA DMYAL BA CHEN PO LA RNAM PA GNYIS TE, 'DI LTA STE, GRANG BA'I @220A *, ,DMYAL BA DANG, TSA BA'I DMYAL BA'O, ,DE LA GRANG BA'I DMYAL BA LA BCU STE, 'DI LTA STE, CHU BUR CAN DANG, CHU BUR RDOL BA DANG, SO THAMS THAMS PA DANG, HA HA PA DANG, HU HU PA DANG, AUTPAL LTA BU DANG, KU MU TA LTA BU DANG, SOO GAN DHI KA LTA BU DANG, PUndA R'I KA LTA BU DANG, PADMA LTA BU'O, ,'DI RNAMS SU MANG DU 'PHAGS PA LA SKUR PA 'DEBS PA RNAMS SKYE BAR 'GYUR RO, ,TSA BA'I DMYAL BA LA DGU STE, 'DI LTA STE, YANG SOS DANG, THIG NAG DANG, BSDUS 'JOMS DANG, DU 'BOD DANG, DU 'BOD CHEN PO DANG, TSA BA DANG, RAB TU TSA BA DANG, MNAR MED PA DANG, MNAR MED CHEN PO'O, ,'DI RNAMS SO SO LA NYE 'KHOR GYI DMYAL BA BCU DRUG NI SNGON BZHIN NO, ,GSHIN RJE'I 'JIG RTEN YANG DMYAL BA CHEN PO RNAMS DANG MING MTSUNGS PA DGU NYID DO, ,DE BZHIN DU NYE 'KHOR BA BCU DRUG GO, ,YANG SOS KYI STENG LAS STENG NAS STENG DU GNAS SO, ,NYI TSE BA'I DMYAL BA NI YANG 'DZAM BU'I GLING GI RI DANG CHU KLUNG DANG NGAM GROG DANG DGON PA LA SOGS PA NYI TSE BA'I SA GZHI LA GNAS PA'I PHYIR NYI TSE BA ZHES BRJOD DO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS, MANG POS BKUR BA'I SDE PA'I LUNG GI TSUL LAS BSOD NAMS MA YIN PA RNAM PAR NGES PA ZHES BYA BA LE'U BCO BRGYAD PA'O,, ,,GANG 'DIR BSOD NAMS MA YIN PA DE NI MI LDOG PA'I RANG BZHIN RNAM PA BRGYAD DU GSUNGS SO, ,DE'I PHYIR BSOD NAMS MA YIN PA LAS LDOG PA MI BYED PA'I SDOM PA RNAM PA BRGYAD NYID DO, ,DE NI NYON MONGS PA MA YIN PAS BSOD NAMS SU RIG PAR BYA'O, ,YANG, LUS KYI RNAM GSUM DE DANG YANG, ,MA BSDUS PA DANG DE BZHIN DU, ,NGAG GI RNAM PA BZHI RNAMS KYI, ,BSOD MIN LAS LDOG BSOD NAMS SO, ,ZHES GSUNGS SO, ,DE BZHIN DU LDOG PA'I TSUL KHRIMS RNAM PA BRGYAD DANG DE LAS SKYES PA NYE BAR SKYE BA DAG NYIN MTSAN DU 'GYUR RO, ,YONGS SU LONGS SPYOD PA YANG NGO, ,RNAM PAR LDOG PA'I RANG BZHIN RNAM PA BRGYAD YIN PA DE BZHIN DU RNAM PAR SPONG BA'I TSUL KHRIMS RNAM PA BRGYAD DO, ,'DI LTA STE, SROG GCOD PA LAS LDOG PA DANG, MA BYIN PAR LEN PA LAS LDOG PA DANG, @220B 'DOD PAS LOG PAR G-YEM PA LAS LDOG PA DANG, MA BSDUS PA LAS LDOG PA DANG, BRDZUN DU SMRA BA LAS LDOG PA DANG, PHRA MA LAS LDOG PA DANG, TSIG RTZUB PO LAS LDOG PA DANG, MA 'BREL PA'I BRJOD PA LAS LDOG PA'O, ,GANG ZHIG 'DOD PAS BSDUS PA'I SEMS KYIS TSUL KHRIMS NGAN PA THAMS CAD LAS SO SOR LDOG PAR BGYI'O ZHES YANG DAG PAR BLANGS PA NAS, DE'I 'DOD PAS BSDUS PA BRGYAD DANG GZUGS KYIS BSDUS PA LUS KYIS MA BSDUS PA DANG, NGAG GIS MA 'BREL PA'I LAS RNAM PAR LDOG PA SDE RNAM PAR SPONG BA BCU'O, ,YANG DAG PAR BLANGS PA'I SEMS KYI DE MA THAG SO SOR NYIN MTSAN DU NYE BAR SKYE BA NYID SKAD CIG SKAD CIG LA SKYE BAR 'GYUR RO, ,CI SRID DU YI DAM MA SPANGS PA'AM, CI SRID 'TSE BA'AM 'DOD CHAGS DANG BRAL BA THOB KYI BAR DU'O, ,DE BZHIN DU YANG DAG PAR 'JOG PA DANG, YANG DAG PAR RJES SU GNANG BA'O, ,LHAG PAR SPYOD PA YANG LHAG PAR SPYOD PA'I BAR DU'O, ,YANG, SDIG PA KHRIMS NGAN LAS LDOG PA, ,DE YI SDOM PA BRGYAD DANG GNYIS, ,BRGYAD NYID YANG YANG NYIN MTSAN DU'O, ,ZHES GSUNGS SO, ,DE LA SROG GCOD PA LAS LDOG PA NI RNAM PA GSUM MO, ,'DI LTA STE, SROG GCOD PA LAS LDOG PA'I PHYIR BSAM PA DANG, SROG GCOD PA LAS BZLOG PA'I PHYIR BKA' 'GOD PA DANG, SROG GCOD PA LAS LDOG PA'I PHYIR RJES SU GNAS PA'O, ,BSAM PA LA RNAM PA GSUM STE, 'DI LTA STE, 'DOD PA DANG, BYED DU 'JUG PA LA 'DOD PA DANG, GZHAN GYIS BYAS PA LA MGU BA'O, ,BKA' 'GOD PA LA YANG RNAM PA GSUM NI 'DI LTA STE, DRANGS TE 'DZUD PA DANG, NGES PAR SBYOR BA DANG, RJES SU GNANG BA'O, ,RJES SU GNAS PA LA RNAM PA GSUM NI, 'DI LTA STE, LUS KYIS RJES SU SGRUB PA DANG, NGAG GIS RJES SU SGRUB PA DANG, YID KYIS RJES SU SGRUB PA'O, ,SNGON BZHIN DU CI RIGS PAR BRJOD PAR BYA'O, ,YANG, LDOG PA BSAM DANG BKA' 'GOD DANG, ,DE DAG RJES SU SGRUB PA NYID, ,RE RE LA YANG RNAM GSUM MO, ,ZHES GSUNGS SO, ,DE BZHIN DU BRDZUN DU SMRA BA LA SOGS PA LA SBYAR BAR BYA'O, ,YANG RNAM PA GZHAN GYIS SROG GCOD PA LAS LDOG PA RNAM PA BZHI NI 'DI LTA STE, SROG GCOD PA LA LDOG PAR BYA'O ZHES YANG DAG PAR LEN @221A *, ,PA DANG, SROG GCOD PA LAS LDOG PA LA GZHAN DAG YANG DAG PAR 'JOG PA DANG, GZHAN RNAMS LA SROG GCOD PA LAS LDOG PA YANG DAG PAR RJES SU GNANG BAR 'GYUR BA DANG, RANG NYID CHU 'DZAG PA LA SOGS PA SROG GCOD PA YONGS SU SPONG BAR BYED CING, SROG CHAGS RNAMS 'TSO BYED LAS SKYOB PA'O ZHES DE LTA BU LA SOGS PA'O, ,DE BZHIN DU LHAG MA LAS LDOG PA YANG DAG PAR LEN PA DANG, GZHAN YANG DAG PAR 'JOG PA DANG, YANG DAG PAR GNANG PAR 'GYUR BA DANG, LHAG PAR SPYOD PA ZHES BRJOD PAR BYA'O, ,DE LTAR BRGYAD TSAN BZHI 'DI NI TSUL KHRIMS SDOM PA SUM CU RTZA GNYIS SU 'GYUR RO, ,'DI NYID DE RANG BZHIN RNAM PAR NYAMS PA LAS SKYES PA'I GNYEN PO SUM CU RTZA GNYIS DANG, 'TSO BA'I GNYEN PO SUM CU RTZA GNYIS TE, SUM CU RTZA GNYIS PA GNYIS NI, ,SDOM PA RNAM PA DRUG CU RTZA BZHI YIN NO, ,SDOM PA THAMS CAD LAS DE MA THAG TU NYE BAR SKYE BA NYIN MTSAN DU NYE BAR 'PHEL BAR 'GYUR RO, ,CI SRID DU MA SPANGS KYI BAR DU ZHES PA LA SOGS PA SNGON BZHIN NO, ,SDOM PA DE RNAMS DGE BA'I SEMS KYIS YANG DAG PAR BLANGS NA DGE BAR 'GYUR BA DANG NYIN MTSAN DU 'BYUNG BA YANG NGO, ,SGRIB MIN GYI SEMS KYIS BLANGS PA NI SGRIB MIN DU 'GYUR BA DANG NYIN MTSAN DU 'BYUNG BA YANG NGO, ,'O NA SBYIN PA'I SDOM PA CI LTAR ZHE NA, BRJOD PAR BYA STE, DGE BA'I SEMS KYIS SBYIN PA BYIN PA LAS LUS KYI SDOM PA NYID SKYE BA'O, ,SBYIN BYA YONGS SU GTONG BAR BYED PA NAS YONGS SU LONGS SPYOD PA'I RJES SU 'GRO BA NI BSOD NAMS YIN CING DGE BA NYID DO, ,DGE BA'I SDOM PA LAS SKAD CIG SO SO LA 'PHEL LO, ,DE DAG KYANG LUS KYIS TSUL KHRIMS MA BSDUS PA LAS LDOG PAS BSDUS PA NYID DO, ,YANG, DNGOS GZHI NYON MONGS MED SBYIN SKYE, ,DE LAS YONGS SU LONGS SPYOD SKYE, ,SBYIN BYA LONGS SPYOD PA NYID NA, ,DGER GYUR ZHES GSUNGS SO, ,DE LA SBYIN PA LA RNAM PA GSUM NI 'DI LTA STE, ZANG ZING GI SBYIN PA DANG, MI 'JIGS PA'I SBYIN PA DANG, CHOS KYI SBYIN PA'O, ,DE LA ZANG ZING GI SBYIN PA NI BZA' BTUNG LA SOGS PA SBYIN PA'O, ,MI 'JIGS PA'I SBYIN PA NI 'JIGS PAS GZIR BA RNAMS YONGS SU SKYOB PA DANG, 'JIGS PA'I RGYU LAS LDOG PA'O, ,CHOS KYI SBYIN PA NI @221B GZHAN DON DU GNYER BA LA DGE BA'I SEMS KYIS MNGON PAR MTHO BA DANG NGES PAR LEGS PA'I CHOS DE NYE BAR STON PA'O, ,DE LA MI 'JIGS PA'I SBYIN PA DANG CHOS KYI SBYIN PA NI DGE BAR 'GYUR BA'AM SGRIB PA MIN PA'I LUNG DU MA BSTAN PAR 'GYUR RO, ,DGE BA DE LAS SDOM PA DANG NYIN MTSAN DU 'BYUNG BA NI DGE BA'O, ,SGRIB PA MIN PA'I LUNG DU MA BSTAN PA LAS SDOM PA DANG NYIN MTSAN DU 'BYUNG BA NI SGRIB MIN GYI LUNG DU MA BSTAN PA'O, ,ZANG ZING GI SBYIN PA YANG SDOM PA DANG LHAN CIG PAS MTHA' GCIG TU DGE BA'O, ,DE LAS YONGS SU LONGS SPYOD PA'I RJES SU 'GRO BA YANG BSOD NAMS DGE BA NYID NYE BAR 'PHEL BA'O ZHES RGYU BCU GNYIS KYIS YONGS SU LONGS SPYOD PA'I RJES SU 'GRO BA'I BSOD NAMS 'PHEL BAR MI 'GYUR TE, 'DI LTA STE, KUN DU LONGS SPYOD PA LA SBYIN PA DANG, BCINGS PA LA SOGS PA GROL BA'I DON DU SBYIN PA DANG, DUS CI LTA BAR SDOM PA SKYED PA DANG, RANG NYID NYE BAR LONGS SPYAD PA DANG, LOG PAR YONGS SU LONGS SPYAD PA DANG, MA GNANG BAR LONGS SPYAD PA DANG, YONGS SU LONGS SPYAD PA DANG, GZHAN DU LONGS SPYAD PA DANG, PHROGS PA DANG, DGE BA'I RTZA BA KUN DU CHAD PA DANG, 'DOD CHAGS DANG BRAL BA LA BGROD PA DANG, SHI BAR GYUR PA'O, ,ZAG PA DANG BCAS PA'I LAS RNAMS BSHAD DO, ,ZAG PA MED PA'I LAS NI RNAM PA GSUM STE, 'DI LTA STE, LAM GYI TSUL KHRIMS DANG, GNYEN PO'I TSUL KHRIMS DANG, SDOM PA'I TSUL KHRIMS SO, ,LAM GYI TSUL KHRIMS NI, MNGON DU BYED PA'I SPYAD BYA SPYOD PA DAG SKYE BAR 'GYUR TE, 'DOD PA'I KHAMS SAM GZUGS KYI KHAMS SU SKYE BA THAMS CAD BYANG CHUB YAN LAG GI SEMS TE, SDUG BSNGAL LA CHOS SHES PAS BAG LA NYAL BCU DANG BAG LA NYAL MA YIN PA NYI SHU STE NYON MONGS PA SUM CU RAB TU SPONG BA'O, ,NYON MONGS PA DE RNAMS KYI RE RE LA KUN NAS DKRIS PA 'DOD PAS BSDUS PA'I SEMS CAN TSUL KHRIMS NGAN PA RNAM PA BCU DRUG TU BYA'O, ,DE YANG, SROG GCOD PA LA SOGS PA CI LTAR GSUNGS PA RNAMS RANG BZHIN RNAM PAR NYAMS PA LAS SKYES PA BRGYAD DANG, 'TSO BA'I RGYU RNAM PA BRGYAD DE RNAM PA BCU DRUG DU 'GYUR RO, ,DE RNAMS RAB TU SPANGS PA LA, ,YANG DE RNAMS MI BYA'O ZHES DE @222A *, ,RNAMS SPANGS PA LAS TSUL KHRIMS SDOM PA BCU DRUG SKYE BAR 'GYUR TE, 'DI LTAR, RANG BZHIN NYAMS PA LAS SKYES PA'I GNYEN PO BRGYAD DANG, 'TSO BA'I GNYEN PO BRGYAD DO, ,DE BZHIN DU NYON MONGS PA RE RE LA SHES PAR BYA'O, ,RNAM PA 'DIS TSUL NGAN PA RNAM PA BCU DRUG KYANG SPANGS PA'O ZHES PA NI BCU DRUG PA GCIG GO, ,YANG NYON MONGS PA RE RES SKYED PA'I NYES SPYOD KYI GNYEN POS NYON MONGS PA SPANGS PA'I DBANG LAS BCU DRUG PA SUM CU'O, ,LAM GYI TSUL KHRIMS BCU DRUG PA SUM CU GCIG SKYE BAR TE, DE LTAR LAM GYI TSUL KHRIMS DGU BCU RTZA DRUG LHAG PA'I BRGYA PHRAG BZHI RU 'GYUR RO, ,DE BZHIN DU SDUG BSNGAL LA SO SOR RTOG PA'I SHES PA LA'O, ,SDUG BSNGAL LA RJES SU SHES PA NI, ,GZUGS KYIS BSDUS PA'I BAG LA NYAL DGU DANG BAG LA NYAL MA YIN PA BCU GCIG STE, NYON MONGS PA NYI SHU RAB TU SPANGS PA'O, ,DE LA NYON MONGS PA SO SO LA NYE BAR SPYOD PA GNYIS 'BYUNG STE, 'DI LTA STE, MA BSDUS PA DANG, MA 'BREL BA'I BRJOD PA'O, ,SNGON DU BSHAD PA'I RIGS NYES SPYOD GNYIS TSAN SPONG BA NI GCIG GO, ,NYES SPYOD NYI SHU TSAN GNYIS KYI GNYEN PO NYI SHU TSAN GNYIS TE, GNYIS TSAN NYER GCIG SDOM PA SKYE BA'O, ,DE BZHIN DU YE SHES LHAG MA DANG SGOM PA'I SA DAG LA CI RIGS PAR BRJOD PAR BYA'O, ,GNYEN PO'I TSUL KHRIMS NI, GANG DANG GANG DU KHAMS MNYAM PA SKAL BA MNYAM PA'I NYON MONGS THAMS CAD SPANGS PA, DE DANG DE RU NYING MTSAMS DANG SPYAD BYAS SPYOD PA NYE BAR SKYE'O, ,DE YANG NYON MONGS PA 'JIG BYED KYI YE SHES SDUG BSNGAL LA CHOS SHES PA LA SOGS PA DANG BSGOM PA'I SA DAG GI LAM GYI TSUL KHRIMS BZHIN DU CI RIGS SU SHES PAR BYA'O, ,SDOM PA'I TSUL KHRIMS NI, THAMS CAD ZAG PA MED PA STE DGRA BCOM PA'I 'O, ,'DI LTA STE, DGRA BCOM PA NYES SPYOD THAMS CAD LAS LDOG PAR BYA'O ZHES DE LTAR SEMS BSKYED PA NA, SEMS DE DANG LHAN CIG TU ZAG PA MED PA'I TSUL KHRIMS SDOM PA BRGYAD SKYE BA'O, ,DE LA NYIN MTSAN DU 'BYUNG BA NI MED DO, ,DE BZHIN DU 'DIR LUS NGAG GI RNAM PAR RIG BYED DAG GIS YANG DAG PAR 'JOG PAR BYED PA DANG, YANG DAG PAR GNANG BA DANG LHAG PAR SPYOD PA THAMS @222B CAD NI ZAG PA MED PA'O, ,'DOD PA LA 'DOD CHAGS DANG BRAL BA'I PHYIR MI 'ONG BAS NYES SPYOD THAMS CAD LAS LDOG PA LAS 'DOD PAS BSDUS PA'I NYES SPYOD KYI GNYEN PO DANG GZUGS KYIS BSDUS PA LUS KYIS MA BSDUS PA DANG, NGAG GIS MA 'BREL BA'I BRJOD PA DAG GI GNYEN PO RNAMS NI ZAG PA MED PA'O, ,KHAMS GNYIS LA CHAGS BRAL GYI PHYIR MI 'ONG BA NI DGRA BCOM PA CI BZHIN NO, ,RJES KYI LUS NGAG GI RNAM PAR RIG BYED THAMS CAD KYANG ZAG PA MED PA NYID DO, ,YANG, 'DOD PA CHAGS BRAL 'PHAGS PA YI, ,THAMS CAD LAS LDOG PA'I BRGYAD DANG, ,GZUGS SKYES GNYIS NI DRI MED PA'O, ,GZUGS LA THAMS CAD KYANG ZAG MED, ,CES GSUNGS SO, ,LAM GYI TSUL KHRIMS DANG GNYEN PO'I TSUL KHRIMS DAG KHYAD PAR CI ZHE NA, BRJOD PAR BYA STE, SDUG BSNGAL LA CHOS SHES PA NI, SPONG BA LAS DANG RJES SU MTHUN PA'I STOBS LAS TSUL KHRIMS SKYE'O, , DE YANG SKAD CIG NYID YIN PAS 'GAG PAR 'GYUR RO, ,SO SOR RTOG PA'I YE SHES NI 'ANG YANG RE ZHIG DE BZHIN DU SKYE STE, SNGON DU SPANGS PA'I STONG SA LAS DANG, RJES SU MTHUN PA'I STOBS LAS SO, ,SDUG BSNGAL LA RJES SU SHES PA NI, ,SPANGS PA'I RGYU LAS DANG, RJES SU MTHUN PA'I STOBS LAS SKYE'O, ,GANG DAG CHOS SHES PA NI, ,SPANGS PA'I STOBS LAS DANG RJES SU MTHUN PA'I DBANG DE DAG LAS SKYE'O ZHES KYANG KHA CIG GO, ,DE BZHIN DU LHAG MA DANG BSGOM PA'I SA DAG LA CI RIGS SU BRJOD DO, ,GNYEN PO'I TSUL KHRIMS NI NYON MONGS 'JIG BYED BZHIN DU DNGOS SU SPONG BA'I RGYU LAS DANG SNGON DU SPANGS PA'I STOBS DAG LAS SKYE BAR 'GYUR GYI, GZHAN NI MA YIN NO, ,SPANGS PA SO SO'I MTSAMS SU SNGON SPANGS PA'I STOBS NYID LAS SO, ,DE SRID DE NI RANG BZHIN GYI KHA NA MA THO BA LAS LDOG PA'I TSUL KHRIMS BRGYAD NYE BAR BSTAN PA'O, ,BCAS PA'I KHA NA MA THO BA LAS LDOG PA'I TSUL KHRIMS KYANG, DGE SLONG DANG, DGE SLONG MA DANG DGE TSUL PHO MO DANG BYA ROG SKROD BYED DANG DGE BSNYEN DANG DGE BSNYEN MO RNAMS KYIS SANGS RGYAS KYIS BCAS PA'I BSLAB PA'I GZHI YANG DAG PAR BLANGS PA DANG YONGS SU BSRUNG BA LAS SKYES PA'O, ,DE LA DGE SLONG GIS BSLAB @223A *, ,PA'I GZHI THAMS CAD NI, 'DUL BA LAS GSUNGS PA'I, NYI SHU LHAG PA'I BZHI BRGYA'O, ,BSLAB PA'I GZHI DE RNAMS LA PHAL CHER NI BCAS PA'I KHA NA MA THO BA LAS LDOG PA'I TSUL KHRIMS SO, ,SDOM PA THAMS CAD LAS KYANG YID MA BLANGS PA'I SEMS KYIS DE MA THAG TU NYE BAR SKYE BA NA RNAM PAR MA SPANGS KYI BAR DU'O ZHES RGYAS PAR BRJOD PAR BYA'O, ,DE BZHIN DU DGE SLONG MA YI CI RIGS PAR RO, ,DGE TSUL PHO MO'I BSLAB PA'I GZHI RTZA DGU DANG, BYA ROG SKROD PA'I BRGYAD DANG, DE BZHIN DU BSNYEN GNAS KYI'O, ,DGE BSNYEN DANG DGE BSNYEN MA DAG GIS BSLAB PA'I GZHI GTAN DU BA LNGA'O, ,DE RNAMS KYANG YANG DAG PAR BLANGS PA'I SEMS KYIS DE MA THAG TU NYE BAR SKYE BA NA, SEMS KYI SKAD CIG DUS KYIS YANG DAG PAR 'PHEL BA STE, MA SPANGS KYI BAR DU'O ZHES SO, ,YANG, GANG DU DGE SLONG GIS BCAS PA'I, ,NYES PA LAS LDOG SDOM PA DE'I, GRANGS NI BRGYA PHRAG BZHI DANG NI, ,NYI SHUS LHAG PA KHO NA'O, ,DGE SLONG MA YI DE DANG GZHAN, ,DGE TSUL DANG NI GSO SBYONG DANG, RTAG PA'I DGE BSNYEN SDOM PA NI, ,DGU DANG BRGYAD DANG LNGA RIM BZHIN, ,DNGOS GZHI DE LAS NYES SKYE NI, ,YANG DAG LEN SOGS RGYU LAS SO, ,ZHES GSUNGS SO, ,DES NA NYON MONGS PA CAN MA YIN PA'I TSUL KHRIMS DE THAMS CAD NI MNGON PAR BSDU NA, RGYU BCU GNYIS KYIS SKYE STE, 'DI LTA STE, YANG DAG PAR BLANGS PA DANG, YANG DAG PAR LEN DU 'JUG PA DANG, YANG DAG PAR GNANG BA DANG, LHAG PAR SPYOD PA DANG, SDOM PA'I RTZA BA NYE BAR MA CHAD PA DANG, DGE BA'I RTZA BA BSKYED PA DANG, NYES SPYOD KYI RGYU SPANGS PA DANG, BDEN PA DANG RJES SU MTHUN PA'I STOBS DANG, BSGOM PA'I STOBS DANG, SNGON SPANGS PA'I STOBS DANG, DNGOS PO YONGS SU SHES PA DANG, KHAS BLANGS PA LAS TE CI RIGS PAR BRJOD PAR BYA'O, ,CI LTAR GSUNGS PA'I NYON MONGS CAN DANG NYON MONGS MED PA'I TSUL KHRIMS DE RNAMS KYI KUN NAS G-YO BA NI RNAM PA BZHI YIN NO, ,'DI LTA STE, GANG DANG GANG DU TSUL KHRIMS KYI YAN LAG SPANGS PA DE DANG DE NI KUN NAS G-YOS PA'O ZHES MI MTHUN PA'I PHYOGS KYIS DANG, NYES SPYOD THAMS CAD BGYI'O ZHES YI DAM BLANGS PA BYED PA'O ZHES THAMS CAD KUN NAS G-YOS PA DANG, TSUL @223B KHRIMS THAMS CAD SPANG BAR BGYI'O ZHES BSLAB PA'I GZHI SPANGS PAS DANG, DGE BA'I RTZA BA YANG DAG PAR CHAD PA'O, ,NYES PAR SPYOD PA YANG SPONG ZHING KUN NAS G-YO BAR BYED PA NI BZHI STE, 'DI LTA STE, SROG GCOD PA LAS LDOG PA YANG DAG PAR BLANGS PA LAS TSUL KHRIMS NGAN PA G-YO BAR BYED PA DANG, SROG GCOD PA LAS LDOG PA YANG DAG PAR LEN DU 'JUG PA DANG, SROG GCOD PA LAS LDOG PA YANG DAG PAR RJES SU GNANG BA DANG, SROG GCOD PA LHAG PAR MI SPYOD PA'O, ,DE BZHIN DU MA BYIN PAR LEN PA LA SOGS PA LA YANG CI LTAR RIGS PAR BRJOD PAR BYA'O, ,NYES SPYOD THAMS CAD LAS LDOG PAR BGYI'O ZHES PA'AM, TSUL KHRIMS THAMS CAD YANG DAG PAR LEN PA'AM, BCOM LDAN 'DAS KYIS BCAS PA'I BSLAB PA'I GZHI CI SNYED PA DE LA YANG DAG PAR GZHUG BAR BGYI'O ZHES PA THAMS CAD SPONG BAR BYED PA'O, ,YANG NA, 'DUS BYAS THAMS CAD MI RTAG PA'O, ,'DUS BYAS THAMS CAD NI SDUG BSNGAL GYI RGYU'O ZHES PA 'DIS KYANG TSUL KHRIMS NGAN PA KUN NAS SPONG BAR BYED PA'O, ,GZHAN DU NA BRTEN PA DANG 'BREL PA LAS SGRO 'DOGS KYI KHANG PA LA SOGS PA'O, ,YANG, MA LUS PA YI 'DUS BYAS RNAMS, ,MI RTAG PA DANG RGYUR BSAMS PAS, ,NYES PA THAMS CAD SPONG BAR BYED, ,DE BZHIN BRTAN PA MA RTOGS PA'O, ,ZHES GSUNGS SO, ,BCOM LDAN 'DAS KYIS SEMS PA'I LAS DANG, SEMS PAS BSLANG BA'I LAS SO ZHES GSUNGS SO, ,DE LA SEMS KYIS BSLANG BA'I LAS NI, LUS KYI DANG NGAG GI'O ZHES BSHAD DO, MTSUNGS PAR LDAN PA'I SEMS LAS BYUNG BA RNAMS KYI NANG NAS SEMS PA GCIG PU NI YID KYI LAS BSOD NAMS SO, ,SEMS PA DE NI RNAM PA GNYIS TE, 'DI LTA STE, DGE BA DANG, SGRIB PA MA YIN PA'I LUNG DU MA BSTAN PA'O, ,GANG 'DOD PAS BSDUS PA DE DGE BA DANG, SGRIB MIN LUNG DU MA BSTAN PA'O, ,GANG GZUGS KYIS BSDUS PA'I SEMS PA DE BSAM GTAN SNGON MA GSUM MO, ,GANG YANG BSAM GTAN GSUM DANG STOBS MTSUNGS PA'I SNYOMS PAR 'JUG PA'I MTSUNGS PAR LDAN PA'I SEMS PA DE BSOD NAMS SU MNGON PAR 'DOD, BSAM GTAN DANG STOBS @224A *, ,SNYOMS PA'I SNYOMS 'JUG DE GANG ZHE NA, BRJOD DE, BYAMS PA DANG SNYING RJE DANG DGA' BA DANG, BTANG SNYOMS DANG DBUGS PHYI NANG DU RGYU BA RJES SU DRAN PA DANG, MI SDUG PA BRGYAD LA SOGS PA'O, ,YANG, DE BZHIN YID KYI BSOD NAMS NI, ,'DOD DU KAR DANG ZHAN PA YI, , SEMS PA'O GZUGS SU BSAM GTAN GSUM, ,DE RU GNAS PA YANG DAG BSDU, ,ZHES GSUNGS SO, ,PAndI TA CHEN PO STOBS BCU DPAL BSHES GNYEN GYIS BSDUS PA'I 'DUS BYAS DANG 'DUS MA BYAS RNAM PAR NGES PA LAS BSOD NAMS RNAM PAR NGES PA ZHES BYA BA LE'U BCU DGU PA'O,, ,, MI G-YO BA'I LAS NI SEMS PA NYID DO, ,DE YANG BSAM GTAN BZHI PA DANG, MTSUNGS PAR LDAN PA DANG, GANG DAG ZAG PA DANG BCAS PA'I GZUGS MED PA'I SNYOMS PAR 'JUG PA BZHI DANG MTSUNGS PAR LDAN PA DANG, GANG DAG BSAM GTAN BZHI PA DANG GZUGS MED PA'I SNYOMS PAR 'JUG PA DANG STOBS MTSUNGS PA'I SNYOMS PAR 'JUG PAS MTSUNGS PAR LDAN PA DE MI G-YO BA'I LAS SU RIG PAR BYA'O, ,DE LA RNAM PAR RTOG PA LA SOGS PAS BSKYED PAR BYA BA MA YIN PAS NA 'DI NI MI G-YO BA'O, ,DE YANG G-YO BA ZHES BYA BA NI TING NGE 'DZIN GYI SKYON TE, DE YANG RNAM PA BDUN NO, ,'DI LTA STE, RNAM PAR RTOG PA DANG, RNAM PAR SPYOD PA DANG, DGA' BA DANG, BDE BA DANG, 'JUG PA DANG, BYUNG BA'O, ,BSAM GTAN BZHI PA DANG GZUGS MED PA NI DE RNAMS KYIS BSKYOD PAR BYA BA MA YIN PAS NA MI G-YO BA'O, ,MI G-YO SEMS PA NYID DU 'DOD, ,BSAM GTAN BZHI PA DANG GZUGS MED, MTSUNGS LDAN DE 'DRA'I STOBS NYAMS KYIS, ,ZHES GSUNGS SO, ,GANG 'DIR NYON MONGS PA CAN MA YIN PA'I LAS DE RNAMS GSUNGS SO, ,BSOD NAMS KYI LAS DE LAS, GLING BZHI LA GNAS PA'I MI RNAMS SU SKYE'O, ,'DI LTA STE, MA CHAGS PA YONGS SU BSGOMS PA'I BSOD NAMS LAS BYANG GI SGRA MI SNYAN GYI MI'O, ,DES NA 'DI NI YONGS SU 'DZIN PA MED PA DANG, NYE BAR LONGS SPYOD PA THAMS CAD PHUN SUM TSOGS PA'O, ,ZHE SDANG MED PA YONGS SU BSGOMS PA LAS SHAR GYI LUS 'PHAGS PA'O, ,DE NYID KYIS NA DE RNAMS NI SROG CHAGS RNAMS MI GSOD DO ZHES SO, ,NGA RGYAL MED PA @224B YONGS SU BSGOMS PA'I BSOD NAMS LAS NUB KYI BA LANG SPYOD PA'O, ,DE NYID KYIS NA DE RU RIGS GCIG NYID DO, ,DE RNAMS NI TSAD DANG GZUGS MNYAM PA NYE BAR LDAN PA'O, ,MA RMONGS PA YONGS SU BSGOMS PA'I BSOD NAMS LAS 'DZAM BU GLING PA'O, ,DE NYID KYIS NA DE RNAMS NI DRAN PA DANG BLO PHUN SUM TSOGS SHING SEMS PA DANG LDAN PA'O, ,'DOD PA NA SPYOD PA'I LHA DRUG GO, ,'DI LTA STE, RGYAL CHEN RIS NAS GZHAN 'PHRUL DBANG BYED KYI BAR DU, DE NI YANG MA RMONGS PA MANG DU YONGS SU GOMS PA LAS LHA'O, ,BSOD NAMS KYI LAS LAS DBYIBS DANG GDAN DANG GZHAL YAS KHANG LA SOGS PA 'BYUNG BAR 'GYUR RO, ,BSAM GTAN DANG PO'I DMAN PA DANG 'BRING DANG MCHOG GI BSOD NAMS BSGRUBS PA LAS, BSAM GTAN DANG PA'I DMAN PA DANG 'BRING DANG GYA NOM PA'I SA GSUM STE, RIM PA BZHIN DU TSANGS PA'I MDUN NA 'DON GYI LHA DANG, TSANGS RIS KYI LHA DANG, TSANGS 'KHOR GYI LHA RNAMS SU SKYE'O, ,DE KHO NA BZHIN DU BSAM GTAN GNYIS PA'I GSUM DU, 'OD CHUNG GI LHA DANG, TSAD MED 'OD KYI LHA DANG, 'OD GSAL GYI LHA RNAMS SU SKYE BAR 'GYUR RO, ,DE BZHIN DU BSAM GTAN GSUM PA'I GSUM DU, DGE CHUNG DANG, TSAD MED DANG, DGE RGYAS KYI LHA RNAMS SU SKYE'O, ,MI G-YO BA'I LAS KYANG BSAM GTAN BZHI PA DANG SO SOR LDAN PA'I DMAN PA DANG 'BRING DANG MCHOG LAS 'BRAS BU CHE BA'I LHA RNAMS SO, ,MI G-YO BA'I LAS BSAM GTAN BZHI PA DANG LDAN PA DANG, BYANG CHUB KYI YAN LAG RNAMS GOMS PA DANG 'KHOR DAD PA'I DBANG PO LAS KYANG GYA NOM SNANG GI LHA'O, ,DE NYID DANG 'KHOR BRTZON 'GRUS KYI DBANG PO LAS SHIN TU MTHONG BA'I LHA RNAMS SO, ,DE NYID 'KHOR DRAN PA'I DBANG PO LAS MI CHE BA'I LHA RNAMS SO, ,DE NYID DANG TING NGE 'DZIN GYI DBANG PO'I 'KHOR LAS MI GDUNG BA'I LHA RNAMS SO, ,DE NYID DANG 'KHOR SHES RAB KYI DBANG PO LAS 'OG MIN GYI LHA RNAMS SO, ,SO SO'I SKYE BO NI BSAM GTAN BZHI PA DANG LDAN PA'I MI G-YO BA LAS 'DU SHES MED PA'I SEMS CAN DU SKYE BA'O, ,NAM MKHA' RNAM SHES CUNG ZAD MED PA'I SKYE MCHED DANG 'DU SHES MED 'DU SHES MED MIN GYI SKYE MCHED DANG SO SOR LDAN PA'I MI G-YO BA'I @225A *, ,LAS LAS RIM PA BZHIN DU GZUGS MED PA BZHI'O, ,DE BZHIN DU 'DOD PA DANG GZUGS DANG GZUGS MED PA'I KHAMS GSUM PO NI LAS LAS SKYES PA'I LUS CAN RNAMS SKYE BA'I RTEN YIN NO, ,YANG, DE PHYIR BSOD NAMS LAS MI KUN, ,'DOD NA SPYOD PA'I LHA DRUG DANG; ,DE BZHIN DANG PO'I BSAM GTAN GSUM, ,MI G-YO BA LAS LHAG MA'I LHA, ,ZHES GSUNGS SO, ,'O NA CI LTAR GSUNGS PA'I LAS DE RNAMS CI THAMS CAD THAMS CAD KYI SKYE BA SKYED PAR BYED PA YIN NAM ZHE NA, MA YIN TE, DE YANG, 'DOD CHAGS DANG BCAS PA'I LAS BSOD NAMS DANG BSOD NAMS MA YIN PA MI G-YO BA DE NI YANG SRID SKYE BA'I RGYUR 'GYUR RO, ,'DOD CHAGS DANG BRAL BA'I NI KHAMS MTHUN PA RU'O, ,'DOD PAS BSDUS PA'I LAS 'DOD PAR GTOGS PA'I SKYE BA'O, ,DE BZHIN DU GZUGS KYIS BSDUS PA GZUGS SU GTOGS PA'I 'O, ,GZUGS MED PAS BSDUS PA GZUGS MED PA'I 'O, ,BGROD PA 'PHEL BA'I LAS DE NI YANG SRID SKYE BAR BYED PA'O, ,GEGS DE SRID PA'I LAS NI MA YIN NO, ,YANG, BGROD PA 'PHEL DANG CHAGS BCAS PA'I, ,LAS DE MTSUNGS PA'I KHAMS RNAMS SU, ,YANG SRID LJON SHING SA BON RGYU, ,ZHES GSUNGS SO, ,LAS LA RNAM PA GNYIS NI 'DI LTA STE, ,YANG SRID SKYED PA LA NUS PA NYID KYIS BGROD PA 'PHEL BA'I LAS DANG, PHAL CHER BYA BA'I DUS NYID DU RNAM PAR SMIN PA PHYUNG NAS YANG SRID MNGON PAR 'DU BYED PA LA NUS PA MED PA'I PHYIR GEGS DE SRID PA'I LAS SO, ,DE LA BGROD PA 'PHEL BA'I LAS NI BRGYAD DE, 'DI LTA STE, 'DOD PAS BSDUS PA'I DGE BA DANG, SGRIB PA MA YIN PA DANG, MI DGE BA DANG, SGRIB PA DANG, GZUGS KYIS BSDUS PA'I DGE BA DANG, SGRIB PA MA YIN PA DANG, GZUGS MED PAS BSDUS PA'I DGE BA DANG, SGRIB PA MA YIN PA'O, ,YANG, 'DOD SKYES BZHI DANG GZUGS SKYES GNYIS, , GNYIS NI GZUGS MED SKYES PA'O, ,ZHES GSUNGS SO, ,GEGS DE SRID PA NI BRGYAD DE, 'DI LTA STE, RMI LAM NANG GI LAS DANG, SRID PA BAR MA'I LAS DANG, BYAS PA'I GNAS SKABS SU BYAS PA DANG, YONGS SU SHES PA SKYES PA DANG, ZAG PA MED PA DANG, RANG BZHIN GYIS LUNG MA BSTAN DANG, @225B CHAGS BRAL GYIS NYE BAR BSAGS PA DANG, GZUGS DANG GZUGS MED PA'I BSGOM PA'I RANG BZHIN MA YIN PA'I LAS SO, ,YANG, RMI LAM BAR SRID RNAM MI SHES, ,YONGS SHES SKYES DANG ZAG MED DANG, ,RANG BZHIN LUNG MED MA CHAGS BSDUS, ,GZUGS DANG GZUGS MED LAM MA YIN; ,ZHES GSUNGS SO, ,PAndI TA CHEN PO STOBS BCU DPAL BSHES GNYEN GYIS BSDUS PA 'DUS BYAS DANG 'DUS MA BYAS RNAM PAR NGES PA LAS MI G-YO BA'I LAS RNAM PAR NGES PA ZHES BYA BA LE'U NYI SHU PA'O,, ,,'DOD CHAGS LA SOGS SKYON RNAMS 'DIS, ,LAS SO DE LAS YANG SRID DO, ,YANG SRID LAS NI SKYE BA'O, ,DE NAS RGA SHI KUN DU 'BYUNG, ,DE LAS MYA NGAN SOGS DE LAS, ,YANG NI NYES RNAMS 'BYUNG BAR 'GYUR, ,DE NAS DE BZHIN 'KHOR 'GYUR BA'I, ,SNGON GYI MTHA' NI YOD PA MIN, ,ZHES GSUNGS SO, ,'DI'I DON NI DE LTAR YANG SEMS CAN RNAMS KYI NYON MONGS PA LAS SKYES PA'I LAS NI BSOD NAMS DANG BSOD NAMS MA YIN PA DANG MI G-YO BA'O, ,DE LAS SKYE BA'O, ,LAS KYI RNAM PAR SMIN PA DE LAS BDAG DANG GZHAN GYI NYE BAR 'TSE BA LAS SKYES PA DANG, GRANG BA DANG RLUNG LA SOGS PA'I KHAMS LAS SKYES PA'I BDE BA DANG SDUG BSNGAL DANG BDE MIN SDUG MIN TSOR BA NYAMS SU MYONG BA NYID MA RIG PA'I DBANG DU GYUR PAS BDE BAS KUN DU RMONGS PA RNAMS, BDE BA DANG PHRAD PAR SRED PA DANG, BDE BA DANG MI 'BRAL BAR SRED PA NYE BAR SKYE'O, ,DE BZHIN DU SDUG BSNGAL GYIS KUN DU RMONGS PA RNAMS SDUG BSNGAL DANG BRAL BAR SRED PA DANG, SDUG BSNGAL DANG MI PHRAD PAR SROD PA NYE BAR SKYE'O, ,DE BZHIN DU SDUG BSNGAL MA YIN BDE BA MA YIN PA'I TSOR BAS KUN DU RMONGS PA RNAMS SRID PA'I SRED PA NYE BAR SKYE'O, ,DE LAS LTA BA RNAMS DANG THE TSOM RNAMS NYE BAR SKYE'O, ,DE LAS YANG LAS SO, ,DE LAS SKYE BA DANG SDUG BSNGAL SKYE BAR 'GYUR RO, ,DE BZHIN DU MA RIG PA'I SGRIB PA'I RGYUD DANG, SRED PA'I SBYOR BAR BYED PA LAS SEMS CAN RNAMS NI ZO BA DRUG GI 'KHRUL 'KHOR LA ZHON TE 'KHOR BA NI SNGON GYI MTHA' MED PA NYID DO, ,DE YANG, DMYAL BA RNAMS SU SREG PA DANG GCOD PA LA SOGS PA MYONG BA'I SDUG BSNGAL DANG, YI DAGS RNAMS LA @226A *, ,BKRES PA DANG SKOM PA'I SDUG BSNGAL DANG, DUD 'GRO RNAMS LA SKYO BA'I SDUG BSNGAL DANG, LHA MA YIN RNAMS LA NGA RGYAL GYI SDUG BSNGAL DANG, MI RNAMS LA TSOL BA'I SDUG BSNGAL DANG, LHA RNAMS RGA BA DANG SHI BA'I SDUG BSNGAL NYAMS SU MYONG BA'O, ,GANG LAS DE LTAR NYON MONGS PA LAS 'BYUNG NGO, ,LAS LAS SKYE BA'O, ,SKYE BA LAS SDUG BSNGAL LO, ,DE LAS YANG NYON MONGS YANG LAS, SKYE BA KUN DU 'BYUNG NGO, ,DE'I PHYIR DE LTAR 'KHOR BA'I RGYU'I GTZO BO NI NYON MONGS PA'O, ,NYON MONGS PA'I SA BON DU GYUR PA NI BAG LA NYAL LO, ,BAG LA NYAL MED PA LAS, LAS DANG SKYE BA ZAD PAR 'GYUR ZHING SDUG BSNGAL LAS GROL BAR 'GYUR RO, ,BAG LA NYAL ZAD PAR BYA BA'I DON DU BAG LA NYAL ZAD PA'I RGYU DBANG PO LA SOGS PA BRTEN PAR BYA'O, DBANG PO LA SOGS PA THOB PAR BYA BA'I DON DU THABS DANG RIM PA NI 'DI'O, ,'DI LTA STE, DANG PO DANG LTA BA RNAM PAR DAG PAR BYA'O, ,BCOM LDAN 'DAS KYIS, MOS PA CAN DE LTA MOD KYI TSANGS PAR SPYOD PA LA GNAS PA'I PHYIR DANG PO NYID RNAM PAR DAG PAR BYA'O, ,TSANGS PAR SPYOD PA LA GNAS PA'I PHYIR DANG PO GANG ZHE NA, 'DI LTA STE, TSUL KHRIMS YONGS SU DAG PA DANG, LTA BA DRANG PO'O ZHES CI SKAD DU GSUNGS PA'O; ,DE BZHIN DU RTA LA DKYUS SA STON PA'I RIGS PAS RNAM PAR DAG PA'I LTA BA DANG TSUL KHRIMS DANG LDAN PAS BDEN PA BZHI'I NYE BAR SPYOD PAR GYUR PA, BZOD PA'I RNAM PA BZHI BSGOM PAR BYA'O, ,YANG, ,DE PHYIR BAG NYAL MED PA LAS, ,LAS SKYE ZAD PA DON GNYER BAS, ,RNAM DAG LTA BA TSUL KHRIMS NI, ,BRTEN BYA DANG POR BZOD PA'O, ,ZHES GSUNGS SO, ,DES NA BZOD PA DPYAD PA'I DON DU BDEN PA LA 'JUG PA'I SGO BRJOD PAR BYA STE, DE LA BDEN PA NI BZHI STE, 'DI LTA STE, SDUG BSNGAL GYI BDEN PA DANG, KUN 'BYUNG GI BDEN PA DANG, 'GOG PA'I BDEN PA DANG, LAM GYI BDEN PA'O; ,DE LA BDEN PA RNAM PAR GZHAG PA NI GNYIS TE, 'DI LTA STE, CHOS RNAM PAR GZHAG PA DANG, MTSAN NYID RNAM PAR GZHAG PA'O, ,DE LA CHOS KYI DBANG GIS THA DAD DU NGES PAR 'GYUR BA DE NI CHOS RNAM PAR GZHAG PA'O, ,GANG MTSAN NYID KYI RNAM PAR GZHAG PA NGES PA DE NI MTSAN NYID RNAM PAR @226B GZHAG PA'O, ,DE LA CHOS KYI RNAM PAR GZHAG PA NI 'DI LTA STE, SRED PA SPANGS PA'I KHAMS GSUM GYI ZAG PA DANG BCAS PA NYE BAR LEN PA'I PHUNG PO LNGA NI SDUG BSNGAL LO, ,KHAMS GSUM GYI SRED PA NI SDUG BSNGAL KUN 'BYUNG BA'O, ,SRED PA DNGOS PO MED PA NI SDUG BSNGAL 'GOG PA'O, , 'PHAGS PA'I LAM YAN LAG BRGYAD NI LAM MO, ,YANG, SRED SPANGS ZAG BCAS SDUG BSNGAL LO, ,'DI'I RGYU SRED PA GCIG PU STE, ,SRED PA ZAG PA 'GOG PA DANG, ,YAN LAG BRGYAD NI DE THOB LAM, ,'DI NI CHOS SU RNAM GZHAG GO, ,MTSAN NYID RNAM PAR GZHAG PA NI 'DI LTA STE, ZAG PA DANG BCAS PA DANG ZAG PA MED PA'I 'DU BYED THAMS CAD NI MI RTAG PA NYID KYI PHYIR SDUG BSNGAL LO ZHES RNAM PAR GZHAG GO, ,SDUG BSNGAL GYI DON NI, MI RTAG PA'I DON NYID DO, ,CI SKAD DU BCOM LDAN 'DAS KYIS DGE SLONG DAG GZUGS NI MI RTAG PA STE, GANG MI RTAG PA DE NI SDUG BSNGAL LO, ,DE BZHIN DU TSOR BA LA SOGS PA'O ZHES GSUNGS SO, ,DE LTAR YANG, KYE MA 'DU BYED MI RTAG STE, ,SKYE DANG 'GAG PA'I CHOS CAN NI, ,SKYE ZHING 'GAG PAR 'GYUR BA'O, ,ZHES SO, ,DE BZHIN DU ZAG PA BCAS PA'I 'DU BYED SKYED PAR BYED PA'I PHYIR KUN 'BYUNG STE, KUN 'BYUNG GI DON NI SKYED BYED KYI DON TO, ,CI SKAD DU BCOM LDAN 'DAS KYIS 'DIR RTEN CING 'BREL PAR 'BYUNG BA GANG ZHE NA, GANG 'DIR RGYU NYID DO ZHES SO, ,'DU BYED THAMS CAD 'JUG PA MED CING SKYE BA MED PA NI 'GOG PA'O, ,CI SKAD DU BCOM LDAN 'DAS KYIS GANG DU MING DANG GZUGS MA LUS PAR NYE BAR 'GAGS PA NYID DO ZHES GSUNGS SO, ,THAMS CAD KYANG NGES PAR 'BYUNG BA'I CHOS MYA NGAN LAS 'DAS PAR BGROD PA'I PHYIR LAM MO, ,CI SKAD DU BCOM LDAN 'DAS KYIS GANG SU DAG DGE BA'I CHOS BYANG CHUB KYI PHYOGS SO ZHES GSUNGS SO, ,DE LA NGES PAR 'BYUNG BA'I CHOS NI 'DI LTA STE, BYANG CHUB PHYOGS KYI CHOS SUM CU RTZA BDUN NO, ,'DI LTA STE, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD DO, ,MYA NGAN LAS 'DAS @227A *, ,PAR BGROD PA'I RANG BZHIN YIN PA'I PHYIR SDUG BSNGAL 'GOG PAR 'GRO BA'I LAM MO, ,GZHAN YANG BDEN PA RNAMS KYI MTSAN NYID RNAM PAR GZHAG PA NI GNYIS TE, 'DI LTA STE, SPYI'I MTSAN NYID DANG, SO SO'I MTSAN NYID DO, ,DE LA SPYI'I MTSAN NYID NI, ,THAMS CAD BDAG MED PA NYID DANG, ,MI RTAG PA NYID LA SOGS PA'O, ,GNYIS PA NI, SDUG BSNGAL MI RTAG PA NYID DANG, KUN 'BYUNG NI RGYU NYID DANG, 'GOG PA NI RTAG PA NYID DANG, LAM NI NGES PAR 'BYIN PAR BYED PA NYID DO ZHES SO, ,YANG SO SO'I MTSAN NYID NI RNAM PA GNYIS TE, 'DI LTA STE, DRANG PO MA YIN PA'I MTSAN NYID DANG, DRANG PO'I MTSAN NYID DO, ,DE LA DRANG PO MIN PA'I MTSAN NYID NI, SDUG BSNGAL NI NAD DANG 'BRAS DANG ZUG RNGU LA SOGS PA'O, ,KUN 'BYUNG NI RKYEN DANG RAB TU SKYE BA DANG KHUNGS NYID DO, ,'GOG PA NI GNAS NYID DANG 'DREN PA NYID LA SOGS PA'O, ,LAM NI SGO DANG THEG PA DANG STEGS DANG SMAN LA SOGS PAR RIG PAR BYA'O, ,MTSAN NYID DRANG PO NI, SDUG BSNGAL NI MI RTAG PA'O, ,KUN 'BYUNG NI RGYU'O, ,'GOG PA NI RTAG PA'O, ,LAM NI NGES PAR 'BYIN PAR BYED PA'O, ,GANG LAS DE LTAR BDEN PA'I RANG BZHIN DNGOS SU BZUNG BAR GYUR PA YIN NO, ,DE NYID KYI NA MTSAN NYID DRANG POR BDEN PA MNGON PAR RTOGS PA'I SHES PAS RANG BZHIN BZUNG BAR GYUR PA'O, ,KHA CIG NA RE, 'GOG PA NI SKYE BA MED PAR YANG BLTA'O ZHES SEMS SO, ,GANG LAS THAR PA 'DOD PA NI RNAM PA GNYIS TE, 'DI LTAR, SDUG BSNGAL GYIS 'JIGS PA DANG, KUN NAS NYON MONGS PAS 'JIGS PA'O, ,DE LA DANG PO NI SDUG BSNGAL BDEN PA'I GNYEN PO 'GOG PA ZHI BAR 'DU SHES PAR GYUR PA YIN NO, ,DES NA DES 'GOG PA DE RTAG PA NYID DU LTA BA'O, ,GNYIS PA NI KUN 'BYUNG BDEN PA'I GNYEN PO 'GOG PA ZHI BAR SHES CING, 'GOG PA DE SKYE BA MED PAR LTA BA'O, ,GANG LAS MTSAN NYID DRANG PO 'DIS BDEN PA RNAMS MNGON DU RTOGS PA YIN NO, ,DE NYID KYIS NA GROL BA 'DOD PAS BZOD PA DRANG PO BSGOM PAR BYA'O, ,GAL TE CHOS RNAM PAR GZHAG PAS YID LA BYED PA RAB TU SBYAR BAS BDEN PA MNGON PAR RTOGS SAM, 'ON TE MTSAN NYID RNAM PAR GZHAG PAS SHE NA, BRJOD PAR @227B BYA STE, MTSAN NYID RNAM PAR GZHAG PAS SO, ,GANG TSE DE LTA NA CHOS RNAM PAR GZHAG PA DE'I TSE CI BYA ZHE NA, BRJOD PAR BYA STE, GDUL BYA NI RNAM PA GNYIS TE, DBANG PO ZHAN PA DANG, DBANG PO RNON PO'O, ,DE LA DBANG PO ZHAN PA RNAMS MTSAN NYID RNAM PAR GZHAG PA MA 'DRES PAR SHES PA DANG MA RMONGS PAR BYA BA'I DON DU CHOS RNAM PAR GZHAG PA GSUNGS SO, ,CHOS RNAM PAR GZHAG PA BZUNG BAS, ,BDE BAR MTSAN NYID RNAM PAR GZHAG PA 'DZIN PAR 'GYUR RO ZHES SHES PAR BYA'O, ,'DU BYED THAMS CAD SDUG BSNGAL LO ZHES GSUNGS PA LA SKRAG PA SPANGS PA'I YANG PHYIR RO, ,BLO GSAL BA YANG MTSAN NYID RNAM PAR GZHAG PA LA SKRAG PAR 'GYUR TE, 'DU BYED 'DI RNAMS TZAM ZHIG GIS CI LTAR YONGS SU SHES PAR NUS, DE BZHIN DU 'DU BYED THAMS CAD KUN 'BYUNG NGO ZHES GSUNGS PA LA BDAG GIS 'DU BYED 'DI TZAM ZHIG CI LTAR SPONG BAR 'GYUR ZHES SO, ,DES NA DBANG PO ZHAN PA RNAMS MA RMONGS PAR BYA BA'I DON DANG MI SKRAG PAR BYA BA'I DON DU CHOS RNAM PAR GSUNGS SO, ,YANG, CHOS RNAMS GZHAG PA DMAN PA RNAMS, ,SKRAG PA SPANG BA'I DON DU BSTAN, ,ZHES GSUNGS SO, ,'O NA RNAL 'BYOR PAS BDEN PA'I DON DU SGO GANG NAS 'JUG PAR BYA ZHE NA, BRJOD DE, BDEN PA MNGON PAR RTOGS PA LA 'JUG PA'I SGO NI BZHI STE, 'DI LTA STE, PHUNG PO'I SGO DANG, SKYE MCHED KYI SGO DANG, KHAMS KYI SGO DANG, MING DANG GZUGS KYI SGO'O, ,SGO NI GTZO BO ZHES PA'I DON TO, ,KHA CIG NI RTEN CING 'BREL PAR 'BYUNG BA'I SGO DANG, DRAN PA NYE BAR GZHAG PA LA SOGS PA NAS 'JUG GO, ,BYANG CHUB SEMS DPA' THAMS CAD NI YANG RTEN CING 'BREL PAR 'BYUNG BA'I SGO NYID NAS 'JUG PA'O, ,SPUNGS PA'I DON GYIS PHUNG PO STE, ,'BRAS PHUNG BZHIN NO, ,'BYUNG GNAS KYI DON GYIS NA SKYE MCHED DO, GSER GYI 'BYUNG KHUNGS BZHIN NO, ,SKYE MCHED NI SGO'I DON TE BZO'I GNAS KHANG BZHIN NO, ,KHAMS KYI DON NI RANG BZHIN GYI DON TE SA LA SOGS PA'I KHAMS BZHIN NO, ,RANG BZHIN ZHES PA NI RANG GI NGO BO STE, DE NYID KYIS RNAM PAR NYAMS PAR BYED PAS 'DI NI KHAMS SO, ,MYONG BAR BYA BA'I DNGOS PO DE LA 'DUD PA'AM, SEMS CAN LA 'DUD PAS MING NGO, ,GZUGS NI GZUGS PAR BYA BAS NA @228A *, ,'DI NI GZUGS SO, ,GANG GIS GZUGS PAR BYA ZHE NA, DBYUG PA REG PAS RDEG PA LA SOGS PA THAMS CAD RNAM PAR BYA BA YIN PAS ZHES PA'I DON TO, ,MING ZHES PA DANG GZUGS ZHES PA NI MING DANG GZUGS SO, ,'O NA GZUGS LA SOGS PA DE RNAMS CHOS DU YIN ZHE NA, BRJOD DE, DBANG PO LNGA DANG YUL LNGA NI GZUGS KYI PHUNG PO'O, ,BDE BA DANG SDUG BSNGAL DANG SDUG BSNGAL MIN BDE BA MIN PA'I TSOR BA NI TSOR BA'I PHUNG PO'O, ,KHYAD PAR GYI RNAM PA RNAMS SO SOR 'DZIN PA'I BDAG NYID CAN CHOS NI 'DU SHES KYI PHUNG PO'O, ,SEMS PA LA SOGS PA'I CHOS NI 'DU BYED KYI PHUNG PO'O, ,MIG GI RNAM SHES LA SOGS PA NI RNAM PAR SHES PA'I PHUNG PO'O, ,'DI NI PHUNG PO LNGA'O, ,DBANG PO DRUG DANG YUL DRUG NI SKYE MCHED BCU GNYIS SO, ,DBANG PO DRUG DANG YUL DRUG DANG RNAM PAR SHES PA DRUG NI KHAMS BCO BRGYAD DO, ,MING DANG GZUGS ZHES PA MING NI CHOS BSDU BA BAR MA LAS CHOS BRGYA DANG BDUN CU RTZA BRGYAD DU GSUNGS TE, 'DI LTA STE, RNAM PAR SHES PA DANG TSOR BA LA SOGS PA STE, GZHUNG MANG BAR 'GYUR BA'I 'JIGS PAS BDAG GIS MA BRIS SO, ,GZUGS NI GANG CUNG ZAD BSTAN DU YOD PA DANG, BSTAN DU MED PA'O, ,DE LA 'DOD CHAGS LA SPYOD PA PHAL CHER NI SDUG BSNGAL GYI 'JIGS PA NYID YIN PAS PHUNG PO'I SGO NAS 'JUG PA'O, ,ZHE SDANG LA SPYOD PA PHAL CHER NI KUN NAS NYON MONGS PAS 'JIGS PA NYID PAS SKYE MCHED KYI SGO NAS 'JUG PA'O, ,DES NA DES THOG MAR KUN NAS NYON MONGS PAR GYUR PA'I SKYE MCHED KYI SGO NAS BZOD PA BSGOM PAR BYA'O, ,CHA MNYAM PA LA SPYOD PA PHAL CHER NI SDUG BSNGAL DANG KUN NAS NYON MONGS PA DAG GIS 'JIGS PAS KHAMS KYI SGO NAS 'JUG PA'O, ,DE'I PHYIR DES NA THOG MAR SDUG BSNGAL DANG KUN NAS NYON MONGS PAR GYUR PA KHAMS KYI SGO NAS BZOD PA BSGOM PAR BYA'O, ,GTI MUG LA SPYOD PA MING DANG GZUGS KYI SGO NAS DANG POR BZOD PA BSGOM PAR BYA'O, ,GTI MUG LA SPYOD PA NI'ANG RMONGS SHES CHES PAS SEMS SPANG BA CHUNG BA DANG DBANG PO ZHAN PAR 'GYUR BA'O, ,DE NI MING DANG GZUGS TZAM NYID SHES PA DANG SPONG BA DANG, MI DNGANG ? BA DANG MI RMONGS PAR 'GYUR BA'O, ,SEMS PA @228B DANG DBANG PO RGYA CHE BA SRID PA THA MA'I BYANG CHUB SEMS DPA' NI MCHOG TU ZAB PA RTEN CING 'BREL PAR 'BYUNG BA'I SGO NAS 'JUG CING BZOD PA GCAD PA BSGOM PA'O, ,DE LA PHUNG PO'I SGO NAS BZOD PA SGOM PA'I RNAL 'BYOR PAS, SDUG BSNGAL DANG KUN 'BYUNG DANG 'GOG PA'I BDEN PA LA SO SOR SUM CU RTZA GCIG SBYAR BAR BYA'O, ,CI LTAR SBYAR ZHE NA BRJOD DE, RNAM PA GNYIS KYIS BZOD PA BSGOM PAR BYA'O, ,'DI LTA STE, RGYAS PA DANG, BSDUS PA'O, ,DE LA SO SO NI DANG PO NYID DU RE ZHIG RNAL 'BYOR PAS, ,SKYE BA DANG 'GAG PA'I CHOS CAN YIN PA'I PHYIR DANG, RGYU'I STOBS KYIS RNAM PAR GNAS PA'I PHYIR DANG, MA BYUNG BA SKYES PAS DANG, BYUNG BA RNAM PAR NYAMS PAS DANG, RDUL PHRAN BSAGS PA YIN PAS DANG, ,YAN LAG DU MA MA BSDUS PAS DANG, SKYE BA GNAS PA MI RTAG PA'I RJES SU BGROD PA'I PHYIR GZUGS NI MI RTAG PA'O ZHES NGES PAS BSAM PAR BYA'O, ,TSOR BA YANG MA BYUNG BA SKYE BAS DANG, GSUM NYID NYE BAR DMIGS PAS DANG, GCIG NYAMS SU MYONG BA DANG, GZUGS LA SOGS PA THA DAD PA DANG, SPYOD YUL DMIGS PA'I RNAM PAR RTOG PA'I DBANG GIS SKYE BAS DANG, 'GAG PA'I CHOS CAN NYID KYI PHYIR MI RTAG PA'O ZHES SPYAD PAR BYA'O, ,'DU SHES NI NYE BAR MTSON PA DKA' BAS TSOR BA'I RGYU'I DMIGS PA'I RNAM PAR KHYAD PAR 'DZIN PA NI NYE BAR MTSON PA'I PHYIR DANG, TSOR BA DANG GRUB BDE GCIG PA NYID KYIS SO, ,TSOR BA SKYE BA DANG 'JIG PA'I RJES SU 'BREL BA'I PHYIR MI RTAG PA'O ZHES BSGOM PAR BYA'O, ,DE NAS 'DU BYED NI SEMS KYI 'DU BYED SO SOR 'BREL PAS, SEMS KYI 'DU BYED SKYE BA DANG NYAMS PA'I RJES SU 'BREL PA DANG, SEMS KYI 'DU BYED NI TSOR BA DANG 'DU SHES SO, ,LHAG MA MTSUNGS PAR LDAN PA'I 'DU BYED RNAMS NI DE DAG DANG SO SOR 'BREL PA'I PHYIR, TSOR BA DANG 'DU SHES BZHIN DU MI RTAG PA'O ZHES BDE BAR SPYAD PAR BYA'O, ,DES NA RNAM PAR SHES PA NI TSOR BA DANG 'DU SHES DANG 'DU BYED RNAMS KYI SNGON DU YID 'GRO BAS GANG LAS YID GYUR PA DE LAS DE RNAMS SO, ,RNAM PAR SHES PA RTAG PA NA MI RTAG PA'I TSOR BA LA SOGS PA MI 'TSOGS PA NYID DO, ,DES NA RNAM PAR SHES PA DE YANG TSOR BA LA SOGS PA BZHIN DU MI RTAG PA'O ZHES MI BRTZON PAR SKYE'O, ,PHYIS NI RNAM PAR SHES PA MI RTAG PA'O ZHES BSAM @229A *, ,PAR BYA'O, ,DE LTAR DE RNAMS LA RE RE NAS MI RTAG PA NYID DO ZHES DGA' BA BYUNG BA NA, YANG GNYIS GNYIS MI RTAG PA NYID DO ZHES KYANG SGOM PAR BYED DO, ,'DI LTA STE, GZUGS NI TSOR BA DANG, GZUGS NI 'DU SHES DANG, GZUGS NI 'DU BYED DANG, GZUGS NI RNAM PAR SHES PA DANG, TSOR BA NI 'DU SHES DANG, TSOR BA NI 'DU BYED DANG, TSOR BA NI RNAM PAR SHES PA DANG, 'DU SHES NI 'DU BYED DANG, 'DU BYED NI RNAM PAR SHES PA DANG, 'DU BYED NI RNAM PAR SHES PA DANG MI RTAG PA NYID DO ZHES BSAM MO, ,YANG GSUM GSUM MI RTAG PAR BSAM MO 'DI LTA STE, GZUGS TSOR BA 'DU SHES DANG; GZUGS TSOR BA 'DU BYED DANG, GZUGS TSOR BA RNAM SHES DANG, GZUGS 'DU SHES 'DU BYED DANG, GZUGS 'DU SHES RNAM SHES DANG, GZUGS 'DU BYED RNAM SHES DANG, TSOR BA 'DU SHES 'DU BYED DANG, TSOR BA 'DU SHES RNAM SHES DANG, TSOR BA 'DU BYED RNAM SHES DANG, 'DU SHES 'DU BYED RNAM SHES SO, ,YANG BZHI BZHI MI RTAG PA NYID DU BSAM MO 'DI LTA STE, GZUGS TSOR BA 'DU SHES 'DU BYED DANG, GZUGS TSOR BA 'DU SHES RNAM SHES DANG, GZUGS TSOR BA 'DU BYED RNAM SHES DANG, GZUGS 'DU SHES 'DU BYED RNAM SHES DANG, TSOR BA 'DU SHES 'DU BYED RNAM SHES SO, ,YANG LNGA NI MI RTAG PA NYID DU BSAM MO, ,GZUGS TSOR BA 'DU SHES 'DU BYED RNAM PAR SHES PA RNAMS MI RTAG PA NYID DU BSAM PAR BYA'O, ,DE LTAR RNAL 'BYOR PA DE MI RTAG PA'I DON DGA' BA SKYE BAR 'GYUR BA NA, SO SOR THAMS CAD LA YANG BZOD PA SHES PAR BRJOD DO, ,GANG GI TSE PHUNG PO LNGA CHAR YANG DE RNAMS BSDUS TE MI RTAG PA'O ZHES DGA' BA 'BYUNG BA DE'I TSE SPYI NAS SDUG BSNGAL GYI BDEN PA LA DMIGS PA'I BZOD PAR RIG PAR BYA'O, ,SO SOR BZOD PA NAS PYI'I ? BZOD PAR 'PHO BA NA BCOS PA'I 'GRON BU DANG, RKU BA KHAN TE DANG SRIN BU'I BUG PA DANG RKAN NAG PO'I DPE BRJOD PAR BYA'O, ,DE LTAR SDUG BSNGAL NI MI RTAG PAR NGES PA NA, PHYIS SDUG BSNGAL 'DI GANG LAS 'BYUNG ZHES RNAM PAR DPYAD PAR BYA'O, ,DE NYID KYIS NA PHUNG PO LNGA LAS SDUG BSNGAL 'BYUNG BA'O ZHES NGES PA RNYED NAS, KUN 'BYUNG LA SO SO DANG SPYI NAS BZOD PA BSGOM PAR BYA'O, ,'DI LA YANG SUM CU RTZA GCIG SBYAR BAR BYA'O, , @229B DANG PO RE ZHIG GZUGS NI SDUG BSNGAL GYI RGYU'O ZHES BSAM PAR BYA'O, ,GANG LAS 'BYUNG BA CHEN PO'I RDUL PHRAN RNAMS NI PHAN TSUN RGYU NYID DO, ,DE BZHIN DU NANG GI SKYE BA LA SOGS PA'I BDUN GYI RGYU'O, ,'DI LTA STE, GZUGS NI SKYE BA DANG, GNAS PA DANG MI RTAG PA DANG YANG DAG PAR 'TSOGS PA DANG, RGA BA DANG LOG PA'I RNAM GROL DANG NGES PAR 'BYIN PA MA YIN PA RNAMS KYI RGYU'O, ,LOG PA'I RNAM GROL DANG NGES PAR 'BYIN PA MA YIN PA SPANGS TE, GZHAN LNGA PO RNAMS NYID KYI RNAM PAR SMIN PAS MTSUNGS PAR LDAN PA'I TSUL KHRIMS RNAMS KYI'O, ,TSOR BA LA SOGS PA YANG GANG GI RGYU YIN PA'I CHOS DE CI RIGS PAR RTOGS PAR BYA'O, ,'DI LTA STE, TSOR BA SDUG BSNGAL GYI RGYU'O, ,'DU BYED SDUG BSNGAL GYI RGYU'O, ,RNAM PAR SHES PA SDUG BSNGAL GYI RGYU'O, ,DE BZHIN DU LNGA PO RNAMS RE RE NAS RGYU NYID DU DGA' BAR GYUR PA NA, YANG GNYIS GNYIS KYANG RGYU NYID DU DPYAD PAR BYA'O, ,'DI LTA STE, GZUGS TSOR BA NI MI RTAG PA'I RGYU'O, ,DE BZHIN DU GZUGS 'DU SHES DANG, GZUGS 'DU BYED DANG, GZUGS RNAM SHES DANG, TSOR BA 'DU SHES DANG, TSOR BA 'DU BYED DANG, TSOR BA RNAM SHES DANG, 'DU SHES 'DU BYED DANG, 'DU SHES RNAM SHES DANG, 'DU BYED RNAM SHES DANG, ,RGYU YIN NO BSAM PAR BYA'O, ,GZHAN YANG GSUM YANG NGO, ,'DI LTA STE, TSOR BA 'DU SHES DANG, GZUGS TSOR BA 'DU SHES DANG, GZUGS TSOR BA RNAM SHES DANG, GZUGS 'DU SHES 'DU BYED DANG, GZUGS 'DU SHES RNAM SHES DANG, GZUGS 'DU BYED RNAM SHES DANG, TSOR BA 'DU SHES 'DU BYED DANG, TSOR BA 'DU SHES RNAM SHES DANG, TSOR BA 'DU BYED RNAM SHES DANG, 'DU SHES 'DU BYED RNAM SHES DANG, YANG BZHI BZHI YANG NGO, ,'DI LTA STE, GZUGS TSOR BA 'DU SHES 'DU BYED DANG, GZUGS TSOR BA 'DU SHES RNAM SHES DANG, GZUGS TSOR BA 'DU BYED RNAM SHES DANG, GZUGS 'DU SHES 'DU BYED RNAM SHES DANG, TSOR BA 'DU SHES 'DU BYED RNAM SHES DANG, RGYU NYID DU BSAM MO, ,DE BZHIN DU DE LA RGYU'I DON DU SRED PA SKYE BAR 'GYUR PA NA, SO SOR BZOD PA ZHES BRJOD DO, ,GANG GI TSE PHUNG PO LNGA CHAR YANG BSDUS TE SDUG BSNGAL GYI RGYU'I ZHES SRED PA DE'I TSE KUN 'BYUNG BDEN PA LA DMIGS PA'I SPYI @230A *, ,NAS BZOD PAR RIG PAR BYA'O, ,DE'I RJES SU GZUGS KYI PHUNG PO'I MI 'JUG PA DANG, GZUGS KYI PHUNG PO'I MI SKYE BA DANG, GZUGS KYI PHUNG PO'I 'GOG PA NI MYA NGAN LA 'DAS PA RTAG PA NYID DU BSAM MO, ,DE KHO NA BZHIN DU TSOR BA'I 'GOG PA DANG, 'DU SHES KYI 'GOG PA DANG, 'DU BYED KYI 'GOG PA DANG, RNAM PAR SHES PA'I 'GOG PA DANG, YANG GNYIS GNYIS TE, 'DI LTA STE, GZUGS TSOR BA'I 'GOG PA DANG, GZUGS 'DU SHES 'GOG PA DANG, GZUGS 'DU BYED 'GOG PA DANG, GZUGS RNAM SHES 'GOG PA DANG, TSOR BA 'DU SHES KYI 'GOG PA DANG, TSOR BA 'DU BYED PHUNG PO'I 'GOG PA DANG, TSOR BA RNAM SHES 'GOG PA DANG, 'DU SHES 'DU BYED PHUNG PO'I 'GOG PA DANG, 'DU SHES RNAM SHES DAG GI 'GOG PA DANG, 'DU BYED RNAM SHES KYI 'GOG PA RTAG PA ZHES BSAM MO, ,YANG GSUM GSUM MO YANG NGO, ,'DI LTA STE, GZUGS TSOR BA 'DU SHES 'GOG PA DANG, GZUGS TSOR BA 'DU BYED 'GOG PA DANG, GZUGS TSOR BA RNAM SHES 'GOG PA DANG, GZUGS 'DU SHES 'DU BYED 'GOG PA DANG, GZUGS 'DU SHES RNAM SHES 'GOG PA DANG, GZUGS 'DU BYED RNAM SHES 'GOG PA DANG, TSOR BA 'DU SHES 'DU BYED 'GOG PA DANG, TSOR BA 'DU SHES RNAM SHES 'GOG PA DANG, TSOR BA 'DU BYED RNAM SHES 'GOG PA DANG, 'DU SHES 'DU BYED RNAM SHES 'GOG PA DANG, YANG BZHI BZHI STE, 'DI LTA STE, GZUGS TSOR BA 'DU SHES 'DU BYED 'GOG PA DANG, GZUGS TSOR BA 'DU SHES RNAM SHES 'GOG PA DANG, GZUGS TSOR BA 'DU BYED RNAM SHES 'GOG PA DANG, GZUGS 'DU SHES 'DU BYED RNAM SHES 'GOG PA DANG, TSOR BA 'DU SHES 'DU BYED RNAM SHES 'GOG PA DANG, MYA NGAN LAS 'DAS PA MI RTAG PA ZHES BSAM MO, ,DE RNAMS KYI 'GOG PA RTAG PA ZHES SRED PA SKYE BAR GYUR PA NA, SO SOR THAMS CAD LA YANG BZOD PA ZHES BRJOD DO, ,GANG GI TSE GZUGS LA SOGS PA'I PHUNG PO LNGA CHAR YANG 'GOG PA 'DI NI MI RTAG PA ZHES SRED PA BYUNG BA DE'I TSE SDOM PA'I 'GOG PA'I BDEN PA DMIGS PA'I BZOD PA ZHES BRJOD DO, ,LAM LA BCO LNGA SBYAR BAR BYA'O, ,LAM NI PHUNG PO BZHI'I NGO BO STE, GANG LAS GZUGS NI NGES @230B PAR 'BYIN PA MA YIN ZHING ZAG PA MED PA YANG MA YIN NO, ,DES NA LAM NI TSOR BA LA SOGS PA PHUNG PO BZHIS BCO LNGAR 'GYUR RO 'DI LTA STE, TSOR BA NI SDUG BSNGAL 'GOG PAR 'GRO BA'I LAM MO ZHES BSAM MO, ,DE BZHIN DU 'DU SHES DANG, 'DU BYED DANG, RNAM PAR SHES PA DANG, DE LTAR RE RE NAS LAM NYID DU SRED PA 'BYUNG BA NA YANG GNYIS GNYIS YANG NGO, ,'DI LTA STE, TSOR BA 'DU SHES SDUG BSNGAL 'GOG PAR 'GRO BA'I LAM ZHES BSAM MO, ,DE BZHIN DU TSOR BA 'DU BYED DANG, TSOR BA RNAM SHES DANG, 'DU SHES 'DU BYED DANG, 'DU SHES RNAM SHES DANG, 'DU BYED RNAM SHES DANG; YANG GSUM GSUM YANG STE, 'DI LTA STE, TSOR BA 'DU SHES 'DU BYED DANG, TSOR BA 'DU SHES RNAM SHES DANG, TSOR BA 'DU BYED RNAM SHES DANG, 'DU SHES 'DU BYED RNAM SHES DANG, SDUG BSNGAL 'GOG PAR 'GRO BA'I LAM MO ZHES BSAM MO, ,DE BZHIN DU DE LA SRED PA 'BYUNG BA NA, LAM GYI BDEN PA THAMS CAD LA YANG DMIGS PA SO SOR BZOD PA ZHES BRJOD DO, ,GANG GI TSE TSOR BA LA SOGS PA'I PHUNG PO BZHI CHAR YANG SDUG BSNGAL 'GOG PAR 'GRO BA'I LAM MO ZHES SRED PA DE'I TSE LAM GYI BDEN PA DMIGS PA BSDOMS PA'I BZOD PA ZHES BRJOD DO, ,GANG GI TSE GZUGS 'GOG PAR 'GRO BA NGES PAR 'BYIN PA'I LAM MO ZHES 'DOD NA, TSOR BA 'GOG PAR 'GRO BA'O, ,'DU SHES 'GOG PAR 'GRO BA'O, ,'DU BYED 'GOG PAR 'GRO BA'O, ,RNAM SHES 'GOG PAR 'GRO BA'I LAM MO ZHES BSAM MO, ,DE BZHIN DU RE RE NAS SDUG BSNGAL 'GOG PA BGROD PA'I LAM NYID DU SRED NAS, YANG GNYIS GNYIS SO, ,'DI LTA STE, GZUGS TSOR BA SDUG BSNGAL 'GOG PAR 'GRO BA'I LAM MO ZHES BSAM MO, ,GZUGS 'DU SHES 'GOG PAR 'GRO BA'O, ,GZUGS 'DU BYED 'GOG PAR 'GRO BA'O, ,GZUGS RNAM SHES 'GOG PA BGROD PA'O, ,TSOR BA 'DU SHES 'GOG PA 'GROD PA'O, ,TSOR BA 'DU BYED 'GOG PA BGROD PA'O, ,TSOR BA RNAM SHES 'GOG PA BGROD PA'O, ,'DU SHES 'DU BYED 'GOG PA BGROD PA'O, ,'DU SHES RNAM SHES 'GOG PA BGROD PA'O, ,'DU BYED RNAM SHES 'GOG PA BGROD PA'I LAM MO ZHES BSAM MO, ,YANG GSUM STE, @231A *, ,'DI LTA STE, GZUGS TSOR BA 'DU SHES 'GOG PA BGROD PA'I LAM MO ZHES BSAM MO, ,GZUGS TSOR BA 'DU BYED 'GOG PA BGROD PA'O, ,GZUGS TSOR BA RNAM SHES 'GOG PA BGROD PA'O, ,GZUGS 'DU SHES 'DU BYED 'GOG PA BGROD PA'O, ,GZUGS 'DU SHES RNAM SHES 'GOG PA BGROD PA'O, ,GZUGS 'DU BYED RNAM SHES 'GOG PA BGROD PA'O, ,TSOR BA 'DU SHES 'DU BYED 'GOG PA BGROD PA'O, ,TSOR BA 'DU SHES RNAM SHES 'GOG PA BGROD PA'O, ,TSOR BA 'DU BYED RNAM SHES 'GOG PA BGROD PA'O, ,'DU SHES 'DU BYED RNAM SHES 'GOG PA BGROD PA'I LAM MO ZHES BSAM MO, ,YANG BZHI BZHI STE, 'DI LTA STE, GZUGS TSOR BA 'DU SHES 'DU BYED 'GOG PA BGROD PA'I LAM MO ZHES BSAM MO, ,GZUGS TSOR BA 'DU SHES RNAM SHES 'GOG PA BGROD PA'I LAM DANG, GZUGS TSOR BA 'DU BYED RNAM SHES 'GOG PA BGROD PA'I LAM MO, ,GZUGS 'DU SHES 'DU BYED RNAM SHES 'GOG PA BGROD PA'O, ,TSOR BA 'DU SHES 'DU BYED RNAM SHES 'GOG PA BGROD PA'I LAM NGES PAR 'BYIN PA'O ZHES BSAM MO, ,DE BZHIN DU RNAL 'BYOR PA NGES PAR 'BYIN PA'I DON LA SRED PA SKYE BA DE'I TSE LAM GYI BDEN PA LA DMIGS PA SO SOR BZOD PA ZHES BRJOD DO, , GANG GI TSE BSDUS NAS PHUNG PO LA 'GOG PA BGROD PA'I LAM NGES PAR 'BYIN PA ZHES SRED PA 'BYUNG BA DE'I TSE LAM GYI BDEN PA DMIGS PA BSDUS PA'I BZOD PAR 'GYUR BA YIN NO ZHES PA NI SUM CU RTZA GCIG SBYAR BAR BYA'O, ,'DIR GROL BA 'DOD PAS BZOD PA RNAM PA BZHI RNAMS 'DI NI RNAM PA'I DBYE BA GNYIS KYIS BSGOM PAR BYA'O, ,'DI LTA STE, CHOS SHES PA'I RNAM PA DANG, RJES SU SHES PA'I RNAM PA'O, ,DE LA 'DOD PAS BSDUS PA'I GZUGS MI RTAG ZHES PA NI CHOS SHES PA'I RNAM PA'O, ,GZUGS NA SPYOD PA'I GZUGS MI RTAG ZHES PA NI RJES SU SHES PA'I RNAM PA'O, ,DE BZHIN DU PHUNG PO LHAG MA LA SO SO DANG SPYI NAS SNGON BZHIN DU SBYAR BAR BYA'O, ,DE BZHIN DU KUN 'BYUNG LA SOGS PA LA CI RIGS PAR SNGON BZHIN DU SBYAR BAR BYA'O, ,CI'I DON DU BZOD PA RNAM PA GNYIS BSGOM PAR BYA ZHE NA, BRJOD DE, GANG LAS BSDUS SAM SHES PA RNAM PA GNYIS KYIS BDEN PA MNGON PAR RTOGS PA'O, , @231B DES NA BDEN PA RNAMS KYI RJES SU MTHUN PAR BYA BA'I DON DU BZOD PA RNAM PA GNYIS KYANG BSGOM PAR BYA'O, ,'O NA BSDUS NAS BZOD PA BSGOM PA'I RTAGS CI ZHE NA, BRJOD DE, BZOD PA RNAM PA BZHI SNGOM ? PA'I RTAGS DE NI, 'DI LTA STE, PHUNG PO NI MI RTAG PA'O ZHES SRED PA DANG, PHUNG PO NI SDUG BSNGAL GYI RGYU'O ZHES SRED PA DANG, SDUG BSNGAL 'GOG PA NI RTAG PA'O ZHES SRED PA DANG, SDUG BSNGAL 'GOG PA BGROD PA'I LAM NI MA NGES PAR 'BYIN PA'O ZHES DREGS PA'O, ,YANG, DE LTAR GOMS PA'I RNAL 'BYOR PA, ,BZOD PA'I SPYAD PA LEGS GOMS PAS, ,KUN NAS SKYO DANG BRTZON PA DANG, , 'KHOR LO BZHI DANG YANG DAG LDAN, ,DUS GSUM LA NI MKHAS PA DANG, ,SGRIB PA THAMS CAD NI GROL ZHING, ,BDAG GI TSOGS RNAMS SOGS PA DANG, ,RTAG TU DAM PA BYED LDAN DANG, ,MCHOG TU NGES PAR 'BYUNG 'DOD PA'I, ,GSAL BA'I BZOD PA SKYE BAR 'GYUR, ,'DUS BYAS THAMS CAD MI RTAG ZHES, ,SDUG BSNGAL RNAM PAR GZHIL BA YI, ,BDEN PA MNGON RTOGS MNGON DU BYED, ,ZHES GSUNGS SO, ,DE RNAMS KYI DON NI 'DI YIN TE, BZOD PA'I SPYAD PA LEGS GOMS PAS, ,ZHES PA NI, GANG GIS BZOD PA'I DON DU SHIN TU GOMS PAR GYUR PA DE LA, KUN DU SKYO BA ZHES PA NI, ,GANG LA YANG DAG PAR SKYO BA YOD PA STE, MGO'I THOD LA ME 'BAR BA BZHIN NO, ,BRTZON PA NI KHUR MA BOR BA'O, ,'KHOR LO BZHI ZHES PA NI, 'KHOR LO CHEN PO BZHI STE, 'DI LTAR, MTHUN PA'I YUL DU GNAS PA DANG, ,SKYES BU DAM PA LA BRTEN PA DANG, BDAG GI SMON LAM YANG DAG PA DANG, SNGON BSOD NAMS BYAS PA DE DANG YANG DAG PAR LDAN PA'O, ,DUS GSUM LA NI MKHAS PA ZHES PA NI, ,DUS GSUM NI 'DI LTA STE, ZHI GNAS KYI DUS DANG, RAB TU BSLAB PA'I DUS DANG, BTANG SNYOMS KYI DUS SO, ,YANG NA SNYOMS PAR 'JUG PA'I DUS DANG, SNYOMS PAR 'JUG PA'I GNAS PA'I DUS DANG, SNYOMS PAR 'JUG PA LAS LDANG BA'I DUS SO, ,GSUM PO LA MKHAS PA'O, ,SGRIB PA THAMS CAD NI GREL ZHES PA NI, BDEN PA MTHONG ? BA'I SGRIB PA NI BZHI STE, 'DI LTA STE, LAS KYI SGRIB PA DANG, NYON MONGS PA'I SGRIB PA DANG, RNAM PAR SMIN PA'I SGRIB PA DANG, 'GRO BA'I SGRIB PA'O, ,DE LAS GROL BA'O, ,BDAG @232A *, ,GI TSOGS NI 'TSOGS PA DANG, ,ZHES PA NI, TSOGS NI GNYIS TE 'DI LTA STE, ,BSOD NAMS KYI TSOGS DANG, YE SHES KYI TSOGS SO, ,DE LA BSOD NAMS KYI TSOGS NI, SBYIN PA TSUL KHRIMS BSGOMS PA'I RANG BZHIN GYI YON TAN NO, ,YE SHES KYI TSOGS NI THOS BSAM BSGOMS PA'I RANG BZHIN GYI YON TAN DANG, SNGON GYI LAS KYI RNAM PAR SMIN PA LAS SKYES PA'I YE SHES TE, DE'I RANG BZHIN GYI YON TAN NO, ,YANG TSOGS LA RNAM PA GNYIS NI 'DI LTA STE, TSUL KHRIMS RNAM PAR DAG PA'I TSOGS DANG, LTA BA RNAM PAR DAG PA'I TSOGS SO, ,DE LA GZHAN LA NYE BAR MI GNOD PA'I MTSAN NYID DANG, GZHAN RJES SU 'DZIN PA'I MTSAN NYID KYI TSUL KHRIMS SO, ,DE BDAG BDEN PA DANG SPONG BA RNAM PAR DAG PA YIS, ,GANG ZHIG RNAM PAR DAG PA 'DI NI TSUL KHRIMS RNAM PAR DAG PA'O, ,NYE BAR ZHI BA DANG SHES RAB DAG GIS LTA BA RNAM PAR DAG PA'O, ,SHES RAB MED LA BSAM GTAN MED, ,BSAM GTAN MED NA SHES RAB MIN, ,ZHES GSUNGS PA'I PHYIR RO, ,DE NYID KYI PHYIR PHYOGS DE NI BYIN RLABS RNAM PA BZHIR RNAM PAR GZHAG STE, 'DI LTAR, TSUL KHRIMS RANG BZHIN YON TAN NI BDEN PA'I BYIN RLABS SO, ,SBYAN PA'I RANG BZHIN YON TAN NI SPONG BA'I BYIN RLABS SO, , TING NGE 'DZIN THAMS CAD KYI RANG BZHIN YON TAN NI NYE BAR ZHI BA'I BYIN RLABS SO, ,THAMS CAD SHES PA'I RANG BZHIN YON TAN NI SHES RAB KYI BYIN RLABS SO, ,TSOGS DE RNAMS DMAN PAS NYAN THOS KYI BYANG CHUB PO, ,'BRING GIS RANG RGYAL GYI BYANG CHUB PA'O, ,KHYAD PAR DU 'PHAGS PAS BLA NA MED PA YANG DAG PAR RDZOGS PA'I BYANG CHUB 'GRUB PAR BYED DO, ,RTAG TU DAM PAR BYED PA DANG, ,MCHOG TU NGES 'BYUNG TSOR BA'O, ,ZHES PA NI, RNAM PAR CHAD PA MED PAR NGES 'BYUNG TSOL BA DANG, GUS PAS NGES 'BYUNG TSOL BA DANG, MCHOG TU ZHES PA NI GONG DU 'PHAGS PA'I NGES 'BYUNG TSOL BA'O ZHES RIM PA BZHIN DU SBYAR BAR BYA'O, ,GSAL BA ZHES PA NI BDEN PA'I RANG BZHIN RTOGS PAR RNO BA'O, ,BDEN PA MNGON RTOGS MNGON DU BYED, ,CES PA NI, BDEN PA'I MNGON PAR RTOGS PA NI SO SOR NGES PA'O, ,CI LTAR NGES SHE NA, BRJOD DE, 'DUS BYAS THAMS CAD MI RTAG ZHES PA DANG, ,SDUG BSNGAL RNAM PAR @232B GZHEL PA ZHES SMOS TE, SDUG BSNGAL LAS YANG DAG PAR 'DON PA STE SDUG BSNGAL GYI RNAM PAR ZHES PA'I DON TO, ,'DIR BZOD PA DPYAD PA NGES PAR BYED PA KUN DU SPYOD PA 'JUG NA 'DU SHES GSUM STE, 'DI LTA STE, DNGOS PO'I 'DU SHES DANG, SKYE BA'I 'DU SHES DANG, 'GOG PA'I 'DU SHES SO, , SDUG BSNGAL YANG DAG PAR GZHIL BA'I BZOD PA LA NI 'GAG PA'I 'DU SHES GSAL BA'O, ,CIG SHOS 'DU SHES GNYIS NI ZHAN PA'O, ,MING GI 'DU SHES LA NI SKYE BA'I 'DU SHES NI MED DE, 'GAG PA'I 'DU SHES KHO NA'O, ,'GAG PA NI DNGOS PO LA BRTEN PA'I PHYIR DNGOS PO 'DU SHES NI RJES SU 'JUG PA'O; ,DE BZHIN DU MTSAN MA'I 'DU SHES LA SOGS PA'O, ,DE LTAR DE'I SDUG BSNGAL YANG DAG PAR GZHIL BA'I BZOD PA DE DAG BSGOMS PA NA, ZHI GNAS DANG GZENGS BSTOD PA DANG BTANG SNYOMS KYI DUS LA MKHAS PA CHES MANG DU 'GYUR TE, DE YANG, SEMS RGOD PA NA MI RGOD PAR BYA BA'I CHED DU 'DI NI ZHI BAR GNAS PA'I DUS SO ZHES SHES PAR BYA STE, RGOD PA NYE BAR ZHI BA'I DON DU SHIN TU SBYANGS PA DANG TING NGE 'DZIN BSGOM PAR BYA'O, ,SEMS BYING BAR GYUR PA'AM SOM NYIR GYUR PA NA, 'DI NI RAB TU GZENGS BSTOD PA'I DUS SO ZHES SHES PAR BYA STE, SEMS GZENGS BSTOD PA'I DON DU CHOS RNAM PAR 'BYED PA DANG BRTZON 'GRUS DANG DGA' BA BSGOM PAR BYA'O, ,SEMS MNYAM PA NYID THOB PA NA ZUNG 'JUG GI RGYU BA RTAG TU BSGOMS PAS GNYI GA RENGS PAR GYUR PA NA, 'DI NI BTANG SNYOMS KYI DUS SO ZHES SHES PAR BYA STE, BTANG SNYOMS BSGOM PAR BYA'O, ,DE LAS PHYOGS GNYI GA RTZOL BA MED CING MYUR BAR DMIGS PA MNGON DU 'GYUR BA DANG RAB TU DANG BAR 'GYUR RO, ,DRAN PA NI DUS THAMS CAD DU BSNGOM ? PAR BYA'O, ,DE BZHIN DU BZOD PA SPYAD PA 'DI RDZOGS PAS DGE BA'I RTZA BA NYE BAR BSTAN PA PHAN PA'I SEMS KYI RGYUD LA, SDUG BSNGAL LA CHOS SHES PA BSKYED PA'I DON DU DBANG PO GSAL LAM SPYOD YUL GYI SHUGS LAS SDUG BSNGAL LA YID YANG DAG PAR DKRIS TE, DUS GSUM PA'I YANG 'DOD PA'I KHAMS MI RTAG PA'O ZHES 'JOG PA'O, ,DE LTAR SGOM PAR BYED PA NA, GANG GI TSE YI GE GCIG NYID KYIS 'DOD PA'I KHAMS MI RTAG PA NYID DU 'DZIN PA STE, TSIGS BCAD LEGS PAR @233A *, ,GOMS PA'I RIGS PA'O, ,SPYOD YUL DE LA 'DU SHES GANG YIN PA DE NI MING GI 'DU SHES ZHES BSHAD DO, ,MING GI 'DU SHES LAS PHA ROL YI GE MED PAR 'DOD PA'I KHAMS MI RTAG PA NYID RJOD PAR BYED PA'I MTSAN MA KUN DU SKYES PA GANG YIN PA'I 'DU SHES DE NI MTSAN MA'I 'DU SHES ZHES BSHAD DO, ,DE YANG DMAN PA LA SOGS PA'I DBYE BAS GSUM DU 'GYUR RO, ,'DI LTA STE, DMAN PA'I MTSAN MA'I 'DU SHES DANG, 'BRING DANG KHYAD PAR CAN GYI MTSAN MA'I 'DU SHES SO, ,YANG SO SOR DMAN PA'I DMAN PA LA SOGS PA'I DBYE BAS PHYE BAS MTSAN MA'I 'DU SHES NI DBYE BA DGU'O, ,DMAN PA'I DMAN PA MTSAN MA'I 'DU SHES DANG, DMAN PA'I 'BRING PO DANG, DMAN PA'I KHYAD PAR CAN DANG, 'BRING GI DMAN PA DANG, 'BRING GI 'BRING DANG, 'BRING GI KHYAD PAR CAN DANG, KHYAD PAR CAN DMAN PA DANG, KHYAD PAR CAN 'BRING DANG, KHYAD PAR CAN GYI KHYAD PAR CAN NO, ,'DIR, 'DI LA GNAS PA'I RNAL 'BYOR PA NI, DANG PO GSUM LAS DANG, 'BRING PO GSUM LAS BRGYA LAM NA NYAMS PA YANG NGO, ,PHYI MA 'DU SHES RNAM PA GSUM NI YANG NGES PAR MI G-YO BA'O, ,DES NI NYAMS PAR MI 'GYUR RO, ,KHYAD PAR CAN KHYAD PAR CAN GYI 'DU SHES NI ZAG PA DANG BCAS PA'I CHOS MCHOG GO, CHOS MCHOG DE'I RJES SU 'GRO BA NI SGOM PA'I RANG BZHIN MTSUNGS PAR LDAN PA DANG MI LDAN PA'O, ,DE YANG MTSUNGS LDAN NI DGE BA'I RTZA BA LA SOGS PA'O, ,'O NA GANG GI PHYIR 'DI LA CHOS MCHOG CES BRJOD CE NA, BRJOD DE, GANG LAS DE ZAG PA DANG BCAS PA THAMS CAD KYI NANG NA 'DI NI SNYING POR GYUR PA STE, MAR GYI NYID KHU BZHIN NO, ,DES NA DE'I PHYIR CHOS MCHOG CES BRJOD DO, ,'DIR YANG MNGON PAR RTOGS PA'I NYE BAR SPYOD PA LA BCU GNYIS PA GSUM STE SUM CU RTZA DRUG TU BSHAD DO, ,'DI LTA STE, 'DOD PA LA CHAGS BRAL MIN PAR GYUR PA'I 'DOD PAS BSDUS PA'I BZOD PA DANG, 'DOD PAS BSDUS PA'I MING GI 'DU SHES DANG, 'DOD PAS BSDUS PA'I MTSAN MA'I 'DU SHES DANG, CHOS MCHOG GO, ,'DOD PA LA CHAGS BRAL MIN PAR GYUR PA'I GZUGS KYIS BSDUS PA'I BZOD PA DANG, MING GI 'DU SHES DANG, MTSAN MA'I 'DU SHES DANG, CHOS MCHOG GO, ,'DOD PA LA CHAGS BRAL @233B MIN PAR GYUR PA'I GZUGS MED PAS BSDUS PA'I BZOD PA DANG, MING GI 'DU SHES DANG, MTSAN MA'I 'DU SHES DANG, CHOS MCHOG GO ZHES PA STE BCU GNYIS SU 'GYUR RO, ,DE BZHIN DU 'DOD PA LA 'DOD CHAGS DANG BRAL BA'I BCU GNYIS SO, ,'DI NI BCU GNYIS PA GSUM NI, SUM CU RTZA DRUG TU 'GYUR ZHES CI RIGS PAR BRJOD PAR BYA'O, ,'O NA DE LTAR MNGON PAR RTOGS PA'I NYE BAR SPYOD PA YONGS SU SBYANGS PA'I RNAL 'BYOR LA, SO SO'I SKYE BO THAMS CAD KYI SPYI BOR GNAS PA NYID DO, ,'DI LAS PHAN CHAD DU CI 'BYUNG ZHE NA BRJOD DE, CHOS MCHOG DE LAS PAR MED PAR RNAL 'BYOR PAS YANG, BDEN PA RNAMS RJES SU MTHUN PAR BYED PA LAS, 'DOD PAS BSDUS PA'I SDUG BSNGAL LA CHOS SHES PA ZAG PA MED PA SKYE BAR 'GYUR RO, ,DE LA CHOS NI CHOS NYID KHO NA STE, DE LAS SKYE ZHING SEMS PA LAS MA YIN PAS, DE LAS CHOS SHES PA SKYE'O, ,CHOS NI SDUG BSNGAL BDEN PA STE, DE NI DANG PO NYID DU SHES PA NI CHOS SHES PA'AM, CHOS TE 'PHAGS PA'I BDEN PA BZHI'O, ,GANG DE RNAMS DANG PO'I NYID DU 'DOD PA'I KHAMS MI RTAG PA'O ZHES PA ZAG PA MANG PA'I SHES PA DE NI CHOS SHES PA'O, ,SDUG BSNGAL LA CHOS SHES PA YANG DAG PAR RDZOGS TE GNAS PA'I RNAL 'BYOR PA DE NI, SO SO SKYE BO NYID 'GAG CING, ,DE 'GAGS PA LAS, RGYU 'PHAGS PA BRGYAD KYI DANG POR GYUR PAS BRGYAD PA ZHES BRJOD DE, RGYUN DU ZHUGS PA'I 'BRAS BU'I CHED DU ZHUGS PA'O, ,SDUG BSNGAL LA CHOS SHES PA'I YANG DAG PAR THOB PA NA, 'KHOR BA'I RGYU 'DOD PA NA SPYOD PA'I SDUG BSNGAL GYIS BSDUS PA BAG LA NYAL NYON MONGS PA BCU SPONG BA STE, 'DI LTAR, 'DOD CHAGS DANG, KHONG KHRO DANG, NGA RGYAL DANG, MA RIG PA DANG, LOG PAR LTA BA DANG, 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS BRTUL MCHOG TU 'DZIN PA DANG; THE TSOM MO, ,BAG LA NYAL MA YIN PA NYI SHU ZAD PAR GYUR TE, 'DI LTAR, MA DAD PA DANG, NGO TSA MED PA DANG, SGYU DANG, G-YO DANG, MI BRTAN PA DANG, RGOD PA DANG, BAG MED PA DANG, DREGS PA DANG, KHREL MED PA DANG, SHIN TU 'DZIN PA DANG, 'CHAB PA DANG, RMUGS PA DANG, PHYING BA DANG, LE LO DANG, @234A *, ,GNYID DANG, PHRAG DOG DANG, 'GYOD PA DANG, SER SNA DANG, MI BZOD PA DANG, 'KHON DU 'DZIN PA STE, DE NYON MONGS PA DE RNAMS RAB TU SPONG BAR 'GYUR RO, ,SDUG BSNGAL LA CHOS SHES PA DE MA THAG TU RJES SU SHES PA SKYE BA'I DON DU SDUG BSNGAL LA SO SOR RTOG PA'I SHES PA SKYE'O, ,CI LTAR ZHE NA, DE DAG BZHIN DU 'DIS DE BZHIN DU LHAG MA'O ZHES PA MED PAR SKYE BA NI MA YIN NO, ,DES NA RJES SU SHES PA 'GRUB PA'I DON DU, SO SOR RTOG PA'I SHES PA SKYE'O, ,DE YANG SPANGS PA LA LTA BAS NYON MONGS PA 'JIG BYED NI MA YIN PA'O, ,SO SOR RTOG PA'I SHES PA'I BAR MED PAR SDUG BSNGAL LA RJES SU SHES PA SKYE BA'O, ,DE SKYES PA NA, BAG LA NYAL DE NYID LA KHONG KHRO SPANGS PA'I GZUGS KYIS BSDUS PA DGU DANG, BAG LA NYAL MA YIN PA BCU GCIG SPONG NGO, ,'DI LTA STE, MA DAD PA DANG, NGO TSA MED PA DANG, SGYU DANG, G-YO DANG, MI BRTAN PA DANG, RGOD PA DANG; BAG MED PA DANG, DREGS PA DANG, KHREL MED PA DANG, SHIN TU 'DZIN PA DANG, 'CHAB PA'O, ,DE DANG 'DI STE NYON MONGS PA NYI SHUR 'GYUR RO, ,GZUGS MED PAS BSDUS PA BAG LA NYAL DGU PO DE GNYIS, BAG LA NYAL MIN BRGYAD DE 'DI LTAR, MA DAD PA LA SOGS PA DE NYID DO, ,DENG ? 'DI STE NYON MONGS BCU BDUN SPONG NGO, ,DE LTAR SDUG BSNGAL LA SHES PA GSUM PO 'DI SKYE'O, ,DES NA KHAMS GSUM GYI NYON MONGS PA DRUG CU RTZA BDUN RAB TU SPONG NGO, ,GZHAN BDEN PA GSUM LA SO SOR SHES PA GSUM GSUM SKYE'O, ,DE'I RJES SU KUN 'BYUNG LA CHOS SHES PA YANG DAG GRUB PA NA; LUS LA DAM PA DANG, MTHAR 'DZIN PA DANG, TSUL KHRIMS BRTUL MCHOG TU 'DZIN PA SPANGS PA'I 'DOD PAS BSDUS PA'I BAG LA NYAL BDUN PO DE NYID DANG, BAG LA NYAL MIN MA DAD PA LA SOGS PA NYI SHU STE NYON MONGS PA NYI SHU BDUN PO DE RNAMS RAB TU SPONG NGO, ,DE'I RJES SU KUN 'BYUNG LA RJES SU SHES PA SKYES PA NA, LUS DAM PA, MTHAR 'DZIN TSUL KHRIMS BRTUL MCHOG 'DZIN ZHE SDANG SPANGS PA BAG LA NYAL DRUG DANG, BAG LA NYAL MIN BCU GCIG ZAD DE, 'DI LTAR, MA DAD PA, NGO TSA MED PA, SGYU DANG, G-YO DANG, MI BRTAN PA DANG, RGOD PA DANG, BAG MED PA DANG, DREGS @234B PA DANG, KHREL MED PA DANG, SHIN TU 'DZIN PA DANG, 'CHAB PA'O, ,GZUGS MED PAS BSDUS PA BAG LA NYAL DRUG PO DE NYID DANG, BAG LA NYAL MIN BRGYAD DE, 'DI LTAR, MA DAD PA, NGO TSA MED PA, SGYU G-YO, MI BRTAN PA, RGOD PA, BAG MED, DREGS PA STE, NYON MONGS PA BCU BZHI PO RNAMS RAB TU SPONG NGO, ,KUN 'BYUNG GI SHES PA THAMS CAD LA NYON MONGS PA LNGA BCU RTZA BRGYAD DU 'GYUR RO, ,DE'I RJES SU 'GOG PA'I SHES PA LA LNGA BCU RTZA BRGYAD DO, ,DE'I RJES SU LAM LA CHOS SHES PA YANG DAG THOB PA NA, DE NYID LA RANG LUS DAM PA, MTHAR 'DZIN LTA BA SPANGS PA, 'DOD PAS BSDUS PA'I BAG LA NYAL BRGYAD DANG, BAG LA NYAL MIN NYI SHU STE, NYON MONGS PA NYI SHU NYER BRGYAD RAB TU SPONG NGO, ,DE RJES SU LAM LA RJES SU SHES PA SKYES NA, DE NYID LA RANG LUS LA DAM PA DANG, MTHAR 'DZIN PAR LTA BA DANG, ZHE SDANG SPANGS PA GZUGS KYIS BSDUS PA'I BAG LA NYAL BDUN DANG, BAG LA NYAL MIN BCU GCIG PO DE NYID DO, ,DE DANG 'DI STE GZUGS MED PAS BSDUS PA BAG LA NYAL BDUN DANG BAG LA NYAL MIN MA DAD PA LA SOGS PA NAS BAG MED PA'I MTHAR THUG PA BRGYAD DO, ,DE 'DI STE, LAM GYI SHES PA LA NYON MONGS PA DRUG CU RTZA GCIG RAB TU SPONG NGO, ,DES NA SDUG BSNGAL CHOS SHES PA NAS BZUNG STE BGRANGS NA LAM LA RJES SU SHES PA BCU GNYIS PA YIN NO, ,SDUG BSNGAL LA CHOS SHES PA DANG, SDUG BSNGAL LA SO SOR RTOG PA'I SHES PA DANG, SDUG BSNGAL LA RJES SU SHES PA DANG, KUN 'BYUNG LA CHOS SHES PA DANG, KUN 'BYUNG LA SO SOR RTOG PA'I SHES PA DANG, KUN 'BYUNG LA RJES SU SHES PA DANG, 'GOG PA LA CHOS SHES PA DANG, 'GOG PA LA SO SOR RTOG PA'I SHES PA DANG, 'GAG PA LA RJES SU SHES PA DANG, LAM LA CHOS SHES PA DANG, LAM LA SO SOR RTOG PA'I SHES PA DANG, LAM LA RJES SU SHES PA'O, ,DE MA THAG DU BCU GSUM PA NI 'BRAS BU'I SEMS TE NYON MONGS PA 'JOMS BYED NI MA YIN NO, ,DES NA 'DOD PA LA 'DOD CHAGS DANG MA BRAL BA'I RNAL 'BYOR PA NGES PA LA ZHUGS PA RGYUN DU ZHUGS PA 'BRAS BU'I SEMS SU RNAM PAR GZHAG GO, ,'BRAS BU'I SEMS DE NYID NI, 'JIG RTEN PA'I LAM GYIS 'DOD @235A *, ,PA'I KHAMS LA CHAGS BRAL PHYED PA NGES PA LA ZHUGS PA LAN CIG PHYIR 'ONG BA'I 'BRAS BU SEMS SU RNAM PAR GZHAG GO, ,BCU GSUM PA'I SEMS DE NYID NI, 'JIG RTEN PA'I LAM GYIS 'DOD PA LA 'DOD CHAGS DANG BRAL BA'I RNAL 'BYOR PA NGES PA LA ZHUGS PA PHYIR MI 'ONG BA'I 'BRAS BU'I SEMS SU RNAM PAR GZHAG GO, ,DE BZHIN DU 'DOD PA DANG GZUGS LA 'DOD CHAGS DANG BRAL BA'I NGES PA LA ZHUGS PA'I RNAL 'BYOR PA'I, GANG BCU GSUM PA'I 'BRAS BU'I SEMS NI PHYIR MI 'ONG BA 'BRAS BU'I SEMS SU RNAM PAR GZHAG GO, ,YANG, DE LAS BAR MED SDUG BSNGAL LA, ,CHOS SHES ZAG PA MED PA NI, ,DER GNAS SO SOR SKYE BO YI, ,SA MTSAMS SHIN TU RGAL BAR 'GYUR, ,BRGYAD PAR 'GYUR RO 'GAS PA YI, ,'BRAS BU DON DU RGYUN ZHUGS PA'O, ,CHOS SHES SO SOR RTOG PA ZHES, ,DE NAS SHES PA RJES SU SKYES, ,DE LTAR RGYU DANG ZHI BA THABS, ,GSUM LA BLO GSUM RIM PAS SO, ,DE MA THAG TU BCU GSUM PA, ,SHES PA DAG PA SKYON SPONG MIN, ,SEMS DE 'BRAS BU GSUM DU 'GYUR, ,CHAGS BCAS PHYED BCAS CHAGS BRAL LO, ,ZHES GSUNGS SO, ,MNGON PAR RTOGS PA'I DON GANG ZHE NA, BRJOD DE, 'JIG RTEN PA'I MCHOG DANG BCU GSUM PA 'BRAS BU'I SEMS DANG SHES PA BCU GNYIS DANG 'PHAGS PA'I BDEN PA RNAMS KYI SHES BYA RNAMS RNAL 'BYOR PAS MNGON SUM DU RTOGS PA'O, ,YANG, 'DI RU DE SNYED MNGON RTOGS NI, ,SHES BYA MNYAM RTOGS NYID CES GSUNGS, ,MNGON PAR RTOGS PA DE YANG RNAM PA LNGA STE; MTHONG BA'I MNGON RTOGS DANG, SPANGS PA'I MNGON RTOGS DANG, MNGON DU BYED PA'I MNGON RTOGS DANG, YONGS SU SHES PA'I MNGON RTOGS DANG SGOM PA'I MNGON RTOGS SO, ,YANG DE NI RNAM PA LNGA RU 'DOD, ,MTHONG BA DANG NI SPONG BA DANG, ,MNGON DU BYED PA NYID DANG NI, ,YONGS SU SHES DANG BSGOM PA'O, ,ZHES GSUNGS SO, ,DE LA MTHONG BA NI RNAM PA BZHI STE, 'DI LTAR, DMIGS SU 'DZIN PA'I MTHONG BA DANG, ,MNGON PAR 'DZIN PA MTHONG BA DANG, ,DON GYI RTOGS PA MTHONG BA DANG, ,MTSAN NYID MTHONG BA'O, ,SPONG BA RNAM PA BZHI STE, 'DI LTAR, RNAM PAR RENGS PA'I SPONG BA DANG, BDUN @235B PA 'DOD CHAGS KYI SPONG BA DANG, 'GRIB PA'I SPONG BA DANG, 'GOG PA'I SPONG BA'O, ,MNGON DU BYED PA RNAM PA GNYIS TE, 'DI LTAR, LUS KYIS MNGON DU BYED PA RNYED PA DANG, SHES RAB KYIS SO SOR RTOG PA'O, ,YONGS SU NI THAMS CAD DO, ,DE KHO NA NYID MKHYEN CING ZAG PA DANG BCAS PA RNAM PAR 'BRAL BA DE NI YONGS SU SHES PA'O STE RNAM PA DGU'O, ,KUN 'BYUNG LA CHOS SHES PA YONGS SU SHES PA DANG, KUN 'BYUNG LA RJES SU SHES PA YONGS SU SHES PA DANG, 'GOG PA LA CHOS SHES PA YONGS SU SHES PA DANG, 'GOG PA LA RJES SU SHES PA YONGS SU SHES PA DANG, LAM LA CHOS SHES PA YONGS SU SHES PA DANG, LAM LA RJES SU SHES PA YONGS SU SHES PA DANG, BSGOM PA'I LAM LA 'DOD PA'I CHAGS PA BRAL BA YONGS SU SHES PA DANG, BSGOM PA'I LAM LA GZUGS KYI CHAGS PA BRAL BA YONGS SU SHES PA DANG, BSGOM PA'I LAM LA GZUGS MED PA'I CHAGS PA BRAL BA YONGS SU SHES PA'O, ,DE BSGOM PA SGOM PA BZHI STE, 'DI LTAR, SKYE BA SGOM PA DANG, KUN DU BRTEN PA SGOM PA DANG, SPAS ? PA SGOM PA DANG, RNAM PAR LDOG PA SGOM PA'O, ,'DIR BCU GSUM PAS 'BRAS BU SEMS LA GNAS PA'I RNAL 'BYOR PA NI RGYUN DU ZHUGS PA SRID PA THA MA LAN BDUN PA'O,, THOG MTHA' MED PA'I 'KHOR BA'I RGYA MTSO LAS, SRID PA'I RTEN BDUN PHRAG BZHI NYID DO ZHES PA'I DON TO, ,DE LA BDUN PHRAG BZHI NI, 'DI LTA STE, MI'I SRID PA BDUN DANG, MI'I BAR GYI SRID PA BDUN DANG, LHA RU SRID PA BDUN DANG, LHA'I BAR MA'I SRID PA BDUN NO, ,'DIR RGYUN DU ZHUGS PA'I 'BRAS BU SEMS LA, 'BRAS BU BSDUS PA BSAM GTAN GYI LAM, ZAG PA MED PA THOB PAR GYUR CING, DE'I BCU GSUM PA 'BRAS BU SEMS LAS PHA ROL DU 'DOD PAS BSDUS PA'I KUN NAS DKRIS PA SKYE BAR GYUR NA, GANG LAS ZAG PA MED PA'I BSAM GTAN GYI LAM THOB PA DE 'GAG GO, ,CHA SHAS LHAG MA NI MA YIN NO, ,YANG, BSAM GTAN LAM GYI 'BRAS THOB PA, ,NYAMS 'GYUR 'DIR YANG 'GA' ZHIG GO, ,DE LA BRTEN PA'I 'BRAS THOB PA'I, ,NYON MONGS SKYED PAR BYED PA'O, ,ZHES GSUNGS SO, ,'DIS NI LAM RNAM PA GNYIS GSUNGS PAR 'GYUR BA YIN TE, 'DI LTAR, ZAG PA DANG @236A *, ,BCAS PA DANG, ZAG PA MED PA'O, ,DE LA ZAG PA DANG BCAS PA NI BZHI STE, 'DI LTAR, BZOD PA SPYAD PA DANG, MING GI 'DU SHES DANG, MTSAN MA'I 'DU SHES DANG, CHOS MCHOG GO, ,ZAG PA MED PA'I LAM NI GNYIS TE, MTHONG BA'I LAM DANG BSGOM PA'I LAM MO, ,DE LA MTHONG BA'I LAM NI SDUG BSNGAL BDEN PA LA SOGS PA SHES PA BCU GNYIS BSHAD ZIN TO, ,BSGOM PA'I LAM BSHAD PAR BYA'O, ,GAL TE DE'I RJES SU RNAL 'BYOR PA BDEN PA MTHONG BA THOB PA DES, DE BZHIN DU MTHONG BAS SPANG BAR BYA BA BAG LA NYAL LA SOGS PA 'KHOR BA'I RGYU DANG BCAS PA RNAMS, 'DUN PA CHAGS PA SPANG BA DANG YONGS SU SHES PA'I SPANG BA DAG GI RTZA BA MED PAS NA CI BYED CE NA, BRJOD DE, CI SRID DU 'KHOR BA 'JUG PA DE SRID DU SDUG BSNGAL 'JUG GO ZHES SHES PAR BYA STE, BSGOM PAS SPANG BAR BYA BA YANG 'KHOR BA'I RGYU YIN PAS BAG LA NYAL LA SOGS PA RGYU DANG BCAS PA RNAMS SPANG BA'I PHYIR, MTHONG BA'I DE KHO NA NYID YANG DANG YANG DU RTZOL BA'I MTSAN NYID KYIS BSGOM PA'I LAM GOMS PA'I DON DU RTZOM PA'O, ,BSGOM PA'I LAM DE NI RNAM PA GNYIS TE, 'DI LTAR, BYANG CHUB KYI YAN LAG LAS BYUNG BA DANG, BYANG CHUB KYI YAN LAG LAS BYUNG BA MA YIN PA'O, ,DE LA GANG BSGOM PA'I LAM 'PHAGS PA'I BDEN PA BZHI'I GZHAN GANG YANG RUNG BA DANG DMIGS SU 'DZIN PA DANG MNGON PAR NGES 'DZIN DAG GI BRTZAMS PAS SKYE BA DE NI YAN LAG CAN NO, ,GANG YANG BSGOM PA'I LAM RAGS PA DANG ZHI BA'I RNAM PA LA SOGS PAS DMIGS PA BSGOM PA'I LAM GANG DAG GI MTSAN MA 'AM YONGS SU DAG PAS MNGON PAR NGES 'DZIN NI BYANG CHUB YAN LAG CAN MA YIN PA'O, ,DE LA THAMS CAD ZHEN PA'I LAM GYIS KYANG SEMS GSUM NYE BAR BSAMS PAS KUN DU SBYOR BA SPONG BA'O, ,'DI LTA STE, ZHEN PA'I BSGOM PA'I LAM SKYE BA'I CHA DANG, GNAS PA'I CHA DANG 'GAG PA'I CHA RNAMS BSDOMS MAS KUN DU SBYOR BA SPONG BA'O, ,GSAL BA'I BSGOM PA'I LAM NI SKYE BA'I CHA GNYIS KYI 'DOD PAS BSDUS PA BSGOM PA'I LAM GYI SPANG BYA KUN DU SBYOR BA THAMS CAD SPONG BA'O, ,DE BZHIN DU GZUGS KYIS BSDUS PA'I KUN DU SBYOR BA THAMS CAD SPONG BA'O, , @236B DE BZHIN DU GZUGS MED PAS BSDUS PA'I KUN DU SBYOR BA THAMS CAD SPONG PA'O, ,DUS GCIG TU KHAMS GNYIS SAM KHAMS GSUM GYI KUN DU SBYOR BA SPONG BA NI MED DO, ,DE LA 'DOD PAS BSDUS PA'I 'DOD CHAGS PA DANG KHONG KHRO DANG NGA RGYAL DANG MA RIG PA'I MTSAN NYID DANG BAG LA NYAL MIN NYI SHU'I MTSAN NYID DAG GI NYON MONGS PA'I PHUNG PO KUN DU BZLUMS PA RNAMS, LAM GYI DBANG GIS CHA BCUR PHYE BA'I, CHA DANG PO GSUM SPANGS PA NI SRID PA THA MA LAN BDUN PAR 'GYUR RO, ,CHA BZHI PA KUN THOB PA NI RIGS NAS RIGS SO, ,BZHI PA DANG LNGA PA SPONG ZHING SPANGS PA NI RIGS NAS RIGS KHO NA'O, ,CHA DRUG PA THOB PA NI LAN CIG PHYIR 'ONG BA YIN NO, ,DE'I TSE RGYUN DU ZHUGS PA'I 'BRAS BU 'GAG PA'O, ,CHA BDUN PA YANG 'DI NYID DO, ,CHA PHYI MA GSUM SPONG BA NI SA BON GCIG PA'O, ,'DOD PAS BSDUS PA KUN DU SBYOR BA MA LUS PA SPANGS PA NI GONG DU 'PHO BA YIN TE, 'DOD PA'I KHAMS LA 'DOD CHAGS DANG BRAL BA'I PHYIR MI 'ONG BA'O, ,GZUGS KYIS BSDUS PA 'DOD CHAGS DANG NGA RGYAL DANG MA RIG PA'I MTSAN NYID THAG LA NYAL DANG, MA DAD PA DANG NGO TSA MED PA SGYU DANG G-YO DANG MI BRTAN PA DANG RGOD PA DANG BAG MED PA DANG DREGS PA DANG KHA ZAS KYIS RGYAGS PA'I MTSAN NYID BAG LA NYAL MIN RNAMS KUN NAS BZLUMS TE, GZUGS KYIS BSDUS PA'I KUN DU SBYOR BA RNAMS SNGON BZHIN DU RNAM PA BCUR BYA'O, ,DE LA CHA DANG PO GSUM SPANGS PA NI GONG DU 'PHO BA YIN NO, ,CHA GZHAN GNYIS SPANGS PA NI 'DU BYED DANG BCAS NAS YONGS SU MYA NGAN LAS 'DA' BAR 'GYUR, GZHAN CHA GNYIS SPANGS PA NI 'DU BYED MED PAR YONGS SU MYA NGAN LAS 'DA' BA'O, ,GZHAN YANG CHA GNYIS SPANGS PA NI SKYES NAS YONGS SU MYA NGAN LAS 'DA' BAR 'GYUR BA'O, ,CHA BCU PA THOB PA NI BAR MA DOR YONGS SU MYA NGAN LAS 'DA' BA'O, ,CHA BCU PA BAR DU SPANGS PA NI KHAMS GNYIS LA CHAGS PA DANG BRAL BA'I PHYIR MI 'ONG BA'O, ,GZUGS MED PA YANG 'DOD CHAGS DANG NGA RGYAL DANG MA RIG PA'I MTSAN NYID BAG LA NYAL DANG MA DAD PA LA SOGS PA BDUN DREGS PA DANG BCAS PA'I MTSAN NYID KYIS KUN DU SBYOR BA RNAMS SNGON BZHIN DU RNAM PA BCUR BYA'O, ,GANG ZAG KYANG BZHI @237A *, ,STE; BAR MA DOR YONGS SU MYA NGAN LAS 'DA' BA SPANGS PA'O, ,GAL TE GZUGS MED PA LA CHAGS BRAL BAR DOR YONGS SU MYA NGAN LAS 'DA' BA MED DAM, MED PA NYID DE, DE BZHIN DU, GZUGS MED KHAMS SU GZUGS BRAL PHYIR, ,BGROD BYA YUL DAG MED PA'I PHYIR; ,BAR MA'I SRID PA MED PA'O, ,DES NA BAR DOR YONGS SU MYA NGAN LAS 'DA' BA MED PA'O, ,YANG, GZUGS KYI CHAGS PA KUN BRAL PHYIR, ,GZUGS MED PA LA BAR SRED MED, ,GANG DANG DE RU YOD MIN PAS, ,MYA NGAN 'DA' MED PAR SRID 'DIR, ,ZHES GSUNGS SO, ,SPANGS PA'I GANG ZAG GI RNAM PAR GZHAG PA NI, GZUGS KYI KHAMS CI BZHIN NO, ,THA MA'I CHA GSUM MA NI SKYES NAS YONGS SU MYA NGAN LAS 'DA' BA'O ZHES PA NI KHYAD PAR RO, ,'DIR BSGOM PA'I LAM GANG ZHE NA BRJOD DE, DE LA 'DOD PAS BSDUS PA CHOS RNAMS YONGS SU SHES PA RNAMS, ,DE'I CHA ZAG PA MED PA RNAMS, ,MI RTAG PA LA SOGS PA'I RNAM PAS YID LA BYED PA NA, 'DOD PAS BSDUS PA'I BSGOM PAS SPANG BAR BYA BA NYON MONGS PA SPONG BA'O, ,GZUGS MED PAS BSDUS PA'I CHOS RNAMS YONGS SU SHES PA RNAMS, DE'I CHA ZAG PA MED PA RNAMS MI RTAG PA LA SOGS PA'I RNAM PAS YID LA BYED PAS, 'DOD PA DANG GZUGS KYIS BSDUS PA BSGOM PAS SPONG BAR BYA BA NYON MONGS PA SPONG BA'O, ,GZUGS MED PAS BSDUS PA'I CHOS RNAMS YONGS SU SHES SHING DE BZHIN DU BSAM PAS KHAMS GSUM GYI NYON MONGS BSGOM PAS SPONG BAR BYA BA RNAMS SPONG NGO, ,KHAMS GSUM GYI NYON MONGS PA RNAMS SPANGS PAS BAR CHAD MED PA'I LAM SKYE'O, ,'DIR BAR CHAD MED PA'I LAM LA GNAS PA'I RNAL 'BYOR PA KHAMS GSUM LAS 'DOD CHAGS DANG BRAL BA YIN NO, ,DGRA BCOM PA NI MA YIN NO, ,BAR CHAD MED PA'I LAM 'GAGS PA NA 'BRAS BU THA MA DGRA BCOM PA NYID THOB BO, ,KHAMS GSUM LAS 'DOD CHAGS DANG BRAL BA DGRA BCOM PA YIN NO DGRA BCOM PA DE YANG RNAM PA DRUG YIN TE, 'DI LTAR, YONGS SU NYAMS PA'I CHOS CAN DANG, 'CHI BAR SEMS PA'I CHOS CAN DANG, RJES SU BSRUNG BA'I CHOS CAN DANG, GNAS PA MI SKYOB PA DANG, MNGON DU @237B BYED PA'I SKAL PA CAN DANG, MI G-YO BA'I CHOS CAN NO, ,DE LA YONGS SU NYAMS PA'I CHOS CAN NI 'BRAS BU YONGS SU NYAMS PA'I SKAL PA CAN GANG YIN PA'O, ,'CHI BAR SEMS PA'I SKAL PA CAN NI GANG BDAG NYID MYA NGAN LAS 'DA' BAR 'DOD PA'I SKAL PA CAN NO, ,RJES SU BSRUNG BA'I SKAL PA CAN NI GANG 'BRAS BU RJES SU BSRUNG BA'I SKAL PA CAN NO, ,GNAS PAR RTOG PA NI GNAS PA'I SKAL PA CAN MI NYAMS SHING MNGON DU MI BYED PA'O, ,MNGON DU BYED PA'I SKAL PA CAN NI GANG MI G-YO BA MNGON DU BYED PA'I SKAL PA CAN NO, ,MI G-YO BA NI GANG GIS MI SKYE BA'I YE SHES SKYED PA'O, ,MI G-YO BA'I CHOS CAN DE YANG RNAM PA GSUM STE 'DI LTAR, NYAN THOS KYI BYANG CHUB DANG, RANG RGYAL GYI BYANG CHUB DANG, BLA NA MED PA YANG DAG PAR RDZOGS PA'I SANGS RGYAS SO, ,GAL TE MI G-YO BA JI LTA BU ZHE NA BRJOD DE, NYON MONGS PA MI SKYE BAR SHES PA MI G-YO BA NI NYAN THOS KYI'O, ,KUN NAS NYON MONGS PA DANG THE TSOM MI SKYE BAR SHES PA MI G-YO BA NI RANG RGYAL BYANG CHUB KYI'O, ,KUN NAS NYON MONGS PA THE TSOM MI SKYE BAR SHES PA MI G-YO BA DE NI BCOM LDAN 'DAS SANGS RGYAS SO, ,DE RNAMS LA YONGS SU NYAMS PA'I CHOS CAN NI 'BRAS BU LAS YONGS SU NYAMS PA YIN GYI DGRA BCOM GZHAN NI MA YIN NO, , DE YANG RTOGS PA'I KHYAD PAR LAS TE SNYOMS PAR 'JUG PA'I KHYAD PAR LAS ZHES BRJOD PA DE LAS YONGS SU NYAMS PAR 'GYUR BA'O, ,YANG DAG PAR RDZOGS PA'I SANGS RGYAS NI GANG LAS KYANG YONGS SU NYAMS PA MA YIN TE, KUN NAS BSNYEL BA MED PA'I CHOS CAN YIN PA'I PHYIR RO, ,GAL TE LUNG LAS 'BRAS BU BZHI BRJOD DE, 'DI LTAR, RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA'I 'BRAS BU'O, ,'DIR 'BRAS BU LA MANG DU BSHAD PA 'GAL LO ZHE NA, BRJOD DE, 'GAL BA NI MED DE, CIG SHOS RNAMS NI 'BRAS BU BZHI YI KHYAD PAR YIN 'DOD PAS, ,'BRAS BU RNAMS NI MANG POR 'GYUR MIN KHYAD PAR NYER SKYE NYID, ,CES SO, ,GANG GI TSE DE LTA NA 'BRAS BU GANG GI KHYAD PAR GANG YIN ZHE NA, RGYUN DU ZHUGS PA'I KHYAD PAR NI RIGS NAS RIGS SO, ,SA BON GCIG PA NI LAN CIG PHYIR 'ONG BA'I 'O, ,GZUGS KYI KHAMS SU PHYIR MI @238A *, ,'ONG BA'I KHYAD PAR LNGA NI 'DI LTA STE, GONG DU 'PHO BA DANG, 'DU BYED DANG BCAS PAS YONGS SU MYA NGAN LAS 'DA' BA DANG, 'DU BYED MED PAR YONGS SU MYA NGAN LAS 'DA' BA DANG, SKYES NAS MYA NGAN LAS 'DA' BA DANG, BAR MA DOR MYA NGAN LAS 'DA' BA'O, ,GZUGS MED PA'I KHAMS SU BAR MA DOR MYA NGAN LAS 'DA' BA SPANGS TE BZHI PO DE NYID DO ZHES KHYAD PAR DGU'O, ,DGRA BCOM PA RNAM PA DRUG NI SNGON BZHIN NO, ,DES NA MTHONG LAM GYI SPANG BYA NYON MONGS PA SPANGS PA LA RDZOGS PA'I SANGS RGYAS DANG, RANG SANGS RGYAS RNAMS LA KHYAD PAR MED DO, DE SRID DU 'DI NI 'PHAGS PA'I LAM GYI MNGON PAR RTOGS PA'I RIM PA'O, ,RNAL 'BYOR PA PHYI ROL GYI LAM GYIS 'DOD PA NA SPYOD PA'I BSGOM PAS SPANG BAR BYA BA'I NYON MONGS PA PHYOGS GCIG SPANGS TE, MTHONG BA'I LAM GYI MTHONG BAS SPANG BAR BYA BA'I NYON MONGS PA SPANGS NAS BCU GSUM LA 'BRAS BU'I SEMS LA LAN CIG PHYIR 'ONG BA YIN NO, ,PHYOGS 'DI LA RGYUN DU ZHUGS PA'I 'BRAS BU'I PHYIR ZHUGS PA DANG, RIGS NAS RIGS SU SKYE BA'I RGYUN DU ZHUGS PA DAG NI MED DO, ,DE BZHIN DU 'DOD PA'I KHAMS PA'I BSGOM PAS SPANG BAR BYA BA MA LUS PA SPANGS TE, DE KHO NA BZHIN DU MTHONG BAS SPANG BAR BYA BA'I NYON MONGS PA SPANGS NAS BCU GSUM PA'I SEMS PHYIR MI 'ONG BAR 'GYUR RO, ,PHYOGS 'DI LA LAN CIG PHYIR 'ONG BA DANG PO SA BON GCIG PA MED DO, ,DE BZHIN DU 'DOD PA'I KHAMS PA DANG GZUGS KYI KHAMS PA DAG GI BSGOM PAS SPANG BAR BYA BA'I NYON MONGS PA SPANGS NAS KHAMS GNYIS LA CHAGS BRAL DU GYUR PA NYID DE KHO NA BZHIN DU MTHONG BAS SPANG BAR BYA BA NYON MONGS PA SPANGS NAS BCU GSUM PA'I SEMS LA PHYIR MI 'ONG BAR 'GYUR RO, ,PHYOGS 'DI LA GZUGS KHAMS KYI PHYIR MI 'ONG BA LNGA PO MED DO, ,'DOD PA'I KHAMS SU BAR MA DOR MYA NGAN LAS 'DA' BA SPANGS TE, LHAG MA LUS PA NI PHYIR MI 'ONG BA BZHI NYID DO, ,DES NA PHYI ROL GYI LAM GYI KHAMS GNYIS KYI BSGOM PAS SPANG BAR BYA BA'I NYON MONGS PA SPONG BA NYID DO, ,GZUGS MED PA NA SPYOD PA'I BSGOM PAS SPANG BAR BYA BA NYON MONGS PA SPONG BAR NUS PA NI MA YIN NO, ,CHOS @238B DE LTA BU YIN PAS SO, ,'PHAGS PA'I LAM GYIS NI KHAMS GSUM KA'I SPONG BA'O ZHES RNAM PAR GZHAG PA NI LUGS BZANG PO'O, ,'DI NI DE SRID NYAN THOS KYI BSGOM PA'I LAM GYI NYON MONGS PA SPONG BA'I TSUL LO, ,RANG SANGS RGYAS KYI THEG PA NI YANG PHYI ROL GYI LAM GYI 'DOD PA DANG GZUGS DAG NA SPYOD PA BSGOM PAS SPANG BAR BYA BA NYON MONGS PA NAS, DE'I RJES SU MTHONG BAS SPANG BA NYON MONGS PA SPANGS TE, 'PHAGS PA'I LAM GYIS GZUGS MED PA NA SPYOD PA RNAMS SPANGS TE RANG SANGS RGYAS KYI BYANG CHUB MNGON DU BYED DO, ,BYANG CHUB SEMS DPA' CHEN PO RNAMS NI BSKAL PA GRANGS MED GSUM DU PHA ROL TU PHYIN PA DRUG SPYAD PAS BSOD NAMS DANG YE SHES KYI TSOGS BSAGS NAS DGA' LDAN DU GNAS PA LA SOGS PA BGYIS TE, BYANG CHUB SNYING PO LA ZHUGS TE LHA'I BU'I BDUD BTUL NAS RTEN CING 'BREL PAR 'BYUNG BA LUGS DANG MTHUN PA DANG MI MTHUN PA RNAM PAR GZIGS NAS, BZOD PA SPYAD PA LA SOGS PA RDZOGS PAR BYAS TE, KHAMS GSUM GYI MTHONG BAS SPANG BAR BYA BA'I NYON MONGS PA SPANGS NAS SEMS BCU GSUM PA LA 'DOD PA NA SPYOD PA'I BSGOM PAS SPANG BAR BYA BA NYON MONGS PA SPANGS PAS 'DOD PA'I 'DOD CHAGS DANG BRAL BA'O, , BCU BZHI PA LA GZUGS NA SPYOD PA'I BSGOM PAS SPANG BAR BYA BA NYON MONGS PA SPANGS PAS GZUGS LA CHAGS PA DANG BRAL BA'O, ,SEMS BCO LNGA LA GZUGS MED PA NA SPYOD PA'I BSGOM PAS SPANGS PAR BYA BA NYON MONGS PA SPANGS PAS GZUGS MED PA'I KHAMS SU CHAGS PA DANG BRAL BA BGYIS NAS; SEMS BCU DRUG PA NI BRTZAL BYA YIN PAS LAM MO, ,MI SLOB PA 'BRAS BU'I GNAS SKABS TE RTOGS PA'I KHYAD PAR THAMS CAD THOB PA DGRA BCOM PA NYID THOB PA'I SEMS SO, ,DE KUN DU SGRUB PAS YANG DAG PAR RDZOGS PA'I SANGS RGYAS SU 'GYUR RO ZHES SO, ,MNGON PAR RTOGS PA'I SHES PA BCU GNYIS PA DANG BCU GSUM PA LA SOGS PA'I SEMS BZHI DANG STE BCU DRUG GIS SANGS RGYAS NYID DU RNAM PAR GNAS SO ZHES SO, ,YANG, DE BZHIN GSHEGS PA'I TING NGE 'DZIN, ,RDO RJE LTA BU'I SEMS KYI CHAS, ,ZAG PA THAMS CAD SPONG NUS KYANG, ,MI SRID PHYIR NA DE DES MIN, , @239A *, ,ZHES GSUNGS SO, ,'DI'I DON NI, RDO RJE LTA BU'I TING NGE 'DZIN DANG LDAN PA NI DE BZHIN GSHEGS PA'O, ,SEMS KYI CHAS ZHES PA NI, RDO RJE LTA BU'I TING NGE 'DZIN DANG LDAN PA'I SEMS KYI SKYE BA'I CHA SHAS KYIS SO, ,ZAG PA THAMS CAD ZHES PA NI NYON MONGS PA'O, , NUS ZHES PA NI DON BYED PA'O, ,DE DES MIN ZHES PA NI DE LTA MOD KYI MI SPONG ZHES PA'I DON TO, ,GANG LAS SHE NA, MI SRID PA'I PHYIR RO ZHES SO, ,'O NA MI SRID PA'I DON GANG ZHE NA BRJOD DE, GZHAN GYIS GZHAN MIN GOMS PA LAS, ,GCIG GI SPONG MIN KHAMS GNYIS KYI, ,SKAL MI MNYAM MIN DE YI PHYIR, ,SANGS RGYAS SKAD CIG BCU DRUG NYID, ,CES SO, ,'DI'I DON NI GANG LAS GZHAN GYIS SPONG BA NI MA YIN NO, ,DE'I PHYIR NA BCOM LDAN 'DAS KYIS NUS KYANG GZHAN GYI RGYUD KYIS NYON MONGS PA SEL BA NI MA YIN NO, ,'O NA SEMS KYI CHA SHAS GCIG GIS RANG RGYUD KYI SEL LAM ZHE NA BRJOD DE, GOMS PA LAS GCIG GIS KHAMS GNYIS KYI SPONG BA NI MA YIN NO, ,GANG LAS GOMS PA YIN KYANG SEMS GCIG GIS KHAMS GNYIS KYI BSGOM PAS SPANG BAR BYA BA SPONG BA NI MI SRID DO, ,DE BZHIN DU BSGOM PA'I LAM GYI, SKAL BA MI MNYAM PA STE MTHONG BAS SPANG BAR BYA BA NYON MONGS PA SPONG BA NI MI SRID DO, ,DE'I PHYIR ZHES PA NI MI SRID PA'I PHYIR RO, ,SANGS RGYAS NYID SKAD CIG BCU DRUG STE BCU GSUM PA NI MA YIN NO ZHES PA'I DON TO, ,'O NA MTHONG BAS SPANG BAR BYA BA YANG PHYI ROL GYI LAM GYIS SPONG NGAM ZHE NA BRJOD DE, 'PHAGS PA NI LAM GNYIS KA DANG 'DOD PAS BSDUS PA DANG GZUGS KYIS BSDUS PA BSGOM PAS SPANG BAR BYA BA SPONG BA'O, ,'PHAGS PA MA YIN PA YANG PHYI ROL GYI LAM GYI 'DOD PAS BSDUS PA BSGOM PAS SPANG BAR BYA BA DANG GZUGS KYIS BSDUS PA BSGOM PAS SPANG BAR BYA BA SPONG BA'O, , GZUGS MED PAS BSDUS PA NI MA YIN TE, DE NI 'PHAGS PA'I LAM NYID KYIS SPANG BA YIN PA'I PHYIR RO, ,'O NA PHYI DANG 'PHAGS PA'I LAM DAG RNAM PA'I KHYAD PAR GANG ZHE NA, BRJOD DE, ZHI BA DANG RAGS PA'I RNAM PA NI PHYI ROL GYI LAM MO, ,'DI LTAR, 'DOD PA'I KHAMS NI RAGS PA'O @239B ZHES PA NI RAGS PA'I RNAM PA'O, ,GZUGS KYI KHAMS NI ZHI BA'O ZHES PA NI ZHI BA'I RNAM PA'O ZHES PA LA SOGS PA STE PHYI ROL GYI LAM LA RNAM PA MANG NGO, ,'PHAGS PA'I LAM NI RNAM PA BZHI STE 'DI LTAR, MI RTAG PA'I RNAM PA DANG, RGYU NYID KYI RNAM PA DANG, MI RTAG PA'I RNAM PA DANG, NGES PAR 'BYIN PA'I RNAM PA'O, ,'DI NI DE MA THAG TU SPROS PA DANG BCAS TE BSHAD ZIN TO, ,YANG, DAD BRTZON DRAN PA SHES RAB DANG, ,TING 'DZIN LA SOGS SNGON 'GRO BA'O, ,LAM NI ZAG PA KUN SPONG BA, ,GANG GIS STONG PA'I PHYIR RGOL RNAMS, ,ZHES GSUNGS PA'I LAM 'DI NI 'PHAGS PA'I LAM MO, ,GANG GIS ZHES PA NI 'PHAGS PA'I LAM GYIS SO, ,STONG PA ZHES PA NI MA TSANG BA'O, ,PHYIR RGOL ZHES PA NI PHYI ROL PA'I GROL BAS MNGON PAR NGA RGYAL BA DBANG PHYUG LA SOGS PA DANG, DRANG SRONG BYAS DANG BA SHI STA LA SOGS PA RNAMS SO, ,DE LTAR YANG LAM RNAM PA GNYIS KYIS KYANG 'DOD KHAMS LA CHAGS PA DANG BRAL BA NI GZUGS KHAMS THAMS CAD DU SKYE STE, TSANGS PA CHEN PO DANG 'DU SHES MED PA'I SEMS CAN NI MA GTOGS SO, ,'PHAGS PA PHYIR MI 'ONG BA DE NYID GANG GANG GI TSE GZUGS KHAMS LA CHAGS PA DANG BRAL BA THOB PA DE'I TSE GZUGS MED PA'I KHAMS SU NYE BAR SKYE'O, ,'O NA GZUGS MED PA'I KHAMS LA 'DOD CHAGS DANG BRAL BA'I 'PHAGS PA 'DI CI LTAR ZHE NA, BRJOD DE, DE LTAR YANG RAB TU 'BAR BA'I LCAGS KYI GONG BU NI SHIN TU CHES CHE BA'I BUD SHING DU BCUG PA NA, BUD SHING DE RNAMS MA LUS PAR BSREGS TE THAL BAR GYUR PA YANG BUD SHING GI KUN DU TSANG BA NYID RIM GYIS BSIL BAR 'GYUR RO, ,DE BZHIN DU 'PHAGS PA NYAN THOS LCAGS KYI GONG BU, SDUG BSNGAL LA CHOS SHES PA LA SOGS PA'I LAM GYI ME KUN DU 'BAR BA, NYON MONGS PA'I BUD SHING PHUNG PO CHES YANG CHE BA MTHONG BA BSGOM PAS SPANG BAR BYA BAR BCUG PA NA, DE RNAMS MA LUS PA MTHAR THUG PA BSREGS NAS NYON MONGS PA'I BUD SHING RAB TU ZHI BA YANG KUN DU 'BAR BA NYID PHUNG PO LHAG MA DANG BCAS PA'I MYA NGAN LAS 'DAS PA'I DBYINGS SU GNAS PA MI SLOB PA'I LAM GYI ME'I LHAG MA YIN PAS SO, ,RIM GYIS LAS KYI RNAM PAR SMIN PA MA LUS PA NYE BAR LONGS SPYOD NAS RANG GI LUS BOR TE PHUNG @240A *, ,PO LHAG MA MED PA'I MYA NGAN LAS 'DAS PA BGROD PAS BSIL BAR 'GYUR BA'O, ,RAB TU 'BAR BA'I LCAGS GONG BZHIN, ,NYON MONGS BUD SHING KUN BSREGS PAS, ,DGRA BCOM LHAG BCAS LA GNAS PA, ,RIM GYIS BSIL BAR 'GYUR BA'O, ,DE TSE PHUNG PO MED PA YI'ANG, ,DE YI SNGON MA'ANG 'GAG 'GYUR TE, ,SDUG BSNGAL GZHAN NI MI SKYE STE, ,RGYU RNAMS YANG DAG ZAD PHYIR RO, ,ZHES GSUNGS SO, ,GAL TE GANG GI TSE DE LTAR PHUNG PO LHAG MA MED PA'I MYA NGAN LAS 'DAS PA'I DBYINGS THOB PA NA, CI LHA 'AM MI 'AM GZHAN ZHES CI LTAR THA SNYAD BYA ZHE NA BRJOD DE, PHUNG PO LHAG MA MED PA'I MYA NGAN LAS 'DAS PA SDUG BSNGAL GYI RGYU RNAMS RAB TU ZHI BAS NYE BAR LEN PA MED PA'I PHYIR 'GRO