@1A [DD] #, ,RGYA GAR SKAD DU, BHA GA WA TY'A MA N'A Y'A NU S'A RI nI N'A MA BY'A KHY'AM, BOD SKAD DU, BCOM LDAN 'DAS MA'I MAN NGAG GI RJES SU 'BRANG BA ZHES BYA BA'I RNAM PAR BSHAD PA, 'PHAGS PA [DD] SHES RAB KYI PHA ROL TU PHYIN MA LA PHYAG 'TSAL LO, ,GANG LA KUN RTOG DANG NI RNAM PAR RTOG PA'I NGO BO SPANG BYAS TE, ,GZUGS LA SOGS PA YANG NI DE BZHIN NYID DANG RO GCIG SMRA, ,RTAG PA LA SOGS NYE BAR BZLOG PA'I DBANG GIS MNGON PAR DGA' BA YIS, ,BDUD SDANG BA YI MCHOG GI YUM DE LA 'DIR BDAG NYID KUN NAS 'DUD, ,GANG ZHIG SANGS RGYAS RNAMS KYI YUM, ,BRGYAD STONG PA 'DI BDAG GIS NI, ,SNGON GYI MAN NGAG RJES 'BRANGS NAS, ,'DI YI RNAM BSHAD BRTZAM PAR BYA, ,THUB PA'I RGYAL PO'I YUM 'DI MGON PO BYAMS PA LAS, ,'PHAGS PA'I LAM NI THOB PA THOGS MED CES BYAS 'DIR, ,DON NI GANG ZHIG THOB GYUR DE NI BDAG GIS SBYAR, ,THAL SBYAR GSOL 'DEBS DON DU BDAG GIS BRTZON 'GRUS BRTZAM, ,GROGS NGAN BOR LA LAM NGAN RNAMS LA RGYAL PO'I LAM DU 'KHRUL PA MI BYED @2A *, ,PAR, BDAG GIS GOM GZHAG RJES SU GOM PA RNAM PAR BKOD NAS LAM BZANG DAG LA BU KHYED SHOG ,GANG DANG GANG DU YANG NI RING NAS 'BYUNG BA BDAG GIS GANG DU DKA' BAS NGO MTSAR BA, ,DAM PA TSAD MAR GYUR PA 'KHOR LOS SGYUR BA'I ZHABS KYI DGOD PA 'DI NI MCHOG TU BLANG, ,BSKAL BA BZANG PO'I DE BZHIN GSHEGS PA RNAMS KYI GZUGS KYI SKU DANG DAM PA'I CHOS KYI TSOGS BSRUNG BAR RTOGS PA'I PHYIR 'PHAGS PA PHYAG NA RDO RJE BYANG CHUB SEMS DPA' CHEN PO LA 'KHOR GYI NANG DU DRIS PA DANG, 'DI SKAD BDAG GIS THOS PA ZHES BYA BAS SHES RAB KYI PHA ROL TU PHYIN PA BSHAD PA 'DI BDAG GIS THOS PA YIN PAR 'PHAGS PA BYAMS PA LA KHAS 'CHES SOR, BCOM LDAN 'DAS KYIS 'DI SKAD BSHAD DO ZHES CI'I PHYIR MA BRJOD CE NA, BCOM LDAN 'DAS KYI BSTAN PA RDOM BRJOD 'DI RANG GI YUL MA YIN PA'I PHYIR TE, GANG GI PHYIR DE LTAR NA BCOM LDAN 'DAS KYIS DE BZHIN GSHEGS PA'I GSANG BA'I MDO LAS GSUNGS PA'I RIM PAS DE BZHIN GSHEGS PA'I YE SHES KYI SPYOD YUL MTHAR THUG PA MED PA'I 'JIG RTEN GYI KHAMS SNA TSOGS NAS 'DUS PA'I GDUL BYA'I RIGS SNA TSOGS PA'I LHAG PAR MOS PA DANG, LTA BA SNA TSOGS PAS THA DAD PAR GYUR PA RNAMS LA SNA TSOGS PA'I SKAD KYIS SNA TSOGS PA'I DON RNAMS SKAD CIG MA @2B GCIG LA NYE BAR RJES SU STON PAR MDZAD DE, DE BZHIN GSHEGS PA'I GDUL BYA RNAMS LA STON PAR BYED PA'I RIM PA DE NI RNAM PA THAMS CAD DU BYANG CHUB SEMS DPA' RNAMS KYI SPYOD YUL MA YIN NO, ,SPYOD YUL DU GANG GYUR PA YIN PA DE YANG SDUD PA'I GO RIMS KYIS BSHAD PAR NUS PA DE'I PHYIR CHOS SDUD PAR RUNG BA DANG BDAG NYID KYI SPYOD YUL CHOS STON PA'I GO RIMS GZHAN BZUNG NAS, 'DI SKAD BDAG GIS THOS PA ZHES BYA BAS BDAG NYID KYI RNA BA'I LAM DU 'ONGS PA'I RIM PA SO SOR STON PAR BYED PA YIN NO, ,BSTAN PA'I MTHAR YANG DE SKAD CES BKA' STZAL NAS ZHES BYA BA NAS NYE BAR SDUD PAR BYED PA YIN GYI 'DI SKAD BKA' STZAL ZHES BYA BA NI MA YIN NO, ,GZHAN DU YANG SANGS RGYAS BCOM LDAN 'DAS RNAMS NI NGAG GIS GZHAN RNAMS LA CHOS STON PAR MDZAD PA NI MA YIN TE, GANG GI PHYIR DON DAM PA NI BRJOD PAR BYA BA MA YIN LA DE BZHIN GSHEGS PA RNAMS NI RTAG TU MNYAM PAR BZHAG PA DANG, RNAM PAR MI RTOG PA LHUN GYIS GRUB PA STE, 'ON KYANG SNGON GYI SMON LAM GYI STOBS DANG SEMS CAN RNAMS KYI LAS KYI DBANG GIS JI LTA JI LTAR GDUL BYA RNAMS RANG RANG GI SKAD RNAMS KYIS CHOS STON PA NGES PAR 'BYUNG BAR YANG DAG PAR SHES PA YIN TE, CHOS KYI SKU'I DBANG GIS BYUNG BAS DAM PA'I CHOS LA GUS PA BSKYED PA'I PHYIR NYE BAR SDUD PA'I MTHAR BSTAN PA LA DE LTAR 'JUG PA YIN LA, BCOM LDAN 'DAS KYIS DE SKAD CES BKA' STZAL NAS ZHES BSHAD PA YIN NO, ,SLAR MDO SDE 'GA' ZHIG LAS 'JIG RTEN PA DAG PA'I RNAM PAR RTOG PA LA MNGON DU PHYOGS PAR BYED PA'I PHYIR YANG CHOS STON PA BSHAD PAR MDZAD PA YIN TE, PHYOGS DE LA 'DI SKAD CES BKA' STZAL PA ZHES BYA BA NI GTZO BO KHO NA YIN NO, ,DUS GCIG NA ZHES BYA BA NI GANG YANG RUNG BA'I DUS NA ZHES BYA BA'I THA TSIG GO, ,CI'I PHYIR DUS NGES PA MA MDZAD CE NA, DGOS PA MED PA'I PHYIR TE, ZLA BA 'DI 'AM ZHAG 'DI LA BSTAN PAR MDZAD CES BYA BA'I THA TSIG LA DGOS PA CUNG ZAD KYANG YOD PA MA YIN TE, DGOS PA MED PA NI BSHAD PAR MI RIGS SO, ,GNAS BSTAN PA NI RIGS PA YIN TE, MCHOD RTEN GYI GNAS YIN PA'I PHYIR SEMS CAN RNAMS KYI MCHOD PA DANG PHYAG BTZAL BA LA SOGS PAS TSOGS BSAGS PA'I DON DU STE, RTZOD PA MED PA'I DON DU @3A *, ,YANG DUS KYI NGES PA BSHAD PA MA YIN NO, ,'DI LTAR DE BZHIN GSHEGS PA NI SKAD CIG THANG CIG YUD TZAM DE NYID KYI PHYIR 'JIG RTEN GYI KHAMS SNA TSOGS PA DANG GDUL BYA SNA TSOGS PA RNAMS LA BSTAN PA SNA TSOGS PA RNAMS KYIS SGRUB PAR BYED PA MTHONG BA YIN TE, GAL TE DE DAG THAMS CAD GCIG TU 'DUS PAR GYUR NA, DE BZHIN DU NYI MA 'DI DANG YUL GZHAN LA BDAG CAG GI DE NA DE BZHIN GSHEGS PA BZHUGS SO ZHES BRJOD PA SKYED PA YIN TE, DE LTA BUR 'GYUR GYIS 'JIG PA THAMS CAD DU YANG DAG PAR SDUD PAR BYED PA RNAMS KYIS DUS KYI NGES PA MA MDZAD DO, ,YANG NA RGYAL PO'I KHAB TU LAN MANG DU BZHUGS PA'I PHYIR RGYAL PO'I KHAB NA BZHUGS PA'I DUS GCIG NA ZHES BSHAD PAR BZHED NAS DUS GCIG NA ZHES BYA BA'I TSIG SMOS PAR SBYAR RO, ,BCOM LDAN 'DAS ZHES BYA BA NI BDUD BZHI BCOM PA DANG LDAN PA'AM, YANG NA 'DI LA LEGS PA MNGA' BAS BCOM LDAN 'DAS ZHES BYA'O, ,RGYA ZHES BYA BA'I RKYEN DANG RGYUS BYED PA NYID KHO NA STE, BYED PA NYID KYIS BRJOD PAR 'DOD PA'I PHYIR RO, ,DE RNAMS KYANG DBANG PHYUG LA SOGS PA RNAM PA DRUG YIN TE, DBANG PHYUG DANG NI GZUGS BZANG DANG, ,DPAL DANG GRAGS DAG YE SHES DANG, ,BRTZON 'GRUS PHUN SUM TSOGS LDAN PA, ,DRUG PO 'DI LA BCOM ZHES THOS, ,DE'I PHYIR DBANG PHYUG THAMS CAD DANG LDAN PAS NA BCOM LDAN 'DAS SO, ,DE LA DBANG PHYUG NI GZHAN DBANG MA YIN PA STE, DE BCOM LDAN 'DAS LA TSANG BAS BAG CHAGS DANG BCAS PA'I SGRIB PA THAMS CAD SPANGS PA'I PHYIR RO, , BCOM LDAN 'DAS LA GZUGS TSANG BA STE, GONG NA MED PA'I MTSAN RNAMS DANG DPE BYAD BZANG PO THAMS CAD KYIS RNAM PAR MDZES PA'I SKU NYID YIN PA'I PHYIR RO, ,GRAGS PA TSANG BA STE, PHYOGS DANG MTSAMS SU SGRAS RNAM PAR GRAGS PA'I PHYIR RO, ,PHUN SUM TSOGS PA GANG GIS MANG PO RNAMS KYI RTEN DU GYUR PA DE NI DPAL TE, DE YANG BCOM LDAN 'DAS LA TSANG BA DANG, 'JIG RTEN DANG 'JIG RTEN LAS 'DAS PA'I PHUN SUM TSOGS PA THAMS CAD 'DOD PA RNAMS KYIS BRTEN PAR BYA BA YIN PA'I PHYIR RO, ,YE SHES TSANG BA STE RNAM PA THAMS CAD DU SHES BYA THAMS CAD CHAGS PA MED PA DANG, @3B THOGS PA MED PA'I YE SHES MNGA' BA'I PHYIR RO, ,BRTZON 'GRUS TSANG BA STE, RNAM PA THAMS CAD DU GZHAN GYI DON LA RTAG TU MDZAD PA RGYUN MA CHAD PA'O, ,BCOM LDAN 'DAS DE BZHUGS SO, ,GANG DU ZHE NA RGYAL PO'I KHAB TU ZHES BYA BA STE, RGYAL PO'I KHAB TU ZHES BYA BA NI MA GA DH'A PA RNAMS KYI GRONG KHYER RO, ,JI LTAR RGYAL PO'I KHAB CES BRJOD CE NA, SNGON ROL PA'I LHA ZHES BYA BA'I RGYAL PO BYUNG BAR GYUR PA DES MCHOD SBYIN YANG DAG PAR BRTZAMS PA DANG DRANG SRONG BRGYA PHRAG LNGA DANG BRAM ZE BRGYA PHRAG LNGA TSOGS PAR GYUR TO, ,DE LA MCHOD SBYIN BYA SNYAM DU BSAMS PA DANG RA RNAMS KYIS MCHOD SBYIN BYA'O ZHES BYA BA NI RIG BYED LAS 'DON PA YIN TE, DE LA BRAM ZE RNAMS KYIS SMRAS PA, RA RNAMS KYIS ZHES BYA BA NI RA'I PHYUGS RNAMS KYIS MCHOD SBYIN BYA'O, ,DRANG SRONG RNAMS KYIS SMRAS PA, RVA RNAMS KYIS ZHES BYA BA NI MA BTZUGS PAR SKYE BA'I CHOS CAN GYI NAS LA SOGS PA RNAMS KYIS MCHOD SBYIN BYA ZHES ZER RO, ,DUS DE'I TSE NOR GYI DOG PA ZHES BYA BA MCHOG TU RGYAL MA'I GRONG KHYER GYI RGYAL PO STE, DE YANG RIG BYED THAMS CAD KYI DON LA MKHAS PA DE TSAD MAR BYA'O ZHES RTZOD PA LAS GNYIG YANG DER SONG BAR GYUR PA DANG, GAL TE KHO BO CAG GI PHYOGS GTZO BOR MI BYED NA DE'I TSE KHYOD DMOD PA'I MES THAL BAR BYA'O ZHES NOR GYI DOG PA DE BRAM ZE RNAMS KYIS BSDIGS PAR BYAS NAS, BRAM ZE RNAMS KYI PHYOGS KHO NA GTZO BOR BYAS PAR GYUR TE, SDIG PA DES YANG SENG GE'I KHRI LAS LTUNG BAR SA GZHI YANG GAS NAS DER ZHUGS PAR GYUR TO, ,DE'I PHYIR BRAM ZE RNAMS NI MCHOD SBYIN LA SOGS PA'I PHRIN LAS LA SA GZHI LA GTZANG GTOR BYAS TE, BU LONGS SHIG CES BYA BA 'DON PAR BYED DO, ,RGYAL PO DE'I BU RGYAL BA'I SHING RTA ZHES BYA BA DE BLON PO RNAMS KYIS SONG STE SA SBYONGS SHIG CES SMRAS PA DANG, RGYAL BA'I SHING RTA LA RMI LAM DU LHA MOS GSUNGS PA, GANG G'A BRGAL NAS HA CANG YANG MI RING BA NA RI BO LNGA YOD DE DBUS NA MTSO YOD PA DER GRONG KHYER BRTZIG PAR BYA STE, DER NI KHYOD KYI RGYAL SRID DE JI SRID DU RGYAL BA'I SHING RTAS KYANG THAMS CAD DU DE BZHIN DU BYAS NAS GRONG KHYER YANG BTZUGS SO, ,'ON KYANG DER NI MI MA YIN RNAMS RGYAL PO'I KHAB DOR NAS, THAMS CAD @4A *, ,'JIGS PAR BYED DO, ,DE NAS RGYAL POS LCAGS RIS KYIS YONGS SU BSKOR NAS 'DI DAG THAMS CAD BDAG GI KHYIM ZHES SMRAS SO, ,DENG PHYIN CHAD MA BSHIG PAS DES NA RGYAL PO'I KHAB PO, ,RGYAL PO'I KHAB DE LA BZHUGS SO ZHES BYA BA NI LA tA STE, TI SMA SBYAR BAS LKOG TU GYUR PA MA YIN PA LA LA tA'O, ,THUN MONG DU NI MNYAM PAR BZHAG PA'I LUS DANG NGAG DANG YID KYI RANG BZHIN BZHUGS PA RNAMS SO, ,KHYAD PAR DU NI SANGS RGYAS KYI BZHUGS PA RNAM PA BZHI STE, SPYOD LAM GYIS BZHUGS PA DANG, CHOS STON PAS BZHUGS PA DANG, MNYAM PAR GZHAG PAS BZHUGS PA DANG, NANG DU YANG DAG 'JOG LA BZHUGS PA'O, ,DE LA SANGS RGYAS RNAMS KYI SKU'I PHRIN LAS THAMS CAD NI DANG PO STE, NGAG GI PHRIN LAS THAMS CAD NI GNYIS PA'O, ,GANG ZHIG RANG BZHIN GYIS MNYAM PAR BZHAG PA DANG GANG ZHIG TING NGE 'DZIN LA MNGON DU PHYOGS PAR BYED PA LA THUGS KYI PHRIN LAS DE GNYIG GSUM PA'O, ,GANG ZHIG SANGS RGYAS KYI SPYAN GYIS SEMS CAN RNAMS LA GZIGS PA DANG, LHA LA SOGS PA NYE BAR BSDU BA'I PHYIR THUGS KYI PHRIN LAS DE GNYIG NI BZHI PA'O, ,RGYAL PO'I KHAB NA YANG SA PHYOGS GANG DU BZHUGS SHE NA, GSUNGS PA, BYA RGOD KYI PHUNG PO'I RI LA ZHES BYA BA STE, KHYIM PA DANG RAB TU BYUNG BA'I PHYOGS GNYIS BSDU BA'I PHYIR DANG, GZUGS KYI SKU DANG CHOS KYI SKUS PHAN 'DOGS PAR BSTAN PA'I PHYIR GNYIS SMOS SO, ,NYAN PA PO RNAMS KYANG STON PA 'DI LA RING PO NAS MNGON PAR LHAGS PA NYID MTSON PA'I DON DU YANG BYA RGYOD KYI PHUNG PO SMOS PA YIN NO, ,'KHOR PHUN SUM TSOGS PA BSTAN PA'I PHYIR GSUNGS PA, DGE SLONG GI DGE 'DUN CHEN PO DANG THABS CIG CES BYA BA LA SOGS PA GSUNGS TE, GRANGS KYI CHE BA DANG, YON TAN GYI CHE BA NYID KYI PHYIR DGE SLONG ZHES BYA'O, ,RNAM PAR RIG BYED MA YIN PA'I RANG GI NGO BO'I DGE SLONG GI SDOM PA YANG DAG PAR 'BYUNG BAS DGE SLONG ZHES BRJOD PA YIN TE, DGE SLONG GI SDOM PA YANG RNAM PA BCUS SKYED PA YIN ZHES 'DUL BA 'DZIN PA RNAMS SO, ,RANG 'BYUNG GI YE SHES YANG DAG PAR 'BYUNG BAS SANGS RGYAS BCOM LDAN 'DAS @4B RNAMS DANG RANG SANGS RGYAS RNAMS SO, ,'GA' ZHIG 'PHAGS PA'I LAM YANG DAG PAR 'BYUNG BAS DANG, GZHAN RNAMS LA TSUR SHOG GI SGO NAS BSNYEN PAR RDZOGS PAS DANG, SKYABS SU 'GRO BAS SDE PA BZANG PO DRUG CU'I TSOGS DANG, STON PA NYID DU KHAS BLANGS PAS 'PHAGS PA 'OD SRUNGS DANG, PHO NYAS MCHOD SBYIN MA DANG LCI BA'I CHOS KHAS BLANGS PAS 'PHAGS MA GOO T'A MI LA SOGS PA RNAMS LA YANG, LAS BRJOD PA GSUM DANG GSOL BA DANG BZHI'I LAS KYIS BSNYEN PAR RDZOGS PA DANG MI PHYED PA LNGA BAS DE RING GI BAR DU'O, ,JI LTAR SRID PA DGE SLONG DE RNAMS KYI DGE 'DUN NI TSOGS KYIS SO, , DE JI LTAR DGE 'DUN ZHE NA, MI PHYED PA NYID KYIS YANG DAG PAR BSDUS PA'I PHYIR RO, ,SANGS RGYAS CHOS DANG DGE 'DUN LA, ,BYE BA BRGYA YI BDUD KYIS KYANG, ,GANG PHYIR DBYE BAR MI NUS PAS, ,DE PHYIR DGE 'DUN ZHES SU BRJOD, ,THABS CIG CES BYA BA NI LHAN CIG CES BYA BA'I DON TO, ,SNGAR CHEN PO ZHES BYA BAS SPYIR BSHAD PA BYAS NAS KHYAD PAR DU GRANGS BSHAD PAR BYA'O, ,DGE SLONG STONG NYIS BRGYA LNGA BCU'I ZHES BYA BA NI PHYED KYIS RDZOGS PA'I BRGYA PHRAG BCU GSUM LA DGE SLONG STONG NYIS BRGYA LNGA BCU'O, ,YON TAN GYI CHE BA NYID GSUNGS PA, THAMS CAD KYANG DGRA BCOM PA ZHES BYA BA LA SOGS PA STE, DGRA NI NYON MONGS PA RNAMS LA DE RNAMS BCOM PAS NA DGRA BCOM PA ZHES BYA'O, ,AA RE ZHES BYA BA LA AE YIG PHYI BAS HAN TE ZHES BYA BA LA TRE KA GI RKYEN YANG NGES PA'I TSIG CAN NO, ,YANG NA BCOM PA STE SLAR YANG RGAS PA MED PAS DE'I PHYIR DGRA BCOM PA'O, ,YANG NA LHA DANG MI RNAMS LAS, MCHOD PA DANG YON LEN BAR GYUR PAS NA DGRA BCOM PA STE, 'DIS NI SBYIN GNAS KYI YON TAN GSUNGS PA YIN NO, ,ZAG PA ZAD PA ZHES BYA BA NI ZAG PAR BYED PA NYON MONGS PA RNAMS DANG DGE BA'I RTZA BA YANG SKYED PAR BYED PAS NA ZAG PA NI RNAM PA BZHI STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DANG, LTA BA'I ZAG PA ZHES BYA BA'O, ,DE RNAMS KYANG RIM PA JI LTA BAR 'DOD PA LNGA DANG, SRID PA GSUM LHAN CIG SKYED PA DANG KUN TU BRTAGS PA'I MA RIG PA DANG, LTA BA DRUG CU RTZA GNYIS SU SON PA DE RNAMS 'DI RNAMS LA ZAG PAS NA ZAG PA ZAD PA STE, @5A *, ,MI SLOB PA'I TSUL KHRIMS DANG TING NGE 'DZIN GYI PHUNG POS 'DOD PA'I ZAG PA ZAD PA DANG, MI SLOB PA'I SHES RAB KYI PHUNG POS LTA BA'I ZAG PA ZAD PA DANG, MI SLOB PA'I RNAM PAR GROL PA'I PHUNG POS SRID PA'I ZAG PA ZAD PA DANG, MI SLOB PA'I RNAM PAR GROL BA'I YE SHES MTHONG BA'I PHUNG POS MA RIG PA'I ZAG PA ZAD PA'O, ,'DIS NI RNAM PAR DAG PA'I YON TAN BSTAN TO, ,NYON MONGS PA MED PA ZHES BYA BA NI KUN NAS NYON MONGS PA DANG BRAL BA ZHES BYA BA'I DON TO, ,KUN NAS NYON MONGS PA NI RNAM PA BZHI STE, LAS KYI KUN NAS NYON MONGS PA DANG, RNAM PAR SMIN PA'I KUN NAS NYON MONGS PA DANG, NYON MONGS PA'I KUN NAS NYON MONGS PA DANG, SKYE BA'I KUN NAS NYON MONGS PA'O, ,GANG ZHIG KUN NAS NYON MONGS PAR BYED PA NI SDUG BSNGAL BAR BYED PA STE GANG ZHIG YANG KUN NAS NYON MONGS PAR 'GYUR BA DANG, GANG GI KUN NAS NYON MONGS PA DANG, GANG ZHIG YANG KUN NAS NYON MONGS PA'O, ,DE LA MA RIG PA 'GAGS PAS 'DU BYED 'GAG PA ZHES BYA BAS LAS KUN NAS NYON MONGS PA MED PA'O, ,'DU BYED 'GAGS PAS RNAM PAR SHES PA DANG, MING DANG, GZUGS DANG, SKYE MCHED DRUG DANG, REG PA DANG, TSOR BA 'GAG PA DE'I PHYIR RNAM PAR SMIN PA'I KUN NAS NYON MONGS PA MED PA'O, ,TSOR BA 'GAGS PAS SRID PA DANG LEN PA DANG, SRID PA 'GAG PA DE'I PHYIR NYON MONGS PA'I KUN NAS NYON MONGS PA MED PA'O, ,SRID PA 'GAGS PAS SKYE BA DANG, RGA BA DANG, 'CHI BA 'GAG PA MED PAS NA SKYE BA'I KUN NAS NYON MONGS PA MED PA'O, ,KUN NAS NYON MONGS PA NI SDUG BSNGAL TE, DE BAS NA NYON MONGS PA MED PA NYID KYIS SDUG BSNGAL MED PA'I YON TAN BSTAN TO, ,DBANG DU GYUR PA ZHES BYA BA NI 'JIG RTEN PA RNAMS DE RNAMS KYI DBANG DU GYUR PA STE, RANG NYID KYIS 'JIG RTEN PA DBANG DU GYUR PA'AM YID DU 'ONG BAR GYUR PA DANG, YANG NA DE RNAMS KYI SEMS DBANG LA BZHAG PA'AM DBANG THOB PAS NA DBANG DU GYUR PA'O, ,GANG GI PHYIR DBANG RNAMS NI RNAM PA BZHI STE, RDZU 'PHRUL LA DBANG BA DANG, DBANG PO LA DBANG BA DANG, TING NGE 'DZIN LA DBANG BA DANG, SHES RAB LA DBANG BA'O, ,DE LA RDZU 'PHRUL LA DBANG BAS BCUD KYI 'JIG RTEN DANG SNOD KYI 'JIG RTEN THAMS CAD DE RNAMS KYI DBANG DU GYUR PA'O, ,DBANG @5B PO LA DBANG BAS SPYOD LAM NYE BAR ZHI BAS 'JIG RTEN PA LA DE RNAMS YID DU 'ONG BA SKYES PA'O, ,TING NGE 'DZIN LA DBANG BAS SEMS DES DBANG DU BZHAG PA'O, ,SHES RAB LA DBANG BAS NI NYON MONGS PA THAMS CAD LAS DANG RNAM PAR SMIN PA RNAMS YANG DAG PAR CHAD PA'I PHYIR BCINGS PA LAS RNAM PAR GROL BA LTAR YANG DAG PAR SKYES PA DE'I PHYIR DBANG THOB PA'O, ,SEMS SHIN TU RNAM PAR GROL BA ZHES BYA BAS NI SRED PA'I PHYOGS KYI KUN NAS NYON MONGS PA'I CHOS THAMS CAD MED PAR BSTAN TO, ,SHES RAB SHIN TU RNAM PAR GROL BA ZHES BYA BAS NI MA RIG PA'I PHYOGS PA MED PAR BSTAN TO, ,'DI LTAR 'DOD CHAGS DANG RNAM PAR BRAL BA'I PHYIR SEMS RNAM PAR GROL BAS SEMS SHIN TU RNAM PAR GROL BA ZHES BYA BA BRJOD DO, ,MA RIG PA DANG BRAL BA'I PHYIR SHES RAB RNAM PAR GROL BAS SHES RAB SHIN TU RNAM PAR GROL BA ZHES BYA'O, ,DE LA SRID PA'I PHYOGS KYI NYON MONGS PA DANG NYE BA'I NYON MONGS PA SPANGS PAS THOB PAR BYA BA'I TING NGE 'DZIN DANG SNYOMS PAR 'JUG PA THOB PA NI SEMS RNAM PAR GROL BA ZHES BYA'O, ,NYON MONGS PA THAMS CAD SPANGS PAS THOB PAR BYA BA'I DGRA BCOM PA'I LAM GYI SHES PA NI SHES RAB RNAM PAR GROL BA ZHES BRJOD DO, ,DE LA SEMS RNAM PAR GROL BA THOB PA'I PHYIR SNYOMS PAR 'JUG PA'I SGRIB PA LAS RNAM PAR GROL BA'O, ,SHES RAB RNAM PAR GROL BA THOB PA'I PHYIR NYON MONGS PA'I SGRIB PA LAS RNAM PAR GROL BA'O, ,GNYI GA'I CHA LAS RNAM PAR GROL BA DAG NI SEMS SHIN TU RNAM PAR GROL BA DANG SHES RAB SHIN TU RNAM PAR GROL BA ZHES BRJOD PA YIN NO, ,CANG SHES PA ZHES BYA BA NI MI 'JIGS PA STE, 'JIGS PA MED PA'I PHYIR MDO LAS CANG SHES PA LNGA GSUNGS TE, LCE 'BAB PA LA SOGS PA'I BAG TSA BA 'BYUNG BAR DOGS PA MED PAS KHYU MCHOG CANG SHES DANG, 'THAB MO'I 'JIGS PA MED PAS GLANG PO CHE DANG RTA CANG SHES DAG GO, ,GZHAN GYIS GNOD PAR BYED PA'I 'JIGS PA MED PAS SENG GE CANG SHES DANG, SDUG BSNGAL GYIS 'JIGS PA'I DOGS PA MED PAS DGRA BCOM PA YANG CANG SHES ZHES BRJOD DO, ,MDOR NA BAG TSA BA RNAM PA BZHI STE, SDUG BSNGAL GYIS BAG TSA BA DANG, 'JIGS PAS BAG TSA BA @6A *, ,DANG, 'JIG RTEN GYI CHOS KYIS BAG TSA BA DANG, MI SHES PAS BAG TSA BA'O, ,BAG TSA BA 'DI RNAMS MED PA'I PHYIR RIM PA JI LTA BA BZHIN DU BDE BA THOB PA DANG, MI SKRAG PA THOB PA DANG, MI 'JIGS PA THOB PA DANG, DBUGS PHYUNG BA THOB PA ZHES BRJOD DO, ,DE LA MYA NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS MED PA'I PHYIR DANG MYA NGAN MED PA'I PHYIR SDUG BSNGAL GYIS BAG TSA BA MED PA'O, ,BDAG GIS SMAD PA DANG, BZHAN GYIS SMAD PA DANG, NGAN 'GRO DANG 'TSO BA MED PA DANG CHAD PAS BCAD PA DANG, TSIGS SU BCAD PA MED PA DANG, 'CHI BAS 'JIGS PA RNAMS MED PA'I PHYIR 'JIGS PAS BAG TSA BA RNAMS MED PA'O, ,RNYAD PA DANG MA RNYED PA DANG GRAGS PA DANG MA GRAGS PA DANG, BSTOD PA DANG SMAD PA DANG BDE BA DANG SDUG BSNGAL GYIS GOS PA MED PA'I PHYIR 'JIG RTEN GYI CHOS KYIS BAG TSA BA MED PA'O, ,RANG GI LAM SHES PA LA BAR DU GCOD PAR GYUR PA'I MI SHES PA DANG THE TSOM GYI SHES PA DANG LOG PA'I SHES PA RNAMS MED PA'I PHYIR MI SHES PAS BAG TSA BA MED DO, ,DE LTA BAS NA BAG TSA BA MED PA'I PHYIR CANG SHES PA ZHES BYA'O, ,GLANG PO CHEN PO ZHES BYA BA NI GTZO BO CHEN PO RNAMS ZHES BYA BA'I DON TE, KHA CIG NI RIG PA GSUM DANG LDAN PA, KHA CIG NI SO SO YANG DAG PAR RIG PA THOB PA, KHA CIG NI MNGON PAR SHES PA DRUG DANG LDAN PA, KHA CIG NI SHES PA BRDA SPROD PA'I CHOS DANG LDAN PA ZHES BYA BA LA SOGS PA KHYAD PAR DU 'PHAGS PA'I RTOGS PA'I CHOS BRNYES PA'I PHYIR GLANG PO CHEN PO ZHES BYA'O, ,BYA BA BYAS PA BYED PA BYAS PA ZHES BYA BAS NI BSGRUBS PA YONGS SU RDZOGS PA NYID BSTAN TE, 'DI LTA STE TSUL KHRIMS DANG TING NGE 'DZIN DANG, SHES RAB YONGS SU RDZOGS PAS SDUG BSNGAL THAMS CAD LAS RNAM PAR THAR PA NI BYA BA STE CI NAS KYANG BYA BA NYID KYI PHYIR RO, ,'DOD PA CHUNG BAS 'TSO BA DANG, CHOG SHES PAS 'TSO BA DANG, SBYANGS PA'I YAN LAG GIS 'TSO BA DANG, YANG DAG PAR MGU BAR BYED PAS 'TSO BA ZHES BYA BA LA SOGS PA NI BYED PA STE, RANG DGA' BA DANG 'BREL BA'I PHYIR DE YONGS SU RDZOGS PAS GO RIMS JI LTA BAR BYA BA BYAS @6B PA DANG BYED PA BYAS PA ZHES BYA'O, ,KHUR BOR BA ZHES BYA BA LA, KHUR NI RNAM PA BZHI STE, PHUNG PO'I KHUR DANG, NYON MONGS PA'I KHUR DANG, DAM BCAS PA'I KHUR DANG, BRTZON 'GRUS KYI KHUR RNAMS TE, YONGS SU GTANG BAR BYA BA'I PHYIR DANG, SPANG BAR BYA BA'I PHYIR DANG, BSGRUB PAR BYA BA'I PHYIR DANG, YONGS SU RDZOGS PAR BYA BA'I PHYIR GO RIMS JI LTA BAR 'DI RNAMS KYI BOR BA NI YONGS SU GTONG BA DANG, SPONG BA DANG, SGRUB PAR BYED PA DANG, YONGS SU RDZOGS PAR BYED PA'O, ,DE RNAMS KYANG SDUG BSNGAL YONGS SU SHES PA DANG, KUN 'BYUNG BA SPANGS PA DANG, LAM BSGOMS PA DANG, 'GOG PA MNGON SUM DU BYAS PAS SO, ,DE RNAMS BOR BAS NI LHAG MA MED PA'I BDE BA DANG, RNAM PAR GROL BA'I BDE BA DANG, RDZOGS PA'I BYANG CHUB KYI BDE BA DANG, NYE BAR ZHI BA'I BDE BA GANG ZHIG THOB PA'O, ,DE'I PHYIR KHUR BOR BA NYID KYIS KHUR BOR BA'I BDE BA THOB PA'I YON TAN BSTAN TO, ,RANG GI DON RJES SU THOB PA ZHES BYA BA LA RANG GI DON THOB PA NI RNAM PA GNYIS TE, DON MA YIN PA SPANGS PA DANG, DON THOB PA'O, ,GANG ZHIG MA RIG PA SPANGS PA'I PHYIR NYON MONGS PA'I SGRIB PA THAMS CAD SPANGS PA GANG YIN PA DE NI DON MA YIN PA SPANGS PA'O, ,GANG ZHIG RIG PA SKYES PA'I PHYIR MYA NGAN LAS 'DAS PA RTOGS PA 'DI NI DON THOB PA'O, ,SRID PAR KUN TU SBYOR BA YONGS SU ZAD PA ZHES BYA BA LA, SRID PA SKYE BAR BYED PA'I KUN TU SBYOR BA RNAMS NI SRID PA'I KUN TU SBYOR BA RNAMS TE SRID PA DANG LHAN CIG TU SKYES BU LA KUN TU SBYOR BAR BYED PA NI 'CHING BA'O, ,DE BAS NA SRID PAR KUN TU SBYOR BA'O, ,DE RNAMS KYANG RNAM PA DGU YIN TE, LTA BA'I KUN TU SBYOR BA DANG, MCHOG TU 'DZIN PA'I KUN TU SBYOR BA DANG, THE TSOM KYI KUN TU SBYOR BA ZHES BYA BA GSUM NI ZAG PA MED PA'I YANG DAG PA'I LTA BAS SPONG BA YIN NO, ,PHRAG DOG GI KUN TU SBYOR BA DANG, SER SNA'I KUN TU SBYOR BA DANG, KHONG KHRO'I KUN TU SBYOR BA ZHES BYA BA GSUM DANG, SRID PA'I 'DOD CHAGS LA KUN TU SBYOR BA'I PHYOGS GCIG 'DOD PA'I KHAMS GYI PHYOGS SU GTOGS PAS ZAG PA MED PA'I TING NGE 'DZIN LA SNYOMS PAR 'JUG PA THOB PA'I PHYIR 'DI RNAMS SPONG BAR BYED PA YIN NO, ,NGA RGYAL GYI KUN @7A *, ,TU SBYOR BA DANG, MA RIG PA'I KUN TU SBYOR BA DANG, SRID PA'I 'DOD CHAGS KYI KUN TU SBYOR BA ZHES BYA BA 'DI RNAMS NI DGRA BCOM PA'I LAM GYI SHES PAS SPONG BA YIN TE, DE RNAMS YONGS SU ZAD PA 'DI RNAMS LA DE'I PHYIR SRID PAR KUN TU SBYOR BA YONGS SU ZAD PA ZHES BYA'O, ,YANG DAG PAR KUN SHES PAS SEMS SHIN TU RNAM PAR GROL BA ZHES BYA BA NI KUN NAS SHES PAS NA KUN SHES PA STE RTOGS PA'O, ,YANG DAG PAR RTOGS PAS SEMS SHIN TU RNAM PAR GROL BA 'DI RNAMS LA ZHES BYA'O, ,YANG NA 'DIR RNAM PAR GROL BA NI MOS PA LA BYA STE, GANG LA LHAG PAR MOS PA YIN ZHE NA, DKON MCHOG GSUM GYI YON TAN DANG, THEG PA GSUM DANG LDAN PA'I CHOS BSTAN PA RNAMS DANG, 'PHAGS PA'I BDEN PA BZHI DANG, BYANG CHUB KYI PHYOGS KYI CHOS RNAMS LA'O, ,SEMS THAMS CAD KYI DBANG DAM PA'I PHA ROL TU SON PA ZHES BYA BA NI GANG ZHIG SEMS TING NGE 'DZIN LA DBANG BAS DBANG LA 'JUG PAR BYED PA DE RNAMS NI SEMS THAMS CAD KYI DBANG DAM PA'I PHA ROL TU SON PA'O, ,THAMS CAD KYANG YIN LA DE RNAMS KYANG YIN PAS SO, ,DE RNAMS LA DAM PA'I PHA ROL TU SON PA THOB PA STE, PHA ROL NI MTHAR THUG PA'O, , MANG ZHES BYA BA NI GZHAL BAR BYED PA LA'O, ,PHA ROL GYI MTHAR THUG PA LA GZHAL BAR BYED PAR 'GRO BAS MTHAR THUG PAR BYUNG BA ZHES BYA BA NI DNGOS PO SGRUB PA LA DKA' BA'I SKYON NO, ,DAM PA DE'I PHA ROL TU PHYIN PA STE, JI LTA YIN ZHE NA, GANG DU 'DOD PA DANG JI SRID 'DOD PA LUGS DANG MTHUN PA DANG LUGS LAS BZLOG PA ZHES BYA BA LA SOGS PA'I RIM PAS MTHAR GYIS GNAS PA'I SNYOMS PAR 'JUG PA DGU LA MGU BAR BYED PA'I SNYOMS PAR ZHUGS PA'I BYIN GYIS BRLABS PA LA SOGS PA LDANG BA'I SO SOR RTOG PAR BYED PA LA DBANG THOB PA'I PHYIR RO, ,'ON TE KHYAD PAR 'DI TZAM LA NYE BAR LEN PA NI CI'I DON DU YIN SNYAM NA, MANG BA LA 'DIR RJES SU 'GRO BA MA BYAS TE, 'DI LTA STE DGRA NI NYON MONGS PA RNAMS SO, ,DE RNAMS BCOM PAS DE'I PHYIR DGRA BCOM PA'O ZHES 'DI NYID KYIS 'DOD PA'I ZAG PA LA SOGS PA RNAMS LA SPANG BYAR GSUNGS PA, DE BAS NA ZAG PA ZAD PA ZHES BYA BA 'DIS CI ZHIG BYA, @7B DE BZHIN DU KHYAD PAR GZHAN RNAMS LA YANG RIGS PAR ZLOS PA'I SKYON YOD DO ZHE NA, 'DIR SMRAS PA, THAMS CAD KYANG DGRA BCOM PA SHA STAG GO, ,CI'I PHYIR ZHE NA, ZAG PA ZAD PA'I PHYIR RO, ,ZAG PA ZAD PA NI NYON MONGS PA MED PA'I PHYIR RO, ,NYON MONGS PA MED PA NI DBANG DANG LDAN PAR GYUR PA'I PHYIR RO, ,JI SRID DU YANG DAG PAR KUN SHES PAS SEMS SHIN TU RNAM PAR GROL BA STE, SEMS THAMS CAD KYI DBANG DAM PA'I PHA ROL TU SON PA THOB PA NYID CES BYA BA YON TAN RNAMS KYI 'BREL BA SBYAR BAR BYA ZHES BYA BA'O, ,'ON TE 'DI NYID KYI DON YANG GANG ZHIG YIN, GAL TE SEMS THAMS CAD KYI DBANG DAM PA'I PHA ROL TU SON PA 'DI RNAMS DANG POR THOB PAR GYUR NA, DE'I PHYIR DES GTAN TSIGS SU GYUR PA YANG DAG PAR KUN SHES PAS SEMS SHIN TU RNAM PAR GROL BA NYID DANG, JI SRID DU ZAG PA ZAD PA NYID THOB NAS DGRA BCOM PA THOB PAR GYUR PA YIN PAS, DE 'DIR CI LTAR RIGS GANG GI PHYIR GANG GI TSE DGRA BCOM PA'I LAM GYI SHES PA 'DI RNAMS LA DGRA BCOM PA NYID THOB PA DE'I TSE KHO NA ZAG PA ZAD PA LA SOGS PA'I YON TAN RNAMS THOB PAR 'GYUR TE, GANG GI PHYIR ZAG PA ZAD PA NYID THOB NAS DGRA BCOM PA NYID PHYIS THOB PAR BYED DAM 'ON TE MA YIN ZHES GANG DU YANG BRJOD PA MA YIN ZHE NA, BDEN TE RNAM PAR GZHAG PAR BYA BA DANG, RNAM PAR 'JOG PAR BYED PA'I NGO BOS BYAS PA'I RGYU MTSAN CAN GYI NGO BO 'DI 'BYUNG BAR 'GYUR RO, ,GANG GI PHYIR GANG GI TSE DE RNAMS SEMS THAMS CAD KYI DBANG DAM PA'I PHA ROL TU SON PA THOB PA ZHES RTOGS PAR GYUR NA DE'I TSE DE RNAMS YANG DAG PAR KUN SHES PAS SEMS SHIN TU RNAM PAR GROL BA ZHES RNAM PAR GZHAG PA YIN NO, ,DE BZHIN DU JI SRID DU GANG GI TSE ZAG PA ZAD PA ZHES BYA BA DE'I TSE DGRA BCOM PA ZHES BYA 'O, ,DE LTAR NA DGE SLONG RNAMS KYI 'KHOR NYE BAR BSTAN NAS, DGE SLONG MA DAG, DGE BSNYEN DANG DGE BSNYEN MA'I 'KHOR RNAMS KYANG DE DGE SLONG MA LNGA BRGYA TZAM ZHES BYA BA LA SOGS PAS GANG ZHIG BCOM LDAN 'DAS MA RGYAS PA LAS GLENG GZHIR 'DON PA DE NYID 'DIR YANG RTOGS PAR BYA STE STON PA LA GLENG GZHI GCIG PA NYID KYI PHYIR RO, ,'DE NYID KYI PHYIR BYANG CHUB SEMS DPA' 'KHOR RNAM PA LNGA LA YANG BLTA BAR BYA STE, GANG ZHIG DER TSAD MED PA'I @8A *, ,BYANG CHUB SEMS DPA' RNAMS KYIS ZHES BYA BA LA SOGS PAS GSUNGS PA'O, ,BYANG CHUB SEMS DPA' NI RNAM PA LNGA STE, LHAG PA'I BSAM PA DAG PA CAN NI SA DANG PO LA'O, ,RTZOL BA DANG BCAS PAR MTSAN MA MED PA LA GNAS PA NI JI SRID BDUN PAR RO, , MTSAN MA MED PA LA LHUN GYIS GRUB PAR GNAS PA NI BRGYAD PA LA'O, ,DE LA BRTEN NAS SPYOD PA NGES PA CAN LA RAB TU ZHUGS PA NI JI SRID DU BCU PA LA'O, ,DE RNAMS YANG CHAD NI SKYE BA GCIG GIS THOGS PA RNAMS SO, ,SLAR MDO SDE THAMS CAD LA DE RNAMS KYI THUN MONG BA'I GLENG GZHI YONGS SU RDZOGS PA LAS SHES RAB KYI PHA ROL TU PHYIN PA STON PA LA NI KHYAD PAR GYI GLING GZHI STE, DE NAS DE'I TSE BCOM LDAN 'DAS NYID KYIS GDAN SENG GE'I KHRI BSHAMS PA LA RAB TU BZHUGS PAR GYUR TO ZHES BYA BA LA SOGS PAS JI SRID DU BCOM LDAN 'DAS TING NGE 'DZIN LA SNYOMS PAR ZHUGS TE, YAN LAG DANG NYE BA'I YAN LAG THAMS CAD LAS 'OD ZER RNAMS NGES PAR BYUNG BAR GYUR PA DANG, JI SRID DU 'JIG RTEN GYI KHAMS MTHA' YAS PA SNANG BAR MDZAD PA YIN NO, ,DE RNAMS LAS BYANG CHUB SEMS DPA' LA SOGS PA 'DI 'KHOR DGUG PAR MDZAD CES BYA BA THAMS CAD DU RTOGS PAR BYA'O, , GANG GI PHYIR BCOM LDAN 'DAS DUS GCIG NA GLENG GZHI GCIG PA NYID DU 'KHOR 'DUS PA GCIG KHO NA LA TING NGE 'DZIN DANG RDZU 'PHRUL GYI CHO 'PHRUL LA SOGS PA RNAMS BSTAN PAR MDZAD NAS SHES RAB KYI PHA ROL TU PHYIN PA STON PAR MDZAD PA YIN TE, DER YANG GDUL BYA RNAM PA MANG PO 'DUS PA RNAMS NI MA'O, , SMOS PAS GO BA DANG, RNAM PAR SPROS NA GO BA DANG, TSIG LA 'CHEL PAS GO BA'O, ,DE LA, GSUNG GCIG TU NI GSUNGS MOD KYANG, ,DU MA NYID DU GO 'GYUR TE, ,BDAG NYID KHO NA'I CHED DU ZHES, ,SKYE BO KUN GYIS RTOGS PAR BYED, ,CES BYA BA'I RIGS PAS MDOR BSDUS PA'I SHES RAB KYI PHA ROL TU PHYIN PA STON PA THOS TE, DE YANG BCOM LDAN 'DAS MA 'PHAGS PA BRGYAD STONG PA'O, ,GANG ZHIG RNAM PAR SPROS NA GO BA RNAMS LA RNAM PAR SPROS PA'I RNAM PA CAN DE 'PHAGS PA STONG PHRAG NYI SHU LNGA PA RNAMS PAR SPROS NA GO BA RNAMS KHO NA LA CUNG ZAD TZAM GYI KHYAD PAR GYIS BCOM LDAN 'DAS MA 'PHAGS MA CHE @8B PA'O GANG YANG TSIG LA 'CHEL BA'I GDUL BYA RNAMS LA STON PA THOS PA DE NI BCOM LDAN 'DAS MA STONG PHRAG BRGYA PA ZHES BYA BA STE, DE YANG GLENG GZHI GCIG KHO NA LA 'KHOR 'DUS PA YANG GCIG KHO NA LA'O, ,BSDUS PA LA DGA' BA RNAMS KYIS NI DE LTA BU NYID STON PAS THOS PAR GYUR TO, ,DE BZHIN DU GZHAN RNAMS KYIS KYANG GZHAN RNAMS NYID DO, ,BYANG CHUB SEMS DPA' CHEN PO RNAMS NI 'PHAGS PA PHYAG NA RDO RJE LA SOGS PA STE, STON PA RNAM PA MANG PO YANG THOS PA DANG SHIS PA STE, 'DI RNAMS NI BSDUS PA LA DGA' BA DANG STON PA 'DI NI BSDUS PA ZHES THOS PA YIN NO, ,DE BZHIN DU GZHAN DAG GIS KYANG GZHAN GYIS ZHES BYA'O, ,DE BZHIN DU RNAM PA MANG PO STON PA'I RAB TU DBYE BA RNAMS LA SDUD PA POS THOS PA JI SNYED PA'I RAB TU DBYE BA RNAMS LA GDUL BYA RNAMS SO SOR 'DZIN PA YOD PAR 'GYUR BA DE SNYED PA RNAMS SU SDUD PA MDZAD DO ZHES BYA BAS RTOGS PAR BYA'O, ,THAMS CAD DU 'DIS THEG PA CHEN PO'I CHOS LA 'PHAGS PA PHYAG NA RDO RJE GCIG TU SDUD PAR BYED PA ZHES LUGS DANG MTHUN PAR 'GYUR RO, ,'ON TE DUS GCIG LA GSUM PO'I STON PA ZHES BYA BA JI LTAR RTOGS PAR BGYI, GANG ZHIG TSIG LA 'CHEL BA'I RGYAS PA LA DGA' BRJES SU BZUNG BA'I DON DU 'PHAGS PA STONG PHRAG BRGYA PA STON PA LA STON PA THAMS CAD BSDUS PAS SO, ,RNAM PAR SPROS NA GO'I SEMS CAN BAR MA LA DGA' BA RNAMS LA BRTZE BAS PHYIS STONG PHRAG NYI SHU LNGA PA BSTAN PA'O, ,DE'I YANG DON THAMS CAD NYE BAR BSDUS PA MGO SMOS PAS GO BA BSDUS PA LA DGA' PA'I SEMS CAN RNAMS LA PHAN PA SKYES PAS 'PHAGS PA BRGYAD STONG PA GSUNGS PA ZHES 'DI NYID CI'I PHYIR MI 'GYUR SNYAM NA, 'DI LTAR SHES PAR BYA BA MA YIN TE 'GAL BA YIN PA'I PHYIR RO, ,BSDUS PA DANG BAR MA DANG RGYAS PA THAMS CAD KYI SHES RAB KYI PHA ROL TU PHYIN PA'I MDO RNAMS LA DON 'GA' ZHIG GCIG PAR STON PA YIN TE, JI LTAR SRING MO GANG G'A'I LHA MO LUNG BSTAN PA DANG, JI LTAR YANG DGE SLONG RNAMS LAS THAMS CAD ME TOG RNAM PAR BKRAM PA ZHES BYA BA'I DE BZHIN GSHEGS PA RNAMS 'BYUNG BAR 'GYUR ZHES BYA'O, ,DE'I DON BSHAD PA NI SHES RAB KYI PHA ROL TU PHYIN PA'I MDO RNAMS THAMS CAD LAS MTHONG BA YIN NO, ,DUS THA @9A *, ,DAD PAS THA DAD PA'I BSTAN PA LA DE JI LTAR 'BYUNG BAR 'GYUR, GANG GI PHYIR GAL TE SRING MO GANG G'A'I LHA MO STONG PHRAG BRGYA PA'I STON PA LA LUNG BSTAN PA DE'I TSE STON PA NYID LA DES SANGS RGYAS KYI ZHING YONGS SU 'DZIN PAR BYAS PA DANG LUNG BSTAN PA DANG YANG THOB PO, ,YANG DANG YANG DU BCOM LDAN 'DAS MA GZHAN DANG GZHAN RNAMS LA YANG STON PAR BYED PA JI LTAR DUS GZHAN LA DE'I SANGS RGYAS KYI ZHING YONGS SU BZUNG BA LA SOGS PA 'BYUNG BA YIN, DE BZHIN DU DGE SLONG RNAMS LA YANG LUNG BSTAN PA LA BRJOD PAR BYA STE, GAL TE YANG RGYAS PA LA DGA' BA TSIG LA 'CHEL PA'I GDUL BYA RNAMS KYI DBANG DU MDZAD NAS, BCOM LDAN 'DAS MA 'BUM PA DUS GCIG NA BSTAN PA DANG, BAR MA LA DGA' BA'I DBANG DU MDZAD NAS PHYIS STONG PHRAG NYI SHU LNGA PA DE'I TSE 'BUM GYI GLENG GZHI LA 'JIG RTEN GYI KHAMS GANG LA BYANG CHUB SEMS DPA' GANG RNAMS LA 'DUS PA 'DON PA JI LTAR DE RNAMS KYIS GZHAN DU YANG 'DON PAR 'GYUR, GAL TE YANG 'BUM STON PA LA GAL TE YANG 'BUM STON PA LA GANG DAG SNGON ROL DU 'ONGS PA DE RNAMS BCOM LDAN 'DAS MA GZHAN RNAMS BSTAN PA LA YANG 'ONG BAR 'GYUR NA DE'I TSE DE RNAMS KYI SNANG BA 'DI LA BCOM LDAN 'DAS RGYU GANG YIN, DE BZHIN GSHEGS PA'I BDAG GIS DNGOS PO BLTA BAS CHOG MI SHES PA 'DI LA BSTAN PA'I PHYIR ZHES BYA BA LA SOGS PA'I DE BZHIN GSHEGS PA RNAMS LA DRI BA BCOM LDAN 'DAS DANG BCOM LDAN 'DAS DE RNAMS LA YANG LAN GYI NGAG RNAMS LA RGYU GANG YIN PA DE MI MJED KYI 'JIG RTEN GYI KHAMS ZHES BYA BA NA DER DE BZHIN GSHEGS PA SH'A+KYA THUB PA ZHES BYA BA BZHUGS PA LA JI SRID YONGS SU SHES NAS SPYOD PA NI RIGS KYI BU KHYOD SANGS RGYAS KYI ZHING DER 'BYUNG BA GYUR CIG ,GANG GI PHYIR BYANG CHUB SEMS DPA' DE RNAMS NI MGU BAR DKA' BA YIN TE ZHES BYA BA LA SOGS PA SLAR YANG JI LTAR 'GYUR SNYAM NA, SNGON GYI STON PA NYID LA MI PHYED PA'I 'JIG RTEN GYI KHAMS DE RNAMS DANG BCOM LDAN 'DAS SH'A+KYA THUB PA LAS SHES PA'I PHYIR RO, ,BCOM LDAN 'DAS DE RNAMS KYIS KYANG DE RNAMS LA RJES SU BSTAN PA SNGON DU BYAS PA ZHES BYA'O, ,'PHAGS PA SH'A RI'I BU LA SOGS PA'I RNAM PAR RTOG PA RNAMS GANG ZHIG YANG CI TSE DANG LDAN PA RAB 'BYOR @9B 'DI BDAG NYID KYI SPOBS PAS SAM, 'ON TE SANGS RGYAS KYI MTHUS SHES RAB KYI PHA ROL TU PHYIN PA NYE BAR STON PAR 'GYUR ZHES BYA BA LA SOGS PA DE RNAMS KYANG YANG DANG YANG DU JI LTAR 'BYUNG BAR 'GYUR, DE BZHIN DU KLAN KA TSOL ZHING GLAGS LTA BAR 'DOD PA'I KUN TU RGYU'I 'DOD PA NYE BAR 'GRO BA LA SOGS PA LA BRJOD PAR BYA'O, ,GZHAN YANG MDO SDE GANG ZHIG BCOM LDAN 'DAS DUS GCIG NA STON PA DE NYID NI SLAR STON PAR MI MDZAD DE, DE LTAR NA YANG SNGAR GANG RNAMS KYI MDO SDE DE THOS PA RNAMS LA SDUD PA'I STON PAR 'GYUR RO, ,CI BCOM LDAN 'DAS KYIS MDZAD CING MDZAD PA YANG NAS YANG DU BCUG PA ZHES BYA'O, ,CHOS DANG DON DANG NGES PA'I TSIG DANG SPOBS PA SO SO YANG DAG PAR RIG PA THAMS CAD DANG YANG DAG PAR LDAN PA NI DE BZHIN GSHEGS PA STE, DE BAS NA GAL TE BCOM LDAN 'DAS KYIS SNGAR BSTAN PA YANG BSTAN PAR 'DOD PA YIN NO, DE'I TSE NGES PA'I TSIG GZHAN MA RNAMS KYI GO RIMS GZHAN MA RNAMS KYIS BSTAN PA YIN TE, GANG GIS GDUL BYA DE RNAMS SNGAR THOS PA YANG RTEN CING 'BREL PAR 'BYUNG BA LA SOGS PA BSTAN PA DE GZHAN DANG 'DRA BAR YID LA BYED DE, 'DI NYID KYANG RNAM GRANGS KYIS BSTAN PA LA YANG RGYU MTSAN MA YIN NO ZHES SLOB DPON RNAMS KYIS BSHAD PA YIN NO, ,BCOM LDAN 'DAS MA RNAMS LA YANG GANG MING GI TSOGS DANG TSIG GI TSOGS DANG YI GE'I TSOGS RNAMS NI GANG RNAMS LA YANG MTHONG BAR 'GYUR BA DE RNAMS LA YANG MTHONG BAR 'GYUR BA DE RNAMS NYID PHAL CHER GZHAN RNAMS LA YANG SKABS DE NYID KYIS SO, ,DE'I PHYIR BCOM LDAN 'DAS KYIS GSUNGS PA'I DON NI RGYAS PA LA DGA' BA RNAMS KYI DBANG DU MDZAD NA DUS GZHAN LA SLAR YANG BSDUS PA LA DGA' BA RNAMS KYI DBANG DU MDZAD NAS STON PAR BZHED PA DE'I TSE NGES PA'I TSIG GZHAN RNAMS KYIS KYANG GO RIMS GZHAN GYIS STON PA YIN NO, ,GANG GIS SNGAR THOS PA DANG LDAN BAS RNAM PAR BSDUS PA BSTAN PA NI MA YIN TE, JI LTAR SHES RAB KYI PHA ROL TU PHYIN PA SUM BRGYA PA'AM BDUN BRGYA PA LA SOGS PA STON PAR MDZAD CES BYA BA LTA BU'O, ,DE BAS NA GLENG GZHI GCIG NYID LA BCOM LDAN 'DAS THAMS CAD BSTAN PAR MDZAD PA ZHES GNAS PA YIN NO, ,DE LA KHA CIG NI GANG G'A'I LHA MO LUNG BSTAN PA LA SOGS PA RNAMS MGO SMOS PAS GO BA LA SOGS PA THAMS CAD DUS MNYAM PAR NYE @10A *, ,BAR DMIGS TE, DE RNAMS THAMS CAD LA YANG BSHAD PA'O, ,DE BZHIN DU GANG DU MING GI TSOGS DANG YI GE'I TSOGS RNAMS DE NYID THAMS CAD KYI THOS PA JI LTAR RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE KHYOD SPOBS PAR BYOS SHIG CES BYA BA LA SOGS PA DE RNAMS THAMS CAD LA YANG MNYAM PA STE, GAL TE DE LTAR YIN NA BYANG CHUB SEMS DPA' YANG DAG PAR 'DUS PA LA SOGS PA BSHAD PA GLENG GZHI RNA MA LA GANG ZHIG 'DI CHEN PO RNAMS LAS MTHONG BA YIN PA DE 'DI LA MNYAM PA YANG BSTAN PA MA YIN TE, BSDUS PA'I DBANG GIS GLENG GZHI YANG BSDUS PAR RIGS ZHES BYA BA NI RIGS PA KHO NA'O, ,GANG ZHIG SLAR 'DIR GSUNGS PA DGE SLONG STONG NYIS BRGYA LNGA BCU'I DGE SLONG GI DGE 'DUN ZHES BYA BA DE CHEN PO RNAMS KYI GLENG GZHI LAS JI LTAR GZHAN YIN SNYAM NA, GANG GI PHYIR DE RNAMS LA DGE SLONG STONG PHRAG LNGA TZAM GYIS ZHES 'BYUNG BA YIN NO ZHES DE LA DGONGS PA 'DI YIN TE, GANG ZHIG DA LTAR BYUNG BA DE BSDUS PA LA DGA' BA'I GDUL BYA RNAMS KYI DBANG DU MDZAD NAS YANG DAG PAR BSKUS PA NI YANG DAG PAR SDUD PAR BYED PA DE RNAMS KYIS JI LTAR BYANG CHUB SEMS DPA' KHOR 'DUS PAR BSHAD NI GLENG GZHI LA 'DUS PA YIN PAS DE RNAMS KYI DGONGS PAS SO, ,DE BZHIN DU NYAN THOS RNAMS KYANG MANG BA'I GRANGS KYI 'DUS PA BSHAD PA LA DGA' BA MA YIN NO, ,DES NA DGRA BCOM PA STONG PHRAG LNGA TZAM PO 'DUS PA RNAMS LA GZHAN DANG MI LDAN PA'I RNAM PAR GCOD PA'I 'DUS PA LA DGA' BA'I GDUL BYA RNAMS KYI NGOR STONG NYIS BRGYA LNGA BCU BSHAD PA YIN ZHES BYA'O, ,'ON TE STON PA 'DI GAL TE GCIG YIN NA DE'I TSE CHEN PO GNYIS LA JI LTAR SNGON GYI SBYOR BA LAS BRTZAMS TE, GDUL BYA RNAMS SPRO BA BSKYED PA'I DON RTAG TU NGU DANG CHOS 'PHAGS KYI GTAM DE NYID 'DON PA MA YIN, RGYAS PA LA DGA' BA RNAMS KYI 'KHOR DE NYID LA SNGAR GYI SBYOR BA'I GTAM GYI SPYOD YUL MA YIN NO ZHE NA, 'DI NI JI LTAR DAD PAR BYA STE GANG GI PHYIR RGYAS PA LA DGA' BA DE RNAMS RNAM PAR SPROS NA GO BA JI LTAR DAD PA SHIN TU RNAM PAR 'PHEL BA'I DON DU SNGON GYI GTAM NYID SPRO BAR MI MDZAD SNYAM NA, GANG ZHIG BSDUS PA @10B LA DGA' BA MGO SMOS PAS GO BA NYID GTZOR BYAS PA 'DIR NI BRJOD PAR BYA STE, SNGON GYON GYI GTAM GYIS BSTAN PA YANG BCOM LDAN 'DAS MA THAMS CAD LA YOD PA STE 'ON KYANG SDUD PA PO'I DGONGS PA 'DI YIN TE GANG ZHIG BSDUS TE BSTAN TE BSTAN PA NYID LA SNGON GYI GTAM 'DON PA DE NYID 'DIR YANG 'ONGS NAS 'DON PAR BYA'O, ,KHYAD PAR NI GTAM LA YOD PA MA YIN PA DE'I PHYIR SLAR MI 'DON NO, ,GSON MI ZA BAR YANG 'DI LTAR YIN TE, GANG GI PHYIR BCOM LDAN 'DAS MA STONG PHAG BRGYA PA RDZOGS PA LAS BCOM LDAN 'DAS DGYES SHING DE SKAD CES BKA' STZAL PA DANG , BYAMS PA GTZO BOR BYAS PA'I BYANG CHUB SEMS DPA' RNAMS DANG, JI SRID LHA DANG MI LHA MA YIN DANG DRI ZAR BCAS PA'I 'JIG RTEN YI RNGAS TE BCOM LDAN 'DAS KYIS GSUNGS PA LA MNGON PAR BSTOD DO ZHES BYA BAS RDZOGS PA'I DAG 'DON PA MA YIN NO, ,RJOD BYED GNYIS PA STONG PHRAG NYI SHU LNGA PA'I RDZOGS SO YANG DE BZHIN NO, ,BSDUS PA BSHAD PA LAS SNGON GYI GTAM BLANGS NAS KLOG PAR BYA STE BCOM LDAN 'DAS MA 'DI RDZOGS PAR BYAS PA'I DGONGS PA'O, ,GANG YANG BZANG PO'I ZHUS GTUGS BYAS PA'I STONG PHRAG NYI SHU LNGA PA RDZOGS PA LA BCOM LDAN 'DAS KYIS DE SKAD CES BKA' STZAL NAS BRJOD PA YIN NO, ,DE SDUD PA PO'I DAG NI MA BRIS PA LA DGONGS PA MA GTOGS PA DE BAS NA RANG GIS BZHAG PA YIN NO, ,'DI LA MANG BA NYID NI MNGON PAR RTOGS PAS RANG GIS BZHAG PA DANG BZLOG PA DANG 'DON PA LA 'KHRUG PAR BYED PA ZHES BYA BA NI RNAM PAR DAG PA 'DON PA'I SNANG BA LA NGES PAR SPYOD PA YIN NO, ,GANG ZAG GCIG MA GTOGS PA NI 'DI LTA STE, TSE DANG LDAN PA KUN DGA' BO'O ZHES BYA BA DE'I DON NI 'DI YIN TE, GAL TE THAMS CAD KYANG DGRA BCOM PA ZHES GSUNGS PA, DE BAS NA 'PHAGS PA KUN DGA' BO'I YON TAN CAN YIN NAM 'ON TE CI MA YIN SNYAM PA LA, GCIG CES BYA BA LA SOGS PA STE MA GTOGS PA ZHES BYA BA NI PHYIR BZHAG PAR BYAS NAS SPYIR SEMS CAD DE NYID NI YON TAN DANG SKYON NYID KYI KHYAD PAR BSHAD PA LA GANG ZAG CES BRJOD PA SPYIR GSUNGS PA LA KHYAD PAR BSHAD PA'I DON DU, 'DI LTA STE ZHES BYA BA'I MA ZAD PA GNYIS TE BSHAD @11A *, ,PA NI KUN DGA' BO ZHES BYA BA'O, ,BCOM LDAN 'DAS MNGON PAR RDZOGS PAR 'TSANG RGYA BA LA MNGON PAR DGA' BA'I LHA MO RNAMS KYIS BYE BA PHRAG SUM CU RTZA GSUM GYIS BSKOR BA'I BDUD MTSON CHA SNA TSOGS PA'I CHAR RNAM PAR 'BEBS PA LA BYAMS PA STONG GIS RGYAL BAR MDZAD NAS BCOM LDAN 'DAS MNGON PAR RDZOGS PAR SANGS RGYAS PA ZHES BYA BA RGYAL PO ZAS GTZANG MA LA ZHUS PA LA DGA' BA CHEN PO 'JUG PA LAS SKYES PA'I PHYIR 'DI KUN DGA' BO ZHES PA MING DU BTAGS PA YIN NO, ,TSE DANG LDAN PA ZHES BYA BA'I KHYAD PAR NI BRNYAS PA SPANGS PA'I DON TE DE'I PHYIR GDUL BA LAS RGAN PO'I MING NI KHYAD PAR DANG BCAS PA NYID GZUNG BAR BYA'O, ,GZHAN DU NA LTUNG BA DANG BCAS PA ZHES 'BYUNG BA YIN NO, ,KHYAD PAR RNAMS LA YANG 'DUL PA LAS NGES PAR MTHONG BA YIN TE RGAN PA LA BTZUN PA ZHES BYA BA KHO NA YIN GYI TSE DANG LDAN PA ZHES BYA BAS NI MA YIN NO, ,DE LTA NA YANG DGE 'DUN BTZUN PA RNAMS GSAN DU GSOL ZHES BYA BA NYE BAR GZHAG NAS 'DI'I LHAG MA RNAMS LA TSE DANG LDAN PA ZHES GZOD 'DON PA YIN NO, ,DE'I PHYIR MDO SDE LAS 'PHAGS PA RAB 'BYOR TSE DANG LDAN PA SH'A RA'I BU ZHES BYA BA GSUNGS PA DANG, 'PHAGS PA SH'A RA'I BU YANG TSE DANG LDAN PA RAB 'BYOR ZHES BYA BA'O, ,GZHAN DU NA JI LTAR RGAN PA'I SH'A RI'I BU LA TSE DANG LDAN PA ZHES BSHAD PA LA DA LTAR YANG BCOM LDAN 'DAS YONGS SU MYA NGAN LAS 'DAS NAS DUS RING PO NI RGAN PO LA BTZUN PA ZHES BRJOD KYIS TSE DANG LDAN PA ZHES BYA BAS NI MA YIN NO ZHES BYA BA NGES PA YIN ZHES RJOD PAR BYED DE, 'DI TZAM GYIS NI GLENG GZHI SNGAR YANG DAG PAR SDUD PAR BYED PAS NYE BAR BSTAN PA YIN NO, ,'DI SKAD CES BYA BA NI JI LTAR BSDU BAR BYA BA DE KHO NA BZHIN DU'O, ,BDAG GIS THOS PA ZHES BYA BAS SDUD PA LA PHYIN CI MA LOG PA NYID DU DAM BCAS PA YIN TE RAB TU DBYE BA 'DI NYID DANG, GLENG GZHI DANG GNAS SKABS DANG, NYE BAR BSDU BA DANG, MDO'I LUS 'DI RNAMS KYIS SHES PAR BYA BA'I DON TO, ,DE LA BSTAN PA'I RGYU NYID KYI PHYIR GLENG GZHI STE, YUL 'GA' ZHIG DU STON PA DANG NYAN PA PO 'DUS PA NI BCOM LDAN 'DAS ZHES BYA BA NAS @11B BRTZAMS TE KUN DGA' BO ZHES BYA BA'I BAR GYIS SO, ,DE NAS ZHES BYA BA DANG, DE NAS SANGS RGYAS KYI MTHUS ZHES BYA BA DANG DE SKAD CES SMRAS PA ZHES BYA BA LA SOGS PAS GNAS SKABS SO, ,'DI SKAD CES BKA' STZAL PA DANG BCOM LDAN 'DAS ZHES BYA BA LA SOGS PA NI NYE BAR BSDU BA STE, LHAG MA GZHAN NI MDO'I LUS SO, ,GAL TE DE LTAR MDO'I LUS DE NI SDUD PA PO'I TSIG GO, ,DE BAS NA SDUD PA POS SANGS RGYAS KYI GSUNG NI SANGS RGYAS MA YIN PA'I TSIG GIS BSRE BAR BYAS SAM, CI ZHE NA, DES NA CI'I PHYIR DA LTAR GANG ZHIG 'PHAGS PA RAB 'BYOR LA SOGS PA RNAMS KYIS BSTAN PA DE SANGS RGYAS KYI BKA' MA YIN NAM, CI'I PHYIR MA YIN TE BCOM LDAN 'DAS KYIS BYIN GYIS BRLABS PAS BSTAN PA LA RAB TU BYUNG BA NYID KYI PHYIR RO, ,GAL TE DE LTAR NA SDUD PA YANG SANGS RGYAS KYIS BYIN GYIS BRLABS PAS RAB TU BYUNG BAS NA SANGS RGYAS KYI BKA' KHO NA YIN NO, ,DE LTAR NA YANG CHOS YANG DAG PAR SDUD PA'I MDO LAS 'BYUNG BA YIN TE, DE NAS BYANG CHUB SEMS DPA' DMIGS PA MED PA DANG BYANG CHUB SEMS DPA' BLO GROS RNAM PAR ROL PA GNYI GA BCOM LDAN 'DAS GA LA BA DER NYE BAR SONG NAS PHYOGS GCIG TU 'DUG STE, DE DAG BCOM LDAN 'DAS LA 'DI SKAD CES GSOL TO, ,'DIR GCIG PA'I DBANG DU MDZAD NAS CHOS KYI SDUD PAR BYAS PA STE SANGS RGYAS BCOM LDAN 'DAS RNAMS LA MI MKHYEN PA DANG MI RIG PA YOD PA MA YIN PAS JI SRID BCOM LDAN 'DAS LA LA ZHIG KHO BO CAG LA LUGS DANG MTHUN PAR YANG DAG PAR BSDU BAR MDZAD DAM, BCOM LDAN 'DAS KYIS BKA' STZAL PA, RIGS KYI BU DE DE BZHIN TE JI SRID DU RIGS KYI BU GANG LA LA ZHIG BYANG CHUB SEMS DPA' RNAMS KYI SMRA BA DANG YANG DAG PAR SMRA BA DE THAMS CAD DE BZHIN GSHEGS PA'I BYIN GYI RLABS SU RIG PAR BYA'O, , RIGS KYI BU DAG LEGS SO LEGS SO, ,'DI LTAR CHOS KYI BSDU BA BYAS TE JI LTAR KHYED DAG LA BYAS PA RIGS KYI BU DAG KHYED DAG LA CHOS SDUD PA 'DIS SANGS RGYAS KYI BYA BA BYAS PA LA RJES SU YI RANG NGO, ,DE BZHIN GSHEGS PAS KHYED DAG LA BYAS PA'I CHOS KYI BSDU BA ZHES @12A *, ,BYA'O, ,DE LTAR NA SANGS RGYAS KYI BYIN GYI RLABS LAS RAB TU BYUNG BA DANG SANGS RGYAS RNAMS KYIS RJES SU YI RANG BA DANG SANGS RGYAS KYIS MDZAD PA BYED PA BSDU BA NI SANGS RGYAS KYI BKA' NYID YIN NO, ,DA NI 'DI BSAM PAR BYA BA STE GLENG GZHI'I TSIG 'DI CI'I DON DU YIN ZHE NA, 'DIR SMRAS PA, DAD LDAN 'JUG PA'I YAN LAG TU, ,STON PA 'KHOR DANG DBANG PO DANG, RANG NYID TSAD MAR RAB BSGRUB PHYIR, ,YUL DANG DUS NI BSHAD PA YIN, ,SDUD PA BYED PAS 'JIG RTEN DU, ,DUS DANG YUL NI NYE BAR MTSON, ,DBANG BCAS BRJOD CING SMRA BA PO, ,TSAD MA NYID DU RTOGS PAR 'GYUR, ,ZHES BYA BA'O, ,GANG ZHIG YANG RTOG GE SKAM PO LA MNGON PAR DGA' BA YID PHYIN CI LOG TU 'JUG PA CAN DUS THAMS CAD DU BRDAM BYANG BA DE RNAMS 'DI LA BDAG POR BYA BA MA YIN NO, ,JI SKAD DU GSUNGS PA, SANGS RGYAS RNAMS LA BYA BA BYAS, ,DE LAS DGE BA'I RTZA BA BSKRUN, ,DGE BA'I BSHES KYIS MGON BYAS PA, ,'DI NI NYAN PA'I SNOD YIN NO, ,'ON TE DE LTAR NA YANG BRJOD PAR BYA BA LA SOGS PA MA BSTAN PA'I PHYIR DE'I KHYAD PAR TSEL BAR BYED PA RNAMS JI LTAR 'JUG PA STE, RE ZHIG 'DI RNAMS LA 'DI LTAR YOD PAR 'GYUR TE ZAG PA ZAD PA RNAMS KYI 'KHOR GYI 'DUS PA 'DI CHEN PO STE 'JIG RTEN GSUM GYI BLA MAR GYUR PA BCOM LDAN 'DAS 'DIR NI BSTAN PAR MDZAD PA GROL NAS GROL BA'I 'KHOR, DE'I PHYIR 'DI GSUNGS PA'I 'KHOR DANG LDAN PA NGES PAR PHA ROL MED PA'I 'KHOR BA'I DGON PA LAS RGAL BAR BYED PA'I THABS SAM, THABS MA YIN PA STON PAR GYUR PA ZHES YANG DAG PAR BLANGS NAS 'JUG PA YIN TE, 'JUG PAR GYUR PA YANG, 'DI SKAD DU RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE, JI LTAR BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA LA NGES PAR 'BYUNG BAR 'GYUR BA DE BZHIN DU KHYOD SPOBS PAR BYOS SHIG CES BYA BA MDO LAS THOG MAR BCOM LDAN 'DAS KYIS NYE BAR BSTAN PA'I NGAG NYE BAR THOS NAS, GANG RNAMS SNGAR NYID BYANG CHUB SEMS @12B DPA'I NGES PAR 'BYUNG BA SGRUB PA'I THABS TSOL BA DANG, GANG ZHIG YANG DE'I TSE DE LTAR THOS NAS 'DOD PA SKYES PA RNAMS DE DAG GNYI GA YANG 'JUG PAR 'GYUR BA YIN ZHES BYA BA'O, ,DA NI BSTAN PA LA GNAS SKABS SU BYED CING GSUNGS PA, DE NAS BCOM LDAN 'DAS KYIS GNAS BRTAN TSE DANG LDAN PA RAB 'BYOR LA BKA' STZAL PA ZHES BYA BA'O, ,DE LA MANG BA THAMS CAD NI 'ONGS PA STE, CI'I PHYIR GCIG KHO NA LA BKA' STZAL PA, GANG YANG CHEN PO RNAMS KYI GLENG GZHI RNAMS LAS 'DON PA YIN TE, BDAG GI MDUN DU DE BZHIN GSHEGS PA BZHUGS SHING CHOS STON PAR MDZAD, BDAG GI MDUN DU DE BZHIN GSHEGS PA BZHUGS SHING CHOS STON PAR MDZAD CES BYA BA 'DI 'GAL BA YIN NO, ,GANG GI PHYIR THAMS CAD DER 'DUS PA DE BZHIN GSHEGS PA NI BDAG KHO NA LA MNGON PAR PHYOGS PAS, 'JIG RTEN PA LAS BRTZAMS NAS, CHOS STON PAR MDZAD CES SEMS PAR BYED DO, ,GAL TE BCOM LDAN 'DAS THAMS CAD KYI DBUS SU GCIG KHO NA LA BKA' STZAL PA DE'I TSE JI LTAR 'KHOR RNAMS KYI SEMS 'GAL BAR MI 'GYUR SNYAM NA, 'DIR SMRAS PA, GAL TE YANG DE BZHIN GSHEGS PA THAMS CAD LAS BRTZAMS NAS THAMS CAD LA MNGON PAR PHYOGS PAR MDZAD NAS STON PAR MDZAD PA NI 'ON KYANG GNAS BRTAN RAB 'BYOR LA BKA' STZAL PA'I SKAD CIG MA DE LA THAMS CAD LA YANG BKA' STZAL PAR GYUR PA DE'I STON PA'I SKAD CIG MA LA'O, ,THAMS CAD LA YANG RNAM PA SNA TSOGS PAS SNA TSOGS PA STON PA MDZAD DE SDUD PA PO NI RIM PA DE'I SDUD PAR RUNG BA MA YIN PA'I PHYIR BRTAN PA'I RNGOM BRJOD KYI SHES PA YONGS SU DOR BAR SKYE BO THAMS CAD LA RUNG BA'I RIM PA GCIG BZUNG NAS YANG DAG PAR SDUD PAR BYED PA YIN NO, ,DE BZHIN GSHEGS PA NI RAB 'BYOR LAS BRTZAMS NAS STON PAR MDZAD DO, ,TSUL 'DI NYID KYANG DE BZHIN GSHEGS PAS KYANG RJES SU GNANG BA DAM PA'I CHOS YUN RING DU GNAS PA'I RGYU NYID KYI PHYIR LAM 'DI NYID LA SDUD PA PO RNAMS KYIS BSTAN PA YIN ZHES BYA'O, ,DE LTAR NA YANG BYANG CHUB SEMS DPA'I THEG PA STON PA LA MCHOG GI BSTAN PA BYANG CHUB SEMS DPA' RNAMS @13A *, ,YONGS SU DOR NAS CI'I PHYIR RAB 'BYOR NYID LA BKA' STZAL SNYAM NA, GNAS SKABS SU BYAS PA 'DI NI NYE BAR GZUNG BAR BYA STE, SHES RAB KYI PHA ROL TU PHYIN PA'I BSTAN PA NI THUN MONG DU BSTAN PA YIN LA, BYANG CHUB SEMS DPA' KHO NA'I DON DU NI RNAM PAR GZHAG PA MA YIN TE, CI'I PHYIR ZHE NA, RNAM PA THAMS CAD MKHYEN PA NYID DANG, LAM SHES PA NYID DANG, THAMS CAD SHES PA NYID CES BYA BA SHES RAB KYI PHA ROL TU PHYIN PA STON PA LA SGO GSUM LA 'JUG PA'I PHYIR RO, ,DE LA GAL TE BYANG CHUB SEMS DPA' GCIG LA BKA' STZAL NAS BCOM LDAN 'DAS KYIS BSTAN PA GNAS SKABS BYED PAR GYUR NA DE'I TSE 'DI NI ZAB MO STE, BDAG CAG LA 'OS PA MA YIN ZHES DUS GCIG GI TSE 'KHOR RNAMS MGU BAR BYED PA MA YIN NO, ,RAB 'BYOR LAS BRTZAMS NAS GNAS SKABS BYAS PA'I BSTAN PA LA SKYE BO THAMS CAD DANG THUN MONG DU GYUR PAR SHIN TU ZAB PA NI MA YIN NO ZHES PHA ROL PO SEMS PAR BYED PA DE BAS NA RAB 'BYOR NYID LAS BRTZAMS NAS GNAS SKABS SU BYAS PA'O, ,'DI LTA STE, GANG DU NI DGE SLONG RNAMS DANG 'KHOR GZHAN RNAMS LA CHOS KYI MNGON PAR RTOGS PA SO SOR THOS PA 'CHAD PAR 'GYUR BA YIN NO, ,'ON TE DE LTAR NA YANG GNAS BRTAN RAB 'BYOR NI CI'I PHYIR BYA BA BYAS PA DON CHE BA'I BSTAN PA LA BYA BA BYAS PA DE LAS BRTZAMS NAS GNAS SKABS NI RIGS PA MA YIN NO ZHE NA, 'DI NI SKYON DU MI 'GYUR TE GNAS BRTAN RAB 'BYOR 'DI NI BYANG CHUB SEMS DPA' CHEN PO YIN LA, BSKAL PA GRANGS MED PAR BRTZAMS PA'I BSOD NAMS DANG YE SHES KYI TSOGS ZAB MO LA BZOD PA CAN ZHES BYA BA'I GRAGS PA BSGRAGS PA ZHES BYA BA NI NYI KHRI'I GZUNG 'GREL LAS SO, ,DE'I PHYIR GNAS BRTAN YIN TE BYA BA BYAS PA NI MA YIN LA RNAM PA THAMS CAD DU NYON MONGS PA DANG SHES BYA'I SGRIB PA THAMS CAD SPONG BA 'DI LA BYA BA KHO NA YOD PA YIN TE BYANG CHUB SEMS DPA' CHEN PO NYID KYI PHYIR RO, ,DES NA 'DI LAS BRTZAMS NAS BSTAN PA GNAS SKABS SU BYA BA NI DER ZHES BYA BA LA SOGS PA LA, DER NI BDUN PA 'DI YOD PA LA STE, @13B GNAS PA DE YOD PA LA ZHES BYA BA'I DON TO, ,YANG NA RTEN LA STE DGE 'DUN DE'I KHONGS SU CHUD PA ZHES BYA BA'I DON TO, ,YANG NA NGES PAR 'BYUNG BA LA STE, DGE SLONG DE RNAMS LAS ZHES BYA BA DGE SLONG GI TSOGS LAS PHYOGS GCIG LA MING GIS SO SOR BYAS PA'I PHYIR RO, ,RAB 'BYOR LA ZHES BYA BA NI 'DI LTA STE, BRAM ZE RNAMS LA SH'A ndI L'A KHYER LA SHOG CIG BYA BA LTA BU'O, ,TSE DANG LDAN PA ZHES BYA BA NI SNGA MA BZHIN DU, GNAS BRTAN GYI TSIG NI MCHOD PA'I DON DU STE, YE SHES LA BSNYEN PA DANG TING NGE 'DZIN LA SOGS PA RNAMS KYI MCHOG NYID THOB PA'I PHYIR BKA' STZAL PA'O, ,JI LTAR ZHES GSUNGS PA, RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE, JI LTAR BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA LA NGES PAR 'BYUNG BAR 'GYUR BA DE BZHIN DU KHYOD SPOBS PAR BYOS SHIG CES BYA BA STE, SHES RAB KYI PHA ROL TU PHYIN PA'I BSTAN PA'I SGO GSUM DANG RNAM GRANGS BCUS RAB TU 'JUG PA BCOM LDAN 'DAS KYIS ZHES BYA BA RNAM PAR GZHAG PA YIN NO, ,GANG GI PHYIR SHES RAB KYI PHA ROL TU PHYIN PA 'DI NI BSDUS PA'I SGO DANG BAR MA'I SGO DANG RGYAS PA'I SGO NAS MGO SMOS PA DANG RNAM PAR SPROS NA GO BA DANG TSIG LA 'CHEL BA'I GDUL BYA GSUM LAS BRTZAMS NAS SGO GSUM RNAMS KYIS BSTAN PA YIN TE, 'DI LTA STE, BCOM LDAN 'DAS KYIS GNAS BRTAN RAB 'BYOR LA BKA' STZAL NAS BSTAN PA'I DON DU NGES PAR SBYAR TE CANG MI GSUNG BAR GYUR TO, ,'DI NYID NI BCOM LDAN 'DAS KYIS BSDUS PA SHES RAB KYI PHA ROL TU PHYIN PA BSTAN PA STE, DE'I PHYIR 'DI NI BSDUS PA SHES RAB KYI PHA ROL TU PHYIN PA ZHES BRJOD DO, ,DE NAS GNAS BRTAN SH'A RI'I BUS RNAM PAR SPROS PA NA GO BA RNAMS KYI DON DU, CI TSE DANG LDAN PA RAB 'BYOR 'DI ZHES BYA BA LA SOGS PAS BAR MA LA GNAS SKABS BYAS PA'O, ,DE'I PHYIR NGES PAR 'BYUNG BA'I GDAMS NGAG DANG NGES PAR 'BYUNG BA'I YON TAN DANG NGES PAR 'BYUNG BA'I RAB TU DBYE BA DANG GANG YANG NGES PAR 'BYUNG BA BSTAN PA 'DI LA NGES PA ZHES BYA BA RNAM PA BZHIS GNAS @14A *, ,BRTAN DANG BCOM LDAN 'DAS KYIS BSHAD PA YIN NO, ,DE LA TSE DANG LDAN PA SH'A RI'I BU BCOM LDAN 'DAS KYI NYAN THOS RNAMS GANG CI SMRA BA DANG ZHES BYA BA NAS BRTZAMS TE, 'DI NYID BYANG CHUB SEMS DPA' SEMS DPA' CHEN PO DE'I SHES RAB KYI PHA ROL TU PHYIN PAR RIG PAR BGYI'O, ,'DI NYID SHES RAB KYI PHA ROL TU PHYIN PA LA GDAMS PA LAGS SO, ,GAL TE DE LTAR GNAS NA DE NYID 'DI'I GDAMS PA DANG RJES SU BSTAN PA LAGS SO ZHES BYA BA'I BAR GYIS NGES PAR 'BYUNG BA'I GDAMS NGAG BSHAD PA'O, ,DE NAS DE'I 'OG TU BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD CING SHES RAB KYI PHA ROL TU PHYIN PA BSGOMS PAS JI LTAR BSLABS NAS ZHES BYA BA NAS BRTZAMS NAS, SHES RAB KYI PHA ROL TU PHYIN PA 'DI NYID LAS BYANG CHUB SEMS DPA' SEMS DPA' CHEN POS GANG LA BSLAB PAR BYA BA DANG RNAL 'BYOR DU BYA BA'I SANGS RGYAS KYI CHOS THAMS CAD RGYAS PAR BSTAN NO ZHES BYA BA'I BAR GYIS NGES PAR 'BYUNG BA'I PHAN YON BSHAD DO, ,DE'I 'OG TU BCOM LDAN 'DAS BYANG CHUB SEMS DPA'I MING GANG LAGS PA 'DI NYID BDAG GIS MA 'TSAL MA DMIGS YANG DAG PAR RJES SU MI MTHONG NGO ZHES BYA BA NAS BRTZAMS TE, 'DI DAG NI BYANG CHUB SEMS DPA' SEMS DPA' CHEN PO DGE BA'I BSHES GNYEN RNAMS SU RIG PAR BYA'O ZHES BYA BA'I BAR GYIS NGES PAR 'BYUNG BA'I RAB TU DBYE BA BSHAD PA'O, ,DE'I 'OG TU BCOM LDAN 'DAS GANG YANG BYANG CHUB SEMS DPA' SEMS DPA' CHEN PO ZHES BKA' STZAL PA DE LA BYANG CHUB SEMS DPA' ZHES BGYI BA'I GZHI'I DON DANG LAGS ZHES BYA BA NAS BRTZAMS TE, JI SRID TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO NI DE LTA BU'I NGO BO YID LA BYED PA 'DI DANG GNAS PA 'DIS GNAS PAR 'DOD DO ZHES BYA BA'I LE'U DANG PO RDZOGS PA'I BAR GYIS DRI BA RNAMS RNAM PAR BRTZAMS PAR BYAS TE GNAS BRTAN GNYIS KYI LAM GYI RIM PAS BSDUS TE BSTAN PA 'DI'I TSIG GI DON DANG MTSAN NYID NGES PAR BYAS PA YIN NO, ,RIM PA 'DIS NI SHES RAB KYI PHA ROL TU @14B PHYIN PA'I BAR MA RDZOGS PA YIN LA, BAR MA LA BSTAN PA 'DI YANG RNAM PA THAMS CAD MKHYEN PA NYID NAS BRTZAMS TE RNAM PAR MI RTOG PA NYID SHES RAB KYI PHA ROL TU PHYIN PA LA BZUNG NAS DON DAM PA'I BDEN PA'I TSUL GYIS BSTAN PA YIN NO, ,DE'I 'OG TU RGYA CHER RNAM PAR BSTAN PA BYANG CHUB SEMS DPA' LAM GYI RNAM PA THAMS CAD MKHYEN PA NYID LAS BRTZAMS TE, RTOG PA DANG BCAS PA DANG RNAM PAR MI RTOG PA'I SHES RAB KYI PHA ROL TU PHYIN PA LAS BRTZAMS NAS GDUL BYA RNAMS KYI DON DU KUN RDZOB DANG DON DAM PA'I DBANG GIS RNAM PA GNYIS KYIS RGYAS PAR BYAS PA YIN TE, DE'I GO RIMS NI GONG DU DE NYID KYI GNAS SU 'CHAD PAR 'GYUR BA YIN NO, ,DE LA RNAM GRANGS BCU NI RAB 'BYOR LA BKA' STZAL NAS BSTAN PA BSDUS PA ZHES BYA BA NI RNAM GRANGS GCIG GO, ,DE NAS PHYIS GNAS BRTAN RAB 'BYOR GYIS BSTAN PA ZHES BYA BA NI GNYIS PA'O, ,DE NAS BRGYA BYIN LA BKA' STZAL NAS DE NAS GNAS BRTAN RAB 'BYOR DANG, DE NAS 'PHAGS PA BYAMS PA DANG, DE NAS GNAS BRTAN RAB 'BYOR DANG, DE NAS BRGYA BYIN DANG, DE NAS GNAS BRTAN RAB 'BYOR DANG, DE NAS GNAS BRTAN RAB 'BYOR NYID LA BKA' STZAL NAS RTAG TU DU DANG CHOS 'PHAGS KYI GTAM GYIS SLAR GNAS BRTAN KUN DGA' BO LA BKA' STZAL NAS YONGS SU GTOD PA NYID CES BYA BA STE, DE LTAR RE ZHIG NYI KHRI'I GZHUNG 'GREL GYI RJES SU 'BRANGS NAS MDO'I RIM PA RJOD PAR BYED PA NA THAMS CAD LA LTOS NAS BYAS PA YIN NO, ,BSDUS PA'I DON BSHAD PA NI SLAR SLOB DPON PHYOGS KYI GLANG POS SHES RAB KYI PHA ROL TU PHYIN PA BSDUS PA'I DON GYI SGO NAS MDO'I RIM PA'I BSHAD PA LA MA LTOS PAR DE DANG DE'I TSIG GI DON NYID KYIS BYED DE, RTEN DANG DBANG DU BYA BA DANG, LAS DANG SGOM PA LHAN CIG PA'I, ,RAB DBYE RTAGS DANG LTUNG BA DANG, ,PHAN YON BCAS PA YANG DAG BRJOD, ,CES BYA BA'O, ,DE LA RTEN NI SHES RAB KYI PHA ROL TU PHYIN PA BSTAN PA LA SANGS RGYAS BCOM LDAN 'DAS TE, 'PHAGS PA RAB 'BYOR LA SOGS PA RNAMS LA YANG SANGS RGYAS KYI BYIN GYIS BRLABS PA LAS RAB TU BYUNG BA'I PHYIR RO, ,DE STON PA LA DBANG DU BYED PA STE BSTAN PA 'DI @15A *, ,LA ZHES BYA BA NI DBANG DU BYED PA'I BYANG CHUB SEMS DPA' LA SOGS PA'O, ,LAS KYI BYA BA STE BYED PA'O, ,'DI LTAR SPYOD PAR BYA ZHES BYA BA'I SPYOD PA NYE BAR BSTAN PA'O, ,BSGOM PA NI RNAM PAR RTOG PA BCU'I RNAM PAR G-YENG BA BSAL BA'I DON DU GANG ZHIG BSTAN PA'O, ,RNAM PAR RTOG PA RNAM PA BCU NI BYANG CHUB SEMS DPA' KUN NAS YONGS SU SPANG BAR BYA STE, DNGOS PO MED PA'I RNAM PAR RTOG PA DANG GANG GI GNYEN POR 'DIR NI BYANG CHUB SEMS DPA' NYID YOD CES BYA BA GSUNGS SO, ,DNGOS PO YOD PA'I RNAM PAR RTOG PA DANG, GANG GI GNYEN POR BYANG CHUB SEMS DPA' NI YANG DAG PAR RJES SU MI MTHONG NGO ZHES BYA BA LA SOGS PA GSUNGS SO, ,SGRO 'DOGS PA'I RNAM PAR RTOG PA DANG GANG GI GNYEN POR GZUGS NI NGO BO NYID KYIS STONG ZHES BYA BA GSUNGS SO, ,SKUR PA 'DEBS PA'I RNAM PAR RTOG PA DANG GANG GI GNYEN POR STONG PA NYID KYIS STONG PA MA YIN ZHES BYA BA GSUNGS SO, ,GCIG PA NYID KYI RNAM PAR RTOG PA DANG GANG GI GNYEN POR GANG ZHIG GZUGS KYI STONG PA DE NI GZUGS MA YIN NO ZHES BYA BA GSUNGS SO, ,SNA TSOGS PA NYID KYI RNAM PAR RTOG PA DANG GANG ZHIG GNYEN POR STONG PA NYID LAS GZHAN GZUGS MA YIN TE GZUGS NYID STONG PA NYID DO, ,STONG PA NYID KYANG GZUGS SO ZHES BYA BA GSUNGS SO, ,RANG GI MTSAN NYID KYI RNAM PAR RTOG PA DANG GANG GI GNYEN POR 'DI NI MING TZAM STE GANG ZHIG 'DI NI GZUGS ZHES BYA BA GSUNGS SO, ,KHYAD PAR GYI RNAM PAR RTOG PA DANG GANG GI GNYEN POR GANG GI PHYIR GZUGS NI SKYE BA MA YIN 'GAG PA MA YIN KUN NAS NYON MONGS PA MA YIN RNAM PAR BYANG BA MA YIN ZHES BYA BA GSUNGS SO, ,MING JI LTA BA DE LTAR DON LA MNGON PAR ZHEN PA'I RNAM PAR RTOG PA DANG GANG ZHIG GNYEN POR MING NI BTAGS PA ZHES BYA BA LA SOGS PAS GSUNGS SO, ,DON JI LTA BAR MING LA MNGON PAR ZHEN PA'I RNAM PAR RTOG PA DANG GANG GI GNYEN POR BYANG CHUB SEMS DPAS MING YANG YANG DAG PAR RJES SU MI MTHONG ZHING MNGON PAR ZHEN PAR MI BYED DE DON JI LTA BAR ZHES BYA BAS GSUNGS PA NI DON JI LTA BA NYID KYIS @15B ZHES BYA BAR DGONGS PA'O, ,RAB TU DBYE BA NI STONG PA NYID RNAM PA BCU DRUG STE, NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, STONG PA NYID STONG PA NYID DANG, CHEN PO STONG PA NYID DANG, DON DAM PA STONG PA NYID DANG, 'DUS BYAS STONG PA NYID DANG, 'DUS MA BYAS STONG PA NYID DANG, MTHA' LAS 'DAS PA STONG PA NYID DANG, THOG MA DANG THA MA MED PA STONG PA NYID DANG, DOR BA MED PA STONG PA NYID DANG, RANG BZHIN STONG PA NYID DANG, CHOS THAMS CAD STONG PA NYID DANG, RANG GI MTSAN NYID STONG PA NYID DANG, MI DMIGS PA STONG PA NYID DANG, DNGOS PO MED PA'I NGO BO NYID STONG PA NYID DO, ,STONG PA NYID RNAMS KYI DON BSHAD PA DANG MDO DANG SBYAR BA NI 'OG TU BYED PAR 'GYUR RO, ,RTAGS NI MTSAN MA YIN TE GANG GIS BYANG CHUB SEMS DPA' 'DI ZHES SHES PAR 'GYUR BA PHYIR MI LDOG PA ZHES BYA BA LA SOGS PA'O, ,LTUNG BA NI DON MA YIN PA STE, BDUD KYI LAS LA SOGS PA'O, ,DON 'DI RNAMS KYANG MDO LAS GO RIMS SU BSHAD NAS ZLOS PAS NI MA YIN NO, ,JI SKAD GSUNGS PA, DE NYID DON NI 'KHOR BA STE, ,SLAR NI DON GZHAN LA BRTEN PA, , ZHES BYA BA'O, ,'ON TE, RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON PAR RDZOGS BYANG CHUB, ,CHOS KYI SKU DANG DE RNAM BRGYAD, ,CES PA STONG PHRAG NYI SHU LNGA PA BZHIN DU 'DIR YANG BSDUS PA'I DON 'DI GZHAN DAG STON PAR BYED DE, DE CI'I PHYIR BSTAN PAR MI BYED SNYAM NA, MDO DANG BSTAN BCOS DAG LAS 'GAL BA'I PHYIR RO, ,MTHAR GYIS PA LA SOGS PA'I MNGON PAR RTOGS PA GSUM STON PAR BYED PA GZHUNG GI TSOGS LA 'DIR MI SRID PA'I PHYIR RO, ,GANG ZHIG YANG MNGON PAR RTOGS PA LNGA STON PAR BYED PA NYID KYIS RGYAS PAR BSHAD PA'I RNAM PAR BSHAD PA'I GZHUNG GI TSOGS RNAMS MDO 'DI LA SNANG BA SDE RNAMS KYANG DE DANG DE'I MNGON PAR RTOGS PA'I YAN LAG STON PAR BYED PA'I NGAG RNAMS @16A *, ,THAMS CAD KYIS YONGS SU RDZOGS PA MA YIN TE, 'DI LTA STE, RGYAS PAR BSHAD PA LA DANG POR SH'A RI'I BU LA BKA' STZAL PA'I SKABS SU SEMS BSKYED PA RNAM PA NYI SHU RTZA GNYIS DANG GDAMS NGAG BRGYAD KYANG BSHAD PA YIN NO, ,GZHUNG GI TSOGS DE TZAM NI BCOM LDAN 'DAS MA 'DI LA RNAM PA THAMS CAD DU YOD PA MA YIN TE, DE LTA NA YANG SLOB DPON 'PHAGS PA RNAM PAR GROL SDE'I 'GREL PA LAS MNGON PAR SHES PA DRUG GI GDAMS NGAG BSTAN ZIN TO, ,MTHONG BA'I LAM GYI GDAMS NGAG GI DBANG DU MDZAD NAS, RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE, JI LTAR BYANG CHUB SEMS DPA' SEMS DPA' CHEN PO RNAMS SHES RAB KYI PHA ROL TU PHYIN PA LA NGES PAR 'BYUNG BAR 'GYUR BA DE BZHIN DU KHYOD SPOBS PAR BYOS SHIG CES BYA BA LA SOGS PA GSUNGS SO, ,GANG YANG BSGOM PA'I LAM GYI GDAMS NGAG GI DBANG DU MDZAD NAS GSUNGS LA, RAB 'BYOR 'DUS BYAS LAS THA DAD PA'I 'DUS MA BYAS NI BSTAN PAR BYED NUS PA MA YIN TE ZHES BYA BA'I GZHUNG DE YANG PHYI NA YOD PA MA YIN NO, ,DE BZHIN DU MNGON PAR RTOGS PA'I YAN LAG MANG PO RNAMS STON PAR BYED PA'I GZHUNG RNAMS NI MNGON PAR RTOGS PA SO SOR MDO 'DI LA YOD PA MA YIN PA DE BAS NA, JI LTAR DE'I BSHAD PA DANG MI 'GAL BAR, RAB 'BYOR KHYOD SPOBS PAR BYOS SHIG CES BYA BA LA SOGS PA'I MDO BLANGS TE, JI LTAR GYI SGRAS SEMS BSKYED PA RNAM PA NYI SHU RTZA GNYIS DANG SHES RAB KYI PHA ROL TU PHYIN PA'I SGRAS 'DIR GDAMS NGAG RNAM PA BCU BRJOD DO ZHES BSHAD PAR GYIS SHIG ,DE LTAR NA YANG MDO SDE DANG BSTAN BCOS KYANG 'GAL BA YIN TE, GANG ZHIG YANG BRJOD PA BRJOD PAR 'DOD PA GZHAN GYI DBANG NYID KYI SGRA RNAMS KYI BSHAD PA 'DI YIN ZHES DER YANG BRDAS BYAS PA'I DON STON PAR BYED PAR 'DOD PA DANG BRJOD PAR 'DOD PAS SMRA BAR BYA STE, BRDA YANG SPYI'I YUL CAN YIN LA DE YANG BSTAN BCOS BYED PA PO NYID KYIS BYA BAR 'OS PA YIN TE, JI LTAR GZUGS KYI PHUNG PO LA SOGS PA'I SGRA RNAMS @16B LA MNGON PA LA SOGS PA LAS BCOM LDAN 'DAS KYIS BSTAN PAR MDZAD PA BZHIN DU THA SNYAD KYI DON DU YIN LA, 'PHAGS PA BRGYAD STONG PA'I MDO LAS SHES RAB KYI PHA ROL TU PHYIN PA'I SGRAS DER YANG GNAS GCIG LA GDAMS NGAG RNAM PA BCU SHES PAR BYA ZHES BYA BA NI MA YIN NO, ,BCOM LDAN 'DAS KYIS GANG DU YANG BSTAN PA LAS SNGA ROL DU BRDA MDZAD PA STE, GANG GIS GDUL BYA DE RNAMS DE LTAR RTOGS PAR 'GYUR RO, ,SNGON GYI SLOB DPON RNAMS LAS SGRA'I NGES PA YOD PA MA YIN TE BDAG CAG KHO NAS DA LTAR NI BRDA BYA'O, ,DE LA BKA'I DON RTOGS PA ZHES BDE LEGS JI LTAR SMRA, 'O NA BSDUS PA'I BSHAD PA 'DI JI LTAR YIN SNYAM NA, RTEN LA SOGS PA'I NYI SHU RTZA GNYIS KYI DON LA LTOS PAS SO, ,GANG ZHIG GSUNGS PA, THAMS CAD MI ZAD RNAMS KYIS 'DIR, ,THOS PA LA SOGS RAB TU GRAGS, ,ZHAR LAS BYUNG BA'I DON DE NYID, , GTZO BO SUM CU RTZA GNYIS NYID, ,DE LTAR BRGYAD STONG PA 'DI NI, ,JI LTAR BRJOD DON GYIS NYUNG MIN, ,YUM NI BSDUS PA 'DIR 'DOD DE, ,JI LTAR BRJOD PA'I DON DE NYID, ,CES BYA BA'O, ,DA NI BSDUS PA'I BSTAN PA LA TSIG GI DON GYIS NGES PAR BYED PA YIN TE, DE LA RAB 'BYOR ZHES BYA BA NI BOD PA STE BSTAN PA LA NGES PAR SBYAR BA'I DON DU'O, ,KHYOD SPOBS PAR BYOS SHIG CES BYA BA NI KHYOD LA SANGS RGYAS MNGON DU PHYOGS PAS SHOD CIG PA'O, ,GANG RNAMS KYI PHYIR SPOBS PAR BYOS SHIG CE NA, BYANG CHUB SEMS DPA' RNAMS LA ZHES BYA BA SMOS TE DE RNAMS KYI PHYIR ZHES BYA BA'I DON TO, ,GANG GI PHYIR DE'I DON GYI DNGOS PO NI 'BREL BA STE, DE BAS NA 'BREL BA BRJOD PAR 'DOD PAS DRUG PA LA 'BREL BA BRJOD PAR 'DOD PAS NI BZHI PAR 'GYUR RO, ,BYANG CHUB SEMS DPA' RNAMS NI RNAM PA GNYIS TE, KUN RDZOB KYI BYANG CHUB SEMS DPA' RNAMS DANG DON DAM PA'I BYANG CHUB SEMS DPA' RNAMS SO, ,GANG GI PHYIR YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS BDAG GIS SEMS CAN RNAMS SHIN TU MTHAR THUG PA'I MYA NGAN LAS 'DAS PA LA RAB TU GNAS PAR BYA'O ZHES YANG DAG PAR RDZOGS PA'I BYANG @17A *, ,CHUB DANG SEMS CAN RNAMS LA DMIGS NAS DANG POR 'JUG PA'I SEMS BYANG CHUB SEMS DPA' RNAMS KYI DMIGS PA STE, DE'I PHYIR BYANG CHUB SEMS DPA' ZHES BRJOD DO, ,SEMS DE GANG LA YOD PA DE YANG BYANG CHUB SEMS DPA' ZHES BRJOD DO, , KYE MA BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN THAMS CAD SHIN TU MTHAR THUG PA'I MYA NGAN LAS 'DAS PA LA RAB TU GNAS PAR BYA'O ZHES BYANG CHUB DANG SEMS CAN LA DMIGS NAS, KUN RDZOB DANG DON DAM PA'I BDEN PA GNYIS LA GNAS TE, SHES RAB DANG SNYING RJE DAG GIS BSKYED PA'I SEMS RIN PO CHE DANG LDAN PA'I PHYIR BYANG CHUB SEMS DPA' ZHES BRJOD DO, ,RAB TU DGA' BA LA SOGS PA'I SEMS BSKYED PA BCU NI DON DAM PA'I BYANG CHUB SEMS DPA' ZHES BRJOD DE, SLOB DPON RNAMS KYIS BSHAD PA NI SEMS CAN THAMS CAD DE BZHIN GSHEGS PA'I SNYING PO CAN ZHES BYA BA'I TSIG LAS SEMS CAN THAMS CAD NI DE BZHIN NYID LAS RAB TU BYUNG BA STE DE BZHIN NYID LA YANG GNAS SKABS GSUM LAS MA DAG PA'I GNAS SKABS DANG, DAG PA DANG MA DAG PA'I GNAS SKABS DANG, SHIN TU YONGS SU DAG PA'I GNAS SKABS SO, ,DE LA MA DAG PA'I GNAS SKABS LA SO SO'I SKYE BO THAMS CAD LA BYANG CHUB KYI GNAS SKABS YOD PA MA YIN TE GCIG TU NA SEMS CAN GYI GNAS SKABS KHO NA ZHES BYA BA'O, ,DE BZHIN NYID DE NI MING THAMS CAD PA DANG MING THAMS CAD BRJOD PA YIN TE, DAG PA DANG MA DAG PA'I GNAS SKABS LA 'PHAGS PA RNAMS KYI BYANG CHUB KYI GNAS SKABS DANG SEMS CAN GYI GNAS SKABS GNYIG YANG YOD PAS NA DE'I PHYIR DE DAG PA DANG MA DAG PA DE LTAR BYANG CHUB SEMS DPA'I MING GIS BRJOD PA YIN NO, ,SHIN TU RNAM PAR DAG PA'I GNAS SKABS LA GCIG TU NA RNAM PAR DAG PA'I GNAS SKABS KHO NA DE BZHIN NYID DE DE'I TSE NI DE BZHIN GSHEGS PA'I MING GIS BRJOD PA YIN TE, JI SKAD DU GSUNGS PA, RAB 'BYOR DE BZHIN GSHEGS PA ZHES BYA BA NI YANG DAG PA'I DE BZHIN NYID KYI TSIG BLA DGAS ZHES BYA'O, ,SEMS DPA' CHEN PO @17B ZHES BYA BA NI RIGS DANG MTHUN PA'I RIGS SO, ,RIGS DANG RJES SU MTHUN PA NI LHAG PAR MOS PA'O, ,LHAG PAR MOS PA DANG RJES SU MTHUN PA NI RTEN NO, ,RTEN DANG RJES SU MTHUN PA NI SMON LAM MO, ,SMON LAM DANG RJES SU MTHUN PA NI SPYOD PA'O, ,SPYOD PA DANG RJES SU MTHUN PA NI BRTZON 'GRUS SO, ,BRTZON 'GRUS DANG RJES SU MTHUN PA NI DUS SO, ,DUS DANG RJES SU MTHUN PA NI TSOGS SO, ,TSOGS DANG RJES SU MTHUN PA NI YANG DAG PAR BYUNG BA'O, ,YANG DAG PAR BYUNG BA DANG RJES SU MTHUN PA NI 'BRAS BU'O, ,'BRAS BU DANG RJES SU MTHUN PA NI SEMS CAN GYI DON NO ZHES BYA BA'I CHEN PO NYID RNAM PA BCU GCIG DANG LDAN PAS SEMS DPA' CHEN PO ZHES BRJOD PA YIN NO, ,CI'I DBANG DU MDZAD CE NA GSUNGS PA, SHES RAB KYI PHA ROL TU PHYIN PA LAS BRTZAMS TE ZHES BYA BA NI DE LA SON DAM PAR SMON LAM DANG BRTZON 'GRUS BRTZAMS PA DANG NYON MONGS PA DANG LAS DANG SDUG BSNGAL DANG 'KHOR BA DANG RNAM PAR RTOG PA DANG YON TAN DANG SHES BYA STE, DGU PO RNAMS LA PHA ROL TU SON PA'I PHYIR 'JIG RTEN LAS 'DAS PA RNAM PAR MI RTOG PA RDO RJE LTA BU'I TING NGE 'DZIN GYIS YANG DAG PAR BSDUS PA'I DE BZHIN GSHEGS PA RNAMS KYI YE SHES NI SHES RAB KYI PHA ROL TU PHYIN PA ZHES BRJOD DO, ,DE LAS DE'I RJES SU THOB PA RNAMS RNAM PAR RTOG PA DANG BCAS PA RNAM PAR MI RTOG PA YANG ME LONG DANG MNYAM PA NYID DANG SO SOR RTOG PA DANG, BYA BA GRUB PA'I YE SHES RNAMS DE'I RGYU NYID KYI PHYIR 'BRAS BU LA RGYUS BTAGS PAS SHES RAB KYI PHA ROL TU PHYIN PA'I MING NYID BSNYEN PA YIN NO, ,NYAN THOS DANG RANG SANGS RGYAS RNAMS KYI YANG MTHAR THUG PA'I SAS YANG DAG PAR BSDUS PA DGRA BCOM PA'I LAM GYI RNAM PA SHES PA SHES RAB KYI PHA ROL TU PHYIN PA'I RGYU MTHUN PA NYID KYIS SHES RAB KYI PHA ROL TU PHYIN PA'I MING NYID BSNYEN PA YIN NO, ,GANG RNAMS KYANG BYANG CHUB SEMS DPA' RNAMS KYI MOS PA SPYOD PA'I SA LA BRTEN NAS JI SRID CHOS KYI SPRIN GYI SA LA THOS PA DANG BSAM PA DANG BSGOM PA'I RIM PAS MNGON PAR 'PHEL BA, CHOS KYI DBYINGS DRI MA MED PAR BYED PA'I THABS DANG LAM GYI YANG DAG PAR @18A *, ,BSDUS PA RNAMS THAMS CAD DU MCHOG GI DON DU MCHOG GI DON LA SOGS PA DE BZHIN NYID LA 'JUG PA'I KHYAD PAR MNGON SUM DU BYAS PAS, SA DANG SA LA RTEN GYI DAG PA MCHOG DANG MCHOG GI DNGOS PO THOB PA'I PHYIR RTOGS PA'I KHYAD PAR THOB PAR BYED PA'I YE SHES RNAMS DANG DE RNAMS KYANG SHES RAB KYI PHA ROL TU PHYIN PA THOB PA'I RGYU NYID KYI PHYIR SHES RAB KYI PHA ROL TU PHYIN PA'I MING THOB PA YIN TE, 'DI RNAMS KYI LAM DANG SO SOR RTOG PA DANG MTHAR THUG PA'I SA LA YANG DAG PAR ZHEN PA MA LUS PA'I DNGOS PO'I KHYAD PAR RTOG PA'I RGYU NYID KYI PHYIR RO, , GANG ZHIG YANG 'DI MING GI TSOGS DANG TSIG GI TSOGS DANG YI GE'I TSOGS KYI NGO BOS YONGS SU GYUR PA'I CHOS KYI BSTAN PA DE YANG SHES RAB KYI PHA ROL TU PHYIN PA'I MING NYID KYIS BRJOD PA YIN NO, ,DE BZHIN DU JI SRID RNAM PA 'DI RNAMS LA MNGON PAR GSAL BAR BYED PA GANG ZHIG LA LA ZHIG THEG PA CHEN PO TSUL DE THAMS CAD SHES RAB KYI PHA ROL TU PHYIN PA ZHES BYA BA NYID DU BRJOD PA YIN LA, DE LTAR SHES RAB KYI PHA ROL TU PHYIN PA'I BRJOD PAR BYA BA 'DI RNAMS LA 'DIR SANGS RGYAS KYI SAS YANG DAG PAR BSDUS PA RNAM PAR MI RTOG PA DANG 'JIG RTEN LAS 'DAS PA'I SHES RAB KYI PHA ROL TU PHYIN PA ZHES BRJOD PA YIN NO, ,DE'I PHYIR 'DIR SHES RAB KYI PHA ROL TU PHYIN PA LAS BRTZAMS TE ZHES BYA BA STE, RNAM PAR RTOG PA THAMS CAD DANG BRAL BA SHIN TU YONGS SU DAG PAS SHES RAB KYI PHA ROL TU PHYIN PA LAS BRTZAMS NAS SHES PAR BYA BA'I DON TO, ,KHA CIG NA RE 'DIR NI THEG PA CHEN PO SHES RAB KYI PHA ROL TU PHYIN PA'I SGRAS BRJOD PA YIN LA NYAN THOS KYI THEG PA DANG RANG SANGS RGYAS KYI THEG PA SPANGS NAS THEG PA CHEN PO LAS BRTZAMS TE ZHES BYA BA'I DON TO, ,KHA CIG NA RE RNAM PA THAMS CAD MKHYEN PA NYID NI SHES RAB KYI PHA ROL TU PHYIN PA ZHES BRJOD DO ZHES BYA BA'O, ,DE NAS DE LA BRTZAMS NAS BDAG LA CI ZHIG SPOBS PAR BYOS SHIG CES GSUNGS PA, JI LTAR ZHES BYA BA LA SOGS PA STE, THOS PA DANG BSAM PA DANG BSGOM PA LA SOGS PA'I RIM PAS JI LTAR SHES RAB KYI PHA ROL TU PHYIN PA LA NGES PAR 'BYUNG BAR 'GYUR ZHES BYA'O, , @18B DE LA GANG GI TSE RNAM PAR MI RTOG PA'I SHES RAB BAM RNAM PA THAMS CAD MKHYEN PA NYID NI SHES RAB KYI PHA ROL TU PHYIN PA ZHES BRJOD PA YIN NA DE'I TSE SHES RAB KYI PHA ROL TU PHYIN PA LA ZHES BYA BA NI RGYU MTSAN GYI BDUN PAR SHES PAR BYA STE, SHES RAB KYI PHA ROL TU PHYIN PA DANG SHES RAB KYI PHA ROL TU PHYIN PA'I DON DANG RNAM PAR MI RTOG PA'I SHES RAB NYID DANG RNAM PA THAMS CAD LA SON PA'I DON LA NGES PAR 'BYUNG BA ZHES BYA BA'O, ,GANG GI TSE THEG PA CHEN PO STE, DE'I TSE NA RTEN GYI BDUN PA KHO NA LA SHES RAB KYI PHA ROL TU PHYIN PA ZHES BYA BA'O, ,NGES PAR 'BYUNG BA ZHES BYA BA NI MA LUS PAR SONG BA'O, ,NGES PAR 'BYUNG BA NI RNAM PA GSUM STE, BSLAB PA LA NGES PAR 'BYUNG BA DANG SPYOD PA LA NGES PAR 'BYUNG BA DANG YANG DAG PAR NGES PAR 'BYUNG BA LA NGES PAR 'BYUNG BA'O, ,DE LA THOS PA DANG BSAM PA LA SOGS PA'I DUS SU BSLAB PA LA NGES PAR 'BYUNG BA'O, , DE'I 'OG TU BSHAD PAR 'GYUR BA NI SHES RAB KYI PHA ROL TU PHYIN PA LA BSLAB PAR BYA'O ZHES BYA BA STE, SGRUB PA'I DUS SU SPYOD PA LA NGES PAR 'BYUNG BA DE BYED PAR 'GYUR RO, ,SHES RAB KYI PHA ROL TU PHYIN PA LA SPYOD PAR BYA'O ZHES BYA BA NI SO SOR RTOG PA'I DUS SU YANG DAG PAR BYUNG BA'I NGES 'BYUNG STE, DE BSHAD PAR 'GYUR BA NI SHES RAB KYI PHA ROL TU PHYIN PA LA RNAL 'BYOR DU BYA'O ZHES BYA BA STE, DE BAS NA TSUL 'DIS DE LA NGES PAR 'BYUNG BAR BYA BA DANG, GANG DU YANG NGES PAR 'BYUNG BAR BYA BA DANG GANG YANG NGES PAR 'BYUNG BA 'DI GSUM NGES PAR BSTAN PAR 'GYUR RO, ,NYAN THOS DANG RANG SANGS RGYAS KYI THEG PA PA RNAMS KYIS GDON MI ZA BAR MA YIN PA NYID KYI PHYIR BYANG CHUB SEMS DPA' RNAMS NYID NGES PAR 'BYUNG BA ZHES BYA BA'O, ,LAM THAMS CAD LA DE'I RTZA BA NYID KYI PHYIR SHES RAB KYI PHA ROL TU PHYIN PA LA RTAG TU GUS PAR BYA BA NGES PA LA SOGS PAS NGES PAR 'BYUNG BA 'DIR NI PHA ROL TU PHYIN PA'I SGRA'I SGRUB PA SLOB DPON RNAMS KYI BYED PA YIN TE, PHA ROL LA NI NYE BA'I TSIG LA MI ZHES BYA BA LA SOGS PA'I RKYEN NI HE YIN TE, BYED PA PO 'AM DNGOS PO LA STE MI ZHES BYA BA NI GZHAL BA'I DON LA STE, DE'I PHA ROL GZHAL BAR @19A *, ,BYED PAS NA P'A RA MI ZHES BYA'O, ,YANG NA MI NYA ZHES BYA BA NI 'TSE BA LA STE DE'I PHA ROL LA 'TSE BAR BYED PAS NA P'A RA MI ZHES BYA'O, ,dU MI NYA ZHES BYA BA NI RAB TU GZHAG PA STE, DE'I PHA ROL GZHAL BAR BYED PAS NA P'A RA MI ZHES BYA'O, ,dU MA SDZO ZHES BYA BA NI DAG PA LA STE, DE'I PHA ROL LA MA+DZDZA[?] TI DAG PAR BYED PAS NA P'A RA MI ZHES BYA'O, ,MA H'A ZHES BYA BA NI BCING BA LA STE, DE'I PHA ROL TU MA+RD'A[?] TE ZHES BYA BAS P'A RA MI STE PHA ROL TU SONG BA ZHES BYA BA'I DON TO, ,DE'I DNGOS PO NI PHA ROL TU PHYIN PA STE PHA ROL TU SONG BA'I BYA BA NI PHA ROL TU PHYIN PA'O, ,GANG GI TSE SLAR YANG DNGOS PO LA RKYEN YIN NA DE'I TSE PHA ROL TU SONG BA NI P'A RA MI ZHES BRJOD DO, ,P'A RA MI NYID NI P'A RA MI TA STE DE BA TA BZHIN DU'O, ,RANG GI DON LA NI TA LA'O, ,YANG NA PHA ROL TU SONG BA NYID KYI TSOGS NI P'A RA MI TA STE GR'A MA TA LA SOGS PA BZHIN DU'O, ,TSOGS LA NI TA LA'O, ,'GA' ZHIG TU NGES PAR 'BYUNG ZHES BYA BAR 'DON PA STE 'DON PA TZAM LA 'BYUNG BA ZHES BYA BA KHA CIG GO, ,JI LTAR SNGAR BYANG CHUB SEMS DPA' RNAMS NGES PAR 'BYUNG BA ZHES BYA BA NI GZHAN NO, ,DE LTAR NA BSDUS PA SHES RAB KYI PHA ROL TU PHYIN PA BSTAN PA RAB 'BYOR LA SKUL BAR BYED PA'I G-YO SGYUS YONGS SU RDZOGS PAR BYAS NAS BCOM LDAN 'DAS CAD MI GSUNG BAR GYUR TO, ,DA NI BAR MA BSTAN PA NGES PAR 'BYUNG BA'I GDAMS NGAG LA SOGS PA RNAMS KYIS RNAM PA BZHIR BYAS TE, DE LA GNAS BRTAN RAB 'BYOR N S NGES PAR 'BYUNG BA'I GDAMS NGAG BSTAN PAR BYA BA STE 'ONK KYANG BCOM LDAN 'DAS KYIS GNAS BRTAN LA BSKUL BAR BYAS PA LA DE NYID KYIS BSTAN PA 'DI YIN PAR 'GYUR GYI, STON PA NA MA YIN NO ZHES KHA CIG LA DOGS PAR GYUR NA DE BSAL BA'I DON DU SH'A RI'I BU LA RNAM PAR RTOG PA SKYES TE DE GSUNGS PA NI, DE NAS TSE DANG LDAN PA SH'A RI'I BU 'DI SNYAM DU SEMS TE, CI TSE DANG LDAN PA RAB 'BYOR 'DI BDAG NYID KYI RANG GI SHES RAB KYI SPOBS PA'I STOBS BSKYED PA DANG ZHES BYA BA STE, CI'I PHYIR DOGS PA NI SH'A RI'I BU LA SKYE BA YIN SNYAM NA, NYAN @19B THOS NI NYAN THOS KYI YUL SHES PA ZHES BYA BA'O, ,'DIR NI GSUNGS PAR GYUR PA BYANG CHUB SEMS DPA' CHEN PO 'DI NI ZAB MO LA BZOD PA ZHES GRAGS PA BSKRAGS PA ZHES GSUNGS SO, ,DE'I PHYIR DE LTAR DOGS PAR 'GYUR BA'O, ,SH'A RI'I BU'I MA NI MING GIS SH'A RI'I STE RIGS KYIS NI SHA RA DVA TI LA DE BAS NA 'DI'I MING GNYIS TE SH'A RI'I BU DANG SHA RA DVA TI'I BU ZHES BYA BA'O, ,BDAG NYID KYI ZHES BYA BA NI RANG GI RGYUD LAS BYUNG BAS SO, ,RANG GI ZHES BYA BA NI RANG NYID LA RAG LUS PAS GZHAN GYIS BYIN GYIS BRLABS PA LA MA LTOS PAS SO, ,SHES RAB KYANG YIN LA SPOBS PA YANG YIN TE DE DAG GI STOBS NI SKYED PAR BYED PA'I NUS PA'O, ,DE'I BSKYED PA NI KUN NAS 'JUG PA'O, ,RANG GI SHES RAB KYI SPOBS PA'I STOBS BYIN GYIS BRLABS PAS ZHES BYA BA NI 'GA' ZHIG TU 'DON PA STE DER SNGA ROL DU KUN LA BRTAGS NAS STOBS DE PHYIS BYIN GYIS BRLABS NAS NI RAB TU DSD PA'O, ,'ON TE ZHES BYA BA NI CI YANG ZHES BYA BA'I DON TO, ,SANGS RGYAS KYI MTHUS ZHES BYA BA NI BYIN GYI RLABS PA RA BYED PA'I SANGS RGYAS KYI MTHUS SO, ,DE NAS SANGS RGYAS KYI MTHUS ZHES BYA BA LA SOGS PAS RAB 'BYOR GYIS BDAG NYID KYI TSIG NYID LA GZUNG BAR BYA BA MA YIN PA'I SKYON BSAL BA'I DON DU BCOM LDAN 'DAS KYI TSIG 'DI YIN TE BDAG NI MA YIN NO ZHES LAN STON PAR BYED DO, ,YONGS SU TSOL BAR BYED PA'I YID KYI BRJOD PA NI RNAM PAR RTOG PA STE, DE NYID NI YONGS SU RTOG PA SEMS LA GNAS PA STE, GSAL BAR BYAS PA NI MA YIN NO, ,DE BAS NA SEMS KYI YONGS SU RTOG PA'O, ,DE SHES NAS NI SHES PA NYID KYIS SHES PAR BYAS NAS ZHES BYA BSTE NGAG GIS MA YIN RTAGS KYIS KYANG MA YIN ZHES BYA BA'I DON TO, ,'DI SKAD CES ZHES BYA BA NI 'CHAD PAR 'GYUR BA'I LAN NO, ,THOS PAR BYED PAS NA NYAN THOS RNAMS SO, ,BCOM LDAN 'DAS KYI TSIG GI RJES SU 'JUG PA ZHES BYA BA'I DON TO, ,SMRA BA DANG ZHES BYA BA'I TSIG RNAMS NI DRUG STE, DE LA DANG PO GSUM NI GDUL BYA RNAM PA GSUM LA BSDUS PA DANG BAR MA DANG RGYAS PA'I DBYE BAS SO, ,GZHAN GSUM NI BDAG NYID KYI LHAG PA'I BSAM PA DANG GZHAN @20A *, ,GYI LHAG PA'I BSAM PA DANG GNYI GA'I LHAG PA'I BSAM PA'I GNAS SKABS LAS 'ONGS PAS RNAM PA GSUM NYID KYI PHYIR RO, ,GZHAN DAG SMRAS PA MDO LA SOGS PA DANG YANG DAG PAR 'BREL BAR BYA BA DANG RNAM PA GSUM GYIS DNGOS PO GANG CI SMRA BA DANG ZHES BYA BA NI BCOM LDAN 'DAS KYI 'KHOR GYI NANG DU MDO LA SOGS PA SMRA BA'O, STON PA DANG ZHES BYA BA NI DE NYID DU GZHAN RNAMS KYIS DRI BA LA SOGS PA RNAMS KYIS SMRAR 'JUG PA'O, ,NYE BAR STON PA DANG ZHES BYA BA NI PHYOGS RNAMS SU GDUL BYA RNAMS LA NYE BAR SONG STE, DE RNAMS LA SMRA PA'O, ,DE BZHIN DU GANG CUNG ZAD DNGOS PO RJOD PA STE BSHAD PAR BYED PA'O, ,BCOM LDAN 'DAS KYI 'KHOR GYI NANG DU GSAL BAR BYED PA STE DE NYID DU GZHAN RNAMS KYIS SO, ,YANG DAG PAR GSAL BAR BYED PA ZHES BYA BA NI THAMS CAD DU SONG STE RANG NYID KYIS GSAL BAR MDZAD CES BYA BA'O, ,DE DAG THAMS CAD NI SMRA BA LA SOGS PA RNAMS SO, ,DE BZHIN GSHEGS PA'I SKYES BU'I MTHU ZHES BYA BA NI DE'I BYIN RLABS LAS RAB TU BYUNG BA'I PHYIR TE NYAN THOS RNAMS KYIS MA YIN TE RANG DGA' BA MA YIN PA'I PHYIR RO, ,'DI NYID KYI RGYU SMRA BAR 'DOD PAS RANG NYID KYIS 'DRI BAR BYED PA NI DE CI'I PHYIR ZHE NA ZHES BYA BA'O, ,RGYU SMRA BA NI GANG ZHES BYA BA LA SOGS PA STE CHOS GANG ZHES BYA BA NI NYAN THOS KYI THEG PA DANG THEG PA CHEN PO PA'O, ,SLOB PA NA ZHES BYA BA NI THOS PA DANG BSAM PA DANG BSGOM PA RNAMS KYIS SO, ,DE DAG GIS ZHES BYA BA NI NYAN THOS RNAMS SO, ,CHOS NYID DE ZHES BYA BA NI JI LTAR THOS PA'O, ,MNGON SUM DU BYAS NAS ZHES BYA BA NI NYAN THOS KYI THEG PA PA'O, ,'DZIN TO ZHES BYA BA NI THEG PA CHEN PO PA'O, ,SHES RAB GSUM GYIS BSTAN PA DE'I DRAN PA'I SA BON BZHAG PA'I PHYIR RO, ,'GA' ZHIG LAS 'DZIN PA ZHES MI 'BYUNG NGO, ,CHOS NYID DANG ZHES BYA BA NI JI LTAR THOS PA'I 'O, ,DE BZHIN GSHEGS PAS CHOS BSTAN PA'I ZHES BYA BA NI JI LTAR THOS PA LA 'DRA BA'I ZAG PA NI RGYU MTHUN PA'O, ,CHOS NYID DE ZHES BYA BA NI JI LTAR THOS PA'O, ,CHOS NYID DANG ZHES BYA BA @20B NI RANG GI STE RANG NYID KYIS BSTAN PAS SO, ,'DIR NI RGYU MTHUN PA'I TSIG GIS DE BZHIN GSHEGS PA'I SKYES BU'I MTHU GSUNGS SO, ,MI 'GAL BA ZHES BYA BAS NI NYAN THOS RNAMS KYI BDAG NYID CHEN PO 'DI TZAM GYIS YANG THAMS CAD JI LTAR BSHAD PAR 'GYUR TE DUS THAMS CAD DU THAMS CAD LA CHOS THAMS CAD KYI DON DAM PAR GZIGS PA'I BCOM LDAN 'DAS NI MCHOG TU TSAD MA STE, GANG GIS JI LTAR BSHAD PA'I YON TAN RNAMS 'DI TZAM YANG SLOB MA RNAMS LA DES RTAG TU BYIN GYIS BRLABS PA LAS 'DI LTA BUR GYUR PA YANG CHOS RNAMS YANG DAG PAR GSUNGS PA YIN NO, ,DE BAS NA GANG ZHIG BCOM LDAN 'DAS DES RANG NYID DAM NYAN THOS LA SOGS PA'I SGO NAS BSTAN PAR MDZAD PA DE THAMS CAD TSAD MA YIN ZHES BYA BA'O, ,'DIS NI RAB 'BYOR GYIS BYAS PAR 'GYUR BA'I NGES PAR 'BYUNG BA'I GDAMS NGAG GI BSTAN PA LA BRAL BAR BYA BA MA YIN PA NYID KYI SKYON YONGS SU SPANG PAR BYAS SO, ,DA NI GNAS BRTAN RAB 'BYOR LA NGES PAR 'BYUNG BA'I GDAMS NGAG BSHAD PAR 'DOD NAS GSUNGS PA, GANG BCOM LDAN 'DAS KYIS 'DI SKAD DU RAB 'BYOR BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA LAS BRTZAMS TE, JI LTAR BYANG CHUB SEMS DPA' SEMS DPA' CHEN PO YRNAMS SHES RAB KYI PHA ROL TU PHYIN PA LA NGES PAR 'BYUNG BAR 'GYUR BA DE BZHIN DU KHYOD SPOBS PAR BYOS SHIG CES BKA' STZAL PA, BCOM LDAN 'DAS BYANG CHUB SEMS DPA' SEMS DPA' CHEN PO ZHES BYA BA NI, NGAG DANG PO LA BYANG CHUB SEMS DPA' CHEN PO ZHES BSTAN ZIN TE, DE NYID RIS BRJOD PAR 'DOD PAS GCIG GI TSIG GIS GSUNGS PA YIN NO, ,'GA' ZHIG TU BYANG CHUB SEMS DPA' BYANG CHUB SEMS DPA' ZHES 'BYUNG BA DER NI TSIG GNYIS KYIS DE DANG DER ZHES BYA BA GO BA YIN NO, ,TSIG BLA DGAS NI MING NGO, ,CHOS ZHES BYA BA NI DNGOS PO LA'O, ,GANG GI ZHES BYA BA NI GANG GI YANG MA YIN PA'O, ,CHOS RNAMS YOD DE DE'I PHYIR CHOS GANG GI YANG TSIG BLA DGAS PAR 'GYUR BA YIN ZHE NA, GSUNGS PA, BCOM LDAN 'DAS 'DI LTA STE, BYANG CHUB SEMS DPA' ZHES BGYI BA'I @21A *, ,CHOS DE BDAG GIS YANG DAG PAR RJES SU MA MTHONG NGO ZHES BYA BA LA, 'DI LTAR SEMS PAR BYED DE DNGOS PO'I NGO BO YOD PA BYANG CHUB SEMS DPA' MING GI RANG BZHIN GYIS 'BYUNG BAR 'GYUR RAM, 'ON TE SEMS CAN GYI RANG BZHIN GYIS SAM, GZUGS LA SOGS PA DE'I TSE CHOS RTAG PA DANG MI RTAG PA LA SOGS PA'I TSIG BLA DAGS PA'I RANG BZHIN GYIS SAM, GZUGS LA SOGS PA'I CHOS KYI RANG BZHIN GYIS ZHES BYA BA'I PHYOGS BZHI STE, DE LA MING ZHES BYA BA NI CHOS RNAMS KYI CHOS GZHAN YOD PA MA YIN TE, GANG GI PHYIR GAL TE CHOS RNAMS KYI MING NI CHOS GZHAN DU GYUR NA DE'I TSE DE DANG MING CAN GYI CHOS SKYE BAR GYUR PA NA DE YANG SKYE BAR 'GYUR RO SNYAM NA, SKYE BA YANG MA YIN TE GANG GI PHYIR THA SNYAD LA RUNG BA NYID BYED PA'I DON DU BRDA'I NGO BO NYID KYIS GZHAN RNAMS 'DI NI 'DI'I MING CAN NO ZHES PHYIS RNAM PAR GZHAG PAR BYED DE, GANG GI PHYIR GAL TE CHOS SKYE BA'I DUS NYID LA MING YANG SKYE BAR GYUR NA, DE'I TSE GZHAN BRDA BZUNG BA RNAMS KYANG MTHONG BA TZAM NYID KYIS 'DI NI 'DI'I MING CAN NO ZHES RTOGS PAR 'GYUR RO SNYAM NA, RTOGS PA YANG MA YIN TE, DE BAS NA MING NI CHOS BSKYED PA'I DUS SU SKYE BA MA YIN NO, ,CHOS 'GAGS PAS 'GAG PA YANG MA YIN TE, GANG GI PHYIR DE'I MING CAN GYI DNGOS PO 'GAGS KYANG DE'I MING THA SNYAD DU BYED DE 'JIGS PA NI MA YIN NO, ,DE BAS NA SKYE BA DANG 'GAG PA MED PA'I PHYIR CHOS GZHAN MA YIN NA 'ON KYANG 'DI THA SNYAD TZAM ZHES BYA BA'I DGONGS PA'O, ,SEMS CAN GYI RANG BZHIN YANG BYANG CHUB SEMS DPA' LA RIGS PA MA YIN TE, GANG GI PHYIR BYANG CHUB SEMS DPA' NI RANG BZHIN NYID MI 'DZIN PAS BDAG LA SOGS PA BZHIN RTOG PAR BYED PA RNAM PAR RTOG PA NI RNAM PA GNYIS KYIS 'JUG PA YIN LA, BYANG CHUB SEMS DPA' NI RANG NYID KYIS MNGON PAR ZHEN PAS NA PHUNG PO LNGA'I RANG BZHIN YIN PAR 'GYUR RAM, JI LTAR CHAD PAR SMRA BA RNAMS KYIS BDAG YONGS SU BRTAGS PA LTAR RO, ,PHUNG PO LNGA LAS THA DAD PAR GYUR PA GZHAN ZHIG YIN NAM JI LTAR RTAG PAR SMRA BA RNAMS KYIS BDAG YONGS SU BRTAGS PA LTAR RO, ,DE LA RE ZHIG PHUNG PO LNGA NI GZUNG BA DANG 'DZIN @21B BA'I KHYAD PAR GYI NGO BO NYID CAN TE GZUNG BAR BYA BA NI YOD PA MA YIN PAR GZUNG BAR BYA BA'I MTSAN NYID MI 'THAD PA'I PHYIR RO, ,'DZIN PAR BYED PA YANG YOD PA MA YIN TE GZUNG BAR BYA BA MED PA LA DE MI RIGS PA YIN PA'I PHYIR ZHES BYA BA'O, ,PHUNG PO LNGA RNAMS MED PA'I PHYIR DE'I RANG BZHIN SEMS CAN NI BYANG CHUB SEMS DPA' YIN PAR 'GYUR, GAL TE YANG PHUNG PO RNAMS LAS THA DAD PAR 'GYUR BA'I SEMS CAN YOD PAR GYUR NA DE NI DE LTAR RTOGS PAR 'GYUR GYI RTOGS PA YANG MA YIN TE, DE BAS NA RI BONG GI RVA DANG MO GSHAM GYI BU LA SOGS PA DANG MO GSHAM GYI BU LA SOGS PA DANG 'DRA BA'I SEMS CAN LA CI'I PHYIR BYANG CHUB SEMS DPA' NYID DO, GZUGS LA SOGS PA RNAM PA LNGA'I DE RTAG PA NYID DANG MI RTAG PA LA SOGS PA'I TSIG BLA DAGS PA'I RANG BZHIN BYANG CHUB SEMS DPA' NI RIGS PA YANG MA YIN TE, GANG GI PHYIR GZUGS LA SOGS PA RNAMS SHIN TU YANG YOD PA MA YIN TE KUN TU BRTAGS PA'I PHYIR RO, ,CI'I PHYIR DE RNAMS KYI TSIG BLA DAGS PA SHIN TU YANG MED PA'I BYANG CHUB SEMS DPA' YIN PAR 'GYUR, GZUGS LA SOGS PA'I CHOS KYI RANG BZHIN YANG BYANG CHUB SEMS DPAR RIGS PA MA YIN TE GZUGS LA SOGS PA RNAMS KUN TU BRTAGS PA'I NGO BOR MED PA'I PHYIR RO, ,DE MED PAS DE DANG SNANG BA'I RNAM PAR RIG PA'I NGO BO YANG GZHAN DBANG RNAMS LA MI BDEN PA'I SNANG BA TZAM NYID KYIS MED PA'I PHYIR LHAG MA YONGS SU GRUB PA'I NGO BOS DE RNAMS KYIS 'BYUNG BA YIN TE, CHOS THAMS CAD KYANG YONGS SU GRUB PA'I GNAS SKABS SU DE BZHIN NYID KYI RANG BZHIN TE, DE'I PHYIR GANG ZHIG GANG LA BLTAS NAS BYANG CHUB SEMS DPA' ZHES MING GIS BRJOD PA YIN NO, ,GANG GI PHYIR GZHAN NI GZHAN LA MTHONG ZHES BRJOD PA YIN NAM 'ON TE 'DUS BYAS KYI CHOS RNAMS 'DUS MA BYAS PA'I CHOS KYI DBYINGS SU MTHONG NA 'DI YANG YOD PA MA YIN TE THA DAD PA MED PA'I PHYIR RO, ,'DI LTA STE DE BZHIN NYID DE KHO NA MA DAG PA'I GNAS SKABS SU 'DUS BYAS RNAMS ZHES BRJOD PA YIN GYI DE NYID KHO NA YANG DAG PA'I GNAS SKABS SU 'DUS MA BYAS RNAMS ZHES BYA'O, ,JI LTAR YANG SNGAR DANGS PA MA YIN PA'I CHU PHYIS SHIN TU DANGS PA LA CHU DE NYID CES BRJOD PA YIN LA, JI LTAR YANG SNGAR SBRIN LA SOGS PAS DRI @22A *, ,MAR BYAS PA'I NAM MKHA' NI PHYIS DRI MA MED PAR GYUR PA LA NAM MKHA' DE NYID CES BRJOD PA YIN NO, ,DE BZHIN DU SNGAR MA DAG PA'I DE BZHIN NYID PHYIS SHIN TU RNAM PAR DAG KYANG DE BZHIN NYID DE KHO NA STE ZHES BYA BAS 'DUS BYAS KYI CHOS RNAMS DANG 'DUS MA BYAS KYI CHOS LA NGO BO NYID KYIS THA DAD PA YOD PA MA YIN NO, ,DE'I PHYIR GANG ZHIG GANG LA MTHONG BAR 'GYUR BA NI GANG GI PHYIR BDAG NYID KYIS BDAG LA YANG DAG PAR RJES SU MTHONG ZHES BYA BA BRJOD PA MA YIN TE, 'DI RNAMS KYANG PHYOGS BZHI MI DMIGS PA'I SBYOR BA LA CHEN PO RNAMS LAS BYUNG BA KHO NA YIN NO, ,DE YANG BDAG GIS ZHES BYA BA LA SOGS PA STE, SHES RAB KYI PHA ROL TU PHYIN PA ZHES BGYI BA ZHES BYA BA NI SHES RAB KYI PHA ROL TU PHYIN PA YANG MING LA SOGS PA RNAMS LAS GZHAN GYI NGO BO 'BYUNG BAR 'GYUR BA STE, DE'I PHYIR DE YANG BYANG CHUB SEMS DPA' YNID BZHIN DU JI LTAR MTHONG BAR 'GYUR ZHES BYA BA'I DGONGS PA'O, ,ZHES BGYI BA'I SGRA NI RAB TU GRAGS PA STE JI LTAR RGYAL PO BYUNG BAR GYUR PA ZAS GTZANG ZHES BYA BAS RNAM PAR DAG PA'I LUGS ZHES BYA BA'O, ,GNYI GA YANG MA MTHONG NA JI ZHIG 'THAD PA YIN ZHES GSUNGS PA, BDAG GIS MA 'TSAL ZHES BYA BA LA SOGS PA STE, JI LTAR BYANG CHUB SEMS DPA' MTHONG BA MA YIN PA LA MING LA SOGS PA'I CHOS BYANG CHUB SEMS DPA' YIN PAR 'GYUR ZHE NA, GSUNGS PA, BYANG CHUB SEMS DPA'I CHOS KYANG ZHES BYA BA STE, BYANG CHUB SEMS DPA'I RANG BZHIN CHOS NI BYANG CHUB SEMS DPA'I CHOS DE LA'O, GANG GI PHYIR BYANG CHUB SEMS DPA' KUN BRTAGS KYI NGO BOS YOD PAR 'GYUR RAM GZHAN DBANG GI NGO BOS YOD PAR 'GYUR RAM 'ON TE YONGS SU GRUB PA'I NGO BOS YOD PAR 'GYUR SNYAM NA, DE LA KUN BRTAGS NI MA 'TSAL TE BI DAL ZHES BYA BA NI RNYED PA'I DON LA'O, ,RNYED PAR GYUR PA NI MA YIN NO, ,RI BONG GI RVA BZHIN DU SHIN TU YANG DE MED PA'I PHYIR RO, ,GZHAN DBANG GI NGO BOS MA DMIGS TE DE BRDZUN PA SNANG BA TZAM GYIS DE NYID KYIS NI MED PA'I PHYIR RO, ,YONGS SU GRUB PAS NI YANG DAG PAR RJES SU MI MTHONG STE DE'I GNAS SKABS SU CHOS THAMS CAD @22B LA DE BZHIN NYID DANG RO GCIG PA'I PHYIR GANG ZHIG GANG LA MTHONG ZHES BYA BA'O, ,GZHAN NI SNGA MA BZHIN NO, ,MA 'TSAL BA NI DPYOD PA LAS SNGA RO, DU STE MTSAN NYID JI LTA BAR MI THOB CING, CA' PHYIR ZHE NA, GANG GI PHYIR MA DMIGS PAS SO, ,DPYAD PA LA YOD PA NA MI RTOG CING YANG DAG PAR RJES SU MI MTHONG BA NI SHIN TU MNYAM PAR GZHAG PA'I RNAM PAR MI RTOG PA'I YE SHES KYIS ZHES BYA BA'O, ,SHES RAB KYI PHA ROL TU PHYIN PA YANG MA 'TSAL ZHES BYA BA NI BYANG CHUB SEMS DPA' BZHIN DU 'THAD PA RNAMS SO, ,GANG ZHIG CES BYA BA NI 'GA' YANG MA YIN TE RIGS PAS MTHONG BA LA GNOD PAR BYAS PA'I PHYIR RO, ,GANG LA ZHES BYA BA NI GANG LA YANG MA YIN TE BYANG CHUB SEMS NYID BZHIN NO, ,SHES PA'I PHYIR TE RTOGS PA'I DON DU BRJOD PA NI GDAMS PA'O, ,RJES SU BSTAN PA'I RTOGS PA LA RJES SU MTHUN PA RNAMS KYI BYA BA NYID KYIS LUNG LA BAR DU GCOD PAR BYED PA DOR PAR BYA BA NYID KYI MAN NGAG GO, ,DE BAS NA DON DAM PA'I TSUL GYIS SHES RAB KYI PHA ROL TU PHYIN PA DANG BYANG CHUB SEMS DPA' DAG LA MTHONG BA NI YOD PA MA YIN NO, ,DE'I PHYIR GDAMS PA MED PA ZHES SHES NAS GAL TE MI SMRA BAR GYUR NA DE'I TSE SEMS CAN GYI DON SPANGS PAR 'GYUR RO, ,DE BAS NA SEMS CAN YONGS SU SMIN PA LA SOGS PA'I DON DU THABS LA MKHAS PAS YONGS SU BRTAGS PA'I MTSAN NYID KHO NA BZUNG BAR BYAS NAS KUN RDZOB KYI TSUL GYIS SEMS CAN RNAMS LA SHES RAB KYI PHA ROL TU PHYIN PA'I GDAMS NGAG BYA'O, ,GZHAN DU NA SEMS CAN GYI DON NYAMS PA CHEN POR 'GYUR RO, ,GANG GI PHYIR 'DI RNAMS CHOS THAMS CAD KYI DON DAM PA STONG PA NYID NYE BAR SRID PA'I KUN GAL TE BSTAN PAR MA GYUR NA DE'I TSE SHES PAR MI 'GYUR RO, ,MA SHES PA NI SGOM PAR MI 'GYUR RO, , MA BSGOMS PAS NI MNGON DU BYED PAR MI 'GYUR RO, ,DE BAS NA SEMS CAN RNAMS LA THOG MA MED PA'I MA RIG PA LAS SKYES PA'I NYON MONGS PA THAMS CAD DANG NGAN SONG DANG NGAN 'GRO DANG SKYE BA DANG RGA BA DANG NA BA DANG 'CHI BA DANG MYA NGAN DANG SMRE SNGAGS 'DON PA DANG, SDUG BSNGAL BA @23A *, ,DANG YID MI BDE BA DANG 'KHRUG PA'I RGYU'I DNGOS PO 'DZIN PA DE'I GNAS SKABS CAN LA GNAS PAR 'GYUR RO, ,DE'I PHYIR CHOS THAMS CAD NI THA SNYAD TZAM STE DON DAM PAR NA STONG PA NYID DANG RO GCIG PA ZHES CI NAS KYANG KUN RDZOB KYI TSUL GYIS BSTAN PAR BYA'O, , DE LTAR NA SHES RAB KYI PHA ROL TU PHYIN PA DANG, BYANG CHUB SEMS DPA'I GDAMS NGAG RNAMS LA DON DAM PAR MI SRID PA NYID DO, ,NYE BAR RDZOGS PA'I KUN RDZOB KYIS BSTAN PAR MDZAD PA NA CHOS THAMS CAD KYI MI DMIGS PA'I SBYOR BA NGES PAR BSTAN PAR 'BYUNG BA'I GDAMS NGAG BDAG GIS BSTAN ZHES 'PHAGS PA RAB 'BYOR GYI DGONGS PA'O, ,DA NI GDAMS NGAG 'DI'I 'BRAS BU BSTAN PA'I PHYIR GSUNGS PA, 'ON KYANG YANG GAL TE DE ZHES BYA BA LA SOGS PA STE, GAL TE DE ZHES BYA BA MI ZAD PA GZHAN GAL TE'I DON LA'O, ,'DI LTAR ZHES BYA BA NI DON DAM PAR GDAMS NGAG MED PA LA'O, , SMRAS PA DANG ZHES BYA BA LA SOGS PA DA LTAR BYUNG BA DANG NYE BA YIN PA'I PHYIR 'BYUNG BA'I DUS LA LA tA'O, ,SMRAS PA DANG ZHES BYA BA NI SMRAS PA'I DON LA'O, ,BSTAN PA DANG ZHES BYA BA NI THOS PA'I RANG BZHIN GYI SHES RAB KYI MTSAN NYID LA'O, ,NYE BAR BSTAN PA LA ZHE BYA BA NI BSAM PA'I RANG BZHIN GYI SHES RAB KYI MTSAN NYID LA'O, ,MNGON PAR PHYOGS PAR BYAS NAS ZHES BYA BA'I KHYAD PAR RO, ,GANG GI PHYIR 'DI THAMS CAD MI DMIGS PA'I SBYOR BA'I 'BRAS BU NI SHES RAB MNGON PAR 'PHEL BA DANG DAD PA MNGON PAR 'PHEL BA'O, ,SHES RAB MNGON PAR 'PHEL BAS SEMS KYI BSKUM PA MED PA'O, ,DAD PA MNGON PAR 'PHEL BAS SKRAG PA LA SOGS PA MED PA'O, ,SHES RAB DE YANG GNAS GSUM LA LHAG PA YIN TE ZAB MO BSTAN PA DANG SHIN TU SDUG BSNGAL BAR BYED PAR BSGRUB PA DANG SHIN TU YANG NGO MTSAR BA'I SANGS RGYAS KYI CHOS RNAMS LA'O, ,'DI RNAMS MDO LAS 'BYUNG BA'I ZAB MO'I GNAS RNAMS LA YE SHES KYIS BYAS PA'I SEMS BSKUM PA SKYE BA MA YIN NO, ,GNAS GSUM PO 'DI RNAMS LA MA DAD PAR BYAS PAS SKRAG PA SKYE BA MA YIN NO, ,THOG MAR SKYE BA'I DUS SU SEMS KYI BSKUM BA NI 'GOD PA STE BAR MA'I GNAS SKABS LA KUN @23B TU ZHUM PA'O, ,CHEN PO'I GNAS SKABS LA BAG TSA BA'O, ,RNAM PA GANG GIS RTOG PA LA YANG DER SEMS KYI MNGON PAR MI DGA' BA NI YID PHYIR PHYOGS PAR 'GYUR BA'O, ,SLAR YANG GANG DU BCOM ZHING PHYIR PHYOGS PAR MI 'GYUR ZHES BYA BA NI LHAG PAR 'DON PA YIN TE, DER CHEN PO NI BAG 'KHUMS PA RGYUN DU GNAS PA'I BAG LA BUMS PA THOB PA'O, ,MNGON PAR MI DGA' BA LA RGYUN DU GNAS PA NI BCOM ZHING PHYIR PHYOGS PA'O, ,DE LTAR GNAS MA YIN PA LA BYAS PA DANG DAD PA MED PA DANG CHUD DU DANG 'BRING DANG CHEN PO'I GNAS SKABS GSUM SBYAR BAR BYA'O, ,DE LTAR GDAMS NGAG GI 'BRAS BU NYE BAR BSTAN NAS MJUG BSDU BAR BYED PAS GSUNGS PA 'DI NYID CES BYA BA LA SOGS PA STE, 'DI NYID NI DON DAM PA'I CHOS THAMS CAD MI DMIGS PA LA SEMS BSKUM PA LA SOGS PA DANG BRAL BA'O, ,DE NYID 'DI'I GDAMS NGAG STE ZHES 'GA' ZHIG TU 'DON PA STE 'DI NYID SHES RAB KYI PHA ROL TU PHYIN PA ZHES BYA BA LA NI CHOS THAMS CAD MI DMIGS PA'I MTSAN NYID CAN GYI SHES RAB BO, ,'DI NI GDAMS PA STE GANG ZHIG DE DAG LAS YANG DAG PAR RAB TU SBYOR BA'O, ,DE LTAR GNAS NA ZHES BYA BA NI CHOS THAMS CAD MI DMIGS PA 'DI NYID LA GNAS PA YIN NO, ,DE NYID 'DI'I GDAMS PA DANG RJES SU BSTAN PA LAGS SO ZHES BYA BA NI, AA NI'I RKYEN NI AO NA LA SOGS PAS 'BYUNG STE, DH'A RI NI BZHIN DU'O, ,DE LTAR NA DANG PO NGES PAR 'BYUNG BA'I GDAMS NGAG YONGS SU RDZOGS PAR BYAS NAS, GNYIS PA NGES PAR 'BYUNG BA'I PHAN YON GSUNGS PA NI GZHAN YANG ZHES BYA BA LA SOGS PA STE, CHEN PO RNAMS LA PHAN YON RNAM PA BZHI GSUNGS PA YIN TE YONGS SU SHES PAR BYA BA'I GZUGS LA SOGS PA'I CHOS RNAMS LA YONGS SU SHES PA DANG, SPANG BAR BYA BA'I 'DOD CHAGS DANG ZHE SDANG LA SOGS PA RNAMS LA SPANG BA DANG, YONGS SU RDZOGS PAR BYA BA'I PHA ROL TU PHYIN PA LA SOGS PA RNAMS LA YONGS SU RDZOGS PA DANG, MNGON DU BYA BA'I TING NGE 'DZIN LA SOGS PA RNAMS LA SO SOR DMIGS PA MNGON DU BYED PA'O, ,DE LA DMIGS @24A *, ,PA'I LTA BA 'DI RNAMS LA MED DE PHAN YON RNAM LA GRUB BA ZHES BYA BA'O, ,CHOS THAMS CAD LA RLOM SEMS SU MI BGYID PA BSHAD NAS JI SRID DU BYANG CHUB KYI SEMS LA YANG RLOM SEMS SU MI BGYID PA DER GSUNGS SO, ,'DIR NI BSTAN PA LA BSDUS PA NYID KYI PHYIR BYANG CHUB KYI SEMS LA BYANG CHUB SEMS DPA' SHIN TU RLOM SEMS KYI YUL LA RLOM SEMS SU MI BYED PA GSUNGS PA DE NYID KYIS CHOS THAMS CAD LA RLOM SEMS SU MI BYED PA GRUB PA YIN NO, ,DES KYANG YONGS SU SHES PAR BYA BA RNAMS LA YONGS SU SHES PA DANG SPANG BAR BYA BA RNAMS LA SPANGS PA DANG YONGS SU RDZOGS PAR BYA BA RNAMS LA YONGS SU RDZOGS PA DANG MNGON DU BYA BA PHAN YON DON LAS GRUB PA YIN NO, ,ZHES GTZO BOR BYANG CHUB KYI SEMS LA RLOM SEMS SU MI BYED PA NYID GSUNGS PA NI GZHAN YANG ZHES BYA BA STE, NGES PAR 'BYUNG BA'I GDAMS NGAG LA LTOS NAS GZHAN YANG GI TSIG STE, SPYOD CING ZHES BYA BAS LAM GYI DUS SU SPYOD PA GSUNGS PA YIN NO, ,BSGOMS PAS ZHES BYA BA NI SO SOR RTOGS PA'I DUS SU YANG DAG PAR 'BYUNG BA GSUNGS PA YIN NO, ,DE LTAR BSLAB PAR BGYI'O ZHES BYA BA NI RLOM SEMS SU MI BYED PA NYID KYIS DE LTAR BSLAB PAR BYA'O, , CI LTAR BYANG CHUB KYI SEMS DES KYANG RLOM SEMS SU MI BGYID DO DES KYANG ZHES BYA BA NI BYANG CHUB SEMS DPA' RNAMS LA DMIGS NAS GANG ZHIG 'JUG PA'I SEMS NI BYANG CHUB SEMS DPA' ZHES BYA BA GANG ZHIG DANG LDAN PA'I PHYIR SEMS CAN YANG BYANG CHUB SEMS DPA' ZHES BRJOD DO, ,YANG GI SGRA NI KHYAD PAR GYI DON DU'O, ,GANG GI PHYIR DE SEMS CAN THAMS CAD LAS KHYAD PAR DU 'PHAGS PA YIN TE BYANG CHUB SEMS DPA' RNAMS KYIS YANG 'DOD PA DES KYANG RLOM SEMS SU BYA BA MA YIN NA CHOS GZHAN RNAMS KYIS LTA YANG CI SMOS ZHES BYA BA'I DON TO, ,DE CI'I PHYIR ZHE NA ZHES BYA BA STE DE NI DE'I RLOM SEMS SU MI BYED PA'O, ,RNAM PA GANG GIS SO, ,LAN GSUNGS PA NI 'DI LTAR SEMS DE NI SEMS MA MCHIS PA ZHES BYA STE, SEMS KYI SGRAS NI KUN TU BRTAGS PA DANG RNAM PAR RTOG PA BRJOD PA YIN NO, ,YONGS SU GRUB PA LA YANG BLA NA MED PA YANG DAG PAR @24B RDZOGS PA'I BYANG CHUB KYI SEMS CHOS NYID KYI NGO BO'I KUN TU RTOG PA DANG RNAM PAR RTOG PA THAMS CAD KYI MTSAN NYID LAS 'DAS PA NYID KYI PHYIR SEMS KYI MTSAN NYID YOD PA MA YIN TE, DE BAS NA SEMS MA MCHIS PA STE ZHES BRDZOD PA YIN NO, ,DE'I PHYIR GSUNGS PA, SEMS KYI RANG BZHIN NI 'OD GSAL BA LAGS SO ZHES BYA BA STE, CHOS NYID KYIS SEMS KYI RANG BZHIN NI 'OD GSAL BA STE DE'I PHYIR DE NI SEMS MA MCHIS PA STE, KUN TU BRTAGS PA DANG RNAM PAR BRTAGS PA'I SEMS NI MA MCHIS ZHES BYA BA'I DON TO, ,JI LTAR SHES SHE NA, SEMS KYI RANG BZHIN NI 'OD GSAL BA STE GANG GI PHYIR SEMS DE 'DOD CHAGS LA SOGS PA RNAMS DANG YANG DAG PAR LDAN PA YANG MA YIN MI LDAN PA YANG MA YIN TE SO SO'I SKYE BO'I GNAS SKABS SU 'DOD CHAGS DANG ZHE SDANG LA SOGS PA SKYES PA'I DUS SU YANG DRI MA THAMS CAD KYIS NAM MKHA' LTAR GOS PA MED PA DE'I PHYIR YANG DAG PAR LDAN PA MA YIN ZHES BRJOD PA YIN NO, ,SLAR NI SANGS RGYAS SU GYUR PA LA YANG SEMS DE NYON MONGS PA GLO BUR BA DANG MI LDANE PA'I PPHYIR RANG BZHIN GYIS RNAM PAR DAG PA NYID LA GNAS NAS SLAR DE'I DRI MA RNAMS MI BSKYED PA'I PHYIR GSAL BA YIN NO, ,SPRIN LA SOGS PA DE RNAMS KYIS MA GOS PA'I NAM MKHA' LTAR MA BRAL BA MA YIN ZHES BRJOD DO, ,GANG GI PHYIR GAL TE SNGA ROL DU NI YANG DAG PAR LDAN PAR GYUR NA, DE'I PHYIR BRAL BAR YANG 'GYUR TE, GANG GI PHYIR SNGAR DRI MA DANG BCAS PA'I GNAS SKABS LA YANG RANG BZHIN GYIS RNAM PAR DAG PA'I PHYIR DE RNAMS DANG YANG DAG PAR LDAN PA MA YIN PA DE BAS NA PHYIS KYANG DE RNAMS DANG MI LDAN PA YANG MA YIN ZHES BRJOD DO, ,TSE DANG LDAN PA RAB 'BYOR YANG CI SEMS GANG SEMS MED PA'I SEMS DE YOD DAM ZHES BYA BA 'DI CI LA DGONGS SHE NA, 'DI LTA STE SEMS DE ZHES BYA BA NI GNAS BRTAN RAB 'BYOR LA DE'I GNAS SKABS LA YANG SEMS KYI SGRAS BRJOD PA'I PHYIR SEMS MED PA'I MTSAN NYID KYIS SEMS DE YOD CES BYA BAR 'GYUR RO, ,DE'I PHYIR DRI BAR BYED DE DE'I PHYIR GNAS BRTAN RAB 'BYOR GYIS GSUNGS PA, SEMS KYI MTSAN NYID DAM @25A *, ,SEMS DPA'I MTSAN NYID DE LA YOD CES BYA BA 'DI SKAD SMRA, 'ON KYANG BRJOD PAR BYA BA MA YIN PA'I BDAG NYID KYIS DE'I GNAS PA LA SHIN TU RNAM PAR DAG PA'I THA SNYAD KYIS DUS SU'O, ,GZHAN DU NA THA SNYAD BYED PAR MI NUS PA'I PHYIR RO, , SNGON GYI SHUGS LA RJES SU 'BRANG NAS SEMS ZHES BYA BA NI SEMS MED CES SMRA ZHES BYA BA'I DGONGS PA DES RJOD PAR BYED CE NA, TSE DANG LDAN PA SH'A RI'I BU YANG CI SEMS PA MED PA NYID GANG YIN PA'I SEMS MED PA NYID DE LA YOD PA NYID DAM MED PA NYID DE LA YONG BA'AM DMIGS PAR YANG 'GYUR RAM ZHES BYA BA NI SEMS MED PA'I GNAS SKABS SU YOD PA DANG MED PA ZHES BYA BA GNYI GA LTAR YANG SMRA BAR BYA BA MA YIN TE, MTHA' GNYIS LA BSNYEN PA'I PHYIR ZHES BYA BA'I DGONGS PA'O, ,'DI NYID KYI PHYIR ZHES GSUNGS PA, TSE DANG LDAN PA RAB 'BYOR DE NI MED DO ZHES BYA BA NI GNAS BRTAN RAB 'BYOR NI SLAR MA YIN NO, ,GAL TE GNAS SKABS DE LA MTHA' GNYIS KYIS 'JIGS PAS GNYI GA LTAR YANG SMRA BAR NUS PA MA YIN NA, CI'I PHYIR DE LTAR 'DRI ZHES GSUNGS PA, KHYOD KYIS BRGAL BA GANG YIN PA DE CI RIGS PAR 'GYUR RAM ZHES BYA BA'O, ,DE LTAR SMRAS PA LAS GNAS BRTAN SH'A RI'I BUS GAL TE YOD PA NYID DANG MED PA NYID KYANG YOD PA MA YIN NO, ,DE LTAR NA YANG SEMS MED PA'I MTSAN NYID KYANG YOD PAR MI 'GYUR ZHES BYA BA'I SEMS MED PA ZHES CI'I PHYIR SMRA ZHES BYA BA'I DGONGS PAS GSUNGS PA, TSE DANG LDAN PA RAB 'BYOR SEMS MED PA NYID DE YANG GANG YIN ZHES BYA BA'O, ,DE NAS GNAS BRTAN RAB 'BYOR GYIS BDAG DE LA SEMS MED PA'I MTSAN NYID GZHAN LA DGONGS NAS SEMS MED PA ZHES SMRA, 'ON KYANG GANG ZHIG SNGA ROL DU DRI MA DANG BCAS PA'I GNAS SKABS LA 'GYUR BA NYID KYI PHYIR DANG, RNAM PAR RTOG PA BYED PA NYID KYI PHYIR SEMS MED PA NYID DE LAS SKYES PA'O, ,DA NI DE LA MED PA ZHES SEMS NYID MED PA TZAM DU KHAS BLANGS NAS SEMS MED PA ZHES SMRA, DE'I PHYIR GSUNGS PA, TSE DANG LDAN PA SH'A RI'I BU SEMS MED @25B PA DE NI 'GYUR BA MED PAR RNAM PAR RTOG PA MED PA'O ZHES BYA BA STE, SNGAR SEMS KYI GNAS SKABS LTAR 'GYUR BA NYID DANG RNAM PAR RTOG PA NYID MED PAS 'DIR SEMS MED PA NYID CES BYA BA'I DON TO, ,'DI NYID 'PHAGS PA MGON PO BYAMS PAS KYANG GSUNGS PA, JI LTAR CHU NI BSKYOD PAS DANGS PA CAN LA NI, ,DANGS PA NYID DE GZHAN LAS SKYE BA MA YIN TE, DE NI DE LA GCIG TU DRI MA BSAL BAS YIN, ,RANG SEMS DAG PA LA NI CHO GA 'DI DE BZHIN, ,SEMS NI RANG BZHIN GYIS NI 'OD GSAL 'DOD PA STE, ,RTAG TU DE NI GLO BUR SKYON GYIS SKYON BYAS PA, ,CHOS NYID SEMS NI SPANGS NAS GZHAN GYI SEMS LA NI, ,'OD GSAL NYID NI RANG BZHIN DAG LA 'GRUB PAR 'GYUR BA'O, ,JI LTAR CHU NI RANG BZHIN GYIS DANG GLO BUR BA'I RNYOG PAS RNYOGS PAR GYUR PA YIN LA, DE BZHIN DU SEMS NI RANG BZHIN GYIS 'OD GSAL YANG GLO BUR BA'I SKYON RNAMS KYIS SKYON CAN DU BYAS TE CHOS NYID KYI SEMS MA RTOGS PAS GZHAN GYI SEMS LA KUN TU BRTAGS PA DANG, GZHAN DBANG GI MTSAN NYID CAN GYI RANG BZHIN GYIS 'OD GSAL BA NYID SGRUB PA MA YIN NO, ,DE BAS NA SEMS KYI DE KHO NA NYID NI 'DIR SEMS NI RIG PAR BYA'O ZHES BYA BA'I DGONGS PA'O, ,DE NAS ZHES BYA BAS GNAS BRTAN RAB 'BYOR GYIS SEMS MED PA NYID LA YANG DAG PAR BSHAD PA'I DE MA THAG TU GNAS BRTAN SH'A RI'I BUS LEGS SO ZHES BYA BA GSUNGS TE, LEGS SO LEGS SO ZHES BYA BA'O, ,YANG ZHES BYA BA 'DI NI GSAL BA ZHES BYA BA'I DON TO, ,GSAL BA DE CI ZHIG CE NA, JI LTAR KHYOD IBCOM LDAN 'DAS KYIS NYON MONGS PA MED PA LA GNAS PA'I MCHOG TU GSUNGS PA LTAR STON PA ZHES BYA BA STE, NYON MONGS PA MED PA 'DI GANG YIN NA, NYON MONGS PA NI NYON MONGS PA STE, DE RNAMS RANG GI RGYUD LAS DGRA BCOM PA THAMS CAD KYIS SHIN TU YANG BZLOG PAR BYAS PA'O, ,GANG ZHIG YANG GZHAN GYI RGYUD LAS NYON MONGS PA'I MI BZLOG PAR NUS @26A *, ,PA DE NI, NYON MONGS PA MED PA LA GNAS PA ZHES BRJOD DO, ,JI LTAR NUS SHE NA GANG GI TSE RANG GI DMIGS PA LA SOGS PA SHES PA NA ZHE SDANG LA SOGS PA'I NYON MONGS PA RNAMS LA MTHA' YAS PA NYID KYIS SEMS CAN DE LA BRTZE BAR GYUR PA NA, DGE BA'I PHYOGS KYI RJES SU MTHUN PA DE RNAMS DGE 'DUN DANG KUN DGA' RAB LA SOGS PA RNAMS LA DER RNYED PAR SLA BA'I 'TSO BA'I YO BYAD RNAMS SPANGS NAS SEMS CAN RNAMS KYIS BRAL BA'I SA PHYOGS SU SONG NAS ZAS LA SPYOD PAR BYED CING YONGS SU MYA NGAN LAS 'DAS PA SEMS CAN LA NI PHRAD PAR MI BYED CES BYA BA'O, ,JI SKAD DU GSUNGS PA, NYAN THOS NYON MONGS LTA BA LA, ,NYON MONGS YONGS SU SPANGS NYID MIN, ,ZHES BYA BA'O, ,DE LTA NA YANG GZHAN GYI RGYUD LA NYON MONGS PA NYID MED PA RJES SU 'JUG PA'I NGO BO'I SHES RAB NI NYON MONGS PA MED PA STE, SEMS CAN RNAMS KUN NAS NYON MONGS PA'I GEGS SU GYUR PA BYAMS PA'I MTSAN NYID CAN GYI TING NGE 'DZIN NI NYON MONGS PA MED PA ZHES BYA BA GZHAN DAG GO, ,GANG ZHIG YANG NYI KHRI'I GZHUNG 'GREL LAS NYAN THOS KYI THEG PAS NYON MONGS PA MED PA'I YUL LAS RNAM PAR DAG PA'I SNYOMS PAR ZHUGS PAS NI NYON MONGS PA MED PA'I SNYOMS PAR ZHUGS PA ZHES BYA BA'O, ,DER YANG GZHAN GYI RGYUD LA NYON MONGS PA'I YUL DANG 'GAL BA ZHES BYA BA RTOGS PAR BYA STE GZHAN DU NA KHYAD PAR GANG ZHIG NYON MONGS PA MED PAR GNAS PA RNAMS LA GSUNG BAR 'GYUR RO ZHES BYA BA'O, ,'DI NI NYAN THOS KYI THEG PAS NYON MONGS PA MED PA LA BSHAD PA'O, ,'DIR NI RNAM PAR RTOG PA THAMS CAD KYI SPROS PA RNAMS NI NYON MONGS PA RNAMS TE, DE RNAMS MED PA'I PHYIR RNAM PAR RTOG PA DANG BRAL BA'I SNYOMS PAR ZHUGS PA NI NYON MONGS PA MED PA STE, DES GNAS PA'I PHYIR NYON MONGS PA MED PA LA GNAS PA ZHES BRJOD PA YIN LA, DON NI 'DI YIN TE, GANG ZHIG SEMS CAN RNAMS MA NGES PA'I RIGS CAN DBANG PO RTUL BO DE RNAMS DE BZHIN GSHEGS PAS MA SPANGS PA'I NYON MONGS PA'I YUL YANG DAG PA'I BYANG CHUB KYI SPYOD PA LA SKAL BA DANG MI LDAN PAR MKHYEN NAS THOG MAR DGRA BCOM PA @26B NYID LA GNAS PAR BYED DO, ,DE NAS DE RNAMS LA BYANG CHUB SEMS DPA'I THEG PA BSTAN PAR BYED PA YIN TE, DES DE RNAMS LA BYANG CHUB SEMS DPA'I SPYOD PA LA YONGS SU RDZOGS PAR RUNG BA'I BSAM PA 'BYUNG STE, DE NAS RIM GYIS ZAB MO'I CHOS LA BZOD PA THOB PAR 'GYUR RO, , DE LTAR SANGS RGYAS KYI SA LA NGES PA'I BSAM BA CAN SO SOR RAB TU PHYE BA'I CHOS KYI DBYINGS ZAB MO'I CHOS LA BZOD PA SO SOR THOB PA RNAMS LA DE BZHIN GSHEGS PAS SANGS RGYAS NYID KYI PHYIR LUNG BSTAN PAR MDZAD DE, DE RNAMS KYI SA DANG POR MTHONG BA'I LAM NYID LA SA BRGYAD PA LA GNAS PA YIN NO, ,JI LTAR NYAN THOS KYI THEG PA LAS PHYI ROL DU GYUR PA'I LAM GYIS 'DOD PA'I 'DOD PA'I 'DOD CHAGS SPANGS PA MTHONG BA'I LAM NYID LA PHYIR MI 'ONG BA YIN TE, DE LTAR NA YANG 'PHAGS PA DAM PA'I CHOS PADMA DKAR PO LAS, YANG DAG PAR RDZOGS PA'I BYANG CHUB LA LUNG BSTAN PA SA BRGYAD PA LA GNAS PA LHUN GYIS GRUB BA RNAM PAR MI RTOG PA BYANG CHUB SEMS DPA' CHEN PO GNAS BRTAN TE, DE NAS NYON MONGS PA'I YUL MI SKYED PAR BYED PA NYID KYIS NYON MONGS PA MED PA LA GNAS PA'I NYAN THOS RNAMS LAS MCHOG YIN TE, DE LTAR NA YANG SEMS MED PA NYID KYIS BSHAD PA LA GNAS BRTAN NI NYON MONGS PA MED PA LA GNAS PA'I MCHOG TU GSUNGS PA LTAR BRTAN PA ZHES BYA BA'I BSNGAGS PA RIGS PA YIN NO, ,NYON MONGS PA'I YUL SKYED PAR BYED PA MA YIN PA NYID KYIS GTZO BO LA 'GA' ZHIG YANG DGOS PA MA YIN NO, ,DA NI GNAS BRTAN SH'A RI'I BUS LEGS SO ZHES BYA BA DANG BSNGAGS PA LA SOGS PAS MNGON PAR BSTOD PA NYID BRTZON 'GRUS DANG LDAN PA'I BYANG CHUB SEMS DPA' LA PHYIR MI LDOG PA NYID KYI MTSAN NYID CAN PHAN YON NYE BAR BSTAN PAR BYED DE, DE BAS NA ZHES BYA BA LA SOGS PAS PHYIR MI LDOG PAR NYE BAR BRTAG PAR BYA'O, ,PHYIR MI LDOG PA NYID KYIS NYE BAR 'DZIN PAR BYA'O, ,SA RAB TU DGA' BA'I MING CAN SEMS BSKYED PA DANG PO LA BRTEN NAS STONG PA NYID DANG MTSAN MA MED PA DANG SMON PA MED PA'I CHOS THAMS CAD KYI MTSAN NYID RTOGS PA'I DON DU NYAN THOS DANG RANG SANGS RGYAS KYI SA LA 'DAS NAS PHYIR @27A *, ,NI SEMS CAN THAMS CAD KYIS MIG LNGA YONGS SU THOB PAR BGYI BA LA SNANG BAR BGYID PA'O ZHES BYA BA NI SHES RAB KYI PHA ROL TU PHYIN PA LA GOMS PAR BYAS NA SHA'I SPYAN DANG, LHA'I SPYAN LA SOGS PA DE BZHIN GSHEGS PA'I SPYAN LNGA THOB CING, 'JIG RTEN DANG 'JIG RTEN LAS 'DAS PA'I CHOS THAMS CAD PHYIN CI MA LOG PAR GSAL BAR SNANG BAR BYED PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI SEMS CAN SHUL GOL BAR ZHUGS PA RNAMS MTHA' LAS BZLOG PA'I SLAD DU SHUL STON PA'O ZHES BYA BA NI RTAG PA DANG MI RTAG PA LA SOGS PA'I MTHA' GNYIS SU LTUNG ZHING BLA NA MED PA'I BYANG CHUB THOB PAR 'GYUR BA YANG DAG PA'I LAM LAS NYAMS NAS LAM LOG PAR GYUR PA RNAMS LAS BZLOG STE, YANG DAG PA'I LAM DU 'DZUD PA'I CHOS RNAMS STON PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI BAG CHAGS KYIS MTSAMS SBYOR BA'I NYON MONGS PA THAMS CAD SPANG PA LA THAMS CAD MKHYEN PA NYID DU BGYID PA'O ZHES BYA BA NI NYON MONGS PA DANG SHES BYA'I SGRIB PAS 'KHOR BAR SKYE ZHING SBYOR BA'I BAG CHAGS THAMS CAD SPANGS NAS, THAMS CAD MKHYEN PA'I YE SHES THOB PAR BYED PA'I RGYU YIN PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI SANGS RGYAS KYI CHOS BSKYED PA STE, BYANG CHUB SEMS DPA' SEMS DPA' CHEN PO RNAMS KYI MA'O ZHES BYA BA NI SHES RAB KYI PHA ROL TU PHYIN PA 'DI LA BSLABS NA BYANG CHUB KYI PHYOGS DANG, STOBS BCU DANG, MI 'JIGS PA BZHI LA SOGS PA SANGS RGYAS KYI CHOS RNAMS BYANG CHUB SEMS DPA'I SEMS KYI RGYUD LA 'BYUNG ZHING CHOS DE RNAMS DANG LDAN NA BYANG CHUB SEMS DPAR 'GYUR TE, DE LTAR BYANG CHUB SEMS DPAR 'GYUR BA'I RGYU'AM, GZHI YIN PAS MA DANG 'DRA BA'I PHYIR BYANG CHUB SEMS DPA'I MA ZHES BYA'O, ,BCOM LDAN 'DAS SHES RAB KYI PHA ROL TU PHYIN PA NI RANG GI MTSAN NYID STONG PA NYID KYI SLAD DU MA SKYES MA 'GAGS PA'O ZHES BYA BA NI DON DAM PAR SHES RAB KYI PHA ROL TU PHYIN PA'I NGO BO NYID YOD PAR MA GRUB STE, @27B STONG PA NYID KYI RANG BZHIN YIN PA'I PHYIR MA SKYES PA DANG MA 'GAGS PA'I NGO BO NYID YIN NO ZHES BYA BA'I DON TO, ,BCOM LDAN 'DAS SHES RAB KYI PHA ROL TU PHYIN PA NI MI RTAG MI 'JIG PA'I SLAD DU 'KHOR BA'I GNYEN PO'O ZHES BYA BA NI 'KHOR BA'I CHOS RTAG PA DANG MI RTAG PA'I MTHA' GNYIS LAS BZLOG PA'I PHYIR 'KHOR BA'I GNYEN PO ZHES BYA'O, ,BCOM LDAN 'DAS SHES RAB KYI PHA ROL TU PHYIN PA NI CHOS RIN PO CHE THAMS CAD STOBS PA'I SLAD DU, SEMS CAN MGON MA MCHIS PA RNAMS KYI MGON BGYID PA'O ZHES BYA BA NI SEMS CAN NYON MONGS PA'I DBANG DU GYUR CING, 'KHOR BA'I BTZON RA NAS MA THAR BA RNAMS LA RNAM PAR BYANG BA'I CHOS RIN PO CHE RNAMS BSTAN PAS SEMS CAN RNAMS 'KHOR BA'I BTZON RA NAS THAR BAR BYED PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA NI THUB PA MA MCHIS PA'I SLAD DU STOBS BCU BGYID PA'O ZHES BYA BA NI BDUD DANG MU STEGS CAN PHAS KYI RGOL BA RNAMS KYIS MI THUB PA'I PHYIR DE BZHIN GSHEGS PA'I STOBS BCU DANG LDAN PAR BYED PA'O ZHES BYA BA'I DON TO, ,BCOM LDAN 'DAS SHES RAB KYI PHA ROL TU PHYIN PA NI 'GRO BA DANG LDOG PA MA MCHIS PA'I SLAD DU RNAM PA BCU GNYIS RGYUD GSUM DU 'KHOR BA'I CHOS KYI 'KHOR LO BSKOR BA'O ZHES BYA BA NI DON DAM PAR CHOS KYI 'KHOR LO BSKOR BA DANG, MI BSKOR BA ZHES BYA BA YANG MED LA KUN RDZOB TU CHOS KYI 'KHOR LO RNAM PA BCU GNYIS LAN GSUM DU BSKOR BA'I RANG BZHIN CAN NO ZHES BSTOD PA STE, DE LA RNAM PA BCU GNYIS LAN GSUM DU 'KHOR BA'I CHOS KYI 'KHOR LO BSKOR BA NI, 'PHAGS PA'I BDEN PA BZHI PO SDUG BSNGAL BA DANG, KUN 'BYUNG BA DANG, 'GOG PA DANG, LAM RNAMS KYI RANG BZHIN STON PA'I TSE, PHUNG PO LNGA LA 'DI NI SDUG BSNGAL BA YIN NO ZHES BYA BA DANG, PHUNG PO LNGA 'BYUNG BA'I RGYU LAS DANG NYON MONGS PA LA 'DI NI PHUNG PO KUN 'BYUNG BA YIN NO ZHES BYA BA DANG, SDUG BSNGAL GYI PHUNG PO 'GAGS PA'I RANG BZHIN MYA NGAN LAS 'DAS PA LA 'DI NI SDUG BSNGAL 'GOG PA'O ZHES BYA BA DANG, MYA NGAN LAS @28A *, ,GANG LA BSLAB PAR BYA BA DANG RNAL 'BYOR DU BYA BA'I SANGS RGYAS KYI CHOS THAMS CAD RGYAS PAR BSTAN TO ZHES BYA BA'I BAR GYIS YUL GYIS NGES PAR 'BYUNG BA'I PHAN YON BSTAN PA YIN NO, ,DA NI NGES PAR 'BYUNG BA'I RNAM PA JI TZAM GYIS YIN ZHE NA, NGES PAR 'BYUNG BA'I RAB TU DBYE BA BSTAN PAR BYA BA NI DE YANG NGES PAR 'BYUNG BA'I SGRUB PA RNAM PA DRUG STE, MTHA' GNYIS LA KHAS MI LEN PA'I SGRUB PA DANG, GNAS PA MED PA'I SGRUB PA DANG, YONGS SU 'DZIN PA MED PA'I SGRUB PA DANG, NYE BAR GDAGS PA'I SGRUB PA DANG, RIGS PA'I SGRUB PA DANG, MYUR DU MNGON PAR RDZOGS PAR 'TSANG RGYA BA ZHES BYA BA'I SGRUB PA'O, ,DE RNAMS KYANG 'OG TU RIM PA JI LTA BAR GNAS GNAS SU 'CHAD PAR 'GYUR BA YIN TE, DE NI GNAS BRTAN RAB 'BYOR SGRUB PA DRUG PO 'DI LA GNAS SKABS NYE BAR BSKYED PA'I DON DU GSUNGS PA, GANG ZHIG BDAG GIS ZHES BYA BA LA SOGS PA DANG BYANG CHUB SEMS DPA'I MING ZHES PA NI GCIG TU NA CHOS GZHAN MA YIN TE BYANG CHUB SEMS DPA' YANG MA 'TSAL LA 'ON KYANG MING TZAM NI BYANG CHUB SEMS DPA' NYID KYIS MA 'TSAL ZHES BYA BA'I KHYAD PAR GSUNGS PA NI 'DIS NI RNAM PA BZHI BSTAN PAR BYED DE BYANG CHUB SEMS DPA' DANG SHES RAB KYI PHA ROL TU PHYIN PA DAG MA 'TSAL MA DMIGS YANG DAG PAR RJES SU MI MTHONG BA NI MNGON SUM DANG RJES SU DPAG PA DANG LUNG GI DBANG GIS TSAD MA GSUM POS MI DMIGS PA'I GDAMS NGAG DGRA BCOM PA'I GANG ZAG GDAMS NGAG TU RUNG BA SHES RAB KYI PHA ROL TU PHYIN PA YANG DAG PAR RJES SU MA MTHONG BA STE, GANG ZAG GANG SHES RAB KYI PHA ROL TU PHYIN PA GANG LA NGES PAR SBYAR BAR BGYI ZHES BYA GSUNGS PA, BYANG CHUB SEMS DPA' GANG ZHIG SHES RAB KYI PHA ROL TU PHYIN PA GANG LA GDAMS SHING RJES SU BSTAN PAR BGYI ZHES BYA BA'I BAR GYI GZHUNG GIS SO, ,DE LTAR GNAS BRTAN RAB 'BYOR GYIS NGES PAR 'BYUNG BA'I RAB TU DBYE BA BRJOD PA'I PHYIR SNGAR GSUNGS PA'I CHOS THAMS CAD MI DMIGS PA'I MTSAN NYID CAN NGES @28B PAR 'BYUNG BA'I GDAMS NGAG BRJOD PA GNAS SKABS NYE BAR BRTZAMS TE, MTHA' GNYIS NYE BAR ZHI BA'I MTSAN NYID CAN NGES PAR 'BYUNG BA'I SGRUB PA GSUNGS PA BDAG GI BLO LA GCAGS LAGS SO ZHES BYA BA LA SOGS PA'O, ,'GYOD PA NI BRJOD PA MA YIN TE NGAN PA BYAS PA MED PA'I PHYIR RO, ,GLO BA LA GCAGS PA NI MI SHES PAS BYAS PA'I SKYON YIN ZHES BYA BAR DGONGS PA'O, ,DNGOS PO MA 'TSAL ZHES BYA BA NI RIGS PAS MTSUNGS PA NYID KYI CHOS RNAMS THAMS CAD NYID DO, ,MING TZAM BZUNG NAS 'DU BA DANG 'GOD PAR JI LTAR BGYI STE BYANG CHUB SEMS DPA' ZHES BYA BA NI NYE BAR MTSON PA TZAM MO, ,SHES RAB KYI PHA ROL TU PHYIN PA ZHES BYA BA YANG BLTA BAR BYA STE DE LTAR GTZO BO NYID KYI PHYIR RO, ,MED PAR GYUR PA LA SGRO 'DOGS PA NI 'DU BA ZHES BRJOD DO, ,YOD PAR GYUR PA LA SKUR BA 'DEBS PA NI 'GOD PAR BGYID DO, ,DE LA GAL TE MED PAR GYUR BA'I KUN BRTAGS DANG GZHAN DBANG GI DON DAM PAR YOD PA'I NGO BO BRJOD PA YIN NA SGRO 'DOGS PA'I MTHA' 'BYUNG BAR 'GYUR RO, ,YONGS SU GRUB PA CHOS NYID KYI RANG BZHIN LA YANG DON DAM PAR MED PA NYID KYIS SKUR PA 'DEBS PA'I MTHAR LTUNG BA'O, ,YANG A NGO BO NYID GSUM YANG CHA GANG GYOD PA'I MTSAN NYID CAN DES BSNYOD 'DEBS PA NA SKUR PA'I MTHA'O, ,GANG GIS MED PA'I MTSAN NYID CAN DES YOD PA NYID DU BRTAGS PA LA SGRO 'DOGS PA'I MTHA'O, ,JI SKAD DU GSUNGS PA, GANG GI PHYIR, YOD PA MTSAN NYID KYIS BZUNG BA,, GCIG TU MED PA KHO NA STE, ,KUN TU BRTAGS PA'I RANG BZHIN DES, ,YOD DANG MED PA'I MTSAN NYID 'DOD, ,CES BYA BA'O, ,GZHAN DBANG GI RANG BZHIN YANG DE LTAR YOD PA MA YIN TE JI LTAR GNYIS SU SNANG BA NYID KYIS SHES PAR 'GYUR BA'O, ,RNAM PA THAMS CAD DU YANG MED PA MA YIN TE 'KHRUL PA TZAM DU YOD PA'I PHYIR RO, ,JI SKAD DU GSUNGS PA, 'KHRUL PA'I NGO BOR YOD PA STE, ,SNANG BA JI LTAR YOD MA YIN, ,GANG PHYIR GZHAN GYI DBANG DES NI, ,YOD DANG MED PA'I MTSAN NYID 'DOD, ,CES BYA BA'O, ,YONGS SU GRUB @29A *, ,BA'I RANG BZHIN YANG YOD CES BRJOD PAR MI NUS TE GANG GI PHYIR KUN TU BRTAGS PA'I GZUNG BA DANG, 'DZIN PA GNYIS KYIS MED PA'I MTSAN NYID CAN NO, ,MED PA'I MTSAN NYID CAN YOD CES BRJOD PAR MI NUS SO, ,MED PA ZHES BYA BA YANG SMRA BAR NUS PA MA YIN NO, ,GANG GI PHYIR GANG DANG BRAL BA'I NGO BOS YOD PA YIN TE DE LTA BU YANG GAL TE YOD PA ZHES BRJOD NA DNGOS PO'I BDAG NYID KYIS YOD CES THOB PA'I PHYIR SGRO 'DOGS KYI MTHAR 'GYUR BA YIN LA, 'ON TE MED CES BRJOD NA RI BONG GI RVA BZHIN DU YANG MED PAS DE'I PHYIR SKUR PA 'DEBS PA'I MTHAR 'GYUR RO, ,DE'I PHYIR GNYIG LTAR YANG BRJOD PAR NUS PA MA YIN ZHES BYA BA'O, ,JI SKAD DU GSUNGS PA, GANG GI GNYIS MED TSUL GYIS YOD, ,GNYIS NI MED PA KHO NA STE, ,DES NA RANG BZHIN YONGS SU GRUB, ,YOD DANG MED PA'I MTSAN NYID 'DOD, ,CES BYA'O, ,SLAR YANG MING TZAM DE MED PAR GSUNGS PA NI BCOM LDAN 'DAS 'ON KYANG ZHES BYA BA LA SOGS PA STE, GNAS MA LAGS ZHES BYA BA NI 'DUS BYAS KYI CHOS BZHIN DU GNAS PA MA YIN NO, ,MI GNAS PA YANG MA LAGS ZHES BYA BA NI 'DUS MA BYAS PA'I NAM MKHA' LA SOGS PA BZHIN DU GNAS PA MA YIN ZHES BYA BA'I DON TO, ,'GA' ZHIG TU NI GNAS PA DANG BRAL BA MA LAGS SHING GNAS PA DANG BRAL BA MA LAGS PA YANG MA LAGS SO ZHES BYA BA 'BYUNG BA STE, BSHAD PA YANG GNAS PA MA LAGS TE NI RGYUN GYI NGO BOS SO, ,RTAG PA LA SOGS PA MED PA'I PHYIR MI GNAS PA YANG MA LAGS SO, ,GNAS PA DANG BRAL BA LAGS SHING NI RGYUN DANG MI 'DRA BA NYID KYIS SO, ,GNAS PA DANG BRAL BA MA LAGS PA YANG DE BZHIN DU'O, ,MTHA' GNYIS KHAS MI LEN PA'I SGRUB PA'I MJUG SDUD PAR BYED DE, BCOM LDAN 'DAS GAL TE DE ZHES BYA BA LA SOGS PA LA, DE LTAR ZHES BYA BA NI MTHA' GNYIS KHAS MI LEN PA'I SGRUB BA'I MTSAN NYID CAN LA'O, ,ZAB MO ZHES BYA BA NI LHAG PAR MOS PAR DKA' BA'I SHES RAB KYI PHA ROL TU PHYIN PA LA'O, ,BSHAD PA DANG ZHES @29B BYA BA NI GZHUNG GIS SO, ,BSTAN PA DANG ZHES BYA BA NI DON LAS SO, ,NYE BAR BSTAN PA LA ZHES BYA BA NI DON LA BSAM PA'I RANG BZHIN GYIS SHES RAB BSKYED PA LAS SO, ,BSTAN PAR BYED PA LA ZHES BYA BA NI KLOG PAR BYED PAS SO, ,SEMS MI 'GONG ZHES BYA BA LA SOGS PA SNGA MA BZHIN NO, ,MOS PA'I ZHES BYA BA NI MTHA' GNYIS BSAL BAS NGES PAR BYED PA'O, ,BSAM PA LHAG PA NI LHAG PA'I BSAM PA STE DES SO, ,MTHA' GCIG GIS ZHES BYA BA'I DON TO, ,SHES RAB KYI PHA ROL TU PHYIN PA DANG MA BRAL BA NI MTHA' GNYIS BSAL BA'I MTSAN NYID CAN GYIS RIG PAR BYA'O, ,GNAS PA ZHES BYA BA LA SOGS PA PHYIR MI LDOG PA ZHES BYA BA STE, PHYIR MI LDOG PA NI YANG DAG PAR RDZOGS PA'I BYANG CHUB LAS MI LDOG PA'I NGES PAS DE'I DON DU PHAN PA LA'O, ,JI LTAR GNAS SHE NA, GSUNGS PA NI MI GNAS PA'I TSUL GYIS LEGS PAR GNAS PA LAGS SO ZHES BYA BA STE, GNAS PA LA MI DMIGS PA'I TSUL GYIS GANG ZHIG LEGS PAR GNAS PA STE YANG DAG PAR GNAS PA'O, ,DE NYID NI DE LA GNAS PA'O, ,'DI NI SGRUB PA 'DI LA YANG DAG PAR RDZOGS PA'I BYANG CHUB LAS MI LDOG PA'I NGES PAS NGES PAR 'BYUNG BA NYID BSTAN TO, ,DE LTAR MTHA' GNYIS KHAS MI LEN PA'I SGRUB PA BSHAD NAS, 'OG TU MI GNAS PA'I SGRUB PA 'CHAD PAR BYED DE, BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO ZHES BYA BA LA SOGS PA NAS, RNAM PAR SHES PA LA GNAS PAR MI BGYI'O, , ZHES BYA BA'I BAR GYI GZHUNG GIS SO, ,MTHA' GNYIS KHAS MI LEN PA'I SGRUB PA'I MTHAR MI GNAS PA'I TSUL GYIS LEGS PAR GNAS PA LAGS SO ZHES BYA BA'I TSIG GI MTHA' GNAS SKABS KYIS MI GNAS PA'I SGRUB PA GZUNG BAR BYA ZHES 'BREL TO, ,GZUGS LA GNAS PAR MI BGYI ZHES BYA BA NI CI'I PHYIR GZUGS LA GNAS PAR MI BYA ZHE NA, CHEN PO RNAMS LAS 'THAD PA GSUNGS PA, 'DI LTA STE, GZUGS NI GZUGS NYID KYIS STONG STE, GANG YANG GZUGS KYI STONG PA NYID DE NI GZUGS MA YIN TE, STONG PA NYID LAS GZHAN DU YANG GZUGS MED LA GZUGS NYID @30A *, ,KYANG STONG PA NYID DE STONG PA NYID KYANG GZUGS SO ZHES BYA BA'O, ,DGONGS PA NI 'DI YIN TE GZUGS LA GNAS PAR MI BYA STE GANG GI PHYIR GZUGS NI GZUGS NYID KYIS STONG ZHES BYA BA'O, ,'DIR GZUGS NI RNAM PA GSUM STE, KUN TU BRTAGS PA'I GZUGS DANG, RNAM PAR BRTAGS PA'I GZUGS DANG, CHOS NYID KYI GZUGS ZHES BYA BA'O, ,GANG ZHIG 'DI BYIS PA SO SO'I SKYE BO RNAMS KYIS GZUGS SU BYED PA LA SOGS PA'I MTSAN NYID KYIS BZUNG BAR GYUR PA DANG DNGOS PO'I NGO BO CAN DE NI KUN TU BRTAGS PA'I GZUGS ZHES BYA BA'O, ,DE NYID NI RNAM PA GANG GIS DON SNANG BA LA YUL DU GYUR PA DE NI RNAM PAR BRTAGS PA'I GZUGS ZHES BYA BA'O, ,GANG ZHIG RNAM PA DE DAG DANG BRAL BA YONGS SU GRUB PA DE BZHIN NYID TZAM PA DE NI CHOS NYID KYI GZUGS ZHES BYA BA'O, ,DE LA GANG ZHIG 'DI YONGS SU GRUB PA CHOS NYID KYI GZUGS DE NI KUN TU BRTAGS PA'I NGO BO STONG PA NYID DE BZHIN NYID YONGS SU GRUB PA'I MTSAN NYID CAN DE NI GZUGS MA YIN, DE GZUGS KYI RANG BZHIN MA YIN TE RNAM PA THAMS CAD DU GZUGS KYI RNAM PA DANG RNAM PAR BRAL BA'I PHYIR RO, ,GAL TE DE LTAR NA RNAM PA THAMS CAD DU GZUGS MED PA YIN NA GANG GIS 'DI STONG PA NYID YIN ZHES BRJOD DO, ,GANG GI PHYIR YUL DANG BRAL BA'I STONG PA NYID NI YOD PA MA YIN TE, CHOS LAS GZHAN DU GYUR BA'I CHOS NYID KYANG MI RIGS LA, CHOS NYID LAS GZHAN PA'I CHOS KYANG RIGS PA MA YIN NO ZHES THE TSOM ZA BA LA BRJOD PAR BYA STE, STONG PA NYID LAS GZHAN PA GZUGS YOD PA MA YIN ZHES BYA BA'O, ,CI ZHIG GSUNGS PAR 'GYUR, JI LTAR MA DAG PA'I CHU NI MA DAG PA'I GNAS SKABS LA 'DAM ZHES BRJOD LA DAG PA'I GNAS SKABS SU CHU ZHES BRJOD DO, ,JI LTAR MA DAG PA'I GNAS SKABS LA NAM MKHA' NI YUL NGAN ZHES BRJOD LA DAG PA'I GNAS SKABS SU NAM MKHA' ZHES BYA BA'O, ,DE BZHIN DU STONG PA NYID 'DI YANG BYIS PA RNAMS LA MA DAG PA'I GNAS SKABS SU SO SOR GYUR PA MA YIN BA'I GZUGS LA SOGS PA'I SGRA RNAMS KYIS MNGON PAR @30B BRJOD PA YIN LA DAG PA'I GNAS SKABS LA STONG PA NYID CES BRJOD DO, ,DE BAS NA STONG PA NYID LAS SO SOR GYUR PA'I GZUGS LA SOGS PA'I CHOS MA YIN ZHES BYA BA'I DON TO, ,DE LTAR YANG CHOS DANG CHOS NYID DAG THA MI DAD PAR YOD PA LA BRGYA LAM NA GZUGS NYID STONG PA NYID DU BRJOD DE, GANG GI TSE CHOS NYID KYIS CHOS BRJOD PAR 'DOD NA BRGYA LAM NA STONG PA NYID LA GZUGS ZHES BRJOD PA YIN NO, ,GANG GI TSE CHOS KYI CHOS NYID BRJOD PAR 'DOD NA YANG DE NA GZUGS NYID STONG PA NYID CES BYA BA CHOS NYID KYI GZUGS NYID STONG PA NYID CES BRJOD DE STONG PA NYID KHO NA GZUGS ZHES BYA BA'O, ,STONG PA NYID NI DE BZHIN KHO NA STE CHOS NYID KYI GZUGS BRJOD PA YIN NO, ,DE NYID KYI TSE KUN TU BRTAGS PA DANG RNAM PAR BRTAGS PA'I GZUGS DAG LA SHIN TU MED PAS YONGS SU GRUB PA LA YANG GNAS PAR MI RUNG BA'I PHYIR GSUNGS PA, GZUGS LA GNAS PAR MI BGYI'O ZHES BYA BA STE, ,DE BZHIN DU TSOR BA LA SOGS PA RNAMS LA YANG SBYAR BAR BA'O, ,DE LTAR MI GNAS PA'I SGRUB PA NYE BAR BSTAN NAS GNAS PA LA NYES DMIGS BSTAN PAR BYED DE, DE CI'I PHYIR ZHE NA, GAL TE GZUGS LA GNAS NA ZHES BYA BA NI GZUGS THABS MI MKHAS PA NYID KYIS TSUL BZHIN MA YIN BA BZUNG NAS DNGOS PO MED PA'I NGO BO NYID KYI MTSAN NYID CHOS RNAMS LA MA SHES SHING BDAG NI GZUGS KYI RANG BZHIN ZHE'AM BDAG GI 'DI GZUGS SHE'AM GZUGS KYI MTSAN NYID 'DI ZHES BYA BA NI GZUGS LA GNAS PA YIN NO, ,DE NI GZUGS KYI MNGON PAR 'DU BYED PA GZUGS KYI RNAM PAR RTOG PA DANG RJES SU SONG BA'I 'DU BYED KYI CHOS LA SPYOD DE STONG PA NYID KYI MTSAN NYID DANG RJES SU 'BRANG BA'I SHES RAB KYI PHA ROL TU PHYIN PA'I SPYOD PA LA NI MA YIN ZHES BYA BA'I DON TO, ,MNGON PAR 'DU BYED PA'I SPYOD PA LA YANG NYES DMIGS BSTAN PAR BYED DE MNGON PAR 'DU BYED PA LA SPYOD NA SHES RAB KYI PHA ROL TU PHYIN PA YONGS SU 'DZIN PA MA LAGS PA ZHES BYA BA NI, CI'I PHYIR BDAG TU 'DZIN PA DANG BDAG GIR 'DZIN PA LA LTUNG BA MNGON PAR 'DU BYED PA LA SPYOD CING SHES @31A *, ,RAB KYI PHA ROL TU PHYIN PA YONGS SU 'DZIN PA DANG RNAL 'BYOR THOB PA DANG YONGS SU RDZOGS PA DANG NGES PAR 'BYUNG BA RNAMS THOB PA MA YIN ZHES GSUNGS PA, YONGS SU MI BZUNG BA YONGS SU BZUNG BAS ZHES BYA BA STE, JI LTAR YONGS SU MI 'DZIN PA 'DZIN PAR BYED CES GSUNGS PA, GZUGS YONGS SU BZUNG BA MA MCHIS SO ZHES BYA BA LA SOGS PA STE, 'DI NI YONGS SU MI 'DZIN PA'I SGRUB PA ZHES BRJOD PA YIN NO, ,SGRUB PA 'DI YANG RNAM PA GSUM DU BSTAN PA YIN TE CHOS YONGS SU MI 'DZIN PA DANG, YE SHES YONGS SU MI 'DZIN PA DANG, MTSAN MA YONGS SU MI 'DZIN PA'O, ,DE LA CHOS MI 'DZIN PA'I DUS NI SHES RAB KYI PHA ROL TU PHYIN PA LA GZUGS YONGS SU BZUNG BA MA MCHIS SO ZHES BYA BA NAS BRTZAMS TE, JI SRID THAMS CAD MKHYEN PA NYID DE YANG YONGS SU BZUNG BA MA MCHIS TE ZHES BYA BA'I BAR GYIS SO, ,MTSAN MAR MI 'DZIN PA'I DUS NI MTSAN MAR BZUNG BA MA LAGS SO, ,ZHES BYA BA NAS BRTZAMS TE, JI SRID RNAM PAR SHES PA YONGS SU MI 'DZIN TO ZHES BYA BA'I BAR GYIS SO, ,YE SHES YONGS SU MI 'DZIN PA'I DUS NI DE LA SHES PA DE DGA' BA DANG BDE BA YANG YANG DAG PAR RJES SU MI MTHONG NGO ZHES BYA BA NAS BRTZAMS TE, JI SRID SHES RAB KYI PHA ROL TU PHYIN PAR RIG PAR BGYA'O ZHES BYA BA'I BAR GYIS SO, ,DE LA DANG PO CHOS YONGS SU MI 'DZIN PA'I DUS LA, GZUGS YONGS SU BZUNG BA MA MCHIS SO ZHES BYA BA NI GANG GI PHYIR CHOS NYID KYI GZUGS NI BDAG TU 'DZIN PA DANG BDAG GIR 'DZIN PA LA LTUNG BA'I RGYUD GANG GIS KYANG GZUGS NYID DU YONGS SU 'DZIN PA MA YIN TE, DE'I PHYIR MNGON PAR 'DU BYED PA LA SPYOD CING DON DAM PA'I SHES RAB KYI PHA ROL TU PHYIN PA'I SPYOD PA LA SPYOD PAR MI BYED CES BYA BA BSTAN PAR BYED DE, CI'I PHYIR GZUGS YONGS SU MI 'DZIN ZHES BYA BA GSUNGS PA, GZUGS YONGS SU BZUNG BA MA MCHIS PA GANG LAGS PA DE NI GZUGS MA LAGS ZHES BYA BA STE 'DIR NI YONGS SU MI @31B 'DZIN ZHES BYA BA NI YONGS SU GRUB PA'I MTSAN NYID BRJOD PA YIN TE, GANG ZHIG CHOS NYID KYI GZUGS LA YONGS SU MI 'DZIN PA YONGS SU GRUB PA'I RANG BZHIN DE NI KUN TU BRTAGS PA'I GZUGS KYI RANG BZHIN NI MA YIN NO, ,DE BAS NA CHOS NYID KYI GZUGS YONGS SU MA BZUNG ZHES SBYAR BAR BYA STE DON NI 'DI YIN NO, ,GZUGS LA SOGS PA'I CHOS KYI RNAM PA 'GA' ZHIG SNGAR YONGS SU BZUNG NAS PHYIS GZHAN GANG GIS KYANG STONG PAR BYED PA MA YIN TE 'ON KYANG STONG PA NYID DE'I RANG BZHIN DE'I PHYIR DE LA YONGS SU 'DZIN PA YANG DAG PAR 'BYUNG BA GANG LAS YIN, DE BZHIN DU TSOR BA LA SOGS PA RNAMS LA YANG SBYAR BAR BYA'O, ,'DI YANG BYANG CHUB SEMS DPA' ZHES BYA BA LA SOGS PA DE'I CHOS BRJOD PA MING TZAM TING NGE 'DZIN LA GSUNGS PA, CHOS RNAMS THAMS CAD YONGS SU MA BZUNG BA GANG LA DE NI DE LTAR BRJOD DO, ,YANGS PA NI YANGS PA'I CHOS KYI DBYINGS LA DMIGS PA'I PHYIR, MDUN DU BGYIS PA NI SANGS RGYAS THAMS CAD KYIS RAB TU BSNGAGS PA'I PHYIR RO, ,TSAD MED PA NI SANGS RGYAS NYID DE DE LA NGES PA'I PHYIR TSAD MED PAR NGES PA'O, ,THAMS CAD MKHYEN PA NYID DE YANG YONGS SU BZUNG BA MA MCHIS PA STE, GANG GI PHYIR STONG PA NYID THAMS CAD KYIS SHIN TU YONGS SU SBYANGS PA'I YE SHES CHOS THAMS CAD MI DMIGS PA YONGS SU MTHAR THUG PA'I RNAM PA THAMS CAD MKHYEN PA NYID 'BYUNG BA STE, DE BAS NA DE YANG YONGS SU BZUNG BA ZHES BSTAN PAR BYED DO, ,DE NYID KYI PHYIR GSUNGS PA, MTSAN MAR BZUNG BA MA LAGS SO, ,ZHES BYA BA DANG, THAMS CAD MKHYEN PA NYID KYANG THAMS CAD MKHYEN PA NYID KYI MTSAN MAS RNAM PAR BRAL BAR RNAM PA THAMS CAD DU MTSAN MA MED PA'I RNAM PA CAN ZHES BYA BA'I SON TO, ,'DI NYID KYI PHYIR BYANG CHUB SEMS DPA' RNAMS NI MTSAN MA'I NYON MONGS PA CAN ZHES BRJOD PA YIN TE BYANG CHUB SEMS DPA' RNAMS LA RNAM PAR RTOG PA'I MTSAN MA NYID RGYUD LA NYON MONGS PAR @32A *, ,BYED PA DE BAS NA NYON MONGS PA ZHES BRJOD PA YIN NO, ,'DIS KYANG MTSAN MA YONGS SU MI 'DZIN PA'I DUS NYE BAR BSTAN PA YIN NO, ,GAL TE ZHES BYA BA LA SOGS PAS MTSAN MA MED PA'I LAM NYID SKYED PAR BYED DE, KUN TU RGYU ZHES BYA BA NI KUN TU RGYU ZHES BYA BA'O, ,MOS NAS ZHES BYA BA NI GANG GI PHYIR PHRENG BA CAN TE SNGAR MTSAN MA MED PA'I LAM LA DMIGS NAS DE LA DAD PA SKYES TE, DAD PA DE NYID KYIS MTSAN MA MED PA'I YE SHES SKYED PAR BYED PA SO SOR THOB NAS MTSAN MA MED PA'I YE SHES DES CHOS THAMS CAD YUL MA YIN PA'I PHYIR PHYOGS GCIG PAS CHOS RNAMS LA 'JUG STE, GZUGS BZUNG NAS SO SOR RTOG PAR BYED PA NA GZUGS KYI MTSAN MA DMIGS PA MA YIN NO, ,DE BZHIN DU TSOR BA LA SOGS PA RNAMS BZUNG NAS SO SOR RTOG PA NA, TSOR BA LA SOGS PA'I CHOS KYI MTSAN MA YANG NYE BAR DMIGS PA MA YIN NO, ,DE'I PHYIR BRJOD PA DE ZHUGS NAS KYANG GZUGS YONGS SU MI 'DZIN TO ZHES BYA BA STE, DE BZHIN DU TSOR BA LA SOGS PA RNAMS LA'O, ,'DIR RGYU GSUNGS PA, DE LA SHES PA DE DGA' BA DANG BDE BA ZHES BYA BA STE, DE LA MTSAN MA MED PA LA YONGS SU 'DZIN BA'O, ,DE LA NI MTSAN MA MED PA YONGS SU MI 'DZIN PA LA'O, ,DGA' BA DANG BDE BA NI TING NGE 'DZIN LAS SKYES PAS YANG DAG PAR LDAN PA'I SHES PA DE NI YONGS SU 'DZIN PAR BYED PA YANG DAG PAR RJES SU MI MTHONG NGO, ,MTSAN MA MED PA'I SHES PA DE SO SOR MTSAN MA MED PA'I RNAM PA LA RAB TU ZHUGS PAS CHOS RNAMS THAMS CAD NI RANG GI MTSAN NYID KYIS STONG PA ZHES SHES PA DE'I PHYIR MTSAN MA MED PA LA YONGS SU MI 'DZIN PA 'DZIN PA'I SHES PA YANG NYE BAR DMIGS PA MA YIN NO, ,'DIS NI YE SHES YONGS SU MI 'DZIN PA'I DUS NYE BAR BSTAN PA YIN NO, ,SLAR SHES PA DE CI'I PHYIR YANG DAG PAR RJES SU MI MTHONG ZHES BYA BA 'DI LA YANG RGYU GSUNGS PA, NANG GI GZUGS ZHES BYA BA LA SOGS PA STE, 'DIS NI GZUGS LA SOGS PA'I CHOS THAMS CAD KYI YUL GYI SHES PA MA MTHONG BA'I GNAS @32B SKABS SU BYAS PA LA MI MTHONG BA GSUNG PA NI GANG GI PHYIR PHRENG BA CAN DE BDAG NYID KYI SHES PA BZUNG NAS BDAG 'DIS 'DI MTHONG NGO ZHES BYA BA'I KUN BRTAGS KYI SHES PA 'DI NYID NANG DU GNAS PA MA YIN TE PHYIR YANG GNAS PA MA YIN GNYI GAR GNAS PA MA YIN, DE LAS GZHAN DU YANG GNAS PA MA YIN TE YANG DAG PAR RJES SU MI MTHONG ZHES BYA BA'I THA TSIG GO ,'DI NYID NI SLAR YANG GSAL BAR BYED DE, TSIG GI RNAM GRANGS 'DI LA ZHES BYA BA STE MTSAN MA MED PA'I TING NGE 'DZIN LA GNAS KYI KHYAD PAR RO, ,MOS SO ZHES BYA BA NI MTHA' GCIG TU NGES PA SKYES PA'O, ,'DIR NI 'DI LA THAMS CAD DU ZHES BYA BA NI MDOR BSTAN PA STE, DE THAMS CAD MKHYEN PA'I YE SHES 'DI LA ZHES BYA BA NI RTOGS PA'I GNAS SKABS KYI SNGA ROL TU LHAG PAR MOS PA ZHES BYA BA'O, ,THOS PA DANG BSAM PA LA SOGS PA'I GNAS SKABS MA GSUNGS PA, 'DI LA BRJOD CES BYA BA NI 'GA' ZHIG TU 'BYUNG BA'O, ,DE LA DAD PAS RJES SU 'BRANG ZHING ZHES RJES SU 'BREL TO, ,CHOS NYID STON PA'I BSTAN PA LA TSAD MAR BYAS NAS DE LTAR LHAG PAR MOS PA'O, ,DMIGS PA ZHES BYA BA NI DNGOS PO NYID KYIS MTHONG BA'O, ,MYA NGAN LAS 'DAS PA NI CHOS THAMS CAD LAS MCHOG TU GYUR PA DE YANG 'DIS RLOM SEMS SU MI BGYID DO, ,'DI NI 'DI'I YONGS SU MI 'DZIN PA'I SGRUB PA'I MTSAN NYID CAN SHES RAB KYI PHA ROL TU PHYIN PAR RIG PAR BYA'O ZHES BYA BA'O, ,YONGS SU MI 'DZIN BA NI GANG YIN NA; GSUNGS PA, GANG GZUGS YONGS SU MI 'DZIN ZHES BYA BA LA SOGS PA STE, BAR MA DOR YONGS SU MYA NGAN LAS MI 'DA' BA ZHES BYA BA NI PHRENG BA CAN DE SANGS RGYAS KYI SPYOD YUL YIN PA'I PHYIR BAR MA DOR YONGS SU MYA NGAN LAS 'DA' BAR MI BYED DE YONGS SU MA RDZOGS PA'I STOBS LA SOGS PA RNAMS KYIS SO, ,'ON TE DE'I BAR MA DOR MYA NGAN LAS 'DAS PA ZHES BYA BA 'DI CI TZAM ZHIG YIN SNYAM NA, NYAN THOS KYI BYANG CHUB NI MA YIN TE GANG GI PHYIR DE NI CHOS THAMS CAD YONGS SU MI 'DZIN PA'I MTSAN NYID CAN TING NGE 'DZIN LA 'JUG PA STE, DE JI LTAR GANG ZAG GI BDAG @33A *, ,MED PA RTOGS PA'I MTSAN NYID CAN NYAN THOS KYI BYANG CHUB KYIS YONGS SU MYA NGAN LAS 'DA', 'DI NI BRJOD PAR BYA'O, ,'KHOR BA DANG MYA NGAN LAS 'DAS PA LA RAB TU MI GNAS PA'I MTSAN NYID CAN SKU GSUM GYI NGO BO SANGS RGYAS NYID 'KHOR BA JI SRID 'GRO BA'I DON MDZAD PA, BYANG CHUB SEMS DPA' RNAMS KYIS BSGRUB PAR BYA BA DE MA THOB PAS CHOS KYI BDAG MED KYI YE SHES NYID KYIS 'GRO BA'I DON LA BYA BA RTZOM BA GCOD PA MYA NGAN LAS 'DAS PA TZAM LA RTZE GCIG PAR 'GYUR, MYA NGAN LAS 'DAS PA DE YANG NYAN THOS KYI MYA NGAN LAS 'DAS PA DANG 'DRA BAR ZHES 'CHAD PAR 'GYUR RO, ,'DI YANG ZHES BYA BA NI RNAM PA GSUM GYIS YONGS SU MI 'DZIN PA'I MTSAN NYID CAN ZHES BYA BA NI NYE BAR BSDU BA'O, ,DE LTAR YONGS SU MI 'DZIN PA'I SGRUB PA YONGS SU RDZOGS PAR BYAS NAS SLAR YANG NYE BAR DPYAD PA'I SGRUB PA LA RTZOM PAR BYED DE GZHAN YANG ZHES BYA BA LA SOGS PA NI 'DI LTAR NYE BAR BRTAG CING ZHES BYA BA LA RNAM PAR DPYOD PAR BYA'O, ,NGES PAR BSAM PAR BYA STE ZHES BYA BA NI MTHA' GCIG TU NGES PAR BYA'O, ,NYE BAR BRTAGS PA'I BSGRUB PA DE NYID RNAM PA GNYIS KYIS BSTAN TE; 'DI GANG YIN 'DI GANG GI YIN ZHES BYA BA NI DE LA 'DI GANG YIN ZHES BYA BA NI RANG GI NGO BO LA 'DRI BA'O, ,DE LA 'DI LTAR BRJOD PAR BYA BA YIN TE RTOGS PA NI SHES RAB KYI PHA ROL TU PHYIN PA ZHES BYA BA'O, ,GANG GI ZHES BYA BA NI 'BREL BA CAN LA DRI BA'O, ,DE YANG RNAM PA GSUM STE, GCIG NI NYAMS SU MYONG BA DANG 'BREL BA CAN ZHES BYA, ,DE NYID LA BRJOD PAR BYA STE CHOS THAMS CAD CES BYA BA'O, ,SLAR NI GANG GI PHYIR 'DI SHES RAB KYI PHA ROL TU PHYIN PA ZHES RGYU LA DRI BA'O, ,CI'I PHYIR 'DI SHES RAB KYI PHA ROL TU PHYIN PA ZHES BYA BA'I THA TSIG GO, ,DE LA BRJOD PAR BYA STE JI LTA BA BZHIN DU MTSAN NYID RTOGS PAS ZHES BYA BA'O, ,SLAR YANG GANG GI ZHES BYA BA NI RGYU LA DRI BA'O, ,RGYU GANG GIS 'DI SHES RAB KYI PHA ROL TU PHYIN PA ZHES BYA BA LA, DE LA SMRA BAR BYA STE NGES PAR 'BYUNG BA NYID KYIS ZHES BYA BA'O, ,DE @33B THAMS CAD SAL BAR BYED CING 'DI GANG YIN ZHES SNGA MA'I DRI BA'I CHED DU GSUNGS PA, CI CHOS GANG YIN PA DANG ZHES BYA BA LA SOGS PA STE, DGONGS PA GANG YIN ZHE NA SHES BYA THAMS CAD DANG SHES PA'I RANG BZHIN KUN BRTAGS DANG GZHAN DBANG DANG BRAL BA YONGS SU GRUB PA'I GNAS SKABS SHES RAB KYI PHA ROL TU PHYIN PA STE, DE YANG DE'I TSE CHOS THAMS CAD MI DMIGS PA'I RANG BZHIN NA MKHA' DANG MTSUNGS PA YIN NO, ,DE'I PHYIR GANG ZHIG DE LA MTHONG ZHING STONG PA NYID KYI RANG BZHIN NYID KYI YE SHES KYIS DE NYID KYI BDAG NYID KYIS MTHONG BA DE YANG DAG PAR MTHONG BA STE, GANG PHYIR GNAS SKABS DE LA CHOS RNAMS THAMS CAD YOD PA MA YIN DMIGS PA MA YIN NO, ,DE LTAR NA YANG GZUGS LA SOGS PA'I CHOS RNAMS THAMS CAD LA MED PA MTHONG ZHING GANG GIS ZHUM PA DANG SKRAG PA LA SOGS PA RNAMS SKYE BA MA YIN PA DE NI SHES RAB KYI PHA ROL TU PHYIN PA DANG MA BRAL BAR RIG PAR BYA'O ZHES BYA BA NI GNAS BRTAN RAB 'BYOR GYIS GSUNGS PA LA, GNAS BRTAN SH'A RI'I BUS MA BRAL PA'I MTSAN NYID SRID PA'I DON DU DRI BAR BYED DE, CI'I PHYIR MA BRAL BA ZHES BYA BA NI DE'I TSE GANG GI TSE GNAS BRTAN GANG GI PHYIR CHOS RNAMS THAMS CAD NI NGO BO NYID KYIS BRAL BA STE, DE'I PHYIR DE LTAR 'DI MTHONG ZHING SHES RAB KYI PHA ROL TU PHYIN PA DANG MA BRAL BAR RIG PAR BYA'O ZHES BSTAN PAR 'GYUR RO, ,'DIS KYANG SH'A RI'I BU GZUGS NYID GZUGS KYI NGO BO NYID DANG BRAL BA ZHES BYA BA LA SOGS PAS SHES RAB KYI PHA ROL TU PHYIN PA 'DI GANG GI YIN ZHES BYA BA'I DRI BA DON GCIG GIS BSHAD PA YIN NO, ,'DI LTA STE CHOS THAMS CAD NI NGO BO NYID KYIS BRAL BA RANG BZHIN MED PA'O, ,DE LTAR YOD PA LA CHOS GANG RTOGS PAS SHES RAB KYI PHA ROL TU PHYIN PA LA RIG BAR BYA ZHES BYA BAS BSTAN PA YIN NO, ,GANG GI TSE 'DI GANG GI ZHES BYA BA LA RGYU LA 'DRI BA DE'I TSE NA YANG LAN GSUNGS PA, SHES RAB KYI PHA ROL TU PHYIN PA NI MTSAN NYID DANG YANG ZHES BYA BA LA SOGS PA STE, CHOS THAMS CAD GYI MTSAN NYID RTOGS PA'I RGYUS SHES RAB KYI PHA ROL TU @34A *, ,PHYIN PA RNAM PAR GZHAG PAR BYA STE, GANG GI TSE NA YANG SHES RAB KYI PHA ROL TU PHYIN PA NYID RANG GI MTSAN NYID KYIS RNAM PAR BRAL BA DE'I TSE MTSAN NYID GANG RNAMS LA RTOGS PAR 'GYUR ZHES GSUNGS PA YIN NO, ,MTSAN NYID THAMS CAD KYANG KUN TU BRTAGS PA STE MED PAR GYUR PA DE'I TSE CHOS NYID KYI RANG BZHIN SHES RAB KYI PHA ROL TU PHYIN PA MTSAN NYID DANG RNAM PAR BRAL BA ZHES BRJOD PA YIN NO, ,DA NI 'DI GANG GI ZHES BYA BA GANG GI TSE BYED PA LA 'DRI BA DE LA GSUNGS PA, TSE DANG LDAN PA RAB 'BYOR YANG CI ZHES BYA BA LA SOGS PA STE, NGES PAR 'BYUNG BA'I SGRUB PA NI SHES RAB KYI PHA ROL TU PHYIN PA ZHES BRJOD PA YIN NO, ,NGES PAR 'BYUNG BA DE YANG CHOS RNAMS THAMS CAD LA YANG YOD PA MA YIN TE GANG GI PHYIR CHOS RNAMS THAMS CAD NI NGES PAR MA BYUNG BA STE MA SKYES PA'O, ,DE'I PHYIR YANG NGES PAR 'BYUNG BA NYID YOD PA MA YIN LA DON NI 'DI YIN TE, YONGS SU GRUB PA'I GNAS SKABS SU CHOS NYID KYI NGO BO CAN GYI CHOS RNAMS LA BDAG NYID LA PHYIN CI LOG MED PA'I PHYIR GLO BUR BA'I NGES PAR 'BYUNG BA YOD PA MA YIN TE, RANG BZHIN GYIS RNAM PAR DAG PA NYID KYI PHYIR DANG CHOS NYID LA MI 'GYUR BA NYID KYI PHYIR RO, ,'KHOR BA'I GNAS SKABS LA KUN NAS NYON MONGS PA CAN KUN TU BRTAGS PA'I RANG BZHIN GYI DNGOS PO RNAMS KYI CHOS RNAMS KYI CHOS NYID KYI NGO BOS SKYE BA NI BSKYED PA MED PA'I TSE DE LTAR NGES PAR 'BYUNG BA MA YIN NO, ,DRI MA DANG BRAL BA'I GNAS SU SKYED PA MED DE DRI MA DANG BCAS PA'I GNAS SKABS SU ZHES BYA BA NYE BAR BSTAN NAS NGES PAR 'BYUNG BA NYID MJUG BSDU BAR BYED DE, TSE DANG LDAN PA SH'A RI'I BU DE LTAR SPYOD PA'I ZHES BYA BA LA SOGS PAS SO, ,THAMS CAD MKHYEN PA NYID LA NYE BAR 'GYUR RO ZHES BYA BA NI RANG GI NGAG GIS RGYU BA DE'I SPYOD PA DE ZHES DES NA 'DI LTAR BRJOD PA YIN NO, ,GANG GI TSE BRTZON 'GRUS LA SOGS PA'I PHUL SU TSOGS PAS BYANG CHUB SEMS DPA' RTZOL BA DAN LDAN PA SPYOD PA LA SPYOD PA ZHES BRJOD PAR 'DOD PA DE'I PHYIR GSUNGS PA, THAMS @34B CAD MKHYEN PA NYID LA NYE BAR 'GYUR RO ZHES BYA BA'O, ,SLAR YANG YANG DAG PAR NI CI LTA CI LTAR THAMS CAD MKHYEN PA NYID LA NYE BAR 'GYUR ZHES BYA BA LA SOGS PA'I 'GRES PAR DU BKLAGS NAS YANG DANG YANG DU NYE BAR BSDU BA 'DON PAR BYED DE 'GRES 'DI YANG NI SNGAR GYI PO TI RNAMS LA YOD PA MA YIN NO, ,DE BAS NA MNGON PAR RTOGS PA LA SBYAR BA'I DON DU RAB TU BZHAG PA 'BYUNG BAR 'GYUR RO, ,DE LTAR NYE BA'I BRTAGS PA'I SGRUB PA BSHAD NAS RIG PA'I SGRUB PA BSHAD PAR BYED DE, GAL TE GZUGS LA SPYOD NA ZHES BYA BA LA SOGS PA NAS BRTZAMS TE, SPYAD PAR BYA BA YANG MA YIN LA SPYAD PAR MI BYA BA YANG MA YIN PA NYID DO SNYAM DU NYE BAR MI RTOGS SO ZHES BYA BA'I BAR GYI GZHUNG GIS SO, ,RIGS PA'I SGRUB PA 'DI NI RNAM PA GNYIS KYIS BSTAN TE, THABS MA YIN PA YONGS SU SPANG BA DANG, THABS LA BSNYEN PA'O, DE LA THABS MA YIN PA NI MTSAN MA LA SPYOD PA STE, DE GSUNGS PA NI GAL TE GZUGS LA SPYOD PA NA ZHES BYA BA LA SOGS PA NAS BRTZAMS TE, THABS MI MKHAS PAR RIG PAR BYA'O ZHES BYA BA'I BAR GYIS SO, ,GAL TE GZUGS LA SPYOD CES BYA BA NI KUN TU BRTAGS PA'I NGO BO LA GAL TE SPYOD NA DE'I TSE 'DI NI GZUGS ZHES BYA BAR MNGON PAR ZHEN PA NA MTSAN MA MED PA DOR NAS SPYOD CING MTSAN MA LA SPYOD DO, ,GANG GI TSE NA YANG 'DI'I GZUGS YONGS SU DOR NAS GZUGS KYI MTSAN MA LA SPYOD PA DE'I TSE NA MTSAN MA NYID MAR BYAS TE, MNGON PAR ZHEN PAS MTSAN MA'I SPYOD PA NYID DO, ,GAL TE GZUGS LA SO SOR GZUGS KYI MTSAN MA LA SPYOD PA NA MTSAN MA'I SBYOR BA NI MTSAN MA'I SPYOD PA STE, DE'I GZUGS NYID MTSAN MA ZHES GNYI G-YANG GCIG TU BYAS NAS SPYOD PAR 'GYUR BA STE DE NYID GSUNGS PA NI, GAL TE GZUGS KYI MTSAN MA LA SPYOD NA ZHES BYA BA NI DE LTA NA YANG MTSAN MA'I SPYOD PA NYID CES GSUNGS PA NI MTSAN MA LA SPYOD DO ZHES BYA BA'O, ,DE BZHIN DU GZUGS KYI SKYE BA LA NI MA BYUNG BA LA 'BYUNG BA LA'O 'GAG PA NI BYUNG NAS LOG PA LA'O, ,'JIG PA LA NI SKAD CIG MA RE RE RNAM PAR 'JIG PA LA'O, ,'O NA GZUGS @35A *, ,NI STONG PA YIN MOD CES BYA BAS MTSAN MA MED PA LA SPYOD PA DE YANG GSUNGS PA, MTSAN MA LA SPYOD DO ZHES BYA STE, GAL TE GZUGS STONG NGO ZHES STONG PA 'DI LA 'DIR MNGON PAR ZHEN PA YIN NA DE YANG MTSAN MA'I SPYOD PA NYID CES BYA BA'I DON TO, ,GAL TE YANG DE 'DI SNYAM DU GANG DE LTAR SPYOD PA DE NI ZHES BYA BA NI GZUGS LA SOGS PA MTSAN MA 'GAG PA'I SGO NAS YANG SPYOD CING 'GAG PA'I MTSAN MA NYID RANG BZHIN LA SPYOD DO ZHES BYA BA'I DON TO, ,THABS LA MI MKHAS PA ZHES BYA BA STE RNAM PA THAMS CAD MKHYEN PA NYID CES BYA BA'I 'BRAS BU STE, DE'I YANG KUN TU BRTAGS PA'I NGO BO RNAM PAR SGOM PA NI THABS SO, ,KUN BRTAGS MED PA'I SHES PA YANG GZHAN DBANG GI NGO BO BRDZUN PA'I RNAM PA TZAM ZHES GRUB PA YIN NO, ,'KHRUL PA'I NGO BO DE YANG LOG PA NA GNYIS DANG GNYIS SU SNANG BA DANG MED PA'I NGO BO SPYI'I MTSAN NYID CAN NYID KUN TU BRTAGS PA DANG GZHAN DBANG GI NGO BO THAMS CAD DANG RANG GI MTSAN NYID RNAM PAR MI LDAN PAS DANG PO LA SNANG BA YIN NO, ,JI SKAD DU GSUNGS PA, DE NYID DON LA SO SOR RTOGS, ,CIG CAR MTSAN NYID GSUM PO NI, ,YONGS SU SHES PA SPANG BA DANG, , THOB PA RIM PA JI BZHIN 'DOD, ,YONGS SU SHES NI MI DMIGS 'DIR, ,SPANG BA MI SNANG 'DOD PA STE, ,NYE BAR DMIGS PA NUS PA LA