@1A *, ,MDO JA PA BZHUGS SO,,

@0B1 **, ,RGYA GAR SKAD DU, SADDHARMA PUndA R'I KA N'A MA
MA H'A Y'A NA S'U TRA, BOD

SKAD DU, DAM PA'I CHOS PAD-MA DKAR PO ZHES BYA BA THEG PA CHEN
PO'I MDO, BAM PO

DANG PO, SANGS RGYAS DANG BYANG CHUB SEMS DPA' THAMS CAD LA
PHYAG 'TSAL LO, ,

'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I

@02A **, ,KHAB NA, BYA RGOD KYI PHUNG PO'I RI LA BZHUGS TE, DGE
SLONG KHRI NYIS STONG GI DGE SLONG GI

DGE 'DUN CHEN PO THAMS CAD KYANG DGRA BCOM PA, ZAG PA ZAD PA,
NYON MONGS PA MED PA, DBANG DANG LDAN

PAR GYUR PA, SEMS SHIN TU RNAM PAR GROL BA, SHES RAB SHIN TU
RNAM PAR GROL BA, CANG SHES PA,

GLANG PO CHEN PO, BYA BA BYAS PA, BYED PA BYAS PA, KHUR BOR BA,
BDAG GI DON RJES SU THOB PA, SRID PAR

KUN TU SBYOR BA YONGS SU ZAD PA, YANG DAG PA'I SHES PAS SEMS
SHIN TU RNAM PAR GROL BA, SEMS KYI

@02B DBANG THAMS CAD KYI DAM PA'I PHA ROL TU SON PA, MNGON PAR
SHES PAS MNGON PAR SHES PA'I NYAN THOS CHEN PO SHA

STAG LA 'DI LTA STE, TSE DANG LDAN PA KUN SHES KOO-nAdI NYA
DANG, TSE DANG LDAN PA RTA THUL DANG, TSE DANG LDAN PA RLANGS PA
DANG,

TSE DANG LDAN PA MING CHEN DANG, TSE DANG LDAN PA BZANG PO DANG,
TSE DANG LDAN PA 'OD SRUNG CHEN PO DANG, TSE DANG LDAN PA

LTENG RGYAS 'OD SRUNG DANG, TSE DANG LDAN PA CHU KLUNG 'OD SRUNG
DANG, TSE DANG LDAN PA GA YA 'OD SRUNG DANG, TSE DANG LDAN PA
SH'A RI'I

BU DANG, TSE DANG LDAN PA MOO-NGGAL ? GYI BU CHEN PO DANG, TSE
DANG LDAN PA KA' TYA'I ? BU CHEN PO DANG, TSE DANG LDAN PA MA
'GAGS PA DANG,

TSE DANG LDAN PA NAM GRU DANG, TSE DANG LDAN PA KA PI NA DANG,
TSE DANG LDAN PA BA LANG BDAG DANG, TSE DANG LDAN PA PI LI NDA'I
?
? BU

@03A **, ,DANG; TSE DANG LDAN PA BA KU LA DANG, TSE DANG LDAN PA
GSUS PO CHE DANG, TSE DANG LDAN PA BHA RA DHWA DZA DANG, TSE
DANG

LDAN PA DGA' BO DANG, TSE DANG LDAN PA NYE DGA' DANG, TSE DANG
LDAN PA MDZES DGA' DANG, TSE DANG LDAN PA BYAMS MA'I BU GANG PO

DANG; TSE DANG LDAN PA RAB 'BYOR DANG, TSE DANG LDAN PA SGRA
GCAN ZIN DANG, DE DAG DANG NYAN THOS CHEN PO GZHAN DAG DANG,

SLOB PA TSE DANG LDAN PA KUN DGA' BO DANG, GZHAN YANG SLOB PA
DANG MI SLOB PA'I DGE SLONG NYIS STONG DANG, SKYE DGU'I BDAG

MO CHEN MO LA SOGS PA DGE SLONG MA DRUG STONG DANG, SGRA GCAN
ZIN GYI MA DGE SLONG MA GRAGS 'DZIN 'KHOR DANG BCAS PA DANG

THABS GCIG GO ,BYANG CHUB SEMS DPA' BRGYAD KHRI THAMS CAD KYANG
BLA NA MED PA YANG DAG PAR RDZOGS PA'I BYANG CHUB

@03B LAS PHYIR MI LDOG PA, GZUNGS THOB PA, SPOBS PA CHEN PO LA
GNAS PA, PHYIR MI LDOG PA'I CHOS KYI 'KHOR LO BSKOR BA, SANGS
RGYAS BRGYA STONG MANG PO LA BSNYEN BKUR

BYAS PA, SANGS RGYAS BRGYA STONG MANG PO LA DGE BA'I RTZA BA
BSKYED PA, SANGS RGYAS BRGYA STONG MANG POS YANG DAG PAR BSTOD
PA, LUS DANG NGAG DANG SEMS BYAMS PAS YONGS

SU BSGOS PA, DE BZHIN GSHEGS PA'I YE SHES 'DZUD PA LA MKHAS PA,
SHES RAB CHEN PO, SHES RAB KYI PHA ROL TU PHYIN PA RTOGS PAR
KHONG DU CHUD PA, 'JIG RTEN GYI KHAMS

BRGYA STONG MANG POR RNAM PAR GRAGS PA, SROG CHAGS BYE BA KHRAG
KHRIG BRGYA STONG MANG PO YANG DAG PAR SGROL BA SHA STAG LA 'DI
LTA STE, BYANG CHUB SEMS DPA' SEMS DPA' CHEN

PO 'JAM DPAL GZHON NUR GYUR PA DANG, BYANG CHUB SEMS DPA' SPYAN
RAS GZIGS DBANG PHYUG DANG, BYANG CHUB SEMS DPA' MTHU CHEN THOB
DANG, BYANG CHUB SEMS DPA' DON

THAMS CAD CES BYA BA DANG, BYANG CHUB SEMS DPA' RTAG TU BRTZON
DANG, BYANG CHUB SEMS DPA' BRTZON PA MI GTONG BA DANG, BYANG
CHUB SEMS DPA' LAG NA RIN CHEN DANG,

BYANG CHUB SEMS DPA' SMAN GYI RGYAL PO DANG, BYANG CHUB SEMS
DPA' SMAN YANG DAG 'PHAGS DANG, BYANG CHUB SEMS DPA' BKOD PA'I
RGYAL PO DANG, BYANG CHUB SEMS

@04A *, ,DPA' RAB TU SBYIN PA DANG, BYANG CHUB SEMS DPA' RIN
CHEN ZLA BA DANG, BYANG CHUB SEMS DPA' RIN CHEN 'OD DANG, BYANG
CHUB SEMS DPA' ZLA GANG

DANG; BYANG CHUB SEMS DPA' GNON PA CHEN PO DANG, BYANG CHUB SEMS
DPA' MTHA' YAS GNON DANG, BYANG CHUB SEMS DPA' 'JIG RTEN GSUM
GNON DANG, BYANG CHUB

SEMS DPA' SPOBS PA CHEN PO DANG, BYANG CHUB SEMS DPA' RTAG PAR
RGYUN DU BRTZON DANG, BYANG CHUB SEMS DPA' SA 'DZIN DANG, BYANG
CHUB SEMS DPA' BLO GROS MI ZAD

PA DANG, BYANG CHUB SEMS DPA' PAD-MA'I ? DPAL DANG, BYANG CHUB
SEMS DPA' SKAR MA'I RGYAL PO DANG, BYANG CHUB SEMS DPA' BYAMS PA
DANG, BYANG CHUB SEMS DPA'

SEMS DPA' CHEN PO SENG GE DAG DANG YANG THABS GCIG GO ,BZANG
SKYONG LA SOGS PA SKYES BU DAM PA BCU DRUG 'DI LTA STE, BZANG
SKYONG DANG, DKON MCHOG 'BYUNG GNAS

DANG; DED DPON BZANG PO DANG, MIS BYIN DANG, PHUG SPAS DANG,
CHUS BYIN DANG, DBANG POS BYIN DANG, BLA MA'I BLO GROS DANG,
KHYAD PAR BLO GROS DANG, 'PHEL BA'I BLO GROS

DANG; MTHONG BA DON YOD DANG, SHIN TU YANG DAG ZHUGS DANG, RAB
KYI RTZAL GYIS RNAM PAR GNON PA DANG, DPE MED BLO GROS DANG, NYI
MA'I SNYING PO DANG, SA 'DZIN DAG

@04B DANG YANG THABS GCIG STE, DE DAG LA SOGS PA BYANG CHUB SEMS
DPA' BRGYAD KHRI DAG DANG YANG THABS GCIG GO ,LHA RNAMS KYI
DBANG PO BRGYA BYIN DANG, 'KHOR LHA'I BU NYI KHRI 'DI LTA

STE; LHA'I BU ZLA BA DANG, LHA'I BU NYI MA DANG, KUN TU DRI
DANG, RIN CHEN 'OD DANG, LHA'I BU SNANG 'OD DANG, DE DAG LA SOGS
PA LHA'I BU NYI KHRI DANG YANG THABS GCIG GO ,RGYAL PO

CHEN PO BZHI DANG, 'KHOR LHA'I BU SUM KHRI 'DI LTA STE, RGYAL PO
CHEN PO 'PHAGS SKYES PO DANG, RGYAL PO CHEN PO MIG MI BZANG
DANG, RGYAL PO CHEN PO YUL 'KHOR SRUNG DANG, RGYAL

PO CHEN PO RNAM THOS KYI BU DANG, LHA'I BU DBANG PHYUG DANG,
LHA'I BU DBANG PHYUG CHEN PO DANG, 'KHOR LHA'I BU SUM KHRI DAG
DANG YANG THABS GCIG GO ,MI MJED KYI BDAG PO TSANGS

PA DANG, 'KHOR TSANGS RIS KYI LHA'I BU KHRI NYIS STONG 'DI LTA
STE, TSANGS PA GTZUG PHUD CAN DANG, TSANGS PA SKAR MA'I 'OD
DANG, DE DAG LA SOGS PA TSANGS RIS KYI LHA'I BU KHRI

NYIS STONG DANG YANG THABS GCIG GO ,KLU'I RGYAL PO BRGYAD 'DI
LTA STE, KLU'I RGYAL PO DGA' PO DANG, NYE DGA' DANG, RGYA MTSO
DANG, NOR RGYAS KYI BU DANG, 'JOG PO DANG, GZI CAN

DANG; MDROS PA DANG, KLU'I RGYAL PO AU-TPA ? LA DANG, 'KHOR KLU
BYA BA BRGYA STONG MANG PO DAG DANG YANG THABS GCIG GO ,MI'AM
CI'I RGYAL PO BZHI 'DI LTA STE, MI 'AM CI'I RGYAL PO

@05A *, ,LJON PA DANG, MI'AM CI'I RGYAL PO CHOS CHEN DANG, MI
'AM CI'I RGYAL PO CHOS BZANG DANG, MI'AM CI'I RGYAL PO CHOS
'DZIN DANG, 'KHOR MI 'AM CI BYE BA

BRGYA STONG MANG PO DAG DANG YANG THABS GCIG GO ,DRI ZA'I RIS
KYI LHA'I BU BZHI 'DI LTA STE, DRI ZA YID DU 'ONG BA DANG, YID
'ONG DBYANGS DANG, 'JAM SNYAN DANG, DRI ZA DBYANGS

SNYAN DANG, 'KHOR DRI ZA BYE BA BRGYA STONG MANG PO DAG DANG
YANG THABS GCIG GO ,LHA MA YIN GYI DBANG PO BZHI 'DI LTA STE,
LHA MA YIN GYI DBANG PO STOBS CAN DANG, PHRAG RTZUB DANG,

THAGS BZANG RIS DANG, LHA MA YIN GYI DBANG PO SGRA GCAN DANG,
'KHOR LHA MA YIN BYE BA BRGYA STONG MANG PO DAG DANG YANG THABS
GCIG GO ,NAM MKHA' LDING GI DBANG PO BZHI

'DI LTA STE, NAM MKHA' LDING GI DBANG PO GZI BRJID CHEN PO DANG,
LUS CHEN PO DANG, RDZOGS CHEN DANG, NAM MKHA' LDING GI DBANG PO
'PHRUL CHEN THOB DANG, 'KHOR NAM

MKHA' LDING BYE BA BRGYA STONG MANG PO DANG YANG THABS GCIG GO
,LUS 'PHAGS MA'I BU YUL MA GA DH'A'I ? RGYAL PO MA SKYES DGRA
DANG YANG THABS GCIG GO ,DE'I TSE NA BCOM LDAN

'DAS 'KHOR BZHI PO DE DAG GIS YONGS SU BSKOR CING MDUN GYIS
BLTAS TE, BSTI STANG DU BYAS, BTZUN PAR BYAS, RI MOR BYAS, MCHOD
PAR BYAS, BRJED PAR BYAS,

@05B GSOL BA BYAS TE, NGES PAR BSTAN PA CHEN PO ZHES BYA BA'I
CHOS KYI RNAM GRANGS MDO SDE SHIN TU RGYAS PA CHEN PO BYANG CHUB
SEMS DPA' RNAMS LA GDAMS PA, SANGS RGYAS THAMS

CAD KYIS YONGS SU BZUNG BA BSHAD PAR BZHED DE, CHOS KYI GDAN DE
NYID LA SKYIL MO KRUNG BCAS NAS, MTHA' YAS NGES PAR BSTAN PA'I
GNAS ZHES BYA BA'I TING NGE 'DZIN LA SNYOMS

PAR ZHUGS TE SKU MI GYO ZHING SEMS MI GYO BAR GYUR NAS BZHUGS
SO, ,BCOM LDAN 'DAS SNYOMS PAR ZHUGS MA THAG TU, BCOM LDAN 'DAS
LA LHA'I ME TOG MND'A RA DANG,

MND'A RA CHEN PO DANG, MNYDZU shA KA DANG, MNYDZU shA KA
CHEN PO RNAMS KYI ME TOG GI CHAR CHEN PO MNGON PAR BAB STE, BCOM
LDAN 'DAS DANG 'KHOR BZHI PO DE DAG LA 'THOR RO, ,THAMS

CAD DANG LDAN PA'I SANGS RGYAS KYI ZHING YANG RNAM PA DRUG TU
GYOS PAR GYUR TE, 'GUL, KUN TU RAB TU 'GUL, LDEG ,KUN TU RAB TU
LDEG ,'KHRUGS, KUN TU RAB TU 'KHRUGS

SO; ;DE'I TSE DGE SLONG DANG, DGE SLONG MA DANG, DGE BSNYEN
DANG, DGE BSNYEN MA DANG, LHA DANG, KLU DANG, GNOD SBYIN DANG,
DRI ZA DANG, LHA MA YIN DANG, NAM MKHA' LDING

DANG, MI'AM CI DANG, LTO 'PHYE CHEN PO DANG, MI DANG MI MA YIN
PA RNAMS DANG, RGYAL PHRAN DANG, STOBS KYI 'KHOR LOS BSGYUR BA
DANG, GLING BZHI'I 'KHOR LOS BSGYUR BA

@06A *, ,GANG DAG 'KHOR DER 'DUS NAS 'KHOD PAR GYUR PA 'KHOR
DANG BCAS PA DE DAG THAMS CAD BCOM LDAN 'DAS LA LTA ZHING 'KHOD
DE NGO MTSAR DU GYUR,

RMAD DU GYUR, SHIN TU DGA' BAR GYUR TO, ,DE NAS DE'I TSE BCOM
LDAN 'DAS KYI SMIN MTSAMS KYI MDZOD SPU NAS 'OD ZER GCIG BYUNG
NAS, DE SHAR PHYOGS SU SANGS RGYAS KYI

ZHING KHRI BRGYAD STONG DU SONG STE, SANGS RGYAS KYI ZHING DE
DAG THAMS CAD MNAR MED PA'I SEMS CAN DMYAL BA CHEN PO YAN CHAD
SRID PA'I RTZE MO MAN CHAD 'OD ZER DE'I 'OD KYIS

SHIN TU KHYAB PAR SNANG NGO, ,SANGS RGYAS KYI ZHING DE DAG GI
'GRO BA DRUG PO DE DAG NA SEMS CAN GANG YOD PA DE DAG THAMS CAD
MA LUS PAR SNANG NGO, ,SANGS RGYAS KYI ZHING DE

DAG NA SANGS RGYAS BCOM LDAN 'DAS GANG DAG BZHUGS SHING 'TSO
GZHES PA DE DAG THAMS CAD KYANG SNANG NGO, ,SANGS RGYAS BCOM
LDAN 'DAS DE DAG CHOS GANG 'CHAD PA DE

DAG THAMS CAD KYANG MA LUS PAR GRAG GO ,SANGS RGYAS KYI ZHING DE
DAG NA DGE SLONG DANG, DGE SLONG MA DANG, DGE BSNYEN DANG, DGE
BSNYEN MA DANG, RNAL 'BYOR CAN DANG,

RNAL 'BYOR SPYOD PA GANG DAG 'BRAS BU THOB PA DANG, 'BRAS BU MA
THOB PA DE DAG THAMS CAD KYANG SNANG NGO, ,SANGS RGYAS KYI ZHING
DE DAG NA, BYANG CHUB SEMS DPA' SEMS

@06B DPA' CHEN PO GANG DAG NYAN PA DANG, DMIGS PA DANG, MOS PA
RNAM PA SNA TSOGS DU MA'I RGYU'I THABS MKHAS PA DAG GIS BYANG
CHUB SEMS DPA'I SPYAD PA SPYOD PA DE DAG THAMS CAD

KYANG SNANG NGO, ,SANGS RGYAS KYI ZHING DE DAG NA, SANGS RGYAS
BCOM LDAN 'DAS GANG DAG YONGS SU MYA NGAN LAS 'DA' BA DE DAG
THAMS CAD KYANG SNANG NGO, ,SANGS RGYAS KYI ZHING DE DAG NA,

SANGS RGYAS BCOM LDAN 'DAS GANG DAG YONGS SU MYA NGAN LAS 'DAS
PA RNAMS KYI RING BSREL GYI MCHOD RTEN RIN PO CHE LAS BYAS PA DE
DAG THAMS CAD KYANG SNANG NGO, ,DE NAS BYANG CHUB

SEMS DPA' SEMS DPA' CHEN PO BYAMS PA 'DI SNYAM DU SEMS TE, KYE
MA DE BZHIN GSHEGS PAS LTAS CHO 'PHRUL CHEN PO BSTAN PA 'DI 'DIR
CI'I RGYUR 'GYUR ZHIG GU ,CI'I

PHYIR BCOM LDAN 'DAS KYIS LTAS CHO 'PHRUL CHEN PO 'DI LTA BU 'DI
BSTAN TE, BCOM LDAN 'DAS KYANG TING NGE 'DZIN LA SNYOMS PAR
ZHUGS SHING, RDZU 'PHRUL GYI CHO 'PHRUL CHEN PO NGO

MTSAR RMAD DU BYUNG BA CHEN PO BSAM GYIS MI KHYAB PA 'DI LTA BU
'DI DAG KYANG SNANG BAR GYUR PA 'DI'I DON BDAG GIS SU LA DRI,
'DI NA DON 'DI'I LAN LDON NUS PA NI SU YOD SNYAM MO,,

DE YANG 'DI SNYAM DU 'JAM DPAL GZHON NUR GYUR PA 'DI SNGON GYI
RGYAL BA RNAMS LA LHAG PAR BYA BA BYAS PA, DGE BA'I RTZA BA
BSKYED PA, SANGS RGYAS MANG PO LA BSNYEN BKUR BYAS

@07A *, ,PA STE; 'JAM DPAL GZHON NUR GYUR PA 'DIS SNGON CHAD
KYANG SNGON GYI DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS

RNAMS KYI LTAS 'DI LTA BU BYUNG BA RNAMS MTHONG ZHING SNGON CHAD
CHOS CHEN PO'I 'BEL BA'I GTAM DAG KYANG MYONG BAS NA, BDAG GIS
'JAM DPAL GZHON NUR GYUR PA LA

DE'I DON DRI'O SNYAM DU SEMS SO, ,DGE SLONG DANG, DGE SLONG MA
DANG, DGE BSNYEN DANG, DGE BSNYEN MA'I 'KHOR BZHI PO DE DAG
DANG, LHA DANG, KLU DANG, GNOD SBYIN DANG, DRI

ZA DANG, LHA MA YIN DANG, NAM MKHA' LDING DANG, MI'M CI DANG,
LTO 'PHYE CHEN PO DANG, MI DANG MI MA YIN PA MANG PO DE DAG
KYANG, BCOM LDAN 'DAS KYI LTAS KYI RDZU 'PHRUL

GYI CHO 'PHRUL CHEN PO'I SNANG BA 'DI LTA BU 'DI MTHONG NAS NGO
MTSAR DU GYUR, RMAD DU GYUR, LTAD MOR GYUR TE 'DI SNYAM DU, BCOM
LDAN 'DAS KYIS RDZU 'PHRUL GYI CHO 'PHRUL

CHEN PO'I SNANG BA 'DI LTA BU 'DI BSTAN PA BDAG CAG GIS SU LA
DRI SNYAM DU SEMS SO, ,DE NAS BYANG CHUB SEMS DPA' SEMS DPA'
CHEN PO BYAMS PAS SKAD CIG THANG CIG

YUD TZAM DE NYID LA 'KHOR BZHI PO RNAMS KYI SEMS KYI RNAM PAR
RTOG PA SEMS KYIS SHES NAS 'JAM DPAL GZHON NUR GYUR PA LA 'DI
SKAD CES SMRAS SO, ,'JAM DPAL,

@07B BCOM LDAN 'DAS KYIS LTAS NGO MTSAR RMAD DU BYUNG BA RDZU
'PHRUL GYI SNANG BA 'DI LTA BU 'DI BSTAN TE, SANGS RGYAS KYI
ZHING KHRI BRGYAD STONG PO 'DI DAG RNAM PAR BKRA BA, MCHOG TU
LTA NA

SDUG PA; DE BZHIN GSHEGS PA SNGON DU BZHUD PA, DE BZHIN GSHEGS
PA YONGS SU 'DREN PAR SNANG BA 'DI'I RGYU GANG, RKYEN GANG, DE
NAS BYANG CHUB SEMS DPA' SEMS DPA'

CHEN PO BYAMS PAS 'JAM DPAL GZHON NUR GYUR PA LA TSIGS SU BCAD
PA 'DI DAG SMRAS SO, ,'JAM DPAL CI YI PHYIR NA 'DI LTA BU, ,MI
YI MGON POS 'OD ZER GCIG PO 'DI, ,

ZHAL GYI SMIN MTSAMS KYI NI MDZOD SPU NAS, ,SHIN TU SNANG BA'I
'OD ZER RAB TU BTANG, ,LHA RNAMS DGA' BAS TZAN DAN ? PHYE MA
DANG, ,LHA YI SPOS RAB YID DU 'ONG BA DANG, ,MAND'A ? RA DANG

MNYDZU shA KA YI, ,ME TOG DAG GI CHAR CHEN RAB TU PHAB, ,DES
NI SA 'DI KUN TU MDZES GYUR CING, ,'KHOR BZHI 'DI DAG DGA' BA
RAB TU THOB, ,ZHING RNAMS 'DI DAG THAMS CAD RNAM

DRUG TU; ;SHIN TU 'JIGS PA'I GZUGS SU KUN NAS GYOS, ,'OD ZER DE
YIS SHAR GYI PHYOGS LOGS KYI, ,ZHING NI STONG PHRAG BCO BRGYAD
TSANG PA RNAMS, ,SKAD CIG GCIG GIS

THAMS CAD RAB TU SNANG, ,ZHING RNAMS GSER GYI KHA DOG BZHIN DU
MJOS, ,MNAR MED YAN CHAD SRID PA'I RTZE MO'I BAR, ,ZHING DE DAG
NA SEMS CAN JI SNYED PA, ,'GRO BA DRUG PO DE

@08A *, ,NA YOD PA RNAMS, ,GANG DAG DER YANG SHI 'PHO SKYE BA
RNAMS, ,DE DAG LAS KYI RNAM PA SNA TSOGS DANG, ,'GRO BA BDE DANG
MI BDE RNAMS KYANG SNANG, ,BZANG PO

NGAN PA DE BZHIN BAR MA YANG, ,'DI NA 'DUG KYANG DE DAG THAMS
CAD MTHONG, ,SANGS RGYAS SENG GE MI YI DBANG PO RNAMS, ,CHOS
NYID RAB STON RNAM PAR DBYE BA MTHONG, ,SEMS

CAN BYE BA MANG LA RAB STON PA, ,SNYAN PA'I SGRA DANG DBYANGS SU
GSUNG BA DAG ,ZAB CING RGYA CHE RMAD DU BYUNG BA'I SGRA, ,SO
SO'I ZHING RNAMS SU YANG RAB TU 'BYIN, ,DPE DANG GTAN

TSIGS KHRAG KHRIG BYE BA YIS, ,SANGS RGYAS CHOS 'DI RAB TU STON
PA NI, ,SEMS CAN GANG RNAMS SDUG BSNGAL GZIR BA DAG ,SKYE DANG
RGA BAS YID SKYO MI SHES LA, ,'DI NI

DGE SLONG SDUG BSNGAL THA MA ZHES, ,DE LA RAB ZHI MYA NGAN 'DAS
PA STON, ,MI RNAMS GANG GIS RGYA CHE MTHU THOB CING, ,SANGS
RGYAS MTHONG BAS DE BZHIN BSOD NAMS LDAN, ,DE

DAG LA NI CHOS TSUL 'DI BRJOD CING, ,RANG RGYAL THEG PA YANG NI
STON PA MDZAD, ,GZHAN YANG BDE BAR GSHEGS PA'I SRAS PO GANG,
,BLA NA MED PA'I YE SHES TSOL BA DAG ,

BYA BA SNA TSOGS RTAG TU BYED PA LA, ,DE DAG LA NI BYANG CHUB
PHYIR BSNGAGS GSUNG, ,'DI NA 'DUG BZHIN DE NA 'DI 'DRA DANG,
,KHYAD PAR GZHAN YANG STONG PHRAG BYE BA DAG ,SHIN

@08B TU MTHONG ZHING THOS TE 'JAM PA'I DBYANGS, ,DE DAG LAS NI
PHYOGS TZAM SMOS PAR BYA, ,BDAG MTHONG ZHING RNAMS MANG PO DE
DAG NA'ANG, ,BYANG CHUB SEMS DPA' GANG-G'A'I? BYE MA SNYED, ,

GANG RNAMS BYE BA STONG PHRAG MI NYUNG BA, ,BRTZON 'GRUS RNAM PA
MANG POS BYANG CHUB SKYED, ,LA LA SBYIN PA SBYIN PA'ANG DE BZHIN
TE, ,NOR DANG 'GRON BU GSER DANG DNGUL RNAMS DANG, ,MU

TIG NOR BU MAN SHEL BYU RU DANG, ,BRAN PHO BRAN MO RTA DANG
SHING RTA LUG ,DE BZHIN RIN CHEN DAG GIS BRGYAN PA'I KHYOGS,
,YONGS SU DGA' BA'I YID KYIS SBYIN PA GTONG, ,BDAG

CAG GIS KYANG THEG MCHOG THOB SHOG CES, ,BYANG CHUB MCHOG 'DIR
YONGS SU BSNGO BAR BYED, ,SBYIN PA 'DI 'DRA 'DI DAG SBYIN BYAS
NA, ,KHAMS GSUM NANG NA THEG MCHOG KHYAD

PAR CAN, ,SANGS RGYAS THEG PA BDE GSHEGS GANG BSNGAGS PA, ,DE NI
BDAG GIS MYUR DU THOB GYUR CIG ,LA LA RTA BZHI CAN GYI SHING RTA
LA, ,KHA KHYER BCAS PA ME TOG RGYAL MTSAN

BRGYAN; ;RIN CHEN DAG LAS BYAS PA'I BA DAN CAN, ,LA LAS DE LTA
BU YANG SBYIN PA BYIN, ,DE BZHIN BU DANG CHUNG MA RNAMS KYANG
BYIN, ,LA LA PHANGS PA'I SHA YANG SBYIN PAR BYED, ,

BYANG CHUB DAM PA 'DI NI 'TSOL BA'I PHYIR, ,LAG PA DANG NI RKANG
PA BSLANGS NA BYIN, ,LA LA DAG GI MGO DANG LA LAS MIG ,LA LA
BDAG GI LUS MCHOG RAB KYANG GTONG, ,DANG

@A9 *, ,BA'I SEMS KYIS SBYIN PA RNAMS BYIN NAS, ,DE BZHIN GSHEGS
KYI YE SHES DON DU GNYER, ,'JAM DPAL BDAG GIS MTHONG BA LA LA
NA, ,RGYAL SRID

SKYID PA RNAM PAR SPANGS BYAS TE, ,BTZUN MO'I 'KHOR DANG DE
BZHIN GLING KUN DANG, ,GNYEN DANG BLON PO THAMS CAD RNAM SPANGS
NAS, ,'JIG RTEN RNAM PAR 'DRIN GYI DRUNG DONG STE, ,

ZHI BA'I PHYIR NI CHOS RAB MCHOG 'DRI ZHING, ,NGUR SMRIG GOS
RNAMS RAB TU GYON BYED DE, ,SKRA DANG KHA SPU DAG KYANG 'DREG
PAR BYED, ,BDAG MTHONG BYANG CHUB SEMS DPA' LA LA NI, ,

DGE SLONG GYUR CING NAGS TSAL GNAS PA DAG ,DGON PA STONG PA
RNAMS SU GNAS 'CHA' ZHING, ,LA LA LUNG NOD KHA TON BYED LA DGA',
,BDAG MTHONG BYANG CHUB SEMS DPA'

LA LA DAG ,RI SUL DAG TU ZHUGS PA'I BRTAN PA RNAMS, ,SANGS RGYAS
YE SHES 'DI LA RNAM PAR SGOM, ,YONGS SU SEMS SHING NYE BAR RTOGS
PAR BYED, ,KHA CIG GIS NI

'DOD PA MA LUS SPANGS, ,YONGS BSGOMS BDAG NYID SPYOD YUL RNAM
PAR DAG ,MNGON PAR SHES PA LNGA YANG DER THOB NAS, ,BDE BAR
GSHEGS PA'I SRAS PO DGON PAR

GNAS; ;BRTAN PA LA LA RKANG GSHIBS DER GNAS TE, ,'DREN PA'I
SPYAN SNGAR THAL MO SBYAR BYAS NAS, ,DGA' BA BSKYED DE RGYAL
DBANG RGYAL PO LA, ,TSIGS SU BCAD PA STONG

@09B GIS MNGON PAR BSTOD, ,DRAN DANG LDAN ZHING DUL BA MI 'JIGS
PA, ,LA LA SPYOD PA PHRA BA SHES PA DAG ,RKANG GNYIS GTZO LA
CHOS KYANG 'DRI BAR BYED, ,THOS NAS DE DAG CHOS RNAMS

'DZIN PAR 'GYUR, ,YONGS BSGOMS BDAG NYID RGYAL DBANG SRAS PO
RNAMS, ,LA LA DAG GIS DE DANG DER MTHONG BA, ,DPE DANG GTAN
TSIGS KHRAG KHRIG DU MA YIS, ,SROG CHAGS BYE

BA MANG LA CHOS RNAMS STON, ,MCHOG TU DGA' SKYES CHOS RNAMS RAB
STON CING, ,BYANG CHUB SEMS DPA' MANG PO YANG DAG 'DZUD, ,BDUD
RNAMS STOBS DANG BZHON PAR BCAS

BCOM STE, ,CHOS KYI RNGA 'DI SHIN TU RDUNG BAR BYED, ,LA LA BDE
BAR GSHEGS KYI BSTAN PA LA, ,BDER GSHEGS SRAS LA LHA MI GNOD
SBYIN DANG, ,SRIN POS MCHOD KYANG NGO MTSAR

MI 'DZIN CING, ,SNYEMS MED ZHI ZHING RAB ZHI SPYOD PA MTHONG,
,PHAL CHER NAGS GNAS DE BZHIN GZHAN DAG KYANG, ,SNANG BA'I 'OD
NI LUS LAS RAB GTONG STE, ,SEMS CAN DMYAL

NAS SEMS CAN RNAMS 'DON CING, ,DE DAG BYANG CHUB LA YANG YANG
DAG 'DZUD, ,RGYAL BA'I SRAS PO LA LA BRTZON 'GRUS GNAS, ,KHA CIG
GIS KYANG MA LUS GNYID SPANGS NAS, ,

'CHAG PA BYED CING NAGS TSAL GNAS PA DAG ,DE DAG BRTZON PAS
BYANG CHUB MCHOG LA ZHUGS, ,LA LA TSUL KHRIMS MA RAL SRUNG BA
NI, ,RTAG TU RNAM DAG NOR BU RIN CHEN BZHIN, ,

@10A *, ,LA LA SPYAD PA YONGS SU RDZOGS PAR 'GYUR, ,DE DAG
KHRIMS KYIS BYANG CHUB MCHOG LA ZHUGS, ,RGYAL SRAS LA LA BZOD
PA'I STOBS CAN TE, ,DGE SLONG NGA

RGYAL CAN DAG KHRO BA DANG, ,DE BZHIN GSHE ZHING SDIGS PA'ANG
BZOD PAR BYED, ,BZOD PAS DE DAG BYANG CHUB MCHOG LA ZHUGS, ,BDAG
MTHONG BYANG CHUB SEMS DPA' LA LA

NI, ,RTZED MO DGA' BA THAMS CAD RNAM SPANGS TE, ,BYIS PA'I GROGS
PO RNAMS KYANG YONGS SPANGS NAS, ,'PHAGS PA RNAMS DANG 'GROGS
DGA' MNYAM PAR GZHAG ,RNAM

PAR G-YENG BA'I SEMS NI RNAM SPANGS NAS, ,LO STONG BYE BAR NAGS
DANG RI SUL NA, ,RTZE GCIG SEMS SU BSAM GTAN BYED PA RNAMS, ,DE
DAG BSAM GTAN BYANG CHUB MCHOG

LA ZHUGS, ,DGE 'DUN SLOB BCAS RGYAL BA MNGON SUM DU, ,BZA' DANG
BCA' DANG DE BZHIN ZAS DANG SKOM, ,NA BA'I SMAN NI MI NYUNG MANG
PO DAG ,KHA CIG DE LTAR SBYIN PA SBYIN PAR

BYED; ;DGE 'DUN SLOB BCAS RGYAL BA MNGON SUM DU, ,DE DAG GOS
BRGYA BYE BA SBYIN PAR BYED, ,LA LA STONG PHRAG BYE BA BRGYA RI
DANG, ,RIN THANG MED PA'I GOS RNAMS RAB TU 'BUL, ,

RIN PO CHE DANG DE BZHIN TZAN-DAN ? GYI, ,GTZUG LAG KHANG NI
BYE BA BRGYA BYAS NAS, ,STAN DANG MAL CHA MANG POS BRGYAN PA
RNAMS, ,BDE BAR GSHEGS PA RNAMS LA MNGON SUM

@10B 'BUL, ,KUN DGA' RA BA YID 'ONG GTZANG MA RNAMS, ,ME TOG
'BRAS BU SNA TSOGS LDAN PA DAG ,SKYES BU KHYU MCHOG NYAN THOS
BCAS PA LA, ,LA LA NYIN PAR ZHUGS PHYIR RAB TU 'BUL, ,

DGA' BA SKYES NAS SNA TSOGS RNAM MANG PO, ,DE LTA BU YI SBYIN PA
SBYIN PAR BYED, ,BYIN NAS BYANG CHUB PHYIR YANG BRTZON 'GYURS
BSKYED, ,SBYIN PAS DE DAG BYANG CHUB MA CHOG LA ZHUGS, ,LA

LA ZHI BA'I CHOS KYANG RAB 'CHAD DE, ,DPE DANG GTAN TSIGS KHRAG
KHRIG DU MA YIS, ,DE DAG SROG CHAGS BYE BA STONG LA STON, ,DE
DAG YE SHES BYANG CHUB MCHOG LA ZHUGS, ,BYED PA MED

PA'I CHOS RAB SHES PA NI, ,GNYIS MED RAB ZHUGS NAM MKHA' MTSUNGS
'DRA BA, ,MCHAGS BDE BAR GSHEGS PA'I SRAS PO RNAMS, ,DE DAG SHES
RAB BYANG CHUB MCHOG LA ZHUGS,

BDAG GIS GZHAN YANG MTHONG BA 'JAM PA'I DBYANGS, ,BDER GSHEGS
MYA NGAN 'DAS PA'I BSTAN PA LA, ,BYANG CHUB SEMS DPA' BRTAN PA
MANG BYUNG NAS, ,RGYAL BA'I RING BSREL

DAG LA RIM GRO BYED, ,MCHOD RTEN BYE BA STONG PHRAG MI NYUNG BA,
,JI LTAR GANG-G'A'I ? KLUNG GI BYE MA BZHIN, ,GANG GIS BYE BA
ZHING RNAMS RTAG BRGYAN PA, ,RGYAL SRAS DE DAG BYED DU 'JUG PA

MTHONG, ,RIN CHEN SNA BDUN MCHOG GI RGYAL MTSAN GDUGS, ,DE NA
BYE BA STONG RNAMS BSGRENG BA NI, ,'PHANG DU DPAG TSAD LNGA
STONG PHYIN PA STE, ,KHOR YUG TU NI DPAG TSAD NYIS STONG

@11A *, ,YOD; ;RNAM RGYAL BA DAN BCAS PA KHOR MOR MDZES, ,DRIL
DANG DRIL BU G-YER KHA RTAG TU 'KHROL, ,ME TOG DRI DANG DE BZHIN
SIL SNYAN GYIS, ,LHA MI SRIN PO

GNOD SBYIN RNAMS KYIS MCHOD, ,YONGS 'DU SHING GI ME TOG RGYAS PA
BZHIN, ,DE LTAR PHYOGS BCU DE DAG MDZES BYAS TE, ,RGYAL BA'I
RING BSREL DAG LA 'DI 'DRA 'DIR, ,BDE

GSHEGS SRAS KYIS MCHOD PA BYED DU BTZUD, ,RGYAL BAS 'OD ZER GCIG
PO 'DI BTANG BAS, LHAR BCAS 'JIG RTEN 'DI DAG RAB RGYAS PA,
,BDAG DANG SROG CHAGS BYE BA MANG PO

'DIS; ;'DI NA 'DUG BZHIN DE DAG THAMS CAD MTHONG, ,GANG GIS
'OD ZER GCIG PA DER BTANG BAS, ,ZHING RNAMS STONG PHRAG MANG
POR STON PA DE, ,KYE MA SKYES BU KHYU MCHOG

DE YI MTHU, ,KYE MA YE SHES RGYA CHE ZAG MED DO, ,RMAD DU BYUNG
BA TSAD MED 'DI 'DRA BA'I, ,LTAS RNAMS MTHONG NAS BDAG CAG NGO
MTSAR GYUR, ,'DI YI DON RNAMS 'JAM DBYANGS

RAB STON TE, ,SANGS RGYAS SRAS RNAMS THE TSOM GYUR PA STZOL,
,'KHOR BZHI 'DI DAG RAB TU DGA' SEMS KYIS, ,DPA' BO KHYOD DANG
BDAG LA MNGON PAR LTA, ,BDE BAR

GSHEGS PAS DE RING CI YI PHYIR, ,SNANG BA 'DI 'DRA 'DI NI RAB TU
BTANG , ,BDE GSHEGS SRAS PO KHYOD KYI LUNG STON LA, ,DGA' BA
SKYED CING THE TSOM RNAM PAR SEL, ,'DI LTAR

@11B 'OD ZER RGYA CHEN RAB BTANG BA, ,DE DAG CI 'DRA'I DON DU
'GYUR BA ZHIG ,BDE BAR GSHEGS PA SKYES BU DAM PA YIS, ,BYANG
CHUB SNYING POR CHOS MCHOG GANG BRNYES PA, ,DE DAG 'JIG

RTEN MGON PO 'DIR 'CHAD DAM, ,BYANG CHUB SEMS DPA' 'DI DAG LUNG
STON TAM, ,ZHING RNAMS STONG PHRAG DU MA GANG BSTAN PA, ,SNA
TSOGS RAB TU BKRA BA RIN CHEN BRGYAN, ,MTHA'

YAS SPYAN CAN SANGS RGYAS RNAMS SNANG BA, ,'DI NI MI CHUD RGYUR
'GYUR GOR MA CHAG ,RGYAL BA'I SRAS LA BYAMS PAS KUN DRIS NAS,
,LHA MI GNOD SBYIN SRIN PO DE DAG DGA', ,

'JAM DBYANGS 'DIR NI CI ZHIG LUNG STON CES, ,'KHOR RNAMS BZHI PO
DE DAG SHIN TU SDOD, ,DE NAS 'JAM DPAL GZHON NUR GYUR PAS BYANG
CHUB SEMS DPA' SEMS DPA' CHEN

PO BYAMS PA DANG, THAMS CAD DANG LDAN PA'I BYANG CHUB SEMS DPA'I
TSOGS DE LA SMRAS PA, RIGS KYI BU DAG ,'DI NI DE BZHIN GSHEGS PA
CHOS CHEN PO BSGRAGS PA'I 'BEL BA'I

GTAM MDZAD PAR DGONGS PA'O, ,RIGS KYI BU DAG ,'DI NI DE BZHIN
GSHEGS PAS CHOS KYI CHAR CHEN PO MNGON PAR DBAB PA DANG, CHOS
KYI RNGA CHEN PO RAB TU BRDUNG BA DANG, CHOS

KYI RGYAL MTSAN CHEN PO BSGRENG BA DANG, CHOS KYI SGRON ME CHEN
PO RAB TU 'BAR BAR MDZAD PA DANG, CHOS KYI DUNG CHEN PO RAB TU
'BUD PA DANG, CHOS KYI RNGA BO CHE CHEN PO RAB TU BRDUNG BA
DANG,

@12A *, ,CHOS BSTAN PA CHEN PO MDZAD PAR DGONGS PA STE, RIGS KYI
BU DAG ,BDAG JI LTAR SPOBS PA DANG, JI LTAR SNGON GYI DE BZHIN
GSHEGS PA DGRA BCOM

PA YANG DAG PAR RDZOGS PA'I SANGS RGYAS RNAMS KYI SNGA LTAS 'DI
LTA BU 'DI BDAG GIS MTHONG STE, SNGON GYI DE BZHIN GSHEGS PA DE
DAG GIS KYANG 'OD ZER GYI SNANG BA 'DI BTANG

BAS; BDAG NI 'DI LTAR DE BZHIN GSHEGS PA'ANG CHOS CHEN PO BSGRAG
PA'I 'BEL BA'I GTAM MDZAD PAR BZHED PA DANG, CHOS CHEN PO BSGRAG
PA THOS PAR MDZAD BZHED

PAS 'DI LTA BU'I SNGA LTAS 'DI MDZAD PA SNYAM BYED DO, ,DE CI'I
PHYIR ZHE NA, DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS 'JIG RTEN THAMS CAD

DANG MI MTHUN PA'I CHOS KYI RNAM GRANGS BSGRAG PAR BZHAD PAS
SNGA LTAS CHO 'PHRUL CHEN PO 'OD ZER RAB TU BTANG BA'I SNANG BA
'DI LTA BU 'DI STON TO, ,RIGS KYI BU DAG ,BDAG

GIS DRAN PA 'DAS PA'I DUS NA BSKAL PA GRANGS MED PA'I YANG CHES
GRANGS MED PA, YANGS PA DPAG TU MED PA, BSAM GYIS MI KHYAB PA
DPAG GIS MI LANG BA TSAD MED PA DE'I

PHA ROL GYI'ANG CHES PHA ROL TU GYUR PA DE'I TSE DE'I DUS NA, DE
BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS RIG PA DANG ZHABS SU LDAN PA BDE BAR

@12B BAR GSHEGS PA 'JIG RTEN MKHYEN PA SKYES BU 'DUL BA'I KHA LO
SGYUR BA, BLA NA MED PA LHA DANG MI RNAMS KYI STON PA, SANGS
RGYAS BCOM LDAN 'DAS NYI ZLA SGRON MA ZHES BYA BA 'JIG RTEN DU
BYUNG

STE; DES CHOS BSTAN PA TSANGS PAR SPYOD PA THOG MAR DGE BA, BAR
DU DGE BA, THA MAR DGE BA, DON BZANG PO TSIG 'BRU BZANG PO, MA
'DRES PA YONGS SU RDZOGS PA, YONGS SU DAG PA

YONGS SU BYANG BA YANG DAG PAR STON TE 'DI LTA STE, NYAN THOS
RNAMS LA NI SKYE BA DANG, RGA BA DANG, NA BA DANG, 'CHI BA DANG,
MYA NGAN DANG, SMRE SNGAGS 'DON PA DANG, SDUG BSNGAL BA DANG,

YID MI BDE BA DANG, 'KHRUG PA LAS SHIN TU 'DA' BA'I PHYIR, MYA
NGAN LAS 'DAS PA'I MTHAR THUG PA 'PHAGS PA'I BDEN PA BZHI DANG
LDAN PA, RTEN CING 'BREL PAR 'BYUNG BA LA 'JUG

PA'I CHOS STON TO, ,BYANG CHUB SEMS DPA' SEMS DPA' CHEN PO RNAMS
LA NI BLA NA MED PA YANG DAG PAR RDZOGS PA'I BYANG CHUB LAS
BRTZAMS TE, PHA ROL TU PHYIN PA DRUG DANG LDAN PA,

THAMS CAD MKHYEN PA'I YE SHES KYI MTHAR THUG PA'I CHOS STON TO,
,RIGS KYI BU DAG ,DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS NYI ZLA SGRON MA DE'I

PHA ROL GYI'ANG CHES PHA ROL NA, YANG DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS NYI ZLA SGRON MA
ZHES BYA BA ZHIG 'JIG RTEN DU BYUNG STE, MA PHAM PA, 'DI

@13A *, ,LTAR SNGA ROL DANG SNGA ROL BRJOD PA'I TSUL 'DIS, DE
BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS NYI ZLA SGRON MA ZHES BYA BAR  

MTSAN GCIG PA, RIGS DANG GDUNG GCIG PA SHA STAG STE, 'DI LTAR
BHA RA DHWA DZA'I RIGS SU MTHUN PA DE BZHIN GSHEGS PA NYI KHRI
BYUNG NGO, ,MA PHAM PA, DE LA DE BZHIN GSHEGS

PA NYI KHRI PO DE DAG THOG MA'I DE BZHIN GSHEGS PA NAS THA MA'I
DE BZHIN GSHEGS PA'I BAR DU DE DAG GIS CHOS BSHAD PA'ANG TSANGS
PAR SPYOD PA THOG MAR DGE BA, BAR DU DGE

BA; THA MAR DGE BA, DON BZANG PO TSIG 'BRU BZANG PO, MA 'DRES PA
YONGS SU RDZOGS PA, YONGS SU DAG PA, YONGS SU BYANG BA YANG DAG
PAR STON TE 'DI LTA STE, NYAN THOS RNAMS

LA NI SKYE BA DANG, RGA BA DANG, NA BA DANG, 'CHI BA DANG, MYA
NGAN DANG, SMRE SNGAGS 'DON PA DANG, SDUG BSNGAL BA DANG, YID MI
BDE BA DANG, 'KHRUG PA LAS SHIN TU 'DA' BA'I PHYIR,

MYA NGAN LAS 'DAS PA'I MTHAR THUG PA 'PHAGS PA'I BDEN PA BZHI
DANG LDAN PA RTEN CING 'BREL PAR 'BYUNG BA LA 'JUG PA'I CHOS
STON TO, ,BYANG CHUB SEMS DPA' SEMS

DPA' CHEN PO RNAMS LA NI BLA NA MED PA YANG DAG PAR RDZOGS PA'I
BYANG CHUB LAS BRTZAMS TE, PHA ROL TU PHYIN PA DRUG DANG LDAN PA
RNAM PA THAMS CAD MKHYEN PA'I YE SHES KYI

@13B MTHAR THUG PA'I CHOS STON TO, ,MA PHAM PA, 'DI LTAR YANG
BCOM LDAN 'DAS DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS NYI ZLA SGRON MA DE SNGON GZHON

NUR GYUR CING KHAB NA BZHUGS PA LAS MNGON PAR MA BYUNG BA'I TSE
SRAS BRGYAD YOD PAR GYUR TE, 'DI LTA STE, RGYAL BU GZHON NU BLO
GROS ZHES BYA BA DANG, BZANG PO'I BLO GROS DANG, MTHA'

YAS BLO GROS DANG, DKON MCHOG BLO GROS DANG, KHYAD PAR BLO GROS
DANG, THE TSOM KUN BCOM DANG, DBYANGS KYI BLO GROS DANG, RGYAL
BU GZHON NU CHOS KYI BLO GROS ZHES BYA BA YOD DO, ,MA

PHAM PA; BCOM LDAN 'DAS NYI ZLA SGRON MA DE'I SRAS RGYAL BU
GZHON NU BRGYAD PO DE DAG RDZU 'PHRUL CHEN POR GYUR TE, DE DAG
RE RE'ANG GLING CHEN PO BZHI LA KUN TU LONGS SPYOD PAR

GYUR CING DE DAG NA RGYAL PO BYED DO, ,DE DAG GIS BCOM LDAN 'DAS
DE KHAB NAS MNGON PAR BYUNG BAR SHES SHING, BLA NA MED PA YANG
DAG PAR RDZOGS PA'I BYANG CHUB TU MNGON PAR

RDZOGS PAR SANGS RGYAS PAR THOS NAS, RGYAL PO'I LONGS SPYOD
THAMS CAD SPANGS TE, BCOM LDAN 'DAS DE'I RJES SU RAB TU BYUNG
NAS THAMS CAD KYANG BLA NA MED PA YANG DAG PAR

RDZOGS PA'I BYANG CHUB TU YANG DAG PAR ZHUGS TE CHOS SMRA BAR
GYUR TO, ,RGYAL BU GZHON NU DE DAG RTAG TU TSANGS PAR SPYOD CING
SANGS RGYAS BRGYA STONG MANG PO LA DGE BA'I RTZA BA BSKYED PAR

@14A *, ,GYUR TO, ,MA PHAM PA, DE'I TSE NA'ANG BCOM LDAN 'DAS DE
BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS NYI ZLA SGRON MA DES, NGES

PAR BSTAN PA CHEN PO ZHES BYA BA'I CHOS KYI RNAM GRANGS MDO SDE
SHIN TU RGYAS PA CHEN PO BYANG CHUB SEMS DPA' RNAMS LA GDAMS PA
SANGS RGYAS THAMS CAD KYIS YONGS SU BZUNG BA  

BSHAD NAS, DE'I TSE SKAD CIG THANG CIG YUD TZAM DE NYID LA 'KHOR
'DUS PA DE NYID DU CHOS KYI GDAN CHEN PO DE NYID LA SKYIL MO
KRUNG BCAS TE, MTHA' YAS NGES PAR BSTAN PA'I

GNAS ZHES BYA BA'I TING NGE 'DZIN LA SNYOMS PAR ZHUGS TE SKU MI
GYO ZHING SEMS MI GYO BAR GYUR NAS BZHUGS SO, ,BCOM LDAN 'DAS DE
SNYOMS PAR ZHUGS MA THAG TU,

BCOM LDAN 'DAS LA ME TOG MAN-DA' RA BA DANG, MAN-DA' RA BA
CHEN PO DANG, MANY-DZU shA KA DANG, MNY-DZU shA KA CHEN PO
DANG, LHA'I ME TOG DAG GIS CHAR CHEN PO MNGON PAR BAB STE, BCOM

LDAN 'DAS 'KHOR DANG BCAS PA LA MNGON PAR 'THOR RO, ,THAMS CAD
DANG LDAN PA'I SANGS RGYAS KYI ZHING YANG RNAM PA DRUG TU RAB TU
G-YOS PAR GYUR TE, 'GUL, KUN TU RAB

TU 'GUL, LDEG ,KUN TU RAB TU LDEG ,'KHRUGS, KUN TU RAB TU
'KHRUGS SO, ,MA PHAM PA, YANG DE'I TSE 'KHOR DER DGE SLONG DANG,
DGE SLONG MA DANG, DGE BSNYEN DANG,

@14B DGE BSNYEN MA DANG, LHA DANG, KLU DANG, GNOD SBYIN DANG,
DRI ZA DANG, LHA MA YIN DANG, NAM MKHA' LDING DANG, MI'AM CI
DANG, LTO 'PHYE CHEN PO DANG, MI DANG MI MA YIN PA RNAMS

DANG, RGYAL PHRAN DANG, STOBS KYI 'KHOR LO SGYUR BA DANG, GLING
BZHI'I 'KHOR LOS BSGYUR BA RNAMS 'DUS NAS 'KHOD PAR GYUR PA
'KHOR DANG BCAS PA DE DAG THAMS CAD BCOM LDAN

'DAS LA LTA ZHING NGO MTSAR DU GYUR, RMAD DU GYUR, DGA' BAR GYUR
TO, ,DE NAS DE'I TSE BCOM LDAN 'DAS DE BZHIN GSHEGS PA NYI ZLA
SGRON MA'I SMIN MTSAMS KYI BAR GYI MDZOD SPU

NAS 'OD ZER GCIG BYUNG NAS DE SHAR PHYOGS SU SANGS RGYAS KYI
ZHING NYI KHRIR BYUNG STE, SANGS RGYAS KYI ZHING DE DAG THAMS
CAD 'OD ZER DE'I 'OD KYIS SHIN TU KHYAB PAR SNANG BAR GYUR

TE; MA PHAM PA, 'DI LTA STE, DPER NA, DA LTAR SANGS RGYAS KYI
ZHING 'DI DAG SNANG BAR GYUR PA BZHIN NO, ,MA PHAM PA, YANG DE'I
TSE BCOM LDAN 'DAS DE'I ZHABS 'BRING NA, BYANG

CHUB SEMS DPA' BYE BA PHRAG NYI SHU 'KHOD PA DANG , 'KHOR DE NA
CHOS NYAN PA DE DAG 'OD ZER CHEN PO'I SNANG BA DES 'JIG RTEN
SNANG BAR BYAS PA MTHONG NAS NGO MTSAR DU GYUR, RMAD

DU GYUR TE, LTAD MO CHER BYUNG NGO, ,MA PHAM PA, DE'I TSE NA
YANG BCOM LDAN 'DAS DE'I BSTAN PA LA BYANG CHUB SEMS DPA' SEMS
DPA' CHEN PO 'OD MCHOG CES BYA BA BYUNG STE,

@15A *, ,DE'I SLOB MA BRGYAD BRGYA YOD DO, ,BCOM LDAN 'DAS
DE'ANG TING NGE 'DZIN DE LAS BZHENGS NAS BYANG CHUB SEMS DPA'
'OD MCHOG LAS BRTZAMS TE, DAM

PA'I CHOS PAD-MA DKAR PO'I CHOS KYI RNAM GRANGS YANG DAG PAR
STON TE, BAR GYI BSKAL PA DRUG CU TSANG BAR GDAN GCIG LA BZHUGS
NAS SKU MI BSKYOD, SEMS MI GYO BAR

BSHAD DO, ,'KHOR DE DAG THAMS CAD KYANG STAN GCIG LA 'KHOD DE,
LUS MI BSKYOD SEMS MI G-YO BAR BAR GYI BSKAL PA DRUG CUR BCOM
LDAN 'DAS DE LA CHOS NYAN TE, 'KHOR

DE NA SEMS CAN 'GA' YANG LUS NGAL BA'ANG MED, SEMS SKYO BA'ANG
MED DO, ,DE NAS BCOM LDAN 'DAS DE BZHIN GSHEGS PA DGRA BCOM PA
YANG DAG PAR RDZOGS PA'I SANGS

RGYAS NYI ZLA SGRON MAS BAR GYI BSKAL PA DRUG CU 'DAS KYI BAR
DU, DAM PA'I CHOS PAD-MA DKAR PO'I CHOS KYI RNAM GRANGS MDO
SDE SHIN TU RGYAS PA CHEN PO BYANG CHUB SEMS DPA' RNAMS

LA GDAMS PA, SANGS RGYAS THAMS CAD KYIS YONGS SU BZUNG BA BSHAD
NAS, SKAD CIG DE NYID LA MYA NGAN LAS 'DA'O ZHES LHA DANG BCAS,
BDUD DANG BCAS, TSANGS PA DANG

BCAS PA'I 'JIG RTEN DANG, DGE SBYONG DANG BRAM ZER BCAS PA'I
SKYE DGU'I MDUN DU, DGE SLONG DAG ,DO MOD NAM GYI GUNG THUN LA
DE BZHIN GSHEGS PA PHUNG PO'I LHAG MA

@15B MED PA'I MYA NGAN LAS 'DA' BA'I DBYINGS SU YONGS SU MYA
NGAN LAS 'DA'O ZHES GSUNGS SO, ,MA PHAM PA, DE NAS BCOM LDAN
'DAS DE BZHIN GSHEGS PA DGRA BCOM PA YANG DAG

PAR RDZOGS PA'I SANGS RGYAS NYI ZLA SGRON MA DES, BYANG CHUB
SEMS DPA' SEMS DPA' CHEN PO DPAL GYI SNYING PO ZHES BYA BA BLA
NA MED PA YANG DAG PAR RDZOGS PA'I BYANG CHUB TU LUNG

BSTAN NAS 'KHOR DE DAG THAMS CAD LA BKA' STZAL PA, DGE SLONG DAG
, BYANG CHUB SEMS DPA' DPAL GYI SNYING PO 'DI, NGA'I 'OG TU BLA
NA MED PA YANG DAG PAR RDZOGS PA'I BYANG

CHUB MNGON PAR RDZOGS PAR 'TSANG RGYA STE, DE BZHIN GSHEGS PA
DGRA BCOM PA YANG DAG PAR RDZOGS PA'I SANGS RGYAS DRI MA MED
PA'I SPYAN ZHES BYA BAR 'GYUR RO ZHES BYA BAR GSUNGS

SO; ;MA PHAM PA, DE NAS BCOM LDAN 'DAS DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS NYI ZLA'I SGRON MA
DE'I NUB MO NAM GYI GUNG THUN LA, PHUNG

PO'I LHAG MA MED PA'I MYA NGAN LAS 'DAS PA'I DBYINGS SU YONGS SU
MYA NGAN LAS 'DAS SO, ,DAM PA'I CHOS PAD-MA DKAR PO'I CHOS KYI
RNAM GRANGS DE'ANG BYANG CHUB SEMS DPA'

SEMS DPA' CHEN PO 'OD MCHOG DES BLANGS TE, BAR GYI BSKAL PA
BRGYAD CU'I BAR DU BCOM LDAN 'DAS MYA NGAN LAS 'DAS PA DE'I
BSTAN PA LA YANG DAG PAR BSTAN TO, ,MA

@16A *, ,PHAM PA, DE LA BCOM LDAN 'DAS DE'I SRAS BLO GROS LA
SOGS PA BRGYAD PO DE DAG BYANG CHUB SEMS DPA' 'OD MCHOG DE'I
SLOB MAR GYUR TE, DES DE DAG

BLA NA MED PA YANG DAG PAR RDZOGS PA'I BYANG CHUB TU YONGS SU
SMIN PAR BYAS SO, ,DE DAG GIS DE'I 'OG TU SANGS RGYAS BYE BA
KHRAG KHRIG BRGYAS STONG MANG PO MTHONG STE, BKUR STI BYAS

NAS DE DAG THAMS CAD KYANG BLA NA MED PA YANG DAG PAR RDZOGS
PA'I BYANG CHUB MNGON PAR RDZOGS PAR SANGS RGYAS TE, DE DAG GI
THA MA NI DE BZHIN GSHEGS PA DGRA BCOM PA YANG

DAG PAR RDZOGS PA'I SANGS RGYAS MAR ME MDZAD YIN NO, ,SLOB MA
BRGYAD BRGYA PO DE DAG LAS GCIG RNYED PA LA RAB TU GDU BA, BKUR
STI LA GDU BA, SHES KYI KHE LA GDU BA,

GRAGS PA 'DOD PAS DE LA BSTAN PA'I TSIG DANG, YI GE MI ZIN, MI
CHAGS TE, DE'I MING YANG GRAGS 'DOD CES BYA BAR GYUR TO, ,DES
KYANG DGE BA'I RTZA BA DES SANGS RGYAS

BYE BA KHRAG KHRIG BRGYA STONG MANG PO MNYES PAR BYAS SO, ,MNYES
PAR BYAS NAS BSTI STANG BYAS, BTZUN PAR BYAS, RI MOR BYAS, MCHOD
PA DANG, BKUR BA DANG, RIM GRO BYAS

SO; ;MA PHAM PA, DE'I TSE DE'I DUS NA BYANG CHUB SEMS DPA' 'OD
MCHOG CES BYA BA CHOS SMRA BAR GYUR PA DE GZHAN ZHIG YIN PA
SNYAM DU KHYOD SOM NYI'AM, YID GNYIS SAM, THE

@16B TSOM ZA BAR GYUR NA DE LTAR MI BLTA'O, ,DE CI'I PHYIR ZHE
NA, KHO BO DE'I TSE DE'I DUS NA BYANG CHUB SEMS DPA' 'OD MCHOG
CES BYA BA CHOS SMRA BAR GYUR TO, ,GANG YANG BYANG CHUB SEMS
DPA'

GRAGS 'DOD CES BYA BA LE LO CAN DU GYUR PA DE NI, MA PHAM PA
KHYOD NYID DE'I TSE DE'I DUS NA, BYANG CHUB SEMS DPA' GRAGS 'DOD
CES BYA BA LE LO CAN DU GYUR PA YIN NO, ,MA PHAM PA,

DE LTAR KHO BOS RNAM GRANGS 'DIS NA BCOM LDAN 'DAS KYI SNGA LTAS
'DI LTA BU'I 'OD ZER BTANG BA MTHONG NAS, BCOM LDAN 'DAS KYANG
DAM PA'I CHOS PAD-MA DKAR PO'I CHOS KYI RNAM GRANGS

MDO SDE SHIN TU RGYAS PA CHEN PO DE BSHAD PAR BZHED PA SNYAM
BYED DO, ,DE NAS 'JAM DPAL GZHON NUR GYUR PAS DON DE NYID RGYAS
PAR STON CING DE'I TSE TSIGS SU BCAD PA 'DI DAG

SMRAS SO; ;'DAS PA'I DUS RNAMS RJES SU DRAN PA NI, ,TSAD MED
BSAM GYIS MI KHYAB BSKAL PA NA, ,DE TSE RGYAL BA BYUNG BA SKYE
DGU'I MCHOG ,MTSAN NI NYI ZLA SGRON MA ZHES BYA BA, ,SKYE

DGU 'DREN PA DE NI CHOS STON TE, ,SEMS CAN MTHA' YAS BYE BA RNAM
PAR 'DUL, ,BYANG CHUB SEMS DPA' BSAM YAS BYE BA STONG, ,MANG PO
DE DAG YE SHES YANG DAG 'DZUD, ,RNAM

PAR 'DREN PA GZHON NUR GYUR PA YI, ,DE TSE DE YI SRAS GYUR RGYAL
PO DAG ,THUB CHEN RAB TU BYUNG BA DE MTHONG NAS, ,'DOD SPANGS
THAMS CAD MYUR BAR RAB TU BYUNG, ,'JIG RTEN

@17A *, ,MGON PO DE YI CHOS BSHAD PA, ,MTHA' YAS NGES PAR BSTAN
PA MDO SDE MCHOG ,DE MING SHIN TU RGYAS PA'I MDO ZHES BYA, ,SROG
CHAGS STONG PHRAG BYE BA

DAG LA STON, ,RNAM PAR 'DREN PA DE YIS BSHAD MA THAG ,DE TSE
SKAD CIG SKYIL MO KRUNG BCAS NAS, ,MTHA' YAS NGES BSTAN TING
'DZIN DAM PA LA, ,THUB MCHOG CHOS GDAN BZHUGS  

NAS BSAM GTAN MDZAD, ,LHA YI ME TOG MAN-DA' RA BA 'BAB, ,RMA
BRDUNGS PAR NI RNGA YI SGRA YANG BYUNG, ,LHA DANG GNOD SBYIN BAR
SNANG GNAS 'KHOD PA, ,RKANG GNYIS DAM PA LA NI MCHOD

PA BYED; ;ZHING RNAMS THAMS CAD DE MA THAG TU G-YOS, ,DE NA
NGO MTSAR RMAD DU BYUNG BAR GYUR, ,SMIN MTSAMS NAS NI SHIN TU
MDZES PA YI, ,'DREN PAS 'OD ZER GCIG PO RAB

BTANG BA, ,SHAR GYI PHYOGS SU 'OD ZER DE SONG BAS, ,ZHING RNAMS
STONG PHRAG BCO BRGYAD TSANG BA DAG ,RAB TU SNANG BAS 'JIG RTEN
THAMS CAD MDZES, ,SEMS CAN RNAMS KYI

SHI 'PHO SKYE BA STON, ,RNAM PAR 'DREN PA'I 'OD ZER DE YI MTHUS,
,DE LTAR DE NA LA LA RIN CHEN ZHING, ,DE BZHIN KHA DOG BEE
dA'URYA YI MDOG ,BLTAN SDUG PA SNA TSOGS SNANG BAR

GYUR; ;LHA DANG MI DANG DE BZHIN GNOD SBYIN KLU, ,LHA YI BU MO
DRI ZA MI'AM CI, ,GANG RNAMS BDE BAR GSHEGS LA MCHOD BRTZON PA,
,DE DAG 'JIG RTEN KHAMS NA MCHOD

@17B BYED SNANG, ,SANGS RGYAS RANG 'BYUNG DE DAG NYID KYANG
SNANG, ,GSER GYI MCHOD SDONG LTA BUR BLTA NA SDUG ,BEE dA'URYA
YI DBUS NA GSER GZUGS BZHIN, ,'KHOR GYI DBUS NA CHOS NI RAB TU

GSUNG, ,DE NA NYAN THOS GRANGS YOD MA YIN TE, ,BDE GSHEGS NYAN
THOS DE SNYED TSAD MED PA, ,SO SO'I ZHING DU RNAM PAR 'DREN PA
YI, ,'OD ZER 'OD KYIS DE DAG THAMS CAD STON, ,

BRTZON 'GRUS LDAN ZHING TSUL KHRIMS MA NYAMS TE, ,TSUL KHRIMS
SKYON MED NOR BU RIN CHEN 'DRA, ,MI MGON SRAS DAG RI YI SUL DAG
NA, ,GNAS SHING SPYOD PA DE DAG SNANG BAR GYUR, ,

BDOG PA THAMS CAD MA LUS YONGS SU GTONG, ,BRTAN PA BZOD PA'I
STOBS CAN BSAM GTAN DGA', ,BYANG CHUB SEMS DPA' GANG-G'A'I BYE
SNYED MANG, ,'OD ZER DE YIS THAMS CAD RAB

TU SNANG; ;BSKYOD PA MED CING G-YO BA MED PAR YANG, ,BZOD NAS
BSAM GTAN DGA' ZHING MNYAM PAR BZHAG ,DE DAG BSAM GTAN BYANG
CHUB MCHOG ZHUGS PA, ,BDE BAR GSHEGS

PA'I THUGS KYI SRAS RNAMS SNANG, ,YANG DAG ZHI BA ZAG PA MED
PA'I GNAS, ,SHIN TU SHES NAS YANG DAG RAB STON TE, ,'JIG RTEN
KHAMS MANG DU NI CHOS KYANG 'CHAD, ,DE 'DRA'I BYED

PA BDER GSHEGS MTHU YIS BYUNG, ,NYI MA ZLA BA SGRON MA DE YI
MTHUS, ,SKYONG BA'I 'KHOR BZHIS DE DAG MTHONG NAS SU, ,DE TSE
THAMS CAD DGA' BAR GNAS GYUR TE, ,'DI LTAR CI

@18A *, ,ZHIG CES NI PHAN TSUN 'DRI, ,GNOD SBYIN LHA MIS DE
MCHOD MI RING BAR, ,'JIG RTEN 'DREN PA TING NGE 'DZIN LAS
BZHENGS, ,CHOS SMRA BYANG CHUB SEMS DPA'

GANG MKHAS PA, ,'OD MCHOG SRAS LA DE TSE 'DI SKAD GSUNGS, ,MKHAS
PA KHYOD NI 'JIG RTEN MIG DANG LAM, ,NGA YI CHOS 'DZIN SHIN TU
YID BRTAN PAS, ,JI LTAR SROG CHAGS PHAN

PHYIR NGAS BSHAD PA, ,NGA YI CHOS MDZOD 'DI LA KHYOD MNGON SUM,
,BYANG CHUB SEMS DPA' MANG PO KUN BKOD DE, ,DGA' BAR BYAS SHING
SHIN TU BSNGAGS BSTOD NAS, ,BAR GYI

BSKAL PA DRUG CU TSANG BAR NI, ,DE TSE RGYAL BA DE YIS CHOS
MCHOG BSHAD, ,GDAN GCIG STENG BZHUGS 'JIG RTEN MGON PO YIS,
,CHOS MCHOG DAM PA DAG NI GANG BSHAD

PA; ;DE DAG THAMS CAD 'OD MCHOG RGYAL BA'I SRAS, ,CHOS 
SMRA RGYUR PA DE YIS SHIN TU BZUNG, ,RGYAL BA DES NI CHOS 
KYI MCHOG BSHAD DE, ,SKYE BO DU MA RAB TU DGA' BYAS

NAS; ;DE YI NYIN PAR LHAR BCAS 'JIG RTEN MDUN, ,RNAM PAR 
'DREN PA DE NI 'DI SKAD GSUNG, ,NGA YIS CHOS KYI TSUL 'DI 
RAB BSTAN TE, ,CHOS KYI RANG BZHIN CI 'DRA BSHAD 

ZIN GYI, ,DGE SLONG DO NUB NAM GYI GUNG THUN LA, ,NGA NI MYA
NGAN 'DA' BA'I DUS LA BAB, ,NGA YI BSTAN PA 'DI LA RAB SBYOR LA,
,BAG MED MA YIN DAD PA SNYING POR GYIS, ,BSKAL

@18B PA BYE BA KHRAG KHRIG 'DAS PAR YANG, ,RGYAL BA DRANG SRONG
CHEN PO RNYED PAR DKA', ,RKANG GNYIS DAM PA SHIN TU MYUR BA RU,
,MYA NGAN LAS NI 'DA' BA'I SGRA THOS NAS, ,SANGS RGYAS

SRAS RNAMS MANG PO MYA NGAN SKYES, ,SDUG BSNGAL RAB DANG SHIN TU
LDAN PAR GYUR, ,SROG CHAGS BSAM YAS BYE MANG DE DAG LA, ,MI YI
DBANG PO RGYAL POS DBUGS PHYUNG BA, ,MYA

NGAN NGA 'DAS DGE SLONG MA 'JIGS SHIG ,NGA YI 'OG TU SANGS RGYAS
'BYUNG BA NI, ,BYANG CHUB SEMS DPA' DPAL SNYING MKHAS PA 'DI,
,ZAG MED YE SHES 'DI NI RTOGS PAR RIG ,

NGA YI BYANG CHUB MCHOG RAB 'THOB 'GYUR TE, ,SPYAN DANG YAN LAG
DRI MED RGYAL BAR 'ONG, ,DE TSE DE YI NAM GYI GUNG THUN LA,
,RGYU ZAD ME DANG 'DRA BAR MYA NGAN 'DAS, ,DE YI SKU GDUNG

SHIN TU RGYAS GYUR TE, ,MCHOD RTEN BYE BA KHRAG KHRIG MTHA' YAS
SO, ,DE NA DGE SLONG DE BZHIN DGE SLONG MA, ,GANG RNAMS BYANG
CHUB MCHOG LA RAB ZHUGS SHING, ,BDE GSHEGS

DE YI BSTAN LA MNGON BRTZON PA, ,DE DAG MI NYUNG GANG-G'A'I BYE
MA SNYED, ,DE TSE CHOS SMRAR GANG GYUR DGE SLONG NI, ,GANG GIS
CHOS DE BZUNG BA 'OD MCHOG STE, ,BAR GYI BSKAL PA BRGYAD

CU TSANG BAR DES, ,BSKAL PA DE LA CHOS MCHOG RAB TU STON, ,DE YI
SLOB MAR GYUR PA BRGYAD BRGYA DAG ,DE DAG THAMS CAD YONGS SU
SMIN PAR BYAS, ,DE DAG SANGS RGYAS BYE

@19A *, ,BA MANG PO MTHONG, ,DRANG SRONG CHEN PO DE DAG BKUR STE
BYAS, ,DE TSE SPYAD PA RJES SU MTHUN SPYAD NA, ,'JIG RTEN MANG
PO KHAMS SU SANGS RGYAS GYUR, ,

GCIG 'OG GCIG TU DE DAG RJES BZHIN DU, ,BYANG CHUB MCHOG TU GCIG
GIS GCIG LUNG BSTAN, ,SANGS RGYAS DE DAG RIM GYIS BYUNG BA YI,
,THA MAR GYUR PA MAR ME MDZAD

PA STE; ;LHA YI LHA MCHOG DRANG SRONG MANG PO'I MCHOG ,SROG
CHAGS BYE BA STONG YANG RNAM PAR BTUL, ,GANG SNGON BDE BAR
GSHEGS PA DE YI SRAS, ,DE YI TSE NA 'OD MCHOG

CHOS SMRA BA'I, ,SLOB MA SRED DANG LDAN ZHING LE LO CAN, ,SHES
KYI KHA DANG RNYED PA 'TSOL BA DANG, ,SHIN TU GRAGS PA 'DOD PA'I
SHAS CHE ZHING, ,GRONG NAS GRONG DU RGYU BAR GYUR

PA STE; ;DE YI KHA TON LUNG NOS DE BZHIN KUN, ,DE YI TSE NA
BSHAD PA RNAMS MI ZIN, ,DE YI MING YANG 'DI ZHES BYA BAR GYUR,
,GRAGS PA 'DOD CES PHYOGS SU RNAM PAR GRAGS,,

DE YANG DGE BA RNAMS KYI LAS DE DAG ,'DREN MAR GYUR PA MNGON PAR
'DUS BYAS PAS, ,SANGS RGYAS STONG PHRAG BYE BA MNYES BYAS TE,
,DE DAG MCHOD PA RGYA CHER BYAS PAR GYUR, ,

RJES SU MTHUN PA'I SPYOD PA RAB SPYAD NAS, ,SANGS RGYAS SH'A-KYA
SENG GE 'DI YANG MTHONG, ,DE NI 'DIR YANG THA MAR BYUNG BA STE,
,RJES BZHIN BYANG CHUB MCHOG KYANG 'THOB 'GYUR BA, ,

@19B BYAMS PA'I RIGS SU BCOM LDAN 'DAS SU 'GYUR, ,SROG CHAGS
STONG PHRAG BYE BA RNAM PAR 'DUL, ,BDER GSHEGS MYA NGAN 'DAS
PA'I BSTAN PA LA, ,DE TSE LE LO CAN DU GANG GYUR

PA; ;DE NA DE 'DRAR GYUR PA KHYOD NYID DO, ,DE TSE CHOS SMRAR
GYUR PA KHO BO STE, ,KHO BOS DE DANG DE YI RGYU DANG GZHIS, ,YE
SHES GRAGS PA DE YI LTAS BYUNG BA, ,SNGON TSE DE NA KHO BOS
MTHONG

GYUR PA; ;DE 'DRA'I LTAS 'DI DENG YANG MTHONG BAS NA, ,NGES PAR
RGYAL BA'I DBANG PO KUN TU SPYAN, ,SH'A-KYA'I RGYAL CHEN DON DAM
GZIGS PAS KYANG, ,DE TSE KHO BOS RNAM GRANGS MCHOG

THOS GANG, ,DE DAG NYID NI 'DIS KYANG BSHAD PAR DGONGS, ,DE YI
LTAS NYIS DE RING YONGS RDZOGS KYI, ,RNAM PAR 'DREN PA RNAM KYI
THABS MKHAS PA, ,SH'A-KYA SENG GE YANG DAG

'JOG MDZAD DE, ,CHOS KYI DBYINGS NYID PHYAG RGYA STON PAR 'GYUR,
,THAL MO SBYAR TE SEMS BZANG BRTZON PAR GYIS, ,'JIG RTEN PHAN
ZHING THUGS BRTZE GNON GYUR TE, ,MTHA' YAS

PA YI CHOS KYI CHAR PA 'BAB, ,GANG DAG BYANG CHUB PHYIR ZHUGS
NGOMS PAR MDZAD, ,BYANG CHUB SEMS DPA' BYANG CHUB 'DIR ZHUGS PA,
,GANG DAG MKHAS PA NYID LAS SKYES GYUR PA, ,

DE DAG RNAMS KYI SOM NYI GANG YIN DANG, ,YID GNYIS THE TSOM GANG
YIN DE SEL GYUR, ,DAM PA'I CHOS PAD-MA DKAR PO'I CHOS KYI RNAM
GRANGS LAS, GLENG GZHI'I LE'U ZHES BYA

@20A *, ,STE DANG PO'O,, ,,DAM PA'I CHOS PAD-MA DKAR PO, BAM
PO GNYIS PA, DE NAS BCOM LDAN 'DAS DRAN PA DANG LDAN ZHING
MKHYEN BZHIN DU

TING NGE 'DZIN DE LAS BZHENGS SO, ,BZHENGS NAS TSE DANG LDAN PA
SH'A RA-DWA TI'I BU LA BKA' STZAL PA, SH'A RI'I BU, DE BZHIN
GSHEGS PA DGRA BCOM PA YANG DAG PAR RDZOGS

PA'I SANGS RGYAS RNAMS KYIS THUGS SU CHUD PA, SANGS RGYAS KYI YE
SHES NI ZAB PA, MTHONG BAR DKA' BA, RTOGS PAR DKA' BA STE, NYAN
THOS DANG RANG SANGS RGYAS THAMS

CAD KYIS SHES PAR DKA'O, ,DE CI'I PHYIR ZHEN, SH'A RI'I BU, DE
BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS RNAMS NI, SANGS RGYAS BYE BA KHRAG

KHRIG BRGYA STONG MANG PO LA BSNYEN BKUR MDZAD MDZAD PA, SANGS
RGYAS BYE BA KHRAG KHRIG BRGYA STONG MANG PO LA BLA NA MED PA
YANG DAG PAR RDZOGS PA'I BYANG CHUB TU SPYOD PA SPYAD SPYAD

PA, YUN RING PO NAS RJES SU ZHUGS PA, BRTZON 'GRUS MDZAD MDZAD
PA STE, NGO MTSAR DANG RMAD DU BYUNG BA'I CHOS DANG LDAN ZHING
SHES PAR DKA' BA'I CHOS RNAMS MKHYEN YANG DAG PAR

, SH'A RI'I BU, DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS RNAMS KYI LDEM POR DGONGS TE BSHAD PA NI
SHES PAR DKA'O,,

@20B DE CI'I PHYIR ZHE NA, RANG GIS RIG PA'I CHOS RNAMS THABS
MKHAS PA DANG, YE SHES MTHONG BA DANG, RGYU DANG, GZHI DANG
,DMIGS PA DANG, NGES PA'I TSIG DANG, RNAM PAR RIG

BYED SNA TSOGS KYIS YANG DAG PAR STON TE, THABS MKHAS PA DE DANG
DE DAG GIS SEMS CAN DE DANG DE LA CHAGS PA RNAMS RAB TU 'GREL
BA'I PHYIR RO, ,SH'A RI'I BU, DE BZHIN

GSHEGS PA DGRA BCOM PA YANG DAG PAR RDZOGS PA'I SANGS RGYAS
RNAMS NI THABS MKHAS PA CHEN PO DANG, YE SHES MTHONG BA DAM PA'I
PHA ROL TU BYON PA'O, ,SH'A RI'I BU, DE

BZHIN GSHEGS PA DGRA BCOM PA YANG DAG PAR RDZOGS PA'I SANGS
RGYAS RNAMS NI, CHAGS PA MED CING THOGS PA MED PA'I YE SHES
MTHONG BA DANG, STOBS DANG, MI 'JIGS

PA DANG, MA 'DRES PA DANG, DBANG PO DANG, STOBS DANG, BYANG CHUB
KYI YAN LAG DANG, BSAM GTAN DANG, RNAM PAR THAR PA DANG, TING
NGE 'DZIN DANG SNYOMS PAR 'JUG PA

DANG, RMAD DU BYUNG BA'I CHOS DANG LDAN TE, CHOS RNAM PA SNA
TSOGS YANG DAG PAR STON PA'O, ,SHA' RI'I BU, ,DE BZHIN GSHEGS PA
DGRA BCOM PA YANG DAG PAR RDZOGS PA'I SANGS

RGYAS RNAMS NI NGO MTSAR CHEN PO BRNYES PA'O, ,SHA' RI'I BU, DE
TZAM GYIS BSHAD PA CHOS PAR GYIS ZHIG ,SHA' RI'I BU DE BZHIN
GSHEGS PA DGRA BCOM PA YANG DAG PAR

@21A *, ,RDZOGS PA'I SANGS RGYAS RNAMS NI NGO MTSAR MCHOG BRNYES
PA STE, SH'A RI'I BU, DE BZHIN GSHEGS PAS CHOS GANG MKHYEN PA'I
CHOS DE'ANG DE BZHIN

GSHEGS PAS DE BZHIN GSHEGS PA NYID LA 'CHAD DO, ,SH'A RI'I BU,
CHOS THAMS CAD KYANG DE BZHIN GSHEGS PA NYID STON TO, ,CHOS
THAMS CAD KYANG DE BZHIN GSHEGS

PA NYID KYIS MKHYEN TE CHOS DE DAG GANG YIN PA DANG, CHOS DE DAG
JI LTA BU YIN PA DANG, CHOS DE DAG CI 'DRA BA DANG, CHOS DE DAG
GIS MTSAN NYID GANG YIN PA DANG, CHOS

DE DAG GI NGO BO NYID CI YIN PA DANG, CHOS DE DAG GANG YIN PA
DANG, JI LTA BU YIN PA DANG, CI 'DRA BA DANG, MTSAN NYID GANG
YIN PA DANG, NGO BO NYID CI YIN PA'ANG MKHYEN TO, ,DE NAS

BCOM LDAN 'DAS KYIS DON DE NYID RGYAS PAR STON CING DE'I TSE
TSIGS SU BCAD PA 'DI DAG BKA' STZAL TO, ,LHA MIR BCAS PA'I 'JIG
RTEN NA, ,DPA' BO CHEN PO DPAG MED PA, ,

RNAM 'DREN SEMS CAN THAMS CAD KYIS, ,RNAM PA KUN TU SHES MI NUS,
,DE DAG STOBS DANG RNAM THAR DANG, ,'JIGS MED GANG DAG CI 'DRA
DANG, ,SANGS RGYAS CHOS RNAMS CI

'DRA BA; ;SUS KYANG SHES PAR MI NUS SO, ,SANGS RGYAS BYE BA GANG
DAG NA, ,ZAB CING SHIN TU PHRA BA DANG, ,RIG DKA' MTHONG BAR
DKA' BA YI, ,SPYOD PA DAG NI SNGAN CHAD BSNYEN, ,

@21B BSKAL PA BYE BA BSAM YAS SU, ,SPYOD PA DE DAG SPYAD PA YI,
,'BRAS BU DE NI CI 'DRA BA, ,BYANG CHUB SNYING POR NGAS MTHONG
NGO, ,DE NI 'JIG RTEN RNAM 'DREN PA, ,GZHAN DAG NA NI NGAS KYANG
DE,,

CI LTA YIN DANG CI 'DRA DANG, ,DE YI MTSAN NYID CI 'DRA SHES,
,DE NI BSTAN DU MI NUS TE, ,DE NI BRJOD DU YONG MED DO, ,MOS PA
LA NI GANG GNAS PA, ,BYANG CHUB SEMS DPA' MA GTOGS

PAR; ;GANG LA CHOS DE BSTAN PA DANG, ,BSTAN PA DAG KYANG SHES
PA YI, ,DE 'DRA'I SEMS CAN SU YANG NI, ,'JIG RTEN DAG NA YOD 
MA YIN, ,GANG DAG 'JIG RTEN MKHYEN PA'I NYAN THOS

PA; ;LHAG PAR BYAS PA BDE BAR GSHEGS PAS BSNGAGS, ,ZAG ZAD THA
MA'I LUS 'DZIN DE DAG GI ,YUL NI RGYAL BA'I YE SHES 'DI LA MED,
,GAL TE 'JIG RTEN DE DAG THAMS

CAD DU; ;SH'A RI'I BU DANG 'DRA BAS GANG GYUR TE, ,GCIG TU 'DUS
PAR GYUR NAS RNAM BSAMS KYANG, ,DE DAG BDER GSHEGS YE SHES SHES
MI NUS, ,GAL TE KHYOD DANG 'DRA BA'I

MKHAS RNAMS KYIS, ,PHYOGS RNAMS BCU CHAR GANG BAR GYUR PA DANG,
,GANG YANG NGA YI NYAN THOS 'DI GZHAN RNAMS, ,DE DAG GIS KYANG
DE BZHIN GANG GYUR TE, ,DE DAG THAMS CAD GCIG

TU DENG 'DUS NAS, ,BDE BAR GSHEGS PA'I YE SHES RNAMS BSAMS
KYANG, ,JI TZAM TSAD MED YE SHES NGAS SHES PA, ,THAMS CAD 'DUS
PAS SHES PAR MI NUS SO, ,ZAG PA MED PAR

@22A *, ,GYUR PA'I RANG SANGS RGYAS, ,DBANG PO RNO BA THA MA'I
LUS 'DZIN PAS, ,JI LTAR SMYIG DANG 'DAM BU'I TSAL BZHIN DU,
,PHYOGS BCU THAMS CAD

GANG BAR GYUR PA DAG ,GCIG TU 'DUS NAS RNAM PAR BSAMS BYAS
KYANG, ,NGA YI CHOS KYI MCHOG GI PHYOGS TZAM YANG, ,BSKAL PA BYE
BA KHRAG KHRIG MTHA' YAS SU, ,DE YI YANG

DAG DON NI YONG MI SHES, ,BYANG CHUB SEMS DPA' THEG PAR GSAR
ZHUGS PA, ,SANGS RGYAS BYE BA MANG LA BYA BA BYAS, ,SHIN TU NGES
DON CHOS SMRA MANG PO RNAMS, ,DE DAG GIS KYANG

PHYOGS BCU GANG GYUR TE, ,SMYIG DANG 'DAM BU BZHIN DU 'JIG RTEN
KUN, ,BAR MTSAMS MED PAR RTAG TU GANG GYUR LA, ,GCIG TU 'DUS NAS
RNAM PAR SEMS BYED CING, ,SHES

RAB PHRA BAS GZHAN DU MI SEMS PAR, ,BSKAL PA BYE BA MANG PO DPAG
MED PA, ,GANG-G'A'I ? BYE MA SNYED DU BSAMS BYAS KYANG, ,CHOS
GANG BDE BAR GSHEGS PAS MNGON GZIGS PA, ,'DI

LA DE DAG RNAMS KYI YUL MED DO, ,PHYIR MI LDOG PA'I BYANG CHUB
SEMS DPA' GANG, ,MI NYUNG GANG-G'A'I ? BYE MA SNYED RNAMS
KYIS, ,GZHAN DU MI SEMS RNAM PAR BSAMS BYAS KYANG,,

'DI LA DE DAG GI YANG YUL MED DO, ,ZAB CING SHIN TU PHRA BA'I
CHOS RTOGS SHING, ,RTOG PA MED LA THAMS CAD ZAG MED PA, ,PHYOGS
BCU'I 'JIG RTEN RGYAL BA DE DAG DANG, ,NGAS NI

@22B 'DI NA DE DAG CI 'DRA SHES, ,GZHAN MIN GSUNG BA RGYAL BA
DRANG SRONG CHE, ,YUN RING DUS NA MCHOG GI DON 'CHAD KYI, ,BDE
BAR GSHEGS PAS GANG BSTAN DE LA NI, ,MOS PA PHUN SUM TSOGS

BYOS SH'A RI'I BU, ,NYAN THOS PA NI 'DI DAG THAMS CAD DANG,
,RANG SANGS RGYAS SU MI GANG ZHUGS PA DANG, ,MYA NGAN 'DAS LA
NGAS NI GANG BKOD CING, ,SDUG BSNGAL RGYUD LAS YANG DAG DKROL

LA BSGO'O, ,GANG PHYIR 'JIG RTEN DU NI CHOS MANG BSHAD, ,DE DANG
DE LA CHAGS PA RAB BKROL ZHING, ,THEG PA GSUM DAG NYE BAR BSTAN
PA NI, ,DE DAG NGA YI THABS MKHAS MCHOG YIN NO,

DE NAS 'KHOR DE NA KUN SHES KOO ndI NYA LA SOGS PA NYAN THOS
CHEN PO GANG DAG DGRA BCOM PA ZAG PA ZAD PA DBANG DANG LDAN PAR
GYUR PA STONG NYIS BRGYA DANG, GZHAN YANG GANG DAG NYAN THOS

KYI THEG PA LA ZHUGS PA'I DGE SLONG DANG, DGE SLONG MA DANG, DGE
BSNYEN DANG, DGE BSNYEN MA DAG DANG, GANG YANG RANG SANGS RGYAS
KYI THEG PA LA ZHUGS PA DE DAG THAMS CAD 'DI

SNYAM DU SEMS TE, BCOM LDAN 'DAS KYIS DE BZHIN GSHEGS PA RNAMS
KYI THABS MKHAS PA CHER BSNGAGS PA DANG, CHOS ZAB MO DE YANG
MNGON PAR RDZOGS PAR SANGS RGYAS SO ZHES

GSUNG ZHING NYAN THOS DANG, RANG SANGS RGYAS THAMS CAD KYIS SHES
PAR DKA'O ZHES GSUNGS PA'I RGYU NI GANG, GZHI NI CI ZHIG ,'DI
LTAR BCOM LDAN 'DAS KYIS RNAM PAR

@23A *, ,GROL BA GCIG GO ,ZHES BKA' STZAL TO, ,BDAG CAG RNAMS
KYANG SANGS RGYAS KYI CHOS RNAMS RNYED PAR 'GYUR ZHING MYA NGAN
LAS 'DAS PA THOB PA YIN MOD KYI,

BCOM LDAN 'DAS KYIS GSUNGS PA DE'I DON BDAG CAG GIS MA RIG GO
SNYAM MO, ,DE NAS TSE DANG LDAN PA SH'A RI'I BUS 'KHOR BZHI PO
DE DAG SOM NYI DANG THE TSOM ZA BAR RIG STE, SEMS

KYI RNAM PAR RTOG PA SEMS KYIS SHES NAS, BDAG NYID KYANG CHOS LA
THE TSOM ZA BAR GYUR TE, DE'I TSE BCOM LDAN 'DAS LA 'DI SKAD CES
GSOL TO, ,BCOM LDAN 'DAS, 'DI LTAR

BCOM LDAN 'DAS KYIS DE BZHIN GSHEGS PA RNAMS KYI THABS MKHAS PA
MKHYEN PA'I CHOS BSTAN PA YANG DANG YANG BSNGAGS PA MDZAD PA
DANG, CHOS ZAB MO NGAS MNGON PAR RDZOGS

PAR SANGS RGYAS SO ZHES BGYI BA DANG, LDEM POR DGONGS TE BSHAD
PA'ANG SHES PAR DKA'O ZHES YANG DANG YANG GSUNGS PA'I RGYU GANG
LAGS, RKYEN GANG LAGS, BDAG GIS

BCOM LDAN 'DAS LAS CHOS KYI RNAM GRANGS 'DI LTA BU SNGON CHAD MA
THOS TE, BCOM LDAN 'DAS, 'KHOR BZHI PO 'DI DAG KYANG THE TSOM
DANG SOM NYI 'TSAL NA, DE BZHIN GSHEGS

PAS CI LA DGONGS TE, DE BZHIN GSHEGS PA'I CHOS ZAB MO YANG DANG
YANG GSUNG BA MDZAD PA DE BCOM LDAN 'DAS KYIS LEGS PAR BSHAD DU
GSOL, DE NAS TSE DANG LDAN PA

@23B SH'A RI'I BUS DE'I TSE TSIGS SU BCAD PA 'DI DAG GSOL TO,
,STOBS DANG RNAM THAR BSAM GTAN DAG ,DPAG TU MED PA NGAS THOB
CES, ,RING NAS MI YI NYI MA YIS, ,DENG GDOD DKA'

MCHID 'DI 'DRA MDZAD, ,KHYOD LA ZHU BA MA MCHIS PAR, ,BYANG CHUB
SNYING PO'ANG BRJOD PA MDZAD, ,KHYOD LA SU YANG MI ZHU BAR,
,SDEM POR DGONGS TE BSHAD PA BRJOD, ,MA ZHUS PAR NI GSUNG

MDZAD DE, ,NYID KYI SPYOD PA BSNGAGS PA MDZAD, ,YE SHES BRNYES
PA BRJOD MDZAD CING, ,ZAB MO DAG KYANG RAB BSHAD PAS, ,DBANG
LDAN GYUR CING ZAG MED PA, ,MYA NGAN 'DAS PAR GANG BZHUGS

RNAMS; ;RGYAL BA CI ZHIG GSUNG SNYAM STE, ,DE RING 'DI DAG THE
TSOM 'GYUR, ,RANG RGYAL BYANG CHUB GANG 'TSAL BA, ,DGE SLONG DE
BZHIN DGE SLONG MA, ,LHA DANG KLU DANG GNOD SPYIN DANG, ,LTO

'PHYE CHE DANG DRI ZA DAG ,THE TSOM 'TSAL ZHING RNAM SEMS TE,
,DE DAG PHAN TSUN GTAM MCHI ZHING, ,RKANG GNYIS MCHOG LA RAB LTA
NA, ,THUB PA CHEN PO LUNG BSTAN GSOL, ,BDE BAR

GSHEGS PA'I NYAN THOS RNAMS, ,'DE NA JI SNYED MCHIS PA KUN, ,DE
YI NANG NA BDAG MCHOG CES, ,DRANG SRONG MCHOG GIS BSTAN LAGS NA,
,MI YI GTZO BO NYID KYI GNAS, ,'DI LA

BDAG KYANG THE TSOM 'TSAL, ,MYA NGAN 'DAS MTHAR BDAG PHYIR TAM,
,'ON TE BDAG LA SPYOD BSTAN TAM, ,RNGA MCHOG DBYANGS KYIS RAB TU
GSUNG PHYUNG STE, ,CHOS 'DI JI LTA LAGS PA

@24A *, ,BSHAD DU GSOL, ,RGYAL SRAS THUGS SRAS MCHIS PA 'DI DAG
RNAMS, ,THAL MO SBYAR BAR BGYIS NAS RGYAL LA LTA, ,LHA DANG KLU
DANG GNOD SPYIN SRIN POR

BCAS; ;BYE BA STONG PHRAG GANG-GA'I ? BYE MA SNYED, ,BYANG
CHUB MCHOG 'DI 'TSAL PA GANG LAGS PA, ,BRGYAD KHRI TSANG BAR
GANG MCHIS DE DAG DANG, ,SA BDAG 'KHOR LO SGYUR BA'I RGYAL PO

GANG, ,BYE BA STONG GI ZHING NAS LHAGS PA DAG ,SPYOD PA JI LTAR
YONGS SU RDZOGS BGYI ZHIS, ,THAMS CAD THAL MO SBYAR TA GUS PAR
MCHIS, ,DE SKAD CES GSOL PA DANG, BCOM

LDAN 'DAS KYIS TSE DANG LDAN PA SH'A RI'I BU LA 'DI SKAD CES
BKA' STZAL TO, ,SH'A RI'I BU, DON 'DI BSHAD PAS CI ZHIG BYA, DE
CI'I PHYIR ZHEN, SH'A RI'I BU, DON 'DI BSHAD NA

LHA DANG BCAS PA'I 'JIG RTEN 'DI DANG NGAS PAR 'GYUR RO, ,YANG
TSE DANG LDAN PA SH'A RI'I BUS, BCOM LDAN 'DAS LA LAN GNYIS SU
GSOL BA BTAB PA, DON 'DI NYID BCOM LDAN

'DAS; BSHAD DU GSOL, BDE BAR GSHEGS PA, BSHAD DU GSOL, DE 
CI'I SLAD DU ZHE NA, BCOM LDAN 'DAS, 'KHOR 'DI NA SROG 
CHAGS BRGYA PHRAG MANG PO, SROG

CHAGS STONG PHRAG MANG PO, SROG CHAGS BRGYA STONG PHRAG MANG PO,
SROG CHAGS BYE BA KHRAG KHRIG BRGYA STONG MANG PO SNGON GYI
SANGS RGYAS MTHONG BA SHES RAB DANG LDAN PA GANG DAG ,

@24B BCOM LDAN 'DAS KYIS BSHAD PA LA DAD PA DANG, YID CHES PA
DANG, 'DZIN PAR 'GYUR BA MCHIS SO, ,DE NAS DE'I TSE TSE DANG
LDAN PA SH'A RI'I BUS TSIGS SU BCAD PA 'DI GSOL TO, ,

SROG CHAGS STONG RNAMS 'KHOR NA MCHIS PA DAG ,DAD DGA' BDE BAR
GSHEGS LA GUS PA STE, ,KHYOD KYI CHOS BSTAN DE DAG 'TSAL BAR
'GYUR, ,MI DBANG RGYAL PO GSAL BAR

BSHAD DU GSOL, ,DE NAS BCOM LDAN 'DAS KYIS TSE DANG LDAN PA SH'A
RI'I BU LA LAN GNYIS SU YANG 'DI SKAD CES BKA' STZAL TO, ,SH'A
RI'I BU, DON 'DI BSHAD PAS CI ZHIG BYA,

SH'A RI'I BU, DON 'DI BSHAD NA LHA DANG BCAS PA'I 'JIG RTEN 'DI
DANG NGAS PAR 'GYUR TE, DGE SLONG LHAG PA'I NGA RGYAL CAN DU
GYUR PA RNAMS G-YANG SA CHEN POR LHUNG BAR 'GYUR

RO; ;DE NAS BCOM LDAN 'DAS KYIS DE'I TSE TSIGS SU BCAD PA 'DI
DAG BKA' STZAL TO, ,NGA YI CHOS 'DI BSHAD PAS CHOG ,YE SHES 'DI
PHRA BRTAG MI NUS, ,BYIS PA MANG 'KHOD NGA

RGYAL CAN, ,NGA YIS CHOS BSHAD MI SHES SPONG, ,DE NAS TSE DANG
LDAN PA SH'A RI'I BUS BCOM LDAN 'DAS LA LAN GSUM DU YANG GSOL BA
BTAB PA, DON 'DI NYID BCOM LDAN 'DAS,

BSHAD DU GSOL, BDE BAR GSHEGS PA, BSHAD DU GSOL, BCOM LDAN 
'DAS, 'KHOR 'DI NA BDAG DANG 'DRA BA BRGYA PHRAG MANG DU 
MCHIS SO, ,BCOM LDAN 'DAS, SROG

@25A *, ,CHAGS BRGYA PHRAG MANG PO, SROG CHAGS STONG PHRAG MANG
PO, SROG CHAGS BRGYA STONG PHRAG MANG PO, SROG CHAGS BYE BA
KHRAG KHRIG BRGYA STONG PHRAG MANG PO DAG BCOM

LDAN 'DAS SNGON GYI SRID PA DAG NA YONGS SU SMIN PAR MDZAD PA
GZHAN DAG KYANG MCHIS TE, BCOM LDAN 'DAS KYIS BSHAD PA LA DAD
PAR 'GYUR, YID CHES PAR 'GYUR, 'DZIN

PAR 'GYUR RO, ,DE'ANG DE DAG GI YUN RING PO'I DON DANG SMAN PA
DANG BDE BAR 'GYUR RO, ,DE NAS TSE DANG LDAN PA SH'A RI'I BUS
DE'I TSE TSIGS SU BCAD PA 'DI DAG GSOL TO, ,RKANG

GNYIS RNAMS KYI MCHOG GIS CHOS BSHAD GSOL, ,KHYOD LA SRAS KYI
THU BO BDAG GSOL PA, ,'DI NA SROG CHAGS BYE BA STONG MCHIS PA,
,DE DAG KHYOD KYIS CHOS BSHAD 'DI DAD

'GYUR; ;SNGON GYI SRID PA RNAMS SU KHYOD KYIS GANG, ,YUN RING
RTAG TU SEMS CAN SMIN MDZAD PA, ,DE KUN THAL MO SBYAR TE 'DI NA
MCHIS, ,DE DAG CHOS 'DI LA NI DAD PAR 'GYUR, ,

BDAG 'DRA BRGYA PHRAG BCU GNYIS 'DI DAG DANG, ,GANG DAG BYANG
CHUB MCHOG TU ZHUGS PA DAG ,DE LA GZIGS NAS BDE GSHEGS RAB BSHAD
DE, ,DE DAG DGA' BA MCHOG KYANG

BSKYED DU GSOL, ,DE NAS BCOM LDAN 'DAS KYIS TSE DANG LDAN PA
SH'A RI'I BUS LAN GSUM DU GSOL BA BTAB PA MKHYEN NAS, TSE DANG
LDAN PA SH'A RI'I BU LA 'DI SKAD CES BKA'

@25B STZAL TO; ;SH'A RI'I BU, 'DI LTAR DE BZHIN GSHEGS PA LA 
LAN GSUM GYI BAR DU GSOL BA 'DEBS NA, SH'A RI'I BU, DE LTAR 
GSOL BA 'DEBS PA LA KHYOD LA JI SKAD BYAS, SH'A RI'I BU,

DE'I PHYIR LEGS PAR RAB TU NYON LA YID LA GZUNG ZHIG DANG NGAS
KHYOD LA BSHAD DO, ,BCOM LDAN 'DAS KYIS DE SKAD CES BKA' STZAL
MA THAG TU, 'KHOR DE NAS DGE SLONG DANG, DGE

SLONG MA DANG, DGE BSNYEN DANG, DGE BSNYEN MA LHAG PA'I NGA
RGYAL CAN LNGA STONG STAN LAS LANGS TE, BCOM LDAN 'DAS KYI ZHABS
GNYIS LA MGO POS PHYAG BTZAL NAS 'KHOR DE

NAS DONG NGO, ,'DI LTAR LHAG PA'I NGA RGYAL GYIS DGE BA'I RTZA
BA MA THOB PAR NI THOB PAR 'DU SHES, KHONG DU MA CHUD PAR NI
KHONG DU CHUD PAR 'DU SHES PA DE DAG RANG GI SKYON SHES

TE; 'KHOR DE NAS DONG BA LA BCOM LDAN 'DAS KYIS CANG MI GSUNG
BAR GYUR PAS GNANG NGO, ,DE NAS BCOM LDAN 'DAS KYIS TSE DANG
LDAN PA SH'A RI'I BU LA 'DI SKAD CES BKA' STZAL TO, ,SH'A

RI'I BU; NGA'I 'KHOR SHIN TE MA MED PAR GYUR TE, SH'A RI'I BU,
SNYING PO MA YIN PA MED PAR GYUR LA DAD PA'I SNYING PO LA GNAS
TE LHAG PA'I NGA RGYAL CAN DE DAG DONG BA'ANG LEGS SO, ,SH'A
RI'I

BU; DE LTA BAS NA DE'I DON BSHAD DO, ,BCOM LDAN 'DAS, LEGS SO
ZHES GSOL NAS, SH'A RI'I BU, BCOM LDAN 'DAS KYI LTAR NYAN PA
DANG, BCOM LDAN 'DAS KYIS 'DI SKAD CES BKA'

@26A *, ,STZAL TO, ,SH'A RI'I BU, DE BZHIN GSHEGS PA NI BRGYA LA
RES 'GA' ZHIG 'DI LTA BU'I CHOS BSTAN PA GSUNG NGO, ,'DI LTA
STE, DPER NA, AU DUM-BA RA'I TSAL LA

ME TOG NI BRGYA LA RES 'GA' 'BYUNG NGO, ,SH'A RI'I BU, DE BZHIN
DU DE BZHIN GSHEGS PA'ANG BRGYA LA RES 'GA' ZHIG CHOS BSTAN PA
'DI LTA BU GSUNG NGO, ,SH'A RI'I BU, NGA LA YID CHES

PAR GYIS SHIG ,NGA NI BDEN PAR SMRA BA'O, ,NGA NI YANG DAG PAR
SMRA BA'O, ,NGA NI GZHAN MA YIN PAR SMRA BA'O, ,SH'A RI'I BU, DE
BZHIN GSHEGS PA'I LDEM POR DGONGS TE BSHAD PA'I

DON KHONG DU CHUD PAR DKA'O, ,DE CI'I PHYIR ZHE NA, SH'A RI'I
BU, NGAS NGES PA'I TSIG DANG, BSTAN PA DANG, BRJOD PA DANG, DPE
SNA TSOGS DANG, THABS LA MKHAS PA RNAM PA BRGYA STONG

DAG GIS CHOS RAB TU BSHAD PA NI RTOG TU MED CING RTOG GE'I SPYOD
YUL MA YIN PA'I PHYIR TE, SH'A RI'I BU, CHOS DE NI DE BZHIN
GSHEGS PAS MKHYEN PAR BYA BA'O, ,DE CI'I PHYIR ZHE

NA; SH'A RI'I BU, BYA BA GCIG DANG, BYED PA GCIG DANG, BYA BA
CHEN PO DANG, BYED PA CHEN PO'I PHYIR, BYA BA GANG DANG, BYED PA
GANG GIS DE BZHIN GSHEGS PA DGRA BCOM PA YANG DAG

PAR RDZOGS PA'I SANGS RGYAS 'JIG RTEN DU 'BYUNG BA'I PHYIR RO,
,SH'A RI'I BU, DE BZHIN GSHEGS PA'I BYA BA GCIG PO DANG, BYED PA
GCIG PO DANG, BYA BA CHEN PO DANG, BYED PA CHEN PO

@26B DANG; BYA BA GANG DANG, BYED PA GANG GIS DE BZHIN GSHEGS 
PA DGRA BCOM PA YANG DAG PAR RDZOGS PA'I SANGS RGYAS 'JIG RTEN 
DU 'BYUNG BA GANG ZHE NA, DE NI SEMS CAN RNAMS DE BZHIN GSHEGS

PA'I YE SHES MTHONG BA YANG DAG PAR 'DZIN DU GZUD PA'I RGYU'I
PHYIR, DE BZHIN GSHEGS PA DGRA BCOM PA YANG DAG PAR RDZOGS PA'I
SANGS RGYAS 'JIG RTEN DU 'BYUNG NGO, ,SEMS CAN RNAMS

LA DE BZHIN GSHEGS PA'I YE SHES MTHONG BA YANG DAG PAR BSTAN
PA'I RGYU'I PHYIR, DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS 'JIG RTEN DU 'BYUNG NGO, ,

SEMS CAN RNAMS DE BZHIN GSHEGS PA'I YE SHES MTHONG BA LA ZHUGS
PA'I RGYU'I PHYIR, DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS 'JIG RTEN DU 'BYUNG

NGO; ;SEMS CAN RNAMS DE BZHIN GSHEGS PA'I YE SHES MTHONG BA
KHONG DU CHUD PAR BYA BA'I RGYU'I PHYIR, DE BZHIN GSHEGS PA DGRA
BCOM PA YANG DAG PAR RDZOGS PA'I SANGS RGYAS 'JIG

RTEN DU 'BYUNG NGO, ,SEMS CAN RNAMS DE BZHIN GSHEGS PA'I YE SHES
MTHONG BA'I LAM DU GZUD PA'I RGYU'I PHYIR, DE BZHIN GSHEGS PA
DGRA BCOM PA YANG DAG PAR RDZOGS PA'I SANGS

RGYAS 'JIG RTEN DU 'BYUNG STE, SH'A RI'I BU, DE NI DE BZHIN
GSHEGS PA'I BYA BA GCIG PO DANG, BYED PA GCIG PO DANG, BYA BA
CHEN PO DANG, BYED PA CHEN PO DANG, 'JIG RTEN DU 'BYUNG BA'I

@27A *, ,DGONGS PA GCIG PA'O, ,SH'A RI'I BU, DE LTAR DE BZHIN
GSHEGS PAS BYA BA GCIG PO DANG, BYED PA GCIG PO DANG, BYA BA
CHEN PO DANG, BYED PA CHEN PO DE DE BZHIN

GSHEGS PAS MDZAD DO, ,DE CI'I PHYIR ZHE NA, SH'A RI'I BU, NGA NI
DE BZHIN GSHEGS PA'I YE SHES MTHONG BA YANG DAG PAR 'DZIN DU
'JUG PA'O, ,SH'A RI'I BU, NGA NI DE BZHIN

GSHEGS PA'I YE SHES MTHONG BA YANG DAG PAR STON PA'O, SH'A RI'I
BU, NGA NI DE BZHIN GSHEGS PA'I YE SHES MTHONG BA LA 'JUG PAR
BYED PA'O, ,SH'A RI'I BU, NGA NI DE BZHIN

GSHEGS PA'I YE SHES MTHONG BA KHONG DU CHUD PAR BYED DO, ,SH'A
RI'I BU, NGA NI DE BZHIN GSHEGS PA'I YE SHES MTHONG BA'I LAM LA
'DZUD PA'O, ,SH'A RI'I BU, NGA'ANG THEG PA

GCIG LAS BRTZAMS TE SEMS CAN RNAMS LA CHOS STON PA 'DI LTA STE,
SANGS RGYAS KYI THEG PA THAMS CAD MKHYEN PA NYID KYI MTHAR THUG
PA STE, THEG PA GNYIS SAM GSUM ZHES

BYA BA GANG YANG MED DO, ,SH'A RI'I BU, PHYOGS BCU'I 'JIG RTEN
THAMS CAD NA'ANG CHOS NYID NI 'DI'O, ,DE CI'I PHYIR ZHE NA, SH'A
RI'I BU, DE BZHIN GSHEGS PA DGRA BCOM PA YANG

DAG PAR RDZOGS PA'I SANGS RGYAS GANG DAG 'DAS PA'I DUS NA PHYOGS
BCU'I 'JIG RTEN GYI KHAMS DPAG TU MED GRANGS MED PA RNAMS SU
BYUNG STE, SEMS CAN MOS PA THA DAD PA DANG,

@27B KHAMS DANG BSAM PA THA DAD PA RNAMS KYI BSAM PA MKHYEN NAS
SKYE BO MANG PO LA PHAN PA DANG, SKYE PO MANG PO LA BDE BA DANG,
'JIG RTEN LA SNYING BRTZE BA DANG, SKYE BO PHAL PO CHE DANG, LHA
DANG

MI RNAMS KYI DON DANG PHAN PA DANG BDE BA'I PHYIR SNA TSOGS
MNGON PAR BSGRUB PA BSTAN PA DANG, RGYU DANG, GZHI DANG, DPE
DANG, DMIGS PA DANG, NGES PA'I TSIG DANG, THABS MKHAS PA

RNAM PA SNA TSOGS KYIS CHOS BSTAN PA'I SANGS RGYAS BCOM LDAN
'DAS DE DAG THAMS CAD KYANG, SH'A RI'I BU, THEG PA GCIG LA
BRTZAMS NAS SEMS CAN RNAMS LA CHOS BSTAN TE

DE'ANG 'DI LTAR SANGS RGYAS KYI THEG PA THAMS CAD MKHYEN PA NYID
KYI MTHAR THUG PA STE, GANG 'DI SEMS CAN RNAMS DE BZHIN GSHEGS
PA'I YE SHES MTHONG BA NYID YANG DAG PAR 'DZIN

DU 'DZUD PA, DE BZHIN GSHEGS PA'I YE SHES MTHONG BA NYID STON
PA, DE BZHIN GSHEGS PA'I YE SHES MTHONG BA NYID LA 'JUG PAR BYED
PA, DE BZHIN GSHEGS PA'I YE SHES MTHONG

BA NYID KHONG DU CHUD PAR BYED PA, SEMS CAN RNAMS DE BZHIN
GSHEGS PA'I YE SHES MTHONG BA NYID KYI LAM DU 'JUG PAR BYED PA'I
CHOS STON TE, SH'A RI'I BU, 'DAS PA'I DE BZHIN

GSHEGS PA DGRA BCOM PA YANG DAG PAR RDZOGS PA'I SANGS RGYAS DE
DAG LAS SEMS CAN GANG DAG GIS CHOS DE THOS PA DE DAG THAMS CAD
KYANG BLA NA MED PA YANG DAG PAR RDZOGS PA'I

@28A *, ,BYANG CHUB THOB PAR GYUR TO, ,SH'A RI'I BU, MA 'ONGS
PA'I DUS NA PHYOGS BCU'I 'JIG RTEN GYI KHAMS DPAG TU MED GRANGS
MED PA RNAMS SU DE BZHIN GSHEGS

PA DGRA BCOM PA YANG DAG PAR RDZOGS PA'I SANGS RGYAS GANG DAG
'BYUNG BA, SEMS CAN MOS PA THA DAD PA DANG, BSAM PA THA DAD PA
DANG KHAMS THA DAD PA RNAMS KYI BSAM PA MKHYEN

NAS; SKYE BO MANG PO LA PHAN PA DANG, SKYE BO MANG PO LA BDE BA
DANG, 'JIG RTEN LA SNYING BRTZE BA DANG, SKYE BO PHAL PO CHE
DANG LHA DANG MI RNAMS KYI DON DANG PHAN PA DANG BDE BA'I PHYIR
SNA

TSOGS MNGON PAR BSGRUB PA BSTAN PA DANG, RGYU DANG, GZHI DANG,
DPE DANG, DMIGS PA DANG, NGES PA'I TSIG DANG, THABS MKHAS PA
RNAM PA SNA TSOGS KYIS CHOS STON PAR

'GYUR BA'I SANGS RGYAS BCOM LDAN 'DAS DE DAG THAMS CAD KYANG,
SH'A RI'I BU, THEG PA GCIG LAS BRTZAMS NAS SEMS CAN RNAMS LA
CHOS STON PAR 'GYUR TE, DE'ANG 'DI

LTAR SANGS RGYAS KYI THEG PA THAMS CAD MKHYEN PA NYID KYI MTHAR
THUG PA STE, GANG 'DI SEMS CAN RNAMS DE BZHIN GSHEGS PA'I YE
SHES MTHONG BA NYID YANG DAG PAR 'DZIN DU

'JUG PA, DE BZHIN GSHEGS PA'I YE SHES MTHONG BA NYID STON PA, DE
BZHIN GSHEGS PA'I YE SHES MTHONG BA NYID LA 'JUG PAR BYED PA, DE
BZHIN GSHEGS PA'I YE

@28B SHES MTHONG BA NYID KHONG DU CHUD PAR BYED PA, SEMS CAN
RNAMS DE BZHIN GSHEGS PA'I YE SHES MTHONG BA NYID KYI LAM DU
'JUG PAR BYED PA'I CHOS STON PAR 'GYUR TE, SH'A RI'I BU, MA

'ONGS PA'I DE BZHIN GSHEGS PA DGRA BCOM PA YANG DAG PAR RDZOGS
PA'I SANGS RGYAS DE DAG LAS SEMS CAN GANG DAG CHOS NYAN PA DE
DAG THAMS CAD KYANG BLA NA MED PA YANG DAG PAR

RDZOGS PA'I BYANG CHUB THOB PAR 'GYUR RO, ,SH'A RI'I BU, DA LTAR
BYUNG BA'I DUS NA PHYOGS BCU'I 'JIG RTEN GYI KHAMS DPAG TU MED
GRANGS MED PA DAG NA DE BZHIN GSHEGS PA DGRA BCOM

PA YANG DAG PAR RDZOGS PA'I SANGS RGYAS GANG DAG BZHUGS TE 'TSO
ZHING GZHES PA, SEMS CAN MOS PA THA DAD PA DANG, KHAMS DANG BSAM
PA THA DAD PA RNAMS KYI BSAM PA MKHYEN

NAS; SKYE BO MANG PO LA PHAN PA DANG, SKYE BO MANG PO LA BDE BA
DANG, 'JIG RTEN LA SNYING BRTZE BA DANG SKYE BO PHAL PO CHE DANG
LHA DANG MI RNAMS KYI DON DANG PHAN PA DANG BDE BA'I PHYIR SNA
TSOGS

MNGON PAR BSGRUB PA BSTAN PA DANG, RGYU DANG, GZHI DANG, DPE
DANG, DMIGS PA DANG, NGES PA'I TSIG DANG THABS MKHAS PA RNAM PA
SNA TSOGS KYIS CHOS STON PA'I SANGS RGYAS BCOM

LDAN 'DAS DE DAG THAMS CAD KYANG, SH'A RI'I BU, THEG PA GCIG LAS
BRTZAMS NAS SEMS CAN RNAMS LA CHOS STON TE, DE'ANG 'DI LTAR
SANGS RGYAS KYI THEG PA THAMS CAD MKHYEN

@29A *, ,PA NYID KYI MTHAR THUG PA STE, GANG 'DI SEMS CAN RNAMS
DE BZHIN GSHEGS PA'I YE SHES MTHONG BA NYID YANG DAG PAR 'DZIN
DU 'JUG PA, DE BZHIN GSHEGS

PA'I YE SHES MTHONG BA NYID STON PA, DE BZHIN GSHEGS PA'I YE
SHES MTHONG BA NYID LA 'JUG PAR BYED PA, DE BZHIN GSHEGS PA'I YE
SHES MTHONG BA NYID KHONG DU CHUD PAR

BYED PA; SEMS CAN RNAMS DE BZHIN GSHEGS PA'I YE SHES MTHONG BA
NYID KYI LAM DU 'JUG PAR BYED PA'I CHOS STON TE, SH'A RI'I BU,
DA LTAR GYI DE BZHIN GSHEGS PA DGRA

BCOM PA YANG DAG PAR RDZOGS PA'I SANGS RGYAS DE DAG LAS, SEMS
CAN GANG DAG CHOS NYAN PA DE DAG THAMS CAD KYANG BLA NA MED PA
YANG DAG PAR RDZOGS PA'I BYANG CHUB THOB PAR

'GYUR RO, ,SH'A RI'I BU, DE LTAR DE BZHIN GSHEGS PA DGRA BCOM PA
YANG DAG PAR RDZOGS PA'I SANGS RGYAS NGA'ANG SEMS CAN MOS PA THA
DAD PA DANG, KHAMS DANG BSAM PA THA

DAD PA RNAMS KYI BSAM PA MKHYEN NAS SKYE BO MANG PO LA PHAN PA
DANG SKYE BO MANG PO LA BDE BA DANG 'JIG RTEN LA SNYING BRTZE BA
DANG SKYE BO PHAL PO CHE DANG LHA DANG MI RNAMS KYI DON DANG
PHAN

PA DANG BDE BA'I PHYIR, SNA TSOGS MNGON PAR BSGRUB PA BSTAN PA
DANG, RGYU DANG, GZHI DANG, DPE DANG, DMIGS PA DANG, NGES PA'I
TSIG DANG THABS MKHAS PA RNAM PA SNA TSOGS KYIS

@29B CHOS STON TO, ,SH'A RI'I BU, NGA'ANG THEG PA GCIG LAS
BRTZAMS NAS SEMS CAN RNAMS LA CHOS STON TE, 'DI LTAR SANGS RGYAS
KYI THEG PA THAMS CAD MKHYEN PA NYID KYI MTHAR THUG PA STE,

GANG 'DI'I SEMS CAN RNAMS DE BZHIN GSHEGS PA'I YE SHES MTHONG BA
NYID YANG DAG PAR 'DZIN DU 'JUG PA DANG, DE BZHIN GSHEGS PA'I YE
SHES MTHONG BA NYID STON PA DANG, DE

BZHIN GSHEGS PA'I YE SHES MTHONG BA NYID LA 'JUG PAR BYED PA, DE
BZHIN GSHEGS PA'I YE SHES MTHONG BA NYID KHONG DU CHUD PAR BYED
PA, SEMS CAN RNAMS DE BZHIN GSHEGS

PA'I YE SHES MTHONG BA NYID KYI LAM DU 'JUG PAR BYED PA'I CHOS
STON TE, SH'A RI'I BU, SEMS CAN GANG DAG DA LTAR NGA LA 'DI LTAR
CHOS NYAN PA DE DAG THAMS CAD KYANG BLA NA MED PA YANG

DAG PAR RDZOGS PA'I BYANG CHUB THOB PAR 'GYUR RO, ,SH'A RI'I BU
RNAM GRANGS 'DIS KYANG 'DI LTAR RIG PAR BYA STE, 'DI LTAR PHYOGS
BCU'I 'JIG RTEN GANG NA'ANG THEG PA GNYIS SU

GDAGS PA'ANG MED NA GSUM DU LTA GA LA YOD, 'ON KYANG DE BZHIN
GSHEGS PA DGRA BCOM PA YANG DAG PAR RDZOGS PA'I SANGS RGYAS NAM
BSKAL PA'I SNYIGS MA LAS BYUNG

NGAM, SEMS CAN GYI SNYIGS MA'AM, NYON MONGS PA'I SNYIGS MA'AM,
LTA BA'I SNYIGS MA'AM, TSE'I SNYIGS MA LAS BYUNG NA, SH'A RI'I
BU, 'DI LTA BUR BSKAL PA DANG 'KHRUL

@30A *, ,PA'I SNYIGS MA DANG DRI MA MANG PO DANG BRKAM PA'I SEMS
CAN DGE BA'I RTZA BA CHUNG BA DE'I TSE, SH'A RI'I BU, DE BZHIN
GSHEGS PA DGRA BCOM PA YANG DAG PAR

RDZOGS PA'I SANGS RGYAS RNAMS THABS MKHAS PAS SANGS RGYAS KYI
THEG PA GCIG PO DE LAS THEG PA GSUM DU BSHAD DE BSTAN TO, ,SH'A
RI'I BU, DE LTAR GANG NYAN THOS SAM, DGRA

BCOM PA'AM, RANG SANGS RGYAS RNAMS DE BZHIN GSHEGS PA'I BYA BA
SANGS RGYAS KYI THEG PA YANG DAG PAR 'DZIN DU 'JUG PA LA MI
NYAN, MI 'JUG ,KHONG DU CHUD PAR MI BYED

PA DE DAG NI, SH'A RI'I BU, DE BZHIN GSHEGS PA'I NYAN THOS MA
YIN PAR RIG PAR BYA'O, ,DGRA BCOM PA'ANG MA YIN, RANG SANGS
RGYAS KYANG MA YIN PAR RIG PAR BYA'O, ,SH'A

RI'I BU; YANG DGE SLONG NGAM, DGE SLONG MA LA LA DGRA BCOM PAR
KHAS 'CHE ZHING, BLA NA MED PA YANG DAG PAR RDZOGS PA'I BYANG
CHUB TU SMON LAM YONGS SU MI 'DZIN TE, NGA NI

SANGS RGYAS KYI THEG PA BCAD PA'O ZHES ZER ZHING NGA'I LUS 'DI
THA MA MYA NGAN LAS 'DA' BA'O ZHES ZER BA NI, SH'A RI'I BU, DE
LHAG PA'I NGA RGYAL CAN DU SHES PAR BYA'O, ,DE

CI'I PHYIR ZHE NA, SH'A RI'I BU, DGE SLONG DGRA BCOM PA ZAG PA
ZAD PA DES, DE BZHIN GSHEGS PA MNGON SUM DU GYUR TE, CHOS 'DI
THOS NAS DAD PAR MI 'GYUR BA'I GO SKABS

@30B MED CING GNAS MA YIN TE, DE BZHIN GSHEGS PA YONGS SU MYA
NGAN LAS 'DAS PA NI MA GTOGS SO, ,DE CI'I PHYIR ZHE NA, SH'A
RI'I BU, DE BZHIN GSHEGS PA YONGS SU MYA NGAN LAS 'DAS

PA DE'I TSE, MDO SDE 'DI LTA BU 'DI 'DZIN PA'AM 'CHANG BA'I NYAN
THOS MI 'BYUNG STE, SH'A RI'I BU, DE BZHIN GSHEGS PA DGRA BCOM
PA YANG DAG PAR RDZOGS PA'I SANGS RGYAS GZHAN LAS

CHOS 'DI LA THE TSOM MED ? PAR 'GYUR RO, ,SH'A RI'I BU, NGA LA
DAD PAR GYIS SHIG ,YID CHES PAR GYIS SHIG ,RTOGS PAR GYIS SHIG
,SH'A RI'I BU, DE BZHIN GSHEGS PA RNAMS LA

BRDZUN DU SMRA BA MED DE, SH'A RI'I BU, THEG PA 'DI NI GCIG TU
ZAD DE, 'DI LTA STE, SANGS RGYAS KYI THEG PA'O, ,DE NAS BCOM
LDAN 'DAS DON DE NYID RGYAS PAR STON CING DE'I TSE TSIGS SU

BCAD PA 'DI DAG BKA' STZAL TO, ,NGA RGYAL CAN GYI DGE SLONG
DANG, ,DGE SLONG MA DANG DGE BSNYEN DANG, ,DGE BSNYEN MA RNAMS
MA DAD PA, ,LNGA STONG LAS NI MI NYUNG BA, ,BSLAB PA ZHIG GRAL

LDAN PA RNAMS, ,NYES PA 'DI DAG MTHONG GYUR NAS, ,SKYON RNAMS
YONGS SU SBED PA'I PHYIR, ,BYIS PA'I BLO CAN DE DAG DONG, ,GANG
GIS CHOS 'DI NYAN PAR 'GYUR BA YI, ,DE DAG LA NI

DGE BA DE MED DE, ,'KHOR GYI SNYIGS MA NYID DU MKHYEN NAS SU,
,'JIG RTEN MGON PO NGAS KYANG BSAL BA YIN, ,NGA YI 'KHOR NI LEGS
PAR 'KHOD, ,SHUN PA MED CING DAG PA STE, ,SNYING

@31A *, ,PO MA YIN KUN MED 'GYUR, ,'DI DAG SNYING PO RAB TU GNAS,
,SKYES BU DAM PA SKYOB PA SANGS RGYAS DAG ,THABS LA MKHAS PA
BRGYA PHRAG DU MA YIS, ,RDZOGS

PA'I SANGS RGYAS CHOS NI CI GSUNG BA, ,CI 'DRA NGA LA NYON CIG
SH'A RI'I BU, ,DE DAG SPYOD PA BSAM PA CI 'DRA'ANG MKHYEN,
,SROG CHAGS BYE BA MOS PA THA DAD PA, ,DE DAG SNGON CHAD DGE BA

CI BYAS DANG , ,LAS RNAMS SNA TSOGS DAG NI MKHYEN NAS SU, ,NGES
PA'I TSIG DANG GZHI RNAMS SNA TSOGS KYIS, ,SROG CHAGS DE DAG
KHONG DU CHUD PAR BYED, ,NGAS NI RGYU DANG DPE YANG

BRGYA DAG GIS, ,SEMS CAN DE LTA DE LTAR MGU BAR BYAS, ,MDO SDE DE
BZHIN TSIGS SU BCAD PA'ANG BSHAD, ,DE LTAR BYUNG DANG SKYES RABS
RMAD BYUNG DANG , ,GLENG GZHI PA BZHIN

GTAN LA DBAB PA DANG , ,DBYANGS SNYAN DPE BRGYA SNA TSOGS RNAMS
KYIS BSHAD, ,MI MKHAS GANG DAG DMAN LA MNGON DGA' ZHING , ,SANGS
RGYAS BYE BA MANG LA SPYOD MA SPYAD, ,'KHOR

BAR CHAGS SHING SHIN TU SDUG BSNGAL BA, ,DE LA MYA NGAN 'DA' BA
NYE BAR BSTAN, ,SANGS RGYAS YE SHES RAB TU RTOGS BYA PHYIR, ,DA
LTAR RANG BYUNG BA NI THABS MDZAD DE, ,KHYED

CAG SANGS RGYAS SU YANG 'GRUB PO ZHES, ,DE RNAMS LA NI RE ZHIG
MI GSUNG NGO , ,CI'I PHYIR ZHE NA SKYOB PA DUS LA BZHES, ,NGAL BA
GZIGS TE DE NAS GDOD 'CHAD DO, ,DAL BA DE NI

@31B BRGYA LA DENG THOB PAS, ,DE PHYIR YANG DAG NGES PA 'DIR
BSHAD DO, ,NGA YI BSTAN PA YAN LAG DGU PO YANG , ,SEMS CAN DAG GI
MTHU DANG STOBS LAS BSHAD, ,'DI LTAR THABS KYIS MCHOG

SBYIN YE SHES LA, ,RAB TU GZUD PA'I PHYIR NI NGAS BSHAD DO, ,GANG
DAG RTAG TU RNAM PAR DAG GYUR PA, ,GSAL GTZANG RAB TU NGES PA
SANGS RGYAS SRAS, ,SANGS RGYAS BYE BA MANG LA LHAG

BYAS PA; ;DE DAG LA NI RAB RGYAS MDO RNAMS BSHAD, ,'DI LTAR DE
DAG BSAM PA RDZOGS PA DANG , ,RNAM PAR DAG PA'I TSUL DANG LDAN
GYUR PA, ,DE DAG LA NI MA 'ONGS DUS NA YANG , ,PHAN

ZHING BRTZE BA'I SANGS RGYAS 'GYUR ZHES GSUNG , ,THOS NAS 'GRO
MCHOG SANGS RGYAS 'GYUR SNYAM STE, ,THAMS CAD SHIN TU DGA' BAS
KHYAB PAR 'GYUR, ,DE DAG SPYOD PA RNAMS KYANG NGAS

SHES NAS, ,SHIN TU RGYAS PA'I MDO SDE RAB TU BSHAD, ,'DI LTAR
'DREN PA'I NYAN THOS DE DAG LA, ,GANG DAG NGA YI BSTAN PA 'DI
THOS PA, ,TSIGS BCAD GCIG TZAM THOS SAM BZUNG

YANG RUNG , ,THAMS CAD THE TSOM MED PAR BYANG CHUB 'GYUR, ,THEG
PA THA DAD PAR NI GANG STON PA, ,SKYES MCHOG RNAMS KYI THABS
MKHAS MA GTOGS PAR, ,THEG PA GCIG STE GNYIS

SU YOD MA YIN, ,'JIG RTEN NA NI NAM YANG GSUM DU MED, ,SANGS
RGYAS RNAMS KYI YE SHES BSTAN PA'I PHYIR, ,'JIG RTEN DU YANG 'JIG
RTEN MGON PO BYUNG , ,BYA BA GCIG STE

@32A *, ,GNYIS SU YOD MA YIN, ,SANGS RGYAS THEG PA DMAN PAS MI
'DREN TO, ,RANG 'BYUNG BDAG NYID CI LA GNAS PA DANG , ,SANGS
RGYAS JI LTA BU DANG CI 'DRA BA, ,STOBS

DANG BSAM GTAN RNAM THAR DBANG PO RNAMS, ,DE DAG NYID LA SEMS CAN
RAB TU 'JOG ,BYANG CHUB RDUL MED DAM PA THOB NAS SU, ,THEG PA
DMAN LA SEMS CAN GCIG BKOD NA, ,'DI

NI NGA YI LEGS PA MA YIN TE, ,SER SNA'I NYES PA'ANG NGA LA MOD
PAR 'GYUR, ,NGA LA SER SNA DAG NI CUNG ZAD MED, ,NGA LA PHRAG DOG
MED CING 'DOD CHAGS MED, ,SDIG PA'I CHOS

RNAMS THAMS CAD NGAS BCAD DE, ,DE PHYIR 'GRO BA RTOGS PAS NGA
SANGS RGYAS, ,JI LTAR MTSAN RNAMS KYIS NI NGA BRGYAN TE, ,'JIG
RTEN 'DI DAG THAMS CAD RAB SNANG BYED, ,SROG

CHAGS BRGYA PHRAG DU MAS MDUN BLTAS SHING , ,CHOS KYI RANG BZHIN
PHYAG RGYA 'DI BSHAD DO, ,NGA NI 'DI SNYAM SEMS TE SH'A RI'I BU,
,SUM CU RTZA GNYIS MTSAN GYI GZUGS LDAN

ZHING , ,BDAG 'OD RANG BYUNG 'JIG RTEN RIG PAR YANG , ,DE LTAR CI
NAS SEMS CAN KUN 'GYUR SNYAM, ,JI LTAR MTHONG ZHING JI LTAR BSAMS
PA DANG , ,NGA YIS SNGAN CHAD JI LTAR

BRNAGS PA DE, ,NGA YI SMON LAM DE DAG YONGS RDZOGS TE, ,BYANG
CHUB SANGS RGYAS NAS NI MA BSTAN TO, ,SEMS CAN RNAMS LA BYANG
CHUB 'DUN SKYED CES, ,NGAS NI DE SKAD SMRAS NA

@32B SH'A RI'I BU, ,MI SHES SEMS CAN RNAMS NI 'DIR MYOS TE, ,NGA
YI LEGS BSHAD 'DZIN PAR GZHAR MI 'GYUR, ,DE DAG 'DI 'DRA'I TSUL
DU NGAS SHES TE, ,TSE RABS SNGA MAR SPYOD PA RNAMS 

MA SPYAD, ,'DOD PA'I YON TAN RNAMS LA CHAGS SHING ZHEN, ,SRED
PAS BRGYAL ZHING GTI MUG MYOS PA RNAMS, ,DE DAG 'DOD RGYUS NGAN
'GROR RAB TU LTUNG , ,'GRO BA DRUG TU KUN TU NYON

MONGS TE, ,DUR KHROD DE DAG PHYI PHYIR 'PHEL BAR BYED, ,BSOD NAMS
CHUNG BAS SDUG BSNGAL KUN GYIS GZIR, ,LTA BA'I THIBS POR RTAG TU
RNAM PAR CHAGS, ,YOD DANG MED DANG DE BZHIN

YOD MED PA, ,LTAR GYUR DRUG CU GNYIS LA BRTEN NAS SU, ,DNGOS PO
MED LA YONGS SU 'DZIN CING GNAS, ,SBYANG BAR DKA' ZHING LOG BYED
NGA RGYAL CAN, ,BYIS PA THOS NYUNG YON PO G-YO

BYED RNAMS, ,TSE RABS BYE BA PHRAG STENG NAM DU YANG , ,DE DAG
SANGS RGYAS SGRA 'DI MI THOS SO, ,NGA YI THABS KYIS DE LA SH'A
RI'I BU, ,SDUG BSNGAL MTHAR PHYUNGS SHIG CES DE SKAD SMRAS, ,

SEMS CAN SDUG BSNGAL GZIR BA MTHONG BAS NA, ,DE DAG MYA NGAN 'DAS
PA NYE BAR BSTAN, ,'DI LTAR NGAS NI CHOS RNAMS 'DI DAG KUN, ,GDOD
NAS RAB ZHI MYA NGAN RTAG 'DAS BSHAD,,

SANGS RGYAS SRAS DE SPYOD PA KUN RDZOGS NAS, ,PHYI MA'I DUS KYI
TSE LA RGYAL BAR 'GYUR, ,THEG PA GSUM DU GANG RNAMS BSTAN PA NI,
,NGA YI THABS MKHAS TSUL NI DE 'DRA STE, ,THEG PA

@33A *, ,GCIG STE DE BZHIN TSUL YANG GCIG ,DE LTAR 'DREN PA RNAMS
KYIS BSHAD PA GCIG ,GANG 'DIR LA LA THE TSOM YOD PA DAG ,THE TSOM
ZA DANG DE BZHIN SOM

NYI SPONGS, ,GZHAN DU MI GSUNG 'JIG RTEN 'DREN PA RNAMS, ,THEG PA
'DI NI GCIG STE GNYIS SU MED, ,SNGON GYI DE BZHIN GSHEGS PA GANG
'BYUNG BA, ,SANGS RGYAS STONG NGAM MYA

NGAN YONGS 'DAS SHING , ,'DAS PA'I DUS NA BSKAL PA GRANGS MED LA,
,GANG DAG TSAD NI NAM YANG YOD MED PA, ,SKYES BU DAM PA DE DAG
THAMS CAD KYIS, ,DPE DANG GZHI DANG RGYU

DANG BCAS PA DANG , ,THABS LA MKHAS PA BRGYA PHRAG DU MA YIS,
,RNAM PAR DAG PA'I CHOS RNAMS RAB BSHAD PA, ,DE DAG THAMS CAD
THEG PA GCIG STON CING , ,SROG CHAGS

STONG PHRAG BYE BA BSAM YAS RNAMS, ,THEG PA GCIG PO LA YANG RAB
'DZUD DE, ,THEG PA GCIG LA YONGS SU SMIN PAR BYED, ,MOS DANG DE
BZHIN BSAM PA RNAMS MKHYEN

NAS; ;DE BZHIN GSHEGS PAS LHAR BCAS 'JIG RTEN DU, ,RGYAL BA'I
THABS GZHAN RNAM PA MANG PO DAG ,GANG GIS CHOS MCHOG 'DI NI RAB
BSTAN PA, ,SEMS CAN GANG

GIS DE LAS MNGON SUM DER, ,CHOS NYAN PA DANG 'ON TE THOS LDAN PA,
,SBYIN PA SBYIN ZHING TSUL KHRIMS SPYOD PA DANG , ,BZOD PAS SPYOD
PA THAMS CAD BSGRUB PA DANG , ,BRTZON 'GRUS

@33B BSAM GTAN LHAG PAR BYAS PA DANG , ,SHES RAB KYIS NI CHOS 'DI
RNAMS BSAMS TE, ,RNAM PA THA DAD BSOD NAMS SUS BYAS PA, ,DE DAG
THAMS CAD BYANG CHUB THOB PAR 'GYUR, ,MYA NGAN

'DAS PA'I RGYAL BA DE DAG GI ,BSTAN PA DE LA SEMS CAN GANG ZHUGS
TE, ,DE NA BZOD CING ZHI LA DUL BA NI, ,DE DAG THAMS CAD BYANG
CHUB THOB PAR 'GYUR, ,RGYAL BA MYA NGAN 'DAS PA DE DAG

GI ,RGYAL BA'I RING BSREL DAG LA SU MCHOD CING , ,RIN CHEN MCHOD
RTEN STONG PHRAG DU MA DAG ,GSER DANG DNGUL DANG 'ON TE SHEL
GYI'AM, ,RDO YI SNYING PO'I MCHOD RTEN GANG GIS BYAS, ,

BEE-d'U-RYA ? MCHOG DE BZHIN ANDA RNYIL, ,LA LAS MU TIG KE KE
RU LAS BYAS, ,DE DAG GIS KYANG BYANG CHUB THOB PAR 'GYUR, ,GANG
GIS MCHOD RTEN RDO LAS BYAS PA DANG , ,GANG GIS AA GA RU

DANG TZAN-DAN NAM, ,GANG GIS THANG SHING MCHOD RTEN BYAS PA
DANG , ,LA LAS SHING MANG GZHAN LAS BYAS PA DANG , ,SA DANG SO
PHAG LAS NI BRTZIGS PA YI, ,RGYAL BA'I MCHOD RTEN DGA'

ZHING BYAS PA DANG , ,DE PHYIR SA RDUL PHUNG PO DAG LAS KYANG ,
,MYA NGAM DGON PA GANG DU BYAS PA DANG , ,BYIS PA RTZED MOR DE
DANG DE DAG TU, ,GANG GIS RGYAL BA DE PHYIR MCHOD RTEN DAG ,BYE
MA

LAS NI PHUNG PO BYAS PA YANG , ,DE RNAMS KYIS KYANG BYANG CHUB
THOB PAR GYUR, ,LA LAS DE BZHIN RIN CHEN GZUGS BYAS PA, ,SUM CU
RTZA GNYIS MTSAN DANG LDAN PA'I GZUGS, ,GANG

@34A *, ,GIS DE PHYIR BYAS PA DE DAG KYANG , ,DE DAG THAMS CAD
BYANG CHUB THOB PAR GYUR, ,LA LAS DER NI RIN CHEN SNA BDUN DANG ,
,LA LAS DE BZHIN ZANGS DANG

'KHAR BA LAS, ,BDE BAR GSHEGS PA RNAMS KYI GZUGS BYAS PA, ,DE DAG
THAMS CAD BYANG CHUB THOB PAR GYUR, ,RO NYE DANG NI LCAGS SAM SA
YANG RUNG , ,BDE BAR GSHEGS

PA RNAMS KYI GZUGS BYAS TE, ,BLTA NA SDUG PA 'JIM PA'I LAS BYED
BCUG ,DE DAG THAMS CAD BYANG CHUB THOB PAR GYUR, ,GANG GIS RTZIG
NGOS GZUGS KYI RI MO DAG, BSOD NAMS

BRGYA MTSAN YONGS SU RDZOGS PA'I SKU, ,BDAG GIS BRIS SAM 'DRI RU
BCUG KYANG RUNG , ,DE DAG THAMS CAD BYANG CHUB THOB BAR GYUR,
,SKYES BU DAG GAM 'ON TE GZHON NU'ANG RUNG , ,

GANG DAG LA LA DE NI SLOB PA'I TSE, ,RTZED MO DGA' DANG GSANG BA
BYED PA NA, ,RTZIG NGOS SEN MO SHING BUS GZUGS BRIS PA, ,DE DAG
THAMS CAD BYANG CHUB THOB GYUR TE, ,DE DAG

THAMS CAD SNYING RJE CAN DU GYUR, ,THAMS CAD KYANG NI SROG CHAGS
BYE BA SGROL, ,BYANG CHUB SEMS DPA' MANG PO YANG DAG 'DZUD, ,DE
BZHIN GSHEGS PA RNAMS KYI RING BSREL DANG , ,

'JIM PA'I GZUGS DANG MCHOD RTEN DAG LA'ANG RUNG , ,RTZIG NGOS
BRIS DANG RDUL PHUNG MCHOD RTEN LA, ,DE LA ME TOG DANG NI SPOS
GSOL TE, ,DER NI GANG GIS RAB SNYAN CANG TE'U

@34B DANG ; ;DUNG DANG RNGA CHEN ROL MO'I SGRA BYED BCUG ,BYANG
CHUB MCHOG RAB MCHOD PA BYA BA'I PHYIR, ,GANG DAG RNGA RNAMS RAB
TU RDUNG BYED CING , ,PI WANG DANG NI PHEG DANG 'KHAR BA'I RNGA,
,RDZA RNGA

RGYUD GCIG GLING BU YID 'ONG DANG , ,AE KO NA DANG RAB TU SNYAN
'BYIN PA, ,DE DAG THAMS CAD BYANG CHUB THOB PAR 'GYUR, ,BDE BAR
GSHEGS PA RNAMS LA MCHOD PA'I PHYIR, ,GANG DAG

LCAGS KYI SIL KHROL RDUNG BCUG DANG , ,CHU LA BRDABS DANG THAL MO
BRDABS PA DANG , ,YID DU 'ONG ZHING SNYAN PA'I GLU BLANGS DANG ,
,RING BSREL DE DAG RNAM MANG MCHOD BYAS PA, ,DE DAG

THAMS CAD 'JIG RTEN SANGS RGYAS 'GYUR, ,BDE GSHEGS RING BSREL LA
NI CUNG ZAD DANG , ,SIL SNYAN GCIG BRDUNGS PA YI SGRA PHUNG NGAM,
,ME TOG GCIG TZAM GYIS NI MCHOD PA DANG ,

BDE GSHEGS GZUGS DAG RTZIG NGOS BRIS PA LA, ,'KHRUG BZHIN PA YI
SEMS KYIS MCHOD NA YANG , ,DE DAG RIM GYIS SANGS RGYAS BYE BA
MTHONG , ,MCHOD RTEN DAG LA GANG GIS

THAL MO SBYAR, ,YONGS SU TSANG BA'AM THAL MO YA GCIG GAM, ,YANG
NA MGO PO SKAD CIG BTUD PA DANG , ,DE BZHIN LAN GCIG LUS KYANG
BTUD PA DANG , ,GANG GIS RING BSREL

GNAS PA DE DAG LA, ,G-YENGS PA'I SEMS KYIS PHYAG 'TSAL SANGS
RGYAS ZHES, ,TSIG GCIG LAN 'GA' BRJOD PAR BYAS PA YANG , ,DE DAG
KUN GYIS BYANG CHUB MCHOG 'DI 'THOB,,

@35A *, ,DE TSE BDE BAR GSHEGS PA DE DAG NI, ,MYA NGAN 'DAS SAM
YANG NA BZHUGS KYANG RUNG , ,SEMS CAN GANG GIS CHOS 'DI MING THOS
PA, ,DE DAG THAMS CAD

BYANG CHUB THOB PAR 'GYUR, ,PHYIS 'BYUNG SANGS RGYAS BYE BA MANG
PO RNAMS, ,DE DAG BSAM GYIS MI KHYAB TSAD KYANG MED, ,'JIG RTEN
MGON MCHOG RGYAL BA DE DAG KYANG , ,THABS

'DI RNAMS NI RAB TU STON PAR 'GYUR, ,GANG GIS SANGS RGYAS YE SHES
ZAG MED PA, ,'DI LA SROG CHAGS BYE BA 'DUL MDZAD PA, ,'JIG RTEN
RNAM PAR 'DREN PA DE DAG GI ,THABS

LA MKHAS PA DAG NI MTHA' YAS 'GYUR, ,CHOS 'DI THOS NAS SANGS
RGYAS MI 'GYUR BA, ,SEMS CAN DE DAG NAM YANG GCIG KYANG MED,
,BYANG CHUB PHYIR SPYAD NAS NI SPYOD BAR GZHUG ,

DE NI DE BZHIN GSHEGS RNAMS SMON LAM MO, ,CHOS SGO BYE BA STONG
PHRAG DU MA DAG ,MA 'ONGS DUS NA RAB TU STON 'GYUR TE, ,THEG PA
GCIG PO 'DI NI MNGON STON CING , ,DE BZHIN 

GSHEGS PA NYID DU CHOS STON 'GYUR, ,CHOS KYI TSUL 'DI RTAG TU
GNAS PA DANG , ,CHOS KYI RANG BZHIN RTAG TU 'OD GSAL BAR, ,RKANG
GNYIS DAM PA SANGS RGYAS RNAMS MKHYEN

NAS; ;NGA YI THEG PA GCIG CES STON PAR 'GYUR, ,CHOS KYI GNAS NYID
SKYON MED CHOS NYID NI, ,'JIG RTEN 'DI NA RTAG TU MI G-YO NAS,
,SA YI SNYING POR BYANG CHUB SANGS RGYAS TE,,

@35B THABS LA MKHAS PA SHIN TU STON PAR 'GYUR, ,LHA MI RNAMS KYIS
MCHOD PA'I SANGS RGYAS RNAMS, ,PHYOGS BCU BZHUGS PA GANG-G'A'I
BYE MA SNYED, ,'DI NA SROG CHAGS THAMS CAD BDE BYA'I PHYIR,,

DE DAG RNAMS KYANG THEG PA MCHOG 'DI 'CHAD, ,ZHI BA'I SA MCHOG
'DI NI SANGS RGYAS NAS, ,THABS LA MKHAS PAS RAB TU STON MDZAD
CING , ,THEG PA RNAM PA THA DAD MNGON PAR 'CHAD, ,THEG

PA GCIG PO'ANG YONGS SU STON MDZAD DO, ,LUS CAN KUN GYI SPYOD PA
RIG PA DANG , ,DE BZHIN SNGON CHAD CI BSGOMS CI BSAMS PA, ,DE YI
MTHU DANG BRTZON 'GRUS RNAMS KYANG RIG ,SHIN TU

DAG PA MKHYEN NAS RAB TU STON, ,'DREN PA'I YE SHES STOBS KYIS
RGYU MANG DANG , ,DPE DANG GZHI YANG MANG PO RAB STON TE, ,SEMS
CAN MOS PA SNA TSOGS RIG NAS NI, ,SNA TSOGS MNGON

PAR BSGRUB PA NYE BAR STON, ,DA LTAR RGYAL DBANG 'DREN PA NGA
YANG NI, ,SEMS CAN RNAMS LA BDE BYA'I PHYIR BYUNG STE, ,SNA TSOGS
BSGRUB PA BYE BA PHRAG STONG GIS, ,SANGS RGYAS BYANG CHUB 'DI

NI YANG DAG BSTAN, ,SROG CHAGS RNAMS KYI MOS DANG BSAM MKHYEN
NAS, ,CHOS RNAMS RNAM PA MANG PO RAB BSHAD DE, ,RNAM PA SNA TSOGS
THABS KYIS DGA' BA BSKYED, ,DE NI NGA YI RANG

RIG YE SHES STOBS, ,NGA YIS MTHONG BA SEMS CAN DBUL PO RNAMS,
,SHES RAB BSOD NAMS RNAMS DANG BRAL GYUR CING , ,'KHOR BAR BYING
LA MYA NGAN ZHUGS PA RNAMS, ,SDUG

@36A *, ,BSNGAL RGYUD DU SHIN TU NUB PA STE, ,SRED PAS CHAGS PA
G-YAG GI RNGA MA BZHIN, ,'DOD PAS 'DI DAG RTAG TU LDONGS PAR
BYAS, ,SANGS RGYAS MTHU CHEN RNAMS

KYANG MI TSOL ZHING , ,SDUG BSNGAL MTHAR 'GRO BA YI CHOS MI TSOL,
,'GRO BA DRUG PO RNAMS SU ZIN PA'I SEMS, ,LOG PAR MTHONG BA'I LTA
LA MI G-YO GNAS, ,SDUG BSNGAL BA YI SDUG

BSNGAL RAB MYONG BA, ,DE LA NGA YI SNYING RJE STOBS LDAN TE,
,BYANG CHUB SNYING POR DER NI NGA SEMS SHING , ,BDUN PHRAG GSUM
DU TSANG BAR RAB GNAS TE, ,NGA NI 'DI 'DRA'I DON LA RAB SEMS

SHING ; ;DE NA SDONG PO DE LA BLTAS PA NI, ,SHING MCHOG DE LA MIG
MI 'DZUM PAR BLTA, ,DE YI DRUNG NA PHAN TSUN 'CHAG CING GNAS, ,YE
SHES 'DI NI DAM PA NGO MTSAR TE, ,SEMS CAN

'DI DAG MI MKHAS GTI MUG LDONGS, ,DE TSE NGA LA TSANGS DANG BRGYA
BYIN DANG , ,DBANG PHYUG CHE DANG 'JIG RTEN SKYONG BZHI DANG ,
,DE BZHIN DBANG PHYUG DAG KYANG GSOL 'DEBS TE, ,LHA

RNAMS BYE BA STONG PHRAG MANG PO YANG , ,THAMS CAD THAL MO SBYAR
NAS GUS PAR 'KHOD, ,DON RNAMS JI LTAR BYA BA RAB TU BSAMS, ,NGA
YIS BYANG CHUB YON TAN BSNGAGS NA NI, ,

SEMS CAN 'DI DAG SDUG BSNGAL GZIR BA STE, ,NGA YI CHOS LA BYIS
PA'I BLO CAN SKUR, ,DE LTAR SKUR BAS NGAN SONG GNAS SU 'GRO
,NGAS NI YONG MA BSHAD NA DGAR 'GYUR GYI, ,

@36B NGA DENG ZHI BAR MYA NGAN 'DA' SLA SNYAM, ,SNGON GYI SANGS
RGYAS RNAMS DANG DE DAG GI ,THABS MKHAS JI LTA BA YANG RAB DRAN
TE, ,NGAS KYANG 'DI LTAR SANGS RGYAS BYANG CHUB 'DI, ,RNAM PA
GSUM DU

'DIR BYED RAB TU BSHAD, ,NGA YIS DON DE DE LTAR BSAMS PA NA,
,PHYOGS BCU'I SANGS RGYAS DE DAG GZHAN GYIS KYANG , ,DE DAG RANG
GI LUS KYANG NGA BSTAN NAS, ,LEGS ZHES BYA BA'I SGRA

YANG RAB BSGRAGS TE, ,THUB PA 'JIG RTEN RNAM PAR 'DREN PA'I MCHOG
,BLA NA MED PA'I YE SHES 'DI RTOGS NAS, ,THABS LA MKHAS PA RNAM
PAR BSAMS PA DANG , ,'JIG RTEN 'DREN PA

RNAMS KYI RJES SLOB LEGS, ,NGED KYANG DAM PA'I GNAS NI RTOGS PA'I
TSE, ,RNAM PA GSUM DU PHYE STE RAB TU STON, ,MKHAS PA MA YIN DAD
PA CHUNG BA'I MI, ,SANGS RGYAS RNAMS LA DAD PAR

MI 'GYUR TE, ,DE BAS NGED KYIS RGYU RNAMS KUN BSDUS PAS, ,THABS
LA MKHAS PA RNAMS NI RAB SPYAD CING , ,'BRAS BU 'DOD PA YONGS SU
BRJOD BYAS TE, ,BYANG CHUB SEMS DPA' MANG PO

YANG DAG BTZUD, ,SKYES BU KHYU MCHOG DAG GI YID 'ONG SGRA, ,THOS
NAS DE TSE NGA NI DGA' BAR GYUR, ,DGA' BA'I SEMS KYIS SKYOB PA
NGE DAG LA, ,DRANG SRONG CHE MCHOG DON YOD GSUNG

BA STE; ;MKHAS PA 'JIG RTEN 'DREN PAS GSUNGS PA LTAR, ,BDAG
KYANG DE BZHIN SPYAD PAR BGYI ZHES SMRAS, ,NGA NI 'KHRUG DANG
MI BZAD 'DI YI TSE, ,SEMS CAN SNYIGS MAR GYUR

@37A *, ,PA'I NANG DU SKYES, ,DE LTAR NGAS RIG NAS NI SH'A
RI'I BU, ,DE YI TSE NA W'A RA n'A SIR SONG , ,DE NA DGE
SLONG LNGA PO DAG LA YANG , ,RAB ZHI SA YI CHOS NI THABS KYIS

BSHAD, ,DE NAS NGA YIS CHOS KYI 'KHOR LO BSKOR, ,MYA NGAN 'DA'
BA'I SGRA YANG 'JIG RTEN BYUNG , ,DGRA BCOM SGRA DANG DE BZHIN
CHOS KYI SGRA, ,DGE 'DUN SGRA YANG DE TSE BYUNG BAR GYUR, ,

LO GRANGS MI NYUNG BAR NI RAB BSHAD DO, ,MYA NGAN 'DA' BA'I SA
YANG MNGON PAR BSTAN, ,'KHOR BA SDUG BSNGAL MTHA' NI 'DI YIN
ZHES, ,DE BZHIN RTAG PAR DUS SU NGAS SMRAS SO, ,NGAS

NI DE YI TSE NA SH'A RI'I BU, ,RKANG GNYIS DAM PA'I SRAS RNAMS
MTHONG BA NI, ,GANG DAG BYANG CHUB DAM PA MCHOG ZHUGS PA, ,BYE BA
KHRAG KHRIG STONG PHRAG MTHA' YAS PA, ,NGA YI DRUNG DU DE

DAG NYER LHAGS NAS, ,THAL MO SBYAR TE THAMS CAD GUS PAR 'KHOD,
,GANG DAG THABS LA MKHAS PA RNAMS MANG PO, ,RGYAL BA DAG LA CHOS
THOS DE DAG MTHONG , ,DE NAS SKAD CIG

DE LA 'DI SNYAM DU, ,NGA YIS CHOS MCHOG BSHAD PA'I DUS LA BAB,
,GANG PHYIR NGA NI 'JIG RTEN 'DIR SKYES PA, ,BYANG CHUB MCHOG
RAB DE NI 'DIR BSTAN TO, ,MTSAN MAR 'DU SHES

BYIS PA'I BLO DANG LDAN, ,MI MKHAS LHAG PA'I NGA RGYAL LDAN PA
RNAMS, ,DE RING 'DI LA DAD PAR DKA' 'GYUR GYI, ,BYANG CHUB SEMS
DPA' 'DI DAG NYAN SNYAM STE, ,DE TSE NGA NI

@37B 'JIGS MED RAB TU DGA', ,YANG DAG NANG 'JOG THAMS CAD RNAM
SPANGS NAS, ,BDE BAR GSHEGS PA'I SRID KYI DBUS SU BSHAD, ,DE DAG
BYANG CHUB LA NI YANG DAG BTZUD, ,'DI 'DRA'I

SANGS RGYAS SRAS RNAMS MTHONG NAS NI, ,KHYOD KYANG SOM NYI RNAM
PAR SPANGS PAR 'GYUR, ,GANG DAG ZAG ZAD BRGYA PHRAG BCU GNYIS
PO, ,'DI DAG THAMS CAD 'JIG RTEN SANGS RGYAS

'GYUR, ,SNGA MA'I SKYOB PA DE DAG CI 'DRA DANG , ,MA 'ONGS RGYAL
BA'I CHOS NYID JI LTA BAR, ,NGAS KYANG DE LA RNAM PAR RTOG
SPANGS TE, ,DE BZHIN DU NI KHYOD LA NGAS DENG BSHAD, ,RES 'GA'

GANG DU CI YIS 'JIG RTEN DU, ,SKYES BU KHYU MCHOG DAG NI 'BYUNG
BAR 'GYUR, ,MTHA' YAS MIG CAN 'JIG RTEN BYUNG NA YANG , ,RES
'GA' 'DI 'DRA BA YI CHOS 'CHAD DE, ,BSKAL PA

BYE BA KHRAG KHRIG SNYED DU YANG , ,'DI 'DRA'I CHOS MCHOG RAB TU
RNYED PAR DKA', ,GANG DAG CHOS MCHOG THOS NAS DAD 'GYUR BA, ,DE
'DRA'I SEMS CAN SHIN TU RNYED PAR DKA', ,AU

DU MBA ? RA'I ME TOG RNYED DKA' BZHIN, ,RES 'GA' GANG ZHIG CI YIS
SNANG GYUR NA, ,GZUGS DE 'GRO BA'I YID DU 'ONG BA STE, ,LHAR BCAS
'JIG RTEN RNAMS LA NGO MTSAR GYUR, ,DE

BAS LEGS BSHAD CHOS 'DI SUS THOS NAS, ,RJES SU YI RANG TSIG GCIG
BRJOD NA YANG , ,SHIN TU NGO MTSAR CHE BAR 'DIR BSTAN TE, ,DES NI
SANGS RGYAS THAMS CAD MCHOD PAR

@38A *, ,'GYUR, ,'DI LA THE TSOM SOM NYI RNAM PAR SPONGS, ,CHOS
KYI RGYAL PO NGAS NI KUN BSTAN TE, ,BYANG CHUB DAM PA 'DI LA YANG
DAG GZUNG, ,'DI NA NGA LA NYAN THOS

GANG YANG MED, ,SH'A RI'I BU KHYOD 'DI NI GSANG CHEN GYIS, ,NGA
YIS NYAN THOS GANG 'DI THAMS CAD DANG , ,BYANG CHUB SEMS DPA'
GTZO BO 'DI DAG GIS, ,NGA YI GSANG CHEN 'DI NI

THUB PAR GYIS, ,CI PHYIR ZHE NA SNYIGS MA LNGA YI TSE, ,SEMS CAN
NGAN PA GTUM PO 'BYUNG BAS NA, ,BYIS PA'I BLO CAN 'DOD PAS LDONGS
GYUR PA, ,DE DAG NAM YANG BYANG CHUB SEMS

MI SKYE; ;THEG PA GCIG PO 'DI NI RGYAL BA DES, ,SNGON RAB BSHAD
PA YIN ZHES THOS NAS SU, ,MA 'ONGS DUS NA SEMS CAN MYOS GYUR TE,
,MDO SDE SPANGS PA SEMS CAN DMYAL

BAR 'GRO, ,SEMS CAN GANG DAG 'DZEM ZHING GTZANG BA DANG , ,GANG
DAG BYANG CHUB DAM PA MCHOG ZHUGS PA, ,DE DAG LA NI 'JIGS PA MED
GYIS LA, ,THEG PA GCIG GI BSNGAGS

PA MTHA' YAS SHOD, ,'DREN PA RNAMS KYIS BSHAD PA DE LTA BU,
,THABS LA MKHAS PA DAM PA MCHOG 'DI NI, ,LDEM POR NGAG RNAMS RAB
TU MANG POR BSHAD, ,'DI NI MA

BSLABS RNAMS KYIS RIG PAR DKA', ,DE BAS 'JIG RTEN SLOB DPON
SANGS RGYAS KYI, ,SKYOB PA'I LDEM PO GANG NI SHES RAB KYIS, ,THE
TSOM CHOD LA SOM NYI RNAMS SPONGS TE, ,

@38B SANGS RGYAS 'GYUR GYI DGA' BA RAB TU SKYED, ,DAM PA'I CHOS
PAD-MA DKAR PO LAS, THABS LA MKHAS PA'I LE'U ZHES BYA STE
GNYIS PA'O,, ,,DAM PA'I CHOS PAD-MA DKAR PO,

BAM PO GSUM PA, DE NAS TSE DANG LDAN PA SH'A RI'I BU DE'I TSE
TSIM ZHING MGU LA YID RANGS SHING RAB TU DGA' STE, DGA' BA DANG
YID BDE BA SKYES NAS BCOM LDAN 'DAS GA LA BA DE LOGS

SU THAL MO SBYAR BA BTUD DE, BCOM LDAN 'DAS KYI SPYAN SNGA NA
BCOM LDAN 'DAS KHO NA LA RAB TU LTA ZHING BCOM LDAN 'DAS LA 'DI
SKAD CES GSOL TO, ,BCOM LDAN 'DAS, 'DI LTA

BU'I GSUNG 'DI BCOM LDAN 'DAS LAS THOS NAS, BDAG NGO MTSAR DANG
RMAD DU GYUR TE DGA' BA THOB BO, ,DE CI'I SLAD DU ZHE NA, BCOM
LDAN 'DAS, BYANG CHUB SEMS DPA' GZHAN

DAG KYANG MTHONG , BYANG CHUB SEMS DPA' RNAMS KYI MA 'ONGS PA'I
DUS KYI SANGS RGYAS KYI MTSAN YANG THOS TE, 'DI LTA BU'I CHOS NI
BCOM LDAN 'DAS LAS BDAG GIS MA THOS LA, BDAG

DE BZHIN GSHEGS PA'I YE SHES GZIGS PA 'DI LTA BU LAS NYAMS SO
SNYAM NAS SHIN TU MYA NGAN DU GYUR, SHIN TU YONGS SU GDUNG BAR
GYUR PA'I SLAD DU'O, ,BCOM LDAN 'DAS,

BDAG RI DANG , RI SUL DANG , NAGS KHROD DANG , KUN DGA' RA BA
DANG , CHU 'GRAM DANG , SHING DRUNG DBEN PAR GDUGS LA GNAS PA'I
SLAD DU RTAG PAR NAM MCHI BA DE'I TSE'ANG BCOM

@39A *, ,LDAN 'DAS 'DI LTAR CHOS KYI DBYINGS LA 'JUG PA MTSUNGS
NA, BCOM LDAN 'DAS KYIS BDAG CAG THEG PA DMAN PA BAS NGES PAR
BTON PA SNYAM DU GNAS

PA DE LTA BUS MANG DU GNAS TE, BCOM LDAN 'DAS DE'ANG BDAG CAG GIS
NONGS KYI, BCOM LDAN 'DAS KYIS MA NONGS SO ZHES DE'I TSE BDAG DE
SNYAM DU SEMS SO, ,DE CI'I SLAD DU

ZHE NA; GANG 'DI BCOM LDAN 'DAS KYIS BLA NA MED PA YANG DAG PAR
RDZOGS PA'I BYANG CHUB LAS BRTZAMS TE, YANG DAG PHUL GYI CHOS
BSTAN PA GSUNG BA BDAG CAG GIS BSNYAD NA NI,

BCOM LDAN 'DAS, BDAG CAG KYANG CHOS 'DI NYID LA NGES PAR 'BYUNG
BAR 'GYUR BA ZHIG NA, BCOM LDAN 'DAS BYANG CHUB SEMS DPA' MA
TSOGS PAR, BCOM LDAN 'DAS

KYIS LDEM POR DGONGS TE BSHAD PA DE BDAG CAG GIS MA RTOGS TE,
RINGS THABS SU DE BZHIN GSHEGS PAS CHOS BSTAN PA THOG MAR GSUNGS
PA NYID THOS NAS, BZUNG

ZHING BSGOMS TE BSAMS SHING YID LA BZUNG BAS, BCOM LDAN 'DAS,
BDAG NYID LA DE LTAR 'GYOD PAS MANG DU GDUGS MTSAN BAS PAR 'GYUR
RO, ,BCOM LDAN 'DAS,

RMAD DU BYUNG BA'I CHOS KYI SGRA SNGON MA THOS PA 'DI LTA BU
BCOM LDAN 'DAS LAS THOS PAS, BCOM LDAN 'DAS, DENG BDAG MYA NGAN
LAS 'DAS PA THOB STE, BCOM LDAN 'DAS,

@39B DENG BDAG BSIL BAR GYUR TO, ,BCOM LDAN 'DAS, DENG BDAG
YONGS SU MYA NGAN LAS 'DAS SO, ,BCOM LDAN 'DAS DENG BDAG GIS
DGRA BCOM PA THOB BO, ,BCOM LDAN 'DAS, ,DENG

BDAG BCOM LDAN 'DAS KYI SRAS THU BO, THUGS KYI SRAS ZHAL NAS
SKYES PA, CHOS LAS SKYES PA, CHOS KYI SPRUL PA, CHOS KYI BGO SKAL
LA SPYOD PA CHOS KYIS GRUB PA STE, DENG BDAG

YONGS SU GDUNG BA DANG BRAL LO, ,DE NAS TSE DANG LDAN PA SH'A
RI'I BUS DE'I TSE BCOM LDAN 'DAS LA TSIGS SU BCAD PA 'DI DAG GSOL
TO, ,SGRA 'DI THOS NAS TSIM PA RAB SKYES TE, ,RNAM

'DREN CHEN PO BDAG NI NGO MTSAR GYUR, ,BDAG LA THEG TSOM NAM YANG
PHYIS MI 'BYUNG , ,THEG PA MCHOG 'DIR BDAG NI YONGS SMIN GYIS,
,BDE BAR GSHEGS PA'I GSUNG DE NGO MTSAR

TE; ;SROG CHAGS RNAMS KYI THE TSOM MYA NGAN BSAL, ,ZAG PA ZAD PA
BDAG GI MYA NGAN KYANG , ,GSUNG THOS PAS NI THAMS CAD BSAL BAR
GYUR, ,GDUGS LA GNAS SHING PHAN

TSUN MCHI BA DANG , ,NAGS TSAL KHROD DANG KUN DGA' SHING DRUNG
DANG , ,RI DANG RI SUL GNAS PAR 'GYUR BA'I TSE, ,BSAM PA 'DI DAG
NYID NI RJES SU SEMS, ,ZAG PA MED

PA'I CHOS SU MTSUNGS PA LA, ,'DI LTAR KHAMS GSUM PA YI CHOS KYI
MCHOG ,MA 'ONGS DUS NA STON PAR MI 'GYUR BA, ,KYE MA BDAG NI SDIG
PA'I SEMS KYIS BSLUS, ,MTSUNGS

@40A *, ,PA'I CHOS RNAMS LA NI BDAG RMONGS PAS, ,BDAG NI SUM CU
RTZA GNYIS MTSAN LAS NYAMS, ,GSER GYI KHA DOG MDOG KYANG RAB TU
STOR, ,STOBS DANG RNAM

THAR 'DI DAG KUN LAS NYAMS, ,THUB PA CHEN PO DPE BYAD BZANG PO
GANG , ,MCHOG RAB DAM PA BRGYAD CU TSANG BA DANG , ,GANG YANG MA
'DRES PA YI BCO BRGYAD CHOS, ,DE LAS KYE MA

BDAG CAG NYAMS SHING BSLUS, ,'JIG RTEN PHAN PA THUGS BRTZE KHYOD
MTHONG NAS, ,GDUGS LA MCHIS NAS GCIG TU GNAS PA'I TSE, ,MA CHAGS
YE SHES BSAM GYIS MI KHYAB

LAS; ;KYE MA BDAG NI BSLUS ZHES RNAM PAR SEMS, ,DE LTAR MANG DU
RNAM PAR SEMS PA YIS, ,MGON PO GDUGS DANG MTSAN YANG BAS PAR
GYUR, ,'DI LAS BDAG NI NYAMS

SAM MA NYAMS ZHES, ,BCOM LDAN 'DAS LA RE ZHIG ZHU SNYAM BGYID,
,BYANG CHUB SEMS DPA' MANG PO GZHAN DAG LA, ,'JIG RTEN 'DREN PAS
BSTOD PA MTHONG NAS SU, ,RGYAL

BA DBANG PO BDAG NI DE SEMS SHING , ,GDUGS DANG MTSAN MO RTAG TU
DE BZHIN PAS, ,YE SHES BRTAG MED PHRA ZHING ZAG MED PA, ,RGYAL
BAS BYANG CHUB SNYING POR GSUNGS PAS NA,,

'DI NI LDEM POR DGONGS TE GSUNGS PA ZHES, ,SANGS RGYAS CHOS 'DI
THOS NAS BDAG BZOD DO, ,SNGAN CHAD BDAG NI LTA LA CHAGS GYUR PA,
,MU STEGS CAN GYIS BKUR BA'I

@40B KUN TU RGYU, ,DE NAS MGON POS BDAG GI BSAM MKHYEN NAS, ,LTA
BA DGROL PHYIR MYA NGAN 'DA' BA GSUNGS, ,LTA BAR GYUR PA DE DAG
KUN LAS DKROL, ,BDAG GIS STONG PA NYID KYI CHOS THOB STE, ,

DE PHYIR BDAG NI MYA NGAN 'DAS SNYAM BGYID, ,MYA NGAN 'DAS ZHES
BGYI BA DE MA LAGS, ,GANG TSE SANGS RGYAS SEMS CAN GTZOR MGYUR
TE, ,LHA MI GNOD SBYIN SRIN POS MDUN DU BDAR, ,SUM CU RTZA

GNYIS MTSAN GYI GZUGS LDAN PA, ,DE TSE MA LUS MYA NGAN 'DAS PA
LAGS, ,LHAR BCAS 'JIG RTEN RNAMS KYI MDUN DU YANG , ,GANG TSE
BDAG NI BYANG CHUB MCHOG LUNG BSTAN, ,GSUNG THOS

BDAG NI DE RING MYA NGAN 'DAS, ,'DI LTAR RLOM SEMS KUN KYANG
RNAM PAR BSAL, ,THOG MA RNAM PAR 'DREN GYI GSUNG THOS NAS, ,SA
'DIR SANGS RGYAS CHA BYAD MNGON SPRUL NAS, ,'DI BDUD

KYAL KA BYED PA MA YIN GRANG , ,DE LTAR BDAG NI BAG TSA'I
STOBS SKYES SO, ,GANG GI TSE NA RGYU DANG GZHI RNAMS DANG ,
,DPE RNAMS BYE BA KHRAG KHRIG RNAMS KYIS KYANG , ,SANGS RGYAS
BYANG CHUB MCHOG

DE GNAS PAR BSTAN, ,DE NAS BDAG NI CHOS THOS THE TSOM BRAL,
,GANG TSE BDAG LA SANGS RGYAS BYE BA STONG , ,MYA NGAN YONGS
'DAS RGYAL BA 'DAS PAS BRJOD, ,THABS MKHAS PA LA RAB TU

GNAS NAS NI, ,DE DAG GIS KYANG CHOS 'DI SHIN TU BSHAD, ,MA
BYON SANGS RGYAS MANG DANG 'JIG RTEN NA, ,DON DAM GZIGS PA
GANG DAG BZHUGS PA RNAMS, ,THABS LA MKHAS PA BRGYA YIS 

@41A *, ,RANG GI CHOS, ,SHIN TU STON PAR 'GYUR ZHING DE LTAR
'CHAD, ,DE LTAR KHYOD NYID SPYOD PA CI 'DRA BAR, ,KHAB NAS BYUNG
BA TSUN CHAD RAB BSTAN CING, ,CHOS KYI 'KHOR LO

CI 'DRA KHYOD KYIS MKHYEN, ,JI LTAR KHYOD KYIS CHOS BSHAD GNAS
PA LAS, ,DE BAS 'DI NI BDUD MA LAGS PAR 'TSAL, ,'JIG RTEN MGON
PO YANG DAG SPYOD STON PA, ,'DI LA BDUD KYI

SPYOD YUL MA MCHOS NA, ,BDAG NYID DE LTAR SEMS LA THE TSOM
SKYES, ,GANG TSE ? 'JAM ZHING ZAB MO SNYAN PA YI, ,SANGS RGYAS
GSUNG GIS BDAG GI DGA' BA BSKYED, ,DE NA BDAG

GI DOGS PA KUN BSAL GYUR, ,BDAG NI THE TSOM BRAL TE YE SHES
GNAS, ,LHAR BCAS 'JIG RTEN DAG GIS MDUN BDAR TE, ,DE BZHIN
GSHEGS PAR BDAG 'GYUR THE TSOM BRAL,

BYANG CHUB SEMS DPA' MANG PO KUN 'DZUD CING, ,SANGS RGYAS BYANG
CHUB 'DI YANG DGONGS PAR BSHAD, ,DE SKAD CES GSOL BA DANG, BCOM
LDAN 'DAS KYIS TSE DANG LDAN PA SH'A RI'I

BU LA 'DI SKAD CES BKA' STZAL TO, ,SH'A RI'I BU, LHA DANG BCAS
PA'I 'JIG RTEN 'DI DAG GI BDUD DANG BDUD DU BCAS, TSANGS PAR
BTAS, DGE SBYONG DANG BRAM ZER BCAS PA'I

SKYE DGU'I MDUN DU KHYOD MOS PAR BYA'O, ,KHYOD KYIS KHONG DU
CHUD PAR BYA'O, ,SH'A RI'I BU, NGAS KHYOD SANGS RGYAS BYE BA
KHRAG KHRIG BRGYA STONG PHRAG NYI SHU'I DRUNG DU BLA NA MED PA
YANG DAG

@41B PAR RDZOGS PA'I BYANG CHUB TU YONGS SU SMIN PAR BYA STE,
SH'A RI'I BU KHYOD YUN RING PO NAS NGA YI RJES SU SLOB PAR GYUR
PA YIN TE, SH'A RI'I BU KHYOD BYANG CHUB SEMS DPA'I MAN NGAG
DANG, BYANG

CHUB SEMS DPA'I GSANG CHEN GYIS NGA'I GSUNG RAB 'DI LA SKYES PAR
GYUR TO, ,SH'A RI'I BU, 'DI LTAR KHYOD BYANG CHUB SEMS DPA'I
BYIN GYI RLABS KYIS SNGON GYI SPYOD PA DANG, SMON LAM DANG,

BYANG CHUB SEMS DPA'I MAN NGAG DANG, BYANG CHUB SEMS DPA'I GSANG
CHEN MI DRAN NAS, BDAG MYA NGAN LAS 'DAS SO SNYAM DU SEMS TE,
SH'A RI'I BU, NGAS KHYOD SNGON GYI SPYOD PA DANG,

SMON LAM DANG, YE SHES KHONG DU CHUD PA DRAN PAR BYA BAR 'DOD
DE, DAM PA'I CHOS PAD-MA DKAR PO'I CHOS KYI RNAM GRANGS MDO
SDE SHIN TU RGYAS PA CHEN PO, BYANG CHUB SEMS DPA' RNAMS

LA GDAMS PA, SANGS RGYAS THAMS CAD KYIS YONGS SU BZUNG BA 'DI,
NYAN THOS RNAMS LA YANG DAG PAR BSTAN TO, ,SH'A RI'I BU KHYOD
'DI LTAR MA 'ONGS PA'I DUS NA, BSKAL PA DPAG

YAS BSAM GYIS MI KHYAB PA DPAG TU MED PAR DE BZHIN GSHEGS PA BYE
BA KHRAG KHRIG BRGYA STONG MANG PO'I DAM PA'I CHOS BZUNG ZHING,
MCHOD PA RNAM PA SNA TSOGS BYAS TE, BYANG CHUB SEMS

DPA'I SPYOD PA 'DI DAG YONGS SU RDZOGS PAR BYAS NAS, DE BZHIN
GSHEGS PA DGRA BCOM PA YANG DAG PAR RDZOGS PA'I SANGS RGYAS RIG
PA DANG ZHABS SU LDAN PA, BDE BAR GSHEGS

@42A *, ,PA; 'JIG RTEN MKHYEN PA, SKYES BU 'DUL BA'I KHA LO
SGYUR BA, BLA NA MED PA LHA DANG MI RNAMS KYI STON PA, SANGS
RGYAS BCOM LDAN 'DAS PAD MA'I 'OD CES BYA

BAR 'JIG RTEN DU 'BYUNG BAR 'GYUR RO, ,SH'A RI'I BU, DE'I TSE
NA, BCOM LDAN 'DAS DE BZHIN GSHEGS PA PAD MA'I 'OD DE'I SANGS
RGYAS KYI ZHING RDUL MED PA ZHES BYA BAR 'GYUR TE,

MNYAM PA NYAMS DGA' BA, BZANG BA SDUG PA YONGS SU DAG PA, 'BYOR
BA RGYAS PA, BDE PA LO LEGS PA, MI DANG LHA MANG POS RAB TU GANG
BA, GZHI BEE d'U RYA LA GSER GYI SKUD

PAS MIG MANG RIS SU BRIS PA, MIG MANG RIS DE KUN TU RIN PO CHE'I
SHING SKYES TE, RTAG PAR RGYUN DU RIN PO CHE SNA BDUN GYI ME TOG
DANG 'BRAS BU DANG LDAN PAR 'GYUR RO, ,SH'A

RI'I BU, DE BZHIN GSHEGS PA DGRA BCOM PA YANG DAG PAR RDZOGS
PA'I SANGS RGYAS PAD MA'I 'OD DE'ANG THEG PA GSUM LAS BRTZAMS
NAS CHOS STON TE, GZHAN YANG, SH'A RI'I

BU; DE BZHIN GSHEGS PA DE BSKAL PA'I SNYIGS MA LA MI 'BYUNG MOD
KYI, 'ON KYANG SNGON GYI SMON LAM GYI DBANG GIS CHOS STON PAR
'GYUR RO, ,SH'A RI'I BU, BSKAL PA DE'I

MING YANG RIN PO CHE CHEN POS BRGYAN PA ZHES BYA BAR 'GYUR RO,
,SH'A RI'I BU, 'DI JI SNYAM DU SEMS, CI'I PHYIR BSKAL PA DE RIN
PO CHE CHEN PAS BRGYAN PA ZHES BYA ZHE NA, SH'A RI'I BU,

@42B SANGS RGYAS KYI ZHING DE NA BYANG CHUB SEMS DPA' RNAMS NI
RIN PO CHE CHEN PO ZHES BYA STE, DE'I TSE DE'I DUS NA 'JIG RTEN
GYI KHAMS RDUL MED PA DER, DE DAG DPAG TU MED PA, BGRANG DU MED

PA; BSAM GYIS MI KHYAB PA, BGRANG BA LAS 'DAS PA MANG PO 'BYUNG
STE, DE BZHIN GSHEGS PAS BGRANG BA NI MA GTOGS SO, ,DE'I PHYIR
BSKAL PA DE RIN PO CHE CHEN POS BRGYAN PA

ZHES BYA'O, ,SH'A RI'I BU, 'DI LTAR YANG DE'I TSE, BYANG CHUB
SEMS DPA' RNAMS SANGS RGYAS KYI ZHING DE NA PHAL CHER RIN PO
CHE'I PAD MA'I STENG NAS GOM PA 'DOR ZHING 'GRO BAR 'GYUR TE,

BYANG CHUB SEMS DPA' 'BYUNG BA DE DAG NI LAS DANG PO PA MA YIN
TE, DGE BA'I RTZA BA YUN RING PO NAS SPYAD PA, LO BRGYA STONG
MANG POR TSANGS PAR SPYOD PA SPYAD PA, DE BZHIN GSHEGS

PAS YONGS SU BSTOD PA, SANGS RGYAS KYI YE SHES LA BRTZON PA,
MNGON PAR SHES PA CHEN PO YONGS SU SBYANGS PA LAS SKYES PA, CHOS
KYI TSUL THAMS CAD LA MKHAS PA, MNYEN PA

DRAN PA DANG LDAN PA YIN TE, SH'A RI'I BU, PHAL CHER NI BYANG
CHUB SEMS DPA' DE LTA BUS SANGS RGYAS KYI ZHING DE YONGS SU GANG
BAR 'GYUR RO, ,SH'A RI'I BU, 'DI LTAR YANG DE BZHIN

GSHEGS PA PAD M''I 'OD DE'I TSE'I TSAD NI, GZHON NUR GYUR PA MA
GTOGS PAR BAR GYI BSKAL PA BCU GNYIS SU 'GYUR RO, ,SEMS CAN DE
DAG GI TSE'I TSAD NI BAR GYI BSKAL PA BRGYAD

@43A *, ,DU 'GYUR RO, ,SH'A RI'I BU, DE BZHIN GSHEGS PA PAD-
MA'I 'OD DE'I BAR GYI BSKAL PA BCU GNYIS 'DAS PA DANG, DGE
SLONG DAG, BYANG CHUB SEMS DPA'

SEMS DPA' CHEN PO MOS PA RDZOGS PA 'DI NGA'I 'OG TU BLA NA MED
PA YANG DAG PAR RDZOGS PA'I BYANG CHUB MNGON PAR RDZOGS PAR
'TSANG RGYA STE, DE BZHIN GSHEGS PA DGRA BCOM PA

YANG DAG PAR RDZOGS PA'I SANGS RGYAS RIG PA DANG ZHABS SU LDAN
PA, BDE BAR GSHEGS PA 'JIG RTEN MKHYEN PA, SKYES BU 'DUL BA'I
KHA LO SGYUR BA, BLA NA MED PA LHA DANG MI RNAMS

KYI STON PA SANGS RGYAS BCOM LDAN 'DAS PAD-MA'I KHYU MCHOG
RNAM PAR GNON PA ZHES BYA BAR 'JIG RTEN DU 'BYUNG NGO ZHES BYANG
CHUB SEMS DPA' SEMS DPA' CHEN PO MOS PA RDZOGS

PA ZHES BYA BA BLA NA MED PA YANG DAG PAR RDZOGS PA'I BYANG CHUB
TU LUNG BSTAN NAS, YONGS SU MYA NGAN LAS 'DA' BAR 'GYUR RO,
,SH'A RI'I BU, DE BZHIN GSHEGS PA PAD MA'I KHYU

MCHOG RNAM PAR GNON PA DE'I SANGS RGYAS KYI ZHING YANG RNAM PA
DE 'DRA BAR 'GYUR RO, ,YANG SH'A RI'I BU, DE BZHIN GSHEGS PA PAD
MA'I 'OD DE YONGS SU MYA NGAN LAS 'DAS NAS BAR

GYI BSKAL PA SUM CU RTZA GNYIS SU DAM PA'I CHOS GNAS PAR 'GYUR
RO, ,BAR GYI BSKAL PA SUM CU RTZA GNYIS SU DAM PA'I CHOS KYI
GZUGS BRNYAN GNAS PAR 'GYUR RO, ,DE NAS

@43B BCOM LDAN 'DAS KYIS DE'I TSE TSIGS SU BCAD PA 'DI DAG BKA'
STZAL TO, ,MA 'ONGS DUS NA SH'A RI'I BU KHYOD KYANG, ,RGYAL PA
DE BZHIN GSHEGS PAR 'BYUNG 'GYUR TE, PAD-MA'I 'OD CES BYA

BA KUN TU SPYAN, ,SROG CHAGS BYE BA STONG DAG RNAM PAR 'DUL,
,SANGS RGYAS BYE BA MANG LA BKUR STI BYAS, ,DER NI SPYOD PA
STOBS RNAMS RAB BSGRUBS NAS, ,STOBS BCU DAG KYANG MNGON

PAR BSKYED BYAS TE, ,BYANG CHUB DAM PA MCHOG KYANG THOB PAR
'GYUR, ,TSAD MED BSAM GYIS MI KHYAB BSKAL PA NA, ,DE TSE BSKAL
PA RIN CHEN MANG PO 'BYUNG, ,'JIG RTEN MING YANG DE TSE RDUL

MED PA, ,RKANG GNYIS GTZO BO'I ZHING NI RNAM PAR DAG, BEE d'U
RYA YIS DE BZHIN SA GZHI YOG ,GSER GYI SKUD PAS SO SOR RAB TU
BRGYAN, ,ME TOG 'BRAS BUS BRGYAN ZHING BLTA SDUG PA'I, ,

RIN CHEN SHING LJON BRGYA DANG RAB TU LDAN, ,DRAN LDAN BYANG
CHUB SEMS DPA' DE NA MANG, ,SPYOD PA MNGON PAR BSGRUB LA RAB
MKHAS SHING, ,GANG GIS SANGS RGYAS BRGYA LAS SPYOD BSLABS

PA; ;DE DAG SANGS RGYAS ZHING DER SKYE BAR 'GYUR, ,RGYAL BA DE
YI THA MA'I DUS KYI TSE, ,GZHON NU'I SA LAS SHIN TU 'DAS GYUR
NAS, ,'DOD PA RNAM PAR SPANGS NAS MNGON 'BYUNG STE, ,

BYANG CHUB DAM PA MCHOG KYANG THOB PAR 'GYUR, ,DE NA RGYAL BA DE
YI TSE TSAD NI, ,BAR GYI BSKAL PA BCU GNYIS TSANG BAR 'GYUR, ,DE
NA MI DE DAG GI TSE TSAD NI, ,BAR GYI BSKAL PA

@44A *, ,BRGYAD DU THUB PAR 'GYUR, ,RGYAL BA DE NI MYA NGAN 'DAS
NAS KYANG, ,BAR GYI BSKAL PA SUM CU GNYIS TSANG BAR, ,LHAR BCAS
'JIG RTEN RNAMS LA PHAN PA'I PHYIR

DE YI TSE NA DAM PA'I CHOS GNAS SO, ,DAM PA'I CHOS NUB DE YI
GZUGS BRNYAN YANG, ,BAR GYI BSKAL PA SUM CU GNYIS SU GNAS,
,SKYOB PA DE YI SKU GDUNG RGYAS 'GYUR TE, LHA DANG MI

YIS RTAG TU RIM GRO BYAS, ,BCOM LDAN 'DAS DE DE LTAR 'BYUNG
'GYUR GYI, ,SH'A RI'I BU KHYOD RAB TU DGA' BAR GYIS, ,ZIL GYIS
MI NON RKANG GNYIS GTZO BO STE, ,DE LTAR 'GYUR BA

DE NI KHYOD NYID YIN, ,DE NAS DGE SLONG DANG, DGE SLONG MA DANG,
DGE BSNYEN DANG, DGE BSNYEN MA 'KHOR BZHI PO DE DAG DANG, LHA
DANG, KLU DANG, GNOD SBYIN DANG, DRI ZA DANG, LHA MA

YIN DANG, NAM MKHA' LDING DANG, MI'AM CI DANG, LTO 'PHYE CHEN PO
DANG, MI DANG MI MA YIN PAR RNAMS TSE DANG LDAN PA SH'A RI'I BU
BLA NA MED PA YANG DAG PAR RDZOGS PA'I BYANG CHUB TU

LUNG BSTAN PA 'DI, BCOM LDAN 'DAS LAS MNGON SUM DU THOS NAS,
TSEM ZHING MGU LA YI RANGS TE RAB TU DGA' NAS, DGA' BA DANG YID
BDE BA SKYES TE, RANG RANG GI GOS

BCOM LDAN 'DAS KYI SKU LA GSOL TO, ,LHA'I DBANG PO BRGYA BYIN
DANG, MI MJED KYI BDAG PO TSANGS PA DANG, LHA'I NGU ? GZHAN BYE
BA BRGYA STONG DAG GIS KYANG, BCOM LDAN 'DAS KYI SU

@44B LA LHA'I NA BZA' DAG GSOL, LHA'I ME TOG MAN-D'A ? RA DANG
MAN-D'A ? RA CHEN PO DAG KYANG MNGON PAR GTOR, STENG GI BAR
SNANG LA LHA'I GOS DAG KYANG BSKON, LHA'I SIL SNYAN BRGYA STONG
DANG, RNGA DAG KYANG

STENG GI BAR SNANG LA BRDUNGS TE, ME TOG GI CHAR CHEN PO'ANG
MNGON PAR PHAB NAS, TSIG 'DI SKAD DU BCOM LDAN 'DAS KYIS SNGON
YUL W'A RA n'A SI DRANG SRONG LHUNG BA RI DWAGS KYI NAGS SU
CHOS

KYI 'KHOR LO BSKOR TE, DENG 'DIR YANG BCOM LDAN 'DAS KYIS BLA NA
MED PA'I CHOS KYI 'KHOR LO BSKOR TO ZHES SMRAS NAS, LHA'I BU DE
RNAMS KYIS DE'I TSE TSIGS SU BCAD PA 'DI DAG

GSOL TO, ,W'A RA n'A SIR 'JIG RTEN NA, ,MTSUNGS MED GANG ZAG
DPA' CHEN GYIS, ,PHUNG PO'I SKYE 'JIG STON PA YI, ,CHOS KYI
'KHOR LO RAB BSKOR TE, ,DER NI THOG MAR RAB TU BSKOR, ,

'DREN PAS 'DI DANG LAN GNYIS TE, ,YID CHES DKA' BA GANG LAGS TE,
,RNAM 'DREN KHYOD KYIS DENG BSHAD DO, ,'JIG RTEN MGON PO'I SPYAN
SNGAR NI, ,BDAG CAG CHOS MANG THOS NA YANG, ,

'DI 'DRA BA YI CHOS 'DI NI, ,SNGAN CHAD NAM YANG MA THOS SO,
,DRANG SRONG CHEN PO'I LDEM NGAG LA, ,DPA' BO BDAG CAG RJES YI
RANG, ,JI LTAR 'JIGS MED SH'A RI'I BU, ,'PHAGS PA 'DI

LA LUNG BSTAN BZHIN, ,DE 'DRA BDAG CAG 'JIG RTEN DU, ,BLA MED
SANGS RGYAS GRUB 'GYUR NAS, ,DGONGS TE BSHAD PA SANGS RGYAS KYI,
,BYANG CHUB BLA MED STON PAR SHOG ,'JIG RTEN

@45A *, ,'DI DANG GZHAN DAG TU, ,RDZOGS PA'I SANGS RGYAS MNYES
BGYIS TE, ,BDAG CAG DGE BA CI BGYIS PA, ,BYANG CHUB TU YANG SMON
PAR SHOG ,DE NAS BCOM

LDAN 'DAS LA TSE DANG LDAN PA SH'A RI'I BUS 'DI SKAD CES GSOL
TO, ,BCOM LDAN 'DAS, BDAG BLA NA MED PA YANG DAG PAR RDZOGS PA'I
BYANG CHUB TU LUNG BSTAN PA, BCOM LDAN  'DAS LAS MNGON SUM DU

[*LINE BREAK?]
THOS NAS, BCOM LDAN 'DAS, BDAG THE TSOM MA MCHIS PAR GYUR, SOM
NYI DANG BRAL BAR GYUR TO, ,BCOM LDAN 'DAS, GANG DAG DBANG DANG
LDAN

PAR GYUR PA STONG NYIS BRGYA PO SNGON BCOM LDAN 'DAS KYIS SLOB
PA'I SA LA BKOD DE, DGE SLONG DAG ,GANG 'DI SKYE BA DANG, RGA BA
DANG, NA BA DANG, 'CHI BA LAS YANG DAG PAR 'DA'

BA; YONGS SU MYA NGAN LAS 'DAS PA'I MTHAR THUG PA, MYA NGAN LAS
'DAS PA LA YANG DAG PAR GZHOL BA DE NI, NGA'I CHOS 'DUL BA'I
MTHAR THUG PA YIN NO ZHES DE SKAD GTAMS

SHING DE SKAD RJES SU BSTAN PA 'DI DAG DANG, BCOM LDAN 'DAS SLOB
PA DANG MI SLOB PA'I DGE SLONG BDAG TU LTA BA DANG, 'BYUNG BAR
LTA BA DANG, 'JIG PAR LTA PA'I LTA BA THAMS CAD

RNAM PAR SPANGS PA, BCOM LDAN 'DAS KYI NYAN THOS NYIS STONG PO
'DI DAG THAMS CAD KYANG BDAG MYA NGAN LAS 'DAS PA'I SA LA GNAS
SO SNYAM BGYID DE, 'DI DAG SNGON MA THOS

@45B PA'I CHOS 'DI LTA BU 'DI BCOM LDAN 'DAS LAS THOS NAS THE
TSOM 'TSAL BAR GYUR NA, BCOM LDAN 'DAS, CI ?NAS 'KHOR BZHI PO
'DI DAG THE TSOM MA MCHIS, SOM NYI MA MCHIS PAR

GNAS PAR 'GYUR BAR DGE SLONG 'DI DAG GI DOGS PA BSAL BA'I SLAD
DU, ,BCOM LDAN 'DAS KYIS LEGS PAR BKA' STZAL DU GSOL, DE SKAD
CES GSOL PA DANG, BCOM LDAN

'DAS KYIS TSE DANG LDAN PA SH'A RI'I BU LA 'DI SKAD CES BKA'
STZAL TO, ,SH'A RI'I BU, SEMS CAN MOS PA THA DAD PA DANG, BSAM
PA THA DAD PA DANG, KHAMS THA DAD PA RNAMS KYI BSAM

PA MKHYEN NAS DE BZHIN GSHEGS PA DGRA BCOM PA YANG DAG PAR
RDZOGS PA'I SANGS RGYAS 'DI LTAR SNA TSOGS MNGON PAR BSGRUB PA
DANG, RGYU DANG, GZHI DANG, DPE DANG, DMIGS PA

DANG; NGES PA'I TSIG DANG, THABS LA MKHAS PA RNAM PA SNA TSOGS
KYIS CHOS STON TO, ,BLA NA MED PA YANG DAG PAR RDZOGS PA'I BYANG
CHUB 'DI LAS BRTZAMS TE, CHOS BSTAN PA THAMS

CAD KYIS BYANG CHUB SEMS DPA'I THEG PA 'DI NYID LA YANG DAG PAR
'DZUD DO ZHES NGAS KHYOD LA BSTAN ZIN PA MA YIN NAM, SH'A RI'I
BU, 'ON KYANG DON DE RGYAS PAR BSTAN PA'I PHYIR KHYOD LA

DPE BSTAN PAR BYA'O, ,DE CI'I PHYIR ZHE NA, SKYES BU MKHAS PA LA
LA NI SMRAS PA'I DON DPES SHES PAR 'GYUR BA'I PHYIR RO, ,SH'A
RI'I BU, 'DI LTA STE, DPER NA, GRONG NGAM, GRONG KHYER

@46A *, ,RAM, GRONG BRDAL LAM, LJONGS SAM, YUL 'KHOR RAM, RGYAL
PO'I PHO BRANG 'KHOR LA LA ZHIG NA, KHYIM BDAG RGAN PO, 'KHOGS
PA, GTUGS PA, DUS

YOL BA, DGOG TU PHYIN PA, PHYUG PA, NOR CHE BA, LONGS SPYOD CHE
BA ZHIG 'DUG LA, DE'I KHANG PA'ANG MTHO ZHING YANGS PA BRTZIGS
NAS RING DU LON PA, GRUM PA, SROG CHAGS

BRGYA PHRAG GCIG GAM, GNYIS SAM, GSUM MAM, BZHI 'AM, LNGA'I GNAS
SGO GCIG PA ZHIG YOD DE, RTZWAS G-YOGS PA, KHYAMS RNAMS KYANG
GRUM PA, KA BA'I RTZA BA RUL

BA; RTZIG PA DANG SGO'I SKYANG NUL GOGS PAR GYUR PA'I KHANG PA
DE LA GLO BUR DU ME'I PHUNG PO CHEN PO NGOGS THAMS CAD KUN NAS
RAB TU 'BAR BAR GYUR LA, SKYES BU DE LA'ANG KHYE'U

LNGA'AM, BCU'AM, NYI SHU'AM, MANG ZHIG YOD DE, SKYES BU DE NI
KHANG PA DE NAS BYUNG BAR GYUR LA, SH'A RI'I BU, DE NAS SKYES BU
DES BDAG GI KHANG PA LA ME'I PHUNG PO CHEN PO

KUN NAS 'BAR BAR MTHONG STE, DANG NGAS SKRAG NAS SEMS MI BDE BAR
GYUR TE, 'DI LTAR BDAG NI ME'I PHUNG PO CHEN PO 'DIS MA REG ,MA
TSIG CING BDE BAR MYUR DU KHYIM 'BAR

BA 'DI'I SGOR BYUNG STE 'GRO NUS MOD KYI, BDAG GI BU BYIS PA
GZHON NU 'DI DAG KHYIM 'BAR BA 'DI NA RTZED MO DAG GIS RTZE DGA'
ZHING DGA' MGUR SPYOD DE, KHYIM 'DI TSIG

@46B PAR MA TSOR, MI SHES, MA RIG ,MA RTOGS NAS 'DI LTAR ME'I
PHUNG PO CHEN POS SHIN TU GDUNGS TE, SDUG BSNGAL GYI PHUNG PO
CHEN POS REG KYANG MI DGA' MI BYED DE, SDUG BSNGAL DU'ANG

YID LA MI 'DZIN, PHYIR 'BYUNG BAR YANG YID LA BYA BA MI SKYED DO
SNYAM DU SEMS SO, ,SH'A RI'I BU, SKYES BU DE'ANG STOBS DANG LDAN
ZHING LAG STOBS CHE BA YIN TE, DE 'DI LTAR BDAG STOBS DANG

LDAN ZHING LAG STOBS YOD NA, BDAG GIS KHYE'U 'DI DAG THAMS CAD
GCIG TU BSDUS LA, PANG PAR BLANGS TE KHYER LA KHYIM 'DI NAS
PHYUNG NGO SNYAM DU BSAMS PA DANG, DES KYANG 'DI SNYAM

DU BSAMS TE, KHANG PA 'DI SGO GCIG PO YOD LA, SGO DE'ANG DOG
,GZHON NU 'DI DAG NI G-YO ZHING RGOD DE BYIS PAR GYUR PAS 'THEN
PAR 'GYUR DU 'ONG STE, DE DAG ME'I PHUNG PO CHEN PO

'DIS TSUL MA YIN PAR NYON MONGS PAR 'GYUR GYI, 'DI DAG LA SBRAN
TO SNYAM DU DE LTAR BSAMS NAS, GZHON NU DE DAG LA SMRAS PA,
KHYIM 'DI LA ME'I PHUNG PO CHEN PO 'BAR TE 'DIR

THAMS CAD ME'I PHUNG PO CHEN PO 'DIS TSIG NAS, TSUL MA YIN PAR
NYON MONGS PAR 'GYUR DU 'ONG GI ,GZHON NU KHYED TSUR SHOG ,PHYIR
BYUNG ZHES BYAS PA DANG, DE LTAR PHAN PAR 'DOD

PA'I SKYES BU DES DE SKAD DU BSGO BA, GZHON NU DE DAG GIS ME
'BAR BA 'DI LTA GO CI ZHIG CES MI SHES NAS MI DGAR MI BYED, MI
'JIGS, MI SKRAG ,'JIGS PAR MA GYUR TE MI SEMS,

@47A *, ,PHYIR 'BYUNG DU MI BTUB CING, MA RIG ,MI SHES TE,
,GZHAN DU NA DE DANG DE DAG TU 'PHYAN ZHING PHYI PHYIR BRGYUGS
TE PHA DE LA BLTA'O, ,DE CI'I PHYIR ZHE NA, DE DAG 'DI LTAR

BYIS PAR GYUR PA'I PHYIR RO, ,DE NAS YANG SKYES BU DE 'DI SNYAM
DU SEMS TE, KHYIM 'DI LA ME'I PHUNG PO CHEN PO 'BAR TE, 'DIR
BDAG DANG GZHON NU 'DI DAG TSUL MA YIN PAR ME'I PHUNG PO

CHEN PO 'DIS NYON MONGS PAR 'GYUR DU 'ONG GI, 'DI LTAR BDAG GIS
THABS MKHAS PAS GZHON NU 'DI DAG KHYIM 'DI NAS GDON TO SNYAM
NAS, SKYES BU DES GZHON NU DE DAG GIS

BSAM PA SHES, MOS PA RIG PAR GYUR TE, GZHON NU DE DAG GI BRTZEN
PA NI DU MA STE, RNAM PA THA DAD PA'ANG DU MA ZHIG YIN LA, DGA'
BAR 'GYUR BA LA 'DOD PA DANG, MDZES PA

DANG; SDUG PA DANG, YID DU 'ONG BA RNAM PA DU MA YIN NA DE DAG
KYANG DKON PAR GYUR TE, DE NAS SKYES BU DES GZHON NU DE DAG GI
BSAM PA SHES PAS 'DI SKAD CES SMRAS TE, GZHON NU

DAG ;KHYED KYI RTZED MOR BYA BA DGA' BAR 'GYUR BA, NGO MTSAR
RMAD DU BYUNG BA, GANG MA RNYED PA'I PHYIR MI DGA' BAR GYUR PA
DE DAG KHA DOG SNA TSOGS RNAM PA MANG PO DE 'DI LTA STE, GLANG

GI SHING RTA DANG, RA'I SHING RTA DANG, RI DWAGS KYI SHING RTA
KHYED KYIS JI LTAR BSAMS PA, MDZES PA DANG, SDUG PA DANG, YID DU
'ONG BA DE DAG THAMS CAD KHYED RTZER GZHUG PA'I PHYIR,

@47B NGAS KHANG PA'I PHYI SGOR BKOD KYI, KHANG PA 'DI NAS KHYED
PHYIR BYUNG LA RGYUGS TE SHOG CIG DANG, NGAS KHYED CAG SU CI
'DOD PA DE LA DE SBYIN GYI, DE DAG GI PHYIR MYUR DU RGYUGS TE
SHOG CIG

CES BYAS PA DANG, GZHON NU DE DAG 'DOD PA DANG, MDZES PA DANG,
SDUG PA DANG, YID DU 'ONG BA JI LTA BUR 'DOD PA DANG, JI LTA BUR
BSAMS PA RNAMS KYI MING THOS NAS 'BAR BAR

GYUR PA'I KHANG PA DE NAS RTZED MOR BYA BA DANG, DGA' BAR BYA
BA'I PHYIR MYUR BA KHO NAR BRTZON 'GRUS BRTZAMS NAS, MTHU DANG
LDAN PA'I BANG GIS GCIG LA GCIG SDOD PA MED PAR SU SNGA, DE BAS

KYANG SU SNGA ZHES LUS GCIG LA GCIG BSDOS SHING BRGYUGS TE,
KHYIM 'BAR BA DE NAS MYUR DU PHYIR 'THON TO, ,DE NAS SKYES BU
DES BYIS PA DE DAG BDE ZHING LEGS PAR 'THON PA MTHONG

NAS; 'JIGS PA MED PAR GYUR PAR RIG STE, GRONG GI DPONG SA BLA
GAB MED PAR 'DUG NAS DGA' BA DANG RANGS PA SKYES TE, MYA NGAN
MED CING SGRIB PA DANG BRAL NAS 'JIGS PA MED PA

THOB PAR GYUR TE, DE NAS BYIS PA DE DAG PHA DE GA LA 'DUG PA DER
DONG NAS PHYIN PA DANG, 'DI SKAD DU YANG RTZED MOR BGYI BA RNAM
PA MANG PO DGA' BAR 'GYUR BA DE DAG 'DI LTA STE, GLANG

GI SHING RTA DANG, RA'I SHING RTA DANG, RI DWAGS KYI SHING RTA
BDAG CAG LA STZAL DU GSOL ZHES SMRAS PA DANG, SH'A RI'I BU, DE
NAS SKYES BU DES BDAG GI BU RNAMS LA RLUNG LTAR MGYOGS

@48A *, ,SHING MTHU DANG LDAN PA'I GLANG GI SHING RTA BYIN TE,
RIN PO CHE SNA BDUN LAS BYAS PA, LOGS DANG LDAN PA, DRIL BU
G-YER KHA'I DRA BA RAB TU DPYANGS PA, MTHO ZHING

BRTAN PA, RIN PO CHE NGO MTSAR RMAD DU BYUNG BA'I RGYAN GYIS
BRGYAN PA, RIN PO CHE'I PHRENG BAS MDZES PAR BYAS PA, ME TOG GI
PHRENG BAS BRGYAN PA, SHING BAL GYI STAN BTING PA, RAS

BCOS BU DANG DAR GYIS G-YOGS PA, RGYAB RTEN DMAR PO GNYIS SU
BZHAG PA, GLANG DKAR PO THAL KAR SHIN TU MGYOGS PA DAG DANG BCAS
NAS, BA DAN ? DANG LDAN PA SKYES BU MANG

POS BZUNG BA, GLANG STOBS DANG LDAN ZHING RLUNG BZHIN DU MGYOGS
PA, KHA DOG MTHUN PA RNAM PA SNA TSOGS PA'I GLANG GI SHING RTA
BYIS PA RNAMS LA RE RE BYIN NO, ,SH'A RI'I BU, DE CI'I

PHYIR ZHE NA, MI DE DE LTAR PHYUG LA NOR CHE BA BANG MDZOD MANG
BAS DES 'DI SNYAM DU BSAMS TE, BDAG GIS BYIS PA 'DI RNAMS LA
BZHIN PA NGAN PA BYIN TE, BDAG LA CI ZHIG BYA

SNYAM MO, ,DE CI'I PHYIR ZHE NA, GZHON NU 'DI DAG KUN KYANG BDAG
NYID KYI BU STE, THAMS CAD KYANG BDAG LA SDUG CING YID DU 'ONG
LA, BDAG LA'ANG BZHON PA CHEN PO 'DI LTA BU

DAG YOD NA, BDAG GIS GZHON NU 'DI DAG THAMS CAD LA SNYOMS PAR
BSAM GYI, MI SNYOMS PAR MI BYA'O, ,BDAG KYANG BANG MDZOD MANG
GI, BDAG GIS SEMS CAN THAMS

@48B CAD LA'ANG BZHIN PA CHEN PO 'DI 'DRA BA DAG SBYIN NA, BDAG
GI BU RNAMS LA LTA CI SMOS SNYAM PA'I PHYIR RO, ,DE'I TSE GZHON
NU DE DAG KYANG BZHON PA CHEN PO DE DAG LA ZHON NAS, NGO MTSAR
DANG

RMAD DU BYUNG BA THOB PAR GYUR NA, SH'A RI'I BU, 'DI JI SNYAM DU
SEMS, SKYES BU DES GZHON NU DE DAG LA 'DI LTAR SNGON DU BZHIN PA
RNAM PA GSUM BSTAN LA, PHYIS THAMS CAD KYANG BZHIN PA

CHEN PO BYIN TE, BZHIN PA RLABS PO CHE BYIN NA BRDZUN DU SMRAS
PAR MI 'GYUR RAM, SH'A RI'I BUS GSOL PA, BCOM LDAN 'DAS, DE LTAR
MA LAGS SO, ,BDE BAR GSHEGS PA, DE LTA MA

LAGS SO, ,SKYES BU DES 'DI LTAR THABS MKHAS PAS BYIS PA DE RNAM
SKYIM 'BAR BA DE NAS PHYUNG STE, SROG STZAL BA'I SLAD DU DE NYID
KYI RGYUS SKYES BU DE SHO BE MCHI BA MA LAGS SO, ,DE CI'I

SLAD DU ZHE NA, BCOM LDAN 'DAS, BDAG GI LUS THOB PA NYID KYIS
RTZED MOR BGYI BA THAMS CAD KYANG THOB PA LAGS TE, 'DI LTAR BCOM
LDAN 'DAS, SKYES BU DES GZHIN DU DE DAG LA SHING

RTA GCIG MA STZAL DU LAGS KYANG, BCOM LDAN 'DAS, SKYES BU DE SHO
BA MCHI BAR MI 'GYUR RO, ,DE CI'I SLAD DU ZHE NA, BCOM LDAN
'DAS, SKYES BU DES THOG MA NAS THABS MKHAS PAS

GZHON NU DE DAG BDAG GIS SDUG BSNGAL GYI PHUNG PO CHEN PO LAS
THAR BAR BGYI'O SNYAM DU BSAMS PA'I SLAD DU STE, RNAM GRANGS
'DIS KYANG SKYES BU DE SHO BE MCHI BA MA LAGS NA, SKYES

@49A *, ,BU DE BDAG LA BANG MDZOD MANG PO'ANG MCHOS LA, BU YANG
SDUG PAR BSAMS NAS, LEGS SU 'DOD PAS SPU MDOG MTHUN PA'I BZHON
PA, BZHON PA CHEN PO

STZAL BA LTA SMOS KYANG CI 'TSAL TE, BCOM LDAN 'DAS, SKYES BU DE
SHO BE MCHI BA MA LAGS SO, ,DE SKAD CES GSOL PA DANG, BCOM LDAN
'DAS KYIS TSE DANG LDAN PA SH'A RI'I BU LA 'DI

SKAD CES BKA' STZAL TO, ,SH'A RI'I BU, LEGS SO, ,LEGS SO, ,DE DE
BZHIN TE, JI SKAD SMRAS PA BZHIN NO, ,SH'A RI'I BU, DE BZHIN DU
DE BZHIN GSHEGS PA DGRA BCOM PA YANG

DAG PAR RDZOGS PA'I SANGS RGYAS 'JIGS PA THAMS CAD SEL BA, 'TSE
BA DANG, 'KHRUG PA DANG, GNOD PA DANG, SDUG BSNGAL BA DANG, YID
MI BDE BA DANG, MA RIG PA'I MUN PA

MUN NAG GI RAB RIB SGRIB PA DANG, YONGS SU DKRIS PA THAMS CAD
LAS YONGS YE RNAM PAR GROL BA DE BZHIN GSHEGS PA'I YE SHES DANG,
STOBS DANG, MI 'JIGS PA DANG, SANGS

RGYAS KYI CHOS MA 'DRES PA DANG LDAN PA, RDZU 'PHRUL GYI STOBS
KYIS SHIN TU STOBS DANG LDAN PA, 'JIG RTEN GYI PHA THABS CHEN PO
LA MKHAS PA'I YE SHES DAM PA'I PHA ROL TU SON PA,

SNYING RJE CHEN PO MI SKYO BA'I YID KYI PHAN PAR 'DOD PA SNYING
BRTZE BA DANG LDAN PA DE, KHAMS GSUM SDUG BSNGAL GYI PHUNG PO
CHEN PO 'BAR BA GDUNG PHYAM DANG STENG GI G-YOGS MA ZHIG PA'I

@49B KHANG PA DANG 'DRA BAR SEMS CAN SKYE BA DANG, RGA BA DANG,
NA BA DANG, 'CHI BA DANG, MYA NGAN DANG, SMRE SNGAGS 'DON PA
DANG, SDUG BSNGAL BA DANG, YID MI BDE BA DANG, 'KHRUG PA DANG,
MA

RIG PA'I MUN PA MUN NAG GI RAB RIB SGRIB PA DANG YONGS SU DKRIS
PAR ZHUGS PA RNAMS 'DOD CHAGS DANG, ZHE SDANG DANG, GTI MUG LAS
YONGS SU GROL BAR BYA BA DANG, BLA NA MED PA YANG

DAG PAR RDZOGS PA'I BYANG CHUB TU GZUD PA'I PHYIR 'BYUNG STE, DE
BYUNG MA THAG TU SEMS CAN RNAMS SKYE BA DANG, RGA BA DANG, NA BA
DANG, 'CHI BA DANG, MYA NGAN DANG, SMRE SNGAGS 'DON PA DANG,

SDUG BSNGAL BA DANG, YID MI BDE BA DANG, 'KHRUG PAS SREG PA
DANG, BTZO BA DANG, GDUNG BA DANG, YONGS SU GDUNG BA DANG, LONGS
SPYOD KYI PHYIR 'DOD PA'I RGYU'I GZHIS SDUG BSNGAL

RNAM PA MANG PO RAB TU MYONG BA DANG, DA LTAR GYI TSE LA TSOL BA
DANG YONGS SU BSAGS PA'I PHYIR, TSE PHYI MA LA SEMS CAN DMYAL BA
DANG, DUD 'GRO'I SKYE GNAS DANG, GSHIN RNGE'I 'JIG RTEN

DU SDUG BSNGAL RNAM PA MANG PO RAB TU MYONG BA DANG, LHA DANG MI
DBUL PO DANG, MI SDUG PA DANG PHRAD PA DANG, SDUG PA DANG BRAL
BA'I SDUG BSNGAL RAB TU MYONG BA DE NYID DU, SDUG BSNGAL GYI

PHUNG PO 'KHOR ZHING, RTZE DGA' LA DGA' MGUR SPYOD DE, MI SKRAG
MI DNGANG DNGANG BAR MI 'GYUR, MA RIG MA TSOR SKYO BAR MI
BYED, 'BYUNG BA MI TSOL BAR KHANG PA 'BAR BA DANG 'DRA BA'I

@50A *, ,KHAMS GSUM DER MNGON PAR DGA' NAS DE DANG DE DAG TU
RGYUG STE, SDUG BSNGAL GYI PHUNG PO CHEN PO DE LTA BUS GZIR
KYANG, SDUG BSNGAL DU 'DU SHES PA

YID LA BYA BA MI SKYED PAR GZIGS SO, ,SH'A RI'I BU, DE LA NGA NI
SEMS CAN 'DI DAG GI PHA STE, NGAS SEMS CAN 'DI DAG SDUG BSNGAL
GYI PHUNG PO CHEN PO 'DI LTA BU 'DI LAS YONGS

SU THAR BAR BYA ZHING NGAS GANG GI SEMS CAN 'DI DAG RTZE BA
DANG, DGA' BA DANG, DGA' MGUR SPYOD PA DANG, RNAM PAR RTZE BAR
BYED PAR 'GYUR BA SANGS RGYAS KYI YE SHES BDE

BA DPAG TU MED CING BSAM GYIS MI KHYAB PA, SEMS CAN 'DI DAG LA
SBYIN PAR BYA BAR DE BZHIN GSHEGS PAS DE LTAR GZIGS SO, ,SH'A
RI'I BU, DE LA NGA YE SHES KYI STOBS

DANG LDAN ZHING RDZU 'PHRUL GYI STOBS DANG LDAN ZHES GAL TE
THABS MA YIN PAS SEMS CAN 'DI DAG LA DE BZHIN GSHEGS PA'I YE
SHES GZIGS PA DANG, STOBS DANG, MI 'JIGS

PA RNAMS THOB PAR BYAS SU ZIN NA, SEMS CAN 'DI DAG CHOS 'DI DAG
GIS NGES PAR 'BYUNG BAR MI 'GYUR RO, ,DE CI'I PHYIR ZHE NA, SEMS
CAN 'DI DAG NI 'DOD PA'I YON

TAN LNGA PO DAG LA SHIN TU CHAGS PA, SEMS CAN 'DI DAG NI KHAMS
GSUM GYI DGA' BA LA SHIN TU CHAGS PA, SKYE BA DANG, RGA BA DANG,
NA BA DANG, 'CHI BA DANG, MYA NGAN

@50B DANG; SMRE SNGAGS 'DON PA DANG, SDUG BSNGAL BA DANG, YID MI
BDE BA DANG, 'KHRUG PA LAS MA THAR BA, BSREG BTZO GDUNG, YONGS
SU GDUNG BA, STENG G-YOGS DANG, GDUNG PHYAM

'BAR BA'I KHYIM DANG 'DRA BA'I KHAMS GSUM NAS MA BYUNG BA STE,
DE DAG GIS SANGS RGYAS KYI YE SHES LA JI LTAR LONGS SPYOD PAR
'GYUR ZHES DE BZHIN GSHEGS PAS DE LTAR GZIGS 

SO; ;DE LA SH'A RI'I BU, 'DI LTAR SKYES BU LAG STOBS CAN DES LAG
STOBS BZHAG STE, THABS MKHAS PAS GZHON NU DE DAG KHYIM 'BAR BA
DE NAS 'DON TE, BTON NAS DE DAG PHYIS

RLABS CHE BA'I BZHON PA CHEN PO BYIN PA DE BZHIN DU, SH'A RI'I
BU, DE BZHIN GSHEGS PA DGRA BCOM PA YANG DAG PAR RDZOGS PA'I
SANGS RGYAS DE BZHIN GSHEGS PA'I YE SHES DANG,

STOBS DANG, MI 'JIGS PA DANG LDAN PA'ANG DE BZHIN GSHEGS PA'I YE
SHES DANG, STOBS DANG, MI 'JIGS PA BZHAG STE, THABS MKHAS PA'I
YE SHES KYIS GDUNG PHYAM DANG

STENG G-YOGS 'BAR BA'I KHYIM DANG 'DRA BA'I KHAMS GSUM NAS SEMS
CAN RNAMS 'DON PA'I PHYIR THEG PA GSUM STON PA 'DI LTA STE, NYAN
THOS KYI THEG PA DANG, RANG SANGS RGYAS

KYI THEG PA DANG, BYANG CHUB SEMS DPA'I THEG PA STE, THEG PA
GSUM GYIS SEMS CAN RNAMS DRANGS TE, DE DAG LA 'DI SKAD CES
GSUNGS TE, KHYED CAG KHYIM 'BAR BA DANG 'DRA

@51A *, ,PA'I KHAMS GSUM GYI GZUGS DANG, SGRA DANG, DRI DANG, RO
DANG, REG BYA NGAN PA LA DGA' BAR MA BYED CIG ,KHYED CAG KHAMS
GSUM 'DIR MNGON PAR DGA'

BAS 'DOD PA LNGA'I YON TAN DANG BCAS PA'I SRED PAS BSREG BTZO
GDUNG, YONGS SU GDUNG BAR GYUR GYI, KHAMS GSUM 'DI NAS 'BYUNG BA
'DI LTA STE, NYAN THOS KYI THEG PA

DANG, RANG SANGS RGYAS KYI THEG PA DANG, BYANG CHUB SEMS DPA'I
THEG PA STE, THEG PA GSUM PO DAG THOB PAR GYIS SHIG ,NGA NI GNAS
'DI LA KHYED KYI SNYING SDANG BA STE, NGAS KHYED

LA THEG PA 'DI GSUM SBYIN GYI, KHAMS GSUM NAS 'BYUNG BA'I PHYIR
BRTZON PAR GYIS SHIG ,KYE SEMS CAN DAG ,THEG PA 'DI DAG NI GNGA
'PHAGS PA RNAMS LA 'PHAGS

PA RNAMS KYIS RAB TU BSTOD PA, DGA' BA CHEN PO DANG LDAN PA YIN
TE, KHYED CAG MI PHONGS PAR BRTZON ZHING DGA' LA, DGA' MGUR
SPYOD PAR 'GYUR GYI, DBANG PO DANG,

STOBS DANG, BYANG CHUB KYI YAN LAG DANG, BSAM GTAN DANG, RNAM
PAR THAR BA DANG, TENG NGE 'DZIN DANG, SNYOMS PAR 'JUG PAS DGA'
BA CHEN PO RAB TU MYONG PAR 'GYUR

RO, ,BDE BA DANG YID BDE BA CHEN PO DANG YANG LDAN PAR 'GYUR
ZHES GSUNG NGO, ,SH'A RI'I BU, DE LA SEMS CAN GANG MKHAS PAR
GYUR PA DE DAG NI DE BZHIN GSHEGS PA 'JIG

@51B RTEN GYI PHA LA MNGON PAR YID CHES PAR 'GYUR RO, ,MNGON PAR
YID CHES NAS KYANG DE BZHIN GSHEGS PA'I BSTAN BA LA BRTZON PAR
BYED DO, ,DE LA SEMS CAN KHA CIG GZHAN GYI SGRA THOS

PA'I RJES SU 'GRO BAR 'DOD PA DAG NI, BDAG YONGS SU MYA NGAN LAS
'DA' BA DANG, 'PHAGS PA'I BDEN PA BZHI KHONG DU CHUD PAR BYA
BA'I PHYIR, DE BZHIN GSHEGS PA'I BSTAN PA

LA BRDZON PAR BYED DE, DE DAG NI NYAN THOS KYI THEG PA 'DOD
CING, KHAMS GSUM NAS BYUNG BA ZHES BYA STE, DPER NA, KHYIM 'BAR
BA DE NAS BYIS PA KHA CIG RI DWAGS KYI SHING RTA

'DOD DE PHYIR BYUNG BA LTA BU'O, ,SEMS CAN GZHAN YANG SLOB DPON
MED PA'I YE SHES DANG, DUL BAR GNAS PA DANG ZHI GNAS 'DOD PA DAG
NI, BDAG YONGS SU MYA NGAN LAS 'DA'

BA DANG, RGYU DANG RKYEN YONGS SU KHONG DU CHUD PAR BYA BA'I
PHYIR, DE BZHIN GSHEGS PA'I BSTAN PA LA BRTZON PAR BYED DE, DE
DAG NI RANG SANGS RGYAS KYI THEG PA 'DOD CING KHAMS GSUM

NAS BYUNG BA ZHES BYA STE, DPER NA, KHYIM 'BAR BA DE NAS BYIS
PA, KHA CIG RA'I SHING RTA 'DOD DE BYUNG BA LTA BU'O, ,YANG SEMS
CAN KHA CIG THAMS CAD MKHYEN PA'I YE SHES, SANGS RGYAS KYI

YE SHES, RANG 'BYUNG GI YE SHES, SLOB DPON MED PA'I YE SHES 'DOD
PA DAG NI, SKYE BO MANG PO LA PHAN PA DANG, SKYE BO MANG PO LA
BDE BA DANG, 'JIG RTEN LA SNYING BRTZE BA DANG, LHA DANG

@52A *, ,MI DANG SKYE BO PHAL PO CHE'I DON DANG, PHAN PA DANG,
BDE BA DANG, SEMS CAN THAMS CAD YONGS SU MYA NGAN LAS 'DA' BA
DANG, DE BZHIN GSHEGS PA'I YE

SHES DANG, STOBS DANG, MI 'JIGS PA KHONG DU CHUD PAR BYA BA'I
PHYIR, DE BZHIN GSHEGS PA'I BSTAN PA LA BRTZON PAR BYED DE, DE
DAG NI THEG PA CHEN PO 'DOD CING, KHAMS

GSUM NAS 'BYUNG BA ZHES BYA'O, ,DE'I PHYIR BYANG CHUB SEMS DPA'
SEMS DPA' SEMS DPA' CHEN PO ZHES BYA STE, DPER NA, KHYIM 'BAR BA
DE NAS BYIS PA KHA CIG GLANG GI SHING RTA 'DOD DE

PHYIR BYUNG BA LTA BU'O, ,SH'A RI'I BU, 'DI LTA STE, DPER NA, ME
DES KHYIM 'BAR BA DE NAS GZHON NU DE DAG 'THON PAR MTHONG NAS,
BDE BAR LEGS PAR THAR TE, 'JIGS PA MED

PAR RIG LA, BDAG KYANG NOR MANG BAR SHES NAS, BYIS PA DE DAG LA
GZHON PA RLABS CHEN PO GCIG BYIN PA DE GZHIN DU, SH'A RI'I BU,
DE BZHIN GSHEGS PA DGRA BCOM

PA YANG DAG PAR RDZOGS PA'I SANGS RGYAS KYANG SEMS CAN BYE BA DU
MA SDUG BSNGAL DANG, 'JIGS PA DANG, BAG TSA BA DANG, GTZE BAS
YONGS SU GANG BA'I KHAMS GSUM NAS

YONGS SU THAR TE, DE BZHIN GSHAGS PA'I BSTAN PA'I SGO NAS BYUNG
NAS, 'JIGS PA DANG, BAG TSA BA DANG, GTZE BA'I GNOD PA DAG LAS
YONGS SU THAR TE, MYA NGAN LAS

@52B 'DAS PA'I BDE BA THOB PAR GZIGS NAS, SH'A RI'I BU, DE DAG
LA DE'I TSE DE BZHIN GSHEGS PA DGRA BCOM PA YANG DAG PAR RDZOGS
PA'I DANGS RGYAS BDAG LA YE SHES DANG, STOBS DANG,

MI 'JIGS PA'I MDZOD MANG BAR MKHYEN TE, DE DAG THAMS CAD KYANG
BDAG NYID KYI BU YIN PAR THUGS SU CHUD NAS SEMS CAN DE DAG THAMS
CAD KYANG SANGS RGYAS KYI THEG PA NYID KYIS YONGS

SU MYA NGAN LAS 'DA' BAR MDZAD KYI, SEMS CAN GANG LA'ANG SO SO
BDAG GI MYA NGAN LAS 'DAS PA MI GSUNG STE, SEMS CAN DE DAG THAMS
CAD KYANG DE BZHIN GSHEGS PA'I MYA NGAN LAS

'DA' BAR MYA NGAN LAS 'DA' BA CHEN POS YONGS SU MYA NGAN LAS
'DA' BAR MDZAD DO, ,SH'A RI'I BU, SEMS CAN GANG DAG KHAMS GSUM
NAS THAR PAR GYUR PA DE DAG LA'ANG DE BZHIN

GSHEGS PAS BSAM GTAN DANG, RNAM PAR THAR PAR DANG, TENG NGE
'DZIN DANG, SNYOMS PAR 'JUG PA, 'PHAGS PA'I BDEN PA'I MCHOG DANG
BRDZON PA DGA' BAR 'GYUR BA THAMS

CAD KHA DOG GCIG BA SBYIN PAR MDZAD DO, ,SH'A RI'I BU, 'DI LTA
STE, DPER NA, SKYES BU DES 'DI LTAR GZHON NU DE DAG LA BZHON PA
GSUM BSTAN NAS DE DAG THAMS CAD LA BZHON PA

CHEN PO GCIG BYIN TE, RIN PO CHE SNA BDUN LAS BYAS PA, RGYAN
THAMS CAD KYIS BRGYAN PA, KHA DOG GCIG PA, BZHON PA RLABS PO CHE
BZHON PA'I MCHOG THAMS CAD LA BYIN PA'I

@53A *, ,PHYIR, BRDZUN DU SMRA BA MA YIN PA DE BZHIN DU, SH'A
RI'I BU, DE BZHIN GSHEGS PA DGRA BCOM PA YANG DAG PAR RDZOGS
PA'I SANGS RGYAS KYANG 'DI LTAR THABS

MKHAS PAS, DANG PO THEG PA GSUM BSTAN NAS, PHYIS THEG PA GCIG PA
NYID KYIS SEMS CAN RNAMS YONGS SU MYA NGAN LAS 'DA' BAR MDZAD
PA'I PHYIR BRDZUN DU SMRA BA MA YIN NO, ,

DE CE'I PHYIR ZHE NA, SH'A RI'I BU, DE BZHIN GSHEGS PA NI YE
SHES DANG, STOBS DANG, MI 'JIGS PA'I BANG MDZOD MANG PO DANG
LDAN TE, SEMS CAN KUN LA THAMS CAD MKHYEN

PA'I YE SHES DANG LDAN PA'I CHOS BSTAN PA'I MTHU MNGA' BA'I
PHYIR RO, ,SH'A RI'I BU, 'DI LTAR THABS MKHAS PA SNA TSOGS DANG,
YE SHES MNGON PAR BSGRUBS PAS, DE BZHIN

GSHEGS PA THEG PA CHEN PO GCIG TU STON PAR RNAM GRANGS 'DIS
KYANG DE LTA BUR RIG PAR BYA'O, ,DE NAS BCOM LDAN 'DAS KYIS DE'I
CHE TSIGS SU BCAD PA 'DI DAG BKA' STZAL

TO, ,JE LTAR SKYES BU ZHIG GI KHYIM YOD PA, ,CHE LA RAB TU
'GRUMS TE ZHIG LA THUG ,DE BZHIN KHYAMS RNAMS ZHIG PAR GYUR PA
STE, ,KA BA'I RTZA BA DAG KYANG RUL BAR GYUR, ,PUR SHU

DANG NI SKUR KHUNG PHYOGS RER BRAL, ,RTZIG PA RE LDE SKYANG NUL
RNAMS KYANG GOGS, ,STEGS BU DAG KYANG RNYINGS NAS 'GRUMS SHING
ZHIG ,RTZWA YIS G-YOGS PA KUN KYANG 'DRAL ZHING,

@53B 'DZAG ? ,BRGYA PHRAG LNGA DAG LAS NI MI NYUNG BA, ,DE NA DE
DAG GI YANG GNAS SU GYUR, ,KHANG PHRAN SHIN DU DOG PA MANG PO
DAG ,SMRE BAS RAB TU GANG ZHING SMAD PAR GYUR, ,DE NA KHYAMS
RNAMS DGU PO

THAMS CAD 'GRUMS, ,RA BA RTZIG PA DAG KYANG DE BZHIN ZHIG ,BYA
RGOD BYE BA DAG NI DE NA GNAS, ,DE BZHIN PHUG RON 'UG PA BYA
GZHAN DANG, MI BZAD GDUG PA'I SBRUL RNAMS DE NA YOD, ,DUG

CHEN DRAG PO RNAMS KYANG PHYOGS PHYOGS NA, ,SDIG PA DANG NI BYI
BA SNA TSOGS DANG, ,SHIN TU GTUM PA'I SROG CHAGS RNAM MANG GNAS,
,MI MA YIN PA'ANG GNAS DANG GNAS DAG NA, ,

BSHANG GCI DAG GIS RAB TU SME BAR BYAS, SRIN BU ME KHYER GROG MA
SBUR BUS GANG, ,KHYI RNAMS DANG NI WA DAG NGA RO 'DON, , CE
SBYANG MI BZAD KHRO BO DE NA 'KHOD, ,MI RO RNAMS LA 'KHRE NA

CING RAB TU ZA, ,DE YI THE REL SDOD CING LTA BA YANG, ,WA DANG
KHYI DAG DE NA DU MA 'KHONG, ,DE DAG NYAM CHUNG RTAG TU BKRES
PAS NYEN, ,GNAS DANG GNAS NA RNAM PAR 'CHA' ZHING ZA, , 'THAB,

MO BYED DE RAB TU SGRA YANG 'BYIN, ,RNAM PA DE 'DRAR KHYIM DE
RAB TU 'JIG ,MI YI RO DAG LA YANG RNAM 'KHREN ZHING, ,SHIN TU
DRAG SEMS GNOD SBYIN DE NA 'KHOD, ,SBRUL DANG RKANG BRGYA

PA DANG GCAN GZAN RNAMS, ,DE YI GNAS DANG GNAS NA RAB TU 'KHOD,
,DE DAG PHYOGS DANG PHYOGS SU TSANG BCAS TE, ,PHUG GU RNAMS
KYANG GLOG CING 'JOG PAR BYED, ,DE DAG GIS

@54A *, ,NI BZHAG CING BKOD PA LA, ,GNOD SBYIN RNAMS KYANG DE LA
PHAL CHER ZA, ,RAB TU GTUM SEMS SEMS CAN GZHAN ZOS PAS, ,JI TZAM
GNOD SBYIN DE DAG

'GRANGS GYUR TE, ,SEMS CAN GZHAN GYI SHA YIS LUS RGYAS NAS, ,DE
TSE DE NA RAB TU 'THAB MO BYED, ,MI BZAD GTUM SEMS KHRO BA'I
GRUL BUM RNAMS, ZHIG PA'I KHYIM DE RNAMS SU

GNAS 'CHA' STE, ,MTHO GANG TSAD DANG DE BZHIN KHRU GANG TSAD,
,KHRU DO'I TSAD KYI PHAN TSUN RGYU ZHING 'GRO, DE DAG KHYI YI
RKANG NAS BZUNG NAS TE, ,DE BZHIN SA LA GNA KYAL DE BZHAG STE,,

MGUL PHAR RAB TU BGAGS SHING BSDIGS PA YIS, ,'KHANG DU BCUG PA
DE LA DGA' BAR BYED, ,GCER BU GNAG CING DE BZHIN RID PA YI, ,YI
DWAGS CHE ZHING RING BA'ANG DER GNAS TE, ,

RAB TU BKRES PAS KHA ZAS KUN 'TSOL ZHING, ,DE DAG DE NA NYAM
THAG CHO NGES 'DEBS, ,LA LA KLANG GI MGO LA KHAB KYI KHA, ,MI
TZAM DANG NI DE BZHIN KHYI TZAM DAG ,ZAS LA SRED PAS

RAB TU GDUNGS PA'I PHYIR, ,SKRA DAG LHUG PAR BZHIG CING SGRA
YANG 'BYIN, ,GNOD SBYIN SHA ZA YI DWAGS DE DAG KYANG, ,SRED
BRKAM KHA ZAS DAG NI 'TSOL BA'I PHYIR, ,RTAG TU MTHONGS

DANG SKAR KHUNG DAG NAS KYANG, ,DE NA PHYOGS BZHIR RAB TU LTA
BAR BYED, ,DE LTAR KHYIM DE MI BZAD 'JIG GYUR LA, ,CHE ZHENG
MTHO LA RAB TU MI BRTAN TE, ,RNAM PAR 'GRUMS SHING

@54B 'JIG NYE 'JIGS PA DE, ,SKYES BU GCIG CIG YONGS SU DBANG
GYUR LA, ,SKYES BU DE YANG KHYIM GYI PHYI ROL BYUNG, ,KHYIM DE
KUN KYANG RAB TU 'BAR GYUR TE, ,NGOS BZHI THAMS CAD NAS NI GLO
BUR

DU, ,ME LCE STONG SNYED KUN TU 'BAR BAR 'GYUR, ,'OD MA DANG NI
SHING DAG MES TSIG STE, ,DRAG PO'I SGRA RNAMS SHIN TU 'JIGS PAR
'BYUNG, ,KA BA DANG NI DE BZHIN RTZIG PAR 'BAR, ,

GNOD SBYIN YI DWAGS DAG KYANG SGRA DAG 'BYIN, ,BYA RGOD BRGYA
YANG RAG ROG TSIG PAR 'GYUR, ,GRUL BUM DAG NI GDONG TSIG LDEM
ZHING 'PHYAN, ,DE NA KUN TU SBRUL BRGYA MANG PO DAG ,MI

YIS TSEG NAS TZER LHANG SGRA YANG 'BYIN, ,BSOD NAMS MED PA ME
YIS KUN TSIG CING, ,DE NA SHA ZA MANG PO PHAN TSUN RGYU, ,DE DAG
GCIG LA GCIG NI SOS BTAB STE, ,TSIG PAR GYUR

PA DAG LA KHRAG GIS 'THOR, ,DE NA LCE SPYANG DUS BYAS SHI BA LA,
,SEMS CAN DAG NI PHAN TSUN RNAM PAR ZA, ,NGAN SKYUGS TSIG PA'I
DRI NGA YID MI 'ONG, ,'JIG RTEN DAG NA PHYOGS BZHIR

RAB TU 'THUL, ,SRIN BU RKANG BRGYA BA DAG BROS PA LA, ,DE LA
GRUL BUM DAG NI SHIN TU ZA, ,BKRES PA DANG NI SKOM PAS RAB
GDUNGS SHING, ,YI DWAGS RNAMS KYANG SGRA 'BAR KUN

'PHYAN TE, ,DE LTAR KHYIM DE SHIN TU MI BZAD 'JIGS, ,ME LCE DAG
NI STONG SNYED 'BAR BAR 'GYUR, ,SKYES BU KHYIM DE'I BDAG PO DE
NYID NI, ,SHIN TU RNAM PAR LTA ZHING SGO NA 'DUG

@55A *, ,DE NA DE YIS THOS PA BDAG GI BU, ,'DI LTAR BYES PA DAG
NI MI SHES PAS, ,RTZED MO BRDZEN PA DAG LA CHAGS PA'I BLO,
,RTZED MO DGA' 'AM RAB TU DRAGS MYOS

ZHES, ,DE THOS BDAG GI BYIS PA KHYE'U 'DI KUN, ,MYUR DU TSEG
CING CHUD ZOS MI 'GYUR BAR, ,BDAG GI BU RNAMS RAB YU THAR BYA'I
PHYIR, ,KHYIM DE'I NANG DU MYUR DU ZHUGS NAS

SU, ,DE LA DES NI KHYIM GYI NYES BRJOD DE, ,SDUG BSNGAL 'DI DAG
MI BZAD RIGS KYI BU, ,SEMS CAN RNAM PA MANG ZHING ME 'DI DANG,
,SDUG BSNGAL CHEN PO DAG KYANG GCIG PHYIR

GCIG ,SBRUL GDUG SHIN TU GTUM SEMS GNOD SBYIN DANG, ,GRUL BUM
DANG NI YI DWAGS MANG PO GNAS, ,CE SPYANG DAG DANG WA DANG KHYI
YANG MANG, ,BYA RGOD DAG KYANG KHA ZAS KUN

TU 'TSOL, ,DE 'DRA BA DAG 'DI NA MANG GNAS TE, ,ME MED ZEN YANG
SHIN TU MI BZAD 'JIGS, ,'DI YI KHO RA YUG TU ME 'BAR TE, ,'DI NA
DE 'DRA'I SDUG BSNGAL 'BA' ZHIG

GO ,DE LTAR BYIS PA'I BLO CAN DE SBRAN TE, ,GZHON NU RNAMS NI
RTZED MOS RAB MYOS PAS, ,PHA YIS BSGO BA DE LA MI SEMS TE, ,DE
DAG GI NI YID LA CI MI SMYAM, ,DE TSE SKYES BU

DE NI YANG SEMS PA, ,BU PHYIR SEMS PAS BDAG NI SDUG BSNGAL TE,
,BDAG GI BU DANG RGYUD DANG MED PA RU, ,ME 'DIS 'DI DANG TSEG NA
MI RUNG ZHES, ,DE YI DUS NA DE YI THABS

@55B BSAMS PA, ,RTZED MO DAG LA BYIS PA 'DI CHAGS TE, ,'DI NA
RTZED MO DGA' BA CI YANG MED, ,KYE MA 'DI LTAR BYIS PA GLEN
ZHING RMONGS, ,DE LA DE YIS SMAS PA GZHON DU NYON, ,B