*, ,GRUB PA'I MTHA'I RNAM PAR BZHAG PA GSAL BAR BSHAD PA THUB BSTAN LHUN PO'I MDZES RGYAN ZHES BYA BA LAS SDE TSAN GSUM PA BZHUGS SO, , @01A #, ,GNYIS PA GTZO BOR CHOS KYI BDAG MED GTAN LA DBAB PA'I DBANG DU BYAS TE THEG CHEN GRUB MTHA' SMRA BA'I LUGS BSHAD PA LA GSUM, SPYI'I RNAM GZHAG, SO SO'I RNAM GZHAG, SNGAGS KYI THEG PA'I RNAM GZHAG MDO TZAM DU BSHAD PA'O, ,DANG PO LA SPYIR THEG PA CHEN PO'I BSTAN PA NI BCOM LDAN 'DAS MYA NGAN LAS 'DAS PA'I RJES SU YANG LHA DANG KLU'I YUL DU SHIN TU DAR BA DANG, GLING GZHAN DAG TU'ANG THEG CHEN GYI BSTAN PA YOD PAR BSHAD MOD, 'DZAM BU GLING 'DIR NI SA LA GNAS PA'I BYANG CHUB SEMS DPA' DANG SBAS PA'I BRTUL ZHUGS SPYOD PA MANG PO ZHIG GIS THEG CHEN GYI LAM NYAMS SU BSTAR BA DANG, SKAL BA DANG LDAN PA RNAMS LA 'CHAD PA SOGS KYIS THEG CHEN GYI BSTAN PA 'DZIN PA DANG SPEL BA CUNG ZAD YOD MOD KYANG PHAL CHE BA NI NYAN THOS SDE GNYIS KYI LUGS 'DZIN PA DAG GIS GANG BA DANG, TSAD MA'I SKYES BUS RGYAL BA'I BKA' LA DRANG NGES 'BYED PA'I SHING RTA'I SROL GSAL BAR PHYE BA MED PAS THEG PA CHEN PO'I BSTAN PA NYAMS DMAS PA LTA BUR GYUR PA NA, STON PA RANG NYID KYIS LUNG BSTAN PA LTAR RGYAL BA'I BKA'I DGONGS PA 'GREL BA LA TSAD MAR GYUR PA'I SHING RTA'I SROL 'BYED CHEN PO MGON PO KLU SGRUB DANG 'PHAGS @02A #, ,PA THOGS MED GNYIS KYIS, BCOM LDAN 'DAS NYID KYI BKA' LA BRTEN NAS RGYAL BA'I BKA'I DRANG BA DANG NGES PA'I DON RNAM PAR 'BYED PA'I TSUL LUNG DANG RIGS PA DRI MA MED PA DAG GIS RGYAS PAR GTAN LA PHAB STE BYANG CHUB KYI SEMS DANG SPYOD PA PHA ROL TU PHYIN PA DRUG LA SOGS PA LA SLOB PA'I RGYA CHE BA'I LAM GYI RIM PA DANG, CHOS THAMS CAD KYI GNAS LUGS DE KHO NA NYID GTAN LA 'BEBS PA'I ZAB MO'I LAM GYI RIM PA NYAMS SU LEN PA'I TSUL YONGS SU RDZOGS PA GSAL BAR MDZAD PAS, RGYAL BA'I BSTAN PA RIN PO CHE LA ZHUGS PA'I SKAL BA DANG LDAN PA RNAMS LA BKA' DRIN 'KHOR MTHA' MA MCHIS PAR GYUR CING DE NAS BRTZAMS TE THEG CHEN GYI BSTAN PA YONGS SU RGYAS PAR GYUR TO, ,RJE BTZUN DE GNYIS KYI MDO GANG LA BRTEN NAS GSUNG RAB KYI DRANG NGES JI 'DRAR PHYE BA NI 'OG TU 'CHAD PAR 'GYUR RO, ,DE'I PHYIR RJE BDAG NYID CHEN POS, BDE GSHEGS GSUNG RAB TSUL GNYIS SHING RTA'I SROL, LEGS PAR PHYE BAS RGYAL BA'I BSTAN PA MCHOG ,SA GSUM 'GRO NA NYI LTAR GSAL MDZAD PA, ,KLU SGRUB THOGS MED ZHABS LA SPYI BOS 'DUD, ,CES GSUNGS SO, ,DRANG NGES PHYE TSUL YANG KLU SGRUB KYIS RIGS @02B TSOGS DRUG ,MDO KUN LAS BTUS DANG, THOGS MED KYIS SA SDE LNGA, SDOM RNAM GNYIS SOGS LAS 'BYUNG BA LTAR RGYAL BA'I GSUNG RAB RNAMS LAS GANG ZHIG NI DRANG BA'I DON YIN, GANG ZHIG NI NGES PA'I DON YIN, DE DAG GI DRANG NGES KYI KHYAD PAR NI 'DI LTA BU, KHYAD PAR NGES DRANG NGES 'BYED PA'I RGYU MTSAN NI 'DI LTA BU ZHES GSUNG RAB SPYI'I DGONGS PA 'GREL CHUL RGYAS PAR GTAN LA PHAB PA LA BYA YI MDO GANG YANG RUNG BA ZHIG GI DON BKRAL BA TZAM LA MI BYA'O, ,DE'I PHYIR BOD SNGA MA DAG GIS SHING RTA'I SROL 'BYED BZHIR 'DOD PA RJE BDAG NYID CHEN POS LEGS BSHAD GSER 'PHRENG DU BKAG PA LTAR YIN LA, RANG RE'I MKHAS PA DAG GIS RJE BTZUN BYAMS PA DANG, KLU SGRUB THOGS MED GNYIS TE SHING RTA'I SROL 'BYED GSUM DU 'DOD PA YANG LEGS BSHAD GSER 'PHRENG LAS, RJE BTZUN DANG KLU SGRUB ZHABS GNYIS KYIS SHER PHYIN 'GREL TSUL GNYIS SU BYUNG NGO ZHES BYA BAR YANG GNAS SO ZHES GSUNGS PA'I DON DU BSAMS PAR SNANG NA'ANG, GSUNG DE NI RJE BTZUN BYAMS PAS MNGON RTOGS RGYAN DU YUM GYI SBAS DON MNGON RTOGS KYI RIM PA GTZO BOR BKRAL BA DANG, DPAL MGON KLU SGRUB KYIS RTZA BA SHES RAB SOGS SU YUM GYI DNGOS BSTAN STONG NYID KYI RIM PA GTZO BOR BKRAL BAS YUM DON GTZO BOR 'GREL TSUL MI 'DRA BA GNYIS SU GNAS PAR GSUNGS PA YIN GYI, DBU MA PA'I SHING RTA'I SROL 'BYED LA GNYIS SU BZHED PA MIN NO, ,LEGS BSHAD SNYING PO LAS, MGON PO KLU SGRUB KYIS NGO BO NYID MED PA'I TSUL @03A * , ,DANG; BDAG NYID CHEN PO THOGS MED KYIS RNAM BAR RIG PA TZAM GYI TSUL GYI SHING RTA CHEN PO'I SROL GNYIS PHYE NAS ZHES GSUNGS PA LTAR, DBU MA PA'I SHING RTA'I SROL 'BYED KLU SGRUB DANG, SEMS TZAM PA'I SHING RTA'I SROL 'BYED THOGS MED KHO NAR BYED PA RJE BDAG NYID CHEN PO'I DGONGS PA YIN NO, ,RJE'I SRAS KYI THU BO RGYAL TSAB THAMS CAD MKHYEN PAS RNAM BSHAD SNYING PO'I RGYAN DANG, MKHAS GRUB SMRA BA'I NYI MAS NI STONG THUN SKAL BZANG MIG 'BYED DU YANG SHING RTA'I SROL 'BYED LA KLU SGRUB DANG THOGS MED GNYIS KHO NAR NGES PA'I RGYU MTSAN MANG DU GSUNGS TE, 'DIR LUNG RNAMS MANGS KYIS DOGS NAS MA BRIS SO, ,GZHAN DU NA RJE BTZUN BYAMS PA SEMS TZAM PA'I SHING RTA'I SROL 'BYED DU YANG THAL BAR 'GYUR TE, MDO SDE RGYAN DANG 'BYED RNAM GNYIS SU SEMS TZAM PA DANG MTHUN PA'I LTA BA BSTAN PA'I PHYIR RO, ,MNGON RTOGS RGYAN LTA BU NI DBU SEMS KYI SHING RTA CHEN PO RNAMS KYIS RANG RANG GIS GANG 'DOD PA'I PHYOGS SU LEGS PAR BKRAL 'DUG PAS, DES TSUL GZHAN DU DRANG DU MI RUNG BA'I DBU MA PA'I SHING RTA'I SROL PHYE BAR GA LA RUNG, GAL TE DE LTA NA BZHI BRGYA PA YANG GNAS BRTAN CHOS SKYONG GIS SEMS TZAM DU BKRAL BA DANG, RIGS TSOGS RNAMS KYANG SEMS TZAM GYI PHYOGS SU DRANGS PA SNANG BAS RIGS TSOGS KYANG DBU MA PA'I SHING RTA'I SROL 'BYED PA'I BSTAN BCOS MA YIN PAR 'GYUR RAM SNYAM NA MI MTSUNGS TE, MNGON RTOGS RGYAN GYI DGONGS DON MTHAR THUG DBU MAR GNAS KYANG BSTAN TSOD KYI DON TZAM LA DBU SEMS @03B GNYIS KA'I CHA YOD PAR 'GREL BYED MKHAN PO DAG GIS BSHAD PAS NA SEMS TZAM DU BKRAL PA YANG RGYAN GYI DGONGS PA MTHAR THUG MIN KYANG DGONGS PA TZAM DU GNAS PA'I PHYIR DANG, DBU MA RIGS PA'I TSOGS RNAMS KYIS RNAM PA THAMS CAD DU DBU MA PA'I LUGS GSAL BAR MDZAD KYI SEMS TZAM PA'I PHYOGS BSTAN PA MED PAS SEMS TZAM GYI PHYOGS SU BKRAL BA RNAMS KYIS BSTAN BCOS KYI DGONGS PA MA RTOGS PAR 'JOG DGOS PA'I PHYIR, 'O NA MGON PO KLU SGRUB RANG NYID KYIS MDZAD PA'I BSTAN BCOS RNAMS SU RNAM PAR RIG PA TZAM GYI LUGS MI 'THAD PA'I TSUL DNGOS SU BSTAN PA CHER MED PA CI YIN SNYAM NA, DE NI 'PHAGS PA THOGS MED KYIS RNAM PAR RIG PA TZAM GYI SHING RTA'I SROL PHYE BA NI MGON PO KLU SGRUB KYIS RIGS TSOGS MDZAD PA'I RJES NAS BYUNG BA YIN PAS RTZA BAR LUGS DE 'GOG PA'I RIGS PA DNGOS SU MA BYUNG BA'I RGYU MTSAN DE YIN LA, 'ON KYANG RIGS TSOGS LAS BSHAD PA'I RIGS PA PHAL MO CHE ZHIG NI SEMS TZAM PA 'GOG PA LA YANG SBYOR BAR ZLA BA'I ZHABS DANG, LEGS LDAN 'BYED RNAMS KYIS GSUNGS SO, ,DE LTAR YANG RJE BDAG NYID CHEN POS, RNAL 'BYOR SPYOD PA PAS DNGOS PO BDEN PAR SMRA BA'I BSTAN BCOS KYI RNAM GZHAG BYAS PA NI RTZA BA MKHAN PO'I RJES SU BYUNG BAS, 'DIR YANG RANG SDE PHYOGS SNGAR LEN PA DON SMRA GNYIS PHYOGS SNGAR MDZAD LA DE DAG LA LUNG GIS GNOD PA STON PA NA'ANG THEG DMAN GYI SDE SNOD NAS 'BYUNG BA NYID KYIS MDZAD DO, ,DE LTA NA'ANG 'DI DAG GI 'DOD PA BKAG NA RNAL 'BYOR SPYOD PA PA'I DNGOS PO BDEN PAR 'DOD PA YANG KHEGS PAR 'GYUR BAS 'GOG PA'I RIGS PA NI THUN MONG BA KHO NA'O, ,ZHES RTZA SHE'I RNAM BSHAD CHEN MOR GSUNGS SO, ,RJE BTZUN DAM PA 'JAM DBYANGS @04A * , ,BZHAD PA'I RDO RJES KYANG, PHAR PHYIN GYI YIG CHAR SNGON GYI MKHAS PA'I KHAS LEN GYI RTING SNAN TZAM MDZAD KYANG RANG GI BZHED PA NI SHING RTA'I SROL 'BYED GNYIS SU NGES PA YIN PAR GRUB MTHA'I RNAM GZHAG GI BSHAD LUGS LAS SHES SO, , DBU SEMS KYI SHING RTA'I SROL CHEN PO 'DI GNYIS LA BDEN PA BZHI DANG RTEN 'BREL BCU GNYIS LA SOGS PA THEG PA DMAN PA'I LAM GYI RIM PA'I NYAMS LEN DANG, THEG PA CHEN PO'I LAM GYI RIM PA LA YANG SPYOD PA'I RTEN SEMS SKYED PA DANG, SPYOD PA PHA ROL TU PHYIN PA DRUG LA SLOB PA DANG, LAM LNGA SA BCU RIM GYIS BGROD DGOS PA DANG, 'BRAS BU'I SKABS SU SKU GSUM GYI RNAM GZHAG BYED PA DANG, LAM GYI SPANG BYA SGRIB PA LA NYON SGRIB SHES SGRIB GNYIS DANG, DE'I GNYEN PO BDAG MED RTOGS PA'I SHES RAB LA GANG ZAG DANG CHOS KYI BDAG MED PA RTOGS PA'I SHES RAB GNYIS SU 'JOG PA SOGS PHAL CHER MTSUNGS SHING, BDAG MED PA GNYIS GTAN LA 'BEBS TSUL DANG, DES SGRIB PA SPONG TSUL DANG, THEG PA CHE CHUNG GI LAM GYI RTOGS PA SKYE TSUL GYI RNAM GZHAG NI 'CHAD PAR 'GYUR BA LTAR MI 'DRA BA SHIN TU MANG NGO, ,DE'I PHYIR CHOS KYI BDAG MED PA DANG, SA BCU'I RNAM GZHAG DANG, LONGS SKU SOGS THEG CHEN GYI LAM 'BRAS YONGS SU RDZOGS PA'I RNAM GZHAG KHAS LEN PA DANG MI LEN PA'I KHYAD PAR GYIS THEG PA CHE CHUNG GI GRUB MTHA' SMRA BA'I THA SNYAD BYAS PA YIN GYI, GANG DAG THEG CHEN GRUB MTHA' SMRA BA DANG THEG CHEN GANG ZAG GCIG TU 'DOD PA DAG GIS NI RANG GI DE NYID GSAL BAR BSGRAGS PA YIN NO, ,'O NA NYAN THOS SDE GNYIS LA THEG CHEN GANG ZAG YOD @04B DAM MED CE NA, SPYIR DE DAG GI RGYUD LA SANGS RGYAS THOB 'DOD KYI BLO TZAM SKYE BA'I MTHA' MA BKAG KYANG RANG GI GRUB MTHA' MA DOR BZHIN DU BYANG CHUB KYI SEMS MTSAN NYID TSANG BA SKYE BA NI GNAS MED DE, 'DI LTAR THEG CHEN SEMS BSKYED MTSAN NYID TSANG BA SKYE BA LA BYANG CHUB DON GNYER DANG GZHAN DON DON GNYER GYI BLO GNYIS SKYE DGOS LA, DON DU GNYER BYA'I BYANG CHUB DE LA YANG THA NA RNAM RIG PA'I LUGS LTAR GYI SRID ZHI'I MTHA' GNYIS BKAG PA'I MI GNAS PA'I MYANG 'DAS SHIG DGOS PA'I PHYIR DANG, GZHAN DON MTHAR THUG GZUGS KYI SKU GNYIS KYI NANG NAS KYANG LONGS SPYOD RDZOGS SKU GTZO BO YIN PA'I PHYIR DANG, KHYAD PAR DU GRANGS MED GSUM GYI MGO RTZOM PA'I BYANG CHUB SEMS DPA' LA THEG BSDUS LAS, BZANG DANG SMON PA'I STOBS CAN DANG, ,ZHES SOGS GSUNGS PA LTAR GYI MTSAN NYID TSANG DGOS PA'I PHYIR, 'DI DAG SHING RTA CHEN PO GNYIS KYI GZHUNG LUGS MANG PO LAS GSAL BAR BSHAD CING RJE YAB SRAS KYIS KYANG LAN CIG MA YIN PAR BSHAD MOD 'DIR MANGS KYIS DOGS NAS MA BRIS SO, ,DES NA SLOB DPON BYANG CHUB BZANG POS, MDO SDE PA LA BSNGO BA DANG, SMON LAM DANG SNYING RJE CHEN PO YOD PAS THEG CHEN PA DANG, BYE BRAG SMRA BA BSKAL PA MANG POR ZHI BA'I DBYINGS SU GNAS PAS THEG DMAN PA YIN PAR BSHAD PA DANG, RGYA GAR BA GZHAN 'GA' ZHIG GIS KYANG DE LTAR BSHAD MOD SHING RTA CHEN PO RNAMS KYI GZHUNG DANG 'GA' BAS 'THAD PAR MI SEMS SO, ,DES NA GZHUNG LUGS CHEN MO RNAMS KYI DON LA DPYOD PA'I TSE, RJE YAB SRAS KYI BKA' SOL LTAR SHING LTA CHEN PO RNAMS KYI GZHUNG DANG MTHUN PA ZHIG DGOS KYI, RGYA GAR BA GCIG GIS BSHAD @05A * , ,PA TZAM RGYU MTSAN DU BYAS TE LUNG MANG DU 'DREN PA TZAM LA DGA' BAR MI BYA STE, MKHAS PA RNAMS KYI LUGS NI GANG ZAG LA MI RTON CHOS LA RTON PA YIN PA'I PHYIR RO, DE LTAR NA SHING RTA'I SROL 'BYED GNYIS KYIS THEG PA CHEN PO BKAR SGRUB TSUL JI 'DRAR MDZAD, RIGS PA CI 'DRA ZHIG GI SGO NAS DRANG NGES PHYE BA YIN ZER NA BSHAD PAR BYA STE, 'DI LA GNYIS, THEG CHEN BKAR SGRUB TSUL DANG, RIGS PA JI LTA BU'I SGO NAS DRANG NGES PHYE TSUL LO, DANG PO LA GNYIS, NYAN THOS SDE GNYIS KYIS THEG CHEN BKA' MA YIN PAR SMRA TSUL DANG, DE'I LAN BSHAD PA'I SGO NAS THEG CHEN BKAR SGRUB TSUL LO, ,DANG PO NI, DON SMRA SDE GNYIS NA RE, THEG PA CHEN PO'I MDO RNAMS NI BKA' MA YIN TE, SDE SNOD GSUM DU MA BSDUS PA'I PHYIR, RIG BYED MTHA' BA'I LTA BA BZHIN NO, ,RIG BYED MTHA' BA RNAMS NI GANGG'A'I CHUS BKRU BA DANG, CHU 'THUNG BA DANG, SMYUNG BAR GNAS PA DANG, GSANG SNGAGS BZLAS PAS SDIG PA 'DAG PAR SMRA STE, THEG PA CHEN PO LAS KYANG DE BZHIN DU BYUNG BAS BKA' MA YIN NO, ,CHAD PAR LTA BA RNAMS BZHIN DU RGYU DANG 'BRAS BU'I CHOS THAMS CAD STONG PA NYID DU SMRA BA'I PHYIR DANG, SDE PA BCO BRGYAD PO GANG GI YANG KHONGS SU MA GTOGS PA'I PHYIR DANG, SDUD PAR BYED PA PO DAG GIS MA BSDUS PA'I PHYIR DANG, LONGS SPYOD RDZOGS PA'I SKU RTAG PAR SMRA BAS 'DUS BYAS THAMS CAD MI RTAG PAR SMRA BA DANG 'GAL BA'I PHYIR DANG, BDE GSHEGS SNYING POS KUN LA KHYAB PA DANG LEN PA'I RNAM PAR SHES PA STON PAR BYED PAS BDAG MED PA DANG 'GAL BA'I PHYIR DANG, SANGS RGYAS MYA NGAN YONGS MI 'DA' ZHES MYA @05B DON LAS 'DAS PA ZHI BA MA YIN PAR SMRA BA'I PHYIR DANG, DGRA BCOM PA RNAMS LA SMOD PA'I PHYIR DANG, KHYIM PA LA PHYAG BYA BAR STON PA'I PHYIR DANG, DE BZHIN GSHEGS PA LAS KYANG BYANG CHUB SEMS DPA' LA BSNGAGS PA BRJOD PA'I PHYIR DANG, NAM MKHA' MDZOD LA SOGS PA'I BYANG CHUB SEMS DPA'I SMON LAM RNAMS KYANG TSIG TZAM YIN PA'I PHYIR DANG, SANGS RGYAS SH'AKYA THUB PA SPRUL PA YIN PAR SMRA BAS BSTAN PA THAMS CAD KYANG LOG PA YIN PA'I PHYIR DANG, RTAG TU MNYAM PAR BZHAG PA YIN ZHES SMRA BA DANG 'GAL BA'I PHYIR DANG, THEG PA CHEN PO'I MDO SDE MANG PO LAS 'BRAS BU MED PA'I BSNGAGS PA STON PA'I PHYIR DANG, SHIN TU SDIG PA CHEN PO YANG RTZA BA NAS 'BYIN PAR STAN PA'I PHYIR DANG, SHIN TU RGYAS PA'I MDO LAS KYANG CHAD BAR LTA BA STON PA'I PHYIR DANG, KRi KRi'I RMI LAM GYI DBYE BAS MA BSTAN PA'I PHYIR DANG, THEG PA CHEN PO'I LTA BA NI MNGAN SUM DANG GRAGS PA DANG 'GAL BA'I PHYIR DANG, MI RTAG SOGS BCU DRUG DE NYID MA YIN NA DE NYID MED PAR 'GYUR BA'I PHYIR, DES NA THEG PA CHEN PO NI BKA' MA YIN NO ZHES ZER RO, ,GNYIS PA NI, 'DI'I LAN SHIN TU RGYAS PAR LEGS LDAN 'BYED KYIS RTOG GE 'BAR BA LAS GSUNGS TE, DE'I YANG SNYING PO BSDUS PA TZAM NI BRJOD PAR BYA STE, DBU MA SNYING PO LAS, THEG CHEN SANGS RGYAS GSUNGS YIN TE, ,BDAG MED LA SOGS STON PA DANG, ,DKON MCHOG GSUM GYI BDAG NYID CHE, ,STON PHYIR SLOB MA'I THEG PA BZHIN, ,ZHES GSUNGS LA, DE'I DON NI, THEG PA CHEN PO'I LAM 'BRAS BU DANG BCAS PA STON PA'I MDO SDE CHOS CAN, SANGS RGYAS KYIS GSUNGS PA YIN TE, BDAG MED PA LA SOGS PA'I PHYAG @06A *, ,RGYA BZHI RGYAS PAR STON PA'I PHYIR DANG, DKON MCHOG GSUM GYI CHE BA'I BDAG NYID RGYAS PAR STON PA'I PHYIR, DPER NA NYAN THOS KYI SDE SNOD BZHIN NO, ,SDE SNOD GSUM DU MA BSDUS PA YANG MA GRUB STE, GANG THEG PA DMAN PA'I SDE SNOD GSUM DU YANG THEG PA CHEN PO'I 'DUL BA LA SOGS PA RGYAS PAR BSTAN PAS NA MDO SDE LA SOGS PA DANG THEG PA CHEN PO NI PHAN TSUN BSDUS PA YIN PA'I PHYIR RO, ,GZHAN YANG THEG PA CHEN PO'I MDO SDE NI BKA' YIN TE, CHOS KYI PHYAG RGYA DANG MI 'GAL PA'I PHYIR DANG, 'PHAGS PA'I BDEN PA BZHI STON PA'I MDO SDE LA YANG 'JUG ,NYON MONGS PA 'DUL BA YANG YANG DAG PAR MTHONG, RTEN CING 'BREL PAR 'BYUNG BA DANG YANG MI 'GAL BA'I PHYIR, SDE PA BCO BRGYAD PO YANG NANG PHAN TSUN ? DU RANG RANG GI MDO SDE LA SOGS PA LA 'GAL BA CHER YOD LA; RANG GI DBANG DU BYAS NA THEG PA CHEN PO NYID KYANG RANG GI MDO SDE LA YANG 'JUG ,BYANG CHUB SEMS DPA'I BSLAB PA'I GNAS BDUN BRGYA LA YANG SNANG, STONG PA NYID DU BSTAN PA'I CHOS NYID DANG YANG MI 'GAL BA'I PHYIR DANG, RTZA BA'I SDUD PAR BYED PA PO YANG KUN TU BZANG PO DANG BYAMS PA LA SOGS PA YIN PA'I PHYIR, GZHAN YANG RNAM PA GCIG TU NA SDE PA BCO BRGYAD KYI NANG TSAN DU GYUR PA'I DGE 'DUN PHAL CHEN SDE PA'I SDE SNOD KYI GZHI CHEN PO ZHES BYA BA DANG, SHAR GYI RI BO'I DANG, NUB KYI RI BO'I SDE'I LUGS DANG, BZANG PO'I LAM PAS 'DON PA'I SHIN TU RGYAS PA'I SDE SNOD DANG, 'JIGS MED RI BO'I SDE SNOD KHRI NYIS STONG PA SOGS LAS KYANG THEG PA CHEN PO'I SA LAM GYI RNAM GZHAG BYUNG BA'I PHYIR NA SDE PA BCO BRGYAD KYI KHONGS SU MA GTOGS PAS BKA' MA YIN PAR @06B MI 'GYUR RO, ,LONGS SPYOD RDZOGS SKU RTAG PAR SMRAS PA YANG RGYUN GYI DBANG DU BYAS PA DANG, BDER GSHEGS SNYING POS KHYAB PAR SMRAS PA YANG DE BZHIN GSHEGS PA'I YE SHES KYIS SHES BYA THAMS CAD LA KHYAB PA DANG, CHOS NYID SEMS CAN THAMS CAD KYI RGYUD LA YOD PA'I PHYIR YIN GYI, ,DBANG PHYUG DANG BDAG RTAG PA LTA BU MA YIN PA'I PHYIR DANG, LEN PA'I RNAM PAR SHES PA YANG 'KHOR BAR 'JUG PA DANG LDOG PA'I RGYUR GYUR PA SKAD CIG MA'I RGYUN GYIS 'JUG PA YIN GYI RNAM PA THAMS CAD PA'I RTAG PA MA YIN PA'I PHYIR DANG, SANGS RGYAS 'PHAGS PA SEMS CAN GYI KHAMS MA LUS PA MTHAR THUG PA'I SMON LAM BTAB PAS GTAN DU YONGS SU MYA NGAN LAS 'DAS PA MA YIN MOD KYANG, RNAM PAR RTOG PA SPANGS PA'I MYA NGAN LAS 'DAS PA KHAS BLANGS PA'I PHYIR, MYA NGAN LAS 'DAS PA ZHI BA DANG 'GAL BA MA YIN NO, ,NYAN THOS CHEN PO RNAMS LUNG BSTAN PA YANG DE DAG LAS DBANG PO SHIN TU RNO BA THEG CHEN DU 'JUG TU RUNG BA'I MA NGES PA'I RIGS CAN RNAMS LA DGONGS TE LUNG BSTAN PA YIN LA, THEG CHEN LAS DGRA BCOM PA RNAMS LA SMAD PA NI 'GA' YANG MED DE, 'ON KYANG MDO 'GA' ZHIG LAS NYAN THOS DANG BYANG CHUB SEMS DPA'I KHYAD PAR YUNGS KAR DANG RI RAB LA SOGS PA'I DPES GSUNGS PA NI THABS DANG SHES RAB KYI KHYAD PAR GYIS RANG BZHIN BRJOD PA YIN GYI, ,DMOD PA MA YIN PA'I PHYIR, BYANG CHUB KYI SEMS LA SOGS PA'I YON TAN DANG LDAN PA'I KHYIM PA RNAMS NI RAB TU BYUNG BA RNAMS KYIS KYANG PHYAG BYA BA'I 'OS YIN PAR SDE PA BCO BRGYAD LA GRAGS PA'I GZHUNG LAS KYANG 'BYUNG PA'I PHYIR DANG, DE BZHIN GSHEGS PA @07A *, ,LAS BYANG CHUB SEMS DPA' LA GUS PAR BYA BA NI, RGYU'I KHYAD PAR LA GCES PAR BYA BA'I SLAD DU MDO DU MA LAS BKA' STZAL BA'I PHYIR DANG, NAM MKHA' MDZOD LA SOGS PA'I SMON LAM YANG RKYEN YONGS SU TSANG BA NA 'BRAS BU DANG BCAS PA KHO NA YIN PA'I PHYIR, SKYON DE DAG GIS BKA' MA YIN PAR BSGRUB MI NUS SO, ,GZHAN YANG SH'KYA THUB PA NI SPRUL PA KHO NA YIN PAR RIGS TE, 'OG MIN GYI RTEN CAN GYI LONGS SPYOD RDZOGS PA'I SKU LAS BYUNG PA'I PHYIR, LONGS SKU LA RNAM PAR RTOG PA MI MNGA' NA YANG SPRUL PA'I SKU 'BYUNG BA NI 'GAL BA MED DE, SNGON GYI SMON LAM GYI MTHU YONGS SU RGYAS PA'I PHYIR DANG, SANGS RGYAS KYI SPRUL PA STON PAR NI KHYED CAG LA GRANGS PA'I LUNG LAS KYANG MANG DU BYUNG BA'I PHYIR RO, GANGG'A'I ? CHUS 'KHRU BA LA SOGS PA YANG CHU NYID NI SDIG PA 'DAG BYED DU MI 'DOD KYANG KLU MA DROS PA'I SMON LAM GYI MTHU DANG, SMYUNG GNAS LA SOGS PA NI LHA'I SNGAGS SGRUB PA'I CHED DANG, GZUNGS SNGAGS NI TING 'DZIN DANG SHES RAB KHYAD PAR CAN LA 'DOD BAS SKYON MED LA, NGES PA'I LAS KYANG STOBS BZHI TSANG NA 'DAG PA NI MDO DANG RIGS PA DU MAS 'GRUB PA DANG, THEG PA CHEN PO LAS 'BRAS BU MANG DU BSTAN PA RNAMS LAS 'GA' ZHIG NI MTHONG BA'I CHOS DANG, 'GA' ZHIG NI GZHAN DU MYONG BAR 'GYUR BA LA DGONGS NAS GSUNGS PA'I PHYIR 'BRAS BU MED PA'I BSNGAGS PA STON PA MA YIN LA, KRi KRi'I RMI LAM GYI DBYE BA NI SH'AKYA THUB PA'I BSTAN PA KHO NA'I DBANG DU BYAS PA'I PHYIR DER MA BSTAN KYANG THEG PA CHEN PO BKA' MA YIN PAR MI 'GYUR RO, ,DON DAM PAR SKYE BA MED PA LA SOGS PA'I CHOS KYI BDAG MED PA'I DE KHO NA @07B NYID GTAN LA 'BEBS PA'I LTA BA NI, BDAG CAG GIS LUNG DANG RIGS PA DRI MA MED PAS SHIN TU RGYAS PAR STON NUS PA'I PHYIR KHYED CAG GIS THEG PA CHEN PO BKA' MA YIN PAR SMRA BA NI SNYING PO MED PA'I BDUD KYI TSIG KHO NA'O, ,ZHES PA RNAMS RTOG GE 'BAR BA LAS SHIN TU RGYAS PAR BYUNG BA'I DON CUNG ZAD BSDUS PA YIN LA, BLO GROS DANG LDAN PA DAG GIS RGYAS PAR SHES 'DOD NA DER ZHIB TU BLTA BAR BYA STE NGO MTSAR ? BA'I GTAM MANG DU YOD DO, ,GNYIS PA RIGS PA JI LTA BU'I SGO NAS DRANG NGES 'BYED TSUL NI, DBU SEMS KYI SHING RTA CHEN PO DAG GIS THUB PA'I BKA' LA DRANG NGES 'BYED PA NI RTON PA BZHI DANG, RIGS PA BZHI DANG, DGONGS PA BZHI DANG, LDE MA ? DGONGS BZHI RNAMS KYI SGO NAS 'BYED PA YIN NO, ,DE LA RTON PA BZHI NI CHOS LA RTON GYI GANG ZAG LA MI RTON, DON LA RTON GYI TSIG 'BRU LA MI RTON, NGES PA'I DON GYI MDO SDE LA RTON GYI DRANG BA'I DON LA MI RTON, YE SHES LA RTON GYI RNAM SHES LA MI RTON ZHES PA BZHI'O, ,DE LA GANG LA RTON PA BZHI NI, CHOS, DON, NGES DON, YE SHES BZHI YIN LA 'DI'I CHOS NI MDO SDE'I RGYAN LAS, GTZUG LAG BSTAN PA'I CHOS DANG NI, ZHES GSUNGS PAS, 'DIR SANGS RGYAS KYI BKA' DANG DE'I DGONGS PA 'GREL BA'I BSTAN BCOS KYI BRJOD BYA DANG RJOD BYED GNYIS KA LA GZUNG NGO, ,DON NI, DE DON DGONGS PA CAN DANG NI, ZHES GSUNGS PAS DE DAG GI SMRAS ZIN TSOD KYI DON DANG, GANG LA BSAMS TE BSTAN PA'I DGONGS PA'I DON GNYIS SO, ,NGAS PA'I DON NI, NGAS DON TSAD MA LDAN PA DANG, ZHES GSUNGS PAS SEMS TZAM PA LTAR NA SGRA JI BZHIN LA TSAD MAS GNOD PA MED PA RNAMS DANG, DBU MA PA LTAR NA DON DAM PA @08A *, ,BRJOD BYA'I GTZO BOR BYAS BZHIG DGOS SO, ,YE SHES NI, DE YI BRJED MED THOB PA'O, ,ZHES GSUNGS PAS 'PHAGS PA GSUM GYI MNYAM GZHAG RNAM PAR MI RTOG PA'I YE SHES LA BYA'O, ,GANG LA MI RTON PA BZHI NI, GANG ZAG ,TSIG ,DRANG DON, RNAM SHES BZHI'O, ,DE LA GANG ZAG NI, SPONG DANG ZHES DNGOS BSTAN CHOS SPONG PA'I GANG ZAG LA GSUNGS PA NI GANG LA MI RTON PA'I MTSAN GZHI TZAM YIN PAS 'DIR ? BYANG SA NAS GSUNGS PA LTAR GZHUNG LUGS STON PAR BYED PA'I SO SKYE NAS SANGS RGYAS 'PHAGS PA'I BAR THAMS CAD GZUNG NGO, ,TSIG NI JI SKAD BSHAD PA DANG, ZHES GSUNGS PAS BKA' DANG BSTAN BCOS KYI RJOD BYED MING TSIG YI GE SNA TSOGS LA BYA'O, ,DRANG DON NI, LOG PAR YANG DAG SHES PA DANG, ,ZHES GSUNGS PAS SEMS TZAM PA LTAR NA SGRA JI BZHIN PA LA RIGS PA'I GNOD PA 'BAB PA DANG, DBU MA PA LTAR NA KUN RDZAB BDEN PA BRJOD BYA'I GTZO BOR BSTAN PA LA BYA'O, ,RNAM SHES NI, BRJOD DANG BCAS PA THOB PA DAG ,CES GSUNGS PAS 'DI'I RNAM SHES LA MIG SOGS DBANG SHES DANG KUN RDZOB PA'I RNAM PA CAN GYI YID SHES KYANG YOD PAR GSUNGS PAS NA SKABS THOB KYIS GNAS LUGS LA BLO KHA MA PHYOGS PA'I SHES PA'AM GNAS LUGS LA 'KHRUL PA'I SHES PA LA BYAS NA LEGS SO, ,DA NI DE DAG LA RTON MI RTAN GYI TSUL BSHAD PAR BYA STE, SA SDE LAS GANG ZAG DANG DUS DANG TSAD MA'I SGO NAS GSUNGS TSUL MANG DU YOD KYANG 'DIR NI DA LTA NE BAR MKHO BA'I DBANG DU BYAS TE DGONGS PA MDO TZAM BRJOD PAR BYA'O, ,DE LA RTON MI RTON NI YID CHES MI CHES LA BYA'O, ,GANG ZAG LA MI RTON CHOS LA RTON PA NI, 'DI NI SANGS RGYAS KYIS BSHAD PAS @08B BLANG PAR BYA LA, 'DI NI SO SO SKYE BOS BSHAD PAS BLANG BAR MI BYA'O ZHES PA LTA BU CHOS LA RTOG DPYOD MED PAR STON PA PO'I GANG ZAG KHO NA RGYU MTSAN DU BYAS NAS BLANG DOR BYED PA MA YIN GYI, 'DI NI YANG DAG PA'I LAM BSHAD PAS BLANG PAR BYA LA, 'DI NI YANG DAG PA MA YIN PA'I LAM BSHAD PAS BLANG PAR BYA BA MA YIN PA'O ZHES BSTAN PA'I CHOS LA BRTAGS NAS YID RTON PAR BYED PA STE, BYANG SA LAS BYANG CHUB SEMS DPA' NI NAG PO BSTAN PA DANG CHEN PO BSTAN PA YANG DAG PA JI LTA BA ZHIN DU RAB TU SHES TE RAB TU SHES NAS KYANG RIGS PA LA RTON PAR BYED PA YIN GYI GNAS BRTAN NAM SHES PA'I GANG ZAG GAM DE BZHIN GSHEGS PA 'AM DGE 'DUN GYIS CHOS DE DAG BSHAD DO ZHES GANG ZAG LA RTON PA MIN NO, ,ZHES GSUNGS SO, ,DES NA CHOS LA 'THAD MI 'THAD BSHAD RGYU GANG YANG MED PAR 'DI NI DAD CAG GI BLA MAS BSHAD PA YIN PAS KHAS LEN DGOS LA 'DI NI GZHAN GYI BLA MAS BSHAD YIN PAS KHAS LEN MI RUNG ZHES GANG ZAG KHO NA RGYU MTSAN DU SMRA BA DAG LA RTAN PA DANG PO'I DON PHYIN CI LOG TU GYUR PAR SHES PAR BYA'O, ,BCOM LDAN 'DAS KYI GSUNG NI RNAM PA THAMS CAD DU YID CHES PA'I GNAS YIN MOD KYANG SNGAR LTAR BSHAD PA NI YID CHES TSUL BSTAN PA STE, SANGS RGYAS YIN PAS DE'I BKA' LA YID CHES DGOS ZER BA MA YIN GYI, NGES BSTAN PA'I CHOS THAR 'DOD LA MI BSLU BAS BCOM LDAN 'DAS TSAD MAR SGRUB DGOS PA'I GNAD KYIS SO, ,DES NA GONG DU 'DI NI SANGS RGYAS KYI BKA' YIN PAS BLANG BAR BYA LA ZHES SMRAS PA YANG DPER NA SANGS RGYAS KYI BKA' YIN KYANG SA LAM MTHON PO'I DBANG DU BYAS PA'I BLANG DOR GYI GNAS STON PA 'GA' ZHIG ,DE LTA LAS DANG PO @09A *, ,PA'I GNAS SKABS SU LAG TU BLANG MI RUNG BA RNAMS LA KHYAD PAR DE LTA BU MA GO BAR SANGS RGYAS KYI GSUNG YIN PA TZAM 'BA' ZHIG RGYU MTSAN DU BYAS NAS LAG TU BLANG BA LTA BU LA BYA'O, ,TSIG LA MI RTON DON LA RTON PA NI, GANG GIS CHOS 'CHOD PA 'AM RTZOM PA'AM RTZOD PA LA YANG RUNG STE, SKAD DANG YI GE DANG TSIG 'BRU LEGS PAR SBYAR BA'AM LEGS PAR MA SBYAR BA YANG RUNG STE DON LEGS PAR BSHAD PA NI BLANG BAR BYA LA, NYES PAR BSHAD PA NI SKAD DANG YI GE DANG TSIGS 'BRU LEGS PAR SBYAR BA YANG RUNG STE DOR BAR BYA DGOS PAS TSIG DON GNYIS KYI NANG NAS DON LA RTON PA'O, ,'DI'I LEGS PAR BSHAD PA NI LUNG DANG RIGS PA DANG MI 'GAL BA DANG, MNGON MTHO DANG NGES LEGS JI LTAR RIGS PAR SGRUB PA'I THABS YANG DAG PA BSTAN PA YIN LA, NYES PAR BSHAD PA NI DE LAS BZLOG PA'O, ,DE YANG BYANG CHUB SEMS DPA'I SA LAS, DE LA BYANG CHUB SEMS DPA' NI DON 'DOD PA'I PHYIR GZHAN LAS CHOS MNYAN PAR BYED KYI, TSIG 'BRU LEGS PAR SBYAR BA 'DOD PA'I PHYIR MA YIN TE, DE DON 'DOD PA'I PHYIR CHOS MNYAN GYI, TSIG 'BRU 'DOD PA'I PHYIR MA YIN PAS NA PHAL BA'I SKAD KYIS CHOS STON NA YANG BYANG CHUB SEMS DPA' DON LA RTON PA NI GUS PAR BYAS TE MNYAN PAR BYED DO, ,ZHES GSUNGS SO, ,RJE BDAG NYID CHEN POS KYANG BYANG SA'I LUNG DE'I DON BSDUR DE LAS BZLOG PA'I NYES PA NGOS GZUNG BA'I SKABS SU TSIG MI LEGS NA DON LEGS KYANG DE LA MI GNAS LA, TSIG LEGS NA DON MI LEGS KYANG DE LA GNAS PA NI NYES BYAS SU BSHAD PAS NA DE LAS BZLOG PA NI RTON PA GNYIS PA'I DON DU SHES PA BYA'O, ,DRANG DON LA MO RTON NGES DON LA @09B RTON PA NI, DE BZHIN GSHEGS PA'I BKA' LAS YONGS SU MA SMIN PA'I SKYES BU DRANG BAR BYA BA'I DON DU GSUNGS PA SGRA JI BZHIN PA LA RIGS PA'I GNOD PA 'BAB PA RNAMS NI GDUL BYA DRANG PA'I CHED DU GSUNGS PAR SHES NAS DNGOS PO'I DE KHO NA NYID DON JI LTA BA BZHIN DU STON PA SGRA JI BZHIN PA LA RIGS PA'I GNOD PA MI 'BAB PA RNAMS NI NGES PA'I DON DU YID CHES PAR BYA STE, BYANG SA LAS, YANG BYANG CHUB SEMS DPA' NI, DE BZHIN GSHEGS PA LA DAD PA ZHEN CING, DGA' BA ZHEN TE, GSUNG LA GCIG TU NGES PA MNGON PAR DGA' BA DANG, DE BZHIN GSHEGS PA'I NGES PA'I DON GYI MDO SDE LA RTON GYI, DRANG PA'I DON LA NI MA YIN TE, NGES PA'I DON GYI MDO SDE LA RTON NA, CHOS 'DUL BA 'DI LAS MI 'PHROG PAR 'GYUR TE, 'DI LTAR DRANG BA'I DON GYI MDO SDE NI SGO SNA TSOGS NAS ZHUGS PA'I DON GYI RNAM PAR DBYE BA MA NGE PAS THE TSOM SKYED PA YIN PA'I PHYIR RO, ,ZHES GSUNGS SO, ,'DI NI SPYI'I DBANG DU BYAS PA YIN GYI ZHIB TU NA DBU SEMS KYI SHING RTA CHEN PO RNAMS KYI DRANG NGES KYI KHYAD PAR RNAM PAR BZHAG PA MI 'DRA BA'I DBANG GIS RTON PA GSUM PA'I ZHIB CHA SO SOR BYED PA YANG DES DPAGS TE SHES PAR BYA'O, ,RNAM SHES LA MI RTON YE SHE SLA RTON PA NI, NGES DON 'TSOL BA'I SKABS SU SKYE BO PHAL PA'I MIG LA SOGS PA'I DBANG PO'I SHES PA DANG, DNGOS PO'I GNAS LUGS LA 'KHRUL PA'I YID KYI SHES PA LA DE LTAR SNANG BA TZAM LA YID CHES PA SPANGS NAS, 'PHAGS PA RNAMS KYI RNAM PAR MI RTOG PA'I MNYAM GZHAG YE SHES SAM DE'I RGYUR GYUR PA'I DE KHO NA NYID DPOG PAR BYED PA'I RIGS SHES LA RTON PAR BYED PA 'AM, YANG NA THOS BSAM GYIS DON SPYI TZAM RNAM PAR SHES PA LA @010A *, ,YID MI RTON PAR RTOG MED KYI SHES PAS LAM MNGON SUM DU RTOGS PA LA SNYING PO DAD BCAS PAR YID CHES PA STE, DANG PO NI MDO LAS, MIG DANG RNA BA SNA YANG CHED MA MIN, ZHES SOGS KYIS BSHAD PA LTAR DANG, PHYI MA NI BYANG SA LAS, YANG BYANG CHUB SEMS DPA' NI RTOGS PA'I YE SHES LA SNYING POR LTA BA YIN GYI, THOS PA DANG BSAMS PAS CHOS DANG DON RNAM PAR SHES PA TZAM LA NI MA YIN NO, ,ZHES PA LTAR RO, ,MKHAS GRUB THAMS CAD MKHYEN PAS KYANG SO SO SKYE BO'I SHES PA'I SNANG TSUL 'DI GNAS LUGS MA YIN GYI, 'PHAGS PA'I MI RTOG YE SHES KYI GZIGS TSUL DE NYID GNAS LUGS SU KHAS LEN PA NA RNAM SHES LA MI RTON YE SHES LA RTON PA'I DON YIN NO ZHES GSUNGS SO, ,SA'I DNGOS GZHI LAS NI, SRID RTZE MAN CHAD KYI RNAM SHES KYI RTEN 'BREL JI TZAM THOB KYANG YID MI RTAN LA, 'PHAGS PA'I BDEN PA BZHI SHES PA'I ZAG MED KYI YE SHES LA RTAN PA NI RTON PA BZHI PA'I DON DU GSUNGS PA LTAR NA RNAM SHES NI 'KHOR BAS BSDUS PA'I SHES PA DANG, YI SHES NI RNAM BYANG PHYOGS KYIS BSDUS BA'I SHES PAR BYED DGOS PA 'DRA'O, ,'ON KYANG MDO DANG BYANG SA LAS GSUNGS PA NI BYANG CHUB SEMS DPA'I DBANG DU BYAS PA'I RTON PA BZHI PA'I RNAM GZHAG DAD, SA'I DNGOS GZHI LAS GSUNGS PA NI THEG PA DMAN PA'I GNAS SKABS KYANG BSDU BA LA DGONGS PA YIN BYAS KYANG RUNG NGAM SNYAM STE, BLO GROS DANG LDAN PA RNAMS KYIS DPYAD PAR BYA'O, ,DE LTAR NA, DANG PO THOG MAR CHOS NYAN PA'I DUS SU GANG ZAG LA MI RTON PAR YANG DAG PA'I LAM STON PA'I CHOS NI SU LAS KYANG RUNG STE MNYAM DGOS PA DANG, DE'I TSE YANG TSIG @10B LA GTZO BOR BYED PAR DON GTZO BOR MI BYED PAR DON GTZO BOR YID LA 'DZIN PA STE THOS PA'I GNAS SKABS SU RTON PA DANG PO GNYIS DANG, DE NAS BSAM PA'I GNAS SKABS SU DON LA YANG GNYIS SU PHYE BA'I NGES SON LA GTZO BOR BYED CING DRANG DON NI DE RTOGS PA'I THABS SAM YAN LAG TU SHES DGOS PAS RTON PA GSUM PA DANG, SGRUB PA NYAMS LEN GYI DUS SU THOS BSAM GYIS SHES PA TZAM LA CHOG MI BYED PAR BSGOM BYUNG GIS MI RTOG PA'I YI SHES RGYUD LA SKYE BA LA GTZO BOR BYED DGOS PAS RTON PAS RTON PA BZHI PA 'JOG PAR 'PHAGS PA THOS MED KYIS BSHAD DO, ,RTON PA BZHI PO DES RIM PA BZHI DU CHOS ZAB MO LA MOS PA DANG, DGONGS PA ZAB MO LA SPYOD PA DANG, LUNG GI DON LA LOG PAR MI 'JUG PA DANG, ZAG MED YE SHES THOB PA BZHI LAS MI NYAMS PAR GSUNGS TE, MDO SDE RGYAN LAS, MOS DANG RNAM PAR SPYOD PA DANG, GZHAN LAS JI BZHIN THOS PA DANG, ,BRJOD PA MED PA'I YE SHES LAS, ,BRTAN RNAMS NYAMS PAR MI 'GYUR RO, ZHES SO, RTAN PA BZHI'I RNAM GZHAG DE DAG SHIN TU GAL CHE BAR SNANG NA'ANG PHYIS KYI MKHAS PA GZHAN DAG GIS GSAL BAR BSHAD PA MI SNANG LA, MKHAS SHING GRUB PA'I DBANG PHYUG RJE BTZUN DAM PA 'JAM DBYANGS BZHED ? PA'I RDO RJES GRUB MTHA'I RNAM GZHAG TU LEGS PAR BSHAD PA DANG, DE'I KHUNGS SU GYUR PA'I BYANG SA MDO SDE RGYAS RTZA 'GREL RJE YAB SRAS KYI GSUNG RAB SOGS LA DPYAD DE CUNG ZAD GSAL BAR BSHAD DO, ,RIGS PA BZHI NI, BLTOS BA'I RIGS PA, ,BYA BA BYED PA'I RIGS PA, 'THAD PAS SGRUB PA'I RIGS PA, CHOS NYID KYI RIGS PA STE BZHI'I, 'DU BYED RNAMS KYI 'BYUNG BA RANG RANG GI RGYUD DANG RKYEN LA BLTOS @11A *, ,PA STE, DE YANG KUN RDZOB DANG DON DAM DANG DE DAG GI GZHI RNAMS SO SO'I SGO NAS 'TSOL BA'O, ,GNYIS PA NI, MES SREG PA'I BYA BA BYED PA SOGS CHOS RNAMS KYIS RANG RANG GI BYA BA BYED PA STE, 'DI YANG BYA BYED CHOS GSUM SO SOR 'TSOL BA'O, ,GSUM PA NI, TSAD MA GSUM DANG MI 'GAL BAR DON SGRUB PA STE, 'DI LA MNGON SUM DANG RJES DPAG DANG LUNG GI TSAD MA GSUM PO YOD DAM MED SNYAM DU 'TSOL BA'O, BZHI PA NI, ME TSA BA DANG CHU RLAN PA SOGS LA DE DAG GI CHOS NYID DU 'JIG RTEN NA GRAGS PA'I CHOS NYID DANG, BSAM GYIS MI KHYAB PA'I CHOS NYID DANG, GNAS PA'I CHOS NYID LA MOS PAR BYED PA STE, RIGS PA 'DI BZHI LA BRTEN NAS KYANG RGYAL BA'I GSUNG RAB KYI DON LA 'JUG PA'O, ,DGONGS PA CAN BZHI NI, SANGS RGYAS THAMS CAD CHOS SKUR MNYAM PA NYID LA DGONGS NAS DE'I TSE SANGS RGYAS RNAM GZIGS SU GYUR TO ZHES MNYAM PA NYID LA DGONGS PA DANG, CHOS THAMS CAD NGO BO NYID MED CES PA LTA BU SGRA JI BZHIN PA MA YIN PA'I DON GZHAN LA DGONGS PA DANG, BDE BA CAN DU SKYE BAR SMON LAM BTAB PA TZAM GYIS DER SKYE'O ZHES PA LTA BU DUS GZHAN LA DGONGS PA DANG, GANG ZAG KHA CIG LA BSNGAGS PA'I DGE BA'I RTZA BA 'GA' ZHIG DES CHOG PAR 'DZIN PA'I GANG ZAG KHA CIG GI NGAR SMAD PA LTA BU GANG ZAG GI BSAM PA LA DGONGS PA STE; MDO SDE RGYAN RTZA 'GREL LAS BSHAD PA LTAR RO, ,LDEM POR DGONGS PA BZHI NI, BSTAN PA LA GZHUG PA'I DON DU GANG ZAG GI BDAG YOD PAR GSUNGS PA LTA BU GZHUG PA LA LDEM PAR DGONGS PA DANG, NGO BO NYID GSUM LA DGONGS NAS CHOS THAMS @11B CAD NGO BO NYID MED PAR GSUNGS PA LTA BU MTSAN NYID LA LDEM POR DGONGS PA DANG, DAM PA'I CHOS BRNYAS PA LA SOGS PA'I NYES PA BRGYAD 'DUL BA'I PHYIR DU THEG CHEN GSUNGS PA LTA BU GNYEN PO LA LDEM POR DGONGS PA DANG, GRAGS PA'I YI GE NGAN PA MA GRAGS PA'I DON ZAB MO STON BYED DU BSGYUR BA, SNYING PO MED LA SNYING POR SHES ZHES PA LTA BU LA SOGS PA NI BSGYUR BA LA LDEM POR DGONGS PA'O, ,DGONGS LDEM DGONGS GNYIS MDO GCIG LA TSANG BA'ANG YOD PAS PHAN TSUN 'GAL BA NI MA YIN NO, ,LDEM DGONGS BZHI YANG MDO SDE RGYAN LA SOGS PA LAS BSHAD PA LTAR TE, GNYEN PO LA LDEM POR DGONGS PA NI DGONGS PA CAN BZHI LA BYA BAR RGYAL TSAB RJES PHAR PHYIN RNAM BSHAD DU GSUNGS SO, ,DON GZHAN LA DGONGS PA DANG MTSAN NYID LA LDEM POR DGONGS PA GNYIS NI SEMS TZAM PA KHO NA'I 'DOD PA YIN PAR LEGS BSHAD GSER 'PHRENG LAS BSHAD DO, ,'DI DAG GRAGS CHE BAS DE TZAM LAS MA SPROS SO, ,GNYIS PA SO SOR BSHAD PA LA RNAM PAR RIG PA TZAM DU SMRA BA'I LUGS DANG, NGO BO NYID MED PAR SMRA BA'I DBU MA PA'I LUGS GNYIS, DANG PO LA GANG LA BRTEN PA'I GZHUNG DANG, DE LAS BYUNG BA'I GRUB MTHA'I RNAM GZHAG GO ,DANG PO NI, THEG CHEN GYI SHING RTA'I SROL 'BYED PA'I THOG MA NI MGON PO KLU SGRUB YIN LA, RJE BTZUN DE NYID BYUNG BA'I DUS DANG DES GZHUNG JI LTAR MDZAD PA SOGS NI 'OG TU 'CHAD PAS, 'DIR 'PHAGS PA THOGS MED KYI BYUNG BA'I TSUL CUNG ZAD BSHAD PAR BYA STE, DE YANG SLOB DPON 'DI NYID BYUNG BA'I DUS NI DGONGS 'GREL GYI 'GREL CHEN DU STON PA MYA NGAN LAS 'DAS NAS LO DGU BRGYA NA BYUNG BAR BSHAD LA, DER DRANGS PA'I 'JAM DPAL RTZA RGYUD @12A *, ,KYI LUNG LAS, NGA NI MYA NGAN 'DAS 'OG TU, ,LO NI DGU BRGYA LON PA NA, ,ZHES 'BYUNG NGO, ,GZHUNG GZHAN DAG LAS LO DRUG BRGYA ZHES KYANG 'BYUNG NGO, ,SLOB DPON 'DI BCOM LDAN 'DAS KYIS LUNG BSTAN PA NI, 'JAM DPAL RTZA RGYUD LAS, THOGS MED CES BYA'I DGE SLONG NI, ,BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,'JIG RTEN RIG PA STON BDAG NYID, ,GZHUNG 'BYED DANG TSUL CAN DU 'GYUR, DE YI RIG PA GRUB PA NI, ,SA LA'I PHO NYA MO ZHES BRJOD, , DE YI SNGAGS KYI MTHU YIS NI, ,BLO NI BZANG PO SKYE BAR 'GYUR, ,BSTAN PA YUN RING GNAS BYA'I PHYIR, ,MDO YI DE NYID DON SDUD BYED, ,LO NI BRGYA DANG LNGA BCUR 'TSO, ,DE LUS ZHIG NAS LHA YUL 'GRO ,'KHOR BA RNAMS SU 'KHOR BA NA, ,YUN RING BDE BA RJES MYONG NAS, , BDAG NYID CHEN PO MTHAR GYIS TE, ,BYANG CHUB 'THOB PAR 'GYUR BA YIN, ,ZHES GSUNGS PA'O, ,BYUNG BA'I TSUL NI RGYA GAR DU CHOS MNGON PA LA DGRA LAN GSUM BYUNG NAS BSTAN PA NUB PA NA BRAM ZE MO GSAL BA'I TSUL KHRIMS ZHES BYA BAS BSTAN PA'I RTZA BA MNGON PA NI DGRA LAN GSUM GYIS NUB PAS, DA 'DI DAR BAR BYED PA GZHAN YANG MI SNANG, BDAG KYANG BUD MED DU SONG BAS MI NUS KYI LUS LA BU SKYED LA DAR BAR BYED DU GZHUG GO SNYAM TE RGYAL RIGS DANG 'DUS PA LAS THOGS MED DANG, BRAM ZE DANG 'DUS PA LAS DBYIG GNYEN BYUNG NGO, ,DE NAS BU RNAMS LA BLO RNO BA'I CHO GA YANG BYAS TE CHER SKYES PA'I TSE BU GNYIS NA RE, PHA'I LAS GANG YIN ZHUS PAS, MA NA RE, KHYED DE'I PHYIR MA SKYED KYI BLO SPYOD KYIS LA BSTAN PA DAR BAR GYIS SHIG GSUNGS PAS, GCUNG NI @12B KHA CHER SLOB DPON 'DUS BZANG GI DRUNG DU BYON NO, ,GCEN GYIS NI BYAMS PA BSGRUBS NAS BSTAN PA DAR BAR BYA'O SNYAM STE, RI BYA RKANG GI PHUG TU BYON NAS LO GSUM DU BSGRUBS PAS MTSAN MA CUNG ZAD KYANG MA MTHONG BAS SKYO STE PHYIR THON PA NA RGAN PO SHING BAL GYI 'DAB MAS LCAGS KYI SDONG BU LA KHAB BYED PA MTHONG NAS DRIS PAR, SNYING STOBS LDAN PA'I SKYES BU YIS, ,BSGRUBS NA MI 'GRUB GANG YANG MED, ,DKA' YANG BRNAG PA MA DOR NA, ,RI BO RNAMS KYANG THAL BAR RLOG ,CES ZER BAS RKYEN BYAS TE PHYIR LOG NAS, YANG LO GSUM BSGRUBS NAS THON PA NA CHU THIGS KYIS BRAG ZAD PA MTHONG NAS BRTZON PA'I BLO SKYES TE PHYIR LOG ,YANG LO GSUM BSGRUBS TE THON PA NA BYA SGROS BRAG ZAD PA MTHONG NAS SNGAR LTAR PHYIR LOG ,YANG LO GSUM BSGRUBS PAS MTSAN MA MA BYUNG BAR SKYO STE THON NAS PHYIN PA NA KHYI MO RO SMAD 'BUS GZHIGS PA RO STOD ZUG CING ZA BA ZHIG MTHONG NAS SNYING RJE LHAG PAR SKYES TE RANG GI LUS LA SHA BCAD DE 'BU BSAL SNYAM NAS GSER GYI SPU GRI G-YAR TE RANG GI LUS LAS SHA BCAD, LAG PAS BLANGS NA SHI YIS DOGS TE SPYAN ZUM TE LJAGS KYIS BLANG SNYAM PA DANG KHYI MED PAR RJE BTZUN 'OD DANG BCAS PA MTHONG NAS, BDAG GIS DE TZAM BSGRUBS KYANG RTAGS TZAM YANG MA BYUNG BA RJE BTZUN THUGS RJE RE CHUNG ZHES 'KHANGS PAS RJE BTZUN GYIS, NGA DANG PO NAS YOD DE KHYOD RANG GI SGRUB PAS MA MTHONG LA DA LTA SNYING RJE CHEN PO SKYES PAS SGRIB PA DAG NAS MTHONG BA YIN, ZHES GSUNGS, DE NAS THEG CHEN DAR BAR ZHU 'TSAL ZHES ZHUS PAS, NGA'I CHOS GOS LA 'JUS SHIG GSUNGS NAS DGA' LDAN DU BYON TE LHA'I GRO SKAD CIG GAM MI LO LNGA BCU 'AM @13A *, ,LNGA BCU RTZA GSUM DU BZHUGS PAR GRAGS LA, SA SDE'I GNA' MTSAN LAS ZLA BA DRUG CES 'BYUNG NGO, ,DER BYAMS PA LAS YUM GYI MDO DANG BYAMS CHOS SDE LNGA SOGS GSAN NAS SLAR MI YUL DU BYON NAS RGYAL BA'I BSTAN PA RIN PO CHE DAR BAR MDZAD DO, ,DE LTAR YANG SA'I STOD 'GREL LAS, 'JIG RTEN KUN LA PHAN PHYIR THOGS MED CES BYA BA, ,CHOS RGYUN TING 'DZIN STOBS KYIS DRANGS PA'I BDUD RTZI'I RGYUN, ,'PHAGS PA MI PHAM ZHAL GYI BUM PA NAS BLUGS PA, GSAN PA'I SNYIM PAS GSOL BA DE LA PHYAG 'TSAL LO, ,ZHES PA LTAR RO, ,SLOB DPON 'DI NI SA GSUM PA 'OD BYED PA BRNYES PAR 'GREL BSHAD TSIG GSAL SOGS LAS 'BYUNG NGO, ,DE LA BYAMS CHOS SDE LNGA NI, MDO SDE RGYAN, MNGON RTOGS RGYAN, DBUS MTHA' RNAM 'BYED , CHOS DANG CHOS NYID RNAM 'BYED, RGYUD BLA MA RNAMS SO, ,'PHAGS PA THOGS MED KYIS MDZAD PA'I SA SDE LNGA NI, SA'I DNGOS GZHI, GZHI BSDU BA, RNAM GRANGS BSDU BA, RNAM PAR BSHAD PA'I SGO BSDU BA, RNAM PAR GTAN LA DBAB PA BSDU BA RNAMS YIN LA SA SDE TSANG BA LA BAM PO BRGYA DANG SUM CU YOD DO, ,DE'I NANG GI SA'I DNGOS GZHI LA SA MANG PO BA DANG, NYAN SA, BYANG SA, SA'I GO RIM RNAMS SU YOD DO, ,SDOM GNYIS NI, THEG PA THUN MONG GI SDOM MNGON PA KUN LAS BTUS DANG, THEG CHEN THUN MONG MA YIN PA'I SDOM THEG BSDUS TE GNYIS SO, ,DE'I GCUNG SLOB DPON DBYIG GNYEN GYIS MDZAD PA LA MDO SDE RGYAN DANG, 'BYED GNYIS TE GSUM GYI 'GREL PA DANG, RNAM BSHAD RIGS PA, LAS SGRUB PA'I RAB BYED, PHUNG PO LNGA'I RAB BYED, NYI SHU BA'I RAB BYED, SUM @13B CU PA'I RAB BYED DE PRA KA RA nA SDE BRGYAD DU GRAGS SO, ,DE LTAR BYAMS CHOS SDE LNGA, SA SDE LNGA, SDOM RNAM GNYIS, PRA KA RA nA SDE BRGYAD RNAMS LA BYAMS PA DANG 'BREL BA'I CHOS SDE NYI SHU ZHES GRAGS SO, ,GZHAN YANG SLOB DPON DBYIG GNYEN GYIS MDZAD PA LA RTEN 'BREL MDO 'GREL, SA LU LJANG PA'I MDO 'GREL, SA BCU PA'I MDO 'GREL, THEG BSDUS KYI 'GREL PA, RJES DRAN GSUM GYI 'GREL PA LA SOGS PA MDO DANG BSTAN BCOS KYI 'GREL PA MANG DU YOD DO, ,GZHAN YANG SLOB DPON GZHAN LA PHAN PA ZHES BYA BAS MDO SDE RGYAN GYI TSIGS BCAD DANG PO GNYIS KYI BSHAD PA MDZAD PA DANG, KHA CHE DZNY'A NA SHR'I'I MDO SDE RGYAN GYI DON BSDUS DANG, SLOB DPON BLO BRTAN GYI MDO SDE RGYAN GYI 'GREL BSHAD CHON MO DANG, DBUS MTHA' RNAM 'BYED KYI 'GREL BSHAD BZHI, PHUNG PO LNGA'I RAB BYED KYI 'GREL PA, ,SUM CU PA'I 'GREL PA, DGE BSNYEN BTZUN PA NGO BO NYID MED PA'I MDO SDE RGYAN GYI BSHAD SBYAR, DE'I THEG BSDUS BSHAD SBYAR GNYIS, YON TAN 'OD KYI PHUNG PO LNGA'I RAB BYED KYI 'GREL PA, YON TAN 'OD DANG RGYA MTSO SPRIN GYI BYANG SA'I 'GREL PA GNYIS, RGYAL BA'I SRAS DANG YON TAN 'OD KYI TSUL KHRIMS LE'U'I 'GREL PA, THEG BSDUS KYI BSHAD SBYAR DON GSANG RNAM PAR PHYE BA, SA'I STONG 'GREL, DUL LHA'I NYI SHU PA'I 'GREL PA DANG, SUM CU PA'I 'GREL BSHAD, YON TAN BLO GROS KYI RNAM BSHAD RIGS PA'I 'GREL BSHAD, BLO BZANG NGANG TSUL GYI LAS SGRUB PA'I RAB BYED KYI 'GREL PA, RIN CHEN 'BYUNG GNAS ZHI BA'I SEMS TZAM RGYAN RTZA 'GREL RNAMS KYANG SEMS TZAM GYI SKOR RO, ,GZHAN YANG KUN MKHYEN DBYIG GNYEN GYI SLOB MA @14A *, ,RANG LAS MKHAS PA BZHI'I NANG TSAN SLOB DPON PHYOGS GLANG GI TSAD MA KUN BTUS RTZA 'GREL, DMIGS BRTAG RTZA 'GREL, SLOB DPON CHOS GRAGS KYI RNAM 'GREL, RNAM NGES, RIGS THIGS, GTAN TSIGS THIGS PA, RGYUD GZHAN SGRUB PA, 'BREL PA BRTAG PA, RTZOD PA'I RIGS PA STE TSAD MA SDE BDUN DANG, DE DAG GI 'GREL PA 'GREL BSHAD DANG BCAS PA RNAMS KYANG PHAL CHER SEMS TZAM GYI SKOR RO, ,RNAM PAR RIG PA TZAM DU SMRA BA'I SLOB DPON NI THOGS MED SKU MCHAD, GNAS BRTAN CHOS SKYONG, BLO BRTEN, PHYOGS GLANG, CHOS GRAGS, GSER GLING PA, SHANTI PA SOGS MANG DU YOD CING 'DI DAG LAS 'GA' ZHIG NI SKU TSE'I STOD LA SEMS TZAM DANG SKU TSE'I SMAD LA DBU MA PAR GYUR PA'ANG YOD LA, 'PHAGS PA THOGS MED LTA BU RANG NYID DBU MA THAL 'GYUR BAR GNAS KYANG SEMS TZAM DANG MTHUN PAR DGONGS 'GREL GYI BSTAN BCOS BRTZAMS PA YANG SLOB DPON DE DAG GI NANG NA MANG DU YOD PAS, DE LA DGONGS NAS RJE BDAG NYID CHEN POS, DBYIG GNYEN PHYOGS GLANG GI GZHUNG RTZAD MED RNAMS NAS NI RNAM PAR RIG PA TZAM GYI LUGS SU BKRAL MOD KYANG SLOB DPON DE DAG GI BZHED PA JI LTAR YIN PA RNAMS NI BDAG CAG 'DRA BA RNAMS KYIS SHIN TU RTOGS PAR DKA'O ZHES 'JUG PA'I RNAM BSHAD CHEN MOR BKA' STZAL TO, ,DES NA SEMS TZAM PA'I SLOB DPON YIN NA SEMS TZAM PA YIN MI DGOS TE, PHAL CHEN SDE PA'I DGE SLONG YIN NA PHAL CHEN SDE PA YIN MI DGOS PA BZHIN NO, ,GNYIS PA DE LAS BYUNG BA'I GRUB MTHA'I RNAM GZHAG LA MTSAN NYID, SGRA BSHAD, DBYE BA, GRUB @14B MTHA'I 'DOD TSUL DANG BZHI, DANG PO NI, PHYI DON RIGS PAS 'GOG CING RNAM SHES BDEN PAR SMRA BA'I RANG SDE NI SEMS TZAM PA'I MTSAN NYID DE, 'DI LA RNAM RIG PA ZHES KYANG ZER LA RNAL 'BYOR SPYOD PA BA ZHES KYANG ZER RO, ,RNAM PAR RIG PA TZAM DU SMRA TSUL NI SHES BYA THAMS CAD SHES PA'I BDAG NYID DU SMRA BA STE, KHAMS GSUM PA 'DI NI SEMS TZAM MO ZHES PA'I LUNG DANG, RNAM PAR SNGOS PA LA SOGS PA'I DON MED KYANG MNYAM PAR BZHAG PA'I SHES PA'I DBANG GIS MDUN NA 'DUG PA LTA BUR GZUGS BRNYAN SNANG BA BZHIN DU, PHYI ROL GYI DON MED KYANG DON DU SNANG BA'I BAG CHAGS BSGOS PA'I RKYEN GYIS YUL DU SNANG BA'I RNAM RIG 'BYUNG BA MI 'GAL BA'I RIGS PA LA BRTEN PAR THEG BSDUS LAS GSUNGS TE, DE NYID LAS GONG GI LUNG DE DANG DGONGS 'GREL GYI LUNG DE DRANGS PA'I MJUG THOGS SU LUNG DES RIGS PA YANG BSTAN PA YIN NO, ,'DI LTAR SEMS MNYAM PAR BZHAG PA NA SHES BYA'I GZUGS BRNYAN RNAM PAR SNGOS PA LA SOGS PA GANG DANG GANG MTHONG BA DE NYID SEMS MTHONG BA STE, RNAM PAR SNGOS PA LA SOGS PA DON GZHAN MED DO, ,RIGS PA 'DIS BYANG CHUB SEMS DPA' RNAM PAR RIG PA THAMS CAD LA RNAM PAR RIG PA TZAM NYID DU RJES SU DPAG PAR BYA BAR 'OS SO ZHES GSUNGS SO, ,GNYIS PA SGRA BSHAD PA NI, KHAMS GSUM PA THAMS CAD SEMS TZAM GYI BDAG NYID DU SMRA BAS NA SEMS TZAM PA SOGS TE SHES PAR SLA'O, ,GSUM PA DBYE BA NI, SA SDE SOGS KYI RJES 'BRANGS LUNG GTZO BOR SMRA BA LUNG GI RJES 'BRANGS DANG, TSAD MA'I BSTAN BCOS SDE BDUN MDO DANG BCAS PA NAS BSHAD PA LTAR GYI RIGS PA'I RJES 'BRANGS GNYIS SU YOD PA NI @15A *, ,GRAGS CHE LA, RNAM PA'I 'DOD TSUL GYI SGO NAS DBYE NA RNAM BDEN RDZUN GNYIS SU YOD CING, DE YANG LUNG RIGS KYI RJES 'BRANGS RE RE LA'ANG RNAM BDEN RDZUN GNYIS GNYIS KYI RNAM GZHAG YOD PAR GZHUNG DU MA LAS BSHAD DO, ,RNAM BDEN RDZUN GYI NANG GSES KYI DBYE BA DANG 'DOD TSUL NI 'OG TU 'CHAD DO, ,BZHI PA GRUB MTHA'I 'DOD TSUL LA GNYIS, BKA'I DRANG NGES JI LTAR PHYE BA DANG, DE LA BRTEN NAS GRUB PA'I MTHA' RNAM PAR BZHAG TSUL LO, ,DANG PO NI, 'PHAGS PA THOGS MED KYIS DRANG NGES 'BYED PA'I SHING RTA'I SROL PHYE BA NI MDO SDE DGONGS 'GREL LA BRTEN PA YIN TE, BSDU BA LAS, DON DAM PA MTSAN NYID LNGA DANG LDAN PA YANG DGONGS 'GREL LAS 'BYUNG BA BZHIN SHES PAR BYA'O ZHES DANG, CHOS RNAMS KYI MTSAN NYID NI DGONGS 'GREL LAS 'BYUNG BA BZHIN BLTA BAR BYA'O ZHES DANG, CHOS RNAMS KYI NGO BO NYID MED PA NI DGONGS 'GREL LAS 'BYUNG BA BZHIN BLTA BAR BYA'O ZHES PA'I LUNG CHAN PA GSUM GYI DANG POS DON DAM PA'I RNAM GZHAG DANG, GNYIS PAS MTSAN NYID GSUM GYI RNAM GZHAG DANG, GSUM PAS MDO SDE LA DRANG NGES 'BYED PA'I TSUL RNAMS DGONGS 'GREL LA BRTEN PAR GSUNGS PA'I PHYIR DANG, RNAM SHES TSOGS BRGYAD DANG MTHAR THUG THEG PA GSUM DU BSGRUBS PA YANG MDO DGONGS 'GREL LA BRTEN NAS BSHAD PA'I PHYIR RO, ,DE LTA NA DGONGS 'GREL LA BRTEN NAS DRANG NGES JI LTAR PHYE BA YIN ZHE NA 'DI LA MDO DGOD PA DANG, DE'I DON BSHAD PA GNYIS, DANG PO NI, SPYIR DGONGS 'GREL GYI DON DAM YANG DAG 'PHAGS ZHUS KYI LE'U'I MDO SDE LA 'GAL SPONG GI DRI LAN GYI SKOR RIL GYIS 'DI'I KHUNGS YIN MOD KYANG @15B 'JUG PA BDE BA'I PHYIR GRUB DON GYI MDO LA BRTEN NAS BSHAD NA DGONGS 'GREL LAS, BCOM LDAN 'DAS KYIS DANG POR YUL WA RA n'A SIR DRANG SRONG SMRA BA RI DVAGS KYI NAGS SU NYAN THOS KYI THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PA BSTAN PAS, CHOS KYI 'KHOR LO NGO MTSAR RMAD DU BYUNG BA SNGON LHAR GYUR PA'AM, MIR GYUR PA SUS KYANG MTHUN PAR 'JIG RTEN DU MA BSKOR BA GCIG RAB TU BSKOR TE, BCOM LDAN 'DAS KYIS CHOS KYI 'KHOR LO RAB TU BSKOR BA DE YANG, BLA NA MCHIS PA SKABS MCHIS PA DRANG BA'I DON RTZOD PA'I GZHI'I GNAS SU GYUR PA LAGS, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS SKYE BA MA MCHIS PA DANG 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG PA CHEN PO LA YANG DAG PAR ZHUGS PA RNAMS LA STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYIS CHOS KYI 'KHOR LO BSKOR BA DE YANG BLA NA MCHIS PA; SKABS MCHIS PA, DRANG PA'I DON RTZOD PA'I GZHI'I GNAS SU GYUR PA LAGS KYI, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG PA THAMS CAD LA YANG DAG PAR ZHUGS PA RNAMS LA LEGS PAR RNAM PAR PHYE BA DANG LDAN PA NGO MTSAR RMAD DU BYUNG BA'I CHOS KYI 'KHOR LO GSUM PA BSKOR TE, BCOM LDAN 'DAS KYIS @016A *, ,CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, NGES PA'I DON LAGS TE, RTZOD PA'I GZHI'I GNAS SU GYUR BA MA LAGS SO, ,ZHES SO, ,GNYIS PA LA GNYIS, MDO'I TSIG DON CUNG ZAD BSHAD PA DANG, 'KHOR LO GSUM GYI DRANG NGES PHYE TSUL DNGOS SO, ,DANG PO NI, 'DI LA MDO TSIG TU DANG POR ZHES PA NI BYA RGOD PHUNG PO'I RIR SHER PHYIN GYI MDO DANG YANGS PA CAN DU 'KHOR LO GSUM PA BSKOR BA LA BLTOS TE WA RA n'A SIR BDEN BZHI'I CHOS 'KHOR BSKOR BA 'DI DUS THOG SNGA BAS NA 'DIR DNGOS SU BSHAD PA'I 'KHOR LO GSUM BSKOR BA'I DUS KYI RIM PA STON PA TZAM YIN GYI SPYIR DUS DANG POR GSUNGS PA'I MDO THAMS CAD 'DI NAS BSHAD PA'I 'KHOR LO DANG POR SGRUB PA DANG DE NYID 'KHOR LO DANG PO'I 'JOG BYED DU STON PA MIN NO, ,WA RA n'A SI SOGS NI CHOS 'KHOR BSKOR BA'I GNAS SO, ,NYAN THOS KYI THEG PA LA YANG DAG PAR ZHUGS PA NI GDUL BYA STE, DE'I CHED DU BYA BA'I GDUL BYA'I GTZO BO NI THEG PA DMAN PA'I RIGS CAN NO, ,'PHAGS PA'I BDEN PA BZHI'I RNAM PA BSTAN PA NI BRJOD BYA STE, , BDEN PA BZHI LAS BRTZAMS TE GSUNGS PA'I PHYIR RO, ,CHOS KYI 'KHOR LO ZHES PA NAS BSKOR TE ZHES PA'I BAR NI CHOS 'KHOR GYI BSNGAGS PA'O, ,BLA NA MCHIS PA NI 'DI'I GONG NA KHYAD PAR CAN GYI CHOS 'KHOR YOD PA STE, DE YANG NGES DON GYI MDO RNAMS SO, SKABS YOD PA NI 'DI'I DNGOS BSTAN SGRA JI BZHIN PA'I DON LA RGOL BA GZHAN GYIS GLAGS 'TSOL BA'I SKABS YOD PA'O, ,DRANG BA'I DON NI 'DI'I DON GZHAN DU DRANG DGOS PA'O, ,RTZOD PA'I GZHI'I GNAS SU GYUR PA NI KUN RDZOB DANG DON DAM DU YOD MED KYI KHYAD PAR GSAL @016B BAR MA PHYE BAS DON GANG YIN LA MI MTHUN PA'I RTZOD PA DANG BCAS PA'O, ,GNYIS PA'I BCOM LDAN 'DAS KYIS ZHES PA NAS BRTZAMS NAS ZHES PA'I BAR NI BRJOD BYA STON PA STE, YUM GYI MDO LA SOGS PA BRJOD BYA NGO BO NYID MED PA LA SOGS LAS BRTZAMS TE GSUNGS PA'I PHYIR RO, ,THEG PA ZHES SOGS NI BSKOR YUL GYI GDUL BYA STE, 'DI'I CHED DU BYA BA'I GDUL BYA NI THEG PA CHEN PO LA YANG DAG PAR ZHUGS PA YIN PA'I PHYIR RO, ,STONG PA NYID SMOS PA'I RNAM PA NI NGO BO NYID YOD MED GSAL BAR MA PHYE BAS MI MNGON PA'I RNAM PAS GSUNGS PA'O, ,LHAG MA NI SNGA MA LTAR RO, ,GSUM PA'I BCOM LDAN 'DAS ZHES PA NAS BRTZAMS NAS ZHES PA'I BAR NI BRJOD BYA STON PA STE, 'KHOR LO GSUM PA YANG NGO BO NYID MED PA SOGS LAS BRTZAMS PA NI BKA' BAR PA DANG 'DRA BA'I PHYIR RO, ,THEG PA THAMS CAD LA YANG DAG PAR ZHUGS PA NI BSKOR YUL GYI GDUL BYA STE, 'DI'I CHED DU BYA BA'I GDUL BYA THEG CHEN GYI RIGS CAN YIN PA NI SNGA MA DANG 'DRA LA, THEG PA THAMS CAD LA ZHUGS PA'I DON NI 'KHOR LO DANG POR GANG ZAG GI BDAG MED TZAM DANG BAR PAR CHOS KYI BDAG MED BSTAN PA'I THEG PA CHE CHUNG GNYIS KA'I MDO'I DON LEGS PAR RTOGS PA'I CHED DU THOS BSAM SOGS KYIS ZHUGS PA'O, ,LEGS PAR RNAM PAR PHYE BA NI GZUGS SOGS KYI CHOS RNAMS RE RE LA YANG MTSAN NYID GSUM GSUM GYI RNAM GZHAG DANG NGO BO NYID MED TSUL GSUM GSUM GYI KHYAD PAR GSAL BAR PHYE BA'O, ,BLA NA MA MCHIS PA SOGS KYI DON NI SNGA MA LAS LDOG PA STE, RTZOD PA'I GZHI'I GNAS SU GYUR PA MA LAGS PA NI NGO BO NYID YOD MED GSAL BAR PHYE BAS MDO DES DE LTAR GTAN LA PHAB PA YIN MIN MKHAS PAS BRTAGS NA RTZOD SA MED PA LA @017A *, ,BYA'O, ,DE LTAR NA 'DIR BSTAN PA'I DRANG DON DU 'DOD RGYU'I 'KHOR LO DANG PO NI BDEN PA BZHI LAS BRTZAMS NAS RANG GI MTSAN NYID YOD PA SOGS SU GSUNGS PA DANG, BAR PA YANG KHYAD PAR GSAL BAR MA PHYE BAR NGO BO NYID MED PA SOGS SU GSUNGS PA DANG, NGES DON DU 'DOD RGYU'I 'KHOR LO THA MA NI SNGAR BSHAD PA LTAR NGO BO NYID YOD MED KYI KHYAD PAR GSAL BAR PHYE NAS BSTAN PA RNAMS YIN GYI YUL DUS DE DAG TU GSUNGS PA'I MDO THAMS CAD LA BYED PA MIN PAR RJE THAMS CAD MKHYEN PAS LEGS BSHAD SNYING POR GSAL BAR GSUNGS SO, ,DE'I RGYU MTSAN YANG 'DIR 'KHOR LO RIM PA GSUM GSUNGS PA NI 'KHOR GYI 'DU THEBS DANG STON PA'I SKU TSE'I TSIGS LA SOGS PA'I SGO NAS 'JOG PA MIN GYI BRJOD BYA'I NGOS NAS 'JOG PA DANG, BRJOD BYA YANG GANG YIN LA MI BYA'I BDAG MED PA'I DON GTAN LA 'BEBS PA'I DBANG DU BYAS PA STE, DE YANG 'KHOR LO DANG POS GANG ZAG GI BDAG MED GSUNGS SHING CHOS RNAMS LA SHES CHER BDEN YOD MA BKAG PA DANG, BAR PAS GSAL BAR MA PHYE BAR CHOS THAMS CAD BDEN PAR GRUB PA BKAG PA DANG, THA MAS NGO BO NYID GSUM LA BDEN PAR YOD MED GSAL BAR PHYE NAS BSTAN PA STE BDAG MED STON TSUL MI 'DRA BA SKOR GSUM BYUNG BAS DE'I DBANG DU MDZAD PA'O, ,DES NA DON DE DAG LA DGONGS NAS MKHAS GRUB THAMS CAD MKHYEN PAS, DE'I PHYIR GSUNG RAB YIN PA LA 'KHOR LO GSUM GANG RUNG GI MDO YIN PAS MA KHYAB KYI GSUM DU PHYE BA NI GTZO BO'I DBANG DU BYAS PA'I DBYE BA'O, ,ZHES GSUNGS PA YIN GYI SPYIR BKA' THAMS CAD 'KHOR LO GSUM DU 'DU BA TZAM ZHIG NI STONG THUN GYI GSUNG @017B DES BKAG PA MA YIN NO, ,DES NA SPYIR BKA' THAMS CAD 'KHOR LO GSUM DU 'DU BA'I DBANG DU BYAS PA'I 'KHOR LO DANG PO LA DGONGS 'GREL LAS BSHAD PA'I 'KHOR LO DANG POS MA KHYAB CING, DES GZHAN GNYIS LA'ANG 'DRA'O, ,DE LTAR NA BKA' THAMS CAD 'KHOR LO GSUM DU 'DU BA'I DBANG DU BYAS PA'I 'KHOR LO GSUM GYI RNAM GZHAG NI JI LTAR YIN ZHE NA, MKHAS GRUB THAMS CAD MKHYEN PA'I RGYUD SDE SPYI RNAM DU GSUNGS PA LTAR GTZO BOR GDUL BYA THEG DMAN GYI RIGS CAN RJES SU GZUNG BA'I CHED DU GSUNGS PA'I MDO GANG ZHIG ,BDEN BZHI'I CHOS 'KHOR DNGOS SAM DE DANG BRJOD BYA STON TSUL PHYOGS MTHUN PA'I BKA' RNAMS 'KHOR LO DANG PO DANG, GTZO BOR THEG PA CHEN PO'I RIGS CAN RJES SU GZUNG BA'I CHED DU GSUNGS PA'I MDO GANG ZHIG MTSAN NYID MED PA'I CHOS 'KHOR DNGOS SAM DE DANG BRJOD BYA STON TSUL PHYOGS MTHUN PA'I BKA' RNAMS 'KHOR LO BAR PA DANG, GTZO BOR THEG PA CHEN PO'I RIGS CAN RJES SU GZUNG BA'I CHED DU GSUNGS PA'I MDO GANG ZHIG ,LEGS PHYE'I CHOS 'KHOR DNGOS SAM DE DANG BRJOD BYA STON TSUL PHYOGS MTHUN PA'I BKA' RNAMS 'KHOR LO THA MA YIN LA, ,'KHOR LO GSUM GYI 'JOG BYED KYANG DE NYID DO, ,DES NA LUNG SDE BZHI DANG, DRAN PA NYER GZHAG ,RGYA CHER ROL PA, LAS BRGYA PA SOGS 'KHOR LO DANG PO'I PHYOGS MTHUN DANG, TING 'DZIN RGYAL PO, DKON BRTZEGS, PHAL PO CHE SOGS 'KHOR LO BAR PA'I PHYOGS MTHUN DANG, RGYAN STUG PO BKOD PA SOGS 'KHOR LO THA MA'I PHYOGS MTHUN YIN LA, LANG GSHEGS, SA BCU PA, BDER GSHEGS SNYING PO'I MDO SOGS SEMS TZAM PAS THA MA'I PHYOGS MTHUN DANG, DBU MA PAS BAR PA'I PHYOGS MTHUN @018A *, ,DU BDOD DO, ,DGONGS 'GREL NAS BSHAD PA'I BKA' DANG PO'I CHED DU BYA BA'I GDUL BYA THEG DMAN GYI RIGS CAN DANG, PHYI MA GNYIS KYI CHED DU BYA BA'I GDUL BYA THEG CHEN GYI RIGS CAN YIN PAR 'DOD PA LA DBU SEMS GNYIS 'DRA NA'ANG, DBU MA PAS 'KHOR LO THA MA'I CHED DU BYA BA'I GDUL BYA NI RE ZHIG CHOS KYI BDAG MED PHRA MO RDZOGS PAR STON PA'I SNOD DU MI RUNG BA'I THEG CHEN GYI RIGS CAN DANG, BAR BA'I CHED DU BYA BA'I GDUL BYA NI STONG NYID PHRA MO STON PA'I SNOD DU RUNG BA'I THEG CHEN GYI RIGS CAN YIN PAS DE GNYIS LA MCHOG DMAN GYI KHYAD PAR YOD PAR BZHED LA, SEMS TZAM PAS NI 'KHOR LO THA MA GNYIS KYI CHED DU BYA BA'I GDUL BYA NI BDAG MED PHRA MO STON PA'I SNOD DU RUNG BA'I THEG CHEN GYI RIGS CAN DBANG RNON KHO NAR 'DOD DO, ,'ON KYANG THA MA'I GDUL BYA NI BAR PA LAS CUNG ZHIG GSAL BAR PHYE STE STON DGOS PAS NANG GSES KYI DBANG PO MCHOG DMAN GYI KHYAD PAR YOD PAR YANG MKHAS PA DAG BZHED DO, ,GANG DAG SEMS TZAM PA'I LUGS LA BKA' BAR PA'I CHED DU BYA BA'I GDUL BYA NI THA MA'I CHED DU BYA BA'I GDUL BYA LAS DBANG PO RTUL BA ZHIG LA 'DOD DO ZHES SMRA BA NI MI 'THAD DE, LEGS BSHAD SNYING PO LAS, DE'I CHED DU BYA BA'I GDUL BYA NI MDO DE'I DON DGONGS 'GREL GYIS BKRAL BA BZHIN DU RTOGS PA LA BZHED PAS 'KHOR LO PHYI MA GNYIS KYI DGONGS PA NI GCIG YIN NO, ,ZHES GSUNGS PA'I PHYIR RO, ,YANG LEGS BSHAD SNYING PO LAS, SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR TSUL DON DAM YANG DAG 'PHAGS KYIS STON PA LA ZHUS PA NI ZHES GSUNGS PA DANG DE'I PHYIR DUS @018B DANG POR BDEN PA BZHI LAS BRTZAMS NAS RANG GI MTSAN NYID YOD PA SOGS SU GSUNGS PA'I 'KHOR LO DANG PO DRANG DON DU STON PA YIN GYI DUS DANG POR GSUNGS TSAD KYI GSUNG RAB THAMS CAD LA MIN TE, ZHES GSUNGS PA RNAMS KYI DGONGS PAR BSAMS NAS 'KHOR LO GSUM GYI MTSAN NYID 'JOG PA NA, STON PAS DUS DANG POR GSUNGS PA'I MDO 'KHOR LO DANG PO'I MTSAN NYID, DES GZHAN GNYIS LA'ANG 'DRA ZHES SMRAS NAS, YANG DE LA RIGS PA'I GNOD PA 'BAB PAR DOGS NAS MDO YANG YIN, DUS DANG POR GSUNGS PA YANG YIN NA DUS DANG POR GSUNGS PA'I MDO YIN PAS MA KHYAB, CES SOGS ZER BA YANG 'THAD PAR MI SEMS TE, LUNG CHEN PO DE GNYIS KYI SNGA MAS NI SNGAR DRI BA DANG LAN GYI MDO DE RNAMS KYIS DRANG NGES SU 'GREL RGYU'I MDO TSAN GSUM YOD PA SHUGS LA BSHAD PA DE 'DIR MTSAN GZHI NGOS BZUNG BA'I SGO NAS STON PA LA, DUS DANG POR WA RA n'A SIR GSUNGS PA'I BDEN BZHI'I CHOS 'KHOR DANG, DE'I 'OG TU BYA RGOD PHUNG PO'I RIR GSUNGS PA'I MTSAN NYID MED PA'I CHOS 'KHOR DANG, DE'I 'OG TU YANGS PA CAN DU GSUNGS PA'I LEGS PHYE'I CHOS 'KHOR GSUM DANG SBYAR NAS DRANG NGES SU 'GYUR TSUL DON DAM YANG DAG 'PHAGS KYIS ZHUS PAR GSUNGS PA YIN GYI, DUS KYI RIM PA DANG SBYAR BA DE 'KHOR LO GSUM GYI 'JOG BYED DU GSUNGS PA MA YIN PA'I PHYIR DANG, LUNG CHEN GNYIS PAS KYANG DUS DER GSUNGS PA'I MDO'I NANG NAS KYANG BRJOD BYA RANG GI MTSAN NYID YOD PA SOGS SU GSUNGS PA'I 'KHOR LO DANG PO DRANG DON YIN GYI SPYIR DUS DANG POR GSUNGS TSAD SKABS 'DIR BSTAN PA'I 'KHOR LO DANG PO MIN ZHES GSUNGS PA YIN LA, DE LTAR GSUNG DGOS PA'I RGYU MTSAN YANG BOD SNGA MA KHA CIG @019A *, ,GIS MDO 'DI LA BRTEN NAS DUS GSUM PAR GSUNGS PA'I MDO THAMS CAD NGES DON GYI MDOR BSGRUBS PA DANG, KHA CIG GIS MDO'I BSTAN DON DE LTAR YIN SNYAM NAS MDO 'DI LAS BSHAD PA'I DRANG NGES KYI TSUL NI SGRA JI BZHIN PA MA YIN NO ZHES SMRA BA DAG 'GOG PA'I PHYIR DU GSUNGS PA YIN PAR LUNG DE DAG GI MJUG THOGS SU DRANG NGES RNAM 'BYED NA GSAL BAR YOD PAS, RJE BLA MAS DUS DANG POR GSUNGS PA'I MDO YIN NA 'KHOR LO DANG PO YIN PAS KHYAB PAR BZUNG GIS DOGS NAS NGA 'GOG PA'I CHED DU GSUNGS PA'I BKA' RNAMS DUS DANG POR GSUNGS PA'I MDO 'KHOR LO DANG PO'I 'JOG BYED YIN PA'I SGRUB BYED DU MA 'DZIN ZHIG ,YANG LA LA DUS DANG PO ZHES PA NI BDEN BZHI'I CHOS 'KHOR GSUNGS PA'I DUS KHYAD PAR BA LA BYED PAS SKYON MED DO ZHES ZER BA DANG, KHA CIG DUS DANG PO ZHES PA 'KHOR LO DANG PO'I BRJOD BYA LA BYED DO ZHES ZER BA YANG SHIN TU NGO MTSAR TE, DANG PO LTAR NA 'KHOR LO DANG PO GSUNGS PA'I DUS SU GSUNGS PA'I MDO 'KHOR LO DANG PO'I 'JOG BYED DU 'GYUR BAS, DE LTAR NA BUM PA GRUB PA'I DUS KYI BUM PA DE BUM PA'I MTSAN NYID DU SMRAS NA CIS 'GOG ,GNYIS PA LTAR NA KHO BOS WA RA n'A SIR GSUNGS PA'I MDO 'KHOR LO DANG PO'I MTSAN NYID, MDO YANG YIN WA RA n'A SIR GSUNGS PA YANG YIN NA WA RA n'A SIR GSUNGS PA'I MDO YIN PAS MA KHYAB, WA RA n'A SI ZHES PA 'KHOR LO DANG PO'I BRJOD BYA LA BYED DO, ,ZHES SMRAS NA CIS 'GOG ,MDO'I BRJOD BYA LA WA RA n'A SI'I MING GIS 'DOGS PA CAL COL YIN PAS BZHAD GAD DO ZER NA, MDO'I BRJOD BYA LA DUS DANG PO'I MING GIS 'DOGS PA YANG BZHAD @019B GANG YIN NO ZHES CI'I PHYIR MI RUNG, ,DES NA MTSAN MTSON GYI RNAM GZHAG BYED PA NI CHOS DE'I DON LDOG NGOS GZUNG BA'I CHED DU YIN PAS, MTSAN NYID KYI RNAM GZHAG DE LA BRTEN NAS DON GYI NGO BO DE LEGS PAR SHES PA ZHIG DGOS KYI, NYIN RE'I KHAS LEN ZIN PA TZAM GYI THABS LA SNYING PO CI YANG MED DO, ,DES NA RJE BTZUN DAM PA 'JAM DBYANGS BZHAD PA'I RDO RJES KYANG DRANG NGES RNAM 'BYED KYI MTHA' DPYOD DU MKHAS PA SNGA MA'I BZHED PA DGOD PA TZAM MDZAD KYANG YANG NA ZHES RGYUD SDE SPYI RNAM DANG MTHUN PA'I 'KHOR LO GSUM GYI MTSAN NYID 'JOG TSUL GNYIS PA ZHIG GSUNGS PA DE KHO NA RJE BTZUN DE NYID KYI BZHED PAR SNANG NGO, ,GNYIS PA DE LA BRTEN NAS 'KHOR LO GSUM GYI DRANG NGES PHYE TSUL DNGOS LA, 'KHOR LO DANG PO DRANG DON DU 'GREL TSUL NI, DGONGS GZHI, DGOS PA, DNGOS LA GNOD BYED GSUM GYIS DRANG DON DU 'GREL BA STE, DANG PO NI, RNAM PAR SHES PA DRUG GI SHES PA SNGA MA SNGA MAS RANG 'DRA'I SHES PA PHYI MA PHYI MA BSKYED PA'I NUS PA RANG 'GAGS PA NA KUN GZHI'I RNAM PAR SHES PA LA BSGOS NAS BZHAG PA'I RIGS MTHUN PA'I BAG CHAGS KYI DBANG GIS, RNAM PAR SHES PA DRUG LA RANG YUL GZUGS SOGS SNANG BA'I RNAM RIG 'BYUNG BA LA DGONGS NAS PHYI'I DON GYIS BSDUS PA'I SKYE MCHED DRUG YOD PAR GSUNGS PA STE, NYI SHU PA LAS, RANG GI SA BON GANG LAS SU, ,RNAM RIG SNANG BA GANG 'BYUNG BA, ,DE DANG DE YI SKYE MCHED NI, , RNAM PA GNYIS SU THUB PAS GSUNGS, ,ZHES PA'I DON NO, ,GNYIS PA DGOS PA NI, CHOS KYI BDAG MED RE ZHIG STON DU MI RUNG BA'I GANG ZAG LA GANG ZAG GI BDAG MED PA RTOGS PA'I DON DU GSUNGS PA STE, DE YANG GZUGS SOGS PHYI'I SKYE MCHED DANG MIG SOGS NANG GI SKYE @020A *, ,MCHED LA BRTEN NAS GZUGS BLTA BA'I RNAM PAR SHES PA 'BYUNG BAR BSTAN PA LA BRTEN NAS YUL DBANG RNAM SHES DE DAG LAS DON GZHAN PA'I BLTA BA PO DANG MNYAN PA PO SOGS KYI GANG ZAG RDZAS SU YOD PA MED PAR RTOGS PA'I CHED DU BSTAN PA YIN TE, DPER NA CHAD PAR LTA BA'I RGYANG 'PHEN SOGS RJES SU GZUNG BA LA, LAS 'BRAS KYI RTEN GZHI'I GANG ZAG TZAM BSTAN PA'I PHYIR DU, BAR DO'I SRID PA LA DGONGS NAS BRDZUS TE SKYE BA'I SEMS CAN YOD DO ZHES GSUNGS PA LTA BU STE, NYI SHU PA LAS, GZUGS SOGS SKYE MCHED YOD PAR NI, DE 'DUL BA YI SKYE BO LA, ,DGOS PA'I DBANG GIS STON PA STE, ,BRDZUS TE SKYE BA'I SEMS CAN BZHIN, ,ZHES PA'I DON NO, ,GSUM PA SGRA JI BZHIN PA LA GNOD BYED NI, PHYI DON 'GOG PA'I LUNG DANG RIGS PA RNAMS TE 'OG TU RGYAS PAR 'CHAD DO, ,'KHOR LO BAR PA DRANG DON DU 'GREL TSUL LA YANG DGONGS GZHI, DGOS PA, GNOD BYED GSUM LAS, DANG PO NI, YUM 'BUM PA LA SOGS PA LAS CHOS THAMS CAD NGO BO NYID MED PAR GSUNGS PA'I DGONGS GZHI NI, MING DANG BRDAS BZHAG PA TZAM YIN GYI RANG GI MTSAN NYID KYIS MA GRUB PA'I PHYIR, KUN BRTAGS MTSAN NYID NGO BO NYID MED PA DANG, RGYU RKYEN GZHAN LA RAG LAS NAS SKYE DGOS KYI RANG GI BDAG NYID LAS SKYE BA MED PA'I PHYIR GZHAN DBANG SKYE BA NGO BO NYID MED PA DANG, DON DAM PA YANG YIN LA BDAG NYIS KYI NGO BOR MED PA YANG YIN PA'I PHYIR, YONGS GRUB DON DAM PA NGO BO NYID MED PA GSUM LA DGONGS NAS CHOS THAMS CAD NGO BO NYID MED PAR GSUNGS PA YIN PA'I PHYIR, SUM CU PA LAS, NGO BO NYID NI RNAM GSUM GYI, ,NGO BO @020B NYID MED RNAM GSUM LA, ,DGONGS NAS CHOS RNAMS THAMS CAD NI, ,NGO BO NYID MED BSTAN PA YIN, ,ZHES DANG, DGONGS 'GREL LAS KYANG, MTSAN NYID NGO BO NYID MED PA DANG, SKYE BA NGO BO NYID MED PA DANG, DON DAM PA NGO BO NYID MED PA LA DGONGS NAS NGAS CHOS THAMS CAD NGO BO NYID MED PA'O, ,ZHES BSTAN TO, ,ZHES SOGS KYI DON NO, ,MDO SDE RGYAN LAS NI, 'DUS BYAS KYI MTSAN NYID GSUM DANG BYIS PAS ZHEN PA LTAR GYI NGO BO NYID MED PA LA DGONGS NAS CHOS THAMS CAD NGO BO NYID MED PAR GSUNGS PAR BSHAD DE, MDO SDE RGYAN LAS, RANG DANG RANG GI MTSAN NYID DU, ,MED PHYIR RANG GI NGO BO LA, ,MI GNAS PHYIR DANG 'DZIN BZHIN DE, ,MED PHYIR NGO BO NYID MED 'DOD, ,CES SO, ,KUN BTUS LAS NI DE GNYIS DANG NGO BO NYID MED PA GSUM LA DGONGS NAS SHIN TU RGYAS PA LAS NGO BO NYID MED PAR GSUNGS PAR BSHAD DO, ,DE LA 'DUS BYAS KYI MTSAN NYID GSUM LA DGONGS TSUL NI, MYU GU LTA BU LA MTSON NA MYU GU MA 'ONGS PA RANG GI BDAG NYID LAS MI SKYE BA DANG, MYU GU DA LTAR BA RANG GRUB PA'I DUS GNYIS PAR MI SDOD PA DANG, MYU GU 'DAS PA BSKYAR NAS MYU GU'I BDAG NYID DU MI SKYE BA GSUM LA DGONGS PA'O, ,BYIS PAS ZHEN PA LTAR GYI NGO BO NYID MED PA LA DGONGS TSUL NI, BYIS PAS GTZANG BDE RTAG BDAG GAM GZUNG 'DZIN RDZAS GZHAN DU ZHEN PA LTAR MA GRUB PA LA DGONGS PA'O, ,YUM GYI MDO LAS MA SKYES PA MA 'GAGS PA SOGS SU GSUNGS PA'I DGONGS PA NI, NGO BO NYID MED PA DANG PO DANG THA MA LA DGONGS PA STE, KUN BRTAGS LA SKYE 'GAG YOD NA RANG GI MTSAN NYID KYIS GRUB PAR 'GYUR BAS SKYE 'GAG MED PA DANG, SKYE 'GAG DANG BRAL BA NI 'DUS MA BYAS YIN PAS KUN NAS NYON MONGS KYI CHOS SU MI RUNG BA'I PHYIR @21A *, ,GZOD MA NAS ZHI BA DANG RANG BZHIN GYIS MYA NGAN LAS 'DAS PAR BSTAN PA'O, ,YONGS GRUB DON DAM PA NGO BO NYID MED PA NI CHOS BDAG MED PAS RAB TU PHYE BA TZAM YIN PAS SKYE 'GAG DANG BRAL BA DANG KUN NAS NYON MONGS PA THAMS CAD DANG BRAL BAS GZOD MA NAS ZHI BA DANG RANG BZHIN GYIS YONGS SU MYA NGAN LAS 'DAS PAR BSTAN PA'O, ,KUN LAS BTUS LAS NI, MTSAN NYID GSUM GA'I DBANG DU BYAS NAS MA SKYES PA SOGS SU GSUNGS PAR BSHAD DE, DE YANG NGO BO NYID GSUM GYI RANG RANG GI SKABS KYI NGO BO MED RGYU DE'I DBANG DU BYAS NAS JI LTAR NGO BO NYID MED PA DE LTAR MA SKYES PA DANG MA 'GAGS PA SOGS SU BSHAD DO, ,DPAL CHOS KYI GRAGS PAS GZUGS SU RUNG BAS GZUGS MTSON PAR BYED PA'I PHYIR, MTSON BYA LAS SU BYA BA GZUNG BYA'I PHYOGS SU CHAD PA DANG, MTSAN NYID LAS SU BYA BA DE 'JOG BYED 'DZIN PA'I PHYOGS SU TSUR CHAD PA LTAR SNANG BA LAS MA GTOGS PA'I MTSAN NYID KYIS MTSON BYA BLO YUL DU MTSON MI SHES LA, BLO DE LA NI GZUNG 'DZIN RDZAS THA DAD DU SNANG BAS KHYAB PAS DE LA SNANG BA LTAR GYI RDZAS THA DAD KYIS STONGS BAS NA MTSAN NYID BDEN PA PAS STONG PA ZHES BYA STE, DE LA DGONGS NAS YUM GYI MDO LAS MTSAN NYID MED PA DANG RANG BZHIN MED PA ZHES BYA BA'I THA SNYAD GSUNGS PAR BSHAD DE, RNAM 'GREL LAS, GZUNG DANG 'DZIN PA'I RNAM PA LAS, ,MTSAN NYID GZHAN NI YOD MA YIN; ;DES NA MTSAN NYID STONG PA'I PHYIR, ,RANG BZHIN MED PA RAB TU BSHAD, ,CES SO, ,GZHAN YANG PHUNG KHAMS SKYE MCHED MTSON PAR BYED PA'I MTSAN NYID DE DAG KYANG BYA BYED KYI KHYAD PAR CAN YIN LA, BYA BYED DE'ANG DE KHO NA NYID DU MA GRUB PA'I PHYIR RGYU MTSAN DES @21B KYANG MDO LAS MTSAN NYID MED PA SOGS GSUNGS PA STE, RNAM 'GREL LAS, PHUNG PO LA SOGS BYE BRAG GIS, ,MTSAN NYID THAMS CAD BYED PA YI, ,KHYAD PAR CAN DE'ANG DE NYID MIN, ,DES KYANG DE DAG MTSAN NYID BRAL, ,ZHES SO, ,'DI NYID RNAM RIG PA RANG GI BSHAD PA'I RNAM GRANGS YIN GYI MDO SDE PA LA SBYOR RGYU MIN PA SOGS NI BSHAD ZIN TO, ,GNYIS PA DGOS PA NI, BSDU BA LAS, SMRAS PA, 'DUL BA'I DBANG GIS DE DANG DER NGO BO NYID MED PA GSUM LA DGONGS TE, ZHES SOGS GSUNGS PA LA BRTEN NAS THAL 'GYUR BA SOGS KHA DRANG BA'I PHYIR DU GSUNGS PAR BYAS NA RUNG NGAM SNYAM ZHES KYANG MKHAS PA DAG GSUNG MDO KYANG 'THAD PA'I PHYOGS NI 'DI YIN TE, BYANG CHUB SEMS DPA' RNAMS KYI RNAM G-YENG GI RNAM PAR RTOG PA BCU 'GOG PA'I CHED DU SGRAS ZIN LA BDEN PAR YOD MED KYI KHYAD PAR GSAL BAR MA PHYE BAR YUM GYI MDO LAS 'BYUNG BA LTAR BKA' STZAL BA STE, DON DE NYID THEG PA CHEN PO BSDUS PA LAS SHIN TU RGYAS PAR GSUNGS TE, DE NYID LAS, DE LA NGO BO MED PAR RNAM PAR RTOG PA'I GNYEN PO'I DON DU BKA' STZAL BA, BYANG CHUB SEMS DPA' NYID DU YOD BZHIN DU ZHES BYA BA LA SOGS PA'O, ,DNGOS POR RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA' YANG DAG PAR RJES SU MI MTHONG NGO ZHES BYA BA'O, ,SGRO 'DOGS PA'I RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA'I MING YANG DAG PAR RJES SU MI MTHONG, SHES RAB KYI PHA ROL TU PHYIN PA YANG DAG PAR RJES SU MI MTHONG, SPYOD CES BYA BAR YANG DAG PAR RJES SU MI MTHONG, GZUGS YANG DAG PAR RJES SU MI MTHONG, TSOR BA DANG 'DU SHES DANG 'DU BYED DANG RNAM PAR SHES PA'I BAR DU YANG @22A *, ,DAG PAR RJES SU MI MTHONG NGO, ,DE CI'I PHYIR ZHE NA, 'DI LTAR MING NI NGO BO NYID KYIS STONG NGO ZHES BYA BA LA SOGS PA'O, ,SKUR BA 'DEBS PA'I RNAM PAR RTOG PA'I GNYEN PO'I DON DU BKA' STZAL PA, STONG PA NYID KYIS NI MA YIN NO ZHES BYA'O, ,GCIG PA NYID DU RNAM PAR RTOG PA'I GNYAN PO'I DON DU BKA' STZAL PA, GZUGS KYI STONG PA NYID GANG YIN PA DE GZUGS MA YIN NO ZHES BYA BA LA SOGS PA'O, ,THA DAD PA NYID DU RNAM PAR RTOG PA'I GNYEN PO'I DON DU BKA' STZAL PA, GZUGS NI STONG PA NYID LAS GZHAN PA YANG MA YIN TE, GZUGS NYID STONG PA NYID DO, ,STONG PA NYID GZUGS SO ZHES BYA BA'O, ,NGO BO NYID DU RNAM PAR RTOG PA'I GNYEN PO'I DON DU BKA' STZAL PA, RAB 'BYOR 'DI LTA STE, GZUGS ZHES BYA BA 'DI NI MING TZAM ZHES BYA BA LA SOGS PA'O, ,KHYAD PAR DU RNAM PAR RTOG PA'I GNYEN PO'I DON DU BKA' STZAL PA, NGO BO NYID NI MI SKYE MI 'GAG KUN NAS NYON MONGS PA MA YIN, RNAM PAR BYANG BA MA YIN NO ZHES BYA BA'O, ,MING JI LTA BA BZHIN DU DON DU RNAM PAR RTOG PA'I GNYEN PO'I DON DU BKA' STZAL PA, MING BCOS MA LA CHOS DE DAG SO SOR BRTAGS NAS MING GLO BUR GYI RJES SU THA SNYAD 'DOGS TE, JI LTA JI LTAR RJES SU THA SNYAD 'DOGS PA DE LTA DE LTAR MNGON PAR ZHEN TO ZHES BYA BA'O, ,DON JI LTA BA BZHIN DU MING DU RNAM PAR RTOG PA'I GNYEN PO'I DON DU BKA' STZAL PA, BYANG CHUB SEMS DPA' MING DE DAG THAMS CAD YANG DAG PAR RJES SU MI MTHONG NGO, ,YANG DAG PAR RJES SU MI MTHONG BAS MNGON PAR ZHEN PA MED DO ZHES BYA BA STE, DON JI LTA BA BZHIN DU ZHES BYA BAR DGONGS PA'O, ,GZUGS LA JI LTA BA BZHIN DU RNAM PAR SHES PA'I BAR DU YANG SBYAR BAR BYA'O, ,RNAM @22B PAR G-YENG BA BCU PO 'DI DAG GI GNYEN POR SHES RAB KYI PHA ROL TU PHYIN PA THAMS CAD DU RNAM PAR MI RTOG PA'I YE SHES BSTAN TE, DE LTAR NA SHES RAB KYI PHA ROL TU PHYIN PA'I DON MTHA' DAG NI MI MTHUN PA'I PHYOGS DANG GNYEN PO DANG BCAS PAR RIG PAR BYA'O, ,ZHES GSUNGS PA LTAR RO, ,DES NA KHA CIG GIS BKA' DANG PA SGRA JI BZHIN PAR 'DZIN PA'I RTAG LTA DGAG PA'I CHED DU 'KHOR LO BAR PA GSUNGS PAR SMRA BA YANG MI 'THAD DO, ,GSUM PA DNGOS LA GNOD BYED NI, YUM GYI MDO LA SOGS PA LAS CHOS THAMS CAD RANG BZHIN MED PAR GSUNGS PA RNAMS SGRA JI BZHIN PAR BZUNG NA MTSAN NYID GSUM GA LA SKUR BA 'DEBS PAR 'GYUR TE, GZUGS LA SOGS PA MED NA NGO BO DANG KHYAD PAR DU 'DOGS PA'I GZHI MED PAR 'GYUR LA, DE LTAR NA GDAGS GZHI MED PAS MING GI 'DAGS PA YANG MED PAR 'GYUR PA'I PHYIR DANG, DE LTAR GZHAN DBANG DANG KUN BRTAGS GNYIS LA SKUR PA BTAB PAS CHOS RNAMS KYI CHOS NYID YONGS GRUB LA YANG SKUR PA BTAB PAR 'GYUR TE, RTEN CHOS CAN GZHI MA GRUB PA'I PHYIR RO, ,DGONGS 'GREL LAS, DON DAM YANG DAG 'PHAGS, 'DI LTAR GZHAN GYI DBANG GI MTSAN NYID DANG YONGS SU GRUB PA'I MTSAN NYID YOD NA NI, KUN BRTAGS PA'I MTSAN NYID KYANG RAB TU SHES PAR 'GYUR NA, DE LA GANG DAG GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA MTSAN NYID MED PAR MTHONG BA DE DAG GIS NI, KUN BRTAGS PA'I MTSAN NYID LA YANG SKUR PA BTAB PA YIN PA'I PHYIR TE, DA LTA BAS NA DE DAG NI MTSAN NYID RNAM PA GSUM CHAR LA YANG SKUR PA 'DEBS PA ZHES BYA'O, ,ZHES GSUNGS SO, ,DE LTAR NA LUGS 'DIS DGONGS 'GREL LAS BSHAD PA'I @23A *, ,'KHOR LO DANG PO DANG BAR BA GNYIS DRANG DON DANG, THA MA NGES DON DU 'GREL BA YIN LA, SNGA MA GNYIS DRANG DON DU 'GREL BA TZAM DU 'DRA YANG DRANG DON DU 'GREL LUGS MI 'DRA STE, 'KHOR LO DANG PO'I CHED DU BYA BA'I GDUL BYA LA GANG LA DGONGS TE GSUNGS PA'I DON MIG GI RNAM SHES RNAM SMIN GYI BAG CHAGS ZHES BYA BA RANG GI SA BON SMIN PA GANG LAS 'BYUNG BA'I SA BON DANG DON DU SNANG BA TZAM LA DGONGS PA DE NYID DNGOS SU BSTAN DU MI RUNG BAS MDO'I BRJOD BYA'I DON NI PHYI ROL DON GYI SKYE MCHED YOD PA NYID YIN LA, DE NYID MDO'I DON YIN KYANG DRANG DON YIN ZHES 'GREL BA'I PHYIR DANG, SHER PHYIN GYI MDO LA SOGS PA'I 'KHOR LO BAR BA NI RANG GI CHED DU BYA BA'I GDUL BYA LA GANG LA DGONGS NAS NGO BO NYID MED PAR GSUNGS PA'I NGO BO NYID MED TSUL RNAMS DNGOS SU BSTAN DU RUNG BAS, NGO BO NYID MED TSUL GSUM GYIS NGO BO NYID MED PA MDO'I BRJOD BYA'I DON YIN GYI NGO BO NYID GSUM LA BDEN PAR YOD MED KYI KHYAD PAR MA PHYE BAR CHOS THAMS CAD NGO BO NYID MED PA TZAM ZHIG MDO'I BRJOD BYA'I DON MA YIN PA'I PHYIR DANG, DRANG DON DU 'GREL LUGS YANG MDO'I BRJOD BYA'I DON DE NYID DRANG DON YIN ZHES MI 'GREL GYI MDO DE DAG SGRA JI BZHIN PAR GZUNG DU MI RUNG BA'I PHYIR DON DE TZAM ZHIG TU MA NGES KYI DA DUNG DE'I DON BSHAD DGOS PA'I SGO NAS DRANG DON DU 'CHAD PA YIN PA'I PHYIR RO, ,MTHAR THUG THEG PA GCIG TU GSUNGS PA'I MDO DRANG DON DU 'CHAD TSUL NI 'OG TU 'CHAD DO, ,GNYIS PA DE LAS BYUNG BA'I GRUB MTHA'I RNAM GZHAG LA GZHI LAM 'BRAS BU'I RNAM GZHAG GSUM LAS, DANG PO LA, SHES BYA YUL GYI RNAM GZHAG SHES BYED BLO'I RNAM GZHAG GNYIS, DANG PO @23B LA; BDEN PA GNYIS KYI RNAM GZHAG MTSAN NYID GSUM GYI RNAM GZHAG ZHAR BYUNG GZHAN BSHAD PA DANG GSUM, DANG PO NI, BDEN GNYIS KYI DBYE GZHI NI SHES BYA STE, CHOS DANG CHOS NYID RNAM 'BYED LAS, 'DI DAG THAMS CAD MDOR BSDU NA, RNAM PA GNYIS SU SHES BYA STE, ZHES GSUNGS PAS SO, ,DBYE BA'I NGO BO NI, KUN RDZOB KYI BDEN PA DANG DON DAM PA'I BDEN PA GNYIS SO, ,DE LA KUN RDZOB BDEN PA'I NGO BO NI KUN NAS NYON MONGS PA SKYA RUNG GI DMIGS PA'I CHOS THA SNYAD PA'O, ,MANG NA GANG LA DMIGS NAS SGRIB BA ZAD PAR 'GYUR BA'I RNAM PAR DAG PA'I LAM GYI DMIGS PA MTHAR THUG MA YIN PA'I CHOS SO, ,DE LA DANG PO NI, BSDU BA LAS, KUN NAS NYON MONGS PA KUN NAS SLONG BA'I PHYIR DANG ZHES PA'I DGONGS PA STE, DE'I DON 'CHAD PA NA RJE BDAG NYID CHEN POS, RNAM PAR DAG PA'I DMIGS PA LA DON DAM DU BSHAD PA'I ZLAS DRANGS PA NA GANG LA DMIGS PAS KUN NAS NYON MONGS KUN NAS SLONG BA'I DON GYIS KUN RDZOB TU YOD PAR BZHAG STE, ZHES GSUNGS SO, ,DES GNYIS PA YANG SHES SLA'O, ,DON DAM BDEN PA'I NGO BO NI, RNAM DAG LAM GYI DMIGS PA MTHAR THUG TU GYUR PA'I CHOS SO, ,KUN RDZOB BDEN PA'I SGRA BSHAD NI, BTAGS PA DANG SHES PA DANG BRJOD PA'I KUN RDZOB GSUM GYI NGOR RIM DE GSUM GYI DBANG GIS BDEN PAS NA KUN RDZOB BDEN PA'O, ,DON DAM BDEN PA'I SGRA BSHAD NI, 'PHAGS PA'I MNYAM GZHAG YE SHES NI DAM PA YIN LA DE'I DON YIN PAS DON DAM PA DANG, SNANG TSUL DANG GNAS TSUL MTHUN PAS BDEN PA'O, ,DE DAG KYANG RJE BDAG NYID CHEN POS, 'JIG RTEN PA'I SHES PA 'PHRUL PA'I YUL DANG 'JIG RTEN LAS 'DAS PA'I SHES PA'I YUL @24A *, ,LA DGONGS NAS BDEN PA GNYIS PO KUN RDZOB KYI BDEN PA DANG DON DAM PA'I BDEN PA GSUNGS SO, ,ZHES PA DANG, RNAM BSHAD RIGS PA LAS, LAS DANG RNAM PAR SMIN PA DAG NI KUN RDZOB TU RDZAS SU YOD, DON DAM PAR NI MED DE, 'JIG RTEN PA'I SHES PA'I YUL YIN PA'I PHYIR RO, ,ZHES DANG, DAM PA NI YE SHES 'JIG RTEN LAS 'DAS PA YIN TE, DE'I DON YIN PAS DON DAM PA'O, ,ZHES SOGS KYI DON NO, ,KUN RDZOB BDEN PA'I MTSAN GZHI NI, GZHAN DBANG DANG KUN BRTAGS KYIS BSDUS PA'I CHOS RNAMS SO, ,DON DAM BDEN PA'I MTSAN GZHI NI, BDAG MED PA GNYIS SO, ,GNYIS PA MTSAN NYID GSUM GYI RNAM GZHAG LA, KUN BRTAGS DANG, GZHAN DBANG DANG, YONGS GRUB KYI RNAM GZHAG GSUM LAS, DANG PO NI, CHOS GANG LA SGRA RTOG CI RIGS KYIS SGRO BTAGS PA'I CHA NI KUN BRTAGS KYI NGO BO STE, THEG BSDUS LAS, RNAM PA GANG GIS GZHAN GYI DBANG GI NGO BO NYID LA KUN TU BRTAGS PA DE NI DE LA KUN TU BRTAGS PA'I NGO BO NYID DO, ,ZHES GSUNGS PA'I DON NO, ,KUN BRTAGS ZHES BRJOD PA'I RGYU MTSAN NI, JI LTAR BTAGS PA LTAR RANG GI MTSAN NYID KYIS MED LA MING DANG BRDAS BTAGS PA'I CHA TZAM DU DMIGS PAS KUN BRTAGS PA ZHES BYA STE, DE NYID LAS, CI'I PHYIR KUN BRTAGS PA ZHES BYA ZHE NA, YID KYI RNAM PAR RTOG PA DBANG TU MED PA'I RNAM PA CAN GYI PHYIN CI LOG 'BYUNG BA'I RGYU MTSAN YIN PAS KUN BRTAGS PA'O, ,RANG GI MTSAN NYID MED LA KUN TU RTOG PA TZAM DU DMIGS PAS KUN BRTAGS PA ZHES BYA'O, ,ZHES SO, ,DE LA TSIG SNGA MAS NI DMIGS PA DANG MTSAN MAR 'DZIN PA DANG MNGON PAR ZHEN PA SOGS @24B RNAM RTOG SNA TSOGS PA RNAMS NGO BO DANG KHYAD PAR DU SGRO BTAGS PA LA BRTEN NAS 'BYUNG BAR STON PA'O, ,DBYE BA NI, SGRO BTAGS TSUL GYIS DBYE NA 'DI NI GZUGS SO ZHES PA LTA BU NGO BO LA SGRO BTAGS PA DANG, 'DI NI GZUGS KYI SKYE BA'O ZHES PA LTA BU KHYAD PAR LA SGRO BTAGS PA GNYIS SO, ,NGO BO'I SGO NAS DBYE NA, RNAM GRANGS KYI KUN BRTAGS DANG, MTSAN NYID YONGS SU CHAD PA'I KUN BRTAGS GNYIS, DANG PO NI, NGO BO DANG KHYAD PAR GYI GZHIR RANG MTSAN GYIS GRUB PAR SNANG YANG RANG GI MTSAN NYID KYIS MA GRUB PA'I KUN RDZOB 'DUS MA BYAS KYI CHOS RNAMS SO, ,GNYIS PA NI, BDAG GNYIS LTA BU YUL DU MA GRUB KYANG RTOG PA'I DBANG GIS YUL DU BZHAG PA RNAMS SO, ,KUN BRTAGS KYI DPE NI DGONGS 'GREL LAS, 'DI LTA STE DPER NA NAM MKHA'I ME TOG JI LTA BA DE LTA BUR MTSAN NYID NGO BO NYID MED PA NYID BLTA BAR BYA'O, ,ZHES GSUNGS PA STE, NAM MKHA'I ME TOG DANG 'DRA BA NI RTOG PAS BTAGS PA TZAM GYI DPE YIN GYI SHES BYA LA MI SRID PA'I DPE MA YIN NO, ,GNYIS PA GZHAN DBANG LA, RGYU RKYEN LAS BYUNG BA'I DNGOS PO NI GZHAN DBANG GI NGO BO YIN LA, GZHAN GYI DBANG ZHES BRJOD PA'I RGYU MTSAN NI RANG RANG GI BAG CHAGS KYI SA BON LAS SKYE PA'AM RGYU RKYEN LAS SKYES PAS NA GZHAN DBANG DANG, SKYES NAS KYANG SKAD CIG LAS LHAG PAR BDAG NYID GNAS PA'I RANG DBANG MED PAS NA GZHAN DBANG ZHES BYA STE, THEG BSDUS LAS, JI LTAR NA GZHAN GYI DBANG YIN LA, CI'I PHYIR NA GZHAN GYI DBANG ZHES BYA ZHE NA, RANG GI BAG CHAGS KYI SA BON LAS SKYES PA YIN PAS DE LTA BAS NA RKYEN GYI GZHAN DBANG YIN NO, ,SKYES NAS KYANG SKAD CIG LAS LHAG PAR BDAG NYID @25A *, ,GNAS PAR MI NUS PAS NA GZHAN GYI DBANG ZHES BYA'O, ,ZHES SO, ,DES SGRA BSHAD PA YANG SHES PAR BYA'O, ,DBYE NA DAG MA DAG GI GZHAN DBANG GNYIS, DANG PO NI, 'PHAGS PA'I MI RTOG YE SHES DANG DAG PA'I MTSAN DPE SOGS DANG, GNYIS PA NI, MA DAG PA'I SNOD KYI 'JIG RTEN DANG DE'I RGYU LAS NYON DANG ZAG BCAS KYI PHUNG PO LNGA LTA BU'O, ,DPE NI DGONGS 'GREL LAS, 'DI LTA STE DPER NA SGYU MA BYAS PA JI LTA BA DE LTA BUR NI SKYE BA NGO BO NYID MED PA NYID BLTA BAR BYA'O, ,ZHES PA STE, SGYU MA LTA BU'I DON NI RDE'U SHING BU LA SOGS PA SGYU MA'I SNGAGS KYIS BTAB PA NA RTA GLANG DU MA GRUB KYANG RTA GLANG LA SOGS PA'I GZUGS SU SNANG BA 'BYUNG BA BZHIN DU GZHAN DBANG GZUNG 'DZIN RGYAD CHAD DU MA GRUB KYANG YANG DAG PA MA YIN PA'I KUN RTOG GI DBANG GIS GZUNG 'DZIN RGYANG CHAD DU SNANG BA'O, ,'DI NI MDO SDE RGYAN LAS, JI LTAR SGYU MA DE BZHIN DU, ,YANG DAG MA YIN KUN RTOG YOD, ,SGYU MA'I RNAM PA JI LTA BAR, ,DE BZHIN GNYIS SU 'KHRUL PA BRJOD, ,CES GSUNGS PA LTAR TE, SGYU MA DANG 'DRA BA'I 'CHAD TSUL GZHAN NI 'OG TU 'CHAD DO, ,GSUM PA YONGS GRUB NI, BDAG 'DZIN GNYIS KYIS SGRO BTAGS PA LTAR DU GRUB PAS STONGS PA'I DE BZHIN NYID NI YONGS GRUB KYI NGO BO STE, YANG NA RNAM DAG LAM GYI DMIGS PA MTHAR THUG TU GYUR PA'I DE BZHIN NYID DE YONGS GRUB KYI NGO BO'O, ,YONGS GRUB CES BRJOD PA'I RGYU MTSAN NI RNAM PA GZHAN DU MI 'GYUR BA DANG, RNAM DAG LAM GYI DMIGS PA YIN PA DANG, DGE BA'I CHOS THAMS CAD KYI MCHOG YIN PAS NA YONGS GRUB CES BYA STE, THEG BSDUS LAS, JI LTAR NA YONGS SU GRUB PA @25B NYID YIN LA, CI'I PHYIR NA YONGS SU GRUB PA ZHES BYA ZHEN, GZHAN DU MI 'GYUR BA'I PHYIR YONGS SU GRUB PA'O, ,RNAM PAR DAG PA'I DMIGS PA YIN PA DANG, DGE BA'I CHOS THAMS CAD KYI MCHOG YIN PA'I PHYIR MCHOG GI DON GYIS YONGS SU GRUB PA ZHES BYA'O, , ZHES GSUNGS SO, ,DBYE BA NI, GANG ZAG GI BDAG MED DANG CHOS KYI BDAG MED KYI DBANG DU BYAS PA'I YONGS GRUB GNYIS YOD DE, DBUS MTHA' LAS, RNAM DAG SPYOD YUL RNAM GNYIS TE, ZHES PA DANG, DE'I 'GREL BAR, RNAM PAR RTOG PA'I DE KHO NA NYID RNAM PA GNYIS TE, NYON MONGS PA'I SGRIB PA RNAM PAR DAG PA'I YE SHES KYI SPYOD YUL DANG, SHES BYA'I SGRIB PA RNAM PAR DAG PA'I YE SHES KYI SPYOD YUL LO, ,ZHES GSUNGS PA DANG, RJE BDAG NYID CHEN POS KYANG, PHUNG PO'I GZHAN DBANG GANG ZAG GI BDAG GI KUN BRTAGS KYIS STONGS PA GANG ZAG GI BDAG MED KYI YONGS GRUB TU 'JOG PA'I NGO BO NYID GSUM GYI RNAM GZHAG DE TZAM ZHIG THEG DMAN GYI MDO'I DON DU GO NUS LA, ZHES GSUNGS SO, ,DPE NI, DGONGS 'GREL LAS, DON DAM YANG DAG 'PHAGS, DE LA 'DI LTA STE, DPER NA NAM MKHA' NI GZUGS KYI NGO BO NYID MED PA TZAM GYIS RAB TU PHYE BA DANG THAMS CAD DU SONG BA JI LTA BA DE LTA BUR NI DON DAM PA NGO BO NYID MED PA DE LAS CHOS BDAG MED PAS RAB TU PHYE BA DANG THAMS CAD DU SONG BA ZHIG BLTA BAR BYAS TE, ZHES SO, , 'DIS NI 'GYUR MED YONGS GRUB DE NYID DGAG BYA BCAD TZAM GYI MED DGAG YIN PA DANG SHES BYA THAMS CAD LA KHYAB PA'I DPER NAM MKHA' THOGS REG BKAG TZAM YIN PA DANG THAMS CAD DU SONG BA GNYIS BSTAN PA YIN NO, ,GSUM PA ZHAR BYUNG GZHAN BSHAD @26A *, ,PA LA, RDZAS BTAGS KYI KHYAD PAR DANG, RNAM GZHAG GZHAN RGYAS PAR MA BSHAD PA'I RGYU MTSAN NO, ,DANG PO LA GNYIS, DNGOS DANG, DE LA DOGS PA GCOD PA'O, ,DANG PO NI, SPYIR RDZAS BTAGS KYI THA SNYAD GZHUNG CHEN MO RNAMS LAS BYUNG BA NI MANG DU YOD DO, SPYIR YOD PA TZAM LA RDZAS YOD DU BYA BA NI GANG CI YANG RUNG STE YOD NA NI THAMS CAD RDZAS SU YOD PA KHO NA'O ZHES PA LTA BU STE 'DI'I BZLOG PHYOGS KYI BTAGS YOD NI BDAG GNYIS LTA BU KUN RTOG GIS YOD PAR BZUNG YANG YONG BA MIN PA RNAMS SO, ,DON BED NUS PA'I RDZAS YOD NI DNGOS PO RNAMS TE, 'DI'I BZLOG PHYOGS KYI BTAGS YOD NI SPYI MTSAN RNAMS SO, ,BRTAN PA MI 'GYUR BA'I RDZAS YOD NI 'DUS MA BYAS KYI NAM MKHA' DANG SO SOR BRTAGS 'GOG DANG SO SOR BRTAGS PA MA YIN PA'I 'GOG PA RNAMS TE, 'DI'I BZLOG PHYOGS KYI BTAGS YOD NI MI RTAG PA RNAMS SO, ,RANG RKYA THUB PA'I RDZAS YOD NI DBANG SHES KYI GZUNG BYAR GYUR PA'I GZUGS DANG TSUGS THUB KYI SHES PA RNAMS SO, ,'DI'I BZLOG PHYOGS KYI BTAGS YOD NI LDAN MIN 'DU BYED DANG KUN BRTAGS KYI CHOS RNAMS SO, ,DE LTAR NA PHYI MA 'DI NI RDZAS BTAGS MTSAN NYID PA DANG SNGA MA'I RDZAS YOD RNAMS NI RNAM GRANGS KYI RDZAS YOD DO, ,PHYI MA'I RDZAS YOD KYI DON NI, CHOS GANG ZHIG RANG NYID BLO YUL DU 'CHAR BA RANG LAS GZHAN PA'I CHOS KYI RNAM PA BRO YUL DU 'CHAR PA LA LTOS MI DGOS PAR RANG DBANG DU 'CHAR BA'I TSUGS THUB BO, ,BTAGS PAR YOD PA'I DON NI, CHOS GANG ZHIG RANG NYID BLO YUL DU 'CHAR BA RANG LAS GZHAN PA'I CHOS KYI RNAM PA BLO YUL DU 'CHAR BA LA NGES PAR @26B LTOS DGOS PA'O, ,DE DAG KYANG RIM PA LTAR BSDU BA LAS, GANG CI YANG RUNG STE DE LAS GZHAN BA DAG LA MI LTOS SHING, DE LAS GZHAN PA DAG LA MI BRTEN PAR RANG GI MTSAN NYID 'DOGS PAR BYED PA DE NI MDOR NA RDZAS SU YOD PA YIN PAR RIG PAR BYA'O, ,GANG CI YANG RUNG STE DE LAS GZHAN PA DAG LA BLTOS SHING, DE LAS GZHAN PA DAG LA BRTEN NAS RANG GI MTSAN NYID 'DOGS PAR BYED PA DE NI MDOR NA BTAGS PA'I YOD PA YIN PAR RIG PAR BYA'I RDZAS SU YOD PA NI MA YIN TE, ZHES GSUNGS PA LTAR RO, ,GNYIS PA NI, 'DI'I RANG RKYA THUB PA'I RDZAS YOD DANG GANG ZAG GI BDAG MED KYI SKABS KYI RANG RKYA THUB PA'I RDZAS YOD GNYIS DON MI GCIG STE, 'DI LA NI RANG GI NGO BO BLO YUL DU 'CHAR BA CHOS GZHAN GZUNG BA LA LTOS MI DGOS PAR RANG DBANG DU 'CHAR BA TZAM LA BYED CING, CIG SHOS NI DBANG BSGYUR BYA'I PHUNG PO RNAMS LA MA LTOS PAR DE DAG LA DBANG SGYUR BYED RJE BO LTA BUR RANG RKYA BAR GRUB PA ZHIG DGOS PA'I PHYIR ZHES MKHAS PA DAG GSUNG NGO, ,GANG ZAG GI BDAG 'GOG PA'I RIGS PA LA BRTEN NAS GANG ZAG RDZAS SU YONG PA BKAG PA NA GANG ZAG BTAGS YOD DU NGES PAR 'GYUR BA DANG, DE'I TSE BTAGS YOD DU NGES TSUL YANG DE 'DRA'I RANG RKYA BAR MED PAR RIGS PAS BSGRUBS PA'I SHUGS KYIS GANG ZAG NI TSOGS PA DANG RGYUN LA BTAGS PA TZAM DU RTOGS PAR 'GYUR RO, ,DE LTA BU'I GANG ZAG BTAGS PA TZAM YIN LUGS KYANG GDAGS GZHI PHUNG PO DANG SGRA RTOG SOGS LA MA LTOS PAR GANG ZAG GI RANG LDOG BLO YUL DU 'CHAR MI NUS SHING, DE DAG SHAR BA LA BRTEN NAS GANG ZAG GI RANG LDOG BLO YUL DU 'CHAR DGOS PA NYID GANG ZAG BTAGS PAR YOD PA'I DON DU SONG BAS GANG ZAG BTAGS @27A *, ,YOD YIN PA'I DON NI SKABS 'DI'I BTAGS YOD DANG DON GCIG TU YOD DO, ,RGYU MTSAN DE'I PHYIR 'GOG RGYU'I GANG ZAG RDZAS YOD KYANG BTAGS YOD DE'I BZLOG PHYOGS SU GYUR PA'I RDZAS YOD LA BYA DGOS PA NI MTHA' GZHAN 'GOG PA'I RIGS PAS GRUB PAS 'DI'I RDZAS YOD DANG GNAD GCIG GO ,'DI'I BTAGS YOD KYI MTSAN GZHIR GANG ZAG BSHAD PA DANG, BSDU BA LAS PHUNG PO LA BRTEN NAS BDAG GAM SEMS CAN DU BTAGS PA SKABS 'DI'I BTAGS YOD KYI DPER GSUNGS PA DANG, RNAM BSHAD DGONGS PA RAB GSAL LAS, DE YANG LUGS DE DAG GIS NYAN RANG GIS GANG ZAG RDZAS YOD DU MED PAR RTOGS PAR 'DOD KYANG RNAM SHES GNYIS PO RDZAS YOD DU MED PAR RTOGS PAR MI 'DOD PAS GANG ZAG RANG RKYA THUB PA'I RDZAS SU MED PAR SMRA BA NI GANG ZAG GI RANG GI LDOG PA NAS 'DOD PA YIN GYI GANG ZAG GI MTSAN GZHI RNAM SHES LA DE LTAR 'DOD PA MIN NO ZHES GSUNGS PA RNAMS GUNG BSGRIGS NA SKABS 'DI'I RDZAS YOD DANG GANG ZAG RANG RKYA THUB PA'I RDZAS YOD GNYIS DON GCIG PAR SNANG NGO, ,GZHAN DU NA LUNG PHYI MAS DE GNYIS KYI RDZAS YOD KYI KHYAD PAR MI 'DRA TSUL GSUNG BAR RIGS KYI RNAM SHES DANG GANG ZAG GNYIS LA RDZAS YOD 'DOD MI 'DOD KYI KHYAD PAR 'BYED PA TZAM ZHIG GSUNG BAR MI RIGS SO, ,RJE BDAG NYID CHEN POS, ,GANG ZAG TZAM DGAG PAR BYA BA MA YIN NA KHYAD PAR GANG DANG BCAS PA YIN SNYAM NA MDO SDE MANG POR GANG ZAG BDEN PAR 'GOG CES PA DANG, GZHI BSDU BAR DON DAM PA DANG, RNAM PAR GTAN LA DBAB PA BSDU BA DANG, MDO RGYAN DANG MDZOD 'GREL RNAMS SU RDZAS YOD 'GOG CES PA KUN DON @27B GCIG PAS DE LA RDZAS BTAGS KYI DON NI, CHOS GANG ZHIG BLO YUL DU 'CHAR BA RANG DANG MTSAN NYID MI MTHUN BA'I GZHI GZHAN GYI RNAM PA SHAR BA LA NGES PAR BLTOS PA NI BTAGS PAR YOD PA DANG, DE LTA BU LA MI LTOS PAR RANG DBANG DU 'CHAR BA NI RDZAS SU YOD PA ZHES BYA'O ZHES GANG ZAG GI BDAG 'GOG PA'I RIGS PA'I SKABS SU RANG RKYA THUB PA'I RDZAS YOD NGOS 'DZIN LUGS BSDU BA LAS 'BYUNG BA JI LTA BA BZHIN GSUNGS 'DUG GO ,DER MA ZAD MU STEGS PAS BDAG RDZAS YOD SGRUB PA'I RIGS PA 'GOG CHUL SDE BDUN LAS BSHAD PA'I RIGS PA'I 'GROS KYIS KYANG SHES PAR NUS MOD 'DIR MA SPROS SO, ,DE NA 'DI DPYAD PAR BYA STE, BSDU BA LAS GANG CI YANG RUNG STE ZHES SOGS KYIS BSHAD PA'I RDZAS YOD 'DI RANG RKYA THUB PA'I RDZAS YOD DANG DON MI GCIG PAR SMRA BA RNAMS KYI DOGS PA'I GZHI NI DE GNYIS DON GCIG PAR 'DOD NA RNAM SHES RANG RKYA THUB PA'I RDZAS YOD DU 'GYUR LA, DE LTA NA YOD NA GANG ZAG GI BDAG MED YIN PA'I KHYAB PA DANG 'GAL BAR 'GYUR RO SNYAM PA 'DI KHO NA YIN PAR 'DUG PAS, DE LA 'DI 'DRI BAR BYA STE, YOD NA GANG ZAG GI BDAG MED YIN PAS KHYAB PA'I DON CI ZHIG YIN, GANG ZAG GI BDAG MED RTOGS PA'I RNAL 'BYOR PAS CHOS THAMS CAD GANG ZAG GI BDAG MED DU SGOM TSUL JI LTAR YIN, STON PAS CHOS THAMS CAD BDAG MED DO ZHES GSUNGS PA'I LUNG GI DON YANG JI LTAR BYED BRJOD PAR GYIS SHIG DE LA KHO NA RE, YOD NA NI GANG ZAG GI BDAG MED PAS KHYAB STE, GANG ZAG GI BDAG NI RNAM PA THAMS CAD DU 'THAD PAS MA GRUB PA'I PHYIR, DPER NA MO GSHAM GYI BU TSAD MAS MA GRUB PA'I RGYU MTSAN GYIS, YOD NA MO GSHAM GYI BU MED DGOS PA @28A *, ,BZHIN, DES NA GANG ZAG GI BDAG MED PAR RTOGS PA'I RNAL 'BYOR PAS CHOS THAMS CAD KYANG RANG RKYA THUB PA'I RDZAS SU YOD PAS STONGS PAR RTOGS PA DANG, BCOM LDAN 'DAS KYIS KYANG DE LA DGONGS NAS CHOS THAMS CAD BDAG MED DO ZHES GSUNGS SO, ,ZHES ZER NA BRJOD PAR BYA STE, GANG ZAG GI BDAG NI RI BONG GI RVA LTAR MED PAR SMRA BA NI SHIN TU LEGS PAR SMRAS PA LAGS MOD, CHOS THAMS CAD BDAG GIS STONGS PA'I TSUL SMRAS PA LA DA DUNG 'DRI BAR BYA STE, GANG ZAG GI BDAG GIS STONG TSUL 'DI NI GONG DU BSHAD PA LTAR GANG ZAG RDZAS SU SMRA BA'I SDE LNGA MA GTOGS PA'I RANG SDE BYE BRAG SMRA BA NAS DBU MA RANG RGYUD PA'I BAR THAMS CAD KYIS GANG ZAG GI BDAG MED PHRA MOR BZHED PAR 'DUG PAS, DE LA RE ZHIG DBU MA PA'I DBANG DU BYAS NAS MI SMRA YI; ;DON SMRA GNYIS KYIS 'DOD PA'I RDUL CHA MED DANG RNAM RIG PAS 'DOD PA'I GZUNG 'DZIN GYI GNYIS SNANG DANG BRAL BA'I RANG RIG DANG DUS MTHA'I SKAD CIG MAR GYUR PA'I SHES PA RNAMS RANG RKYA THUB PA'I RDZAS YOD KYIS STONGS PAR GTAN LA 'BEBS TSUL JI LTAR BYED, CI STE GCIG DU BRAL GYI GTAN TSIGS KYIS BYED DO ZHE NA, DE LA GTAN TSIGS 'GOD TSUL JI LTAR BYED, RDUL CHA MED CHOS CAN, RANG RKYA BAR MED DE, BDEN PA'I GCIG DANG DU MA GANG RUNG DANG BRAL BA'I PHYIR ZER RAM, RANG GI CHA DANG GCIG DANG DU MA GANG RUNG DANG BRAL BA'I PHYIR ZER RAM, RIGS PA RTZOM BYED KYI RDUL PHRA RAB GNYIS PA DANG GCIG DANG DU MAR MED PA'I PHYIR ZER RAM, RAGS PA DANG DE LTAR MA GRUB PA'I PHYIR ZER, DE DAG GANG 'GOD KYANG PHYOGS KYI CHOS DANG RJES SU 'GRO LDOG GI KHYAB PA MTHUN @28B DPE'I STENG DU 'GRUB TSUL BRJOD PAR GYIS SHIG ,DE BZHIN DU RNAM RIG PA'I LUGS KYI RANG RIG SOGS LA'ANG SBYAR BAR BYA'O, ,GZHAN YANG KA BA DANG BUM PA SOGS RANG RKYA THUB PA'I RDZAS YOD KYIS STONGS PA LA GANG ZAG GI BDAG MED KYI THA SNYAD BYED PA'I DON CI YIN, DE LA GANG ZAG GI BDAG MED PA'I PHYIR RO ZER NA, MED PAR MTSUNGS PA LA STON PAS CHOS THAMS CAD BDAG MED DO ZHES GSUNGS KYI CHOS THAMS CAD RI BONG GI RVA MED DO ZHES CI'I PHYIR MA GSUNGS, LOG RTOG LDOG PA'I DGOS PA YOD PA'I PHYIR RO ZER NA, BUM PA GANG ZAG GI BDAG TU 'DZIN PA'I LOG RTOG DE JI LTA BU ZHIG YIN, RANG RKYA THUB PA'I RDZAS YOD DU BZUNG BA'I PHYIR RO ZER NA, DE YANG JI LTAR DU BZUNG BA SMROS SHIG ,GZHAN YANG RANG SDE DE DAG GIS NYAN THOS 'PHAGS PA LA GANG ZAG GI BDAG MED SGOM TSUL 'DI LAS LHAG PA SGOM RGYU MED PAR 'DOD CING, LAM 'DIS NYON SGRIB RTZAD NAS 'BYIN PAR 'DOD NA, 'PHAGS PA DE DAG GIS MNYAM GZHAG DANG RJES THOB TU BDAG MED SGOM TSUL JI LTAR BYED, GANG ZAG RANG RKYA BA CHOS CAN, BDEN PAR MED DE, PHUNG PO DANG BDEN PA'I GCIG DANG DU MA GANG RUNG DU MA GRUB PA'I PHYIR, ZHES PA'I TSIG GSUM PO 'DI TZAM ZHIG YIN NAM, RIGS PA'I RNAM GRANGS MANG PO ZHIG GIS GTAN LA 'BEBS PA YIN, RJES THOB TU 'ANG GANG ZAG GI BDAG MED NGES YIN PAS GZHI GRUB NA GANG ZAG GI BDAG MED YIN PAS KHYAB BO, ,ZHES PA'I MU THUG 'DI GA BSGOM PA YIN NAM, CHOS THAMS CAD BDAG MED DU BLTA TSUL KHYAD PAR BA ZHIG BYED SMROS SHIG ,'DI NYID MNYAM GZHAG DANG RJES THOB TU BSGOMS PAS NYON MONGS PA'I SGRIB @29A *, ,PA'I GNYEN PO BYED LUGS JI LTAR YIN PA'ANG BRJOD PAR GYIS SHIG ,DPAL CHOS KYI GRAGS PAS SDUG BSNGAL GYI BDEN PA'I RNAM PA GZHAN BSGOM PA RNAMS BDAG MED PA'I RNAM PA SPYOD BYED KYI THABS SU GSUNGS 'DUG PAS DER 'GYUR TSUL YANG JI LTAR YIN, 'DI DAG LEGS PAR MA GO NA NI THAMS CAD MKHYEN PA'I LAM LTA ZHOG GI THAR PA TZAM YANG 'THOB PA'I THABS SHES PA'I GNAS MED LA, NANG PA SANGS RGYAS PA'I KHYAD CHOS PHYAG RGYA BZHI'I DON TZAM LA YANG NGES SHES SKYE BA'I SKABS MED NA TSES SHIN TU ZAB PA'I DBU MA THAL 'GYUR BA'I LTA BA SHES PA'I GO SKABS GA LA YOD, 'DI DAG LEGS PAR KHONG DU MA CHUD PA'I DBANG GIS MKHAS PAR GRAGS PA LO TZTSA BA SHES RAB RIN CHEN GYIS KYANG, RDZAS YOD BDAG SMRA GNAS MA BUR DES DANG, RNAM SHES BDAG SMRA'I DBU SEMS YOD PA 'GAL, ZHES DANG, GO BO BSOD NAMS SENG GE DANG PAn CHEN SH'AKYA MCHOG LDAN GYIS KYANG RJE THAMS CAD MKHYEN PA 'GOG PA'I LUGS SU BYAS NAS LTAG CHOD MANG DU BRIS GDA' MOD, KHO BO NI DE DAG LA DO GAL CHUNG PAS DE DAG 'GOG PA'I NGAL BA 'DIR MI BYA YI RANG RE RJE BDAG NYID CHEN PO'I BSTAN PA SKYON MED PA LA ZHUGS SHING BKA' DRIN 'KHOR MTHA' MED PA'I RJE RIN PO CHE DE NYID KYI DGONGS PA 'TSOL BA LHUR LEN PA'I GANG ZAG RNAMS KYIS NI, SPYIR RJE YAB SRAS KYI DGONGS PA LTAR TSIG SPYI TZAM DU MA LUS PA'I THOS BSAM DANG GZHUNG LUGS GDAMS PAR SHAR BA'I NYAMS LEN DANG THABS SHES ZUNG DU 'BREL BA'I SPYOD PA MA NOR BA ZHIG DGOS PAR SNANG ZHING, DE LA YANG GNAS 'DI DAG GAL CHE BAR MTHONG NAS GONG @29B GI KHAS LEN DE DAG GI BLO RTZE GTAD SO JI LTAR YIN DRIS PA YIN GYI, GANG DANG YANG MI MTHUN PA'I RANG LUGS ZUR PA ZHIG GI RNAM GZHAG BYED SNYAM PA DANG, DE LA BRTEN NAS GZHAN LAS KHYAD THON PA ZHIG AE YONG SNYAM PA'I RE BAS KUN NAS BSLANG BA MI LEGS SO; ;'O NA KHYOD RANG GI LUGS LA JI LTAR YIN BRJOD PAR GYIS SHIG CE NA, SPYIR 'DI DAG SHES PA LA BDAG 'DZIN LHAN SKYES KYIS JI LTAR BZUNG BA'I TSUL DANG KUN BRTAGS KYIS JI LTAR SGRO BTAGS PA'I TSUL DANG DE GNYIS LAS KYANG SNGA MA GTZO BO YIN PA DANG, PHYI MA 'GOG PA'I RIGS PA RNAMS SNGA MA 'GOG PA'I YAN LAG TU 'GYUR TSUL DANG, BDAG MED GTAN LA 'BEBS PA'I DUS SU YANG GCIG DU BRAL GYI SBYOR BA'I TSIG GSUM PO DE TZAM MA YIN PA'I RIGS PA RGYA BSKYED NAS BSGOM PA'I TSUL DANG, RIGS PA DE DAG GI GNAD 'GAG KYANG GCIG DU BRAL GYI GTAN TSIGS NYID LA 'DU TSUL DANG, RJES THOB KYI GNAS SKABS SU'ANG SPYIR CHOS THAMS CAD DANG KHYAD PAR RANG RGYUD KYIS BSDUS PA'I PHUNG KHAMS SKYE MCHED KYI STENG GI BDAG MED PA'I RNAM PA LA BLO GOMS PAR BYED TSUL DANG; DE DAG LA BRTEN NAS SGRIB PA RIM GYIS SBYONG TSUL SOGS KYI RNAM GZHAG RNAMS, KHO 'DI ZER NA NGA 'DI ZER GYI GSHAGS 'GYED PA TZAM GYI PHYIR MA YIN PAR BLO KHA NANG DU PHYOGS NAS GTAN LA 'BEBS PA'I RNAM GZHAG RNAMS LEGS PAR SHES DGOS TE, THEG DMAN DU MA ZAD THEG CHEN PA RNAMS KYIS KYANG TSOGS SBYOR GYI GNAS SKABS SU GZHI SHES KYI RNAM PA GTZO BOR BSGOM DGOS PAR RGYAN 'GREL PA DANG BCAS PA NAS BSHAD PA'I PHYIR DANG, BDAG MED RAGS PA RTOGS PA NYID BDAG MED PHRA MO RTOGS PA'I THABS @30A *, ,KYI MCHOG YIN PA'I PHYIR RO, ,'ON KYANG DE DAG GI RNAM GZHAG RGYAS PAR NI SHING RTA CHEN PO RNAMS DANG RJE YAB SRAS KYI GSUNG RAB LA BRTEN NAS KHO BO CAG GIS BSHAD PAR SPOBS MOD KYI 'DIR NI TSIG GI TSOGS HA CANG MED PAR 'GYUR PA DANG, SKABS SU MA BABS PAS SPRO BAR MI BYED LA SKABS SU BABS PA'I RNAM GZHAG MDOR BSDUS SHIG BRJOD PAR BYA'O, ,DE LA GANG ZAG RANG RKYA THUB PA'I RDZAS YOD DU 'DZIN TSUL NI NGA ZHES 'DZIN PA'I GZHI'I BDAG 'DI RANG LAS GZHAN PHUNG PO RNAMS LA RAG MA LAS SHING MA BRTEN PA'I TSUL GYIS DE DAG LA DBANG SGYUR BYED LTA BU'I RANG RKYA BAR 'DZIN PA STE, DE LA DGONGS NAS RJE YAB SRAS KYIS RJE KHOL LTAR 'DZIN PA ZHES KYANG GSUNGS SO, ,DES NA SPYIR GDAGS GZHI PHUNG PO BZUNG BA LA MA BRTAN PAR GANG ZAG 'DZIN MI NUS PA YIN KYANG BDAG TU 'DZIN PAS RGYUD BSLAD PA RNAMS KYIS NI DE LTAR MI SHES PAR BDAG BZUNG BA LA BRTEN NAS PHUNG PO 'DZIN DGOS PA LTA BU ZHIG 'CHAR TE, ,NGA'I GZUGS NGA'I TSOR BA ZHES SOGS PHUNG PO RNAMS BDAG DE'I DBANG BYAR 'DZIN PA'I PHYIR DANG, BDAG YOD PA LA BRTEN NAS NGA'I ? PHUNG PO ZHES PHUNG PO LA NGA YI BAR 'DOGS PAR 'DZIN PA'I PHYIR RO, ,DES NA BDAG RDZAS SU YOD PA'I 'DZIN TSUL NI RANG LAS GZHAN PA DAG LA MI LTOS SHING, RANG LAS GZHAN PA DAG LA MI BRTEN PAR RANG GI MTSAN NYID 'DOGS PAR BYED PA'I RDZAS YONG DU 'DZIN TSUL KHO NA YIN ZHING RGYU MTSAN DE'I PHYIR GONG DU DRANGS PA LTAR RJE BDAG NYID CHEN POS BSDU BA LAS BSHAD PA'I RDZAS YOD DANG SKABS 'DI'I RDZAS YOD DON GCIG PAR GSUNGS PA YIN NO, , @30B DE LTA BU'I GANG ZAG RANG RKYA BA 'GOG BA LA BYE MDO SEMS TZAM PA RNAMS KYIS PHUNG PO DANG BDEN PA'I GCIG DANG DU MA DANG BRAL BA'I RTAGS 'GOD PA YIN NO, ,BDAG MED GTAN LA 'BEBS PA'I DUS SU NI, PHUNG POR BTAGS PA TZAM LAS MA GTOGS PA'I BDAG DE YOD PAR SGRUB PA'I SGRUB BYED KYI GTZO BO, ,SEMS CAN NO SNYAM PA'I BLO CHOS CAN, DON JI LTA BA BZHIN DU 'JUG PA YIN NO, BLO SNGON DU MA BTANG BAR DNGOS PO MTHONG NA 'JUG PA'I BLO YIN PA'I PHYIR RO, ,DPER NA SNGO 'DZIN BZHIN, ZHES PA 'DI NYID 'GOG PA'I RIGS PA RTZAL DU BTON NAS GTAN LA 'BEBS PA DANG, YANG DE 'DRA'I BDAG DE PHUNG PA LA BTAGS PA YIN NAM, PHUNG PO LA GNAS PA YIN NAM, PHUNG PO LAS GZHAN YIN NAM, PHUNG PO GTAN MED YIN SNYAM DU MTHA' BZHIR BRTAGS NAS RIGS PAS 'GOG DGOS SHING; BRTAGS PA DE'I NANG DU NI RTAG MI RTAG GCIG THA DAD LA SOGS PA'I MTHA' GZHAN 'GAG PA'I RIGS PA MANG PO ZHIG BYED DGOS PAR THOGS MED DBYIG GNYEN PHYOGS GLANG CHOS GRAGS SOGS KYI GZHUNG LAS 'BYUNG NGO, ,DE LTAR BRTAGS PA'I MTHAR DGAG BYA BKAG SHUL DU BDAG JI 'DRA ZHIG LUS BRTAGS PA NA BDAG GAM GANG ZAG GCIG NI NGES PAR YOD DGOS TE, GZHAN DU NA 'CHING GROL GYI RNAM GZHAG MI 'THAD PAR 'GYUR BA'I PHYIR RO, ,DE YANG PHUNG PO LAS DON GZHAN DANG RANG RKYA BA'I RDZAS SU GRUB PA NI BKAG ZIN PAS, GDON MI ZA BAR PHUNG PO LA BLTOS SHING PHUNG PO LA BRTAN NAS BTAGS PA'I BTAGS YOD DU 'GRUB DGOS TE, GRUB TSUL DE GNYIS GANG RUNG LAS MI 'NGA' BA'I PHYIR RO, ,DES NA GRUB MTHA' 'DI DAG GIS GANG ZAG BTAGS YOD DU 'DOD PA'I DON @31A *, ,NI DE LTAR YIN LA, BTAGS PA TZAM GYI TZAM SGRAS KYANG PHUNG PO DE DAG LAS DON GZHAN PA'I RDZAS YOD GCOD KYI BDEN GRUB DANG RANG GI MTSAN NYID KYIS GRUB PA SOGS GANG YANG MI GCOD PAR 'DOD DO, ,RJES THOB KYI CHOS THAMS CAD BDAG MED PAR BLTA TSUL NI KUN LAS BTUS LAS, STONG PA'I MTSAN NYID GANG ZHE NA GANG LA GANG MED PA DE NI DES STONG PA YANG DAG PAR RJES SU MTHONG STE, DE LAS LHAG MA GANG YIN PA DE NI 'DIR YOD PA'O ZHES YANG DAG PA JI LTA BA BZHIN RAB TU SHES SO, ,ZHES PA DANG, BDAG MED PA'I MTSAN NYID NI JI LTAR BDAG TU SMRA BA RNAMS KYIS BDAG TU BTAGS PA'I MTSAN NYID DES PHUNG PO DANG KHAMS DANG SKYE MCHED RNAMS NI BDAG GI MTSAN NYID KYIS BDAG MED PA'O, ,'DI LA DGONGS NAS BCOM LDAN 'DAS KYIS CHOS THAMS CAD BDAG MED PA'O ZHES GSUNGS SO, ,BCOM LDAN 'DAS KYIS 'DI DAG THAMS CAD NI NGA YI BA MA YIN PA'O, ,'DI NI NGA'I MA YIN PA'O, ,'DI NI NGA'I BDAG MA YIN PA STE ZHES BYA BAR DGONGS NAS GSUNGS PA STE, DE NI DE BZHIN NO ZHES YANG DAG PA'I SHES RAB KYIS YANG DAG PA JI LTA BA BZHIN BLTA BAR BYA'O, ,ZHES GSUNGS PA 'DI'I DON CI ZHE NA, PHYI'I DNGOS PO 'DI BDAG GI MA YIN PA'O, ,NANG GI DNGOS PO 'DI NI NGA'I MA YIN PA'O, ,'DI NI NGA'I BDAG MA YIN PA ZHES BYA BAR DGONGS NAS GSUNGS PA STE, 'DI LTAR PHYI'I DNGOS PO RNAMS NI BDAG GI BA RNAMS DANG, NANG LA NI BDAG DANG BDAG GIR RNAM PAR BKAG GO, ZHES GSUNGS PA RNAMS KYI DON LEGS PAR SHES DGOS TE, DE YANG LUNG SNGA MA'I DON NI, DGAG BYA BKAG PAS DGAG BYA DES STONG TSUL DANG, BKAG SHUL DU CHOS DE DAG YOD TSUL @31B GSUNGS SHING, LUNG TSAN GNYIS PAS NI, PHUNG SOGS LA BDAG GI MTSAN NYID KYIS BDAG MED PAR BLTA TSUL DANG, CHOS THAMS CAD BDAG MED PAR GSUNGS PA'I LUNG DON SGOM TSUL BSTAN PA'O, ,DES NI 'DIR 'GYUR TE, PHUNG SOGS KYI STENG DU RDZAS YOD KYI BDAG BKAG PA LA BRTEN NAS PHUNG SOGS DE DAG RDZAS YOD KYI BDAG DE'I LONGS SPYOD BYA YIN PAS STONGS PAR 'GYUR LA, DE LTAR NA PHUNG SOGS GDAGS GZHIR BYAS NAS RDZAS YOD KYI BDAG YOD BA DANG, DE DAG DE'I BDAG GI BAR 'DZIN PA KHEGS PAR 'GYUR BAS PHUNG SOGS CHOS TZAM DU LUS PAR 'GYUR RO, ,DE LTAR RANG GI PHUNG SOGS JI LTA BA DE BZHIN DU PHYI'I SNOD BCUD KYI 'JIG RTEN RNAMS KYANG LAS DANG NYON MONGS PA'I DBANG GIS BSKYED CING LAS DANG NYON MONGS DE DAG 'DU BYA BA PO'I GANG ZAG RDZAS YOD KYANG MED PAS DE DAG KYANG DES STONGS SHING CHOS TZAM DU LHAG MAR LUS PA DANG, DE BZHIN DU DAG PA'I ZHING DANG BCUD SOGS KYI RGYUR GYUR PA'I THUGS RJE DANG SMON LAM GYI NUS PA YONGS SU RDZOGS PA'I SANGS RGYAS 'PHAGS PA YANG RANG RKYANG BA'I RDZAS SU MED PAS DE DAG KYANG CHOS TZAM DU LUS PA DANG, 'GOG PA DANG DE BZHIN NYID LA SOGS PA 'THOB PA DANG MNGON DU BYA BA DANG SHES PAR BYA BA'I CHOS RNAMS KYANG 'THOB PA PO LA SOGS PA'I GANG ZAG RANG RKYA BA MED PAS DE DAG KYANG CHOS TZAM DU 'GYUR RO, ,TZAM GYI SGRAS 'THOB PA PO DANG SHES PA PO LA SOGS PA'I GANG ZAG RDZAS YOD GCOD DO; ;DON DE LA DGONGS NAS 'PHAGS PA THOGS MED KYIS, PHYI'I DNGOS PO LA BDAG GI BA 'GOG PA DANG, NANG GI DNGOS PO LA BDAG DANG BDAG GI BA 'GOG PA GNYIS KA GSUNGS PA YIN NO, ,DE LTAR NA DE LTA BU'I GANG ZAG RANG RKYA BA MED PAS DE YOD PAR BZUNG NAS BDAG @32A *, ,GI BDE BA SGRUB PA'I CHED DU CHAGS PA DANG SDANG BA LA SOGS PA'I NYES PAR SPYOD PA'I TSOGS DON MED PAR MTHONG NAS DE DAG LAS LDOG PAR 'GYUR RO, ,DON 'DI NI RNAM 'GREL LAS, BDEN PA BZHI LA BRTAN PA DANG, ,BDE DANG NGA DANG NGA'I ZHES SOGS YANG DAG MIN PA RNAM BCU DRUG ,SGRO BTAGS NAS NI YONGS SU SRED, ,DE NYID LA NI DE 'GAL DON, ,DE NYID RNAM PA RJES RTOGS CAN, LEGS BSGOMS YANG DAG LTA BA YIS, ,SRED PA RJES 'BRANG BCAS 'JOMS BYED, ,CES DANG, STONG NYID LTA BAS GROL 'GYUR GYI, ,BSGOM PA LHAG MA DE DON YIN, ,ZHES GSUNGS PA RNAMS KYI DON YIN ZHING, DER MA ZAD MNGON RTOGS RGYAN GYI GZHI SHES KYI RNAM PA BSHAD PA'I LAM BDEN GYI RNAM PA'I SKABS SU YANG 'GREL PA RNAMS SU SHES PA PO'I GANG ZAG GI BDAG MED PA DANG, BYED PA PO'I GANG ZAG GI BDAG MED PA DANG, 'PHO BA PO'I GANG ZAG GI BDAG MED PA DANG, 'DUL BA PO'I GANG ZAG GI BDAG MED PAR RTOGS PA RNAMS LAM BDEN GYI RNAM PA BZHI'I MTSAN NYID DU BSHAD PA YIN NO, ,GANG DAG SHES PA RANG RKYA THUB PA'I RDZAS SU MED PA SHES PA'I BDAG MED PA'I DON DU 'DOD PA RNAMS NI DNGOS SMRA BA MAN CHAD KYIS BTAGS YOD KYI DNGOS PO RNAMS KYI GDAGS GZHIR RANG RKYA THUB PA'I RDZAS YOD RE DGOS PAR 'DOD PA MA SHES PAS LAN NO, ,CI DE DGOS PA GANG LAS SHES SNYAM NA, DBU MA 'JUG PA LAS, JI LTAR KHYOD KYI TSOGS PA CANG MED PAS, ZHES SOGS KYI RIGS PAS DNGOS SMRA BA 'GOG PA'I SKABS SU RJE BDAG NYID CHEN POS, PHA ROL POS BTAGS YOD KYI DNGOS PO RNAMS RANG RKYA THUB PA'I RDZAS YOD RE GDAGS GZHIR YOD PA LA BRTEN NAS 'DOGS PAR KHAS LEN ZHING ZHES GSUNGS @32B PA LAS SO, ,DE LTAR GSUNGS PA'I DON NI DNGOS SMRA BA RNAMS KYI BTAGS YOD DU 'JOG PA'I DNGOS PO RNAMS, BTAGS YOD DU 'JOG PA YANG RIGS PAS MTHAR GTUGS NA NGES PAR RDZAS YOD KYI CHOS RE LA BLTOS NAS 'JOG DGOS PAR 'DOD PA NYID YIN NO, ,DER MA ZAD BYE MDO GNYIS KYIS CHOS THAMS CAD RANG RANG GI RANG RKYA THUB PA'I RDZAS YOD KYIS STONGS PAR KHAS LEN NA DE THAMS CAD LA GANG ZAG GI BDAG MED KYI THA SNYAD BYA CI DGOS, DE LA CHOS KYI BDAG MED KYI THA SNYAD CI'I PHYIR BTAGS MI MCHOG, SEMS TZAM PAS KYANG CHOS KYI BDAG MED KHAS LEN MOD KYANG STONGS TSUL 'DI YI SGO NAS MI 'JIG PAR GZUNG 'DZIN RDZAS GZHAN GYIS STONGS PA SOGS PHUNG SOGS KHO RANG GI STANG NAS STONG TSUL KHYAD PAR BA ZHIG LA CHOS KYI BDAG MED DU 'JOG PA'I RGYU MTSAN GYIS KYANG SHES PAR 'GYUR MOD, GZHAN YANG CHOS THAMS CAD KYI STENG DU RANG RANG GI RANG RKYA THUB PA'I RDZAS YOD KYIS STONGS PAR GTAN LA 'BEBS TSUL GCIG DU BRAL GYI RIGS PAS GTAN LA 'BEBS PA'I RNAM GZHAG MNGON PA GONG 'OG SA SDE LNGA TSAD MA SDE RJES 'BRANGS DANG BCAS PA SOGS BYE MDO SEMS TZAM PA'I GZHUNG LUGS GANG NAS BSHAD PA STON CIG, SEMS TZAM PAS PHYI ROL GYI DON 'GOG PA DANG GZUNG 'DZIN RIG GSUM GYI RDZAS THA DAD KYI CHA 'GOG PA LA GCIG DU BRAL GYI RIGS PA GSUNGS PA YOD KYANG SHES PA RANG GI NGO BO GCIG DU BRAL GYI RIGS PAS BDAG MED DU GTAN LA 'BEBS TSUL GANG DU YANG MA GSUNGS SO, ,DER MA ZAD DE LTAR 'DOD PHYIN CHAD 'DI DAG GI LUGS LA 'GAL BA DANG MA GRUB PA DANG MA NGES BA DU MA ZHIG RANG LUGS SU KHAS LEN DGOS PAR 'GYUR MOD, 'DIR NI RAGS PA TZAM ZHIG SMRAS PA YIN GYI ZHIG TU BRJOD @33A *, ,NA MTHA' YAS SO, ,YANG KHA CIG RANG RKYA 'DZIN THUB PA'I RDZAS YOD DANG RANG RKYA THUB PA'I RDZAS YOD GNYIS KYI ZHIB CHA 'BYED PA YANG RGYA GZHUNG TSAD THUB RNAMS DANG, RJE YAB SRAS KYI GSUNG GANG LAS KYANG MI 'BYUNG BAS 'THANG RGYU ZHIG MI 'DUG SNYAM PA LAGS SHING; SNGAR BSHAD PA NYID CHEN PO RNAMS KYI DGONGS PA DANG MTHUN PAR SNANG NGO, ,GNYIS PA NI LUGS 'DI'I MTSAN NYID GSUM DANG BDEN PA GNYIS KYI RNAM PAR BZHAG PA LA BRTAN NAS PHUNG KHAMS SKYE MCHED RNAMS KYI DBYE TSUL DANG NGO BO SOGS KYI RNAM GZHAG BYED TSUL BYE MDO GNYIS DANG DBU MA PA RNAMS DANG MI 'DRA BA SHIN TU MANG ZHING, MNGON PA KUN BTUS DANG SA SDE'I BSHAD TSUL LA YANG MI 'DRA BA'I KHYAD PAR PHRA MO MANG DU SNANG LA, SNOD BCUD KYI 'JIG RTEN GYI KHAMS KYI RNAM PAR BZHAG PA LA YANG MI 'DRA BA'I KHYAD PAR DU MA ZHIG YOD MED, YI GE NYUNG DUS NI MTHA' CHOD PAR BSHAD MI NUS LA RGYAS PAR BKOD NA NI YI GE'I KHUR HA CANG MANGS PAR 'GYUR BAS 'DIR MA BRIS LA, GANG DAG GRUB PA'I MTHA'I RNAM PAR BZHAG PA MTHA' DAG PA SHES PAR 'DOD PA RNAMS KYIS NI GZHUNG DE DAG TU BLTA DGOS KYI GZHUNG GI CHA SHES RE KHOL DU PHYUNG BA LA TSIG GI SPROS PA NYAG NYOG RE BRIS PA'I THOL 'PHRENG TZAM GYIS GAR YANG MI PHYIN NO, ,RJE BDAG NYID CHEN POS KYANG, 'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RAS, ,TSIMS PAR MA BYAS KUN LA ZHIB TU SBYANGS, ,ZHES RANG NYID KYI RNAM PAR THAR PA RJES 'JUG RNAMS LA THUGS BRTZE BAS GDAMS PA DANG, GZHAN YANG SNGON RABS KYI MKHAS PA SKAD GNYIS SMRA BA'I DBANG PO RNAMS DANG, SA SKYA PAndI TA BU STON THAMS CAD MKHYEN PA RDOG LO CHEN PO YAB SRAS SOGS @33B NGES PA DON GYI BSTAN 'DZIN CHEN PO DAG GI RNAM PAR THAR PA LAS JI LTAR 'BYUNG BA BZHIN THOS BSAM BYED PA ZHIG BYUNG NA BSTAN PA LA PHAN PA'I SKYES BU DAM PA ZHES BYA BA'I GRANGS SU 'GRO BA LAGS SO, ,GNYIS PA SHES BYED BLO'I RNAM GZHAG LA GSUM, SPYIR BLO'I RNAM GZHAG DANG, RNAM SHES GRANGS MANG NYUNG 'DOD TSUL DANG, RNAM BDEN RDZUN GYI KHYAD PAR BSHAD PA'O, ,DANG PO LA GNYIS, DNGOS DANG, TSANG 'BRAS KYI RNAM GZHAG BSHAD PA'O, ,DANG PO NI, GSAL ZHING RIG PA TZAM SHES PA'I MTSAN NYID DO, ,DE LA DBYE NA RTOGS PA'I BLO DANG MA RTOGS PA'I BLO GNYIS SU YOD DE, BLO DES CHOS DE LA SGRO 'DOGS GCOD PA'I NGES SHES 'DREN NUS PA DANG MI NUS PA GNYIS SU YOD PA'I PHYIR, YANG NA RANG YUL BDEN PA LA MTHA' GCIG TU GSAR DU ZHEN PA'I BLO GANG ZHIG, MNGON RJES GANG RUNG MA YIN PA'I YID DPYOD KYI BLO DANG, 'JUG YUL RANG MTSAN GSAL BAR SNANG YANG RANG YUL MA NGES PA'I SNANG LA MA NGES GYI BLO DANG, RANG YUL RTOGS ZIN BYED PA MNYAM PA LA BSNAN NAS 'DZIN PA'I BCAD SHES DANG, RANG GI ZHEN YUL MED PA'I LOG SHES DANG, RANG YUL LA RTZE GNYIS PA'I BLO THE TSOM DANG, MNGON SUM DANG, RJES DPAG STE BDUN DU DBYE BA DANG, YANG NA TSAD MA DANG TSAD MIN GYI BLO GNYIS SU DBYE BA SOGS NI 'DI DAG THAMS CAD KYIS 'DOD LA, TSAD MA LA MNGON RJES GNYIS SU GRANGS NGES PA DANG, MNGON SUM TSAD MA LA RTOG PA DANG BRAL ZHING BAG CHAGS BRTAN BYUNG GI SHES PA ZHIG DGOS NA'ANG MDO SDE PA'I 'DOD PA LTAR MA 'KHRUL BA MI DGOS PA SOGS KYANG SEMS TZAM PA'I GRUB MTHA' PHAL MO CHE'I 'DOD TSUL YIN LA, RIGS PA'I RJES 'BRANG GI SEMS TZAM PAS MNGON @34A *, ,SUM LA DBANG YID RANG RIG RNAL 'BYOR MNGON SUM BZHI 'DOD DO, ,LUNG GI RJES 'BRANG GI SEMS TZAM PAS GZHAN GSUM 'DOD KYANG RANG RIG 'DOD MI 'DOD MI 'DOD NI GSAL BAR MA BSHAD LA, RJE BTZUN DAM PA 'JAM DBYANGS BZHAD PA'I RDO RJES SA SDE'I RJES 'BRANG GI SEMS TZAM PAS RANG RIG MI 'DOD DE, SA SDE LNGA NAS MA BSHAD PA'I PHYIR ZHES GSUNGS SO, ,DE LTA NA'ANG LUNG GI RJES 'BRANG GI SEMS TZAM PA LA RANG RIG MI 'DOD PAS KHYAB PA NI RJE BTZUN DE NYID KYI ZHAL GYIS MI BZHES TE, DE NYID KYIS KUN GZHI DANG RANG RIG GNYIS KA 'DOD PA'I SEMS TZAM PA YOD PAR BSHAD PA'I PHYIR TE, GRUB MTHA' CHEN MOR RNAM BDEN PA'I THAD DU KUN GZHI'I NGO BO RANG RIG GI MYONG BYA TZAM DE'I STOBS LAS BYUNG BAS RTOG PAS DE DAG GZUNG 'DZIN DU SGRO 'DOGS KYANG DES SGRO BTAGS PA LTAR GYI GNYIS NI RDZUN YIN LA, GNYIS MA YIN PA NI RDZUN MA YIN PA'I PHYIR RO, ZHES GSUNGS PA'I PHYIR RO, ,RTOG GE 'BAR BA LAS, THEG PA CHEN PO PA NYID KYI SLOB DPON THOGS MED DBYIG GNYEN LA SOGS PA GZHAN DAG NI ZHES DE GNYIS KYI 'DOD PA BRJOD PA'I SKABS SU THEG BSDUS LAS BSHAD PA'I MTSAN NYID GSUM GYI RNAM GZHAG DANG KUN GZHI DANG NYON YID 'DOD TSUL SOGS BSHAD NAS DE'I MJUG TU SEMS DE NYID RNAL 'BYOR PA DE LA RANG DU SNANG BA 'DZIN PA'I RNAM PA DANG YUL DU SNANG BA GZUNG BA'I RNAM PAR YONGS SU GYUR CING SNANG BA STE, PHYI ROL GYI DON MED PAS SEMS TZAM DU DMIGS PA LA BRTEN NAS YUL MI DMIGS PAR RAB TU SKYE LA, GZUNG BA MED NA 'DZIN PA DAG KYANG MED PAS GZUNG BA MI DMIGS PA LA BRTEN NAS 'DZIN PA'I RNAM PAR @34B SHES PA RNAM PA DRUG PO DAG MI DMIGS PAR RAB TU SKYE STE, JI SRID KUN GZHI RNAM PAR SHES PA RANG GI SEMS KYI CHOS NYID RNAM PAR RIG PA ZHES BYA BA NYID LA MI GNAS SHING ZHES KUN GZHI DANG RANG RIG GNYIS KA 'DOD PA'I LUGS BSHAD CING, DE NYID 'GOG PA'I SKABS SU, YUL DU SNANG BA MA GTOGS PAR, SEMS NYID JI 'DRA BA ZHIG SNANG, ,ZHES SOGS RANG RIG 'GOG PA'I RIGS PA RNAMS GSUNGS SO, ,DBU MA LA 'JUG PA LAS KYANG, RNAL 'BYOR PA YIS BLA MA'I MAN NGAG LAS, ZHES PA NAS, BLO YANG MED CES DON 'DI SHES PAR GYIS, ,ZHES PA'I BAR GYIS RNAM PAR RIG PA TZAM DU SGRUB PA'I LUGS THEG BSDUS LAS 'BYUNG BA RNAMS JI LTA BA BZHIN 'GOG PAR MDZAD LA, DE'I MJUG THOGS SU, GAL TE GZUNG MED 'DZIN PA NYID BRAL ZHING, ZHES SOGS GZHAN DBANG GI SGRUB BYED RANG RIG 'GOG PA'I RIGS PA GSUNGS PA'I SNGA PHYI'I 'BREL LA DPAGS NA YANG THOGS MED SOGS KYI RJES SU 'BRANG BA'I RANG RIG DANG KUN GZHI GNYIS KA 'DOD MKHAN GYI SEMS TZAM PA ZHIG YOD PAR SNANG NGO, ,'ON KYANG 'JUG PA'I RANG RIG 'GOG PA'I GSUNG DE DAG GIS RIGS PA'I RJES 'BRANG GI SEMS TZAM PA YANG MI 'GOG PA MIN NO, ,GZHAN YANG TSAD MAR GYUR PA'I SHES PA RNAMS YUL DE LA MI SLU BAR RANG RIG GIS 'GRUB DGOS PA NI SEMS TZAM PA'I GRUB PA'I MTHA' YIN TE, SHES PA DE YUL LA MI SLU BAR BSGRUB PA LA RANG DANG BDAG NYID GCIG PA DANG BDAG NYID THA DAD PA'I SHES PA GANG RUNG ZHIG GIS 'GRUB DGOS LA, DON GZHAN GYIS GRUB NA NI THUG MED DU 'GYUR BAS BDAG NYID GCIG PA'I SHES PAS GRUB PA LAS 'OS MED PA'I PHYIR, DES NA GZHAN DBANG @35A *, ,GI GTZO BO SHES PA BDEN GRUB SGRUB BYED KYI GTZO BO NI RANG RIG SGRUB BYED GYI RIGS PA YIN PA DANG, GZUGS RANG 'DZIN SHES PA DANG BDAG NYID THA DAD PAS STONG PAR BSGRUB PA LA YANG RANG RIG PA'I SHES PAS YUL 'DZIN PA'I TSUL DE NYID MED DU MI RUNG BAS LUNG GI RJES 'BRANG PHAL CHE BAS KYANG RANG RIG BZHED DGOS SAM SNYAM MO, ,SA'I DNGOS GZHI LAS DBANG PO GZUGS CAN GYI MNGON SUM DANG YID KYIS MYONG BA'I MNGON SUM DANG 'JIG RTEN PA'I MNGON SUM DANG DAG PA'I MNGON SUM DANG BZHIR BSHAD PA'I 'JIG RTEN PA'I MNGON SUM YANG GANG LA BYAD BRTAG PAR BYA'O, ,'DI BA'I LUGS KYI DBANG MNGON GYI RKYEN GSUM NI PHYOGS GLANG GI DMIGS BRTAG LAS, GCIG CHA'ANG MI 'KHRUL PHYIR NA RKYEN, ZHES DANG, YANG NA, NUS PA 'JOG BYED RIM GYIS YIN, ZHES SNANG BA'I DMIGS RKYEN DANG, NUS PA 'JOG PA'I DMIGS RKYEN GNYIS BSHAD DE, DE LA SNGA MA NI SNGO 'DZIN DBANG SHES LA DNGOS SU SNANG BA'I SNGON PO STE, DE LA DMIGS NAS RJES SU 'GRO LDOG MI 'KHRUL BA'I PHYIR DMIGS RKYEN DU BTAGS PA YIN GYI, DE'I DMIGS PA YIN YANG RKYEN MIN NO, ,PHYI MA NI SNGO 'DZIN DBANG SHES DE'I DE MA THAG RKYEN GYI STENG NA YOD PA'I SNGON PO'I RNAM LDAN DU BSKYED PA'I LAG RJES 'JOG BYED DO, ,DE LTAR NA DE MA THAG RKYEN DANG GCIG TU MI 'GYUR RAM SNYAM NA MYONG BA'I TSE LAG RJES 'JOG PA DANG YUL GYI RNAM PA'I TSE LAG RJES 'JOG PA'I KHYAD PAR YOD BAS DE GNYIS NGO BO GCIG LA LDOG PA THA DAD DO, ,BDAG RKYEN NI DBANG PO GZUGS CAN PA'O, ,YID KYI MNGON SUM NI RANG GI DE MA THAG RKYEN DBANG PO'I MNGON SUM DANG, DE'I STENG GI YUL 'DZIN NUS SU BSKYED PA'I @35B CHA BDAG RKYEN DANG, RANG GI DE MA THAG RKYEN GYI GZUNG DON GYI RIGS 'DRA SKAD CIG GNYIS PA DMIGS RKYEN DU YOD PA LAS SKYE BA YIN LA, DE YANG DPYAD PA GSUM GYIS DAG PA'I LUNG LA BRTEN NAS RTOGS PAR BYA BA YIN GYI SO SO SKYE BO'I DNGOS STOBS KYI TSAD MAS RTOGS PAR BYA BA NI MA YIN NO ZHES PAn CHEN CHOS MCHOG BZHED LA, RGYAL TSAB THAMS CAD MKHYEN PAS KYANG SEMS TZAM PA'I SKABS SU 'DI DANG MTHUN PAR BZHED CING DBU MA SNANG BA'I RNAM RIG PA'I SKABS DANG YANG MTHUN PA 'DRA ZHIG SNANG NGO, ,MKHAS GRUB THAMS CAD MKHYEN PAS CUNG ZAD MI 'DRA BAR GSUNGS TE 'DIR MA SPROS SO, ,RANG RIG NI RANG GI GZUNG YUL RANG MTSAN LA BLTOS TE GNYIS SNANG NUB PA'I SHES PA YIN NO, ,DE LA RNAM 'GREL GYI RANG 'GREL DU, 'DOD CHAGS DANG ZHE SDANG DANG GTI MUG DANG BDE BA DANG SDUG BSNGAL BA LA SOGS PA NI DBANG PO LA MI LTOS PA'I PHYIR, RANG RIG PA'I MNGON SUM MO ZHES GSUNGS SO, ,DE'I DON NI CHAGS SOGS RANG RIG MNGON SUM DU BSHAD PA MA YIN TE, CHAGS SOGS RTOG PA YIN PA'I PHYIR, CHAGS SOGS RANG GI NGO BO LA RANG RIG TU 'CHAD PA YANG MA YIN TE, DE LTA NA SHES PA THAMS CAD RANG GI NGO BO LA RANG RIG MNGON SUM DU 'GYUR LA, DE YANG 'DOD NA KHA PHYIR BLTAS KYI SHES PA THAMS CAD KHA NANG BLTAS KYI SHES PAR THAL BAR 'GYUR RO, ,DES NA SLOB DPON RGYAL DBANG BLOS, 'DOD CHAGS LA SOGS PA RNAMS LA YANG RANG RIG PA'O, ,ZHES PA STE RANG NYID LA RIG PA NI RANG RIG GO ,'DIS RIG PAR BYA BAS NA RIG PA STE, 'DZIN PA'I RNAM PAR YANG DAG PAR BSHAD PA NYAMS SU MYONG BA'I RANG BZHIN NYID DO, ,ZHES CHAGS SOGS RANG RIG GI RIG BYAR BSHAD PA DANG, @36A *, ,'DZIN RNAM NYID RIG BYED DU BSHAD PAS NA SHES PA THAMS CAD KYI STENG DU KHA NANG LTA'I 'DZIN RNAM YAN GAR BA YOD PA DE NYID RANG RIG MNGON SUM YIN CING, SHES PA DE DAG KYANG DE LA MNGON SUM DU SNANG BA NI RANG 'GREL GYI LUNG DE'I DON DANG, DBANG PO LA MI LTOS PA'I DON YANG DBANG SHES KYI RANG RIG NI DBANG PO GZUGS CAN PA'I THUN MONG MA YIN PA'I LAG RJES MA YIN GYI DE MA THAG RKYEN GYI LAG RJES YIN PA'I DON NO, ,RNAM 'GREL LAS, DE PHYIR DE LA KUN MNGON SUM, ,ZHES SOGS GSUNGS PA'I DON YANG DE LTAR SHES PAR BYA'O, ,RNAL 'BYOR MNGON SUM NI ZHI LHAG ZUNG 'BREL GYI TING NGE 'DZIN GOMS PA'I STOBS KYIS SKYES PA'I YANG DAG PA'I DON LA RTOG BRAL MA 'KHRUL BA'I SHES PA'O, ,YID MNGON, RANG RIG MNGON SUM, RNAL 'BYOR MNGON SUM RNAMS SGRUB PA'I RIGS PA NI SHIN TU GAL CHE BAR YOD KYANG 'DIR MANGS KYIS DOGS PAS RE ZHIG BZHAG GO ,RJES DPAG NI, RJES DPAG GI SGRAS BRJOD PAR RIGS PA NI GNYIS TE, RANG DON RJES DPAG DANG, GZHAN DON RJES DPAG GNYIS SO, , RANG DON RJES DPAG GI MTSAN NYID NI TSUL GSUM PA'I RTAGS LAS LKOG GYUR GYI DON GSAR DU MTHONG BA'I SHES PA'O, ,PHYOGS KYI GLANG POS, RJES DPAG RNAM GNYIS RANG DON NI, TSUL GSUM RTAGS LAS DON MTHONG YIN, ZHES SO, ,GZHAN DON RJES DPAG GI MTSAN NYID NI RGOL BA RANG GIS TSAD MAS MTHONG BA'I TSUL GSUM GYI DON LHAG CHAD DANG BRAL BAR RAB TU GSAL BAR BYED PA'I YAN LAG GNYIS LDAN GYI NGAG MTSAN NYID PA'O, ,PHYOGS KYI GLANG POS, GZHAN DON RJES SU DPAG PA NI, RANG GIS @36B MTHONG DON RAB GSAL BYED, CES PA'O, ,DE LA RANG GIS MTHONG BA DANG DON DANG RAB GSAL BYED CES PA GSUM GYIS RIM PA BZHIN DU RANG GIS TSAD MAS MA GRUB PAR PHYIR RGOL GYI KHAS BLANGS TZAM GYIS RTAGS KYI TSUL GRUB PAR 'DOD PA DANG, LUNG TZAM GYIS BZHAG PA RTAGS SU SMRA BA DANG, NGAG LHAG CHAD CAN DU BRJOD PA RNAMS SEL BA STE, RIM PA BZHIN DU BLO SKYON DANG DON SKYON DANG SGRA SKYON RNAMS SEL BA'O, ,RJES DPAG GNYIS KYI DBYE BA RNAMS NI 'DIR MA SPROS SO, ,GNYIS PA TSAD 'BRAS KYI RNAM GZHAG LA, TSAD MA DANG 'BRAS BU ZHES BYA BA 'DI CI ZHIG CE NA, TSAD MA NI GONG DU BSHAD ZIN PA LTAR YIN LA, 'BRAS BU NI GNYIS TE, CHOD PA'I 'BRAS BU DANG MA CHOD PA'I 'BRAS BU'O, ,DE LA CHOD PA'I 'BRAS BU NI, TSAD MA'I 'BRAS BU BYED PA GZHAN GYIS BAR CHOD PA STE, DE YANG TSAD MA LA BRTEN NAS BLANG DOR GYI DON LA PHYIN CI MA LOG PAR ZHUGS PAS MI 'DOD PA'I DON SPANGS NAS 'DOD PA'I DON THOB PA'O, ,'DOD PA'I DON YANG MNGON MTHO NGES LEGS GNYIS YIN LA DE LAS KYANG PHYI MA GTZO BO YIN PA DANG, DE DAG SGRUB BYED KYI THABS DANG BCAS PA NI DPAL CHOS KYI GRAGS PAS RNAM 'GREL LE'U GNYIS PAR RGYAS PAR GTAN LA PHAB PA YIN NO, ,MNGON MTHO NGES LEGS KYI 'BRAS BU DE NI TSAD MA'I STOBS LAS SKYES PA YIN PAS TSAD MA'I SKYE 'BRAS YIN PAR RIG PAR BYA'O, ,DE LTA BU'I CHOD PA'I 'BRAS BU 'GRUB PA LA YANG MA CHOD PA'I 'BRAS BU SNGON DU 'GRO DGOS LA DE NI BYED PA GZHAN GYIS BAR MA CHOD PA'I TSAD MA'I 'BRAS BU'O, ,DE YANG GNYIS TE RANG LAS DON GZHAN DU GYUR PA DANG RANG GI BDAG NYID DU GYUR PA'O, ,DANG PO NI, TSAD MAS DNGOS SU DRANGS PA'I NGES SHES LTA BU STE, DE YANG TSAD MAS @37A *, ,DNGOS SU BSKYED PA'I 'BRAS BU YIN PA'I PHYIR MA CHOD PA'I 'BRAS BU ZHES BYA'O, ,GNYIS PA NI, TSAD MA RANG NYID KYIS 'JAL BYA RTOGS PA'I CHA LTA BU STE, DE NI TSAD MA RANG GI BDAG NYID DU GYUR BAS BYED PA GZHAN GYIS BAR MA CHOD PA'I PHYIR DANG, TSAD MAS RNAM PAR BZHAG BYA'I 'BRAS BU YIN PA'I PHYIR RO, ,DES NA 'DI NI TSAD MAS BSKYED PA'I 'BRAS BU MA YIN KYANG RNAM PAR BZHAG BYA'I 'BRAS BU YIN PAS NA 'BRAS BU ZHES BSHAD PA STE, YUL GYI RNAM PA THA DAD PAS, BLO YI RTOGS PA THA DAD PHYIR, ZHES GSUNGS PAS SO, ,DE LA MNGON SUM GYI DBANG DU BYAS PA'I TSAD 'BRAS DANG, RJES DPAG GI DBANG DU BYAS PA'I TSAD 'BRAS GNYIS LAS DANG PO LA SDE BDUN MDO DANG BCAS PA LAS TSAD 'BRAS KYI RNAM GZHAG GSUM GSUNGS PAR GRAGS LA, DE YANG 'BRAS RTOGS DANG PO NI, TSAD MA MED LAS, BYA DANG BCAS PA RTAGS PA'I PHYIR, ,'BRAS BU NYID DU YOD TSAD MA, ,TSAD MA NYID DU 'DOGS PA STE, ,BYA BA MED PA'ANG MA YIN NA, ,ZHES PAS BSTAN LA, DE'I DGONGS PA 'GREL BA'I PHYIR TSAD MA RNAM 'GREL LAS, BYA BA SGRUB PAR BYED CES TE, , ZHES SOGS KYIS BYA BYED SPYI'I RNAM GZHAG DANG, DE LA NYAMS MYONG TZAM DU NI ZHES SOGS KYIS 'BRAS RTOGS DANG PO'I RNAM GZHAG RGYAS PAR BSHAD LA, DE YANG TSAD MA'I BYED PA 'JUG PA'I YUL NI SNGON PO LTA BU'O, ,DE LA TSAD MAS BYA BA BYED TSUL NI YUL DE'I RNAM PA SHAR BA'I SGO NAS DE LA GSAR DU MI SLU BA'O, ,'BRAS BU NI YUL RTOGS PA'I TSAD MA'O, ,DES NA SNGO 'DZIN DBANG PO'I MNGON SUM LA SNGON PO DANG GRUB BDE RDZAS GCIG GI CHOS KUN GYI RNAM PA SHAR YANG DE DAG RTOGS PAR 'JOG PA MA YIN NO, ,'O NA @37B CI ZHE NA, GZUNG DON GANG GI RNAM PA SHAR BA'I GZUNG RNAM DE NYID LA 'DZIN RNAM GYIS NGES PA GSAR DU 'DREN NUS PA'I GZUNG DON GYI CHA DE NYID KHO NA LA DBANG MNGON GYIS GSAR DU RTOGS PA ZHES BYA BA'I THA SNYAD BYA'O, ,DES NA DE LA PHRA BA'I MI RTAG PA'I RNAM PA SHAR YANG DE RTOGS PAR BZHAG MI NUS SO, ,DE LTAR NA 'BRAS RTOGS DANG PO NI, SNGON PO GZHAL BYA, SNGON PO'I RNAM PA SHAR BA'I SGO NAS DE LA GSAR DU MI SLU BA'I SHES PA TSAD MA, SNGON PO RTOGS PA 'BRAS BU'O, ,'BRAS RTOGS DANG PO'I RNAM GZHAG 'DI NI GTZO BOR MDO SDE PA'I DBANG DU BYAS PA'I TSAD 'BRAS KYI RNAM GZHAG YIN CING SEMS TZAM PAS KYANG MI 'DOD PA MIN NO, ,MDO SDE PAS DBANG SHES LA SHAR BA'I SNGON PO'I RNAM PA NI DON GYIS GTAD PA'I RNAM PAR 'DOD LA, SEMS TZAM PAS DON DU SNANG BA'I BAG CHAGS LAS SKYES PAR 'DOD DO, ,'BRAS RTOGS GNYIS PA NI, MDO LAS, YANG NA RANG RIG 'BRAS BU YIN, ,DE YI NGO BO LAS DON NGES, ,YUL GYI SNANG BA NYID DE 'DI'I, ,TSAD MA DE YIS 'JAL BAR BYED, ,CES PAS BSTAN LA, DE'I DON 'GREL BAR RNAM 'GREL LAS, DON RIG GANG YIN SO SOR RIG ,MNGON SUM GANG YIN 'DI NYID DO, ,ZHES PA NAS, DON RIG PAR NI 'GYUR BA MIN, ,ZHES PA'I BAR GYIS 'CHAD LA, 'DI YANG GZUNG RNAM, 'DZIN RNAM GNYIS LAS SNGA MA SIM GDUNG GI NGO BOR 'DZIN RNAM GYIS MYONG BA'I DBANG GIS YUL 'DOD MI 'DOD DU 'JOG PAS NA RANG RIG NI 'BRAS BUR 'JOG DGOS TE, DE'I DBANG GIS BZHAG PA LA MA LTOS PAR DON GYI NGES NAS 'DOD MI 'DOD DU GRUB NA DGRA GNYEN GANG GIS BLTAS KYANG 'DOD PA KHO NA'AM MI 'DOD PA KHO NAR SNANG BAR THAL BAR 'GYUR BA'I PHYIR RO, ,DES @38A *, ,NA GZUNG RNAM GZHAL BYA, 'DZIN RNAM TSAD MA, RANG RIG 'BRAS BUR BYAS PA'I TSAD 'BRAS KYI RNAM GZHAG NI MDO SEMS GNYIS KAS KHAS LEN KYANG 'BRAS RTOGS GNYIS PA'I GZHUNG DE DAG GIS SEMS TZAM PA'I LUGS GTZO BOR GTAN LA 'BEBS PAS RANG LUGS KYI THUN MONG MA YIN PA'I TSAD 'BRAS NI 'DI LTAR BYA STE, RANG GI BDAG NYID DU GYUR PA'I SNGON PO'I RNAM PA GZHAL BYA, DE LA GSAR DU MI SLU BA'I SHES PA TSAD MA, RANG GI BDAG NYID DU GYUR BA'I SNGON PO DNGOS SU RTOGS PA 'BRAS BU NI GZHAN RIG GI CHAD 'BRAS SO, ,TSAD MA MED LAS, GANG TSE SNANG BA DE GZHAL BYA, TSAD MA DANG DE'I 'BRAS BU NI, 'DZIN RNAM RIG PA DE YI PHYIR, DE GSUM THA DAD DU MA BYAS, ZHES PAS BSTAN PA'I RANG RIG GI TSAD 'BRAS NI RANG GI BDAG NYID DU GYUR BA'I GZHAL BYA RIG PA'I GZUNG RNAM GZHAL BYA, DE LA SGRO 'DOGS GSAR DU GCOD PA'I 'DZIN RNAM TSAD MA, RANG RIG PA'I TSAD MA 'BRAS BU'O, ,'BRAS RTOGS GSUM PA NI RNAM 'GREL LAS, PHYI ROL DON NI YOD NA YANG, ,ZHES PA NAS, DE 'DRA NGAS KYANG MI SHES SO, ,ZHES PA'I BAR GYIS BSTAN LA, DE YANG MDO SDE PAS PHYI ROL DON DU 'DAD PA'I SNGON PO GZHAL BYAR BYAS PA'I CHA NA YANG RANG GI BDAG NYID DU GYUR PA'I SNGON PO RIG PA 'BRAS BUR BZHAG DGOS SO, ,ZHES BSTAN PA'I CHED DU YIN NO, ,NGES NA 'BRAS RTAGS GSUM PA'I GZHUNG DE DAG GIS, RANG LUGS KYI TSAD 'BRAS 'THAD LDAN DU BSGRUBS PA YIN GYI SNGA MA GNYIS LAS RNAM GZHAG LEGS PAR GYUR PA'I TSAD 'BRAS GZHAL GSUM GYI RNAM GZHAG PHRUGS GSUM PA ZHIG STON PA MIN ZHES MKHAS @38B GRUB THAMS CAD MKHYEN PA BZHED LA, RGYAL TSAB THAMS CAD MKHYEN PAS NI MDO SDE PAS PHYI ROL DON DU 'DOD PA'I GZUGS GZHAL BYA, DE LA RANG YUL GYI RNAM PA SHAR BA'I SGO NAS GSAR DU MI SLU BA'I SHES PA TSAD MA, RANG GI BDAG NYID DU GYUR PA'I SNGON PO DNGOS SU RTAGS PA'I TSAD MA 'BRAS BU ZHES PA'I CHAD 'BRAS KYI RNAM GZHAG CIG GZHUNG GI SHUGS LA THON PAR BZHED DO, ,DE LTAR BZHED PA YANG MDO SDE PA LA KHAS BLANGS NANG 'GAL STON PA'I CHED YIN PAR RNAM NGES t'IK CHEN DU GSUNGS SO, ,'BRAS RTOGS GSUM GYI RNAM GZHAG 'DI DAG SHIN TU GAL CHE BA'I GNAS YIN CING GZHUNG GI GCOD MTSAMS SOGS KYANG MI 'DRA BA MANG DU SNANG BAS RGYA CHER BSHAD DGOS KYANG MANGS KYIS DOGS PAS 'DIR DE TZAM LAS MA SPROS SO, ,GNYIS PA RNAM SHES GRANGS MANG NYUNG 'DOD TSUL LA, SPYIR DNGOS POR SMRA BA'I GRUB MTHA' SMRA BA RNAMS LA RNAM SHES TSOGS GCIG TU 'DOD PA DANG GNYIS SU 'DOD PA DANG DRUG TU 'DOD PA DANG BDUN DU 'DOD PA DANG BRGYAD DU 'DOD PA DANG DGUR 'DOD PA DRUG YOD PAR BSHAD DO, ,DANG PO LA KUN GZHI RNAM SHES KHO NAR 'DOD PA DANG YID KYI RNAM SHES KHO NAR 'DOD PA GNYIS YOD PAR BSHAD LA RTZA BA'I GRUB MTHA' NI BYANG SEMS GCIG PUR SMRA BA ZHES BYA BAS 'DOD PAS SBYAR BAR BSHAD DE, DE YANG RNAM SHES GCIG NYID RTEN DBANG PO SO SO LA BRTEN NAS YUL SO SO LA RGYU BAS RNAM SHES SO SO'I MING THOB PA YIN TE, DPER NA KHANG PA BUG PA MANG PO YOD SA RU MAR ME GCIG BTEG PA BZHIN NO, ,SHES PA DE'I CHA GCIG NI DON DU SNANG ZHING RIG MOD KYANG ZHEN CING RTOG PA MED DO, ,CHA GCIG NI DON DU SNANG BA LA ZHEN CING RTOG PAS NA SHES PA LA RTOG MED @39A *, ,KHO NAR 'GYUR BA'I SKYON MED CES ZER ZHING RNAM PAR SHES PA DRUG NI YID KYI SKYE MCHED DO ZHES PA'I LUNG 'DREN PAR BYED DO, ,GNYIS SU 'DOD PA NI NYON YID DANG 'JUG SHES GNYIS LA 'DOD PAR KHA CHE LA KshIm GYIS BSHAD DO, ,BDUN DU 'DOD PA NI TSOGS DRUG DANG LEN PA'I RNAM SHES LA 'DOD DO ZHES KYANG DES BSHAD DO, ,DGUR 'DOD PA NI SLOB DPON YANG DAG BDEN PAS 'DOD PAR BSHAD DE, TSOGS DRUG DANG LEN PA'I RNAM PAR SHES PA DANG KUN GZHI DANG DRI MA MED PA'I RNAM SHES TE DGU ,TSOGS DRUG TU 'DOD PA NI SDE BDUN GYI RJES 'BRANG GI SEMS TZAM PA DANG, BRGYAD DU 'DOD PA NI SA SDE SOGS LAS 'BYUNG BA LTAR GYI LUNG GI RJES 'BRANG GI SEMS TZAM PA'O, ,DE LTA NA'ANG GZHAN RNAMS KYI GZHUNG RGYAS PA BOD DU MA 'GYUR BA DANG GRAGS CHUNG BAS 'DIR MI SPRO LA, TSOGS DRUG TU 'DOD PA'ANG SHES PAR SLA BAS 'DIR NI RNAM SHES TSOGS BRGYAD KYI KUN GZHI DANG NYON YID 'DOD TSUL CUNG ZAD BRJOD PAR BYA'O, ,DE LA KUN GZHI NI RTEN DU GYUR PA RNAM SMIN GYI KUN GZHI DANG BRTEN PA SA BON GYI KUN GZHI'I MTSAN NYID GNYIS LAS, DANG PO LA, DMIGS PA, RNAM PA, NGO BO GROGS TE BZHI'O, ,DANG PO NI GZUGS SOGS DON LNGA DANG DBANG PO LNGA'I SEMS CAN DANG BDAG DANG CHOS KUN BTAGS PA'I NGO BO NYID LA MNGON PAR ZHEN PA'I BAG CHAGS LA DMIGS PA'O, ,GNYIS PA NI SNOD BCUD DE DAG SNANG YANG RANG GIS KYANG NGES PA 'DREN MI NUS PA'O, ,GSUM PA NI MA BSGRIBS LUNG MA BSTAN NO, ,BZHI PA NI SEMS BYUNG KUN 'GRO LNGA DANG MTSUNGS PAR LDAN PA'O, ,DE SKAD DU YANG SUM CU PA LAS, DE NI LEN PA DAG DANG GNAS, ,RNAM PAR RIG PA MI RIG PA, ,RTAG TU REG DANG @39B YID BYED DANG, ,RIG DANG 'DU SHES SEMS PAR LDAN, ,DE LA TSOR BA BTANG SNYOMS TE, ,DE NI MA BSGRIBS LUNG MA BSTAN, ,ZHES SO, ,DE YANG DGE BA DANG MI DGE BA LA SOGS PA THAMS CAD KYI SA BON 'DZIN CING DUS KUN TU RGYUN MI CHAD PA ZHIG YIN CING THEG DMAN PA'I LHAG MED KYI MYANG 'DAS DANG THEG CHEN GYI RDO RJE LTA BU'I TING NGE 'DZIN GYI BAR DU 'JUG PA'O, ,BRTEN PA SA BON GYI KUN GZHI NI SGO BYED RNAM SHES TSOGS BDUN GYIS BSGO GZHI LA RANG NYID 'GAG PA LA MNGON DU PHYOGS PA'I TSE DGE MI DGE LUNG MA BSTAN GSUM GYI SA BON BZHAG PA'I NUS PA ZHIG GO ,BSGO GZHI NI GLOG LTA BU'I MI BRTAN PA MA YIN PA'I RGYUN CHAGS PA, DGE MI DGE'I SEMS HA CANG GSAL BA DANG MI GSAL BA MED PAS LUNG DU MA BSTAN PA, MI RTAG PA YIN PAS BSGO BAR NUS PA, SGO BYED DANG BSGO BZHI SKYE 'GAG DUS GCIG TU BYED PA'I 'BREL PA DANG LDAN PA, RNAM GRANGS KYIS MA YIN PAR MTHA' GCIG TU RTEN DU GYUR PA STE KHYAD PAR LNGA LDAN NO, ,BAG CHAGS LA DBYE NA DRUG STE, NAS LA SOGS PA PHYI'I SA BON DANG, ,NANG KUN GZHI'I SA BON DANG, LUNG DU MA BSTAN PA KUN NAS NYON MONGS DANG RNAM BYANG GI MI GSAL BA GNYIS DANG, PHYI KUN RDZOB PA'I SA BON DANG, NANG DON DAM PA'I SA BON TE DRUG GO ,DE LTAR YANG THEG BSDUS LAS, PHYI DANG NANG DANG MI GSAL BA, ,GNYIS DANG KUN RDZOB NYID DANG NI, ,DAM PA'I DON TE DE DAG KUN, ,SA BON RNAM PA DRUG TU 'DOD, ,BRTAN LUNG MA BSTAN BSGO BYA BA, ,SGO BAR BYED DANG 'BREL BA DANG, ,SGO BYED DE LAS GZHAN DU MIN, ,DE NI BAG CHAGS MTSAN NYID DO, ,ZHES SO, ,YANG NA MNGON PAR BRJOD PA'I BAG CHAGS DANG, BDAG TU BLTA BA'I BAG CHAGS DANG, SRID PA'I @40A *, ,YAN LAG GI BAG CHAGS SO, ,DE'I DANG PO NI, KUN GZHI'I STENG GI SA BON CHOS THAMS CAD MING DANG MTSAN MA'I RNAM PAR 'BYUNG BA ZHIG STE, MDOR NA THA SNYAD SNA TSOGS 'DOGS PA'I YID SHES KYI RGYU'I RKYEN NO, ,'DI LA MNGON BRJOD KYI BAG CHAGS ZER BA'I RGYU MTSAN NI MIG MIG CES DANG GZUGS GZUGS ZHES SOGS BRJOD PA'I RNAM PA CAN GYI YID SHES KYIS BZHAG PA'I SA BON YIN PAS SO, ,'DI LA SPROS PA'I BAG CHAGS ZHES KYANG ZER TE, YID SHES YUL LA 'PHRO BA'I SA BON YIN PA'I PHYIR RO, ,BAG CHAGS GNYIS PA NI NYEN YID MTSUNGS LDAN DANG BCAS PAS BZHAG PA STE, BDAG DANG GZHAN DU SNANG BA'I RNAM RIG 'BYUNG BA'I SA BON NO, ,'DI LA 'JIG TSOGS LA LTA BA'I BAG CHAGS ZHES KYANG ZER RO, ,BAG CHAGS GSUM PA NI 'JUG SHES DGE BA'AM MI DGE BAS BZHAG PA STE, SRID PA BDE 'GRO'AM NGAN 'GRO SKYE BA DANG 'CHI BA'I RNAM PAR RIG PA'O, ,'DI LA RMI LAM GYI BAG CHAGS ZHES KYANG ZER RO, ,YANG NA THUN MONG BA SNOD KYI 'JIG RTEN 'GRUB PA'I SA BON DANG THUN MONG MA YIN PA BCUD KYI 'JIG RTEN 'GRUB PA'I SA BON GNYIS TE, DE GNYIS LA RIM PA BZHIN TSOR BA MED PA'I SA BON DANG TSOR BA DANG BCAS PA'I SA BON ZHES KYANG ZER RO, ,YANG NA BZHI STE, NYON MONGS PA'I SA BON NI GNAS NGAN LEN GYI SA BON DANG, 'JIG RTEN PA'I CHOS DGE BA RNAMS KYI SA BON NI SHIN TU SBYANGS PA'I SA BON DANG, DGE MI DGE'I SA BON PHYUNG ZIN PA NI SPYAD ZIN PA'I SA BON DANG, MNGON PAR BRJOD PA'I BAG CHAGS NI SPYAD MA ZIN PA'I SA BON NO, ,'DI PA'I LUGS LA KUN GZHI RNAM SHES RDZAS YOD YIN KYANG @40B DE'I STENG GI BAG CHAGS NI BTAGS YOD DE, SA BON DANG NUS PA DANG BAG CHAGS ZHES BYA BA NI DON GCIG GO ,DE YANG GZUGS DANG SHES PA MIN LA 'DUS BYAS YIN PAS LDAN MIN 'DU BYED DO, ,KUN GZHI SA BON GYI CHA DE LA KUN GZHI ZHES BRJOD PA'I RGYU MTSAN NI, SKYE BA CAN KUN NAS NYON MONGS PA'I CHOS THAMS CAD RGYU DANG 'BRAS BU'I NGO BOR SBYOR BA'I PHYIR NA DE SKAD CES BYA'O, ,KUN GZHI RNAM SMIN GYI CHA NI 'GRO BA LNGA'I SEMS CAN KUN 'DIR NYON YID KYIS BDAG TU SBYOR BA'I PHYIR KUN GZHI ZHES BYA'O, ,GNYIS PA NYON YID KYI MTSAN NYID NI; DMIGS PA NI KUN GZHI RNAM SMIN GYI CHA'O, ,RNAM PA NI NGA DANG NGA YI'O SNYAM PA'I RLOM SEMS PA'O, ,NGO BO NI BSGRIBS LA LUNG DU MA BSTAN PA'O, ,'KHOR NI KUN 'GRO LNGA DANG, 'DOD CHAGS, MA RIG PA, NGA RGYAL, BDAG LTA STE BZHI'O, ,DE LTAR YANG SUM CU PA LAS, DE LA GNAS PAR BA 'BYUNG ZHING, ,DE LA DMIGS PA YID CES BYA, ,RNAM SEMS DAR SEMS BDAG NYID CAN, ,BSGRIBS LA LUNG DU MA BSTAN PA'I, ,NYON MONGS BZHI DANG RTAG TU 'GROGS, ,ZHES SA, ,LDOG PA'I DUS NI 'GOG PA'I SNYOMS 'JUG GI DUS DANG 'PHAGS PA'I MNYAM GZHAG GI DUS NI RES 'GA' BA'I LDOG DUS SO, ,DBANG THOS PA'I SEMS DPA' YAN CHAD DANG NYAN RANG DGRA BCOM PA RNAMS NI GTAN DU LDOG PA'I DUS SO, ,ZHES KUN GZHI'I DKA' 'GREL DU BSHAD DA, ,LUGS 'DIS KUN GZHI DANG NYON YID SGRUB BYED NI LUNG RIGS GNYIS LAS, DANG PO NI, MDO LAS, THOG MA MED PA'I DUS KYI DBYINGS, ,CHOS RNAMS KUN GYI GNAS YIN TE, ,DE YOD PAS NA 'GRO KUN DANG, ,MYA NGAN 'DAS PA'ANG THOB PAR 'GYUR, ,ZHES DANG, DGONGS 'GREL LAS, LEN PA'I RNAM PAR SHES PA @41A *, ,ZAB CING PHRA, ,SA BON THAMS CAD CHU BO'I RGYUN BZHIN 'BAB, ,BDAG TU RTOG PAR GYUR NA MI RUNG ZHES, ,'DI NI BYIS PA RNAMS LA NGAS MA BSTAN, ZHES SOGS KYIS KUN GZHI DANG, DGONGS 'GREL LAS, RES 'GA' NI KUN GZHI RNAM PAR SHES PA 'DI RNAM PAR SHES PA GCIG DANG LHAN CIG TU 'JUG STE YID DANG NGO, ,RES 'GA' NI GNYIS DANG STE YID DANG YID KYI RNAM PAR SHES PA DANG NGO, ,RES 'GA' NI 'JUG PA'I RNAM PAR SHES PA BDUN GA DANG LHAN CIG 'JUG STE, ZHES DANG, GSER 'OD DAM PA LAS, KUN GZHI LA GNAS PA'I YID SBYANGS PAS LONGS SPYOD RDZOGS PA'I SKU 'THOB BO, ,ZHES DANG, LANGKAR GSHEGS PA LAS, SEMS NI KUN GZHI'I RNAM SHES TE, ,NGAR SEMS PA NI YID YIN NO, ,YUL LAS RNAM PAR RIG PA GANG, ,DA NI 'JUG PA'I RNAM SHES 'DOD, ,CES PA RNAMS NI KUN GZHI DANG NYON YID GNYIS KA SGRUB BYED KYI LUNG NGO, ,GNYIS PA LA KUN GZHI SGRUB BYED KYI RIGS PA NI, 'DI PA'I GZHUNG THEG BSDUS LA SOGS PAR MANG DU GSUNGS KYANG KUN BTUS KYI 'GREL PAR, BRGYAD DU BSDUS PA NI 'DI LTAR, KUN GZHI'I RNAM PAR SHES PA MED NA LUS NYE BAR LEN PA MI SRID PA DANG, GZOD MA NAS 'BYUNG BA MI SRID PA DANG, GSAL BAR 'BYUNG BA MI SRID PA DANG, SA BON NYID MI SRID PA DANG, LAS MI SRID PA DANG, LUS KYI MYONG BA MI SRID PA DANG, SEMS MED PA'I SNYOMS PAR 'JUG PA MI SRID PA DANG, RNAM PAR SHES PA 'CHI 'PHO BA MI SRID PA'I PHYIR RO, ,ZHES PA'O, ,NYON YID SGRUB BYED KYI RIGS PA NI DRUG STE, NYON YID MED NA, MA 'DRES PA'I MA RIG PA MED PAR 'GYUR BA DANG, RNAM PAR SHES PA'I TSOGS LNGA PO DAG DANG 'DRA BA MED PAR 'GYUR @41B BA DANG; SNYOMS 'JUG GNYIS KYI NGO BO BYE BRAG MED PAR 'GYUR BA DANG, BDAG DANG NGAR SEMS PA'I PHYIR YOD DO ZHES PA'I NGES TSIG 'DI RNAM SHES GANG LA YANG MI GNAS PAR 'GYUR BA DANG, NGAR 'DZIN RNAM PA KUN TU 'BYUNG BA MI 'THAD PAR 'GYUR BA DANG, 'DU SHES MED PAR SKYES PA RNAMS NGAR 'DZIN MED PA'I SKYON DU 'GYUR BA STE DRUG GO ,KUN GZHI NYON YID KYI SKOR 'DI DAG LA GO BA LEGS PAR CHAGS NA SEMS TZAM PA'I GRUB MTHA'I GNAD 'GAG DU MA ZHIG LA MKHAS PAR 'GYUR BAS SHIN TU GAL CHE'O, ,'DIR NI MANGS KYI DOGS PAS RGYAS PAR MA BRIS TE THEG BSDUS RTZA 'GREL DANG RJE BDAG NYID CHEN PO'I GSUNG LAS SHES PAR BYA'O, ,GSUM PA RNAM BDEN RDZUN GYI KHYAD PAR BSHAD PA LA, DNGOS DANG DE'I DBYE BA BSHAD PA'O, ,DANG PO NI, SLOB DPON BYANG CHUB BZANG POS THOGS MED YAB SRAS RNAM RDZUN PA DANG PHYOGS GLANG YAB SRAS RNAM BDEN PAR BSHAD MOD, 'ON KYANG SDE BDUN MDO DANG BCAS PA'I DGONGS PA NI RNAM BDEN PA YIN PAR MA NGES TE, LHA DBANG BLO DANG SH'AKYA BLOS RNAM 'GREL GYI DGONGS PA RNAM BDEN DU BKRAL ZHING, SHES RAB 'BYUNG GNAS SPAS PAS RNAM RDZUN DRI MED, SLOB DPON CHOS MCHOG GIS RNAM RDZUN DRI BCAS SU BKRAL BA'I PHYIR RO, ,THOGS MED YAB SRAS KYI DGONGS PA YANG RNAM RDZUN DU MA NGES TE, RTOG GE 'BAR BAR DE DAG GI BZHED PA 'GOG SKABS RNAM BDEN PA'I 'DOD PA BSHAD PA'I PHYIR RO, ,DES NA LUNG RIGS RJES 'BRANG GNYIS KA RE RE'I GZHUNG NA'ANG RNAM BDEN RDZUN GNYIS GNYIS KYI RNAM GZHAG 'ONG BA RJE YAB SRAS SOGS RGYA BOD KYI MKHAS PA KUN 'DOD PAS 'DI GNYIS SO SOR KHYAB MNYAM BYAS NAS SBYAR BAR NAM YANG MI BYA'O, ,ZHES RJE BTZUN DAM @42A *, ,PA 'JAM DBYANGS BZHAD PA'I RDO RJES GSUNGS BA SHIN TU LEGS PAS KHO BO CAG KYANG DE KHO NA LTAR 'DOD DO, ,RNAM BDEN RDZUN GYI KHYAD PAR DNGOS NI SNGON GYI KHA CIG GIS SNGO SER SOGS 'DOD PA DANG MI 'DOD PA'I KHYAD PAR YIN PAR BSHAD PA DANG, KHA CIG SNGO SER SOGS RTOG PAS BTAGS PA TZAM MIN PA'I YOD PAR KHAS LEN PA DANG MI LEN PA'I KHYAD PAR YIN PAR 'DOD PA NI MI 'THAD DE, DNGOS PO LA SHES PAS KHYAB PAR 'DOD PA'I SEMS TZAM PA GZHI MA GRUB PA'I PHYIR DANG, SNGO SER SOGS DNGOS POR KHAS BLANGS NAS DE DAG RTOG PAS BTAGS TZAM DU SMRA BA'I DNGOS SMRA BA'I MKHAS PA SU YANG MED PA'I PHYIR RO, ,RNAM RDZUN PAS DBANG SHES KYI GZUNG RNAM SGRO BTAGS SU KHAS LEN PAR SMRA BA YANG MI 'THAD DE, DE LTAR NA DBANG PO'I RNAM PAR SHES PA GZUNG RNAM MA YIN PAR 'GYUR BAS 'DZIN RNAM DU THAL BA DANG, DE YANG GNYIS SNANG DANG BRAL BAR THAL BA DANG, KHA PHYIR PHYOGS PA'I SHES PA MA YIN PAR THAL BA DANG, KHA PHYIR LTA YIN NA RTOG PA YIN PAS KHYAB PAR THAL BA SOGS RIGS PA'I GNOD PA DU MA 'BAB PA'I PHYIR RO, ,'DI DAG RJE YAB SRAS KYIS LEGS PAR BKAG ZIN PAS SHI ZIN PA'I RO LA MTSON BSNUN PA'I DAL BA 'DIR MI BYA'O, ,DE LTA NA YANG DA DUNG LO TZATSA BA SHES RAB RIN CHEN SOGS KYIS RNAM BDEN PAS SNGO SER SOGS MTHA' DAG SHES PAR 'DOD ZER BA NI RANG GI DE NYID BSTAN PAR ZAD DE, RNAM BDEN PA'I LUGS LA PHUNG PO LNGA'I RNAM GZHAG MI 'THAD PAR THAL BA DANG, SANGS RGYAS KYI GZUGS KYI SKU MTHONG BA PO'I SEMS CAN GYI MIG GI SHES PA SANGS RGYAS KYI GZUGS SKUR THAL BA'AM, YANG NA @42B SANGS RGYAS KYI SKU DE'I MIG SHES SU THAL BA DANG, DPAG TSAD DANG RGYANG GRAGS SOGS KYI TSAD DANG LDAN PA'I SHES PA YOD PAR THAL BA DANG, SHES PA ZA ZHING SHES PA 'THUNG BA DANG, RTUG PA DANG GCIN YIN PA'I SHES PA YOD PAR THAL BA SOGS SHIN TU NGO TSA BA'I GNAS YIN PA'I PHYIR, DES NA DA LTAR 'DOD PA'I DNGOS POR SMRA BA'I MKHAS PA GA LA SRID DE, DE DAG NI RIGS PA SHES PA'I MKHAS PA YIN PA'I PHYIR RO, ,'ON KYANG MKHAS PA DAG GIS RIGS PA DRI MA MED PAS SMRA BA NGAN PA DE PHYE MAR BTAGS ZIN PAS BTAGS ZIN 'THAG PA'I SBYOR BA 'DIR MI BYA'O, ,DA NI RANG GI LUGS BSHAD PAR BYA STE, DE YANG RNAM BDEN RDZUN RTZOD PA'I GZHI NI DBANG SHES LA SDO SER DKAR DMAR SOGS RAGS PA'AM DU MA BSAGS PA'I RNAM PAR SNANG BA DANG, KHA DOG THA DAD PA'I RNAM PAR SNANG BA DANG, CHA DU MA 'DUS PA'I GO SA GNON PA'I TSUL DU SNANG BA RNAMS YIN PAR RGYAL TSAB THAMS CAD MKHYEN PAS BSHAD LA, DE YANG KA BUM SOGS DBANG SHES LA SNANG BA'I TSE DE DAG LING LING POR SNANG ZHING SDO SER SOGS KYI KHA DOG TU SNANG BA'I TSE YANG MKHRANG THENG NGE BAR SNANG BA LA BYA'AM SNYAM MO, , DE'I RGYU MTSAN YANG PAn CHEN CHOS MCHOG GIS RNAM BDEN PA 'GOG PA NA LUS CAN ZHES BYA BA RVA ZING NGE BA MED KYI, 'ON KYANG TSAD CHUNG NGU MANG PO RNAMS PHAN TSUN GYI RANG BZHIN GYI YUL YONGS SU SPANGS NAS BSKYED PA'I PHYIR YUL RGYAS PA DANG LDAN PA NI LUS CAN YIN LA; ZHES GSUNGS PA'I RVA ZING NGE BA MED KYI ZHES PA DANG YUL RGYAS PA DANG LDAN PA ZHES PA'I TSIG GI RNAM BCAD YONGS GCOD KYI NUS PA LAS SHES PAR 'GYUR RO, ,DES NA 'DI'I RAGS PAR SNANG BA ZHES PA'I DON YANG DE LTAR SHES PAR BYA YI RAGS PA ZHES PA'I TSIG TZAM @43A *, ,LA 'KHRUL NAS RDUL DU SNANG BA DANG BEM POR SNANG BA LA 'DOD PAR MI BYA'O, ,LING LING PO DANG MKHYAD THENG NGE ZHES PA YANG DBU MA PAS BDEN GRUB LA DE 'DRA'I THA SNYAD SBYAR BA DANG 'DI MI GCIG STE, 'DI NI DBANG SHES LA SNANG BA'I RIGS SNANG GI TSUL YIN LA CIG SHOS NI GTZO BOR RTOG PA'I 'DZIN STANGS KYI TSUL LA BYED DGOS PA'I PHYIR RO, ,BDEN RDZUN GYI KHYAD PAR NI SEMS TZAM RNAM BDEN PAS DBANG PO'I MNGON SUM LA GZUNG 'DZIN RGYANG CHAD DU SNANG BA DANG, SNGO SOGS PHYI ROL DON DU SNANG BA DANG, MING DANG THA SNYAD KYI GZHIR RANG MTSAN GYIS SNANG BA'I CHA LAM RIG PA'I BSLAD PA ZHUGS KYANG SNGO SOGS DE LTA BU'I RIGS PAR SNANG BA'I CHA LA MA RIG PA'I BSLAD PA CUNG ZAD KYANG MA ZHUGS PAR 'DOD DO, ,RNAM RDZUN PA RNAMS NI SO SO SKYE BO'I RGYUD LA RANG RIG MNGON SUM MA GTOGS MA RIG PAS MA BSLAD PA'I MNGON SUM GYI SHES PA MED PAS SNGO SOGS DE LTA BU'I RAGS PAR SNANG BA'I CHA LA YANG 'KHRUL PA'I BSLAD PA ZHUGS PAR BZHED DO, ,DES NA RNAM BDEN PAS DE LTA BU'I RIGS PA'I RNAM PAR SNANG BA YANG SHES PA NYID KYI RDZAS YIN PAS MA 'KHRUL PAR 'DOD LA, RNAM RDZUN PAS RIGS PA GSAL BAR SNANG BA SHES PA'I RDZAS YIN KYANG DE LTA BU'I RAGS PAR SNANG BA'I CHA NI MA RIG PAS BSLAD PA'I DBANG GIS SNANG BA'I 'KHRUL PA 'BA' ZHIG TU 'DOD DO, ,DE LA DGONGS NAS RNAM BDEN PA LA RNAM PA DNGOS POR 'DOD PA DANG RNAM RDZUN PA LA RNAM PA DNGOS POR MED PAR 'DOD PA ZHES PA'I THA SNYAD RGYA BOD KYI MKHAS PA RNAMS KYIS BSHAD DO, ,SLOB DPON DPA' BOS, KHA CIG SHES RAB RTZAL GYIS NI, ,GZUNG BA STONG PAR RTOGS PA LA, ,'DZIN PA RDZAS SU GRUB PAR BLTA, ,ZHES RNAM BDEN PA DANG, KHA CIG RNAM PAR 'KHRUL @43B BAR SMRA; ;DPER NA MKHA' GZUGS MTHONG BA BZHIN, ,ZHES RNAM RDZUN PA'I GRUB MTHA' BSHAD CING, LUNG PHYI MA'I DPE KHA CIG TU RNAM PAR 'KHRUL BA ZHES LAS KYI SGRA SBYAR BA LA NUS PA 'DON LUGS SHIG DGOS SO, ,RTOG GE 'BAR BA LAS KYANG RNAM BDEN PA'I 'DOD PA 'CHAD PA NA, DE'I RNAM PA SNA TSOGS SNANG BA DE YANG GANG ZHE NA, RNAM PAR SHES PA YUL GYI RNAM PAR 'GYUR BA GANG YIN PA'O, ,ZHES GSUNGS SO, ,LAM RIM CHEN MOR SNGO SER SOGS SHES PA'I RDZAS SU 'DOD PA RNAM BDEN PAR BSHAD DO, ,RNAM RDZUN PAS RNAM BDEN PA 'GOG PA'I RIGS PA NI, SO SO SKYE BO'I DBANG PO'I MNGON SUM LA SNGON PO LA SOGS PA RAGS PAR SNANG BA 'DI CHOS CAN, KHYOD DON DAM BDEN PA YIN PAR THAL, KHYOD RANG RIG MNGON SUM GYI GZUNG YUL MA YIN PA GANG ZHIG ,KHYOD 'JAL BAR BYED PA'I SO SO SKYE BO'I RGYUD KYI MNGON SUM YOD, DE LA MA RIG PAS CUNG ZAD KYANG MA BSLAD PA'I PHYIR, 'DOD NA, DE CHOS CAN, DON DAM BDEN PA MA YIN TE, DON DAM PA'I BDEN PA GCIG DANG DU MA GANG RUNG DU MA GRUB PA'I PHYIR, DPER NA GZUGS BRNYAN BZHIN ZHES PA'O, ,SLOB DPON CHOS MCHOG GIS RAGS SNANG BDEN PAR GRUB PA BYE BRAG PAS 'DOD PA'I YAN LAG CAN GYI RDZAS DANG MTSUNGS PAR BSHAD DO, ,BSHAD MA THAG PA'I RNAM BDEN RDZUN GYI RNAM GZHAG 'DI NI RJE BDAG NYID CHEN PO'I DGONGS PA DRI MA MED PA YIN PAR SRAS KYI THU BO RGYAL TSAB THAMS CAD MKHYEN PAS TSAD MA RNAM NGES KYI RNAM BSHAD CHEN MOR GSUNGS SO, ,GNYIS PA DBYE BA NI, RNAM BDEN PA LA SGO NGA PHYED TSAL BA DANG, GZUNG 'DZIN GRANGS MNYAM PA DANG, SNA TSOGS GNYIS MED PA STE GSUM DU YOD LA, DE DAG GI 'DOD @44A *, ,TSUL NI PHYI DON MI 'DOD PA MA GTOGS MDO SDE PA'I SKABS DANG 'DRA'O, ,RNAM RDZUN PA LA DRI BCAS DRI MED GNYIS SO, ,'DI GNYIS KYI KHYAD PAR NI KUN RDZOB KYI SNANG BA MTHA' DAG MA RIG PA'I BAG CHAGS KYI DBANG GIS SNANG BA YIN PAS, DE LOG NA LDOG PA'I PHYIR SANGS RGYAS LA RDZUN SNANG MED PAR 'DOD PA DRI MED PA DANG, KUN RDZOB KYI SNANG BA NI MA RIG PA DANG 'BREL BA GANG YANG MED PAS, DE LOG KYANG MI LDOG PA'I PHYIR SANGS RGYAS LA YANG RDZUN SNANG YOD PAR 'DOD PA DRI BCAS PA YIN NO ZHES PA'I BSHAD TSUL GCIG DANG, YANG RNAM MKHYEN LA THAMS CAD SNANG MI SNANG LA KHYAD PAR MED KYANG TSUL DE MANG DU BSGRUB MI BSGRUB KYIS DRI BCAS DRI MED DU BZHAG PA STE, DPER NA NYAN RANG RIGS NGES KYIS CHOS KYI BDAG MED MA RTOGS PAR MTHUN YANG DE LTAR BSHAD PA MANG MI MANG GIS CHOS KYI BDAG MED RTOGS PA YOD PA DANG MED PAR 'DOD PA'I RANG RGYUD PA GNYIS SU GRAGS PA BZHIN NO, ,ZHES PA'I BSHAD TSUL GCIG DANG, YANG SEMS KYI NGO BO LA GNYIS SNANG GI DRI MAS BSLAD PAR 'DOD PA DRI BCAS DANG, DRI MA GLO BUR BA YIN PAS SEMS KYI NGO BO LA CUNG ZAD KYANG MA BSLAD PAR 'DOD PA DRI MED PA YIN NO ZHES PA'I BSHAD TSUL GSUM BYUNG BA'I SNGA MA GNYIS GRAGS CHE ZHING LUGS GSUM GIS SA SD