[#THE FOLLOWING TEXT HAS INCOMPLETE SECTIONS, WHICH ARE ON ORDER] @001A #, ,RGYA GAR SKAD DU, PRA M'A nA BARTI K'A LANGKA RA t'I K'A, BOD SKAD DU, TSAD MA RNAM 'GREL GYI RGYAN GYI 'GREL BSHAD, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,GANG ZHIG SPANG DKA'I NYES TSOGS 'JOMS MDZAD GSAL ZHING 'BAR BA'I SHES RAB 'BYUNG GNAS GYUR, ,BRTZON 'GRUS DRAG POS 'JIG RTEN RMONGS CHEN LAS 'DON THUGS RJE BRTAN PO RGYA CHEN 'KHRUNGS, ,SHES RAB NOR GYIS RAB TU PHONGS PAS MA RTOGS PHYIR NA SBAS TE GNAS PA LA, ,MA NOR LAM STON 'GRO RNAMS BDE SKYONG DE NI DPAL LDAN CHOS KYI GRAGS PA YIN, ,'DI NA RI RAB MTHO MIN NAM CI RGYA MTSO CHEN PO ZAB PA MIN NAM CI, ,MA NYAMS SA GZHI BRTAN MIN NAM CI MKHA' YI DKYIL 'KHOR DANG BA MIN NAM CI, ,DE 'DRA DE RNAMS DANG MTSUNGS KHRO BA CHEN PO ZHI BYED RMONGS NYID SEL BYED CING, ,BRANG 'GRO'I RGYAL POS 'KHYUD MIN LEGS PA'I BLO LA'ANG LOG PA'I LAM NYID YIN ZHES PAR, ,RMONGS PAS RAB TU SMOD PAR BYED PA'ANG CI 'DRA BA YIS LEGS PA YIN PA SMROS, ,CHEN PO @002A *, ,RNAMS KYI LAM NI CHUNG DU'ANG CHEN PO YIN PHYIR SHIN TU BRLING BA NYID, ,LEGS PAR BSTOD PA'I BLO CAN DE YI LAM LA GOMS BYED RTZOM PA'I LUS CAN NI, ,'GRO BA'I NANG NA MI BSNGAGS BRJOD BYA MIN PHYIR 'CHAD BYED BDAG LA'ANG CI PHYIR SMOD, ,RGYAL BYED RIGS PA'I DON RTOGS PA, ,RNAMS KYIS CHA TZAM BSTAN PAS KYANG, ,KUN DU RMONGS PA CHEN PO YANG, ,SEL BAR BYED PA NGO MTSAR ZHING, ,TSAD MA RNAM 'GREL MDZAD PA PO DANG, DE'I BSHAD SBYAR RTZOM PAR 'DOD PA BDAG NYID KYANG KHA CIG DAG GI PHYIN CI LOG LA ZHEN PA BSAL BAR 'DOD NAS TSAD MAR GYUR PA ZHES BYA BA LA SOGS PA'I TSIGS SU BCAD PA GNYIS SMOS TE, DE LA SDUG BSNGAL GYI RGYUR GYUR PA'I LOG PA'I SHES PA CAN LA YANG DAG PA'I SHES PA BSTAN PA DANG 'DRA BAR SLOB DPON LA BRNYAS PA'I KHA NA MA THO BAS 'KHRUL PA'I SKYE BO YONGS SU BSKYANG BAR 'DOD PA'I THUGS RJES DE'I GZHUNG GIS BSHAD PAR GYUR PA TSAD MA RNAM 'GREL MDZAD PA YIN NO ZHES ZER BA DE NI MI RIGS TE, 'DI LA TSAD MA MED DO, ,GANG GI PHYIR DE'I GZHUNG LA KHO BOS BSHAD CES BYA BA'I TSIG MED PA'I PHYIR RO, ,DE'I LUGS ZHES BYA BA LA SOGS PA YANG, DE ZHES BYA BA NI BCOM LDAN 'DAS SAM RJES SU 'DZIN PA PO ZHES BYA BA'I DON TO, , @002B DE'I LUGS NI 'DIS STON PA MA YIN TE, RTOG PA DANG BRAL BA NYID CES BYA BA LA SOGS PA'I SNGON GYI SLOB DPON BRGYUD PA'I LUGS KYI BSHAD BYA NYID NYE BAR BLANGS PA'I PHYIR RO, ,GDAMS NGAG KYANG THAMS CAD TSAD MA MA YIN GYI GNOD PA MED PA CAN NYID YIN NO ZHE NA MA YIN TE, DE'I LUGS KYANG DON GYIS BSHAD PA'I PHYIR RO ZHES BYA BA'I GDAMS NGAG YIN GYI DE'I LUGS NYID NI MA YIN TE, LUNG NI LHAG PAR DOR NAS NI, ,ZHES GANG BSTAN PA'O, ,DE'I LUGS NI 'GREL PA BYED PA GZHAN GYI LUNG NI MA YIN GYI DE'I LUGS NI DE YIN NO ZHES BYA BA'I NGES PA YANG MED PA'I PHYIR RO, ,KHYED KYI LA YANG NGES PA CI ZHIG YOD CE NA, GZIGS PA PO YI MDO NI KHO BOS RNAM PAR DBYE, ,ZHES SMOS PA'I PHYIR RO, ,SLOB DPON NYID NI GZIGS PA PO MA YIN TE, RIGS PA SEMS PA'I BDAG NYID KYI SHES PA SKYES PA'I PHYIR LA SA THOB PA YANG MTHONG BA YIN NA DE YANG BDAG NYID SA THOB PA'I BAR DU THUGS LA DGONGS SHIG CES BYA BA LA SOGS PA GSAL BA YIN NO, ,TSAD MA LA SOGS PA RNAMS MTHONG BA YOD KYANG DON YOD PA YIN LA LUGS KYANG YIN PA DE'I ZHES, RNAM PA THAMS CAD GZIGS PA NI 'DIR DON MA NYAMS PA GSUNGS PA YIN GYI PHYOGS GCIG MTHONG BA LA NI MA YIN NO, ,PHYOGS GCIG MTHONG BA NYID LA 'DI LTAR BRTAGS PA YANG MA YIN TE, DE LTAR BSTAN PA LA DGOS PA MED PA'I PHYIR DANG, GTZO BO YOD PA LA YANG YIN PA LA NYE BAR GDAGS PA MI RIGS PA'I PHYIR RO, ,RTOG PA DANG LDAN PA NI, DES BSTAN PA'I GZHUNG LUGS LA, LTOS PA MED PA YIN TE, BYANG GROL LA SOGS PA DON DU GNYER BA LA DE'I THABS RIG PA NI, PHYIN CI MA LOG PA'I TSAD MAS RTOGS PAR 'DOD PA YIN NO, ,DE YANG RJES SU BZUNG BAS DE LA LTOS PA DANG BCAS PA YANG YIN TE, 'KHRUL PA'I SKYE BOS RAB TU SBYAR BA SUN 'BYIN PA LTAR SNANG BA GSAL PA'I PHYIR DANG, JI LTA BA BZHIN GYI SGRUB PA NYE BAR BSTAN PA'I PHYIR DE SGRUB PAR RIGS SO, ,DE LA YANG DE LTA BU'I SHES PA 'GRUB PA'I RGYU DANG 'BRAS BU YANG MED DO ZHES BYA BA LA SOGS PA'I LOG PAR RTOG PA RNAM PA MANG PO RIG PA YIN NO, ,LTOS PA MED PA'I STON PA PO YANG NYAN PA PO SBYONG BAR BYED PA MA YIN BZHIN DU SMRA BA YIN NA NI JI LTAR SMYON PA MA YIN, @003A *, ,DE'I GZHUNG LUGS BSHAD PA'I SGO NAS LTOS PA DANG BCAS PAR SGRUB PAR BYED PA NI MA YIN TE, 'CHAD PA DANG NYAN PAS CHES DUB PA'I PHYIR YANG NGO, ,'ON TE DUB PA NYID BZOD DU ZIN YANG MI NUS PAS SLOB DPON LA GUS PA MA YIN TE, SLOB DPON RNAMS NI MTHA' YAS PA'I PHYIR DE RNAMS LA MA GUS PA YONGS SU DOR NAS KUN DU 'DOD PA BLANG BAR NI MI NUS KYI RANG NYID KYI'O ZHE NA MA YIN TE, THAMS CAD KYI 'DOD PA NYID KYIS RANG NYID KYI YIN PA'I PHYIR RO, ,SLOB DPON PHYOGS KYI GLANG POS RIGS PA GSAL BAR MDZAD PA LA, PHA ROL PO DAG DES GSUNGS PA LA SKUR BA 'DEBS PA SPONG BAR BYED DO, ,DE'I 'OG TU PHA ROL PO'I RNAM PAR 'KHRUL PA SPANGS PA'I RIGS PA'I LAM SKYON GYIS MA GROS PA'I RNAM 'GREL RANG DBANG DU MDZAD NA, DE'I 'OG TU SLOB DPON PHYOGS KYI GLANG POS MA SHES PAR GYUR TO, ,SLOB DPON PHYOGS KYI GLANG PO'I TSAD MA NI 'DI LTA BU ZHES BRNYAS PAR GYUR TE, DE'I GZHUNG LA 'DI LTA BU'I RIGS PA MA MTHONG BA'I PHYIR RO, ,SLOB DPON DBYIG GNYEN LA SOGS PA SNGON BYUNG BA RNAMS LA NI PHA ROL PO DAG DA LTAR SKUR PA MI 'DEBS TE, DES NA DE'I GZHUNG 'CHAD PA LA BRNYAS PA SPANG BAR MNGON PAR 'DOD PA MED DE, MI NUS PA NI THUG PA MED PAR 'GYUR BA'I PHYIR RO, , SLOB DPON GZHAN LA BRNYAS PA NI MED DE, MNGON PAR ZHEN PA MED PAS SPONG BA MED PA'I PHYIR RO, ,MTHO RIS LA SOGS PA'I LAM MI BSLU BA CAN GYI TSAD MA NYID LA NI RTOG PA DANG LDAN PA RNAMS LTOS PA YIN PA'I PHYIR DE NYID BRJOD BYA YIN PAR GONG DU BSTAN PA YIN NO, ,YANG 'DI LTAR DE LTA BRNYAS PA YONGS SU SPANG BA YANG DE'I MNGON PAR 'DOD PA'I TSAD MA SGRUB PA NYID KYI PHYIR DE NYID BSTAN PAR BYA BA YIN NO, ,BDEN TE, DE'I 'DOD PA 'BA' ZHIG NI RANG DBANG DU TSIG NYUNG DU DAG GIS BSTAN PAS DON LA SBYAR BA LA REG PAR DKA' BAS DE'I GZHUNG LA BRTEN NAS GZUNG BAR MI NUS PAS SMOD PAR BYED PA'I PHYIR DE'I GZHUNG DU BSHAD PA'I GDAMS NGAG GI RNAM PAS TSAD MAS GRUB PA'I MNGON PAR 'DOD PA BSTAN PA YIN NO, ,DE NI DE'I GZHUNG LUGS GANG YIN PA 'DIS BSHAD PA MA YIN GYI SNGON GYI SLOB DPON BRGYUD PA LAS 'ONGS PA RTOG PA DANG BRAL BA NYID CES BYA BA LA SOGS PA BSHAD PA'I PHYIR SLOB DPON PHYOGS KYI GLANG POS 'DIR YANG RJES SU @003B BRJOD PA YIN LA, DE YANG DE KHO NA BZHIN DU BSHAD PA'I DON DU RNAM 'GREL MDZAD PAS KYANG RJES SU BRJOD PA YIN NO, ,DE'I PHYIR DE'I GZHUNG GI RNAM PAR BSHAD PA LA BRTEN PA MA YIN LA, DE LA BRNYAS PA'I RGYUS DE MNGON PAR 'DOD PA'I TSAD MA RAB TU SGRUB PA'I PHYIR YANG MA YIN NO, ,GANG LA YANG THUN MONG MA YIN PA'I PHYER ZHES BYA BA LA SOGS PA SMOS PA DE LTA NA DE JI LTAR DON 'DI 'CHAD PA YIN DE YANG RANG NYID DON DE BRJOD PAS DE'I GDAMS NGAG DE NYID RAB TU BSTAN PA'I PHYIR KUN DU DRANGS PA YIN NO, ,DON NI 'DI NI DE'I MA YIN PA KHO NA STE, GDAMS NGAG BRGYUD PA LAS 'ONGS PA'I PHYIR RO, ,PHYOGS KYI MTSAN NYID LA SOGS PA GANG DU YANG BSTAN PA DE'I GZHUNG NYID LA YANG BRJOD PA'I PHYIR DE'I DON 'CHAD PAR BYED LA, DE YANG DRANGS PA KHO NAR DGONGS PA'O, ,BSTAN PAR SLA BA'I PHYIR DE LTAR BYAS PA YIN GYI DE'I GZHUNG BSHAD PA'I PHYIR NI MA YIN NO, ,'DI LTAR YANG, DES BCOL BAS KYANG MA YIN LA RNAM PAR RIG PA TZAM GYI YUL LA NYE BAR BKOD PA'I GTAN TSIGS LTAR SNANG BA LA SDANG BA YANG MA YIN PA DE'I PHYIR YANG DANG YANG DU RTZOD PA LA DGOS PA MED DO, ,DE NYID KYI PHYIR DE'I GZHUNG BSHAD PA'I THABS SU GYUR NAS RJES SU DPAG PA DANG POR BSHAD PA NI MA YIN NO, ,DE'I DON DU TSIGS SU BCAD PA DANG PO BSHAD PA YIN PAR YANG GO BAR MI BYA'O, ,CI ZHIG BSHAD PAS MA MDZAD CE NA, YANG DAG PAR RDZOGS PA'I SANGS RGYAS BCOM LDAN 'DAS CHOS DANG CHOS MA YIN PA STON PAR MDZAD PA RNAM PAR DPYAD PAR BYA BA MA YIN PA SGRUB PAR BYED PA YIN LA DE NYID NI THAMS CAD KYIS LTOS PAR BYA BA YIN PA'I PHYIR DE LA LTOS PA MED PAR SGRUB PAR BYED PA YANG RIGS PA MA YIN NO, ,BCOM LDAN 'DAS DE YANG YANG DAG PA'I THA SNYAD LA LTOS NAS RGYU DANG 'BRAS BU'I GNAS SKABS KYI DBYE BAS RNAM PA GNYIS TE, RGYU'I GNAS SKABS NI BYANG CHUB SEMS DPA'I GNAS SKABS TE, DE'I DUS SU YANG THAMS CAD RJES SU DPAG PAS RTOGS PAR BYED PA'I PHYIR BCOM LDAN 'DAS KYIS RJES SU DPAG PA THOG MAR GSUNGS SO, ,LUNG RIGS DAG GIS RNAM DPYOD PA, ,ZHES RJES SU DPAG PA'I LE'UR GANG 'CHAD PAR GYUR PA BSTAN PA NI, 'GRO LA PHAN BZHED STON PA ZHES BYA'O, ,DE BZHIN DU 'BRAS BU'I GNAS SKABS @004A *, ,NI RANG GI DON DANG GZHAN GYI DON DAG PHUL DU BYUNG BA'I DBYE BAS RNAM PA GNYIS SO, ,DE LA RANG GI DON PHUL DU BYUNG BA NI THAMS CAD KYIS RNAM PA THAMS CAD PHYIN CI MA LOG PAR MNGON DU MDZAD PA'I PHYIR MNGON SUM GYI RANG BZHIN NO, ,RNAM PA DU MA'I THABS MANG PO ZHES GANG 'CHAD PAR 'GYUR BA BSTAN PA NI, BDE GSHEGS SKYOB PA ZHES BYA'O, ,GZHAN GYI DON PHUL DU BYUNG BA YANG BCOM LDAN 'DAS NI DE JI LTA BA BZHIN DU MNGON PAR 'DOD PA'I LAM GZHAN RNAMS LA STON PAR MDZAD PA'I PHYIR GZHAN GYI DON GYI RJES SU DPAG PA'I RANG BZHIN NO, ,DE LA RANG GI DON PHUL DU BYUNG BA RTZA BA YIN PA'I PHYIR THOG MAR MNGON SUM MO, ,DE'I BANG DU GYUR PA'I RJES SU DPAG PA YANG TSAD MA YIN PAS BSGRUB BYA JI LTA BAS KHYAB PA'I RTAGS DRAN PAR BYED PA NYID KHO NAS TSIG GI THA SNYAD LA NYE BAR SBYOR BA'I PHYIR RANG GI DON GYI RJES SU DPAG PA'I 'OG TU GZHAN GYI DON GYI RJES SU DPAG PA BSGRUB PAR 'DOD, NAS DE BSTAN PA NI SKYOB LA ZHES BYA BA'O, ,TSAD MA GSUM PO 'DI'I YANG SPYI'I MTSAN NYID MED NA, RIG BYED LA SOGS PA TSAD MA MA YIN PA MTSAN NYID DANG BRAL BCAN MI RTOGS PA'I PHYIR TSAD MA SPYI'I MTSAN NYID RAB TU SGRUB PA'I PHYIR LE'U DANG POS TE DE BSTAN PA NI TSAD MAR GYUR PA ZHES BYA BA'O, ,SPYI'I MTSAN NYID KYI RNAM PAR DBYE BA'I TSIG DAG GI SNGA MA DANG PHYI MA'I NGES PA NI MED DO, ,RNAM PAR PHYE BA DAG GIS TSAD MA MA YIN PA RNAM PAR BCAD PA NI TSAD MA RNAM PAR NGES PA JI LTA BA BZHIN NO, ,SPYI'I MTSAN NYID KYIS TSAD MA MA YIN PA RNAM PAR BCAD PA'AM RNAM PAR DBYE BA 'DI NYID DU RNAM PAR GCOD PA NI, RNAM PA GNYIS ZHES BYA BA LA SOGS PAS RNAM PAR DBYE BA STON PAR 'GYUR TE, BYE BRAG GI MTSAN NYID KYI YAN LAG YIN PA'I PHYIR RNAM PA GNYIS SO, ,DES NA DANG PO NYID CES BYA BA NI NGES PA'O, ,GANG GI PHYIR RNAM PAR DBYE BAS BZHAG PA DAG MED NA SHIN TU NGES PA'I NGO BO RTOGS PAR 'DOD CING RTOGS PAR BYED PAR 'DOD PAR YANG MI NUS SO, ,'DI LTA BU'I TSAD MA DE LA PHYAG BTZAL NAS BSHAD PAR BYA ZHES BYA BAR SBYAR RO, ,GZHAN YANG BCOM LDAN 'DAS KUN RDZOB DANG DON DAM PA'I NGO BO GZHAN GYI 'KHRUL PA SEL BA 'DIR BSGRUB PAR BYA STE, BAG CHAGS DANG BCAS PA'I DRI MA THAMS CAD RAB TU SPANGS PA'I PHYIR YON TAN @004B PHUN SUM TSOGS PA BRNYES PAS PHUL DU BYUNG BA DNGOS PO MA LUS PA GNYIS SU MED PAR THUGS SU CHUD PA'I PHYIR MNGON SUM PA'I BDAG NYID CAN NI DON DAM PAR RO, ,KUN RDZOB TU YANG DE DANG RJES SU MTHUN PA NYID KYI TSAD MA YIN PAR SHES PA'I DON DU DE LA 'KHRUL PA MED PA'I RNAM PAR RTOG PA DANG TSIG GI NGO BO RANG GI DON DANG GZHAN GYI DON GYI RJES SU DPAG PA'I DBYE BAS BSTAN TE, DES NA RTZIG PA LA SOGS PA LAS BYUNG BAS BSTAN PA RNAMS NYID LA YANG KHO BO CAG YID CHES PA MED DO ZHES ZER BA'I GZHAN GYI 'KHRUL PA BSAL BA YIN NO, ,GANG GI PHYIR MNGON DU MDZAD PA DER NGES PA'I GTAN TSIGS NGES PA DE RTOG PA PO'AM TSIG LA RTOG PA DANG LDAN PA RNAMS YID MI CHES PAR MI RIGS ZHES BYA BA'I DON TO, ,LHAG MA NI 'DI LA YANG MTSUNGS SO ZHES BYA BA NI LE'U'I GO RIMS SO, ,DE LA TSAD MAR GYUR PA LA ZHES BYA BA'I DANG PO'I PHYED NI BSTOD PA'O, ,TSAD MA GRUB PA 'CHAD PAR BYED PA YIN GYI SLOB DPON GYIS GZHUNG BSHAD PA'I PHYIR MA YIN PA NI RNAM 'GREL MDZAD PA'I DGONGS PA BSTAN PA'O, ,DE LA YANG GTAN TSIGS NI RTOG GE NGAN 'KHRUL ZHES BYA BA'O, ,GZHAN YANG KHA CIG BCOM LDAN 'DAS MAR ME BZHIN DU MYA NGAN LAS 'DAS KYANG TSAD MA NYID DU SGRUB PA'I PHYIR RO ZHE NA, DE LA TSAD MAR GYUR ZHES BYA BA LA SOGS PA SMOS SO, ,SKYON MED PA'I DNGOS PO DOR BAR RIGS PA MA YIN TE MYA NGAN LAS 'DAS PA LTA BU'O, ,DE BZHIN DU THAMS CAD MKHYEN PA'I YE SHES KYANG STE DE BSTAN PA NI BDE GSHEGS ZHES BYA BA'O, ,DE LTA BU'I RANG BZHIN YIN YANG DNGOS PO'I RGYUN GYI RGYU MED PA'I PHYIR MAR KHU LA SOGS PA ZAD PA'I MAR ME BZHIN DU ZAD PA MA YIN NAM ZHE NA, PHAN BZHED PA STON PA ZHES BYA BA SMOS TE, 'DIS KYANG RGYU BRTAN PO GZHAN DU MED PAR BSTAN PA YIN NO, ,'ON TE DE LTA NA YANG 'GA' ZHIG NYE BAR SBYOR BAR MI BYED CING 'DOR LA, 'GAL BA DU BA'AM RANG NYID SKYE BA YIN NO ZHE NA, TSAD MAR GYUR PA ZHES BYA BA SMOS SO, ,SKYEB THAMS CAD DU PHAN PA NYE BAR BSTAN PAS PHAN BTAGS PA YIN NA, DE DON MED PA CAN MA YIN GYI LAN CIG BYUNG BA'I PHAN BTAGS PA BYAS PA DES KYANG DGOS PA CI ZHIG YOD CE NA, MI RIGS TE PHAN GDAGS PAR BYA BA MTHA' MED PA LA PHAN GDAGS PA YANG MTHA' MED PA'I PHYIR 'GRO BA THAMS CAD KYI DON BYA'O ZHES @005A *, ,KYANG DAM BCAS PA'I PHYIR LA, DE YANG MA RDZOGS PA'I PHYIR BCOM LDAN 'DAS NYID KYANG YONGS SU MA RDZOGS PA YIN TE, DE BSTAN PA NI TSAD MA ZHES BYA'O, ,DE LA YANG 'GAL BA MED PAR BSTAN PA NI YANG DAG CES BYA BA'O, ,YANG DAG PA LA YANG DAG PHA MA YIN PAS GNOD PA MA YIN TE, NYA PHYIS KYI SHES PA LA DNGUL KYI SHES PAS GNOD PA MA YIN NO, ,YANG DAG PA LA GNOD PAR BYED PA YANG DAG PA YIN PAR NI MTHONG STE GRANG BA LA SREG BYED LTA BU'O, ,DE BZHIN DU 'DIR YANG SNYOMS PAR 'JUG PA LA SOGS PAR 'GYUR RO, ,DE NI MA YIN TE, GTAN DU 'GAL BA MA YIN GYI SKAD CIG DE LA 'GAL BA SLAR YANG 'BYUNG BA'I PHYIR TE, DE BSTAN PA NI, SKYOB PA ZHES BYA BA STE, RGYUN GYIS GNAS PA ZHES BYA BA'I DON TO, ,SPRUL PA NYE BAR BSDU BA TZAM GYIS YONGS SU MYA NGAN LAS 'DAS PAR BSTAN KYANG THAMS CAD DU RNAM PAR RGYAL BA PO BCOM LDAN 'DAS NI 'KHOR BA JI SRID PAR BZHUGS PA YIN NO, ,GANG YANG BCOM LDAN 'DAS NI RANG GI RANG NYID RGYU LAS DBANG PO LA SOGS PA'I MTSAN NYID KYI TSAD MA NYID KYI YE SHES SKYES PA YIN GYI, YON TAN LA SOGS RGYU GZHAN LAS NI MA YIN NO, ,DE YOD NA YOD PA NYID DU NGES PA MED PA LAS NA TSAD MA NYID MA YIN NO, ,DE TZAM LA MA YIN NA RGYU GZHAN GYI SKYON YIN PAR NGES PAR BYED PA YIN NO ZHES GZHAN LA STON TO, ,CI'I PHYIR YON TAN DANG LDAN PA'I DBANG PO RGYU MA YIN PA NI RJES SU DPAG PA LA MI SNANG BA'I PHYIR TE GANG GI PHYIR RJES SU DPAG PA NA TSUL GSUM PA NYID DU NGES PA LAS SKYE BA YIN GYI YON TAN DE LAS NI MA YIN TE NGES PA MED PA'I PHYIR RO; ,MNGON SUM YANG SHES PA'I RGYU NYID YIN PA'I PHYIR TSAD MA NYID KYI RGYU YIN GYI GZHAN NI MA YIN NO ZHES ZER BA NI CIG SHOS RNAMS SO, ,GZHAN DAG NA RE MIG SMAN LA SOGS PAS YON TAN BSKYED PA YIN TE, DE SKYES PA NAS BRTZAMS NAS YOD PA YANG MA YIN LA, DE'I DBANG PO YANG TSAD MA SKYED PAR BYED PA SNANG YANG DE LA YON TAN RNAMS NI MED DE RGYU MED PA'I PHYIR RO, ,SKYE BAS THOB PA'I RAB RIB CAN GYI SHES PA JI LTAR YIN, DE LA MIG SMAN LA SOGS PA'I SBYOR BAS SKYON BSAL BAS DBANG PO NYID TSAD MAR GYUR PA YIN NA, SBYOR BAS SKYON BSAL BAS YON TAN SKYE BAR BYED PA DE RNAMS LAS CHAD MA NYID MA YIN TE, @005B 'DI LA TSAD MA MED PA'I PHYIR DANG RAB RIB 'JOMS PA'I SBYOR BA ZHES KYANG THOS PA'I PHYIR RO, ,RTOG PA'I NYES PA DU MA DE RNAMS KYI SKYON SEL BAR BYED CING YON TAN YANG SKYED PAR BYED LA, DE'I PHYIR DBANG PO NYID TSAD MA YIN ZHING TSAD MA MA YIN PA YANG YIN PA DE LAS 'BYUNG BA MA YIN ZHING, GZHAN LA LTOS PA YIN TE, 'DI GZHAN LA LTOS PAR YANG MTHONG BA NI YON TAN DAM PA DANG 'BREL PA'I MIG LA ZLA BA GNYIS KYI SHES PA LTA BU STE DER YANG YON TAN LA MI BRTEN PA YANG MA YIN LA, TSAD MA YANG MA YIN NO ZHES BSTAN PA YIN NO, ,'JIG RTEN YANG GANG JI LTAR RTOGS PA DE DE BZHIN DU RJES SU BSGRUB STE, DER YANG GZHAN LA LTOS PA MA YIN NO, ,GZHAN DU YANG 'GYUR RO ZHE NA, GZHAN DU YANG DOGS PA DE LTA NA YANG GZHAN LA LTOS PA YIN NO, ,THA SNYAD PA YANG YUL LA YONGS SU MI GCOD CING RAB TU 'JUG PA MA YIN NO, ,YONGS SU BCAD PA LA YANG GZHAN LA LTOS PA CI ZHIG DGOS, SLU BAR DOGS PA GZHAN LA LTOS PA YIN NO ZHE NA, DE LTA NA YANG SLU BAR BYED PA'I RGYU RNAMS NYID NI LTOS PA CAN YIN LA MI SLU BA NYID DU RTOGS PAS NGES PA YIN NO, ,RIG BYED NI RANG NYID TSAD MA YIN TE, DE YANG, RANG NYID TSAD MA THAMS CAD KYI, ,TSAD MA NYID DU NGES PA STE, ,RANG NYID YOD PA MIN PA STE, ,GANG NA'ANG YOD BA MA YIN NO, ,ZHES BSTAN PA'O, ,GZHAN GYI LA NI DE 'DRA BA'I SHES PA'I RGYU MED PA'I PHYIR MI RIGS TE, MIG GIS LAN CIG GZUGS MNGON DU BYAS PAS MTHONG BA DUS YANG GZHAN DU MI 'GYUR TE, RGYU NGES PA'I PHYIR RO, ,DE YANG, TSAD MA NYID NI GCIG GIS KYANG, ,THAMS CAD MKHYEN PAR GANG GIS BRTAGS, ,NGES PA'I MIG GIS RO LA SOGS, ,THAMS CAD SHES PAR BYA BAR 'GYUR, ,ZHES BSTAN PA'O, ,DE RTOGS PAR BYED PA'I TSAD MA YANG YOD PA MA YIN TE, GANG GIS GZHAN DU MI 'THAD PA'I RGYUR BRTAG PAR BYA STE, DE YANG, RE ZHIG DA LTAR KUN MKHYEN GYI, ,BDAG LA SOGS PA MA MTHONG STE, ,PHYOGS GCIG NA YANG YOD PAR NI, ,RTAGS MED PHYIR NA DPAG BYA MIN, ,ZHES BSTAN PA'O, ,RIG BYED KYANG TSAD MAR MTHONG BA'I PHYIR CUNG ZAD KYANG BRTAG PAR BYA BA MA YIN PAS, MI MTHONG PAR CUNG ZAD KYANG DPYAD PAR MI BYA'O ZHES BYA BA NI DPYOD PA PA RNAMS KYI YIN NO, ,'DI LA LA @006A *, ,GDAB PA NI TSAD MAR 'GYUR BA LA ZHES BYA BA STE, RE ZHIG RJES SU DPAG PA NI TSUL GSUM PA NYID DU NGES PA LAS SKYE BA YIN GYI GZHAN YON TAN LAS NI MA YIN NO ZHES GANG SMRAS PA DE NI MI RIGS TE, DE NYID YON TAN YIN PA'I PHYIR DE MA GTOGS PA TSUL GSUM PA TZAM NI PHYIN CI LOG TU 'DZIN PA TSAD MA MA YIN PA SKYED PAR BYED PA STE, 'DI LTAR, SKUL BYED SOGS PAR SKYES BA'I BLO, ,TSAD MA YIN TE SKYON BRAL RGYUS, ,BSKYED PHYIR RTAGS DANG YID CHES PA'I, ,TSIG DANG DBANG PO'I SHES PA BZHIN, ,ZHES PA LTA BU'O, ,'DI LA SKYON DANG BRAL BA'I RGYUS BSKYED PA NYID KYI NGES PA MED KYANG 'DI LAS SHES PA SKYE BA YIN NO, ,DE'I PHYIR PHYIN CI MA LOG PA'I TSUL GSUM PAR NGES PA'I RJES SU DPAG PA'I RGYU MA YIN NO, ,'ON KYANG TSAD MA NYID KYI RGYU MA YIN PA DE'I PHYIR DBANG PO RNAMS LA YANG YON TAN DU BRTAGS PA DE MA NYAMS PAR MTSUNGS PA KHO NA YIN NO, ,YANG MIG SMAN LA SOGS PA'I SBYOR BAS SKYON MED PA YIN GYI YON TAN NI MED DE ZHES GANG SMRAS PA DE YANG MA YIN TE, GAL TE DBANG PO TZAM TSAD MA SKYED PAR BYED NA NI THAMS CAD DU SKYED PAR BYED PAR 'GYUR TE RTAG TU YOD PA'I PHYIR RO, ,SNANG BA LA SOGS PAS KHYAD PAR BSKYED PA YIN NO ZHE NA, DE LTA NA GZHAN NYID LAS TSAD MAR 'GYUR RO, , DE YANG, NYI MA'I ZER GYIS ZIL NO NA PHYIR, ,MIG GI NUS PA 'CHOR BA NI, ,RIM GYIS RIM GYIS DE BZHIN DU, ,BLTAS NAS GSAL BAR 'GYUR BA YIN, ,ZHES BSTAN PAR 'GYUR BA'O, ,SHES PA NYID NI YON TAN DANG SKYON DAG GIS BSKYED PAR BYA BA MA YIN GYI YON TAN DANG LDAN PA DANG SKYON DANG LDAN PA I DBANG PO YIN TE, DE DAG MED KYANG 'BYUNG BA'I PHYIR, ,DBANG PO TZAM LAS BYUNG BA SKYON DANG LDAN PA YANG BYA BA LA BYE BRAG MED PA'I PHYIR SHES PA BZHIN DU TSAD MA NYID DU 'GYUR RO, ,DBANG PO GOMS PA LAS BYUNG BA'I ZIN PO NI LUGS LA SOGS PA RNAMS LA BYA BA BYED PA YANG MTHONG STE, DE YANG, GOMS PAS PHYIR ZHING ZIN POR GYUR, ,SNGO MA RNAMS NI MJUG SDUD CING, ,YUL CHOS THA DAD MIN NYID DANG, ,THA DAD NYID KYI DBYANGS DANG NI, ,THOS PA'I PHA ROL SON DANG GANG, ,DE LA SHIN TU MKHAS THOB 'GYUR, ,ZHES GSUNGS PA'O, ,YANG RAB RIB 'JOMS PA'I SBYOR BA ZHES KYANG THOS PA ZHES GANG SMRAS PA DE YANG MA @006B YIN TE; DA LTAR RAB RIB MED PA'I SGO NAS YON TAN THOB PAR SMRA BA NI GZHAN DU YON TAN THOB PAR SMRAS PA'I PHYIR TE, 'DI LTAR YANG, BYI LA DANG, RNGA MO DANG, SPYANG KI LA SOGS PA'I MIG SKAMS PA'I PHYE MAS MIG BSKUS NA MTSAN MO YANG NYIN MO BZHIN DU MTHONG LA, 'DI LA YANG SKYON BSAL BAS MED PA MA YIN PA'I PHYIR RO, ,YANG SLU BAR DOGS PAS GZHAN LA LTOS PA YIN NO ZHES BYA BA DANG, MI SLU BA NYID DU RTOGS PAS NGES PA YIN NO ZHES GANG SMRAS PA YANG, DE LA MI SLU BA DON DU GNYER BA YANG TSAD MA NYID TSOL BA LA BRTZON PA YIN NO ZHES 'OG NAS 'CHAD PAR 'GYUR RO, ,TSAD MA NI BCOM LDAN 'DAS PHAN PAR BZHED PA NYID STON PA PO NYID KYI NGO BO'I RGYU TSOGS PA NYID KYIS BDE BAR GSHEGS PA NYID LA SBYOR BA'I PHYIR TE, DE NYID KYIS NA RGYU MI DMIGS PAR MA GRUB PA, ,SKYOB PA YIN PA'I PHYIR 'BRAS BU MI DMIGS PA YANG NGO, ,DE LTAR CI LAS SHES SHE NA, TSAD MA GRUB PA ZHES BYA BA LA SOGS PA SMOS TE, 'DIR RGYU NI RTOG GE NGAN PA ZHES BYA BA'O, ,BSTAN PA LAS PHYIN CI LOG PA NI TSAD MA MA YIN NO ZHES BYA BAR SHUGS KYIS BSTAN PA YIN NO, ,GANG YANG DANG PO'I PHYED KYIS BCOM LDAN 'DAS LA PHYAG 'TSAL NAS, GZHAN GYI NYAN PA PO BSTAN BCOS LA 'JUG PA'I DON DU BRJOD PAR BYA BA DANG, DGOS PA LA SOGS PA RGYU DANG BCAS PAR BSTAN PA'AM KUN GYIS KYANG NGO, ,DE LA BRJOD PAR BYA BA NI 'CHAD PAR 'GYUR BA'I MTSAN NYID CAN GYI TSAD MA 'JIG RTEN PHA ROL PA DON DAM PAR RTOGS PA'I RGYUR BCOM LDAN 'DAS NYID 'JIG RTEN PA'I TSAD MA NYID YONGS SU RTOGS PA NI 'BRAS BU DMAN PA YIN PA'I PHYIR, DE YANG CHOS DANG CHOS MA YIN PA RTOGS PAR BYA BA'I PHYIR DE'I NGO BO DGOS PA NI SHUGS KYIS BSTAN TO, ,YANG NA TSAD MA'I RGYU MTSAN GRUB PA'I DE BZHIN GSHEGS PA'I PHUN SUM TSOGS PA LA NYE BAR SBYOR BA GANG YIN PA STE, 'GRUB PAR 'GYUR BA NI 'GRO BA'I DON SGRUB PAR BYED PA CAN ZHES BYA BAS DE TSAD MA'I SGRUB PA'I SGO NAS DE NYID GRUB PA'I PHYIR TSAD MA GRUB PA BSHAD PAR BYA'O, ,YANG NA 'DIS SGRUB PAR BYED PA STE SANGS RGYAS BCOM LDAN 'DAS TSAD MA YIN NO ZHES RGYU PHUN SUM TSOGS PA STE, DE RTOGS PA'I THABS PHUN SUM TSOGS PA GRUB PA YANG TSAD MA'I @007A *, ,GRUB PA'O, ,JI LTA BA BZHIN DU SGRUB PAR BYED PA'O ZHES BYA BA 'DIS NYAN PA PO DANG RTZOM PA PO'I BYA BA'I 'BRAS BU DANG, BSTAN BCOS KYI DGOS PA DAG GI THABS DANG THABS LAS BYUNG BA'I MTSAN NYID NI 'BREL PA'O, ,GTZO BO SMOS PA'I SHUGS KYIS BSTAN TO, ,GZHAN DU DON MED PA'AM MI NUS PA'AM 'DOD PAR BYA BA MA YIN PA'I NGO BO DON MED PAR DOGS PA LA NI 'GA' YANG 'JUG PAR MI 'GYUR BA DES NAS, BSTAN BCOS BYED PA RNAMS RANG NYID NGAG DANG PO LA RAB TU SBYOR BA YIN TE, GZHAN LA PHAN PAR ZHUGS PA DE RNAMS LOG PAR BRJOD PA LA NI DGOS PA MED DO, , DES NA YANG NGAG GI DON LA THE TSOM DU 'GYUR LA DES NI DON DU GNYER BA RNAMS 'JUG PA YIN NO, ,DON LA THE TSOM ZA BA YANG NGES PA CAN BZHIN DU ZHING GI LAS LA SOGS PA LA 'JUG PAR 'GYUR BA MTHONG BA'I PHYIR RO ZHES BYA BA NI KHA CIG GIS 'DOD PA'O, ,BSTAN BCOS BYED PA LOG PAR SMRA BA MA YIN PAR CI LAS SHES SHE NA, SMRAS PA, GZHAN BSLU BA'I CHED DU LOG PAR BYED PA NI RTOG PA DANG LDAN PA RNAMS NI RANG NYID SLU BAR MI BYED PAS GZHAN BSLU BAR BYA BA'I PHYIR BSTAN BCOS KYI DANG POR LOG PAR BRJOD PA NI MI SRID DO, ,MKHAS PA NYID DU RAB TU GNAS PA'I CHED DU DANG PO NYID NAS BRTZAMS NAS LOG PAR SMRA BA NI JI LTAR 'DOD PA LA RAB TU GNAS PA 'JIG PA YIN PA'I PHYIR GZHAN SLU BAR BYED PAR 'DOD PA LAS RANG NYID BSLUS PA KHO NAR 'GYUR BAR RIG PA'I PHYIR LOG PAR BRJOD PA MA YIN NO, ,DE LTAR NA YANG PHYIN CI LOG PAR DON MED PA MA YIN TE, RIGS PAS NGES BZHIN PA'I DON NYID NI NGES PA YIN PA'I PHYIR JI LTAR DON LA THE TSOM DU 'GYUR BA MED PA NI MED PA'I NGO BO YIN PA'I PHYIR RO, ,DE NI MA YIN TE, LAM 'DI NA SROG CHAGS GDUGS PA LA SOGS PA DON MED PAR 'GYUR BA MED PAR NGES NA GSER LA SOGS PA'I DON YOD PAR NGES PAR 'GYUR RAM CI, SROG CHAGS GDUG PA LA SOGS PA MED BA DANG GSER LA SOGS PA NI THA DAD PA'I PHYIR RO, ,'DI LA YANG BYA ROG GI SO LA SOGS PA'I BSTAN BCOS GZHAN DU BRJOD PAR BYA BA'I DGOS PA MED PA MA YIN PAR NGES NA DON MED PA NYID KYANG NGES PAR 'GYUR TE, DE MA YIN PA NI DE NYID YIN PA'I @007B PHYIR RO; ,BRJOD PAR BYA BA LA SOGS PA'I YUL TSIG LAS RNAM PAR SHES PA NGES PA MED PA'I RGYU MTSAN LAS BYUNG BA'I NGES PA YANG PHYOGS CAN YIN PA SEL BAR MI BYED PA'I BRJOD PAR BYA BA LA SOGS PA NYID NI YOD DAM MED PAR THE TSOM ZA BA YIN GYI, PHYIN CI LOG PA YANG MA YIN LA DE NYID DU NGES PAR YANG MI BYED PA MA YIN NAM, NGES PA MED PA'I PHYIR DE NYID DON MED PA MA YIN PAR RIGS PAS NGES DE'I NGO BO'I DON DU NGES PA'I PHYIR DON MED PA LA THE TSOM ZA BA MED PAR NGES PA NI DON MED PA MA YIN PA MA YIN NO ZHE NA, DE DE LTAR NA YANG DON MED PA LA THE TSOM ZA BA MED PA NGES PA YIN TE, YOD KYANG RUNG MED KYANG RUNG YOD PA YIN NO ZHE NA, TSIG TZAM GYI RIG PA LA NI MKHAS NA DON MED PAR NGES PA YANG LDOG PA'I YUL MA YIN NO, ,DON MED PA LA MED PAR NGES PA YANG DON LA NGES PA NYID CES BYA BAR RIGS PAS NGES PA NYID DE THE TSOM MED PAR DON LA 'JUG PA YIN NO, ,BSTAN BCOS NI RNAM PA GNYIS TE SGRA DANG DON TO ZHE NA YANG SMRAS PA LA, SGRA'I CHA NI RANG GI DON RTOGS PAR BYED PA YIN GYI DGOS PA GZHAN NI MED DO, ,DON NI DON MED PAR YANG SNANG BA'I PHYIR DE'I DGOS PA BSTAN PA NI, SGRA YOD NA 'BYUNG BA MA YIN TE BSTAN BCOS RDZOGS PA LA YANG MA MTHONG BA'I PHYIR DANG, BRJOD PAR BYA BA YOD NA 'BYUNG BA'I PHYIR RO, ,DES NA YANG BRJOD PAR BYA BA NYID DO, ,DE NI MA YIN TE SGRA'I CHA'I BYA BA NI RANG GI DON RTOGS PAR BYED PA KHO NA MA YIN TE, MNGON PAR 'DOD PA KHO NA LA GTOD PA'I PHYIR RO, ,MNGON PAR 'DOD PA NYID KYANG RTOG PAR BYED PAR 'DOD PA'I TSIG RANG GI DON BZHIN DU BYED PA MA YIN GYI GANG LA GTOD PA'I SGRA'O, ,DE NYID NI SGRA'I DON GYI GTZO BO YIN GYI RANG GI DON NI MA YIN TE, DE LA MI GTOD PA'I PHYIR RO, ,BUD SHING GI 'BAR BA TZAM NI BYA BA RDZOGS PA MA YIN TE, DE NYID KYI RIM GYIS 'TSED PA NYID LA 'JUG PA'I PHYIR TSIG NYID KYI DGOS PA NI DE YIN GYI KUN LAS BTUS PA BSHAD PA'I PHYIR NI MA YIN TE, YANG DAG PA'I SHES PA LA DON GZHAN GYI BYA BA MED KYANG 'BYUNG BA'I PHYIR RO, ,DE LTA YIN NA 'GRAL PAR DANG PO'I TSIG SMOS PAR JI LTAR YIN 'CHAD PAR 'GYUR @008A *, ,BA'I BSTAN BCOS MA LUS PA'I DON DU DAM BCAS PA YIN LA, DE RNAMS KYANG GZHAN GYI DON GYI RJES SU DPAG PA YIN PA'I PHYIR SGRA MI RTAG STE ZHES BYA BA LA SOGS PA DANG 'DRA BAR TSAD MA YIN TE, RJES SU DPAG PA'I YUL BSTAN PAR DAM BCAS PA'I PHYIR RJES SU DPAG PA NYID YIN PA DE LTA NA CI'I PHYIR DGAG ,SMRAS PA, KHYAB PAR BYED PA'I GTAN TSIGS LA MI DGOS PA'I PHYIR ZHES 'CHAD PAR 'GYUR BA'O, ,DE NYID KYI RGYUN PHYI MA RNAMS KYANG SGRUB PAR BYED PAR BSTAN PA'I PHYIR RO, ,YANG DANG YANG DU SHIN TU SPROS PAS CHOG GO, ,KHYAB PAR BYED PA DGOS PA MED PA'I PHYIR ZHES GTAN TSIGS 'CHAD PAR 'GYUR BA'O, ,DA NI RANG NYID LA LOG PAR SGRO 'DOGS PA BSAL BA'I PHYIR SMRA BA PO ZHES BYA BA LA SOGS PA SMOS SO, ,DE LA SGRO 'DOGS PA NI RNAM PA GNYIS TE, DA LTAR BA DANG 'DAS PA'O, ,RE ZHIG DA LTAR BA BZHIN DU GSAL BAR BYED PA'I 'GREL PA DANG 'GREL BSHAD DE, KHYED KYI DON DE 'GREL PA MED PAS DE YANG GZHAG GO, ,'ON KYANG GZHAN CUNG ZAD NYID RANG GI SHES RAB KYI NYAMS BZHIN DU BI LA SI TA BRJOD PAR BYA STE, DE LA SU ZHIG RTZI BAR 'GYUR, ,RNAL MA'I LAM NI DOR NAS NI, ,SU ZHIG GOL BA'I LAM 'GROR RIGS, , ZHES 'BREL PA LA MNGON PAR ZHEN PA'I 'GRO BA SGRO 'DOGS SHING GRAGS PA MA YIN PAS NYAN PA PO SEMS 'JOMS PAR BYED DO, ,DE BSAL BA YANG 'GREL PA LA SOGS PA'I SKYON BSTAN PA MA YIN NA MI 'BYUNG PA'I PHYIR RIGS PA DANG 'JIG RTEN DANG 'GAL BA SMRA BAR BYA BA'I TSIG MA YIN PA GZHAN RJOD PAR BYED PA DON CHEN PO LA DON MED PAR NGES PAR SBYOR BA LA SOGS PA DE'I SKYON RNAMS BSTAN PA NI PHYED SNGA MAS SO, ,GZHAN DAG GIS NI DE LAS BZLOG PAS RANG GI GZHUNG LUGS STON PAR BYED PA YIN TE, BRTZAMS PA'I DNGOS PO RGYUN DU BYED PA RNAMS PHAL CHE BAS MI MTHONG ZHES BYA BA NI SMRA BAR BYA BA'I TSIG MA YIN PA SMRA BA'I SMRA BA PO RNAMS KYIS CHEN PO'O, ,MI GSAL BAR RJOD PAR BYED PAS SKYON DANG LDAN PA NYID SPAS PA NI LHAD CAN GYI DNGUL DANG 'DRA BAR RO, ,DE RNAMS KYANG PHAL CHER 'GREL BSHAD PA LA YOD PA NI RIGS PA DANG 'GREL PA'O, ,DE LTAR 'DI DAG NYID KYIS SMRA @008B BAR BYA BA'I TSIG MA YIN PA NI GNAS SKABS MA YIN PA NI RGYUN LAS PHYI ROL DU GYUR PA DANG, MA YIN PA LA SOGS PA RAB TU SGRUB PAR BYED PA'I TSUL GYIS BDE BA LA SOGS PA BZHIN DU SNGON PO LA SOGS PA'I BDAG NYID RIG PAS RTOGS PA YIN NO, ,BDAG NYID DANG MTSUNGS PAR SER PO LA SOGS PA RNAM PAR GCOD PA YIN GYI MI DMIGS PA'AM GZHAN YANG RUNG BA LA LTOS PA MA YIN NO, ,DMIGS BYAR GYUR PA MA YIN PA'I SER PO YOD PA YANG MI DMIGS PA LA LTOS PA YIN LA, GZHAN NI BDE BA NI YOD KYANG MI SNANG LA, DE GZHAN LA ME SNANG BA DE BZHIN DU SER PO YANG NGO, ,SER PO LA SOGS PA RANG DANG GZHAN LA YANG SNANG BA MA YIN PA NI BDE BA LA SOGS PA DANG 'DRA BA KHO NA SNANG BA LA YANG KHYAD PAR DU GZHAN LA SNANG BA NI SER PO LA LTOS PA YIN LA BDE BA YANG MTSUNGS PA YIN NO, ,DE JI LTA BA BZHIN DU BDE BA YOD BA DE'I RGYUD LA SDUG BSNGAL GYI TSOR BA NYID MI MYONG BA'I PHYIR MED PA YIN NO, ,GZHAN GYI RGYUD LA YOD PA LA NI THE TSOM ZA'O, ,DE BZHIN DU SNGON PO LA YANG SER PO RIG PA'I BDAG NYID KYI NGO BO LOG PAS MED DE, ,RGYUD GZHAN LA YOD PA LA YANG THE TSOM ZA'O, ,DE'I PHYIR BDE BA LA SOGS PA DANG, SNGON PO LA SOGS PA BDAG MED PA MNGON SUM GYIS GRUB PA'I PHYIR BYE BRAG MED PA LA YANG BYE BRAG TU BRTAG PAR BYA BA MNGON SUM GYIS GRUB PA'I SGRA'O, ,MNGON SUM GYI KHONGS SU GTOGS PA'I PHYIR 'JIG RTEN MA YIN PA'I DON DU BSHAD DO, ,DE BZHIN DU LKOG SHAL LA SOGS PA CAN NI BA LANG NGO ZHES BYA BA'I THA SNYAD BZHIN DU DGAG PA DE'I NGO BO LA MI DMIGS PA TZAM LAS MED DO ZHES BYA BA'I THA SNYAD TZAM BSGRUB PA BSTAN PA NI, DPER NA LKOG SHAL LA SOGS PA LAS BA LANG DU GTOGS PA BZHIN NO ZHES RNAM 'GREL LAS BSTAN TO, ,DE LA MI DMIGS PAS KHYAD PAR DU MED PA'I THA SNYAD DU BYA BAR RTOGS PA NI DMAN PA'I RANG 'DOD YIN NO, , CHEN PO'I TSIG KYANG 'JIG RTEN DANG MI 'GAL BA YIN LA, DE 'DI LA MED PA'I PHYIR 'JIG RTEN DANG 'GAL BA YANG MA YIN NO, ,RIM PA JI LTA BA BZHIN DU BSTAN PA DE BZHIN DU SGRUB PA NI GNAS SKABS SO, ,SKAD CIG MA NYID LA SOGS PA CAN THAMS CAD MKHYEN PA'I RGYU MTSAN GYI DON RGYAS @009A *, ,PA NI KHYAB PA LA SOGS PA BSTAN PA LA THE TSOM MED PA YIN NA DE NI DE DAG GIS MA BYAS SO, ,RIM DANG CIG CAR DAG GI BYED PA PO NYID LAN CIG MTHONG BA DE'I RGYU MTSAN NYID KHYAB PA YIN LA, RTAG PA LA YANG RIM PA DANG RIM PA MA YIN PA 'GAL BA'I PHYIR MI RTAG PA NYID DU RNAM PAR GNAS PA YIN NO, ,BDEN TE DE LOG PAS LDOG PA'I BYED PA PO NYID LA MI RTAG PA NYID KYIS KHYAB PA YIN GYI, SKAD CIG MA NYID KYIS KYANG MA YIN LA, MI RTAG PA NYID NI SKAD CIG MA MA YIN TE, ZLA BA DANG LO LA SOGS PA YANG MI RTAG PA NYID KYI PHYIR RO, ,DE LTAR GNAS PA NI RTAG PA BZHIN DU RIM DANG RIM PA MA YIN PA 'GAL BA MA YIN TE, LHAN CIG TU MTHONG BA'I PHYIR RO, ,DE LTAR MTHONG BA MA YIN PA GZHAN DU YANG MTHONG BA MED PA'I PHYIR, SROG CHAGS LA SOGS PA BZHIN DU BYED PA PO BDAG NYID KYANG SKAD CIG MA NYID YIN PAS RJES SU 'GRO BA MA YIN ZHING LDOG PA MA YIN PA'I PHYIR 'GREL PA BYED PA NI SKABS KYI DON RGYAS PAR BYED PA MA YIN NO, ,SKAD CIG MA GNYIS PA LA SOGS PAR MI GNAS PA THA MA'I SKAD CIG MA LA DANG PO'I SKAD CIG MA LTOS PA YIN GYI, PHYI MA NI MA YIN PA'I PHYIR SKAD CIG MA NYID JI LTAR MI RTAG PA YIN, RIM DANG CIG CAR BDAG NYID KYIS DON BYED PA 'GAL BA'I PHYIR RO ZHES BYA BA LA SOGS PA NI RNAM 'GREL GYI DGONGS PA YANG YIN NO, ,SNANG DU MI RUNG BA BRTAG PAR DAM 'CHA' BA'AM SNANG BA LA YANG RUNG BA'I DNGOS PO LA ZHES SKABS JI LTA BAR 'CHAD PAR 'GYUR RO, ,LHAG MA NI SNGA MA BZHIN NO, ,DAM PA NI PHYIN CI MA LOG PA'I RANG GI NGO BO RIG PA'I MNGON SUM MO, ,DE'I BYA BA'I YUL JI SNYED PA'I THA SNYAD PA DANG CIG SHOS TE, DON DE DES BSDUS PA STE BSTAN BCOS KYI DON THAMS CAD DE'I MTHAR THUG PA NYID DU RIGS PAS GRUB PA'O, ,DAM PA'I DON LA 'DUS PAR YANG RUNG STE NYE BAR BSDU BA'O, ,BRGYUD PAS SAM DNGOS SU YANG RUNG STE, BSTAN BCOS MA LHAS PA DE'I DON YIN PA'I PHYIR RO, ,DE LA BLO NI RE RE'I RNAM PAR 'GREL PAR STON PA YIN NO, ,DE RNAMS LA NI DE MED DE, BRGYUD DE 'ONGS PA MI SHES PAS RIG PA LA MI SNANG BA'I PHYIR RO, ,DON MED PA NI SNYING PO MED PA'I RIM PA STE SPANGS PA NI @009B BOR BA'O, ,CHEN PO'I DON LA PHYIN CI LOG TU STON PA'O, ,DE RNAMS GANG YIN PA LA NI DE MED PA DANG 'BREL TO, ,'DIS KYANG SKRA LAS BYUNG BA YANG BSAL BA STON PA'I PHYIR ZHES BYA BA'I RNA BA LA SOGS PA'I SHES BA LA, RIGS MI MTHUN PA'I SHES PA NI MI SLU BA MA YIN PA'I PHYIR MA KHYAB PA'I SKYON SEL BAR BYED PA'I SMRA BA PO RNAMS KYI BYA BA ZHES BYA BA LA SOGS PA'I DON MTHUN PA NYID DU NGES PAR SBYOR BA'O, ,RANG LAS RANG GI NGO BO ZHES BYA BA 'DI'I YANG SHES PA'I RANG GI NGO BO KHO NA RANG LAS RTOGS PA YIN GYI, TSAD MA NYID NI MA YIN PA'I PHYIR SKABS KYIS GZHAN LAS TSAD MA NYID BSGRUB PAR 'DOD PA YIN LA, DE LAS BZLOG PA RANG LAS TSAD MA NYID SHES PAR BYA BA'I PHYIR BSHAD PA YIN NO, ,GYUR BA SMOS PA NI MA GYUR PA ZHES BYA BA LA SOGS PA BSTAN BCOS KYI BRJOD PAR BYA BA'I BCOM LDAN 'DAS YIN PAR BSGRUB PAR BYA BA'I 'BRAS BU'I GTAN TSIGS BRJOD PAR 'DOD PA LA, SKABS MA YIN BZHIN DU TSIGS BCAD KYI GYUR PA SGRA BSHAD PAR 'DOD PA NYID LA 'JUG PA YIN NO ZHES BYA BA LA SOGS PA CHEN PO'I DON LA DON MED PAR ZHUGS NAS SMRA BA YIN NA RANG GI GZHUNG DU NI JI SKAD SMRAS PA'I SKYON MED PAR DES NA ZHES BSTAN PA YIN NO, ,RO NYAMS ZHES BYA BA NI JI SKAD SMRAS BA'I SKYON MA LUS PA MED PAR MTSON PAR BYED PA YIN NO, ,SHIN DU ZHES BYA BA YANG RIM PA GZHAN LA GUS PA NI 'BRAS BU PHUL DU BYUNG BA YIN NA, ,SKAL BAR LDAN ZHES BYA BA LA SOGS PA NI DE LA DBANG BYED PA'I TSIG GO, ,SKAL BA DANG LDAN PA NYID NI NGO BO NYID KYIS BSKYED PA'I SHES RAB PHUN SUM TSOGS PA'O, ,MTHONG GYUR CES BYA BA NI MNGON PAR SBYANGS PA LAS BYUNG BA CAN YIN PA'AM, SKAL BA DANG LDAN PA NYID NI RIGS PHUN SUM TSOGS PA YIN LA, MTHONG GYUR BLO NYID NI NGO BO NYID CAN NAM SBYANGS PA CAN GYI SHES RAB PHUL DU BYUNG BA DANG SBYAR RO, ,YANG NA SNGAMS NI RIGS PHUL DU BYUNG BA, PHYI MAS NI SBYOR BA PHUL DU BYUNG BA'O, ,GROGS PHUN SUM TSOGS PA DANG RIGS PHUN SUM TSOGS PA YANG RUNG, BSAM PA PHUN SUM TSOGS PA DANG SBYOR BA PHUN SUM TSOGS PA YANG RUNG BAR GO RIMS BZHIN DU SBYAR BAR BYA'O, ,'DIR NI DE LTA BU'I RNAM PA NYID KYI BYE BRAG 'DOD PA 'AM @010A *, ,SMRAS PA'I SKYON RNAMS DOR BAR BYA BA'I CHED KYI DBANG DU BYAS PA'O, ,SHIN TU DAG PA NI NYON MONGS PA DANG SHES BYA'I SGRIB PA THAMS CAD BAG CHAGS DANG BCAS PA SPANGS PA'I PHYIR DRI MA MED PA'I BLO THAMS CAD MKHYEN PA'I YE SHES GNYIS SU MED PAR THUGS SU CHUD PA'I NGO BO DE BZHIN GSHEGS PA'I SHES RAB STE 'BRAS BU'I RANG BZHIN SGRUB PAR BYED PA RIGS PA SEMS PA'I RANG BZHIN CAN GYI BLOS SO, ,YANG DAG PA STE SNGAR SMRAS PA'I SKYON YONGS SU SPANGS PAS SO, ,RAB TU RNAM 'BYED KYI KHYAD PAR CAN DU BSHAD PAR BYED PA'O, ,KHYAD PAR CAN GYI DON YIN PA'I PHYIR YON TAN MA LUS PA YONGS SU BSDUS PA BSTAN PA YIN GYI 'GREL PA LA SOGS PA'I BSTAN PA TZAM SGRUB PAR BYED PA NI MA YIN PAS DE NI CI YANG MA YIN TE, PHYIS BYA BA NYAMS PAR MI 'GYUR RO ZHES BYA BA'I DON TO, ,RNAM 'GREL MDZAD PA SKAL LDAN BDAG NYID KYI 'DOD PA SHIN TU ZAB MO GANG YANG RUNG BA LA 'JUG PA SPONG BAR BYED PA NI, SHES RAB KHYAD PAR CAN DANG LDAN BA'I SLOB MA RNAMS KYIS KYANG 'DZIN PAR MI NUS PAR GZIGS NAS YID MI BDE BAS BLO'I NUS PA CHUNG BA MIN PA DAG GIS ZHES BYA BA LA SOGS PA MDZAD DO ZHES GRAG GO, ,DE YANG DA DUNG DU YANG BDAG LAS LHAG PA GZHAN MA RNYED PA RNAMS LA BSHAD PAR BYED PAS SPONG BAR BYED PA BSTAN PA'I SKABS KYI DON ZHES BYA BA LA SOGS PA YON TAN DANG LDAN PA DE RNAMS KYIS MA MTHONG BAS YID MI BDE BA GANG YIN PA DE LTAR NI MED DO ZHES DGAG PA GNYIS SBYAR BA YIN NO, ,CI'I PHYIR ZHE NA, GANG GI PHYIR RNAM 'GREL 'DI LA SKYON THAMS CAD SPANGS PA'I BSHAD PAR BYED PA'I SGO NAS, PHYIN CI MA LOG... PA'I TSAD MA YONGS SU GSAL BAS BLO GROS BZANG PO CAN RTOGS PAR BYED PA KHO BOS BYAS SO ZHES BYA BA NI RGYU NYE BAR DGOD PA'O, ,YANG NA RANG NYID LA'AM YUL LA SKYON YOD PA SRID PA MI 'JUG PA'I YAN LAG SKYON NYE BAR BSTAN BAS RNAM 'GREL DANG DE'I BSHAD PA LA YANG GO RIMS BZHIN DU TSAD MAR GYUR PA ZHES BYA BA LA SOGS PA TSIGS SU BCAD PA GNYIS KYIS GSAL BAR RTOGS PA DANG LDAN PA RNAMS 'JUG PA'I YAN LAG TU BYED PA YIN NO, ,DE DAG LAS TSAD MAR GYUR PA ZHES BYA BAS NI YUL TE RNAM 'GREL LA SKYON @010B YOD PA SRID PA GSAL BA YIN NO, ,RTOG GE NGAN PA ZHES BYA BA NI RANG NYID LA'O, ,DE NYID KYIS NA DE'I BSHAD PA'I YUL LA YANG SKYON YOD PA SRID PA MA YIN LA, RANG NYID LA YANG MA YIN PAR BSTAN PA NI, PHAL CHE BA ZHES BYA BA'O, ,GZHAN YANG CI'I PHYIR RNAM 'GREL MDZAD PAS RIGS BYED LA SOGS PA RNAM PAR 'GREL PAR MA MDZAD KYI, SANGS RGYAS PA'I MDZAD PA NI GANG GI PHYIR LOG PA'I SHES PAR BYE BRAG MED KYANG, RIGS BYED LA SOGS PA GSAL NAS SANGS RGYAS PA'I LTA BAR PHYOGS GCIG TU LTUNG BAR MI RIGS SO SNYAM DU SEMS PA LA, DAM PA'I DON LA BSLU BA DANG MI SLU BAR BYE DPA SANGS RGYAS CIG SHOS DAG PHYOGS SU LTUNG BA DANG MI LTUNG BA BSTAN PA NI TSAD MAR GYUR PA ZHES BYA BA'O, ,DE NYID KYIS NI YANG DE'I RNAM 'GREL MNYAN PA DANG BSHAD PA'I PHYIR BSHAD SBYAR GYIS NYE BAR BZUNG YANG RIGS KYI DPYOD PA LA SOGS PA'I NI MA YIN GYI BSTAN PA NI PHAN CHER ZHES BYA BA'O, ,LHAG MA NI SNGA MA BZHIN NO, ,BCOM LDAN 'DAS NYID TSAD MA NYID DU RAB TU SGRUB PA'I GNAS SKABS SU PHYAG 'TSAL BA BYED PA NI BGEGS MED PAR BSAM PA MTHAR PHYIN PA'I PHYIR YIN NO ZHES KHA CIG ZER BA DE NI MI RIGS TE, PHYAG 'TSAL BA LUS BGEGS MED PA YIN ZHES BYA BA 'DI LA TSAD MA MED PA'I PHYIR RO, ,YA RABS RNAMS PHYAG 'TSAL BA SNGON DU 'GRO BA NYID KYIS BSTAN BCOS LA 'JUG PA NA BGEGS NYE BAR ZHI BAR 'DOD PAR MTHONG BA YIN LA, DE LTAR RTOGS PA PO 'DI RNAMS 'JUG PA YANG TSAD MA MED PAR MI 'BYUNG BA MA YIN NAM; 'BRAS BU LAS RGYU NI THAMS CAD MKHYEN PA'I YE SHES KYIS RTOGS PA YIN LA, 'BRAS BU BGEGS NYE BAR ZHI BA NI PHYAG 'TSAL BA'I 'BRAS BU YIN NO, ,TSAD MA'I 'BRAS BU MA YIN PAR YANG 'JUG PA YOD DO, ,MI RIGS TE RTOG PA DANG LDAN PA RNAMS KYI 'JUG PA NI TSAD MA'I 'BRAS BU YIN PA'I PHYIR RO, ,TSAD MA'I 'BRAS BU NYID SHES PA'I RTOG PA DANG LDAN BA'I 'JUG PA NYID MI SHES PA LAS GCIG PA LAS GCIG NYEN PA YIN NO, ,BDEN TE TSAD MA GANG KHO NA LAS BCOM LDAN 'DAS THAMS CAD GZIGS PAR GRUB PA DE KHO NA BSOD NAMS KYI ZHING BLA NA MED PA @011A *, ,YANG YIN NO, ,DES NA DE LA PHYAG 'TSAL BA BSGRUB PAR 'DOD PAS DE NYID LA GRUB PA YIN NO, ,DE LTA NA YANG TSIGS SU BCAD PA 'DON PA LA SOGS PAR MA GTOGS PAR YANG AA THA'I SGRA RJES SU BSTAN PA LA SOGS PA BZHIN DU, DBEN PAR LUS DANG NGAG LA SOGS PA RNAMS KYIS BCOM LDAN 'DAS MNGON PAR MCHOD NAS 'JUG PA YANG 'DOD PA 'GRUB PA'I PHYIR RO, ,DE 'DON PA NI 'BRAS BU MED DO, ,DE LTA NA CI'I DON DU TSIGS SU BCAD PA 'DON, GZHAN GYI DON DU STE GZHAN PO RNAMS KYANG BCOM LDAN 'DAS LA DAD PA MED PAR YANG BLTA BAR 'DOD PAS BSTAN BCOS LA 'JUG PA NA, JI LTA BU'I 'DOD PAS KYANG DANG POR PHYAG 'TSAL BA SKYO DUB MED PAR BSNYEN PAS BSOD NAMS KYI SNOD DU 'GYUR TE, JI SKAD DU, JI LTAR 'DOD PA'AM DNGOS KUN MIN PAS SAM, ,GZHAN RJES SU 'BRANGS PA'AM YID GNYIS KYIS KYANG RUNG, ,THUB DBANG ZLA BA KHYOD LA GANG ZHIG PHYAG BYED PA, ,DES KYANG 'CHI MED PHUN SUM TSOGS PA THOB PAR 'GYUR, ,ZHES BSTAN PA'O, ,DE LTAR GZHAN GYI DON DU PHYAG BYAS PA LA RANG GI DON GYI BGEGS MED PA YANG ZHAR LA GRUB PO, ,YANG NA GANG LAS 'DI LTA BU'I BSTAN BCOS BYA BAR NUS PA'I BSOD NAMS KYI TSOGS YIN PA DE LAS BGEGS MED PA YANG YIN PA NI GZHAN GYI DON NYID YIN PAR BSTAN PA NI, 'DI LA BSTAN BCOS KYI DANG POR ZHES BYA BA STE, BSTAN BCOS KYI DON NYID YIN PA'I PHYIR ZHES BYA BAR YANG BSTAN BCOS KYI DON RTOGS PAR BYA BA NI MA YIN TE, DE LA MOD KYI DGOS PA STE GZHAN GYI DON YIN LA DE BSTAN BCOS KYI DON YIN PA'I PHYIR RO, ,GANG GI BSTOD PA YIN PA DE DE BZHIN DU DE'I BSTAN BCOS YIN PA BZHIN DU BSTOD PA YANG GZHAN GYI DON YIN NO ZHES BYA BA'I DON TO, ,YANG NA PHYAG BYAS PA LAS BGEGS MED PAS BSTAN BCOS YONGS SU RDZOGS PA YIN LA, DES NA PHYAG 'TSAL BA BSTAN BCOS KYI DON YIN NO, ,YANG NA TSIGS SU BCAD PA 'DON PA LA SOGS PA MED PAR YANG DBEN PAR BCOM LDAN 'DAS LA MCHOD PA LA SOGS PAS RANG GI DON 'GRUB PA YIN LA, TSIGS SU BCAD PA 'DON BA NI BSTAN BCOS KYI DON YIN PAS GZHAN GYI DON YIN @011B NO; ,GZHAN RNAMS KYANG JI LTAR 'DOD PAS KYANG RUNG STE BCOM LDAN 'DAS LA PHYAG BYED PA NI RANG GI DON THOB PAR 'GYUR RO, ,GZHAN RNAMS KYANG DBANG BYED PA DAD DBANG MI BYED PA DAG LAS DBANG MI BYED PAR RTOGS PA BSKYED PAR DKA' BA'I PHYIR, BSTAN BCOS KYI DBANG DU BYAS NAS BCOM LDAN 'DAS LA BSTOD PA YIN GYI, GZHAN NI MA YIN NO, ,DE LA BSTOD PA'I 'BRAS BU YANG SNGA MA NYID YIN NO ZHES BYA BA'I BSAM PAS BSTAN BCOS KYI DON YIN PA'I PHYIR ZHES BYA BA LA SOGS PA SMOS SO, ,BSTAN BCOS NI RTOGS PAR BYA BA YIN PA'I PHYIR YANG BSTAN BCOS KYI DON NI DAM BCAS PA'I NGO BO'I TSIGS SU BCAD PA YIN ZHES BYA BA'I DON TO, ,DAD PA'I YUL NYID LA PHYAG BYA BAR BSTAN PAS BCOM LDAN 'DAS NYID LA LTOS PAR RTOG PA DANG LDAN PA RNAMS KYIS RTOGS PAR BYA BA YIN GYI, SLOB DPON GYI GZHUNG NI MA YIN NO ZHES BSTAN PA YIN NO, ,SLOB DPON GYI GZHUNG BSHAD PA'I SGO NAS KYANG BCOM LDAN 'DAS NYID RTOGS PAR BYA BA YIN NO SNYAM NA, DE LTA RTOGS PAR BYED PA LA DGOS PA MED PA'I PHYIR RO, ,GZHUNG DE BSHAD PAS 'PHANGS PA NYID LAS TSAD MA NYID JI LTA BA BZHIN DU RTOGS PAR BYED PA NYID DU MI NUS SO ZHES BSTAN PA NI, TSUL BZHIN ZHES BYA BA'O; ,YANG NA PHYED SNGA MAS BCOM LDAN 'DAS NYID LA LTOS PA NYID DO, ,PHYED PHYI MAS KYANG RGYU DANG BCAS PAR BSTAN TO, ,DE NYID KYIS NA LTOS PA DANG BCAS PA'I PHYIR TSAD MA GRUB PA NYID SGRUB PAR 'GYUR BA YIN GYI, SLOB DPON GYI GZHUNG NI MA YIN NO, ,PHYED SNGA MAS NI GTAN TSIGS SO, , PHYI MAS NI DAM BCAS PA'I 'DOD PA'O, ,DE LTAR NA YANG PHYAG BYAS PAS RANG GI DON DANG GZHAN GYI DON NYID ZHAR LA GRUB PA YIN NO, ,MNGON SUM LA SOGS PA RNAMS 'JIG RTEN LA GRUB PA MA YIN NAM, DE'I NANG DU 'DUS PA BCOM LDAN 'DAS KYANG GRUB PA NYID YIN PA'I PHYIR BRTAG PAR BYA BA MA YIN NO, ,LOG PAR RTOGS PA LA BRTAG PA YIN NO, ,MI NUS PA'I PHYIR MA YIN NO, ,DE RNAMS KYIS BRTAG PA NI PHAN TSUN BRTEN PA YIN NO, ,GAL TE GZHAN RNAMS KYIS YIN NA DE RNAMS KYIS JI LTAR YIN, GAL TE DE LAS KYANG GZHAN PA RNAMS KYIS YIN NA NI THUB PA MED PAR 'GYUR @012A *, ,RO; ,RAB TU GRUB PA RNAMS KYIS MA GRUB PA BRTAG PA YIN NO ZHE NA MA YIN TE ZHES MTSAN NYID MTSUNGS PA'I PHYIR DE LTA BU NYID BSGRUB PAR BYA BAR MI NUS SO ZHES BSTAN PA YIN NO, ,'O NA JI LTAR DE YOD PA GSAL BAR BYAS NAS YOD PA LA YANG DAG PAR SBYOR BA'I SKYES BU'I ZHES BYA BA LA SOGS PA SMRAS PA JI LTAR YIN, PHYIN CI MA LOG PA'I MNGON SUM GYI RANG GI NGO BO BSTAN PA DE YONGS SU BRTAG BA NI MA YIN NO, ,YONGS SU BRTAG PA NYID DGAG PA YIN GYI, YONGS SU BRTAG PA BZHIN DU MTSAN NYID KYANG MA YIN NO, ,'JIG RTEN LA GRUB PA DE BZHIN DU RTOGS PA LA MI NUS PA LA DE SKAD SMRA BA YIN NA NI; YONGS SU BRTAG PA YANG DE BZHIN DU MI RIGS TE, RAB TU GRUB PAS MA GRUB PA YONGS SU BRTAG PA YIN PAR BSTAN PA NI, GZHAL BYA RTOGS PA NI TSAD MA LA RAG LAS PA YIN ZHES BYA BA STE, TSAD MA MA YIN PA LA RAG LAS PA NI MA YIN TE, TSAD MA MA YIN PA DANG MTSAN NYID MI 'DRE BA NYID LA TSAD MAR YONGS SU BRTAG PA NYID DU SHES PAR BYA'O, ,MA 'KHRUL PA NYE BAR BSTAN PA'I MTSAN NYID BRJOD PA DE MA NGES PA'I PHYIR LAN GYI TSUL GYIS YONGS SU BRTAG PA'I SHUGS KYIS BSTAN PAS BRJOD BYA MA YIN NAM, MA YIN TE, MTSAN NYID BRJOD PA NYID LOG PAR RTOGS PA BSAL BA'I DON DU YONGS SU BRTAG PA YIN GYI GZHAN NI MA YIN NO, ,TSAD MA RNAMS LA YON TAN DANG MI SLU BA'I SHES PA LA LTOS NAS YONGS SU BRTAG PA DE NI MI RIGS TE, THUG PA MED PA'I PHYIR RO, ,MA YIN TE DE BKAG PAS TSAD MA NYID DANG CIG SHOS KYI RNAM PAR DBYE BA MED PAR THAL BAR 'GYUR RO ZHES 'CHAD PAR 'GYUR BA'O, ,TSAD MA LA RAG LAS PA YIN GYI SHES PA LA RAG LAS PA NI MA YIN TE, MYU GU NI SA BON LA RAG LAS PA YIN GYI, SA BON GYI SHES PA LA RAG LAS PA NI MA YIN NO, ,DE'I PHYIR RTOGS PA NYID LAS YIN GYI TSAD MA NYID DU MA RTOGS PA LAS RTOGS PA'I YUL DON DU GNYER BA RNAMS 'JUG PA YIN GYI, RTOGS PA TZAM NI 'JUG PA'I YAN LAG MA YIN TE, RMI LAM LA SOGS PA DANG MTSUNGS PA'I PHYIR RO, ,PHRAD PAR BYA BA DANG 'BREL PA'I PHYIR RO ZHE NA, DE DANG 'BREL BAS DE YIN PA DE LTA NA'ANG NYID LAS SHES PA MA YIN PA'I PHYIR, GZHAN NYID LAS YIN PAR SHES PAR BYA STE, SREG PA LA SOGS @012B PA'I SHES PA YANG SREG PA LA SOGS PA GRUB PA'I CHED KYI THABS NYID KYIS 'DOD PA YIN GYI RANG GI NGO BO NI MA YIN TE, SKYES BU'I DON MA YIN PA'I PHYIR DANG PHRAD PA NYID MI 'JUG PAR THAL BAR 'GYUR BA'I PHYIR YANG NGO, ,'PHRAD PAR BYA BA DANG 'BREL PA'I SHES PA YANG MI SHES PA LA PHRAD PA MI SRID PA'I PHYIR, 'DIR 'DI'O ZHES PHRAD PAR BYA BA DANG 'BREL PA RIG PA YIN GYI GCIG PO NI MA YIN NO, ,DE NYID KYIS BSAL BA YIN NO, ,PHRAD PAR BYA BA'I SHES PA NYID LAS DE DON DU GNYER BA PO 'JUG PAR 'GYUR BA YIN NA, DE'I 'BREL BA SHES PA BAR GYI SHA LTAG GIS CI ZHIG BYA, PHRAD PAR BYA BA RTOGS PA YANG GZHAL BYA RTOGS PA YIN GYI RANG GI NGO BO TZAM RTOGS PA NI MA YIN NO, ,PHRAD PAR BYA BA DANG 'BREL PA'I RANG GI NGO BO RTOGS PA DE LAS DE RTOGS PA KHO NA 'BREL PA RTOGS PA YIN NO ZHE NA, GCIG RIG PA LAS NI MA YIN GYI 'BREL PA RIG PA LAS YIN TE, DU BA TZAM RIG PA LAS ME DANG 'BREL PA RIG PA MA YIN GYI ME MTHONG NAS DU BA MA MTHONG BA NA MTHONG BA'I STOBS DANG MA MTHONG BA'I STOBS LAS DE LAS 'DI'O ZHES NGES BZHIN PA'I DU BA NI 'BREL PA CAN NYID DU NGES PA YIN TE, MTHONG BA GOMS PA KHO NA LAS SO, ,'DIR YANG PHRAD PAR BYA BA LA LTA BA PO RANG GI NGO BO LA DMIGS PA NI, DE LAS 'DI'O ZHES DE KHO NA BZHIN DU RTOGS PA PO GOMS PAS KYANG RANG GI NGO BO MTHONG BA KHO NA LAS SO, ,GOMS PA MED PA LA NI DE'I 'GREL PA GZHAN NYID KHO NA LAS YIN PAR SHES PAR BYA BA YIN GYI, RANG GI NGO BO SHES PA LAS NI MA YIN NO, ,DE DAG TZAM NA DU BA LAS RANG GI NGO BO'I BYE BRAG STE, 'BRAS BU DU BA NYID LAS GOMS KYANG RUNG MA GOMS KYANG RUNG BAS SHES PA YIN LA, RANG GI NGO BO NI PHRAD PAR BYA BA'I 'BRAS BU DE NYID KYIS SO, ,'BRAS DANG RGYU NYID KYI DE NYID MTHONG BA YANG RGYUN GCIG TU GNAS PA'I SKAD CIG MA RNAMS GCIG TU 'DUS PAS GNAS PA'I GZUGS LA SOGS PA MTHONG BA YANG NGO, ,DE LTAR PHRAD PAR BYA BA DANG 'BREL PA CAN GYI RANG GI NGO BO SHES PA DE NYID NI PHRAD PAR BYA BA'I SHES PA STE, DE NYID KYANG GZHAL BYA RTOGS PA YIN PA'I PHYIR, TSAD MA'I SHES PA NYID NI GZHAL BYA RTOGS PA YIN NO, ,TSAD MA'I SHES PA MED NA GZHAL BYA RTOGS PA GA LA YOD, YANG NA MTSAN NYID NI RANG GI NGO BO BSTAN PA YIN GYI LOG @013A *, ,PAR RTOGS PA POS GO BA DE TZAM NI MA YIN NO, ,SGRUB PAR BYED PAR RTOGS PA YIN NO ZHE NA, DE LTA YIN NA YONGS SU BRTAG PA ZHES BYA BA'I DON LA 'ONGS PA YIN NO, ,YANG NA TSAD MA ZHES BYA BA NI MED PA KHO NA YIN TE, MA 'KHRUL BA LA SOGS PA MED PA'I PHYIR RO, , DES NA YONGS SU BRTAG PA ZHES BYA BA CUNG ZAD KYANG MED DO ZHES CHAD MA THAMS CAD MED PAR SMRA BA'I RGOL BA RNAMS SEMS PA LA GZHAL BYA RTOGS PA NI TSAD MA LA RAG LAS PA YIN ZHES BYA BA SMOS TE, TSAD MA NI YOD PA YIN TE SLU BA MED PAR MTHONG BA LA SOGS PA'I PHYIR ZHES BYA BA'I DON TO, ,MNGON SUM MA YIN PA'I TSAD MA NI MED CES BYA BAS, RJES SU DPAG PA MED PAR SMRA BA'I RGOL BA PO'I BYE BRAG GO, ,YANG NA BDE BAR GSHEGS PA'I GZHUNG LUGS SU RNAM PAR RIG PA TZAM YIN LA DE NYID DU DNGOS SU 'AM BRGYUD PAS KYANG RUNG MTHAR THUG PA YIN LA, DE LA YANG GZHAL BYA MED PA'I PHYIR SLU BA MED PA NYID DAM GZHAN YANG RUNG BAS 'DIS DPAG PAR BYA BA YIN ZHES DE LA DMIGS PA'I TSAD MA NYID MI SRID DO, ,RANG GI NGO BO RIG PAS NI TSAD MA NYID MA YIN LA PHRAD PAR BYA BA'I DON RIG PA NI TSAD MA NYID YIN TE; JI SKAD DU, TSAD MA NYID DAM TSAD MA MIN NYID DAM, ,BSOD NAMS SDIGS PA SOGS DANG DE 'BRAS BU, ,ZHES BYA BA LA SOGS DE DAG THAMS CAD KYANG, ,DON GYIS STONG PA'I BLO LA MI RIGS 'GYUR, ,ZHES BSTAN TO ZHES ZER BA 'DI LA, TSAD MA LA RAG LAS PA YIN ZHES BYA BA SMOS TE, PHRAD PAR BYA BA DANG 'BREL BA NYID NI 'JIG RTEN PA'I TSAD MA YIN LA, DE RIG PA TZAM YANG KHYAD PAR CAN MA YIN ZHES BYA BA'I DON TO, ,YIN DU ZIN KYANG RIG BYED LA SOGS PA NI 'JIG RTEN PHA ROL LA SOGS PA LA TSAD MA YIN PAR 'JIG RTEN DU GRUB PO ZHES BYA BA NI YONGS SU BRTAG PA'I GO SKABS MED PA YIN TE, 'DI LA BCOM LDAN 'DAS NYID NI, ,ZHES BYA BA SMOS SO, ,DE LA ZHES BYA BA NI SKABS KYI RGYU MTSAN GNYIS SAM BSGRUB PAR BYA BA DE LA'O, ,DE LA YANG DBYE BA RNAM PA BZHI YOD DE, , @013B BCOM LDAN 'DAS NYID CHOS LA TSAD MA YIN PA'AM GZHAN NYID DAM GNYI GA 'AM GNYI GA MA YIN PA ZHIG CES YONGS SU BRTAG PA TSOL BA LA, 'DIR RNAM PA 'DI GZHIR BYED PAR 'GYUR BA NI, DE LA PHYOGS GSUM PO BSAL NAS PHYOGS DANG PO YONGS SU BZUNG BAR BSTAN PA NI, TSAD MA YANG BCOM LDAN 'DAS NYID CES BYA BA'O, ,GZHAN NYID LAS SKYES PA'I TSAD MA NYID DE YANG RANG GI 'BRAS BU LA MI LTOS PA NYID YIN LA, 'BRAS BU YANG DE'I DON JI LTA BA LA NGES PA'AM 'JUG PA MA YIN NAM DE LA SNGA MA NI 'BRAS BU'I SHES PA BYUNG BA'I DUS NYID LA BAR DU MCHOD PAR SKYE PAR MTHONG BA LA 'JUG PAR BYA BA YANG DON JI LTA BA LA NGES PA'I RGYU MTSAN DE YOD NA 'BYUNG BA NYID YIN TE, LTOS PA GZHAN YANG RGYU'I YON TAN GYI SHES PA NYID YIN NO ZHE NA, ,DE YANG TSAD MA YIN NA LTOS PA YIN GYI GZHAN DU NI MA LA, DES NA YANG DE'I YANG LTOS PA YON TAN GYI SHES PA GZHAN YIN LA, DE'I YANG GZHAN YIN PAS THUG PA MED PAR 'GYUR RO, ,'ON TE LTOS PA LAS LTOS BYED TSAD MA YIN NA LTOS BYED KYANG GZHAN LAS ZHES PA LA SKYON MED DO, ,MA YIN TE PHAN TSUN BRTEN PAR THAL BAR 'GYUR RO, ,BDAG NYID THOB PA LA YANG RGYU'I YON TAN LA LTOS PA YIN GYI RANG GI 'BRAS BU LA NI MA YIN TE, BUM PA LA RDZA MKHAN LA SOGS PA LTA BU'O, ,MI SLU BA'I SHES PA'I LTOS PA LA YANG STE, 'DI NYID KYANG SUN 'DON PA GNYIS DANG SBYAR BAR BYA'O, ,SKAD CIG MA'I RNAM PAR SHES PA NI YON TAN MI SLU BA'I SHES PA'I DUS SU GNAS PA MA YIN NO, ,DE'I PHYIR TSAD MA NYID DU KHAS BLANGS PA'I TSAD MA NYID LTOS PA DANG BCAS PAR 'GAL BAS KHAS LEN PAR MI RIGS PA'I PHYIR GYI SHUGS KYIS LTOS PA MED PA NYID DU GRUB PO; ,DE YANG, GCIG BU LTOS MED KHO NA NYID, ,MTSAN MA NYID NI RGYU MTSAN STE, ,LTOS BCAS NYID LA YANG DAG PAR, ,GNAS NA DE NYID RNAM NYAMS 'GYUR, ,GANG PHYIR RTZA BA'I PHYOGS DOR NAS, ,SU ZHIG RIGS PA SMRA 'DOD @014A *, ,'GYUR, ,GANG GIS DE SGRUB PA'I THABS KYANG, ,RANG GI TSIG GIS RNAMS NYAMS 'GYUR, ,LTOS BCAS TSAD MA NYID DU NI, ,RNAM PAR GZHAG PA GANG NA YANG MED, ,CES BYA BA DANG, JI STE MI BSLU'I SNGA MA YIN, ,SLU BA MED CAN GNYIS TSAD NAS, , PHAN TSUN YANG DAG BRTEN NYID KYIS, ,TSAD MAR BRTAG BYA NYID NYAMS 'GYUR, ,ZHES KYANG BSTAN PA YIN NO, ,'DIR DON NI 'DI YIN TE, MA 'KHRUL BA NYID NI TSAD MA NYID YIN LA, DE YANG SHES PA'I DON DANG 'BREL PA YIN GYI, DER NGES PA YANG SHES PA DES SAM SHES PA GZHAN GYIS YIN, DES YIN NA NI 'BREL PA CAN DU NGES PAR SNGON DU 'GRO BA CAN DE NI SHES PA YIN TE, 'BREL PA CAN DU MA NGES NA 'BREL PA MI SHES PA'I PHYIR RO, ,'BREL PA CAN YIN NA NI DON LA NGES PAS SNGA MA NYID KHO NA LA 'JUG PAR 'GYUR NA 'BREL PA SHES PAS CI ZHIG BYA, 'ON TE 'BREL PA NGES PA LAS 'BREL PA CAN DON LA NGES PA YIN NA PHAN TSUN BRTEN PAR 'GYUR RO, ,'ON TE DON BYED PA'I SHES PA LAS YIN NA, DE YANG DON BYED PAR 'BREL PA SHES NA, DON BYED PAR NGES PAR BYED PA YIN TE, RMI LAM LA SOGS PA DON GYI BYED PA DE NYID SHES PA YIN NA, DE LA YANG DE LAS DON BYED PA'I SHES PA GZHAN BRTZAL BAR BYA DGOS LA, DE LA YANG GZHAN LAS YIN PAR 'GYUR RO, ,'ON TE DON BYED PA'I SHES PA GNOD PA MED PAR DON BYED PAR RIG PA NI RANG NYID LAS TSAD MA YIN NO, ,SNGA MA YANG DE KHO NA BZHIN DU RANG GI 'BRAS BU LA LTOS PA MED PA'I TSAD MA'O, , DE YANG; DNGOS KUN BDAG NYID 'THOB DON DU, ,RGYU LA LTOS PA NYID DU 'GYUR, ,BDAG NYID THOB PAR RANG 'BRAS LA, ,RANG NYID 'JUG PAR 'GYUR BA YIN, ,GAL TE RNAM SHES SKYES GYUR NA'ANG, ,JI SRID RGYU NI BDAG NYID DU, ,TSAD MA GZHAN GYIS MA RTOGS PA, ,JI SRID DON MED PAR DES 'DZIN, ,DER NI SHES GZHAN SKYE BA YIN, ,RGYU GZHAN LA NI BZHES PA YIN, ,ZHES SMOS SO, ,DE'I PHYIR RING POR LON PA YANG DANG PO PA BZHIN DU YONGS SU GCOD PA TZAM NI TSAD MA NYID KYI BYA BA YIN GYI, TSAD MA NYID KYI SHES PA PHYI MA GZHAN SNGA MA LAS BYE @014B BRAG TU BYED PA MA YIN NO, ,DON BYED PA LA GNOD PA MED PA'I SHES PA BZHIN DU NGES PAR BYED PA'I SHES PA YANG RANG NYID LAS KHO NA BZHIN DU TSAD MA YIN TE BYE BRAG MED PA'I PHYIR RO, ,DE YANG, GANG TSE RANG LAS TSAD MA NYID, ,DE TSE GZHAN NYID TSOL MIN TE, ,SKYON RIG PA LAS BCAD MED PAR; ,BRDZUN PA NYID NI RTOG PAR 'GYUR, ,ZHES SMOS SO, ,NYA PHYIS LA DNGUL DU SHES PA YANG SNGA MA'I RNAM PAR SHES PA DANG MTSAN NYID MI 'DRA BA TSOGS PA GZHAN LA LTOS PA LAS BYUNG BA PHYIN CI LOG PA'I YUL CAN YANG DE NYID LA NGES PA CAN GZHAN LA LTOS PA YIN LA, DES NA LDOG PA'I YUL YIN PA'I PHYIR GZHAN LAS YIN PAR BSTAN TE, DE YANG, RANG DON TSAD MA MIN PA YANG, ,TSAD MA BZHIN DU BLTA BAR BYA, ,ZHES SMOS PA'O, ,DPER NA YUL PHYI MA RTOG PA TZAM DU BYED PA'I TSAD MA BZHIN DU SNGA MA YANG DE DANG 'DRA BA'O, ,CIG SHOS NI RANG LAS DES PA MA YIN PA'I RANG GI NGO BO NI GZHAN LAS LTOS PA YIN ZHES BYA BA'I DON TO, ,RIG BYED LAS BYUNG BA'I SHES PA NI DNGUL GYI SHES PA BZHIN DU 'DI YANG 'GYUR BA NI MA YIN NO, ,BRDZUN PA SKYED PAR BYED PA LAS DE BZHIN PA'I DON NYID LA NGES PA'I SHES PA BDEN PA GZHAN YOD PA MA YIN ZHING SKYON GYI SHES PA YANG MA YIN TE, SKYES BUS BYAS PA MA YIN PA'I PHYIR RO, ,RANG DU RTOGS PA'I SGRA NYID NI SOR MO'I RTZE MO LA SOGS PA'I NGAG BZHIN DU DON JI LTA BA MA YIN PA'I SHES PA SKYES PA'I SKYON YANG MED DO, ,LAN CIG KYANG DE'I RANG BZHIN LAS DE'I RANG BZHIN MA YIN PA SHES PAR MI RIGS TE, DE LAS RES 'GA' ZHIG DON JI LTA BA RTOGS PA YIN NO, ,BDEN YANG 'BYUNG LA DE LTA MA YIN YANG 'BYUNG ZHES GANG SMRAS PA LA, BRDZUN PA SKYED PAR BYED PA LAS BDEN PA MI 'BYUNG LA, 'BYUNG DU ZIN KYANG DE LAS SGRA RANG NYID SKYON CAN MA YIN TE, 'ON KYANG BU'I 'DUS PA LA YIN LA, SKYES BU YANG BLO SNGON DU 'GRO BA'I TSIG GI RIM PA GZHAN DU YANG BYED PA'I PHYIR, GCIG PU SLU BAR BYED PA YIN GYI SGRA NI MA YIN NO, ,RIG BYED LA NI SKYES BU MED PA'I PHYIR, DES BYAS PA'I RIM PA MA YIN PA'I PHYIR, SLU BAR DOGS PAR MI BYA STE, DE YANG, RE ZHIG SGRA @015A *, ,LAS SKYON BYUNG BA, ,SMRA BA PO LA LTOS NAS YIN, ,ZHES SMOS PA'O, ,DE NYID NI GZHAN LA LTOS PA'I TSAD MA NYID YIN GYI, 'JIG RTEN DANG RIG BYED DU YANG TSAD MA RNAM PAR GZHAG PAR 'GYUR BA MA YIN NO SNYAM DU SEMS PA LA, DE LA TSAD MA'I MTSAN NYID SPYIR STON PA NI ZHES BYA BA SMOS TE, 'DIS MTSON PAR BYA BA YIN PAS NA MTSAN NYID DE RANG LAS SAM GZHAN LAS KYANG RUNG BA'I TSAD MAR BRTAG PAR BYA BA NI 'DI'I DON TO, ,TSAD MA NYID NI YON TAN GYIS BSKYED PAR BYA BA YIN ZHES SMRAS PA LA, BUD SHING LA SOGS PA'I GROGS LA LTOS PA'I ME LA SOGS PA NI DU BA LA SOGS PA SKYED PAR BYED PAR SNANG LA, DE BZHIN DU SHES PA YANG GROGS LA LTOS PA YIN DANG, SKAD CIG MA JI LTAR LTOS PA NYID YIN, ME LA SOGS PA YANG MTSUNGS PA'I PHYIR CUNG ZAD KYANG YOD PA MA YIN GYI, RGYUN GYI DNGOS PO LA GCIG PA NYID DU ZHEN PAS RGYU YIN NO, , GROGS BYED PA'I PHYIR DANG PHAN PA BYED PA'I PHYIR ME'I LTOS PA SHING YIN PAR RIGS PA MA YIN NAM, SHES PA YANG YUL NGES PA'I PHYIR GZHAN PHAN PA BYED PA CAN YIN NO, ,SHES PA NI YUL RTOGS PA'I NGO BO KHO NA MA YIN NAM, DE LTA NI MA YIN TE, RANG GI NGO BO RTOGS PA'I RANG BZHIN YIN LA; DE YANG RANG NYID LAS TSAD MA YIN TE, DE YANG SHES PA THAMS CAD KYI RUNG MONG YIN PA'I PHYIR, SHES PA THAMS CAD TSAD MAR 'GYUR TE GNOD PA MED PA'I PHYIR RO, ,DE YANG SER PO 'ANG DNGUL DU MI SNANG BA'I PHYIR GNOD PAR 'GYUR BA YIN NO, ,'DI LTA BU'I TSAD MA'I DBANG DU BYAS PA NI MA YIN TE, DE'I YANG PHRAD PAR BYA BA'I 'BRAS BU DANG 'BREL PA NI TSAD MA NYID YIN LA, DE YANG RANG GI NGO BO RTOGS PAS BCAS PA NI MA YIN TE, GZHAN NYID LAS RTOGS PAR BYA BA YIN PA'I PHYIR RO, ,GCIG LA GCIG BRTEN PA YANG MA YIN TE, 'DI LA 'DI'O ZHES DON RTOGS PA KHO NA TSAD MA NYID YIN TE RTOGS PA'I PHYIR RO, ,'DIS NI DGOS PA MED PA'I PHYIR GSAL BA YIN LA, PHRAD PAR BYA BA'I 'BRAS BU RTOGS PAR YANG RANG NYID LA KHO NA LAS NGO BO BZHIN DU THE TSOM MED PA YIN NO, ,DE DANG 'BREL PA NI MA RTOGS TE, DMIGS PA DANG MA DMIGS DAG @015B LAS KHONG DU CHUD PAR BYA'O, ,'BRAS BU RTOGS PA TZAM TSAD MA MA YIN NAM, DE BZHIN SNGA MA LA YANG CIS MI 'GYUR, ,JI TZAM DU RTOGS PA DE TZAM DU RANG NYID KHO NA LAS YIN PAR NI BDEN NA, 'BRAS BU LA 'BREL PA NI MA RTOGS PA YIN NO, ,BSKYED BYA 'AM SKYED BYED DU YANG CIS MA RTOGS, BDEN TE, SKYED BYED DAM BSKYED BYAR NI RTOGS NA, DE KHO NA NYID KYIS NI MA YIN PA'I PHYIR THUG PA MED PA LA SOGS PAR RGAL BA NI NAM MKHA' LTADo PA DANG 'DRA'O, ,TSAD MA NYID KYI SHES PA LAS PHYI MA YONGS SU GCOD PA NI SNGA MA LAS BYE BRAG MED PA YANG MA YIN TE, DE'I TSE BYE BRAG MTHONG BA LAS DMIGS PA RNAM PAR GZHAG PA'I PHYIR RO, ,DE LTA NA RIG BYED LAS SGRUB BYED MCHOD SBYIN LAS BSGRUB BYA MTHO RIS THOB PAR BYA BAR SHES PA NYID YIN PA'I PHYIR TSAD MA YIN NO, ,'PHRAD PA'I PHYIR 'JUG PAR MI 'GYUR RO, ,GOMS PA LAS PHRAD PAR BYA BA NGES PA YIN NA MNGON SUM LAS JI LTAR 'JUG PA YIN, NGES PA RTOGS PA'I DON DU 'JUG PA YIN PA'I PHYIR SKYON MED DO, ,NGES PA TZAM 'DI LA YANG RTOGS PA KHONG DU CHUD PA MED DO ZHE NA NGES PA MED DO, ,KHYED LA YANG CI LAS NGES, PHRAD PAR BYA BA'I 'BRAS BU LA RANG GI NGO BO 'DZIN PA YIN PA'I PHYIR RO, , PHRAD PAR BYA BA'I RANG GI 'BRAS BU'I RANG GI NGO BO NI 'DI LA YANG NGO, ,MA YIN TE, THOB PAR BYA BA NI DBANG PO LAS 'DAS PA NYID KYIS DE'I 'BRAS BU NYID SHES PA MED PA'I PHYIR RO, ,THOB PAR BYA BA'I 'BRAS BU'I SHES PA NI RAB RIB CAN GYI SHES PA BZHIN DU SKYON LAS BYUNG BA YIN LA RIG BYED LA NI SKYON MED DE, BYED PA PO MED PA'I PHYIR RO, ,'O NA RAB RIB CAN NAM, GZHAN YANG RUNG BA'I MI BSLU BA DANG, SLU BA YANG NYE BAR DMIGS PAS THA DAD PA MA YIN NAM, DE NI 'DI LA MED DE THOB PAR BYA BA NI DBANG PO LAS 'DAS PA NYID KYIS DE GNYIS MED PA'I PHYIR RO, ,SLU BA NI SKYON GYIS BSKYED PA MA YIN NAM, DE DAG KYANG SKYES BU DANG 'BREL PA LAS YIN GYI, RANG NYID LAS NI MA YIN TE, 'BRAS BU DANG RGYU'I NGO BOR NGES PA'I PHYIR RO, ,DE MED NA SKYED BU'I BYA BA TSIG GI RIM PA CI LTAR RIGS, DE LTA YIN DU ZAD MDO CE NA, SKYON DANG DES @016A *, ,BYAS PA'I SLU BA YANG CI'I PHYIR GLO BUR DU MA YIN TE MTSUNGS SO, ,RIG BYED KYI RIM PA GZHAN NYID YIN TE, BYED PA PO MED PA'I PHYIR, DE'I SKYON RNAMS KYANG YOD PA MA YIN LA, SHES PA YANG SKYED PAR BYED PA YIN PA'I PHYIR SLU BA MA YIN TE BYED PA MED PA'I PHYIR RO, , THOB PAR BYA BA'I SHES PA LA NI MIG GI RNAM PAR SHES PA BZHIN DU BYED PA'I SKYON MED PAR SHIN TU NGES PA YIN LA, GZHAN DU YANG BYED PA PO MED PA LA NI SGRA RANG NYID LA SKYON YOD PA'AM GZHAN LAS SAM ZHES BYA BA'I DOGS PA LDOG PA MA YIN NO, ,RANG NYID SKYON CAN YIN NA NAM DU YANG JI LTAR BDEN PA NYID DU 'GYUR, SKYES BUS BYAS PA NI DE'I YON TAN LAS BDEN PA NYID YIN LA, YON TAN RNAMS LA NI SKYON YOD PA MA YIN ZHES BYA BA GTAM TZAM YIN TE, TSAD MA MED PA'I PHYIR PHYIN CI LOG PAR THAL BAR 'GYUR RO, ,GANG ZHIG GANG LAS BYUNG BAR SNANG BA DE LAS BYUNG BA YIN PA DE'I PHYIR RO, ,YON TAN LAS BDEN PA NYID DANG, SKYON LAS BRDZUN PA NYID DU NI RIG PA YIN NO, ,DE LTAR YANG TSAD MAR GYUR PA ZHES BYA BA LA SOGS PA DER RGYAS PAR BSHAD PA YIN NO, ,RIG BYED LA NI SKYES BU MED PA'I PHYIR, YON TAN LAS BYUNG BA MA YIN LA, DES NA BYED BA MED PA'I PHYIR BDEN PA NYID MA YIN NO, ,'DI SKAD BSHAD PAR 'GYUR TE, SHES PA PHYI MA NI RANG GI NGO BO KHO NA 'DOD PA YIN GYI, DE LAS GZHAN PA NI MA YIN PA'I PHYIR THUG PA MED PA MA YIN LA, SNGA MA NI DE'I THABS YIN PA NYID KYIS RANG GI NGO BO LAS MA YIN TE, RANG NYID LAS RANG GI NGO BO SHES PA YIN YANG, DE'I THABS NYID YIN PAS DU BA BZHIN DU GZHAN LA NGES PA YIN NO, ,RIG BYED NI RANG GI NGO BO RTOGS PA YIN YANG DE'I 'DOD PA RTOGS PA NI MA YIN NO, ,DE MA RTOGS PA LAS NA RANG GI NGO BO NI DE'I THABS NYID KYIS RTOGS PA MA YIN TE, DE NYID SKYON MED PAR NGES PA YANG MED PA LA SO SOR SNANG BA BZHIN DU SKYES BU MED PA'I NGES PA YANG MED DE, RANG NYID KYI SKYON YIN PA'I PHYIR RO, ,SHES PA'I 'BRAS BU NI DON LA NGES PA MA YIN NAM, DE NI DE NYID KYI TSE YOD PA YIN LA, DON DU GNYER BA PO RNAMS NI DE'I RGYU MTSAN LA 'JUG PA YIN NO, ,'O NA @016B GZHAN DU NGES PAS CI'I PHYIR 'JUG PA YIN, THOB PAR BYA BA'I DON DU'O, ,THOB PA NI LAG PA LA SOGS PAS NYE BAR THOB PA NYID DO, ,DE NI SNGA MA NGES PA YIN NO ZHE NA, DE'I CHA JI LTAR NGES PA YIN ZHING 'JUG PA YANG YIN, NGES PA NI YOD KYANG DE CHES DON DU GNYER BA MA YIN TE; THOB ZIN PA'I PHYIR RO ZHE NA, DE LTA NA 'DI NI SNGA NAS THOB PAR BYA BA DANG 'BREL PA CAN NYID YIN PAR SHES PAR BYA'O, ,BDEN TE PHRAD PAR BYA BA LA SOGS PA'I SHES PA LA THUG PA MED PA NI MA YIN TE, MNGON PAR 'DOD PA NYID KYI TSAD MA NYID YIN PA'I PHYIR RO ZHES 'CHAD PAR 'GYUR BA'O, ,DE LTAR 'GYUR NA NI SHES PA KHO NA TSAD MA YIN PAR MI RIGS TE, DBANG PO MA TSANG PA NYID DU GYUR BA'I PHYIR RO, ,'O NA NI DBANG PO NI YUL THAMS CAD LA THUN MONG YIN PA'I PHYIR THAMS CAD LA MTSUNGS PA KHO NAR 'BRAS BU 'BYIN PAR 'GYUR TE, SHES PA NI GANG GI RNAM PA YIN PA DE'I YUL CAN KHO NAR 'GYUR RO, ,DE'I PHYIR DBANG PO NI TSAD MA MA YIN GYI, 'ON KYANG TSAD MA SKYED PAR BYED PA YIN NO, ,DE NI MA YIN TE, DBANG PO NI 'BRAS BU SKYED PAR BYED PA LA BYE BRAG MED PAR KHO BO CAG GI PHYOGS LA JI LTAR 'GYUR BA DE BZHIN DU KHYED KYI LA YANG TSAD MA SKYED PAR BYED PA YIN PAR BYE BRAG MED PA KHO NAR 'GYUR RO, ,DE YANG, JI LTAR TSAD MA NYID YIN PA, ,THAMS CAD LA 'BRAS 'BYIN 'GYUR BA, ,TSAD MA SKYED BYED NYID LA YANG, ,DE BZHIN TSAD MA SKYED BYED 'GYUR, ,ZHES SMOS PA'O ZHES ZER BA 'DI LA, DE YOD NA ZHES BYA BA SMOS TE, DBANG PO YOD NA YANG YUL LA 'JAL BA NYID MA YIN GYI, SHES PA YOD NA DE LA NGES PAR 'GYUR BA YIN NO, ,DES NA SHES PA KHO NA SGRUB PAR BYED PA DAM PA YIN GYI DBANG PO NI MA YIN TE, BSKAL PA YIN PA'I PHYIR KHYAB CHES PAR 'GYUR BA YANG MA YIN NO, ,YANG NA TSAD MA NI RANG LA YOD PA BYE BRAG TU GTOGS PAS YUL BYE BRAG BYED PA YIN GYI, DBANG POS NI MA YIN TE, DBANG PO LAS 'DAS PA'I PHYIR RO, ,NYE BA TZAM GYIS KYANG BYE BRAG TU BYED PA MA YIN LA, BYE BRAG YOD DU ZIN KYANG BYE BRAG MED PAR 'GYUR RO, ,SKYED PAR BYED PA NI BYE @017A *, ,BRAG MA RTOGS PAR YANG NYE BA TZAM LAS NGES PAR SKYED PAR BYED PA DE LTAR MTHONG BA'I PHYIR RO, ,DES MTSUNGS PA MA YIN NO ZHE NA, DE YOD NA ZHES BYA BA SMOS TE, SHES PA YOD NA YUL YONGS SU GCOD PA YIN GYI DBANG PO NI MA YIN TE, DER RTOGS PA'I BYE BRAG MI SHES PA'I PHYIR RO, ,SHES PA LA LTOS PA MANG PAR YANG SKYED PAR BYED PA YIN NO ZHES BYA BA'I DON TO, ,DBANG PO YANG BRGYUD PAS DE NYID LA BYA BA BYED PA'I PHYIR TSAD MA MA YIN NAM, DE NI BDEN TE, DE NYID KYIS NA DE'I NYE BAR BTAGS PA TZAM YIN PAR BSTAN PA NI, DBANG PO DANG DON ZHES BYA BA'O, ,SLU BA MED PA CAN NYID NI 'DOD PA'I DON LA MA 'KHRUL PA NYID KYI SHES PA DANG DON DAG 'BREL PA MA YIN NAM, DE YANG 'BREL PA CAN MA BZUNG NA MI 'DZIN PA YIN TE, MA BZUNG BAS NI DE LA 'JUG PA MA YIN PAS, DE BZUNG BA'I DON DU DANG POR DON BZUNG BA YOD NA DE NYID LAS 'JUG PAR 'GYUR RO, ,'ON TE DON 'DI NYID CES NGES PA MED NA DES NI DE 'DZIN PA LA LTOS PA YIN GYI, PHAN TSUN RTEN PAR THAL BAR 'GYUR BA NI MA YIN NO, ,MA 'KHRUL BA CAN NYID BZUNG BA LAS DON BZUNG BA YIN LA, DE BZUNG BA LAS KYANG MA 'KHRUL PA CAN NYID BZUNG PA YIN NO ZHES BYA BA LA SOGS PA'I SKYON RNAMS KYIS SKYON CAN YIN PA'I PHYIR SLU BA MED PA CAN NYID TSAD MA NYID DU MI RIGS SO, ,GNOD PA MED PA'I RTOGS PA NYID NI RIGS PA YIN TE, SKYON CAN MA YIN PA'I PHYIR RO, ,DE YANG SHES PA SKYES PA'I DUS SU GNOD PA CAN MA BYUNG BAR NGES PA NI 'JUG PA'I YAN LAG YIN NO, ,DE YANG SKYON MED PAR GO BAR MTSUNGS PAR SHES PA'I PHYIR RO, ,MTSUNGS PAR GO BA NI GNOD PA MED PAR RTOGS PA YIN NO ZHE NA, 'DI LA MI SLU BA DON DU GNYER BA ZHES SMOS TE, 'JIG RTEN PA'I DON GYI THA SNYAD KYI YAN LAG LA NI SKYON YOD PA SRID KYANG, DOR BA'I YAN LAG MA YIN TE, THA SNYAD CHAD PAR THAL BAR 'GYUR BA'I PHYIR RO, ,SKYON RNAMS LA YANG LAN GAD BA PA NI, THA SNYAD KYANG DPYAD PAR BYA BA YIN TE, GNOD PA MED PA NYID LA DON DU GNYER BA'I SKYES BU 'JUG PA NI MA YIN TE, DE NI SKYES BU'I DON MA YIN PA'I PHYIR TE SHES PA @017B SKYES PA'I DUS NYID DU THOB PA'I PHYIR RO, ,'ON TE GNOD PA MED PA NYID DU 'GYUR BA DON DU GNYER BA YIN PA DE LTA NA NI, SNGAR MA RTOGS PA JI LTAR 'JUG PA'I YAN LAG YIN, DES NA DE BZHIN DU SKYON GNAS SO, ,DE'I PHYIR 'JIG RTEN NI SKYES BU'I DON DU GNYER BAS 'JUG PA YIN PA'I PHYIR RO; ,'JIG RTEN PA NI DE DANG 'BREL PA CAN NYID YIN GYI, GNOD PA MED PA CAN NYID MA YIN NO SNYAM DU DGONGS PA'O, ,DE'I PHYIR, MI BSLU YON TAN RNAM SHES LA, ,LHAG PAR MNGON 'DOD SU ZHIG YIN, ,DE LA DANG PO'I RAG LAS PAR, ,GANG GI STOBS KYIS 'GYUR BA YIN; ,ZHES BYA BAS GSAL BA YIN NO, ,DE LTAR NI 'GYUR NA, 'JIG RTEN NA DAM BCAS PA'I DON DANG PHRAD PAR BYED PA LA NI MI BSLU BA YIN GYI DAM BCAS PA TZAM NI MA YIN NO, ,DE BZHIN DU SHES PA YANG BDAG NYID DU 'GYUR BA'AM, GZHAN LA YANG RUNG BA'I 'JUG PA'I YUL GYI DON NYE BAR BSTAN PA DANG PHRAD PAR BYED PA NI MI BSLU BA CAN YIN GYI SHES PA TZAM NI MA YIN NO, ,DE YANG 'JUG PAR BYED PA NA ZHES SMOS PA'O, ,'JUG PA'I YUL NI SREG PA LA SOGS PA'I DON BYED PA CAN GYI SHES PA'I YUL YIN GYI, SKAD CIG GAM SGRO BTAGS PA YANG RUNG BAS SHES PAS BZUNG BA NI MA YIN PA'I PHYIR 'JUG PA'I YUL JI LTAR YUL YIN, BDEN TE SNGA MA DANG PHYI MA'I SKAD CIG DAG GCIG PA NYID DU ZHEN PA NYID KYIS 'JUG PA'I YUL 'DZIN PA YIN TE, DE YANG YONGS SU BCAD NAS ZHES SMOS PA'O, ,DE LTAR YANG ME LA SPYIN SREG BYAS PAS MTHO RIS THOB PAR 'GYUR RO ZHES BYA BA'I RIG BYED LAS BYUNG BA'I SHES PA DANG, DUNG LA SER PO LA SOGS PA'I YUL CAN GYI SHES PA TZAM TSAD MA YIN PAR SMRAS PAR 'GYUR RO, ,'JUG PA'I YUL DU NYE BAR BSTAN PA DE DANG PHRAD PAR BYED PA NI MA YIN TE, THE TSOM LAS DANG MA YIN PA LAS KYANG NGO, , PHRAD PAR BYED PA NI TSAD MA YIN TE, YONGS SU BCAD PA'I YUL LA YANG 'JUG PA NA, PHRAD PAR SNANG BA'I PHYIR YONGS SU GCOD PAR BYED PA NI 'JUG PA DANG PHRAD PA DE DAG GI RGYU MTSAN YIN GYI GZHAN LAS NI MA YIN PA'I PHYIR, YONGS SU GCOD PA'I NGO BO NYID KHO NA TSAD MA YIN NO, , @018A *, ,DE NYID KYIS NA SNGA ROL NYID DU YONGS SU BCAD PA NI RGYU YIN NO, ,DE NYID KYIS NA YONGS SU BCAD PA NA TSAD MA'I BYA BA THAMS CAD YONGS SU RDZOGS PA YIN NO, ,DE YANG DON RTOGS PA NI 'BRAS BU YIN ZHES BYA BAS BSTAN TO, ,DE LTAR YANG MI BSLU BA LA SOGS PA'I SHES PA GZHAN LA LTOS PA NYID MA YIN PAR BSTAN PA YIN TE, GANG GI PHYIR DE NYID KYIS PHRAD PA'I BAR GYI DON RTOGS PA YIN NO, ,MI BSLU BA'I SHES PAS NI DGOS PA MED DE BYE BRAG MED PA'I PHYIR RO, ,DE NYID KYI YUL YONGS SU GCOD PA NA TSAD MA'I BYA BA RDZOGS PA YIN LA, RANG NYID KYIS RTOGS PA LA GZHAN YANG YIN NAM ZHES BYA BAR PHYIS BYUNG BA YIN PAR THE TSOM ZA BAS DE LA GNOD PAR BYED PA MA YIN NO, ,DES NA PHYI ROL DU GYUR PA'I PHYIR DANG, RNAM GRANGS KYIS NGES PAR 'DZIN PA'I PHYIR YANG NGO, ,DE YANG DE DANG LDAN PA RNAMS DE SA BSDUS PA'I PHYIR NGES PAR RTOG PA YANG YIN ZHES GSUNGS PA DANG, YANG GANG DANG GANG RAB TU DBYE BA YOD PA DAG NI THE TSOM GYI RGYU YIN LA, DE DAG GIS NI DNGOS PO THAMS CAD BSDUS PA'I PHYIR DANG, DE DAG GCIG PAR YANG NGES PA MED PA'I PHYIR LA, DE'I PHYIR THE TSOM GYI YAN LAG YIN NO, ,GAL TE DE YANG PHUNG PO GZHAN DU 'GYUR BA DE LTA NA YANG BDAG MED PA NYID MED NAS NGES PAR BDAG DANG BCAS PA NYID DU 'GYUR GRANG NA, RNAM PA GZHAN DU 'GYUR BA YANG SRID PA'I PHYIR NGES PA MED PAR 'GYUR RO, ,GNYIS PO DAG LAS KYANG RNAM PA GCIG TU NGES PA MED PAR MTHONG NA THE TSOM DU 'GYUR GYI, GZHAN DU NA NI MA RTOGS PA YIN NO, ,DE BZHIN DU 'DIR YANG ME MTHONG BAR NGES NA GZHAN DU MTHONG BA'I PHYIR THE TSOM GYIS TSAD MA'I BYAD PAR NGES PA LA GNOD PAR BYED PA MA YIN TE, DE LA GNOD PA YIN NA RANG NYID MED PAR 'GYUR RO, ,DE YANG 'DIR BYUNG BA GANG GI PHYIR ZHES LDOG PAR 'GYUR, DE'I PHYIR DE TZAM NI GZHAN LA LTOS PA'I TSAD MA YIN GYI, RANG GI YUL LA NGES PA NI MA YIN NO ZHES BYA BA'I BSAM PAS 'PHANGS PAS MI SLU BA CAN NYID DE'I ZHES ZER BA LA 'DI LA LAN DU, SHES PA'I RANG GI NGO BO NYID, ,CES BYA BA STE, SNGON PO'I SHES PA NI SNGON PO'I RANG GI NGO BO YIN LA, DE RTOGS @018B PA YANG DE LA TSAD MA MA YIN TE, DUNG LA SER PO'I SHES PA YANG DE NYID DU THAL BAR 'GYUR BA'I PHYIR RO, ,DUNG LA SER PO'I SHES PA LA PHRAD PAR BYA BA MED PA'I PHYIR, DE RTOGS PA MA YIN ZHES BYA BA NI MI RIGS TE, CIG SHOS LA YANG MTSUNGS PA'I PHYIR RO, ,GCIG PAR ZHEN PAR BYED PA NI SER PO'I SHES PA LA YANG MTSUNGS SO, ,DE LTAR ZHEN PAS PHRAD PAR BYA BA'I SER PO MED PA'I PHYIR DER 'KHRUL PA YIN NO, ,GZHAN LA NI PHRAD PAR BYA BA YOD PA'I PHYIR TSAD MA YIN NO, ,'DI LA YANG PHRAD PAR BYA BA YOD PA'I TSAD MA CI ZHIG YOD, ZHEN PAS YIN NO, ,'DI NI GZHAN LA YANG MTSUNGS SO, ,DE LA MED PAR SHES PA GZHAN GYIS DUS PHYIS RTOGS PA YIN NO, ,'DI LA YANG DER ZHEN PA PHRAD PAR BYA BA MED PAR YANG MTHONG BA'I PHYIR, YOD PA DANG MED PAR ZHEN PA THUN MONG MA YIN PA'I PHYIR THE TSOM YIN NO, ,DE NI NGES PA DANG 'GAL BA CAN MA YIN TE, RIM GYIS NGES PA'I NGO BO MTHONG BA'I PHYIR RO, ,THE TSOM DANG NGES PA DAG TU MI 'GAL ZHES ZER BA'I SHES RAB MA NOR BA CAN GYI BTZUN PA NYON MONGS SO, ,THE TSOM LA YANG YOD PA NYID DAM MED PA NYID DU NGES PA YIN PA 'DI LA 'JIG RTEN SHIN TU GCOD PAR BYED PA YIN TE, 'JIG RTEN NI NGES PA MA BZUNG BA'I BDAG NYID CAN GYI SHES PA LA THE TSOM ZHES ZER TE, SDOD DUM MAM ME ZHES BYA BA'I NGES PA MA BZUNG BA'I PHYOGS GNYIS KYI SNANG BA LAS THE TSOM ZA BA'I LAM GYI SGRAS BRDAR BYAS PA'I DON NI MA NGES PA LA MDON PAR DPYOD PA YIN TE, SHES PA GNYIS PO DE DAG RIM GYIS SKYE BA'AM; RIM PA LAS GZHAN PAR SKYE YANG RUNG BA'I SHES PA NI RIM GYIS DNGOS PO GNYIS SU MA NGES PA LA DPYOD PA YIN PA'I PHYIR, MTHONG BA NGES PA CAN MA YIN TE, RIM GYIS SAM GZHAN DU YANG RUNG STE THE TSOM ZHES BYA'O, ,RIM PA DANG RIM PA MA YIN PAR 'BYUNG BAR NGES PA'I SNGON PO LA SOGS PA'I RIGS PA RNAMS NI THE TSOM NYID DU THAL BAR 'GYUR RO, ,DE'I PHYIR PHRAD PAR BYA BA SNGON POR ZHEN PA'I NGES PA'I RGYU MED PA'I PHYIR, CHA SHAS GCIG PAR ZHEN PA YANG RIG BYED BZHIN DU GZHAN PA NYID DU DOGS PA MA BSAL BA'I PHYIR THE TSOM NYID YIN PAR RANG NYID LAS TSAD MA MA @019A *, ,YIN NO, ,DE LTA YIN NA JI LTAR 'JUG PAR 'GYUR, TSAD MA MA YIN PA NYID KYI PHYIR, ZHUGS NAS KYANG SHES PA GZHAN NYID KYIS NGES PAR RTOGS PA YIN GYI, SNGA MA NYID NI DE LA TSAD MA MA YIN NO, ,SNGA MAS KYANG YUL GYI NGES PA MA BZUNG LA, SHES PA PHYI MA'I DUS SU YANG RANG BZHIN MI 'DOR BAS YUL NGES PA CAN DU MI 'GYUR RO, ,THE TSOM NI PHYIS NGES PA DANG PHRAD PA CAN BZUNG BAR 'DOD PA MA YIN NO, ,DE'I PHYIR GANG DANG GANG GI 'BREL PA 'DZIN PA YIN, DUS KYIS KYANG DE DANG 'DRA BA MTHONG BA LAS 'JUG PA JI LTAR 'GYUR BA YIN, SNGON ROL DU NGES PA BZUNG BA YIN NA DE DAG GI 'BREL PA 'DZIN PAS DE DANG MTSUNGS PA'I RJES SU DPAG PAS 'JUG PA THAMS CAD MTSUNGS PA YIN NO, ,BDEN TE, PHYI MA 'BA' ZHIG NYID NI DE'I TSE DON MED NA MI 'BYUNG BA NYID KYIS GZUNG BA YIN GYI, SNGAR GYI NI MA YIN PA'I PHYIR SKYON MED DO, ,DE DANG LDAN PA RNAMS DES BSDUS PA'I PHYIR ZHES KYANG GANG SMRAS PA LA PHUNG PO GZHAN MED PAR BSTAN PAS THE TSOM GYI YUL DAG GI GCIG MED NA CIG SHOS MA YIN ZHES BYA BA NI DON GYI NGES PA'O, ,PHUNG PO GZHAN NYID YOD NA NI DE LTAR MI 'GYUR RO ZHES BSTAN PA'I DON DU STE, DE LTAR MA NGES PA 'DZIN PA LA THE TSOM ZA BAR RIG PA YIN NO, ,DE YANG GNAS MA YIN PA LA MNGON PAR ZHEN PA TZAM STE, PHUNG PO GZHAN MED PAR BSTAN PA NA THE TSOM GYI YAN LAG YIN GYI, NGES PA'I YAN LAG NI MA YIN NO, ,DE SKAD DU YANG, TSAD MA RNAM PAR NGES PA LAS, BDAG YOD PA DANG RNAM PAR BCAD PA DAG GIS THAMS CAD BSDUS PA'I PHYIR, THAMS CAD KHONGS SU GTOGS PA MA YIN PAR MI RIGS TE, THE TSOM ZA BA YIN NO ZHES KYANG SMOS SO, ,PHUNG PO GZHAN MED PA'I PHYIR MA RTOGS PA YIN NO, ,DE YANG RTOGS PA NI GNYI GA RTOGS PA MA YIN TE, THE TSOM GYI NGO BO NYID KYI PHYIR TE, DE GNYI GA LAS PHYI ROL DU GYUR PA YIN NA JI LTAR DE'I KHONGS SU GTOGS PA YIN ZHES GSUNGS PA'O, ,DE BSTAN PA NI GNYI GA LAS PHYI ROL DU GYUR PA NI MED PAR SHES PAR BYA STE, DE MED PA'AM GNYI GA'I NGO BOR THE TSOM ZA BA YIN LA, DE DAG @019B LAS GCIG MED PAR NGES PA YIN GYI, YUL GYI NGES BA MA BZUNG BA'I THE TSOM GYI SHES PA NYID NI GCIG GI NGO BO LA NGES PAR MI 'GYUR TE, DE MA GTOGS PA NYID NI PHUNG PO GZHAN MED PA LA THE TSOM DU 'GYUR BAR THAL BAR 'GYUR BA'I PHYIR RO, ,'GAL BA'I PHYIR MA YIN NO ZHE NA, THE TSOM ZA BA LA YANG MTSUNGS SO, ,DE BAS NA DNGOS PO GCIG LA NGES PA'I PHYIR SHES BA GZHAN YIN PAR BSTAN GYI THE TSOM NYID NI MA YIN NO, ,PHYI MA NYID NI DON MED NA NI 'BYUNG BA'I PHYIR TSAD MA YIN GYI SNGA MA NI MA YIN NO, ,DE YANG MA YIN TE SNGA MA BZHIN DU PHYI MA YANG GCIG PA NYID DU ZHEN PA CAN YIN YANG, NGES PA CAN MA YIN PAS GZHAN PA NYID DU RTOGS PA NYID MA BSAL BA YIN NO, ,'DI LA SNGA MA LAS BYE BRAG CI ZHIG YOD, RAB RIB CAN GYI YANG PHYI MA LA TSAD MAR THAL BAR 'GYUR TE, DE LA YANG, GCIG LA SHES PA GNYIS TSAD MA MA YIN PAR MI RIGS SO ZHES BYA BA LA SOGS PA LA YANG PHAN TSUN RTEN PA DANG, THUG PA MED PA LA SOGS SNGA MA DANG MTSUNGS SO, ,DE LTA YIN NA MI SLU BA NYID JI LTAR YIN, SMRAS PA, SREG PA LA SOGS PAR GTOGS PA NI SKYES BU'I DON YIN LA, RANG GI NGO BOS NI DE NYID KYANG PHRAD PAR BYA BA YIN TE, DE'I DON DU YANG SKYES BU 'JUG PA YIN GYI, PHRAD PAR 'DOD PA'I PHYIR DE LAS PHYI MA TSOL BA NI MA YIN NO, ,DE DANG MA PHRAD PA YIN NA DE 'DOD PAS DE'I THABS DON DU GNYER BA YIN NO, ,SHES PA SNGA MA NI RANG GI NGO BO RTOGS PA YIN YANG PHYI MA'I THABS NYID DON DU GNYER BAR BYED PA YIN GYI RANG GI NGO BO NI MA YIN TE, SKYES BU'I DON MA YIN PA'I PHYIR LA, 'DI'I RANG GI NGO BO NI DU BA DANG 'DRA BA NGES PA YIN NO, ,DE'I THABS NYID NI GOMS PA MED NA DU BA KHO NA BZHIN DU GZHAN LAS NGES PAR BYA BA YIN LA, GOMS PA YIN NA NI DE NYID KHO NA LAS SO, ,DE'I 'BRAS BU YIN PAR PHYIR DE DANG GCIG PA NYID DU ZHEN PA SA DE DANG YUL MTSUNGS PA NYID DAM, DE SNGA MA'I YUL NYID YIN YANG RUNG, DUNG LA SER PO'I SHES PA NI PHRAD PAR BYA BA'I THABS NYID DAM, DE DANG GCIG PA NYID DU NGES PAR BYED PA NYID MA YIN TE, RANG GI NGO BO TZAM NI ME MTHONG BA PO LA DU BA LA NGES PA LTA BUR NGES PAR @020A *, ,BYED PA MA YIN NO, ,DES NA TSAD MA MA YIN PA DANG THUN MONG MA YIN PA'I PHYIR DANG, NGES PA SKYES PA'I PHYIR THE TSOM ZA BA MA YIN TE, ME'I SHES PA LTA BU'O, ,RANG GI NGO BO NI DANG PO MNGON SUM GYIS NGES PA DANG GOMS PA YANG YOD PA LAS DE DANG 'BREL PA CAN NYID DAM; DE NYID LA NGES PAR BYED PA'I PHYIR MNGON SUM TSAD MA YIN NO, ,SNGA MA NI GOMS PA MED PA LA YANG GI NGO BO NGES PA YIN TE, PHRAD PAR BYA BA LA THE TSOM ZA BA NI DE RTOGS NA PHRAD PAR BYA BA LA THE TSOM ZA BA LDOG PA YIN LA, DE LOG NA RANG GI NGO BO LA NGES PA YIN TE, PHRAD PAR BYA BA RTOGS PA DANG 'BREL PA CAN NYID KYIS NGES PAR BYED DO, ,DON 'DZIN PA LA THE TSOM ZA BA'I PHYIR TE, TSAD MA MA YIN YANG SHES PA'I NGO BO YIN PA'I PHYIR, PHYI MA YANG SNGA MA LAS BYE BRAG MED PA'I PHYIR 'BREL PA RIG PA MA YIN NO, ,DE'I PHYIR YANG DON BYED PA'I BYED PA PO NYID MA YIN MOD KYI, 'ON KYANG GRUB PA STE BDAG NYID THOB PA LA MI BSLU BA'O, ,DE DANG 'BREL PA CAN SNGA MA TSAD MA YIN TE, PHRAD PAR BYED PA SKYED PAR BYED PA'I NGO BO'I DE KHO NA NYID DU RTOGS PA DE 'BRAS BU STE, DON RTOGS PA NI 'BRAS BU'O ZHES GANG GSUNGS PA'O, ,DE LTAR YANG DE LA MA 'KHRUL PA CAN GYI NGO BO DE NYID KYIS RTOGS PAR BYED PA'I PHYIR TE, DE NYID KYIS DE LTAR RTOGS PA NI TSAD MA NYID YIN GYI DE NYID KYI RGYU NI MA YIN TE, ME'I DE MA THAG PA'I DU BA'I SHES PA NI ME'I SHES PA YIN PA DE BZHIN DU PHRAD PAR BYA BA LA MA 'KHRUL PA CAN NYID KYI SHES PA NI PHRAD PAR BYA BA'I SHES PA YIN TE, MA 'KHRUL PA CAN NYID RTOGS PA PO TSAD MA YIN GYI, RTOGS PAR BYED PA PO NYID NI MA YIN NO ZHES BYA BA'I DON TO, ,DE YANG 'DI'I DON DANG 'DRA BA NI TSAD MA NYID YIN NO ZHES GSUNGS PA'O, ,PHRAD PAR BYA BA DANG 'DRA BA PHRAD PAR BYA BA LA MA 'KHRUL PA CAN GYI NGO BO NYID KYI YUL NGES PA YIN NO ZHES BYA BA'I DON TO, ,DE RTOGS PA NYID NI PHRAD PAR BYA BA PHRAD PAR BYA BA RTOGS PA YIN LA, ,RTOGS PA YOD NA 'JUG PA YIN TE, RTOGS PA DANG 'JUG PA DAG NI RGYU DANG RGYU CAN YIN ZHES BYA BA LA SOGS PA THAMS CAD PHYOGS 'DI LA RIGS PA YIN GYI, KHYED KYI PHYOGS LA NI MA YIN TE, @020B DE MI SRID PA'I PHYIR RO, ,DON YANG SO SOR SNANG BA MA YIN NAM, BDEN TE, DE LA NGES PA'I RGYU MED BA'I PHYIR THE TSOM CAN YIN NO, ,DE DE LTA YIN NA RANG GI NGO BO'I PHYOGS LA YANG MTSUNGS PA YIN NO, ,MTSUNGS PA MA YIN TE, DE NI RANG NYID RIGS PAS NGES PA CAN YIN PA'I PHYIR RO, , 'DI LA YANG DON LA NGES PA'I DUS PHYIS SKYES PA'I THE TSOM NI DE DANG 'GAL BA CAN MA YIN NO, ,DE LTA NA NI SGRA LAS BYUNG BA YANG NGES PA'I DUS PHYIS DE DANG 'GAL BA CAN MA YIN PAR 'GYUR RO, ,DE NYID NI NGES PA'I RGYU MTSAN CAN MA SKYES PA'I PHYIR GZHAN NYID DU THE TSOM ZA BA MA BSAL BA YIN NO, , DE NI 'DI LA YANG MTSUNGS SO, ,DE BZHIN DU PHYI MA LA YANG BSHAD PAR BYA'O, ,SHES PA PHYI MA NI DON LA NGES PAR BYED PA CAN YIN TE, DE MA THAG TU DON BYED PA BSKYED PA'I PHYIR, DON LA NUS PA CAN GYI MTSAN NYID YIN PA'I PHYIR RO, ,MA YIN TE, DE'I TSE NUS PA MI SHES PA'I PHYIR TE, GZUGS NYID MTHONG BA NA NGES PA SKYES PA MA YIN TE, SNGA MA BZHIN DU THE TSOM ZA BA YIN NO, ,DON BYED PA'I SHES PA NI DON DANG DON BYED PA YANG RIG PA YIN ZHES BYA BA NI MI RIGS TE, CIG CAR BA MA YIN PA'I PHYIR TE, RIM PA MED PA LA RIM PA DANG LDAN PAR RIGS PA NI MI RIGS SO, , DON BYED PA DANG RJES SU MTHUN PA TZAM 'DOD PA YIN PA'I PHYIR DON NO, ,BDEN PA DANG MI BDEN PA 'BYED PAR BYED NA NI THUG PA MED PA LA SOGS PAR 'GYUR RO, ,NGES PA CAN LAS SKYES PA YANG GLO BUR DU DU BA LAS ME'I SHES PA GANG YIN PA GANG 'BREL PA NGES PA MED NA TSAD MA MA YIN TE; DE YANG CHES NGES PA CAN MA YIN PA LAS BYUNG BA YIN NO, ,RJES SU DPAG PA LA NI NGES PA CAN LAS SKYES PA NYID LA SOGS PA NGES PA'I RGYU MTSAN CAN GYIS MNGON SUM LA NI MA YIN TE, DE NI MTHONG BA NYID KYIS DON LA NGES PA YIN NO, ,DUNG LA SER PO LA SOGS PA SHES BA'I YANG MTHONG BA YOD LA, NGES PA CAN LAS SKYES PA NYID LAS GZHAN PA'I BYE BRAG NI MED DO, ,DE YANG, DON MED NA NI MI 'BYUNG PHYIR, ,MNGON SUM LA YANG TSAD MA NYID, ,CES GSUNGS PA STE, DON NI PHRAD PAR BYA BA'O, ,DE'I PHYIR GANG ZHIG PHRAD PAR BYA BA MI 'KHRUL BA CAN NYID @021A *, ,DU 'DZIN PA DE TSAD MA YIN GYI, GZHAN NI TSAD MA MA YIN TE, PHYI ROL GYI DON DU SMRA BA BZHIN DU RIGS PAS BSTAN PA LAS TSAD MA RNAM PAR GZHAG PA CI YANG MED PAR NGES PA YIN NO, ,SNGON PO'I SHES PA NI DON BYED PA'I SHES PA LA SOGS PA BZHIN DU SNGON POR RTOGS PA BYED PA MA YIN NAM, DE LAS GZHAN PA RNAM PAR GCOD PAR BYED PAR YANG MA 'DRES PAR SO SOR SNANG BA'I PHYIR RO, ,DE YANG DE YONGS SU GCOD PAR BYED CING DE LAS GZHAN PA RNAM PAR GCOD PAR BYED PA ZHES GSUNGS PA'O, ,DE LAS GZHAN PA RNAM PAR GCOD PA DANG GZHAN NYID LA THE TSOM MED PA CAN GYI YUL RTOGS PAR BYED PA YIN NO, ,RTOGS PAR BYED PA NYID SPYIR BTANG BA CAN GYI TSAD MA NYID DMIGS KYIS BSAL BA NYID DANG 'GAL BA CAN YIN PAS GSAL BA'I PHYIR GZHAN LAS TSAD MA NYID YIN ZHES ZER TE, DE YANG, DE PHYIR RTOGS PA'I BDAG NYID CAN, ,GNYIS KYIS RTOGS PA TSAD MAR 'GYUR, ,GZHAN MIN NYID RGYU LAS SKYES PA'I, ,SKYON SHES PA LAS DES BZUNG BYED, ,CES BSTAN TO, ,DMIGS KYIS BSAL BA MED NA SGRUB PA'I NGO BO YIN PA'I PHYIR TSAD MA YIN NO, ,RTOGS PA'I SPYI NI MA YIN TE THE TSOM YIN TEL 'GAL BA CAN GYIS SGRUB PAS BSAL BA CAN YIN PA'I PHYIR RO, ,BSAL BA CAN NI YOD PA MA YIN TE, RANG GI NGO BO RIG PA LA YANG THAL BAR 'GYUR RO, ,SMRAS PA, NGES PA CAN GYI RGYU MTSAN LAS BYUNG BA'I SHES PA NI RJES SU DPAG PA BZHIN DU 'DI LTA BU YIN GYI, CIG SHOS CHA SHAS GCIG TU NGES PA CAN YANG DE LTA BU MA YIN NO, ,GANG LA THE TSOM MAM PHYIN CI LOG PA YANG RANG NYID SKYES PA YIN NA DE 'DI LTA BU YIN GYI GZHAN NI MA YIN NO MA YIN TE, DE LA YANG BYE BRAG MA MTHONG NA RANG NYID KHO NA SKYE BA'I PHYIR RO, ,BYE BRAG KYANG 'DIR NGES PA CAN LAS SKYES PA NYID YIN LA, DER DES NA NGES PA YIN LA, DE LA MA NGES NA THE TSOM ZA'AM GZHAN YANG RUNG BA NI RNAM PAR DBYE BA'O, ,DES NI, MA SKYES PA LA'ANG GNOD PA CAN, ,TSOL BA'I RMONGS PA GANG YIN PA, ,DE NI THA SNYAD THAMS CAD LA, ,YID GNYIS NGO BOS ZAD DE 'GRO, ,ZHES ZER BA DE BSAL BA YIN TE, GANG GI @021B PHYIR BYE BRAG TU MTHONG BA NI THE TSOM GYI RGYU YIN GYI RMONGS PA NI DE'I RGYU MA YIN TE THAL CHES BA'I PHYIR RO, ,SDONG DUM MAM ZHES BYA BA LA SOGS PA YANG BYE BRAG MA MTHONG BA'I RGYU NYID LAS BYUNG BA'I THE TSOM YIN NO, ,RIG BYED LAS BYUNG BA'I SHES PA NI NGES PA CAN LAS SKYES PA NYID DU NGES PA MA YIN NO, , 'ON TE TSIG RNAMS DANG, DE'I DON RNAMS DANG, DE DANG 'BREL PA YANG BRTAG PA YIN TE, SKYES BUS BYAS PA NYID DU MI DRAN PA'I PHYIR RO, ,BA LANG LA SOGS PA'I SGRAS BRJOD PAR BYA BA LA THE TSOM ZA BA YIN NA, DE'I BRDA'I TSIG 'PHEL BA DANG, AA LAS AEER GYUR PA DANG 'DRA BAR DRAN PAR BYED PA YIN NO, ,BA LANG ZHES BYA BA 'DI LA DON GANG YIN ZHES THE TSOM ZA BA LA LKOG SHAL LA SOGS PA'I KHYAD PAR CAN GYI GZUGS CAN YIN NO ZHES SMRAS PA LA SOGS PA DRAN PAR BYED PA NYID MA YIN NAM, GSAL BA LA SOGS PA MTSAN NYID MI 'DRA BA'I GZUGS CAN NI BRJOD PAR BYA BA YIN NO ZHES BYA BA'I DON TO, ,DAG NYID KYANG BRDAR BYED PA PO YIN NO, ,DE LA DRANG SRONG BA NI YIN NO ZHE NA, GZHAN LA YANG RGAD PO KHA CIG DANG BYE BRAG MED DO, ,RANG BZHIN LAS BYUNG BA LA NI DON GYI 'BREL PA YOD NA DU BA BZHIN DU TSIG LAS KYANG MI BSLU PAR 'GYUR RO, ,BA LANG RDZI'I BUM PA'I DU BA SLU BA CAN YIN PA DE BZHIN DU, SOR MO'I RTZE MO LA SOGS PA'I TSIGS KYANG DE DAG TZAM GYI SGRA LAS BYUNG BA YANG TSAD MA MA YIN PA MA YIN TE, DU BA GZHAN BZHIN NO, ,DU BA GZHAN NI DON LAS NGES PA YIN NO, ,'DIR YANG TSIG RNAMS NI TSIG GI DON RNAMS LA NGES PA YIN TE, RANG NYID NYE BA LAS DON NYE BAR BYED PA YIN LA, DE NYID KYANG GCIG LA GCIG 'BREL PA YOD PA YIN NA DAG GI DON YIN NO, ,LAN DU SMRAS PA, GANG GI PHYIR DU BA NI RANG GI RGYUS 'PHANGS PA'I RANG GI DON LA NGES PAR BYED PA YIN GYI, TSIG RNAMS NI DE LTA MA YIN TE, SKYES BU'I 'DOD PAS BSDU BA BYAS PA'I TSIGS RNAMS NI NGAG GI DON GYI RGYU MTSAN YIN GYIS GCIG GIS NI MA YIN TE, BSDUS PA YANG 'DI LAS 'DI YIN TE, 'DI LAS NI 'DI MA YIN NO ZHES PA'I PHYIR SKYES BUS BYAS PA YIN NO, ,TSIG GZHAN RNAMS NYID LA NI RE RES SO, ,TSIG GI DON NI DON GZHAN DANG @022A *, ,LDAN PA YIN PAR SMRA BA'I PHYIR BSDUS PA NI DON RTOGS PA'I YAN LAG MA YIN TE, DE RNAMS KYANG BRTAGS PA DANG DON DANG 'BREL PA CAN RNAMS NI SKYES BUS MNGON PAR GSAL BAR BYAS PA 'BA' ZHIG YIN NO, ,DE LTA NA YANG TSIG RNAMS NI DU BZHIN DU RANG DBANG CAN MA YIN TE, 'DOD PA'I GZHAN DBANG YIN PA'I PHYIR RO, ,MNGON PAR GSAL BA MA YIN PA'I TSIG GAM DE BSDUS PA YANG RUNG STE, YOD PA TZAM GYIS NI RTOGS PA'I YAN LAG MA YIN LA, DE'I MNGON PAR GSAL BA YANG SKYES BU'I 'DOD PA'I DBANG GIS YIN GYI, DU BA MNGON PAR GSAL BA LTA BU NI MA YIN TE, RANG GI RGYU'I DBANG NYID YIN PA'I PHYIR RO, ,BDEN TE DU BA NI DON GYI DBANG NYID KYIS DE LA NGES PA CAN YIN GYI, 'DOD PA'I DBANG GIS MNGON PAR GSAL BA CAN GYI SGRA NI DON LA NGES PA CAN YIN PAR MI RIGS TE, DE'I RANG DBANG CAN MA YIN PA DE LA NGES PA CAN YIN ZHES BYA BA NI LOG PAR SGRUB PA YIN NO, ,RTAG PA NYID DANG RANG DBANG CAN YIN PA NYID KYIS DE'I DBANG DU GYUR PA MA YIN PA NI DE RJOD PAR BYED PA NYID KYIS KYANG DE LA NGES PA YIN NO ZHE NA, RJOD PAR BYED PA NYID NI DE RTOGS PA SKYED PAR BYED PA NYID YIN LA, DE LTAR NA DE NYID KYANG SDOD DUM MAM ZHES BYA BA LA SOGS PA BZHIN DU MA NGES PA'I RGYU MTSAN SKYED PAR BYED PA NYID SGRA LAS BYUNG BA LA THE TSOM GYI RGYU MTSAN YIN PA'I PHYIR, DE NI TSAD MA MA YIN TE, RANG DBANG CAN YANG YIN LA NGES PA CAN YANG YIN PA NI RIGS PA CHEN PO CAN YIN NO, ,RANG DBANG CAN NI 'DOD PA'I DBANG NYID MNGON PAR GSAL BA'I DON DU MA YIN NAM RANG GI NGO BO'I DON DU NI MA YIN NO BDEN TE, MNGON PAR GSAL BZHIN PA'I NGO BO LAS GZHAN PAR MI MTHONG BA'I PHYIR DANG, DE YANG GZHAN NYID YIN PAS NGO SHES PA MA YIN PA'I PHYIR 'DOD PA'I DBANG NYID KYIS YIN NO, ,NGO SHES PA NYID YIN NA YANG 'DOD PA'I DBANG GIS MNGON PAR GSAL BA NYID YIN PA'I PHYIR 'DOD PA'I DBANG NYID DE CHOG GO, ,YANG RANG GI NGO BO LA MNGON PAR GSAL BA'AM MNGON PAR BRJOD PA LA LTOS PA MA YIN TE, DE'I DBANG GIS MA YIN PA DANG, DON GZHAN DU KHRID PA'I PHYIR RO, ,RJOD PAR BYED PA NYID NI @022B RTOGS PA TZAM GYI RGYU MTSAN NYID YIN GYI, TSAD MA'I YAN LAG MA YIN PAR BSTAN TO, ,DES NA SHES PA TZAM LAS DON LA NGES PA NI MA YIN TE, NGES PAR BYED PA MA YIN PA'I PHYIR RO, ,BRJOD PAR BYA BA RNAMS LA SKYES BU'I DBANG BYED PAS 'JUG PA CAN RNAMS NI DNGOS PO MTHONG BA CAN MA YIN TE, JI LTAR GOMS PA'I RNAM PAR RTOG PA SAD PA'I RGYUS 'JUG PAR SEMS PA YIN NA, RANG GI NGO BO LA NGES PA YIN GYI DE DAG TZAM GYIS MGU BA NI MIN TE, RMI LAM LA SOGS PA LA YANG YOD PA'I PHYIR RO, ,PHRAD PAR BYA BA DANG 'BREL BA CAN DU NGES PA YOD NA DE NYID TSAD MA YIN NO, ,PHRAD PAR BYA BA NYID KYI RANG GI NGO BO LA NGES PAR BYED PA YIN GYI, PHRAD PAR BYA BA DANG 'BREL PA CAN NYID KYIS NI MA YIN NO BDEN TE, PHRAD PAR BYA BA MA YIN PA YANG DE'I 'BRAS BU NI DE NYID LAS RTOGS PA YIN TE, NAG PA'I BU LA NAG PAR SHES PA LTA BU'O, ,RNAM PA MANG PO MTHONG PA NAS RGYU LA 'BRAS BU NYID DU'AM, 'BRAS BU NYID LA DE NYID DU SGRO 'DOGS PA NI 'DRA BA LAS YIN TE, MTSE MA DAG LA SOGS PA LTA BU'O, ,'DI LA YANG PHRAD PAR BYA BA'I 'BRAS BU NYID LA DE NYID DU'O, ,DE LTA YIN NA 'DI'I DON DANG 'DRA BA NI TSAD MA YIN NO ZHES CI'I PHYIR GSUNGS, DE'I 'BRAS BU NYID KYI NGO BO NI DE NYID DANG 'DRA BA YIN TE, DON GYI DNGOS NYID MA SPANGS PA ZHES BYA BA YIN TE, 'DIR DE NYID BRJOD PA LAS 'DI DON DANG 'DRA BA'I NGO BO YIN PA'I PHYIR RO, ,'DI LA YANG 'DRA BA CAN KHO NA YIN NO ZHE NA, BSREG PA DANG, BTZO BA LA SOGS PA RNAMS NI ME DAD 'DRA BA NYID MA YIN LA, DE NYID 'BRAS BU NYID NI YIN PA'I PHYIR PHRAD PAR BYA BA'I DON GYI NGO BO 'BRAS BU NYID GANG GI YIN PA'I DON DE NYID KYI NGO BO YIN PA DE LTA NA, DE KHO NA NYID RTOGS PA 'BRAS BU YIN NO, ,DE KHO NA NYID NI DE RTOGS PA RNAM PAR GZHAG PA'I RGYU YIN PA'I PHYIR TSAD MA NYID YIN NO, , 'JIG RTEN NA YANG DAM BCAS PA'I DON DANG PHRAD PAR BYED PA NI MI SLU PAR BYED PA PO MA YIN NAM, DAM BCAS PA TZAM NI MA YIN ZHING GZHAN DANG PHRAD PAR BYED PA PO YANG MA YIN NO, ,DE BZHIN DU SHES PA YANG BDE BA LA SOGS PA MI BSLU BA CAN YIN GYI, RTOGS PA TZAM MA RTOGS NAS GZHAN @023A *, ,DANG PHRAD PAR BYED PA PO NI MA YIN NO, ,'O NA CI ZHE NA, RTOGS NAS PHRAD PAR BYED PA YIN TE, RTOGS PA'I SKAD CIG MA NYID DANG PHRAD PAR BYA BA RTOGS PA YIN PAR GCIG PA NYID DU ZHEN PA'I PHYIR RO, ,RTOGS PA YOD NA PHRAD PA YOD PA'I PHYIR RTOGS PA NYID TSAD MA YIN GYI GZHAN LAS NI MA YIN NO, ,GZHAN LAS MA YIN ZHES BYA DE LTA NI MA YIN TE, PHRAD PAR BYA BA DON DU GNYER BA DE DANG 'BREL PA CAN KHO NA'I NGO BO TSAD MA YIN GYI RTOGS PA TZAM NI TSAD MA MA YIN NO, ,DE YANG RTOGS PA MA YIN PA NI 'JUG PA'I YAN LAG MA YIN PA'I PHYIR RTOGS PA NI DE LA LTOS PA YIN NO, ,PHRAD PAR BYA BA DANG 'BREL PA CAN GYI SHES PA'I NGO BO YANG RJES SU DPAG PA'I NGO BO BZHIN DU RANG NYID KYIS SHES PA YIN NO, ,DE NYID SHES PA YIN GYI DE DANG 'BREL PA CAN NI MA YIN NO MA YIN TE NAG PA'I BU LA NAG PA'I SHES PA BZHIN DU DE NYID SHES PA'I YUL NI 'BREL PA YIN PA'I PHYIR RO,, DES NA DE NYID NI TSAD MA YIN LA DE SHES PA NI 'BRAS BU YIN NO, ,DE YANG DON DANG 'DRA BA NI TSAD MA YIN LA DON RTOGS PA NI TSAD MA'I 'BRAS BU YIN NO ZHES KYANG GSUNGS PA'O, ,DE'I PHYIR SHES PA'I NGO BO LA SGRO BTAGS PAS 'JUG PA YIN GYI PHYI ROL LA 'JUG PA NI MA YIN NO, ,PHYI ROL LA YANG SHES PA'I NGO BOR SGRO BTAGS PA YIN NA, MI 'JUG PA KHO NA YIN TE, D DON DU GNYER BA NI SU YANG MA YIN NO, ,SHES PA'I NGO BO DANG PHYI ROL DAG NI SO SO BA MA YIN PA'I PHYIR 'JUG PA YIN NO ZHE NA, SO SO BA MA YIN NA PHYI'I DNGOS PO DON DU GNYER BA RNAMS CHES SHIN TU YANG MI 'JUG PA'I PHYIR DE GSAL BA YIN NO, ,SNANG BA DANG RNAM PAR RTOG PA DAG GCIG TU BYAS NAS ZHES BYA BA LA SOGS PA DE KHO NA NYID DU 'DOD PA DE LAS BYUNG BA NYID KYI YUL CAN RNAMS DE BZHIN DU BSHAD PAR BYA'O, ,RTOGS PA TZAM YANG TSAD MA NYID YIN NA NI SGRA LAS BYUNG BA LA YANG 'GYUR RO, ,SGRA LAS BYUNG BA YANG PHYI ROL SHES PAR BYED PA MA YIN NAM, SHES BYA DANG SHES BYED LAS GZHAN PA LA NI 'BREL PA MED DO, ,DE LTA NI MA YIN TE, SHES BYA DANG SHES BYED KYI DNGOS PO NYID DE DANG 'BREL PA YIN GYI DE'I SHES PA TZAM NI MA YIN NO, ,DNGOS PO YANG SHES PA NYID MA YIN NAM, NYE BAR DMIGS @023B PA NI YOD PA ZHES BRJOD DO ZHES GANG GSUNGS PA'O, ,PHRAD PAR BYA BA'I RANG GI NGO BO'I NYAMS SU MYONG BA NI DMIGS PA YIN GYI SHES PA TZAM NI MA YIN NO, ,RIG BYED LA NI PHRAD PAR BYA BA'I 'BRAS BU'I RIG PA YOD PA MA YIN LA, YOD NA YANG DE DON DU GNYER BA RNAMS 'JUG PA MA YIN NO, ,RIG PAR BYED PA NI YOD LA, RIG PAR BYA BA NI MED PA DES NA RIG PAR BYA BA DON DU GNYER BA RNAMS 'JUG PA YIN NO, ,MA YIN TE, RIG PAR BYA BA DANG 'BREL PA MI SHES NA 'JUG PA MED PA'I PHYIR RO, ,'DIS NI NGES PAR SBYOR BA TZAM LAS 'JUG PA GSAL BA YIN NO, ,NGES PAR SBYOR BA YANG DE NYID KYI TSE YOD PA'I PHYIR 'JUG PA MA YIN NO, ,NGES PAR SBYOR BA NI BSGRUB PAR BYA BA YIN GYI DE'I TSE NI MED PA YIN NO, ,DE LTA NA SHES PA DANG 'BREL PA MI SHES PA'I PHYIR DE'I SHES PA LAS 'JUG PA NI MA YIN NO, ,DES NA PHRAD PAR BYA BA LA NGES PA CAN NYID KYI SHES PA NI DE KHO NA YID LA NGES PA CAN GYI TSAD MA YIN GYI GZHAN LAS NI MA YIN NO, ,DBANG PO'I GZUNG BAR BYA BA NYID DU THAL BAR YANG MA YIN TE, RANG GI NGO BO LA DE KHO NA NYID DU SGRO 'DOGS PA'I YUL MA YIN PA'I PHYIR RO, ,'BRAS BU TZAM NYID LA RGYU'I THAMS CAD NYID DU SGRO GDAGS PAR BYA BA MA YIN NO, ,'DRA BA NYID NI GDAGS PA'I RGYU MTSAN YIN NO, ,MA YIN TE, DE MED PA YIN YANG GZUGS DANG REG PA DAG GIS REG PA'I 'BRAS BU GZUGS YIN PA'I PHYIR TE, RGYU'I RANG GI NGO BO LA DE KHO NA NYID DU SGRO BTAGS PA'I YUL YIN TE, DE YANG RGYU MA YIN PA YUL MA YIN PAR BSTAN PA NI, RIGS PA SHES PAS SHES PA'I RNAM PA 'JOG NUS PA'I RGYU NYID LA GZUNG BAR SHES KYANG GSUNGS PA'O, ,SHES PA'I RANG GI NGO BO LA RANG GYI RNAM PA STE, BDAG NYID KYI NGO BOR 'JOG PA STE SGRO 'DOGS PAR NI RIGS PA YIN TE, PHRAD PAR BYA BA STE RGYU LA 'BRAS BU'I NGO BO NYID DU SGRO BTAGS PA'I YUL ZHES BSTAN TO ZHES BYA BA'I DON YIN GYI, SHES PA LA RANG GI RNAM PA STE RANG DANG 'DRA BAR 'DOGS PAR BYED PA NI MA YIN NO, ,'BRAS BU NYID LA DE KHO NA NYID DU SGRO 'DOGS PA YANG KHA CIG LA MTHONG BA LAS THAMS CAD LA NI MA YIN PAR BSHAD ZIN TO, ,'DI SKAD BSTAN PAR 'GYUR GYI BDAG NYID KYI KHONGS SU GTOGS PA'I BDE BA @024A *, ,JI LTAR RIGS PA DE BZHIN DU SNGON PO YANG NGO, ,BDE BA NI GZHAN RIG PA MA YIN TE, GZHAN RIGS PAS NI RIG PA MA YIN PA'I PHYIR RO, ,SNGON PO LA NI BDE BA NYID YOD PA YIN NO, ,MA YIN TE, DE NI SNGON PO BZHIN DU RIG PAR BYA BA YIN PA'I PHYIR RO, ,DE RIG PA LA YANG SNGON POR SGRO 'DOGS PA MA YIN PAS BDAG NYID RIG PA MA YIN PA NYID DU MI SHES PA'I PHYIR RO, ,GNYI GA LA YANG TSOGS PA YOD NA SNGON PO LA SOGS PA BZHIN DU CIG CAR 'BYUNG BA'I PHYIR PHYIN CI LOG TU 'GYUR RO, ,ZHEN PA YANG GOMS PA LA LTOS PA YIN GYI BDE BA BZHIN DU SNGON PO NI DUS DER YUL LA 'JUG PA MA YIN ZHING PHRAD PAR BYA BA YANG NGO, ,RTOGS PA LAS NI PHRAD PAR BYA BA DANG DER 'BREL PA NI GZHAN NYID LAS SHES PAR BYA BA YIN GYI DE TZAM LAS NI MA YIN TE, THE TSOM YOD PA'I PHYIR RO, ,DE NYID KYIS NA NGES PA YANG YIN NO ZHE NA MA YIN TE, RANG GI NGO BO LA NGES PA YIN PA'I PHYIR RO; ,DBANG PO DANG YUL LA SOGS PA RNAMS KYI RGYU MTSAN LAS SKYES PA'I RNAM PAR SHES PA NI 'BREL PA GANG YIN PA LAS YUL GYI RJES SU BYED PA YIN GYI GZHAN LAS NI MA YIN TE, DE NYID LAS DE 'DZIN PA YIN GYI GZHAN LAS NI MA YIN NO, ,DE LTAR NA GCIG LAS GCIG TU BRGYUD PAS DU BA PA YONGS SU 'DOR BAR 'GYUR BA YIN ZHES GANG SMRAS PA DE NI MA YIN TE, 'BRAS BU NI RANG GI RGYUD LAS BYUNG BAS DE'I RNAM PA'AM GZHAN DU YANG 'BYUNG BA YIN LA, SHES PA NI RANG NYID RIG PA YIN GYI GZHAN LAS KYANG NI MA YIN PA'I PHYIR DE DANG 'DRA BA MA YIN NO, ,DE DANG 'DRA BA LA YANG RANG NYID RIG PA YANG BDAG NYID SNGON POR RIG PA RNYED PAR DKA' BA MA YIN NO, ,DE LTAR YANG DE TZAM THAMS CAD LA YANG YOD PAS THOB ZIN PA'I PHYIR YANG 'JUG PA'I YUL MA YIN NO, ,DE'I THABS NYID KYIS NI RTOGS PA DANG LDAN PA RNAMS LTOS PA YIN PAR GZHAN NYID LAS SHES PAR BYA BA YIN GYI, RANG NYID LAS NI MA YIN PA'I PHYIR GZHAN LAS THE TSOM LDOG PA TZAM NI MA YIN NO ZHES BSTAN PA YIN NO, ,RNAM PA LA SNGON PO'O ZHES RJES SU DPOG PA YIN NO ZHE NA, PHRAD PAR BYA BA LAS GZHAN PA MA YIN TE, SNGON POR MA DMIGS PA'I PHYIR RO, ,LDOG PA LAS 'GRUB PAR 'GYUR ZHES BYA BA LA @024B SOGS PA GSUNGS PA NI GAL TE MTSUNGS PA DE MA THAG RKYEN LAS NGES PA MI SMRA BA ZHES BYA BA STE, DE LTA NA YANG YUL MTSUNGS PA'I DE MA THAG PA YUL DU 'GYUR RO ZHES KYANG NGO, ,PHRAD PAR BYA BA NYID DANG RIGS MTHUN PA LA GZHAN GYIS BAR DU MCHOD PA 'DI'I DE MA THAG PA NI MTSUNGS PA DE MA THAG PA'I SHES PA ZHES KYANG BSTAN TO, ,DE LTA YIN NA RANG GI NGO BO BZHIN DU THAMS CAD LA YIN PA'I PHYIR, TSAD MA MA YIN PA MI SRID PAR 'GYUR RO MA YIN TE, 'DAS PA'I DE MA THAG PA NI TSAD MA MA YIN TE, GZHAN LAS BZLOG PA ZHES BYA BA NI BYA BA'I RNAM PAR DBYE BA'O, ,RGYU MA YIN PA YUL MA YIN ZHES BYA BA MA YIN NAM, BDE BA LA SOGS PA RANG GIS RIG PA JI LTAR YUL NYID YIN TE RGYU MA YIN PA'I PHYIR RO, ,RANG NYID GRUB PA'I RANG GI NGO BO NI PHRAD PAR BYA BA DANG THA DAD PA'I PHYIR, JI LTAR YUL YIN ZHES LTOS PA DANG BCAS PA LA RGYU NYID LA DE KHO NA NYID DU SGRO BTAGS PA'I PHYIR ZHES BSTAN TO, ,RANG NYID RIG PA LAS DE'I BDAG NYID YIN PA 'DIS TSAD MA MA YIN PAR GSAL BA YIN NO, ,BAR MA CHAD PAR SMRAS PAS CHOG GO, ,PHRAD PAR BYA B'AI 'BRAS BU NYID RANG GI NGO BO YIN PA NI DE MED NA MED PA'I PHYIR TE, DU BA NI ME'I 'BRAS BU NYID YIN PA LTA BU'O, ,SNGAR GANG MTHONG BA NYID YOD PA LAS PHYIS MTHONG BAR 'GYUR BA GANG YIN PA DE NI DE'I 'BRAS BU YIN TE, DES DRANGS PA'I PHYIR ME'I DU BA LTA BU MA YIN NAM, DU BA MTHONG BA DAG LDAN PA TZAM LAS JI LTAR ME DMIGS PAR 'GYUR, DE LA 'DAS PA'I DUS KYI ME RJES SU DPOG PAR BYED PA NI MA YIN TE, SLU BA YIN PAS TSAD MA MA YIN PA'I PHYIR RO, ,'BYUNG BAR 'GYUR BA LAS MI SLU BA YIN GYI 'DAS PA LA NI MA YIN NO, ,DE NYID 'BYUNG BAR 'GYUR BA YIN NO ZHE NA, MA YIN TE, 'GAL BA'I PHYIR RO, ,'BYUNG BAR 'GYUR BA LA 'BYUNG BAR 'GYUR BA YOD PA MA YIN NO, ,DE'I 'BRAS BU MA YIN PA YANG DE LA MI BSLU BA CAN MA YIN TE, ,THAL CHES PA'I PHYIR RO, ,DE DAG GCIG PA NYID DU ZHEN PA LAS YIN NO ZHE NA, DE LTA BYUNG BAR GYUR PA LA YANG 'BYUNG BAR 'GYUR BA NYID DU ZHEN PA KHO NA YIN NO, ,RGYU LA NYE BAR SBYOR BA MA YIN PA CAN NI MTHAR THUG GI BAR DU YANG NYE BAR SBYOR BA CAN MA YIN TE, @025A *, ,SKAD CIG KYANG RGYUN MI 'CHAD PAR RJES SU 'JUG PA LA NYE BAR SBYOR BA MA YIN PA'I PHYIR RO, ,PHRAD PAR BYA BA YANG RANG GI NGO BO YOD NA DE MI ZAD PA YIN TE, DE YANG RGYU LA RGYU'I CHOS RJES SU 'JUG PA YIN TE, THAMS CAD RGYU YIN PAR THAL BAR 'GYUR BA YIN NO ZHE NA, DE LTA BU NI 'DAS PA LA YANG MTSUNGS SO, ,DE LTA MA YIN TE, 'DI YOD NA 'DI 'BYUNG ZHES BYA BAR BYE BRAG TU RTOGS PA'I PHYIR RO ZHE NA, DE LA YANG MTSUNGS PA NYID YIN TE, RGYU TSOGS PA YIS ZHES BYA BA LA SOGS PA YANG, DE NI RANG BZHIN YIN PAR BRJOD, ,CES BYA BA STE 'BYUNG BAR BYED PAS 'BYUNG BA STE RGYU'O, ,RANG GI 'BYUNG BYED NI RANG GI RGYU ZHES BYA BA'I DON TO, ,TSOGS PA NYID NI RUNG BA NYID DU RJES SU DPAG PA YIN PAR GSUNGS PA MA YIN NAM, BDEN TE, GANG LA GAGS BYED PA MED PA'I NGES PA MED NA'O, ,DE'I DGOS PA NI DE LTAR 'DAS DUS GCIG RNAMS KYI STE MA 'ONGS PA RNAMS KYI NI MA YIN NO ZHES BYA BA'I TSIG LAS SO, ,DE MED PAR NGES PA YIN NA MA 'ONGS PA'I 'BRAS BU DANG BYUNG BA LAS RGYU NYID SHES PA YIN TE, DU BA LAS ME LTA BU'O, ,DES NA YANG, NYON MONGS PA DANG BCAS PA'I SEMS LA SOGS PA MTHONG BA LAS, 'JIG RTEN PHA ROL DU 'BYUNG BAR 'GYUR BA'I SEMS LA SOGS PA 'GRUB PA YIN NO, ,'DI LAS 'JIG RTEN GZHAN DPOG PA'ANG ZHES GANG 'CHAD PAR 'GYUR BA'O, ,THOS PA DANG BSAM PA LA SOGS PA SHIN TU 'BAD PA CHEN POS BSGRUB PAR BYA BA MTHONG BA'I LAM LA SOGS PAR 'CHI BA'I DUS NA MED PA'I PHYIR GAGS BYED PA MED PAR NGES PA YIN NO, ,NYID MTSAMS SBYOR NUS LDAN MTHONG GANG, ,DE PHYIR GYUR NA PHYIS GANG MED, ,GANG GIS MTSAMS SBYOR LDAN MED YIN , ,ZHES GANG 'CHAD PAR 'GYUR BA'O, ,'DI LA YANG, DES NA SGRA LAS RGYU NYID DU, ,DUS GSUM DU YANG SHES BYA MIN, ,ZHES BSTAN PA'O, ,RUNG BA NYID DU RJES SU DPAG PA LA DE'I RGYU NYID KYIS NGES PA MED NA GZHAN GYI RGYU NYID KYIS NGES PA YOD KYANG DGOS PA YOD PA MA YIN NO, ,DU BA NI ME MTHONG BA NA GRUB PA MA YIN NAM, RANG NYID YOD NA YOD PA'I RANG BZHIN CAN GYI ME LA NYE BAR BYED PA YIN LA, RANG GI NGO BO LA YANG PHRAD PAR BYA BA GRUB PA YIN @025B KYI; DE LA RANG GI NGO BO NI MA YIN TE, JI LTAR RANG GI NGO O YIN PA DER 'BREL PAR NGES PA YIN, BDEN TE, PHRAD PAR BYA BA BZHIN DU DE YANG PHRAD PAR BYA BA LA MA 'KHRUL PA CAN NYID DU GANG GIS MA SHES PAS SHES PAR BYA'O, ,SHES PA YIN KYANG RANG GI NGO BO LA PHRAD PAR BYA BAR ZHEN PA LAS, DE'I 'BRAS BU NYID DE KHO NA NYID DU ZHEN PA'I RGYU MTSAN DU BSTAN TE, DUNG LA SER PO LA SOGS PA'I SHES PA NI DBYIBS LA SOGS PA'I CHA LA TSAD MA YIN NO, ,KHA DOG SER POS DON BYED PA MED NA DE'I SGO NAS DBYIBS KYIS DON BYED PA MED PA LTA SMOS KYANG CI DGOS, DE'I TSE SER PO MED PA NI MA YIN TE SNANG BA'I PHYIR RO, ,GZHAN DU NA SNGON PO YANG MED PA KHO NA YIN NO, ,CI STE SNGON PO GCIG PU PHRAD PAR BYA BAR 'DOD PA YIN NA 'DI LA YANG DBYIBS GCIG PU 'DOD PA YIN TE, SER PO DANG DKAR PO THUN MONG BA THOB PAR 'GYUR BA KHO NA TE KHA DOG NI MA YIN NO, ,'ON TE BDAG NYID THAMS CAD KHO NA NAS TSAD MA MA YIN TE, CHA SHAS KYIS KYANG TSAD MA NYID YIN NA NI RJES SU DPAG PA'I RNAM PAR RTOG PA KHO NA TSAD MA YIN ZHES STON PAR BYED PAR MI 'GYUR TE, THA NA SGRA PA'I RNAM PAR RTOG PA YANG DNGOS PO TZAM GYI CHA LA MI BSLU BA YIN PA'I PHYIR RO, ,MA YIN TE, MI BSLU BA DANG BSLU BA TZAM GYIS TSAD MA DANG CIG SHOS NYID DU KHAS LEN PA'I PHYIR TE, 'DOD PA DANG PHRAD PAR YOD NA TSAD MA YIN LA, DE MED PA LA NI GZHAN DU'O, ,SER PO'I SHES PA LA DBYIBS DANG, 'GRO BA'I SHING MTHONG BA LA SHING DANG, GNAS GZHAN NA YOD PA'I NOR BU'I SHES PA NOR BU DANG, BDEN PA'I RMI LAM GYI BU RNAMS SU 'DOD PA YIN GYI DUS LA SOGS PAR MA YIN PA DE'I PHYIR, MNGON PAR 'DOD PA'I CHA SHAS LA TSAD MA NYID YIN NO, ,SGRA LAS BYUNG BA YANG MNGON PAR 'DOD PA STON PA'I PHYIR ZHES GANG 'CHAD PAR 'GYUR BA'O, ,RNAM PAR RTOG PA TZAM NI DNGOS PO'I CHA SHAS LA YANG TSAD MA MA YIN TE, MNGON PAR 'DOD PA'I YUL MA YIN PA'I PHYIR RO, ,'DIS NI CI NAS KYANG THOB PAR BYED PA MA YIN PAR BSHAD ZIN TO, ,MNGON PAR 'DOD PA'I YUL NI RNAM PAR RTOG PA CAN GYI RJES SU DPAG PA YIN NO ZHES BYA BA NI RNAM PAR DBYE BA'O, ,CHA SHAS KYIS NI TSAD MA DANG CI @026A *, ,SHOS NYID DE, MNGON PAR 'DOD PA DANG CIG SHOS YIN PA'I PHYIR ZHES BYA BA'I DON TO, ,BYED PA PO LA GNAS PA'I BYA BA NI BYA BA LA GNAS PA NYID KYIS NGES PA CAN DU SHES PAR BYED PA'I PHYIR DE NYID DANG POR SHES PAR BYA BA YIN TE, GAL TE DE SHES PA YIN NA BYED PA PO LA GNAS BAS CI ZHIG BYA, DE'I THABS YIN PA NYID KHO NAS 'DOD PA YIN NO ZHES BYA BA'I DGONGS PAS DON BYED GNAS PA ZHES BYA BA SMOS TE, PHRAD PAR BYA BA SHES PA NI 'JUG PA'I YAN LAG YIN GYI RANG GI NGO BO NI MA YIN TE, BYED PA PO LA GNAS PA'I BYA BA KHAS LEN PA NYID YIN NA, RANG GI NGO BO SMRAS PAR 'GYUR RO, ,PHRAD PAR BYA BA LA LTOS PA'I RANG GI NGO BO NI BYA BA YIN GYI RANG GI NGO BO TZAM NI MA YIN TE, BDEN TE, RANG GI NGO BO LA NI TSAD MA NYID MA YIN TE, THAL CHES PA'I PHYIR RO, ,PHRAD PAR BYA BA LA NI TSAD MA YIN NO ZHES DGONGS PA YIN NO, ,BYED PA PO LA GNAS PA'I BYA BA KHAS LEN PA YANG DE NYID YIN PAR DGONGS PA YIN GYI, RANG GI NGO BO LA DMIGS PA 'BA' ZHIG NI JI LTAR PHRAD PAR BYA BA LA DMIGS PAR 'GYUR SNYAM DU DOGS PA BSAL BA'I PHYIR, PHRAD PAR BYA BA'I BYED PA PO'I SHES PA TSAD MA YIN PAR BSTAN TE, DE DE LTAR YONGS SU GCOD PA 'DIS DON GO BA YIN NO, ,DE LA YANG DON NI 'DI YIN TE RANG GI NGO BO LA DMIGS PA LA PHRAD PAR BYA BA LA DMIGS PAR ZHEN PA YIN NO, ,'ON TE DON BYED PA ZHES BYA BAS 'JIG RTEN PA NYID KYI TSAD MA BSTAN PA YIN LA, DANG POR NI DE 'GRUB PA'I THABS SO, ,MA YIN TE, DE LA DON YIN PAR SMRA NA 'DI YANG SHUGS KYIS 'GRUB PA'I PHYIR RO, ,SKAD CIG MA DANG PO'I SHES PA'AM SGRO BTAGS PA YANG RUNG BA MA YIN NAM, 'DI NI PHRAD PAR BYA BA NYID MA YIN TE, PHRAD PAR BYA BA YONGS SU BCAD PA'I PHYIR, DE'I DON NYID JI LTAR GO BAR 'GYUR, PHRAD PA'I SHES PA NI PHYI ROL DU ZHEN PA'I NGO BO NYID LAS RJES SU DPAG PA LA YOD PA YIN TE, GANG GI PHYIR PHYI ROL LA PHRAD PAR BYA BAR ZHEN PA'I PHYIR RO, ,RANG GI RNAM PA 'DI LA PHYI ROL DU ZHEN PA CAN YIN NO ZHE NA, DE LTA YIN NA YANG THAMS CAD DU PHRAD PAR BYA BAR ZHEN PA CAN YIN NO, ,DE'I NANG DANG PHYI ROL YANG MA YIN NO ZHE NA, MA YIN TE, PHYI ROL @026B NYID DU ZHEN PA'I PHYIR DANG, GRUB PA'I MTHA' MED PAR THAL BAR 'GYUR BA'I PHYIR YANG NGO, ,PHYI ROL NI GRUB PA'I MTHA' LA YIN GYI GNYI GA MA YIN PA LA MA YIN TE, DE NI RANG RIG PA YIN PA'I PHYIR, RANG GI RNAM PA MA YIN LA, MNGON SUM GYIS GZHAN DU RIG PA'I PHYIR, DES NI PHYI ROL YANG MA YIN NO ZHE NA, MA YIN TE, PHYI ROL DANG RANG GI RNAM PA DAG LA GCIG PA NYID DU ZHEN PAS GNYI GA MA YIN PA'I DE KHO NA NYID DU RIG PA'I PHYIR RO, ,DE NYID LA PHYI ROL DU SGRO BTAGS PA YIN NA NI YANG DE DANG PHRAD PA'I PHYIR THUG PA MED PAR 'GYUR RO, ,DES NA RJES SU DPAG PA LA LTOS PA NI PHYIR YONGS SU BCAD ZIN PA ZLOS PA YIN NO, ,MNGON SUM LA YANG SKAD CIG NYID LA PHRAD PAR BYA BA NYID YIN PA'I PHYIR DE RIG PA YOD PA YIN NO, ,'O NA NI SHES PA GNYIS PA THOB PA MA YIN NAM, MA YIN TE, GCIG LA SHES PA GNYIS RIM GYIS PAR MI RIGS PA'I PHYIR RO, ,GNYIS PA NI GZHAN MA YIN NO ZHE NA, DE NYID DE DANG PHRAD PA YIN GYI GZHAN MA YIN PA'I PHYIR JI LTAR GNYIS PA YIN NO, ,'JIG RTEN PA'I MA YIN PA'I PHYIR SKAD CIG MA THA DAD PA'I SNGA MA LA YANG DE NYID DANG PHYI MA LA YANG DE NYID DU SHES PA'I PHYIR GNYIS PA NYID YIN NO, ,DE LTA NA YANG DE LA LTOS PHAM YIN TE, SNGA MA DANG BYE BRAG MED PA'I PHYIR RO, ,BRTAN PA NYID YIN NO ZHE NA, DE NI CI YANG MA YIN NO, ,DES NI DON BYED NUS PAR SHES PA YIN NO ZHE NA, MA YIN TE, SNGA MA KHO NAS DE DAG TZAM DU SHES PA'I PHYIR RO, ,MI GZHAN GYI SHES PA LA LTOS PAS NI SKAD CIG MA YANG SHES PA GNYIS PA RUNG BA NYID YOD PA'I PHYIR PHRAD PAR BYA BA NYID MA NYAMS PA YIN NO, ,DES NA PHA ROL PO'I BSHAD PA LA NI ZLOS PA NYID SPANGS PA MED DO, ,DE'I PHYIR YONGS SU BCAD NAS TE, DON DANG PHRAD PAR NI RANG GI NGO BO LA PHRAD PAR BYA BA NYID DU ZHEN PA STE, PHRAD PAR BYA BA LA 'JUG PA DANG, PHRAD PA DAG GI RGYU YIN PAR GSUNGS PA'I PHYIR SNGA MA NYID DAM PA MA YIN NO, ,MI BSLU BA CAN NYID TSAD MA NYID MA YIN NAM, SHES PA NI SHES PA GZHAN LA MI BSLU BAS TSAD MA YIN LA, DE YANG SHES PA GZHAN LAS MI BSLU BAS THUG PA MED PA'I PHYIR MI SRID PA YIN NO, ,DE BZHIN DU RMI LAM @027A *, ,LA SOGS PA'I SHES PA LA YANG YOD PA'I PHYIR KHYAB CHES PA YIN TE, DGRA LA SOGS PA'I YUL LA YANG SHES PA GZHAN MI BSLU BA MED PA'I PHYIR KHYAB PAR BYED PA MA YIN NO SNYAM DU DOGS PA LA DE GNAS PA DE ZHES BYA BA SMOS TE, GNAS PA NI TSAD MA STE MI G-YO BA YIN LA, RMI LAM LA SOGS PA'I SHES PA STE, SAD PA'I GNAS SKABS LA SOGS PA LAS G-YO BA YIN NO, ,DE'I PHYIR KHYAB CHES PA MA YIN NO, ,RNAM PAR GNAS PA'I TSIG STE, GNAS PA'I SGRA SMOS PAS NI MI SRID PA NYID MA YIN TE, DON BYED PA'I SHES PA 'JUG PA'I BAR CHAD MED PA NYID KYIS RNAM PAR GNAS PA YIN PA'I PHYIR SHES PA GZHAN LA LTOS PA MA YIN PA DE NYID KYI PHYIR KHYAB PAR BYED PA MA YIN PA MA YIN TE, SGRA LA SOGS PA'I RANG GI NGO BO LA DMIGS PA NYID NI MTHAR THUG PAR 'DOD PA'I PHYIR RO, ,DON BYED PA'I SHES PA NI DRO BA LA SOGS PA NYAMS SU MYONG BA MI BSLU BA MA YIN NAM, DE YANG DE LAS GZHAN PA GANG YIN PA NI MED PA'I PHYIR GANG LA MI BSLU BA CAN NYID YIN, BDEN TE, DNGOS PO LA DBYE BA MED KYANG RTOGS PA'I DBYE BA LA MI RTAG PA NYID DAM BYAS PA NYID DAG GIS GTAN TSIGS DANG, GTAN TSIGS CAN NYID BZHIN DU MI BSLU BA DANG MI BSLU BA CAN NYID DU 'GYUR RO, ,PHRAD PAR BYA BA'I YUL LA TSAD MA NYID MA YIN NAM, SNGA MA LA NI RIGS NA PHYI MA LA NI MA YIN TE, PHRAD PAR BYA BA LA THA DAD PA MED PA'I PHYIR DANG, THA DAD PA MA YIN PA YOD PA YIN LA, SNGA MA NI DE LTA BU MA YIN TE, DES NA YANG PHYI MA TSAD MA NYID DU KHAS LEN PA YIN LA, SNGA MA NI MA YIN TE, DE LTA BU MED PA'I PHYIR RO, ,BDEN TE, PHYI MA NYID NI PHRAD PAR BYA BA LA BAR DU CHOD PA MED PA'I PHYIR TSAD MA YIN LA SNGA MA NI SHES PA'I CHA DANG, SHES BYA'I CHA DAG DANG GNYI GA'I YANG THA DAD PAR ZHEN PA YIN PA'I PHYIR THA DAD PA MED PA KHO NAR TSAD MA NYID KYI RGYU MTSAN YIN TE, DE YANG KHA CIG TU NI BDEN PA YIN LA, KHA CIG TU NI SGRO BTAGS PA NYID YIN NO, ,RJES SU DPAG PA NI PHRAD PAR BYA BA LA THA DAD PA MED KYANG SGRO BTAGS PA YIN TE, MNGON SUM MA YIN LA, GZHAN GYI DE MA THAG PA GZHAN MTHONG BA LAS 'BYUNG BA'I PHYIR RO, ,MNGON @027B SUM NI GAL TE YANG RANG GI NGO BO MTHONG BA LAS BYUNG BA DE LTA NA YANG, PHRAD PAR BYA BA DANG DE'I NGO BO DAG RJES SU DPAG PA'I NGO BO DANG PHRAD PAR BYA BA BZHIN DU THA DAD PA MED PAR ZHEN PA'I PHYIR TSAD MA LOG PA NYID YIN NO, ,'DI DAG TZAM NI MNGON SUM DANG RJES SU DPAG PA'I DBYE BA YIN NO, , MNGON SUM DANG CIG SHOS DAG GI SO SOR SNANG BA DAG GI RIG PAR BYA BA LA NI THA DAD PA YOD PA KHO NA YIN TE, PHRAD PAR BYA BA NYID KYIS RANG GI NGO BO RIG PA NYID NI MI BSLU BAR RIG PA YIN TE, MI BSLU BAR SHES PA NYID NI TSAD MA NYID YIN NO, ,DES NA DU BA LA SOGS PA TSAD MAR THAL BAR 'GYUR BA NI MA YIN NO, ,PHRAD PAR BYA BA LAS THA DAD PA'I MNGON PA'I NGA RGYAL GYIS DE RIG PA YANG DE RIG PA MA YIN PA'I PHYIR PHRAD PAR BYA BA'I RANG GI NGO BO LA DBYE BA MED PAR RTOGS NA, TSAD MA NYID KYI YAN LAG YIN NO ZHES BYA BA'I DGONGS PAS GANG LA GZHAN GYIS DON BYED CES BYA BA SMOS TE, SGRO BTAGS PA'I DBYE BA MED PA LAS BDEN PA'I DBYE BA MED PA PHUL DU BYUNG BA YIN ZHES BYA BA'I DON TO, ,SGRA LAS BYUNG BA STE, SGRAS SKYED PA'I SHES PA NI BSLU BA MA YIN PA'I BSAM PAS SMRA BA POS MNGON PAR BSAMS PA RTOGS PA'I DON DANG MTSUNGS PA'I RNAM PA'I MNGON PAR 'DOD PA STON PA'I PHYIR, GSAL BAR BYED PA'I PHYIR ZHES BYA BA NI 'DI'I DON MA YIN NAM, DE'I PHYIR 'DI LA KHYAB PAR BYED PA MA YIN PA BSAL BAR, JI SKAD BSTAN PA JI LTA YIN, ,GAL TE 'DI YI DON YIN NA, ,SMRA BA PO YI BYA BA YI, ,ZHES BYA BA LA SOGS PA'I DON GO BAR 'GYUR RO, ,'DIS NI DE NYID KYI DON GSAL BAR BYED PA YIN NO, ,'DI NYID KYIS CHOG MOD MI GSAL BA DES CI ZHIG BYA, BSHAD BYA DANG, BSHAD BYED NYID YIN NA YANG DON THA DAD PA NYID YIN NA NI MI RIGS SO ZHES BSTAN PA NI, SGRA'I YUL CAN GYI SHES PA NI ZHES BYA BA'O, ,GNOD PA MED PA CAN GYI RTOGS PA NI PHA ROL PO'I 'DOD PA MA YIN NAM, RANG GI NGO BO RTOGS PA TZAM GYIS ZHES BYA BAS DE RTOGS PA TZAM JI LTAR DGAG PA YIN, KUN DU RMONGS PA 'JIG RTEN PA MA YIN PA'I DON SMRA BA PO'I 'DOD PA BSAL BA'I PHYIR YANG MA YIN TE, @028A *, ,DE RNAMS KYIS KYANG KUN DU RMONGS PA LA SOGS PA DANG BRAL BAR RTOGS PA'I YUL DU KHAS BLANGS PA'I PHYIR RO, ,DE NYID GNOD PA MED PA CAN GYI RTOGS PA ZHES BYA BA 'DIS BSTAN PA'I BYE BRAG MED PA'I RTOGS PA TZAM TSAD MA YIN TE, DE YANG YON TAN GYIS BSKYED PA MA YIN TE, SKYON LAS KYANG SKYE BA'I PHYIR RO, ,SKYON GYIS BSKYED PA YANG MA YIN TE, DE MED KYANG 'BYUNG BA'I PHYIR RO, ,DMIGS KYIS BSAL BAS 'BA' ZHIG DMIGS KYIS BSAL BA YIN PA'I PHYIR, SPYIR BTANG BA LAS BYUNG BA KHO NA TSAD MA YIN NO ZHES KHA CIG ZER RO, ,DE LA RANG GI NGO BO RTOGS TZAM GYIS, ,ZHES BYA BA SMOS TE, DE YANG DMIGS KYIS BSAL BA'I YUL YONGS SU SPANGS PA LAS YIN PA'I PHYIR, SPYIR BTANG BA'I YUL NYID MTHAR THUG PA YIN ZHES BYA BA'I DON TO, ,GNOD PA CAN MED PA TZAM LA BYE BRAG YIN GYI GZHAN NI MA YIN TE; SHES PA'I KHONGS SU GTOGS PA MA YIN NAM, DES NA DON DU GNYER BA PO YUL RTOGS PA TZAM LAS 'JUG PA YIN GYI BYE BRAG LAS NI MA YIN NO, ,TSAD MA MA YIN PA LA NI GNOD PA CAN GYI SHES PA GZHAN NAM, PHYI ROL GYI BYE BRAG LA LTOS PAR BYA BA YIN NA, 'DI LA YANG DE MED PA NI BYE BRAG YIN NO ZHES BYA BAR NI MI RIGS TE, GSOG TU GYUR PA'I PHYIR RO, ,SKYES PA'I DUS NYID NI RNYED PAR SLA BA NYID KYIS LTOS PA MED PA CAN YIN PA'I PHYIR RO, ,SKYES PA'I DUS NYID NA DE MED PA NI TSAD MA MA YIN PA LA YANG DE YOD PA YIN TE, PHRAD PA'I DUS NA YANG SKYES PA'I DUS SHES PA MA YIN PA'I PHYIR GNOD PA CAN YOD PA BZHIN DU DE MED PA LA YANG THE TSOM ZA BA YIN NA RTOGS PA DANG LDAN PA RNAMS 'JUG PA MA YIN NO, ,YUL RTOGS PA TZAM LAS 'JUG PA YANG MA YIN TE, TSAD MA MA YIN PA LA YANG YOD PA'I PHYIR RO, ,PHRAD PAR BYA BA'I YUL RTOGS PAR BYA BA YIN NO ZHE NA, MA YIN TE, DE SNGAR RANG GI DUS 'DZIN PA LAS 'BYUNG BA YIN ZHES BYA BAR NI MI RIGS TE, MNGON SUM NI YOD BZHIN PA LA DMIGS PAR BYED PA'I PHYIR RO, ,DES NA YANG DNGUL DU 'DZIN PA NI YUN RING PO GNAS PA NYID DU 'DZIN PA 'DI NI LEGS PAR SMRAS PA MA YIN @028B NO; ,PHRAD PAR BYA BA DANG RANG GI NGO BO DAG LA GCIG PA NYID DU ZHEN PA YOD KYANG, DE NI DE DAG GI 'BRAS BU NYID KYI RGYU MTSAN YIN TE, DE SHES NA 'BYUNG BA YIN PA'I PHYIR 'DI LTA BU'I YUL RTOGS PA LAS 'JIG RTEN PA 'JUG PA YIN GYI, KHYED KYIS SMRAS PA'I RTOGS PA TZAM LAS 'JUG PA NI MA YIN NO, ,RIG BYED LA NI DE MI SRID DO, ,DBANG PO'I YUL LAS 'DAS PA NYID KYIS PHRAD PAR BYA BA'I 'BRAS BU NYID MI SHES PA'I PHYIR RO, ,RJES SU DPAG PA LA NI RTAGS DE'I 'BRAS BU NYID SHES PA LAS RTOGS PA YIN ZHES BYA BA LA SOGS PA BSTAN PA YIN NO, ,YANG NA 'DI'I DPE NYE BAR DGOD PA NI DPER NA RTOGS PA TZAM NI TSAD MA MA YIN PA DE BZHIN DU GNOD PA MED PA'I RTOGS PA YANG KHYAB CHES PA'I PHYIR SNYAM DU DGONGS PA'O, ,DPER NA RTOGS PA TZAM NI RAB TU SBYOR BAR BYED PA MA YIN ZHING MNGON PAR 'DOD PA MA YIN LA, DE BZHIN DU GNOD PA MED PA NYID KYANG SKYES BU'I DON MA YIN PA'I PHYIR, RTOGS PA DANG LDAN PA RNAMS RAB TU SBYOR BAR BYED PA MA YIN NO ZHES BSTAN PA NI, RTOGS PA TZAM DANG 'BREL PA NI ZHES BYA BA'O, ,DE YANG MTSUNGS PA NYID DO ZHES BYA BA 'DI YANG RAB TU SBYOR BAR BYED PA MA YIN PA NYID KYIS ZHES BYA BA 'DI LA LTOS PAR BYA BA YIN NO, ,RAB TU SBYOR BAR BYED PA NYID MA YIN DU ZIN KYANG KHYAB CHES PA NYID JI LTAR YIN, GNOD PA MED PA RTOGS PA NI TSAD MA YIN TE, DNGUL LA SOGS PA'I SHES PA NI GNOD PA CAN YIN LA, PHYIS 'DI MA YIN NO ZHES PA LAS, DE'I 'OG TU YANG NYA PHYIS SU STE DE RNAMS LAS KYANG BAR MAS DANG PO BSAL NAS THA MAR NYA PHYIS KYI SHES PA NGES PAR BYED PA MA YIN LA, NYA PHYIS KYI SHES PAS KYANG DANG PO'I DNGUL DU SHES PA BSAL NAS, BAR MA 'DI MA YIN NO ZHES BYA BA NGES PAR BYED PA YIN TE, DES NA PHAN TSUN BSTEN PA MA YIN NO, ,DE YANG, RE ZHIG THA MAS DANG PO GNYIS,, BAR MAS DE BZHIN THOG MTHA' DAG ,YONGS GCOD DANG PO BSAL NAS NI, ,THA MA TSAD MA NYID YIN NO, ,ZHES SMOS PA'O, ,YANG 'DI RNAMS LAS GANG LA GNOD PAR BYA BA YIN, 'JUG PA'I NGO BO 'BRAS BU LA'O, 'BRAS BU LA CI ZHIG BYAS PA LAS GNOD PAR BYED @29A *, ,PA YIN, GAL TE DE BYAS PAS GZHAN GYIS DE LA CI BYAR YOD, SHING LA SOGS PA RGYUN MI 'CHAD PAR 'BAR BA LA SOGS PAR SNANG LA 'BAR BA LA SOGS PA DE LAS GZHAN BTZAL BAR BYA BAR 'GYUR BAR THUG PA MED PAR 'GYUR RO, ,DE'I PHYIR 'BRAS BU LA GNOD PA BYED PA KHO NA GNOD PA YIN TE, DE YANG, SHES PA SNGA MA'I 'BRAS BU NI, ,RNAM GCOD PHYI MA GNOD BYED YIN, ,'BRAS BU 'JOMS PA GNOD BYED PA, ,YIN GYI KHYAD PAR CAN GZHAN MIN, ,ZHES SMOS PA'O, ,YANG YUL 'PHROG PA NI MA YIN TE DE MI NUS PA'I PHYIR RO, ,DE SKAD DU YANG, 'DAS PA YANG NI YUL LAS KYANG, ,RNAM GCOD NYID NI NUS MIN TE, ,RKUN POS NOR BLANGS NAS BYED BA, ,DE LAS DBROG PAR SU YIS NUS, ,ZHES SMOS PA'O, ,YANG YUL NGES PA NI 'JUG PA'I RGYU MTSAN YIN LA, RGYU MTSAN LA GNOD PA MED PA YIN NA, JI LTAR DE LA GNOD PAR BYED PA YIN, 'DAS PA'I YUL MED PA YANG SHES PAR BYED PAR NUS PA NYID KYI PHYIR YUL 'PHROG PA NYID GNOD PA YIN GYI GZHAN NI MA YIN NO ZHES BSTAN PA NI SAD PA'I SHES PAS ZHES BYA BA'O, ,BYE BRAG MA MTHONG BA LAS NYA PHYIS LA DNGUL GYI SHES PA SKYES PA YIN LA, DE LA GNOD PAR BYED PA NI BYE BRAG TU 'DZIN PA CAN YIN NO; ,DE YANG NYA PHYIS KYI SHES PA DANG, 'OG TU YANG DE'I BYA BA'I RJES SU 'BRANGS PA CAN 'DI NI MA YIN NO ZHES BYA BA NI 'JIG RTEN PA'I THA SNYAD KYI SHES PA'I RIM PA YIN PAS PHA ROL SMRA BA NI MA YIN NO ZHES BSTAN PA NI, GNOD PA ZHES BYA BA 'DI NI CI ZHIG CES BYA BA STE, YUL 'PHROG PAR NUS PA YIN NA, DE NYID GNOD PA CAN YIN NO ZHES BYA BA 'DI LA GAL TE GZHAN GYI YUL MED PAR ZHES BYA BA SMOS PA LA DON NI 'DI YIN TE, NYA PHYIS KYI SHES PA NI RANG GI YUL GYI NGO BO 'DZIN PA LA 'JUG PA YIN GYI GZHAN DU BYED PA NI MA YIN NO, ,DE YONGS SU GCOD CING DE LAS GZHAN PA RNAM PAR GCOD PA NI RIG PA YIN NO ZHE NA, SHES PA THAMS CAD DE LTA BU YIN PA'I PHYIR THAMS CAD GNOD PA CAN DU 'GYUR TE, DE LTAR YANG 'CHAD PAR 'GYUR BA YIN NO, ,DE'I PHYIR DON DAM PA'I GNOD PAR BYA BA DANG, GNOD PAR BYED PA NYID NI MED PA YIN LA DE MED PA'I PHYIR, GNOD @029B PA MED PA CAN NYID KYANG MA YIN ZHES BYA BA 'DIS KHYAB CHES PA GSAL BAR GYUR PA YIN NO, ,GAL TE 'DOD PA DANG PHRAD PA LA NYE BAR SBYOR BA NYID YIN PA'I PHYIR GNOD PA MED PA NYID NGES PAR KHAS BLANGS PA NYID YIN NA YANG, DE YANG GNAS PA STE MI G-YO BA YIN NO ZHES BSTAN PA NI 'DI NI DON BYED PA RNAM PAR GNAS PA MA YIN TE ZHES BYA BA'O, ,GNOD PA MED PA TZAM NYID NI THUG PA MED PA'I PHYIR MI SRID PA NYID YIN PAR BSTAN PA NI GNOD PA MED PA NYID CES BYA BA'O, ,'ON TE GNOD PA MED PA YIN NA, DON LA NGES PA SKYED PA'I TSAD MA NYID LA 'JUG PA'I YAN LAG MA YIN NAM, DE LA YANG GANG GI TSE DMIGS KYIS BSAL BAR DOGS PA DE'I TSE SNGA MA LAS BZLOG PA'I DON 'DZIN PA CAN GYI SHES PA GZHAN NI TSAD MA YIN LA, DE LA YANG DOGS PA YOD NA SHES PA BAR MAS BZUNG BA'I DON LAS BZLOG PA 'DZIN PA CAN GYI SHES PA GSUM PA DE NYID LAS SNGA MA TSAD MA NYID DU NGES PAS 'DI TZAM GYIS THA SNYAD BRJOD PA'I PHYIR SHES PA GZHAN BTZAL BAR BYA BA MA YIN NO, ,DE YANG, DE LTAR RTOGS BYED SHES PA NI, ,GSUM CHAR GSAL BA MA YIN TE, ,DE PHYIR GNOD PA SKYE MIN PA'ANG, ,GNOD PA CAN DU'ANG DOGS BYA MIN, ,ZHES SMOS PA'O, ,GNOD PA CAN LA YANG GNOD PA CAN DU SNANG BA'I PHYIR, GNOD PA CAN DU'ANG DOGS BYA MIN, ,ZHES CI'I PHYIR SMRAS SHE NA, RANG NYID GANG LA THE TSOM SKYES PA DE LA NI SHES PA GZHAN LAS LTOS PA YIN GYI, GANG LA MA SKYES PA DE LA NI NAN GYIS BSKYED PAR BYA BA MA YIN NO, ,GZHAN DAG NA RE NAN GYIS KYANG BSKYED PAR BYA BA YIN TE, DE YANG SHES PA GSUM BZHI SKYES BZHIN PA TZAM LAS LDOG PAR GZHAN DU MTHONG BA YIN LA, DE BZHIN DU 'DIR YANG 'GYUR BA YIN TE, DE KHO NA BZHIN DU MTHONG BA'I PHYIR RO, ,MA SKYES PA LA'ANG GNOD PA CAN, ,TSOL BA'I RMONGS PA GANG YIN PA, ,DE NI THA SNYAD THAMS CAD LA, ,YID GNYIS NGO BO ZAD DE 'GRO, ,ZHES BYA BA DANG, KUN TA'I BU RNAMS THE TSOM DANG, ,BCAS LA 'JIG RTEN 'DI DANG GZHAN, ,MED CES THE TSOM BDAG NYID CAN, ,KHYAB 'JUG GIS NI SMAD PA YIN, ,ZHES SMOS PA'O, ,RANG GI NGO BO RANG GIS RIG PAS @030A *, ,PHRAD PAR BYA BA DANG 'BREL BA CAN RANG GIS RIG PAS TSAD MA NYID DU 'GYUR BA NI MA YIN TE, SHES PA LA SNANG BZHIN PA THAMS CAD PHYI ROL NYID DU SHES PA'I PHYIR RANG GI NGO BO MA YIN LA MA YIN PA NYID DU NGES PA YIN NO, ,PHYI ROL LA YANG KHA CIG LA DON MED PA'I PHYIR, NGES DBEN PA'I DON GYIS DMIGS KYIS BSAL BAR DOGS PA DANG BRAL BA YIN NA RANG NYID LAS YIN NO, ,PHYI ROL NYID DU SNANG BZHIN PA NI RANG GI NGO BO MA YIN TE, THAL CHES PA'I PHYIR RO, ,DMIGS KYIS BSAL BAR DOGS PA DANG BRAL BA YIN NA, SHES PAR BYA BA DON MA YIN PA MA YIN TE, RANG GI NGO BO LA YANG DE BZHIN DU THAL BAR 'GYUR BA'I PHYIR RO, ,DE BZHIN DU SHES PAR BYA BA YANG SKAD CIG NYID MA YIN TE, SNGA MA DANG PHYI MA'I DUS 'GAL BA MED PA CAN NYID DU SNANG BA'I PHYIR RO, ,GNOD PA CAN DU DOGS PA LDOG PA LA MI BSLU BA RGYU MTSAN MA YIN TE, GZHAN NYID 'JIG RTEN PA LA YOD PA'I PHYIR RO, ,DE YANG, GNOD PA CAN DON GNYER BA LA, ,GANG ZHIG GANG LA LTOS PA YIN, ,YUL DUS MI YI GNAS SKABS KYI, ,DBYE RNAMS THA SNYAD NYID LA NGES, ,ZHES SMOS PA'O, ,THAG RING PO NA GNAS PA NYID KYI PHYIR, GANG LA JI LTA BA BZHIN MTHONG BA MA YIN PAR DOGS PA DE LA THE TSOM LOG PA'I MTSAMS SRID DU, THAG NYE BAR PHYIN PA NYID YIN GYI DUS GZHAN LA SOGS PA LA SDOD PA NI MA YIN TE, SMIG RGYU LA SOGS PA'I SHES PA LTA BU'O, ,DE BZHIN DU DMAG GI DUS SU BA LANG NGAM RTA LA SOGS PAR THE TSOM ZA BA'AM, 'KHRUL PA GANG YIN PA DE LA NGES PAR GSAL BAR 'GYUR BA NI MTSAMS YIN NO, ,MTSAN MO SRIN PO ME KHYER YANG, ,ME DANG 'DRA BA KUN GYIS MTHONG, ,NYIN MO GSAL BAR MTHONG NYID KYIS, ,'KHRUL PA YIN PAR GO BA YIN, ,DE BZHIN DU, ZLA BA GNYIS DANG PHYOGS RMONGS DANG, ,RIG BYED YI GE DBYANGS SOGS RNAMS, ,SKYES BU GZHAN LA LEGS DRIS LAS, ,GZHAN PA NYID DU NGES 'DZIN 'GYUR, ,'DOD CHAGS ZHE SDANG MYOS DANG SMYO, ,BKRES SKOM SOGS KYIS DBANG NYAMS PAS, ,SHES BYA DON LA LOG RTOGS PA'I, ,PHYIN CI LOG RNAMS MED PAS SO, ,DE BZHIN PHRA BA BSKOR @030B BA LAS, ,'DRA BA SOGS RNAMS LA 'KHRUL NYID, ,RGYU YI PHYIN CI LOG GYUR LAS, ,GZHAN PA NYID DU NGES 'DZIN 'GYUR, ,DE LTAR RGYU YI SKYON RNAMS SU, ,GANG ZHIG GANG LA RTOGS 'GYUR BA, ,DE NYID YOD DANG MED PA LAS, ,DE LA BDEN DANG BRDZUN BLO DAG ,CES BYA BAR DOGS PA LA, DANG PO GNOD PA MED PA NI, ,ZHES BYA BA SMOS TE, DE NYAMS SU MYONG BA'I RANG GI NGO BO RIG PA YIN GYI, GZHAN YANG RIG PAR BYA BA NI MA YIN TE, RIG PA MED PA'AM GZHAN RIG PAR BYA BA NYAMS SU MYONG BA YIN NA DON RIG PA MA YIN PAR THAL BAR 'GYUR RO, ,NYAMS SU MYONG BA RIG PA NI DON RTOGS PA YIN NO, ,NYAMS SU MYONG BA'I DON RIG PAR JI SKAD BSTAN PA STE, DON GYIS SHES PA NI BLO SGRUB PAR BYED PA KHAS LEN PA YIN GYI BLO NI MA YIN NO ZHES BYA BA LA SOGS PA'O, ,DBANG PO'I BYA BA DANG DE'I NYE BAR ZHI BA DAG GI BAR GYI GNAS SKABS GANG YIN PA NI NYAMS SU MYONG BA YIN NO, ,DE LA THA DAD PA MA YIN PA NYAMS SU MYONG BA'I RANG GI NGO BO LA NI DBYE BA MED PA'I PHYIR THE TSOM ZA BA MA YIN LA, THA DAD PA YIN NA NI 'GYUR RO, ,BYUNG BAR GYUR PA YANG TSAD MA GZHAN GYIS LDOG PAR BYED PA YIN NA MI RIGS TE BYE BRAG MED PA'I PHYIR RO, ,DE NYID KYI DE NI RANG GI NGO BO BZHIN DU GSAL BAR NUS PA MA YIN TE, RANG GI NGO BO MA YIN PA'I PHYIR RO, ,DE'I PHYIR 'GRO BA THAMS CAD KYIS LONG LA THOB PA YIN NO, ,RANG GI NGO BO DANG PHRAD PAR BYA BA DAG RANG NYID LAS NGES PA YIN NO, ,MNGON SUM DANG MI DMIGS PA SGRUB PAR BYED PA LA 'KHRUL PA MED PA YIN NO, ,RANG GI NGO BO NYID NI PHRAD PAR BYA BA DANG 'BREL PA CAN NYID KYI YUL DANG DUS DANG MING DANG GNAS SKABS KYI DBYE BAS CI NAS KYANG THA DAD PAR BYED PA YIN GYI, PHYI ROL GYI DON MED PAR RIGS PA MA YIN TE, DE NI PHRAD PAR BYA BA DANG MTSAN NYID MI 'DRA BAR SHIN TU MA MTHONG BA'I PHYIR RO, ,PHRAD PAR BYA BA YANG RANG NYID RIG PAR BYA BA'I PHYIR RO, ,DE'I PHYIR PHYI'I DON DU SMRA BA LA NAM YANG THE TSOM LDOG PA YOD PA MA YIN TE, NGES PA MED PA'I PHYIR RO, ,MED CES THE TSOM BDAG NYID CAN, ,KHYAB 'JUG GIS NI SMAD PA YIN, ,ZHES BYA BA LA SOGS PA YANG DAD PA TZAM @031A *, ,GYI RTZA BA CAN YIN GYI, 'DIR YANG DANG YANG BZLAS PAR 'OS PA NI MA YIN TE, GNAS SKABS MA YIN PA'I PHYIR RO, ,'DI LTAR YANG SHES PA GSUM PA LA GNOD PA CAN DU DOGS PA YIN GYI, RE ZHIG RANG NYID MA SKYES PA'I 'BRAS BU LA NI MA YIN TE, DANG PO MA SKYES PA NI DANG PO SHES PA LA YANG YOD PA'I PHYIR RO, ,'DIR NI PHYIS SKYES PA YIN NO, ,DE LA YANG PHYIS SKYE PAR MI 'GYUR PA JI LTAR YIN, 'O NA NI BYE BRAG MTHONG BA LAS YIN NO, ,MA YIN TE, BYE BRAG MED PA'I PHYIR RO, ,DE DAG TZAM GYI THE TSOM DANG BRAL BA NYID NI DANG POR BSGRUB PAR BYA BA YIN PA'I PHYIR DANG, DON LA MI BSLU BAR YANG KHAS MI LEN PA'I PHYIR RO, ,THE TSOM MA SKYES PA ZHES BYA BA 'DI YANG RTOGS PA DANG LDAN PA'I YUL LA MI SRID PA'I PHYIR DANG, BYE BRAG MA MTHONG NA DGAG PAR BYA BA MA YIN PA'I PHYIR THE TSOM SKYES PA YIN NO ZHES BYA BA'I DON TO, ,RANG GI NGO BO YANG GZHAN LA MI LTOS PAR NYAMS SU MYONG BA LA CIS THE TSOM MED PA YIN, DE NYID KYI NGO BO YIN PA'I PHYIR RO, ,PHYI ROL LA YANG GZHAN LA LTOS PAS NYAMS SU MYONG BA YANG DE NYID KYI NGO BO YIN TE, PHYI ROL GYI SHES PAS GO BAR BYA BA NYID LAS GZHAN PA'I NGO BO YOD PA MA YIN NO, ,YIN DU CHUG KYANG DE DAG TZAM GYIS PHYI ROL NYID YIN GYI, DE DAG TZAM GYIS TSAD MA NYID MA YIN TE, DE DAG TZAM NI TSAD MA YIN PA LA YANG YOD PA'I PHYIR RO, ,PHYI ROL TZAM GYI DON 'DIS NI RTZA BA BRJOD PA YIN TE, PHYI ROL GYI DON DU SMRA BA LA TSAD MA DANG TSAD MA MA YIN PA'I RNAM PAR DBYE BA MI SRID PA YIN NO ZHES BYA BA NI RTZOD PA'I GZHI YIN NO, ,RANG GI NGO BO DANG PHRAD PAR BYA BA DAG GI RANG NYID RIG PA'I NGES PA DAG GI 'KHRUL PA MED PA'I SHES PA NI RJES SU 'GRO BA DANG LDOG PA LAS RNYED PAR SLA BA YIN PAR YANG BSTAN ZIN TO, ,DUNG LA SER PO LA SOGS PA'I SHES PA NI JI LTAR SNANG BA LA MI BSLU BA MA YIN PA'I PHYIR RANG NYID THAMS CAD KYIS TSAD MA NYID MA YIN PA KHO NA'O ZHES BYA BA DE NYID BSTAN PA NI DUNG LA SER PO ZHES BYA BA LA SOGS PA STE, GANG YANG THA SNYAD LA 'JUG PA PO GANG ZHIG SER PO LA SOGS PA'I SHES PA LAS, LAN CIG MIN PAR MTHONG BA 'KHRUL PA CAN 'DI SNYAM DU SPYOD DE, GANG DU @031B 'DI LTA BUR SNANG BA DER DBYIBS KYIS BSGRUB PAR BYA BA'I BYED PA DANG PHRAD PAR BYED PA YIN TE, DE KHO NA BZHIN DU SNGAR MTHONG BA'I PHYIR RO, ,DE BZHIN DU RAB TU BSGRUB PA YANG RJES SU DPAG PAR BYA BA NYID LAS 'DAS PA MA YIN TE, DE YANG RJES SU DPAG PAR BYA BA NYID YIN PAS RTOGS PA PO LA LTOS NAS TSAD MA DANG CIG SHOS NYID DU RNAM PAR GZHAG PA KHO NA YIN NO, ,DE NAS KHAS BLANG BA BYA BA 'DI NI THA NA SLOB MA'I RNAM PAR RTOG PA TZAM YOD PA TZAM LA MI BSLU BA YANG RTOGS PA MED PA 'DZIN PA YIN PA'I PHYIR RO, ,RNAM PAR RTOG PA DGA' YANG BDAG NYID THAMS CAD KYIS NI TSAD MA MA YIN PAR KHAS BLANGS PA YIN LA, DE BZHIN DU MA 'KHRUL PA 'DZIN PA LAS RTOGS PA PO LA LTOS NAS SER PO LA SOGS PA'I SHES PA YANG TSAD MA LA SOGS PA'I SHES PA NYID DU RNAM PAR GZHAG PA YIN NO, ,CI STE GANG ZHIG DNGOS PO NYID LA DBYE BA GNYIS MED PA DE NI TSAD MA YIN NA, DE LTAR NA RJES SU DPAG PA JI LTAR YIN, RJES SU DPAG PA NI 'KHRUL PA YIN NA YANG 'BREL PA YOD PA LAS TSAD MA YIN NO, ,MNGON SUM YANG SNGON PO'I YUL CAN NI SER PO LA SOGS PA LA TSAD MA MA YIN NO, ,DE YANG, GZHAN SGRUB BYED PA GZHAN NYID LA, ,SGRUB BYED LTAR SNANG YIN PAR BSHAD, , CES 'BYUNG BA'O, ,DES NA YANG TSAD MA DANG CIG SHOS KYI THA SNYAD CHAD PAR 'GYUR RO, ,DES NA GANG ZHIG 'DOD PA'I CHA LA 'KHRUL PA CAN MA YIN PA DE NI MA 'KHRUL PA YIN LA, GANG ZHIG DE LA 'KHRUL PA YOD PA DE 'KHRUL PA CAN YIN PA NI RNAM PAR DBYE BA YIN NO, ,DES NA MNGON SUM YANG; DUNG LA SER PO LA SOGS PA'ANG SHES PA CHA SHAS KYIS YIN NO ZHES GZHAN DU BSTAN PA YIN NO, ,'DIR YANG RJES SU DPAG PA YIN PA'I PHYIR RTZOD PA MED DO, ,TSAD MA NI DNGOS PO YUL LA MA YIN NAM, DBYIBS NYID NI DNGOS PO MA YIN TE, DU MA RNAMS LA GCIG TU SNANG BA'I SHES PA NI SHES PA'I BYA BA'I RJES SU 'JUG PA STE DBYIBS YIN LA, KHA DOG LA 'KHRUL PA YIN NA DE YANG 'KHRUL PA CAN YIN NO, ,JI SKAD DU, DBYIBS NI SO SOR SNANG BA'I CHOS SO ZHES SMOS SO, ,BDEN MOD KYI DBYIBS NI KHA DOG LAS THA DAD PA CAN MA YIN TE, KHA DOG GI BYE BRAG NYID @032A *, ,YIN NO, ,KHA DOG CES BYA BA TZAM NI SHES PA'I RJES SU 'GRO BA CAN MA YIN, BUM PA LA SOGS PA'I BYE BRAG RNAMS SNANG BA'I PHYIR RO, ,DE LTAR YANG RTZOD PA'I RIGS PAR YANG, SOR MO RNAMS BRKYANG BA LAS KHU TSUR GZHAN MA YIN NO ZHES BYA BA LA SOGS BAS RGYAS PAR BSTAN PA YIN NO, ,DE NI 'DUS PA YIN NO ZHE NA, DE NYID DBYIBS YIN PAR KHO BO CAG GIS GO BA YIN NO, ,DUNG SER PO'I DBYIBS LAS DKAR PO'I DBYIBS GZHAN YIN PAS DES NA MI BSLU BA MA YIN NO, ,SNGON PO'I SKAD CIG 'DZIN PA CAN GYI SHES PA'I SKAD CIG GZHAN DANG PHRAD PA LA MI BSLU BAR MED PAR 'GYUR RO, ,SNGON PO MA YIN PA LAS LOG PA'I PHYIR GCIG NYID YIN NO ZHE NA, 'DI LA YANG DUNG GI DBYIBS MA YIN PA LAS LOG PA'I GCIG NYID YIN PA'I PHYIR MTSUNGS SO, ,SER PO MED PA NYID CES BYA BA YANG MI RIGS TE, DMIGS PA NI YOD PA YIN NO ZHES BSTAN PA DANG 'GAL PA'I PHYIR RO, ,KHA DOG LAS LDOG PA CAN NI DBYIBS KYANG MA YIN LA 'DUS PA YANG MA YIN NO, ,LJANG GU LA SOGS PA'I KHA DOG TZAM GYI DNGOS PO YIN NO, ,DE LTAR NA SNGON PO NI SNGON PO GZHAN LAS THA DAD PA MA YIN PAR 'GYUR LA, SER PO YANG SER PO GZHAN LAS SO, ,SHES PA GCIG GI YUL MANG PO RNAMS LA SHES PA'I BYA BA GCIG YIN PA'I PHYIR, DE'I RJES SU 'JUG PA TZAM NI DBYIBS YIN LA, RJES SU 'JUG PA LA BYE BRAG MED PA'I PHYIR DBYIBS LA BYE BRAG MED PAS 'GRO BA RNAMS KYI SNA TSOGS PAR SNANG BA'I YUL MED PAR GYUR BA'I PHYIR KHA DOG GI BDAG NYID 'DUS PA'I SNANG BA NI DBYIBS YIN LA, DE YANG KHA DOG GI BYE BRAG 'DUS BZHIN PA YIN NO ZHES DE DAG THAMS CAD BSTAN PA NI GANG GIS NAM YANG ZHES BYA BA'O, ,'JUG PA DANG MI 'JUG PA'I THA SNYAD KYI DBYE BA LAS, TSAD MA DANG CIG SHOS PA THA DAD PA YIN PA DE LTAR CI LAS SHES PAR BYA BA SNYAM PA LA, JI STE 'DI NI ZHES BYA BA STE RNA BA'I RNAM SHES NI SHES PA BZHIN NAM, SER PO'I SHES PA BZHIN DU PHRAD PAR BYA BA DAD THA DAD PA MED KYANG MNGON PAR 'DOD PA LA 'JUG PA'I MTSAMS SU NGES PAS NYAMS SU MYONG BA DE'I TSE YOD PA YIN PA'I PHYIR MA KHYAB PA MA YIN PAR BSTAN PA @032B NI SGRA'I YUL CAN GYI ZHES BYA BA STE, DE LTA NYID NI 'JIG RTEN PA'I THA SNYAD LA DPYOD PA DANG MTHUN PA YIN PAR BSTAN PA NI, GLUR BLANGS ZHES BYA BA STE, DRUG LDAN LA SOGS PA GLU THOS PA DANG, ROL MO LA SOGS PA MTHONG BA CAN GYIS MNYAN PA DANG LTA BAR MNGON PAR 'DOD PA YIN GYI, GZHAN NI MA YIN NO ZHES BYA BA'I DON TO, ,RNAM PAR GNAS PAR SMRA BA PO GNAS PA'I SGRA SMOS PAS THUG PA MED PA GSAL BA BZHIN DU MA KHYAB PA GSAL BA YIN TE, DNGOS SU NA KHYAB PA CAN YIN PAR BSTAN PA NI 'DI RANG GI NGO BO RIG PA LAS GZHAN PA ZHES BYA BA'O, ,SNGON PO LA SOGS PAS BSGOS PA LA SOGS PAS BYA BA'I MTHAR THUG PA NI, BDEN PA BZHIN DU RANG RIG PA'I MTHAR THUG PA MA YIN NAM, MA YIN TE, RANG GI NGO BO NI RANG RIG PA'I MTHAR THUG PAS DMIGS PA YIN GYI, GZHAN DU NI MA YIN NO, ,RIM GYIS GZHAN GYI MTHAR THUG PA YIN YANG ZHES BYA BA 'DI LA MNGON SUM NI MA YIN NO ZHES BSTAN PA NI, GZUGS LA SOGS PA LA YANG ZHES BYA BA STE, GZHAN LA NGES PA MED NA RANG GI NGO BO RIG PA TZAM GYIS NI MGU BA MA YIN PA'I PHYIR THA SNYAD 'GA' YANG MED PAR 'GYUR RO, ,THA SNYAD MA NYAMS PAR MTHONG BA NYID KYI PHYIR DON DAM PA'I THA SNYAD LA GZHAN DU MI 'THAD PAS DON DAM PA PA'I BYA BA'I MTHAR THUG PA NYID 'DZIN PA YIN NO, ,DE'I RANG GI NGO BO RANG RIG PA LAS ZHES BYA BAS GZHAN SHES BZHIN DU GZHAN LA 'JUG PA YIN NA NI THAL CHES PAR 'GYUR RO SNYAM DU DOGS PA LA LAN DU, DE'I PHYIR ZHES BYA BA STE, MNGON SUM GYI BYA BA NI RANG GI NGO BO RIG PA KHO NA YIN LA GZHAN DU NGES PA'I RTOGS PA NI DE NYID LA GNOD PA CAN MA YIN NO, ,THA SNYAD NI SO SOR SNANG BA MA YIN PA LA 'BYUNG BAR 'GYUR BA'I GZUGS LA SOGS PA DAD, REG PA LA SOGS PA'I YUL GZHAN LA YANG RTOGS PA'I NGO BO'I RGYU NYID YIN PA'I PHYIR DANG, TSOGS PA GCIG LA RAG LAS PA LAS, GCIG PA NYID DU ZHEN PA NI SHES PA KHO NA DE'I SHES PA YIN TE, RJES SU DPAG PA DANG MTHUN PA'I THA SNYAD 'BYUNG BA'I PHYIR, DON GYI SHUGS KYIS ZAD PA YIN ZHING, THAL CHES PA YANG MA YIN NO SNYAM DU DGONGS PA'O, ,SNGAR SHES PA NYID PHYIS SHES @033A *, ,PAR 'GYUR BA NYID MA YIN NAM, DUS KYI DBYE BAS NGO BO'I DBYE BAR SNANG BA MA YIN PA'I PHYIR RO, ,DE BZHIN DU MTHONG BA NYID REG PAR BYED PA YIN TE, MTHONG BA DANG REG PA DAG DON GCIG LA 'DZIN PA'I PHYIR RO ZHE NA, DE LTA NI MA YIN NO, ,'DAS PA YIN NO ZHE NA, RTOGS PAR 'GYUR BZHIN PA LA 'JUG PA NI MA YIN TE, SO SOR SNANG BA THA DAD PA'I PHYIR RO, ,JI LTA BUR MTHONG BA LA DE LTA BUR REG PAR SNANG BA NI MA YIN NO ZHES BSTAN PA NI, 'BYUNG 'GYUR DON ZHES BYA BA'O, ,DE LTA NA REG PA'I YUL LA LHAG PAR SGRO BTAGS PA YIN GYI, GZUGS LA NI JI LTAR MTHONG BA PHRAD PAR BYA BA YIN PA'I PHYIR, DON DAM PA PA NYID KYI TSAD MA KHO NA YIN NO, ,MA YIN TE, MTHONG BA THA DAD PAS SNANG BA THA DAD PA LAS NYAMS SU MYONG BA THA DAD PA YANG DNGOS PO RNAMS KYI DBYE BA YIN PAR BSTAN PA NI, JI LTAR YANG ZHES BYA BA STE, MTHONG BA KHO NA LA LTA BA YIN NO ZHES BYA BA'I MNGON PA'I NGA RGYAL CAN LA NI GCIG PA NYID YIN LA, GZUGS DANG REG PA DAG LA YANG MTHONG NGO REG GO ZHES BYA BAR SHES PAR MTSUNGS PA YIN GYI, YAN LAG CAN LA DE BZHIN DU SHES PA NI MA YIN NO, ,DE DAG NYID LA DE LTAR DRAN PA LAS, GZHAN DANG GZHAN DRAN PA'I PHYIR ZHES BSTAN PA NI LHAG PAR SGRO BTAGS PAS NI ZHES BYA BA'O, ,DA NI LHAG PAR SGRO BTAGS PA'I RGYU MTSAN BSTAN PA NI, DE LA 'BYUNG BAR 'GYUR BA ZHES BYA BA NI, SO SOR SNANG BA 'DI'I RGYU 'BYUNG BAR 'GYUR BA'I NGO BO NYID NI DE'I RGYU YIN PA DES NA DE'I NGO BO NYID NI DE NYID DE, GZUGS SKYED PAR BYED PA'I TSOGS PA REG PA DANG LHAN CIG PA DANG, REG PA SKYED PAR BYED PA YANG GZUGS DANG LHAN CIG PA LAS 'BYUNG BAR 'GYUR BA'I GZUGS SKYED PAR BYED PA YIN LA, DES NA GZUGS BZHIN DU REG PA'I YANG 'BRAS BU YIN NO ZHES TSOGS PA CIG LA RAG LAS PA'I PHYIR, GCIG PA NYID DU SGRO BTAGS PA YIN PA'I PHYIR, 'DIR RIG PA NI DE RIG PA KHO NA YIN NO ZHES THA SNYAD PA LA RIG PAR BYA BA DANG RIG PAR BYED PA GCIG PA NYID LA MI BSLU BA YIN PA NI, DU BA LA SOGS PA THAL CHES PAR 'GYUR BA MA YIN TE, 'BRAS BU DANG RGYU DAG @033B THA DAD PAR MNGON PAR ZHEN PA'I PHYIR RO, ,RJES SU DPAG PA DANG RJES SU DPAG PAR BYA BA DAG LA THA DAD PAR MNGON PAR ZHEN PA MED PA'I PHYIR, SNGA MA BZHIN DU GCIG PA NYID KHO NA YIN NO, ,'BYUNG BAR 'GYUR BA'I REG PA LA SOGS PA DE'I BDAG NYID LA DA LTAR GYI REG PA LA SOGS PA DE'I BDAG NYID DU SGRO BTAGS PA YIN PA'I PHYIR, DA LTAR GYI SHES PA DE'I SHES PAR 'GYUR PA YIN NO, ,RIG PA GANG YIN PA KHO NA RGYU YIN PAR 'BYUNG BAR 'GYUR BA LA SGRO BTAGS PA'I SHES PA DE LA 'BYUNG BAR 'GYUR BA'I SHES PA BRJOD DO, ,DES NA DE LTAR SNGON POR STON PA'I TSIG NI NGES PAR MNGON PAR BSAMS PA'I DNGOS PO RIG PA YIN NA RANG GI NGO BO RIG PA MI BSLU BA 'THOB PA YIN PA'I PHYIR, GAL TE DON RIG PA TZAM MI BSLU BA YIN PA DE LTA NA, SMIG RGYU LA CHUR SHES PA YANG TSAD MAR 'GYUR RO, ,'ON TE RGYU THA DAD PA SKYED PAR BYED PA'I DON RIG PA YIN NA NI SNAM BU'I RIGS PA LAS BUM PA'I SHES PA TSAD MAR 'GYUR RO, ,'ON TE RGYU THA DAD PA MA YIN PA SKYED PAR BYED PA YANG, NYA PHYIS LA DNGUL GYI SHES PA PHYI MA'I RGYUN GYIS SKYE BZHIN PA JI SNYED PA MI BSLU BA CAN YIN PA'I PHYIR TSAD MAR 'GYUR RO, ,'CHI KHA MA'I DNGOS PO'I SHES PA YUL DE LA RIG PA PHYI MA MED PA LA MI BSLU BA CAN MA YIN PA'I PHYIR TSAD MA MA YIN PAR 'GYUR RO, ,DE YANG, LAN CIG SKYES NAS RNAM 'JIG PA'ANG, ,DON LA TSAD MA NYID MIN 'GYUR, ,RNA BA'I SHES PA'ANG GZHAN RNAMS DANG, ,'BREL PA MED PAS TSAD MIN 'GYUR, ,'DI NI RNA BA'I SHES GZHAN LA, ,MI BSLU BAS NA TSAD MAR GRUB, ,CE NA DES BSKYED REG BYED KYANG, ,RNAM SHES GZHAN DANG 'BREL PHYIR RO, ,ZHES SMOS PA'O ZHES PHA ROL POS GANG SMRAS PA DE BSAL BA'I PHYIR, GANG LA DON BYED PA THA DAD PAR MNGON PAR 'DOD PA ZHES BYA BA LA SOGS PA NAS, MNGON PAR 'DOD PA LA MI BSLU BA MED PA'I PHYIR RO ZHES BYA BA'I BAR GYIS BSTAN PA YIN NO, ,MNGON PAR BSAM PA'I DNGOS PO REG PAR RIG PA NI MI BSLU BA YIN GYI RIG PA TZAM NI MA YIN LA, RIGS MTHUN PA DANG RIGS MI MTHUN PA'I RGYU SKYED PAR BYED PA RIG PA TZAM YANG MA @034A *, ,YIN NO, ,'CHI KHA'I SHES PA NI RANG GI NGO BO RIG PA TZAM LA TSAD MA NYID YIN TE, DE TZAM GYI KHO NA RIG PA YIN PA'I PHYIR RO, ,PHRAD PAR BYA BA LA NI DE MED PA'I PHYIR TSAD MA MA YIN PA KHO NA'O ZHES BYA BA'I BSAM PA NI BSDU BA'I TSIGS SU BCAD PA'O, ,DE LTAR NI 'GYUR NA MI BSLU BA CAN NYID NI TSAD MA NYID YIN LA, DE YANG KHA CIG THA DAD PA MA YIN PA LA YANG LDOG PAS BYAS PA'I THA DAD PA YOD LA, THA DAD PA LA YANG MNGON PAR 'DOD PAS BYAS PA'I THA DAD PA MED PA YOD PA'I PHYIR, KHUNG BU DU MA 'GEGS PAS NYAM THAG PA YIN NO, ,GNOD PA MED PA'I RTOGS PA NYID NI GZHAN LA LTOS PA MA YIN PA'I PHYIR SKYON 'DI MED DO, ,DE YANG, TSAD MA 'DZIN PA'I SNGON ROL DU, ,RANG GI NGO BOS RAB TU GNAS, ,RANG DON DE LA LTOS BCAS MIN, ,DPAG BYA DPAGS PAS GO BA YIN, ,ZHES SMOS PA'O, ,CI STE GNOD PA CAN NYID NI TSAD MA NYID MA YIN TE, DE YANG GZHAN LA LTOS PA YIN NO, ,MA YIN TE, THE TSOM DANG SHES PA DAG NI GZHAN LA MI LTOS PA'I PHYIR RO, ,'ON TE LOG PA'I SHES PA YIN NA DE LA YOD PA NI BDEN MOD KYI, 'ON KYANG DON GZHAN SHES PA YIN GYI DE NYID SHES PA KHO NA NI MA YIN TE, DNGOS PO MED PA'I SHES PA'AM, RGYU LA RKYEN YOD PA'I SHES PA YANG RUNG STE LTOS PAR BYA BA YIN NO, ,DE YANG RANG NYID KHO NA LAS YIN PA'I PHYIR MI MTHUN PA MED PA YIN NO SNYAM DU SEMS PA LA, GNOD PA CAN GYI SHES PA YANG ZHES BYA BA SMOS SO, ,'DIR DON NI 'DI YIN TE, DANG PO GNOD PA MED PA NI SHES PA THAMS CAD LA YIN LA, DUS PHYIS GNOD PA MED PA YIN NA GNOD PA MED PA'I SHES PA DE LA YANG DUS PHYIS GNOD PA MED PA'I SHES PA GZHAN LA LTOS PAR BYA BA YIN LA, DE YANG GZHAN LA YIN PA'I PHYIR DANG, 'JUG PA'I MTHAR THUG PA KHAS MI LEN PA'I PHYIR THUG PA MED PA NYID YIN PAR BSHAD ZIN TO, ,'DI LTAR YANG, GNOD PAR MI BYA BA NYID NI GNOD PAR BYA BA MA YIN PA YIN LA, GNOD PAR BYA BA NYID KYANG GZHAN LA LTOS PA YIN ZHING, GZHAN YANG DON GZHAN SHES PA KHO NA YIN TE, SKYON MED PA DANG SHES PA DAG GI BDAG NYID THOB PA @034B YANG DE LA LTOS PA'I PHYIR RO, ,DE NYID KYIS NA GANG KHO NA SHES PA SNGA MA YUL LOG PAR 'DZIN PA CAN LA DE THAMS CAD GNOD PA CAN DU 'GYUR RO, ,DE BZHIN DU BUM PA'I SHES PA LA YUL LA LOG PAR 'DZIN PA CAN GYI SNAM BU'I SHES PA DANG, NYA PHYIS LA DNGUL DU 'DZIN PA'