{DD} @001A #, ,'DUL BA GZHI, BAM PO BRGYAD BCU GYA GSUM PA, GZIGS NAS KYANG KHA LO SGYUR BA LA GSUNGS PA, KHA LO SGYUR BA MI SKYA BO RBAB RBAB PO RID PA NYAM CHUNG BA DBANG PO NYAMS PA, SKYE BO MANG PO'I MIG GIS KYANG LTA MI PHOD PA 'DI CI YIN, LHA 'DI NI BRO 'TSAL BA ZHES BGYI'O, ,KHA LO SGYUR BA NAD KYIS THEBS PA ZHES BYA BA 'DI CI YIN, LHA MI 'DI GANG 'DIS 'GUM PAR 'GYUR BA'I GNAS DE MCHIS TE, LHA 'DI NI BROS THEBS PA ZHES BGYI'O, ,KHA LO SGYUR BA NGA YANG NAD KYI CHOS DANG NAD KYI CHOS NYID LAS MA 'DAS SAM, LHA YANG SNYUN GYI CHOS DANG SNYUN GYI CHOS NYID LAS MA 'DAS SO, ,KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG NYID DU PHYIN NAS NGA NAD LAS MA 'DAS ZHES GRAGS PA'I DON DE NYID BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE, DER BYANG CHUB SEMS DPA' SH'AKYA THUB PA PHO BRANG GI NANG DU GSHEGS NAS BDAG KYANG NAD LAS MA 'DAS PA {DD} @02A *, ,LTA ZHIG CES MI DGYES SHING THUGS NGAN DGONGS SO, ,'DIR SMRAS PA, MI NI LUS RID SKYA BO RBAB RBAB PO, ,RANG DBANG MED PA'I NAD THEBS 'DIR GZIGS NAS, ,NAD LAS BDAG MA 'DAS PA LTA ZHIG CES, ,DE NAS MI DGYES THUGS NGAN DGONGS PAR MDZAD, ,DE NAS RGYAL PO ZAS GTZANG GIS KHA LO SGYUR BA LA SMRAS PA, KHA LO SGYUR BA CI GZHON NU YID DGA' BA DANG MGU BAS SKYED MOS TSAL GYI GZHIR BYUNG NGAM, SKYED MOS TSAL LA MNGON PAR DGA' BAR GYUR TAM, LHA MA LAGS SO, ,DE CI'I SLAD DU ZHE NA; LHA GZHON NU SKYED MOS TSAL GYI GZHIR BYUNG BA NA MI SKYA BO RBAB RBAB PO RID PA, NYAM CHUNG BA, DBANG PO NYAMS PA, SKYE BO MANG PO'I MIG GIS LTA MI PHOD PA ZHIG GZIGS SO, ,GZIGS NAS KYANG BDAG LA BKA' STZAL PA, KHA LO SGYUR BA MI SKYA BO RBAB RBAB PO RID PA, NYAM CHUNG BA, DBANG PO NYAMS PA, SKYE BO MANG PO'I MIG GIS LTA MI PHOD PA 'DI CI YIN, DE LA BDAG GIS 'DI SKAD CES GSOL TO, ,LHA 'DI NI BROS THEBS PA ZHES BGYI'O, ,DE 'DI SKAD CES GSUNGS TE, KHA LO SGYUR BA NAD KYIS THEBS PA ZHES BYA BA 'DI CI YIN, DE LA BDAG GIS 'DI SKAD CES GSOL TO, ,MI 'DI GANG GNOD PA 'DIS 'GUM PAR 'GYUR PA'I GNAS DE MCHIS TE, LHA DE NI BROS THEBS PA ZHES BGYI'O, ,DE 'DI SKAD CES GSUNGS TE, KHA LO SGYUR BA NGA YANG NAD KYI CHOS DANG NAD KYI CHOS NYID LAS MA 'DAS SAM, DE LA BDAG GIS 'DI SKAD CES GSOL TE, ,LHA YANG SNYUN GYI CHOS DANG SNYUN GYI CHOS NYID LAS MA 'DAS SO, ,DE 'DI SKAD CES GSUNGS TE, KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG NYID DU PHYIN NAS NGA NAD LAS MA 'DAS @02B ZHES GRAGS PA'I DON DE NYID BSAM PAR BYA'O, ,LHA GZHON NU DE PHO BRANG GI NANG DU GSHEGS NAS NGA YANG NAD LAS MA 'DAS PA LTA ZHIG CES MI DGYES SHING THUGS NGAN DGONGS SO, ,DE NAS RGYAL PO ZAS GTZANG 'DI SNYAM DU SEMS TE, MTSAN MKHAN DANG LTAS MKHAN GYI BRAM ZE DE RNAMS KYI TSIG YANG DAG PAR BDEN PAR MI 'GYUR GRANG, GZHON NU SKRA DANG KHA SPU BREGS TE, GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR 'GYUR DU 'ONG GIS, MA LA BDAG GIS GZHON NU LA 'DOD PA'I YON TAN LNGA LAS PHAL MO CHE ZHIG BYIN LA CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYA'O SNYAM MO, ,DE NAS RGYAL PO ZAS GTZANG GIS BYANG CHUB SEMS DPA' SH'AKYA THUB PA LA 'DOD PA'I YON TAN LNGA LAS PHAL MO CHE ZHIG BYIN TE CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYAS SO, ,'DIR SMRAS PA; DE'I TSE DGA' NAS BDAG 'DOR MI GZHUG PHYIR, ,GZUGS DANG SGRA DANG DRI DANG RO RNAMS DANG, ,REG BYA YID DU 'ONG BA GTZO RNAMS KYI, ,'DOD PA'I YON TAN LNGA PO YANG BYIN NO, ,CHOS NYID KYIS BYANG CHUB SEMS DPA' SKYED MOS TSAL GYI GZHIR GSHEGS PAR BZHED PAR GYUR PA DE'I TSE KHA LO SGYUR BA LA, KYE KHA LO SGYUR BA RE ZHIG BZHON PA BZANG PO MYUR DU SHOMS SHIG DANG, DER NGA ZHUGS NAS SKYED MOS TSAL GYI GZHIR 'GRO'O ZHES GSUNG BAR 'GYUR BAS DE NAS BYANG CHUB SEMS DPAS KHA LO SGYUR BA LA GSUNGS PA, KYE KHA LO SGYUR BA RE ZHIG BZHON PA BZANG PO MYUR DU SHOMS SHIG ,DER NGA ZHUGS NAS SKYED MOS TSAL GYI GZHIR 'GRO'O, ,LHA BKA' BZHIN 'TSAL ZHES KHA LO SGYUR BAS BYANG CHUB SEMS DPA' SH'AKYA THUB PA'I LTAR MNYAN NAS BZHON PA BZANG PO BSHAMS TE BYANG CHUB SEMS DPA' SH'AKYA THUB PA GANG NA BA DER SONG NAS PHYIN PA DANG, BYANG CHUB SEMS DPA' SH'AKYA THUB PA LA 'DI SKAD CES SMRAS SO, ,LHA BCIBS PA BZANG PO BSHAMS LAGS KYIS, LHA DA DE'I DUS LA BAB PAR DGONGS SU GSOL, DE NAS BYANG CHUB SEMS DPA' SH'AKYA THUB PA BZHON PA BZANG POR ZHUGS TE SKYED MOS TSAL GYI GZHIR BYUNG BA DANG, BYANG CHUB SEMS DPA' SH'AKYA THUB @03A *, ,PAS RAS KHA DOG SNA TSOGS LAS BYAS PA'I BLA RE BRES PA DANG, KHYOGS KHYER BA DANG, MDUN NA ME SGRON THOGS PA DANG, SKYE BO'I TSOGS CHEN PO MDUN NAS 'GRO BA DANG, BUD MED SKRA BSHIG PA RNAMS NGU ZHING RJES BZHIN 'BRANG BA ZHIG GZIGS SO, ,GZIGS NAS KYANG KHA LO SGYUR BA LA GSUNGS PA, KHA LO SGYUR BA RAS KHA DOG SNA TSOGS LAS BYAS PA'I BLA RE BRES PA DANG, KHYOGS KHYER BA DANG, MDUN NA ME SGRON THOGS PA DANG, SKYE BO'I TSOGS CHEN PO MDUN NAS 'GRO BA DANG, BUD MED SKRA BSHIG PA RNAMS NGU ZHING RJES BZHIN DU 'BRANG BA 'DI CI YIN, LHA 'DI NI GUM PA ZHES BGYI'O, ,KHA LO SGYUR BA SHI BA ZHES BYA BA 'DI CI YIN, LHA MI 'DIS SLAN CHAD SDUG PA'I PHA MA MI MTHONG ZHING BU PHO DANG, BU MO DANG, BRAN PHO DANG, BRAN MO DANG, LAS BGYID PA DANG, ZHO SHAS 'TSO BA'I MI RNAMS KYANG MA LAGS LA, DE DAG GIS KYANG SLAN CHAD 'DI MI MTHONG BAS LHA 'DI NI GUM PA ZHES BGYI'O, ,KHA LO SGYUR BA NGA YANG 'CHI BA'I CHOS DANG 'CHI BA'I CHOS NYID LAS MA 'DAS SAM, LHA YANG 'CHI BA'I CHOS DANG 'CHI BA'I CHOS NYID LAS MA 'DAS SO, ,KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG NYID DU PHYIN NAS NGA 'CHI BA LAS MA 'DAS ZHES GRAGS PA'I DON DE NYID BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE, DER BYANG CHUB SEMS DPA' SH'AKYA THUB PA PHO BRANG GI NANG DU GSHEGS NAS BDAG KYANG 'CHI BA LAS MA 'DAS PA LTA ZHIG CES MI DGYES SHING THUGS NGAN DGONGS SO, ,'DIR SMRAS PA, TSE ZAD PA YIS 'DU SHES BRAL GYUR CING, ,SEMS MED MI YI RO ZHIG GZIGS NAS NI, ,'CHI LAS BDAG MA 'DAS PA LTA ZHIG CES, ,DE NAS MI DGYES THUGS NGAN DGONGS PAR MDZAD, ,DE NAS RGYAL PO ZAS GTZANG GIS KHA LO SGYUR BA LA SMRAS PA, KHA LO SGYUR BA CI GZHON NU YID DGA' BA DANG MGU BAS SKYED MOS TSAL GYI GZHIR BYUNG NGAM, SKYED MOS TSAL LA MNGON PAR DGA' BAR GYUR TAM, LHA MA LAGS SO, ,DE CI'I SLAD DU ZHE NA, LHA GZHON NU SKYED MOS TSAL GYI GZHIR BYUNG BA NA RAS KHA DOG SNA TSOGS LAS BGYIS @03B PA'I BLA RE BRES PA DANG, KHYOGS KHYER BA DANG, MDUN NA ME SGRON THOGS PA DANG, SKYE BO'I TSOGS CHEN PO MDUN NAS MCHI BA DANG, BUD MED SKRA BSHIG PA RNAMS NGU ZHING RJES BZHIN RJES BZHIN DU 'BRANG BA ZHIG GZIGS SO, ,GZIGS NAS KYANG BDAG LA GSUNGS PA, KHA LO SGYUR BA RAS KHA DOG SNA TSOGS LAS BYAS PA'I BLA RE BRES PA DANG, KHYOGS KHYER BA DANG, MDUN NA ME SGRON THOGS PA DANG, SKYE BO'I TSOGS CHEN PO MDUN NAS 'GRO BA DANG, BUD MED SKRA BSHIG PA RNAMS NGU ZHING RJES BZHIN RJES BZHIN DU 'BRANG BA 'DI CI YIN, DE LA BDAG GIS 'DI SKAD CES GSOL TO, ,LHA 'DI NI GUM PA ZHES BGYI'O, ,DES 'DI SKAD CES GSUNGS TE, KHA LO SGYUR BA SHI BA ZHES BYA BA 'DI CI YIN, DE LA BDAG GIS 'DI SKAD CES GSOL TO, ,LHA MI 'DIS SLAN CHAD SDUG PA'I PHAM MI MTHONG ZHING, BU PHO DANG, BU MO DANG, BRAN PHO DANG, BRAN MO DANG, LAS BGYID PA DANG, ZHO SHAS 'TSO BA RNAMS KYANG MA LAGS LA, DE RNAMS KYIS KYANG SLAN CHAD 'DI MI MTHONG BAS LHA 'DI NI GUM PA ZHES BGYI'O, ,DE 'DI SKAD CES GSUNGS TE, KHA LO SGYUR BA NGA YANG 'CHI BA'I CHOS DANG 'CHI BA'I CHOS NYID LAS MA 'DAS SAM, DE LA BDAG GIS 'DI SKAD CES GSOL TO, , LHA YANG 'CHI BA'I CHOS DANG 'CHI BA'I CHOS NYID LAS MA 'DAS SO, ,DES 'DI SKAD CES GSUNGS TE, KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG DU PHYIN NAS 'CHI BA LAS MA 'DAS ZHES GRAGS PA'I DON DE NYID BSAM PAR BYA'O, ,LHA GZHON NU DE PHO BRANG GI NANG DU GSHEGS TE BDAG KYANG 'CHI BA LAS MA 'DAS PA LTA ZHIG CES MI DGYES SHING THUGS NGAN DGONGS SO, ,DE NAS RGYAL PO ZAS GTZANG 'DI SNYAM DU SEMS TE, MTSAN MKHAN DANG LTAS MKHAN GYI BRAM ZE DE RNAMS KYI TSIG YANG DAG PAR BDEN PAR MI 'GYUR GRANG, GZHON NU SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR 'GYUR DU 'ONG GIS, MA LA BDAG GIS GZHON NU LA 'DOD PA'I YON TAN LNGA LAS PHAL MO CHE ZHIG BYIN LA CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYA'O SNYAM MO, ,DE @04A *, ,NAS RGYAL PO ZAS GTZANG GIS BYANG CHUB SEMS DPA' SH'AKYA THUB PA LA 'DOD PA'I YON TAN LNGA LAS PHAL MO CHE ZHIG BYIN NAS CI NAS KYANG 'DI LA DGA' ZHING RAB TU 'BYUNG BAR MI 'GYUR BAR BYAS SO, ,'DIR SMRAS PA, GRONG KHYER DAM PA DPAL LDAN YID 'ONG DER, ,LHA YI LHAR GYUR SGRON MA DANG MTSUNGS PA, ,'DOD PA'I YON TAN LNGA POS KUN DGYES PA, ,MIG STONG DGA' BA'I TSAL NA GNAS PA BZHIN, ,DE NAS GNAS GTZANG MA'I RIS KYI LHA RNAMS 'DI SNYAM DU SEMS TE, BYANG CHUB SEMS DPA' RNAMS NI RGYU'I STOBS CAN YIN MOD KYI 'ON KYANG RKYEN BSGRUB PAR BYA DGOS TE, 'DI LTAR RGYU'I STOBS CHEN PO YANG RKYEN GYI STOBS LA LTOS SO SNYAM NAS DE RNAMS KYIS MI SKRA BREGS SHING GOS NGUR SMRIG GYON PA LAG PA NA LHUNG BZED THOGS PA ZHIG KHYIM NAS KHYIM DANG KHANG PA NAS KHANG PAR RGYU ZHING 'GRO BA ZHIG SPRUL TO, ,CHOS NYID KYIS BYANG CHUB SEMS DPA' SKYED MOS TSAL GYI GZHIR GSHEGS PAR BZHED PAR GYUR PA DE'I TSE KHA LO SGYUR BA LA KHA LO SGYUR BA RE ZHIG BZHON PA BZANG PO MYUR DU SHOMS SHIG DANG DER NGA ZHUGS NAS SKYED MOS TSAL GYI GZHIR GSHEGS SO ZHES GSUNG BAR 'GYUR BAS, DE NAS BYANG CHUB SEMS DPAS KHA LO SGYUR BA LA GSUNGS PA, KHA LO SGYUR BA RE ZHIG BZHON PA BZANG PO MYUR DU SHOMS SHIG ,DER NGA ZHUGS NAS SKYED MOS TSAL GYI GZHIR GSHEGS SO, ,LHA BKA' BZHIN 'TSAL ZHES KHA LO SGYUR PAS BYANG CHUB SEMS DPA' SH'AKYA THUB PA'I LTAR MNYAN NAS BZHON PA BZANG PO BSHAMS NAS BYANG CHUB SEMS DPA' SH'AKYA THUB PA GANG NA BA DER SONG NAS PHYIN PA DANG, BYANG CHUB SEMS DPA' SH'AKYA THUB PA LA 'DI SKAD CES GSOL TO, ,LHA BCINGS PA BZANG PO BSHAMS LAGS KYIS, LHA DA DE'I DUS LA BAB PAR DGONGS SU GSOL, DE NAS BYANG CHUB SEMS DPA' SH'AKYA THUB PA BZHON PA BZANG POR ZHUGS NAS SKYED MOS TSAL GYI GZHIR BYUNG BA DANG, BYANG CHUB SEMS DPA' SH'AKYA THUB PAS MI SKRA BREGS SHING GOS NGUR SMRIG GYON PA LAG PA NA LHUNG BZED THOGS PA ZHIG KHYIM NAS KHYIM DANG, KHANG PA NAS KHANG PAR RGYU ZHING 'GRO BA ZHIG GZIGS SO, ,GZIGS NAS KYANG KHA LO @04B SGYUR BA LA GSUNGS PA, KHA LO SGYUR BA MI SKRA BREGS SHING LAG NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING 'GRO LA 'DI'I GOS KYANG KHA DOG MI MTSUNGS TE, JI LTAR YANG MI GZHAN DAG GI DANG MI 'DRA BA 'DI CI YIN, LHA DE NI RAB TU BYUNG BA ZHES BGYI'O, , KHA LO SGYUR BA RAB TU BYUNG BA ZHES BYA BA 'DI CI YIN, LHA RAB TU BYUNG BA DE NI DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG KHA SPU BREGS TE, GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BA STE, LHA 'DI NI RAB TU BYUNG BA ZHES BGYI'O, ,KHA LO SGYUR BA DE'I PHYIR SHING RTA 'DI RAB TU BYUNG BA GANG NA BA DE LOGS SU SGYUR CIG ,LHA BKA' BZHIN 'TSAL ZHES KHA LO SGYUR BAS BYANG CHUB SEMS DPA' SH'AKYA THUB PA'I LTAR MNYAN NAS SHING RTA DE RAB TU BYUNG BA GANG NA BA DER BSGYUR TO, ,DE NAS BYANG CHUB SEMS DPA' SH'AKYA THUB PAS RAB TU BYUNG BA DE LA 'DI SKAD CES BKA' STZAL TO, ,KYE MI KHYOD CI'I PHYIR SKRA BREGS SHING LAG PA NA LHUNG BZED THOGS NAS KHYIM NAS KHYIM DANG; KHANG PA NAS KHANG PAR RGYU ZHING 'GROL KHYOD KYI GOS KYANG KHA DOG MI MTSUNGS TE, CI LTAR YANG MI GZHAN DAG GI DANG MI 'DRA BA YIN, DES 'DI SKAD CES SMRAS SO, ,GZHON NU BDAG NI RAB TU BYUNG BA ZHES BGYI'O, ,KYE MI KHYOD JI LTAR NA RAB TU BYUNG BA ZHES BYA, GZHON NU BDAG GIS DU LA BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG STE, DE LTAR NA BDAG RAB TU BYUNG BA ZHES BYA'O, ,KYE MI KHYOD KYIS DU LA BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS @05A *, ,SPYOD PA LEGS PAR RIG NAS SKRA DANG KHA SPU BREGS TE GOS NGUR SMRIG BGOS NAS, DAD PA YANG DAG PA KHO NAS KHYIM NAS KHYIM MED PAR RAB TU BYUNG BA LEGS SO, ,DE NAS BYANG CHUB SEMS DPA' SH'AKYA THUB PAS KHA LO SGYUR BA LA GSUNGS PA, KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG DU PHYIN NAS DON 'DI KHO NA BSAM PAR BYA'O, ,KHA LO SGYUR BAS SHING RTA PHYIR BSGYUR NAS PHO BRANG NYID DU CHAS TE, DER PHO BRANG DU GSHEGS PA DANG BYANG CHUB SEMS DPA' SH'AKYA THUB PA KYE MA'O BDAG NI SKRA DANG KHA SPU BREGS TE, GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR BYA'O SNYAM PA'I DON DE NYID DGONGS SO, ,DE NAS RGYAL PO ZAS GTZANG GIS KHA LO SGYUR BA LA SMRAS PA, KHA LO SGYUR BA CI GZHON NU YID DGA' BA DANG MGU BAS SKYED MOS TSAL GYI GZHIR BYUNG NGAM, SKYED MOS TSAL LA MNGON PAR DGA' BAR GYUR TAM, LHA MA LAGS SO, ,DE CI'I SLAD DU ZHE NA, LHA GZHON NU SKYED MOS TSAL GYI GZHIR BYUNG BA NA MI SKRA BREGS SHING GOS NGUR SMRIG 'TSAL BA SUG PA NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING MCHI BA ZHIG GZIGS SO, ,GZIGS NAS KYANG BDAG LA 'DI SKAD CES GSUNGS TE, KHA LO SGYUR BA MI SKRA BREGS PA LAG PA NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING 'GRO LA 'DI'I GOS KYANG KHA DOG MI MTSUNGS TE, JI LTAR YANG MI GZHAN DAG GI DANG MI 'DRA BA 'DI CI YIN, DE LA BDAG GIS 'DI SKAD CES GSOL TO, ,LHA DE NI RAB TU BYUNG BA ZHES BGYI'O, ,DE 'DI SKAD CES GSUNGS TE, KHA LO SGYUR BA RAB TU BYUNG BA ZHES BYA BA 'DI CI YIN, DE LA BDAG GIS 'DI SKAD CES GSOL TO, ,LHA RAB TU BYUNG BA DE NI DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG @05B PA KHO NAS KHYIM NAS KHYIM MED PAR RAB TU BYUNG BA STE, LHA 'DI NI RAB TU BYUNG BA ZHES BGYI'O, ,DE 'DI SKAD CES GSUNGS TE, KHA LO SGYUR BA DE'I PHYIR SHING RTA 'DI RAB TU BYUNG BA GANG NA BA DE LOGS SU SGYUR CIG ,LHA BKA' BZHIN 'TSAL ZHES BYANG CHUB SEMS DPA' SH'AKYA THUB PA'I LTAR MNYAN NAS SHING RTA DE RAB TU BYUNG BA GANG NA BA DE LOGS SU BSGYUR BA DANG, BYANG CHUB SEMS DPA' SH'AKYA THUB PAS RAB TU BYUNG BA DE LA 'DI SKAD CES GSUNGS TE, KYE MI KHYOD CI'I PHYIR SKRA BREGS LA LAG PA NA LHUNG BZED THOGS NAS KHYIM NAS KHYIM DANG, KHANG PA NAS KHANG PAR RGYU ZHING 'GRO LA KHYOD KYI GOS KYANG KHA DOG MI MTSUNGS TE, JI LTAR YANG MI GZHAN DAG DANG MI 'DRA BA YIN, DES 'DI SKAD CES GSOL TO, ,GZHON NU BDAG NI RAB TU BYUNG BA ZHES BYA'O, ,BYANG CHUB SEMS DPAS GSUNGS PA, KYE MI KHYOD JI LTAR RAB TU BYUNG BA ZHES BYA, DES 'DI SKAD CES GSOL TO, , GZHON NU BDAG GIS DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG STE, DE LTAR NA BDAG RAB TU BYUNG BA ZHES BYA'O, ,BYANG CHUB SEMS DPAS GSUNGS PA KYE MI KHYOD KYIS DUL BA LEGS PA DANG, YANG DAG PAR SDOM PA LEGS PA DANG, DON SPYOD PA LEGS PA DANG, CHOS SPYOD PA LEGS PA DANG, DGE BA SPYOD PA LEGS PA DANG, DGE LEGS SPYOD PA LEGS PAR RIG NAS SKRA DANG KHA SPU BREGS TE GOS NGUR SMRIG BGOS NAS DAD PA YANG DAG PA KHO NAS KHYIM NAS KHYIM MED PAR RAB TU BYUNG BA LEGS SO, ,LHA DE NAS GZHON NUS GSUNGS PA, KHA LO SGYUR BA DE'I PHYIR SHING RTA PHYIR SGYUR CIG PHO BRANG NYID DU 'DONG NGO, ,'DI LTAR NGA PHO BRANG DU PHYIN NAS DON 'DI BSAM PAR BYA'O, ,BDAG GIS DE NAS SHING RTA BSGYUR NAS GZHON NU PHO BRANG DU ZHUGS SO, ,RGYAL POS BSAMS PA, MTSAN MKHAN DANG LTAS MKHAN GYI BRAM ZE DE RNAMS KYI TSIG YANG@06A *, ,DAG PAR BDEN PAR MI 'GYUR GRANG, GZHON NU SKRA DANG KHA SPU BREGS NAS GOS NGUR SMRIG BGOS TE DAD PA YANG DAG PA KHO NAS KHYIM NAS KHYIM MED PAR RAB TU 'BYUNG BAR 'GYUR DU 'ONG GIS, MA LA BDAG GIS GZHON NU ZHING PA'I GRONG DU BTANG LA CI NAS KYANG DE LA SEMS G-YENGS PAR 'GYUR BAR BYA'O SNYAM NAS, GZHON NU SH'AKYA THUB PA LA 'DI SKAD CES SMRAS SO, ,GZHON NU TSUR SHOG ,KHYOD ZHING PA'I GRONG DU SONG LA LAS KYI MTHA' LA LTOS SHIG ,DE NAS BYANG CHUB SEMS DPA' RGAS PA DANG, NAD PA DANG, SHI BA MTHONG NAS NI YID BYUNG NGO, , RAB TU BYUNG BA LA NI MNGON PAR ZHEN PA'I BLOS YAB SH'AKYA ZAS GTZANG GI TSIG GSAN NAS SHING RTAR ZHUGS TE ZHING PA'I GRONG DU SKUS GSHEGS KYI THUGS KYIS NI MA YIN NO, ,DE LA LAM KAR GTER LNGA BRGYAS KHA NYE BAR BSTAN TE SGRA PHYUNG BA, GZHON NU BDAG CAG NI KHYOD KYI NYE DU'I GTER LAGS KYIS BDAG CAG BZHES SHIG ,BYANG CHUB SEMS DPAS GSUNGS PA, RE ZHIG DE RNAMS KYIS BLUN PO'I YONGS SU GZUNG BA BYAS NAS CI ZHIG BYAS, KHYED NGA LA DGOS PA MED KYIS SONG ZHIG ,TSIGS SU BCAD PAS KYANG GSUNGS PA, GANG GIS NGA LA 'CHI BA'I GTAM SMRAS PA, ,DE DAG KYANG SHI GTAM DU GYUR PA YIN, ,BDAG KYANG SHI NAS RING PO MI THOGS PAR, ,GZHAN DAG GI YANG GTAM DU 'GYUR BAR 'ONG, ,DE RNAMS KYIS YANG SGRA PHYUNG BA, ,GZHON NUS GAL TE MI BZHES NA, BDAG CAG RGYA MTSO CHEN POR 'JUG GO, ,BYANG CHUB SEMS DPAS CI BDE BAR ZHUGS SHIG CES GSUNGS PA DANG, DE RNAMS RGYA MTSO CHEN PO'I NANG DU ZHUGS SO, ,BYANG CHUB SEMS DPA' GSHEGS PA DANG, JI TZAM NA ZHING PA SKRA GYEN DU 'GRENG BA, LAG PA DANG RKANG PA SER GA BYUNG BA, LUS RDUL GYIS YOG PA DAG CIG DANG, RMON PA LCAG GZER BU RNON PO CAN GYIS LUS DRAL BAS RGYAB DANG MJUG DO'I PHYOGS KHRAG GIS YOG PA, LTOGS PA DANG SKOM PAS DBUGS RDZANGS SHING SNYING GA'I PHYOGS NAS DBUGS RDZANGS PA RING DU 'DREN LA GNYA' SHING GIS MNAN PA'I RMA LAS RNAG KHRAG 'DZAG PA LA SBRANG BU DANG 'BU'I TSOGS ZA BA, THONG @06B LCAGS KYIS RKANG PA RMA BYUNG ZHING, KHA DANG SNA NAS KHA CHU SNA CHU 'DZAG LA SPAL PA DANG, SHA SBRANG DANG, SBRANG BU MCHU RINGS KYIS YOG PA RNAMS GZIGS SO, ,GZIGS NAS KYANG THOG MA MED PA'I DUS NAS BSOD NAMS BSKYED CING BSAGS PA'I THUGS RJES KUN NAS BSKYOD PA'I THUGS KYIS ZHING PA RNAMS LA 'DI SKAD CES GSUNGS SO, ,SHES LDAN DAG KHYOD SU'I YIN, DE RNAMS KYIS GSOL PA, LHA'I LAGS SO, ,DES GSUNGS PA, SHES LDAN DAG DENG PHAN CHAD BRAN DU MI BYA, MNGAG GZHUG PAR MI BYA, RANG DBANG CAN GANG DGA' BAR 'GRO BAR BYAS, BDE BA LA REG PAR GNOS SHIG ,RMON PA RNAMS KYANG BKROL NAS GSUNGS PA, KHYED CAG KYANG DENG PHYIN CHAD RTZVA MCHOG MA NYAMS PA LA ZA ZHING CHU MA RDUL MA BRNYOGS SHING DANG BA DAG LA 'THUNGS SHIG ,KHYOD LA PHYOGS BZHI NAS KYANG RLUNG BSIL BA LDANG BAR GYUR CIG ,DE NAS BYANG CHUB SEMS DPA' YID BYUNG BA DE NYID KYIS YAB SH'AKYA ZAS GTZANG GI ZHING BLAS KYI MTHA' LA GZIGS NAS SHING 'DZAM BU'I GRIB MA GANG NA BA DER GSHEGS TE BYON NAS, SHING 'DZAM BU'I GRIB MA LA BZHUGS TE, 'DOD PA LAS DBEN PA, SDIG PA MI DGE BA'I CHOS LAS DBEN PA, RTOG PA DANG BCAS, DPYOD PA DANG BCAS SHING DBEN PA LAS SKYES PA'I DGA' BA DANG BDE BA CAN ZAG PA MED PA DANG 'DRA BA'I BSAM GTAN DANG PO LA SNYOMS PAR ZHUGS SO, ,SKYE BO'I TSOGS CHEN PO YANG BYANG CHUB SEMS DPA' SPANGS TE MI 'GRO BAR SHING GZHAN RNAMS KYI DRUNG NA SDOD DO, ,RGYAL PO ZAS GTZANG GIS BSAMS PA BYANG CHUB SEMS DPA' RING ZHIG THOGS TE 'DI LTAR DRO'I DUS LAS YOL GYIS LTAR 'GRO'O ZHES DE SHING RTAR ZHUGS NAS ZHING PA'I GRONG DU SONG STE PHAN TSUN DU BYANG CHUB SEMS DPA' TSOL ZHING SHING 'DZAM BU'I DRUNG DU PHYIN TO, , DE'I TSE NYI MA'I GUNG YOL NAS SHING GZHAN RNAMS KYI GRIB MA SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR TO, ,BYANG CHUB SEMS DPA'I MTHUS SHING 'DZAM BU'I GRIB MA NI BYANG CHUB SEMS DPA'I SKU MI GTONG NGO, ,RGYAL PO ZAS GTZANG GIS @07A *, ,NYI MA'I GUNG YOL NAS SHING GZHAN RNAMS KYI GRIB MA SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR NA SHING 'DZAM BU'I GRIB MA NI BYANG CHUB SEMS DPA'I SKU MI GTONG BA MTHONG NGO, ,MTHONG NAS KYANG DE 'DI SNYAM DU SEMS TE, GZHON NU NI RDZU 'PHRUL CHE ZHING MTHU CHE BA YIN TE, 'DI LTAR DA LTA NYI MA'I GUNG YOL NAS SHING GZHAN RNAMS KYI GRIB MA SHAR PHYOGS SU GZHOL, SHAR PHYOGS SU 'BAB, SHAR PHYOGS SU BAB PAR GYUR NA SHING 'DZAM BU'I GRIB MA NI BYANG CHUB SEMS DPA'I SKU MI GTONG BA NGO MTSAR CHE'O SNYAM MO, , DE NAS DGA' BA'I BSTI STANG BYAS TE BYANG CHUB SEMS DPA'I ZHABS GNYIS LA GTUGS NAS TSIGS SU BCAD PAS SMRAS PA, JI LTAR BLTAMS TSE SA NI G-YOS PA LTAR, ,'DZAM BU'I GRIB MAS KHYOD SKU MI GTONG BA, ,BLO CHEN KHYOD KYI YA MTSAN GNYIS 'DI STE, ,KUN GZIGS KHYOD KYI ZHABS LA PHYAG 'TSAL LO, ,DE NAS RGYAL PO ZAS GTZANG GIS BYANG CHUB SEMS DPA' SKYIL MO KRUNG BCAS PA LAS BSLANG NAS SHING RTAR ZHUGS TE, DUR KHROD KYI NANG NAS SER SKYA'I GZHIR GSHEGS PA NA BYANG CHUB SEMS DPAS DUR KHROD KYI NANG NA MI RO RNAM PAR SDOS PA DANG, RNAM PAR 'BUS GZHIGS PA DANG, RNAM PAR BAM PA DAG GZIGS NAS DE SHIN TU SKYO BA SKYES TE, SHING RTAR ZHUGS BZHIN DU SKYIL MO KRUNG BCAS NAS BZHUGS SO, ,DE NAS YANG RGYAL PO ZAS GTZANG GIS SKYIL MO KRUNG BCAS PA LAS BSLANGS NAS, SER SKYA'I GZHIR GSHEGS TE, GRONG KHYER GYI NANG DU 'JUG PA NA MTSAN MKHAN RNAMS KYIS GAL TE GZHON NU ZHAG BDUN GYI BAR DU RAB TU MA BYUNG NA 'KHOR LOS SGYUR BA'I RGYAL POR 'GYUR BAR LUNG BSTAN PAR RIG NAS DE RNAMS KYIS RGYAL PO ZAS GTZANG LA 'DI SKAD CES SMRAS SO, ,GAL TE DE YI BZANG PO GZIGS BZHED NA, ,DE'I SLAD DGUNG BDUN BAR DU SRUNGS SHIG DANG, ,MI DBANG GDUGS NI BDAL BAR GYUR PA NA, ,RIN CHEN SNA BDUN 'BYUNG BAR THE TSOM MED, ,KHYOD SRAS RIN CHEN BDUN PO YI, ,DBANG PHYUG GI NI RGYAL POR 'GYUR, ,RGYA MTSO LA NI THUG PA'I SA, ,CHAD PA MED PAS SKYONG BAR 'GYUR, , @07B 'ON TE SA NI SPANGS NAS SU, ,BSNYENGS MED NAGS SU BZHUD NA NI, ,THAMS CAD MKHYEN PA THOB GYUR NAS, ,'GRO BA SGROL BAR MDZAD PAR 'GYUR, ,SH'AKYA DUS LEGS KYI BU MO RI DAGS SKYES ZHES BYA BA DE SKAR KHUNG NA 'DUG PAS BYANG CHUB SEMS DPA' MTHONG NAS TSIGS SU BCAD DE SMRAS PA, KYE MA 'DI YI YUM BDE ZHING, ,YAB DE YANG NI BDE BA YIN, ,KYE MA GANG GI KHYIM THAB 'GYUR, ,BUD MED DE YANG MYA NGAN 'DAS, ,SKYES MCHOG BSAM GTAN PA DE YIS, ,MYA NGAN 'DAS PA'I SGRA THOS NAS, ,MYA NGAN 'DAS PA ZHI NYID DU, ,MKHYEN NAS DE LA THUGS DGYES GYUR, ,DE NAS BYANG CHUB SEMS DPAS LEGS PAR SMRAS PA'I PHYIR MU TIG GI PHRENG BA 'PHANGS PA DANG, BYANG CHUB SEMS DPA'I MTHUS SKAR KHUNG NAS SONG STE DE'I MGUL DU 'KHRIS PAR GYUR TO, ,SKYE BO'I TSOGS KYIS NANG DU SONG BA DE MTHONG NAS, DE RNAMS KYIS RGYAL PO ZAS GTZANG LA RGYAS PAR SMRAS NAS RGYAL PO ZAS GTZANG GIS RI DAGS SKYES 'KHOR NYI KHRI DANG BYANG CHUB SEMS DPA'I BTZUN MOR BLANGS SO, ,DE NAS BYANG CHUB SEMS DPA'I BTZUN MOS 'TSO MA DANG, RI DAGS SKYES LA SOGS PA'I 'KHOR BUD MED DRUG KHRI YOD DO, ,DE NAS RGYAL PO ZAS GTZANG GCUNG BRE BO ZAS DANG, ZAS DKAR DANG, TSAD MED ZAS GSUM DANG LHAN CIG GCIG TU TSOGS NAS GROS BYA BAR BRTZAMS PA, SHES LDAN DAG MTSAN MKHAN DANG LTAS MKHAN GYI BRAM ZE RNAMS KYIS BYANG CHUB SEMS DPA' SH'AKYA THUB PA LA GAL TE ZHAG BDUN GYI BAR DU RAB TU MA BYUNG NA 'KHOR LOS SGYUR BA'I RGYAL POR 'GYUR RO ZHES LUNG BSTAN GYIS, DE LTA BAS NA BDAG CAG GIS BYANG CHUB SEMS DPA' ZHAG BDUN GYI BAR DU BSGRIMS TE BSRUNG BAR BYA ZHING GRONG KHYER YANG LEGS PAR BSRUNG BAR BYA'O, ,DE NAS DE RNAMS KYIS SER SKYA'I GZHI'I GRONG KHYER RA BA RIM PA BDUN DANG 'O BAS ? RIM PA BDUN GYIS BSKOR NAS GRONG KHYER GYI SGO 'PHAR LCAGS LAS BYAS SHING, SGO 'PHAR RNAMS LA DRIL BU SHIN TU SGRA GSAL BA BTAGS TE SGO PHYE NA DE'I SGRAS DPAG TSAD GCIG KHO RA KHOR YUG TU GRAG PAR 'GYUR RO, ,BYANG CHUB SEMS DPA' NI KHANG BZANG @08A *, ,GYI GZHIN BUD MED YID 'PHROG PA GZUGS BZANG BA RNAMS DANG, GAR DANG GLU DANG, ROL MO RNAMS KYI SPYOD PAS BSNYEN BKUR BYED DU BCUG GO, ,BLON PO RNAMS NI DPUNG GI TSOGS YAN LAG BZHI DANG LHAN CIG RA BA'I PHYI ROL KHO RA KHOR YUG TU GCAN PA BYED DU BCUG GO, ,,SKAS SPOR RUNG BA MI LNGA BRGYAS TSUGS PA YANG BYAS SO, ,BTZUN MO'I 'KHOR GYI SGOR YANG SGO PHYE NA DE'I SGRAS RGYAL PO ZAS GTZANG GI PHO BRANG DU GRAG CING DE THOS NAS BTZUN MO'I 'KHOR GYI MI DANG, GRONG KHYER GYI SGO SRUNG RNAMS DANG, PHO BRANG 'KHOR GYI MI GRONG KHYER GYI PHYI ROL NAS SRUNG DU BCUG PA RNAMS BAG DANG CHAS TE 'DUG PAR 'GYUR BA DE LTA BU BTAGS SO, ,BYANG CHUB SEMS DPA' NI STENG GI KHANG BZANGS GI GZHI SKYES PA MED PAR ZHUGS NAS PI WANG DANG, GLING BU DANG, 'KHAR RNGA DANG, SGRA SNYAN LA SOGS PA ROL MO'I CHA BYAD DAG NYE BAR LEN CING 'BYOR PA CHEN POS BZHUGS SO, ,MTSAN MO NI RGYAL PO ZAS GTZANG YANG DPUNG GI TSOGS YAN LAG BZHI DANG SHAR SGO'I PHYI ROL NA 'DUG GO, ,LHO PHYOGS NA NI BRE BO ZAS SO, ,NUB PHYOGS NA NI ZAS DKAR RO, ,BYANG PHYOGS NA NI TSAD MED ZAS SO, ,GRONG KHYER GYI DBUS KYI 'DRAM PO BYED PA NI SH'AKYA MING CHEN NO, ,DE SHAR SGOR SONG NAS SMRAS PA, SU ZHIG MEL TSE BYED, SU ZHIG MEL TSE BYED RGYAL PO ZAS GTZANG GIS SMRAS PA, KHO BO MEL TSE BYED DO, ,LHA MEL TSE MDZOD CIG ,MEL TSE MDZAD DANG KHYOD LA LEGS PAR 'GYUR RO ZHES SMRAS TE, TSIGS SU BCAD DE SMRAS PA, 'JIG RTEN GNYID LOG RO DANG MTSUNGS, ,GNYID LOG BDUD KYI DBANG DU SONG, ,'DI NA MI NYAL RTAG TU MKHAS, ,DE BAS MA NYAL MEL TSE BYOS, ,LHO SGOR SONG NAS SMRAS PA, SU ZHIG MEL TSE BYED, SU ZHIG MEL TSE BYED, BRE BO ZAS KYIS SMRAS PA, KHO BO MEL TSE BYED DO, ,LHA MEL TSE MDZOD CIG ,MEL TSE MDZAD DANG KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, 'JIG RTEN GNYID LOG RO DANG MTSUNGS, ,GNYID LOG BDUD KYI DBANG DU SONG, ,GNYID LOG 'CHI BDAG DBANG DU SONG, ,DE BAS MA NYAL MEL TSE BYOS, ,NUB SGOR SONG NAS @08B SMRAS PA; SU ZHIG MEL TSE BYED, SU ZHIG MEL TSE BYED, ZAS DKAR GYIS SMRAS PA, KHO BO MEL TSE BYED DO, ,LHA MEL TSE MDZOD CIG ,MEL TSE MDZAD DANG KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, GNYID LOG PA NI RTAG TU MYOS, ,MYOS 'GYUR BRE BOS 'THUNGS BA NYAL, ,DGON PA'I NAGS SU NYAL BA 'DRA, ,DE BAS MA NYAL MEL TSE BYOS, ,BYANG SGOR SONG NAS SMRAS PA, SU ZHIG MEL TSE BYED, SU ZHIG MEL TSE BYED, TSAD MED ZAS KYIS SMRAS PA, KHO BO MEL TSE BYED DO, ,LHA MEL TSE MDZOD CIG ,MEL TSE MDZAD DANG KHYOD LA LEGS PAR 'GYUR RO ZHES SMRAS NAS TSIGS SU BCAD DE SMRAS PA, RI NYAL RI SUL NYAL BA BZHIN, ,RGYA MTSO'I CHUR NI NYAL BA DANG, ,LJON SHING RTZE LA NYAL BA BZHIN, ,DE BAS MA NYAL MEL TSE BYOS, ,DBUS KYI BZHI MDO DANG SUM MDO DAG TU SONG NAS SMRAS PA, SU ZHIG MEL TSE BYED, SU ZHIG MEL TSE BYED, SRUNG MA RNAMS KYIS SMRAS PA, BDAG CAG MEL TSE BGYID DO, ,MEL TSE BYOS SHIG ,MEL TSE BYOS DANG LEGS PAR 'GYUR RO ZHES SMRAS NAS TSIGS SU BCAD DE SMRAS PA, CHOS SPYOD CHOS MA YIN MA SPYOD, ,BDEN PA SMRES SHIG BRDZUN MA SMRA; ,MUN PA CHEN POR 'JUG PAR 'GYUR, ,DE BAS MA NYAL MEL TSE BYOS, ,DE NAS NAM NANGS NAS SH'AKYA MING CHEN GYIS RGYAL PO ZAS GTZANG LA SMRAS PA, LHA DGUNG SANGS LAGS TE DGUNG BDUN LA DGUNG GCIG NI THAL, DGUNG DRUG NI LUS SO, ,RGYAL PO ZAS GTZANG GIS SMRAS PA, LEGS KYIS ZHAG DRUG 'DAS NA GZHON NU 'KHOR LOS SGYUR BAR GYUR NA BDAG CAG NAM MKHA'I NGOS LA RGYU ZHING GLING BZHIR PHYI BZHIN DONG NGO, ,DE BZHIN DU DGUNG GCIG LUS SO ZHES BYA BA'I BAR DU STE, LHA RNAMS KYI DBANG PO BRGYA BYIN GYI SHES PA MTHONG BA NI, 'OG TU 'JUG PA YIN PAS TSIGS SU BCAD DE SMRAS PA, MI DBANG SH'AKYA'I SRAS PO THUB PA 'DI, ,BDAG NYID CHEN PO PHA ROL PHYIN DRUG RDZOGS, ,THUB RNAMS DGYES PAR MDZAD PA DKA' THUB TSAL, ,'PHAGS PA DGYES PA'I NAGS SU GSHEGS PAR BZHED, ,DE NAS @09A *, ,BYANG CHUB SEMS DPA' BTZUN MO DANG LHAN CIG SKYES PA MED PA NA ROL MOS RTZE BAR BYED, DGA' BAR BYED, DGA' MGUR SPYOD PAR BYED PA NA 'DI SNYAM DU DGONGS TE, BDAG LA GZHAN DAG GZHON NU SH'AKYA THUB PA NI SKYES PA MA YIN TE, GANG GI PHYIR GRAGS 'DZIN MA DANG, SA 'TSO MA DANG, RI DAGS SKYES DANG, BUD MED DRUG KHRI SPANGS NAS RAB TU BYUNG NGO ZHES GZHI DES KHA ZER BAR 'GYUR DU 'ONG GIS, MA LA BDAG GIS GRAGS 'DZIN MA DANG LHAN CIG DGA' MGUR SPYAD PAR BYA'O SNYAM NAS DES GRAGS 'DZIN MA DANG LHAN CIG DGA' MGUR SPYOD PA DANG GRAGS 'DZIN MA SEMS CAN DANG LDAN PAR GYUR NAS, DE 'DI SNYAM DU SEMS TE, NAM NANGS NAS BYANG CHUB SEMS DPA'I SNYAN DU GSOL LO SNYAM MO, ,DE NAS BYANG CHUB SEMS DPAS DE'I TSE RTEN CING 'BREL BAR 'BYUNG BA DANG LDAN PAS TSIGS SU BCAD DE GSUNGS PA, BUD MED DANG BDAG KHYIM NYAL BA'I, ,THA MA DENG GI 'DI YIN TE, ,PHYIN CAD KHYIM DU BUD MED DANG, ,NGA NI LHAN CIG MI GNAS SO, ,DE NAS BUD MED DE RNAMS GAR DANG GLU DANG ROL MOS DUB NAS KHA NAS KHA CHU 'DZAG CING SKRA ZHIG LA GOS DANG LAG PA DAG LHUG PAR BTANG NAS BSLA BA'I TSIG BYUNG RGYAL DU BRDOL ZHING GNYID LOG GO, ,BYANG CHUB SEMS DPAS BUD MED DE DAG THAMS CAD KHA NAS KHA CHU 'DZAG CING SKRA ZHIG LA GOS DANG LAG PA DAG LHUG PAR BTANG NAS BSLA BA'I TSIG BYUNG RGYAL DU BRDOL ZHING GNYID LOG PA GZIGS SO, ,GZIGS NAS KYANG BTZUN MO'I 'KHOR LA DUR KHROD KYI 'DU SHES SKYES NAS DES TSIGS SU BCAD DE GSUNGS PA, RLUNG GI SHUGS KYIS PAD MA'I TSAL LTAR SA GZHI 'DIR, ,LAG PA DAG DANG RKANG PA BRKYANG NAS 'GYEL GYUR TE, ,SKRA RNAMS ZHIG CING MDOMS DANG RKUB KYI PHYOGS SNANG BA, ,SH'AKYA'I SRAS KYIS GZIGS NAS RANG BZHIN SKYO BAR GYUR, ,TSUL DANG BRAL BA'I BUD MED NA CHUNG TSOGS 'DI DAG ,DUR KHROD 'JIGS SU RUNG BA'I RANG BZHIN 'DRAR MTHONG NAS, ,SEMS CAN BYIS PA'I SPYOD PA'I YUL LA DENG DGA' NA, ,SEMS DANG BLO GROS DRAN DANG BRAL BA YIN NAM CI, ,'DOD PA THA CHAD 'DAM DANG @09B MDA' MDUNG DUG ME 'DRA, ,RMI LAM LTA BU YIN TE TSVA CHU'I RO DANG MTSUNGS, ,'DOD PA PHUNG BYED RTZOD DANG SDIG PA'I RGYUR GYUR PA, ,MTHA' NGAN SBRUL GYI DBANG PO LTA BU BDAG GIS SPANG, ,BAR SKABS DER SKYE DGU'I BDAG MO'I CHEN MO'I RMI LAM DU BZHI RMIS PA, ZLA BA SGRA GCAN GYIS ZIN PA DANG; NYI MA SHAR PHYOGS NAS SHAR NAS DE NYID DU NUB PA DANG, SKYE BO'I TSOGS CHEN POS BDAG LA PHYAG BYAS PA DANG, BDAG NYID DGOD CING NGU BA'O, ,GRAGS 'DZIN MA'I RMI LAM DU BRGYAD RMIS PA, BDAG NYID KYI KHYIM GYI GDUNG CHAG PA DANG, BKRA SHIS KYI MAL KHRI CHAG PA DANG, LAG PA'I GDU BU CHAG PA DANG, SO'I PHRENG BA LHAGS PA DANG, SKRA'I LAN BU ZHIG PA DANG, DPAL KHYIM NAS BYUNG BA DANG, ZLA BA SGRA GCAN GYIS ZIN PA DANG, NYI MA SHAR PHYOGS NAS SHAR NAS DE NYID DU NUB PA'O, ,BYANG CHUB SEMS DPAS KYANG RMI LAM LNGA RMIS PA, SA CHEN PO NYID KYI GZIM MAL DU BYAS SHING, RI RAB RI'I RGYAL PO DBU RTEN DU BCUG , PHYAG G-YON PA SHAR PHYOGS KYI RGYA MTSO CHEN POR 'JUG ,PHYAG G-YAS PA NUB PHYOGS KYI RGYA MTSO CHEN POR 'JUG ,ZHABS GNYIS RGYA MTSO CHEN POR 'JUG PA DANG, 'GRENG BA ZHES BYA BA'I RTZA'I RIGS LTE BA NAS BYUNG NAS NAM MKHA'I BAR DU 'PHAGS TE 'DUG PA DANG, BYA KUN NAS DKAR LA MGO GNAG PA RNAMS KYIS ZHABS GNYIS LA GTUGS NAS PUS MO'I LHA NGA LA THUG GI BAR DU LDAG PA DANG BYA SNA TSOGS PHYOGS BZHI NAS 'ONGS NAS MDUN DU KHA DOG GCIG TU 'DUG PA DANG, MI GTZANG BA'I RI'I STENG NAS BDAG NYID MI GTZANG BAS MA GOS PAR 'CHAG PA'O, ,RMIS NAS KYANG THUGS DGYES TE DGONGS PA, NGA'I RMI LAM 'DI 'DRA BA RMIS PAS RING PO MI THOGS PA KHO NAR BLA NA MED PA'I YE SHES THOB PAR 'GYUR RO SNYAM MO, ,DE NAS GRAGS 'DZIN MAS BYANG CHUB SEMS DPA' LA RMI LAM GSOL PA, LHA DA GZOD BDAG GIS G-YAR LAM DU BRGYAD RMIS PA, BDAG GI SDUM PA'I GDUNG CHAG PA DANG, BKRA SHIS KYI MAL KHRI CHAG PA DANG, SUG PA'I GDU BU CHAG PA DANG, SO'I PHRENG BA LHAGS PA DANG, SKRA'I LAN BU ZHIG PA DANG, DPAL SDUM @10A *, ,PA NAS BYUNG BA DANG, ZLA BA SGRA CAN GYIS ZIN PA DANG, GDUGS SHAR PHYOGS NAS BDAL NAS DE NYID DU NUB PA RMIS LAGS SO, ,BYANG CHUB SEMS DPAS GRAGS 'DZIN MA'I YID MI BDE BA BSAL BA'I PHYIR RMI LAM RNAMS BSHAD PA, BDAG GI KHYIM GYI GDUNG CHAG GO ZHES SMRAS PA GANG YIN PA DE MI 'DUG GAM, BDAG GI BKRA SHIS KYI MAL KHRI CHAG GO ZHES SMRAS PA GANG YIN PA DE YANG MA CHAG STE 'DUG PA'O NI YIN MOD, LAG PA'I GDU BU CHAG GO ZHES SMRAS PA GANG YIN PA CI CHAG GAM MA CHAG RANG NYID RTOGS SHIG , SO'I PHRENG BA LHAGS SO ZHES SMRAS PA GANG YIN PA DE YANG SO SO RANG GIS RIG PAR BYA BA YIN PAS CI LHAGS SAM MA LHAGS RTOGS SHIG ,BDAG GI LAN BU ZHIG GO ZHES GANG SMRAS PA DE YANG KHYOD KYIS SO SO RANG GIS RIG PAR BYA BA YIN PAS CI ZHIG GAM MA ZHIG RTOGS SHIG ,KHYIM NAS DPAL BYUNG NGO ZHES SMRAS PA GANG YIN PA DE NI BUD MED RNAMS KYI DPAL NI KHYO YIN LA NGA NI 'DUG PA NYID DO, ,ZLA BA SGRA CAN GYIS ZIN CES SMRAS PA GANG YIN PA DE NI ZLA BA 'DI MNGON SUM DU 'DUG PA MA YIN NAM, NYI MA SHAR PHYOGS NAS SHAR NAS DE NYID DU NUB BO ZHES SMRAS PA GANG YIN PA DE NI DA DUNG YANG NAM PHYED YOD DE, RE ZHIG SHAR KYANG MA SHAR NA NUB PAR LTAG LA GYUR CES DE LTAR BRDA SPRAD NAS BTZUN MO GRAGS 'DZIN CANG MI SMRA BAR 'DUG GO, ,BYANG CHUB SEMS DPAS DGONGS PA GRAGS 'DZIN MA'I RMI LAM DE 'DRA BA RMIS PAS GDON MI ZA BAR NGA KHO NA BDAG 'GRO BAR BYAS 'DI LA TSIG ZUR GYIS BSTAN NO SNYAM NAS DES DE LA TSIG ZUR GYIS BSTAN PA DANG, GRAGS 'DZIN MAS GSOL PA, LHA KHYOD GANG DU BZHUD PA DER BDAG KHRID CIG ,BYANG CHUB SEMS DPAS MYA NGAN LAS 'DAS PA LAS DGONGS NAS BKA' STZAL PA, DE BZHIN DU BYA STE, GANG DU 'GRO BA DE DANG DER KHYOD BKRI'O, ,DE NAS BRGYA BYIN DANG TSANGS PA LA SOGS TE LHA RNAMS KYI SEMS KYIS BYANG CHUB SEMS DPA'I DGONGS PA SHES NAS BYANG CHUB SEMS DPA' GANG NA BA DER SONG STE PHYIN PA DANG, BYANG CHUB SEMS DPA' LA 'DI SKAD CES GSOL TO, ,NAGS KYI SPRE'U NI SPYOD @10B YUL RGYU 'DRA ZHING, ,YAN PAR 'DUG PA'I RTE'U DANG 'DRA BA'I THUGS, ,GAL TE 'DOD PA'I YON TAN LAS BZLOG NA, ,DE NAS SHIN TU GSAL BA'I SNANG BA GZIGS, ,BLO GROS BZANG PO BZHENGS SHIG BZHENGS, ,SA NI SPANGS TE BZHUD MDZOD LA, ,THAMS CAD MKHYEN NYID BRNYES NAS NI, ,'GRO BA DAG NI BSGRAL BAR MDZOD, ,BYANG CHUB SEMS DPAS GSUNGS PA, KOO SHI KA MA MTHONG NGAM, NGA NI RI DGAS BDAG PO RGYAS BSKOR LTAR, ,MI NI MTHU LDAN GZHU MTSON RAL GRI THOGS, ,RTA GLANG SHING RTA DPUNG TSOGS MANG PO YIS, ,GRONG KHYER SER SKYA KUN NAS YONGS SU BSKOR, ,ZAS GTZANG LA SOGS SH'AKYA'I TSOGS 'DI DAG ,GLANG CHEN RTA ZHON LEGS PAR GO BGOS LUS, ,MI SDUG SNA TSOGS LAG NA MTSON THOGS TE, ,KHYAMS DANG RTA BABS KHANG BZANG GZHI NANG GNAS, ,PHO BRANG DANG NI KHYIM SGO DANG, ,DE BZHIN GRONG KHYER SGO DAG KYANG, ,BCAD NAS GTAN PA DAM BCUG STE, ,DE BZHIN KUN NAS BSRUNGS PAR GYUR, ,RVA DUNG PA tA HA SGRA RNGA SGRA YIS, ,KHYAMS DANG RTA BABS KHANG BZANG NANG GNAS SHING, ,GLANG CHEN RTA DAMG 'BAD PA'I SKYE BO'I TSOGS, ,RGYUN DU NGA MI BTANG PHYIR SRUNG BAR BYED, ,BRGYA BYIN GYIS GSOL PA, DES PA MAR ME MDZAD KYIS LUNG BSTAN DANG, ,SDUG BSNGAL GYIS GDUNGS 'JIG RTEN 'DI DANG YANG, ,KHYOD KYI SNGON GYI DAM BCAS DGONGS MDZOD LA, ,KHAB DAG SPONGS TE NGES PAR 'BYUNG BAR MDZOD, ,JI LTAR KHYOD NI BGEGS MED PAR, ,DENG NYID NAGS SU GSHEGS 'GYUR BA, ,BDAG CAG TSANGS SOGS BCAS PA YI, ,LHA RNAMS KYIS NI DE BZHIN BGYI, ,BYANG CHUB SEMS DPAS LEGS SO ZHES GSUNGS NAS THUGS DGYES PAR GYUR TO, ,DE NAS LHA RNAMS KYI DBANG PO BRGYA BYIN GYIS GNYID KYIS MYOS PAR BYAS NAS, GNOD SBYIN GYI SDE DPON CHEN PO LNGAS RTZEN LA BSGO BA, GROGS PO BYANG CHUB SEMS DPA' STENG GI KHANG BZANG NAS 'BABS KYIS SKAS LONGS SHIG ,DES SKAS BLANGS PA LA BYANG CHUB SEMS DPA' 'BABS PA DANG, DE NAS BRGYA BYIN GYIS BRDA BYAS MA THAG TU ZHABS 'BRING BA 'DUN PA GANG NA BA DER GSHEGS NAS, JI@11A *, ,TZAM NA 'DUN PA GNYID STUG POS NON PAR GZIGS NAS BYANG CHUB SEMS DPAS BSGRIMS TE BSLANG NAS TSIGS SU BCAD PA'I DBYANGS KYIS GSUNGS PA, 'DUN PA LONGS KYE KHYIM NAS MYUR DU NI, ,NGA YI RTA PHO RIN CHEN BSNGAGS LDAN LONG, ,SNGON GYI RGYAL BAS LONGS SPYOD DKA' THUB TSAL, ,THUB RNAMS DGYES PAR MDZAD PAR NGA GSHEGS SO, ,'DUN PA GNYID LOG PA'I MIG PHYE NAS SMRAS PA, LHA KHYOD SKYED MOS TSAL GYI DUS MA BAB, ,NGES ? PA KHYOD DANG 'GA' YANG KHON MA MCHIS, ,KHYOD LA DGRA BO SU YANG MA MCHIS NA, ,DGUNG PHYED KHYOD LA BCIBS PAS CI ZHIG BGYID, ,BYANG CHUB SEMS DPAS BKA' STZAL PA, 'DUN PA KHYOD KYIS LAN 'GA' YANG, ,NGA YI TSIG NI MA BCAG NA, ,NGA YI DENG DUS THA MA LA, ,NGA YI TSIG 'DI MA GCAG CIG ,'DUN PAS GSOL PA, GZHON NU MTSAN MO 'DI NI 'JIGS PA DANG 'JIGS SU RUNG BA MCHIS PAS BDAG BCIBS PA MI LEN NO, ,BYANG CHUB SEMS DPAS DGONGS PA, LAN DANG YANG LAN GYIS GDON MI ZA BAR SKYE BO SAD PAR 'GYUR GYIS BDAG NYID SONG LA RTA'I RGYAL PO BSNGAGS LDAN STA GON BYA'O SNYAM NAS, DE NAS NYID KYIS PHO BRANG GI SGO PHYE NAS RTA'I RGYAL PO BSNGAGS LDAN BZUNG BAR BRTZAMS PA NA DE KHROS PA'I ME RAB TU 'BAR BAS RKANG PA 'PHRA, 'JING KYOG BYED LA PHAR BROS TSUR BROS SHING 'DUG TU MI BTUB BO, ,DE NAS BYANG CHUB SEMS DPA'I PHYAG BSOD NAMS BRGYA PHRAG DU MAS BSKYED PA, 'KHOR LO DANG BKRA SHIS DANG, G-YUNG DRUNG 'KHYIL PA MNGA' BA, SKRAG PA RNAMS LA DBUGS 'BYIN PAR MDZAD PAS MGO LA BYUGS NAS GSUNGS PA, BSNGAGS LDAN THAM YI NI KHUR LONG STE, ,DKA' THUB NAGS SU MA THOGS NGA SKYOL CIG ,BYANG CHUB THOB NAS MYUR DU 'GRO BA KUN, ,BSAM GTAN RNAM THAR CHAR GYIS TSIM PAR BYA,, CHOS NYID KYIS DUD 'GRO YANG GDAMS NA PHYI LANG MI BYED PAS RTA'I RGYAL PO BSNGAGS LDAN MI G-YO BAR 'DUG GO , ,DE NAS BYANG CHUB SEMS DPA' THUGS DGYES PA SKYES TE RTA'I RGYAL PO BSNGAGS LDAN BSTAD NAS BZHES SO, ,BRGYA BYIN DANG TSANGS PA LA SOGS PA LHA RNAMS KYIS BYANG CHUB @11B SEMS DPA' PHYIR GSHEGS PA'I PHYIR LHA'I BU BZHI PO BSGO STE BZHAG PA, 'GRAM DANG, NYE 'GRAM DANG, LO MA DANG, LO MA GYON PA'O, ,BYANG CHUB SEMS DPAS DE RNAMS LA GSUNGS PA, SHES LDAN DAG NGA ? SUS BKUR, DE RNAMS KYIS GSOL PA, BDAG CAG GIS BKUR LAGS SO, ,KHYED CAG LA STOBS JI TZAM YOD, GCIG GIS GSOL PA, GZHON NU BDAG GIS NI SA'I RDUL JI SNYED MCHIS PA KHUR DU THOGS TE MCHI'O, ,GNYIS PAS GSOL PA, BDAG GIS NI RGYA MTSO CHEN PO BZHI DANG, MTSO DANG MTSE'U DANG LTENG KA DANG, CHU MIG RNAMS KYI CHAB JI SNYED MCHIS PA DE THAMS CAD KHUR DU THOGS TE MCHI'O, ,GSUM PAS GSOL PA, BDAG GIS NI SA LA RI JI SNYED MCHIS PA DE THAMS CAD KHUR DU THOGS TE MCHI'O, ,BZHI PAS GSOL PA, BDAG GIS NI SA LA RTZVA DANG SHING DANG YAL GA DANG LO MA JI SNYED MCHIS PA DE THAMS CAD KHUR DU THOGS TE MCHI'O, ,DE NAS BYANG CHUB SEMS DPAS ZHABS SA LA BZHAG PA NA DE RNAMS KYIS BSGUL BAR YANG MA NUS NAS NGO MTSAR SKYES TE GSOL PA, GZHON NU BDAG CAG GIS NI BYANG CHUB SEMS DPA' RNAMS LA STOBS 'DI 'DRA BA MNGA' BAR MA 'TSAL TO, ,GAL TE 'TSAL NA BDAG CAG MI MCHIS PA LAGS PA ZHIG ,GTAM DE 'DUN PA SNGAR SAD PAS THOS NAS BYANG CHUB SEMS DPA'I SPYAN SNGAR SONG BA DANG, DE NAS BYANG CHUB SEMS DPA' RTA'I RGYAL PO BSNGAGS LDAN LA BCIBS, 'DUN PA YANG 'PHONGS LA ZHON NAS 'DI LTAR BYANG CHUB SEMS DPA' RNAMS KYI BYANG CHUB SEMS DPA'I MTHU DANG, LHA RNAMS KYIS LHA'I MTHUS RTA RIN PO CHE BSNGAGS LDAN STENG GI NAM MKHA' LAS MNGON PAR 'PHAGS PA DANG PHO BRANG NA GNAS PA'I LHA RNAMS BYANG CHUB SEMS DPA' DANG BRAL BAS NGU BAR BRTZAMS SO, ,DE RNAMS NGU BA'I MCHI MA'I THIGS PA RNAMS LUS DANG SA LA BAB BO, ,'DUN PAS GSOL PA, GZHON NU CHAR GYI THIGS PA DAG 'BAB NA CI LHAS DGUNG CHAR PHAB BAM, BYANG CHUB SEMS DPAS GSUNGS PA, LHAS CHAR PHAB PA MA YIN TE, 'ON KYANG PHO BRANG NA GNAS PA'I LHA RNAMS NGA DANG BRAL BAS NGU BAR BRTZAMS TE, DE RNAMS KYI @12A *, ,MCHI MA'I THIGS PA RNAMS LUS LA BAB PA YIN NO, ,DE NAS 'DUN PA MIG MCHI MAS GANG ZHING DBUGS RING PO'I SHUGS NAR GYIS PHYUNG NAS CANG MI SMRA BAR 'DUG GO , ,BYANG CHUB SEMS DPA' SKU THAMS CAD KYIS GLANG PO CHE'I GZIGS STANGS KYIS G-YAS PHYOGS SU GZIGS TE DGONGS PA, NGA BUD MED DANG LHAN CIG KHYIM NA NYAL BA'I THA MA NI 'DI YIN NO SNYAM MO, ,YANG DGONGS PA GAL TE NGA SHAR SGO SPANGS TE SGO GZHAN NAS BYUNG NA GZHON NUS NI BDAG LA THA MA'I DUS NA YANG MA BLTAS SO SNYAM DU RGYAL PO MI DGA' BAR 'GYUR RO SNYAM MO, ,JI TZAM NA RGYAL PO ZAS GTZANG GNYID STUG POS NON PA GZIGS NAS DES DE LA BSKOR BA MDZAD DE GSUNGS PA, YAB GUS PA MA MCHIS PA DANG, ZHES MA MCHIS PAS SKRAG NAS MCHI BA NI MA LAGS TE, GZHAN DU NA 'JIG RTEN RGA BA DANG 'CHI BAS BCOM PA RGA BA DANG 'CHI BA'I SDUG BSNGAL GYIS 'JIGS PA LAS YONGS SU DGROL BA'I SLAD DU LAGS SO, ,JI TZAM NA SH'AKYA MING CHEN 'GRAM PO BYED PA SKYE BO NYUL ZHING PHYOGS DER PHYIN PA DANG BYANG CHUB SEMS DPA' GSHEGS PAR CHAS PA MTHONG NGO, ,DE NAS SKAD 'DZER CING MIG MCHI MAS GANG BAS SMRAS PA, GZHON NU 'DI CI MDZAD, MING CHEN 'GRO'O, ,GZHON NU 'DI NI RIGS PA MA LAGS SO, ,MING CHEN GANG GI PHYIR NGAS BSKAL PA GRANGS MED PA GSUM DU DKA' BA BRGYA STONG DU MAS SEMS CAN RNAMS KYI DON DU BYANG CHUB YANG DAG PAR BSGRUBS PA DES NA DA NGA CI KHYIM NA 'DUG PHOD DAM, 'DI NI NGES TE DKA' THUB KYI TSAL DU 'GRO'O, ,DE NAS GSUNG TSIG DRAG POS SH'AKYA MING CHEN SPYOS PA DANG, CHO NGES BTAB STE KYI HUD, DENG DU RGYAL PO ZAS GTZANG DANG, ,SH'AKYA DAG NI THAMS CAD KYIS, ,YANG DANG YANG DU BSAMS PA YI, ,RE BA 'BRAS BU MED PAR GYUR, ,DENG DU RGYAL PO ZAS GTZANG NI, ,SRAS KYI MYA NGAN GYIS GDUNGS PAS, ,LAG BSGRENG SHIN TU SDUG BSNGAL ZHING, ,MI BZAD SGRA NI 'BYIN PAR GYUR, ,SA 'TSO GRAGS 'DZIN RI DVAGS SKYES, ,DE BZHIN BTZUN MO'I 'KHOR RGYAS PA'ANG, ,DON GRUB DANG NI BRAL BA YIS, ,SHIN TU SDUG @12B BSNGAL MYONG BAR GYUR, ,ZHES SMRAS NAS, DE SNGANGS PAS GRAGS 'DZIN MA BSLANG STE SMRAS PA, DON GRUB 'DI NI GSHEGS GYUR GYIS, ,KHYIM THAB SDUG BSNGAL GYIS GDUNGS NAS, ,SDUG BSNGAL NYAM THAG NGUR 'ONG GIS, ,KHYIM THAB SDUG PA DE ZLOG SHIG ,KHYOD KYIS KHYIM THAB GSHEGS 'GYUR 'DI NI MTHONG DKA' STE, ,KHYOD KYIS 'DI LTOS KHYIM THAB MTHONG BA'I THA MA YIN, ,KYI HUD PHONGS PAS BDAG GIS MTSAN MO KUS BTAB KYANG, ,SUS KYANG LAN MA STER BAS BDAG GIS MA NYES SO, ,DES NI DE LTAR KHUS BTAB KYANG, ,'DI LTAR LHA RNAMS BYIN RLABS KYIS, ,DGON PAR 'O DOD BOS PA BZHIN, ,'GA' YANG SAD PAR MA GYUR TO, ,DE NAS SH'AKYA MING CHEN SDUG BSNGAL ZHING YID MI BDE BAS GDUNGS NAS DE RINGS PAR RGYAL PO ZAS GTZANG GI DRUNG DU SONG NAS RGYAL PO ZAS GTZANG BSLANG STE SMRAS PA, DON GRUB 'DI NI BZHUD LAGS KYIS; ,SA BDAG DE NI BZLOG PAR MDZOD, ,SRAS KYI MYA NGAN GYIS THEBS NAS, ,SDUG BSNGAL GYIS GDUNGS BSHUMS 'GYUR MCHIS, ,MA NYES TE DE YANG GNYID MA SAD DO, ,DE NAS BRGYA BYIN DANG, TSANGS PA LA SOGS PA LHA RNAMS KYANG LHA BRGYA STONG PHRAG DU MAS YONGS SU BSKOR NAS BYANG CHUB SEMS DPA' GANG NA BA DER SONG STE PHYIN PA DANG, BYANG CHUB SEMS DPA' BSKOR CING DONG STE G-YAS PHYOGS NAS GZUGS NA SPYOD PA'I LHA RNAMS SPYOD LAM ZHI BA DANG, G-YON PHYOGS NAS 'DOD PA NA SPYOD PA'I LHA RNAMS KYIS RGYAL MTSAN DANG BA DAN BSGRENG NAS LHA'I ROL MO'I KHYAD PAR SNA TSOGS DANG, MDUN NAS BRGYA BYIN DANG TSANGS PA LA SOGS PA RANG RANG GI SPYOD LAM GYIS DONG NGO, ,NAM MKHA'I NGOS LA GNAS PA'I LHA BRGYA STONG PHRAG DU MAS NI BYANG CHUB SEMS DPA'I STENG NAS LHA'I ME TOG AUTPALA DANG, PADMA DANG, KU MU DA DANG, PADMA DKAR PO RNAMS KYIS GTOR RO, ,AA GA RU'I PHYE MA DANG, TZAN DAN GYI PHYE MA DANG, TA MA LA'I 'DAB MA'I PHYE MA DANG, LHA'I ME TOG MAN D'A RA BAS KYANG GTOR TO, ,LHA'I ROL MO'I CHA BYAD SNA TSOGS KYANG BRDUNGS SO, ,GOS RNAMS KYANG GTOR RO, ,'DIR SMRAS PA, MKHA' LA LHA RNAMS GA ZHA'I @13A *, ,SGRA CHEN 'BYIN BYED LA, ,DGA' BA'I YID KYIS GOS KYI G-YAB MOS 'DEBS BYED CING, ,KHA CIG BYANG CHUB SEMS DPA' LA NI BSTOD BYED DE, ,NAM MKHA' LA NI SOR MO BRGYA PHRAG SGYUR BAR BYED, ,KHA CIG DAG NI SGO RNAMS 'BYED BYED CING, ,ME TOG MAN D'A RA BAS 'THOR BAR BYED, ,KHA CIG DAG NI BCIBS PA'I RKANG 'DZIN CING, ,BDE BAR GSHEGS LA RTOG CING RJES BZHIN 'BRANG, ,KHA CIG DAG KYANG G-YAS NAS RJES BZHIN 'BRANG, ,G-YON NAS 'GRO BA DAG KYANG RJES BZHIN 'BRANG, ,BRGYA BYIN DE BZHIN TSANGS PAR BCAS PA DANG, , LUS NGAN BDAG NYID SHUL NI MTSON PAR BYED, ,ZLA BA NYA BA RGYU SKAR TSOGS KYIS LTAR, ,BDAG NYID CHEN PO LHA TSOGS MDUN BDAR NAS, ,DKA' THUB NAGS NI THUB RNAMS DGYES BYED PA, ,'PHAGS PA DGYES PA'I NAGS SU THUGS DGYES GSHEGS, ,DE NAS BYANG CHUB SEMS DPA' GRONG KHYER SER SKYA'I GZHI NAS PHYIR BYUNG BA DANG BRGYA BYIN DANG TSANGS PA LA SOGS PA LHA RNAMS YID DGA' BAS SPRO BA BSKYED PA, GROGS PO KHYOD YUN RING PO NAS NAM ZHIG NA NGA BGEGS LAS THAR TE DKA' THUB KYI NAGS SU 'GRO BAR 'GYUR SNYAM DU DGONGS PA SKYED PA GANG LAGS PA DE DENG DU YONGS SU RDZOGS PA LAGS KYIS, NAM KHYOD KYIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA DE'I TSE, BDAG CAG LA YANG DGONGS SHIG ,BYANG CHUB SEMS DPAS DE BZHIN DU BYA'O ZHES DAM BCAS NAS SKU THAMS CAD KYIS G-YAS PHYOGS SU GLANG PO CHE'I LTA STANGS KYIS GZIGS NAS, SANGS RGYAS RNAMS KYIS BSTAN PA YI, ,LAM GYI MCHOG NI MA THOB PAR, ,GRONG KHYER SER SKYA'I GZHIR NI SLAR, ,NGA NI 'JUG PAR MI BYA'O, ,ZHES GSUNGS SO, ,DE NAS BYANG CHUB SEMS DPA' THUN GNYIS KYI DPAG TSAD BCU GNYIS SU BYON NAS BCIBS PA LAS BABS TE RGYAN BKROL NAS 'DUN PA LA BKA' STZAL PA, 'DUN PA RGYAN DANG RTA KHYER LA SLAR SONG SHIG , 'DIR SMRAS PA, KHA LO SGYUR KHYOD NGA YI RTA 'DI DANG, ,RGYAN 'DI RNAMS KYANG GNYEN PA DAG LA BYIN, ,NGA NI 'DOD PA RGYA CHEN SPANGS NAS SU, ,DA LTAR @13B 'DI NYID DU NI RAB BYUNG BYA, ,DE NAS 'DUN PA GDONG LA MCHI MA CHAR BZHIN 'BAB PAS BYANG CHUB SEMS DPA' LA GSOL PA, SENG GE STAG GIS BLTAM PA DANG, ,PHYUGS RJES BLTAM PA'I NAGS TSAL DU, ,'BA' ZHIG SKU GNYEN DANG BRAL NAS, ,'PHAGS PA JI LTAR SPYOD PAR 'GYUR, , BYANG CHUB SEMS DPAS GSUNGS PA, SKYE DGU 'DI NI SKYE NA'ANG GCIG PU STE, ,DE BZHIN 'CHI NA'ANG GCIG PU 'CHI BAR 'GYUR, ,'DI NI GCIG PUS SDUG BSNGAL MYONG 'GYUR GYI, ,'KHOR BA LA NI GROGS YOD MA YIN NO, ,'DUN PAS GSOL PA, KYE HUD GZHON NUS SDUG BSNGAL MA GZIGS TE, ,ZHABS 'JAM GLANG CHEN RTA LA BCIBS GOMS PA, ,SA GZHI RTZVA DANG RDO BAS BLTAM RTZUB PAR, ,JI LTAR ZHABS KYIS GSHEGS SHING NAGS SU RGYU, ,BYANG CHUB SEMS DPAS GSUNGS PA, 'CHI BDAG 'JIGS PA DE NI LAN 'GA' YANG, ,SKYID LA BRTZAMS MED BDE BAR GOMS LA MIN, ,MGON BCAS LA MIN RIGS BTZUN LA MA YIN, ,DPA' DANG BRTZON MIN SKYE BO DGA' LA MIN, ,DGA' BAS 'CHI BDAG 'JIGS PA DAG ,BSKYED NAS 'ONGS PAR 'GYUR ZHES GRAGS, ,DON MA BYAS SHING MA BRTZAMS PAR, ,'CHI BAR YANG NI 'GRO BAR 'GYUR; ,'DUN PAS GSOL PA, LHA RGYAL PO BGRES PO NI SRAS KYI MYA NGAN GYIS 'GRONGS PAR 'GYUR RO, ,'ON KYANG BYANG CHUB SEMS DPA' BYANG CHUB KYI TSOGS BSAGS PA'I PHYIR 'DUN PA'I TSIG THUGS LAM BAB BO, ,DE NAS BYANG CHUB SEMS DPAS AUTPA LA SNGON PO 'DRA BA'I RAL GRI SHUBS NAS PHYUNG NAS GTZUG PHUD BREGS TE STENG GI NAM MKHA' LA BOR BA DANG LHA RNAMS KYI DBANG PO BRGYA BYIN GYIS BLANGS NAS BKUR STE CHEN PO BYAS TE SUM BCU RTZA GSUM GYI LHA RNAMS KYI NANG DU KHYER NAS GTZUG PHUD KYI MCHOD PA CHEN PO BTZUGS SO, ,BRAM ZE DANG KHYIM BDAG DAD PA CAN RNAMS KYIS PHYOGS DER DBU SKRA BLANGS PA'I MCHOD RTEN BRTZIGS TE DA DUNG YANG MCHOD RTEN LA PHYAG BYED PA'I DGE SLONG DAG PHYAG BYED DO,, ,,'DUL BA GZHI, BAM PO BRGYAD BCU GYA BZHI PA, BYANG CHUB SEMS DPAS GSUNGS PA, 'DUN PA JI SNYAM DU SEMS, GANG LA @14A *, ,'DI LTA BU'I BRTUL BA YOD PA DE CIG YANG KHYIM NA GNAS PAR 'GYUR RAM, LHA MA LAGS SO, ,'DUN PAS BSAMS PA, GZHON NU NI RGYAL RIGS KYI NGA RGYAL CAN YIN PAS 'DI PHYIR BZLOG PAR MI NUS SO SNYAM MO, ,DE NAS RTA'I RGYAL PO BSNGAGS LDAN GYIS BYANG CHUB SEMS DPA'I ZHABS GNYIS LA LCES BLDAGS PA DANG, BYANG CHUB SEMS DPA'I PHYAG 'KHOR LO DANG, BKRA SHIS DANG, G-YUNG DRUNG 'KHYIL BA MNGA' BAS BYUGS NAS GSUNGS PA, BSNGAGS LDAN SONG SHIG DANG, MNGON PAR RDZOGS PAR BYANG CHUB NAS KHYOD KYI BYAS PA GZO BAR 'GYUR RO, ,'DUN PA LA YANG GSUNGS PA, KHYOD KYIS BSNGAGS LDAN PHO BRANG DU MA BKRI SHIG ,DE SKAD CES GSUNGS PA DANG, 'DUN PA SKAD 'DZER CING MIG MCHI MAS GANG NAS RTA'I RGYAL PO BSNGAGS LDAN KHRID DE YANG DANG YANG DU BYANG CHUB SEMS DPA' LA BLTA ZHING SONG NGO, , DE GNYIS KYIS THUN GNYIS KYIS SON PA'I SA GANG YIN PA DE NAS ZHAG BDUN GYIS PHYIR 'KHOR TO, ,'DUN PAS BSAMS PA, GAL TE LHAN CIG TU DONG NA SMRE SNGAGS CHEN POS BDAG SHI BAR 'GYUR RO SNYAM NAS DES SKYED MOS TSAL DU 'DUG NAS BSNGAGS LDAN BTANG NGO, ,DES SKAD PHYUNG BA DANG PHO BRANG GI SKYE BO DANG SKYE BO'I TSOGS GZHAN GYIS KYANG SKAD DE SHES NAS RE STE PHYIR BYUNG BA LAS BYANG CHUB SEMS DPA' MA MTHONG NAS BSNGAGS LDAN DE'I MGUL DU 'DUS TE NGU BAR BRTZAMS SO, ,'DI NI CHOS NYID YIN TE, DUD 'GRO'I SKYE GNAS SU SONG BA'I SROG CHAGS PHAL PA GZHAN LA YANG KUN RDZOB KYI SHES PA YOD NA RTA'I RGYAL PO BSNGAGS LDAN LA LTA SMOS KYANG CI DGOS PAS DES SKYE BO'I TSOGS CHEN PO SMRE SNGAGS 'DON PA'I SGRA THOS TE DBUGS KHONG DU SONG BA NYID KYIS BRNANGS TE SHI NAS DE SGRA CAN GYI BRAM ZE LAS DRUG LA BRTZON PA ZHIG GI RIGS SU NYING MTSAMS SBYOR BA BLANGS SO, ,GANG GI TSE BYANG CHUB SEMS DPA' BLA NA MED PA YANG DAG PAR RDZOGS PA'I BYANG CHUB MNGON PAR BYANG CHUB PA DE'I TSE DE LA DMU RGOD KYI GDAMS PAS GTAMS NAS 'KHOR BA'I DGON PA LAS BSGRAL TE SHIN TU MTHAR PHYIN PA'I GRUB PA DANG BDE BA MYA NGAN @14B 'DAS PA LA 'JOG PAR 'GYUR RO, ,BYANG CHUB SEMS DPA' LA NGUR SMRIG GIS DGOS PA BYUNG NAS GRONG KHYER DPE MED DU KHYIM BDAG PHYUG PO NOR MANG BA, LONGS SPYOD CHE BA, YONGS SU GZUNG BA YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA ZHIG GNAS PA DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DE RTZE BAR BYED, DGA' BAR BYED, DGA' MGUR SPYOD PAR BYED PA NA KHYE'U ZHIG BTZAS SO ZHES BYA BA NAS DE BZHIN DU KHYE'U BCU BTZAS SO ZHES BYA BA'I BAR DU STE, DE DAG THAMS CAD RAB TU BYUNG NAS RANG SANGS RGYAS KYI BYANG CHUB MNGON SUM DU BYAS SO, ,DE DAG GI MA RGAN MO DES DE DAG LA SHA NA'I GOS DAG CIG BYIN PA DANG, DE RNAMS KYIS SMRAS PA, YUM BDAG CAG YONGS SU MYA NGAN LAS 'DA' BAS 'DI DAG BDAG CAG LA MI DGOS TE 'ON KYANG RGYAL PO ZAS GTZANG GI SRAS GZHON NU SH'AKYA THUB PA ZHES BYA BA BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BAR 'GYUR BA ZHIG YOD KYIS 'DI DAG DE LA PHUL CIG ,DES NA KHYOD KYIS 'BRAS BU CHEN PO THOB PAR 'GYUR RO ZHES SMRAS NAS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYAS NAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS SO, ,RGAN MO DES KYANG 'CHI KHAR GOS DE DAG BU MO LA GTAD NAS JI LTAR GYUR PA RNAMS SMRAS SO, ,DE'I BU MO DE YANG NAD KYIS THEBS TE 'CHI BAR SHES NAS DES KYANG SHING DRUNG ZHIG TU BZHAG NAS SHING DE LA GNAS PA'I LHA GANG YIN PA DE LA KHYOD KYIS 'DI DAG RGYAL PO ZAS GTZANG GI SRAS LA PHUL CIG CES GSOL BA BTAB BO, ,LHA RNAMS KYI DBANG PO BRGYA BYIN GYI SHES PA MTHONG BA NI 'OG TU 'JUG PA YIN PAS DES DE DAG SHES NAS BLANGS TE, DE NAS RNGON PA RGAS 'KHOGS PA LTA BU ZHIG TU BDAG NYID MNGON PAR SPRUL NAS DE DAG BGOS TE LAG NA MDA' GZHU THOGS NAS BYANG CHUB SEMS DPA' GSHEGS PA'I @15A *, ,LAM KAR BSDAD PA DANG, BYANG CHUB SEMS DPA' YANG RIM GYIS LAM DER BYON NAS RNGON PA LAG NA MDA' GZHU THOGS SHING GOS NGUR SMRIG GYON PA ZHIG GZIGS SO, ,GZIGS NAS KYANG MI DE LA GSUNGS PA, KVA'I NANG RJE SHA NA'I GOS 'O NI DAG NI RAB TU BYUNG BA LA 'TSAM PA YIN GYIS, KA SHI KA'I RAS PHRAN 'DI DAG KHYER LA 'O NI DAG NGA LA BYIN CIG DES GSOL PA, GZHON NU BDAG LA GZHAN DAG KHYOD KYIS RGYAL BU GZHON NU BKRONGS NAS KA SHI KA'I RAS PHRAN GYI GOS 'DI DAG BLANGS SO ZHES GZHI DES G-YAR MCHI BAR 'GYUR LAGS PAS BDAG 'DI DAG MI 'BUL LO, ,BYANG CHUB SEMS DPAS GSUNGS PA, KYE NANG RJE NGA NI MTHU JI LTA BU DANG LDAN PA 'JIG RTEN THAMS CAD KYIS SHES TE SU ZHIG GIS NGA DKRONGS PAR NUS, KHYOD KYIS NGA DKRONGS PAR SU ZHIG YID CHES KYIS BAG TSA BA MED PAR BYIN CIG ,DE NAS LHA RNAMS KYI DBANG PO BRGYA BYIN GYIS BYANG CHUB SEMS DPA'I ZHABS GNYIS LA GTUGS NAS SHA NA'I GOS DAG PHUL TE KA SHI KA'I RAS PHRAN RNAMS BLANGS SO, ,BYANG CHUB SEMS DPA'I SKU DANG SHA NA'I GOS DE DAG 'TSAM PAR MA GYUR PA DANG DE 'DI SNYAM DU DGONGS TE; KYE MA'O SHA NA'I GOS RNAMS BDAG GI SKU DANG 'TSAM PAR GYUR CIG SNYAM NAS TSIG TU SMRAS MA THAG TU SHA NA'I GOS DE DAG 'DI LTAR BYANG CHUB SEMS DPA'I RNAMS KYI BYANG CHUB SEMS DPA'I MTHU DANG, LHA RNAMS KYI LHA'I MTHUS BYANG CHUB SEMS DPA'I SKU DANG 'TSAM PAR GYUR TO; ,BYANG CHUB SEMS DPAS DGONGS PA, DA NI BDAG RAB TU BYUNG ZIN GYIS, 'GRO BA RNAMS RJES SU GZUNG BAR BYA'O SNYAM MO, ,DE NAS BYANG CHUB SEMS DPA'I KA SHI KA'I RAS PHRAN GYI GOS DE DAG LHA RNAMS KYI DBANG PO BRGYA BYIN GYIS BLANGS NAS SUM BCU RTZA GSUM GYI LHA RNAMS KYI NANG DU KA SHI KA'I MCHOD PA CHEN PO BTZUGS SO, ,BRAM ZE DANG KHYIM BDAG DAD PA CAN RNAMS KYIS KYANG PHYOGS DER NGUR SMRIG BLANGS PA ZHES BYA BA'I MCHOD RTEN BRTZIGS TE DA DUNG DU YANG MCHOD RTEN LA PHYAG 'TSAL BA'I DGE SLONG DAG PHYAG BYED DO, ,DE NAS BYANG CHUB SEMS DPA' @15B DBU SKRA BREGS SHING NA BZA' NGUR SMRIG MNABS TE DKA' THUB KYI NAGS SU PHAN TSUN RGYU ZHING DRANG SRONG NGAN SPONG GI BU'I BSTI GNAS SU GSHEGS PA DANG, DE'I TSE DRANG SRONG NGAN SPONG GI BU LAG PA LA 'GRAM PA GTAD NAS SEMS KHONG DU CHUD CING 'DUG PA DE LTA BU DE BYANG CHUB SEMS DPAS GZIGS NAS GSUNGS PA DRANG SRONG CHEN PO CI'I PHYIR LAG PA LA 'GRAM PA GTAD NAS SEMS KHONG DU CHUD CING 'DUG ,DES GSOL PA, BDAG GI BSTI GNAS 'DI NA SHING TA LA RNAMS GSER GYI LO MA DANG, ME TOG DANG, 'BRAS BU CHAGS PA LAS DE RNAMS SNGA MKHO BZHIN DU MA GYUR TO, ,BYANG CHUB SEMS DPAS GSUNGS PA, DRANG SRONG CHEN PO GANG GI MTHUS BSTI GNAS 'DI NI SHING TA LA RNAMS GSER GYI LO MA DANG, ME TOG DANG, 'BRAS BUR LDAN PA DE RGA BA DANG, NA BA DANG, 'CHI BA YANG DAG PAR MTHONG NAS YID BYUNG STE DKA' THUB KYI NAGS SU GNAS PAS SO, ,GAL TE DES RGA BA DANG, NA BA DANG, 'CHI BA YANG DAG PAR MTHONG NAS YID BYUNG STE DKA' THUB KYI NAGS SU GNAS PAR MA GYUR NA, SKYED MOS TSAL 'DI DE'I YIN PAR 'GYUR BA ZHIG ,DE SKAD CES GSUNGS PA DANG, DRANG SRONG CHEN PO NGAN SPONG GI BUS BYANG CHUB SEMS DPA' LA BRTAG PAR BRTZAMS SO, ,DE NAS GZUGS BZANG ZHING ZHI BA'I CHA BYAD DU MTHONG NAS YUN RING DU BRTAGS TE NGO MTSAR SKYES NAS GSOL PA, KYE RAB TU BYUNG BA DE KHYOD KHO NA MA LAGS GRANG, BYANG CHUB SEMS DPAS GSUNGS PA, DRANG SRONG CHEN PO DE LTAR NGES SO, ,DE NAS NGAN SPONG GI BU YA MTSAN SKYES PA'I MIG BGRAD DE BLTAS NAS, BYANG CHUB SEMS DPA' THOG MAR GDAN LA SPYAN DRANGS TE ME TOG DANG, 'BRAS BU BSTABS SO, ,DE LTAR KUN DU DGYES PAR BYAS PA DANG BYANG CHUB SEMS DPAS SKAD CIG GCIG BZHES NAS GSUNGS PA, DRANG SRONG CHEN PO 'DI NAS GRONG KHYER SER SKYA'I GZHIR JI SRID YOD, DES GSOL PA, DPAG TSAD BCU GNYIS MCHIS SO, ,BYANG CHUB SEMS DPAS DGONGS PA, GRONG KHYER SER SKYA'I GZHI NYE'O, ,'DIR GNAS PA NI RUNG BA MA YIN TE, SH'AKYA RNAMS KYIS GRONG GI 'KHRUG PA BYED PAR 'GYUR GYIS,@16A *, ,MA LA BDAG GANG G'A RGAL LO SNYAM NAS DE GANGG'A RGAL NAS MTHAR GYIS RGYU ZHING GSHEGS PA DANG RGYAL PO'I KHAB TU BYON TO, ,BYANG CHUB SEMS DPA' NI BZO'I GNAS DANG, LAS KYI GNAS DE DANG, DE RNAMS LA MKHAS PA YIN PAS DES SHING KA RA B'I RA'I LO MA LAS LHUNG BZED BYAS NAS SPYOD LAM ZHI BAS RGYAL PO'I KHAB TU BSOD SNYOMS KYI PHYIR ZHUGS SO, ,DE'I TSE RGYAL PO GZUGS CAN SNYING PO STENG GI KHANG BZANG GI GZHI NA 'DUG PA DES DE 'GRO BA DANG, LDOG PA DANG, LTA BA DANG, RNAM PAR LTA BA DANG, BSKUM PA DANG, BRKYANG BA DANG, CHOS GOS SNAM SBYAR DANG, LHUNG BZED THOGS PA MDZES PAS, BSOD SNYOMS SPYOD PA MTHONG NGO, ,MTHONG NAS KYANG 'DI SNYAM DU SEMS TE, RGYAL PO'I KHAB NA RAB TU BYUNG BA JI SNYED CIG GNAS PA LA JI LTAR RAB TU BYUNG BA 'DI'I SPYOD LAM DE LTA BU NI 'GA' YANG MED DO SNYAM NAS, 'DIR SMRAS PA, JI LTAR MIG CAN 'GRO BA LTAR, ,RAB TU BYUNG BA BSGRAGS PAR BYA, ,'DI NI BRTAG PAR MDZAD NAS SU, ,RAB TU BYUNG BA YANG DAG BZHED, ,KHYIM GNAS 'DI NI SDUG BSNGAL TE, 'DI NI RDUL GYI GNAS YIN ZHING, ,RAB TU BYUNG BA BAR SNANG LTAR, ,MKHYEN NAS DE TSE RAB TU BYUNG, ,RAB TU BYUNG NAS SKU YI NI, ,SDIG PA'I LAS NI SPANGS PA DANG, ,GSUNG GI SDIG PA SPANGS NAS NI, ,'TSO BA KUN NAS DAG PAR MDZAD, ,DE NAS MA GH'A DHA YI NI, ,GRONG MCHOG RGYAL PO'I KHAB GSHEGS NAS, ,MGON PO SHES BZHIN DRAN LDAN PAS, ,BSOD SNYOMS PHYIR NI GSHEGS PA DE, ,BZO SBYANGS MA GA DH'A YI BDAG ,KHANG BZANG NA NI 'DUG PAS MTHONG, ,MTHONG NAS SEMS DAD DE NAS NI, ,BLON PO RNAMS LA 'DI SKAD SMRAS, ,MTSAN MCHOG GIS NI RGYAS GYUR CING, ,KHO LAG PHUN SUM TSOGS PA DANG, ,GNYA' SHING GANG DU LTA BA YI, ,'DI LA SHES LDAN DAG LTOS SHIG , SPYAN MI 'DEG LA YID GZHUNGS SHING, ,DAMN PA'I RIGS LAS MA 'KHRUNGS 'DI, ,GANG DU GNAS PAR GSHEGS GYUR @16B PA, ,RGYAL POS PHO NYA RJES BZHIN BTANG, ,DE NAS PHO NYA LA BSGO BA, ,DGE SLONG DE NI GAR 'GRO ZHING, ,GANG DU GNAS NI BTAB PA YI, ,RJES BZHIN DU NI 'BRANG BAR GYIS, ,DE NI BSOD SNYOMS GSHEGS PA NA, ,SGO DRUG LEGS PAR BSDAMS NAS NI, ,SHES BZHIN DRAN DANG LDAN PA YIS, ,LHUNG BZED MYUR DU GANG BAR MDZAD, ,BSOD SNYOMS SPYAD PA BYAS NAS KYANG, ,THUB PA GRONG KHYER PHYIR BYUNG NAS, ,SKYA BA SENG LAS NI MNGON GSHEGS TE, ,DE LA GNAS NI BTAB PAR GYUR, ,GNAS BTAB PA NI SHES NAS KYANG, ,PHO NYA GCIG GIS BSDAD BYAS NAS, ,GZHAN NI MYUR DU SLAR LOG STE, ,RGYAL PO LA NI TSIG SMRAS PA, ,RGYAL PO CHEN PO DGE SLONG DE, ,SENGGE'AM STAG GI PHRU GU DANG, ,RI SUL DAG NA GNAS PA LTAR, ,SKYA BSENG GI NI STENG NA GNAS, ,PHO NYA RNAMS KYI TSIG THOS NAS, , SA BDAG SHING DRUNG ZHUGS NAS NI, ,DE NI BLON POS YONGS BSKOR NAS, ,MYUR DU KHO NAR DONG BAR GYUR, ,BZHON PAS BGROD PA'I SAR ZHON TE, ,DE NI BZHON PA LAS BABS NAS, ,RKANG GIS NYE BAR SONG NAS NI, ,DE NAS DE BZHIN GSHEGS PA MTHONG, ,RGYAL POS 'DUG NAS DGYES PA DANG, ,MGU BAR 'GYUR BA'I GTAM GSOL NAS, DE NI MA KHENGS MI BRLANG BAR, ,DON 'DI DAG NI RAB SMRAS SO, ,DGE SLONG LANG TSO DANG PO LA, ,BAB PAR YANG DAG GNAS GYUR CING, ,'DI 'DRA GZI BRJID LDAN PA LA, ,BSOD SNYOMS SPYOD PA MDZES MA LAGS, ,KHANG PA NYAMS DGA' DAG DANG NI, ,BUD MED RGYAN GYIS BRGYAN PA DANG, ,LONGS SPYOD MCHOG NI KHYOD GSOL NA, ,NYID KYI GDUNG NI ZHU YIS GSUNGS, ,RGYAL PO GNGAS RI NYE BA NA, ,YUL GYI LJONGS NI NOR DAG DANG, ,'BRU DAG GIS NI GANG GYUR PA, ,KO SA LA ZHES GRAGS PA YOD, ,BU RAM SHING PA NYI MA'I RUS, ,SH'AKYA DAG NI DE NA GNAS, ,RGYAL PO NGA'I RIGS RGYAL RIGS TE, ,NGA NI 'DOD PA DON MI GNYER, ,SA 'DI RI DANG BCAS SHING RGYA MTSOR BCAS, ,RIN CHEN KUN DANG LDAN PA BSKYANGS GYUR KYANG, , @17A *, ,MI NI NAM YANG NGOMS PAR MI 'GYUR TE, ,SO GA TSA DUS SHING GI ME BZHIN NO, ,'DOD PA RNAMS NI SHA KHO NA 'BREL CES GSUNGS, ,MI DBANG RGAL BAR DKA' ZHING 'DAM RDZAB 'DRA, ,SDUG BSNGAL DANG NI MYA NGAN 'JIGS PA YI, ,RTZA BA'I GTZO STE BLO NGAN RNAMS KYIS BSTAN, ,RGYAL PO NGAS NI BYUNG MA THAG TU YANG, ,'DOD PA RNAMS LA MI DGA'I BLO BSKYED NA, ,'JIGS BYED CHOS KYI DGRA BOR GYUR PA DAG ,BOR BA DE KHO SLAR YANG JI LTAR BLANG, ,RTZE MO SNA TSOGS YANGS PAR GYUR PA YI, ,LHUN PO GANGS CAN RLUNG GIS BSKYOD SRID KYI, ,NGA YI BLO NI THAR PA LA BRTEN PA, ,'DOD PA'I SHUGS KYIS BSKYOD PAR MI NUS SO, ,'JIG RTEN 'DI NI 'DOD PAR BYING GYUR NAS, ,'KHOR BA'I 'KHOR LOS YONGS SU 'KHYAMS PA LA, ,MI DBANG NGA SKYABS YIN TE GZHAN MED PAS, ,'JIGS PA CHE LAS DE NI THAR BAR BYA, ,'DOD PA RNAMS KYI NYES DMIGS MKHYEN, ,MYA NGAN 'DAS PA ZHI BA GZIGS, ,SBANG PHYIR GANG DU NGA YI YID, ,DGA' BA DAG TU 'GRO BAR BYA, ,RGYAL PO GZUGS CAN SNYING POS GSOL PA, KYE RAB TU BYUNG BA BRTUL ZHUGS 'DIS, CI ZHIG DON DU GNYER, DES GSUNGS PA, BLA NA MED PA YANG DAG PAR RDZOGS PA'I BYANG CHUB BO, ,RGYAL POS GSOL PA, KYE RAB TU BYUNG BA GANG GI TSE KHYOD BLA NA MED PA YANG DAG PAR RDZOGS PA'I BYANG CHUB MNGON PAR SANGS RGYAS PAR GYUR PA DE'I TSE BDAG LA YANG DGONGS SHIG ,BYANG CHUB SEMS DPAS GSUNGS PA, DE BZHIN DU BSAM PAR BYA'O, ,ZHES GSUNGS NAS, RGYAL PO'I KHAB NAS BYUNG STE, BYA RGOD KYI PHUNG PO'I RI DANG HA CANG YANG MI RING BAR DRANG SRONG RNAMS KYI BSTI GNAS DER GSHEGS SO, ,DE RNAMS SPYOD PA DANG GNAS PAS BSAM GTAN LA BRTZON PAR GNAS TE, DE RNAMS GANG GI TSE RKANG PA GCIG GIS NYIN THUN GCIG 'GRENG BA DE'I TSE, BYANG CHUB SEMS DPA' THUN GNYIS SU BZHENGS SO, ,GAL TE DE RNAMS GDUNG BA LNGA'I SBYOR BAS NYIN THUN GCIG 'DUG PA DE'I TSE, BYANG CHUB SEMS DPAS KYANG SBYOR BA DES THUN GNYIS SU @17B BZHUGS SO, ,DE NAS DE RNAMS YA MTSAN SKYES NAS, DGE SBYONG 'DI NI CHEN PO ZHIG GO ZHES SMRAS PAS, DGE SBYONG CHEN PO DGE SBYONG CHEN PO ZHES BYA BAR GYUR TO, ,BYANG CHUB SEMS DPAS DE RNAMS LA SMRAS PA, SHES LDAN DAG KHYED BRTUL ZHUGS 'DIS CI ZHIG DON DU GNYER, ,DE NA KHA CIG GIS GSOL PA, BRGYA BYIN NYID DO, ,KHA CIG GIS GSOL PA, BDAG CAG NI TSANGS PA NYID DO, ,KHA CIG GIS GSOL PA, BDUD NYID DO, ,BYANG CHUB SEMS DPAS DGONGS PA, DRANG SRONG 'DI DAG NI SLAR LTUNG BA, LAM LOG PAR ZHUGS PA STE, LAM DE NI NUS PA MA YIN NO SNYAM NAS, DES SGYU RTZAL SHES KYI BU RING DU 'PHUR GANG NA BA DER GSHEGS TE BYON PA DANG, SGYU RTZAL SHES KYI BU RING DU 'PHUR LA 'DI SKAD CES GSUNGS SO, ,RING DU 'PHUR GAL TE KHYOD LA MI BDE BA MED NA KHYOD KYI DRUNG DU KHO BO TSANGS PAR SPYOD PA SPYAD DO, ,DES SMRAS PA, TSE DANG LDAN PA GOO TA MA BDAG LA MI BDE BA MED KYIS, KHYOD CI BDE BA KHO NAR BZHUGS SHIG ,BYANG CHUB SEMS DPAS GSUNGS PA, RING DU 'PHUR KHYOD KYIS CHOS JI SNYED CIG RTOGS PAR GYUR, DES GSOL PA, TSE DANG LDAN PA GOO TA MA CI YANG MED PA'I SKYE MCHED KYI BAR DU'O, ,DE NAS BYANG CHUB SEMS DPA' 'DI SNYAM DU DGONGS TE, SGYU RTZAL SHES KYI BU RING DU 'PHUR DAD PA DE LA NI NGA YANG DAD LA, SGYU RTZAL SHES KYI BU RING DU 'PHUR LA BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PA LTAR BDAG LA YANG BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PAS SGYU RTZAL SHES KYI BU RING DU 'PHUR GYIS CI YANG MED PA'I SKYE MCHED KYI BAR DU CHOS DE SNYED MNGON SUM DU BYAS NA, CI'I PHYIR BDAG GIS KYANG CHOS 'DI DAG MNGON SUM DU MI BYA SNYAM NAS, DE NAS BYANG CHUB SEMS DPAS CHOS DE RNAMS KHO NA MA THOB PA THOB PAR BYA BA'I PHYIR DANG, MA RTOGS PA RTOGS PAR BYA BA'I PHYIR DANG, MNGON SUM DU MA BYAS PA MNGON SUM DU BYA BA'I PHYIR GCIG PU DBEN PA BAG YOD PA, RTUN PA DANG LDAN PA, BDAG NYID GTOD PAR GNAS TE GCIG PU DBEN PA BAG YOD PA RTUN PA DANG LDAN PA, BDAG NYID @18A *, ,GTOD PAR GNAS PA NA, RING PO MA THOGS PA KHO NAR CHOS DE DAG MNGON SUM DU MDZAD PAR GYUR TO, ,CHOS DE DAG MNGON SUM DU MDZAD NAS YANG SGYU RTZAL SHES KYI BU RING DU 'PHUR GANG NA BA DER GSHEGS TE BYON NAS, SGYU RTZAL SHES KYI BU RING DU 'PHUR LA 'DI SKAD CES GSUNGS SO,, RING DU 'PHUR KHYOD KYIS CI YANG MED PA'I SKYE MCHED KYI BAR GYI CHOS 'DI DAG RANG GI MNGON PAR SHES PAS MNGON SUM DU BYAS SAM, DES 'DI SKAD CES SMRAS SO, ,TSE DANG LDAN PA GOO TA MA MED DE, BDAG GIS CI YANG MED PA'I SKYE MCHED KYI BAR GYI CHOS DE DAG MNGON SUM DU BYAS SO, , BYANG CHUB SEMS DPAS GSUNGS PA, TSE DANG LDAN PA RING DU 'PHUR BDAG GIS KYANG CI YANG MED PA'I SKYE MCHED KYI BAR GYI CHOS DE DAG RANG GI MNGON PAR SHES PAS MNGON SUM DU BYAS SO, ,TSE DANG LDAN PA GOO TA MA DE LTA NA KHYOD KYI JI TZAM PA BDAG GI YANG DE TZAM LA, BDAG GI JI TZAM PA KHYOD KYI YANG DE TZAM PAS DON 'DI LA'O SKOL MTSUNGS SHING MNYAM STE 'DRA BAR THOB KYIS TSUR SPYON 'O SKOL GNYIS KAS 'KHOR 'DI YONGS SU DRANG BAR BGYI'O, ,DE NAS SGYU RTZAL SHES KYI BU RING DU 'PHUR BYANG CHUB SEMS DPA'I THOG MA'I SLOB DPON NYID KYIS BYANG CHUB SEMS DPA' LA RJED PA'I DAM PAS RJED CING MCHOD PA'I DAM PAS MCHOD DO, ,DE'I RTOGS PA DAG LA YANG DGA' BA DANG, MGU BAR GYUR TO, ,DE NAS BYANG CHUB SEMS DPA' 'DI SNYAM DU DGONGS TE, LAM 'DI NI SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS BYANG CHUB SEMS DPAS LAM DE NUS PA MED PAR RIG NAS RANGS BYED KYI BU LHAG SPYOD GANG NA BA DER GSHEGS TE BYON NAS, RANGS BYED KYI BU LHAG SPYOD LA 'DI SKAD CES GSUNGS SO, ,LHAG SPYOD GAL TE KHYOD LA MI BDE BA MED NA KHYOD KYI DRUNG DU NGA TSANGS PAR SPYOD PA SPYAD DO, ,DES GSOL PA TSE DANG LDAN PA GOO TA MA BDAG LA MI BDE BA MED KYIS, KHYOD CI BDE BA KHO NAR BZHUGS SHIG ,KHYOD KYIS CHOS JI SNYED CIG MNGON SUM DU BYAS, TSA DANG LDAN PA GOO TA MA 'DU SHES MED 'DU SHES MED MIN GYI SKYE MCHED @18B KYI BAR DU'O, ,DE NAS BYANG CHUB SEMS DPA' 'DI SNYAM DU DGONGS TE, RANGS BYED KYI BU LHAG SPYOD DAD PA LA NI BDAG KYANG DAD LA, RANGS BYED KYI BU LHAG SPYOD LA BRTZON 'GRUS DANG, DRAN PA DANG, TING NGE 'DZIN DANG, SHES RAB YOD PA LTA BU'I BRTZON 'GRUS DANG, DRAN PA DANG, TING NGE 'DZIN DANG, SHES RAB NI BDAG LA YOD NA, RANGS BYED KYI BU LHAG SPYOD KYIS 'DU SHES MED 'DU SHES MED MIN GYI SKYE MCHED KYI BAR GYI CHOS 'DI SNYED CIG MNGON SUM DU BYAS NA, BDAG GIS KYANG CI'I PHYIR CHOS 'DI DAG MNGON SUM DU MI BYA SNYAM MO, ,DE NAS BYANG CHUB SEMS DPAS CHOS DE RNAMS KHO NA MA THOB PA THOB PAR BYA BA'I PHYIR DANG, MA RTOGS PA RTOGS PAR BYA BA'I PHYIR DANG, MNGON SUM DU MA BYAS PA MNGON SUM DU BYA BA'I PHYIR GCIG PU DBEN PA BAG YOD PA RTUN PA DANG LDAN PA, BDAG NYID GTOD PAR GNAS TE, GCIG PU DPEN PA BAG YOD PA RTUN PA DANG LDAN PA; BDAG NYID GTOD PAR GNAS PA NA, RING PO MA THOGS PA KHO NAR CHOS DE MNGON SUM DU MDZAD PAR GYUR TO, ,CHOS DE MNGON SUM DU MDZAD NAS RANGS BYED KYI BU LHAG SPYOD GANG NA BA DER GSHEGS TE BYON PA DANG, RANGS BYED KYI BU LHAG SPYOD LA 'DI SKAD CES GSUNGS SO, ,LHAG SPYOD KHYOD KYIS 'DU SHES MED 'DU SHES MED MIN GYI SKYE MCHED KYI BAR DU CHOS 'DI DAG RANG GIS MNGON SUM DU BYAS SAM, TSE DANG LDAN PA GOO TA MA MAD LAGS TE, BDAG GIS 'DU SHES MED 'DU SHES MED MIN GYI SKYE MCHED KYI BAR GYI CHOS 'DI DAG MNGON SUM DU BGYIS SO, ,BYANG CHUB SEMS DPAS GSUNGS PA, TSE DANG LDAN PA LHAG SPYOD BDAG GIS KYANG 'DU SHES MED 'DU SHES MED MIN GYI SKYE MCHED KYI BAR GYI CHOS 'DI DAG RANG GIS MNGON SUM DU BYAS SO, ,TSE DANG LDAN PA GOO TA MA DE LTA NA KHYOD KYI JI TZAM PA BDAG GI YANG DE TZAM LA, BDAG GI JI TZAM PA KHYOD KYI YANG DE TZAM PAS DON 'DI LA 'O SKOL MTSUNGS SHING MNYAM STE, 'DRA BA THOB KYIS TSUR SBYON, 'O SKOL GNYIGS TSOGS 'DI YONGS SU DRANG BAR BGYI'O, ,DE NAS RANGS BYED KYI BU LHAG SPYOD BYANG CHUB SEMS DPA'I THOG MA'I SLOB DPON GYIS BYANG CHUB SEMS DPA' LA RJED PA DAM PAS RJED CING MCHOD PA'I DAM @19A *, ,PAS MCHOD DO, ,DE'I SHES PA RNAMS LA YANG DGA' BA DANG MGU BAR GYUR TO, ,DE NAS BYANG CHUB SEMS DPA' 'DI SNYAM DU DGONGS TE, LAM 'DI NI SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS BYANG CHUB SEMS DPA' LAM DE YANG NUS PA MED PAR RIG NAS GSHEGS SO, ,RGYAL PO ZAS GTZANG BU'I MYA NGAN GYIS RTAG TU GDUNGS NAS, BYANG CHUB SEMS DPA' BTZAL BA'I PHYIR PHO NYA BTANG BA LAS, DES JI LTAR GZHON NU DON THAMS CAD GRUB PA, RANGS BYED KYI BU LHAG SPYOD DANG LHAN CIG BZHUGS PA LAS RGYAL PO'I KHAB NAS PHYIR BYUNG STE, RIM GRO BA MED PAR 'KHYAM MO ZHES THOS SO, ,THOS NAS RIM GRO BYED PA SUM BRGYA BTANG NGO, ,GRONG KHYER LHAS BSTAN DU SH'AKYA LEGS PAR RAB SAD KYIS KYANG DE BZHIN DU THOS NAS DES KYANG RIM GRO BYED PA NYIS BRGYA BTANG NGO, ,DE NAS BYANG CHUB SEMS DPA' RIM GRO BA LNGA BRGYAS YONGS SU BSKOR NAS, DKA' THUB KYI NAGS SU RGYU BA NA DES DGONGS PA, DKA' THUB KYI NAGS GANG BAR SPYOD CING GNAS PAS NI BDUD RTZI THOB PAR MI NUS KYIS, MA LA BDAG GIS RIM GRO BYED PA LNGA ZHIG BLANGS LA LHAG MA NI DGYE'O SNYAM NAS DES YUM GYI PHYOGS LAS GNYIS, YAB KYI PHYOGS NAS GSUM KHRID DE, DE RNAMS KYIS DE'I RIM GRO BYED DO, ,DE NAS BYANG CHUB SEMS DPA' RIM GRO PA LNGAS YONGS SU BSKOR TE GA YI LHO PHYOGS NA LTENG RGYAS 'OD SRUNG GI SDE'I GRONG RDAL GANG NA BA DER RGYU ZHING GSHEGS TE BYON NAS, DE PHAN TSUN DU 'CHAG PA NA, PHYOGS DGA' DGA' LTAR 'DUG PA, NAGS TSANG TSING MDZES PA, CHU KLUNG NERNYDZA NA BSIL BAR 'BAB PA, GSER GU CAN 'JUG NGOGS BDE ZHING MTHA' RGYA CHE LA GSING MA SNGON PO DANG SHING SNA TSOGS KYIS BRGYAN PA DGA' DGA' LTAR 'DUG BA ZHIG GZIGS SO, ,GZIGS NAS KYANG 'DI SNYAM DU DGONGS TE, KYE MA 'O SA PHYOGS 'DI NI DGA' DGA' LTAR 'DUG PA, NAGS TSANG TSING MDZES PA, CHU KLUNG NEE RANYDZA NA BSIL BAR 'BAB PA, @19B GSER GU CAN 'JUG NGOGS BDE ZHING MTHA' RGYA CHE LA GSING MA SNGON PO DANG, SHING SNA TSOGS KYIS BRGYAN PA DGA' DGA' LTAR 'DUG PA ZHIG STE, KYE MA SPONG BA DON DU GNYER BA'I RIGS KYI BUS NAGS KHROD 'DIR BRTEN NA SPONG BA BYA BAR NUS SO, ,BDAG SPONG BA DON DU GNYER BA YIN PAS MA LA BDAG GIS KYANG NAGS KHROD 'DIR BRTEN LA SPONG BA BYA'O SNYAM MO, ,DE NAS BYANG CHUB SEMS DPA' NAGS KHROD DU ZHUGS TE SHING ZHIG GI DRUNG DU BZHUGS NAS, TSEMS LA TSEMS GTAD, LJAGS RKAN LA BCAR NAS THUGS KYIS THUGS MNGON DU BZUNG, MNGON DU BSDAMS, SHIN TU MNGON DU BSDAMS SO, ,DE THUGS KYIS THUGS MNGON DU BZUNG, MNGON DU BSDAMS, SHIN TU MNGON DU BSDAMS PAS BA SPU'I KHUNG BU THAMS CAD NAS RDUL BYUNG BAR GYUR TE, DPER NA MI STOBS DANG LDAN PAS MI STOBS SHIN TU CHUNG BA ZHIG PHYING KA LOG TU BZUNG, MNGON DU BSDAMS, SHIN TU MNGON DU BSDAMS NA, DE'I BA SPU'I KHUNG BU THAMS CAD NAS RDUL 'BYUNG BA DE BZHIN DU DE'I TSE, BYANG CHUB SEMS DPA' TSEMS LA TSEMS GTAD, LJAGS RKAN LA BCAR TE, THUGS KYIS THUGS MNGON DU BZUNG, MNGON DU BSDAMS, SHIN TU MNGON DU BSDAMS PA NA BA SPU'I KHUNG BU THAMS CAD NAS RDUL BYUNG BAR GYUR KYANG DE ZHUM PA MA YIN GYI, BRTZON 'GRUS BRTZAMS PA YIN, SKU MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE NAS BYANG CHUB SEMS DPA' 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA ZHAL DANG SHANGS NAS DBUGS RNGUB PA DANG 'BYUNG BA BGAGS SO, , @20A *, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PA DANG RLUNG THAMS CAD SPYI BO'I NANG DU SONG NAS, DE DE'I DBU LA DBU'I TSOR BA SHIN TU MI BZAD PA SKYES SO, ,DPER NA MI STOBS DANG LDAN PAS MI STOBS SHIN TU CHUNG BA'I SPYI BOR LCAGS KYI PHUR PA RNON POS BTAB NA DE'I MGO LA MGO'I TSOR BA SHIN TU MI BZAD PA SKYE BA DE BZHIN DU, BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA DBU LA DBU'I TSOR BA SHIN TU MI BZAD PA SKYES KYANG DE ZHUM PA MA YIN GYI BRTZON 'GRUS BRTZAMS PA YIN, SKU MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA CHE BA YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA ZHAL DANG SHANGS NAS DBUGS RNGUB PA DANG 'BYUNG BA BGAGS SO, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PAS RLUNG THAMS CAD SNYAN GNYIS KYI BU GNAS RGYUS PAR GYUR TO, ,DPER NA MGAR BAS SBUD PA BUS NA RLUNG THAMS CAD KYI RGYUN GRVA GNYIS KYI BU GNAS RGYU BA DE BZHIN DU, BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, RLUNG THAMS CAD KYI RGYUN SNYAN GNYIS KYI BU GNAS RGYUS PAR GYUR KYANG, DE ZHUM PA MA YIN GYI BRTZON 'GRUS BRTZAMS PA YIN, SKU MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA CHE BA @20B YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR, THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS LHAG PAR YANG RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA, ZHAL DANG SHANGS NAS DBUGS RNGUB PA DANG 'BYUNG BA BGAGS SO, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PAS PHYAL GYI NANG THAMS CAD RGYAS PAR GYUR, SHIN TU RGYAS PAR GYUR TO, ,DPER NA MGAR BA'I SBUD PA BUS NA GANG BAR GYUR, SHIN TU GANG BAR GYUR PA DE BZHIN DU DE'I TSE, BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, PHYAL GYI NANG THAMS CAD RGYAS PAR GYUR, SHIN TU RGYAS PAR GYUR KYANG, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONGS YANG 'DI LTAR SKU BSGOMS PA YIN PA'I PHYIR, THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR 'JUG BAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DE RNAM PAR BAM PA'I BSAM GTAN DAG LA SNYOMS PAR ZHUGS PA NA ZHAL DANG SHANGS NAS DBUGS RNGUB PA DANG 'BYUNG BA BGAGS SO, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PA DANG, DE'I TSE DBU LA DBU'I TSOR BA SHIN TU MI BZAD PA SKYES SO, ,DPER NA MI STOBS DANG LDAN PAS MI STOBS SHIN TU CHUNG BA'I MGO 'BRENG PAS YANG NAS YANG DU DAM@21A *, ,DU BCINGS NA DE'I MGO LA MGO'I TSOR BA SHIN TU MI BZAD PA SKYE BA DE BZHIN DU, DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, DBU LA DBU'I TSOR BA SHIN TU MI BZAD PA SKYES KYANG, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG YANG SKU BSGOMS PA YIN PA'I PHYIR, THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DER LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DES RNAM PAR BAM PA'I BSAM GTAN DAG LA SNYOMS PAR ZHUGS PA NA ZHAL DANG SHANGS NAS DBUGS RNGUB PA DANG 'BYUNG BA BGAGS SO, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PA DANG, DE'I TSE KHONG DU KHONG GI TSOR BA MI BZAD PA SKYES SO; ,DPER NA BA LANG GI BSHAN PA MKHAS PA'AM, BA LANG GI SHEN PA'I SLOB MA MKHAS PAS BA LANG GSOD PA'I GRI RNON POS BA LANG GI LTO DRAL NA DE'I KHONG DU KHONG GI TSOR BA SHIN TU MI BZAD PA SKYE BA DE BZHIN DU DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, KHONG DU KHONG GI TSOR BA SHIN TU MI BZAD PA SKYES KYANG DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA CHE BA YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR, THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS LHAG @21B PAR RNAM PAR BAM PA'I BSAM GTAN DAG LA SNYOMS PAR 'JUG PAR BYA'O SNYAM MO, ,DES LHAG PAR RNAM PAR BAM PA'I BSAM GTAN DAG LA SNYOMS PAR 'JUG PAR BRTZAMS TE, DES RNAM PAR BAM PA'I BSAM GTAN DAG LA SNYOMS PAR ZHUGS PA DANG, ZHAL DANG SHANGS NAS DBUGS RNGUB PA DANG 'BYUNG BA BGAGS SO, ,DE'I ZHAL DANG SHANGS NAS DBUGS RNGUB PA DANG 'BYUNG BA BGAGS PA DANG, DE'I TSE SKU LA SKU'I GDUNG BA SHIN TU MI BZAD PA SKYES SO, ,DPER NA MI SHIN TU STOBS DANG LDAN PA GNYIS KYIS MI STOBS SHIN TU CHUNG BA ZHIG PHYING KA LOG TU BZUNG STE, ME DONG GI NANG DU SBYANGS NA DE'I LUS LA LUS KYI GDUNG BA SHIN TU MI BZAD PA SKYE BA DE BZHIN DU, DE'I TSE BYANG CHUB SEMS DPA' RNAM PAR BAM PA'I BSAM GTAN DAG LA SNYOMS PAR ZHUGS PA NA, SKU LA SKU'I GDUNG BA SHIN TU MI BZAD PA SKYES KYANG, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPAS SDUG BSNGAL MI BZAD PA RTZUB PA TSA BA YID DU MI 'ONG BA DE LTA BU'I TSOR BA NYAMS SU MYONG YANG 'DI LTAR SKU BSGOMS PA YIN PA'I PHYIR, THUGS YONGS SU GTUGS TE MI GNAS SO, ,DE 'DI SNYAM DU DGONGS TE, MA LA BDAG GIS THAMS CAD KYI THAMS CAD DU ZAS MI ZA BA BSGRUB PAR BYA'O SNYAM MO, ,DE NAS LHA RAB TU MANG PO'I SEMS KYIS BYANG CHUB SEMS DPA'I THUGS SHES NAS BYANG CHUB SEMS DPA' GANG NA BA DER DONG STE PHYIN NAS, BYANG CHUB SEMS DPA' LA 'DI SKAD CES SMRAS SO, ,GROGS PO GAL TE KHYOD MI'I KHA ZAS KYIS 'DZEM PAR MDZAD, ,NGO TSA BAR MDZAD, SMOD PAR MDZAD, RNAM PAR SMOD PAR MDZAD NA, BDAG CAG GIS KHYOD KYI BA SPU'I KHUNG BU THAMS CAD NAS LHA'I MDANGS BSGRUB PAR BGYIS TE, KHYOD KYIS GTOR CIG ,DE NAS BYANG CHUB SEMS DPA' 'DI SNYAM DU DGONGS TE, GAL TE BDAG GIS MI'I ZAS MI BZA' BAR DAM BCAS LA @22A *, ,BDAG GI BA SPU'I KHUNG BU THAMS CAD DU LHA RNAMS KYIS LHA'I MDANGS BSGRUBS NAS DE BDAG GIR BYED PA NI, BDAG GI BRDZUN YIN LA, BDAG GI BRDZUN GANG YIN PA DE NI BDAG GI LOG PA YIN NO, ,BDAG GI LOG PA GANG YIN PA DE'I RKYEN GYIS NI 'DIN SEMS CAN KHA CIG LUS ZHIG STE, SHI NAS NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR GYIS, MA LA BDAG GIS LHA RNAMS KYI TSIG NI THAMS CAD KYI THAMS CAD DU SPANGS LA KHA ZAS NYUNG BA DANG, CHUNG BA DANG, CHUNG ZAD DANG, CHUNG CHUNG BZA' BA'AM, YANG NA MON SRAN SDE'U'I KHU BA'AM, 'ON TE RGYA SRAN GYI KHU BA'AM, YANG NA HA RE NU KA'I 'BRAS BU'I KHU BA BTUNG NGO SNYAM MO, ,DE NAS BYANG CHUB SEMS DPAS DE'I TSE LHA RNAMS KYI TSIG THAMS CAD KYI THAMS CAD DU SPANGS NAS ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA'AM, YANG NA MON SRAN SDE'U'I KHU BA'AM, 'ON TE RGYA SRAN GYI KHU BA'AM, YANG NA HA RE NU KA'I 'BRAS BU'I KHU BA GSOL LO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, YAN LAG DANG NYING LAG THAMS CAD ZHUM KUN DU ZHUM STE, SKEM ZHING DPAL CHUNG BAR GYUR TO, ,DPER NA LDUM BU AA SI TA'I SDONG BU DANG, KA LI KA'I SDONG BU 'JUM KUN DU 'JUM PAS SHA CHUNG ZHING SKAMS PAR GYUR PA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, YAN LAG DANG NYING LAG THAMS CAD ZHUM KUN DU ZHUM STE SKEM ZHING DPAL CHUNG BAR GYUR TO, ,DE NAS BYANG CHUB SEMS DPA' DE'I TSE ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, DBU LA DBU'I PAGS PA RNYIS KUN DU RNYIS TE, 'KHUMS SHING 'BAR 'BUR DU GYUR TO, ,DPER NA KU BA RTZA BA NAS BCAD NA RNYIS KUN DU RNYIS PAS 'KHUMS LA 'BAR 'BUR DU GYUR PA DE BZHIN DU DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL @22B BA NA, DBU LA DBU'I PAGS PA RNYIS KUN TU RNYIS TE, 'KHUMS SHING 'BAR 'BUR DU GYUR KYANG, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPA' DE'I TSE BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, SPYAN GNYIS KYI SPYAN GYI 'BRAS BU PHUG TU SONG SHIN TU PHUG TU SONG STE, ZAB PA SHIN TU ZAB PAR RING DU SONG BAS PHYUNG BA LTA BUR SNANG NGO, ,DPER NA KHRON PA ZAB MO'I CHUR SKAR MA'I GZUGS BRNYAN PHUG TU SONG SHIN TU PHUG TU SONG STE, ZAB PA SHIN TU ZAB PAR RING DU SONG BAR GTAM DU BYA BA DE BZHIN DU, DE'I TSE BYANG CHUB SEMS DPAS ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, SPYAN GNYIS KYI SPYAN GYI 'BRAS BU PHUG TU SONG SHIN TU PHUG TU SONG STE, ZAB PA SHIN TU ZAB PAR RING DU SONG BAS PHYUNG BA LTA BUR SNANG YANG DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,DE'I TSE BYANG CHUB SEMS DPA' BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU MYONG YANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG; CHUNG ZAD DANG, CHANG CHUNG GSOL BA NA, DE'I TSE RTZIB MA'I BAR MTHOD MAN CAN DU GYUR TE, DPER NA RTZVA KHANG LO GNYIS SAM GSUM LON PA'I PHYAM DGU PO MTHOD MAN DU GYUR PA DE BZHIN DU, DE'I TSE BYANG CHUB SEMS DPA' ZHAL ZAS NYUNG BA DANG, CHUNG BA DANG, CHUNG ZAD DANG, @23A *, ,CHANG CHUNG GSOL BA NA, RTZIB MA'I BAR MTHOD MAN DU GYUR KYANG, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMUGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,BYANG CHUB SEMS DPA' DE'I TSE BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG YANG 'DI LTAR SKU BSGOMS PA YIN PA'I PHYIR THUGS YONGS SU GTUGS TE MI GNAS SO, ,DE NAS BYANG CHUB SEMS DPA' ZHAL ZAS NYUNG BA DANG, CHUNG BA DANG, CHUNG ZAD DANG, CHANG CHUNG GSOL BA NA, SGAL PA'I TSIGS 'DI LTA STE, SKRA'I LAN BU LTA BUR GYUR TO, ,MJUG DO NI 'DI LTA STE, RNGA MO'I RKANG PA LTA BUR GYUR TO, ,DE LAN 'GA' LDANG BAR 'DOD NA KHA SBUB TU 'GYEL LA, LAN 'GA' 'DUG PAR 'DOD NA GAN RKYAL DU 'GYEL LO, ,DE RO STONG LA BRTEN NAS RO SMAD 'JOG PAR BYED, RO SMAD LA BRTEN NAS RO STOD 'JOG PAR BYED DO, ,DE PHYAG GNYIS KYIS SKU LA BYUGS, YONGS SU BYUGS TE, DE'I PHYAG GNYIS KYIS SKU LA BYUGS, YONGS SU BYUGS PA DE'I TSE, BA SPU RNAMS DRUNG RUL BAS SA LA LHAGS PAR GYUR TO, ,DE 'DI SNYAM DU DGONGS TE, LAM 'DI YANG SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE NAS LHA GSUM ZHIG BYANG CHUB SEMS DPA' GANG NA BA DER LHAGS TE, DE NAS GCIG GIS 'DI SKAD CES SMRAS SO, ,DGE SBYONG GOO TA MA NI NAG PO ZHIG GO ,GNYIS PAS 'DI SKAD CES SMRAS SO, ,'DI NAG PO NI MA YIN GYI 'ON KYANG SNGO BSANGS ZHIG GO ,GSUM PAS 'DI SKAD CES SMRAS SO, ,'DI NAG PO YANG MA YIN, SNGO BSANGS KYANG MA YIN GYI MDOG DMAR SMUG CIG GO ,BYANG CHUB SEMS DPA'I SKU MDOG BZANG POR SNANG BA NI THAMS CAD KYI THAMS CAD DU NUB PAR GYUR TO, ,DE NAS DE'I CHO BYANG CHUB SEMS DPA' LA SNGON MA GSAN PA'I DPE GSUM ZHIG SNANG BA 'DI LTA STE, SHING RLON PA CHU @23B CAN ZHIG CHU NAS PHYUNG STE, NYE BAR SKAM LA BZHAG PA DANG, DE NAS MI ME DON DU GNYER BA ME TSOL BA ZHIG DER 'ONGS NAS DES DE LA GTZUB STAN BYAS TE, GTZUB SHING BZHAG NAS GTZUBS NA 'DI LTAR SHING DE RLON PA CHU CAN YIN PA'I PHYIR ME 'BYUNG BA DANG, 'BAR DU MI BTUB PA DE BZHIN DU DGE SBYONG NGAM BRAM ZE KHA CIG 'DOD PA RNAMS LA LUS DANG SEMS KYIS THAG SRING BAR MI GNAS KYI, DE RNAMS KYI 'DOD PA RNAMS LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG, 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE NI DE RNAMS KYI SEMS YONGS SU GTUGS TE, GNAS PA YIN PAS, LUS DANG SEMS KYIS THAG SRING BAR MI GNAS PA RNAMS KYI NI DE DANG 'DRA'O, ,DE RNAMS BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG MOD KYI, 'ON KYANG DE RNAMS KYIS SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA DANG PO YIN NO, , DPER NA SHING RLON PA CHU CAN ZHIG CHU NAS PHYUNG STE, NYE BAR SKAM LA BZHAG PA DANG, DE NAS MI ME DON DU GNYER BA ME TSOL BA ZHIG 'ONGS NAS DES DE LA GTZUB STAN BYAS TE, GTZUB SHING BZHAG NAS GTZUBS NA 'DI LTAR SHING DE RLON PA CHU CAN YIN PA'I PHYIR ME 'BYUNG BA DANG, 'BAR DU MI BTUB PA DE BZHIN DU DGE SBYONG NGAM BRAM ZE KHA CIG 'DOD PA RNAMS LA LUS KYIS SPONG BAR GNAS KYI SEMS KYIS MA YIN PA DE RNAMS KYI 'DOD PA RNAMS LA 'DOD PA LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG; 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE NI, DE RNAMS KYI SEMS YONGS SU GTUGS TE GNAS PA YIN NO, ,DE RNAMS BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG MONG @24A *, ,KYI, 'ON KYANG DE RNAMS KYIS SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA GNYIS PA YIN NO, , 'DI LTA STE, SHING SKAM KHONG STONG CHU MED PA ZHIG CHU DANG THAG RING POR SKAM LA BZHAG PA DANG, DE NAS MI ME DON DU GNYER BA ME TSOL BA ZHIG 'ONGS NAS DES DE LA GTZUB STAN BYAS TE, GTZUB SHING BZHAG NAS GTZUBS NA 'DI LTAR SHING DE SKAM ZHING KHONG STONG YIN PA'I PHYIR, ME 'BYUNG BA DANG, 'BAR DU BTUB PA DE BZHIN DU DGE SBYONG NGAM BRAM ZE KHA CIG 'DOD PA RNAMS LA LUS DANG, SEMS KYIS THAG SRING BAR GNAS PA DE RNAMS KYI 'DOD PA RNAMS LA 'DOD PA LA 'DUN PA DANG, 'DOD PA LA CHAGS PA DANG, 'DOD PA LA DGA' BA DANG, 'DOD PA LA ZHEN PA DANG, 'DOD PA LA 'CHUMS PA DANG, 'DOD PA LA LHAG PAR ZHEN PA GANG YIN PA DE NI DE RNAMS KYI SEMS YONGS SU GTUGS TE MI GNAS PA YIN NO, ,DE RNAMS BDAG NYID GNOD PA'I SDUG BSNGAL MI BZAD PA RTZUB PA TSA BA YID DU MI 'ONG BA'I TSOR BA DE LTA BU NYAMS SU MYONG MOD KYI, 'ON KYANG DE RNAMS KYIS SHES PAR NUS, MTHONG BAR NUS, BLA NA MED PA YANG DAG PAR RDZOGS PAR BYANG CHUB PAR NUS TE, DE LA 'DI NI DE'I TSE BYANG CHUB SEMS DPA' LA SNGON MA GSAN PA'I DPE SNANG BA GSUM PA YIN NO, ,'DI LTAR DE'I TSE BYANG CHUB SEMS DPA' LA DPE GSUM PA SNANG NAS MA LA BDAG GIS TIL 'BRU GCIG GI ZAS BZA' BAR BYA'O ZHES DE TIL 'BRU GCIG GI ZAS GSOL TE, JI SRID DE'I MDANGS DE SKU LAS YAL BAR MA GYUR GYI BAR DU TIL 'BRU GNYIS PA'I ZAS MI GSOL TE, YAL NAS TIL 'BRU GNYIS PA'I ZAS DE GSOL BAR MDZAD DO, ,DE TIL 'BRU GCIG GI ZAS GSOL BAS YAN LAG DANG NYING LAG RNAMS SHIN TU SKAMS PAR GYUR TO, ,TIL 'BRU GCIG JI LTA BAR 'BRAS 'BRU GCIG DANG, SRAN KO LA 'BRU GCIG DANG, RGYA SRAN 'BRU GCIG DANG, MON SRAN GRE'U 'BRU GCIG DANG, MON SRAN SDE'U 'BRU GCIG DANG, RTZVA'I GDING BA LA @24B MNAL BAR MDZAD DO, ,RGYAL PO ZAS GTZANG GIS DKA' BA SPYOD PA'I GNAS SKABS DE THOS NAS NYI MA RE RE ZHING RTOG PA NYIS BRGYA LNGA BCU GTONG BAR BYED DO, ,RGYAL PO LEGS PAR RAB SAD KYIS KYANG NYIS BRGYA LNGA BCU'O, ,DE DAG NYI MA RE RE ZHING DE GNYIS LA MYUR BA MYUR BAR GTAM SKYEL BAR BYED DO, BYANG CHUB SEMS DPA' NI 'DI 'DRA BA'I DKA' BA SPYOD DE, TIL 'BRU GCIG DANG, 'BRAS 'BRU GCIG DANG, SRAN KO LA 'BRU GCIG DANG, RGYA SRAN 'BRU GCIG DANG, MON SRAN GRE'U 'GRU GCIG DANG, MON SRAN SDE'U 'BRU GCIG GI ZAS GSOL ZHING RTZVA'I GDING BA LA MNAL TO ZHES SMRA'O, ,DE RGYAL PO ZAS GTZANG GIS THOS NAS BU'I MYA NGAN GYIS NON PAS LHAG PAR DANG KHAR NA ZHING MIG MCHI MAS BRNANGS TE GDUNGS NAS, BTZUN MO'I 'KHOR DANG BCAS PAR RTZVA'I GDING BA LA NYAL BAR BYED DO, ,BTZUN MO GRAGS 'DZIN YANG KHYIM THAB KYI GNAS SKABS DE THOS NAS KHYIM THAB KYI MYA NGAN GYIS NON TE GDONG MCHI MAS RLAN CING, ME TOG PHRENG DANG, RGYAN DANG SPUD PA RNAMS BOR NAS DKA' BA SPYOD PAR BYED DE, TIL 'BRU GCIG DANG, 'BRAS 'BRU GCIG DANG, SRAN KO LA 'BRU GCIG DANG, RGYA SRAN 'BRU GCIG DANG, MON SRAN GRE'U 'BRU GCIG DANG, MON SRAN SDE'U 'BRU GCIG GI ZAS ZA ZHING RTZVA'I GDING BA LA NYAL BAR BYED DO, ,DE'I RUM MI BDE'O ZHES RGYAL PO ZAS GTZANG GIS THOS NAS DES BSAMS PA, GAL TE GRAGS 'DZIN MAS BYANG CHUB SEMS DPA'I GTAM NYI MA RE RE ZHING THOS NA KHYIM THAB KYI MYA NGAN GYIS NON TE DKA' BA SPYAD PA 'DIS, MNGAL MI 'CHAGS PA'AM, SROG 'CHAD PAR 'GYUR BA'I GNAS 'DI YOD PAS DES NA GRAGS 'DZIN MA LA BYANG CHUB SEMS DPA'I GTAM SU YANG GLENG BAR MI 'GYUR RO SNYAM NAS, RGYAL PO ZAS GTZANG GIS BTZUN MO'I 'KHOR GYI SKYE BO THAMS CAD LA KHRIMS SU BCAS PA, SUS KYANG BYANG CHUB SEMS DPA'I GTAM GRAGS 'DZIN MA LA BRJOD PAR MI BYA'O, ,GTAM SKYEL BA LA YANG BSGO BA, NGA MA GTOGS PAR SU LA YANG BYANG CHUB SEMS DPA'I GTAM BRJOD PAR MI BYA'O, ,RANG GIS THOS NA YANG GRAGS 'DZIN @25A *, ,MA LA BSAMS NAS MYA NGAN MNAGS TE, GANG THOS NA BTZUN MO GRAGS 'DZIN MA MI 'CHI BAR 'GYUR BA'I GTAM GZHAN GYIS BTZUN MO'I 'KHOR LA 'DRID PAR BYED DO, ,DE NAS BYANG CHUB SEMS DPA' 'DI SNYAM DU DGONGS TE, LAM 'DI YANG SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG CHUB PAR NUS PA MA YIN NO SNYAM MO, ,DE 'DI SNYAM DU DGONGS TE, MA LA BDAG GIS KHA ZAS SHIN TU NGAN PA BZA' BAR BYA'O SNYAM STE, DES KHA ZAS SHIN TU NGAN PA GSOL BAR MDZAD DO, ,DE LA ZAS PHAL PA NI 'DI YIN TE, BE'U BYUNG NAS RING PO MA LON PAR MA'I 'O MA 'THUNG BA GANG YIN PA DE RNAMS KYI GCIN DANG LCI BA YIN NO, ,JI SRID DE'I SKU LAS MDANGS DE YAL BAR MA GYUR PA DE SRID DU ZAS GNYIS PA MI GSOL TE, YAL NAS KHA ZAS PHYI MA GSOL BAR MDZAD DO, ,DUR KHROD CHEN POR GSHEGS NAS KYANG MI RO DBU RTEN DU BCUG ,ZHABS LA ZHABS BZHAG STE SNANG BA'I 'DU SHES DANG, DRAN PA DANG SHES BZHIN DANG, LDANG BA'I 'DU SHES YID LA MDZAD PAS, GLO G-YAS PAS MNAL BAR MDZAD DO, ,DE'I TSE GRONG KHYER GYI GZHON NU RNAMS DANG, GRONG KHYER GYI GZHON NU MA RNAMS LHAGS NAS SHING BUS DE'I SNYAN GNYIS KYI BU GAR 'DZUGS PAR BYED, RNA BA GNYIS NAS 'DREN PAR BYED CING 'DI SKAD CES KYE PHYAG DAR KHROD KYI SHA ZAL LTOS, KYE PHYAG DAR KHROD KYI SHA ZA LA LTOS ZHES SMRA BAR YANG BYED DO, ,DE'I TSE PHYAG DAR DANG BONG RDOG DANG, GSEG MAS KYANG 'THOR BAR BYED DO, ,'ON KYANG BYANG CHUB SEMS DPA' NI GRONG KHYER GYI GZHON NU RNAMS SAM, GRONG KHYER GYI GZHON NU MA DE RNAMS LA NGAN SEMS SKYED PA'AM, SDIG PA'I TSIG DBYUNG BAR MI DGONGS SO, ,BYANG CHUB SEMS DPA' DE LTA BU'I DKA' BA SPYOD PA NA, 'DI SNYAM DU DGONGS TE, GANG SU DAG SDUG BSNGAL SPANG BAR BRTZON PAR GNAS PA DE THAMS CAD NI 'DI TZAM DU ZAD DE, DE LAS LHAG PA YANG MED DE'I GONG NA YANG MED NA, LAM 'DI YANG SHES PAR NUS PA MA YIN, MTHONG BAR NUS PA MA YIN, BLA NA MED PA YANG DAG PAR RDZOGS PAR BYANG @25B CHUB PAR NUS PA MA YIN NO SNYAM NAS, DE ZHUM PA MA YIN GYI BRTZON 'GRUS BRTZAMS PA YIN, LUS MA SBYANGS PA MA YIN GYI SBYANGS PA YIN, RMONGS PA MA YIN GYI DRAN PA NYE BAR GZHAG PA YIN TE, SEMS RTZE GCIG TU MNYAM PAR BZHAG PA YIN NO, ,DE 'DI SNYAM DU DGONGS TE, SHES PAR NUS PA DANG, MTHONG BAR NUS PA DANG, BLA NA MED PA YANG DAG PAR RDZOGS PAR BYANG CHUB PAR NUS PA'I LAM DE GANG YIN SNYAM NA, DE 'DI SNYAM DU DGONGS TE, BDAG YAB SH'AKYA ZAS GTZANG GI KHYIM NA GNAS PA'I TSE ZHING LAS KYI MTHA'I DRUNG DU SONG NAS, SHING 'DZAM BU'I GRIB MA LA 'DUG STE, 'DOD PA LAS DBEN PA, SDIG PA MI DGE BA'I CHOS LAS DBEN PA, RTOG PA DANG BCAS SHING DPYOD PA DANG BCAS PA, DBEN PA LAS SKYES PA'I DGA' BA DANG, BDE BA CAN BSAM GTAN DANG PO NYE BAR BSGRUBS TE GNAS PA DE MNGON PAR DRAN TE, DE NI LAM YIN, DE NI SGRUB PA YIN, SHES PAR NUS PA YIN, MTHONG BAR NUS PA YIN, BLA NA MED PA YANG DAG PAR RDZOGS PAR BYANG CHUB PAR NUS PA YIN NA, DE BDAG GIS BSKYED DU YANG 'DI LTAR RID CING NYAM CHUNG LA ZHAN PAS SLA BA MA YIN TE, MA LA BDAG GIS CI BDER DBUGS RNGUB PA DANG, CI BDER DBUGS 'BYUNG BA DANG, CI BDER 'BRAS CHAN DANG, ZAN DRON GYI KHA ZAS RAGS PA BZA' ZHING LUS MAR GSAR DANG TIL MAR GYIS BYUGS LA CHU 'JAM POS LUS BKRU BAR BYA'O SNYAM STE, DE CI BDER DBUGS RNGUB PA DANG, CI BDER DBUGS 'BYUNG BA DANG, CI BDER 'BRAS CHAN DANG, ZAN DRON GYI ZHAL ZAS RAGS PA GSOL ZHING SKU TIL MAR DANG MAR GSAR GYIS BYUGS NAS CHU 'JAM POS SKU 'KHRU BAR MDZAD DO,, ,,'DUL BA GZHI, BAM PO BRGYAD BCU GYA LNGA PA, DE NAS RIM GRO BA LNGA PO DE RNAMS 'DI SNYAM DU SEMS TE, SHES LDAN DAG DGE SBYONG GOO TA MA 'DI NI SDOM PA LHOD PA, BYA BA MANG BA, MANG POS 'TSO BA, SPONG BA NYAMS PAR GYUR PA YIN TE, 'DI DA LTA 'BRAS CHAN DANG ZAN DRON GYI KHA ZAS MANG DU ZA LA LUS ZHUN MAR DANG TIL MAR GYIS BYUGS NAS, CHU 'JAM POS LUS KHRUS BYED DE, 'DIS DA NI CUNG ZAD KYANG THOB PAR MI NUS SO SNYAM DU BSAMS NAS,@26A *, ,BYANG CHUB SEMS DPA' BOR TE DONG BA LAS, RIM GYIS WA R'A nA S'IR PHYIN NAS 'JIG RTEN PA'I DGRA BCOM PA GANG YIN PA DE LA BRTEN NAS RAB TU BYUNG STE, LNGA PO DE RNAMS BLO MTHUN ZHING LHAN CIG 'GROGS LA KUN TU DGA' BAS RTZOD PA MED PAR DRANG SRONG SMRA BA RI DVAGS KYI NAGS NA GNAS PAS LNGA SDE LNGA SDE ZHES BYA BAR GYUR TO, ,BYANG CHUB SEMS DPAS RIM GYIS LUS KYI STOBS DANG, MTHU DANG BRTZON 'GRUS YANG DAG PAR BSKYED NAS RIM GYIS SDE CAN GYI GRONG KHYER DU GSHEGS SO, ,DE NA GRONG KHYER GYI DPON PO SDE CAN ZHES BYA BA DE LA BU MO GNYIS YOD DE, DGA' MO DANG, DGA' STOBS MA'O, ,DE GNYIS KYIS SH'AKYA RNAMS KYI GZHON NU, GANGS RI'I NGOS CHU BO SKAL LDAN SHING RTA'I 'GRAM, DRANG SRONG SER SKYA'I BSTI GNAS DANG HA CANG YANG MI RING BAR BYUNG BA DE, MTSAN MKHAN DANG LTAS MKHAN GYI BRAM ZE RNAMS KYIS 'KHOR LOS SGYUR BA'I RGYAL POR 'GYUR RO ZHES LUNG BSTAN PA DE YANG GZUGS BZANG BA, BLTA NA SDUG PA, MDZES PA, MTSAN THAMS CAD DANG LDAN PA, SKYE BO THAMS CAD KYI YID 'PHROG PA YIN PAS BUD MED GANG GIS LO BCU GNYIS SU 'DI LTA BU'I BRTUL ZHUGS YANG DAG PAR BLANGS TE SPYOD PA DE'I KHYIM THAB TU 'GYUR RO ZHES THOS SO, ,THOS NAS KYANG BUD MED NI SKYES PA LA MNGON PAR DGA' BA YIN PAS DE GNYIS KYIS LO BCU GNYIS SU DKA' THUB BLANGS TE, DE RDZOGS PAR BYAS NAS, DE RDZOGS PA DANG, LAN BCU DRUG TU NYING KHUR BYAS PA'I 'O THUG SBRANG RTZI LTAR MNGAR BAS DRANG SRONG DKA' THUB KYIS YONGS SU DUB PA GLO BUR DU 'ONGS PA LA 'BUL BAR BYED DO, ,DE GNYIS KYIS BA STONG BZHOS NAS BA STONG PO DE NYID LA BLUD DO, ,DE NAS BA STONG PO DE DAG NYID BZHOS NAS LNGA BRGYA LA BLUD DO, ,DE NAS LNGA BRGYA PO DE DAG BZHOS NAS LNGA BRGYA PO DE DAG NYID LA BLUD DO, ,DE NAS LNGA BRGYA PO DE DAG BZHOS NAS NYIS BRGYA LNGA BCU LA BLUD DO, ,DE NAS NYIS BRGYA LNGA BCU PO DE DAG NYID BZHOS NAS NYIS BRGYA LNGA BCU PO DE DAG LA BLUD DO, ,DE NAS NYIS BRGYA LNGA BCU PO DE DAG NYID BZHOS NAS BRGYA NYI SHU RTZA LNGA LA BLUD DO, ,DE NAS BRGYA NYI SHU RTZA LNGA PO DE DAG BZHOS NAS BRGYA NYI SHU RTZA LNGA PO DE DAG NYID LA BLUD @26B DO, ,DE NAS BRGYA NYI SHU RTZA LNGA PO DE DAG BZHOS NAS DRUG BCU RTZA GSUM LA BLUD DO, ,DE NAS DRUG BCU RTZA GSUM PO DE DAG BZHOS NAS DRUG BCU RTZA GSUM PO DE DAG NYID LA BLUD DO, ,DE NAS DRUG BCU RTZA GSUM PO DE DAG BZHOS NAS SUM BCU RTZA GNYIS LA BLUD DO, ,DE NAS SUM BCU RTZA GNYIS PO DE DAG BZHOS TE, SUM BCU RTZA GNYIS PO DE DAG NYID LA BLUD DO, ,DE NAS SUM BCU RTZA GNYIS PO DE DAG BZHOS NAS BCU DRUG LA BLUD DO, ,DE NAS BCU DRUG PO DE DAG BZHOS NAS BCU DRUG PO DE DAG NYID LA BLUD DO, ,DE NAS BCU DRUG PO DE DAG NYID BZHOS NAS BRGYAD LA BLUD DO, , DE NAS BRGYAD PO DE DAG NYID BZHOS NAS BRGYAD PO DE DAG NYID LA BLUD DO, ,DE NAS BRGYAD PO DE DAG NYID LAN BCU DRUG TU NYING KHUR BYAS PA BZHOS TE, SHEL LAS BYAS PA'I SNOD KYI NANG DU BLUGS NAS BSKOL TE 'O THUG SBRANG RTZI LTAR MNGAR BAR BYED PA NA, GNAS GTZANG MA'I RIS KYI LHA RNAMS KYIS BSAMS PA, 'O MA'I THUG PA 'DI BYANG CHUB SEMS DPAS GSOL NA, DENG NYID DU BLA NA MED PA'I YE SHES THOB PAR 'GYUR GYIS DE LTA BAS NA 'DI LA MTHU ZHIG BSTABS BAR BYA'O SNYAM NAS, DE RNAMS KYIS MOD LA MTHU SKYED PA ZHES BYA BA'I SMAN BLUGS SO, ,'O MA KHOL BA DE LA 'KHOR LO DANG, BKRA SHIS DANG, G-YUNG DRUNG 'KHYIL PA'I MTSAN MA DAG SNANG NGO, ,DER YANG KUN TU 'TSO NYER 'GRO ZHES BYA BA 'KHYAM ZHING PHYOGS DER PHYIN NAS DES 'O MA'I THUG PA DE MTHONG NAS, DES BSAMS PA, 'O MA'I THUG PA 'DI SUS 'THUNGS PA DES, DENG NYID DU BLA NA MED PA'I YE SHES THOB PAR 'GYUR GYIS, MA LA BDAG GIS 'DI BSLANG NGO SNYAM NAS, RE ZHIG MA PHYUNG GI BAR DU DE YUD TZAM ZHIG MTHA' GCIG TU SONG STE BSDAD NAS, DES SONG STE, SMRAS PA, KHO BO BKRES PA DANG SKOM PAS DUB CING NYEN GYIS 'DI KHO BO LA LUD CIG ,DE GNYIS KYIS SMRAS PA, MI SBYIN NO, , DE CANG MI SMRA BAR SONG NGO, ,DE NAS DE GNYIS KYIS SHEL LAS BYAS PA'I SNOD KYI NANG NAS RIN PO CHE'I YOL GO'I NANG DU BLUGS SO, ,LHA RNAMS KYI DBANG PO BRGYA BYIN GYI SHES PA MTHONG BA NI 'OG TU 'JUG PA YIN PAS DES DE'I BRAM ZE'I CHA BYAD DU MNGON PAR SPRUL NAS DE GNYIS KYI MDUN @27A *, ,DU 'DUG GO ,TSANGS PA YANG 'ONGS NAS DE DANG NYE BA ZHIG TU 'DUG GO ,DE GNYIS KYIS BRGYA BYIN LA SBYIN PA SBYIN PAR BRTZAMS PA DANG, DES SMRAS PA, CI BDAG LA SBYIN NAM, 'ON TE BDAG PAS CHES KHYAD PAR DU 'PHAGS PA GANG YIN PA DE LA SBYIN, DE GNYIS KYIS SMRAS PA, KHYOD BAS CHES KHYAD PAR 'PHAGS PA GANG YIN PA DE LA DBUL LO, ,DES SMRAS PA, TSANGS PA 'DI NI BDAG BAS CHES KHYAD PAR DU 'PHAGS PA YIN GYIS DE LA PHUL CIG ,DE GNYIS KYIS DE LA SBYIN PAR BRTZAMS PA DANG, DES SMRAS PA, CI BDAG LA SBYIN NAM, 'ON TE BDAG BAS CHES KHYAD PAR DU 'PHAGS PA GANG YIN PA DE LA, DE GNYIS KYIS SMRAS PA, KHYOD BAS CHES KHYAD PAR DU 'PHAGS PA GANG YIN PA DE LA DBUL LO, ,DES SMRAS PA, GNAS GTZANG MA'I RIS KYI LHA 'DI DAG NI BDAG BAS CHES KHYAD PAR DU 'PHAGS PA YIN GYIS DE DAG LA PHUL CIG , DE GNYIS KYIS DE DAG LA SBYIN PAR BRTZAMS PA DANG, DE DAG GIS KYANG SMRAS PA, CI BDAG CAG LA SBYIN NAM, 'ON TE BDAG CAG BAS CHES KHYAD PAR DU 'PHAGS PA GANG YIN PA DE LA, DE GNYIS KYIS SMRAS PA, KHYED BAS CHES KHYAD PAR DU 'PHAGS PA GANG YIN PA DE LA'O, ,DE DAG GIS SMRAS PA, BYANG CHUB SEMS DPA' BCOM LDAN 'DAS 'DI CHU KLUNG NEE RANYDZA NAR ZHUGS NAS SKU KHRUS MDZAD DE, NYAM CHUNG BA NYID KYIS BZHENGS MI SPYOD PA ZHIG YOD DE, DE BDAG CAG BAS CHES KHYAD PAR DU 'PHAGS PA YIN GYIS DE LA PHUL CIG ,DE GNYIS DE'I DRUNG DU CHAS PA DANG, DE'I TSE LHA RNAMS KYIS SHING A DZUNI YAL GA BTUD NAS BTUD PA LA BYANG CHUB SEMS DPA' 'JUS TE CHU KLUNG NEE RANYDZA NA NAS BYUNG NAS CHOS GOS BGOS TE, CHU KLUNG NEE RANYDZA NA'I 'GRAM NA BZHUGS SO, ,DE NAS DE GNYIS KYIS GUS PA DANG, BSAM PA DRAG POS DE LA 'O THUG SBRANG RTZI LTAR MNGAR BA DE PHUL LO, ,BYANG CHUB SEMS DPAS KYANG DE GNYIS RJES SU GZUNG BA'I PHYIR BZHES SO, ,BZHES NAS GSUNGS PA, CI YOL GO 'DI YANG YONGS SU GTANG NGAM, DE GNYIS KYIS GSOL PA, BCOM LDAN 'DAS 'DI YANG YONGS SU GTANG LAGS SO, ,DE NAS BYANG CHUB SEMS @27B DPAS 'O THUG SBRANG RTZI LTAR MNGAR BA GSOL NAS YOL GO DE BKRUS TE, CHU KLUNG NEE RANYDZA NAR BOR BA KLU RNAMS KYIS BLANGS SO, ,'DI NI CHOS NYID YIN TE, LHA RNAMS KYI SHES PA MTHONG BA NI 'OG TU 'JUG PA YIN PAS, LHA RNAMS KYI DBANG PO BRGYA BYIN GYIS NAM MKHA' LDING GI CHA BYAD DU SPRUL TE, CHU KLUNG NEE RANYDZA NA DKRUGS NAS KLU SKRAG PAR BYAS TE, YOL GO DE PHROGS NAS SUM BCU RTZA GSUM GYI LHA RNAMS KYI NANG DU KHYER TE YOL GO'I MCHOD PA CHEN PO BTZUGS SO, ,DE NAS BYANG CHUB SEMS DPAS DGA' MO DANG, DGA' STOBS LA GSUNGS PA, SBYIN PA 'DIS CI ZHIG DON DU GNYER, DE GNYIS KYIS GSOL PA, BCOM LDAN 'DAS SH'AKYA RNAMS KYI GZHON NU GANGS RI'I NGOS, CHU BO SKAL LDAN SHING RTA'I 'GRAM, DRANG SRONG SER SKYA'I BSTI GNAS DANG HA CANG YANG MI RING BAR BYUNG BA DE, MTSAN MKHAN DANG LTAS MKHAN GYI BRAM ZE RNAMS KYIS 'KHOR LOS SGYUR BA'I RGYAL POR LUNG BSTAN PA ZHIG MCHIS PA DE SEMS BSKYED PA DANG ZHAL ZAS PHUL BA'I DGE BA'I RTZA BA 'DIS, BDAG CAG GI KHYIM THAB TU GYUR CIG ,BYANG CHUB SEMS DPAS GSUNGS PA, DE 'DOD PA RNAMS LA DON DU MI GNYER BAS RAB TU BYUNG ZIN NO, ,DE GNYIS KYIS GSOL PA, BCOM LDAN 'DAS GAL TE 'DOD PA RNAMS DON DU MI GNYER NA, BSOD PA PHUL BA'I BSOD NAMS CI MCHIS PAS, ,GRAGS DANG LDAN PA DON RNAMS KUN GRUB PA, ,MI YI MCHOG GYUR BLO MCHOG LDAN PA DE'I, ,DON KUN MYUR DU SHIN TU GRUB GYUR CIG ,BYANG CHUB SEMS DPAS DE BZHIN DU GYUR CIG CES GSUNGS NAS 'O THUG SBRANG RTZI LTAR MNGAR BA GSOL TE, DBANG PO DRUG TSIM ZHING STOBS DANG MTHU THOB NAS CHU KLUNG NEE RANYDZA NA'I 'GRAM NA PHAN TSUN DU BZHUGS PA'I SA BTZAL BA DANG, JI TZAM NA RI BRAGS CHEN PO ME TOG DANG 'BRAS BU SNA TSOGS DANG LDAN PA ZHIG GZIGS NAS, DE DE LA 'DZEGS TE, PHYOGS DBEN ZHING GSAL BA'I SA PHYOGS SU SKYIL MO KRUNG BCAS TE, BZHUGS SO, ,BZHUGS MA THAG TU RI DE NYID NYIL TO, ,BYANG CHUB SEMS DPAS DGONGS PA, NGES PAR BDAG GIS LAS SKYON CAN ZHIG BYAS TE DES NA RI 'DI NYIL TO SNYAM MO, ,LHA RNAMS KYI SEMS @28A *, ,KYIS BYANG CHUB SEMS DPA'I THUGS SHES NAS GSOL PA, BCOM LDAN 'DAS KHYOD KYIS SKYON CAN GYI PHRIN LAS MA MDZAD DO, ,'ON KYANG 'DI NI CHOS NYID LAGS TE, SA THAMS CAD KYIS GZUNG BAR RNGO MI THOG PA NI GNYIS TE, DGE BA'I RTZA BCHAD PA GANG LAGS PA DANG, DGE BA'I RTZA BA SBYANGS PA GANG LAGS PA'O, ,KHYOD NI DGE BA'I RTZA BA SBYANGS PA LAGS SO, ,BCOM LDAN 'DAS 'DI NI BYANG CHUB SEMS DPA' RNAMS KYI GNAS MA LAGS TE, 'ON KYANG CHU KLUNG NEE RANYDZA NA RGOL LA, PHYOGS CHE GE MO ZHIG NA RDO RJE'I GDAN MCHIS KYIS BZHUD CIG ,DER NI 'DAS PA DANG, MA BYON PA DANG, DA LTAR BYUNG BA'I BYANG CHUB SEMS DPA' THAMS CAD BZHUGS NAS, BLA NA MED PA'I YE SHES THOB PAR GYUR CING THOB PAR 'GYUR RO, ,DE NAS BYANG CHUB SEMS DPA' LHAS LAM BSTAN PA BZHIN GSHEGS PA NA DE'I ZHABS BZHAG PAR PAD MA DAG BYUNG BAR GYUR TO, , RGYA MTSO CHEN PO BZHI LAS KYANG CHU BAB NAS, PAD MA'I RDZING DAG BYUNG BAR GYUR TO, ,GOM PA BOR NAS MNAN PA NA SA CHEN PO 'DI KHAR BA'I SNOD BZHIN DU SGRA 'BYIN PAR BRTZAMS SO, ,BYA TZA SHA DANG RI DAGS DAG GIS KYANG BYANG CHUB SEMS DPA' LA SKOR BA BYED DO, ,RLUNG GTONG BA'I LHA'I BU RNAMS KYIS KYANG DAL BU DAL BUS RLUNG GTONG BAR BYED DO, ,CHAR PA 'BEBS PA'I LHA'I BU RNAMS KYIS KYANG CHAR PA CHUNG ZAD 'BEBS PAR BYED DO, ,BYANG CHUB SEMS DPAS DGONGS PA, NGA LA 'DI 'DRA BA'I MTSAN MA BYUNG BAR GYUR PAS DENG NYID BDAG GIS BLA NA MED PA'I YE SHES THOB PAR 'GYUR RO SNYAM MO, ,CHU KLUNG NEE RANYDZA NAR KLU'I RGYAL PO DUS CAN SNGON GYI LAS KYI RNAM PAR SMIN PA LAS SKYES PA'I GNAS SHIG BYUNG BAR GYUR TE, DE SANGS RGYAS BYUNG ZHING SANGS RGYAS 'BYUNG BA NA MIG THOB PAR 'GYUR BA YIN PAS, DE SA'I SGRA GRAGS PAS GNAS NAS BYUNG BA NA, RGYANG RING PO KHO NA NAS BYANG CHUB SEMS DPA' SKU SKYES BU CHEN PO'I MTSAN SUM CU RTZA GNYIS KYIS KUN NAS BRGYAN PA, DPE BYAD BZANG PO BRGYAD CUS SPRAS PA, 'OD 'DOM GANG GIS BRGYAN PA, NYI MA STONG BAS LHAG PA'I 'OD ZER DANG, RIN PO CHE'I RI BO 'GRO BA LTAR KUN NAS MDZES PA MTHONG NGO, , @28B MTHONG MA THAG TU BYANG CHUB SEMS DPA' LA TSIGS SU BCAD PA'I DBYANGS KYIS BSTOD PAR BRTZAMS PA, DGA' BA'I DBYANGS KYIS KUN GANG BA'I, ,SA YI SGRA NI THOS NAS KYANG, ,KLU NI GNAS NAS BYUNG NAS SU, ,PHYOGS KUN TU YANG LTA BAR BYED, ,BRANG GIS 'GRO BA'I GTZO BO STE, ,KLU YI RGYAL PO MTHU CHEN GYIS, ,NEE RANYDZA NA'I NGOS SU NI, ,'JIG RTEN 'DREN PA GSHEGS PA MTHONG, ,SANGS RGYAS BYUNG BA'I MTHU YIS NI, ,KLU YIS MIG NI THOB GYUR TE, ,SEMS DGA' ZHING NI YID MGU NAS, ,DES NI 'DI SKAD TSIG GSOL TO, ,BDAG GIS SNGON NI MTHONG BA YI, ,SANGS RGYAS MTHU CHEN DE RNAMS DANG, ,THUB PA KHYOD NI MTHONG GYUR NA, ,DE DANG THA DAD DBYER MA MCHIS, ,THUB PA JI LTAR THOG MAR NI, ,G-YAS PA'I ZHABS NI BTEG PA LAS, ,KHYOD NI SANGS RGYAS DENG GYUR NAS, ,'JIG RTEN GYI NI YON GNAS 'GYUR, ,JI LTAR CHOS GOS MNABS PA DANG, , NEE RANYDZA NA'I CHU BSIL LA, ,JI LTA BUR NI 'JUG PA LAS, ,DE RING KHYOD NI SANGS RGYAS 'GYUR, ,JI LTAR RAB BRTAN 'GROS SU GSHEGS PA DANG, ,BA LANG KHYU MCHOG 'GYING BA LTAR GSHEGS PAS, ,SKYES BU KHYU MCHOG CHOS 'DZIN RNAMS KYI MCHOG ,DENG 'DIR KHYOD NI SANGS RGYAS MCHOG 'GYUR RO, ,JI LTAR MKHA' LA TZA SHA BRGYA PHRAG GIS, ,KHYOD SKU RGYA CHEN RGYA CHEN MDZAD DE LA, ,LDING ZHING BSKOR BA BGYID PAR GYUR PA LAS, ,MI MCHOG DENG NI SANGS RGYAS MCHOG 'GYUR RO, ,JI LTAR DRI ZHIM RLUNG NI LDANG BA DANG, ,RI DVAGS BYA YI TSOGS KYANG MI SKRAG LA, , LJON SHING RLUNG GIS G-YOS PAR MA GYUR PAS, ,MI MCHOG DENG NI SANGS RGYAS MCHOG 'GYUR RO, ,JI LTAR BTZUN PA KHYOD KYI ZHAL GYI 'OD, ,DRI MED GSER 'OD 'BAR BA 'DRA BA DE, ,RNAM PAR MDZES SHING KHA DOG LDAN PAS NA, ,MI MCHOG DENG NI SANGS RGYAS MCHOG 'GYUR RO,, ,, BAR SNGOM LA, SGRA DANG MTHONG DANG SANGS RGYAS DANG, ,RDZOGS DANG ZHABS DANG CHOS GOS DANG, ,BRTEN DANG RTZVA SHA DE BZHIN RLUNG, ,KHYOD GTOGS PA DANG DE BCU'O, ,DE NAS BYANG CHUB SEMS DPA' KLU'I RGYAL PO DUS CAN GYIS YANG DAG PAR BSTOD NAS, RDO RJE'I GDAN LOGS SU GSHEGS TE @29A *, ,DES DGONGS PA, RTZVA'I GDING BA LA 'DUG PAR BYA'O SNYAM PA DANG, DE LA RTZVA'I DGOS PA BYUNG BAR, LHA RNAMS KYI DBANG PO BRGYA BYIN GYI SEMS KYIS BYANG CHUB SEMS DPA'I DGONGS PA SHES NAS, RI SPOS KYI NGAD LDANG LAS SHING BAL GYI 'DAB MA LTAR REG NA BDE BA'I RTZVA KHUR GCIG BLANGS NAS RTZVA 'TSONG BKRA SHIS KYI KHA DOG TU BDAG NYID MNGON PAR SPRUL TE, BYANG CHUB SEMS DPA'I SPYAN SNGAR BSDAD DO, ,BYANG CHUB SEMS DPAS GSUNGS PA, BZHIN BZANG RTZVA'O NI DAG NGA LA PHUL CIG ,LHA RNAMS KYI DBANG PO BRGYA BYIN GYIS BYANG CHUB SEMS DPA'I ZHABS GNYIS LA GTUGS NAS GUS PA DANG BCAS PAS PHUL LO, ,DE NAS BYANG CHUB SEMS DPAS BKRA SHIS KYI RTZVA 'TSONG LAS RTZVA BZHES TE, LHA RNAMS KYIS BSTAN PA'I LAM NAS BYANG CHUB KYI SNYING PO GANG NA BA DER GSHEGS TE BYON NAS RTZVA RNAMS MA 'KHRUGS PA DANG, STUG SRAB MED PA DGRAM PAR BRTZAMS SO, ,DE NAS RTZVA DE RNAMS BSKOR THABS SU LHUNG NAS BYANG CHUB SEMS DPAS DGONGS PA, JI LTAR RTZVA 'DI RNAMS BSKOR THABS SU LHUNG BA LAS BDAG GIS GDON MI ZA BAR DENG BLA NA MED PA'I YE SHES RTOGS PAR 'GYUR RO SNYAM DU DGONGS NAS RDO RJE'I GDAN LA 'DZEGS TE, BRANG GIS 'GRO BA'I RGYAL PO GNYID LOG PA'I LUS BSKYIL BA LTAR SKYIL MO KRUNG BCAS, SKU DRANG POR BSRANG, DRAN PA MNGON DU PHYOGS PAR BZHAG STE BZHUGS NAS, SEMS BSKYED CING TSIG TU YANG GSUNGS PA, JI SRID ZAG PA ZAD PA MA THOB KYI BAR DU SKYIL MO KRUNG GZHIG PAR MI BYA'O ZHES DES RE ZHIG ZAG PA ZAD PA MA THOB KYI BAR DU SKYIL MO KRUNG MA BSHIG GO, BDUD SDIG CAN GYI RGYAL MTSAN GNYIS PO DGA' BA'I GNAS DANG, DOGS PA'I GNAS GNYIS YOD PA LAS, DOGS PA'I GNAS KYI RGYAL MTSAN G-YO BAR BRTZAMS SO, ,SDIG CAN GYIS BSAMS PA, JI LTAR RGYAL MTSAN 'DI G-YO BA LAS GDON MI ZA BAR GNOD PA BYED PA ZHIG BYUNG NGO SNYAM STE, DE BSAM PA LA ZHUGS PA DANG, JI TZAM NA BYANG CHUB SEMS DPA' RDO RJE'I GDAN LA BZHUGS PA MTHONG NGO, ,DE 'DI SNYAM DU SEMS TE, SH'AKYA ZAS GTZANG GI BU 'DI RDO RJE'I GDAN LA 'DUG GIS, JI TZAM @29B BDAG GI YUL LAS MA 'DAS KYI BAR DU DE LA BGEGS BYA'O SNYAM DU BSAMS NAS PHRIN YIG SKYEL BA, SKRA GYEN DU 'GRENG BA, SHA NA'I SMAD G-YOGS BGOS PA ZHIG GI KHA DOG TU MNGON PAR SPRUL NAS, BYANG CHUB SEMS DPA' GANG NA BA DER SONG STE PHYIN NAS RTABS PAR SMRAS PA, GRONG KHYER SER SKYA'I GZHI NI LHAS BYIN GYIS MNAN, PHO BRANG NI BCOM, SH'AKYA RNAMS NI KHA BTAG NA, KHYOD CI'I PHYIR GNAS BTAB STE 'DUG ,DE NA BYANG CHUB SEMS DPA' LA SDIG PA MI DGE BA'I RNAM PAR RTOG PA GSUM SKYES PA 'DI LTA STE, 'DOD PA'I RNAM PAR RTOG PA DANG, GNOD SEMS KYI RNAM PAR RTOG PA DANG, RNAM PAR 'TSE BA'I RNAM PAR RTOG PA'O, ,DE LA 'DOD PA'I RNAM PAR RTOG PA NI GRAGS 'DZIN MA DANG, RI DVAGS SKYES DANG, SA 'TSOM LA'O, ,GNOD SEMS KYI RNAM PAR RTOG PA NI LHAS BYIN LA'O, ,RNAM PAR 'TSE BA'I RNAM PAR RTOG PA NI DE'I RJES SU 'TSO BA'I SH'AKYA RNAMS LA'O, , BYANG CHUB SEMS DPA' 'DI SNYAM DU DGONGS TE, CI'I PHYIR BDAG LA SDIG PA MI DGE BA'I RNAM PAR RTOG PA GSUM SKYAS SNYAM NA, JI TZAM NA BDUD SDIG CAN 'DI LTA STE, DKRUG PA'I LAS KYI PHYIR NYE BAR 'ONGS PA GZIGS SO, ,DE NAS BYANG CHUB SEMS DPA' LA DGE BA'I RNAM PAR RTOG PA GSUM SKYES TE, 'DI LTA STE, NGES PAR 'BYUNG BA'I RNAM PAR RTOG PA DANG, GNOD SEMS MED PA'I RNAM PAR RTOG PA DANG, RNAM PAR MI 'TSE BA'I RNAM PAR RTOG PA'O, ,YANG BDUD KYIS SMRAS PA, KHYOD CI'I PHYIR BYANG CHUB KYI SNYING PO LA 'DUG ,BYANG CHUB SEMS DPAS BKA' STZAL PA, BLA NA MED PA'I YE SHES THOB PAR BYA BA'I PHYIR RO, ,BDUD KYIS SMRAS PA, KHYOD KYIS BLA NA MED PA'I YE SHES GAL THOB, BYANG CHUB SEMS DPAS BKA' STZAL PA, SDIG CAN KHYOD KYIS RE ZHIG MCHOD SBYIN GCIG BYAS PAS KYANG 'DOD PA'I KHAMS KYI DBANG PHYUG PHUN SUM TSOGS PAR GYUR NA, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG PHRAG DU MA BYAS SHING SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG @30A *, ,BAS BLA NA MED PA'I YE SHES THOB PAR 'GYUR BA LTA SMOS KYANG CI DGOS TE, NGAS BLA NA MED PA'I YE SHES THOB PAR MI 'GYUR BA DE SRID RE SKAN, DE SKAD CES BKA' STZAL PA DANG, BDUD KYIS SMRAS PA, RE ZHIG JI LTAR BDAG GI MCHOD SBYIN GCIG GIS 'DOD PA'I KHAMS KYI DBANG PHYUG THOB PAR GYUR PA'I BDAG GI DPANG NI KHYOD NYID YIN NA, JI LTAR KHYOD KYI BLA NA MED PA'I YE SHES THOB PAR BYA BA'I PHYIR BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG PHRAG DU MA BYAS SHING, SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG BAR KHYOD LA DPANG DU SU YOD, DE NAS BYANG CHUB SEMS DPA' BCOM LDAN 'DAS KYI PHYAG 'KHOR LO DANG, BKRA SHIS DANG, G-YUNG DRUNG 'KHYIL BA DANG, DRA BAS 'BREL BA BSOD NAMS BRGYA PHRAG DU MAS BSKYED PA, SKRAG PA RNAMS LA DBUGS 'BYIN PAR MDZAD PAS SA LA REG PAR MDZAD NAS, NGAS BSKAL PA GRANGS MED PA GSUM DU MCHOD SBYIN BYE BA KHRAG KHRIG BRGYA STONG PHRAG DU MA BYAS SHING SEMS CAN RNAMS KYI PHYIR MGO DANG, LAG PA DANG, RKANG PA DANG, MIG DANG, SHA DANG, KHRAG DANG, BU DANG, CHUNG MA DANG, DBYIG DANG, GSER LA SOGS PA YONGS SU BTANG BA'I NGA'I DPANG NI SA 'DI YIN NO, ,DE NAS SA'I LHAS SA BRTOL NAS THAL MO SBYAR TE SKAD PHYUNG BA, SDIG CAN BCOM LDAN 'DAS KYIS JI SKAD BKA' STZAL PA DE DE BZHIN YIN NO ZHES DE SKAD SMRAS PA DANG, BDUD SDIG CAN CANG MI SMRA BAR GYUR TE, ZHUM ZHUM POR GYUR, BAG 'KHUMS PAR GYUR, SPYI BO SMAD NAS SPOBS PA MED LA SEMS KHONG DU CHUD CING 'DUG PAR GYUR TE, DE SDUG BSNGAL ZHING YID MI BDE BAS BSAMS PA, BDAG GIS SH'AKYA ZAS GTZANG GI BU LA DE LTAR BYAS KYANG GLAGS MA RNYED KYIS, MA LA 'DI LA BDAG GIS YANG BGEGS SHIG BYA'O ZHES SMRAS NAS SONG NGO, ,DE NAS DES BU MO GSUM PO SRED MA DANG, DGA' BYED MA DANG, DGA' SPYOD MA MNGAGS TE DE RNAMS GZUGS DANG, LANG TSO'I RGYAGS @30B PAS DREGS SHING, LHA'I GOS DANG RGYAN GYIS BKLUBS NAS, BYANG CHUB SEMS DPA'I MDUN DU BUD MED KYI G-YO RNAMS BSTAN PAR BRTZAMS SO, ,DE NAS BYANG CHUB SEMS DPA' THABS LA MKHAS PAS, JI LTAR RGAN MOR GYUR PA DE LTAR BYIN GYIS BRLABS NAS, BDUD GANG NA BA DER DONG BA DANG, BDUD KYIS BU MO RNAMS DE LTA BU'I RNAM PAR MTHONG NAS YI CHAD NAS LAG PA LA 'GRAM PA GTAD DE GANG GIS NA SH'AKYA ZAS GTZANG GI BU'I DKA' THUB LA BGEGS BYED PAR 'GYUR BA'I THABS LEGS PA CI YOD SNYAM NAS SEMS KHONG DU CHUD CING 'DUG GO ,DES 'BYUNG PO'I DPUNG TSOGS DANG LDAN PA, GLANG PO CHE DANG, RTA DANG, RNGA MONG DANG, RA DANG, RI DVAGS DANG, MA HE DANG, PHAG DANG, KHYI DANG, 'UG PA DANG, NE'U LE DANG, SPRE'U DANG, WA LA SOGS PA 'DRA BA RAL GRI DANG, MDA' BO CHE DANG, MTSON RTZE GCIG PA DANG, 'KHOR LO DANG, MDUNG THUNG DANG, GZHU DANG, ZHAGS PA DANG, DGRA STA DANG, LCAGS KYI BER KA LA SOGS TE MTSON CHA CAN, BYE BA PHRAG SUM CU RTZA DRUG DED NAS RANG NYID GZHU RNA DRUNG DU BKANG STE, BYANG CHUB SEMS DPA' YONGS SU BSKOR NAS 'DUG GO ,DE NAS BYANG CHUB SEMS DPAS GZUGS RNAM PA DU MA CAN, MTSON CHA RNAM PA SNA TSOGS MANG PO DANG BCAS PA DE RNAMS GZIGS NAS DGONGS PA, RE ZHIG PHO PHAL PA ZHIG DANG LHAN CIG 'THAB PAR RTZOM NA YANG DE'I GNYEN PO'I PHYOGS LA SBYOR BA BYED NA, 'DOD PA'I KHAMS KYI DBANG PHYUG 'DI LA LTA SMOS KYANG CI DGOS KYIS, MA LA BDAG GIS GNYEN PO'I PHYOGS LA SBYAR BAR BYA'O SNYAM DU DGONGS NAS, DE ZHI BAR 'GYUR BA'I THABS LA DGONGS PAR BRTZAMS SO, ,BDUD KYIS 'BYUNG PO BYE BA PHRAG SUM BCU RTZA DRUG DANG LHAN CIG TU BYANG CHUB SEMS DPA'I STENG NAS 'KHOR LO DANG, MDUNG DANG, MDA' BO CHE DANG, MTSON RTZE GCIG PA DANG, MDA' LA SOGS PA'I MTSON CHA RNAMS DBAB PAR BRTZAMS SO, ,DE NAS BYANG CHUB SEMS DPA' BYAMS PA LA SNYOMS PAR ZHUGS PA NA, DE'I MTSON CHA DE RNAMS LHA'I ME TOG AUTPALA DANG, PADMA DANG, KU MU TA DANG, PADMA DKAR POR GYUR NAS BYANG CHUB SEMS DPA'I NYE 'KHOR DU 'BAB PAR BRTZAMS SO, ,DE NAS BDUD STENG@31A *, ,GI BAR SNANG LA MNGON PAR 'PHAGS TE, PHYAG DAR GYI CHAR DBAB PAR BRTZAMS NA, DE YANG LHA'I ME TOG MAND'A RA BA RNAMS SU GYUR NAS, BYANG CHUB SEMS DPA'I STENG NAS 'BAB PAR BRTZAMS SO, ,DE NAS BDUD KYIS GDUG PA'I RLUNG DANG, RDO'I CHAR PHAB PA DANG, GNAS GTZANG MA'I RIS KYI LHA RNAMS KYIS BYANG CHUB SEMS DPA'I STENG DU LO MA LAS MA YIN PA'I SPYIL PO MNGON PAR SPRUL PAS RDO'I CHAR DANG GDUG PA'I RLUNG DU BCAS PA DES BYANG CHUB SEMS DPA' LA CHUNG ZAD KYANG GNOD PAR MA GYUR TO, ,BDUD KYIS BSAMS PA, BDAG GIS NAM DU YONGS SU BSKOR TE 'DUG ,BSAM GTAN GYI TSER MA NI SGRA YIN GYI, BYANG CHUB KYI SHING SHEL LAS BYAS PAR MNGON PAR SPRUL LA SONG BA DANG, DE'I LO MA RNAMS RTAG PAR SGRA 'BYIN PAS DE'I SEMS RTZE GCIG PAR MI 'GYUR RO SNYAM DU BSAMS NAS, BYANG CHUB KYI SHING SHEL LAS BYAS PAR MNGON PAR SPRUL TE, RNA BA GTAD NAS BSGRIMS TE BSDAD PA NA, BYANG CHUB KYI SHING GI LO MA SHEL LAS BYAS PA RNAMS MYUR BA MYUR BAR SGRA 'BYIN PAR BRTZAMS PAS BSAM GTAN GYI TSER MA NI SGRA YIN PAS, BYANG CHUB SEMS DPAS SEMS RTZE GCIG PA MA THOB BO, ,GNAS GTZANG MA'I RIS KYI LHA RNAMS KYIS BSAMS PA, SHEL LAS BYAS PA'I BYANG CHUB KYI SHING GI LO MA SHEL LAS BYAS PA RNAMS KYI SGRAS BYANG CHUB SEMS DPA' SEMS RTZE GCIG PA MA THOB KYIS THABS SHIG BSHAM PAR BYA'O SNYAM STE, DE NAS DE RNAMS KYIS LO MA RE RE BZUNG NA, 'ON KYANG BDUD KYI DPUNG DE BZHIN DU GNAS NAS, GNAS GTZANG MA'I RIS KYI LHA RNAMS KYIS BSAMS PA, BDUD SDIG CAN 'DI NI RING MO ZHIG TU BYANG CHUB SEMS DPA' LA RNAM PAR 'TSE BAR 'GYUR RO SNYAM DU BSAMS NAS BDUD KYI DPUNG DE KHOR YUG GI PHA ROL DU 'PHANGS SO, ,DE NAS BYANG CHUB SEMS DPA' BCOM LDAN 'DAS LTENG RGYAS NAS 'BAB CHU NEE RANYDZA NA'I 'GRAM BYANG CHUB KYI SHING DRUNG DU BZHUGS TE, RTAG TU BYA BA DANG, 'GRUS SKYONG DANG LDAN ZHING, BYANG CHUB KYI PHYOGS DANG MTHUN PA'I CHOS RNAMS LA BSGOM PA'I RNAL 'BYOR GYI RJES SU BRTZON PAS BZHUGS SO, ,DE NAM GYI THUN DANG PO LA RDZU 'PHRUL GYI YUL SHES PA MNGON SUM DU BYA BA'I MNGON PAR SHES PA LA @31B DGONGS PA MNGON DU BZHAG PA NA, DE RDZU 'PHRUL GYI YUL RNAM PA DU MA NYAMS SU MYONG BAR MDZAD DE, 'DI LTA STE, GCIG TU GYUR CING MANG POR GYUR PA DANG, MANG POR GYUR CING GCIG TU GYUR PA DANG, SNANG BAR GYUR CING MI SNANG BAR GYUR PA YE SHES GZIGS PAS NYAMS SU MYONG BAR MDZAD DO, , SKUS RTZIG PA DANG, RI DANG, RA BA LA YANG THAD KAR GSHEGS PAR MDZAD DE, DPER NA NAM MKHA' LA BYA BA BZHIN NO, ,SA LA YANG STENG DU 'BYUNG BA DANG, JI ZUL MDZAD DE, DPER NA CHU LA BYA BA BZHIN NO, ,CHU'I RGYUN LA YANG MI NYAMS PAR GSHEGS TE, DPER NA SA LA BYA BA BZHIN NO, ,NAM MKHA' LA YANG SKYIL MO KRUNG GIS GSHEGS PAR MDZAD DE, DPER NA 'DAB CHAGS BYA BZHIN NO, ,NYI MA DANG ZLA BA 'DI GNYIS 'DI LTAR RDZU 'PHRUL CHE BA, 'DI LTAR GZI BRJID CHE BA LA PHYAG GIS NOM ZHING NYUG PAR MDZAD CING TSANGS PA'I 'JIG RTEN GYI BAR DU SKUS DBANG SGYUR BAR MDZAD DO, ,YANG BDUD KYIS BSAMS PA, BSAM GTAN GYI TSER MA SGRA YIN PAS, MA LA BDAG GIS RGYANG RING PO KHO NAR 'DUG LA SGRA DBYUNG BAR BYA'O SNYAM NAS, DES 'BYUNG PO BYE BA PHRAG SUM CU RTZA DRUG DANG, 'JIGS PA CHEN PO 'JIGS SU RUNG BA'I SGRA PHYUNG NGO, ,BYANG CHUB SEMS DPAS KYANG DE BSGRIB PA'I PHYIR DPAG TSAD BCU GNYIS KYI BAR DU SHING KA DAM PA'I TSAL SPRUL PAS DES NA SGRA DE RDUGS PAS MI GRAG GO ,BYANG CHUB SEMS DPAS DGONGS PA, MA LA BDAG GIS LHA'I RNA BA SHES PA MNGON SUM DU BYA BA'I MNGON PAR SHES PA LA SEMS MNGON DU BZHAG NAS, DES NA LHA DANG MI RNAMS KYI SGRA GANG DANG GANG DAG THOS PAR 'DOD PA DE DAG MNYAN PAR BYA'O SNYAM DU DGONGS NAS, LHA'I RNA BA SHES PA MNGON SUM DU BYA BA'I MNGON PAR SHES PA LA DGONGS PA BZHAG PA NA, DE LHA'I SNYAN RNAM PAR DAG PA MI RNAMS KYI LAS 'DAS PAS, SGRA GNYIS PO MI RNAMS DANG, MI MA YIN PA RNAMS KYI DANG, GANG DAG RING BA DANG, GANG DAG NYE BA YANG GSAN TO, ,DE NAS BYANG CHUB SEMS DPAS DGONGS PA, BDUD KYI 'KHOR 'BYUNG PO BYE BA PHRAG SUM CU RTZA DRUG LAS BDAG LA SU DAG NI GNOD PAR SEMS, SU DAG NI MA YIN ZHES DE DAG JI @32A *, ,LTAR SHES PAR BYA SNYAM PA DANG, DE 'DI SNYAM DU DGONGS TE, SEMS KYI RNAM GRANGS SHES PA MNGON SUM DU BYA BA'I MNGON PAR SHES PA YIN NO SNYAM NAS, DE NAM GYI GUNG THUN LA SEMS KYI RNAM GRANGS SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA, DE'I THUGS KYIS SEMS CAN GZHAN DAG DANG, GANG ZAG GZHAN GYI RNAM PAR RTOG PA DANG, RNAM PAR DPYOD PA'I YID JI LTA BA BZHIN DU RAB TU MKHYEN TE, 'DOD CHAGS DANG BCAS PA'I SEMS LA 'DOD CHAGS DANG BCAS PA'I SEMS SO ZHES JI LTA BA BZHIN DU RAB TU MKHYEN TO, ,'DOD CHAGS DANG BRAL BA'I SEMS LA 'DOD CHAGS DANG BRAL BA'I SEMS SO ZHES JI LTA BA BZHIN DU RAB TU MKHYEN TO, ,ZHE SDANG DANG BCAS PA DANG, ZHE SDANG DANG BRAL BA DANG, GTI MUG DANG BCAS PA DANG, GTI MUG DANG BRAL BA DANG, BSDUS PA DANG, RNAM PAR G-YENGS PA DANG, ZHUM PA DANG, RAB TU 'DZIN PA DANG, RGOD PA DANG, MI RGOD PA DANG, NYE BAR MA ZHI BA DANG, NYE BAR ZHI BA DANG, MNYAM PAR MA BZHAG PA DANG, MNYAM PAR BZHAG PA DANG, MA BSGOMS PA DANG, BSGOMS PA DANG, SEMS RNAM PAR MA GROL BA DANG, RNAM PAR GROL BA ZHES JI LTA BA BZHIN DU RAB TU MKHYEN TO, ,SHIN TU RNAM PAR GROL BA'I SEMS LA SHIN TU RNAM PAR GROL BA'I SEMS SO ZHES JI LTA BA BZHIN DU RAB TU MKHYEN TO, ,DE 'DI SNYAM DU DGONGS TE, BDUD KYI MNGAG GZHUG PA 'DI RNAMS LAS SU DAG BDAG DANG, TSE RABS GZHAN NA MAR 'BREL BA'AM, PHAR 'BREL BA'AM, SU DAG GSHED MA'AM, PHYIR RGOL BA 'AM, DGRAR GYUR PA DE DAG JI LTAR SHES PAR BYA SNYAM MO, ,DE 'DI SNYAM DU DGONGS TE, SNGON GYI GNAS RJES SU DRAN PA'I SHES PA MNGON SUM DU BYA BA'I MNGON PAR SHES PA YIN NO SNYAM NAS, DE NAM GYI GUNG THUN LA SNGON GYI GNAS RJES SU DRAN PA'I SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA, DES SNGON GYI GNAS RNAM PA DU MA RJES SU DGONGS TE, 'DI LTA STE, DES SKYE BA GCIG DANG, GNYIS DANG, GSUM DANG, BZHI DANG, LNGA DANG, DRUG DANG, BDUN DANG, BRGYAD DANG, @32B DGU DANG, BCU DANG, NYI SHU DANG, SUM BCU DANG, BZHI BCU DANG, LNGA BCU DANG, SKYE BA BRGYA DANG, SKYE BA STONG DANG, SKYE BA BRGYA STONG DANG, SKYE BA BRGYA PHRAG DU MA DANG, SKYE BA STONG PHRAG DU MA DANG, SKYE BA BRGYA STONG PHRAG DU MA DANG, 'JIG PA'I BSKAL PA DANG, CHAGS PA'I BSKAL PA DANG, 'JIG PA DANG, CHAGS PA'I BSKAL PA DANG, 'JIG PA'I BSKAL PA DU MA DANG, CHAGS PA'I BSKAL PA DU MA DANG, 'JIG PA DANG, CHAGS PA'I BSKAL PA DU MA RJES SU DGONGS TE, BDAG SNGON SEMS CAN 'DI DAG GI NANG NA GNAS PA NA MING NI 'DI ZHES BYA, RIGS NI 'DI ZHES BYA, RUS NI 'DI ZHES BYA, ZAS NI 'DI LTA BU ZHIG ZA ZA, BDE BA DANG, SDUG BSNGAL NI 'DI LTA BU ZHIG NYAMS SU MYONG, TSE NI 'DI SRID CIG LON, YUN NI 'DI SRID CIG 'DUG 'DUG ,TSE NI 'DI SRID CIG LON TE GNAS DE NAS BDAG SHI 'PHOS TE, CHE GE MO ZHIG TU SKYES SO, ,DE NAS KYANG SHI 'PHOS NAS CHE GE MO ZHIG TU SKYES SO, ,DE NAS KYANG SHI 'PHOS NAS 'DIR SKYES SO ZHES BYA BA RNAM PA DANG BCAS TE, YUL PHYOGS DANG BCAS PAR SNGON GYI GNAS RNAM PA DU MA RJES SU DGONGS SO, ,DE 'DI SNYAM DU DGONGS TE, BDUD KYI MNGAG GZHUG 'DI RNAMS LAS SU DAG NI NGAN SONG DU 'GRO SU DAG NI MI 'GRO BA DE DAG JI LTAR SHES PAR BYA SNYAM MO, ,DE 'DI SNYAM DU DGONGS TE, 'CHI 'PHO DANG SKYE BA SHES PA MNGON SUM DU BYA BA'I MNGON PAR SHES PA YIN NO SNYAM STE, DE NAM GYI THUN THA MA LA 'CHI 'PHO DANG SKYE BA SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA, DE'I LHA'I SPYAN RNAM PAR DAG PA MI RNAMS KYI LAS 'DAS PAS GZIGS NA, SEMS CAN RNAMS KYI 'CHI 'PHO DANG, SKYE BA DANG, KHA DOG BZANG PO DANG, KHA DOG NGAN PA DANG, DAMN PA DANG, GYA NOM PA DANG, BDE 'GRO DANG, NGAN 'GRO DANG, NGAN 'GROR 'GRO BA'I SEMS CAN RNAMS LAS JI LTA BA BZHIN GYI RJES SU 'GRO BA, JI LTA BA BZHIN DU RAB TU MKHYEN TE, SHES LDAN SEMS CAN 'DI ZHES BYA BA 'DI DAG NI LUS KYI NYES PAR SPYOD PA DANG LDAN, NGAG DANG YID KYI NYES PAR SPYOD PA DANG LDAN TE, 'PHAGS PA RNAMS LA SKUR BA @33A *, ,'DEBS PA LOG PAR LTA BA STE, LOG PAR LTA BA'I CHOS DANG LAS YANG DAG PAR BLANGS PA'I RGYUS, RGYU DE DANG RKYEN DES LUS ZHIG NAS SHI BA'I 'OG TU NGAN SONG NGAN 'GRO LOG PAR LTUNG BA SEMS CAN DMYAL BA RNAMS SU SKYE BAR 'GYUR RO, ,SHES LDAN SEMS CAN 'DI DAG NI LUS KYI LEGS PAR SPYOD PA DANG LDAN, NGAG DANG YID KYI LEGS PAR SPYOD PA DANG LDAN TE, 'PHAGS PA RNAMS LA SKUR BA MI 'DEBS SHING YANG DAG PAR LTA BA STE, YANG DAG PAR LTA BA'I CHOS DANG LAS YANG DAG PAR BLANGS PA'I RGYUS, RGYU DE DANG RKYEN DES LUS ZHIG NAS SHI BA'I 'OG TU BDE 'GRO MTHO RIS KYI 'JIG RTEN DU LHA DANG MI RNAMS SU SKYE BAR 'GYUR RO, ,DE 'DI SNYAM DU DGONGS TE, SHES LDAN SEMS CAN 'DI DAG NI 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PAS 'KHOR BA NA 'KHOR RO, ,'DI RNAMS KYI 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DE JI LTAR SPANG BA DE JI LTAR SHES PAR BYA SNYAM MO, ,DE 'DI SNYAM DU DGONGS TE, ZAG PA ZAD PA SHES PA MNGON SUM DU BYA BA'I MNGON PAR SHES PA YIN NO SNYAM STE, DE RTAG TU BYED PA DANG, 'GRUS SKYONG DANG LDAN ZHING BYANG CHUB KYI PHYOGS DANG MTHUN PA'I CHOS RNAMS LA BSGOM PA'I RNAL 'BYOR GYI, RJES SU BRTZON PAS GNAS NAS ZAG PA MED PA'I SHES PA MNGON SUM DU BYA BA'I MNGON PAR SHES PA LA DGONGS PA MNGON DU BZHAG PA NA, DES 'DI NI SDUG BSNGAL 'PHAGS PA'I BDEN PA'O, ,ZHES JI LTA BA BZHIN DU RAB TU MKHYEN TO, ,'DI NI SDUG BSNGAL KUN 'BYUNG BA'O, ,'DI NI SDUG BSNGAL 'GOG PA'O, ,'DI NI SDUG BSNGAL 'GOG PAR 'GRO BA'I LAM 'PHAGS PA'I BDEN PA'O ZHES JI LTA BA BZHIN DU RAB TU MKHYEN TO, ,DE DE LTAR SHES SHING DE LTAR MTHONG NA 'DOD PA'I ZAG PA LAS SEMS RNAM PAR GROL BAR 'GYUR ZHING, SRID PA'I ZAG PA DANG, MA RIG PA'I ZAG PA LAS SEMS RNAM PAR GROL BAR 'GYUR RO, ,RNAM PAR GROL NAS, BDAG GI SKYE BA ZAD DO, ,TSANGS PAR SPYOD PA LA BSTEN TO, ,BYA BA BYAS SO, ,'DI LAS SRID PA GZHAN MI SHES SO ZHES RNAM PAR GROL BA'I YE SHES NYID MTHONG BAR 'GYUR RO, , @33B DE LTAR DE NA BCOM LDAN 'DAS BYANG CHUB MNGON PAR RDZOGS PAR SANGS RGYAS TE, BYA BA BYAS, BYED PA BYAS NAS ME'I KHAMS LA SNYOMS PAR ZHUGS SO, ,GANG GI TSE BYANG CHUB SEMS DPAS BDUD KYI 'KHOR 'BYUNG PO BYE BA PHRAG SUM CU RTZA DRUG BYAMS PA'I MTSON GYIS MNGON DU BCOM NAS BLA NA MED PA'I YE SHES BRNYES PA'I TSE BDUD SDIG CAN GYIS GNAS GZHU LHUNG, RGYAL MTSAN 'GYEL, GNAS KYANG G-YOS SO, ,DE NAS BDUD SDIG CAN 'BYUNG PO'I 'KHOR BYE BA PHRAG SUM CU RTZA DRUG SDUG BSNGAL ZHING YID MI BDE BA YID LA BCAGS TE, DE NYID DU MI SNANG BAR GYUR TO, , BDUD KYI RIS KYI LHA RNAMS KYIS GRONG KHYER SER SKYA'I GZHIR BYANG CHUB SEMS DPA' SH'AKYA THUB PA NI DKA' BA LO DRUG SPYAD NAS RDO RJE'I GDAN LAS 'DZEGS TE, RTZVA'I GDING BA LA GRONGS SO,, ZHES BSGRAGS PA GANG YIN PA DE RGYAL PO ZAS GTZANG BTZUN MO DANG, GZHON NU DANG, BLON PO'I TSOGS DANG, GRONG KHYER SER SKYA NA GNAS PA'I SKYE BO'I TSOGS DANG BCAS PAS THOS NAS SDUG BSNGAL CHEN PO DANG, YID MI BDE BAS GDUNGS ? PAR GYUR TO, ,SA 'TSO MA DANG, RI DVAGS SKYES DANG, GRAGS 'DZIN MA YANG BYANG CHUB SEMS DPA'I YON TAN RJES SU DRAN NAS BRGYAL TE SA LA 'GYEL NAS CHUS GTOR BA LAS SLAR DBUGS BYUNG NGO, ,BTZUN MO'I SPRO BSRING BA'I SKYE BO DAG NI MIG MCHI MAS GANG LA MYUR BA MYUR BAR DBUGS BRDZAGS SHING DAL BUS DAL BUS SMRE SNGAGS 'DON CING 'DUG GO , DE DAG SDUG BSNGAL BA SANGS RGYAS LA MNGON PAR DAD PA'I LHA DGA' BA SKYES PA RNAMS KYIS MTHONG NAS, BYANG CHUB SEMS DPA' SH'AKYA THUB PA MA NONGS TE, 'DI LTAR DES BLA NA MED PA'I YE SHES BSNYES SO ZHES SMRAS PA GANG YIN PA RGYAL PO ZAS GTZANG 'KHOR DANG BCAS PA DANG, SER SKYA'I SKYE BO'I TSOGS KYIS THOS NAS MCHOG TU DGA' BA SKYES SO, ,BCOM LDAN 'DAS KYIS BLA NA MED PA'I YE SHES BRNYES PA NA GRAGS 'DZIN MA LA YANG KHYE'U ZHIG BTZAS SO, ,BDUD RTZI ZAS KYI YANG KHYE'U ZHIG BTZAS SO, ,ZLA BA YANG SGRA CAN GYIS ZIN TO, ,DE NAS RGYAL PO ZAS GTZANG GIS PHUN SUM TSOGS PA DE MTHONG NAS, DGA' BA DANG, MGU @34A *, ,BA DANG, RAB TU DGA' BA DANG, RANGS PA RGYA CHEN PO DANG, YID BDE BA SKYES PAR GYUR TO, ,DES GRONG KHYER SER SKYA'I GZHI RDO BA DANG, GSEG MA DANG, GYO MO RNAMS BSAL NAS TZAN DAN GYI CHUS CHAG CHAG BTAB, SHIN TU DRI ZHIM PO'I PO GA POR NYE BAR BSHAMS, DAR GYI CHUN PHYANG MANG PO DPYANGS, RGYAL MTSAN DANG, BA DAN BSGRENG, ME TOG SNA TSOGS KYIS DGA' DGA' LTAR BKRAM NAS GRONG KHYER GYI SGO BZHI DANG, SUM MDO RNAMS SU SBYIN GTONG GI KHANG PA BRTZIGS SO, ,DE NAS GRONG KHYER GYI SHAR SGOR DGE SBYONG DANG, BRAM ZE DANG, SPYOD PA BA DANG, KUN TU RGYU DANG, NGAN PA DANG, MGON MED PA DANG, BKREN PA DANG, PHONGS PA DANG, SLONG MO BA RNAMS LA SPYIN PA DAG GTONG NGO, ,LHO DANG, NUB DANG, BYANG DANG, DBUS KYI SUM MDO RNAMS SU YANG SBYIN PA DAG GTONG, BSOD NAMS DAG BYED DO, , GRAGS 'DZIN MA'I BU'I MING 'DOGS PAR BYED DE, BTZUN MO'I 'KHOR GYI SKYE BOS SMRAS PA, 'DI BTZAS PA NA ZLA BA SGRA CAN GYIS ZIN PA DE BAS NA KHYE'U'I MING SGRA CAN ZIN ZHES GDAGS SO ZHES BTAGS SO, ,BDUD RTZI ZAS KYI KYANG DE BZHIN DU SBYIN PA DAG BTANG, BSOD NAMS DAG BYAS NAS KHYE'U'I MING CIR GDAGS ZHES BU'I MING 'DOGS PAR BYED DO, ,NYE DU DAG GIS SMRAS PA, GANG GI TSE 'DI BTZAS PA NA, GRONG KHYER THAMS CAD DGA' BAR GYUR PAS DE'I PHYIR KHYE'U'I MING KUN DGA' BOR GDAGS SO ZHES BTAGS SO, ,RGYAL PO ZAS GTZANG GIS SMRAS PA, GRAGS 'DZIN MA'I BU GANG YIN PA 'DI NI SH'AKYA THUB PA'I BU MA YIN NO ZHES SMRAS PA, GRAGS 'DZIN MAS THOS NAS YI CHAD PAR GYUR TO, ,DE NAS DES BYANG CHUB SEMS DPA'I BONG TSAD KYI PHA BONG LA ZHON NAS ROL PA'I RDZING 'GRAM DU 'DUG STE, BDEN PA GSOL BA BTAB PA, GAL TE 'DI BYANG CHUB SEMS DPA' LAS SKYES PA YIN NA, DE BZHIN DU RDZING 'DIR PHA BONG DANG LHAN CIG 'PHYO BAR GYUR CIG ,CI STE MA YIN NA BYING BAR GYUR CIG CES SMRAS NAS CHUR BOR BA DANG, DE SHING BAL GYI 'DAB MA BZHIN DU PHA BONG DANG LHAN CIG 'PHYO BAR BRTZAMS @34B SO, ,RGYAL PO ZAS GTZANG GIS YA MTSAN DU GYUR PA DE THOS NAS, SKYE BO'I TSOGS CHEN POS YONGS SU BSKOR TE, BYANG CHUB SEMS DPA' ROL PA'I RDZING 'GRAM DU SONG NAS, JI TZAM NA SGRA CAN ZIN BZANG PO BYANG CHUB SEMS DPA'I BANG TSAD KYI PHA BONG LA ZHON NAS SHING BAL GYI 'DAB MA BZHIN DU CHU NA 'PHYO BA MTHONG NGO, ,MTHONG NAS KYANG DGA' BA DANG, MGU BA DANG, RAB TU DGA' BA DANG, RANGS PA RGYA CHEN PO DANG, YID BDE BA SKYES TE, DE MA THAG TU RDZING DER ZHUGS NAS GZHON NU SGRA CAN ZIN BZANG PO PANG DU BLANGS NAS LANGS SO, ,GANG GI TSE BCOM LDAN 'DAS KYIS BDUD KYI 'KHOR 'BYUNG PO BYE BA PHRAG SUM CU RTZA DRUG BYAMS PA'I MTSON GYIS MNGON DU BTUL NAS, BLA NA MED PA'I YE SHES BRNYES PA DE'I TSE SA CHEN PO 'DI SHIN TU G-YOS PAR GYUR TO, ,'JIG RTEN 'DI THAMS CAD KYANG SNANG BA RGYA CHEN POS GSAL BAR GYUR TE, 'DI LTAR 'JIG RTEN DANG 'JIG RTEN GYI BAR GYI MUN PA MUN NAG SMAG TU GYUR PA NYI MA DANG ZLA BA 'DI GNYIS 'DI LTAR RDZU 'PHRUL CHE ZHING 'DI LTAR MTHU CHE BA'I SNANG BAS SNANG BA NYAMS SUM MYONG BA GANG YIN PA DE DAG KYANG DE'I TSE SNANG BA RGYA CHEN POS GSAL BAR GYUR NAS, DER SEMS CAN GANG DAG SKYES PA DE RNAMS KYIS SNANG BA DES SEMS CAN GCIG GIS GCIG MTHONG NAS, SHES LDAN DAG SEMS CAN GZHAN DAG KYANG 'DIR SKYES PA LTA ZHIG ,SHES LDAN DAG SEMS CAN GZHAN ZHIG KYANG 'DIR SKYES PA LTA ZHIG CES NGO SHES PAR GYUR TO,, ,,SDOM LA, 'KHOR BZHI NGANG NI LANG TSO DANG, ,YAB DANG SRAS NI MJAL BA DANG, ,SH'AKYA DE BZHIN RANG BYUNG DANG, ,DUNG SKYONG KHYOD LA PHYAG 'TSAL BA'O, ,DE NAS TSANGS RIS KYI LHA GNYIS SHIG TSANGS PA'I 'JIG RTEN NA 'DUG PA 'DI SNYAM DU SEMS TE, SANGS RGYAS BCOM LDAN 'DAS LTENG RGYAS NA CHU KLUNG NEE RANYDZA NA'I 'GRAM BYANG CHUB KYI SHING DRUNG NA BZHUGS TE MNGON PAR RDZOGS PAR SANGS RGYAS NAS RING PO MA LON PAR ME'I KHAMS LA SNYOMS PAR ZHUGS TE, SKYIL MO KRUNG GCIG GIS ZHAG BDUN 'DAS PAR MDZAD NAS, DE LA SUS KYANG BSOD SNYOMS MA PHUL GYIS, MA @35A *, ,LA BDAG CAG DER SONG LA TSIGS SU BCAD PA RE RES MNGON PAR BSTOD DO SNYAM MO, ,DE NAS TSANGS RIS KYI LHA DE GNYIS KYIS 'DI LTA STE, SKYES BU STOBS DANG LDAN PA'I DPUNG PA BSKUMS TE BRKYANG PA'AM, BRKYANG SA TE BSKUMS PA TZAM GYIS TSANGS RIS KYI LHA GNYIS TSANGS RIS KYI 'JIG RTEN NAS MI SNANG BAR GYUR TE, BCOM LDAN 'DAS KYI SPYAN SNGAR PHYIN NAS PHYOGS GCIG TU 'DUG STE, TSANGS RIS KYI LHA GNYIS LAS GCIG GIS TSIGS SU BCAD DE GSOL PA, DED DPON G-YUL LAS RNAM PAR RGYAL BA PO, ,SDIG PA MI MNGA' BZHENGS SHIG 'JIG RTEN GZIGS, ,RIN CHEN CHOS NI 'TSAL BAR 'GYUR MCHIS KYIS, ,BDE GSHEGS CHOS KYI MCHOG NI BSHAD DU GSOL, ,CIG SHOS KYIS KYANG TSIGS SU BCAD DE GSOL PA, NGA RGYAL BCOM ZHING G-YUL LAS RNAM RGYAL BA, ,SDIG PA MI MNGA' BZHENGS SHIG 'JIG RTEN GZIGS, ,BCO LNGA LON PA'I DGUNG ZLA NYA BA LTAR, ,KHYOD KYI THUGS NI SHIN TU RNAM DAG LAGS, ,ZHES GSOL NAS DE NYID DU MI SNANG BAR GYUR TO, ,DE NAS BCOM LDAN 'DAS TING NGE 'DZIN DE LAS BZHENGS NAS DE'I TSE TSIGS SU BCAD DE BKA' STZAL PA, 'JIG RTEN 'DOD PA'I BDE GANG DANG, ,LHA YUL BYUNG BDE GANG YIN PA, ,SRID PA ZAD PA'I BDE DE LA, ,BCU DRUG CHAR YANG MI PHOD DO, ,KHUR KHYER BA NI SDUG BSNGAL TE, ,KHUR BOR BA NI BDE BA YIN, ,KHUR NI LCI BA RNAMS BOR NAS, ,GZHAN DAG BLANG BAR MI BYA'O, ,SRED PA THAMS CAD RNAM SPANGS SHING, ,'DUS BYAS THAMS CAD ZAD NAS NI, ,DNGOS PO THAMS CAD YONGS SHES NAS, ,SLAR YANG SRID PAR MI 'ONG NGO, ,SANGS RGYAS BCOM LDAN 'DAS RNAM PAR GROL BA'I DGA' BA DANG, BDE BA SKU NYAMS SU BSTAR NAS, SKYIL MO KRUNG GCIG GIS ZHAG BDUN 'DAS PAR MDZAD PA NA, ,DE LA SUS KYANG BSOD SNYOMS MA PHUL LO, ,DE'I TSE TSONG PA GA GON DANG, BZANG PO GNYIS SHING RTA LNGA BRGYA TZAM DANG LHAN CIG DONG BA NA, LAM DE NYID DU ZHUGS PAR GYUR TO, ,DE NAS TSONG PA GA GON DANG, BZANG PO'I SNGON GYI GROGS PO DANG, BLON PO DANG, NYE DU DANG, MDZA' @35B BSHES SU GYUR PA'I LHA ZHIG YOD PA 'DI SNYAM DU SEMS TE, SANGS RGYAS BCOM LDAN 'DAS 'DI LTENG RGYAS NA CHU KLUNG NEE RANYDZA NA'I 'GRAM BYANG CHUB KYI SHING DRUNG NA BZHUGS TE, MNGON PAR RDZOGS PAR SANGS RGYAS NAS RING PO MA LON PAR RNAM PAR GROL BA'I DGA' BA DANG BDE BA SKU NYAMS SU BSTAR NAS, SKYIL MO KRUNG GCIG GIS ZHAG BDUN 'DAS PAR MDZAD PA NA, DE LA SUS KYANG BSOD SNYOMS MA PHUL GYIS, DE LA TSONG PA GA GON DANG, BZANG PO GNYIS KYIS DER THOG MAR BSOD SNYOMS 'BUL DU BCUG NA, DE NI TSONG PA GA GON DANG, BZANG PO DE GNYIS KYI YUN RING PO'I DON DANG, PHAN PA DANG BDE BAR 'GYUR GYIS, MA LA BDAG RANG GIS 'DI GNYIS 'DI LTA STE, BCOM LDAN 'DAS LA BSOD SNYOMS 'BUL DU GZHUG PA'I PHYIR BRTZON PAR BYA'O SNYAM NAS, DE NAS LHA DES SHING RTA DANG, TSONG PA THAMS CAD SNANG BA RGYA CHEN POS GSAL BAR BYAS NAS, TSONG PA GA GON DANG, BZANG PO LA 'DI SKAD CES SMRAS SO, ,TSONG PA TSONG PA DAG SANGS RGYAS BCOM LDAN 'DAS 'DI LTENG RGYAS NA CHU KLUNG NEE RANYDZA NA'I 'GRAM BYANG CHUB KYI SHING DRUNG NA BZHUGS TE, MNGON PAR RDZOGS PAR SANGS RGYAS NAS RING PO MA LON PAR RNAM PAR GROL BA'I DGA' BA DANG, BDE BA SKU NYAMS SU BSTAR BA NA, SKYIL MO KRUNG GCIG GIS ZHAG BDUN 'DAS PAR MDZAD DE, DE LA SUS KYANG BSOD SNYOMS MA PHUL GYIS, DE LA KHYED KYIS DER THOG MAR BSOD SNYOMS PHUL NA, DE NI KHYED KYI YUN RING MO'I DON DANG PHAN PA DANG BDE BAR 'GYUR RO ZHES SMRAS NAS, LHA DE DE NYID DU MI SNANG BAR GYUR TO, ,DE NAS TSONG PA GA GON DANG BZANG PO GNYIS 'DI SNYAM DU SEMS TE, SANGS RGYAS NI MCHOG MA YIN PA MA YIN LA, CHOS BSHAD PA YANG MCHOG MA YIN PA MA YIN TE, GANG GI PHYIR 'DI LTAR LHAS KYANG 'DI LTA STE, BCOM LDAN 'DAS DE LA BSOD SNYOMS DBUL BA'I PHYIR BRTZON PAR BYED DO SNYAM DU BSAMS NAS, SBRANG RTZI DANG LDE GU MANG DU KHYER NAS BCOM LDAN 'DAS GA