@001A #, ,[DD] RNAL 'BYOR SPYOD PA'I SA RNAM PAR GTAN LA DBAB PA BSDU BA, BAM PO DANG PO, GSUNG GI MNGA' BDAG 'JAM DPAL GZHON NUR GYUR PA DANG, 'PHAGS PA BYAMS PA LA PHYAG 'TSAL LO, ,SA RNAMS NI BSHAD ZIN TO, ,'DI MAN CHAD NI SA DE DAG NYID KYI RNAM PAR GTAN LA DBAB PA LA MKHAS PA BRJOD PAR BYA STE, RNAM PAR GTAN LA DBAB PA LA MKHAS PA DE LA BRTEN NAS THAMS CAD KYI DRIS PA LAN GDAB PA LA MKHAS PAR 'GYUR RO, ,RNAM PAR SHES PA'I TSOGS LNGA DANG LDAN PA DANG YID KYI SA'I RNAM PAR GTAN LA DBAB PA NI SA BON GYI GNAS KUN GZHI RNAM PAR SHES PA ZHES GANG SMOS PA'O, ,DE'I YOD PA NYID DANG RAB TU DBYE BA NI MA BSTAN TE, CI'I PHYIR MA BSTAN PA DANG, JI LTAR NA DE YOD PA NYID DANG, RAB TU DBYE BA RIG PAR BYA ZHE NA, DE NI BCOM LDAN 'DAS KYIS GSANG STE BSTAN CING, RNAM PAR GZHAG PA YIN PAS NA, DE'I PHYIR MA BSTAN TE, BCOM LDAN 'DAS KYIS JI SKAD DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I KLUNG LTAR 'BAB, , [DD] @002A *, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,CES GSUNGS PA LTA BU'O, ,SDOM NI, LEN DANG DANG PO GSAL BA DANG, ,SA BON LAS DANG LUS TSOR DANG, ,SEMS MED SNYOMS PAR 'JUG PA DANG, ,DE BZHIN 'CHI 'PHO MI RUNG 'GYUR, ,KUN GZHI RNAM PAR SHES PA YOD PA NYID NI, RNAM PA BRGYAD KYIS KHONG DU CHUD PAR BYA STE, 'DI LTA STE, KUN GZHI RNAM PAR SHES PA MED NA GNAS LEN PA MI SRID PA DANG, DANG PO 'JUG PA MI SRID PA DANG, GSAL BAR 'JUG PA MI SRID PA DANG, SA BON NYID MI SRID PA DANG, LAS MI SRID PA DANG, LUS KYI TSOR BA MI SRID PA DANG, SEMS MED PA'I SNYOMS PAR 'JUG PA MI SRID PA DANG, RNAM PAR SHES PA'I 'CHI 'PHO MI SRID PAS SO, ,CI'I PHYIR GNAS LEN PA MI RUNG ZHE NA, SMRAS PA, RGYU RNAM PA LNGA STE, 'DI LTA STE, KUN GZHI RNAM PAR SHES PA NI SNGON GYI LAS MNGON PAR 'DUS BYAS PA'I RGYU LAS BYUNG BA YIN LA, MIG LA SOGS PA 'JUG PA'I RNAM PAR SHES PA RNAMS NI DA LTAR BYUNG BA'I RKYEN GYI RGYU LAS BYUNG BA YIN TE, JI SKAD DU RNAM PAR SHES PA RNAMS NI DBANG PO DANG, YUL DANG, YID LA BYED PA'I DBANG GIS 'BYUNG BAR 'GYUR RO ZHES RGYA CHER BSTAN PA LTA BU STE, DE NI RGYU DANG PO'O, ,GZHAN YANG @002B RNAM PAR SHES PA'I TSOGS DRUG PO DAG NI, DGE BA DANG MI DGE BAR SNANG STE, DE NI RGYU GNYIS PA'O, ,GZHAN YANG RNAM PAR SHES PA'I TSOGS DRUG PO DAG LA NI, LUNG DU MA BSTAN PA RNAM PAR SMIN PAR BSDUS PA'I RIGS GANG YIN PA DE MI DMIGS TE, DE NI RGYU GSUM PA'O, ,GZHAN YANG RNAM PAR SHES PA'I TSOGS DRUG PO DAG NI GNAS NGES PA LAS 'BYUNG STE, DE LA RNAM PAR SHES PA GNAS GANG DANG GANG NAS 'BYUNG BA DE NYID KYIS DE ZIN PAR 'GYUR GYI, LHAG MA RNAMS KYIS ZIN PAR MI 'GYUR BAS MI RUNG NGO, ,ZIN PAR YANG MI RUNG STE RNAM PAR SHES PA DANG BRAL BA'I PHYIR TE; DE NI RGYU BZHI PA'O, ,GZHAN YANG YANG DANG YANG GNAS LEN PA'I SKYON DU THAL BAR 'GYUR TE, 'DI LTAR MIG GI RNAM PAR SHES PA NI LAN 'GA' 'BYUNG ZHING LAN 'GA' MI 'BYUNG LA, LHAG MA RNAMS KYANG DE DANG 'DRA STE, DE NI RGYU LNGA PA'O, ,DE LTAR NA SNGON GYI LAS DANG DA LTAR BYUNG BA'I RKYEN GYI RGYU LAS BYUNG BA DANG, DGE BA DANG MI DGE BA YIN PA DANG, RIGS DE MI DMIGS PA DANG, GNAS NGES PA DANG, YANG DANG YANG LEN PA'I SKYON DU 'GYUR BA'I PHYIR MI RUNG NGO, ,CI'I PHYIR DANG PO 'JUG CING 'BYUNG BA MI RUNG ZHE NA, GAL TE LA LA 'DI SKAD CES GAL TE KUN GZHI RNAM PAR SHES PA YOD NA DE'I PHYIR RNAM PAR SHES PA GNYIS CIG CAR 'BYUNG BAR 'GYUR RO ZHES ZER NA, DE LA 'DI SKAD CES BRJOD PAR BYA STE, DE NI NYES PA MED PA KHO NA LAS KHYOD NYID NYES PAR 'DU SHES PAR ZAD DE 'DI LTAR RNAM PAR SHES PA NI GNYIS CIG CAR 'BYUNG BA KHO NAR 'GYUR RO, ,DE CI'I PHYIR ZHE NA, 'DI LTAR LA LA CIG CAR LTA BAR 'DOD PA DANG CIG CAR RNAM PAR SHES PAR BYA BA'I BAR DU 'DOD PA LA, DANG PO RNAM PAR SHES PA GANG YANG RUNG BA 'JUG PAR 'GYUR BA MI RUNG STE, 'DI LTAR DE LA YID LA BYED PA DANG DBANG PO DANG, YUL YANG BYE BRAG MED PA'I PHYIR RO, ,CI'I PHYIR RNAM PAR SHES PA CIG CAR 'BYUNG BA MED NA, YID KYI RNAM PAR SHES PA MIG LA SOGS PA'I RNAM PAR SHES PA DANG LHAN CIG DANG, MJUG THOGS SU 'BYUNG BA GSAL BAR MI RUNG ZHE NA, 'DI LTAR GANG GI TSE, 'DAS PA'I DUS NA NYAMS SU MYONG BA'I YUL RJES SU DRAN PA DE'I TSE, @003A *, ,NA NI YID KYI RNAM PAR SHES PA'I 'JUG PA GSAL BA MA YIN LA, DA LTAR BYUNG BA'I YUL LA NI YID KYI 'JUG PA DE LTAR MI GSAL BA MA YIN PAS, DE'I PHYIR CIG CAR 'BYUNG BA'AM YID KYI RNAM PAR SHES PA GSAL BA MA YIN PAR RIGS SO, ,CI'I PHYIR RNAM PAR SHES PA'I TSOGS DRUG PO DAG GCIG GI SA BON NYID GCIG YIN PAR MI SRID CE NA, 'DI LTAR DGE BA'I MJUG THOGS SU MI DGE BA DANG, MI DGE BA'I MJUG THOGS SU DGE BA DANG, GNYI GA'I MJUG THOGS SU LUNG DU MI BSTAN PA DANG, KHAMS NGAN PA'I MJUG THOGS SU KHAMS BAR MA DANG, KHAMS BAR MA'I MJUG THOGS SU KHAMS BZANG PO PA DANG, DE BZHIN DU KHAMS BZANG PO PA'I MJUG THOGS SU KHAMS NGAN PA PA'I BAR DANG, ZAG PA DANG BCAS PA'I MJUG THOGS SU ZAG PA MED PA DANG, ZAG PA MED PA'I MJUG THOGS SU ZAG PA DANG BCAS PA DANG; 'JIG RTEN PA'I MJUG THOGS SU 'JIG RTEN LAS 'DAS PA DANG, 'JIG RTEN LAS 'DAS PA'I MJUG THOGS SU 'JIG RTEN PA'I SEMS 'BYUNG LA DE DAG NI DA LTAR SA BON NYID DU MI RUNG BA'I PHYIR DANG, SEMS KYI RGYUD YUN RING POR RGYUN CHAD KYANG, YUN RING POS 'BYUNG BAR 'GYUR PAS DE'I PHYIR YANG MI RUNG NGO, ,CI'I PHYIR RNAM PAR SHES PA CIG CAR 'BYUNG BAR MED NA LAS MI SRID CE NA, 'DI LTAR LAS NI MDOR BSDU NA RNAM PA BZHI STE, SNOD RNAM PAR RIG PA DANG, GNAS RNAM PAR RIG PA DANG, BDAG GO SNYAM DU RNAM PAR RIG PA DANG, YUL RNAM PAR RIG PA'O, , DE LTAR RNAM PAR RIG PA DE DAG THAMS CAD NI SKAD CIG LA CIG CAR 'BYUNG BAR SNANG LA, RNAM PAR SHES PA GCIG GI SKAD CIG GCIG LA NI LAS SHIN TU THA DAD PA DE LTA BU DE DAG MI RUNG BA'I PHYIR RO, ,CI'I PHYIR KUN GZHI RNAM PAR SHES PA MED NA LUS KYI TSOR BA MI RUNG ZHE NA, 'DI LTAR TSUL BZHIN NAM TSUL BZHIN MA YIN PA SEMS PAR BYED PA DANG, RJES SU RTOGS PAR BYED PA'AM, SEMS MNYAM PAR GZHAG PA'AM, SEMS MNYAM PAR MA BZHAG PA GCIG CIG GI LUS LA TSOR BA RNAM PA DU MA RNAM PA MANG PO SNA TSOGS GANG DAG 'BYUNG BA DE DAG MI 'BYUNG BA'I RIGS NA SNANG STE, @003B DE'I PHYIR YANG KUN GZHI RNAM PAR SHES PA YOD DO, ,CI'I PHYIR KUN GZHI RNAM PAR SHES PA MED NA SEMS MED PA'I SNYOMS PAR 'JUG PA MI SRID CE NA, 'DI LTAR 'DU SHES MED PA LA SNYOMS PAR ZHUGS PA'AM, 'GOG PA LA SNYOMS PAR ZHUGS PA'I RNAM PAR SHES PA LUS DANG BRAL BA KHO NAR 'GYUR ZHING MA BRAL BAR MI 'GYUR BAS, DE'I PHYIR SHI BA KHO NAR 'GYUR BA ZHIG NA BCOM LDAN 'DAS KYIS JI SKAD DU, DE'I RNAM PAR SHES PA NI LUS DANG BRAL BA MA YIN NO ZHES GSUNGS PA'I PHYIR RO, ,CI'I PHYIR KUN GZHI RNAM PAR SHES PA MED NA 'CHI 'PHO MI RUNG ZHE NA, 'DI LTAR 'CHI 'PHO BA'I TSE'I RNAM PAR SHES PAS LUS RO STOD DAM, RO SMAD DU DROD YAL BAR BYED CING SPONG LA YID KYI RNAM PAR SHES PA NI NAM YANG MI 'BYUNG BA MA YIN PAS, DE'I PHYIR LUS LEN PAR BYED PA'I KUN GZHI RNAM PAR SHES PA KHO NA DANG BRAL BAS LUS KYI DROD YAL BA DANG, LUS LA TSOR BA MED PAR SNANG BAR ZAD KYI, YID KYI RNAM PAR SHES PA DANG BRAL BAS NI MA YIN TE, DE'I PHYIR YANG MI RUNG NGO, ,SDOM NI, DMIGS DANG MTSUNGS PAR LDAN PA DANG, ,GCIG GI RKYEN NYID GCIG YIN DANG, ,LHAN CIG DNGOS POS 'JUG PA DANG, ,KUN NAS NYON MONGS LDOG PA YIN, , MDOR BSDU NA KUN GZHI RNAM PAR SHES PA'I 'JUG PA NI RNAM PA BZHIS RNAM PAR BZHAG LA, LDOG PA NI RNAM PA GCIG GIS RNAM PAR GZHAG PAR RIG PAR BYA STE, 'DI LTA STE, DMIGS PAS 'JUG PA RNAM PAR GZHAG PA DANG, MTSUNGS PAR LDAN PAS 'JUG PA RNAM PAR GZHAG PA DANG, GCIG GI RKYEN NYID GCIG YIN PAS 'JUG PA RNAM PAR GZHAG PA DANG, LHAN CIG GI DNGOS POS 'JUG PA RNAM PAR GZHAG PA STE, RNAM PA BZHI PO DE DAG GIS NI 'JUG PA RNAM PAR GZHAG LA, KUN NAS NYON MONGS PA LDOG PA RNAM PAR GZHAG PAS NI LDOG PA RNAM PAR GZHAG PAR RIG PAR BYA'O, ,DE LA DMIGS PAS 'JUG PA RNAM PAR GZHAG PA GANG ZHE NA, MDOR BSDU NA KUN GZHI RNAM PAR SHES PA NI DMIGS PA RNAM PA GNYIS KYIS 'JUG STE, NANG GI LEN PA RNAM PAR RIG PA DANG, PHYI ROL GYI SNOD RNAM PA YONGS SU MA CHAD PA RNAM PAR RIG PAS SO, ,DE LA NANG GI LEN @004A *, ,PA NI KUN BRTAGS PA'I NGO BO NYID LA MNGON PAR ZHEN PA'I BAG CHAGS DANG RTEN DANG DBANG PO'I GZUGS SO, ,DE YANG GZUGS CAN GYI KHAMS NA'O, ,GZUGS CAN MA YIN PA NA NI BAG CHAGS LEN PA KHO NAR ZAD DO, ,DE LA PHYI ROL GYI SNOD RNAM PA YONGS SU MA BCAD PA RNAM PAR RIG PA NI KUN GZHI RNAM PAR SHES PA NANG GI LEN PA'I DMIGS PA GANG YIN PA DE NYID LA BRTEN NAS, RTAG TU RGYUN MI 'CHAD PAR 'JIG RTEN DANG SNOD KYI RGYUN RNAM PAR RIG PA STE, 'DI LTA STE, DPER NA MAR ME 'BAR BA NI SNYING PO DANG SNUM GYI RGYUS NI NANG DU 'JUG PAR 'GYUR LA, PHYI ROL DU NI 'OD 'BYUNG BAR BYED PA BZHIN DU NANG GI LEN PA'I DMIGS PA DANG, PHYI ROL GYI DMIGS PA 'DI LA YANG KUN GZHI RNAM PAR SHES PA'I TSUL DE DANG 'DRA BAR BLTA BAR BYA'O, ,DMIGS PA DE NI 'JIG RTEN GYI MKHAS PA RNAMS KYIS KYANG YONGS SU GCAD PAR DKA' BA'I PHYIR PHRA BA YIN NO, ,DMIGS PA DE NI RTAG TU YOD PA YIN TE, LAN 'GA' GZHAN DU 'GYUR LA, LAN 'GA' GZHAN DU 'GYUR BA MA YIN NO, ,'ON KYANG DANG PO PA'I LEN PA'I SKAD CIG LA BRTEN NAS, JI SRID 'TSO'I BAR DU RNAM PAR SHES PAR RIG PA RO GCIG PAS 'JUG PAR 'GYUR RO; ,KUN GZHI RNAM PAR SHES PA DE NI DMIGS PA LA SKAD CIG PA YIN PAR BLTA BAR BYA STE, SKAD CIG PA'I RGYUN GYI RGYUD KYIS 'JUG PA YIN GYI, GCIG PA NYID NI MA YIN NO, ,KUN GZHI RNAM PAR SHES PA DE YANG 'DOD PA'I KHAMS NA NI RGYU CHUNG NGU'I DMIGS PA CAN DU BRJOD PAR BYA'O, ,GZUGS KYI KHAMS NA NI RGYU CHEN POR GYUR BA'I DMIGS PA CAN NO, ,GZUGS MED PA'I KHAMS NA NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED NA NI RGYU TSAD MED PA'I DMIGS PA CAN NO, ,CI YANG MED PA'I SKYE MCHED NA NI RGYU PHRA BA'I DMIGS PA CAN NO, ,'DU SHES MED 'DU SHES MED MIN SKYE MCHED NA NI RGYU SHIN TU PHRA BA'I DMIGS PA CAN DU BLTA BAR BYA'O, ,DE LTAR NA DMIGS PA RNAM PA GNYIS RNAM PAR RIG PA DANG, PHRA BA RNAM PAR RIG PA DANG, 'DRA BA RNAM PAR RIG PA DANG, SKAD CIG PA RNAM PAR @004B RIG PA DANG, RGYU CHUNG NGU'I DMIGS PA RNAM PAR RIG PA DANG, RGYU CHEN POR GYUR PA'I DMIGS PA RNAM PAR RIG PA DANG, RGYU TSAD MED PA'I DMIGS PA RNAM PAR RIG PA DANG, RGYU PHRA BA'I DMIGS PA RNAM PAR RIG PA DANG, RGYU SHIN TU PHRA BA'I DMIGS PA RNAM PAR RIG PAS KYANG KUN GZHI RNAM PAR SHES PA DMIGS PAS 'JUG PA RNAM PAR GZHAG PAR RIG PAR BYA'O, ,DE LA MTSUNGS PAR LDAN PAS 'JUG PA RNAM PAR GZHAG PA GANG ZHE NA, 'DI LA KUN GZHI RNAM PAR SHES PA MTSUNGS PAR LDAN PAS NA SEMS DANG MTSUNGS PAR LDAN PA KUN TU 'GRO BA LNGA PO YID LA BYED PA DANG, REG PA DANG, TSOR BA DANG, 'DU SHES DANG, SEMS PA RNAMS DANG MTSUNGS PAR LDAN NO, ,CHOS DE DAG KYANG RNAM PAR SMIN PAR BSDUS PA DANG, 'JIG RTEN GYI MKHAS PA RNAMS KYIS KYANG RTOGS PAR DKA' BA'I PHYIR PHRA BA DANG, GTAN DU DMIGS PA GCIG LA MTSUNGS PAR 'JUG PA YIN NO, ,SEMS LAS BYUNG BA DE DAG LAS KYANG KUN GZHI RNAM PAR SHES PA DANG MTSUNGS PAR LDAN PA'I TSOR BA GANG YIN PA DE NI GCIG TU SDUG BSNGAL YANG MA YIN BDE BA YANG MA YIN PA DANG, LUNG DU MA BSTAN PA YIN NO, ,DE NYID KYIS DE LAS GZHAN PA'I SEMS LAS BYUNG BA'I CHOS RNAMS KYANG RNAM PAR BSHAD PA YIN NO, ,DE LTAR NA SEMS LAS BYUNG BA KUN TU 'GRO BA DANG MTSUNGS PAR LDAN PA DANG RNAM PAR SMIN PAR RIGS 'DRA BA DANG MTSUNGS PAR LDAN PA DANG, 'JUG PA PHRA BA DANG MTSUNGS PAR LDAN PA DANG, DMIGS PA GCIG LA MTSUNGS PAR 'JUG PA DANG MTSUNGS PAR LDAN PA DANG, SDUG BSNGAL YANG MA YIN BDE BA YANG MA YIN PA DANG MTSUNGS PAR LDAN PA DANG, LUNG DU MA BSTAN PA DANG MTSUNGS PAR LDAN PAS KYANG KUN GZHI RNAM PAR SHES PA MTSUNGS PAR LDAN PAS 'JUG PA RNAM PAR GZHAG PAR RIG PAR BYA'O, ,DE LA GCIG GI RKYEN NYID GCIG YIN PAS 'JUG PA RNAM PAR GZHAG PA GANG ZHE NA, 'DI LA KUN GZHI RNAM PAR SHES PA NI RNAM PA GNYIS KYIS 'JUG PA'I RNAM PAR SHES PA'I RKYEN GYI BYA BA BYED DE SA BON GYI DNGOS PO DANG RTEN BYED PAS SO, ,DE LA SA BON GYI DNGOS @005A *, ,PO NI 'JUG PA'I RNAM PAR SHES PA DGE BA DANG MI DGE BA DANG LUNG DU MA BSTAN PA 'BYUNG BAR 'GYUR BA GANG CI YANG RUNG STE, DE DAG THAMS CAD NI KUN GZHI RNAM PAR SHES PA'I SA BON DANG LDAN PA YIN NO, ,DE LA RTEN BYED PA NI KUN GZHI RNAM PAR SHES PAS ZIN PA'I DBANG PO GZUGS CAN RNAMS LA BRTEN NAS, RNAM PAR SHES PA'I TSOGS LNGA PO DAG 'BYUNG BAR 'GYUR GYI MA ZIN PA DAG LAS NI MA YIN, ,RNAM PAR SHES PA'I TSOGS LNGA PO DAG GI GNAS MIG LA SOGS PA DANG 'DRA BA YID DANG YID KYI RNAM PAR SHES PA'I GNAS KUN GZHI RNAM PAR SHES PA YOD NA, YID DANG YID KYI RNAM PAR SHES PA YANG 'BYUNG BAR 'GYUR GYI MED NI NA MA YIN NO, ,DE LA 'JUG PA'I RNAM PAR SHES PA NI RNAM PA GNYIS KYIS KUN GZHI RNAM PAR SHES PA'I RKYEN GYI BYA BA BYED DE, TSE 'DI LA SA BON YONGS SU BRTAS PAR BYED PA DANG, TSE PHYI MA LA DE MNGON PAR 'GRUB PA'I SA BON YONGS SU 'DZIN PA SKYED PAR BYED PAS SO, ,DE LA TSE 'DI LA SA BON YONGS SU BRTAS PAR BYED PA NI, JI LTA JI LTAR KUN GZHI RNAM PAR SHES PA LA BRTEN PA 'JUG PA'I RNAM PAR SHES PA DGE BA DANG, MI DGE BA DANG, LUNG DU MA BSTAN PA 'BYUNG BAR 'GYUR BA DE LTA DE LTAR RANG GI RTEN LA RTEN DE DANG LHAN CIG SKYE BA DANG 'GAG PAS BAG CHAGS SGO BAR BYED DO, ,RGYU DE DANG RKYEN DES NA 'JUG PA'I RNAM PAR SHES PA RNAMS KYANG PHYIR ZHING PHYIR ZHING DGE BA LA SOGS PA'I DNGOS POS SHIN TU BRTAS PA DANG, SHIN TU SBYANGS PA DANG, SHIN TU 'OD GSAL BA DAG TU 'BYUNG BAR 'GYUR RO, ,DE'I BAG CHAGS KYI RIGS GZHAN NI PHYI MA LA KUN GZHI RNAM PAR SHES PA DE DAG NYID KYI RNAM PAR SMIN PA YONGS SU 'DZIN PA'I PHYIR 'JUG PAR 'GYUR RO, ,DE LTAR NA SA BON GYI DNGOS PO DANG RTEN BYED PA DANG, SA BON YONGS SU BRTAS PAR BYED PA DANG, SA BON YONGS SU 'DZIN PAS KYANG KUN GZHI RNAM PAR SHES PA DANG, 'JUG PA'I RNAM PAR SHES PA GCIG GI RKYEN NYID GCIG YIN PAS 'JUG PA RNAM PAR GZHAG PAR RIG PAR BYA'O, ,DE LA LHAN CIG GI DNGOS POS 'JUG PA RNAM PAR GZHAG PA GANG ZHE NA, KUN GZHI @005B RNAM PAR SHES PA NI RES 'GA' NI 'JUG PA'I RNAM PAR SHES PA GCIG KHO NA DANG LHAN CIG TU 'JUG STE, 'DI LTA STE YID DANG NGO, ,'DI LTAR NGAR 'DZIN PA DANG, NGA'O SNYAM PA'I NGA RGYAL DANG, RLOM PA'I RNAM PA CAN GYI YID GANG YIN PA DE NI SEMS YOD PA DANG, SEMS MED PA'I GNAS SKABS DAG NA YANG DUS RTAG TU KUN GZHI RNAM PAR SHES PA DANG LHAN CIG 'BYUNG ZHING 'JUG STE, DA NI KUN GZHI RNAM PAR SHES PA LA NGA'O SNYAM PA DANG, BDAG GO SNYAM DU DMIGS SHING RLOM PA'I RNAM PA CAN YIN NO, ,RES 'GA' NI YID DANG YID KYI RNAM PAR SHES PA GNYIS DANG LHAN CIG 'BYUNG ZHING 'JUG GO, ,RES 'GA' NI RNAM PAR SHES PA'I TSOGS LNGA PO DAG LAS GANG YANG RUNG BA GCIG DANG GSUM DANG NGO, ,RES 'GA' NI RNAM PAR SHES PA'I TSOGS LNGA PO DAG LAS GNYIS LHAN CIG 'BYUNG BA DANG BZHI DANG NGO, ,RES 'GA' NI RNAM PAR SHES PA'I TSOGS LNGA PO LHAN CIG 'BYUNG BA DANG BDUN CHAR GYI BAR DAG DANG, LHAN CIG 'BYUNG ZHING 'JUG GO, ,YID KYI RNAM PAR SHES PA DE NI YID LA BRTEN PA ZHES BYA STE, RGYU MTSAN GYI YID MA 'GAGS NA RNAM PAR RIG PA'I 'CHING BA MI 'GROL LA, 'GAGS NA NI DE 'GROL BA'I PHYIR RO, , YID KYI RNAM PAR SHES PA DE NI GZHAN GYI YUL LA DMIGS PA DANG, RANG GI YUL LA DMIGS PA YIN TE, DE LA GZHAN GYI YUL LA DMIGS PA NI RNAM PAR SHES PA'I TSOGS LNGA PO DAG GI YUL LA CIG CAR RAM, CIG CAR MA YIN PAR DMIGS PA GANG YIN PA'O, ,RANG GI YUL LA DMIGS PA NI RNAM PAR SHES PA'I TSOGS LNGA PO DAG GI DMIGS PA MED PAR CHOS LA DMIGS NAS 'BYUNG BA GANG YIN PA'O, ,KUN GZHI RNAM PAR SHES PA DE YANG RES 'GA' NI BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'I TSOR BA RNAMS DANG 'DREN MAR 'JUG STE, 'JUG PA'I RNAM PAR SHES PA LA BRTEN NAS, TSOR BA GANG DAG YIN PA DE DAG DE LA BRTEN NAS 'BYUNG BA'I PHYIR RO, ,DE LA MI RNAMS DANG 'DOD PA NA SPYOD PA'I LHA RNAMS DANG, DUD 'GRO DANG, YI DVAGS KHA CIG GI NANG NA NI LHAN CIG SKYES PA'I TSOR BA SDUG BSNGAL YANG @06A *, ,MA YIN BDE BA YANG MA YIN PA DE DANG, 'JUG PA'I RNAM PAR SHES PA'I TSOGS KYI TSOR BA BDE BA'AM, SDUG BSNGAL BA'AM, BDE BA YANG MA YIN, SDUG BSNGAL BA YANG MA YIN PA DE DAG GI RGYUN 'DREN MAR LHAN CIG TU 'BYUNG ZHING 'JUG GO, ,SEMS CAN DMYAL BA DAG NA NI SDUG BSNGAL BA YANG MA YIN, BDE BA YANG MA YIN PA'I TSOR BA ZIL GYIS MNAN TE, SDUG BSNGAL GYI RGYUN 'BA' ZHIG MA 'DRES PA DE NYID DANG LHAN CIG 'BYUNG ZHING 'JUG STE, DE YANG ZIL GYIS MNAN PA'I PHYIR RTOGS PAR DKA' BA YIN PAR BLTA'O, ,SEMS CAN DMYAL BA DAG NA SDUG BSNGAL DANG CI LTA BA DE BZHIN DU BSAM GTAN GSUM GYIS PA'I LHA RNAMS LA NI BDE BAR DANG NGO, ,BSAM GTAN BZHI PA YAN CAD SRID PA'I RTZE MO'I BAR DAG LA NI SDUG BSNGAL YANG MA YIN BDE BA YANG MA YIN PA DANG NGO, ,KUN GZHI RNAM PAR SHES PA RES 'GA' NI 'JUG PA'I RNAM PAR SHES PAR GTOGS PA'I SEMS LAS BYUNG BA'I CHOS DGE BA DANG MI DGE BA DANG, LUNG DU MA BSTAN PA RNAMS DANG LHAN CIG 'BYUNG ZHING 'JUG STE, DE LTAR NA KUN GZHI RNAM PAR SHES PA NI 'JUG PA'I RNAM PAR SHES PA RNAMS DANG YANG LHAN CIG 'BYUNG ZHING 'JUG GO, ,GLO BUR GYI TSOR BA RNAMS DANG, GLO BUR GYI CHOS DGE BA DANG, MI DGE BA DANG, LUNG DU MA BSTAN PA RNAMS DANG YANG LHAN CIG 'BYUNG ZHING 'JUG STE, DE NI DE DAG DANG MTSUNGS PAR LDAN PA YIN PAR NI MI BRJOD DO, ,DE CI'I PHYIR ZHE NA, DMIGS PA MI MTSUNGS PA LA 'JUG PA'I PHYIR TE, 'DI LTA STE; DPER NA MIG GI RNAM PAR SHES PA NI MIG DANG LHAN CIG 'BYUNG YANG DE NI DE DANG MTSUNGS PAR LDAN PA MA YIN PA DE BZHIN DU 'DI LA YANG CHOS MTSUNGS PA 'GAS TSUL DE BZHIN DU BLTA BAR BYA'O, ,'DI LTA STE, DPER NA SEMS LAS BYUNG BA'I CHOS SEMS LAS BYUNG BA NYID BYE BRAG MED PA RNAMS MTSAN NYID SNA TSOGS YIN PA'I PHYIR LHAN CIG GI DNGOS PO 'JUG PA LA 'GAL BA MED PA DE BZHIN DU, KUN GZHI RNAM PAR SHES PA DANG, 'JUG PA'I RNAM PAR SHES PA RNAMS KYANG LHAN CIG GI DNGOS POS 'JUG PA LA 'GAL BA MED PAR RIG PAR BYA'O, ,'DI LTA STE DPER NA CHU'I @06B RGYUN DANG CHU RLABS RNAMS LHAN CIG GI DNGOS POS 'JUG PAR 'GAL BA MED PA DANG, ME LONG GI DKYIL 'KHOR GSAL BA DANG, GZUGS BRNYAN RNAMS LHAN CIG GI DNGOS POS 'JUG PAR 'GAL BA MED PA DE BZHIN DU KUN GZHI RNAM PAR SHES PA LA YANG 'JUG PA'I RNAM PAR SHES PA RNAMS LHAN CIG GI DNGOS POS 'JUG PAR 'GAL BA MED PAR BLTA BAR BYA'O, ,'DI LTA STE, DPER NA MIG GI RNAM PAR SHES PAS DNGOS PO GCIG LA RES 'GA' NI GZUGS KYI RNAM PA RIGS GCIG PA SNA TSOGS MA YIN PA 'DZIN PAR BYED, RES 'GA' NI RNAM PA SNA TSOGS DU MA CIG CAR 'DZIN PAR BYED DO, ,MIG GI RNAM PAR SHES PAS GZUGS LA JI LTA BA BZHIN DU, RNA BA'I RNAM PAR SHES PAS SGRA DAG DANG, SNA'I RNAM PAR SHES PAS DRI DAG DANG, LCE'I RNAM PAR SHES PAS RO DAG LA YANG DE BZHIN PA DANG, 'DI LTA STE, DPER NA LUS KYI RNAM PAR SHES PA'I REG BYA'I DNGOS PO GCIG LA RES 'GA' NI REG BYA RIGS GCIG PA SNA TSOGS MA YIN PA 'DZIN PAR BYED LA, RES 'GA' NI RNAM PA SNA TSOGS DU MA CIG CAR 'DZIN PAR BYED PA DE BZHIN DU YID KYI RNAM PAR SHES PA'I RNAM PAR RTOG PAS KYANG GCIG DANG SNA TSOGS DU MA 'DZIN PA LA 'GAL BA MED PAR RIG PAR BYA'O, ,GANG SNGAR BSTAN PA'I YID GANG YIN PA DE NI DUS RTAG TU KUN GZHI RNAM PAR SHES PA DANG LHAN CIG 'BYUNG ZHING 'JUG STE, DE NI YANG DAG PAR MA BCOM GYI BAR DU DUS RTAG PA KHO NAR LHAN CIG SKYES PA'I RANG BZHIN 'DRA BA'I KUN NAS NYON MONGS PA RNAM PA BZHI PO 'JIG TSOGS LA LTA BA'I KUN NAS NYON MONGS PA DANG, NGA'O SNYAM PA'I NGA RGYAL GYI KUN NAS NYON MONGS PA DANG, BDAG LA CHAGS PA'I KUN NAS NYON MONGS PA DANG, MA RIG PA'I KUN NAS NYON MONGS PA DANG MTSUNGS PAR LDAN PA YIN PAR BLTA BAR BYA'O, ,KUN NAS NYON MONGS PA RNAM PA BZHI PO DE DAG KYANG MNYAM PAR ZHAG PA DANG, MNYAM PAR MA BZHAG PA'I SA LA DGE BA LA SOGS PA DAG LA 'GAL BA MED PAR 'JUG PA DANG, BSGRIBS LA LUNG DU MA BSTAN PA YIN PAR BLTA BAR BYA'O, ,DE LTAR NA 'JUG PA'I RNAM PAR SHES PA DANG LHAN @07A *, ,CIG GI DNGOS PO DANG, TSOR BA DANG LHAN CIG GI DNGOS PO DANG, DGE BA LA SOGS PA DANG LHAN CIG GI DNGOS POS KYANG KUN GZHI RNAM PAR SHES PA LHAN CIG GI DNGOS POS 'JUG PAR RNAM PAR GZHAG PAR RIG PAR BYA'O, ,KUN NAS NYON MONGS PA LDOG PA RNAM PAR GZHAG PA GANG ZHE NA KUN GZHI RNAM PAR SHES PA NI, MDOR NA KUN NAS NYON MONGS PA THAMS CAD KYI RTZA BA YIN NO, ,'DI LTAR DE NI SEMS CAN GYI 'JIG RTEN 'GRUB PA'I RTZA BA YIN TE, DBANG PO RTEN DANG BCAS PA RNAMS DANG, 'JUG PA'I RNAM PAR SHES PA RNAMS SKYED PAR BYED PA YIN PA'I PHYIR RO, ,SNOD KYI 'JIG RTEN 'GRUB PA'I RTZA BA YANG YIN TE, SNOD KYI 'JIG RTEN SKYED PAR BYED PA YIN PA'I PHYIR RO, ,GZHAN YANG SEMS CAN THAMS CAD NI GCIG GI DBANG GCIG YIN PA'I PHYIR SEMS CAN PHAN TSUN 'JUG PA'I RTZA BA YANG YIN TE, 'DI LTAR DE LAS GZHAN PA'I SEMS CAN GYI MTHONG BA LA SOGS PAS BDE BA DANG, SDUG BSNGAL LA SOGS PA NYAMS SU MYONG BAR MI 'GYUR BA GANG YIN PA'I SEMS CAN DE DAG NI 'GA' YANG MED PA'I PHYIR RO, ,RNAM GRANGS DES NA SEMS CAN GYI KHAMS GANG YIN PA DE NI GCIG GI DBANG GCIG YIN PAR RIG PAR BYA'O, ,DE LTAR NA KUN GZHI RNAM PAR SHES PA DE NYID NI SA BON THAMS CAD PA YIN PA'I PHYIR DA LTAR GYI DUS NA SDUG BSNGAL GYI BDEN PA'I RANG BZHIN DANG, MA 'ONGS PA'I DUS NA SDUG BSNGAL GYI BDEN PA SKYED PAR BYED PA DANG, DA LTAR GYI DUS NYID NI KUN 'BYUNG BA'I BDEN PA SKYED PAR BYED PA'ANG YIN NO, ,DE LTAR NA SEMS CAN GYI 'JIG RTEN 'GRUB PAR BYED PA DANG, SNOD KYI 'JIG RTEN 'GRUB PAR BYED PA DANG, SDUG BSNGAL GYI BDEN PA'I RANG BZHIN YIN PA DANG, MA 'ONGS PA'I SDUG BSNGAL GYI BDEN PA 'GRUB PAR BYED PA DANG, DE LTAR GYI KUN 'BYUNG BA'I BDEN PA 'GRUB PAR BYED PAS KYANG KUN GZHI RNAM PAR SHES PA NI KUN NAS NYON MONGS PA THAMS CAD KYI RTZA BA YIN PAR BLTA BAR BYA'O, ,KUN GZHI RNAM PAR SHES PA THAR PA'I CHA DANG MTHUN PA DANG, NGES PAR 'BYED PA'I CHA DANG MTHUN PA'I @07B DGE BA'I RTZA BA RNAMS KYI SA BON YONGS SU 'DZIN PA GANG YIN PA DE NI KUN 'BYUNG BA BDEN PA'I RGYU MA YIN TE, THAR PA LA SOGS PA'I CHA DANG MTHUN PA'I DGE BA'I RTZA BA RNAMS NI 'JUG PA DANG 'GAL BA NYID YIN PA'I PHYIR RO, ,DE BYUNG NA DE LAS GZHAN PA 'JIG RTEN PA'I DGE BA'I RTZA BA RNAMS NI CHES 'OD GSAL BAR 'GYUR ZHING, DES NA DE DAG RANG GI SA BON YONGS SU BZUNG BA LA CHES MTHU DANG LDAN PA DANG SA BON YONGS SU BRTAS PAS BSGRUB PA LA CHES STOBS DANG LDAN PAR 'GYUR RO, ,SA BON DE LAS DGE BA'I CHOS DE DAG KYANG CHES 'OD GSAL PAR 'GRUB PA DANG, PHYI MA LA YANG RNAM PAR SMIN PA CHES SDUG PA DANG, CHES 'DOD PA 'GRUB PAR 'GYUR RO, ,BCOM LDAN 'DAS KYIS KYANG KUN GZHI RNAM PAR SHES PA SA BON THAMS CAD PA 'DI LA DGONGS NAS MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS KYI BAR DU GSUNGS TE, KUN GZHI RNAM PAR SHES PA LA KHAMS SNA TSOGS YOD PA'I PHYIR RO, ,MDO NYID LAS KYANG KUN GZHI RNAM PAR SHES PA LA KHAMS DU MA YOD PA'I PHYIR RO, ,JI LTAR DBANG PO'I TSOGS KYI DPE MDZAD PA LTA BU'O, ,DE LTAR NA KUN NAS NYON MONGS PA'I RTZA BA KUN GZHI RNAM PAR SHES PA DE NI 'DI LTAR DGE BA'I CHOS BSGOMS PAS RNAM PAR LDOG PAR RIG PAR BYA'O, ,DGE BA'I CHOS BSGOM PA DE YANG SO SO'I SKYE BO SEMS GNAS PAR BYA BA'I PHYIR 'JUG PA'I RNAM PAR SHES PA LA DMIGS PA'I YID LA BYED PAS BRTZON PAR BYED PA NI, DE'I DANG POR BDEN PA MNGON PAR RTOGS PA LA 'DZUG PAR BYA BA'I PHYIR BSGOM STE, BDEN PA MA MTHONG BA BDEN PA RNAMS LA MIG MA THOB PAS NI KUN GZHI RNAM PAR SHES PA SA BON THAMS CAD PA YANG RTOGS PAR MI NUS PA'I PHYIR RO, ,DE DE LTAR ZHUGS SHING NYAN THOS KYI YANG DAG PA NYID SKYON MED PA LA ZHUGS SAM, BYANG CHUB SEMS DPA'I YANG DAG PA NYID SKYON MED PA LA ZHUGS TE CHOS THAMS CAD KYI CHOS KYI DBYINGS RTOGS PAR BYED PA NA, KUN GZHI @08A *, ,RNAM PAR SHES PA YANG RTOGS PAR BYED DE, DER KUN NAS NYON MONGS PA THAMS CAD LA YANG DAG PAR 'DUS PAR BLTA ZHING, DE NANG GI SO SO'I BDAG NYID LA PHYI ROL GYI MTSAN MA'I 'CHING BA DANG, NANG GI GNAS NGAN LEN GYI 'CHING BAS BDAG NYID BCINGS PA RTOGS PAR BYED DO, ,KUN GZHI RNAM PAR SHES PA NI 'DU BYED KYI RNAM PAR SPROS PAR BSDUS PA DE DAG THAMS CAD KYI KHAMS PA YIN PA'I PHYIR, KUN GZHI RNAM PAR SHES PA LA GCIG TU SDUD PA DANG, GCIG TU SPUNGS PA DANG, GCIG TU SOGS PAR BYED DE; GCIG TU BSAGS NAS DE BZHIN NYID LA DMIGS PA'I SHES PAS KUN TU BRTEN CING GOMS PAR BYAS PA'I RGYUS GNAS 'GYUR BAR BYED DO, ,GNAS 'GYUR MA THAG TU KUN GZHI RNAM PAR SHES PA SPANGS PAR BRJOD PAR BYA STE, DE SPANGS PA'I PHYIR KUN NAS NYON MONGS PA THAMS CAD KYANG SPANGS PAR BRJOD PAR BYA'O, ,KUN GZHI RNAM PAR SHES PA DE'I GNAS NI, GNYEN PO DANG, DGRA BOS BSGYUR BAR RIG PAR BYA'O, ,KUN GZHI RNAM PAR SHES PA NI MI RTAG PA DANG, LEN PA DANG BCAS PA YIN LA, GNAS GYUR PA NI RTAG PA DANG LEN PA MED PA YIN TE, DE BZHIN NYID LA DMIGS PA'I LAM GYIS BSGYUR BA'I PHYIR RO, ,KUN GZHI RNAM PAR SHES PA NI GNAS NGAN LEN DANG LDAN PA YIN LA GNAS GYUR PA NI GNAS NGAN LEN THAMS CAD DANG GTAN BRAL BA YIN NO, ,KUN GZHI RNAM PAR SHES PA NI NYON MONGS PA RNAMS KYI 'JUG PA'I RGYU DANG LAM GYI 'JUG PA'I RGYU MA YIN LA, GNAS GYUR PA NI NYON MONGS PA RNAMS KYI 'JUG PA'I RGYU MA YIN PA DANG, LAM DU 'JUG PA'I RGYU YIN TE, GNAS PA'I RGYU NYID YIN PA DANG, SKYED PA'I RGYU NYID MA YIN PA'I PHYIR RO, ,KUN GZHI RNAM PAR SHES PA NI DGE BA DANG LUNG DU MA BSTAN PA'I CHOS RNAMS LA DBANG MI BYED LA, GNAS GYUR PA NI DGE BA DANG LUNG DUS BSTAN PA'I CHOS THAMS CAD LA DBANG BYED PA'O, ,KUN GZHI RNAM PAR SHES PA DE'I SPANGS PA'I MTSAN NYID NI DE SPANGS MA THAG TU LEN PA RNAM PA GNYIS SPONG BA DANG, SPRUL PA LTA BU'I LUS KUN TU GNAS PA @08B STE; PHYI MA LA SDUG BSNGAL YANG 'BYUNG BAR BYED PA'I RGYU SPANGS PA'I PHYIR, PHYI MA LA YANG 'BYUNG BAR BYED PA'I LEN PA SPONG BA DANG, TSE 'DI LA KUN NAS NYON MONGS PA'I RGYU THAMS CAD SPANGS PA'I PHYIR TSE 'DI'I KUN NAS NYON MONGS PA'I GNAS NGAN LEN THAMS CAD SPONG BA DANG, GNAS NGAN LEN THAMS CAD DANG BRAL ZHING SROG GI RKYEN DU GYUR PA TZAM KUN TU GNAS SO, ,DE YOD NA LUS KYI MTHA' PA DANG, SROG GI MTHAR PA'I TSOR BA MYONG BAR BYED DE, DE'I PHYIR MDO SDE LAS KYANG 'DI NA DE'I TSOR BA THAMS CAD DE TZAM GYIS NA YONGS SU GTUGS PAR 'GYUR RO ZHES RGYA CHER JI SKAD DU GSUNGS PA LTA BU'O, ,DE LTAR NA KUN NAS NYON MONGS PA'I RTZA BA RNAM PAR GZHAG PA DANG, 'JUG PA DANG, RTOG PA DANG, BSGOM PA DANG, YID LA BYED PA RNAM PAR GZHAG PA DANG, GNAS GYUR PA RNAM PAR GZHAG PAS KYANG KUN GZHI RNAM PAR SHES PA'I KUN NAS NYON MONGS PA RNAM PAR LDOG PA RNAM PAR GZHAG PAR RIG PAR BYA'O, ,DE LTAR NA 'DI NI SEMS DANG YID DANG RNAM PAR SHES PA RNAM PAR GZHAG PA'I TSUL YANG DAG PA YIN TE, DE LTAR KHAMS GSUM PA'I SEMS DANG YID DANG RNAM PAR SHES PA THAMS CAD JI SKAD BSTAN PA'I TSUL 'DIS KUN NAS NYON MONGS PA'I TSUL DANG, RNAM PAR BYANG BA'I TSUL THAMS CAD KHONG DU CHUD PAR BYA'O, ,SEMS DANG YID DANG RNAM PAR SHES PA'I TSUL GZHAN YONGS SU BSTAN PA GANG YIN PA DE NI GDUL BA'I RIM PA NYID KYI PHYIR TE, 'DI LTA STE GDUL BA BYIS PA'I SHES RAB CAN GYI DBANG DU BYAS NAS THABS SLA BAS 'JUG PAR BYA BA'I PHYIR RO, ,GANG KUN GZHI RNAM PAR SHES PA DANG LDAN PA DE 'JUG PA'I RNAM PAR SHES PA DANG YANG LDAN LA, GANG 'JUG PA'I RNAM PAR SHES PA DANG LDAN PA DE YANG KUN GZHI RNAM PAR SHES PA DANG YANG LDAN PA YIN NAM ZHE NA, MU BZHI STE, KUN GZHI RNAM PAR SHES PA DANG LDAN PA LA 'JUG PA'I RNAM PAR SHES PA DANG MI LDAN PA NI GNYID LOG PA SEMS MED PA DANG, BRGYAL BAR GYUR PA SEMS MED PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA LA SNYOMS PAR ZHUGS @09A *, ,PA DANG; 'DU SHES MED PA'I SEMS CAN RNAMS KYI NANG DU SKYES PA'O, ,'JUG PA'I RNAM PAR SHES PA DANG LDAN LA, KUN GZHI RNAM PAR SHES PA DANG MI LDAN PA NI SEMS YOD PA'I GNAS SKABS NA DGRA BCOM PA DANG, RANG SANGS RGYAS DANG, PHYIR MI LDOG PA'I BYANG CHUB SEMS DPA' DANG, DE BZHIN GSHEGS PA'O, ,GNYI GA DANG LDAN PA NI SEMS YOD PA'I GNAS SKABS DE LAS GZHAN PA DAG NA'O, ,GNYI GA DANG MI LDAN PA NI DGRA BCOM PA DANG, RANG SANGS RGYAS DANG, PHYIR MI LDOG PA'I BYANG CHUB SEMS DPA' DANG, DE BZHIN GSHEGS PA 'GOG PA LA SNYOMS PAR ZHUGS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS NA'O, ,GANG GI PHYIR NANG DANG PHYI ROL GYI CHOS THAMS CAD NGO BO NYID SO SOR NGES PA NI, SO SO RANG RANG GI MTSAN NYID LA RNAM PAR GNAS PA YIN NA, 'O NA CI'I PHYIR KHAMS BCO BRGYAD PO DAG LAS RNAM PAR SHES PA'I KHAMS DRUG PO DAG NI NGO BO NYID LAS RNAM PAR GZHAG LA, DE LAS GZHAN PA'I KHAMS RNAMS NI GNAS DANG, DMIGS PA DANG, GROGS LAS RNAM PAR GZHAG CE NA, RNAM PAR SHES PA'I KHAMS DRUG PO GANG YIN PA 'DI DAG NI NYIN MO DANG MTSAN MO DE DANG DE DAG 'DAS PA DANG, SKAD CIG DE DANG DE DAG 'DAS PA DANG, THANG CIG DANG, YUD TZAM DE DANG DE DAG 'DAS NAS, RGYU DE DAG DANG RKYEN DE DAG LA BRTEN TE, MIG LA SOGS PA GNAS RNAMS DANG, GZUGS LA SOGS PA DMIGS PA RNAMS DANG, SEMS LAS BYUNG BA GROGS RNAMS KYIS RNAM PA DU MA RNAM PA MANG PO SNA TSOGS DAG 'BYUNG ZHING, GNAS GANG DANG GANG NAS 'BYUNG BA DE DANG DE'I MING 'THOB BO, ,'DI LTA STE, DPER NA ME NI RGYU GANG DANG GANG KHO NA LA BRTEN TE 'BAR BA DE DANG DE'I GRANGS SU 'GRO STE, RTZVA DAG DANG SHING DAG DANG, LCIB DAG DANG, PHUB MA DAG DANG, SBUR MA DAG LA BRTEN TE 'BAR BA'I ME NI RTZVA'I ME ZHES BYA BA NAS, RGYAS PAR SBUR MA'I ME ZHES BYA BA'I BAR GYI GRANGS SU 'GRO BA DE BZHIN DU MIG DANG GZUGS RNAMS LA BRTEN TE, RNAM PAR SHES PA 'BYUNG BA NI MIG GI RNAM PAR @009B SHES PA ZHES BYA BA'I GRANGS SU 'GRO STE, DE BZHIN DU RGYAS PAR YID DANG CHOS KYI BAR LA BRTEN PA NI, YID KYI RNAM PAR SHES PA ZHES BYA BA'I BAR GYI GRANGS SU 'GRO BAR RIG PAR BYA'O, ,DE LAS GZHAN PA MIG LA SOGS PA'I KHAMS RNAMS NI DANG PO NGO BO NYID GANG KHO NAS BYUNG BAR GYUR PA'I NGO BO NYID DE KHO NA DANG 'DRA BAR 'BYUNG BA GCIG NAS GCIG TU BRGYUD PAS GTAN DU RJES SU 'JUG PAR 'GYUR RO, ,RNAM PAR SHES PA RIGS GCIG PA NI RGYU DE DAG DANG RKYEN DE DAG LA BRTEN TE, RNAM PA THA DAD PA'I NGO BO NYID DU 'BYUNG BAS DE'I PHYIR, RNAM PAR SHES PA'I KHAMS RNAMS NI NGO BO NYID KHO NA LAS RNAM PAR BZHAG LA DE LAS GZHAN PA'I KHAMS RNAMS NI GNAS DANG DMIGS PA DANG GROGS LAS RNAM PAR GZHAG GO, RNAM PAR SHES PA'I TSOGS YONGS SU SHES PAR BYA BA LAS BRTZAMS TE, DGE SLONG SEMS RNAM PAR DAG PAR BYA BA LA ZHUGS PAS RNAM PA DUS SEMS YONGS SU SHES PAR BYA ZHE NA, MDOR BSDU NA RNAM PAR GSUM GYIS TE, KUN NAS NYON MONGS PA LAS KUN TU DGA' BA DANG, KUN NAS NYON MONGS PA CAN GYI NYES DMIGS DANG, KUN NAS NYON MONGS PA RNAM PAR BZLOG PA'I THABS KYIS SO, ,JI LTAR NA DGE SLONG SEMS RNAM PAR DAG PAR BYA BA LA ZHUGS PA, KUN NAS NYON MONGS PA LA KUN TU DGA' BA LAS SEMS YONGS SU SHES PAR BYED CE NA, 'DI NA DGE SLONG SEMS RNAM PAR DAG PAR BYA BA LA ZHUGS PA NI 'DI SNYAM DU SEMS TE, BDAG GI SEMS 'DI NI YUN RING PO NAS KUN NAS NYON MONGS PA LA MDON PAR DGA' BA STE, KUN NAS NYON MONGS PA LA KUN TU DGA' BAS YANG 'DOD CHAGS DANG BCAS PA NYID LAS RNAM PAR BSLANG STE, 'DOD CHAGS DANG BRAL BA NYID LA NGES PAR SBYOR BAR BYED PA NA, 'DOD CHAGS DANG BRAL BA NYID LA DES PAR MI GNAS SHING MI DGA' BAR MYUR BA MYUR BA KHO NAR KUN TU GYUR CING, 'DOD CHAGS DANG BCAS PA KHO NA LA 'JUG PAR BYED, RNAM PAR 'GRO BAR BYED, RJES SU RGYUG PAR BYED DO, ,'DOD CHAGS DANG BCAS PA NYID KYI JI LTA BA @10A *, ,BZHIN DU ZHE SDANG DANG BCAS PA NYID DANG, GTI MUG DANG BCAS PA NYID DANG, ZHUM PA NYID DANG, RGOD PA NYID DANG, NYE BAR MA ZHI BA NYID DANG, RNAM PAR G-YENGS PA NYID KYI BAR YANG DE DANG 'DRA STE, BAG MED PAR GNAS PA LAS RNAM PAR BSLANG NAS, RGYAS PAR DGE BA'I CHOS RNAMS RTAG TU BSGOM PA'I BAR LA NGES PAR SBYOR BAR BYED PA NA, DGE BA'I CHOS RNAMS RTAG TU BSGOM PA LA NGES PAR MI GNAS SHING, MI DGA' BAR MYUR BA MYUR BA KHO NAR KUN TU GYUR CING, BAG MED PA LA KUN TU DGA' BA'I BAR KHO NA LA 'JUG PAR BYED, RNAM PAR 'GRO BAR BYED, RJES SU RGYUG PAR BYED DO SNYAM DU SEMS TE, DGE SLONG SEMS RNAM PAR DAG PAR BYA BA LA ZHUGS PA NI DE LTAR KUN NAS NYON MONGS PA LA KUN TU DGA' BA LAS SEMS YONGS SU SHES PAR BYED DO, ,DGE SLONG SEMS RNAM PAR DAG PAR BYA BA LA ZHUGS PAS DE LTAR KUN NAS NYON MONGS PA LA KUN TU DGA' BA LAS RANG GI SEMS YONGS SU SHES PAR BYAS NAS, KUN NAS NYON MONGS PA CAN GYI SEMS DE NYID NYES DMIGS LAS 'DI LTAR YONGS SU SHES PAR BYED DO, ,BDAG GI 'DOD CHAGS DANG BCAS PA'I SEMS GANG YIN PA DE NI BDAG LA GNOD PA DANG, GZHAN DAG LA GNOD PA DANG, GNYI GA LA GNOD PA'I PHYIR 'JUG PA DANG, TSE 'DI DANG TSE PHYI MA DANG TSE 'DI TSE PHYI MA'I KHA NA MA THO BA SKYED PAR BYED PA DANG, DE DANG DE 'BYUNG BA'I SEMS LAS BYUNG BA SDUG BSNGAL BA DANG, YID MI BDE BA SKYE BA'I RKYEN YANG YIN TE, 'DOD CHAGS DANG BCAS PA JI LTA BA BZHIN DU BAG MED PA LA MNGON PAR DGA' BA'I BAR YANG DE BZHIN DU RIG PAR BYA'O ZHES YONGS SU SHES PAR BYED CING, DE 'DI SNYAM DU SEMS TE, 'DOD CHAGS DANG BCAS PA'I SEMS DANG, BAG MED PA LA MNGON PAR DGA' BA'I BAR GYI SEMS 'DI NI NYES DMIGS DANG BCAS PA'I PHYIR, YAMS KYI NAD DANG BCAS PA DANG, GNOD PA DANG BCAS PA DANG, 'GO BA'I NAD DANG BCAS PA DANG, 'KHRUG PA DANG BCAS PA YIN NO SNYAM @10B DU SEMS SO, ,DES DE LTAR RANG GI SEMS KUN NAS NYON MONGS PA CAN DE NYES DMIGS LAS YONGS SU SHES PAR BYAS NAS KUN NAS NYON MONGS PA RNAM PAR LDOG PA LA MKHAS PA LAS 'DI LTAR YONGS SU SHES PAR BYED DE, BDAG NI DE LTAR RANG GI SEMS KUN NAS NYON MONGS PA CAN NYES DMIGS DANG BCAS PA YAMS KYI NAD DANG BCAS PA, GNOD PA DANG BCAS PA, 'GO BA'I NAD DANG BCAS PA, 'KHRUG PA DANG BCAS PA 'DI LTA BU 'DI'I DBANG DU 'GYUR BAR MI BYA'I, RANG GI SEMS NYID LA DBANG BSGYUR BAR BYA'O ZHES RANG GI SEMS LA DBANG BSGYUR BAR BYA BA DANG, SEMS KYI DBANG GIS 'GYUR BAR MI BYA BAR RIG NAS, SO SOR BRTAGS SHING SO SOR BRTAGS TE, 'DOD CHAGS DANG BCAS PA'I SEMS DE 'DOD CHAGS DANG BCAS PA NYID LAS RNAM PAR BZLOG NAS, 'DOD CHAGS DANG BRAL BA NYID LA 'JOG PAR BYED, DGA' BAR BYED CING, DE LA DE'I PHAN YON NYE BAR STON PAR YANG BYED DO, ,DE BZHIN DU BAG MED PAR GNAS PA'I BAR LAS RNAM PAR BZLOG NAS, DGE BA'I CHOS RNAMS RTAG TU BSGOM PA LA 'JOG PAR BYED, DGA' BAR BYED CING DE LA DE'I PHAN YON NYE BAR STON PAR YANG BYED DO, ,DE LTAR ZHUGS SHING DE LA MANG DU GNAS PA DE LA DE'I SEMS SNGON KUN NAS NYON MONGS PA LA KUN TU DGA' BA YONGS SU SMAD PA GANG YIN PA DE, SO SOR BRTAG MI DGOS PAR DGE BA'I CHOS RNAMS RTAG TU BSGOM PA LA RANG NYID MNGON PAR DGA' BAR 'GYUR BA DE'I DUS KYANG YOD DE, DE'I SKABS KYANG YOD PAR 'GYUR RO, ,GANG GI PHYIR DGE SLONG SEMS RNAM PAR DAG PAR BYA BA LA ZHUGS PA DE LTAR RANG GI SEMS KUN NAS NYON MONGS PA LA KUN DU DGA' BA NYID LA BRTEN TE, DPE MED PAR 'GYUR BA NYID YANG DAG PA JI LTA BA BZHIN DU RAB TU SHES PAR BYED PA NI, DE LTAR NYES DMIGS LAS KUN NAS NYON MONGS PA CAN GYI SEMS LA YANG MKHAS PAR GYUR LA, DE LTAR KUN NAS NYON MONGS PA CAN GYI SEMS RNAM PAR LDOG PA LA YANG MKHAS PAR 'GYUR RO, ,DE LTAR NA DGE SLONG SEMS @11A *, ,RNAM PAR DAG PAR BYA BA LA ZHUGS PA NI 'DI LTA STE, ZAG PA RNAMS ZAD PAS MYUR BA KHO NAR SEMS RNAM PAR DAG PA BLA NA MED PA RJES SU 'THOB BO, ,SEMS LA MKHAS PA'I RNAM GRANGS DANG, SEMS RNAM PAR LDOG PA LA MKHAS PA'I RNAM GRANGS GZHAN YANG YOD DE, SEMS LA MKHAS PA'I RNAM GRANGS NI KUN BRTAGS PA'I NGO BO NYID LAS BRTZAMS TE RIG PAR BYA'O, ,SEMS RNAM PAR LDOG PA LA MKHAS PA'I RNAM GRANGS NI GZHAN GYI DBANG GI NGO BO NYID LAS BRTZAMS TE RIG PAR BYA'O,, ,, BAM PO GNYIS PA, DGE BAS SEMS YONGS SU BSGOS PA'I PHAN YON NI GNYIS TE, 'BRAS BU'I DUS NA BDE BA LA REG PA NYID DANG, RGYU'I DUS NA DBANG BSGYUR BA NYID DO, ,SEMS RNYOG PA CAN DU 'GYUR BA'I NYES PA NI GSUM STE, TSUL BZHIN MA YIN PA YID LA BYED PA'I NYES PA DANG, BAG LA NYAL GYI NYES PA DANG, KUN NAS DKRIS PA'I NYES PA'O, ,BCOM LDAN 'DAS KYIS SEMS KHO NA LA LEGS PAR RAB TU TSUL BZHIN DU SO SOR BRTAG PAR BYA'O ZHES GANG GSUNGS PA DANG, DRAN PA NYE BAR GZHAG PA DAG LAS LUS LA LUS KYI RJES SU LTA ZHING GNAS SO ZHES BYA BA NAS, CHOS RNAMS LA CHOS KYI RJES SU LTA ZHING GNAS SO ZHES BYA BA'I BAR DU GANG GSUNGS PA DE LA DGONGS PA GANG YIN ZHE NA, SMRAS PA, DER NI SEMS YONGS SU BRTAG PA KHO NA DRAN PA NYE BAR GZHAG PA BZHIS YONGS SU BSTAN PA YIN TE, SEMS KYI LEN PA YONGS SU BRTAG PA DANG, SEMS KYI MYONG BA YONGS SU BRTAG PA DANG, SEMS KYI RNAM PAR RIG PA YONGS SU BRTAG PA DANG, SEMS KYI KUN NAS NYON MONGS PA DANG RNAM PAR BYANG BA YONGS SU BRTAG PA STE, DE LTAR NA LEN PA DANG MYONG BA DANG, DMIGS PA RNAM PAR RIG PA DANG, KUN NAS NYON MONGS PA DANG, RNAM PA BYANG BA DANG BZHIS SEMS KHO NA YONGS SU BRTAG PA YIN NO, ,DGE BAS SEMS YONGS SU BSGOS PA'I PHAN YON NI GNYIS TE ZHES BYA BAS NI MDO LAS NGAS NI 'DI LTA STE SEMS NI @11B MA BSGOMS NA MI MNYEN ZHING LAS SU MI RUNG BAR 'GYUR LA, BSGOMS NA MNYEN ZHING LAS SU RUNG BAR 'GYUR BA DE LTA BU'I CHOS GCIG KYANG YANG DAG PAR RJES SU MA MTHONG NGO ZHES GSUNGS PA DE'I DON BSTAN PA YIN NO, ,SEMS RNYOG PA CAN DU 'GYUR BA'I NYES PA NI GSUM STE ZHES BYA BA LA SOGS PA NI MDO LAS LHUNG BZED DANG, ME LONG DANG, CHU'I RDZING GI DPE GSUNGS PA DAG DANG CI RIGS PAR SBYAR RO, ,DGE SLONG GNAS PA GSUM PO, RNAM PAR THAR PA LA GNAS PA DANG, RNAM PAR THAR PA'I SGO LA GNAS PA DANG, RNAM PAR THAR PA'I SGO 'DREN PAR BYED PA'I CHOS LA GNAS PA NI SGRUB PA RNAM PA DRUG GIS STON PA'I BSTAN PA BZHIN BYED PA YIN TE, RGYUN MI 'CHAD PAR BSGRUB PA DANG, LEGS PAR BZUNG ZHING BSAMS PA LA BSGRUB PA DANG, BSGOMS PA LAS BYUNG BA'I DGE BA'I RTZA BA BSKYED PA BSGRUB PA DANG; DE LA RO MYONG BAR MI BYED CING BDEN PA RAB TU 'BYED PA BSGRUB PA DANG, DE LA MNGON PA'I NGA RGYAL MED PAR BSGRUB PA DANG, DAD PAS BYIN PA LEGS PAR YONGS SU LONGS SPYOD PA'I BSGRUB PAS SO, ,SBYIN PA NI GNYIS TE, LEN PA PO'I SBYIN PA DANG, SBYIN PA PO'I SBYIN PA'O, ,SBYIN PA'I 'BRAS BU NI GNYIS TE, LONGS SPYOD CHEN PO NYID DANG, DE'I RGYU MTHUN PA LONGS SPYOD LA MOS PA'O, ,DGE SLONG GNAS PA GSUM LA GNAS PA ZHES BYA BA LA 'DIR RNAM PAR THAR PA LA GNAS PA ZHES BYA BA NI MDO LAS 'CHI BA MED PA'I DBYINGS BSGRUBS TE GNAS SO ZHES GSUNGS PA'O, ,RNAM PAR THAR PA'I SGO LA GNAS PA ZHES BYA BA NI MDO LAS, STONG PA NYID DANG, MTSAN MA MED PA DANG, SMON PA MED PA'I DBYINGS LA'O ZHES GSUNGS PA'O, ,RNAM PAR THAR PA'I SGO 'DREN PAR BYED PA'I CHOS LA GNAS PA ZHES BYA BA NI MDO LAS; SKYO BA DANG LDAN PA'I YID LA BYED PA SGOM PA'O ZHES GSUNGS PA'O, ,RGYUN MI 'CHAD PAR BSGRUB PA ZHES BYA BA LA SOGS PA BSGRUB PA RNAM PA DRUG GI MDO LAS BTANG BA MED PA'I BSAM GTAN PA, LHAG MTHONG DANG LDAN PA, KHYIM GYI STONG PA RGYAS PAR BYED PA, @12A *, ,BDAG GI DON GYI RNAL 'BYOR LA BRTZON PA, TSANGS PA MTSUNGS PAR SPYOD PA LA MKHAS PA RNAMS KYIS MA SMAD PA, YUL 'KHOR GYI BSOD SNYOM SA 'BRAS BU YOD PAR LONGS SPYOD PA ZHES GSUNGS PA'I TSIG DE DAG GI DON YONGS SU BSTAN TO, ,SBYIN PA NI GNYIS TE, LEN PA PO'I SBYIN PA DANG, SBYIN PA PO'I SBYIN PA'O ZHES BYA BA LA SOGS PA'I TSIG GI DON, MDO LAS GAL TE SEMS CAN 'DI DAG GIS NI SBYIN PA'I 'BRAS BU DANG, SBYIN PA KUN 'GED PA'I RNAM PAR SMIN PA'I 'BRAS BU SHES PAR GYUR NA NI, DA LTAR KHAMS PHYI MA KHAMS THA MA GANG YIN PA DE LAS KYANG MA BYIN ZHING MA BGOS PAR ZA BAR MI BYED DO ZHES SBYIN PA DANG, SBYIN PA KUN 'GED PA GNYIS KYI 'BRAS BU YOD PA THA DAD PAR GSUNGS PAR STON TO, ,'THAD PAS BSGRUB PA'I RIGS PA LAS BRTZAMS TE, GANG GIS MA 'ONGS PA'I 'DU BYED KYI MTSAN NYID KYIS MED CING YOD PA MA YIN PA KHO NA LAS 'BYUNG NGO ZHES KHONG DU CHUD PAR BYA BA 'DI LA RIGS PA BRJOD PA GANG YIN, GAL TE MA 'ONGS PA'I CHOS 'DU BYED KYI MTSAN NYID KYIS YOD PA KHO NA LAS 'BYUNG BAR 'GYUR NA DE 'PHO ZHING 'BYUNG STE, MA 'ONGS PA'I DUS KYI YUL NAS DA LTAR GYI DUS KYI YUL DU 'PHO ZHING 'BYUNG BAR 'GYUR RAM, 'CHI 'PHO DANG 'BYUNG STE, MA 'ONGS PA'I DUS NAS SHI 'PHOS NAS DA LTAR GYI DUS SU 'BYUNG BAR 'GYUR RAM, BRTEN NAS 'BYUNG STE MA 'ONGS PA NA DE KHO NA BZHIN DU MI 'GYUR BAR GNAS LA DE LA BRTEN TE GZHAN KHO NA ZHIG DA LTAR GYI DUS SU 'BYUNG BAR 'GYUR RAM, LAS DANG BCAS PAR 'BYUNG STE MA 'ONGS PA'I DUS NA LAS MI BYED PAR GYUR PA LAS, DA LTAR GYI DUS SU LAS BYED PA ZHIG 'BYUNG BAR 'GYUR RAM, MTSAN NYID RDZOGS PAR 'BYUNG STE; MA 'ONGS PA'I DUS NA MTSAN NYID MA RDZOGS PAR GYUR PA LAS DA LTAR GYI DUS SU MTSAN NYID RDZOGS PA ZHIG 'BYUNG BAR 'GYUR RAM, MTSAN NYID MI 'DRA BAR 'BYUNG STE, MA 'ONGS PA'I DUS NA MA 'ONGS PA'I DNGOS PO DANG, 'BRAS BU'I DNGOS PO DE GNYIS KYI @12B MTSAN NYID MI 'DRA BAR GYUR LA, DA LTAR GYI DUS SU DA LTAR GYI DNGOS PO DANG 'BRAS BU'I DNGOS PO DE GNYIS KYI MTSAN NYID 'DRA BA ZHIG 'BYUNG BAR 'GYUR GRANG NA, YOD PA DE'I 'BYUNG BA NI RNAM PA DRUG PO DE DAG THAMS CAD KYIS MI RUNG NGO, ,DE CI'I PHYIR ZHE NA, YUL NA MI GNAS PA DANG, PHYOGS NA MI GNAS PA LA NI YUL NAS YUL GZHAN DU 'PHO BA MED PA'I PHYIR DANG, MA SKYES PA DANG MA BYUNG BA LA NI 'CHI 'PHO YANG MED PA'I PHYIR DANG, DE LA BRTEN TE 'BYUNG NA DE GZHAN KHO NA ZHIG BYUNG BAR ZAD KYI MA 'ONGS PA MA YIN LA, MA 'ONGS PA DE YANG MA BYUNG BA'I PHYIR DANG, CHOS THAMS CAD DON DAM PAR G-YO BA MED PA NYID KYI PHYIR MTSAN NYID LAS GZHAN PA'I LAS MI DMIGS TE, MTSAN NYID TZAM 'BA' ZHIG LA 'DOGS PA KHO NAR ZAD PA DANG, GZHAN PA NYID YIN NA YANG MA 'ONGS PA DANG, DA LTAR BYUNG BA GNYIS MTSAN NYID MA TSUNGS PAS YOD PAR 'DRA BA BZHIN DU, DE LTAR 'BA' ZHIG LAS DANG BCAS PA YIN NO ZHES BYA BA'I BYED RGYU YANG MI DMIGS PA DANG, LAS KYANG MA BYUNG BA LAS 'BYUNG BAR 'GYUR BA'I PHYIR DANG, BCOM LDAN 'DAS KYES JI SKAD DU 'DU BYED THAMS CAD NI MI RTAG PA DANG, MI BRTAN PA YIN NO ZHES LEGS PAR GSUNGS PA DANG, LEGS PAR BRJOD PA GANG YIN PA DE LA YANG 'DU BYED KYI LAS NI MI RTAG PA NYID YIN LA, 'DU BYED RNAMS NI DON LAS RTAG PA NYID YIN NO ZHES YONGS SU BSTAN PA NYID KYIS SHIN TU GNOD PA BYAS PAR 'GYUR BA'I PHYIR DANG, MTSAN NYID GCIG PA YIN PAR 'DRA BA LAS, GAL TE MTSAN NYID LA CHA THA DAD PA YOD PAR GYUR NA, CI'I PHYIR MTSAN NYID CHA THA DAD PAR 'GYUR BA DANG, MTSAN NYID CHA THA DAD PA MA BYUNG BA LAS BYUNG NA NI MTSAN GZHI CHA THA DAD PA YANG CI'I PHYIR MA BYUNG BA LAS BYUNG BAR MI 'GYUR BA DANG, MA 'ONGS PA'I DNGOS PO YANG GZUGS LA SOGS PA'I 'DU BYED KYI MTSAN NYID LAS GUD NA MI DMIGS PA DANG, 'BRAS BU MA 'ONGS SHING MED PA YANG 'BRAS BU DA LTAR BYUNG BA YIN PA'I PHYIR RO, ,'THAD PAS @13A *, ,SGRUB PA'I RIGS PA LAS BRTZAMS TE, GANG GIS MA 'ONGS PA'I CHOS 'DU BYED KYI MTSAN NYID KYIS MED CING, YOD PA MA YIN PA MA BYUNG BA LAS 'BYUNG BAR KHONG DU CHUD PAR BYA BA 'DI LA RIGS PA BRJOD PA NI DE YIN TE, MA 'ONGS PA NI JI LTA BA DE BZHIN DU 'DAS PA YANG MED PAR RIGS PA BRJOD PA 'DI NYID KYIS CI RIGS PAR KHONG DU CHUD PAR BYA'O, ,DE LAS 'DAS PA'I 'DU BYED RNAMS GANG ZHE NA, RANG GI BDAG NYID KYIS DNGOS PO LAS ZHIGS SHING RAB TU NYAMS PAR GYUR PA'I MTSAN NYID GANG YIN PA'O, ,DA LTAR BYUNG BA'I 'DU BYED RNAMS GANG ZHE NA, RANG GI BDAG NYID KYI DNGOS PO LAS MA ZHIGS SHING MA NYAMS PAR SKYE BA TZAM GYI DUS NA GNAS PA'I MTSAN NYID GANG YIN PA'O, ,MA 'ONGS PA'I 'DU BYED RNAMS GANG ZHE NA, RGYU NI YOD CING MED PA MA YIN LA RANG GI MTSAN NYID MA BYUNG ZHING BDAG NYID MA THOB PA GANG YIN PA'O, ,GAL TE MA 'ONGS PA'I 'DU BYED RNAMS YOD PA MA YIN PA LAS 'BYUNG BAR 'GYUR NA, NAM MKHA'I ME TOG DANG, MO GSHAM GYI BU DANG, RI BONG GI RVA LA SOGS PA YANG CI'I PHYIR MI 'BYUNG ZHE NA, 'DI LTAR DE DAG LA NI 'BYUNG BA'I RGYU MED KYI 'DU BYED THAMS CAD LA NI 'BYUNG BA'I RGYU SO SOR NGES PA YOD PA'I PHYIR RO, ,GAL TE 'DU BYED THAMS CAD LA 'BYUNG BA'I RGYU SO SOR NGES PA YOD PA KHO NA YIN NA, CI'I PHYIR 'DU BYED THAMS CAD CIG CAR MGO MNYAM KHO NAR 'BYUNG BAR MI 'GYUR ZHE NA, 'DU BYED RNAMS NI RGYU YOD KYANG 'BYUNG BA'I RKYEN LA LTOS NA 'BYUNG BAR 'GYUR TE, 'DU BYED GANG DANG GANG GI 'BYUNG BA'I RKYEN NYE BAR GNAS PAR GYUR PA'I 'DU BYED DE DANG DE'I RGYU NI 'DU BYED DE DANG DE MNGON PAR 'GRUB PAR BYED DE, DE'I PHYIR 'DU BYED RNAMS LA RGYU YOD DU ZIN KYANG CIG CAR MGO MNYAM DU 'BYUNG BAR MI 'GYUR RO, ,DE LA 'DU BYED RNAMS KYI RGYU NI GANG DANG, RKYEN NI GANG ZHE NA BCOM LDAN 'DAS KYIS 'DU BYED RNAMS 'BYUNG BA'I RKYEN NI BZHI PO 'DI DAG YIN PAR GSUNGS TE RGYU'I RKYEN DANG, MTSUNGS PA DE MA THAG PA'I RKYEN DANG, @13B DMIGS PA'I RKYEN DANG, BDAG PO'I RKYEN TO, ,DE LA RGYU'I RKYEN NI RGYU YANG YIN RKYEN YANG YIN NO, ,DE LAS GZHAN PA'I RKYEN GSUM PO DAG NI RKYEN KHO NA YIN TE RGYU NI MA YIN NO, ,DE LA RGYU'I RKYEN GANG ZHE NA, DBANG PO GZUGS CAN RTEN DANG BCAS PA GANG YIN PA DANG, RNAM PAR SHES PA GANG YIN PA 'DI GNYIS NI MDOR NA SA BON THAMS CAD PA ZHES BYA'O, ,DBANG PO GZUGS CAN DANG LDAN PA NI, DBANG PO GZUGS CAN DE DAG DANG, DE LAS GZHAN PA'I CHOS GZUGS CAN RNAMS KYI SA BON KYANG YIN LA SEMS DANG SEMS LAS BYUNG BA'I CHOS THAMS CAD KHO NA'I SA BON KYANG YIN NO, ,RNAM PAR SHES PA DANG LDAN PA NI RNAM PAR SHES PA RNAM PA THAMS CAD PO DE'I SA BON YANG YIN LA, DE LAS GZHAN PA'I CHOS GZUGS CAN MA YIN PA RNAMS DANG, DBANG PO GZUGS CAN RNAMS KYI SA BON YANG YIN NO, ,'BYUNG BA CHEN PO'I GZUGS MA GTOGS PA, DE LAS GZHAN PA'I CHOS GZUGS CAN RNAMS NI RANG GI SA BON DANG LDAN PA'I NGO BO NYID KHO NA YIN PAR RIG PAR BYA'O, ,'BYUNG BA CHEN PO'I GZUGS NI SA BON GNYIS DANG LDAN PA YIN TE, 'BYUNG BA CHEN PO'I SA BON DANG, RGYUR BYAS PA'I GZUGS KYI SA BON DANG NGO, ,DE LTAR NA JI SKAD YONGS SU BSGRAGS PA'I CHOS RNAMS LA, DE LTAR SA BON GYI RGYU DANG LDAN PA CI RIGS PAR RNAM PAR GZHAG PA GANG YIN PA DE NI RGYU'I RKYEN ZHES BYA'O, ,GAL TE DBANG PO GZUGS CAN RANG GI 'BYUNG BA CHEN PO DANG BCAS PA DAG , SEMS DANG SEMS LAS BYUNG BA'I CHOS RNAMS KYI SA BON DANG LDAN PA MA YIN DU ZIN NA, 'DI NA 'GOG PA LA SNYOMS PAR ZHUGS PA DANG, 'DU SHES MED PA LA SNYOMS PAR ZHUGS PA DANG, 'DU SHES MED PA'I SEMS CAN LHA RNAMS KYI NANG DU SKYES PA'I RNAM PAR SHES PA PHYIS YANG 'BYUNG BAR MI 'GYUR BA ZHIG NA 'BYUNG SDE, DE LTA BAS NA DBANG PO GZUGS CAN SEMS DANG SEMS LAS BYUNG BA'I SA BON DANG LDAN PA LA BRTEN TE 'BYUNG BAR RIG PAR BYA'O, ,GAL TE RNAM PAR SHES PA GZUGS KYI SA BON DANG LDAN PA MA YIN DU ZIN NA, SO SO'I SKYE @14A *, ,BO GZUGS MED PA RNAMS SU SKYES PA TSE ZAD CING LAS ZAD NAS DE NAS 'CHI 'PHO ZHING YANG 'OG TU SKYE BA'I GZUGS KYI SA BON MED PAS 'BYUNG BAR MI 'GYUR BA ZHIG NA 'BYUNG STE, DE LTA BAS NA GZUGS KYI SA BON DANG LDAN PA'I RNAM PAR SHES PA DE LA BRTEN NAS DE'I GZUGS 'BYUNG BAR RIG PAR BYA'O, ,SO SO'I SKYE BO 'JIG RTEN PA'I LAM GYI BSAM GTAN DANG PO LA SNYOMS PAR ZHUGS SHING SKYES PA NI DE LAS GZHAN PA 'DOD PA NA SPYOD PA'I CHOS NYON MONGS PA CAN DE DAG GI SA BON GANG YIN PA DE NI NYAMS PA YIN GYI, YANG DAG PAR BCOM PA NI MA YIN PAR RIG PAR BYA'O, ,DE CI'I PHYIR ZHE NA, 'DI LTAR SO SO'I SKYE BO DE NI TING NGE 'DZIN DE LAS YONGS SU NYAMS NAS YANG 'DOD PA NA SPYOD PA'I CHOS NYON MONGS PA CAN RNAMS MNGON DU BYED PA DANG, BSAM GTAN DANG PO'I SNYOMS PAR 'JUG PA DE NAS SHI 'PHOS NAS YANG 'DOD PA'I KHAMS SU SKYE BAR 'GYUR BA'I PHYIR RO, ,DE LA SA BON NYAMS PA NI MDOR BSDU NA RNAM PA GSUM DU RIG PAR BYA STE, YONGS SU SPONG BAS NYAMS PA DANG, SUN 'BYIN PAS NYAMS PA DANG, ZHI GNAS KYIS NYAMS PA'O, ,DE LA YONGS SU SPONG BAS NYAMS PA GANG ZHE NA; 'DI LTAR 'DI NA LA LA KHYIM GYI 'DOD PA'I LONGS SPYOD KYI YONGS SU SPYOD PA DAG SPONG BA YANG DAG PAR BLANG BA LEN PAR BYED CING DE SPONG BA YANG DAG PAR BLANG BA DE KUN DU STEN PAR BYED, SGOM PAR BYED, LAN MANG DU BYED DE, DE KUN DU BSTEN PA'I RGYU DANG, BSGOMS PA'I RGYU DANG, LAN MANG DU BYAS PA'I RGYUS 'DOD PA'I LONGS SPYOD KYI YONGS SU SPYOD PA LA SEMS MI 'JUG MI DGA' KUN DU MI GNAS MOS PAR MI BYED CING DE'I DBANG DANG, DE LA DMIGS PA'I NYON MONGS PA SKYED PAR YANG MI BYED DE, DE NI YONGS SU SPONG BAS NYAMS PA ZHES BYA'O; ,SUN 'BYIN PAS NYAMS PA GANG ZHE NA, 'DI LTAR 'DI NA LA LAS NYES DMIGS KYI 'DU SHES SAM, MI SDUG PA'I 'DU SHES SAM, RNAM PAR BSNGOS PA LA SOGS PA'I 'DU SHES SAM, TSUL BZHIN YID LA BYED PA GANG YANG RUNG BAS 'DOD PA DE DAG LA, DE @14B 'DOD CHAGS DANG BRAL BA MA YIN DU ZIN KYANG JI LTA JI LTAR MI MTHUN PA YIN PA'I RGYUS 'DOD PA RNAMS LA SEMS MI 'JUG PA NAS, RGYAS PAR MOS PAR MI BYED PA'I BAR DU DE LTA DE LTAR SUN 'BYIN PA YIN TE, DE NI SUN 'BYIN PAS NYAMS BA ZHES BYA'O, ,ZHI GNAS KYIS NYAMS PA GANG ZHE NA, 'DI LTAR 'DI NA LA LA 'JIG RTEN PA'I LAM GYIS 'DOD PA'I 'DOD CHAGS DANG BRAL BA'AM, GZUGS KYI 'DOD CHAGS DANG BRAL BA THOB PAR BYED CING, ZHI GNAS KYIS NYE BAR BSTAN PA'I SEMS KYI RGYU DANG LDAN PA DE'I SEMS 'DOD PA DAG GAM, GZUGS DAG LA MI 'JUG PA NAS, RGYAS PAR MOS PAR MI BYED PA'I BAR DE NI ZHI GNAS KYIS NYAMS PA ZHES BYA'O, ,'PHAGS PA NYAN THOS 'JIG RTEN LAS 'DAS PA'I LAM GYIS 'DOD PA'I 'DOD CHAGS DANG BRAL BA DANG, KHAMS GSUM PA'I 'DOD CHAGS DANG BRAL BA'I BAR THOB PA NI DE LTAR DES KHAMS GSUM NA SPYOD PA'I CHOS NYON MONGS PA CAN DE DAG THAMS CAD KYI SA BON THAMS CAD KYI THAMS CAD DU YANG DAG PAR BCOM PA YIN NO, ,DE CI'I PHYIR ZHE NA, 'DI LTAR 'PHAGS PA NYAN THOS DE NI TSE 'DI NYID LA 'DOD CHAGS DANG BRAL BA DE LAS YONGS SU NYAMS SHING, SA 'OG MA PHA'I KUN NAS NYON MONGS PA MNGON DU BYED MI SRID PA DANG, SA GONG MA DAG TU SKYES PA DE NAS SHI 'PHOS NAS YANG SA 'OG MA RNAMS SU SKYE BA YANG MI SRID PA'I PHYIR RO, ,'DI LTA STE DPER NA, 'BRU NAS LA SOGS PA'I SA BON NAM MKHA' 'AM, SA GZHI SKAM POR GZHAG PA RNAMS NI MI SKYE YANG SA BON NYID MED PA NI MA YIN NO, ,DE DAG NYID MES KUN DU GDUNGS NA THAMS CAD KYI THAMS CAD DU SA BON NYID MED PA BZHIN DU SA BON RNAMS KYI NYAMS PA DANG YANG DAG PAR BCOM PA 'DI'I TSUL YANG DE BZHIN DU RIG PAR BYA'O; ,'PHAGS PA NYAN THOS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS MA 'DAS PA DE'I DGE BA DANG, LUNG DU MA BSTAN PA'I CHOS KYI SA BON GANG YIN PA DE NI KUN NAS NYON MONGS PA CAN GYI SA BON YANG DAG PAR BCOM PA'I PHYIR NYAMS @15A *, ,PA YIN PAS DES NA PHYI MA LA RNAM PAR SMIN PA MNGON PAR 'GRUB PAR BYED PA DANG, RANG NYID SKYE BAR YANG MI NUS TE, DE LTAR NA 'DI LTA STE, GROGS YANG DAG PAR BCOM PAS NYAMS PA 'DI NI NYAMS PA GZHAN BZHI PA YIN PAR RIG PAR BYA'O, ,DE LA GANG ZAG 'CHING BA MTHA' DAG DANG LDAN PA'I BDE BA DANG LDAN PA'AM, SDUG BSNGAL BA DANG LDAN PA'AM, SDUG BSNGAL YANG MA YIN BDE BA YANG MA YIN PA DANG LDAN PA'I SEMS GANG DAG 'BYUNG BA DE DAG THAMS CAD NI BDE BA'I SA BON DANG LDAN PA DANG, SDUG BSNGAL BA'I SA BON DANG LDAN PA DANG; SDUG BSNGAL YANG MA YIN BDE BA YANG MA YIN PA DE YANG MA YIN PA'I SA BON DANG LDAN PA YIN NO, ,DE'I DGE BA'AM, NYON MONGS PA CAN NAM, LUNG DU MA BSTAN PA'I SEMS GANG DAG 'BYUNG BA DE DAG THAMS CAD KYANG DGE BA'I SA BON DANG LDAN PA DANG, NYON MONGS PA CAN GYI SA BON DANG LDAN PA DANG, LUNG DU MA BSTAN PA'I SA BON DANG LDAN PA YIN NO, ,GANG ZAG SLOB PA 'CHING BA MA TSANG BA DANG LDAN PA'I 'JIG RTEN PA'I DGE BA 'AM, NYON MONGS PA CAN NAM, LUNG DU MA BSTAN PA'I SEMS GANG DAG 'BYUNG BA DE DAG THAMS CAD NI DE'I SGOM PAS SPANG BAR BYA BA'I NYON MONGS PA GANG DAG MA SPANGS PA DE'I SA BON DANG LDAN PA YIN TE, DE LAS GZHAN PA CHOS THAMS CAD KYI SA BON DANG LDAN PAR 'BYUNG NGO, ,GANG ZAG MI SLOB PA NYON MONGS PA THAMS CAD SPANGS PA'I 'JIG RTEN PA 'AM, 'JIG RTEN LAS 'DAS PA'I DGE BA'AM, LUNG DU MA BSTAN PA'I SEMS GANG 'BYUNG BA DE NI DE NYON MONGS PA CAN GYI CHOS THAMS CAD KYI SA BON DANG MI LDAN PAS DGE BA DANG, LUNG DU MA BSTAN PA'I CHOS THAMS CAD KYI SA BON DANG LDAN PAR 'BYUNG STE, SA BON RNAM PAR GZHAG PA'I TSUL 'DI NI KUN GZHI RNAM PAR SHES PA RNAM PAR MA BZHAG PA LA RIG PAR BYA'O, ,RNAM PAR GZHAG PA LA NI MDOR BSDU NA DE LA CHOS THAMS CAD KYI SA BON YOD PAR RIG PAR BYA STE, SA BON DE DAG NI MA SPANGS PA DANG, SPANG BAR BYA BA MA YIN PA'I CHOS DE DAG DANG CI RIGS @15B SU LDAN PAR RIG PAR BYA'O, ,BCOM LDAN 'DAS KYIS JI SKAD DU DGE SLONG DAG DGRA BCOM PA YANG TSE 'DI LA LHAG PA'I SEMS LAS BYUNG BA BDE BAR GNAS PA BZHI PO DE DAG LAS GANG YANG RUNG BA LAS YONGS SU NYAMS PAR NGA SMRA'O ZHES GANG GSUNGS PA DE LA, GAL TE DE'I NYON MONGS PA CAN GYI CHOS THAMS CAD KYI SA BON DAG YANG DAG PAR BCOM NA NI, JI LTAR DE LA SA 'OG MA PA'I NYON MONGS PA 'BYUNG BAR 'GYUR, GAL TE MI 'BYUNG NA NI JI LTAR DE YONGS SU NYAMS PAR 'GYUR ZHE NA, YONGS SU NYAMS PA NI GNYIS PO 'DI DAG YIN TE; SPONG BA'I YONGS SU NYAMS PA DANG, GNAS PA'I YONGS SU NYAMS PA'O, ,DE LA SPONG BA'I YONGS SU NYAMS PAS NI SO SO'I SKYE BO KHO NA YONGS SU NYAMS PAR 'GYUR RO, ,GNAS PA'I YONGS SU NYAMS PAS NI 'PHAGS PA DANG, SO SO'I SKYE BO YANG YONGS SU NYAMS PAR 'GYUR RO, ,DE LA 'JIG RTEN PA'I LAM GYIS NYON MONGS PA SPANGS PA YANG MNGON DU BYED PA NI SPONG BA'I YONGS SU NYAMS PAS YONGS SU NYAMS PAR 'GYUR TE, GNAS PA'I YONGS SU NYAMS PAS YONGS SU NYAMS PAR 'GYUR BA YANG DE YIN NO, ,'JIG RTEN LAS 'DAS PA'I LAM GYIS NYON MONGS PA SPANGS NAS, DE LAS GZHAN PA'I 'PHRAL GYI BYA BA DAG LA RAB TU CHAGS PA'I BLO CAN YID LA MI BYED PA'I RGYUS DE'I MJUG THOGS SU TSE 'DI LA BDE BAR GNAS PA LA SNGON GYI JI LTA BAR PHYIS KYANG DE BZHIN DU MNGON DU BYED MI NUS LA; SA 'OG MA PA'I NYON MONGS PA NI MNGON DU MI BYED PA GANG YIN PA DE NI DE LTA NA GNAS PA'I YONGS SU NYAMS PAS YONGS SU NYAMS PAR 'GYUR BA YIN GYI SPONG BA'I YONGS SU NYAMS PA NI MA YIN NO, ,GAL TE DGRA BCOM PA NYON MONGS PA THAMS CAD SPANGS PA'I NYON MONGS PA CAN GYI CHOS DE DAG THAMS CAD KYI SA BON YANG DAG PAR MA BCOM NA NI, JI LTAR NA DE DGRA BCOM PA SEMS SHIN DU RNAM PAR GROL BA DANG ZAG PA ZAD PAR 'GYUR, GAL TE YANG DAG PAR BCOM NA NI DE'I SEMS KYI RGYUD NYON MONGS PA CAN GYI CHOS THAMS CAD KYI SA BON @16A *, ,MED PA LA TSUL BZHIN MA YIN PA YID LA BYED PA TZAM YANG 'BYUNG BAR MI 'GYUR NA, NYON MONGS PA LTA SMOS KYANG CI DGOS TE, DE LTA BAS NA 'JIG RTEN LAS 'DAS PA'I LAM GYIS NYON MONGS PA SPANGS PA LA NI YONGS SU NYAMS PA MED PAR KHONG DU CHUD PAR BYA'O; ,DE LA MTSUNGS PA DE MA THAG PA'I RKYEN GANG ZHE NA, SEMS DANG SEMS LAS BYUNG BA'I CHOS GANG DAG GI MJUG THOGS SU SEMS DANG SEMS LAS BYUNG BA'I CHOS GANG DAG 'BYUNG BA DE DAG NI, DE DAG GI MTSUNGS PA DE MA THAG PA'I RKYEN ZHES BYA'O, ,DE LA RNAM PAR SHES PA DRUG PO GANG DAG YIN PA DE DAG NI RNAM PAR SHES PA DRUG PO DE DAG MTSUNGS PA DE MA THAG PA'I RKYEN YIN TE, DE DAG NI YID LA YID CES BYA BA DANG, YID KYI SKYE MCHED CES BYA BA DANG, YID KYI KHAMS ZHES BYA BAR YANG GDAGS SO, ,DE LA DMIGS PA'I RKYEN GANG ZHE NA, GZUGS LA SOGS PA YUL LNGA PO DAG NI RNAM PAR SHES PA'I TSOGS LNGA PO DAG GI DMIGS PA'I RKYEN YIN NO, ,NANG DANG PHYI ROL GYI SKYE MCHED BCU GNYIS PO THAMS CAD NI YID KYI RNAM PAR SHES PA'I DMIGS PA'I RKYEN YIN NO, ,DE LA BDAG PO'I RKYEN GANG ZHE NA, MIG LA SOGS PA'I SKYE MCHED LHAN CIG BYUNG BA RNAMS NI MIG GI RNAM PAR SHES PA LA SOGS PA'I BDAG PO'I RKYEN YIN NO, ,RNAM PAR SHES PA RNAMS DMIGS PA LA GTOD PAR BYED PA'I YID LA BYED PA YANG YIN NO, ,SEMS DANG SEMS LAS BYUNG BA'I CHOS LHAN CIG BYUNG BA RNAMS KYANG GCIG GI BDAG PO'I RKYEN GCIG YIN PAS BDAG PO'I RKYEN YIN NO, ,DGE BA DANG MI DGE BA'I LAS SNGON DU BYAS PA RNAMS KYANG PHYIS 'BRAS BU 'DOD PA DANG MI 'DOD PA GANG RNAM PAR SMIN PAR 'GYUR BA'I BDAG PO'I RKYEN YIN NO, , ZHING DANG LUD DANG CHU LA SOGS PA NI LO THOG MNGON PAR 'GRUB PA'I BDAG PO'I RKYEN YIN NO, ,BZO SHES PA DANG BZO'I LAS DE DANG DE DAG NI 'JIG RTEN PA'I BZO DANG LAS KYI GNAS DE DANG DE DAG MNGON PAR 'GRUB PA'I BDAG PO'I RKYEN YIN NO, ,DE LA RGYU'I RKYEN GANG YIN @16B PA DE NI SKYED PA'I RGYU NYID YIN NO, ,DE LAS GZHAN PA'I RKYEN GSUM PO DAG NI SKYE BA'I THABS KHO NA YIN PAR RIG PAR BYA'O, ,DE LTA BAS NA 'DU BYED GANG DANG GANG GI SKYE BA'I THABS NYE BAR GNAS PAR GYUR PA'I 'DU BYED KYI SA BON DE DANG DE NI 'DU BYED DE DANG DE MNGON PAR 'GRUB PAR BYED DE, DE'I PHYIR 'DU BYED THAMS CAD NI CIG CAR MGO MNYAM DU 'BYUNG BAR MI 'GYUR RO, ,RKYEN BZHI PO DE DAG NYID LA BRTEN NAS, RGYU BCU PO DAG NI RNAM PAR GZHAG PAR RIG PAR BYA STE, 'DI LTA STE, BYANG CHUB SEMS DPA'I SA LAS BSHAD PA BZHIN NO, , BCOM LDAN 'DAS KYIS YID NI 'DAS PA'I 'DU BYED RNAMS LAS KYANG BRTEN TE 'BYUNG LA, YID NI MA 'ONGS PA'I 'DU BYED RNAMS LAS KYANG BRTEN TE 'BYUNG NGO ZHES GANG GSUNGS PA DE LA, GAL TE 'DAS PA'I 'DU BYED RNAMS KYANG MED LA MA 'ONGS PA RNAMS KYANG MED NA GANG GI PHYIR BCOM LDAN 'DAS KYIS YID 'BYUNG NGO ZHES GSUNGS PA'I YID KYI DMIGS PA GANG YIN, GAL TE YID DNGOS PO MED PA KHO NA ZHIG LA DMIGS NA NI DE LA BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA GANG YIN PA 'DI LTA STE, RNAM PAR SHES PA NI GNYIS LA BRTEN TE 'BYUNG NGO, ,GNYIS GANG ZHE NA, MIG DANG GZUGS NAS RGYAS PAR YID DANG CHOS KYI BAR LAS SO ZHES BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA DE LA JI LTAR SHIN TU GNOD PAR BYAS PAR MI 'GYUR ZHE NA, YID NI RNAM PAR SHES PA'I TSOGS LNGA PO DAG GI SPYOD YUL MA YIN PA'I DON GANG YIN PA 'DZIN PAR BYED DE, DE LA BCOM LDAN 'DAS KYIS CHOS GDAGS PAR MDZAD NAS, YID DANG CHOS RNAMS LA BRTEN TE, YID KYI RNAM PAR SHES PA 'BYUNG NGO ZHES GSUNGS SO, ,BCOM LDAN 'DAS KYIS DGONGS PA DE YANG RGYU GANG GIS KHONG DU CHUD PAR BYA ZHE NA, 'DI LTAR YID KYI RNAM PAR SHES PA NI 'DAS PA'I RNAM PAR SHES PA LA DMIGS PA YANG YOD, MA 'ONGS PA'I RNAM PAR SHES PA LA DMIGS PA YANG YOD MOD KYI, RNAM PAR SHES PA NI CHOS KYI SKYE MCHED @17A *, ,DU GTOGS PA MA YIN NO, ,GZHAN YANG YOD PA YANG YOD PA'I DON GYIS RNAM PAR GNAS SHING YOD PA'I DON 'DZIN PAR BYED LA, MED PA YANG MED PA'I DON GYIS RNAM PAR GNAS SHING MED PA'I DON 'DZIN PAR BYED PAS, DE LA YID KYI RNAM PAR SHES PAS NI YOD PA YANG DON GANG GIS RNAM PAR GNAS PA'I DON DE NYID KYIS RNAM PAR SHES PAR BYA LA, MED PA YANG DON GANG GIS RNAM PAR GNAS PA'I DON DE NYID KYIS RNAM PAR SHES PAR BYA'O, ,GAL TE DE GNYI GA GNYI GA'I DON GYI RNAM PAR SHES PAR MI BYED NA NI YID DON THAMS CAD LA DMIGS PA DANG, DON THAMS CAD 'DZIN PA YIN PAR MI 'GYUR RO, ,GANG DE SKAD CES ZER NA, DES NI GRUB PA'I MTHA' LA YANG SHIN DU GNOD PA BYAS PAR 'GYUR TE, JI LTAR NA YOD PA NYID MED PA'O ZHES BRJOD DU NI TSUL MA YIN NO, ,DE LTA BAS NA JI LTAR 'DAS PA DANG, MA 'ONGS PA DE DNGOS PO MED PA DE BZHIN DU DE LA DMIGS PA'I YID KYANG MED LA, DMIGS PA YIN PAR KHONG DU CHUD PAR BYA'O, ,GZHAN YANG 'DI LA GANG GIS MED PA LA DMIGS PA'I YID KYI RNAM PAR SHES PA YOD DO ZHES KHONG DU CHUD PAR BYA BA'I RIGS PA BRJOD PA YANGS SHING RGYA CHE BA YANG YOD PA KHO NA YIN TE, BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA JI SKAD DU NANG NGAM PHYI ROL LAM, LAM GNYI GA LA MA GTOGS PA NA BDAG MED DO ZHES GSUNGS PA GANG YIN PA DE LA, BDAG MED PA NYID DE NI 'DUS BYAS KYIS BSDUS PA YANG MA YIN 'DUS MA BYAS KYIS BSDUS PA YANG MA YIN MOD KYI, SPYI'I MTSAN NYID YONGS SU RTOG PA RNAMS LA DE LA DMIGS PA'I RNAM PAR SHES PA MI 'BYUNG BA YANG MA YIN TE, DE LTAR NA 'DI NI RIGS PA BRJOD PA DANG PO YIN NO, ,YANG GZUGS DANG DRI DANG RO DANG REG BYA DE LTA DE LTAR BYUNG BA RNAMS DANG, YONGS SU GYUR PA RNAMS DANG, KUN TU ZHUGS PA RNAMS LA ZAS DANG SKOM DANG BZHON PA DANG GOS DANG, RGYAN DANG KHANG KHYIM DANG DMAG DANG NAGS TSAL @17B LA SOGS PA 'DOGS PAR BYED PA'I ZAS DANG SKOM LA SOGS PA DE DAG GZUGS LA SOGS PA LAS GUD NA CUNG ZAD KYANG MED DE, DE'I MED PA NYID GANG YIN PA DE YANG 'DUS BYAS KYIS BSDUS PA YANG MA YIN, 'DUS MA BYAS KYIS BSDUS PA YANG MA YIN, MOD KYI RANG GI MTSAN NYID YONGS SU RTOG PA RNAMS LA, DE LA DMIGS PA'I RNAM PAR SHES PA MI 'BYUNG BA YANG MA YIN TE, DE LTAR NA 'DI NI RIGS PA BRJOD PA GNYIS PA YIN NO, ,YANG NA THAMS CAD LA SKUR BA 'DEBS PA'I LOG PAR LTA BA JI SKAD DU SBYIN PA MED DO; ,'DOD PA MED DO, ,MCHOD SBYIN MED DO ZHES RGYA CHER SNGAR BSTAN PA LTA BU GANG YIN PA DE LA, GAL TE 'DOD PA DANG MCHOD SBYIN LA SOGS PA MED PA'I MED PA NYID GANG YIN PA DE YANG DAG PAR YOD PA NYID YIN NA NI DES NA SKYES BU GANG ZAG DE LTA BUR LTA BA DE YANG LOG PAR LTA BAR MI 'GYUR TE, 'DI LTAR DE NI YANG DAG PAR LTA BA DANG, YANG DAG PAR SMRA BAR 'GYUR RO, ,CI STE MED NA NI LOG PAR LTA BA RNAMS KYI DE LA DMIGS PA'I RNAM PAR SHES PA YANG 'BYUNG BAR MI 'GYUR BA ZHIG NA 'BYUNG STE, DE LTAR NA DE NI RIGS PA BRJOD PA GSUM PA YIN NO, ,YANG 'DU BYED THAMS CAD LA RTAG PA NYID DAM BRTAN PA NYID DAM THER ZUG PA NYID MED DE 'DU BYED THAMS CAD LA RTAG PA NYID DAM BRTAN PA NYID DAM THER ZUG NYID DE'I MED PA NYID DE GANG YIN PA DE YANG 'DUS BYAS KYIS BSDUS PA YANG MA YIN, 'DUS MA BYAS KYIS BSDUS PA YANG MA YIN MOD KYI, SPYI'I MTSAN NYID KYIS YONGS SU RTOG PA RNAMS LA, DE LA DMIGS PA'I RNAM PAR SHES PA MI 'BYUNG BA YANG MA YIN TE, GAL TE DE LA DMIGS PA'I RNAM PAR SHES PA THAMS CAD KYI THAMS CAD DU MI 'BYUNG NA NI; DES NA 'DU BYED THAMS CAD LA RTAG PA NYID DAM, BRTAN PA NYID DAM, THER ZUG NYID MED PA SHES RAB KYIS YANG DAG PA JI LTA BA BZHIN DU YANG DAG PAR RJES SU MA MTHONG BA RNAMS LA SKYOB DANG 'DOD CHAGS DANG BRAL BA DANG RNAM PAR GROL BA MI SKYE STE, RNAM PAR @18A *, ,GROL BA MED NA NI LEN PA MED PAR YONGS SU 'DA' BAR YANG MI 'GYUR BAS, DE LTA NA SEMS CAN RNAMS KYI KUN NAS NYON MONGS PA RNAMS NI GTAN DU RJES SU 'BREL PAR 'GYUR BA ZHIG NA MI 'GYUR TE, DE LTAR NA, 'DI NI RIGS PA BRJOD PA BZHI PA YIN NO; ,YANG 'DU BYED MA 'ONGS PA RNAMS KYI 'BYUNG BA NYID KYANG RE ZHIG MED NA 'JIG PA YOD PAR LTA GA LA 'GYUR, YANG 'PHAGS PA NYAN THOS RNAMS 'DU BYED MA 'ONGS PA RNAMS LA 'BYUNG BA DANG, 'JIG PAR RJES SU LTA ZHING MI GNAS PA YANG MA YIN TE, DE LTAR NA 'DI NI RIGS PA BRJOD PA LNGA PA YIN NO, ,DES NA YID KYI RNAM PAR SHES PA MED PA LA DMIGS PA NI YOD PA KHO NAR KHONG DU CHUD PAR BYA STE, RNAM PAR SHES PA MED PA LA DMIGS PA RAB TU 'GRUB PA'I RIGS PA BRJOD PA NI DE LTA BU DANG MTHUN PA GZHAN YANG YOD PAR RIG PAR BYA'O, ,BCOM LDAN 'DAS KYIS LAS 'DAS PA NI YOD DE GAL TE LAS 'DAS PA MED DU ZIN NA 'DI NA LA LAS GNOD PA DANG BCAS PA DANG, GNOD PA MED PA'I TSOR BA MYONG BAR MI 'GYUR RO ZHES GANG GSUNGS PA DE LA DGONGS PA GANG YIN ZHE NA, 'DAS PA'I TSE RABS RNAMS SU LAS DGE BA DANG MI DGE BA BSKYED CING 'GAGS PAS PHYI MA LA 'BRAS BU 'DOD PA DANG MI 'DOD PA MNGON PAR 'GRUB PAR DE'I SA BON GYIS 'DU BYED KYI RGYUN PHYI MA PHYI MA YONGS SU BZUNG ZHING YONGS SU BSGOS PA LAS DGONGS NAS, BCOM LDAN 'DAS KYIS LAS 'DAS PA YOD DO, ZHES YONGS SU BSTAN TE, DE LTAR MI MTHUN PA RGYUR SMRA BA GANG DAG DBANG PHYUG DANG, BRGYA BYIN DANG TSANGS PA DANG RANG BZHIN DANG SKYES BU GZHAN LA SOGS PA LAS, SEMS CAN RNAMS KYI DGE BA DANG MI DGE BA 'BYUNG BAR LTA ZHING YONGS SU STON PA DAG GI LUGS DGAG PA DANG, THAMS CAD KYI THAMS CAD DU RGYU MED PAR SMRA BA GANG DAG SEMS CAN RNAMS KYI DGE BA DANG, MI DGE BA 'BYUNG BA RGYU MED PAR LTA ZHING YONGS SU STON PA GANG DAG YIN PA DE DAG GI LUGS DGAG PA'I DON GYI DBANG GNYIS GZIGS PAS YONGS SU BSTAN @18B TO; ,BCOM LDAN 'DAS KYIS 'DU BYED 'DAS PA RNAMS NI YOD DE, 'PHAGS PA NYAN THOS THOS PA DANG LDAN PA NI DE DAG LA MI LTA BAR GNAS SO, ,'DU BYED MA 'ONGS PA RNAMS KYANG YOD DE, 'PHAGS PA NYAN THOS THOS PA DANG LDAN PA NI DE DAG LA MNGON PAR MI DGA' BAR GNAS SO ZHES GANG GSUNGS PA DE LA DGONGS PA GANG YIN ZHE NA, 'DU BYED 'DAS PA RNAMS NI 'BRAS BU BSKYED PA LAS YOD LA, 'DU BYED MA 'ONGS PA RNAMS NI RGYU YONGS SU 'DZIN PA LAS YOD DO, ,'DI LTAR DA LTAR GYI 'DU BYED RNAMS NI MTSAN NYID GSUM GYIS RAB TU PHYE BA YIN TE, 'DAS PA RNAMS KYI 'BRAS BU'I DNGOS PO DANG, MA 'ONGS PA RNAMS KYI RGYU'I DNGOS PO DANG, RANG GI MTSAN NYID KYI RGYUN MI 'CHAD PAS SO, ,DE LTAR NA BCOM LDAN 'DAS KYIS DE YANG GAL TE 'DAS PA DANG MA 'ONGS PA DE 'DU BYED KYI MTSAN NYID DANG LDAN PA KHO NAR 'GYUR NA 'DAS PA DANG MA 'ONGS PA'I DNGOS PO DE MED DO ZHES MI BSTAN PA ZHIG NA, YONGS SU BSTAN PAS NA CHOS 'DAS PA DANG MA 'ONGS PA RNAMS LA RDZAS SU MNGON PAR ZHEN PA SPANG BAR BYA BA DANG, JI LTAR 'DAS PA DANG MA 'ONGS PA MED PA DE BZHIN DU DA LTAR BYUNG BA YANG MED DO ZHES MNGON PAR ZHEN PA RNAMS KYI MNGON PAR ZHEN PA DE SPANG BAR BYA BA'I DON GYI DBANG DE GNYIS GZIGS PAS YONGS SU BSTAN TO, ,BCOM LDAN 'DAS KYIS KHAMS 'DAS PA YANG YOD DE, KHAMS MA 'ONGS PA YANG YOD DO ZHES GANG GSUNGS PA DE LA DGONGS PA GANG YIN ZHE NA, SA BON GYI RGYUN BYUNG BA 'BRAS BU BSKYED ZIN PA NI KHAMS 'DAS PA ZHES BYA'O, ,SA BON GYI RGYUN 'BYUNG BA 'BRAS BU MA SKYES PA NI KHAMS MA 'ONGS PA ZHES BYA'O, ,DA LTAR GYI SA BON GYI RGYUN 'BRAS BU MA BSKYED PA NYID NI KHAMS DA LTAR BYUNG BA ZHES BYA'O, ,'DI LA DGONGS PA NI DE YIN PAR RIG PAR BYA STE, DGE SLONG SA BON GYI RGYUN LA MKHAS PA NI CHOS TSAD MED PA BDAG NYID SNA TSOGS CAN DE DANG DE DAG GI KHAMS LA MKHAS PA ZHES BYA'O, ,CI'I PHYIR GZUGS LA SOGS PA 'DU BYED RNAMS LAS SKYE BA DANG, RGA BA DANG, GNAS PA DANG, MI RTAG PA NYID DAG @19A *, ,RDZAS GZHAN DU YOD PA MA YIN PAR KHONG DU CHUD PAR BYA ZHE NA, RE ZHIG 'DU BYED MA 'ONGS PA NYID KYI YOD PA NYID BKAG PAS SKYE BA'I RDZAS SU YOD PA NYID KYANG BKAG PA KHO NAR RIG PAR BYA STE, 'DI LTAR MA 'ONGS PA'I SKYE BA NI MED PA YIN PAS JI LTAR GZHAN SKYED PAR 'GYUR LA, DA LTAR GYI SKYE BAS NI DA LTAR GYI 'DU BYED SKYED PAR MI NUS PA'I PHYIR RO, ,GZHAN YANG SKYE BA ZHES BYA BA DE'I RNAM GRANGS NI MTSAN NYID LAS 'DI LTA STE, 'DU BYED RNAMS KYI MNGON PAR 'GRUB PA DANG, SKYE BA DANG 'BYUNG BA NYID CES BYA BA DE DAG YIN NA, RNAM GRANGS DE DAG LAS MA GTOGS PA MTSAN NYID BSTAN PA GZHAN PA NI MI DMIGS SO, ,JI LTAR 'DU BYED DA LTAR BYUNG BA RNAMS NYID NI 'BYUNG BAR 'GYUR RO ZHES BYA BA DE NI MKHAS PA MDZANGS PAS BRJOD PAR RIGS PA'I TSUL MA YIN NO, ,GANG 'DI SKAD CES 'DI LTAR 'DU BYED RNAMS KYI SKYE BA SKYE'O ZHES ZER BA DES NI DON GYIS NA, JI LTAR 'DU BYED DA LTAR BYUNG BA RNAMS NYID 'BYUNG BAR 'GYUR RO ZHES BYA BA DE NYID YONGS SU BSTAN PAR ZAD DO, ,GZHAN YANG RANG GI SA BON GYI RGYU SO SOR NGES PA DANG LDAN PA'I CHOS THAMS CAD LA, SKYED PAR BYED PA'I SKYE BA GZHAN BRTAGS PAS KYANG CI ZHIG BYA, GZHAN YANG SKYE BA 'DU BYED RNAMS KYI MNGON PAR 'GRUB PA TZAM ZHIG GAM, 'ON TE MNGON PAR 'GRUB PA'I RGYUR 'GYUR BA ZHIG YIN, RE ZHIG GAL TE MNGON PAR 'GRUB PA TZAM ZHIG YIN NA NI, SKYE BA 'DU BYED RNAMS MNGON PAR 'GRUB PAR BYED PA YIN TE, SKYE BA YOD NA MNGON PAR 'GRUB PAR 'GYUR RO ZHES BYAR MI RUNG NGO, ,GAL TE SKYE BA 'DU BYED RNAMS KYI MNGON PAR 'GRUB PA'I RGYU YIN NA NI, DES NA 'DU BYED GCIG LA MNGON PAR 'GRUB PAR BYED PA DANG, MNGON PAR 'GRUB PA'I SKYE BA GNYIS 'BYUNG BAR 'GYUR TE MI RUNG NGO, ,SKYE BA JI LTA BA BZHIN DU RGA BA DANG, GNAS PA DANG, MI RTAG PA NYID DAG KYANG TSUL DE NYID KYIS CI RIGS PAR RIG PAR BYA STE, DE LTA BAS NA SKYE BA LA SOGS PA YANG 'DU BYED RNAMS LA BRTAGS PA'I YOD PA YIN PAR RIG PAR BYA'O, ,DE LA RGYU YOD NA RANG GI @19B MTSAN NYID SNGON MA BYUNG BA 'GRUB PA NI 'DU BYED RNAMS KYI SKYE BA ZHES BYA'O, ,SNGA MA LAS PHYI MA GZHAN NYID DU GZHAN DU 'GYUR BA NYID NI 'DU BYED RNAMS KYI RGA BA ZHES BYA'O, ,SKYE BA'I DUS TZAM LA GNAS PA NI 'DU BYED RNAMS KYI GNAS PA ZHES BYA STE, DE LTA BAS NA SKYE BA'I SKAD CIG GI 'OG TU 'JIG PA'I SKAD CIG NI 'DU BYED RNAMS KYI 'JIG PA ZHES BYA'O, ,GAL TE 'DUS BYAS LA 'DUS BYAS KYI MTSAN NYID BZHI PO SKYE BA DANG, RGA BA DANG, GNAS PA DANG, 'JIG PA 'DI DAG DMIGS NA CI'I PHYIR BCOM LDAN 'DAS KYIS SKYE BA DANG, 'JIG PA DANG GNAS PA LAS GZHAN DU 'GYUR BA NYID DANG GSUM KHO NA GSUNGS SHE NA, 'DU BYED RNAMS NI DUS GSUM GYIS RAB TU PHYE BA YIN TE, DES NA MA 'ONGS PA'I DUS NA MA BYUNG BA LAS 'BYUNG BAR 'GYUR BAS, DE'I PHYIR BCOM LDAN 'DAS KYIS MA 'ONGS PA'I DUS LA BRTEN TE 'BYUNG BA YANG 'DUS BYAS KYI MTSAN NYID YIN PAR GSUNGS SO, ,BYUNG BA RNAMS 'DAS PA'I DUS SU ZHIGS PAR GYUR PAS DE'I PHYIR BCOM LDAN 'DAS KYIS 'DAS PA'I DUS LA BRTEN TE ZHIGS PA YANG 'DUS BYAS KYI MTSAN NYID YIN PAR GSUNGS SO, ,GNAS PA GANG YIN PA DANG, GZHAN DU 'GYUR BA NYID GANG YIN PA'I MTSAN NYID GNYIS NI DA LTAR GYI DUS KYIS RAB TU PHYE BA YIN TE, 'DI LTAR GNAS PA YANG DA LTAR GYI DUS NYID NA DMIGS PA YIN LA, SNGA MA LAS KYANG PHYI MA GZHAN NYID DU GYUR PA NYID KYANG DA LTAR GYI DUS NYID NA DMIGS PA YIN PAS, DE'I PHYIR BCOM LDAN 'DAS KYIS DA LTAR BYUNG BA'I DUS LA BRTEN TE, GNAS PA DANG, GZHAN DU 'GYUR BA NYID GCIG TU BSDUS NAS 'DUS BYAS KYI MTSAN NYID YIN PAR GSUNGS SO, ,GANG GI TSE 'PHAGS PA NYAN THOS KYIS 'DUS BYAS KYI MTSAN NYID GSUM DANG LDAN PAR YONGS SU BRTAG PAR BYAS PA'I TSE, CI'I PHYIR 'PHAGS PA NYAN THOS PHUNG PO RNAMS LA 'BYUNG BA DANG 'JIG PA KHO NAR RJES SU LTA ZHING GNAS SO ZHES GSUNGS LA GNAS PA DANG GZHAN DU 'GYUR BA NYID RJES SU LTA ZHING GNAS SO ZHES MA GSUNGS SHE NA, GANG @20A *, ,GI PHYIR 'BYUNG BA GANG YIN PA DANG, GNAS PA LAS GZHAN DU 'GYUR BA NYID GANG YIN PA'I MTSAN NYID DE GNYI GA YANG 'BYUNG BAS RAB TU PHYE BA YIN PAS, ,DE'I PHYIR MTSAN NYID GNYIS CHA GCIG TU MDZAD DE 'BYUNG BA'I PHYOGS SU RNAM PAR BZHAG NAS 'BYUNG BAR RJES SU LTA ZHING GNAS SO ZHES GSUNGS SO, ,MTSAN NYID GCIG NI CHA GNYIS PAR RNAM PAR GZHAG NAS 'JIG PAR RJES SU LTA ZHING GNAS SO ZHES GSUNGS SO, ,GZHAN YANG DE NI MTSAN NYID GANG GIS YID 'BYUNG BA DANG, 'DOD CHAGS DANG BRAL BA DANG RNAM PAR GROL BAR 'GYUR BA'I MTSAN NYID DE NYID LA YID LA BYED PAS 'DU BYED RNAMS LA MI RTAG PA NYID DU LTA NA SKYO BA DANG 'DOD CHAGS DANG BRAL BA DANG RNAM PAR GROL BAR 'GYUR BAS DE'I PHYIR MI RTAG PA NYID KHO NA YID LA BYED DO, ,MI RTAG PA NYID KYANG MA BYUNG BA LAS 'BYUNG BAS RAB TU PHYE BA DANG, BYUNG NAS KYANG MED PAR 'GYUR BAS RAB TU PHYE BA YIN TE MA BYUNG BA LAS 'BYUNG BA NI 'BYUNG BA YIN LA, BYUNG NAS MED PAR 'GYUR BA NI 'JIG PA YIN NO,, ,,BAM PO GSUM PA, SKYE BA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE SKAD CIG GI SKYE BA DANG, NYID MTSAMS SBYOR BA'I SKYE BA DANG, MNGON PAR 'GRUB PA'I SKYE BA DANG, SEMS RNAM PA THA DAD PA'I SKYE BA DANG, MI 'DOD PA'I SKYE BA DANG, 'DOD PA'I SKYE BA DANG, NGAN PA'I SKYE BA DANG, BAR MA'I SKYE BA DANG, BZANG PO'I SKYE BA DANG, BLA NA YOD PA'I SKYE BA DANG, BLA NA MED PA'I SKYE BA'O, ,DE LA 'DU BYED RNAMS GYI SKAD CIG SKAD CIG PAR SKYE BA NI SKAD CIG GI SKYE BA ZHES BYA'O, ,KUN DU SBYOR BA MTHA' DAG YOD PA'AM, KUN DU SBYOR BA MA TSANG YANG RUNG, SEMS CAN GYI RIS DE DANG, DE NAS SHI 'PHOS NAS SEMS CAN RNAMS KYI RIS DE DANG DER PHUNG PO MNGON PAR 'GRUB PA NI NYID MTSAMS SBYOR BA'I SKYE BA ZHES BYA'O, ,THOR BU DANG GZHON NU LA SOGS PA'I GNAS SKABS DAG NAS RGAS PA'I GNAS SKABS KYI BAR DU 'GYUR BA NI MNGON PAR 'GRUB PA'I SKYE BA ZHES BYA'O, ,DMIGS PA DE DANG NGES NYIN MTSAN DE DANG DE @20B DAG 'DAS PA DANG, SKAD CIG DANG THANG CIG YUD TZAM DE DANG DE DAG 'DAS PAS SEMS BDE BA DANG MTSUNGS PAR LDAN PA'AM, SDUG BSNGAL BA DANG MTSUNGS PAR LDAN PA'AM, SDUG BSNGAL YANG MA YIN BDE BA MA YIN PA DANG MTSUNGS PAR LDAN PA'AM, 'DOD CHAGS DANG BCAS PA'AM, 'DOD CHAGS DANG BRAL BA NAS RGYAS PAR SHIN TU RNAM PAR GROL BA 'AM, RNAM PAR MA GROL BA'I BAR GYI RNAM PA DU MA RNAM PA MANG PO SNA TSOGS SKYE BA NI SEMS RNAM PA THA DAD PA'I SKYE BA ZHES BYA'O, ,NGAN 'GRO SEMS CAN DMYAL BA RNAMS DANG DUD 'GRO DANG YI DVAGS RNAMS SU SDUG BSNGAL SKYE BA GANG YIN PA DE NI MI 'DOD PA'I SKYE BA ZHES BYA'O, ,BDE 'GRO LHA DANG MI RNAMS SU BDE BA SKYE BA GANG YIN PA DE NI 'DOD PA'I SKYE BA ZHES BYA'O, ,'DOD PA'I KHAMS NGAN PAR MNGON PAR 'GRUB PA NI NGAN PA'I SKYE BA ZHES BYA'O, ,GZUGS KYI KHAMS PAR MAR MNGON PAR 'GRUB PA NI BAR MA'I SKYE BA ZHES BYA'O, ,GZUGS MED PA'I KHAMS BZANG POR MNGON PAR 'GRUB PA NI BZANG PO'I SKYE BA ZHES BYA'O, ,GZHAN YANG MNGAL DU 'JUG PA DANG PO NI NGAN PA'I SKYE BA ZHES BYA'O, ,MNGAL DU 'JUG PA BAR MA GNYIS NI BAR MA'I SKYE BA ZHES BYA'O,, MNGAL DU 'JUG PA THA MA NI BZANG PO'I SKYE BA ZHES BYA'O, ,RNAM GRANGS GZHAN YANG NYON MONGS PA CAN DANG NYON MONGS PA CAN GYI 'BRAS BU'I CHOS RNAMS KYI MNGON PAR 'GRUB PA NI NGAN PA'I SKYE BA ZHES BYA'O, ,DGE BA DANG DGE BA'I 'BRAS BU CAN GYI CHOS RNAMS KYI MNGON PAR 'GRUB PA NI BZANG PO'I SKYE BA ZHES BYA'O, ,DGE BA DANG MI DGE BA'I 'BRAS BU CAN GYI CHOS LUNG DU MA BSTAN PA RNAMS MA GTOGS PA LUNG DU MA BSTAN PA'I CHOS RNAMS KYI MNGON PAR 'GRUB PA NI BAR MA'I SKYE BA ZHES BYA'O, ,KHAMS SU GTOGS PA RNAMS KYI SKYE BA LAS BRTZAM TE, CI YANG MAD PA'I SKYE MCHED KYI BAR DU MNGON PAR 'GRUB PA NI BLA NA YOD PA'I SKYE BA ZHES BYA'O, ,'DU SHES MED 'DU SHES MED MIN GYI SKYE MCHED DU MNGON PAR 'GRUB PA NI BLA NA MED PA'I SKYE BA ZHES BYA'O, ,SKAD CIG MA'I RGYUD MTSAMS SBYOR BAR GTOGS PA RNAMS KYI SKYE BA LAS BRTZAMS TE, @21A *, ,DGRA BCOM PA'I 'CHI BA THA MA'I CHAR GTOGS PA'I PHUNG PO RNAMS MA GTOGS PA DE LAS GZHAN PA'I 'DU BYED GANG CI YANG RUNG BAR MNGON PAR 'GRUB PA DE DAG THAMS CAD NI BLA NA YOD PA'I SKYE BA ZHES BYA'O, ,RGA BA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE LUS RGA BA DANG, SEMS RGA BA DANG, TSE RGA BA DANG, 'GYUR BA RGA BA DANG, LUS 'GYUR BA RGA BA'O, ,DE LA SPYI CER DU GYUR PA DANG, MGO SKYA BA LA SOGS PA RGYAS PAR JI SKAD MDO LAS GSUNGS PA LTA BU DAG GIS LUS YONGS SU GYUR PA NI LUS RGA BA ZHES BYA'O, ,BDE BA'I TSOR BA DANG MTSUNGS PAR LDAN PA'I SEMS YONGS SU GYUR NAS SDUG BSNGAL BA DANG MTSUNGS PAR LDAN PAR 'GYUR BA DANG, DGE BA'I SEMS YONGS SU GYUR NAS NYON MONGS PA CAN DU 'GYUR BA DANG, 'DOD PA'I DON RNAMS LA RE BA DANG LDAN PA'I SEMS YONGS SU GYUR PA NI RE BA 'BRAS BU MED PAR GYUR PA DE NI SEMS RGA BA ZHES BYA'O, ,NYIN MTSAN DE DANG DE DAG 'DAS PA DANG SKAD CIG DANG THANG CIG DANG YUD TZAM DE DANG DE DAG 'DAS PAS TSE 'GRIBS PA'I RIM GYIS THAMS CAD KYI THAMS CAD DU YONGS SU ZAD PAR GYUR PA NI TSE RGA BA ZHES BYA'O; ,DBANG PHYUG GI BDAG PO PHUN SUM TSOGS PA THAMS CAD NYAMS PA DANG, NAD MED PA DANG, KHA DOG DANG, STOBS DANG, BRTAS PA LA SOGS PA RNAM PAR GYUR PA NI 'GYUR BA RGA BA ZHES BYA'O, ,BDE 'GROR SKYES SHING LEGS PAR 'BYOR PA'I LUS DAG LAS SHI 'PHOS NAS NGAN 'GRO NGAN PA'I RIS RNAMS SU LUS MNGON PAR 'GRUB PA NI LUS 'GYUR BA RGA BA ZHES BYA'O, ,GANG LA BRTEN NAS RGA BA'I RNAM PA JI SKAD BSTAN PA DE DAG THAMS CAD 'BYUNG BAR 'GYUR BA'I RGA BA GCIG PA YANG YOD DE 'DU BYED RNAMS KYI SKAD CIG SKAD CIG LA GZHAN NYID DU 'GYUR BA'I RGA BA GANG YIN PA'O, ,GNAS PA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE SKAD CIG GNAS PA DANG, RGYUN GNAS PA DANG, RKYEN DANG 'BREL PAS GNAS PA DANG, RNAM PAR MI G-YENG BAR GNAS PA DANG, LUGS GNAS PA'O, , @21B DE LA 'DU BYED 'BYUNG BA SKYE BA'I DUS TZAM LA GNAS PA NI SKAD CIG GNAS PA ZHES BYA'O, ,DE DANG DER MNGON PAR 'GRUB PA'I LUS DE DANG DE DAG ZAS DE DANG DE LA BRTEN NAS TSE JI SRID PAR GNAS PA DANG, PHYI ROL GYI SNOD KYI 'JIG RTEN RNAMS BSKAL PA CHEN PO'I MTHAR THUG PAR GNAS PA NI RGYUN GNAS PA ZHES BYA'O, ,BDE BA DANG SDUG BSNGAL BA DANG BDE BA YANG MA YIN SDUG BSNGAL BA YANG MA YIN PA'I TSOR BA RNAMS DANG, DGE BA DANG MI DGE BA DANG LUNG DU MA BSTAN PA'I CHOS RNAMS RANG RANG GI RKYEN NYE BAR GNAS NA RE ZHIG GNAS PA NI RKYEN DANG, 'BREL BAS GNAS PA ZHES BYA'O, ,SEMS MNYAM PAR GZHAG PA'I TING NGE 'DZIN MNGON DU GYUR PA NI RNAM PAR MI G-YENG BAR GNAS PA ZHES BYA'O, ,YUL GZHAN DU GRONG DANG GROL RDAL DANG YUL 'KHOR DANG, RGYAL PO'I PHO BRANG 'KHOR RNAMS DANG, RGYAL PO BZHUGS SA DANG; BSKOS PA 'DU BA'I SA DANG, BZO SBYANGS KYI GNAS RNAMS DANG, LAG RUB BYED PA DAG DANG, 'KHOR RNAMS LA SPYOD TSUL RNYING PA DANG BCAS PA'I RJES SU 'JUG PA NI LUGS GNAS PA ZHES BYA'O, ,MI RTAG PA NYID KYI RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE, 'JIG PA'I MI RTAG PA NYID DANG, SKYE BA'I MI RTAG PA NYID DANG, 'GYUR BA'I MI RTAG PA NYID DANG, 'BRAL BA'I MI RTAG PA NYID DANG, 'BYUNG BAR 'GYUR BA'I MI RTAG PA NYID DANG, BYUNG ZIN PA'I MI RTAG PA NYID DO, ,DE LA 'DU BYED SKYES PA RNAMS 'JIG PA NI 'JIG PA'I MI RTAG PA NYID CES BYA'O, ,'DU BYED RNAMS MA BYUNG BA LAS 'BYUNG BA NI SKYE BA'I MI RTAG PA NYID CES BYA'O, ,'DU BYED 'DOD PA DE ? LTAR GYI DUS SU MI 'DRA BA 'BYUNG BA MNGON DU GYUR PA THAMS CAD NI 'DU BYED RNAMS KYI 'GYUR BA'I MI RTAG PA NYID CES BYA'O, , YO BYAD SDUG PA MA GYUR PA RNAMS DANG BRAL ZHING DE LA DBANG NYAMS PA NI 'BRAL BA'I MI RTAG PA NYID CES BYA'O, ,MI RTAG PA NYID RNAM PA BZHI PO DE DAG NYID MA 'ONGS PA'I DUS NA 'BYUNG BAR 'GYUR BA'I MI RTAG PA NYID CES BYA'O, ,DE LTAR GYI DUS NA MNGON DU 'GYUR BA NI BYUNG ZIN PA'I @22A *, ,MI RTAG PA NYID CES BYA'O, ,DE LA 'DOD PA LAS LONGS SPYOD PA BAG MED PAR GYUR BA RNAMS NI 'GYUR BA'I MI RTAG PA NYID DANG 'BRAL BA'I MI RTAG PA NYID DANG PHRAD DE, YID LA BYED PA NA RGYAS PAR MYA NGAN BYED SGYID LUG PAR BYED KYANG 'DU BYED RNAMS LA SKYO BAR NI MI 'GYUR RO, ,GZHAN MU STEGS CAN DAG NI MI RTAG PA NYID DE DAG NYID SHAS CHER YID LA BYED PA NA SKYO ZHING 'DOD PA LAS DBEN PA TZAM LA BRTEN KYANG 'DU BYED RNAMS KYI PHYOGS 'GA' LAS SKYO BAR 'GYUR GYI GTAN DU NI MA YIN NO, ,'PHAGS PA NYAN THOS NI MI RTAG PA NYID THAMS CAD YONGS SU RDZOGS PAR YID LA BYED CING 'DU BYED RNAMS LAS GTAN SKYO BA DANG RNAM PAR GROL BA'I BAR DU YANG 'GYUR RO, ,'THOB PA DANG RNYED PA DANG LDAN PA GANG ZHE NA, MDOR BSDU NA 'BYUNG BA'I RKYEN GYIS YONGS SU ZIN CING SA BON YONGS SU BRTAS PA NI 'THOB PA ZHES BYA STE, RNAM GRANGS DES NA 'THOB PA YANG BTAGS PA'I YOD PA YIN PAR RIG PAR BYA'O, ,GAL TE 'THOB PA RDZAS SU YOD PAR GYUR NA, DE 'DU BYED RNAMS GYI 'BYUNG BA'I RGYU 'AM, YANG NA CHOS DANG MI 'BRAL BAR 'GYUR BA'I RGYUR 'GYUR GRANG NA, GAL TE 'DU BYED RNAMS 'BYUNG BA'I RGYUR GYUR NA NI, DES NA JI SRID DU CHOS DE THOB PAR MA GYUR PA'I SNGA ROL NA DE'I 'BYUNG BA'I RGYU THOB PA YANG MED PAS NAM YANG 'BYUNG BAR MI 'GYUR TE, DE LTA NA DE GTAN MI 'THOB PA NYID DU 'GYUR RO, ,GAL TE CHOS DANG MI 'BRAL BA'I RGYUR 'GYUR NA NI DES NA DGE BA DANG MI DGE BA DANG LUNG DU MA BSTAN PA'I CHOS DE DAG THAMS CAD KYIS THOB PA MGO MNYAM DU YOD PA'I, MI MTHUN PA DE DAG KYANG MGO MNYAM DU KUN 'BYUNG BAR 'GYUR TE, DE LTA BAS NA GNYI GA YANG MI RUNG NGO, ,CHOS RNAMS KYI 'BYUNG BA'I RGYU NI SO SOR NGES PA'I RKYEN GYIS RANG GI SA BON YONGS SU ZIN PA'O, ,'BRAL BA'I RGYU NI RKYEN GZHAN MNGON DU GYUR PAS RKYEN GZHAN DANG 'BRAL BA'O, ,DE LA RKYEN BSGRUB PA LA DBANG BA NI 'THOB PA ZHES GDAGS TE, DBANG DE LA BRTEN NAS SKYES BU GANG ZAG DE CHOS SKYES NAS @22B 'GAGS PA GANG DANG GANG MNGON SUM DU BYA BAR 'DOD PA DE BSKYED PA'I PHYIR MYUR BA MYUR BA KHO NAR RKYEN SGRUB PAR BYED DE, DE LTA BAS NA DE YANG 'THOB PA ZHES BYA'O, ,'THOB PA DE YANG MDOR BSDU NA RNAM PA GSUM DU RIG PAR BYA'O, ,SA BON DANG LDAN PA DANG, DBANG DANG LDAN PA DANG; KUN DU 'BYUNG BA DANG LDAN PA'O, ,DE LA RE ZHIG NYON MONGS PA CAN DANG, LUNG DU MA BSTAN PA DANG, SKYES NAS THOB PA'I DGE BA'I CHOS MA BTZAL BAR KUN TU 'BYUNG BA GANG DAG YIN PA DE DAG NI SA BON RE ZHIG ZHI GNAS KYI NYAMS PAS KYANG NYAMS PAR MA BYAS LA, 'PHAGS PA'I LAM GYIS KYANG YANG DAG PAR MA BCOM PA DANG, DGE BA RNAMS KYI YANG 'DI LTA STE, DPER NA DGE BA'I RTZA BA KUN DU BCAD PA RNAMS KYI LHAR LOG PAR LTA BAS NYAMS PAR MA BYAS PA GANG YIN PA DE NI SA BON DANG LDAN PA ZHES BYA STE, 'DI LTAR JI SRID DU DE'I SA BON DE NYAMS PAR MA BYAS SHING YANG DAG PAR MA BCOM PA DE SRID DU DE NYON MONGS PA CAN LA SOGS PA'I CHOS KUN DU 'BYUNG BA'AM, KUN DU 'BYUNG BA MA YIN PA DE DAG DANG LDAN PA ZHES BYA BA'I PHYIR RO, ,DGE BA'I CHOS MNGON PAR 'DU BYA BAS BSKYED PA RNAMS DANG LUNG DU MA BSTAN PA DE DAG KHA CIG GI 'BYUNG BA'I RKYEN GYIS RGYU SA BON YONGS SU BRTAS PA YONGS SU ZIN PA NI DBANG DANG LDAN PA ZHES BYA'O, ,DA LTAR GYI CHOS RNAMS MNGON SUM GYI DNGOS POS RANG GI MTSAN NYID KYIS 'GRUB PA NI KUN DU 'BYUNG BA DANG LDAN PA ZHES BYA'O, ,DE LA SROG GI DBANG PO GANG ZHE NA STON GYI LAS KYIS DE DANG DER LUS MNGON PAR GRUB PA GNAS PA'I DUS NGES PA 'PHANGS PA NI TSE DANG SROG DANG SROG GI DBANG PO ZHES BYA'O, ,DE YANG RAB TU DBYE NA NGES PA DANG, MA NGES PA DANG, RJES SU 'JUG PA DANG, RJES SU 'JUG PA MA YIN PA DANG, YUN THUNG BA DANG, YUN RING BA DANG, MTHAR THUG PA DANG, MTHAR THUG PA MA YIN PA DANG, RANG GIS DBANG BSGYUR BA DANG, RANG GIS DBANG BSGYUR BA MA YIN PA STE, DE LA 'DZAM BU'I GLING PA'I MI RNAMS KYI TSE MA GTOGS PA DE LAS GZHAN PA'I SKYE BA'I GNAS NA NI TSE NGES @23A *, ,PA YIN NO, ,'DI NA NI LAN 'GA' NI YUN RING STE DPAG TU MED DO, ,LAN 'GA' NI YUN THUNG NGO, ,BYANG GI SGRA MI SNYAN DAG NA NI JI LTAR TSE SO SOR NGES PA BZHIN DU GTAN DU RJES SU 'JUG STE, BAR MDOR 'CHI BA'I DUS BYED PA MED PAS RJES SU 'JUG PA YIN NO, ,DE LAS GZHAN PA THAMS CAD NA NI RJES SU 'JUG PA MA YIN NO, ,'DZAM BU'I GLING NA MI TSE LO BCU PA RNAMS KYI TSE NI YUN THUNG BA YIN NO, ,DUD 'GRO KHA CIG GI YANG DE DANG 'DRA STE, 'DI LTAR DUD 'GRO KHA CIG GI TSE NI NYIN ZHAG GCIG TU SNANG LA, KHA CIG GI TSE NI NYIN ZHAG GNYIS DANG, GSUM DANG BCU'I BAR DU SNANG BA'I PHYIR RO, ,'DU SHES MED 'DU SHES MED MIN SKYE MCHED DU SKYES PA'I SEMS CAN RNAMS KYI TSE NI BSKAL PA CHEN PO BRGYAD KHRI THUB PAS YUN RING PO YIN NO, ,DGRA BCOM PA RNAMS DANG, SLOB PA GANG DAG TSE 'DI LA YONGS SU MYA NGAN LAS 'DAS PA'I CHOS CAN RNAMS DANG, SO SO'I SKYE BO'I SRID PA THAMS GANG DAG YIN PA DAG GI TSE NI MTHAR THUG PA YIN NO, ,DE LAS GZHAN PA DAG GI MTHAR THUG PA MA YIN PAR RIG PAR BYA'O, ,DGRA BCOM PA DANG DE BZHIN GSHEGS PA DANG BYANG CHUB SEMS DPA' GANG DAG TSE'I 'DU BYED GTONG BA DANG, SPEL BAR SPYOD PA DAG NI SROG GI DBANG PO LA RANG GIS DBANG BSGYUR BA YIN NO, ,DE LAS GZHAN PA DAG NI RANG GIS DBANG BSGYUR BA MA YIN PAR RIG PAR BYA'O, ,DE LA RIGS MTHUN PA GANG ZHE NA, MDOR BSDU NA SKYE BA'I GNAS DE DANG DER SEMS CAN KHAMS MTSUNGS PA DANG 'GRO BA MTSUNGS PA DANG, SKYE GNAS MTSUNGS PA RNAMS KYI RIGS DANG NA TSOD DANG, RANG BZHIN DANG BOD TSOD MTSUNGS PA LA SOGS PA YAN LAG DE DANG DES 'DRA BA GANG YIN PA DE NI RIS MTHUN PA STE, SEMS CAN MTHUN PA ZHES KYANG BYA'O, ,DE LA SEMS CAN GANG DAG KHAMS MTHUN PA NYID KYIS MTHUN PA YANG YOD DE, KHAMS GCIG TU SKYES PA GANG DAG YIN PA RNAMS SO, ,'GRO BA RIS MTHUN PA NYID KYIS MTHUN PA YANG YOD DE, 'GRO BA GCIG TU SKYES PA GANG DAG YIN PA @23B RNAMS SO, ,SKYE GNAS MTHUN PA NYID KYIS MTSUNGS PA YANG YOD DE, SKYE GNAS GCIG TU MNGON PAR 'GRUB PA GANG DAG YIN PA RNAMS SO, ,RIGS MTHUN PA NYID KYIS MTHUN PA YANG YOD DE, RIGS GCIG KHO NA LA BRTEN PA GANG DAG YIN PA RNAMS SO, , GANG DAG KHA DOG DANG, CHU ZHENG DANG, SGRA BRJOD PA DANG, 'TSO BA MTHUN PA NYID KYIS MTHUN PA DAG KYANG YOD DO, ,SEMS CAN GANG DAG YON TAN DANG SKYON MTHUN PA NYID KYIS MTHUN PA YANG YOD DE, 'DI LTA STE SROG GCOD PA RNAMS SROG GCOD PA DAG DANG MTHUN PA NAS RGYAS PAR LOG PAR LTA BA RNAMS LOG PAR LTA BA DAG DANG MTHUN PA'I BAR DANG, SROG GCOD PA SPANGS PA RNAMS SROG GCOD PA SPANGS PA DAG DANG MTHUN PA NAS, RGYAS PAR YANG DAG PAR LTA BA RNAMS YANG DAG PAR LTA BA DAG DANG MTHUN PA'I BAR DANG, RGYUN DU ZHUGS PA NAS DGRA BCOM PA DANG RANG SANGS RGYAS KYI BAR DAG DANG, RGYUN DU ZHUGS PA LA SOGS PA DAG DANG MTHUN PA DANG, BYANG CHUB SEMS DPA' RNAMS BYANG CHUB SEMS DPA' DAG DANG MTHUN PA DANG, DE BZHIN GSHEGS PA RNAMS DE BZHIN GSHEGS PA DAG DANG MTHUN PA'O, ,DE LA SO SO'I SKYE BO NYID GANG ZHE NA, KHAMS GSUM NA SPYOD PA'I MTHONG BAS SPANG BAR BYA BA'I CHOS KYI SA BON RNAMS YANG DAG PAR MA BCOM PA TZAM GANG YIN PA DE NI SO SO'I SKYE BO NYID CES BYA'O, ,DE YANG MDOR BSDU NA RNAM PA BZHI STE, YONGS SU MYA NGAN LAS MI 'DA' BA'I CHOS CAN GYI RIGS KYIS BSDUS PA DANG, NYAN THOS KYI RIGS KYIS BSDUS PA DANG, RANG SANGS RGYAS KYI RIGS DANG LDAN PA DANG, DE BZHIN GSHEGS PA'I RIGS DANG LDAN PA'O, ,DE LA TSOGS PA GANG ZHE NA, CHOS DE DANG DE DAG SKYED PA'I PHYIR GANG DAG RGYUR GYUR PA DANG, GANG DAG RKYEN DU GYUR PA DE DAG THAMS CAD GCIG TU BSDUS PA NI TSOGS PA ZHES BYA STE, DE NYID LHAN CIG BYED PA'I RGYU ZHES KYANG BYA'O, ,DE YANG RAB TU DBYE BA NA, TSOR BA RNAMS MYONG BA'I TSOGS PA YANG YOD DE, 'DI LTA STE SKYE MCHED DRUG GI RKYEN DANG, GZUGS LA SOGS PA'I RKYEN DANG, @24A *, ,YID LA BYED PA LA SOGS PA'I RKYEN GYIS REG PA DANG, REG PA'I RKYEN GYIS TSOR BA'O, ,YANG SRID PA MNGON PAR 'GRUB PA'I TSOGS PA YANG YOD DE, 'DI LTA STE MA RIG PA'I RKYEN GYIS 'DU BYED RNAMS DANG, TSOR BA'I RKYEN GYIS SRED PA DANG, SRED PA'I RKYEN GYIS LEN PA NAS RGYAS PAR SKYE BA'I RKYEN GYIS RGA SHI'I BAR DAG GO , ,SKYE MCHED DRUG GNAS PA'I TSOGS PA YANG YOD DE, 'DI LTA STE, ZAS BZHI DANG SROG GI DBANG PO'O, ,BZO'I GNAS RNAMS 'GRUB PA'I TSOGS PA YANG YOD DE, 'DI LTA STE, BZO SHES PA DANG, DE DANG LDAN PA'I LAS KYI YO BYAD DANG SKYES BU'I RTZAL LO, ,RNAM PAR DAG PA'I TSOGS PA YANG YOD DE, 'DI LTA STE, BDAG DANG GZHAN GYI 'BYOR BA LA SOGS PA KHOM PA BCU GNYIS 'DUS PA'O, ,BRDAR BTAGS PA'I TSOGS PA GZHAN PA YANG YOD DE, 'DI LTA STE, SEMS CAN RNAMS KYI BLO GCIG PA'I DBANG DU BYAS NAS MI MTHUN PA MED PA DANG, MI 'THAB PA DANG, MI RTZOD PA DANG, MI 'PHROD PA MED PA PA'O, ,DE LA MING GI TSOGS RNAMS GANG ZHE NA, CHOS RNAMS KYI NGO BO NYID DU 'DOGS PA DANG, RANG GI MTSAN NYID DU 'DOGS PA LAS BRTZAMS TE; RJES SU THA SNYAD GDAGS PA'I PHYIR YONGS SU BRTAG PA NYE BAR BZUNG NAS MING TZAM DU RNAM PAR 'JOG PA GANG YIN PA DE DAG NI MING GI TSOGS RNAMS ZHES BYA'O, ,TSIG GI TSOGS RNAMS GANG ZHE NA, RANG GI MTSAN NYID DU BTAGS PA'I CHOS DE DAG NYID KYIS BYE BRAG TU 'DOGS PA LAS BRTZAMS TE, YON TAN DANG SKYON DANG, KUN NAS NYON MONGS PA DANG RNAM PAR BYANG BA'I SPROS PA RNAM PAR 'JOG PA NI TSIG GI TSOGS RNAMS ZHES BYA'O, ,YI GE'I TSOGS RNAMS GANG ZHE NA, MING GI TSOGS DANG, TSIG GI TSOGS KYI BRTEN GYI DNGOS POR YI GE'I 'BRU'I TSOGS RNAMS NI YI GE'I TSOGS RNAMS ZHES BYA STE, SHES BYA BRJOD PAR BYA BA'I DNGOS PO LA, THAMS CAD LAS BSDUS PA NI YI GE'O, ,'BRING NI MING NGO, ,RGYAS PA NI TSIG GO , ,YI GE TZAM LA BRTEN NAS NI SGRA TZAM SO SOR RIG PAR 'GYUR GYI DON NI 'GA' YANG SO SOR RIG PAR MI 'GYUR RO, , @24B MING LA BRTEN PAS NI CHOS DE DANG DE DAG GI NGO BO NYID SO SOR RIG PA DANG SGRA YANG SO SOR RIG PAR 'GYUR GYI, CHOS MANG PO RAB TU RNAM PAR 'BYED PA SO SOR RIG PAR NI MI 'GYUR RO, ,TSIG GI TSOGS LA BRTEN PAS NI THAMS CAD SO SOR RIG PAR BYA'O, ,MING GI TSOGS DANG, TSIG GI TSOGS DANG, YI GE'I TSOGS DE DAG KYANG RIG PA'I GNAS LNGA PO NANG GI RIG PA DANG, GTAN TSIGS KYI RIG PA DANG, SGRA'I RIG PA DANG, GSO BA'I RIG PA DANG, 'JIG RTEN PA'I BZO DANG LAS KYI GNAS KYI RIG PA DAG LAS BRTZAMS TE YONGS SU BRTAGS PA YIN PAR RIG PAR BYA'O, ,DE LA 'JUG PA GANG ZHE NA, 'DU BYED RNAMS KYI RGYU DANG 'BRAS BU'I RGYUN MI 'CHAD PA NI 'JUG PA ZHES BYA'O, ,'JUG PA DE YANG SA BON GYI 'JUG PA YANG YOD DE, 'DI LTA STE SA BON DANG BCAS PA'I CHOS MNGON DU MA GYUR PA RNAMS KYI'O, ,DBANG GI STOBS KYIS 'JUG PA YANG YOD DE, 'DI LTA STE, SA BON NYAMS PAR BYAS PA KUN DU SPYOD PA DANG LDAN PA RNAMS KYI'O, ,SA BON DANG 'BRAS BU'I 'JUG PA YANG YOD DE, 'DI LTA STE SA BON DANG BCAS PA DANG SA BON NYAMS PAR MA BYAS PA KUN DU SPYOD PA DANG LDAN PA RNAMS KYI'O, ,MING GI RGYUN GYI 'JUG PA YANG YOD DE, 'DI LTA STE PHUNG PO GZUGS CAN MA YIN PA BZHI PO RNAMS KYI'O, ,GZUGS KYI RGYUN GYI 'JUG PA YANG YOD DE, 'DI LTA STE NANG DANG PHYI ROL GYI SKYE MCHED GZUGS CAN BCU DANG, CHOS KYI SKYE MCHED DU GTOGS PA'I GZUGS KYI'O, , 'DOD PA'I KHAMS KYI RGYUN GYI 'JUG PA YANG YOD DE, 'DI LTA STE 'DOD PA NA SPYOD PA'I 'DU BYED RNAMS KYI'O, ,GZUGS KYI KHAMS KYI RGYUN GYI 'JUG PA YANG YOD DE, 'DI LTA STE GZUGS NA YOD PA'I 'DU BYED RNAMS KYI'O, ,GZUGS MED PA'I KHAMS GYI RGYUN GYI 'JUG PA YANG YOD DE, 'DI LTA STE GZUGS MED PA NA SPYOD PA'I 'DU BYED RNAMS KYI'O, ,BDE BA'I RGYUN GYI 'JUG PA YANG YOD DE, 'DI LTA STE BDE BA'I TSOR BA RTEN DANG BCAS PA RNAMS KYI'O, ,SDUG BSNGAL BA DANG SDUG BSNGAL BA YANG MA YIN, BDE BA YANG MA YIN PA'I RGYUN GYI 'JUG PA @25A *, ,YANG DE DANG 'DRA BAR RIG PAR BYA'O, ,DGE BA'I RGYUN GYI 'JUG PA YANG YOD DE, 'DI LTA STE 'DU BYED DGE BA RNAMS KYI'O, ,MI DGE BA'I RGYUN GYI 'JUG PA YANG YOD DE, 'DI LTA STE 'DU BYED MI DGE BA RNAMS KYI'O, ,LUNG DU MA BSTAN PA'I RGYUN GYI 'JUG PA YANG YOD DE, 'DI LTA STE 'DU BYED LUNG DU MA BSTAN PA RNAMS KYI'O, ,MTHUN PA'I RGYUN GYI 'JUG PA YANG YOD DE, 'DI LTA STE RTEN CING 'BREL PAR 'BYUNG BA LUGS SU 'BYUNG BA'I'O, ,MI MTHUN PA'I RGYUN GYI 'JUG PA YANG YOD DE, 'DI LTA STE, RTEN CING 'BREL PAR 'BYUNG BA LUGS SU MI 'BYUNG BA'I'O, ,DE LA SO SOR NGES PA GANG ZHE NA, DE BZHIN GSHEGS PA RNAMS BYUNG YANG RUNG MA BYUNG YANG RUNG, THOG MA MED PA DANG LDAN PA'I DUS NAS BZUNG STE, CHOS RNAMS KYI RGYU DANG 'BRAS BU SNA TSOGS MA 'DRES PA NYID KYI CHOS NYID SO SOR NGES PA'O, ,DE LA 'JUG PA DANG LDOG PA SO SOR NGES PA YANG YOD DE, 'DI LTA STE RTEN CING 'BREL PAR 'BYUNG BA LUGS SU 'BYUNG BA DANG, LUGS SU MI 'BYUNG BA'I 'O, ,CHOS THAMS CAD SO SOR NGES PA YANG YOD DE, 'DI LTA STE, SKYE MCHED BCU GNYIS PO RNAMS KYI DE LAS GANG NA YANG MED DE LAS LHAG PA YANG MED PA'O, ,TSOR BA SO SOR NGES PA YANG YOD DE, 'DI LTA STE TSOR BA GSUM PO DAG GI DE DAG LAS GONG NA YANG MED LA DE LAS LHAG PA YANG MED PA'O, ,GNAS PA SO SOR NGES PA YANG YOD DE, 'DI LTA STE LUS THAMS CAD TSE JI SRID PA DANG, PHYI ROL GYI DNGOS PO RNAMS BSKAL PA CHEN POR GNAS PA'O, ,BONG TSOD SO SOR NGES PA YANG YOD DE, 'DI LTA STE SEMS CAN SKYE BA'I GNAS GZUGS CAN DE DANG DE DAG TU SKYES PA RNAMS KYI LUS KYI BONG TSOD DANG, PHYI ROL GYI GLING BZHI BA RNAMS KYI TSAD SO SOR NGES PA'O, ,DE LA SBYOR BA GANG ZHE NA, CHOS DE DANG DE DAG GI KUN DU THA SNYAD GDAGS PA DANG, RNAM PAR GZHAG PA DANG, SO SOR RTOGS PAR BYA BA'I THABS GANG YIN PA DE NI SBYOR BA ZHES BYA'O, ,RAB TU DBYE NA RIGS PA BZHI PO 'DI LTA STE, LTOS @25B PA'I RIGS PA DANG, BYA BA BYED PA'I RIGS PA DANG, 'THAD BAS SGRUB PA'I RIGS PA DANG, CHOS NYID KYI RIGS PA DAG NI SBYOR BA ZHES BYA STE, RIGS PA DE DAG GI RAB TU DBYE BA NI 'DI LTA STE, NYAN THOS GYI SA LAS 'BYUNG BA BZHIN DU RIG PAR BYA'O, ,DE LA MGYOGS PA GANG ZHE NA, 'DU BYED RNAMS KYI 'BYUNG BA DANG, 'JIG PA'I TSUL GYIS MYUR DU 'GRO ZHING RGYU BA NYID NI MGYOGS PA ZHES BYA'O, ,DE LA 'DU BYED RNAMS KYI 'JUG PA'I MGYOGS PA YANG YOD DE, 'DI LTA STE 'DU BYED RNAMS KYI MYUR DU SKYE BA DANG 'GAG PA'O, ,SEMS CAN SA LA GNAS PA RNAMS KYI RTUL BA'I MGYOGS PA YANG YOD DE, 'DI LTA STE MI DANG GLANG PO CHE DANG RTA LA SOGS PA'I'O, ,SEMS CAN BAR SNANG LA GNAS PA RNAMS KYI MGYOGS PA YANG YOD DE, 'DI LTA STE BYA RNAMS DANG, BAR SNANG LA GNAS PA'I LHA DANG GNOD SBYIN LA SOGS PA'I'O, ,SGRA SKAD KYI MGYOGS PA YANG YOD DE, 'DI LTA STE SGRA 'BYUNG BA'I'O, ,CHU'I MGYOGS PA YANG YOD DE, 'DI LTA STE CHU KLUNG GI RGYUN LA SOGS PA'I 'BAB PA NYID DO, ,ME'I MGYOGS PA YANG YOD DE, 'DI LTA STE BSREG BYA'I ME'I 'GRO BA NYID DO, ,RLUNG GI MGYOGS PA YANG YOD DE, 'DI LTA STE RLUNG GI TSOGS CHEN PO'I RGYUN GYI'O, ,SHUGS KYI MGYOGS PA YANG YOD DE, 'DI LTA STE MDA' DANG, 'KHOR LO LA SOGS PA 'PHANGS PA'I'O, ,SHES PA'I MGYOGS PA YANG YOD DE, 'DI LTA STE RNAL 'BYOR PA'I SHES RAB MYUR BA NYID KYIS SHES BYA RAB TU 'BYED PA NYID KYI'O, ,RDZU 'PHRUL GYI MGYOGS PA YANG YOD DE, 'DI LTA STE RDZU 'PHRUL CHEN PO DANG LDAN PA RDZU 'PHRUL GYIS 'GRO BA'I LUS 'GRO BA DANG, YID MGYOGS PA'O, ,DE LA GO RIMS GANG ZHE NA, 'DU BYED KYI RGYUD SO SO BDAG LA RE RE NAS GO RIMS SNGA PHYIS 'JUG PA GANG YIN PA DE NI GO RIMS ZHES BYA'O, ,DE LA 'JUG PA'I GO RIMS KYANG YOD DE, 'DI LTA STE, ,MA RIG PA'I RKYEN GYIS 'DU BYED RNAMS ZHES BYA BA NAS, RGYAS PAR SKYA BA'I RKYEN GYIS RGA SHI'I BAR DU'O, ,LDOG PA'I @026A *, ,GO RIMS KYANG YOD DE, 'DI LTA STE MA RIG PA 'GAGS PAS 'DU BYED RNAMS 'GAG CES BYA BA NAS RGYAS PAR SKYE BA 'GAGS PAS RGA SHI 'GAG PA'I BAR DU'O, ,KHYIM PA DANG RAB TU BYUNG BA RNAMS KYI RGYU BA DANG, GNAS PA'I GO RIMS KYANG YONG DE, 'DI LTA STE; NANG PAR SNGAR LDANG BA DANG LUS KYI BYI DO RA BYA BA DANG, GOS BGO BA DANG, LAS KYI MTHA' DAG LA 'JUG PA DANG, BRTZAL BA DANG, KHRUS BYA BA DANG, BYUG PA BYA BA DANG, ME TOG PHRENG BA BCING BA DANG, ZAS DANG SKOM BSTEN PA DANG, NYAL BA NI KHYIM PA RNAMS KYI RGYU BA DANG GNAS PA'I GO RIMS YIN NO, ,SHAM THABS BGO BA DANG, BSOD SNYOMS KYI PHYIR GRONG DU 'JUG PA DANG, MTHAR CHAGS SU RGYU BA DANG, BSOD SNYOMS BLANGS NAS PHYIR 'BYUNG BA DANG, 'DUG STE ZAS KYI BYA BA BYA BA DANG, LAG PA BSNYAL ZHING LHUNG BZED BKRU BA DANG, NANG DU YANG DAG 'JOG LA 'DUG PA DANG, LUNG NOD PA DANG, KHA TON DANG TSUL BZHIN BSAM PAR BYA BA DANG, NYIN MO 'CHAG PA DANG 'DUG PA DAG GIS SGRIB PAR 'GYUR BA'I CHOS RNAMS LAS SEMS RNAM PAR SBYANG BA DANG, MTSAN MO'I GUNG THUN LA NYAL BA LA BSTEN PA DANG, THUN THA MA LA MYUR BA MYUR BA KHO NAR LDANG BA DANG, SHAM THA BAS BGO BA DANG, LUS KYI BYI DOR BYA BA DANG, DE BZHIN DU DGE 'DUN LA RGAN RIMS KYIS 'DUD PA'I LAS BYA BA DANG, GNAS SU GNAS PA DANG, TSUL BZHIN NOD PA DANG, MAL CHA DANG STAN DANG, GNAS DANG RNYED PA NOD PA DANG, YONGS SU BRIM PA 'DI NI RAB TU BYUNG BA'I PHYOGS LA GNAS PA RNAMS KYI RGYU BA DANG GNAS PA'I GO RIMS YIN NO, ,MNGON PAR 'GRUB PA'I GO RIMS KYANG YOD DE, 'DI LTA STE BYIS PA DANG GZHON NU LA SOGS PA'I GNAS SKABS BRGYAD PO DAG RIM GYIS 'BYUNG BA'O, ,MNGON PAR RTOGS PA'I GO RIMS KYANG YOD DE, 'DI LTA STE SDUG BSNGAL LA SOGS PA 'PHAGS PA'I BDEN PA BZHI PO DAG RIM GYIS MNGON PAR RTOGS PA'O, ,SNYOMS PAR 'JUG PA'I GO RIMS KYANG YOD DE; 'DI LTA STE MTHAR GYIS GNAS PA'I SNYOMS PAR 'JUG @026B PA DGU PO DAG LA RIM GYIS SNYOMS PAR 'JUG GO, ,BSLAB PA'I GO RIMS KYANG YOD DE, 'DI LTA STE LHAG PA'I TSUL KHRIMS LA BRTEN PA'I GO RIMS GYIS LHAG PA'I SEMS SKYE BA DANG LHAG PA'I SEMS LA BRTEN NAS LHAG PA'I SHES RAB SKYE BA'O, ,DE LA DUS GANG ZHE NA, NYI MA 'CHAR BA DANG NUB PA'I DBANG DU BYAS TE DUS YONGS SU CHAD PA DANG, NYE BAR MTSON PA RNAM PAR GZHAG PA DANG, 'DU BYED RNAMS KYI 'BYUNG BA DANG 'JIG PA'I DBANG DU BYAS TE, DUS YONGS SU CHAD PA DANG NYE BAR MTSON PA'I RNAM PAR GZHAG PA NI 'DI LTA STE, DUS TSIGS DANG, LO DANG; ZLA BA DANG, ZLA BA PHYED DANG, NYIN MO DANG, MTSAN MO DANG, SKAD CIG DANG, THAD CIG DANG, YUD TZAM RNAMS DANG, 'DAS PA DANG MA 'ONGS PA DANG, DA LTAR BYUNG BA RNAMS KYI DUS ZHES BYA'O, ,DE LA RNAM GRANGS GANG ZHE NA, RDZAS THA DAD PA DANG BGRANG PA'I TSAD YONGS SU CHAD PA DANG; NYE BAR MTSON PA RNAM PAR GZHAG PA NI GRANGS ZHES BYA'O, ,DE YANG GRANGS GCIG DANG, GRANGS GNYIS DANG, DE PHAN CHAD KYI GRANGS MANG PO DANG, MTHAR THUG PA'I GRANGS GRANGS MED PA STE, DE PHAN CHAD BGRANG BA THAMS CAD KYI GRANGS SU 'JUG PAR MI 'GYUR BAS, DE'I PHYIR MTHAR THUG PA'I GRANGS ZHES BYA'O, ,DE LA SA BON GANG ZHE NA, SA BON NI 'DU BYED RNAMS LAS LOGS SHIG NA RDZAS GZHAN MED DE, 'DU BYED DE LTAR GYUR PA DANG, DE LTAR BYUNG BA DANG, DE LTAR GNAS PA DE DAG NYID LA SA BON ZHES BYA BAR ZAD DE, 'BRAS BU ZHES KYANG BYA'O, , 'DI LA 'BRAS BU DANG SA BON 'DRES PAR YANG MI LTA STE, DE CI'I PHYIR ZHE NA, 'DU BYED 'DAS PA DANG MA 'ONGS PA RNAMS LAS BRTZAMS PA DE NI 'BRAS BU ZHES BYA LA, 'DU BYED MA 'ONGS PA RNAMS LAS BRTZAMS PA DE NI SA BON KHO NA ZHES BYA STE, DE LTAR NA SA BON GANG LAS BRTZAMS PA 'BRAS BU NI DE LAS BRTZAMS PA MA YIN LA, 'BRAS BU GANG LAS BRTZAMS PA SA BON YANG DE LAS BRTZAMS PA DE MA YIN PA'I PHYIR TE, DE'I PHYIR SA BON DANG 'BRAS BU 'DRES PAR MI BLTA'O, ,'DI LTA STE DPER NA 'BRAS DANG NAS LA SOGS PA'I DNGOS PO RNAMS KYI MYU GU DANG, SDONG BU @027A *, ,DANG; 'DAB MA LA SOGS BA SA BON DE DAG NI DE DAG LA NGES PAR BRTAGS SHING, NGES PAR BRTAGS NAS KYANG DE DAG LAS LOGS SHIG NA GNAS GZHAN MI DMIGS TE, 'BRAS DANG NAS LA SOGS PA'I DNGOS PO DE LTAR GYUR PA DANG, DE LTAR BYUNG BA DANG DE LTAR GNAS PA GANG DAG YIN PA DE DAG LA BRTEN NAS DE DAG 'BYUNG BAR 'GYUR BA KHO NA BZHIN DU, DE LA YANG TSUL DE BZHIN DU RIG PAR BYA'O, ,NYON MONGS PA CAN GYI CHOS KYI SA BON NYAMS PAR BYAS PA NI BSHAD ZIN NA, DGE BA'I CHOS KYI SA BON NYAMS PAR BYED PA GANG ZHE NA, DGE BA DANG MI MTHUN PA NYON MONGS PA CAN GYI CHOS RTAG TU BYED PA DANG, GUS PAR BYED PAS STON PA NI NYAMS PAR BYED PA DANG PO YIN NO, ,LOG PAR LTA BA MCHOG TU 'DZIN PA DANG LOG PAR LTA BA MANG DU BYED PA NI NYAMS PAR BYED PA GNYIS PA YIN TE, 'DI LTA STE, DPER NA GZHAN MU STEGS CAN DAG GI LTA BU'O, ,LOG PAR LTA BAS SKUR BA 'DEBS PA MANG DU BYED PA NI NYAMS PAR BYED PA GSUM PA YIN TE, 'DI LTA STE DPER NA DGE BA'I RTZA BA YANG DAG PAR BCAD PA RNAMS KYI LTA BU'O, ,NYON MONGS PA CAN GYI CHOS KYI SA BON YANG DAG PAR BCOM PA NI NYAMS PAR BYED PA NYES PA BRJOD PA BZHI PA YIN TE SNGAM BZHIN NO, ,SA BON DE DAG THAMS CAD KYANG GCIG TU BSDUS NA RNAM PA DGU YOD PAR RIG PAR BYA'O, ,'BRAS BU BSKYED PA DANG, 'BRAS BU MA BSKYED PA DANG, 'BRAS BU NYE BAR GNAS PA DANG, 'BRAS BU NYE BAR MI GNAS PA DANG, CHUNG NGU DANG; 'BRING DANG, CHEN PO DANG, NYAMS PA DANG, NYAMS PAR MA BYAS PA'O, ,DE LA 'BRAS BU SKYED PA GANG YIN PA DE NI 'BRAS BU NYE BAR GNAS PA YIN NO, ,'BRAS BU NYE BAR GNAS PA GANG YIN PA DE NI 'BRAS BU BSKYED PA YIN NO, ,'BRAS BU MA BSKYED PA GANG YIN PA DE NI 'BRAS BU NYE BAR MI GNAS PA YIN NO, ,'BRAS BU NYE BAR MI GNAS PA GANG YIN PA DE NI 'BRAS BU MA BSKYED PA YIN NO, ,RANG BZHIN DU GNAS PA GANG YIN PA DE NI CHUNG NGU YIN NO, ,DGE BA DANG MI DGE BA'I CHOS SGOM PA MTHAR MA PHYIN PAS SHAS CHER GYUR PA GANG YIN PA DE NI 'BRING YIN @027B NO; ,MTHAR PHYIN PAS SHAS CHER GYUR PA GANG YIN PA DE NI CHEN PO YIN NO, ,NYAMS PA DANG, NYAMS PAR MA BYAS PA NI SNGA MA BZHIN DU RIG PAR BYA'O, ,SA BON MDOR BSDUS PA'I RNAM PAR GZHAG PA YANG BRJOD PAR BYA STE, SA BON MDOR BSDUS PA'I RNAM PAR GZHAG PA GANG ZHE NA, CHOS THAMS CAD KYI KUN BRTAGS PA'I NGO BO NYID LA MNGON PAR ZHEN PA'I BAG CHAGS KUN GZHI RNAM PAR SHES PA LA YOD PA GANG YIN PA STE, BAG CHAGS DE YANG RDZAS SU YOD PA DANG, KUN RDZOB TU YOD PA'O, ,DE LA KUN RDZOB TU YOD PA NI CHOS DE DAG LA GZHAN DANG GZHAN MA YIN PA'I MTSAN NYID DU BRJOD PAR MI BYA BA STE, 'DI LTA STE DPER NA DE BZHIN NYID YIN NO, ,DE YANG KUN DU 'GRO BA'I GNAS NGAN LEN YIN PAR BRJOD PAR BYA'O, ,GAL TE BAG CHAGS DES SA BON THAMS CAD BSDUS PA, DE YANG KUN DU 'GRO BA'I GNAS NGAN LEN ZHES BYA BAR GYUR NA, DE LTAR NA 'JIG RTEN LAS 'DAS PA'I CHOS RNAMS SKYE BA'I SA BON GANG YIN, DE DAG SKYE BA'I SA BON GYI DNGOS PO GNAS NGAN LEN GYI RANG BZHIN CAN YIN PAR NI MI RUNG NGO ZHE NA, SMRAS PA, 'JIG RTEN LAS 'DAS PA'I CHOS RNAMS NI DE BZHIN NYID LA DMIGS PA'I RKYEN GYI SA BON DANG LDAN PAR SKYE BA'I BAG CHAGS BSAGS PA'I SA BON DANG LDAN PA NI MA YIN NO, ,GAL TE BAG CHAGS BSAGS PA'I SA BON DANG LDAN PAR SKYE BA MA YIN NA, DE LTA NA NI CI'I PHYIR GANG ZAG YONGS SU MYA NGAN LAS 'DAS PA'I CHOS CAN GYI RIGS GSUM RNAM PAR GZHAG PA DANG, GANG ZAG YONGS SU MYA NGAN LAS MI 'DA' BA'I CHOS CAN GYI RIGS RNAM PAR GZHAG PA MDZAD DE, 'DI LTAR THAMS CAD LA YANG DE BZHIN NYID LA DMIGS PA'I RKYEN YOD PA'I PHYIR RO ZHE NA SMRAS PA, SGRIB PA DANG, SGRIB PA MED PA'I BYE BRAG GI PHYIR TE, GANG DAG LA DE BZHIN NYID LA DMIGS PA'I RKYEN RTOGS PAR BYA BA LA GTAN DU SGRIB PA'I SA BON YOD PA DE DAG NI YONGS SU MYA NGAN LAS MI 'DA' BA'I CHOS CAN GYI RIGS DANG LDAN PAR RNAM PAR GZHAG LA, GANG DAG DE LTA MA YIN PA DE DAG NI YONGS SU MYA NGAN LAS 'DA' BA'I CHOS CAN GYI RIGS DANG LDAN PAR RNAM PAR GZHAG GO, ,GANG DAG @028A *, ,LA DE SHES BYA'I SGRIB PA'I SA BON GTAN DU BA LUS LA ZHEN PA YOD LA, NYON MONGS PA'I SGRIB PA'I SA BON NI MED PA DE DAG LAS KHA CIG NI NYAN THOS KYI RIGS CAN YIN LA, KHA CIG NI RANG SANGS RGYAS KYI RIGS CAN YIN PAR RNAM PAR GZHAG GO, ,GANG DAG LA DE LTA MA YIN PA DE DAG NI DE BZHIN GSHEGS PA'I RIGS CAN YIN PAR RNAM PAR GZHAG STE, DE'I PHYIR NYES PA MED DO, ,'JIG RTEN LAS 'DAS PA'I CHOS SKYES PA RNAMS KYI RJES SU 'JUG PA NI GNAS GYUR PA'I STOBS BSKYED PA LAS RIG PAR BYA STE, DE YANG KUN GZHI RNAM PAR SHES PA'I GNYEN POR GYUR PA DANG, KUN GZHI MA YIN PA DANG, ZAG PA MED PA'I DBYINGS DANG, SPROS PA MED PA ZHES BYA'O,, ,,BAM PO BZHI PA, DE LA RNAM PAR RIG BYED GANG ZHE NA, DE NI MDOR BSDU NA RNAM PA GSUM STE, NYON MONGS PA CAN DANG, DGE BA DANG; LUNG DU MA BSTAN PA'O, ,DE LA LUS DANG, NGAG DANG YID KYI LAS KYI LAM MI DGE BA BCU PO MA SPANGS PA KUN TU SPYOD PA'I DBANG DU BYAS TE, LUS KYI LAS DANG, NGAG GI LAS RNAM PAR RIG PAR BYED PA GANG YIN PA DE NI NYON MONGS PA CAN GYI RNAM PAR RIG BYED CES BYA'O, ,DE DAG NYID YONGS SU SPONG BA YANG DAG PAR LEN PAR BYED PA'I LUS KYI LAS DANG NGAG GI LAS RNAM PAR RIG PAR BYED PA GANG YIN PA DE NI DGE BA'I RNAM PAR RIG BYED CES BYA'O, ,SPYOD LAM LAS BYUNG BA'AM, BZO'I GNAS LAS BYUNG BA DE KHA CIG GI LUS KYI LAS DANG NGAG GI LAS RNAM PAR RIG PAR BYED PA GANG YIN PA DE NI LUNG DU MA BSTAN PA'I RNAM PAR RIG BYED CES BYA'O, ,GZHAN LA RNAM PAR RIG PAR MI BYED CING RANG SEMS SKYED PAR BYED LA, NANG GI YID KYI RNAM PAR RTOG PAS DGE BA DANG NYON MONGS PA CAN DANG, LUNG DU MA BSTAN PA'I CHOS KUN DU SPYOD PA LAS BRTZAMS TE, TSIG KYANG MI SMRA BA GANG YIN PA DE NI YID KYI RNAM PAR RIG BYED CES BYA'O, ,DE LA LUS YUL NAS YUL GZHAN DU 'BYUNG BA TZAM DANG, DE NYID NA 'GYUR BA 'BYUNG BA TZAM NI LUS KYI RNAM PAR RIG BYED DO, ,NGAG TZAM NI NGAG GI RNAM PAR RIG BYED DO, , @028B DE BZHIN DU SEMS MNGON PAR 'DU BYED PA SKYES PA'I SEMS PA TZAM NI YID KYI RNAM PAR RIG BYED DO, ,DE CI'I PHYIR ZHE NA, 'DU BYED THAMS CAD NI SKAD CIG PA YIN PA'I PHYIR YUL NAS YUL GZHAN DU 'PHO BAR MI RIGS PAS, 'DU BYED 'BYUNG BA TZAM MA GTOGS PAR BYA BA GZHAN NI MIG DANG RNA BA DANG, YID KYIS KYANG MI DMIGS PA'I PHYIR TE, DE LTA BAS NA RNAM PAR RIG BYED KYANG BRTAGS PA'I YOD PA YIN PAR KHONG DU CHUD PAR BYA'O, ,DE LA SDOM PA MA YIN PA'I RIGS SU SKYES ZIN PA GANG LA LA 'TSO BA 'DIS 'TSO BAR BYA'O ZHES RANG GI SEMS MNGON PAR 'DU BYED CING, DE 'TSO BA DE LA 'DOD PA BZOD PAR BYED PA NI DE'I TSE NA MA BSDAMS PA YIN PAR BRJOD PAR BYA'O, ,SDOM PA MA YIN PAR GTOGS PA CHUL BZHIN MA YIN PA YID LA BYED PA RAB TU DAM POS BCOM PAS SEMS BSDUS PA'I PHYIR JI SRID DU, SROG GCOD PA LAS BYUNG BA'AM DE LAS GZHAN PA'I MI DGE BA'I LAS KYI LAM LAS BYUNG BA SPYOD PA DE SRID DU YANG MI DGE BA'I RTZA BA RGYA CHEN PO DANG LDAN PA YIN NO, ,GANG LAS DANG GANG DANG JI TZAM DU SPYOD PAR BYED PA NI DES NA DE TZAM DU SHAS CHER MI DGE BA DANG LDAN PA YIN NO, ,SDOM PA MA YIN PA'I RIGS SU SKYES PA JI LTA BA BZHIN DU GANG SU YANG RUNG BA GANG DANG GANG NAS 'ONGS KYANG RUNG STE, SEMS SKYED PAR BYED PA YANG DE BZHIN DU RGYAS PAR RIG PAR BYA'O, ,DE NI JI SRID DU SDOM PA MA YIN PA'I SEMS PA SPONG BAR MI BYED PA DE SRID DU MA BSDAMS PAR BRJOD PAR BYA STE, DE NI NYIN GCIG BZHIN DU SEMS PA DE MANG DU SOGS PA DANG, LAS DE KUN DU SPYOD PAS BSOD NAMS MA YIN PA MNGON PAR 'PHEL BAR RIG PAR BYA'O, ,DE'I LOG PAR SMON PA'I SEMS PA MA DAD PA DANG, LE LO DANG BRJOD NGAS PA DANG, RNAM PAR G-YENG BA DANG, SHES RAB 'CHAL BA DANG LDAN PA LAS DE YANG DAG PAR LEN PAR BYED PA, LAS DE KUN NAS SLONG BAR BYED PA DE YANG JI SRID DU GTONG BA'I RGYU DAG GIS SPONG BAR MI BYA STE, YONGS SU GTONG BAR MI BYED KYI BAR DU DE PHYIN CHAD KYANG SA BON DANG KUN DU SPYOD PA LAS RGYUD DU GTOGS PAS 'BYUNG BA NI SDOM PA MA @029A *, ,YIN PA ZHES BYA'O, ,DE LA SDIG PA'I LAS DE'I 'BRAS BU PHYI MA LA MI 'DOD PAR 'GYUR BA LA YID MI CHES SHING, MOS PAR MI BYED LA RJES SU MI 'JUG PA GANG YIN PA DE NI DE'I MA DAD PA YIN NO, ,DE LA MNGON PAR DGA' ZHING CI 'DOD PA BZHIN DU 'JUG PA DE 'DUL BA LA MI SPRO BA GANG YIN PA DE NI DE'I LE LO YIN NO, ,KHA NA MA THO BA DANG BCAS PA'I CHOS NYES PA DANG LDAN PA LA KHA NA MA THO BA DANG BCAS PAR YANG DAG PA JI LTA BA BZHIN DU MNGON PAR MI BRJOD PA GANG YIN PA DE NI DE'I BRJED NGAS PA YIN NO, ,SEMS KYI RGYUD RNAM PAR 'KHRUGS PA DANG; NYON MONGS PA CAN DANG, MI BRTAN PAR 'JUG PA GANG YIN PA DE NI DE'I RNAM PAR G-YENG BA YIN NO, ,SKYON LA YON TAN DU LTA BA'I SEMS KYI RGYUD PHYIN CI LOG TU 'JUG PA GANG YIN PA DE NI DE'I SHES RAB 'CHAL PA YIN NO, ,TSUL KHRIMS SDIG PA CAN GYI DBANG DU BYAS TE; MA DAD PA LA SOGS PA MI DGE BA DE DAG DANG LDAN PA'I SEMS PA MI DGE BA 'BYUNG BA NI DE'I TSUL KHRIMS 'CHAL PA ZHES BYA'O, ,DE LAS BZLOG PA NI SDOM PA'I RJES SU 'JUG PA YIN PAR CI RIGS PAR RIG PAR BYA'O, ,DE LA BYE BRAG NI 'DI YOD DE, SDOM PA YANG DAG PAR BLANG BAR 'OS PA GANG LA SDOM PA YANG DAG PAR LEN PA DE LA, DE DAG LAS LA LA NI GZHAN LAS SAM RANG YANG LEN PAR BYED DO, ,DE DAG LAS LA LA NI RANG KHO NA LAS LEN PAR BYED DE DGE SLONG GI SDOM PA NI MA GTOGS SO, ,DE CI'I PHYIR ZHE NA, 'DI LTAR DGE SLONG GI SDOM PA NI THAMS CAD KYIS YANG DAG PAR BLANG BAR 'OS PA MA YIN PA'I PHYIR TE, DE LA GAL TE DGE SLONG GI SDOM PA GZHAN LAS NGES PAR BLANG BA MA YIN PAR GYUR NA, DE LA GANG DAG RAB TU 'BYUNG BAR 'OS PA DANG, GANG DAG RAB TU 'BYUNG BAR 'OS PA MA YIN PA RANG LA RAG LUS PA'I RAB TU 'BYUNG BAS RAB TU BYUNG BA DE DAG THAMS CAD KYIS BSTAN PA BRTAN PAR MI 'GYUR ZHING, LEGS PAR GSUNGS PA'I CHOS 'DUL BA NYID KYANG MED PAR 'GYUR BAS, DE'I PHYIR DGE SLONG GI SDOM PA NI RANG LA RAG LUS PA KHO NA MA YIN NO, ,GAL TE DGE SLONG GI SDOM PA MA @029B GTOGS PA'I SDOM PA RANG GIS YANG DAG PAR BLANG BA YOD NA, CI'I PHYIR GZHAN LAS YANG DAG PAR LEN PAR BYED CE NA, GNYIS PA 'DI DAG NI TSUL KHRIMS 'CHAL BA SPONG BA YANG DAG PAR BLANGS BA RJES SU BSRUNG PA'I YAN LAG YIN TE, NGO TSA SHES PA DANG KHREL YOD PA'O, ,DE LA KHA NA MA THO BA KUN DU SPYOD PA NA GZHAN LA BRTEN PA DANG, BDAG NYID LA BRTEN TE, 'DZEM PA NYE BAR GNAS PAR 'GYUR BAS, DE LTAR NA TSUL KHRIMS 'CHAL PA SPONG BA YANG DAG PAR BLANG BA RJES SU SRUNG BA'I YAN LAG YONGS SU RDZOGS PAS YANG DAG PAR BLANG BA BYAS PAR 'GYUR BAS, DE'I PHYIR GZHAN LAS YANG DAG PAR LEN PAR BYED DO, ,GANG LA NGO TSA SHES PA NYE BAR GNAS PA DE LA NI KHREL YOD PA YANG NYE BAR GNAS LA, GANG LA KHREL YOD PA NYE BAR GNAS PA DE LA NI NGO TSA SHES PA DE YANG GDON MI ZA BAR NYE BAR GNAS PA MA YIN TE, DE LTA BAS NA 'DIR NGO TSA SHES PA'I CHOS 'BA' ZHIG CHES STOBS DANG LDAN PA YIN NO, ,RANG GIS YANG DAG PAR BLANGS SHING DE KHO NA BZHIN DU SRUNG BAR BYED PA GANG YIN PA DE LA YANG BSOD NAMS MTSUNGS SHING KHYAD PAR MED PA SKYE BAR RIG PAR BYA'O, ,DE LA SEMS BSKYED NAS DRUNG DU 'GRO ZHING GSOL BA 'DEBS LA GUS PAS SMRA BA LA SOGS PA'I LAS LA BRTZON ZHING TSUL DANG MTHUN PA'I SPYOD LAM GYIS MDUN DU 'DUG PA DANG, TSIG GIS MNGON PAR 'DUS BYAS PA'I DON DE NYID RJOD PAR BYED PA DE NI DE'I LUS KYI RNAM PAR RIG BYED DANG, NGAG GI RNAM PAR RIG BYED CES BYA'O, ,YID KYI RNAM PAR RIG BYED NI DE GNYIS KA'I SNGON DU 'GRO BA YIN NO, ,RANG GIS YANG DAG PAR LEN PA LA NI YID KYI RNAM PAR RIG BYED 'BA' ZHIG KHO NA 'BYUNG NGO, ,DE LA SDOM PA MA YIN PA LAS BZLOG PA SPONG PA'I SEMS PA SPONG BA DE DBANG BYED PA'I DBANG PO LNGA DANG LDAN PA GANG YIN PA DE NI SDOM PA ZHES BYA'O, ,SDOM PA YANG DAG PAR BLANG BA DE YANG RNAM PA BRGYAR GTOGS PAR RIG PAR BYA STE, MI DGE BA'I LAS KYI LAM BCU SPONG BA LA BRTEN TE, SROG GCOD PA'I PHYOGS GCIG SPONG BA NAS LOG PAR LTA BA'I BAR GYI PHYOGS GCIG SPONG BA 'DI DAG NI RNAM PA BCU'O, , @030A *, ,SROG GCOD PA PHAL CHER SPONG BA NAS LOG PAR LTA BA'I BAR PHAL CHER SPONG BA 'DI DAG KYANG GZHAN RNAM PA BCU'O, ,SROG GCOD PA THAMS CAD SPONG BA LAS LOG PAR LTA BA'I BAR THAMS CAD SPONG BA 'DI DAG KYANG GZHAN RNAM PA BCU'O, ,DUS YUN THUNG DU NYIN MTSAN NAM ZLA BA PHYED DAM, ZLA BA'AM LOR SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O, ,DUS YUN RING PO LO PHAN CHAD NAS JI SRID 'TSO'I BAR DU NI MA YIN PAR SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O; ,JI SRID 'TSO'I BAR DU SROG GCOD PA SPONG BA NAS LOG PAR LTA BA'I BAR SBONG ? BA 'DI DAG KYANG GZHAN RNAM PA BCU'O, ,BDAG NYID SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O, ,GZHAN DAG DE DAG NYID YANG DAG PAR LEN DU 'JUG PA 'DI DAG KYANG GZHAN RNAM PA BCU'O, ,DE DAG GI BSNGAGS PA RNAM GRANGS DU MAR RJOD PAR BYED PA 'DI DAG KYANG GZHAN RNAM PA BCU'O, ,SROG GCOD PA SPONG BA NAS LOG PAR LTA BA'I BAR SPONG BA MTHONG NA YID BDE BAR 'DZIN CING DGA' BA DANG YID BDE BA SKYE BA 'DI DAG KYANG GZHAN RNAM PA BCU'O, ,BCU PA RNAM PA BCU PO DE DAG GCIG TU BSDUS NAS RNAM PA BRGYAR 'GYUR TE, BSOD NAMS SKYE BA YANG DE TZAM KHO NAR RIG PAR BYA'O, ,SDOM PA DE YANG RNAM PA BRGYAD DU RIG PAR BYA STE KUN NAS SLONG BA'I SDOM PA DANG, YONGS SU 'DZIN PA'I SDOM PA DANG, KUN DU BSRUNG PA'I SDOM PA DANG, PHYIR LEN PA'I SDOM PA DANG, SDOM PA CHUNG DU DANG, SDOM PA 'BRING DANG, SDOM PA CHEN PO DANG, YONGS SU DAG PA'I SDOM PA'O, ,DE LA YANG DAG PAR LEN PA'I SNGA ROL KHO NAR SPONG BA YANG DAG PAR BLANG NGO SNYAM DU SEMS MNGON PAR 'DU BYED PA GANG YIN PA DE NI DE'I KUN NAS SLONG PA'I SDOM PA YIN NO, ,GANG GI TSE SPONG BA YANG DAG PAR LEN CING YONGS SU 'DZIN PAR BYED PA DE NI DE'I YONGS SU 'DZIN PA'I SDOM PA YIN NO, ,DE DE PHYIN CHAD SPONG BA'I SEMS PA DBANG PO LNGAS YONGS SU ZIN PA'I DBANG DU BYAS TE, RTAG TU DE'I SA @030B BON DANG LDAN PA SKABS SKABS SU KUN DU SPYOD PA DANG LDAN PA DBANG PO LDAS YONGS SU ZIN PA'I SEMS PA DGE BA SDOM PA JI LTAR BLANGS PA KUN DU SRUNG BA NYID 'BYUNG BAR 'GYUR ZHING, DES SDIG PA'I GROGS PO DANG PHRAD PA'AM, NYON MONGS PA MANG BAS SDIG PA KUN DU SPYOD PA LA 'DUN PA BYUNG NGO COG LA 'DZEM LA BDAG 'GAL BAR GYUR CING NGAN SONG DU 'GRO BAR GYUR NA MI RUNG NGO SNYAM NAS SEL BAR BYED PA DE NI DE'I KUN DU SRUNG BA'I SDOM PA YIN NO, ,GAL TE BRGYA LA BRJED NGAS PAS SDIG PA KUN DU SPYOD PAS NA MYUR BA MYUR BA KHO NAR DAN PA NYE BAR GZHAG STE, NYES PA LA NYES PAR 'CHAGS SHING MYA NGAN BYAS SEL BAR BYED LA, PHYIN CHAD KYANG SDOM PAR BYED PA NI DE'I PHYIR LEN PA'I SDOM PA YIN NO, ,GAL TE LAS KYI LAM GYI PHYOGS GCIG PA DANG, DUS YUN THUNG NGUR SPONG BA DANG, BDAG NYID SPONG BAR MI BYED LA, GZHAN NI DE YANG DAG PAR LEN DU MI 'JUG PA DANG, DE'I BSNGAGS PA YANG RNAM GRANGS DU MAR MI BRJOD PA DANG, CHOS MTHUN PA PA MTHONG NA YANG YID BDE BAR MI 'DZIN CING DGA' BA DANG YID BDE BA MI MANG BA DE NI DE'I SDOM PA CHUNG NGU YIN NO, ,GAL TE PHAL CHE BA DANG, DUS YUN RING DU SPONG ZHING JI SRID 'TSO'I BAR DU MA YIN PA DANG, BDAG NYID KYANG SDOM PAR BYED PA DANG, GZHAN YANG YANG DAG PAR LEN DU 'JUG LA, SPONG BA DE'I BSNGAGS PA NI RNAM GRANGS DU MAR MI BRJOD PA DANG, CHOS MTHUN PA PA MTHONG NA YANG YID BDE BAR MI 'DZIN CING DGA' BA DANG YID BDE BA MI MANG BA DE NI DE'I SDOM PA 'BRING YIN NO, ,GAL TE THAMS CAD DANG DUS THAMS CAD DANG, BDAG NYID KYANG SPONG BA DANG, GZHAN YANG YANG DAG PAR LEN DU 'JUG PA DANG, DE'I BSNGAGS PA YANG RNAM GRANGS DU MAR BRJOD PA DANG, CHOS MTHUN PA PA MTHONG NA YANG YID BDE BAR 'DZIN CING DGA' BA DANG, YID BDE BA MANG BA DE NI DE'I SDOM PA CHEN PO YIN NO, ,GAL TE SDOM PA YANG DAG PAR BLANGS PA SKYON MED PA DE NYID LA BRTEN NAS 'GYOD PA MED PA'I RGYUS BSAM GTAN DANG PO'I BAR LA SNYOMS PAR 'JUG CING TSUL KHRIMS 'CHAL BA'I SA BON ZHIG NAS KYIS NYAMS PAR BYED PAS NYAMS PAR BYED @31A *, ,PA DE NI DE'I BSAM GTAN GYI SDOM PA YIN TE, BSAM GTAN DANG PO JI LTA BA DE BZHIN DU GNYIS PA DANG GSUM PA DANG BZHI PA YANG DE BZHIN DU RIG PAR BYA'O, ,BYE BRAG NI 'DI YOD DE DE TSUL KHRIMS 'CHAL PA'I SA BON THAG RING DU BYA BA DE GNYEN POS YONGS SU ZIN PA'I ZHI GNAS KYI LAM GYIS CHES SHIN TU NYAMS PAR BYED PA STE, DE NI YONGS SU DAG PA DANG POS DE'I SDOM PA YONGS SU DAG PA YIN PAR RIG PAR BYA'O, ,GAL TE TSUL KHRIMS KYI SDOM PA SKYON MED PA DE NYID DANG BSAM GTAN GYI SDOM PA DE LA YANG BRTEN NAS BDEN PA RNAMS MNGON PAR RTOGS PAR BYED CING, PHYIR MI 'ONG BA'I 'BRAS BU YANG THOB PAR BYED PA DE'I TSE NA NI DE'I TSUL KHRIMS 'CHAL BA'I SA BON THAMS CAD YANG DAG PAR BCOM PA YIN NO, ,GAL TE MI LCOGS PA MED PA LA BRTEN NAS 'BRAS BU DANG PO THOB PAR BYED PA DE'I TSE NA NI DE'I NGAN SONG DU 'GRO BAR 'GYUR BA'I TSUL KHRIMS 'CHAL PA'I SA BON YANG DAG PAR BCOM PA YIN NO, ,DE DAG NI DE'I 'PHAGS PA DGYES PA'I TSUL KHRIMS YIN TE, YONGS SU DAG PA GNYIS PA 'DIS DE'I SDOM PA RNAM PAR DAG PA YIN PAR RIG PAR BYA STE, ,DE NYID DE'I ZAG PA MED PA'I SDOM PA ZHES BYA'O, , DE'I ZAG PA MED PA'I SDOM PA DE YANG DGRA BCOM PA NYID 'THOB PA LA NI GNYEN PO DANG RNAM PAR DAG PA'I KHYAD PAR GYIS KHYAD PAR DU 'GYUR BAR ZAD KYI, MI MTHUN PA'I PHYOGS SPANG BA'I KHYAD PAR GYIS NI MA YIN NO, ,DE LA SDOM PA RNAM PA BRGYAD PO DE DAG THAMS CAD GCIG TU BSDUS NAS, SDOM PA RNAM BA GSUM RNAM PAR GZHAG STE, YANG DAG PAR LEN PA'I SDOM PA DANG, KUN DU 'DZIN PA'I SDOM PA DANG, YONGS SU DAG PA'I SDOM PA'O, ,DE LA SDOM PA DANG PO GNYIS NI YANG DAG PAR LEN PA'I SDOM PA YIN NO, ,KUN DU BSRUNG BA'I SDOM PA DANG PHYIR LEN PA'I SDOM PA DE GNYIS NI KUN DU 'DZIN PA'I SDOM PA YIN NO, ,SDOM PA CHUNG NGU DANG, 'BRING DANG, CHEN PO RNAMS NI GNYI GA'I PHYOGS SU GTOGS PA YIN PAR RIG PAR BYA'O, ,YANG DAG PAR LEN PA'I SDOM PA DANG YONGS SU 'DZIN PA'I SDOM PAS NI BSAM GTAN GYI SDOM PA DANG, ZAG @31B PA MED PA'I SDOM PA'I SDOM PA YONGS SU DAG PA YIN NO, ,CI'I PHYIR BCOM LDAN 'DAS KYIS SDOM PA GSUM PO 'DI LTA STE, DGE SLONG GI SDOM PA DANG, DGE BSNYEN GYI SDOM PA DANG, BSNYEN GNAS PA'I SDOM PA DE DAG RNAM PAR GZHAG CE NA, RGYU GSUM GYIS TE, BCOM LDAN 'DAS KYIS 'DUL BA NI GANG DAG NYES PAR SPYOD PA LAS DBEN PAR SPYOD PA DANG, 'DOD PA LAS DBEN PAR SPYOD PA DAG KYANG YOD, GANG DAG NYES PAR SPYOD PA LAS DBEN PAR SPYOD LA, 'DOD PA LAS DBEN PAR MI SPYOD PA DAG KYANG YOD, GANG DAG NYES PAR SPYOD PA LAS DBEN PAR YANG MI SPYOD LA 'DOD PA LAS DBEN PAR MI SPYOD PA DAG KYANG YOD DE, DE LA 'DUL BA'I RNAM PA DANG PO'I DBANG DU MDZAD NAS NI DGE SLONG GI SDOM PA RNAM PAR GZHAG GO, ,'DUL BA'I RNAM PA GNYIS PA'I DBANG DU MDZAD NAS NI DGE BSNYEN GYI SDOM PA RNAM PAR GZHAG STE, DE CI'I PHYIR ZHE NA; KHYIM GYI GNAS GNOD PA DANG, NYON MONGS PA'I GNAS NA GNAS PAS NI BSLAB PA'I GZHI'I TSOGS GCIG TU LU GU RGYUD LTAR 'BREL PA YONGS SU RDZOGS PA YONGS SU BSRUNG BAR NI MI NUS PA'I PHYIR RO, ,'DUL BA'I RNAM PA GSUM PA'I DBANG DU MDZAD NAS NI, BSNYEN GNAS PA'I SDOM PA RNAM PAR GZHAG STE, DE CI'I PHYIR ZHE NA, DE NI GNYI GA LAS DBEN PAR SPYOD PA MA YIN TE, DE GNYIS KYI RGYU YONGS SU BSRUNG BA TZAM YANG DAG PAR BLANGS SHING, BDAG NI KHUR SHIN TU LCI BAS NON PA YIN NO SNYAM DU MI SEMS PA'I PHYIR RO, ,DE'I YAN LAG NI GSUM STE, NYES PAR SPYOD PA LAS DBEN PAS RAB TU PHYE BA NI DANG PO GSUM MO, ,'DOD PA LA SPYOD PA LAS DBEN PAS RAB TU PHYE BA NI THA MA BZHI YIN PAR BLTA BAR BYA'O, ,GCIG NI GNYI GAS RAB TU PHYE BA YIN TE MI TSANGS PAR SPYOD PA SPONG BA'O, ,DGE SLONG GI SDOM PA NI YAN LAG DU ZHIG GIS BSDUS, DGE BSNYEN GYI SDOM PA NI YAN LAG DU ZHIG GIS BSDUS, BSNYEN GNAS PA'I SDOM PA NI YAN LAG DU ZHIG GIS BSDUS PAR RIG PAR BYA ZHE NA, DGE SLONG GI SDOM PA NI YAN LAG BZHIS BSDUS PAR RIG PAR BYA STE, YAN LAG BZHI @32A *, ,GANG ZHE NA, BSNYEN PAR RDZOGS PA'I YAN LAG DANG, DE DANG MTHUN PA'I CHOS KYI BSLAB PA'I GZHI YANG DAG PAR BLANG BA'I YAN LAG DANG, GZHAN GYI SEMS RJES SU BSRUNG BA'I YAN LAG DANG, BSLAB PA'I TSOGS YANG DAG PAR BLANGS PA RJES SU SRUNG BA'I YAN LAG GO, ,DE LA GSOL BA DANG BZHI'I LAS BYA BA DANG, JI LTAR BSLAB PA'I GZHI CHE LONG DAG NOD PA NI BSNYEN PAR RDZOGS PA'I YAN LAG YIN TE, YAN LAG DE DANG LDAN NA DGE SLONG DE DANG PO KHO NAR DGE SLONG GI DNGOS PO'I TSUL KHRIMS DES TSUL KHRIMS DANG LDAN PA ZHES BYA'O, ,DE DE'I 'OG TU 'DUL BA SO SOR THAR PA LA DGE SLONG GI TSUL KHRIMS KYI RJES SU MTHUN PA DANG, DE DANG LDAN PA'I BSLAB PA'I GZHI GANG DAG YIN PA DE DAG THAMS CAD LA BSDAMS SHING SPYOD PA YIN TE, DES NA SO SOR THAR PA'I SDOM PAS BSDAMS PA ZHES BYA STE, DE NI DE DANG MTHUN PA'I CHOS KYI BSLAB PA'I GZHI YANG DAG PAR BLANG BA'I YAN LAG YIN NO, ,YAN LAG DE GNYIS DANG LDAN PA'I CHO GA PHUN SUM TSOGS PA DANG SPYOD YUL PHUN SUM TSOGS PA GANG YIN PA DE NI GZHAN GYI SEMS RJES SU BSRUNG BA'I YAN LAG YIN TE, CHO GA PHUN SUM TSOGS PA DANG, SPYOD YUL PHUN SUM TSOGS PA NI 'DI LTA STE, NYAN THOS KYI SA LAS 'BYUNG BA BZHIN NO, ,DE LA KHA NA MA THO BA PHRA RAB TZAM MAN CHAD DAG LA 'JIGS PAR LTA BA GANG YIN PA DE NI NYES PA MI 'BYUNG BAR BYA BA DANG, NYES PA BYUNG BA LAS BSLANG BA'I PHYIR BSLAB PA'I GZHI YANG DAG PAR BLANGS TE SLOB PA 'DI LTA STE, 'JIGS PAR LTA BA DANG, BYUNG BA DE GNYIS NI DE'I BSLAB PA'I GZHI JI LTAR YANG DAG PAR BLANGS PA RJES SU BSRUNG BA'I YAN LAG YIN NO, ,DE LA DGE BSNYEN GYI SDOM PA NI YAN LAG GSUM GYIS BSDUS PA YIN TE, YAN LAG GSUM GANG ZHE NA; GZHAN LA GNOD PA'I DNGOS PO CHEN PO SPONG BA YANG DAG PAR BLANG BA'I YAN LAG DANG, YANG DAG PAR BLANGS PA LAS NYAMS PA PHYIR GSO BA'I YAN LAG DANG, YANG DAG PAR BLANGS PA LAS MI NYAMS PA'I YAN LAG GO, ,DE LA GZHAN GYI SROG LA GNOD PA DANG, LONGS SPYOD @32B LA GNOD PA DANG, CHUNG MA LA GNOD PA SPONG PA NI YAN LAG DANG PO YIN NO, ,BRDZUN DU SMRA BA SPONG BA NI YAN LAG GNYIS PA YIN NO, ,CHANG DANG BCOS PA'I CHANG DANG SBYAR BA'I CHANG BAG MED PA'I GNAS SPONG BA NI YAN LAG GSUM PA YIN PAR RIG PAR BYA'O, ,DE LA BSNYEN GNAS PA'I SDOM PA NI MDOR BSDUN YAN LAG LNGAS BSDUS PA YIN TE, YAN LAG LNGA GANG ZHE NA, GZHAN LA GNOD PA SPONG BA YANG DAG PAR LEN PA'I YAN LAG DANG, BDAG DANG GZHAN LA GNOD PA SPONG BA YANG DAG PAR LEN PA'I YAN LAG DANG, YANG DAG PAR BLANGS PA LAS NYAMS PA PHYIR GSO BA'I YAN LAG DANG, YANG DAG PAR BLANGS PA LAS MI NYAMS PAR BYA BA'I PHYIR DRAN PA NYE BAR 'JOG PA'I YAN LAG DANG, DRAN PA RMONGS PAR MI 'GYUR BA'I YAN LAG GO, ,DE LA GZHAN GYI SROG LA GNOD PA DANG, LONGS SPYOD LA GNOD PA DAG SPONG BA NI YAN LAG DANG PO YIN NO, ,MI TSANGS PAR SPYOD PA SPONG BA NI YAN LAG GNYIS PA YIN NO, ,'DI LTAR DE SPONGS PA DE NI RANG GI CHUNG MA LA MA BRTEN PAS BDAG LA GNOD PAR YANG MI 'GYUR LA, GZHAN GYI CHUNG MA LA MA BRTEN PAS GZHAN LA GNOD PAR YANG MI 'GYUR BA'I PHYIR RO; ,BRDZUN DU SMRA BA SPONG BA NI YAN LAG GSUM PA YIN NO, ,CHANG DANG BCOS PA'I CHANG DANG SBYAR BA'I CHANG BAG MED PA'I GNAS SPONG BA MA GTOGS PA DE LAS GZHAN PA'I GNAS GSUM PO DAG SPONG BA NI YAN LAG BZHI PA YIN NO, ,DE CI'I PHYIR ZHE NA, 'DI LTAR DE DUS RTAG TU GAR DANG GLU DANG ROL MO'I SGRA DANG SPOS DANG ME TOG PHRENG BA DANG, BYUG PA DANG, KHRI STAN MTHON PO DANG, KHRI STAN CHEN PO DANG, DUS MA YIN PA'I ZAS LA BRTEN PA DE DAG GIS BDAG NYID DBEN PAR YUD TZAM YUD TZAM LA MTHONG BA DANG, BDAG NI GSO SBYANG GIS GSO SBYONG BYAS PA YIN NO SNYAM DU DUS RTAG TU DRAN PA NYE BAR GNAS PAR 'GYUR BA'I PHYIR RO, ,CHANG DANG BCOS PA'I CHANG DANG SBYAR PA'I CHANG BAG MED PA'I GNAS SPONG BA NI YAN LAG LNGA PA YIN NO, ,DE CI'I PHYIR ZHE NA, DE DAG NI DRAN PA NYE BAR GZHAG STE GNAS PA YIN NO SNYAM DU SEMS KYANG YAN @33A *, ,LAG DES NA CHANG GI MYOS PAS MYOS SHING RMONGS TE RANG DBANG MED PAR 'JUG PAR 'GYUR BA'I PHYIR RO, ,DE LA DGE SLONG MA'I SDOM PA GANG YIN PA DANG, DGE SLOB MA DANG, DGE TSUL DANG, DGE TSUL MA'I SDOM PA GANG YIN PA DE NI RAB TU BYUNG BA'I PHYOGS SU GTOGS PAR 'DRA BA'I PHYIR, DGE SLONG GI SDOM PA BSTAN PA KHO NA BZHIN DU BLTA BAR BYA'O, ,DE LA DGE BSNYEN MA'I SDOM PA GANG YIN PA DE YANG KHYIM PA'I PHYOGS SU GTOGS PA'I PHYIR DANG, BSLAB PA 'DRA BAS RAB TU PHYE BA'I PHYIR DGE BSNYEN GYI SDOM PA BSTAN PA KHO NA BZHIN DU BLTA BAR BYA'O; ,CI'I PHYIR BCOM LDAN 'DAS KYIS DGE SLONG RNAMS KYI SDOM PA NI DGE SLONG GI SDOM PA DANG, DGE TSUL GYI SDOM PA'I SDE PA GNYIS SU BCAS PA LA, DGE SLONG MA RNAMS KYI SDOM PA NI DGE SLONG MA DANG, DGE SLONG MA DANG, DGE TSUL MA'I SDOM PA'I SDE PA GSUM DU BCAS SHE NA, BUD MED NI NYON MONGS PA MANG BAS RIM GYIS DGE SLONG MA'I SDOM PA YONGS SU 'DZIN DU 'JUG PA'I PHYIR TE, GAL TE DGE TSUL MA BSLAB PA'I GZHI NYUNG DU DAG LA DGA' BAR GYUR NA, DE'I 'OG TU DGE SLOB MA'I BSLAB PA'I GZHI DAG LEN DU GZHUG PAR BYA BA DANG; GAL TE DGE SLOB MA BSLAB PA'I GZHI CHES MANG PO DAG LA DGA' BAR GYUR NA, DE'I 'OG TU GYA TSOM DU BSNYEN PAR RDZOGS SU MI GZHUG GI LO GNYIS KHO NA SDOD DU GZHUG PA DANG, GAL TE DGA' BAR GYUR NA DE'I 'OG TU BSNYEN PAR RDZOGS SU GZHUG PA DANG, DE LTAR DE YUN RING POR BSLAB PA'I GZHI NYUNG DU DAG LA BSLAB PA YONGS SU BYANG BAR GYUR NAS DE'I 'OG TU DGE SLONG MA'I SDOM PA BSLAB PA'I GZHI'I TSOGS MANG PO YONGS SU BZUNG BA LA SLOB PAR NUS SHING LCOGS PAR 'GYUR BA'I PHYIR RO, ,CI'I PHYIR BSNYEN GNAS PA'I SDOM PA LAS DGE TSUL GYI SDOM PA LA GSER DNGUL SPONG BA LHAG PAR MDZAD CE NA, 'DI LTAR DGE TSUL NI RAB TU BYUNG BA'I PHYOGS LA GNAS PA YIN PAS RAB TU BYUNG BA LA NI GNAS GNYIS SHIN DU MI MDZES SHING TSUL DANG MI MTHUN PA YIN TE 'DOD PA'I BSOD SNYOMS KYI MTHAR LTUNG BA RTZED MO'I DGA' BA @33B DANG CHA SGEG JI LTAR 'DOD PA BZHIN SPYAD PA'I RJES SU BRTZON PA GANG YIN PA DANG, SOG 'JOG GI LONGS SPYOD GANG YIN PA'O, ,DE LA TSUL DANG MI MTHUN PA'I GNAS DANG PO YONGS SU SPANG BA'I PHYIR NI GAR DANG GLU DANG ROL MO'I SGRA LA SOGS PA NAS DUS MA YIN PA'I ZAS KYI BAR DAG SPONG BA BCAS SO, ,TSUL DANG MI MTHUN PA'I GNAS GNYIS PA YONGS SU SPANG BA'I PHYIR NI GSER DNGUL 'DZIN PA SPONG BA BCAS TE, 'DI LTAR GSER DNGUL NI SOG 'JOG THAMS CAD KYI RTZA BA DANG GTZO BO YIN PA'I PHYIR RO, ,CI'I PHYIR DGE TSUL GYIS GAR DANG GLU DANG ROL MO'I SGRA DANG, SPOS DANG ME TOG PHRENG DANG, BYUG PA 'CHANG BA GANG YIN PA BSNYEN GNAS PA'I SDOM PA LA NI YAN LAG GCIG TU MDZAD LA, DE DE LA NI YAN LAG GNYIS SU MDZAD DE BCAS SHE NA, KHYIM PA RNAMS LA NI GNAS DE TSUL DANG MI MTHUN PA MA YIN LA, RAB TU BYUNG BA LA NI TSUL DANG MI MTHUN PA YIN PAS DE'I PHYIR KHYIM PA LA NI CI NAS KYANG DE DE LAS 'GAL NA NYES PA GCIG BSHAGS PAR ZAD KYI GNYIS MI DGOS PAR BYA BA'I PHYIR YANG BAR MDZAD NAS BSLAB PA GCIG TU BSDUS TE BCAS SO, ,DE RAB TU BYUNG BA LA NI CI NAS KYANG DE DE LAS 'GAL NA NYES PA GNYIS BSHAGS DGOS SHING GCIG MA YIN PAR BYA BA'I PHYIR LCI BAR MDZAD DE, GNAS GCIG PO DE NYID LAS PHYE NAS YAN LAG GNYIS SU MDZAD DE BCAS SO, ,CI'I PHYIR ZA MA DANG MA NING DAG RAB TU DBYUNG BAR MI BYA ZHING BSNYEN PAR RDZOGS PAR YANG MI BYA ZHE NA, 'DI LTAR ZA MA DANG MA NING DAG NI DGE SLONG GI PHYOGS SU RNAM PAR GZHAG NA YANG BUD MED KYI NYES PA BSTEN PAR 'GYUR LA, DGE SLONG MA'I PHYOGS SU RNAM PAR GZHAG NA YANG NOM PA DANG KUN DU NOM PA LA SOGS PAS SKYES PA'I NYES PA BSTEN PAR 'GYUR BAS, DE'I PHYIR DE DAG NI DE GNYI GA'I PHYOGS SU GNAS PAR 'OS PA MA YIN PAS RAB TU DBYUNG BAR YANG MI BYA LA BSNYEN PAR RDZOGS PAR YANG MI BYA'O, ,GZHAN YANG ZA MA DANG MA NING DAG NI NYON MONGS PA MANG BA DANG, RANG BZHIN GYIS NYON MONGS PA'I SGRIB PA BSGRIBS PA YIN PA'I PHYIR, DE DAG GIS NI GANG GIS SO SOR BRTAGS SHING SO SOR BRTAGS @34A *, ,NAS RE ZHIG TSUL KHRIMS KYI PHUNG PO YONGS SU DAG PA LA KUN DU SPYOD PAR 'GYUR BA DE LTA BU'I SO SOR RTOG PA SKYED PAR YANG MI NUS NA, MI'I CHOS LAS BLA MA MNGON SUM DU BYED PA LTA GA LA 'GYUR TE DE'I PHYIR YANG DE DAG NI RAB TU DBYUNG BAR MI BYA LA, BSNYEN PAR RDZOGS PAR YANG MI BYA'O, ,DE'I SDE PAR GTOGS PA LA NI SKYES BU DAM PA LA YANG DKON LA YONGS SU BRTAG PAR YANG DKA'O, ,CI'I PHYIR ZA MA DANG MA NING DAG SKYABS SU SONG ZHING DGE BSNYEN GYI BSLAB PA'I GZHI DAG YANG DAG PAR BLANGS TE GNAS SU ZIN KYANG DGE BSNYEN ZHES BRJOD PAR MI BYA ZHE NA, DGE SLONG DANG DGE SLONG MA LA BSNYEN BKUR BYED PA'I NGANG TSUL CAN NI DGE BSNYEN ZHES BYA NA DE DAG GIS NI BSDAMS SU ZIN KYANG DGE SLONG LA YANG DANG YANG DU KUN DU 'DRE BAS BSNYEN BKUR MI BYA LA DGE SLONG MA LA YANG MI BYA'O, ,DGE SLONG DANG DGE SLONG MA DAG GIS KYANG DE DAG LAS BSNYEN BKUR BDAG GIR MI BYA ZHING REG PAR YANG MI BYA LA, DGE BSNYEN LA JI LTA BA DE BZHIN DU YID BRTAN PA YANG MI BYA BA YIN PAS DE'I PHYIR DE DAG NI DGE BSNYEN ZHES MI BYA'O, ,BSLAB PA SRUNG BAR BYED PA RNAMS KYI BSOD NAMS YONGS SU 'DZIN PA NI MTSUNGS PAR RIG PAR BYA'O, ,SDOM PA YANG MA YIN, SDOM PA MA YIN PA YANG MA YIN PA GANG ZHE NA, JI SKAD BSTAN PA'I SDOM PA DE DAG KYANG MA GTOGS SDOM PA MA YIN PA YANG MA GTOGS PA YID DANG LUS DANG DAG GIS DGE BA DANG MI DGE BA'I LAS BYED PA GANG YIN PA DE DAG THAMS CAD NI SDOM PA YANG MA YIN, SDOM PA MA YIN PA YANG MA YIN PAR GTOGS PAR RIG PAR BYA'O, ,SDOM PA RANG GIS BLANGS PA DANG, GZHAN LAS BLANG BA GANG YIN PA DE GANG GIS GZHAN LAS LEN TAM, ,RANG GIS LEN NA SDOM PA YANG DAG PAR BLANG BA DE GNYIS LA 'DI LTA STE, BSOD NAMS DANG BSOD NAMS KYI BYE BRAG 'GA' ZHIG YOD DAM ZHE NA, GAL TE BSAM PA MTSUNGS PAS LEN PAR BYED CING DE BZHIN DU SRUNG BAR YANG BYED NA NI BYE BRAG NI 'GA' YANG MED PAR RIG PAR BYA'O, ,DE LA RGYU DUS NA DGE SLONG GI SDOM PA LEN PAR @34B MI 'GYUR ZHING, DGE SLONG GI SDOM PA 'DOD KYANG 'THOB PAR MI 'GYUR ZHE NA, MDOR BSDU NA RGYU DRUG GIS TE, BSAM PA NYAMS PA DANG, LUS NYAMS PA DANG, SKYES PA NYID NYAMS PA DANG, DGE BA'I CHOS NYAMS PA DANG, GZHAN GYI DBANG DU GYUR PA DANG, GZHAN RJES SU SRUNG BAS SO, ,DE LA GAL TE RGYAL POS GNOD PA BYAS SAM CHOM RKUN GYIS GNOD PA BYAS SAM, BU LON GYIS NYAM THAG GAM, 'JIGS PAS NYAM THAG GAM, 'TSO BA MED PAS 'JIGS SHING SKRAG PAR GYUR NAS, DE 'DI SNYAM DU SEMS TE BDAG NI KHYIM GYI GNAS NA GNAS PAR DKA' BAS 'TSO BAR BYED PA YIN GYI, DGE SLONG 'DI DAG NI TSEGS CHUNG DUS 'TSO BAR BYED PA YIN PAS MA LA BDAG DGE SLONG GI NANG DU SONG STE, BDAG DGE SLONG RNAMS DANG CHOS MTHUN PA PA YIN PAR BSTAN LA, TSEGS CHUNG NGUS 'TSO BAR BYA'O SNYAM STE, BSAM PA DE LTA BU KHO NAS RAB TU BYUNG NAS KYANG 'DI LTA STE, BDAG DGE SLONG TSOGS SHING 'DUS PA RNAMS KYIS TSUL KHRIMS 'CHAL PA YIN PAR RI GNAS BSKRAD PAR GYUR NA MI RUNG NGO SNYAM STE, 'JIGS PAS BSLAB PA'I GZHI KHA CIG LA BSDAMS TE, SPYOD PAR BYED DU ZIN KYANG DE BSAM PA NYAMS PA YIN PA'I PHYIR, BSNYEN PAR RDZOGS PA MA YIN PA KHO NAR BRJOD PAR BYA STE, DE NI BSAM PA NYAMS PA ZHES BYA'O, ,GAL TE 'DI SNYAM DU SEMS TE, BDAG KHYIM 'DI NA GNAS NA DKA' BAS 'TSO BAR 'GYUR BAS MA LA BDAG RAB TU BYUNG LA TSEGS CHUNG NGUS 'TSO BAR BYA, JI LTAR DGE SLONG 'DI DAG TSANGS PAR SPYAD PA SPYOD PA LTAR JI SRID 'TSO'I BAR DU TSANGS PAR SPYOD PA SPYAD PAR BYA'O SNYAM NAS DE LTAR RAB TU BYUNG BA NI BSAM PA NYAMS PA MA YIN PA ZHES NI BRJOD DE, GCIG TU YONGS SU DAG PA NI MA YIN ZHING DE NI BSNYEN PAR RDZOGS PA MA YIN PAR YANG BRJOD PAR MI BYA'O, ,'BRAS DANG PHOL MIG LA SOGS PA BAR CHAD KYI CHOS LAS JI SKAD GSUNGS PA'I NAD RNAMS DANG LDAN PA NI LUS NYAMS PA ZHES BYA BA STE, LUS NYAMS PAR RAB TU BYUNG BA DE NI BLA MA RNAMS LA BSNYEN BKUR BYED PAR YANG MI NUS PAS, DE LTAR MI NUS @035A *, ,PA DE NI BLA MA RNAMS DANG TSANGS PA MTSUNGS PAR SPYOD PA DAG LAS BSNYEN BKUR GYI LAS GANG YIN PA BDAG GIR BYED CING, SBYIN BDAG DAD PA CAN RNAMS LAS CHOS GOS DANG BSOD SNYOMS LA SOGS PA DAD PAS BYIN PA YANG BDAG GIR BYED DE, DE'I DAD PAS BYIN PA RNAM PA DE GNYI GA YANG YONGS SU LONGS SPYOD PA LA LCI BA DANG RUNG PA MA YIN LA, DGE BA'I CHOS RNAMS YONGS SU NYAMS PAR YANG 'GYUR BA YIN PAS, DE'I PHYIR LUS NYAMS PA YANG BSNYEN PAR RDZOGS PAR MI BYA'O, ,ZA MA DANG MA NING SKYES PA NYID NYAMS PA DAG KYANG BSNYEN PAR RDZOGS PAR MI BYA STE, DE LA RGYU NI SNGAR BSTAN PA NYID YIN PAR KHONG DU CHUD PAR BYA'O, ,MA NING NI MDOR BSDU NA RNAM PA GSUM DU RIG PAR BYA STE, YONGS MA NING DANG, PHYOGS GCIG GI MA NING DANG, NYAMS PA'I MA NING NGO, ,DE LA SKYES PA'I DBANG PO DANG MI LDAN PA KHO NAR BTZAS PA GANG YIN PA DE NI YONGS MA NING ZHES BYA'O, ,ZLA BA PHYED PHYED CING SKYES PA'I SPOBS PA SKYE BA DANG, BDAG NYID LA PHA ROL GYIS SUN 'BYIN PA'AM, GZHAN DAG MI TSANGS PAR SPYOD PA 'KHRIG PA'I CHOS KUN DU SPYOD PA MTHONG BA DE SKYES PA'I SPOBS PA SKYE BAR 'GYUR PA GANG YIN PA DE NI PHYOGS GCIG PA'I MA NING ZHES BYA'O, ,MTSON LA SOGS PAS CHOD PA'AM, NAD DANG, DUG DANG, ME DANG, GSANG SNGAGS LA SOGS PA'I GNOD PAS SKYES PA'I DBANG PO SNGON THOB PA CHAD PAR GYUR CING CHAD NAS KYANG SKYES PA'I SPOBS PA MI 'BYUNG BA GANG YIN PA DE NI NYAMS PA'I MA NING ZHES BYA'O, ,DE LA MA NING DANG PO NI ZA MA YANG YIN LA MA MING YANG YIN NO, ,GNYIS PA NI MA NING KHO NA YIN GYI ZA MA MA YIN NO, ,GSUM PA NI GAL TE PHA ROL PO DAG GIS BDAG LA SUN 'BYIN PAR MI BYED NA NI ZA MA KHO NA YIN GYI MA NING NI MA YIN NO, , GAL TE SUN 'BYIN PAR BYED NA NI DE ZA MA DANG MA NING YIN PAR BRJOD PAR BYA'O, ,MTSAMS MED PA'I LAS BYED PA DANG, DGE SLONG MA SUN 'BYIN PA DANG, MU STEGS CAN DANG, RKU THABS SU GNAS PA DANG, THA DAD DU GNAS PA DANG, GNAS PAR MI BYA BA DAG NI DGE BA'I CHOS NYAMS @35B PA YIN PAS BSNYEN PAR RDZOGS PAR MI BYA STE, 'DI LTAR DE DAG NI NGO TSA MI SHES PA DANG KHREL MED PA'I CHOS DRI MA CAN CHEN POS NGO TSA SHES PA DANG, KHREL YOD PA'I CHOS DKAR PO SHIN TU SRAB MOR BYAS SHING CHUNG NGUR BYAS PA'I PHYIR RO, ,RGYAL POS BKRABS PA DANG, RGYAL PO LA GNOD PA BYED PA DANG, RGYAL PO DANG MI MTHUN PA'I LAS BYED PA DANG, BU LON GZHAL DGOS PA DANG, BRAN DANG, PHROGS PA DANG, MCHU THOGS PA DANG, BRJOD PA YOD PA DANG, PHA MAS MA GNANG BA DAG NI GZHAN GYI DBANG DU GYUR PA YIN PAS BSNYEN PAR RDZOGS PAR MI BYA'O, ,SBRUL PA DAG NI GZHAN RJES SU BSRUNG BAS BSNYEN PAR RDZOGS PAR MI BYA STE, DE CI'I PHYIR ZHE NA, DE NI KLUR GYUR PA LAS CHOS RNAMS GZUNG BA'I PHYIR, DGE SLONG GI LUS SU SPRUL NAS BSNYEN PAR RDZOGS PA TSOL BAR BYED PA YIN TE, GAL TE KLU DE BSNYEN PAR RDZOGS PAR GYUR NA, DGE SLONG DU GYUR PA DE GNYID LOG NA NI RANG GI GZUGS SU GNAS PAS, KUN DGA'I RAB SRUNG BA'AM, DGE BSNYEN DAG DGE SLONG GI 'DU SHES KYIS TSAM TSOM MED PAR DRUNG DU 'ONGS TE, GZUGS MI SDUG PA MTHONG NA 'DI SNYAM DU DGE SLONG THAMS CAD NI MI MA YIN PA YIN PAS SU ZHIG 'DI DAG LA BSOD SNYOMS 'BUL BA DANG BYA BAR SEMS ZHES, DGE SLONG THAMS CAD LA ZHE SDANG GI SEMS SKYED CING SDIG PA CAN GYI LTA BA THOB PAR GYUR PAS, DE'I PHYIR GZHAN RJES SU BSRUNG BAS DE DAG KYANG BSNYEN PAR RDZOGS PAR MI BYA'O, ,DE LTAR NA LAS BYED PA'I SLOB DPON MED PA DANG, MKHAN PO MED PA DANG DGE 'DUN TSUL LA GNAS PA TSAD BAR MED PA MA GTOGS PAR RGYU DRUG PO DE DAG GIS NA DGE SLONG GI SDOM PA LEN PAR MI 'GYUR RO, ,RGYU DUS NI DGE BSNYEN GYI SDOM PA LEN PAR MI 'GYUR ZHE NA, MDOR BSDU NA RGYU GNYIS KYIS TE, BSAM PA NYAMS PA DANG, SKYES PA NYID NYAMS PAS SO, ,DE LA BSAM PA NYAMS PAS NI THAMS CAD KYI THAMS CAD DU LEN PAR MI 'GYUR BA KHO NAR KHONG DU CHUD PAR BYA'O, ,SKYES PA NYID NYAMS PAS NI LEN PA YOD DU ZIN KYANG SNGAR BSTAN PA'I RGYU NYID KYIS NA DE DGE BSNYEN DU NI BRJOD PAR MI BYA'O, ,BSNYEN GNAS @36A *, ,PA'I SDOM PA NI BSAM PA NYAMS PA KHO NAS LEN PAR MI 'GYUR BAR KHONG DU CHUD BAR BYA STE, GANG LA LA DAG GZHAN GYI RJES SU 'JUG PA'AM, RNYED PA DANG BKUR STI'I PHYIR BSNYEN GNAS PA'I SDOM PA YANG DAG PAR LEN PAR DAM 'CHA' BA DE DAG KYANG DE LA BLANG BA'I BSAM PA MED PA YIN TE, DE LTAR NA DE NI DE'I BSAM PA NYAMS PA YIN PAR RIG PAR BYA'O, ,LEN PAR MI 'GYUR BA'I RGYU NYID JI SKAD BSTAN PA DE DAG MED PAS NI SDOM PA JI SKAD BSTAN PA DE DAG LEN PA YIN PAR KHONG DU CHUD PAR BYA'O, ,DE LA RGYU DUS NA DGE SLONG GI SDOM PA BLANGS KYANG GTONG BAR 'GYUR ZHE NA, MDOR BSDU NA RGYU LNGAS TE BSLAB PA'I GZHI 'BUL BA DANG, LTUNG BA'I RTZA BA LHAG PAR SPYOD PA DANG, MTSAN NUB CING MTSAN GNYIS SKYES PA DANG, DGE BA'I RTZA BA CHAD PA DANG, RIGS MTHUN PA SPANGS PAS KYANG DGE SLONG GI SDOM PA BLANGS BA GTONG BAR 'GYUR RO; ,DAM PA'I CHOS RAB TU RNAM PAR ZHIG CING DAM PA'I CHOS NUB NA NI DGE SLONG GI SDOM PA MA BLANGS PA NI BLANG DU MED LA, SNGAR BLANGS PA NI YONGS SU MI GTONG BAR RIG PAR BYA STE, 'DI LTAR DE'I TSE DUS NGAN PA BYUNG BA DE'I TSE NA SEMS CAN 'GA' YANG BSAM PA NYAMS PAS BSNYEN PAR RDZOGS PAR 'GYUR BA YANG MED NA, DGE SBYONG GI 'BRAS BU THOB PAR 'GYUR BA LTA SMOS KYANG CI DGOS PA'I PHYIR RO, ,DGE BSNYEN GYI SDOM PA NI MI MTHUN PA'I SEMS SKYES PA DANG, DGE BA'I RTZA BA CHAD PA DANG, RIS MTHUN PA SPANGS PAS YONGS SU GTONG BAR RIG PAR BYA'O, , DAM PA'I CHOS NUB PAS NI DGE SLONG GI SDOM PA JI LTA BA BZHIN DU DGE BSNYEN GYI SDOM PA DANG, BSNYEN GNAS PA'I SDOM PA YANG DE BZHIN DU RIG PAR BYA'O, ,BSNYEN GNAS PA'I SDOM PA GTONG BA NI NYI MA SHAR BA DANG, GAL TE SEMS MI MTHUN PA BSKYED PA DANG, SNGA ROL DU RIGS MTHUN PA SPONG ZHING 'CHI BA'I DUS BYED PA LAS KHONG DU CHUD PAR BYA'O,, ,,BAM PO LNGA PA, DE LA 'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL LA, GONG MA'I 'DOD CHAGS DANG MA BRAL BA'I 'BYUNG BA'I 'DU SHES SNGON DU GTONG BA'I YID LA BYED @36B PAS SEMS DANG SEMS LAS BYUNG BA'I CHOS RNAMS 'GOG PA TZAM DANG, NYE BAR ZHI ZHING MI 'BYUNG BA TZAM NI 'DU SHES MED PA'I SNYOMS PAR 'JUG PA ZHES BYA STE, DE YANG BRTAGS PA'I YOD PA YIN GYI RDZAS SU NI MA YIN NO, ,DE YANG MDOR BSDU NA RNAM PA GSUM DU RIG PAR BYA STE, CHUNG NGU BSGOMS PA DANG, 'BRING DU BSGOMS PA DANG, CHER BSGOMS PA'O, ,DE LA CHUNG NGU BSGOMS PAS NI TSE 'DI LAS YONGS SU NYAMS PAR 'GYUR ZHING MYUR BA MYUR BA KHO NAR PHYIR BSKYED PAR YANG MI NUS LA, 'DU SHES MED PA'I SEMS CAN LHA RNAMS KYI NANG DU SKYES NA YANG JI LTAR GZHAN DAG GI LUS GZUGS YONGS SU DAG PA, 'OD GSAL BA DANG RGYA CHE BA DE LTAR MI 'GYUR ZHING NGES PAR BAR SKABS SU 'CHI BA'I DUS BYED PAR YANG 'GYUR RO, ,'BRING DU BSGOMS PAS NI YONGS SU NYAMS PAR 'GYUR ZHING MYUR BA MYUR BA KHO NAR PHYIR BSKYED PAR MI NUS LA DER SKYES NAS YANG LUS GZUGS YONGS SU DAG PA 'OD GSAL BA DANG, RGYA CHE BA 'GRUB PA NI 'GYUR MOD KYI, MTHAR THUG PA SHIN TU YONGS SU DAG PAR MI 'GYUR ZHING BAR SKABS SU 'CHI BA'I DUS BYED PAR YANG 'GYUR LA NGES PA NI MA YIN NO, ,RGYA CHER BSGOMS PAS NI YONGS SU NYAMS PAR MI 'GYUR LA, DER SKYES NA YANG LUS GZUGS YONGS SU DAG PA 'OD GSAL BA DANG RGYA CHE BA YANG 'GRUB CING MTHAR THUG PAR SHIN TU YONGS SU DAG PAR YANG 'GYUR LA, BAR SKABS SU 'CHI BA'I DUS BYED PAR YANG MI 'GYUR ZHING, TSE YONGS SU RDZOGS NAS ZAD PAR BYED DO, ,RGYU DE DANG RKYEN DES SKYES NAS THOB PA'I SEMS DANG SEMS LAS BYUNG BA 'GOG PA DE NI 'DU SHES MED PA PA ZHES BYA'O, ,DE LA 'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED KYI 'DOD CHAGS DANG BRAL BA GONG MA'I 'DOD CHAGS DANG MA BRAL YANG RUNG, 'DOD CHAGS DANG BRAL YANG RUNG BA'I GNAS PA'I 'DU SHES SNGON DU GTANG BA'I YID LA BYED PAS SEMS DANG SEMS LAS BYUNG BA'I CHOS RNAMS 'GOG PA TZAM DANG, NYE BAR ZHI ZHING MI 'BYUNG BA TZAM NI 'GOG PA'I SNYOMS PAR 'JUG PA ZHES BYA BA STE, 'JUG @37A *, ,PA'I RNAM PAR SHES PA TZAM NYE BAR ZHI BAR ZAD KYI KUN GZHI RNAM PAR SHES PA NYE BAR ZHI BA NI MA YIN NO, ,DE YANG BRTAGS PA'I YOD PA YIN GYI RDZAS SU NI MA YIN PAR RIG PAR BYA'O, ,DE YANG MDOR BSDU NA RNAM PA GSUM STE SNGA MA BZHIN DU CHUNG NGU BSGOMS PA LA SOGS PA'O, ,DE LA CHUNG NGU BSGOMS PAS NI YONGS SU NYAMS PAR 'GYUR ZHING MYUR BA MYUR BA KHO NAR PHYIR BSKYED PAR YANG MI NUS SO, ,'BRING DU BSGOMS PAS NI YONGS SU NYAMS PAR 'GYUR LA, MYUR BA MYUR BA KHO NAR PHYIR BSKYED PAR NI MI NUS SO, ,CHER BSGOMS PAS NI YONGS SU NYAMS PAR MI 'GYUR BA KHO NA YIN NO, ,DE LA NI SLOB PA PHYIR MI 'ONG BA LUS KYIS MNGON SUM DU BYED PA DANG, MI SLOB PA GNYIS KA'I CHA LAS RNAM PAR GROL BA YANG SNYOMS PAR 'JUG GO , ,'DU SHES MED PA'I SNYOMS PAR 'JUG PA LA NI SLOB PA YANG SNYOMS PAR MI 'JUG LA MI SLOB PA YANG MI 'JUG GO , ,DE CI'I PHYIR ZHE NA, DE LA NI SHES RAB KYI SPYOD PA MED LA DE'I GONG NA CHES ZHI BA'I GNAS PA YOD PA'I PHYIR TE, SKYE BA DE NI DGE BA'I CHOS MA THOB PA RNAMS THOB PAR BYA BA LAS SLU BA'I GNAS YIN NO, ,DE LA NAM MKHA' GANG ZHE NA, GZUGS MED PA TZAM GYIS RAB TU PHYE BA NI NAM MKHA' YIN TE, 'DI LTAR GANG LA GZUGS KYI RNAM PA MI DMIGS PA DE LA NAM MKHA'I 'DU SHES 'BYUNG BAR 'GYUR BAS DE'I PHYIR DE YANG BRTAGS PA'I YOD PA YIN PAR RIG PAR BYA'I RDZAS SU NI MA YIN NO, ,SO SOR BRTAGS PA MA YIN PA'I 'GOG PA GANG ZHE NA, DE LAS GZHAN PA SKYE BA'I RKYEN MNGON DU GYUR PA NA DE LAS GZHAN PA SKYE BAS, DE LAS GZHAN PA MI SKYE ZHING NYE BAR ZHI BA'I 'GOG PA TZAM NI SO SOR BRTAGS PA MA YIN PA'I 'GOG PA ZHES BYA STE, GANG DE'I TSE NA MA SKYES SHING SKYE BA'I DUS LAS THAL BA DE NI DE'I TSE NAM YANG SKYE BAR MI 'GYUR BAS; DE'I PHYIR DE YANG BRTAGS PA'I YOD PA YIN GYI RDZAS SU YOD PA NI MA YIN NO, ,DE'I RANG GI MTSAN NYID NI GZHAN CUNG ZAD KYANG MI DMIGS SO, ,DE YANG CHOS KYI RNAM PA DANG MA BRAL BA'I PHYIR DUS GZHAN GYI TSE RKYEN DANG PHRAD NA 'BYUNG BAR 'GYUR BAS DE'I PHYIR SO SOR BRTAGS PA MA @37B YIN PA'I 'GOG PA DE NI GTAN DU BA MA YIN NO, ,SLOB PA BZHI MTHONG BA DE SGO NGA LAS SKYE BA DANG, DROD GSHER LAS SKYE BA'I SKYE GNAS DANG, BYANG GI SGRA MI SNYAN DU SKYE BA DANG, 'DU SHES MED PA PA'I SEMS CAN DU SKYE BA DANG, BUD MED DANG, ZA MA DANG, MA NING DANG, MTSAN MED DANG, MTSAN GNYIS PAR SKYE BA DANG, YANG 'BYUNG BA'I SRID PA LA SRED CING SMON PA DAG SO SOR BRTAGS PA MA YIN PA'I 'GOG PA THOB PA DE NI GTAN DU BA YIN PAR RIG PAR BYA'O, ,SLOB PA BZHI MTHONG BA NI NAM YANG YANG 'BYUNG BA'I SRID PA LA MNGON PAR 'DOD CING SMON PA'I KUN NAS DKRIS PAS YANG 'BYUNG BA'I SRID PA MNGON PAR SGRUB PAR MI BYED DE, SRID PA'I SA BON LHAG MA MA LUS PAR YANG DAG PAR MA BCOM PA KHO NA TZAM DU ZAD DO, ,CI'I PHYIR SEMS DANG MI LDAN PA RNAMS ZHES BYA ZHE NA, DE DAG NI DE DAG LA MING DU BTAGS PAS THA SNYAD 'DOGS PAR ZAD PA'I PHYIR TE, DE DAG KYANG GZUGS CAN RNAMS LA YANG GNYI GA MA YIN PA DANG, BSTAN DU YOD PA RNAMS LA YANG GNYI GA MA YIN PAR RNAM PAR GZHAG PA'I TSUL RGYA CHER RIG PAR BYA'O, ,MKHAS PA DRUG PO 'DI LTA STE, PHUNG PO LA MKHAS PA NAS DBANG PO LA MKHAS PA'I BAR DU GANG GSUNGS PA'I MKHAS PA DE DAG GI RNAM PAR GZHAG PA JI LTA BU YIN PAR RIG PAR BYA ZHE NA, SDOM NI, NGO BO NYID DANG DON RNAMS DBYE, ,GO RIMS DANG NI BSDU DANG BRTEN, ,DE LA GZUGS GANG ZHE NA, DE NI RNAM PA BCU GCIG TU RIG PAR BYA STE, MIG LA SOGS PA REG BYA'I MTHAR THUG PA'I BAR GYI SKYE MCHED BCU DANG, CHOS KYI SKYE MCHED DU GTOGS PA'I GZUGS SO, ,DE YANG MDOR BSDU NA 'BYUNG BA DANG 'BYUNG BA LAS GYUR PA STE, THAMS CAD KYANG GZUGS SU RUNG BA'I MTSAN NYID YIN NO, ,TSOR BA GANG ZHE NA, DE NI RNAM PA DRUG TU BLTA BAR BYA BA STE, MIG DANG, RNA BA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'O, ,DE YANG RNAM PA GSUM DANG RNAM PA GNYIS TE, LUS KYI DANG SEMS KYI'O, ,DE LA GZUGS CAN LA BRTEN PA NI LUS KYI'O, ,GZUGS CAN MA YIN PA LA BRTEN PA NI SEMS KYI'O, ,DE CI'I @38A *, ,PHYIR ZHE NA, GAL TE DBANG PO LNGA PO DAG NI GZUGS CAN YIN PA'I PHYIR RO, ,GAL TE DBANG PO LNGA PO DAG GZUGS CAN YIN PA'I PHYIR MIG LA SOGS PA DBANG PO GZUGS CAN RNAMS LA BRTEN PA'I TSOR BA GANG YIN PA DE LUS KYI YIN PAR GYUR NA, 'O NA CI'I PHYIR MIG LA SOGS PA'I DBANG PO DE DAG LUS KYI MTSAN NYID KHO NA YIN PAR MI 'GYUR ZHE NA, SMRAS PA, MTSAN NYID MI 'DRA BA'I PHYIR TE, 'DI LTAR DE DAG NI PHAN TSUN MTSAN NYID MI 'DRA BA YIN PA'I PHYIR RO, ,GAL TE MTSAN NYID MI 'DRA BA'I PHYIR YIN NA MTSAN NYID MI 'DRA BA'I PHYIR LUS KYI MTSAN NYID MA YIN PAS, DES NA DE LA BRTEN PA'I TSOR BA GANG YIN PA DE YANG RGYU DE GNYIS KYIS NA LUS KYI MA YIN PAR MI 'GYUR RAM ZHE NA, SMRAS PA, DE LAS GZHAN PA'I DBANG PO GZUGS CAN RNAMS NI LUS LAS THA MI DAD PA'I PHYIR DE LA NYE BAR GDAGS PA LA NYES PA MED DO, , GAL TE THA MI DAD PAS NYES PA MED NA DE LTA NA YID KYANG LUS LAS THA MI DAD PAR 'BYUNG BAS DES NA YID LA BRTEN PA'I TSOR BA GANG YIN PA DE YANG LUS KYI YIN PAR 'GYUR BAS DE'I PHYIR LUS KYI TSOR BA KHO NAR 'GYUR GYI SEMS KYI NI MA YIN PAR 'GYUR RO ZHE NA SMRAS PA, LUS NI DBANG PO GZUGS CAN RNAMS LAS GTAN THA DAD PA MA YIN LA, YID NI DE LTA MA YIN PAS NYES PA MED DE, 'DI LTAR GZUGS MED PAR SKYES PA'I SEMS CAN RNAMS LA LUS LAS THA DAD PA'I YID KYI RNAM PAR SHES PA 'BYUNG BAR 'GYUR BAS DE'I PHYIR DBANG PO LNGA DANG LDAN PA'I TSOR BA NI LUS KYI KHO NA ZHES BYA LA, YID KYI 'BA' ZHIG SEMS KYI ZHES BYA'O, ,DE LTA BAS NA TSOR BA NI MDOR BSDU NA, LUS KYI DANG SEMS KYI YIN LA THAMS CAD KYANG MYONG BA'I MTSAN NYID YIN NO, ,'DU SHES GANG ZHE NA, DE YANG SNGA MA BZHIN DU RNAM PA DRUG GO, ,DE YANG 'DI LTA STE, MTSAN MA DANG BCAS PA'I 'DU SHES DANG, MTSAN MA MED PA'I 'DU SHES DANG, CHUNG NGU'I 'DU SHES DANG, CHEN POR GYUR PA'I 'DU SHES DANG, TSAD MED PA'I 'DU SHES DANG, CI YANG MED PA'I 'DU SHES SO, ,DE YANG MDOR BSDU NA 'JIG RTEN PA'I DANG 'JIG RTEN LAS 'DAS PA'I 'O, ,DE @38B LA CHUNG NGU'I 'DU SHES NI 'DOD PA NA SPYOD PA'I 'O, ,CHEN POR GYUR PA'I 'DU SHES NI GZUGS NA SPYOD PA'I 'O, ,TSAD MED PA'I 'DU SHES NI NAM MKHA' DANG RNAM SHES MTHA' YAS SKYE MCHED NA SPYOD PA'I 'O, ,CI YANG MED PA'I 'DU SHES NI CI YANG MED PA'I SKYE MCHED NA SPYOD PA'I STE, DE DAG THAMS CAD NI MTSAN MA DANG BCAS PA'I 'DU SHES YIN NO, ,MTSAN MA MED PA'I 'DU SHES NI SRID PA'I RTZE MO'I 'DU SHES GANG YIN PA DANG 'JIG RTEN LAS 'DAS PA SLOB PA DANG, MI SLOB PA'I THAMS CAD DE THAMS CAD KYANG KUN DU SHES PAR BYED PA'I MTSAN NYID YIN NO, ,'DU BYED RNAMS GANG ZHE NA, DE DAG KYANG SNGA MA KHO NA BZHIN DU RNAM PA DRUG GO, ,DE YANG 'DI LTA STE YUL DANG MTHUN PAR BYED PA DANG, DE DANG PHRAD PAR BYA BA DANG, DE DANG BRAL BAR BYA BA DANG, KUN NAS NYON MONGS PA DANG, LAS KUN DU BLANG BAR BYA BA DANG, SEMS KYIS DBANG BSGYUR BAR BYA BA'I PHYIR SEMS MNGON PAR 'DU BYED PA RNAM PA LNGAR BLTA BAR BYA'O, ,'DU BYED RNAMS NI MDOR BSDU NA DGE BA DANG MI DGE BA DANG LUNG DU MA BSTAN PA DAG STE THAMS CAD KYANG MNGON PAR 'DU BYED PA'I MTSAN NYID YIN NO, ,RNAM PAR SHES PA GANG ZHE NA, DE NI RNAM PA DRUG TU BLTA BAR BYA STE; MIG GI RNAM PAR SHES PA NAS YID KYI RNAM PAR SHES PA'I BAR TE, DE NI RNAM PAR SHES PA'I NGO BO NYID KYI DBYE BA YIN NO, ,GZHAN YANG DBYE BA RNAM PA GSUM YOD PAR BLTA BAR BYA STE, MYONG BA'I DBYE BA DANG DMIGS PA LA MTSAN MAR 'DZIN PA'I DBYE BA DANG, GNAS SKABS KYI DBYE BA'O, ,DE LA MYONG BA'I DBYE BA NI RNAM PA GSUM MO, ,DMIGS PA LA MTSAN MAR 'DZIN PA'I DBYE BA NI RNAM PA DRUG GO, ,GNAS SKABS KYI DBYE BA NI RNAM PA GSUM MO, ,DBYE BA DE DAG GCIG TU BSDUS NA RNAM PAR SHES PA'I NGO BO NYID RNAM PA BCO BRGYAD DU 'GYUR TE, DE NI PHUNG PO RNAMS KYI NGO BO NYID YIN NO, ,DE LA PHUNG PO'I DON NI GANG CI'I PHYIR NA PHUNG PO RNAM PAR GZHAG PA YONGS SU BSTAN CE NA, GZUGS GANG YIN PA CI YANG RUNG STE, 'DAS PA DANG, MA 'ONGS PA DANG, DA LTAR BYUNG BA NAS THAG RING BA DANG, NYE BA'I BAR DANG, @39A *, ,GZUGS JI LTA BA BZHIN DU RNAM PAR SHES PA'I BAR DU YANG DE BZHIN TE, DE DAG GCIG TU BSDUS PA NI RNAM PA THAMS CAD DU BSDUS PA YIN PA'I PHYIR BSDUS PA'I DON NI PHUNG PO'I DON TO, ,YANG PHUNG PO DE DAG NI BDAG NYID SNA TSOGS MANG PO YIN PA'I PHYIR 'DU BYED TZAM STE, DE LAS DON GZHAN PA'I BDAG MED PAR YONGS SU BSTAN PA'I PHYIR PHUNG PO RNAM PAR GZHAG PAR RIG PAR BYA'O, ,DE LA GZUGS KYI PHUNG PO'I RAB TU DBYE BA GANG ZHE NA, DE NI RNAM PAR DRUG TU BLTA BAR BYA STE, DNGOS PO DANG MTSAN NYID DANG, RNAM PAR SHES PA GNAS PA DANG MI GNAS PA DANG, RNAM PAR SHES PA LAS DBEN PA DANG MI DBEN PA DANG, 'DU SHES KYI SPYOD YUL DANG MTHA'O, ,DE LA GZUGS KYI DNGOS PO NI GZUGS GANG YIN PA CI YANG RUNG STE, DE THAMS CAD 'BYUNG BA CHEN PO BZHI DAG DANG 'BYUNG BA CHEN PO BZHI DAG RGYUR BYAS PA'O; ,DE LA GZUGS KYI RANG GI MTSAN NYID NI MDOR BSDU NA DANG BA DANG, DANG BA'I GZUNG BA DANG, YID KYI GZUNG BA'I GZUGS SO, ,SPYI'I MTSAN NYID NI GZUGS SU RUNG BA'I MTSAN NYID DO, ,DE LA RNAM PAR SHES PA GNAS PA DANG MI GNAS PA NI ZIN PA'I GZUGS GANG YIN BDE NI RNAM PAR SHES PA GNAS PA ZHES BYA STE, DE YANG RNAM PAR SHES PA DANG 'DRES PA GRUB PA DANG BDE BA GCIG PA'I DON GYIS 'JUG PA GANG YIN PA DANG, TSOR BA RNAMS SKYE BA'I DON DU GYUR PA GANG YIN PA'O, ,DE LAS BZLOG PA NI MA ZIN PA YIN PAR RIG PAR BYA'O, ,DE LA RNAM PAR SHES PA LAS DBEN PA DANG MI DBEN PA NI RNAM PAR SHES PA LAS MI DBEN PA'I GZUGS GANG YIN PA DE NI MTSUNGS PA ZHES BYA STE, RNAM PAR SHES PA DANG MTSUNGS PAR DON LA 'JUG PA NYID KYI PHYIR RO, ,RNAM PAR SHES PA LAS DBEN PA'I GZUGS GANG YIN PA DE NI DE DAG DANG MTSUNGS PA ZHES BYA STE RANG GI RGYUD DANG MTSUNGS PAR RJES SU 'JUG PA NYID KYI PHYIR RO, ,DE LA 'DU SHES KYI SPYOD YUL NI 'DU SHES GSUM PO 'DI DAG NI GZUGS LA DMIGS PA YIN TE, GZUGS KYI 'DU SHES DANG, THOGS PA'I 'DU SHES DANG, SNA TSOGS KYI 'DU SHES SO, ,GZUGS KYANG MTSAN NYID @39B GSUM STE SNANG BA DANG BCAS PA'I MTSAN NYID DANG, YUL GNOD PA'I MTSAN NYID DANG, RGYAS PAR GNAS PA'I MTSAN NYID DE, DE DAG KYANG GO RIMS BZHIN DU 'DU SHES GSUM PO DE DAG GI SPYOD YUL DU GYUR PA YIN PAR BLTA BAR BYA'O, ,DE LA SNGON PO LA SOGS PA'I KHA DOG 'DZIN PAR BYED PA NI GZUGS KYI 'DU SHES SO, ,'GRO BA THOGS PA 'DZIN PAR BYED PA NI THOGS PA'I 'DU SHES SO, ,BUD MED DANG, SKYES PA DANG, KHANG KHYIM DANG, ZHING LA SOGS PAR NYE BAR 'DOGS PA 'DZIN PAR BYED PA NI SNA TSOGS KYI 'DU SHES TE, DE NI 'DU SHES KYI SPYOD YUL GYI RAB TU DBYE BA YIN NO, ,DE LA GZUGS KYI MTHA' NI MDOR BSDU NA GZUGS RNAM PA GNYIS TE, KHAMS 'OG MA DANG KHAMS BAR MAR GTOGS PA STE, 'DOD PA NA SPYOD PA DANG, GZUGS NA SPYOD PA'O, ,DE LA GZUGS MED PA RNAMS NA NI LAS KYI DBANG GIS GRUB PA NYID LA BRTEN NAS GZUGS MED PA ZHES BYA BAR ZAD DE, SNYOMS PAR 'JUG PA'I DBANG LA BRTEN NAS NI MA YIN TE, 'DI LTAR DE LA SNYOMS PAR 'JUG PAS MNGON PAR 'DU BYA BA MNGON DU GYUR PA LAS THAMS CAD NA GZUGS KYI RNAM PA LA DBANG BA DMIGS PA'I PHYIR TE DE YANG SNYOMS PAR 'JUG PA'I GZUGS CHA PHRA BA ZHES BYA'O, ,DE LA TSOR BA'I PHUNG PO RAB TU DBYE BA GANG ZHE NA, DE NI RNAM PA LNGAR BLTA BAR BYA STE, DNGOS PO DANG, MTSAN NYID DANG, RAB TU SKYE BA DANG NYE BAR BRTAGS PA DANG, NGES PAR 'BYUNG BA'O, ,DE LA TSOR BA'I PHUNG PO'I DNGOS PO NI MYONG BA NYID DANG, MYONG BA'I GNAS DANG MTHUN PA'I CHOS RNAMS SO, ,DE LA RANG GI MTSAN NYID NI BDE BA DANG, SDUG BSNGAL BA DANG, SDUG BSNGAL BA YANG MA YIN BDE BA YANG MA YIN PA'I TSOR BA'O, ,DE LA TSOR BA'I PHUNG PO'I SPYI'I MTSAN NYID NI BDE BA'I TSOR BA NI 'GYUR BA'I SDUG BSNGAL NYID KYIS SDUG BSNGAL BA DANG, SDUG BSNGAL GYI TSOR BA NI SDUG BSNGAL GYI SDUG BSNGAL NYID KYIS SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'I TSOR BA NI 'DU BYED KYI SDUG BSNGAL NYID KYIS SDUG BSNGAL BA'I DBANG DU MDZAD NAS, GANG CI TSOR BA YANG RUNG STE DE NI 'DIR SDUG BSNGAL BA'O, , @40A *, ,ZHES BYA BA'O, ,DE LA RAB TU SKYE BA NI REG PA BCU DRUG LAS TSOR BA RNAMS 'BYUNG BAR 'GYUR BA STE, 'DI LTA STE, MIG DANG, RNA BA DANG, SNA DANG, LCE DANG, LUS DANG, YID KYI 'DUS TE REG PA RNAMS DANG, THOGS PA'I 'DUS TE REG PA DANG, TSIG BLA DAGS KYI 'DUS TE REG PA DANG, BDE BA'I TSOR BA DANG MTHUN PA'I 'DUS TE REG PA DANG, SDUG BSNGAL GYI TSOR BA DANG MTHUN PA'I 'DUS TE REG PA DANG, SDUG BSNGAL YANG MA YIN BDE BA YANG MA YIN PA'I TSOR BA DANG MTHUN PA'I 'DUS TE REG PA DANG, RJES SU CHAGS PA'I 'DUS TE REG PA DANG; KHONG KHRO BA'I 'DUS TE REG PA DANG, RIG PA'I 'DUS TE REG PA DANG, MA RIG PA'I 'DUS TE REG PA DANG, RIG PA YANG MA YIN MA RIG PA YANG MA YIN PA'I 'DUS TE REG PA LAS SO, ,DE LA YUL 'DZIN PAR BYED PA NYID LA BRTEN NAS NI 'DUS TE REG PA DRUG PO RNAMS DANG, THOGS PA'I 'DUS TE REG PA RNAM PAR GZHAG GO, ,YUL LA RNAM PAR RTOG PA NYID LA BRTEN NAS NI TSIG BLA DAGS KYI 'DUS TE REG PA GCIG TU RNAM PAR GZHAG GO, ,YUL MYONG BAR BYED PA NYID LA BRTEN NAS NI BDE BA LA SOGS PA'I TSOR BA DANG MTHUN PA'I 'DUS TE REG PA GSUM RNAM PAR GZHAG GO, ,KUN NAS NYON MONGS PA DANG, RNAM PAR BYANG BA NYID LA BRTEN NAS NI RJES SU CHAGS PA DANG, KHONG KHRO BA DANG, MA RIG PA'I 'DUS TE REG PA RNAMS DANG, RIG PA DANG, RIG PA YANG MA YIN MA RIG PA YANG MA YIN PA'I 'DUS TE REG PA DAG RNAM PAR GZHAG PAR RIG PAR BYA STE, DE NI TSOR BA RNAMS KYI RAB TU SKYE BA'I RAB TU DBYE BA'I RAB TU DGE BA YIN NO, ,MDO LAS DE NAS BCOM LDAN 'DAS NYAG GCIG DBEN PAR GSHEGS TE, NANG DU YANG DAG 'JOG LA BZHUGS PA NA, THUGS LA THUGS KYIS YONGS SU RTOG PA 'DI LTA BU BYUNG STE, TSOR BA NI GANG TSOR BA KUN 'BYUNG BA NI GANG TSOR BA 'GOG PA NI GANG, TSOR BA KUN 'BYUNG BAR 'GYUR BA'I LAM NI GANG, TSOR BA 'GOG PAR 'GYUR BA'I LAM NI GANG, TSOR BA RO MYANG BA NI GANG, NYES DMIGS NI GANG, NGES PAR 'BYUNG BA NI GANG YIN SNYAM NAS DE 'DI SNYAM DU @40B DGONGS TE, TSOR BA NI GSUM PO 'DI DAG YIN TE, BDE BA DANG SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'O, ,REG PA KUN 'BYUNG BAS TSOR BA KUN 'BYUNG BA'O, ,REG PA 'GAGS PAS TSOR BA 'GAG GO, ,TSOR BA LA MNGON PAR DGA' BA DANG, MNGON PAR BRJOD PA DANG, LHAG PAR CHAGS PA DANG, LHAG PAR CHAGS SHING GNAS PA GANG YIN PA 'DI NI TSOR BA KUN 'BYUNG BAR 'GYUR BA'I LAM YIN NO, ,TSOR BA LA MNGON PAR DGA' BA MED PA DANG, MNGON PAR MI BRJOD PA DANG, LHAG PAR CHAGS PA MED PA DANG, LHAG PAR CHAGS SHING MI GNAS PA GANG YIN PA 'DI NI TSOR BA 'GOG PAR 'GYUR BA'I LAM YIN NO, ,TSOR BA LA BRTEN TE, BDE BA SKYE BA DANG, YID BDE BA SKYE BA GANG YIN PA 'DI NI TSOR BA'I RO MYANG BA YIN NO, ,TSOR BA MI RTAG PA DANG, SDUG BSNGAL BA DANG 'GYUR BA'I CHOS CAN GANG YIN PA 'DI NI TSOR BA'I NYES DMIGS YIN NO, ,TSOR BA LA 'DUN PA'I 'DOD CHAGS 'DUL BA DANG, 'DUN PA'I 'DOD CHAGS SPONG BA DANG, 'DUN PA'I 'DOD CHAGS LAS YANG DAG PAR 'DA' BA GANG YIN PA 'DI NI TSOR BA LAS NGES PAR 'BYUNG BA YIN NO ZHES GSUNGS PA NI DE LA NYE BAR BRTAG PA'I RAB TU DBYE BA NI ZHES BYA BA LA SOGS PA'I TSIG GIS RNAM PAR BSHAD DE, DE LA NYE BAR BRTAG PA'I RAB TU DBYE BA NI TSOR BA RNAM PA BRGYAD PO DAG LA TSOR BA NYE BAR BRTAG PA YANG DAG PAR RDZOGS PA'I SANGS RGYAS THAMS CAD LAS BYUNG LA 'DI LTA STE TSOR BA RNAMS NI DU, TSOR BA RNAMS KYI KUN 'BYUNG BA NI GANG, TSOR BA RNAMS KYI 'GOG PA NI GANG, TSOR BA RNAMS KYI KUN 'BYUNG BAR 'GYUR BA'I LAM NI GANG, TSOR BA RNAMS 'GOG PAR 'GYUR BA'I LAM NI GANG, TSOR BA RNAMS KYI RO MYANG BA NI GANG, NYES DMIGS NI GANG, NGES PAR 'BYUNG BA NI GANG ZHES BYA BA STE; DE LA DE LTAR NYES BAR RTOG PA NA YANG DAG PAR RTOGS PA'I RTSOR BA NI GSUM PO 'DI DAG YIN NO, ,REG PA KUN 'BYUNG BAS TSOR BA KUN 'BYUNG NGO ZHES BYA BA RGYAS PAR JI SKAD MDO LAS GSUNGS PA BZHIN RNAM PAR DBYE BAR RIG PAR BYA'O, ,TSOR BA NYE BAR BRTAG PA RNAM PA BRGYAD PO DED @41A *, ,DAG KYANG RANG GI MTSAN NYID NYE BAR BRTAG PA DANG, TSE 'DI LA 'BYUNG BA'I RGYU NYE BAR BRTAG PA DANG, DE 'GOG PAR NYE BAR BRTAG PA DANG, TSE PHYI MA LA 'BYUNG BA'I RGYU NYE BAR BRTAG PA DANG, DE 'GOG PA LA NYE BAR BRTAG PA DANG, DE GNYI GA LA 'BYUNG BA'I RGYU NYE BAR BRTAG PA DANG, DE GNYI GA LA 'BYUNG BA 'GOG PA NYE BAR BRTAG PA DANG, RNAM PAR BYANG BA NYE BAR BRTAG PA YONGS SU BSTAN PAR BLTA BAR BYA STE, DE NI MDO BSDU NA NYE BAR BRTAG PA'I RAB TU DBYE BA YIN NO, ,DE LA TSOR BA RNAMS KYI NGES PAR 'BYUNG BA NI 'DI LTA STE, YID MI BDE BA'I DBANG PO LAS NGES PAR 'BYUNG BA NI BSAM GTAN DANG PO'O, ,SDUG BSNGAL GYI DBANG PO LAS NGES PAR 'BYUNG BA NI BSAM GTAN GNYIS PA'O, ,YID BDE BA'I DBANG PO LAS NGES PAR 'BYUNG BA NI BSAM GTAN GSUM PA'O, ,BDE BA'I DBANG PO LAS NGES PAR 'BYUNG BA NI BSAM GTAN BZHI PA'O, ,BTANG SNYOMS KYI DBANG PO LAS NGES PAR 'BYUNG BA NI MTSAN MA MED PA'I DBYINGS TE, DE NI TSOR BA'I PHUNG PO'I NGES PAR 'BYUNG BA'I RAB TU DBYE BA YIN NO, ,DE LA 'DU SHES KYI PHUNG PO'I RAB TU DBYE BA GANG ZHE NA, DE YANG RNAM PA LNGAR BLTA BAR BYA STE, DNGOS PO DANG; MTSAN NYID DANG, PHYIN CI LOG DANG, PHYIN CI MA LOG PA DANG, YONGS SU SPYOD PA'O, ,DE LA 'DU SHES KYI PHUNG PO'I DNGOS PO NI DMIGS PA LA MTSAN MAR 'DZIN PA DANG, DE'I GNAS LTA BU'I CHOS RNAMS SO, ,DE LA RANG GI MTSAN NYID NI SNGA MA BZHIN DU RNAM PA DRUG TU BLTA BAR BYA'O,, DE LA SPYI'I MTSAN NYID NI KUN DU SHES PAR BYED PA'I MTSAN NYID DE, DE NI MTSAN NYID KYI RAB TU DBYE BA YIN NO, ,DE LA PHYIN CI LOG GI RAB TU DBYE BA NI BYIS PA MI MKHAS PA MA RIG PA DANG LDAN PA TSUL BZHIN MA YIN PA YID LA BYED PA, DMIGS PA MI RTAG PA LA RTAG GO ZHES MTSAN MAR 'DZIN PA 'BYUNG BA STE, DE NI DE'I 'DU SHES PHYIN CI LOG YIN NO, ,MI RTAG PA LA RTAG PA JI LTA BA BZHIN DU SDUG BSNGAL BA LA BDE BA DANG, MI SDUG PA LA SDUG PA DANG, BDAG MED PA LA BDAG TU MTSAN MAR 'DZIN PA YANG DE BZHIN NO, ,'DU SHES PHYIN CI LOG DE YANG KHYIM PA RNAMS @41B LA NI SEMS PHYIN CI LOG TU 'GYUR RO, ,RAB TU BYUNG BA DE DAG KHA CIG LA NI LTA BA PHYIN CI LOG TU 'GYUR TE, DE LTAR NA DE NI PHYIN CI LOG GI RAB TU DBYE BA YIN NO, ,'DU SHES PHYIN CI LOG RNAMS KYI RNAM GRANGS GZHAN YANG DNGOS PO BZHI PO DE DAG LA LOG PAR MTSAN MAR 'DZIN PA GANG YIN PA DE NI 'DU SHES PHYIN CI LOG YIN NO, ,YUL DE LA DE LTAR KUN TU SHES PA'I KUN TU 'DOD CHAGS GANG YIN PA DE NI SEMS PHYIN CI LOG YIN NO, ,PHYIN CI LOG GI DNGOS PO DE NYID LA DE LTAR KUN TU SHES SHING DE LTAR LHAG PAR CHAGS PA'I MNGON PAR ZHEN PA DANG, 'DOD PA DANG, STON PA DANG, RNAMS PAR 'JOG PA GANG YIN PA DE NI LTA BA PHYIN CI LOG YIN NO, DE LA PHYIN CI MA LOG PA'I RAB TU DBYE BA NI, MDZANGS PA MKHAS PA RIG PA DANG LDAN PA TSUL BZHIN YID LA BYED PA DMIGS PA MI RTAG PA LA MI RTAG PA DANG, SDUG BSNGAL PA LA SDUG BSNGAL BA DANG, MI SDUG PA LA MI SDUG PA DANG, BDAG MED PA LA BDAG MED DO ZHES YANG DAG PAR MTSAN MAR 'DZIN PA LA 'GYUR BA GANG YIN PA STE, DE NI DE'I 'DU SHES PHYIN CI MA LOG PA DANG, SEMS PHYIN CI MA LOG PA DANG, LTA BA PHYIN CI MA LOG PA YANG YIN TE, DE LTAR NA DE NI PHYIN CI MA LOG PA'I RAB TU DBYE BA YIN NO, ,DE LA YONGS SU GCOD PA'I RAB TU DBYE BA NI LNGA PO 'DI DAG NI 'DU SHES KYI YONGS SU GCOD PA YIN TE, YUL YONGS SU GCOD PA DANG, MYONG BA YONGS SU GCOD PA DANG, BRDA YONGS SU GCOD PA DANG, LOG PAR YONGS SU GCOD PA DANG, BDEN PA'I DON YONGS SU GCOD PA'O, ,DE LA YUL LA MTSAN MA DANG; MNGON RTAGS SU 'DZIN PA NI YUL YONGS SU GCOD PA YIN NO, ,YUL LAS NGES PAR 'BYUNG BA'I TSOR BA 'DZIN PA NI MYONG BA YONGS SU GCOD PA YIN NO, ,BDAG GAM GZHAN DAG LA MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA ZHES BYA BA LA SOGS PA'I THA SNYAD DU 'DZIN PA NI BRDA YONGS SU GCOD PA YIN NO, ,YUL LA PHYIN CI LOG TU 'DZIN PA NI LOG PAR YONGS SU GCOD PA YIN NO, ,YUL LA PHYIN CI MA LOG PAR 'DZIN PA NI BDEN PA'I DON YONGS SU GCOD PA YIN TE, DE LTAR NA DE NI 'DU SHES KYI PHUNG PO'I YONGS SU GCOD PA'I RAB TU @42A *, ,DBYE BA YIN NO, ,DE LA 'DU BYED KYI PHUNG PO'I RAB TU DBYE BA GANG ZHE NA, DE YANG RNAM PA LNGAR BLTA BAR BYA STE, YUL DANG, GNAS SKABS DANG, KUN NAS NYON MONGS PA DANG, RNAM PAR BYANG BA DANG, MNGON PAR 'DU BYED PA'O, ,DE LA YUL NI SEMS PA'I TSOGS DRUG PO RNAMS 'DU BYED NYID DU RNAM PAR GZHAG PA YIN NO, ,DE LA GNAS SKABS NI SKYE BA DANG RGA BA LA SOGS PA SEMS DANG MI LDAN PA'I 'DU BYED RNAMS KYI RNAM PAR GZHAG PA STE, DE NI GNAS SKABS KYIS RAB TU PHYE BA YIN PA'I PHYIR RO, ,DE LA KUN NAS NYON MONGS PA NI 'DU BYED KUN NAS NYON MONGS PAR BYED PA'I NYON MONGS PA DANG, NYE BA'I NYON MONGS PA RNAMS KYI RNAM PAR GZHAG PA YIN NO, ,DE LA RNAM PAR BYANG BA NI DAD PA LA SOGS PA RNAM PAR BYANG BAR BYED PA'I CHOS RNAMS KYI RNAM PAR GZHAG PA YIN NO, ,DE LA MNGON PAR 'DU BYED PA NI YUL DANG MTHUN PAR BYED PA ZHES BYA BA LA SOGS PA MNGON PAR 'DU BYED PA RNAM PA LNGA STE, SNGA MA BZHIN DU BLTA BAR BYA'O, ,DE LA RNAM PAR SHES PA'I PHUNG PO'I RAB TU DBYE BA GANG ZHE NA, DE YANG RNAM PA LDAR BLTA BAR BYA STE, KUN TU ZHEN PA DANG, KUN NAS NYON MONGS PA DANG, GNAS DANG, GNAS PA DANG, RNAM PA SNA TSOGS SO, ,DE LA KUN TU ZHEN PA NI 'DOD PA'I KHAMS NA 'DOD PA CAN RNAMS KYI RNAM PAR SHES PA NI, PHYI ROL GYI GZUGS LA MNGON PAR ZHEN PA LAS GZUGS LA KUN TU ZHEN PA KHO NA ZHES BYA'O, ,GZUGS KYI KHAMS NA RNAM PAR DAG PA'I LHA RNAMS KYI RNAM PAR SHES PA NI NANG GI MING DANG GZUGS LA MNGON PAR ZHEN PA LAS DE GNYI GA LA KUN TU ZHEN PA ZHES BYA'O, ,GZUGS MED PA'I KHAMS NA RNAM PAR SHES PA NI NANG GI MING LA MNGON PAR ZHEN PA LAS MING LA KUN TU ZHEN PA ZHES BYA STE, DE LTAR NA DE NI RNAM PAR SHES PA'I KUN TU ZHEN PA'I RAB TU DBYE BA YIN NO, ,DE LA KUN NAS NYON MONGS PA'I RAB TU DBYE BA NI BYIS PA RNAMS KYI RNAM PAR SHES PA NI SGO GNYIS KYIS KUN NAS NYON MONGS PAR 'GYUR TE, TSE 'DI LA YUL LA YONGS SU LONGS SPYOD PA'I SGO DANG, TSE PHYI MA LA SKYE BA DANG, RGA BA LA SOGS PA SDUG BSNGAL GYI SGO STE, DE LTAR NA DE NI RNAM PAR SHES @42B PA'I KUN NAS NYON MONGS PA RAB TU DBYE BA YIN NO, ,DE LA GNAS KYI RAB TU DBYE BA NI RNAM PAR SHES PA RJES SU 'JUG PA'I GNAS NI DRUG PO 'DI DAG YIN TE, 'DI LTA STE MIG LA SOGS PA SKYE MCHED DRUG PO DAG LA BRTEN NAS RNAM PAR SHES PA'I TSOGS DRUG PO DAG 'BYUNG BAR 'GYUR BA STE, DE DAG KYANG PHUB MA DANG, SHING DANG, LCI BA DANG BUR MA'I ME BZHIN TE, DE LTAR NA DE NI RNAM PAR SHES PA'I GNAS KYI RAB TU DBYE BA YIN NO, ,DE LA GNAS PA'I RAB TU DBYE BA NI RNAM PAR SHES PA GNAS PA BZHI PO DAG STE, DE DAG KYANG MDO LAS BZHI PO 'DI DAG NI RNAM PAR SHES PA GNAS PA'I RGYU DANG LEN PA DANG DMIGS PA YIN TE, GZUGS LA NYE BAR SONG BA'I RNAM PAR SHES PA GNAS PA DANG, GZUGS LA DMIGS PA'O ZHES BYA BA NAS RGYAS PAR NGA NI RNAM PAR SHES PA 'DI DAG NI SHAR PHYOGS NA GNAS PA DANG, PHYOGS MTSAMS KYI BAR NA GNAS PAR YANG MI SMRA STE, TSE 'DI NYID LA GRIB MA MED PA DANG, MYA NGAN LAS 'DAS PA DANG, ZHI BA DANG BSIL BAR GYUR PA DANG TSANGS PAR GYUR PA YIN NO ZHES BYA BA'I BAR DU JI SKAD GSUNGS PA LTA BU STE, DE BZHIN GSHEGS PAS GSUNGS PA'I MDO SDES YONGS SU BSDUS PA DE DAG NI RNAM PAR SHES PA GNAS PA DAG YIN NO, ,'DI MAN CHAD NI DE'I MTSAN NYID KYI RAB TU DBYE BA BSHAD PAR BYA STE, MDOR BSDU NA RGYU DANG BCAS PA'I GNAS PA DANG RGYU DANG BCAS PA'I GNAS PA'I MTHA' DANG, RGYU DANG BCAS PA'I GNAS PA'I RAB TU ZHI BA DE DAG KYANG YONGS SU BSTAN TO, ,DE LA NYON MONGS PA'I GZHI GANG YIN PA DANG, DE DANG 'BREL PA'I NYON MONGS PA GANG YIN PA DE NI RGYU DANG LEN PA ZHES BYA'O, ,DE GNYI GA YANG DMIGS PA ZHES BYA STE, DMIGS PAR BYA BA DANG DMIGS PAR BYED PA YIN PA'I PHYIR RO, ,DE LA NYON MONGS PA'I RGYU SRED PAS LHAG PAR CHAGS PA LAS NI DNGOS PO LA NYE BAR SONG BA YIN PAR RIG PAR BYA'O, ,BRNAB SEMS LA SOGS PA LAS KYI RGYU'I MDUD PA BZHIS NI DNGOS PO LA DMIGS PAR BYED DO, ,DE GNYI GA'I BAG LA NYAL DANG LDAN PA'I DNGOS PO NI GNAS YIN PAR RIG PAR BYA'O, ,DE LA GANG ZAG SO SO'I SKYE BO DGA' BA'I GNYEN PO YID @43A *, ,BYUNG BA MA THOB PA DES RNAM PAR SHES PA MNGON PAR BRLAN PA NI PHYI MA LA LUS YONGS SU 'DZIN PAR BYED PA DANG, YONGS SU RDZOGS PAR BYED PA DANG PHYAR ZHING 'BYUNG BA STE, DE LA SO SO'I SKYE BO'I LUS MA SPANGS NA, YONGS SU 'DZIN PA DANG, YONGS SU RDZOGS PAR 'GYUR RO, , DE LA LUS YONGS SU 'DZIN PA DANG, YONGS SU RDZOGS PA GANG YIN PA DANG, DE LA RGYUN 'JUG PAR NGES PA DE NI GNAS PA ZHES BYA'O, ,LHAG MA SNGAR BSHAD PA NI GNAS PA'I RGYU YIN PAR BLTA BAR BYA STE, DE DAG GCIG TU BSDUS PAS NI RGYU DANG BCAS PA'I GNAS PA ZHES BYA'O, ,GZUGS CAN GYI KHAMS NA NI RNAM PAR SHES PA LA 'ONG BA DANG 'GRO BA YOD PA YIN PAR RIG PAR BYA'O, ,GZUGS CAN MA YIN PA NI 'CHI 'PHO DANG, SKYE BAR ZAD DE DE GNYI G-YANG TSE ZAD KYI BAR DU GNAS PA YIN NO, ,DE GNYI GA'I RGYAS PA DANG, 'PHEL BA DANG, YANGS PA'I DON KYANG SNGA MA BZHIN DU KHONG DU CHUD PAR BYA STE, RNAM PAR SHES PA GNAS PA'I MTHA' DANG, GNAS PA'I MTHA'I RGYU NI DE TZAM DU BLTA BAR BYA'O, ,GZHAN DU 'DOGS PAR BYED PA LA NI YI GE THA DAD PA NYID DU 'GYUR BA KHO NAR ZAD KYI, DON THA DAD PA NYID NI MED DE, DE LAS GZHAN PA'I DON NI YUL MED PA'I PHYIR RO, ,GZHAN DAG GIS LEGS PAR BRGAL ZHING BRTAGS NA YANG DE LAS GZHAN PA'I DON GYI YUL MED PA NYID KYI PHYIR RAB TU MI SHES PAS CUNG ZAD KYANG LAN 'DEBS PAR MI BYED DO, ,PHYIS BDAG NYID TSUL BZHIN DU NYE BAR RTOG PA NA BDAG RMONGS PAS DE BSTAN TO ZHES BDAG NYID KYI RMONGS PA DE RMONGS PA NYID DU RTOGS PAR 'GYUR RO, ,GANG GI PHYIR MKHAS PA NI GZUGS RNAM PA THAMS CAD NAS 'DU BYED KYI BAR LA SRED PAS BSDUS PA'I 'DOD CHAGS KYIS KUN NAS DKRIS PA SPONG BA LAS BRAL BAR 'GYUR GYI BAG LA NYAL LAS NI MA YIN NO, ,DE'I MDUD PA NYON MONGS PA'I CHAR GTOGS PA LAS KUN NAS SLONG BAR BYED PA DAG KYANG KUN NAS DKRIS PA KHO NA LAS SPONG BAR 'GYUR RO, ,'DI LTAR KHYIM PA'I PHYOGS LA BRTEN PA DAG NI BRNAB SEMS DANG, GNOD SEMS KYI MDUD PA DAG GIS YUL LA RJES SU 'DZIN PA'I RGYU LAS BYUNG BA DANG, @43B SEMS CAN LA GNOD PA BYED PA'I RGYU LAS BYUNG BA'I LAS KUN NAS SLONG BAR BYED DO, ,RAB TU BYUNG BA'I PHYOGS LA BRTEN PA DAG NI TSUL KHRIMS DANG, BRTUL ZHUGS MCHOG TU 'DZIN PA DANG, 'DI BDEN NO SNYAM DU MNGON PAR ZHEN PA MCHOG TU 'DZIN PA'I MDUD PA DAG GIS LAS KUN NAS SLONG BAR BYED DO, ,DE DAG GI TSUL KHRIMS DANG BRTUL ZHUGS MCHOG TU 'DZIN PA NI BRNAB SEMS KYI GNAS LTA BU YIN LA, 'DI BDEN NO SNYAM DU MNGON PAR ZHEN PA MCHOG TU 'DZIN PA NI GNOD SEMS KYI GNAS LTA BU YIN TE, DES NA MTHO RIS KYI 'JIG RTEN NI 'DOD PAR BYED LA, MYA NGAN LAS 'DAS PA LA NI SKUR BA 'DEBS PAR BYED DE MDUD PA DE DAG KYANG YID KYIS RNAM PAR RTOG PAS KUN NAS BSLANG BA YIN PAR BLTA BAR BYA'O, ,DE'I 'OG TU GNYEN PO SHAS CHER BSTEN PAS 'DOD CHAGS DANG MDUD PA DE GNYIS KYI BAG LA NYAL SPONG BAR 'GYUR TE, DE SPANGS PA'I PHYIR NYON MONGS PA GANG GIS GZUGS DANG TSOR BA LA SOGS PA LA DMIGS PAR BYED PA'I DMIGS PA DE GTAN DU BRAL BAS RGYUN 'CHAD PAR 'GYUR RO, ,DE RGYUN CHAD PAS BAG LA NYAL DANG BCAS PA'I RNAM PAR SHES PA 'GAGS PA DE GZUGS DANG TSOR BA LA SOGS PA RNAM PAR SHES PA GNAS PA DE DAG LA MI GNAS TE, DE'I GNYEN PO'I RNAM PAR SHES PA RNAM PAR DAG PA'I PHYIR RO, ,DE LTAR NA DE NI GNAS PA'I RGYU NYE BAR ZHI BA YIN PAR RIG PAR BYA'O, ,RGYU 'GAGS PA'I PHYIR PHYI MA LA LUS YONGS SU 'DZIN PA DANG, YONGS SU RDZOGS PAR BYED PA DANG, RGYUN 'JUG PA RNAMS 'BYUNG BAR MI 'GYUR TE, DE LTAR NA DE NI GNAS PA NYE BAR ZHI BA YIN NO, ,DE'I GNYEN POR GTOGS PA RNAM PAR SHES PA RNAM PAR DAG PA GANG YIN PA DE NI GNAS PA MA YIN PA ZHES BYA'O, ,DE YANG RGYU LAS MNGON PAR RGYAS PAR MI 'GYUR BA YIN NO, ,RNAM PAR THAR PA'I SGO STONG PA NYID YONGS SU BSGOMS PA'I PHYIR MNGON PAR 'DUS MA BYAS PA YIN NO, ,RNAM PAR THAR PA'I SGO SMON PA MED PA YONGS SU BSGOMS PA'I PHYIR CHOG SHES PA YIN NO, ,RNAM PAR THAR PA'I SGO MTSAN MA MED PA YONGS SU BSGOMS PA'I PHYIR GNAS PA YIN NO, ,DE LTAR MNGON PAR @44A *, ,RGYAS PA MED PA NAS GNAS PA'I BAR GYI PHYIR SHIN TU RNAM PAR GROL BA YIN NO, ,RGYU BAR GYUR PA NA YANG BDAG DANG BDAG GIR CUNG ZAD KYANG MI 'DZIN TO, ,DES NA DE GZUGS LA SOGS PAR GYUR KYANG YONGS SU YI CHAD PAR YANG MI 'GYUR RO, ,RTAGS DES NA DE RNAM PAR DAG PA'I BDAG NYID DU SNANG NGO, ,RNAM PAR SHES PA DE NI RNAM PAR DAG PA NYID KYI PHYIR BDAG NYID RGYU GZHAN LA MI LTOS PAR RANG GI NGANG KHO NAS 'GAG PAR 'GYUR RO, ,RNAM PAR SHES PA DE'I RGYUN RGYUN CHAD PA'I PHYAR PHYOGS BCUR 'JUG PA YANG MED DO, ,'TSO BA DANG 'CHI BA LA MNGON PAR DGA' BA MED PA NI GRIB MA MED PA ZHES BYA'O, ,YANG NA TSOR BA RNAMS NI RNAM PAR SHES PA SHING LJON PA LTA BU DE'I GRIB MA LTA BU YIN TE, DE DAG DE'I TSE NA MI 'BYUNG BAS, DE'I PHYIR YANG DE NI GRIB MA MED PA ZHES BYA'O, ,ZAG PA DANG BCAS PA GANG YIN PA DE NI TSE 'DI LA MYA NGAN LAS 'DAS PA YIN NO, ,ZAG PA MED PA GANG YIN PA DE NI RIM GYIS SLOB PA'I RNAM PAR GROL BAS ZHI BA YIN NO, ,MI SLOB PA'I RNAM PAR GROL BAS NI BSIL BAR GYUR PA YIN NO, ,PHUNG PO 'GAG PA'I PHYIR TSANGS PAR GYUR PA ZHES BYA'O, ,RNAM PAR SHES PA NI NGO BO NYID KYIS KUN NAS NYON MONGS PAR GYUR PA MA YIN NO, ,'DI LTAR BCOM LDAN 'DAS KYIS RANG BZHIN GYIS 'OD GSAL BA YIN NO ZHES GSUNGS PA'I PHYIR RO, ,DE CI'I PHYIR ZHE NA, SKYON LAS GTAN DU RNAM PAR MA DAG NA NI 'DOD CHAGS LA SOGS PA NYON MONGS PA DANG 'DRA BA'I PHYIR RO, , GZUGS DANG TSOR BA LA SOGS PA BZHIN DU 'BA' ZHIG KUN NAS NYON MONGS PA'I RGYU YANG MA YIN TE, 'DI LTA STE GZUGS LA SOGS PA LA JI LTA BA BZHIN DU RNAM PAR SHES PA 'BA' ZHIG KHO NA LA NI SU YANG SRED PAR MI 'GYUR BAS, DE'I PHYIR RNAM PAR SHES PA NI RNAM PAR SHES PA GNAS PA MA YIN TE, DE LTAR NA DE NI RNAM PAR SHES PA'I PHUNG PO'I GNAS PA'I RAB TU DBYE BA YIN NO, ,DE LA RNAM PA SNA TSOGS KYI RAB TU DBYE BA NI MDO LAS BCOM LDAN 'DAS KYIS SEMS 'DOD CHAGS DANG BCAS PA DANG, 'DOD CHAGS DANG BRAL BA DANG, ZHE SRANG DANG BCAS PA @44B DANG; ZHE SDANG DANG BRAL BA ZHES BYA BA NAS RGYAS PAR SEMS RNAM PAR MA GROL BA DANG, SHIN TU RNAM PAR GROL BA ZHES BYA BA'I BAR DU JI SKAD DU GSUNGS PA STE, DE LTAR NA DE NI RNAM PA SNA TSOGS KYI RAB TU DBYE BA GCIG YIN NO, ,YANG KHAMS KYI RAB TU DBYE BA LAS NI 'DOD PA NA SPYOD PA RNAMS LA NI SEMS BZHI YOD DE, DGE BA DANG, MI DGE BA DANG, BSGRIBS LA LUNG DU BSTAN PA DANG MA BSGRIBS LA LUNG DU MA BSTAN PA'O, ,GZUGS NA SPYOD PA RNAMS LA NI GSUM YOD DE, MI DGE BA MA GTOGS PA RNAMS SO, ,GZUGS MED PA NA SPYOD PA RNAMS LA YANG GSUM KHO NA STE, MI DGE BA MA GTOGS PA RNAMS SO, ,ZAG PA MED PA'I NI SLOB PA DANG MI SLOB PA'I SEMS SO, ,'DOD PA NA SPYOD PA'I DGE BA DE YANG RNAM PA GNYIS TE, SBYOR BA LAS BYUNG BA DANG SKYES NAS THOB PA'O, ,MA BSGRIBS LA LUNG DU MA BSTAN PA NI RNAM PA BZHI STE; RNAM PAR SMIN PA LAS SKYES PA DANG, SPYOD LAM LAS BYUNG BA DANG, BZO'I GNAS LAS BYUNG BA DANG SBRUL PA BYED PA'I SEMS SO, ,SKYES NAS THOB PA DE YANG 'DI LTA STE LHA DANG KLU DANG GNOD SBYIN LA SOGS PA STE BSGOMS PA'I 'BRAS BU MED PA'I PHYIR RO, ,GZUGS NA SPYOD PA LA NI BZO'I GNAS LAS BYUNG BA MED DO, ,GZUGS MED PA NA SPYOD PA LA YANG MED DO, ,DGE BA NI 'OG MA LA JI LTA BA DE BZHIN DU GONG MA THAMS CAD LA YOD PAR BLTA BAR BYA'O, ,SEMS RNAM PA SNA TSOGS KYI RAB TU DBYE BA'I RNAM PA GZHAN YANG 'DOD PA NA SPYOD PA LA NI SDUG BSNGAL MTHONG BAS SPANG BAR BYA BA DANG, KUN 'BYUNG BA DANG, 'GOG PA DANG, LAM MTHONG BA DANG, BSGOM PAS SPANG BAR BYA BA YOD DO, ,'DOD PA NA SPYOD PA LA JI LTA BA DE BZHIN DU GZUGS NA SPYOD PA LA YANG RNAM PA LNGA YOD DO, ,GZUGS MED PA NA SPYOD PA LA YANG RNAM PA LNGA YOD DO, ,ZAG PA MED PA'I NI SEMS BCU DRUG PA YIN NO, ,DE LA SEMS RNAM PA SNA TSOGS KYI RAB TU DBYE BA DANG PO'I RAB TU DBYE BA BSHAD PAR BYA STE, PHYOGS NI GSUM PO 'DI DAG YIN TE 'DI LTA STE, TING NGE 'DZIN GYI PHYIR MA BSKYOD PA RNAMS DANG, BSKYOD PA TING NGE 'DZIN MA THOB PA RNAMS DANG, TING @45A *, ,NGE 'DZIN THOB PA RNAMS SO, ,DE DAG KYANG SHIN TU RNAM PAR MA DAG PA RNAMS DANG, SHIN TU RNAM PAR DAG PA RNAMS SO, ,DE LA PHYOGS DANG PO NI SEMS NYON MONGS PA CAN RNAMS KYI 'DOD CHAGS LA SOGS PA KUN NAS DKRIS PA'I SEMS TE, LAN 'GA' NI DGE BA DANG, LUNG DU MA BSTAN PA'I SEMS DANG LDAN PA RNAMS KYI 'DOD CHAGS LA SOGS PA KUN NAS DKRIS PA DANG BRAL BAR YANG 'GYUR RO, ,PHYOGS GNYIS PA NI LAN 'GA' NANG DU ZHI BA LA SEMS GTOD PAR YANG BYED LA, LAN 'GA' NI BRJED NGAS PAS 'DOD PA'I YON TAN LNGA PO DAG LA RJES SU 'DUG PAR YANG 'GYUR RO, ,LAN 'GA' NI SHIN TU ZHI BA'I PHYIR RMUGS PA DANG GNYID KYI KUN NAS DKRIS PAR YANG 'GYUR RO, ,LAN 'GA' NI DE SPANG BA'I PHYIR DANG BAR 'GYUR BA'I DMIGS PA LA GTOD PAR YANG BYED DO, ,LAN 'GA' NI DE LA YANG LEGS PAR MA GTAD PAS RGOD PAR YANG 'GYUR LA, LAN 'GA' NI LEGS PAR GTAD PAS RGOD PA MED PAR YANG 'GYUR RO, ,LAN 'GA' NI ZHUM PA DANG, RGOD PA'I SGRIB PA MA SPANGS PAS PHYOGS GNYI GA LA YANG NYE BAR MA ZHI BAR 'GYUR LA, SPANGS PAS NI NYE BAR ZHI BAR YANG 'GYUR RO, ,YID LA BYED PA DANG, DNGOS GZHI BSAM GTAN THOB PA NI MNYAM PAR GZHAG PA YIN NO, ,MA THOB PA NI MNYAM PAR MA BZHAG PA YIN NO, ,LAM GYI MTHAR THUG PAR GYUR PA'I PHYIR SHIN TU BSGOMS PA YIN NO, ,SPONG BA'I MTHAR THUG PAR GYUR PA'I PHYIR SHIN TU RNAM PAR GRO LA PA YIN NO, ,DE LAS BZLOG PA NI SHIN TU BSGOMS PA MA YIN PA DANG, SHIN TU RNAM PAR GROL BA MA YIN PA YIN NO, ,MNYAM PAR GZHAG PA YAN CHAD NI PHYOGS GSUM PA YIN PAR BLTA BAR BYA STE, DE LTAR NA DE NI RNAM PAR SHES PA'I RNAM PA SNA TSOGS KYI RAB TU DBYE BA YIN NO, , DE LA PHUNG PO RNAMS KYI GO RIMS BSTAN PA'I RNAM PA GANG ZHE NA, DE NI RNAM PA LNGAR BLTA BAR BYA STE, SKYE BA LAS GYUR PA DANG, GNYEN PO LAS GYUR PA DANG, 'JUG PA LAS GYUR PA DANG, GNAS PA LAS GYUR PA DANG, RNAM PAR GZHAG PA LAS GYUR PA'O, ,DE LA SKYE BA LAS GYUR @45B PA NI MIG DANG GZUGS RNAMS LA BRTEN NAS MIG GI RNAM PAR SHES PA SKYE BA DANG, YID DANG CHOS RNAMS LA BRTEN NAS YID KYI RNAM PAR SHES PA SKYE BA'I BAR DE LA NI DANG POR GZUGS KYI PHUNG PO BSTAN LA, DE'I 'OG TU SEMS LAS BYUNG BA'I CHOS RNAMS KYI GNAS vSU GYUR PA RNAM PAR SHES PA'I PHUNG PO BSTAN TO, ,DE'I 'OG TU NI DE LA BRTEN PA SEMS LAS BYUNG BA'I CHOS TSOR BA LA SOGS PA BSTAN TE, 'DI LTAR GSUM 'DUS PA LAS REG PA 'BYUNG LA, REG PA'I RKYEN GYIS TSOR BA LA SOGS PA'O ZHES MJUG THOGS SU SMOS PA'I PHYIR TE, DE LTAR NA DE NI PHUNG PO RNAMS KYI SKYE BA LAS GYUR PA'I GO RIMS BSTAN PA YIN NO, ,DE LA GNYEN PO LAS GYUR PA NI PHYIN CI LOG BZHI PO MI GTZANG BA LA GTZANG BAR PHYIN CI LOG DANG, SDUG BSNGAL BA LA BDE BAR PHYIN CI LOG DANG, BDAG MED PA LA BDAG TU PHYIN CI LOG DANG, MI RTAG PA LA RTAG PAR PHYIN CI LOG DAG GI GNYEN POR DRAN PA NYE BAR GZHAG PA BZHI BSTAN PA DE DAG LA DANG POR GZUGS KYI PHUNG PO BSTAN LA, DE'I 'OG TU NI TSOR BA'I PHUNG PO, DE'I 'OG TU NI RNAM PAR SHES PA'I PHUNG PO, DE'I 'OG TU NI 'DU SHES DANG, 'DU BYED KYI PHUNG PO BSTAN TE, DE LTAR NA DE NI GNYEN PO LAS GYUR PA'I GO RIMS YIN NO, ,DE LA 'JUG PA LAS GYUR PA NA DBANG PO DANG, YUL LA BRTEN NAS PHUNG PO GNYIS TE YUL SO SOR MYONG BAR BYED PA DANG, YUL LA MTSAN MAR 'DZIN PA'O, ,DE'I 'OG TU GCIG GIS NI TSE 'DI LA YUL LA YONGS SU LONGS SPYOD PA'I KUN NAS NYON MONGS PA DANG DGE BA DANG MI DGE BA'I LAS MNGON PAR 'DU BYED PAS, TSE PHYI MA LA SKYE BA LA SOGS PA KUN NAS NYON MONGS PAR 'GYUR RO, ,GCIG NI KUN NAS NYON MONGS PAR 'GYUR PA YIN PAS DE NI THAMS CAD KYI THA MAR BSTAN TO, ,DE LA GNAS PA LAS GYUR PA NI RNAM PAR SHES PA GNAS PA BZHI'I GO RIMS DANG, RNAM PAR SHES PA STE, DE LTAR NA DE NI GNAS PA LAS GYUR PA'I GO RIMS YIN NO, ,DE LA RNAM PAR GZHAG PA LAS GYUR PA NI, DANG POR GANG ZAG MTHONG NAS GZUGS KYIS SO SOR NGO SHES PAR 'GYUR TE, DE'I PHYIR GZUGS KYI PHUNG PO RNAM PAR GZHAG GO, ,DE'I 'OG TU TSOR BA'I @046A *, ,PHUNG POS NI 'BYOR BA DANG, RGUD PA DANG, BDE BA DANG, SDUG BSNGAL BA'O ZHES RNAM PAR 'JOG PAR BYED DO, ,DE'I 'OG TU 'DU SHES KYI PHUNG POS NI MING NI 'DI ZHES BYA RIGS NI 'DI ZHES BYA, RUS NI 'DI ZHES BYA ZHES BYA BA LA SOGS PA RNAM PAR 'JOG PAR BYED DO, ,DE'I 'OG TU 'DU BYED KYI PHUNG POS NI DE LTA BU NI BYIS PA'O, ,DE LTA BU NI MKHAS PA'O ZHES RNAM PAR 'JOG PAR BYED DO, ,DE'I 'OG TU RNAM PAR SHES PAS NI NANG GI BDAG RNAM PAR 'JOG PAR BYED DO, ,DE PHUNG PO DE DAG LA SO SOR RTOG PAR BYED PA DANG, BDE BA DANG LDAN PA'AM, SDUG BSNGAL BA DANG LDAN PAR 'GYUR BA DANG, RJES SU THA SNYAD 'DOGS PAR BYED PA DANG, BYIS PA'AM MKHAS PAR SHES PAR BYED PA DANG, RNAM PAR 'JOG PAR BYED PAS DE LTAR NA DE NI PHUNG PO RNAMS KYI GO RIMS RNAM PAR GZHAG PA LAS GYUR PA BSTAN PA YIN NO, ,YANG BDAG GIS NYE BAR SBYAD PA'I DNGOS PO DANG, BDAG GI DNGOS PO'I DBANG DU BYAS NAS GO RIMS GZHAN BLTA BAR BYA STE, DE LA BDAG GI LUS LA BRTEN PA DANG, YUL LAS BDE BA DANG SDUG BSNGAL MYONG BAR BYED PA DANG, BDAG DANG GZHAN DAG LA NI MING NI 'DI ZHES BYA RIGS NI 'DI ZHES BYA RUS NI 'DI ZHES BYA ZHES BYA BA LA SOGS PAR RJES SU THA SNYAD 'DOGS PAR BYED PA DANG, DE GNYIS LA BRTEN NAS CHOS DANG CHOS MA YIN PA NYE BAR SOGS PAR BYED DE, DE LTAR NA DE NI BDAG GI NYE BAR SPYOD PA'I DNGOS PO YIN PAR RIG PAR BYA'O, ,PHUNG PO THAM NI BDAG GI DNGOS PO NYID YIN PAR BLTA BAR BYA'O, , GZUGS KYI PHUNG PO NI PHUNG PO DU DAG DANG, KHAMS DU DAG DANG, SKYE MCHED DU DAG DANG, SRID PA'I YAN LAG DU DAG DANG, GNAS DANG GNAS MA YIN PA DU DAG DANG, DBANG PO DU DAG GIS BSDUS, GZUGS KYI PHUNG PO JI LTA BA DE BZHIN DU RNAM PAR SHES PA'I PHUNG PO'I BAR YANG DU DAG GIS BSDUS SHE NA, DE LA GZUGS KYI PHUNG PO NI PHUNG PO GCIG KHO NA DANG KHAMS DANG SKYE MCHED BCU DANG, KHAMS DANG SKYE MCHED GCIG GI PHYOGS DANG, SRID PA'I YAN LAG DRUG GI PHYOGS DANG, GNAS DANG GNAS MA YIN PA'I PHYOGS GCIG DANG, DBANG PO @046B BDUN GYIS BSDUS SO, ,TSOR BA'I PHUNG PO NI PHUNG PO GCIG KHO NA DANG, KHAMS DANG SKYE MCHED GCIG GI PHYOGS DANG, SRID PA'I YAN LAG GCIG DANG, SRID PA'I YAN LAG GSUM GYI PHYOGS DANG, GNAS DANG GNAS MA YIN PA'I PHYOGS GCIG DANG, DBANG PO LNGA DANG; DBANG PO GSUM GYI PHYOGS KYIS BSDUS SO, ,'DU SHES KYI PHUNG PO NI PHUNG PO GCIG KHO NA DANG, KHAMS DANG SKYE MCHED GCIG GI PHYOGS DANG SRID PA'I YAN LAG GSUM GYI PHYOGS DANG, GNAS DANG GNAS MA YIN PA'I PHYOGS GCIG GIS BSDUS LA, DBANG PO NI GANG GIS KYANG MA BSDUS SO, ,'DU BYED KYI PHUNG PO NI PHUNG PO GCIG KHO NA DANG, KHAMS DANG SKYE MCHED GCIG GI PHYOGS DANG, SRID PA'I YAN LAG BZHI DANG, SRID PA'I YAN LAG LNGA'I PHYOGS DANG, GNAS DANG GNAS MA YIN PA'I PHYOGS GCIG DANG, DBANG PO DRUG DANG DBANG PO GSUM GYI PHYOGS KYIS BSDUS SO, ,RNAM PAR SHES PA'I PHUNG PO NI PHUNG PO GCIG KHO NA DANG, KHAMS BDUN DANG, SKYE MCHED GCIG DANG, SRID PA'I YAN LAG GCIG DANG, SRID PA'I YAN LAG BZHI'I PHYOGS DANG, GNAS DANG GNAS MA YIN PA'I PHYOGS GCIG DANG; DBANG PO GCIG DANG, DBANG PO GSUM GYI PHYOGS KYIS BSDUS TE, DE LTAR NA BSDU BA DRUG PO PHUNG POS BSDUS PA NAS DBANG POS BSDUS PA'I BAR GYI BSDU BA'I TSUL DE NYID KYIS GCIG GIS GCIG BSDUS PAR JI LTA BA BZHIN DU RIG PAR BYA'O, ,GZHAN YANG BSDU BA BCU YOD PAR BLTA BAR BYA'O,, 'DI LTA STE KHAMS KYIS BSDUS PA NI PHUNG PO LA SOGS PA DE DAG NYID RANG GI SA BON GYIS BSDUS PA GANG YIN PA'O, ,MTSAN NYID KYIS BSDUS PA NI PHUNG PO LA SOGS PA DE DAG NYID RANG DANG SPYI'I MTSAN NYID KYIS BSDUS PA GANG YIN PA'O, ,RIGS KYIS BSDUS PA NI PHUNG PO LA SOGS PA DE DAG NYED RANG GI RIGS ZAD PAR GYIS BSDUS PA GANG YIN PA'O, ,GNAS SKABS KYIS BSDUS PA NI PHUNG PO LA SOGS PA DE DAG NYID BDE BA'I TSOR BA DANG MTHUN PA LA SOGS PA'I GNAS SKABS RNAMS KYIS BSDUS PA GANG YIN PA'O, ,THA MI DAD PAS BSDUS PA NI PHUNG PO LA SOGS PA DE @047A *, ,DAG NYID KYI CHOS RE RE LA YANG PHUNG PO LA SOGS PA 'KHOR DANG BCAS PA THAMS CAD KYIS BSDUS PA GANG YIN PA'O, ,DUS KYIS BSDUS PA NI 'DAS PA DANG, MA 'ONGS PA DANG, DA LTAR BYUNG BA'I PHUNG PO LA SOGS PA DE DAG NYID DE NYID KYIS BSDUS PA GANG YIN PA'O, ,YUL GYIS BSDUS PA NI PHUNG PO LA SOGS PA YUL GANG DU 'JUG PA DANG, GNAS GANG NAS 'BYUNG BA DE DAG NYID DE NYID KYIS BSDUS PA GANG YIN PA'O, ,MTHA' DAG GIS BSDUS PA NI PHUNG PO LA SOGS PA DE DAG NYID LNGA NYID LA SOGS PAS BSDUS PA GANG YIN PA'O, , PHYOGS GCIG GIS BSDUS PA NI PHUNG PO LA SOGS PA DE DAG NYID RNAM PAR PHYE STE, MA TSANG BAS BSDUS PA GANG YIN PA'O, ,DON DAM PAS BSDUS PA NI PHUNG PO LA SOGS PA DE DAG NYID DE BZHIN NYID KYI MTSAN NYID KYIS BSDUS PA GANG YIN PA STE, DE DAG THAMS CAD GCIG TU BSDUS NA, PHUNG PO RNAMS KYI BSDU BA RNAM PA BCU DRUG YOD DE, PHUNG PO RNAMS LA JI LTA BA BZHIN DU DBANG PO RNAMS KYI BAR LA YANG DE BZHIN NO, ,GZHAN YANG CHOS GSUM GYIS CHOS THAMS CAD BSDUS PA YIN TE, GZUGS KYI PHUNG PO DANG, CHOS KYI KHAMS DANG, YID KYI SKYE MCHED KYIS SO; ,DE LA GZUGS KYI PHUNG PO NI GNAS DU DAG LA BRTEN NAS 'JUG PAR 'GYUR, MING GIS BSDUS PA'I PHUNG PO BZHI PO DAG NI GNAS SU DAG LA BRTEN NAS 'JUG PAR 'GYUR ZHE NA, GZUGS KYI PHUNG PO NI GNAS DRUG LA BRTEN NAS 'JUG PAR 'GYUR TE, 'DI LTA STE, RTEN GYI GNAS DANG, GNAS KYI GNAS DANG, YO BYAD KYI GNAS DANG, DBANG PO'I GNAS DANG, DBANG PO'I RTEN GYI GNAS DANG, MTHU LAS BYUNG BA'I TING NGE 'DZIN GYI SPYOD YUL GYI GNAS LA'O, ,DE LA MING GIS BSDUS PA'I PHUNG PO BZHI NI GNAS BDUN LA BRTEN NAS 'JUG PAR 'GYUR TE, 'DI LTA STE 'DOD PA DANG, RE BA DANG, YUL DANG, RNAM PAR RTOG PA DANG, YANG DAG PAR SHES PA DANG, YANG DAG PA'I SBYOR BA DANG, DAG PA LA'O, ,DE LA 'DOD PA LA LONGS SPYOD PA RNAMS KYI GNAS SKABS NI BZHI'O, ,SDOM PA LA GNAS @047B PA'I SDOM BRTZON PAR RNAMS KYI NI GCIG PA'O, ,NYER BSNGOGS THOB BA MNYAM PAR GZHAG PA RNAMS KYI YANG GCIG GO, ,DNGOS GZHI LA GNAS PA RNAMS KYI YANG GCIG STE, DE LTAR NA GNAS BDUN PO DE DAG NI GNAS SKABS BZHIR 'GYUR RO,, ,,BAM PO DRUG PA, 'DI MAN CHAD NI GZUGS KYI PHUNG PO'I RAB TU DBYE BA JI BSHAD PAR BYA STE, DE'I 'OG TU NI MING GI PHUNG PO'I RAB TU DBYE BA BSHAD PAR BYA'O, ,DE LA GZUGS KYI RAB TU DBYE BA LAS BRTZAMS NAS, SDOM NI, RDZAS DANG RDUL DANG SKYE BA DANG, ,DBYIBS RGYUN LAS DANG SKAD CIG DANG, ,MA 'DRES PA DANG SPYOD YUL DANG; ,DE BZHIN PHAN TSUN 'DRES PA YIN, ,DE LA GZUGS KYI PHUNG POS BSDUS PA'I MIG LA RDZAS DU YOD CE NA, SMRAS PA, MTSAN NYID KYIS BSDUS PA'I RDZAS NI GCIG STE, MIG GI RNAM PAR SHES PA'I GNAS KYI GZUGS DANG BA'O, ,THA MI DAD PAS BSDUS PA'I RDZAS NI BDUN TE, MIG DE NYID DANG, LUS DANG; SA DANG, GZUGS DANG, DRI DANG, RO DANG, REG BYA RNAMS SO, ,DE GNYI GA'I KHAMS KYIS BSDUS PA'I RDZAS NI BCU STE, KHAMS LAS RDZAS BDUN PO DE DAG NYID DANG, CHU DANG, ME DANG, RLUNG GI KHAMS RNAMS DANG LDAN PA'O, ,MIG JI LTA BA BZHIN DU RNA BA DANG, SNA DANG, LCE YANG DE BZHIN DU BLTA BAR BYA'O, ,DE LA BYE BRAG NI 'DI YOD DE, RNA BA NI RNA BA'I RNAM PAR SHES PA'I GNAS KYI GZUGS DANG BA'O, ,SNA NI SNA'I RNAM PAR SHES PA'I GNAS KYI GZUGS DANG BA'O, ,LCE NI LCE'I RNAM PAR SHES PA'I GNAS KYI GZUGS DANG BA STE, LHAG MA NI SNGA MA BZHIN NO, , LUS LA NI MIG LA SOGS PA BZHI PO DAG DBRI BAR BYA'O, ,DE CI'I PHYIR ZHE NA, DE DAG MED KYANG DE 'BA' ZHIG DMIGS PA'I PHYIR TE, DE'I MTSAN NYID KYANG LUS KYI RNAM PAR SHES PA'I GNAS KYI GZUGS DANG BA YIN NO, ,DE DAG GI SPYOD YUL GYI MTSAN NYID PHYI ROL GYI GZUGS DANG; DRI DANG, RO DANG, REG BYA RNAMS LA NI DBANG PO THAMS CAD DBRI BAR BYA STE, GZHAN THAMS CAD NI SNGAM KHO NA BZHIN DU BLTA BAR BYA'O, ,SGRA DANG SGRA'I KHAMS NI MI BSTAN PA YIN PA'I PHYIR LOGS SHIG KHO NAR STON PAR BYED DE, DE LA THAMS CAD LA YANG GANG LA SGRA YOD PA @048A *, ,DE LA DE YANG LHAG PAR SHES PAR BYA'O, ,SGRA'I KHAMS KYANG THAMS CAD LA LHAG PAR BLTA BAR BYA'O, ,DE LA GZUGS LA SOGS PA YUL RNAMS KYI RAB TU DBYE BA NI 'DI LTA STE, SA'I DNGOS GZHIR BSTAN PA BZHIN NO, ,'JAM PA NYID LA SOGS PA MDANGS BZANG BA'I MTHAR THUG PA REG BYA'I SKYE MCHED DU GANG BSTAN PA NI RGYUR BYAS BA'I GZUGS YIN PA'I PHYIR, DE NI 'BYUNG BA CHEN PO DE DAG NYID LA RNAM PAR GZHAG CING DE DAG NYID LA GDAGS PAR RIG PAR BYA'O, ,DE LA 'BYUNG BA CHEN PO DANG BA NYID LA BRTEN NAS NI 'DAM PA NYID GDAGS SO, , 'DUS MKHREGS NYID LA BRTEN NAS NI LCI BA NYID DO, ,DANG BA MA YIN PA DANG 'DUS MKHREGS MA YIN PA NYID LA BRTEN NAS NI RTZUB PA NYID DANG YANG BA NYID DO, ,MNYEN ZHING SNYI BA NYID LA BRTEN NAS NI NEM NE MA PO NYID DO, ,CHU DANG RLUNG 'DRES PA LAS BYUNG BA NYID LA BRTEN NAS NI GRANG BA NYID DO; ,NYE BAR STON PA MA TSANG BAS MI MNYAM PA NYID LA BRTEN NAS NI BKRES PA DANG SKOM PA'O, ,NYAM CHUNG BA YANG DE BZHIN NO, ,DE MA TSANG BA MED PAS MI MNYAM PA MED PA LA BRTEN NAS NI NYAMS STOBS DANG TSIM PA'O, ,LEGS PA MA ZHU BAS 'KHRUGS PA'I MI MNYAM PA LA BRTEN NAS NI NAD DO; ,NA TSOD GYUR PA'I MI MNYAM PA LA BRTEN NAS NI RGA BA'O, ,SROG GI DBANG PO GYUR PA'I MI MNYAM PA LA BRTEN NAS NI 'CHI BA'O, ,KHRAG LA KUN TU GNOD PA'I MI MNYAM PA LA BRTEN NAS NI G-YA' BA'O, ,NYES PAR BZOD PA'I MI MNYAM PA LA BRTEN NAS NI BRGYAL BA'O, ,SA DANG CHU 'DRES PA LA BRTEN NAS NI 'GRED PA'O, ,'ONG BA DANG 'GRO BA DANG BRTZAL BA DANG 'BAD PA'I MI MNYAM PA LA BRTEN NAS NI NGAL BA'O, ,DE DANG BRAL BA'I MNYAM PA LA BRTEN NAS NI NGAL SOS BA'O, ,DRI MA LA SOGS PA BSAL ZHING YONGS SU ZHUM PA DANG BRAL BA LA BRTEN NAS NI MDANGS BZANG BA GDAGS TE, DE DAG THAMS CAD BSDUS NA 'BYUNG BA CHEN PO RNAMS KYI GNAS SKABS DRUG KHO NAR 'GYUR TE, 'DI LTA STE, DANG BA NYID DANG DANG BA MA YIN PA NYID LHAN CIG PA DANG, 'DUS MKHREGS PA NYID DANG 'DUS MKHREGS PA MA YIN PA NYID LHAN CIG PA DANG, SNYI BA NYID DANG, @048B 'DRES PA DANG, MI MNYAM PA DANG MNYAM PA'O, ,DE LTAR NA GNAS SKABS DRUG PO DE DAG YOD NA BRGYAD DU 'GYUR LA, BRGYAD YOD NA YANG DRUG TU 'GYUR RO, ,GZUGS LA SOGS PA REG BYA'I MTHAR THUG PA DE DAG THAMS CAD NI RNAM PAR SHES PA GNYIS KYIS RNAM PAR SHES PAR BYA BA DAG YIN TE, RANG RANG GI RNAM PAR SHES PAS RNAM PAR SHES PAR BYA BA DANG YID KYI RNAM PAR SHES PAS CIG CAR RAM, RIM GYIS RNAM PAR SHES PAR BYA BA YIN NO, ,MIG LA SOGS PA LNGA NI YID KYI RNAM PAR SHES PA GCIG PUS SHES PAR BYA BA YIN NO, ,DE LA GZUGS KYI KHAMS NA NI DRI DANG RO NI MED LA DE DAG GI KHAMS NI YOD DO, ,DE CI'I PHYIR ZHE NA, DE GNYIS NI KHAM GYI ZAS KYIS BSDUS PA YIN PA'I PHYIR RO, ,DE DAG MED PAS SNA'I RNAM PAR SHES PA DANG, LCE'I RNAM PAR SHES PA YANG MED DE, KUN TU 'BYUNG BA KHO NAR MED KYI KHAMS LAS NI MA YIN NO; ,DE LA GZUGS KYI PHUNG POS BSDUS PA'I GZUGS THAMS CAD LAS RNAM PA DGU NI RDZAS SU YOD DO, ,REG BYAS BSDUS PA LAS 'BYUNG BA CHEN PO BZHI NI RDZAS SU YOD PA YIN NO, ,DE LAS GZHAN PA RNAMS NI BRTAGS PA'I YOD PA YIN PAR RIG PAR BYA'O, ,CHOS KYI SKYE MCHED DU GTOGS PA'I GZUGS NI RNAM PA GNYIS TE, RDZAS SU YONG PA DANG BRTAGS PA'I YONG PA'O, ,MTHU LAS BYUNG BA TING NGE 'DZIN GYI SPYOD YUL SPRUL PA LTA BU DE'I 'BRAS BU DANG, DE'I YUL DANG, DE DANG MTSUNGS PAR LDAN PA'I RNAM PAR SHES PA'I YUL GANG YIN PA DE NI RDZAS SU YOD PA YIN NO, ,SDOM PA DANG SDOM PA MA YIN PAR GTOGS PA NI BRTAGS PA'I YOD PA YIN NO, ,TING NGE 'DZIN GYI SPYOD YUL GYI GZUGS DE YANG TING NGE 'DZIN 'BYUNG BA CHEN PO DAG RGYUR BYAS PA'I GZUGS GAD DANG MTSUNGS PAR LDAN PA DE DAG NYID DANG DE YANG MTSUNGS PAR LDAN PA YIN NO, ,'JIG RTEN PA'I TING NGE 'DZIN ZAG PA DANG BCAS PA DANG ZAG PA MED PA LA BRTEN NAS SKYE BA YIN GYI, 'JIG RTEN LAS 'DAS PA LAS NI MA YIN TE, DE NI SPROS PA'I RNAM PA DANG BCAS PA'I NYID NGE 'DZIN GYI RGYU LAS BYUNG BA YIN PA'I PHYIR RO, ,SEMS MNYAM PAR GZHAG @049A *, ,PA THAMS CAD LA NI GANG GZUGS MNGON PAR 'GRUB PAR BYED PA'I NUS PA DE MED KYI, DE DAG LAS LA LA LA YOD DE, SPRUL PA 'BYUNG BAR BYED PA BZHIN NO, ,RNAM PAR MA BRTAGS PAR SNGON GYI YID LA BYED PA'I SHUGS KYIS MUN PA DANG BRAL BA SHIN TU RNAM PAR DAG PA MNGON PAR BRJOD PAR SNANG BAR GYUR PA GANG YIN PA DE NI SKYES PA YIN PAR BLTA BAR BYA'O, ,RNAM PAR BRTAGS SHING RNAM PAR BRTAGS SHING MOS PA'I DBANG GIS SNANG BA GANG YIN PA DE NI MA SKYES PA YIN PAR BLTA BAR BYA'O, ,DE NI 'JIG RTEN LAS 'DAS PA'I TING NGE 'DZIN GYI SPYOD YUL MA YIN YANG LA LA DE'I DBANG GIS BYUNG BA YIN PAR BLTA BAR BYA STE, DE YANG BSAM GYIS MI KHYAB PA YIN NO, ,DE LA 'DOD PA NA SPYOD PA DANG GZUGS NA SPYOD PA'I GZUGS RDZAS SU YOD PA LA BYE BRAG CI YOD CE NA, GZUGS NA SPYOD PA'I GZUGS NI MCHOG TU 'OD NGES PAR 'BYIN PA'I PHYIR GSAL BA DANG, 'OG MA'I DBANG PO'I SPYOD YUL MA YIN PA'I PHYIR CHA PHRA BA DANG, DE'I LUS LA SDUG BSNGAL GYI TSOR BA MED PA'I PHYIR SDUG BSNGAL BA DANG MI LDAN PA YIN GYI, 'DOD PA NA SPYOD PA NI DE LTA MA YIN PAS, DE LTAR NA DE GNYIS KYI BYE BRAG NI DE YIN NO, ,YANG MDOR BSDU NA GZUGS KYI PHUNG PO'I MTSAN NYID NI RNAM PA DRUG YOD PAR RIG PAR BYA STE, RANG GI MTSAN NYID DANG, SPYI'I MTSAN NYID DANG, GNAS DANG, GNAS PAR 'BREL PA'I MTSAN NYID DANG, NYE BAR SPYOD PA'I MTSAN NYID DANG, LAS KYI MTSAN NYID DANG, CHA PHRA BA'I MTSAN NYID DO, ,DE LA RANG GI MTSAN NYID NI SA LA SOGS PA'I SRA BA LA SOGS PA'I MTSAN NYID GANG YIN PA DANG, MIG LA SOGS PA'I SO SO'I DBANG BA'I MTSAN NYID GANG YIN PA'O, ,DE LA SPYI'I MTSAN NYID NI GZUGS THAMS CAD NI GZUGS SU RUNG BA'I MTSAN NYID YIN PA'O, ,DE LA GNAS DANG GNAS PAR 'BREL PA'I MTSAN NYID 'BYUNG BA CHEN PO RNAMS NI GNAS YIN LA, RGYUR BYAS PA'I GZUGS RNAMS NI GNAS PA YIN NO, ,DE LA NYE BAR SPYOD PA'I MTSAN NYID NI NANG GI SKYE MCHED GZUGS CAN RNAMS KYI NYE BAR SPYOD PA'I DBANG GIS PHYI ROL GYI GZUGS CAN RNAMS SO SOR 'BYUNG BA STE, NANG GI SKYE MCHED @049B KYI NME BAR SPYOD PA DANG MTHUN PA NYID DU GZUGS 'DUS P ?? LA LA NI SRA BA KHO NAR 'BYUNG LA, LA LA NI GSHER BA KHO NAR, LA LA NI DRO BA KHO NAR, LA LA NI GYO BA KHO NAR, LA LA NI 'DRES PA KHO NAR 'BYUNG BA'O, ,DE LA LAS KYI MTSAN NYID NI 'DI LTA STE, SA LA SOGS PA 'BYUNG BA CHEN PO RNAMS KYI BRTEN PA DANG, SDUD PA DANG, SMIN PAR BYED PA DANG, BSKYOD PA'I MTSAN NYID DE, DE LAS GZHAN YANG 'OG NAS RGYAS PAR BSTAN PAR BYA'O, ,DE LA CHA PHRA BA'I MTSAN NYID NI RDUL PHRA RAB KYI MTSAN NYID GANG YIN PA'O, ,YANG CHA PHRA BA NYID NI RNAM PA GSUM STE, 'BRI BA CHA PHRA BA NYID DANG, RANG BZHIN CHA PHRA BA NYID DANG, SEMS KYI DBANG BSGYUR BA CHA PHRA BA NYID DO, ,DE LA 'BRI BA CHA PHRA BA NYID KYIS NI RDUL PHRA RAB CHA PHRA BA BSTAN TO, ,DE LA RANG BZHIN CHA PHRA BA NYID KYIS NI RLUNG LA SOGS PA DANG, BAR MA DO'I SRID PA'I GZUGS CHA PHRA BA BSTAN TO, ,DE LA SEMS KYI DBANG BSGYUR BA CHA PHRA BA NYID KYIS NI GZUGS NA SPYOD PA'I GZUGS CHA PHRA BA BSTAN TE, JI SKAD DU LHA SEMS MNYAM PA MI 'GYUR BA DE DAG GIS NI JI LTAR DE DAG SMYUNG BU'I RTZE MOS PHUG PA'I KHYON TZAM GYIS PHYOGS GCIG TU 'KHOD KYANG GCIG LA GCIG THOGS PA YANG MED LA, GCIG LA GCIG GNOD PA YANG MED PA DANG; DE LTA DE LTAR SEMS DE DAG YONGS SU SBYANG BAR BYAS SHING YONGS SU BYI DO RA BYAS SO ZHAS GSUNGS PA LTA BU STE, DE LTAR DE LTA BU DANG MTHUN PA DAG NI GZUGS KYI PHUNG PO'I RDZAS BSAM PA YIN PAR BLTA BAR BYA'O, ,DE LA GZUGS KYI RDUL PHRA RAB RNAM PA DUS RNAM PAR GZHAG PAR RIG PAR BYA ZHEN; SMRAS PA, RGYA CHER NI SA'I DNGOS GZHIR RNAM PAR GZHAG PAR BYAS ZIN TO, ,MDOR BSDU NA NI RNAM PA LNGA STE, 'DI LTA STE, YONGS SU GCOD PA DANG, RNAM PAR DBYE BA DANG, MA 'DRES PA DANG, LHAN CIG PA DANG, CHA SHAS MED PAS SO, ,DE LA YONGS SU GCOD PA LAS RNAM PAR GZHAG PA NA GZUGS DBRI BA'I MTHA' BLOS YONGS SU DPYAD PA LAS RDUL PHRA RAB RNAM PAR GZHAG PAR ZAD KYI, LUS GZUGS LAS NI MA YIN TE, DE'I PHYIR RDUL PHRA RAB KYI SKYE BAR YANG MI 'GYUR, 'GAG PAR YANG MI 'GYUR LA, RDUL PHRA RAB BSAGS PA GZUGS 'DUS PA YANG MA YIN @050A *, ,NO; ,DI LA RNAM PAR DBYE BA LAS RNAM PAR GZHAG PA NI MDOR BSDU NA RDUL PHRA RAB NI RNAM PA BCO LNGA YOD DE MGI LA SOGS PA DBANG PO'I RDUL PHRA RAB RNAM PA LNGA DANG, GZUGS LA SOGS PA YUL GYI RDUL PHRA RAB RNAM PA LNGA DANG SA LA SOGS PA 'BYUNG BA RNAMS KYI RDUL PHRA RAB RNAM PA BZHI DANG, CHOS KYI SKYE MCHED DU GTOGS PA'I GZUGS RDZAS SU YOD PA'I RDUL PHRA RAB RNAM PA GCIG GO, ,DE LA MA 'DRES PA LAS RNAM PAR GZHAG PA NI RDZAS KYI RDUL PHRA RAB KYI RANG GI MTSAN NYID RNAM PAR GZHAG PA LAS SO, ,DE LA LHAN CIG PA LAS RNAM PAR GZHAG PA NI RDUL PHRA RAB 'DUS PA'I STE, 'DI LTAR SA LA SOGS PA'I RDUL PHRA RAB KYI PHYOGS GCIG NA, DE LAS GZHAN PA DAG PHYOGS GCIG DANG, THA MI DAD PAS RDUL PHRA RAB 'DUS PAR RNAM PAR GZHAG PA'I PHYIR RO, ,DE LA CI'I PHYIR ZHE NA, THOGS PA DANG BCAS PA'I CHOS RNAMS PHYOGS GCIG NA THA MI DAD PAR GNAS PA DANG, THOGS PA MED PA NYID DU 'GYUR ZHE NA, DE MNGON PAR 'GRUB PA NI 'JUG PA DANG MTHUN PA'I PHYIR DE DANG MTHUN PA'I LUS KYI DBANG LAS DE LTAR MNGON PAR 'GRUB PAR 'GYUR RO, ,DE CI'I PHYIR ZHE NA, GZUGS 'DUS PA THAMS CAD NI DBANG PO THAMS CAD KYI YONGS SU LONGS SPYOD PA THUN MONG YIN PA'I PHYIR RO, ,DE LTA MA YIN DU ZIN NA GAL TE 'DUS PA THAMS CAD LA SA LA LA SOGS PA THAMS CAD THA MI DAD PA MA YIN PAR GYUR NA NI DE LTA NA 'DUS PA MTHA' DAG MIG LA SOGS PA'I RNAM PAR SHES PA'I YUL MA YIN PAR 'GYUR TE, DE'I PHYIR DE DAG GIS YONGS SU LONGS SPYOD PAR MI 'GYUR BAS, DE LTA BAS NA THA MI DAD PA YIN PAR RIG PAR BYA'O, ,GZUGS GANG LA LAR THOGS PAR 'GYUR LA, LA LAR THOGS PAR MI 'GYUR BA YANG YOD DE, 'DI LTA STE DPER NA BAR MA DO'I SRID PA'I GZUGS LA SOGS PA DE DAG THOGS PA MED PA BZHIN DU 'DI LA YANG TSUL DE BZHIN DU BLTA BAR BYA'O, ,DE LA CHA SHAS MED PA LAS RDUL PHRA RAB RNAM PAR GZHAG PA LNGA NI RDUL PHRA RAB 'DUS PA YOD NA NI RDUL PHRA RAB RNAMS CHA SHAS YIN GYI, RDUL PHRA RAB RNAMS NI 'DUS PA MA YIN PA'I PHYIR CHA SHAS GZHAN MED DE, RDUL PHRA RAB KYI PHYOGS GANG YIN PA DE NI DE NYID @050B KYI PHYOGS YIN GYI CHA SHAS KYIS RAB TU PHYE BA NI MA YIN NO, ,DE LA RDUL PHRA RAB JI SKAD BSTAN PA NI MIG LNGA'I PHYIR RNAM PA LNGA STE, SHA'I MIG DANG, LHA'I MIG DANG, 'PHAGS PA'I SHES RAB KYI MIG DANG, CHOS KYI MIG DANG, SANGS RGYAS KYI MIG GO ,RDUL PHRA RAB DU ZHIG , MIG DU ZHIG GI SPYOD YUL DANG YUL YIN PAR BRJOD PAR BYA ZHE NA, RDUL PHRA RAB THAMS CAD NI SHA'I MIG DANG, LHA'I MIG MA GTOGS PA DE LAS GZHAN PA'I MIG RNAMS KYI SPYOD YUL DANG YUL YIN PAR BRJOD PAR BYA'O, ,DE CI'I PHYIR ZHE NA, 'DI LTAR LHA'I MIG NI GZUGS 'DUS PA NANG DANG PHYI ROL DANG, 'OG DANG, STENG DANG, MDUN DANG, RGYAB DANG, SNANG BA DANG, MUN PA DANG BCAS PA KHO NA 'DZIN PAR ZAD KYI RDUL PHRA RAB RAB TU 'BYED PAR MI BYED DE, RDUL PHRA RAB KYI NGO BO NYID NI SHES RAB KYIS YONGS SU BCAD CING RNAM PAR GZHAG PA YIN PA'I PHYIR RO, ,DE LA CI'I PHYIR NA RDUL PHRA RAB MA SKYES PA DANG, MA 'GAGS PAR BRJOD PAR BYA ZHE NA, SMRAS PA, DANG POR MTHA' DAG 'DUS TE 'BYUNG BA'I PHYIR DANG, THA MAR YANG RDUL PHRA RAB KYI GNAS SKABS SU MA GYUR GYI BAR DU NYE BAR SBYOR BA YOD PA'I PHYIR RO, ,CHU'I THIGS PA BZHIN NO, ,DE LA RNAM PA LNGAS RDUL PHRA RAB LA SEMS PA NI TSUL BZHIN MA YIN PAR RIG PAR BYA STE, GZUGS 'DUS PA LA RDUL PHRA RAB RANG GI BDAG NYID KYIS GNAS PAR 'DZIN PA NI RDUL PHRA RAB LA SEMS PA TSUL BZHIN MA YIN PAR RIG PAR BYA'O, ,RDUL PHRA RAB SKYE BA DANG 'GAG PAR D'GYUR BAR 'DZIN PA DANG, RDUL PHRA RAB DANG, RDUL PHRA RAB PA DANG, BRAL BAR 'DZIN PA DANG, GZUGS 'DUS PA NI RDUL PHRA RAB TZAM GYI GNAS SKABS YIN PAR 'DZIN PA SDANG, RDUL PHRA RAB RNAMS TSOGS NAS GZUGS 'DUS PA DON GZHAN DU GYUR PA BSKYED PAR 'DZIN PA YANG RDUL PHRA RAB LA SEMS PA TSUL BZHIN MA YIN PAR RIG PAR BYA'O, ,DE LA TSUL BZHIN LA RAB TU BRTZON PAS NI TSUL BZHIN MA YIN PA RNAM PA LNGA PO DE DAG SPANGS TE RDUL PHRA RAB BSAM PAR BYA'O, ,DE LA RDUL PHRA RAB RNAM PAR GZHAG PA LAS PHAN YON RNAM PA LNGA YOD DE RIL PO RAB TU DBYE BA RNAM PAR GZHAG PAS NI RNAL 'BYOR BA @51A *, ,RNAMS KYI DMIGS PA LA GSAL BA'I RGYU BYAS PAR 'GYUR TE DE NI PHAN YON DANG PO YIN NO, ,'JIG TSOGS LA LTA BA SPONG BA'I RGYU BYAS PAR 'GYUR BA NI PHAN YON GNYIS PA'O, ,'JIG TSOGS LA LTA BA SPONG BA JI LTA BA DE BZHIN DU NGA RGYAL SPONG BA'I RGYU BYAS PAR 'GYUR BA NI PHAN YON GSUM PA'O, ,DE BZHIN DU NYON MONGS PA'I KUN NAS DKRIS PA RNAM PAR GNON PA'I RGYU BYAS PAR 'GYUR BA NI PHAN YON BZHI PA'O, ,MYUR DU MTSAN MA RNAM PAR 'JIG PA'I RGYU BYAS PAR 'GYUR BA NI PHAN YON LNGA PA STE, DE LTAR DE LTA BU DANG MTHUN PA DE NI RDUL PHRA RAB BSAM PA YIN NO, ,DE LA GZUGS CAN GYI RDZAS RNAMS KYI SKYE BA NI MDOR BSDU NA RNAM PA LNGAR BLTA BAR BYA STE 'DI LTA STE, GNAS LAS SKYE BA DANG, SA BON LAS SKYE BA DANG, 'PHEN PA LAS SKYE BA DANG, PHAN 'DOGS PA LAS SKYE BA DANG, GNOD PA BYED PA LAS SKYE BA'O, ,DE LA GNAS LAS SKYE BA NI 'BYUNG BA CHEN PO LA BRTEN NAS 'BYUNG BA CHEN PO'I PHYOGS SU DE LAS GZHAN PA RGYUR BYAS PA'I GZUGS SKYE BAR 'GYUR BA STE, DE'I PHYIR 'BYUNG BA CHEN PO BZHI LA BRTEN NAS RGYUR BYAS PA'I GZUGS ZHES BYA STE, PHYOGS GCIG LAS NYE BAR BLANGS BAS ZHES BYA BA'I DON TO, , DE LA GZUGS 'DUS PA GANG LAS 'BYUNG BA DANG, RGYUR BYAS PA'I GZUGS RANG GI MTSAN NYID LAS DMIGS PA GANG YIN PA DE NYID NI DE LA YOD PAR RIG PAR BYA'O, ,DE GANG LA GANG MI DMIGS PA DE NI DE LA MED PAR RIG PAR BYA STE, DE LTAR NA DE NI YOD PA DANG MED PA'I MTSAN NYID RNAM PAR GZHAG PA MDOR BSDUS PA YIN NO, ,GAL TE GANG LA GANG MI DMIGS PA DE YANG DE LA JI LTAR DMIGS PA DE BZHIN DU YOD PAR GYUR NA, DE DE DANG RDZAS MTSUNGS PA ZHIG GAM, RDZAS MI MTSUNGS PA ZHIG TU 'GYUR GRANG NA, GAL TE RDZAS MTSUNGS ZHES BYAR NI MI DMIGS PAS MI RUNG NGO, ,GAL TE RDZAS MI MTSUNGS PA ZHIG YIN NA YANG, RDZAS MI MTSUNGS PA DE DE TZAM ZHIG GAM, MTHU LAS YIN GRANG NA, GAL TE DE TZAM ZHIG LAS ZHES BYAR NI, DES NA CUNG ZAD KYANG DMIGS SU MED PAS MI RUNG NGO, ,GAL TE MTHU LAS ZHES BYAR NI, DES NA MTSAN @51B NYID LAS THA DAD PA'I MTHU GZHAN MI DMIGS PAS MI RUNG STE, DE LTAR DE LTA BU DANG MTHUN PA DE NI GNAS LAS SKYE BA YIN PAR RIG PAR BYA'O, ,DE LA SA BON LAS SKYE BA NI RANG GI SA BON LAS 'BYUNG BA GANG YIN PA STE, 'DI LTA STE DPER NA 'DUS PA SRA BA NI LAN 'GA' NI RKYEN NYE BAR GYUR BA NA SLA BAR GYUR LA SLA BA YANG LAN 'GA' NI SRA BAR 'GYUR BA DANG, GRANG BA YANG DRO BAR 'GYUR LA, DRO BA YANG GRANG BAR 'GYUR BA DANG, MI G-YO BA YANG G-YO BAR 'GYUR LA, G-YO BA YANG MI G-YO BAR 'GYUR BA DANG, DE BZHIN DU KHA DOG BZANG PO DANG KHA DOG NGAN PA LA SOGS PA'I DBYE BA YANG RIG PAR BYA STE, DE LTAR NA RANG GI MTSAN NYID MED KYANG, KHAMS YOD NA 'DUS PA DE DANG DE LAS CHOS GZUGS CAN BYE BRAG CAN DE DANG DE DAG 'BYUNG BAR 'GYUR TE, DE LTAR DE LTA BU DANG MTHUN PA DE NI SA BON LAS SKYE BA YIN PAR RIG PAR BYA'O, ,DE LA 'PHEN PA LAS SKYE BA NI 'DI LTA STE, NANG GI DBANG PO GZUGS CAN RNAMS KYI DBANG GIS PHYI ROL GYI DNGOS PO BRTAN PA RNAMS 'BYUNG BA STE, 'DI LTA STE SNOD KYI 'JIG RTEN RNAMS SO, ,NANG GI SKYE MCHED RNAMS KYANG SNGON GYI LAS KYI 'PHEN PA LAS 'BYUNG NGO, ,DE LA 'DOD PA NYE BAR GNAS PA'I LHA RNAMS DANG, 'DOD PA NYE BAR GNAS PA BYANG GI SGRA MI SNYAN PA'I MI RNAMS KYI YO BYAD RNAMS NI YANG DANG YANG 'PHEN PA'I SKYE BA LAS 'BYUNG BAR RIG PAR BYA'O, ,MI RNAMS KYI NI SNOD BSTAN PA DAG LAS TE, DE LTAR DE LTA BU DANG MTHUN PA DE NI 'PHEN PA LAS SKYE BA YIN PAR RIG PAR BYA'O, ,DE LA PHAN 'DOGS PA LAS SKYE BA NI 'DI LTA STE, CHOS GZUGS CAN DE DANG DE DAG PHAN 'DOGS PA'I RKYEN DE DANG DE DAG LA BRTEN NAS CHES BRTAS PA DANG, SHIN TU BRTAS PA DANG, SHIN TU MCHOG DANG, SHIN TU KHYAD PAR DU 'PHAGS PAR SKYE BAR 'GYUR BA STE, 'DI LTA STE DPER NA CHU LA SOGS PAS BRLAN PA RNAMS KYI MYU GU LA SOGS PA LTA BU STE, DE LTAR DE LTA BU DANG MTHUN PA DE NI PHAN 'DOGS PA LAS SKYE BA YIN NO, ,DE LAS BZLOG PA NI GNOD PA BYED PA LAS SKYE BA YIN PAR RIG PAR BYA'O, ,DE LA 'DUS PA SKYE BA NAS RDZAS SNA TSOGS MCHIG LA BTAGS TE CHU DANG SBYAR BA RNAM PAR GZHAG PA BZHIN DU SKYE BA LA BYA'I @52A *, ,TIL DANG SRAN CHUNG DANG, MON SRAN GRE'U LA SOGS PA'I PHUNG PO RNAM PAR GZHAG PA LTA BU LA NI MI BYA'O, ,DE CI'I PHYIR ZHE NA, BYA BA BYED PA'I PHYIR DE LTAR SKYE BA'I PHYIR TE, DE LTAR DE'I SKYE BA'I RGYU NI DBANG YIN PAR RIG PAR BYA'O, ,GANG GI TSE 'DU BYED THAMS CAD RANG GI SA BON LAS SKYE BA'I TSE CI'I PHYIR RGYUR BYAS PA'I GZUGS LA 'BYUNG BA CHEN PO RNAMS RGYUR BYAS PA ZHES BYA ZHE NA, SMRAS PA, DE DAG 'GYUR BAS 'GYUR BA DANG, GNAS PA DANG 'DZIN PA'I PHYIR RO, ,DE LA RGYU GSUM GYIS NA 'BYUNG BA CHEN PO GYUR PAS RGYUR BYAS PA'I GZUGS 'GYUR BA 'BYUNG BA STE; SKYES BU'I BYED PA DANG, LAS DANG, SNYOMS PAR 'JUG PAS SO, ,DE LA SKYES BU'I BYED PA NI SA'I MNGON PAR GNOD PA'I BYE BRAG DANG, SNOD KYI BYE BRAG DANG, ZHING GI BYE BRAG LAS RGYUR BYAS PA'I GZUGS DE 'GYUR BAR SNANG BA DANG, CHU'I MNGON PAR BRLAN PA LA SOGS PA DANG, ME'I YONGS SU SMIN PA LA SOGS PA DANG, RLUNG GI YONGS SU SKAM PA LA SOGS PAS RGYUR BYAS PA'I GZUGS 'GYUR BAR SNANG BA STE, DE LTAR NA DE NI 'BYUNG BA CHEN PO RNAMS LA BRTEN TE RGYUR BYAS PA'I GZUGS 'GYUR BA 'BYUNG BA SKYES BU'I BYED PAS BYAS PA YIN PAR BLTA BAR BYA'O, ,DE LA LAS NI LAS DANG MTHUN PAR DANG POR 'BYUNG BA CHEN PO 'BYUNG LA, DE'I 'OG TU DE DANG MTHUN PA DE LAS BYUNG BA'I GZUGS 'GYUR BA 'BYUNG STE, DE LTAR NA DE NI 'BYUNG BA CHEN PO RNAMS LA BRTEN TE RGYUR BYAS BA'I GZUGS 'GYUR BA 'BYUNG BA LAS KYIS BYAS PA YIN PAR BLTA BAR BYA'O, ,DE LA SNYOMS PAR 'JUG PA NI SNYOMS PAR 'JUG PA YANG 'BYUNG BA CHEN PO SNGON DU 'GRO BA NYID KYIS RGYUR BYAS PA'I GZUGS 'GYUR BA 'BYUNG BA STE, DE LTAR NA DE NI 'BYUNG BA CHEN PO RNAMS LA BRTAN TE RGYUR BYAS PA'I GZUGS 'GYUR BA 'BYUNG BA SNYOMS PAR 'JUG PAS BYAS PA YIN PAR BLTA BAR BYA'O, ,DE LA MDOR BSDU NA RGYU LNGAS NI 'BYUNG BA CHEN PO 'BRAS BU GZHAN DU GYUR PA LAS 'BRAS BU GZHAN 'GRUB PAR 'GYUR TE, 'DI LTA STE 'BYUNG BA CHEN PO'I STOBS DANG, SKYES BU'I BYED PA'I STOBS DANG, RIG SNGAGS KYI STOBS DANG, RDZU 'PHRUL GYI STOBS DANG, LAS KYI STOBS KYIS SO, ,'DI NAS SHI @52B 'PHOS SHING SHI BA'I DUS BYAS PA'I BAR MDO'I SRID PA'I GZUGS 'DUS PA GANG YIN PA DE RGYU GANG DANG RKYEN GANG GIS 'BYUNG ZHE NA, SMRAS PA, RANG GI SA BON NI RGYU YIN LA DE SKYE BAR 'GYUR BA'I LAS NI RKYEN YIN PAR BLTA BAR BYA'O, ,BAR MDO'I SRID PA YOD PAR RGYU GANG GIS KHONG DU CHUD PAR BYA ZHE NA, SMRAS PA, SHI 'PHOS NAS SEMS DANG SEMS LAS BYUNG BA GNAS MED PA RNAMS YUL GZHAN DU PHYIN MI SRID PA'I PHYIR DANG, RNAM PAR 'PHRUL PA TZAM YIN PAS BRAG CA LTA BUR YANG MI RUNG BA DANG, MA 'GAGS PA'I PHYIR GZUGS BRNYAN LTA BUR YANG MI RUNG BA DANG, 'GRO BA MED PA'I PHYIR DMIGS PA 'DZIN PA LTA BUR YANG MI RUNG STE, GANG GI PHYIR DPE DE DAG MI RUNG PA DE'I PHYIR BAR MDO'I SRID PA YOD PAR RIG PAR BYA STE, DE LTAR DE LTA BU DANG MTHUN PA DE NI GZUGS KYI PHUNG PO'I SKYE BA BSAM PA YIN PAR RIG PAR BYA'O, ,DE LA YUL GNON CING YUL GANG DU DE LAS GZHAN PA DAG KYANG GNAS PAR 'GYUR BAR GZUGS KYI PHUNG PO SKYES PA'I SNGON DU 'GRO BA GANG YIN ZHE NA, SMRAS PA, 'BYUNG BA CHEN PO DAG SNGON DU 'GRO ZHING DE DAG NYID YUL GNON PA YIN PAR BLTA BAR BYA STE, DE LAS GZHAN PA RGYUR BYAS PA'I GZUGS DE NI 'BYUNG BA DE LA BRTEN NAS YUL DER GNAS PAR 'GYUR RO, ,DE LA 'BYUNG BA RNAMS KHO NA YUL DE LA SGRIB PA'I DON GYIS NYE BAR GNAS PA YIN GYI, DE LAS GZHAN PA RGYUR BYAS PA'I GZUGS NI RANG GI MTSAN NYID KYIS KHYAB PA'I DON DANG, DE'I DBANG GIS NA DE YANG YUL LA GNON PAR RIG PAR BYA'O, ,SA LA SOGS PA 'BYUNG BA CHEN PO BZHI PO DE DAG NI GO RIMS BZHIN DU RAGS PA NYID YIN PAR RIG PAR BYA STE, DE LA SA'I KHAMS 'BRAS BU DANG BCAS PA NI RTEN GYI DON GYIS GTZO BO YIN NO, ,CHU DANG, ME DANG, RLUNG RNAMS KYI LAS NI RLAN PA DANG, 'BAR BA DANG, G-YO BAR BYED PA YIN TE; DE DAG NI DE LA BRTEN NAS 'JUG PAR 'GYUR RO, ,DE LA SGRA NI BRJOD MA THAG TU 'JIG PA'I PHYIR GZUGS 'DUS PA LAS RGYUN BRTAN PA MA YIN TE, YUL DE DANG PHYI ROL LA DMIGS PA YIN NO, ,DE NI DE LA BRTEN TE LAN CIG BYUNG BA NA YUL GANG DU GRAG PA'I YUL DE THAMS CAD @53A *, ,DU CIG CAR KHO NAR KHYAB PAR 'BYUNG STE, ME'I 'OD DANG 'DRA BA YIN GYI CHES TSE BA DANG CHE BAR 'BYUNG ZHING 'GRO BA NI MA YIN NO, ,DE LA RLUNG NI RNAM PA GNYIS TE, BRTAN PA DANG BRTAN PA MA YIN PA'O, ,DE LA DKYIL 'KHOR NA RGYU BA NI BRTAN PA'O, ,NAM MKHA' LA RGYU BA NI BRTAN PA MA YIN PA KHO NA'O, ,RDZAS KYI NANG NA RGYU BA NI RTAG TU PHAN 'DOGS PA YIN NO, ,'KHRUL 'KHOR DED PA NI BRTAN PA YIN NO, ,DE LAS GZHAN PA RNAMS NI BRTAN PA MA YIN PAR BLTA BAR BYA'O, ,DE LA NAM MKHA'I KHAMS NI SNANG BA DANG, MUN PAS BSDUS PA RGYUR BYAS PA'I GZUGS LA NAM MKHA'I KHAMS ZHES BYA'O, ,DE YANG BRTAN PA DANG BRTAN PA MA YIN PA YIN TE, SEMS CAN GANG DAG LA RTAG TU MUN PA DANG, RTAG TU SNANG BA YOD PA DE DAG NA NI BRTAN PA YIN NO, ,GANG DAG LA DE LTA MA YIN PA DE DAG NA NI BRTAN PA MA YIN PA YIN TE, DE YANG GZUGS 'DUS BA LA BRTEN PA YIN PAR RIG PAR BYA'O, ,DE YANG GSAL BA NI 'OD KYIS BSDUS PA YIN NO, ,MI GSAL BA NI BU GAS BSDUS PA YIN NO, ,RING PO DANG THUNG NGU NYID LA SOGS PA GANG DAG DBYIBS ZHES BYA BA DE DAG KYANG CI RDZAS SU YOD PA'AM, BRTAGS PA'I YOD PA YIN PAR BRJOD PAR BYA ZHE NA, SMRAS PA, BRTAGS PA'I YOD PA YIN PAR BRJOD PAR BYA'O, ,DE CI'I PHYIR ZHE NA, BSAGS PA LAS GNAS PA NI DBYIBS ZHES BYA BA'I NGES PA'I TSIG YIN PA DANG BSAGS PA TZAM DMIGS PA DANG, MTSAN NYID LAS GZHAN PA'I DON MI DMIGS PA DANG, LTOS SHING LTOS NA NGO BO NYID 'DRES PAR 'GYUR BA DANG, DE BLOS PHYE BAS SHING RTA LA SOGS PA DANG 'DRA BA'I PHYIR RO, ,DE LA CHOS KYI SKYE MCHED DU GTOGS PA'I GZUGS SNYOMS PAR 'JUG PA'I 'BRAS BU LA NI KHA DOG TZAM KHO NA YOD PAR RIG PAR BYA'O, ,DE CI'I PHYIR ZHE NA, DE LAS GZHAN PA DRI LA SOGS PA'I SKYE BA'I RGYU MED PA'I PHYIR DANG DGOS PA MED PA'I PHYIR RO, ,DE BZHIN DU NAM MKHA' LA RGYU BA'I RLUNG LA YANG DRI LA SOGS PA LHAN CIG SKYES PA NI MED LA, 'DRES PA LAS NI 'BYUNG BAR 'GYUR RO, ,DKYIL 'KHOR LAS NI PHYI ROL DU BYUNG BA'I SNANG BA LA YANG DE LAS GZHAN PA'I 'BYUNG BA RNAMS DANG DRI LA @53B SOGS PA NI MI DMIGS SO, ,CHOS KYI SKYE MCHED DU GTOGS PA'I GZUGS SNYOMS PAR 'JUG PA'I 'BRAS BU GANG YIN PA DE YANG SNYOMS PAR 'JUG PA LA BRTEN PA KHO NA YIN PAR RIG PAR BYA'O, ,'BYUNG BA CHEN PO LA BRTEN PA NI MA YIN TE, DE DANG RIGS MTHUN PA'I GZUGS BRNYAN LA DMIGS PA'I TING NGE 'DZIN LAS GRUB PA'I PHYIR 'BYUNG BA CHEN PO RNAMS RGYUR BYAS PA ZHES BYA'I DE LA BRTEN TE SKYES PA NI MA YIN NO, ,GZUGS KYI PHUNG PO LAS CHOS NGU ZHIG NI BSTAN DU YOD LA THOGS PA DANG BCAS PAR GNAS LA, DU ZHIG NI BSTAN DU MED LA THOGS PA DANG BCAS PAR GNAS LA DU ZHIG NI BSTAN DU YANG MED LA THOGS PA YANG MED PAR GNAS SHE NA, SMRAS PA, MIG GI SPYOD YUL GANG YIN PA GCIG NI RNAM PA GNYI GA YIN NO, ,LHAG MA RNAMS NI BSTAN DU MED LA THOGS PA DANG BCAS PA YIN NO, ,CHOS KYI SKYE MCHED DU GTOGS PA'I GZUGS NI MA GTOGS TE DE NI BSTAN DU YANG MED LA THOGS PA YANG MED PA YIN PAR BLTA BAR BYA STE, DE LTAR DE LTA BU DANG MTHUN PA DE NI GZUGS KYI PHUNG PO'I DBYIBS BSAM PA YIN NO, ,DE LA GANG DAG GIS GZUGS KYI PHUNG PO 'JUG PAR 'GYUR BA'I GZUGS KYI PHUNG PO'I RGYUN DU YOD CE NA, SMRAS PA GSUM STE, RGYU MTHUN PA LAS BYUNG BA DANG, RNAM PAR SMIN PA LAS SKYES PA DANG, RGYAS PA LAS BYUNG BA'O, ,DE LA RGYU MTHUN PA LAS BYUNG BA NI RNAM PA BZHI STE, RNAM PAR SMIN PA'I RGYU MTHUN PA LAS BYUNG BA DANG, RGYAS PA'I RGYU MTHUN PA LAS BYUNG BA DANG, 'GYUR BA'I RGYU MTHUN PA LAS BYUNG BA DANG, RANG BZHIN GYI RGYU MTHUN PA LAS BYUNG BA'O, ,DE LA RNAM PAR SMIN PA'I RGYU NI DANG PO DANG RGYUN LAS BYUNG BA STE, 'DI LTA STE LAS LAS SKYES PA'I RNAM PAR SMIN PA DANG, RNAM PAR SMIN PA LAS SKYES PA'I RNAM PAR SMIN PA STE, LAS KYI 'PHEN PA KHO NAS DE'I RNAM PAR SMIN PA LAS DUS GZHAN NA 'BYUNG BAR 'GYUR BA GANG YIN PA'O, ,DE LA RGYAS PA LAS BYUNG BA NI RNAM PA GNYIS TE YUL LA KHYAB PA'I RGYAS PA LAS BYUNG BA DANG, MTSAN NYID BRTAS PAR BYED PA'I RGYAS PA LAS BYUNG BA'O, ,DE LA RGYAS PA LAS BYUNG BA DANG PO NI GZUGS CAN ZAS DANG GNYID DANG TSANGS @54A *, ,PAR SPYOD PA DANG SNYOMS PAR 'JUG PA DAG GIS RGYAS PA YIN PAR BLTA BAR BYA'O, ,DE LAS GZHAN PA'I ZAS DANG, DE'I GNAS DANG, YID LA BYED PA'I KHYAD PAR BSGOM PA DANG, DUS KYIS YONGS SU SMIN PA LAS RIG PAR BYA'O, ,DE LA CHOS GZUGS CAN RNAMS NI RGYAS PA GNYIS KYIS RGYAS PAR BYED DO, ,GZUGS CAN MA YIN PA RNAMS NI MTSAN NYID BRTAS PAR BYED PA'I RGYAS PA 'BA' ZHIG GIS RGYAS PAR BYED DO, ,'DOD PA NA SPYOD PA'I GZUGS NI ZAS RNAM PA BZHI DANG, DE LAS GZHAN PA RGYAS PA'I RGYU THAMS CAD KYIS RGYAS PAR BYED DO; ,GZUGS NA SPYOD PA'I GZUGS NI KHAM GYI ZAS KYIS KYANG MA YIN LA, GNYID KYIS KYANG MA YIN, TSANGS PAR SPYOD PAS KYANG MA YIN NO, ,DBANG PO GZUGS CAN RNAMS KYI RGYUN NI GNYIS KYIS 'JUG PAR RIG PAR BYA STE, DE DAG LA RNAM PAR SMIN PA LAS SKYES PA DANG, RGYAS PA LAS BYUNG BA'I RGYUN LAS GZHAN PA RGYU MTHUN PA'I RGYUN MED PA'I PHYIR RO, ,GANG GI TSE RNAM PAR SMIN PA'I RGYUN LA YANG 'PHEL ZHING YANGS LA RGYAS SHING RGYA CHE BA DMIGS PA'I TSE, RNAM PAR SMIN PAS BSDUS PA YANG CI'I PHYIR RGYAS PA LAS BYUNG BAR MI 'GYUR ZHE NA, SMRAS PA, RGYAS PA THA DAD PA'I RGYUN DE LA PHAN 'DOGS PAS NYE BAR BSTAN PA NI RNAM PAR SMIN PA'I RGYU MTHUN PA LAS BYUNG BA'I RGYUN GYIS 'PHEL BA NYID YIN PA'I PHYIR RO, ,DBANG POS MA BSDUS PA'I GZUGS LA NI RNAM PA GSUM CHAR MED PAR RIG PAR BYA'O, ,SEMS DANG SEMS LAS BYUNG BA RNAMS NI RGYU MTHUN PA LAS BYUNG BA DANG, RNAM PAR SMIN PA LAS SKYES PA DANG, RGYAS PA GNYIS PAS RGYAS PA LAS BYUNG BA YIN NO, ,CHOS KYI SKYE MCHED DU GTOGS PA'I GZUGS LA NI RNAM PAR SMIN PA LAS SKYES PA MED DE LHAG MA NI SEMS DANG SEMS LAS BYUNG BA BZHIN DU RIG PAR BYA'O, ,'DOD PA'I KHAMS NA NI NANG DANG PHYI ROL GYI GZUGS THAMS CAD RNAM PAR SMIN PAR 'GYUR RO, ,GZUGS KYI KHAMS NA NI DRI DANG RO MED DO, ,'DOD PA'I KHAMS NA NI DBANG PO GZUGS CAN RNAMS MA TSANG BAR YANG RNAM PAR SMIN PAR 'GYUR RO, ,GZUGS KYI KHAMS NA NI TSANG BA RNAMS SO, ,SGRA'I KHAMS NI @54B RNAM PAR SMIN PA YIN LA SKRA ? NI MA YIN TE, DE LTAR DE LTA BU DANG MTHUN PA DE NI GZUGS KYI PHUNG PO'I RGYUN BSAM PA YIN PAR RIG PAR BYA'O, ,GZUGS KYI PHUNG POS BSDUS PA'I SA'I KHAMS NI LAS DU DANG LDAN PA YIN, RLUNG GI KHAMS KYI BAR DU YANG LAS DU DANG LDAN PA YIN ZHE NA, SMRAS PA; THAMS CAD KYANG LAS LNGA DANG LDAN PA YIN PAR BLTA BAR BYA'O, ,DE LA SA'I KHAMS NI MNGON PAR GNOD PAS DE YONGS SU 'GYUR BAR BYED PA'I LAS CAN DANG, RTEN GYI LAS CAN DANG, GNAS BYED PA'I LAS CAN DANG, 'KHRUG PA'I LAS CAN DANG, PHAN 'DOGS PA'I LAS CAN YIN NO; ,CHU'I KHAMS NI 'BAB PA DANG, SDUD PA DANG, RLAN PA DANG, 'KHRUG PA DANG, PHAN 'DOGS PA'I LAS CAN YIN NO, ,ME'I KHAMS NI GSAL BA DANG, SMIN PA DANG, SREG PA DANG, 'KHRUG PA DANG, PHAN 'DOGS PA'I LAS CAN YIN NO, ,RLUNG GI KHAMS NI G-YO BA DANG BYA BA'I RJES SU 'JUG PA DANG, SKAM PA DANG, 'KHRUG PA DANG, PHAN 'DOGS PA'I LAS CAN YIN NO, ,YANG 'BYUNG BA CHEN PO RNAMS NI RGYUR BYAS PA'I GZUGS 'JUG PA LAS LNGA DANG LDAN PAR BLTA BAR BYA STE, 'DI LTA STE, SKYES PA DANG, BRTEN PA DANG, GNAS PA DANG, RTON PA DANG; 'PHEL BAR BYED PA'I LAS CAN YIN NO, ,DE LA SKYES PA NI 'GYUR BA SKYE BA'I SNGON DU 'GRO BA DAG YIN NO, ,BRTEN PA NI 'GYUR BA 'BYUNG BA'I YUL THA MI DAD PAS RTEN DU GYUR PA DAG YIN NO, ,GNAS PA NI PHAN 'DOGS PA DANG, GNOD PA BYED PA DAG GIS GRUB PA DANG, BDE BA GCIG PA'I DON GYI GNAS SU GYUR PA DAG YIN NO, ,RTON PA NI DE TZAM LAS MI NYAMS SHING KUN TU 'DZIN PAS RTON PAR GYUR PA DAG YIN NO, ,'PHEL BAR BYED PA NI 'PHEL ZHING RGYAS PAR 'GYUR BAS 'PHEL BAR BYED PA DAG YIN NO, ,MIG DANG RNA BA'I SPYOD YUL GYI GZUGS DGE BA DANG MI DGE BA GANG YIN PA DE CI'I PHYIR NA DGE BA DANG MI DGE BA NYID YIN PA DE LAS GZHAN PA DAG MA YIN ZHE NA, SMRAS PA, MDOR BSDU NA SEMS PA NI CHUNG NGU DANG 'BRING DANG, CHEN PO'I BYE BRAG GIS RNAM PA GSUM STE, 'DI LTA STE, LUS DANG NGAG GI RNAM PAR RIG BYED DGE BA DANG, @55A *, ,MI DGE BAR GDAGS PA 'JUG PA LA MNGON PAR 'DU BYED PA'I SEMS PA DANG, NGES PA'I SEMS PA DANG, KUN NAS SLONG BA'I SEMS PA'O, ,DE NI SEMS PA CHEN PO RTEN DU GYUR PA DANG LDAN PA YIN PA'I PHYIR DGE BA DANG MI DGE BAR BLTA BAR BYA'O, ,GZUGS 'DUS PA LAS G-YO BA THA DAD PA'AM, THA MI DAD PAR BRJOD PAR BYA ZHE NA, SMRAS PA, THA MI DAD PAR BRJOD PAR BYA'O, ,DE CI'I PHYIR ZHE NA, YUL DER SKYES NAS SAM, MA SKYES PAR RAM, ZHIGS NAS SAM, MA ZHIGS PAR G-YO BA LA NYES PA MED PA'I PHYIR RO, ,DE LA NYES PA NI 'DI DAG YIN TE; GAL TE SKYES NAS G-YON NI DES NA MTSAN NYID SPANGS PAR 'GYUR RO, ,GAL TE MA SKYES PAR G-YO NA NI DES NA G-YO BA DANG MI LDAN PAR 'GYUR RO, ,GAL TE ZHIGS NAS G-YO NA NI DES NA GONG MA DANG 'DRA BA NYID DU 'GYUR RO, ,GAL TE MA ZHIGS PAR G-YO NA NI DES NA 'DU BYED KYI MTSAN NYID GSAL BAR SPANGS PAR 'GYUR RO, ,DE LAS GZHAN PA YUL GZHAN DU SKYE BA'I RGYU DMIGS PAS NA, G-YO BA ZHES BYA BA DON GZHAN DU GYUR PA RDZAS SU YOD PA MA YIN PAR RIG PAR BYA STE, DE LTAR DE LTA BU DANG MTHUN PA DE NI GZUGS KYI PHUNG PO'I LAS BSAM PA YIN PAR RIG PAR BYA'O, ,DE LA GZUGS KYI PHUNG PO THAMS CAD NI SKAD CIG PA YIN PAR BRJOD PAR BYA'O, ,DE CI'I PHYIR ZHE NA, SKYES NAS 'JIG PA DMIGS PA'I PHYIR RO, ,SKYE BA'I RGYU NI 'JIG PA'I RGYU YIN PAR MI RUNG STE, MTSAN NYID MI 'DRA BA'I PHYIR RO, ,SKYES PA GNAS PA'I RGYU DE LAS GZHAN PA YANG MI DMIGS PAS DE'I PHYIR 'DU BYED THAMS CAD NI RANG GI NGANG GIS 'JIG PA YIN PAR RIG PAR BYA STE, DE'I PHYIR SKAD CIG PA NYID RAB TU GRUB BO, ,ME LA SOGS PA JIG PA'I RGYU NYID DU RTOG PA YANG MI RUNG NGO, ,DE CI'I PHYIR ZHE NA, ME LA SOGS PA DE DAG NI 'DU BYED DE DANG LHAN CIG TU SKYE BA DANG 'JIG PAR DMIGS PA'I PHYIR TE, DE DAG NI MI 'DRA BA SKYE BA'I RKYEN BYED PA TZAM YOD PAR ZAD DO, ,'JIG PA YANG 'JIG PA'I RGYUR MI RUNG NGO, ,DE CI'I PHYIR ZHE NA, DE DANG LHAN CIG YOD PAR MI RUNG BA'I PHYIR RO, ,SKYES NAS DE 'JIG PAR BYED CES BYAR YANG @55B DE'I RGYUN CHAD PAR THAL BAR 'GYUR BA'I PHYIR RO, ,'JIG PA DE LA 'JIG PA TZAM GYI NGO BO NYID YIN NA NI 'JIG PA'I RGYU YIN PAR MI RUNG NGO, ,'ON TE 'JIG PA DE NGO BO NYID GZHAN PA KHO NA ZHIG YIN NA NI, DES NA 'JIG PA'I MTSAN NYID DON GZHAN DU GYUR PA DE MI DMIGS PAS MI RUNG NGO; ,GAL TE ME LA SOGS PA DANG 'JIG PA BSDONGS TE 'JIG PAR BYED DO ZHES RTOG NA NI, DES NA MAR ME LA SOGS PA DANG SEMS DANG SEMS LAS BYUNG BA RNAMS RANG GI NGANG GIS 'JIG GO ZHES BYA BA MI 'THAD PAR MI RUNG NGO, ,GAL TE DE SKYE BA LA NUS PA GZHAN DANG GZHAN YOD PAR RTOG NA NI DES NA BYE BRAG MI DMIGS PAS MI RUNG NGO, ,GAL TE GNYI GAS PHYOGS GCIG 'JIG PAR NUS SO ZHES RTOG NA NI, DES NA GNYI GAS CHA GNYI GA 'JIG PAR NUS PA'AM, CHA GNYI GA 'JIG PAR MI NUS PAR THAL BAR 'GYUR BAS MI RUNG STE, DE LTAR DE LTA BU DANG MTHUN PA DE NI GZUGS KYI PHUNG PO'I SKAD CIG PA NYID BSAM PA YIN PAR NRIG PAR BYA STE, 'DI LTA STE RANG GI NGANG GIS 'JIG PA'I RGYU DANG, ME LA SOGS PA 'JIG PA'I RGYU MA YIN PAR BKAG PA DANG, 'JIG PA 'JIG PA'I RGYU MA YIN PAR BKAG PA DANG, DE GNYI GA 'JIG PA'I RGYU MA YIN PAR BKAG PA LAS BLTA BAR BYA'O, ,YANG 'DU BYED THAMS CAD NI SEMS KYI 'BRAS BU YIN PA'I PHYIR SEMS BZHIN DU SKAD CIG PA NYID YIN PAR RIG PAR BYA'O, ,CI 'BYUNG BA CHEN PO RNAMS LAS RGYUR BYAS PA'I GZUGS RNAMS MTSAN NYID THA DAD PA'AM, THA DAD PA MA YIN PAR BRJOD PAR BYA ZHE NA, SMRAS PA, THA DAD PAR BRJOD PAR BYA'O, ,DE CI'I PHYIR ZHE NA, MTSAN NYID MI 'DRA BA DMIGS PA'I PHYIR RO, ,DE LA MTSAN NYID MI 'DRA BA NI 'DI YIN TE, 'DI LTA STE DBANG PO GZHAN GYIS RTOGS PA STE, 'DI LTAR 'BYUNG BA CHEN PO RNAMS NI DBANG PO GZHAN GYIS 'DZIN PAR BYED LA, RGYUR BYAS PA'I GZUGS RNAMS KYANG DBANG PO GZHAN GYIS 'DZIN PAR BYED PA DANG, DE BZHIN DU 'PHO BA DANG MI 'PHO BA YANG DMIGS PA'I PHYIR TE, 'DI LTA STE, TIL MAR DAG GI NANG DU ME TOG DAG GI DRI 'PHO BA NI DMIGS LA, SRA BA LA SOGS @56A *, ,PA NI MI 'PHO BA DANG, DE BZHIN DU 'GYUR BA DANG MI 'GYUR BA YANG DMIGS PA'I PHYIR TE, 'DI LTA STE, MAR BZHU BA LA SOGS PA LA KHA DOG DANG RO LA SOGS PA 'GYUR BA'I BYE BRAG NI DMIGS LA, SRA BA LA SOGS PA NI MI DMIGS TE, DE LTA BAS NA 'BYUNG BA CHEN PO DAG RGYUR BYAS PA'I GZUGS DAG NI MTSAN NYID MI 'DRA BAR RIG PAR BYA'O, ,MTSAN NYID MI 'DRA BA DAG LA YANG GCIG PA NYID DU MNGON PAR ZHEN PAR BYED NA NI, 'BYUNG BA CHEN PO RNAMS LA YANG THAL BAR 'GYUR TE, 'DI LTA STE 'BYUNG BA CHEN PO RNAMS NI PHAN TSUN MTSAN NYID MI 'DRA BA DAG YIN PAS, DE LTAR NA 'BYUNG BA CHEN PO YANG GCIG PA NYID DU 'GYUR BA'I PHYIR RO, ,DE LTAR NA RGYUR BYAS PA'I GZUGS RNAMS NI 'BYUNG BA CHEN PO DAG LAS MTSAN NYID THA DAD PA YIN PAR RIG PAR BYA STE, DE LTAR DE LTA BU DANG MTHUN PA DE NI 'BYUNG BA CHEN PO RNAMS KYI MA 'DRES PA DANG 'DRES PA BSAM PA YIN PAR RIG PAR BYA'O, ,GZUGS KYIS BSDUS PA'I CHOS RNAMS LAS DU ZHIG NI DBANG POR GYUR PA DAG YIN, DU ZHIG NI SPYOD YUL DU GYUR PA DAG YIN ZHE NA, SMRAS PA, LNGA NI DBANG POR GYUR PA DAG YIN LA, DRUG NI SPYOD YUL DU GYUR PA DAG YIN PAR RIG PAR BYA'O, ,DE LA DBANG POR GYUR PA RNAMS KYI SPYOD YUL DU GYUR PA DAG JI LTAR NA SPYOD YUL YIN ZHE NA, DE NI 'DI LTA STE, SA'I DNGOS GZHIR DE LA DMIGS KYANG YONGS SU MA NYAMS LA ZHES BYA BA LA SOGS PA RGYA CHER BSTAN PA YIN NO, ,DE LA RGYU DUS NA DBANG PO YONGS SU NYAMS PA DANG YONGS SU MA NYAMS PAR BRJOD PAR BYA ZHE NA, SMRAS PA, RGYU GNYIS KYIS TE, DMAN PAR GYUR PA DANG, THAMS CAD KYI THAMS CAD DU NYAMS PAS SO, ,DE LAS BZLOG PAS NI YONGS SU MA NYAMS PAR BRJOD PAR BYA'O, ,GZHAN YANG MDOR BSDU NA RGYU BZHIS DBANG PO RNAMS 'GYUR BAR BLTA BAR BYA STE, PHYI ROL GYI RKYEN LAS SKYE BA NI 'DI LTA STE, PHAN 'DOGS PA DANG, GNOD PAR BYED PA'I YUL LA YONGS SU LONGS SPYOD PA DAG DANG, YUL DANG PHAN 'DOGS PA PHA ROL GYI GNOD PA DAG GIS 'GYUR BAR BYED PA'O, ,NANG GI RKYEN LAS SKYE BA NI 'DI LTA STE, SO SO'I NANG GI @56B TSUL BZHIN MA YIN PA YID LA BYED PA LAS SKYES PA'I 'DOD CHAGS KYIS KUN NAS DKRIS PA LA SOGS PA KUN NAS NYON MONGS PA RNAMS DANG, TSUL BZHIN YID LA BYED PA LAS SKYES PA'I SNYOMS PAR 'JUG PA LA SOGS PAS 'GYUR BAR BYED PA'O, ,LAS KYI RKYEN LAS SKYE BA NI 'DI LTA STE, SNGON GYI LAS KYI DBANG GIS GZUGS SDUG PA DANG MI SDUG PA LA SOGS PAS 'GYUR BAR BYED PA'O, ,NGO BO NYID LAS 'GYUR BA SKYE BA NI 'DI LTA STE, DBANG PO DE DAG NYID KYI MTSAN NYID THA DAD PAS 'GYUR BAR BYED PA'O, ,YID KYI DBANG PO'I YONGS SU NYAMS PA RNAM PA DUR BLTA BAR BYA ZHE NA SMRAS PA; RNAM PA BZHI STE, SGRIB PAS BYAS PA NI 'DI LTA STE, SGRIB PA LNGA PO DAG LAS GANG YANG RUNG BAS SEMS SGRIB PA LAS SO, ,G-YENG BAS BYAS PA NI 'DI LTA STE GDON GYIS BRLAMS PA LA SOGS PAS SEMS G-YENG BAR BYAS PA LAS SO, ,MA THOB PAS BYAS PA NI 'DI LTA STE, BSAM GTAN DANG GZUGS MED PA'I YON TAN KHYAD PAR CAN MA THOB PA'I SEMS DE LA RTZOL BAR BYED PA LAS SO, ,MA BYANG BAS BYAS PA NI 'DI LTA STE, THOS PA DANG BZO LA SOGS PA LA YONGS SU BYANG BAR MA BYAS PA'I SEMS LAS SO, ,GZUGS LA SOGS PA YUL RNAMS DBANG PO RNAMS LA JI LTAR SNANG BAR 'GYUR ZHE NA, SMRAS PA, GZUGS NI MIG DANG MA PHRAD PAR SNANG BAR 'GYUR RO, ,HA CANG CHA PHRA BA MA YIN PA SNANG BAR 'GYUR RO, ,BSTAN DU YOD PA SNANG BAR 'GYUR RO, ,MA BSGRIBS PA SNANG BAR 'GYUR RO, ,SNANG BA DANG BCAS PAR SNANG BAR 'GYUR RO, ,HA CANG BSKAL PA MA YIN PA SNANG BAR 'GYUR RO, ,SPYOD YUL NA GNAS PA SNANG BAR 'GYUR RO, ,GZHAN YANG LA LA'I MIG LA NI MUN KHROD NA YANG GZUGS SNANG BAR 'GYUR RO, ,SGRA NI RNA BA DANG MA PHRAD PA DANG, BSGRIBS PA DANG, MA BSGRIBS PA DANG, SNANG BA DANG, MUN KHROD DANG, HA CANG CHA PHRA BA MA YIN PA DANG, HA CANG BSKAL PA MA YIN PA DANG, SPYOD YUL NA GNAS PA GRAG PAR 'GYUR RO, ,DRI DANG RO DANG REG BYA RNAMS NI RANG RANG GI DBANG PO RNAMS DANG PHRAD PA DANG, SPYOD YUL NA GNAS PA DAG SPYOD YUL DU 'GYUR RO, ,LHA'I MIG LA NI GZUGS BSTAN DU YOD PA DANG, BSGRIBS @57A *, ,PA DANG; MUN KHROD NA 'DUG PA DANG, BSKAL PA DANG, SPYOD YUL NA GNAS PA YANG SNANG BAR 'GYUR RO, ,'PHAGS PA'I SHES RAB KYI MIG LA NI GZUGS RNAM PA THAMS CAD SPYOD YUL DU 'GYUR RO, ,SA'I DNGOS GZHIR SPYOD YUL RNAM PA DRUG CES GANG SMRAS PA DE'I RAB TU DBYE BA GANG ZHE NA, 'DI LTA STE, GNAS DANG, MTSAN NYID DANG, PHYOGS DANG DUS DANG GSAL BA DANG, MI GSAL BA DANG, PHYOGS GCIG DANG, DNGOS PO THAMS CAD 'DZIN PA STE, DE LA DANG PO NI SEMS CAN GYI 'JIG RTEN DU GTOGS PA DANG, SNOD KYI 'JIG RTEN DU GTOGS PA'I GZUGS SO, ,GNYIS PA NI NGO BO NYID RNAM PA GSUM GYIS NGO BO NYID KYI BYE BRAG LAS TE, MTSAN NYID KYI BYE BRAG DANG, BYA BA'I BYE BRAG DANG, GNAS SKABS KYI BYE BRAG GIS SO, ,DE LA GZUGS KYI MTSAN NYID KYI BYE BRAG NI 'DI YIN TE, SNGON PO DANG SER PO DANG, DMAR PO DANG, DKAR PO ZHES BYA BA RGYA CHER BSTAN PA'O, ,DE LA BYA BA'I BYE BRAG NI 'DI LTA STE, RNAM PAR RIG BYED DANG, RNAM PAR RIG BYED MA YIN PA SDOM PA DANG, SDOM PA MA YIN PA DANG, SDOM PA YANG MA YIN SDOM PA MA YIN PA YANG MA YIN PAR BSDUS PA DAG YIN PAR BLTA BAR BYA'O, ,DE LA GNAS SKABS KYI BYE BRAG NI 'DI LTA STE, YID DU 'ONG BA DANG, YID DU MI 'ONG BA DANG, BTANG SNYOMS KYI GNAS LTA BU DAG YIN PAR BLTA BAR BYA'O, ,DE LA SGRA RNAMS NI MTSAN NYID KYI BYE BRAG NI ZIN PA'I 'BYUNG BA CHEN PO'I RGYU LAS BYUNG BA RNAMS DANG, MA ZIN PA'I 'BYUNG BA CHEN PO'I RGYU LAS BYUNG BA RNAMS DANG, ZIN PA DANG, MA ZIN PA'I 'BYUNG BA CHEN PO'I RGYU LAS BYUNG BA RNAMS SO, ,BYA BA'I BYE BRAG NI NGAG GI RNAM PAR RIG BYED DO, ,GNAS SKABS KYI BYE BRAG NI SNGA MA BZHIN DU BLTA BAR BYA'O, ,DE LA DRI RNAMS KYI MTSAN NYID KYI BYE BRAG NI RTZA BA DANG SDONG BU DANG, SHUN PA DANG, SNYING PO DANG, LO MA DANG, ME TOG DANG 'BRAS BU'I DRI DAG GO, ,DRI DANG RO DANG REG BYA RNAMS LA BYA BA'I BYE BRAG NI MED DO, ,DE DAG GI GNAS SKABS KYI BYE BRAG NI SNGA MA BZHIN DU BLTA BAR BYA'O, ,DE LA RO'I MTSAN NYID KYI BYE BRAG NI KHA BA LA @57B SOGS PA STE SNGA MA BZHIN DU BLTA BAR BYA'O, ,REG BYA'I MTSAN NYID KYI BYE BRAG KYANG RNAM PA DU MA STE SNGA MA BZHIN DU BLTA BAR BYA'O, ,DE LA SPYOD YUL GSUM PA NI SHAR DANG LHO DANG NUB DANG BYANG LA SOGS PA'I PHYOGS RNAMS YIN PAR RIG PAR BYA'O, ,DE LA BZHI PA NI 'DAS PA DANG, MA 'ONGS PA DANG; DA LTAR BYUNG BA'I BYE BRAG LAS BLTA BAR BYA'O, ,DE LA LNGA PA NI YANG DAG PA DANG YANG DAG PA MA YIN PAR GZUNG BA'I BYE BRAG LAS BLTA BAR BYA'O, ,DE LA DRUG PA NI PHYOGS GCIG DANG, DNGOS PO MTHA' DAG 'DZIN PA'I BYE BRAG LAS BLTA BAR BYA STE, DE LTAR DE LTA BU DANG MTHUN PA DE NI GZUGS CAN RNAMS KYI YUL RNAMS SNANG BAR 'GYUR BA'I BYE BRAG YIN PAR RIG PAR BYA'O, ,DE DANG 'BYUNG BA YID LA BYED PA GANG YIN ZHE NA, GNAS YONGS SU MA NYAMS PA DE DANG YUL SNANG BA DANG PHRAD PA DE DANG, DES SEMS KYI 'JUG PA MNGON PAR GRUB PA GANG YIN PA STE, DE LTAR DE LTA BU DANG MTHUN PA DE NI GZUGS CAN RNAMS KYI PHUNG PO'I SPYOD YUL BSAM PA YIN PAR BLTA BAR BYA'O, ,DE LA 'DOD PA NA SPYOD PA'I LUS LA GNAS PA'I LUS LA GZUGS NA SPYOD PA'I 'BYUNG BA CHEN PO GANG DAG MNGON PAR 'GRUB PAR 'GYUR BA DE DAG 'OG MA'I GZUGS DANG LHAN CIG PA YUL GCIG GAM YUL THA DAD DAM JI LTAR GNAS PAR BRJOD PAR BYA ZHE NA, SMRAS PA, BYE MA DANG CHU BZHIN DU YUL THA DAD PA MA YIN PAR GNAS PAR BRJOD PAR BYA STE, DE LTAR DE LTA BU DANG MTHUN PA DE NI GZUGS KYI PHUNG PO'I PHAN TSUN 'DRES PA BSAM PA YIN PAR BLTA BAR BYA'O; ,GZUGS KYI PHUNG PO'I BSAM PA RDZOGS SO,, ,,BAM PO BDUN PA, DA 'DI MAN CHAD NI MING GIS BSDUS PA'I PHUNG PO GZUGS CAN MA YIN PA BZHI PO DAG GI RNAM PAR GZHAG PA CI RIGS PAR BSHAD PAR BYA STE, SA'I DNGOS GZHIR SEMS GCIG RNAM PAR GZHAG PA BSHAD PA GANG YIN PA DE LAS BRTZAMS NAS DE LA DPE NI 'DI YIN TE, BCOM LDAN 'DAS KYIS BDE BAR GSHEGS PA NI STON PA'O, ,BDE BAR GSHEGS PA NI STON PA'O ZHES SEMS BSKYED CING TSIG TU YANG SMRA NA, DE LTAR SEMS SKYED PAR BYED PA YANG DGE BA'I CHOS @58A *, ,RNAMS LA GCES SPRAS BYED PA YIN PAR NGA SMRA NA, LUS DANG NGAG GIS RJES SU SGRUB PA LTA SMOS KYANG CI DGOS, DE BZHIN DU SEMS 'DI SNYED KYIS MNGON PAR RTOGS PAR BYED PA DANG, DE BZHIN DU SEMS DANG BA GCIG GIS NI BDE 'GROR 'GRO BAR 'GYUR RO ZHES BYA BA LA SOGS PA JI SKAD GSUNGS PA STE, DE LA 'JUG PAR GTOGS PA'I SEMS KYI RGYUN GCIG GIS NI THA SNYAD DANG LDAN PA'I SEMS GCIG KUN NAS SLONG BAR BYED LA, THA SNYAD DANG LDAN PA'I RGYUN GCIG GIS NI TSIG GCIG RJOD PAR BYED CING LUS KYI LAS KYANG KUN NAS SLONG BAR BYED DO, ,DE LA CI RNAM PAR RTOG PA CAN DANG RNAM PAR RTOG PA MED PA'I SEMS DA LTAR BYUNG BA'I YUL NYID KYIS YUL MTSUNGS PA'AM, YUL MI MTSUNGS PAR BRJOD PAR BYA ZHE NA, SMRAS PA YUL MTSUNGS PAR BRJOD PAR BYA'O, ,RGYU GANG GIS SHE NA, SMRAS PA, RGYU GSUM GYIS GSAL BA'I PHYIR DANG, DE LA RTZOL BA'I PHYIR DANG, GNAS GNYIS KYIS BRTAS PAR BYAS PA'I PHYIR RO, ,SEMS NYON MONGS PA CAN DU SKYE BAR 'GYUR BA GANG YIN PA DE CI NGO BO NYID LAS NYON MONGS PA CAN DU BRJOD PAR BYA'AM, 'ON TE MTSUNGS PAR LDAN PAR LAS SAM, 'ON TE BAG LA NYAL LAS SHE NA, SMRAS PA, MTSUNGS PAR LDAN PA DANG BAG LA NYAL LAS YIN GYI, NGO BO NYID LAS NI MA YIN NO, ,GAL TE NGO BO NYID LAS NYON MONGS PA CAN DU GYUR NA NI DE 'DOD CHAGS LA SOGS PA BZHIN DU GTAN RNAM PAR MI 'DAG PA'I SKYON DU 'GYUR RO; ,DE LTA BAS NA NGO BO NYID KYIS KUN NAS NYON MONGS PA CAN MA YIN PA'I PHYIR SEMS NI RANG BZHIN GYIS 'OD GSAL BA NYID DU SKYE'O, ,DE LA KUN NAS DKRIS PA SEMS KUN NAS NYON MONGS PA DE GNYIS LAS GANG YIN PAR BRJOD PAR BYA ZHE NA, SMRAS PA MTSUNGS PAR LDAN PA YIN PAR BRJOD PAR BYA'O, ,DE LA BAG LA NYAL GANG ZHE NA, NYON MONGS PA'I PHYOGS DANG MTHUN PA'I GNAS NGAN LEN GANG YIN PA STE 'DU BYED RNAMS KYI NYES PAR KUN TU GNAS PA NYID DANG, NYES PAR ZHUGS PA NYID DO, ,'PHAGS PA RNAMS KYIS GANG 'DU BYED KYI SDUG BSNGAL NYID @58B KYIS SDUG BSNGAL BAR MNGON PAR RTOGS NAS, 'DU BYED THAMS CAD LA SDUG BSNGAL BAR GZIGS SHING GNAS PA DE YANG JI LTAR GZIGS SHE NA, 'DI LTA STE RTOG PA DANG BCAS SHING DPYOD PA DANG BCAS PA'I SA'I DNGOS GZHIR 'DI LTA STE, YONGS SU GDUNG BA DANG BCAS PA DANG, 'BRAS BU DANG BCAS PA ZHES BYA BA LA SOGS PA RGYA CHER BSTAN PA BZHIN DU RIG PAR BYA'O, ,YANG SEMS KUN NAS NYON MONGS PA RNAM PA GSUM GYIS KUN NAS NYON MONGS PA THAMS CAD BSDUS PAR BLTA BAR BYA STE, LAS KYI KUN NAS NYON MONGS PA DANG, TSE'I KUN NAS NYON MONGS PA DANG; NYON MONGS PA'I KUN NAS NYON MONGS PAS SO, ,DE LA KUN NAS NYON MONGS PA DANG PO DANG GNYIS PA NI 'DOD PA NA SPYOD PA DAG YIN NO, ,THA MA NI KHAMS GSUM NA SPYOD PA YIN NO, ,DE LA SEMS KYI KUN NAS NYON MONGS PA'I 'CHING BA GANG ZHE NA, SMRAS PA, BAG LA NYAL GANG YIN PA'O, ,LAS KYI 'CHING BA GANG ZHE NA, SMRAS PA, LAS LA DGA' BA YANG LAS KYI 'CHING BA YIN NO, ,GNAS GSUM PO 'DI LTA STE, NGES PAR 'BYUNG BA'I SEMS DANG, NGES PAR BYUNG NAS DGA' BA THOB PA DANG, LAM LA DGA' BA THOB PA LA GEGS ? BYED PA'I LAS KYANG LAS KYI 'CHING BA YIN NO, ,RNAM PAR SMIN PA'I SGRIB PA DANG MTHUN PA'I LAS KYANG LAS KYI 'CHING BA YIN NO, ,LOG PAR SMON PA'I LAS KYANG LAS KYI 'CHING BA YIN TE, BZHI PO DE DAG YOD NA DRUG TU 'GYUR LA, DRUG YOD NA YANG BZHIR 'GYUR RO, ,RNAM PAR SHES PA 'BYUNG BA NA SEMS LAS BYUNG BA'I CHOS KUN TU 'GRO BA DU 'BYUNG ZHE NA, SMRAS PA, LNGA STE YID LA BYED PA DANG, REG PA DANG, TSOR BA DANG, 'DU SHES DANG, SEMS PA'O, ,KUN TU 'GRO BA MA YIN PA DU 'BYUNG ZHE NA, SMRAS PA, KUN TU 'GRO BA MA YIN PA NI MANG MOD KYI GTZO BO NI LNGA STE, 'DI LTA STE, 'DUN PA DANG, MOS PA DANG, DRAN PA DANG, TING NGE 'DZIN DANG, SHES RAB BO, ,YID LA BYED PA GANG ZHE NA, SEMS KYI RTZOL BA GANG YIN PA'O, ,REG PA GANG ZHE NA, GSUM 'DUS PA LAS DON 'DZIN PA GANG YIN PA'O, ,TSOR BA GANG ZHE NA, GSUM 'DUS PA LAS DON SO SOR MYONG BA GANG YIN PA'O, ,'DU SHES GANG ZHE NA, GSUM 'DUS PA NYID @59A *, ,LAS DMIGS PAR 'DOGS PA LA BRDAR 'DZIN PA GANG YIN PA STE, DE YANG RJES SU SAD PA DANG, THA SNYAD BAG LA NYAL BA'O, ,DE LA RJES SU SAD PA NI 'DI LTA STE, LHA DANG MI THA SNYAD LA MKHAS PA RNAMS KYI'O, ,THA SNYAD BAG LA NYAL BA NI 'DI LTA STE, BYIS PA THA SNYAD LA MI MKHAS PA RNAMS DANG, THA NA RI DVAGS DANG BYA RNAMS KYI'O, ,SEMS PA GANG ZHE NA, GSUM 'DUS PA LAS DMIGS PA DE LA TSOR BA DANG, PHRAD PA DANG, 'BRAL BA'I PHYIR SEMS MNGON PAR 'DU BYED PA GANG YIN PA'O, ,'DUN PA GANG ZHE NA, YUL DE DANG DE LA DE'I RJES SU 'GRO BA DANG; DE 'DOD PA NYID GANG YIN PA'O, ,MOS PA GANG ZHE NA, YUL DE DANG DE LA DE'I RJES SU 'GRO BA DANG, DE LA NGES PAR 'DZIN 'DOD PA GANG YIN PA'O, ,DRAN PA GANG ZHE NA, YUL DE DANG DE LA DE'I RJES SU 'GRO BA DANG, MNGON PAR BRJOD PA NYID GANG YIN PA'O, ,TING NGE 'DZIN GANG ZHE NA; YUL DE DANG DE LA DE'I RJES SU 'GRO BA DANG, NGES PAR SEMS PA LA BRTEN NAS SEMS RTZE GCIG PA GANG YIN PA'O, ,SHES RAB GANG ZHE NA, YUL DE DANG DE LA DE'I RJES SU 'GRO BA DANG, CHOS RNAMS RAB TU 'BYED PA GANG YIN PA STE, DE YANG RIGS PAS BSKYED PA DANG, RIGS PA MA YIN PAS BSKYED PA DANG, RIGS PA YANG MA YIN RIGS PA MA YIN PA YANG MA YIN PAS BSKYED PA'O, ,DE LA YID LA BYED PA LAS GANG DANG LDAN ZHE NA, SMRAS PA, DMIGS PA LA SEMS GTOD PA'I LAS CAN YIN NO, ,REG PA LAS GANG DANG LDAN ZHE NA, TSOR BA DANG; 'DU SHES DANG, SEMS PA RNAMS KYI RTEN BYED PA'I LAS CAN YIN NO, ,TSOR BA LAS GANG DANG LDAN ZHE NA, SRED PA SKYED PA DANG, BTANG SNYOMS SU 'JOG PA'I LAS CAN YIN NO, ,'DU SHES LAS GANG DANG LDAN ZHE NA, DMIGS PA LA SEMS KYIS MTSAN MAR 'DZIN PA DANG, THA SNYAD 'DOGS PA'I LAS CAN YIN NO, ,SEMS PA LAS GANG DANG LDAN ZHE NA, RNAM PAR RTOG PA DANG, LUS DANG NGAG GI LAS KUN NAS SLONG BA'I LAS CAN YIN NO, ,'DUN PA LAS GANG DANG LDAN ZHE NA, BRTZON 'GRUS RTZOM PA SKYED PA'I LAS CAN YIN NO, ,MOS PA LAS GANG @59B DANG LDAN ZHE NA, DMIGS PA LA YON TAN NAM, SKYON NAM, GNYI GA MA YIN PA LA MOS PA'I LAS CAN YIN NO, ,DRAN PA LAS GANG DANG LDAN ZHE NA, YUN RING PO NAS BSAMS PA DANG, BYAMS PA DANG, SMRAS PA DRAN PA RJES SU DRAN PAR BYED PA'I LAS CAN YIN NO, ,TING NGE 'DZIN LAS GANG DANG LDAN ZHE NA, SHES PA'I RTEN BYED PA'I LAS CAN YIN NO, ,SHES RAB LAS GANG DANG LDAN ZHE NA, SPROS PA DANG, RGYU BA DANG, KUN NAS NYON MONGS PA DANG, RNAM PAR BYANG BA DANG, RJES SU MTHUN PAR KUN TU RTOG PA'I LAS CAN YIN NO, ,KUN TU 'GRO BA MA YIN PA GANG DAG YIN PA DE DAG DNGOS PO SO SOR NGES PA GANG LA SKYE BAR 'GYUR ZHE NA, SMRAS PA, RNAM PA BZHI PO 'DOD PA DANG, NGES PA DANG, 'DRIS PA DANG, NYE BAR BRTAGS PA LA GO RIMS BZHIN DU STE, DE LA TING NGE 'DZIN DANG SHES RAB NI THA MA LA'O, ,LHAG MA RNAMS NI GO RIMS BZHIN DU GONG MA GSUM LA'O, ,DE LA DE LAS GZHAN PA'I PHUNG PO GANG DAG MING GIS BSDUS PA, SEMS DANG MTSUNGS PAR LDAN PA DE DAG NYE BAR GNAS PA LAS BYUNG BA YIN PAR BRJOD PAR BYA'AM, TSOR BA PA'AM, NGES PA YIN PAR BRJOD PAR BYA ZHE NA, SMRAS PA, DE DANG RIGS MTHUN PA'I SEMS LA DE DANG RIGS MTHUN PA NYID YIN PAR BRJOD PAR BYA'O, ,GZUGS CAN MA YIN PA'I PHUNG PO BZHI PO 'DI DAG NI 'DRES PAR BRJOD PAR BYA'I, MA 'DRES PA NI MA YIN NO, ,CHOS 'DI DAG NI SO SOR PHYE NA BYE BRAG DMIGS PAR BRJOD PAR MI NUS SO ZHES GANG GSUNGS PA DE CI'I PHYIR MTSAN NYID THA DAD PAR GRUB PA RNAMS 'DRES PAS BYE BRAG MED CES GSUNGS SHE NA, SMRAS PA, 'DUS NAS DMIGS PA LA NYE BAR SPYOD PA DANG, DON RTOGS PA YONGS SU RDZOGS PAR 'GYUR BA'I PHYIR TE, GZHAN DU NA GANG YANG RUNG BA ZHIG MED NA DON DE YONGS SU RDZOGS PAR MI 'GYUR BA KHO NA'I PHYIR RO, ,SEMS DANG SEMS LAS BYUNG BA'I CHOS DE DAG LA MING GI RNAM GRANGS DU YOD CE NA, SMRAS PA, RAB TU MANG STE 'DI LTA STE, DMIGS PA DANG BCAS PA DANG, MTSUNGS PA DANG LDAN PA DANG, RNAM PA DANG BCAS PA DANG, GNAS DANG BCAS PA ZHES BYA BA DANG, DE @60A *, ,LTA BU DANG MTHUN PA RNAMS SO, ,MIG LA SOGS PA YANG YUL YOD PA YIN NA, CI'I PHYIR DE DAG NYID DMIGS PA DANG BCAS PA YIN LA, MIG LA SOGS PA MA YIN ZHE NA, SMRAS PA, DE DAG NI YUL MED KYANG SKYE BAR 'GYUR GYI, SEMS DANG SEMS LAS BYUNG BA RNAMS NI DE LTA MA YIN PA'I PHYIR RO, ,CI'I PHYIR MTSUNGS PAR LDAN PA DAG CES BYA ZHE NA, SMRAS PA, RDZAS MTSUNGS PA DANG, YUL MTSUNGS PA DANG, DUS MTSUNGS PA DANG, BYA BA BYED PA MTSUNGS PA NYID KYI PHYIR RO, ,CI'I PHYIR RNAM PA DANG BCAS PA DAG CES BYA ZHE NA, SMRAS PA, DMIGS PA GCIG LA RNAM PA DU MA 'JUG PA'I PHYIR RO, ,CI'I PHYIR GNAS DANG BCAS PA DAG CES BYA ZHE NA, SMRAS PA, GNAS SNA TSOGS LA 'JUG PA'I RANG BZHIN YIN PA'I PHYIR RO, ,'DUS BYAS KYI CHOS NI 'GA' YANG GNAS PA MED PA MA YIN NO ZHE NA, DON GYI SKABS 'DIR BSTAN PA'I GNAS KYI TSAD MA NI MI BYED DO, ,CI'I PHYIR BDE BA'I TSOR BA'I CHA MI MTHUN PA NI SDUG BSNGAL GYI TSOR BA ZHES BYA, SDUG BSNGAL GYI TSOR BA'I CHA MI MTHUN PA DE NI BDE BA'I TSOR BA ZHES BYA, BDE BA DANG SDUG BSNGAL GYI TSOR BA'I CHA MI MTHUN PA NI SDUG BSNGAL YANG MA YIN BDE BA YANG MA YIN PA'I TSOR BA ZHES BYA ZHE NA, SMRAS PA, RANG GI RIGS DANG CHA MI MTHUN PAS CHA MI MTHUN PA NYID YIN PA'I PHYIR RO, ,CI'I PHYIR SDUG BSNGAL YANG MA YIN BDE BA YANG MA YIN PA'I TSOR BA'I CHA MTHUN PA MA RIG PA ZHES BYA ZHE NA, SMRAS PA, TSOR BA DANG, KUN NAS NYON MONGS PA THAMS CAD KYI GROGS YIN PAS CHA MTHUN PA NYID YIN PA'I PHYIR RO, ,CI'I PHYIR MA RIG PA'I GNYEN PO RIG PA ZHES BYA ZHE NA, SMRAS PA, MI MTHUN PA'I PHYOGS DANG, GNYEN PO'I PHYOGS KYIS GNYEN PO NYID YIN PA'I PHYIR RO, ,CI'I PHYIR RIG PA'I NYE BA'I CHA MYA NGAN LAS 'DAS PA ZHES BYA ZHE NA, SMRAS PA, RGYU DANG 'BRAS BUR 'BREL PAS NYE BA'I CHA NYID YIN PA'I PHYIR RO, ,PHUNG PO GZUGS CAN MA YIN PA BZHI PO DE DAG GI DGE BAR RNAM PAR GZHAG PA NI JI LTA BU YIN, MI DGE BAR RNAM PAR GZHAG PA NI JI LTA BU YIN, LUNG DU MA BSTAN PAR RNAM PAR GZHAG PA NI JI LTA BU YIN ZHE NA, DE DAG @60B THAMS CAD BYE BRAG MED PA'I SDOM NI, GNAS DANG NGO BO NYID DANG NI, ,MTSUNGS PAR LDAN DANG KUN RDZOB DANG, ,CHUNG NGU LA SOGS GZHI DBYE DANG, ,YON TAN SKYON DANG MI MTHUN PHYOGS, ,DE LA DGE BA'I GNAS DAG NI DU ZHE NA, MDOR BSDU NA DRUG STE, 'DI LTA STE, NGES PA'I DUS DANG LDOG PA'I DUS DANG, LAS KYI DUS DANG, 'JIG RTEN PA'I RNAM PAR DAG PA'I DUS DANG, 'JIG RTEN LAS 'DAS PA'I RNAM PAR DAG PA'I DUS DANG, SEMS CAN LA PHAN 'DOGS PA'I DUS SO, ,NGO BO NYID GANG ZHE NA, 'DI LTA STE, DAD PA DANG, NGO TSA SHES PA DANG, KHREL YOD PA DANG; MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS DANG, SHIN TU SBYANGS PA DANG, BAG YOD PA DANG, BTANG SNYOMS DANG, RNAM PAR MI 'TSE BA STE, DE LTAR DE DAG NI DGE BA'I CHOS RNAMS KYI NGO BO NYID YIN NO, ,CHOS DE DAG JI LTAR PHAN TSUN MTSUNGS PAR LDAN PAR BLTA BAR BYA ZHE NA, SMRAS PA, NGES PA'I DUS NA NI THA DAD PA DANG MTSUNGS PAR LDAN NO, ,KUN NAS NYON MONGS PA LAS LDOG PA'I DUS NA NI BDAG DANG GZHAN LA BRTEN NAS NGO TSA SHES PA DANG, KHREL YOD PA DANG NGO, ,DGE BA'I PHYOGS KYI LAS LA 'JUG PA'I DUS NA NI MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS DANG NGO, ,'JIG RTEN PA'I 'DOD CHAGS DANG BRAL BA'I DUS NA NI SHIN TU SBYANGS PA DANG NGO, ,'JIG RTEN LAS 'DAS PA 'DOD CHAGS DANG BRAL BA'I DUS NA NI, BAG YOD PA DANG, BTANG SNYOMS DANG NGO, , SEMS CAN LA PHAN 'DOGS PA'I DUS NA NI RNAM PAR MI 'TSE BA DANG STE DE NI SNYING RJES BSDUS PA YIN PA'I PHYIR RO, ,DGE BA'I CHOS DE DAG LAS DU ZHIG NI KUN RDZOB TU YOD, DU ZHIG NI RDZAS SU YOD CE NA, SMRAS PA, GSUM NI KUN RDZOB TU YOD PA YIN TE, BAG YOD PA DANG, BTANG SNYOMS DANG; RNAM PAR MI 'TSE BA'O, ,BAG YOD PA DANG BTANG SNYOMS NI MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS KYI CHA YIN PA'I PHYIR TE, CHOS DE DAG NI KUN NAS NYON MONGS PA MED PA'I DON GYIS BTANG SNYOMS YIN PA DANG, KUN NAS NYON MONGS @61A *, ,PA'I GNYEN PO'I DON GYIS BAG YOD PA YIN PAR RNAM PAR GZHAG GO , ,RNAM PAR MI 'TSE BA NI ZHE SDANG MED PA'I CHA YIN PA'I PHYIR RO, ,DE LA DGE BA'I RTZA BA CHUNG NGU GANG YIN ZHE NA, SMRAS PA, MNYAM PAR MA BZHAG PA'I SA PA'AM, MNYAM PAR GZHAG PA'I SA PA NYON MONGS PA'I RNAM PA CHEN PO'I GNYEN PO GANG YIN PA'O, ,'BRING GANG ZHE NA, SMRAS PA, 'JIG RTEN PA'I MNYAM PAR GZHAG PA'I RNAM PA 'BRING GI GNYEN PO GANG YIN PA'O, ,CHEN PO GANG ZHE NA, SMRAS PA, 'JIG RTEN LAS 'DAS PA'AM, NYON MONGS PA'I RNAM PA CHUNG NGU'I GNYEN PO GANG YIN PA'O, ,YANG DGE BA MNGON PAR 'DU BYED PA LAS KYANG CHEN PO NYID YIN PAR RIG PAR BYA'O, ,GOMS PA DANG, NGO BO NYID DANG, ZHING DANG, DNGOS PO DANG, RNAM PAR DAG PA LAS KYANG CHEN PO NYID YIN PAR RIG PAR BYA'O, ,DGE BA'I RTZA BA SKYE BA NA GZHI DU DAG LAS SKYE BAR 'GYUR ZHE NA, SMRAS PA, MDOR BSDU NA BRGYAD LAS TE, 'DI LTA STE SBYIN PA LAS BYUNG BA'I BSOD NAMS BYA BA'I DNGOS PO DANG, TSUL KHRIMS LAS BYUNG BA DANG, BSGOMS PA LAS BYUNG BA DANG, THOS PA LAS BYUNG BA DANG, BSAMS PA LAS BYUNG BA DANG, DE LAS GZHAN PA BSGOMS PA LAS BYUNG BA DANG, SO SOR RTOGS PA LAS BYUNG BA DANG, SEMS CAN LA PHAN 'DOGS PA'I DNGOS PO LAS SO, ,DE LA JI SKAD BSTAN PA'I GZHI DE DAG LA CI RIGS PA TSE 'DI DANG, TSE PHYI MA LA 'DOD PA DANG ZHE SDANG DANG LTA BA NGAN PA DAG LAS GANG YANG RUNG BAS SNGON KUN TU SUN PHYUNG BA'I SEMS KYI RGYUD LA GANG GIS KUN TU SUN PHYUNG BA DE'I GNYEN POS DE DANG MTSUNGS PAR MI LDAN PA YIN PAR LTA BAR BYA'O, ,DE LA DGE BA'I RAB TU DBYE BA GANG ZHE NA, SMRAS PA, 'DI LTA STE, SA'I DNGOS GZHIR RNAM PA GCIG NAS RNAM PA BCU'I BAR DU BSTAN PA'O, ,YANG DGE BA NI KUN NAS NYON MONGS PA'I GNYEN PO LAS KYANG YOD DO, ,KUN NAS NYON MONGS PA NYE BAR ZHI BA LAS KYANG YOD DO, ,'DOD PA'I 'BRAS BU YONGS SU 'DZIN PA LAS KYANG YOD DO, ,SEMS NI RGYUD DAG PA LAS KYANG YOD DO, ,MCHOD RTEN BYED PA LAS KYANG YOD DO, ,SEMS CAN LA PHAN @61B 'DOGS PA LAS KYANG YOD DO, ,DE LTAR DE LTA BU DANG MTHUN PA DE DAG NI DGE BA'I RAB TU DBYE BA YIN PAR RIG PAR BYA'O, ,DE LA DGE BA LA NYES DMIGS NI MED DO, ,DE'I PHAN YON GANG ZHE NA, SMRAS PA, DGE BA'I PHAN YON NI MANG STE, 'DI LTA STE NYON MONGS PA'I KUN NAS DKRIS PA DANG BAG LA NYAL LA SEMS RNAM PAR SBYONG BAR BYED PA DANG, DMIGS PA LA PHYIN CI LOG MED PAR BYED PA DANG, DGE BA'I RTZA BA BRTAN PAR BYED PA DANG, RGYU MTHUN PA LAS BYUNG BA'I 'DU SHES KYI RGYUD LA 'JUG PAR BYED PA DANG, BDAG LA GNOD PAR MI 'GYUR BA DANG, GZHAN LA GNOD PAR MI 'GYUR BA DANG, GNYI GA LA GNOD PAR MI 'GYUR BA DANG, TSE 'DI'I KHA NA MA THO BA 'PHEL BAR MI 'GYUR BA DANG, TSE PHYI MA'I KHA NA MA THO BA 'PHEL BAR MI 'GYUR BA DANG, TSE 'DI DANG PHYI MA'I KHA NA MA THO BA 'PHEL BAR MI 'GYUR BA DANG, DE LAS BYUNG BA'I BDE BA DANG YID BDE BA SO SOR MYONG BAR BYED PA DANG, SKYE BA LA SOGS PA'I SDUG BSNGAL ZAD PAR BYED PA DANG, MYA NGAN LAS 'DAS PA LA MOS PA 'PHEL BAR BYED PA DANG, DE LA YANG SBYOR BAR BYED PA DANG, LONGS SPYOD NYAMS PAR MI 'GYUR BA DANG, 'KHOR GYI NANG DU BAG 'KHUNGS PA MED DE SRO BZANG BA DANG, 'JIGS PA MED PAR 'GRO BAR 'GYUR BA DANG, PHYOGS DANG PHYOGS MTSAMS RNAMS SU SNYAN PA RGYA CHEN PO GRAGS PAR 'GYUR BA DANG, DAM PA RNAMS KYIS BSNGAGS PAR 'GYUR BA DANG, 'GYOD PA MED PAR 'CHI BA'I DUS BYED PAR 'GYUR BA DANG, LUS ZHI GNAS KYANG BDE 'GROR SKYE BAR 'GYUR BA DANG; DGE BA'I CHOS RNAMS LAS YONGS SU NYAMS PAR MI 'GYUR BA DANG, BDAG GI DON RJES SU THOB PAR 'GYUR BA STE, DE LTAR DE LTA BU DANG MTHUN PA DAG NI DGE BA'I PHAN YON MANG PO DAG YIN PAR BLTA BAR BYA'O, ,DE LA DGE BA'I GNYEN PO LAS JI LTAR RNAM PAR GZHAG CE NA, SMRAS PA, RNAM PA BCO LNGA STE, 'DI LTA STE, RNAM PAR SUN 'BYIN PA GNYEN PO DANG, SPONG BA GNYEN PO DANG, KUN TU 'DZIN PA GNYEN PO DANG, THAG BSRINGS PA GNYEN PO DANG, 'DOD CING KHAS BLANGS PA'I KUN NAS DKRIS PA'I GNYEN PO DANG, 'DOD CING KHAS BLANGS PA MED PA'I @62A *, ,KUN NAS DKRIS PA'I GNYEN PO DANG, BAG LA NYAL GYI GNYEN PO DANG, NYON MONGS PA CHUNG NGU'I GNYEN PO DANG, NYON MONGS PA 'BRING GI GNYEN PO DANG, NYON MONGS PA CHEN PO'I GNYEN PO DANG, RNAM PAR G-YENG BA'I GNYEN PO DANG, GZHAN 'DEBS PA'I GNYEN PO DANG, RTZE 'JIL BA'I GNYEN PO DANG, RNAM PAR GNON PA'I GNYEN PO DANG, BRAL BA'I GNYEN PO LAS SO, ,DE LA NYON MONGS PA CAN GYI CHOS RNAMS NI GNAS GNYIS KYIS RAB TU PHYE BA YIN TE, NYON MONGS PA RNAMS DANG, NYE BA'I NYON MONGS PA RNAMS KYIS SO, ,DE LA RE ZHIG NYON MONGS PA RNAMS KYI DBANG DU BYAS NAS BSHAD PAR BYA STE, DE'I 'OG TU NI NYE BA'I NYON MONGS PA RNAMS BSHAD PAR BYA'O, ,NYON MONGS PA RNAMS KYI GNAS DU YOD CE NA, SMRAS PA, DRUG STE, MA RIG PA DANG BCAS SHING YID DU 'ONG LA KUN NAS NYON MONGS PA CAN GYI YUL DANG, MA RIG PA DANG BCAS SHING YID DU MI 'ONG BA LA KUN NAS NYON MONGS PA CAN GYI YUL DANG, TSUL BZHIN MA YIN PA'I YID LA BYED PA DANG BCAS SHING KUN NAS NYON MONGS PA CAN GYI YUL DANG, MA RIG PA DANG BCAS SHING RANG GI NYE BAR LEN PA'I PHUNG PO LNGA PO RNAMS DANG, SEMS CAN DMAN PA NGANG, MTSUNGS PA DANG KHYAD PAR DU 'PHAGS PA RNAMS DANG THOB PAR BYA BA MA THOB PA LA PHYIN CI LOG DANG, YON TAN LA PHYIN CI LOG DANG, MA RIG PA DANG TSUL BZHIN MA YIN PA YID LA BYED PA DANG BCAS SHING DAM PA MA YIN PA'I CHOS NYAN PA DANG, MA RIG PA DANG TSUL BZHIN MA YIN PA YID LA BYED PA DANG BCAS SHING DAM PA MA YIN PA'I CHOS NYAN PA DANG LE LO'O, ,DE LA DANG PO NI PHRAD PAR MNGON PAR DGA' BA NYID KYI PHYIR RO, ,GNYIS PA NI 'BRAL BAR MNGON PAR DGA' BA NYID KYI PHYIR RO, ,GSUM PA NI YUL LA PHYIN CI LOG PA NYID KYI PHYIR RO, ,BZHI PA NI 'GRAN CING MNGON PA'I NGA RGYAL BYED PA'I PHYIR RO, ,LNGA PA NI LOG PA'I CHOS LA MNGON PAR ZHEN CING SGRUB PA'I PHYIR RO, ,DRUG PA NI SGRUB PA DANG LDOG PAR MI BYED PA'I PHYIR GNAS YIN PAR RIG PAR BYA'O, ,NYON MONGS PA'I NGO BO NYID GANG ZHE NA, DE YANG RNAM PA DRUG STE, 'DOD CHAGS DANG, KHONG KHRO BA DANG, MA RIG PA DANG, @62B NGA RGYAL DANG, LTA BA DANG, THE TSOM MO, ,NYON MONGS PA GANG DANG NYON MONGS PA GANG MTSUNGS PAR LDAN PAR BRJOD PAR BYA ZHE NA, SMRAS PA, MA RIG PA NI THAMS CAD DANG MTSUNGS PAR LDAN PA YIN NO, ,THE TSOM NI GANG DANG YANG MA YIN NO, ,'DOD CHAGS DANG KHONG KHRO BA NI PHAN TSUN MA YIN NO; ,'DOD CHAGS DANG KHONG KHRO BA NYID NI NGA RGYAL DANG LTA BA DANG STE, LAN 'GA' GANG GI TSE CHAGS PAR GYUR PA NA RLOM PAR BYED PA'AM RTOG PAR BYED PA'I PHYIR RO, ,CHAGS PAR GYUR PA JI LTA BA BZHIN DU ZHE SDANG BAR 'GYUR BA YANG DE BZHIN NO, ,NGA RGYAL DANG LTA BA YANG LAN 'GA' PHAN TSUN MTSUNGS PAR LDAN PAR 'GYUR TE, GANG GI TSE RLOM PAR GYUR PA NA RTOG PAR BYED PA'I PHYIR RO, ,NYON MONGS PA DE DAG LAS DU ZHIG NI KUN RDZOB TU YOD PA YIN, DU ZHIG NI RDZAS SU YOD PA YIN ZHE NA, SMRAS PA, LTA BA NI KUN RDZOB TU YOD PA YIN TE, SHES RAB KYI CHA YIN PA'I PHYIR RO, , LHAG MA RNAMS NI RDZAS SU YOD PA DANG SEMS DANG SEMS LAS BYUNG BA DAG YIN NO, ,DE DAG NI CHUNG NGU DANG 'BRING DANG CHEN POR RNAM PAR GZHAG PA JI LTA BU YIN ZHE NA, SMRAS PA, GANG DAG THAMS CAD KYI THA MAR SPONG BAR 'GYUR BA DE DAG NI CHUNG NGU DAG YIN NO, ,GANG DAG BAR DU SPONG BAR 'GYUR BA DE DAG NI 'BRING DAG YIN NO, ,GANG DAG DANG POR SPONG BAR 'GYUR BA DE DAG NI CHEN PO DAG YIN NO, ,YANG NYON MONGS PA RNAMS KYI CHEN PO NYID NI RNAM PA DRUG GIS RIG PAR BYA STE, 'DI LTA STE, 'DOD PA NA SKYES PA'I NYON MONGS PA NI RANG BZHIN GYIS CHEN PO YIN PAR RIG PAR BYA BA DANG; DE BZHIN DU SNGON GOMS PA DANG, DE BZHIN DU GNAS LA GNAS PA STE, DBANG PO YONGS SU SMIN PA RNAMS KYI GANG YIN PA DANG, DE BZHIN DU BSGRUB TU MI RUNG BA STE, YONGS SU MYA NGAN LAS MI 'DA' BA'I CHOS CAN RNAMS KYI GANG YIN PA DANG, DE BZHIN DU GNAS MA YIN PA BLA MA DANG SBYIN GNAS LA SOGS PA NGAG LA 'JUG PA GANG YIN PA DANG, LAS DANG BCAS PA STE, LAS KUN NAS SLONG BA'I PHYIR NYE BAR GNAS PA'I NYON MONGS PA GANG YIN PA DE NI CHEN PO NYID YIN PAR RIG PAR BYA'O, ,NYON MONGS PA SKYE BA NA GANG LAS SKYE BAR 'GYUR BA'I NYON MONGS PA @63A *, ,RNAM KYI GZHI GANG ZHE NA, SMRAS PA, 'DOD CHAGS KYI GZHI NI BCU STE, 'DI LTA STE, NYE BAR LEN PA'I PHUNG PO RNAMS DANG, LTA BA RNAMS DANG, MA THOB PA'I YUL DANG, THOB PA'I YUL DANG, SPYAD NAS 'DAS PA'I YUL DANG, NYES PAR SPYAD PA DANG, BU DANG 'DRIS PA DANG, YO BYAD DANG, YANG 'BYUNG BA DANG, 'JIG PA RNAMS SO, ,GZHI GANG LAS 'DOD CHAGS CI 'DRA BA 'BYUNG ZHE NA, SMRAS PA, BCU PO DAG LAS BCU PO RNAMS GO RIMS BZHIN TE, 'DI LTA STE, DNGOS PO'I 'DOD CHAGS DANG, LTA BA'I 'DOD CHAGS DANG, CHAGS PA'I 'DOD CHAGS DANG, SER SNA'I 'DOD CHAGS DANG, SGRIB PA'I 'DOD CHAGS DANG, NYES PAR SPYOD PA'I 'DOD CHAGS DANG, BU TSA'I 'DOD CHAGS DANG, PHYOGS DANG 'KHOR GYI 'DOD CHAGS DANG, YO BYAD KYI 'DOD CHAGS DANG, YANG 'BYUNG BA DANG, 'JIG PA'I 'DOD CHAGS SO, ,KHONG KHRO BA'I GZHI YANG BCU STE, BDAG NYID DANG SEMS CAN SDUG PA RNAMS DANG, SEMS CAN MI SDUG PA RNAMS DANG, 'DAS PA NA GNOD PA DANG, PHAN PA BYAS PA DANG, MA 'ONGS PA NA GNOD PA DANG, PHAN PA BYED PAR 'GYUR BA DANG, DA LTAR BYUNG BA NA GNOD PA DANG, PHAN PA BYED PA DANG, YUL YID DU MI 'ONG BA DANG, PHRAG DOG DANG, SNGON GOMS PA DANG, GZHAN DU BLTA BA STE, DE DAG LAS KHONG KHRO BA RNAM PA BCU RIM BZHIN DU SKYE BAR BLTA BAR BYA'O, ,DE LA GZHI DRUG LAS NI KUN NAS MNAR SEMS KYI DNGOS PO DGU PO DAG RNAM PAR GZHAG PAR RIG PAR BYA STE, DE DAG THAMS CAD NI SEMS CAN LA KHONG KHRO BA SHA STA GA YIN NO, ,DE LAS GZHAN PA DAG LAS NI YUL LA KHONG KHRO BA'O, ,MI BZOD PA SNGON DU 'GRO BA SEMS CAN LA KHONG KHRO BA DANG, GOMS PA SNGON DU 'GRO BA DANG, DE BZHIN DU BLTA BAS KHONG KHRO BA DE DAG NI MDOR BSDU NA KHONG KHRO BA RNAM PA GSUM DU 'GYUR TE, SEMS CAN LA KHONG KHRO BA DANG, YUL LA KHONG KHRO BA DANG, LTA BA LA KHONG KHRO BA'O, ,MA RIG PA SKYE BA'I GZHI NI BDUN TE, 'DI LTA STE, DUS KYI GZHI DANG, 'JIG RTEN GNAS PA'I GZHI DANG, 'PHO BA'I GZHI DANG, MCHOG GI GZHI DANG, DE KHO NA'I GZHI DANG, KUN NAS NYON MONGS PA'I GZHI DANG RNAM @63B PAR BYANG PA'I GZHI DANG, MNGON PA'I NGA RGYAL GYI GZHI'O, ,GZHI DE DAG LAS MI SHES PA RNAM PA BDUN NAM, RNAM PA BCU DGUR BLTA BAR BYA'O, ,DE LA DANG PO NI SGO GSUM NAS THE TSOM SKYE BA'I PHYIR RO, ,GNYIS PA NI SO SO NANG GI SKYE MCHED DRUG DANG, PHYI ROL DANG, GNYI GA LA BDAG DANG; BDAG GI DANG, MDZA' BSHES LA SOGS PA'I PHYOGS SU LTA BA SKYE BA'I PHYIR RO, ,GSUM PA NI LAS DANG RNAM PA SMIN PA DANG, DE GNYI GA LA BYED PA PO DANG, TSOR BA PA PO DANG, RGYU MED PA DANG, MI MTHUN PA RGYUR LTA BA SKYE BA'I PHYIR RO, ,BZHI PA NI DKON MCHOG GSUM LA SKUR PA 'DEBS PA'I PHYIR RO, ,LNGA PA NI BDEN PA LA SKUR PA 'DEBS PA'I PHYIR RO, ,DRUG PA NI LOG PAR BSGRUB PA'I PHYIR RO, ,BDUN PA NI BDAG GI DON MA THOB PA LA MNGON PA'I NGA RGYAL BYED PA'I PHYIR RO, ,NGA RGYAL SKYE BA'I GZHI NI DRUG STE, SEMS CAN DMAN PA RNAMS DANG, SEMS CAN MTSUNGS PA RNAMS DANG, SEMS CAN KHYAD PAR DU 'PHAGS PA RNAMS DANG, SO SO NANG GI NYE BAR LEN PA'I PHUNG PO RNAMS DANG, THOB PAR BYA BA MA THOB PA LA PHYIN CI LOG DANG, YON TAN LA PHYIN CI LOG PA STE, DE DAG LAS NGA RGYAL LAS KYANG NGA RGYAL LA SOGS PA NGA RGYAL RNAM PA BDUN SKYE'O; ,DE LA SEMS CAN KHYAD PAR DU 'PHAGS PA'I GZHI LAS NI NGA RGYAL RNAM PA GNYIS SKYE'O, ,GZHI LHAG MA RNAMS LAS NI NGA RGYAL RE RE SKYE'O, ,LTA BA RNAMS SKYE BA'I GZHI NI GNYIS TE, SGRO 'DOGS PA'I GZHI DANG, SKUR BA 'DEBS PA'I GZHI'O, ,DE LA SGRO 'DOGS PA'I GZHI NI RNAM PA BZHI STE, BDAG YOD PAR SGRO 'DOGS PA DANG, RTAG PA DANG, MI RTAG PA NYID DU SGRO 'DOGS PA DANG, MNGON PAR MTHO BA'I THABS SU SGRO 'DOGS PA DANG, THAR PA'I THABS SU SGRO 'DOGS PA'O, ,SKUR PA 'DEBS PA YANG RNAM PA BZHI STE, RGYU LA SKUR PA 'DEBS PA DANG, 'BRAS BU LA SKUR PA 'DEBS PA DANG, BYED PA LA SKUR BA 'DEBS PA DANG, YOD PA'I DNGOS PO LA SKUR PA 'DEBS PA'O, ,DE LA SBYIN PA MED DO ZHES BYA BA NAS LEGS PAR SPYAD PA DANG, NYES PAR SPYAD PA MED DO ZHES BYA BA'I BAR NI RGYU LA SKUR PA 'DEBS PA'O, ,LEGS PAR SPYAD PA @64A *, ,DANG NYES PAR SPYOD PA'I LAS RNAMS KYI 'BRAS BU RNAM PAR SMIN PA MED DO ZHES BYA BA NI 'BRAS BU LA SKUR PA 'DEBS PA'O, ,'JIG RTEN 'DI MED DO ZHES BYA BA NAS, SEMS CAN RDZUS TE SKYE BA MED DO ZHES BYA BA'I BAR NI BYED PA LA SKUR BA 'DEBS PA YIN PAR BLTA BAR BYA STE, 'DI LTAR BYED PA ZHES BYA BA NI DON GYI SKABS 'DIR SKYES BU'I BYED PA LA BYA STE, DE YANG RNAM PA BZHI STE, 'DI LTA STE, 'ONG BA DANG, 'GRO BA DANG, SA BON 'DEBS PA DANG, MNGAL 'DZIN PA DANG, YANG 'BYUNG BA'I LAS SKYES BU'I BYED PA'O, ,'JIG RTEN NA DGRA BCOM PA DAG MED DO ZHES SKUR PA 'DEBS PA DE DAG LA SOGS PA NI YOD PA'I DNGOS PO LA SKUR PA 'DEBS PA ZHES BYA STE, GZHI BRGYAD DAM GNYIS PO DE DAG LA LTA BA LNGA SKYE BAR 'GYUR TE, 'DI LTA STE, 'JIG TSOGS LA LTA BA DANG, MTHAR 'DZIN PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA DANG, LOG PAR LTA BA'O, ,GZHAN YANG MTHAR 'DZIN PAR LTA BA DANG, LOG PAR LTA BA SKYE BA'I GZHI NI SNGON GYI MTHAR RTOG PA RNAMS DANG, PHYI MA'I MTHAR RTOG PA RNAMS KYI GZHI DRUG CU RTZA GNYIS YIN TE, DE DAG NI MDO LAS 'BYUNG BA BZHIN DU RIG PAR BYA STE, GZHI DE DAG GI BYE BRAG NYID KYI LTA BAR GYUR PA DRUG CU RTZA GNYIS SU 'GYUR RO, ,THE TSOM SKYE BA'I GZHI NI DRUG STE, 'DI LTA STE, DAM PA MA YIN PA'I CHOS NYAN PA DANG, STON PA LOG PAR BSGRUB PA MTHONG BA DANG, SKUR PA RNAMS DANG, YID CHES PA RNAMS KYIS LUGS THA DAD PA MTHONG BA DANG, RANG BZHIN GYIS DMAN ZHING MONG RTUL BA NYID DANG, RANG BZHIN GYIS ZAB PA NYID KYI CHOS RNAMS DANG, CHOS RGYA CHEN PO RAB TU BSTAN PA NYID DO, ,NYON MONGS PA RNAMS KYI RAB TU DBYE BA GANG ZHE NA, DE DAG THAMS CAD KYI RAB TU DBYE BA NI RNAM PA BCO LNGA STE; 'DI LTA STE, NYON MONGS PA NANG DU BLTAS PA DANG, PHYIR BLTAS PA DANG, MTHONG BAS SPANG BAR BYA BA DANG, BSGOM PAS SPANG BAR BYA BA DANG, 'DOD CING KHAS BLANGS PA'I KUN NAS DKRIS PA DANG LDAN PA DANG, 'DOD CING KHAS BLANGS PA MED PA'I KUN NAS DKRIS PA @64B DANG LDAN PA DANG, BAG LA NYAL DANG LDAN PA DANG, CHUNG NGU DANG, 'BRING DANG, CHEN PO DANG, RNAM PAR G-YENG PA'I GNAS SKABS DANG, GZHAN 'DEBS PA'I GNAS SKABS DANG, RTZE 'JIL BA'I GNAS SKABS DANG, RNAM PAR GNON PA'I GNAS SKABS DANG, BRAL BA'I GNAS SKABS SO; ,NYON MONGS PA RNAMS LA PHAN YON NI MED DO, ,NYES DMIGS MANG PO RNAMS GANG ZHE NA, 'DI LTA STE, RTOG PA DANG BCAS SHING DPYOD PA DANG BCAS PA'I SA'I DNGOS GZHIR 'DI LTA STE, KUN NAS DKRIS PA LA SEMS KYI RGYUD KUN NAS NYON MONGS PAR BYED DO ZHES BYA BA LA SOGS PA RGYA CHER BSTAN PA'O, ,NYON MONGS PA NI GANG GI GNYEN PO YANG MA YIN PAR RIG PAR BYA'O, ,'O NA SRED PA LA BRTEN TE SRED PA SPONG BAR BYED DO, ,NGA RGYAL LA BRTEN TE NGA RGYAL SPONG BAR BYED DO ZHES GANG GSUNGS PA DE JI LTA BU ZHE NA, DE NI NYON MONGS PA MA YIN GYI, SEMS MNGON PAR 'DU BYED PA NI DGE BA YIN TE, DE NI 'DOD PA DANG KHENGS PA'I RNAM PA DANG CHOS MTHUN PA'I PHYIR SRED PA DANG NGA RGYAL ZHES BYA BAR ZAD DE, SEMS KUN NAS NYON MONGS PA'I GNYEN PO BCO LNGA SNGAR JI SKAD BSTAN PA DAG GI MI MTHUN PA'I PHYOGS NI NYON MONGS PA BCO LNGA PO DAG YIN PAR BLTA BAR BYA'O; ,NYE BA'I NYON MONGS PA RNAMS KYI GNAS GANG ZHE NA, DE NI RNAM PA DGUR BLTA BAR BYA STE, 'DI LTA STE PHAN TSUN LHAN CIG GNAS PA DANG, GCIG LA GCIG GLENG BA DANG, RNYED PA DANG, BKUR STI DANG, 'TSO BA NYAMS PA DANG, BLA MA RNAMS LA MI 'DUD PA DANG, MI BZOD PA DANG; LHAG PA'I TSUL KHRIMS NYAMS PA DANG, LHAG PA'I SEMS NYAMS PA DANG, LHAG PA'I SHES RAB NYAMS PA'O, ,NGO BO NYID GANG ZHE NA, 'DI LTA STE, KHONG KHRO BA DANG, KHON DU 'DZIN PA DANG, 'CHAB PA DANG, 'TSIG PA DANG, PHRAG DOG DANG, SER SNA DANG, SGYU DANG, G-YO DANG, RGYAGS PA DANG, RNAM PAR 'TSE BA DANG, NGO TSA MED PA DANG, KHREL MED PA DANG, RMUGS PA DANG, RGOD PA DANG, MA DAD PA DANG, LE LO DANG, BAG MED PA DANG, BRJED NGAS PA DANG, RNAM PAR G-YENG BA DANG, SHES BZHIN MA YIN PA DANG, 'GYOD PA DANG, GNYID DANG, RTOG PA DANG, DPYOD PA DANG, @65A *, ,DE LTAR DE LTA BU DANG MTHUN PA 'DI LTA STE, SA'I DNGOS GZHIR RGYA CHER BSTAN PA DAG NI NYE BA'I NYON MONGS PA RNAMS KYI NGO BO NYID YIN PAR BLTA BAR BYA'O, ,DE LA DANG PO DANG GNYIS PA NI GNAS DANG PO LAS SKYE BAR RIG PAR BYA'O, ,GSUM PA DANG BZHI PA NI GNAS GNYIS PA LAS SO, ,LNGA PA DANG DRUG PA NI GNAS GSUM PA LAS SO, ,BDUN PA DANG BRGYAD PA NI GNAS BZHI PA LAS SO, ,DGU PA NI GNAS LNGA PA LAS SO, ,BCU PA NI GNAS DRUG PA LAS SO, ,BCU GCIG PA DANG BCU GNYIS PA NI GNAS BDUN PA LAS SO, ,GZHAN BCU GNYIS PO NI GNAS THA MA GNYIS LAS SKYE BAR 'GYUR RO, ,DE LA LHAG PA'I SEMS DANG, LHAG PA'I SHES RAB NI SGO GSUM GYIS NYAMS PAR 'GYUR TE, ZHI GNAS KYI MA TSAN MNYAMS PA'I SGO DANG, RAB TU 'DZIN PA'I MTSAN MA NYAMS PA'I SGO DANG, BTANG SNYOMS KYI MTSAN MA NYAMS PA'I SGO NAS SO, ,DE LA DANG POS NI RMUGS PA DANG GNYID BSKYED DO, , GA NYIS PAS NI RGOD PA DANG 'GYOD PA'O, ,GNAS GSUM PAS NI MA DAD PA LA SOGS PA RTOG PA DANG DPYOD PA'I MTHAR THUG PA RNAMS PA SKYED DO, ,DE DAG JI LTAR PHAN TSUN MTSUNGS PAR LDAN PAR 'GYUR ZHE NA, NGO TSA MED PA DANG, KHREL MED PA NI MI DGE BA THAMS CAD DANG MTSUNGS PAR LDAN PA YIN NO; ,MA DAD PA DANG, LE LO DANG, BAG MED PA DANG, BRJED NGAS PA DANG, RNAM PAR G-YENG BA DANG, 'CHAL BA'I SHES RAB NI NYON MONGS PA CAN GYI SEMS THAMS CAD DANG MTSUNGS PAR LDAN NO, ,GNYID DANG 'GYOD PA NI DGE BA DANG MI DGE BA DANG, LUNG DU MA BSTAN PA THAMS CAD DANG YANG MTSUNGS PAR LDAN NO, ,LHAG MA RNAMS NI PHAN TSUN MTSUNGS PAR LDAN PA MA YIN PAR BLTA BAR BYA'O, ,NYE BA'I NYON MONGS PA DE DAG LAS DU ZHIG NI BRTAGS PA'I YOD PA YIN, DU ZHIG NI RDZAS SU YOD PA YIN ZHE NA, KHRO BA DANG, 'KHON DU 'DZIN PA DANG, 'TSIG PA DANG, PHRAG DOG DANG, RNAM PAR 'TSE BA NI KHONG KHRO BA'I CHAR GTOGS PA'I PHYIR BRTAGS PA'I YOD PA YIN NO, ,SER SNA DANG, RGYAGS PA DANG, RGOD PA NI 'DOD CHAGS KYI CHAR GTOGS PA'I PHYIR DE DAG KYANG BRTAGS PA'I YOD PA YIN NO, ,'CHAB PA DANG, SGYU DANG, G-YO DANG, RMUGS PA DANG, GNYID DANG @65B 'GYOD PA NI GTI MUG GI CHAR GTOGS PA'I PHYIR DE DAG KYANG BRTAGS PA'I YOD PA YIN NO, ,NGO TSA MED PA DANG, KHREL MED PA DANG, MA DAD PA DANG, LE LO NI RDZAS SU YOD PA YIN NO, ,BAG MED PA NI SNGA MA BZHIN DU BRTAGS PA'I YOD PA YIN NO, ,BRJED NGAS PA DANG, RNAM PAR G-YENG BA DANG, 'CHAL BA'I SHES RAB NI GTI MUG GI CHAR GTOGS PA KHO NA'I PHYIR, THAMS CAD BRTAGS PA'I YOD PA YIN NO, ,RTOG PA DANG, DPYOD PA NI NGAG KUN NAS SLONG BA'I SEMS MNGON PAR 'DU BYED PA'I CHAR GTOGS PA DANG, SHES RAB KYI CHAR GTOGS PA'I PHYIR BRTAGS PA'I YOD PA YIN NO, ,NYE BA'I NYON MONGS PA DE DAG NI CHUNG NGU DANG 'BRING DANG, CHEN PO NYID JI LTAR BLTA BAR BYA ZHE NA, 'DI LTA STE, DE DAG NI NYON MONGS PA RNAMS JI LTA BA BZHIN NO, ,DE DAG GI GZHI YANG NYON MONGS PA RNAMS KYI GANG YIN PA DE DAG NYID YIN NO, ,RAB TU DBYE BA DANG, NYES DMIGS DANG, MI MTHUN PA'I PHYOGS KYANG 'DI LTA STE, NYON MONGS PA RNAMS KYI BZHIN DU BLTA BAR BYA STE, DE YANG CI RIGS PAR SBYAR RO, ,LUNG DU MA BSTAN PA'I CHOS RNAMS KYI GNAS GANG ZHE NA, DE DAG NI BZHI STE, 'DI LTA STE, LAS KYI 'PHANGS TE, MNGON PAR GRUB PA DANG MNGON PAR GRUB PA'I RGYU DANG, GNAS PA DANG, 'TSO BA DANG, TING NGE 'DZIN GYI BYE BRAG GO , ,NGO BO NYID GANG ZHE NA, SMRAS PA, RNAM PAR SMIN PA LAS SKYES PA'I PHUNG PO RNAMS DANG, THA MAL DU ' DUG PA DANG, MNGON PAR 'DU BYED PAS YONGS SU BSDU BA'I SPYOD LAM DANG, DE BZHIN DU BZO'I GNAS DANG RTZED MO MNGON PAR 'DU BYED PAS YONGS SU BSDUS PA'I SPRUL PA'O; ,DE DAG JI LTAR PHAN TSUN MTSUNGS PAR LDAN PAR BLTA BAR BYA ZHE NA, SMRAS PA, SPYOD LAM BYED PA DANG, BZO'I GNAS BYED PA NI LAN 'GA' MTSUNGS PAR LDAN PA YANG YOD DE, MDO LAS LAS KYI MTHA' GANG DAG 'GRO BA'I TSE NA BLA LA, SDOD PA NA YANG MA YIN, 'DUG PA NA YANG MA YIN; NYAL BA NA YANG MA YIN PA DE LTA BU DAG KYANG YOD DO, ,LAS KYI MTHA' GANG DAG 'GRO BA'I TSE NA YANG BLA LA, SDOD PA NA YANG BLA, 'DUG PA NA YANG BLA, NYAL BA NA YANG BLA BA STE, DE LTA BU DAG KYANG YOD DO ZHES BYA BA'I BAR DU RGYA CHER JI SKAD GSUNGS PA LTA BU'O, ,DE LAS GZHAN PA DAG NI @066A *, ,PHAN TSUN MTSUNGS PAR LDAN PA MA YIN NO, ,DE DAG LAS DU NI RDZAS SU YOD PA YIN, DU NI BRTAGS PA'I YOD PA YIN ZHE NA, SMRAS PA, DE DAG NI RNAM PAR SMIN PAS BSDUS PA'I PHUNG PO RNAMS DANG, SEMS MNGON PAR 'DU BYED PA'I KHYAD PAR LA GDAGS PA YIN PA'I PHYIR BRTAGS PA'I YOD PA YIN PAR BRJOD PAR BYA'O, ,DE DAG GI CHUNG NGU DANG, 'BRING DANG, CHEN PO GANG ZHE NA, SMRAS PA, RNAM PAR SMIN PA LAS BYUNG BA DANG, SPYOD LAM BYED PA NI GSAL BA'I PHYIR CHUNG NGU YIN NO, ,BZO'I GNAS BYED PA NI CHES GSAL BA'I PHYIR 'BRING YIN NO, ,SPRUL PA NI RANG BZHIN GYI SA CHES SHIN TU GSAL BA'I PHYIR CHEN PO YIN PAR BLTA BAR BYA'O, ,YANG RANG BZHIN GYI BYE BRAG GIS RNAM GRANGS GZHAN NI GZUGS MED PA NA SPYOD PA'I RNAM PAR SMIN PA NI CHUNG NGU YIN NO, ,GZUGS NA SPYOD PA NI 'BRING YIN NO, ,'DOD PA NA SPYOD PA NI CHEN PO YIN NO, ,SPYOD LAM 'DUG PA DANG NYAL BA NI CHUNG NGU YIN NO, ,'GRENG BA NI 'BRING YIN NO, ,'CHAG PA NI CHEN PO YIN NO, ,LAS DANG PO PA'I BZO'I GNAS BYED PA NI CHUNG NGU YIN NO, ,BSLAB PA'I NI 'BRING YIN NO, ,SLOB DPON GYI NI CHEN PO YIN NO, ,TING NGE 'DZIN MTHU CHUNG NGU DANG LDAN PA THOB PA'I SPRUL PA NI CHUNG NGU YIN NO, , TING NGE 'DZIN MTHU 'BRING DANG LDAN PA THOB PA NI 'BRING YIN NO, ,TING NGE 'DZIN MTHU CHEN PO DANG LDAN PA THOB PA NI CHEN PO YIN TE, DE LTAR DE LTA BU DANG MTHUN PA NI CHUNG NGU DANG 'BRING DANG CHEN PO YIN PAR RIG PAR BYA'O, ,DE DAG SKYE BA'I GZHI GANG ZHE NA, SMRAS PA, DE NI RNAM PA BCU GNYIS SU BLTA BAR BYA STE, 'DI LTA STE, THOS PA LAS BYUNG BA'I SAR BSHAD PA BZHIN NO, ,DE LA RAB TU DBYE BA GANG ZHE NA, SMRAS PA, RNAM PAR SMIN PA LAS BYUNG BA NI 'GRO BA LNGA'I BYE BRAG GIS RNAM PA LNGAR RIG PAR BYA'O, ,SPYOD LAM BYED PA NI SPYOD LAM BZHI'I BYE BRAG GIS RNAM PA BZHI'O, ,BZO'I GNAS BYED PA NI GZHI RNAM PA BCU GNYIS KYI BYE BRAG GIS RNAM PA BCU GNYIS KHO NA'O, ,SPRUL PA BYED PA NI SO SO'I SKYE BO DANG, NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA'I BYE BRAG DANG, RTZED MO'I DON DANG, GZHAN GYI DON DANG, LUS @066B DANG NGAG GI SPRUL PA'I BYE BRAG GIS RNAM PAR BRGYAD DU RIG PAR BYA'O, ,DE LA RAB TU DBYE BA NYID KYIS GZHI BSDUS PA'I PHYIR DE LAS GZHAN PA DAG GI GZHI NI LOGS SHIG TU MA SMOS SO, ,DE LA RNAM PAR SMIN PA LAS BYUNG BA NI GCIG TU LUNG MA BSTAN PA YIN NO, ,GNYIS NI RNAM PA GSUM DU YANG DMIGS SO, ,GCIG NI RNAM PA GNYIS SU DMIGS SO, ,ROL MO LA BRTEN TE, SEMS NYON MONGS PA CAN GYI SEMS DANG LDAN PAS SPYOD LAM BYED PA GANG YIN PA DE NI NYON MONGS PA CAN YIN NO, ,NYE BAR ZHI BA LA BRTEN PA GANG YIN PA DE NI DGE BA YIN NO, ,LHAG PAR CHAGS PAR GYUR PAS BZO BYED PA GANG YIN PA DE NI NYON MONGS PA CAN YIN NO, ,DGE BA MNGON PAR 'DU BYED PA GANG YIN PA DE NI DGE BA YIN NO, ,SPRUL PA BYED PA NI GZHAN 'DUN PAR BYA BA'I RGYU'AM, SEMS CAN RNAMS KYI DON DU BYED PA GANG YIN PA DE NI DGE BA YIN NO, ,NYON MONGS PA CAN NI MED DO, ,DE LA PHUNG PO LNGA PO GANG DAG YIN PA DE DAG GIS BDEN PA DU DAG BSDUS LA BDEN PA DU DAG GIS KYANG PHUNG PO DU DAG BSDUS SHE NA, SMRAS PA, BDEN PA GSUM GYIS NI PHUNG PO LNGA BSDUS LA, PHUNG PO LNGA PO DAG GIS KYANG BDEN PA GSUM BSDUS SO, ,'GOG PA'I BDEN PA DANG PHUNG PO RNAMS NI GCIG GIS GCIG MA BSDUS TE, 'GOG PA NI DE DAG NYE BAR ZHI BAS RAB TU PHYE BA YIN PA'I PHYIR RO, ,NYAN THOS KYI SAR BDEN PA BZHI NI RNAM PA BCU DRUG GIS BLTA BAR BYA'O ZHES GANG BSHAD PA DE LA CI'I PHYIR SDUG BSNGAL GYI BDEN PA LA RNAM PA BZHIS BLTA BAR BYA ZHE NA, SMRAS PA, PHYIN CI LOG RNAM PA BZHI'I GNYEN POR TE, DE LA RNAM PA GCIG NI PHYIN CI LOG GCIG GI GNYEN PO'O, ,RNAM PA GCIG NI PHYIN CI LOG GNYIS KYI GNYEN PO'O, ,RNAM PA THA MA GNYIS NI PHYIN CI LOG THA MA GCIG GI GNYEN PO YIN NO, ,CI'I PHYIR KUN 'BYUNG BA'I BDEN PA LA RNAM PA BZHIS BLTA BAR BYA ZHE NA, SMRAS PA, SRED PA RNAM PA BZHI'I PHYIR TE DE YANG RTAG PA DANG, BDE BA DANG, GTZANG BA DANG, BDAG TU SRED PA'I BYE BRAG LAS BLTA BAR BYA'O, ,DE LA SRED PA DANG PO LA BRTEN NAS NI YANG SRID PA 'BYUNG BAR BYED PAR MNGON NO, ,GNYIS PA DANG GSUM PA LA BRTEN NAS NI DGA' BA'I 'DOD CHAGS DANG LDAN PA DANG, DE DANG DER @067A *, ,MNGON PAR DGA' BA MNGON NO, ,THA MA LA BRTEN NAS NI LUS LA CHAGS PA DANG LDAN PA'I SRED PA 'BA' ZHIG BLTA BAR BYA'O, ,DE LA SRED PA GANG ZHE NA, LUS NGAG LA CHAGS SHING SBYOR BAR BYED PA GANG YIN PA'O, ,YANG SRID PA 'BYUNG BAR BYED PA GANG ZHE NA, PHYI MA'I LUS KYI KHYAD PAR 'DOD PA GANG YIN PA'O, ,DGA' BA'I 'DOD CHAGS DANG LDAN PA GANG ZHE NA, GZUGS DANG, SGRA DANG, DRI DANG, RO DANG REG BYA DANG, CHOS 'DOD PA LA MNGON DU PHYOGS PAR GYUR PA'AM, THOB PA DAG LA DGA' BA'I 'DOD CHAGS DANG LDAN PA GANG YIN PA'O, ,DE DANG DER MNGON PAR DGA' BA GANG ZHE NA, DE LAS GZHAN PA'I GZUGS LA SOGS PA 'DOD PA DAG LA 'DOD PA GANG YIN PA'O, ,CI'I PHYIR 'GOG PA'I BDEN PA LA RNAM PA BZHIS BLTA BAR BYA ZHE NA, SMRAS PA, SRED PA 'GOG PA RNAM PA BZHIS RAB TU PHYE BA'I PHYIR RO, ,CI'I PHYIR LAM GYI BDEN PA LA RNAM PA BZHIS BLTA BAR BYA ZHE NA, SMRAS PA, SRED PA 'GOG PA SKYED PAR BYED PA RNAM PA BZHI'I PHYIR RO, ,NYAN THOS KYI SAR 'JIG PA'I RNAM PA LA SOGS PA RNAM PA BCUS, DE NI SDUG BSNGAL BDEN PA LA, ,RNAM PA BCUS NI RTOG BYED NA, ,DE NI RNAM PA BZHI LA 'JUG ,'GYUR BA DANG NI 'JIG PA DANG; ,BRAL BA DANG NI NYE BA DANG, ,CHOS NYID KYI NI RNAM PA DANG, ,KUN TU SBYOR DANG 'CHING BA DANG, ,MI SDUG PA DANG GRUB BDE MED, ,DMIGS MED RANG DBANG MED PA YI, ,RNAM PA DE DAG RIG PAS RTOG ,CES GANG BSHAD PA DE LA, DMIGS SU MED PA GANG ZHE NA, DBANG PO TZAM DANG, YUL TZAM DANG; DE LAS SKYES PA'I MYONG BA TZAM DANG, SEMS TZAM DANG, BDAG DANG BDAG CES BYA BA'I MING TZAM DANG, LTA BA TZAM DANG, MNGON PAR BRJOD PA TZAM DANG, RNAM PA BDUN PO DE DAG LAS LOGS SHIG NA DON GZHAN DU GYUR PA'I BDAG GI MTSAN NYID DMIGS SU MED PA GANG YIN PA'O, ,RANG DBANG MED PA NYID GANG ZHE NA, RTEN CING 'BREL PAR 'BYUNG BA'I MI RTAG PA DANG SDUG BSNGAL BA'I MTSAN NYID KYIS 'DU BYED RNAMS LA BDAG GI MTSAN NYID MED PA NYID GANG YIN PA'O, ,RNAM PA BCU PO DE DAG LAS GANG GIS 'GYUR BA'I SDUG BSNGAL NYID BSDUS SHE NA, SMRAS PA, KUN TU SBYOR BA'I RNAM PAS @067B BSDUS TE, 'GYUR BA'I DBANG LAS BYUNG BA'I YID MI BDE BA NI 'GYUR BA'I SDUG BSNGAL NYID DU BLTA BAR BYA'I, 'GYUR BA TZAM NI NYID NI MA YIN TE, YID MI BDE BA DANG BRAL BA RNAMS LA YANG DE DMIGS PA DANG, GNOD PAR MI BYED PA'I PHYIR RO, ,RNAM PA GANG GIS SDUG BSNGAL GYI SDUG BSNGAL NYID BSDUS SHE NA, SMRAS PA, MI SDUG PA'I RNAM PAS SO, ,RNAM PA GANG GIS 'DU BYED KYI SDUG BSNGAL NYID BSDUS SHE NA, SMRAS PA, GRUB PA DANG BDE BA MED PA'I RNAM PAS SO, ,SKYE BA'I SDUG BSNGAL DANG, MDOR NA NYE BAR LEN PA'I PHUNG PO LNGA SDUG BSNGAL BA ZHES BYA BA'I BAR DU GANG GSUNGS PA'I RNAM PA DE DAG LAS DU ZHIG SDUG BSNGAL GYI SDUG BSNGAL NYID KYIS BSDUS SHE NA, SMRAS PA, DANG PO LNGA'O, ,DU ZHIG 'GYUR BA'I SDUG BSNGAL NYID KYIS BSDUS SHE NA, SMRAS PA, BAR MA GNYIS SO, ,DU ZHIG 'DU BYED KYI SDUG BSNGAL NYID KYIS BSDUS SHE NA, SMRAS PA, THA MA GCIG GO , RNAM GRANGS GZHAN YANG DANG PO BDUN GYIS SDUG BSNGAL GYI SDUG BSNGAL NYID BSDUS SO, ,DE DAG GI GNYEN PO DGE BA RNAMS DANG, NYON MONGS PA RNAMS KYIS NI 'GYUR BA'I SDUG BSNGAL NYID BSDUS SO, ,THAMS NI 'DU BYED KYI SDUG BSNGAL NYID BSDUS TE, 'DI LTAR BCOM LDAN 'DAS KYIS DRAL ZHING GYUR PA'I SEMS ZHES GSUNGS PA DANG, DE BZHIN DU BCOM LDAN 'DAS KYIS SGRIB PAS KUN NAS DKRIS PA DE NI DE LAS SKYES PA'I SEMS LAS BYUNG BA'I SDUG BSNGAL DANG, YID MI BDE BA SO SOR MYONG BA'I PHYIR RO ZHES GSUNGS PAS NA, DE'I PHYIR NYON MONGS PA NI 'GYUR BA'I SDUG BSNGAL NYID KYIS SDUG BSNGAL BA YIN PAR RAB TU GRUB PO, ,SDUG BSNGAL BA RNAM PA BZHI PO MNGON PAR 'GRUB PA'I SDUG BSNGAL DANG, NANG LA BRTEN PA'I SDUG BSNGAL DANG PHYI ROL LA BRTEN PA'I SDUG BSNGAL BA DANG, GNAS NGAN LEN GYI SDUG BSNGAL ZHES GANG GSUNGS PA DE LA SDUG BSNGAL GANG ZHIG RNAM PA GANG GIS BSDUS LA, SDUG BSNGAL GANG GIS KYANG RNAM PA GANG BSDUS SHE NA, SMRAS PA, RNAM PA DANG PO DANG SDUG BSNGAL DANG PO NI GCIG GIS GCIG BSDUS SO, ,RNAM PA GSUM DANG SDUG BSNGAL 'OG MA GNYIS PA YANG GCIG GIS GCIG BSDUS SO, ,RNAM PA @068A *, ,GZHAN GSUM DANG SDUG BSNGAL 'OG MA GSUM PA YANG GCIG GIS GCIG BSDUS SO, ,RNAM PA THA MA DANG SDUG BSNGAL THA MA YANG GCIG GIS GCIG BSDUS SO, ,DE LA SNGAR NI SRED PA'I NGO BO NYID KYI RAB TU DBYE BAS KUN 'BYUNG BA'I BDEN PA RNAM PAR GZHAG PA LAS RNAM PA BZHIR BSTAN TO, ,DA NI 'BRAS BU'I RAB TU DBYE BA LAS BLTA BAR BYA STE, SDUG BSNGAL RNAM PA BZHI SKYED PAR BYED PA'I PHYIR RO, ,RNAM PA BCU DRUG PO GANG DAG YIN PA DE DAG LAS DU ZHIG STONG PA'I RNAM PA YIN ZHE NA, SMRAS PA, GNYIS TE SDUG BSNGAL GYI BDEN PA LAS THA MA GNYIS SO, ,DU ZHIG SMON PA MED PA'I RNAM PA YIN ZHE NA, SMRAS PA, DRUG STE SDUG BSNGAL GYI BDEN PA LAS DANG PO GNYIS DANG, KUN 'BYUNG BA'I BDEN PA LAS THAMS CAD DO, ,DU ZHIG MTSAN MA MED PA'I RNAM PA YIN ZHE NA; SMRAS PA, 'GOG PA'I BDEN PA LAS THAMS CAD DO, ,DU ZHIG NI RNAM PAR DAG PA'I RGYU NYE BAR MTSON PA'I RNAM PA YIN ZHE NA, SMRAS PA, LAM GYI BDEN PA LAS THAMS CAD DO, ,GANG GI TSE MI RTAG PA'I 'DU SHES CAN BDAG MED PA'I 'DU SHES LA GNAS PA'I TSE, CI'I PHYIR STONG PA NYID DANG POR GSUNGS SHE NA, SMRAS PA, BDAG MED PAR LTA BA SKYES NA MI RTAG PA NYID DU LTA BA LA SMON PA MED PA NYID RNAM PAR GZHAG PA'I PHYIR TE, LTA BA GNYIS NI SNGA PHYIR GCIG GIS GCIG RNAM PAR DAG PAR BYED PA YIN PA'I PHYIR RO, ,'PHAGS PA'I BDEN PA BZHI PO DAG GI BSHAD PA'I GO RIMS GZHAN YANG GANG GIS SDUG BSNGAL BAR GYUR BA DE NI DANG PO YIN NO, ,JI LTAR SDUG BSNGAL BAR GYUR PA DE NI GNYIS PA YIN NO, ,NAG PO'I PHYOGS GTUGS NAS YANG GANG GIS BDE BAR GYUR PA DE NI GSUM PA YIN NO, ,JI LTAR BDE BAR GYUR PA DE NI BZHI PA YIN TE, NAD DANG, DE'I RGYU DANG, NAD MED PA DANG, SMAN LTA BU YIN NO, ,RNAM GRANGS GZHAN YANG 'JIG RTEN PA'I SDUG BSNGAL 'BYUNG BA'I GO RIMS BZHIN DU BDEN PA RNAMS KYI GO RIMS RNAM PAR GZHAG PAR BYA STE, 'DI LTAR 'JIG RTEN PA DAG NI DANG POR SDUG BSNGAL GANG YANG RUNG @068B BA ZHIG GIS THEBS PA NA DE LA RTOG PAR BYED DO, ,DE'I 'OG TU GANG LAS BYUNG BA LA'O, ,DE'I 'OG TU DE LAS THAR PA LA'O, ,DE'I 'OG TU DE LAS THAR PA'I THABS LA RTOG PAR BYED PA'I PHYIR RO,, ,,BAM PO BRGYAD PA, BDEN PA'I DON GANG ZHE NA, SMRAS PA, BSTAN PA DANG MI MTHUN PA MED PA'I MTSAN NYID KYI DON DANG, DE MTHONG NA RNAM PAR DAG PA'I RGYUR GYUR PA'I DON NI BDEN PA'I DON TO, ,SDUG BSNGAL GYI BDEN PA'I DON GANG ZHE NA, SMRAS PA, NYON MONGS PA LAS BYUNG BA'I 'DU BYED KYI DON TO, ,KUN 'BYUNG BA'I BDEN PA'I DON GANG ZHE NA, SMRAS PA, SDUG BSNGAL GYI BDEN PA BSKYED PA'I DON TO, ,'GOG PA'I BDEN PA'I DON GANG ZHE NA, SMRAS PA, DE GNYI GA NYE BAR ZHI BA'I DON TO, ,LAM GYI BDEN PA'I DON GANG ZHE NA, SMRAS PA, DON GSUM PO DAG SGRUB PA'I DON TO, ,CI 'PHAGS PA'I BDEN PA BZHI PO DE DAG KUN RDZOB KYI BDEN PAS BSDUS PA YIN NAM, 'ON TE DON DAM PA'I BDEN PAS BSDUS SHE NA, SMRAS PA, DON DAM PA'I BDEN PAS BSDUS SO, ,DE CI'I PHYIR ZHE NA, 'DI LTAR KUN RDZOB KYI BDEN PA NI BDE BA DANG, SDUG BSNGAL BA DANG, BDE BA YANG MA YIN SDUG BSNGAL BA YANG MA YIN PA'I GNAS DANG MTHUN PA DAG LA RANG GI MTSAN NYID YONGS SU 'GRUB PA LAS RNAM PAR GZHAG LA, DON DAM PA'I BDEN PA NI SDUG BSNGAL DU RO GCIG PA'I MTSAN NYID KYI PHYIR, SPYI'I MTSAN NYID KYIS RNAM PAR GZHAG PAR BLTA BAR BYA BA'I PHYIR, CI'I PHYIR SDUG BSNGAL GYI BDEN PA NI YONGS SU SHES PAR BYA, KUN 'BYUNG BA'I BDEN PA NI SPANG BAR BYA, 'GOG PA'I BDEN PA NI MNGON SUM DU BYA, LAM GYI BDEN PA NI BSGOM PAR BYA ZHE NA, SMRAS PA, SDUG BSNGAL GYI BDEN PA NI PHYIN CI LOG BZHI'I GNAS YIN PAS, PHYIN CI LOG BSAL BA'I PHYIR YONGS SU SHES PAR BYA'O, ,KUN 'BYUNG BA'I BDEN PA NI SDUG BSNGAL GYI BDEN PAS BSDUS PA YIN PA'I PHYIR, SDUG BSNGAL GYI BDEN PA YONGS SU SHES SU ZIN KYANG, DA DUNG KUN 'BYUNG BA'I BDEN PA DANG RJES SU 'BREL BA'I PHYIR KUN 'BYUNG BA'I BDEN PA NI SPANG BAR BYA BA YIN NO, ,MNGON SUM DU BYA BA NI MNGON SUM DU BYA BA'I @069A *, ,DON YIN PAS, DE MNGON DU BYAS NAS 'GOG PA LA MI SKRAG CING DGA' BA YONGS SU 'DZIN PA'I PHYIR 'GOG PA'I BDEN PA NI MNGON DU BYA BA YIN NO, ,JI SKAD SMOS PA'I DON GSUM PO DAG BSGRUB PA'I PHYIR LAM GOMS PAR BYA DGOS PAS NA, LAM GYI BDEN PA NI BSGOM PAR BYA BA YIN NO, ,BDEN PA MNGON PAR RTOGS PA NI RNAM PA DU MTSAN NYID NI CI 'DRA ZHE NA, SMRAS PA, MNGON PAR RTOGS PA'I DON NI NGES PA'I DON TE, DE YANG BDEN PA RNAMS LA NGES PA'I SHES RAB LHAN CIG 'BYUNG BA RGYUD DANG BCAS PA STE, DE NI RE ZHIG MTSAN NYID YIN NO, ,DE YANG RNAM PA DRUG TU BLTA BAR BYA STE, 'DI LTA STE RTOG PA DANG BCAS SHING DPYOD PA DANG BCAS PA'I SAR BSHAD PA'O, ,DE LA DANG PO GANG ZHE NA, SMRAS PA, BDEN PA RNAMS LA NGES PAR SEMS PA GANG YIN PA'O, ,GNYIS PA GANG ZHE NA, SMRAS PA, DKON MCHOG GI DON LA NGES PA'I PHYIR DKON MCHOG GSUM PO DAG LA SHES NA DAD PA GSUM DANG, THOS PA LAS BYUNG BA'I SHES RAB NGES PA GANG YIN PA'O, ,GSUM PA GANG ZHE NA, SMRAS PA, 'PHAGS PA DGYES PA'I TSUL KHRIMS RNAMS TE, NGAN SONG BA'I LAS MI BYED CING NGES PAR SDOM PA THOB PA'I PHYIR RO, ,BZHI PA GANG ZHE NA; SMRAS PA, SNGON SBYOR BA'I LAM LA TSOGS SHIN TU BSAGS PA'I TSE, SEMS YONGS SU SBYANG BA LEGS PAR BYAS PA NA, 'JIG RTEN PA'I NGES PAR 'BYED PA'I CHA DANG MTHUN PA'I DGE BA'I RTZA BA MTHAR THUG PA'I RJES LA SO SO'I BDAG NYID LA SEMS CAN GYI BRDA BSAL BA'I CHOS LA DMIGS SHING MTHONG BAS SPANG BAR BYA BA'I NYON MONGS PA'I PHYOGS DANG MTHUN PA'I GNAS NGAN LEN CHUNG NGU DANG BRAL BA'I SEMS DANG POR SKYE BA DANG, DE'I RJES LA SO SO'I BDAG NYID LA CHOS KYI BRDA BSAL BA'I CHOS LA DMIGS SHING, MTHONG BAS SPANG BAR BYA BA'I NYON MONGS PA'I PHYOGS DANG MTHUN PA'I GNAS NGAN LEN 'BRING DANG BRAL BA'I SEMS GNYIS PA SKYE BA DANG, DE'I RJES LA SEMS CAN THAMS CAD DANG, CHOS THAMS CAD KYI BRDA BSAL BA'I CHOS LA DMIGS SHING, MTHONG BAS SPONG BAR BYA BA'I NYON MONGS PA'I PHYOGS DANG MTHUN PA'I GNAS NGAN LEN THAMS CAD DANG BRAL BA'I SEMS GSUM @069B PA SKYE BA GANG YIN PA STE, DE LTAR NA DE NI MTHONG BA'I LAM YIN NO, ,DE YANG ZUNG DU 'BREL BAS 'JUG PA'I LAM YIN TE, DE LTAR GYUR BA DE YANG GSUM NI LHAG MTHONG DANG MTHUN PA'I SEMS YIN LA, GSUM NI ZHI GNAS DANG MTHUN PA'I SEMS YIN YANG ZUNG DU 'BREL BAS 'JUG PA'I PHYIR GSUM KHO NAR RNAM PAR GZHAG STE, SKAD CIG GCIG LA ZHI GNAS DANG LHAG MTHONG GNYI GA DMIGS PA'I PHYIR RO, ,SEMS DE DAG NI RNAM PAR MA BZHAG PA'I BDEN PA LA DMIGS PA YIN PAR BLTA BAR BYA STE, DANG PO GNYIS NI CHOS SHES PA DANG MTSUNGS PAR LDAN PA YIN LA THA MA GSUM PA GCIG PU NI RJES SU SHES PA DANG MTSUNGS PAR LDAN PA YIN PAR BLTA BAR BYA'O, ,SEMS DE DAG GI MTHUS DE'I 'OG MA GNYIS MNGON PAR RTOGS PA'I GNYIS PA LA, SDUG BSNGAL LA SOGS PA RNAM PAR GZHAG PA'I BDEN PA RNAMS LA SDUG BSNGAL LA SOGS PA SHES PA RNAM PAR DAG PA BAR CHAD MED PA SKYE BA'I PHYIR DE DAG KYANG SDUG BSNGAL DANG, KUN 'BYUNG BA DANG, 'GOG PA DANG, LAM SHES PA NYID YIN PAR RAB TU GRUB PA YIN PAR RIG PAR BYA'O, ,DE LTAR ZHI GNAS DANG, LHAG MTHONG GI PHYOGS DANG MTHUN PA'I SEMS GSUM PO DE DAG GIS MTHONG BAS SPANG BAR BYA BA'I NYON MONGS PA NYE BAR ZHI BA MNGON DU BYED PA DANG, NYON MONGS PA DANG, PHUNG PO THAMS CAD ZHI BAR BYED PA 'JIG RTEN LAS 'DAS PA'I LAM THOB PA GANG YIN PA DE NI MNGON PAR RTOGS PA'I SHES PA BDEN PA MNGON PAR RTOGS PA ZHES BYA'O, ,MNGON PAR RTOGS PA'I MTHA' LAS BYUNG BA'I SHES PA BDEN PA MNGON PAR RTOGS PA GANG ZHE NA, MNGON PAR RTOGS PA'I RJES LAS THOB PA'I SHES PA GANG YIN PA DE NI MNGON PAR RTOGS PA'I MTHA' LAS BYUNG BA'I SHES PA ZHES BYA STE, SHES PA DE YANG SEMS GSUM PA'I MJUG THOGS SU MTHONG BA'I LAM LAS LANGS BAS MNGON DU BYAS NAS, SNGON 'JIG RTEN PA'I SHES PAS DPYAD NAS, RNAM PAR GZHAG PA'I BDEN PA SA 'OG MA PA SA 'OG MA'I DBANG GIS BYUNG BA DANG, SA 'OG MA PAS GONG MA'I DBANG GIS BYUNG BA RNAMS LA, CHOS DANG RJES SU RTOGS PA'I SHES PA DANG 'DRA BA KUN RDZOB SHES PA, 'JIG RTEN @070A *, ,PA DANG 'JIG RTEN LAS 'DAS PA'AM, 'JIG RTEN LAS 'DAS PA'I RJES LAS THOB PA'I SHES PAS BDEN PA RE RE LA YANG GO RIMS BZHIN DU 'DOD PA'I SHES PA DANG, MNGON PAR RTOGS PA NGES PA'I SHES PA GNYIS GNYIS 'BYUNG BA STE, DE LTAR MNGON PAR RTOGS PA SNGA MA LAS LANGS PA LA GONG MA'AM 'OG MA'I BDEN PA DAG LA, SHES PA GNYIS GNYIS 'BYUNG BA GANG YIN PA DE NI MNGON PAR RTOGS PA'I MTHA' LAS BYUNG BA'I SHES PA BDEN PA MNGON PAR RTOGS PA ZHES BYA'O, ,DE LA SHES PA SNGA MA NI BRDA BSAL BA'I CHOS LA DMIGS PA'I PHYIR RNAM PAR RTOG PA MED PA YIN NO, ,SHES PA PHYI MA NI BRDA MA BSAL BA'I CHOS LA DMIGS PA'I PHYIR RNAM PAR RTOG PA DANG BCAS PA YIN NO, ,YANG SNGA MAS NI MTHONG BAS SPANG BAR BYA BA'I NYON MONGS PA'I BAG LA NYAL GNAS LAS SPONG BAR BYED DO, ,PHYI MAS NI DMIGS PA YID LA BYED PAS DE DAG NYID KYI 'JUG PA SPONG BAR BYED DO, ,YANG SNGA MAS NI BSGOM PA'I LAM LA 'JIG RTEN LAS 'DAS PA'I LAM GYIS SPONG BAR BYED DO, ,PHYI MAS NI 'JIG RTEN PA DANG 'JIG RTEN LAS 'DAS PA'I LAM GYIS SPONG BAR BYED DO, ,'JIG RTEN PA'I LAM 'BA' ZHIG GIS BAG LA NYAL YANG DAG PAR 'JOMS PA NI MED DE, 'JIG RTEN PA NI 'DRIS PA'I PHYIR DANG, MTSAN MA LA MNGON PAR ZHEN PAS 'JUG PA'I PHYIR RO, ,DE NI JI LTAR MTSAN MA LA MNGON PAR ZHEN PAS 'JUG PA DE LTAR MTSAN MA RNAM PAR 'JIG PAR 'JUG PAR MI 'GYUR LA, JI LTAR MTSAN MA RNAM PAR 'JIG PAR MI 'JUG PA DE LTAR GNAS NGAN LEN YANG DAG PAR 'JOMS PAR YANG 'JUG PAR MI 'GYUR TE, DE'I PHYIR DES BAG LA NYAL YANG DAG PAR 'JOMS PA MED DO, ,MTHAR THUG PA'I MNGON PAR RTOGS PA GANG ZHE NA, SMRAS PA, BSGOMS PAS SPANG BAR BYA BA DAG SPANGS PA LA ZAD PA SHES PA DANG MI SKYE BA SHES PA GCIG TU 'JIG RTEN LAS 'DAS PA DANG, 'JIG RTEN PA DANG 'JIG RTEN LAS 'DAS PA NI TSE 'DI LA NYON MONGS PA THAMS CAD NGES PAR SPANGS PA DANG, PHYI MA LA YANG PHUNG PO THAMS CAD NGES PAR 'GAGS PAS NA, MTHAR THUG PA'I MNGON PAR RTOGS PA ZHES BYA'O, , @070B DE LA 'JIG RTEN LAS 'DAS PA'I ZAD PA SHES PA GANG ZHE NA, ZAD PA LA RNAM PAR MI RTOG PA'I SHES PA GANG YIN PA'O, ,'JIG RTEN PA DANG 'JIG RTEN LAS 'DAS PA'I ZAD PA SHES PA GANG ZHE NA, ZAD PA LAS RNAM PAR RTOG PA DANG BCAS PA'I SHES PA GANG YIN PA'O, ,'JIG RTEN LAS 'DAS PA'I MI SKYE BA SHES PA GANG ZHE NA, SMRAS PA, PHUNG PO 'GAG PA DE NYID KYI RGYU'I DON GYIS PHYI MAR PHUNG PO MI SKYE BA LA RNAM PAR MI RTOG PA GANG YIN PA'O, ,'JIG RTEN PA DANG 'JIG RTEN LAS 'DAS PA'I MI SKYE BA'I SHES PA GANG ZHE NA, SMRAS PA, PHYI MAR PHUNG PO MI SKYE BA LA RNAM PAR RTOG PA DANG BCAS PA GANG YIN PA'O, ,RIGS BRAM ZE GANG DAG YIN PA DE DAG NI GNAS GSUM PO DAG YANG DAG PA DANG, BDEN PA LAS 'DOGS PAR BYED CING, DE NAS KYANG RIGS BRAM ZE DE DAG GNAS GSUM PO DE DAG NYID LA NYES PA GSUM GYIS YANG DAG PAR SKYON CHAGS PA'I SEMS KYIS GNAS PAR BYED DO, ,DE LTAR DE DAG NI DON DAM PAR BRAM ZE MA YIN PA'I GRANGS SU 'GRO'O, ,GNAS GSUM PO DAG GANG ZHE NA, 'TSO BA DANG BSOD NAMS YANG DAG PAR RTZOM PA DANG, 'BRAS BU LA SEMS PA'O, ,DE LA RIGS BRAM ZE RNAMS KYI 'TSO BA NI SHIS PAR BRJOD PA DANG, BSTOD PA DANG, 'DOD PA BRJOD PA DAG GIS 'TSO BA STE, DE LA RIGS BRAM ZE RNAMS NI RGYAL PO'AM, BLON PO CHEN PO'AM, BRAM ZE'AM, KHYIM BDAG GAM, GRONG RDAL GYI MI 'AM, YUL GYI MI'AM, NOR CAN NAM, TSONGS DPON NAM, DED DPON NAM, GANG LAS 'TSO BA'I YO BYAD SLONG BAR BYED PA DE LA, DE DAG 'DI SKAD DU, KHYOD KYI DGRA RNAMS NI ZAD DE RMEG MED PA DANG, SDUG BSNGAL BA DANG, ZIL GYIS NON PA DANG, GSAD PAR GYUR CIG ,DE BZHIN DU KHYOD KYI DPAL DANG DBANG THANG NI MI G-YO BA DANG, RTAG PA DANG MI 'GYUR BA DANG, MI 'PHROGS PAR GYUR CIG CES SHIS PAR BRJOD PA SBYOR BAR BYED DO, ,DE BZHIN DU BSTOD PA YANG SBYOR BAR BYED DE, 'DI LTAR KHYOD NI DPA' BO YIN NO, ,NYAMS STOBS DANG LDAN PA YIN NO, ,SNYING STOBS CAN YIN NO, ,KHYOD NI DGRA RNAMS GSOD PAR NUS PA YIN NO ZHES BSTOD PAR YANG BYED DO, ,DGRA RNAMS GSAD @71A *, ,PAR GYUR NA NI 'DI SKAD CES BRJOD DE, KHYOD KYIS NI 'DI LTA 'DI LTAR DGRA RNAMS NGES PAR BSAD PA YIN TE, KHYOD LTAR DGRA RNAMS DANG BRAL BA'I SKYE BO NI 'JIG RTEN NA DKON NO ZHES RJOD PAR BYED DO, ,YUN RING PO NAS LONGS SPYOD DANG YONGS SU SPYOD PA DANG LDAN PA LAS BRTZAMS NAS KYANG 'DI SKAD DU, KHYOD LTA BU NI 'JIG RTEN NA DKON TE, 'DI LTAR DPAL DANG DBANG THANG MI G-YO BA DANG LDAN PA YIN NO ZHES RJOD PAR BYED DO, ,DE SKAD CES 'DOD PA BRJOD PA SBYOR BAR YANG BYED DE, ,KHYOD NI SKYES BU DAM PA'I MTSAN 'DI LTA BU DAG DANG LDAN PA NAS RING PO MI THOGS PAR KHYOD KYI DGRA THAMS CAD ZAD DE RMEG MED PA DANG, ZIL GYIS GNON PA DANG, BSAD PAR YANG 'GYUR RO, ,KHYOD NI 'DI LTA BU'I MTSAN DANG LDAN NA, LAG RKYONG DPAL DANG DBANG THANG MI G-YO BA DANG LDAN PAR 'GYUR ZHES KYANG RJOD PAR BYED DO, ,DE DAG MDZA' BSHES KYI KHYIM DANG, SLONG MO STER BA'I KHYIM DE DAG LA YANG, KHYIM 'DI DAG NI BDAG GI YIN GYI, 'DI DAG NI DGE SBYONG DANG BRAM ZE GZHAN DAG GIS BLANG BA NI MA YIN NO SNYAM DU BDAG GIR 'DZIN PAR YANG BYED DO, ,DE DAG GIS DE NAS RNYED PA CHOS GOS SAM, BSOD SNYOMS SAM; MAL CHA'AM, STAN LA SOGS PA JI SNYED PA'I RNYED PA DE DAG KYANG CHAGS PA DANG, ZHEN PA DANG, 'CHUMS PA DANG, MDUD PA BOR PA DANG, BRGYAL BA DANG, LHAG PAR CHAGS PA DANG, LHAG PAR CHAGS PAR GYUR PAS YONGS SU LONGS SPYOD PAR BYED PA'O, ,DE LA RIGS BRAM ZE RNAMS KYI BSOD NAMS YANG DAG PAR RTZOM PA NI SROG CHAGS RNAM PA SNA TSOGS DU MA GSOD BA DANG LDAN PA'I MCHOD SBYIN STON PAR BYED PA DANG, MCHOD SBYIN DE'I 'BRAS BU RTAG PA'I GNAS YIN PAR BRTAG PAR STON PA DANG, MCHOD SBYIN RTZOM PA DER MGRON DU GNYER BA RNAMS KYANG BLANG BA SNA TSOGS MCHOG MANG PO BDAG GIR BYA BA'I RGYU MTSAN GYIS GCIG LA GCIG BRGYUD CING 'KHU BA'I SEMS MNGON PAR 'DU BYED PA STE, RNAM PA GSUM PO DE DAG GIS YANG DAG PAR RTZOM BAR RIG PAR BYA'O, ,DE LA RIGS BRAM ZE RNAMS KYI 'BRAS BU LA SEMS PA NI 'DI LTA STE, @71B LHA MA YIN GYI RIGS RNAMS NI RIGS GSAD PAR BYA BA YIN NO, ,LHA'I RIGS RNAMS NI RTAG PA YIN NO, ,BRAM ZE'I RIGS RNAMS NI MCHOG YIN NO, ,RIGS GZHAN NI DMAN PA YIN NO, ,BRAM ZE'I RIGS NI RGYAS PAR TSANGS PA LAS SKYES PA DANG, TSANGS PAS SPRUL PA DANG, TSANGS PA'I BGO SKAL LA SPYOD PA'O ZHES BYA BA'I BAR DU STE, RIGS BRAM ZE GANG YIN PA DE DAG GI 'BRAS BU LA SEMS PA NI BSAM PA DE LTA BU DANG BRJOD PA DE LTA BU DAG GIS RIG PAR BYA'O, ,DE LTAR RIGS BRAM ZE RNAMS NI GNAS GSUM PO DE DAG LA 'DI NI BDEN PA KHO NA YIN GYI, GZHAN NI BRDZUN PA YIN NO ZHES NAN GYIS MCHOG TU BZUNG ZHING MNGON PAR ZHEN PAR BYAS NAS THA SNYAD 'DOGS PAR BYED DO, ,NYES PA GSUM PO GANG DAG GIS SEMS SKYON CHAGS PAR GYUR CE NA, NGAG GI NYES PA DANG, NGA RGYAL GYI NYES PA DANG, MOS PA'I NYES PAS SO, ,GNAS GSUM PO DE DAG NYID LA NGAG LOG PAR 'JUG PA GANG YIN PA DE NI NGAG GI NYES PA YIN PAR RIG PAR BYA'O, ,GNAS BZANG PO MA YIN PA GSUM GDAGS PA BYAS PA DANG, TSIG BZANG PO MA YIN PA KUN TU BRJOD PA LAS GZHAN LA BRTEN TE BDAG CHE BA'AM, MTSUNGS PA'AM, CHUNG BAR RLOM SEMS BYED PA GANG YIN PA DE NI DE DAG GI NGA RGYAL GYI NYES PA YIN PAR RIG PAR BYA'O, ,DE DAG GNAS GSUM PO DE DAG NYID LA YON TAN DANG SKYON MA DPYAD PAR GNAS DE DAG LA GCIG TU MOS PAR BYED CING, SANGS RGYAS RNAMS DANG SANGS RGYAS KYI NYAN THOS RNAMS KYIS LEGS PAR GDAMS PA MDZAD CING LEGS PAR RJES SU BSTAN PA MDZAD KYANG GNAS DANG GNAS MA YIN PA LA LEGS PAR MI GNAS PA DANG, YONGS SU BRTAGS PA LA LEGS PAR MI GNAS PA DANG, LAM LA LEGS PAR MI GNAS PA DANG, SHIS PA BRJOD PA LA LEGS PAR MI GNAS PA DE NI DE DAG GI MOS PA'I NYES PA YIN PAR RIG PAR BYA STE, NYES PA GSUM PO DE DAG KYANG LTA BA NGAN PA'I NYES PAS KUN NAS BSLANG BA YIN PAR RIG PAR BYA'O, ,DE LTAR NA RIGS BRAM ZE RNAMS NI GNAS GSUM PO DE DAG LA NYES PA GSUM PO DE DAG DANG LDAN PAS NA DON DAM PAR BRAM ZE MA @72A *, ,YIN PA'I GRANGS SU 'GRO BA YIN, RIGS BRAM ZE MA YIN YANG GANG DAG GNAS GSUM PO 'DI DAG BDEN PA DANG, YANG DAG PA LAS 'DOGS PAR BYED NA, DE DAG NI GNAS GSUM PO DE DAG LA NYES PA GSUM GYIS SEMS SKYON CHAGS PA MED PAS DE DAG NI RIGS BRAM ZE MA YIN YANG DON DAM PAR BRAM ZE ZHES BYA BA'I GRANGS SU 'GRO'O, ,GNAS GSUM PO DAG GANG ZHE NA, SEMS CAN THAMS CAD GSAD PAR BYA BA MA YIN NO ZHES GNAS DANG PO 'DI SMRA NA, BDEN PA NYID SMRA BA YIN GYI BRDZUN PA NI MA YIN TE, DE'I PHYIR DE DAG GI GNAS DANG PO 'DI LA NGAG GI NYES PAS SKYON CHAGS PA MED PA YIN NO, ,DE DAG GNAS DE DANG BDEN PA SMRA BA DES GZHAN LA BRTEN NAS BDAG NYID CHE BA'AM, MTSUNGS PA'AM, CHUNG BA RLOM SEMS MI BYED PAS DE'I PHYIR DE DAG GNAS DE LA NGA RGYAL GYI NYES PAS YANG DAG PAR SKYON CHAGS PA MED PA'I YID DANG LDAN PA YIN NO, ,DE DAG GNAS DE LA YON TAN DANG SKYON RNAM PAR DPYAD PAS DMIGS PA DES DGE BA'I CHOS RNAMS MNGON PAR 'PHEL BA YANG DAG PAR RJES SU MTHONG BAS KHA NA MA THO BA MED PA'I LUS DANG SEMS KYIS PHAN 'DOGS PA TSE 'DI LA BDE BAR GNAS PAS, SEMS CAN THAMS CAD LA BYAMS PA'I RANG BZHIN GYIS NYIN MTSAN DU RJES SU SLOB CING LAN MANG DU GNAS SO, ,GNAS DE LA GZHAN DAG GIS DAD PAS MI 'GRO ZHING BDAG RANG GIS BDEN PA DE LEGS PAR MNGON PAR RTOGS PAS DE DAG NI BDEN ZHING MNGON PAR ZHEN PA MED PA ZHES BYA STE, DE'I PHYIR MOS PA'I NYES PAS SKYON CHAGS PA MED PA'I SEMS DANG LDAN PAR RIG PAR BYA'O, ,DE BZHIN DU 'DU BYED THAMS CAD MI RTAG PA'O ZHES BYA BA 'DI NI GNAS GNYIS PA STE, LHAG MA NI SNGA MA BZHIN NO, ,CHOS THAMS CAD BDAG MED PA'O ZHES BYA BA 'DI NI GNAS GSUM PA STE, LHAG MA NI SNGA MA BZHIN DU RIG PAR BYA'O, ,DE LA BYE BRAG NI 'DI YOD DE, BDEN PA GNYIS PA LA NI 'DU BYED THAMS CAD LAS 'BYUNG BA DANG 'JIG PAR RJES SU LTA BAS NYIN MTSAN DU RJES SU SLOB CING LAN MANG DU GNAS SO ZHES BRJOD PAR BYA'O, ,BDEN PA GSUM PA LA NI CHOS THAMS @72B CAD LA BDAG GIR 'DZIN PA MED PA'I TSUL GYIS NYIN MTSAN DU RJES SU SLOB CING LAN MANG DU GNAS SO ZHES BRJOD PAR BYA'O, ,GNAS GSUM PO DE DAG LA NYES PA GSUM PO DE DAG GIS YANG DAG PAR SKYON CHAGS PA MED PA'I SEMS DANG LDAN PA DE DAG NI RIGS BRAM ZE MA YIN YANG DON DAM PAR BRAM ZE ZHES BYA BA'I GRANGS SU 'GRO BA YIN NO, ,BRAM ZER BYED PA'I GNAS GSUM PO BDEN PA LAS NYES PA GSUM DANG BRAL BA DE DAG NI DE BZHIN GSHEGS PA KHO NAS MNGON PAR RDZOGS PAR THUGS SU CHUD DE, ,DE DAG NI MDO LAS SEMS CAN THAMS CAD BSAD PA MA YIN PA ZHES BYA BA DANG, 'BYUNG BA'I CHOS CAN GANG YIN PA DE DAG THAMS CAD NI 'GOG PA'I CHOS CAN YIN NO ZHES BYA BA DANG, BDAG KYANG MED LA BDAG GI YANG MED DE, BDAG GI NI CI YANG MED GANG YANG MED GANG NA YANG MED DO, ,BDAG KYANG CI YANG MED GANG YANG MED GANG NA YANG MED DO ZHES JI SKAD GSUNGS PA'I DON RGYA CHER BSHAD PA YIN PAR KHONG DU CHUD PAR BYA'O, ,PHUNG PO RNAMS KYI GNAS SKABS DU YOD CE NA, SMRAS PA, MANG STE SEMS DANG LDAN PA MA YIN PA 'DI LTA STE, 'THOB PA DANG, 'DU SHES MED PA'I SNYOMS PAR 'JUG PA LA SOGS PA RGYAS PAR SNGAR BSTAN PA BZHIN DU RIG PAR BYA'O, ,'THOB PA GNAS SKABS GANG LA GDAGS, 'THOB PA LA RNAM PA DU YOD CE NA, SMRAS PA, RGYU'I DBANG KUN TU 'BYUNG BA'I GNAS SKABS LA'O, ,RNAM PA GSUM STE, 'DI LTA STE, SA BON DANG LDAN PA DANG, DBANG DANG LDAN PA DANG, KUN TU SPYOD PA DANG LDAN PA'O, ,'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA PA GNAS SKABS GANG LA GDAGS, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA PA LA RNAM PA DU YOD CE NA, SMAS PA, 'DU SHES MED PA'I SNYOMS PAR 'JUG PA NI DGE RGYAS KYI 'DOD CHAGS DANG BRAL LA, GONG MA'I MA YIN PA'I 'BYUNG BA'I 'DU SHES SNGON DU BTANG BA'I YID LA BYED PAS MING 'GOG PA'I GNAS SKABS LA'O, ,DE YANG RNAM PA GSUM STE, NGO BO NYID LAS @73A *, ,NI DGE BA YIN NO, ,GANG ZAG LAS NI SO SO'I SKYE BO'I RGYUD DU GTOGS PA YIN NO, ,SKYE BA LAS NI DANG PO 'DIR BSKYED CING DE'I 'OG TU GZUGS KYI KHAMS SU BSAM GTAN BZHI PA LA 'BRAS BU LAS SO SOR MYONG BAR 'GYUR BA YIN NO, ,'GOG PA'I SNYOMS PAR 'JUG PA NI CI YANG MED PA'I SKYE MCHED KYI 'DOD CHAGS DANG BRAL BA'I GNAS PA'I 'DU SHES SNGON DU BTANG BA'I YID LA BYED PAS MING 'GOG PA'I GNAS SKABS LA'O, ,DE YANG RNAM PA GSUM STE, NGO BO NYID LAS NI DGE BA NYID YIN NO, ,GANG ZAG LAS NI 'PHAGS PA'I RGYUD DU GTOGS TE, SLOB PA'I RGYUD DAM MI SLOB PA'I RGYUD DU GTOGS PA YIN NO, ,SKYE BA LAS NI KUN GZHI RNAM PAR SHES PA RNAM PAR MA BZHAG NA NI DANG POR 'DIR SKYED CING, DE'I 'OG TU GZUGS KYI KHAMS SU MNGON DU BYED DO, ,MNGON DU BYED PA DE NI GZUGS KYI LUS LA RAG LAS PA YIN PA'I PHYIR RO, ,KUN GZHI RNAM PAR SHES PA RNAM PAR GZHAG NA NI MNGON DU BYED PA THAMS CAD DU 'GRO BA YIN PAR BLTA BAR BYA'O, ,'DU SHES MED PA PA NI 'DU SHES MED PA'I SEMS CAN LHA RNAMS KYI NANG DU SKYES PA'I MING 'GOG PA'I GNAS SKABS LA'O, ,DE YANG RNAM PA GSUM STE, NGO BO NYID LAS NI MA BSGRIBS LA LUNG DU MA BSTAN PA YIN NO, ,GANG ZAG LAS NI SO SO'I SKYE BO KHO NA DER SKYE'O, ,'PHAGS PA NI MA YIN NO, ,SKYE BA LAS NI DE NI 'DU SHES MED PA'I SNYOMS PAR 'JUG PA SGRUB PAR BYED PA'I SEMS PA'I RNAM PAR SMIN PA'I 'BRAS BU YIN TE; 'DU SHES SKYES NAS SEMS CAN DE DAG DE NAS 'CHI 'PHO BAR 'GYUR BA YIN NO, ,SROG GI DBANG PO GNAS SKABS GANG LA GDAGS, DE RNAM PA DU YOD CE NA, SMRAS PA, LAS KYIS 'PHANGS PA'I RNAM PAR SMIN PA GNAS PA'I DUS NGES PA'I GNAS SKABS LA'O, ,DE YANG RNAM PA GSUM STE, NGES PA DANG, MA NGES PA DANG, 'DOD PA DANG, MI 'DOD PA DANG, LO DANG BSKAL PA'I GRANGS RNAM PAR GZHAG PA LAS SO, ,RIS MTHUN PA GNAS SKABS GANG LA GDAGS, DE RNAM PA DU YOD CE NA, SMRAS PA, SEMS CAN 'DRA BA'I GNAS SKABS LA'O, ,RNAM PA @73B GSUM STE, SKYE BA RIGS MTHUN PA DANG, RANG BZHIN RIGS MTHUN PA DANG, BZO DANG LAS KYI GNAS KYIS 'TSO BA'I RIGS MTHUN PA'O, ,SKYE BA GNAS SKABS GANG LA GDAGS, RNAM PA DU YOD CE NA, SMRAS PA, DA LTAR BYUNG BA'I GNAS SKABS LA'O, ,RNAM PA GSUM STE SKAD CIG GI SKYE BA DANG, NYING MTSAMS SBYOR BA'I SKYE BA DANG, GNAS SKABS KYI SKYE BA'O, ,RGA BA GNAS SKABS GANG LA GDAGS, RNAM PA DU YOD CE NA, SMRAS PA, SNGA PHYI'I GNAS SKABS LA'O, ,RNAM PA GSUM STE, GZHAN NYID KYI DGA' BA DANG, GZHAN DU GYUR BA'I RGA BA DANG, NYE BAR SPYOD PA'I RGA BA'O, ,GNAS PA GNAS SKABS GANG LA GDAGS, RNAM PA DU YOD CE NA, SMRAS PA, SKYES PA'I GNAS SKABS NYID LA'O, ,RNAM PA GSUM STE, SKAD CIG GNAS PA DANG, RGYUN GNAS PA DANG, LUGS GNAS PA'O, ,MI RTAG PA NYID GNAS SKABS GANG LA GDAGS, RNAM PA DU YOD CE NA, SMRAS PA, SKYES NAS ZHIG PA'I GNAS SKABS LA'O, ,RNAM PA GSUM STE, 'JIG PA'I MI RTAG PA NYID DANG, 'GYUR BA'I MI RTAG PA NYID DANG, BRAL BA'I MI RTAG PA NYID DO, ,MING GI TSOGS GNAS SKABS GANG LA GDAGS, RNAM PA DU YOD CE NA, SMRAS PA, BRDA'I THA SNYAD 'DOGS PA'I GNAS SKABS LA'O, ,RNAM PA GSUM STE, NYE BAR 'DOGS PA DANG, YANG DAG PA'I DNGOS PO DANG, GRAGS PA DANG, MA GRAGS PA'O, ,MING GI TSOGS JI LTA BA BZHIN DU, TSIG GI TSOGS DANG, YI GE'I TSOGS KYANG DE BZHIN DU RIG PAR BYA'O, ,DE LA BYE BRAG NI 'DI YOD DE, BSTAN PA'I TSIG DANG, BSHAD PA'I TSIG DANG, TSIG GIS BSDUS PA DANG, YI GES BSDUS PA'O, ,SO SO'I SKYE BO NYID GNAS SKABS GANG LA GDAGS, RNAM PA DU YOD CE NA, SMRAS PA, 'JIG RTEN LAS 'DAS PA 'PHAGS PA'I CHOS MA BSKYED PA'I GNAS SKABS LA'O, ,RNAM PA GSUM STE, 'DOD PA NA SPYOD PA DANG, GZUGS NA SPYOD PA DANG, GZUGS MED PA NA SPYOD PA'O, ,'JUG PA GNAS SKABS GANG LA GDAGS, RNAM PA DU YOD CE NA, SMRAS PA, RGYU DANG 'BRAS BU'I RGYUN GYI GNAS SKABS LA'O, RNAM PA NI GSUM STE, @74A *, ,SKAD CIG GCIG NAS GCIG TU 'JUG PA DANG, SKYE BA GCIG NAS GCIG TU 'JUG PA DANG, KUN NAS NYON MONGS PA DANG RNAM PAR BYANG BA GCIG NAS GCIG TU 'JUG PA'O, ,SO SOR NGES PA GNAS SKABS GANG LA GDAGS RNAM PA DU YOD CE NA, SMRAS PA, CHOS THA DAD PA'I MTSAN NYID KYI GNAS SKABS LA'O, ,RNAM PA GSUM STE, MTSAN NYID SO SOR NGES PA DANG, RGYU SO SOR NGES PA DANG, 'BRAS BU SO SOR NGES PA'O, ,SBYOR BA GNAS SKABS GANG LA GDAGS, RNAM PA DU YOD CE NA, SMRAS PA, RGYU DANG 'BRAS BU MTHUN PA'I GNAS SKABS LA'O, ,RNAM PA GSUM STE, 'DUS PA'I SBYOR BA DANG, THABS KYI SBYOR BA DANG, RIGS PA'I TSUL GYIS BYA BA BYED PA'I SBYOR BA'O, ,MGYOGS PA GNAS SKABS GANG LA GDAGS, RNAM PA DU YOD CE NA, SMRAS PA, MYUR DU 'JUG PA'I GNAS SKABS LA'O, ,RNAM PA GSUM STE, 'DU BYED KYI MGYOGS PA DANG, SKYES BU'I BYED PA'I MGYOGS PA DANG, RDZU 'PHRUL GYI MGYOGS PA'O, ,GO RIMS GNAS SKABS GANG LA GDAGS, RNAM PA DU YOD CE NA, SMRAS PA, 'DU BYED RE RE NAS 'JUG PA'I GNAS SKABS LA'O, ,RNAM PA GSUM STE, SKAD CIG 'JUG PA'I GO RIMS DANG, LUS 'JUG PA'I GO RIMS DANG, BYA BA BSGRUB PA 'JUG PA'I GO RIMS SO, ,DUS GNAS SKABS GANG LA GDAGS, RNAM PA DU YOD CE NA, SMRAS PA, 'DU BYED KYI RGYUN RGYUN MI 'CHAD PA'I GNAS SKABS LA'O, ,RNAM PA GSUM STE, 'DAS PA DANG, MA 'ONGS PA DANG, DA LTAR BYUNG BA'O, ,YUL GNAS SKABS GANG LA GDAGS, RNAM PA DU YOD CE NA, SMRAS PA, GZUGS YONGS SU GZUNG BA'I GNAS SKABS LA'O, ,RNAM PA GSUM STE, 'OG GI YUL DANG, STENG GI YUL DANG, THAD KA'I YUL LO, ,GRANGS GNAS SKABS GANG LA GDAGS, RNAM PA DU YOD CE NA, SMRAS PA, CHOS YONGS SU GZHAL BA YANG DAG PAR MTSON PA'I GNAS SKABS LA'O, ,RNAM PA GSUM STE, GCIG GI GRANGS DANG, GNYIS KYI GRANGS DANG, MANG PO'I GRANGS SO, ,TSOGS PA GNAS SKABS GANG LA GDAGS, RNAM PA DU @74B YOD CE NA, SMRAS PA, BYA BA'I YAN LAG MA TSANG PA MED PA'I GNAS SKABS LA'O, ,RNAM PA GSUM STE, 'DUS PA'I TSOGS PA DANG, DON GCIG GI TSOGS PA DANG, YONGS SU RDZOGS PA'I TSOGS PA'O, ,MA TSOGS PA GNAS SKABS GANG LA GDAGS, RNAM PA DU YOD CE NA, SMRAS PA, MA TSOGS PA'I GNAS SKABS DANG, RAB TU DBYE BA NI TSOGS PA LAS BZLOG PA LAS RIG PAR BYA'O, ,DE LA PHUNG PO RNAMS LA GZUGS CAN GYI MTSAN NYID NI GANG, PHUNG PO RNAMS LAS DU ZHIG NI GZUGS CAN YIN ZHE NA, DE NYID KYIS DE BSHAD PAR BYAS NAS GZUGS KYI NGO BO NYID KYI DON GYI PHUNG PO GZUGS CAN NI GCIG GO , ,BSTAN PA DU YOD PA RNAMS DON GANG GIS YIN, DU YOD CE NA, SMRAS PA, BSTAN DU YOD PA'I MIG GI SPYOD YUL DU DON GYIS SO, ,GCIG GI PHYOGS GCIG GO, ,THOGS PA DANG BCAS PA RNAMS DON GANG GIS YIN DU YOD CE NA; SMRAS PA, THOGS PA DANG BCAS PA NI PHAN TSUN REG CING YUL GNON PA'I DON DANG, RAGS PA'I DON GYIS DE RAGS PA'I DON NI CHA PHRA BA RNAM PA GSUM MA GTOGS PA YIN PAR RIG PAR BYA STE, CHA PHRA BA RNAM PA GSUM NI SNGA MA BZHIN DU RIG PAR BYA'O, ,GCIG GI PHYOGS GCIG GO; ,ZAG PA DANG BCAS PA RNAMS DON GANG GIS YIN, DU YOD CE NA, SMRAS PA, GNAS NGAN LEN DANG RJES SU 'BREL PA'I DON DANG, DE'I GNYEN PO MA YIN PA'I NYON MONGS PAS SKYED PA'I DON GYIS SO, ,THAMS CAD KYI PHYOGS GCIG GO, ,ZAG PA DANG BCAS PA'I DON GZHAN YANG GANG LA NYON MONGS PAS NYES PA RNAM PA BZHI SKYED PAR NUS PA DE NI ZAG PA DANG BCAS PA YIN NO, ,NYES PA RNAM PA BZHI GANG ZHE NA, SMRAS PA, RAB TU MA ZHI BA'I NYES PA DANG, NANG DANG PHYI ROL 'GYUR BA'I NYES PA DANG, NYES PAR SPYOD PA KUN NAS SLONG BA'I NYES PA DANG, RGYU YONGS SU 'DZIN PA'I NYES PA'O, ,DE LA DANG PO NI KUN NAS DKRIS PA KUN TU SPYOD PA LAS GYUR PA YIN PAR BLTA BAR BYA'O, ,GNYIS PA NI NYON MONGS PA'I GZHI LAS NYON MONGS PA RJES SU SPYOD PA LAS GYUR PA YIN PAR BLTA BAR BYA'O, ,GSUM PA NI NYON MONGS PA'I RGYU LAS GYUR PA YIN PAR BLTA BAR BYA'O, , @75A *, ,BZHI PA NI YANG SRID PA 'PHEN PA LAS GYUR PA YIN PAR BLTA BAR BYA'O, ,'DUS BYAS RNAMS DON GANG GIS YIN, DU YOD CE NA, SMRAS PA, RGYU LAS BYUNG BA 'BYUNG BA'I SKAL BA CAN GYI DON GYIS SO, ,'DUS BYAS THAMS CAD DO, ,NYON MONGS PA DANG BCAS PA RNAMS DON GANG GIS YIN, DU YOD CE NA, SMRAS PA, GNOD PA MANG POS DBANG BSGYUR BA'I DON GYIS SO, ,THAMS CAD KYI PHYOGS GCIG KHO NA'O, ,ZANG ZING DANG BCAS PA RNAMS DON GANG GIS YIN, DU YOD CE NA, SMRAS PA, SRED PA DANG, LTA BA MANG POS DBANG BSGYUR BA'I DON GYIS SO, ,THAMS CAD KYI PHYOGS GCIG KHO NA'O, ,ZHEN PA LA BRTEN PA RNAMS DON GANG GIS YIN, DU YOD CE NA, SMRAS PA, 'DOD PA'I 'DOD CHAGS MANG POS DBANG BSGYUR BA'I DON GYIS SO, ,THAMS CAD KYI PHYOGS GCIG KHO NA'O, ,'JIG RTEN PA RNAMS DON GANG GIS YIN, DU YOD CE NA, SMRAS PA, SPROS PA'I GNAS KYI DON GYIS SO, ,THAMS CAD KYI PHYOGS GCIG KHO NA'O, ,GTOGS PA RNAMS DON GANG GIS YIN, DU YOD CE NA, SMRAS PA, KHAMS GSUM DU 'JIG RTEN PA'I DON GYIS SO, ,THAMS CAD KYI PHYOGS GCIG KHO NA'O, ,'DAS PA RNAMS DON GANG GIS YIN, DU YOD CE NA; SMRAS PA, RGYU DANG 'BRAS BU SPYAD ZIN PA'I DON GYIS SO, ,THAMS CAD DO, ,MA 'ONGS PA RNAMS DON GANG GIS YIN, DU YOD CE NA, SMRAS PA, RGYU DANG 'BRAS BU MA SPYAD PA'I DON GYIS SO, ,THAMS CAD DO, ,DA LTAR BYUNG BA RNAMS DON GANG GIS YIN, DU YOD CE NA, SMRAS PA, RGYU SPYAD ZIN PA'I DON DANG 'BRAS BU MA SPYAD PA'I DON GYIS SO, ,THAMS CAD DO, ,NANG GI RNAMS DON GANG GIS YIN, DU YOD CE NA, SMRAS PA, SKYE MCHED DRUG PO DAG DE DANG 'BREL PA'I DON GYIS SO, ,GCIG NI PHYOGS GCIG DANG BZHI'O, ,PHYI ROL GYI DON RNAMS GANG GIS YIN, DU YOD CE NA, SMRAS PA, NANG GI LAS BZLOG PA'I DON GYIS SO, ,GCIG GI PHYOGS GCIG GO, ,RAGS PA RNAMS DON GANG GIS YIN, DU YOD CE NA, SMRAS PA, MI GSAL BA DANG, BRTZAMS PA DANG, MTSAN NYID BRTAS PA'I DON GYIS SO, ,THAMS CAD KYI PHYOGS @75B GCIG KHO NA'O, ,PHRA BA RNAMS DON GANG GIS YIN, DU YOD CE NA, SMRAS PA, RAGS PA LAS BZLOG PA'I DON GYIS SO, ,THAMS CAD KYI PHYOGS GCIG KHO NA'O, ,DMAN PA RNAMS DON GANG GIS YIN, DU YOD CE NA, SMRAS PA, MI RTAG PA DANG, SDUG BSNGAL BA DANG, MI GTZANG BA DANG, NYON MONGS PA CAN GYI DON GYIS SO, ,THAMS CAD KYI PHYOGS GCIG KHO NA'O, ,BZANG PO RNAMS DON GANG GIS YIN, DU YOD CE NA, SMRAS PA, DMAN PA LAS BZLOG PA'I DON GYIS SO, ,THAMS CAD KYI PHYOGS GCIG KHO NA'O, ,THAG RING PO RNAMS DON GANG GIS YIN, DU YOD CE NA, SMRAS PA, YUL DANG, 'DAS PA DANG MA 'ONGS PA'I DUS KYIS BSKAL PA'I DON GYIS SO, ,THAMS CAD KYI PHYOGS GCIG KHO NA'O, ,THAG NYE BA RNAMS DON GANG GIS YIN, DU YOD CE NA, SMRAS PA, THAG RING BA LAS BZLOG PA'I DON GYIS SO, ,THAMS CAD KYI PHYOGS GCIG KHO NA'O, ,'DOD PA DANG LDAN PA RNAMS DON GANG GIS YIN, DU YOD CE NA, SMRAS PA, 'DIR SKYES PA GNYEN PO MA THOB PA'AM, THOB PA LAS LANGS PA DUS GSUM DU KUN TU SPYOD PA'I DON GYIS SO, ,THAMS CAD KYI PHYOGS GCIG KHO NA'O, ,GZUGS DANG LDAN PA RNAMS DON GANG GIS YIN, DU YOD CE NA, SMRAS PA, GZUGS NA SPYOD PA'I GNYEN PO THOB PA SNYOMS PAR ZHUGS PA DANG, SKYES PA GONG MA'I GNYEN PO MA THOB PA'AM, THOB PA DE LAS LANGS PA DUS GSUM DU KUN TU SPYOD PA'I DON GYIS SO, ,THAMS CAD KYI PHYOGS GCIG KHO NA'O, ,GZUGS MED PA DANG LDAN PA RNAMS DON GANG GIS YIN, DU YOD CE NA, SMRAS PA, GZUGS MED PA DANG LDAN PA'I GNYEN PO THOB PA DE LA SNYOMS PAR ZHUGS PA DANG, SKYES BA GONG MA'I GNYEN PO MA THOB PA'AM, THOB PA DE LAS LANGS PA DUS GSUM DU KUN TU SPYOD PA'I DON GYIS SO, ,THAMS CAD KYI PHYOGS GCIG KHO NA'O, ,RNAM GRANGS GZHAN YANG 'DOD PA DANG LDAN PA RNAMS NI SHIN TU SBYANGS PA DANG BCAS PA'I TING NGE 'DZIN DANG, DE'I 'KHOR DANG DE'I 'BRAS BU'I CHOS KYIS MA BSDUS PA'I DON GYIS SO, ,GZUGS DANG LDAN PA RNAMS NI, GZUGS DANG 'BREL PA'I NYON @76A *, ,MONGS PA DANG, DE LAS BZLOG PAS BSDUS PA'I DON GYIS SO, ,GZUGS MED PA DANG LDAN PA RNAMS NI GZUGS DANG MI LDAN PA'I NYON MONGS PA DES BSDUS PA'I DON GYIS RIG PAR BYA'O, ,DGE BA RNAMS DON GANG GIS YIN, DU YOD CE NA, SMRAS PA, PHYI MA LA BDE BA'I 'BRAS BU'I DON DANG NYON MONGS PA DANG SDUG BSNGAL SPONG BA'I GNYEN PO'I DON GYIS SO, ,THAMS CAD KYI PHYOGS GCIG KHO NA'O, ,MI DGE BA RNAMS DON GANG GIS YIN, DU YOD CE NA, SMRAS PA, PHYI MA LA SDUG BSNGAL BA'I 'BRAS BU'I DON DANG NYES PAR SPYOD PA KUN NAS SLONG BA'I DON GYIS SO, ,THAMS CAD KYI PHYOGS GCIG KHO NA'O, ,LUNG DU MA BSTAN PA RNAMS DON GANG GIS YIN, DU YOD CE NA, SMRAS PA, DE GNYI GA LAS BZLOG PA'I DON GYIS SO, ,THAMS CAD KYI PHYOGS GCIG GO, ,RNAM GRANGS GZHAN YANG DGE BA RNAMS NI SKYON MED PA'I DON DANG, SKYON DANG YON TAN GYI GNYEN PO DANG, RJES SU MTHUN PA'I DON GYIS SO, ,MI DGE BA RNAMS NI DE LAS BZLOG PA'I DON GYIS SO, ,LUNG DU MA BSTAN PA RNAMS NI DE GNYI GA LAS BZLOG PA'I DON GYIS SO, ,SLOB PA RNAMS DON GANG GIS YIN, DU YOD CE NA, SMRAS PA, SLOB PA'I SBYOR BA LAS BYUNG BA'I DGE BA'I DON GYIS SO, ,THAMS CAD KYI PHYOGS GCIG KHO NA'O, ,MI SLOB PA RNAMS DON GANG GIS YIN, DU YOD CE NA, SMRAS PA, BSLAB PA YONGS SU RDZOGS PA LA MKHAS PA'I DON GYIS SO, ,THAMS CAD KYI PHYOGS GCIG KHO NA'O, ,SLOB PA YANG MA YIN MI SLOB PA YANG MA YIN PA RNAMS DON GANG GIS YIN, DU YOD CE NA, SMRAS PA, DE LAS GZHAN PA DGE BA DANG, NYON MONGS PA CAN DANG, LUNG DU MA BSTAN PA'I CHOS KYI DON GYIS SO, ,THAMS CAD KYI PHYOGS GCIG KHO NA'O, ,MTHONG BAS SPANG BAR BYA BA RNAMS DON GANG GIS YIN, DU YOD CE NA, SMRAS PA, MNGON PAR RTOG PA'I SHES PA BDEN PA MNGON PAR RTOGS PAS SPANG BAR BYA BA'I DON GYIS SO, ,THAMS CAD KYI PHYOGS GCIG KHO NA'O, ,BSGOMS PAS SPANG BAR BYA BA RNAMS DON GANG GIS YIN, DU YOD CE NA, SMRAS PA, MNGON PAR RTOGS @76B PA DE'I GONG MA BSGOM PA'I LAM GYIS SPANG BAR BYA BA'I DON GYIS SO, ,THAMS CAD KYI PHYOGS GCIG KHO NA'O, ,SPANG BAR BYA BA MA YIN PA RNAMS DON GANG GIS YIN, DU YOD CE NA, SMRAS PA, NYON MONGS PA CAN THAMS CAD GTAN SPANGS PA DANG, GNYEN PO'I DON DANG, SPANGS ZIN PA'I DON GYIS SO, ,THAMS CAD KYI PHYOGS GCIG KHO NA'O, ,GZUGS CAN MA YIN PA RNAMS DON GANG GIS YIN, DU YOD CE NA, SMRAS PA, GZUGS CAN MA YIN PA LA SOGS PA'I DON NI GZUGS CAN LA SOGS PA JI SKAD BSTAN PA RNAMS LAS BZLOG PA'I DON GYIS BLTA BAR BYA STE, DE LTAR DE LTA BU DANG MTHUN PA DAG GI PHUNG PO RNAMS KYI RNAM PA'I RAB TU DBYE BA GANG DAG YIN NO, ,PHUNG PO'I DON NI SPUNGS PA'I DON TO ZHES GANG GSUNGS PA DE LA SPUNGS PA'I DON GANG YIN ZHE NA, SMRAS PA, SPUNGS PA'I DON NI BDAG NYID SNA TSOGS MANG PO'I DON DANG, DE BZHIN DU PHAN TSUN 'DRES PA'I DNGOS POS 'JUG PA'I DON DANG, DE BZHIN DU GCIG TU MNGON PAR BSDUS PA'I DON DANG, 'PHEL BA DANG 'BRI PA'I DON TO, ,CI'I PHYIR GZUGS LA GZUGS ZHES BYA ZHE NA, SMRAS PA, YUL DE DANG DER SKYE BA'I DON DANG, GZUGS SU RUNG BA'I DON GYIS SO, ,GZUGS SU RUNG BA'I DON KYANG RNAM PA GNYIS TE, LAG PA LA SOGS PA'I 'DUS TE REG PAS GNOD PA BYAR RUNG BA'I DON DANG YUL SNA TSOGS SU BYED PA'I DON TO, ,CI'I PHYIR PHUNG PO GZUGS CAN MA YIN PA BZHI PO DAG LA MING 'DI ZHES BYA ZHE NA, SMRAS PA, DMIGS PA SNA TSOGS LA SEMS NYE BAR GZHOL BA'I DON DANG, THA SNYAD LAS BYUNG BA'I MING LA BRTEN TE DMIGS PA LA RNAM PAR RTOG PA'I DON GYIS SO, ,PHUNG PO RNAMS GANG GIS BSDUS, CI'I PHYIR BSDUS PA RNAM PAR GZHAG CE NA, SMRAS PA, NGO BO NYID KYIS BSDUS SO, ,RANG GI RIGS SNA TSOGS YONGS SU SHES PAR BYA BA'I PHYIR DE RNAM PAR GZHAG GO, ,CHOS RNAMS GANG DANG MTSUNGS PAR LDAN, CI'I PHYIR MTSUNGS PAR LDAN PA RNAM PAR GZHAG CE NA, SMRAS PA, GZHAN GYI DNGOS PO DANG MTSUNGS PAR LDAN NO, ,SEMS RANG BZHIN GYIS 'OD GSAL BA LA NYON MONGS PA CAN DANG NYON MONGS PA CAN MA YIN PA'I CHOS @77A *, ,RNAMS 'PHEL BA DANG 'BRI BA YONGS SU SHES PAR BYA BA'I PHYIR DE YANG RNAM PAR GZHAG GO, ,DGE SBYONG DANG BRAM ZE LA MING LA SEMS TZAM ZHIG RDZAS SU 'DOD LA SEMS LAS BYUNG BA'I CHOS RNAMS NI MI 'DOD PA GANG DAG YOD PA DE DAG KYANG MI 'THAD DO, ,DE CI'I PHYIR ZHE NA, DANG PO KHO NAR PHUNG PO RNAMS LNGA KHO NAR BSTAN PA MI 'THAD PA'I PHYIR RO, ,GAL TE GNAS SKABS KYI BYE BRAG LA SA LNGA KHO NAR YONGS SU RTOG NA NI DE'I GNAS SKABS KYI BYE BRAG TU RTOG PA YANG SKYON CHAGS PA YIN NO, ,DE CI'I PHYIR ZHE NA, GNAS SKABS DE DAG GI PHAN TSUN BYA BA BYED NUS PA'I BYE BRAG YOD PA 'AM MED PA'I SKYON DU THAL BAR 'GYUR BA'I PHYIR TE, YOD NA NI MTSAN NYID MI 'DRA BA'I PHYIR RDZAS GZHAN NYID DU YOD PAR THAL BAR 'GYUR RO, ,DE MED NA NI GNAS SKABS GZHAN YOD PAR RTOG PA DON MED PAR 'GYUR RO, ,RNAM PAR SHES PA'I TSOGS DRUG GI GNAS SKABS THA DAD PA LTA BUR YANG MI RUNG NGO, ,DE CI'I PHYIR ZHE NA, RNAM PAR SHES PA'I TSOGS DRUG PO DAG NI GNAS DANG DMIGS PA THA DAD PA'I PHYIR RO, ,GNAS SKABS DE DAG GI NI GCIG LA DMIGS PA'I PHYIR MI RUNG NGO, ,YONGS SU SHES PAR GYUR PA LAS KYANG MI RUNG NGO, ,DE CI'I PHYIR ZHE NA, GZUGS CAN LA NI YONGS SU 'GYUR BA DANG LDAN PAS GNAS SKABS THA DAD PA DAG RUNG GI GZUGS CAN MA YIN PA LA NI MI RUNG STE, 'O MA DANG ZHO DANG MAR SAR LA SOGS PA DANG 'DRA BA'I PHYIR RO, ,BYED RGYU KHYAD PAR MED PA'I PHYIR SEMS KYI GNAS SKABS GZHAN DU 'GYUR BA NI MI RUNG NGO, ,SKAD CIG GCIG LA GANG GIS GNAS SKABS GZHAN LA STON PAR 'GYUR BA'I BYED RGYU KHYAD PAR CAN GZHAN NI MI DMIGS TE, DE LTA BAS NA GNAS SKABS KYI BYE BRAG KYANG MI RUNG NGO, ,SEMS TZAM ZHIG RDZAS SU YOD PA NI LUNG DANG 'GAL BAS KYANG MI RUNG STE, LUNG DANG 'GAL BA GANG ZHE NA, 'DOD CHAGS KYIS NYE BAR NYON MONGS PA CAN DU 'GYUR BA DANG, ZHE SDANG DANG, GTI MUG GIS NYE BAR NYON MONGS PA CAN DU GYUR PA'I SEMS NI RNAM PAR GROL BAR MI 'GYUR RO ZHES JI SKAD GSUNGS PA'O, ,DE LA 'GAL BA CI YOD CE NA, SMRAS PA, SEMS TZAM STE @77B GNYIS CIG CAR DU 'BYUNG BA MED PA YIN NA 'DOD CHAGS LA SOGS PA RNAM PAR RIG PA LA MI BRTEN PAR THAL BAR 'GYUR BAS MI RUNG BA'O, ,RNAM PAR RIG PA SNGON DU 'GRO BA NYID DU RTOG NA'ANG DE LTA NA NYES PA KHYAD PAR MED PA KHO NAR 'GYUR RO, ,BCOM LDAN 'DAS KYIS KYANG LHAN CIG SKYES PA'I TSOR BA DANG 'DU SHES DANG SEMS PA ZHES GANG GSUNGS PA DANG, CHOS 'DI DAG NI 'DRES PA STE MA 'DRES PA MA YIN PAS CHOS 'DI DAG SO SOR PHYE ZHING SO SOR PHYE NA BYE BRAG GAM BSAM PA'AM, THA DAD DU BYA BA BRJOD PA MI DMIGS SO ZHES GANG GSUNGS PA DANG, 'DRES PA'I DON DE NYID RAB TU GRUB PAR BYA BA'I PHYIR MAR ME'I 'OD KYI DPE MDZAD PAS NA, DE'I PHYIR LHAN CIG SKYES PA MED NA 'DRES PA'I SGRA YANG MI RUNG NGO, ,SKYES BU 'DI NI KHAMS DRUG DANG LDAN PA'O ZHES GZUNGS PA'I LUNG GANG YIN PA DE YANG DGONGS TE GSUNGS PA YIN PAS NYES PA MED DO, ,DE LA DGONGS PA GANG ZHE NA, SMRAS PA, DGONGS PA NI GZUGS DANG YONGS SU G-YO BA DANG, SEMS LAS BYUNG BA RNAMS KYI GNAS GTZO CHER BSTAN PA YIN PAR BLTA BAR BYA'O, ,DE DANG 'GAL BAS GNYEN PO'I LUNG YANG DMIGS PA'I PHYIR TE, DE LA GNYEN PO'I LUNG GANG ZHE NA, BCOM LDAN 'DAS KYIS 'O MA DANG ZHO DANG; MAR SAR GYI DPES KHA CIG DU NI 'BYUNG BA CHEN PO BZHI LAS BYUNG BA'I BDAG RAGS PA DANG KHA CIG TU NI GZUGS CAN YID LAS BYUNG BA DANG KHA CIG TU GZUGS CAN MA YIN PA 'DU SHES KYI RANG BZHIN YIN PA JI SKAD GSUNGS PA LTA BU'O, ,DE LTA NA CI 'BYUNG BA CHEN PO TZAM ZHIG TU 'GYUR RAM 'ON TE SEMS TZAM MAM 'ON TE 'DU SHES TZAM DU 'GYUR ZHE NA, DE'I PHYIR DE DAG DANG DE LTA BU'I RNAM PA DAG BSTAN PA NI DGONGS PA CAN YIN PAR BLTA BAR BYA'O, ,DE LTA BAS NA PHUNG PO GZUGS CAN MA YIN PA BZHI PO MING GIS BSDUS PA SEMS DANG SEMS LAS BYUNG BA ZHES BYA BA DE DAG NI PHAN TSUN MTSUNGS PAR LDAN PAR RAB TU GRUB PA YIN NO, ,BAR SDOM NI, LNGA NYID 'THAD PA MED PHYIR DANG, ,DE YI GNAS SKABS SKYON PHYIR DANG, ,BYED RGYU BYE BRAG MED PHYIR DANG, ,LUNG DANG 'GAL BAR 'GYUR PHYIR RO, ,PHUNG PO'I DNGOS PO LA MKHAS PA RDZOGS SO,, ,,BAM PO DGU PA, MIG GI @78A *, ,KHAMS GANG ZHE NA, SMRAS PA, MIG LNGA SPANGS PA'AM, SPANGS PA SROG GI DBANG POS YONGS SU ZIN PA GANG YIN PA'O, ,MIG GI KHAMS JI LTA BA BZHIN DU, YID KYI RNAM PAR SHES PA'I KHAMS DANG CHOS KYI KHAMS KYI PHYOGS GCIG GI BAR DU YANG DE BZHIN NO, , GZUGS KYI KHAMS GANG ZHE NA, DBANG PO'I DBANG GIS BYUNG BA'I GZUGS GANG YIN PA DE LA DE'I DBANG GIS GZUGS KYI KHAMS ZHES BYA'O, ,GZUGS KYI KHAMS JI LTA BA BZHIN DU REG BYA'I KHAMS KYI BAR DU YANG DE BZHIN NO, ,BCO BRGYAD PO DE DAG LAS DU NI RDZAS SU YOD PA YIN; DU NI BTAGS PA'I YOD PA YIN ZHE NA, SMRAS PA, RDZAS SU YOD PA NI BCU BDUN NAM BCU GNYIS TE, KUN RDZOB RNAM PAR GZHAG PA'I TSUL GYIS DRUG GCIG TU BYAS NAS SAM, GCIG DRUG TU BYAS NAS SO, ,MIG GANG YIN PA MIG GI KHAMS KYANG DE YIN LA, MIG GI KHAMS GANG YIN PA MIG KYANG DE YIN NAM ZHE NA, SMRAS PA, MU BZHI YOD DE, MIG YIN LA MIG GI KHAMS MA YIN PA NI DGRA BCOM PA THA MA'I MIG GANG YIN PA STE MU DANG PO'O, ,MIG GI KHAMS YIN LA MIG MA YIN PA'I GZUGS CAN GYI KHAMS SU SKYES PA'I MIG MA SKYES PA DANG, MIG RAB TU NYAMS PA DANG, MIG MA THOB PA DANG, MIG 'GAGS MA THAG PA DANG, GZUGS MED PA'I KHAMS SU SKYES PA'I SO SO'I SKYE BO STE MU GNYIS PA'O, ,MIG KYANG YIN LA MIG GI KHAMS KYANG YIN PA NI RNAM PA DE DAG MA GTOGS PA STE MU GSUM PA'O, ,MIG KYANG MA YIN LA MIG GI KHAMS KYANG MA YIN PA NI DGRA BCOM PA MIG RAB TU NYAMS PA DANG, GZUGS MED PA'I KHAMS SU SKYES PA MIG MA BSKYED PA DANG, PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I STE MU BZHI PA'O, ,MIG JI LTA BA BZHIN DU NANG GI KHAMS THAMS CAD KYANG DE BZHIN DU CI RIGS PAR RIG PAR BYA'O, ,LUS KYI KHAMS LA NI RNAM PAR BRTAGS DGOS TE, DANG PO NAS LUS MA SKYES PA ZHES CI RIGS PAR BRJOD PAR BYA'O, ,DE BZHIN DU PHYI ROL GYI KHAMS BZHI LA YANG CI RIGS PAR BRJOD PAR BYA'O, ,SGRA'I KHAMS NI GANG GI TSE SGRA PHYUNG BA DE'I @78B TSE NI GNYI GA YIN PAR BRJOD PAR BYA'O, ,GANG GI TSE SGRA MA PHYUNG BA DE'I TSE NI DE LAS GZHAN PA'I KHAMS KYI TSOGS BZHIN DU KHAMS 'BA' ZHIG YOD KYI SGRA NI MED PAR BRJOD PAR BYA'O, ,BCO BRGYAD PO DE DAG LAS DU NI MTSUNGS PA YIN, DU NI DE DAG DANG MTSUNGS PA YIN ZHE NA, SMRAS PA, MIG GI KHAMS RNAM PAR SHES PA DANG BCAS PA NI MTSUNGS PA YIN NO, ,DE LAS GZHAN PA NI DE DAG DANG MTSUNGS PA YIN NO, ,MIG GI KHAMS LA JI LTA BA BZHIN DU LUS KYI KHAMS KYI BAR DU YANG DE BZHIN NO, ,MTSUNGS PA DE DAG DANG MTSUNGS PA NI DBANG POS ZIN PA'I NANG GI KHAMS RNAMS LA BSAMS PA YIN GYI GZUGS LA SOGS PA PHYI ROL GYI DAG LA NI MED DO, ,CHOS KYI KHAMS NI DMIGS PA DANG BCAS PA GANG YIN PA DE NI SEMS KYI KHAMS DANG 'DRA BAR BLTA BAR BYA'O, ,DMIGS PA MED PA GANG YIN PA DE NI GZUGS LA SOGS PA DANG 'DRA'O, ,KHAMS RNAMS LAS DU NI PHRAD NAS 'DZIN PA DAG YIN, DU NI MA PHRAD PAR 'DZIN PA DAG YIN ZHE NA, SMRAS PA, DRUG NI PHRAD NAS 'DZIN PA YIN NO, ,BZHI NI MA PHRAD PAR 'DZIN PA YIN NO, ,LNGA NI 'DZIN PA MA YIN NO, ,GCIG GI PHYOGS GCIG DANG KHAMS GCIG NI PHRAD PA DANG, MA PHRAD PAR 'DZIN PA YIN NO; ,DU NI GZUNG BA KHO NA YIN LA 'DZIN PA MA YIN, DU NI GZUNG BA DANG 'DZIN PA YIN ZHE NA, SMRAS PA, GZUNG BA NI THAMS CAD DO, ,LNGA DANG, GCIG GI PHYOGS NI GZUNG BA KHO NA'O, ,BCU GNYIS DANG GCIG GI PHYOGS NI 'DZIN PA'ANG YIN NO, ,DU NI GROGS PO DANG BCAS PAS 'DZIN PA YIN, DU NI GROGS PO MED PAR 'DZIN PA YIN ZHE NA, SMRAS PA, BCU DANG GCIG GI PHYOGS NI GROGS DANG BCAS PAS 'DZIN PA YIN NO, ,GCIG DANG GCIG GI PHYOGS NI GROGS MED PAR 'DZIN PA YIN NO, ,DU ZHIG 'DOD PA DANG LDAN PA KHO NA YIN ZHE NA, SMRAS PA, BZHI'O, , DU ZHIG GZUGS DANG LDAN PA KHO NA YIN ZHE NA, SMRAS PA, 'GA' YANG MA YIN NO, ,DU ZHIG GZUGS MED PA DANG LDAN PA KHO NA YIN ZHE NA, SMRAS PA, 'GA' YANG MA YIN NO, ,'DOD PA DANG LDAN PA LAS DU ZHIG GZUGS DANG LDAN PA KHO NA YIN ZHE NA, SMRAS PA, BCU GCIG GO,, @79A *, ,GZUGS DANG LDAN PA LAS DU ZHIG GZUGS MED PA DANG LDAN PA KHO NA YIN ZHE NA, SMRAS PA, 'GA' YANG MA YIN NO, ,DU ZHIG KHAMS GSUM DANG LDAN PA YIN ZHE NA, SMRAS PA, GSUM MO, ,DU ZHIG ZIN PA YIN, DU ZHIG ZIN PA DANG MA ZIN PA YIN, DU ZHIG MA ZIN PA YIN ZHE NA, SMRAS PA, LNGA NI ZIN PA YIN NO, ,LNGA NI ZIN PA DANG MA ZIN PA YIN NO, ,LHAG MA RNAMS NI MA ZIN PA YIN NO, ,DE CI'I PHYIR ZHE NA, DE LAS GZHAN PA GANG DE DAG 'DZIN PAR 'GYUR BA'I 'DZIN PAR BYED PA MI DMIGS PA'I PHYIR RO, ,KHAMS SNA TSOGS PA NYID GANG ZHE NA; KHAMS BCO BRGYAD PO DAG PHAN TSUN MTSAN NYID THA DAD PA NYID GANG YIN PA'O, ,KHAMS DU MA PA NYID GANG ZHE NA, DE DAG NYID SEMS CAN SNA TSOGS DPAG TU MED PA'I RAB TU DBYE BAS GNAS PA'O, ,KHAMS TSAD MED PA NYID GANG ZHE NA, DE GNYI GA GCIG TU BSDUS PA LA KHAMS TSAD MED PA NYID CES BYA STE, DBANG PO'I TSOGS KYI DPES NGA NI KHAMS RNAMS KYI KHAMS KYI DPE MTHA' YOD PAR MI SMRA'O ZHES JI SKAD GSUNGS PA LTA BU'O, ,BAR SDOM NI, RDZAS SU YOD PA GANG YIN DANG, ,MU BZHI DANG NI MTSUNGS PA DANG, ,'DZIN DANG KHAMS DANG ZIN PA DANG, ,SNA TSOGS PA DANG DU MA NYID, ,KHAMS KYI DON GANG ZHE NA, SMRAS PA, KHAMS KYI DON NI RGYU'I DON DANG SA BON GYI DON DANG RANG BZHIN GYI DON DANG RIGS KYI DON DANG CHA PHRA BA'I DON DANG GZHI'I DON TO, ,CI'I PHYIR NA MYA NGAN LAS 'DAS PA'I DBYINGS DANG NAM MKHA'I KHAMS LA KHAMS ZHES BYA ZHE NA, SMRAS PA, SDUG BSNGAL MI SKYE BA'I GZHI'I DON DANG LUS DANG MIG LA SOGS PA YONGS SU G-YO BA'I GZHI'I DON GYIS SO, ,CI ZHIG YONGS SU BSTAN PAR BYA BA'I PHYIR KHAMS RNAM PAR GZHAG CE NA, SMRAS PA, RGYU'I RKYEN YONGS SU BSTAN PAR BYA BA'I PHYIR DANG, DBANG PO DANG YUL DANG NYE BAR SPYOD PA YONGS SU BSTAN PAR BYA BA'I PHYIR RO, ,KHAMS BCO BRGYAD PO 'DI DAG GI RAB TU DBYE BA GANG ZHE NA, SMRAS PA, RE ZHIG MDOR BSDU NA RNAM PA DRUG TU BLTA BAR BYA'O, ,CHOS KYI KHAMS NI 'DI LTA STE, MIG LA SOGS PA DAG GI MIG LA SOGS PA'I CHOS RNAMS SO, ,DAG PA'I KHAMS NI 'DI @79B LTA STE, GANG ZAG RIGS LA GNAS PA RNAMS KYI KHAMS GANG DAG YIN PA'O, ,RANG BZHIN GYI KHAMS NI 'DI LTA STE, KHAMS BCO BRGYAD PO JI SKAD BSTAN PA DE DAG NYID THOG MA MED PA'I DUS NAS SKYE BA PHYI MA PHYI MA DAG TU RAB TU GRUB PA GANG YIN PA DANG, GANG ZAG RIGS LA GNAS PA DANG, RIGS LA GNAS PA MA YIN PA RNAMS KYI THOG MA MED PA'I DUS NAS YONGS SU MYA NGAN LAS 'DA' BA DANG, YONGS SU MYA NGAN LAS 'DA' BA MA YIN PA'I CHOS NYID DU RAB TU GRUB PA GANG YIN PA'O, ,YONGS SU BSGOMS PA'I KHAMS NI 'DI LTA STE, SNGON DGE BA DANG MI DGE BA YONGS SU BSGOMS PA DE DAG NYID 'KHOR BAR SKYE BA DANG, 'BRI BA DANG, BYE BRAG DANG, MYA NGAN LAS 'DAS PA THOB PA'I RGYU NYID GANG YIN PA'O, ,'BRAS BU BSKYED PA'I KHAMS NI 'DI LTA STE, DE DAG NYID 'BRAS BU BSKYED NAS 'GAGS PA GANG YIN PA'O, ,'BRAS BU MA BSKYED PA'I KHAMS NI 'DI LTA STE, DE DAG NYID 'BRAS BU MA BSKYED PA 'GAGS PA 'AM MA 'GAGS PA GANG YIN PA STE, DE LTAR NA DE NI MDOR BSTAN PA LAS KHAMS DRUG YIN GYI RGYAS PAR BSTAN PA NI TSAD MED DO, ,KHAMS BCO BRGYAD PO DE DAG LAS DU NI GZUGS CAN DAG YIN DU NI GZUGS CAN MA YIN PA DAG YIN PA NAS, DU NI SPANG BAR BYA BA MA YIN PA DAG GI BAR DU YIN ZHE NA, RGYA CHER JI SKAD BSTAN PA'I MTSAN NYID KYI RJES SU ZHUGS LA SBYAR BAR BYA'O, ,MIG GIS GZUGS RNAMS MTHONG BA NAS YID KYIS CHOS RNAMS RNAM PAR SHES SO ZHES BYA BA'I BAR DU JI SKAD GSUNG PA DE LA, CI MIG LA SOGS PAS MTHONG BA NAS RNAM PAR SHES PA'I BAR DU YIN NAM, 'ON TE DE DAG GI RNAM PAR SHES PA DAG GIS MTHONG PA NAS RNAM PAR SHES PA'I BAR DU YIN ZHE NA, SMRAS PA, DON DAM PAR NI MIG LA SOGS PAS KYANG MA YIN LA DE DAG GI RNAM PAR SHES PA DAG GIS KYANG MA YIN NO, ,DE CI'I PHYIR ZHE NA, DNGOS PO RNAMS NI RTEN CING 'BREL PAR 'BYUNG BA'I PHYIR DANG, SKAD CIG PA'I PHYIR DANG, G-YO BA MED PA'I PHYIR RO, ,BRDA'I TSUL DU NI GTZO BO YIN PA'I PHYIR MIG LA SOGS PA LA MTHONG BA PO LA SOGS PA NYE BAR GDAGS PAS CHES RIGS SO, ,DE CI'I PHYIR ZHE NA, MIG LA SOGS PA DBANG PO RNAMS @80A *, ,YOD NA NI RNAM PAR SHES PA 'BYUNG BA MA TSANG BA MED PAR NGES KYI, RNAM PAR SHES PA'I RGYUN NI YOD DU ZIN KYANG MIG LA SOGS PA DBANG PO RNAMS TSANG BA'AM MA TSANG BAR DMIGS PA'I PHYIR RO, ,LTA BA LA SOGS PA TZAM LA MTHONG BA LA SOGS PA NYE BAR GDAGS PA GANG YIN PA DE NI DON DAM PA YIN NO, ,KHAMS BCO BRGYAD PO DE DAG GI GO RIMS BSTAN PA'I RGYU DAG GANG ZHE NA, SMRAS PA, DE DAG NI MDOR BSDU NA RNAM PA GNYIS SU BLTA BAR BYA STE, 'DI LTA STE, GSUM GYI GO RIMS KYI RGYU DANG, DRUG GI GO RIMS KYI RGYU'O, ,DE LA GSUM GYI GO RIMS KYI RGYU GANG ZHE NA, SMRAS PA, GNAS DANG YUL DANG DE GNYI GA LA BRTEN PA'I BYE BRAG LAS TE, 'DI LTAR RNAM PAR SHES PA NI DBANG PO LA PHYOGS GCIG GI DON GYIS BRTEN PA DANG, YUL LA NI, DMIGS PA'I DON GYIS BRTEN TO, ,DRUG GI GO RIMS KYI RGYU GANG ZHE NA, SMRAS PA, MIG LA SOGS PA NI SPYOD YUL CHES PHAL CHE BA DANG SNA TSOGS PA DANG YANG DANG YANG 'BYUNG BA'I PHYIR DANG POR BSTAN TE DE NI RGYU DANG PO YIN NO, ,YANG 'JIG RTEN GYI THA SNYAD KYI RJES SU 'JUG PA LAS TE, 'DI LTAR 'JIG RTEN PA RNAMS NI DANG POR GCIG LA GCIG LTA BAR BYED DO, ,DE'I 'OG TU KUN TU SMRA BAR BYED DO,, DE'I 'OG TU 'DUS SHING ZA BA DANG LHAG PAR ZA BAR BYED DO, ,DE'I 'OG TU NYI MA NUB CING NAM SROS PA NA MAL SHOM ZHING MAL STAN DANG BCAS, SHING BAL DANG SNGAS NANG TSANGS CAN DANG BUD MED KYI REG PA LA RTEN PAR BYED DE DE NI RGYU GNYIS PA YIN NO, ,YANG DGA' BA'I BYE BRAG GI GNAS LAS TE DE NI RGYU GSUM PA YIN NO, ,YANG MDZES PA'I BYE BRAG YONGS SU 'DZIN PA LAS TE 'DOD PA LA LONGS SPYOD PA RNAMS KYI SMEN TSUGS DANG, MIG SMAN LA SOGS PAS MDZES PAR BYAS PAS NI MIG GO, ,RNA CHA DANG RNA RGYAN LA SOGS PAS MDZES PAR BYAS PA NI RNA BA YIN GYI GZHAN NI DE LTA MA YIN TE DE NI RGYU BZHI PA YIN NO, ,YANG BYA BA DANG ZAS DANG 'KHRIG PA'I DBANG LAS TE, 'DI LTAR SEMS CAN RNAMS NI LUS DANG NGAG GI LAS DGE BA DANG MI DGE BA DAG GIS THAMS CAD LA RTZOL BA BYED, YONGS SU TSOL BAR BYED DO, ,DE'I 'OG TU KHAM GYI ZAS DAG ZA BAR BYED DO, ,TSIM ZHING @80B RGYAGS PA DAG 'KHRIG PA STEN PAR BYED DE DE NI RGYU LNGA PA YIN NO, ,YANG LAS DANG BYA BA'I BYE BRAG YONGS SU 'DZIN PA LAS TE DE LTAR MIG GIS GZUGS SNA TSOGS DAG MTHONG NAS 'GRO'O, ,'GRO BA NA 'KHRUL PA MED PA DANG SPYOD LAM 'KHRUL PA DAG 'PHYA BAR BYED DO, ,DGRA BO DANG MDZA' BSHES DANG THA MAL PA SNGON MTHONG BA DANG MA MTHONG BA GZHAN DAG GIS NGO SHES PAR YANG BYED DO, ,YUL GYI NGO SHES PAR BYED CING GZHAN DAG LA STON PAR YANG BYED DO, ,MING DANG THA SNYAD 'DOGS PAR YANG BYED DO, ,BRO GAR DANG ZLOS GAR DANG BZHAD GAD LA SOGS PA SNA TSOGS MANG PO DAG GIS DGA' BA SO SOR MYONG BAR YANG BYED DO, ,LUS KYANG BRTAS BAR BYED DA, DE LTAR DE LTA BU DANG MTHUN PA RNAM PA DU MA NI MIG GI KHAMS KYI LAS YIN NO, ,RNA BA NI SGRA SNA TSOGS DAG NYAN PAR BYED DO, ,LEGS PAR GSUNGS PA DANG NYES PAR BSHAD PA'I DON KYANG SHES PAR YANG BYED DO, ,MNGON PAR BRJOD PAS THA SNYAD 'DOGS PAR YANG BYED DO, ,ROL MO'I SGRAS DGA' BA SO SOR MYONG BAR YANG BYED IDO, ,LUS KYANG BRTAS PAR BYED DE, DE LTAR DE LTA BU DANG MTHUN PA NI RNA BA'I KHAMS KYI LAS RAB TU SLA BA YIN NO, ,SNAS NI DRI SNA TSOGS DAG SNOM PAR BYED DO; ,DRIS BRO BAR YANG BYED DO, ,DGA' BA SO SOR MYONG BAR YANG BYED DO, ,LUS BRTAS PAR YANG BYED DO, ,DE LTAR DE LTA BU DANG MTHUN PA NI SNA'I KHAMS KYI LAS RAB TU SLA BA YIN PAR RIG PAR BYA'O, ,LCE'I KHAMS KYIS NI RO SNA TSOGS DAG MYONG BAR BYED DO, ,DGA' BA SO SOR MYONG BAR YANG BYED DO, ,LUS KYANG BRTAS PAR YANG BYED DO, ,DE LTAR DE LTA BU DANG MTHUN PA NI LCE'I KHAMS KYI LAS RAB TU SLA BA YIN NO, ,LUS KYI KHAMS KYIS NI REG BYA SNA TSOGS DAG REG PAR BYED DO, ,DGA' BA SO SOR MYONG BAR YANG BYED DO, ,DE DANG DES LUS BRTAS PAR YANG BYED LA LAN 'GA' NI DGA' BA'I DNGOS PO DE DAG NYID NYAMS PAR YANG BYED DO, ,DE LTAR DE LTA BU MTHUN PA NI LUS KYI KHAMS GYI LAS RAB TU SLA BA YIN TE, DE NI GO RIMS BSTAN PA'I RGYU DRUG PA YIN NO, ,YID NI MIG LA SOGS PA DRUG PO DE DAG GI RNAM GRANGS THAMS CAD DANG THAMS CAD DU @81A *, ,'GRO BA YIN PA'I PHYIR THAMS CAD KYI THA MAR BSTAN PAR RIG PAR BYA'O, ,GO RIMS KYI RGYU DE DAG GI BAR SDOM NI, PHAL CHE BA DANG THA SNYAD DANG, ,DGA' DANG MDZES DANG BYA BA GNYIS, ,KHAMS BCO BRGYAD PO DE DAG GIS, DE LAS GZHAN PA MDO SDE LAS GSUNGS PA THAMS CAD BSDUS PAR RIG PAR BYA'O, ,CI'I PHYIR GZUGS NA SPYOD PA YUL GYI 'DOD CHAGS DANG BRAL BA RNAMS LA SNA'I KHAMS DANG LCE'I KHAMS 'BYUNG BAR 'GYUR ZHE NA, SMRAS PA, LUS MDZES PAR BYA BA'I PHYIR DANG DE GNYIS KYI 'DOD CHAGS DANG MA BRAL BA'I PHYIR RO, ,GZUGS KYI KHAMS SU BSAM GTAN GNYIS PA DANG DE'I GONG MAR SKYES PA, GAL TE MIG LA SOGS PA'I RNAM PAR SHES PA RTOG PA DANG BCAS DPYOD PA DANG BCAS PA MNGON DU BYED NA NI JI LTAR NA SA DE RTOG PA MED CING DPYOD PA MED PAR 'GYUR, GAL TE MNGON DU MI BYED NA NI JI LTAR NA DBANG PO GZUGS CAN DES DE'I SA PA'I YUL NYAMS SU MYONG BAR 'GYUR ZHE NA, SMRAS PA, RTOG PA MED PA DANG DPYOD PA MED PA'I TING NGE 'DZIN NI RTOG PA DANG BCAS DPYOD PA DANG BCAS PA'I RNAM PAR SHES PA'I SA BON DANG LDAN PA YIN PAS, DE'I PHYIR DE LAS LANGS PA LA DE KUN TU 'BYUNG BAR RUNG NGO, ,LANGS PA'I RNAM PAR SHES PA DE LA DPYOD PA DE YANG RTOG PA MED PA DANG DPYOD PA MED PA'I TING NGE 'DZIN GYI SA BON DANG LDAN PA YIN PAS DE'I PHYIR SA BON DE NI RTOG PA MED PA DANG DPYOD PA MED PA NYID MA YIN NO, ,RANG BZHIN GYIS 'DOD CHAGS DANG BRAL BA'I SEMS CAN DE DAG NI 'DOD CHAGS DANG BRAL BAS 'DOD CHAGS DANG BRAL BA'I PHYIR RTOG PA DE DAG LA RTOG PA MED KYANG SA DE LA KUN DU SPYOD PA LA NYES PA MED DO, ,CI'I PHYIR MIG GI KHAMS CHA GNYIS SU MNGON PAR GRUB CING RNA BA'I KHAMS DANG SNA'I KHAMS KYANG DE BZHIN LAS GZHAN NI DE LTA BU MA YIN ZHE NA, SMRAS PA, LUS LA MDZES PAR BYA BA'I PHYIR RO, ,MIG GI RNAM PAR SHES PA GANG YIN PA DANG, SNA'I RNAM PAR SHES PA'I BAR DU GNYIS LA BRTEN TE, SKYE BA GANG YIN PA DE DAG CI GCIG TU BRJOD PAR BYA'AM, 'ON TE GNYIS SU BRJOD PAR BYA ZHE NA, SMRAS PA, GCIG TU BRJOD PAR BYA'O, ,DE CI'I PHYIR ZHE NA, GCIG MA BSGRIBS SHING RAB TU @81B MNYAMS NA RNAM PAR SHES PA GSAL BAR SKYE BA'I PHYIR DANG, BSGRIBS SHING RAB TU NYAMS NA RNAM PAR SHES PA GSAL BAR MI SKYE BA'I PHYIR DANG, RNAM PAR SHES PA DE NI GZUGS CAN MA YIN PA'I PHYIR GZUGS BZHIN DU YUL LAS GNYIS SU DBYER MED PA'I PHYIR RO, ,MIG DANG MIG GI RNAM PAR SHES PA GAL TE RGYU DANG 'BRAS BU'I DNGOS PO YIN NA DE LTA NA CI LTAR DE GNYIS LHAN CIG GI DNGOS POR 'GYUR, GAL TE LHAN CIG GI DNGOS PO YIN NA NI DE LTAR NA JI LTAR DE GNYIS RGYU DANG 'BRAS BU'I DNGOS POR RUNG ZHE NA, SMRAS PA, SA BON DANG MYU GU BZHIN DU MIG LA BRTEN TE RNAM PAR SHES PA SKYE BA NI MI RUNG NGO, ,DE CI'I PHYIR ZHE NA, MIG NI MIG GI RNAM PAR SHES PA SKYED PA'I RGYU MA YIN PA'I PHYIR TE, 'ON KYANG GNAS KYI RGYU YIN PAS DE'I PHYIR DE GNYIS NI MAR ME DANG 'OD BZHIN DU LHAN CIG GI DNGOS PO DANG RGYU DANG 'BRAS BU'I DNGOS POS RUNG NGO, ,MIG DANG MIG GI RNAM PAR SHES PA JI LTA BA BZHIN DU, RNA BA DANG SNA DANG LCE DANG LUS DANG DE DAG GI RNAM PAR SHES PA RNAMS KYANG DE BZHIN DU BLTA BAR BYA'O, ,GZHAN DU NA RANG GI SA BON LAS SKYE BAR GYUR NA MIG LA SOGS PA'I RNAM PAR SHES PA GNAS MED PA LAS 'BYUNG BAR 'GYUR BAS MI RUNG NGO, ,'DOD PA'I KHAMS SU SKYES SHING BYUNG BA'I MIG GI KHAMS NGES PAR 'BYUNG BAR 'GYUR RO ZHES BRJOD PAR BYA'AM ZHE NA, SMRAS PA, DER NI GCIG TU MA NGES SO, ,MIG GI KHAMS JI LTA BA BZHIN DU RNA BA DANG SNA DANG LCE'I KHAMS RNAMS DANG, DE DAG GI RNAM PAR SHES PA'I KHAMS RNAMS KYANG DE BZHIN DU RIG PAR BYA'O, ,LUS KYI KHAMS NI NGES PAR 'BYUNG STE LUS KYI RNAM PAR SHES PA'I KHAMS RNAMS DANG YID KYI KHAMS DANG CHOS KYI KHAMS DANG YID KYI RNAM PAR SHES PA'I KHAMS DANG GZUGS DANG SGRA DANG DRI DANG RO DANG REG BYA'I KHAMS RNAMS KYANG DE BZHIN NO, ,GZUGS KYI KHAMS SU SKYES SHING 'BYUNG BA'I MIG GI KHAMS NGES PAR 'BYUNG BAR 'GYUR RO ZHES BRJOD PAR BYA'AM ZHE NA, SMRAS PA, NGES PA YIN NO, ,MIG GI KHAMS JI LTA BA BZHIN DU RNA BA DANG SNA DANG LCE DANG LUS KYI KHAMS RNAMS DANG MIG DANG RNA BA DANG SNA DANG LCE DANG LUS KYI RNAM PAR SHES PA'I KHAMS RNAMS KYANG DE BZHIN NO, , @82A *, ,DRI'I KHAMS DANG RO'I KHAMS DANG DE DAG GI RNAM PAR SHES PA'I KHAMS DAG MA GTOGS PA DE LAS GZHAN PA THAMS CAD NI NGES PAR 'BYUNG BAR 'GYUR RO, ,GZUGS MED PA'I KHAMS SU SKYES SHING BYUNG BA LA NI KHAMS GSUM PO YID DANG CHOS DANG YID KYI RNAM PAR SHES PA'I KHAMS RNAMS MA GTOGS PA DANG DBANG SGYUR BAS THOB PA'I GZUGS MA GTOGS PA DE LAS GZHAN PA RNAMS NI NGES PAR 'BYUNG BA MA YIN NO, ,GSUM PO 'DI DAG NI DER NGES PAR 'BYUNG BAR BLTA BAR BYA'O, ,'DI'I SDOM GYI TSIGS SU BCAD PA NI PHUNG PO LA MKHAS PA DANG 'DRA BAR BLTA BAR BYA'O, ,KHA ZAS KYI DNGOS PO LA MKHAS PA RDZOGS SO,, ,,SKYE MCHED RNAMS KYI SDOM GYI TSIGS SU BCAD PA YANG KHAMS RNAMS KYI JI LTA BA DE BZHIN DU BLTA BAR BYA'O, ,MIG GI SKYE MCHED GANG ZHE NA, MIG THOB CING MA SPANGS PA DE MA THAG TU LUS LAS 'GOG PA'I CHOS CAN MA YIN PA GANG YIN PA'O, ,MIG GI SKYE MCHED JI LTA BA BZHIN DU SKYE MCHED LHAG MA RNAMS KYANG NGO BO NYID LAS DE BZHIN DU BLTA BAR BYA'O, ,SKYE MCHED DANG REG PA'I SKYE MCHED GNYIS LA BYE BRAG CI YOD CE NA, SMRAS PA, SKYE MCHED NI JI SKAD BSTAN PA YIN NO, ,REG PA'I SKYE MCHED NI SKYE MCHED GANG REG PA DANG, LHAN CIG PA DE MA THAG TU REG PA SKYE BAR BYED PA REG PA DANG RJES SU MTHUN PA'O, ,MIG GANG YIN PA SKYE MCHED KYANG DE YIN LA SKYE MCHED GANG YIN PA MIG KYANG DE YIN NAM ZHE NA, SMRAS PA, MIG YIN LA SKYE MCHED MA YIN PA'ANG YOD DE MIG THOB CING MA SPANGS LA DE MA THAG TU 'OG TU 'GOG PA'I CHOS CAN GANG YIN PA'O, ,SKYE MCHED YIN LA MIG MA YIN PA'ANG YOD DE, SKYE MCHED LHAG MA SKYE MCHED KYI MTSAN NYID KYIS RNAM PAR GNAS PA RNAMS SO, ,MIG KYANG YIN LA SKYE MCHED KYANG YIN PA YANG YOD DE, MIG THOB CING MA SPANGS LA DE MA THAG TU 'GOG PA'I CHOS CAN YANG MA YIN PA GANG YIN PA'O, ,MIG KYANG MA YIN LA SKYE MCHED KYANG MA YIN PA'ANG YOD DE, MIG MA THOB PA'AM SPANGS PA DANG DE LAS GZHAN PA RNA BA LA SOGS PA SKYE MCHED KYI MTSAN NYID KYIS NYE BAR MI GNAS PA GANG YIN PA'O, ,SKYE MCHED GANG YIN PA REG PA'I SKYE MCHED @82B KYANG DE YIN LA REG PA'I SKYE MCHED GANG YIN PA SKYE MCHED KYANG DE YIN NAM ZHE NA, SMRAS PA, REG PA'I SKYE MCHED GANG YIN PA DE NI RE ZHIG SKYE MCHED KYANG YIN NO, ,SKYE MCHED YIN LA REG PA'I SKYE MCHED MA YIN PA YANG YOD DE, MIG LA SOGS PA REG PA DANG MI LDAN PA DANG, DE MA THAG TU REG PA SKYED PAR MI BYED PA DANG 'GOG PA'I CHOS CAN MA YIN PA GANG YIN PA'O, ,GZUGS KYI KHAMS SU SKYES SHING BYUNG BA'I SNA GANG YIN PA DANG LCE GANG YIN PA DE NI DUS RTAG TU SKYE MCHED MA YIN PA KHO NAR BLTA BAR BYA'O, ,'DU SHES MED PA'I SEMS CAN LHA RNAMS KYI NANG DU SKYES PA'I DBANG PO GANG DAG YIN PA DE DAG KYANG DUS RTAG TU SKYE MCHED MA YIN PA KHO NAR BLTA BAR BYA'O, ,DON GANG GIS NA SKYE MCHED RNAMS ZHES BYA, CI ZHIG YONGS SU BSTAN PA'I PHYIR SKYE MCHED RNAM PAR GZHAG CE NA, SMRAS PA, SEMS DANG SEMS LAS BYUNG BA'I CHOS RNAMS KYI SKYE BA'I SGO'I DON DANG, RKYEN GYI DON DANG, THABS KYI DON DANG, TSOGS PA'I DNGOS PO'I DON DANG, RTEN GYI DON DANG, DE DAG SNANG BA'I GNAS KYI DON GYIS SO, ,MTSUNGS PA DE MA THAG PA DANG, DMIGS PA DANG, BDAG PO'I RKYEN RNAM PA GSUM YONGS SU BSTAN PAR BYA BA'I PHYIR SKYE MCHED RNAM PAR GZHAG GO , ,SKYE MCHED RNAMS KYI RAB TU DBYE BA DANG GO RIMS NI KHAMS BZHIN DU CI RIGS PAR BLTA BAR BYA'O, ,BCOM LDAN 'DAS KYIS MDO SDE LAS ZIL GYIS GNON PA'I SKYE MCHED BRGYAD DANG, DE BZHIN DU RGYAS PAR ZAD PAR GYI SKYE MCHED BCU DANG, DE BZHIN DU NAM MKHA' MTHA' YAS SKYE MCHED LA SOGS PA'I SKYE MCHED BZHI DANG, DE BZHIN DU SKYE MCHED GNYIS PO 'DU SHES MED PA'I SKYE MCHED DANG 'DU SHES MED 'DU SHES MED MIN SKYE MCHED DANG, DE DAG LA SOGS PA SKYE MCHED KYI SGRAR BSTAN PA'I CHOS GANG DAG GSUNGS PA DE DAG KYANG SKYE MCHED BCU GNYIS PO DAG GIS MTSAN NYID JI SKAD SMOS PAS CI RIGS PAR BSDU BAR RIG PAR BYA'O, , SKYE MCHED RNAMS KYI RTEN KYANG KHAMS KHO NA BZHIN DU BLTA BAR BYA'O, ,SKYE MCHED KYI DNGOS PO LA MKHAS PA RDZOGS SO,, ,,DE LA RTEN CING 'BREL PAR 'BYUNG BA'I CHOS RNAMS ZHES BYA BA LA GANG DAG BDAG PO MED PA DANG, BYED PA PO MED PA DANG, TSOR BA PO MED PA DANG, BDAG NYID G-YO BA @83A *, ,MED PA DANG, RANG DBANG MED PA DANG, RGYUS BSKYED PA DANG, RKYEN LA RAG LAS SHING 'BRAL BAR 'JUG PA DANG, MA BYUNG BA LAS 'BYUNG BA'I CHOS CAN DANG, BYUNG NAS 'JIG PA'I CHOS CAN DANG, CHOS TZAM ZHAG RAB TU PHYE BA DANG, CHOS RNAMS KHO NAS MNGON PAR BRLAN PA DANG, CHOS RNAMS KHO NA MNGON PAR RLAN PAR BYED PA DANG, RGYUD DU GTOGS PA DANG, DE LTAR DE LTA BU DANG MTHUN PA DE DAG NI RTEN CING 'BREL PAR 'BYUNG BA'I CHOS RNAMS KYI MTSAN NYID YIN PAR RIG PAR BYA'O, ,DE LA RGYU GANG YIN PA DE LA NI RTEN CING 'BREL BAR 'BYUNG BA ZHES BYA'O, ,'BRAS BU GANG YIN PA DE LA NI RTEN CING 'BREL PAR 'BYUNG BA ZHES BYA BAR BLTA BAR BYA'O, ,DE LA MA RIG PA'I BAG LA NYAL MA SPANGS PA YOD PAS MA RIG PA'I KUN NAS DKRIS PA 'BYUNG NGO, ,MA RIG PA'I KUN NAS DKRIS PA SKYES PA'I PHYIR 'DU BYED RNAMS KYI 'JUG PA SKYE'O; ,DE BZHIN DU 'DU BYED KYI SA BON MA SPANGS PA YOD PAS 'DU BYED RNAMS 'BYUNG NGO, ,'DU BYED RNAMS SKYES PA'I PHYIR RNAM PAR SHES PA 'JUG PA SKYE'O, ,DE BZHIN DU RTEN CING 'BREL PAR 'BYUNG BA'I YAN LAG LHAG MA RNAMS KYI 'JUG PA'I TSUL YANG CI RIGS PAR RIG PAR BYA'O, ,DE LA SRID PA DANG SKYE BA DANG RGA SHI NI BTAGS PA'I CHOS YIN PAR RIG PAR BYA'O, ,SRID PA'I YAN LAG LHAG MA RNAMS NI RDZAS SU YOD PA'I CHOS YIN PAR RIG PAR BYA'O, ,DE LA RTEN CING 'BREL PAR 'BYUNG BA'I RAB TU DBYE BA NI RNAM PA LNGAS RNAM PAR GZHAG STE, LNGA GANG ZHE NA, SDUG BSNGAL 'PHEN PA'I RGYU'I GNAS DANG, SDUG BSNGAL MNGON PAR 'GRUB PA'I RGYU'I GNAS DANG, SDUG BSNGAL 'PHEN PA'I RGYU DANG, SDUG BSNGAL MNGON PAR 'GRUB PA'I RGYU DANG, SDUG BSNGAL MNGON PAR 'GRUB PA NYID NI LNGA'O, ,DE LA TSE 'DI LA MING DANG GZUGS KYI RKYEN GYIS SKYE MCHED DRUG MNGON PAR 'GRUB PA MA SPANGS SHING, YONGS SU MA SHES PA GANG YIN PA DE LA DMIGS SHING DE LA GNAS NAS, BYIS PA RNAMS KYI LUS LA KUN TU RMONGS PA 'BYUNG BA GANG YIN PA DE NI MA RIG PA ZHES BYA'O, ,MA RIG PA'I RKYEN GYIS DE'I 'OG TU 'DU BYED RNAMS DANG PHYI MA LA REG PA'I RKYEN GYIS @83B TSOR BA'I BAR DU 'BYUNG BAR 'GYUR TE, SKYE MCHED DRUG PO DE DAG NI MA RIG PA LA SOGS PA 'PHEN PA'I RGYU DE'I GNAS ZHES BYA'O, ,DE LTAR KUN DU RMONGS PA'I REG PA'I RKYEN GYIS TSE 'DE NYID LA TSOR BA 'BYUNG BA GANG YIN PA DE LA GNAS NAS PHYI ROL GYI YUL RNAMS LA SRED PA 'BYUNG NGO, , SRED PA'I RKYEN GYIS DE'I 'OG TU LEN PA 'BYUNG NGO, ,LEN PA'I RKYEN GYIS SRID PA 'BYUNG STE, DE LTAR MNGON PAR 'GRUB PA'I RGYU DE'I GNAS NI REG PA'I RKYEN GYIS TSOR BA DE YIN PAR BLTA BAR BYA'O, ,DE LA TSE 'DI PA'I RNAM PAR SHES PA BSOD NAMS DANG BSOD NAMS MA YIN PA DANG MI G-YO BA'I LAS KYIS YONGS SU BSGOS PA LA, MA RIG PA'I RKYEN GYIS 'DU BYED RNAMS DANG REG PA'I RKYEN GYIS TSOR BA'I BAR PHYI MA PHYI MA'I SA BON DANG LDAN PA GANG DAG YOD PA DE DAG NI LUS ZHIG NAS, PHYI MA LA RNAM PAR SHES PA LA SOGS PA SKYE BA DANG RGA SHI'I MING CAN GYI SDUG BSNGAL GZHAN 'PHEN PAR BYED DE, DE NI DE'I 'PHEN PA'I RGYU ZHES BYA'O, ,DE LA TSOR BA'I RKYEN GYIS SRED PA DANG SRED PA'I RKYEN GYIS LEN PA DANG LEN PA'I RKYEN GYIS SRID PA GANG YIN PA DE NI PHYI MA LA SDUG BSNGAL MNGON PAR 'GRUB PA'I RGYU ZHES BYA'O, ,SNGON BYAS PA'I LAS DANG NYON MONGS PAS YONGS SU ZIN PA MA 'ONGS PA'I SKYE BA LA MNGON DU PHYOGS PA DE NYID LA SRID PA ZHES BYA BAR BLTA BAR BYA'O, ,SRID PA'I RKYEN GYIS SKYE BA DANG SKYE BA'I RKYEN GYIS RGA SHI GANG YIN PA DE DAG NI SDUG BSNGAL MNGON PAR 'GRUB PA ZHES BYA'O, ,RNAM PAR SHES PA DANG MING DANG GZUGS LA SOGS PA TSOR BA'I MTHAR THUG PA DE DAG NYID SNGON SA BON GYI DNGOS PO DANG LDAN PA'I TSE NA NI SDUG BSNGAL 'PHEN PA'I RGYU ZHES BYA BA'I MING 'THOB PAR 'GYUR RO, ,DE DAG NYID DA LTAR 'BRAS BU BSKYED ZIN PA NI SKYE BA DANG RGA SHI'I MING CAN GYI SDUG BSNGAL ZHES BYA BA'I MING 'THOB PO, ,DE LA MA RIG PA NI SHES PA'I MI MTHUN PA'I PHYOGS SEMS LAS BYUNG BA'I CHOS SGRIB PAR BYED PA'I BDAG NYID YIN PAR BLTA BAR BYA'I, ,RIG PA MED PA TZAM YANG MA YIN LA, LOG PA'I SHES PA TZAM YANG MA YIN NO, ,DE CI'I PHYIR ZHE NA, RE ZHIG GAL TE MA RIG PA RIG PA MED PA TZAM YIN PAR GYUR NA NI, DE LA CHUNG NGU DANG 'BRING DANG CHEN PO NYID YOD PAR @84A *, ,MI 'GYUR TE, MED PA LA NI CHUNG NGU DANG 'BRING DANG CHEN PO NYID GANG YANG MED PA DANG, MA RIG PA'I BAG LA NYAL DANG KUN NAS DKRIS PA RNAM PAR GZHAG PAR MI NUS PA DANG, MED PAR NI DUS THAMS CAD DU MTSAN NYID 'DRA BA YIN PAS, KUN DU SPYOD PA DANG RJES SU 'BREL BA GNYIS YOD PAR MI RUNG BA DANG, SO SO'I SKYE BO'I SEMS NYON MONGS PA CAN DANG, DGE BA DANG, LUNG DU MA BSTAN PA RIG PA DANG BRAL BA THAMS CAD LA YANG RIG PA MED PAR 'GYUR BAS, DES NA SEMS DE DAG THAMS CAD NYON MONGS PA CAN DU 'GYUR BA DANG, MED PA'I BDAG NYID KYI CHOS NI 'DUS BYAS KYIS BSDUS PAR YANG MI RUNG LA 'DUS MA BYAS KYIS BSDUS PAR YANG MI RUNG BA DANG, 'DUS BYAS KYIS KYANG MA BSDUS LA 'DUS MA BYAS KYIS KYANG MA BSDUS PA GANG YIN PA DE NI KUN NAS NYON MONGS PAR YANG MI 'GYUR LA RNAM PAR BYANG BAR YANG MI 'GYUR BA DANG, MA RIG PA DANG MA BRAL BA'I SEMS KYI RGYUD LA NI DUS RTAG TU RIG PA SKYE BAR YANG MI 'GYUR BA DANG, MA RIG PA 'GAGS NA RIG PA SKYE ZHES GANG GSUNGS PA DE YANG MED PA LA NI 'GAG PA JI LTAR YANG MI RUNG BA'I PHYIR RO, ,GAL TE MA RIG PA LOG PA'I SHES PA TZAM ZHIG YIN PAR GYUR NA YANG DE LTAR NA RIG PAS BSDUS PA'I SHES PA NYID MA GTOGS PA DE LAS GZHAN PA'I SHES PA THAMS CAD LOG PA'I SHES PA YIN PAR 'GYUR BA'AM, NYON MONGS PA CAN GYI BDAG NYID KYI SHES PA GANG YIN PA DE NYID LOG PA'I SHES PA YIN PAR 'GYUR BA'AM, NYON MONGS PA DANG MTSUNGS PAR LDAN PA'I SHES PA GANG YIN PA DE LOG PA'I SHES PA YIN PAR 'GYUR GRANG NA, GAL TE SHES PA DANG PO LOG PA'I SHES PA YIN PAR GYUR NA NI, DE LTA NA SO SO'I SKYE BO'I RGYUD DU GTOGS PA'I SHES PA DGE BA DANG LUNG DU MA BSTAN PA THAMS CAD KYANG LOG PA'I SHES PA YIN PAR 'GYUR BAS DE NI MI RUNG NGO, ,GAL TE NYON MONGS PA CAN GYI BDAG NYID KYI SHES PA LOG PA'I SHES PA YIN PAR GYUR NA NI, DE LTAR NA 'JIG TSOGS LA LTA BA LA SOGS PA LTA BA LNGA PO DAG KYANG NYON MONGS PA CAN GYI BDAG NYID KYI SHES PA ZHES BYA STE, DE LA MA RIG PA NI YANG DAG PA JI LTA BA BZHIN DU @84B MI RTOGS PA'I MTSAN NYID YIN LA LTA BA RNAMS NI YANG DAG PA JI LTA BA BZHIN DU MA RTOGS NA LOG PA'I DNGOS PO LA MNGON PAR ZHEN PA'I MTSAN NYID YIN TE, 'DI LTA STE, 'JIG TSOGS LA LTA BA NI MA RIG PA'I DBANG GIS BDAG DANG BDAG GI ZHES MNGON PAR ZHEN PAR BYED LA DE BZHIN DU LTA BA LHAG MA RNAMS KYANG RANG RANG GI MNGON PAR BZHIN PA'I RNAM PAS 'JUG PAR 'GYUR BA DE DAG KYANG GTI MUG MED PAR YANG MI 'GYUR BAS, DE'I PHYIR GTI MUG GI RNAM PA YANG GZHAN YIN LA, LTA BA RNAMS KYI RNAM PA YANG GZHAN YIN PA'I PHYIR, MA RIG PA NYON MONGS PA CAN GYI BDAG NYID KYI SHES PA YIN PAR MI RUNG NGO, ,GAL TE MA RIG PA DANG LTA BA RNAMS MTSAN NYID 'DRA BA YIN PAR 'GYUR NA, DES NA BCOM LDAN 'DAS KYIS BAG LA NYAL BDUN PO DAG TU LTA BA'I BAG LA NYAL RNAM PAR GZHAG PA MDZAD PAR MI 'GYUR LA, BCOM LDAN 'DAS KYIS LTA BA RNAMS LA MA RIG PA ZHES BYA BA'I MING NI GANG DU'ANG MA BSTAN TO, ,GAL TE NYON MONGS PA DANG MTSUNGS PAR LDAN PA'I LOG PA'I SHES PA MA RIG PA YIN PAR GYUR NA DE LTAR NA 'JIG TSOGS LA LTA BA LA SOGS PA LTA BA LNGA PO GANG DAG YIN PA DE DAG KYANG SHES PA'I NGO BO NYID YIN PAS, SHES PA'I RDZAS GNYIS MTSUNGS PAR LDAN PA NI MED PAS, DE DAG NI MA RIG PA DANG MI LDAN PA YIN PAR 'GYUR RO, ,GAL TE 'DOD CHAGS LA SOGS PA NYON MONGS PA'I DBANG GIS SHES PA DE GTI MUG NYID YIN NA NI, DES NA 'DOD CHAGS LA SOGS PA'I DBANG GIS GTI MUG TU 'GYUR GYI, GTI MUG GI DBANG DANG GTI MUG SNGON DU 'GRO BA LAS 'DOD CHAGS LA SOGS PA NYON MONGS PA RNAMS 'BYUNG BA MA YIN PAR 'GYUR RO, ,JI LTAR NYON MONGS PA DANG MTSUNGS PAR LDAN PA'I SHES RAB NI MTSUNGS PAR LDAN PA LAS NYON MONGS PA CAN YIN GYI, DE'I NGO BO NYID NI MA YIN PA BZHIN DU, GTI MUG GI BDAG NYID MA YIN PA DE YANG GTI MUG GI BDAG NYID DU DRANG PAR BRJOD MI NUS TE, DPER NA DE LAS GZHAN PA'I SEMS DANG SEMS LAS BYUNG BA'I CHOS, NYON MONGS PA CAN GYI BDAG NYID MA YIN PA, NYON MONGS PA DANG MTSUNGS PAR LDAN PA DAG LTA BU'O, ,DE LTA BAS NA MA RIG PA NI SEMS LAS @85A *, ,BYUNG BA'I CHOS SEMS DANG MTSUNGS PAR LDAN PA YIN PAR BLTA BAR BYA'O, ,BCOM LDAN 'DAS KYIS LUS KYI 'DU BYED DANG DAG GI 'DU BYED DANG YID KYI 'DU BYED DANG 'DU BYED GSUM GSUNGS PA DE LA, DBUGS RDUB PA DANG DBUGS 'BYUNG BA'I RLUNG DAG KYANG LUS KYI 'DU BYED DAG YIN TE, RLUNG NI LUS KYI LAS 'JUG PA'I SNGON DU 'GRO BA YIN PA'I PHYIR RO, ,LUS KYI LAS GANG YIN PA DE NYID LUS KYI 'DU BYED YIN PAR BLTA BAR BYA'O, ,DE LTAR RMONGS PA LA LUS KYI LAS DANG RJES SU MTHUN PA'I RLUNG DAG KYANG 'BYUNG STE, DE DAG GIS LUS KYI LAS NYON MONGS PA CAN 'JUG PAR BYED DO, ,JI LTAR DBUGS RDU BA PA DANG DBUGS 'BYUNG BA DAG GIS LUS KYI LAS 'JUG PAR BYED PA DE BZHIN DU, RTOG PA DANG DPYOD PA DAG GIS KYANG NGAG GI LAS 'JUG PAR BYED LA, 'DU BYED KYIS KYANG YID KYI LAS 'JUG PAR BYED DE, DE DAG THAMS CAD GCIG TU BSDUS PA NI LUS KYI 'DU BYED DANG, NGAG GI 'DU BYED DANG, YID KYI 'DU BYED CES BYA STE, KHAMS GANG LA GANG YOD PA'O, ,DE LA YAN LAG BCU GNYIS PO GANG YIN PA DE DAG LAS GNYIS NI LAS KHO NAS BSDUS PA YIN TE, 'DU BYED DANG SRID PA'O, ,GSUM NI NYON MONGS PAS BSDUS PA YIN TE, MA RIG PA DANG, SRED PA DANG LEN PA'O, ,LHAG MA RNAMS NI DNGOS POS BSDUS PA YIN PAR BLTA BAR BYA'O, ,DE LA YAN LAG GNYIS PO GANG DAG LAS KYIS BSDUS PA DE DAG LAS GCIG NI 'PHEN PA'I LAS KYIS BSDUS PA'I LAS YIN TE, 'DI LTA STE 'DU BYED RNAMS SO, ,GNYIS PA NI MNGON PAR 'GRUB PA'I LAS KYIS BSDUS PA'I LAS YIN TE 'DI LTA STE SRID PA'O, ,DE LA YAN LAG GSUM PO GANG DAG NYON MONGS PAS BSDUS PA DE DAG LAS GCIG NI, 'PHEN PA'I LAS KUN NAS SLONG BAR BYED PA YIN TE 'DI LTA STE MA RIG PA'O, ,GNYIS PA NI MNGON PAR GRUB PA'I LAS KUN NAS SLONG BAR BYED PA YIN TE, 'DI LTA STE SRID PA DANG LEN PA'O, ,YAN LAG LHAG MA GANG DAG DNGOS POS BSDUS PA DE DAG LAS YANG LAG GNYIS NI MA 'ONGS PA'I SDUG BSNGAL GYIS BSDUS PA YIN TE, 'DI LTA STE, SKYE BA DANG RGA SHI'O, ,YAN LAG LNGA NI MA @85B 'ONGS PA'I SDUG BSNGAL GYI RGYUS BSDUS PA YIN TE, 'DI LTA STE, TSE 'DI LA 'DU BYED KYI RKYEN GYIS RNAM PAR SHES PA GANG YIN PA DANG RNAM PAR SHES PA LA BRTEN NAS REG PA'I RKYEN GYIS TSOR BA'I BAR DAG GO , ,GANG DAG SNGON GYI RGYUS MNGON PAR BSGRUB STE DA LTAR DMIGS PA RNAM PAR SMIN PA'I 'BRAS BU BSDUS PA'I YAN LAG LNGA PO DE DAG NYID NI DA LTAR BYUNG BA'I SDUG BSNGAL GYIS BSDUS PA DAG STE, 'DI LTA STE, RNAM PAR SHES PA DANG MING DANG GZUGS DANG SKYE MCHED DRUG DANG REG PA DANG TSOR BA'O, ,DE LA YAN LAG LNGAS BSDUS PA'I 'BRAS BU GANG YIN PA DE DANG YAN LAG GNYIS KYIS BSDUS PA MA 'ONGS PA'I 'BRAS BU GANG YIN PA DE DAG GCIG TU BSDUS PA NI RTEN CING 'BREL PAR 'BYUNG BA 'BRAS BUR BSDUS PA YIN PAR BLTA BAR BYA'O, ,YAN LAG LHAG MA RNAMS NI RTEN CING 'BREL PAR 'BYUNG BA RGYUR BSDUS PA YIN PAR BLTA BAR BYA'O, ,MI SHES PA DE YANG MDOR BSDU NA GNAS LNGA BSKYED PA YIN PAR BLTA BAR BYA STE, 'DI LTA STE SOM NYI SKYED PA DANG, SRED PA SKYED PA DANG, GNAS MA YIN PA LA DAD PA SKYED PA DANG, LTA BA SKYED PA DANG, MNGON PA'I NGA RGYAL SKYED PA'O, ,DE LA SNGON GYI MTHA' LA SOGS PA MI SHES PA GANG YIN PA DE NI SOM NYI SKYED PA YIN NO, ,DE LA SOM NYI NI 'DI YIN TE, CI BDAG 'DAS PA'I DUS NA MA BYUNG BAR GYUR TAM SNYAM PA DUS GSUM DAG LA 'JUG PA'I SOM NYI MDO LAS JI SKAD GSUNGS PA KHO NA BZHIN NO, ,DE LA 'DAS PA'I DUS NI SNGON GYI MTHA' YIN NO, ,MA 'ONGS PA'I DUS NI PHYI MA'I MTHA' YIN NO, ,DA LTAR BYUNG BA'I DUS NI SNGON GYI MTHA' DANG PHYI MA'I MTHA' ZHES BYA STE, 'DAS PA'I DUS LA LTOS NAS NI PHYI MA'I MTHA' YIN LA MA 'ONGS PA'I DUS LA LTOS NAS NI SNGON GYI MTHA' YIN NO, ,DE LA GANG GI TSE 'DAS PA'I DUS LA SOM NYI ZA BA'I SOM NYI DE NI SNGON GYI MTHA' MI SHES PAS BSKYED PA YIN PAR BLTA BAR BYA'O, ,GANG GI TSE MA 'ONGS PA'I DUS LA SOM NYI ZA BA'I SOM NYI DE NI PHYI MA'I MTHA' MI SHES PAS BSKYED PA YIN PAR BLTA BAR BYA'O, ,NANG LA SOM NYI ZA STE CI ZHIG YOD, CIR 'GYUR, SEMS CAN 'DI GA LAS 'ONGS, 'DI NAS SHI 'PHOS NAS GANG DU 'GRO BAR 'GYUR SNYAM DU SOM NYI ZA BA GANG YIN PA DE NI SNGON GYI @86A *, ,MTHA' DANG PHYI MA'I MTHA' MI SHES PAS BSKYED PA YIN PAR BLTA BAR BYA'O, ,NANG MI SHES PA DANG PHYI ROL MI SHES PA DANG NANG DANG PHYI ROL MI SHES PA GANG YIN PA DE NI, NANG DANG PHYI ROL GYI 'DU BYED RNAMS LA YANG SRID PA 'BYUNG BAR BYED PA DANG, DGA' BA'I 'DOD CHAGS DANG LDAN PA DANG DE DANG DER MNGON PAR DGA' BA'I SRID PA GANG YIN PA DES BSKYED DO, ,DE LA LAS DANG RNAM PAR SMIN PA DANG LAS DANG RNAM PAR SMIN PA MI SHES PAS SEMS CAN RNAMS KYI LAS BDAG GIR BYA BA NYID MI SHES PA GANG YIN PA DE LA BRTEN NAS NI DRAG PO DANG KHYAB 'JUG DANG SKYE DGU'I BDAG PO LA SOGS PA GNAS NGAN PA DAG LA GUS PA DANG DAD PA DANG MOS PA SKYE'O, ,SANGS RGYAS LA SOGS PA DANG LAM GYI MTHAR THUG PA'I BAR DAG MI SHES PA GANG YIN PA DE NI LTA BA BSKYED PAR RIG PAR BYA STE, 'DI LTAR DKON MCHOG RNAMS MI SHES PA DANG, BDEN PA RNAMS MI SHES PAS NI LTA BA'I RNAM PA DRUG CU RTZA GNYIS KYI BAR DAG SKYED PAR BYED DO, ,SBYIN PA MED DO, ,MCHOD SBYIN MED DO ZHES RGYA CHER DE LTAR LTA ZHING, DE SKAD SMRA BA'I BAR GANG YIN PA DE NI LOG PAR LTA BA YIN PAR RIG PAR BYA'O, ,RGYU DANG RGYU LAS BYUNG BA'I CHOS RNAMS DANG DGE BA DANG MI DGE BA DAG MI SHES PA RGYA CHER MDO LAS JI SKAD GSUNGS PA'I MI SHES PA GANG YIN PA DE NI BDE 'GROR 'GRO BA'I LAM DANG, BDE 'GROR 'GRO BA'I THABS LA MNGON PA'I NGA RGYAL SKYED PAR BYED DE, 'DI LTAR DGE BA DANG MI DGE BA LA SOGS PA'I CHOS RNAMS DANG 'BRAS BU 'DOD PA DANG MI 'DOD PA RNAMS YANG DAG PA JI LTA BA BZHIN DU MI SHES PA RNAMS NI, ZAS MI ZA BA DANG MER 'JUG PA DANG, G-YANG SAR MCHONG BA LA SOGS PA THABS MA YIN PA DAG GIS THABS SU 'DU SHES SHING MTHO RIS YONGS SU TSOL BAR BYED DO, ,REG PA'I SKYE MCHED DRUG PO DAG YANG DAG PA JI LTA BA BZHIN DU MA RTOGS PA'I MI SHES PA GANG YIN PA DE NI DGE SLONG GI TSUL GYI 'BRAS BU 'THOB PA LA MNGON PA'I NGA RGYAL SKYED PAR BYED DE, 'DI LTAR REG PA'I SKYE MCHED DRUG RAB TU RTOGS PA'I SHES PA MED PA NI DE LA MNGON PA'I NGA RGYAL BYED PAR 'GYUR RO, ,DE LA MTHO RIS KYI THABS LA MNGON PA'I NGA RGYAL BYED PA GANG YIN PA @86B DANG DGE SBYONG GI TSUL GYI 'BRAS BU LA MNGON PA'I NGA RGYAL BYED PA GANG YIN PA DE DAG GCIG TU BSDUS PA NI MNGON PA'I NGA RGYAL ZHES BYA'O, ,DE LTAR NA MA RIG PA NI KUN NAS NYON MONGS PA RNAM PA LNGA PO 'DI DAG SKYED PAR BYED DE, 'DI LTA STE, SOM NYI KUN NAS NYON MONGS PA DANG SRED PA'I KUN NAS NYON MONGS PA DANG MOS PA'I KUN NAS NYON MONGS PA DANG, LTA BA'I KUN NAS NYON MONGS PA DANG, MNGON PA'I NGA RGYAL GYI KUN NAS NYON MONGS PA'O, ,DE LA SOM NYI'I KUN NAS NYON MONGS PAS KUN NAS NYON MONGS PA CAN DU GYUR PA'I BYIS PA NI SOM NYI THOB PA DANG THE TSOM THOB PA DANG, GZHAN GYI DRING LA 'JOG PA DANG, GZHAN GYIS BKRI BA YIN PAS TSE 'DI LA SDUG BSNGAL BA DANG BDE BA LA REG PA MED PAR GNAS SO, ,SRID PA'I KUN NAS NYON MONGS PAS KUN NAS NYON MONGS PA CAN DU GYUR PA NI YANG 'BYUNG BAS SKYE BA DANG RGA BA DANG NA BA LA SOGS PA'I SDUG BSNGAL MNGON PAR 'GRUB PAR BYED DO, ,MOS PA'I KUN NAS NYON MONGS PAS KUN NAS NYON MONGS PA CAN DU GYUR PA NI RGYU MED PA'AM MI MTHUN PA'I RGYU DBANG PHYUG LA SOGS PA RGYU YIN PAR RTOGS SHING SKYES BU'I BYED PA MED PA KHO NAR GNAS SO, ,LTA BA'I KUN NAS NYON MONGS PAS KUN NAS NYON MONGS PA CAN DU GYUR PA NI NYES PA SPYOD PA LA JI 'DOD DGUR 'JUG CING PHYI MA LA NGAN SONG BA'I SDUG BSNGAL MNGON PAR 'GRUB PAR BYED DO, ,MNGON PA'I NGA RGYAL GYI KUN NAS NYON MONGS PAS KUN NAS NYON MONGS PA CAN DU GYUR PA NI SKYES BU'I BYED PA 'BRAS BU MED PA DANG 'BRAS BU DANG BRAL BAR BYED DO, ,RTEN CING 'BREL BAR 'BYUNG BA LA MKHAS PA'I RAB TU DBYE BA RGYAS PA NI 'DI LTA STE, SA'I DNGOS GZHIR BSTAN PA BZHIN DU RIG PAR BYA'O, ,RTEN CING 'BREL PAR 'BYUNG BA LA MKHAS PA'I RNAM PAR GTAN LA DBAB PA'I GZHUNG LHAG MA NI MI SNANG NGO, ,RTEN CING 'BREL PAR 'BYUNG BA'I DNGOS PO LA MKHAS PA RDZOGS SO,, ,, GNAS DANG GNAS MA YIN PA LA MKHAS PA'I SPYI SDOM NI, LUS DANG YONGS SU BSTAN PA DANG, ,SGO DBYE BA NI THA MA YIN, ,GNAS GANG ZHE NA, SMRAS PA, GZHI DE DANG DE LA RIGS PA DANG MI 'GAL BA GANG YIN PA'O, ,GNAS MA YIN PA GANG ZHE NA, SMRAS PA, GZHI DE DANG DE LA RIGS PA DANG @87A *, ,'GAL BA GANG YIN PA STE, DE NI GNAS DANG GNAS MA YIN PA GNYIS KYI LUS YIN NO, ,BCOM LDAN 'DAS KYIS DON CI'I PHYIR GNAS DANG GNAS MA YIN PA LA MKHAS PA YONGS SU BSTAN CE NA, SMRAS PA, KUN NAS NYON MONGS PA DANG RNAM PAR BYANG BA GNYIS KYI YANG DAG PA'I THABS SHES PAS CHUD MI ZA BA YONGS SU BSTAN PA'I PHYIR RO, ,GNAS DANG GNAS MA YIN PA GNYIS LA SGO DU YOD PAR BLTA BAR BYA ZHE NA, SMRAS PA, BZHI STE, 'DI LTAR BCOM LDAN 'DAS KYIS GNAS DANG GNAS MA YIN PA NYID NI SGO BZHI KHO NAS BSTAN PA'I PHYIR TE, 'DI LTA STE, 'GRUB PA'I SGO DANG 'GROGS PA'I SGO DANG THOB PA'I SGO DANG KUN DU SPYOD PA'I SGOS SO, ,CI'I PHYIR GNAS DANG GNAS MA YIN PA NYID SGO BZHIS BSTAN CE NA, SMRAS PA, RNAM PA THAMS CAD KYI RAB TU DBYE BA DAG GI SGO KUN TU BSTAN PAR BYA BA'I PHYIR TE, RNAM PA'I RAB TU DBYE BA DE DAG KYANG GANG ZHE NA, 'GRUB PA'I SGO LAS BRTZAMS TE, DES MA BSDUS PA'I RNAM PA LHAG MA RNAMS YONGS SU BRJOD PAR BYA STE, DE'I RAB TU DBYE BA NI DBANG PO'I 'CHOL BA DANG, 'BYUNG BA CHEN PO'I 'CHOL BA DANG, YO BYANG 'BYUNG BA'I 'CHOL BA LAS BLTA BAR BYA'O, ,DE LA DBANG PO'I 'CHOL BA NI 'DI YIN TE, MIG GI DBANG POS SGRA DAG NYAN PA DANG, DRI DAG SNOM PA DANG, RO DAG MYANG BA DANG, REG BYA DAG REG PAR 'GYUR BA GANG YIN PA DE NI GNAS MA YIN, SKABS MA YIN TE GNAS MED DO, ,GZUGS RNAMS LA LTA BAR 'GYUR BA GANG YIN PA DE NI GNAS YOD DO, ,MIG GI DBANG PO JI LTA BA BZHIN DU DBANG PO GZUGS CAN LHAG MA RNAMS KYIS RE RE NAS PHAN TSUN 'CHOL BA'I RAB TU DBYE BA YANG DE BZHIN DU BLTA BAR BYA'O, ,DE LA 'BYUNG BA CHEN PO'I 'CHOL BA NI 'DI YIN TE, SAS CHU'I BYA BA BYED PAR 'GYUR BA DANG, ME'I BYA BA DANG, RLUNG GI BYA BA BYED PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,SAS SA'I BYA BA BYED PAR 'GYUR BA GANG YIN PA 'DI NI GNAS YOD DO, ,'BYUNG BA CHEN PO LHAG MA RNAMS KYI PHAN TSUN 'CHOL BA'I RAB TU DBYE BA YANG DE BZHIN DU BLTA BAR BYA'O, ,DE LA YO BYAD 'BYUNG BA'I 'CHOL BA NI 'DI YIN TE, SA @87B BON GYI RIGS GZHAN LAS MYU GU'I RIGS GZHAN 'BYUNG BAR 'GYUR BA GANG YIN PA 'DI NI GNAS MA YIN SKABS MA YIN TE GNAS MED DO, ,DE DANG RIGS MTHUN PA LAS GANG YIN PA DE NI GNAS YOD DO, ,BDAG GIS RVA RNAMS BZHOS PA LAS 'O MA 'BYUNG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,NU MA DAG LAS GANG YIN PA DE NI GNAS YOD DO, ,CHU'I BUM PA BSRUBS PA LAS MAR SAR 'BYUNG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,ZHO LAS GANG YIN PA DE NI GNAS YOD DO, ,BYE MA DAG BTZIR BA LAS TIL MAR 'BYUNG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,TIL DAG LAS GANG YIN PA DE NI GNAS YOD DO, ,SHING RLON PA GTZUBS PA LAS ME 'BYUNG BAR 'GYUR BA GANG YIN PA DE NI GNAS MA YIN SKABS MA YIN TE DE NI GNAS MED DO, ,SHING SKAM PO DAG LAS GANG YIN PA DE NI GNAS YOD DE, DE LTAR DE LTA BU DANG MTHUN PA DAG NI GNAS DANG GNAS MA YIN PA LA, RNAM PAR RTOG PA DANG PO'I DBANG DU BYAS NAS RNAM PA'I RAB TU DBYE BA YIN PAR BLTA BAR BYA'O, ,GNYIS PA'I DBANG DU BYAS NAS GANG ZHE NA, SNANG BA DANG MUN PA GNYIS DUS GCIG NAS 'GROGS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,CIG SHOS MED PAR GCIG PU 'BYUNG BAR 'GYUR BA GANG YIN PA DE NI GNAS YOD DO, ,ME DANG CHU GNYIS LHAN CIG 'GROGS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,GANG YANG RUNG BA GANG YIN PA DE NI GNAS YOD DO, ,GZUGS 'DUS PA GNYIS YUL GCIG TU YUL MTSUNGS PAR GNAS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,RDUL PHRA RAB GCIG GANG YIN PA DE NI GNAS YOD DO, ,RIGS MTHUN PA'I SEMS GNYIS SAM SEMS LAS BYUNG BA GNYIS LHAN CIG 'GROGS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,RE RE NAS GANG YIN PA DE NI GNAS YOD DO, ,DGE BA DANG MI DGE BA'AM DGE BA DANG LUNG DU MA BSTAN @88A *, ,BA'AM MI DGE BA DANG LUNG DU MA BSTAN PA'AM, BDE BA DANG SDUG BSNGAL BA'AM RIGS MI MTHUN PA GNYIS DUS GCIG TU LHAN CIG TU 'GROGS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,GANG YANG RUNG BA GANG YIN PA DE NI GNAS YOD DO, ,'BRAS BU 'DOD PA DANG MI 'DOD PA GNYIS LHAN CIG 'GROGS PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,GANG YANG RUNG BA DE NI GNAS YOD DE, DE LTAR DE LTA BU DANG MTHUN PA DE NI GNAS DANG GNAS MA YIN PA LA RNAM PAR RTOG PA GNYIS PA'I DBANG DU BYAS NAS RNAM PA'I RAB TU DBYE BA YIN PAR BLTA BAR BYA'O, ,GNAS DANG GNAS MA YIN PA LA RNAM PAR RTOG PA GSUM PA LAS BRTZAMS NAS RNAM PA'I RAB TU DBYE BA GANG ZHE NA, SMRAS PA, MO GSHAM LAS BU 'BYUNG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,MO GSHAM MA YIN PA LAS GANG YIN PA DE NI GNAS YOD DO, ,SKYES NAS MA NING BU SKYED PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,SKYES BA GANG YIN PA DE NI GNAS YOD DO, ,LONG BAS MIG GIS GZUGS RNAMS MTHONG BAR 'GYUR BA DANG, 'ON PAS RNA BAS SGRA RNAMS THOS PAR 'GYUR BA DANG, SNA RAB TU NYAMS PAS SNAS DRI RNAMS TSOR BAR 'GYUR BA DANG, LCE RAB TU NYAMS PAS LCES RO RNAMS MYONG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,RAB TU MA NYAMS PAS GANG YIN PA DE NI GNAS YOD DO, ,TSOGS MA BSAGS PAS TSE 'DI LA SLOB PA DANG MI SLOB PA'I RNAM PAR GROL BA MNGON DU BYED PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,TSOGS BSAGS PAS GANG YIN PA DE NI GNAS YOD DO, ,'PHAGS PA'I LAM MA THOB PAS MYA NGAN LAS 'DAS PA MNGON SUM DU BYED PAR 'GYUR BA DANG, RANG BYANG CHUB DANG, BLA NA MED PA YANG DAG PAR RDZOGS PA'I BYANG CHUB MNGON SUM DU BYED PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,'PHAGS PA'I LAM THOB PAS GANG YIN PA @88B DE NI GNAS YOD DO, ,MI DUD 'GRO'I SKYE GNAS SU SONG BA'I SROG CHAGS KYI KHA ZAS RTZVA LA SOGS PAS DUS STON BYED PAR 'GYUR BA DANG, LHA MI'I KHAM GYI ZAS DANG GZUGS DANG GZUGS MED PA NA SPYOD PA'I SEMS CAN KHAM GYI ZAS ZA BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,DE LAS BZLOG PAS GANG YIN PA DE NI GNAS YOD DO, ,SEMS CAN DMYAL BA PA'I LUS MA SPANGS PAR MI'I LUS 'THOB PAR 'GYUR BA DANG, DE BZHIN DU GANG YANG RUNG BA'I LUS MA SPANGS PAR GANG YANG RUNG BA'I LUS 'THOB PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,DE LAS BZLOG PA GANG YIN PA DE NI GNAS YOD DE, DE LTAR DE LTA BU DANG MTHUN PA NI GNAS DANG GNAS MA YIN PA LA RNAM PAR RTOG PA GSUM PA'I DBANG DU BYAS NAS RNAM PA'I RAB TU DBYE BA YIN PAR BLTA BAR BYA'O, ,GNAS DANG GNAS MA YIN PA LA RNAM PAR RTOG PA BZHI PA'I DBANG DU BYAS NAS RNAM PA'I RAB TU DBYE BA GANG ZHE NA, SMRAS PA, SAS RANG GI MTSAN NYID SPANGS TE KHAMS GZHAN GYI MTSAN NYID LA BRTEN PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,DE LAS BZLOG PAS GANG YIN PA DE NI GNAS YOD DO,, SA JI LTA BA DE BZHIN DU 'BYUNG BA CHEN PO GZHAN DAG KYANG CI RIGS PAR BLTA BAR BYA'O, ,'DOD PA'I KHAMS SU SKYES SHING BYUNG BA LHA'I MIG MA THOB PAS LHA'I GZUGS DAG MTHONG BAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,MI'I GZUGS DAG MTHONG BAR 'GYUR BA GANG YIN PA DE NI GNAS YOD DO, ,DE BZHIN DU DBANG PO LHAG MA RNAMS KYIS KYANG CI RIGS PAR BLTA BAR BYA'O, ,BRKAM ZHING CHAGS PAS ZIL GYIS NON PAS CHAGS PA DE MA SPANGS PAR LONGS SPYOD RNAMS LA 'DZIN PA MED PA'I SEMS SU 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,SPANGS PAS GANG YIN PA DE NI GNAS YOD DO, ,DE BZHIN DU ZHE SDANG DANG GTI MUG DAG GIS KYANG CI RIGS PAR BLTA BAR BYA'O, ,CHAGS PA LA SOGS PA NYON MONGS PA DANG NYE BA'I NYON MONGS PA RNAMS KUN NAS DKRIS PA LAS MA SPANGS PAR DRAN PA NYE BAR GZHAG @89A *, ,PA BZHI SGOM PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,SPANGS PAS GANG YIN PA DE NI GNAS YOD DO, ,DRAN PA NYE BAR GZHAG PA JI LTA BA BZHIN DU BYANG CHUB KYI PHYOGS DANG MTHUN PA GZHAN DAG KYANG DE BZHIN NO, ,DE BZHIN GSHEGS PA DANG LHAN CIG RTZOD PAR GYUR PA RTZOD PAR 'DOD PA DANG, 'GYOD PAR 'DOD PA'I SEMS MA SPANGS LA, BZHED PA MED PAR DE BZHIN GSHEGS PA MNGON DU 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,SPANGS PA'AM BZHED PA GANG YIN PA DE NI GNAS YOD DO; ,THAMS CAD MKHYEN PA THAMS CAD GZIGS PAS SHES BYA CHUNG ZAD MI MKHYEN PAR 'GYUR BA'AM BSNYEL NGAS PAS THAMS CAD MKHYEN PA MA YIN PA'I SPYOD PA MDZAD PAR 'GYUR BA GANG YIN PA DE NI GNAS MA YIN SKABS MA YIN TE GNAS MED DO, ,THAMS CAD MKHYEN PA MA YIN ZHING THAMS CAD GZIGS PA MA YIN PAS GANG YIN PA DE NI GNAS YOD DO, ,BYANG CHUB SEMS DPA' SAR CHUD PAR SEMS CAN RNAMS LA BSAM PAS KUN NAS MNAR SEMS KYI SEMS BSKYED PAR 'GYUR BA 'AM BYANG CHUB LAS PHYIR LDOG PAR 'GYUR BA GANG YIN PAD ? NI GNAS MA YIN SKABS MA YIN TE GNAS MED DO, ,SAR CHUD PA MA YIN PAS GANG YIN PA DE NI GNAS YOD DE, DE LTAR DE LTA BU DANG MTHUN PA NI GNAS DANG GNAS MA YIN PA LAS RNAM PAR RTOG PA BZHI PA LAS BRTZAMS NAS RNAM PA'I RAB TU DBYE BA YIN PAR BLTA BAR BYA'O, ,GZHAN YANG MDOR BSDU NA GNAS BZHI DANG GNAS MA YIN PA BZHI YIN PAR BLTA BAR BYA STE, LTOS PA'I RIGS PA DANG BYA BA BYED PA'I RIGS PA DANG 'THAD PAS BSGRUB PA'I RIGS PA DANG CHOS NYID KYI RIGS PA SNGAR BSTAN PA'I RIGS PA DE DAG DANG MI 'GAL BAR STON PA GANG YIN PA DE NI GNAS YIN NO, ,'GAL BAR STON PA GANG YIN PA DE NI GNAS MA YIN TE, GNAS BZHI PO DE DAG DANG GNAS MA YIN PA BZHI PO DE DAG BSDUS NA GNAS DANG GNAS MA YIN PA LA MKHAS PA BRGYAD DU 'GYUR RO, ,RTEN CING 'BREL BAR 'BYUNG BA LA MKHAS PA DANG, GNAS DANG GNAS MA YIN PA LA MKHAS PA LA BYE BRAG CI YOD CE NA, @89B SMRAS PA, RTEN CING 'BREL PAR 'BYUNG BA LA MKHAS PA NI RGYU DANG 'BRAS BU TZAM DU 'JUG PA SHES PAS RAB TU PHYE BA YIN LA, GNAS DANG GNAS MA YIN PA LA MKHAS PA NI DE'I PHYIN CI MA LOG PA YIN PAR SHES PAS RAB TU PHYE BA MA YIN NO, ,GNAS DANG GNAS MA YIN PA'I DNGOS PO LA MKHAS PA'I RNAM PAR GTAN LA DBAB PA'I GZHUNG LHAG MA NI MI SNANG NGO, ,GNAS DANG GNAS MA YIN PA'I DNGOS PO LA MKHAS PA RDZOGS SO,, ,,BAM PO BCU PA, DBANG PO RNAMS KYI SPYI SDOM NI, ,DON DANG RNAM PAR GZHAG PA DANG, ,RAB TU DBYE BA THA MA YIN, ,DBANG PO'I DON GANG ZHE NA, SMRAS PA, DBANG PO'I DON NI DBANG BYED PA'I DON TO, ,CI ZHIG YONGS SU BSTAN PAR BYA BA'I DON DU ZHE NA, SMRAS PA, GZHI DE DANG DE LA CHOS DE DANG DE DAG GTZO BOR YONGS SU BSTAN PA'I DON DU'O, ,DBANG PO NYI SHU RTZA GNYIS PO DE DAG GI RNAM PAR GZHAG PA JI LTA BU YIN ZHE NA, SMRAS PA, DRUG NI YUL 'DZIN PA LA DBANG BYED PA'I DON GYIS SO, ,GNYIS NI RIGS RGYUD RNAM PAR GZHAG PA LA DBANG BYED PA'I DON GYIS SO, ,GCIG NI 'TSO BA'I DON DU LAS KYI MTHA'I SBYOR BA LA DBANG BYED PA'I DON GYIS SO, ,LNGA NI LAS KYI 'BRAS BU LA YONGS SU LONGS SPYOD PA LA DBANG BYED PA'I DON GYIS SO, ,GZHAN LNGA NI 'JIG RTEN PA'I RNAM PAR DAG PA LA DBANG BYED PA'I DON GYIS SO, ,GSUM NI 'JIG RTEN LAS 'DAS PA'I RNAM PAR DAG PA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,RNAM GRANGS GZHAN YANG DRUG NI YUL GSAL BA LA YONGS SU LONGS SPYOD PA LA DBANG BYAD PA'I DON GYIS SO, ,GNYIS NI YUL BSGRIBS PA LA YONGS SU LONGS SPYOD PA LA DBANG BYED PA'I DON GYIS SO, ,GCIG NI YUL LA YONGS SU LONGS SPYOD PA LA MTHAR THUG PA LA DBANG BYED PA'I DON GYIS SO, ,LNGA NI YUL LA LONGS SPYOD PA LAS BYUNG BA'I KUN NAS NYON MONGS PA LA DBANG BYED PA'I DON GYIS SO, ,BRGYAD NI RNAM PAR BYAD BA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,RNAM GRANGS GZHAN YANG DRUG NI YUL LA NANG DU LTA BAR YONGS SU LONGS SPYOD PA LA DBANG BYED PA'I DON GYIS SO, ,GNYIS NI YUL PHYIR BLTAS PAR YONGS SU LONGS SPYOD PA LA @90A *, ,DBANG BYED PA'I DON GYIS SO, ,GCIG NI LUS LA YONGS SU LONGS SPYOD PA LA DBANG BYED PA'I DON GYIS SO, ,LNGA NI YUL DANG LUS LA YONGS SU LONGS SPYOD PA LAS BYUNG BA'I KUN NAS NYON MONGS PA LA DBANG BYED PA'I DON GYIS SO, ,BRGYAD NI KUN NAS NYON MONGS PA'I GNYEN PO RNAM PAR BYANG BA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,RNAM GRANGS GZHAN YANG LNGA NI LUS MDZES PA LA DBANG BYED PA'I DON GYIS SO, ,GCIG NI LUS LA DBANG BSGYUR BA LA DBANG BYED PA'I DON GYIS SO, ,GCIG NI LUS GNAS PA LA DBANG BYED PA'I DON GYIS SO, ,GNYIS NI LUS SKYE BA LA DBANG BYED PA'I DON GYIS SO, ,LNGA NI LUS LA PHAN PA DANG GNOD PA BYED PA LA DBANG BYED PA'I DON GYIS SO, ,BRGYAD NI LUS RNAM PAR GROL BAR BYED PA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,GZHAN YANG RNAM GRANGS SU DRUG NI SEMS CAN GYI DNGOS PO YONGS SU BSTAN PA LA DBANG BYED PA'I DON GYIS SO, ,GNYIS NI SEMS CAN GYI DNGOS PO SKYE BA LA DBANG BYED PA'I DON GYIS SO, ,GCIG NI SEMS CAN GYI DNGOS PO GNAS PA DANG 'CHI 'PHO BA LA DBANG BYED PA'I DON GYIS SO, ,LNGA NI SEMS CAN GYI YUL LA YONGS SU LONGS SPYOD PA LA DBANG BYED PA'I DON GYIS SO, ,GZHAN LNGA NI SEMS CAN GYI MNGON PAR MTHO BA'I THABS LA DBANG BYED PA'I DON GYIS SO, ,GSUM NI SEMS CAN GYI NGES PAR LEGS PA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,RNAM GRANGS GZHAN YANG DRUG NI SEMS CAN GYI DNGOS PO YONGS SU BSTAN PA LA DBANG BYED PA'I DON KHO NAS SO, ,GNYIS NI SEMS CAN 'PHEL BA LA DBANG BYED PA'I DON GYIS SO, ,GCIG NI SEMS CAN 'GRIB PA LA DBANG BYED PA'I YONGS SU BSTAN PA'I DON GYIS SO, ,LNGA NI SEMS CAN GYI 'BYOR PA DANG RGUD PA YONGS SU BSTAN PA LA DBANG BYED PA'I DON GYIS SO, ,BRGYAD NI SEMS CAN GYI YON TAN DANG SKYON YONGS SU BSTAN PA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,RNAM GRANGS GZHAN YANG DRUG NI MING NI 'DI ZHES BYA BA'I DBANG DU BYAS NAS SO, ,GNYIS NI RIGS @90B NI 'DI ZHES BYA RUS NI 'DI ZHES BYA ZHES BYA BA'I DBANG DU BYAS NAS SO, ,LNGA NI ZAS NI 'DI LTA BU ZHIG ZA ZA, BDE BA DANG SDUG BSNGAL NI 'DI LTA BU ZHIG MYONG ZHES BYA BA'I DBANG DU BYAS NAS SO, ,GCIG NI CHE RING KHYAD NI 'DI TZAM ZHIG ,YUN NI 'DI SRID GCIG GNAS GNAS, TSE NI 'DI TZAM ZHIG THUB CES BYA BA'I DBANG DU BYAS TE, DBANG PO DE DAG NI KHYIM PA'I PHYOGS LA SPYOD PA'I DBANG DU BYAS NAS RNAM PAR GZHAG PAR BLTA BAR BYA'O, ,BRGYAD NI DAD PA NI 'DI LTA BU ZHIG DANG LDAN PA BRTZON 'GRUS NI 'DI LTA BU ZHIG DANG LDAN ZHES BYA BA NAS SHES RAB NI 'DI LTA BU DANG LDAN ZHES BYA BA'I BAR DANG 'DI LTAR NI ZHUGS PA YIN NO, ,'DI LTAR NI 'BRAS BU LA GNAS PA YIN ZHES BYA BA'I DBANG DU BYAS NAS TE DBANG PO DE DAG NI RAB TU BYUNG BA'I PHYOGS LA SPYOD PA'I DBANG DU BYAS NAS RNAM PAR GZHAG PAR BLTA BAR BYA'O, ,RNAM GRANGS GZHAN YANG DRUG NI RNAL 'BYOR PA RNAMS KYI DBANG PO'I SGO BSDAMS PA LA DBANG BYED PA'I DON GYIS SO, ,GNYIS NI DGE SBYONG GI TSUL GYIS 'BRAS BU'I PHYIR RAB TU 'BYUNG BA THOB PA'I SKAL PA DANG LDAN PA LA DBANG BYED PA'I DON GYIS SO, ,GCIG NI DGE BA'I PHYOGS 'PHEL BA LA DBANG BYED PA'I DON GYIS SO, ,LNGA NI SHES BZHIN DU SPYOD PA LA DBANG BYED PA'I DON GYIS SO, , LNGA NI DGE SBYONG GI TSUL GYI 'BRAS BU LA SBYOR BA'I LAM LA DBANG BYED PA'I DON GYIS SO, ,GSUM NI DGE SBYONG GI TSUL GYIS 'BRAS BU 'THOB PA LA DBANG BYED PA'I DON GYIS RNAM PAR GZHAG PAR BLTA BAR BYA'O, ,BAR SDOM NI, YUL LA RJES SU 'JUG SOGS DANG, ,GSAL DANG NANG DU BLTAS PA DANG, , MDZES DANG SEMS CAN RNAM GNYIS DANG, ,BTAGS DANG BSDAMS LA SOGS PA YIN, ,MIG GI DBANG POS CI BYED CE NA, SMRAS PA, GZUGS RNAMS LA BLTAS PA DANG LTA BAR 'GYUR BA'O, ,DE BZHIN DU RNA BA'I DBANG PO LA SOGS PA YID KYI DBANG PO'I MTHAR THUG PA RNAMS KYI LAS KYANG CI RIGS PAR BLTA BAR BYA'O, ,PHO'I DBANG PO DANG MO'I DBANG PO GNYIS KYIS CI BYED CE NA, SMRAS PA, CHUNG MA DANG BU DANG BU MO DANG PHA MA DANG DE DANG 'BREL PA'I GNYEN 'DAB YONGS SU 'DZIN PA KUN TU SNANG BAR BYED DO, ,SROG GI DBANG POS CI BYED CE NA, SMRAS PA, GSON PA DANG 'TSO BA DANG @91A *, ,'DUG PA DANG SDOD PA ZHES BYA BA'I GRANGS SU 'GRO BAR BYED DO, ,TSOR BAR BSDUS PA'I DBANG PO RNAMS KYIS CI BYED CE NA, SMRAS PA, 'BYOR PA DANG RGUD PA NYAMS SU MYONG BAR BYED DO, ,DAD PA LA SOGS PA'I DBANG PO RNAMS KYIS CI BYED CE NA, SMRAS PA, BDE 'GROR SKYE BA DANG; MYA NGAN LAS 'DA' BA'I TSOGS YONGS SU RDZOGS PAR BYED DO, ,DBANG PO THA MA GSUM GYIS CI BYED CE NA, SMRAS PA, TSE 'DI LA MYA NGAN LAS 'DA' BA 'THOB PAR BYED DO, ,DBANG PO DE DAG LAS DU NI RDZAS SU YOD PA YIN, DU NI MA YIN ZHE NA, SMRAS PA, DRUG NI RDZAS SU YOD PA YIN NO, ,LHAG MA RNAMS NI MA YIN NO, ,DU ZHIG GZUGS KYIS BSDUS PA YIN ZHE NA, SMRAS PA, BDUN NO, ,DU ZHIG SEMS KYIS BSDUS PA YIN ZHE NA, SMRAS PA, GCIG DANG GSUM GYI PHYOGS SO, ,DU ZHIG SEMS LAS BYUNG BAS BSDUS PA YIN ZHE NA, SMRAS PA, BCU DANG GSUM GYI PHYOGS SO, ,DU ZHIG SEMS DANG LDAN PA MA YIN PA YIN ZHE NA, SMRAS PA, GCIG GO, ,DU ZHIG 'DUS BYAS YIN ZHE NA, SMRAS PA, THAMS CAD 'DUS BYAS YIN TE, DBANG PO LA 'DUS BYAS MA YIN PA NI MED DO, ,PHO'I DBANG PO DANG MO'I DBANG PO, DBANG PO GANG GI CHA YIN ZHE NA, SMRAS PA, LUS KYI DBANG PO'I 'O, ,DBANG PO THA MA GSUM GANG GI CHA YIN ZHE NA, SMRAS PA, DGU'I STE YID KYI DBANG PO DANG, DAD PA LA SOGS PA LNGA DANG BDE BA DANG YID BDE BA DANG BTANG SNYOMS KYI DBANG PO RNAMS KYI'O, ,SROG GI DBANG PO GANG GI CHA YIN ZHE NA, SMRAS PA, GANG GI YANG MA YIN TE DE NI SNGON GYI LAS KYIS 'PHANGS PA'I DUS NGES PA LA GDAGS PA'I PHYIR BTAGS PA'I YOD PA ZHES BYA'O, ,DU ZHIG DGE BA DAG YIN ZHE NA, SMRAS PA, BRGYAD DAM LNGA'AM DRUG GI PHYOGS SO, ,DU ZHIG MI DGE BA DAG YIN ZHE NA, SMRAS PA, DRUG GI PHYOGS GCIG GO, ,DU ZHIG LUNG DU MA BSTAN PA DAG YIN ZHE NA, SMRAS PA, BRGYAD DANG LNGA'I PHYOGS SO, ,DU ZHIG RNAM PAR SMIN PA DANG BCAS PA YIN ZHE NA, SMRAS PA, GCIG DANG BCU'I PHYOGS SO, ,DU ZHIG RNAM PAR SMIN PA MED PA DAG YIN ZHE NA, SMRAS PA, BCU GCIG DANG BCU'I PHYOGS SO, ,DU ZHIG RNAM PAR @91B SMIN PA DANG BCAS PA'I GROGS DAG YIN ZHE NA, SMRAS PA, THA MA GSUM STE, LHA DANG MI'I RNAM PAR SMIN PA SHIN TU GSAL ZHING NGES PA'I DON GYIS RNAM PAR SMIN PA 'DOD PA'I GROGS DAG YIN NO, ,DU ZHIG RNAM PAR SMIN PA YIN ZHE NA, SMRAS PA, GCIG DANG DGU'I PHYOGS SO, ,DU ZHIG GI SA BON DAG RNAM PAR SMIN PA YIN ZHE NA, SMRAS PA, THAMS CAD KYI'O, ,DU ZHIG RNAM PAR SMIN PA MA YIN ZHE NA, SMRAS PA, BCU GNYIS DANG DGU'I PHYOGS SO, ,DU ZHIG RNAM PAR SMIN PA LAS SKYES PA DAG YIN ZHE NA, SMRAS PA, THAMS CAD KHO NA STE SA BON GYIS BSDUS PA'I RNAM PAR SMIN PA LAS GRUB PA'I PHYIR RO, ,DU ZHIG 'DOD PA DANG LDAN PA DAG YIN ZHE NA, SMRAS PA, BZHI DANG BCO LNGA'I PHYOGS SO, ,DU ZHIG GZUGS DANG LDAN PA DAG YIN ZHE NA, SMRAS PA, BCO LNGA'I PHYOGS SO, ,DU ZHIG GZUGS MED PA DANG LDAN BDAG YIN ZHE NA, SMRAS PA, DBANG PO BRGYAD KYI PHYOGS SO, ,DU ZHIG LDAN PA MA YIN PA DAG YIN ZHE NA, SMRAS PA, GSUM DANG DGU'I PHYOGS SO, ,DU ZHIG MI LCOGS PA MED PA'I SA LA DMIGS SHE NA, SMRAS PA, BCU GCIG GO, ,GAL TE MI LCOGS PA MED PA NI YID BDE BA'I DBANG PO YOD NA, DE LTA NA CI'I PHYIR BSAM GTAN DANG PO BZHIN DU DGA' BA DANG BCAS PAR RNAM PAR MI GZHAG CE NA, SMRAS PA, DE NA DGA' BA G-YO BA'I PHYIR RO, ,DE NA DE YOD PA NYID DU YID CHES PAR 'GYUR BA'I LUNG GANG YIN ZHE NA, SMRAS PA, BCOM LDAN 'DAS KYIS 'DI NA DGE SLONG DBEN BA LAS SKYES PA'I DGA' BA DANG, BDE BAS LUS DE NYID MNGON PAR RLAN PAR BYED, YONGS SU RLAN PAR BYED, YONGS SU KHYAB PAR BYED, YONGS SU TSIM PAR BYED DE, DE'I LUS LA 'DI LTA STE, DBEN PA LAS SKYES PA'I DGA' BA DANG BDE BAS MA KHYAB PA DANG KHYAB PAR BYA BA CHUNG ZAD KYANG MED DO ZHES JI SKAD DU GSUNGS PA STE, DE LA RNAM GRANGS DANG PO NGAG GIS NI MI LCOGS PA MED PA'I GNAS SKABS BSTAN TO, ,RNAM GRANGS THA MAS NI DNGOS GZHI'I GNAS SKABS BSTAN TO, ,BSAM GTAN DANG PO'I SA NA DBANG PO DU DAG DMIGS SHEN, SMRAS PA, BCO BRGYAD DO, ,BSAM GTAN GNYIS PA'I SA NA YANG DE DAG NYID DO, , @92A *, ,BSAM GTAN GSUM PA'I SA NA DBANG PO DU DAG DMIGS SHE NA, SMRAS PA, BCU BDUN NO, ,BSAM GTAN BZHI PA'I SA NA NI BCU DRUG GO, ,NAM MKHA' MTHA' YAS SKYE MCHED KYI SA NA DBANG PO DU DAG DMIGS SHE NA, SMRAS PA, BCU GCIG GO, , NAM MKHA' MTHA' YAS SKYE MCHED KYI SA NA JI LTA BA BZHIN DU RNAM SHES MTHA' YAS SKYE MCHED KYI SA DANG CI YANG MED PA'I SKYE MCHED KYI SA NA YANG DE BZHIN DU BLTA BAR BYA'O, ,'DU SHES MAD 'DU SHES MED MIN SKYE MCHED KYI SA NA DBANG PO DU DAG DMIGS SHE NA, SMRAS PA, BRGYAD DO, ,BSAM GTAN DANG PO'I SAS BSDUS PA'I DBANG PO RNAMS ZAG PA DANG BCAS PA'AM, ZAG PA MED PAR BRJOD PAR BYA ZHE NA, SMRAS PA, RNAM PA GNYI GAR BRJOD PAR BYA'O, ,BSAM GTAN DANG PO'I SAS BSDUS PA DAG JI LTA BA BZHIN DU CI YANG MED PA'I SKYE MCHED KYI SA'I BAR GYIS BSDUS PA DAG KYANG DE BZHIN NO, ,'DU SHES MED 'DU SHES MED MIN SKYE MCHED KYI SAS BSDUS PA'I DBANG PO RNAMS NI RIGS LAS NI ZAG PA DANG BCAS PA DAG TU BRJOD PAR BYA'O, ,RGYUD LAS NI RNAM PA GNYI GAR BRJOD PAR BYA'O, ,ZAG PA MED PA DE DAG NI NYON MONGS PA LAS RNAM PAR GROL BA LAS RIG PAR BYA'O; ,ZAG PA DANG BCAS PA DANG, ZAG PA MED PA DAG JI LTA BA BZHIN DU SPANG BAR BYA BA DANG SPANG BAR BYA BA MA YIN PA DANG, 'JIG RTEN PA DANG 'JIG RTEN LAS 'DAS PA DAG KYANG DE BZHIN DU BLTA BAR BYA'O, ,'DOD PA'I KHAMS SU SKYES SHING BYUNG BA DBANG PO DU DAG DANG LDAN PAR BRJOD PAR BYA ZHE NA, SMRAS PA; SRID PA'I DBANG DU BYAS NAS THAMS CAD DANG NGO, ,SEMS CAN DMYAL BAR SKYES PA DU DAG DANG LDAN ZHE NA, SMRAS PA, BRGYAD DANG NI KUN DU 'BYUNG BA DANG SA BON LAS LDAN PA YIN NO, ,LHAG MA RNAMS LAS GSUM MA GTOGS PA DAG DANG NI LDAN PA'ANG YOD, MI LDAN PA'ANG YOD DO; GSUM DANG NI KUN DU 'BYUNG BA LAS NI MI LDAN PA YIN LA SA BON LAS NI GAL TE YONGS SU MYA NGAN LAS 'DA' BA'I CHOS CAN YIN NA NI LDAN NO, ,GAL TE YONGS SU MYA NGAN LAS 'DA' BA'I CHOS CAN MA YIN NA NI MI LDAN NO, ,GZHAN GSUM DANG NI KUN DU 'BYUNG BA LAS NI MI LDAN NO, , @92B SA BON LAS NI LDAN NO, ,SEMS CAN DMYAL BAR SKYES PA JI LTA BA BZHIN DU GCIG TU SDUG BSNGAL BA'I DUD 'GRO RNAMS DANG YI DVAGS RNAMS LA YANG DE BZHIN DU BLTA BAR BYA'O, ,BDE BA DANG SDUG BSNGAL 'DREN MAR NYAMS SU MYONG BA RNAMS LA NI THA MA GSUM DANG KUN DU 'BYUNG BA LAS LDAN PAR BLTA BAR BYA'O, ,MIR SKYES BA DBANG PO DU DAG DANG LDAN ZHE NA, SMRAS PA, SRID PA LAS NI THAMS CAD DANG NGO, ,MIR SKYES PA JI LTA BA BZHIN DU LHAR SKYES PA YANG DE BZHIN NO, ,DBANG PO MA TSANG BA DBANG PO DU DAG DANG LDAN ZHE NA, SMRAS PA, LNGA MA GTOGS PAR SRID PA LAS DE LAS GZHAN PA DAG DANG NGO, , DBANG PO TSANG BA NI SRID PA LAS THAMS CAD DANG NGO, ,ZA MA DU DANG LDAN ZHE NA, SMRAS PA, LNGA MA GTOGS PAR SRID PA LAS DE LAS GZHAN PA THAMS CAD DANG NGO, ,BUD MED DU DAG DANG LDAN ZHE NA, SMRAS PA, SRID PA LAS NYI SHU RTZA GCIG DANG NGO, ,SKYES PA DU DAG DANG LDAN ZHE NA, SMRAS PA, SRID PA LAS NYI SHU RTZA GCIG KHO NA DANG NGO, ,MTSAN GNYIS PA DU DAG DANG LDAN ZHE NA, SMRAS PA, SRID PA LAS BCU DGU DANG NGO, ,DGE BA'I RTZA BA CHAD PA DU DAG DANG LDAN ZHE NA, SMRAS PA, BRGYAD MA GTOGS PAR SRID PA DE LAS GZHAN PA DAG DANG NGO, ,DGE BA'I RTZA BA MA CHAD PA DU DANG LDAN ZHE NA, SMRAS PA, SRID PA LAS THAMS CAD DANG NGO, ,SO SO'I SKYE BO DU DAG DANG LDAN ZHE NA, SMRAS PA, GSUM MA GTOGS PAR SRID PA LAS BCU DGU DANG NGO, ,BDEN PA MTHONG BA DU DAG DANG LDAN ZHE NA, SMRAS PA, SRID PA LAS THAMS CAD DANG NGO, ,SLOB PA DU DAG DANG LDAN ZHE NA; SMRAS PA, SRID PA LAS NYI SHU RTZA GCIG DANG NGO, ,MI SLOB PA DU DAG DANG LDAN ZHE NA, SMRAS PA, SRID PA LAS BCU DGU DANG NGO, RGYUN DU ZHUGS PA'I 'BRAS BU'I PHYIR ZHUGS PA DU DAG DANG LDAN ZHE NA, SMRAS PA, SRID PA LAS NYI SHU DANG NGO, ,RGYUN DU ZHUGS PA DU DAG DANG LDAN ZHE NA, SMRAS PA, SRID PA LAS NYI SHU KHO NA DANG NGO, ,RGYUN DU ZHUGS PA JI LTA BA BZHIN DU LAN CIG PHYIR 'ONG BA'I 'BRAS BU'I PHYIR ZHUGS PA DANG LAN CIG PHYIR 'ONG BA DANG PHYIR MI 'ONG BA'I 'BRAS BU'I PHYIR ZHUGS PA DANG YANG DE BZHIN DU BLTA BAR BYA'O, ,PHYIR MI 'ONG BA DU DAG DANG LDAN ZHE NA, SMRAS PA, SRID PA LAS BCU DGU DANG NGO, ,PHYIR MI 'ONG BA JI LTA BA BZHIN DU DGRA @93A *, ,BCOM PA NYID KYI 'BRAS BU'I PHYIR ZHUGS PA'ANG DE BZHIN NO, ,DGRA BCOM PA DBANG PO DU DAG DANG LDAN ZHE NA, SMRAS PA, SRID PA LAS BCU DGU KHO NA DANG NGO, ,GZUGS KYI KHAMS SU SKYES PA DBANG PO DU DAG DANG LDAN ZHE NA, SMRAS PA, SRID PA LAS BCO BRGYAD DANG NGO, , GZUGS MED PA'I KHAMS SU SKYES PA DBANG PO DU DAG DANG LDAN ZHE NA, SMRAS PA, SRID PA LAS BCU GCIG DANG NGO, ,'DOD PA'I KHAMS NAS SHI 'PHOS NAS DE NYID DU SKYE BA NA, DBANG PO DU DAG NI SPONG BAR BYED, DU NI 'THOB PAR BYED CE NA, SMRAS PA, RE ZHIG GZUGS CAN RNAMS NI SRID PA LAS MA TSANG BA RNAMS SPONG BAR BYED CING MA TSANG BA RNAMS 'THOB PAR BYED PA DANG, MA TSANG BA RNAMS SPONG BAR BYED CING TSANG BA RNAMS 'THOB PAR BYED PA DANG, TSANG BA RNAMS SPONG BAR BYED CING MA TSANG BA RNAMS 'THOB PAR BYED PA DANG, DMAN PA RNAMS SPONG BAR BYED CING, DMAN PA RNAMS 'THOB PAR BYED PA DANG, DMAN PA RNAMS SPONG BAR BYED CING, KHYAD PAR DU 'PHAGS PA RNAMS 'THOB PAR BYED PA DANG, KHYAD PAR DU 'PHAGS PA RNAMS SPONG BAR BYED CING KHYAD PAR DU 'PHAGS PA RNAMS 'THOB PAR BYED PA DANG, KHYAD PAR DU 'PHAGS PA RNAMS SPONG BAR BYED CING, DMAN PA RNAMS 'THOB PAR BYED DO; ,YID KYI DBANG PO DANG SROG GI DBANG PO GNYIS KYI DMAN PA DANG KHYAD PAR DU 'PHAGS PA SPONG BA DANG 'THOB PAR BYED PA DAG KYANG DE BZHIN DU BLTA BAR BYA'O, ,TSOR BA'I DBANG PO RNAMS KYI DMAN PA DANG KHYAD PAR DU 'PHAGS PA SPONG BA DANG 'THOB PAR BYED PA DAG KYANG RNAM PAR SMIN PA'I 'BRAS BU'I BYE BRAG LAS DE KHO NA BZHIN DU CI RIGS PAR BLTA BAR BYA'O, ,DBANG PO DGE BA RNAMS NI RGYU MTHUN PA'I 'BRAS BU LAS GONG NAS GONG DU KHYAD PAR DU 'PHAGS PA 'THOB CING SNGON GYI DMAN PA SPONG BAR BLTA BAR BYA'O, ,KHYAD PAR DU 'PHAGS PA SPONG ZHING DMAN PA 'THOB PA SKYE BA LAS NI MED DE LOG PA'I SBYOR BA MED PAR BYED DO, ,DBANG PO THA MA GSUM NI THAMS CAD KYI THAMS CAD DU SKYE BA DANG MI MTHUN PA KHO NA YIN NO, ,'DOD PA'I KHAMS NAS SHI 'PHOS NAS GZUGS KYI KHAMS SU SKYE BA NA DBANG PO DU DAG NI SPONG BAR BYED, DU DAG NI 'THOB PAR BYED CE NA, SMRAS PA, SA 'OG MA PA'I @93B DBANG PO THAMS CAD NI SPONG BAR BYED LA, SA GONG MA PA'I THAMS CAD NI SRID PA LAS 'THOB PAR BYED DO, ,'DOD PA'I KHAMS NAS SHI 'PHOS NAS GZUGS KYI KHAMS SU SKYE BA NA JI LTA BA DE BZHIN DU GZUGS MED PA'I KHAMS SU SKYE BA NA YANG DE BZHIN NO, ,GZUGS KYI KHAMS NAS SHI 'PHOS NAS GZUGS MED PA'I KHAMS SU SKYE BA NA YANG DE BZHIN NO, ,DBANG PO THA MA GSUM NI DGE SLONG GI TSUL GYI 'BRAS BU'I SBYOR BA THOB PA LAS DMIGS PAR 'GYUR GYI 'CHI 'PHO DANG SKYE BA LAS NI MA YIN TE, SNGON BSGOMS PA'I STOBS BSKYED PAS 'DIR RGYU MTHUN PA CHES GSAL BA DAG 'BYUNG BAR 'GYUR ZHING, CHES 'OD GSAL BAR SKYE BA'I PHYIR RNAM PAR SMIN PA'I 'BRAS BU NI RKYEN DU GYUR PA DAG YIN NO, ,BAR SDOM NI, LAS DANG RDZAS DANG GZUGS SOGS DANG, ,DGE LA SOGS DANG RNAM SMIN DANG, ,KHAMS DANG SA DANG 'THOB PA DANG, ,'CHI 'PHO SKYE BA KHO NA YIN, ,DBANG PO DU ZHIG YUL GYI DON DANG LDAN PA DAG YIN LA DU NI MA YIN ZHE NA, SMRAS PA, NYI SHU RTZA GCIG NI DON DANG LDAN PA YIN LA GCIG NI MA YIN NO, ,DU ZHIG GZUGS CAN MA YIN PA DANG LHAN CIG TU DON LA 'JUG CE NA, SMRAS PA, GZUGS CAN DANG PO BDUN NO, ,DU ZHIG GZUGS CAN DANG GZUGS CAN MA YIN PA DANG LHAN CIG TU DON LA 'JUG CE NA, SMRAS PA, DE LAS GZHAN PA LHAG MA RNAMS SO, ,DON DANG BCAS PA GANG DAG YIN PA LAS DBANG PO LNGA'I DON GANG ZHE NA, SMRAS PA, GZUGS LA SOGS PA YUL SO SOR NGES PA LNGA'O, ,DBANG PO DRUG PA'I DON GANG ZHE NA, SMRAS PA, CHOS THAMS CAD DO, ,PHO DANG MO'I DBANG PO GNYIS KYI DON GANG ZHE NA, SMRAS PA, REG BYAS BSDUS PA KHO NA'I PHO DANG MO'I DBANG PO PHAN TSUN 'KHRIG PA'I SBYOR BA'O, ,TSOR BA'I DBANG PO LNGA'I DON GANG ZHE NA, SMRAS PA, BDE BA DANG SDUG BSNGAL BA DANG YID BDE BA DANG YID MI BDE BA DANG BTANG SNYOMS KYI GNAS LTA BU DAG STE DBANG PO DRUG PO DE DAG NYID KYI DON RNAMS SO, ,DAD PA'I DBANG PO'I DON GANG ZHE NA, SMRAS PA, SPANG BAR BYA BA DANG THOB PAR BYA BA'I YUL LO, ,BRTZON 'GRUS KYI DBANG PO'I DON GANG ZHE NA, SMRAS PA, DE GNYIS KHO NA 'THOB PAR BYA BA LA ZHUM PA MED PA DANG, SPANG @94A *, ,BAR BYA BA LA ZHUM PA MED PA'O, ,DRAN PA'I DBANG PO'I DON GANG ZHE NA, SMRAS PA, MNYAN PA DANG BSAM PA DANG BSGOM PA NGES PAR 'DZIN PA'O, ,TING NGE 'DZIN GYI DBANG PO'I DON GANG ZHE NA, SMRAS PA, ZHI GNAS DANG LHAG MTHONG NGO, ,SHES RAB KYI DBANG PO'I DON GANG ZHE NA, SMRAS PA, SHES BYA'I DE KHO NA'O, ,MI SHES PA KUN SHES PAR BYED PA'I DBANG PO'I DON GANG ZHE NA, SMRAS PA, BDEN PA MNGON PAR RTOGS PA LA BRTZON PA DGE BA'I CHOS LA 'DUN PA NAS BZUNG STE, SBYOR BA'I LAS THAMS CAD LA DBANG PO LNGA'I DON GANG YIN PA DE NYID 'DI'I DON YIN PAR BLTA BAR BYA'O, ,KUN SHES PA'I DBANG PO'I DON GANG ZHE NA, SMRAS PA, RGYUN DU ZHUGS PA'I 'BRAS BU NAS BZUNG STE, RDO RJE LTA BU'I TING NGE 'DZIN GYI BAR DU DBANG PO LNGA'I DON GANG YIN PA DE NYID 'DI'I DON YIN PAR BLTA BAR BYA'O, ,KUN SHES PA DANG LDAN PA'I DBANG PO'I DON GANG ZHE NA, SMRAS PA, MI SLOB PA'I LAM NAS BZUNG STE, PHUNG PO'I LHAG MA MED PA'I MYA NGAN LAS 'DAS PA'I DBYINGS KYI BAR DU DBANG PO LNGA'I DON GANG YIN PA DE NYID 'DI'I DON GANG YIN PAR BLTA BAR BYA'O, ,DU ZHIG GZUGS CAN DAG YIN LA DON KYANG GZUGS CAN DAG YIN ZHE NA, SMRAS PA, BDUN NO, DU ZHIG GZUGS CAN MA YIN PA DAG YIN LA, DON NI GZUGS CAN DANG GZUGS CAN MA YIN PA DAG YIN ZHE NA, SMRAS PA, SROG GI DBANG PO MA GTOGS PA DE LAS GZHAN PA THAMS CAD DO, ,DU ZHIG GZUGS CAN YANG MA YIN GZUGS CAN MA YIN PA YANG MA YIN PA DAG YIN LA, DON KYANG GZUGS CAN YANG MA YIN GZUGS CAN MA YIN PA'ANG MA YIN PA DAG YIN ZHE NA, SMRAS PA, SROG GI DBANG PO DE NYID YIN TE BTAGS PA'I CHOS YIN PA'I PHYIR RO, ,DU ZHIG BSTAN DU YOD PA DAG YIN LA DON KYANG BSTAN DU YOD PA DAG YIN ZHE NA, SMRAS PA, THAMS CAD KYANG BSTAN DU MED PA DAG YIN TE, GZUGS CAN GCIG DANG LHAG MA GZUGS CAN MA YIN PA RNAMS KYI PHYOGS NI DON BSTAN DU YOD PA YIN NO, ,DU ZHIG THOGS PA DANG BCAS PA DAG YIN LA DON KYANG THOGS PA DANG BCAS PA DAG YIN ZHE NA, SMRAS PA, GZUGS CAN BDUN NO, ,LHAG MA GZUGS @94B CAN MA YIN PA THOGS PA MED PA DANG BSTAN DU MED PA RNAMS KYI PHYOGS YIN NO, ,DU ZHIG ZAG PA DANG BCAS PA DAG YIN LA DON KYANG ZAG PA DANG BCAS PA DAG YIN ZHE NA, SMRAS PA, BDUN KHO NA'O, ,LHAG MA RNAMS LAS THA MA GNYIS MA GTOGS PA DANG SDUG BSNGAL BA DANG YID MI BDE BA'I DBANG PO GNYIS MA GTOGS PA DAG NI ZAG PA DANG BCAS PA DANG ZAG PA MED PA DAG YIN LA DON KYANG ZAG PA DANG BCAS PA DANG ZAG PA MED PA DAG YIN PAR BLTA BAR BYA'O, ,SDUG BSNGAL GYI DBANG PO NI ZAG PA DANG BCAS PA DANG ZAG PA MED PA DAG YIN LA DON NI ZAG PA DANG BCAS PA YIN NO, , YID MI BDE BA'I DBANG PO NI ZAG PA DANG BCAS PA YIN LA DON NI ZAG PA DANG BCAS PA DANG, ZAG PA MED PA YIN NO, ,MI SHES PA KUN SHES PAR BYED PA'I DBANG PO NI DGE SBYONG GYI TSUL GYI 'BRAS BU DANG THAG RING ZHING 'JIG RTEN PA'I RNAM PAR RTOG PA GANG YIN PA DE NI ZAG PA DANG BCAS PA YIN LA, DGE SBYONG GYI TSUL GYI 'BRAS BU DANG THAG NYE ZHING 'JIG RTEN LAS 'DAS PA'I RNAM PAR RTOG PA GANG YIN PA DE NI ZAG PA MED PA YIN PAR BLTA BAR BYA'O, ,DU ZHIG 'DUS BYAS DAG YIN LA DON KYANG 'DUS BYAS DAG YIN ZHE NA, SMRAS PA, THAMS CAD KYANG 'DUS BYAS YIN TE BRGYAD NI DON KYANG 'DUS BYAS DAG YIN NO, ,DE LAS GZHAN PA DAG NI DON 'DUS BYAS DANG 'DUS MA BYAS PA DAG YIN NO, ,DU ZHIG NYON MONGS PA DANG BCAS PA DAG YIN LA DON KYANG NYON MONGS PA DANG BCAS PA DAG YIN ZHE NA, SMRAS PA, ZAG PA DANG BCAS PA JI SKAD BSTAN PA DE BZHIN DU 'DI'ANG BLTA BAR BYA'O, , ZANG ZING DANG BCAS PA DANG ZHEN PA LA BRTEN PA DANG 'JIG RTEN PA DANG 'JIG RTEN LAS 'DAS PA BSTAN PA DAG KYANG DE BZHIN DU BLTA BAR BYA'O, ,DU ZHIG 'DAS PA DAG YIN LA DON KYANG 'DAS PA DAG YIN ZHE NA, SMRAS PA, DBANG PO GZUGS CAN RNAMS DANG SDUG BSNGAL GYI DBANG PO MA GTOGS PA DE LAS GZHAN PA DON DANG LDAN PA RNAMS KYI PHYOGS GCIG GO, ,GZUGS CAN RNAMS DANG SDUG BSNGAL GYI DBANG PO NI 'DAS PA DAG YIN YANG DON NI 'DAS PA DAG MA YIN NO, ,DU ZHIG 'DAS PA DAG YIN LA DON NI DA LTAR BYUNG BA DAG YIN ZHE NA, SMRAS PA, JI SKAD BA STAN PA DE DAG @95A *, ,NYID KYI PHYOGS GCIG GO, ,DE DAG NYID 'DAS PA DAG YIN LA DON NI MA 'ONGS PA DAG YIN PAR YANG BLTA BAR BYA'O, ,DE DAG NYID DA LTAR BYUNG BA DAG YIN LA DON 'DAS PA DAG DANG DON MA 'ONGS PA DAG YIN PAR YANG BLTA BAR BYA'O, ,DE DAG NYID DA LTAR GYI DAG YIN LA, DON YANG DA LTAR BYUNG BA DAG YIN PAR YANG BLTA BAR BYA'O, ,GZUGS CAN THAMS CAD DANG SDUG BSNGAL GYI DBANG PO DANG SNGAR BSTAN PA DE DAG NYID KYI PHYOGS GCIG NI DA LTAR DAG YIN LA, DON YANG DA LTAR LDAN PA DAG YIN PAR YANG BLTA BAR BYA'O, ,DE DAG NYID MA 'ONGS PA DAG YIN LA DON 'DAS PA DAG DANG DON MA 'ONG PA DAG DANG, DON DA LTAR BYUNG BA DAG YIN PAR YANG BLTA BAR BYA STE, GZUGS CAN RNAMS NI MA 'ONGS PA DAG YIN YANG DON NI MA 'ONGS PA DAG MA YIN NO, ,DU ZHIG 'DOD PA DANG LDAN PA DAG YIN LA DON KYANG 'DOD PA DANG LDAN PA DAG YIN ZHE NA, SMRAS PA, BZHI'O, ,DBANG PO GNYIS NI 'DOD PA DANG GZUGS DANG LDAN PA DAG YIN LA DON NI 'DOD PA DANG LDAN PA NGAG YIN NO, ,GSUM NI 'DOD PA DANG GZUGS DANGLDAN PA DAG YIN LA DON YANG 'DOD PA DANG GZUGS DANG LDAN PA DAG YIN NO, ,GNYIS NI 'DOD PA DANG GZUGS DANG LDAN PA MA YIN PA DAG YIN LA DON NI 'DOD PA DANG GZUGS DANG GZUGS MED PA DANG LDAN PA DANG LDAN PA MA YIN PA DAG YIN NO, ,BDUN NI 'DOD PA DANG GZUGS DANG GZUGS MED PA DANG LDAN PA DANG LDAN PA MA YIN PA DAG YIN LA, DON KYANG DE DAG NYID YIN PAR BLTA BAR BYA'O, ,GCIG NI GZUGS DANG LDAN PA DANG LDAN PA MA YIN PA YIN LA DON NI THAMS CAD DANG LDAN PA DANG LDAN PA MA YIN PA YIN NO, ,GNYIS NI LDAN PA MA YIN PA DAG YIN LA DON NI THAMS CAD DANG LDAN PA DANG LDAN PA MA YIN PA DAG YIN NO, ,DU ZHIG DGE BA DAG YIN LA DON KYANG DGE BA DAG YIN ZHE NA, SMRAS PA, BRGYAD NI DGE BA DAG YIN LA DON NI DGE BA DANG MI DGE BA DANG LUNG DU MA BSTAN PA DAG YIN NO, ,LNGA NI DGE BA DANG MI DGE BA DANG LUNG DU MA BSTAN PA DAG YIN LA DON KYANG DGE BA DANG MI DGE BA DANG LUNG DU MA BSTAN PA DAG YIN NO, ,GCIG NI DGE BA DANG MI DGE BA YIN LA DON NI DGE BA DANG MI @95B DGE BA DANG LUNG DU MA BSTAN PA YIN NO, ,LNGA NI LUNG DU MA BSTAN PA DAG YIN LA DON KYANG LUNG DU MA BRTAN PA DAG YIN LA DON NI DGE BA DANG MI DGE BA DANG LUNG DU MA BSTAN PA DAG YIN NO, ,DU ZHIG SLOB PA DAG YIN LA DON KYANG SLOB PA DAG YIN ZHE NA, SMRAS PA, DGU NI SLOB PA DANG MI SLOB PA DANG SLOB PA'ANG MA YIN MI SLOB PA'ANG MA YIN PA DAG YIN LA DON KYANG RNAM PA GSUM CAR YIN NO, ,BDUN NI SLOB PA'ANG MA YIN MI SLOB PA'ANG MA YIN PA DAG YIN LA DON KYANG DE DAG NYID YIN NO, ,GCIG NI RNAM PA GSUM CHAR YIN LA DON NI SLOB PA'ANG MA YIN MI SLOB PA'ANG MA YIN PA YIN NO, ,GCIG NI SLOB PA DANG SLOB PA YANG MA YIN MI SLOB PA'ANG MA YIN PA YIN LA, DON NI RNAM PA GSUM CHAR YIN NO, ,GNYIS NI SLOB PA DAG YIN LA, DON NI RNAM PA GSUM CHAR YIN NO, ,GCIG NI MI SLOB PA YIN LA DON NI RNAM PA GSUM CHAR YIN PAR BLTA BAR BYA'O, ,DU ZHIG MTHONG BAS SPANG BAR BYA BA DAG YIN LA DON KYANG MTHONG BAS SPANG BAR BYA BA DAG YIN ZHE NA, SMRAS PA, BCU BZHI'I PHYOGS GCIG NI MTHONG BAS SPANG BAR BYA BA YIN NO, ,PHYOGS GCIG NI BSGOMS PAS SPANG BAR BYA BA YIN NO, ,BCU GNYIS KYI PHYOGS GCIG NI BSGOMS PAS SPANGS BAR BYA BA YIN NO, ,PHYOGS GCIG NI SPANG BAR BYA BA MA YIN PA YIN NO, ,BCU BZHI PO DE DAG NYID LAS DRUG DANG DE DANG DE LAS GZHAN PA DRUG DANG, GZHAN GNYIS NI SPANG BAR BYA BA MA YIN PA DAG YIN NO, ,DE LA GZUGS CAN RNAMS NI MTHONG BA DANG BSGOMS PAS SPANG BAR BYA BA'I DON YIN PAR BLTA BAR BYA'O, ,GZUGS CAN MA YIN PA RNAMS NI DON RNAM PA GSUM CHAR TE, MTHONG BA DANG, BSGOMS PAS SPANG BAR BYA BA DANG, SPANG BAR BYA BA MA YIN PA'I DON DAG YIN NO, ,DBANG PO DU ZHIG DON LA KUN NAS NYON MONGS PA'I BTANG SNYOMS KYIS RAB TU PHYE BA DAG YIN ZHE NA, SMRAS PA, DGE BA RNAMS MA GTOGS PA STE, DGE BA RNAMS NI DON LA RNAM PAR BYAD PA'I BTANG SNYOMS KYIS RAB TU PHYE BA DAG YIN PAR BLTA BAR BYA'O, ,DU ZHIG NI DON PHYIN CI LOG TU GYUR PA DAG YIN ZHE NA, SMRAS PA, DGE BA RNAMS DANG DBANG PO DRUG NI @96A *, ,DON GYIS DNGOS PO GANG DAG YIN PA MA GTOGS PA RNAMS SO, ,DU ZHIG PHYIN CI LOG GI GNAS DAG YIN ZHE NA, SMRAS PA, GZUGS CAN BDUN NO, ,DU ZHIG PHYIN CI LOG GI NGO BO NYID DAG YIN ZHE NA, SMRAS PA, DRUG GI PHYOGS SO, ,DU ZHIG PHYIN CI LOG GI GNYEN PO DAG YIN ZHE NA, SMRAS PA, BRGYAD YIN PAR BLTA BAR BYA'O, ,DBANG PO DU DAG GIS DON LA SKYON LAS NYE BAR RTOG PAR BYED CE NA, SMRAS PA, BRGYAD DANG LNGA DANG GCIG GIS SO, ,GANG GI TSE 'DU BYED RNAMS YON TAN BZHI DANG LDAN PAR DMIGS PA DE'I TSE JI LTAR 'DU BYED RNAMS SKYON LAS NYE BAR RTOG PAR BYED DE, GNAS PA LAS NI 'DI LTA STE, KHA CIG NI PHUNG PO RNAMS LEGS PAR BSNYEN BKUR BYAS NA LO BRGYA'AM DE BAS LHAG PAR GNAS PA'O, ,MTHU LAS NI 'DI LTA STE, BDE BA SKYED PAR BYED PA DANG, GTZANG BAR KUN DU SNANG BA'O, , DBANG BSGYUR BA LAS NI 'DI LTA STE, SGRUB PA DANG SRUNG BA DANG LONGS SPYOD PA DANG GTONG BA LA RANG GIS DBANG SGYUR PAR BYED PA'O, ,CHAGS PA LAS NI 'DI LTA STE, DE LA BRTEN PA'I CHAGS PA RNAM PA SNA TSOGS 'BYUNG BAR 'GYUR TE, DE NI 'DU BYED RNAMS KYI YON TAN DANG LDAN PA'I MTSAN NYID BZHI PA YIN NO ZHE NA, SMRAS PA, 'DI LTAR CHOS DE DAG NI 'JIG RTEN PAS YON TAN DU BZUNG MOD KYI 'ON KYANG DE DAG THAMS CAD NI SKYON DANG 'BREL PA YIN PAR RIG PAR BYA'O, ,DE LA SKYON RNAMS GANG ZHE NA, SMRAS PA, GNAS PA GTAN DU MA YIN PA'I PHYIR DANG, SDUG PA 'GYUR BA'I MI RTAG PA MNGON SUM DU DMIGS PA'I PHYIR DANG, 'CHI BA MI RTAG PA MNGON SUM DU DMIGS PA'I PHYIR 'DU BYED DE DAG YON TAN DANG PO DANG BRAL BAR BLTA BAR BYA'O, ,DE BZHIN DU DES BYAS PA'I SDUG BSNGAL RNAM PA SNA TSOGS 'BYUNG BA MNGON SUM DU DMIGS PA'I PHYIR DANG, MI GTZANG BA MNGON SUM DU DMIGS PA'I PHYIR YON TAN GNYIS PA DANG BRAL BAR BLTA BAR BYA'O, ,DE BZHIN DU RGA BA DANG NA BA DANG 'CHI BA LA SOGS PA LA 'DOD DGUR BYAR MED PA MNGON SUM DU DMIGS PA'I PHYIR YON TAN GSUM DANG BRAL BAR BLTA BAR BYA'O, ,DE BZHIN DU SRIN BU DANG KHYI DANG PHAG LA @96B SOGS PA LJAN LJIN MCHOG TU MI GTZANG BA LA CHAGS PA DAG MNGON SUM DU DMIGS PA'I PHYIR YON TAN BZHI PA SPANGS PAR BLTA BAR BYA STE, GANG GI PHYIR YON TAN THAMS CAD DANG BRAL BAR 'GYUR BA DE'I PHYIR 'DU BYED RNAMS LA RNAM PA THAMS CAD DU SKYON DANG LDAN PA DE LTA BU KHO NAR NYE BAR RTOG PAR BYED DO, ,MIG GI DBANG PO CI ZHIG GI CHED DU ZHE NA, SMRAS PA, GZUGS LA LTA BA'I CHED DU'O, ,YID KYI DBANG PO'I BAR DU CI ZHIG GI CHED DU ZHE NA, SMRAS PA, THAMS CAD KYANG RANG RANG GI YUL 'DZIN PA'I CHED DU YIN PAR BLTA BAR BYA'O, ,PHO DANG MO'I DBANG PO GNYIS CI ZHIG GI CHED DU ZHE NA, SMRAS PA, 'KHRIG PA BSTEN PA'I CHED DU'O, ,SROG GI DBANG PO CI ZHIG GI CHED DU ZHE NA SMRAS PA, 'CHI BA'I SRID PA SNGA ROL GYI DUS KYI SRID PA'I CHED DU'O, ,TSOR BA'I DBANG PO RNAMS CI ZHIG GI CHED DU ZHE NA, SMRAS PA, YUL YID DU 'ONG BA DANG YID DU MI 'ONG BA LA RJES SU CHAGS PA DANG KHONG KHRO BA'I CHED DU'O, ,DAD PA'I DBANG PO CI ZHIG GI CHED DU ZHE NA, SMRAS PA, DGE BA LA 'JUG PA'I CHED DU'O, ,BRTZON 'GRUS KYI DBANG PO CI ZHIG GI CHED DU ZHE NA, SMRAS PA, ZHUGS PA DGE BA'I CHOS BSGOM PA RGYUN DU CHUD PAR BYA BA'I CHED DU'O, , DRAN PA'I DBANG PO CI ZHIG GI CHED DU ZHE NA, SMRAS PA, SHES BZHIN DU SPYAD PA'I CHED DU'O, ,TING NGE 'DZIN GYI DBANG PO CI ZHIG GI CHED DU ZHE NA, SMRAS PA, YE SHES DANG MTHONG BA RNAM PAR DAG PA'I CHED DU'O, ,SHES RAB KYI DBANG PO CI ZHIG GI CHED DU ZHE NA, SMRAS PA, NYON MONGS PA SPONG BA'I CHED DU'O, ,MI SHES PA KUN SHES PAR BYED PA'I DBANG PO CI ZHIG GI CHED DU ZHE NA, SMRAS PA, DGE SBYONG GI TSUL GYI 'BRAS BU DANG PO DANG GNYIS PA DANG GSUM PA 'THOB PA'I CHED DU'O, ,KUN SHES PA'I DBANG PO CI ZHIG GI CHED DU ZHE NA, SMRAS PA, RDO RJE LTA BU'I TING NGE 'DZIN GYI BAR DANG MI SLOB PA'I DGE SBYONG GI TSUL GYI 'BRAS BU 'THOB PA'I CHED DU'O, ,KUN SHES PA DANG LDAN PA'I DBANG PO CI ZHIG GI CHED DU ZHE NA, SMRAS PA, BAR CHAD MED PAR NYON MONGS PA SPONG BA MNGON DU BYA BA DANG, TSE 'DI LA BDE BAR GNAS PA DANG PHUNG PO 'GAG PA'I CHED DU @97A *, ,DU'O; ,BCOM LDAN 'DAS KYIS 'DI SKAD DU LUS NI GZUGS CAN RAGS PA 'BYUNG BA CHEN PO BZHI LAS BYUNG BA DANG, MA DANG PHA'I MI GTZANG BA NUR NUR PO LAS BYUNG BA, 'BRAS CHAN DANG ZAN DRON GYIS BSKYED PA RTAG TU BSKON PA DANG, BKRU BA DANG, MNYE BA BYA DGOS PA DANG GCAD PA DANG GSHEGS PA DANG RNAM PAR 'THOR BA DANG RNAM PAR 'JIG PA'I CHOS CAN YIN NO ZHES GSUNGS PA DBANG PO GANG DAG LA BRTEN NAS SHE NA, SMRAS PA, DBANG PO GZUGS CAN BDUN LA BRTEN TE GSUNGS SO, ,DE'ANG MDOR BSDU NA RNAM PA BSTAN PA DANG POS NI 'DOD PA NA SPYOD PA'I DBANG PO GZUGS CAN RNAMS KYI SPYI'I MTSAN NYID BSTAN TO, ,GNYIS PAS NI RANG GI MTSAN NYID DO, ,GSUM GYIS RGYUD DE, GNYIS KYIS NI SKYE BA'I RGYU'O, ,GCIG GIS NI SKYES NAS 'PHEL BA'I RGYU'O, ,GSUM GYIS NI 'GYUR BSTE GRANG BA LAS GYUR PA DANG, TSA PA LAS GYUR PA DANG YONGS SU NGAL BA LAS GYUR BA'O, ,BZHIS NI YONGS SU 'GYUR BA STE, GNYIS KYIS NI GSON PA NYID NA GNOD PA BYAS BA LAS GYUR PA'O, ,GNYIS KYIS NI SHI BA LA GZHAN DANG RANG GI DANG GIS YONGS SU 'GYUR BAR BLTA BAR BYA'O, ,BCOM LDAN 'DAS KYIS RING DU SONG ZHING GCIG PU RGYU, ,LUS MED PHUG NA NYAL BA YIN, ,ZHES GSUNGS PA DBANG PO GANG LA BRTEN NAS SHE NA, SMRAS PA, YID KYI DBANG PO LA STE, SNGON GYI MTHA' LAS BRTZAMS NAS THOG MA MED PA'I PHYIR DANG SHES BYA MTHA' DAG LA DMIGS PA'I PHYIR RING DU SONG BA YIN NO, , SEMS KYI RGYUD RE RE NAS 'JUG PA'I PHYIR DANG BDAG PO MED PA'I PHYIR GCIG TU RGYU BA YIN NO, ,GZUGS MED PA DANG BSTAN DU MED PA DANG THOGS PA MED PA'I PHYIR LUS MED PA YIN NO, ,GZUGS DANG MING LA BRTEN PA'I PHYIR PHUG NA NYAL BA YIN PAR BLTA BAR BYA'O, ,BCOM LDAN 'DAS KYIS BUD MED KYIS NI SKYES PA GNAS BRGYAD PO BRO GAR DANG, GLU DANG, BGAD PA DANG, BLTAS PA DANG, KHA DOG DANG, REG PA DANG, KUN DU NYAL PO BSHAMS PA DANG, RMA 'DRAL BA DAG GIS 'CHING BAR BYED DO ZHAS GSUNGS PA DBANG PO GANG DAG LA BRTEN NAS SHE NA, SMRAS PA, @97B DBANG PO GNYIS LAS TE PHO'I DBANG PO DANG MO'I DBANG PO LAS SO, ,DE LA RTZE BA'I DUS NA NI GNAS BZHIS 'CHING BAR BYED DO, ,YONGS SU LONGS SPYOD PA'I DUS NA'ANG GNAS BZHIS 'CHING PAR BYED DE, RTZE BA'I DUS NA NI LUS DANG NGAG DANG KHA BZHIN DANG MIG GI 'JO SGEG DAG GIS 'CHING BAR BYED DO; ,YONGS SU LONGS SPYOD PA'I DUS NA NI GZUGS BZANG BA DANG, MNYE BA DANG, NYE BAR SPYOD PA DANG, SHIN TU GZHON SHA CAN DAG GIS 'CHING BAR BYED DO, ,BCOM LDAN 'DAS KYIS SROG DANG LDAN PA DANG GSON PA DANG 'JUG PA DANG 'TSO BA DANG SNGOD PAR BYED DO ZHES GSUNGS PA DBANG PO GANG LA BRTEN NAS SHE NA SMRAS PA, SROG GI DBANG PO LAS TE DBUGS RGYU BA DANG SHES PA YOD PA DANG LDAN PA DANG, DE LAS GZHAN PA'I GNAS SKABS DANG 'DRA BA DANG, DBANG BYED PAR 'GYUR BA DANG, NAD MED PA'I PHYIR RO, ,BCOM LDAN 'DAS KYIS BDE BA DANG, TSOR BA DANG TSOR BA LAS BYUNG BA ZHES GSUNGS PA DBANG PO GANG DAG LA BRTEN NAS SHE NA, SMRAS PA, BDE BA'I DBANG PO DANG YID BDE BA'I DBANG PO LAS TE DE LAS GZHAN PA'I TSOR BA'I DBANG DU BYAS NAS, RANG GI MTSAN NYID DANG SPYI'I MTSAN NYID DANG, RTEN GYI MTSAN NYID DE DAG BSTAN TO, , BDE BA LA SOGS PA JI LTA BA BZHIN DU MI BDE BA LA SOGS PA DANG BDE BA'ANG MA YIN MI BDE BA'ANG MA YIN PA LA SOGS PA LA YANG CI RIGS PAR BLTA BAR BYA'O, ,BCOM LDAN 'DAS KYIS DE BZHIN GSHEGS PA LA DAD PAS NGES PAR ZHEN PA DANG RTING TSUGS PA DANG RAB TU GNAS PA NI 'JIG RTEN NA DGE SBYONG NGAM BRAM ZE'AM LHA'AM BDUNG DAM TSANGS PA'AM SUS KYANG CHOS DANG MTHUN PAS 'PHROGS PAR MI 'GYUR RO ZHES GSUNGS PA DBANG PO GANG LA BRTEN NAS SHE NA, SMRAS PA, DAD PA'I DBANG PO LA STE THOS PA DANG BSAM PA DANG BSGOM PA LA MOS PA DAG GIS DAD PA'I DON GYI SNYING PO YONGS SU BSTAN TO, ,DE'ANG SNYING PO NYID YIN PAR JI LTAR KHONG DU CHUD PAR BYA BA'I THABS DE NI SHES PA DANG SKYE BA DANG DBANG DANG RNAM PAR DAG PA KHYAD PAR CAN DAG GIS KYANG DE G-YOS PAR MI 'GYUR NA MI PHAL PA DAG GIS LTA CI SMOS ZHES YONGS SU BSTAN TO, ,DON GYI SNYING @98A *, ,PO'I RNAM GRANGS GZHAN YANG 'JIG RTEN PA'I MOS PA SHIN TU RNAM PAR NGES PAS NI NGES PAR ZHEN PA YIN NO, ,'JIG RTEN LAS 'DAS PA'I MOS PA'I RTZA BAR GYUR PA YIN PA'I PHYIR RTING TSUGS PA YIN NO, ,'JIG RTEN LAS 'DAS PA'I MOS PA RNAM PAR DAG PAS RAB TU GNAS PA'I PHYIR RAB TU GNAS PA YIN TE, DANG PO NI BSTAN PA'I TSIG YIN NO, ,GNYIS NI BSHAD PA'I TSIG YIN PAR BLTA BAR BYA'O, ,BCOM LDAN 'DAS KYIS MTHU DANG LDAN PA DANG BRTZON 'GRUS DANG LDAN PA DANG SPRO BA DANG LDAN PA DANG BRTUL BA DANG BRTEN PA DANG BRTZON PA MA BOR BAR DGE BA'I CHOS RNAMS LA GNAS SO ZHES GANG GSUNGS PA DBANG PO GANG LA BRTEN NAS SHE NA, SMRAS PA, BRTZON 'GRUS KYI DBANG PO LA STE MDOR BSDU NA RNAM PA LNGA PO DAG GIS RNAM PA THAMS CAD KYI BRTZON 'GRUS DE YONGS SU BSTAN PA YIN TE, GO CHA'I BRTZON 'GRUS DANG SBYOR BA'I BRTZON 'GRUS DANG MI ZHUM PA'I BRTZON 'GRUS DANG MI 'KHRUL PA'I BRTZON 'GRUS DANG CHOG MI SHES PA'I BRTZON 'GRUS SO, ,BCOM LDAN 'DAS KYIS DRAN PA DANG KUN DU DRAN PA DANG RJES SU DRAN PA DANG SO SOR DRAN PA DANG MI BRJED PA NYID DANG SEMS PAS MNGON PAR BRJOD PA NYID DANG BRJED PA MED PA NYID DANG RAB TU MI BRJED PA NYID DANG YANG DAG PAR MI BRJED PA'I CHOS NYID CES GSUNGS PA DBANG PO GANG LA BRTEN NAS SHE NA, SMRAS PA, DRAN PA'I DBANG PO LA STE RNAM GRANGS DE DAG GI DON NI 'DI LTA STE, RNAM GRANGS BSDU BA LAS RIG PAR BYA'O, ,BCOM LDAN 'DAS KYIS SEMS GNAS PA DANG YANG DAG PAR GNAS PA DANG BSDUS TE GNAS PA DANG NYE BAR GNAS PA DANG, DUL BA DANG ZHI BA DANG, NYE BAR ZHI BA DANG RGYUD GCIG TU GYUR PA DANG TING NGE 'DZIN DU 'JOG PA ZHES GSUNGS PA DBANG PO GANG LA BRTEN NAS SHE NA, SMRAS PA, TING NGE 'DZIN GYI DBANG PO LA STE RNAM GANGS DE DAG GI DON NI 'DI LTA STE NYAN THOS KYI SA LAS RIG PAR BYA'O, ,BCOM LDAN 'DAS KYIS CHOS RNAMS RNAM PAR 'BYED PAR BYED PA DANG RAB TU RNAM PAR 'BYED PAR BYED PA DANG YONGS SU RTOG PAR BYED PA DANG YONGS SU DPYOD PAR BYED DO ZHES GANG GSUNGS PA DBANG PO GANG LA BRTEN NAS SHE NA, SMRAS PA, SHES RAB KYI DBANG PO LA @98B STE RNAM GRANGS DE DAG GI DON KYANG 'DI LTA STE, NYAN THOS KYI SA LAS RIG PAR BYA'O, ,DE LAS GZHAN PA'I DBANG PO DGE BA RNAMS NI DAD PA LA SOGS PA'I DBANG POS BSDUS PA YIN PA'I PHYIR DON GYI RNAM GRANGS GZHAN MI DMIGS SO, ,DBANG PO DU DAG LA BRTEN NAS LUS DRAN PA NYE BAR GZHAG PA GDAGS PAR MDZAD CE NA, SMRAS PA, BDUN LA'O, ,DBANG PO DU DAG LA BRTEN NAS TSOR BA DRAN PA NYE BAR GZHAG PA GDAGS PAR MDZAD CE NA, SMRAS PA, LNGA LA'O, ,DBANG PO DU DAG LA BRTEN NAS SEMS DRAN PA NYE BAR GZHAG PA GDAGS PAR MDZAD CE NA, SMRAS PA; GCIG LA'O, ,DBANG PO DU DAG LA BRTEN NAS CHOS DRAN PA NYE BAR GZHAG PA GDAGS PAR MDZAD CE NA, SMRAS PA, THA MA BRGYAD DANG SROG GI DBANG PO LA'O, ,DBANG PO DU ZHIG GTZO CHER SDUG BSNGAL GYI BDEN PA'I GNAS DAG YIN ZHE NA, SMRAS PA, DGU'O, , DBANG PO DU ZHIG GTZO CHER KUN 'BYUNG BA'I BDEN PA'I GNAS DAG YIN ZHE NA, SMRAS PA, LNGA'O, ,DBANG PO DU ZHIG 'GOG PA'I BDEN PA'I GNAS DAG YIN ZHE NA, SMRAS PA, THAMS CAD DO, ,DBANG PO DU ZHIG LAM GYI BDEN PA'I GNAS DAG YIN ZHE NA, SMRAS PA, THA MA BRGYAD DO, ,DBANG PO DU DAG LA BRTEN NAS LEGS PAR BSAM PA SEMS PA YIN ZHE NA, SMRAS PA, DGU LA'O, ,DBANG PO DU DAG LA BRTEN NAS LEGS PAR SMRA BA BRJOD PA YIN ZHE NA, SMRAS PA, BCU LA'O, ,DBANG PO DU DAG LA BRTEN NAS LEGS PAR BYAS PA'I LAS BYAD PA YIN ZHE NA, SMRAS PA, BCU DRUG LA'O, ,NYES PAR BSAM PA SEMS PA DANG NYES PAR SMRA BAR BRJOD PA DANG NYES PAR BYA BA'I LAS BYED PA YANG DE BZHIN DU CI RIGS PAR BLTA BAR BYA'O, ,DBANG PO DU DAG GTZO CHER NYON MONGS PAR RNAMS DANG LAS RNAMS LA BRTEN NAS 'BYUNG ZHE NA, SMRAS PA, ,DGU'O, ,DBANG PO DU DAG LA BRTEN NAS NYON MONGS PA RNAMS DANG LAS DAG 'BYUNG ZHE NA, SMRAS PA, LNGA LA'O, ,DBANG PO DU DAG LA BRTEN NAS NYON MONGS PA DANG LAS DAG SPONG BAR 'GYUR ZHE NA, SMRAS PA, THAM BRGYAD LA'O, ,DBANG PO DU DAG GIS 'JIG RTEN PA @99A *, ,DANG 'JIG RTEN LAS 'DAS PA'I DPAL NYAMS SU MYONG BAR 'GYUR ZHE NA, SMRAS PA, GNYIS MA GTOGS PA RNAMS KYIS SO, ,DBANG PO DU DAG GIS DPAL NYAMS BA NYAMS SU MYONG BAR 'GYUR ZHE NA, SMRAS PA, BCU GCIG GIS SO, ,DBANG PO DU ZHIG DPAL 'DREN PAR BYED PA DAG YIN ZHE NA, SMRAS PA, THA MA BRGYAD DO, ,BCOM LDAN 'DAS KYIS 'DOD PA LA LONGS SPYOD PA RNAMS KYI DPAL BYED PA'I CHOS NI LNGA PO 'DI DAG YIN TE BZOD PA DANG, DES PA DANG, MI YONGS SU BRTAG PA DANG, GTONG BA SPYOD PA DANG, BAG YOD PA'O ZHES GANG GSUNGS PA DE LA BZOD PA GANG ZHE NA, DE'I MTSAN NYID NI RNAM PA GSUM DU BLTA BAR BYA STE MI 'KHRUGS PA DANG PHYIR GNOD PA MI BYED PA DANG KHON GYI BSAM PA MI 'DZIN PA'O, ,RNAM PA'I RAB TU DBYE BA LAS NI RNAM PA BCU STE, GNOD PA BYAS PA BZOD PA DANG, GNOD PA BYED PA NYE BAR GNAS PA BZOD PA DANG, GNOD PA BYED DU DOGS PA BZOD PA DANG, GNOD PA BYED PA LA PHAN 'DOGS PA LA BZOD PA DANG, PHAN 'DOGS PA LA GNOD PA BYED PA LA BZOD PA DANG, GNOD PA BYED PA THAMS CAD BZOD PA DANG, THAMS CAD LAS GNOD PA BYED PA BZOD PA DANG, GNOD PA BYED PA SHAD KYIS SPYONG BA DANG DU LEN PA'I BZOD PA DANG, GNOD PA BYED PA LA SO SOR RTOG PA'I STOBS KYIS BZOD PA DANG, GNOD PA BYED PA'I RANG BZHIN GYIS BZOD PA STE, DE DAG THAMS CAD GCIG TU BSDUS PA NI GNOD PA LA MI BYED PA'I BZOD PA ZHES BYA'O, , NGES PA GANG ZHE NA, GZHAN GYIS GNOD PA BYAS PA LA LUS DANG NGAG DANG YID KYIS RJES SU SRUNG BA'I NGANG TSUL CAN NYID YIN TE GZHAN DAG LA BDE BA DANG YID BDE BA KHA NA MA THO BA MED PA MA SKYES PA NI SKYED PAR MI BYED LA, SKYES PA NI RJES SU SRUNG BAR BYED PA DANG, SDUG BSNGAL DANG YID MI BDE BA KHA NA MA THO BA DANG BCAS PA MA SKYES PA NI MI SKYED LA SKYES PA NI SEL BAR BYED PA'O, ,DE LA BZOD PAS NI GZHAN GYIS GNOD PA BYAS PA BZOD PAR BYED DO, ,DES PAS NI GZHAN DAG LA GNOD PA MI BYED DE DE LTAR NA DE GNYIS KYI BYE BRAG NI DE YOD DE, MI YONGS SU BRTAG PA NI DUS @99B GNYIS SU BLTA BAR BYA STE, BSNYEN PA'I DUS DANG BSKO BA'I DUS SU'O, ,DE LA BSNYEN PA'I DUS SU NI RNAM PA LNGAS MI YONGS SU BRTAGS NAS BSNYEN PAR BYA STE, GUS PA DANG NUS PA DANG SHES PA DANG, SPYOD PA DANG, CHOG SHES PAS SO, ,GZHAN RNAM PA LNGAS NI MI YONGS SU BRTAGS NAS BSKO BAR BYA STE, LAS KYI MTHAR BSKO BAR 'OS PA ZHIG NA NI LAS KYI MTHA' RNAMS SU BSKO BAR BYA'O, ,BSAM PA'I LAS SU BSKO BAR 'OS PA ZHIG NA NI BSAM PA'I LAS RNAMS SU BSKO'O, ,G-YUL NGO'I LAS SU BSKO BAR 'OS PA ZHIG NA NI G-YUL NGO'I LAS RNAMS SU BSKO'O; ,BDAG DANG NOR BSRUNG BAR 'OS PA ZHIG NA NI BDAG NYID DANG NOR BSRUNG BA'I LAS RNAMS SU BSKO'O, ,CHOS KYI LAS SU BSKO BAR 'OS PA ZHIG NA NI CHOS KYI LAS RNAMS SU BSKO BAR BYA'O, ,GTONG BA NI MDOR BSDU NA RNAM PA LNGAR BLTA BAR BYA STE, SA GZHI GTONG BA DANG LONGS SPYOD GTONG BA DANG RKYEN DU 'BAB PA GTONG BA DANG SNYOMS PAR GTONG BA DANG KHYAD PAR DU 'PHAGS PA GTONG BA STE, DE'ANG MTSAN NYID LAS NI GANG GIS SBYIN PAR BYED PA DE GTONG BA'O, ,SPYOD PA NI GZHAN DAG LA MI 'KHU BA DANG MI SLU BA'I NGANG TSUL NYID DE, MI 'KHU BA DE'ANG RNAM PA LNGA STE, DMAS PA NA MI 'KHU BA DANG YID BRTAN PA LA MI 'KHU BA DANG NYE BAR SPYOD PAS MI 'KHU BA DANG DAM BCAS PA LAS MI 'KHU BA DANG GZHAN LA TSOL ZHING MI 'KHU BA'O, ,BAG YOD PA NI DGE BA'I CHOS RNAMS BSGOM PA DANG MI DGE BA LAS SEMS SRUNG BA GANG YIN PA STE, RGYU DANG 'BRAS BUR 'BREL PA LAS DE GNYI GA 'ANG MTSAN NYID DU RUNG NGO, ,DE'ANG RNAM PA LNGA KHO NAR BLTA BAR BYA STE, LONGS SPYOD SGRUB PA LA BAG YOD PA DANG LONGS SPYOD SRUNG BA LA BAG YOD PA DANG BDAG NYID BSRUNG BA LA BAG YOD PA DANG, GRAGS PA BSRUNG BA LA BAG YOD PA DANG CHOS SPYOD PA LA BAG YOD PA'O, ,DE DAG THAMS CAD BSDUS NA DPAL SGRUB PAR BYED PA'I STOBS LNGAR 'GYUR TE, NGANG TSUL BZANG PO'I STOBS DANG GROGS DANG MDZA' BSHES BZANG PO'I STOBS DANG, MI ZHAN PA'I STOBS DANG, YID GCUGS PA'I STOBS DANG, CHOS KYI STOBS SO, ,DPAL @100A *, ,YANG RNAM PA LNGAR BLTA BAR BYA STE, SKYE DGU RJES SU DGA' BA DANG, DBANG PHYUG GI BDAG PO DANG, DGRA THUL BA DANG, BRTEN PA LA PHAN PA DANG, BDE 'GROR 'GRO BA'O, ,DE LA STOBS DANG PO BZHI BSDUS PA NI, DPAL RNAM PA BZHI SGRUB PAR BYED PA YIN PAR BLTA BAR BYA'O; ,STOBS LNGA PA NI DPAL LNGA PA SGRUB PAR BYED PA YIN NO,, ,,BAM PO BCU GCIG PA, DBANG PO DU ZHIG SNGON GYI NYON MONGS PA DANG LAS KYI 'PHEN PA LAS DMIGS PA DAG YIN ZHE NA, SMRAS PA, BRGYAD DO, ,DU ZHIG MING DANG GZUGS KYI RKYEN LAS KYANG DMIGS PA YIN ZHE NA, SMRAS PA, GCIG GO, ,DU ZHIG REG PA'I RKYEN LAS KYANG DMIGS PA YIN ZHE NA, SMRAS PA, LNGA'O, ,DU ZHIG 'BAD PA'I RKYEN LAS KYANG DMIGS PA YIN ZHE NA, SMRAS PA, BRGYAD DO, ,DBANG PO DU ZHIG BSDAM PAR BYA BA DAG YIN ZHE NA, SMRAS PA, BRGYAD DO; ,DU ZHIG YANG DAG PAR ZHI BAR BYA BA DAG YIN ZHE NA, SMRAS PA, GCIG GO, ,DU ZHIG NYE BAR ZHI BAR BYA BA DAG YIN ZHE NA, SMRAS PA, LNGA'O, ,DU ZHIG NGO BO NYID KYIS DUL BA DANG ZHIB DANG NYE BAR ZHI BA YIN LA DUL BA DANG ZHI BA DANG NYE BAR ZHI BAR BYA BA'I PHYIR 'JUG PA DAG KYANG YIN ZHE NA, SMRAS PA, BRGYAD DO, ,DBANG PO RNAMS KYI NYAMS PA GANG ZHE NA, SMRAS PA, KHAMS MTHUN PA'I SA PA DAG 'GAGS SHING DE LAS GZHAN PA 'GRUB PA GANG DAG YIN PA'O, ,RNAM PAR NYAMS PA GANG ZHE NA, SMRAS PA, KHAMS MI MTHUN PA'I SA PA DAG 'GAGS SHING DE LAS GZHAN PA 'GRUB PA GANG DAG YIN PA'O, ,RAB TU NYAMS PA GANG ZHE NA, SMRAS PA, DE DANG 'BREL BA'I NYON MONGS PA RAB TU SPONG BA DAG GANG YIN PA'O, ,DBANG PO RNAMS KYI YONGS SU NYAMS PA GANG ZHE NA, SMRAS PA, 'JIG RTEN PA'I 'BYOR PA DAG SNYOMS PAR 'JUG PA DANG; SKYE PA LAS NYAMS PA GANG DAG YIN PA'O, ,NYAN THOS DANG RANG SANGS RGYAS DANG BYANG CHUB SEMS DPA'I DBANG PO RNAMS LA BYE BRAG CI YOD CE NA, SMRAS PA, MDOR BSDU NA RNAM PA LNGAS BYE BRAG TU GYUR PAR BLTA BAR BYA STE, RIM PA'I BYE BRAG DANG, NYE BAR STON PA'I BYE BRAG DANG @100B 'CHING BA'I BYE BRAG DANG, SGRUB PA'I BYE BRAG DANG, YANG DAG PAR 'GRUB PA'I BYE BRAG GIS SO, ,DE LA BYANG CHUB SEMS DPA' RNAMS KYI DBANG PO NI RANG BZHIN GYIS CHE BA DAG YIN LA NYAN THOS DANG RANG SANGS RGYAS RNAMS KYI NI CHUNG NGU DANG 'BRING DAG YIN NO, ,BYANG CHUB SEMS DPA' RNAMS KYI DBANG PO NI RIG PA'I GNAS THAMS CAD LA MKHA SPAS NYE BAR BRTAN PA DAG YIN LA, NYAN THOS DANG RANG SANGS RGYAS RNAMS KYI NI RIG PA'I GNAS LA MKHAS PA PHYOGS GCIG GIS NYE BAR BRTAN PA DAG YIN NO, ,BYANG CHUB SEMS DPA' RNAMS KYI DBANG PO NI SNYING RJE'I ZHAGS PAS BCINGS PA DAG YIN LA, NYAN THOS DANG RANG SANGS RGYAS RNAMS KYI NI DE LTA BU DAG MA YIN NO, ,BYANG CHUB SEMS DPA' RNAMS KYI DBANG PO NI BDAG DANG GZHAN LA PHAN PA'I PHYIR NYE BAR GNAS PA DAG YIN LA, NYAN THOS DANG RANG SANGS RGYAS RNAMS KYI NI BDAG LA PHAN PA'I FPHYIR NYE BAR GNAS PA DAG YIN NO, ,BYANG CHUB SEMS DPA' RNAMS KYI DBANG PO NI BLA NA MED PA'I BYANG CHUB CHEN PO'I 'BRAS BU YANG DAG PAR 'GRUB BA DAG YIN LA, NYAN THOS DANG RANG SANGS RGYAS RNAMS KYI NI BYANG CHUB DMAN PA DANG 'BRING YANG DAG PAR 'GRUB PA DAG YIN NO, ,GANG ZAG MI LCOGS PA MED PA LA BRTEN NAS BDEN PA MNGON PAR RTOGS PAR BYA BA'I PHYIR ZHUGS PA DE 'BRAS BU YANG THOB BAR BYED CING BSAM GTAN DANG PO LAS YID BDE BA'I DBANG PO YANG MNGON DU BYED DAM ZHE NA, SMRAS PA, DE DAG LA LA NI BYED DO, ,DE DAG LA LA NI MI BYED DO, , DBANG PO RNO BA DGE BA'I RTZA BA MANG PO SNA TSOGS KYIS NYE BAR BRTAN PA GANG YIN PA DE NI BYED DO, ,GZHAN NI MI BYED DO, ,DBANG PO DU DAG GIS BSAM GTAN DANG PO LA SNYOMS PAR 'JUG CE NA, SMRAS PA, BRGYAD KYIS SO, ,LA LA NI THA MA GSUM GYIS SO, ,LA LA NI MA YIN NO, BSAM GTAN DANG PO LA JI LTA BA DE BZHIN DU GNYIS PA LA YANG DE BZHIN DU BLTA BAR BYA'O, ,GSUM PA LA NI BRGYAD KHO NA STE, ,DE DAG NYID NI MA YIN NO, ,BSAM GTAN BZHI PA DANG GZUGS MED PA'I SNYOMS PAR 'JUG PA DAG NI BDUN GYIS SO, ,LA LA NI THA MA GSUM GYIS SNYOMS PAR @101A *, ,'JUG GO, ,LA LA NI MA YIN NO, ,DBANG PO DU DAG GIS RGYUN DU ZHUGS PA'I 'BRAS BU 'THOB CE NA, SMRAS PA, GCIG GAM BRGYAD KYIS SO, ,GNYIS SAM DGUS NI LAN CIG PHYIR 'ONG BA'I 'BRAS BU THOB PAR BLTA BAR BYA'O, ,YID MI BDE BA'I DBANG PO NI LAM GYI RTEN YIN YANG LAM GYIS BSDUS PA MA YIN PA'I PHYIR DE NI MA GTOGS SO, ,YID BDE BA'I DBANG PO YANG BRTAN PA MA YIN PA'I PHYIR DE YANG MA GTOGS SO, ,JI STE GTOGS NA NI DE LHAG PAR BLTA BAR BYA'O, ,DBANG PO DU DAG GIS PHYIR MI 'ONG BA'I 'BRAS BU 'THOB CE NA, SMRAS PA, BCU GCIG GAM GNYIS KYIS SO, ,YID MI BDE BA'I DBANG PO YANG TSUL DE BZHIN DU BLTA BAR BYA'O, ,DBANG PO DU DAG GIS DGRA BCOM PA NYID 'THOB CE NA, SMRAS PA, GCIG GAM BCUS SO, ,RNAM PAR THAR PA GONG MA LA 'DOD PA DANG DON DU GNYER BA DANG YONGS SU YI 'CHAD PA DANG, YID MI BDE BA ZHES GANG GSUNGS PA DE LA 'DOD PA GANG ZHE NA, SMRAS PA, GANG GI PHYIR RNAL 'BYOR PA DE 'DI SNYAM DU SEMS TE 'PHAGS PA RNAMS KYIS GNAS GANG BSGRUBS TE GNAS PA ZHES BYA'O, ,DON DU GNYER BA GANG ZHE NA, SMRAS PA, GANG GI PHYIR DE 'DI SNYAM DU SEMS TE GNAS DE BDAG GIS KYANG BSGRUBS TE GNAS PAR BYA'O ZHES BYA'O, ,YONGS SU YI 'CHAD PA GANG ZHE NA, SMRAS PA, DMAN PAS CHOG PAR MI 'DZIN PA GANG YIN PA'O, ,YID MI BDE BA GANG ZHE NA, SMRAS PA, GANG NA MED PA LA 'DOD PA GANG YIN PA'O, ,DE LA RGYUN DU ZHUGS PA DANG LAN CIG PHYIR 'ONG BA GNYIS LA NI RNAM PA THAMS CAD YONGS SU RDZOGS PA'I PHYIR YID MI BDE BA'I DBANG PO RNAM PAR GZHAG GO, ,PHYIR MI 'ONG BA LA NI RNAM PA DANG PO GNYIS NI YOD LA GZHAN GNYIS NI MED PA'I PHYIR YID MI BDE BA'I DBANG PO RNAM PAR MI GZHAG STE, DGE BA LA 'DUN PA 'BA' ZHIG TU ZAD DO, ,YID BDE BA'I DBANG PO LA BRTEN NAS YID BDE BA'I DBANG PO DANG YID MI BDE BA'I DBANG PO DANG BTANG SNYOMS KYI DBANG PO SPONG BA YOD DAM ZHE NA, SMRAS PA, MNGON PAR 'BYUNG BA LA BRTEN PA'I YID BDE BA'I DBANG PO LA BRTEN NAS ZHEN PA LA BRTEN PA GSUM SPONG BA YOD DO, ,YID MI BDE BA'I DBANG PO LA BRTEN NAS YID MI BDE BA'I DBANG PO @101B SPONG BA YOD DAM ZHE NA, SMRAS PA, MNGON PAR 'BYUNG BA LA BRTEN PA NYID LA BRTEN NAS ZHEN PA LA BRTEN PA SPONG BA YOD DO, ,BTANG SNYOMS KYI DBANG PO LA BRTEN NAS BTANG SNYOMS KYI DBANG PO SPONG BA YOD DAM ZHE NA, SMRAS PA, GCIG PU NYID LA BRTEN PA'I BTANG SNYOMS LA BRTEN NAS, SNA TSOGS PA NYID LA BRTAN PA SPONG BA DANG, MI BRTEN PA'I BTANG SNYOMS LA BRTEN NAS GCIG PU NYID LA BRTEN PA'I BTANG SNYOMS SPONG BA YOD DO, ,RGYUN DU ZHUGS PA'I 'BRAS BU 'THOB PAR BYED PA'I MI SHES PA KUN SHES PAR BYED PA'I DBANG PO NI 'GOG PA LAS SPONG BAR BYED CING MI SKYE BA LAS RNAM PAR SPONG BAR BYED KYI RAB TU SPONG BAR YANG MI BYED YONGS SU SPONG BAR YANG MI BYED DO, ,DGRA BCOM PA NYID 'THOB PAR BYED PA'I KUN SHES PA'I DBANG PO'I TSUL YANG DE BZHIN DU BLTA BAR BYA'O, ,GANG ZAG DU ZHIG DBANG PO RNAMS GSAL BAR BYED PA DAG YIN ZHE NA, SMRAS PA, SLOB PA THAMS CAD DANG MI SLOB PA NI LNGA STE, YONGS SU NYAMS PA DANG, 'CHI BAR SEMS PA DANG, RJES SU SRUNG BA'I CHOS CAN DANG GNAS PA LAS MI G-YO BA DANG RAB TU RTOGS PA'I SKAL BA CAN RNAMS SO, ,RANG SANGS RGYAS KYANG MA YIN BYANG CHUB SEMS DPA' YANG MA YIN TE RANG BZHIN GYIS DBANG PO RNO BA'I PHYIR RO, ,RGYUN DU ZHUGS PA'I DBANG PO GSAL BAR BYA BA'I PHYIR ZHUGS PA DBANG PO RNAMS KYANG GSAL BAR BYED LA LAN CIG PHYIR 'ONG BA'I 'BRAS BU'ANG 'THOB PAR BYED DAM ZHE NA, SMRAS PA, THOB PAR BYED DO, ,PHYIR MI 'ONG BA'I 'BRAS BU 'THOB PAR BYED DAM ZHE NA, SMRAS PA, 'THOB PAR MI BYED DE GNYEN PO STOBS CHUNG BA DANG THOB PAR BYA BA'I DON RGYA CHE BA'I PHYIR RO, ,PHYIR MI 'ONG BA'I DBANG PO GSAL BAR BYA BA'I PHYIR ZHUGS PA DBANG PO RNAMS KYANG GSAL BAR BYED LA, 'DOD CHAGS DANG BRAL BA GZHAN YANG SGRUB PAR BYED DAM ZHE NA, SMRAS PA, SGRUB PAR BYED DO, ,DGRA BCOM PA NYID MNGON DU BYED DO ZHE NA, SMRAS PA, DE RGYU SNGA MA NYID KYI PHYIR RO, ,DBANG PO LEGS PAR SPYAD PA NI THAMS CAD KYANG BYED DO, ,CI'I PHYIR DBANG PO RNAMS LEGS PAR SPYOD PAR BYED CE NA, SMRAS PA, KHYAD PAR CHUNG ZAD TZAM GYIS CHOG PAR MI 'DZIN PA DANG TING NGE 'DZIN GYI KHYAD PAR BSGRUB PAS STOBS BSKYED PA DANG MANG DU THOS @102A *, ,PAS STOBS BSKYED PA DANG, 'BREL PA'I GTAM RNAM PAR GTAN LA DBAB PAS STOBS BSKYED PA DANG, CHOS ZAB MO LA NGES PAR RTOG PA'I BZOD PAS STOBS BSKYED PAR BYA BA'I PHYIR RO, ,BYANG CHUB SEMS DPA' RNAMS KYI MI SHES PA KUN SHES PAR BYED PA'I DBANG PO LA SOGS PA GSUM JI LTAR RNAM PAR GZHAG CE NA, SMRAS PA, MOS PAS SPYOD PA'I SA LA NI DANG PO RNAM PAR GZHAG GO, ,DE LAS GZHAN PA LHAG PA'I BSAM PA RNAM PAR DAG PA LA SOGS PA'I SA DAG LA NI GNYIS PA'O, ,DE BZHIN GSHEGS PA'I SA LA NI DBANG PO GSUM PA RNAM PAR GZHAG PAR BLTA BAR BYA'O, ,YONGS SU RDZOGS PA DU DAG GIS SLOB PA YONGS SU RDZOGS PA YIN PAR BRJOD PAR BYA ZHE NA, SMRAS PA, GSUM GYIS TE DBANG PO YONGS SU RDZOGS PAS NI DBANG PO RNON PO GANG YIN PA'O, ,SNYOMS PAR 'JUG PA YONGS SU RDZOGS PAS NI RNAM PAR THAR PA BRGYAD LAS BSAM GTAN PA GANG YIN PA'O, ,'BRAS BU YONGS SU RDZOGS PAS NI PHYIR MI 'ONG BA GANG YIN PA'O, ,MI SLOB PA LA NI YONGS SU RDZOGS PA RNAM PA GNYIS DMIGS TE, DBANG PO YONGS SU RDZOGS PA NI MI G-YO BA'I CHOS NYID KYIS SO, ,SNYOMS PAR 'JUG PA YONGS SU RDZOGS PA NI SNGA MA BZHIN NO, ,MI SLOB PA THAMS CAD NI 'BRAS BU YONGS SU RDZOGS PAS YONGS SU RDZOGS PA YIN PAR BLTA BAR BYA'O, ,DBANG PO RNAMS MA DUL BA DANG MA SBAS PA DANG MA BSRUNGS PA DANG MA BSDAMS PA DANG MA BSGOMS PA ZHES GANG GSUNGS PA'I RNAM GRANGS DE DAG GI DON GANG ZHE NA, SMRAS PA, MDOR BSDU NA RNAM PA BZHIS DBANG PO RNAMS DUL BA NYID DU BSTAN TE, SO SOR RTOG PA'I STOBS LA BRTEN NAS NI DBANG PO RNAMS YUL GANG LA GTAD PAR MI BYA BA DE LA NI MNGON PAR 'DU BYA BAS GTAD PAR MI BYA BA DANG, GANG LA GTAD PAR BYA BA DE LA NI MNGON PAR 'DU BYA BA KHO NAS NYON MONGS PA KUN DU 'BYUNG BAR BSRUNGS SHING GTOD PAR BYED DO, ,SPONG BA GNYEN PO'I STOBS LA BRTEN PAS NI JI SKAD BSTAN PA'I YUL DE NYID LA RANG BZHIN GYIS RNAM PAR MI RGYUG PA DANG RANG BZHIN GYIS NYON MONGS PA KUN DU MI 'BYUNG BAR BYED DO, , @102B GANG LA DBANG PO'I DUL BA RNAM PA BZHI PO DE DAG MED PA DE'I DBANG PO RNAMS NI MA DUL BA YIN PAR BLTA BAR BYA STE, MA SBAS PA'I PHYIR DANG MA BSRUNGS PA'I PHYIR DANG MA BSDAMS PA'I PHYIR DANG MA BSGOMS PA'I PHYIR RO, ,GANG LA DBANG PO DUL BA RNAM PA BZHI PO DE DAG YOD PA DE'I NI SHIN TU DUL BA DANG SHIN TU BSGOMS PA'I BAR DAG DE LAS BZLOG PA LAS BLTA BAR BYA'O, ,JI LTAR NA MA DUL BA DAG SDUG BSNGAL SKYED PAR BYED PA YIN ZHE NA, SMRAS PA, SDUG BSNGAL RNAM PA DRUG SKYED PAR BYED PA'I PHYIR TE, KUN NAS NYON MONGS PA CAN DU GNAS PA LAS SKYES PA DANG, GZHAN LAS NYAMS PA'I SDUG BSNGAL DANG, GZHAN LAS SMAD PA'I SDUG BSNGAL DANG, 'GYOD PA LAS SKYES PA DANG, NGAN 'GROR 'GRO BA LAS SKYES PA DANG, SKYE BA LA SOGS PA'I SDUG BSNGAL LO, ,SHIN TU DUL BA DAG NI DE LAS BZLOG PAS SDUG BSNGAL RNAM PA DRUG SPONG BA'I PHYIR BDE BA SKYED PAR BYED PA DAG YIN PAR BLTA BAR BYA'O, ,DBANG PO BCU BZHI DANG SEMS CAN GYI TSOGS GSUM PO DAG CI BCU BZHIS GSUM BSDUS SAM 'ON TE GSUM GYIS BCU BZHI BSDUS SHE NA, SMRAS PA, GSUM GYIS BCU BZHI BSDUS KYI BCU BZHIS NI GSUM MA BSDUS SO, , GANG DAG MA BSDUS SHE NA, PHYI ROL GYI SKYE MCHED RNAMS KYI PHYOGS SO, ,SEMS CAN GYI TSOGS GSUM NI 'DOD PA DANG GZUGS DANG GZUGS MED PA NA SPYOD PA DAG YIN PAR BLTA BAR BYA'O, ,DBANG PO LNGA DANG TSOR BA GSUM PO DAG CI LNGAS GSUM BSDUS SAM 'ON TE GSUM GYIS LNGA BSDUS SHE NA, SMRAS PA, GCIG GIS GCIG BSDUS PAR BLTA BAR BYA'O, ,DBANG PO LNGA DANG BYANG CHUB KYI PHYOGS DANG MTHUN PA'I CHOS SUM CU RTZA BDUN PO DAG NI LNGAS SUM CU RTZA BDUN BSDUS SAM 'ON TE SUM CU RTZA BDUN GYIS LNGA BSDUS SHE NA, SMRAS PA, SUM CU RTZA BDUN GYIS LNGA BSDUS KYI LNGAS NI SUM CU RTZA BDUN MA BSDUS SO, ,GANG DAG MA BSDUS SHE NA, YANG DAG PA'I NGAG DANG, LAS KYI MTHA' DANG, 'TSO BA DANG, DGA' BA DANG, SHIN TU SBYANGS PA DANG BTANG SNYOMS TE, DE LTAR DRUG PO DE DANG GAM, CHOS BZHIS MA BSDUS SO, ,DBANG PO @103A *, ,GZHAN LNGA DANG DBANG PO GSUM PO DAG CI LNGAS GSUM BSDUS SAM 'ON TE GSUM GYIS LNGA BSDUS SHE NA, SMRAS PA, GSUM GYIS LNGA BSDUS KYI LNGAS NI GSUM MA BSDUS SO, ,GANG DAG MA BSDUS SHE NA, YID KYI DBANG PO DANG BDE BA DANG YID BDE BA DANG BTANG SNYOMS KYI DBANG PO RNAMS MA BSDUS SO, ,YONGS SU SHES PA DGU PO DAG DBANG PO DU DAG GIS BSDUS SHE NA, SMRAS PA, YONGS SU SHES PA RNAMS NI SPONG BA YONGS SU SHES PAS BSDUS PA YIN PA'I PHYIR DBANG PO GANG GIS KYANG MA BSDUS SO, ,DE LA YONGS SU SHES PA DGU GANG YIN ZHE NA, 'DOD PA DANG LDAN PA'I SDUG BSNGAL DANG KUN 'BYUNG BA MTHONG BAS SPANG BAR BYA BA RNAMS SPANGS PA NI YONGS SU SHES PA DANG PO'O, ,GZUGS DANG GZUGS MED PA DANG LDAN PA'I DE DAG NYID SPANGS PA NI GNYIS PA'O, ,'DOD PA DANG LDAN PA'I 'GOG PA MTHONG BAS SPANG BAR BYA BA RNAMS SPANGS PA NI GSUM PA'O, ,SA GONG MA PA'I DE DAG NYID SPANGS PA NI BZHI PA'O, ,SA 'OG MA PA DANG GONG MA PA DAG GI LAM MTHONG BAS SPANG BAR BYA BA DAG SPANGS PA NI YONGS SU SHES PA LNGA PA DANG DRUG PA'O, ,THA MA'I CHA DANG MTHUN PA'I SPANGS PA NI BDUN PA'O, ,GZUGS KYI 'DOD CHAGS ZAD PAS NI BRGYAD PA'O, ,GZUGS MED PA'I 'DOD CHAGS ZAD PAS NI YONGS SU SHES PA DGU PA RNAM PAR GZHAG GO, ,DE LA MDOR BSDU NA RGYU GNYIS KYIS YONGS SU SHES PA RNAMS RNAM PAR GZHAG PAR BLTA BAR BYA STE, BDEN PA RTOGS PAS SPONG BA DANG KHAMS LAS YANG DAG PAR 'DA' BAS SPANG BA'O, ,DE LA MTSAN NYID 'DRA BA DANG, KHAMS MI 'DRA BA DANG, 'DRA BAS NI DANG PO GNYIS RNAM PAR GZHAG GO, ,MTSAN NYID MI 'DRA BA DANG KHAMS MI 'DRA BA DANG 'DRA BAS NI GZHAN BZHI RNAM PAR GZHAG GO, ,KHAMS DMAN PA LAS YANG DAG PAR 'DAS PA NI GZHAN GCIG RNAM PAR GZHAG GO, ,KHAMS BAR MA LAS YANG DAG PAR 'DAS PA DANG, ,KHAMS BZANG PO LAS YANG DAG PAR 'DAS PAS NI YONGS SU SHES PA GZHAN GNYIS RNAM PAR GZHAG PAR BLTA BAR BYA'O, ,MTSAN DANG DPE BYAD BZANG PO DANG STOBS DANG MI 'JIGS PA LA SOGS @103B PA SANGS RGYAS KYI CHOS MA 'DRES PA BCO BRGYAD GANG DAG YIN PA DE DAG DBANG PO DU DAG GIS BSDUS SHE NA, SMRAS PA, MTSAN DANG DPE BYAD BZANG PO RNAMS NI LCE'I DBANG PO DANG DBANG PO BZHI PA LUS KYI DBANG PO DANG PHO'I dbang po dang mig gi dbang PO DANG LCE'I DBANG PO'I GNAS RNAMS KYIS BSDUS SO, ,STOBS BCU NI DE BZHIN GSHEGS PA'I THUGS KYI RGYUD LA MDA' BA'I SHES RAB KYI DBANG PO DANG KUN SHES PA DANG LDAN PA'I DBANG POS BSDUS SO, ,MI 'JIGS PA BZHI NI LNGA DANG GCIG PU DE NYID KYIS BSDUS SO, ,MI 'JIGS PA BZHI RNAMS JI LTA BA BZHIN DU BSRUNG BA MED PA RNAMS KYANG DE BZHIN NO, ,DRAN PA NYE BAR GZHAG PA GSUM DBANG PO DU DAG GIS BSDUS SHE NA, SMRAS PA, DBANG PO GANG DAG GIS KYANG MA BSDUS MOD KYI 'ON KYANG DBANG PO DRUG GIS YANG DAG PAR BSGRUBS PA'I CHAGS PA MED PA DANG ZHE SDANG MED PAS BSDUS SO, ,THUGS RJE CHEN PO YANG DBANG PO GANG DAG GIS KYANG MA BSDUS TE, DE DAG GIS YANG DAG PAR BSGRUBS PA'I ZHE SDANG MED PA DANG, GTI MUG MED PA DAG GIS BSDUS SO, ,BSNYEL BA MI MNGA' BA'I CHOS NYID NI STOBS BZHIN DU BLTA BAR BYA'O, ,RNAM PA THAMS CAD DANG MCHOG MKHYEN PA YANG STOBS BZHIN DU BLTA BAR BYA'O, ,BAG CHAGS YANG DAG PAR BCOM PA NI DBANG PO GANG GIS KYANG MA BSDUS MOD KYI, 'ON KYANG DBANG PO DRUG GIS YANG DAG PAR BSGRUBS PA'I NYON MONGS PA SPANGS PAS BSDUS SO, ,GANG GI TSE DGRA BCOM PAS NYON MONGS PA'I TSOGS DANG MTHUN PA'I GNAS NGAN LEN MA LUS PAR SPANGS PA'I TSE DGRA BCOM PAS GANG MA SPANGS PA'I GNAS NGAN LEN GYI PHYOGS DE GANG ZHIG YOD NA, DE BZHIN GSHEGS PAS DE SPANGS PAS BAG CHAGS YANG DAG PAR BCOM PA YIN ZHE NA, SMRAS PA, DGRA BCOM PAS NI RNAM PAR SMIN PA'I PHYOGS DANG MTHUN PA DE MA SPANGS LA DE BZHIN GSHEGS PAS NI SPANGS PA YIN NO, ,ZAS BZHI PO 'DI DAG NI DBANG PO DANG 'BYUNG BA CHEN PO 'PHEL BA'I PHYIR 'JUG PA YIN NO ZHES GANG GSUNGS PA DE LA ZAS BZHI NI GANG DBANG PO DANG 'BYUNG BA CHEN PO GANG DAG RGYAS PA'I PHYIR NI 'JUG PAR 'GYUR ZHE NA, SMRAS PA, @104A *, ,ZAS BZHI NI KHAM DANG REG PA DANG YID LA SEMS PA DANG RNAM PAR SHES PA'I ZAS SO, ,DBANG PO NI DBANG PO GZUGS CAN LNGA DANG YID KYI DBANG PO'O, ,'BYUNG BA CHEN PO NI DBANG PO'I RTEN GYI 'BYUNG BA CHEN PO RNAMS SO, ,DE LA KHAM GYI KHA ZAS GANG ZHE NA, SMRAS PA; DBANG PO DANG 'BYUNG BA CHEN PO RGYAS PAR BYA BA'I PHYIR NYE BAR SPYAD PA GANG YIN PA STE ZAS MA YIN PA NI DE LAS BZLOG PA LAS BLTA BAR BYA'O, ,KHAM GYI ZAS JI LTA BA BZHIN DU LHAG MA RNAMS KYANG ZAS DANG ZAS MA YIN PAR DE BZHIN DU BLTA BAR BYA'O, ,KHAM GYI ZAS KYIS JI LTAR ZAS KYI BYA BA BYED, DE BZHIN DU RNAM PAR SHES PA'I ZAS KYI BAR GYIS KYANG JI LTAR ZAS KYI BYA BA BYED CE NA, SMRAS PA, STOBS KYIS RNAM PAR SHES PA LA PHAN 'DOGS PAR BYED CING STOBS DANG LDAN PAS KYANG DBANG PO DANG 'BYUNG BA CHEN PO DE DAG RGYAS PAR BYED DO, ,REG PAS NI BDE BA DANG YID BDE BA DANG DE LA LA LA BTANG SNYOMS KYIS PHAN 'DOGS PAS RNAM PAR SHES PA LA PHAN 'DOGS PAR BYED LA, PHAN BTAGS PA DES KYANG DBANG PO DANG 'BYUNG BA CHEN PO RGYAS PAR BYED DO, ,YID LA SEMS PAS NI YUL 'DOD PAS 'THOB PA'I RGYU YANG DAG PA'I THABS NYON MONGS PA CAN DANG NYON MONGS PA CAN MA YIN PA LA BRTEN NAS, RE BA'I YID BDE BA MA 'ONGS PA'I YUL LA DMIGS PAS RNAM PAR SHES PA LA PHAN 'DOGS PAR BYED DE DE LAS KYANG DBANG PO DANG 'BYUNG BA CHEN PO RGYAS PAR BYED DO, ,DE LTAR ZAS GSUM PO RNAMS KYI DE LTAR DANG MA 'ONGS PA LA DMIGS PAS, RNAM PAR SHES PA LA STOBS DANG LDAN PA NYID BSKYED PA'I PHYIR DANG RNAM PAR SHES PAS KYANG DBANG PO DANG 'BYUNG BA CHEN PO RGYAS PAR BYED PA'I PHYIR ZAS BZHI PO RNAM PAR GZHAG PAR BLTA BAR BYA'O, ,RNAM PAR SHES PA JI LTAR NA YID KYI DBANG PO'I ZAS YIN ZHE NA, DE LTAR NYE BAR RTON PA RNAM PA GSUM GYIS NYE BAR BRTAN PA DE GONG NAS GONG DU CHES BRTAS PA DANG CHES STOBS DANG LDAN PAR SKYE BA'I RGYUR 'GYUR RO, ,'O NA GNYID DANG TSANGS PAR SPYOD PA DANG SNYOMS PAR 'JUG PA DAG DBANG PO DANG 'BYUNG BA CHEN PO RGYAS PAR BYED PA YIN NA, CI'I PHYIR ZAS YIN PAR RNAM PAR MI GZHAG CE NA, SMRAS PA, RGYAS @104B PA NI GNYIS PO 'DI DAG YIN TE DON GZHAN LA PHAN 'DOGS PAS RGYAS PA DANG GNOD PA MI BYED PAS RGYAS PA'O, ,DE LA GNYID LA SOGS PA NI RGYAS PA PHYI MA SHOS KYIS RGYAS PAR BYED PA YIN GYI SNGA MA SHOS KYIS NI MA YIN TE, DE'I PHYIR DE DAG ZAS YIN PAR RNAM PAR MI GZHAG GO, ,CI'I PHYIR LUS GNAS PAR BYED PA'I SROG GI DBANG PO ZAS YIN PAR RNAM PAR MI GZHAG CE NA, SMRAS PA, DE NI ZAS MED NA RGYAS PAR BYED PA MA YIN PA'I PHYIR RO, ,KHAM GYI ZAS RAGS PA GANG ZHE NA, SMRAS PA, LHAR GYUR PA RNAMS KYI MA YIN PA GANG YIN PA'O, ,CHA PHRA BA GANG ZHE NA, SMRAS PA, LHAR GYUR PA RNAMS KYI GANG YIN PA STE, 'DI LTAR DE DAG GI ZAS NI ZOS MA THAG KHO NAR LUS DE NYID LA 'JU BAR 'GYUR TE, RIM GYIS MA YIN PA'I PHYIR RO, ,REG PA DANG YID LA SEMS PA DANG RNAM PAR SHES PA'I ZAS RAGS PA GANG ZHE NA, SMRAS PA, 'DOD PA NA SPYOD PA GANG YIN PA'O, ,CHA PHRA BA GANG ZHE NA, SMRAS PA, GZUGS DANG GZUGS MED PA NA SPYOD PA GANG YIN PA'O, ,SEMS CAN 'BYUNG BA RNAMS GANG ZHE NA, DA LTAR SKYES SHING GRUB PA GANG DAG YIN PA RNAMS SO, ,'BYUNG BAR 'DOD PA RNAMS GANG ZHE NA, SMRAS PA, MA 'ONGS PA'I SRID PA 'BYUNG BAR 'DOD PA GANG DAG YIN PA RNAMS SO, ,GNAS PA GANG ZHE NA, SMRAS PA, GNOD PA MED PAS RGYAS PA GANG DAG YIN PA'O, ,'TSO BA GANG ZHE NA, SMRAS PA, PHAN 'DOGS PAS RGYAS PA GANG YIN PA'O, ,SEMS CAN 'BYUNG BA RNAMS GNAS PA DANG, 'TSO BAR 'GYUR BA'I ZAS DE DAG GANG ZHE NA, SMRAS PA, JI SKAD BRJOD PA'I BYED PAS SO, ,JI LTAR NA 'BYUNG BAR 'DOD PA RNAMS LA PHAN 'DOGS PAR 'GYUR ZHE NA, SMRAS PA, SGO GSUM GYIS RNAM PAR SHES PA LA NYON MONGS PA DANG LAS KYI KUN NAS NYON MONGS PA RGYAS PA DAG GIS KUN NAS NYON MONGS PA RGYAS PA RNAM PA GNYIS YOD DE, SGO GSUM GYIS KUN NAS NYON MONGS PA BSTZAGS PA'I RNAM PAR SHES PA DE YANG 'BYUNG BAR 'DOD PA RNAMS KYI SKYE BA DE'I MJUG THOGS SU DE LAS GZHAN PA 'BYUNG BA LA PHAN 'DOGS PAR BYED DO, ,KHAM GYI ZAS DUS GANG GI TSE ZAS NYID DU RNAM PAR GZHAG CE NA, SMRAS PA, @105A *, ,'JU BA'I TSE NA'O, ,YONGS SU LONGS SPYOD PA'I TSE NA NI REG PA RNAM PAR GZHAG STE, DES BYAS PA'I PHAN 'DOGS PA BRTAS PAR BYED PA GANG YIN PA'O, ,DE'I PHYIR ZAS NI SKYE MCHED GSUM GYIS BSDAS PA YIN PAR RNAM PAR GZHAG GI KHA DOG GIS NI MA YIN TE 'DI LTAR DRI DANG RO DANG REG BYA DAG GIS DE DAG GI RO DANG MTHU DANG RNAM PAR SMIN PA LA SOGS PA YONGS SU 'JU BAS PHAN 'DOGS PA DANG GNOD PA BYED PA'I PHYIR RO, ,KHAM GYI ZAS GANG YONGS SU LONGS SPYOD PA'I TSE NA, 'DI LTA STE, KHA BA DANG TSA BA LA SOGS PAS GNOD PA BYED LA 'JU BA'I TSE NA PHAN 'DOGS PA'ANG YOD DO, ,YONGS SU LONGS SPYOD PA'I TSE NA PHAN 'DOGS LA 'JU BA'I TSE NA GNOD PA BYED PA 'DI LTA STE ZHIM LA MI 'PHROD PA'ANG YOD DE, DE'I PHYIR 'JU BA'I TSE KHO NA ZAS YIN PAR RNAM PAR GZHAG GI YONGS SU LONGS SPYOD PA'I TSE NA NI MA YIN NO, ,GANG GI TSE DE DAG LAS GZHAN PA 'DU BYED RNAMS KYI GNAS PA'I RGYU MANG PO 'DI LTA STE, SKYE BA DANG, SNGON GYI LAS DANG RDZU 'PHRUL RGYU DANG RKYEN TSOGS PA DANG BAR CHAD SPANGS PA DAG KYANG DMIGS PA'I TSE CI'I PHYIR ZAS KHO NA GSUNGS SHE NA, SMRAS PA, ZAS RNAMS NI MANG PO'I PHYIR DANG, BRDA PHRAD SLA BA'I PHYIR DANG, DRAN PA NYE BAR GZHAG PA DAG LA 'JUG PAR SLA BA'I PHYIR DANG, NYIN GCIG BZHIN DU BDE BA RGYAS PAR BYED PA'I PHYIR DE DAG KHO NA BSTAN TO, ,SEMS CAN DMYAL BA RNAMS NA NI KHAM GYI ZAS MED DO, ,MNYAM PAR GZHAG PA'I SA BA'I LHA RNAMS LA YANG MED DE SEMS CAN DMYAL BA PA RNAMS NI PHAL CHER SNGON GYI LAS KYI STOBS BSKYED PAS GNAS TE DE'I PHYIR DBANG PO DANG 'BYUNG BA CHEN PO LA GNOD PAR BYED PA'I RGYU CHEN PO DAG GIS KYANG 'CHI BAR MI 'GYUR RO, ,DE DAG LA RLUNG CHA PHRA MO RJES SU ZHUGS PA'I ZAS THA SNYAD GDAGS PA MA GTOGS PA YOD DO, ,DBANG PO GANG DAG LUS LAS GZHAN PA DE LA BRTEN TE 'BYUNG BA DE DAG YUL LAS KYANG YIN PA GANG DAG YUL LA BRTEN TE 'BYUNG BA DE DAG LUS LAS KYANG YIN NAM ZHE NA, SMRAS PA, RE ZHIG GANG DAG YUL LA BRTEN TE 'BYUNG BA DE DAG NI LU LAS KYANG YIN NO, ,LUS LA BRTEN TE 'BYUNG LA YUL LAS MA YIN PA'ANG YOD DE DBANG PO @105B GZUGS CAN DE DAG DANG MTSUNGS PA GANG DAG YIN PA RNAMS TE DE DAG NI 'BYUNG BA CHEN PO LA BRTEN PA YIN PA'I PHYIR DE LAS GZHAN PA LA BRTEN PA DAG CES BYA'O, ,DBANG PO GANG DAG LA BRTEN NAS 'BYUNG BA DE DAG THAMS CAD GNAS GCIG PA DAG YIN NAM ZHE NA, SMRAS PA, GNAS GCIG PA DAG KYANG YOD DE, GZUGS CAN DE DAG DANG MTSUNGS PA RNAMS SO, ,GNAS GNYIS PA DAG KYANG YOD DE DAG NYID MTSUNGS PA RNAMS SO, ,GNAS GSUM PA DAG KYANG YOD DE GZUGS CAN GYI KHAMS NA NI YID KYI DBANG PO DANG DE LAS GZHAN PA SEMS LAS BYUNG BA'I DBANG PO GZUGS CAN MA YIN PA RNAMS SO, ,GZUGS CAN MA YIN PA'I KHAMS NA NI DE DAG NYID GNAS GNYIS PA KHO NA YIN PAR BLTA BAR BYA'O, ,DBANG PO GANG DAG SDUG BSNGAL BA DE DAG THAMS CAD SDUG BSNGAL GYI MTSAN NYID DU GYUR PA DAG YIN NAM GANG DAG SDUG BSNGAL GYI MTSAN NYID DU GYUR PA DE DAG THAMS CAD SDUG BSNGAL BA DAG YIN ZHE NA, SMRAS PA, DBANG PO GANG DAG SDUG BSNGAL BA YIN LA DE DAG SDUG BSNGAL GYI MTSAN NYID NI MA YIN PA DAG KYANG YOD DE, BDE BA'I DBANG PO DANG YID BDE BA'I DBANG PO'O, ,SDUG BSNGAL BA YANG YIN LA SDUG BSNGAL GYI MTSAN NYID KYANG YIN PA DAG KYANG YOD DE, SDUG BSNGAL GYI DBANG PO DANG YID MI BDE BA'I DBANG PO'O, ,SDUG BSNGAL BA NI YIN LA BDE BA DANG SDUG BSNGAL GYI MTSAN NYID MA YIN PA DAG KYANG YOD DE, BTANG SNYOMS KYI DBANG PO'O, ,SDUG BSNGAL BA'ANG MA YIN LA SDUG BSNGAL GYI MTSAN NYID KYANG MA YIN PA DAG KYANG YOD DE, DBANG PO THA MA GSUM STE, SDUG BSNGAL GYI GNYEN PO YIN PA'I PHYIR RO, ,DBANG PO GANG DAG DGE BA YIN PA'I DBANG PO DE DAG BDE BA SKYED PAR BYED PA DAG YIN NAM GANG DAG BDE BA SKYED PAR BYED PA DE DAG DGE BA DAG KYANG YIN NAM ZHE NA, SMRAS PA, DBANG PO GANG DAG DGE BA YIN LA BDE BA SKYED PAR BYED PA MA YIN PA DAG KYANG YOD DE, SDUG BSNGAL BA DANG BCAS YID MI BDE BA DANG BCAS PAS TSE 'DI LA TSANGS PAR SPYAD PA SPYOD PA'I DBANG PO DGE BA GANG DAG BDE BA SKYED PAR BYED PA MA YIN PA DE DAG GO, ,BDE BA SKYED PAR BYED PA YIN LA DGE BA MA YIN PA @106A *, ,DAG KYANG YOD DE, LUNG DU MA BSTAN PA'I DBANG PO GANG DAG TSE 'DI LA NYON MONGS PA CAN DANG NYON MONGS PA CAN MA YIN PA DANG, LUNG DU MA BSTAN PA'I BDE BA SKYED PAR BYED PA DAG GO, ,DGE BA'ANG YIN LA BDE BA SKYED PAR BYED PA'ANG YIN PA DAG KYANG YOD DE BDE BA DANG BCAS YID BDE BA DANG BCAS PAS TSE 'DI LA TSANGS PAR SPYAD PA SPYOD PA'I DBANG PO DGE BA GANG DAG YIN PA RNAMS SO, ,DGE BA YANG MA YIN BDE BA SKYED PAR BYED PA YANG MA YIN PA DAG KYANG YOD DE LUNG DU MA BSTAN PA DANG, MI DGE BA'I DBANG PO GANG DAG TSE 'DI LA SDUG BSNGAL SKYED PAR BYED PA DAG GO, ,BAR SDOM NI, DON DANG GNAS DANG 'THOB PA DANG, ,SDUD DANG ZAS DANG MU RNAMS SO, ,'DU BYED KYI DON MTHA' DAG 'DZIN PAR BYED CING 'DU BYED KYI DON MTHA' DAG 'DZIN PAR BYED PAS PHUNG PO RNAMS SO, ,RNAM GRANGS GZHAN YANG RTAG TU LAS DANG NYON MONGS PA RNAMS KYIS 'PHEL BAR BYED CING, RTAG TU LAS DANG NYON MONGS PA RNAMS KYIS 'PHEL BAR BYED PAS PHUNG PO RNAMS SO, ,RNAM GRANGS GZHAN YANG RTAG TU 'DU BYED CING 'JIG PAR BYED LA RTAG TU 'DU BYED CING 'JIG PAR BYED PAS PHUNG PO RNAMS SO, ,CHOS RNAMS BSKYED PA'I PHYIR 'JUG PAR BYED CING CHOS RNAMS BSKYED PA'I PHYIR 'JUG PAR BYED PAS KHAMS RNAMS TE 'PHEN PAR BYED CES BYA BA'I THA TSIG GO, ,SEMS DANG SEMS LAS BYUNG BA'I CHOS RNAMS KYI GNAS RGYAS PAR BYED CING SEMS DANG SEMS LAS BYUNG BA'I CHOS RNAMS KYI GNAS RGYAS PAR BYED PA'I PHYIR SKYE MCHED RNAMS SO, ,RKYEN LAS MYUR DU 'JIG PA DANG LDAN LA 'BYUNG ZHING RKYEN LAS MYUR DU 'JIG PA DANG LDAN LA 'BYUNG BAS RTEN CING 'BREL BAR 'BYUNG BA'O, ,KUN NAS SLONG BA'I PHYIR TSUL YIN LA KUN NAS SLONG BA'I PHYIR TSUL YIN PAS GNAS SO, ,TSUL MA YIN PA'I GNAS NI MA YIN NO, ,LTA BA LA SOGS PA LA BDAG PO NYID DANG LDAN ZHING LTA BA LA SOGS PA LA BDAG PO NYID DANG LDAN PAS DBANG PO RNAMS SO, ,DE LA PHUNG PO LA SOGS PA'I RNAM PAR GZHAG PA NI MDOR BSDU NA RGYU DRUG GIS RIG PAR BYA STE, LUS RNAM PAR GZHAG PA DANG, DE'I RGYU RNAM PAR GZHAG PA DANG, LUS CAN RNAM PAR GZHAG PA @106B DANG; DE'I 'JUG PA'I THABS RNAM PAR GZHAG PA DANG, DE NYID KYI 'JUG PA LA NYAMS PA DANG KHYAD PAR DU 'GYUR BA'I THABS RNAM PAR GZHAG PA DANG, DE LA LONGS SPYOD PA'I BDAG PO RNAM PAR GZHAG PA DANG, MDOR BSDU NA MKHAS PA DRUG PO DE DAG GIS LEGS PAR ZIN PA MA YIN PA DRUG PO DAG LUS LEGS PAR ZIN PA MA YIN PA DANG, RANG BZHIN DANG DBANG PHYUG LA SOGS PA MI MTHUN PA'I RGYU LEGS PAR ZIN PA MA YIN PA DANG, LUS DE LA GNAS PA'I BDAG PO LEGS PAR ZIN PA MA YIN PA DANG, DE'I 'CHI 'PHO DANG SKYE BA'I 'JIG PA LEGS PAR ZIN PA MA YIN PA DANG, DE'I DGE BA DANG, MI DGE BA LA 'BAD PA LEGS PAR ZIN PA MA YIN PA DANG, DE'I YUL 'DOD PA DANG MI 'DOD PA LA LONGS SPYOD PA'I BDAG PO LEGS PAR ZIN PA MA YIN PA RNAM PAR BSTZAL BA YONGS SU BSTAN PA YIN NO, ,PHAN YON DU ZHIG YANG DAG PAR RJES SU MTHONG BAS CHOS RAB TU DBYE BA RNAM PAR GZHAG PA RAB TU RNAM PAR DBYE BA LA MKHAS PA LA BRTZON PAR BYA ZHE NA, MDOR BSDU NA PHAN YON RNAM PA BCU STE, 'JIG TSOGS LA LTA BA YONGS SU SHES PAR BYA BA'I PHYIR RIL PO'I 'DU SHES RAB TU BSHIG PAR BYAS PAR 'GYUR BA DANG, YOD CING MED PA MA YIN PA'I CHOS RNAMS LA BDEN PA DANG GNAS PA LAS GNOD PAR MI 'GYUR BA DANG, BDAG NYID KYANG SOM NYI MED CING THE TSOM MED PAR 'GYUR BA DANG, GZHAN DAG GIS DRI BA DRIS NA'ANG MA DAD PA RNAMS DAD PAR BYA ZHING DAD PA RNAMS PHYIR ZHING 'PHEL BAR BYA BA'I PHYIR DANG, BSTAN PA YUN RING DU GNAS PAR BYA BA'I PHYIR LEGS PA KHO NAR LAN 'DEBS PAS LAN LDAN PAR 'GYUR BA DANG, RTEN CING 'BREL BAR 'BYUNG BA'I RIG PA LA 'JUG PAR 'GYUR BA DANG, BRGYA BYIN DANG TSANGS PA DANG SKYE DGU'I BDAG PO DANG RANG BZHIN DANG SKYES BU DAG GI BYED PA PO MED PA NYID DANG LUS MED PA NYID DU KHONG DU CHUD PAR 'GYUR BA DANG BDAG GI SHES RAB KYI DBANG PO RGYAS SHING 'PHEL LA YANGS PAR 'GYUR ZHING DGE BA DANG MI DGE BA'I CHOS RNAMS DANG, RGYAS PAR RTEN CING 'BREL PAR 'BYUNG BA RAB TU RNAM PAR DBYE BA DANG BCAS PA'I BAR DAG YANG DAG PA JI LTA BA BZHIN DU SHES PAR 'GYUR BA DANG, DGE BA DANG MI DGE BA'I CHOS RNAMS DANG RGYAS PAR RTEN CING 'BREL BAR @107A *, , [#LINE APPARENTLY MISSING THIS PAGE] 'BYUNG BA RAB TU RNAM PAR DBYE BA'I BAR DE DAG LA BDAG GI DRAN PA LEGS PAR GNAS PAR 'GYUR BA DANG, CHOS KYI RJES SU MTHUN PA'I CHOS LA ZHUGS PA NA DRAN PA NYE BAR GNAS PA DE NYID LA BRTEN CING GNAS NAS DGE BA'I SEMS RTZE GCIG PA DE NYID LA REG PAR 'GYUR BA DANG SEMS RTZE GCIG PA DE NYID LA BRTEN CING GNAS NAS 'PHAGS PA'I SHES RAB KYI DBANG PO SKYE BAR 'GYUR BA DANG, 'PHAGS PA'I SHES RAB KYI DBANG PO LA BRTEN CING GNAS NAS PHYIN CI LOG RNAMS STONG BAR 'GYUR, ZAG PA ZAD PA NI RJES SU THOB PAR 'GYUR BA STE, DE LTAR PHAN YON BCU PO DE DAG YANG DAG PAR RJES SU MTHONG BAS CHOS RAB TU DBYE BA RNAM PAR GZHAG PA RAB TU RNAM PAR DBYE BA LA MKHAS PA LA BRTZON PAR BYA'O, ,RNAM PAR SHES PA'I TSOGS LNGA DANG LDAN PA'I SA DANG YID KYIS GNYIS KYIS RNAM PAR GTAN LA DBAB PA'O, ,SA DE GNYIS KYI RNAM PAR GTAN LA DBAB PA'I GZHUNG LHAG MA NI MI SNANG NGO, ,RTOG PA DANG BCAS SHING DPYOD PA DANG BCAS PA LA SOGS PA'I SA GSUM GYI RNAM PAR GTAN LA DBAB PA NI CI'I PHYIR GSHIN RJE LA CHOS KYI RGYAL PO ZHES BYA, CI SEMS CAN RNAMS LA GNOD PA NYE BAR BSGRUB PA'I PHYIR RAM 'ON TE PHAN PA NYE BAR BSGRUB PA'I NI MA YIN TE, 'DI LTAR DE NI DE DANG NYE BAR GYUR PA'I SEMS CAN DE DAG LA DE 'DRA BA'I LUS DAG GIS KHYED CAG NI RANG GIS BYAS PA'I LAS KYI 'BRAS BU NYAMS SU MYONG BAR 'GYUR RO ZHES DRAN PA NYE BAR GNAS PAR BYED DE, DES NA RANG GIS BYAS PA'I LAS KYI 'BRAS BU BDAG NYID KYIS MYONG BA KUN DU SHES PA'I SEMS CAN DE DAG GSHIN RJE'I MI SEMS CAN GYI LAS KYI DBANG GIS GRUB PA SPRUL PA LTA BU SEMS CAN 'BYUNG PO MA YIN PA DE DAG LA KUN NAS MNAR SEMS KYI SEMS MED PA DANG KHONG KHRO BA'I SEMS MED PA DANG KHON DU 'DZIN PA'I BSAM @107B PA MED PAR 'GYUR LA, DE'I 'OG TU SEMS CAN DMYAL BAR SKYE BAR 'GYUR BA'I LAS SAR PA DAG SOGS PAR MI BYED CING SNGON GYI LAS ZAD PAR BYAS NAS, SEMS CAN DMYAL BA'I 'GRO BA DAG NAS YONGS SU THAR BAR 'GYUR TE, DE LTA BAS NA GSHIN RJE NI SEMS CAN DMYAL BA PA RNAMS LA PHAN PA NYE BAR BSGRUB PA'I PHYIR CHOS KYI RGYAL PO ZHES BYA'O, ,DE LA SEMS CAN GANG DAG SEMS CAN DMYAL BA RNAMS SU SKYES PA SKYES MA THAG TU SKYE BA RJES SU DRAN PAR 'GYUR BA DAG LA NI CHOS KYI RGYAL PO GSHIN RJE RJES SU STON PAR MI BYED DO, ,GANG DAG SKYE BA RJES SU MI DRAN PA RNAMS LA NI RJES SU STON PAR BYED DO, ,GANG DAG DER SKYES PA SKYE BA RJES SU MI DRAN PA'I GANG ZAG NI MDOR BSDU NA RNAM PA GSUM DU RIG PAR BYA STE, SHIN TU RMONGS PA 'DI LTA STE DPER NA YUL MTHA' 'KHOB RNAMS SU SKYES PA RNAM PAR MI DPYOD CING YONGS SU MI DPYOD PAR SDIG PA LA ZHUGS PA LTA BU RNAMS DANG, SHIN TU BAG MED PA 'DI LTA STE DPER NA 'DOD PA LA LONGS SPYOD PA 'DOD PA CHEN PO DAG LA LHAG PAR CHAGS PA RNAM PAR MI DPYOD CING YONGS SU MI DPYOD PAR SDIG PA LA ZHUGS PA LTA BU RNAMS DANG, SHIN TU LOG PAR LTA BA 'DI LTA STE DPER NA THAMS CAD LA SKUR PA 'DEBS PA'I LOG PAR LTA BA DANG LDAN PA RNAM PAR MI DPYOD CING YONGS SU MI DPYOD PAR SDIG PA LA ZHUGS PA LTA BU RNAMS TE DE DAG NI RANG GIS RJES SU DRAN PAR BYED MI NUS PA DE'I PHYIR DE DAG LA RJES SU DRAN PAR BYED DO, ,RGYA MTSO CHEN PO DAG GI CHU RNAMS NI RGYU GNYIS KYIS NA LAN TSVA'I RO DANG LDAN PAR RIG PAR BYA STE, DER SKYES PA'I SEMS CAN RNAMS KYI BSOD NAMS KYI DBANG PO DANG, SKAM LA GNAS PA'I SEMS CAN DE DAG KHA CIG GI BSOD NA MAS MA YIN PA'I DBANG GIS TE, 'DI LTAR LAN TSVA'I RO DE NYID LA BRTEN NAS SROG CHAGS PHRA MO GANG DAG RGYA MTSOR SKYES PA RNAMS MI RNAMS KYI SPYOD YUL MA YIN PAS DE DAG LA DE RNAMS KYIS GNOD PAR BYAR MED PA DANG, RGYA MTSO CHEN PO NA RIN PO CHE'I KHYAD PAR SNA TSOGS GANG DAG YOD PA DE DAG KYANG LAN TSVA'I RO DE NYID LA BRTEN NAS SKAM LA GNAS PA'I SEMS CAN DAG KHA CIG GIS RNYED PAR DKA' BA'I PHYIR RO, ,DE LA NYON MONGS PA'I KUN NAS NYON MONGS PA'I RAB TU @108A *, ,DBYE BA NI RNAM PA LNGAS PA RNAM PAR GZHAG STE, LNGA GANG ZHE NA, NGO BO NYID DANG, NGO BO NYID KYI RAB TU DBYE BA DANG, KUN NAS NYON MONGS PA'I RAB TU DBYE BA DANG, SPONG BA'I RAB TU DBYE BA DANG, GNYEN PO'I RAB TU DBYE BAS SO, ,DE LA NGO BO NYID GANG ZHE NA, MDOR BSDU NA NGO BO NYID NI RNAM PA GNYIS TE, NYON MONGS PA RNAMS NI LTA BA'I NGO BO NYID DANG, LTA BA MA YIN PA'I NGO BO NYID DO, ,DE LA NGO BO NYID KYI RAB TU DBYE BA GANG ZHE NA, MDOR BSDU NA RNAM PA BCUR BLTA BAR BYA STE, LTA BA'I NGO BO NYID KYI NYON MONGS PA RNAMS KYI RAB TU DBYE BA RNAM PA LNGA DANG LTA BA MA YIN PA'I NGO BO NYID RNAMS KYI RAB TU DBYE BA RNAM PA LNGA STE, DE DAG BSDUS NAS NYON MONGS PA'I RAB TU DBYE BA RNAM PA BCUR 'GYUR TE, 'DI LTA STE, 'JIG TSOGS LA LTA BA DANG MTHAR 'DZIN PAR LTA BA DANG LOG PAR LTA BA DANG LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA DANG, 'DOD CHAGS DANG KHONG KHRO BA DANG, NGA RGYAL DANG MA RIG PA DANG THE TSOM MO, ,DE LA 'JIG TSOGS LA LTA BA GANG ZHE NA, NYE BAR LEN PA'I PHUNG PO LNGA PO DAG LA BDAG GAM BDAG GIR LTA BA DANG, MNGON PAR ZHEN PA DANG SEMS LA 'JOG PA GANG YIN PA DE NI 'JIG TSOGS LA LTA BA ZHES BYA'O; ,DE'ANG RNAM PA GNYIS SU RIG PAR BYA STE, LHAN CIG SKYES PA DANG KUN BRTAGS PA'O, ,DE LA LHAN CIG SKYES PA NI BYIS PA SO SO'I SKYE BO THAMS CAD DANG THA NA RI DVAGS DANG BYA RNAMS KYI YANG YIN NO, ,KUN BRTAGS PA NI GZHAN MU STEGS CAN RNAMS KYI YIN PAR BLTA BAR BYA'O, ,MTHAR 'DZIN PAR LTA BA GANG ZHE NA; NYE BAR LEN PA'I PHUNG PO LNGA PO DAG LA 'JIG TSOGS LA LTA BA DE NYID KYI DBANG DU BYAS NAS BDAG RTAG TO ZHE'AM BDAG CHAD DO ZHES LTA BA DANG MNGON PAR ZHEN PA DANG SEMS LA 'JOG PA GANG YIN PA DE NI MTHAR 'DZIN PAR LTA BA ZHES BYA'O, ,DE LA RTAG PAR LTA BAS BSDUS PA'I MTHAR 'DZIN PAR LTA BA NI LTA BA'I RNAM PA DRUG CU RTZA GNYIS PO DAG LAS, SNGON GYI MTHAR RTOG PA RTAG PAR SMRA BA RNAMS DANG, LA LA RTAG PAR SMRA BA RNAMS DANG, PHYI MA'I MTHAR RTOG PA 'DU SHES CAN DU SMRA BA RNAMS DANG, 'DU SHES MED PAR SMRA BA RNAMS DANG, 'DU SHES YOD PA'ANG MA @108B YIN 'DU SHES MED PA'ANG MA YIN PAR SMRA BA RNAMS KYI YIN PAR BLTA BAR BYA'O, ,CHAD PAR LTA BAS BSDUS PA'I MTHAR 'DZIN PAR LTA BA NI DNGOS PO BDUN GYIS CHAD PAR LTA BA'I DGE SBYONG DANG BRAM ZE RNAMS KYI YIN PAR BLTA BAR BYA'O, ,DE DAG GI MTHAR 'DZIN PAR LTA BA DE NI KUN BRTAGS PA KHO NA YIN GYI LHAN CIG SKYES PA NI MI DMIGS TE, DE NI TSE RABS GZHAN DU RJES SU 'BREL PAR 'BYUNG BA KHO NA YIN NO, ,MTHAR 'DZIN PAR LTA BA LA SOGS PA DE DAG NI, 'DI LTA STE, SA'I DNGOS GZHIR KUN BRTAGS PA DANG KUN BRTAGS PA MA YIN PA'I DBYE BAS BSTAN PA BZHIN DU BLTA BAR BYA'O, ,DE LA LOG PAR LTA BA GANG ZHE NA, PHYIN CI LOG TU LTA BA THAMS CAD DE SHES BYA'I DNGOS PO LA PHYIN CI LOG TU ZHUGS PA NI LOG PAR LTA BA ZHES BYA'O, ,DE 'ANG MDOR BSDU NA RNAM PA GNYIS SU BLTA BAR BYA STE, SGRO 'DOGS PAR BYED PA DANG SKUR PA 'DEBS PAR BYED PA'O, ,DE LA LTA BA BZHI PO 'JIG TSOGS LA LTA BA DANG MTHAR 'DZIN PAR LTA BA DANG, LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA THAMS CAD NI SGRO 'DOGS PAR BYED PA'I LOG PAR LTA BA ZHES BYA'O, ,SKUR PA 'DEBS PAR BYED PA'I LOG PAR LTA BA GANG ZHE NA, RGYU'AM BYA BA'AM 'BRAS BU LA SKUR PA 'DEBS PA'AM YOD PA'I DNGOS PO 'JIG PAR BYED PA'I LTA BA DANG MNGON PAR ZHEN PA DANG SEMS LA 'JOG PA GANG YIN PA DE NI SKUR PA 'DEBS PA'I LOG PAR LTA BA ZHES BYA'O, ,DE LA SBYIN PA MED DO, ,MCHOD SBYIN MED DO, , SBYIN SREG MED DO ZHES BYA BA NI RGYU LA SKUR PA 'DEBS PA YIN NO, ,LEGS PAR SPYAD PA MED DO, ,NYES PAR SPYAD PA MED DO ZHES BYA BA NI BYA BA LA SKUR PA 'DEBS PA YIN NO, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO ZHES BYA BA NI 'BRAS BU LA SKUR PA 'DEBS PA YIN NO, ,PHA MED DO, ,MA MED DO, ,SEMS CAN RDZUS TE SKYE BA MED DO ZHES BYA BA NAS 'JIG RTEN NA DGRA BCOM PA ZAG PA ZAD PA MED DO ZHES BYA BA NI, YOD PA'I DNGOS PO 'JIG PAR BYED PA YIN PAR RIG PAR BYA'O, ,LOG PAR LTA BA DE'ANG DGE SBYONG DANG, @109A *, ,BRAM ZE SNGON GYI MTHAR RTOG PA RGYU MED PA DANG MTHA' DANG MTHA' MED PA DANG LHA MI SPONG BAR SMRA BA RNAMS DANG, PHYI MA'I MTHAR RTOG PA TSE 'DI LA MYA NGAN LAS 'DA' BAR SMRA BA RNAMS KYI YIN PAR BLTA BAR BGYI'O, ,DE LTAR NA 'JIG TSOGS LA LTA BA'I RTZA BA LAS BYUNG BA'I LTA BA'I RNAM PA DRUG CU RTZA GNYIS PO DE DAG NI LTA BA GSUM PO 'DI DAG GIS BSDUS PA YIN TE, 'DI LTA STE, RTAG PAR LTA BAS BSDUS PA'I MTHAR 'DZIN PAR LTA BA DANG, CHAD PAR LTA BAS BSDUS PA'I MTHAR 'DZIN PAR LTA BA DANG, LOG PAR LTA BAS SO, , DE LA LTA BA MCHOG TU 'DZIN PA GANG ZHE NA, LTA BA'I RNAM PA DRUG CU RTZA GNYIS PO DE DAG RE RE LA MCHOG TU GTZO BO DANG KHYAD PAR DU 'PHAGS PA DANG DAM PAR NAN GYIS MCHOG TU 'DZIN CING MNGON PAR ZHEN PAR BYED LA 'DI KHO NA BDEN GYI GZHAN NI BRDZUN PA YIN TE LTA BA 'DIS NI DAG PAR 'GYUR RO; ,'DIS NI GROL BAR 'GYUR RO, ,'DIS NI NGES PAR 'BYUNG BAR 'GYUR RO ZHES RJES SU THA SNYAD 'DOGS PAR BYED PA NI LTA BA MCHOG TU 'DZIN PA ZHES BYA'O, ,DE LA TSUL KHRIMS DANG BRTUL ZHUGS MCHOG TU 'DZIN PA GANG ZHE NA, LTA BA MCHOG TU 'DZIN PA DANG RJES SU MTHUN PA DANG, LTA BA MCHOG TU 'DZIN PA'I 'KHOR DANG DE DANG MTHUN PA'I CHOS TSUL KHRIMS DANG BRTUL ZHUGS YANG DAG PAR BLANGS NAS TSUL KHRIMS DANG BRTUL ZHUGS YANG DAG PAR BLANGS PA DE NYID LA MCHOG DANG DAM PA'I BAR DU NAN GYIS MCHOG TU 'DZIN CING MNGON PAR ZHEN PAR BYED LA 'DI NYID BDEN GYI GZHAN NI BRDZUN PA YIN TE, LTA BA 'DIS NI DAG PAR 'GYUR RO 'DIS NI GROL BAR 'GYUR RO, ,'DIS NI NGES PAR 'BYUNG BAR 'GYUR RO ZHES RJES SU THA SNYAD 'DOGS PAR BYED PA NI TSUL KHRIMS DANG BRTUL ZHUGS MCHOG TU 'DZIN PA ZHES BYA'O, ,DE LA 'DOD CHAGS GANG ZHE NA, SEMS KYI LHAG PA PAR CHAGS PA DANG BCAS PA GANG YIN PA'O, ,DE YANG RNAM PA BZHI STE, LTA BA RNAMS DANG 'DOD PA RNAMS DANG GZUGS RNAMS DANG, GZUGS MED PA RNAMS LA'O, ,KHONG KHRO BA GANG ZHE NA, SEMS KYI KUN NAS MNAR SEMS PA GANG YIN PA'O, ,DE'ANG RNAM PA BZHIR BA LTA @109B BAR BYA STE, SEMS CAN GZHAN RNAMS LAS GZHAN DU LTA BA RNAMS DANG, GNOD PA BYED PA RNAMS DANG, SDUG PA LA GNOD PA BYED PA RNAMS DANG, MI SDUG PA LA PHAN 'DOGS PA RNAMS LA'O, ,NGA RGYAL GANG ZHE NA, GANG SEMS KYI KHENGS PA GANG YIN PA'O, ,DE'ANG RNAM PA BZHIR BA LTA BAR BYA STE, LTA BA RNAMS DANG, SEMS CAN LA BRTEN PA DANG, 'DOD PA LA LONGS SPYOD PA LA BRTEN PA DANG, YANG SRID PA LA BRTEN PA'O, ,DE YANG MDOR BSDU NA RNAM PAR 'KHRUL PA'I NGA RGYAL DANG, RNAM PAR 'KHRUL PA MA YIN PA'I NGA RGYAL LO, ,DE LA SEMS CAN LA BRTEN PA'I NGA RGYAL NI NGA RGYAL RNAM PA GSUM STE SNGA MA BZHIN NO, ,'DOD PA LA LONGS SPYOD PA LA BRTEN PA NI 'DI LTA STE, LONGS SPYOD CHEN PO DANG RTZA 'JID CHEN PO DANG 'KHOR MANG PO DANG LDAN PAR GYUR PA DE LA BRTEN NAS SEMS KHENGS PA GANG YIN PA'O, ,YANG SRID PA LA BRTEN PA NI 'DI LTA STE 'BYUNG BAR 'GYUR RO, ,'BYUNG BAR MI 'GYUR RO ZHES BYA BA NAS RGYAS PAR 'DU SHES YOD PA'ANG MA YIN 'DU SHES MED PA'ANG MA YIN PAR 'GYUR RO ZHES BYA BA'I BAR DU G-YO BA DANG RLOM PA DANG SPROS PA DANG MNGON PAR 'DU BYAS PA'I SRED PA'I RNAM PA DAG DANG LDAN PAR GYUR PA'I SEMS KHENGS PA GANG YIN PA'O; ,DE LA RNAM PAR 'KHRUL PA MA YIN PA'I NGA RGYAL NI CHUNG BABS BDAG CHE'O SNYAM PA DANG MTSUNGS PA DANG MTSUNGS SO SNYAM DU RLOM PA'O, ,RNAM PAR 'KHRUL PA'I NGA RGYAL NI DE LAS GZHAN PA'I NGA RGYAL LNGA PO DAG LA'O, ,GZHAN YANG LONGS SPYOD NGAN PA DAG GIS BDAG NI BDE BA YIN NO SNYAM DU RLOM PAR BYED PA DE'ANG RNAM PAR 'KHRUL PA'I NGA RGYAL YIN LA, LONGS SPYOD RGYA CHEN PO DAG GIS BDAG NI BDE BA YIN NO SNYAM DU RLOM PA DE NI RNAM PAR 'KHRUL PA MA YIN PA'I NGA RGYAL YIN PAR BLTA BAR BYA'O, ,LOG PAR SGRUB PA YANG SRID PA'I PHYIR RLOM PA GANG YIN PA DE'ANG RNAM PAR 'KHRUL PA'I NGA RGYAL YIN LA, YANG DAG PA'I SGRUB PAS YANG SRID PA'I PHYIR RLOM PAR BYED PA DE NI RNAM PAR 'KHRUL PA MA YIN PA'I NGA RGYAL YIN PAR BLTA BAR BYA'O, ,DE LA MA RIG PA GANG ZHE NA, SHES BYA'I DE KHO NA RTOGS PAR BYA BA LA SEMS LA 'GEBS PAR BYED PA NYID DANG SGRIB PAR @110A *, ,BYED PA NYID DO, ,DE YANG MDOR BSDU NA RNAM PA BZHIR RIG PAR BYA STE, MA RTOGS PA'I KUN TU RMONGS PA DANG, BAG MED PA'I KUN TU RMONGS PA DANG, NYON MONGS PA CAN GYI KUN TU RMONGS PA DANG, NYON MONGS PA CAN MA YIN PA'I KUN DU RMONGS PA'O, ,SHES BYA'I DON MA MTHONG BA DANG, MA THOS PA DANG BYE BRAG MA PHYED PA DANG, RNAM PAR MA SHES PA DAG MI SHES PA NI MA RTOGS PA'I KUN TU RMONGS PA ZHES BYA'O, ,MTHONG BA DANG THOS PA DANG BYE BRAG PHYED PA DANG RNAM PAR SHES PA DAG LA RNAM PAR G-YENG BA DANG BRJED NGAS PAS MI SHES PA NI BAG MED PA'I KUN TU RMONGS PA ZHES BYA'O, ,SEMS PHYIN CI LOG TU GYUR PAS MI SHES PA NI NYON MONGS PA CAN GYI KUN TU RMONGS PA ZHES BYA'O, ,SEMS PHYIN CI LOG TU MA GYUR PAS MI SHES PA NI NYON MONGS PA CAN MA YIN PA'I KUN TU RMONGS PA ZHES BYA'O, ,MA RIG PA DE DAG THAMS CAD GCIG TU BSDUS NA MDOR RNAM PA GNYIS SU 'GYUR TE NYON MONGS PA DANG MTSUNGS PAR LDAN PA DANG MA 'DRES PA'O, ,RMONGS PAR MA GYUR PA LA NI NYON MONGS PA 'GA' 'ANG MI 'BYUNG BAS DE'I PHYIR GANG LA 'DOD CHAGS LA SOGS PA DE LAS GZHAN PA'I NYON MONGS PA RNAMS YOD PA DE LA NI MA RIG PA'ANG YOD PAS DE NI NYON MONGS PA DANG MTSUNGS PAR LDAN PA YIN NO, ,SKYES BU GANG ZAG SHES RAB RTUL BA DE LAS GZHAN PA 'DOD CHAGS LA SOGS PA'I NYON MONGS PAS KUN NAS MA DKRIS PA SDUG BSNGAL GYI BDEN PA LA SOGS PA LA TSUL BZHIN MA YIN PA'I YID LA BYED PA'I YANG DAG PA JI LTA BA BZHIN DU KUN TU MI SNANG BA NYID DANG; SEMS LA 'GEBS PAR BYED PA NYID DANG, SGRIB PAR BYED PA NYID DANG, KUN NAS DKRIS PA NYID DANG, MUN PAR GYUR PA NYID GANG YIN PA DE NI MA RIG PA MA 'DRES PA ZHES BYA'O, ,DE LA THE TSOM GANG ZHE NA, SEMS KYI YID GNYIS DANG GNYIS KYI DNGOS PO DANG MA NGES PA GANG YIN PA'O, , DE'I RAB TU DBYE BA NI MDOR BSDU NA RNAM PA LNGAS RNAM PAR GZHAG PAR BYA STE, 'JIG RTEN PHA ROL DANG BYA BA DANG DE'I 'BRAS BU DANG BDEN PA RNAMS DANG DKON MCHOG RNAMS LA SEMS KYI YID GNYIS ZA BAS SO, ,DE LTAR NYON MONGS PA BCU PO JI SKAD BSTAN PA DE DAG NI DNGOS PO LA DMIGS PA LAS KYANG 'BYUNG @110B LA NYON MONGS PA DMIGS PA LAS KYANG 'BYUNG NGO, ,NYON MONGS PA BCU PO THAMS CAD LAS RANG GI SA PA RNAMS NI NYON MONGS PA GCIG LA GCIG DMIGS PA DANG, RANG GI SA PA'I ZAG PA DANG BCAS PA'I DNGOS PO THAMS CAD LA DMIGS PA YIN NO, ,SA 'OG MA PA RNAMS NI SA GONG MA PA'I NYON MONGS PA'I DNGOS PO LA DMIGS PA YIN NO, ,SA GONG MA PA RNAMS NI SA 'OG MA PA'I NYON MONGS PA'I DNGOS PO LA DMIGS PA MA YIN NO, ,JI LTAR DE DAG GCIG LA GCIG DMIGS PA DANG, SA 'OG MA PA RNAMS SA GONG MA PA LA DMIGS PA'I SKABS 'DI RNAM PAR GTAN LA DBAB PA'I GZHUNG LHAG MA NI MI SNANG NGO,, ,,BAM PO BCU GNYIS PA, DE LA 'DOD PA NA SPYOD PA'I 'JIG TSOGS LA LTA BA LHAN CIG SKYES PA GANG YIN PA DE NI LUNG DU MA BSTAN PA YIN TE, YANG DANG YANG KUN TU 'BYUNG BA'I PHYIR DANG, BDAG DANG GZHAN LA SHIN TU GNOD PA'I GNAS MA YIN PA'I PHYIR RO, , RTOG PAS MNGON PAR ZHEN PA GANG YIN PA DE NI MI DGE BA YIN NO, ,SA 'OG MA PA'I NI ZHI GNAS KYIS NYE BAR BSTAN PA'I PHYIR DANG, DKAR PO'I CHOS MANG POS YONGS SU ZIN PA'I PHYIR LUNG DU MA BSTAN PA YIN NO, ,SGRIB PA NI NGO BO NYID KYIS NYON MONGS PA CAN DANG SKYON CHAGS PA NYID YIN PA'I PHYIR RO, , LHAG MA RNAMS NI 'DI'I TSUL BZHIN DU RIG PAR BYA'O, ,'DOD PA NA SPYOD PA'I NYON MONGS PA RNAMS NI NYES PAR SPYOD PA'I GZHI'I GNAS SU GYUR PA'I PHYIR MI DGE BA YIN PAR BLTA BAR BYA'O, ,DE DAG KYANG RGYU GSUM GYIS NA MI DGE BA'ANG YIN LA NGAN SONG DU 'GRO BAR 'GYUR BA'ANG YIN GYI GZHAN DU NA NI NGES PA MED DO, ,GSUM GANG ZHE NA, GUS PAR BYED PA DANG RTAG TU BYED PAS SHAS CHER KUN TU STEN PAR BYED CING YON TAN GYI BLOS DE DAG LA SKYON DU LTA BA DANG NYES DMIGS SU LTA BA SKYED PAR MI BYED PA 'DI NI RGYU DANG PO YIN NO, ,YANG NYON MONGS PA DE DAG LA BRTEN CING GNAS NAS LUS DANG NGAG DANG YID KYIS NYES PAR SPYOD PAR BYAS SHING BSAGS PA 'DI NI RGYU GNYIS PA YIN NO, ,YANG DES GZHAN DAG DGE BA'I PHYOGS LAS 'DUN PA BZLOG CING MI DGE BA'I PHYOGS YANG DAG PAR 'DZIN DU BCUG PA 'DI NI RGYU GSUM PA YIN TE, DE'I NGAN SONG DU 'GRO BAR 'GYUR BA'I LAS @111A *, ,LAN GRANGS GZHAN LA MYONG BAR 'GYUR BA SNGON BYAS PA NI MA GTOGS SO, ,NYON MONGS PA BCU PO DE DAG LAS NYON MONGS PA BDUN NI YID KYI SA PA DAG YIN NO, ,'DOD CHAGS DANG KHONG KHRO BA DANG MA RIG PA NI RNAM PAR SHES PA'I TSOGS LNGA DANG LDAN PA'I SA PA YANG YIN NO; ,'DOD PA'I KHAMS LA LTA BA BZHI DANG NGA RGYAL NI YID BDE BA DANG BTANG SNYOMS DANG MTSUNGS PAR LDAN NO, ,'DOD CHAGS NI BDE BA DANG YID BDE BA DANG BTANG SNYOMS RNAMS DANG NGO, ,KHONG KHRO BA NI SDUG BSNGAL BA DANG YID MI BDE BA DANG NGO, ,LOG PAR LTA BA NI YID BDE BA DANG YID MI BDE BA NYID DANG NGO, ,THE TSOM NI YID MI BDE BA KHO NA DANG NGO, ,MA RIG PA NI DBANG PO LNGA PO THAMS CAD DANG MTSUNGS PAR LDAN NO, ,MTSUNGS PAR LDAN PA'I TSUL 'DI NI CHE LONG DU BSTAN PA YIN TE ZHIB TU NI 'OG NAS BSHAD PAR BYA'O, ,GONG MA NA NI GANG NA DBANG PO GANG SRID PA DE DANG DE'I SA BA'I NYON MONGS PA DAG DANG MTSUNGS PAR LDAN PA YIN PAR RIG PAR BYA'O, ,NYON MONGS PA BCU PO DE DAG LAS MTHONG BAS SPANG BAR BYA BA GANG DAG YIN PA DE DAG NI GZHI MED PA ZHES BYA STE, DE DAG GIS DMIGS PA'I GZHI DE BZHIN DU YONGS SU GRUB PA MA YIN PA'I PHYIR RO, ,LHAG MA RNAMS NI GZHI DANG BCAS PA DANG GZHI MED PA DAG YIN TE, DE LAS BZLOG PA'I PHYIR RO, ,'DOD CHAGS DANG NGA RGYAL NI ZAG PA DANG BCAS PA'I GZHI'I PHYOGS YID DU 'ONG BA GCIG LA DMIGS NAS SKYE'O, ,KHONG KHRO BA NI PHYOGS YID DU MI 'ONG BA GCIG LA DMIGS NAS SKYE STE, DE'I PHYIR NYON MONGS PA GSUM PO DE DAG NI PHYOGS GCIG LAS SKYE BA DANG PHYOGS GCIG 'DZIN PA ZHES BYA'O, ,LHAG MA RNAMS NI NANG DANG PHYI ROL DANG BCAS PA'I GZHI ZAG PA DANG BCAS PA SDUG PA'AM MI SDUG PA'AM GNYI GA LAS BZLOG PA LAS DMIGS TE SKYE BAS, DE'I PHYIR THAMS CAD DU 'GRO BA DANG GZHI MTHA' DAG 'DZIN PA RNAMS ZHES BYA STE, DE LTAR NA DE DAG NI NYON MONGS PA RNAMS YIN NO, ,NYON MONGS PA DANG RJES SU MTHUN PA DANG NYON MONGS PA DANG LHAN CIG RGYU BA DANG, NYON MONGS PA'I PHYOGS DANG MA THUN PA'I NYE BA'I NYON MONGS PA RNAMS ZHES BYA'O, ,NYE BA'I NYON MONGS PA RNAMS @111B GANG ZHE NA, NYE BA'I NYON MONGS PA RNAMS KYI RAB TU DBYE BA NI MDOR BSDU NA RNAM PA BZHIS RNAM PAR GZHAG STE, MI DGE BA'I SEMS THAMS CAD LAS SKYE BA DANG, NYON MONGS PA CAN GYI SEMS THAMS CAD LAS SKYE BA DANG MI DGE BA'I SEMS SO SO LAS SKYE BA DANG, DGE BA DANG MI DGE BA DANG LUNG DU MA BSTAN PA'I SEMS LAS SKYE BA THAMS CAD DU MA YIN ZHING DUS THAMS CAD DU MA YIN PA RNAMS KYIS SO, ,DE LA NGO TSA BA MED PA DANG KHREL MED PA NI MI DGE BA'I SEMS THAMS CAD LAS SKYE BA'I NYE BA'I NYON MONGS PA ZHES BYA'O, ,BAG MED PA DANG RGOD PA DANG RMUGS PA DANG MA DAD PA DANG; LE LO DANG LOG PAR 'DUN PA DANG LOG PAR MOS PA DANG LOG PAR DRAN PA DANG RNAM PAR G-YENG BA DANG, SHES BZHIN MA YIN PA DANG NYE BA'I NYON MONGS PA BCU PO DE DAG NI NYON MONGS PA CAN GYI SEMS THAMS CAD LAS SKYE BA YIN PAR RIG PAR BYA STE, KHAMS GSUM PA THAMS CAD NA'O, ,KHRO BA DANG 'KHON DU 'DZIN PA DANG 'CHAB PA DANG 'TSIG PA DANG PHRAG DOG DANG SER SNA DANG, SGYU DANG G-YO DANG RGYAGS PA DANG RNAM PAR 'TSE BA DANG, NYE BA'I NYON MONGS PA BCU PO DE DAG NI MI DGE BA'I SEMS SO SO LAS SKYE BA YIN PAR BLTA BAR BYA STE, GANG DU GCIG 'BYUNG BA DER GNYIS PA MI 'BYUNG NGO, ,DE DAG LAS SGYU DANG G-YO DANG RGYAGS PA MA GTOGS PA RNAMS NI 'DOD PA DANG LDAN PA YIN NO, ,SGYU DANG G-YO NI BSAM GTAN DANG PO MAN CHAD NA YOD DO, ,RGYAGS PA NI KHAMS GSUM PA YIN PAR RIG PAR BYA STE, DE DAG KYANG GONG MA PA'I SA PA DAG NI LUNG DU MA BSTAN PA YIN NO, ,DE LA RTOG PA DANG DPYOD PA DANG 'GYOD PA DANG GNYID DANG NYE BA'I NYON MONGS PA BZHI PO DE DAG NI DGE BA'I SEMS DANG MI DGE BA'I SEMS DANG LUNG DU MA BSTAN PA'I SEMS LA YANG 'BYUNG STE THAMS CAD DU DANG DUS THAMS CAD DU NI MA YIN NO, ,'DI LTAR YANG DANG YANG DU DANG YUN RING DU RJES SU RTOG PA DANG, RJES SU DPYOD PAR BYED PA'I LUS NGAL BA DANG, BRJED PA DANG SEMS NYAMS PAR 'GYUR BAS DE'I PHYIR RTOG PA DANG DPYOD PA DAG KYANG NYE BA'I NYON MONGS PA ZHES BYA STE, DE GNYIS KYANG BSAM GTAN DANG PO MAN CHAD NA YOD DO, ,'GYOD PA DANG GNYID NI 'DOD PA NA SPYOD @112A *, ,PA YIN NO, ,DE LA MNYAM PAR GZHAG PA'I SA PA'I NYE BA'I NYON MONGS PA RNAMS NI 'DI LTA STE, RTOG PA DANG DPYOD PA DANG SGYU DANG, G-YO DANG, RMUGS PA DANG RGOD PA DANG RGYAGS PA DANG BAG MED PA DANG LE LO RNAMS TE, DE LA DANG PO BZHI NI BSAM GTAN DANG PO'I SA PA DAG YIN NO, ,LHAG MA RNAMS NI SA THAMS CAD DANG DUS THAMS CAD PA DAG YIN PAR RIG PAR BYA'O, ,BCOM LDAN 'DAS KYIS GZHI PHRAN TSEGS LAS NYE BA'I NYON MONGS PA MYA NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA DANG 'KHRUG PA'I BAR DU RGYAS PAR BSTAN PA GANG DAG YIN PA RNAMS DANG, GZHI BSDU BA LAS RNAM PAR DBYE BA BYAS PA GANG DAG YIN PA DE DAG THAMS CAD KYANG NYE BA'I NYON MONGS PA RAB TU DBYE BA RNAM PA BZHI PO 'DI DAG GIS CI RIGS PAR BSDUS PAR RIG PAR BYA'O, ,NYE BA'I NYON MONGS PA DE DAG KYANG 'DOD PA'I KHAMS NA NI MDOR BSDU NA GNAS BCU GNYIS LA BRTEN NAS 'JUG PAR RIG PAR BYA STE, GNAS BCU GNYIS GANG ZHE NA, 'DI LTA STE, NYES PAR SPYOD PA LA MNGON PAR ZHEN PA DANG, 'THAB MO DANG, MTSANG 'DRU BA DANG, RTZOD PA DANG, 'GYED PA DANG, TSUL KHRIMS NYAMS PA DANG, SKYES BU DAM PA MA YIN PA'I CHOS YANG DAG PAR BLANGS TE 'DUG PA DANG, LOG PAR 'TSO BA DANG, 'DOD PA LA LOG PAR ZHEN PA DANG, JI SKAD BSTAN PA'I CHOS KYI DON LA SEMS SHING NGES PAR RTOG PA DANG, SEMS TING NGE 'DZIN DU BYA BA'I PHYIR BSAM PA'I DON LA NANG GI SEMS KYI ZHI GNAS KYI RJES SU MTHUN PA DANG, GCIG LA GCIG ZANG ZING GI LONGS SPYOD STOBS PA DANG, GCIG LA GCIG CHOS KYI LONGS SPYOD STOBS PA DANG, MA 'DRES PAR GNAS SHING BAS MTHA'I GNAS MAL DU GNAS PA DANG, RAB TU DBYE BA NA GNAS PAS SDUG BSNGAL NYE BAR GYUR PA STE; GNAS BCU GNYIS PO DE DAG LA BRTEN NAS CHAGS PA LA SOGS PA 'KHRUL PA'I MTHAR THUG PA'I BAR GYI NYE BA'I NYON MONGS PA JI SKAD BSTAN PA RNAMS KYI 'JUG PA RNAM PAR GZHAG PAR RIG PAR BYA'O, ,DE LA CHAGS PA DANG ZHE SDANG DANG GTI MUG NI GNAS DANG PO LA'O, , @112B KHRO BA LA SOGS PA G-YO BA MTHAR THUG PA'I BAR DAG NI GNAS GNYIS PA LA'O, ,NGO TSA MED PA DANG KHREL MED PA NI GNAS GSUM PA LA'O, ,NGA RGYAL LA SOGS PA NYES RTZOM GYI MTHAR THUG PA'I BAR DAG NI GNAS BZHI PA LA'O, ,TSUL 'CHOS PA LA SOGS PA SDIG PA'I GROGS PO'I MTHAR THUG PA'I BAR DAG NI GNAS LNGA PA LA'O, ,MI BZOD PA DANG ZHEN PA LA SOGS PA MI MTHUN PA LA CHAGS PA'I MTHAR THUG PA'I BAR DAG NI GNAS DRUG PA LA'O, ,'JIG TSOGS LA LTA BA DANG, 'BYUNG BAR LTA BA DANG 'JIG PAR LTA BA NI GNAS BDUN PA LA'O, ,'DOD PA LA 'DUN PA LA SOGS PA YID LA MI BYED PA'I MTHAR THUG PA'I BAR DAG NI GNAS BRGYAD PA LA'O, ,RU GDUG DANG 'PHYA SMOD NI GNAS DGU PA LA'O, ,MI MNAMS PA DANG MI MNYEN PA DANG RIS MTHUN PA'I RJES SU MI 'JUG PA NI GNAS BCU PA LA'O, ,'DOD PA'I RNAM PAR RTOG PA LA SOGS PA KHYIM GYI 'BYOR PA DANG LDAN PA'I RNAM PAR RTOG PA'I MTHAR THUG PA'I BAR DAG NI GNAS BCU GCIG PA LA'O, ,MYA NGAN LA SOGS PA NI GNAS BCU GNYIS PA LA BRTEN TE 'JUG PAR RIG PAR BYA'O, ,LTA BA LNGA PO GANG DAG YIN PA DE DAG NI SHES RAB KYI NGO BO NYID YIN PA'I PHYIR PHAN TSUN MTSUNGS PAR LDAN PAR MI BYED DO, ,NGO BO NYID DANG NGO BO NYID MTSUNGS PAR LDAN PAR MI RUNG BA'I PHYIR RO, ,'DOD CHAGS DANG KHONG KHRO BA DANG NGA RGYAL DANG THE TSOM RNAMS NI PHAN TSUN MI MTHUN PA'I PHYIR PHAN TSUN MTSUNGS PAR LDAN PAR MI BYED DO, ,CHAGS PAR GYUR PA'I SEMS NI 'DUD PAR 'GYUR LA RLOM PAR GYUR PA'I SEMS NI KHENGS PAR 'GYUR BAS, DE'I PHYIR 'DOD CHAGS DANG NGA RGYAL YANG PHAN TSUN MI MTHUN PA DAG YIN PAR RIG PAR BYA'O, ,NYE BA'I NYON MONGS PA JI SKAD BSTAN PA DE DAG NI NYON MONGS PA'I PHYOGS DANG MTHUN PA YIN PA KHO NAR BLTA BAR BYA'O, ,DE LA RE ZHIG BAG MED PA NI NYON MONGS PA THAMS CAD KYI PHYOGS DANG MTHUN PA YIN PAR BLTA BAR BYA STE, 'DI LTAR CHAGS PAR GYUR NA YANG BAG MED PAR 'GYUR LA THE TSOM ZOS PA'I BAR DU GYUR NA'ANG BAG MED PAR 'GYUR BA'I PHYIR RO, ,CHAGS PA DANG, SER SNA DANG, RGYAGS PA DANG, RGOD PA NI @113A *, ,'DOD CHAGS KYI PHYOGS DANG MTHUN PA DANG 'DOD CHAGS KYI RGYU MTHUN PA DAG YIN NO, ,KHRO BA DANG KHO NA DU 'DZIN PA DANG, YONGS SU GDUNG BA DANG, PHRAG DOG DANG, RNAM PAR 'TSE BA NI KHONG KHRO BA'I PHYOGS DANG MTHUN PA DANG, KHONG KHRO BA'I RGYU MTHUN PA DAG YIN NO,, SGYU DANG G-YO NI LOG PAR LTA BA'I PHYOGS DANG MTHUN PA DANG, LOG PAR LTA BA'I RGYU MTHUN PA DAG YIN NO, ,'CHAB PA NI G-YO'I PHYOGS DANG MTHUN PA DANG, DE'I RGYU MTHUN PA KHO NA YIN PAR BLTA BAR BYA'O, ,NYE BA'I NYON MONGS PA LHAG MA RNAMS NI GTI MUG GI PHYOGS DANG MTHUN PA DANG, GTI MUG GI RGYU MTHUN PA DAG YIN NO, ,RTOG PA DANG DPYOD PA GNYIS NI MA GTOGS TE, RTOG PA DANG DPYOD PA GNYIS NI SHES RAB DANG SEMS PA'I NGO BO NYID YIN PAR BLTA BAR BYA STE, 'DI LTA STE, DPER NA LTA BA RNAMS BZHIN NO, ,SHES RAB GANG YID LA BRJOD PA LA BRTEN PA DMIGS PA LA MI MTHUN PAR RGYU ZHING 'JUG PA DE NI DE'I NGO BO NYID YIN YANG RTOG PA DANG BCAS PA DANG DPYOD PA DANG BCAS PA ZHES BYA'O, ,DE LA DMIGS PA GZHAN LA MI MTHUN PAR RGYU ZHING YID LA BRJOD PA LA BRTEN PA'I SHES RAB CHES RAGS PA NI RTOG PA YIN NO, ,DE NYID LA MI MTHUN PA MA YIN PAR RGYU ZHING CHES CHA PHRA BA NI DPYOD PA YIN TE, DE NI NYON MONGS PA'I KUN NAS NYON MONGS PA'I NGO BO NYID KYI RAB TU DBYE BA RNAM PAR GZHAG PA ZHES BYA'O, ,NYON MONGS PA'I KUN NAS NYON MONGS PA'I RAB TU DBYE BA RNAM PAR GZHAG PA GANG ZHE NA, MDOR BSDU NA NYON MONGS PA DANG NYE BA'I NYON MONGS PA JI SKAD BSTAN PA RNAMS KYIS NI RGYU GNYIS KYIS SEMS CAN RNAMS KUN NAS NYON MONGS PAR BYED DE, 'DI LTA STE, KUN NAS DKRIS PA DANG BAG LA NYAL GYIS SO, ,DE LA NYON MONGS PA KUN TU 'BYUNG BA MNGON DU GYUR PA NI KUN NAS DKRIS BA ZHES BYA'O, ,DE NYID KYI SA BON MA SPANGS SHING YANG DAG PAR MA BCOM PA NI BAG LA NYAL BA ZHES BYA STE, GNAS NGAN LEN KYANG DE YIN NO, ,MA SAD PA'I PHYIR NI BAG LA NYAL BA YIN LA SAD PA'I GNAS SKABS KYI PHYIR NI KUN NAS DKRIS PA YIN NO, ,DE LA 'CHING BA NI MTHA' DAG DANG LDAN PA'I GANG ZAG 'DOD PA'I KHAMS SU SKYES SHING BYUNG BA NI KHAMS GSUM NA @113B SPYOD PA'I NYON MONGS PA RNAMS KYI BAG LA NYAL DANG LDAN NO, ,GZUGS KYI KHAMS SU SKYES SHING BYUNG BA'I SO SO'I SKYE BO NI 'DOD PA NA SPYOD PA'I NYON MONGS PA RNAMS KYI BAG LA NYAL ZHI GNAS KYI GNOD PAS NYAMS PAR BYAS PA DANG LDAN LA, GZUGS DANG GZUGS MED PA DANG LDAN PA'I NYON MONGS PA RNAMS KYI NI MA NYAMS PA KHO NA DANG LDAN NO, ,GZUGS MED PA'I KHAMS SU SKYES SHING BYUNG BA'I SO SO'I SKYE BO NI 'DOD PA DANG GZUGS NA SPYOD PA'I NYON MONGS PA RNAMS KYI BAG LA NYAL ZHI GNAS KYI GNOD PAS NYAMS PAR BYAS PA DANG LDAN LA, GZUGS MED PA NA SPYOD PA'I NYON MONGS PA RNAMS KYI NI MA NYAMS PA KHO NA DANG LDAN NO, ,KHAMS LAS JI LTA BA BZHIN DU SA LAS KYANG TSUL DE BZHIN DU BLTA BAR BYA'O, ,KUN NAS DKRIS PA RANG GI SA PA NI RANG GI SA PA'I 'DOD CHAGS DANG MA BRAL BA DANG LDAN TE, BRAL BA DANG NI MI LDAN NO, ,SA 'OG MA LA GNAS PA NI SA GONG MA PA'I KUN NAS DKRIS PA DANG LDAN LA SA GONG MA LA GNAS PA NI SA 'OG MA PA'I KUN NAS DKRIS PA DANG NAM YANG MI LDAN PAR BRJOD PAR BYA'O, ,DE LA 'CHING BA MTHA' DAG DANG LAN PA'I GANG ZAG GIS NYON MONGS PA'I KUN NAS DKRIS PA BSKYED NAS 'GOG PAR BYED CING SPONG BAR NI MI BYED PA'I TSE NA, NYON MONGS PA DE 'DAS PA'AM MA 'ONGS PA'AM DA LTAR BYUNG BA'I DNGOS PO GANG DAG DANG LDAN PA YIN ZHE NA, 'DAS PA DANG NI LDAN PAR GYUR ZIN PAS LDAN PA MA YIN NO, ,DA LTAR BYUNG BA DANG NI DE'I RIGS KYI NYON MANGS PA'I BAG LA NYAL DANG LDAN PA YIN TE GAL TE NYON MONGS PA MNGON DU GYUR NA NI KUN NAS DKRIS PA DANG YANG LDAN NO, ,MA 'ONGS PA DANG NI BAG LA NYAL DANG KUN NAS DKRIS PA DANG YANG LDAN PAR 'GYUR TE LDAN PA NI MA YIN NO, ,DE'I RIGS DANG JI LTA BA BZHIN DU DE LAS GZHAN PA'I NYON MONGS PA THAMS CAD DANG YANG DE BZHIN NO, ,'CHING BA MTHA' DAG DANG LDAN PA JI LTA BA BZHIN DU 'CHING BA MA TSANG BA DANG LDAN PA'ANG DE BZHIN DU BRJOD PAR BYA'O, ,DE LA BYE BRAG NI 'DI YOD DE DE NI NYON MONGS PA LHAG MA RNAMS DANG LDAN PAR BRJOD PAR BYA'O, ,GANG GI TSE RNAL 'BYOR BA NYON MONGS PA'I KUN NAS DKRIS PA RNAM PAR GNON PAR BYED PA'I TSE JI LTAR RNAM PAR @114A *, ,GNON PAR BYED CE NA, GANG DE BSGOM ZHING NYON MONGS PA'I KUN NAS DKRIS PA RNAM PAR GNON PAR BYED PA'I NYON MONGS PA RNAMS KYI KUN NAS DKRIS PA RNAM PAR GNON PA'I GNYEN PO NI RNAM PA GSUM YOD DE, NYON MONGS PA RNAMS KYI NGO BO NYID DANG NYES DMIGS YONGS SU SHES PA DANG DE'I GNYEN PO LA DMIGS PA'I MTSAN MA YID LA BYED PA DANG, SEMS KYI RGYUD LA DGE BA'I PHYOGS BSAGS PA'O, ,YANG DAG PAR 'JOMS PA LA NI YANG DAG PA'I LTA BA MNGON DU BTANG BA'I LAM YIN PAR BLTA BAR BYA'O, ,GANG GI TSE RNAL 'BYOR PA NYON MONGS PA SPONG BAR BYED PA'I TSE NA CI KUN NAS DKRIS PA LAS SPONG BAR BYED DAM 'ON TE BAG LA NYAL LAS SPONG BAR BYED GANG LAS SPANGS NA SPANGS PA ZHES BRJOD PAR BYA ZHE NA, BA GA LA NYAL LAS SPONG BAR BYED DE KUN NAS DKRIS PA NI DANG PO NYID NAS SPANGS ZIN PA'I PHYIR RO, ,BAG LA NYAL LAS SPANGS NAS SPANGS PA ZHES BRJOD PAR BYA'O, ,DE CI'I PHYIR ZHE NA, KUN NAS DKRIS PA LAS SPANGS LA BAG LA NYAL LAS MA SPANGS NA NI YANG DANG YANG DU KUN NAS DKRIS PA 'BYUNG BAR 'GYUR GYI, BAG LA NYAL LAS SPANGS NA NI BAG LA NYAL DANG KUN NAS DKRIS PA GNYI GA LAS GTAN 'BYUNG BAR MI 'GYUR PA'I PHYIR RO, ,CI 'DAS PA SPONG PAR BYED DAM 'ON TE MA 'ONGS PA'AM DA LTAR BYUNG BA SPONG BAR BYED CE NA, 'DAS PA'ANG MI SPONG MA 'ONGS PA'ANG MI SPONG DA LTAR BYUNG BA'ANG MI SPONG MOD KYI, 'ON KYANG 'DAS PA DANG MA 'ONGS PA DANG DA LTAR BYUNG BA SPONG BAR BYED DO, ,DE LA RE ZHIG BAG CHAGS DANG BCAS PA 'DAS PA GANG YIN PA DE NI RANG GI NGANG NYID KYIS 'GAGS PA'I PHYIR SPANGS ZIN PA YIN PAS DE LA NI CI'ANG SPANG DU MED DO, ,MA 'ONGS PA GANG YIN PA DE NI MA BYUNG BA DANG LUS MED PA YIN PAS, DE LA YANG CI YANG SPANG DU MED DO, ,BAG LA NYAL DANG BCAS PA DA LTAR BYUNG BA GANG YIN PA DE NI SKAD CIG LAS LHAG PAR MI GNAS TE BAG LA NYAL DANG BCAS PA DANG BAG LA NYAL MED PA'I SEMS GNYIS 'GROGS PA NI MED PAS DE'I PHYIR DA LTAR BYUNG BA'ANG MI SPONG NGO, ,'ON KYANG GZHAN GYI SGRA DANG BDAG NYID KYI TSUL BZHIN YID LA BYED PA LAS NYON MONGS PA'I GNYEN @114B PO'I SEMS YANG DAG PA'I LTA BA DANG MTSUNGS PAR LDAN PA NI SKYE LA DE'I MI MTHUN PA'I PHYOGS BAG LA NYAL DANG BCAS PA'I SEMS NI 'GAGS TE, DE LTAR NA DE SKYE BA'I DUS GANG YIN PA DE NYID DE 'GAG PA'I DUS YIN PAS DE NYID KYI SKYE BA DANG 'GAG PA NI MGO MNYAM DU RIG PAR BYA'O, ,DE LA NYON MONGS PA'I GNYEN PO'I SEMS YANG DAG PA'I LTA BA DANG MTSUNGS PAR LDAN PA DE NI DA LTAR BYUNG BA BAG LA NYAL MED PA YIN NO, ,SKAD CIG DE LAS THAL BA NI 'DAS PA BAG LA NYAL MED PA YIN NO, ,MA 'ONGS PA'ANG BAG LA NYAL MED PA YIN NO, ,DE LTAR GNAS GYUR TE BAG LA NYAL GYI RGYUN YANG DAG PAR CHAD NA DE'I RJES SU 'JIG RTEN PA'I DGE BA DANG LUNG DU MA BSTAN PA'I SEMS DE'I 'OG TU PHYIS 'BYUNG BA 'DAS PA DANG MA 'ONGS PA DANG DA LTAR BYUNG BA GANG YIN PA DE'ANG BAG LA NYAL MED PAS, DE'I PHYIR 'DAS PA'ANG SPANGS PA YIN LA, DA LTAR BYUNG BA DANG MA 'ONGS PA YANG SPANGS PA ZHES BYA STE, DE LTAR NA DE NI NYON MONGS PA'I KUN NAS NYON MONGS PA'I RNAM PAR BYANG BA'I RAB TU DBYE BA YIN NO, ,DE LA NYON MONGS PA'I KUN NAS NYON MONGS PA'I LOG PAR BSGRUB PA DANG SPANG BAR BYA BA'I RAB TU DBYE BA RNAM PAR GZHAG PA GANG ZHE NA, DE NI MDOR BSDU NA RNAM PA BCO LNGAR BLTA BAR BYA STE, 'DOD PA DANG LDAN PA'I SDUG BSNGAL DANG, KUN 'BYUNG BA DANG, 'GOG PA DANG, LAM MTHONG BA DANG, BSGOMS PAS SPANG BAR BYA BA'I ZAG PA RNAMS DANG, 'DOD PA DANG LDAN PA RNAMS LA LNGA PO JI LTA BA BZHIN DU GZUGS DANG LDAN PA RNAMS DANG GZUGS MED PA DANG LDAN PA RNAMS KYANG DE BZHIN NO, ,DE LA 'DOD PA NA SPYOD PA'I SDUG BSNGAL LA NI NYON MONGS PA BCU PO THAMS CAD LOG PAR ZHUGS PA YIN NO, ,KUN 'BYUNG BA LA NI 'JIG TSOGS LA LTA BA DANG MTHAR 'DZIN PAR LTA BA MA GTOGS PA NYON MONGS PA BRGYAD LOG PAR ZHUGS PA YIN NO, ,KUN 'BYUNG BA LA JI LTA BA BZHIN DU 'GOG PA DANG LAM LA YANG DE BZHIN NO, ,GONG MA LA NI BDEN PA THAMS CAD LA KHONG KHRO BA MA GTOGS PA RNAMS 'DOD PA'I KHAMS NI JI LTA BA BZHIN DU LOG PAR 'JUG PA GO RIMS BZHIN DU RIG PAR BYA'O, ,JI LTAR SDUG BSNGAL GYI BDEN PA LA BAG LA NYAL BCU LOG PAR ZHUGS PA YIN @115A *, ,ZHE NA; MDOR NA NYE BAR LEN PA'I PHUNG PO LNGA SDUG BSNGAL BA ZHES BRJOD PA LA BYIS PA RNAMS NI NYE BAR LEN PA'I PHUNG PO LNGA PO DE DAG NYID LA 'JIG TSOGS LA LTA BA'I MU NYI SHU LAS MU LNGAS BDAG TU LTA BAR BYED LA, LHAG MA RNAMS KYIS NI BDAG GIR LTA BAR BYED DE, DE LTAR NA 'JIG TSOGS LA LTA BA NI SDUG BSNGAL GYI BDEN PA LA LOG PAR ZHUGS PA YIN PAR BLTA BAR BYA'O, ,'JIG TSOGS LA LTA BA DE NYID LA BRTEN NAS NYE BAR LEN PA'I PHUNG PO LNGA PO DE DAG NYID LA RTAG PA'AM CHAD PA YANG DAG PAR RJES SU LTA BAS, DE'I PHYIR MTHAR PHYIN PAR LTA BA YANG SDUG BSNGAL LA LOG PAR ZHUGS PA YIN NO, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU RNAM PAR SMIN PA MED DO ZHES BYA BA'I BAR DU LOG PAR LTA BA GANG YIN PA DE DANG PHA MED DO, ,MA MED DO, ,SEMS CAN RDZUS TE SKYE BA MED DO ZHES LOG PAR LTA BA GANG YIN PA DE'I PHYOGS GCIG KYANG SDUG BSNGAL LA LOG PAR ZHUGS PA YIN NO, ,PHYOGS GCIG NI KUN 'BYUNG BA LA'O, ,GZHAN MU STEGS CAN RNAMS KYI SDUG BSNGAL GYI BDEN PA LA SKUR PA 'DEBS PA'I LOG PAR LTA BA DGE SBYONG GOO TA MAS NYAN THOS RNAMS LA SDUG BSNGAL GYI BDEN PA GDAGS PAR BYAS PA GANG YIN PA DE NI MED DO ZHES ZER BA GANG YIN PA DE'ANG SDUG BSNGAL LA LOG PAR ZHUGS PA YIN NO, ,DBANG PHYUG DANG SKYE DGU'I BDAG PO DANG BRGYA BYIN DANG TSANGS PA ZHES BYA BA DANG GANG DE LTA BU DANG MTHUN PA GZHAN LA YANG RTAG PA DANG BRTAN PA DANG THER ZUG GO ZHES LTA BA GANG YIN PA LOG PAR LTA BA DE NI SDUG BSNGAL LA LOG PAR ZHUGS PA YIN NO, ,MTHA' DANG MTHA' MED PAR SMRA BA RNAMS KYI LOG PAR LTA BA GANG YIN PA DE YANG SDUG BSNGAL LA LOG PAR ZHUGS PA YIN NO, ,DGE SBYONG DANG BRAM ZE LHA MI SPONG BAR SMRA BA RNAMS KYI LOG PAR LTA BA GANG YIN PA DE'I PHYOGS GCIG KYANG SDUG BSNGAL GYI BDEN PA LA LOG PAR ZHUGS PA YIN NO, ,LTA BA MCHOG TU 'DZIN PA GANG GIS SDUG BSNGAL GYI BDEN PA LA LOG PAR ZHUGS PA'I LTA BA DE DAG LA DAM PAR MCHOG TU 'DZIN CING, DES DAG PA DANG GROL BA DANG NGES PAR 'BYUNG BAR 'GYUR RO ZHES LTA BA MCHOG TU 'DZIN PA DE'ANG SDUG BSNGAL GYI @115B BDEN PA LA LOG PAR ZHUGS PA YIN NO, ,LTA BA DE DANG RJES SU MTHUN PA DANG DE DANG MTHUN PA'I CHOS TSUL KHRIMS DANG BRTUL ZHUGS YANG DAG PAR BLANGS PA LA DAM PAR MCHOG TU 'DZIN CING, DES DAG PA DANG GROL BA DANG NGES PAR 'BYUNG BAR 'GYUR RO ZHES TSUL KHRIMS DANG BRTUL ZHUGS MCHOG TU 'DZIN PA GANG YIN PA DE 'ANG SDUG BSNGAL GYI BDEN PA LA LOG PAR ZHUGS PA YIN NO, ,DE LA GZHAN MU STEGS CAN KHA CIG LTA BA'I RNAM PA DE DAG LA GCIG TU NGES PAR MOS PA'ANG MA YIN LA DE DAG SDUG BSNGAL GYI BDEN PA GDAGS PA MDZAD PA 'DI LA GCIG TU NGES PAR SKUR PA 'DEBS PA'ANG MA YIN MOD KYI 'ON KYANG SDUG BSNGAL YIN NAM 'ON TE SDUG BSNGAL MA YIN SNYAM DU YID GNYIS CAN DU GYUR PA GANG YIN MONGS PA DE DAG DANG MTSUNGS PAR LDAN PA'I MI SHES PA GANG YIN PA'I THE TSOM DE'ANG SDUG BSNGAL LA LOG PAR ZHUGS PA YIN NO, ,LTA BA DE DAG NYID LA MNGON PAR CHAGS PA DANG ZHEN PA DANG LHAG PAR CHAGS PA DANG LTA BA LA 'DOD CHAGS PA'I 'DOD CHAGS DE'ANG SDUG BSNGAL LA LOG PAR ZHUGS PA YIN NO, ,DE DANG MI MTHUN PA GZHAN GYI LTA BA DAG LA KUN NAS MNAR SEMS PA'I KHONG KHRO BA DE'ANG SDUG BSNGAL GYI BDEN PA LA LOG PAR ZHUGS PA YIN NO, ,LTA BA DE DAG NYID KYIS KHENGS PA'I NGA RGYAL DE'ANG SDUG BSNGAL GYI BDEN PA KHO NA LA LOG PAR ZHUGS PA YIN NO, ,LTA BA DE DAG DANG 'DOD CHAGS LA SOGS PA NYON MONGS PA DE DAG DANG MTSUNGS PAR LDAN PA'I MI SHES PA GANG YIN PA DANG SDUG BSNGAL GYI BDEN PA LA MI SHES PA MA 'DRES PA 'BA' ZHIG PA GANG YIN PA DE'ANG SDUG BSNGAL GYI BDEN PA LA LOG PAR ZHUGS PA YIN TE, DE LTAR NA NYON MONGS PA BCU PO DE DAG NI SDUG BSNGAL GYI BDEN PA LA LOG PAR ZHUGS PA DANG, SDUG BSNGAL MTHONG PAS SPANG BAR BYA BA DAG YIN NO, ,JI LTAR NA KUN 'BYUNG BA'I BDEN PA LA BAG LA NYAL BRGYAD PO LOG PAR ZHUGS PA DAG YIN ZHE NA, DGE SBYONG DANG BRAM ZE RGYU MED PAR SMRA BA RNAMS KYI LOG PAR LTA BA GANG YIN PA DE DANG DGE SBYONG DANG BRAM ZE MI MTHUN PA RGYUR SMRA BA RNAMS KYI DBANG PHYUG LA SOGS PA, DNGOS PO RNAMS KYI BYIN PA @116A *, ,PO DANG SPRUL PA PO DANG BYED PA PO YIN NO ZHES LOG PAR LTA BA GANG YIN PA DE DANG, SBYIN PA MED DO, ,MCHOD SBYIN MED DO, ,SBYIN SREG MED DO, ,LEGS PAR SPYAD PA MED DO, ,NYES PAR SPYAD PA MED DO ZHES LOG PAR LTA BA GANG YIN PA DE DAG DGE SBYONG DANG BRAM ZE LHA MI SPONG BAR SMRA BA RNAMS KYI LOG PAR LTA BA DE DAG LAS PHYOGS GCIG GANG YIN PA DANG, GZHAN MU STEGS CAN RNAMS KYI KUN 'BYUNG BA'I BDEN PA LA SKUR PA 'DEBS PA'I LOG PAR LTA BA DGE SBYONG GOO TA MAS NYAN THOS RNAMS LA KUN 'BYUNG BA'I BDEN PA GDAGS PA BYAS PA GANG YIN PA DE NI MED DO ZHES ZER BA GANG YIN PA'I LOG PAR LTA BA DE DAG NI KUN 'BYUNG BA'I BDEN PA LA LOG PAR ZHUGS PA YIN NO, ,LTA BA MCHOG TU 'DZIN PA GANG GIS LTA BA DE DAG LA DAM PAR MCHOG TU 'DZIN CING DE DAG GIS DAG PA DANG GROL BA DANG NGES PAR 'BYUNG BAR 'GYUR RO ZHES LTA BA MCHOG TU 'DZIN PA DE'ANG KUN 'BYUNG BA'I BDEN PA LA LOG PAR ZHUGS PA YIN NO, ,LTA BA DE DAG DANG RJES SU MTHUN PA DANG DE DAG DANG MTHUN PA'I CHOS TSUL KHRIMS DANG BRTUL ZHUGS YANG DAG PAR BLANG BA DE LA DAM PAR MCHOG TU 'DZIN CING DES DAG PA DANG GROL BA DANG NGES PAR 'BYUNG BAR 'GYUR RO ZHES TSUL KHRIMS DANG BRTUL ZHUGS MCHOG TU 'DZIN PA GANG YIN PA DE YANG KUN 'BYUNG BA'I BDEN PA LA LOG PAR ZHUGS PA YIN NO, ,LHAG MA 'DOD CHAGS LA SOGS PA THE TSOM GYI MTHAR THUG PA RNAMS NI SNGA MA BZHIN DU BLTA BAR BYA STE, DE LTAR NA NYON MONGS PA BRGYAD PO DE DAG NI KUN 'BYUNG BA'I BDEN PA LA LOG PAR ZHUGS PA DANG KUN 'BYUNG BA MTHONG BAS SPANG BAR BYA BA DAG YIN NO, ,JI LTAR NA BAG LA NYAL BRGYAD 'GOG PA'I BDEN PA LA LOG PAR ZHUGS PA YIN ZHE NA, DGE SBYONG DANG BRAM ZE MTHA' DANG MTHA' MED PA DANG LHA MI SPONG BAR SMRA BA RNAMS KYI LTA BA'I PHYOGS GCIG GANG YIN PA DANG DGE SBYONG DANG BRAM ZE TSE 'DI LA MYA NGAN LAS 'DA' BAR SMRA BA RNAMS KYI LOG PAR LTA BA GANG YIN PA DANG, RGYAS PAR 'JIG RTEN NA DGRA BCOM PA DAG MED DO ZHES LOG PAR LTA BA GANG YIN PA LAS DGRA BCOM PA DE DAG KYANG SPONGS PAS RAB TU PHYE BA DANG SHES PAS RAB TU PHYE BA STE, DE LA SPANGS PA LA SKUR PA 'DEBS PA'I @116B LOG PAR LTA BA GANG YIN PA DAG GZHAN MU STEGS CAN RNAMS KYI 'GOG PA'I BDEN PA LA SKUR BA 'DEBS PA RNAMS KYI LOG PAR LTA BA SNGA MA LTA BU GANG YIN PA DANG, DE DAG GI LOG PA'I THAR PA YONGS SU BRTAGS PA'I LTA BA GANG YIN PA'I LOG PAR LTA BA DE DAG NI 'GOG PA'I BDEN PA LA LOG PAR ZHUGS PA YIN NO, ,LTA BA DE DAG LA LTA BA MCHOG TU 'DZIN PAS SNGA MA BZHIN DU DAM PAR MCHOG TU 'DZIN PA'I LTA BA MCHOG TU 'DZIN PA GANG YIN PA DE'ANG 'GOG PA'I BDEN PA LA LOG PAR ZHUGS PA YIN NO, ,LTA BA DE DAG DANG RJES SU MTHUN PA DANG DE DAG DANG MTHUN PA'I CHOS TSUL KHRIMS DANG BRTUL ZHUGS YANG DAG PAR BLANG BA DE LA DAM PAR MCHOG TU 'DZIN CING, DES DAG PA DANG GROL BA DANG NGES PAR 'BYUNG BAR 'GYUR RO ZHES TSUL KHRIMS DANG BRTUL ZHUGS MCHOG TU 'DZIN PA GANG YIN PA DE'ANG 'GOG PA'I BDEN PA LA LOG PAR ZHUGS PA YIN NO, ,KHONG KHRO BA MA GTOGS PA LHAG MA 'DOD CHAGS LA SOGS PA NI SNGA MA BZHIN DU RIG PAR BYA'O, ,'GOG PA LA SKRAG PA'I SEMS DANG KUN NAS MNAR SEMS KYI SEMS DANG KHONG KHRO BA'I SEMS DANG LDAN PA'I KHONG KHRO BA GANG YIN PA DE YANG 'GOG PA'I BDEN PA LA LOG PAR ZHUGS PA YIN TE, LHAG MA NI SNGA MA BZHIN NO, ,DE LTAR NA BAG LA NYAL BRGYAD PO DE DAG NI 'GOG PA'I BDEN PA LA LOG PAR ZHUGS PA DANG 'GOG PA MTHONG BAS SPANG BAR BYA BA DAG YIN NO, ,DE LA JI LTAR NA BAG LA NYAL BRGYAD LAM GYI BDEN PA LA LOG PAR ZHUGS PA YIN ZHE NA, 'JIG RTEN NA DGRA BCOM PA MED DO ZHES RGYAS PAR BYA BA DE LA SHES PA SNGON DU 'GRO BA'I 'DUS BYAS ZAG PA MED PA'I CHOS RNAMS LA SKUR BA 'DEBS PA'I LOG PAR LTA BA GANG YIN PA DE NI LAM LA LOG PAR ZHUGS PA YIN NO, ,LHA MI SPONG BA RNAMS KYI LOG PAR LTA BA'I PHYOGS GCIG GANG YIN PA DE YANG LAM LA LOG PAR ZHUGS PA YIN NO, ,GZHAN MU STEGS CAN RNAMS KYI LAM LA SKUR PA 'DEBS PA'I LOG PAR LTA BA DGE SBYONG GOO TA MAS NYAN THOS RNAMS LA NGES PAR 'BYUNG BA'I LAM BSTAN PA GANG YIN PA DE NI NGES PAR 'BYIN PA MA YIN NO, ,DE NI SDUG BSNGAL ZAD PAR BYA BA'I PHYIR @117A *, ,NGES PAR 'BYIN PA MA YIN NO ZHES ZER BA DANG BDAG MED PAR LTA BA'I TSUL KHRIMS DANG BRTUL ZHUGS YANG DAG PAR BLANG BA DANG DE DANG MTHUN PA'I CHOS GDAGS PA BYAS PA GANG YIN PA DE YANG LAM NGAN PA YIN NO, ,DE YANG LAM BZANG PO MA YIN NO ZHES ZER BA'I LOG PAR LTA BA GANG YIN PA DE YANG LAM LA LOG PAR ZHUGS PA YIN NO, ,DE DAG 'DI SNYAM DU SEMS TE BDAG CAG GI LAM GANG YIN PA DANG, BSGRUB PA GANG YIN PA DE NI SDUG BSNGAL ZAD PAR BYA BA'I PHYIR NGES PAR 'BYIN PA YIN NO SNYAM PA'I LOG PAR LTA BA GANG YIN PA DE YANG LAM GYI BDEN PA KHO NA LA LOG PAR ZHUGS PA YIN NO, ,LTA BA MCHOG TU 'DZIN PA GANG GIS LOG PAR LTA BA DE LA DAM PAR MCHOG TU 'DZIN CING, DES DAG PA DANG GROL BA DANG NGES PAR 'BYUNG BAR 'GYUR RO ZHES LTA BA MCHOG TU 'DZIN PA GANG YIN PA DE YANG LAM LA LOG PAR ZHUGS PA YIN NO, ,DE DANG RJES SU MTHUN PA DANG DE DANG MTHUN PA'I CHOS TSUL KHRIMS DANG BRTUL ZHUGS YANG DAG PAR BLANG BA LA DAM PAR MCHOG TU 'DZIN CING DES DAG PA DANG GROL BA DANG NGES PAR 'BYUNG BAR 'GYUR RO ZHES TSUL KHRIMS DANG BRTUL ZHUGS MCHOG TU 'DZIN PA GANG YIN PA DE YANG LAM LA LOG PAR ZHUGS PA YIN NO, , LHAG MA NI 'GOG PA'I BDEN PA BZHIN DU BLTA BAR BYA'O, ,JI LTAR 'DOD CHAGS LA SOGS PA NYON MONGS PA RNAMS LAM GYI BDEN PA LA LOG PAR 'JUG PA DE BZHIN DU BAG LA NYAL BRGYAD PO DE DAG KYANG LAM GYI BDEN PA LA LOG PAR ZHUGS PA DANG LAM MTHONG BAS SPANG BAR BYA BA DAG YIN TE; DE DAG NI MTHONG BAS SPANG BAR BYA BA'I ZAG PA RNAMS ZHES BYA'O, ,BSGOM PAS SPANG BAR BYA BA'I ZAG PA RNAMS GANG ZHE NA, 'DOD PA NA SPYOD PA'I KHONG KHRO BA DANG, ,KHAMS GSUM NA SPYOD PA GSUM STE, 'DOD CHAGS DANG NGA RGYAL DANG MA RIG PA'O, ,DE DAG KYANG LAM MCHOG TU GOMS PAS SPONG BAR 'GYUR BAS DE'I PHYIR BSGOM PAS SPANG BAR BYA BA RNAMS ZHES BYA'O, ,KHAMS KHAMS DANG SA SA NA CHUNG NGU DANG 'BRING DANG CHEN PO RNAM PA GSUM GSUM YOD PA DE DAG SPANG BA'I PHYIR LAM YANG RNAM PA GSUM KHO NAR 'GYUR TE LAM CHUNG NGU NI ZAG PA CHEN PO RNAMS SPONG BA'I @117B PHYIR 'JUG PAR 'GYUR RO, ,LAM 'BRING NI ZAG PA 'BRING RNAMS KYI'O, ,LAM CHEN PO NI ZAG PA CHUNG NGU RNAMS SPONG BA'I PHYIR 'JUG PAR 'GYUR RO, ,BSGOM PAS SPANG BAR BYA BA'I ZAG PA DE DAG KYANG RANG GI NGANG KHO NAS ZAG PA DANG BCAS PA'I DNGOS PO LA ZHUGS PA DANG YUN RING PO NAS YE YOD PA YIN PAS, DE'I PHYIR DBRAL DKA' BA YIN PAS RANG GI DNGOS PO LA LOG PAR ZHUGS PA YIN TE, DE NI NYON MONGS PA'I KUN NAS NYON MONGS PA'I LOG PAR 'JUG PA DANG SPANG BAR BYA BA'I RAB TU DBYE BA RNAM PAR GZHAG PA ZHES BYA'O, ,MTHONG BA DANG BSGOM PAS SPANG BAR BYA BA'I ZAG PA JI SKAD BSTAN PA DE DAG GI DMIGS PA NI MDOR BSDU NA RNAM PA LNGAR RIG PAR BYA STE, LOG PAR RNAM PAR BRTAGS PA'I DNGOS PO LA DMIGS PA DANG, LTA BA LA DMIGS PA DANG, TSUL KHRIMS DANG BRTUL ZHUGS LA DMIGS PA DANG, RANG GIS RNAM PAR BRTAGS PA'I MING LA DMIGS PA DANG, RANG GI NGANG GIS YE YOD PA'I DNGOS PO LA DMIGS PA'O, ,DE LA GANG DAG SDUG BSNGAL DANG KUN 'BYUNG BA'I BDEN PA LA DMIGS PA DE DAG NI LOG PAR RNAM PAR BRTAGS PA'I DNGOS PO LA DMIGS PA ZHES BYA'O, ,THE TSOM MA GTOGS PA LTA BA MCHOG TU 'DZIN PA DANG; 'DOD CHAGS LA SOGS PA MTHONG BAS SPANG BAR BYA BA DAG NI LTA BA LA MCHOG TU DMIGS PA ZHES BYA'O, ,TSUL KHRIMS DANG BRTUL ZHUGS MCHOG TU 'DZIN PA NI TSUL KHRIMS DANG BRTUL ZHUGS LA DMIGS PA ZHES BYA'O, ,'GOG PA DANG LAM LA DMIGS PA DANG KHAMS MI 'DRA BA DAG LA DMIGS PA DAG NI RANG GIS RNAM PAR BRTAGS PA'I MING LA DMIGS PA ZHES BYA STE, NYON MONGS PA NI NAM YANG 'GOG PA DANG LAM LA DMIGS PAR MA GYUR DMIGS PAR MI BYED DMIGS PAR MI 'GYUR LA KHAMS MI 'DRA BA LA YANG MA YIN PA'I PHYIR RO, ,GANG DAG BSGOM PAS SPANG BAR BYA BA DE DAG NI RANG GI NGANG GIS YE YOD PA'I DNGOS PO LA DMIGS PA ZHES BYA'O, ,DE LA NYON MONGS PA'I KUN NAS NYON MONGS PA'I GNYEN PO'I RAB TU DBYE BA RNAM PAR GZHAG PA GANG ZHE NA, DE NI MDOR BSDU NA RNAM PA BZHIR BLTA BAR BYA STE, RGYUD YONGS SU SMIN PAR BYED @118A *, ,PA'I GNYEN PO DANG, NYE BAR SPONG BA'I GNYEN PO DANG, PHYOGS GCIG SPONG BA'I GNYEN PO DANG, MTHA' DAG SPONG BA'I GNYEN PO'O, ,DE LA TSOGS KYI LAM RNAM PA BCU GSUM PO NYAN THOS KYI SAR JI SKAD BSTAN PA THAMS CAD NI RGYU YONGS SU SMIN PAR BYED PA'I GNYEN PO ZHES BYA'O, ,NGES PAR 'BYED PA'I CHA DANG MTHUN PA'I DGE BA'I RTZA BA DRO BAR GYUR PA DANG RTZE MO DANG BZOD PA DANG, 'JIG RTEN PA'I CHOS KYI MCHOG NYAN THOS KYI SA NYID DU JI SKAD BSTAN PA RNAMS NI NYE BAR SPONG BA'I GNYEN PO ZHES BYA'O, ,DE LA MTHONG BA'I LAM NI PHYOGS GCIG SPONG BA'I GNYEN PO ZHES BYA'O, ,BSGOM PA'I LAM NI MTHA' DAG SPONG BA'I GNYEN PO ZHES BYA'O, ,DE LA MTHONG BA'I LAM LA YANG DAG PAR ZHUGS PA'I 'PHAGS PA'I GANG ZAG GI SHES PAR SPYOD PA NI JI LTA BU YIN, SEMS DU ZHIG GIS NI MTHONG BA'I LAM YONGS SU RDZOGS PAR 'GYUR; CI MTHONG BAS SPANG BAR BYA BA'I NYON MONGS PA NI CIG CAR RAM RIM GYIS SAM JI LTAR SPONG BAR BYED CE NA, MTHONG BA'I LAM LA YANG DAG PAR ZHUGS PA'I 'PHAGS PA'I GANG ZAG GIS SHES PA'I SPYOD PA NI MTSAN MA MED PA YIN TE, DE NI SHES PAS SDUG BSNGAL LA DMIGS PAR BYED MOD KYI DE DE'I TSE NA SDUG BSNGAL GYI DNGOS PO DE LA SDUG BSNGAL LO SNYAM PA'I RNAM PAR RTOG PA'AM MTSAN MAR 'DZIN PA NI MI 'BYUNG NGO, ,SDUG BSNGAL JI LTA BA BZHIN DU KUN 'BYUNG BA DANG 'GOG PA DANG LAM RNAMS LA YANG DE BZHIN TE DE DE'I TSE NA SNGON KUN RDZOB KYI SHES PAS RNAM PAR DPYAD PA'I BDEN PA DAG LA SNGON 'DU SHES DANG MTSAN MA LAS RNAM PAR GROL BAS RNAM PAR GROL BA'I SHES PA SPROS PA MED PA DON TZAM 'BA' ZHIG SHES PA'I DE BZHIN NYID LA DMIGS PA MTSAN MA MED PA 'BA' ZHIG 'JUG PAR 'GYUR TE, DE'I TSE NA DE'I SHES PA'I SPYOD PA NI DE LTA BU YIN NO, ,MTHONG BA'I LAM GYI RNAM PAR GZHAG PA NI RNAM PA GNYIS TE, BSTAN PA GNAS PA'I RGYAS PA RNAM PAR GZHAG PA SPROS PA DANG BCAS PA DANG, DON DAM PA RNAM PAR GZHAG PA SO SO RANG GI RIG PA SPROS PA MED PA'O, ,DE LA RNAM PAR GZHAG PA DANG PO'I DBANG DU BYAS NAS CHOS SHES PA'I PHYOGS DANG MTHUN @118B PA'I SEMS BZHI DANG, RJES SU RTOGS PA SHES PA'I PHYOGS DANG MTHUN PA'I SEMS BZHI DANG, DUS JI SRID DU SEMS BRGYAD PO DE DAG 'BYUNG BAR 'GYUR BA'I DUS DE SRID DU DE'I MJUG THOGS SU YONGS SU BSGOMS PA'I SEMS ZHI GNAS 'BA' ZHIG LA ZHUGS PA GCIG KYANG 'BYUNG BAR 'GYUR TE, DE DAG BSDUS NA SEMS DGUR 'GYUR BAS DE DAG GIS MTHONG BA'I LAM YONGS SU RDZOGS PAR 'GYUR TE, DUS JI SRID KYIS SDUG BSNGAL GYI BDEN PA JI LTAR BTAGS PA'I RNAM PAR RIG PAS YONGS SU RDZOGS PAR 'GYUR BA DE NI SEMS GCIG CES BRJOD PAR BYA'O, , RNAM PAR GZHAG PA GNYIS PA'I DBANG DU BYAS NAS DE BZHIN NYID SHES PA DANG MTSUNGS PAR LDAN PA GCIG KHO NAS SEMS KYI RANG BZHIN LAS BRTZAMS TE MTHONG BA'I LAM YONGS SU RDZOGS PAR 'GYUR RO, ,'DIR ZHI GNAS KYI LAM NI SNGA MA KHO NA BZHIN DU BLTA BAR BYA'O, ,DE LA MTHONG BAS SPANG BAR BYA BA'I NYON MONGS PA'I BAG LA NYAL NI CHA GNYIS KYIS RNAM PAR GZHAG PA YIN TE, DANG BA'I GZUGS DANG RJES SU 'BREL PA DANG SEMS DANG SEMS LAS BYUNG BA DANG RJES SU 'BREL PA LAS SO, ,DE LA MTHONG BA'I LAM NI ZHIG NAS DANG LHAG MTHONG ZUNG DU 'BREL PAS 'JUG PA YIN PA'I PHYIR 'PHAGS PA NYAN THOS NI ZHI GNAS KYIS SPANG BAR BYA BA DANG LHAG MTHONG GIS SPANG BAR BYA BA'I BAG LA NYAL RNAM PA GNYI GA CIG CAR SPONG BAR BYED DO, ,DE LA DANG PO NI LHAG MTHONG GIS SPANG BAR BYA BA YIN NO, ,GNYIS PA NI ZHI GNAS KYIS SPANG BAR BYA BA YIN TE DE'I PHYIR MTHONG BA'I LAM YONGS SU RDZOGS PA YIN PAR BRJOD PAR BYA'O, ,GAL TE LHAG MTHONG GI PHYOGS SU GTOGS PA'I SHES PA DE DAG MTHONG BA'I LAM GYIS SPANG BAR BYA BA'I BAG LA NYAL DANG 'BREL PAR 'BYUNG ZHING, GNYEN PO NYID KYIS SBYOR BAR MI BYED NA NI MA YIN NO, ,DE'I PHYIR BCOM LDAN 'DAS KYIS KYANG DAD PAS RJES SU 'BRANG BA DANG CHOS KYIS RJES SU 'BRANG BA MTHONG BA'I LAM LA ZHUGS PA GNYIS PA DANG, GANG ZAG DRUG PA'ANG MTSAN MA MED PA LA GNAS PA YIN LA, ,DE LAS GZHAN PA LNGA PO DAD PAS MOS PA DANG MTHONG BA DANG LUS KYIS MNGON DU BYED PA DANG SHES RAB KYIS RNAM @119A *, ,PAR GROL BA DANG GNYI GA'I CHA LAS RNAM PAR GROL BA DE DAG KYANG 'GOG PA LA ZHI BA'I 'DU SHES KYIS GNAS PA YIN PAS, DE'I PHYIR MTSAN MA MED PAR GNAS PA ZHES BYA'O ZHES GSUNGS SO, ,'DI LTA STE DPER NA, SMAN PA ZUG RNGU 'BYIN PA NI LA LA ZHIG GIS 'BRAS SHIN TU YONGS SU SMIN PAR RIG NAS DANG POR MTSON RNON POS DE BRTOL BAR BYED DO, ,JI TZAM DU DE BRTOL BA DE TZAM DU DE'I RNAG 'DZAG PAR 'GYUR GYI RNAG MA LUS PAR 'DZAG PAR NI MI 'GYUR RO, ,JI TZAM DU DRAL ZHING SHIN TU BTZIR BAR BYA STE YANG DANG YANG DU BTZIR NA, RNAG 'KHYIMS PA GANG YIN PA GZAG PAR NI 'GYUR MOD KYI 'ON KYANG DE'I RMA'I SGO DE DAG CING SOS PA NI MA YIN TE, DE'I RMA'I SGO DE GSO BA'I PHYIR PHYE MAR GYI CHANG BU'AM, RA DA SNUM BAG CAN GYIS GLON PAR BYED DO, ,DE LTAR PHYE MAR GYI CHANG BU'AM RMA GLON PAR DA SNUM BAG CAN GYIS GLON PA'I RMA DE NI RIM GYIS 'TSO BAR 'GYUR TE DE NI 'DI LTA STE, DON RNAM PAR RIG PAR BYA BA'I PHYIR DPER BYAS PA YIN NO, ,DE LA DON NI 'DI YIN PAR BLTA BAR BYA STE, 'BRAS SMIN PA JI LTA BA DE BZHIN DU NI MTHONG BAS SPANG PAR BYA BA'I ZAG PA RNAMS KYI ZAG PA'I GNAS LTA BU'I DNGOS PO RNAMS BLTA BAR BYA'O, ,MTSON GYIS BRTOL BA JI LTA BA DE BZHIN DU NI LHAG MTHONG GI PHYOGS SU GTOGS PA'I MTHONG BA'I LAM BLTA BAR BYA'O, ,BTZIR BA JI LTA BA DE BZHIN DU ZHI GNAS KYI PHYOGS SU GTOGS PA'I MTHONG BA'I LAM BLTA BAR BYA'O, ,RNAG JI LTA BA DE BZHIN DU NI MTHONG BAS SPANG BAR BYA BA'I BAG LA NYAL DU GTOGS PA'I ZAG PA BLTA BAR BYA'O, ,RMA MA DAG PA MA SOS PA JI LTA BA DE BZHIN DU BSGOM PAS SPANG BAR BYA BA'I ZAG PA BZHI DANG BCAS PA BLTA BAR BYA'O, ,PHYI MAR GYI CHANG BU'AM RMA GLON PA'I RA DA SNUM BAG CAN JI LTA BA DE BZHIN DU NI BSGOM PA'I LAM BLTA BAR BYA'O, ,DE LA SO SO'I SKYE BO'I 'DOD PA'I KHAMS SAM, GZUGS KYI KHAMS LAS 'DOD CHAGS DANG BRAL BAR BYED PA GANG YIN PA DE NI BSGOM PA'I LAM KHO NAS BYED KYI DE LA MTHONG BA'I LAM NI MED DO, ,'DOD PA RNAMS LAS 'DOD CHAGS DANG BRAL BA DE DE'I 'DOD PA'I 'DOD CHAGS @119B DANG GNOD SEMS DANG DE DANG MTHUN PA'I CHOS DANG 'BREL BA'I NGA RGYAL DANG DE DANG MTSUNGS PAR LDAN PA'I MA RIG PA NI KUN TU MI 'BYUNG BA'I TSUL GYIS SPONG PA YIN GYI, 'JIG TSOGS LA LTA BA SOGS PA MTHONG BAS SPANG BAR BYA BA DAG NI DE LTA MA YIN NO, ,DE DAG KYANG 'DI NA GNAS PA LUS 'DI LA GNAS PA LANGS PA DE LA NI LAN 'GA' KUN TU 'BYUNG BAR 'GYUR GYI GONG MAR SKYES PA LA NI MI 'BYUNG NGO, ,DE BZHIN DU SO SO'I SKYE BO GZUGS KYI 'DOD CHAGS DANG BRAL BA LA KHONG KHRO BA MA GTOGS PA, DE LAS GZHAN PA'I NYON MONGS PA RNAMS CI RIGS PAR BLTA BAR BYA'O; ,SNYOMS PAR ZHUGS PA DANG LANGS PA DANG SKYES PA RNAMS KYI RANG GI SA PA'I MTHONG BAS SPANG BAR BYA BA'I ZAG PA NI RKYEN DANG PHRAD NA RTAG PA KHO NAR KUN TU 'BYUNG NGO, ,DE LA GNAS NGAN LEN NI MDOR BSDU NA RNAM PA GNYIS TE, ZAG PA'I GNAS NGAN LEN DANG ZAG PA DANG BCAS PA'I GNAS NGAN LEN TO, ,DE LA DGRA BCOM PA LA NI ZAG PA'I GNAS NGAN LEN GANG YIN PA DE BSGOM PAS SPANG BAR BYA BA'I NYON MONGS PA SPANGS PA'I PHYIR THAMS CAD KYI THAMS CAD DU BRAL BA YIN NO, ,DE YANG BAG LA NYAL DANG BCAS PA'I LUS RNAM PAR SHES PA DANG BCAS PA LA LAS SU MI RUNG BA'I TSUL GYI SA NGAN PAR RNAM PAR GNAS PA NYID GANG YIN PA'O, ,ZAG PA DANG BCAS PA'I GNAS NGAN LEN NI BAG LA NYAL SPANGS KYANG SNGON ZAG PAS BSKYED CING ZAG PAS YONGS SU BSGOS PA STE, DE DANG 'DRA BA'I LAS SU MI RUNG BA'I TSUL GYIS RANG BZHIN GYIS NGAN PAR GNAS PA DANG NGAN PAR ZHUGS PA CHES SRAB PA DANG CHES CHUNG BA GANG YIN PA'O, ,ZAG PA DANG BCAS PA'I GNAS NGAN LEN GANG YIN PA DE NI NYON MONGS PA'I BAG CHAGS ZHES BYA STE, DE YANG DGRA BCOM PA DANG RANG SANGS RGYAS KYIS NI MA SPANGS KYI, DE BZHIN GSHEGS PA NYAG GCIG GIS SPANGS PA YIN TE, DE'I BAG CHAGS YANG DAG PAR BCOM PA GANG YIN PA DE NI SANGS RGYAS KYI CHOS MA 'DRES PA ZHES BYA'O, ,DE NI NYON MONGS PA'I KUN NAS NYON MONGS PA'I RAB TU DBYE BA RNAM PAR GZHAG PA RNAM PA LNGA ZHES BYA'O,, ,,BAM PO BCU GSUM PA, ,BCOM LDAN 'DAS KYIS KUN RTOG 'DOD @120A *, ,CHAGS SKYES BU'I 'DOD PA YIN ZHES GANG GSUNGS PA DE LA CI'I PHYIR NYON MONGS PA'I 'DOD PA 'BA' ZHIG 'DOD PA'I SGRAR BSTAN LA, DNGOS PO'I 'DOD PA NI MA YIN ZHE NA, SMRAS PA, NYON MONGS PA'I 'DOD PA RNAMS NI NGO BO NYID KYIS KUN NAS NYON MONGS PA CAN YIN PA'I PHYIR RO, ,GZHAN YANG NYON MONGS PA'I 'DOD PA RNAMS KHO NAS DNGOS PO'I 'DOD PA RNAMS 'DOD PAR BYED PA'I PHYIR RO, ,GZHAN YANG DNGOS PO'I 'DOD PAS KUN NAS BSLANG BA KUN NAS NYON MONGS PA'I NYES PA NI NYON MONGS PA'I 'DOD PAS BYAS PA'I PHYIR TE, 'DI LTA STE DPER NA; GANG LA LA ZHIG GIS KUN TU RTOG PA'I 'DOD CHAGS YONGS SU MA SHES BSAM SPANGS PA GYUR NA DE DANG PO KHO NAR 'DOD PA'I SRED PAS YONGS SU SREG PAR BYED PA DANG 'DOD PA'I SRED PAS YONGS SU BSREGS PAS 'DOD PA YONGS SU TSOL BAR BYED PA DANG 'DOD PA YONGS SU TSOL BAR BYED PAS LUS DANG SEMS YONGS SU NGAL BA'I SDUG BSNGAL NYAMS SU MYONG BAR 'GYUR BA DANG, BRTZAL BA MA GRUB PA NA NI KYE MA BDAG GI BRTZAL BA NI 'BRAS BU MED DO ZHES NGAL BA DANG 'BRAS BU MED PA'I SDUG BSNGAL NYAMS SU MYONG BAR 'GYUR BA DANG, GRUB NA'ANG KUN TU BSRUNG BA'I GZHI'I PHYIR SHIN TU RTZOL BAR BYED PA NI KUN TU BSRUNG BA'I SDUG BSNGAL NYAMS SU MYONG BAR 'GYUR BA DANG, YONGS SU LONGS SPYOD PA'I DUS NA'ANG 'DOD CHAGS KYI MES YONGS SU SREG CING NANG NYE BAR MA ZHI BA'I SDUG BSNGAL NYAMS SU MYONG BAR 'GYUR BA DANG, RGUD PAR GYUR PA NA YANG MYA NGAN GYI SDUG BSNGAL NYAMS SU MYONG BAR 'GYUR BA DANG, RJES SU DRAN PA NA YANG RNAM PAR RTOG PA'I SDUG BSNGAL NYAMS SU MYONG BAR 'GYUR BA DANG, DE LTAR RGYU DES NA LUS DANG NGAG DANG YID KYI NYES PAR SPYOD PA KUN NAS SLONG BAR BYED PA LTA BU DANG, 'DOD PA RNAMS YONGS SU SPANGS TE RAB TU BYUNG BA NI 'DOD PA RNAMS YONGS SU SPANGS NAS KYANG NYON MONGS PA'I 'DOD PA'I GZHI RNAMS LEN PAR BYED DE, NYON MONGS PA'I 'DOD PA'I GZHI KHO NAS 'DOD PA'I KHAMS SU SKYE BA DANG, RGA BA DANG, NA BA DANG, 'CHI BA LA SOGS PA DANG, NGAN SONG BA'I SDUG BSNGAL MNGON PAR 'GRUB PAR BYED DO, , @120B DE LTAR DE LTA BU DANG MTHUN PA DAG NI KUN NAS NYON MONGS PA'I NYES PA YIN TE DE'I RGYUR GYUR PA NI NYON MONGS PA'I 'DOD PA YIN PAS, DE'I PHYIR BCOM LDAN 'DAS KYIS NYON MONGS PA'I 'DOD PA KHO NA 'DOD PA'I SGRAS YONGS SU BSTAN GYI DNGOS PO'I 'DOD PA NI MA YIN NO, ,'DOD PA'I 'DOD CHAGS SKYED PAR BYED PA'I KUN TU RTOG PA LA RNAM PA DU YOD CE NA, SMRAS PA, RNAM PA BRGYAD YOD DE 'DI LTA STE, ZLOG PAR BYED PA DANG, SAD PAR BYED PA DANG, KUN TU SBYOR BAR BYED PA DANG, MTSAN MAR 'DZIN PAR BYED PA DANG, CHAGS PAR BYED PA DANG, RNAM PAR 'DOD PA BYED PA DANG, NGES PAR GNOD PAR BYED PA DANG, MCHOG TU CHAGS PAR BYED PA STE, TSANGS PAS ZHUS PA'I MDO LAS, ZLOG PAR BYED DANG SAD BYED DANG, ,DE BZHIN KUN TU SBYOR BYED DANG, ,MTSAN MAR 'DZIN BYED CHAGS BYED DANG, ,RNAM PAR 'DOD BYED NGES GNOD BYED, ,DE BZHIN MCHOG TU CHAGS BYED NI, , 'DOD PA'I 'DOD CHAGS SKYED BYED PA'I, ,KUN TU RTOG PA ZHES BYA STE, ,MKHAS PAS DE DAG YONGS SU SPANG, ,ZHES JI SKAD GSUNGS PA LTA BU'O, ,DE LA ZLOG PAR BYED PA NI DGE BA LA BRTZON PA'I SEMS KYI RGYUD BZLOG NAS 'DOD PA RNAMS LA RTZOL BA SKYED PAR BYED PA GANG YIN PA'O, ,DE LA SAD PAR BYED PA NI YUL NYE BAR MA GYUR CING MNGON DU MA GYUR PA LA 'DOD PA'I 'DOD CHAGS KYIS KUN NAS DKRIS PAS KUN TU 'CHING BAR BYED PA GANG YIN PA'O, ,DE LA KUN TU SBYOR BAR BYED PA NI GANG GIS 'DOD PA'I 'DOD CHAGS KYIS KUN NAS DKRIS PA 'DOD PA YONGS SU TSOL BAR BYED PA'O, ,DE LA MTSAN MAR 'DZIN PAR BYED PA NI GANG GIS YUL NYE BAR GYUR CING MNGON DU GYUR PA LA MTSAN MAR 'DZIN PA DANG, MNGON RTAGS SU 'DZIN PAR BYED PA'O, ,DE LA CHAGS PAR BYED PA NI YUL NYE BAR GYUR CING MNGON DU GYUR PA LA 'DOD PA'I 'DOD CHAGS KYIS KUN NAS DKRIS PAS KUN TU 'CHING BAR BYED PA GANG YIN PA'O, ,DE LA RNAM PAR 'DOD PAR BYED PA NI GANG GIS DE LTAR 'DOD CHAGS KYIS KUN NAS DKRIS PA, 'DOD PA'I LONGS SPYOD RNAM PA DU MA MNGON PAR 'DOD PAR BYED PA'O, ,DE LA NGES PAR GNOD PAR BYED PA NI GANG GIS 'DOD PA RNAMS YANG DANG YANG DU MNGON PAR BSGRUB PA NA GCIG TU @121A *, ,NGES PAR YON TAN DU LTA ZHING NYES DMIGS SU MI LTA BAR YONGS SU LONGS SPYOD PA'O, ,DE LA MCHOG DU CHAGS PAR BYED PA NI 'DOD PA'I 'DOD CHAGS KYIS KUN NAS DKRIS PA MTHAR THUG PA DANG MTHAR PHYIN PAS KUN NAS 'CHING BAR BYED PA GANG YIN PA'O, ,CI'I PHYIR 'DOD PA NA SPYOD PA'I NYON MONGS PA THAMS CAD LAS 'DOD CHAGS KHO NA 'DOD PA'I MTSAN NYID DU YONGS SU BSTAN CE NA, SMRAS PA, RGYU GANG KHO NAS SRED PA KUN 'BYUNG BA'I BDEN PA'I MTSAN NYID DU YONGS SU BSTAN PA'I RGYU DE NYID KYIS 'DI YANG BLTA BAR BYA'O, ,DE CI'I PHYIR KUN TU RTOG PA DANG BCAS PA'I 'DOD CHAGS 'DOD PA'I MTSAN NYID DU YONGS SU BSTAN CE NA, SMRAS PA, 'DOD CHAGS MNGON DU GYUR PA DANG 'DOD CHAGS KUN NAS SLONG BA'I RGYU GANG YIN PA DANG, DNGOS PO'I 'DOD PA YONGS SU LONGS SPYOD PA'I RGYU GANG YIN PA DE DAG GCIG TU BSDUS NAS KUN TU RTOG PA 'DOD CHAGS ZHES YONGS SU BSTAN TO; ,GZHAN YANG RAB TU BYUNG BA 'DOD PA SPANGS PA 'DOD PA'I KUN TU RTOG PA LA KUN TU RTOG PA DE DAG KHA CIG GI KUN TU RTOG PA 'ANG 'DOD PA ZHES BYA BAR RIG NAS DE SPANG BA'I PHYIR KUN TU RTOG PA'ANG 'DOD PA'I MTSAN NYID DU YONGS SU BSTAN TO, ,CI'I PHYIR SRED PA KUN TU 'BYUNG BA'I BDEN PA'I MTSAN NYID DU YONGS SU BSTAN CE NA, SMRAS PA, RGYU GNYIS KYI PHYIR TE, SRED PA NI SMON PA DANG MI SMON PAR BYED PA NYID YIN PA'I PHYIR DANG, KHYAB PAR 'JUG PA NYID KYI PHYIR TE 'DI LTAR LUS DANG LONGS SPYOD DAG LA SMON PA LA MNGON DU PHYOGS PA'I SRED PA NI NYE BAR BLANGS PA DANG YONGS SU LONGS SPYOD PA'I PHYIR SMON PAR YANG BYED DO, ,MI SMON PAR BYED PA YANG YIN TE, DE'I GNYEN PO DGE BA LA MI SMON PA LA MNGON DU PHYOGS PA NI DE NYE BAR BLANG BA DANG SBYOR BA'I PHYIR MI SMON PAR BYED DE DE LTAR SMON PA DANG MI SMON PA LAS 'KHOR BAR 'KHOR BA RGYUN MI 'CHAD PAR 'GYUR RO, ,DE'I KHYAB PAR 'JUG PA NYID KYANG RNAM PA GSUM DU RIG PAR BYA STE, 'DI LTA STE GNAS SKABS LA KHYAB PA NI TSOR BA THAMS CAD SGO LNGAS 'JUG PA NYID KYI PHYIR TE, 'DI LTA STE, PHRAD PAR MNGON PAR DGA' BA DANG, MI 'BRAL BAR MNGON PAR DGA' BA DANG, MI 'PHRAD PAR MNGON PAR DGA' BA DANG, 'BRAL @121B BAR MNGON PAR DGA' BA DANG, RTAG TU 'BREL PA'I LUS KUN GZHI LA CHAGS PAS SO, ,DUS LA KHYAB PA NI 'DI LTA STE, 'DAS PA LA DMIGS PA DANG MA 'ONGS PA LA DMIGS PA DANG DE LTAR BYUNG BA LA DMIGS PA'O, ,YUL LA KHYAB PA NI 'DI LTA STE, TSE 'DI PA DANG TSE PHYI MA PA'I LUS LA DMIGS PA DANG YUL THOB PA DANG MA THOB PA LA DMIGS PA'O, ,CI'I PHYIR 'DOD CHAGS DANG BRAL BA DANG ZHE SDANG DANG BRAL BA DANG GTI MUG DANG BRAL BAS SEMS 'DOD CHAGS DANG BRAL BAR BYA'O ZHES GSUNGS PA, NYON MONGS PA'I GZHI 'DI LTA STE, GZUGS DANG TSOR BA LA SOGS PA DAG LAS MA YIN ZHE NA, SMRAS PA, DE DAG LAS 'DOD CHAGS DANG BRAL NA DE DAG LAS KYANG 'DOD CHAGS DANG BRAL BAR 'GYUR BA'I PHYIR RO, ,GZHAN YANG NYON MONGS PA RNAMS NI KUN NAS NYON MONGS PA DANG BCAS PA'I BDAG NYID YIN PAS DE'I PHYIR NYES PA MANG BA'I PHYIR TE 'DI LTAR GZHI LAS NYES PA GANG LA LA 'BYUNG BAR 'GYUR BA DE DAG THAMS CAD NI NYON MONGS PA LAS GYUR PA YIN PAR BLTA BAR BYA STE, NYES PA DE DAG NI 'DI LTA STE, PHUNG PO LA MKHAS PA'I SKABS SU MI DGE BA'I NYES DMIGS YONGS SU BRTAG PA BSNGAR BSTAN PA BZHIN DU BLTA BAR BYA'O, ,GZHAN YANG BZLOG PAR NUS PA NYID KYI PHYIR TE, 'DI LTAR NYON MONGS PA NI GZHI LAS BZLOG PAR NUS KYI GZHI NI THAMS CAD KYI THAMS CAD DU MI NUS PA KHO NA YIN NO, ,GZHAN YANG 'JIG RTEN PA'I LAM GYIS MI SDUG PA LA SOGS PA BSGOMS PAS DNGOS PO SUN PHYUNG STE, 'DOD CHAGS DANG BRAL BA'I SA LA 'JUG TU ZIN KYANG 'DI LTA STE NYON MONGS PA LAS SEMS RNAM PAR MA GROL BA'I PHYIR 'DOD CHAGS DANG BRAL BA'I SA PA'I NYON MONGS PA DANG RJES SU 'BREL PA YIN PAS DE'I PHYIR RNAM GRANGS DES KYANG NYON MONGS PA DANG BRAL BA NYID KYIS SEMS SHIN TU RNAM PAR GROL BA YIN GYI GZHI'I 'DOD CHAGS DANG BRAL BAS NI MA YIN NO, ,SKABS 'DI'I RNAM PAR GTAN LA DBAB PA'I GZHUNG LHAG MA NI MI SNANG NGO, ,CI'I PHYIR MDO SDE DAG LAS NGAR 'DZIN PA DANG, NGA 'IR 'DZIN PA DANG, NGA'O SNYAM PA'I NGA RGYAL DANG, MNGON PAR ZHEN PA DANG, BAG LA NYAL RNAMS DE LAS GZHAN PA'I NYON MONGS PA DAG LAS LOGS SHIG TU BKAR TE KUN NAS NYON MONGS PA'I @122A *, ,PHYOGS SU YONGS SU BSTAN CE NA, SMRAS PA RGYU GSUM GYIS TE NGAR 'DZIN PA DANG, NGA 'IR 'DZIN PA GNYIS NI LOG PAR BSGRUB PA LA MNGON PAR PHYOGS PA NYID YIN PA'I PHYIR TE, 'DI LTAR 'JIG TSOGS LA LTA BA LA BRTEN TE, DE'I RTZA BA LAS BYUNG BA'I LTA BA'I RNAM PA DRUG CU RTZA GNYIS LA KUN TU DMIGS NA THAR PA 'DOD KYANG THAR PA LOG PAR BSGRUB PAR 'GYUR BA'I PHYIR RO, ,NGA'O SNYAM PA'I NGA RGYAL DANG MNGON PAR ZHEN PA GNYIS NI YANG DAG PAR SGRUB PA LA MI PHYOGS PA NYID YIN PA'I PHYIR TE, 'DI LTAR NGA'O SNYAM PA'I NGA RGYAL DANG MNGON PAR ZHEN PA GNYIS LA BRTEN NAS, CHOS 'DUL BA 'DI LA DGE BA'I BSHES GNYEN DU GYUR PA SANGS RGYAS DANG SANGS RGYAS KYI NYAN THOS RNAMS DANG, SKYES BU DAM PA RNAMS KYI DRUNG DU MI 'GRO ZHING DGE BA GANG YIN MI DGE BA GANG YIN ZHES YONGS SU ZHU BAR MI BYED YONGS SU 'DRI BAR MI BYED LA, DE DAG 'ONGS TE DRIS NA'ANG BDAG NYID JI LTA BA BZHIN DU SMRA BAR MI BYED PA'I PHYIR RO, ,BAG LA NYAL GCIG TU NI KHYAD PAR THOB PA LAS LTUNG BA NYID YIN PA'I PHYIR TE, 'DI LTAR SRID PA'I RTZE MO'I BAR DU THOB KYANG SA 'OG MA PA'I BAG LA NYAL DANG LDAN NA YANG PHYIR LTUNG ZHING PHYIR LDOG PA'I PHYIR RO, ,RNAM GRANGS GZHAN YANG SHES BYA RAB TU RTOGS PAR BYA BA DANG SPONG BA MNGON DU BYA BA LA GEGS SU GYUR PA'I CHOS NI GNYIS TE, LOG PAR BSGRUB PA'I RGYU DANG SDUG BSNGAL SKYE BA'I RGYU'O, ,DE LA LOG PAR BSGRUB PA'I RGYU NI LTA BA'I RNAM PA DRUG CU RTZA GNYIS PO DAG STE, DE DAG LA MNGON PAR ZHEN NA SEMS CAN RNAMS LA, LUS DANG NGAG DANG YID KYIS LOG PAR SGRUB PAR 'GYUR BA'I PHYIR RO, , SDUG BSNGAL SKYE BA'I RGYU NI BAG LA NYAL BA MA SPANGS PA'O, ,CHOS DE GNYIS KYI RGYU YANG RNAM PA GNYIS TE, LOG PAR BSGRUB PA'I CHOS KYI RGYU'I RGYU NI NGAR 'DZIN PA DANG, NGA 'IR 'DZIN PA'I RNAM PA 'JIG TSOGS LA LTA BA'O, ,SDUG BSNGAL SKYE BA'I RGYU'I RGYU NI NGA'O SNYAM PA'I NGA RGYAL GYIS DANG PO DANG THA MA GNYIS SU MI BSGRUB PA STE, DE LA DANG POR NI MI NYAN PA DANG YANG DAG PAR MI BSGRUB PA'I PHYIR RO, ,THA MAR NI MNGON PA'I NGA RGYAL BYED PA'I PHYIR RO, ,RNAM GRANGS GZHAN YANG LEGS PAR GSUNGS PA'I CHOS 'DUL BA LA, MCHOG DANG, GTZO BO DANG, RAB DANG, RAB MCHOG @122B DANG; GYA NOM PA DANG, 'DI LAS PHYI ROL PA RNAMS DANG, THUN MONG MA YIN PA'I CHOS BZHI YOD DE BZHI GANG ZHE NA, BDEN PA RAB TU RNAM PAR 'BYED PA DANG, RANG GI TSANGS PA MTSUNGS PAR SPYOD PA DAG LA YANG DAG PAR DGA' BAR BYED PA'I CHOS RNAMS DANG, PHAS KYI RGOL BA DAG LA ZHE SDANG MED PA DANG, DAG PA RNAMS LAS PHYIR MI LDOG PA'O, ,NYES PAR BSHAD PA'I CHOS 'DUL BA LA NI DE DAG DANG MI MTHUN PA'I CHOS BZHI YOD DE, NGAR 'DZIN PA DANG NGA 'IR 'DZIN PA RNAMS 'JIG TSOGS LA LTA BA DANG, NGA'O SNYAM PA'I NGA RGYAL DANG 'DI BDEN NO SNYAM DU MNGON PAR ZHEN CING MCHOG TU 'DZIN PA DANG, BAG LA NYAL MA SPANGS PA STE, DES NA SRID PA'I RTZE MOR SKYES KYANG YANG PHYIR LDOG PAR 'GYUR RO, ,GZHAN YANG MNGON PAR ZHEN PA NI GNYIS YOD DE, DBANG PO DANG YUL LA MNGON PAR ZHEN PA DANG, SEMS CAN GCIG LA GCIG MNGON PAR ZHEN PA'O, , DE LA DBANG PO DANG YUL LA MNGON PAR ZHEN PA NI NGAR 'DZIN PA DANG NGA 'IR 'DZIN PA GNYIS KYIS BLTA BAR BYA'O, ,SEMS CAN GCIG LA GCIG MNGON PAR ZHEN PA NI NGA'O SNYAM PA'I NGA RGYAL GYIS BLTA BAR BYA STE, BDAG NI CHE'O SNYAM PA LA SOGS PA'I RNAM PA DE DAG GIS SO, ,SRED PA SDUG BSNGAL GYI RGYU YIN NA CI'I PHYIR BCOM LDAN 'DAS KYIS BDUN PA 'ANG SDUG BSNGAL GYI RGYU NYID DU YONGS SU BSTAN CE NA, SMRAS PA, TSE 'DI'I SDUG BSNGAL GYI RGYU NYID YIN PA'I PHYIR TE, 'DI LTAR SEMS CAN GANG DAG LA 'DUN PA 'AM 'DOD CHAGS PA'AM BYAMS PAR GYUR PA DE DAG RNAM PAR GYUR TAM GZHAN DU GYUR PA LAS MYA NGAN LA SOGS PA SKYE BA'I PHYIR RO, ,CI'I PHYIR SGRIB PA LNGA PO DAG RUS SBAL GYI SGRAR GSUNGS SHE NA, SMRAS PA, RNAL 'BYOR YID LA BYED PA SGOM PA'I MI MTHUN PA'I PHYOGS KYI YAN LAG LNGA YOD PAR CHOS MTHUN PA'I PHYIR RO, ,CI'I PHYIR KHRO BA SDIG PA'I SGRAR GSUNGS SHE NA, SMRAS PA; BKA' BLO MI BDE BA DANG TSIG MI BZOD PA NYID KYI DBANG DU BYAS NAS GDAMS NGAG DANG RJES SU BSTAN PA THOB PA'I MI MTHUN PA'I PHYOGS KYI DE DANG RANG BZHIN 'DRA BA NYID KYI PHYIR RO, ,CI'I PHYIR PHRAG DOG DANG SER SNA SHA SNA DGU'I SGRAR GSUNGS SHE NA, SMRAS PA, YANG DAG PAR DGA' BAR 'GYUR @123A *, ,BA'I CHOS KYI MI MTHUN PA'I PHYOGS KYI RNYED PA DANG BKUR STI 'DOD PA'I GNAS PA KUN TU SPYOD PA NYID KYI PHYIR RO, ,CI'I PHYIR 'DOD PA RNAMS GTZOD SHA'I SGRAR GSUNGS SHE NA, SMRAS PA, DGE BA'I CHOS RNAMS RTAG TU BSGOMS BAS MI MTHUN PA'I PHYOGS KYI BDAG PO DANG 'BREL PAR YONGS SU GRUB PA MA YIN PA NYID KYI PHYIR RO, ,CI'I PHYIR MA RIG PA SPRE'U MJUG RINGS KYI SGRAR GSUNGS SHE NA, SMRAS PA, THOS PA LAS BYUNG BA'I SHES PA MI MTHUN PA'I PHYOGS KYIS DE DANG RANG BZHIN 'DRA BA NYI KYI PHYIR RO, ,CI'I PHYIR SOM NYI LAM KHA BRAG GI SGRAR GSUNGS SHE NA, SMRAS PA, BSAMS PA LAS BYUNG BA'I SHES PA'I MI MTHUN PA'I PHYOGS KYIS DE DANG RANG BZHIN 'DRA BA NYID KYI PHYIR RO, ,CI'I PHYIR NGA'O SNYAM PA'I NGA RGYAL KHOR YUG GI SGRAR GSUNGS SHE NA, SMRAS PA, BSGOMS PA LAS BYUNG BA'I SHES PA'I MI MTHUN PA'I PHYOGS KYIS DE DANG RANG BZHIN 'DRA BA NYID KYI PHYIR RO, CI'I PHYIR DE LAS GZHAN PA'I NYON MONGS PA NYES PAR SPYOD PA KUN NAS SLONG PAR BYED PA DAG KYANG YOD BZHIN DU CHAGS PA DANG ZHE SDANG DANG, GTI MUG KHO NA LOGS SHIG TU BKAR TE MI DGE BA'I RTZA BA NYID DU RNAM PAR GZHAG CE NA, SMRAS PA, MDOR BSDU NA, LAS KYI RGYU RNAM PA GSUM YOD PA'I PHYIR TE, ZANG ZING GI RGYU'I PHYIR DANG, GZHAN LA GNOD PAR BYED PA'I RGYU'I PHYIR DANG, LOG PA'I CHOS RNAM PAR GZHAG PA LA MNGON PAR ZHEN PA'I RGYU YIN PA'I PHYIR TE, RGYU DE DAG LA CHAGS PA LA SOGS PA DE DAG GANG GIS ZHEN PA CI RIGS PAR SBYAR RO, ,BAR SDOM NI, 'DOD DANG SRED DANG 'DOD CHAGS BRAL, ,NGAR 'DZIN LA SOGS DE BZHIN TE, ,'DUN DANG RUS SBAL LA SOGS DANG, ,DE BZHIN CHAGS SOGS GZHAN YIN NO, ,'DOD CHAGS LA SOGS PA NYON MONGS PA BCU PO GANG DAG YIN PA DE DAG LAS DU NI LAS KUN NAS SLONG BAR BYED PA YIN, DU NI MA YIN ZHE NA, SMRAS PA, THAMS CAD KYANG LAS KUN NAS SLONG BAR BYED PA YIN TE, NGAN 'GROR 'GRO BAR 'GYUR BA'I LAS NI ZIL GYIS GNON PA KUN TU SPYOD PA'I NYON MONGS PAS KUN NAS SLONG BAR BYED DE, BRJED NGAS PA KUN TU SPYOD PAS KYANG MA YIN KUN BRTAGS PA DANG, RANG BZHIN PAS KYANG MA YIN NO, , @123B NYON MONGS PA'I MTSAN NYID DUS BRJOD PAR BYA ZHE NA, SMRAS PA, MDOR BSDU NA MTSAN NYID GSUM GYIS TE, RANG GI MTSAN NYID DANG, SPYI'I MTSAN NYID DANG, BYE BRAG GI MTSAN NYID KYIS SO, ,DE LA RANG GI MTSAN NYID NI 'DOD CHAGS LA SOGS PA'I SO SO'I NGO BO NYID DU GTOGS PA YIN PAR BLTA BAR BYA'O, ,DE LA SPYI'I MTSAN NYID NI BYE BRAG MED PAR THAMS CAD KYANG RAB TU MA ZHI BA'I MTSAN NYID GANG YIN PA'O, ,DE LA BYE BRAG GI MTSAN NYID NI 'DI LTA STE, RNAM GRANGS KYI BYE BRAG GI MTSAN NYID DANG, 'JUG PA'I BYE BRAG GI MTSAN NYID DO, ,DE LA RNAM GRANGS KYI BYE BRAG GI MTSAN NYID NI 'DI LTA STE KUN TU SBYOR BA DANG, 'CHING BA DANG BAG LA NYAL DANG NYE BA'I NYON MONGS PA DANG KUN NAS DKRIS PA LA SOGS PA STE SA'I DNGOS GZHIR BSTAN PA BZHIN NO, ,DE LA 'JUG PA'I BYE BRAG GI MTSAN NYID NI 'DI LTA STE, BAG LA NYAL GYI 'JUG PA DANG, DMIGS PA'I 'JUG PA DANG KUN TU 'BYUNG BA'I 'JUG PA DANG, RNAM PA RAB TU DBYE BA'I 'JUG PA DANG, STOBS DANG LDAN PA DANG STOBS DANG LDAN PA MA YIN PA'I 'JUG PA DANG, RGYU DANG 'BRAS BU'I 'JUG PA DANG, LOG PAR BSGRUB PA'I 'JUG PA LAS BLTA BAR BYA'O, ,DE LA BAG LA NYAL GYI 'JUG PA'I MTSAN NYID NI MDOR BSDU NA RNAM PA BCO BRGYAD DU RIG PAR BYA STE, 'DI LTA STE, RANG GI YUL GYI RJES SU SONG BA'I BAG LA NYAL DANG, GZHAN GYI RJES SU SONG BA DANG, NYAMS PA DANG MA NYAMS PA DANG, BAG LA NYAL DANG, BAG LA NYAL MA YIN PA DANG, MTHA' DAG DANG, MA TSANG BA DANG, YANG DAG PAR GZHOM DU RUNG BA DANG, YANG DAG PAR GZHOM DU MI RUNG BA DANG, LHAG PA DANG, MNYAM PA DANG, STOBS CHUNG BA DANG, SAD PA DANG, MA SAD PA DANG, SDUG BSNGAL MANG PO BSKYED PA DANG, SDUG BSNGAL NYUNG DU BSKYED PA DANG, SDUG BSNGAL MI BSKYED PA'O, ,DE LA RANG GI YUL GYI RJES SU SONG BA NI KHAMS GSUM PO DAG NA RANG GIS PAR GTOGS PA GANG YIN PA'O, ,DE LA GZHAN GYI YUL GYI RJES SU SONG BA NI 'OG MA DANG GONG MAR SKYED PA'I 'OG MA'AM GONG MA'I SA BA'I NYON MONGS PA'I SA BON DANG LDAN PA GANG YIN PA'O, ,DE LA NYAMS PA NI 'JIG RTEN PA'I 'DOD CHAGS DANG BRAL BA'I SA 'OG @124A *, ,MA GANG YIN PA'O, ,DE LA MA NYAMS PA NI 'DOD CHAGS DANG BRAL BA DOG MA'AM 'DOD CHAGS DANG MA BRAL BA'I RANG GI SA PA GANG YIN PA'O, ,DE LA BAG LA NYAL BA NI RANG GI SA PA GANG YIN PA'O, ,DE LA BAG LA NYAL MA YIN PA NI GZHAN GYI SA PA GANG YIN PA'O, ,DE LA MTHA' DAG NI SO SO'I SKYE BO RNAMS KYI GANG YIN PA'O; ,DE LA MA TSANG BA NI SO SO'I SKYE BO MA YIN PA SLOB PA RNAMS KYI GANG YIN PA'O, ,DE LA YANG DAG PAR GZHOM DU RUNG BA NI YONGS SU MYA NGAN LAS 'DAS PA'I CHOS CAN RNAMS KYI GANG YIN PA'O, ,DE LA YANG DAG PAR GZHOM DU MI RUNG BA NI YONGS SU MYA NGAN LAS MI 'DA' BA'I CHOS CAN RNAMS KYI GANG YIN PA'O, ,DE LA LHAG MA NI 'DOD CHAGS LA SOGS PA SPYOD PA RNAMS KYI GANG YIN PA'O, ,DE LA MNYAM PA NI CHA MNYAM PAR SPYOD PA RNAMS KYI GANG YIN PA'O, ,DE LA STOBS CHUNG BA NI NYON MONGS PA CHUD PA RNAMS KYI GANG YIN PA'O, ,DE LA SAD PA NI KUN NAS DKRIS PA'I 'BRAS BU CAN TE KUN NAS DKRIS PA CAN DU 'BYUNG BA GANG YIN PA'O, ,DE LA MA SAD PA NI KUN NAS DKRIS PA MED PAR RJES SU 'BREL PA GANG YIN PA'O, ,DE LA SDUG BSNGAL MANG PO BSKYED PA NI 'DOD PA NA SKYOD PA GANG YIN PA'O, ,DE LA SDUG BSNGAL NYUNG DU BSKYED PA NI GZUGS DANG GZUGS MED PA NA SPYOD PA GANG YIN PA'O, ,DE LA SDUG BSNGAL MI SKYED PA NI DBANG THOB PA'I BYANG CHUB SEMS DPA' RNAMS KYI GANG YIN PA'O, ,GNAS NGAN LEN GYI LUS DANG GNAS NGAN LEN GYI BDAG NYID KYI BAG LA NYAL ZHES GANG GSUNGS PA DE LA, CI NYON MONGS PA'I PHYOGS DANG MTHUN PA'I GNAS NGAN LEN DE 'DU BYED DE DAG LAS GZHAN DU BRJOD PAR BYA BA'AM, GZHAN MA YIN PAR BRJOD PAR BYA ZHE NA, SMRAS PA, GZHAN DU BRJOD PAR BYA'O, ,DE CI'I PHYIR ZHE NA, 'DI LTAR NYON MONGS PA'I PHYOGS DANG MTHUN PA'I GNAS NGAN LEN YANG DAG PAR BCOM PA'I DGRA BCOM PA RNAMS KYI 'DU BYED KYI RGYUN RNAM PAR MA CHAD PA'I PHYIR RO, ,GNAS NGAN LEN DU ZHIG GI GNAS NGAN LEN BSDUS SHE NA, SMRAS PA, RNAM PA BCO BRGYAD KYIS TE, 'DI LTA STE, RANG BZHIN GYIS RNAM PAR SMIN PA'I GNAS NGAN LEN DANG RANG BZHIN GYIS NYON MONGS PA'I GNAS NGAN LEN DANG, RANG BZHIN GYIS LAS KYI GNAS NGAN @124B LEN DANG, NYON MONGS PA'I SGRIB PA'I GNAS NGAN LEN DANG, LAS KYI SGRIB PA'I GNAS NGAN LEN DANG, RNAM PAR SMIN PA'I SGRIB PA'I GNAS NGAN LEN DANG, SGRIB PA'I GNAS NGAN LEN DANG, LEGS PAR RTOGS PA MA YIN PA'I GNAS NGAN LEN DANG, MYA NGAN GYI GNAS NGAN LEN DANG, 'JIGS PA'I GNAS NGAN LEN DANG, NGAL BA'I GNAS NGAN LEN DANG, ZAS KYI GNAS NGAN LEN DANG, GNYID KYI GNAS NGAN LEN DANG, 'KHRIG PA'I GNAS NGAN LEN DANG, KHAMS MA SNYOMS PA'I GNAS NGAN LEN DANG, NA TSOD 'GYUR BA'I GNAS NGAN LEN DANG, 'CHI PA'I GNAS NGAN LEN DANG, GZHAN YANG THAMS CAD DU 'GRO BA'I GNAS NGAN LEN TE DE NI SNGA MA BZHIN DU BLTA BAR BYA'O, ,DE LA DMIGS PA'I 'JUG PA DANG, KUN TU 'BYUNG BA'I 'JUG PA NI RANG GI GNAS SU BRJOD PAR BYA'O, ,RNAM PA RAB TU DBYE BA'I 'JUG PA NI 'DI LTA STE, PHUNG PO LA MKHAS PA'I SKABS SU SNGAR BSTAN PA BZHIN DU BLTA BAR BYA'O, ,STOBS DANG LDAN PA DANG, STOBS DANG LDAN PA MA YIN PA'I 'JUG PA YANG 'DI LTA STE, SA'I DNGOS GZHIR SNGAR BSTAN PA KHO NA BZHIN DU BLTA BAR BYA'O, ,DE LA RGYU DANG 'BRAS BU'I 'JUG PA NI 'DI LTA STE, NYON MONGS PA YANG NYON MONGS PA'I RGYU LAS BYUNG BA YIN LA, LAS KYANG NYON MONGS PA'I RGYU LAS BYUNG BA YIN, SKYE BA YANG NYON MONGS PA'I RGYU LAS BYUNG BA YIN NO, ,'BRAS BU'ANG DE BZHIN DU CI RIGS PAR BLTA BAR BYA STE, DE LA NYON MONGS PA GANG DAG YIN PA DE DAG LAS, KHA CIG MI DGE BA 'DOD PA NA SPYOD PA RNAMS NI RNAM PAR SMIN PA DANG BCAS PA YIN NO, ,DE LAS GZHAN PA RNAMS NI RNAM PAR SMIN PA MED PA YIN NO, ,DE LA LOG PAR BSGRUB PA'I 'JUG PA NI SA'I DNGOS GZHIR MDOR BSTAN PA LAS RNAM PA BDUN BSHAD PA STE, DE'I RAB TU DBYE BA GANG ZHE NA, DE LA 'JIG TSOGS LA LTA BA DANG MTHAR 'DZIN PAR LTA BA DANG LOG PAR LTA BA NI SHES BYA'I LOG PAR RTOG PAS 'PHAGS PA'I BDEN PA BZHI PO DAG LA LOG PAR ZHUGS PA YIN NO, ,MA RIG PA NI DE MA RTOGS PA LAS SO, ,THE TSOM NI DE RTOGS PA DANG MA RTOGS PA LAS SO, ,LTA BA MCHOG TU 'DZIN PA DANG, TSUL KHRIMS DANG, BRTUL @125A *, ,ZHUGS MCHOG TU 'DZIN PA DANG 'DOD CHAGS LA SOGS PA LTA BA LA DMIGS PA MTHONG BAS SPANG BAR BYA BA GANG DAG YIN PA DE DAG THAMS CAD KYANG LOG PAR RTOG PA LA MNGON PAR ZHEN PAS, LOG PAR ZHUGS PA YIN TE, DE DAG THAMS CAD KYANG SDUG BSNGAL GYI BDEN PA DANG KUN 'BYUNG BA'I BDEN PA LA NI DE'I RGYU'I GZHI'I GNAS LAS LOG PAR ZHUGS PA YIN NO, ,DE DAG THAMS CAD KYANG 'GOG PA'I BDEN PA DANG LAM GYI BDEN PA LA NI DES SKRAG PAR KUN TU SKYE BA LAS LOG PAR ZHUGS PA YIN NO, ,DE DAG THAMS CAD LAS RANG BZHIN GANG DAG YIN PA DE DAG NI BSGOM PA'I LAM LA RANG BZHIN DU KUN TU SPYOD PA LAS LOG PAR ZHUGS PA YIN NO, ,DE LA SNGAR 'DUL BA'I DBANG DU NYON MONGS PA RNAMS KYI MI MTHUN PA'I PHYOGS DANG GNYEN PO SHIN TU RAGS PA BSTAN PA NI 'DI LTA STE, GDUL BA RNAMS NYON MONGS PA DAG LA LOG PAR BSGRUB PA SNA TSOGS KYI NYES PA KHONG DU CHUD PA BSKYED PAR BYA BA'I PHYIR NYON MONGS PA RNAMS KYI LOG PAR BSGRUB PA RNAM PAR GZHAG PA YONGS SU BSTAN PA YIN GYI, 'DIR NI NYON MONGS PA RNAMS KYI LOG PAR BSGRUB PA RNAM PAR GZHAG PA SHIN TU CHA PHRA BA'I RNAM PA JI LTA BA BZHIN DU DBYE BAS YONGS SU BSTAN TO,, NYON MONGS PA DE DAG LAS DU NI GZHI DANG BCAS PA YIN LA DU NI GZHI MED PA YIN ZHE NA, SMRAS PA, LTA BA RNAMS DANG NGA RGYAL NI GZHI MED PA YIN TE, DE DAG NI 'DU BYED RNAMS LA BDAG MED BZHIN DU YONGS SU BRTAGS NAS 'JUG PA'I PHYIR, 'DOD CHAGS DANG KHONG KHRO BA NI GZHI DANG BCAS PA YIN NO, ,MA RIG PA DANG THE TSOM NI GNYI GAR RIG PAR BYA'O, ,NYON MONGS PA DE DAG LAS DU NI BDE BA'I DBANG PO DANG MTSUNGS PAR LDAN PA YIN LA DU NI BTANG SNYOMS KYI DBANG PO'I BAR DAG DANG MTSUNGS PAR LDAN PA YIN ZHE NA, SMRAS PA, GANG DAG RANG BZHIN GYIS NYON MONGS PA YIN PA DE DAG THAMS CAD NI TSOR BA GSUM PO DAG LA GANG GI PHYIR DMIGS SHING KUN TU SPYOD PAR BYED PA DE'I PHYIR RNAM PAR SHES PA'I TSOGS THAMS CAD DANG LDAN PA GANG DAG YIN PA DE DAG NI DBANG PO THAMS CAD DANG MTSUNGS PAR LDAN PA YIN NO, ,RNAM PAR SHES PA'I TSOGS THAMS CAD DANG MI LDAN @125B PA GANG DAG YIN PA DE DAG NI YID LAS BYUNG BA'I DBANG PO THAMS CAD DANG MTSUNGS PAR LDAN PA YIN NO, ,RANG BZHIN PA GANG DAG YIN PA DE DAG GI MTSUNGS PAR LDAN PA NI CI RIGS PAR BRJOD PAR BYA STE, 'DOD CHAGS NI LAN 'GA' BDE BA DANG YID BDE BA DAG DANG MTSUNGS PAR LDAN PAR BYED LA, LAN 'GA' NI SDUG BSNGAL BA DANG, YID MI BDE BA DAG DANG NGO, ,LAN 'GA' NI BTANG SNYOMS DANG MTSUNGS PAR LDAN PAR BYED DO, ,DE JI LTA BU ZHE NA, SMRAS PA, 'DI LTAR 'DI NA LA LA BDE BA'I TSOR BA DANG PHRAD PAR SRED PA'AM MI 'BRAL PAR SRED PA MNGON DU BYAS SHING GNAS TE, DE LTAR GYUR PA DE BDE BA'I TSOR BA DANG MA PHRAD CING PHRAD PAR MA GYUR LA BRAL ZHING LDAN PAR MA GYUR PA DANG SDUG BSNGAL GYI TSOR BA DANG MI PHRAD PAR SRED PA DANG BRAL BAR SRED PA MNGON DU BYAS SHING GNAS TE, DE LTAR GYUR PA DE SDUG BSNGAL GYI TSOR BA DANG PHRAD CING MA PHRAD PAR MA GYUR LA; MA BRAL ZHING BRAL BAR MA GYUR PA DE LTA NA 'DOD CHAGS NI LAN 'GA' SDUG BSNGAL DANG YID MI BDE BA DAG DANG MTSUNGS PAR LDAN PAR BYED PA YIN NO, ,DE LAS BZLOG PA LAS NI BDE BA DANG YID BDE BA DE DAG DANG MTSUNGS PAR LDAN PA YIN PAR RIG PAR BYA'O, ,'DOD CHAGS SDUG BSNGAL YANG MA YIN BDE BA'ANG MA YIN PA'I GNAS SKABS LA RO MYANG BA LAS NI BTANG SNYOMS KYI DBANG PO DANG MTSUNGS PAR LDAN PAR RIG PAR BYA'O, ,KHONG KHRO BA NI LAN 'GA' SDUG BSNGAL DANG YID MI BDE BA DAG DANG MTSUNGS PAR LDAN PAR BYED PA LA LAN 'GA' NI BDE BA DANG YID BDE BA DAG DANG MTSUNGS PAR LDAN PAR BYED DO, ,DE JI LTA BU YIN ZHE NA, SMRAS PA, 'DI LTAR 'DI NA KHA CIG BDAG NYID KYI LUS LA SDUG BSNGAL GYI GNOD PA 'AM SEMS LA GNOD PA'I ZHE 'GRAS PA'I SEMS DANG LDAN PAR GYUR NAS BDAG NYID KYI SDUG BSNGAL GYI GNAS SKABS DE NYID YID LA BYED DAM, 'DU BYED MI 'DOD PA DAG GAM SEMS CAN MI 'DOD PA DAG GAM CHOS MI 'DOD PA DAG LA ZHE 'GRAS PA DANG LDAN PA'I SEMS YID LA BYED PA DE LTA NA, KHONG KHRO BA SDUG BSNGAL DANG YID MI BDE BA DAG DANG MTSUNGS PAR LDAN PAR BYED PA YIN NO, ,'DI LTAR 'DI NA KHA @126A *, ,CIG DGRAR GYUR PA'I SEMS CAN MI 'DOD PA RNAMS LA ZHE 'GRAS PA'I SEMS DANG LDAN PA NI SDUG BSNGAL BAR 'GYUR BA'AM GYUR PA YID LA BYED PA DANG BDE BAR MI 'GYUR BA DANG RGUD PA YID LA BYED PA DE LTAR NA KHONG KHRO BA BDE BA DANG YID BDE BA DAG DANG MTSUNGS PAR LDAN PAR BYED PA YIN NO, ,DE LA 'DZIG TSOGS LA LTA BA DANG MTHAR 'DZIN PAR LTA BA NI BDE BA DANG LDAN PA'I PHUNG PO RNAMS LA, BDAG GAM BDAG GI DANG RTAG PAR YANG DAG PAR RJES SU MTHONG BA LAS NI YID BDE BA'I DBANG PO DANG MTSUNGS PAR LDAN PAR BYED DO, ,SDUG BSNGAL BA DANG LDAN PA'I PHUNG PO RNAMS LA BDAG GAM BDAG GI DANG RTAG PAR YANG DAG PAR RJES SU MTHONG BA LAS NI YID MI BDE BA'I DBANG PO DANG MTSUNGS PAR LDAN PAR BYED DO, ,BTANG SNYOMS DANG LDAN PA'I PHUNG PO RNAMS LA BDAG GAM BDAG GI DANG RTAG PAR YANG DAG PAR RJES SU MTHONG BA LAS NI BTANG SNYOMS KYI DBANG PO DANG MTSUNGS PAR LDAN PAR BYED DO, ,CHAD PAR LTA BAS BSDUS PA'I MTHAR 'DZIN PAR LTA BA NI DE LAS BZLOG PA LAS RIG PAR BYA'O, ,LTA BA MCHOG TU 'DZIN PA DANG TSUL KHRIMS DANG BRTUL ZHUGS MCHOG TU 'DZIN PA NI LTA BA DE DAG MCHOG TU 'DZIN PA DE BZHIN DU MTSUNGS PAR LDAN PAR CI RIGS PAR RIG PAR BYA'O, ,LOG PAR LTA BA NI LEGS PAR BYA BA BYED PA RNAMS KYI GANG YIN PA DE NI YID MI BDE BA DANG MTSUNGS PAR LDAN PA YIN PAR RIG PAR BYA'O, ,NYES PAR BYA BA BYED PA RNAMS KYI GANG YIN PA DE NI YID BDE BA DANG MTSUNGS PAR LDAN PA YIN PAR RIG PAR BYA'O, ,NGA RGYAL NI LAN 'GA' YID BDE BA DANG MTSUNGS PAR LDAN PAR BYED LA LAN 'GA' NI YID MI BDE BA DANG MTSUNGS PAR LDAN PAR BYED DO, ,DE JI LTA BU YIN ZHE NA, SMRAS PA, NGA RGYAL NI MDOR BSDU NA RNAM PA GNYIS TE, KHENGS PA'I NGA RGYAL DANG, 'DUD PA'I NGA RGYAL LO, ,DE LA KHENGS PA'I NGA RGYAL NI KHENGS PA RNAM PA GSUM GYIS RIG PAR BYA STE, KHENGS PA RNAM PA GSUM GANG ZHE NA, 'DI LTA STE, YONGS SU 'JAL BAS KHENGS PA DANG, SRID PAS KHENGS PA DANG, RNYED PA DANG BKUR STIS KHENGS PA'O, ,DE LA KHENGS PA'I NGA @126B RGYAL NI YID BDE BA DANG MTSUNGS PAR LDAN PAR BYED DO, ,'DOD PA'I NGA RGYAL NI DE LAS BZLOG PA STE, YID MI BDE BA DANG MTSUNGS PAR LDAN PAR BYED DO, ,THE TSOM NI RNYED PA'AM BKUR STI'AM, GRAGS PA'AM BSTOD PA'AM BDE BA'AM, BDE 'GRO LA NGES PA RNAMS LA GZHAN DAG GIS THE TSOM BSKYED PA NI YID MI BDE BA DANG MTSUNGS PAR LDAN PAR BYED DO, ,RNYED PA MED PA'AM BKUR STI MED PA'AM GRAGS PA MED PA'AM SMAD PA'AM SDUG BSNGAL BA'AM, NGAN 'GRO LA NGES PA RNAMS LA GZHAN DAG GIS THE TSOM BSKYED PA NI YID BDE BA DANG MTSUNGS PAR LDAN PAR BYED DO, , MA RIG PA NI LNGA CHAR DANG MTSUNGS PAR LDAN PAR BYED DO, ,MTSUNGS PAR LDAN PA NYE BAR SBYAR BA'I DPE LHAG MA RNAMS NI MI SNANG NGO, ,DE LA SNGAR NI MI 'CHOL BAR BYA BA'I PHYIR NYON MONGS PA RNAMS DANG DBANG PO'I MTSUNGS PAR LDAN PA'I TSUL CHE LONG RNAM PAR GZHAG PA YIN GYI 'DIR NI RANG GI DANG GZHAN GYI RGYU RNAM PA SNA TSOGS KYI 'JUG PA RAB TU DBYE BA'I PHYIR TSUL ZHIB MOS RNAM PAR GZHAG PA YIN NO, ,NYON MONGS PA'I RIS NI MDOR BSDU NA GSUM PO 'DI DAG YIN TE, 'DOD PA DANG LDAN PA DANG GZUGS DANG LDAN PA DANG GZUGS MED PA DANG LDAN PA'O, ,NYON MONGS PA'I RIS GSUM PO DE DAG LAS DU NI MI DGE BA YIN DU NI LUNG MA BSTAN PA YIN ZHE NA, SMRAS PA, DE DAG LAS DANG PO KHA CIG NI MI DGE BA YIN NO, ,GNYIS NI LUNG DU MA BSTAN PA YIN NO, ,MI DGE BA GANG YIN PA DE NI RNAM PAR SMIN PA DANG BCAS PA YANG YIN PAR BLTA BAR BYA'O, ,DU NI BDAG NYID MANG PO YIN LA DU NI BDAG NYID NYUNG DU YIN ZHE NA, SMRAS PA, DANG PO NI BDAG NYID MANG PO YIN NO, ,LHAG MA DAG NI DE LTA MA YIN NO, ,BDAG NYID MANG PO DANG BDAG NYID NYUNG DU JI LTA BA BZHIN DU SHAS CHE BA DANG YUN RING BA DANG NYON MONGS PA CAN GYI RANG BZHIN DANG, SHAS CHE BA DANG YUN RING BA DANG NYON MONGS PA CAN GYI RANG BZHIN MA YIN PA DANG, PHYIR BLTAS PA'I KUN NAS NYON MONGS PA KUN NAS SLONG BAR BYED PA DANG, KHA NANG DU BLTAS PA'I KUN NAS NYON MONGS PA KUN NAS SLONG BAR BYED PA DANG, NYES PAR SPYOD PA KUN NAS SLONG BAR BYED PA DANG, NYES PAR SPYOD PA KUN @127A *, ,NAS SLONG BAR BYED PA MA YIN PA DANG, SDUG BSNGAL MANG PO SKYED PAR BYED PA DANG, SDUG BSNGAL NYUNG DU SKYED PAR BYED PA DANG, KHA NA MA THO BA CHEN PO DANG BCAS PA DANG, KHA NA MA THO BA CHUNG NGU DANG BCAS PA DANG, BUL BAR 'DOD CHAGS DANG BRAL BA DANG, MYUR DU 'DOD CHAGS DANG BRAL BA DANG, 'DOD CHAGS DANG MA BRAL BAS RAB TU PHYE BA DANG, 'DOD CHAGS DANG BRAL BAS RAB TU PHYE BA DANG, TING NGE 'DZIN DANG MI MTHUN PA DANG, TING NGE 'DZIN DANG MI MTHUN PA MED PA DANG, RNAM PA DU MAR SKYE BAR NGES PA DANG, RNAM PA GCIG TU SKYE BAR NGES PA RNAMS KYANG DE BZHIN DU RIG PAR BYA'O, ,BAR SDOM NI, MANG DANG NYON MONGS CAN DANG NI, ,SPYOD DANG SDUG BSNGAL NYID DANG SPANG, ,KHA NA MA THO BUL BRAL DANG, ,TING NGE 'DZIN DANG SKYE BA'O, ,NYON MONGS PA RNAMS NI JI LTAR NI SPONG BAR 'GYUR, JI TZAM GYIS NA NYON MONGS PA RNAMS SPANGS BAR BRJOD PAR BYA, ,NYON MONGS PA GANG LAS NI SPANG BAR BYA, CI NYON MONGS PA CIG CAR RAM 'ON TE RIM GYIS SPANG BAR BYA, GO RIMS GANG GIS NI NYON MONGS PA SPANG BAR BYA, NYON MONGS PA SPONG PA LA RNAM PA NI DU YOD, NYON MONGS PA SPANGS PA'I RTAGS NI GANG DAG YIN, NYON MONGS PA SPANGS PA'I PHAN YON NI GANG ZHE NA, SMRAS PA, TSOGS YANG DAG PAR BSGRUBS PA DANG SBYOR BA'I SA LA ZHUGS PA DANG MTHONG BA'I SA THOB PA DANG, SGOM PA'I SA YONGS SU 'DRIS PAS NI NYON MONGS PA SPANG BAR BYA'O, ,MTHAR THUG PA'I SA THOB PA LAS NI NYON MONGS PA SPANGS PAR BRJOD PAR BYA'O, ,RNAM GRANGS GZHAN YANG RNAL 'BYOR RNAM PA BZHI BSGOMS PAS NI NYON MONGS PA SPANG BAR BYA'O, ,LEGS PAR BSGOMS PAS NI SPANGS BAR BRJOD PAR BYA'O, ,RNAL 'BYOR RNAM PA BZHI NI 'DI LTA STE NYAN THOS KYI SAR BSTAN PA BZHIN NO, ,RNAM GRANGS GZHAN YANG SEMS KYI RGYUD YONGS SU SMIN PA DANG RJES SU MTHUN PA'I GDAMS NGAG DANG SO SO'I RANG GI TSUL BZHIN YID LA BYED PA DANG GNYEN PO SKYED PAS NI NYON MONGS PA SPANG BAR BYA'O, ,GNYEN PO MTHAR THUG PAR GYUR PA NYID KYIS NI SPANGS PAR BRJOD @127B PAR BYA'O, ,RNAM GRANGS GZHAN YANG NYON MONGS PA'I GZHI YONGS SU SHES PA DANG, NYON MONGS PA'I NGO BO NYID YONGS SU SHES PA DANG, NYON MONGS PA'I NYES DMIGS YONGS SU SHES PA DANG, BYUNG BA DANG DU MI LEN PA DANG, GNYEN PO YONGS SU 'DZIN PAS NI NYON MONGS PA SPANG BAR BYA'O, ,GNYEN PO BSKYED PAS NI SPANGS PAR BRJOD PAR BYA'O, ,RNAM GRANGS GZHAN YANG ZHI GNAS LA GOMS PA DANG LHAG MTHONG LA GOMS PAS NI NYON MONGS PA SPANG BAR BYA'O, ,MTSAN MA'I 'CHING BA LAS NGES PAR GROL BA DANG GNAS NGAN LEN GYI 'CHING BA LAS NGES PAR GROL BAS NI SPANGS PAR BRJOD PAR BYA STE, BCOM LDAN 'DAS KYIS JI SKAD DU, SKYE BA PO YI ZHI GNAS DANG, ,LHAG MTHONG GOMS PAR BYAS NA NI, ,GNAS NGAN LEN GYI 'CHING BA DANG, MTSAN MA'I 'CHING LAS GROL BAR 'GYUR, ,ZHES GSUNGS PA LTA BU'O, ,RNAM GRANGS GZHAN ? YANG DMIGS PA YONGS SU SHES PA DANG, DMIGS PA LA MNGON PAR DGA' BAS NI NYON MONGS PA SPANG BAR BYA'O, ,GNAS NGAN 'GAGS PA DANG GNAS GYUR PAS NI SPANGS PAR BRJOD PAR BYA'O, ,NYON MONGS PAS NI MTSUNGS PAR LDAN PA DANG DMIGS PA LAS SPANG BAR BYA STE, 'DI LTAR GNYEN PO SKYES NA NYON MONGS PA MI SKYE ZHING MI SKYE BA'I CHOS CAN DU'ANG 'GYUR BAS MTSUNGS PAR LDAN PA DE LAS SPANGS PA YIN NO, ,MTSUNGS PAR LDAN PA LAS SPANGS NA DMIGS PAR BYED PAS DMIGS PA DE LAS KYANG SPANGS PA YIN NO, ,NYON MONGS PA NI CIG CAR SPONG BAR RIG PAR BYA'I RIM GYIS NI MA YIN NO, ,DE CI'I PHYIR ZHE NA, 'DI LTAR MNGON PAR RTOGS PA'I SHES PA BDEN PA MNGON PAR RTOGS PAS MTHONG BAS SPANG BAR BYA BA'I NYON MONGS PA RNAMS SPONG BAR 'GYUR LA, MNGON PAR RTOGS PA DE'ANG BDEN PA 'DREN PA LA DMIGS PA'I YID LA BYED PA DANG MTSUNGS PAR LDAN PA YIN PAS, DE'I PHYIR SEMS GSUM GYIS MTHONG BAS SPANG BAR BYA BA'I NYON MONGS PA SDUG BSNGAL LA SOGS PA LA LOG PAR ZHUGS PA THAMS CAD CIG CAR SPANG BAR 'GYUR BA'I PHYIR RO, ,BSGOM PAS SPANG BAR BYA BA RNAMS NI RIM GYIS SPANG BAR RIG PAR BYA STE, LAM @128A *, ,GOMS PAR SPANG BAR BYA BA YIN PA'I PHYIR RO, ,DANG PO NI 'DI LTA STE, KHYIM NA GNAS PAS MI DGE BA'I LAS KYI MTHA' RNAMS DANG SDIG PA CAN GYI LTA BA SPANG BAR BYA'O, ,DE'I 'OG TU RAB TU BYUNG BA LA MNGON PAR DGA' BA'I GAGS SU GYUR PA 'DOD PA'I RNAM PAR RTOG PA DANG GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA SPANG BAR BYA'O, ,DE'I 'OG TU SEMS MNYAM PAR GZHAG PA'I TING NGE 'DZIN GYI GAGS SU GYUR PA NYE DU'I RNAM PAR RTOG PA DANG YUL GYI RNAM PAR RTOG PA DANG MI 'CHI BA'I RNAM PAR RTOG PA SPANG BAR BYA'O, ,DE'I 'OG TU YID LA BYED PA LA THOB PA'I GAGS SU GYUR PA DBEN PA LA MNGON PAR MI DGA' BA'I PHYOGS DANG MTHUN PA'I LUS KYI GNAS NGAN LEN SPANG BAR BYA'O, ,DE'I 'OG TU MTHONG BAS SPANG BAR BYA BA'I NYON MONGS PA SPANG BAR BYA'O, ,DE'I 'OG TU BSGOM PAS SPONG BAR BYA BA'I NYON MONGS PA SPANG BAR BYA'O, ,DE'I 'OG TU SDUG BSNGAL DANG YID MI BDE BA DANG 'BREL PA'O, ,DE'I 'OG TU BDE BA DANG YID BDE BA DANG 'BREL PA'O, ,DE'I 'OG TU BTANG SNYOMS DANG 'BREL PA'O, ,DE'I 'OG TU SNYOMS PAR 'JUG PA LA SGRIB PA'I PHYOGS DANG MTHUN PA'I SGRIB PA SPANG BAR BYA'O, , DE'I 'OG TU DE DAG LAS GANG ZAG KHA CIG GIS NI SHES BYA'I SGRIB PA'I PHYOGS DANG MTHUN PA'I SGRIB PA SPANG BAR BYA STE, DE LTAR GO RIMS DES NYON MONGS PA SPANG BAR BYA'O, ,NYON MONGS PA SPONG BA LA RNAM PA NI MANG DU YOD PAR BLTA BAR BYA'O, ,DE YANG MDOR BSDU NA RNAM PA GNYIS TE, KUN NAS DKRIS PA SPONG BA DANG, BAG LA NYAL SPONG BA'O, ,DE LA KUN NAS DKRIS PA SPONG BA DANG 'DOD CHAGS SPONG BA DANG ZHE SDANG SPONG BA DANG THE TSOM GYI BAR DU SPONG BA DANG 'JIG TSOGS LA LTA BA SPONG BA DANG, LOG PAR LTA BA'I BAR DU SPONG BA DANG, SDUG BSNGAL MTHONG BAS SPANG BAR BYA BA SPONG BA DANG, BSGOM PAS SPANG BAR BYA BA'I BAR DU SPONG BA DANG, 'DOD PA DANG LDAN PA SPONG BA DANG, GZUGS MED PA DANG LDAN PA'I BAR DU SPONG BA DANG, RNAM PAR G-YENG BA SPONG BA DANG GZHAN 'DEBS PA'I SPONG BA DANG, RTZE 'JIL BAR BYED PA'I SPONG BA DANG, RNAM PAR GNON PA'I SPONG BA DANG, 'BRAL @128B BA'I SPONG BA'O, ,DE LA 'BRAL BA'I SPONG BA GANG YIN PA DE NI BGAL NYAL SPONG BA YIN PAR BLTA BAR BYA'O, ,DE LA NYON MONGS PA SPANGS PA NI KUN TU CHAGS PAR 'GYUR BA'I CHOS DMAN PA'ANG GYA NOM PA DANG PHRAD PA'AM LKOG NA 'DUG PA DAG LA SHAS CHER LTA ZHING DPYOD PAR BYED KYANG KUN TU CHAGS PAR MI 'GYUR RO, ,JI LTAR KUN TU CHAGS PAR 'GYUR BA'I CHOS RNAMS LA KUN TU CHAGS PAR MI 'GYUR BA DE BZHIN DU ZHE SDANG BAR 'GYUR BA'I CHOS RNAMS LA YANG ZHE SDANG BAR MI 'GYUR LA, KUN TU RMONGS PAR 'GYUR BA'I CHOS RNAMS LA YANG KUN TU RMONGS PAR MI 'GYUR RO, , DE BZHIN DU MIG GIS GZUGS RNAMS MTHONG NA YID BDE BAR YANG MI 'GYUR LA, YID MI BDE BAR YANG MI 'GYUR BAR DRAN PA DANG SHES BZHIN GYIS BTANG SNYOMS SU GNAS PAR 'GYUR RO, ,JI LTAR MIG GIS GZUGS RNAMS MTHONG BA BZHIN DU YID KYIS CHOS RNAMS MTHONG BA'I BAR DU YANG DE BZHIN NO, ,DE BZHIN DU RANG BZHIN GYIS 'DOD PA CHUNG BA YIN TE MCHOG TU YONGS SU GRUB PA'I 'DOD PA CHUNG BA NYID DANG LDAN PA YIN NO, ,JI LTAR 'DOD PA CHUNG BA BZHIN DU CHOG SHES PA DANG RAB TU DBEN PA DANG BRTZON 'GRUS BRTZAMS PA DANG, DRAN PA NYE BAR GNAS PA DANG MNYAM PAR GZHAG PA DANG, SHES RAB DANG LDAN PA'ANG DE BZHIN NO, ,RANG BZHIN GYIS SPROS PA MED PA LA DGA' BA YIN TE, SPROS PA LA SO SOR BRTAGS NAS SEMS 'JUG PAR BYED DE DE LTAR DE LTA BU DANG MTHUN PA DAG NI NYON MONGS PA SPANGS PA'I RTAGS RNAMS YIN PAR RIG PAR BYA'O; ,NYON MONGS PA SPANGS PA'I PHAN YON NI MANG DU YOD PAR RIG PAR BYA STE, 'DI LTA STE, SDUG BSNGAL DANG YID MI BDE BA LAS RNAM PAR 'DAS PA RJES SU THOB PA YIN, BDE BA DANG YID BDE BA LAS RNAM PAR 'DAS PA RJES SU THOB PA YIN GZUGS DANG THOGS PA DANG SNA TSOGS KYI 'DU SHES LAS RNAM PAR 'DAS PA RJES SU THOB PA YIN, NGAN SONG BA'I SDUG BSNGAL LAS YANG DAG PAR 'DAS PA RJES SU THOB PA YIN, SKYE BA LA SOGS PA'I SDUG BSNGAL LAS YANG DAG PAR 'DAS PA RJES SU THOB PA YIN, DBUGS PHYIN PA RJES THOB PA YIN MCHOG @129A *, ,TU DBUGS PHYIN PA RJES SU THOB PA YIN, BSIL BA'I DNGOS PO THOB PA YIN, MCHOG TU BSIL BA'I DNGOS PO RJES SU THOB PA YIN, TSE 'DI LA BDE BAR GNAS PA'I MCHOG THOB PA DANG RANG GI SEMS LA DBANG BSGYUR BA DANG JI LTAR 'DOD PA BZHIN DU RGYU ZHING GNAS PA DANG YANG PHYIR MI LDOG PA'I CHOS CAN DANG BDAG GI DON MTHA' DAG YONGS SU RDZOGS PA DANG BYA BA THAMS CAD LA CHED DU BRTZAL MI DGOS PA YIN NO, ,DE DAG LAS KHA CIG NI GZHAN LA PHAN PA DANG, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG LHA DANG MI RNAMS KYI DON DANG PHAN PA DANG BDE BA'I PHYIR ZHUGS PA YANG YIN TE DE LTAR DE LTA BU DANG MTHUN PA DAG NI NYON MONGS PA RNAMS SPANGS PA'I PHAN YON MANG PO DAG YIN PAR RIG PAR BYA'O, ,NYON MONGS PA RNAMS KYI DMIGS PA GANG ZHE NA, DE NI MDOR BSDU NA RNAM PA BCO LNGAR RIG PAR BYA STE, MTHA' DAG LA DMIGS PA NI 'DI LTA STE, 'JIG TSOGS LA LTA BAL SOGS PA'I 'O, ,PHYOGS GCIG LA DMIGS PA NI 'DI LTA STE, 'DOD CHAGS DANG KHONG KHRO BA DANG NGA RGYAL RNAMS KYI'O, ,GZHI DANG BCAS PA LA DMIGS PA NI 'DI LTA STE, GZHI DANG BCAS PA'I NYON MONGS PA RNAMS KYI'O, ,GZHI MED PA LA DMIGS PA NI 'DI LTA STE, GZHI MED PA LA DMIGS PA'I NYON MONGS PA RNAMS KYI'O, ,NANG LA DMIGS PA NI 'DI LTA STE MNYAM PAR GZHAG PA DANG MNYAM PAR GZHAG PA MA YIN PA'I SA PA'I NYON MONGS PA SKYA MCHED DRUG LA DMIGS PA RNAMS KYI'O, ,PHYI ROL LA DMIGS PA NI 'DI LTA STE 'DOD PA'I YON TAN LNGA LA DMIGS PA'I NYON MONGS PA RNAMS KYI'O, ,MNGON SUM LA DMIGS PA NI 'DI LTA STE DA LTAR LA DMIGS PA NYON MONGS PA RNAMS KYI'O, ,LKOG LA DMIGS PA NI 'DI LTA STE 'DAS PA DANG MA 'ONGS PA LA DMIGS PA'I NYON MONGS PA RNAMS KYI'O, ,RANG GI RIGS LA DMIGS PA NI 'DI LTA STE, RANG GI RIGS DANG MTHUN PA'I NYON MONGS PA LA DMIGS PA KHO NA'I NYON MONGS PA RNAMS KYI'O, ,DE LAS GZHAN PA'I RIGS LA DMIGS PA'I NYON MONGS PA NI 'DI LTA STE, GZHAN @129B GYI RIGS DANG MTHUN PA'I NYON MONGS PA LA DMIGS PA KHO NA'I NYON MONGS PA RNAMS KYI DANG, 'JIG TSOGS LA LTA BA LA SOGS PA NYON MONGS PA'I GZHI LA DMIGS PA'I NYON MONGS PA RNAMS KYI'O, ,'BYUNG BA LA DMIGS PA NI 'DI LTA STE, YANG 'BYUNG BA'I SRID PA LA DMIGS PA'I NYON MONGS PA RNAMS KYI'O, ,'JIG TSOGS LA DMIGS PA NI 'DI LTA STE, CHAD PA DANG 'JIG PA LA DMIGS PA'I NYON MONGS PA RNAMS KYI'O, ,RANG GI YUL LA DMIGS PA NI 'DI LTA STE, 'DOD PA'I KHAMS NI 'DOD PA NA SPYOD PA'I NYON MONGS PA RNAMS KYI'O, ,GZUGS GYI KHAMS DANG GZUGS MED PA'I KHAMS NI GZUGS DANG GZUGS MED PA NA SPYOD PA'I NYON MONGS PA RNAMS KYI'O, ,GZHAN GYI YUL LA DMIGS PA NI 'DI LTA STE, GZUGS KYI KHAMS NI 'DOD PA NA SPYOD PA'I NYON MONGS PA RNAMS KYI'O, ,GZUGS MED PA'I KHAMS NI GZUGS NA SPYOD PA'I NYON MONGS PA RNAMS KYI'O, ,DE BZHIN DU SA 'OG MA NI SA GONG MA'I NYON MONGS PA RNAMS KYI STE, 'DI LTAR SA GONG MAR SKYES PA RNAMS NI SA 'OG MA PA'I SEMS CAN RNAMS PAS BDAG NYID RTAG PA DANG BRTAN PA DANG BDE BA DANG, GTZANG BA DANG YON TAN KHYAD PAR DU 'PHAGS PA DANG LDAN NO SNYAM DU RLOM SEMS BYED PA'I PHYIR RO, ,YUL MA YIN PA LA DMIGS PA NI, 'DI LTA STE, YONGS SU BRTAGS NAS 'GOG PA DANG, LAM DANG, DES YONGS SU BRTAGS PA'I SANGS RGYAS KYI CHOS RGYA CHEN PO THAMS CAD LA DMIGS PA'I NYON MONGS PA RNAMS KYI 'O, ,NYON MONGS PA RNAMS KYI KUN TU 'BYUNG BA GANG ZHE NA, SMRAS PA, DE NI GANG ZAG RNAM PA NYI SHU'I NYON MONGS PA RNAM PA NYI SHU RKYEN RNAM PA NYI SHUS BLTA BAR BYA'O, ,GANG ZAG RNAM PA NYI SHU GANG ZHE NA, SMRAS PA, KHYIM PA DANG, RAB TU BYUNG BA DANG, NYES PAR BSHAD PA'I CHOS CAN DANG, LEGS PAR GSUNGS PA'I CHOS CAN DANG, NYON MONGS PA SHAS CHER SPYAD PA DANG, CHA MNYAM PAR SPYAD PA DANG, NYON MONGS PA CHUNG BA DANG, 'JIG RTEN PA'I 'DOD CHAGS DANG BRAL BA DANG, 'DOD CHAGS DANG MA BRAL BA DANG, GZHI MTHONG BA DANG, GZHI MA MTHONG BA @130A *, ,DANG; MNGON PAR ZHEN PA DANG, MNGON PAR MA ZHEN PA DANG, SPYOD PA PA DANG, GNYID LOG PA DANG, SAD PA DANG, GZHON NU DANG, DBANG PO YONGS SU SMIN PA DANG, YONGS SU MYA NGAN LAS 'DA' BA'I CHOS CAN DANG, YONGS SU MYA NGAN LAS MI 'DA' BA'I CHOS CAN NO, , NYON MONGS PA KUN TU 'BYUNG BA RNAM PA NYI SHU GANG ZHE NA, SMRAS PA, 'DOD CING KHAS BLANGS PA'I KUN NAS DKRIS PA KUN TU 'BYUNG BA DANG, 'DOD CING KHAS BLANGS PA MA YIN PA'I KUN NAS DKRIS PA KUN TU 'BYUNG BA DANG, SO SOR YANG DAG PAR MA RIG PA'I NYON MONGS PA KUN TU 'BYUNG BA DANG, SO SOR YANG DAG PAR RIG PA'I NYON MONGS PA KUN TU 'BYUNG BA DANG, NYON MONGS PA RAGS PA KUN TU 'BYUNG BA DANG, NYON MONGS PA MNYAM PA KUN TU 'BYUNG BA DANG, NYON MONGS PA CHA PHRA BA KUN TU 'BYUNG BA DANG, NYON MONGS PA NANG DU BLTAS PA KUN TU 'BYUNG BA DANG, NYON MONGS PA PHYIR BLTAS PA KUN TU 'BYUNG BA DANG, BRJED NGAS PA'I NYON MONGS PA KUN TU 'BYUNG BA DANG, ZIL GYIS GNON PA'I NYON MONGS PA KUN TU 'BYUNG BA DANG, KUN BRTAGS PA'I NYON MONGS PA KUN TU 'BYUNG BA DANG, RANG BZHIN GYI NYON MONGS PA KUN TU 'BYUNG BA DANG, YONGS SU TSOL BA'I NYON MONGS PA KUN TU 'BYUNG BA DANG, RANG DBANG MED PA'I NYON MONGS PA KUN TU 'BYUNG BA DANG, RANG DBANG CAN GYI NYON MONGS PA KUN TU 'BYUNG BA DANG, GZHI LA MI GNAS PA'I NYON MONGS PA KUN TU 'BYUNG BA DANG, GZHI LA GNAS PA'I NYON MONGS PA KUN TU 'BYUNG BA DANG, BSGRUB TU RUNG BA'I NYON MONGS PA KUN TU 'BYUNG BA DANG, BSGRUB TU MI RUNG BA'I NYON MONGS PA KUN TU 'BYUNG BA'O, ,KUN TU 'BYUNG BA'I RKYEN RNAM PA NYI SHU GANG ZHE NA, SMRAS PA, BDE BA'I RKYEN DANG, SDUG BSNGAL GYI RKYEN DANG, SDUG BSNGAL YANG MA YIN BDE BA YANG MA YIN PA'I RKYEN DANG, 'DUN PA'I RKYEN DANG, RNAM PAR RTOG PA'I RKYEN DANG, REG PA'I RKYEN DANG, BAG LA NYAL GYI RKYEN DANG, SNGON GOMS PA'I RKYEN DANG DANG DAM PA MA YIN PA DANG 'GROGS PA'I RKYEN DANG, DAM PA MA YIN PA'I CHOS THOS PA'I RKYEN DANG, TSUL BZHIN MA YIN PA YID LA BYED PA'I RKYEN DANG, MA DAD PA'I RKYEN DANG, LE LO'I RKYEN DANG, BRJED @130B NGAS PA'I RKYEN DANG, RNAM PAR G-YENG BA'I RKYEN DANG, SHES RAB 'CHAL PA'I RKYEN DANG, BAG MED PA'I RKYEN DANG, NYON MONGS PA'I RKYEN DANG, 'DOD CHAGS DANG MA BRAL BA NYID KYI RKYEN DANG, SO SO'I SKYE BO NYID KYI RKYEN GYIS NYON MONGS PA KUN TU 'BYUNG BAR 'GYUR RO, ,KHAMS GANG DANG GANG DU LUS GANG DANG GANG NYID MTSAMS SBYOR BAR BYED PA, CI KHAMS THAMS CAD KYI NYON MONGS PA THAMS CAD KYIS NYING MTSAMS SBYOR BAR BRJOD PAR BYA BA'AM 'ON TE MA TSANG BA DAG GIS SHE NA, SMRAS PA, THAMS CAD KYIS YIN GYI MA TSANG BA DAG GIS NI MA YIN NO, ,DE CI'I PHYIR ZHE NA, 'DI LTAR 'DOD CHAGS DANG MA BRAL BA NI RANG GI SKYE BA'I GNAS SU SKYE BAR 'GYUR GYI 'DOD CHAGS DANG BRAL BA NI MA YIN TE, 'DOD CHAGS DANG MA BRAL BA'I LUS NI GZHAN DU LUS GZHAN SKYE BA'I RGYUR GYUR PA GANG YIN PA'I NYON MONGS PA'I PHYOGS DANG MTHUN PA'I GNAS NGAN LEN THAMS CAD DANG RJES SU 'BREL PA'I PHYIR TE, RNAM GRANGS DES NA NYON MONGS PA THAMS CAD KYIS NYID MTSAMS SBYOR BAR RIG PAR BYA'O, ,GZHAN YANG SKYE BA NA LUS LA SRED PA YANG KUN NAS 'BYUNG LA BUD MED SKYES PA LA 'DOD CHAGS DANG, KHONG KHRO BA'ANG KUN TU 'BYUNG, CI BUD MED DAM SKYES PA 'DI DAG DANG LHAN CIG 'GROGS PAR 'GYUR RAM 'ON TE MI 'GYUR SNYAM DU THE TSOM YANG KUN TU 'BYUNG, NANG DANG PHYI ROL LA NGAR 'DZIN PA DANG, BA'I RA 'DZIN PA DANG, NGA'O SNYAM PA'I NGA RGYAL LA SOGS PA YANG KUN TU 'BYUNG BA'I PHYIR TE, RNAM GRANGS DES KYANG NYON MONGS PA THAMS CAD KYIS NYING MTSAMS SBYOR BAR RIG PAR BYA'O, ,GZHAN YANG NYING MTSAMS SBYOR BA NI, MDOR BSDU NA BDUN YOD DE, KUN NAS DKRIS PA DANG BAG LA NYAL GYIS NYING MTSAMS SBYOR BA NI 'DI LTA STE, SO SO'I SKYE BO RNAMS KYI'O, ,BAG LA NYAL GYIS NYING MTSAMS SBYOR BA NI 'DI LTA STE, GZHI MTHONG BA RNAMS KYI'O, ,SHES BZHIN DU 'JUG PAS NYING MTSAMS SBYOR BA NA 'DI LTA STE, 'KHOR LOS SGYUR BA RNAMS KYI'O, ,SHES BZHIN DU 'JUG CING GNAS PAS NYING MTSAMS SBYOR BA NI 'DI LTA STE RANG SANGS RGYAS RNAMS KYI'O, ,THAMS CAD DU BRJOD PA MED PAS NYING MTSAMS 35 @131A *, ,SBYOR BA NI 'DI LTA STE, BYANG CHUB SEMS DPA' RNAMS KYI'O, ,LAS MNGON PAR 'DU BYED PAS NYING MTSAMS SBYOR BA NI 'DI LTA STE, BYANG CHUB SEMS DPA'I NYING MTSAMS SBYOR BA MA GTOGS PA RNAMS KYI'O, ,YE SHES MNGON PAR 'DU BYED PAS NYING MTSAMS SBYOR BA NI 'DI LTA STE, BYANG CHUB SEMS DPA' RNAMS KYI'O, ,GNOD PA DANG LDAN PAS NYING MTSAMS SBYOR BA NI 'DI LTA STE, LAS MNGON PAR 'DU BYED PAS NYING MTSAMS SBYOR BA DE NYID DO, ,DON DANG LDAN PAS NYING MTSAMS SBYOR BA NI 'DI LTA STE, YE SHES MNGON PAR 'DU BYED PAS NYING MTSAMS SBYOR BA DE NYID DE DE DAG BSDUS NA NYING MTSAMS SBYOR BA BDUN NAM DGUR 'GYUR RO, ,GZHI DE DAG THAMS CAD LA TSIG GONG MA DANG SBYOR BA DANG TSIG 'OG MA DANG SBYOR BA RNAM PAR GTAN LA DBAB PA'I TSUL GYIS MU BZHIR BSHAD PA'I GZHUNG NI MI SNANG NGO, ,SDOM NI, LAS DANG MTSAN NYID GZHI DANG NI, ,BDE DANG MI DGE LA SOGS DANG, ,SPONG DANG DMIGS DANG KUN 'BYUNG DANG, ,NYING MTSAMS SBYOR BA THA MA YIN,, ,,BAM PO BCU BZHI PA, LAS KYI KUN NAS NYON MONGS PA'I RAB TU DBYE BA NI RNAM PA LNGAS RNAM PAR GZHAG STE, LAS KYI LAM GYI DNGOS KYIS BSDUS PA'I LUS KYI LAS DANG NGAG GI LAS DANG YID KYI LAS DANG DE DAG NYID KYI SBYOR BAS BSDUS PA'I LAS DANG MJUG GIS BSDUS PA'I LAS KYIS SO, ,DE LA MI DGE BA'I LAS KYI LAM JI SKAD BSTAN PA RNAMS NI LAS KYI LAM GYI DNGOS KYIS BSDUS PA'I MI DGE BA'I LUS KYI LAS DANG NGAG GI LAS DANG YID KYI LAS ZHES BYA'O, ,SROG GCOD PA LA SOGS PA MI DGE BA'I LAS KYI LAM DE DAG GI RANG GI MTSAN NYID RNAM PAR GZHAG PA GANG ZHE NA, NYON MONGS PA CAN GYI SEMS DANG DE'I BSAM PAS DE NYID LA LAS DE KUN TU SPYAD CING YONGS SU RDZOGS PA NI, SROG GCOD PA LA SOGS PA'I LAS KYI LAM DE DAG THAMS CAD KYI RANG GI MTSAN NYID BSDUS PA YIN PAR BLTA BAR BYA'O, ,DE LA NYON MONGS PA CAN GYI SEMS NI CHAGS SHING CHAGS PAS ZIL GYIS NON PA DANG SDANG ZHING SDANG BAS ZIL GYIS NON PA DANG RMONGS SHING RMONGS PAS ZIL GYIS NON PA'O, , @131B GAL TE NYON MONGS PA CAN GYI SEMS YOD KYANG DE'I BSAM PAS KUN TU MA SPYAD NA, YONGS SU RDZOGS PAR BYAS KYANG LAS KYI LAM DU GTOGS PA'I LAS DE YONGS SU RDZOGS PA MA YIN NO, ,GAL TE NYON MONGS PA CAN GYI SEMS KYANG YOD LA DE'I BSAM PA'ANG YOD MOD KYI SEMS PHYIN CI LOG GIS DNGOS PO GZHAN KHO NA ZHIG LA KUN TU SPYAD NA MTHAR THUG PAR GYUR DU ZIN KYANG DE LTAR NA LAS DE YONGS SU RDZOGS PA MA YIN NO, ,GAL TE NYON MONGS PA CAN GYI SEMS KYANG YOD LA DE'I BSAM PA'ANG YOD MOD KYI KUN TU MA SPYAD CING MTHAR THUG PAR MA GYUR NA, DE LTAR NA 'ANG LAS DE YONGS SU RDZOGS PA MA YIN NO, ,GAL TE NYON MONGS PA CAN GYI SEMS KYANG YOD, DE'I BSAM PA'ANG YOD LA DE NYID LA YANG KUN TU SPYAD MOD KYI MTHAR THUG PAR MA GYUR NA DE LTA NA'ANG LAS DE YONGS SU RDZOGS PA MA YIN PA'O, ,GAL TE NYON MONGS PA CAN GYI SEMS KYANG YOD, DE'I BSAM PA YANG YOD LA DE NYID LA 'ANG KUN TU SPYAD PA MTHAR THUG PAR YANG GYUR NA DE LTA NA DE'I MI DGE BA'I LAS KYI LAM DU GTOGS PA'I LAS DE YONGS SU RDZOGS PA YIN TE DE LTAR RANG GI MTSAN NYID BSTAN PA DES, MI DGE BA'I LAS KYI LAM THAMS CAD KYI RANG GI MTSAN NYID RJES SU RTOGS PAR BYA'O, ,LAS KYI LAM BCU PO DAG GI NGO BO NYID KYI RAB TU DBYE BA RGYAS PA NI RNAM PA LNGAS RNAM PAR GZHAG PAR BLTA BAR BYA STE, RNAM PA LNGA GANG ZHE NA, 'DI LTA STE, GZHI DANG 'DU SHES DANG, BSAM PA DANG, NYON MONGS PA DANG MTHA'O, ,DE LA GZHI NI LAS KYI LAM SO SO DAG LA SO SOR NGES PAR BLTA BAR BYA STE, DE LA BRTEN NAS SEMS CAN DU BGRANG BA'AM SEMS CAN DU BGRANG BA MA YIN PA'I GZHI DES MI DGE BA BCU'I LAS KYI LAM RNAMS CI RIGS PAR 'BYUNG NGO, ,'DU SHES NI RNAM PA BZHIR BLTA BAR BYA STE, DE LA DER 'DU SHES PA DANG, DE MA YIN PA LA DER 'DU SHES PA DANG, DE LA DE MA YIN PAR 'DU SHES PA DANG, DE MA YIN LA DE MA YIN PAR 'DU SHES PA'O, ,DE LA BSAM PA ZHES BYA BA NI 'DU SHES PHYIN CI LOG GAM 'DU SHES PHYIN CI MA LOG PA BYED 'DOD PA NYID GANG YIN PA'O, ,DE LA NYON MONGS PA NI 'DI DAG @132A *, ,YIN TE 'DI LTA STE, CHAGS PA'AM ZHE SDANG NGAM GTI MUG GAM, CHAGS PA DANG ZHE SDANG NGAM CHAGS PA DANG GTI MUG GAM ZHE SDANG DANG GTI MUG GAM CHAGS PA DANG ZHE SDANG DANG GTI MUG THAMS CAD DO, ,DE LA MTHA' NI 'DI YIN TE 'DI LTA STE, MNGON PAR 'DOD PA'I LAS DE NYID KYI DE DANG 'BREL PA'I SBYOR BAS DUS DE NYID KYI TSE'AM DUS DE'I 'OG TU YONGS SU RDZOGS PAR GYUR PA STE, DE LTAR NA RNAM PA LNGA PO DE DAG GIS SROG GCOD PA LA SOGS PA LOG PAR LTA BA'I MTHAR THUG PA'I BAR GYI LAS KYI LAM BCU PO DE DAG THAMS CAD KYI NGO BO NYID RNAM PAR GZHAG PA RGYA CHER YONGS SU RDZOGS PAR CI RIGS PAR RIG PAR BYA'O, ,SROG GCOD PA'I GZHI NI SROG DANG LDAN PA'I SEMS CAN NO, ,GAL TE GSOD PAR BYED PA DE SROG CHAGS DE LA SROG CHAGS YIN PA'I 'DU SHES KYANG YOD LA, SROG CHAGS GANG GSAD PAR 'DOD PA LA DER 'DU SHES PA'ANG YOD PA DE NI DE LA DE'I 'DU SHES PHYIN CI MA LOG PA ZHES BYA'O, ,DE 'DU SHES DE LA BRTEN TE 'DI GSAD PAR BYA'O SNYAM DU SEMS MNGON PAR 'DU BYED PA DE NI DE'I GSOD PA'I BSAM PA YIN NO, ,DE LA CHAGS PAS ZIL GYIS NON TAM ZHE SDANG GIS ZIL GYIS NON TAM GTI MUG GIS ZIL GYIS NON TAM, DE DAG LAS GNYIS KYIS ZIL GYIS NON TAM, THAMS CAD KYIS ZIL GYIS NON NAS DE LTAR SEMS MNGON PAR 'DU BYED PA DE NI DE'I NYON MONGS PA YIN NO, ,DE BSAM PA DE DANG DE LTAR NYON MONGS PA CAN GYI SEMS KYIS RANG NGAM GZHAN DAG GIS GSAD PA'I SBYOR BA RTZOM ZHING MTSON GYIS 'DEBS PAR BYED LA, GAL TE BTAB MA THAG KHO NAR SBYOR BA DES SHI BAR GYUR NA DUS DE NYID KYI TSE DE'I LAS KYI LAM YONGS SU RDZOGS PAS MTHAR THUG PA YIN PAR BLTA BAR BYA'O, ,GAL TE DUS DE NYID KYI TSE MA SHI BAR SBYOR BA DES DUS GZHAN GYI TSE NA SHI BAR GYUR NA'ANG DUS GANG GI TSE NA SHI BAR GYUR PA DE'I TSE NA MTHAR THUG PAR RIG PAR BYA'O, ,JI LTAR RNAM PA LNGA PO DE DAG GIS LAS KYI LAM RE RE BSTAN PA'I GZHUNG NI MI SNANG NGO, ,MA BYIN PAR LEN PA'I GZHI NI GZHAN GYIS YONGS SU BZUNG BA'O, ,'DU SHES NI DE LA DER 'DU SHES PA'O, ,BSAM PA NI 'PHROG @132B PAR 'DOD PA NYID DO, ,NYON MONGS PA NI GSUM PO GANG YANG RUNG BA'O, ,MTHA' NI GNAS GZHAN DU SPOS PA'O, ,'DOD PA LA LOG PAR G-YEM PA'I GZHI NI 'JUG PAR BYA BA MA YIN PA'I BUD MED DANG 'JUG PAR BYA BA YIN NA'ANG, YAN LAG MA YIN PA DANG GNAS MA YIN PA DANG, DUS MA YIN PA DAG TU TSOD MA YIN PA DANG MI RIGS PAR BYED PA DANG, SKYES PA THAMS CAD DANG MA NING NGO, ,'DU SHES NI DE LA DER 'DU SHES PA'O, ,BSAM PA NI 'GRO 'DOD PA'O, ,NYON MONGS PA NI GSUM PO GANG YANG RUNG BA'O, ,MTHA' NI GNYIS KYIS GNYIS SPRAD PA'O, , BRDZUN DU SMRA BA'I GZHI NI MTHONG BA DANG THOS PA DANG BYE BRAG PHYED PA DANG, RNAM PAR SHES PA DANG, MA MTHONG BA DANG, MA THOS PA DANG, BYE BRAG MA PHYED PA DANG, RNAM PAR MA SHES PA'O, ,'DU SHES NI MTHONG BA LA SOGS PA LA BZLOG PAR 'DU SHES PA'O, ,BSAM PA NI 'DU SHES BSGYUR TE SMRA BAR 'DOD PA NYID DO, ,NYON MONGS PA NI CHAGS PA DANG, ZHE SDANG DANG, GTI MUG GANG YANG RUNG BA'O, ,MTHA' NI 'KHOR DANG PHAS 'DRI BA LA GO BAR BYAS PA'O, ,PHRA MA'I GZHI NI SEMS CAN MTHUN PA DANG MI MTHUN PA RNAMS SO, ,'DU SHES NI GNYI GA LA MTHUN PA DANG, MI MTHUN PA GANG YANG RUNG BAR 'DU SHES PA'O, ,BSAM PA NI DBYE BA DANG, MI 'DUM PAR 'DOD PA NYID DO, ,NYON MONGS PA NI GSUM PO GANG YANG RUNG BA'O, ,MTHA' NI DBYE BAR BYA BAS RNAM PAR RIG PA'O, ,NGAG RTZUB PO'I GZHI NI KUN NAS MNAR SEMS KYI RGYUR GYUR PA'I SEMS CAN RNAMS SO, , 'DU SHES NI DE DAG LA DER 'DU SHES PA'O, ,BSAM PA NI NGAG RTZUB POR SMRA BAR 'DOD PA NYID DO, ,NYON MONGS PA NI GSUM PO GANG YANG RUNG BA'O, ,MTHA' NI DE LA NGAG RTZUB POS SMRAS PA'O, ,TSIG KYAL BA'I GZHI NI DON MED PA DANG LDAN PA'I DON TO, ,'DU SHES NI DE LA DER 'DU SHES PA'O, , BSAM PA NI SMRA BAR 'DOD PA NYID DO, ,NYON MONGS PA NI GSUM PO GANG YANG RUNG BA'O, ,MTHA' NI SMRAS PA'O, ,BRNAB SEMS KYI GZHI NI GZHAN GYI NOR DANG YO BYAD DO, ,'DU SHES NI DE LA DER 'DU SHES PA'O, ,BSAM PA NI DE LTAR 'DOD PA'O, ,NYON MONGS PA NI GSUM PO GANG YANG RUNG BA'O, , @133A *, ,MTHA' NI DE LA BDAG GIR BYA BAR NGES PA'O, ,GNOD SEMS KYI GZHI DANG 'DU SHES NI NGAG RTZUB PO'I JI LTA BA BZHIN NO, ,BSAM PA NI BSNUN PA LA SOGS PAR 'DOD PA NYID DO, ,NYON MONGS PA NI GSUM PO GANG YANG RUNG BA'O, ,MTHA' NI BSNUN PA LA SOGS PAR NGES PA'O, ,LOG PAR LTA BA'I GZHI NI YOD PA'I DON TO, ,'DU SHES NI BDEN PA YIN PAR 'DU SHES PA'O, ,BSAM PA NI DE LTAR 'DOD PA'O, ,NYON MONGS PA NI GSUM PO GANG YANG RUNG BA'O, ,MTHA' NI SKUR PA GDAB PAR NGES PA'O, ,DE LA SROG GCOD PA NI RNAM PA GSUM STE, KHA NA MA THO BA DANG BCAS PA RGYAS PA LAS BYUNG BA DANG, KHA NA MA THO BA DANG BCAS PA RGYAS PA MA YIN PA LAS BYUNG BA DANG, KHA NA MA THO BA MED PA'O, ,KHA NA MA THO BA BSKYED PA'I RGYU NI GSUM STE, NYON MONGS PA BSKYED PA DANG, SDUG BSNGAL BSKYED PA DANG, 'DOD PA YONGS SU RDZOGS PA'O, ,DE LA DANG PO LA NI RGYU GSUM CHAR YOD PAR BLTA BAR BYA'O, ,GNYIS PA LA NI GNYIS TE, 'DOD PA YONGS SU RDZOGS PA MED DO, ,GSUM PA LA NI GCIG STE, SDUG BSNGAL BSKYED PA KHO NA'O, ,DE LA BRNAB SEMS DANG, GNOD SEMS DANG, LOG PAR LTA BA RNAMS KYI NGO BO NYID KYI MTSAN NYID YONGS SU RDZOGS PA NI RNAM PA LNGA LNGAS RNAM PAR GZHAG PAR BLTA BAR BYA STE, LNGA GANG ZHE NA, 'DI LTA STE, RANG GI LONGS SPYOD DAG LA LHAG PAR CHAGS PA'I SEMS DANG LDAN PA DANG, 'DI LTA STE, LONGS SPYOD SOGS PAR 'DOD PAS BRKAM CHAGS KYI SEMS DANG LDAN PA DANG, 'DI LTA STE, GZHAN GYI NOR DANG YO BYAD LA SOGS PA LA BZANG BA LAS YONGS SU RTOG CING RO MYONG BAR BYED PAS CHUMS PA'I SEMS DANG LDAN PA DANG, 'DI LTA STE, GZHAN DAG GI GANG YIN PA BDAG GIR GYUR CIG SNYAM DU SEMS MNGON PAR 'DU BYED PAS 'KHU BA'I SEMS DANG LDAN PA DANG, 'DI LTA STE, BRNAB SEMS KYIS KUN NAS DKRIS PA DES NGO TSA BA MED PA DANG NYES DMIGS LAS NGES PAR 'BYUNG BA MI SHES PAS ZIL GYIS NON PA'I SEMS DANG LDAN PA YIN TE, DE LA GAL TE RANG GI LONGS SPYOD DAG LA LHAG PAR CHAGS PA'I SEMS DANG LDAN PA YANG, DE LAS GZHAN @133B PA'I SEMS DAG MI SNANG NA, DE'I YID KYIS NYES PAR SPYOD PA BRNAB SEMS KYI MTSAN NYID YONGS SU RDZOGS PA MA YIN PAR BLTA BAR BYA'O, ,DE BZHIN DU LHAG PAR CHAGS PA'I SEMS DANG LDAN LA, BRKAM CHAGS KYI SEMS DANG YANG LDAN MOD KYI, DE LAS GZHAN PA'I SEMS DAG MI SNANG NA, BRNAB SEMS KYI MTSAN NYID YONGS SU RDZOGS PA MA YIN NO, ,DE BZHIN DU RGYA CHER JI SKAD BSTAN PA'I RNAM PA DAG LAS RNAM PA GANG YANG RUNG BA ZHIG MA TSANG NA BRNAB SEMS KYI MTSAN NYID YONGS SU RDZOGS PA MA YIN PAR BLTA BAR BYA'O, ,YAN LAG THAMS CAD KYIS YONGS SU ZIN NA NI BRNAB SEMS KYI MTSAN NYID YONGS SU RDZOGS PA YIN NO, ,DE LA GNOD SEMS KYI RANG GI MTSAN NYID YONGS SU RDZOGS PA YANG RNAM PA LNGA KHO NAS RNAM PAR GZHAG PAR BLTA BAR BYA STE, LNGA GANG ZHE NA, GNOD PAR BYED PA'I RGYU LA DE DANG MTHUN PA'I CHOS MTSAN MAR 'DZIN PAS ZHE SDANG GI SEMS DANG LDAN PA DANG, GNOD PA BYED PA MI BZOD PAS MI BZOD PA'I SEMS DANG LDAN PA DANG, YANG DANG YANG DU TSUL BZHIN MA YIN PA YID LA BYED PA RJES SU DRAN PAS KHON DU 'DZIN PA'I SEMS DANG LDAN PA DANG, KYE MA SEMS CAN 'DI DAG BRDEGS SAM BSAD NA CI MA RUNG SNYAM DU RGYA CHER SEMS MNGON PAR 'DU BYED PAS 'KHU BA'I SEMS DANG LDAN PA DANG, SNGA MA LTA BU ZIL GYIS NON PA'I SEMS DANG LDAN PA YIN TE, RNAM PA LNGA PO DE DAG LAS GANG YANG RUNG BA ZHIG MA TSANG NA GNOD SEMS KYI MTSAN NYID YONGS SU RDZOGS PA MA YIN LA, TSANG PAS NI YONGS SU RDZOGS PA YIN PAR BLTA BAR BYA'O, ,DE LA LOG PAR LTA BA'I MTSAN NYID YONGS SU RDZOGS PA YANG RNAM PA LNGA KHO NAS RNAM PAR GZHAG PAR BLTA BAR BYA STE, LNGA GANG ZHE NA, SHES BYA YANG DAG PA JI LTA BA BZHIN DU YONGS SU MI SHES PAS RMONGS PA'I SEMS DANG LDAN PA DANG, SDIG PA'I BYA BA LA DGA' BAS DRAG SHUL GYI SEMS DANG LDAN PA DANG, TSUL BZHIN MA YIN PA'I CHOS LA RNAM PAR RTOG CING NGES PAR RTOG BAS LOG PA'I RGYUN DU ZHUGS PA'I SEMS DANG LDAN PA DANG, SBYIN PA DANG, MCHOD SBYIN DANG SBYIN SREG DANG, LEGS PAR SPYAD PA LA SOGS PA MED @134A *, ,DO ZHES SKUR PA 'DEBS PAS RAB TU DBYE BA RAB TU NYAMS PA'I SEMS DANG LDAN PA DANG, LOG PAR LTA BA'I KUN NAS DKRIS PA DES NGO TSA BA MED PA DANG, NYES DMIGS LA NGES PAR 'BYUNG BA MI SHES PAS ZIL GYIS NON PA'I SEMS DANG LDAN PA YIN TE, RNAM PA LNGA PO DE DAG LAS KYANG GANG YANG RUNG BA ZHIG MA TSANG NA LOG PAR LTA BA'I MTSAN NYID YONGS SU RDZOGS PA MA YIN LA, TSANG BAS NI YONGS SU RDZOGS PA YIN PAR BLTA BAR BYA'O, ,DE LA LAG PAS SROG CHAGS GSOD NA YANG BSAD PA YIN PAR BRJOD PAR BYA'O, ,BONG BA'AM DBYIG PA'AM MTSON CHA 'AM BCING PA'AM, GO RAR GZHUG PA 'AM, ZAS GCAD PA'AM, GZHU BA'AM GNOD PAR BYAS PA'AM, BRDEG PA'AM, THA NA GSANG SNGAGS SAM, SMAN RNAMS SAM, GSHED BYED DAM BYED DAM, RO LANGS DANG RO LANGS BYED LA SOGS PAS GSOD NA YANG BSAD PA YIN PAR BRJOD PAR BYA'O, ,ZANG ZING LA SOGS PA 'DOD PAS GSOD NA YANG BSAD PA YIN PAR BRJOD PAR BYA'O, ,GNOD PA BYED DU DOGS PA'AM, SHA GLAN PAR 'DOD PA'AM, CHOS 'DOD PA'AM, THA NA DGA' BA DANG, RTZED MO'I PHYIR GSOD NA YANG BSAD PA YIN PAR BRJOD PAR BYA'O, ,RANG GIS GSOD DAM, GZHAN DAG GSOD DU BCUG KYANG RUNG, BSAD NA SROG GCOD PA BYAS PA YIN PAR BRJOD PAR BYA'O, ,DA LA NGO MTHON DU GZHAN GYI NOR PHROGS NA YANG MA BYIN PAR BLANGS PA YIN PAR BRJOD PAR BYA'O, ,'JAB BUS RKU BA'AM, KHYIM PHUG GAM, MDUD PA BKROL LAM, LAM BGAG STE RIL GYIS 'PHROG GAM, BU LON LA DOR BYED DAM, GTAMS PA LA DOR BYED DAM, G-YO DANG SGYUS BRID DE 'PHROG GAM, 'JIGS PA BSTAN TAM, GZHAN GYI G-YO THABS KYIS SAM, DBANG DU BYAS NAS RANG GIS 'PHROG GAM, GZHAN DAG 'PHROG TU BCUG NA YANG, MA BYIN PAR BLANGS PA YIN PAR BRJOD PAR BYA'O, ,BDAG GI DON DU 'PHROG GAM GZHAN GYI DON DU 'PHROG GAM, 'JIGS PAS 'PHROG GAM, GSAD PA'I DON NAM, BCING BA'I DON NAM, GNOD PAR BYA BA'I DON NAM, LONGS SPYOD @134B KYI DON NAM, BSNYEN BKUR GYI DON NAM, PHRAG DOG GI RANG BZHIN NAM, ZHE SDANG GIS 'PHROG NA YANG THAMS CAD MA BYIN PAR BLANGS PA YIN PAR BRJOD PAR BYA'O, ,DE LA 'JUG PAR BYA BA MA YIN PAR 'JUG NA 'DOD PA LA LOG PAR G-YEM PA YIN PAR BRJOD PAR BYA'O, ,YAN LAG MA YIN PAR 'JUG PA DANG, DUS MA YIN PAR 'JUG PA DANG, GNAS MA YIN PAR 'JUG PA NA YANG 'DOD PA LA LOG PAR G-YEM PA YIN PAR BRJOD PAR BYA'O, ,DE LAM LA SOGS PA DANG, MAS BSRUNGS PA LA SOGS PA MDO LAS JI SKAD GSUNGS PA RNAMS NI 'JUG PAR BYA BA MA YIN PA ZHES BYA'O, ,SKYES PA THAMS CAD DE RANG GI DANG, GZHAN GYI YANG 'JUG PAR BYA BA MA YIN PA ZHES BYA'O, ,DE LA MNGAL GYI SGO MA GTOGS PA DE LAS GZHAN PA'I YAN LAG RNAMS NI YAN LAG MA YIN PA ZHES BYA'O, ,ZLA MTSAN 'DZAG PA DANG, ZLA BA TSANG BA DANG, NU ZHO 'DZAG PA DANG, GSO SBYONG LA GNAS PA DANG, NAD JI LTA BUS THEBS NA 'KHRIG PA SPYAD DU MI RUNG BA'I NAD KYIS THEBS PA DANG, DE'I TSOD LAS LHAG PA NI DUS MA YIN PA ZHES BYA'O, ,DE LA TSOD NI 'DI YIN TE LAN LNGA'I BAR DU BYED PA NI TSOD YIN NO, ,DE LAS LHAG PA'I TSOD NI MA YIN NO,, DE LA BLA MA LTA BU RNAMS KYI NYE 'KHOR DANG, MCHOD RTEN GYI GNAS RNAMS DANG, SKYE BO MANG PO'I MNGON SUM DANG, GANG DU DE LA GNOD PAR 'GYUR BA'I SA PHYOGS 'BAR 'BUR CAN NAM, SRA BA'AM, DE LTA BU DANG MTHUN PA'I GNAS DAG NI GNAS MA YIN PA ZHES BYA'O, ,DE LA RANG 'GRO NA YANG 'DOD PA LA LOG PAR G-YEM PA YIN PAR BRJOD PAR BYA'O, ,GZHAN DAG LA SMYAN BYED DU 'CHOL NA YANG 'DOD PA LA LOG PAR G-YEM PA YIN PAR BRJOD PAR BYA'O, ,NGO MTHON DU 'GRO BA'AM, 'JAB BUR 'GRO 'AM, G-YO DANG SGYUS BRID DE 'GRO'AM, YID BRTAN TE 'GRO NA YANG 'DOD PA LA LOG PAR G-YEM PA YIN PAR BRJOD PAR BYA'O, ,DE LA BDAG NYID KYI PHYIR BRDZUN SMRAN YANG BRDZUN DU SMRA BA YIN PAR BRJOD PAR BYA'O, ,GZHAN GYI PHYIR RAM 'JIGS PA'I PHYIR RAM, ZANG ZING CUNG ZAD TZAM GYI PHYIR MA MTHONG BAR MTHONG NGO ZHES SMRA'AM, MA THOS PA DANG, @135A *, ,BYE BRAG MA PHYED PA DANG, RNAM PAR MA SHES PAR RNAM PAR SHES SO ZHES SMRA'AM, MTHONG BA LA MA MTHONG NGO ZHES SMRA'AM, THOS PA DANG BYE BRAG PHYED PA DANG, RNAM PAR SHES PA LA RNAM PAR MI SHES SO ZHES SMRAS NA YANG BRDZUN DU SMRA BA YIN PAR BRJOD PAR BYA'O, ,YI GE'I ZUR GYIS BSGYUR CING SMRA'AM, CANG MI SMRA BAS DE'I DON DANG DU LEN TAM, LUS BSGYUR BA'I MTSAN MAS STON PAR BYED DAM, MNGON SUM NYID DU SMRA'AM, GZHAN DAG SMRAR BCUG NA YANG BRDZUN DU SMRA BA YIN PAR BRJOD PAR BYA'O, ,DBYE BA'I PHYIR GZHAN LA MI BSNGAGS PA BRJOD BA'I TSIG BDEN PA RJOD PAR BYED NA PHRA MA YIN PAR BRJOD PAR BYA'O, ,MI BDEN PAS SNYAN TSIG GI SBYOR BA LA BRTEN TE GZHAN DAG LA GNOD BA BYA'I PHYIR SGROGS SAM, NYE BAR SBYIN PA LA BRTEN TAM, BSNYEN BKUR LA BRTEN TAM, BDAG GI DON GYI PHYIR RAM, GZHAN DAG GI DON GYI PHYIR RAM, GZHAN GYI LCE RTEN GYIS DBYEN GYI YON TAN BSTAN TAM, THA NA 'JIGS PA BSTAN TE, DBYE BA'I PHYIR RANG NGAM, GZHAN DAG TSIG TU BRJOD DU BCUG NA YANG PHRA MA YIN PAR BRJOD PAR BYA'O, ,MNGON SUM DU TSIG RTZUB PO RJOD PAR BYED NA NGAG RTZUB PO YIN PAR BRJOD PAR BYA'O, ,LKOG GAM SKYE BO MANG PO'I MNGON SUM MAM, DBEN PAR BDEN PA'I SKYON GYI RJES SU 'BRANG BA'AM, MI BDEN PA'I SKYON GYI RJES SU 'BRANG BA YI GE'I ZUR GYIS BSGYUR BAS SAM, RNAR BSHUBS PAS SAM, BDAG NYID KYI LCE RTEN GYIS SAM, GZHAN GYI LCE RTEN GYIS RGOD PA'AM, MA ZHI BA'AM, RIGS KYI SKYON LA BRTEN TAM, LUS KYI SKYON LA BRTEN TAM, BYA BA'AM TSUL KHRIMS SAM, KUN TU SPYOD PA'I SKYON LA BRTEN TE, RANG DAM GZHAN DAG TSIG RTZUB PO BRJOD DU BCUG NA YANG DAG RTZUB PO YIN PAR BRJOD PAR BYA'O, ,BRO GAR LA BRTEN PA'I GLU LEN NA TSIG KYAL PA YIN PAR BRJOD PAR BYA'O, ,SIL SNYAN LA BRTEN PA'AM, DE GNYI GA LA BRTEN PA'AM, DE GNYI GA LA MA BRTEN PA'I GLU LEN TAM, 'DI LAS PHYI ROL PA'I BSTAN BCOS DON DANG MI LDAN PA DE DAG LA DGA' BA'I BLOS LUNG 'BOGS SAM, KUN CHUB PAR BYED DAM, RGYAS PAR DBYANGS KYIS KHA TON BYED DAM, GZHAN @135B DAG LA RGYA CHER YANG DAG PAR STON NA YANG TSIG KYAL PA YIN PAR BRJOD PAR BYA'O, 'THAB MO DANG, MTSANG 'DRU BA DANG, RTZOD PA DANG, 'GYED PA LA BRTEN TE TSIG RJOD PAR BYED DAM, 'DU 'DZI'I GTAM LA DGA' ZHING RGYAL PO'I GTAM ZER RAM, RKUN PO'I GTAM ZER RAM, RGYAS PAR YUL GYI GTAM MAM, BLON PO CHEN PO'I GTAM GYI BAR RAM, BRDZUN GYI TSIG SMRA 'AM, PHRA MA'I TSIG SMRA'AM, NGAG RTZUB PO SMRA'AM, THA NA RNAM PAR MA BRTAGS PA'AM, KUN TU MA BRTAGS PA'I TSIG DON MED PA BRJOD NA YANG TSIG KYAL PA YIN PAR BRJOD PAR BYA'O, ,TSIG KYAL PA NI GZHI BDUN DANG LDAN PA YIN TE, 'THAB MO DANG, MTSANG 'DRU BA DANG, RTZOD PA DANG, 'GYED PA DANG, BRAM ZE'I GSANG SNGAGS RNAMS DANG, NYAM THAG CING SMRA BA DANG, BGAD PA DANG, RTZES PA DANG, DGA' BAR BYAS PA DANG, DGA' DGUR SPYAD PA SMRA BA DANG, 'DU 'DZI'I GTAM SMRA BA DANG, RA RO BA DANG, SMYOS PA LTA BUR SMRA BA DANG, LOG PA'I 'TSO BAS SMRA BA'O, ,KHYIM GYI RJE DPON LA 'DOD PA'I RNAM PA SKYED PAR BYED PA DANG, KYE MA KHYIM GYI RJE DPON GANG YIN PA DE BDAG GI BRAN G-YOG TU GYUR CING CI 'DOD PA BZHIN DU BYAR RUNG BAR GYUR NA CI MA RUNG SNYAM PA NI BRNAB SEMS YIN PAR BRJOD PAR BYA'O, ,KHYIM GYI RJE DPON LA DE NYID KYI PHA MA'AM, BU'AM, CHUNG MA'AM, BRAN NAM, BRAN MO'AM, LAS BYED PA'AM, ZHO SHAS 'TSO BA'AM RGYAS PAR YONGS SU BZUNG BA'I DNGOS PO BDUN NAM, ZAS LA SOGS PA LUS KYI YO BYED BCU PO DAG LA YANG DE BZHIN DU RIG PAR BYA'O, ,KYE MA BDAG LA GZHAN DAG 'DOD PA CHUNG BA YIN PAR YID CHES PAR BYA'O SNYAM DU 'DOD PA'I RNAM PA SKYED PAR BYED NA YANG BRNAB SEMS YIN PAR BRJOD PAR BYA'O, ,'DOD PA CHUNG BA JI LTA BA BZHIN DU CHOG SHES PA DANG, RAB TU DBEN PA DANG, BRTZON 'GRUS BRTZAMS PA DANG, DRAN PA NYE BAR GNAS PA DANG, MNYAM PAR GZHAG PA DANG, SHES RAB CAN DANG, ZAG PA ZAD PA DANG, MANG DU THOS PA DANG, GTONG BA'I NGANG TSUL CAN YANG DE BZHIN NO, ,KYE MA BDAG PHA ROL RGYAL PO NAS, RGYAS PAR DED DPON DANG, DGE @136A *, ,SLONG DANG, DGE SLONG MA DANG, DGE BSNYEN DANG, DGE BSNYEN MA'I BAR DAG GIS BSNYEN BKUR BYA BA DANG, BSTI STANG DU BYA BA DANG, BLA MAR BYA BA DANG, RI MOR BYA BA DANG, MCHOD PAR BYA BAR 'GYUR BA DANG, KYE MA BDAG GIS ZAS DANG GOS DANG, MAL CHA DANG, STAN DANG, NAD KYI GSO SMAN DANG, YO BYAD THOB PAR GYUR KYANG CI MA RUNG SNYAM DU 'DOD PA'I RNAM PA SKYED PAR BYED NA YANG BRNAB SEMS YIN PAR BRJOD PAR BYA'O, ,KYE MA BDAG NYID PHYI MA LA LHA'I 'JIG RTEN DU SKYE ZHING LHA'I 'DOD PA'I YON TAN LNGAS BRTZON PAR GYUR CIG SNYAM PA DANG; KYE MA BDAG PHYI MA LA DRAG PO'I 'JIG RTEN DANG, KHYAB 'JUG GI 'JIG RTEN DANG, MI SKAL BA CAN RNAMS DANG SKAL BA MNYAM PAR SKYE BAR GYUR CIG CES BYA BA NAS RGYAS PAR GZHAN 'PHRUL DBANG BYED KYI LHA RNAMS DANG SKAL BA MNYAM PA'I BAR SKYE BAR GYUR CIG SNYAM DU 'DOD PA'I RNAM PA, SKYED PAR BYED NA YANG BRNAB SEMS YIN PAR BRJOD PAR BYA'O, ,THA NA PHA MA DANG BU DANG CHUNG MA DANG BRAN DANG BRAN MO DANG, LAS BYED PA DANG, ZHO SHAS 'TSO BA DANG, MDZA' BSHES DANG, GROS GROGS DANG, NYE DU DANG, RGAN RABS DANG TSANGS PA MTSUNGS PAR SPYOD PA RNAMS KYI YO BYAD LA 'DOD PA'I RNAM PA SKYED PAR BYED NA YANG BRNAB SEMS YIN PAR BRJOD PAR BYA'O, ,'DI NI BDAG LA GNOD PA BYA BAR 'DOD PA YIN NO SNYAM NAS, DE LA GNOD PAR BYA BA'I PHYIR SEMS PAR BYED NA GNOD SEMS YIN PAR BRJOD PAR BYA'O, ,BDAG LA GNOD PA BYAS SO BYED DO BYED PAR 'GYUR RO SNYAM NAS, DE LA GNOD PAR BYA BA'I PHYIR SEMS PAR BYED NA YANG GNOD SEMS YIN PAR BRJOD PAR BYA'O, ,RGYAS PAR KUN NAS MNAR SEMS KYI DNGOS PO DGU LA YANG DE BZHIN DU RIG PAR BYA'O, ,KYE MA BDAG GI GSHED MA RNAMS DANG, DGRA BO RNAMS DANG, PHAS KYI DGRA RNAMS DBANG DU 'GYUR ZHING BDAG GIS DE DAG BSAD PA DANG, BCING BA DANG, SPYUGS PA DANG, LCAG DAG GIS GZHU BA DANG, DE LONGS SPYOD RNAMS DANG DBRAL BA DANG, BU SMAD RNAMS DANG, RTZA 'JING DANG, 'KHOR DANG KHYIM DANG DBARL BAR BYA'O SNYAM DU KUN NAS MNAR SEMS KYI SEMS SKYED PAR @136B BYED NA YANG GNOD SEMS YIN PAR BRJOD PAR BYA'O, ,GZHAN DAG LA BDAG GI GSHED MA RNAMS DANG, DGRA BO RNAMS DANG, PHAS KYI DGRA RNAMS LA JI SKAD BRJOD PA'I GNOD PA BYA BAR 'TSOL BA'I KUN NAS MNAR SEMS KYI SEMS SKYED PAR BYED NA YANG GNOD SEMS YIN PAR BRJOD PAR BYA'O, ,RANG NYID DE LTA DE LTAR LUS DANG NGAG DANG YID KYIS SGRUB CING DES DE DAG GI LONGS SPYOD RNAMS DANG, RTZA 'JING DANG, 'KHOR DANG, GRAGS PA DANG, NAD MED PA DANG, GSON PA DANG, DGE BA'I CHOS RNAMS YONGS SU NYAMS PAR GYUR CIG SNYAM PA DANG, LUS ZHIG NAS KYANG NGAN SONG RNAMS SU SKYE BAR GYUR CIG SNYAM DU KUN NAS MNAR SEMS KYI SEMS SKYED PAR BYED NA YANG GNOD SEMS YIN PAR BRJOD PAR BYA'O, ,BYIN PA MED DO SNYAM DU NGES PAR SEMS SKYED PAR BYED NA YANG LOG PAR LTA BA YIN PAR BRJOD PAR BYA'O, ,RGYAS PAR RGYU LA SKUR PA 'DEBS SAM, 'BRAS BU LA SKUR PA 'DEBS SAM, BYA BA LA SKUR PA 'DEBS SAM, YOD PA'I DNGOS PO 'JIG PAR BYED NA YANG LOG PAR LTA BA YIN PAR BRJOD PAR BYA'O, ,GANG GI TSE LOG PA'I LTA BA THAMS CAD LOG PAR LTA BA ZHES BYA NA CI'I PHYIR BCOM LDAN 'DAS KYIS SKUR PA 'DEBS PA'I LOG PAR LTA BA 'DI KHO NA LAS KYI LAM RNAMS SU LOG PAR LTA BA YIN PAR GSUNGS SHE NA, 'DI LTAR 'DI NI LOG PAR LTA BA THAMS CAD KYI MCHOG YIN TE, DE CI'I PHYIR ZHE NA, 'DI LTA STE, 'DI LTAR LOG PAR LTA BA 'DI LA BRTEN NAS DGE SBYONG DANG, BRAM ZE KHA CIG DGE BA'I RTZA BA YANG DAG PAR GCOD PAR BYED CING, SDIG PA LA CI 'DOD DGUR SPYOD PA'I LTA BA 'DI NI SHIN TU SDIG PA BYED PA DANG MTHUN PA YIN PAS DE'I PHYIR MI DGE BA'I LAS KYI LAM RNAMS SU DE KHO NA GSUNGS KYI GZHAN NI MA YIN TE, LOG PAR LTA BA'I MTSAN NYID DU RIGS PA MA YIN PAR BLTA BAR BYA'O, ,DE LA SROG GCOD PA NI RGYU LNGAS LCI BA YIN PAR BRJOD PAR BYA STE, LNGA GANG ZHE NA, BSAM PA DANG, SBYOR BA DANG, GNYEN PO MED PA DANG, LOG PA LA MNGON PAR ZHEN PA DANG, GZHIS SO, ,DE LA GAL TE CHAGS PA'I BSAM PA DRAG POS BYED DAM, ZHE SDANG GI BSAM PA DRAG POS SAM, @137A *, ,GTI MUG GI BSAM PA DRAG POS BYED PA NI SROG GCOD PA LCI BA YIN PAR BRJOD PAR BYA'O, ,DE LAS ZLOG PA NI YANG BA YIN NO, ,GAL TE BYED PAR 'GYUR BA'AM, BYED PA'AM, BYAS PA LA SEMS RANGS PA DANG LDAN PA DANG, RAB TU DGA' BA'I SEMS DANG LDAN PA DANG, RANG YANG BYED LA GZHAN YANG DE YANG DAG PAR 'DZIN DU 'JUG PA DANG, DE'I BSNGAGS PA RJOD PAR BYED PA DANG, CHOS MA THUN PA PA MTHONG NA YID DGA' BAR 'GYUR BA DANG, YUN RING PO NAS BSAGS SHING YUN RING PO NAS BSAGS PA'I SEMS KYIS BYED PA DANG, RTAG TU BYED PA DANG, GUS PAR BYED PA DANG, LAN CIG LA YANG MANG DU GSOD PAR BYED PA DANG, NYON MONGS PA'I LAS RAB TU DRAG POS GSOD PAR BYED PA DANG, 'JIGS PAS DE BYA BA MA YIN PA BYED DU BCUG NAS GSOD PAR BYED PA DANG, ZHAN PA DANG, SDUG BSNGAL BA DANG, BKREN PA DANG, NYAM THAG PAR SMRA BA DANG, SNYING RJE BAR SMRE SNGAGS 'DON BZHIN DU GSOD PAR BYED PA NI SROG GCOD PA SBYOR BA LAS LCI BA YIN PAR BRJOD PAR BYA'O, ,GAL TE SROG GCOD PAR BYED PA YANG YIN LA NYIN GCIG BZHIN DU BSLAB PA 'GA' YANG LDAN PAR MI BYED LA, ZLA BA PHYED LA TSES BRGYAD DANG, TSES BCU BZHI DANG, TSES BCO LNGA LA BSNYEN GNAS LA GNAS PAR MI BYED PA DANG, DUS DUS SU SBYIN PA DAG SBYIN PAR MI BYED PA DANG, BSOD NAMS DAG MI BYED PA DANG, MNGON DU SMRA BA DANG, PHYAG 'TSAL BA DANG, LDANG BA DANG, THAL MO SBYOR BA DANG 'DUD PA LA SOGS PA MI BYED PA DANG, DUS DUS SU NGO TSA SHES PA DANG, KHREL YOD PA DANG, 'GYOD PA SHAS CHEN PO MI THOB PA DANG, 'JIG RTEN PA'I 'DOD CHAGS DANG BRAL BA LA MI REG PA DANG, CHOS MNGON PAR RTOGS PA LA MI REG PA NI SROG GCOD PA GNYEN PO MED PA LAS LCI BA YIN PAR BRJOD PAR BYA'O, ,GAL TE DGE SBYONG DANG BRAM ZE MCHOD SBYIN LOG PAR BYED PA RNAMS KYI LTA BA'I RJES SU YID 'DOD PAR BYED CING, CHOS 'DOD PAS SROG GCOD PAR BYED PA NI SROG GCOD PA LOG PA LA MNGON PAR ZHEN PA LAS LCI BA YIN PAR BRJOD PAR BYA'O, ,GAL TE SEMS 'DI SNYAM DU SEMS TE, PHYUGS GSAN