@1A *, ,SHES PHYIN KA PA BZHUGS SO, , @1B [DD] #, ,RGYA GAR SKAD DU, AA BHI SA MA YA AA LAm K'A RA N'A MA PRADZNY'A P'A RA MI TO BA DE SHA SH'A STRA K'A RI K'A, BOD SKAD DU, SHES RAB KYI PHA ROL TU PHYIN PA'I MAN NGAG GI BSTAN BCOS [DD] MNGON PAR RTOGS PA'I RGYAN ZHES BYA BA'I TSIG LE'UR BYAS PA, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,NYAN THOS ZHI BA TSOL RNAMS KUN SHES NYID KYIS NYER ZHIR 'KHRID MDZAD GANG YIN DANG, ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,NYAN THOS BYANG CHUB SEMS DPA'I TSOGS BCAS SANGS RGYAS KYI NI YUM DE LA PHYAG 'TSAL, ,RNAM PA THAMS CAD MKHYEN NYID LAM, ,STON PAS 'DI RNAMS BSHAD PA GANG, ,GZHAN GYIS MYONG BA MA YIN TE, ,CHOS SPYOD BCU YI BDAG NYID KYI, ,MDO DON DRAN PA LA BZHAG NAS, ,BLO DANG LDAN PAS MTHONG 'GYUR PHYIR, ,BDE BLAG TU NI RTOGS PA @2A *, ,ZHES; ,BYA BA RTZAM PA'I DGOS PA YIN, ,SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAM BRGYAD, ,SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,MOG MOG POR BYED LA SOGS DANG; ,SLOB MA BSE RU'I LAM GANG DANG, ,'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PHA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG BA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI SGOM PA'I LAM, ,BYANG CHUB SEMS DPA' MKHAS RNAMS KYI, ,LAM SHES NYID NI DE 'DRAR BSHAD, ,SHES PAS SRID LA MI GNAS SHING, ,SNYING RJES ZHI LA MI GNAS DANG, , @2B THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB PA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,RNAM KUN MNGON RDZOGS PA STE, ,'DI NI THABS MKHAS BCAS PA YIN, ,DE YI RTAGS DANG RNAM 'PHEL DANG,, BRTAN DANG SEMS KUN GNAS PA DANG, ,MTHONG ZHES BYA DANG SGOM PA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR SGRUB DANG BCAS PA NI, ,RTZE MO'I MNGON RTOGS MTHAR GYIS PA; ,RNAM GSUM RNAM BCU SKAD CIG MA, ,GCIG GIS MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,NGO BO NYID LONGS RDZOGS BCAS PA DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, , SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,DE DANG DE NI MA DO BZHIN DU, ,BSDUS DANG RGYAS PA'I SGO NAS BRJOD, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA BRNYAN CHU BO SPRIN RNAMS KYIS, ,RNAM PA NYI SHU RTZA GNYIS SO, ,SGRUB DANG BDEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MING LA DANG,, LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA LA GDAMS NGAG NI, ,BCU YI BDAG NYID SHES PAR BYA, ,DBANG PO RTUL DANG RNON PO DANG, ,DAD DANG MTHONG THOB RIGS NAS RIGS, ,BAR CHAD GCIG PAR @3A *, ,SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI CHAGS BCOM LDAN MTHONG BA YI, ,CHOS LA ZHI LUS MNGON SUM BYED, ,BSE RU DANG NI NYI SHU'O, ,DMIGS PA DANG NI RNAM PA DANG, ,SKYU DANG YONGS SU 'DZIN PA YIS, ,BYANG CHUB SEMS DPA' SKYOB PA YI, ,DROD SOGS BDAG NYID JI BZHIN DU, ,RNAM RTOG BZHI PO LDAN BRTEN PA, ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,DMIGS PA MI RTAG LA SOGS PA, , BDEN PA'I RTEN CAN DE YI NI, ,RNAM PA MNGON ZHEN LA SOGS 'GOG ,THEG PA GSUM CHAR 'THOB PA'I RGYU, ,GZUGS SOGS 'DU 'GOD GNAS BRAL DANG, ,GNAS DANG BRTAGS DANG BRJOD DU MED, ,GZUGS SOGS MI GNAS DE DAG NI, ,DE YI NGO BO RANG BZHIN MED, ,DE DAG GCIG GI RANG BZHIN GCIG ,DE MI RTAG SOGS PAR MI GNAS, ,DE RNAMS DE YI NGO BOS STONG, ,DE DAG GCIG GI RANG BZHIN GCIG, ,CHOS RNAMS MI 'DZIN GANG YIN DANG, ,DE DAG MTSAN MAR MTHONG PHYIR, ,SHES RAB KYIS NI YONGS RTOGS PA, ,THAMS CAD DMIGS SU MED PAR RO, ,GZUGS SOGS NGO BO NYID MED NYID, ,DE MED PA NYID NGO BO NYID, ,DE DAG SKYE MED NGES 'BYUNG MED, ,DAG DANG DE DAG MTSAN MA MED, ,DE YI MTSAN MAR MI BRTEN PAS, ,MOS MIN 'DU SHES MED PA YIN, ,TING 'DZIN DE YI BYED PA NYID, ,LUNG STON PA DANG RLOM PA ZAD, ,GSUM PO PHAN TSUN NGO BO GCIG ,TING 'DZIN RNAM PAR MI RTOG PA, ,DE LTAR NGES 'BYED CHA MTHUN NI, ,CHUNG DANG 'BRING DANG CHEN PO YIN, ,GZHIG DE YI GNYER PO YIS, ,GZUGS BAR RTOG PA RNAM PA GNYIS, ,RMONGS DANG PHUNG SOGS BYE BRAG GIS, ,DE NI SO SOR RNAM PA DGU, ,RDZAS DANG BRTAGS PA'I RTEN CAN GYIS, ,'DZIN PA'ANG RNAM GNYIS SU 'DOD, ,RANG DBANG BDAG SOGS NGO BO DANG, ,PHUNG SOGS RTEN LAS DE BZHIN NO, ,SEMS MI 'GONG BA NYID LA SOGS, ,NGO BO NYID MED SOGS STON BYED, ,DE YI MI MTHUN @3B PHYOGS BOR BA, ,RNAM PA KUN TU YONGS 'DZIN YIN, ,RTOGS PA YIN NI CHOS DRUG DANG, ,GNYEN PO DANG NI SPONG BA DANG, ,DE DAG YONGS SU GTUGS PA DANG, ,SHES RAB SNYING BRTZER BCAS PA DANG, ,SLOB MA MTHUN MONG MIN NYID DANG, ,GZHAN GYI DON GYI GO RIMS DANG, , YE SHES RTZOL BA MI MA'ANG BAR, ,'JUG PA'I RTEN LA RIGS SHES BYA, ,CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,RTEN PA'I CHOS KYI BYE BRAG GIS, ,DE YI DBYE BA YONGS SU BRJOD, ,DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ,ZAG BCAS ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MTHUN MONG CHOS RNAMS DANG, ,GANG DAG THUB PA'I THUN MONG MIN, ,SEMS CAN KUN MCHOG NYID SEMS DANG, ,SPANGS DANG RTOGS DANG GSUM PO LA, ,CHEN PO GSUM GYI RANG BYUNG GI ,CHED DU BYA BA 'DI SHES BYA, ,DE DAG SO SOR SBYIN LA SOGS, ,RNAM PA DRUG TU BSDUS PA YIS, ,GO CHA'I SGRUB PA GANG YIN DE, ,DRUG TSAN DRUG GIS JI BZHIN BSHAD, ,BSAM GTAN GZUGS MED SPYIN SOGS DANG, ,LAM DANG BYAMS LA SOGS PA DANG, ,DMIGS PA MED DANG LDAN PA DANG, ,'KHOR GSUM RNAM PAR DAG PA DANG, ,CHED DU BYA DANG MNGON SHES DRUG, ,RNAM KUN MKHYEN PA'I TSUL LA NI, ,'JUG PA'I SGRUB PA THEG CHEN LA, ,'DZEGS PA YIN PAR SHES PAR BYA, ,BRTZE DANG SPYIN LA SOGS PA DRUG ,ZHI GNAS LHA GA MTHONG BCAS PA DANG, ,ZUNG DU 'BREL BA'I LAM GANG DANG, ,THABS LA MKHAS PA GANG YIN DANG, ,YE SHES DANG NI BSOD NAMS DANG, ,LAM DANG GZUNGS DANG SA BCU DANG, ,GNYEN PA TSOGS KYI SGRUB PA YI, ,RIM PA YIN PAR SHES PAR BYA, ,YONGS SU SPYONG BA RNAM BCU YIS, ,SA NI DANG PO 'THOB 'GYUR TE, ,BSAM DANG PHAN PA'I DNGOS NYID DANG, ,SEMS CAN RNAMS LA SEMS MNYAM NYID, ,GTONG DANG BSHES GNYEN @4A *, ,BSTEN PA DANG, ,DAM CHOS DMIGS PA TSOL BA DANG, ,RTAG TU NGES 'BYUNG SEMS NYID DANG, ,SANGS RGYAS SKUR 'DOD DGA' BA DANG, ,CHOS STON PA DANG BDEN PA YI, ,TSIG NI BCU PA YIN PAR 'DOD, ,'DI DAG RANG BZHIN MI DMIGS PAS, ,YONGS SU SBYONG BAR SHES PAR BYA, ,TSUL KHRIMS BYAS PA GZO DANG BZOD, ,RAB TU DGA' DANG SNYING BRTZE CHE, ,BKUR STI BLA MA LA GUS NYAN, ,BRGYAD PA SPYIN LA SOGS LA BRTZON, ,THOS PA MI NGOMS NYID DANG NI, ,ZANG ZING MED PAR CHOS SBYIN DANG, ,SANGS RGYAS ZHING KUN SBYONG BA DANG, , 'KHOR BAS YONGS SU MI SKYO DANG, ,NGO TSA KHREL YOD CES BYA BA, ,RLOM MED BDAG NYID DE RNAM LNGA, ,NGAS GNAS 'DOD CHUNG CHOG SHES DANG, ,SBYANGS PA YANG DAG SDOM BSTEN DANG, ,BSLAB PA YONGS SU MI GTONG DANG, ,'DOD PA RNAMS LA SMOD PA DANG, ,MYA NGAN 'DAS DANG BDOG KUN GTONG, ,MI ZHUM PA DANG LTA BA MED, ,'DRIS DANG KHYIM LA 'KHREN PA DANG, ,'DU 'DZIR GYUR PA'I GNAS DANG NI, ,BDAG BSTOD GZHAN LA BRNYAS PA DANG, ,MI DGE'I LAS KYI LAM BCU DANG, ,RLOM PAS KHENGS DANG PHYIN CI LOG, ,BLO NGAN DANG NI NYON MONGS BZOD, ,BCU PO 'DI NI RNAM SPANGS NA, ,SA LNGA PA NI YANG DAG 'THOB, ,SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB RAB RDZOGS PAS, ,SLOB MA DANG NI BAS RU LA, ,DGA' DANG SKRAG PA'I SEMS SPANGS PA, ,BSLANGS NA MI ZHUM BDOG PA KUN, , BTANG YANG MI DGA' MED PA DANG, ,DBUL YANG SLONG BA MI SPOD BAS, ,SA NI DRUG PA YANG DAG 'THOB, ,BDAG DANG SEMS CAN 'DZIN PA DANG, ,SROG DANG GANG ZAG CHAD RTAG DANG, ,MTSAN MA RGYU DANG PHUNG PO DANG, ,KHAMS DANG SKYE MCHED DAG DANG NI, ,KHAMS GSUM PO LA GNAS DANG CHAGS, ,SEMS NI KUN TU ZHUM PA DANG, ,DKON MCHOG GSUM DANG TSUL KHRIMS LA, ,DER LTA BA YI MNGON ZHEN DANG, ,STONG PA NYID LA RTZOD PA DANG, ,DE DANG 'GAL BA'I NYES PA NI, ,NYI SHU GANG LA RNAM CHAD PA, ,DE YIS SA NI BDUN PA 'THOB, ,RNAM THAR SGO @4B GSUM SHES PA DANG, ,'KHOR GSUM RNAM PAR DAG NYID DANG, ,SNYING RJE DANG NI RLOM MED DANG, ,CHOS MNYAM NYID DANG TSUL GCIG SHES, ,MI SKYE BA DANG BZOD SHES DANG, ,CHOS RNAMS PA GCIG TU STON, ,RTOG PA KUN TU 'JOMS PA DANG, ,'DU SHES LTA DANG NYON MONGS SPONG; ,ZHI GNAS NGES PAR SEMS PA DANG, ,LHAG MTHONG LA NI MKHAS PA DANG, ,SEMS DUL BA DANG THAMS CAD LA, ,THOGS PA MED PA'I YE SHES DANG, ,CHAGS PA'I SA MIN GAR 'DOD PAR, ,ZHING GZHAN DU NI MNYAM 'GRO DANG, ,KUN TU BDAG GI NGO BO NI, ,STON PA NYID DANG NYI SHU'O, ,SEMS CAN KUN YID SHES PA DANG, ,MNGON PAR SHES PAS BRTZE BA DANG, ,SANGS RGYAS ZHING BZANG SGRUB PA DANG, ,YONGS SU BRTAG PHYIR SANGS RGYAS BRTEN, ,DBANG PO SHES DANG RGYAL BA YI, ,ZHING SBYONG SGYU MA LTAR GNAS DANG, ,BSAMS BZHIN SRID PA LEN PA DANG, ,LAS NI RNAM PA 'DI BRGYAD BSHAD, ,SMON LAM DAG NI MTHA' YAS DANG, ,LHA LA SOGS PA'I SKAD SHES DANG, ,SPOBS PA CHU BO LTA BU DANG, ,MNGAL DU 'JUG PA MCHOG DANG NI, ,RIGS DANG RUS DANG CHO 'BRANG DANG, ,'KHOR DANG SKYE BA DAG DANG NI, ,NGES 'BYUNG BYANG CHUB SHING RNAMS DANG, ,YON TAN BUN SUM TSOGS PA YIN, ,SA DGU 'DAS NAS YE SHES NI, ,GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,MTHONG DANG SGOM PA'I LAM DAG LA, ,GZUNG DANG 'DZIN PA'I RNAM RTOG RNAMS, ,NYE BAR ZHI BAR BYA BA'I PHYIR, ,GNYER PO RNAM PA BRGYAD CES BYA, ,CHED DU BYA DANG MNYAM NYID DANG, ,SEMS CAN DON DANG 'BAD MED DANG, ,MTHA' LAS 'DAS PAR NGES 'BYUNG DANG, ,THOB PA'I MTSAN NYID NGES 'BYUNG DANG, ,RNAM PA THAMS CAD MKHYEN NYID DANG, ,LAM GYI YUL CAN NGES 'BYUNG STE, ,RNAM PA BRGYAD KYI BDAG NYID 'DI, ,NGES 'BYUNG SGRUB PA YIN ZHES BYA, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, ,SKABS DANG @5A *, ,PO'O,, ,,LHA RNAMS RUNG BAR BYA BA'I PHYIR, ,'OD KYIS MGO MOG PAR MDZAD DANG, ,YUL NGES PA DANG KHYAB PA DANG, ,RANG BZHIN DANG NI DE YI LAS, ,LAM SHES NYID KYI TSUL LA NI, ,'PHAGS PA'I BDEN PA BZHI DAG GI, ,RNAM PA MI DMIGS SGO NAS NI, ,NYAN THOS LAM 'DI SHES PAR BYA, ,'PHAGS PA NYAN THOS LAM LA NI, ,GZUGS LA SOGS PA STONG PA'I PHYIR, ,STONG PA NYID RNAMS DBYER MED PAS, ,DRO BA DE DAG MI DMIGS PAS, ,RTZE MOR GYUR PA DAG TU 'DOD, ,DE LA RTAG LA SOGS TSUL GYIS; ,GNAS PA BKAG PAS BZOD PA RNAMS, ,SA BCU DAG LAS BRTZAMS NAS NI, ,MI GNAS RGYAS PAR BSTAN PA YIS, ,CHOS KYI MCHOG TU 'GYUR BSHAD DE, ,CI PHYIR ZHE NA SANGS RGYAS KYIS, ,MKHYEN NAS CHOS RNAMS MA GZIGS PHYIR, ,RANG BYUNG BDAG NYID RTOGS PA'I PHYIR, ,GZHAN GYIS BSTAN YANG MI DGOS LA, ,BSE RU LTA BU'I YE SHES NI, ,ZAB PA NYID DU MNGON PAR BRJOD, ,GANG GANG DON NI GANG GANG LA, ,JI LTAR JI LTAR NYAN 'DOD PA, ,DE DE LA DON DANG DE, ,SGRA MED KYANG DE DE LTAR SNANG, ,GZUNG DON RTOG PA SPONG PHYIR DANG, , 'DZIN PA MI SPONG PHYIR DANG NI, ,RTEN GYIS BSE RU LTA BU'I LAM, ,YANG DAG BSDUS PAR SHES PAR BYA, ,BTAGS PA'I CHOS NYID MI 'GAL BAR, ,STON PA'I RNAM PA DROR GYUR PA, ,RTZE MOR GYUR PA GZUGS LA SOGS, ,'GRIB PA MED LA SOGS PAS PHYE, ,NANG STONG NYID LA SOGS PA YIS, ,GZUGS SOGS MI 'DZIN PHYIR BZOD PA, ,GZUGS SOGS SKYE BA MED SOGS KYI, ,RNAM PA CAN NI CHOS KYI MCHOG ,BDEN DANG BDEN NA LA BZOD PA DANG, ,SHES PA'I SKAD CIG RNAM BZHI YIS, ,LAM SHES NYID LA MTHONG BA'I LAM, ,PHAN YON BCAS PA 'DI BSHAD DO, ,DE BZHIN NYID DANG SANGS RGYAS DAG ,PHAN TSUN RTEN PA RTEN MED PHYIR, ,RNAM GRANGS KHAS MI LEN PA DANG, ,CHEN PO TSAD MA MED BCAS DANG, ,TSAD MED PA DANG MTHA' MED DANG, ,DER GNAS GZUGS LA SOGS PA LA, ,SANGS RGYAS NYID DU NGES 'DZIN DANG,, @5B BLANG MED DOR BA MED SOGS DANG, ,BYAMS LA SOGS PA STONG NYID DANG, ,SANGS RGYAS NYID NI 'THOB PA DANG, ,RNAM PAR BYANG KUN YONGS BSDUS DANG, ,NYAM NGA BA DANG NAD KUN SEL, ,MYANG 'DAS 'DZIN ZHI NYID DANG, ,SANGS RGYAS RNAMS KYIS BSRUNG LA SOGS, ,SROG MI GCOD PA LA SOGS PA, ,RNAM PA KUN MKHYEN TSUL LA NI, ,BDAG NYID GNAS TE SEMS CAN DAG ,'GOD DANG SPYIN PA LA SOGS PA, ,RDZOGS PA'I BYANG CHUB TU BSNGO BA, ,LAM SHES NYID KYI SKAD CIG MA, ,KUN NAS ZHI DANG THAMS CAD LA, ,BDUD DANG NYON MONGS LAS RGYAL DANG, , GNOD PAS BRDZI BA MED NYID DANG, ,BYANG CHUB DANG NI RTEN MCHOD NYID, ,MOS PA RANG GI DON DANG NI, ,RANG GZHAN DON DANG GZHAN DON DANG, ,RNAM GSUM SHES BYA DE YANG NI, ,CHUNG DANG 'BRING DANG CHEN PO STE, ,SO SOR RNAM PA GSUM DU 'DOD, ,CHUNG DU'I CHUNG SOGS DBYE BA YIS, ,DE YANG RNAM GSUM DE LTAR NA, ,RNAM PA NYI SHU BDUN DU 'DOD, ,SHES RAB PHA ROL PHYIN PA LA, ,MOS PA'I GNAS SKABS RNAMS LA NI, ,DGU TSAN GSUM GYIS BSTOD PA DANG, ,BKUR BA DANG NI BSNGAGS PAR 'DOD, ,YONGS SU BSNGO BA KHYAD PAR CAN, ,DE YI BYED PA MCHOG YIN NO, ,DE NI DMIGS MED RNAM PA CAN, ,PHYIN CI MA LOG MTSAN NYID DO, ,BDEN DANG SANGS RGYAS BSOD NAMS TSOGS, ,RANG BZHIN DRAN PA'I SPYOD YUL CAN, ,THABS BCAS MTSAN MA MED PA DANG, ,SANGS RGYAS RJES SU YI RANG DANG, ,KHAMS GSUM RTOGS PA MA YIN DANG; ,CHUNG DANG 'BRING DANG CHEN PO YI, ,BSNGO BA GZHAN NI RNAM GSUM PO, ,BSOD NAMS CHE 'BYUNG BDAG NYID DO, ,THABS DANG MI DMIGS PA DAG GIS, ,DGE BA'I RTZA LA YI RANG BA, ,RJES SU YI RANG YID BYED PA, ,BSGOM PA YIN PAR 'DIR BRJOD DO, ,DE YI NGO BO NYID MCHOG NYID, ,KUN LA MNGON PAR 'DU MI BYED, ,CHOS RNAMS DMIGS SU MED PAR NI, ,GTOD PAR BYED PA DON CHEN NYID, ,SANGS RGYAS BSTEN DANG SPYIN SOGS DANG, ,THABS LA MKHAS PA GANG YIN PA, ,'DI LA MOS PA'I RGYU DAG YIN, ,CHOS KYIS PHONGS PA'I RGYU @6A *, ,DAG NI, ,BDUD KYI THIBS KYIS NON PA DANG, ,THAB MO'I CHOS LA MA MOS DANG, ,PHUNG PO LA SOGS MNGON ZHEN DANG, ,SDIG PA'I GROGS POS YONGS ZIN PA'O, ,'BRAS BU DAG PA GZUGS LA SOGS, ,DAG PA NYID DE GANG GI PHYIR, ,DE GNYIS THA DAD MA YIN ZHING, ,BCAD DU MED PAS DAG PAR BRJOD, ,NYON MONGS SHES BYA LAM GSUM GYI, ,NYAMS PHYIR SLOB MA BSE RU DANG, ,RGYAL SRAS RNAMS KYI DAG PA STE, ,SANGS RGYAS RNAM KUN NA SHIN TU BA, ,SA DGU LA NI CHEN PO YI, ,CHEN PO LA SOGS DRI MA YI, ,GNYEN PO CHUNG DU'I CHUNG DU LA, ,SOGS PA'I LAM NI DAG PA YIN, ,DE LA KLAN KA SPANGS PA YIS, ,LAM NI 'JAL DANG GZHAL BYA DAG ,MNYAM PA NYID KYIS KHAMS GSUM GYI, ,GNYEN PO NYID DU 'DOD PA YIN, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS GNYIS PA'O,, ,,TSU ROL PHA ROL MTHA' LA MIN, ,DE DAG BAR NA MI GNAS PA, ,DUS RNAMS MNYAM PA NYID SHES PHYIR, ,SHES RAB PHA ROL PHYIN PAR 'DOD, ,DE NI MTSAN MAR DMIGS SGO NAS, ,THABS MA YIN PAS RING BA STE, ,DE NI THABS LA MKHAS PA YIS, ,YANG DAG NYE BA NYID DU BSHAD, ,GZUGS SOGS PHUNG PO STONG NYID DANG, ,DUS GSUM RTOGS PA'I CHOS RNAMS DANG, ,SBYIN SOGS BYANG CHUB PHYOGS RNAMS LA, ,SPYOD PA'I 'DU SHES MI MTHUN PHYOGS, ,SBYIN LA SOGS LA NGAR 'DZIN MED, ,GZHAN DAG DE LA 'DZUD BYED PA, ,DE NI CHAGS PA'I MTHA' 'GOG PAS, ,RGYAL LA SOGS LA CHAGS PA PHRA, ,CHOS KYI LAM NI RANG BZHIN GYIS, ,DBEN PA'I PHYIR NA DE ZAB NYID, ,CHOS RNAMS RANG BZHIN GCIG PAR NI, ,SHES PAS CHAGS PA SBONG BA YIN,, MTHONG BA LA SOGS BKAG PA YIS, ,DE NI RTOGS PAR DKA' BAR BSHAD, ,GZUGS LA SOGS PAR MI SHES PHYIR, ,DE NI BSAM MI KHYAB PAR 'DOD, ,DE LTAR KUN SHES NYID LUGS LA, ,MI MTHUN GNYEN PO'I PHYOGS DAG GI ,RNAM PAR DBYE BA MA LUS PA, ,JI SKAD BSHAD PA 'DIR @6B SHES BYA, ,GZUGS SOGS DE MI RTAG SOGS DANG, ,DE MA RDZOGS DANG RAB RDZOGS DANG, ,DE LA CHAGS PA MED NYID LA, ,SPYOD PA BKAG PA'I SBYOR BA DANG, ,MI 'GYUR BYED PO MED NYID DANG, ,BYA DKA' RNAM GSUM SBYOR BA DANG, ,SKAL BA JI BZHIN 'BRAS THOB PAS, ,'BRAS YOD 'DOD PA DE DANG NI, ,GZHAN LA RAG LAS MED GANG DANG, ,SNANG BA RNAM BDUN SHES BYED DO, ,GZUGS LA SOGS LA RLOM MED PA, ,RNAM BZHI DE YI MNYAM PA NYID, ,SDUG BSNGAL LA SOGS BDEN PA LA, ,CHOS SHES RJES SU SHES PA DANG, ,BZOD SHES SKAD CIG BDAG NYID 'DI, , KUN SHES TSUL LA MTHONG BA'I LAM, ,GZUGS RTAG MA YIN MI RTAG MIN, ,MTHA' LAS 'DAS DANG RNAM DAG DANG, ,MA SKYES MA 'GAGS LA SOGS DANG, ,MKHA' 'DRA CHAGS PA SPANGS PA DANG, ,YONGS SU 'DZIN LAS GROL BA DANG, ,NGO BO NYID KYIS BRJOD MED DANG, , GANG PHYIR 'DI DON BRJOD PA YIS, ,GZHAN LA SBYIN DU MED PA DANG, ,DMIGS PA MED PAR BYED PA DANG, ,SHIN TU RNAM DAG NAD MI 'BYUNG, ,NGAN SONG CHAD DANG 'BRAS BU NI, ,MNGON DU BYA LA MI RTOG NYID, ,MTSAN MA DAG DANG MA 'BREL DANG, ,DNGOS DANG MING DANG GNYIS PO LA; ,SHES PA SKYE BA MED PA NI, ,KUN SHES NYID KYI SKAD CIG MA, ,DE LTAR 'DI DANG YANG 'DI DANG, ,YANG 'DI YIN TE RNAM GSUM PO, ,'DI NI GNAS SKABS GSUM PO DAG ,RDZOGS PAR YONGS SU BSTAN PA YIN, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS GSUM PA'O,, ,,GZHI SHES PA YI BYE BRAG RNAMS, ,RNAM PA ZHES BYA MTSAN NYID DE, ,KUN MKHYEN NYID NI RNAM GSUM PHYIR, ,DE NI RNAM PA GSUM DU 'DOD, ,MED PA'I RNAM PA NAS BZUNG STE, ,MI G-YO BA YI RNAM PA'I BAR, ,BDEN PA SO SO LA BZHI DANG, ,LAM LA DE NI BCO LNGAR BSHAD, ,RGYU DANG LAM DANG SDUG BSNGAL DANG, ,'GOG PA LA NI GO RIMS BZHIN, ,DE DAG BRGYAD DANG BDUN DANG NI, ,LNGA DANG BCU DRUG CES BSGRAGS SO, , @7A *, ,DRAN PA NYER GZHAG NAS BZUNG STE, ,SANGS RGYAS RNAM PA'I MTHAR THUG RNAMS, ,LAM GYI BDEN PA'I RJES MTHUN PAR, ,KUN MKHYEN GSUM DU PHYE BAS NA, ,SLOB MA BYANG CHUB SEMS DPA' DANG, ,SANGS RGYAS RNAMS LA RIM BZHIN DU, ,SUM CU BDUN DANG SUM CU BZHI, ,SUM CU RTZA DGU DAG TU BZHED, ,SANGS RGYAS RNAMS LA LHAG PAR BYAS, ,DE LA DGE BA'I RTZA BA BSKRUN, ,DGE BA'I BSHES KYI MGON BCAS PA, ,'DI MNYAN PA YI SNOD YIN NO, ,SANGS RGYAS BSTAN DANG KUN 'DRI DANG, ,SBYIN DANG TSUL KHRIMS SOGS SPYOD PAS, ,LEN DANG 'DZIN LA SOGS PA YI, ,SNOD DU DAM PA RNAMS BZHED DO, ,GZUGS LA SOGS LA MI GNAS PHYIR, ,DE LA SBYOR BA BKAG PA'I PHYIR, ,DE YI DE BZHIN NYID ZAB PHYIR, ,DE RNAMS GTING DPAG DKA' BA'I PHYIR, ,DE DAG TSAD NI MED PHYIR DANG, ,TSEGS CHEN YUN RING RTOGS PA'I PHYIR, ,LUNG BSTAN PHYIR MI LDOG NYID DANG, ,NGES 'BYUNG BAR CHAD MED BCAS DANG, ,BYANG CHUB NYE DANG MYUR BA DANG, ,GZHAN DON 'PHEL MED 'GRIB MED PHYIR, ,CHOS DANG CHOS MIN SOGS MI MTHONG, ,GZUGS SOGS BSAM MI KHYAB MI MTHONG, ,GZUGS SOGS DE YI MTSAN MA DANG, ,DE YI NGO BOR RNAM MI RTOG ,'BRAS BU RIN CHEN SBYIN BYED DANG, ,DE NI DAG PA MTSAMS DANG BCAS, ,BDUD KYI MTHU BCOM LA SOGS PA, ,YON TAN RNAM PA BCU BZHI'O, ,SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,GANG GI MTSON TE MTSAN NYID DU, ,SHES BYA DE YANG RNAM PA GSUM, ,SHES PA KHYAD PAR BYED PA STE, ,NGO BO NYID GANG MTSON BYA YANG, ,DE BZHIN GSHEGS PA 'BYUNG BA DANG, ,'JIG RTEN 'JIG MED BDAG NYID DANG, ,SEMS CAN SEMS KYI SPYOD PA DANG, ,DE BSDUS PA DANG PHYIR LTAS DANG, ,MI BZAD PA YI RNAM PA DANG, ,CHAGS BCAS SOGS DANG RGYA CHEN DANG, ,CHEN POR GYUR DANG TSAD MED DANG, ,RNAM SHES BSTAN DU MED PA DANG, ,SEMS BLTAR MED DANG SHES PA DE, , @7B G-YO BA LA SOGS SHES BYA DANG, ,DE LAS GZHAN YANG DE DAG NI, ,DE BZHIN NYID KYI RNAM PAR SHES, ,THUB PAS DE BZHIN NYID RTOGS TE, ,GZHAN LA BSTAN PA ZHES BYA 'DI, ,THAMS CAD SHES PA NYID SKABS KYI, ,SHES PA'I MTSAN NYID BSDUS PA YIN, ,STONG NYID MTSAN MED BCAS PA DANG, ,SMON PA RNAM PAR SPANGS PA DANG, ,SKYE MED 'GAG PA MED SOGS DANG, ,CHOS NYID RNAM PAR 'KHRUG MED DANG, ,'DU MI BYED DANG RNAM MI RTOG ,RAB DBYE MTSAN NYID MED NYID LA, ,LAM SHES NYID KYI SKABS KYIS NI, ,SHES PA'I MTSAN NYID YIN PAR BZHED, , DE NI NYID KYI CHOS BSTEN NAS, ,GNAS DANG GUS PAR BYA BA DANG, ,BLA MA NYID DANG MNYES PA DANG, ,DE LA MCHOD DANG BYED MED DANG, ,KUN TU 'JUG MKHYEN GANG YIN DANG, ,MA MTHONG STON PAR MDZAD PA DANG, ,'JIG RTEN STONG NYID RNAM PA DANG, ,BRJOD DANG SHES MDZAD MNGON SUM MDZAD, ,BSAM MI KHYAB DANG ZHI NYID STON, ,'JIG RTEN 'DU SHES 'GOG PA LA, ,RNAM PA KUN MKHYEN TSUL LA NI, ,SHES PA'I MTSAN NYID CES BSHAD DO, ,BSAM MI KHYAB SOGS KHYAD PAR GYIS, ,KHYAD ZHUGS BDEN PA'I SPYOD YUL CAN, ,SKAD CIG MA NI BCU DRUG GIS; ,KHYAD PAR MTSAN NYID BSHAD PA YIN, ,BSAM MI KHYAB DANG MI MNYAM DANG, ,GZHAL DANG BGRANG LAS YANG DAG 'DAS, ,'PHAGS PA KUN BSDUS MKHAS PA YIS, ,RIG BYA THUN MONG MIN SHES NYID, ,SHES MYUR BRI DANG GANG MED DANG, ,SGRUB DANG YANG DAG 'GRUB PA DANG, ,DMIGS PA BRTAN DANG BCAS PA DANG, ,MTHA' DAG PA DANG YONGS 'DZIN DANG, ,RO MYANG MED DANG KHYAD PAR NI, ,BCU DRUG BDAG NYID CES BYA STE, ,GANG GIS LAM NI GZHAN DAG LAS, ,KHYAD DU 'PHAGS PAS KHYAD PAR LAM, ,PHAN DANG BDE DANG SKYOB PA DANG; ,MI RNAMS KYI NI SKYABS DAG DANG, ,GNAS DANG DPUNG GNYEN GLING DANG NI, ,YONGS 'DREN PA ZHES BYA BA DANG, ,LHUN GYIS GRUB DANG THEG GSUM GYIS, ,'BRAS BU MNGON SUM MI BYED DAG ,THA MA RTEN GYI MDZAD PA STE, ,'DI NI BYED PA'I MTSAN NYID YIN, ,NYON @8A *, ,MONGS RTAGS DANG MTSAN MA DANG, ,MI MTHUN PHYOGS DANG GNYEN PO DAG ,DBEN DANG DKA' DANG NGES PA DANG, ,CHED DU BYA DANG MI DMIGS DANG, ,MNGON PAR ZHEN PA BKAG PA DANG, ,DMIGS PA ZHES BYA GANG YIN DANG, ,MI MTHUN THOGS PA MED DANG DE, , GZHI MED 'GRO MED SKYE MED DANG, ,DE BZHIN NYID NI MI DMIGS DANG, ,NGO BO NYID BCU DRUG BDAG NYID, ,MTSON BYA LTA BUR MTSON PAS NA, ,MTSAN NYID BZHI PAR BZHED PA YIN, ,MTSAN MED RAB TU SBYIN LA SOGS, ,YANG DAG SGRUB LA MKHAS PA NI, ,RNAM PA THAMS CAD RTOGS 'DI LA, ,THAR PA'I CHA DANG MTHUN PAR 'DOD, ,SANGS RGYAS SOGS DMIGS DAD PA DANG, ,SBYIN SOGS SPYOD YUL BRTZON 'GRUS DANG, ,BSAM PA PHUN TSOGS DRAN PA DANG, ,RNAM PAR MI RTOG TING 'DZIN DANG, ,CHOS RNAMS RNAM PA THAMS CAD DU, ,SHES PA'I SHES RAB DANG RNAM LNGA, ,RDZOGS PA'I BYANG CHUB RNON PO YIS, ,RTOGS SLA RTUL POS RTOGS DKAR BZHED, ,DRO BA RNAMS KYI DMIGS PA 'DIR, ,SEMS CAN THAMS CAD YIN PAR BSNGAGS, ,DE DAG NYID LA SEMS MNYAM SOGS, ,RNAM PA DAG NI BCUR BSHAD DO, ,BDAG NYID SDIG PA LAS LDOG CING, ,SBYIN LA SOGS LA GNAS PAS GZHAN, ,DE DAG LA NI 'GOD PA DANG, ,BSNGAGS PA BRJOD DANG MTHUN PA NYID, ,RTZER GYUR DE BZHIN BZOD PA NI, ,RANG GZHAN RTEN CAN BDEN SHES PA, ,CHOS MCHOG DE BZHIN SEMS CAN RNAMS, ,SMIN BYED SOGS KYIS SHES PAR BYA, ,NGES 'BYED YAN LAG NAS BZUNG STE, ,MTHONG DANG SGOM PA'I LAM DAG LA, ,BYANG CHUB SEMS DPA' GANG DAG GNAS, ,DE 'DIR MI LDOG PA YI TSOGS, ,GZUGS LA SOGS LAS LDOG SOGS RTAGS, ,RNAM PA NYI SHUR BRJOD PA YIS, ,NGES 'BYED YAN LAG LA GNAS PA'I, ,PHYIR MI LDOG PA'I MTSAN NYID 'DI, ,GZUGS LA SOGS LAS LDOG PA DANG, ,ZE CHOM MI NGAL ZAD PA DANG, ,BDAG NYID DGE BA LA GNAS SHING, ,GZHAN DAG NGE LA 'GOD PA DANG, ,GZHAN GYI RTEN CAN SBYIN SOGS DANG, ,ZAB MO'I @8B DON LA 'ANG SOM NYI MED, ,BYAMS LUS SOGS DANG SGRIB PA NI, ,RNAM PA LNGA DANG MI 'GROGS DANG, ,BAG LA NYAL KUN 'JOMS PA DANG, ,DRAN PA DANG NI SHES BZHIN DANG, ,GOS LA SOGS PA GTZANG BA DANG, ,LUS LA SRIN BU RNAMS MI 'BYUNG, ,GYA GYU MED SEMS SBYANGS PA NI, ,LEN DANG SER SNA MED SOGS DANG, ,CHOS NYID LDAN PAR 'GRO NYID DANG, ,SEMS CAN DON DU DMYAL TSOL DANG, ,GZHAN GYIS BKRI BAR MI BTUB DANG, ,LAM GZHAN NYE BAR STON BDUD LA, ,BDUD CES BYA BAR RTOGS PA DANG, ,SANGS RGYAS DGYES PA'I SPYOD PA STE, ,RTAGS NI NYI SHU DE DAG GIS, ,DROD DANG RTZE MO BZOD BCAS DANG, ,CHOS MCHOG RNAMS LA GNAS PA NI, ,RDZOGS PA'I BYANG CHUB LAS MI LDOG ,MTHONG BA'I LAM LA BZOD PA DANG, ,SHES PA'I SKAD CIG BCU DRUG NI, ,BYANG CHUB SEMS DPA' ME LDOG PA'I, ,MTSAN NYID YIN PAR SHES PAR BYA, ,GZUGS SOGS 'DU SHES LDOG PA DANG, ,SEMS BRTEN THEG PA DMAN DAG LAS, ,RNAM LOG BSAM GTAN LA SOGS PA'I, ,YAN LAG YONGS SU ZAD PA DANG, ,LUS SEMS YANG BA NYID DANG NI, ,'DOD LA SPYOD LA THABS MKHAS DANG, ,RTAG TU TSANGS PAR SPYOD NYID DANG, ,'TSO BA RNAM PAR DAG NYID DANG, ,PHUNG SOGS PAR CHAD BYED RNAMS DANG, ,TSOGS DANG DBANG SOGS BCAS PA YI, ,G-YUL 'GYED SER SNA LA SOGS LA, ,SBYOR DANG RJES SU SBYOR BA YI, ,GNAS PA SO SOR BKAG PA DANG, ,CHOS NI RDUL TZAM MI DMIGS NYID, ,RANG GI SAL NGES PA NYID, ,SA GSUM LA NI GNAS PA DANG, ,CHOS KYI DON DU SROG GTONG BA, ,DE 'DRA'I SKAD CIG BCU DRUG NI, ,BLO LDAN MTHONG BA'I LAM GNAS PA'I, ,PHYIR MI LDOG PA'I RTAGS DAG YIN, , SGOM PA'I LAM NI ZAB PA STE, ,ZAB MO STONG PA NYID LA SOGS, ,ZAB PA DE NI SGRO 'DOGS DANG, ,SKUR PA'I MTHA' LAS GROL BA NYID, ,NGES 'BYED YAN LAG DANG MTHONG BA'I, ,LAM DANG SGOM PA'I LAM NYID LA, ,YANG DANG YANG DU SEMS PA DANG, ,'JAL DANG @9A *, ,NGES RTOG SGOM PA'I LAM, ,DE NI RGYUN CHAGS YIN PA'I PHYIR, ,CHUNG DANG 'BRING DANG CHEN PO RNAMS, ,CHUNG DU'I CHUNG SOGS DBYE BA YIS, ,RNAM PAS RNAM PA DGUR BZHED DO, ,GRANGS MED LA SOGS BSTAN PA RNAMS, ,DAM PA'I DON DU BZOD MA YIN, , KUN RDZOB TU NI THUGS BRTZE BAS, ,RGYU MTHUN DE DAG THUB PA BZHED, ,DNGOS PO BRJOD DU MED PA LA, ,NYAMS PA DANG NI 'PHEL MI RUNG, ,SGOM ZHES BYA BA'I LAM GYIS NI, ,CI ZHIG NYAMS SHING CI ZHIG 'THOB, ,BYANG CHUB JI LTA DE BZHIN DU, ,'DI NI 'DOD PA'I DON SGRUB BYED; ,BYANG CHUB DE BZHIN NYID MTSAN NYID, ,DE YANG DE YI MTSAN NYID BZHED, ,SEMS NI SNGA MAS BYANG CHUB PAR, ,RIGS MIN PHYI MAS KYANG NI MIN, ,MAR ME'I DPE YI TSUL GYIS NI, ,ZAB MO'I CHOS NYID RNAM PA BRGYAD, ,SKYE BA DANG NI 'GAG PA DANG, ,DE BZHIN NYID DANG SHES BYA DANG, ,SHES DANG SPYOD DANG GNYIS MED DANG, ,THABS MKHAS PA LA ZAB PA NYID, ,CHOS RNAMS RMI LAM 'DRA BA'I PHYIR, ,SRID DANG ZHI BAR MI RTOG PA, ,LAS MED LA SOGS KLAN KA YI, ,LAN NI JI SKAD BSHAD PAR ZAD, ,SEMS CAN 'JIG RTEN DE BZHIN DU, ,SNOD KYI 'JIG RTEN MA DAG PA, ,DE LA DAG PAR SGRUB PA YIS, ,SANGS RGYAS ZHING NI DAG PA NYID, ,YUL DANG SBYOR BA CAN 'DI NI, ,DGRA RNAMS LAS NI 'DAS PA DANG, ,MI SHES JI BZHIN SHUGS DANG NI, , THUN MONG MA YIN MTSAN NYID DANG, ,MA CHAGS PA DANG MI DMIGS DANG, ,MTSAN MA SMON LAM ZAD PA DANG, ,DE YI RTAGS DANG TSAD MED PA, ,THABS LA MKHAS PA RNAM PA BCU, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS BZHI PA'O,, ,, RMI LAM NA YANG CHOS RNAMS KUN, ,RMI LAM LTA BUR LTA LA SOGS, ,RTZE MOR PHYIN PAR SBYOR BA'I RTAGS, ,RNAM PA BCU GNYIS DAG TU BZHED, ,'DZAM BU'I GLING GI SKYE BO RNYED, ,SANGS RGYAS MCHOD PA'I DGE LA SOGS, ,RNAM MANG DU NI DPER MDZAD NAS, ,RNAM 'PHEL BCU @9B DRUG BDAG NYID DO, ,KUN MKHYEN NYID GSUM CHOS RNAMS KYI, ,YONGS SU RDZOGS PA BLA MED PA, ,SEMS CAN DON YONGS MI GTONG BA, ,BSTAN PA ZHES NI MNGON PAR BRJOD, ,GLING BZHI PA DANG STONG DAG DANG, ,STONG GNYIS GSUM DAG DPER MDZAD NAS, ,BSOD NAMS MANG PO NYID KYIS NI, ,TING 'DZIN YONGS SU BSGRAGS PA YIN, ,'JUG PA DANG NI LDOG PA LA, ,GZUNG BA'I RNAM RTOG SO SOR DE, ,DGU YI BDAG NYID JI BZHIN YUL, ,MI NA PA'I BDAG NYID DAG SHES BYA, ,SO SO'I SKYE BO 'PHAGS DBYE BAS, ,SEMS CAN RDZAS DANG BTAGS YOD PAR, ,RNAM RTOG 'DZIN PA DAG TU 'DOD, ,DE DAG SO SOR DGU BDAG NYID, ,GAL TE GZUNG DON DE BZHIN MED, ,DE DAG GANG GI 'DZIN PAR 'DOD, ,DE LTAR DE DAG 'DZIN PA YI, ,NGO BOS STONG PA'I MTSAN NYID DO, ,NGO BO NYID DANG RIGS DANG NI, ,LAM NI YANG DAG 'GRUB PA DANG, ,SHES PA'I DMIGS PA MA 'KHRUL DANG, ,MI MTHUN PHYOGS DANG GNYEN PO DANG, ,RANG GIS RTOGS DANG BYED PA DANG, ,DE YI LAS BYA'I 'BRAS BUL, ,'JUG PA'I PHYOGS KYI RTEN CAN GYI, ,RNAM RTOG DE NI RNAM DGUR 'DOD, ,SRID DANG ZHI BAR LTUNG BA'I PHYIR, , RTOGS PA DMAN PA NYID DANG NI, ,YONGS SU 'DZIN PA MED PA DANG, ,LAM GYI RNAM PA MA TSANG DANG, ,GZHAN GYI RKYEN GYIS 'GRO BA DANG, ,CHED DU BYA BA LOG PA DANG, ,NYI TSE BA DANG SNA TSOGS NYID, ,GNAS DANG 'JUG LA RMONGS PA DANG, ,RJES LA 'GRO ZHES BYA BA LA, , RNAM RTOG DGU YI BDAG NYID 'DI, ,LDOG PA'I PHYOGS KYI RTEN CAN TE, ,NYAN THOS LA SOGS YID LA 'BYUNG, ,'DZIN PA DANG NI 'DOR BA DANG, ,YID LA BYED DANG KHAMS RNAMS NI, ,GSUM PO DAG DANG NYE 'BREL DANG, ,GNAS DANG MNGON PAR ZHEN PA DANG, ,CHOS KYI DNGOS PO BRTAGS PA DANG, ,CHAGS PA DANG NI GNYEN PO DANG, ,JI LTAR 'DOD BZHIN 'GRO NYAMS LA, ,'DZIN PA DANG POR SHES PAR BYA, ,CHED BZHIN NGES PAR MI 'BYUNG DANG, ,LAM LA LAM MIN NGES 'DZIN DANG, ,'GAG DANG BCAS PA'I SKYE BA DANG, ,DNGOS @10A *, ,PO LDAN DANG MI LDAN DANG, ,GNAS DANG RIGS NI 'DZIN PA DANG, ,DON DU GNYER DANG RGYU MED DANG, ,PHYIR RGAL BA NI DMIGS PA LA, ,'DZIN PA'I RNAM RTOG GZHAN YIN NO, ,BYANG CHUB LA GZHAN STON PA DANG, ,DE YI RGYU NI YONGS GTOD DANG, ,DE THOB PAR CHAD MED PA'I RGYU, ,BSOD NAMS MANG PO'I MTSAN NYID DO, ,DRI MA ZAD DANG MI SKYE BA'I, ,YE SHES BYANG CHUB CES BRJOD DO, ,ZAD MED SKYE MED PHYIR DE DAG ,GO RIMS BZHIN DU SHES PAR BYA, ,'GOG PA MED PA'I RANG BZHIN LA, ,MTHONG ZHES BYA BA'I LAM GYIS NI,, RNAM PAR RTOG RIGS CI ZHIG ZAD, ,SKYE MED RNAM PA CI ZHIG 'THOB, ,GZHAN GYIS CHOS RNAMS KYANG YOD LA, ,SHES BYA LA YANG STON PA YI, ,SGRIB PA ZAD PAR BRJOD PA GANG, ,DE LA KHO BOS MTSAR DU BRTZIS, ,'DI LAS BSAL BYA CI YANG MED, ,GZHAG PAR BYA BA CUNG ZAD MED, ,YANG DAG NYID LA YANG DAG LTA, ,YANG DAG MTHONG NA RNAM PAR GROL, ,SBYIN PA LA SOGS RE RER NI, ,DE DAG PHAN TSUN BSDUS PA GANG, ,SKAD CIG GCIG PA'I BZOD PA YIS, ,BSDUS PA DE 'DIR MTHONG BA'I LAM, ,DE NAS SENG GE RNAM BSGYINGS PA'I, , TING NGE 'DZIN LA SNYOMS ZHUGS NAS, ,RTEN CING 'BREL 'BYUNG LUGS MTHUN DANG, ,LUGS MI MTHUN LA RTOG PAR BYED, ,'GOG DANG BCAS PA'I SNYOMS 'JUG DGUR, ,RNAM PA GNYIS SU SONG 'ONGS NAS, ,'DOD PAR GTOGS PA'I RNAM PAR SHES, ,MNYAM GZHAG MIN PA'I MTSAMS BZUNG STE, ,THOD RGAL DU NI SNYOMS 'JUG PA, ,GCIG DANG GNYIS GSUM BZHI DANG LNGA, ,DRUG DANG BDUN DANG BRGYAD RGAL NAS, ,'GOG PA'I BAR DU MI 'DRAR 'GRO, ,MDOR BSDUS RGYAS DANG SANGS RGYAS KYI, ,BSTANG BAS YONGS SU MA BZUNG DANG, ,DUS GSUM YON TAN MED PA DANG, ,LEGS PA'I LAM NI RNAM GSUM LA, ,BZUNG BA'I RNAM RTOG 'DI GCIG STE, ,SGYOR BA'I RNAM PA'I SPYOD YUL CAN, ,GNYIS PA SEMS DANG SEMS BYUNG RNAMS, ,'JUG PA'I YUL CAN YIN BZHED DE, ,SEMS @10B MI SKYE DANG BYANG CHUB KYI, ,SNYING PO YID LA MI BYED DANG, ,THEG PA DMAN PA YID BYED DANG, ,RDZOGS PA'I BYANG CHUB YID MI BYED, ,SGOM DANG SGOM PA MED PA DANG, ,DE DAG LAS NI BZLOG NYID DANG, ,JI BZHIN DON MIN RNAM RTOG PA, ,SGOM PA'I LAM LA SHES PAR BYA; ,SEMS CAN BTAGS PA'I SPYOD YUL DANG, ,CHOS BTAGS PA DANG STONG MIN NYID, ,CHAGS DANG RAB 'BYED BDAG NYID DANG, ,DNGOS POR BYED DANG THEG GSUM DANG, ,YON NI DAG PA MA YIN DANG, ,SPYOD PA RNAM PAR 'KHRUG PA LA, ,'DZIN PAR BYED PA DANG POR TE, ,SHES PAR BYA BA BSGRAGS PA YIN, ,SEMS CAN BTAGS DANG DE'I RGYU YI, ,YUL CAN DE YIS RNAM 'JOMS PAS, ,SGOM PA'I LAM DANG 'BREL PA YI, ,MI MTHUN PHYOGS GZHAN RNAM PA DGU, ,BDAG NYID JI BZHIN KUN MKHYEN NI, ,GSUM GYI SGRIB PA RNAM GSUM DANG, ,ZHI LAM DE BZHIN NYID SOGS DANG, ,MTSUNGS PAR LDAN DANG MI LDAN DANG, ,MI MNYAM SDUG BSNGAL LA SOGS DANG, ,NYON MONGS RNAMS KYI RANG BZHIN DANG, ,GNYIS SU MED DANG KUN RMONGS LA, ,RNAM PAR RTOG PA THA MAR BZHED, , YAMS NAD 'DI RNAMS ZAD NAS NI, ,YUN RING LON NAS DBUGS PHYIN LTAR, ,RNAM PA KUN TU 'GRO BA YI, ,BDE SGRUB YON TAN PHUN TSOGS KUN, ,RGYA MTSO CHE LA CHU BO BZHIN, ,'BRAS BU MCHOG GIS SBA BA YIS, ,SEMS DPA' CHEN PO DE LA NI, ,RNAM PA KUN DU RTEN PAR BYED, ,STONG GSUM SKYE BO NYAN THOS DANG, ,BSE RU'I RTOGS PA PHUN TSOGS DANG, ,BYANG CHUB SEMS DPA'I SKYON MED LA, ,BKOD PA'I DGE BA DPER MDZAD NAS, ,BSOD NAMS MANG PO NYID KYIS NI, ,SANGS RGYAS NYID KYI BAR MED DE, ,BAR CHAD MED PA'I TING NGE 'DZIN, ,DE NI RNAM PA KUN MKHYEN NYID, ,'DI YI DMIGS PA DNGOS MED DE, ,BDAG PO DRAN PA YIN PAR BZHED, ,RNAM PA ZHI NYID 'DI LA NI, ,RAB TU SMRA RNAMS BRGYUD PAR RGOL, ,DMIGS PA 'THAD DANG DE YI NI, ,NGO BO NYID NGES BZUNG BA @11A *, ,DANG, ,RNAM KUN MKHYEN NYID YE SHES DANG, ,DAM PA'I DON DANG KUN RDZOB DANG, ,SBYOR DANG DKON MCHOG GSUM PO DANG, ,THABS BCAS THUB PA'I RTOGS PA DANG, ,PHYIN CI LOG NI LAM BCAS DANG, ,GNYEN PO MI MTHUN PHYOGS DAG DANG, ,MTSAN NYID DANG NI SGOM PA LA, ,SMRA BA RNAMS KYIS LOG RTOG PA, ,RNAM PA KUN MKHYEN NYID RTEN CAN, ,RNAM PA BCU DRUG DAG TU BZHED, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS LNGA PA'O,, ,, SBYIN PA SHES RAB BAR DAG DANG, ,SANGS RGYAS LA SOGS DRAN DANG CHOS, ,DNGOS MED NGO BO NYID KYIS DE, ,MTHAR GYIS PA YI BYA BAR BZHED, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS DRUG PA'O,, ,,SBYIN PA LA SOGS RE RES KYANG, ,ZAG MAD CHOS KUN BSDUS PA'I PHYIR, ,THUB PA'I SKAD CIG GCIG PA YIS, ,RTOGS PA 'DI NI SHES PAR BYA, ,JI LTAR SKYES BUS ZO CHUN RGYUD, ,RDOG THABS GCIG GIS BSKYOD PA NA, ,THAMS CAD CIG CAR 'GUL BA LTAR, ,SKAD CIG GCIG SHES DE BZHIN NO, ,GANG TSE CHOS DKAR THAMS CAD KYI, ,RANG BZHIN SHES RAB PHA ROL PHYIN, ,RNAM SMIN CHOS NYID GNAS SKABS SKYES, ,DE TSE SKAD CIG GCIG YE SHES, ,SBYIN LA SOGS PA'I SPYOD PA YIS, , CHOS KUN RMI LAM 'DRAR GNAS NAS, ,CHOS RNAMS MTSAN NYID MED PA NYID, ,SKAD CIG MA NI GCIG GIS RTOGS, ,RMI LAM DANG NI DE MTHONG NYID, ,GNYIS KYI TSUL DU MI MTHONG LTAR, ,CHOS RNAMS GNYIS SU MED PA YI, ,DE NYID SKAD CIG GCIG GIS MTHONG,, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS BDUN PA'O,, ,,THUB PA'I NGO BO NYID SKU NI, ,ZAG PA MED PA'I CHOS GANG DAG ,THOB GYUR RNAM KUN RNAM DAG PA, ,DE DAG @11B RANG BZHIN MTSAN NYID CAN, ,BYANG CHUB PHYOGS MTHUN TSAD MED DANG, ,RNAM PAR THAR DANG MTHAR GYIS NI, ,SNYOMS 'JUG DGU YI BDAG NYID DANG, ,ZAD PAR BCU YI BDAG NYID DANG, ,ZIL GYIS GNON PA'I SKYA MCHED NI, ,RAB TU DBYE BAS RNAM BRGYAD DANG, , NYON MONGS MED DANG SMON MKHYEN DANG, ,MNGON SHES SO SO YANG DAG RIG ,RNAM PA THAMS CAD DAG BZHI DANG, ,DBANG BCU DANG NI STOBS BCU DANG, ,MI 'JIGS PA NI BZHI DAG DANG, ,BSRUNG BA MED PA RNAM GSUM DANG, ,DRAN PA NYER GZHAG RNAM GSUM DANG, ,BSNYEL BA MI MNGA'I CHOS NYID DANG, ,BAG CHAGS YANG DAG BCOM PA DANG, ,SKYE LA THUGS RJE CHEN PO DANG, ,THUB PA KHO NA'I MA 'DRES CHOS, ,BCO BRGYAD BSHAD PA GANG YIN DANG, ,RNAM PA THAMS CAD MKHYEN NYID DANG, ,CHOS KYI SKU ZHES BRJOD PA YIN, , NYAN THOS NYON MONGS MED PA'I LTA, ,NYAN THOS NYON MONGS YONGS SPONG NYID, ,GRONG SOGS SU DE'I NYON MONGS RNAMS, ,RGYUN GCOD RGYAL BA'I NYON MONGS MED, ,SANGS RGYAS SMON NAS MKHYEN PA NI, ,LHUN GYIS GRUB DANG CHAGS SPANGS DANG, ,THOGS PA MED DANG RTAG GNAS DANG, ,DRI BA KUN LAN 'DEBS PAR BZHED, ,RGYU NI YONGS SU SMIN GYUR NAS, ,GANG DANG GANG LA GANG DANG NI, ,GANG TSE BYA BA PHAN GYUR PA, ,DE DANG DE LA DE SNANG NGO, ,LHA YI RGYAL POS CHAR PHAB KYANG, ,SA BON MI RUNG MI 'KHRUNGS LTAR, ,SANGS RGYAS RNAMS NI BYUNG GYUR KYANG, ,SKAL BA MED PAS BZANG MI MYONG, ,DE LTAR MDZAD PA RGYA CHE'I PHYIR, ,SANGS RGYAS KHYAB PAR NGES PAR BRJOD, ,DE NYID ZAD PA MED PA'I PHYIR, ,RTAG PA ZHES KYANG BRJOD PA YIN, , MTSAN NI SUM CU RTZA GNYIS DANG, ,DPE BYAD BRGYAD CU'I BDAG NYID 'DI, ,THEG CHEN NYE BAR LONGS SPYOD PHYIR, ,THUB PA'I LONGS SPYOD RDZOGS SKUR BZHED, ,PHYAG ZHABS 'KHOR LO'I MTSAN DANG RUS SBAL ZHABS, ,PHYAG DANG ZHABS SOR DRA @12A *, ,BAS 'BREL PA DANG, ,PHYAG NI ZHABS BCAS 'JAM ZHING GZHON SHA CHAGS, ,'DI YI SKU NI BDUN DAG MTHO BA DANG, ,SOR MO RING DANG RTING YANGS SKU CHE DRANG, ,ZHABS 'BUR MI MNGON SPU NI GYEN DU PHYOGS, ,BYIN PA AE NA YA'I 'DRA PHYAG RID MDZES, ,MDOMS KYI SBA BA SBUBS SU NUB PA'I MCHOG ,PAGS PA GSER MDOG PAGS PA SRAB PA DANG, ,SBU NI RE RE NAS G-YAS LEGS 'KHRUNGS DANG, ,ZHAL MDZOD SBUS BRGYAN RO STOD SENG GE 'DRA, ,'DI YI DPUNG PA'I MGO ZLUM THAL GONG RGYAS, ,'DI LA RO MI ZHIM PA RO MCHOG SNANG, ,SKU NI NYA GRO DHA LTAR CHU ZHENG GAB, ,GTZUG TOR DBUR LDAN LJAGS RING MDZES PA DANG, ,TSANGS DBYANGS 'GRAM PA SENG GE'I 'DRA DANG TSEMS, ,SHIN TU DKAR DANG TSED [?] MNYAM THAGS BZANG DANG, ,GRANGS NI BZHI BCU THAMS PAR TSANG BA DANG, ,SPYAN NI MTHON MTHING SPYAN RDZI BA MCHOG GI ,'DRA BA 'DI DAG GSUM CU RTZA GNYIS MTSAN, ,'DI LA MTSAN NI GANG GANG GIS, ,SGRUB PAR BYED PA'I RGYU GANG YIN, ,DE DANG DE NI RAB RDZOGS PAS, ,MTSAN NI 'DI DAG YANG DAG 'GRUB, ,BLA MA SKYEL LA SOGS PA DANG, ,YANG DAG BLANGS PA BRTAN PA DANG, ,BSDU BA BSTEN DANG GYA NOM PA'I, ,DNGOS PO SBYIN DANG GSAD BYA BA, ,THAR BAR BYED DANG DGE BA NI, ,YANG DAG BLANGS PA SPEL LA SOGS, ,SGRUB BYED RGYU YI MTSAN NYID DE; ,MDO LAS JI SKAD 'BYUNG BA BZHIN, ,THUB PA'I SEN MO ZANG MDOG DANG, ,MDOG SNUM MTHO DANG SOR MO RNAMS, ,ZLUM RGYAS BYIN GYIS PHRA BA DANG, ,RTZA ME MNGON DANG MDUD PA MED, ,LONG BU MI MNGON ZHABS MNYAM DANG, ,SENG GE GLANG CHEN BYA DANG NI, ,KHYU MCHOG STABS GSHEGS G-YAS PHYOGS DANG, ,MDZES GSHEGS DRANG DANG 'KHRIL BAG CHAGS, ,BYE DOR BYAS 'DRA RIM PAR 'TSAM, ,GTZANG DANG 'JAM DANG DAG PA'I SKU, ,MTSAN NI YONGS SU RDZOGS PA DANG, , @12B SKU YI KHO LAG YANGS SHING BZANG, ,GOM SNYOMS PA DANG SPYAN GNYIS NI, ,DAG DANG GZHON SHA CAN NYID DANG, ,SKU ZHUM MED DANG RGYAS PA DANG, ,SHIN TU GRIMS PA'I SKU NYID DANG, ,YAN LAG SHIN TU RNAM 'BYES DANG, ,GZIGS PA SGRIB MED DAG PA DANG, , DKU ZLUM SKABS PHYIN MA RNYONGS DANG, ,PHYANG NGE BA DANG LTE BA NI, ,ZAB DANG G-YAS PHYOGS 'KHYIL BA DANG, ,KUN NAS BLTA NA SDUG PA DANG, ,KUN SPYOD GTZANG DANG SKU LA NI, ,SME BA GNAG BAG MED PA DANG, ,PHYAG NI SHING BAL LTAR 'JAM DANG, , PHYAG RIS MDANGS YOD ZAB RING DANG, ,ZHAL NI HA CANG MI RING DANG, ,MCHU NI BIMPA LTAR DMAR DANG, ,LJAGS MNYEN PA DANG SRAB PA DANG, ,DMAR DANG 'BRUG GI SGRA NYID DANG, ,GSUNGS MNYEN 'JAM DANG MCHE BA ZLUM, ,RNO DANG DKAR DANG MNYAM PA DANG, ,BYIN GYIS PHRA DANG SHANGS MTHO DANG, ,MCHOG TU DAG PA DAG DANG NI, ,SPYAN YANGS PA DANG RDZI MA STUG ,PADMA'I 'DAB BA 'DRA BA DANG, ,SMIN TSUGS RING DANG 'JAM PA DANG, ,SNUM DANG SPU NI MNYAM PA DANG, ,PHYAG RING RGYAS DANG SNYAN MNYAM DANG, ,NYAMS PA RNAM PAR SPANGS PA DANG, ,DPRAL BA LEGS PAR 'BYES PA DANG, ,DBYES CHE BA DANG DBU RGYAS DANG, ,DBU SKRA BUNG BA LTAR GNAG DANG, ,STUG DANG 'JAM DANG MA 'DZINGS DANG, ,MI BSHOR DRI ZHIM SKYES BU YI; ,YID NI 'PHROG PAR BYED PA DANG, ,DPAL GYI BE'U DANG BKRA SHIS NI, ,G-YUNG DRUNG 'KHYIL BAS BRGYAN PA STE, ,SANGS RGYAS DPE BYAD BZANG POR BZHED, ,GANG GI SRID PA JI SRID PAR, ,'GRO LA PHAN PA SNA TSOGS DAG ,MNYAM DU MDZAD PA'I SKU DE NI, ,THUB PA'I SBRUL SKU RGYUN MI 'CHAD, ,DA BZHIN 'KHOR BA JI SRID 'DI'I, ,LAS NI RGYUN MI 'CHAD PAR 'DOD, ,'GRO RNAMS ZHI BA'I LAS DANG NI, ,BSDU RNAM BZHI LA 'GOD PA DANG, ,KUN NAS NYON MONGS BCAS PA YI, ,RNAM PAR BYANG BA @13A *, ,RTOGS PA DANG, ,SEMS CAN RNAMS DON JI BZHIN GYI, ,DON DANG PHA ROL PHYIN DRUG DANG, ,SANGS RGYAS LAM DANG RANG BZHIN GYIS, ,STONG PA NYID DANG GNYIS ZAD DANG, ,BRDA DANG DMIGS PA MED PA DANG, ,LUS CAN RNAMS NI YONGS SMIN DANG; ,BYANG CHUB SEMS DPA'I LAM DANG NI, ,MNGON PAR ZHEN PA ZLOG PA DANG, ,BYANG CHUB THOB DANG SANGS RGYAS ZHING, ,RNAM PAR DAG DANG NGES PA DANG, ,SEMS CAN DON NI TSAD MED DANG, ,SANGS RGYAS RTEN SOGS YON TAN DANG, ,BYANG CHUB YAN LAG LAS RNAMS NI, ,CHUD MI ZA DANG BDEN MTHONG DANG, ,PHYIN CI LOG NI SPANGS PA DANG, ,DE GZHI MED PA'I TSUL DANG NI, ,RNAM PAR BYANG DANG TSOGS DANG NI, ,'DUS BYAS 'DUS MA BYAS PA LA, ,THA DAD YONGS SU MI SHES DANG, ,MYA NGAN 'DAS LA 'GOD PA STE; ,CHOS KYI SKU YI PHRIN LAS NI, ,RNAM PA NYI SHU BDUN DU BZHED, ,SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA LAS, SKABS BRGYAD PA'O,, ,,MTSAN NYID DE YI SBYOR BA DANG,, DE RAB DE YI GO RIMS DANG, ,DE MTHA' DE YI RNAM SMIN NI, ,DON BSDUS GZHAN DE RNAM PA DRUG ,YUL NI RNAM PA GSUM PO RGYU, ,SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,DON BSDUS GZHAN TE RNAM PA GSUM, , 'PHAGS PA SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA'I TSIG LE'UR BYAS PA RDZOGS SO,, ,,PAndI TA GO MI 'CHI MED DANG, LO TZ'A BA BLO LDAN SHES RAB KYI 'GYUR,, @13B [BP] @14A *, ,'PHAGS PA SHES RAB KYI PHA ROL TU PHYIN PA STONG PHRAG NYI SHU LNGA PA'I TSUL GYI MNGON PAR RTOGS PA'I RGYAN GYI 'GREL PA BZHUGS, , @14B #, ,RGYA GAR SKAD DU, PANYTZA BIm SHA TI S'A HASVI KA A'ARYA PRA DZNY'A P'A RA MI T'A PA DE SH'A AA BHI SA MA YA AA LAm K'A RA SH'ASTRA S+YA BRiTTI, BOD SKAD DU, 'PHAGS PA SHES RAB KYI PHA ROL RU PHYIN PA STONG PHRAG NYI SHU LNGA PA'I MAN NGAG GI BSTAN BCOS MNGON PAR RTOGS PA'I RGYAN GYI 'GREL PA, BCOM LDAN 'DAS YUM SHES RAB KYI PHA ROL TU PHYIN MA LA PHYAG 'TSAL LO, ,BYANG CHUB SEMS DPA' SEMS DPA' CHEN PO 'JAM DPAL GZHON NUR GYUR PA LA PHYAG 'TSAL LO, ,NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG; ,'GRO LA PHAN PAR BYED RNAMS LAM SHES NYID KYIS 'JIG RTEN DON SGRUB MDZAD PA GANG, ,GANG DANG YANG DAG LDAN PAS THUB RNAMS RNAM PA KUN LDAN SNA TSOGS 'DI GSUNGS PA, ,NYAN THOS NANG BYANG CHUB SEMS DPA'I TSOGS BCAS SANGS RGYAS KYI NI YUM DE LA PHYAG 'TSAL, DON GANG ZHIG ZHE NA, 'PHAGS PA'I GANG ZAG THAMS CAD KYI DBANG DU MDZAD NAS THAMS CAD MKHYEN PA RNAM PA GSUM GYI THUN MONG MA YIN PA'I YON TAN NYE BAR DGOD PA SNGON DU 'GRO BAS SHES RAB KYI PHA ROL TU PHYIN PA LA PHYAG 'TSAL LO, ,ZHES BRJOD PA 'DI NI DE'I MNGON PAR RTOGS PA'I RGYAN GYI MAN NGAG BSHAD SBYAR DU BYA'O SNYAM PAS RNAM PAR DGROL BAR BYA'O, ,ZHES MNGON PAR RTOGS PA'I RGYAN GYI BSHAD PA 'DI SBYAR BAR DAM BCA' BA YIN NO, ,CI'I DON DU ZHE NA, RNAM PA THAMS CAD MKHYEN NYID LAM, ,STON PAS 'DI RNAMS BSHAD PA GANG, ,GZHAN GYIS MYONG BA MA YIN DE, ,CHOS SPYOD BCU YI BDAG NYID KYI, ,MDO DON DRAN PA LA GZHAG NAS, ,BLO DANG LDAN PAS MTHONG GYUR PHYIR, ,BDE BLAG TU NI RTOGS PA ZHES, ,BYA BA BRTZAM PA'I DGOS PA YIN, ,ZHES DE LTAR PHYAG 'TSAL BA NYE BAR BKOD PA'I TSIGS SU BCAD PAS YANG DAG PAR MTSON PA'I DON 'DI YOD PA YIN NO, ,ZHES GSUNGS PA YIN NO, ,CI MNGON PAR RTOGS PA'I RGYAN RTOGS PA'I RGYAN 'DI GZHI BSDUS PAS SAM, 'ON TE GNYEN PO BSDUS PAS SAM, DE STE RNAM PA BSDUS PAS RGYAN DU BYED PA YIN ZHES BYA BA 'DI BRJOD PAR BYA @15A *, ,BA YIN NO, ,DE LAS KYANG CIR 'GYUR ZHEN, PHYOGS DANG PO LTAR NA NI 'BAD PA DON MED PA YIN TE, MDO SDE 'DI LAS MTSAN NYID KYI BSTAN BCOS DAG LAS MI SMOS PA'I GZHI GANG YIN PA DE BSHAD PA NI MED DO, ,GNYIS PA LTAR NA RNAM PAR BYANG PA'I DNGOS PO BSDUS PA'I PHYIR KUN NAS NYON MONGS PA'I DNGOS PO MA BSDUS PAS 'DI GANG GI GNYEN PO YIN PA RTOGS PAR MI 'GYUR RO, ,GSUM PA LTAR NA YANG RNAM PA GZHI MED PA TZAM ZHIG BSDUS PA'I PHYIR, ,DON RTOGS PA MED PAS CUNG ZAD KYANG MA BSHAD PA YIN NO ZHE NA, PHYOGS GSUM CAR GYIS KYANG BSDUS PA YIN NO, ,ZHES GSUNGS PA YIN NO ,CI'I PHYIR ZHE NA, NYAN THOS DANG, RANG SANGS RGYAS DANG, BYANG CHUB SEMS DPA' DANG, SANGS RGYAS RNAMS KYI RIM PA JI LTA BA BZHIN THAMS CAD SHES PA NYID PA NYID DANG, LAM SHES PA NYID DANG; RNAM PA THAMS CAD MKHYEN PA NYID KYIS MNGON PAR RTOGS PA MTHA' DAG BSDUS PA'I PHYIR RO, ,JI SKAD DU BCOM LDAN 'DAS KYIS RAB 'BYOR THAMS CAD SHES PA NYID NI NYAN THOS DANG RANG SANGS RGYAS RNAMS KYI YIN NO, ,LAM SHES PA NYID NI BYANG CHUB SEMS DPA' RNAMS KYI YIN NO, ,RNAM PA THAMS CAD MKHYEN PA NYID NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YIN NO, ,BCOM LDAN 'DAS CI'I SLAD DU THAMS CAD 'TSAL BA NYID NYAN THOS DANG RANG SANGS RGYAS RNAMS KYI LAGS, RAB 'BYOR THAMS CAD NI PHYI DANG NANG GI CHOS RNAMS JI SNYED PA 'DI TZAM YIN LA DE DAG NYAN THOS DANG, RANG SANGS RGYAS RNAMS KYIS SHES KYI, LAM THAMS CAD KYIS KYANG MA YIN LA, RNAM PA THAMS CAD DU'ANG MA YIN PAS DE'I PHYIR NYAN THOS DANG RANG SANGS RGYAS RNAMS KYI NI THAMS CAD SHES PA NYID CES BYA'O, ,BCOM LDAN 'DAS CI'I SLAD DU LAM GYI RNAM PA 'TSAL BA NYID BYANG CHUB SEMS DPA' RNAMS KYI LAGS, RAB 'BYOR BYANG CHUB SEMS DPA' RNAMS KYI NI NYAN THOS KYI LAM GANG YIN PA DANG, RANG SANGS RGYAS KYI LA GANG YIN PA DANG, SANGS RGYAS KYI LAM @15B GANG YIN PA'I LAM THAMS CAD BSKYED PAR BYA ZHING LAM THAMS CAD SHES PAR BYA LA DE DAG KYANG YONGS SU RDZOGS PAR BYA ZHING DE DAG GIS LAM GYI BYA BA YANG STE, SMON LAM YONGS SU RDZOGS PAR MA BYAS PA DANG, SEMS CAN RNAM YONGS SU SMIN PAR MA BYAS PA DANG, SANGS RGYAS KYI ZHING YONGS SU SBYANGS PAR DE DAG GIS YANG DAG GIS YANG DAG PA'I MTHA' MNGON SUM DU MI BYA'O, ,DE'I PHYIR BYANG CHUB SEMS DPA' RNAMS KYI NI LAM GYI RNAM PA SHES PA NYID CES BYA'O, ,BCOM LDAN 'DAS CI'I SLAD DU RNAM PA THAMS CAD MKHYEN PA NYID DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI LAGS, RAB 'BYOR RNAM PA GANG DAG DANG, RTAGS GANG DAG DANG, MTSAN MA GANG DAG GIS CHOS RNAM PAR RAB TU MTSON PA'I RNAM PA DE DAG DANG, RTAGS DE DAG DANG, MTSAN MA DED DAG DE BZHIN GSHEGS PAS THUGS SU CHUD DE DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI NI RNAM PA THAMS CAD MKHYEN PA NYID CES BYA'O, ,ZHES GSUNGS PA YIN NO, ,DE LA THAMS CAD SHES PA NYID NI CHOS LA 'BAD PA'I RTEN CAN, 'BRAS BU BDAG TU RMONGS PA SPANGS PA CAN YIN NO, ,LAM SHES PA NYID NI THEG PA JI LTA BA BZHIN DU NGES PAR 'BYUNG BA DANG, DE KHO NA NYID MNGON DU MI BYED PA'I RTEN CAN, SEMS CAN MA BSDUS PA SDUD PA DANG, SEMS CAN YONGS SU MA SMIN PA YONGS SU SMIN PAR BYED PA DANG; SEMS CAN YONGS SU SMIN PA RNAM PAR GROL BAR BYED PA'I 'BRAS BU CAN YIN NO,, RNAM PA THAMS CAD MKHYEN PA NYID NI NAM MKHA'I KHAMS KYI MTHAS GTUGS PAR SEMS CAN GYI DON RGYUN MI 'CHAD PA DANG, YANG DAG PA'I MTHA' RTOGS PA DANG, BAG CHAGS KYIS MTSAMS SBYOR BA SPANGS PA'I 'BRAS BU CAN YIN NO, ,DE LTA BAS NA MNGON PAR RTOGS PA'I RGYAN NI GZHI DANG GNYEN PO DANG RNAM PA RNAMS BSDUS PAS MNGON PAR RTOGS PA YONGS SU RDZOGS PA MTHA' DAG BSTAN PA YIN NO, ,ZHES BYA BA 'DI 'THAD PA YIN NO, ,SHES RAB KYI @16A *, ,PHA ROL TU PHYIN PA DE GANG YIN ZHES BYA BA 'DI NI BRJOD PAR BYA'O ZHE NA, BSHAD PA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,RNAM KUN MKHYEN NYID LAM SHES NYID, ,DE NAS THAMS CAD SHES PA NYID, ,RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAMS BRGYAD, ,SEMS BSKYED PA DANG GDAMS NGAG DANG, ,NGES 'BYANG YAN LAG RNAM BZHI DANG, ,SGRUB PA YI NI RTEN GYUR PA, , CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,MOG MOG POR BYED LA SOGS DANG, ,SLOB MA BSE RU'I LAM GANG DANG,, 'DI DANG GZHAN PA'I YON TAN GYIS, ,PHAN YON CHE BA MTHONG BA'I LAM, ,BYED PA DANG NI MOS PA DANG, ,BSTOD DANG BKUR DANG BSNGAGS PA DANG, ,BSNGO DANG RJES SU YI RANG BA, ,YID LA BYED PA BLA MED DAG ,SGRUB DANG SHIN TU DAG PA ZHES, ,BYA BA 'DI NI BSGOM PA'I LAM, ,BYANG CHUB SEMS DPA' MKHAS RNAMS KYIS, ,LAM SHES NYID NI DE 'DRAR BSHAD, ,SHES PAS SRID LA MI GNAS SHING, ,SNYING RJES ZHI LA MI GNAS DANG, ,THABS MA YIN PAS RING BA DANG, ,THABS KYIS RING BA MA YIN NYID, ,MI MTHUN GNYEN PO'I PHYOGS DAG DANG, ,SBYOR DANG DE YI MNYAM NYID DANG, ,NYAN THOS LA SOGS MTHONG BA'I LAM, ,DE 'DRA KUN SHES NYID DU 'DOD, ,RNAM PA SBYOR BAR BCAS RNAMS DANG, ,YON TAN SKYON NI MTSAN NYID BCAS, ,THAR DANG NGES 'BYED CHA MTHUN DANG, ,SLOB BA PHYIR MI LDOG PA'I TSOGS, ,SRID DANG ZHI BA MNYAM NYID DANG, ,ZHING DAG BLA NA MED PA NI, ,RNAM KUN MNGON RDZOGS RTOGS PA STE, ,'DI NI THABS MKHAS BCAS PA YIN, ,DE YI RTAGS DANG RNAM 'PHEL DANG, ,BRTAN DANG SEMS KUN GNAS PA DANG, ,MTHONG ZHES BYA DANG SGOM @16B BA ZHES, ,BYA BA'I LAM NI SO SO LA, ,RNAM PAR RTOG PA RNAM BZHI YI, ,GNYEN PO RNAM PA BZHI DANG NI, ,BAR CHAD MED PA'I TING NGE 'DZIN, ,LOG PAR SGRUB DANG BCAS PA NI, ,RTZE MO'I MNGON RTOGS MTHAR GYIS PA, ,RNAM GSUM RNAM BCU SKAD CIG MA, ,GCIG GIS MNGON RDZOGS BYANG CHUB PA, ,MTSAN NYID KYIS NI RNAM PA BZHI, ,NGO BO NYID LONGS RDZOGS BCAS DANG, ,DE BZHIN GZHAN PA SPRUL PA NI, ,CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES BYA BA YIN NO, ,TSIG LE'UR BYAS PA BCO LNGAS MDOR BSDUS PA DANG RGYAS PAR BSTAN PAS SHES RAB KYI PHA ROL TU PHYIN PA'I DON BSDUS PAR RIG PAR BYA'O, ,JI LTAR ZHE NA, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,CES BYA BA NAS, CHOS KYI SKU DANG DE RNAMS BRGYAD, ,CES BYA BA'I BAR GYI TSIG LE'UR BYAS PA GNYIS PO 'DI DAG GIS NI MDOR BSDUS PA YIN NO, ,DE LA DNGOS PO BRGYAD NI 'DI YIN NO, ,'DI LTA STE, RNAM PA THAMS CAD MKHYEN PA NYID DANG, LAM SHES PA NYID DANG, THAMS CAD SHES PA NYID DANG, RNAM PA KUN MNGON PAR RDZOGS PAR RTOGS PA DANG, RTZE MO'I MNGON PAR RTOGS PA DANG, MTHAR GYIS PA'I MNGON PAR RTOGS PA DANG, SEMS KYI SKAD CIG MA GCIG GIS MNGON PAR RTOGS PA DANG, CHOS KYI SKU'O, ,SEMS BSKYED PA DANG, GDAMS NGAG DANG, NGES 'BYED YAN LAG RNAM BZHI DANG, ,ZHES BYA BA NAS BRTZAMS TE, CHOS SKU MDZAD PA DANG BCAS PA, ,RNAM PA BZHIR NI YANG DAG BRJOD, ,CES BYA BA'I BAR GYI TSIG LE'UR BYAS PA BCU GSUM GYIS NI RNAM PA THAMS CAD MKHYEN PA NYID LA SOGS PA DON BRGYAD PO DE RNAMS KYI DNGOS PO BSDUS TE BSTAN PAS RGYAS PAR BSHAD PA YIN TE, DE LTAR NA MDOR BSDUS PA DANG RGYAS PAR BSHAD PA'I PHYIR LEGS PAR BSHAD PA YIN NO, ,DON GYI LUS RNAM PAR BZHAG PA BRJOD ZIN TO, ,'DI PHAN CHAD NI DON GANG LA KHYAD PAR CAN GYI RNAM PA GANG GI RAB TU DBYE BA'I CHOS GANG DAG BSTAN PA DE @17A *, ,DAG GI GO RIMS BSDU BA 'BA' ZHIG BRJOD PAR BYA'O, ,DE LA RE ZHIG ,SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,'ON TE 'DOD PA ZHES BYA BA 'DI CI YIN ZHE NA, 'DI 'DOD PA DANG DE 'DOD PAS, ,BYANG CHUB SEMS DPAS SHES RAB KYI PHA ROL TU PHYIN PA LA BRTZON PAR BYA'O ZHES MDO NAS BSHAD PA GANG DAG YIN PA 'DI YIN NO, ,'DI MTSAN NYID CI YIN ZHES BYA BA DE NYID MI SHES TE DON DE GANG YIN ZHE NA, 'DI NI STONG PHRAG NYI SHU LNGA PA 'DI NYID LAS DON DU GNYER PA YIN NO ZHES GSUNGS TE 'DI LTAR SEMS BSKYED PA'I DUS NA BYANG CHUB SEMS DPA' CI NAS BDAG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA DANG GZHAN GYI DON BSGRUB PAR BYA'O ZHES DE LTAR DON DU GNYER BAR BYED PA YIN NO, ,'O NA NI DE SEMS BSKYED PAR MI 'GYUR TE, SEMS NI YUL SO SOR RIG PA'I MTSAN NYID CAN YIN LA, DON DU GNYER BA ZHES BYA BA NI SRED PA YIN PAS SO ZHE NA DE NI DE LTAR BDEN MOD KYI 'ON KYANG DGE BA'I CHOS LA 'DUN PA'I MTSAN NYID DON DU GNYER BA YOD NA SANGS RGYAS NYID KYI DON DU SEMS SKYED PAR BYED PAS NA 'DIR RGYU 'BRAS BUS BSTAN PA YIN TE, DE LTAR NA 'DUN CING DON DU GNYER BA'I DGE BA'I CHOS RNAMS THAMS CAD CES BYA BA RJES SU MTHUN PAR 'PHEL BAR 'GYUR RO, ,YANG NA DON DU GNYER BA ZHES BYA BA NI SMON LAM YIN NO, ,SEMS BSKYED PA'I GNAS SKABS NI DON DU GNYER BA GTZOR GYUR PA YIN PAS NA DE DAG LHAN CIG SPYOD PA'I SEMS BSKYED PA LA DON DU GNYER BA BSTAN PA YIN TE, DE LTA NA YANG BYANG CHUB SEMS DPA' RNAMS SMON LAM DANG LDAN PA'I SEMS BSKYED PAR 'GYUR BA ZHES BYA BA 'THAD PAR 'GYUR BA YIN NO, ,YANG DAG PAR RDZOGS PA'I BYANG CHUB DANG GZHAN GYI DON DE YANG GANG YIN ZHE NA, DE DANG DE NI MDO BZHIN DU, ,BSDUS DANG RGYAS PA'I SGO NAS BRJOD, ,CES BYA BA GSUNGS TE, DE DANG ZHES BYA BA YANG DAG PAR RDZOGS PA'I BYANG CHUB DANG DE NI ZHES BYA BA GZHAN GYI DON TO, , @17B DE LA DE'I BSDUS TE BSTAN PA 'DI YIN TE, SH'A RI'I BU 'DI LA BYANG CHUB SEMS DPA' CHEN PO CHOS THAMS CAD RNAM PA THAMS CAD DU MNGON PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZON PAR BYA'O ZHES GANG GSUNGS PA YIN NO, ,DE LA DE'I RGYAS PAR BSTAN PA NI 'DI YIN TE, SH'A RI'I BU 'DI LA BYANG CHUB SEMS DPA' SEMS DPA' CHEN PO MI GNAS PA'I TSUL GYIS SHES RAB KYI PHA ROL TU PHYIN PA LA GNAS TE, SBYIN PA DANG, SBYIN PAR BYA BA DANG, LEN PA PO MI DMIGS PA'I PHYIR YONGS SU BTANG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BA LA SOGS PA GANG GSUNGS PA YIN NO, ,DE LA GZHAN GYI DON GYIS BSDUS TE BSTAN PA NI 'DI YIN TE, BYANG CHUB SEMS DPA' SEMS DPA' CHEN PO'I PHYOGS BCU RE RE ZHING GANGG'A'I KLUNG GI BYE MA SNYED KYI 'JIG RTEN GYI KHAMS NA SEMS CAN GANG ZHIG YOD PA DE DAG THAMS CAD PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA' BAR 'DOD PAS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS PA YIN NO, ,DE LA DE'I RGYAS PAR BSTAN PA NI 'DI YIN TE, SEMS CAN SER SNA CAN RNAMS NI SBYIN PA LA, TSUL KHRIMS 'CHAL PA RNAMS NI TSUL KHRIMS LA RAB TU DGOD PAR 'DOD PA'I BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA'O, ,DE LTAR SEMS BSKYED PA'I MTSAN NYID DMIGS PA DANG BCAS PA DANG CHED DU BYA BA DANG BCAS PA BRJOD NAS, DA NI DE'I RAB TU DBYE BA'I MTSAN NYID RNAM PA NYI SHU RTZA GNYIS KYI DBANG DU MDZAD PA NI, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA BSNYEN CHU BO SPRIN RNAMS KYIS, ,RNAM PA NYI SHU RTZA GNYIS SO, ,ZHES BYA BA GSUNGS PA YIN NO, , @18A *, ,DE LA BYANG CHUB SEMS DPA' RNAMS KYI SEMS BSKYED PA DANG PO 'DUN PA DANG LDAN PA NI SA LTA BU'O, ,SH'A RI'I BU 'DI LA BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZON PAR BYA'O ZHES GSUNGS PA YIN TE, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB PAR 'DOD PA NI SANGS RGYAS KYI CHOS THAMS CAD DANG DE'I TSOGS BSKYED PA'I GZHIR GYUR PA'I PHYIR RO, ,GNYIS PA BSAM PA DANG LDAN PA NI GSER BZANG PO LTA BU'O, ,SH'A RI'I BU 'DI LA BYANG CHUB SEMS DPA' SEMS DPA' CHEN POS GNAS PA MED PA'I TSUL DU SHES RAB KYI PHA ROL TU PHYIN PA LA GNAS TE, SBYIN PA DANG GTONG BA DANG YONGS SU LEN PA MI DMIGS PA'I PHYIR, YONGS SU BTANG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BA NAS, DE BZHIN DU CHOS THAMS CAD MI DMIGS PA'I PHYIR SHES RAB KYI PHA ROL TU PHYIN PA YONGS SU RDZOGS PAR BYA'O ZHES BYA BA'I BAR DU GSUNGS PA STE, PHA ROL TU PHYIN PA DRUG GIS BSDU BA'I PHAN PA DANG BDE BA'I BSAM PA NI YANG DAG PAR RDZOGS PA'I BYANG CHUB KYI BAR DU GNAS PAS NA BSAM PA YIN PA'I PHYIR MA 'ONGS PA DANG 'DI LA RNAM PAR 'GYUR BA MI BSTEN PA'I PHYIR RO, ,GSUM PA LHAG PA'I BSAM PA DANG LDAN PA NI YAR NGO'I ZLA BA TSES PA LTA BU'O, ,DES SHES RAB KYI PHA ROL TU PHYIN PA LA GNAS TE BYANG CHUB KYI PHYOGS KYI CHOS SUM CU RTZA BDUN BSGOM PAR BYA'O ZHES BYA BA NAS, MI GTZANG BA'I 'DU SHES DGU BSGOM PAR BYA BA'I BAR DANG, SKYES BU CHEN PO'I RNAM PAR RTOG PA BRGYAD BSGOM PAR BYA BA'I PAR DANG, SANGS RGYAS KYI CHOS MA 'DRES PA BCO BRGYAD BSGOM PAR BYA'O ZHES BYA BA'I BAR DU GSUNGS PA STE, DGE BA'I CHOS THAMS CAD RNAM PAR 'PHEL BAR 'GYUR BAR BSAM PA LHAG PA YIN PA'I PHYIR LHAG PA'I BSAM PA ZHES BYA BAS SO, ,BZHI PA SBYOR BA DANG LDAN PA NI ME LTA BU'O, , @18B THAMS CAD SHES PA NYID LA SHES PA DANG MTHONG BAS BLTAS NAS 'DA' BAR 'DOD PA DANG, PHYIR MI LDOG PA'I SA LA GNAS PAR 'DOD PA DANG, LAM SHES PA NYID YONGS SU RDZOGS PAR 'DOD PA DANG RNAM PA THAMS CAD MKHYEN PA NYID RJES SU 'THOB PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA STE, THAMS CAD MKHYEN PA NYID GSUM GYI SBYOR BA NI MCHOG TU GYUR PA'I SBYOR BA RAB TU SBYOR BA YIN PAS NA BUD SHING GI KHYAD PAR GYIS ME BZHIN DU GONG NAS GONG DU KHYAD PAR DU 'GRO BA'I PHYIR RO, ,LNGA PA SBYIN PA'I PHA ROL TU PHYIN PA DANG LDAN PA NI GTER CHEN PO LTA BU'O, ,SEMS CAN SER SNA CAN RNAMS SBYIN PA LA 'JOG PAR 'DOD PA DANG, NYAN THOS DANG RANG SANGS RGYAS KYI SBYIN PA RNAMS SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS ZHES GANG GSUNGS PA STE, ZANG ZING GI LONGS SPYOD KYIS SEMS CAN TSAD MED PA TSIM PAR BYED KYANG YONGS SU GTUGS PA MED PA'I PHYIR RO, ,DRUG PA TSUL KHRIMS KYI PHA ROL TU PHYIN PA DANG LDAN PA NI RIN PO CHE'I 'BYUNG GNAS LTA BU'O, ,TSUL KHRIMS 'CHAL PA RNAMS TSUL KHRIMS LA 'JOG PAR 'DOD PA DANG, NYAN THOS DANG, RANG SANGS RGYAS KYI TSUL KHRIMS RNAMS RJES SU YI RANG BA DANG LDAN PA'I SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA STE, YON TAN RIN PO CHE MTHA' YAS PA THAMS CAD NI DE LAS 'BYUNG BA'I PHYIR RO, ,BDUN PA BZOD PA'I PHA ROL TU PHYIN PA DANG LDAN PA NI RGYA MTSO CHEN PO LTA BU'O, ,GNOD SEMS DANG LDAN PA RNAMS BZOD PA LA 'JOG PAR 'DOD PA DANG, NYAN THOS DANG, RANG SANGS RGYAS KYI BZOD PA RJES SU YI RANG BA DANG LDAN PA'I SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS @19A *, ,PA STE, MI 'DOD PA THOG TU BABS PA THAMS CAD KYIS 'KHRUG PAR MI NUS PA'I PHYIR RO, ,BRGYAD PA BRTZON 'GRUS KYI PHA ROL TU PHYIN PA DANG LDAN PA NI RDO RJE LTA BU'O, ,LE LO CAN DAG BRTZON 'GRUS LA 'JOG PAR 'DOD PA DANG, NYAN THOS DANG, RANG SANGS RGYAS KYI BRTZON 'GRUS RJES SU YI RANG BA DANG LDAN PA'I SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA STE, DE NI YID BRTAN PAS MI PHYED PA'I PHYIR RO, , DGU PA BSAM GTAN GYI PHA ROL TU PHYIN PA DANG LDAN PA NI RI'I RGYAL PO LTA BU'O, ,SEMS RNAM PAR G-YENGS PA RNAMS BSAM GTAN LA 'JOG BAR 'DOD PA DANG, NYAN THOS DANG, RANG SANGS RGYAS KYI BSAM GTAN RJES SU YI RANG BA DANG LDAN PA'I SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA STE, DE NI DMIGS PA'I RNAM PAR G-YENG BAS MI BSKYOD PA'I PHYIR RO, ,BCU PA SHES RAB KYI PHA ROL TU PHYIN PA DANG LDAN PA NI SMAN LTA BU'O, ,SEMS CAN SHES RAB 'CHAL PA RNAMS SHES RAB LA RAB TU 'JOG PAR 'DOD PA DANG, NYAN THOS DANG, RANG SANGS RGYAS KYI SHES RAB RNAMS RJES SU YI RANG BA DANG LDAN PA'I SEMS BSKYED PA GCIG GI ZIL GYIS MNAN PAR 'DOD PA'I BYANG CHUB SEMS DPA' CHEN POS SHES RAB KYI PHA ROL TU PHYIN PA LA BSLAB PAR BYA'O ZHES GSUNGS PA STE, DE NI NYON MONGS PA DANG SHES BYA'I SGRIB PA'I NAD THAMS CAD RAB TU ZHI BAR BYED PA YIN PA'I PHYIR RO, ,BCU GCIG PA THABS MKHAS PA'I PHA ROL TU PHYIN PA DANG LDAN PA NI DGE BA'I BSHES GNYEN LTA BU'O, , DGE BA'I SEMS BSKYED PA GCIG TZAM YANG THAMS CAD MKHYEN PAR YONGS SU BSNGOS PAS MI ZAD PAR BYED PAR 'DOD PA DANG, SEMS CAN THAMS CAD KYI DON GYI PHYIR DMYAL BA DANG DUD 'GRO'I SKYE GNAS DANG GSHIN RJE'I 'JIG RTEN GYI SDUG BSNGAL BZOD PAR 'DOD PA DANG, BSKAL @19B PA BRGYA STONG DU YANG DAG PAR BSAGS PA'I TSUL KHRIMS KYANG SEMS CAN LA LTOS NAS 'DOR BAR 'DOD PA DANG, SANGS RGYAS KYI RIGS SU SKYE BAR 'DOD PA'I BYANG CHUB SEMS DPA' CHEN POS ZHES GANG GSUNGS PA STE, DE NI GNAS SKABS THAMS CAD DU SEMS CAN GYI DON YONGS SU MI GTONG BA YIN PA'I PHYIR RO, ,'DIR KHA CIG NA RE BDEN PA DANG GTONG BA DANG SHES RAB NYE BAR ZHI BA LA BRTEN PA RNAMS NI SANGS RGYAS KYI RIGS YIN NO ZHES ZER RO, ,GZHAN DAG NI MTHONG BA'I LAM GYIS BSDUS PAS LA 'JUG PA'I SEMS YIN TE, 'DI LTAR MDO LAS GANG GI TSE SEMS BSKYED PA DANG LHAN CIG SKYES PA NA BYANG CHUB SEMS DPA'I RIGS SU 'GYUR BA NI DE BZHIN GSHEGS PA'I RIGS YIN NO ZHES GSUNGS PA YIN PA'I PHYIR RO ZHES ZER RO, ,GZHAN DAG NI DA LTAR BYUNG BA'I SANGS RGYAS THAMS CAD MNGON DU PHYOGS PAR GNAS PA'I TING NGE 'DZIN DANG SNYING RJE CHEN PO GNYIS NI SANGS RGYAS KYI RIGS YIN NO ZHES 'DOD DO, ,LA LA DAG NI SANGS RGYAS KYIS BCAS PA'I BSLAB PA LA BYA BAR 'DOD DO, ,KHA CIG NI PHA ROL TU PHYIN PA DRUG LA BYA'O ZHES ZER RO, ,GZHAN NI BYANG CHUB SEMS DPA' RNAMS KYI YUM NI SHES RAB KYI PHA ROL TU PHYIN PA YIN NO, ,YAB NI THABS MKHAS PA YIN PAS, DE DAG NI SANGS RGYAS KYI RIGS YIN NO ZHES 'DOD DO, ,BCU GNYIS PA SMON LAM GYI PHA ROL TU PHYIN PA DANG LDAN PA NI YID BZHIN GYI NOR BU LTA BU'O, ,SANGS RGYAS KYI SKU YONGS SU SGRUB PAR 'DOD PA DANG, PHYOGS BCU RE RE ZHING 'JIG RTEN GYI KHAMS MTHA' YAS PAR CHOS STON PAS GO BAR BYED PAR 'DOD PA DANG, SANGS RGYAS KYI RIGS RGYUN MI 'CHAD PAR 'DOD PA'I BYANG CHUB SEMS DPA' ZHES GANG GSUNGS PA STE, DE NI JI LTAR SMON PA'I 'BRAS BU 'GRUB PA YIN PA'I PHYIR RO, ,BCU GSUM PA STOBS KYI PHA ROL TU PHYIN PA DANG LDAN PA NI NYI MA LTA BU'O, ,BYANG CHUB SEMS DPA' SEMS DPA' CHEN PO SEMS CAN THAMS CAD KYI BSAM PA YONGS SU RDZOGS PAR 'DOD PAS ZHES BYA BA LA SOGS PA GANG GSUNGS PA YIN TE, @20A *, ,DE NI GDUL BYA'I SEMS CAN YONGS SU SMIN PAR BYED PA'I PHYIR RO, ,BCU BZHI PA YE SHES KYI PHA ROL TU PHYIN PA DANG LDAN PA SGRA DBYANGS SNYAN PA LTA BU'O, ,STONG GSUM GYI STONG CHEN PO'I 'BYUNG BA CHEN PO BZHI'I RDUL PHRA RAB KYI TSAD SHES PAR 'DOD PA DANG; DE BZHIN DU SBYIN PA 'DI LTAR BYIN PA NI 'BRAS BU CHEN POR 'GYUR BA DANG, SBYIN PA 'DI LTAR BYIN PAS NI RGYAL RIGS SHING S'A LA CHEN PO LTA BU LA SOGS PAR SKYE BA NAS, DE LTAR MI DMIGS PA'I TSUL GYIS SBYIN PA 'DI LTAR BYIN NA NI SHES RAB KYI PHA ROL TU PHYIN PA YONGS SU RDZOGS PAR BYED DO ZHES SHES PAR 'DOD PA'I BYANG CHUB SEMS DPA' CHEN PO ZHES BYA BA'I BAR DU GANG GSUNGS PA STE, DE NI GDUL BYA 'DUN PAR BYED PA'I STON PAR BYED PA YIN PA'I PHYIR RO, ,DE LA S'A LA CHEN PO ZHES BYA BA NI MNGON PAR MTSON PAR BYA BA'I DBANG PHYUG DANG LDAN PA'I PHYIR RO, ,BCO LNGA PA MNGON PAR SHES PA DANG LDAN PA NI RGYAL PO LTA BU'O, ,SEMS BSKYED PA GCIG GIS PHYOGS BCU RE RER 'JIG RTEN GYI KHAMS MTHA' YAS PA LAS YANG DAG PAR 'DA' BAR 'DOD PA DANG, STONG GSUM GYI STONG CHEN PO'I 'JIG RTEN GYI KHAMS KYI CHU'I PHUNG PO CHEN PO DE THAMS CAD LAN BRGYAR SKRA'I RTZE MOS THAMS CAD GTOR BAR 'DOD CING YANG DE NA GNAS PA'I SROG CHAGS RNAMS LA MI GNOD PAR 'DOD PA DANG, BSKAL PA SREG PA'I ME LA KHA'I DBUGS GCIG GIS ZHI BAR BYA BAR 'DOD PA DANG, RNAM PAR 'THOR BA CHEN PO'I RLUNG GI DKYIL 'KHOR SOR MO GCIG GI RTZE MOS YONGS SU KHEBS PAR BYA BAR 'DOD PA DANG, NAM MKHA'I KHAMS JI TZAM PA DE THAMS CAD SKYI LA MO KRUNG GCIG GIS RGYAS PAR YANG DAG PAR 'DOD PA DANG, RI'I RGYAL PO RI RAB LA SOGS PA'I RI RNAMS SKRA NYAG MA GCIG GIS SBAMS TE GYEN DU BTEG NAS 'JIG RTEN GYI KHAMS GZHAL DU MED PAR 'PHANG BAR 'DOD PA DANG, PHYOGS BCU RE RE'I SANGS RGYAS KYI ZHING THAMS CAD KYI SANGS RGYAS BCOM LDAN 'DAS LHA'I MIG GIS LTA BAR 'DOD PA DANG, DE RNAMS LAS KYANG CHOS BSTAN PA @20B LHA'I RNA BAS MNYAN PAR 'DOD PA DANG, SEMS CAN THAMS CAD KYI SEMS KYI SPYOD PA SHES PAR 'DOD PA DANG, DE RNAMS KYI 'ANG SNGON GYI GNAS RJES SU DRAN PAR 'DOD PA DANG, ZAG PA ZAD PA SHES PA'I MNGON PAR SHES PA SGRUB PAR 'DOD CING YANG DAG PA'I MTHA' MNGON DU ME BYED PAR 'DOD PA'I BYANG CHUB SEMS DPA' ZHES GSUNGS PA STE, DE NI MTHU THOGS PA MED PAR GZHAN GYI DON SGRUB PA YIN PA'I PHYIR RO, ,RI'I RGYAL PO RI RAB LA SOGS PA SKRA NYAG MA GCIG GIS BCINGS TE 'JIG RTEN GYI KHAMS MTHA' YAS PAR 'PHEN PA LA NI MA DAD PAR MI BYA STE, BSAM GTAN PA RNAMS KYI DBANG 'BYOR PA STON PA 'DI NI BSAM GYIS MI KHYAB PA'I CHOS YIN PA'I PHYIR RO, ,BCU DRUG PA BSOD NAMS DANG YE SHES DANG LDAN PA NI BANG MDZOD LTA BU'O, ,SANGS RGYAS TSAD MED PA NYAN THOS KYI DGE 'DUN DANG BCAS PA JI SNYED BZHUGS PA DE DAG THAMS CAD BSOD SNYOMS GCIG GIS KHYED PAR BYA BAR 'DOD PA DANG, BDEN PA MTHONG BA RNAMS RGYUN TU ZHUGS PA'I 'BRAS BU NAS, BLA NA MED PA YANG DAG PAR RDZOGS PA'I BYANG CHUB KYI BAR LA 'JOG PAR 'DOD PA'I BYANG CHUB SEMS DPA' CHEN POS ZHES GANG GSUNGS PA YIN TE, DE NI BSOD NAMS DANG YE SHES KYI TSOGS MANG PO'I BANG MDZOD LTA BU YIN PA'I PHYIR RO, ,BCU BDUN PA BYANG CHUB KYI PHYOGS DANG MTHUN PA'I CHOS DANG LDAN PA NI LAM PO CHE LTA BU'O, ,SANGS RGYAS BCOM LDAN 'DAS 'DAS PA DANG, MA 'ONGS PA DANG, DA LTAR BYUNG BA'I SANGS RGYAS KYI YON TAN THAMS CAD RJES SU 'THOB PAR 'DOD PA DANG, CHOS 'DUS BYAS DANG 'DUS MA BYAS RNAMS KYI PHA ROL TU PHYIN PAR 'DOD PA'I BYANG CHUB SEMS DPA' ZHES GANG GSUNGS PA STE, DE NI 'PHAGS PA'I GANG ZAG THAMS CAD GSHEGS SHING RJES SU GSHEGS PA YIN PA'I PHYIR RO, ,BCO BRGYAD PA ZHI GNAS DANG LHAG MTHONG DANG LDAN PA NI BZHON PA LTA BU'O, ,NYAN THOS DANG RANG SANGS RGYAS THAMS CAD KYI SNGON DU 'GRO BAR 'DOD PA DANG, SANGS RGYAS BCOM LDAN 'DAS THAMS CAD @21A *, ,KYI NANG GI 'KHOR DU 'GYUR BAR 'DONG BA DANG, BYANG CHUB SEMS DPA' CHEN PO'I 'KHOR 'THOB PAR 'DOD PA DANG, YON TAN RNAM PAR SBYAR BAR 'DOD PA DANG, SBYIN PA DANG, TSUL KHRIMS DANG, BSGOM PA LAS BYUNG BA'I BYA BA DANG, BKUR STI DANG RDZAS LAS BYUNG BA DANG LDAN PA'I BSOD NAMS BYA BA'I DNGOS PO LA SEMS CAN RNAMS DGOD PAR 'DOD PA'I BYANG CHUB SEMS DPA' ZHES GANG GSUNGS PA YIN TE, DE NI ZUNG DU 'JUG PA YIN PA'I PHYIR 'KHOR BA DANG MYA NGAN LAS 'DAS PA GANG DU 'ANG MI LTUNG BAS BDE BLAG TU KHYER BAR BYED PA'I PHYIR RO, ,DE LA NANG GI 'KHOR ZHES BYA BA NI GANG SANGS RGYAS BCOM LDAN 'DAS KYI GSANG BAR 'JUG PA'I YE SHES PHRA BAR 'JUG PA'I YE SHES LA RJES SU ZHUGS PAR GYUR PA'O, ,BCU DGU PA GZUNGS DANG SPOBS PA DANG LDAN PA NI BKOD MA'I CHU LTA BU'O, ,PHYOGS BCU'I SANGS RGYAS BCOM LDAN 'DAS RNAMS KYIS GSUNGS PA DANG GSUNG BAR 'GYUR BA 'DI LTA STE, MDO DANG DBYANGS KYIS BSNYAD PA DANG LUNG BSTAN PA NAS, SHIN TU RGYAS PA DANG RMAD DU BYUNG BA'I BAR GANG CUNG ZAD BSTAN PA DE THAMS CAD THOS PAR 'DOD PA DANG, GZUNG BAR 'DOD PA DANG, YONGS SU CHUB PAR BYA BAR 'DOD PA DANG, DE BZHIN NYID DU SGRUB PAR 'DOD PA DANG, GZHAN DAG LA YANG RGYA CHER STON PAR 'DOD PA'I BYANG CHUB SEMS DPA' ZHES BYA BA STE, DE NI CHU 'DZIN PA DANG MI ZAD PAR 'BYIN PA DANG CHOS MTHUN PAR THOS PA DANG MA THOS PA'I CHOS 'DZIN PA DANG, BSTAN PA MTHAR THUG PA MED PA 'BYIN PA'I PHYIR RO, ,NYI SHU PA CHOS KYI DGA' STON DANG LDAN PA NI SGRA SNYAN PA LTA BU'O, ,PHYOGS BCU RE RE ZHING 'JIG RTEN GYI BAR YUN RING POR MUN PA MUN NAG TU GYUR PA LUS KYI 'OD KYIS SNANG BAR BYAS NAS DER SKYES PA'I SEMS CAN LA SANGS RGYAS KYI SGRA DANG, CHOS KYI SGRA DANG, DGE 'DUN GYI SGRA THOS PAR BYA BAR 'DOD PA DANG, DE DAG YANG DAG PA'I LTA BA LA DGOD PAR 'DOD PA'I BYANG CHUB SEMS DPA' ZHES GANG GSUNGS PA YIN TE, @21B DES NI THAR PA 'DOD PA'I GDUL BYA RNAMS LA SNYAN PA SGROGS PA YIN PA'I PHYIR, CHOS KYI DGA' STON YANG RNAM PA BZHI STE, 'DU BYED THAMS MI RTAG PAR SO SOR RTOG PA DANG, ZAG PA DANG BCAS PA'I CHOS THAMS CAD SDUG BSNGAL BAR SO SOR RTOG PA DANG, CHOS THAMS CAD BDAG MED PAR SO SOR RTOG PA DANG, MYA NGAN LAS 'DAS PA NI ZHI BAR SO SOR RTOG PA'O, ,NYI SHU GCIG PA BGROD PA GCIG PA'I LAM DANG LDAN PA NI CHU BO'I RGYUN LTA BU'O, ,PHYOGS BCU RE RE MTHA' YAS PA'I 'JIG RTEN GYI KHAMS RNAMS KYI SEMS CAN LONG BA DANG, 'ON PA DANG, SMYON PA DANG, GCER BU DANG, BKRES PA DANG, SKOM PA LA SOGS PA DANG, NGAN SONG DU LTUNG BA RNAMS SDUG BSNGAL DE DANG DE LAS THAR BAR BYAS TE MI'I LUS 'THOB BAR 'DOD PA DANG, DE RNAMS KYANG TSUL KHRIMS DANG, TING NGE 'DZIN DANG, SHES RAB DANG, RNAM PAR GROL BA DANG, RNAM PAR GROL BA'I YE SHES MTHONG BA'I PHUNG PO LA DGOD PAR 'DOD PA'I BYANG CHUB SEMS DPA' ZHES GANG GSUNGS PA YIN TE, DE NI MI SKYE BA'I CHOS LA BZOD PA THOB PAS RANG GI NGANG GIS 'JUG PA'I PHYIR DANG, BGROD PA GCIG PA NYID NI SA DER GTOGS PA'I BYANG CHUB SEMS DPA' RNAMS GZHAN GYI DON GYI BYA BA THA MI DAD PA'I PHYIR RO, ,NYI SHU GNYIS PA CHOS KYI SKU DANG LDAN PA NI SPRIN LTA BU'O, ,DE BZHIN GSHEGS PA'I SPYOD LAM BSTAN PAR 'DOD PA DANG, GLANG PO CHE'I LTA STANGS KYIS LTA BAR 'DOD PA'I BYANG CHUB SEMS DPA' ZHES RGYA CHER YANG GSUNGS PA STE, DGA' LDAN GYI GNAS NA BZHUGS PA KUN DU STON PAS SEMS CAN GYI DON BYA BA RNAM PA THAMS CAD DE LA RAG LAS PA'I PHYIR RO, ,SEMS BSKYED PA GSUM PAR MI GTZANG BA'I 'DU SHES DGU BSGOM PAR BYA'O ZHES GANG GSUNGS PA DE NI RNAM PAR BAM PA'I 'DU SHES DANG, RNAM PAR 'BUS GZHIGS PA'I 'DU SHES DANG, RNAM PAR GANG PA'I 'DU SHES DANG, RNAM PAR DMAR BA'I 'DU SHES DANG, RNAM @22A *, ,PAR BSNGOS PA'I 'DU SHES DANG, RNAM PAR ZOS PA'I 'DU SHES DANG, RNAM PAR 'THOR BA'I 'DU SHES DANG, RUS PA'I 'DU SHES DANG, RNAM PAR TSIG PA'I 'DU SHES SO, ,DE LA 'TSO BA MTHAR THUN PA'I 'OG TU GO RIMS BZHIN DU SBUD PA RLUNG GIS KHENGS PA LTAR MTHO BAR SKRANGS SHING RBOBS [?] PAR GYUR PA'I PHYIR RNAM PAR BAM PA'O, ,RNAM PAR BAM PA NYID NI RNAM PAR BAM PA PA'O, ,YANG NA MI MTHUN PA'I PHYIR BTZOG CING RNAM PAR BAM BAS NA A'A BY'A BHY'A TA KA ZHES BYE BRAG RTOG BYED DU BYUNG DHMA TA K'A TE RNAM PAR BAM PA PA'O, ,'DI NI DE LTA BU'I RANG BZHIN CAN RO'I LUS KYI TSIG BLA DGAS YIN NO, ,DE BZHIN DU GZHAN DU YANG BSHAD PA NI MING LA STZOGS PA'I DON DAG LA BRJOD PAR BYA BA YIN NO, ,DE NI DBYIBS LA CHAGS PA RNAMS LA LUS DE'I DBYIBS KYI RGYUD PA STON PA'I PHYIR 'DI BSGOM PAR BYA BA YIN NO, ,'BU RNAM PA SNA TSOGS PA RNAMS KYIS NANG DU BSKYOD PAS NA BI DHU BI BA TU MA KA TA K'A ZHES BYA BA RNAM PAR 'BUS GZHIGS PA PA STE, DE NI LUS KYI MKHREGS PA'I DNGOS PO LA CHAGS PA LA KHONG STONG GI DNGOS PO NYID BSTAN PA'I PHYIR RO, ,GNAS THA DAD PA NAS RNAG 'DZAG PA NI RNAM PAR GANG PA PA STE, DE NI PHRENG BA DANG DRI LA SOGS PA'I DBANG LAS BYUNG BA'I LUS KYI DRI LA CHAGS PA RNAMS LA LUS KYI RMA DANG 'BREL PA'I DRI NGA BA NYID BSTAN PA'I PHYIR RO, ,'DI DANG DE NAS KHRAG 'GRED CING RNAM PAR 'PHRO LA RAB TU 'DZAG PAS NA RNAM PAR DMAR BA PA STE, DE NI RGYAN GYIS BYAS PA'I MDZES PA LA CHAGS PA LA KHRAG GIS SBAGS PA'I MI MTHUN PA NYID BSTAN PA'I PHYIR YIN NO, ,RNAM PAR GSAL BAR SDO BAS NA RNAM PAR BSNGOS PA PA STE, DE NI LUS KYI KHA DOG LA CHAGS PA LA PAGS PA'I 'DOD CHAGS KYI RGUD PA BSTAN PA'I PHYIR YIN NO, ,KHYI DANG CE SPYANG LA SOGS PAS PHAN TSUN DU RNAM PA SNA TSOGS PAR ZOS PA NI RNAM PAR ZOS PA PA STE, DE NI NU MA LA SOGS PA'I SHA RGYAS PA LA CHAGS BA LA SHA RGYAS PA RNAM PAR BSTAN PA'I PHYIR YIN NO, ,LAG PA GNYIS @22B KYANG GZHAN DU, RKANG PA GNYIS KYANG GZHAN DU, MGO PO YANG GZHAN DU, SNA TSOGS PAR 'THOR BAS NA RNAM PAR 'THOR PA PA STE, DE NI YAN LAG DANG NYING LAG GI SGEG PA LA CHAGS PA LA YAN LAG DANG NYING LAG RNAM PAR 'THOR BAR BSTAN PA'I PHYIR RO, ,RUS PA NYID NI RUS PA PA STE, 'DI NI RUS PA SBREL MA DANG RUS PA GCIG GI'ANG TSIG BLA DAGS TE, DE NI SO LA SOGS PA'I RUS PA'I 'BYOR PA LA CHAGS PA LA LUS KYI RUS PA'I MI MTHUN PA'I DNGOS PO STON PA'I PHYIR RO, ,RNAM PAR ZHU ZHING TSIG PAR RNAM PAR TSIG PA PA STE, DE NI KHA DOG DANG DBYIBS LA CHAGS PA LA PAGS PA DANG DBYIBS KUN DU 'KHUMS PA STON PA YIN PA'I PHYIR 'DI BSGOM PAR BYA BA YIN NO, ,SKYES BU CHEN PO'I RNAM PAR RTOG PA BRGYAD BSGOM PAR BYA'O ZHES BYA BA NI 'DI LTA STE, CHOS 'DI NI 'DOD PA CHUNG BA RNAMS KYI YIN GYI, 'DOD PA CHE BA RNAMS MA YIN PA DANG, CHOG SHES PA DANG, RAB TU DBEN PA DANG, BRTZON 'GRUS BRTZAMS PA DANG, DRAN PA NYE BAR BZHAG PA DANG, MNYAM PAR GZHAG PA DANG, SHES RAB DANG LDAN PA RNAMS KYI YIN GYI, SHES RAB 'CHAL PA RNAMS KYI NI MA YIN PA STE, SKYES BU CHEN PO'I RNAM PAR RTOG PA BDUN PO 'DI DAG GIS GNAS BRTAN MOOD GAL GYI BU CHEN PO GNAS PAR GYUR TO, ,BCOM LDAN 'DAS KYIS KYANG MOOD GAL GYI BU CHEN PO KHYOD BU CHEN PO'I RNAM PAR RTOG PA BRGYAD PO 'DI DAG LA YANG RNAM PAR RTOGS SHIG ,CHOS 'DI NI SPROS PA MED PA SPROS PA MED PA LA KUN DGA' BA, SPROS PA MED PA LA KUN DGA' BA'I SBYOR BA LA RJES SU BRTZON PA YIN NO ZHES GSUNGS SO, ,DE LA 'DOD PA CHUNG BAS CHOS BZHI SPONG STE, 'DI LTAR TSUL 'CHOS PA DANG, KHA GSAG DANG, GZHOGS SLONG DANG, THOB KYIS 'JAL BA'O, ,DE LA TSUL 'CHOS ZHES BYA BA 'DI NA KHA CIG RNYED PA DON DU GNYER ZHING SNYED PA DANG BKUR STI DANG TSIGS SU BCAD PA 'DOD PA SEMS LTOS PA DANG BCAS PA DANG 'BREL PAS DGON PA PA'AM, PHYAG DAR KHROD PA'AM STAN GCIG PA NAS SBYANGS PA'I YON TAN @23A *, ,GZHAN GANG YANG RUNG BA LA NYE BAR BSTEN TE GNAS PAR GYUR PA NA, DE 'DI SNYAM DU BDAG LA GZHAN DAG GIS BSNYEN BKUR BYED, BLA MAR BYED, MCHOD PAR BYED, RJED PAR BYED NA CI MA RUNG BDAG GIS KYANG RNYED PA DANG, BKUR STI DANG, TSIGS SU BCAD PA GRUB PAR BYA NA CI MA RUNG SNYAM DU SEMS SHING, DE RNYED PA DANG BKUR STI DON DU GNYER ZHING RNYED PA LA SOGS PA 'DOD PA DE TSUL DE LTA BU'I RANG BZHIN GYI SPYOD LAM BYED PA GANG YIN PA 'DI NI TSUL 'CHOS PA ZHES BYA'O, ,KHA GSAG CES BYA BA NI 'DI NA KHA CIG RNYED PA DANG BKUR STI LA LTOS PA DANG BCAS PAS GZHAN DAG LA 'DI SKAD DU KHYOD NI BDAG GI MA JI LTA BA DE 'DRA BA DANG, PHA JI LTA BA DANG, SPUN ZLA JI LTA BA DANG, NYE DU GANG YANG RUNG BA DANG, SANG GI GNYEN MTSAMS JI LTA BA DE 'DRA BA YIN TE, NGA LA YANG SBYIN PAR BYA STE NGED KYIS KYANG KHYED LA SBYIN NO, ,DA'I BYA BA BGYIS TE NGED KYIS KYANG KHYED KYI BYA'O, ,KHO BO NI THAG RING PO NAS KYANG KHYED KYI THAD DU 'ONG ZHING KHO BO 'DIR GNAS PA GANG YIN PA'ANG KHYED CAG NYID KYI DON DU YIN NO ZHES SMRA STE, DE RNAMS LA GCES PAR 'GYUR RO, ,RNYED PA DON DU GNYER ZHING RNYED PA LA SOGS PA 'DOD PA LTOS PA DANG BCAS PA SEMS 'BREL PA DE GZHAN DAG LA TSUL DE LTA BUR KHA GSAG KUN DU SMRA BA DANG, YONGS SU SMRA BA DANG, DON DU GNYER BA DANG, KHA ZHU 'BREL PAR BCAS PA DANG, GCAM GSAG GI LAS BYED PA GANG YIN PA 'DI NI KHA GSAG CES BYA'O, ,GZHOGS SLONG ZHES BYA BA NI 'DI NA KHA CIG SO SOR BRTAGS SHING RNYED PA LA BRTEN NAS DNGOS BO DANG DE'I RGYU MTSAN DU LAS BYED PA STE, KHYOD KYI LHUNG BZED 'DI NI MDZES SO ZHE 'AM, CHOS GOS SAM, SNAM SBYAR RAM, MAL STAN NAM, LDE MIG KYOG PO 'AM, KHYOD KYI YO BYAD 'DI DANG 'DI NI BZANG NGO, ,GAL TE KHO BOS 'DI LTA BU ZHIG RNYED NA BCANG BA BYA BA NA, SBYIN PA PO 'ANG RNYED PA DKA'O ZHES BYA BA DANG, GANG YANG RUNG BA'I KHYIM DU 'ANG SONG NAS DER 'DI SKAD CES KYANG SMRA STE, KHYED KYI 'BRAS CHAN 'DI @23B NI BZANG PO YIN NO, ,SRAN TSOD BZANG NGO, ,BLA GOS BZANG NGO, ,GOS BZANG NGO, ,KHYED KYI BCA' BAR BYA BA'AM, BZA' BAR BYA BA 'DI NI BZANG PO YIN NO, ,SNGON CHAD KYANG BDAG CAG LA KHYED KYIS SBYIN PAR BYA BA DANG BSGRUB PAR BYA BAR GYUR PA YIN LA, KHO BO CAG KHYED KYIS BYIN PA DANG BSGRUBS PAS DGA' BAR GYUR PA YIN NA, DA LTAR NI KHYED CAG BDAG CAG LA SBYIN PAR BYA BA'AM, BSGRUB PAR BYA BAR MI SEMS SO ZHES SMRA BA LTA BU STE, DE'I SO SOR BRTAGS NAS BRKAM PA LAS BYUNG BA'I GZHOGS SLONG GI LAS DNGOS PO DE DANG DE NYED KYI RGYU MTSAN DU BRJOD PA GANG YIN PA 'DI NI GZHOGS SLONG ZHES BYA'O, ,NGES PAR STON PA ZHES BYA BA NI 'DI NA KHA CIG RNYED PA DON DU GNYER BA RNYED PA LA SOGS PA 'DOD PA LTOS PA DANG BCAS PA SEMS 'BREL PAS GZHAN DAG LA 'DI SKAD CES KHYED KYIS MA LA YANG SBYIN PAR MI BYA, PHA LA YANG MA YIN, SRING MO LA YANG MA YIN, NYE DU DANG SANG GI GNYEN MTSAMS GANG YANG RUNG BA GZHAN DAG LA YANG SBYIN PAR MI BYA BAR KHYED KYIS GANG ZHIG LA SBYIN PAR BYA BA 'AM BYA BA BSGRUB PA YIN ZHES SMRA ZHING, KHYIM 'GA' ZHIG TU SONG NAS DER YANG 'DI SKAD CES KHYED KYI KHYIM DU DGRA BCOM PA ZHUGS SHING KHYED DANG DGRA BCOM PA LHAN CIG TU PHRAD PA DANG, LHAN CIG TU 'DUG PA DANG, GTAM SMRA BAR 'GYUR BA NI KHYED RNYED PA DANG LDAN PA'O, ,KHYED KYIS RNYED PA LEGS PAR RNYED DO, ,KHYED KYIS 'BYOR PA LEGS PAR THOB BO, ,MIR RNYED PA'ANG DON YOD PA YIN NO ZHES SMRA ZHING, DE DAG 'DI SNYAM DU BDAG CAG GI KHYIM DU 'PHAGS PA 'DI LAS MA GTOGS PAR DGE SBYONG NGAM BRAM ZE GZHAN NI SU MANG MA ZHUGS PAS NGES PAR 'PHAGS PA 'DI NI DGRA BCOM PA ZHES BYA BA YIN NO ZHES BYA BAR SEMS NA CI MA RUNG ZHES SEMS PA STE, RNYED PA DON DU GNYER BA RNYED PA 'DOD PA LTOS PA DANG BCAS PA SEMS 'BREL PA DE'I DE LTA BU'I TSUL DU GZHAN RNAMS LA NGES PAR SGROGS PA GANG YIN PA 'DI NI NGES PAR STON PA ZHES BYA'O, ,CHOG SHES PA NI RNYED PAS RNYED @24A *, ,PA 'DOD PA SBOD BAR BYED PA YIN NO, ,DE LA RNYED PAS RNYED PA TSOL BA ZHES BYA BA NI 'DI NA KHA CIG RGYAL PO 'AM, RGYAL PO'I BLON PO 'AM, BRAM ZE 'AM, KHYIM BDAG GAM, MCHOG TU GYUR PA GZHAN GANG YANG RUNG BAR GYUR PAS LTUNG BZED DAM, CHOS GOS SAM, SNAM SBYAR RAM, LDE MIG KYOG PO'AM, STAN NAM, YO BYAD GZHAN YANG RUNG BA BYIN PA YONGS SU BLANGS SO ZHES GZHAN DAG LA STON PA DANG, 'DI NI BDAG LA RGYAL PO CHE GE MO ZHES BYA BA'AM DAM PAR GYUR PA GZHAN ZHIG GIS BYIN NO ZHES SMRA ZHING DE 'DI SNYAM DU 'DI RNAMS 'DI LTAR DE DAG KYANG RE ZHIG DE 'DRA BAR 'PHAGS PA LA SBYIN PAR BYA BA'AM, BYA BA BSGRUB PAR BYA BAR SEMS NA, KHO BO CAG KYANG 'PHAGS PA LA SBYIN PAR BYA BA'AM BYA BA BSGRUB PAR CI'I PHYIR MI SEMS ZHES SEMS NA CI MA RUNG SNYAM DU SEMS PAS, DE'I RNYED PA GZHAN GYI RNYED PA GZHAN 'DOD CING TSOL BA GANG YIN PA 'DI NI RNYED PAS RNYED PA CHOL BA ZHES BYA'O, ,SEMS BSKYED PA'I SKABS SU MI GTZANG BA LA SOGS PA CI ZHIG 'BREL ZHE NA, SEMS BSKYED PA YONGS SU MI NYAMS PA'I CHOS CAN NYID SHES PAR BYA BA'I DON DU YIN NO, ,DE YONGS SU NYAMS PA'I RKYEN NI RNAM PA DGU STE, 'KHRIG PA'I 'DOD CHAGS DANG, 'DOD PA CHE BA DANG, CHOG MI SHES PA DANG, CHOG MI SHES PA DANG, 'DU 'DZI LA MNGON PAR DGA' BA DANG, LE LO DANG, BRJED NGAS PA DANG, RNAM PAR G-YENG BA DANG, SHES RAB 'CHAL BA DANG, SPROS PA LA MNGON PAR DGA' BA RNAMS TE, DE'I GNYEN PO'I DON DU MI GTZANG BA LA SOGS PA BSTAN PA YIN NO, ,DE BZHIN DU DBUGS 'BYUNG BA DANG RNGUB PA'I 'DU SHES LA SOGS PA GZHAN DAG LA CI RIGS PAR BRJOD PAR BYA'O, ,SEMS BSKYED PA BZHI PAR THAMS CAD SHES PA NYID LA MTHONG BAS BLTAS NAS 'DA' BAR 'DOD PA DANG, LAM SHES PA NYID YONGS SU RDZOGS PAR BYA BAR 'DOD PA DANG, RNAM PA THAMS CAD MKHYEN PA NYID RJES SU 'THOB BAR 'DOD PA'I BYANG CHUB SEMS DPA' CHEN PO ZHES GANG GSUNGS PA @24B DE LA YE SHES MTHONG BA NI BYANG CHUB SEMS DPA'I MNGON PAR RTOGS PA GANG YIN PA'O, ,SA DANG PO LA MTHONG BA'I LAM GYIS BSDUS PA NI BYANG CHUB SEMS DPA'I SKYON MED PA LA 'JUG PAR 'DOD PAS ZHES GSUNGS PA GANG YIN PA'O, ,LAM SHES PA'I SA PHYIR MI LDOG PA'I SA LA GNAS PA NI PHYIR MI LDOG PA'I SA LA GNAS PAR 'DOD PAS ZHES GANG GSUNGS PA YIN NO, ,PHYIR MI LDOG PA'I SA 'ANG PHYIR MI LDOG PA'I SA 'ANG BYANG CHUB SEMS DPA'I SA BRGYAD PA YIN TE, 'DI LTAR DE NYID LAS YE SHES PHYIR MI LDOG PA'I SA ZHES BRJOD DO ZHES GSUNGS PA YIN NO, , DE NYID LA YANG BYANG CHUB SEMS DPA' GNAS PAR BYA BA YIN NO ZHES GSUNGS PA NI GZHON NU'I SA LAS 'DAS PAR 'DOD PA ZHES BYA BA YIN NO, ,GZHON DU'I SA YANG DE NYID YIN TE, 'DI LTAR DE NYID LAS KHA NA MA THO BA MED PA'I PHYIR GZHON NU'I SA ZHES BRJOD DO ZHES GSUNGS SO, , DE LAS 'DA' BA NI SANGS RGYAS RNAMS KYIS YANG DAG PAR BSKUL BA DE'I BYA BA LHAG MA MNGON PAR 'DU BYA BA'I PHYIR RO, ,'DA' BA NI RNAM PA GNYIS TE, MTHONG NAS 'DA' BA NI NYAN THOS DANG RANG SANGS RGYAS KYIS STE DE LA BYANG CHUB SEMS DPA'I BSGOM PA'I LAM MED PA'I PHYIR RO, ,GNAS NAS 'DA' BA NI PHYIN MI LDOG PA'I SA STE, BSGOM PA'I MAN RGYAN CHAGS PA'I BA'I MTSAN NYID YIN PA'I PHYIR RO, ,'O NA RIN CHEN ZLA BAS ZHUS PA'I MDO'I RJES SU 'BRANGS NAS GSUNGS PA 'DI DANG, 'BRANGS NAS GSUNGS PA 'DI DANG, RIN CHEN PHRENG BA LAS BCOM LDAN 'DAS DPAL BZANGS DPAL BZANGS ZHES BYA BA DANG, TZANDAN DPAL TZANDAN DPAL ZHES BYA BA DANG, GANG YANG DAG PAR RDZOGS PA'I SANGS RGYAS MTHA' YAS PAR SNANG BA ZHES GRAGS SHING MTHA' YAS PAR SNANG BA ZHES BYA BA DANG, TOG GI DBAL TOG GI DBAL ZHES BYA BA DANG, MYA NGAN MED PA'I DPAL THAMS CAD KYI TSE MYA NGAN MED PA'I DPAL ZHES BYA BA DANG, RIN PO CHES MCHOD PA DANG, RIN PO CHES MCHOD PA DANG, RIN PO CHE'I DPAL ZHES BYA BA DANG, RIN CHEN MCHOD SDONG DANG BCAS PA DANG, RIN PO CHE'I MCHOD SDONG ZHES BYA BA DANG, DE BZHIN GSHEGS PA ME TOG DPAL ZHES @25A *, ,BYA BA DANG, GSUNG RNAM PAR GNON PAR ZHES GRAGS SHING GSUNG RNAM PAR GNON PA ZHES GRAGS PA DANG, RGYAL BA SKAR MA'I DPAL SKAR MA'I DPAL ZHES BYA BA DANG, YON TAN RGYA CHE BA'I DPAL ZHES BYA BA DANG, YON TAN RGYA CHE BA'I DPAL ZHES BYA BA DANG, BCOM LDAN 'DAS YON TAN DPAL ZHES BYA BA PHYOGS BCU NA BZHUGS PA'I DE BZHIN GSHEGS PA GANG YIN PA'I BCOM LDAN 'DAS DE RNAMS KYI MTSAN GZUNG BA BYAS NA PHYIR MI LDOG PAR 'GYUR RO ZHES BYA BA DANG, DE BZHIN DU SEMS CAN JI SNYED KYIS BCOM LDAN 'DAS SH'AKYA THUB PA'I MTSAN THOS PA DE THAMS CAD PHYIR MI LDOG PAR 'GYUR RO ZHES BYA BA LA SOGS PA GSUNGS PA DE JI LTA BU YIN ZHE NA, 'DIR SHES RAB KYI PHA ROL TU PHYIN PA LA SBYOR BA NYID PHYIR MI LDOG PA'I SA LA GNAS PA'I RGYU'I DNGOS PO YIN PAR LDOG PA LAS MTHONG NGO, ,BSTAN PA SGRA JI BZHIN PA 'DI NI DGONGS BA CAN YIN TE, JI SKAD DU MTSAN THOS PA LAS RIGS KYI BU DAG LA PHYIR MI LDOG PA'I SA BON SKYES PAR GYUR PA YIN PAS, SEMS CAN DE DAG DE BZHIN GSHEGS PAS GZIGS NAS PHYIR MI LDOG PAR YANG BSTAN PA YIN GYI, DE RNAMS MTSAN THOS PA'I MOD LA PHYIR MI LDOG PAR GYUR PA NI MA YIN NO, ,ZHES 'DIR SA BON RJES THOGS NYID LA SKYES PA DPER BRJOD DO, ,DE'I PHYIR SHES RAB KYI PHA ROL TU PHYIN PA LA BRTZON PA NYID PHYIR MI LDOG PA'I SA'I RGYU NYID YIN PAR 'THAD PA YIN NO, ,SEMS BSKYED PA BCU GCIG PAR DGE BA'I SEMS BSKYED PA GCIG KYANG MI ZAD PAR BYA BAR 'DOD PAS ZHES GANG GSUNGS PA NI BYANG CHUB CHEN POR YONGS SU BSNGOS PA'I DGE BA'I RTZA BA CHUNG DU YANG RGYA MTSO CHEN POR CHU'I THIGS PA GCIG BOR BA'I DPES YANG DAG PAR RDZOGS PA'I BYANG CHUB KYI BAR DU ZAD PA MED PAR 'GYUR BA'I PHYIR RO, ,SEMS BSKYED PA BCU BZHI PAR CHOS THAMS CAD KHYI PAR CHOS THAMS CAD KYI DE BZHIN NYID RJES SU RTOGS PAR 'DOD PAS ZHES GANG GSUNGS BA DE LA, CHOS THAMS CAD KYI DE BZHIN NYID MI MTHUN PA'I PHYOGS DANG, GNYEN PO'I PHYOGS LA SOGS PAS BSDUS PA'I CHOS @25B RNAMS KYI SPYI'I CHOS NYID DO, ,CHOS KYI DBYINGS KYI DE BZHIN NYID RJES SU RTOGS PAR 'DOD PAS ZHES BYA BA NI KHYAD PAR GANG GI RIGS ZHES 'CHAD PAR 'GYUR BA DE'I CHOS NYID GANG YIN PA'O, ,YANG DAG PA'I MTHA' THAMS CAD KYI DE BZHIN NYID RJES SU RTOGS PAR 'DOD PAS ZHES BYA BA NI YANG DAG PA'I MTHA'I YE SHES THAMS CAD KYI CHOS NYID GANG YIN PA'O, ,THAMS PHYIN CI LOG PA'I CHOS NYID GANG YIN PA'O, ,THAMS CAD KYI ZHES BYA BA NI THAMS CAD MKHYEN PA NYID GSUM GYIS BSDUS PA'I'O, ,RJES SU RTOGS PAR 'DOD PAS ZHES BYA BA LA RJES SU SMOS PA NI RNAM PA THAMS CAD MKHYEN PA NYID DANG RJES SU MTHUN PA'I RTOGS PA SHES PAR BYA BA'I PHYIR RO, ,DE LA THAMS CAD SHES PA NYID KYIS NYON MONGS PA CAN GYI MA RIG PA TZAM SEL BAR BYED DO, ,LAM SHES PA NYID KYIS NI GNYEN PO MA LUS PAR YANG DAG PAR 'GRUB PAR BYED DO, ,DE LA RNAM PA THAMS CAD MKHYEN PA NYID KYIS NI NYON MONGS PA CAN MA YIN PA'I MI SHES PA SPONG BA YIN NO, ,BCOM LDAN 'DAS THAMS CAD MKHYEN PA GSUM PO 'DI RNAMS LA SPANG BAR BYA BA LA BRTEN PA'I BYE BRAG CI ZHIG MCHIS, RAB 'BYOR GANG YANG MED MOD KYI, DE BZHIN GSHEGS PA LA NI BAG CHAGS KYIS MTSAMS SBYOR BA SBANGS PA YOD PA YIN NO, ,DE LTAR NA KHYAD PAR YOD DO ZHE NA, RAB 'BYOR BAG CHAGS KYIS MTSAMS SBYOR BA NI NYON MONGS PA MA YIN NO, ,'ON KYANG NYAM THOS RNAMS LA 'DOD CHAGS DANG, ZHE SDANG DANG, GTI MUG SBANGS PA YOD MOD KYI, LAS DANG DAG GI RNAM PAR 'GYUR BA NI BYIS PA SO SO'I SKYE BO RNAMS BZHIN DU 'PHAGS PA RNAMS LA RAB TU SHES PA YIN NA, DE DAG DE BZHIN GSHEGS PA LA NI MI MNGA'O ZHES GSUNGS TE, 'DIR DGRA BCOM PA DGE SLONG MCHONGS PA CAN DPER BRJOD DO, ,SEMS BSKYED PA BCU BDUN PAR 'DUS BYAS DANG 'DUS MA BYAS KYI CHOS RNAMS KYI PHA ROL DU 'GRO BAR 'DOD PAS ZHES GSUNGS PA NI 'KHOR BA DANG MYA NGAN LAS 'DAS PA MNYAM PA NYID DU RTOGS PA YIN PA'I PHYIR RO, ,DUS GSUM GYIS SANGS RGYAS @26A *, ,THAMS CAD KYI DE BZHIN NYID RJES SU RTOGS PAR 'DOD PAS ZHES BYA BA NI DE RNAMS KYI CHOS KYI SKU'I MTSAN NYID LA KHYAD PAR MED PA YIN PA'I PHYIR RO, ,SEMS BSKYED PA NYI SHU RTZA GNYIS PAR LHA'I RIS THAMS CAD DANG BYANG CHUB SEMS DPA'I TSOGS CHEN POS YONGS SU BSKOR ZHING MDUN DU BDAR NAS BYANG CHUB KYI SNYING PO GANG NA BA DER 'GRO BAR BYA SNYAM PA'I BYANG CHUB SEMS DPAS SHES RAB KYI PHA ROL TU PHYIN PA LA BSLAB PAR BYA'O ZHES GANG GSUNGS PA DE LA, KUN NAS BSKOR BA NI YONGS SU BSKOR BA'O, ,MCHOD PAR BYA BA NYID KYIS MDUN PHYOGS SU BYAS PA NI MDUN DU BDAR BA'O, ,PHYOGS YONGS SU CHAD PA'I MDUN DU BYAS PA YIN NA NI, SNGA MA DANG PHYI MA 'GAL BAR 'GYUR RO, ,'DI THAMS CAD BYAS NAS TE MDOR NA SEMS BSKYED PA'I BYANG CHUB SEMS DPAS RDZOGS PAR MI 'GYUR BA'I DGE BA'I CHOS GANG YIN PA DE NI 'GA' YANG MED DO, ,DE NYID KYI PHYIR STONG GSUM GYI STONG CHEN PO'I 'JIG RTEN GYI KHAMS NA RGYAL PO CHEN PO BZHI'I RIS NAS 'OG MIN GYI BAR GYI LHA YOD PAR GYUR PA GANG DAG YIN PA DE DAG DE LTAR SEMS PAR BYED PA NI 'JIG RTEN SKYONG BA'I DBANG DU BYAS PAS SANGS RGYAS BYUNG BAR GYUR NA 'JIG RTEN GYI MNGON PAR MTHO BA DANG NGES PAR LEGS PA 'THOB PAR BSTAN PA'I PHYIR DANG, RANG GI TSOGS YONGS SU RDZOGS PAR 'DOD PA'I PHYIR DANG, YON TAN GYI TSOGS SU LHUNG BAR GYUR PA'I PHYIR RO ZHES BRJOD PAR BYA'O, ,DE LA RGYAL CHEN BZHI'I RIS NI LHUNG BZED KYI DBANG DU BYAS PA YIN TE, DE RNAMS LA KHAM GYI ZAS MCHOG TU RO ZHIM PA'I YON TAN DANG LDAN PA MANG BA'I PHYIR TE, 'DIR GZUGS CAN SNYING POS ZHUS PA DPER BRJOD DO, ,SUM CU RTZA GSUM PA LA SOGS PA NI RIM GRO'I DBANG DU BYAS PA YIN TE, DE RNAMS SGYU RTZAL MA LUS PA LA MKHAS PA NI 'DOD PA TZAM LA RAG LAS PAS 'JUG PA'I PHYIR RO, ,TSANGS RIS LA SOGS PA NI GSOL BA 'DEBS PA'I DBANG DU BYAS PA YIN TE, DE RNAMS NI 'JIG RTEN PA DANG 'JIG RTEN LAS 'DAS @26B PA'I 'DOD CHAGS DANG BRAL BAR SKAL BA MNYAM PAS GZHAN RNAMS DE LA MNGON PAR DGA' BA'I PHYIR RO, ,DE LA 'JIG RTEN PA'I 'DOD CHAGS DANG BRAL BA TSANGS PA LA SOGS PA'O, ,'JIG RTEN LAS 'DAS PA'I 'DOD CHAGS DANG BRAL BA NI GNAS GTZANG MA PA RNAMS SO; ,'DI NI PHAL CHE BAS BSTAN PA YIN TE, TSANGS PA LA SOGS PA RNAMS KYI 'OG NA YANG 'JIG RTEN LAS 'DAS PA'I 'DOD CHAGS DANG BRAL BA MED PA NI MA YIN NO, ,DBANG DU BYAS PA GSUM PO 'DI RTOGS PA MNGON DU BYED PA SU ZHIG GIS BYAS SHE NA, SUS KYANG MA YIN MOD KYI, 'ON KYANG 'DI NI DGE PA'I RTZA BA YONGS SU GYUR PA'I CHOS NYID YIN TE, RNAM PAR BSGRUB PA NYE BAR GNAS PA'I MTSAN NYID CAN GYI CHOS RNAMS KYI RTEN CING 'BREL PAR 'DI RNAMS KYI BDAG PO YIN 'DI RNAMS KYI BDAG PO YIN PAS NA RGYAL CHEN BZHI'I RIS SO, ,LEGS PAR SPYOD PA LHAN CIG SPYAD PA SUM CU RTZA GSUM DER SKYES PAS NA SUM CU RTZA GSUM MO, ,SDUG BSNGAL LAS SPONG ZHING SPANG PAS NA 'THAB BRAL LO, ,DGA' BA DANG LDAN ZHING THOB PAR GNAS PAS DGA' LDAN TE, MGU PA DANG LDAN PA ZHES BYA BA'I DON TO, ,RANG GIS SPRUL ZHENG BYAS PA'I LONGS SPYOD RNAMS KYIS DGA' ZHING ROL PAS NA 'DI NI 'PHRUL DGA'O, ,GZHAN GYIS SPRUL PA'I LONGS SPYOD RNAMS LA DBANG BYED PAS GZHAN 'PHRUL DBANG BYED DO, ,TSANGS PA CHEN PO'I 'KHOR YIN PAS NA CHANGS 'KHOR TE, TSANGS PA CHEN PO DE RNAMS KYIS BSNYEN BKUR BA'O, ,GZHAN NI 'DI'I MDUN NA 'DON GYI GNAS NA GNAS PA'I PHYIR TSANGS PA'I MDUN NA 'DON NO, ,TSE DANG KHA DOG LA SOGS PA'I KHYAD PAR RNAMS KYIS TSANGS PA CHEN PO'I 'KHOR YIN PAS TSANGS CHEN NO, ,TSANGS PA GZHAN RNAMS LAS 'DI 'OD CHUNG BA YIN PAS NA 'ONG CHUNG NGO, ,'DI LA TSAD MED CING CHE BA'I 'OD YOD PAS NA TSAD MED 'OD DO, ,'DI DAG GI DGA' BA DANG BCAS PA'I BSAM GTAN LAS GRUB PA'I PHUNG PO'I RGYUN LAS SPRIN LAS GLOG 'BYUNG BA BZHIN DU 'DI DANG DE NAS 'OD 'PHRO ZHING @27A *, ,'BYUNG BAS NA A'A BHA SVA RA STE 'OD 'PHRO'O, ,YANG NA DE LTA BU'I RANG BZHIN GYIS 'OD KYIS SNANG BAR BYED PAS NA 'OD GSAL LO, ,DGE BA ZHES BYA BA NI LUS KYI 'OD GCIG TU 'DUG CING MI 'GYUR BA LA BYA BAR BSHAD LA, DE NI DE'I GONG GI TSANGS PA RNAMS LAS 'DI 'OD CHUNG BA YIN PA'I PHYIR DGE CHUNG NGO, ,'DI DAG GI 'OD CHE ZHING TSAD MED PA'I PHYIR TSAD MED DGE'O, ,'DI DAG GI 'OD KYI TSOGS DGE BAS RGYAS PA'I PHYIR DGE RGYAS SO, ,RGYAS PA ZHES BYA BA NI DGA' BA MED PA'I BSAM GTAN LAS GRUB PA'I BDAG GI LUS THAMS CAD BKANG NAS GNAS PA STE, DE RNAMS NI DPER NA RIN PO CHE'I ZA MA TOG GI NANG NA GNAS PA'I MAR ME NI RIN PO CHE'I 'OD DANG 'DRES PA'I RANG GI 'OD RNAMS DANG 'OD KYI TSOGS GCIG TU GYUR NAS GNAS PA DE BZHIN DU 'BAR BA'I LUS KYIS RNAM PAR GNAS PA YIN NO, , 'DU SHES LA 'DOD CHAGS DANG BRAL BA BSGOMS PAS MNGON PAR GRUB PA'I GZUGS KYI PHUNG PO TZAM YOD KYI 'DI LA 'DU SHES YOD PA MA YIN PAS NA 'DU SHES MED PA'O, ,SPRIN MED DANG BSOD NAMS SKYES NI GO BAR SLA'O, ,'DI RNAMS LA BSAM GTAN GYI MTHU LAS GRUB PA'I 'BRAS BU CHEN PO YOD PAS NA 'BRAS BU CHE'O, ,SO SO'I SKYE BO'I MTHAR THUG PAR RNAM PAR GNAS PA'I PHUNG PO LNGA DANG LDAN PAS GEGS CUNG ZAD KYANG MI BYED LA DUS CUNG ZAD KYI BDAG GI GNAS SPONG BAR YANG MI BYED PAS AA BHI HA STE MI SPONG BA'O, ,GZHAN DAG NI AA SMRI HA ZHES BYA BA YIN PAR SEMS SO, ,DE DAG GI LUGS KYIS NI DE DAG LA 'OG MAR 'DOD PA MED PAS NA MI 'DOD PA ZHES BYA BAS YIN NO, ,SU LA YANG GDUNG BAR MI BYED PAS MI GDUNG BA'O, ,SHIN TU YID 'PHROG PAR BYED PA'I PHYIR NA TSEGS MED PA'I BDE BAR MTHONG BA'I PHYIR SU DRA SHA STE LEGS PAR MTHONG NGO, ,GZHAN NI SU DARSHA NA STE LEGS PAR LTA ZHES SO, ,DE DAG GI LUGS KYIS NI BYED PA POR BLTA BAR BYA'O, ,LTA BA YONGS SU DAG PA'I PHYIR MCHOG TU LTA BA'I PHYIR SU DARSHA STER BA LTA'O, ,PHUN SUM TSOGS PA'I MCHOG TU GYUR PA'I PHYIR RAM @27B 'DI RNAMS 'OG MA MA YIN PA'I PHYIR 'OG MA YIN NO ZHES BYA BA NI BTZUN BA ZANGS MDOG GI'O, ,GZHAN DAG NI SDIG MTHA' ZHES ZER TE, SDIG PA ZHES BYA BA NI BSAGS PAR GNAS PA'I RANG BZHIN YIN LA, DE NI DER SHIN TU BCOM PA'I PHYIR RO, ,SEMS BSKYED PA ZHES BYA BA LA, SEMS NI RNAM PAR SHES PA STE RNAM PAR RIG PA'O, ,RNAM PAR SHES PA GANG YIN ZHE NA, YID KYI RNAM PAR SHES PA STE DKAR PO'I CHOS THAMS CAD LA DMIGS PA NI DE LA SRID PA'I PHYIR RO, ,BSKYED PA ZHES SMOS PAS NI MA SKYES PA SKYED PAR SHES PAR BYED PA YIN PA'I PHYIR NA SEMS KYI RTOG PA'I CHOS LA DANG PO'I MTSAMS KYI DNGOS PO BSTAN PA'I DON DU'O, ,SEMS BSKYED PA BSHAD ZIN TO, ,DA NI GDAMS NGAG BRJOD PAR BYA'O, ,'DI GANG LAS SHE NA, BCOM LDAN 'DAS JI LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA SPYAD PAR BGYI ZHES GSUNGS PA LAS SO, ,DON CI YIN ZHE NA, DE LTAR SEMS BSKYED PA'I BYANG CHUB SEMS DPAS SEMS BSKYED PAR BSHAD PA'I CHOS RNAMS RDZOGS PAR BYA BA'I DON DU JI LTAR BSGRUB PAR BYA ZHES BYA BA'I DON TO,, SKABS KYI MTHAR YANG 'DI NI BYANG CHUB SEMS DPA' SEMS DPA' CHEN PO LA SHES RAB KYI PHA ROL TU PHYIN PAR GDAMS PA STE 'DI NI RJES SU BSTAN PA YIN NO ZHES 'CHAD PAR 'GYUR RO, ,DE LA DON DU GNYER BA'I DON THOB PA'I BYA BA NYE BAR STON PA NI GDAMS PA DANG RJES SU BSTAN PA YIN TE, THOB ZIN PA'I YON TAN YONGS SU SKYONG BA'I DON GYIS MI NYAMS PAR BYED PA NI GDAMS NGAG YIN LA, DE'I 'OG TU MA THOB PA'I YON TAN THOB PAR BYED PA'I PHYIR NA RJES SU BSTAN PA YIN NO, ,GDAMS NGAG DE YANG RNAM PA BCUR 'GYUR BA YIN TE, DE'I PHYIR, SGRUB DANG BDEN BA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI NGAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA LA GDAMS NGAG NI, ,BCU YI BDAG @28A *, ,NYID SHES PAR BYA, ,ZHES GSUNGS PA YIN NO, ,DE LA SGRUB PA LA GDAMS PA NI SH'A RI'I BU 'DI LA BYANG CHUB SEMS DPA' CHEN PO SHES RAB KYI PHA ROL TU PHYIN PA LA SPYOD PAS NI BYANG CHUB SEMS DPA' YANG DAG PAR RJES SU MI MTHONG NGO ZHES BYA BA NAS BRTZAMS PA'O, ,MI DMIGS PA'I RNAM PAR SGRUB PA NAS SGRUB PA, DE NYAN THOS LA SOGS PA DANG THUN MONG MA YIN PA NYID KYIS 'DZAM BU'I GLING 'DI DAG DGE SLONG SHA RA DVA TI'I BU DANG, MOOD GAL GYI BU LTA BU SHA STAG GIS 'DAM BU'I TSAL LA SOGS PA LTA BUR YONGS SU GANG BA DPER BRJOD PA NAS BRTZAMS TE, PHYOGS BCU RE RE ZHING 'JIG RTEN GYI KHAMS GANGG'A'I KLUNG GI BYE MA SNYED DES YONGS SU GANG BA'I DGE SLONG RNAMS KYI SHES RAB PAS, BYANG CHUB SEMS DPA' CHEN PO'I SHES RAB NYI MA GCIG TU BSGOMS PA KHYAD PAR DU 'PHAGS PAR BSTAN PA NI, SH'A RI'I BU GAL TE 'DZAM BU'I GLING 'DI DGE SLONG SH'A RI'I BU DANG, MOOD GAL GYI BU SHA STAG GIS 'DI LTA STE DPER NA, 'DAM BU'I TSAL LAM, 'OD MA'I TSAL LAM, BU RAM SHING GI TSAL LAM, SMYIG MA'I TSAL LAM, 'BRAS KYI TSAL LAM, TIL GYI TSAL LTAR YONGS SU GANG BAR GYUR KYANG ZHES BYA BA LA SOGS PA GANG GSUNGS PA YIN NO, ,'PHAGS PA'I GANG ZAG THAMS CAD NI 'DUS MA BYAS KYIS RAB TU PHYE BA YIN PA'I PHYIR SHES RAB THA MI DAD PA MA YIN NAM SNYAM PAS DE KHYAD PAR MED PAR ZHUS PA NI, BCOM LDAN 'DAS RGYUN DU ZHUGS PA DANG ZHES BYA BA LA SOGS PA'O, ,SH'A RI'I BU 'DI JI SNYAM DU SEMS, BYANG CHUB SEMS DPA'I SHES RAB NYIN GCIG TU BSGOMS PA 'BRAS BU GANG GI DON DU NYE BAR GNAS PA ZHES BYA BA NAS BRTZAMS TE, SEMS CAN THAMS CAD YONGS SU MYA NGAN LAS 'DA' BA DANG; PHA ROL TU PHYIN PA DRUG YONGS SU RDZOGS PAR BYA BA DANG, CHOS KYI SKU THOB PA'I MTSAN NYID CHED DU BYA BA DANG SBYOR BA DANG RTOGS PA RNAMS YANG DAG PAR THOB PAS DGE BA BCU'I LAS KYI LAM DANG, RGYAL RIGS S'A LA CHEN PO LTA BU LA SOGS PA DANG, LHA'I RIS THAMS @28B CAD DANG, RGYUN TU ZHUGS BA LA SOGS PA DANG, YANG DAG PAR RDZOGS PA'I SANGS RGYAS KYI SHES RAB BYANG CHUB SEMS DPA' MED NA MI 'BYUNG BAR BSTAN PAS SBYIN GNAS SU GYUR PA SGRUB PAR BYED PA'I KHYAD PAR LDAN PA'I DON GYIS LAN BTAB BA YIN NO, ,DE LA NGES PAR 'BYED PA'I CHA DANG MTHUN PA BZHI PO RNAMS DANG MTHONG BA DANG BSGOM PA'I LAM DAG LA GO RIMS BZHIN DU 'DAM BU LTAR LAS DANG NYON MONGS PA'I GNOD PA CHUNG DU MI BZOD PA DANG, 'OD MA LA ME DANG MTSON DAG GIS BZHIN DU LAS DANG NYON MONGS PA DRAG PO'I GNOD BYED DANG PHRAD KYANG DGE BA'I RTZA BA MI 'CHAD PA DANG BU RAM SHING DANG 'DRA BAR GNAS SKABS GZHAN THOB KYANG NGAN SONG CHAD BA'I PHYIR BDE 'GRO'I SKYE BA RNAMS SU RGYUN MI 'CHAD PA'I SBYOR BAS CHOS SGOM PA'I MNGAR BA LAS MI 'DA' BA NYID DANG, SMYIG MA DANG 'DRA BAR MYUR DU MNGON PAR RTOGS PA'I PHYIR MTHONG BA'I LAM RTOGS PAR BYED PA NYID DANG, 'BRAS DANG 'DRA BAR 'PHAGS PA'I GANG ZAG RNAMS KYI RTOGS PA'I 'BRAS BU MCHOG NYID YIN PA DANG, JI LTAR MTHONG BA LA MNGON DU PHYOGS PAR BYED PA'I PHYIR TIL DANG 'DRA BAR ME TOG LA SOGS BA'I DNGOS PO THA MI DAD DU ZIN KYANG, DUS GZHAN DU BSGOM PA LA SPANGS PA'I KHYAD PAR MTHONG BA'I DBANG DU BYAS NAS DPE DRUG PO RNAMS YIN PAR SHES BAR BYA'O, ,TSAL SMOS PA'I DON CI YIN ZHE NA, GANG ZAG GI KHYAD PAR RNAMS KYI DBANG PO'I KHYAD BAR LA SOGS PA THA DAD PA YIN YANG DRO BAR GYUR BA LA SOGS PA RNAMS KYI RIGS THA MI DAD PAR SHES PAR BYA BA'I DON DU YIN TE, DON MANG PO BRTAG PA NA YANG DPE GCIG GIS CHOG PAR 'GYUR RO, ,RE ZHIG LAM ZHES BYA BA'I SGRAS SNGA MA SNGA MA SMOS PA DPE PHYI MA PHYI MA DRANG BAR BYA BA'I DON YIN NO, ,'ON TE THA MAR LAM SMOS PA 'DI CI'I DON DU YIN ZHE NA, 'PHAGS PA'I GANG ZAG DE RNAMS KYI MTHONG BA'I CHOS LA BDE BAR GNAS PA SHES PAR BYED PA'I DPE GZHAN DRANG BAR BYA BA'I DON DU YIN NO, ,'O NA DPE GZHAN CI STE MA BRJOD CE NA, MTHONG BA'I CHOS LA BDE BAR GNAS PA RNAMS NI RANG BZHIN SNA @29A *, ,TSOGS PA NYID KYIS RIGS BSDUS PA'I NGO BO SHES PAR BYA BA'I DON YIN TE, SO SOR DPER BRJOD PA BTAGS NA NI DPE JI SNYED CIG BRJOD PAR BYA ZHING NYE BAR BSHAD PA LA MI MKHAS PA NYID DU 'GYUR TE 'DIR NGAG GI DON NI 'DI YIN NO, ,DGE SLONG SH'A RI'I BU DANG MOOD GAL GYI BU DANG 'DRA BAR SHA STAG GIS ZHES GANG GSUNGS PA 'DIS NI JI SKAD GSUNGS PA'I RTOGS PA DANG MTHUN PA RNAMS KYI ZHES BYA BAR SBYAR RO, ,BRGYA'I CHAR YANG NYE BAR MI 'GRO'O ZHES BYA BA LA SOGS PA RGYA CHER GSUNGS PA'I DON CI ZHIG YIN ZHE NA, 'DIS NI NYIN GCIG BSGOMS PA'I BYANG CHUB SEMS DPA'I SHES RAB KYI GRANGS KYI KHYAD PAR DANG, MTHU'I KHYAD PAR DANG, RIGS KYI KHYAD PAR DANG, RGYU'I KHYAD PAR DANG, DPE LAS 'DAS PA NYID BSTAN PA YIN NO, ,DE LA BRGYA'I CHAR YANG NYE BAR MI 'GRO ZHES BYA BA NAS GRANGS DANG ZHES BYA BA'I BAR NI GRANGS KYI KHYAD PAR RO, ,KHYAD PAR MED PAR GRANGS GZUNG BA NI DE LAS GZHAN PA'I GRANGS GZUNG BAR SHES PAR BYA BA'I DON DU STE, BRGYA LA SOGS PA SMOS PA KHYAD PAR CAN DU GYUR PA NA KHYAD PAR MED PAR GRANGS SMOS PA NI GRANGS KHONG DU CHUD PA'I RGYU'I KHYAD PAR TZAM YIN NO ZHES SHES PAR BYA BA'I DON DU'O, ,BYE LA LA SOGS PA SMOS PA NI SHES RAB MANG PO'I GO RIMS SHES PAR BYA BA'I DON DU YIN NO, ,CHAR YANG ZHES BYA BA NI MTHU'I KHYAD PAR RO, ,BGRANG BAR YANG ZHES BYA BA NI RIGS KYI KHYAD PAR TE, BYANG CHUB SEMS DPA'I SHES RAB KYI RIGS LA DE BGRANG DU MED PA'I PHYIR RO, ,RGYUR YANG ZHES BYA BA NI BYA BA'I KHYAD PAR TE, SHES RAB DE NI 'DI'I RGYU TZAM DU YANG MI 'GYUR RO, ,DPER YANG NYE BAR MI 'GRO ZHES BYA BA NI DPE LAS 'DAS PA'O, ,YANG 'DIR BYANG CHUB SEMS DPA' GANG GI DBANG DU BYAS PA YIN ZHE NA, GANG GI SHES RAB NYIN GCIG TU BSGOMS PA LA 'DI LTA BUR YON TAN YOD PA DE'I'O, ,CI DANG PO SEMS BSKYED PA'AM, SPYOD PA LA ZHUGS PA'AM, PHYIR MI LDOG PA'AM, SKYE BA GCIG GIS THOGS PA YIN, RE ZHIG BZHI PA NI MA YIN TE, SA BCU PA LA NI DE BZHIN GSHEGS @29B PA NYID YIN ZHES BSHAD PA'I PHYIR RO, ,DON CI ZHIG YIN ZHE NA, DE BZHIN GSHEGS PA'I MDZAD PAS NYE BAR GNAS PA YIN PA'I PHYIR, DE NYID DE BZHIN GSHEGS PA ZHES BRJOD KYI, DE BZHIN GSHEGS PA'I THUGS SU CHUD PAS NI MA YIN NO, ,GSUM PA YANG MA YIN TE; SA BRGYAD PA LA NI DGONGS PA CAN GYI MYA NGAN LAS 'DAS PA BKAG PAS NYAN THOS THAMS CAD LAS SHES PA KHYAD PAR DU 'PHAGS PA YIN PA'I PHYIR TE, KYE RGYAL BA'I SRAS KHYED MOS PAR BYA, KHYED KHONG DU CHUD PAR BYA STE, GAL TE SANGS RGYAS BCOM LDAN 'DAS DE DAG GIS BYANG CHUB SEMS DPA' DE MNGON PAR SGRUB PA'I SGO LA BCUG PAR MA GYUR PA NA NI, 'DI DE'I TSE NYID YONGS SU MYA NGAN LAS 'DA' BAR 'GYUR RO ZHES GANG GSUNGS PA YIN NO, ,YANG DE'I MYA NGAN LAS 'DAS PA GANG ZHIG YIN, GAL TE NYAN THOS KYI YONGS SU MYA NGAN LAS 'DAS PA YIN NA, DE NI RE ZHIG MI RIGS TE, NYAN THOS KYI MYA NGAN LAS 'DAS PA 'DOD PA'I YID LA BYED PA NI SEMS BSKYED PA NAS BRTZAMS TE RING DU YONGS SU SBANGS PA YIN PA'I PHYIR RO, ,'ON TE SANGS RGYAS KYI MYA NGAN LAS 'DAS PA YIN NA BSGOM PAS SPANG BA DE YANG MI RIGS SO ZHE NA, 'DI BRJED BAR BYA'O, ,BSTAN PA 'DI LA YONGS SU MYA NGAN LAS 'DAS PA RNAM PA MANG PO RNAM PAR GZHAG STE, 'DI LTAR RTZE MO THOB PA RNAMS KYI NI DGE BA'I RTZA BA 'CHAD PA YONGS SU MYA NGAN LAS 'DAS PA YIN NO, ,BZOD PA THOB PA RNAMS NI NGAN 'GRO YONGS SU MYA NGAN LAS 'DAS PA YIN NO, ,BSAM GTAN THOB PA RNAMS KYI NI DE'I YAN LAG DAG YONGS SU MYA NGAN LAS 'DAS PA YIN NO, ,RGYUN DU ZHUGS PA RNAMS KYI NI SRID PA BRGYAD PA YONGS SU MYA NGAN LAS 'DAS PA YIN NO, ,LAN CIG PHYIR 'ONG BA RNAMS KYI NI 'DIR SRID PA GNYIS PA YONGS SU MYA NGAN LAS 'DAS PA YIN, ,PHYIR MI 'ONG BA RNAMS KYI NI 'DOD PA'I KHAMS YONG SU MYA NGAN 'DAS PA YIN NO, ,DGRA BCOM PA RNAMS KYI NI PHUNG PO LHAG MA MED PA'I MYA NGAN LAS 'DAS PA YIN NO, ,'DIR YANG DAM PA'I @30A *, ,CHOS PADMA DKAR PO'I MDO TSAD MAR BYAS NAS, JI LTAR 'PHAGS PA SH'A RI'I BU LA SOGS PA'I BYANG CHUB SEMS DPA' CHEN PO RNAMS LA NYAN THOS KYI YONGS SU MYA NGAN LAS 'DAS PA'I RNAM PAR GZHAG PA GSUNGS PA DE BZHIN DU DGONGS PA CAN GYI MYA NGAN LAS 'DAS PA YIN PAR SHES PAR BYA STE, DUS DE SRID DU 'GRO BA'I DON RGYUN CHAD PA'I PHYIR RO, ,DE NYID KYI PHYIR SEMS CAN THAMS CAD KYI BYA BA RGYUN BCAD PA'I PHYIR DE NYID 'DI'I YONGS SU MYA NGAN LAS 'DAS PA YIN NO ZHES BSHAD DO, ,GNYIS PA YANG MA YIN TE, DE YANG DE RNAMS LAS RTOGS PA KHYAD PAR DU 'PHAGS PA'I PHYIR TE, DE LTAR YANG RGYAN DU ZHUGS PA NAS RANG SANGS RGYAS KYI BAR GYI SHES PA DANG SPANGS PA GANG YIN PA DE NI BYANG CHUB SEMS DPA'I BZOD PA YIN NO ZHES 'CHAD PAR 'GYUR BA YIN NO ZHE NA, DE BAS NA YONGS SU MI NYAMS PA'I CHOS CAN BRDA LAS BYUNG BA'I SEMS KYIS DANG PO SEMS BSKYED PA'I BYANG CHUB SEMS DPA' SKABS DANG POR SEMS BSKYED PAR BSTAN PA GANG YIN PA DE NYID 'DIR MNGON PAR BZHED PAR MNGON NO, ,GAL TE DE LTAR YIN NA, SH'A RI'I BU 'DI JI SNYAM DU SEMS, BYANG CHUB SEMS DPA'I NYIN GCIG BSGOMS PA'I SHES RAB 'BRAS BU GANG GI DON DU NYE BAR GNAS PA ZHES BYA BA NAS BRTZAMS TE, SEMS CAN THAMS CAD YONGS SU MYA NGAN LAS 'DA' BA DANG, PHA ROL TU PHYIN PA DRUG YONGS SU RDZOGS PA DANG, CHOS KYI SKU THOB PAS BSDUS PA CHED DU BYA BA DANG SBYOR BA DANG RTOGS PA RNAMS YANG DAG PAR THOB PAS ZHES BYA BA 'DIR MI 'GYUR TE, 'DI DAG NI NYIN GCIG BSGOMS PA'I SHES RAB KYI 'BRAS BU MA YIN GYI, BSKAL PA GRANGS MED PA MANG PO'I SHES RAB KYI 'BRAS BU YIN PA'I PHYIR RO ZHE NA; 'DIR YANG MAR ME'I SNYING PO TSIG PA'I DPES SEMS BSKYED PA DANG PO DANG PHYIR MA'I 'BRAS BU YIN PA NI LAM YIN NO, ,SGRUB PA LA GDAMS PA BSHAD ZIN TO,, ,,BDEN PA LA GDAMS PA GANG ZHE NA, 'PHAGS PA'I BDEN PA BZHI LA GDAMS PA GANG YIN BA'O, , @30B DE LA SDUG BSNGAL GYI BDEN PA'I DBANG DU MDZAD NAS, SH'A RI'I BU 'DI LA BYANG CHUB SEMS DPA' SEMS DPA' CHEN PO GZUGS STONG PA NYID LA BRTZON NA BRTZON ZHES BYA'O ZHES BYA BA LA SOGS PA GANG GSUNGS PA YIN NO, ,KUN 'BYUNG GI BDEN PA'I DBANG DU MDZAD NAS, GAL TE GZUGS SKYE BA'I CHOS CAN NAM 'GAG PA'I CHOS CAN DU YANG DAG PAR RJES SU MI MTHONG, GZUGS KUN NAS NYON MONGS PA'I CHOS CAN NAM RNAM PAR BYAD BA'I CHOS CAN DU YANG DAG PAR RJES SU MI MTHONG, GZUGS NI TSOR BAR YANG DAG PAR 'DU BA YIN NO, ,ZHES BYA BAR YANG DAG PAR RDZAS SU MI MTHONG ZHES BYA BA LA SOGS PA NAS, DE CI'I PHYIR ZHE NA, SH'A RI'I BU 'DI LTAR GZUGS KYI STONG PA NYID GANG YIN PA DE NI GZUGS MA YIN NO ZHES BYA BA LA SOGS PA DANG, DE CI'I PHYIR ZHE NA, SH'A RI'I BU 'DI LTAR GZUGS GZHAN MA YIN LA STONG PA NYID KYANG GZHAN MA YIN TE, GZUGS STONG PA NYID YIN LA STONG PA NYID NI GZUGS SO ZHES BYA BA LA SOGS PA GSUNGS PA YIN TE, 'DIS NI SGRO 'DOGS PA DANG SKUR BA 'DEBS PA'I MTHA' GNYIS SEL BAR BYED DO, ,'GOG PA'I BDEN PA'I DBANG DU MDZAD NAS GSUNGS PA NI, SH'A RI'I BU STONG PA NYID DE NI MI SKYE MI 'GAG CING KUN NAS NYON MONGS PA MA YIN, RNAM PAR BYANG BAM YIN, 'GRIB BAM YIN 'PHEL BAM YIN, 'DAS PA YANG MA YIN, MA 'ONGS BA YANG MA YIN, DA LTAR BYUNG BA YANG MA YIN NO, ,GANG YANG 'DI 'DRA BDE LA NI GZUGS MED DO, ,TSOR BA MED DO ZHES BYA BA NAS MA RIG BA SKYE BA MED DO, ,MA RIG PA 'GAG PA YANG MED DO ZHES BYA BA'I BAR DANG, RGYUN DU ZHUGS PA MED DO, ,RGYUN DU ZHUGS PA'I 'BRAS BU MED DO ZHES BYA BA NAS SANGS RGYAS MED DO, ,BYANG CHUB SEMS DPA' MED DO ZHES BYA BA'I BAR YIN NO, ,LAM GYI BDEN PA'I DBANG DU MDZAD NAS GSUNGS PA NI, DE SHES RAB KYI PHA ROL TU PHYIN PA LA SPYOD PA NA BDAG NYID LA SBYIN PA'I PHA ROL TU PHYIN PA LA BRTZON ZHES BYA 'AM MI BRTZON ZHES BYA BAR YANG DAG PAR RJES SU MI @31A *, ,MTHONG NGO ZHES BYA BA LA SOGS PA YIN NO, ,PHA ROL TU PHYIN PA DRUG LA LAM DU GRAGS PA YIN PA'I PHYIR LAM YIN NO, ,YANG RNAM PAR THAR PA'I SGO GSUM GYIS YANG DAG PAR BSDUS PA'I RNAM PAR RNAMS LA LAM YIN NO, ,ZHES GSUNGS PA NI, DE STONG PA NYID LA STONG PA NYID KYIS SBYOR BAR MI BYED DE, ,STONG PA NYID KYI RNAL 'BYOR LAM YIN NO, ,MTSAN MA MED PA LA MTSAN MA MED PAS SBYOR BAR MI BYED DE, MTSAN MA MED PA'I RNAL 'BYOR LA MA YIN NO, ,SMOM PA MED PA LA SMON PAS SBYOR BAR MI BYED DE, ,SMON PA MED PA'I RNAL 'BYOR LA MA YIN NO ZHES BYA BA LA SOGS PA YIN TE, 'DIS NI LAM GYI BDEN PA RNAM PAR MI RTOG PA YIN PAR BSTAN TO, ,DE LA GZUGS LA SNGON GYI MTHAS SBYOR BAR MI BYED DE, ,ZHES BYA BA LA SOGS PA DANG, DE CI'I PHYIR ZHE NA, SH'A RI'I BU 'DI LTAR BYANG CHUB SEMS DPAS SNGON GYI MTHA' NYID KYANG YANG DAG PAR RJES SU MI MTHONG NGO ZHES BYA BA NAS, ,DE SNGON GYI MTHONG NGO BYA BA NAS, DE SNGON GYI MTHA' LA PHYIR MA'I MTHAS SBYOR BAR MI BYED DE, ,PHYI MA'I MTHA' LA SNGON GYI MTHAS SBYOR BAR MI BYED DO ZHES BYA BA NAS, DE CI'I PHYIR ZHE NA, DUS GSUM MNYAM PA NYID KYI PHYIR RO ZHES BYA BA STE, 'DIS NI LAM GYI NGES PAR 'BYIN PA STON PAR BYED DO, ,NGES PAR 'BYUNG BAR BYA BA YANG GANG YIN ZHE NA, RNAM PA THAMS CAD MKHYEN PA NYID DE, GANG GI PHYIR DE RNAM PA THAMS CAD MKHYEN PA NYID LAS 'DAS PAS SBYOR BAR MI BYED DE, ,'DI LTAR 'DAS PA NYID YANG DAG PAR RJES SU MI MTHONG NGO ZHES BYA BA LA SOGS PA GSUNGS PA YIN NO, ,BDEN PA LA GDAMS PA BSHAD ZIN TO,, ,,DKON MCHOG GSUM LA GDAMS PA GANG ZHIG YIN ZHE NA, DE NI DKON MCHOG GSUM LA GDAMS PA YIN PAR SHES PAR BYA'O, ,DE LA SANGS RGYAS SU BYED PA'I CHOS RNAMS NI SANGS RGYAS TE, DE YANG RNAM PA THAMS CAD MKHYEN PA NYID KYIS YANG DAG PAR BSDUS PA YIN NO ZHES GSUNGS PA NI, DE SHES RAB KYI PHA ROL TU PHYIN PA LA SPYOD PA'I TSE, GZUGS LA RNAM @31B PA THAMS CAD MKHYEN PA NYID KYIS SBYOR BAR MI BYED DE, ,DE CI'I SLAD DU ZHE NA, GZUGS NYID KYANG STONG PA NYID, STONG PA NYID KYANG GZUGS SO, ,ZHES BYA BAS CHOS RNAMS DANG, DE'I STONG PA NYID PHAN TSUN GYI RANG BZHIN GCIG TU 'DOD PAS GSUNGS PA YIN NO, ,DE LA SNGAGS NI RTAG PA'I MTHA' BKAG LA CIG SHOS KYIS NI CHAD PA'I MTHA' BKAG PA YIN NO, ,BDEN PA BZHI'I DBANG DU MDZAD NAS SDUG BSNGAL GYI BDEN PA'I SKABS SU GNAS PA MED PA'I DMIGS PA'I KHYAD PAR NI BCOM LDAN 'DAS GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, DES GZUGS LA MI RTAG CES GNAS MI BGYI'O, ,ZHES BYA BA NAS GZUGS LA ZHI BA'O, ,ZHES BGYI BAR GNAS PAR MI BGYI'O, ,ZHES BYA BA'I BAR DU RGYAS PAR TE, DE CI'I SLAD DU ZHE NA, BCOM LDAN 'DAS DE NI 'DI LTAR GZUGS MI RTAG BA NI GZUGS MI RTAG PA NYID KYIS STONG STE, ZHES GSUNGS PA YIN NO, ,DE LA GNAS PA NI DNGOS PO LA DMIGS PA'I SEMS KYI RTEN PA'O, ,'DIR SPYAD PAR BYA STE, GAL TE RE ZHIG GNAS PA MED PA TZAM GNAS PAR MI BYA BA YIN NA NI MED PA'I PHYIR GNYEN PO MI RIGS SO, ,'ON TE GANG GNAS PA YIN PA MA YIN NA, DE LTA NA NI THAL CHES PA YIN NO ZHE NA, MNGON PAR ZHEN, ,MNGON PAR ZHEN PA MED PA LA TSUL JI LTAR BSHAD PA DE LTAR 'DI LA YANG BLTA BAR BYA'O, ,RNAM PA'I KHYAD PAR NI, BCOM LDAN 'DAS GZUGS MI RTAG PA NYID KYI STONG PA NYID GANG LAGS PA DE'ANG MI RTAG PA NYID MA LAGS PA NYID LAS GUD NA YANG STONG PA NYID MA MCHIS TE ZHES BYA BAS MI RTAG PA NYID LA SOGS PA RNAMS DANG, DE'I STONG PA NYID PHAN TSUN DE'I BDAG NYID KYI RNAM PA'I KHYAD PAR CAN DANG, DE NI 'DI LTAR GZUGS NYID YANG DAG PAR RJES SU MI MTHONG NGO ZHES BYA BA NAS SANGS RGYAS LA RNAM PA THAMS CAD MKHYEN PA NYID KYIS SBYOR BAR MI BYED DE, DE NI 'DI LTAR SANGS RGYAS NYID KYANG YANG DAG PAR RJES SU MI MTHONG NGO, ,DE CI'I PHYIR ZHE NA, SANGS RGYAS NYID RNAM PA THAMS CAD MKHYEN PA, RNAM PA @32A *, ,THAMS CAD MKHYEN PA NYID KYANG SANGS RGYAS YIN NO, ,BYANG CHUB NYID RNAM PA THAMS CAD MKHYEN PA, RNAM PA THAMS CAD MKHYEN PA NYID KYANG BYANG CHUB PO ZHES BYA BA STE, 'DIS NI DMIGS PAR BYA BA DANG, DMIGS PA PO MNYAM PA NYID KYI YI SHES NI SANGS RGYAS YIN NO ZHES YONGS SU BSTAN TO, ,CHOS DKON MCHOG GI DBANG DU BYAS NAS GSUNGS PA NI, ,DE SHES RAB KYI PHA ROL TU PHYIN PA LA SPYOD PA'I TSE, GZUGS DNGOS PO YOD CES BYA BAR MI SBYOR RO, ,GZUGS DNGOS PO MED CES BYA BAR MI SBYOR RO; ,GZUGS RTAG CES BYA BA DANG MI RTAG CES BYA BAR MI SBYOR RO, ,ZHES BYA BA LA SOGS PA YIN NO, ,CHOS NI 'DOD CHAGS DANG BRAL BA YIN PA'I PHYIR THAMS CAD DU 'DOD CHAGS PA DANG BRAL BA YIN PAR BSTAN PA'I DON DU GSUNGS PA NI, BYANG CHUB SEMS DPA' SBYIN PA'I PHA ROL TU PHYIN PA'I DON DU SHES RAB KYI PHA ROL TU PHYIN PA LA MI SPYOD DO ZHES BYA BA NAS BTZAMS TE, PHA ROL TU PHYIN PA THAMS CAD KYI DON DU SHES RAB KYI PHA ROL TU PHYIN PA LA SPYOD PA BKAG PA DANG, DE BZHIN DU PHYIR MI LDOG PA'I SA LA SEMS CAN YONGS SU SMIN PAR BYA BA'I DON DANG, SANGS RGYAS KYI ZHING YONGS SU DAG PAR BYA BA'I DON DANG, STOBS RNAMS DANG, MI 'JIGS PA RNAMS DANG, LAS SO SO YANG DAG PAR RIG PA DANG, SANGS RGYAS KYI CHOS MA 'DRES PA RNAMS DANG, NANG STONG PA NYID NAS DNGOS PO MED PA'I NGO BO NYID STONG PA NYID KYI BAR DANG, DE BZHIN NYID DANG, CHOS KYI DBYINGS DANG, YANG DAG PA'I MTHA' DANG, LHA'I MIG YUL DANG BCAS PA DANG, DE'I YUL PHYOGS BCU RE RE ZHING GANG+G'A'I KLUNG GI BYE MA SNYED KYI 'JIG RTEN GYI KHAMS RNAMS NA SEMS CAN RNAMS KYI 'CHI 'PHO BA DANG SKYE BA LHA'I MIG GIS MTHONG BAR BYA'O ZHES BYA BA'O, ,LHA'I RNA BA YUL DANG BCAS CAS DANG, DE'I YUL NI BSHAD MA THAG PA'I SEMS CAN GYI SGRAS BSDUS PA'O, ,GZHAN GYI SEMS SHES PA YUL DANG BCAS PA DANG, DE'I YUL NI BSHAD MA THAG PA'I SEMS CAN RNAMS KYI SEMS @32B KYIS BSDUS PA'O, ,SNGON GYI GNAS RJES SU DRAN PA DANG BCAS PA DE'I YUL NI BSHAD MA THAG PA'I SEMS CAN RNAMS KYI SNGON GYI GNAS KYAS BSDUS PA'O, ,RDZU 'PHRUL GYI YUL SHES PA YUL DANG BCAS PA'I DON DU SHES RAB KYI PHA ROL TU PHYIN PA LA SPYOD PA BKAG PA STE; DE'I YUL NI BSHAD MA THAG PA'I SEMS CAN RNAMS KYI GZHI'I YUL DU 'GRO BAS YANG DAG PAR BSDUS PA'O, ,DE LTAR SPYOD PA NI SEMS CAN GYI KHAMS GZHAL DU MED PA YONGS SU MYA NGAN LAS 'DA' BA DANG, BDUD KYIS GLAGS MI RNYED PA DANG, 'JIG RTEN PA'I NYON MONGS PA BSAL PA DANG, PHYOGS BCU'I 'JIG RTEN GYI KHAMS SU SO RNAMS SU DA LTAR BZHUGS PA'I SANGS RGYAS DANG NYAN THOS DANG RANG SANGS RGYAS LHA'I RIGS RNAMS SRUNG BAR BYED PA DANG, MTHONG BA'I CHOS NYID LA BYAMS PA'I RGYU CAN GYIS LAS KYI SGRIB PA RNAM PAR DAG PA DANG, TSEGS CHUNG DUS GZUNGS DANG TING NGE 'DZIN GYI SGO MNGON DU GYUR PA DANG, BYANG CHUB KYI SNYING PO'I BAR DU SKYE BA THAMS CAD DU SANGS RGYAS RNAMS MNYES PAR BYED PA DANG, CHOS THAMS CAD NYE BAR MI DMIGS PAS PHRAD PA DANG BRAL BA BKAG PA DANG, CHOS KYI DBYINGS RJES SU MI DMIGS PA'I PHYIR DE DAG GIS MYUR DU MNGON PAR BYANG CHUB PA BKAG PA DANG, SNA TSOGS PAR BYED PA MI BYED PA'I PHYIR RTOGS PAR BYA BA DANG RTOGS PA PO'I CHOS NYE BAR MI DMIGS PA DANG, CHOS KYI DBYINGS LA STONG PA DANG MI STONG PAR SBYOR BA BKAG PA DANG, MIG LA SOGS PA'I KHAMS BCO BRGYAD LA STONG PA NYID KYIS SAM, ,DE LA DE DAG GIS SBYOR BA BKAG PA DANG, NYAN THOS LA SOGS PA'I SA LAS 'DA' BA DANG, SANGS RGYAS KYI ZHING YONGS SU DAG PA DANG, SEMS CAN YONGS SU SMIN PAR BYED PA DANG, MYUR DU BLA NA MED PA YANG DAG PAR RDZOGS PAR BYANG CHUB PA'I RGYU YIN PA'I PHYIR STONG PA NYID KYI RNAL 'BYOR MCHOG TU BRJOD PA DANG, RTOGS PA THAMS CAD LA NGA RGYAL BKAG PA DANG, STONG PA NYID KYI RNAL 'BYOR LA GNAS NAS SNYING RJE CHEN PO DANG BYAMS PA CHEN PO MNGON PAR @33A *, ,BSGRUB PA DANG LDAN PAS PHA ROL TU PHYIN PA DRUG GI MI MTHUN PA'I PHYOGS SER SNA LA SOGS PA'I SEMS MI SKYED PAS ZHES BYA'O, ,'JIG RTEN PA'I NYON MONGS PA BSAL BA DANG ZHES BRJOD PA DE LA 'JIG RTEN PA'I NYON MONGS PA NI MA RIG PA DANG, LTA BA DANG, ZAG PA DANG BCAS PAS BSDUS PA STE, BYANG CHUB SEMS DPA' NI DE DAG RTZA BA NAS SHIN TU GZHOL BA'I PHYIR RNAL 'BYOR RTZOM PAR BYED PA'O, ,'DOD PA'I ZAG PA YONGS SU SHES BZHIN DU YANG SEMS CAN YONGS SU SMIN PAR BYA BA'I PHYIR BSAMS BZHIN DU 'DOD PA'I KHAMS SU SKYE BA LEN PAR BYED DO, ,SRID PA'I ZAG PA YONGS SU SHES BZHIN DU BSAMS BZHIN DU SRID PA'I ZAG PA YONGS SU 'DZIN TO, ,YANG BYANG CHUB SEMS DPA' NI NYON MONGS PA DANG NYON MONGS PA MED PAR BRJOD PAR MI BYA'O, ,DE CI'I PHYIR ZHE NA, NYON MONGS PA RNAMS KUN DU MI SPYOD PAS NYON MONGS PA DANG BCAS PA ZHES BRJOD PAR MI BYA LA, DE BZHIN GSHEGS PA'I YE SHES MNGON PAR 'DOD PA DANG BSAM PA YONGS SU MA RDZOGS PA'I PHYIR NYON MONGS PA MED PA ZHES BRJOD PAR MI BYA'O ZHES BSHAD DO, ,DE LA DGE 'DUN DKON MCHOG NI 'DIR PHYIR MI LDOG PA'I BYANG CHUB SEMS DPA'I DGE 'DUN YIN PAR SHES PAR BYA'O, ,DE DAG KYANG ZHUGS PA DANG 'BRAS BU LA GNAS PA'I DBYE BAS SKYES BU ZUNG BZHIR 'GYUR RO, ,DE BSDUS PA YANG GANG ZAG BRGYAD PA LA SOGS PA YIN TE, GANG GI PHYIR BRGYAD PA'I DBANG DU MDZAD NAS GSUNGS PA NI BCOM LDAN 'DAS GANG ZHIG SHES RAB KYI PHA ROL TU PHYIN PA'I GNAS PA'I 'DIS GNAS PA'I BYANG CHUB SEMS DPA' DE GANG NAS SHI 'PHOS NAS 'DIR SKYES PA LAGS, 'DI NAS SHI 'PHOS NAS NI DBANG PO RNON PO GANG DU SKYE BAR 'GYUR ZHES BYA'O, ,DE LA GANG LAM SHES PA NYID LA MTHONG BA'I LAM SKAD CIG MA BCU DRUG 'CHAD PAR 'GYUR BA GANG GI YIN PA'I SKAD CIG MA BCU DRUG PO DE RNAMS LA BYANG CHUB SEMS DPA' DBANG PO RTUL POR GYUR PA GANG YIN PA DE NI DAD PAS RJES SU 'BRANG BA ZHES @33B BRJOD DE, DAD PAS LAM DE'I RDO RJES SU 'BRANG BA'I PHYIR DBANG PO RNON PO GANG YIN PA DE NI CHOS KYIS RJES SU 'BRANG BA YIN TE, SHES RAB KYIS LAM DE'I RJES SU 'BRANG BA'I PHYIR RO, ,GANG GI PHYIR DAD PAS RJES SU 'BRANG BA'I DBANG DU MDZAD NAS GSUNGS PA NI, ,DE LA SH'A RI'I BU BYANG CHUB SEMS DPA' SEMS DPA' CHEN PO GANG MI'I NANG NAS SHI 'PHOS NAS MI RNAMS DANG SKAL BA MNYAM PA NYID DU SKYES PA DE NI PHYIR MI LDOG PA'I BYANG CHUB SEMS DPA' CHEN PO MA GTOGS PAR DBANG PO RTUL PO YIN TE, ,ZHES BYA BA LA SOGS PA YIN NO, , PHYIR MI LDOG PA'I BYANG CHUB SEMS DPA' BKOL BA NI DBANG PO RNON PO'I LAM GYIS SA DE THOS DE THOB PA YIN PA'I PHYIR RO,, CHOS KYIS RJES SU 'BRANG BA'I DBANG DU MDZAD NAS GSUNG PA NI SH'A RI'I BU DE LA BYANG CHUB SEMS DPA' CHEN PO SA SANGS RGYAS KYI ZHING GZHAN NAM, DGA' LDAN GYI RIS NAS SHI 'PHOS NAS 'DIR SKYES PA DE NI DBANG PO RNON POR 'GYUR ZHING ZHES BYA BA LA SOGS PA YIN NO, ,DE LA LAM SHES PA NYID LAS DGU PO RNAMS KYI NYON MONGS PA CHEN PO'I CHEN PO LA SOGS PA SPANG BA'I DON DU CHUNG DU'I CHUNG DU LA SOGS PA'I DBYE BAS SGOM PA'I LAM RNAM PA DGU 'CHAD PAR 'GYUR BA GANG YIN PA DE LAS DAD PA DANG CHOS KYIS RJES SU 'BRANG BA GANG YIN PA'I GANG ZAG DAG GIS GAL TE RNAM PA DRUG PA'AM, BDUN PA DANG BRGYAD PA SNGAR SPANGS PAR GYUR NA NI DE LAS DE DAG 'BRAS BU GNYIS PA LA ZHUGS PAR 'GYUR RO, ,GAL TE RNAM PA DGU YANG SPANG BA'I PHYIR 'DOD PA'I KHAMS SAM GONG MA CI YANG MED PA'I SKYE MCHED KYI BAR LAS 'DOD CHAGS DANG BRAL BAR GYUR NA NI DE LAS 'BRAS BU GSUM PA LA ZHUGS PA YIN NO, ,SKAD CIG MA BCU DRUG PA LA NI DE GNYIS PHYIR MI 'ONG BA'I 'BRAS BU LA GNAS PAR 'GYUR GYI, DGRA BCOM PA'I 'BRAS BU LA NI MA YIN TE, DE CI'I PHYIR ZHE NA, MTHONG BA'I LAM GYIS BSGOM PAS SPANG BAR BYA BA MI SPONG BA'I PHYIR TE, SNGAR YANG SRID PA'I RTZE MO'I 'DOD CHAGS DANG BRAL BA MI SRID PA'I PHYIR RO, ,DE'I TSE YANG SNGAR DBANG PO RTUL PO DAD PAS RJES SU @34A *, ,'BRANG BA GANG YIN PA DE NI DAD PAS LHAG PAR MOS BA ZHES BRJOD DE, ,DAD PA LHAG PA NYID KYIS NA LHAG PAR MOS PAS RAB TU MOS PA RAB TU PHYE BA YIN PA'I PHYIR RO, ,DBANG PO RNON PO SNGAR CHOS KYIS RJES SU 'BRANG BAR GYUR PA GANG PA GANG YIN PA DE NI MTHONG BAS THOB PA ZHES BRJOD DE, ,SHES RAB LHAG PA NYID KYIS NA MTHONG BAS RAB TU PHYE BA YIN PA'I PHYIR RO, ,'DI LTAR 'BRAS BU GNYIS PA DANG GSUM PA LA ZHUGS PA DAD PAS LHAG PAR MOS PA'I DBANG DU MDZAD NAS GSUNGS PA NI, SH'A RI'I BU BYANG CHUB SEMS DPA' THABS LA MI MKHAS PA GANG DAG BSAMS GTAN BZHI PO RNAMS SGRUB PAR BYED, ,PHA ROL TU PHYIN PA DRUG LA YANG LA YANG SPYOD PAR BYED CING BSAM GTAN THOB PA DES KYANG LHA TSE RING PO'I GNAS SU SKYES TE, ,DE NAS SHI 'PHOS NAS DE GAL TE 'DOD PA'I KHAMS SU LHA DANG MI RNAMS KYI NANG DU SKYE NA DE DAG GI DBANG PO RNAMS RTUL POR 'GYUR BA DAG KYANG YOD DO ZHES BYA BA'O, ,'BRAS BU GNYIS PA DANG GSUM PA LA ZHUGS PA'I MTHONG BAS THOB PA'I DBANG DU MDZAD NAS GSUNGS PA NI, SH'A RI'I BU BYANG CHUB SEMS DPA' THAMS LA MKHAS PA GANG DAG BSAM GTAN DANG GZUGS MED PA'I SNYOM PAR 'JUG PA RNAMS LA SNYOM PAR ZHUGS SHING BYANG CHUB KYI PHYOGS KYI CHOS SUM CU RTZA BDUN PO RNAMS LA YANG SNYOMS PAR 'JUG LA, ,BSAM GTAN LA SOGS PA'I DBANG GIS NI MA YIN TE, 'ON KYANG THABS LA MKHAS PAS GANG DAG GANG NA SANGS RGYAS BCOM LDAN 'DAS MNYES PAR BYED PA DE DANG DE DAG TU SBYOR BAR 'GYUR BA DAG YOD DE, DE DAG NI SHES RAB KYI PHA ROL TU PHYIN PA'I RNAL 'BYOR DANG MA BRAL BAS BSAM PA BZANG PO 'DI NYID LA BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA'O ZHES BYA BA YIN NO, ,LAN CIG PHYIR 'ONG BA'I DBANG DU MDZAD NAS GSUNGS PA NI, SH'A RI'I BU BYANG CHUB SEMS SHES RAB KYI PHA ROL TU PHYIN PA LA SPYOD PA GANG DAG THABS LA MKHAS PAS BSAM GTAN DANG GZUGS MED PA'I SNYOMS PAR ZHUGS PA @34B ZHES BYA BA NAS RGYA CHER DGA' LDAN GYI GNAS SU JI SRID KYI BAR DU GNAS NAS SHI 'PHOS NAS 'DIR SKYE BA YANG DAG PAR BSTAN TE, SANGS RGYAS KYI ZHING SNA TSOGS PA RNAMS SU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYAB YANG YOD DO ZHES BYA BA'I BAR TE, DE RNAMS NI 'JIG RTEN 'DIR LAN CIG 'ONGS TE GZHAN DU YONGS SU MYA NGAN LAS 'DA' BA'I PHYIR RO, ,PHYIR MI 'ONG BA'I DBANG DU MDZAD NAS GSUNGS PA NI, SH'A RI'I BU 'DI LTAR YANG BYANG CHUB SEMS DPA' MNGON PAR SHES PA DRUG PO THOB PA GANG DAG 'DOD PA'I KHAMS DANG GZUGS KYI KHAMS DANG GZUGS MED PA'I KHAMS SU MI SKYE, ,'ONG KYANG SANGS RGYAS KYI ZHING NAS SANGS RGYAS KYI ZHING DU 'DONG BA NAS BRTZAMS TE, GANG DAG GANG NA RGYAS BCOM LDAN 'DAS RNAMS BZHUGS PA DE DANG DER SKYES BAR 'GYUR BAR BYED PA DANG KYANG YOD DO ZHES BYA BA YIN BO,, PHYIR MI 'ONG BA NI NAM YANG MCHED DE NYID DU SKYE BA GNYIS PA MNGON PAR SGRUB PAR MI BYED DE KHYAD PAR DU 'GRO BA'I PHYIR RO, ,DE LTAR 'DI PHYIR MI 'ONG BA NYID YONGS SU RDZOGS PAR 'GYUR BA YIN TE, GANG DAG GANG DU SKYES PA DE DANG DER GTAN MI 'ONG BA'I PHYIR RO, ,RGYUN TU ZHUGS PA'I ZHES PA'I BSHAD PA GANG YIN PA RIGS NAS RIGS SU SKYE BA DE NYID RNAM PA GNYIS SU SHES PAR BYA STE, MI'I RIGS NAS RIGS SU SKYE BA DANG, LHA'I RIGS NAS RIGS SU SKYE BA'O, ,DE LA DANG PO NI, SH'A RI'I BU BYANG CHUB SEMS DPA' GANG DAG BSAM GTAN BSAM GTAN DANG GZUGS MED PA'I SNYOMS PAR 'JUG PA BSKYED NAS THABS LA MKHAS PAS MI RIGS RNAMS SU RGYAL RIGS SHING S'A LA CHEN PO LTA BU'AM, BRAM ZE'I RIGS SHING S'A LA CHEN PO LTA BU'AM, KHYIM BDAG GI RIGS SHING S'A LA CHEN PO LTA BU'I RIGS SU SKYE BAR 'GYUR BA DAG YOD DO ZHES GANG GSUNGS PA STE, DE NI NYON MONGS PA RNAM PA GSUM DANG BZHI PA SPANGS PA DANG, DE'I GNYEN PO ZAG PA MED PA'I DBANG PO THOB PA DANG, SKYE BA GNYIS SAM GSUM LHAG PAS NA RGYUN TU ZHUGS PA @35A *, ,LAS KHYAD PAR DU 'PHAGS PA YIN PA'I PHYIR RO, ,GNYIS PA LA NI, ,SH'A RI'I BU BYANG CHUB SEMS DPA' BSAM GTAN LA SOGS PA THOB PA GANG DAG THABS LA MKHAS PAS RGYAL CHEN BZHI'I RIS NAS GZHAN 'PHRUL DBANG BYED KYI LHAG RNAMS KYI BAR DU SKYES TE ZHES BYA BA NAS, DER SANGS RGYAS BCOM LDAN 'DAS RNAMS KYANG MNYES PAR BYED PA DAG YOD DO ZHES BYA BA'I BAR DU GANG GSUNGS PA YIN NO, ,LAN CIG PHYIR 'ONG BA ZHES GANG GSUNGS PA DE NYID BAR CHAD GCIG PA YIN PA NI,, SH'A RI'I BU BYANG CHUB SEMS DPA' GANG DAG BSAM GTAN BZHI NAS 'PHAGS PA'I BDEN PA BZHI BAR DU THOB KYANG DE DAG MNGON DU MI BYED PA DAG YOD DE,, DE DAG NI TSE GCIG GIS THOGS PAR SHES PAR BYA'O ZHES GSUNGS PA YIN NO, ,DE NI NYON MONGS PA'I RNAM PA BDUN DANG BRGYAD SPANGS SHING DE'I GNYEN PO ZAG PA MED PA'I DBANG PO THOB PA DANG SKYE BA'I LHAG MA GCIG LUS PAS LAN CIG PHYIR 'ONG BA LAS KHYAD PAR DU 'PHAGS PA YIN PA'I PHYIR BAR CHAD GCIG PA'O, ,NYON MONGS PA DGU SPANGS PA'I PHYIR NA PHYIR MI LDOG PA'I SA BSHAD PA GANG YIN PA DE NI RNAM PA LNGAR SHES PAR BYA'O, ,'DI LTA STE, BAR MA DOR YONGS SU MYA NGAN LAS 'DA' BA NI, SH'A RI'I BU BYANG CHUB SEMS DPA' BSAM GTAN LA SOGS PA THOB PA GANG DAG THABS LA MKHAS PAS TSANGS RIS KYI LHA RNAMS NAS 'OG MIN GYI LHA RNAMS KYI BAR DU SKYE BAR 'GYUR BA DAG YOD DE ZHES BYA BA LA SOGS PA GANG GSUNGS PA YIN TE, DE NI TSANGS RIS NAS BRTZAMS TE 'OG MIN GYI BAR GYI LHA'I RIS GANG YANG RUNG BAR MNGON PAR SANGS RGYAS NAS 'DIR MNGON PAR BYANG CHUB LA SOGS PA STON PA YIN PA'I PHYIR RO, ,SKYES NAS YONGS SU MYA NGAN LAS 'DA' BA NI,,SH'A RI'I BU BYANG CHUB SEMS DPA' GANG DAG DANG PO SEMS BSKYED PA NYID KYIS BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA ZHING ZHES BYA BA NAS, DE DAG YONGS MYA NGAN LAS 'DAS NAS DAM PA'I CHOS BSKAL PA'AM, BSKAL PA LAS LHAG PAR @35B GNAS PA DANG YOD CES GANG GSUNGS PA STE, DE NI MNGON PAR BRTZON PAS LAM LA 'JUG PA YIN PA'I PHYIR RO, ,MNGON PAR 'DU BYAS PAS MYA NGAN LAS 'DA' BA NI, SH'A RI'I BU BYANG CHUB SEMS DPA' PHA ROL TU PHYIN PA DRUG LA SPYOD PA GANG DAG 'JIG RTEN GYI KHAMS NAS 'JIG RTEN GYI KHAMS SU 'DONG ZHING DE DAG SEMS CAN RNAMS KYI DON LA RTAG TU BTZON TE ZHES BYA BA NAS BSKAL PA GRANGS MED TSAD MED PA RNAMS KYIS BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BA DAG YOD DO ZHES BYA BA'I BAR GANG GSUNGS PA YIN TE, DE NI MNGON PAR BRTZON PAS LAM LA 'JUG PA'I PHYIR RO, ,MNGON PAR 'DU BYED PA MED PAS YONGS SU MYA NGAN LAS 'DA' BA NI, ,SH'A RI'I BU BYANG CHUB SEMS DPA' GANG DAG DANG PO SEMS BSKYED PA NYID KYIS BYANG CHUB SEMS DPA'I SKYON MED PA LAS 'DA' ZHING ZHES BYA BA NAS, SANGS RGYAS KYI ZHING GZHAN DANG GZHAN DU BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BA DAG YOD DO, ,ZHES BYA BA'I BAR DU GANG GSUNGS PA YIN TE, DE NI MNGON PAR 'DU BYED PA MED PAR LAM DU 'JUG PA'I PHYIR RO, ,GONG DU 'PHO BA NI LNGA PA YIN TE, GANG ZHIG GONG DU 'GRO'I, ,GANG DU SKYES PA DE NYID DU NI YONGS SU MYA NGAN LAS MI 'DA' BA STE, 'PHO BA ZHES BYA BA NI 'GRO BA ZHES BYA BA'I DON TO,,DE YANG RNAM PA GNYIS TE 'OG MIN GYI MTHAR THUG PA DANG, SRID PA'I RTZE MO'I MTHAR THUG PA'O, ,DE LA 'OG MIN GYI MTHAR THUG PAR 'GRO BA NI, ,SH'A RI'I BU BYANG CHUB SEMS DPA' PHA ROL TU PHYIN PA DRUG LA SPYOD PA GANG DAG 'KHOR LOS SGYUR BA'I RGYAL POR GYUR NAS SEMS CAN RNAMS LA BDE BA'I YO BYAD THAMS CAD NYE BAR SGRUB CING ZAS 'DOD PA RNAMS LA ZAS ZHES BYA BA NAS BTZAMS TE, SEMS CAN RNAMS DGE BA BCU'I LAS KYI LAM LA BZHAG NAS TSANG RIS KYI LHA RNAMS NAS 'OG MIN GYI BAR DU SKYES TE, SANGS RGYAS KYI ZHING SNA TSOGS PA RNAMS SU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BA DAG YOD DO ZHES BYA BA'I BAR DU GANG @36A *, ,GSUNGS PA YIN NO, ,'OG MIN GYI MTHAR THUG PAR 'GRO BA'I GONG DU 'GRO BA GANG YIN PA 'DI NI RNAM PA GSUM DU 'GYUR TE, 'PHAR BA DANG PHYED DU 'PHAR BA DANG GNAS THAMS CAD DU 'CHI 'PHO BA'O, ,DE LA 'PHAR BA ZHES PA NI BSAM GTAN GSUM LAS YONGS SU NYAMS PA GANG YIN PA DE BSAM GTAN DANG PO BSGRUBS TE TSANGS RIS SU SKYES NAS SNGAR GOMS PA'I DBANG GIS BSAM GTAN BZHI PA DANG SPEL TE DE LAS SHI 'PHOS NAS 'OG MIN GYI LHA RNAMS SU SKYE BA STE, DE NI BAR MA DOR BA YIN PAS NA 'PHAR BA ZHES BRJOD DO, ,JI SKAD DU, SH'A RI'I BU BYANG CHUB SEMS DPA' CHEN PO GANG DAG BSAM GTAN BZHI RDZOGS PAR BYAS NAS, BSAM GTAN LAS YONGS SU NYAMS NAS BSAM GTAN DANG PO BSGRUBS TE TSANGS RIS KYI LHA RNAMS SU SKYE ZHING DE DAG YANG BSAM GTAN BSGRUBS NAS 'OG MIN GYI LHA RNAMS SU SKYES TE SANGS RGYAS KYI ZHING SNA TSOGS PA RNAMS SU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BA DAG YOD DO ZHES GANG GSUNGS PA YIN NO, ,PHYED DU 'PHAR BA ZHES BYA BA NI GANG DAG TSANGS RIS NAS SHI 'PHOS TE GNAS GTZANG MA RNAMS SU SKYES NAS BAR GYI GNAS GZHAN GCIG LAS KYANG BRGAL TE 'OG MIN DU SKYES NAS SANGS RGYAS KYI ZHING SNA TSOGS PA RNAMS SU ZHES BYA BA LA SOGS PA GSUNGS PA YIN NO, ,GNAS THAMS CAD DU 'CHI 'PHO BA ZHES BYA BA NI GANG ZHIG GNAS GZHAN THAMS CAD DU BRGYUS NAS 'OG MIN DU 'JUG PA STE, JI SKAD DU, SH'A RI'I BU BYANG CHUB SEMS DPA' CHEN PO GANG DAG DGA' LDAN GYI GNAS SBYANGS NAS TSANGS RIS NAS 'OG MIN GYI BAR DU SKYES TE THABS MKHAS PAS DMYAL BA PA DANG DUD 'GRO'I SKYE GNAS PA DANG; GSHIN RJE'I 'JIG RTEN PA'I SEMS CAN RNAMS LA CHOS STON PAR BYED PA DAG PHYOGS BCU RNAMS SU SANGS RGYAS KYI ZHING NAS SANGS RGYAS KYI ZHING DU 'GRO ZHING SANGS RGYAS BCOM LDAN 'DAS RNAMS LA BSNYEN BKUR BYED PA DANG, SEMS CAN RNAMS YONGS SU SMIN @36B PAR BYED PA DANG, BLA NA MED PA'I SANGS RGYAS KYI ZHING RNAMS KYANG YONGS SU SGRUB CING ZHES BYA BA LA SOGS PA GSUNGS PA YIN NO, ,SRID PA'I RTZE MO'I MTHAR THUG PAR 'GRO BA NI SNYOMS PAR 'JUG PA'I KHYAD PAR GZHAN RNAMS SGRUB PAR BYED CING GNAS GZHAN THAMS CAD DU SKYES NAS GNAS GTZANG MAR MA ZHUGS PA KHO NAR GZUGS MED PAR RIM GYIS SKYE BAS SRID PA'I RTZE MOR SONG NAS SANGS RGYAS KYI ZHING SNA TSOGS PA RNAMS SU MNGON PAR 'TSANG RGYA BA GANG YIN PA STE, JI SKAD DU, SH'A RI'I BU BYANG CHUB SEMS DPA' CHEN PO GANG DAG BSAM GTAN DANG GZUGS MED PA'I SNYOMS PAR 'JUG PA SGRUB PAR BYED PA DAG TSANGS RIS NAS DGE RGYAS KYI BAR GYI LHA RNAMS SU SKYE BAR 'GYUR ZHING DE NAS NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE BAR 'GYUR LA, DE NAS SANGS RGYAS KYI ZHING SNA TSOGS PA RNAMS SU ZHES GSUNGS PA YIN NO, ,GZUGS KYI 'DOD CHAGS DANG BRAL BA'I PHYIR MI LDOG PA GANG YIN PA DE NI 'DI NAS SHI 'PHOS NAS GZUGS MED PAR SKYE BAR 'GYUR BA NI, JI SKAD DU, SH'A RI'I BU BYANG CHUB SEMS DPA' CHEN PO GANG DAG BSAM GTAN DANG GZUGS MED PA'I SNYOMS PAR 'JUG PA THOB PAR 'GYUR BA DE DAG NAM MKHA' MTHA' YAS SKYE MCHED NAS SRID PA'I RTZE MO'I BAR DU SKYE BAR 'GYUR ZHING, DE NAS SANGS RGYAS KYI ZHING SNA TSOGS PA ZHES BYA BA LA SOGS PA GSUNGS PA YIN NO, ,DE LTAR NA PHYIR MI LDOG PA DRUG YIN NO, ,BDUN PA MTHONG BA'I CHOS LA MYA NGAN LAS 'DA' BA NI, JI SKAD DU, SH'A RI'I BU BYANG CHUB SEMS DPA' CHEN PO GANG DAG LUS LA SKYES BU CHEN PO'I MTSAN SUM CU RTZA GNYIS KYIS BRGYAN ZHING DBANG PO YONGS SU DAG PA BLA NA MED PA RNAMS DANG LDAN TE, NAM YANG NGAN SONG NGAN 'GRO LOG PAR LTUNG BAR SKYE BAR MI 'GYUR BA DANG, BDAG NYID STOD PAR MI BYED, GZHAN LA SMOD PAR MI BYED DE, DE DAG LA 'GRO BA MANG PO BYAMS SHING YID DU 'ONG STE, SEMS CAN GANG DAG GIS BYANG CHUB SEMS DPA' DE DAG MTHONG BA DE DAG KYANG SEMS RAB TU DANG @37A *, ,BA DE NYID KYIS RIM GYIS THEG PA GSUM GYIS YONGS SU MYA NGAN LAS 'DA' BAR BYED PA DANG, BYANG CHUB SEMS DPA' DE DAG TSE DPAG TU MED PA DANG LDAN ZHING 'KHOR LOS SGYUR BA'I RGYAL SRID BRGYA STONG DU MA YONGS SU 'DZIN TE DE DAG LA GNAS NAS KYANG SANGS RGYAS BYE BA KHRAG KHRIG BRGYA STONG DU MA LA BSKUR STIR BYAS, BLA MAR BYAS, MCHOD PAR BYAS, RJE PAR BYAS NAS PHYIS 'DI NYID DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BA DAG YOD DO ZHES GSUNGS PA YIN NO, ,'GOG PA'I SNYOMS PAR 'JUG PA THOB PA'I PHYIR MI LDOG PA GANG YIN PA DE NI MYA NGAN LAS 'DAS PA DANG 'DRA BA'I CHOS LUS KYIS MNGON SUM DU BYED PA'I PHYIR LUS KYIS MNGON SUM DU BYED PA ZHES BSHAD DO, ,YANG JI LTAR NA LUS KYIS MNGON SUM DU BYED DE NA, SEMS MED PAS LUS LA BRTEN TE DE BSKYED PA'I PHYIR RO, ,JI SKAD DU, SH'A RI'I BU BYANG CHUB SEMS DPA' CHEN PO GANG DAG SHES RAB KYI PHA ROL TU PHYIN PA LA SPYOD PA DANG, BSAM GTAN DANG, TSAD MED PA DANG GZUGS MED PA'I SNYOMS PAR 'JUG PA RNAMS KYIS RNAM PAR RTZE ZHING, DE DAG BSAM GTAN DANG PO LA SNYOMS PAR 'JUG GO, ,DE LAS LANGS NAS 'GOG PA'I SNYOMS PAR 'JUG PA LA'O, ,DE LAS LANGS NAS BSAM GTAN GNYIS PA LA SNYOMS PAR 'JUG GO, ,ZHES BYA BA NAS RGYA CHER TE, SH'A RI'I BU DE LTAR BYANG CHUB SEMS DPA' CHEN PO SHES RAB KYI PHA ROL TU PHYIN PA LA SPYOD PA THABS LA MKHAS PAS THOD RGAL GYI TING NGE 'DZIN LA SNYOMS PAR ZHUGS NAS SANGS RGYAS KYI ZHING SNA TSOGS SU ZHES BYA BA LA SOGS PA'I BAR DU GSUNGS PA YIN NO, ,PHYIR MI 'ONG BA ZHES BRJOD PA GANG YIN PA DE GAL TE SRID PA'I RTZE MO'I NYON MONGS PA RNAM PA BRGYAD SPANGS PAR GYUR NA NI DE LAS 'DIR DGRA BCOM PA'I 'BRAS BU LA ZHUGS PA ZHES BSHAD DE, JI SKAD DU, SH'A RI'I BU BYANG CHUB SEMS DPA' CHEN PO GANG DAG PHA ROL TU PHYIN PA DRUG LA GNAS NAS SEMS CAN RNAMS LA SANGS RGYAS KYI CHOS RNAMS @37B SNANG BAR BYED CING BDAG NYID KYANG NAM BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS KYI BAR DU SANGS RGYAS KYI CHOS KYI SNANG BA DANG BRAL BAR MI BYED PA DAG YOD DOD ZHES GANG GSUNGS PA YIN NO, ,DE NYID KYI DBANG DU MDZAD NAS SA BCU PA LA GNAS PA'I BYANG CHUB SEMS DPA' NI DE BZHIN GSHEGS PA NYID DU BRJOD PAR BYA'O ZHES 'CHAD PAR 'GYUR RO, ,DE CI'I PHYIR ZHE NA, DE NI SEMS CAN RNAMS LA DE BZHIN GSHEGS PA'I MDZAD PAS NYE BAR GNAS PA'I PHYIR RO, ,DGRA BCOM PA NI YANG DAG PAR RDZOGS PA'I SANGS RGYAS YIN LA, DE LA YANG SANGS RGYAS DKON MCHOG LA GDAMS PAR BSTAN PAS 'DIR YANG MA SMOS SO, ,BYANG CHUB SEMS DPA' RANG SANGS RGYAS KYI DBANG DU MDZAD NAS GSUNGS PA NI, SH'A RI'I BU BYANG CHUB SEMS DPA' CHEN PO GANG DAG SANGS RGYAS MI BZHUGS SHING NYAN THOS MED PA'I 'JIG RTEN GYI KHAMS RNAMS SU RANG BYANG CHUB TU MNGON PAR RDZOGS PAR 'TSANG RGYA BA DAG YOD DE DE DAG THABS LA MKHAS PAS SROG CHAGS BYE BA BRGYA STONG MANG PO THEG PA GSUM PO RNAMS SU YONGS SU SMIN PAR BYAS NAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O ZHES BYA BA YIN NO, ,'DIR YANG GSUNGS PA, DBANG PO RTUL DANG RNON PO DAG ,DAD DANG MTHONG THOB RIGS NAS RIGS, ,BAR CHAD GCIG PAR SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI CHAGS BCOM MTHONG BA YI, ,CHOS LA ZHE LUS MNGON SUM BYED, ,BSE RU DANG NI NYI SHU'O, ,RE ZHIG BYANG CHUB SEMS DPA' DAD PA'I RJES SU 'BRANG BA NAS BRTZAMS NAS BYANG CHUB SEMS DPA' RANG SANGS RGYAS KYI BAR YIN NO, ,ZHES ZHUGS PA DANG 'BRAS BU LA GNAS PA'I GANG ZAG SANGS RGYAS KYI LAM GYIS RNAM PAR BZHAG PAR ZAD KYI, NYAN THOS KYI LAM GYIS THOB PAR BYA BA'I RGYUN TU ZHUGS PA LA SOGS PA GANG YIN PA DANG, RANG SANGS RGYAS KYI @38A *, ,LAM GYIS THOB PAR BYA BA RANG SANGS RGYAS NYID GANG YIN PA DE DAG NI BYANG CHUB SEMS DPA'I LAM DE DANG DES RE ZHIG THOB PAR MI BYED DO, ,DE LTA NA YANG SEMS CAN RNAMS RGYUN TU ZHUGS PA'I 'BRAS BU NAS RANG BYANG CHUB KYI BAR LA 'JOG PA YIN NO, , JI SKAD DU, SH'A RI'I BU BYANG CHUB SEMS DPA' CHEN PO GANG DAG DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM GYI YAN LAG THOB PA NI RGYUN TU ZHUGS PA'I 'BRAS BU NAS RANG SANGS RGYAS NYID KYI BAR THOB PAR MI BYED KYANG, DE DAG LA SEMS CAN RNAMS 'JOG PAR BYED DO ZHES GSUNGS PA YIN NO, ,YANG JI LTAR NA RANG NYID KYIS MA THOB PA'I CHOS LA GZHAN DAG 'JOG PAR 'THAD SNYAM NA, SH'A RI'I BU NYAN THOS DANG RANG SANGS RGYAS RNAMS KYI SHES PA DANG SBONG BA GANG YIN PA DE NI BYANG CHUB SEMS DPA' CHEN PO MI SKYE BA'I CHOS LA BZOD PA THOB PA'I BZOD PA ZHES GSUNGS PA YIN NO, ,DE YANG SDUG BSNGAL LA CHOS SHES PA'I BZOD PA YIN NO, ,NYAN THOS DANG RANG SANGS RGYAS KYIS LA BYANG CHUB SEMS DPA'I SHES PA DANG MTHONG BAS BLTAS NAS 'DA' BA YIN NO, ,ZHES KYANG 'CHAD PAR 'GYUR TE, BYANG CHUB SEMS DPA'I MTHONG BA'I LAM NYID DU NYAN THOS DANG RANG SANGS RGYAS KYI RTOGS PA THAMS CAD YONGS SU RDZOGS PA YIN NO ZHES BYA BA'I THA TSIG GO, ,'DI NI PHYIR MI LDOG PA'I BYANG CHUB SEMS DPA'I DGE 'DUN YIN PAR YONGS SU GSAL BAR BSTAN PA'I DON DU, SH'A RI'I BU 'DI NI SANGS RGYAS KYI CHOS RNAMS KYI MNGON PAR RTOGS PA 'DI DAG GANG LA YOD PA'I PHYIR MI LDOG PA'I BYANG CHUB SEMS DPA' YIN PAR SHES PAR BYA'O ZHES GSUNGS PA YIN NO, ,RTOGS PA'I CHOS THAMS CAD KYI GNAS SU GYUR PA NI GNYIS TE, MI DGE BA'I CHOS RNAMS SPONG BA DANG DGE BA'I CHOS RNAMS KYANG YANG DAG PAR LEN PA'O, ,JI SKAD DU, SH'A RI'I BU BYANG CHUB SEMS DPA' @38B CHEN POS LUS DANG NGAG DANG YID KYI LUS KHA NA MA THO BA DANG BCAS PA'I GO SKABS DBYE BAR MI BYA ZHING, LUS DANG NGAG DANG YID KYI LAS RNAM PAR DAG PA LA BSLAB PAR BYA'O ZHES GSUNGS PA YIN NO, ,PHIR MI LDOG PA'I 'KHOR LO'I MDO LAS KYANG BYANG CHUB SEMS DPA' DAD PA'I RJES SU 'BRANG BA NAS BRTZAMS TE, BYANG CHUB SEMS DPA' RANG SANGS RGYAS ZHES BYA BA'I BAR GYI GANG ZAG RNAM PAR GZHAG PA CHES 'GAL BAR BYA BA'I DON DU BCOM LDAN 'DAS NYID KYIS GSUNGS PA YIN PAS DER BLTA BAR BYA'I, 'DI NI KHO BO CAG GIS NYE BAR DGOD PAR MA BYAS TE, BTAGS ZIN PA 'THAG PAS CI ZHIG BYA, DKON MCHOG GSUM LA GDAMS PA BSHAD ZIN TO,, ,,MA ZHEN PA LA GDAMS PA'I DBANG DU MDZAD NAS GSUNGS PA NI, BCOM LDAN 'DAS BYANG CHUB SEMS DPA' CHEN PO'I LUS KYI LAS KHA NA MA THO BA DANG BCAS PA DANG ZHES BYA BA NAS BRTZAMS TE, LUS LA SOGS PA MI DMIGS PAS PHA ROL TU PHYIN PA'I MI MTHUN PA'I PHYOGS SER SNA LA SOGS PA'I SEMS MA BSKYED PAS LUS LA SOGS PA MI DMIGS PA NI BYANG CHUB SEMS DPA'I LAM NYID YIN PAR GSUNGS SO; ,YONGS SU MI NGAL BA LA GDAMS PA'I DBANG DU MDZAD NAS, GZUGS LA RLOM SEMS MED PA DANG, TSOR BA DANG, 'DU SHES DANG, 'DU BYED DANG, RNAM PAR SHES PA NAS YANG DAG PAR RDZOGS PA'I BYANG CHUB KYI BAR LA RLOM SEMS MED PA STE, DE LTAR SPYOD NA SMAD PAR 'GYUR BA'I LUS YONGS SU ZIN PAR MI 'GYUR TE ZHES GSUNGS PA YIN TE, RLOM SEMS PAR GYUR NA YONGS SU SKYO BAR 'GYUR BA YIN PA'I PHYIR RO, ,LAM YONGS SU ZIN PA LA GDAMS PA'I DBANG DU MDZAD NAS, SH'A RI'I BU BYANG CHUB SEMS DPA' CHEN PO YE SHES GANG DANG LDAN PAS SHAR PHYOGS KYI 'JIG RTEN GYI KHAMS GANGG'A'I KLUNG GI B