@95B.7 #, ,RGYA GAR SKAD DU, BO DHI SA TVA @096A *, ,TZ'ARYA AA BA T'A RA PANYTZI K'A, BOD SKAD DU, BYANG CHUB SEMS DPA'I SPYOD PA LA 'JUG PA'I DKA' 'GREL, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,DON CHEN LDAN PA'I BYANG CHUB SPYOD 'JUG LA, ,CUNG ZAD RTOGS PAR DKA' BA'I TSIG YOD PA, ,DE DAG GSAL BAR RTOGS PAR BYA PHYIR 'DIR, ,DA NI BDAG GIS CUNG ZAD TZAM 'DI BRI, ,GRAGS PA RNAMS KYIS BYAS PA'I 'GREL PA YOD MOD KYI, ,DE LTAR KHO BOS TSUL BZHIN BRI BAR BYA, ,GANG ZHIG ZOL MED BLO LDAN BYE BRAG SHES, ,DE YIS 'DI YI BYE BRAG SHES PAR 'GYUR, ,'DIR SLOB DPON ZHI BA'I LHA GSUNG RAB KYI DE KHO NA NYID RIG PA, RANG DANG GZHAN GYI BDE BA LA RE BA MED PA DANG 'DOD PA DANG LDAN PA BYANG CHUB SEMS DPA'I YON TAN LA NGES PAR GNAS PAS, GZHAN RNAMS LA YON TAN DE BSKYED PAR BYA BA'I PHYIR, BYANG CHUB KYI SPYOD PA LA 'JUG PA MDZAD PAR BZHED NAS, BDE GSHEGS ZHES BYA BA LA SOGS PA'I TSIGS SU BCAD PA GSUNGS SO, ,TSIGS SU BCAD PA 'DI LA DON DRUG GIS BSTAN TE, DKON MCHOG GSUM DANG NYAN THOS DANG MKHAN PO LA SOGS PA RNAMS LA PHYAG BTZAL BA DANG; BRJOD PAR BYA BA DANG, 'BREL PA DANG, DGOS PA DANG, RANG DGA'I SKYON SPANG BA DANG, ZLOS PA'I SKYON SPANG BA'O, PHYAG BTZAL BA NI BYA BA'I KHYAD PAR NYID KYIS BSTAN PA'O, ,BDE GSHEGS SRAS KYI SDOM LA 'JUG PA NI, ,ZHES PA NI BRJOD PAR BYA BA'I TSIG GO, ,BSTAN PAR BYA ZHES PA NI DGOS PA MNGON PAR BRJOD PA DANG, 'BREL PA NI SHUGS LAS SHES PAR BYA'O, ,GSUNG RAB KYI TSIG CES PA NI RANG DGA'I SKYON SPANG PA'O, ,BTUS PA ZHES PA NI ZLOS PA'I SKYON SPANG BA STE, DE DAG NI BSDUS PA'I DON TO, ,YAN LAG GI DON NI, BDE BAR GSHEGS PA ZHES BYA BA LA SOGS PA LA, BDE BA'I SGRA NI MDZES PA LA SOGS PA'I DON TO, ,NYON MONGS PA LA SOGS PA'I SGRIB PA SPANGS PAS MDZES PAR GSHEGS PAS NA BDE BAR GSHEGS PA STE, BU MO GZUGS MDZES PA BZHIN NO, ,DE KHO NA NYID MI GSAL BAR BYED PA'I MA @096B RIG PA LA SOGS PA RAB TU BSAL NAS PHYIR MI LDOG PAR GSHEGS PA'I PHYIR NA YANG STE, RIMS NAD LEGS PAR BYANG BA BZHIN NO, ,BAG CHAGS THAMS CAD RAB TU BSAL NAS JI SRID DU 'GRO BAR BYA BA'I MTHAR PHYIN PAS NA YANG STE, BUM PA LEGS PAR GANG BA BZHIN NO, , DE LTA BU'I BDE BAR GSHEGS PA LA GUS PAR PHYAG BTZAL NAS, BDE BAR GSHEGS PA'I SRAS KYI SDOM PA LA 'JUG PA BSTAN PAR BYA'O ZHES BYA BAR 'BREL TO, ,SRAS BCAS ZHES BYA BA NI RGYAL BA RNAMS KYI SRAS POS RAB TU DGA' BA LA SOGS PA THOB PA'I PHYIR BYANG CHUB SEMS DPA' DE DAG RNAMS DANG BCAS TE STABS GCIG TU'O, ,DE DAG GIS NI BYANG CHUB SEMS DPA'I DGE 'DUN BSTAN TO, ,CHOS KYI SKU MNGA' ZHES PA NI LUNG DANG RTOGS PA'I BDAG NYID KYI CHOS KYI SKU MNGA' BA DANG STABS GCIG TU'O, ,CHOS KYI TSOGS BCAS ZHES PA'I TSIG GIS NI NYAN THOS KYI DGE 'DUN YANG BRJOD DE, NYAN THOS LA SOGS PA PHYAG BYA BA'I 'OS SU GYUR PA MA LUS PA LA PHYAG BYAS PA'O, ,CI STE SANGS RGYAS KYI RJES LA CHOS LA, DE'I RJES LA DGE 'DUN LA'O ZHES BSTAN PAR BYA BA LA CI STE GO RIMS BZLOG NAS BSTAN ZHE NA, TSIGS SU BCAD PA 'BREL PAR BYA BA'I PHYIR RO, ,BDE BAR GSHEGS PA'I BDAG NYID KYI CHOS KYI DE'I DBANG GIS BSKYED PA NI BDE BAR GSHEGS PA'I SRAS TE, BYANG CHUB SEMS DPA' DE DAG GI SDOM PA'AM SDOM PAR BYED PAS NA SDOM PA STE, BYANG CHUB KYI SEMS GZUNG BA SNGON DU 'GRO BA CAN GYIS BYANG CHUB SEMS DPA'I BSLAB PA YANG DAG PAR LEN PA DE LA, GANG BYANG CHUB KYI SEMS KYI PHAN YON LA SOGS PA DES 'JUG PAR BYED PA'O, ,CI STE KHYOD KYIS RANG DGAR BRTZAMS PA LA SUS 'DZIN PAR BYED SNYAM PA LA BRJOD PA, GSUNG RAB KYI TSIG STE LUNG LAS MA 'DAS PA'O, ,CI STE LUNG LA DAD PA RNAMS DE NYID LA 'JUG PAR RAG MOD, KHYOD KYIS CI BSTAN ZHE NA, BRJOD PA BTUS PA STE MDOR BSDUS NAS SO, ,CI LUNG BZHIN DU ZHES SMOS PAS DON LA KHYAD PAR MED PA'I PHYIR JI LTAR GZHAN DAG 'JUG PAR BYED SNYAM PA LA, SNGON CHAD MA BYUNG BA NI 'DIR BRJOD CHED CES BYA BA LA SOGS PA SMOS TE, NI @097A *, ,ZHES BYA BA NI NGES PAR GZUNG BA'O, ,SDUD SBYOR NI TSIG MDZES SHING 'JEBS PAR DGOD PA'O, ,DE'I PHYIR ZHES PA NI SNGAR MA BYUNG BA BRJOD ? PA DANG, SDUD SBYOR MKHAS PA MED PA DE'I PHYIR RO, ,'O NA CI'I DON DU BYAS SHE NA, RANG GI ZHES BYA BA SMOS TE, RANG GI ZHES YID LA BYANG CHUB KYI SEMS BSGOM PAR BYA BA'I PHYIR TE, BSLAB PAR BYA BA'I PHYIR RO, ,DE NYID BSTAN PA'I PHYIR BDAG GIS ZHES SMOS TE, DGE BA NI BYANG CHUB KYI SEMS SO, ,DAD PA'I SHUGS TE DAD PA'I STOBS 'PHEL BAR 'GYUR RO, ,RE ZHIG CES BYA BA'I SGRAS NI GZHAN GYI DON LA RE LTOS YOD PAR BSTAN PA'I PHYIR SMOS TE, CI STE ZHES SMOS TE, BDAG DANG SKAL BA MNYAM PA NI SKAL BA MTSUNGS PA'O, ,SDOM PA LA 'JIG PAR BYED PA'I RGYU BYANG CHUB KYI SEMS KYI PHAN YON BRJOD PAR BZHED NAS, SKABS SU BAB PA'I TSIG DAL 'BYOR ZHES SMOS TE, DAL 'BYOR NI MI KHOM PA BRGYAD LAS RNAM PAR GROL BA'I MI'I DNGOS PO'O, ,MI KHOM PA NI 'DI DAG RNAMS TE, DMYAL BA YI DVAGS BYOL SONG DANG, KLA KLO TSE RINGS LHA DANG NI, ,LOG LTA SANGS RGYAS MED PA DANG, ,LKUGS PA LA SOGS MI KHOM BRGYAD, ,GANG NA MTSAN MO MUN NAG SBRIN DU GYUR PA DE NA'AM, YANG NA DE NAS SO, ,DE BZHIN DU 'KHOR BA'I MUN NAG SDIG PA'I SPRIN RUM DU SANGS RGYAS KYI GLOG GI MTHUS BSOD NAMS KYI BLO GROS THANG 'GA' STE SKAD CIG TZAM 'BYUNG BA'O, ,GANG GI PHYIR DE LTA YIN PA DE NYID KYI PHYIR, DGE BA NYAM CHUNG BA NYID LA RTAG PA'O, , SDIG PA'I STOBS NI NUS PA'O, ,CHEN PO NI MI KHOM PA'O, ,SHIN TU MI BZAD PA NI 'JIGS PAR BYED PA'O, ,GAL TE STOBS CHEN PO YIN DU ZIN MOD, DE LTA NA YANG BSOD NAMS GZHAN GYIS RGYAL BAR BYED DO ZHES DOGS PA LA, DE NI ZHES BYA BA SMOS TE, MIN PA ZHES PA NI RTAG PA'I MTHA' BZUNG BA'O; ,YANG NA BAR ZHES PA MI SRID PA'O, ,BYANG CHUB PA NI SANGS RGYAS NYID DO, ,SEMS NI SNYING RJE'I SEMS SO, ,GAL TE BYANG CHUB KYI SEMS DE MED NA, DGE BA GZHAN GANG GIS ZIL GYIS NON PAR 'GYUR TE MI SRID DO ZHES BYA BA'O, ,'DI'I PHYIR YANG BLANG BAR BYA'O ZHES @097B BSTAN PAR BYA BA'I PHYIR, BSKAL PA ZHES SMOS TE, BSKAL PA ZHES BYA BA NI THAMS CAD DPAG TSAD PHYED PHYED PA LA KA SHI KA'I RAS KYIS LO BRGYA BRGYA NA PHOGS RE PHYAGS PAS NAM ZAD PAR 'GYUR BA DE TZAM NA BSKAL PA BAR MA'O, ,BAR GYI BSKAL BA BRGYAD CU THAMS CAD PA NA BSKAL PA CHEN PO'O; ,GANG GI PHYIR BYANG CHUB KYI SEMS DE KHO NA DE LA PHAN PA YIN SNYAM PA LA, 'DI NYID CES SMOS TE, GANG GI PHYIR BDE BLAG NYID DU STE, SKRA 'BAL BA LA SOGS PA'I DKA' LAS MED PAR RO, ,BDE MCHOG NI RDZOGS PA'I BYANG CHUB KYI SEMS SO, ,THOB PAR BYED PA NI RAB KYI MTHAR PHYIN GYI BAR DU 'BREL BAR BYED CING 'KHOR BA'I SDUG BSNGAL LAS 'DON CING THAR BAR BYED PA'O, ,BYAMS PA'I STOBS LA SOGS PA'I GTAM RGYUD NI GZHAN LA PHAN PAR 'GYUR BA 'DOD PA'I BDE BA NYID BDE BAR SGRO BTAGS PA'I PHYIR RO, ,'DI'I PHYIR YANG GTANG BAR MI BYA'O ZHES BSTAN PA'I PHYIR, SRID PA'I ZHES BYA BA SMOS TE, LUNG LAS MI RTAG PA'I PHYIR, GZHOM PAR 'DOD PA'O ZHES 'BYUNG BAS NA GZHOM PAR 'DOD PA'O, ,KYANG GI SGRA NI MI BDE BA ZHES PA'I MTHAR YANG NGO, ,MI BDE BA NI BREL ZHING PHONGS PA'O, ,YON TAN GYI KHYAD PAR 'DI'I PHYIR YANG GZUNG BAR BYA'O ZHES BSTAN PA'I PHYIR 'KHOR BA ZHES BYA BA SMOS TE, 'KHOR BA NYID BTZON RA'O, ,BSDAMS PA NI DER 'DOD CHAGS LA SOGS PAS BCINGS PA'O, ,NYAM THAG PA NI 'DIR SHIN TU NYEN PA'O, ,GANG 'JIG RTEN LHA DANG MIR BCAS PAS PHYAG BYA BA DANG, BSTOD CING BKUR BAR YANG NGO, ,YANG NA BCAS PA'I SGRA NI ZHES BYA BA STE, BYANG CHUB SEMS DPA' DE'O, ,'GYUR ZHES PA NI 'DAS PA'I TSIG BSKOD ? PA'O, ,DA NI YANG DAG PAR BSKUL BA'I PHYIR, MI GTZANG ZHES SMOS TE, RIN THANG MED PA'I YID BZHIN GYI NOR BU DON CHEN POR 'GYUR BA'O, ,GSER 'GYUR RTZI YI RNAM PA NI GSER 'GYUR RTZI'I BYE BRAG GO, ,SGYUR BAS ZHES PA NI NGES PAR SGYUR BAR BYED PA'O, ,DES NA BDAG GI DON DU YANG GZUNG BAR BYA'O ZHES BSTAN PAR BYA'O, ,LEGS PAR YONGS SU ZHES SMOS TE 'GRO BA NYID KYI TSONG DUS SU DGE BA DANG @098A *, ,MI DGE BA LAS BTZONG BAR BYA BA'I PHYIR ZONG DE BYED PA'I GNAS NI GNAS TE, DE DANG BRAL BAR 'DOD PA'O, RIN PO CHE BZHIN DU RNYED PAR DKA' BA'I PHYIR RIN CHEN NO, ,DON NI 'DI YIN TE, KHYOD TSONG PA BZHIN DU BDE BA DANG PHUN SUM TSOGS PA'I RNYED PA DON DU GNYER BA YIN PAS, DON CHEN PO'I NOR BU RIN PO CHE RIN THANG MED PA 'DI ZUNG SHIG PA'O, ,YID BZHIN GYI NOR BU BZHIN DU DAL 'BYOR PHUN SUM TSOGS PA RNYED PAR DKA'O, ,SUS DE LTAR BRTAGS SNYAM PA LA, TSAD MED PA STE GZHAL DU MED PA'I BLO LA SOGS PA DANG GANG LDAN PA DE 'GRO BA'I DED DPON NO, ,DE NI 'GRO BA RNAMS KYI DED DPON GCIG PU STE GNYIS PA MED PA DES BRTAGS PA'O, ,DE'I DON DU CHEN PO'I BDAG NYID BSTAN PA'I PHYIR CHU SHING ZHES SMOS TE, BSKYED PA BYIN NAS SO, ,RTAG TU 'BRAS BU 'BYIN PA SKAD CIG RE RE RGYU MTHUN PA'I 'BRAS BU STER BA'I PHYIR RO, ,MI ZAD PA NI SKYE BA RE RER RNAM PAR SMIN PA LAS BYUNG BA'I SBYIN PAS RGYU MTHUN GYI 'BRAS BU RGYUN MI 'CHAD PA'I PHYIR RO, ,'PHEL BAR 'GYUR PA NI DE'I DBANG GIS GZHAN RNAMS LA YANG BYANG CHUB KYI SEMS SKYED PAR BYED PA'O, ,BYANG CHUB KYI SEMS LJON SHING LTA BUR MTSON PA NI STAG LA SOGS PA'I RANG BZHIN LTA BU'I BSDU BA BYAS PA'O, ,SDIG PA ZAD PAR 'GYUR BA'I RGYU YANG ? NGO ZHES BSTAN PA'I PHYIR, SDIG PA BYAS NAS YANG ZHES SMOS TE, SGROL BA NI KHU BAR BYED PA'O, ,BCOM LDAN 'DAS KYIS KYANG RTEN GYI STOBS KYIS BYAS SHING BSAGS PA'I SDIG PA ZIL GYIS NON PAR BYED DO ZHES GSUNGS SO, ,RTEN NI DKON MCHOG GSUM MO, ,'DI NI SRED PAR BYED PA YANG NGO ZHES BSTAN PA'I PHYIR, DUS MTHA'I ZHES BYA BA SMOS TE, DUS MTHA' NI 'JIG RTEN 'JIG PA'I DUS SO, ,ME NI NYI MA BDUN SHAR BA STE, DE KUN DU BYUNG BAS 'DOD PA'I KHAMS THAMS CAD NAS BSAM GTAN DANG PO'I BAR DU LHAG MA MED PAR RIM GYIS SREG PA STE DE BZHIN DU'O, ,PHAN YON NI YON TAN NO, ,DPAG TU MED PA NI GZHAL GYIS MI LANG BA'O, ,NOR BZANGS NI TSONG DPON GYI BU'O, ,BLO DANG LDAN PA NI SHES RAB CHEN PO CAN NO, ,GSUNGS PA NI DES RIGS @098B KYI BU BYANG CHUB KYI SEMS NI SANGS RGYAS KYI CHOS RNAMS KYI SA BON NO ZHES BYA BA LA SOGS PA GSUNGS SO, ,DE LA BAG CAN RNAMS KYIS CIS MI BRTAN, ,ZHES BYA BA DE 'DIR YANG SBYAR RO, ,CI STE BCOM LDAN 'DAS KYIS, LUS CAN DAG GI LAS RNAMS NI, ,BSKAL PA BRGYAR YANG CHUD MI ZA; ,ZHES GSUNGS PA MA YIN NAM, DE JI LTAR 'THAD CE NA CHUD MA ZOS PA NI 'DIR 'BRAS BU STER BA'I NUS PA DANG LDAN PA STE, DES NA NYES PA MED DO, ,DA NI DE'I DBYE BA BSTAN PA'I PHYIR, DE ZHES BYA BA SMOS TE, RIGS KYI DBYE BA RNAM PA DU MA YOD DU ZIN GYIS KYANG, ,MDOR BSDUS NAS RNAM PA GNYIS SU GSUNGS SO, ,SMON PA'I SEMS NI SANGS RGYAS GRUB PAR SHOG ,CES PA'O, SMON PA BYANG CHUB MCHOG TU SEMS BSKYED NAS SPYOD BZHIN PA'I SEMS NI 'JUG PA'I SEMS SO, ,DE GNYIS KYI BYE BRAG BSTAN PA'I PHYIR, 'GRO BAR 'DOD DANG ZHES BYA BA SMOS TE, DPER NA GCIG LA GRONG DU 'GRO BAR 'DOD PA'I BSAM PA YOD PA DANG, GZHAN DAG GCIG LAM DU ZHUGS NAS 'GRO BA DE DAG GNYIS KYI BYE BRAG BZHIN NO, ,MKHAS PA NI GANG LAS SHES RAB KHYAD PAR CAN SKYES PA DES SO, ,RIM BZHIN NI RIM PA LAS MA 'DAS PA STE, GO RIMS JI LTA BAR GRANGS BZHIN NO, ,SMON PA'I SEMS LA RTOGS PA MA TSANG YANG 'KHOR BAR 'BRAS BU CHEN PO BSKYED DO ZHES BSTAN PA'I PHYIR, BYANG CHUB CES SMOS TE, 'KHOR TSE'ANG ZHES BYA BA NI BYANG CHUB NAS RANG DANG GZHAN GYI DON PHUN SUM TSOGS PA'I MTSAN NYID DANG LDAN PA LTA ZHOG CES BYA BA'O, ,BSOD NAMS RGYUN MI 'CHAD PA NYID DU BSTAN PA'I PHYIR, GANG NAS ZHES BYA BA LA SOGS PA TSIGS SU BCAD PA GNYIS GSUNGS TE, SEMS CAN GYI KHAMS NI RANG BZHIN NO, ,NYON MONGS PA LA SOGS PA'I RANG BZHIN NO, ,DE DGROL BA 'AM STONG PAR BYED PA'I RGYU MTSAN GYIS SO, ,SEMS DE NI RDZOGS PA'I BYANG CHUB KYI SEMS TE, YANG DAG PAR BLANG BA LA ZHUGS PAR GYUR PA'I MI LDOG PA NI PHYIR MI LDOG PA'O, ,GNYID LOG PA NI NYAL BA'O, ,BAG MED PA NI SNYES PA'O, ,DU MA NI SKAD CIG SO SO RE RE LA RNAM PA DU MA 'BYUNG BA'O, ,RGYUN NI RAB TU @099A *, ,'BREL PA'O, ,MKHA' NI NAM MKHA'O, ,MNYAM PA NI DE DANG MTSUNGS PA STE MTHA' YAS PA'I PHYIR RO, ,'DI'I RIGS PA BSTAN PA'I PHYIR 'DI NI ZHES BYA BA SMOS TE, 'DI NI ZHES BYANG CHUB KYI SEMS SO, ,LAG BZANGS KYIS ZHUS PA'I MDO LAS, 'THAD PA DANG BCAS PA STE, RIGS PA DANG BCAS PAR GSUNGS PA'O, ,DMAN PA NI NYAN THOS DANG RANG SANGS RGYAS KYI THEG PA'O, ,MOS PA NI GANG DAG DE'I MOS PA'O, ,DE NYID BSTAN PAR BYA BA'I PHYIR, GLANG NAD CES BYA BA LA SOGS PA'I TSIGS SU BCAD PA GNYIS GSUNGS TE, BSAL LO SNYAM ZHES BYA BA LA SMAN DANG SNGAGS LA SOGS PAS SO ZHES BYA BA NI LHAG MA'O, ,PHAN 'DOGS PA'I BSAM PA NI SRED PA DANG BRAL BA'I SMAN PA LA SOGS PA RNAMS KYI'O, ,MI BDE BA NI LUS DANG SEMS GNYIS KYI MI BDE BA'O, ,RE RE NI SEMS CAN SO SO'I 'O, ,BSAL BAR 'DOD PA NI BRAL BAR 'DOD PA'O; ,YON TAN DPAG TU MED PA'I DNGOS POR RO, ,DE NYID KYI PHYIR MCHOD PAR BYA BA'I 'OS SU GYUR PA'O ZHES BSTAN PA'I PHYIR, SU LA ZHES SMOS TE, SU LA 'DI 'DRA'I PHAN SEMS YOD, ,CES PAS SPYIR BSTAN NAS, BYE BRAG TU BSTAN PA'I PHYIR, PHA'AM ZHES SMOS SO, ,'AM GYI SGRAS NI SPUN ZLA LA SOGS PA GZUNG NGO, ,LHA NI PHYOGS SKYONG BA RNAMS LA SOGS PA'O, ,TSANGS PA NI SPRUL PAR BYED PA STE GZHAN DAG GI 'DOD PAS SO, ,GANG GI PHYIR SEMS DE SKYES PAR 'GYUR SNYAM PA LA, DE DAG NYID LA'ANG ZHES SMOS TE, 'JIG RTEN THAMS CAD NA SNYING BRTZE BA NI RANG YIN YANG, DE LA YANG 'DI 'DRA BA'I SEMS MA SKYES NA GZHAN LA CI LA SKYE ZHES BYA'O, SNGON NI SNGAR ZHES SHES PAR BYA'O, ,'DI NI THUN MONG MA YIN PA NYID BSTAN NAS MJUG BSDU BAR BYA BA'I PHYIR, SEMS CAN ZHES BYA BA SMOS TE, JI LTAR 'KHRUNGS ZHES RMAD DU BYUNG BAR BSTAN PA'AM, YANG NA GANG NAS BYUNG ZHES BYA STE, GAL TE BYANG CHUB KYI SEMS MA BYUNG NA ZHES BYA BA'I DON TO, ,GANG GI PHYIR DE SKAD DU BRJOD CES DGOS PA LA, GZHAN DAG CES BYA BA SMOS SO, ,YANG BYANG CHUB KYI SEMS PHAN YON GYI SGO NAS BYANG CHUB SEMS DPA'I BSOD @099B NAMS GZHAL DU MED PA NYID DU BSTAN PA'I PHYIR 'GRO BA ZHES SMOS TE, DGA' BA NI LHA LA SOGS PA'I PHUN SUM TSOGS PA'O, ,RGYU NI SA BON NO, ,DE LA JI LTAR GZHAL GYIS LANG ZHES PA NI DE RNAMS GANG GI SGO NAS BGRANG BAR NUS ZHES BYA BA'O, ,DE SKAD DU YANG, BYANG CHUB SEMS KYI BSOD NAMS GANG, ,DE NI GZUGS CAN YIN GYUR NA, ,NAM MKHA'I KHAMS KUN GANG BA'AM, ,DE BAS KYANG NI LHAG PAR 'GYUR, ,ZHES GSUNGS SO, ,GZHAN YANG PHAN PAR ZHES BYA BA LA SOGS PAS NI SEMS CAN LA PHAN PAR BSAMS PA TZAM NYID KYIS ZANG ZING GI SBYIN PA LAS BRTZAMS PA'I MCHOD PA'I KHYAD PAR GZHAL GYIS MI LANG PAS, SANGS RGYAS LA MCHOD PA BYAS PA BAS KYANG KHYAD PAR DU 'PHAGS PA YIN PAR BSTAN TO, ,DE SKAD DU YANG SKYES BU 'GA' ZHIG GIS GANGG'A'I ? KLUNG GI BYE MA SNYED KYI SANGS RGYAS KYI ZHING KHAMS BGRANG GIS MI LANG BA RIN PO CHE SNA BDUN GYIS BKANG STE, 'JIG RTEN MGON PO LA PHUL BA BAS GANG ZHIG GIS THAL MO SBYAR BAS BYANG CHUB TU SEMS SKYED PAR BYED NA 'DI KHYAD PAR DU 'PHAGS TE, MCHOD PA SNGA MA DES 'DI LA CHAR YANG MI BOD DO ZHES GSUNGS SO, ,GAL TE SEMS CAN SGRIN PO RNAMS KYIS RANG RANG GI PHAN PA DANG MI PHAN PA BLANG BA DANG DOR BA SHES PA MA YIN NAM DE LA KHYOD KYIS CI BSTAN ZHES DGONGS PA LA, SDUG BSNGAL ZHES SMOS TE, SDUG BSNGAL NI MER 'JUG PA LA SOGS PA'O, ,MNGON PAR BRGYUG PA NI BSAM PA DES 'JUG PA'O, ,SDUG BSNGAL NI SRID PA'O, ,DOR BAR 'DOD PA NI GANG LAS THAR BAR 'DOD PA'I BSAM PA YOD PA'O, ,DE NYID KYI PHYIR, BDE BAR 'DOD KYANG STE BDE BA NI MTHONG BA DANG MA MTHONG BA'I DNGOS PO'I, ,JI LTA ZHE NA, GTI MUG PA STE, MTHO RIS LA SOGS PA'I LAS MA SHES PA'I PHYIR RO, ,DA NI DE'I DGONGS PA BSKANG BA'I DON DU, GANG ZHIG CES BYA BA LA SOGS PAS BSTONG PA GSUNGS PA LA, BDE BA NI KUN NAS TSIM PA'O, ,PHONGS PA NI SDUG BSNGAL MANG POS GZIR PA'O, ,TSIM PA NI NGOMS PAR BYAS PA'O, ,SEL BAR BYED PA NI SHES RAB CHEN POS SO, ,DGE BA NI SEMS CAN GYI DON BYED PA'O, ,GANG DE LTAR RGYA @100A *, ,BAR BYED PA DANG MTSUNGS PA GZHAN NA MED PA'O, ,PHAN GDAGS PA NI MKHO DGU BYAS PA'O, ,LAN LDON ? PAR SNGAR PHAN 'DOGS PA'O, ,BSNGAGS PAR 'OS PA NI 'DOD PAR 'OS PA'O, ,MA BCOL BAR PHAN PAR BYED PA NI MA BSKUL BAR PHAN PAR BYED PA'O, , SMOS CI DGOS ZHES BYA BA NI CHER BSNGAGS PAR 'OS SO ZHES BYA BA'I DON TO, ,'GRO BA NYUNG ZAD NI TSAD DU BYAS PA LA STER BA'O, ,NAR MA NI SEMS CAN SKYOB PAR BYED PAS NA NAR MA'O, ,NAR MA DE TSUL JI LTAR STER SNYAM PA LA, SKAD CIG STE YUN MI RING BAR RO, ,ZAS TZAM STE 'BRAS NGAN GYI ZAN GTONG 'BA' ZHIG PO DE TZAM SBYIN PAR BYED PA'O, ,DE JI LTA BUR GYUR PA'I SBYIN PA ZHIG SNYAM PA LA, BRNYAS BCAS TE GUS PA MED PAR BTZAN THABS SU GAR BAB TU GRAL LA BCUG NAS SO, ,NYIN PHYED NI GANG DGONGS KA YAN CHAD 'GRANGS TZAM STE, DE YANG DGONGS KA ZAS BTZAL DGOS PA'I PHYIR RO, ,DGE BA BYED PA YIN ZHES SKYE BOS BKUR BA NI STOD PAR BYED PA'O, ,BYANG CHUB SEMS DPA'I SBYIN PA NI DE LAS BZLOG PA'O ZHES BSTAN PA'I PHYIR SEMS CAN ZHES SMOS TE, GANG DUS 'DI TZAM DU'O ZHES BYA BA MED PA NI DUS RING DU'O, ,SEMS CAN GYI GRANGS MTHA' YAS PA DE LA SBYIN PA STER BAR BYED PA'O, ,'GRO BA LA PHAN PA RNAMS LA NAM MKHA' BZHIN DU MTHA' MED PA'I PHYIR DE DAG KYANG DER ZAD PA'O, ,MTHA' YAS PA'I PHYIR 'DI TZAM DU ZAD DO ZHES BYA BA MED PAS NA ZAD PA MED PA'O, ,YANG NA 'GRO BA DANG NAM MKHA'O ZHES ZLAS DBYE BA'O, ,RDZOGS PAR BYED PA NI MNGON BAR 'DOD PA'I DON BYIN PAS SO, ,SMOS CI DGOS NI SMOS MI DGOS PA'O, ,DES NI BYANG CHUB SEMS DPA' SHIN TU BKUR BA'I 'OS SU BSTAN NAS, BYANG CHUB SEMS DPA' LA NGAN SEMS BSKYED PA'I NYES DMIGS BSTAN PA'I PHYIR, DE 'DRA BA'I ZHES BYA BA SMOS TE, DE 'DRA BA'I ZHES PA NI DE LTA BUR GYUR PA'O, ,SRAS LA ZHES BYA BA NI YUL GYI BDUN PA'O, ,NGAN SEMS NI MA DAD PAS SO, ,JI SRID DU NA NGAN SEMS BSKYED PA'I SKAD CIG MA'I RGYUN 'DI SRID KYI BSKAL BAR DMYAL BAR GNAS PAR 'GYUR RO ZHES DGONGS SO, ,DA NI DE LAS BZLOG PA @100B BSTAN PA'I PHYIR, 'ON TE ZHES SMOS TE, YID NI SEMS SO, ,SEMS DANG BA DE'I 'BRAS BU SNGA MA DE BAS KHYAD CHES 'PHAGS PAR LHAG PAR 'PHEL BA'O, ,GANG GI PHYIR RGYAL BA'I SRAS PO RNAMS SEMS CAN GYI DON 'BA' ZHIG BYED PAS DGE BA NGANG GIS 'PHEL BA YIN PA'I PHYIR RO; ,DA NI BSTAN BCOS MKHAN PO RANG GI SEMS KYI DANG BA GSAL BAR BSTAN PA'I PHYIR, GANG LA ZHES SMOS TE, GANG LA STE LUS PO RNAMS LA'O, ,SKYES PA NI RDZOGS PAR GRUB PA'O, ,BDE 'BREL ZHES BYA BA NI GANG GNOD PAR BYED MKHAN DES BYANG CHUB SEMS DPA'I BZOD PA MTHONG NAS DANG BA'I SEMS SKYE BAR 'GYUR BA'AM, YANG NA DE BYANG CHUB SEMS DPA' DANG BAS 'DZIN CING DANG BAS 'DON PA'O, ,'BYUNG GNAS NI ZHING DO, ,SKYABS SU MCHI BA NI SKYOB PAR BYED PA NYID DU KHAS BLANGS PA'O, ,DMYAL BAR NGES PAR GNAS PAR 'GYUR RO ZHES GSUNGS PA NI GNOD PAR BYAS PA'I RJES LA DMYAL BAR MA SKYES PA LA DGONGS PA YIN NO, ,PHAN YON NI 'BRAS BU'O, ,LE'U NI RAB TU BYED PA RDZOGS PA'O, ,BYANG CHUB SEMS DPA'I SPYOD PA LA 'JUG PA LAS LE'U DANG PO'I DKA' 'GREL LO,, ,,DA NI BYANG CHUB KYI SEMS DE GZUNG BAR BYA BA'I PHYIR, DE BZHIN GSHEGS PA RNAMS LA SOGS PA RNAMS LA MCHOD PAR BYA BA BSTAN PA'I CHED DU SEMS DE ZHES BYA BA SMOS TE, ,DRI MA MED PA NI DNGOS PO DANG DNGOS PO MED PA'I RNAM PAR RTOG PA'I DRI MA SPANGS PAS SO, ,MCHOD PA NI YID KYIS SO, ,MCHOD PA NYID BSTAN PA'I PHYIR, JI SNYED YOD PA DANG ZHES SMOS TE, RNAM PA NI RIGS SO, ,DBEN PA NI DGE ZHING NYAMS DGA' BA'I RJES SU MTHUN PA'I GNAS SO, ,ME TOG MDZES PA DANG LDAN PA NYID RGYAN DU SPUNG BA STE, DES SPRAS PA'O, ,'BRAS BZANG STE 'BRAS BU MCHOG TU GYUR PAS YAL GA GANG DAG DUD PAR BYAS PA'I TSUL DU LDAN PA NI YAL GA DUD PA'O, ,SPOS NI TZANDAN LA SOGS PA'O, ,MNGON PAR 'DOD PA'I 'BRAS BU DANG LDAN PA'I PHYIR DPAG BSAM GYI SHING NGO, ,MA RMOS PA NI THONG LCAGS LA SOGS PAS MA RLOG PA'O, ,'KHRUNGS PA NI SKYES PA'O, ,LO THOG NI 'BRAS BU RNAMS SO, ,GZHAN @101A *, ,YANG ZHES PA NI SO SOR BRJOD KYIS MI LANG BA'O, ,MCHOD PAR 'OS PA NI SANGS RGYAS LA SOGS PA LA MDZES PAR BYED PA'O, ,NAM MKHA' RAB 'BYAM KHAMS KYI ZHES PA NI GO 'BYED PAR BYED PA'O, ,GTUGS PA NI DE'I MTHAR GTUGS PA'O, ,YONGS SU GZUNG BA MED PA NI SUS KYANG BDAG TU BYAS PA MED PA'O, ,BLANGS NAS DE BZUNG NAS THUB PA SKYES BU RNAMS KYI MCHOG STE YA RABS SU GYUR PA LA LEGS PAR 'BUL BA'O, ,DE DAG NI ME TOG LA SOGS PA'O, ,BZHES ZHES PA NI BZHES PAR RUNG BA'I YON BA ZHES SHIG PA'O, , DNGOS PO'I MCHOD PA MI BYED PA CI STE SNYAM PA LA, BSOD NAMS DANG MI LDAN ZHES SMOS TE, MCHOD PA'I NOR ZHES PA NI GZHAN GYI SGRA'I KHYAD PAR DU BYED PA'O, ,NOR NI DGOS PA'O, ,NYID KYI MTHU STE RANG GI NUS PA YOD TZAM GYIS PHUL BA'I ME TOG LA SOGS PA 'DI BZHES SHIG PA STE BZHES PAR MDZOD CIG PA'O, ,DE NYID KYI PHYIR BDAG NYID YONGS SU GTANG BA LA SOGS PAR BSTAN PA'I PHYIR, RGYAL DANG ZHES SMOS TE, RGYAL DANG DE'I SRAS ZHES PA NI KHA BSKANGS BA'O, ,LUS KUN GTAN DU ZHES BYA BA NI RNAM PA KUN NAS SAM YANG NA GTAN DU DUS GSUM GYI DGE BA DANG LHAN CIG BDAG GI DNGOS PO KUN 'BUL BA'O, ,KYE SEMS DPA'I MCHOG TU GYUR RNAMS YONGS SU BZHES SHIG STE, BZHES PAR MDZOD CIG PA'O, ,YONGS SU BZHES PA LA YON TAN CI YOD SNYAM PA LA, YONGS SU BZUNG NA ZHES SMOS TE, MI 'JIGS PA NI 'JIGS PA MED PAR 'GYUR BA'O, ,DE NYID KYI PHYIR SEMS CAN LA PHAN PA BGYID PA'O, ,SNGON NI 'DAS PA'O, ,GZHAN YANG NI MA 'ONGS PA'O, ,'OD GSAL NI SHEL LO, ,DE NGES BRTZAMS PAS NA SHEL LAS BRTZAMS PA'I SA GZHI 'AM, YANG NA SHEL DE'I SA GZHI BSTAR BA'O, ,RIN CHEN 'BAR BA NI 'OD GSAL BA STE GANG DE LAS GRUB PA'I KA BA NI YID DU 'ONG BA'O, ,MU TSIG 'OD CHAGS NI 'OD GSAL ZHING 'PHRO BA STE DES BLA RE BRES PA'O, ,DE BZHIN GSHEGS PA RNAMS KYI ZHES BYA BA NI 'BREL PA DRUG PA'O, ,SPOS KYI CHU YOD PA YID DU 'ONG BA NI YID DGA' BAR BYED PA STE, ME TOG GIS KYANG @101B BKANG BA DES DE DAG LA SKU KHRUS GSOL LO ZHES BYA BA'I DON TO, ,GLU DANG ROL MOR BCAS ZHES BYA BA NI KHRUS KYI CHED DU BYED PA'AM, YANG NA BYAS PA'O, ,MTSUNGS PA MED PA'I GOS SAM YANG NA SPU DANG BCAS PA'I GOS KYIS SKU KHRUS BYAS LA RLAN 'BYIN PA DANG, BZANG BA NI LHA LA 'OS PA'I GOS SO, ,SRAB PA NI PHRA BA'O, ,'JAM PA NI 'BOL BA'O, ,SNA TSOGS NI GANG KHA DOG DU MAS MDZES PA'O, ,GLING BZHI PA DANG NYI MA DANG ZLA BA DANG RI RAB DANG 'DOD PA'I KHAMS KYI LHA RNAMS DANG TSANGS PA'I 'JIG RTEN RNAMS SO SOR STONG PHRAG RER BRTZIS PA NI STONG NGO, , STONG PA DE NYID SO SOR STONG 'GYUR DU BRTZIS PA DE NYID STONG GNYIS PA'O, ,STONG GNYIS PA NYID STONG 'GYUR DU BSGRES PA NI STONG GSUM PA ZHES BYA STE, GLING BZHI PA NI BYE BA PHRAG BRGYA'O, ,DE NI SANGS RGYAS GCIG GI ZHING KHAMS SO, ,ZHING KHAMS RNAMS PHYOGS BCUR MTHA' MED PA DE DAG TU KHYAB PAR DRI LDANG BA'I TSUL DANG GANG LDAN PA'O, ,BYUG PAR BGYI BA NI YANG DAG PAR BYUG PAR BGYI BA'O, ,MAN D'A RA BA NI LHA'I ME TOG GO, ,PADMA NI MA LI KA'O, ,AUTPALA ? NI AUTPALA ? SNGON PO'O, ,SOGS PA'I SGRAS NI GANG DE LA SOGS PA'I ME TOG GANG BYUNG BA RNAMS SO, ,DRI ZHIM POS ZHES 'BRU MANG PO'I SGRA THOB TU ZIN KYANG LUNG GI TSIG DRI ZHIM ZHES SMOS SO, ,PHRENG BA NI ME TOG GI PHRENG BA'O, ,SPEL LEGS PA NI BRGYUD PA'I BKOD PA LEGS PA STE DES YID DGA' BAR BYED PA ZHES BYA BA'O, ,DRI NGAD NI DRI GRUB PA'O, ,KHYAB PA NI DRI 'PHROS PA'O, ,BDUG PA'I SPRIN LTA BUR NAM MKHA' LAS 'KHRIGS PA'AM, YANG NA DE'I TSOGS SO, ,ZHAL ZAS NI BZA' BA'I RIGS SO, ,BZA' ZHES PA NI SOS BCAD DGOS PA'I RIGS SO, ,DBUL BAR BGYI BA NI MCHOD PAR BGYI BA'O, ,TSAR NGU DNGAR BA NI PHRED DU BKOD PA'O, ,DBUL BAR BGYI ZHES PA NI MCHOD PAR BGYI BA'O, ,NOR BU MU TSIG GI CHUN 'PHYAD RAB TU MDZES PAR BYAS PAS MDZES PAR GANG GYUR PA DE'O, ,'BAR BA NI KUN NAS 'BAR BAS MDZES PA'I TSUL DANG LDAN PA'AM, YANG NA 'OD GSAL GYI LHA'I YUL DU SKYES PA'O, ,DPAG YAS NI NAM MKHA' LA 'GRO BA'I SPRIN NO, ,RIN PO CHE LAS @102A *, ,BRTZAMS PA'I GDUGS KYIS TSAD PA SKYOB PAR BYED PA NI RIN CHEN GDUGS SO, ,GSER GYI YUG BA CAN GYIS ZHES BYA BAR SBYAR BA'AM, YANG NA SEMS CAN ZHES MTSON PAR SBYAR RO, ,'KHOR YUG STE KUN CHUB PAR MU TSIG LA SOGS PAS BRGYAN PA'O, ,BSGRENG BA ZHES PA NI BSLANG NAS BZUNG BA'O, ,SBYIR MCHOD PA DBUL BA BSTAN PA'I PHYIR DE LAS GZHAN ZHES SMOS TE, DENG NAS BZUNG STE BDAG GIS YONGS SU BTANG BA'I MCHOD PA'I TSOGS DE DAG DANG DE LAS GZHAN YANG NGO, ,ROL MO NI RNGA LA SOGS PA'O, ,DBYANGS SNYAN PA NI TSOGS NAS BLANGS PA'AM, YANG NA GAR LA SOGS PA DANG 'DUS PAR LDAN PA'O, ,YID DU 'ONG BA NI YI RANGS PAR BYED PA'O, ,SO SOR GNAS GYUR CIG CES PA NI, MCHOD PA'I RGYUN SO SOR GNAS PAR GYUR CIG PA'O, ,RIN CHEN ME TOG LA SOGS PA DE DAG NI RGYUN MI CHAD PA'O, ,BLA NA MED PA'I MCHOD PA DBUL BAR BYA BA'I PHYIR, JI LTAR 'JAM DBYANGS ZHES SMOS TE, DE BZHIN NI BSAM PA JI LTA BA BZHIN DU'O, ,ZHING KHAMS THAMS CAD KYI RDUL PHRA RAB SNYED KYI GRANGS BRTZIS PA DE NI ZHING RDUL SNYED KYI GRANGS SNYED DO, ,DBYANGS NI SKAD GSANG BSTOD PA LA SOGS PA RNAM PA BDUN NO; ,YAN LAG NI LNGA PA LA SOGS PA'O, ,RGYA MTSO NI DE DAG MANG PO RNAMS SO, ,BSTONG PAS BSTOD PA NI 'DUS PA NAS GZHAN MA YIN PAR JI LTA BA BZHIN DU'O, ,DUS GSUM STE DUS GSUM PO DER GSHEGS PA'O, ,TSOGS KYI MCHOG NI BYANG CHUB SEMS DPA'I DGE 'DUN NO, , GZHI RNAMS ZHES PA NI SKYES PA'I GNAS LA SOGS PA RNAMS SO, ,SROG SHING DANG 'KHOR LO LA SOGS PA 'DUS NAS DBYIBS SU BYAS PA NI MCHOD PA'I RTEN DE NYID LA MCHOD RTEN ZHES BYA BA'AM, YANG NA BSAGS PA LAS YANG DAG PAR BYUNG BAS NA MCHOD RTEN NO, ,DRUNG DU PHYIN NAS 'DON DU 'JUG PA'I MKHAN PO YIN PAS NA MKHAN PO'O, ,THAR PA'I DON SLOB PAS NA SLOB DPON NO, ,SNYING PO NI BCUD DO, ,SKYABS NI SKYOB PA'O, ,MCHI ZHES PA BKA' STZAL PA BZHIN DU YONGS SU BSRUNG BA'O, ,GSOL BA ZHES PA NI SDIG PA BSHAGS PA'I DON DU GSOL BA 'DEBS PA'O, ,THOG MA MED @102B LDAN ZHES PA NI THOG MA DANG THAM DANG BRAL BA'O, ,MA 'TSAL BA NI RMONGS PA'O, ,GTI MUG 'KHRUL PAS BDAG NON PA NI DMYAL BA LA SOGS PAR GNOD PAR MA SHES PA'I PHYIR RO, ,RJES SU YI RANG BA NI YANG DAG PAR RAB TU DGA' BA'O, ,NONGS ZHES PA NI LTUNG BA STE NGAN SONG DU KHRID PAR BYED LTUNG BAR BYED PAS NA LTUNG BA'O, ,BSHAGS PAR BGYID PA NI RAB TU GSAL BAR BGYID PA'O, ,GTZO BO NAS MAS RIM BZHIN DU LTUNG BA BSHAGS PAR BYA BA'I PHYIR, ,BDAG GIS DKON MCHOG GSUM ZHES BYA BA LA SOGS PA'I TSIGS SU BCAD PA GNYIS GSUNGS TE, PHA MA NI PHA DANG MA'O; ,GZHAN DAG NI SLOB DPON LA SOGS PA'O, ,NYON MONGS PA'I SGO NAS NI BSAM PA NGAN PA'I SGO NAS SO, ,GNOD PA NI BSLUS BYAS PA'O, ,MI BZAD PA NI 'BRAS BU YANG BA STER BA'I PHYIR RO, ,SDIG PA'I LAS YID LA GCAGS PA BSTAN PA'I PHYIR, BDAG NI ZHES BYA BA SMOS TE, JI LTAR 'DI LAS TE, 'KHOR BAR 'CHING BA'I SDIG PA LAS SO, ,THAR ZHES PA NI SDIG PA 'DI LAS JI LTAR THAR BAR 'GYUR BA ZHES BYA'O, ,MYUR BAR ZHES PA NI BSDAD LONG MED PA'O, ,KHYOD KYIS SDIG PA BYAS KYANG 'CHI BDAG GIS GLAGS GA LA RNYENG SNYAM PA LA, YID BRTAN DU MI RUNG ZHES SMOS TE, YID BRTAN DU MI RUNG BA NI YID CHES BYAR MED PA'O, ,GSOD PAR BYED PAS NA 'CHI BDAG GO, ,BYAS PA NI BYAS ZIN PA'O, ,MA BYAS PA NI BYAS MA ZIN PA'O, ,MI SDOD PA NI DE DAG GIS SPYAD PA MI BYED PA'O, ,BDAG NI NAD MED PA'O ZHES GNAS PA LA DAS 'JOMS PAR BYED DO, ,MIN BA NI BDE BAR GNAS PA'O, ,GLO BUR ZHES PA NI MA DPYAD PAR THOG 'BAB PA DANG 'DRA'O, ,GAL TE YID BRTAN DU MED PAR CHA YOD NA SDIG PA CI'I PHYIR BYAS SHE NA, THAMS CAD CES SMOS TE, THAMS CAD NI MDZA' BA LA SOGS PA'O, ,BOR BA NI 'DOR BA'O, , DE NYID BSTAN PA'I PHYIR MI MDZA' ZHES SMOS TE, MI MDZA' BA NI DGRA RNAMS SO, ,RNAM PA SNA TSOGS SHES PA NI RNAM PA DU MA'O, ,SKYE BA GZHAN YANG LTA ZHOG CES BSTAN PA'I PHYIR, GSON TSE 'DI NYID LA ZHES SMOS TE, DU MA NI RNAM PA MANG PO'O, ,'O NA DA CI ZHIG GNAS PAR 'GYUR SNYAM PA LA, @103A *, ,DE DAG DON ZHES SMOS TE, MDZA' BA LA SOGS PA'I DON DU BYAS PA'I SDIG PA GANG YIN PA'O, ,MJUG BSDU BAR BZHED NAS, DE LTAR ZHES SMOS TE, DE LTAR SKYE BA SNGA MA NAS THAMS CAD BOR TE 'ONGS NAS SKYE BA GZHAN NGU 'GRO BA NI GLO BUR TE 'DRON PO ZHES BYA BA'O; ,RTOGS PA NI RNAM PAR DPYAD PA'I RGYU DES RTOGS PAR MA GYUR PA'O, ,CI STE TSE RING BAR THUB PA MA YIN NAM 'CHI BA'I DOGS PA BYA CI DGOS SNYAM PA LA, NYIN MTSAN ZHES SMOS TE, SNON PA NI 'PHEL BAR BYED PA'O, ,'GOD PA NI THABS SAM YANG NA 'BRID PA'O, ,CIS MI 'GYUR ZHES PA NI BAG TSA BA'O, ,CI STE GANG GI DON DU SDIG PA BYAS PA'I SDE TSAN DE DAG GIS KHYOD KYI GROGS BYED PAR 'GYUR RO SNYAM PA LA BDAG NI MAL NA ZHES SMOS TE, SROG GCOD PA NI SROG GTONG BA'O, ,GANG DE DAG NYID LA SOGS PA GANG YIN PA DE TSOR BA'O, ,SHI NAS NAMS KYANG CI PHAN ZHES BSTAN PA'I PHYIR, GSHIN RJE ZHES SMOS TE, GSHIN RJE'I PHO NYA NYAMS SU MYONG BAR SO SO NAS SNANG BA'I PHO NYAS ZIN PA'O, ,GNYEN NI PHYOGS SU DGA' BTZAM MO, ,BSHES ZHES PA NI SHIN TU GCUGS PA'O, ,CI'I PHYIR DGE BA MA BSAGS SNYAM PA LA, MGON PO ZHES SMOS TE; BAG MED PA NI SDIG PA SOGS PA'I RGYU'O, ,DE TZAM DU SEMS KHRAL MANG PO BYA CI DGOS SNYAM PA LA, SKYE BO YAN LAG CES SMOS TE, YAN LAG NI LAG PA LA SOGS PA'O, ,BRED PAR GYUR BA NI THAMS CAD NAS SKRAG PAR GYUR PA'O, ,KHA SKAMS PA NI SRID PA LA SOGS PA'O; ,MIG RTZA NGAN PA NI GANG MIG RTZA DMA' BAR GYUR PA'O, ,GZHAN DU 'GYUR BA NI PHYIN CI LOG TU GYUR PA'O, ,'JIGS 'JIGS LTA ZHES PHA NA NI 'JIGS SU RUNG BA'I GSUNGS CAN NO, ,GZUNG BAR GYUR PA NI BDAG GIR BYAS PA'O, ,GANG GIS LUS 'JIGS PA CHEN PO'I NAD KYIS BTAB PA DE'I LUS RAB TU NYAM THAG BA STE, DE'I BSHANG BA'I LAM NAS BYUNG BAS BSGOS PAR 'GYUR BA'O, ,SMOS CI DGOS ZHES PA NI SHIN TU NGAN PA'I DON TO, ,JI LTA BUR SNYAM PA LA, SU ZHIG CES SMOS TE, DMYAL BA LA SOGS PA'I GNAS SU SKYOB CES PA'O, ,BYED SHA @103B THON PA'I MIG BGRAD CES PA NI MIG RTZA DMAD NAS BZLOG CING PHYOGS BZHIR LTA BA'O, ,'DI'I PHYIR DE RING NYID NAS BAG ZON BGYI'O ZHES BSTAN PA'I PHYIR, DE BAS RGYAL ZHES SMOS TE, NUS PA DPAG TU MED PA DANG LDAN PAS NA, STOBS CHEN NO, ,DE NYID KYIS NA RGYAL BA'O, , DE BZHIN YANG DAG STE BSAM PA THAG PA NAS SO, ,DA NI GTZO BO NAS RIM PA BZHIN DU BDAG NYID YONGS SU GTONG BA LA SOGS PA BSTAN PA'I PHYIR, BDAG NI ZHES BYA BA LA SOGS PA SMOS ? TE, RNAM PAR SKRAG PA NI THABS 'KHYAR BA'O, ,NYAM THAG PA'I TSUL DANG GANG LDAN PA DE'I NGA ROS MTSAN NAS 'O DOD 'BOD PA NI NYAM THAG DA ROS 'O DOD 'BOD PA STE SDUG CING BSNGAL BA'I SKAD GDANGS KYIS SDAR LANGS BZHIN DU 'BOD PA'O, ,THAMS CAD MKHYEN CES PA NI GZHAN MA SMOS PA RNAMS KYANG NGO, ,RDO RJE CAN NI PHYAG NA RDO RJE'O, ,YANG DE RNAMS MNGON SUM DU DMIGS NAS BRJOD PAR BYA BA BSTAN PA'I PHYIR, SNGON CHAD CES BYA BA SMOS TE, BKA' NI BSGO BA'O, ,'DAS PA NA DE LAS RGAL BA'O, ,DA NI STE DENG NAS BRTZAMS TE'O, ,'JIGS PA CHEN PO MTHONG NAS TE CHER MI 'DOD PA'I 'BRAS BU MTHONG NAS SO, ,MI 'DOD PA'I 'BRAS BUS BSGRAGS PA NI 'JIGS PA BRLANG BA'O, ,DON 'DI NYID BSTAN PAR BYA BA'I PHYIR, THA MAL ZHES SMOS TE, THA MAL NAD CES PA NI YUN MI RING BAR MYUR DU SOS NAS 'GRO BA'I NAD DO, ,BZHI BRGYA NI 'DOD CHAGS LA SOGS PA'I DBYIBS SO, ,RTZA BZHI ZHES PA NI BZHI YIS LHAG PA'O, ,DE LTAR YIN MOD 'JIGS CI DGOS SNYAM PA LA, DE GCIG GIS KYANG ZHES BYA BA LA SOGS PA SMOS TE, DE DAG GI NANG NAS MKHRIS PA LA SOGS PA GANG YANG RUNG BA GCIG GIS KYANG NGO, ,SMAN NI PHYI ROL GYI'O, ,ZUG RNGU NI 'DOD CHAGS LA SOGS PA'O, ,DA NI BAG MED PA LAS LDOG PA BSTAN PA'I PHYIR; G-YANGS THA MA LA ZHES SMOS TE, G-YANGS THA MA LA NI 'OBS DANG GTZONG LA SOGS PA'O, ,BAG YOD PAR GNAS PA NI SHIN TU BAG ZON CHER BYED PA'O, ,CIG SHOS GZHAN MNAR MED PA'I G-YANGS DPAG TSAD STONG THAM PA'I TSAD DU YUN RING STE SKAL PA BAR MA LA SOGS PA'I YUN GYI @104A *, ,DUS SU GNAS PA'I SA DER SMOS CI DGOS TE, CIS KYANG BYA DGOS PA'O, ,DE RING NYID DU 'CHI BA NI MA YIN NA DE TZAM ? THUG SNYAM PA LA, DE RING KHO NA ZHES SMOS TE, 'DUG PA NI GNAS PA'O, ,DUS ZHES PA NI DUS 'DI NYID DO, ,'BYUNG ZHES PA NI NGES PAR 'ONG BA STE, DA LTA BAS KYANG NYE BAS NA DA LTA BA BZHIN SBYAR RO, ,DE LTA NA YANG 'JIGS PAR MI RIGS SO SNYAM PA LA, BDAG LA MI 'JIGS ZHES SMOS TE, MI 'JIGS ZHES PA NI 'KHOR BA LAS NGES PAR 'DON PA'O, ,JI LTAR ZHES PA NI THABS GANG GIS PA'O, ,'DI'I PHYIR NA YANG BDE BAR 'DUG PAR MI RIGS SO ZHES BSTAN PA'I PHYIR, SDON CHAD CES SMOS TE, SNGAR SPYAD CING NYAMS SU MYONG BA KUN NI ZHIG PAR 'GYUR NA ZHES PA'O, ,LHAG PA STE BOS SU 'GYUR BA KHO NA'I SNYING PO'O, ,BKA' NI BKA' BSGO PA'O, ,DE'I PHYIR DA NI YID LA BYA BAR RIGS SO ZHES BSTAN PA'I PHYIR, GSON TSE ZHES BYA BA LA SOGS PA SMOS TE, GSON TSE NI MI LA SOGS PA'O, ,GSHED CES PA NI YI DVAGS LA SOGS PAR SDIG PA MI DGE BA'I STOBS KYIS 'GRO BA'O, ,DA NI MJUG BSDU BA'I SGO NAS SDIG PA BSHAGS PA BSTAN PA'I PHYIR, BDAG NI ZHES BYA BA LA SOGS PA SMOS TE, MI SHES PA NI BYIS PA STE SO SO'I SKYE BO YIN PA'I PHYIR RO, ,GTI MUG PA NI PHAN PA LA SOGS PA MI SHES PA'I PHYIR RO, ,RANG BZHIN GYIS KHA NA MA THO PA NI SROG GCOD PA LA SOGS PA'O, ,BCAS PA'I KHA NA MA THO BA NI CHANG 'THUNG BA LA SOGS PA'O, ,BGYIS PA NI BSAGS PA'O, ,SDIG PA NI LTUNG BAS NA SDIG PA STE DMYAL BA LA SOGS PAR KHRID ? NAS 'GRO BA'O, ,GZUNG NGU GSOL ZHES PA NI DRANG DU GSOL ZHES BYA BA'O, ,SDIG PA BSHAGS PA PHAL CHE BAS NA SDIG PA BSHAGS PA'I LE'U'O, ,BYANG CHUB SEMS DPA'I SPYOD PA LA 'JUG PA LAS LE'U GNYIS PA'I DKA' 'GREL LO, , DA NI SDIG PA BSHAGS PA'I RJES LA BSOD NAMS LA RJES SU YI RANG BA BSTAN PA'I PHYIR, SEMS CAN KUN ZHES SMOS TE, NGAN SONG NI DMYAL BA LA SOGS PA'O, ,MNAR ZHING GDUNGS PAR BYED PAS NA SDUG BSNGAL LO, ,NGAL BA SOS PAR BYED PAS NA NGAL SOS PA'I DGE BA STE, PHYIN CI LOG GI @104B LAM BKAG PA'I PHYIR RO, ,BDER GNAS ZHES BYA BA NI DGE BA DE DAG 'PHEL BAR GYUR CIG PA'O, ,DGA' BAS RJES SU YI RANG BA NI YANG DAG PAR DGA' BAS SO, ,'JIG RTEN LAS 'DAS PA'I LAM GYI PHYIR BYANG CHUB RGYUR GYUR ZHES GSUNGS TE, BYANG CHUB RGYUR GYUR PA ZHES PA RGYU DANG 'BRAS BU'I DNGOS PO'I TSOGS GNYIS SO, ,'KHOR BA'I SDUG BSNGAL LAS NGES PAR THAR BAR BYED PA NI YE SHES KYI TSOGS SO, ,RANG GIS MTHONG BA'I LAM BSTAN PA'I PHYIR, SKYOB PA ZHES GSUNGS SO, ,BYANG CHUB SEMS DPA' RNAMS KYI BSOD NAMS LA RJES SU YI RANG BA NYID BSTAN PA'I PHYIR, SEMS CAN ZHES BYA BA SMOS TE, SEMS CAN THAMS CAD BDE MDZAD PA, ,ZHES PA NI 'JUG PA'I SEMS MA YANG NA BDE BSKYED PAR BYED PA'O, ,RGYA MTSO DANG 'DRA BAR MTHA' GTING MI RTOGS PAS NA RGYA MTSO'O, ,PHAN PHA NI SANGS RGYAS KYI BSTAN PA'I THABS LA GOMS PAR BSLAB PA STE, DE NYID LA PHAN PA ZHES BRTAGS NAS BRJOD DO, ,GSOL BA BTAB PA BSTAN PA'I PHYIR, PHYOGS RNAMS KUN ZHES SMOS TE, GSOL BA 'DEBS PA NI 'BRAS BU'I DON DU'O, ,CHOS KYI SGRON MA NI CHOS STON PA'I BDAG NYID KYI SNANG BA STE, SDUG BSNGAL GYI MGO LTUNG BAR BYED PA'I TSUL GANG LDAN PA'O, ,BZHUGS SU GSOL BAR ZHU BA DBUL BA'I PHYIR, RGYAL BA MYA NGAN 'DA' ZHES BYA BA LA SOGS PA SMOS SO, ,YONGS SU BSNGO BA BSTAN PA'I PHYIR, DE LTAR ZHES BYA BA SMOS TE, MCHOD PA NAS BZHUGS SU GSOL BA'I BAR DU'O, ,JI LTA BU SNYAM PA LA, 'GRO BA NAD PA ZHES BYA BA LA SOGS PA SMOS TE, NAD PA NI NAD KYIS GZIR BA'O, ,JI SRID DU ZHES PA NI NAD SOS KYI BAR RO, ,SMAN NI NYA RO HI TA LA SOGS PA'I DNGOS POR RO, ,SHOG CES PA NI GYUR CIG PA'O, ,BKRES PA STE LTOGS PA LA ZAS KYI CHAR PA 'BAB PAR SHOG CES PA NI KHA CIG GI 'DOD PA YIN PA'I PHYIR RO, ,MU GE'I BSKAL PA BAR MAR GYUR PA'I TSE NI BSKAL PA BAR MA'I MI RNAMS KYI TSE TSAD TSE LO BCU PA LA THUG PAR GYUR PA'I TSE MU GE DANG NAD DANG MTSON RNAMS RIM PA BZHIN DU, LO BDUN DANG ZLA BA BDUN DANG ZHAG BDUN DU 'BYUNG BAR @105A *, ,'GYUR TE, DE'I TSE ZAS DANG SKOM MED NAS PHAN TSUN GCIG LA GCIG GI SHA DANG RUS PA 'BA' ZHIG GI ZAS BYED CING, BZA' RGYU MA RNYED TZAM NA TSE'I DUS BYED PAR 'GYUR BA DE'I TSE DER LTOGS PA RNAMS LA ZAS DANG, SKOM PA LA BTUNG BA RNAMS DANG, NAD PA RNAMS LA SMAN DANG, MTSON CHA RNAMS ME TOG TU GYUR CIG PA'O, ,YO BYAD MKHO DGU SNA TSOGS SU ZHES BYA BA LA, SPRUL NAS ZHES BYA BA TSIG GI LHAG MA'O, ,DA NI BDAG GIS DNGOS PO YONGS SU BTANG BA LA SOGS PA BSTAN PA'I PHYIR, LUS DANG ZHES BYA BA SMOS TE; LUS NI BDAG GI LUS SO, ,LONGS SPYAD PAR BYA BAS NA LONGS SPYOD DO, ,PHANGS PA MED PA NI RE BA MED PA STE, LAN LA RE BA MED PA'O, ,GTONG BA'I 'THAD PA BSTAN PA'I PHYIR, THAMS CAD CES SMOS TE, THAMS CAD GTONG ZHES PA NI GANG LA CHAGS PA STE THAMS CAD SPANGS PA'O, ,SDIG PA SEL BAR BYED PA 'DA' BAR BYED PAS NA, MYA NGAN LAS 'DA' BAR TE THAR PAR RO, ,DE'I PHYIR 'DI'I TSUL DANG MTHUN PAR GTANG BAR BSTAN PA'I PHYIR, BDAG GIS ZHES SMOS TE, LUS CAN THAMS CAD LA CI 'DOD PA'I RGYUR SBYIN NO ZHES SBYAR RO, ,CI BDE ZHES PA NI CI DGAR RO, ,DE NYID KYI PHYIR GSOD DANG STE BRDUNG GTAG BYED PA'O, ,RDEG SOGS NI GSHAG MA LA SOGS PAS 'BRAB PA'O, ,LUS LA ZHES PA NI RGYUR BYAS NAS SO, ,GA ZHA NI ? 'DIS GZHAR BYED PA'O, ,JI LTAR DE LA GNOD PAR MI 'GYUR BA DE LTA NA YANG BSRAN DKA' BA'I LAS KYANG STE, KHA NA MA THO BA MED PA'I LAS RNAMS KYIS SHIG PA'O, ,DE NYID CES PA NI KHRO BA LA SOGS PA NYID DO, ,GZHAN DAG CES PA NI BTANG SNYOMS PA'O, ,GNOD PAR BYED PA NI BZHAD GANG DU BYED PA'AM YANG NA CO 'DRI BA'O, ,PHYAR KHA GTONG BA NI BRDZUN GYIS SUN 'BYIN PA'O, ,MGON ZHES PA NI SKYOB PA'O, ,LAM DU ZHUGS PA NI LAM NAS 'GRO BA'O, ,SEMS CAN MANG PO LAM DU ZHUGS NAS 'GRO BA RNAMS KYI CHED BYED PA NI DED DPON NO, ,ZAM PA NI ZAM STEGS SO, ,YID BZHIN GYI NOR BU DANG BUM PA NI CI BSAMS PA'I DON STER BA'O, ,RIG SNGAGS @105B GRUB NI SNGAGS GRUB PA'O, ,CI BRTAGS PA'I DON STER BA NI DPAG BSAM GYI SHING NGO, ,JI LTAR 'DOD PA BZHIN DNGOS PO THAMS CAD BZHOR RUNG YOD PAS NA 'DOD 'JO'O, ,'BYUNG BAS 'BYUNG BA'O, ,MA LUS PA NI MTHA' DAG GO, ,GANG NAM MKHA' BZHIN DU GNAS PA'I TSUL DANG LDAN PA DE LA DE SKAD CES BYA'O, ,DE NYID KYI PHYIR DPAG TU MED PA ZHES BRJOD DO, ,RNAM PA MANG STE RNAM PA SNA TSOGS KYIS SO, ,GANG NAM MKHA' LA MTHA' THUG PA MED PA DE BZHIN DU YONGS SU MA BCAD PA'O, ,RNAM KUN ZHES PA NI RNAM PA DU MA'O, ,JI SRID DU SEMS CAN RNAMS SANGS MA RGYAS KYI BAR DU NYER 'TSO STE, LONGS SPYOD PA'I RGYUR GYUR CIG PA'O, ,BYANG CHUB TU SEMS BSKYED PA BSTAN PA'I PHYIR, JI LTAR ZHES BYA BA LA SOGS PA SMOS TE, BYANG CHUB KYI SEMS NI BYANG CHUB SEMS DPA'I SDOM ? PA'O, ,DE NI BLA MA SDOM PA LA GNAS PA KHO NA LAS BLANG BAR BYA'I, DE MA RNYED NA THOGS PA MI MNGA' BA'I GZIGS PA DANG LDAN PA'I SANGS RGYAS RNAMS MDUN DU BLTAS LA, MCHOD PA BYAS TE TSIGS SU BCAD PA 'DI GNYIS LAN GSUM DU BZLAS TE GZUNG NGO, ,SNGON GYI SGRA NI SNGON GYI DUS TZAM NYID DO ZHES BYA BA'I DON TO, , 'GRO BA PHAN PA DE DE'I RGYU MTSAN NO, ,BSLAB PAR BGYI ZHES PA NI DE BZHIN DU BSGRUB PA'O, ,BYANG CHUB KYI SEMS DANG SDOM PA'I MJUG RGYAS PAR BYA BA'I PHYIR, DE LTAR ZHES BYA BA LA SOGS PA GSUNGS TE, RAB TU DANG BA NI DAD PA LHAG PA'I SGO NAS SO, ,MI'I ZHES PA NI MI'I SRID PA 'DI'O, , 'DI'I SGO NAS KYANG RANG GI SEMS GZENGS BSTOD PA'O ZHES BSTAN PA'I PHYIR, ,LONG BAS ZHES BYA BA LA SOGS PA GSUNGS TE PHYAG DAR BYAS PA'I SA RDUL SPUNGS PA NI PHYAG DAR PHUNG PO'O, ,CI ZHIG LTAR STES ZHES PA NI BSOD NAMS KYIS SO, ,DMYAL BA LA SOGS PAR SKYE BA'I RGYUN BCAD PA NI 'CHI BDAG BCOM PA'O, ,MI ZAD GTER ZHES PA NI LONGS SPYAD KYANG ZAD PAR MI 'GYUR PA'I PHYIR RO, ,NAD NI NYON MONGS PA RNAMS SO, ,DE RNAMS RAB TU ZHI BAR BYED PA NI GONG GI BYANG CHUB KYI SEMS DE NYID LJON SHING NGO, ,THAR BA'I DON DU 'GRO BAS NA 'GRO BA'O, ,NGAN PAR 'GRO BAS NA NGAN 'GRO STE DMYAL @106A *, ,BA LA SOGS PA'O, ,NYON MONGS PA NYID GDUNG BA STE SREG PAR BYED PA'I PHYIR RO, ,NYON MONGS PA'I SGRIB PA DE SEL BAR BYED PA'I PHYIR SEL BAR BYED PA'O, ,SHES BYA'I SGRIB PA SPONG BAR BYED PA'I PHYIR DPHYIS 'BYIN PA STE RTZAD NAS 'JOMS PA'O, ,RNAM GRANGS GZHAN GYIS BSTAN PA'I PHYIR, 'GRO BA ZHES SMOS TE, 'GRON ZHES BYA BA NI GLO BUR PA'I GCES 'GRON NO, ,BDE BA ZHES BYA BA NI SO BSOD PAR LONGS SPYOD PA STE, DE LONGS SPYOD PAR 'DOD PA'O, ,'GRANGS SHING NGOMS PAR BYED PAS NA TSIM PAR BYED PA'O, ,DA NI CHER SPRO BAR GYIS SHIG CES BSTAN PA'I PHYIR, BDAG GIS ZHES SMOS TE, BAR DU SHES PA NI JI SRID DU SANGS RGYAS NYID DU MA GYUR GYI BAR DE SRID DU'O, ,BDE LA ZHES PA NI LHA LA SOGS PA'I PHUN SUM TSOGS PA LA'O, ,DGA' BAR GYIS ZHES PA NI RJES SU YI RANG MDZOD CIG CES PA'O, ,YONGS SU GZUNG BA ZHES PA NI YANG DAG PAR LEN PA'O, ,BYANG CHUB SEMS DPA'I SPYOD PA LA 'JUG PA LAS LE'U GSUM PA'I DKA' 'GREL LO,, ,,DA NI BYANG CHUB KYI SEMS BSKYED PAS SHIN TU 'BAD DE BSLAB PAR BYA'O ZHES BSTAN PA'I PHYIR, RGYAL BA'I SRAS KYIS DE LTA BUR ZHES BYA BA LA SOGS PA GSUNGS TE, DE LTA BUR ZHES PA NI MCHOD PA LA SOGS PA'I CHOG SNGON DU SONG BA CAN NO, ,RAB BRTAN ZHES PA NI SROG GI PHYIR YANG MI GTONG BA'O, ,G-YEL BA MED PA NI MA YENGS PA'O, ,BSLAB LAS ZHES PA NI BYA RGYU'O, ,SDOM PA BZUNG BA RNAMS KYIS 'DI LTAR BSAM PAR BYA'O ZHES BSTAN PA'I PHYIR, BAB COL ZHES BYA BA LA SOGS PA SMOS TE, BAB COL ZHES PA NI DE DPYAD PA DANG BCAS PAR MA BYAS PA'O, ,DAM BCAS PA NI KHAS LEN PA'O, ,'DI NI DE LTA MA YIN NO ZHES BSTAN PA'I PHYIR SANGS RGYAS RNAMS DANG ZHES SMROS TE, BDAG NYID KYI NUS PA YOD TZAM GYIS TSUL BZHIN DU BRTAGS PA'O, ,BSHOL DU CI YOD CES PA NI 'GAR 'GOR CI BYA ZHES BYA BA STE, MI DPYAD PAR 'JUG PAR BYA'O ZHES BYA BA'I THA TSIG GO, ,LAS KYIS DE'I RJES SU SGRUB PA'I SGO NAS SO, ,BSGRUB PA STE YANG DAG PAR DON DU GNYER BAR MA BYAS NA'O, ,DE @106B DAG STE SANGS RGYAS LA SOGS PA BSLUS PA'I RGYUS MNAR MED PA LAS MA GTOGS PA'I 'GROS GZHAN GAN YOD CES BYA BA'O, ,DE BZHIN DU DNGOS PO PHAL PA ZHES BYA BA YANG NGO, ,CHOS YANG DAG PAR SDUD PA'I MDO LAS 'DI NGES PAR SBYIN PAR BYA'O ZHES YID KYIS BSAMS NAS GANG MA BYIN PAR GYUR NA DE YI DVAGS SU 'GYUR RO ZHES GSUNGS SO, ,BLA NA MED PA'I BDE BA NI SANGS RGYAS NYID DU'O, ,BSAM PA THAG PA NI NGES PAR BSAMS NAS SO, ,MGRON DU GNYER BA NI KHAS BLANGS PA'O, ,CI GA ? 'GRO 'GYUR RAM ZHES PA NI GANG NA YANG 'GRO SA MED PA'O, ,GAL TE SH'A RI'I BUS BYANG CHUB KYI SEMS BTANG YANG NYAN THOS KYI BYANG CHUB KHONG DU CHUD NAS SEMS CAN GYI DON BYAS PA NYID MA YIN NAM ZHES DOGS PA LA, MI GANG ZHES SMOS TE, BYANG CHUB KYI SEMS MED KYANG SEMS CAN THAR PAR MDZAD PA STE 'KHOR BA LAS GROL BAR MDZAD DO ZHES BYA BA DE NI THAMS CAD MKHYEN PA'I BCOM LDAN 'DAS KHO NAS MKHYEN GYI, BDAG LTA BU BLO GROS DMAN PAS MI RTOGS ZHES BYA BA'O, ,ZHAR LA BYUNG BA'I RTZOD PA BSAL NAS SKABS LA BAB PA'I DON SBYAR BAR BYA BA'I PHYIR, DE NI BYANG CHUB SEMS ZHES BYA BA LA SOGS PA SMOS TE, GANG GI PHYIR SEMS CAN THAMS CAD 'DON PAR DAM BCAS PA DE NYID KYI PHYIR, GAL TE LTUNG BA BYUNG BA DE RNAMS KYI NANG NA LCI BA STE, SHIN TU LCI BA YIN PAS NA SEMS CAN GYI DON NYID LA DMAN PA'O, ,GZHAN GANG ZHIG BYANG CHUB SEMS DPA'I BSOD NAMS LA BAR DU GCOD PAR BYED NA'O, ,MU MTHA' MED PA NI PHYA CHAD PA'O, ,DE NYID KYI 'THAD PA BSTAN PA'I PHYIR, SEMS CAN GCIG GI ZHES SMOS TE, NYAMS PA NI NGAN SONG DU SDUG BSNGAL GYIS SO, ,GAL TE GANG ZHIG LA LTUNG BA YANG BYUNG BYANG CHUB KYI SEMS KYANG MA SHOR NA, DE JI LTAR 'GYUR SNYAM PA LA, DE LTAR ZHES SMOS TE, DE LTAR NA NI 'KHOR BA NGAN SONG DU KHRID CING BYANG CHUB KYI SEMS KYIS MYA NGAN LAS 'DAS PAR KHRID PAS PHAN TSUN DU 'THEN PA NA RAB TU DGA' BA LA SOGS PA'I SA THOB PA LA YUN RING DU 'GOR ZHING DUS RING MOR 'KHOR BAR 'KHOR BAR 'GYUR BA'O, ,DE LTA NAD CI BYA BAR 'OS SNYAM PA LA, DE LTAS ZHES BYA @107A *, ,BA SMOS TE, DE'I PHYIR JI LTAR DAM BCAS PA DE BZHIN DU SEMS CAN RNAMS 'DON PAR 'OS PA'O, ,GUS PAR BSGRUB PAR BYA BA NI YANG DAG PAR BSGRUB PAR BYA BA'O, ,'OG NAS TE NGAN SONG DU 'GRO BA'O, ,'OG TU STE NGAN 'GRO GCIG NAS GCIG TU BRGYUD PA'O, ,CI STE DE DAG SANGS RGYAS RNAMS KYIS GDON PAR BYA BA MA YIN NAM SNYAM PA LA, SEMS CAN ZHES SMOS TE, GRANGS MED PA 'DAS SU ZIN KYANG RANG GI NYES PA STE LE LO LA SOGS PAS BDAG NI GSO BA'I SPYOD YUL DU MA GYUR PA'O, ,YANG NAS YANG DU NI SKYE BA SNGA MA SNGA MA YANG DE BZHIN DU GAL TE BAG MED PAR GYUR NA'O, ,NGAN 'GRO STE YI DVAGS LA SOGS PA'O, ,BDE 'GROR SKYES KYANG NAD PAR RO, ,'CHI BA NI RNAM PAR SHES PA LA SOGS PA 'GAG PA'O, ,BCAD PA NI RKANG PA LA SOGS PA'O, ,GSHEGS PA NI MDUNG LA SOGS PAS SO, ,GZHAN YANG SHIN TU RNYED PAR DKA' BA JI LTAR 'KHAR CHES RNYED PA 'DI LA CHER 'BAD RTZOL BYA BAR RIGS SO ZHES BSTAN PA'I PHYIR, DE BZHIN GSHEGS PA ZHES BYA BA LA SOGS PA SMOS TE, MI NI MI NYID DE RUNG BA NI BZOD PA'O, ,NAD MED PA 'ANG DE NYID MI 'ANG DE'O ZHES BYA BA 'AM YANG NA THA DAD DU'O, ,SKAD CIG SLU BA ZHES PA NI SKAD CIG TZAM YANG YID BRTAN DU MED PA'I PHYIR RO, ,BRNYAN PO NI G-YAR PO NYID DE GANG DE DANG 'DRA BA'O, ,DE BZHIN DU YANG 'DI RNYED PAR DKA' BA'O ZHES BSTAN PA'I PHYIR, BDAG GI SPYOD PA ZHES BYA BA LA SOGS PA SMOS SO, ,DE NYID KYI PHYIR GANG TSE ZHES BYA BA LA SOGS PA SMOS SO, ,NGAN SONG NI DMYAL BA LA SOGS PA'O, ,DGE BA DAG MA BYAS NA STE DENG ? NAS BRTZAMS TE DGE BA MA BYAS NA'O, ,NYE BAR BSAGS PA NI 'PHEL BAR RO, ,BSKAL PA BRGYAR YANG BDE BAR GSHEGS PA LTA ZHOG ,DE'I SGRA YANG MI THOS PA'O, ,DE LTA YIN PA DE NYID KYI PHYIR, BCOM LDAN 'DAS KYIS DGE SLONG DGAL 'DI LTA STE, RGYA MTSO CHEN POR RLUNG GIS KHYER BA'I GNYA' SHING GI BU GA GCIG PA DER LO BRGYA ZHING PHOGS RE'I RGYA MTSO'I STENG DU DE LTA BUR 'ONG BA'I RUS SPAL GYI MGRIN PA CHUD PA NI KHRA'I MGO DANG TA LA BZHIN SHIN TU DKA' @107B BA DE BZHIN DU MI'I DNGOS PO YANG DKA'O ZHES GSUNGS SO, ,CI'I PHYIR RNYED PAR DKA' SNYAM PA LA, SKAD CIG GCIG BYAS ZHES SMOS TE, SDIG PA NI MTSAMS MED PA LA SOGS PA'O, ,BSKAL PA NI BSKAL PA BAR MAR RO, ,SDIG PA ZAD NA GROL BAR 'GYUR RO SNYAM PA LA, DE TZAM KHO NA ZHES SMOS TE, MYONG BA NI NYAMS SU MYONG BA'O, ,RNAM PAR THAR PAR MI 'GYUR BA NI GROL BAR MI 'GYUR BA'O, ,GCIG LA GCIG ZA BA LA SOGS PA NI SDIG PA BZHIN NO, ,RANG GI YID LA GCAGS PAR BSTAN PA'I PHYIR, 'DI 'DRA ZHES BYA BA SMOS TE, SLU BA NI RANG DANG GZHAN SLU BA'O, ,GAL TE NI GANG GI PHYIR RO, ,RMONGS PA NI KUN TU RMONGS PA'O, ,GZHAN YANG DE LTAR 'DAS MA THAG TU BRJOD PA RNAMS DPYAD CING GZHIGS PAS SKYID LUG PAR GYUR NAS BSLAB PA MI BSRUNG NA'O, ,MYA NGAN CHEN PO LDANG ZHES PA NI GSHIN RJE'I PHO NYAS CI'I DON DU KHYOD KYIS 'DI LTA BU'I SDIG PA BYAS ZHES 'GYOD PA'O, ,SREG PAR 'GYUR BA NI THAL BAR RLOG PAR 'GYUR BA'O, ,ME 'BAR ZHES PA NI BDAG GIS 'DI LTA BU'I LAS NGAN PA JI LTAR BYAS ZHES PHYIS GDUNG ZHING 'GYOD PA'I ME 'BAR BAS SEMS SREG PA'O, ,PHAN PA'I SA NI BDE 'GRO'O, ,SHES PA DANG LDAN PA NI THOS PA LAS BYUNG BA'I SHES RAB LA SOGS PA'O, ,KHRID CES PHA NI BDAG NYON MONGS PAS KHRID PA'O, ,GAL TE KHYOD SHES PA DANG LDAN NA BKRIR NYAN PA JI LTAR SONG SNYAM PA LA, SNGAGS KYIS ZHES SMOS TE, 'DIR ZHES PA NI PHAN PA'I SA LA'O, ,SEMS ZHES PA NI BSLAB PA LAS BRTZON PA'O, ,CIS RMONGS MA SHES PA NI RGYU CIS RMONGS PAR BYAS CHA MED PA'O, ,KHONG NA ZHES BYA BA NI LUS PO LA'O, ,GAL TE SRID PA LA SOGS PA YIN NO SNYAM PA LA, ZHE SDANG SRED SOGS ZHES SMOS TE, SRED PA NI PHYIR ZHING 'DOD PA SKYES PA'O, ,GZUGS CAN MA YIN PA'I PHYIR DPA' BO MA YIN PA'O, ,GTI MUG DANG YANG DAG PAR SBYOR BA'I PHYIR MKHAS PA MA YIN PA'O, ,BRAN BZHIN DU BYAS PA NI DBANG DU BYAS PA'O, ,DE BZHIN DU 'DI YANG NGO MTSAR DU GYUR PA BSTAN PA'I PHYIR, BDAG GI ZHES SMOS TE, @108A *, ,DGA' MGUR ZHES PA NI DGOS PA MED PAR RO, ,GNAS MA YIN PA NI YUL MA YIN PA'O, ,BZOD PA NI SRON PA'O, ,GAL TE KHYOD KYIS DE DAG DE TZAM DU MI BZOD DU CI YONG SNYAM PA LA, GAL TE LHA DANG ZHES SMOS TE, MNAR MED PA NI DMYAL BA'O, , 'JUG PA NI DER 'JUG PA'O, ,ME DE JI LTA BU ZHIG SNYAM PA LA, NYON MONGS STOBS ZHES BYA BA SMOS TE, PHRAD NA STE REG NA'O, ,RI RAB NI RI'I RGYAL PO RI RAB PO, ,DER ZHES PA NI ME'I NANG DU'O, ,'DI BAS GNANG PA'I DGRA GZHAN NA MED DAM DE TZAM DU ZHED CI DGOS SNYAM PA LA, BDAG GI NYON MONGS ZHES SMOS TE, STOBS 'BA' ZHIG CHE BAR MA ZAD DE, THOG MA DANG THA MA MED PA'I PHYIR TSE RING BA'O, ,DE LTAR NA MTHUN PA'I RIM GROS BSTEN PAR BYA'O SNYAM PA LA, MTHUN PAR ZHES BYA BA LA SOGS PA SMOS TE, MTHUN PA'I RIM GROS NI BSAM PA DANG MTHUN PAR RO, , PHAN PA DANG BDE BAR BYED PA NI NUS PA YOD TSAD KYIS SO, ,YANG NA SEMS PAR BYED PA'O, ,DE LTAR TE DE LTA BUR RO, ,YUN RING NI DUS RING DU'O, ,RGYUN CHAGS NI BAR CHAD MED PA'O, ,DGRAR GYUR PA NI SDANG BAR BYED CING YOD PA'O, ,GNOD PA NI SHIN TU GNOD PA'O, ,TSOGS NI BSDUS PAS SO; ,DGA' BA NI YID BDE BA'O, ,BDE BA RANG YANG MED DO ZHES BSTAN PA'I PHYIR, 'DI NA 'KHOR BA'I ZHES SMOS TE, 'KHOR BA NYID BTZON RA STE 'CHING BAR BYED PA'I GNAS YIN PAS SO, ,SRUNG BAR BYED PAS NA SRUNG MA STE, NYON MONGS PAS MI THAR BAR 'CHING BAR BYED PA'I PHYIR RO, ,DMYAL BA'I NANG DER GNOD PAR BYAR BTUB TSAD KYIS GNOD PA BYED PA'O, ,GSOD PAR BYED PAS NA GSHED MA NI GSHIN RJE'I SKYES BU STE, NYON MONGS PA'I DBANG GIS GSHIN RJE'I SKYES BU LA SOGS PAR SNANG BA'I PHYIR RO, ,BLO NI SEMS SO, ,GNAS NI KHYIM DANG 'DRA BAS NA'O, ,CHAGS PA NYID LCAGS GZE BA ? STE DE NA'O, ,GAL TE GNAS PAR GYUR NA ZHES PA NI GAL TE GNAS SHING SDOD NA'O, ,'DIR 'DI NYID RIGS PAR BSTAN PAR BYA BA'I PHYIR, DE LTAS ZHES SMOS TE, MNGON SUM DU ZHES PA NI MNGON SUM DU'O, ,'DIR ZHES PA NI NYON MONGS @108B PA'I G-YUL NGOR RO, ,BTZON ZHES PA NI SEMS KHRAL GYI KHUR BUR RO, ,MI 'DOR ? BA NI MI GTONG BA'O, ,DE ZHES PA NI GNOD PAR BYED MKHAN NO, ,DPE'I SGO NAS BSTAN PA'I PHYIR, RANG BZHIN ZHES SMOS TE, 'JIG PA LA RGYU MED PA'I PHYIR RANG BZHIN GYIS TE RANG GI NGANG GIS GANG 'CHI BA DES SDUG BSNGAL BAR GYUR PA NI NYON MONGS TE LTA NGAN NO, ,G-YUL NGO NI G-YUL BRIS PA'O, ,DNGAR BA NI BTZAN THABS SU CHAS PA'O, ,NAN GYIS TE DRAG GTUM GYIS SO, ,MDA' LA SOGS PA GRANGS MED CING BRTZIS MI LANG BA'I SDUG BSNGAL KHYAD DU BSAD NAS DE PHYIR LDOG PA'I SKABS MI 'BYED PA'O, ,DPE BSHAD NAS DON BSTAN PA'I PHYIR, RTAG TU ZHES SMOS TE, RANG BZHIN GYI DGRA NI NYON MONGS PA'O, ,RGYU NI BYED PA'I RGYU'O, ,GYUR ZHES PA NI TSIG KHA SKONG BA'O, ,YI CHAD PA NI YID ZHUM PA'O, ,SDUG BSNGAL BAR MI 'GYUR PA NI MI SPRO BAR MI 'GYUR BA'O, ,JI LTAR NA MI RIGS SNYAM PA LA, DON MED CES SMOS TE, 'JIG RTEN PHA ROL GYI 'BRAS BUR GYUR PA MED PA'O, ,RMA ZHES PA NI MTSON GYI RMA'O, ,DON CHEN NI SEMS CAN GYI DON NO, ,YANG DPE GZHAN GYI SGO NAS BSTAN PA'I PHYIR, NYA BA ZHES SMOS TE, 'TSO BA NI 'TSO BA STE ZAS SKOM LA SOGS PA'O, ,TZAM ZHES PA NI DE TZAM MO, ,BZOD CES PA NI SRAN 'DZUGS PA'I TSIG GO, ,PHYOGS BCU ZHES BYA BA LA SOGS PA NI DE LTA MA YIN NA PHYOGS BCU'O, ,DGROL BAR ZHES PA NI RNAM PAR GROL BAR BYED PA'O, ,DAM BCAS PA NI DAM BCAS PAR GYUR PA'O, ,GZHAN LTA ZHOG DANG DA RUNG DU BDAG NYID KYANG MA GROL BAS NA TSOD DE RANG GI NUS SBUNGS MI SHES PAR RANG DGAR SMRA BA NI SMYON PA'O, ,DE PHYIR NYON MONGS PA RNAMS 'JOMS PA STE NYAMS PAR BYED PA LA PHYIR MI LDOG PA NI SLAR MI LDOG PA'I TSUL CAN NO, ,KUN NAS ZHEN PAR BYAS PA NI GDUG PA DRAG POS SO, ,KHO NA DU BZUNG BA NI GNOD PAR BYED PA'I BSAM PA MI 'DOR BA'O, ,G-YUL SPRAD PA NI 'THAB PA LA BRTZON PA'O, ,CI NYON MONGS PA THAMS CAD SPONG BA'AM SNYAM PA LA, GZHAN DU ZHES SMOS TE, NYON MONGS PA'I GNOD PA 'JOMS PAR BYED PA'I NYON MONGS PA @109A *, ,GANG YIN PA DE GZHAG PAR BYA'O, ,DE'I PHYIR GZHAN DU STE, NYON MONGS PA MTHA' DAG RGYUN GCOD PA NI MA YIN NO ZHES BRJOD DO, ,BDAG NI BSREGS TE ZHES BYA BA LA SOGS PAS NI 'DI LTAR RNAM PA THAMS CAD DU GTAN 'DUD PAR MI BYA BA NYID DU BSTAN TE, NYON MONGS PA'I DGRA DANG DGRA GZHAN MI 'DRA BA NYID DU BSTAN PA'I PHYIR, THA MAL DGRA BO ZHES SMOS TE, YUL GZHAN NI LJONGS BTZAN SA'O, ,GANG YUL DE NAS NUS PA STE, ,TSOGS PA 'PHEL TZAM NA PHYIR LDOG PA NI SLAR YANG RGOL DU 'ONG BA'O, ,DE BZHIN DU NYON MONGS ZHES BYA BA LA SOGS PA LA; SHES RAB STE YANG DAG PA JI LTA BA BZHIN DU SO SOR BRTAGS PA'I MIG GIS GTAN NAS SO, ,BDAG NYID NI BDAG GI YID LAS ZHES BYA BA'I DON TO, ,BSAL BA NI BTON NAS BTANG BA'O, ,GANG DU 'GRO ZHES PA NI 'GRO SA MED PA'O, ,DE NYID BSTAN PA'I PHYIR, NYON MONGS RNAMS NI ZHES SMOS TE, YUL NI GZUGS LA SOGS PA'O, ,DBANG PO NI MIG LA SOGS PA STE DE DAG GO, ,DBANG PO BTUL NA NYON MONGS PA MI SKYE'O, ,BAR NI DE NYID KYI BAR RO, ,DE LAS GZHAN NA ZHES BYA BA NI DE DAG RNAMS LAS GZHAN NA'O, ,GAR GNAS ZHES PA NI GANG DU GNAS NAS ZHES BYA BA'O, ,GNOD PAR BYED PA NI 'TSE BAR BYED PA'O, ,'DI NI RGYU 'DRA ZHES PA NI BRDZUN PA STE, 'DI MI SHES PAS GNOD PA'I PHYIR RO, ,SHES PHYIR NI SHES RAB BSKYED PAR BYA BA'I PHYIR RO, ,BSTOD PA NI 'BAD RTZOL LO, ,DON MED NYID DU STE SKABS SU MA BAB BZHIN DU'O, ,DA NI MJUG BSDU BAR BYA BA'I PHYIR, DE LTAR ZHES SMOS TE, BSLAB PA RNAMS RTOGS PAR BYAS NAS DE BSGRUB PAR BYA BA'I DON DU STE DE'I DON DU'O, ,SMAN DAG GIS TE NAD PAS SMAN BSTEN PA TZAM GYIS SO, ,SOS GYUR GA LA YOD DE NAD MED CING BYANG BAR GA LA 'GYUR ZHES BYA BA'O, ,BSTAN PA'I DON RJES SU SGRUB PA NI BAG YOD CES BYA BA'O, ,BYANG CHUB SEMS DPA'I SPYOD PA LA 'JUG PA LAS LE'U BZHI PA'I DKA' 'GREL LO,, ,,DA NI NYON MONGS PA THAMS CAD 'JIL BAR BYED PA'I RGYUR GYUR PA BSLAB PA BSRUNG BAR BYA BA'I @109B THABS BSTAN PA'I PHYIR, BSLAB PA ZHES BYA BA LA SOGS PA GSUNGS TE, BSRUNG BA NI DRAN PA DANG SHES BZHIN DAG GIS SO, ,G-YO BA NI MI BRTAN PA'O, ,'DI'I PHYIR NA YANG SEMS KHO NA BSRUNG BAR BYA'O ZHES BSTAN PA'I PHYIR, SEMS KYI ZHES BYA BA SMOS TE, YAN BTANG ZHES PA NI GLANG PO CHE SMYON PA LTA BUR RANG DGAR YAN PAR BTANG BA'O, ,MA DUL BA NI MA BSLABS PA'O, ,MYOS PA NI GLANG SMYON NO, ,'DI NA ZHES PA NI TSE 'DI NA'O, ,DE DAM DU BTAGS PA'I YON TAN BSTAN PA'I PHYIR, KUN NAS ZHES SMOS TE, DRAN PA NYID NI THAG PA STE DES DAM BTAGS NA'O; ,'JIGS PA NI SKRAG PA'O, ,DGE BA NI MNGON PAR MTHO BA'O, ,STAG LA SOGS PA'I GCAN GZAN YOD PA MA YIN NAM DA JI LTAR NA 'JIGS PA THAMS CAD MED PAR 'GYUR SNYAM PA LA, STAG DANG ZHES BYA BA LA SOGS PA STE, BTAGS PAR 'GYUR BA NI DRAN PAS SO, , BTUL BA NI SHES BZHIN GYIS SO, ,THUL BAR 'GYUR BA NI RNAM PAR DUL BAR GYUR PA'O, ,DE GANG GI PHYIR SNYAM PA LA, 'DI LTAR ZHES SMOS TE, YANG DAG PA'I DON GSUNG BA'I SANGS RGYAS KYIS 'PHAGS PA DKON MCHOG SPRIN DU, RIGS KYI BU CHOS THAMS CAD NI SEMS SNGON DU 'GRO BA CAN TE, GANG GI TSE SEMS 'BA' ZHIG DBANG DU GYUR PA DE'I TSE CHOS THAMS CAD DBANG DU GYUR PA YIN ZHES GSUNGS SO, ,SA BCU PA LAS KYANG KHAMS GSUM PA 'DI DAG NI SEMS TZAM MO ZHES GSUNGS SO, ,'DI'I PHYIR NA YANG DE KHO NA LTAR YIN GYI GZHAN DU MA YIN NO ZHES BSTAN PA'I PHYIR, SEMS CAN DMYAL BA ZHES SMOS TE, SHAL MA RI'I NAGS LA SOGS PA'I MTSON CHA RNAMS SUS MNGON PAR SPRUL, DBANG PHYUG LA SOGS PAS MA YIN TE, 'OG NAS 'GEGS PAR 'GYUR BA'I PHYIR RO, ,LCAGS BSREGS LAS BYAS PA'I SA GZHI DANG, GZHAN GYI BUD MED KYIS SHAL MA LI'I STENG NAS LTA BA RNAMS KYANG SUS BYAS ZHES PA'O, ,DE LTA NA DE JI LTA YIN SNYAM PA LA, DE 'DRA DE DAG CES BYA BA SMOS TE, DE DAG CES BYA BA NI MTSON CHA LA SOGS PA'O, ,SDIG SEMS ZHES PA NI MI DGE BA'I SEMS SO, ,LUS NGAG YID GSUM THUB PA DANG LDAN PAS NA THUB @110A *, ,PA STE RGYAL BAS SO, ,SBYIN PA'I PHA ROL TU PHYIN PA LA SOGS PA YANG SEMS GTZO BOR GYUR BA CAN YIN NO ZHES BSTAN PA'I PHYIR, GAL TE 'GRO BA ZHES SMOS TE, DBUL BA NI ZAG PA DANG BCAS PA'I BDE BSRED PA DANG BCAS PA'O, ,SBYIN PA'I PHA ROL TU PHYIN TE; MTHAR PHYIN PAS NA SBYIN PA'I PHA ROL TU PHYIN PA 'AM, YANG NA SBYIN PA'I PHA ROL TU 'GRO BAS TE PHA ROL TU PHYIN PAR BYED PA'O, ,JI LTAR NA DE DE LTAR YIN SNYAM PA LA, BDOG PA THAMS CAD CES SMOS TE, 'BRAS BU NI RNAM PAR SMIN PA'O, ,THAMS CAD NI PHYI DANG NANG GI BDAG NYID DO, ,GSUNGS ZHES PA NI LUNG LAS SO, ,TSUL KHRIMS KYI PHA ROL TU PHYIN PA YANG SHIN TU SEMS NYID YIN NO ZHES BSTAN PA'I PHYIR, NYA LA SOGS PA ZHES SMOS TE, SROG CHAGS NYE BAR MTSON PA'O, ,GSOD PAR MI 'GYUR BA NI SROG GCOD PA SPONG BA'O, ,TSUL KHRIMS NI GZHAN LA PHAN PA'I BYA BA'O, ,BZOD PA'I PHA ROL TU PHYIN PA YANG SEMS NYID DO ZHES BSTAN PA'I PHYIR, SEMS CAN MI SRUN ZHES SMOS TE, BCOM NA ZHES PA NI DRAN PA DANG SHES BZHIN GYI RAL GRIS BCOM NA'O, ,CHOMS ZHES PA NI ZLOG PA'O, ,'DI'I DPE BSTAN PA'I PHYIR, SA STENG ZHES SMOS TE, G-YOGS PA NI 'GEBS PA'O, ,LHAM MTHIL NI BCAG LHAM MO, ,DE BZHIN PHYI ROL ZHES PA LA SOGS PA LA, DE BZHIN TE SA STENG BZHIN NO, ,PHYI ROL NI GZUGS LA SOGS PA'O, ,YANG ZHES PA NI GANG GI PHYIR GYI DON NO, ,GZHAN RNAMS NI DNGOS PO GZHAN RNAMS SO, ,DGE BA LA MNGON PAR SPRO BA'I BDAG NYID CAN GYI BRTZON 'GRUS KYI PHA ROL TU PHYIN PA YANG SEMS NYID DO ZHES BSTAN PA'I PHYIR, SEMS GSAL ZHES SMOS TE, SEMS NI LUS DANG NGAG DANG BCAS PA'I SEMS GCIG GO, ,GSAL BA NI BRTZON 'GRUS ME 'BAR BA LTA BU GANG YIN PA'O, ,DES TSANGS PA LA SOGS PA'I 'JIG RTEN DU SKYE BA'O, ,LUS NGAG BCAS PA NI LUS DANG NGAG DANG BCAS PA'I SEMS SO, ,SPYOD PA ZHAN PA NI DGE BA'I PHYOGS SU GSAL BAR MA GYUR PA'I SPYOD PA'O, ,DE LTAR MA YIN PA NI 'BRAS @110B BU MI MTSUNGS PA'O, ,DGE BA LA SEMS RTZE GCIG PA CAN GYI BSAM GTAN YANG SEMS NYID DO ZHES BSTAN PA'I PHYIR, BZLAS BRJOD CES GSUNGS TE, SNGAGS BRJOD PA NI BZLAS BRJOD DO, ,DKA' THUB NI DBANG PO BSDAMS PA'O, ,SEMS GZHAN TE GZHAN DU ZHEN CING 'PHRO BA DANG YENGS PA STE GNYID LA SOGS PAS NYEN PAR BYAS PA'O, ,DON MED PA NI 'BRAS BU SHIN TU NGAN PAR BYAS PA'I PHYIR RAM, YANG NA MNGON PAR 'DOD PA LAS GZHAN DU GYUR BA'I 'BRAS BU KUN TU SGRUB PA'I PHYIR TE, BU YOD DU ZIN KYANG BU'I BYA BA MI BYED PA'I PHYIR, BU MED CES ZER BA BZHIN NO, ,SHES RAB LA NI RTZOD PA MED PAR SEMS NYID DO ZHES BSTAN PA'I PHYIR, GANG GIS CHOS KYI ZHES SMOS TE, CHOS NI THAMS CAD DO, ,DE BZHIN GSHEGS PA'I CHOS RNAMS KYI MCHOG TU GYUR PA NI DON PO MCHOG GO, ,GSANG BA NI SHES RAB KYI RANG BZHIN YIN PA'I PHYIR BYIS PA RNAMS LA GSANG BA'O, ,MA SHES NA ZHES PA NI DE KHO NA NYID KYI MNO BSAM BRTAN PAR MA BYAS NA STE, CHOS THAMS CAD DMIGS SU BYAR MED PAR SHES RAB KYIS SHES PA YIN PA'I PHYIR RO, ,BDE BA NI MYA NGAN LAS 'DAS PA'O, ,SDUG BSNGAL NI SDUG BSNGAL GYI BDEN PA LA SOGS PA'O, GYI NA 'KHYAM PA NAM MKHA' LA KU SHA'I ME TOG BZHIN DU 'KHYAM PAS DON MED PAR 'KHYAM PA'O, ,THABS KYI PHA ROL TU PHYIN PA LA SOGS PA SHES RAB KYI PHA ROL TU PHYIN PA'I RAB TU DBYE BA YIN PA'I PHYIR LOGS SU MA GSUNGS SO, ,MJUG BSDU BA'I PHYIR; DE LTAS ZHES SMOS TE, LEGS PAR BSRUNG BA NI DRAN PA DANG SHES BZHIN GYIS SO, ,'DI'I DPE BSTAN PA'I PHYIR, MA GRANGS ZHES SMOS TE, MA GRANGS 'GRO BA NI RNAM PAR G-YENGS PA RNAMS SO, ,RMA NI MTSON LA SOGS PAS SO, ,SKYE BO NGAN PA NI SO SO'I SKYE BO'O, , SDUG CING GDUNGS PA STER BA'I PHYIR NA SEMS NYID RMA'O, ,GZHAN YANG RMA'I SDUG BSNGAL NYID CHUNG BA STE YANG BA YIN PA'I PHYIR RO, ,SHIG LA SOGS PA SEN MO'I NANG DU BCIR BA LA SOGS PA'I RNAM PAR SMIN PAS DMYAL BA'I GNAS SU LCAGS KYI RI BO GNYIS KYI BAR DU 'JOMS PA @111A *, ,NI RI BO CHES 'JOMS SO, ,CI YANG DE LTA BUR GNAS PA LA YON TAN CI YOD SNYAM PA LA, SPYOD PA 'DI 'DRAS ZHES SMOS TE, SEMS BSRUNGS PA'I BDAG NYID KYIS GNAS PAR BYED NA'O, ,SKYE BO NGAN PA'I KHROD NI YUL NGAN PA'I KHROD NA'O, ,BRTAN PA NI BAG YOD PA'O, , NYAMS PA NI ZHIG CING NYAMS PA'O, ,GAL TE DE LTA BUR GNAS PA NA, SPRO ZHING 'DUD PA LA SOGS PA'I RNYED PAS NYAMS PAR 'GYUR SNYAM PA LA, BDAG GI ZHES SMOS TE, BDAG JI LTA BA 'DOD PA BZHIN DU RNYED PA'O, ,BKUR STI NI RIM GRO'O, ,LUS DANG 'TSO BA DANG DGE BA GZHAN ZHES PA NI RANG GI DON DU BYED PA'I DGE BA'O, ,'DI LA GUS PA NAN TAN DU BSKYED PAR BYA'O ZHES GDAMS PA'I PHYIR BSTAN BCOS MKHAN POS SEMS BSRUNG ZHES SMOS TE, DMIGS PA'I DON MA BRJED PA NI DRAN PA'O, ,YANG DAG PA'I SHES RAB KYI SGRA LAS GRUB PA NI SHES BZHIN TE SHES RAB PO; ,DES BDAG GI GNAS SKABS GANG CUG 'DUG PA SHES PAR BYED DO, ,CI'I PHYIR NA DE DAG BSRUNG BAR BYA SNYAM DU DOGS PA LA, NAD KYIS ZHES SMOS TE, RMONGS PA NI DRAN PA DANG SHES BZHIN 'DI DAG GNYIS MA TSANG BAS SO, ,LAS RNAMS KUN NI BSAM GTAN LA SOGS PA'O, , DE LTA BAS NA SHES BZHIN MED PA'I ZHES BYA BA LA SOGS PA SMOS TE, RNYOG PA NI DRI MA'O, ,SHES BZHIN MED PA NYID RKUN PO STE DGE BA'I NOR 'PHROG PA'I PHYIR RO, ,DRAN PA NYAMS PA STE ZHIG PA'I TSUL DANG GANG LDAN PA DE LA DE SKAD CES BYA'O, ,NYE BAR BSAGS PA NI PHUNG POR BYAS PA'O, ,'DI LTAR NYON MONGS PA NYID CHOM RKUN TE GNOD PA'I TSOGS DE DAG GO, ,GLAGS SKABS NI GLAGS SKABS NYID DO, ,DE BZHIN DU RNYED DAM LTA BA NI TSOL BA'O, ,BDE 'GRO'I SROG 'JOMS PA NI RKU BA'O, ,DRAN PA'I YID SGO NAS NI YID KHONG BAR BCUG LA GZHAG PA'O, ,YUL GYI STENG DU SONG YANG SLAR BKUG STE 'JOG PA NI NYE BAR GZHAG PA'O, ,THABS NI JI LTAR NYE BAR GZHAG SNYAM PA LA, BLA MA ZHES SMOS TE RJES SU BSTAN PA NI BSLAB PA'I TSOGS RNAMS SO, ,'JIGS PA NI MKHAN PO LA SOGS PAS 'JIGS PA'O, ,GZHAN YANG SANGS RGYAS LA SOGS PA KUN TU STE, SHES BYA MTHA' DAG @111B LA THOGS PA MED CING BAR DU GCOD PA MED PA'I GZIGS PA DANG LDAN PA RNAMS BSAMS NAS TE, RNAM PAR BLTAS PA LA'O, ,GUS PA NI BSLAB PA LA STE, SANGS RGYAS DANG CHOS LA DMIGS PA'I SEMS NI DRAN PAS DE LAS MI 'DA' BA'O, ,TSUL DANG MI MTHUN PA'I LAS LA 'JIGS PA DANG BCAS PA NGO TSA SHES PA'O, ,SHES BZHIN SKYE BA DANG GNAS PA DAG GI RGYU YANG DRAN PA NYID YIN NO ZHES BSTAN PA'I PHYIR, GANG TSE DRAN PA ZHES SMOS TE, DE'I TSE ZHES SMOS PA NI DRAN PA YOD PA'I TSE'O, ,BYA BAR 'OS PA RNAMS 'DI LTAR BSLAB PAR BYA'O ZHES BSTAN PA'I PHYIR; RE ZHIG DANG POR ZHES BYA BA SMOS TE, DANG POR ZHES PA NI THOG MAR RO, ,'DI 'DRA NI 'DI 'DRA BA'I RNAM PAR RO, ,GZHAG PA NI MNGON DU BYA BA'O, ,DE NYID BSTAN PA'I PHYIR, DBANG PO DANG BRAL BAS ZHES SMOS TE DBANG PO LA MA LTOS PAR RO, ,MIG GZHAN DU YENGS PA NI DON MED PAR YENGS PAR LTA BA'O, ,NGES PAR SEMS PA NI BSAM GTAN BYED PA KHO NAS SO, ,NGAL SO BA NI MIG YENGS PA SNYAM BYED PA MED PAR BYED PA'O, ,MIG LAM NA STE SNANG BA NI 'GA' ZHIG 'ONGS PA'I GRIB MA TZAM MTHONG MA THAG TU'O, ,'JIGS PAR BYED PAS 'JIGS PA STE RKUN PO CHUNG DU LA SOGS PA'O, ,PHYOGS BZHI ZHES PA NI BZHI BAR MTSUNGS PAR BSDUS PA'O, ,PHYIR BLTAS PA NI RGYAB NGOS LA SOGS SU LOG NAS SO, ,MDUN DANG RGYAB TU BRTAGS NAS 'GRO BAR BYA'O, ,GNAS SKABS ZHES PA NI SPYOD LAM RNAM PA BZHI CHAR GYI SKABS SU'O, , DA NI SHES BZHIN BSRUNG BAR 'DOD PA RNAMS LA BSTAN PA'I PHYIR, LUS KYIS ZHES SMOS TE PHUNG POS SO, ,'DI LTA STE SPYOD PA RNAM PA BZHI PO 'DI LTAR RO, ,GNAS PAR BYA BA NI BSDAD PAR BYA BA'O, ,BYA BA BSNGOGS NAS BSAM GTAN LA SOGS PA'I BYA BA BRTZAM ZHING SKABS SU STE PAR BAR DU BLTA BAR BYA STE BRTAG PAR BYA BA'O, ,SEMS LA BRTAG PA BSTAN PA'I PHYIR, 'BAD PA ZHES SMOS TE, 'CHOR BAR MI 'GYUR BAR 'DOGS PAR NI RIGS PAS SO, ,JI LTAR BRTAG PAR BYA SNYAM PA LA, CI NAS ZHES SMOS TE, YANG DAG PA JI LTA BAS JI BZHIN DU BLANGS @112A *, ,PA'I GTZO BO'I CHED DU BSAM PAR BYA'I GTANG BAR MI BYA'O, ,DE LTAR SO SOR RTOG PA NI CI DGE BA BYED DAM 'ON TE MI DGE BA BYED CES RTOG PA'O, ,YANG DAG PAR BLANGS PA DE GTANG BAR BYA BA'I SKABS BSTAN PA'I PHYIR, 'JIGS DANG ZHES SMOS TE, SPRUL LA SOGS PA'O; ,DGA' STON NI SANGS RGYAS MCHOD PA LA SOGS PA'O, ,DE'I TSE YANG DAG PA JI LTA BA BZHIN DU BLANGS PA LTAR MA NUS NA, JI LTAR BDE BA'I SPYOD PAS GNAS KYANG LTUNG BAR MI 'GYUR RO, ,SBYIN PA'I DUS DAG TU ZHES BYA BA NI MI NUS PA'I RIGS MTSON PA TZAM MO, ,TSUL KHRIMS NI LUS LA SOGS PA DAG PAR BSDAMS PA'O, ,GSUNGS ZHES PA NI BCOM LDAN 'DAS KYIS SO, ,BSAMS TE ZHES PA NI NANG GI BDAG NYID SEMS KYIS BRTAG PAR BYAS PA'O, ,KUN LEGS PAR BYAS PAS NI MDZES PAR BYAS PA'O, ,GNYI GAR MI 'GYUR BA NI BRTZAM PAR BYA BA DANG RTZOM PAR BYED PA GNYI GAR MI 'GYUR BA'O, ,SHES BZHIN MA YIN PA NI GTI MUG GO, ,GZHAN YANG GTAM NI RGYAL PO'I GLENG LANGS LA SOGS PA'O, ,SNA TSOGS NI RNAM PA DU MA'O, ,NGO MTSAR NI ZLOS GAR LA SOGS PA'O, ,CHAGS PA NI MNGON PAR 'DOD PA'O, ,DE BZHIN DU SA BRKO BA DANG, SEN MO GCOD PA DANG, SA RIS BYED PA LA SOGS PA NI DON MED PA STE 'BRAS BU MED PA'O, ,BYED PAR 'GYUR NA ZHES PA NI DE DAG LA 'JUG PAR 'GYUR NA'O, ,BSLAB PA NI DES 'GEGS PA'O, ,RANG GI SEMS LA STE CHAGS SEMS SU 'DUG GAM 'ON TE SDANG SEMS SU 'DUG MI 'DUG CES BRTAG PA'O, ,BRTAN PA NI SEMS BRTAN POS BYAS PA'O, ,RIGS PAR LDAN PA NI TSIG LA SOGS PA 'OS SHING 'THAD PA'O, ,CHAGS PA NI ZHEN PA'O, ,KHRO BA NI GDUG SEMS KYIS SO, ,MI BYA BA NI LUS KYIS LAS LA SOGS PA MI BYA'O, ,RGOD PA NI RNAM PAR G-YENGS PA'O, ,GZHAN NI NGAG GIS THO 'TSAMS PA'O, ,NGA RGYAL NI KHENGS PA'O, ,RGYAGS PA NI KHONG RGYAGS SO, ,MTSANG 'BRU BA NI LUS SUN 'DON PA STE, DE SHIN TU GAL CHE BAR BYED CING DE DANG LHAN CIG 'GROGS PA'O, ,SBYOR 'BYIN PA NI LOGS SU 'KHYOG PA'O, ,SLU BA NI SLUS BYED PA'O, ,BDAG LA BSTONG @112B PA NI BDAG GI YON TAN CHED DU BRJOD PA STE, DE'I RANG BZHIN DE LTAR SNANG BA'O, ,GSHE BA NI AAG TZAR RO, ,'GYED PA NI KHRO 'DOD CING 'KHRUG PA'O, ,G-YOG 'KHOR NI BRAN 'KHOR RO, ,RIM GRO NI GZHAN GYIS ZHABS TOG BYED PA'O, ,YAL BAR 'DOR BA NI RGYAB KYIS PHYOGS PA'O, , 'KHOR DU 'DOD PA NI SLOB PAR 'DOD PA'O, ,SMRA BAR 'DOD PA NI 'BREL MED SMRA BAR 'DOD PA'O, ,MI BZOD PA NI BSRAN PAR MI NUS PA'I TSUL DANG GANG LDAN PA'O, ,LE LO NI SGYID SNYAM MO, ,'JIGS PA NI DNGANGS PA LA SOGS PA'O, ,SPYI BRTOL NI THO TSE'O, ,MU COR NI TSIG NGAN PA'I RUNG RUNG NGO; ,DE LTAR ZHES PA NI BRJOD PA'I RIM PA LTAR RO, ,KUN NAS NYON MONGS PA NI RNAM PAR 'KHRUGS PA'O, ,DON MED BRTZON PA NI 'BRAS BU MED PA'I BYA BA BYED PA'O, ,GNYEN PO NI SHES BZHIN NO, ,DES DON BRTAN POR GZUNG BAR BYA'O, ,GNYEN PO DE NYID BSTAN PA'I PHYIR, ,SHIN TU NGES DANG ZHES BYA BA LA SOGS PA TSIGS SU BCAD PA GSUM GSUNGS TE, SHIN TU NGES PA NI DAM BCA' BA BRTAN PA'O, ,RAB DAD NI DAD PA'O, ,BRTAN PA NI MI SNGAR BA'O, ,GUS PA NI SEMS 'DUD PA'O, ,ZHES NI LUS LA SOGS PA 'DUD PA'O, ,'JIGS PA NI BAG TSA BA'O, ,ZHI BA NI DBANG PO BSDAMS PA'O; ,GZHAN DGA' BAR BYED PA NI SBYIN PA LA SOGS PAS SO, ,'DOD PAS MI SKYO BA NI BYIS PA RNAMS KYI 'DOD PAS SO, ,PHAN TSUN MI MTHUN PAS MI SKYO STE BZOD PA'I TSUL DANG LDAN PA'I PHYIR RO, ,NYON MONGS PA'I DBANG GIS SHES PA BRTZE BA DANG LDAN PA'O, ,BDAG DANG SEMS CAN DBANG BYAS ZHES PA NI RANG BZHIN GYI DBANG DU BYAS PA'O, ,CI THAMS CAD DU'AM SNYAM PA LA, KHA NA MA THO BA MED CES GSUNGS TE, RANG BZHIN DANG BCAS PA'I KHA NA MA THO BAS STONG PA LA'O, ,SPRUL PA BZHIN DU ZHES BYA BA NI SPRUL PA DANG 'DRA STE, SPRUL PA LTAR NGA RGYAL DANG BRAL BA'O, ,'DI ZHES BYA BA NI YID NGES PAR GZUNG BA'O, ,GZHAN YANG 'DI'I PHYIR MYANG GZUNG BAR BYA'O ZHES BSTAN PA'I PHYIR, RING ZHIG LON NAS ZHES SMOS TE, GRANGS MED PA NAS SO, ,GONG DU BRJOD PA'I RANG BZHIN GYIS SEMS PA LTA BU YUN RING MO ZHIG NAS ZHES BYA BA YIN GYI LUS NI MA YIN TE, @113A *, ,DES RANG GI DON YANG MI NUS PA'I PHYIR RO, ,RAB TU MI G-YO BA NI MI 'GUL BAR RO, ,GZHAN YANG LUS KYI KHANG BSRUNG BA CI'I PHYIR BYED CES BSTAN PA'I PHYIR, BYA RGOD CES SMOS TE, BYA RGOD BZA' BAR BYA RGYU SHA LA CHAGS PA YIS, ,BSHAL KHRID DE DRUD CING KHYER BA'O, ,MKHO RGYU MED PA'I LUS 'DI SEMS KYIS KYANG BSRUNG BAR MI RIGS SO ZHES BSTAN PA'I PHYIR, LUS 'DI ZHES SMOS TE, KYE YID TSOGS PA'I LUS 'DI LA BDAG NYID DU BYAS NAS BSRUNG NGAM ZHES PA'O, ,KHYOD DANG STE YID KHYOD DANG 'DI GNYIS THA DAD NYID DO, , CI ZHIG BYA ZHES PA NI CIG LA CHE ZHES BYA BA'O, ,GZHAN YANG THA DAD KYANG 'DZIN NA SHING GI GZUGS KYANG ZUNG SHIG CES BSTAN PA'I PHYIR, RMONGS PA'I ZHES SMOS TE, CI STE GZUNG BAR MI BYED CES BYA BA'O, ,DE MI 'DZIN NA MI GTZANG BA NI RNAG LA SOGS PA'O, ,TSOGS NI DES BRTZAMS PA'O; ,'KHRUL 'KHOR NI LUS SO, ,RUL BA NI 'DRUL BA'I CHOS CAN NO, ,'DI LA SNYING PO CUNG ZAD TZAM ZHIG YOD PAS BSRUNG BAR RIGS SO SNYAM PA LA, THOG MAR ZHES SMOS TE, PAGS PA NI PAGS PA'AM YANG NA G-YOGS MA'O, ,THA DAD PAR NI LUS SAM YANG NA SO SOR NGO, , RUS PA LAS BRTZAMS PA'I DRA BA LAS SHA YANG PHYE ZHING SHIG LA 'DI TZAM BLTA BAR BSHA'O ZHES BSTAN TE BSNYIL CIG PA'O, ,RKANG MAR NI RUS PA'I DKYIL GYI BCUD DO, ,BAR DU ZHES PA NI MTHAR THUG PA'O, ,KHYOD KYIS TE KHYOD RANG GIS KYANG NGO, ,DE BZHIN DU KHYOD KYIS MI GTZANG BZAR MI RUNG NGO ZHES BYA BA LA SOGS PA YANG NGO, ,DGOS PA GZHAN MED PA'I PHYIR DGOS PA 'DI TZAM ZHIG BLTA BAR BSHA'O ZHES BSTAN PA'I PHYIR, NYIS NA ZHES SMOS TE, RIGS NA'O, ,LUS NI LUS PO NYID DO, ,BKOL BAR BYA BA NI BSOD NAMS BYED DU BCUG PA'O, ,'DI LTAR ZHES PA NI DE BZHIN DU NAM YANG BSOD NAMS BYED BUM BCUG PAR RTZE GCIG TU BSRUNGS KYANG, 'CHI BDAG GIS GZHAN LA BYIN PA DE'I TSE KHYOD KYIS CI YANG BYAR MED PA'O, ,DE LTAR NA YANG ZAN LA SOGS PAS YONGS SU SKYONG BAR RIGS SO SNYAM PA LA, BRAN G-YOG CES BYA BA LA SOGS PA SMOS TE, DE @113B CI RNAM PA THAMS CAD DU MI SBYIN NAM SNYAM PA LA, 'DI LA GLA RNGAN ZHES BYA BA SMOS TE, LAS KYI RIN NO, ,YANG NA GLA RNGAN TZAM MO ZHES BYA BA'I TSIG GO, ,'GRO DANG ZHES BYA BA LA SOGS PA SMOS PA LA, 'GRO DANG 'ONG BA NI MNGON PAR 'DOD PA'I BYA BA DANG LDAN PA'O, ,DE LTAR NA ZHES PA NI BRJOD PA'I RIM PA LTAR RO, ,RANG DBANG NI RANG GI SEMS LA'O, ,GANG NAS KYANG DUS RTAG TU 'DZUM ZHING MDANGS YOD PAR GYIS SHIG PA'O, ,KHRO GNYER NI SMIN MA 'KHYOG PAR BSDUS PA'O, ,DE NYID NI DO 'DZUM MO, ,BSHES NI 'GROGS PA'O, ,GSONG POR SMRA BA NI GZHAN GYIS MA SMRAS PA'I GONG ROL DU BSNYUR NAS GLENG MO BRJOD PA'I TSUL DANG LDAN PA'O, ,SGRA DANG BCAS ZHES PA NI BYA BA'I KHYAD PAR DU BYED PA'O, ,MI DOR BA NI MI BSKYUR BA'O, ,DRAG TU MI DBYE BA NI BTZAN THABS SU MI 'PHUL LO, ,DE LTAR DU BYAS PA LA YON TAN CI YOD SNYAM PA LA, CHU SKYAR ZHES SMOS TE, 'JAB CING ZHES PA BRTAN PA'AM YANG NA MTSOR BAR 'JAB BA'O, ,DE BZHIN BSKUL 'DEBS PA NI 'GYOD PA SPONG ZHING BSKUL BA'O, ,MKHAS PA NI DE LA GDAMS PA'I NUS PA DANG LDAN PA'O, ,MA BCOL BAR PHAN PAR BYED PA DE DAG GI GDAMS DAG DE RNAMS 'JEBS PAR TSOR NAS RTAG TU THAMS CAD KYI SLOB MAR 'GYUR BA'O, ,PHRAG DOG GI DRI MA BKRU BA'I PHYIR LEGS PAR SMRAS PA ZHES SMOS TE, KUN NAS NYON MONGS PA'I GNYEN PO'I PHYOGS KYI DON SMRA BA NI LEGS PAR SMRA BA'O, ,RJES SU BRJOD PA NI GZHAN GYIS YON TAN BRJOD PA'I RJES SU BZLAS PAR BYA BA'O, ,GZHAN GYIS BDAG GI YON TAN BSNGAGS PA BRJOD NA, DE DAG GI YON TAN SHES SHING YON TAN LA RJES SU CHAGS PA CAN CIG GO SNYAM DU YID KYIS RIGS PAR BYA'I RANG KHENGS SHING RANG THANG MI BYA'O, ,RTZOL BA NI GANG DU YANG RUNG BA'O, ,DE ZHES PA NI DGA' BA'O, ,GZHAN GYIS BYAS PA NI GZHAN GYIS 'BAD PAS BSGRUBS PA'O, ,'DIR ZHES PA NI DGA' BA'I BDE BA 'DI LA'O, ,GZHAN GYI YON TAN LA ZHE SDANG ZHING MI DGA' BA NYID KYIS NA 'DIR SDUG BSNGAL BA'O, ,SDUG BSNGAL CHE BA NI DMYAL BA LA SOGS PA'O, ,'DI LTAR BYA ZHING 'DI LTAR BSLAB PA'I DNGOS PO ZHES BSTAN PA'I PHYIR, SMRA @114A *, ,NA ZHES SMOS TE, YID PHEBS PA NI YID CHES BA'I 'OS SU 'GYUR BA'O, ,'BREL BA NI RIM PAR 'TSAM BA'I RNAM GZHAG DANG LDAN PA'O, ,YID DU 'ONG BA NI YID DANG MTHUN ZHING 'THAD PA STE, SNYING LA 'BAB PA'O, ,'JAM PA NI MNYEN PA'O, ,RAN ZHES PA NI DE BZHIN DU GANG ZHIG SKAD MI CHE TZAM GYIS GTAM SMRA BA'O, ,'DI LTAR BLTA BAR 'OS SO ZHES BSTAN PA'I PHYIR, MIG GIS ZHES SMOS TE, DRANG ZHING ZHES BYA BA NI 'KHYOG PA MA YIN PA STE, MI'I SKYON NAS MI LTA BA'O, ,PHAN 'DOGS PA'I ZHING LA SOGS PA YANG BSOD NAMS KYI RGYU YIN NO ZHES BSTAN PA'I PHYIR, RTAG TU ZHES SMOS TE, RTAG TU SBYIN PA LA SOGS PA'I BSOD NAMS CHEN PO PHUL DU BYUNG BA ZHES SBYAR RO, ,RTAG TU MNGON ZHEN LAS BYUNG BA NI RTAG TU GOMS PAS BSKYED PA'O, ,YANG JI LTA BUR 'GYUR BA ZHIG SNYAM PA LA, ZHE SDANG LA SOGS PA'I NYON MONGS PA'I GNYEN PO'I PHYOGS BYAMS PA LA SOGS PA GOMS PA'I DON GNYIS KYI MTSAN MA DANG GANG LDAN PA'O, ,GANG YON TAN GYI ZHING SANGS RGYAS LA SOGS PA'O, ,PHAN 'DOGS PA'I ZHING PHA MA LA SOGS PA'O, ,SNYING RJE'I ZHING NI SDUG BSNGAL GYIS MNAR BA RNAMS LA'O, ,'DI YANG RJES SU BSGRUB PAR BYA'O ZHES BSTAN PA'I PHYIR; MKHAS SHING ZHES SMOS TE, MKHAS SHING NI SGRIN PA'I SPYOD PA DANG LDAN PA'O, ,DGA' BA DANG LDAN PA NI BRTZON 'GRUS DANG LDAN PA'O, ,BDAG GIS BYED PA NI RANG DANG GZHAN GNYIS KA'I DON BYED PA'I TSUL GANG DANG LDAN PA'O, ,LTOS PAR MI BYA BA NI GZHAN LA SKABS MI BYED PAR RGYUN TU BRTZON PA PHUN SUM TSOGS PA DANG LDAN PAR RO, ,DE NI TSUL KHRIMS 'JIG PA YIN PA'I PHYIR DGAG PA YIN NO SNYAM PA LA, SBYIN PA'I ZHES SMOS TE, GONG NAS NI TSUL KHRIMS SO, ,KHYANG ZHUGS PA NI BRTZON 'GRUS KYI PHA ROL TU PHYIN PA'O, ,'O NA SBYIN PA'I DUS SU TSUL KHRIMS BTANG SNYOMS SU GZHAG GO ZHES JI LTAR GSUNGS SNYAM PA LA CHUNG NGU'I ZHES SMOS TE, KUN SPYOD NI BSLAB PA LCI SHOS RNAMS SO, ,DE NYID DGE BA'I 'BAB CHU SRUNG BAR BYED PA'I CHU LON TE, DE BSGRUB PA LA KHYAD PAR GZHAN RNAMS BTANG SNYOMS SU GZHAG STE DOR BAR BYA'O ZHES BYA BA'I DON TO, ,DPER NA BSAM GTAN BTANG LA CHOS DON @114B DU GNYER DU 'ONGS PA'I 'GRO BA LA CHOS KYI SBYIN PA DAM PAR BYA BA YIN LA, DON DU GNYER BA'I MI LA CHOS MA BYIN NA NI BYANG CHUB SEMS DPA'I LTUNG BA'I GNAS SU 'GYUR BA BZHIN NO, ,BRTZON PAR GNAS PA NI BRTZON 'GRUS DANG LDAN PA'O, ,CI STE KHYAD PAR DE LA JI LTAR SNYAM PA LA, BKAG PA RNAMS KYANG DE LA GNANG ZHES GSUNGS SO, ,GZHAN GYI DON LA 'JUG PAR GSUNGS SU ZIN MOD DE LTA NA YANG DAG NYID NI BSRUNG BAR 'OS PA YIN NO SNYAM PA LA, LOG PAR LTUNG DANG ZHES SMOS TE, DE NI RKANG RDUM LA SOGS PA'O, ,MGON MED PA NI SKYABS KYIS STONG PA'O, ,BRTUL ZHUGS NI DKA' THUB PA'O, ,BGO BAR BYA BA NI BGOS PA'I CHA TZAM RNAL 'BYOR PAS BZA' BA'O, ,RAN PA TZAM DU BZA' BAR BYA BA NI JI TZAM DU LUS LAS SU RUNG BA TZAM DU BZA' BA'O, ,CHOS GOS GSUM STE SNAM SBYAR DANG, BLA GOS DANG, MTHANG GOS DANG GSUM LAS LHAG PA RNAMS SBYIN PAR GTANG BA'O; ,CHOS GOS GSUM PO YANG SBYIN PAR GTANG BAR RIGS SO SNYAM PA LA, DAM PA'I ZHES SMOS TE, DAM PA DANG LDAN PAS NA DAM PA'I CHOS SO, ,DE 'DZIN PA NI SPYOD PA'O, ,PHRAN TSEGS NI SBYIN PA'I DON CHA CHUNG BA'O, ,DE BZHIN DU LUS NYON MONGS PAR MI BYA BA YANG NGO, ,DE'I PHYIR SROG NI SHIN TU MI GTANG BA'O, ,BSAM PA MA DAG PA STE RJES SU GZUNG BA DANG 'DZIN PA LA 'JUG PA'I LAS DANG PO DE'I TSE MGO BO LA SOGS PA SBYIN PAR MI GTANG NGO ZHES BYA BA'I DON TO, ,BSAM PA MNYAM PA STE, SEMS MTSUNGS PAR 'GYUR NA NI YONGS SU NYAMS PAR MI 'GYUR LA, BYANG CHUB KYANG NYAMS PAR MI 'GYUR RO, ,DA NI CHOS KYI SBYIN PA GTANG BAR BYA BA'I TSAD BSTAN PA'I PHYIR MIN BZHIN DU ZHES SMOS TE, KUN LA SBYOR BAR BYA'O, ,MGO G-YOGS PA NI MGO BO RAS KYIS GTUMS PA'O, ,CHOS NI GSUNG RAB YAN LAG DGU'O, ,GDUGS DANG KHAR BA DANG MTSON THOGS PA NI DE DAG DANG LDAN PA'O, ,DKRIS PA NI THOD BYAS PA'O, ,DMAN PA NI DMAN PA LA MOS PA'O, ,ZAB PA NI YID MA GZHUNGS PA RNAMS KYIS RTOGS PAR BYA BA MA YIN PA'I PHYIR RO, ,RGYA CHEN PO NI THEG PA CHEN PO'I DMAN PA NI NYAN THOS KYI THEG PA'O, ,'DRID PA NI MDO SDE'I @115A *, ,TSIG DANG SNGAGS KYI TSIG 'BA' ZHIG GIS THAR PA THOB PAR 'GYUR BA LA, SDOM PA LA SOGS PAS CI BYA ZHES 'DEBS PA STE DE SKAD DU MA 'DRID PA'O, ,SPYOD PA NI BSLAB PA'I SDOM PA'O, ,'DI DAG BYA BAR MI 'OS SO ZHES BSTAN PA'I PHYIR, SO SHING ZHES SMOS TE, MCHIL MA DANG LUD PA LA SOGS PA DOR BA NI DGAB PA STE GZHAN GYIS MA MTHONG BAR DOR ZHING DGAB PA'O, ,DE BZHIN DU GCI BA LA SOGS PA LONGS SPYOD PAR BYED PA'I CHU DANG THANG LA DOR BA SMAD PA NI BKAG PA'O, ,KHA BKANG BA NI JI LTAR SHONG SHONG BTZANGS PA'O, ,KHA GDANGS PA NI BGRAD PA'O, , RKANG PA BRKYANG BA NI RKANG PA BRKYANG STE BSDAD PA'O, ,MNYAM PA NI GNYI GA DUS GCIG TU'O, ,LAM DANG ZHES PA NI LAM NAS 'GRO TZAM NA'O, ,MAL STAN DANG GNAS KHANG YANG GCIG PAR MI BYA'O, ,GZHAN YANG 'JIG RTEN PA MA MOS PAR 'GYUR BA'I RGYU GANG YIN PA SPANG BAR BYA'O, ,GZHAN GANG LA YANG RNGAN CHAD MI BYA'O ZHES BSTAN PA'I PHYIR, SOR MOS ZHES SMOS TE, MI GANG LA YANG SOR MO GCIG GIS BRDA MI BYA BA STE, BRDA SPRAD PAR MI BYA'I, 'ON KYANG LAG PA G-YAS PA KUN GYIS 'DI LTAR LAGS SO ZHES THAMS CAD LA BYA'O, ,LAG PA SHAS CHER BSKYOD PA NI DPUNG PA DRAG TU BSGUL ZHING NGO, ,CUNG ZAD DE DGOS PA PHRAN TSEGS LA THUG PA SKAD MI BYA'O, ,DGOS PA CHEN PO LA NI NYES PA MED DO, ,SE GOL GYI SGRA LA SOGS PA LAG PA G-YAS PAS BRDA BYA BAR GZUNG NGO, ,MA BSDAMS PA NI MNYAM PAR MA BZHAG PA'O, ,MGON PO MYA NGAN LAS 'DAS PA'I GZIMS PA BZHIN DU STE 'ON KYANG 'BYUNG BA RNAMS DGAG PA'I TSUL DU'O, ,MYUR DU LDANG BA NI DBYAL BA DANG LUS BSNYANG BA LA SOGS PA DANG BRAL ZHING MYUR BA NYID DU TZOG TZOG 'DUG PA'O, ,THOG MA STE DANG PO NYAL BA'I DUS SU NGES PA KHO NAR GDON MI ZA PA NYID DU 'DI LTA BU'I TSUL GYIS MYUR DU LDANG BAR BYA'O ZHES BSAM PAS NYAL PAR BYA'O, ,'DIR GZHAN YANG MDOR BSDUS TE BSTAN PA'I PHYIR, BYANG CHUB CES SMOS TE, SPYOD PA ZHES PA NI BSLAB PAR BYA BA'O, ,SBYANG BA NI NYES PA SEL BA'O, ,DE DAG GIS NI LTUNG BA BSHAGS PAR MTSON PA YIN NO, ,DE'I RJES LA PHUNG PO GSUM PA @115B GDON PAR BYA BA'I PHYIR, NYIN DANG MTSAN MO ZHES BYA BA SMOS TE, DUS GSUM PO RNAMS MNYAM PAR TSANG BA NI DUS GSUM MO, ,NYIN MO DANG MTSAN MO LAN GSUM GSUM DU BYAS TE LAN DRUG TU'O, ,PHUNG PO GSUM NI SDIG PA BSHAGS PA DANG, BSOD NAMS LA RJES SU YI RANG BA DANG; BYANG CHUB TU YONGS SU BSNGO BA'I MTSAN NYID RNAMS MNYAM PAR TSANG BA'O, ,LHAG MA NI BSHAGS PA LAS GZHAN NO, ,DES ZHES PA NI PHUNG PO GSUM PA'I TSIGS SU BCAD PA STON PA DES BYANG CHUB KYI SEMS DANG RGYAL BA LA BRTEN PA BYAS PA'O, ,ZHI BA NI RAB TU ZHI BA'O, ,GZHAN YANG BSLAB PAR BYA BA MA NGES PA RNAMS BSTAN PA'I PHYIR, RANG DAM ZHES SMOS TE, GZHAN GYI DBANG NI SEMS CAN GYI DBANG NGO, ,GNAS SKABS NI GO MI LA SOGS PA GANG YANG RUNG BA'O, ,BSLAB PA NI BSLAB PAR BYA'O, ,CI YANG DE LTAR MA NGES PAS STON PAR BYED SNYAM PA LA, RGYAS SRAS ZHES SMOS TE, GZHAN YANG DNGOS SAM BRGYUD KYANG RUNG ZHES BYA BA LA SOGS PAS NI DGE BA THAMS CAD BYANG CHUB KYI PHYIR TE, SANGS RGYAS NYID THOB PAR BYA BA'I PHYIR YONGS SU BSNGO BAR BYA'O ZHES BSTAN TO, ,DGE BA'I BSHES GNYEN NI DGE BA LA NGES PAR SBYOR BAR BYED PA'O, ,MKHAS PA NI TSUL BZHIN SHES PA'O, ,BRTUL ZHUGS NI BSLAB PA'O, ,DGE BA'I BSHES GNYEN BSTEN PAR BYA BA'I DON DU, DPAL 'BYUNG ZHES SMOS TE, DPAL 'BYUNG BA'I RNAM THAR NI SDONG PO BKOD PA'I LE'U GCIG GO, ,NGANG GI SGRAS GZHAN YANG BSDU BA'O, ,'DI DANG ZHES PA NI BRJOD PA RNAMS SO, ,GZHAN ZHES PA NI MA BRJOD PA RNAMS SO, ,RTZA BA'I LTUNG BA NI GANG SDOM PA 'JIG PAR BYED PA'O, ,RTAG TU SPYAD PA NI BYANG CHUB SEMS DPA'I SPYOD PA'O, ,BSLAB PA KUN LAS BTUS PA DANG, 'DI NYID KYI MDZAD PA POS MDO KUN LAS BTUS PA YANG MDZAD PA'O, , GNYIS PA NI 'PHAGS PA KLU SGRUB KYIS MDZAD PA'I MDO KUN LAS BTUS PA'O, ,BRJOD PA GNYIS PA LA LTOS NAS GNYIS PA YANG GNYIS SU SHES PAR BYA'O, ,YANG 'JIG RTEN PA'I BSAM PA'I RJES SU 'BRANGS PA'I PHYIR YANG BSLAB PA BSRUNG BYA'O ZHES BSTAN PA'I PHYIR, GANG LAS ZHES @116A *, ,SMOS TE; GANG DU BKAG PA MED PA'I BYA BA GANG YIN PA DE NYID SPYAD PAR BYA STE, NGES PAR SBYAR BAR BYA BA NI 'JIG RTEN PA RNAMS KYI SEMS BSRUNG BA'I DON DU YIN PAS NA, BSLAB PA MTHONG NAS BSLAB PA DE DANG MI 'GAL PAR YANG DAG PAR SPYAD PAR BYA STE, DE LTAR NA 'JIG RTEN PA MOS PAR 'GYUR BA'I PHYIR RO, ,DRAN PA'I RANG GI NGO BO NI MING NYID KYIS JI LTA BA BZHIN DU SNGAR BRJOD DO, ,SHES BZHIN GYI MA BRJED PAS DE NGES PAR BSTAN PAR BYA BA'I PHYIR, LUS DANG ZHES BYA BA LA SOGS PA SMOS TE, LUS NI YID SNGON DU 'GRO BA CAN YIN PAS LUS KYI BYA BAR THAMS CAD 'DUS PA YIN NO, ,SPYAD PAR ZHES BYA BA NI YANG DAG PAR SPYAD PAR BYA STE, SGRA TZAM GYIS MA YIN NO ZHES BYA BA'I THA TSIG GO ,SMAN DPYAD CES BYA BA NI NAD GSO BA'I BSTAN BCOS SO, ,BYANG CHUB SEMS DPA'I SPYOD PA LA 'JUG PA LAS LE'U LNGA PA'I DKA' 'GREL LO,, ,, GONG DU SBYIN PA GO RIMS MA NGES PAR BSHAD PA'I RJES LA TSUL KHRIMS BSTAN NAS BZOD PA BSTAN PA'I PHYIR, BSKAL PA ZHES BYA BA LA SOGS PA SMOS TE, SBYIN PA NI SNGAR BRJOD PA'O, ,MCHOD PA NI SKYABS SU 'GRO BA SNGON DU 'GRO BA CAN GYIS BDE BAR GSHEGS PA LA SOGS PA MCHOD PA'O, , LEGS PAR SPYAD PA NI TSUL KHRIMS SO, ,DE KUN ZHES PA NI 'DAS MA THAG TU BRJOD PA RNAMS SO, ,KHONG KHRO BA NI SEMS CAN LA ZHE SDANG BA'O, ,RANG GI RTEN BCOM NAS GZHAN YANG 'JOMS PAR BYED PAS NA ZHE SNGA DANG, ,DE SKAD DU YANG, 'JAM DPAL KHONG KHRO BA ZHES BYA BAS NI BSKAL BA BRGYA DANG STONG DU BSAGS PA'I BSOD NAMS 'JOMS PAR BYED 'BRAS BU MED PAR BYED DO ZHES GSUNGS SO, ,DE LTAR NA ZHE SDANG DANG SDIG PA CHEN PO'I RGYU YIN PAS NA, DE SPANGS LA BZOD PA BSGOM PAR BYA BA NYID DO ZHES BSTAN PA'I PHYIR, ,ZHE SDANG LTA BU'I ZHES SMOS TE, ZHE SDANG NI NYE BAR MTSON PA TZAM YIN PAS KHRO BA LA SOGS PA YANG GZUNG BAR BYA'O, ,BSGOM PAR BYA ZHES PA NI THABS SO, ,ZHE SDANG GI NYES PA MTHONG BA'I TSES NYID LA MYONG BAR BSTAN PA'I PHYIR, ZHE SDANG ZUG RDU ZHES BYA BA LA SOGS PA'I TSIGS SU BCAD PA GSUM GSUNGS TE, ZHI BA'I YID CES PA NI YID RAB TU ZHI BA'I, ,DGA' @116B BA NYID BDE BA'O, ,MI 'THOB PA NI ZHE SDANG GI ME 'BAR BA'I PHYIR RO, ,BRTAN MED NI MI BRTAN PAR 'GYUR PA'O, ,GZHAN YANG NOR DANG BKUR STI NI NOR DANG BKUR STI NYID DO, ,SDANG BA DANG LDAN PA NI MI DGA' BAR BYED PA'O, ,DE YIS MDZA' BSHES ZHES BYA BA LA SOGS PA GO SLA'O, , GANG GI PHYIR DE LA SOGS PA STE, SDUG BSNGAL RNAMS BSKYED PA DE'I PHYIR DGRAS BRTAGS PA'O, ,GANG KHRO BA 'JOMS PA DE RNAM PA THAMS CAD DU BDE BA LAS GZHAN DU MA YIN NO, ,ZHE SDANG GZHOM PAR BYA BA'I PHYIR DE'I RGYU BRTAG PAR BZHED NAS MI 'DOD CES SMOS TE, MI 'DOD PA NI MNGON PAR 'DOD PA MA YIN NO, ,YID MI BDE BA NI 'KHRUGS PA STE, DE NYID RENGS PAR BYED PA'I ZAS YIN LA DE THOB NAS BRTAS PAR BYED RGYAGS PAR BYED PAS NA YANG ZAS SO, ,GZHOM BYA NI BSAL BAR BYA'O, ,GNOD PA NI DGE BA'I PHYOGS 'JOMS PA'O, ,JI LTAR DE'I ZAS 'JOMS PAR BYED SNYAM PA LA CI LA BAB KYANG ZHES SMOS TE, DGA' BA NI YID BDE BA'O, ,DKRUG PAR MI BYA BA NI GTANG BAR MI BYA'O, ,GAL TE BCOS SU MED PA LA SOGS PA NI 'DI LTAR DE'I PHYIR SDUG BSNGAL 'BAD PAS GOMS PAR BYA'O ZHES BSTAN PA'O, ,GANG GI PHYIR 'BAD PAS GOMS PAR BYA BA YIN SNYAM PA LA, BDAG GAM ZHES SMOS TE, BDAG DANG BDAG GI BSHES RNAMS LA GANG SDUG BSNGAL TE LUS DANG NGAG LAS BYUNG BA DANG, BRNYAS PA STE NGAN PA 'DI ZHES BYA BA DANG, TSIG RTZUB STE GNAD DU PHOG PA'I TSIG DANG, MI SNYAN PA STE GRAGS PA MA YIN PA BRJOD PA MA YIN PA RNAMS MI 'DOD PA STE, MNGON PAR MI 'DOD PA'O, ,DGRA RNAMS LA NI DE LAS BZLOG PA STE, DE THAMS CAD 'DOD PA'O, ,GAL TE NAMS KYANG MA GOMS PA GOMS PAR BYED PAR MTSUNGS PA LA BDE BA NYID CI'I PHYIR GOMS PAR MI BYA SNYAM PA LA,A, BDE BA'I RGYU NI ZHES SMOS TE, GANG GI PHYIR BDE BA'I RGYU NI RES 'GA' BA YIN PA'I PHYIR, DKON BAS NA GOMS PAR BYA BAR MI NUS LA, SDUG BSNGAL GYI RGYU NI SHIN TU MANG BA'I PHYIR DE BSAL BAR BYA BAR MI NUS SO, ,CI STE DKON DU ZIN KYANG 'DOD PAR BYA BA YIN PA'I PHYIR BDE BA'I RGYU KHO NA GOMS PAR BYA BA'I RIGS SO SNYAM PA LA, SDUG @117A *, ,BSNGAL MED PAR ZHES BYA BA SMOS TE, SDUG BSNGAL MED PAR NGES 'BYUNG STE, 'KHOR BA NAS NGES PAR 'BYUNG BAR MI 'GYUR GYI, DE'I PHYIR SEMS KHYOD SDUG BSNGAL GOMS PA LA BRTAN PAR GYIS LA SNGAR MA'I TSUL LA GOMS PAR MA BYED CIG PA'O, ,GZHAN YANG SDUG BSNGAL 'DI DON CHEN PO BSGRUB PA YIN PA'I PHYIR BSRAN PAR BYA BA'I 'OS KHO NA'O ZHES DPE DANG BCAS PAR DKA' ZLOG CES TE, 'DI LTAR KAR NA DA'I YUL NA CAN DHI LA MOS PA'I MI RNAMS KYIS CHOS RGYU CHEN PO'I DUS SU SMYUNG BA ZHAG GSUM MAM ZHAG GCIG BYAS KYI RJES LA, CHED DU GTAD NAS RANG GI YAN LAG GCOD PAR BYED PA LA SOGS PA BYED DO, ,DE BZHIN 'GRAN PA TZAM GYI PHYIR YANG GCIG LA GCIG SROG 'DOR BAR BYED DO, ,DE'I PHYIR SDUG BSNGAL CHEN PO YANG BSRAN PAR BYA BA NYID DO, ,SDUG BSNGAL CHUNG BA GANG DAG YIN SNYAM PA LA, SBRUL DANG ZHES SMOS TE; DON MED PA NI SNGAR BRJOD PA'I MTSAN NYID DO, ,DE BZHIN DU 'DI RNAMS KYANG GOMS PAR BYA'O ZHES BSTAN PA'I PHYIR, TSA GRANG ZHES SMOS TE, SOGS PA'I SGRAS LAM DU NYON MONGS PA YANG GZUNG NGO, ,DE DAG GIS NYE BAR GNAS PAR BYA ZHING BZE RE SRAN CHUNG BAR MI BYA BA NI BSLAB CING GOMS PAR BYA BA'I 'OS NYID DO ZHES BYA BA'I DON TO, ,GOMS PA BRTAN PAR BYA BA'I PHYIR, LA LA ZHES SMOS TE, G-YUL NGOR RANG GI KHRAG MTHONG NA PHYIR ZHING KHONG DGA' STE, G-YUL ZLOG PAR BYED PA'I BRGYAL BA NI 'THOMS PA'O, ,DE ZHES BYA BA NI PHYIR ZHING KHONG DGA' BA LA SOGS PA'O, ,SDUG BSNGAL DANG SDUG BSNGAL BA 'THOB PAR BYED CING PHAM DU MI NYAN PAS NA KHYAD DU GSOD PA STE, SDUG BSNGAL KHYAD DU BSAD NAS SDUG BSNGAL GYIS BGROD PAR BYED PA'O, ,SDUG BSNGAL NI ZUG GZER RO, ,MI TSUGS PA NI NYAM MI NGA BA'O, ,DE'I PHYIR SDUG BSNGAL BYUNG YANG RAB DANG STE DGA' BA NYID DANG, RNYOG STE YID BSAD PA NYID DU MI BYA'O, ,NYON MONGS PA GZENGS BSTOD PA NYID BSTAN PA'I PHYIR, SDUG BSNGAL THAMS CAD CES SMOS TE, BRANG GIS PHUL NAS KHYAD DU GSOD PA NI DPA' BA'O, ,LHAG MA NI G-YUL NGOR MI GSOD PA'O, ,DE NI RO LA TSABS @117B BYED PA STE, MI RNAMS RANG BZHIN GYIS MI RTAG PAS NA RO'O, ,SDUG BSNGAL LA SRAN TSUGS PA'I YON TAN BSTAN PA'I PHYIR, GZHAN YANG ZHES SMOS TE, SKYO BA LA SOGS PA NYID YON TAN NO, ,SEL BAR BYED PA NI ZAD PAR BYED PA'O, ,SPRO BA NI YON TAN MNGON PAR 'DOD PA'O, ,RKYEN GZHAN GYIS BSKYED PA'I SDUG BSNGAL LA KHRO BAR MI RIGS PA NYID DU BSTAN PA'I PHYIR, MKHRIS PA ZHES SMOS TE, SEMS MED PA'I PHYIR DANG, RKYEN 'DUS PA'I STOBS KYIS BSKYED PA YIN PA'I PHYIR MKHRIS PA LA SOGS PA'I NYES PA BDO BA LA NI KHO BOS KHRO BA MA YIN NA, SEMS YOD PA RNAMS LA CI'I PHYIR KHRO BAR BYED, RKYEN GYI STOBS KYIS BSKUL BA NI KHRO BAR BYED PA'O ZHES NI SBYAR BAR NI SBYAR BAR MI BYA'O ZHES BYA BA'I DON TE, RKYEN 'DUS PA'I STOBS KYIS KHRO BA 'BYUNG BA YIN NO, ,RKYEN GYIS KHRO BA BSKUL BA NYID BSTAN PA'I PHYIR, DPER NA MI 'DOD CES SMOS TE, MI 'DOD PA NI MNGON PAR MI 'DOD PA'O, ,NYES PA NI GZHAN LA GNOD PAR BYED PA'O, ,RANG DBANG NI RANG GI 'DOD PAS BYED PA'O, ,CI STE 'DI LTAR GRANGS CAN RNAMS KYI GTZO BO DANG RIGS PA CAN LA SOGS PA'I 'DIR BDAG NYID RANG DBANG YOD PA MA YIN NAM, DE JI LTAR NA RANG DBANG YOD PA MA YIN NO ZHES BRJOD SNYAM PA LA, GTZO BO ZHES SMOS TO, GANG RDUL DANG MUN PA SNYING STOBS CHA MNYAM PA'I GNAS SKABS KYI RANG BZHIN LA GTZO BO ZHES 'DOD PA DANG, BDAG CES BRTAGS PA DE DAG GO ZHES BYA BA DE NYID NI MI 'DOD PA'O, ,DE DAG NYID 'DI LTAR 'BYUNG NGO ZHES CHED DU BSAMS SHING 'BYUNG BA NI MA YIN TE, GANG GI PHYIR DE DAG GNYIS KA LA SKYED PAR BYED PA'I RGYU MED PAS NA SKYE BA MED PA'I PHYIR RO, ,GANG ZHIG RGYU DANG BRAL BA DE MO GSHAM GYI BU BZHIN DU YOD PA MA YIN NA, DE JI LTAR RANG BYUNG DU 'DOD PAR BYED, GZHAN YANG BDAG YOD LA NI RAG NA SNGAR LONGS SPYOD PA'I RAB BZHIN MA YIN PA'I PHYIR LONGS SPYOD PAR BYED PA'I RANG BZHIN DU SBYOR BAR MI BYA'O, ,YANG NA YUL GTZO BOS NYE BAR GTAD NAS, LONGS SPYOD PAR BYED PA'I BYA BA YOD DU BCUG NA YANG 'GAG PA STE, YUL DE LAS LOG PA'I BDAG NI YOD PAR 'DOD PA MA @118A *, ,YIN TE; BDAG DE RTAG PA YIN PA'I PHYIR RO, ,RIGS PA CAN RNAMS KYIS MNGON PAR 'DOD PA'I BDAG LA YANG NYES PA DE NYID DE RTAG PA YIN PA'I PHYIR RO, ,DE LA NYES PA BYE BRAG TU YANG BRJOD PA'I PHYIR RO, ,JI STE BDAG DE ZHES SMOS TE, DANG GI SGRAS NI SEMS DANG BCAS PA YANG GZUNG NGO, ,BYED PA MED PA NI BYED PA DANG BRAL BA'O, ,RKYEN RNAMS GZHAN ZHES PA NI LHAN CIG BYED PA'I RKYEN NO, ,'GYUR BA MED PA NI GZHAN DU MI 'GYUR BA'O, ,SNGON BZHIN ZHES PA NI BYED PA MED PA'I RANG BZHIN NO, ,GZHAN YANG 'DIR 'DIS BYOS ZHES BYED PA PO MA YIN TE 'BREL PA MED PA'I PHYIR RO, ,DE LTAR ZHES BYA BA LA SOGS PA NI MJUG BSDU BA STE, THAMS CAD CES PA NI DBANG THAMS CAD DO, ,DE DBANG MED PA NI RNAM PA KUN NAS SO, ,MYA NGAN LAS 'DAS PA STE SPROS PA MTHA' DAG DANG BRAL BA 'AM, YANG NA SPRUL PA LTA BU ZHES PA'I TSIG SBYAR RO, ,MI G-YO BA NI MI 'GUL BA'O, , DNGOS PO RNAMS DE LTA BUR SHES NA GANG LA KHRO BAR 'GYUR TE KHRO SA MED PA'O, ,GAL TE CHOS THAMS CAD BYA BA DANG BRAL BA YIN NA DE'I TSE KHRO BA LA SOGS PA YANG BZLOG PAR MI RIGS SO ZHES RTZOD PA BLANG BA'I PHYIR, GANG GIS ZHES SMOS TE, DE LTAR BYA BA DANG BRAL BA NYID YIN NA MI DGE BA LA SOGS PA BZLOG PA MI RIGS SO ZHE NA ZHES BYA BA YAN CHAD PHYOGS SNGA MA'O, ,LAN BRJOD PA'I PHYIR DE LA ZHES SMOS TE, BZLOG PAR RIGS PA NYID DO, ,GANG GI PHYIR ZHES BSTAN NAS DE'I LAS LA BRTEN NAS DE SKYE'O ZHES RTEN CING 'BREL BAR 'BYUNG BA YIN PA'I PHYIR DNGOS PO LA BYA BA DANG BRAL BA YIN DU ZIN KYANG DE LAS 'KHOR BAR SDUG BSNGAL BAR BYA BAR 'GRO BA LA SOGS PA RGYUN CHAD PAR 'DOD PA STE LDOG PAR 'DOD PA'O ZHES DGONGS PA'O, ,DGRA NI MI PHAN PAR BYED PA'O, ,MI RIGS PA BYED PA NI GNOD PA SKYEL BAR BYED PA'O, ,'DI 'DRA ZHES PA NI GNOD PA BYED PA'I RANG BZHIN GYIS RKYEN 'DI 'DRA BA'I RGYUR SNGAR BSAMS PA LAS 'GYUR BA'O ZHES NGES PAR BYAS PA LA YID MI BDE BAR MI BYA'O, ,GZHAN YANG 'GRUB 'GYUR NA STE, 'BRAS BU SMIN PAR 'GYUR NA'O, ,SDUG BSNGAL NI GZHAN GYIS GNOD PA SKYEL BA'O, ,BAG MED PA NI RANG LA GNOD PA'O, ,GZHAN YANG BDAG NYID KYIS KYANG BDAG NYID LA GNOD PA BYED NA DE DAG GZHAN GYI @118B LUS LA GNOD PA MI BYED PAR JI LTAR 'GYUR ZHES 'BREL TO, ,TSER MA LA SOGS ZHES PA NI TSER MA STAN DU 'DING BA LA SOGS PA'O, ,NAD MED PA LA SOGS PA 'DOD PA MA RNYED PA'O, ,GNOD PAR BYED PA NI SDUG BSNGAL BAR BYED PA'O, ,ZAS GCOD PA NI BZA' RGYU MI ZA BAR SDOD PA'O, , 'GEG PA NI SKYE THAG PAS BTAGS NAS DPYAD LA MCHOD BA'O, ,G-YANGS NI 'OBS LA SOGS PA'O, ,MCHOD BA NI CHU LA SOGS PAR MCHOD BA'O, ,BSOD NAMS MA YIN PA NI MI GZHAN LA SLUS BYED PA'O, ,GNOD PAR BYED PA NI GSOD PAR BYED PA'O, ,GANG TSE STE DUS GANG GI TSE'O, ,DE LTAR NA DE DAG LA KHRO BA'I RIGS SO, SNYAM PA LA, NYON MONGS ZHES BYA BA LA SOGS PA SMOS TE, GZHAN YANG GZHAN LA RNAM PAR 'TSE BAR BYED PA BYIS PA RNAMS KYI RANG BZHIN NAM 'ON TE GLO BUR YIN ZHES BRTAGS TE, PHYOGS DANG PO LA GAL TE ZHES BYA BA LA SOGS PA'O, ,GNYIS PA LA 'ON TE ZHES SMOS TE, GLO BUR NI RKYEN GLO BUR PA'O, ,NGES PA NI MA BCOS PA'O, ,NAM MKHA' YONGS SU DAG PA LA GLO BUR BA'I DUD PAS GNOD PA BSKYAL NA NAM MKHA' LA KHRO BA MI RIGS PA BZHIN NO, ,GAL TE DBYUG PA LA SOGS PA 'PHEN MKHAN NI YOD PA KHO NA YIN LA, DE SEMS CAN GYI NYES PA YIN NO SNYAM DU DOGS PA LA, DBYUG PA LA SOGS PA ZHES BYA BA SMOS SO, ,GZHAN YANG BDAG GIS SNGON CHAD CES BYA BA LA SOGS PAR SBYAR RO, ,GAL TE GZHAN GYIS MTSON PHYUNG BAS SDUG BSNGAL GYI RGYU YIN PAS KHRO BA BYED NA DE'I TSE BDAG NYID LA KHRO BA'I RIGS TE, BDAG GIS KYANG SDUG BSNGAL GYI RGYU LUS PHYUNG BA'I PHYIR RO ZHES BSTAN PA'I PHYIR, DE'I MTSON ZHES BYA BA LA SOGS PA SMOS TE, SNGAR BSTAN PA DE NYID GSAL BAR BYA BA'I PHYIR SHU BA ZHES SMOS TE, REG TU MI BZOD PA STEN TSA CHE BA 'AM BSRAN PAR DKA' BA'O, ,SRED PA'I MUN PAS NON PAS RIG PAS MTHONG DU MA STER BA NI SRED LDONGS SO, ,BZUNG BAR GYUR PA NI KHAS BLANGS PA BYAS PA'O, ,DE LA STE LUS LA'O, ,SU LA STE GANG LA KHRO BAR BYA BA'O, ,JI LTAR NA SRED PA'I MUN PAS NON PAR 'GYUR SNYAM PA LA, BYIS PA ZHES SMOS TE, BYIS PA NI RMONGS PA'O, ,SDUG BSNGAL NA NI TSA'O, ,RGYU ZHES PA NI LUS PA NYID DO, ,RANG GI NYES @119A *, ,PAS GNOD CES PA'I RNAM SMIN DPE DANG BCAS PAR BSTAN PA'I PHYIR, DPER NA ZHES SMOS TE, 'DI ZHES PA NI DA LTAR GYI SDUG BSNGAL 'DI'O, ,GANG BDAG GIS BYAS PA'I LAS KYIS BSKUL NAS SEMS CAN DMYAL BAR BTANG BAS NA DE DAG BRLAG PA STE LUNG BAR BYAS PA'O, ,MA BRLAG GAM ZHES BYA BA NI RANG GI SEMS LA BOS TE, GDAMS PA'I TSIG GO, ,DE LTA NA GNOD PA BYED MKHAN DMYAL BAR 'GRO BAR RIGS SO SNYAM PA LA, BDAG LA BSAM PA'I ZHES TE, GAL TE THABS LA MKHAS PA GANG YANG RUNG BA CIG GIS BDAG DMYAL BAR MA SONG NA DE'I DE DAG LA GNOD PA BYAS PAR 'GYUR BAR NI CUNG ZAD KYANG MED KYI, BDAG NYID KYI BSAM PA'I YON TAN BDAG NYID BSRUNG BAR 'GYUR BA 'BA' ZHIG TU ZAD DO, ,LAN DU GNOD PAR BYAS PA NI DE DAG LA GNOD PA'O, ,SPYOD PA NI GZHAN RJES SU BSKYANG BA'O, ,NYAMS PA NI ZHIG PA'O, ,ZHIG PAR 'GYUR BA NI DMYAL BA LA SOGS PAR 'GRO BA'O, , DKA' THUB CES BYA BA NI RJES SU BRTZE BA'I TSIG STE, PHYIS DE DAG GDON PA'I THABS BSAM PAR BYA'O ZHES DGONGS PA'O, ,GZHAN YANG DBYUG PA LA SOGS PA BSNUN PAS YID DAM YANG NA LUS LA GNOD GRANG NA, DE LA RE ZHIG YID LA NI GNOD PA MA YIN TE, LUS CAN MA YIN PA'I PHYIR RO; ,DE NYID RTOG PAS BYAS PAR RIG PAR BYA'O ZHES BSTAN PA'I PHYIR, LUS LA ZHES SMOS TE, LUS LA MNGON PAR ZHEN PA'I PHYIR LUS SDUG BSNGAL BAS YID LA GNOD PAR 'GYUR BA 'AM YANG NA LUS SU MNGON PAR ZHEN PA'I PHYIR LUS NYID YIN PAS NA LUS LA GCES PAS GNOD PAR 'GYUR GYI BRDEG PAR MI NUS SO, ,LUS BEMS PO YIN PA'I PHYIR BRNYAS PA LA SOGS PAS GNOD PAR MI 'GYUR RO ZHES BSTAN PA'I PHYIR, BRNYAS DANG ZHES SMOS TE, DE YIS ZHES PA NI BRNYAS PA LA SOGS PA'I TSOGS 'DUS PA DES LUS LA GNOD PAR MI 'GYUR BA'O, ,YANG NA DE DAG NYID RGYU YIN PAS NA TSOGS SO, ,BRNYAS PA LA SOGS PA BYAS PAS BDAG LA MA DAD PAR 'GYUR BAS DE LA KHRO BA'I RIGS SO SNYAM PA LA, GZHAN DAG CES SMOS TE, MI DGA' BA NI MA DAD PA'O, ,'DIR ZHES PA NI TSE 'DI RU'O, ,'DIR ZHES PA NI NYAMS PAR 'GYUR BA'O, ,SDIG PA NI @119B BRNYAS PA LA SOGS PA BYAS PAS KHRO BA'I SDIG PA GANG YIN PA DE 'BA' ZHIG GO, ,BRTAN PA NI LONGS MA SPYAD PA'I 'BRAS BU DE MA NYAMS PA'I PHYIR RO, ,GNAS PA NI DE 'BA' ZHIG BRTAN PAR GNAS PA'O, ,'DIR 'DI YANG BSAM PAR BYA'O ZHES BSTAN PA'I PHYIR, BDAG NYID CES SMOS TE, BLA'I ZHES PA NI TSOD YOD KYI ZHES BYA BA'O, ,LOG 'TSO ZHES PA NI 'DOD PA CAN DU GYUR PA'I NOR BTZAL BA'O, ,DE BZHIN DU RMI LAM MO ZHES BYA BA LA SOGS PA LA, BDE BA ZHES PA NI RMI LAM NYID KYI'O, ,DE'I PHYIR LOG 'TSOS YUN RING DU GNAS KYANG NGAN 'GROR SKYE BA 'BA' ZHIG LAS GZHAN NI KHYAD PAR CUNG ZAD KYANG MED DO, ,'DI LTAR RNYED PA MANG PO ZHES BYA BA LA SOGS PA LA, LAG PA STONG PA ZHES BYA BA NI NOR MED PA'O, ,'GRO ZHES PA NI 'JIG RTEN PHA ROL DU'O, ,GAL TE RNYED PA DANG LDAN NA BSOD NAMS BYAS LA SDIG PA ZAD PAR BYA'O ZHES RTZOD PA BSLANG BA'I DON DU, GAL TE RNYED PAS ZHES GSUNGS SO; ,RNYED PA'I DON DU ZHES PAS NI LAN GSUNGS TE, KHYOD NI RNYED PA'I DON DU KHROS PAR GYUR NA PHYIN CI LOG NYID DU CI'I PHYIR MI 'GYUR, GAL TE BSOD NAMS KYIS CI DGOS, RE ZHIG RNYED PAS NI YUN RING DU BDE BAR 'TSO'O SNYAM PA LA, GANG GI DON DU ZHES SMOS TE, GANG GI DON TE DGE BA'I DON DU'O, , SDIG PA ZHES BYA BA NI MI DGE BA'O, ,GAL TE GZHAN YANG MI SNYAN PAR SGROGS PA YIN PAS DE LA ZHE SDANG BYED PA'I LTA NA GZHAN LA MI SNYAN PAR SGROGS PA LA YANG KHYOD CI'I PHYIR KHRO BAR MI BYED, BDAG LA MI SNYAN PAR SGROGS PA MI SNYAN PA YIN PA BZHIN DU GZHAN LA MI SNYAN PAR SGROGS PA YANG MI SNYAN PA YIN PAS, DE'I PHYIR DE LA YANG KHRO BAR RIGS SO, ,GAL TE 'DI SNYAM DU DE LA BRTEN PA'I MA DAD PA DANG MI SNYAN PAR SMRAS PA LA SOGS PA GZHAN LA RAG LAS PA YIN PA DE DAG LA NI BZOD PA NYID DO SNYAM DU SEMS NA, NYON MONGS PA'I MTSAN NYID GZHAN LA RAG LAS PA YIN PA'I PHYIR RANG LA MI SNYAN PAR SMRA BA LA YANG KHYOD KYIS BZOD PAR RIGS PA NYID DE, BZOD PA'I RGYU MA DAD PA GZHAN LA RAG LAS PA GNYIS KA LA YANG MTSUNGS PA'I PHYIR RO, ,DE LTAN SKU GZUGS LA SOGS PA LA GNOD PA BYED PA RNAMS LA KHRO BAR RIGS SO SNYAM PA LA, SKU GZUGS ZHES BYA BA LA SOGS PA SMOS TE, MCHOD RTEN @120A *, ,NI MCHOD RTEN NYID DO, ,'KHYAL PA NI TSUL DANG MI MTHUN PA RJES SU BRJOD PA'O, ,'JIG PAR BYED PA NI NYAMS PAR BYED PA'O, ,GNYEN NI 'BREL PA'O, ,RKYEN DGAL 'GYUR BA ZHES PA NI 'DI LTA BU'I RKYEN LAS 'BYUNG BA'O ZHES RNAM PAR DPYAD PA'O, ,'DI LTAR BSAMS LA YANG SEMS CAN RNAMS LA ZHE SDANG BAR MI BYA'O ZHES BSTAN PA'I PHYIR, LUS CAN RNAMS LA ZHES SMOS TE SEMS YOD PA NI SEMS CAN NO, ,SEMS MED PA NI DBYUG PA LA SOGS PA'O, ,GNOD PA BYAS PA NI GNOD PA DE SKYED PA'O, ,CI STE ZHES PA NI GNOD PAR BYED PA DE DAG GNYIS LAS SEMS YOD KHO NA BKAR TE MA KHRO CIG CES BYA BA'O, ,DA NI DE DAG GNYIS KA'I NYES PA THUN MONG DU SUN DBYUNG BA'I PHYIR, LA LA RMONGS PA ZHES SMOS TE, RMONGS PA STE MA SHES PAS NYES PA BYED PA NI BDAG NYID SKYON CAN BYED PA'O, ,GZHAN YANG GANG GIS ZHES BYA BA LA SOGS PA LA, DE ZHES PA NI DE LTA BU'I LAS DE BYAS PA'O, ,DE LTA MA YIN NA LAS BYAS PA'I 'BRAS BU BDAG GIS BSAL BAR GA LA NUS ZHES BYA BA'O, ,DE LTAR ZHES BYA BA LA SOGS PA NI GO SLA'O, ,JI LTA BUR 'BAD PAR BYA SNYAM PA LA, DPER NA KHYIM TSIG PA ZHES BYA BA LA SOGS PA SMOS TE, MCHED PA ZHES PA NI KHYAD PAR DU 'GYUR PA'I LAS SU BYED PA'O, ,DE NI ZHES PA NI RTZVA LA SOGS PA'O, ,GANG LA SEMS CHAGS PA NI KUN DU ZHEN PAR GYUR PA'O, ,ME MCHED BA NI GDUNG BAR BYED PA'O, ,BSOD NAMS NI RANG GI LUS SO, ,TSIG PA NI DE YONGS SU NYAMS PAR BYED PA'O, ,DOR ZHES PA NI LAS SU BYAS PA'O, ,GZHAN YANG 'DI LTAR MI'I SDUG BSNGAL BAG TZAM GYIS DMYAL BA'I LAS KYI 'BRAS BU BRAL BAR BYED PA 'DI NI RNYED PA DAM PA'O ZHES BSTAN PA'I PHYIR, GSAD BYA'I BTAGS MI ZHIG CES SMOS SO, ,KHO BOS NI SDUG BSNGAL BAG TZAM YANG BSRAN PAR MI NUS SO SNYAM PA LA, DA LTA'I SDUG BSNGAL ZHES BYA BA LA SOGS PA SMOS TE, 'DI TZAM ZHES PA NI CHUNG NGU 'DI TZAM MO, ,KHRO BA CI STE ZHES PA NI DMYAL BA'I RGYU KHONG KHRO BA CI STE MI BZLOG CES PA'O, ,'DI LTA BUR ZHES PA NI 'BRAS BU MED PA NYID DU'O, ,MYONG BAR GYUR YANG ZHES PA NI BSREG PA DANG BCAD PA LA SOGS PA'I RGYUS MNAR BAR GYUR PA'O, ,'DI NI ZHES BYA BA NI SPYOD PA LA SOGS PA'O, ,DE @120B TZAM ZHES PA NI DMYAL BA LA SOGS PA TZAM MO, ,DON CHEN NI SANGS RGYAS NYID DU'O, ,DE'I PHYIR SPYOD PA LA SOGS PA'I SDUG BSNGAL LA DGA' BA KHO NAR RIGS SO, ,GZHAN GYI YON TAN BRJOD PA THOS PA LA PHRAG DOG GI DRI MA BKRU BA BSTAN PA'I PHYIR, GZHAN GYIS ZHES BYA BA LA SOGS PA SMOS TE KYI YID KHYOD KYIS KYANG YON TAN LHAG TU BSTOD NAS DGA' BA NYAMS SU MYONG BA CI'I PHYIR MI BYED, 'DI ZHES PA NI SKYES PA 'DI'I BDE BA DANG DGA' BA'O, ,BDE BA 'BYUNG BA NI 'DI LAS GZHAN GYI BDE BA 'BYUNG BA'O, ,KHA NA MA THO BA MED PA NI TSE 'DIR RO, ,YON TAN DANG LDAN PA NI SANGS RGYAS LA SOGS PA'O, ,DE KHO NA NYID LA BSTOD PAS BDAG LA BDE BA SKYE BA'O, ,GZHAN GYI YON TAN LA ZHES SDANG BAS BDAG BDE BA MI 'DOD PA NI DGA' BA MI 'DOD PA'O, ,DE LTA NA DE'I TSE GLA RDAN LA SOGS PA BYIN PAS KYANG DE KHO NA DGA' BAR 'GYUR BAS NA, 'DIR DE LAS KYANG KHYOD LDOG PAR 'GYUR RO, ,LAS BYED PA MED PA LAS NI MTHONG BA NYAMS PAR 'GYUR RO, ,LAS BYED PA LA GLA RNGAN MA BYIN PA'I SDIG PAS NI MA MTHONG BA YANG NYAMS PAR 'GYUR RO, ,GZHAN YANG KHYOD KYI YON TAN GZHAN GYIS BSGRAGS PA DE'I TSE GZHAN GYI YON TAN SGROGS MKHAS PA LA BDE BA 'DOD PAR BYED DAM PA'O, ,GZHAN GYI YON TAN NI DGRA'I YON TAN NO, ,GZHAN GYI YON TAN PHUN SUM TSOGS PA LA MI BZOD PA BZLOG PA'I PHYIR, SEMS CAN ZHES BYA BA LA SOGS PA SMOS SO, ,SANGS RGYAS NYID DU DAM BCAS KYI DE LAS GZHAN GYI BDE BA SBYIN PAR BYED PAR KHAS BLANGS PA MED PAS MI BZOD PA BYAS KYANG MI 'GAL ZHES GAL TE RGOL BA LA, BSNYEN BKUR ZHES SMOS TE, NGAN DON TZAM LA YANG MI BZOD CING KHRO BAR BYED NA DE LA BYANG CHUB KYI SEMS LTA GA LA SRID CES PA'O, ,RNAM GRANGS GZHAN GYI SGO NAS GDAMS PAR BZHED NAS GAL TE ZHES SMOS TE, DES ZHES PA NI GZHAN GYIS SO, ,DE ZHES PA NI RDZAS SO; ,MED CES PA NI KHYOD KYIS MI THOB PA'O, ,CI BYA ZHES PA NI BYIN PA 'AM MA BYIN YANG RUNG GAL CI CHE BA'O, ,DAD PA NI STER MKHAN GYI DAD PA'O, ,RANG GI YON TAN YANG NGO, ,CI'I PHYIR 'DOR ZHES PA NI 'BRAS BU CUNG ZAD KYANG MA BYIN CIG CES CI NAS 'GEGS PAR BYED CES PA'O, ,GZHAN GYI @121A *, ,RNYED PA LAS BYUNG BA'I BAR MI 'DOD PA BKAG NAS, DA NI MI 'DOD PA LAS BYUNG BA'I DGA' BA DGAG PA'I PHYIR, GAL TE DGRA ZHIG CES SMOS TE, CI ZHIG YOD CES PA NI DE LA CUNG ZAD CIG KYANG GNOD PAR MI 'GYUR ZHES BYA BA'I DON TO, ,GAL TE BDAG GIS BSNGAGS PAR MA BYAS PA NYID KYIS DE LA MI 'DOD PA SKYE BAR 'GYUR RO SNYAM PA LA, KHYOD KYIS ZHES SMOS TE, RGYUR MI 'GYUR ZHES PA NI SNGON GYI LAS MED PAR ZHES BYA'O, ,CI STE KHYOD KYI 'DOD PA KHO NAS GZHAN GYI SDUG BSNGAL DE'I RGYUR GRUB PA DE LTA NA'ANG GZHAN GYI SDUG BSNGAL DE LA KHYOD DGAR CI YOD DE, 'BRAS BU MED PA NYID DO ZHES BYA BA'I DON TO, ,'TSENG BA NI DGOS PA'O, ,DE LAS MA GTOGS PA'I PHUNG BA MED PA NI 'DI NYID 'BRAS BU MED PAR PHUNG BA NYID DO ZHES BYA BA'O, ,CI'I PHYIR NA 'DI PHUNG BA YIN SNYAM PA LA, NYON MONGS ZHES SMOS TE, NYON MONGS PA NYID MCHIL BA 'DEBS PAR BYED PAS NYA PA'O, ,MCHIL BA DANG 'DRA BAS NA MCHIL BA STE, NYA GZUNG BAR BYA BA'I DON DU SHA DANG BCAS PA'I LCAGS KYU'O, ,MI BZAD CES PA NI SHIN TU GZER BA'O, ,GANG NYA PA DANG 'DRA BA'I NYON MONGS PA DES BSOD NAMS KYI CHU BO NAS NYA DANG 'DRA BA KHYOD BZUNG NAS KHA CHUNG LA GSUS PA CHE BA'I BUM PAR BCUG CING 'TSED PAR 'GYUR BA'O, ,BSTOD PA LA SOGS PA LA YANG KHENGS PAR MI BYA'O ZHES GDAMS PA'I PHYIR, BSTOD DANG ZHES BYA BA LA SOGS PA SMOS TE, SKYES BU RNAMS KYI DON DU GNYER BAR 'DOD PA'I RNAM PA NI LNGA STE, BSOD NAMS DANG, TSE DANG, STOBS DANG, NAD MED PA DANG, LUS BDE BA RNAMS SO, ,BSTOD PA NI YON TAN BRJOD PA'O, ,STOBS NI LUS LAS BYUNG BA'O, ,SHES GYUR NI MKHAS PAR GYUR NA'O, ,DE LA ZHES PA NI RNAM PA LNGAR BRJOD PA LA'O, ,CI STE YID KYANG BDE BAR BYA RU YOD PA MA YIN NAM DE JI LTAR NGES PAR GZUNG BAR BYA SNYAM DU DOGS PA LA, YID BDE ZHES SMOS TE, GZHAN YANG BSTOD PA LA SOGS PA NI SLU BYED NYID DO ZHES BSTAN PA'I PHYIR, GRAGS PA'I ZHES SMOS TE, TSIG 'BRU NI BSTOD PA'I TSIG RNAMS SO, ,BDE BA NI GRAGS PA LA SOGS PA'I BDE BA'O, ,YANG BRTAG PA GZHAN GYI SGO NAS 'DI DAG RNAMS NI BYIS PA'I CHOS NYID DU BSTAN PA'I @121B PHYIR; BYE MA'I KHANG BU ZHES BYA BA LA SOGS PA TSIGS SU BCAD PA LNGA GSUNGS TE ZHES GRAGS PA ZHES BYA BA NI RANG MI 'DOD PA'O, ,DE NI ZHES PA NI GZHAN GYI DGA' BA'O, ,GRANG ZHES PA NI DGA' BA'I RGYU YIN LA RAG NA ZHES PA'O, ,BDE BA DE YANG GZHAN GYI YIN NA BDAG LA CI YANG MI PHAN PA STE, DE NYID KYI YIN PAS NA 'BREL PA MED PA'I PHYIR RO, ,DE BDE BA ZHES PA NI DE'I DGA' BA DANG BDE BA'O, ,CI STE BSTOD PA'I BDE BA LAS BDE BA NYID 'DOD PA LTA NA DE'I TSE THAMS CAD LA 'DOD PAR RAG MOD, ,SO SOR NGES PA 'DIS CI ZHIG BYA, BDAG LAS GZHAN LA DGA' BA SKYES NAS, DES DE LA BDE BA'I RIGS NA BDAG CIS MI BDE, DE'I PHYIR BDAG BSTOD CES PA NI PHYIN CI LOG GIS BRTAGS PA NYID KYI BDAG GI BDE BA'O, ,DE LA GZHAN GANG BDE BA DANG LHAN CIG 'BREL PA YOD PA MA YIN PA'I PHYIR BYIS PA'I SPYOD PA KHO NAR ZAD DO, ,DE'I PHYIR YANG BDE BA LA SOGS PA GNOD PA BYED PA'I RGYU YIN NO ZHES BSTAN PA'I PHYIR, BSTOD PA LA SOGS PA ZHES SMOS TE, DGE BA'I PHYOGS YONGS SU SKYONG BA LAS G-YENG BA NI G-YENGS PA'O, ,GZHAN GYI YON TAN DAG YON TAN MA YIN PAR SGRUB PAR BYED PA NI PHRAG DOG GO, ,GZHAN GYI YON TAN GYIS BSAGS PA'I PHUN SUM TSOGS PA LA ZHE SDANG GIS 'JIG PA NI 'JIG PAR BYED PA'O, ,GZHOM PHYIR ZHES PA NI BZLOG PAR BYA BA'I PHYIR RO, ,NGAN SONG NI DMYAL BA LA SOGS PA'O, ,GZHAN YANG BDAG NI GROL BA DON DU GNYER ZHES BYA BA LA SOGS PA LA, 'CHING BA NI 'CHING BAR BYED PA'O, ,SGO 'PHAR NYID NI 'GEGS PAR BYED PA NYID DO, ,BSOD NAMS KYI GEGS BYED PA LA YANG ZHE SDANG SKYE BA BZLOG PAR BYA BA'I PHYIR, ,'DI NI BSOD NAMS ZHES BYA BA LA SOGS PA SMOS TE, BZOD PA DANG MTSUNGS PA NI MNYAM PA'O, ,DKA' THUB NI BSOD NAMS SO, ,RANG GI SKYON GYIS MA SHES NAS SO, ,BSOD RNAMS KYI RGYU NI DGRA'O, ,DE LTAR NA JI LTAR GEGS ZHES BSTAN PA'I PHYIR, GANG ZHIG CES SMOS TE, DPE BSTAN PA'I PHYIR, DUS SU PHYIN PA'I ZHES SMOS TE, DUS SU 'ONGS PA'O, ,DE'I PHYIR BZOD PA NYID LA NAN TAN BYA'O ZHES BSTAN PA'I PHYIR, 'JIG RTEN NA NI ZHES BYA BA LA SOGS @122A *, ,PA SMOS TE, GNOD PA NI NYES PAR BYED PA'O, ,NGAL BSAM BSGRUBS PA NI DKA' SPYAD KYIS MA BSGRUBS PA'O, ,GTER ZHES PA NI MI ZAD PA'I MDZOD DO, ,GZHAN YANG 'DI DANG ZHES BYA BA LA SOGS PA LA NI DGRA DANG NGO, ,BSGRUBS PA NI BYAS PA'O, ,BZOD PA'I 'BRAS BU NI CHOS KHONG DU CHUD PA'I MTSAN NYID DO, ,'DI LA STE GNOD PA BYED MKHAN LA THOG MA NYID DU BDAR BAR BYA BA'O, ,'DI SNYAM DU SGRA 'DI LA BZOD PA 'DI BSGRUB PAR BYA'O SNYAM PA'I BSAM PA MED PAS MCHOD PA'I 'OS MA YIN NO SNYAM DU RTOG PA'O, ,GRUB PA'I RGYU NI SANGS RGYAS GRUB PA'I RGYU'O, ,GAL TE ZHES BYA BA NI GAL TE GNOD PA BYED PA'I BSAM PA MED PAR GYUR NA DE'I TSE BZOD PA JI LTAR 'GRUB CES PA'O, ,SMAN PA BZHIN DU PHAN PA LA BRTZON PA NI PHYOGS PA'O, ,GANG GI PHYIR PHAN PA LA PHYOGS PA LAS BZOD PA MED PA DE'I PHYIR DGRA BO'I GNOD PA BSAM PA LA BRTEN NA BZOD PA 'GRUB PA YIN PAS NA DGRA BO DE MCHOD PAR 'OS PA'O, ,DE'I PHYIR SEMS CAN LA YANG BSOD NAMS KYI SGRAS BRJOD DE, DE BSOD NAMS KYI TSOGS KYI RGYU YIN PA'I PHYIR RO, ,PHUN SUM TSOGS PA'I PHA ROL NI SANGS RGYAS NYID DO, ,GZHAN YANG SEMS CAN RNAMS DANG ZHES BYA BA LA SOGS PA LA, SANGS RGYAS KYI CHOS NI MI 'JIGS PA LA SOGS PA'O, ,SGRUB PA NI DE SGRUB PAR BYED PA'O, ,TSUL NI RIM PA'O, ,CI STE BSAM PA'I YON TAN GYIS BCOM LDAN 'DAS CHE BA MA YIN NAM ZHES DOGS PA LA, BSAM PA'I ZHES SMOS TE, RANG LAS ZHES PA NI RANG YOD PA TZAM LAS SO, ,DES ZHES PA NI 'BRAS BU STE, SANGS RGYAS KYI CHOS SGRUB PAR MTSUNGS PA'I RGYU DES NA SEMS CAN DE DAG RGYAL BA DANG MNYAM PA NYID YIN NO, ,'DI'I PHYIR YANG SEMS CAN DANG SANGS RGYAS DAG CHE BA MNYAM PA'O ZHES BSTAN PA'I PHYIR, BYAMS SEMS ZHES BYA BA LA SOGS PA SMOS TE, SEMS CAN MED PAR BYAMS PA GANG LA SRID, ,DE'I PHYIR MCHOD PA BYA BAR RIGS PA NYID DO, ,DE'I PHYIR SANGS RGYAS KYI CHOS THOB PAR BYED PA'I CHA NAS SEMS CAN DANG, RGYAL BA MNYAM PA NYID DO, ,YON TAN RGYA MTSO NI STOBS LA SOGS PA'O, ,YON TAN GYI PHUNG PO DE DAG MTSON PA'O, ,MTHA' YAS PA NI MU MED PA'O, ,DE LTAR RGYU @122B DE'I SGO NAS 'GA' STE SEMS CAN RNAMS DANG MI MNYAM MO, ,YON TAN GYI CHE BA NYID BSTAN PA'I PHYIR, YON TAN ZHES SMOS TE, GANG SANGS RGYAS RNAMS KYI YON TAN GYI MCHOG GI TSOGS PHUNG PO GCIG TU BYAS PA'O, ,SHAS TZAM NI PHYOGS GCIG GO, ,'GA' ZHIG LA STE SEMS CAN 'GA' ZHIG LA'O, ,DE LA ZHES PA NI YON TAN PHRA MO'I GZHIR GYUR PA'I SEMS CAN LA'O, ,KHAMS GSUM STE KHAMS GSUM STE KHAMS GSUM DU SKYES BA'I RIN PO CHE LA SOGS PA RNAMS PHUL YANG CHUNG BA'O, ,JI LTAR NA SEMS CAN RNAMS BSTEN PAS NA SANGS RGYAS RNAMS LA MCHOD PA BYAS PA YIN SNYAM PA LA, SANGS RGYAS ZHES SMOS TE, 'DI TZAM CHA ZHES PA NI SANGS RGYAS KYI CHOS SGRUB PA'I CHA'O, ,CHA BSTUN NAS TE, DE 'DRA BAR BYAS NAS SO, ,DES NA SANGS RGYAS LA MCHOD PA BYAS PAR 'GYUR RO, ,YANG NA RGYAL LA NI GUS BYA, DE BZHIN DU SEMS CAN LA MIN ZHES PAS SEMS CAN LA MCHOD PA BYA BAR BRJOD PA 'DI DAG TZAM DANG CHA BSTUN NAS MCHOD PAR BYA BA'I RIGS PAR 'GYUR RO, ,GZHAN YANG ZHES BYA BA LA SOGS PA LA G-YO NI SLU BA'O, ,GANG DAG SEMS CAN DPAG TU MED PA LA PHAN PAR MDZAD PA RNAMS SO, ,LAN LDON ZHES PA NI BYAS PA LA DRIN LAN LDON PA'O, ,DE LA STE SEMS CAN RNAMS LA'O; ,PHAN PA NI ZAD PAR BYED PA'I DON RNAMS SO, ,LAN NI SLAR GYI LAN NO, ,LDON PAR 'GYUR PA NI PHYIR PHAN PAR BYED PA'O, ,THAMS CAD BZANG DGU NI DGE BA RNAM PA SNA TSOGS SO, ,RJER GYUR NI SANGS RGYAS LA SOGS PA'O, ,GANG GI PHYIR TE SEMS CAN GYI PHYIR RO, ,DE LA STE, RJER GYUR PA'I SANGS RGYAS KYI SRAS PO DE RNAMS LA'O, ,NGA RGYAL JI LTAR BYA STE, BRAN DU BYA BA'O, ,GANG DAG STE, SEMS CAN RNAMS SO, ,DGYES PA NI MNYES PA'O, ,MI DGYES PA NI SKYO BAR 'GYUR BA'O, ,DE DAG STE SEMS CAN DE DAG DGA' PAS SO, ,DE LA STE SEMS CAN RNAMS LA'O, , GNOD PA NI RNAM PAR GTZES ? PA'O, ,RAB TU SKYO BA NYID DPE DANG BCAS TE BSTAN PA'I PHYIR, JI LTAR LUS LA ZHES SMOS TE, ME RAB TU 'BAR BAS SA PHYOGS KUN MA LUS PA BSREG PAR 'GYUR BA'O, ,GNOD PA NI GNOD PAR 'GYUR BA STE, SMAD PA LA SOGS PAS GNOD PAR 'GYUR BA'O, ,BYAS @123A *, ,PA ZHES NI BSKYED PA'O, ,MI DGYES PA NI THUGS SKYO BAR 'GYUR BA'O, ,BZOD PAR GSOL BA NI GANG SEMS CAN RNAMS LA GNOD PAR 'GYUR BAS GNOD PAR BYAS PA RNAMS SO, ,BRAN NI BRAN GYI DNGOS POR RO, ,MCHI ZHES PA NI BGYI'O ZHES PA'O, ,'GRO BA NI 'JIG RTEN PA'I 'O,, BDAG GIS ZHES PA NI TSIG GI LHAG MA'O, ,GZHAN YANG SEMS CAN RNAMS LA MI GUS PAR MI BYA'O ZHES BSTAN PA'I PHYIR, THUGS RJE'I ZHES BYA BA LA SOGS PA SMOS TE, BDAG DANG GZHAN DU MNYAM PA LA SOGS PAS 'GRO BA RNAMS BDAG TU MDZAD PAS NA SANGS RGYAS NYID SEMS CAN GYI GZUGS SU SNANG BA YIN NA, GANG GI PHYIR GUS PAR MI BYED PA 'DI NYID DO, ,SEMS CAN RJES SU BSTAN PA'O, ,MNYES PAR BYED, RANGS PAR BYED PA'O, ,RANG DON NI SANGS RGYAS SO, ,SDUG BSNGAL NI NYON MONGS PA'O, ,RTAG TU NI NGES PAR RO, ,MA 'ONGS PAS 'JIGS PA'I SGO NAS KYANG GZHAN LA GNOD PAR BYED PA LA RGYAB KYIS PHYOGS PAR BYA'O ZHES BSTAN PA'I PHYIR, DPER NA ZHES BYA BA LA SOGS PA SMOS TE, GNOD PAR BYED PA NI 'TSE BAR BYED PA'O, ,MIG RGYANG RING BA NI MA 'ONGS PA'I DUS LA BLTA BA'O, ,NUS KYANG STE STOBS KYIS THUB KYANG NGO, ,PHYIR GNOD MI BYED PA NI TSIG TZAM GYIS KYANG MI DGA' BA'I TSUL STON PAR MI NUS PA'O, ,NYAM CHUNG BA NI NUS PA DANG BRAL BA'O, ,KHYAD DU MI GSOD PA NI SNGAN ? CHAN MI BYA BA'O, ,THUGS RJE DANG LDAN PA NI SANGS RGYAS LA SOGS PA'O, ,RGYAL PO GTUM PO LA SOGS PAS LHAG PAR CHAD PA'I LAS DANG RJES SU GNANG BA THOB PA BSTAN PA'I PHYIR, JI LTAR DMANGS KYIS ZHES BYA BA LA SOGS PA SMOS SO, ,SEMS CAN MNYES PAR BYAS PA'I 'BRAS BU BSTAN PA'I PHYIR, SEMS CAN MGU LAS ZHES BYA BA LA SOGS PA SMOS TE, SEMS CAN MNYES PAR BYA BA 'DI NYID 'DI DAG 'BYUNG BA'I GNAS SO, ,DPAL CHE BA NI PHUN SUM TSOGS PA'O, ,SKYID PA NI SEMS SKYID PA'O, ,'KHOR TSE ZHES BYA BAS NI SKYE BA GZHAN DANG GZHAN DU YANG DPAL LA SOGS PA THOB PAR 'GYUR BA'O, ,BYANG CHUB SEMS DPA'I SPYOD PA LA 'JUG PA LAS LE'U DRUG PA'I DKA' 'GREL LO,, ,,DE LTAR BZOD @123B PA BSTAN NAS, BRTZON 'GRUS BSTAN PA'I PHYIR, DE LTAR ZHES BYA BA LA SOGS PA SMOS TE, 'DI LA BZOD PA YOD PAS NA BZOD PA ZHES BYA'O, ,BRTZON 'GRUS KYI MI MTHUN PA'I PHYOGS BSTAN PA'I PHYIR, LE LO ZHES SMOS TE, LE LO NI PHYI SHOL LO, ,NGAN LA ZHEN PA NI RGOD PA LA SOGS PA LA ZHEN PA'O, ,SGYID LUG PA NI YI BSAD PA'O, ,BSDUS PA NI DE DAG RNAMS KYIS BDAG NYID BRNYAS PA'O, ,LE LO'I RGYU BSTAN PA'I PHYIR, MI RTZOL BA DANG ZHES SMOS TE, MI RTZOL BA NYID BDE BA STE, DE'I RO NYAMS SU LEN PA'O, ,DE LA NI GNYID DANG BLO BRTEN PA'I SRED PA NI SNYES PA'O, , LE LO GTONG BA'I THABS BSTAN PA'I PHYIR, NYON MONGS PA ZHES SMOS TE, NYON MONGS PA NYID RGYA STE NYA BA LA SOGS PA'O, ,RGYA NI 'DRA'O, ,DES BSHOR TE MI BZUNG NAS MI GTONG NGO, ,SKYE BA NYID SKYE BA'I RGYA'O, ,RANG SDE NI RANG DANG RIGS MTHUN PA'I SRID PA RNAMS SO, ,RANG GI SDE TSAN DE RNAMS RIM GYIS BSAD CING KHA BTAGS NA YANG KHYOD KYIS MTHONG BAR MA GYUR TAM, GANG DU CI ZHIG LTA ZHING BSDAD CES BYA BA'O, ,GDOL PAS KHRID PA'I MA HE BZHIN, ,RANG GI SDE TSAN GSOD PA MTHONG BA BZHIN DU YANG KHYOD GNYID LOG PAR BYED DAM ZHES PA'O, ,DGA' BA NI ZHEN PA'O, ,'CHI BDAG NYE BAR GYUR PAS LE LO SPANG BAR BYA'O ZHES SMOS TE, GANG GI TSE GANG ZHIG TSIGS SU BCUG PA NI NAD LA SOGS PA'I MTSAN NYID DO, ,CHAS PA NI BSDOGS SU BCUG PA'O, ,DUS MA YIN PA'I DE NYID BSTAN PA'I PHYIR, 'DI NI MA BYAS ZHES BYA BA LA SOGS PA'I TSIGS SU BCAD PA GSUNGS TE, MA BYAS PA NI MA BRTZAMS PA'O, ,KYI HUD CES PA NI AE MA'O, ,DE RING 'DIR BCOM PAR GYUR TO ZHES SEMS TE, CI ZHIG BYA ZHES 'OG NAS 'BYUNG BA DANG 'BREL TO, ,MYA NGAN NI 'BRAL BAR 'GYUR BA'I SEMS KHRAL LO, ,SHUGS NI DE'I RGYUN 'JUG PA'O, ,SKRANGS PA NI NGES ? SPOS PA'O, ,DE'I MIG DMAR POR GYUR NAS MCHI MA 'DZAG PA NI 'BAB PA'O, ,DE LTA BUR GYUR PA'I GDONG PA NI GDONG NGO, ,NYE DU STE GNYEN 'BREL RNAMS KYI GDONG DU YANG LTA'O, ,DE NAS LAS KYI STOBS KYIS SNANG BA'I GSHIN RJE'I PHO NYA'I BZHIN LA YANG LTA BAR BYED DO, ,GDUNG BA NI PHYIS 'GYOD PAS ZIN PA'O, ,SKRAG @124A *, ,PAS MI GTZANG BA STE BSHAD PAS LUS LA GOS PAR 'GYUR BA'O, ,DE'I PHYIR TSE 'DI NYID LA 'JIGS PA DANG LDAN PAR 'GYUR RO, ,DMYAL BA'I LAS BYUNG BA'I 'JIGS PA NI DMYAL BA'O, ,DE DAG GI SDUG BSNGAL NI MI ZAD PA'O, ,SMOS CI DGOS ZHES BYA BA NI LTA CI SMOS ZHES BYA BA'O; ,RAB TU TSA BA ZHES PA NI BSREGS PAS SO, ,BDE BAR GNAS ZHES PA NI JI LTAR KHYOD SKYID DU RE NAS SDOD CES PA'O, ,LHA LTA BUR ZHES PA NI LHA 'CHI BA RNAMS DANG 'DRA BAR RO, ,SNYING RJE'I RANG BZHIN DE LA SKYO BA SKYES NAS KYI HUD SDUG BSNGAL DAG GIS BCOM ZHES SMOS TE, KUN TU RMONGS PA MANG PO'I DBANG DU SONG BAS NA DGA' BAR GYUR TO ZHES BYA BA'O, ,GNYID STUG PO RNAMS DBANG DU BYA BA NI MI'I GRU ZHES BYA BA LA SOGS PA SMOS SO, ,NGAN PA LA ZHEN PA BZLOG PAR BYA BA'I PHYIR, DGA' BA'I RGYUN ZHES SMOS TE, DGA' BA NI ZHEN PA'O, ,RGYUN NI BDE BA'I RGYUN NO, ,MTHA' YAS PA NI BRTZIS MI LANG BA'O, ,RGOD PA NI LUS DANG SEMS MA NON PA'O, ,SGYID LUG PA'I DBANG DU GYUR PA RNAMS DGAG PAR BSTAN PA'I PHYIR, SGYID MA LUG PA DANG ZHES SMOS TE, SGYID MA LUG PA DANG STOBS KYI TSOGS DANG 'BAD PA STE 'BAD RTZOL DANG BDAG NYID DBANG DU 'GYUR TE BDAG NYID DBANG DU BYAS PA'AM, ,YANG NA GSUM DANG LDAN PAS BDAG NYID DBANG DU GYUR PA DANG BDAG DANG GZHAN DU MNYAM PA DANG, BDAG DANG GZHAN DU BRJE BA RNAMS NI GNYEN PO'I PHYOGS SO, ,DE LA SGYID MA LUG PAR BSTAN PA'I PHYIR, BDAG GIS ZHES BYA BA LA SOGS PA SMOS TE, BDAG LTA BUS BYANG CHUB THOB PAR GA LA NUS ZHES TSUL DE LTAR YI BSAD PAR MI BYA STE, GANG GI PHYIR DE BZHIN GSHEGS PA NYID KYIS GSUNGS PA DE'I PHYIR YI GSAD PAR MI BYA'O ZHES BYA BAR 'BREL TO, ,JI SKAD GSUNGS SNYAM PA LA, SBRANG BU ZHES SMOS TE, DES KYANG BRTZON PA BSKYED NAS 'THOB PAR RO, ,RIGS KYI MIR SKYES ZHES BYA BA NI BDAG GI RIGS MIR SKYE BA THOB PAR GYUR PA'O, ,BYANG CHUB SPYOD PA NI BYANG CHUB KYI SEMS SO, ,CIS MI THOB CES BYA BA NI CIS KYANG 'THOB PA'O, ,LCI BA NI CHEN PO NYID DO, ,YANG BA NI DKA' SLA CHUNG BA'O, ,MA DPYAD PA NI @124B DPYOD MI BZOD PAS SO, ,RMONGS PA NI MI SHES PA'O, ,LCI BA LA MA RMONGS PA NYID BSTAN PA'I PHYIR, BSKAL PA ZHES SMOS SO, ,YANG BA LA MA RMONGS PA NYID BSTAN PA'I PHYIR, BDAG GIS ZHES PA SMOS TE, 'DI NI ZHES PA LAG PA LA SOGS PA SBYIN PA'O, ,TSOD YOD CES PA NI DKA' SLA MED PA'O; ,GNOD BSAL PHYIR ZHES PA NI BTON NAS BTANG BA STE BSAL BAR BYA BA'I PHYIR RO, ,SDUG BSNGAL NI RANG DANG GZHAN GYI RGYUD LA SKYES PA'I SDUG BSNGAL LO, ,MI BDE CHUNG BZOD CES PA NI LAG PA LA SOGS PA SBYIN PA'O, ,LAS DANG PO PA'I BYANG CHUB SEMS DPA' RNAMS LA DKA' BA SPYOD PA MA GNANG NGO ZHES BSTAN PA'I PHYIR, GSO DPYAD CES SMOS TE, LAG PA LA SOGS PA SBYIN PA'I MTSAN NYID DO, ,SMAN PA'I MCHOG NI THAMS CAD MKHYEN PA'O, ,MA MDZAD PA NI RJES SU MA GNANG BA'O, ,'JAM POS TE BYAMS PAS SO, ,NAD CHEN DPAG MED NI 'DOD CHAGS LA SOGS PA'I NAD KYIS THEBS PA'O, ,GSO BAR MDZAD PA NI NAD GROL BAR MDZAD PA'O, ,SPYOD PA 'JAM PO DE NYID BSTAN PA'I PHYIR, TSOD MA LA SOGS ZHES PA NI DANG PO'O, ,RANG GI SHA SBYIN PA'I SPYOD PA BRLING PO SUS BYED PAR NUS SNYAM PA LA, GANG TSE ZHES SMOS TE, BLO NI 'DU SHES SO, ,SEMS CAN GCIG GI CHED DU YUN RING POR 'KHOR BAR SDUG BSNGAL NYAMS SU LEN PA JI LTAR NA DKA' BA SPYOD PAR MI BYA SNYAM PA LA, SDIG PA ZHES SMOS TE, MKHAS PA'I PHYIR NI ZHES PA NI LOG PAR RTOGS PA DANG BRAL BA'I PHYIR RO, ,GANG GI PHYIR 'DI LTAR LOG PAR RTOGS PA DANG SDIG PA GNYIS KYIS SEMS DANG LUS LA GNOD PAR 'GYUR BA STE, 'DI NYID BSTAN PA'I PHYIR, BSOD NAMS ZHES SMOS PA LA, BDE BA SKYES PAS NA BDE BA'O, ,'DOD PA MYUR DU SGRUB PA'I MCHOG NI NYAN THOS KYI THEG PA LA BRTEN TO SNYAM PA LA, 'DI NI ZHES SMOS TE SNGON GYI SDIG PA RNAMS MA LUS PAR ZAD PAR BYED PA'O, , RGYA MTSO ZHES PA NI TSOGS SO, ,BSOD NAMS KYIS BDE BA NAS BDE BAR 'GRO BA THOB PAR 'GYUR BA'O, ,STOBS KYIS ZHES PAS SNGAR BRJOD PA'I MI MTHUN PA'I PHYOGS LAS RGYAL BAR BYED PAS NA STOBS SO, ,DE NYID BZHI 'DUS PA'I RANG BZHIN YIN PA'I PHYIR TSOGS SO, ,DE BSTAN PAR BYA BA'I PHYIR, @125A *, ,SEMS CAN DON ZHES SMOS TE, GRUB BYA NA STE, GRUB PAR BYA BA'I DON TO, ,MOS PA NI DGE BA LA SPRO BA'O, ,BRTAN PA NI BRTZAMS PA MTHAR PHYIN PA'O, ,DGA' BA NI DAM PA'I LAS LA ZHEN PA'O, ,DOR BA NI NAM MI NUS PA'I SKABS SU GTONG ZHING KLOD PA'O, ,DE LA MOS PA'I SKYE BA'I RGYU BSTAN PA'I PHYIR, MOS PA ZHES SMOS TE, SDUG BSNGAL NI DMYAL BA LA SOGS PA'O, ,DGE BA'I PHAN YON NI BDE GSHEGS SU SKYE BA LA SOGS PA'O, ,BSAM PA ZHES PA NI YANG NAS YANG DU BSAM PAS SO, ,DE LTAR ZHES PA NI BRTAN PA LA SOGS PA STE, MOS PA'I RAB TU DBYE BA YIN PA'I PHYIR RO, ,MOS PA LA SOGS PA'I MI MTHUN PA'I PHYOGS NI LE LO LA SOGS PA'O, ,SPANGS PA NI DRUNGS PHYUNG BA'O, ,GANG ZHE NA, GANG DAG SDUG BSNGAL GYIS 'JIGS SHING 'BRAS BU LA MOS PA LA SOGS PA RNAMS KYIS SO, ,NGA RGYAL NI SNGAR BRJOD PA'I BSTAN PA NYID DO; ,DE BZHIN GTONG BA NI DOR BA'O, ,'BAD PA STE 'BAD RTZOL LO, ,DBANG SGYUR BA NI BDAG NYID DBANG SGYUR BA'O, ,'BAD PA DANG DBANG DU GYUR PA BDAG GI SAR PHYE STE BSTAN KYANG MOS PA LA SOGS PA YIN PA'I PHYIR STOBS NYID DO, ,DE DAG RNAMS NI STOBS NYID DE, NUS PA'I RANG BZHIN YIN PA'I PHYIR DE DAG GI DRUNGS 'BYIN PA'O, ,'BAD PA ZHES BYA BA NI BRTZON 'GRUS SO, ,SNGAR BSTAN PA'I MOS PA BSKYED PA NYID RGYAS PAR BSTAN PA'I PHYIR, BDAG DANG GZHAN ZHES SMOS TE, BSKAL PA RGYA MTSO NI BSKAL PA DU MA'I TSOGS SO, ,BRTZON PA NI 'JUG PA'O, ,CUNG ZAD TZAM ZHES PA'I BRTZON PA'I CHA BAG ZHAD TZAM MO, ,SNYING NI BRANG GI'O, ,LO BAS KYANG ZHES PA NI GOMS PAR BYAS KYANG NGO, ,RMAD DU BYUNG BA NI RNYED PAR DKA' BA'I PHYIR RO, ,JI LTAR DON MED PAR BYAS SNYAM PA LA, BDAG GIS ZHES BYA BA LA SOGS PA SMOS TE, BCOM LDAN 'DAS NYID MCHOD PA NYID DGA' STON CHEN PO STE, DES BDE BA'O, ,BSTAN PA'I BYA BA NI LHA KHANG LA SOGS PA SBYIN PA'O, ,NYAM THAG CES PA NI MNANG BA'O, ,'DI 'DRA ZHES PA NI DBUL BA LA SOGS PA'I MTSAN NYID DO, ,RTZA BA ZHES PA NI GTZO BO'I 'O, ,DE'I YANG ZHES PA NI MOS PA MANG BA'I YANG NGO, ,LUNG DU BSTAN @125B PA'I LAS DGE BA DANG MI DGE BA'I LAS SKYES SHING RANG NYID LUNG DU MA BSTAN PA'I RANG BZHIN CAN GYI SEMS CAN ZHES BYA BA 'DOD PA DANG MI 'DOD PA'I MTSAN NYID KYI RNAM PAR SMIN PA'I 'BRAS BU STE, RIGS MI MTHUN PA LA LONGS SPYOD PA DE YANG NAS YANG DU DRAN PAR BYED PA NI BSGOM PA ZHES BYA'O; ,MI DGE BA'I 'BRAS BU BSTAN PA'I PHYIR, SDUG BSNGAL ZHES BYA BA LA SOGS PA SMOS SO, ,DGE BA'I 'BRAS BU BSTAN PA'I PHYIR, YID LA ZHES SMOS TE, YID NI 'JUG PAR BYED PA'I RGYU YIN PA'I PHYIR SHING RTA DANG 'DRA BAS NA SHING RTA'O, ,'BRAS BU MCHOD RDZAS DANG 'DRA BAS NA MCHOD RDZAS KYIS MCHOD PAR 'GYUR RO, ,YANG MI DGE BA'I 'BRAS BU BSTAN PA'I PHYIR, SDIG PA BYED PA ZHES SMOS TE, SDIG PA DES ZHES PA NI BYED PA PO'I GSUM PA'I, ,SDUG BSNGAL NYID MTSON YIN PAS NA MTSON NO, ,MTHONG BA'I DGE BA DANG MI DGE BA'I 'BRAS BU BRJOD NAS MA MTHONG BA'I BRJOD PA'I PHYIR, RGYA CHE ZHES BYA BA LA SOGS PA TSIGS SU BCAD PA GNYIS GSUNGS SO, ,PADMA NI DRI ZHIM POS DGA' BAR BYED PA'I PADMA'O, ,RGYAL BA'I GSUNG SNYAN NYID ZAS TE DES 'TSO BA'O, ,BYAS ZHES PA NI DES BSKYED PA'O, ,NYER SOGS ZHES BYA BA NI 'PHEL ZHING RGYAS PAR BYED PA'O; ,'OD NI THUB PA'I 'OD DPAG TU MED PAR RAB TU 'TSER BA'O, ,RGYAS PA NI PADMA GANG ZHIG KHA RGYAS SHING 'OD ZER GYI TSOGS KYIS BSTAR BA'O, ,BYUNG BA NI DE NAS BYUNG BA'O, ,LUS KYI MCHOG STE MDZES PA'I LUS GANG ZHIG DE LAS SKYES PA'O, ,GSHIN RJE'I SKYES BU RNAMS KYIS PAGS PA MA LUS PAR BSHUS PAS NYAM THAG PA'I NGA RO 'DON PA'O, ,ME RAB TU 'BAR ZHING GDUNG BA DES RNAM PAR BZHU BA NI ZHU BAR GYUR PA STE, DE 'DRA BA'I ZANGS ZHUN MA DES DE'I LUS LA LDUGS PAR 'GYUR BA'O, ,GANG ZHIG RAB TU 'BAR BA'I RAL GRI DANG MDUNG THUNG DE DAG GIS BSNUN CING GSHEGS NAS DE'I SHA DUM BUR BYAS PA NI DUM BU BRGYAR LHAGS PA'O, ,MOS PA'I STOBS MJUG BSDU BA'I PHYIR, DE BAS ZHES SMOS TE, DE LTAR DGE BA DANG MI DGE BA'I 'BRAS BU GUS PAR BSGOMS SHING DPYAD NAS DGE BA LA GOMS PAR BYA'O, ,NGA RGYAL GYI STOBS KYI DBANG DU BYAS TE BSTAN PA'I PHYIR RDO RJE ZHES SMOS TE, RDO RJE @126A *, ,RGYAL MTSAN GYI MDO NAS BSHAD PA'I CHO GA'I RIM PAS BSGRUB PAR BYA BA'I DON BRTZAMS SHING GONG NAS GONG DU BRTAN PAR BSGOM PAR BYA'O, ,YANG NA BRTAN PAR BRTZAMS PA ZHES PA NI BRTZAMS TE NGA RGYAL BSGOM PAR BYA BA'O, ,BRTZAMS PA'I RIM PA NYID BSLAB PAR BYA BA'I PHYIR, DANG POR ZHES SMOS TE, BRTZAMS PA NI KHAS BLANGS PA'O, ,BRTZAMS NAS LOG NA SKYON CI YOD SNYAM PA LA, SKYE BA ZHES SMOS TE, SKYE BA GZHAN DU YANG DGE BA LAS LDOG PA LA 'JUG PA DE GOMS NA YANG SDIG PA DANG SDUG BSNGAL DAG 'PHEL BAR BYED PA'O, ,GZHAN YANG ZHES PA NI DANG PO RTZOM PA'I DUS RANG DU YONGS SU SPANG BA'O, ,BYA BA'I DUS SU ZHES PA NI DE YONGS SU BTANG BA'I DUS GANG YIN PA DE NYID 'BRAS BU GNYIS PA BRTZAMS PA'O, ,DMAN PA NI NYAMS PA'O, ,DE NI ZHES PA NI DE YANG ZHES BYA BA STE, GANG GI TSE BRTZAMS PA YONGS SU BTANG BA DE'I TSE DE YANG MA BSGRUBS PA'O, ,CI THAMS CAD DU NGA RGYAL BYA BA YIN NAM SNYAM PA LA, LAS DANG ZHES SMOS TE NYON MONGS PA NI 'DIR NYE BA'I NYON MONGS PA'O, ,LAS KYI NGA RGYAL BSHAD PAR BYA BA'I PHYIR, BDAG NYID CES SMOS TE, SEMS CAN RNAMS KYI KHA NA MA THO BA MED PA'I LAS GANG CUNG ZAD BYA BAR 'OS PA BYUNG NA DE THAMS CAD BDAG NYID GCIG PUS BYA'I, GZHAN DAG LA GO SKABS SBYIN PAR MI BYA'O, ,DE NYID BSTAN PA'I PHYIR, NYON MONGS PA ZHES SMOS TE, NYON MONGS PA LA RAG LAS PA NI DBANG MED PA'O, ,DMAN PA NI MI GTZANG BA 'PHYAG PA LA SOGS PA'O, ,NYE BA'I NYON MONGS PA RNAMS LA NGA RGYAL BYA BAR BSTAN PA'I PHYIR, SBRUL GDUG SHI BA ZHES BYA BA LA SOGS PA SMOS TE, NYAM CHUNG NA ZHES PA NI BRTZON 'GRUS ZHAN NA STE, GAL TE BDAG NYAM CHUNG BA NA NYON MONGS PA CHUNG DUS BSKYED PA YANG GNOD PAR BYED PA 'TSIR BAR BYED DO, ,'DI LTAR ZHUM PAR BYAS SHING, RTZOL BA DOR NAS SPRO BA MED PAR BYAS PAS NA NYON MONGS PA LAS BDE BAR MI 'GYUR BA'O, ,YANG NA ZHUM PAS RTZOL BA DOR BAR BYAS PAS NYON MONGS PA BDE BAR 'GYUR TE, RANG DBANG THOB PAR 'GYUR BA'O, ,RTZOL BA BSKYED PAS NI 'GAL BAR BYED PA'O, ,GZHOM PAR BYA @126B BA NI BRLAG PAR BYA BA STE, DE LTA MA YIN NA GANG BDAG KHAMS GSUM LAS RGYAL BAR BYA BAR 'DOD PA LA BZHAD GANG BYED PAR 'GYUR TE, NYON MONGS PA RGYAL BA'I PHYIR RO, ,DE BAS NA BDAG GIS KUN LAS RGYAL BAR BYA BA'I 'OS TE, GANG GI PHYIR BDAG RGYAL BA SENG GE'I SRAS PO YIN PA'I PHYIR RO, ,'GRO BA GANG DAG GZHAN LA GNOD PA'I NGA RGYAL GYIS BCOM PA DE NYON MONGS SNYING RJE'I GNAS TE, DE NGA RGYAL CAN MA YIN NO, 'ON KYANG DE NGA RGYAL GYI DGRA'I DBANG DU GYUR PA'O, ,DE NGA RGYAL GYI DGRA'I DBANG DU GYUR PA LA SKYON CI YOD SNYAM PA LA, NGA RGYAL GYIS NI ZHES SMOS TE; NGAN 'GRO NAS MIR SKYE BA THOB KYANG DGA' STON TO, ,KUN TU DGA' BA'I LONGS SPYOD DANG MI LDAN PA'O, ,MI SDUG PA NI YID DU MI 'ONG BA'O, ,DE LTA NA NGA RGYAL CI 'DRA BA ZHIG YIN SNYAM PA LA GANG ZHIG CES SMOS TE, RNAM PAR RGYAL BA NI RGYAL BA DANG LDAN PA'O, ,DPA' ZHES PA NI RAB TU DPA' BA'O; ,BDO ZHES PA NI DRAG TU SKYES PA'O, ,'BRAS BU RDZOGS PAR BYED PA NI SANGS RGYAS THOB PAR BYED PA'O, ,NUS PA'I NGA RGYAL BSTAN PA'I PHYIR, NYON MONGS ZHES BYA BA LA SOGS PA SMOS TE, KHROD NA GNAS ZHES PA NI NYON MONGS PAS YONGS SU BSKOR BA'O, ,SRAN GZUNGS TE ZHES PA NI NYON MONGS PA 'JOMS PA LA NYAM NGA BA STE, SDUG BSNGAL BYUNG BAR GYUR KYANG NGO, ,DGA' BA'I STOBS KYI DBANG DU MDZAD DE BSTAN PA'I PHYIR, RTZED MO'I ZHES SMOS TE, RGYAN PO LA SOGS PA'I RTZED MO'I BDE BA DE NYID 'BRAS BU YIN PA DE BZHIN DU LAS DE BYED PA'I BDE BA'I ROL YANG CHAGS PAR BYA'O, , BYA BA'I LAS NI BSGOMS PA LA SOGS PA GANG SKABS SU BAB PA'O, ,DE LA ZHEN PA NI DE BZHIN DU ZHEN PAR BYA'O, ,'DI'I SGO NAS LAS LA DGA' BA BSKYED PAR BYA'O ZHES BSTAN PA'I PHYIR, BDE BA'I DON DU ZHES SMOS TE, LAS GANG GZHAN GANG GI DON DU BYED PA DE NYID BDE BA'O, ,RANG DANG GZHAN GNYI GA'I BDE BA'I RGYU DE MA BYAS NA NAM ZHIG STE, BDE BA NAM YANG MED DO ZHES BYA BA'I DON TO, ,'DI LTAR SPU GRI ZHES BYA BA LA SOGS PA LA, SPU GRI'I SO LA CHAGS PA'I SBRANG RTZI LDAGS PAS LCE CHOD PA LA SOGS PA LTAR NYAM NGA BA NI SHIN TU MANG LA RO MYONG RGYU SHIN TU CHUNG BA'I TSUL DANG @127A *, ,GANG LDAN PA RNAMS SDUG BSNGAL RNAM PA SNA TSOGS PAS KYANG MI DOMS NA RANG DANG GZHAN GYI BDE BA SKYED PA'I BSOD NAMS KYI BDUD RTZI'I SBRANG RTZI ZHI ZHING DGE BA'I ROS CI STE NGOMS PAR 'GYUR, MJUG BSDU BA'I TSUL GYIS LAS LA MNGON PAR DGA' BA BSTAN PA'I PHYIR; DE BAS ZHES SMOS TE, BRTZAMS PA'I LAS MTHAR BYIN NAS KYANG DGA' BA LA MNGON PAR ZHEN PA 'JIGS PAR BYAS LA GZOD KYIS DOR BAR BYA'O, ,GANG MTSO DANG PHRAD PA DE LA MTSO PHRAD CE 'AM, YANG NA MTSO DE DANG GLANG PO CHER PHRAD PA'O, ,DOR BA'I STOBS BSTAN PA'I PHYIR, RJES SU ZHES SMOS TE, LAS GANG ZHIG BRTZAMS PA DE YONGS SU RDZOGS PA'I NUS PA MED CING RJES SU MI BDE BAR 'GYUR BA 'DRA NA PHYIS BYA'O SNYAM PA'I BSAM PAS SKABS DER RE ZHIG BSHOL LA GTANG NGO, ,GANG GI TSE RDZOGS PAR ZIN PA DE'I TSE NI DE BSHOL BAR BYA'I, DE LA ZHEN NAS BSDAD PAR MI BYA STE, PHYIR ZHING GONG NAS GONG DU 'JUG PA LA SBYAR BAR BYA'O, ,'BAD PA'I STOBS BSTAN PA'I PHYIR, 'THAB RNYING ZHES BYA BA LA SOGS PA SMOS TE, 'THAB RNYING ZHES PAR LA GRI'I RIG PA LA SOGS PA MKHAS PAR BSLABS PA'O, ,GZUR BAR BYA BA NI BAG ZON BYA BA'O, ,'JEBS ? PAR BRTAG CES PA NI DRAN PA DANG SHES BZHIN GNYIS KYIS SO, ,G-YUL DU 'THAB MO'I SAR 'JIGS PAS MYUR DU LEN PA'O, ,RMA'I KHRAG RNYED PA DANG DE LA RTEN BCAS NAS LUS LA KHYAB PAR 'GYUR BA NI KHYED PAR 'GYUR BA'O, ,GLAGS NI DRAN PA NYAMS PA'O, ,BDAG NYID DBANG DU GYUR PA'I STOBS BSTAN PA'I PHYIR YUNGS MAR ZHES BYA BA LA SOGS PA GSUNGS SO, ,JI LTAR YUNGS MAR GYI SNOD THOGS PA'I MI LA RAL GRI THOGS PAS BSDIGS PA NI YUNGS MAR BON BSANG KYIS DOGS PA'I 'JIGS PAS YUNGS MAR GYI SNOD 'BA' ZHIG SEMS PA DE BZHIN DU, DRAN PA NYAMS NA NYON MONGS PA BYUNG BA NI NYES PA BYUNG BA'I CHAD PAS GDUNG BA'O, ,CI NAS KYANG ZHES PA NI GANG NAS KYANG ZHES PA'I DON TO, ,DRAN PA'I RGYU BSTAN PA'I PHYIR, DGE BSHES ZHES SMOS TE, DGE BA'I BSHES GNYEN DANG DE'I PHAN YON THOB PAR 'DOD NA'O, ,RGYU MTSAN DE GNYIS NYID KYIS NYON MONGS PA ZHUGS PA'I @127B GNAS SKABS LA JI LTAR BDAG GIS DRAN PA SKYE BAR 'GYUR ZHES BYA STE, BSAM PA DE NYID BSTAN PA'I PHYIR, JI LTAR ZHES SMOS SO, ,GZHAN YANG BDAG NYID DE LUS DANG SEMS KYI MTSAN NYID DO, ,ZO MDOG BDE BAR BYA BA NI BRTZON PA PHUN SUM TSOGS PAR BYA BA'O, ,BAG YOD PA'I LO RGYUS NI BYANG CHUB KYI SEMS BAG YOD PA BSTAN PA'I LE'UR BRJOD DO, ,'JUG PA NI RTZOM PA'O, ,'DI NYID KYI DPE BSTAN PA'I PHYIR, JI LTAR SHING BAL ZHES SMOS TE, SHING BAL TE RAS BAL CHUNG DU 'GRO BA DANG 'ONG BA RLUNG LA RAG LAS PA'O, ,DE BZHIN DU 'GYUR BA MOS PA DANG BRTZON 'GRUS KYI DBANG DU GYUR NAS MYUR DU 'GRUB PAR 'GYUR BA STE, DE BZHIN DU GOMS PAS NAM MKHA' LA 'GRO ZHING RGYU BA LA SOGS PA RDZU 'PHRUL YANG 'GRUB PAR 'GYUR ZHING YONGS SU RDZOGS PAR 'GYUR RO, ,BDAG DANG GZHAN DU MNYAM PA DANG, BDAG DANG GZHAN DU BRJE BA NI BSAM GTAN GTZO BOR GYUR PA YIN PA'I PHYIR, DE NYID KYI LE'U NAS STON PAR 'GYUR RO, ,BYANG CHUB SEMS DPA'I SPYOD PA LA 'JUG PA LAS LE'U BDUN PA'I DKA' 'GREL LO,, ,,DA NI BRTZON 'GRUS BSTAN PA'I RJES LA BSAM GTAN BSTAN PAR BYA BA'I PHYIR, ,DE LTAR ZHES BYA BA SMOS TE, TING NGE 'DZIN NI SEMS RTZE GCIG PA'O, ,GZHAG PA NI MNYAM PAR GZHAG PA'O, ,NI ZHES PA NI GANG GI PHYIR G-YENGS PAR GYUR PA DE'I PHYIR RO, ,NYON MONGS PA'I MCHE BA'I PHRAG NA GNAS PA NI TING NGE 'DZIN LA MNYAM PAR MA BZHAG PA RNAMS SO, ,DE YONGS SU SPANGS NAS TING NGE 'DZIN BRTZAM PA'I NGON DU RNAM PAR G-YENG BA BZLOG PA BSTAN PA'I PHYIR, LUS DANG SEMS ZHES SMOS TE, LUS DBEN PA NI DBEN PA LA GNAS PA'O, ,SEMS DBEN PA NI 'DOD PA LA SOGS PA'I RNAM PAR RTOG PA SPANG BA'O, ,RNAM PAR G-YENGS PA NI MNYAM PAR MA BZHAG PA'I PHYIR RO, ,RE ZHIG 'JIG RTEN MA SPANG BA'I RGYU BSTAN PA'I PHYIR, RNYED PA LA SOGS PA ZHES SMOS TE, BKUR STI LA SOGS PA BZUNG NGO, ,SRED PA NI MNGON PAR 'DOD PA'O, ,CHAGS PA NI BDAG DANG BDAG GIR MNGON PAR ZHEN PA'O, ,'DI DAG CES PA NI 'CHAD PAR 'GYUR BA'I @128A *, ,MTSAN NYID DO, ,DPYAD PA NYID BSTAN PA'I PHYIR, ZHI GNAS ZHES SMOS TE, ZHI GNAS NI TING NGE 'DZIN TO, ,LHAG MTHONG NI SHES RAB BO, ,CHAS PA MED PA NI ZHEN PA MED PA STE, CHAGS PA MED PA DANG ZHEN PA MED PA'I MNGON PAR DGA' BA BSKYED PAR BYA BA'I DON TO, , CHAGS PA MED PA LA MNGON PAR DGA' BA NYID BSKYED PAR BYA BA'I THABS BSTAN PA'I PHYIR, MI RTAG SU ZHIG CES BYA BA LA SOGS PA SMOS TE, MA MTHONG NA STE SDUG PA MA MTHONG NA'O, ,RTOG PA 'GOG PA STE, RANGS PAR MI 'GYUR BA'O, ,NGOMS PAR MI 'GYUR BA NI LHAG PAR ZHEN PA'I PHYIR, SNGAR BZHIN TE MA MTHONG BA'I GNAS SKABS BZHIN NO, ,SRED PA STE SRED PAS SO, ,GDUNGS PAR 'GYUR BA NI SDUG BSNGAL BAR 'GYUR BA'O, ,CHAGS PA NI SEMS ZHEN PA'I PHYIR RO, ,YANG DAG PA NYID NI YON TAN LA SOGS PA'O, ,SKYO BA NI YID 'BYUNG BA'O, ,MA PHRAD NA SDUG PA RNAMS DANG PHRAD PAR 'DOD PA RGYUR GYUR PA'I MYA NGAN GYIS YID GDUNGS SHING SREG PAR 'GYUR BA'O, ,TSE THUNG ZHES PA NI TSE BAG TZAM MO, ,YANG YANG ZHES PA NI YANG DANG YANG DU'O, ,DON MED PA NI MDZA' BSHES KYI SEMS KHRAL BYAS PA LA 'BRAS BU MED PA'O, ,G-YUNG DRUNG NI YUN RING DU GNAS PA'O, ,'JIG PAR BYED PA NI NYAMS PAR BYED PA'O, ,SKAL BA MNYAM PAR SPYOD PA NI RJES SU MTHUN PA'I SPYOD PA'O, ,SKAL BA MI MNYAM PA NI TSUL DANG MI MTHUN PA'O, ,KHRID PA NI BYIS PA RNAMS KYIS MI 'DOD PA'I SAR KHRID PA'O, ,DGA' BA'I GNAS NI BSOD NAMS SO, ,SO SO'I SKYE BO NI NYON MONGS PA DANG BCAS PA RNAMS SO, ,MA MNYAN NA ZHES PA LA, ZLOG PAR BYED PA'I TSIG CES PA NI TSIG GI LHAG MA'O, ,MTHO BA NI YON TAN GYIS SO, ,PHRAG DOG PA NI MI BZOD PA'O, ,MNYAM PA YANG YON TAN MNYAM PA'O, ,'GRAN PA NI RNAM PAR RTZOD PA'O, ,DMA' BA NI YON TAN GYIS DMA' BA'O, , NGA RGYAL NI SEMS DPANG BSTOD PA'O, ,DREGS PA NI RANG MTHONG BYED PA'O, ,MI SNYAN PAR BRJOD PA NI SMOD PA'O, ,KHONG KHRO NI ZHE SDANG NGO, ,BYIS PA LAS TE, BYIS PA RNAMS LAS SO, ,BSTOD PA NI SMON PA'O, ,MI DGE BA NI BSOD NAMS MA YIN PA'O, ,DE LTAR ZHES PA NI BYIS PA RNAMS DANG @128B SPYOD PA MTSUNGS PAR SPYOD PA'O, ,BSTEN PA NI PHRAG DOG CAN GYI BYIS PA RNAMS BSTEN PA'O, ,DES ZHES PA NI PHRAG DOG LA SOGS PA'I RGYUS SO, ,PHUNG BA NI SDUG BSNGAL BA STE BRTZAMS PA DON MED PA'O, ,'GYUR ZHES PA NI THOB PAR 'GYUR BA'O, ,DE BAS NA YID NYON MI MONGS PA STE, MA 'KHRUG PA GCIG PUR RGYU BAR BYA BA YIN NO, ,'BYOL BAR BYA BA NI 'BROS PAR BYA BA'O, ,PHRAD NA STE, RANG BZHIN 'ONGS PAR 'GYUR NA'O, ,DGA' BA NI SNYAN PAR SMRA BAS SO, ,MGU BAR BYA BA NI MNYES PAR BYA BA'O, ,DE YANG 'DRIS CHEN NYID DU MI 'GYUR BA STE, SLAR NGO SHES SHING GCUGS PAR BYA BA'I BSAM PAS MA YIN PA'O, ,THA MAL PA TZAM NI BTANG SNYOMS PA TZAM STE DE BZHIN DU MA 'KHON MA 'GRAS PAR RO THA MAL BA STE BTANG SNYOMS PA TZAM DU BYA BA DE NYID BSTAN PA'I PHYIR, BUNG BAS ZHES SMOS TE, CHOS NI LEGS PAR GSUNGS PA'I DON TO, , BLANGS NAS TE BZUNG NAS SO, ,'DRIS PA MED PA NI NGO SHES MED PA'O, ,DE LTAR 'JIG RTEN MI SPONG BA'I RGYU BZHIN DU RNYED PA LA SOGS PA YANG YONGS SU DOR BAR BYA'O ZHES BSTAN PA'I PHYIR, BDAG NI ZHES SMOS TE, SHI BA'I 'OG STE MI NAS SHI BA'I 'OG TU'O, ,DE YANG 'DI LTAR RNAM PAR DPYAD NA MI 'BYUNG NGO ZHES BSTAN PA'I PHYIR, GANG DANG GANG LA ZHES SMOS TE RNYED PA LA SOGS PA LA CHAGS PA NI SPRO BA'O, ,GYUR PA NI ZHEN PAR GYUR PA'O, ,DE DANG DE LDONGS ZHES PA NI RNYED PA LA SOGS PA SDUG BSNGAL GYI RGYUR GYUR NAS GNAS PA'O, ,DES NA RNYED PA LA SOGS PA LA CHAGS PAR MI BYA STE; DE LA SRED PAR MI BYA BA'O, ,'JIGS PA NI 'CHING BAS BYAS PA'I 'JIGS PA'O, ,GZHAN YANG RNYED PA LA SOGS PA DE RANG BZHIN GYIS 'DOR BAR GYUR PA NI NYAMS PAR GYUR PA'O, ,BRTAN PAR GYIS ZHES PA NI SOS KLOD LA ZHES PA'O, ,RAB TU RTOGS ZHES PA NI DUS CUNG ZAD TZAM BRTAG CING BZOD PAR GYIS SHIG PA'O, ,DE BZHIN DU RNYED PA DAG NI MANG ZHES BYA BA LA SOGS PA YANG NGO, ,SMOD PA LA SOGS PA DGAG PAR BSTAN PA'I PHYIR, ,BDAG LA ZHES SMOS TE, SMOD PA NI MTSANG 'DRU BA'O, ,GANG GI PHYIR SEMS CAN ZHES BYA BA LA MOS PA NI BSAM PA'O, ,DE @129A *, ,NYID BSTAN PA'I PHYIR, SEMS CAN RNYED PA MED LA ZHES BYA BA LA SOGS PA SMOS TE, MI SNYAN BRJOD CES PA NI NGAN SMRAS GTONG BA'O, ,SDUG BSNGAL DANG SDUG BSNGAL GYI RGYU YIN PA'I PHYIR, RANG BZHIN 'GROGS PAR DKA' BA STE, GANG STABS GCIG TU'O,, BYIS PA DANG 'GROGS PA SPANGS NAS DBEN PA'I PHAN YON BSTAN PA'I PHYIR, NAGS NA ZHES BYA BA LA SOGS PA SMOS TE, BSTEN MI DGOS PA NI DGOS PAR BYA MI DGOS PA'O, ,CHAGS PA MED PA NI ZHAN PA MED PA'O, ,BDAG GIR BZUNG BA MED PA NI GZHAN GYIS BDAG TU MA BYAS PA'O, , CHAGS PA MED PA NI BDAG TU BYAS PA MED PA'I GNAS SO, ,MA SBAS KYANG MI 'JIGS PA NI DNGOS PO GZUNG BA MED PA'I PHYIR BSRUNG MI DGOS PA'O, ,KUN TU CHAGS PA RNAMS GTONG BA'I RGYU MI RTAG PA NYID BSTAN PA'I PHYIR, DUR KHROD CES SMOS TE, DUR KHROD NI DUR KHROD DO, ,'JIG PA NI RUL BA'I DNGOS PO STE DE'I CHOS CAN NO, ,NAM ZHIG MGO SNYOMS PAR BYED PAR 'GYUR ZHES PA NI NAM ZHIG DE DANG 'DRA BAR BYED PAR 'GYUR ZHES PA'O, ,MGO SNYOMS PA NYID BSTAN PA'I PHYIR, BDAG GI ZHES SMOS SO, ,CHAGS PAR BYA BA'I MDZA' BSHES RNAMS KYANG MI RTAG PA NYID DO ZHES BSTAN PA'I PHYIR, LUS 'DI NYID CES SMOS TE, GCIG PU STE GCIG PUR BRTAGS PA'O, ,LHAN CIG TU SKYES PA NI STABS GCIG TU SKYES PA'O, ,BU LA SOGS PA RNAMS LA CHAGS PAR MI BYA BA NYID DU BSTAN PA'I PHYIR, SKYE NA GCIG PU ZHES SMOS TE, SDUG BSNGAL NI DE NYID KYIS MYONG BAR 'GYUR BA'I SDUG BSNGAL LO, ,SKAL BA NI DE'I CHA SHAS SO, ,GZHAN ZHES PA NI BU LA SOGS PA'O, ,BGEGS BYED PA NI BDE BA 'JOMS PAR BYED PA'O, ,DON DAM PAR NA BSHES GNYEN ZHES BYA BA 'GA' YANG YOD PA MA YIN NO ZHES BSTAN PA'I PHYIR, LAM DAG TU ZHES SMOS TE, LAM THAG RINGS SU'O; ,ZHUGS PA NI DER RAB TU ZHUGS NAS 'GRO BA'O, ,DE LTA BAS NA DGE BA'I RGYUR NAGS SU 'GRO BAR RIGS SO ZHES BSTAN PA'I PHYIR, 'JIG RTEN ZHES SMOS TE, RANG GI GNAS SU SHI BA LA MYA NGAN BYED PA MED PA'O, ,YANG 'DI LA YON TAN CI YOD SNYAM PA LA, BSHES MED CES SMOS TE, @129B 'KHON PA NI ZHE SDANG GI'O, ,BSHES PA DANG 'KHON PA GNYI GA MED PAR SHI BA'I LUS PO LA MYA NGAN BYED PA YANG MED PA'O, ,DRUNG NA 'DUG PA NI NYE DU LA SOGS PA'O, ,BDE ZHING SKYID PA NI SDUG BSNGAL GYI MI MTHUN PA'I PHYOGS YIN PA'I PHYIR RO, ,LUS RNAM PAR DPEN PA BSTAN NAS, SEMS RNAM PAR DBEN PA BSTAN PA'I PHYIR, BSAM PA GZHAN NI ZHES SMOS TE, BDAG LA SEMS PA NI BYANG CHUB KYI SEMS LA SEMS PA'O, ,GCIG PU STE DE LA SEMS RTZE GCIG PA'I YID GANG YIN PA'O, ,YANG NA RANG GI SEMS DE BYANG CHUB KYI SEMS ZHES BYA BA'O, ,MNYAM PAR GZHAG PA NI ZHI GNAS KYIS SO, ,DUL BAR BYED PA NI LHAG MTHONG GIS SO, ,'DOD PA'I RNAM PAR RTOG PA DGAG PA'I PHYIR 'JIG RTEN ZHES SMOS TE, KUN NAS CHAGS PA BZLOG PAR BYA BA'I PHYIR, 'DOD PA LA SMOD PA BRJOD