@014A *, ,RGYA GAR SKAD DU, PRA M'A nA SA MUTZTS'A Yi BRATTI, BOD SKAD DU, TSAD MA KUN LAS BTUS PA'I 'GREL PA, SANGS RGYAS LA PHYAG 'TSAL LO, ,TSAD MAR GYUR PA 'GRO LA PHAN PAR BZHED, ,STON PA BDE GSHEGS SKYOB LA PHYAG 'TSAL NAS, ,TSAD MAR SGRUB PHYIR RANG GI GZHUNG KUN LAS, ,BTUS TE SNA TSOGS 'THOR RNAMS 'DIR GCIG BYA, ,'DIR YANG RAB TU BYED PA'I DANG POR RGYU DANG 'BRAS BU PHUN SUM TSOGS PAS TSAD MAR GYUR PA NYID KYIS BCOM LDAN 'DAS LA BSTOD PA BRJOD PA NI GUS PA BSKYED PAR BYA BA'I DON DU'O, ,DE LA RGYU NI BSAM PA DANG SBYOR BA PHUN SUM TSOGS PA'O, ,BSAM PA NI 'GRO BA LA PHAN PAR BZHED PA'O, ,SBYOR BA NI 'GRO BA LA BSTAN BA STON PA'O, ,'BRAS BU NI RANG DANG GZHAN GYI DON PHUN SUM TSOGS PA'O, ,RANG DON PHUN SUM TSOGS PA NI BDE BAR GSHEGS PA NYID KYIS TE, DON GSUM NYE BAR BLANG BAR BYA'O, ,RAB TU MDZES PA'I DON NI SKYES BU GZUGS LEGS PA BZHIN NO, ,PHYIR MI LDOG PA'I DON NI RIMS NAD LEGS PAR BYANG PA BZHIN NO, ,MA LUS PA'I DON NI BUM PA LEGS PAR GANG BA BZHIN NO, ,DON GSUM PO DE YANG PHYI ROL BA'I 'DOD CHAGS DANG BRAL BA DANG, SLOB PA DANG, MI SLOB PA RNAMS LAS RANG DON PHUN SUM TSOGS PA KHYAD PAR DU BYA BA'I PHYIR RO, ,GZHAN DON PHUN SUM TSOGS PA NI SGROL BA'I DON GYIS NA SKYOB PA NYID DO, ,DE LTA BU'I YON TAN CAN GYI STON PA LA PHYAG 'TSAL NAS, TSAD MA BSGRUB PAR BYA BA'I PHYIR RANG GI RAB TU BYED PA RIG PA'I SGO LA SOGS PA RNAMS LAS 'DIR GCIG TU BTUS TE, TSAD MA KUN LAS BTUS PA BRTZAM PAR BYA'O, ,GZHAN GYI TSAD MA DGAG PAR BYA BA'I PHYIR DANG, RANG GI TSAD MA'I YON TAN BRJOD PAR BYA BA'I PHYIR DANG, GANG GI PHYIR GZHAL BYA RTOGS PA NI TSAD MA LA RAG LAS PA YIN PAS, 'DI LA YANG LOG PAR RTOGS PA MANG BAS NA'O, ,DE LA, MNGON SUM DANG NI RJES SU DPAG, ,TSAD MA GNYIS KHO NA'O, ,GANG GI PHYIR ZHE NA, MTSAN NYID GNYIS GZHAL BYA, RANG DANG SBYI'I MTSAN NYID DAG LAS GZHAN PA'I MTSAN NYID GZHAL BAR BYA BA GZHAN NI MED DO, ,RANG GI MTSAN NYID KYI YUL CAN NI MNGON SUM @015A *, ,LA; SPYI'I MTSAN NYID KYI YUL CAN NI RJES SU DPAG PA'O ZHES SHES PA'O, ,GAL TE 'DI MI RTAG CES BYA BA LA SOGS PA'I RNAM PAS KHA DOG LA SOGS PA 'DZIN PA DANG, LAN CIG MA YIN PA 'DZIN PA DE JI LTAR ZHE NA, DE LTAR 'DZIN PA NI YOD MOD KYI 'ON KYANG GZHAL BYA DE'I RAB SBYOR BAS, DE LA RAB SBYOR TSAD MA GZHAN MA BYIN, RANG DANG SPYI'I MTSAN NYID THA DAD DU MA BYAS PA DANG KHA DOG NYID DAG LAS KHA DOG LA SOGS PA BZUNG NAS SPYI'I MTSAN NYID NI KHA DOG LA SOGS PA MI RTAG GO ZHES MI RTAG PA NYID LA SOGS PAR YID KYIS RAB TU SBYOR BAR BYED DO,, DE'I PHYIR TSAD MA GZHAN MA YIN NO, ,YANG YANG SHES PA'ANG MA YIN TE, GANG LAN CIG MA YIN PAR DON DE NYID SO SOR NGO SHES PA YOD MOD, DE LTAR NA YANG TSAD MA GZHAN NI MA YIN NO, ,CI'I PHYIR ZHE NA, THUG PA MED 'GYUR, GAL TE SHES PA THAMS CAD TSAD MA NYID DU 'DOD PA DE LTA NA NI TSAD MA THUG PA MED PAR 'GYUR TE, DRAN SOGS BZHIN, DRAN PA NI DRAN PA NYID DO, ,DPER NA DRAN PA DANG, 'DOD PA DANG, ZHE SDANG LA SOGS PA SNGAR RTOGS PA'I DON LA TSAD MA GZHAN MA YIN PA BZHIN NO, ,DE LA, MNGON SUM RTOG DANG BRAL BA'O, ,SHES PA GANG LA RTOG PA MED PA DE MNGON SUM MO, ,RTOG PA ZHES BYA BA 'DI JI LTA BU ZHIG YIN ZHE NA, MING DANG RIGS SOGS SU SBYOR BA'O, ,'DOD RGYAL BA'I SGRA RNAMS LA MING GI KHYAD PAR DU BYAS NAS DON RJOD PAR BYED DE, LHA SBYIN ZHES BYA BA DANG, RIGS KYI SGRA RNAMS LA CI STE BA LANG ZHES BYA BA DANG, YON TAN GYI SGRA RNAMS LA YON TAN GYIS TE DKAR PO ZHES BYA BA DANG, BYA BA'I SGRA RNAMS LA BYA BA'I SGO NAS TE 'TSED PA ZHES BYA BA DANG, RDZAS KYI SGRA RNAMS LA RDZAS KYI SGO NAS TE, DBYUG PA CAN RVA CAN ZHES BYA BA LTA BU'O, ,'DI LA KHA CIG NA RE 'BREL PA KHYAD PAR DU BYAS PA'I SGRA YIN NO ZHES ZER RO, ,GZHAN DAG NI DON GYIS STONG PA'I SGRA 'BA' ZHIG GIS DON RNAMS KHYAD PAR DU BYAS SHING BRJOD DO ZHES 'DOD DO, ,GANG LA RTOG PA DE DAG MED PA DE MNGON SUM MO, ,CI GANG GI PHYIR GNYIS LA BRTEN NAS, SKYED PA'I RNAM PAR SHES PA'I DBANG PO LA BRTEN PA'O ZHES BRJOD KYI YUL LA BRTEN PA ZHES CI NAS YIN @015B ZHE NA, THUN MONG YIN PA'I RGYU'I PHYIR, ,DE YI THA SNYAD DBANG PO LAS, ,YUL GZUGS LA SOGS PA NI MA YIN NO, ,'DI LTAR YUL NI RGYUD GZHAN GYI YID KYI RNAM PAR SHES PA DANG YANG THUN MONG YIN NO, ,THUN MONG MA YIN PA LA THA SNYAD BYED PA YANG MTHONG STE, DPER NA RNGA'I SGRA NAS KYI MYU GU ZHES PA BZHIN NO, ,DE LTA BAS NA MNGON SUM RTOG PA DANG BRAL BAR 'THAD PA YIN NO, ,CHOS MNGON PA LAS KYANG, MIG GI RNAM PAR SHES PA DANG LDAN PAS SNGON PO SHES KYI SNGON PO'O SNYAM DU NI MA YIN NO, ,DON LA DON DU 'DU SHES KYI DON LA CHOS SU 'DU SHES PA NI MA YIN NO ZHES GSUNGS SO; ,GAL TE DE GCIG TU MI RTOG NA RNAM PAR SHES PA LNGA PO DE 'DUS PA LA DMIGS PA JI LTAR YIN, GANG YANG SKYE MCHED KYI RANG GI MTSAN NYID LA SO SO RANG GI MTSAN NYID KYI YUL CAN YIN GYI, RDZAS KYI RANG GI MTSAN NYID LA NI MA YIN NO ZHES KYANG JI LTAR GSUNGS SHE NA, DER DE NA DU MAS BSKYED PA'I PHYIR, ,RANG DON SPYI YI SPYOD YUL CAN, ,DE RDZAS DU MAS BSKYED PAR BYA BA'I PHYIR NA RANG GI SKYE MCHED LA SPYI'I SPYOD YUL CAN ZHES BRJOD KYI, THA DAD PA LA THA MI DAD PAR RTOGS PA LAS NI MA YIN NO, ,DON 'DI NYID SMRAS PA, DU MA'I NGO BO'I CHOS CAN NI, ,DBANG PO LAS RTOGS SRID MA YIN,, RANG RANG RIG BYA THA SNYAD KYIS, ,BSTAN BYA MIN NA DBANG PO'I YUL, ,DE LTAR NA RE ZHIG DBANG PO LNGA LAS SKYES PA'I MNGON SUM GYI SHES PA RTOG PA MED PA YIN YANG GZHAN GYI 'DOD PA LA BRTEN NAS 'DIR KHYAD PAR BYAS PA STE, DE DAG NI THAMS CAD DU RTOG PA MED PA 'BA' ZHIG GO, ,YID KYANG DON DANG CHAGS LA SOGS, ,RANG RIG RTOG PA MED PA YIN, ,YID KYANG YUL GZUGS LA SOGS PA LA DMIGS SHING NYAMS SU MYONG BA'I RNAM PAS 'JUG PA STE, RTOG PA MED PA 'BA' ZHIG GO, ,'DOD CHAGS DANG, ZHE SDANG DANG, GTI MUG DANG, BDE BA DANG SDUG BSNGAL LA SOGS PA NI DBANG PO LA MI LTOS PA'I PHYIR, RANG RIG PA'I MNGON SUM MO, ,DE BZHIN DU, RNAL 'BYOR RNAMS KYI BLA MA YIS, ,BSTAN DON THA DAD TZAM ZHIG MTHONG, ,RNAL 'BYOR PA RNAMS KYIS KYANG LUNG LAS RNAM PAR RTOG PA DANG MA 'DRES PA'I DON TZAM MTHONG BA NI MNGON SUM MO, ,RE ZHIG GAL TE 'DOD CHAGS LA @016A *, ,SOGS PA'I RANG RIG PA MNGON SUM YIN NA RTOG PA'I SHES PA YANG MNGON SUM DU 'GYUR RO ZHE NA, DE NI BDEN TE, RTOG PA'ANG RANG RIG NYID DU 'DOD, ,DON LA MA YIN DE RTOG PHYIR, ,DE YUL LA NI 'DOD CHAGS LA SOGS PA NYID BZHIN DU MNGON SUM MA YIN YANG RANG RIG GO ZHES BYA BA'I SKYON NI MED DO, ,DE DAG NI MNGON SUM MO, ,'KHRUL DANG KUN RDZOB YID SHES DANG, ,RJES DPAG RJES SU DPAG LAS BYUNG, ,DRAN DANG MNGON 'DOD CES BYA BA, ,MNGON SUM LTAR SNANG RAB RIB BCAS, ,RE ZHIG 'KHRUL PA'I SHES PA NI SMIG RGYU LA SOGS PA LA CHU LA SOGS PAR RTOG PA'I PHYIR MNGON SUM LTAR SNANG BA'O, ,KUN RDZOB TU YOD PA NI DON BZHIN SGRO 'DOGS PAS NA DE'I NGO BOR BRTAGS NAS 'JUG PA'I PHYIR MNGON SUM LTAR SNANG BA'O, ,RJES SU DPAG PA DANG DE'I 'BRAS BU LA SOGS PA'I SHES PA NI SNGAR NYAMS SU MYONG MYONG BA LA RTOG PA'I PHYIR MNGON SUM MA YIN NO, ,'DIR YANG, BYA DANG BCAS PAR RTOGS PA'I PHYIR, ,TSAD MA'I 'BRAS BU NYID DU 'DOD, ,'DI LA PHYI ROL PA RNAMS KYI BZHIN DU TSAD MA LAS 'BRAS BU DON GZHAN DU 'GYUR BA NI MED KYI, 'BRAS BUR GYUR PA'I SHES PA DE NYID YUL GYI RNAM PA CAN DU SKYES PA DANG BYA BA DANG BCAS PAR RTOGS PA DE NYE BAR BLANGS NAS, TSAD MA NYID DU 'DOD PA STE, BYA BA MED PA'ANG MA YIN NO, ,DPER NA 'BRAS BU RGYU DANG RJES SU MTHUN PAR SKYES PA LA RGYU'I GZUGS 'DZIN ZHES BRJOD DO, ,BYA BA MED PAR YANG MA YIN PA DE BZHIN DU 'DIR YANG YIN NO, ,RANG RIG LA YANG 'DIR 'BRAS BU, ,SHES PA NI SNANG BA GNYIS LAS SKYES TE RANG GI SNANG BA DANG YUL GYI SNANG BA'O, ,SNANG BA DE GNYIS LAS GANG DANG RIG PA DE NI 'BRAS BUR 'GYUR RO, ,CI'I PHYIR ZHE NA, DE YI NGO BO LAS DON NGES, GANG GI TSE SHES PA DON GYI YUL DANG BCAS PA'I DE'I TSE, DE DANG RJES SU MTHUN PA'I RANG RIG PA 'DOD PA'AM MI 'DOD PA'I DON RTOGS PAR BYED DO, ,GANG GI TSE PHYI ROL GYI DON 'BA' ZHIG GZHAL BYAR BYED PA DE'I TSE NI, YUL GYI SNANG BA 'DI NYID 'DI, ,TSAD MA DE'I TSE NI SHES PA RANG RIG PA YIN YANG LTOS PA MED PA'I RANG GI NGO BO'I DON GYIS SNANG BA 'DI TSAD MA'O, ,GANG GI PHYIR ZHE NA, DON DE YIS 'JAL BAR BYED, JI LTA JI LTAR DON GYI RNAM PA DKAR PO DANG DKAR PO MA YIN PA LA SOGS PA NYID SHES PA @016B LA SNANG BA NA DE DANG DE'I NGO BO YUL DANG BCAS PAR 'JAL BAR BYED DE, DE LTA RNAM PA DU MA RIG PA'I SHES PA NYE BAR BLANGS PA DE LTA DE LTAR TSAD MA DANG GZHAL BYA NYID DU NYE BAR 'DOGS PA YIN TE, CHOS THAMS CAD NI BYA BA DANG BRAL BA YIN PAS NA'O, ,DE NYID SMRAS PA, GANG TSE RNAM PA DE GZHAL BYA, ,TSAD MA DANG DE'I 'BRAS BU NI, ,'DZIN RNAMS RIGS PA DE YI PHYIR, ,DE GSUM THA DAD DU MA BYAS, ,CI STE SHES PA TSUL GNYIS SO, ,ZHES JI LTAR RTOGS PAR BYA ZHE NA, YUL SHES PA DANG DE'I SHES PA'O, ,DBYE BAS BLO YI TSUL GNYIS NI, ,YUL NI GZUGS LA SOGS PA STE GANG GIS DE SHES PA NI DON DANG RANG SNANG BA'O, ,YUL SHES PA NI GANG YUL DANG RJES SU MTHUN PA'I SHES PA STE, SHES PA STE SNANG BA DANG, RANG SNANG BA'O, ,DE LTAR MA YIN TE, GAL TE GZUGS NYID RANG SHES PA'AM RANG GI NGO BOR 'GYUR BA NI ZHES PA YANG YUL SHES PA DANG KHYAD PAR MED PAR 'GYUR RO, ,PHYIS RJES LA SKYE BA'I SHES PA LA YANG SNGAR RING DU 'DAS PA'I YUL SNANG BAR MI 'GYUR TE, GANG GI PHYIR ZHE NA, DE YUL MA YIN PA'I PHYIR RO, ,DE'I PHYIR SHES PA LA TSUL GNYIS YOD PAR GRUB BO, ,DUS PHYIS DRAN PA LAS KYANG STE, TSUL GNYIS NYID DO ZHES 'BREL TO, ,GANG GI PHYIR YUL GZHAN DU SHES PA LA YANG DUS PHYIS MYONG BA'I DRAN PA SKYE STE, DE'I PHYIR YANG SHES PA'I TSUL GNYIS NYID DU GRUB PA YIN NO, ,RANG RIG PA NYID DU YANG NGO, ,CI'I PHYIR ZHE NA, 'DIR MA MYONG BA MED PHYIR RO, ,NYAMS SU MA MYONG BAR DON MTHONG BA'I DRAN PA NI MED DO, ,GZUGS LA SOGS PA'I DRAN PA BZHIN NO, ,CI STE GZUGS LA SOGS PA BZHIN DU YANG SHES PA GZHAN GYIS MYONG BA YIN NO ZHE NA, DE YANG RIGS PA MA YIN TE, GANG PHYIR, SHES PA GZHAN GYIS NYAMS MYONG NA, ,THUG MED, THUG PA MED PA ZHES BYA BA NI, SHES PA BZHIN GYIS MYONG BAR BYED NA'O, ,JI LTAR ZHE NA, DE LA'ANG DRAN PA STE, SHES PA GZHAN GYIS SHES PA DE NYAMS SU MYONG BAR BYED NA, DE LA YANG PHYIS KYI DRAN PA MTHONG DGOS PAS SO, ,DES NA DE LA YANG SHES PA GZHAN GYIS NYAMS SU MYONG BA YIN NA NI THUG PA MED PAR 'GYUR RO, ,DE BZHIN YUL GZHAN LA 'PHO BA, ,MED 'GYUR DE YANG MTHONG BA NYID, ,DE'I PHYIR GDON MI ZA @017A *, ,BAR RANG RIG PA'I SHES PA KHAS BLANG BAR BYA'O, ,DE YANG 'BRAS BU NYID DU GNAS PAR GRUB, DE LTAR NA MNGON SUM DU RTOGS PA DANG BRAL BA YIN NO, ,DE'I RJES SU GZHAN GYIS BYAS PA'I MNGON SUM BRTAG PAR BYA STE, RTZOD SGRUB SLOB DPON GYIS MA YIN, ,NGES PAR SNYING PO MED PAR DGONGS, ,GZHAN DU CHA SHAS SU GSUNG 'GYUR, ,DES NA KHO BOS BRTAG PAR BYA'O, ,RTZOD PA BSGRUB PA NI SLOB DPON DBYIG GNYEN GYI MA YIN NO, ,GANG GI PHYIR RTZOD PA SGRUB PA DE LA NI SLOB DPON GYIS SNYING PO MED PAR DGONGS PA STE, DE LTA MA YIN NA CHA SHAS CAN DU MDZAD PAR 'GYUR RO,, DES NA KHO BOS KYANG TSAD MA LA SOGS PA CUNG ZAD CIG BRTAG PAR BYA'O, ,DON DE LAS SKYES PA'I RNAM SHES, ,MNGON SUM YIN ZHES BYA BA 'DIR, ,KUN LA DON 'DI ZHES BRJOD NA, ,GANG DE DE 'BA' ZHIG LAS MIN, ,GAL TE LA DE ZHES BYA BA 'DIS RKYEN KUN BRJOD PA YIN NA NI SHES PA GANG YUL GANG LA SKYES PA DE'I THA SNYAD DU BYA'I, DE 'BA' ZHIG LAS NI MA YIN NO, ,DMIGS PA'I RKYEN 'BA' ZHIG LAS SHES PA NI MA YIN NO, ,SEMS DANG SEMS LAS BYUNG BA RNAMS GZHI LAS SKYE BA'O ZHES GRUB PA'I MTHA' LAS 'BYUNG BA'I PHYIR RO, ,DMIGS PA'O ZHE NA DRAN SOGS KYI, ,SHES PA'ANG GZHAN LA LTOS MA YIN, ,GAL TE DON DE LAS ZHES PA 'DIS YUL TZAM YIN NA NI DRAN PA DANG, RJES SU DPAG PA DANG MNGON PAR 'DOD PA LA SOGS PA'I SHES PA YANG DMIGS PAR BYA BA GZHAN LA MI LTOS TE, DUD PA LA SOGS PA DMIGS NAS ME LA SOGS PA'I SHES PA SKYE BA NI MA YIN NO, , GZUGS LA SOGS PA NYID LA DMIGS PA DON DU BRJOD PAR BYA GRANG NA, CI SHES PA SKYE BA DE LTAR SNANG BA DE LA DE BZHIN DU DMIGS NAS SKYE BA YIN NAM, DE STE GZHAN DU SNANG DU ZIN KYANG JI LTAR YOD PA'I DE RGYUR 'GYUR BA YIN GRANG, DE LAS CIR 'GYUR ZHE NA, GAL TE JI LTA BA DE LAS SHES PA SKYE NA NI DE LTAR NA BSAGS PA LA DMIGS PA YIN PA'I PHYIR LNGA PO KUN RDZOB PAR 'GYUR TE, DE NYID LA DMIGS PA YIN PA'I PHYIR RO, ,SNGON PO LA SOGS PAR SNANG BA'I SHES PA LA DON DE LAS SKYES PA'I SHES PA MNGON SUM DU 'GYUR RO ZHES 'DOD PA DE LTA NA NI TSOGS LA DE DAG LA KHAS BLANGS PA BDEN YANG YOD PA'I RDZAS @017B KYI RNAM PA NYID THOB STE, DE NYID RDZAS LA SOGS PA NYID DU SNANG BAS NA RDZAS DANG GRANGS LA SOGS PA'I RNAM PA YANG 'THOB BO, ,DE STE JI LTAR YOD PA RGYUR GYUR NA NI DE LTAR RDZAS LA SOGS PA NI THAL BA'I NYES PAR MI 'GYUR TE DE LTAR NA DE DAG MED PA'I PHYIR RO, ,DE LTAR NA YANG GANG LA YANG THA SNYAD DU BYA BA STE DE NI 'THOB PAR MI 'GYUR TE, DE DAG SO SO LA SHES PA YOD PA MA YIN NO, ,SO SO BA DE DAG 'DUS PA RGYU YIN YANG DE 'DUS PAR YOD PA LA SOGS PA NI KHAS MA BLANGS SO, ,DE NYID SMRAS PA, ,JI LTAR SNANG BA DE YOD MIN, ,DE YI PHYIR NA DON DAM DU, ,SEMS KYI DMIGS PA LNGA RNAMS SO, ,DE LA THA SNYAD DU MA BYAS, ,DMIGS PA LA SOGS PA YANG DMIGS PAR BYA BA NYID DU THAL BAR 'GYUR TE, DE DAG NI DON DAM PAR YOD PAS SO, ,GZHAN DU NA YOD PA MA YIN PA ZLA BA GNYIS PA LA SOGS PAR SNANG BA YANG SNGON PO LA SOGS PAR SNANG BA'I SHES PA'I RGYUR 'GYUR RO, , DON GYI TSUL GYIS DBEN PA YANG BRJOD BYA MA YIN, SHES PA THAMS CAD DON GYI TSUL DANG BRAL NA YANG THA SNYAD DU BYA BAR MI NUS SO, ,YUL 'DI'I YANG, SPYI YI TSUL GYIS BSTAN PAR BYA, ,DES NA THA SNYAD DU MI BYA, ,RNAM PAR SHES PA LNGA RNAMS KYI YUL DE'I TSUL GYIS THA SNYAD DU BYA BA YIN GYI RANG GI NGO BO'I TSUL GYIS THA SNYAD DU BYA BA NI MA YIN NO, ,SPYI'I NGO BO'I TSUL LAS NI GZUGS LA SOGS PA THA SNYAD DU BYED DO, ,DE'I PHYIR RNAM PAR SHES PA LNGA RNAMS GYI YUL NI THA SNYAD DU BYA BAR MI NUS SO ZHES BYA BA NI RTZOD PA SGRUB PA LA'O, ,RIGS PA CAN RNAMS NI DBANG PO DANG DON PHRAD PA LAS SKYES PA'I SHES PA THA SNYAD DU BYAS PA MA YIN PA 'KHRUL PA MED PA ZHEN PA'I BDAG NYID NI MNGON SUM MO ZHES ZER RO, ,'DI YANG RIGS PA MA YIN TE KHYAD PAR 'DI DAG NI MI GSHA'O, ,GANG GI PHYIR, DBANG PO LAS BYUNG DON BLO LAS, ,THA SNYAD LA SOGS SRID MA YIN, ,'KHRUL PA SRID PA'I YUL LA NI KHYAD PAR DU BYA GRANG NA, THA SNYAD DU BYA BA'I YUL LA NI RJES SU DPAG PA LAS YIN GYI, DBANG PO'I BLO NI THA SNYAD KYI YUL NYID DU SRID PA MA YIN NO, ,DE'I PHYIR MA 'KHRUL PA'I KHYAD PAR BSTAN PAR MI BYA BA NYID DO, ,DBANG PO'I BLO THA SNYAD DU BYA BAR MI NUS PA DE'I PHYIR KHYAD PAR @018A *, ,DU BYA BA TSIGS MI BYA BA NYID DO, ,'KHRUL PA'I KHYAD PAR NYID KYANG SRID PA MA YIN TE, 'KHRUL PA NI YID LA STE, DE 'KHRUL PA'I YUL CAN YIN PA'I PHYIR RO, ,ZHEN PA NI NGES PA STE, DE SPYI LA SOGS PA DANG LDAN PA'I DRI LA SOGS PA LA RTOG PAR MI BYED, MI MTHONG BA DE BAS MI SRID DO, ,CI STE DON JI LTA BA LA SOGS PA'I SHES PA'I LDOG 'TSAMS SU BRJOD DO ZHE NA, DE LTA NA KHYAD PAR DU BYED PA'I TSIGS RIGS PA MA YIN TE, MA 'KHRUL PA'I PHYIR YANG DBANG PO'I BLO THAMS CAD RANG RANG GI DON TZAM 'DZIN PAR BYED PA YIN NO, ,DE DAG GIS NI BSHAD PA'I RNAM PAR RTOG PA LA YANG SO SOR BRJOD DO, ,GANG SMRAS PA ZHEN PA'I BDAG NYID CES PA LA ZHEN PA NI 'BRAS BU YIN NA DE DBANG PO'I BLO LA MI SRID DE, DON JI LTA BA LA SOGS PA'I SHES PA NYID DNGOS KYI 'BRAS BU YIN PA'I PHYIR RO, ,CI STE THA SNYAD DU BYA BA MA YIN PA LA SOGS PA SMOS PA LA NI SHES PA DE'I RANG GI NGO BO BSTAN PAR BYA BA'I PHYIR YIN NO ZHE NA, MA YIN TE MNGON SUM GYI MTSAN NYID BRJOD PAR BYA BA YIN PA'I PHYIR LA, DE LA DBANG PO DANG DON DU PHRAD PA NYID KYIS GRUB PA'I PHYIR RO, ,SHES PA'I RANG GI NGO BO BSTAN PAR BYA BA'I PHYIR YIN NA YANG YON TAN DANG RDZAS RTZOM PAR MI BYED PA DANG, NAM MKHA' LA SOGS PA SHES PAR BYA BA'I YUL MA YIN PA NYID KYANG BSTAN PAR BYA BA YIN PA'I PHYIR HA CANG THAL BAR 'GYUR RO, ,THAMS CAD DU PHRAD NAS SKYE BA MNGON SUM DU 'DOD NA NI, BAR DANG BCAS PA 'DZIN PA DANG, ,SHES PA LHAG PA'ANG MI THOB 'GYUR, ,RI LA SOGS PA LA NI YUL DANG DBANG PO BAR MED PA STE BAR DANG BCAS PA YIN BZHIN DU 'DZIN PA MTHONG MED KYI, DBANG PO LHAG PAR 'DZIN PA NI RIGS PA MA YIN NO, ,PHYI ROL DU 'JUG PA'I PHYIR 'THAD PA NYID DO, ,DBANG PO GNYIS KYI RTEN LAS PHYI ROL DU 'JUG PA STE, DES NA YUL TE BAR DANG BCAS PA LHAG PAR 'DZIN PA YANG 'THAD PA YIN NO ZHE NA, DE YANG RIGS PA MA YIN TE, GANG GI PHYIR, RTEN LAS DBANG PO PHYIR MIN PAR, ,GRUB PO ZHES BYA BA TSIG GI LHAG MA'O, ,DBANG PO NI BRTEN GYI YUL NYID LA GNAS PA STE, DER GSO BA LA SOGS PA LA RAB TU SBYOR BA'I PHYIR RO, ,DES NA DBANG PO KHO NA BAR DU CHOD @018B PA'I DON 'DZIN PAR BYED DO, ,DBANG PO PHYI ROL DU 'PHO BA BDEN DU CHUG NA YANG, YUL LA 'DZIN PAR NUS MA YIN, ,GZHAN DU NA BRTEN PA BSGRIBS KYANG YUL 'DZIN PAR 'GYUR RO, ,DE'I PHYIR MIG DANG RNA BA DAG GIS NANG RTEN GYI GNAS KHO NA 'THOB STE, YUL GYI SKAD CIG MA DAG LAS BAR DANG BCAS PA DANG LHAG PAR 'DZIN PAR YANG RIGS PA MIN NO, ,BDE SOGS GZHAL BYA MIN PA'AM, ,'AM ZHES SMOS PA NI 'AM GYI SGRA LAS TSAD MA GZHAN 'THOB PAR 'GYUR BA'O, ,GANG 'DI LTAR RTAGS PA SOGS PA MED PAR BDAG NYID KYI BDE BA DANG SDUG BSNGAL DANG 'DOD PA DANG, ZHE SDANG DANG 'BAD RTZOL RNAMS LA 'DZIN PA DE TSAD MA MA YIN PAS BDE BA LA SOGS PA RNAMS GZHAL BYA NYID DU MI 'GYUR BA'AM, DER 'AM ZHES SMOS PAS TSAD MA GZHAN NYID MTSON PAR 'GYUR BA'O, ,DBANG PO GZHAN YOD YID DBANG PO, ,YANG NA YID KHO NA DBANG PO NYID DU BRJOD PAR BYA STE, DE DANG PHRAD PA LAS SKYES PA MNGON SUM NYID DU BSGRUB PAR BYA BA'I DON DU'O, ,BKAG PA MED PHYIR 'THOB CE NA, CI STE YANG GZHAN GYI 'DOD PA MA BKAG PA RU SGRUB PA LA YID KYI DBANG PO NYID BKAG PA MED PA'I PHYIR 'THOB PA NYID DO ZHE NA, GZHAN GYI 'DOD PA LA NI YID KYI DBANG PO YOD LA RAG NA DE LTA NA NI, DBANG PO GZHAN GYI SGRA DON MED, ,GAL TE GZHAN GYIS SMRAS PA'I YID LA BKAG PA MED PA'I PHYIR DBANG PO YIN NA NGES RNA BA LA SOGS DBANG POR BRJOD DO ZHES BSTAN PA DON MED PAR 'GYUR TE, BKAG PA MED PA NYID LAS DE GRUB PA'I PHYIR RO, ,DON DES 'BRAS BU YOD MIN PAS, ,SHES PA'I YANG NI TSAD NYID LAS,, DON GZHAN 'BRAS BU SMRA BAR 'GYUR, ,NGES PA'I BDAG NYID CAN GYI SHES PA NI TSAD MA STE, TSAD MA DE SKYES KYI RJES LA DON LHAG TU RTOGS SO ZHES BYA BA NI 'BRAS BU MED PAR 'GYUR RO, ,GAL TE KHYAD PAR DU BYED PA'I SHES PA TSAD MA YIN TE, GANG SPYI LA SOGS PA KHYAD PAR DU BYED PA'I SHES PA DE NI TSAD MA YIN LA, GANG RDZAS LA SOGS PA KHYAD PAR DU BYA BA'I SHES PA DE NI 'BRAS BU YIN NO ZHE NA, DE YI KHYAD PAR LA MIN THA DAD PHYIR, ,THA DAD PA NI KHYAD PAR DU BYED PA KHYAD PAR DU BYA BA THA DAD PA YIN LA YUL GZHAN LA TSAD MAR 'GYUR ZHING GZHAN LA 'BRAS BUR 'GYUR BA YANG RIGS PA MA YIN TE, DPER NA SENG LDENG @019A *, ,GI YUL BCAD CING GSHAGS PAS PA LA SHA CHOD PA NI MA MTHONG NGO, ,JI STE KHYAD PAR DU BYA BA'I SHES PA'I RGYU YIN PA'I PHYIR DE'I YUL NYID KYANG YIN NO ZHE NA MA YIN TE, HA CANG THAL BAR 'GYUR BA'I PHYIR RO, ,DE LTA NA NI BYED PA PO THAMS CAD GCIG TU 'GYUR TE, KHYAD PAR DU BYA BA'I SHES PA'I RGYU YIN PA NYID KYIS DE'I BYED PA YIN PA'I PHYIR RO, ,DE'I PHYIR GANG LA LAS KYI BYA BA YOD PAR BRJOD PA DE NYID DE'I 'BRAS BU NYID DU RIGS SO, ,GZHAN YANG DE LA YOD MIN, DE LA YANG KHYAD PAR DU BYED PA LHAG PAR RTOGS PA MED PA'I 'BRAS BU YANG MED LA TSAD MA YANG MED DO, , GNYIS SHE NA, CI STE YANG KHYAD BAR DU BYED PA'I SHES PA NYID TSAD MA DANG GZHAL BYA GNYIS KAR YANG 'GYUR TE, DPER NA BDAG GIS BDAG KHONG DU CHUD PAR BYED TZAM NA, GZHAL BAR BYA BA YANG 'GYUR ZHING 'DZIN PA PO YANG YIN PA BZHIN NO ZHE NA, MA YIN KHYAD PAR BYA LA'ANG 'GYUR, ,DE LTA NA NI KHYAD PAR DU BYA BA'I SHES PA LA'ANG TSAD MA DANG GZHAL BYA GNYIS KA THOB PAR 'GYUR RO, ,GAL TE SHES PA DANG SHES BYA DON GZHAN YIN YANG TSAD MA DANG GZHAL BYA NYID DU 'GYUR BA STE, RANG GIS BDAG KHONG DU CHUD PA'I SHES PA BZHIN NO ZHES PA DE NYID DNGOS PO GNYIS KA LA YANG 'GYUR BA YIN NO, , KHYAD PAR DU BYED PA'I SHES PA BDAG DANG MTSUNGS SO ZHES PA NI MA YIN GYIS GNYIS KA LA YANG SBYAR BAR BYA'O, ,DE LTA NA NI SHES BYA KHONG DU CHUD KYANG GANG MA RTOGS PA DANG THE TSOM BRA BA DANG LOG PAR RTOGS PA LAS LOG PA DE 'BRAS BUR 'GYUR NA, DE YANG MI RIGS TE, GANG GI PHYIR, MA RTOGS LA SOGS KUN LA MIN, ,RE ZHIG THAMS CAD DU MA RTOGS PA LA SOGS PA LAS 'BYUNG BA'I NGES PA DE DAG NI YOD PA MA YIN TE, KHA CIG TU GZAS PA TZAM GYIS SHES PA SKYE BAS SO, ,MA RTOGS PA LA SOGS PA YOD DU CHUG NA YANG, LOG PA 'BRAS BUR YOD MA YIN, ,LOG PA ZHES BYA BA NI MA RTOGS PA LA SOGS PA MED PA LA BYA NA, YOD PA MA YIN PA DE NI 'BRAS BU MA YIN TE, DE GZHAL BYAR 'GYUR BA NI MI DPYOD PA'I PHYIR RO, ,DE LTAR NA RE ZHIG RIGS PA CAN RNAMS KYI MNGON SUM NI RIGS PA MA YIN NO, ,BYE BRAG PA RNAMS KYI MDO LAS RE ZHIG GANG 'BREL PA 'BA' ZHIG @019B LAS GRUB PA DE RDZAS LA MNGON SUM MO ZHES SO, ,BDAG DANG DBANG PO DON DU PHRAD PA LAS GANG GRUB PA DE GZHAN YIN NO ZHES SO, ,KHA CIG NI TSAD MA LAS DON GZHAN DU 'DOD DE, THUN MONG MA YIN PA'I RGYU YIN PA'I PHYIR DBANG PO DANG DON DU PHRAD PA TSAD MAR RTOG PAR BYED DO, ,GZHAN DAG NI GTZO BO YIN PA'I PHYIR BDAG DANG YID DU PHRAD PA TSAD MA'O ZHES ZER RO, ,DE LTAR NA NI GANG 'DI SKAD THE TSOM DANG GTAN LA 'BEBS PA'I SHES PA DAG LAS GRUB PA NI MNGON SUM DANG RTAGS CAN GYI SHES PA DAG GO ZHES BSHAD PA DANG 'GAL LO, ,BZHI PO PHRAD PA LAS SKYES PA'I SHES PA DANG, GTAN LA 'BEBS PA LAS SKYES PA MTSUNGS PA MA YIN TE, GTAN LA 'BEBS PA NI BRTAG PA SNGON DU 'GRO BA YIN PA'I PHYIR LA, MNGON SUM NI YUL LTA BA TZAM YIN PA'I PHYIR RO, ,YUL LA LTA BA TZAM ZHES PA PA NI BZHI PO PHRAD PA LAS SKYES PA STE, DE LA BRTAG CING DPYOD PA GANG LA SRID, , DBANG PO DANG DON DU PHRAD PA TSAD MAR SMRA BAS NI LHAG PAR BSTAN LA CI YANG MED PA NYID DO, ,DBANG PO DANG DON DU PHRAD PA TSAD MAR SMRA BA'I LTAR NA NI 'DI CI ZHIG CES SHES PAR 'DOD PA'I TSE DON MTHA' DAG 'DZIN PAR 'GYUR TE, THAMS CAD KYI BDAG NYID DANG PHRAD PA'I PHYIR RO, ,BDAG DANG YID DU PHRAD PAR SMRA BA LA YANG YUL THA DAD LA YUL GZHAN LA TSAD MAR 'GYUR ZHING GZHAN LA 'BRAS BUR 'GYUR BA NI MED DO ZHES SNGAR SMRAS ZIN TO, ,GZHAN YANG SPYI'I KHYAD PAR LA LTOS PA DANG RDZAS DANG YON TAN DANG LAS LA LTOS PA MNGON SUM ZHES NI SBYAR BAR MI BYA STE, GANG GI PHYIR DBANG PO DANG YUL DU PHRAD PA LAS SKYES PA NI, YUL LA LTA BA'I DON CAN PHYIR, ,KHYAD PAR RNAMS DANG SBYAR MI BYA, ,DBANG PO'I BLO RNAMS NI RANG GI DON TZAM 'DZIN PAR BYED PA YIN PA'I PHYIR, ,KHYAD PAR RNAMS DANG LHAN CIG TU SBYOR BA NI MI 'THAD DO, ,'DI NI 'DI'I SPYI YIN ZHING RDZAS LA SOGS PA RNAMS DANG 'BREL PA'O ZHES DANG GI DON GNYIS NGES PAR BZUNG NAS DE BZHIN DU BRTAG PAR BYA'O, ,DE YANG DRAN PA LA SOGS PA YIN PA'I PHYIR 'DI LA YID KYI BLOS KHYAD PAR DU BYAS LA 'THAD PA KHO NA STE, GZHAN DU NA DRI MNGAR RO ZHES 'DZIN PA YANG MNGON SUM DU 'GYUR LA, DE LTAR 'GYUR BAR YANG MI RIGS TE, @020A *, ,KHYAD PAR DU BYED PA DANG KHYAD PAR DU BYA BA DAG DBANG PO THA DAD KYI YUL YIN PA'I PHYIR RO, ,GAL TE YANG RDZAS GCIG PAS DBANG PO DU MA'I GZUNG BYA YIN NO ZHE NA, DE LTA NA NI GCIG MIN TE GZUGS LA SOGS PA BZHIN DU DU MAR 'GYUR RO, ,GZUGS LA SOGS PA LA NI DBANG PO DU MAS GZUNG BAR BYA BA'I GCIG NYID GANG DU MTHONG NGO, ,GCIG MIN GZUGS SOGS KYANG GCIG 'GYUR, ,GAL TE DBANG PO DU MA'I GZUNG BYA YIN KYANG THA MI DAD PAR 'DOD NA NI GZUGS LA SOGS PA YANG RDZAS BZHIN GCIG NYID DU 'GYUR RO, ,MTHONG ZHE NA, DE DAG GAL TE 'DI LTAR DBANG PO THA DAD KYANG YUL RDZAS LA SHES PA THA MI DAD PA NI MA MTHONG BA KHO NA STE, YOD PA NYID DANG YON TAN NYID DAG LTA BU'O, ,DE BAS GZUGS LA SOGS PA LA GCIG NYID DANG DU MA NYID DU THAL BAR MI 'GRUB BO ZHE NA, SHES PA THA MI DAD PA 'DI LTA BU NI MTHONG NA, 'ON KYANG DE DBANG PO LAS MIN, DE DBANG PO'I SGO NAS DBANG PO GZHAN GYI YUL SHES PA NI MA YIN NO, ,GANG GI PHYIR ZHE NA, DBANG GZHAN DON MED 'GYUR PHYIR RO, ,GAL TE DBANG PO GZHAN GYI YUL LA YANG DBANG PO GZHAN GYIS 'DZIN NUS PAR 'DOD NA NI GZUGS LA SOGS PA LA DBANG PO DU MA BRTAGS PA DON MED PAR 'GYUR RO, ,GAL TE 'DI LTAR GZUGS LA SOGS PA THA DAD DU YOD PA'I PHYIR DBANG PO GCIG GIS 'DZIN PAR MI NUS SO ZHE NA, DE YANG RIGS PA MA YIN NO, ,CI'I PHYIR ZHE NA, DBANG POS NI RANG YUL THA DAD KYANG 'DZIN NUS, RANG GI YUL LA NI SNGON PO LA SOGS PA'I THA DAD PA DANG, GRANGS LA SOGS PA'I THA DAD PA LA YANG 'DZIN PAR NUS PA LA KHYOD KYIS NI THA DAD PAR DBANG POS 'DZIN NUS PAR 'DOD PA'I PHYIR RO, ,GAL TE GRANGS LA SOGS PA'I THA DAD LA 'DZIN PA NI DBANG PO GZHAN GYI YUL LA 'DZIN PA MA YIN NO, ,DBANG PO GZHAN GYI YUL NYID NI GZUGS LAS THA DAD PA'I REG BYA LTA BU STE, DE MIG GIS GANG TZUG BZUNG; GANG DAG GAL TE REG PA'I RDZAS MIG GIS 'DZIN NA NI DBANG PO GZHAN GYI YUL YANG MIG GI RANG GI YUL YIN NO, ,GSAL BAR KHAS BLANGS PA'I PHYIR THA DAD KYANG SNGON PO LA SOGS PA BZHIN DU REG PA LA SOGS PA YANG MIG GIS 'DZIN PAR THAL BAR 'GYUR BA'I PHYIR DANG, THA @020B DAD PA NYID NI DBANG PO DU MAS GZUNG BAR BYA BA'I RGYU MTSAN YIN, CIS NA DBANG PO GZHAN GYI YUL MI 'DZIN, GANG YANG DON THA MI DAD PA LA YANG DBANG PO DU MAS 'DZIN PAR 'GYUR, GZUGS LA SOGS PA SO SO LA YANG, DBANG PO KUN GYIS 'DZIN PAR 'GYUR, DE RDZAS LA SOGS PA BZHIN NO, , DE LTAR NA YANG GZUGS LA SOGS PA YANG DBANG PO GCIG GI GZUNG BYA MA YIN PAR 'GYUR RO, ,NYES PA DE DAG NI YOD PA MA YIN TE, GZUGS LA SOGS PA DE DAG LA RANG RANG GI BYE BRAG NGES PA YOD PA YIN LA, DE MED PA'I PHYIR DBANG PO'I BLO SNGON PO LA MI 'KHRUL LO ZHE NA, CI YANG DE DAG GI NGES PA NYID DE CI LTA BU ZHIG ,GANG LA GZUGS NYID MED PA DE MIG GIS GZUNG BAR BYA BA YIN LA DE BZHIN DU REG BYA LA SOGS PA RNAMS KYI RANG RANG GI YUL LA NGES PA NYID YIN NAM, DE LTA NA NI MIG GI REG BYA TSOGS PA LA'ANG 'JUG ,RDZAS SOGS LA MIN, RDZAS DANG GRANGS LA SOGS PA DANG LAS RNAMS LA GZUGS NYID DANG REG BYA NYID MED PAR 'DOD PA'I PHYIR RO, ,MIG DANG REG PA DAG GIS DE DAG 'DZIN PAR MI 'GYUR RO, ,GAL TE DE LTA NA NI GANG LA GZUGS NYID YOD PA DE MIG GI GZUNG BYA YIN NO, ,DE LTA BAS NA REG BYA LA SOGS PA YANG DE BZHIN DU NGES PA NYID KYIS KHYAD PAR YOD PA YIN NO, ,DE BZHIN DU GZUGS LA SOGS PA MED PA'I PHYIR RO, ,RDZAS LA SOGS PA LA NGES PA MED PAR 'GYUR RO ZHE NA, DE LTA NA NI MDO DANG YANG 'GAL TE, DE MED PA'I PHYIR MI 'KHRUL LO ZHES GZUGS NYID LA SOGS PA NI SGRA LA SOGS PA LA MED PAS MI 'KHRUL BAR BRJOD KYI, GZUGS LA SOGS PA YOD PA'I SGO NAS NI MA YIN NO, ,DE DAG NI RIGS PA DANG YANG MI 'TSAM STE, DBANG PO GZHAN GYI MED PA LA SOGS PAR BRTAGS NAS GZUNG BA NI GZUNG BA ME YIN NA, GZUNG BAS STONG PA DE JI LTAR GZUGS NYID LA SOGS PAS SBYOR BAR BYA STE, GAL TE RGYU MED PAR 'DZIN PA MED PA'O ZHE NA, DE'I PHYIR GZUGS LA SOGS PA'I RANG GI YUL LA NGES PA NYID NI SBYOR BAR MI BYA BA NYID DO, ,GAL TE 'DI LTAR RDZAS LA SOGS PA LA THA MI DAD PAR 'DZIN PA MI MTHONG BA DE JI LTA ZHE NA, GZHAN GYI YUL, MIG NI REG PAR BYA BA DAG LAS THA DAD PA'I YUL LA DMIGS PA STE, GZHAN NYID DANG LHAN CIG RGYU BA'I @021A *, ,SPYI'I YUL LA THA MI DAD DU 'DZIN PA'I DRAN PA'I SHES PA SKYES PA YIN GYI, GZUGS LA SOGS PA GZUNG BA NI MA YIN TE, DE'I BLO MED PA'I PHYIR RO, ,DE BZHIN DU KHYAD PAR MED PA'I PHYIR DBANG PO RANG RANG GIS YUL THA DAD LA DMIGS SHING DON GZHAN RNAM PAR GCAD PA'I YUL LA THA MI DAD KYI BLO SKYES PA NI THAMS CAD DU YID KYI SHES PA YIN GYI YOD PA NYID DANG YON TAN NYID DAG LAS SKYES PA'I MNGON SUM NI MA YIN TE, DE NYE BAR MA MTSON PA'I PHYIR RO, ,MNGON SUM GYIS GZUNG NGO SNYAM PA'I NGA RGYAL DE DAG NI RTOG GE NGAN PA RNAMS KYI YIN NO, ,YUL DE MTSUNGS PAR 'DOD CE NA; 'DI LTAR 'GYUR TE KHYAD PAR DU BYED PA DANG KHYAD PAR DU BYA BA DAG NI DBANG PO'I YUL DU MTSUNGS PAR KHAS BLANG PAR BYA STE, DE MI 'DZIN PA NI DE'I BLO MED PA'I PHYIR RO ZHE NA DE LTA YIN NA NI, MI 'DOD PA LA'ANG THAL BAR 'GYUR, ,GAL TE GNYIS KA DBANG PO'I GZUNG BYA NYID DU MTSUNGS PA YIN NA NI, RDZAS DANG YON TAN DANG LAS DAG RDZAS DANG LDAN PA YIN PA'I PHYIR YOD PA NYID BZHIN RDZAS DBANG PO THAMS CAD PAR 'GYUR RO, ,DE BZHIN DU RDZAS GCIG DANG LDAN PA'I PHYIR RDZAS YOD PA NYID MA YIN PA BZHIN DBANG PO THAMS CAD PA YIN PA'I PHYIR YOD PA NYID DU 'GYUR RO, ,GAL TE RDZAS LA ZHUGS PA'I YOD PA NI RDZAS GCIG PO DE DANG LDAN PAR BRJOD DO ZHE NA, MA YIN TE THA DAD PA MED PA'I PHYIR YOD PA DANG THA MI DAD PA YIN NO, ,THAMS CAD DU YOD PA LA RDZAS LA SOGS PA DGAG PAR BYA BA NI MA YIN TE, DE SKAD DU YANG, LAS DANG YON TAN LA YOD PHYIR, ,YOD PA LAS MIN YON TAN MIN; ,ZHES BRJOD DO, ,GAL TE YANG RDZAS LA ZHUGS PA RDZAS NYID GCIG YIN GYI GZHAN LA ZHUGS PA RDZAS GCIG MA YIN NO ZHES ZER BA NI RDZAS THA DAD DU 'GYUR RO, ,GANG GI TSE MIG GIS MNGON SUM GYIS MI 'DRE'O ZHES 'DZIN PA DE'I TSE REG BYA YANG MIG GI GZUNG BYAR 'GYUR RO, ,DE'I PHYIR YOD PA NYID DANG YON TAN NYID BZHIN DBANG PO THA DAD KYI GZUNG BYA NYID YIN YANG RDZAS THA MI DAD DO ZHES PA NI MA YIN NO, ,GAL TE DE LTAR DBANG PO THA DAD KYI GZUNG BYA YIN PA'I PHYIR YANG GZHAN NYID DU SMRA BA YIN NA NI, MA NGES DBANG PO GCIG GI GZUNG BYA LA YANG RDZAS DANG YON TAN DANG LAS KYI @021B THA DAD DANG, SNGON PO LA SOGS PA'I THA DAD MTHONG STE, DBANG PO THA DAD MED KYANG SNGON PO LA SOGS PA'I THA DAD DU 'DZIN PA MTHONG NGO, ,GANG ZHIG GANG MED KYANG 'BYUNG BA DE NI DE'I RGYU MA YIN PA'I PHYIR DBANG PO THA DAD NI GZHAN NYID KYI RGYU MA YIN NO ZHE NA, DE NI GZHAN DU BRJOD, DBANG PO THA DAD KYI GZUNG BYA YIN PA'I PHYIR ZHES PAS NI DU MA NYID DU BRJOD BA YIN GYI, DBANG PO GCIG GI GZUNG BYA YIN PA'I PHYIR GCIG TU MA YIN NA GANG LAS MA NGES PAR 'GYUR, DBANG PO THA DAD KYI GZUNG BYA YIN PA KHO NAS DU MA NYID BRJOD PA NI MA YIN GYI, 'ON KYANG DU MA NYID KHO NA YIN PA'I PHYIR MA NGES PA MA YIN NO, ,DBANG PO THA DAD MED KYANG ZHES GANG BRJOD PA 'DIS, THAMS CAD BSGRUB BYAR BRJOD MA YIN, ,DBANG PO THAMS CAD KYI THA DAD LAS DU MAR BRJOD PA NI MA YIN TE, GANG DBANG PO THA DAD PA DE DU MA KHO NA'O ZHES YIN PA'I PHYIR RO, ,BLO THA DAD KYANG GZHAN GYI RGYU YIN PAS NI MI 'GEGS SO, , GZHAN YANG BLO DBANG THA DAD LAS THA DAD, ,GANG LA GCIG YIN GZHAN DU NA, ,DBANG PO YANG THA DAD BLO YANG THA DAD PA LAS GZHAN NYID DU MI BRJOD PAR 'GYUR RO, ,DBANG PO YANG THA DAD BLO YANG THA DAD PA DE LA NI GCIG NYID YIN NO ZHES PA'I GO SKABS MED DO, ,DE DAG GI YON TAN LA SOGS PA LA MNGON SUM GYIS SHES PA SKYE BA LA YANG GSAL BAR RIG PAR BYA'O, ,DE DAG GIS NI RANG GI RTEN DANG 'BREL BA'I SGO NAS GZHI LA SOGS PA DANG PHRAD PA NYID BRJOD PA YIN TE, DE LTA NA YANG THAMS CAD DU PHRAD PA LAS SHES PA SKYE BA NI MA YIN NO ZHES RIGS PA CAN GYIS MNGON SUM BRTAGS PAR JI LTA BA BZHIN DU BRJOD ZIN TO, ,DE'I PHYIR BYE BRAG PA'I MNGON SUM NI SGRUB PAR DKA'O, ,SER SKYA BA RNAMS KYIS NI RNA BA LA SOGS PA'I 'JUG PA MNGON SUM DU 'DOD DO, ,RNA BA DANG PAGS PA DANG MIG DANG LCE DANG SNA RNAMS YID KYIS BYIN GYIS BRLABS NAS YUL LA 'JUG PA STE, SGRA DANG REG BYA DANG GZUGS DANG RO DANG DRI DA LTAR BA RNAMS LA GO RIMS BZHIN DU 'DZIN PA NI MNGON SUM GYI TSAD MA'O ZHES SO, ,DE DAG GI LTAR NA YANG DBANG PO RNAMS KYI THUG PA MED PA 'AM, DE DAG GIS NI DBANG PO GZHAN GYI GZUNG BYA YUL MA YIN PA NYID KYIS RANG GI YUL LA 'JUG PA'I DBANG PO 'DOD PA YIN LA YON TAN GSUM GYI 'PHEL BA DANG 'GRIB @022A *, ,PA TZAM GYIS THA DAD LAS SGRA LA SOGS PA'I RIGS THA DAD CES 'DOD DE, SGRA GCIG PU YANG YON TAN GYI 'PHEL 'GRIB KYI THA DAD KYIS THUG PA MED PA'I PHYIR DBANG PO DPAG TU MED PAS 'DZIN PAR KHAS BLANG BAR BYA'O, ,YANG NA DBANG GCIG 'GYUR, CI STE DER YON TAN GSUM THA MI DAD PAS RIGS GCIG NYID YIN NA NI DE LTAR NA SGRA THA DAD 'DZIN PA BZHIN REG PA LA SOGS PA'ANG 'DZIN PAR THAL BAR 'GYUR BA'I PHYIR DBANG PO GCIG NYID DU 'GYUR TE, THAMS CAD DU YON TAN GSUM PO THA MI DAD PA'I PHYIR RO, ,YON TAN GSUM DANG BRAL BA'I SGRA'I RIGS NI YOD PA MA YIN NO, ,GANG SGRA NYID DU GYUR PA DE NI REG BYA LA SOGS PA LA MA YIN NO, ,GANG GI TSE SNYING STOBS LA SOGS PA'I DBYIBS KYIS GNAS SKABS KYI THA DAD KYI SGRA LA SOGS PA DAG THA DAD PA JI LTAR MED, SGRA'I RIGS THA MI DAD PAR MTSUNGS PA'I DBYIBS KYI GNAS SKABS NI YOD PA YIN LA, REG PA LA SOGS RNAMS LAS THA DAD PA STE, RIGS MTHUN PA'I GZUNG BAR BYA BA'I YUL LA RNA BA 'JUG PA YIN NO, ,DE BZHIN DU REG PA LA SOGS PA LA YANG NGO, ,DE'I PHYIR JI SKAD DU BRJOD PA'I SKYON DU THAL BAR 'GYUR RO ZHE NA, DE LTA NA YANG REG BYA NI MIG GI MTHUN PA'I YUL DU 'GYUR TE, ,GANG PHYIR DBYIBS NI GNYIS KYI GZUNG BYAR RI BO LA SOGS PA'I DBYIBS LA MIG DANG REG BYA DAG GI SHES PA MTHONG BA'I PHYIR RANG GI YUL DE KHO NAR 'JUG GO ZHES PA NI RNAM PAR GSAL TE, DBYIBS KYIS BYAS PA'I RIGS KYI BYE BRAG 'DOD PA'I LTAR NA NI SGRA LA SOGS PA NI RNA BA LA SOGS PAS MI 'DZIN PAR 'GYUR TE, GANG GI PHYIR ZHE NA, DBYIBS NI GSUM GYI SPYOD YUL MIN, ,DBYIBS NI RNA BA DANG SNA DANG LCE RNAMS KYIS GZUNG BAR BYA BA MA YIN PAS, MTHONG BZHIN PA'I SGRA DANG DRI DANG RO RNAMS MNGON SUM MA YIN PAR 'GYUR RO, ,YUL GCIG LA DBYIBS MANG PO 'THOB PAR YANG 'GYUR TE, DBANG PO GCIG GI YUL GYI DBYE BA YOD NA NI DE'I BYE BRAG GI RIGS DU MA YOD PA'I PHYIR YUL GCIG TU DBYIBS DU MA MTHONG BAR 'GYUR RO, ,DBYIBS RNAMS LA KHYAD PAR MED PAR MTSUNGS PA'I PHYIR GSER LA SOGS PA'I SKYOGS RNAMS DANG RGYAN RNAMS KYI THA DAD KYANG MED @022B PAR 'GYUR RO, ,DBYIBS MTSUNGS PAR YOD PA'I PHYIR GSER DANG SGRA DANG RDZAS LA SOGS PA RNAMS KYANG MTSUNGS PAR 'GYUR RO, ,DE BZHIN DU RANG RANG GI YUL LA 'JUG PA YANG MI 'GYUR, CI DBANG PO'I 'JUG PAS RIGS RANG TZAM 'DZIN PAR BYED DAM, BDE BA LA SOGS PA'I KHYAD DU BYAS PA'I RIGS 'DZIN PAR BYED, GAL TE RIGS RANG TZAM 'DZIN NA NI DON GYI RANG BZHIN 'DZIN PA MI 'GYUR TE, DES NI DBYIBS TZAM 'DZIN PA YIN PAS NA SGRA LA SOGS PA RNAMS KYI BDE BA LA SOGS PA'I RANG BZHIN MA NGES PAR THAL BAR 'GYUR RO, ,DBYIBS TZAM 'DZIN PA NYID YIN NO; ,DON GYI BYE BRAG 'DZIN PAR MI 'GYUR TE, GANG GI DBYIBS TZAM GYI SNANG BA CUNG ZAD LA DMIGS KYI DON YUL GYI RANG GI NGO BO LA MI DMIGS PAS SO, ,SGRA LA SOGS PA'I BYE BRAG KYANG MI 'DZIN PAR 'GYUR RO, ,DE BZHIN DU PI WANG GI SGRA DANG RNGA'I SGRA ZHES BYA BA LA SOGS PA'I BYE BRAG KYANG MI 'DZIN PAR 'GYUR TE, DE DBYIBS GZHAN MI SRID PA'I PHYIR RO, ,DON 'DZIN NO ZHE NA YANG, YID BZHIN RNAM PAR RTOG PA YIN, ,RANG GI DON KHYAD PAR CAN DU BYED NA YANG KHYAD PAR DE 'DZIN PA NA YID KYI 'JUG PA BZHIN DU RANG GI YUL LA RTOG PA DANG BCAS PAR 'GYUR RO, ,CI STE BDE BA LA SOGS PAS KHYAD PAR DU BYAS PA'I DBYIBS 'DZIN NI, DE LTA NA YANG GNAS SKABS DE'I YID KYI 'JUG PA BZHIN DU RNAM PAR RTOG PA NYID DO ZHES BYA BA'I DON TO, ,BDE BA LA SOGS PA YANG SO SOR 'DZIN PAR BYED DAM, SDOM PA YANG 'DZIN PAR 'GYUR GRANG, DE LA RE ZHIG SO SOR NI MI 'DZIN TE, RANG GI YUL LA 'DZIN PA LA SOGS PA'I DBANG PO'I 'JUG PA NI SGRA LA SOGS PA'I GZUNG BAR BYA BA LA YIN GYI, SNYING STOBS LA SOGS PA LA NI MA YIN NO, ,SNYING STOBS LA SOGS PA DANG SGRA LA SOGS PA'I RANG BZHIN SO SO NI MA YIN NO, ,DE'I PHYIR DE DAG RNAMS RNA BA LA SOGS PA'I 'JUG PA'I GZUNG BAR BYA BA MA YIN NO, ,GZHAN MIN ZHE NA, SNYING STOBS LA SOGS PA SGRA LA SOGS PA LAS GZHAN NYID NI MA YIN TE, DE YANG GZUNG BAR BYA BA YIN NO ZHE NA, 'BRAS MIN PA'AM, GAL TE SNYING STOBS LA SOGS PA SGRA LAS GZHAN MA YIN NA NI THA MI @023A *, ,DAD KYI LUS KYI SGRA LA SOGS PA 'BRAS BU MA YIN LA, SNYING STOBS LA SOGS PA LA YANG SGRA LA SOGS PA'I RGYU MA YIN PAR 'GYUR RO, ,SNYING STOBS SGRA'I RANG BZHIN DU RNAM PAR GZHAG PAR BYAS NAS NI ZHES BYA BA LA SOGS PA GANG BRJOD PA DE YANG 'GAL BAR 'GYUR RO; ,SNYING STOBS LA SOGS PA PHAN TSUN THA MI DAD DE SGRA LA SOGS PA DANG GCIG PA NYID DU 'GYUR NA NI THA MI DAD KYI RANG BZHIN YIN PAS RGYU DANG 'BRAS BU DAG TU 'DOD PA LA GNOD DO ZHES BYA BA LA SOGS PA NI 'AM ZHES BRTAG PA'I SGRA'I DON YIN NO, ,GZHAN YANG, GZHAN NYID MEN NA GZUNG BYA MIN, ,GAL TE YANG BDE BA LA SOGS PA SGRA LA SOGS PA LAS GZHAN MA YIN PA DE LTA NA NI SO SOR GZUNG BAR BYA BAR MI 'GYUR LA, RDUL PHRA RAB KYANG GZUNG BAR BYA BAR MI 'GYUR ZHING DE LA TZAM LA SOGS PA YANG NGO, ,GANG DON GZHAN MA YIN PA'I DBANG PO'I YUL DE THAMS CAD DBANG PO'I YUL MA YIN PAR 'GYUR RO, ,'BRAS BU NYID LA SOGS PAR 'DZIN PA NI SPYI'I YUL CAN NYID DU THAL BAR 'GYUR BA'I PHYIR RO, ,DE LTAR NA RE ZHIG SO SOR NI MI 'DZIN TO, ,CI STE SDOM PA LA 'DZIN NA NI DE LTA NA YANG DBANG PO THAMS CAD 'JUG PAR 'GYUR TE SNA TSOGS RNAM PAR RO, ,SNA TSOGS KYI RNAM PA'I GZUNG BYA BA LA THA MI DAD PA'I RNAM PAR 'DZIN PA NI 'THAD PA MA YIN TE, DE'I DBANG GIS GZUNG BAR BYA BA YONGS SU BCAD PA'I PHYIR RO, ,SGRA LA SOGS PA LA THA MI DAD PAR 'DZIN PA YANG MTHONG NGO, BDE BA LA SOGS PA'I YUL NYID KYANG MTSUNGS PAR 'GYUR, DBANG PO RNAMS KYI YUL NYID MTSUNGS PAR 'GYUR RO, ,DBANG PO RNAMS RANG GI YUL LA 'JUG PAR MI 'GYUR TE BDE BA LA SOGS PA YUL GZHAN LA RIGS KYI BYE BRAG YOD PA'I PHYIR RO, ,DE LTA NA YANG DBANG PO GCIG NYID DU THAL PAR 'GYUR RO, ,MA YIN TE RANG RANG GI DBYIBS KYIS KHYAD PAR DU BYAS PA 'DZIN NO ZHES BRJOD DO ZHE NA, DE SKAD DU NI BRJOD NA RIGS PAR NI MI BRJOD DE, GANG GI PHYIR DU MAR 'DZIN PHYIR GZUGS KYI RIGS GCIG LA YANG DBYIBS THA DAD KYI SGO NAS DU MAR 'DZIN PAR BYED PA YIN GYI DBYIBS GCIG @023B GI RJES SU ZHUGS NAS 'DZIN PA NI MA MTHONG NGO, ,DER DBYIBS KYI THA DAD LAS RIGS KYI THA DAD 'DOD NA NI DE NYID DBANG PO THUG PA MED PAR THAL BAR 'GYUR BA YIN NO, ,'DI NI GRANGS CAN GYI BYE BRAG LAS MI 'DOD DO, ,SNGON GYI SER SKYA PA'I LUGS LA 'DAS PAR SMRA BA GRANGS CAN PHUNG BAR BYED PA'I MI RNGUM PA NA RE SGRA'I MTSAN NYID GSUM PA LAS THA MI DAD PA MA YIN TE, RIGS GZHAN NYID LAS NI MA YIN PAS REG BYA LA SOGS PA'I MTSAN NYID GSUM PO DBANG PO THA DAD GZHAN GYIS GZUNG BAR 'THAD PA MA YIN NO, ,DE'I PHYIR BDE BA LA SOGS PA RNAMS LA THA DAD YOD PAS DBANG PO RNAMS RANG RANG GI YUL DBANG BYED PAR BRJOD DO, ,RANG GI YUL LA 'JUG PA'I DBANG PO RNAMS LA THA MI DAD PA'I RANG GI BYE BRAG YOD PA YIN PAS DBANG PO RNAMS THUG PA MED PAR THAL BAR 'GYUR RO ZHES ZER RO, ,GAL TE RIGS KYI THA DAD LAS KYANG BDE BA LA SOGS PA'I YUL DBANG PO NUS PA DANG LDAN PAR BYA'O ZHES SNGON MA RNAMS LAS KHYAD PAR DU BYED PA LTA NA NI DE BAS KYANG CHES LHAG PAR DU KHO BOS SMRA BAR BYA BA NYID DE, RE RE'I NGO BOR THAMS CAD NI, ,GTZO BOR RDUL PHRAN SO SOR YOD, ,BDE BA DANG SDUG BSNGAL DANG GTI MUG DANG SGRA DANG REG BYA DANG BYA BA DAG GIS THA DAD KYI RIGS LAS THA DAD PA'I GTZO BO RDUL PHRA RAB THAMS CAD DU SONG BA YOD DO ZHES BRJOD PAR BYA'O, ,RAB TU SBYOR BA'I BYE BRAG LAS, ,'BRAS BU'I NGO BOR MTSON PAR BYED, ,DE 'DI LTAR YANG DAG PAR RAB TU SBYOR BA'I BYE BRAG LAS RANG GI RIGS LAS MA 'DAS PAR 'BRAS BU'I NGO BOR GRUB PA NI DBANG PO RNAMS KYI YUL DU 'GYUR RO, ,RDUL PHRAN GSUM PO'I RANG BZHIN DU, ,GCIG DE'I NGO BOR GANG GIS 'GRO, ,GAL TE SGRA LA SGRA'O ZHES BDE BA LA SOGS PA DANG BRAL BA'I THA MI DAD KYI BLO DE DON DU MA'I RANG BZHIN THA MI DAD PA YIN PAR NI MI RIGS TE, CI'I PHYIR ZHE NA, RIGS MI MTHUN LAS GYUR PA YI, ,RAB TU SBYOR BAR 'DOD MA YIN, ,GSUM PO SBYAR BA LAS GCIG TU GYUR PA NI YOD PA MA YIN TE, GRANGS CAN RNAMS KYI RIGS THA DAD DU 'GYUR BA'I PHYIR RO, ,SGRA GCIG BRJOD PA NI YOD PA LA RAG LAS NA DNGOS PO GCIG PA NI YOD PA MA YIN NO, ,CI STE GSUM PO'I RANG BZHIN DU 'GYUR BA'I SGRA @024A *, ,DANG BDE BA LA SOGS PAR GANG BRJOD PA SHES PAR 'DOD PA'I RANG BZHIN TE DBANG PO'I YUL DU 'BYUNG BAR 'GYUR RO ZHE NA, TSUL GNYIS SHES PAR MI 'DOD NA, ,'BRAS BU GCIG GI NGO BOR 'GYUR, ,GAL TE RNA BAS SGRA NYAN PA LA SOGS PA'I BLO NI BDE BA LA SOGS PA LA MI LTOS PAR GZHAN LAS KHYAD PAR DU GYUR PA 'DI LA 'JUG PAR BYED DE DE NYID KHO NAS GCIG GI RANG BZHIN RO, ,CI'I PHYIR ZHE NA, DON GYI RANG BZHIN DU MA STE, ,DBANG PO'I YUL NI KHYAD PAR CAN, ,SGRA LA SOGS PA'I DON GYI RANG BZHIN DU MA YOD PA LAS RANG BZHIN GANG LA BLO 'JUG PA DE DBANG PO'I DON TE, DE NYID DBANG PO'I YUL YIN NO, ,DE YANG GCIG KHO NA STE, REG BYA LA SOGS PA RNAMS LA YANG MTSUNGS PA MA YIN NO, ,DE'I PHYIR RIGS PA MA YIN NO, ,DE'I PHYIR RE RE'I DNGOS PO LA, ,GRANGS CAN LUGS LAS KHYAD PAR 'PHAGS, ,SNGON GRAGS PA'I GRANGS CAN GYI LTA BA LAS KHYAD PAR DU 'PHAGS SHING MCHOG TU GYUR PA NI BDEN PA KHO NA STE, RIGS KYI BYE BRAG GCIG GI RANG BZHIN TZAM GYI RGYU LAS 'BRAS BU SKYE BAR BRTAGS PA STE, DE LTA NA NI RIGS MI MTHUN GYI 'BRAS BU MI RTZOM MO ZHES MDZES PAR 'GYUR GYI, GSUM GYI RANG BZHIN GCIG PA NYID LAS NI MA YIN NO, ,GAL TE YANG DA LTAR BA'I SGRA TZAM 'DZIN PAR BYED PA'I DBANG PO'I 'JUG PA MNGON SUM DU 'DOD PA DE LTA NA NI YUL GCIG MA YIN, GZHAL BAR BYA BA THAMS CAD KYANG YUL MA YIN PA TSAD MA YIN PA BSAL BAR 'GYUR RO, ,'JUG PA DE TSAD MAR BRJOD PA MA YIN NO; ,DBANG PO'I 'JUG PA YANG DAG PAR MYONG BAR BYED PA'I YID KYI DBANG PO LA NI RTAGS LA SOGS PA MED PAS, TSAD MAR MA BRJOD PA'I PHYIR NYAMS PA NYID DU 'GYUR RO, ,DER 'JUG PA'I YANG DAG PAR MYONG BA TSAD MA GZHAN GYI KHONGS SU 'DU BAR NI MI 'GYUR RO, ,NYES PA DE NI MED DE, DER ZHUGS PA'I NYAMS SU MYONG BA NI DRAN PA STE, 'DOD PA LA SOGS PA BZHIN NO, ,GANG JI SKAD DU DRAN PA NI MNGON SUM GYI 'JUG PA'I BYE BRAG GO ZHES BRJOD DO, ,DE'I PHYIR DBANG PO'I SHES PA NI PHYI ROL GYI DON LA MNGON SUM STE, DBANG PO'I 'JUG PA DANG BAR DU MA CHOD PA YIN NO, ,DRAN BA'O @024B ZHE NA, DRAN MIN NYAMS SU MA MYONG PHYIR, ,BAR MA CHOD PA'I YID NI DBANG PO'I 'JUG PA 'DZIN PAR BYED PA'I DRAN PAR RIGS PA MA YIN NO, ,SNGAR NYAMS SU MA MYONG BA'I PHYIR RO, ,CIG CAR GNYIS KA 'BYUNG BAR 'GYUR, ,CIG CAR BA YIN NA YANG DBANG POS SHES PA DANG, DE NYAMS SU MYONG BAR BYED PA'I YID GNYIS KA BSAL BAR KHAS BLANGS PAR 'GYUR RO, ,DE LTA NA NI YUL GYI RGYU MTSAN YUL CAN LA YANG YOD PAR 'GYUR RO, ,DE NI TSAD MA'I DBANG PO NYAMS SU MYONG BA'I YID DE NI TSAD MAR MA BRJOD DE DES NI DE'I GNAS SKABS LA ZHUGS PA PO YANG TSAD MAR MA BRJOD PA'I PHYIR MYANGS PAR 'GYUR RO, ,RANG RIG TU 'DOD PA LA SOGS PA LA NI NYES PA MED DO, ,DRAN PA ZHES BYA BA NI LONG BA'I GOM PA NYID DE, DE YOD PA LTA NA NI DRAN PA 'DI MNGON SUM 'DZIN PA'I BYE BRAG GO ZHES BYA BAR 'GYUR RO, ,DE LTA NA YANG BAR MCHOD PA'I DBANG PO'I YUL 'DZIN NA NI DRAN PAR MI 'GYUR TE, YID KYIS NYAMS SU MA MYONG BA'I PHYIR RO, ,SNGAR YID KYIS PHYI ROL GYI DON NYAMS SU MYONG BA NI MED DO, ,DRAN PA NYAMS PA'AM, DRAN PA YIN NA'ANG GZHAN MTHONG 'GYUR, ,DBANG PO'I 'JUG PA TZAM ZHIG MYONG BA'I PHYIR NYAMS SU MA MYONG BA'AM, DRAN PA NYAMS PA ZHES BYA BA'I 'AM ZHES PA'I SGRA RNAMS RNAM PAR BRTAG PA'I DON TO, ,JI LTAR NYAMS PAR 'GYUR TE, PHYI ROL GYI DON LA DBANG PO'I 'JUG PA DANG LHAN CIG TU SKYES PA YOD KYIS NYAMS SU MYONG BA 'DOD PA YIN NO ZHE NA, GANG JI SKAD DU DON GCIG GIS DBANG PO GNYIS BSKYED PA'I NUS PA NI BRTAG PAR MI NUS SO ZHES BRJOD PA'I PHYIR DE NI NYAMS PA NYID DO, ,NYES PA DE DAG NI YOD PA MA YIN NO, ,DRAN PA'I YID RTAG TU 'DZIN PAR BSTAN PA'I CHED DU LHAN CIG KHO NAR SKYE BA BKAG PA YIN NO, ,LHAN CIG PAR GRUB PA NYID LA CI PHYIR ROL GYI DON LA DBANG PO DANG YID DAG GIS LHAN CIG TU 'DZIN PAR BYED DAM ZHES 'DZIN LUGS LA BRGAL TE, GANG GI TSE LA LAR DUS GCIG TU DBANG DANG LDAN PA'I YID 'BYUNG NGO ZHES SNGAR BRJOD PA'I PHYIR RO ZHE NA, DE LTA NA YANG, DRAN PA LHAG PAR BRJOD PHYIR NA, ,RNAM BSAL, GAL TE DRAN PA LHAG PAR BRJOD PAR BYA BA'I PHYIR PHYI ROL GYI DON LA YID DANG LHAN CIG @025A *, ,BKAG PA YIN NA NI DE LTA NA YANG GANG JI SKAD DU 'DI LTAR DBANG POS GZUNG GI, RJES LA YID KYIS 'DZIN PAR BYED DE, DE LTAR YID KYIS BZUNG NAS DBANG PO JI LTA BA BZHIN DU RIG PAR BYED DO ZHES BYA BA LA SOGS PA BRJOD PA DE RNAM PAR BSAL BA YIN NO, ,DE'I PHYIR PHYI ROL GYI DON LA DRAN PA NI YOD PA MA YIN NO, ,GAL TE YID PHYI ROL GYI DON LA DNGOS SU 'JUG PA DE LTA NA YANG, DBANG GZHAN DON MED 'GYUR, DBANG PO GZHAN RNAMS PHYI ROL KYI DON LA 'JUG PA DON MED PAR 'GYUR TE, SKYES BU'I DON YID KYIS SGRUB BA'I PHYIR RO, ,DE'I PHYIR DE LTAR YUL GYI RANG BZHIN NGES PAR GZUNG BAR MI NUS PA'I PHYIR GRANGS CAN GYI MNGON SUM TSAD MA MA YIN NO, ,DPYOD PA RNAMS NI YOD PA DANG YANG DAG PAR PHRAD NAS SKYES PA'I SKYES BU'I DBANG PO RNAMS KYI BLO DE MNGON SUM MO ZHES ZER RO, ,DE LA, YOD PA'I GSAL BYA MED PA STE, ,PHRAD CES PA LAS DE RIG BYA, ,YANG DAG PAR PHRAD PA NI YOD PA KHO NA DANG YIN PAR NGES PA'I PHYIR MED PA BSAL BAR BYA'I DON DU YOD PA SMOS PA NI RIGS PA MA YIN NO, ,LAN DU PHRAD PA BSTAN ZHE NA, CI STE YANG, DBANG PO RNAMS KYIS NI YANG DAG PAR PHRAD NAS SO ZHES BRJOD PAR BYA BA LA GANG GIS SBYOR ZHING YANG DAG PAR PHRAD PAR BYED CES DOGS NA, LAN DU PHRAD PAR GZUNG BAR BYAS PA STE, DE'I DON DU YOD PA SMOS SO ZHE NA, DE LTA NA NI DBANG PO'I KHYAD PAR DU BRJOD KYIS, DBANG PO KHYAD PAR CAN DU BYA BA'I DON DU SO SOR SBYAR BA BRJOD PAR RIGS SO, ,CI STE YANG 'DIR BDAG LA SOGS PA DANG YID LA SOGS PA DANG YANG SBYOR ZHING PHRAD PA BRJOD PAR BYA STE, DE SPYI'I SGRAS BRJOD PA YIN NO ZHE NA, DE YANG RIGS PA MA YIN NO, ,YOD PA TZAM DANG PHRAD PA RUNG, ,MA YIN MIN TE GANG GIS BRJOD, ,SKYES BU LA SOGS PA SBYIR YOD PA TZAM DANG PHRAD PA NYID NI GRUB PA KHO NA STE, DE'I PHYIR MED PA LA NI MI 'JUG STE, GANG YANG SMIG RGYU LA SOGS PA YOD PA MA YIN PA MNGON SUM LTAR SNANG BA DE DANG YANG 'GA' ZHIG TU PHRAD PAR 'GYUR RO, ,YUL KHYAD PAR CAN DANG NYI MA'I GDUNG BA DANG, 'BYUNG BA'I BYE BRAG RNAMS NI YOD PA TZAM KHO NA STE, DE MIG GI BLO DANG PHRAD NAS DON MED PA'I YID KYI RNAM PAR SHES PA RGYU BA LAS, RIM GYIS 'KHRUL PA'I SHES PA 'BYUNG STE, @025B DE'I PHYIR DE DAG DGAG PAR YOD PA SMOS PA RIGS PA MA YIN NO, ,CI STE YOD SGRA DAM PAR 'DOD, ,DBANG PO MDZES PAR BRJOD PA YIN, ,GANG YANG 'DI LTAR BRTAG PAR BYA STE, GANG DU DBANG PO GANG ZHIG DAM PAR GRUB PA DE NI GZHAN LA MI 'JUG STE, DES NA DE DANG YANG DAG PAR PHRAD PA'AM, YANG NA GANG DBANG PO RAB TU MDZES PA DANG PHRAD NAS BRJOD PA'O ZHE NA, DAM PAR GRUB DANG MDZES PA STE, ,MIG SMAN LA SOGS BZHIN LAS KYANG, ,DE GRUB CES BYA BA NI TSIG KHA BSKANG BA'I DON DU'O, ,RDUL SOGS PA GZHAN GYIS KYANG DBANG PO DAM PAR SGRUB PAR BYED BA STE DON TZAM 'BA' ZHIG LAS NI MA YIN NO, ,DBANG PO'I RAB TU MDZES PA YANG, MIG SMAN DANG RKANG PA BYUGS PA LA SOGS PA LAS KYANG YIN PAS DE DANG RAB TU SBYAR BA YANG MNGON SUM DU 'GYUR RO, ,GAL TE DE DE LTAR NI MI 'GYUR TE, DPER NA 'GRO BA'I SGRA LAS BA LANG MTSON GYI GZHAN LA 'GRO BA'I BYA BA YOD KYANG MA YIN PA DE BZHIN DU, DON KHO NAS DAM PAR GRUB CING MTSON PAR BYED KYI GZHAN LAS NI MA YIN NO, ,DE BZHIN DU RAB TU MDZES PA LA YANG BRJOD PAR BYA'O ZHE NA, BRGAL BA 'DI NI MI BZAD PA STE, GRAGS LAS DE LTAR BRTAGS GRANGS NA, ,SGRA DE DBANG PO'I YUL LA MIN, ,'GRO BA'I SGRA NI BA LANG KHO NA LA GRAG PAS 'GRO BA'I SGRA LA MTSON PA STE, DE BZHIN DU DAM PA DANG RAB TU MDZES PAR BYA BA'I PHYIR YOD PA'I SGRAS DBANG PO LA GNAS PA NI MA YIN NO, ,DE'I PHYIR YOD PA'I SGRA LAS DE LTAR BRTAGS PA YANG RIGS PA MA YIN NO, ,KUN TU DON DANG PHRAD GANG NA, ,GZUGS SGRA BAR DU CHOD PA DANG, ,CHEN PO'ANG 'DZIN PAR MTHONG BAS NA, ,BAR DU MA CHOD PA LA GNONG, ,'DI LTAR THAMS CAD DU DBANG POS DON THOB PAR BYED PA LA NI RAG NA, GANG 'DI GZUGS DANG SGRA DAG LAS NI BAR DU CHOD BZHIN PA LA 'DZIN ZHING, DBANG PO'I TSAD LAS LHAG PA LA YANG 'DZIN PAR BYED DO, ,DE LTAR GNYIS KAR YANG MI 'GYUR BA'I PHYIR DBANG PO NI DRI LA SOGS PA BZHIN DU BAR DU MA CHOD PA NA 'DZIN PAR NI MA MTHONG NGO, ,BLO YI RGYU YI TSOGS PA RU, ,BRJOD PA BOR NAS GANG LAS DE, ,TSAD MA, 'GREL PA BYED MKHAN GYIS NI DON GZHAN 'BRAS BUR SMRA STE, TSAD MA'I 'BRAS BU @026A *, ,BLO'I SKYE BA LAS GZHAN DU MA MTHONG BA GANG LAS BLO SKYE BAR GRUB PA DE MNGON SUM MO ZHES 'DOD DO, ,DE LA BRJOD PA DE LA YANG JI LTA BA BZHIN DU BRJOD PA'I BDAG LA SOGS PA DANG SBYOR BA DANG 'DU BYED PA DANG BCAS PA DAG BOR NAS BLO LA RGYU GZHAN NI MED NA GANG GIS MNGON SUM NYID KYI THA SNYAD DU BYAS, CI STE DON YIN PA'AM, CI STE YANG DON KHO NA MNGON SUM GYI RGYU'I TSOGS PAR RJOD PAR BYED PA DE LTA NA, BLO YI SKYE BA ZHES CIS BSNAN, ,'DI SKAD DU YOD PA DANG YANG DAG PAR PHRAD PA SKYES BU'I DBANG PO RNAMS MNGON SUM MO ZHES BSHAD PAS CHOG MOD, BLO DANG SKYE BA BSNAN PAS CI ZHIG BYA, GANG LAS BYUNG BA DE ZHES PA DE YANG RNAM PAR BRTAGS PA LAS YIN NO, ,GZHAN YANG, DON DANG DBANG PO'I YID SKYES BU, ,SBYOR DANG 'DU BYED PA LAS GZHAN, ,MNGON SUM GYI NI BLO BSKYED PA'I, ,TSOGS PA BRJOD PA DE JI LTA, ,TSOGS PA DE DAG GIS MNGON SUM DU SKYED PAR BYED PA NYID NI MA YIN NO, ,GANG DBANG PO DANG DON DU PHRAD PAR BRTAG PA DE NI MA YIN TE, MNGON SUM ZHES BYA BA DE GNYIS LA GNAS PA'I PHYIR RO, ,YANG DAG PAR 'DU BA YANG MNGON SUM MA YIN PA NYID DE, 'DI SO SOR SGRUB PAR BYED PA'O ZHES MI BRTAG GO, ,GAL TE YANG BRJOD PA, BA LANG NYID 'DI RTA NYID 'DI'O ZHES GANG LAS NGES PAR 'BYUNG BA DE MNGON SUM MO ZHE NA, DE YANG RIGS PA MA YIN TE, GANG GI PHYIR, GLANG NYID YOD SBYOR LAS DON NI, ,BA GLANG NYID SOGS SU 'JAL BYED, ,DBANG PO'I BLO LA DON RNAMS DANG, ,SBYOR BA'I NUS PA YOD MA YIN, ,BA LANG NYID TZAM LA LTA BA STE, KHYOD KYI LUGS KYI DBANG PO'I BLO LA DE TZAM LAS BRTEN NAS LTA BA'I NUS PA MED PAR 'GYUR TE, DE DAG SBYOR BAR NI MI BYED LA, MA SBYOR BAR BA LANG LA SOGS PA NGES PAR YANG MI RIGS SO, ,DE'I PHYIR KHYAD PAR DU BYA BA DANG KHYAD PAR DU BYED PA DANG BRJOD PAR BYA BA DANG, RJOD PAR BYED PA'I RNAM PAR RTOG PA 'DI DAG THAMS CAD YID KYIS NYE BAR 'DOGS PAR BDE KYIS DBANG PO'I BLO NI MA YIN NO, ,CI'I PHYIR ZHE NA, RANG RANG RIG PAR BYA BA'I DON, ,BSTAN BYA MIN TSUL DBANG PO'I YUL, ,CHOS DU MA YOD DU ZIN KYANG DBANG PO'I YUL NI GANG THUN MONG MA YIN PA'I BDAG NYID DBANG PO LA SNANG PA @026B STE 'THOB PAR BYA BA'I YUL YIN LA, RANG GI SNANG BA'I SHES PA SKYES PA DE'I BDAG SO SOR RIG PAR BYED DE SHES PA'I RANG GI CHA SHAS BZHIN NO, ,DE LTA BU BDAG NYID KYIS BRJOD PAR BYA BA LA SOGS PA NI BSTAN PAR MI NUS TE, BRJOD PAR BYA BA LA SOGS PA NI SPYI'I YUL YIN PA'I PHYIR RO, ,CI STE YANG SPYI'I RNAM PA'I TSUL NAS KYANG DON DE NYID YIN TE, DBANG PO'I YUL YIN PA'I PHYIR DANG, RNAM PA THAMS CAD KYI NGES PA YIN PA'I PHYIR RO ZHE NA, DE LTA NA YANG, DON MIN SHES PA'ANG RNAM KUN TU, ,MNGON SUM BLO RU GNAS PAR 'GYUR, ,MNGON SUM GYI SGRA NI GSUM LA 'JUG STE, TSAD MA DANG, SHES PA DANG, YUL RNAMS LA'O, ,DE YANG TSAD MA LA NI DNGOS SU YIN LA CIG SHOS GNYIS PO LA NI BRTAGS NAS SO, ,DE LA YUL LA NI MNGON SUM GYIS GZHAL BAR BYA BA YIN PA'I PHYIR MNGON SUM ZHES GDAGS SO, ,SHES PA DBANG PO LA BRTEN PA TSAD MA DANG MTSUNGS PA YIN PA'I PHYIR MNGON SUM DU GDAGS PAR RIGS PA YIN NO, ,GAL TE GZUGS LA SOGS PA'I SPYI'I RNAM PA LA DMIGS PA'I BLO NI DBANG PO LA MI LTOS PAR THA MI DAD DU NYE BAR BRTAG CING 'JUG PAR BYED DE, ,DBANG PO'I GZHAN DBANG DU GYUR PA MA YIN NO ZHE NA, RNAM PA THAMS CAD DU DON GYI SHES PA GZUGS LA SOGS PA'I YON TAN NYID LA SOGS PA'I DON YOD PA'I SHES PAS DBANG PO GZHAN GYI SPYOD YUL LA YANG RGYU BAR BYED NA NI DBANG PO DU MA DON MED PAR 'GYUR RO ZHES SNGAR BRJOD ZIN TO, ,DE'I PHYIR THUN MONG MA YIN PA'I YUL GYI RANG GI NGO BO NYID DBANG PO'I SPYOD YUL YIN NO, ,DE LTAR NA RE ZHIG GANG LAS BLO SKYES PA DE MNGON SUM YIN PAR NI MI RIGS SO, ,CI STE BLO YI SKYE BA 'DOD, ,BLO'I SKYE BA NYID KYI PHYI ROL GYI DON LA MNGON SUM MO ZHES THOS TE, DE'I TSE DOGS PA BSU NAS LAN BRJOD PA, DON GZHAN 'BRAS BUR SMRA BA YIS, ,DON GZHAN THOB PAR 'GYUR MA YIN, ,JI LTAR BYAS NA ZHE NA, DON GYI BLO SHAR 'BRAS YIN NA, ,DE LAS GZHAN 'BRAS MED PAS SO, ,LHAG PAR RTOGS SHING KHONG DU CHUD PAS NI 'BRAS BU YIN LA, TSAD MA NI BLO LAS GZHAN MA YIN PAS BLO TSAD MA NYID LAS 'BRAS BU YOD PA MA @027A *, ,YIN NO, ,BLO YI SKYE BA GZHAN YIN NO, ,'PHRO 'DU RANG GI RGYU LAS TE, ,TSAD MA 'PHROD PA 'DU BA LAS, ,BYE BRAG BRNAMS KYI NI BLO, ,RANG GI RGYU LAS SKYES PA'I 'BRAS BU'I CHOS 'PHROD PA 'DU BA DANG YOD PA LA SOGS PA YIN LA GAL TE 'PHROD PA 'DU BA DE LAS DBANG PO'I BLO SKYE BAR 'DOD NA NI 'PHROD PA 'DU BA MNGON SUM DU 'GYUR LA, DE NI RTAG PA YIN PA'I PHYIR 'GA' ZHIG TU YANG SKYE BA MA YIN NO, ,DE'I PHYIR GNYIS KA'I LTAR YANG TSAD MA DE SBYAR BAR MI BYA'O, ,CI STE GZHAN MIN 'DI DON MED, GAL TE BLO DANG SKYE BA GZHAN NYID MA YIN NA NI DE LTAR NA BLO NYID MNGON SUM STE, DE BAS NA SKYE BA SMOS PA DON MED PAR 'GYUR RO, ,SKYES BU RNAM PAR GYUR NAS BLO, ,BSKYED NA MI RTAG PA RU 'GYUR, ,GAL TE BLO BSKYED PAR BYA BA'I PHYIR SKYES BU SNGAR GYI GNAS SKABS LAS RNAM PAR 'GYUR TE GZHAL BYA LA 'JUG PAR BYED DO ZHES BRJOD NA NI DE LTAR NA SKYES BU MI RTAG PAR 'GYUR BA'I PHYIR MI 'DOD PA THOB PAR 'GYUR RO, ,CI STE BDAG DE MI 'GYUR NA, ,DE LA TSAD MA ZHES MI SBYAR, ,SKYES BU LA 'GYUR BA MED NA NI TSAD MA MA YIN PA'I GNAS SKABS DANG 'DI LA KHYAD PAR MED PA'I PHYIR DE LAS SKYES PA'I BLO TSAD MAR BYED PA NI MI 'THAD PA NYID DO, ,DE LTAR NA GZHAN DAG GIS 'DOD PA'I MNGON SUM NI BSGRUB PAR DKA'O, ,TSAD MA KUN LAS BTUS PA LAS MNGON SUM GYI LE'U STE DANG PO'O,, ,,RJES DPAG RNAM GNYIS TE, RANG GI DON DANG, GZHAN GYI DON NO, ,DE LTAR RANG DON NI, TSUL GSUM RTAGS LAS DON MTHONG BA'O, ,'CHAD PAR 'GYUR BA'I MTSAN NYID GSUM PA'I RTAGS LAS RJES SU DPAG PAR BYA BA'I DON MTHONG BA DE NI RANG GI DON RJES SU DPAG GO, ,'DI YANG 'BRAS BU SNGAR BZHIN TE, JI LTAR MNGON SUM LAS RTOG PA GNYIS NYID LAS 'BRAS BUR BRJOD PA DE BZHIN DU 'DI LA YANG GAL TE GNYIS KA YANG RTOG PA'I MTSAN NYID CAN YIN NA 'DI GNYIS LA BYE BRAG CI ZHIG YOD CE NA, YUL DANG NI, NGO BO MTSUNGS MIN DE GNYIS KYI, ,MNGON SUM DANG RJES SU DPAG PA GNYIS KYI YUL NI THA DAD PA STE, DE'I RNAM PA DANG BYE BRAG GI SGO NAS SO, ,RANG GI NGO BO YANG THA DAD PA YIN NO, ,GAL TE CI'I PHYIR RJES SU @027B DPAG PA KHO NA GNYIS SU DBYE ZHE NA, 'DI'I PHYIR TE, RANG GI MTSAN NYID BSTAN BYA YIN, GZUNG THA DAD PHYIR, ,MNGON SUM DANG RJES SU DPAG PA DAG NI RANG GI NGO BO BZHIN DU GZUNG BAR BYA BA YANG THA DAD PA YIN NO, ,GAL TE MNGON SUM GYI DON LA THA SNYAD DU BYED NA SGRA DE GNYIS KYI SGO NAS RJES SU DPAG PAR 'GYUR RO, ,GAL TE LA LAR MNGON SUM GYI DON LA RJES SU DPAG PA 'JUG PA MTHONG STE, DPER NA GZUGS LAS REG BYA BZHIN NO ZHE NA, DE LTA NA NI MTHONG NA DON DE LA MNGON SUM BZHIN DU RJES SU DPAG PA ZHUGS PA NI MA YIN NO, ,GANG GI PHYIR ZHE NA, DE LAS GZHAN, DE LAS GZHAN ZHES BYA BA NI, SNGON MTHONG BA ZHUGS PA'I RGYU LAS REG BYA RJES SU DPOG PA STE, 'DI LTAR GZUGS DE NYID MNGON SUM GYI RNAM PA DANG BRAL NAS GZUGS KYI SPYI LA REG BYA'I SPYI'I RJES SU DPOG PA YIN NO, ,MNGON SUM DU BYAS PA'I REG PAR BYA BA'I BYE BRAG NI BSTAN PAR BYA BA MA YIN PA'I PHYIR TSAD MA GNYIS KYI SPYOD YUL GCIG PAR GYUR PA NI YOD PA MA YIN NO, ,GAL TE 'DI LTAR MTHONG BA LA SOGS PA LA MTHONG BA LA SOGS PA'I THA SNYAD DU BYED PA'I PHYIR JI LTAR MNGON SUM BSTAN PAR BYA BA YIN ZHE NA, 'DI LA 'GAL BA YOD PA MA YIN TE, DER YANG, MTHONG SOGS NYID SGO NAS BSTAN PA, ,RANG GI NGO BO BRJOD PA YIN, ,MTHONG NGO, ,THOS SO, ,SHES SO ZHES BYA BA'I RGYU MTSAN GYI SGRA 'I SGO NAS DON DE RNAMS BRJOD PA YIN GYI RANG GI NGO BO'I SGO NAS NI MA YIN TE, 'DI LTAR MIG GI RNAM PAR SHES PAS MTHONG BAR 'GYUR BA'I DON LA YID KYI RNAM PAR SHES PAS SNGON PO JI LTA BAR SHES SO, ,'DI SNGON PO'O ZHES RJOD PAR BYED DO, ,DER YANG, MING LAS SHES PHYIR RNAM PA GZHAN, ,BSTAN BYA YID KYI RNAM PA GNYIS, ,GANG GI PHYIR MIG GI RNAM PAR SHES PAS SNGON PO MA YIN PA LAS LOG PA'I DON NYAMS SU MYONG BA LA YID KYI RNAM PAR SHES PA THOB PAR NUS SO ZHES THA SNYAD DU BYED PA LA YID GYI RNAM PA GNYIS PO ZHES BRJOD DO, ,RANG GI MTSAN NYID BSTAN BYA MIN, ,ZHES BYAS PAS NA RTOGS PAR BYA BA'I DON GYI BDAG NYID MNGON SUM GYI YUL YIN ZHING SPYI RJES SU DPAG PA'I YUL NYID DU MNGON PAR BRJOD PAS MNGON PAR BRJOD @028A *, ,DO; ,GAL TE 'DI LTAR RJES DPAG THAMS CAD SPYI'I YUL CAN NO ZHES NI BRJOD PAR MI BYA STE, CI'I PHYIR ZHE NA, SPYI MA YIN LA'ANG MTHONG BA'I PHYIR, ,SPYI MA YIN LA'ANG ZHES BYA BA NI MTHONG BA'I RLUNG LA SOGS PA'I RANG BZHIN REG BYA LA SOGS PAS RJES SU DPOG PA'O, ,DE SKAD DU YANG REG BYA NI REG BYA MTHONG BA RNAMS KYI MA YIN NO ZHES BYA BA LA SOGS PAS BRJOD DO ZHE NA, DE MIN MTSON BYA SPYI YIN PHYIR, ,RLUNG LA SOGS PA DE RJES SU DPAG PA NI MA YIN TE, GANG GI PHYIR REG BYA LA SOGS PA'I YON TAN NYID KYI RTEN NYID KYI PHYIR MTSON PA'I PHYIR RAM, YANG NA RLUNG LA SOGS PA'I RANG BZHIN KHYAD PAR CAN DU RJES SU DPAG PA NI MA YIN GYI, GANG GI PHYIR RDZAS NYID TZAM GYI SPYI DE LA REG BYA LA SOGS PA RNAMS KYI RTEN RDZAS NYID DU MTSON PAR BYA BA YIN PA'I PHYIR RO, ,GAL TE KUN GYI RJES THOGS LAS, ,GRUB STE 'DI LTAR KUN GYI RJES THOGS LAS RLUNG LA SOGS PA'I RANG BZHIN RJES SU DPAG PAR GRUB PA'O, ,DE SKAD DU YANG REG BYA NI MTHONG BA RNAMS KYI YANG MA YIN NO ZHES BYA BA LA SOGS PA BRJOD DO ZHA NA, MA YIN TE, DE YOD PAR MA GRUB PA'I PHYIR DANG, LDOG PA YANG MTSUNGS PA'I PHYIR RO, ,RLUNG LA SOGS PA YOD PAR GRUB NA NI MI LDOG PA YANG SRID DE, YON TAN GYI BYE BRAG DANG 'BREL PA LAS YON TAN GYI SPYI BOR NAS YON TAN GYI BYE BRAG GIS RDZAS KYI BYE BRAG RJES SU DPOG PAR BYED LA, REG NA YOD PAR NI GRUB PA MED DO, ,SA LA SOGS PA LAS LOG PA DAND YANG MTSUNGS PAR 'GYUR TE, YON TAN GYI BYE BRAG MA MTHONG ZHING MA MTHONG BA TZAM GYIS MTHONG BA LAS LOG PAR GRUB PA'I PHYIR RO, ,DE LTAR YANG RIGS PA MA YIN TE, MTHONG BA LUS CAN THOGS PA DANG BCAS PA TZAM LAS, YID KYI YON TAN RJES SU DPOG PA'I PHYIR REG BYA LDOG PAR GRUB PA MA YIN NO, ,GANG GI PHYIR MTHONG BA RNAMS LAS MTHONG BA'I PHYIR DANG, MA MTHONG BA RNAMS LAS MA MTHONG BA'I PHYIR REG BYA NI MTHONG BA RNAMS KHO NA'O, ,DE RNAMS NI DU MA YIN PA'I PHYIR 'DI GANG GI YIN ZHES THE TSOM DU NI 'GYUR RO, ,DE'I PHYIR THAMS CAD BKAG NAS RLUNG RJES SU DPOG PA NI RIGS PA MA YIN NO, ,GZHAN YANG, YID CHES TSIG GI SGRUB BYED KYIS, , @028B DE LAS GZHAN LA 'GEGS PAR BYED, ,'DIS KYANG STE, GANG 'DI RDZAS KYI SPYI RJES SU DPAG NAS DE LA YOD PAR RJES SU DPOG PA BOR NAS, YID CHES PA'I TSIG GI TSAD MAS RDZAS GZHAN LA YOD PA BKAG NAS RLUNG LA YOD PA SGRUB PAR BYED PAS NA YANG DE NYID KYI'O, ,DE BZHIN DU GZHAN RNAMS KYI YANG YIN NO, ,DE'I PHYIR RLUNG LA SOGS PA LUNG LAS GRUB PA TZAM DU NI 'GYUR RO, ,GAL TE THA MI DAD DU GRUB CE NA, 'DI LTAR LUNG DANG RJES SU DPAG PA DAG GIS THA MI DAD DU GRUB PA'I PHYIR RJES SU DPAG PA RANG GI MTSAN NYID KYI YUL CAN NYID DU 'GYUR RO ZHE NA, DE NI, MA YIN THA DAD KYANG SRID PHYIR, ,RAB TU GRAGS PA'I DBANG GIS DPE NI BSTAN PAR MI BYA'O ZHES KHA CIG GIS RJES SU DPAG PA LAS SGRA THA DAD DU 'BYED PAR BYED DO, ,DE LTAR GRAGS PA'I PHYIR DPE BSTAN PAR MI BYA BA YIN NA NI DPER NA DUD PA LAS ME RJES SU DPOG PA LTA BU DER DON YOD PA'I RJES SU DPOG PA YANG SGRAR THAL BAR 'GYUR RO, ,GZHAN DAG NI DON GYI SGRA LA THA MI DAD KYI, SGRAS NYE BAR BRTAGS PA STE DON DE NYID RJES SU DPOG PA NI MA YIN NO ZHES BYA BA NI KHYAD PAR RO ZHES ZER RO, ,DE LTA NA YANG SGRAS THA MI DAD DU NYE BAR BRTAGS PA LAS DON RJES SU DPOG GO ZHES JI LTAR BRJOD PAR BYA, SHING GI SGRA'I BRJOD BYA'I DON GZHAN MA YIN PAS RDZAS KYI SGRAS DON DE NYID GO RU ZIN KYANG TSUL GZHAN GYI SGO NAS RDZAS GZHAN MA YIN PA LAS BZLOG PA GO BA YIN NO, ,GAL TE SHING GI SGRAS RDZAS MA YIN PA LAS LOG PA GO BAR BYED DU ZIN MOD KYIS KYANG DON LAS YIN GYI SGRA LAS NI MA YIN NO, ,DE'I PHYIR SKYON MED DE ZHE NA, SKYON DU NI MI 'GYUR LA RAG LA, SHING LA SOGS PA'I TSIG LAS GZHAN PA'I SGRA NYID TSAD MAR BRJOD PAR BYA STE, BYA BA BRJOD PA'I SGRAS KYANG DON GYI TSUL DE NYID GO BAR BYED DO, ,GANG DAG NGAG KHO NA SGRA YIN TE, TSIG NI DE RTOG PAR BYED PA'I RGYU MA YIN LA, SGRA DE'I NGO BO TZAM LAS DON RTOGS PA'I PHYIR RO ZHES KHYAD PAR CAN GZHAN TZAM NYE BAR BLANGS NAS RJES SU DPAG PA LAS SGRA THA DAD DU BRJOD CES BRJOD DO, ,DE LA BSAM PA NI SGRA DANG BRAL BA'I RTAGS DE RJES SU DPAG PAR BRJOD PA YIN NO, ,SGRA YANG YUL THUN MONG MA YIN PA DANG 'BREL BA YOD PA MA YIN PAS @029A *, ,RNAM PA GNYIS KA RJES SU DPAG PA BRTAG PAR BYA STE, MTHONG BA'I DON DANG MA MTHONG BA'I DON NO, ,DE LA MTHONG BA'I DON LA NI MI GSAL BAR BYED PA'O, ,MA MTHONG BA'I DON LA NI RNAM PAR RTOG PA TZAM 'BA' ZHIG STE, DON GYI BYE BRAG RTOGS PAR BYED PA NI MA YIN NO,, GAL TE MTHO RIS LA SOGS PA'I SGRAS DON TZAM BRJOD PA NI MA YIN NA JI LTAR RJES SU DPAG PA NYID DU 'GYUR ZHE NA, YID CHES TSIG KYANG MI SLU BAR, ,MTSUNGS PHYIR RJES SU DPAG PA NYID, ,YID CHES PA'I TSIG NYID BZUNG NAS KYANG MI BSLU BAR MTSUNGS PA'I PHYIR DE YANG RJES SU DPAG PA NYID DU BRJOD DO, ,DE SKAD DU YANG, MING GI LAS RNAMS KYI DON DU MNGON SUM SONG BA'I PHYIR RO ZHES 'BYUNG NGO, ,DE DAG GIS NI PHYOGS DANG GTZO BO LA SOGS PA'I RANG BZHIN LA YANG RJES SU DPAG PA DGAG PAR BYA'O, ,DE'I PHYIR RJES SU DPAG PA'I YUL NI RANG GI MTSAN NYID MA YIN NO, , TSUL GSUM PA'I RTAGS ZHES GANG BRJOD PA DE BRJOD PAR BYA STE, RJES DPAG BYA DANG DE MTHUN LA, ,YOD DANG MED NYID LA MED PA'O, ,RJES SU DPAG PAR BYA BA NI CHOS KYI KHYAD PAR DU BYAS PA'I CHOS CAN NO, ,DE LA MNGON SUM MAM RJES SU DPAG PAS MTHONG GI RJES LA DE'I RIGS DANG MTHUN PA LA YANG SPYI'I TSUL GYIS PHYOGS THAMS CAD DAM PHYOGS GCIG LA YOD PAR GRUB PA'O, ,CI'I PHYIR ZHE NA, DE DANG MTHUN PA KHO NA LA YOD CES NGES PAR GZUNG BA'I PHYIR RO, ,DE DANG MTHUN PA LA YOD PA KHO NA'O ZHES NI BRJOD PAR MI BYA BA'I PHYIR RO, ,MED PA NYID LAS MED PA ZHES PAS NI SLAR YANG DE NYID NGES PAR BYA BA'I DON DU STE, MED PA NYID LA MED PA NYID YIN GYI GZHAN LA YANG MA YIN LA 'GAL BA LA YANG MA YIN NO ZHES PA'I DON NO, ,BSGRUB PAR BYA BA'I RIGS DANG MTHUN PA LA YOD PA DANG MED PA LA MED PA NYID DO ZHES BYA BA DE DAG GIS NI GANG TSUL GSUM PA'I RTAGS LAS RTAGS CAN RTOGS SO ZHES BSTAN PA YIN NO, ,CI STE SHES PAR BYA BA YIN NO ZHE NA SMOS PAR BYA BA MA YIN TE GANG GI PHYIR, 'DI RU SHES PA'ANG THOB PA NYID, ,MA BRJOD PA DE JI LTAR THOB CE NA, SHES BYED SKABS KYI DBANG BYAS PHYIR, ,'DIR GTAN TSIGS NI SHES PAR BYED PA'I DBANG DU BYAS @029B PA'I PHYIR DE YANG RTOG PA PO RANG GI BDAG NYID LA LTOS NAS RTOGS PAR BYED PA'I RGYU YIN GYI, BYED PA PO BZHIN DU LTOS PA MA YIN PA'I PHYIR TSUL GSUM GRUB NA RTAGS SU BRJOD PA YIN NO, ,TSUL RE RE DANG GNYIS GNYIS PA, ,RTAGS DON MIN PAR DON GYIS BYAS, ,DE LA TSUL RE RE BA NI GANG RJES SU DPAG PAR BYA BA LA YOD DO, ,DE DANG MTHUN PA LA NI MED, ,DE MED PA LA NI MED PA MA YIN PA DANG, DE DANG MTHUN PA LA YOD, RJES SU DPAG PAR BYA BA LA NI MED, DE MED PA LA NI SEMS MED PA MA YIN PA DANG, DE MED PA LA MED, RJES SU DPAG PAR BYA BA LA YANG MED, DE DANG MTHUN PA LA YANG MED PA'O, ,TSUL GNYIS PA NI 'DI LTAR RJES SU DPAG PAR BYA BA LA YOD, DE DANG MTHUN PA LA YANG YOD, DE MED PA LA YANG MED PA MA YIN PA DANG, RJES SU DPAG PAR BYA BA LA YOD DO, ,DE MED PA LA MED, DE DANG MTHUN PA LA YANG YOD PA MA YIN PA DANG, DE DANG MTHUN PA LA YOD, DE MED PA LA MED, RJES SU DPAG PAR BYA BA LA YANG MED PA'O ZHES BYA BA DE DAG GIS NI RTAGS LTAR SNANG BA RNAM PA DRUG TU BSGRUBS PAR DON GYIS GO BAR RIG PAR BYA'O, ,DPER NA, SGRA RTAG BYAS PA'I PHYIR LUS CAN, ,PHYIR DANG GZHAL BYA MIN PHYIR RO, ,LUS CAN MIN PHYIR MA NYAN BYA'I PHYIR, ,MIG GIS GZUGNG BA'I PHYIR MI RTAG ,CES PA LTA BU'I, ,'DI LA, KHA CIG GTAN TSIGS MI 'KHRUL PAS, ,CHOS GZHAN DPAG PAR BYA BAR 'DOD, ,KHA CIG NI GANG GI PHYIR ME DANG DUD PA NI LHAN CIG RGYU BA MTHONG GI ME DANG LHAN CIG PA'I SA PHYOGS DANG NI MA YIN NO, ,DE'I PHYIR ME KHO NA DUD PAS RJES SU DPAG PAR BYA BA'O ZHES ZER RO, ,CHOS DANG CHOS CAN DAG GRUB PHYIR, ,'BREL PA DPAG BYAR KHA CIG 'DOD, ,GZHAN DAG NA RE GANG GI PHYIR ME DANG SA PHYOGS DAG NI 'JIG RTEN PA LA GRUB PA NYID DE, DE'I PHYIR ME DANG SA PHYOGS DAG NI MA YIN GYI 'BREL PA DE DUD PAS RJES SU DPAG PAR BYA'O ZHES ZER RO, ,RE ZHIG DE SNGA MA LA LAN BRJOD PA, ,CHOS LA GTAN TSIGS GRUB NA NI, ,DE YIS DE LAS GZHAN CI DPAG ,GAL TE CHOS GZHAN ME LA GTAN TSIGS DUD PA DMIGS PA NYID YIN PA LTA @030A *, ,NA YANG DUD PAS CI ZHIG RJES SU DPAG PAR BYA, DON GANG ME DANG DUD PA DAG GIS 'BREL PA DRAN PAR BYED DO ZHE NA, DE LTAR CHOS CAN DE NYID LA, ,DPAG BYAR CI YI PHYIR MI 'DOD, ,GAL TE ME DANG 'BREL PA'I SA PHYOGS SU DUD PA DMIGS PA LAS RJES SU DPAG PAR BYA BA LTA NA ME DANG LDAN PA'I SA PHYOGS DE NYID RJES SU DPAG PAR BYA'O ZHES CI'I PHYIR MI 'DOD, DER ME YOD PAR MI RTOGS PA NI MA YIN NO, ,GANG DAG 'BREL PA DPAG PAR BYA'O ZHES ZER BDE LA BRJOD PA DANG, 'BREL PA'ANG GNYIS NI YOD MA YIN, ,GANG NA DUD PA YOD PA DE NA ME YOD DO ZHES 'DI LTAR THA SNYAD BYED KYI ME 'AM DUD PA'I 'BREL BA LA SOGS PA YOD PA MA YIN NO, ,GZHAN YANG, DE BZHIN DRUG PA'I SGRA RU 'GYUR, ,'BREL PA RJES SU DPAG PAR BYA BA BYED PA'I LTA NA 'BREL PA CAN GYI MES ME 'DI 'BREL PA ZHES DRUG PA'I SGRA THOB BAR 'GYUR GYI, 'DI NA NI ME'O ZHES NI MA YIN NO; ,GANG GI PHYIR 'BREL PA NI ME 'DI LA'O ZHES DANG PO'I SGRAS BRJOD DO, ,RANG GI CHOS KYI 'BREL PAR NI, ,BRJOD PAR MI BYA'O, ,GZHAN MA BRJOD PA NI DE LTAR RJES SU DPAG PAR BYA BA MA YIN TE, 'ON KYANG, DON SMOS PHYIR, ME 'DI LA ZHES SMRAS PA'I DON DANG 'BREL PAR BRJOD PAR 'GYUR BA'I YIN NO ZHE NA, SNGAR BRJOD PA'I 'THAD PAS DE NI DUD PAS RJES SU DPAG PAR BYA BA MA YIN PA'I PHYIR, ,GTAN TSIGS 'DI DANG 'BREL PA MIN, ,GANG GI PHYIR DUD PA LAS MA GTOGS PA MED NA MI 'BYUNG BA'I 'BREL PA NYID NI BSTAN PAR BYA BA MA YIN TE, 'DI LTAR ME NYID LA'O, , NYES PA DE DAG NI MED DE, GANG GI PHYIR ME DUD PA DANG LDAN PA'I SA PHYOGS DANG MED NA MI 'BYUNG BA'I 'BREL PA BSTAN PAR BYA BA MA YIN YANG DE RJES SU DPAG BYAR BYED PA DE BZHIN DU 'BREL PA LA YANG 'GYUR RO ZHE NA, RNAM GZHAG DE NI SPANG BA STE, CI'I PHYIR ZHE NA, RTAGS KYI 'KHRUL BA MED PA NI, ,CHOS LAS GZHAN DU STON PAR BYED, ,DER GRUB DE DANG LDAN PA YI, ,CHOS CAN GO BAR BYA BA YIN, ,GANG ME DANG DUD PA MED NA MI 'BYUNG BA'I 'BREL PA DE GZHAN DU BSTAN PAR BYAS NAS YUL GZHAN DU DUD PA DE 'BA' ZHIG TZAM MTHONG YANG GANG NA DUD PA YOD PA DE NA ME YOD @030B DO; ,ME DANG LDAN PAR GRUB PA STON PAR BYED DO, ,DE LTA MA YIN NA SA PHYOGS GZHAN DU BSGRUB BYA DANG DUD PA MED NA MI 'BYUNG BA BYE BRAG TU BSTAN PAR MI NUS SO, ,GZHI THUN MONG BA NYID DU BSTAN PA STE GANG NA DUD PA YOD PA DE NA ME YOD DO ZHES BSTAN PA'I PHYIR RO, ,DE'I PHYIR GTAN TSIGS CHOS LAS GZHAN DU MI 'KHRUL PAR BSTAN PA DE LTAR 'THAD PA YIN GYI, CHOS TZAM YANG BSGRUB PAR BYA BA MA YIN LA 'BREL PA YANG MA YIN NO, ,RTAGS KYI RJES SU BSTAN BYA BA'I, ,CHOS LA DPYAD PA GZHAN YANG 'JUG ,RTAGS DANG CHOS DANG CHOS LA MI 'KHRUL PA YOD PA YIN PA BSTAN PAR BYA STE, DE DANG LDAN PA'I CHOS CAN DU GRUB PA DE'I, CHOS DON DU MA GTAN TSIGS KYIS, ,RNAM PA THAMS CAD DU RTOGS MIN, ,GANG DANG 'BREL PA YONGS BCAD NAS, ,CHOS GZHAN DANG BRAL THOB PAR BYED, ,DPER NA ME LA 'BAR BA DANG RNO BA LA SOGS PA DU MA YOD KYANG DUD PAS BYE BRAG DE GO BAR MI BYED DE 'KHRUL PA'I PHYIR RO, ,GANG DANG RJES SU 'BREL PA DE LAS GZHAN PA NI ME MA YIN TE, RDZAS NYID DANG YON TAN NYID LA SOGS PA DE DAG GIS RDZAS MA YIN PA LA SOGS PA LAS LOG PA TZAM 'BA' ZHIG THOB PAR BYED PA STE, DPER NA MES ME YIN PA LAS LOG PA'I RANG DANG 'BREL PA TZAM THOB PAR BYED PA DE BZHIN DU 'DI YANG ME MA YIN PA THAMS CAD LA MA MTHONG BA NYID GZHAN LA NI MTHONG BA YIN NO, ,YON TAN DRI DANG DRI BSUNG SOGS, ,DE YI BYE BRAG GI RIM PAS, ,RDZAS MIN LA SOGS RNAM BCAD NAS, ,AUTPA LA SOGS RE RE RTOGS, , DE LA YON TAN NYID KYIS RDZAS MA YIN PA LAS LOG PA DANG, DRI NYID KYIS SA'I RDZAS MA YIN PA LAS LOG PA DANG, DRI BSUNG BA NYID KYIS DRI NGA BA'I SPYI LAS LOG PA DANG, DRI BSUNG BA'I BYE BRAG GIS AUTPA LA MA YIN PA LA SOGS PA LAS LOG PA RE RE RTOGS PAR BYED PA YIN NO, ,DE LTA MA YIN NA NI, GAL TE MTHONG BA BZHIN GTAN TSIGS, ,SGRUB PA'I SGO NAS 'JUG PA NI, ,THAMS CAD RTOGS PAR MI 'GYUR RAM, ,YANG NA THAMS CAD RTOGS PAR 'GYUR, ,GAL TE YANG DPER NA ME LA DUD PA MTHONG BA BZHIN DU PHYIS KYI TSE YANG 'JUG PAR BYED NA NI NAM YANG RTOGS @031A *, ,PAR MI 'GYUR TE, DPER NA ME MTHA' DAG LA MA MTHONG BA BZHIN DU MI 'DI YANG MI RTOGS PAR 'GYUR RO, ,GAL TE JI LTAR MTHONG BA BZHIN DU RTOGS PAR BYED NA NI GSAL BA DANG RNO BA LA SOGS PA'I BYE BRAG RNAMS KYANG RTOGS PAR 'GYUR RO, ,GAL TE ME MA YIN PA RNAM PAR BKAG STE SPYI'I TSUL GYIS 'JUG PAR BYED NA NI DE'I PHYIR SGRUB PA'I SGO NAS 'JUG PA LA YANG TSUL DE NYID BLTA'O ZHES SHES PAR BYA'O, ,BYE BRAG GI TSUL GYIS NI MA YIN NO, ,GAL TE SPYI LAS YIN GRANG NA, ,DE NI DE LAS GZHAN DU 'GYUR, ,RTEN RNAMS MA MTHONG BA YI PHYIR, ,THA DAD MIN GCIG MTHONG MI 'GYUR, ,RE ZHIG ME LAS GZHAN PA'I ME NYID CES PA'I SPYI NI YOD PA MA YIN NO, ,YOD DU CHUG NA YANG DE MTHONG BA NI MI SRID DO, ,RTEN MTHA' DAG MA MTHONG BA'I PHYIR DU MA RNAMS LAS GNYIS NYID LA SOGS PA'I THUN MONG BA NI YOD PA MA YIN NO, ,GANG DAG SPYI MTHONG ZHING GZUNG BA PO YANG RTEN MA BZUNG BA PO DANG MTSUNGS SHING 'DRA BAR 'GYUR RO, ,GAL TE RTEN GCIG BZUNG BAS KYANG THAMS CAD GZUNG BA YIN NA NI, DE YANG RTEN BZHIN DU DU MAR 'GYUR RO, ,'DI LTAR YANG RJES SU DPAG PAR BYA BA NI CHA SHAS CUNG ZAD TZAM LAS RTOGS PAR BYA STE, CHA SHAS 'DI LTA BU'I TSUL NAS, RTAGS CAN LA NI MI 'GYUR ZHING, ,DE NYID KYI CHOS DU MA NA'ANG, ,CIG SHOS THOB PAR BYED PA YIN, ,DUD PA NI CHA SHAS 'BA' ZHIG MI LAS MI 'KHRUL BA YIN NO, ,DUD PA NYID DANG SKYA BO NYID LA SOGS PA NI, DE NYID THOB PAR BYED PA YIN GYI, RDZAS NYID LA SOGS PAS NI MA YIN TE, 'KHRUL PA'I PHYIR RO, ,YANG BRJOD PA RTAGS CAN GANG RJES 'BREL PA YI, ,RTAGS CAN DE 'DIR RTOGS BYA YIN, ,BYE BRAG RTOGS BYA MA YIN TE, ,DE DAG NYID LAS 'KHRUL PHYIR RO, ,RTAGS CAN RJES SU 'BREL PA'I DON, ,RTOGS BYA RTAGS CAN GYI BYE BRAG ,MA YIN DE LA RTOGS PA PO'I, ,RTOGS PA RAB TU 'KHRUL PA'I PHYIR, ,ZHES BYA BA BAR SKABS KYI TSIGS SU BCAD PA DAG GO, ,CI STE 'BREL PA NI YANG DAG PAR 'PHROD PA BZHIN DU GNYIS KA DANG 'BREL PA YIN PA'I PHYIR RTAGS CAN GYI CHOS RTAGS LA YANG 'GYUR RO ZHE @031B NA; DE NI YOD PA MA YIN TE, ,'BREL PA GNYIS LAS GNAS MOD KYANG, ,RTAGS DANG RTAGS CAN STOBS GCIG PA, ,RTEN DANG BRTEN PA BZHIN YIN GYI, ,YANG DAG 'PHROD PA BZHIN MA YIN, ,'BREL PA GNYIS LA GNAS PAR BDEN MOD KYIS KYANG 'BREL PA TZAM GYIS RTEN DANG BRTEN PA'I CHOS SU 'GYUR BA'AM, BRTEN PA RTEN CAN GYI CHOS DANG THUN MONG DU 'GYUR BA NI GANG NA YANG YOD PA MA YIN NO, ,DE BZHIN DU RTAGS RTAGS CAN DU 'GYUR BA'AM MA YIN TE, GZHAN DU RTAGS DANG RTAGS CAN 'GYUR BA NI GANG NA YANG YOD PA MA YIN NO, ,YANG DAG PAR 'PHROD PA NA JI LTAR GCIG DANG 'BREL PA DE KHO NA LTAR GNYIS PA DANG YANG STE, DE'I PHYIR DE DANG 'DI NI MTSUNGS PA MA YIN NO, ,'DI LTAR, RTAGS DANG RTAGS CAN YOD PA NYID, ,CIG SHOS RTAGS CAN NYID LA YOD, ,RTAGS DANG RTAGS CAN DAG 'BREL PA'I, ,RJES DPAG BZLOG NAS GNAS PA YIN, ,DE'I PHYIR NA RTAGS CAN NI RTAGS LA YOD PA NYID DO ZHES BRJOD DO, ,GANG ME KHO NA LA YOD PA'I DU BA'I RDZAS NYID LA SOGS PA YANG GO BAR BYED PA YIN LA, GSAL BA DANG RNO BA LA SOGS PA NI GO BA MA YIN PA'I PHYIR RTAGS RTAGS CAN NYID DU YOD PA MA YIN NO,, DE'I PHYIR GZHAN DU NI RIGS PA MA YIN PAS GANG DU BA NYID BZHIN DU BA'I SKYA BO LA SOGS PA YANG GO BAR BYED PA MIN ZHING RDZAS NYID LA SOGS PA NI MA YIN NO ZHES BRJOD DO, ,DE LTAR RTAGS DANG RTAGS CAN DU 'BREL BA'I NGES PAR BZUNG BA NI PHYIN CI LOG TU GNAS PA YIN NO, ,CI STE YANG RTAGS YIN YANG RTAGS CAN DU 'GYUR BA NI DPER NA BYAS PA NYID DANG MI RTAG PA NYID LTA BU ZHE NA, RTAGS KYI KHYAB PA 'ANG 'DOD PA STE, ,DE YI CHA NAS RTAGS CAN YIN, ,KHYAB BYED CHA NAS DE GO BYED, ,MA YIN BA LANG RVA CAN BZHIN, ,GANG CUNG ZAD TZAM NAS RTAGS RTAGS CAN DU 'GYUR BA NI YOD MOD KYIS KYANG, DES DE LA KHYAB PA'I TSUL GYIS RTAGS KYI YAN LAG TU 'GRO BA NI MA YIN TE, DPER NA RVA CAN NYID KYIS BA LANG LA KHYAB KYANG DES BA LANG GO BAR BYED PA NI MA YIN GYI KHYAB BYED DE NYID BA LANG GIS GO BAR BYED PA BZHIN NO, ,CI'I PHYIR ZHE NA, SO SOR BKAG PA'I MI 'KHRUL @032A *, ,BA; ,GANG PHYIR 'BREL PA LA LTOS YIN, ,DE PHYIR RTAGS KYI RTAGS CAN LA, ,KHYAD PA BDEN YANG BYED PO MIN, ,BYAS PAS MI RTAG PA LA KHYAB TU ZIN KYANG RTAG PA NYID BKAG NAS GO BAR BYED PA DE BZHIN DU MI RTAG PAS BYAS PA LA KHYAB PA NYID KYIS KYANG MA BYAS PA BKAG NAS GO BAR BYED PA YIN NO, ,DE'I PHYIR MI RTAG PA'I DON LA BYAS PA NYID KYIS KHYAB PA NYID KYIS MA BYAS PA'I GO SKABS YOD PA MA YIN PA'I PHYIR MI RTAG PAS BYAS PA LA MA BYAS PA BKAG NAS GO BAR BYA BA NYID DU 'GYUR GYI GO BAR BYED PA NI MA YIN NO, ,YANG BRJOD PA, BYAS PA NYID KYIS 'JIG PA LA, ,KHYAB KYIS MA BYAS PA YIS MIN, ,RTAG PA MED LA KHYAB PA'I PHYIR, ,MA KHYAB PA YI DON GYIS STON, ,RVA CAN NYID KYIS BA LANG LA, ,KHYAB PAR RVA CAN MIN PA BZLOG ,GLANG LA RVA CAN GYIS KHYAB BZHIN, ,BA LANG GI DON ZLOG BYED MIN, ,ZHES BYA BAR SKABS KYI TSIGS SU BCAD PA DAG GO, ,RANG GI DON GYI RJES SU DPAG PA NGES PAR BSTAN TO, ,RTZOD PA SGRUB PA NAS NI MED NA MI 'BYUNG BA'I DON MTHONG BA DE RIGS PA RJES SU DPAG PA'O ZHES BRJOD DO, ,DE LA, MED NA MI 'BYUNG BA MTHONG BA'I, ,RANG GI RNAM PA TZAM MTHONG NA, ,GAL TE MED NA MI 'BYUNG BA'I, ,MED NA MI 'BYUNG BA DE 'BA' ZHIG TZAM MTHONG BAR 'DOD PA YIN NA NI DE, RIG CES MI BRJOD, CES BYA BA NI 'DIR PHYIS BCUG PA'O, ,CI STE YANG DE RIG CES BYA BA 'DIS, GZHAN NYID DU, BRJOD NA NI LTA BUR GANG LA, GAL TE MED NA MI 'BYUNG BA'I DON GZHAN DU MTHONG BAR 'DOD PA LTA NA NI, 'DI MTHONG ZHES JI LTAR BRJOD PAR BYA, GANG LA DON NI BSGRUB BYA LA ZHE NA, CI STE YANG LHAG MA DON ZHES PAS BSGRUB BYA'I SKABS SU BAB PAS NA DON GANG BSGRUB PAR BYA BA LA MTHONG BA DE RJES SU DPAG PA STE, MED PA MI 'BYUNG BA NYID RIG PA'O ZHES 'DOD PA YIN NA NI DE LTA NA, MED NA MI 'BYUNG ZHES CI DGOS, ,'DI LTAR SNGAR MED NA MI 'BYUNG BA SMOS PAS PHYIS KYANG YOD PA NYID DE, MED NA MI 'BYUNG BA NYID NI DON MTHONG ZHES PAS RIG CING DE RJES SU DPAG PA YIN PA'I PHYIR RO, ,DUD SOGS ME SOGS LA MTHONG LAS, ,GZHAN PA'I DPAG BYA DE RIG GANG, RJES SU DPAG @032B PA NYID DPER BRJOD PA'I ME LA SOGS PA LA DU BA LA SOGS PA MTHONG BA LAS GZHAN PA'I DPAG PAR BYA BA'I DON GANG MED NA MI 'BYUNG BAS DE RIG CES JI LTAR RJOD PAR BYED, CHOS DON DU MA YOD PA LA, ,DE RIG PA ZHES JI LTAR BRJOD, ,CHOS KYI DON DU MA YOD PA LA DU BAS GO BAR BYA BA'I CHA NI GANG YIN, DU BA YANG GANG GI CHA NAS GSAL BAR BYED CES NI MA BSTAN TO, ,RIGS PA CAN RNAMS NA RE DE SNGON DU SONG BA CAN GYI RJES SU DPAG PA NI RNAM PA GSUM STE, SNGA MA DANG LDAN PA DANG, LHAG MA DANG LDAN PA DANG, SPYIR MTHONG BA CAN NO ZHES ZER RO, ,DE LA RE ZHIG MNGON SUM SNGON DU 'GRO BA NI RIGS PA MA YIN TE, GANG GI PHYIR, 'BREL PA DBANG PO'I GZUNG BYA MIN, ,RTAGS DANG RTAGS CAN GYI 'BREL PA NI DBANG PO'I SHES PA'I YUL YANG MA YIN LA RTAGS DANG RTAGS CAN MNGON SUM PA'ANG MA YIN NA DE MNGON DU SONG BA CAN NI RJES SU DPAG PA'O ZHES GANG GIS 'GYUR, JI LTAR NA RJOD PAR BYED, SNGA MA DANG LDAN PA ZHES BYA BA 'DI LA SNGA MA DANG MTSUNGS PAS NA SNGA MA LTA BU'O ZHES LTA BU'I SGRAR 'GYUR BA'AM, 'DI LA SNGA MA'I CHOS YOD PAS NA DE DANG LDAN PA'O ZHES LDAN PA'I SGRAR 'GYUR GRANG NA, DE LAS CIR 'GYUR, THAMS CAD SRID PHYIR LTA BUR MIN, ,THAMS CAD CES BYA BA NI RJES SU DPAG PAS 'BREL PA 'DZIN PA NYAMS SU MYONG BA BZHIN DU PHYIS KYANG RTAGS KYIS RJES SU DPAG PAR BYA BA 'DZIN PAR BYED DO, ,DE'I GCIG SNGON DU SONG BA LTA BU'O ZHES NI BRJOD PAR MI BYA'O, ,'BREL PA GZHAN LAS KYANG 'DI SNGON MA LTAR NA ZHES 'DZIN LA, DES MA MTHONG BA'I PHYIR DANG, MA MTHONG BA'I RJES SU DPAG PA NYID LA LTA BU'I SBRA SBYAR BAR MI BYA'O, ,'KHRUL BA'I PHYIR NA LDAN PA MIN, ,LDAN PAR BYED PA NI RIGS NA, ,SNGAR 'DI RU YOD DO ZHES 'BRAS BU SNGA MA DANG LDAN PAR BYED NA NI YUL DE SHES PA YANG SNGA MA DANG LDAN PAR 'GYUR LA, RGYU LA 'BRAS BU SHES PAR BYED PA DE LTAR NI 'KHRUL PA'I PHYIR TSAD MA MA YIN NO, ,RGYU YOD NA BDEN DU CHUG NA YANG GEGS SRID PA'I PHYIR DANG, RGYU GZHAN MA TSOGS PA SRID PA'I PHYIR 'BRAS BU MI 'BYUNG BA SRID PA YIN NO, ,DE LTAR NA RE ZHIG SNGA MA DANG LDAN PA NI RIGS PA MA YIN @033A *, ,NO; ,LHAG LDAN LA YANG LTA BUR RAM, ,LHAG MA LTA BUR ZHES YANG GA LA TE DE LTA BUR BYED NA NI MNGON SUM PHYI MA DANG YUL MTSUNGS PA'I SHES PA DE YANG LHAG MA LTA BU ZHES 'GYUR LA, DE YANG 'KHRUL PA'I PHYIR TSAD MA MA YIN TE, GZUGS MTSUNGS PA TZAM GYIS, RO MTSUNGS PAR 'GYUR BA'I NGES PA NI YOD PA MA YIN NO, ,DE LTAR NA LHAG MA LTA BU'O ZHES LTA BU'I SGRAR YANG SBYAR BAR MI BYA'O, ,'BREL GZHAN LAS KYANG RTOGS MI 'GYUR, ,LHAG MA DANG LDAN LAS 'GYUR MIN, ,GANG RGYU LHAG MA DANG LDAN PAS LHAG MA DANG LDAN PA YIN NA NI DE'I SHES PA YANG LHAG MA DANG LDAN PAR 'GYUR LA, DE LTAR YANG 'BRAS BU MA BZUNG BA MED NA MI 'BYUNG BA'I 'BREL PA BZUNG NAS RGYU RJES SU DPOG PA MED PAR 'GYUR NA DE YANG MTHONG BA YIN NO, ,DE BZHIN DU BYAS PA LA SOGS PA LAS MI RTAG PA LA SOGS PA RJES SU DPOG PAR YANG 'GYUR RO; ,SNGAR JI LTA BAR BRJOD PA'I RJES DPAG RNAMS LA YANG 'BREL PA RTOGS PAR MI 'GYUR ZHING, ,'BREL GZHAN LAS KYANG RTOGS MI 'GYUR, ,ZHES BRJOD PAR BYA STE, PHYI MA LA MTHONG BA'I PHYIR RO, ,RGYU NYID LA SOGS PA'I 'BREL PA CAN GYIS 'BRAS BU LA SOGS PA'I RNAM PA CAN GYI SHES PA SKYE BA RJES SU DPOG PAR THAL BAR 'GYUR RO, ,'BREL PA CAN NYID TZAM GYI SGO NAS RTAGS DANG RTAGS CAN GYI SHES PA SKYE BA DANG, RNAM PA THAMS CAD DU BDAG NYID THAMS CAD KYIS RGYU DANG 'BRAS BU GZUNG BA'I PHYIR RO, ,DE LTAR NA SNGA MA DANG LDAN PA DANG LHAG MA DANG LDAN PA NI RIGS PA MA YIN NO, ,PHYIR MTHONG BA LA'ANG DE BZHIN DU'O, ,DE YANG RGYU 'BRAS KYI 'BREL PA NYID LAS YUL LA SHIN TU LKOG TU GYUR PA LAS 'JAL BAR BRJOD PAS NA'O, ,RJES DPAG GI SHES PA THAMS CAD KYI TSAD MA'I GZHAL BYA LA, 'BRAS BU GZHAN MA NYID MI ZO BA, ,'BRAS BU MED PAR TSAD MAR 'GRO BA YANG RIGS PA MA YIN TE, BYED PA PO DANG LAS KYI BYA BA DANG 'BRAS BU YIN PA'I PHYIR RO, ,RTAGS KYI SHES PA TSAD MA YIN ZHE NA, 'DI SNYAM DU RTAGS KYI SHES PA TSAD MA LA RJES DPAG GI SHES PA TSAD MA'I 'BRAS BU'O ZHE NA, DE YANG RIGS PA MA YIN @033B NO; ,DE YANG YUL THA DAD LAS NI MA YIN TE, 'DIR YUL GZHAN LA TSAD MAR 'GYUR ZHING GZHAN LA 'BRAS BUR 'GYUR BA NI YOD PA MA YIN NO ZHES SNGAR BRJOD ZIN TO, ,RTAGS KYI SHES PA TSAD MA YIN PA'I LTA NA NI, RNAM PAR DBYE BA'ANG 'GRUB MI 'GYUR, ,GANG RJES SU DPAG PA NI SNGA MA LDAN PA DANG LHAG MA DANG LDAN PA'O ZHES RTAGS CAN GYI DBYE BAS DE DAG 'GRUB PAR MI 'GYUR TE, RTAGS YUL YIN PA'I PHYIR RO, ,GANG YANG SNGA MA DANG LDAN PA'I RJES SU DPAG PA KHO NA RNAM PA GSUM DU 'GYUR TE, DUS GSUM LA 'DZIN PA'I PHYIR RO ZHES PA'I NGES PAR BZUNG BA DE YANG RIGS PA MA YIN NO, ,RJES DPAG THAMS CAD DUS GSUM GYI YUL LA 'JUG STE, DUS GSUM PA CAN NO ZHES BRJOD PA'I PHYIR RO, ,DE LTA BU'O ZHES PA'I PHYOGS LA NI 'BREL PA BSTAN PA MED PA'I PHYIR RNAM PA GSUM NI RIGS PA MA YIN NO, ,DE LA DE LTA BU'I RJES DPAG KYANG BKAG PA YIN NO, ,BYE BRAG PA RNAMS NA RE 'DI NI 'DI'I 'BRAS BU DANG RGYU DANG 'BREL PA DANG DON GCIG LA 'DU BA DANG 'GAL BA CAN NO ZHES BYA BA DE DAG NI RTAGS LAS BYUNG BA'O ZHES ZER RO, ,DE LA RE ZHIG SNGAR, RGYU LAS 'BRAS BU GRUB PA MED, ,RIGS PA CAN GYI RJES DPAG DGAG PA'I SKABS SU SNGA MA DANG LDAN PA DANG PHYI MA DANG LDAN PA'O ZHES BYA BA 'DI LA RGYUS 'BRAS BU RJES SU DPOG PA'I GTAN TSIGS MED DO ZHES BRJOD DO, ,'BREL PA NI RNAM PA GNYIS TE LDAN PA DANG 'DU BA'O, ,DE YANG ME DANG DU BA DANG BA LANG DANG RVA LTA BU'O ZHES SO, ,DE LA RE ZHIG ,LDAN PA'I RTOGS PA GRUB PA MED, ,LDAN PA MNGON PAR MA SHES KYANG MED NA MI 'BYUNG BA 'BA' ZHIG TZAM GYI DRAN PA LAS KYANG MTHONG BA'I PHYIR RO, ,MI RTOGS PAR BYED PA LA 'BREL PA MA BZUNG NA NI GZHAL BYA GSAL BAR BYED PA'I RGYU MTSAN DU RIGS PA MA YIN NO, ,SHES PA'I RGYU NYID LAS DE'I SHES PAR BYED PA YIN PA'I PHYIR RO, ,DE LA YANG LDAN PA PAR GYI ME MED PA'I RGYU MTSAN YIN NA NI ME YANG DU BA'I SHES PA'I RGYUR THAL BAR 'GYUR TE, LDAN PA NI, GNYIS DANG LDAN PHYIR, GNYIS KA YANG GSAL BAR BYED PA NYID DU THAL BAR 'GYUR RO, ,LCAGS GONG DANG SOL ME'I GNAS SKABS SU DUD PA MED PA'I ME @034A *, ,YANG MTHONG BA YIN NO, ,GAL TE DMIGS KYIS BSAL BAS GCIG NI GTAN TSIGS SU MI 'GYUR TE, THE TSOM CAN NI GTAN TSIGS MA YIN NO ZHES DMIGS KYIS BSAL BA YOD PAS NA DE LAS ME'I RGYU NYID DU MI 'GYUR RO, ,ME DU BA DANG GDON MI ZA BAR LDAN PA NI MA YIN ZHING, DU BA NI GDON MI ZA BAR ME DANG NGO ZHE NA, DE YANG MA YIN TE, GANG GI PHYIR THA DANG MIN, PHYIR ZHES PA NI TSIG GI LHAG MA'O, ,LDAN PA NI THA DAD PA MA YIN TE, DE NI GCIG LA JI LTAR BA BZHIN DU GNYIS PA LA YANG YIN PA'I PHYIR GCIG RGYU MA YIN PAR NI RIGS PA MA YIN NO, ,LAN CIG GI 'BREL PA MA ZIN NA NI RGYU 'JAL BAR BYED PA MI 'THAD NA YANG 'DI'I 'KHRUL PA NYID GANG LAS RNAM PAR DPYOD, GANG MED NA MI 'BYUNG BA'I 'BREL PA'I LTAR NA NI 'DIR GNYIS KA NI MA YIN GYI GDON MI ZA BAR GCIG KHO NA RGYU YIN NO ZHES 'THAD PA YIN NO, ,MED DANG LDAN PA'I DU BA NI, ,CHA 'GA' ZHIG LAS MA YIN PAS, ,DU BA'I THAMS CAD GO BYED DAM, ,ME YI BSAL BA'AM GO BYAR 'GYUR, ,LDAN PA'I 'BREL PA LTAR NA NI, ,ME'I RNO BA DANG GSAL BA LA SOGS PA'I BYE BRAG RNAMS KYANG THOB PAR 'GYUR TE, THAMS CAD KYI BDAG NYID KYIS LDAN PA YIN PA'I PHYIR RO, ,DE BZHIN DU YANG DU BA'I RDZAS LA SOGS PA TZAM BZUNG BA'I BDAG NYID DE NAS KYANG ME RTOGS PAR BYED PAR 'GYUR TE, DE RDZAS LA SOGS PA'I DNGOS PO DANG LDAN PA MA YIN PA NI MA YIN NO, ,JI LTAR LDAN PA LA SKYON YOD PA, DE BZHIN DU BA LA SOGS PA'ANG, DE LA YANG BA LA NGAR CAN YANG MA YIN LA YANG NA SER ZAL LA SOGS PA'I BYE BRAG KYANG RDZAS NYID LA SOGS PA'I SPYIS GO BAR 'GYUR RO, ,DE LTAR DON GCIG LA 'DU BA LA 'DU BA MI 'THAD PAR BRJOD DO, ,'GAL PA YANG NI SRID PA'I PHYIR, ,JI LTAR SRID PA LTAR BRJOD PAR BYA STE, GANG RU MNGON DU MA GYUR PA'I 'BYUNG BA YANG RTAGS DANG RTAGS CAN DU BRJOD PAR BYA'O, ,DE BZHIN DU MNGON DU GYUR PA LA YANG BYE BRAG DANG SPYIS PHAN TSUN RTAGS DANG RTAGS CAN DU BRJOD PAR BYA STE, DE CHA 'GA' ZHIG GI SGO NAS 'GAL BA NI MA YIN PA'I PHYIR RO, ,YANG BRJOD PA, RTAGS KYI SPYI GZHAN RTAGS MIN @034B ZHING; ,BYE BRAG RNAMS KYANG RTAGS CAN MIN, ,GZHAN GYI LTAR NA THAMS CAD NAS, ,GO BYA GO BYED DU YANG 'GYUR, ,ZHES BYA BA BSDU BA'I TSIGS SU BCAD BA'O, ,LDAN PA RJES SU DPOG PAR BYED PA'I RGYU YIN NA NI DPAG PAR BYA BA LDAN PA TZAM RTOGS PAR THAL BAR 'GYUR TE, GZHAN DU NA RTAGS LA RTAGS CAN SHES PA'I NUS PA MED PA'I PHYIR RO, ,DE BZHIN DU 'DU BA LA SOGS PA LA YANG BRJOD PAR BYA'O, ,GAL TE 'DIR DUD PAS ME'I YOD PA TZAM GRUB PA NI MA YIN TE, DE SGRUB PA'I PHYIR RO, ,GANG LA DUD PA YOD PA'I SA PHYOGS DER ME DANG LDAN NO ZHES BSGRUB PAR BYA BA STE, DE LTA MA YIN NA 'DIR ZHES PA DON MED PAR 'GYUR BA'I PHYIR RO, ,DE LTAR NA MES KYANG DUD PA'AM ME'I RNO BA LA SOGS PA LA YANG ZHES BYA BA YANG MI 'BYUNG NGO ZHE NA, DE LTAR NA NI DAM BCA' BA'I PHYOGS GCIG GTAN TSIGS SU 'GYUR RO, ,DE'I PHYIR GDON MI ZA BAR RTAGS DANG RTAGS CAN LDAN PA LAS NI MA YIN GYI, 'ON KYANG MED NA MI 'BYUNG BA KHO NA LAS SO, ,YUL DANG DUS LA LTOS SU CHUG ,DE NI YUL LA LTOS KYANG MED NA MI 'BYUNG BA NYID YIN TE, SNGAR SA PHYOGS SU ME MED NA DUD PA MI 'BYUNG BAR DMIGS PA'I PHYIR RO, ,DUS LA LTOS PA'I PHYOGS LA YANG, ,GTZUB SHING GTZUBS PA'I GNAS SKABS NA, ,JI SRID DU ME MED KYI DUS DE SRID DU DUD PA MI 'BYUNG BA'I PHYIR RO, ,DE'I PHYIR DUD PAS ME DPOG PA'I RGYUR LDAN PA YOD PA MA YIN NO, ,'DU BA YANG BA LANG GI RVA YOD PAR DPOG PA'I RGYU MA YIN TE, MNGON SUM PA MA YIN PA'I PHYIR RO, ,'BREL PA YOD DU ZIN KYANG, RGYU NI KHONG DU CHUD MI 'GYUR, ,'BREL PA MA DMIGS PAR MNGON PAR GSAL BAR BYED PA NI MI 'DOD DO, ,'DU BA YOD DU ZIN KYANG RTOGS PA NI MED NA MI 'BYUNG BA NYID DMIGS PA KHO NA LAS YIN PA'I PHYIR, DE KHO NA RGYU YIN NO, ,DON GCIG LA 'DU BA NI RNAM PA GNYIS TE, 'BRAS BU DANG 'BRAS BU GZHAN DANG, RGYU DANG RGYU GZHAN NO, ,DER YANG DPER NA GZUGS REG BYA LTA BU DANG LAG PA DANG, RKANG PA LA SOGS PA LTA BU'O, ,'DI LA YANG DE NYID BRJOD PAR BYA'O, ,'BREL PA YOD DU ZIN KYANG RGYUR NI KHONG DU CHUD MI 'GYUR, DON GCIG LA 'DU BA NI GANG DU YANG MNGON SUM DU MA GYUR TO, ,DON GCIG LA 'DU @035A *, ,BA GNYIS YOD DU ZIN KYANG RTOGS PA NI MED NA MI 'BYUNG BA KHO NA LAS MTHONG BA YIN NO, ,'DIR YANG GZUGS KYIS REG BYA BZHIN, ,REG BYAS KYANG GZUGS GSAL BAR BYED PAR 'GYUR TE, 'BREL PA KHYAD PAR MED PA'I PHYIR, DON GCIG LA 'DU BA NYID LA NI KHYAD PAR YOD PA MA YIN PAS GCIG LAS 'KHRUL PAR BRJOD PA BZHIN DU 'BREL PA LAS KYANG RGYU MA YIN PA NYID DU THAL BAR 'GYUR BA YIN NO, ,GANG DON GCIG LA 'DU BA NI GNYIS KHO NA'O ZHES BRJOD PA DE LA, GZHAN YANG SRID PHYIR GNYIS MA YIN, ,RGYU YANG RGYU DANG 'BRAS BU LAS, ,'BRAS BU'I DON GCIG LA 'DU BA'I RTOGS PA NI MTHONG BA NYID DE, DPER NA MA GYUR PA ZHES BYA BA DANG, MA GYUR PA LAS ZHES BRJOD PA LTA BU'O, ,DE'I PHYIR DON GCIG LA 'DU BA NI RNAM PA GNYIS NYID DO ZHES NGES PAR BZUNG BA NI RIGS PA MA YIN NO, ,'GAL BA NI RNAM PA BZHI STE, MNGON SUM DU GYUR PA LAS MA GYUR PA'O ZHES BYA BA DE LTA BU LA SOGS PA'O ZHES PA 'DI YANG THAMS CAD DU, GANG ZHIG 'GAL BA DE RTAGS YIN, ,SPRIN DANG RLUNG GI SBYOR BA DANG CHAR 'BAB PA NI 'GAL LA RAG NA 'DIR CHAR 'BAB PA NI GTAN TSIGS MA YIN GYI 'ON KYANG DE MED PA YIN NO, ,CHAR MI 'BAB PA DANG SPRIN DANG RLUNG GI SBYOR BA NI 'GAL BA YOD PA MA YIN NO, ,DE BZHIN DU GZHAN LA YANG BRJOD PAR BYA'O, ,GAL TE RTAGS NI RTOGS PA SNGON DU 'GRO BA CAN YIN PA'I PHYIR MNGON DU MA GYUR PA LA SOGS PA'I RTOGS PA GTAN TSIGS MA YIN NO ZHES BRJOD DO ZHE NA, DE NI RTAGS MA YIN TE, 'BREL PA MED PHYIR RTAGS BLO MIN, ,RTAGS KYI BLO LA NI RTAGS CAN DANG 'BREL PA LA YOD PA MA YIN NO, ,HA CANG THAL BAR 'GYUR BAS NA 'BREL PA'I DON DU MDO LAS 'DI NI 'DI'I ZHES SMOS SO, ,'DI NI RTAGS NYID DU RIGS PA MA YIN NO, ,CI'I PHYIR ZHE NA, RTAGS LAS BYUNG BA'I BSTAN PA'I PHYIR, ,DPAG PAR BYA BA'I SHES PA YANG 'BRAS BUR MI 'GYUR ZHING RTAGS BRJOD PA'I DRAN PA TZAM LAS KYANG KHONG DU CHUD PAR THAL BAR 'GYUR RO, ,DE'I PHYIR ZHES BYA BA LAS BSTAN PAS NA DRAN PA LA LTOS PA'I RTAGS KYI SHES PA NYID KYI RTAGS LAS BYUNG BA'O ZHES YIN GYI DE @035B RTAGS NI MA YIN NO, ,GAL TE RGYUR BYAS NAS RTAGS SU BRJOD PA STE, 'DI LTAR DE'I RGYU'I BYE BRAG LA RTAGS KYI SGRA MANG DU BYAS NAS DE LTAR BRJOD PAR BAS SO ZHE NA, DE YANG MA YIN TE, GANG GI PHYIR 'DIR, THAMS CAD RTAGS SU BRJOD MA YIN, ,'DIR BYED PA PO DANG THAMS CAD NI RTAGS MA YIN TE, 'DI LTAR RJES SU DPAG PA NI DE BRJOD PA LAS KYANG 'BYUNG NGO, ,DE LTA MA YIN NA 'DIR BDAG DANG PHRAD PA LA SOGS PA YANG BRJOD PAR BYA BAR 'GYUR RO, ,RTAGS KYI SHES PA RJES DPAG GI NGOS KYI RGYU NI MA YIN TE DRAN PAS BAR DU CHOD PA'I PHYIR RO, ,DES NA DNGOS KYI RGYU NYID DU NI YOD PA MA YIN NO, ,GANG YANG RTAGS NI RTOGS PA SNGON DU 'GRO BA CAN YIN PA'I PHYIR ZHES GANG BRJOD PA DE LA GANG GI PHYIR, DRAN PA 'BREL PA CAN DU 'GRUB, ,'BREL PA CAN GYI RTOGS PAS NI GRUB PA MA YIN NO, ,DE SKAD DU YANG GANG GI PHYIR, ,MA GRUB PA'I RTAGS MA YIN NO ZHES BSHAD PAR BYA'O, ,GAL TE 'BREL PA GCIG NYID LAS RJES DPAG GI RGYUR 'GYUR RO ZHE NA, DE LTAR NI BSTAN BCOS NAS BRJOD PA NYID DE, 'BRAS BU LA SOGS MDOR MA MTSON, ,GANG DAG BSTAN BCOS SU RGYU NYID DANG, 'BRAS BU NYID DANG, RNAM PAR 'GYUR BA NYID KYI PHYIR ZHES PA DANG, DE BZHIN DU YOD PA LA RGYU MA YIN PA'I PHYIR ZHES PA MI RTAG PA NYID DANG RTAG PA NYID KYI RTAGS SU BRJOD KYI, MDOR MTSON PA NI MA YIN NO, ,DE DAG RNAMS LAS GANG YANG RUNG BA CIG 'BRAS BU LA SOGS PA SRID PA NI MA YIN NO, ,JI LTAR MI SRID DE 'DI GANG GSAL BAR BYA BA DANG GSAL BAR BYED PA GRUB PA DE NYID RGYU DANG 'BRAS BU'I DNGOS PO'O ZHE NA, GANG 'DI LTAR GSAL BAR BYED PA TZAM RGYUR 'DOD PA DE'I LTAR NA NI, THA MA GSAL BYED DU MI 'GYUR, ,RGYU RNAMS KYI THA MA LDAN PA LA SOGS PA GANG YIN PA DE GSAL BYED DU MI 'GYUR TE, RGYU LAS THA DAD PA'I PHYIR RO, ,GZHAN YANG, DON MED GZHAN LAS KYANG DE GRUB, ,'BREL PA GZHAN GYIS KYANG DON KHONG DU CHUD PAR BYED DO, ,GANG GI PHYIR 'DI 'DI'I GSAL BAR BYED PA'O ZHES YID KYI RNAM PAR SHES PAS RTOGS PAR BYED PA DE'I RJES SU DPOG PA'I RGYU 'DI DON MED PA NYID DO, ,DE LTA BAS NA RE ZHIG BYE BRAG PA'I RJES SU DPAG @036A *, ,PA NI SGRUB PAR DKA'O, ,GRANGS CAN PA RNAMS NI RE ZHIG 'BREL PA MNGON SUM PA GCIG LAS LHAG PAR GRUB PA NI RJES SU DPAG PA'O ZHES ZER RO, ,DE LA 'BREL PA NI RNAM PA BDUN TE, DE RNAMS GANG YANG RUNG PA'I MNGON SUM PA GCIG GIS LHAG PA'I DON MNGON SUM PA MA YIN PA NGES PAR GRUB PA'I GTAN TSIGS DE NI RJES SU DPAG PA'O, ,RTAGS KYI SHES PA CUNG ZAD MA NGES PAR 'GYUR TE, DON JI LTA PA NI MA YIN NO ZHES KHYAD PAR DU BYA BA'I PHYIR PHYIS KYI RTZOM PA 'JUG STE, MNGON SUM GYI SPYI TZAM LAS NGES PAR MA BZUNG BA'I DON GYI BYE BRAG BSTAN PA LAS BYE BRAG GI RTOGS PA BSKYED PA THAMS CAD DO ZHES SO, ,DE LTA BU 'DOD PA LTAR NA YANG MNGON SUM PA GCIG LAS ZHES PA NI RIGS PA MA YIN TE, GANG GI PHYIR MNGON SUM NI, RANG DON TZAM LAS LTA BA'I PHYIR, ,BA LANG LA SOGS PA'I SPYI DANG BYE BRAG GNYIS KA LA'ANG RNA BA LA SAGS PA 'JUG PA NI MED DO, ,CI STE YANG 'DOD DO ZHE NA MA YIN TE, RNA BA LA SOGS PA'I 'JUG PA THAMS CAD NI MNGON SUM MA YIN TE, DON JI LTA BA MA YIN PA'I PHYIR RO, ,DE'I PHYIR DE NYID BYE BRAG TU BRJOD PAR BYA STE, GZHAN DU THA DAD DU MI BYA BA 'KHRUL PA MED PA ZHES BYA BA LA SOGS PA JI SKAD BRJOD PA BZHIN NO, ,GAL TE MNGON SUM GYI 'BRAS BU LA MNGON SUM ZHES BRJOD PA STE, 'DI LTAR MNGON SUM PA GCIG LAS ZHES 'DIR MNGON SUM GYI 'BRAS BU YIN GYI 'JUG PA LA MNGON SUM MO ZHES BRJOD PA YIN PAS NA DE'I YUL YANG MNGON SUM PAR 'GYUR BAS NA NYES PA MED DO ZHE NA DE YANG RIGS PA MA YIN TE, MNGON SUM NI RANG DON LA LTA BA'I PHYIR GAL TE MNGON SUM SPYI DANG BYE BRAG GNYIS KA'I YUL CAN DU 'GYUR NA NI, DE LTA NA YID KYI 'JUG PA YANG DE'I YUL CAN NYID KYI MNGON SUM DU BRJOD PAR BYA STE, YUL GZHAN LA TSAD MA LA, ,YUL GZHAN LA 'BRAS BU 'GYUR BA NI MED DO ZHES SNGAR BRJOD ZIN TO, ,YUL GZHAN LA MNGON SUM GYI THA SNYAD BYED PA NI RIGS PA MA YIN NO, ,DE NAS 'DI SKAD DU 'BREL PA CAN MNGON SUM PA GCIG CES PA RNAM PA GANG GI SGO NAS YIN ZHES BRJOD PAR BYA'O, ,GAL TE NOR NYID LA SOGS PA'O ZHE NA MA YIN TE, DE NYID NOR CAN DANG 'BREL @036B PA'I PHYIR RO, ,NOR NI NOR BDAG DANG 'BREL PA NYID YOD PAS SO, ,NOR NYID LA SOGS PA'I RJES SU 'BYUNG BA'I DRAN PA DON MED PAR 'GYUR RO, ,GAL TE GZHAN NO ZHE NA, DE NI MA BRJOD DO, ,GAL TE RTAGS 'DZIN PAR MTSUNGS SO ZHE NA, MA YIN TE, DE NI 'BREL PA CAN NYID DU MI 'DZIN PA'I PHYIR RO; ,RJES SU DPAG PAR BYA BA LA YOD PA'I RTAGS LA DUD PA LA SOGS PA NYID DU BZUNG NAS PHYIS DE ME LA SOGS PA MED NA MI 'BYUNG BA NYID DU DRAN PAR BYED DO, ,JI SKAD DU BRJOD PA'I NOR DANG NOR CAN LA SOGS PA'I 'BREL PA GCIG LAS LHAG PA GRUB PA NI RJES SU DPAG PA'O ZHES PA NI MI RIGS TE, GANG GI PHYIR ZHE NA, DE MA SHES PAR DE RTOGS PHYIR, ,NOR DANG NOR CAN LA SOGS PA MA SHES PAR MED NA MI 'BYUNG BA NYID DMIGS PA LAS NGES PA'I PHYIR RO, ,'BREL PA 'DZIN PA NI RJES SU DPOG PA'I RGYU MA YIN TE, SHES PA SNGA MA NYID DE'I SHES PAR BYED PA'I RGYU YIN PA'I PHYIR RO,, THAMS CAD DU NOR DANG NOR CAN LA NGES PAR LTOS SO ZHES PA'I MI 'KHRUL BA NI YOD PA MA YIN TE, DE'I PHYIR 'BREL PA LAS RJES SU DPOGS SO, ,'BREL PA DMIGS NAS YANG MI 'KHRUL BA NYID LA LTOS TE RJES SU DPOG PA NI RIGS PA MA YIN TE, DE NYID GSAL BAR BYED PA NYID DU 'GYUR BA'I PHYIR RO, ,'BREL PA RJES SU DPOG PAR BYED PA'I RGYU NYID YIN NA NI DE TZAM GYI RNAM PAS RJES SU DPAG PAR BYA BA SHES PAR 'GYUR TE, DE LTA MA YIN NA RTAGS LA SHES PAR BYED PA'I NUS PA MED PAR 'GYUR BA'I PHYIR RO, ,'DIR YANG MES DUD PA RJES SU DPOG PAR THAL BAR 'GYUR TE, 'BREL PA KHYAD PAR MED PA'I PHYIR, ,KHYAD PAR MED PA NI RGYU MTSAN CAN DU 'BREL PAR RO, ,MED NA MI 'BYUNG BA NYID KYI ME DANG DUD PA DAG LA NI 'BREL PA'I SKYON DE YOD PA MA YIN TE, GANG GI PHYIR, DE NI GNYIS GNAS MIN PHYIR, DUD PA NYID NI ME MED NA MI 'BYUNG BA YIN GYI; ME NI DU BA MED NA MI 'BYUNG BA MA YIN PAS NYES PA YOD PA MA YIN NO, ,DE LTAR NA RE ZHIG 'BREL PA DE DAG NI YOD DU CHUG KYANG RGYU MA YIN PA NYID DO, ,GNOD BYA GNOD BYED KYI DNGOS PO NI MA 'BREL PA NYID DE, CI'I PHYIR ZHE NA, DE LA RTAGS DANG RTAGS CAN MED, ,GANG GNOD BYA @037A *, ,GNOD BYED NI SBRUL DANG NE'U LE LTA BU STE, DE DAG LA NI RTAGS DANG RTAGS CAN YOD PA MA YIN NO, ,'DI LTAR SPRUL RGYAL BA DANG NE'U LE PHAM PA DAG LA NI 'GAL BA MED DO, ,DE BZHIN DU GZHAN YANG RIG PAR BYA'O, ,GANG YANG RJES SU DPOG PAR BYED PA'I RGYU'I 'BREL PA NI DE DAG NYID DO ZHES NGES PAR BZUNG BAR BYED PA DE LA GANG GI TSE THA DAD PA DANG RJES SU 'GRO BA LA SOGS PA RTOGS PAR BYED PA DE'I TSE 'BREL PA GANG LAS YIN, RGYU DANG RGYU CAN NO ZHE NA, DPYAD PAR BYA STE, CI BSKYED PAR BYA BA DANG SKYED PAR BYED PAS YIN NAM, 'ON TE GSAL BAR BYA BA DANG GSA' BAR BYED PAS YIN GRANG, GAL TE SNGA MA LTAR NA NI 'DI LTAR RJE 'GRO YOD PA MA YIN TE, SO SOR MI BRJOD THA DAD LAS, ,RGYU CAN NI THA DAD PA NYID YIN LA, RGYU NI GTZO BO YIN PAS RJES SU 'GRO BA THA DAD PA LAS STON PA'I GTAN TSIGS NYID KYI SO SOR BRJOD PAR MI BYA'O, ,NYES PA DE NI MED DO, ,RJES SU 'GRO BA GZHAN MIN PHYIR, ,RJES SU 'GRO BA GZHAN THA DAD PA LAS NI MA YIN NO ZHE NA, GAL TE GZHAN MIN RNAM LNGA MIN, ,GAL TE RJES SU 'GRO BA GZHAN THA DAD NYID LAS LTOS PAR MI BRJOD NA, RNAM PA LNGA RU THOB PAR MI 'GYUR TE, DE DAG THA MI DAD PA'I PHYIR RO, ,GTZO BO'I CHA NAS BRGYA LAM NA'ANG, ,SKYED BYED NYID DU 'GYUR MA YIN, ,THA DAD NA YANG SKYE BYED MIN, ,DE LAS KUN TU 'THOB 'GYUR MIN, ,BSKYED PAR BYA BA DANG SKYED PAR BYED PA'I DNGOS PO'I 'BREL PA NI GTZO BO LA SOGS PA NYID KYI CHA NAS MA YIN NO, ,THA DAD NI YOD PA TZAM LA SOGS PAS KYANG RTOGS PAR 'GYUR RO; ;GTZO BO LA SOGS KYI GCIG SOGS, ,THA DAD RNAMS KYI RJES 'GRO NYID, ,LA SOGS GANG LAS YONGS SU 'DZIN, ,DE YI PHYIR 'DI GSAL BYED MIN, ,GANG GI PHYIR THA DAD RNAMS KYI RJES SU 'GRO BA BOR TSOD LA SOGS PAS GTZO BO DANG SKYES BU RTOGS PAR BYED PAS NA DE NYID GTZUG PHUD CAN GYI DON BSGRUBS PAS TE, DE'I PHYIR GTZO BO YOD PA NYID LA SOGS PA RTOGS PAR BYED PA'I GTAN TSIGS YIN GYI, BSKYED BYA SKYED BYED KYI DNGOS PO NI MA YIN NO, ,'DI LTAR GTZO BO YOD PA NYID LA SOGS PA DANG RJES SU 'GRO BA LA SOGS PA DE RJES SU BSGRUBS NA NI, DE BZHIN NOR @037B DANG NOR CAN LA, ,MTSON NAS GSAL BYED MA YIN NYID, ,'BREL PA LAS KYANG DE MTSON PHYIR, ,'BREL MED NYID DU YANG DAG BRJOD, ,'BREL PA CIG SHOS LA NI CHA 'GA' ZHIG LAS RTAGS DANG RTAGS CAN DU 'GYUR GYI GANG NOR DANG NOR CAN LA SOGS PA LA NI MA YIN TE, 'DI LTAR RNAM PA THAMS CAD DU PHAN TSUN GZUNG BA DANG 'DZIN PAR 'GYUR BAS NA'O, ,NOR LA SOGS PA NI CHA GANG GI SGO NAS KYANG GSAL BYED NYID MA MTHONG NGO, ,DE'I PHYIR 'BREL PA GZHAN NYID LAS DON BRJOD PA YIN NO, ,GZHAN YANG, NOR DANG NOR CAN LA SOGS TZAM, ,RTAGS CAN 'DZIN PA YIN NA NI; ,'BREL PA LAS GZHAN SHES PAS NA, ,RNAM PA KUN TU 'DZIN PAR 'GYUR, ,NOR GYI CHA NAS NOR CAN NYID TZAM GSAL BAR BYED CING RTAGS CAN GO BAR BYED PA YIN NA NI 'BREL PA'I SGO NAS 'DZIN PA BOR NAS RTAGS GZHAN LAS NOR GYI DON BRJOD PAR NUS PA MA YIN NO, ,DE LAS SHIN TU 'DAS NA YANG BDAG NYID THAMS CAD NAS RTAGS CAN 'DZIN PAR 'GYUR RO ZHES THAL 'GYUR SEMS PAS CHOG GO, ,DE LTAR RE ZHIG GTZO BO DANG RJES SU 'GRO BA LA SOGS PA RGYU DANG RGYU CAN NYID KYI BSKYED PAR BYA BA DANG SKYED PAR BYED PA PO'I DNGOS PO MA YIN NO, ,GSAL BYA GSAL BYED KYI DNGOS PO'O, ,GAL TE GCIG YIN RNAM BDUN MIN, ,GSAL BYA GSAL BYED KYI DNGOS PO NYID YIN NA NI NOR DANG NOR CAN LA SOGS PA'I THA DAD PA LAS DE DAG RNAM PA BDUN DU DBYE BAR MI BYA'O, ,DE'I GCIG KHON GSAL BYED MA YIN PA MA YIN DU CHUG NA, CIG SHOS RNAMS NI GSAL BYED DU MI 'GYUR RO, ,RGYU DANG RGYU CAN GYI DNGOS PO LAS THA DAD PA YIN PA'I PHYIR 'BREL PA GZHAN NYE BAR DMIGS PA NYID 'DIR 'DI'I GSAL BAR BYED PAR 'GYUR RO, ,DE'I PHYIR RJES SU DPOG PAR BYED PA'I RGYU GZHAN NI DON MED DO ZHES SNGAR BRJOD ZIN TO, ,RGYU DANG RGYU CAN GYI DNGOS PO'I ZHES KYANG BRJOD PAR MI BYA STE, GANG GI PHYIR RJES SU DPOG PAR BYED PA'I RGYU NYID NI GSAL BAR BYED PA NYID YIN PAS NA'O, ,RGYU CAN NYID CES PA NI GSAL BAR BYA BA GSAL BAR BYED PA NYID LA SOGS PA YIN NO, ,GANG YANG LHAN CIG RGYU BA'I DNGOS PO'I 'BREL PA NI GTZO BO LA SOGS PA DANG RJES SU 'GRO BA'I ZHES PA LA'ANG, GAL @038A *, ,TE GCIG YIN RNAM BDUN MIN, ,ZHES PA DE NYID KYI LAN GAD BA PO, ,GANG LHAN CIG TU RGYU BA DE GCIG BU MED NA MI 'BYUNG BA NYID YIN NA NI NOR DANG NOR CAN LA SOGS PA LHAN CIG RGYU BA MA YIN PAS DE DAG LAS RJES DPAG MA YIN PAR 'GYUR RO, ,LHAN CIG RGYU BA'I DNGOS PO LAS LHAG MA DANG LDAN PA'I RJES SU DPAG PA SRID DO ZHES PA NI MA YIN TE, DES DBANG PO LAS 'DAS PA'I DON JI LTAR KHONG DU CHUD, DE'I PHYIR DE LTA BU'I 'BREL BA NI RJES SU DPAG PA'I RGYU MA YIN NO, ,GANG YANG RJES SU DPAG PA NI RNAM PA GNYIS TE, BYE BRAG MTHONG BA DANG SPYI MTHONG BA'O ZHES BRJOD PA DE LA RE ZHIG BYE BRAG MTHONG BA NI RJES SU DPAG PA NYID DU MI 'DOD DO, ,CI'I PHYIR ZHE NA, DE DRAN PAR 'DOD PA'I PHYIR RO, ,SNGAR NYAMS SU MYONG BA'I DRAN PA GZHAG NAS SHES PA GZHAN LA DE 'DI NYID YIN NO ZHES PA NI RJES SU DPAG PA MA YIN NO, ,SPYIR MTHONG BA NI RNAM PA GNYIS PO ZHES PA 'DI LA RE RE 'AM GNYIS KA YANG RUNG STE, DES PAR GZUNG BA RIGS PA MIN, ,JI LTA BUR ZHES PAR GZUNG BAR BYA BA GAL TE RE ZHIG SPYIR MTHONG PA KHO NA RNAM PA GNYIS SE ZHES PA DE LTA NA NI, 'BRAS BU DANG RGYU DAG LAS YANG NAS YANG DU RJES SU DPOG PA MED PAR 'GYUR RO, , CI STE SPYIR MTHONG BA RNAM PA GNYIS KHO NA YIN NA NI NOR DANG NOR CAN DANG LHAN CIG TU RGYU BA DANG, GNOD BYA GNOD BYED KYI 'BREL PA CAN DE RNAMS KYI DANG PO NI RJES SU DPAG PAR MI 'GYUR RO, ,DE DAG NI RGYU 'BRAS KYI DANG PO MA YIN ZHING BYE BRAG 'DZIN PA YANG MA YIN NO, ,DE SKAD DU, YANG SMRAS PA, 'BREL PA BDUN DU BSTAN PA DANG, ,RJES SU DPAG PA GNYIS NYID DANG, ,DE SNGON SONG BA'I RJES DPAG GSUM, ,'DI DAG GANG GI KHONGS SU BSDU, ,GAL TE YANG 'DI LTAR NOR BDAG NI BYED PA PO YIN ZHING NOR NI BYA BA MA YIN NO, ,RJES SU GZUNG PAR BYA BA DANG 'DZIN PAR BYED PA NYID KYI PHYIR RO ZHE NI; DE NI MA YIN TE, 'BREL PA GZHAN MED PAR THAL BAR 'GYUR BA'I PHYIR RO, ,THAMS CAD DU SHES PAR BYA BA DANG SHES PAR BYED PA NYID DU KHAS LEN PAR BYED PA YIN NA NI PHAN 'DOGS PA YIN PA'I PHYIR RO, ,DE DAG NI GNYIS SO ZHES NGES PAR BZUNG BA DE DAG NGES PAR GZUNG BAR MI BYA STE, 'BRAS @038B BU MED PA'I PHYIR, SPYIR MTHONG BA NI RNAM PA GNYIS SO ZHES PA'I TSIG GI 'BRAS BU CI ZHIG YIN, GAL TE GZHAN LA YANG RNAM PA GNYIS YOD PA DE LTA NA NI RNAM PA MANG PO NYID DU 'GYUR RO, ,GANG YANG JI SKAD DU SNGA MA DANG LDAN PA'I RJES SU DPAG PA NI 'KHRUL PA CAN NO ZHES BRJOD PA DE YANG RIGS PA MA YIN TE; 'BREL PA CAN RNAMS LA 'KHRUL PA MED PA'I PHYIR RO, ,RGYU LA NI GEGS BYED PA LA SOGS PA YANG SRID LA 'BRAS BU MED PAR YANG 'BYUNG BA'I PHYIR 'KHRUL PAS NA RJES SU DPAG PA MA YIN NO, ,GAL TE RGYU NYID RJES SU DPAG PAR BYED PA'I RGYU YIN PA'I PHYIR RJES SU DPAG PA NYE BAR BRTAGS NAS BRJOD PAR BYA'O ZHE NA, DE LTAR YANG RIGS PA MA YIN TE, GANG GI PHYIR GAL TE 'KHRUL NA NI, DE RTAGS MIN, CI'I PHYIR ZHE NA, DE LAS NI DON DE'I RTAGS MA YIN TE, THE TSOM BSKYED PA'I RGYU YIN PA'I PHYIR RO, ,DE'I PHYIR 'DIR RJES SU DPAG PA NYE BAR GDAGS PA YANG RIGS PA MA YIN NO; ,RGYU LA 'BRAS BU'I SHES PA DE 'BYUNG BA SRID KYANG RTAGS 'KHRUL PAR NGO SHES PA'I PHYIR RO, ,'KHRUL PAR BRJOD DO ZHE NA, DE NI MA YIN TE, DE'I TSE DE'I RGYU MA YIN PA'I PHYIR RO, ,GANG GI TSE DER DON JI LTA BA MA YIN PA'I NYES PA 'BYUNG BA DE'I TSE NI DE'I RJES SU DPAG PA MA YIN NO, ,GAL TE YANG RGYU DANG 'BRAS BU'I SHES PA DANG MI LDAN PAS YANG 'KHRUL PAR BYED PA NYID MA YIN LA, RAG LAS PA YIN NA NI DE LTAR NA, 'BREL PA GZHAN DAG 'OS PA YIN, DE LTA NA NI GANG MI 'KHRUL BA LA LTOS PA DE NYID MED NA MI 'BYUNG BA NYID DE, DE RJES SU DPAG PA'I RGYU YIN GYI 'BRAS BU DANG 'BREL PA NI MA YIN NO, ,GAL TE RNAM PAR DPYOD PA CAN GYI LHAG MA DANG LDAN PA NYID NI RJES SU DPAG PA STE GZHAN DU GTAN TSIGS NYID LA RJES SU DPAG PAR NYE BAR BRTAGS NAS BRJOD DO ZHE NA, DE BZHIN DU DE'I RJES SU DPAG PA THAMS CAD LA, DPYOD DANG BCAS PAR BRJOD PAR BYA, ,MNGON SUM KYIS SPYI TZAM BZUNG YANG 'DI LA DON GYI BYE BRAG MI NGES PA'I PHYIR TE, DE NA LHAG MA DANG LDAN PA KHO NA RNAM PAR DPYOD PA DANG BCAS PA NI MA YIN TE, YOD PA'ANG DPYOD PA DANG BCAS PHYIR, ,RTAGS YOD PAR GRUB PA 'DI LA CI 'DI LAS 'GYUR RA MA 'ON TE MI 'GYUR ZHES RNAM PAR DPYOD PA'I PHYIR RO, ,'DI LTAR CHU KLUNG GANG @039A *, ,BSAN MI 'KHRUL BA NYID YIN ZHING RNAM PAR DPYOD PA DANG BCAS PA YIN YANG BYA BA DANG BYED PA LAS NI MA YIN TE, MED NA MI 'BYUNG BA LAS YIN PA'I PHYIR RO, ,GAL TE DE LTAR NGES PAR BZUNG BA BYAS PAS GANG SPYI MTHONG BA'I RJES SU DPAG PA DE DAG NI LHAG MA DANG LDAN PA DBANG PO'I YUL LAS 'DAS PA RNAMS YANG DAG PAR RTOGS PAR BYED DO ZHE NA, DE NI RIGS PA MA YIN TE, GANG GI PHYIR, GZHAN PA LAS KYANG RAB TU GRUB, ,GANG GI TSE RJES SU 'GRO BA LA SOGS PA DE NYID NAS YANG NAS YANG DU GTZO BO YOD PA NYID LA SOGS PA RTOGS PAR BYED PA DE'I TSE BYE BRAG MTHONG BA LA YANG KHONG DU CHUD PAR MTHONG BA'I PHYIR NGES PAR BZUNG BA RIGS PA MA YIN NO, ,GZHAN YANG, GTZUG PHUD CAN DON GCIG RTOGS DES, ,LHAG MA DANG LDAN PA'I RJES DPAG GI YAN LAG LAS DE'I GTZO BO GCIG YOD PA NYID KHONG DU CHUD PA NI 'THAD PA STE, DE'I DNGOS PO NYID RGYU YIN PA'I PHYIR RO, ,GAL TE DE'I YANG THA DAD PA LAS RTOGS PAR MI RIGS SO ZHE NA MA YIN TE, DE'I RJES 'GRO LA SOGS PA LAS THA DAD PA NYID 'BRAS BU YIN PA'I PHYIR RO, ,THA DAD THA SNYAD YOD MIN PA'AM, ,CI STE THA DAD LAS GZHAN MA YIN PA'I RJES SU 'GRO BA LA SOGS PA LAS GTZO BO GCIG NYID LA SOGS PA BSROGS PA'I PHYIR LHAG MA DANG LDAN PA'I GTAN TSIGS KYIS CI ZHIG GO BAR BYED CES BRJOD DO, ,DE LTA NA NI RNAM PAR LDAN PA RNAM LNGA BRJOD PAR MI BYA ZHING GTZUG PHUD CAN GYI DON BCU YANG MA YIN NO, ,GZHAN YANG, SKYES BU'I RNAM KUN RTOGS MI 'GYUR, SKYES BU'I YOD PA NYID DAM, MANG PO NYID DAM, THA DAD PA'AM, THA MI DAD PA YANG RUNG RNAM PA THAMS CAD DU RJES SU DPAG PAS GO BAR MI 'GYUR TE, SKYES BU'I RGYU MA YIN PA'I PHYIR RO, ,DE LTA BAS NA GRANGS CAN PA RNAMS KYI RJES DPAG NI RIGS PA DANG MI LDAN NO, ,DPYOD PA RNAMS KYI NI RJES SU DPAG PA LA SOGS PA MNGON SUM SNGON DU 'GRO BA CAN YIN PA'I PHYIR, DE DANG MTSUNGS PA NYID YIN PAS MDOR MA MTSON NO, ,'GREL PA BYED PAS NI NGAG BYED MKHAN GYI BSAM PA RJES SU BZLAS NAS RNAM PAR PHYE'O ZHES ZER RO, ,DE LA, MNGON SUM SNGON 'GRO CAN YIN @039B PHYIR; ,RJES DPAG LA SOGS MDOR MA MTSON, ,ZHE NA DRAN 'DOD ZHE SDANG DANG, ,RTZOL BA LA SOGS TSAD MAR 'GYUR, ,GAL TE MNGON SUM SNGON DU 'GRO BA CAN DE NYID TSAD MA NYID DU SHES ZIN PAS NGAG BYED MKHAN GYI RJES DPAG LA SOGS PA MA BRJOD PA DE LTA NA NI MNGON SUM SNGON DU SONG BA CAN YIN PA'I PHYIR DRAN PA LA SOGS PA YANG TSAD MA GZHAN NYID DU 'GYUR RO, ,'BREL PA BYED PAS GZHAN GZHUNG LAS BTON TE GCIG TU BSTUN NAS NI, RJES DPAG LA SOGS BSTAN PA STE, MNGON SUM SNGON 'GRO CAN MA YIN, ,MNGON SUM SNGON DU 'GRO BA CAN NYID NI 'BREL BA'AM LDAN PA LA SOS PA LA MNGON SUM PA NYID DU BRJOD PAR BYA NA 'BREL PA CAN NAM GNYIS KA LTAR NA YANG RIGS PA MA YIN TE, LDAN SOGS YUL LA DBANG BLO MED, ,YUL LA'ANG DE DAG YOD MA YIN, ,DBANG PO NI THUN MONG MA YIN PA'I YUL CAN NO ZHES SNGAR BRJOD ZIN TO, ,'BREL PA NI DU MA LA BRTEN PA YIN NA DE JI LTAR RTOGS PA MED PA'I DBANG PO'I BLO'I YUL DU 'GYUR, 'BREL PA CAN YANG 'BREL BA CAN NYID DU BZUNG NA NI RJES SU DPAG PA LA SOGS PA NYE BAR MKHO BAR 'GYUR NA MNGON SUM GYIS NI DE LTA MA YIN NO, ,'GREL PA BYED PAS NI PHAL CHER BYE BRAG PA'I RJES SU DPAG PA NYID RJOD PAR BYED PA STE, MTHONG BA'I SPYI DANG MA MTHONG BA'I LA SOGS PAR BYED PA'I PHYIR RO, ,DE LA 'DU BA DANG DON GCIG LA 'DU BA DANG 'GAL BA DANG DE DANG LDAN PA RNAMS NI MNGON SUM PA MA YIN TE, DES NI LDAN PA DANG BCAS PA'I 'BREL PA CAN MNGON SUM PAR GYUR PA YIN PAR 'DOD PA'I PHYIR RO,, DE LTAR KHAS LEN PA LA BRJOD PA, LDAN PA RJES DPAG GIS RTAGS MIN, LDAN PA NI ME DANG DU BA DAG RJES SU DPOG PA MA YIN TE, GNYIS KA'I RGYUR KHYAD PAR MED PA'I PHYIR RO, ,RNAM PA THAMS CAD NAS GO BAR 'GYUR RO ZHES BRJOD ZIN TO, ,LDAN PA CAN NI RANG NGO BOS, ,KHONG DU CHAD PAR BYED MA YIN; ,'BREL PA CAN GYI RANG GI NGO BOS NI RJES SU DPAG PA LA 'GA' ZHIG TU YANG PHAN MI 'DOGS SO, ,GZHAN MIN MNGON SUM YANG MA YIN, ,JI LTAR RTOGS PA DES RJES SU DPAG PA LA PHAN MI 'DOGS PA DE BZHIN DU MNGON SUM LA YANG NGO ZHES SNGAR BRJOD ZIN TO, ,RJES SU DPAG PA @040A *, ,DANG RJES SU BSTAN PA DANG NYE BAR GZHAL BA RNAMS LA NI 'DIR DGAG PA BRJOD PAR MI BYA STE, GANG GI PHYIR, GANG GI PHYIR, GANG DU RJES DPAG LA SOGS 'DI, ,BKAG PA DE BZHIN DE YANG BKAG ,'DIR RANG GI 'DOD PA RJES SU DPAG PA LA SOGS PA CUNG ZAD KYANG BSGRUBS PA MED DO,, 'BREL PA GZHAN MA BSTAN PA'I PHYIR RO, ,'DIR CUNG ZAD BRJOD PA NI BYE BRAG PA'I 'DOD PA KHA CIG LAS SO, ,DES NA DE BKAG PA BZHIN DU 'DI YANG BKAG PAR RIG PAR BYA'O, ,DON GYI GO BA GNYIS KA LA 'GAG PAR BRJOD PAR BYA STE, DON GO RNAMS NI MTHA' GCIG TU, ,NGES PA DANG MTHA' GCIG TU MA NGES PA'O, ,DE LA GANG MTHA' GCIG TU NGES TE, RJES DPAG GANG DU MTHA' GCIG TU NGES PA CAN GYI GO PA NI DPER NA DE 'TSOD PA LAS SNOD DANG RTEN LA SOGS PA'I DON 'DZIN PA LTA BU STE, DE NI 'TSOD PA'I RTAGS GNYID LAS KHONG DU CHUD PAR BYED PA'I PHYIR RJES SU DPAG PA LAS THA DAD PA MA YIN NO, ,CIG SHOS BDZUN, MTHA' GCIG TU MA NGES PA CAN NYID KYI DON GYIS GO BAS NI TAD MA NYID MA YIN TE, THE TSOM GYI RGYU YIN PA'I PHYIR RO, ,DPER NA TZOL BA LAS BYUNG BA'I PHYIR MI RTAG GO ZHES BRJOD PA LAS RTZOL BA LAS MA BYUNG BA'I PHYIR RTAG CES PA MA NGES PA YIN PA BZHIN NO, ,GANG 'DI SKAD DU NAG PA KHYIM NA MED PA LAS PHYI ROL NA YOD PAR MTSON PAR BYED PA NI DNGOS PO MED PA'I TSAD MA NYID DO ZHES BRJOD PA DE LA, NAG PA KHYIM NA MED PA LAS, ,PHYIN YOD PA MTSON PA MIN, ,KHYIM GYI SGRA YI DON LAS 'DIR, ,PHYI NA YOD PAR RAB TU RTOGS, ,NAG PA KHYI MAN MED CES BYA BA 'DI LA KHYIM GYI SGRA'I SBYOR BA NYID LAS NAG PA PHYI ROL NA YOD PAR DON GYIS GO BA YIN GYI, MED PA LAS NI MA YIN NO, ,GAL TE KHYIM DANG PHYI ROL GNYIS KA NA MED NA NI MED DO ZHES BYA BTZAM NYID BRJOD PAR 'GYUR RO, ,DE'I PHYIR ROL DON GYI GO BA NYID NI DNGOS PO MED PA'I TSAD MA GZHAN MA YIN NO, GNYEN PO'I PHYOGS MA GRUB PA LAS, ,PHYOGS GRUB PA RU BRJOD PA YIN, ,GANG DU GRANGS CAN PA RNAMS KYIS GZHAN GYI PHYOGS BKAG NAS RANG GI PHYOGS BSGRUB PAR 'DOD PA THAL BAR 'GYUR PA SEL BA 'DI YANG SEL BA YIN PAR RIG PAR BYA'O, ,RANG GI DON GYI RJES SU DPAG PA NGES PAR BSTAN TO, , @040B TSAD MA KUN LAS BTUS PA LAS RANG GI DON GYI RJES SU DPAG PA STE LE'U GNYIS PA'O,, ,,GZHAN DON RJES SU DPAG PA NI, ,RANG GI MTHONG DON RAB GSAL BYED, ,JI LTAR RANG GI TSUL GSUM PA'I RTAGS LAS RTAGS CAN GYI SHES PA SKYES PA DE BZHIN DU GZHAN LA RTAGS CAN GYI SHES PA BSKYED PAR 'DOD NAS TSUL GSUM PA'I RTAGS BRJOD PA NI GZHAN GYI DON GYI RJES SU DPAG PA STE, RGYU LAS 'BRAS BU BRTAGS PA'I PHYIR RO, ,'DIR YANG TSUL GANG YANG RUNG BA CIG MA SMRAS NA YANG MA TSANG BA BRJOD PAR 'GYUR RO, ,GAL TE RJES SU DPAG PAR BYA BA STON PA NI, ,DAM BCA' BA BYA STE, RTOG GE'I BSTAN BCOS RNAMS SU GZHAN GYI DON GYI RJES SU DPAG PA, DGOD DE JI LTAR YIN ZHE NA, DE NYID DRI BAR BYA'O, ,KHO BO CAG NI, DE LA DPAG BYA BSTAN PA NI, ,RTAGS KYI DON GYI YUL DU 'DOD, ,YAN LAG RNAMS NAS GANG RJES SU DPAG PAR BYA BA BSTAN PA DE NI KHO BO CAG GI SGRUB BYED NYID DU MI 'DOD DE, ,DE NYID THE TSOM SKYED PAR BYED PA'I PHYIR RO, ,'ON KYANG RTAGS KYI DON DU YUL BSTAN PA'I PHYIR DE NI DES BSGRUB PAR BYA'O, ,DE YANG ,RANG GI NGO BO DANG NYID LDAN, ,RANG DANG 'DOD 'GYUR, RANG GI NGO BO KHO NA ZHES BYA BA NI BSGRUB PAR BYA BA'I NGO BO YIN GYI GRUB PA LAS SGRUB PA'I NGO BOS NI MA YIN NO, ,DE BZHIN DU RTAGS MA GRUB PA DANG, DPE LTAR SNANG BA DAG KYANG YONGS SU SPANGS PAR BRJOD PA STE, DE DAG SGRUB PAR 'OS PA'I NGO BOR BRJOD PAR MI BYA'O, ,RANG DANG 'DOD 'GYUR ZHES SMOS PA 'DIS NI RANG GI BSTAN BCOS LA LTOS NAS KHAS BLANGS PAR BSTAN PA YIN NO, ,DE YANG MA BSAL BA'O, ,MNGON SUM DON DANG RJES DPAG DANG, ,YID CHES GRAGS PAS RANG RTEN LA'O, ,GANG SGRUB PAR 'DOD PA'I CHOS KYI KHYAD PAR DU BYAS PA'I CHOS CAN DE LA BSGRUB PAR BYA BA'I CHOS DANG 'GA LA BA'I MNGON SUM DANG, RJES SU DPAG PA DANG, LUNG DANG, GRAGS PA QRNAMS TE, CHOS GZHAN GYIS MA BSAL BA'O, ,DE LTAR NA BSGRUB PAR BYA BA KHA NA MA THO BA MED PAR BSTAN PA YIN NO, ,DE LTA MA YIN NA NI DE LTAR SNANG BA STE, DPER NA SGRA MNYAN DU MI RUNG NGO, ,BUM PA RTAG GO, ,TSAD MAS GZHAL BAR BYA BA'I DON SGRUB PAR MI BYED DO ZHES PA LTA BU DAM BCA' BA TZAM DANG 'GAL BA DANG, GANG YANG THUN MONG @041A *, ,MA YIN PA'I PHYIR RJES SU DPAG PA NI YOD PA MA YIN ZHING SGRAR GRAGS PA DANG 'GAL BA'I DON SBYOR BA NI RI BONG CAN NI ZLA BA MA YIN TE YOD PA'I PHYIR RO ZHES BYA BA LTA BU STE, DE DAG GIS NI CHOS KYI RANG GI NGO BO BSAL BA'I SGO TZAM CIG BSTAN PA YIN NO, ,PHYOGS 'DIS NI CHOS DANG CHOS CAN KYI BYE BRAG GI RANG GI NGO BO BSAL BA YANG MTSON PAR RIG PAR BYA STE, 'DI LTAR DPER NA YAN LAG CAN NI YAN LAG LAS GZHAN MA YIN TE, SRANG MTHO DMAN GYI BYE BRAG MA BZUNG BA'I PHYIR RO, ,YAN LAG DANG YAN LAG CAN DAG NI GZHAN MA YIN TE, MNGON SUM MA YIN PAR THAL BAR 'GYUR BA'I PHYIR RO, ,RDZAS NI YOD PA MA YIN TE, YON TAN GYI RDZAS RNAMS KYI RDZAS RDZAS MA YIN PAR THAL BAR 'GYUR BA'I PHYIR RO, ,GNYIS KA'I RANG GI NGO BO'I BYE BRAG NI, DPER NA SMRA BA'I DON THAMS CAD BRDZUN NO ZHES BYA BA LTA BU'O, ,SMRA BA YOD MOD KYIS KYANG SMRAS PA DANG SMRA BA'I BDAG NYID BRDZUN PA NYID DU 'GYUR BA'I LTA NA NI DE'I SMRA BA'I BDAG NYID DANG YANG BRDZUN PA NYID GNYIS KA RNAM PA THAMS CAD DU BSAL BAR 'GYUR RO, ,DE LTA BU NI GNYIS KA'I RANG GI NGO BO BSAL TO, ,CI STE SMRA BA'I BDAG NYID KYI BRDZUN PA NYID BSAL BA MA YIN NO ZHE NA, DE LTA NA NI GNYIS KA'I BYE BRAG BSAL BA YIN NO, , RIGS PA CAN RNAMS NA RE, BSGRUB BYA STON ZHES PA 'DI LA, GRUB PA MED PAR DON GYIS BYAS, ,BSGRUB BYA SMOS PAS NI GRUB PA LOG PA TZAM DU BSTAN PA'I PHYIR BSGRUB BYA'I BYE BRAG NYID NI MA YIN PAR GNAS SO, ,DE LTA NA NI RTAGS DANG DPE, ,MA GRUB PA YANG BSGRUB BYAR 'GYUR, ,DPER NA SGRA RTAG STE, REG PAR BYA BA YIN PA'I PHYIR BLO BZHIN NO ZHES BYA BA DANG, DE BZHIN DU MIG GIS GZUNG BYA YIN PA'I PHYIR MI RTAG CES BYA BA 'DI YANG BSGRUB BYA BSTAN PA'I PHYIR DAM BCA' BAR THAL BAR 'GYUR RO, ,'DI LA YANG CI CHOS BSGRUB BYA YIN NAM, CI STE CHOS CAN YIN NAM, DE STE GNYIS KA YIN ZHES BRJOD PAR BYA'O, ,DE LAS CIR 'GYUR ZHE NA, BSGRUB BYA CHOS YIN CHOS MTHUN MED, ,GAL TE CHOS CAN MI RTAG PA NYID TZAM BSGRUB BYA YIN PA LTA NA BSGRUB BYA'I CHOS KYI MTHUN ZHES NI SBYAR DU MI BTUB STE, MI RTAG PA NYID KYI CHOS MTHUN PA'I DNGOS PO CAN GYI DPE MED PA'I PHYIR RO, , @041B CHOS CAN BSGRUB BYA'I RTAGS DON MED, ,CHOS CAN BSGRUB BYA YIN PA LTA NA NI SGRA NI GRUB PA YIN PA'I PHYIR BSGRUB BYA SGRUB PA'I GTAN TSIGS DGOD PAR MI BYA'O, ,GAL TE GNYIS KA YIN NA NI SKYON YANG GNYIS KA'O, ,'DI LA YANG BSGRUB BYA BSTAN PA NYID DAM BCA' BA'O ZHES NGES PA GONG DU SBYOR BA'AM, BSGRUB BYA BSTAN PA DAM BCA' BA NYID DO ZHES NGAS PAR BZUNG BAR 'OG TU SBYOR GRANG, DE LAS CIR 'GYUR, GONG DU NGOS BZUNG DON MED 'GYUR, ,CIG SHOS LTAR NA 'DOD MI 'GYUR, ,GAL TE BSGRUB BYA BSTAN PA NYID DO ZHES NGES BZUNG GONG DU SBYOR NA NI SGRUB BYED DU BSTAN PA'I RTAGS LA SOGS PA 'PHANGS ZIN PA'I PHYIR GONG DU NGES BZUNG BYAS PA LAS DON MED DO, ,CI STE BSGRUB BYA BSTEN PA DAM BCA' BA NYID DO ZHES NGES BZUNG 'OG TU SBYOR NA NI RTAGS KYI DPER BRJOD PA'I DON DU BSTAN PA YANG DAM BCA' BAR 'GYUR BA'I PHYIR DAM BCA' BA RIGS PA DANG MI LDAN NO, ,DE BZHIN BSGRUB BYA BRJOD PA LA'ANG, ,DE BZHIN TE RIGS PA CAN RNAMS LA SKYON BRJOD PA DE BZHIN DU RTZOD PA SGRUB PA LA YANG, RTAGS BSGRUB PAR BYA BA DANG, DPE LTAR SNANG BA BRJOD PAR YANG DAM BCA' BAR THAL BAR 'GYUR RO, ,GAL TE DE NI YOD PA MA YIN TE, DE LA NI, PHYOGS LHAG PHYIR NA SRID MA YIN, ,RTZOD PA BSGRUB PA NI BSGRUB BYAR BRJOD PA TZAM DAM BCAR 'GYUR BA MA YIN GYI 'DI LTAR PHYOGS BSGRUB BYA YIN NO, ,PHYOGS DE CI ZHIG RNAM PAR DPYAD PA'I 'DOD PA DON TE, DE PHYOGS YIN PAS BSGRUB BYA TZAM DE RTAGS MA GRUB PA LA SOGS PAR BRJONG PA YANG DAM BCA' BAR 'GYUR RO ZHES PA'I SKYON NI MED DO ZHE NA SKYON JI LTAR NA MED DE DE LA YANG, RNAM PAR DPYAD PA'I 'DOD PA 'DI, ,MI 'DOD PA LAS LOG PA TZAM, ,DE NI MI 'DOD PA LOG PA TZAM YIN PAR BAS SO, ,DES NA JI LTAR BSGRUB BYA'I BYE BRAG GO BAR BYED, RNAM PAR DPYAD PA'I 'DOD PA NI 'DI RTAGS YIN NAM MA YIN ZHES MING GI GZUNG BYA LA YANG DPYAD PAR NUS PA'I PHYIR DE YANG DAM BCA' BAR BRJOD PA YIN NO, ,BSGRUB BYA GZUGS BRNYAN DANG BCAS PA BSTAN TO, ,RIGS PA CAN RNAMS NA RE DAM BCA' BA GTAN TSIGS DANG 'GAL BA DAD DANG DAM BCA' DANG 'GAL BZHES BYA BA DE DAG DAM BCA' BA'I SKYON YIN TE, DPER NA SGRA RTAG PA @042A *, ,DE THAMS CAD MI RTAG PA'I PHYIR RO ZHES BYA BA LTA BU'O ZHES ZER RO, ,DAM BCA' GTAN TSIGS DANG 'GAL BA, ,DAM BCA'I SKYON ZHES RIGS PA MIN, ,'DIR NI DAM BCA' BA DANG GTAN TSIGS SU 'GAL LO ZHES PA GNYIS KA RIGS PA MA YIN TE, JI LTAR ZHE NA, LEGS PAR MA BSLABS PA RNAMS KYIS, ,DE NI CHOS MI MTHUN DPES BRJOD, ,GANG GTAN TSIGS KYI SBYOR BA 'DI DAM BCA' BA DANG 'GAL BAR BRJOD PA NI RIGS PA MA YIN TE, 'DI LTAR CHOS MI MTHUN PA'I DPE'I SBYOR BA NYID KYIS YIN PAS NA'O, ,DER NI 'DI LTAR SBYOR BA BYAS NAS MDZES PAR 'GYUR RO, ,SGRA RTAG STE THAMS CAD MI RTAG PA'I PHYIR ZHES PA NI THAMS CAD MA YIN PAS MED PA'I PHYIR ZHES DON NO, ,DE LTA NA NI CHOS MI MTHUN PA'I DPES BSGRUB BYA MED PA LAS GTAN TSIGS MED PAR BSTAN PA YIN NO, ,RTAG NYER 'JAL GYIS 'DIR BSGRUB BYA, , MA YIN, NYE BAR 'JAL BAS NI 'DIR SGRA LA THAMS CAD CES BYA BAS THAMS CAD CES BYA BAS THAMS CAD MA YIN PA NYID RTAGS SU BRJOD PA NI MA YIN NO, ,DE NI MA GRUB PA STE THAMS CAD KYI KHONGS SU SGRA YANG 'DUS PA'I PHYIR RAM, ,DAM BCA' BA'I PHYOGS GCIG YIN PA'I PHYIR RO, ,GAL TE THAMS CAD MI RTAG CES PA LA THAMS CAD KYI SGRAS SGRA DANG BCAS STE BRJOD NA NI DE LTAR NA THAMS CAD KYI KHONGS SU SGRA YANG 'DUS PA'I PHYIR THAMS CAD MA YIN PA NYID NI MED DO, ,JI LTAR MED DE, GANG GI TSE 'DI PHYOGS GCIG YIN PA'I PHYIR THAMS CAD MA YIN PA'O ZHE NA, DE LTA NA NI GZHAN LA YANG PHYOGS GCIG YIN PA NYID DO, ,THAMS CAD MA YIN PAS SO, ,DE LTA NA NI THAMS CAD MA YAN PA MI 'DOD PAR 'GYUR RO, ,CI STE DE LTA NA YANG DAM BCA' BA'I SKYON NYID DU 'GYUR TE, MI RTAG PA NYID KYIS RTAG PA NYID BSAL BA'I PHYIR ZHE NA, SGRA LA YOD PA NYID SEL BAR 'GYUR BA NI MA YIN PA'I PHYIR SGRA LA YOD PAR BRJOD PA YIN PAS NI CHOS MI MTHUN PA'I DPE'I SBYOR BA NYID DU SBYAR BAR BYA'O, ,CI STE SGRA DANG BRAL BA THAMS CAD DE SGRA NYID THAMS CAD MA YIN PA'O ZHE NA, DE YANG DAM BCA' BA'I DON GYI PHYOGS GCIG YIN PA'I PHYIR MA GRUB PA STE, DPER NA MI RTAG STE MI RTAG PA'I PHYIR ZHES PA @042B BZHIN NO, ,SGRA ZHES PA MA GRUB PA'I DON NYID YIN PA DE BZHIN DU THAMS CAD YOD PA MA YIN PA'I PHYIR ZHES PA'I GTAN TSIGS KYANG NGO, ,CI STE 'DUS PA RNAMS GZHAN GYI DON BYED DE, 'DUS PA YIN PA'I PHYIR ZHES BYA BA DANG, DE BZHIN DU 'DUS BYAS MI RTAG STE 'DUS BYAS YIN PA'I PHYIR ZHES BYA BA DE DAG LA YANG DAM BCA' BA'I DON GYI PHYOGS GCIG GTAN TSIGS SU 'GYUR BA MTHONG NGO ZHE NA, 'DIR 'DUS PA DANG 'DUS BYAS THAMS CAD NI DAM BCA' BA'I DON MA YIN TE, DPE MED PAR 'GYUR BA'I PHYIR RO, ,'ON KYANG 'DI LTAR MIG LA SOGS PA DANG, 'DUS BYAS KYI PHYOGS GCIG YIN NO, ,CI STE YANG SGRA NYID THUN MONG MA YIN PAR 'GYUR RO ZHE NA, DE LTAR 'GYUR BA'I NUS PA NI MED DO, ,DAM BCA' BA'I DON GYI CHOS NI THUN MONG MA YIN PA STE MNYAN PAR BYA BA NYID THUN MONG MA YIN PAR RIGS KYI SGRA LA NI SGRA GZHAN MED PA'I PHYIR DE LTA MA YIN PAS MA GRUB PA NYID CES BYA BA'I GTAN TSIGS KYI SKYON YIN NO, ,DPE'I SKYON YANG DAM BCA' BA'I SKYON MA YIN NO, ,RTZOD PA SGRUB PAR NI 'DI 'GAL BA'I GTAN TSIGS LTAR SNANG BA NYID KYI KHONGS SU BSDUS TE, MTSAN NYID DE LTA BU LAS NI, ,'GAL BA DANG LDAN MIN, DER NI 'GAL BA RNAM PA GNYIS SU BSTAN TE, DAM BCA' BA'I DON DANG 'GAL BA DANG, GRUB PA'I MTHA' DANG 'GAL BA'O, ,DE GNYIS KA YANG 'DIR MI SRID DO, ,DE GNYIS KA YANG 'GAL BA NYID MA YIN NO ZHES BSTAN PAR BYA'O, ,DE LTAR BSGRUB BYA BSTAN NAS, DA NI GTAN TSIGS BSTAN PAR BYA STE, DE LA, GANG ZHIG BSGRUB BYA'I CHOS KYI RTAGS, ,DE LTAR SNANG BA PHAL CHE BAS, ,DES NA GTAN TSIGS SOGS DON GYI, ,SNGON DU RGYAS PAR DE BSTAN BYA, ,MTHUN PHYOGS LA YONG MED RNAM GNYIS, ,PHYOGS KYI CHOS LA YANG RNAM GSUM, ,MI MTHUN PHYOGS LA'ANG SO SOR NI, ,YOD MED GNYIS KA'I BYE BRAG PHYIR, ,GANG GI PHYIR 'DIR PHYOGS CHOS RNAM PA DGUR BSTAN PA DE'I PHYIR DE NYID SNGAR BRTAGS PAR BYA['O, ,RE ZHIG CI STE 'DIR PHYOGS KYI CHOS SU 'GYUR ZHE NA, JI LTAR NI MI 'GYUR, GANG GI PHYIR CHOS CAN NI GRUB ZIN PA'I PHYIR SGRUB PAR MI 'DOD PAS NA NYES PA MED DO, ,GANG @043A *, ,GI PHYIR, BSDUS PA BSGRUB BYA YIN PA'I PHYIR, ,CHOS DANG CHOS CAN KHA YAR BA, ,DNGOS SU YIN YANG DE PHYOGS GCIG ,YIN PHYIR BSGRUB BYAR RTAGS NAS BRJOD, ,BSDUS PA'I DON RJES SU DPAG PAR BYA BA YIN PAR NI SNGAR BSHAD ZIN TO, ,DE DNGOS KYI BSGRUB BYA BSDUS PA'I YAN LAG GI DON CHOS TZAM DANG CHOS CAN KHA YAR BA LA NI NYE BAR BTAGS NAS YIN PAR BRJOD DO, ,DE'I CHOS YIN PA'I PHYIR NYES PA MED DO, ,DPER NA RAS YUG TSIG GO ZHES BYA BA BZHIN NO, ,'DI LA YANG GNYIS KA LA GRUB CHOS DE LAS, ,THA SNYAD YIN PHYIR GNYIS KA LA'AM,, GANG YANG RUNG BA LA BZLOG PA'AM, ,THE TSOM CHOS GRUB 'DOD MA YIN, ,'DIR GNYIS KA LA PHYIN CI LOG TU GRUB PA NI, DON GYI SHUGS KYIS GTAN TSIGS NYID DU MI 'DOD DE, DPER NA SGRA MI RTAG STE, MIG GI GZUNG BYA YIN PA'I PHYIR ZHES BYA BA LTA BU'O, ,GANG YANG RUNG BA LA STE GCIG TU PHYIN CI LOG TU YANG GRUB PA NI DPER NA MNGON PAR GSAL BAR SMRA BA LA BYAS PA NYID LTA BU'O, ,GNYIS KA'AM GANG YANG RUNG BA LA THE TSOM DU GYUR BA NI DPER NA DUD PA NYID THE TSOM ZA BA LAS ME SGRUB PA LTA BU'O, ,CHOS GRUB PA NI DPER NA BDE BA LA SOGS PA THAMS CAD YOD PA'I PHYIR BDAG KHYAD PAR YOD DO ZHES BYA BA LTA BU'O, ,'DI LA'ANG PHYOGS KYI CHOS NYID DU, MI 'DOD THAMS CAD SUN 'BYIN DU'ANG, ,'DI LTAR CIG SHOS SU GNYIS KAR RAB TU GRUB NA NI, ,SUN 'BYIN PA'AM GRUB PA YIN, ,GANG ZHIG GNYIS KA LA RAB TU GRUB PA'I PHYOGS KYI CHOS MA YIN PA NI DPER NA MIG GI GZUNG BYA NYID LTA BU STE DE NI SUN 'BYIN PA'O, ,SGRUB PA NI DPER NA RKYEN GYI BYE BRAG GIS THA DAD PA'I PHYIR ZHES BYA BA LTA BU'O, ,GZHAN NI 'DI LTAR SGRUB PA MA YIN, SUN 'BYIN PA YANG MA YIN PAS DER GANG GIS RTOGS PA BSKYED, GZHAN GYIS SLAR YANG BSGRUBS NA 'DOD, ,GAL TE PHYOGS KYI CHOS NYID DU BSGRUBS NA DE SGRUB BYED YIN ZHING CI STE PHYOGS KYI CHOS MA YIN PA NYID DU BSGRUBS NA DE SUN 'BYIN PA YIN NO, ,PHYOGS KYI CHOS KYI SGRUB PA NYID NI, CHOS CAN CHOS CAN GYIS SGRUB MIN, ,CHOS DES CHOS KYANG MA YIN GYI, ,'DI LTAR CHOS KYI CHOS SGRUB CING, ,SGRUB PHYIR @043B CHOS CAN YANG DE BZHIN, ,DE LA RE ZHIG GANG DAG 'DI SKAD DU DUD PAS ME SGRUB PA NI CHOS CAN GYI CHOS CAN SGRUB PA'O ZHES ZER RO, ,DE YANG RIGS PA MA YIN TE, DE LA ME'I YOD PA RTOGS PA NI MA YIN GYI 'DI LA'O ZHES RJOD PAR BYED DO, ,GAL TE DER DUD PA DANG 'BREL BA BSGRUB BYAR BYED NA NI DAM BCA' BA'I DON GYI PHYOGS GCIG GTAN TSIGS SU 'GYUR RO, ,RJES SU DPAG PAR BYA BA DU BA LA ME MTHONG BAR YANG RIGS PA MA YIN TE, RJES SU DPAG PA MED PAR THAL BAR 'GYUR BA'I PHYIR RO, ,DE'I PHYIR 'DI LA'O ZHES GDON MI ZA BAR SA PHYOGS KHAS BLANG BAR BYA STE, DE YANG CHOS CAN NYID YIN NO, ,'DIR YON TAN DANG YON TAN CAN NYID KYI TSUL NAS CHOS DANG CHOS CAN GYI RNAM PAR GZHAG PA BYED PA NI MA YIN NO, ,DE LTAR NA RE ZHIG CHOS CAN GYI CHOS CAN BSGRUB PAR BYA BA YANG MA YIN NO, ,CHOS CAN GYI CHOS CAN BSGRUB PAR BYA BA YANG MA YIN NO ZHES BRJOD PAR BYA STE, DE LA GANG DAG MES REG BYA SGRUB PAR BYED DO ZHES ZER RO, ,DE NI RIGS PA MA YIN TE, 'DI LA'O ZHES BRJOD PA'I PHYIR SNGAR BZHIN NO, ,GAL TE RE ZHIG RIGS PA NYID YIN TE, DU BA THAMS CAD LA ME MA MTHONG BA'I PHYIR RO, ,SA PHYOGS KYI BSGRUB BYA NYID YIN YANG ME'I BYE BRAG DRO BA BSGRUB BYA YIN PA'I PHYIR SA PHYOGS BRTAGS PA DON MED DO, ,DAM BCA' BA'I PHYOGS GCIG GI GTAN TSIGS MA YIN TE, ME'I BYE BRAG BSGRUB BYA YIN PA'I PHYIR DANG, SPYI GTAN TSIGS YIN PA'I PHYIR RO ZHE NA, ME'I BYE BRAG BSGRUB BYA YIN NO ZHES BYA BA NI SA PHYOGS KYI KHYAD PAR BYAS PA'I DU BA'I BSGRUB BYA NYID DU KHAS BLANG BAR BYA'O, ,DER SA PHYOGS KYI BYE BRAG LA CI'I PHYIR ZHE SDANG, ME'I BYE BRAG LA GANG GIS NA NGO SRUNG BAR BYED, GANG DAG CHOS KYI CHOS MI BSGRUB CING CHOS CAN YANG MI SGRUB PO ZHES SMRA BA NI, DPER NA GTZO BO GCIG YOD DE THA DAD RNAMS DANG RJES 'GRO MTHONG BA'I PHYIR ZHES BA LTA BU'O, ,DER NI THA DAD PA NYID RGYU GCIG PA NYID DU BSGRUB PAR BYA BA DANG, 'DI LTAR G-YO DUM LA SOGS PA RGYU GCIG PA NYING DU DPER BRJOD PA BZHIN NO, ,DE'I PHYIR CHOS GZHAN NYID BSGRUB PAR BYA BA YIN NO, ,CI'I PHYIR ZHE NA, SGRUB PHYIR CHOS @044A *, ,CAN YANG DE BZHIN, ,DE BZHIN ZHES BYA BA NI CHOS GZHAN PO DES KHYAD PAR DU BYA BA'I CHOS CAN BSGRUB BYAR BSTAN PA STE, GANG GI PHYIR DE LTA YIN PA DE'I PHYIR, GTAN TSIGS KYI CHOS DANG BSGRUB PAR BYA BA'I CHOS MED NA MI 'BYUNG BAR BSGRUB PA YIN NO, ,GZHAN GYIS SBYOR BA'I DOGS PA BSU BA'I PHYIR SMRAS PA, DAM BCA' RTAGS KYI NGAG GIS GANG, MI 'DOD PA LA THAL BA RTZOM, ,DE NI LEN ZHES SHES BYA STE, ,DE YI SGO NAS SBYOR PHYIR RO, ,DPER NA SGRA RTAG PA MA YIN TE, LAS RTAG PAR THAL BAR 'GYUR BA'I PHYIR RAM, RTAG TU DMIGS PAR THAL BAR 'GYUR BA'I PHYIR RO, ,PHYOGS KYI CHOS DE YANG GTAN TSIGS NYID DU, GTAN TSIGS BSGRUB BYA'I RJES 'GRO GANG, ,MED LA MED PAR BRJOD PAR BYA, ,DER NI LNGA PA'I MTHA' CAN DPE, ,'DI LTA STE DPER NA SGRA MI RTAG STE, BYAS PA MI RTAG PA'I PHYIR ZHES PA'AM, RTAG STE MA BYAS PA'I PHYIR ZHES BYA BA LTA BU'O, ,'DI LA PHYOGS KYI CHOS NYID DU NI YOD PA MA YIN GYI, DPE'I MTSAN NYID DU YOD PA MA YIN PAS NA, RTAGS NI NYI BAR SBYAR LAS 'DOD, ,'DIR PHYOGS KYI CHOS NI NYE BAR SBYAR BA LAS BSTAN PAR BYA STE, DE LTA BU YANG, SGRA BYAS SO ZHES PA'AM MA BYAS PA MA YIN NO ZHES PA BZHIN NO, ,GANG DU BSAL 'ONGS KYI BRJOD NA, GTAN TSIGS MED PAR 'GYUR BA NI, ,DPE GNYIS LAS DE GRUB PHYIR RO, ,GANG YANG BSAL TE 'ONGS PAS BRJOD NA NI GTAN TSIGS MED PAR THAL BAR 'GYUR BAS BRJOD PAR BYA'O, ,DE BSAL BA LAS SKYE BA NI MA YIN TE, RGYU LA MED PAS NA THA DAD DU THAL BAR 'GYUR BA'I PHYIR RO, ,DE LA MED PA SNGON DU SONG BA CAN GYI THA DAD DMIGS PAR 'GYUR NA NI RJES SU 'GRO BA DMIGS PAR MI 'GYUR TE, PHYIN CI LOG TU SGRO 'DOGS PA MI 'DOD PAR THAL BAR 'GYUR BA'I PHYIR RO, ,'DI LTAR GANG GI PHYIR RJES SU 'GRO BA GCIG SNGON DU 'GRO BA CAN NI MTHONG ZHING DE MED PA LA MA MTHONG BA DES NA GCIG SNGON DU SOG BA CAN NO, ,DE KAS MI LEN YANG RJES SU 'GRO BA MED PAR THAL BAR 'GYUR RO, ,DE YANG MED DO ZHES BYA BA DE NYID RJES SU 'GRO BAR BRJOD PA YIN NO, ,DES NA RNAM LDAN LAS GZHAN @044B MIN; ,RJES SU 'GRO BA YOD PA MA YIN TE, THAL BAR 'GYUR BA'I PHYIR RO ZHES PA DANG, 'DI LA KHYAD PAR CI YOD, YANG 'DIR THAL BA GZHAN BRJOD PA GTZO BOR YOD PA MA YIN TE, LONGS SPYOD PA PO DANG LONGS SPYAD PAR BYA BA DAG YON TAN DANG YON TAN CAN NYID DU THAL BAR 'GYUR BA'I PHYIR RO ZHES PA DANG, RDZAS YOD PA MA YIN TE, YON TAN RNAMS KYANG RDZAS SU 'AM, ,RDZAS RDZAS MA YIN PAR THAL BAR 'GYUR BA'I PHYIR RO ZHES BYA BA DE JI LTAR BSAL DE 'ONGS PA YIN 'DI NI BSAL TE 'ONGS PA MA YIN TE, GANG GI PHYIR, THAL 'GYUR PHYOGS CHOS CAN MIN PHYIR, , KHAS BLANGS SNGON DU SONG BA LAS, ,DE BZHIN RTAGS DANG DAM BCA' YI, ,SKYON BRJOD SUN 'BYIN DU SHES BYA, ,'DIR GTZO BO YOD PA NYID KYIS GTAN TSIGS YON TAN RNAMS KYI RJES SU 'GRO BA SGRUB PA'I PHYIR 'BRAS BU GCIG PA NYID GTAN TSIGS SU BRJOD DO, ,'DIS KHAS BLANGS PA NI GANG MA MTHONG BA'I SPRO BA LA SOGS PA'I 'BRAS BU STE, DE YON TAN GYI RJES SU 'GRO BA NYID BZHIN DU BYAS NAS LONGS SPYOD PA PO LA YANG THAL BAR 'GYUR BA'I PHYIR MA NGES PA'O, ,KHAS MI LEN YANG LONGS SPYOD BYA BA MA YIN PA NI YON TAN MA YIN PA'I GTAN TSIGS MA GRUB PA NYID YIN NO, , RDZAS KYANG RDZAS NYID DU LDAN PA LAS YIN ZHING DE MED PA KHAS BLANGS PA'I YON TAN RNAMS KYANG RDZAS NYID DU 'GYUR TE, LDAN PA YOD PAS NA'O ZHES LDAN PAS BSAL BA YIN TE, LDAN PA'I 'DU BA GCIG PA'I PHYIR RAM, THAMS CAD DU SONG BA'I PHYIR RO, ,CI DE DAG KYANG RDZAS NYID DU THAL BAR 'GYUR RO, , RJA SA NYID KYANG LDAN PA'ANG LDAN PA YANG RDZAS NYID DU KHAS BLANG BAR BYA STE, RDZAS MI YIN PA YANG RDZAS BZHIN DU RDZAS YOD PAR 'GYUR RO ZHES DAM BCA' BA'I SKYON YIN TE, RDZAS RDZAS MA YIN PA NYID KYIS BSAL BA'I PHYIR RO, ,CE STE YANG YON TAN RNAMS KYANG RDZAS DANG LDAN PA'I PHYIR RDZAS NYID NGU THAL BAR 'GYUR BA NA MA NGES PA NYID DU 'GYUR RO ZHEN, ,DE SKAD DU SMRA BAR MI NUS TE RDZAS NYID DANG LDAN PA'I GZHAN RDZAS NYID YIN PA NI MA MTHONG BA'I PHYIR RO, ,DE'I PHYIR NYID DU 'GYUR RO ZHES PA 'DI DAM BCA' PA NYID DU RIGS SO, ,RDZAS KYI MTSAN NYID KYI GTAN TSIGS LAS YON TAN LA @045A *, ,SOGS PA GZHAN RNAMS LA YANG THAL BAR 'GYUR RO ZHES THAL 'GYUR GRUB PAS CHOG GO, ,PHYOGS KYI CHOS NYID GTAN TSIGS SAM GTAN TSIGS LTAR SNANG BAR 'GYUR TE, ,DE DAG RNAM PAR PHYE BA NI MTHUN PHYOGS LA YOD MED RNAM GNYIS ZHES BYA BA LA SOGS PA'O, , DE LA YOD PA GRUB PA NI BSGRUB PAR BYA BA'I CHOS KYI SPYIS PHYOGS PA DANG MTHUN PA'I PHYOGS MTSUNGS PA'I DON THAMS CAD PHYOGS ZHES BYA BA STE DE YANG BSGRUB BYA'I CHOS SO, ,THA DAD MED PA DE NYID CES, ,BYAS NAS GZHAN LA STON PAR BYED, ,MTHUN PA'I PHYOGS LA YOD CES SO, ,GAL TE 'DI LTAR; MTHUN PHYOGS ZHES BA PHYOGS LAS TE, GAL TE THA DAD MED PA DE NYID LA MTHUN PHYOGS ZHES BRJOD NA NI 'DI LA YANG MTHUN PA'I PHYOGS LA'O ZHES BYA BA NYID YIN NO, ,GAL TE DE LTAR 'DI LA DBYE BA MA BRJOD CE NA, THA DAD YOD DU CHUG MOD, BUM PA LA SOGS PA LA YOD MA NI RTAG PA NYID NI BSGRUB BYA MA YIN TE, DE'I PHYIR, 'DI LA'ANG THA DAD CES MI 'DOD, ,DE'I PHYIR MTHUN PA'I PHYOGS LA YOD CES PA RIGS PA YIN NO, ,'O NA MI MTHUN PA'I PHYOGS GANG YIN ZHE NA RNAM PA GZHAN DU GYUR PA NYID NI YOD PA YIN TE, BSOD NAMS MA YIN PA ZHES BRJOD PA BZHIN NO, ,YOD PA BKAG PA TZAM MED PA YIN NO ZHES BYA BA NI YOD PA MA YIN TE, DE LA RE ZHIG, ,DE GZHAN DANG NI DE 'GAL TE, ,MI MTHUN PHYOGS RNAMS GNYIS PA YANG, ,RTAGS MED PAS NI 'GAL BA STE, ,RNAM PAR DPYAD PA LAS 'GYUR YIN, GAL TE YANG MTHUN PA'I PHYOGS LA SOGS PA LAS GZHAN TE, MI MTHUN PA'I PHYOGS YOD PA DES NA GTAN TSIGS MED PAR 'GYUR RO, ,'DI LTAR GANG MTHUN PA'I PHYOGS LA YOD PA'I BYAS PA NYID LA SOGS PA DE NI MI RTAG PA LA SOGS PA LAS GZHAN DU SDUG BSNGAL LA SOGS PA LA YANG YOD PA YIN NO, ,MTHUN PA'I PHYOGS DANG 'GAL BA MI MTHUN PA'I PHYOGS YIN MOD KYIS KYANG DES GANG DE LA MED PA NYID RNAM PA DPYAD NAS BSGRUB BYA GO BAR BYED DO, ,DE LTAR NA YANG 'DI NI ME'I DRO BA YOD DO ZHES PAS, GRANG REG MED PAR ME'I DRO BA LAS GO BAR BYED DO, ,DE NI DRO REG MA YIN PA LA GRONG REG MA YIN PA MED PA LA @045B YANG MA YIN NO, ,MTHUN PHYOGS LA MED MIN PA NYID, ,MTSAN NYID GCIG NYID YIN MOD KYANG, ,DON DU MA LA 'JUG PA'I RIGS, ,GANG 'DI LTAR MTHUN PA'I PHYOGS SU MED PA MI MTHUN PHYOGS LA MED PA NYID DO ZHES MTHUN PA'I PHYOGS LA MED PA MA YIN PA NI MTHUN PA'I PHYOGS LA YOD PA STE, DE GTAN TSIGS YIN PAS NA BYAS BA NYID NI, JI LTAR MI RTAG PA NYID KYI RTAGS YIN PA BZHIN DU BDAG MED PA LA SOGS PA LA YANG SBYAR BAR BYA'O, ,'DI LTAR DE BDAG MED PA LA SOGS PA LA MED PA MA YIN PA YANG BDAG MED PA LA YOD PA YIN NO, ,CI STE YANG 'DI NI SPYI LAS THE TSOM DU 'GYUR BA YIN NO ZHE NA, BYAS PA NYID SPYI YIN YANG RTAG PA DANG BDAG MED PA LA SOGS PA RNAMS LA BUM PA LA SOGS YPA BZHIN DU THE TSOM DU 'GYUR BA NI MA YIN NO, ,SPYI LAS RJES 'GRO BLUN PO MIN, ,SPYI THAMS CAD THE TSOM GYI RGYU MA YIN TE, BUM PA NI BYAS PA NYID YIN LA BUM PA MA YIN PA LA YANG MTHONG BA YIN NO, ,BYAS PA NYID MI RTAG PA LA SOGS PA LA YANG MED PAR MTHONG BA NI MA YIN TE, THAMS CAD DU GTAN TSIGS KYI MTSAN NYID DANG LDAN PA'I PHYIR RNAM PAR BCAD PA LAS GTAN TSIGS YIN NO, ,PHYOGS KYI CHOS DE NYID RNAM PA GSUM DU DBYE STE, MTHUN PA'I PHYOGS LA YOD PA DANG MED PA DANG YOD MED GNYIS KAR RO, ,DE BZHIN DU MTHUN PA'I PHYOGS LA, ,DE LTA MA YIN NA DE GNYIS NYID SLAR BZLAS PAR 'GYUR RO, ,YANG DE DAG RE RE LA YANG GSUM GSUM DU DBYE BAR BYA STE, GANG MTHUN PA'I PHYOGS LA YOD PA DE NYID MI MTHUN PA'I PHYOGS LA YOD PA DANG, MED PA DANG, YOD MED GNYIS KAR RO, ,DE BZHIN DU MTHUN PA'I PHYOGS LA MED PA DANG GNYIS KA LA YANG DBYE BA DE NYID DO, GANG GI TSE 'DI LTAR MI RTAG PA NYID NAM MKHA' LA SOGS PA'I PHYOGS LA YOD PAR KHAS MI LEN PA DE'I TSE MI MTHUN PA'I PHYOGS LA MED PA NYID CES DE DANG MA 'BREL BAR JI LTAR BRJOD CE NA, DE'I TSE YANG THE TSOM MED PA NYID DE DE MED PA YIN PA'I PHYIR DE LA 'JUG PA MED PAS SKYON DE MED PA NYID DO, ,PHYOGS KYI CHOS DGU PO DE DAG GI DPER BRJOD RIM PA BZHIN DU BSTAN PAR BYA STE, DGU PO 'DI YANG @046A *, ,MIG DGU LA RIM PA BZHIN BRIS NAS PHRENG GIS GYEN MTHUR LA MTHUN PHYOGS KYI GSUM MO, ,'PHRED LA NI MI MTHUN PHYOGS KYI GSUM MO, ,PHYOGS BZHIS RANG BZHIN DANG 'BRAS BU LA SOGS PAR SHES PAR BYA'O, ,SGRA RTAG STE, GZHAL BYA YIN PA'I PHYIR RO, ,MI RTAG STE BYAS PA'I PHYIR RO, ,MI RTAG PA'I PHYIR RTZOL BA LAS BYUNG BA'O, ,BYAS PA'I PHYIR RTAG PA'O, ,RTAG STE MNYAN BYA YIN PA'I PHYIR RO, ,RTAG STE RTZOL BA LAS BYUNG BA'I PHYIR RO, ,MI RTAG PA'I PHYIR RTZOL BA LAS BYUNG BA'O, ,RTZOL BA LAS BYUNG BA'I PHYIR MI RTAG PA'O, ,RTAG STE, REG PAR BYA BA MA YIN PA'I PHYIR RO ZHES BYA BA RNAMS TE, DE DAG GI BSDU BA'I TSIGS SU BCAD PA NI, GZHAL BYA BYAS DANG MI RTAG DANG, ,BYAS DANG MNYAN BYA RTZOL LAS BYUNG, ,MI RTAG RTZOL BYUNG REG BYA MIN, ,DE DGU RTAG PA LA SOGS LA'O, ,DE LTAR DBYE BA RNAMS GTAN TSIGS DANG 'GAL BA DANG, MA NGES PA NYID DU BRJOD PAR BYA STE, DER GANG MTHUN PHYOGS LA YOD GNYIS, ,DE MED PA LA MED PA STE, ,DE RTAGS, GNYIS KHO NA GTAN TSIGS TE, GANG ZHIG MTHUN PA'I PHYOGS LA YOD PA DE BSGRUB BYA MED PA LA MED PA STE, GANG YANG MTHUN PA'I PHYOGS LA MED DE, ,GNYIS BSGRUB BYA MED PA LA MED PA NYID NI DANG PO DANG THA MA GSUM PA'O, ,DBUS NA MO'I 'DI LAS BZLOG PA NI, 'GRAL BA STE, PHYIN CI LOG TU SGRUB PA'I PHYIR RO, ,DE LTA BU'I 'GAL BA MI MTHUN PA'I PHYOGS LA YOD PA GNYIS PO NI, MTHUN PA'I PHYOGS LA MED PA STE, GNYIS PA GSUM PO'I SHAR DANG, NUB NA MO'I 'GAL BA GZHAN YANG YOD DE, GANG BSGRUB BYA LA GNOD PA SGRUB PAR BYED PA'O, ,DPER NA THA DAD RNAMS KYI 'DUS PA NYID GZHAN GYI DON SGRUB PAR BYED PA NYID LA 'DUS PA YIN PA'I PHYIR GZHAN GYI DON SGRUB PO ZHES BYA BA LTA BU STE, DE NI DU MA'I DON SGRUB PA YIN PA'I PHYIR RTAGS GNYIS PO NI KHONGS SU 'DUS PA NYID YIN PAS NA DGU PO LAS PHYI ROL DU GZHAN PA MA YIN NO, ,GZHAN RNAMS MA NGES PA'O, ,LHAG MA RNAM PA LNGA PO NI GTAN TSIGS SAM, 'GAL BA NYID DU MA NGES PA STE, THE TSOM GYI RGYU'O ZHES PA'I THA TSIG GO, ,GTAN TSIGS LA SOGS PA 'DI DAG THAMS CAD @046B LA YANG, BRJOD PAR 'DOD PA'I GRANGS GCIG NYID, ,RIGS DANG RDZAS LAS SHES PAR BYA'O ZHES BYA BA'I TSIG GI LHAG MA'O, ,GANG YANG GRANGS GCIG CES PA NI 'DIR GANG RIGS DANG MTHUN PAR YOD PA'O ZHES BYA BA LA SOGS PA DE BRJOD PAR 'DOD PA STE, CI'I PHYIR ZHE NA, 'GAL BA DAG LA THE TSOM PHYIR, ,GAL TE GANG PHYIR 'GAL BA MTSAN NYID GNYIS SU BRJOD PA DAG LAS GRANGS GCIG PAR NI MTHONG BA NYID DE, DPER NA SGRA LA BYAS PA NYID DANG, MNYAN BYA DAG LA RTAG PA DANG MI RTAG PA NYID DU THE TSOM ZA BA YIN NO ZHE NA, DE BZHIN THE TSOM RTAGS NYID LAS, ,GCIG TU NGES PAR MTHONG MA YIN, ,DPER NA SGRA LA MIG GI GZUNG BYA MA YIN PA DANG MNGON SUM PA NYID DAG LAS SGRA NI RDZAS KYANG MA YIN LA, LAS KYANG MA YIN NO ZHES NGES PA YIN NO, ,DE'I PHYIR BRJOD PAR 'DOD PA GCIG NYID DO, ,GAL TE 'DI LTAR BRJOD PAR 'DOD PA GCIG NYID LAS THE TSOM DANG NGES PA GNYIS DAG TU NI MI 'GYUR RO ZHE NA, SKYON DE NI MED DE, GANG GI PHYIR, MTSAN NYID GNYIS DANG LDAN PA NI, ,GNYIS GNYIS SU 'DOD RE RE MIN, ,'DIR NI THE TSOM DANG GTAN LA DBAB PA DE GNYIS KA'I MTSAN NYID DANG LDAN PAR 'THAD KYI KHA YANG DU MA YIN NO, ,'DIR THE TSOM GYI MTSAN NYID CI ZHIG YIN ZHE NA, 'GAL BA MI 'KHRUL BA CAN NO, ,RE ZHIG GCIG LA NI THE TSOM GYI MTSAN NYID MED PA NAS THE TSOM GYI MTSAN NYID DANG LDAN PA LA 'THAD PA YIN PA'I PHYIR GCIG NYID YIN NO, ,DE LTA NA NI MIG GI GZUNG BYA MA YIN PA NYID DANG MNGON SUM MA YIN PA NYID DAG DANG LDAN PA'I GTAN TSIGS KYI MTSAN NYID JI SKAD BRJOD PA LTAR YIN GYI KHA YAR BA LA NI MA YIN NO, ,GAL TE 'DI LTAR 'GAL BA MED PA RE RE ZHIG GTAN TSIGS KYI MTSAN NYID DU RIGS KYI, 'DI DPER NA BYAS PA'I PHYIR MI RTAG GO, ,RTZOL BA LAS BYUNG BA'I PHYIR MI RTAG GO ZHES BYA BA LTA BU DU MA LAS JI LTAR NGES PAR SKYE ZHE NA; DU MA YIN YANG MI 'GAL NA, ,SHIN TU BAR YANG GCIG LA 'JUG ,'DIR NI DU MA YIN YANG DON GCIG BYED PA'I PHYIR GCIG NYID DO ZHES PA 'GAL BA MED DE, DPER NA DON GCIG BRJOD PAR 'DOD PA PO RNAMS NA RE 'DI LA NI KHO BO CAG GCIG PA YIN NO ZHES BRJOD PA BZHIN NO, ,GAL @047A *, ,TE GANG DU 'DI LTAR GNYIS KYI DON DU MA BYED PAR GYUR PA NI DPER NA BYAS PA'I PHYIR MI RTAG GO, ,SDUG BSNGAL BA'I PHYIR BDAG MED DO ZHES BYA BA LTA BU'O, ,DE LA NI 'GAL BA MI 'KHRUL BA CAN BZHIN THE TSOM DU THAL BAR 'GYUR RO ZHE NA, DE NI YOD PA MA YIN TE, DE LA NI RE RES KYANG DON DU MA BYED PA'I PHYIR SNGAR BZHIN GCIG MA YIN PA LA 'JUG PA SHIN