@1A *, ,SHES PHYIN MA PA BZHUGS SO, , @1B [DD] #, ,RGYA GAR SKAD DU, BHA GA BA TI PRADZNY'A P'A RA MI TA NA WA SHLOO KA PIndA AARTHA, BOD SKAD DU, BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD [DD] PA DGU PA, 'JAM DPAL GZHON NUR GYUR PA LA PHYAG 'TSAL LO, ,SHES RAB PHA ROL PHYIN PA RGYA MTSO STE, ,DGE BA RIN CHEN 'BYUNG GNAS RANG NYID YIN, ,PHA ROL PHYIN PA DAG NI THAMS CAD KYANG,, DE RU DE YI BDAG NYID DAG GIS GNAS, ,SPROS PA MED CING SNANG BA MED, ,RNAM RTOG MED CING SKYON DANG BRAL, ,RANG BZHIN MED MCHOG SHIN TU PHRA, ,THIG LE SGRA NI RNAM PAR SPANGS, ,SHES RAB PHA ROL PHYIN YUM NI, ,SANGS RGYAS THAMS CAD BSKYED PA'I MCHOG ,RJES SU MI DMIGS GSUM GYI TSUL, ,THAMS CAD MKHYEN PA'I SPYOD YUL GYI, ,SHES RAB PHA ROL PHYIN PA NI, ,GANG ZHIG YANG DAG BSGOM 'DOD PAS, ,DES NI TSIGS BCAD DGU PA'I DON, ,MDOR BSDUS PA NI BSAM PAR BYA, ,LAS KYI MTHU LAS BYUNG BA YI, ,SKYE MCHED DRUG GI MTSAN NYID CAN, ,YANG @2A *, ,SRID ZHES BYAR GRAGS PA YIN, ,DE NI MIG YOR DAG DANG MTSUNGS, ,JI LTAR SPRUL PA'I GRONG KHYER LA, ,SPRUL PA RNAM PAR LTA BA BZHIN, ,LAS RNAMS KYIS SPRUL 'GRO BA YIS, ,GZUGS RNAMS DE BZHIN MTHONG BAR 'GYUR, ,CHOS RNAMS STON PA'I SGRA DANG NI, ,THOS PA'I SPYOD PA GANG CI 'ANG RUNG, ,MNYAN BYA THOS PA BYUNG GYUR PA, ,THAMS CAD BRAG CA LTA BU YIN, ,YUL LA CHAGS PAS SNOM PA DANG,, MYANG DANG DE BZHIN REG PA RNAMS, ,DMIGS SU YOD PA MA YIN TE, 'DI DAG THAMS CAD RMI LAM 'DRA, ,JI LTAR SGYU MA'I 'KHRUL 'KHOR MI, ,BYA BA THA DAD BYED PA LTAR, ,LUS KYI 'KHRUL 'KHOR BDAG MED 'DI,, DE BZHIN BYA BA BYED PAR 'GYUR, ,DMIGS PA SNA TSOGS GANG DANG GANG, ,SKAD CIG RE RE 'BYUNG 'GYUR BA, ,MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,GZUNG BYA GZUGS BRNYAN LTA BU STE, ,THOG MA MED PA'I SEMS LAS BYUNG, ,RNAM PAR SHES PA'ANG DE 'DRA STE, ,PHAN TSUN GZUGS BRNYAN DAG DANG MTSUNGS, ,BSGOM PA DANG BA'I RGYUD LA NI, ,YE SHES ZLA BA GANG BYUNG BA, ,MNGON SUM YOD PA MA @2B YIN TE, ,DE NI CHU ZLA DAG DANG MTSUNGS, ,RNAL 'BYOR PA YI YE SHES GANG, ,DE YANG NAM MKHA'I MTSAN NYID DE, ,DE BAS SHES DANG SHES BYA DAG ,THAMS CAD NAM MKHA'I MTSAN NYID DO, ,DE LTAR DE BZHIN NYID SEMS PA, ,DNGOS PO KUN LA MI GNAS TE; BYANG CHUB SMON PA'I SEMS KYIS NI, ,YE SHES DE LTAR 'BYUNG BAR 'GYUR, ,BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD PA DGU PA, SLOB DPON CHEN PO KA MA PA LA'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO A'A TZ'ARYA SHRADDH'A KA RA WARMA DANG, ZHU CHEN GYI LO TZ'A BA BANDE RIN CHEN BZANG POS BSGYUR CING ZHUS TE GTAN LA PHAB PA,, #, ,RGYA GAR SKAD DU, BHA GA BA TI PRADZNY'A P'A RA MI TA NA BA SHLOO KA PAndI AARTHA t'I KA, BOD SKAD DU, BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA'I TSIGS SU BCAD PA DGU PA'I RGYA CHER BSHAD PA, BCOM LDAN 'DAS NGAG GI DBANG PHYUG LA PHYAG 'TSAL LO, ,SHES RAB PHA ROL PHYIN PA RGYA MTSO STE, ,DGE BA RIN CHEN 'BYUNG GNAS RANG NYID YIN, ,PHA ROL PHYIN PA DAG NI THAMS CAD KYANG, ,DE RU DE YI BDAG NYID DAG GIS GNAS, ,SPROS PA MED CING SNANG BA MED, ,RTOG PA MED CING SKYON DANG BRAL, ,DNGOS PO MED CING SHIN TU PHRA, ,BLO DANG SGRA NI RNAM SPANGS PA'O, ,SHES RAB PHA ROL PHYIN YUM NI, ,SANGS RGYAS THAMS CAD BSKYED PA'I MCHOG ,RJES SU MI DMIGS GSUM GYI TSUL, , KUN MKHYEN YE SHES RGYU CAN GYI, ,SHES RAB PHA ROL PHYIN PA NI, ,GANG ZHIG YANG DAG BSGOM 'DOD PAS, ,DES NI TSIGS BCAD DGU YI DON, ,MDOR BSDUS PA NI BSAM PAR BYA, ZHES BYA BA LA, SHES RAB NI GANG THOS PA DANG, BSAM PA DANG, BSGOM PA'I MTSAN NYID CAN NO, ,PHA ROL TU PHYIN PA NI RAB TU MTHAR THUG PAR 'GRO BAS RTOG PA THAMS CAD DANG BRAL PA'O ZHES BYA BA'I BAR DU STE, DE NI SHES RAB KYI PHA ROL TU PHYIN PA ZHES BYA BA LA, DE GANG ZHIG YANG DAG BSGOM 'DOD PAS ZHES BYA BA NI PHYIN CI MA LOG PA'I RNAM PAS YID LA BYED PAS @3A *, ,MNGON PAR DGA' BA GANG YIN PA DES NI TSIGS SU BCAD PA DGU PO 'OG NAS BSHAD PA'I DON ZHES PA DON GYI SGO NAS BSAM PAR BYA ZHING YID LA BYA'O, ,CI RGYAS PAR RAM ZHE NA, DE MA YIN PAR BSTAN PA'I PHYIR MDOR BSDUS PA NI ZHES BYA BA SMOS TE, NYUNG DU BSDUS PA'O, ,TSIGS SU BCAD PA DGU PO DE NYID RIM GYIS BSTAN PAR BYA BA'I PHYIR, LAS KYI MTHU LAS KUN BYUNG BA'I, ,SKYE MCHED DRUG GI MTSAN NYID CAN, ,YANG SRID CES BYAR GRAGS PA NI, ,DE NI MIG YOR DAG DANG MTSUNGS, ,ZHES BYA BA SMOS TE, LAS NI DGE BA DANG MI DGE BA RNAMS SO, ,LAS DE LAS BYUNG BA NI LAS KYI MTHU LAS ZHES BYA STE, LAS BDAG POR GYUR PA'O, ,DE LAS BYUNG BA NI YANG DAG PAR SKYES PA STE, DE GANG ZHE NA, SKYE MCHED DRUG GI MTSAN NYID CAN, ,ZHES BYA BA STE, SKYE BA NI RNAM PAR SHES PA'O, ,DE RGYAS PAR BYED PAS NA SKYE MCHED DE, NANG GI BDAG NYID CAN MIG DANG RNA BA DANG, SNA DANG LCE DANG LUS DANG YID DANG DRUG NI SKYE MCHED DRUG GI MTSAN NYID CAN NI MTSAN MA STE, LAS KYI MTHU LAS BYUNG BA'I SKYE MCHED DRUG GI MTSAN NYID CAN NO, ,DE JI LTA BU ZHE NA, YANG SRID CES BYA STE, YANG SKYE BAR BYED PA'I CHOS CAN ZHES BYA BA'I BAR DU'O, ,DE LTAR GRAGS PA NI RAB TU BRJOD CING DES PA ZHES BYA BA'I BAR DU'O, ,YANG DE NYID KYI DON DAM PA'I NGO BO NYID GANG YIN PA BSTAN PAR BYA BA'I PHYIR, DE NI MIG YOR DAG DANG MTSUNGS, ,ZHES BYA BA SMOS TE, MIG YOR NYID 'DRA ZHING MTSUNGS PA GANG YIN PA DE NI MIG YOR DANG MTSUNGS PA STE, BYED PA PO LAS DANG BYA BA RNAMS DANG BRAL BA'I PHYIR STONG PA'O ZHES BYA BA'I BAR DU'O, ,PHYI ROL GYI GZUGS LA SOGS PA'I SKYE MCHED GANG YIN PA'I NGO BO NYID DE RIM BZHIN DU BSTAN PAR BYA BA'I PHYIR, JI LTAR SPRUL PA'I GRONG KHYER LA, ,SPRUL PA RNAM PAR LTA BA BZHIN, ,LAS RNAMS KYIS SPRUL 'GRO BA YIS, ,GZUGS RNAMS DE BZHIN MTHONG BAR 'GYUR, ,ZHES BYA BA SMOS TE, JI LTAR SPRUL PA'I GRONG KHYER DE LA, DE LAS GZHAN PA'I SPRUL PA RNAM PAR LTA BAR BYED PA NA, @3B DE GNYIS YANG YOD PA MA YIN TE, YANG DAG PA MA YIN PA LAS KUN DU 'BYUNG BA'I PHYIR, BLTA BAR BYA BA DANG LTA BA PO GNYI GA YANG DE DANG 'DRA STE, GZUGS RNAMS DE BZHIN DU PHYI ROL DU SNANG BAR GYUR PA NA LAS KYIS SPRUL PAR 'GRO BAS KHAMS GSUM POR MTHONG BAR 'GYUR RO ZHES BYA BAR SHES PAR BYA STE, SPRUL PA NYID YIN PAR KHYAD PAR MED DE ZHES BYA BAR DGONGS SO, ,SGRA RNAMS NI BRAG CA DANG MTSUNGS SO ZHES BSTAN PAR BYA BA'I PHYIR, CHOS RNAMS STON PA'I SGRA DANG NI, ,THOS PA'I SPYOD YUL GANG CI'ANG RUNG, ,MNYAN BYA THOS PA BYUNG GYUR PA, ,THAMS CAD BRAG CA LTA BU YIN, ,ZHES BYA BA SMOS TE, CHOS RNAMS STON PA ZHES BYA BA NI STON PA PO'I DBANG DU BYAS PA LAS BYUNG ZHING DE LAS GRAG PA'I SGRA RNAMS SO, ,THOS PA'I SPYOD YUL NI THOS PA'I YUL DU GYUR PA RNAMS SO, ,GANG CI'ANG RUNG ZHES BYA BA NI, GANG DE DANG RIGS MTHUN PA RNAMS KYANG NGO, ,MNYAN BYA THOS PA BYUNG GYUR PA, ,ZHES PA NI, MNYAN PAR BYA BA THOS SHING NYE BAR DMIGS PA GANG CI YANG RUNG BA'I SGRA RNAMS TE, GANG LAS THOS PAR GYUR PA YOD PA RNAMS SO, ,DE BAS NA KHYAD PAR MED PAR BSTAN PAR BYA BA'I PHYIR, THAMS CAD CES BYA BA SMOS SO; ,BRAG CA LTA BU YIN ZHES BYA BA NI GANG 'DI THAMS CAD KYANG BRAG CA DANG MTSUNGS PAR 'BYUNG BA YIN PA'I PHYIR RO, ,SKYES BU'I RMI LAM DANG 'DRA BAR BSTAN PA'I PHYIR, YUL LA CHAGS PAS SNOM PA DANG, ,MYANG DANG DE BZHIN REG PA RNAMS, ,DMIGS SU YOD PA MA YIN TE, ,'DI DAG THAMS CAD RMI LAM 'DRA, ,ZHES BYA BA SMOS TE, YUL LA CHAGS PAS ZHES BYA BA NI GANG YUL 'DOD PA DE RNAMS KYIS ZHES RE RE LA'ANG SBYAR BAR BYA'O, ,SNOM PA DANG ZHES BYA BA NI SNA'I RNAM PAR SHES PAS YUL DU BYAS PA STE, DRI'I RDZAS RNAMS SO,, MYANG ZHES BYA BA NI RO ZHES BYA BA RNAMS SO, ,DE BZHIN REG PA RNAMS ZHES BYA BA NI REG BYA RNAMS TE, DE LTAR YUL LA CHAGS PA RNAMS KYIS GANG ZHIG SPYOD PA'I DRI DANG RO DANG REG BYA ZHES BYA BAR GRAGS PA DE RNAMS NI DMIGS SU YOD PA MA YIN TE, CI'I PHYIR ZHE NA, 'DI DAG @4A *, ,THAMS CAD RMI LAM 'DRA, ,ZHES BYA BA SMOS TE, DE RNAMS NI RMI LAM DANG MTSUNGS SHING KHYAD PAR MED DO ZHES BYA BAR DGONGS SO, ,CI GAL TE, MIG LA SOGS PA NANG GI SKYE MCHED RNAMS DANG GZUGS LA SOGS PA PHYI'I SKYE MCHED RNAMS KYANG MED PAR GYUR NA DE DANG LDAN PA'I BYA BA DANG SPYOD PA JI LTAR SNANG ZHES RTOG PA BSAL BA'I PHYIR, JI LTAR SGYU MA'I 'KHRUL 'KHOR MI, ,BYA BA THA DAD BYED PA LTAR, ,LUS KYI 'KHRUL 'KHOR BDAG MED 'DI, ,DE BZHIN BYA BA BYED PAR 'GYUR, ,ZHES BYA BA SMOS TE, SGYU MA NYID KYI 'KHRUL 'KHOR GYI GZUGS BRNYAN GYI MI GANG YIN PA DE NI SGYU MA'I 'KHRUL 'KHOR GYI MI'O, ,BYA BA THA DAD BYED PA LTAR, ,ZHES BYA BA NI JI LTAR DE LA BYA BA DANG SPYOD PA YOD PA MA YIN YANG DE LA LUS KYI SPYOD PA DANG BYA BA 'GRO BA LA SOGS PA'I MTSAN NYID CAN THA DAD CING SNA TSOGS PA RNAMS BYED PAR 'GYUR RO, ,DE BZHIN DU, LUS KYI 'KHRUL 'KHOR BDAG MED 'DI, ,ZHES BYA BA STE, LUS NYID 'KHRUL 'KHOR LTA BU YIN PAS NA LUS KYI 'KHRUL 'KHOR ZHES BYA'O, ,GANG GI PHYIR BDAG DANG BRAL BAS NA BDAG MED PA ZHES BYA STE, DE LTAR BDAG MED PAS NA 'DI LA NI DON DAM PAR BYA BA DANG LDAN PA 'GA' YANG MED DO ZHES BYA BA'I BAR DU'O, ,DE BZHIN BYA BA BYED PAR 'GYUR, ,ZHES BYA BA NI DE LTAR BYA BA DANG LDAN PA'I BDAG MED KYANG SGYU MA'I 'KHRUL 'KHOR GYI MI'I GZUGS BRNYAN BYA BA SNA TSOGS BYED PA DE BZHIN DU 'DIR YANG DE DANG KHYAD PAR SHES PAR BYA'O,, SMIG RGYU DANG MTSUNGS BAR YANG BSTAN PAR BYA BA'I PHYIR, DMIGS PA SNA TSOGS GANG DANG GANG, ,SKAD CIG RE RE 'BYUNG 'GYUR BA, ,MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,ZHES BYA BA SMOS TE, DMIGS PA RNAM PA SNA TSOGS GANG YIN PA DE NI NYE BAR DBYE BAS YONGS SU BRTAGS PA YIN LA, GANG DANG GANG ZHES BYA BA NI SKAD CIG MA'I MTSAN NYID CAN NO, ,SKAD CIG RE RE 'BYUNG 'GYUR PA, ,ZHES BYA BA NI SKAD CIG RE RE ZHING SKYE BAR 'GYUR BA'AM, MTSAN NYID SO SOR 'BYUNG BAR 'GYUR BAS NA, SKAD CIG RE RE @4B 'BYUNG 'GYUR BA, ,ZHES BYA BA STE, SKAD CIG MA NYID DO ZHES BYA BA'I BAR DU'O, ,DE YANG DON DAM PAR NGO BO NYID JI LTA BU ZHE NA, MTHONG NA 'JIG CING MTSAN NYID BRAL, ,'DI NI SMIG RGYU DAG DANG MTSUNGS, ,ZHES BYA BA SMOS TE, JI LTAR SA'I 'GYUR BA DANG, NYI MA'I 'OD ZER PHRAD PA LAS SMIG RGYU'I TSOGS SNANG BA DANG PO MTHONG BA YANG PHYIS 'JIG PAR 'GYUR BA DE BZHIN DU NYE BAR DMIGS PA'I YUL RNAMS LA RNAM PAR SHES PA 'BYUNG BA NI DNGOS PO MED CING MTSAN NYID DANG BRAL BAS SNGON DANG PHYI MA MI 'PHRAD PA'I NGO BO NYID YIN PA'I PHYIR, MI 'DRA BA'I RANG BZHIN CAN YIN PA LAS BYIS PAR GYUR PAS MTHA' GCIG TU RTOG CING 'DUG LA, KUN RDZOB KYI BDEN PAR RTOGS PA'I GZUNG BA DANG 'DZIN PA'I CHA GNYIS SU SNANG BA DE YANG GANG STONG ZHING RANG BZHIN GYIS 'OD GSAL BA GZOD MA NYID NAS MA SKYES PA'I SEMS KYI CHOS NYID DU BSTAN PA YIN NO, ,GZUGS BRNYAN DANG 'DRA BA NYID DU BSTAN PAR BYA BA'I PHYIR, GZUNG BYA GZUGS BRNYAN LTA BU STE, ,THOG MA MED PA'I SEMS LAS BYUNG, ,RNAM PAR SHES PA'ANG DE 'DRA STE, ,PHAN TSUN GZUGS BRNYAN DAG DANG MTSUNGS, ,ZHES BYA BA SMOS TE, GZUNG BYA ZHES BYA BA NI KHA PHYIR BLTAS PA GOMS PA'I BAG CHAGS KYI DBANG DU BYAS PA STE, GZUNG BA NYID DU MNGON PAR ZHEN PAS, GNYIS SU MED NA YANG NGO BO NYID GNYIS SU SO SOR SNANG BAR GYUR PA'O, ,GZUGS BRNYAN LTA BU STE ZHES BYA BA NI GZUGS BRNYAN DANG MTSUNGS PA GANG YIN PA DE LA NI GZUGS BRNYAN LTA BU ZHES BYA BA STE, ME LONG GI DKYIL 'KHOR GYI NANG DU CHUD PA'I BZHIN LA SOGS PA DANG 'DRA BA'O, ,THOG MA ZHES BYA BA NI THOG MA MED PA'I DUS KYI SEMS KYI RNAM PAR 'PHRUL PA LAS BYUNG BA'O, ,DE GANG ZHE NA, SEMS LAS BYUNG ZHES BYA BA STE, SEMS NYID LAS BYUNG BAS NA SEMS LAS BYUNG BA ZHES BYA BA YIN TE, DE TZAM DU RJES SU 'BREL BA'I PHYI'I DNGOS PO LA LTOS PA MED LA ZHES BYA BA'I BAR DU'O, ,DE BAS NA DE NI GZUGS BRNYAN LTA BU STE, SPYI DANG KHYAD PAR GYI DUS NYID KYIS RNAM PAR BRTAG SNA YOD PA MA YIN NO, ,'BA' ZHIG TU MA ZAD KYI RNAM @5A *, ,PAR SHES PA'ANG DE DANG 'DRA STE ZHES BYA BA NI, RNAM PA DE NYID DANG CHA 'DRA BA'I SHES PA GANG YIN PA DE LA RNAM PAR SHES PA'ANG DE 'DRA STE ZHES BYA'O, ,'ANG ZHES BYA BA NI BSDU BA STE, 'DZIN PA YOD PA'ANG DE DANG 'DRA STE, GZUNG BAR BYA BA DANG BRAL NA 'DZIN PA PO 'ANG YOD PA MA YIN NO BYA BAR DGONGS TE, 'BREL PA'I SGRAS NI PHAN TSUN GCIG LA GCIG LTOS PA YIN PA'I PHYIR, PHAN TSUN GZUGS BRNYAN DAG DANG MTSUNGS, ,ZHES BYA BA SMOS TE, GZUNG BAR BYA BA DANG 'DZIN PO NI GCIG LA GCIG LTOS PAR BYA BA YIN TE, DE GNYIS KAR DMIGS PA'I PHAN TSUN RJES SU 'BREL PA'I NGO BO NYID NI RANG BZHIN GYIS 'OD GSAL BA'I SEMS KYI CHOS NYID YIN NO ZHES BYA BAR DGONGS SO, ,RANG BZHIN GYIS 'OD GSAL BA'I SEMS DE NYID KYANG GZUNG BA DANG 'DZIN PA DANG BRAL ZHING, 'DOD CHAGS LA SOGS PA DANG MA RIG PA'I DRI MA SPANGS TE, RNAM PAR DAG PAR GYUR PA NI YOD DO ZHES MNGON PAR ZHEN PA SPANGS PAR BYA BA'I DON DU CHU ZLA DANG MTSUNGS PAR BSTAN PAR BYA BA'I PHYIR, ,BSGOM PA DANG BA'I RGYUD LA NI, ,YE SHES ZLA BA GANG BYUNG BA, ,MNGON SUM YOD PA MA YIN TE, ,DE NI CHU ZLA DAG DANG MTSUNGS,, ZHES BYA BA SMOS TE, BSGOM PA NI SEMS RTZE GCIG PA'I MTSAN NYID CAN TE, DE GANG LA YOD PA DE NI BSGOM PA'O, ,DANG BA NI BAG CHAGS KYI RNYOG PA DANG BRAL BA'O, ,RGYUD LA ZHES BYA BA NI LUS DANG NGAG DANG YID KYI RGYUD DE, RTEN CING 'BREL PAR 'BYUNG BA LUGS LAS BZLOG CING, YANG DAG PA'I YE SHES SKYES PA'I BDAG NYID CAN LA'O, ,YE SHES ZLA BA GANG BYUNG BA, ,ZHES BYA BA NI YANG DAG PA'I YE SHES NI MA RIG PA'I MUN PA SEL CING NYON MONGS PA'I GDUNG BZHI BAR BYED LA, BAG CHAGS KYI DRI MAS MA GOS PAS ZLA BA DANG CHOS MTHUN PA'I PHYIR, YE SHES ZLA BZHES BYA LA, DE RGYUD DAG PA GANG LAS BYUNG ZHING SHAR BA DE YANG DNGOS POR GZUNG DU MED PA'I PHYIR, MNGON SUM YOD PA MA YIN TE, ,ZHES BYA STE, DE LTAR SNANG DU ZIN KYANG GANG GI PHYIR MNGON SUM DU DMIGS SHING GZUNG DU MED DO, ,CI'I PHYIR ZHE NA, STONG PA NYID KYI CHOS RNAMS @5B LAS STONG PA NYID KYI CHOS RNAMS KHO NA 'BYUNG BA'I PHYIR RO, ,DE BAS NA GZOD MA NYID NAS MA SKYES PA'I PHYIR, DE NI CHU ZLA DAG DANG MTSUNGS, ,ZHES BYA BA STE, 'DI LTAR CHOS KYI DBYINGS KYI NGO BO NYID YIN PAS NA DNGOS PO LA MNGON PAR ZHEN PA MNGON SUM DU DMIGS SU YOD PA MA YIN NO; ,DE LTAR DE KHO NA NYID YIN PA'I PHYIR CHOS THAMS CAD DMIGS SU MED PAS MNGON SUM DU BYA BAR MI NUS SHE NA, MNGON SUM DU BYA BA'I THABS CHOS THAMS CAD NAM MKHA' DANG MNYAM PAR BSTAN PAR BYA BA'I PHYIR, RNAL 'BYOR BA YI YE SHES GANG, ,DE YANG NAM MKHA'I MTSAN NYID DE, ,DE BAS SHES DANG SHES BYA DAG ,THAMS CAD NAM MKHA'I MTSAN NYID DO, ,ZHES BYA BA SMOS TE, 'DI LTAR ZHI GNAS TE, SEMS RTZE GCIG PA'I MTSAN NYID DANG, LHAG MTHONG STE, YANG DAG PA'I SHES RAB KYI MTSAN NYID ZUNG DU 'BREL BAR 'JUG PA LA NI RNAL 'BYOR CES BYA LA DE GANG LA YOD PA DE LA NI RNAL 'BYOR PA ZHES BYA STE, DE RNAMS KYI YE SHES GANG YIN PA DE DAG KYANG CHOS THAMS CAD NAM MKHA'I MTSAN NYID YIN PA'I PHYIR, 'KHOR BA DANG MYA NGAN LAS 'DAS PA LA MI GNAS PA'I NGO BO NYID THABS DANG SHES RAB GNYIS SU MED PAR GYUR PA'I DE BZHIN NYID KYI YE SHES DE NI DE BZHIN GSHEGS PA'I BDAG NYID CAN TE, DE YANG PHUNG PO DANG KHAMS DANG SKYE MCHED LA SOGS PA SPROS PA'I BDAG NYID CAN MA YIN TE, GANG DE BZHIN NYID KYI BDAG NYID CAN CHOS KYI DBYINGS MI G-YO BA'I NGO BO NYID KYIS GZOD MA NYID NAS MA SKYES PA'I RANG BZHIN TE, 'GRO BA DANG 'OD BA LA SOGS PA'I NGO BO NYID DANG BRAL BA'I PHYIR DNGOS PO MED PA'O ZHES KYANG BRJOD PAR NUS PA MA YIN TE, DGAG PAR BYED PA MED PA'I PHYIR RO, ,MA SKYES PA'I NGO BO NYID DU YANG YOD PA MA YIN TE, DE BAS NA, DE YANG NAM MKHA'I MTSAN NYID DE, ,ZHES BYA BA SMOS TE, SPROS PA THAMS CAD DANG BRAL BA'I PHYIR; NAM MKHA' DANG 'DRA BAS NA NAM MKHA' STE, DE NYID KYI MTSAN NYID CAN GYI MTSAN MA GANG YIN PA DE NAM MKHA'I MTSAN NYID DE, GANG GI PHYIR RGYU DES NA CHOS THAMS CAD SGRIB PA MED PA'I NGO BO NYID YIN PA'I PHYIR RO, ,GTAN TSIGS DE BAS NA SHES PA STE, KHAMS GSUM @6A *, ,PAR ZHUGS PA'I SEMS DANG, SEMS LAS BYUNG BA RNAMS KYANG NAM MKHA'I MTSAN NYID YIN LA, SHES BYA DAG STE, DES MTHONG BA'I YUL MA RIG PA'I RJES SU ZHUGS PAS SNOD DANG BCUD KYI 'JIG RTEN GYI MTSAN NYID CAN SEMS CAN RNAMS KYI PHUNG PO KHAMS DANG SKYE MCHED LA SOGS PA'I NGO BO NYID NI SHES BYA STE, SHES PAS YUL DU BYAS PAS SHES BYA NYID TZAM DU RJES SU 'BREL CING KHONG DU CHUD PAR BYA BA'I SHES BYA GANG YIN PA DE NI YUL NYID DU YONGS SU BRTAGS PAS SHES BYA ZHES BYA LA, THAMS CAD MKHYEN PA'I YE SHES LA NI, DE GNYI GA YANG NAM MKHA' DANG MNYAM MO, ,DE BAS NA DE'I KHYAB PA NYID BSTAN PA NI THAMS CAD CES BYA BA STE, PHYOGS GCIG TZAM MA YIN TE LHAG MA MED PAR RO, ,GANG 'DI LTAR NYAN THOS RNAMS KYIS GANG ZAG TZAM LA BDAG MED KYI PHUNG PO LA SOGS PA YOD PA DANG, DE RNAMS KYI THAR PA'I MTSAN NYID DU PHUNG PO LHAG MA DANG BCAS PA'I MYA NGAN LAS 'DAS PAR 'DOD PA DANG, GZHAN DU NA LHAG MA MED PA'I MYA NGAN LAS 'DAS PAR 'DOD CING SMRA LA, BCOM LDAN 'DAS KYIS NI DE DAG THAMS CAD NAS THAMS CAD DU DNGOS PO THAMS CAD STONG PA NYID DU GSUNGS KYI, MU STEGS PA LTA BU'I PHYOGS GCIG PA'I STONG PA NYID NI MA YIN NO, ,DE BAS NA DE'I DON NI 'DI YIN TE, 'GRO BA GANG CI 'ANG RUNG NAM MKHA'I MTSAN NYID DU MA GYUR PA NI 'GA' YANG MED DE, DE BAS NA, THAMS CAD NAM MKHA'I MTSAN NYID DO, ,ZHES BSHAD DO, ,DE LTAR TSIGS SU BCAD PA DGUS DE KHO NA NYID BSTAN NAS, 'DIR DNGOS PO MED PAS THOB PA'I 'BRAS BU MED PAR DOGS PA BSAL CING BYANG CHUB SEMS DPA'I RIGS CAN RNAMS KYI 'BRAS BU NYE BAR BSTAN PA'I PHYIR, DE LTAR DE BZHIN NYID SEMS PA, ,DNGOS PO KUN LA MI GNAS TE, ,BYANG CHUB SMON PA'I SEMS KYIS NI, ,YE SHES DE LTAR 'BYUNG BAR 'GYUR, ,ZHES BYA BA SMOS PA YIN NO, ,BCOM LDAN 'DAS MA SHES RAB KYI PHA ROL TU PHYIN PA'I DON BSDUS PA TSIGS SU BCAD PA DGU PA'I RGYA CHER BSHAD PA SLOB DPON CHEN PO KAM PA LA'I ZHAL SNGA NAS MDZAD PA RDZOGS SO,, ,, @6B RGYA GAR GYI MKHAN PO KA MA LA GUPTA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,, #, ,RGYA GAR SKAD DU, A'ARYA SAPTA SHA TA K'A PRADZNY'A P'A RA MI TA t'I KA ,BOD SKAD DU, 'PHAGS PA SHES RAB KYI PHA ROL TU PHYIN PA BDUN BRGYA PA'I RGYA CHER 'GREL PA, BAM PO DANG PO, NGAG GI DBANG PHYUG ZAB CING GTING RTOGS BLO MNGA' BA, ,THUGS RJE CHE LDAN SKYABS KYI NGANG LA PHYAG 'TSAL TE, KUN RMONGS GNAS NGAN LEN GYI NAGS CHEN SREG PA'I ME, ,BDUN BRGYA PA NI MDOR BSDUS KUN NAS BSHAD PAR BYA, ,SANGS RGYAS SKYED MA THAMS CAD LA YANG LHAG MTHONG DANG, ,ZHI GNAS DANG NI GNYIS PO MNYAM PA'I DMIGS PA 'BYUNG, ,BDUN BRGYA PA LA'ANG BZHI PO GANG DAG BSTAN MOD KYI, ,'CHAD BYED RNAMS KYIS MA BSTAN DE DAG BRJOD PAR BYA, ,GLENG BSLANG BA NI MDOR BSDUS DANG, ,DE YI SKABS 'BYED PA DANG BCAS, ,'KHOR DANG GLENG GZHI RGYU DANG DON, ,MTHONG BA DANG NI BSGOM PA'I LAM, ,RGYU NI MOS SPYOD RNAM PA GSUM, ,BSTOD DANG RAB BSTOD BSNGAGS PA DANG, ,DMIGS DANG DE YI RNAM PA YI, ,TSUL GYI RJES MTHUN RNAM DRUG STE, ,DE NYID DON DAM DGONGS PA DANG, ,'THOB DANG MTHA' GNYIS SPANGS PA DANG, ,BSAM GYIS MI KHYAB PA DANG 'CHAD, ,DE 'BRAS 'THOB PA'I MTSAN NYID DANG, ,DE YI RJES MYONG RNAM PAR SGROGS, ,RANG GI NGO BO'I THOGS MED BLO, ,RIGS DANG BZHUGS DANG SPYOD PA DANG, ,YON TAN BCAS DANG BZOD PA GSUM, ,RJES SU GZUNG DANG SMON PA DANG, ,RJES SU BSTAN PA DPE DANG BCAS, ,MI RTOG PA YI GZUGS BRNYAN GSUNGS, ,DAM CHOS YUN RING GNAS CHED DU, ,LHA RNAMS KYIS NI RJES SU BSGRUBS, ,SANGS RGYAS RNAMS KYIS BYIN BRLABS 'DI, ,RNAM BSHAD MTSAN NYID MDO DON GYIS, ,BDUN BRGYA PA YI DON BSDUS YIN, ,DE LA TSIG DANG PO GSUM NI GLENG BSLANG BA'O, ,GLENG BSLANGS NAS SKABS 'BYED PAR RTZOM PA NI DUS GCIG NA ZHES BYA BA LA SOGS PA NAS, KUN DGA' RAB NA ZHES BYA BA'I @7A *, ,BAR YIN NO, ,BSHAD PAR GTOGS PA'I 'KHOR GYI DBANG DU BYAS NAS DGE SLONG STONG THAM PA'I ZHES BYA BA NAS, BYANG CHUB SEMS DPA' SA YA DANG THABS CIG GO ZHES BYA BA'I BAR DES NI 'KHOR BSTAN TO, ,DE PHAN CHAD NAS DE BZHIN GSHEGS PA'I PHO BRANG GAL BA DER MCHIS NAS, PHYOGS GCIG TU MCHIS SO, ,DE CI'I SLAD DU ZHE NA ZHES BYA BA'I BAR DU NI GLENG GZHI'O, ,DE DAG NI DE BZHIN GSHEGS PA LA BLTA BA DANG, PHYAG BGYI BA DANG ZHES BYA BA LA SOGS PA NI RGYU'O, ,DE'I 'BRAS BU NI SEMS CAN GYI DON TO, ,MI DMIGS PA'I TSUL GYIS DE BZHIN NYID KYI RNAM PA DANG, RNAM PAR MI RTOG PA'I RNAM PAR DE BZHIN GSHEGS PA LA BLTA BAR BYA'O ZHES BYA BA'I SA NAS BRTZAMS TE, BYANG CHUB SEMS DPA'I THEG PA PA DMIGS PA CAN RNAMS YANG DAG PA JI LTA BA BZHIN DU RTOGS PAR BYA BA'I PHYIR PHYAG RGYA 'DI GZHAG GO ZHES BYA BA'I BAR NI MTHONG BA'I LAM MO, ,BCOM LDAN 'DAS BDAG NI SHES RAB KYI PHA ROL TU PHYIN PA RGYA CHER STON PAR SPOBS LAGS SO ZHES BYA BA NAS BRTZAMS TE, BCOM LDAN 'DAS 'JIG TSOGS DE NI MA MCHIS PA STE, 'JIG TSOGS MA LAGS PAS DE NI MI 'PHO LA 'PHO BA DANG BRAL BA YANG MA LAGS TE, DE CI'I SLANG DU ZHE NA, 'JIG TSOGS DE NI 'JIG TSOGS MA LAGS SO ZHES BYA BA'I BAR NI BSGOM PA'I LAM MO, ,'DI LTAR MTHONG BA'I LAM GYI RJES LA BSGOM PA'I LAM YIN LA, MTHONG BA'I LAM DE'I RGYU GANG ZHE NA, DE'I RGYUR GYUR PA'I MOS PA RNAM GSUM YIN PAR BSTAN TE, DE LA DE NAS BCOM LDAN 'DAS LA TSE DANG LDAN PA SHA RA DVA TI'I BUS 'DI SKAD CES GSOL TO ZHES BYA BA NAS, BYANG CHUB TU NGES PAR 'GYUR BA LAGS SO ZHES BYA BA'I BAR SH'A RI'I BUS SMRAS PA RNAMS NI RANG GI DON DU MOS PA'O; ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BYAMS PAS 'DI SKAD CES GSOL TO ZHES BYA BA NAS, BYANG CHUB LA NYE BAR GYUR PA LAGS SO ZHES BYA BA'I BAR BYAMS PA'I TSIG RNAMS NI RANG DANG GZHAN GYI DON DU MOS PA'O, ,DE NAS BCOM @7B LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES BYA BA NAS, DE DAG NI SANGS RGYAS NYID DU BLTA BAR BGYI'O ZHES BYA BA'I BAR 'JAM DPAL GYI TSIG NI GZHAN GYI DON DU MOS PA'O, ,DE NAS BCOM LDAN 'DAS LA SRING MO DMIGS PA MED PAS 'DI SKAD CES GSOL TO ZHES BYA BA LA SOGS PA SRING MO DMIGS PA MED PA'I TSIG NI THAR PA DANG NGES PAR 'BYED PA'I CHA'I MTSAN NYID MOS PAS SPYOD PA'I SAS BSDUS PA RNAMS KYI DMIGS PA DANG MTHONG BA DANG BSGOM PA'I LAM GYI DMIGS PA NI JI SNYED YOD PA DANG, JI LTA BA BZHIN DU YOD PA 'THAD PA SGRUB PA'I RIGS PA DANG BCAS PA YIN NO, ,DE NAS BCOM LDAN 'DAS KYIS TSE DANG LDAN PA SHA RA DVA TI'I BU LA BKA' STZAL PA, DE DE BZHIN NO ZHES BYA BA NAS BRTZAMS TE, DE DAG NI RNAM PA THAMS CAD KYI MCHOG DANG LDAN PA'I THAMS CAD MKHYEN PA'I YE SHES DANG LDAN PA'I BAR DU 'GYUR RO ZHES BYA BA'I BAR NI MOS PA RNAM PA GSUM MO, ,DE LA YANG BCOM LDAN 'DAS KYIS BSTOD PA DANG RAB TU BSTOD PA DANG BSNGAGS PA'O, ,DMIGS PA MDOR BSTAN PA'O, ,RGYAS PAR BSTAN PA NI 'JAM DPAL KHYOD KYIS DON GYI DBANG CI ZHIG MTHONG NA ZHES BYA BA NAS, DE CI'I PHYIR ZHE NA, 'DI LTAR CHOS THAMS CAD NI, GANG LA GNAS TE RNAM PAR RIG PAR 'GYUR BA'I SKYE BA MED PA'I PHYIR RO ZHES BYA BA LA THUG PA'I BAR YIN NO, ,GANG DAG MTSAMS MED PA LA ZHUGS PA DE DAG NI ZHES BYA BA LA SOGS PA NAS, KUN DGA' PO 'JIG RTEN DU SA G-YOS PA BYUNG BA 'DI'I RGYU NI DE YIN NO, ,RKYEN NI DE YIN NO ZHES BYA BA LA THUG PA NI DMIGS PA'I RNAM PA GTAN LA 'BEBS PA STE, TSUL RNAM PA DRUG BSTAN TO, ,BCOM LDAN 'DAS 'JAM DPAL 'DI NI BSAM GYIS MI KHYAB PA'I DPAL LO ZHES BYA BA NAS BSAM GYIS MI KHYAB PA NYID NI SGRA MA LAGS SO; ,SGRA MA LAGS PA YANG BSTAN PAR MI NUS SO ZHES BYA BA'I BAR NI DE'I 'BRAS BU THOB PA'I MTSAN NYID BSTAN TO, ,'JAM DPAL KHYOD BSAM GYIS MI KHYAB PA'I TING NGE 'DZIN LA SNYOMS PAR 'JUG GAM ZHES BYA BA NAS, 'DI LTAR 'JAM DPAL KHYOD NI SNGON GYI RGYAL BA LA BYA BA @8A *, ,BYAS PA STE, MI DMIGS PAR TSANGS PAR SPYOD PA YUN RING DU SPYAD PA'O ZHES BYA BA LA THUG PA'I BAR NI RJES SU MYONG BA BSTAN PA SMRAS PA YIN NO, ,CI 'JAM DPAL KHYOD SHES RAB KYI PHA ROL TU PHYIN PA LA GNAS TE, DE SKAD SMRA'O SNYAM DU SEMS SAM ZHES BYA BA NAS BRTZAMS TE, DE LTAR NA DE BZHIN GSHEGS PA'I DBYINGS DANG, BDAG GI DBYINGS 'DI NI GNYIS SU MA MCHIS TE, GNYIS SU DBYER MA MCHIS SO ZHES BYA BA'I BAR 'DI NI RANG GI NGO BO BSTAN PA YIN NO, ,BCOM LDAN 'DAS KYIS GANG BDAG BSGOM PA DE NI SHES RAB KYI PHA ROL TU PHYIN PA BSGOM PA'O ZHES BKA' STZAL PA DE YANG ZHES BYA BA NAS, BCOM LDAN 'DAS DE BZHIN DU YE SHES 'DI YANG MA BGYIS PA MA BSGRUBS PA MA BSKYED PA MA 'GAGS PA STE, DE'I SLAD DU MI BSGYUR BA LAGS SO ZHES BYA BA LA THUG PAS NI YE SHES THOGS PA MED PAR BSTAN TO, ,DE NAS BYANG CHUB SEMS DPA'I RIGS CAN GYI GANG ZAG STON TE, DE YANG RIGS LA GNAS PA DANG, ZHUGS PA DANG, SPYOD PA LA ZHUGS PA DANG, SPYOD PA'I YON TAN NO, ,'JAM DPAL DE BZHIN GSHEGS PA'I YE SHES BSTAN PA 'DI LA 'DI LTAR BSTAN PAR SU DAG MOS ZHES BYA BA LA SOGS PA NAS, 'JAM DPAL LEGS SO LEGS SO, ,KHYOD KYI TSIG 'DI LEGS PAR SMRAS SO ZHES BYA BA LA THUG PA'I BAR DU NI RIGS LA GNAS PA'I GANG ZAG BSTAN TO, ,DE NAS DE'I TSE BCOM LDAN 'DAS LA TSE DANG LDAN PA 'OD SRUNGS CHEN POS 'DI SKAD CES GSOL TO ZHES BYA BA NAS BRTZAMS TE, 'JAM DPAL SHES RAB KYI PHA ROL TU PHYIN PA ZAB MO SHIN TU MA SKYES PA DANG, DNGOS PO MED PA'I BAR 'DI BSTAN PA NA GANG DAG MOS PA NAS, KUN CHUB PAR BYED PA'I BAR DU BYED PA DE DAG NYID RIGS KYI BU DANG, RIGS KYI BU MO DE DAG GI RNAM PA DANG, RTAGS DANG MTSAN MA DE YIN NO, ,ZHES BYA BA'I BAR NI BYANG CHUB SEMS DPA'I RIGS CAN NYID KYI ZHUGS PA BSTAN TO, ,'JAM DPAL GANG DU SHES RAB KYI PHA ROL TU PHYIN PA BSTAN PA DER SANGS RGYAS KYI CHOS THAMS CAD BSTAN PAR @8B BLTA'O ZHES BYA BA NAS BRTZAMS TE, BKOD PA GCIG PA'I TING NGE 'DZIN BSGRUBS PA DE'I TSE'I TSAD JI TZAM BA DE TZAM DU GNAS SHING GLENG GZHI DANG BCAS PA'I CHOS STON PAR 'GYUR RO ZHES BYA BA LA THUG PA'I BAR GYIS NI SHES RAB KYI PHA ROL TU PHYIN PA LA SPYOD PA DANG TING NGE 'DZIN LA SPYOD PA BSTAN TO, ,'JAM DPAL DE LA BYANG CHUB SEMS DPA'I THEG PA PA KHA CIG 'DI SNYAM DU BKOD PA GCIG PA'I TING NGE 'DZIN 'DI ZHES BYA BA NAS, 'JAM DPAL GZHAN YANG TING NGE 'DZIN 'DI THOB PA'I BYANG CHUB SEMS DPA' SEMS DPA' CHEN PO MYUR DU BYANG CHUB KYI PHYOGS KYI CHOS RNAMS YONGS SU RDZOGS NAS MYUR BA NYID DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO ZHES BYA BA'I BAR NI SPYOD PA'I YON TAN NO, ,'JAM DPAL GZHAN YANG BYANG CHUB SEMS DPA' SEMS DPA' CHEN POS GANG GI TSE BDAG GI DBYINGS NAS, CHOS KYI DBYINGS KYI BAR DU ZHES BYA BA LA SOGS PA NAS, 'JAM DPAL DE LTA BAS NA RIGS KYI BU 'AM, RIGS KYI BU MO GANG GIS BSTAN PA 'DI THOS NAS ZHUM PAR MI 'GYUR BA DE YANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR NGAS BSHAD DO ZHES BYA BA LA THUGS PA'I BAR DU NI SGRA'I RJES SU 'BRANG BA DANG BSAM PA LAS BYUNG BA DANG BSGOM PA DANG RJES SU MTHUN PA'I BZOD PA RNAM PA GSUM BSTAN TO, ,'JAM DPAL DE LTA BAS NA DGE SLONG NGAM, DGE SLONG MA 'AM, DGE BSNYEN NAM DGE BSNYEN NAM DGE BSNYEN MA GANG DAG SHES RAB KYI PHA ROL TU BYIN PA ZAB MO 'DI LA ZHUM PAR MI 'GYUR BA NAS, NUR BA'I BAR DU MI 'GYUR BA DE DAG NI NGA LA SKYABS SU SONG BA'O ZHES BYA BA NAS BRTZAMS TE, BLO 'PHEL ZHING RGYAS PA DANG YANGS PAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SLU BAR MI BYED DO ZHES PA'I BAR DU DE BZHIN GSHEGS PAS RJES SU GZUNG BA BSTAN TO, ,'DI'I 'BRAS BU RNAM PAR PHYE STE 'CHAD PA NI PHYIS STON PAR 'GYUR RO, ,DE SKAD CES BKA' STZAL PA DANG, BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES @9A *, ,BYA BA NAS BRTZAMS TE, 'JAM DPAL GANG DAG SHES RAB KYI PHA ROL TU PHYIN PA ZAB MO 'DI THOS TE, THOS NAS KYANG DGA' BA DANG MGU BA YANGS PA THOB PA DE DAG NI DGE BA'I RTZA BA CHUNG BAR NGA MI 'CHAD DO ZHES BYA BA'I BAR GYIS NI SMON PA BSTAN NO, ,DBANG PO RNON PO MNGON DU ZHUGS PA GANG DAG CHOS BTAGS PA RNAM PAR GZHAG PA LA BRTEN NAS JI SNYED YOD PA DANG, JI LTA BA BZHIN DU YOD PA RTOGS PAR NUS PA DE DAG GI CHED DU BYA BA RNAMS RDZOGS SO, ,DA NI 'JAM DPAL GANG ZHIG SHES RAB KYI PHA ROL TU PHYIN PA BSTAN PA 'DI LA NYAN 'DOD PAR GYUR NA ZHES BYA BA NAS BRTZAMS TE, NYAN THOS DANG RANG SANGS RGYAS KYI SAR 'GRO BA'AM 'JUG PA'I SKAL BA CAN MA YIN NO ZHES BYA BA'I BAR DU NI DE LAS GZHAN PA GDAMS NGAG RJES SU BSTAN PA TZAM GYIS BSGRUB PAR BYA BA'I GDUL BYA RNAMS KYI CHED DU BYAS TE, DPE DANG BCAS PA'I TING NGE 'DZIN GYI SPYOD YUL RNAM PAR MI RTOG PA'I GZUGS BRNYAN BSTAN TO, ,DE NAS DE'I TSE LHA'I DBANG PO BRGYA BYIN DANG SUM CU RTZA GSUM PA'I LHA'I BU RNAMS KYIS LHA'I TZAN DAN GYI PHYE MA DANG ZHES BYA BA NAS, 'CHANG BA'I BAR DU BGYID PA'I RIGS KYI BU 'AM RIGS KYI BU MO DE DAG GIS, BDAG CAG GI 'DI NI LHAS BSGRUBS PA'O ZHES THE TSOM MA MCHIS PAR 'TSAL BAR BGYI'O ZHES BYA BA'I BAR DU NI LUNG DANG RTOGS PA'I CHOS KYI MTSAN NYID YUN RING DU GNAS PAR BYA BA'I PHYIR, LHA RNAMS KYIS BSGRUBS PA BSTAN TO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO ZHES BYA BA LA SOGS PAS NI DAM PA'I CHOS YUN RING DU GNAS PAR BYA BA'I PHYIR, SANGS RGYAS KYIS BYIN GYIS BRLABS PA BSTAN TE, DE DAG NI BSDUS PA'I DON TO, ,DA NI RGYAS PAR BSHAD PA BRTZAMS TE, DE LA CHOS SDUD PA PO LA 'KHOR RNAMS KYIS GSOL PA DANG SDUD PA POS GLENG BSLANG BA NI 'DI SKAD BDAG GIS THOS PA ZHES BYA BA YIN NO, ,'DIR YANG BDAG GIS THOS PA ZHES BYA BA YANG RJES SU BZLAS PA STE, SDUD PA PO NI CHOS NYAN PA DANG, KUN TU 'DZIN PA DANG 'CHAD BA DANG 'CHAD PAR BYED PA YIN PAR 'KHOR RNAMS KYIS @9B RNAM PA GZHAN GYI SGO NAS KHONG DU CHUD PA'I PHYIR RO, ,DE LTA MA YIN NA GSOL BA 'DEBS PA MI RIGS PA'I PHYIR RO, ,'DI SKAD CES BYA BA NI SGRUB PAR BYED PA STE, DE JI LTA BU YIN PA MI SHES NAS, DE BAS NA SHES PAR 'DOD PA'I PHYIR DON 'DI KHO NA YIN NO ZHES BYA BA NI 'DI SKAD CES BYA BAS SGRUB PAR BYED DE, GANG BDAG GIS THOS PA DE NI 'DI SKAD YIN GYI GZHAN DU MA YIN TE, LHAG CHAD SPANGS NAS, JI SKAD THOS PA 'OG NAS 'BYUNG BA MTHA' DAG RDZOGS PAR GLENG BSLANG BA YIN NO, ,CIG CAR THOS PA DANG, KUN 'DZIN PA DANG, 'CHANG BA DANG, 'CHAD PAR BSTAN PAS NI BDAG NYID SANGS RGYAS RNAMS LA DGE BA'I RTZA BA BSKYED PA NYID DANG, SANGS RGYAS DANG BYANG CHUB SEMS DPA' RNAMS KYIS RJES SU GZUNG BA YIN PAR BSTAN TE, DE LTA MA YIN NA DE LTA BUR NUS PA MI SRID PA'I PHYIR RO, ,DE NI BCOM LDAN 'DAS MGON PO BYAMS PAS KYANG BSTAN TE; SANGS RGYAS RNAMS LA BYA BA BYAS PA DANG, ,DE DAG RNAMS LA DGE BA'I RTZA BA BSKRUN, ,DGE BA'I BSHES GNYEN DAG GI MGON BCAS NI, ,'DI DAG NYAN PA'I SNOD DU 'GYUR BA YIN, ,SANGS RGYAS RNAMS LA BSNYEN BKUR KUN TU 'DRI, ,SBYIN DANG TSUL KHRIMS LA SOGS SPYOD PA NI,, KUN TU 'DZIN DANG 'CHANG BA LA SOGS PA'I, ,SNOD NYID DAM PA DE DAG YIN PAR DGONGS, ,DE NYID KYI PHYIR BDAG GIS ZHES BYA BA GSUNGS TE, GDUL BYA RNAMS THE TSOM DANG BRAL NAS, RAB TU DANG BA DANG RNA BA BLAGS TE NYAN PA DANG, GUS PA LA SOGS PA BSKYED PA'I PHYIR RO, , 'PHAGS PA DKON MCHOG SPRIN LAS KYANG SMAN PA SNYING RJE CAN BZHIN NO ZHES BSTAN TO, ,THOS PA'I TSIG GIS NI YI GE LA BRTEN PA'I SGRA JI LTA BA BZHIN ZHAL NAS GSUNGS PA NYID YIN PAR BLTA'O, ,DUS GCIG NA ZHES BYA BA LA SOGS PAS NI SKABS 'BYED PAR BYED PA RTZOM PA YIN NO, , DUS NI STON PA LA SOGS PA'I DUS SO, ,BDUD BZHI BCOM BAS NA BCOM LDAN 'DAS TE, YON TAN RIN PO CHE'I PHUNG PO MTHA' MED PA CAN 'GRO BA'I BLA MA LA BYA'O, ,BCOM LDAN 'DAS ZHES BYA BA'I TSIG GIS BRJOD PA NI RANG DANG GZHAN GYI DON DU ZHUGS PA'I 'KHOR GNYI GA'I YANG @10A *, ,CIG CHAR SKYABS SU 'OS PA NYID YIN PAR BSTAN PA'I PHYIR RO, ,RGYAL BU RGYAL BYED KYI TSAL MGON MED ZAS SBYIN GYI KUN DGA' RA BA NA BCOM LDAN 'DAS BZHUGS PAS NI GNAS DE MCHOD RTEN DU GYUR PA DANG MES 'JIG PA LA SOGS PAS MI SHIGS PAR YANG BSTAN TE, SA PHYOGS DE NI SKYON THAMS CAD LAS GROL BA'I DE BZHIN GSHEGS PA'I DBANG GIS BYUNG BA'I PHYIR RO, ,DE BZHIN GSHEGS PA'I SPYOD LAM BZHI PO GANG YANG RUNG BAS BZHUGS PA'I SA PHYOGS DE NI ME LA SOGS PA'I 'JIG PA RNAMS KYIS SHIGS PAR MI 'GYUR RO,, ZHES BYANG CHUB SEMS DPA'I SDE SNOD LAS BCOM LDAN 'DAS KYIS DNGOS SU BSTAN PA'I PHYIR RO, ,DE LTAR BYAS NA ZLA BA SGRON MA'I MDO LAS, RGYAL PO'I KHAB KYI SHAR PHYOGS 'DI NYID DU, ,SANGS RGYAS BYE BA STONG PHRAG MTHONG BA DANG, ,RGYAL BA DE DAG KUN GYI DRUNG DU NI, ,TING 'DZIN ZHI BA MCHOG 'DI ZHU BA BGYIS, ,ZHES BYA BA DANG, BLO GROS SHIN TU BRTAN PAS ZHUS PA LAS KYANG, BYAMS PA CHOS KYI RNAM GRANGS 'DI NI SANGS RGYAS BYE BA KHRAG KHRIG STONG PHRAG BDUN CU RTZA BZHIS SA PHYOGS 'DI NYID DU GSUNGS SO, ,ZHES BYA BA DAG DANG RJES SU MTHUN PAR 'GYUR RO, ,BZHUGS SO ZHES BYA BA NI SPYOD PA KHYAD PAR CAN DANG LDAN ZHING ZHES BYA BA'I THA TSIG GO, ,BZHUGS PA'I TSIG GIS NI LHA DANG 'PHAGS PA TSANGS PA'I GNAS PA BSTAN TE, RGYAL BYED KYI TSAL LA SOGS PA NA SEMS CAN GYI DON MCHOG TU MDZAD CING BCOM LDAN 'DAS DE LJONGS RGYU BA BZHIN DU BZHUGS PA YIN GYI, DUS BZLA BA'I MTSAN NYID KYI PHYIR NI MA YIN NO ZHES BYA BA'I DON TO, ,DE NYID KYI PHYIR DUS GCIG NA ZHES GSUNGS TE, GZHAN NA NI YUL GZHAN DAG NA BZHUGS PAR BSTAN PA'I PHYIR RO, ,'DIS NI BCOM LDAN 'DAS KYI RJES SU SLOB PA GDUL BYA RNAMS KYIS KYANG GNAS PA MCHOG GSUM GYIS GNAS PAR BYA BA YIN GYI 'JIM GONG BZHIN DU 'DUG PAR MI BYA'O ZHES BSTAN TO, ,GZHAN DAG NA RE DUS GCIG NA ZHES BYA BA NI SNGA MA DANG SBYAR BA YIN TE, BDAG RANG LA SKAD CIG MA GCIG LA SNANG BA YIN NO ZHES ZER TE, DE NI GCIG TU NGES @10B PAR DGONGS PA YOD PA MA YIN TE, DE'I BDAG RANG LA SNANG BA NI 'KHOR RNAMS 'DRI BAR MI 'DOD KYI, DPAL GYI MGUR NAS GSUNGS PA 'DRI BAR BSAMS PA'I PHYIR RO, ,GANG YANG RANG TSANG MAR GRUB PAR BYA BA'I PHYIR, YUL DANG DUS NI GTAN TSIGS, 'KHOR NI DBANG PO YIN TE; RTZOD PA'I DBANG RGYA DANG TSUL 'DRA'O ZHES SMRA NA, DE NI BDAG GIS RTOGS PA MA YIN TE, 'DI LTAR YUL THOG THAG TU SONG ZHING DBANG LA DRI BAR BYA BA NI DER 'GRO MI NUS PA RNAMS KYIS MDO SDE'I DON GTAN LA DBAB PA RING DU THOGS PAR 'GYUR RO, ,GANG DU 'KHOR GYI MING MA BSTAN PA DER YANG SU LA DRI BAR BYA, DA NI BSTAN PA'I NANG DU GTOGS PA'I 'KHOR GANG YIN PA'I DBANG DU BYAS NAS DE NI, DGE SLONG STONG THAM PA'I DGE SLONG GI DGE 'DUN CHEN PO DANG THABS CIG TU ZHES BYA BA LA SOGS PA SMOS SO, ,'DIR YANG DGE SLONG GI 'KHOR SNGAR BSTAN PA NI CHUNG BA YIN PA'I PHYIR RO, ,BYANG CHUB SEMS DPA'I 'KHOR PHYIS BSTAN PA NI CHE BA'I PHYIR RO, ,DPER NA 'GRO BA KUN DANG SLOB PA DANG MI SLOB PA DANG RANG RGYAL RNAMS ZHES BYA BA LA SOGS PA GSUNGS PA BZHIN NO, ,GZHAN DAG NA RE 'KHOR RTAG PA YIN PA'I PHYIR DGE SLONG GI 'KHOR SNGAR SMOS SO ZHES ZER RO, ,NYON MONGS PA BCOM PA'I PHYIR DGE SLONG NGO, ,NYON MONGS PA TZAM ZAD PAR BYA BA'I PHYIR ZHUGS PA GANG YIN PA DE DAG NYAN THOS KYI THEG PA'I NANG DU GTOGS PA YIN GYI, THEG PA CHEN PO'I NANG DU MA GTOGS PA YIN NAM, BDUN BRGYA PA 'DI NI THEG PA CHEN PO SHIN TU BSDUS PA GCIG TU NGES PA'I DON MCHOG TU ZAD PA 'DI LA BYANG CHUB SEMS DPA'I RIGS CAN DAG LAS GZHAN PA NYAN THOS LA SOGS PA DAG 'DIR JI LTAR GTOGS, GANG GIS NA NYAN THOS KYI 'KHOR BSTAN CE NA DE NI NYES PA MED DE, DON 'DI NI SHES RAB KYI PHA ROL TU PHYIN PA NYI KHRI LNGA STONG PA LAS BYAMS PAS ZHUS NAS DE BZHIN GSHEGS PAS BKA' STZAL PA, SEMS CAN RNAMS KYI RIGS NI GSUM MO, ,DE LA SEMS CAN GYI RIGS KHA CIG NI THOG MAR RGYA CHE BA DAM PA TSOL BAR BYED LA RGYA CHE BA NYID KHONG DU CHUD PAR 'GYUR RO, ,KHA CIG NI THOG MAR DMAN PA TSOL @11A *, ,LA DMAN PA NYID KHONG DU CHUD PA'O, ,DE TZAM GYIS MGU BA YANG MA YIN TE, YANG MCHOG RGYA CHE BA TSOL ZHING DE YANG KHONG DU CHUD DO, ,KHA CIG NI DMAN PA KHO NA TSOL ZHING DMAN PA KHONG DU CHUD DE, DE TZAM GYIS MGU NAS GANG MA MCHOG RGYA CHEN PO TSOL BAR MI BYED PA DE NI ZHI BA PHYOGS GCIG LA ZHUGS PAR BSTAN TO, ,GANG DAG NYAN THOS KYI BYANG CHUB THOB KYANG DE TZAM GYIS MGU BA MA YIN GYI BLA NA MED PA YANG DAG PA'I BYANG CHUB TU SEMS SKYED PAR BYED CING, LAS DANG NYON MONGS PA'I DBANG DU MA GYUR PAR BYANG CHUB TU YONGS SU SGYUR BAR BYED LA; SMON LAM GYI DBANG GIS SKYE BA GZHAN DANG GZHAN BSGRUBS TE, BYANG CHUB TU TSOGS RDZOGS PAR BYED DO, ,DE NYAN THOS KYI RIGS CAN DU BSTAN PA NI THOG MAR DE'I BYANG CHUB TSOL BA'I PHYIR RO, ,DGONGS PA NGES PAR 'GREL PA LAS KYANG NGA NI RNAM GRANGS KYIS DE DAG BYANG CHUB SEMS DPA'I RIGS CAN DU SMRA'O ZHES BKA' STZAL TO, ,SH'A RI'I BU LA SOGS PA YANG DE LTA BU YIN PAR BLTA'O, ,DES NA DE DAG 'DI NYAN PA LA SOGS PA'I SNOD NYID YIN NO, ,BYANG CHUB LA 'AM BYANG CHUB NYID SEMS PA YIN PA DE DAG NI BYANG CHUB SEMS DPA'O, , SEMS CHE BA NYID DANG SPONG BA CHE BA NYID DANG RTOGS PA CHE BA NYID DANG LDAN PA'I PHYIR, BYANG CHUB SEMS DPA' CHEN PO'O, ,PHAN TSUN DU 'BREL PA'I PHA ROL TU PHYIN PA DRUG YONGS SU RDZOGS PAR BYA BA'I CHED DU BRTZON 'GRUS KHYAD PAR CAN DANG LDAN PA'I PHYIR GO CHA CHEN PO BGOS PA'O, ,'DI SKAD BSTAN TE, SBYIN PA LA SOGS PA DRUG PO RE RE LA YANG RNAM PA DRUG PO 'DUS PA LA GO CHA'I BRTZON 'GRUS GANG YIN PA STE, DE NI RNAM PA DRUG DANG LDAN PA JI SKAD DU BSTAN PA'O, ,PHYIR MI LDOG PA NYID KYIS NI MI SKYE BA'I CHOS LA BZOD PA THOB PA BSTAN TE, GO CHA CHEN PO NYID KYIS BYE BRAG TU BYAS PA'I PHYIR RO, ,MI SKYE BA'I CHOS LA BZOD PA MED PAR NI PHA ROL TU PHYIN PA RNAMS CHEN PO NYID DU MI RUNG NGO, ,NGES PAR 'BYED PA'I CHA DANG MTHUN PA LA SOGS PA'I GNAS SKABS KYI PHYIR MI LDOG PA LA NI BYA BAR 'OS PA MA YIN NO, ,DE SKAD DU, DROD DANG SPYI BO BZOD PA DANG, ,CHOS @11B KYI MCHOG LA GNAS PA DAG ,RTAGS NI RNAM PA NYI SHU 'DIS, ,BYANG CHUB DAG LAS MI LDOG YIN, ,MI LDOG PA YI RTAGS DAG NI, ,MTHONG BA'I LAM GNAS YIN PAR 'DOD, ,CES BYA BA LA SOGS PA GSUNGS SO, ,SKYA RENGS NI MANG STE MTHON KA DANG, SER PO DANG, DMAR PO DANG NYI MA'I MDOG 'DRA ZER BA'O, ,'DIR DUS LA MA BABS PAR 'ONGS PAS NA RINGS PA YIN PAR BRJOD PAR BZHED PA'I PHYIR, SKYA RENGS MTHON KA YIN PAR BLTA BAR BYA STE, DE NI THAMS CAD PAS SNGAR 'CHAR BA'I PHYIR DANG, KHYAD PAR MED PAS NA THAMS CAD BSDU BA BYAS PA'I PHYIR RO, ,'DI SKAD BSTAN TE, THOG MAR SKAR MA'I 'OD NYAMS SHING, ,NAM MKHA' DAG NI SNGO SER MDOG ,SHAR PHYOGS SU NI MDOG SNGA'O 'OD, ,MTHON KA'I SKYA RENGS SHAR BA YIN, ,DE SHAR BA NI DE BYUNG BA'O, ,DES MTSON PA'I DUS LA BAB PA NI TSE STE, DUS DE LA BAB PA NA DE'I TSE MTSAN MO THOG MA RNGA BRDUNG BA'I DUS SO, ,DE'I PHYIR DUS LAS 'DAS SO, ,GNAS NI NANG DU YANG DAG 'JOG PA'I KHANG PA LA BYA STE, DE NAS BYUNG BA'O, ,GA LA BA ZHES BYA BA NI DE BZHIN GSHEGS PA'I PHO BRANG MTSON PA'O, ,DER ZHES BYA BA 'DIS KYANG SONG BA MTSON PAR BYED DO,, BCOM LDAN 'DAS KYI GDAN BSHAMS PA'I PHYOGS KYI NYE 'KHOR DU 'DUG PAR 'OS PA'I GNAS LAS PHYI ROL NA 'DUG PA'I PHYIR YUL LAS 'DAS PA'O, ,YUL DANG DUS LAS 'DAS PA 'DI GNYIS KYIS BSAM PA'I KHYAD PAR STON PA'I PHYIR 'CHAD PA'I GLENG GZHI YIN NO, ,DE BZHIN GSHEGS PA LA LTA BA LA SOGS PA NI JI SKAD DU, RIN PO CHE'I ZA MA TOG LAS BCOM LDAN 'DAS 'OD KYI TOG GIS, 'PHAGS PA 'JAM DPAL LA BKA' STZAL PA DANG, GANG BCOM LDAN 'DAS CHOS LA LTA BA SHIN TU RNAM PAR DAG PAR GYUR PA NI DE BZHIN GSHEGS PA LA LTA BA SHIN TU RNAM PAR DAG PA YIN NO, ,GANG GI TSE LUS KYIS MA YIN SEMS KYIS MA YIN, MI 'DUD RAB TU MI 'DUD KHENGS PAR MA YIN GUS PAR MA YIN PAR MI GNAS PAR 'DUG STE, BTANG SNYOMS THOB CING RNAM PAR DBEN PA'I REGS KYIS SEMS GNAS TE, DRAN PA DANG @12A *, ,LDAN ZHING SHES BZHIN DU 'DUG PA DE NI DE BZHIN GSHEGS PA LA PHYAG 'TSAL BA YIN NO, ,GANG GI TSE BDAG TU SGRO 'DOGS PAR MI BYED, SANGS RGYAS SU SGRO 'DOGS PAR MI BYED, MNYAM PA NYID YIN PAR MNYAM PAR MI BYED, MI MNYAM PA NYID YIN PAR MI MNYAM PAR MI BYED, RNAM PAR MI BYED KYI, SANGS RGYAS BCOM LDAN 'DAS RNAMS DANG LHAN CIG TU SHIN TU GCIG PAR BYED, SANGS RGYAS KYI SKU YANG CHOS KYI SKU YIN PAR RTOGS, RANG GI LUS KYANG CHOS KYI DBYINGS KYI NANG DU GTOGS PAR MTHONG, MTHONG BA RNAMS KYANG MA YIN PAR MA MTHONG, RNAM PAR MA MTHONG, RING BAR MA YIN, NYE BAR MA YIN PA DE NI DE BZHIN GSHEGS PA LA BSNYEN BKUR BYED PA YIN NO ZHES GSOL TO, ,DE LTAR NA LTA BA LA SOGS PA DE DAG NI RGYU YIN NO, ,SEMS CAN GYI DON NI 'BRAS BU STE, DE DAG NI PHYIS BSTAN PAR BYA'O, ,NYON MONGS PA MED CING KHA NA MA THO BA MED PA'I SKU TSE BSTOD PA YIN PA'I PHYIR, TSE DANG LDAN PA ZHES BYA'O, ,SH'A RI'I BU LA SOGS PA'I LTA BA LA SOGS PA KUN LA YANG SBYAR BAR BYA'O, ,MNGON DU ZHUGS TE MNGON DU ZHUGS TE ZHES RNAM PA GNYIS 'BYUNG BA NI GSAL BA GSAL BA BZHIN PA'AM, 'JAM PO 'JAM PO ZHES BYA BA BZHIN TE, DE BZHIN GSHEGS PA LA MNGON DU PHYOGS PA 'AM BSHAD PA'I DON LA MNGON DU PHYOGS TE ZHUGS PA NI GNAS PA'I CHED DAM SPYOD PA'I CHED DU ZHUGS PA DANG GNAS SO ZHES BYA BA'I BAR DU STE, LTA BA LA SOGS PA BSTAN ZIN PA'I NGO BO DE DAG LA JI LTA BA BZHIN DU BRTZON PA'I PHYIR RO, ,GLEGS BAM KHA CIG LAS 'DAS SHING THAL TE 'DUS PAR MKHYEN NAS ZHES 'BYUNG BA ZHES BYA BA DER YANG YUL DANG DUS LAS 'DAS TE ZHES BYA BAR RIG PAR BYA'O, ,NYAN THOS SH'A RI'I BU LA SOGS PA DAG SHES RAB DANG RDZU 'PHRUL LA SOGS PAS CHEN PO YIN NO, ,YANG NA NYAN PAS NA NYAN THOS TE, GDUL BYA THAMS CAD DO, ,DE DAG NI MANG BA'I PHYIR CHEN PO NYID DO, ,'DUS PA TSOGS PAR MKHYEN NAS SO, ,KYANG ZHES BYA BA NI GONG DU BSTAN PA'I BCOM LDAN 'DAS KYI MDZAD PA @12B GSUM KHO NAR ZAD PAR 'DIR NGES PAR GZUNG BA'I DON YIN GYI, NYI KHRI LNGA STONG PA LA SOGS PA LAS TING NGE 'DZIN DANG RDZU 'PHRUL DANG CHO 'PHRUL LA SOGS PAS GDUL BYA RNAMS GZUD PA LTA BUR BYAS PA NI 'DIR MA YIN TE, GDUL BYA'I SEMS KYI RGYUD YONGS SU SMIN BA CHUNG NGU DANG 'BRING DANG CHEN PO'I MTSAN NYID KYI RNAM PAR ZHUGS ZIN PA'I PHYIR RO, ,YONGS SU SMIN PA'I RNAM PAR ZHUGS ZIN PA DE YANG MNGON DU ZHUGS PA MNGON DU ZHUGS PA ZHES BYA BA'I TSIG GIS BSTAN TO, ,KHA CIG GIS PHYI DANG NANG GI GNAS PHYE NAS, BGROD PAR BYA BA GNYIS SU BRTAGS TE MNGON DU ZHUGS PA MNGON DU ZHUGS PA ZHES BYA BA BYED PA'I TSIG GNYIS SBYOR BAR BYED PA MI RIGS PAR MTHONG STE, SGRA DANG DON GNYIS MI RIGS PA'I PHYIR RO, ,SHA RA DVA TI'I BU KHYOD CI'I PHYIR ZHES BYA BA LA SOGS PAS NI SH'A RI'I BU DUS DANG YUL LAS 'DAS TE, 'ONGS PA'I DGONGS PA BCOM LDAN 'DAS KYIS DRIS PA NI THAMS CAD PAS THOG MAR 'PHAGS PA 'JAM DPAL LA 'ONGS PA NI SHIN TU DGONGS PA MCHOG DANG LDAN PA YOD PAR 'KHOR RNAMS LA BSTAN PA'I PHYIR RO, ,THAMS CAD KYI THOG MA NYID DU 'JAM DPAL ZHES BYA BA LA SOGS PAS NI 'JAM DPAL NI JI LTA BA BZHIN DU DE BZHIN GSHEGS PA BLTA BA LA SOGS PA STON PAR MKHAS PA'I PHYIR DANG, THOG MAR 'ONGS PA YANG YIN PA'I PHYIR, SH'A RI'I BUS KYANG DE 'JAM DPAL LAGS SO ZHES SMRA'O, ,MKHYEN BZHIN DU ZHES BYA BA NI RTAG TU MNYAM PAR GZHAG PA'I PHYIR RO, , CHOS KYI SKU THOB PA DANG SANGS RGYAS NYID DU ZHUGS PA'I 'PHAGS PA 'JAM DPAL YANG DE LTAR BRTZON PAR 'JUG PA DANG SBYAR NA NGES PAR DGOS PA CHEN PO ZHIG YOD DO SNYAM NAS, DE BZHIN GSHEGS PA BLTA BA LA SOGS PA LA 'KHOR RNAMS KYI GUS PA BSKYED PA'I PHYIR, 'JAM DPAL KHYOD DE BZHIN GSHEGS PA LA BLTA BA LA SOGS PA BYA BA'I PHYIR, THAMS CAD KYI THOG MA NYID DU PHO BRANG GI SGOR 'DUG CES GRAG NA BDEN NAM ZHES BKA' STZAL TE, DE NYID KYI PHYIR MI SRID PA LA GRAG NA ZHES BYA BA'I SGRA SBYOR BAR MDZAD DO, ,CI'I PHYIR KHYOD KHO NA LHAG PAR BRTZON PAR BYED @13A *, ,CE NA; MA NGOMS PA'I SLAD DU'O ZHES BYA BA LA SOGS PA'O, ,'DIS NI SHIN TU DAD PA LA SOGS PA DANG LDAN PA NYID BSTAN TE, 'DI LTAR BLTA BA DANG PHYAG 'TSAL BA DANG, BSNYEN BKUR BYA BA 'ANG 'DOD PA MI NGOMS TE 'ONGS PA JI SKAD DU BSTAN PA'I MTSAN NYID RNAMS KYIS NI DAD PA DANG BRTZON 'GRUS SHIN TU CHE BA NYID DANG LTA BAS SHES RAB CHE BA NYID DANG PHYAG 'TSAL BAS NI DRAN PA DANG TING NGE 'DZIN CHE BA NYID DANG BSNYEN BKUR BYED PAS NI THAMS CAD KYANG CHE BA NYID YIN PAR BSTAN TO, ,BLTA BA LA SOGS PA LA YANG CI'I PHYIR KHYOD BRTZON PA NYID DU BYED CE NA, 'DI LTAR BDAG DE BZHIN GSHEGS PA LA BLTA BA NAS BSNYEN BKUR BYA BA'I SLAD DU MCHI BA DE YANG SEMS CAN THAMS CAD KYI DON GYI SLAD DU STE ZHES BYA BA GSUNGS TE, 'DIS NI BLTA BA LA SOGS PA NI RGYU NYID YIN LA, SEMS CAN GYI DON DE NI DE'I 'BRAS BU NYID YIN PAR BSTAN TE, 'DI LTAR DE BZHIN GSHEGS PA LA BLTA BA LA SOGS PA JI LTA BA BZHIN DU MA BYAS PAR 'GA' YANG SEMS CAN GYI DON BYED NUS PA MA YIN NO, ,DE DAG GIS RIM GYIS MNGON PAR SHES PA BSKYED PAS SEMS CAN RNAMS KYI SEMS 'DZUD PA DANG DGE BA'I RTZA BA BSKYED PA DANG YONGS SU SMIN PA LA SOGS PAR BYED NA, PHAN PA DANG BDE BA'I MTSAN NYID KYI SEMS CAN GYI DON BYED NUS PAR 'GYUR RO, ,DE LA PHAN PA NI THEG PA GSUM GYIS MYA NGAN LAS 'DAS PA LA BKOD PA'O, ,BDE BA NI LHA DANG MI'I BDE BA LA BKOD PA STE; SNGAR LHA DANG MI LA BKOD NAS PHYIS THEG PA GSUM GYIS MYA NGAN LAS 'DAS PA LA SBYOR BAR MDZAD DO, ,DE LTAR MA BYAS NA 'DU BYED KYI SDUG BSNGAL DANG BRAL BAR MA BYAS PAS THUGS RJE MED CING SBYOR BA LA MA LCOGS PAR 'GYUR TE, 'DIR NI DE YONGS SU SPANG BAR BZHED DO, , DE LTAR NA BDAG NI BLTA BAS MI NGOMS SO ZHES BYA BA 'DIS NI CHOG PAR 'DZIN PA DANG RGYUN TU MI SBYOR BAR BYED PA YONGS SU SPANGS SO, ,SEMS CAN RNAMS KYI DON GYI CHED DU DE BZHIN GSHEGS PA'I THAD DU 'ONGS BAS NI MA GUS PAR BYED PA DANG LE LO DANG SNYING RJE MED PA'I SBYOR BA YONGS SU @13B SPANGS SO, ,DE DAG GI SA NI KUN RDZOB KYI MTSAN NYID DE DAG YIN PAR BSTAN TE, GANG ZAG GIS SEMS PA DANG, SPYOD PA LA SOGS PA KUN TU BRTAGS PA YIN PAR BSTAN PA'I PHYIR RO, ,DA NI BCOM LDAN 'DAS GAL TE DE BZHIN GSHEGS PA LA BLTA BA DANG PHYAG BGYI BA DANG ZHES BYA BA LA SOGS PAS NI MTHONG BA'I LAM BSTAN TO, ,DE YANG SKAD CIG MA BCU DRUG GI BDAG NYID YIN TE, SKAD CIG MA DE DAG RIM GYIS STON PAR BYED DO, ,GAL TE ZHES BYA BA NI JI LTA ZHES BYA BA'I THA TSIG GO, ,JI LTAR BDAG GIS MTHONG BA DANG ZHES BYA BA NI RNAM PA GANG GIS ZHES BYA STE, RNAM PA DE YANG JI LTA BU ZHE NA, DE BZHIN NYID KYI RNAM PAR ZHES GSUNGS TE, DUS THAMS CAD DU DE BZHIN DU 'DUG PAS NA, DE BZHIN NYID DE MA SKYES PA'I GNAS SKABS BZHIN DU SKYE BA'I GNAS SKABS KYANG SMIG RGYU'I CHU BZHIN DU YOD PA MA YIN PA'I PHYIR RO, , 'PHAGS PA DKON MCHOG ZA MA TOG LAS KYANG SKYE BA DANG MI SKYE BA GNYIS MNYAM PA NYID NI DE BZHIN NYID DO ZHES GSUNGS TE, DE BZHIN NYID KYI RNAM PA DE'I SGO NAS, DE BZHIN GSHEGS PA BLTA BAR BYA'O, ,'DIS NI DE BZHIN NYID DANG SANGS RGYAS GNYIS DANG GZHI DANG GNAS PA BSTAN TE, RNAM PA NI BLTA BAR BYA BA LAS GZHAN MA YIN PA'I PHYIR RO, ,GZHAN YIN NA YANG RNAM PA NYID DU MI RIGS PAR 'GYUR RO, ,GAL TE DE BZHIN GSHEGS PA NI BLTA BAR BYA BA YIN LA, KHYOD NI LTA BAR BYED PA YIN NA, GZUNG BA DANG 'DZIN PA DANG LDAN PA'I PHYIR DE BZHIN NYID KYI RNAM PAR MTHONG BA MA YIN PAR 'GYUR RO ZHE NA, DE'I PHYIR MI DMIGS PA'I TSUL GYIS ZHES GSUNGS TE, CHOS THAMS CAD DANG DE BZHIN GSHEGS PA DANG BDAG KYANG MI DMIGS PA STE, DE LA SBYOR ZHING MNYAM PAR 'JOG PA DE'I SGO NAS SO, ,CI STE ZHE NA, DE BZHIN GSHEGS PA'I SGRA NI CHOS THAMS CAD KYI DE BZHIN NYID RTOGS PAS RAB TU PHYE BA YIN PA'I PHYIR DANG, DE BZHIN GSHEGS PA YANG DE BZHIN NYID KYI RNAM PA YIN PA'I PHYIR LA, 'JAM DPAL GYIS KYANG DE LTAR MTHONG BA YIN PA'I PHYIR RO, ,DE LTA YIN NA NI MI DMIGS PAR SBYOR @14A *, ,BA 'GRUB PAR 'GYUR GYI, GZHAN DU DMIGS PA YOD NA NI MA YIN NO, ,'DI LTAR DE BZHIN GSHEGS PA MTHONG BA YIN, CI'I PHYIR GZHAN DU MTHONG BA YIN ZHE NA, DE RJES SU DRAN PA'I DBANG GIS DE BZHIN GSHEGS PA MTHONG BA YIN NO, ,DE NYID KYI PHYIR DRAN PA NI MTHONG BA'I BYANG CHUB KYI GNAS KYI YAN LAG TU GSUNGS SO, ,MA MTHONG BA YANG MA YIN TE, RNAM PAR MI RTOG PA'I YE SHES YOD PA'I PHYIR RO, ,GZUGS KYI SKUR CI'I PHYIR DE BZHIN GSHEGS PA BLTA BAR MI BYA STE, DE NI 'DI LTAR YUM GYI LHUMS SU BLTAMS PA DANG, TSAL LUM BIR SKYES PA DANG, BYANG CHUB CHEN POR DE BZHIN GSHEGS PAR GYUR PA YIN TE, DER MNGON PAR RDZOGS PAR SANGS RGYAS PA'I PHYIR RO ZHE NA, SPROS PA'I DRA BA 'DI THAMS CAD DRI ZA'I GRONG KHYER BZHIN DU BRDZUN PA YIN PA'I PHYIR RNAM PA DE DAG GIS, DE BZHIN GSHEGS PA MTHONG BA NI YANG DAG PA MTHONG BA MA YIN TE, DE'I PHYIR DE BZHIN GSHEGS PA LA MI SKYE BA'I RNAM PAR BLTA BA NAS, DNGOS PO MA MCHIS PA'I RNAM PA'I BAR DU ZHES GSUNGS SO, ,BAR DU ZHES BYA BA'I SGRA NI SKYE BA MA MCHIS PA'I RNAM PA DANG, DNGOS PO MA MCHIS PA'I RNAM PAR DE BZHIN GSHEGS PA LA BLTA BAR BGYI'O ZHES SBYAR RO, ,RNAM PA DE DAG GIS BLTAS NA, JI LTAR DE BZHIN GSHEGS PA JI LTA BA BZHIN DU MTHONG BA YIN ZHE NA, 'DIR BSHAD PA 'BRAS BU SKYE NA, RGYU DANG DUS MNYAM PAR SKYE 'AM DUS THA DAD PA YIN, DUS MNYAM PA YIN NA NI KUN CIG CAR DMIGS PAR 'GYUR BA DANG RGYU DANG 'BRAS BU DBYER MED PA DANG, BSKAL BA YANG SKAD CIG GCIG TU 'GYUR RO, ,DUS THA DAD NA YANG NUS PA MED PA'I PHYIR RGYU MED PA NYID DU 'GYUR RO, ,RGYU MED PA YIN NA NI LTOS PA MED PA'I PHYIR, RTAG TU YOD PA 'AM MED PAR THAL BAR 'GYUR RO, ,DE BAS NA DON DAM PAR SKYE BA ZHES BYA BA NI 'GA' YANG YOD PA MA YIN NO, ,DE LTAR GZUGS SU DE BZHIN GSHEGS PA BLTA BAR BYA BA MA YIN PAR BSTAN NAS, MTSAN DU BLTA BAR BYA BA MA YIN, DPE BYAD DU YANG MA YIN NO ZHES @14B BSTAN PA'I PHYIR, DE BZHIN NYID LA KUN NAS 'BYUNG BA MA MCHIS TE, ZHES BYA BA LA SOGS PA GSUNGS SO, ,GZUGS KYI SKUR DE BZHIN GSHEGS PA BLTA BA MA YIN NA, 'O NA LONGS SPYOD RDZOGS PA'I SKU MTSAN SUM CU RTZA GNYIS DANG, DPE BYAD BZANG PO BRGYAD CU DANG LDAN PA PHA ROL TU PHYIN PA DANG TSAD MED PA LA SOGS PA THEG PA CHEN PO'I 'BRAS BU LA LONGS SPYOD PA'I MTSAN NYID THUN MONG MA YIN PA THAMS CAD DU KHYAD PAR DU GYUR PAS BSAGS PA'I GNAS SKABS DE BZHIN GSHEGS PA YIN PAR LTA MOD, DE SKAD DU MGON PO BYAMS PAS KYANG, THUB PA'I SUM CU RTZA GNYIS MTSAN, ,DPE BYAD BZANG PO BRGYAD CU'I BDAG ,THEG CHEN LONGS SPYOD RDZOGS PAS NA, ,'DI NI LONGS SPYOD RDZOGS SKUR BZHED, ,GANG DANG GANG GI 'DIR RGYU GANG, ,MTSAN NYID DAG NI SGRUB BYED PA, ,DE DANG DE NI RAB RGYAS PA, ,KUN NAS 'BYUNG BA'I MTSAN NYID YIN, ,ZHES GSUNGS SO ZHE NA, DE YANG YOD PA YIN TE, 'DI LTAR SKYE BO BLA MA'I DRUNG DU 'GRO BA DANG SDOM PA BLANG BA DANG, DNGOS PO BZANG PO SBYIN PA DANG, ,BSAD PA LAS THAR BAR BYED PA DANG, YID DAM LEN PA DANG, DGE BA SPEL BA LA SOGS PA RANG JI LTA BA BZHIN DU PHYAG DANG ZHABS 'KHOR LO LA SOGS PA'I MTSAN DANG, SEN MO'I MDOG SNUM BA LA SOGS PA DPE BYAD BZANG PO SGRUB PAR BYED PA'I LAS RNAMS KUN NAS 'BYUNG BA MA YIN NO, ,DE MED PA'I PHYIR DE'I 'BRAS BU MTSAN DANG DPE BYAD RNAMS KYANG 'BYUNG BA MA YIN NO, ,DES NA DE DAG GI SKU YANG DE DAG GIS KHYAD PAR DU GYUR PA'I NGO BOR YOD PA MA YIN NO, ,DE'I PHYIR DE BZHIN NYID LA KUN NAS 'BYUNG BA MA MCHIS TE ZHES GSUNGS TE, 'DIS NI 'BYUNG BA'I RGYU BKAG GO, ,DE BZHIN NYID NI 'BYUNG BA 'ANG MA LAGS ZHES BYA BA 'DIS NI MTSAN DANG DPE BYAD 'BYUNG BA BKAG GO, ,KHYAD PAR YANG MA LAGS TE ZHES BYA BA 'DIS NI MTSAN DANG DPE BYAD MED PA'I PHYIR DES KHYAD PAR CAN DU GYUR PA LONGS SPYOD RDZOGS PA'I SKU BKAG GO, ,'O NA BYANG CHUB KYI PHYOGS LA SOGS PA THUN MONG MA YIN PA'I CHOS RNAMS SU DE BZHIN GSHEGS PA LA BLTA BAR BYA @15A *, ,MOD CE NA, DE YANG MI RUNG BAR YUL NA MI GNAS ZHES BYA BA LA SOGS PA GSUNGS SO, ,YUL NI TSUL KHRIMS LA SOGS PA'I PHUNG PO'I SPYI LA BYA'O, ,PHYOGS NI DE'I CHA SHAS TE, BAG CHAGS KYIS MTSAMS SBYOR BA SPANGS BA'I MTSAN NYID SHIN TU RNAM PAR DAG PA MTHAR PHYIN PA'I BDAG NYID LA BYA'O, ,GNAS PA NI DE NYID LA SLOB PA STE, THA DAD PA DE DAG DE BZHIN NYID LA MED PAS NA, YUL NA MI GNAS PHYOGS NA MI GNAS PA YIN NO, ,'DAS PA LA SOGS PA BKAG PAS SNGON GYI MTHA' DANG, MA 'ONGS PA'I MTHA' DANG, DE LTAR BYUNG BA'I SPYOD PA RNAM PAR DAG PA RNAMS BRTZAL TO, ,GNYIS KYIS RAB TU PHYE BA ZHES BYA BA LA GNYIS NI BSOD NAMS DANG YE SHES KYI TSOGS KYI MTSAN NYID DO, ,DES RAB TU PHYE BA NI DE LAS SKYES PA DANG, DE LAS BYUNG BA ZHES BYA BA'I BAR DU YIN NA DE BZHIN NYID NI DE LTA BU MA YIN NO, , GNYIS SU MA MCHIS PA NI 'DUS MA BYAS STONG PA NYID LA SOGS PA YIN NA DES RAB TU PHYE BA YANG MA YIN NO, ,GANG GI PHYIR GNYIS SU MED PAS RAB TU PHYE BA MA YIN PA DE NYID KYI PHYIR, DE BZHIN NYID LA KUN NAS NYON MONGS PA DANG RNAM PAR DAG PA LA SOGS PA MED PAS NA DE BZHIN NYID NI KUN NAS NYON MONGS PAR ZHES BYA BA LA SOGS PA GSUNGS SO, ,DE NYID KYI PHYIR RNAM PAR BYANG BA'I CHOS RNAMS MI SKYE BA DANG KUN NAS NYON MONGS PA RNAMS MI 'GAG PA DE'I PHYIR, DE BZHIN NYID NI MI SKYE MI 'GAG PA STE ZHES GSUNGS SO, ,DE LTAR LTA BA NI SPROS PA'I TSOGS 'DI THAMS CAD DE BZHIN NYID LA MED PA'I PHYIR RO ZHES BYA BA'I THA TSIG GO, ,DE LTAR BYAS NA NYI KHRI LNGA STONG PA DANG, RDO RJE GCOD PA DANG, SGO MTHA' YAS PA LA SOGS PA LA, DE BZHIN GSHEGS PA BLTA BA DANG, RJES SU DRAN PA BSTAN PA DANG RJES SU MTHUN PAR 'GYUR RO, ,ZLA BA SGRON MA LAS KYANG, GZUGS SUM YIN MTSAN NYID CHOS MIN PAR, ,RGYAL BA'I SRAS 'DI SANGS RGYAS RJES SU DRAN, ,GANG DU SEMS MED 'GRO ZHING RGYU BA MED, ,DE LTAR DE NI SANGS RGYAS RJES SU DRAN, ,ZHES GSUNGS SO, ,BCOM LDAN 'DAS KYIS MDO SDE NI MDO SDE GZHAN GYI RJES SU @15B 'BRANGS TE, KHONG DU CHUD PAR BYA'O ZHES GSUNGS SO, ,DE LTA NA DE BZHIN GSHEGS PA MTHONG BA DANG ZHES BYA BA NI BSTAN PA'I RNAM PA BZHIN DU DE BZHIN GSHEGS PA LTA NA YIN GYI, DE LAS GZHAN DU LTA NA MA YIN NO ZHES NGES PAR GZUNG BAR BYA'O, ,'DI DAG GIS NI RANG GI 'DOD PA DAM BCAS PA BSGRUBS PA YIN NO, ,'DI TZAM GYIS KHA CIG LA GSAL BAR MI 'GYUR BAS NA DE BAS NA MA LUS PAR KHONG DU CHUD PAR BYA BA'I CHED DU 'JAM DPAL KHYOD KYIS DE LTAR BLTAS NA JI ZHIG MTHONG ZHES DRIS SO, ,DRIS PA RTOGS PAR BYA BA'I CHED DU, BCOM LDAN 'DAS BDAG GIS DE LTAR BLTAS NA CI YANG MTHONG BA MA MCHIS SO ZHES GSUNGS SO, ,DE NYID JI LTA BU YIN ZHE NA DE'I PHYIR, BDAG GIS CHOS GANG LA YANG SKYE BA YANG MA MTHONG ZHES GSUNGS TE, MA SKYES PA MTHONG BAR MI RIGS PA'I PHYIR RO, ,MA MTHONG BA NI DE BZHIN GSHEGS PA'I MTHONG BA YIN NO ZHES BYA BAR GNAS SO, ,DE NI RNAM GRANGS KYIS ZHAL GYIS BZHES PA STON TE, DE LTAR BLTA BA DANG BSNYEN BKUR BYED PA'I DANG TSUL CAN DAG SEMS CAN DU DMIGS PA DANG, MNGON PAR ZHEN PA DANG BRAL BA YIN NA BYAMS PA CHEN PO NYE BAR GNAS TE, SEMS CAN THAMS CAD YONGS SU MYA NGAN LAS 'DA' BA'I GO CHA DAG 'GAL BA'I PHYIR MI 'THAD PAR STON PA NI 'JAM DPAL KHYOD KYIS DE BZHIN GSHEGS PA LA, DE LTAR MTHONG BA DANG DE LTAR BSNYEN BKUR BYAS PA ZHES BYA BA NAS, GO CHA CHEN PO BGOS PA DE NI KHYOD DKA' BA BYED PA'O ZHES BYA BA'I BAR DU GSUNGS TE, PHAN TSUN 'GAL ZHING MI RIGS PA'I DON LA RJES SU BRTZON PAR BYED PA ZHES BYA BA'I THA TSIG GO, ,SEMS CAN THAMS CAD LA ZHES BYA BA NI PHUNG PO DANG KHAMS DANG SKYE MCHED KYI MTSAN NYID LA'O, ,BYAMS PA CHEN PO ZHES BYA BA NI MI DMIGS PA NYID YIN GYI SEMS CAN DANG CHOS LA DMIGS PA GNYIS NI CHEN PO NYID DU MI 'THAD PA'I PHYIR TE, MTSAN MA MA SPANGS PA'I PHYIR DANG RTZOL BA YOD PA'I PHYIR DANG DBANG RNAMS MA THOB PA'I PHYIR RO, ,SA BRGYAD PA LA SOGS PA MI SKYE BA'I CHOS LA BZOD PA THOB PA LA NI BYAMS PA CHEN PO LHUN GYIS GRUB PAR 'BYUNG BA @16A *, ,RNAM PAR SMIN PA LAS SKYES PA GNAS PA 'BYUNG BAR 'GYUR RO, ,CI YANG MED CING ZHES BYA BA NI SEMS CAN LA DMIGS PA DANG CHOS LA DMIGS PA DAG GIS SEMS CAN DU DMIGS PA YOD PA MA YIN NO ZHES BYA BA'I THA TSIG GO, ,SEMS CAN DU MNGON PAR ZHEN PA CI YANG MED CING ZHES BYA BA NI MI DMIGS PA DANG MNGON PAR ZHEN PA MED PA GNYIS KYIS MTHONG BAS SPANG BAR BYA BA DANG, BSGOM PAS SPANG BAR BYA BAR JI LTAR RANG GI RNAM PAR RTOG PA SPANGS PAR BSTAN TO, ,BYAMS PA BSGRUB PA'I PHYIR SEMS CAN THAMS CAD YONGS SU MYA NGAN LAS 'DA' BA'I PHYIR ZHUGS KYANG ZHES GSUNGS TE, THEG PA GSUM GYI MYA NGAN LAS 'DAS PA NI GTAN DU ZHI BA BDE BA YIN TE, DE NYID BSGRUB PA'I CHED DU LHA DANG MI'I BDE BA LA DGOD PAR MDZAD DO, ,SEMS CAN THAMS CAD KYI CHED DU ZHES BYA BA NI SEMS CAN RNAMS KYI DON DU ZHES BYA BA'I THA TSIG GO, ,GO CHA NI SNGAR BSTAN ZIN TO, ,KHYOD MI DMIGS PA'I TSUL DANG ZHES BYA BA LA SOGS PAS NI MI 'THAD PA NYID SMOS PAR BYED DO, ,DE NYID KYI PHYIR 'GAL BA BSTAN PA'I PHYIR THAMS CAD DU KYANG GI SGRA SMOS SO, ,'PHAGS PA 'JAM DPAL GYIS KYANG RNAM GRANGS KYIS MI 'GAL BA 'THAD PA ZHAL GYIS BZHES PA'I PHYIR, JI SKAD SMRAS PA DE DE BZHIN TE ZHES BYA BA LA SOGS PA GSUNGS TE, RNAM PAR RTOG PA YOD NA NI GAL TE SEMS CAN MI DMIGS NA, JI LTAR DE DAG LA BDE BA NYE BAR BSGRUB PA'I MTSAN NYID BYAMS PA LA NYE BAR GNAS PAR BYED CES BYA BA'I SKYON 'DIR 'GYUR GYI, GANG GI TSE LHUN GYIS GRUB PAR 'BYUNG BA DMIGS PA MED PA'I ZHI GNAS DANG, LHAG MTHONG SKYES PA DE'I TSE JI LTAR GOMS PA BZHIN DU LHUN GYIS GRUB PA ZAG PA MED PA'I CHOS THAMS CAD 'BYUNG BAR 'GYUR RO, ,DE BAS NA BYAMS PA CHEN PO DANG SEMS CAN MYA NGAN LAS 'DA' BA'I GO CHA DANG SEMS CAN MI DMIGS PA DANG MNGON PAR ZHEN PA MED PA RNAMS CUNG ZAD KYANG 'GAL BA 'AM MI 'THAD PA MED DO, ,DE LTAR NA CHOS KYI DBYINGS RTOGS PA'I BDAG NYID MTHONG BA'I LAM LA YANG CUNG ZAD KYANG SKYON MED DO ZHES RNAM GRANGS KYIS KHAS BLANGS PA BSTAN TO, , @16B DA NI CHEN PO NYID BSTAN PA'I PHYIR, GO CHA DE NI JI LTAR BDAG GIS SEMS CAN GYI KHAMS ZHES BYA BA LA SOGS PA SMOS TE, DE LTAR GO CHA BGOS TE, SEMS CAN GYI KHAMS SEMS CAN GYI RIGS 'KHOR BAR GTOGS PA RNAMS, BRI BA 'AM MYA NGAN LAS 'DAS PA GNAS PA RNAMS GANG BAR BYA ZHES BYA BA'I SEMS CAN GYI KHAMS NYID DMIGS SU MED PA'I PHYIR, BRI BA NYID DANG GANG BA NYID YOD PA MA YIN NO, ,YONGS SU BRTAG PA BZUNG STE, GAL TE ZHES BYA BA LA SOGS PAS NI DE NYID STON PAR BYED DE, DE NI GSAL BA YIN NO, ,RNAM PA 'DI DAG TZAM GYIS CI'I PHYIR BRI BA MED PA NYID DANG GANG BA NYID DU MI MNGON ZHE NA, 'DIR GTAN TSIGS NI SEMS CAN DBEN PA DANG ZHES GSUNGS TE, SEMS CAN STONG PA NYID KYI PHYIR RO ZHES BYA BA'I THA TSIG STE, DE BZHIN NYID LA SEMS CAN 'GA' YANG DMIGS SU MED DO, ,DE NYID KYANG CI'I PHYIR ZHE NA, SEMS CAN SEMS CAN MA YIN PA'I PHYIR TE ZHES GSUNGS TE, SEMS CAN GYI MTSAN NYID PHUNG PO DANG KHAMS DANG, SKYE MCHED DANG BDAG LA SOGS PA GZHAN YANG RUNG BA MED PA'I PHYIR RO ZHES BYA BA'I THA TSIG GO, ,NAM MKHA' BZHIN DU CHE BA NYID BSTAN ZIN TO, ,DA NI 'O NA NI BYANG CHUB TU MNGON PAR RDZOGS PAR SANGS RGYAS NAS ZHES BYA BA LA SOGS PAS MTHA' MED PA NYID 'DRI BAR BYED DO, ,DE NI ZHES BYA BA NI SEMS CAN MED NA ZHES BYA BA YIN TE, CHOS NYAN PA MED PAS CHOS STON PA MI 'THAD NA, SANGS RGYAS KYI MDZAD PA YOD PA MA YIN PAS BLA NA MED PA YANG DAG PAR RDZOGS PAR BYANG CHUB PA DON MED PAR 'GYUR RO ZHE NA, LAN NI GANG GI TSE SEMS CAN SHIN TU MI DMIGS PA DE'I TSE ZHES BYA BA LA SOGS PA YIN TE, GANG GI TSE SNGON GYI MTHA' DANG PHYI MA'I MTHA' DANG DA LTAR GYI DNGOS PO MED PAS SEMS CAN MI DMIGS PA DE'I TSE, 'DIR SU ZHIG MNGON PAR RDZOGS PAR 'TSANG RGYA SU LA CHOS BSTAN PAR BYA STE, MNGON PAR RDZOGS PAR 'TSANG RGYA BA DANG, CHOS 'CHAD PA DANG NYAN PA GANG YANG MED DO ZHES BYA BA'I THA TSIG GO, ,DE CI'I PHYIR ZHE NA ZHES BYA BA NI CI'I PHYIR NA, SEMS CAN DE DAG SHIN TU DMIGS SU MED @17A *, ,PA YIN, GANG GIS NA MNGON PAR RDZOGS PAR 'TSANG RGYA BA LA SOGS PA 'GA' YANG MED CE NA, DE'I PHYIR 'DI LTAR CHOS THAMS CAD CES BYA BA LA SOGS PA GSUNGS SO, ,'DIS NI GTAN TSIGS BSTAN TE, GZUGS LA SOGS PA'I CHOS DE DAG THAMS CAD SNGON GYI MTHA' LA SOGS PA MED PA'I PHYIR, SHIN TU MI DMIGS PA YIN NO, ,MTHA' MED PA BSTAN ZIN TO, ,DA NI 'JAM DPAL GANG GI TSE CHOS THAMS CAD SHIN TU MI DMIGS PA ZHES BYA BA LA SOGS PAS DPAG TU MED PA NYID 'DRI'O, ,DE'I TSE ZHES BYA BAS NI 'DAS MA THAG PAR CHOS THAMS CAD MI DMIGS PA DE'I TSE ZHES STON TO, ,CI ZHES BYA BA NI GTAN TSIGS CI ZHE 'AM, CI ZHES 'DRI BA TZAM YIN NO, ,DA NI ZHES BYA BA NI SEMS CAN DPAG TU YOD PA 'DRI BA'I TSE'O, ,SEMS CAN DU YANG 'DOGS SAM ZHES BYA BA NI RNAM PAR 'JOG GAM ZHES 'DIR TSIG ZUR DU 'DOD DO, ,YANG GAL TE ZHES BYA BA NI CI STE ZHES BYA BA'I DON TO, ,'GA' ZHIG CES BYA BA NI SEMS CAN DPAG TU MED PA SHES PAR 'DOD PA'O, ,GANG DAG YIN ZHES BYA BA NI SEMS CAN DU DPAG TU YOD PA GANG ZHES BYA BA'O, ,DE SKAD 'DRI NA DE LA KHYOD KYIS JI SKAD BYA ZHES BYA BA NI GAL TE PHUNG PO LA SOGS PA'I CHOS TZAM DU ZAD DO, ,SEMS CAN GDAGS SU MED NA ZHES DGONGS SO, ,LAN DU DE SKAD 'DRI BA DE LA BDAG GIS ZHES BYA BA LA SOGS PA GSUNGS SO, ,SANGS RGYAS KYI CHOS GANG DAG YIN ZHES BYA BA 'DIS NI NAM MKHA' BZHIN DU SEMS CAN DPAG TU MED PAR BSTAN TE, NAM MKHA' BZHIN DU SANGS RGYAS KYI CHOS RNAMS DPAG TU MED PA'I PHYIR RO, ,DE SKAD DU YANG NYI KHRI LNGA STONG PA LA SOGS PA LAS DPAG TU MED PA NYID DU BSTAN TE, NAM MKHA' DPAG TU MED PAS NA GZUGS DPAG TU MED DO, ,GZUGS DPAG TU MED PAS NA SHES RAB KYI PHA ROL TU PHYIN PA DPAG TU MED DO ZHES BYA BA LA SOGS PA GSUNGS TE, DE LAS GZHAN PAR DPAG PA YANG BKAG PA'I PHYIR RO, ,JI SKAD DU DE BZHIN GSHEGS PA BSAM GYIS MI KHYAB PA GSANG BA'I MDO LAS, @17B MI RNAMS GANG ZHIG SANGS RGYAS CHOS, ,NAM MKHA' 'DRA BA'I BDAG NYID LA, PHA MTHA' RTOGS PAR 'DOD PA NI, ,DE NI 'GRUB PAR MI 'GYUR RO, ,SANGS RGYAS DANG NI CHOS RNAMS KYI, ,DPER NI JI TZAM 'GA' BYED PA, ,SANGS RGYAS DAG DANG DE MI MTHUN, ,DE DAG RGYAL BA SMOS PAR BYED, ,SANGS RGYAS CHOS DANG MNYAM PA GANG, ,DPE NI DE LA GCIG YOD PA, ,NAM MKHA'I KHAMS SU BSTAN PA STE, ,DE YI TSAD NI GANG NA'ANG MED, ,NAM MKHA'I KHAMS NI JI TZAM PAR, ,RGYAL BA'I TSUL KHRIMS DE TZAM YIN, ,BSAM GTAN SHES RAB YE SHES DANG, ,RNAM GROL YE SHES MTHONG BA DANG, ,ZHES BYA BA LA SOGS PA GSUNGS SO, ,GAL TE DE LTA NA NYI KHRI LNGA STONG PA LA SOGS PA BZHIN DU 'DIR YANG NAM MKHA' BZHIN DU SEMS CAN DPAG TU MED PA YIN ZHES CI'I PHYIR MA GSUNGS, GZHAN DU CI DGOS SHE NA, 'DI YANG GSAL BA KHO NA YIN TE, NYI KHRI LNGA STONG PAR NI RGYAS PAR BSTAN LA, 'DIR NI MDOR BSTAN TE, TSIG NYUNG YANG DON MANG BA YIN NO, ,DE LTAR BSTAN PA'I DGONGS PA NI 'DI YIN TE, SEMS CAN DPAG TU MED PA LA DMIGS PA'I BYANG CHUB KYI SEMS DANG, TSAD MED PA LA SOGS PA RGYU NAM MKHA' BZHIN PA LAS SANGS RGYAS KYI CHOS 'BRAS BUR GYUR PA RNAMS DE TZAM KHO NAR MNGON PAR GRUB PA YIN NO ZHES SHES PAR BYA BA'I PHYIR RO, ,DPAG TU MED PA BSTAN ZIN TO, ,DA NI TSAD MED PA BRJOD PAR BYA BA NI SEMS TZAN GYI KHAMS KYI TSAD JI TZAM ZHES 'DRI NA ZHES BYA BA YIN NO, ,SANGS RGYAS KYI YUL GYI TSAD JI TZAM PA DE TZAM MO ZHES BGYI'O ZHES BYA BA NI SANGS RGYAS KYI YUL NI RNAM PA LNGA'I BDAG NYID DE, DE YANG SO SOR YONGS SU MA CHAD CING TSAD MED PA YIN NO, ,DE BAS NA SEMS CAN GYI KHAMS TSAD MED PA YIN NO ZHES GSUNGS SO, ,KHAMS LNGA GANG ZHE NA, SEMS CAN GYI KHAMS RNAM PA THAMS CAD DANG, 'JIG RTEN GYI KHAMS DANG CHOS KYI KHAMS DANG, GDUL BYA'I KHAMS DANG, GDUL BYA'I THABS KYI KHAMS SO, ,GAL TE DPAG TU MED PA NYID DANG, TSAD MED PA NYID LA THA DAD @18A *, ,DU BYAR CI YOD, GANG GIS NA GNYIS BSTAN ZHE NA, DE BZHIN NYID LA NI CI YANG MED DO, ,GZHAN DU NI THA DAD PA NYID YOD DE 'DI LTAR, SEMS CAN JI SNYED YOD CES BYA BA NI RDZAS 'DI JI SNYED CIG LA SEMS CAN ZHES THA SNYAD 'DOGS, CIG CIG LA 'AM, 'ON TE GNYIS LA 'AM, 'ON TE MANG PO LA GANG GI TSE PHUNG PO LNGA LA 'JIG RTEN ZHES BRJOD NA 'JIG RTEN DANG SEMS CAN DON THA DAD PA MED PAR BRJOD PA YIN NO, ,SEMS CAN ZHES BRJOD PAR BYA BA PHUNG PO LNGAR DPAG TU YOD PA'I TSAD JI TZAM ZHE NA, DPER NA 'DZAM BU'I GLING GI MI RNAMS KYI TSAD NI KHRU PHYED DANG KHRU BZHI'O ZHES BYA BA LA SOGS PA LTA BU STE, YUL 'DI LTA BU LA NI DPAG PA'I SGRA SBYAR BAR 'OS PA MA YIN NO, ,'DIR NI 'JIG RTEN GYI KHAMS LA SOGS PAS SEMS CAN GYI KHAMS KYI TSAD SHES PAR 'DOD DO, ,TSAD MED PA BSTAN ZIN TO, ,NYI KHRI LNGA STONG PA LA SOGS PA LAS NI THOG MAR TSAD MED PA DE'I 'OG TU DPAG TU MED PA PHYIS MTHA' MED PA 'BYUNG LA, ,'DIR GO RIMS BZLOG PA NI SNGA PHYIR MNGON PAR ZHEN PA BSAL BA'I DON DU RIG PAR BYA'O, ,DE LTAR YANG NYI KHRI LNGA STONG PA LA SOGS PA DANG, MNGON PAR RTOGS PA'I RGYAN LAS KYANG, BDEN PA'I RNAM PA GO RIMS BZHIN DU BSTAN TE, DE NI BRGYAD DANG BDUN DANG LNGA, ,BCU DRUG TU NI BSTAN PA STE, ,RGYU DANG LAM DANG SDUG BSNGAL DANG, ,'GOG PA DAG LA GO RIMS BZHIN, ,'DIR YANG 'OG NAS YUL GCIG NA, ,SANGS RGYAS BCOM LDAN 'DAS ZHES BYA, ,ZHES BYA BA LA SOGS PAS GO RIMS MED PA BZHIN DU GSAL BAR STON PAR 'GYUR RO, ,DA NI SHES RAB KYI PHA ROL TU PHYIN PA LA GNAS PA STON PAR BYED DE, YANG LA LA ZHIG 'DI SKAD DU SEMS CAN GYI KHAMS GANG DU GTOGS ZHES 'DRI NA ZHES BYA BA LA SOGS PA NI RNAM PA THAMS CAD DU DE'I BDAG NYID KYI NGO BO GANG YIN PA YIN NAM, GANG DU GTOGS SHE NA, 'DIR LAN NI SKYE BA MED PA BSAM GYIS MI KHYAB PA DAG TU GTOGS PAR GTOGS SO ZHES BYA BA YIN TE, SKYE BA MED PA DNGOS PO MED PA NYID YIN NO, ,BSAM @18B GYIS MI KHYAB PA NI RNAM PAR RIG PAR BYA BA NYID MA YIN PA'O, ,TSUL DE LTA BU'I SKYE BA MED PA DANG BSAM GYIS MI KHYAB PA NI GANG DU YANG GTOGS PA MED DO, ,DE DANG THA MI DAD PA'I MTSAN NYID SEMS CAN GYI KHAMS KYANG GANG DU YANG GTOGS PA MED DO ZHES BYA BA'I THA TSIG GO, , SEMS CAN GYI KHAMS CI LA GNAS ZHES 'DRI NA ZHES BYA BA NI GNAS GANG LA ZHE 'AM, DMIGS PA GANG LA GNAS SHING 'DUG CI LA GNAS ZHES BYA BA YIN NO, ,'DIR LAN NI SKYE BA MED PA'I KHAMS CI LA GNAS PA ZHES BYA BA LA SOGS PA YIN NO, ,SKYE BA MED PA'I BDAG NYID KYI KHAMS NI SKYE BA MED PA'I KHAMS SO, ,DE'I MTSAN NYID NI BSTAN ZIN TO, ,DE DAG DNGOS PO MED PA NYID KYIS NA GANG LA YANG GNAS PA MED PA'I PHYIR, SEMS CAN GYI KHAMS DE YANG MTSAN NYID GCIG STE, GANG LA YANG GNAS PA MED DO ZHES BYA BA'I THA TSIG GO, ,'JAM DPAL KHYOD GANG GI TSE SHES RAB KYI PHA ROL TU PHYIN PA SGOM PA ZHES BYA BA LA, RNAM PA THAMS CAD SHES PA 'AM SHES PA'I MCHOG NI SHES RAB BO, ,SHES RAB DE MCHOG NYID DANG, DAM PA'I DNGOS PO DANG, PHUL DU BYUNG BA NYID NI SHES RAB KYI PHA ROL TU PHYIN PA ZHES BYA'O, ,NGES PA'I TSIG 'DI NI RIGS PA NYID YIN TE, SKYON MED PA'I PHYIR DANG, BCOM LDAN 'DAS KYIS KYANG BSTAN PA'I PHYIR RO, ,BRGYAD STONG PA LAS KYANG, BCOM LDAN 'DAS BSAM GYIS MI KHYAB PA DE NI SHES RAB BO, ,MCHOG TU BSAM GYIS MI KHYAB PA DE SHES RAB YIN TE, DGE BA'I RTZA BA GANG THAMS CAD MKHYEN PA NYID DU YONGS SU SNGO BAR BYED PA'O, ,BCOM LDAN 'DAS KYIS BKA' STZAL PA, KUN DGA' BO DE BAS NA SHES RAB DE MCHOG NYID YIN PA'I PHYIR, PHA ROL TU PHYIN PA'I MING THOB PAR 'GYUR RO ZHES BYA BA LA SOGS PA GSUNGS TE, 'DI LTAR SHES RAB 'DI NI YANG DAG PA MA YIN PA KUN BRTAGS PAR SGRO 'DOGS PAR MI BYED CING CHOS THAMS CAD MA SKYES PA LA CHAGS PA DANG BRAL ZHING RTOG PA'I NGO BO THAMS CAD BCOM PA DON DAM PA YIN TE, DE LAS GZHAN PA YOD PA MA YIN PA'I DON CAN GYI SHES RAB LAS PHUL DU BYUNG BA YIN PA'I PHYIR @19A *, ,MCHOG YIN NO, ,'DIS YONGS SU ZIN PA'I SBYIN PA LA SOGS PA YANG, DES YONGS SU MA ZIN PA'I SBYIN PA LA SOGS PA LAS MCHOG YIN NO, ,MCHOG YIN PA'I PHYIR YANG PHA ROL TU PHYIN PA'I MING 'THOB PA YIN TE KUN MCHOG YIN NO, ,DE'I TSE CI LA GNAS TE ZHES BYA BA NI DMIGS PA GANG LA SEMS 'DUG CES BYA BA'O, ,BDAG SHES RAB KYI PHA ROL TU PHYIN PA SGOM PA DE'I TSE, MI GNAS PAR SHES RAB KYI PHA ROL TU PHYIN PA SGOM PA LAGS SO ZHES BYA BA NI SHES RAB KYI PHA ROL TU PHYIN PA LA NI GANG LA GNAS SHING GANG GIS JI LTAR DE BSGOM PAR 'GYUR BA'I GNAS PAR BYA BA 'GA' YANG YOD PA MA YIN TE, CHOS THAMS CAD SHIN TU MA SKYES PA'I PHYIR RO, ,SHES RAB KYI PHA ROL TU PHYIN PA'I MTSAN NYID NI CHAGS PA MED PA YIN PA'I PHYIR RO, ,GAL TE YANG 'GA' ZHIG LA GNAS PA YOD NA NI, DE'I TSE LOG PA'I SHES PA YIN PAS, SHES RAB KYI PHA ROL TU PHYIN PA BSGOM PAR GA LA 'GYUR, DON 'DI GSAL BAR BYA BA'I PHYIR, 'JAM DPAL MI GNAS PA LA SHES RAB KYI PHA ROL TU PHYIN PA BSGOM DU YANG CI YOD CES DRIS SO, ,'DIS NI 'KHOR GYI NANG DU 'DI SKAD BSTAN TE, GAL TE DNGOS PO GOMS PAR BYA BA 'AM, BSGOM PAR BYA BA DE LA SEMS RGYUN DU MA BZHAG NA JI LTAR BSGOMS PA YIN ZHES BYA BA YIN NO,, ,,BAM PO GNYIS PA, ,'JAM DPAL GYIS KYANG GANG CI LA YANG MI GNAS PA DE NYID CES BYA BA LA SOGS PAS 'DI SKAD BSTAN TE, GANG CI LA YANG MI GNAS PA NYID NI SHES RAB KYI PHA ROL TU PHYIN PA CHAGS PA MED PA'I MTSAN NYID YIN TE, MI GNAS PA LAS GZHAN DU BSGOM PA YOD PA MA YIN NO, ,SHES RAB KYI PHA ROL TU PHYIN PA LA GNAS PAR BSTAN ZIN TE, 'DI NYID LA GNAS PA'I BYANG CHUB SEMS DPA' NI SANGS RGYAS NYID DU NGES PA YIN NO, ,LEN PA MED PA DANG GTONG BA MED PA LA SOGS PA BRJOD PAR BYA'O, ,DE'I TSE KHYOD GANG GI TSE SHES RAB KYI PHA ROL TU PHYIN PA SGOM PA DE'I TSE, KHYOD KYI DGE BA'I RTZA BA PHA ROL TU PHYIN PA LA SOGS PA 'PHEL ZHING RGYAS PAR 'GYUR BA DANG, LAM GYI @19B SGRAS DE LAS GZHAN PA DAG 'BRI ZHING 'GRIB PAR 'GYUR ZHES BYA BAR BLTA'O, ,LAN NI DE'I TSE BDAG GI DGE BA'I RTZA BA 'PHEL BA 'AM, 'BRI BAR 'GYUR BA CI YANG MA MCHIS SO ZHES BYA BA YIN TE, CI'I PHYIR ZHE NA, DGE BA'I RTZA BA 'PHEL BA DANG MI DGE BA ZAD BA NI SHES RAB KYI PHA ROL TU PHYIN PA BSGOM PA DANG 'GAL BA MED KYI, 'DIR NI YONGS SU LEN PA DANG GTONG BA'I BSAM PA LA DGONGS PA YIN TE, RLOM PA'I BDAG NYID PAS NA BSGOM PA DANG 'GAL BA'I PHYIR RO, ,DE NYID KYI PHYIR DON 'DI NYID 'OG NAS, BCOM LDAN 'DAS GANG LA CHOS 'GA' ZHIG 'PHEL BA DANG 'GRIB PA MCHIS NA ZHES BYA BA LA SOGS PAS STON PAR BYED DO, ,SBYIN PA LA SOGS PA'I CHOS 'GA' ZHIG 'PHEL BA 'AM, SER SNA LA SOGS PA BRI'O ZHES GANG LA BSAM PA YOD PA DE LA NI SHES RAB KYI PHA ROL TU PHYIN PA'I SGOM PA YOD PA MA YIN NO, ,DE CI'I PHYIR ZHE NA DE'I PHYIR, DE NI SHES RAB KYI PHA ROL TU PHYIN PA SGOM PA MA LAGS TE ZHES BYA BA LA SOGS PA GSUNGS SO, ,GANG LA CHOS 'GA'I DNGOS PO 'PHEL BA'I PHYIR RAM, 'BRI BA'I PHYIR NYE BAR GNAS SHING 'JUG PA DE NI SGOM PA MA YIN PAR RIG PAR BYA'O, ,DE LTAR 'GAL BA'I CHOS DANG LDAN PA SGOM PA LAS LOG PAR BSTAN NAS SGOM PA DANG RJES SU MTHUN PA RJES SU 'GRO BA BSTAN PA'I PHYIR, BCOM LDAN 'DAS GANG SO SO'I SKYE BO'I CHOS RNAMS KYANG MI SPONG LA ZHES BYA BA LA SOGS PA GSUNGS TE, SO SO'I SKYE BO'I CHOS 'DOD CHAGS LA SOGS PA MI SPONG MI SEL LA, SANGS RGYAS KYI CHOS STOBS LA SOGS PA MI LEN MI 'DZIN PA DE SHES RAB KYI PHA ROL TU PHYIN PA SGOM PA LAGS SO, ,DE CI'I SLAD DU ZHE NA ZHES BYA BA NI DE LTAR LEN PA MED PA DANG GTONG BA MED PA'I GTAN TSIGS GANG YIN SNYAM PA LA, GTAN TSIGS BSTAN PA'I PHYIR, BCOM LDAN 'DAS 'DI LTAR SHES RAB KYI PHA ROL TU PHYIN PA SGOM PA NI ZHES BYA BA LA SOGS PA GSUNGS TE, CHOS THAMS CAD MI DMIGS PA'I NGO BOR SHES RAB KYI PHA ROL TU PHYIN PA LA GNAS PAS CHOS GANG LA SPANG BA 'AM BLANG BAR BYA, BLANG BA LA SOGS PAR 'GYUR BA NI SKYON @20A *, ,DANG YON TAN MTHONG BA LAS 'GYUR BA YIN GYI GZHAN DU NI MA YIN NO, ,SHES RAB KYI PHA ROL TU PHYIN PA SGOM PA 'DI NI SKYON DANG YON TAN GNYIS MI DMIGS PA YIN TE, GTANG BA 'AM GZUNG BA GAR YANG YOD PA MA YIN NO, ,DE NYID KYI GTAN TSIGS BSDU BAR BCOM LDAN 'DAS GANG 'KHOR BA'I SKYON DU YANG MI MCHI LA ZHES BYA BA LA SOGS PA GSUNGS TE, GANG 'KHOR BA'I SKYON 'DOD CHAGS LA SOGS PAS BYAS PA SKYE BA DANG RGA SHI LA SOGS PA DANG MYA NGAN LAS 'DAS PA'I YON TAN STOBS DANG MI 'JIGS PA LA SOGS PA BYANG CHUB KYI PHYOGS BSGOMS PAS BYAS PA RNAMS SU MI MCHI ZHING MI SEMS PA DE SHES RAB KYI PHA ROL TU PHYIN PA SGOM PA LAGS SO, ,DE CI'I PHYIR ZHE NA ZHES BYA BA DE NI DE NYID KYANG CI'I PHYIR ZHES DOGS PA LA BCOM LDAN 'DAS 'DI LTAR 'KHOR BA NYID KYANG RE ZHIG MI MTHONG NA ZHES BYA BA LA SOGS PA GSUNGS SO, ,'KHOR BA NYID KYANG RE ZHIG CES BYA BA NI SKYON LA LTOS TE, RE ZHIG MI MTHONG BA'O, ,MYA NGAN LAS 'DAS PA NYID KYANG RE ZHIG MI DMIGS NA ZHES BYA BA 'DIR YANG RE ZHIG CES BYA BA'I RIM PA NI YON TAN LA LTOS PA'O, ,DE DAG NI RANG GIS MI DMIGS PA'I DON LA NYE BAR GTOD PA YIN TE, DE'I CHED DU BRIS PA'I PHYIR RO, ,BCOM LDAN 'DAS GANG CHOS GANG LA YANG BLANG BA 'AM ZHES BYA BA LA SOGS PA GSUNGS PA NI MJUG SDUD PA'O, ,SANGS RGYAS KYI CHOS GANG LA YANG BLANG BA 'AM GZUNG BA ZHES BYA BA LA THA DAD PA 'GA' ZHIG GIS BLANG BA NI BLANG BA'O, ,THA DAD PA MED PAR DE'I BDAG NYID DU GYUR PA NI GZUNG BA STE, BLANG BA DANG GZUNG BA GNYIS LHAN CIG TU SMOS PA'I PHYIR DON DE LTAR DBYE'O, ,LAM GYI SGRA NI THAMS CAD DU PHAN TSUN LTOS PA'O, ,SO SO'I SKYE BO'I CHOS 'DOR ZHING NGES PAR 'BYUNG BA STE, MA MCHIS ZHES BYA BA NI THAMS CAD DU SBYAR RO, ,BLANG BA MED PA DANG DOR BA MED PA LA SOGS PA BSTAN ZIN TO, ,DA NI BYAMS PA LA SOGS PA DANG STONG PA NYID BRJOD PAR BYA'O, ,TSAD MED PA LA SOGS PA DANG STONG PA NYID DE YANG JI LTA BA BZHIN DU MDOR BSTAN PA'I PHYIR, BCOM @20B LDAN 'DAS GANG CHOS GANG LA YANG 'GRIB PA DANG ZHES BYA BA LA SOGS PA GSUNGS SO, ,CHOS GANG LA YANG ZHES BYA BA NI RANG GI MI MTHUN PA'I PHYOGS ZHE SDANG LA SOGS PA DANG LTA BAS BYAS PA DAG 'GRIB CING ZAD PA DANG, TSAD MED PA LA SOGS PA DANG, STONG PA NYID SGOM PA RNAMS 'PHEL ZHING LHAG PAR RGYAS PAR GYUR PA'I DNGOS PO GANG MI DMIGS PA DE SHES RAB KYI PHA ROL TU PHYIN PA SGOM PA LAGS SO, ,DE YANG CI'I PHYIR ZHE NA, DE'I PHYIR BCOM LDAN 'DAS SKYE BA MA MCHIS PA LA 'GRIB PA DANG 'PHEL BA MA MCHIS PA'I SLAD DU'O ZHES GSUNGS TE, SKYE BA MA MCHIS PA NI DE BZHIN NYID DE, DE LA NI 'GRIB BA MED 'PHEL BA MED DE, DUS THAMS CAD DU DE BZHIN DU 'DUG PA'I PHYIR DANG 'DUS MA BYAS YIN PA'I PHYIR RO, ,DE BAS NA MI MTHUN PA'I PHYOGS 'GRIB PA MED LA GNYEN PO 'PHEL BA MED DO, ,'GOG PA LA YANG MI RTOG PAS NA SHES RAB KYI PHA ROL TU PHYIN PA SGOM PA YIN NO ZHES BSTAN PA'I PHYIR, BCOM LDAN 'DAS GANG CHOS GANG YANG ZHES BYA BA LA SOGS PA GSUNGS TE, RNAM PAR BYA BA'I CHOS SKYE BA DANG, NYON MONGS PA'I KUN NAS NYON MONGS PA LA SOGS PA 'GAG PAR RLOM PA DE LTA BU YANG SGOM PA GANG LA YOD PA MA YIN PA DE SHES RAB KYI PHA ROL TU PHYIN PA SGOM PA LAGS SO, ,DE LTAR GANG GIS DNGOS POR RTOG PA BSAL NAS 'BRAS BU LA RTOG PA BSAL BA'I PHYIR, BCOM LDAN 'DAS GANG CHOS GANG LA YANG JI LTAR RANG GI GNAS NGAN LEN DANG, DE'I KUN TU RMONGS PA RNAMS 'GRIB BA'AM RNAM PAR BYANG BA'I YON TAN RNAMS RGYAS PAR MI BGYID CING BCOM LDAN 'DAS GANG DE LTAR SGOM ZHING SEMS BSKYED PA DE SHES RAB KYI PHA ROL TU PHYIN PA SGOM PA LAGS SO, ,DE LTAR RGYUN DU SEMS BSKYED PA DE NYID SHES RAB KYI PHA ROL TU PHYIN PA SGOM PA LAGS SO, ,TSAD MED PA LA SOGS PA DANG STONG PA NYID BSTAN ZIN TO, ,DA NI SANGS RGYAS NYID 'THOB PA BRJOD PA NI BCOM LDAN 'DAS GZHAN YANG ZHES BYA BA LA SOGS PA YIN TE, STOBS DANG MI 'JIGS PA LA SOGS PA SANGS RGYAS KYI CHOS GANG YIN PA DE DAG NI BSAM GYIS MI KHYAB PA'I CHOS YIN TE @21A *, ,BSAM PAR MI NUS PA'I PHYIR RO, ,NYI TSE BA'I SO SO'I SKYE BO DANG NYAN THOS LA SOGS PA'I CHOS YIN TE NYI TSER ZHUGS PA'I PHYIR RO, ,MI SMON PA NI 'DOD PA MED PA'O, ,NYI TSE BA SMOS PA NI MI SMON PAS KHYAD PAR BSTAN PA'I PHYIR RO, ,DE NI GNYIS KAR RTOG PA DANG BRAL BA'I DBU MA'I LAM BSTAN PA YIN NO, ,TSIG GI ZLA BSTAN PA KUN LA YANG DE BZHIN DU RIG PAR BYA'O, ,MI SMON PA YANG RNAM PA GSUM STE, DGOS PA MED PA'I PHYIR DANG LE LO YOD PA'I PHYIR DANG MI NUS PA'I PHYIR RO, ,'ON KYANG BCOM LDAN 'DAS GANG LA SMON PA DANG ZHES BYA BA LA SOGS PAS NI RNAM PA THA MA NYID BSTAN TE, DE YANG MCHOG YIN PA NYID KYIS SANGS RGYAS NYID NI GTZO BO DAM PA BYA DKA' BA MTHA' YAS PA SHIN TU 'BAD PAS SMON CING BTZAL BAR BYA BA NI YOD PA MA YIN NO, ,KYANG GI SGRAS NI GANG GIS DANG JI LTAR GANG GI DON DU SMON PA YANG RIG PAR BYA STE, YOD PA MA YIN PA'I PHYIR SMON CING BTZAL BYAR NUS PA MA YIN NO, ,DE LTAR BSGOMS NA SHES RAB KYI PHA ROL TU PHYIN PA SGOM PA LAGS SO, ,SANGS RGYAS NYID THOB PA BSTAN ZIN TO, ,DE NI RNAM PAR BYANG BA'I PHYOGS THAMS CAD BSDU BA BRJOD PAR BYA BA NI BCOM LDAN 'DAS SHES RAB KYI PHA ROL TU PHYIN PA SGOM PA NI 'DI LTAR CHOS 'DI DAG NI MCHOG GO ZHES BYA BA LA SOGS PA GANG GSUNGS PA YIN NO, ,NYE BAR MI GNAS SHING ZHES BYA BA NI MI 'JUG PA'O, ,DE STON PA NI PHA ROL TU PHYIN PA DANG STONG PA NYID DANG BYANG CHUB KYI PHYOGS DANG TSAD MED PA LA SOGS PA'I CHOS 'DI DAG NI MCHOG GO, ,SER SNA DANG TSUL KHRIMS 'CHAL BA DANG GNOD SEMS DANG LE LO LA SOGS PA'I CHOS 'DI DAG NI THA MA'O ZHES DE LTAR MCHOG DANG THA MA YIN PAR RTOG PAS MI GNAS PA'O, ,DE LTAR CI'I PHYIR YIN ZHE NA, DE'I PHYIR CHOS GANG DAG MCHOG DANG THA MAR GYUR PA'I CHOS DE DAG KYANG MI DMIGS TE ZHES GSUNGS TE, PHA ROL TU PHYIN PA LA SOGS PA'I MCHOG GANG DAG BLA NA MED PA'I DON 'DREN PAR BYED PAS NA MCHOG GO, ,NGAN SONG LA SOGS PA 'DREN PAR BYED PAS NA SER SNA LA SOGS PA NI THA @21B MA'O ZHES CHOS DE LA YANG MI DMIGS SO, ,DE LTAR RNAM PAR BYANG BA DANG, KUN NAS NYON MONGS PA'I CHOS MI DMIGS PAS MCHOG NYID DANG, THA MA NYID DU MI RTOG PA GANG YIN PA'I SHES RAB KYI PHA ROL TU PHYIN PA SGOM PA'I RNAL 'BYOR TING NGE 'DZIN LA RJES SU GTAD DE; BRTZON ZHING MA BRAL BA'I RIGS KYI BU NI CHOS THAMS CAD MI DMIGS SO, ,DES RNAM PAR BYANG BA'I PHYOGS THAMS CAD YONGS SU ZIN PAR BSTAN PAS SHES RAB KYI PHA ROL TU PHYIN PAS YONGS SU ZIN NA PHA ROL TU PHYIN PA THAMS CAD DANG, STONG PA NYID DANG TSAD MED PA DANG BYANG CHUB KYI PHYOGS LA SOGS PA YONGS SU ZIN PA YIN NO ZHES 'BYUNG BA DANG MTHUN PA YIN NO, ,RNAM PAR BYANG BA'I CHOS THAMS CAD YONGS SU BZUNG BA BSTAN ZIN TO, ,DA NI MNGON PAR ZHEN PA'I NAD THAMS CAD 'JOMS PAR BYED PA BRJOD PA'I CHED DU BCOM LDAN 'DAS SHES RAB KYI PHA ROL TU PHYIN PA SGOM PA NI CHOS GANG LA GANG MCHOG CE 'AM THA MA ZHES MI RTOG GO ZHES GSUNGS SO, ,MNGON PAR ZHEN PA'I NAD CES BYA BA GANG ZHE NA, SRID PA DANG, LONGS SPYOD KYI DNGOS PO PHYI NANG GI CHOS LA THA MA DANG, MCHOG TU LTA BAS KUN TU ZHEN CING CHAGS PA NI MNGON PAR ZHEN PA'O, ,DE NYID YUN RING POR DBYEN DANG RTZOD PA DANG 'GYED PA DANG MI MTHUN PA LA SOGS PA'I GNOD PA BSKYED PA'I PHYIR DANG, SER SNA LA SOGS PA SKYED PAR BYED PA'I PHYIR NAD DO, ,DE THAMS CAD 'JOMS PAR BYED CING GTAN NAS 'BYIN PA NI MCHOG NYID DANG THA MA NYID DU MI RTOG PA'I SHES RAB KYI PHA ROL TU PHYIN PA SGOM PA DANG GZHAN DAG KYANG DE LA 'GOD PAR BYED PA YIN NO, ,DE CI'I SLAD DU ZHE NA ZHES BYA BA NI MI RTOG PA DE NYID GTAN TSIGS GANG GIS ZHES BYA BA'O, ,DE'I PHYIR BCOM LDAN 'DAS SKYE BA MA MCHIS PA LA ZHES BYA BA LA SOGS PA GSUNGS SO, ,DE BZHIN NYID DANG YANG DAG PA'I MTHA' DANG, CHOS THAMS CAD KYI BAR LA YANG ZHES BYA BA LA, BAR LA ZHES BYA BA'I SGRAS 'DUS MA BYAS PA'I RNAM GRANGS GZHAN DAG KYANG GZUNG NGO, ,CHOS THAMS CAD CES BYA BA NI PHYI DANG NANG MA SKYES PA'I NGO BO STE, DE LA @22A *, ,MCHOG DANG THA MA MCHIS SO ZHES BYA BA'I THA TSIG GO, ,BCOM LDAN 'DAS DE LTAR BSGOMS NA SHES RAB KYI PHA ROL TU PHYIN PA SGOM PA LAGS SO ZHES BYA BA NI MJUG SDUD PA'O, ,DE NI MYA NGAN LAS 'DAS PA LA MNGON PAR ZHEN PA ZHIB BRJOD PAR BYA STE, DE SKAD CES GSOL BA DANG BCOM LDAN 'DAS KYIS ZHES BYA BA LA SOGS PA GSUNGS PA GANG YIN PA DE LA DE SKAD CES BYA BA NI RNAM PA SNGA MA DE LTA BU LA BYA'O, ,GSOL PA ZHES BYA BA NI SMRAS PA'O, ,'DI SKAD CES ZHES BYA BA NI 'OG NAS 'BYUNG BA'O, ,BKA' STZAL TO ZHES BYA BA NI GSUNGS PA'O; ,'JAM DPAL SANGS RGYAS KYI CHOS ZHES BYA BA SANGS RGYAS KYI BDAG NYID KYI CHOS STOBS DANG, MI 'JIGS PA LA SOGS PA RNAM PA THAMS CAD LAS KHYAD PAR DU 'PHAGS PA YIN PA'I PHYIR, GTZO BO MCHOG MA YIN NAM ZHES TSIG ZUR GYIS DRIS PA DANG 'DIR LAN NI, BZUNG DU MA MCHIS PA'I SLAD DU SANGS RGYAS KYI CHOS RNAMS NI MCHOG LAGS SO ZHES GSOL TO, ,'JUG PA DANG LDOG PA'I GNAS LA GZUNG BAR RNAM PAR RTOG PA MI MNGA' BA'I PHYIR DANG, DE MED NA MED PA YIN PA'I PHYIR 'DZIN PAR RNAM PAR RTOG PA YANG MI MNGA'O, , DE BAS NA DE DAG NI KUN RDZOB TU MCHOG YIN NO, ,DON DAM PAR NI MA YIN TE, DE'I PHYIR BCOM LDAN 'DAS CHOS THAMS CAD STONG PAR ZHES BYA BA LA SOGS PA GSUNGS TE, CHOS THAMS CAD CES BYA BA NI GZUGS LA SOGS PA'O, ,STONG PAR ZHES BYA BA NI NGO BO NYID KYIS DBEN PA'O,, DE LTAR DE BZHIN GSHEGS PAS MNGON PAR RDZOGS PAR SANGS RGYAS PA LAGS SAM ZHES BYA BA LA MNGON SUM DU MTSAN NYID GCIG NYID DU MNYAM ZHING THA MI DAD PAR MKHYEN TE, MNGON PAR RDZOGS PAR SANGS RGYAS PA LAGS SAM, DE SKAD ZHUS PA DANG, BCOM LDAN 'DAS KYIS DE DE BZHIN TE ZHES ZHAL GYIS BZHES SO, ,'PHAGS PA 'JAM DPAL GYIS KYANG BCOM LDAN 'DAS STONG PA NYID LA MCHOG GAM, THA MA ZHES BGYI BA MCHIS SAM ZHES DRI BA NYID LAN DU SMRAS PA YIN TE, STONG PA NYID LA MCHOG DANG THA MA MCHIS SAM ZHES TSIG ZUR GYIS DRIS PA NI DE GNYI @22B GA YANG MCHIS PA MA LAGS SO ZHES BYA BA'I THA TSIG GO, ,BCOM LDAN 'DAS KYANG RIGS PA SMRAS PAS DGYES NAS 'JAM DPAL LEGS SO LEGS SO ZHES GSUNGS SO, ,'JAM DPAL DE DE BZHIN TE, JI SKAD SMRAS PA BZHIN NO ZHES BYA BA NI ZHAL GYIS BZHES PA STE, GZHAN DU MA YIN NO ZHES BYA BA'I BAR DU YIN NO, ,GZUNG BA DANG 'DZIN PA YANG DAG PA MA YIN PAR SGRO 'DOGS PA'I RNAM PAR RTOG PA DANG BRAL BA NI SANGS RGYAS KYI CHOS RNAMS YIN NO ZHES BSTAN NAS DE'I BAG LA NYAL DANG BRAL BA BSTAN PA'I PHYIR, 'JAM DPAL SANGS RGYAS KYI CHOS RNAMS BLA NA MED PA YIN NAM ZHES BYA BA LA SOGS PA GSUNGS TE, 'DI LAS GZHAN MCHOG DAM PA KHYAD PAR DU 'PHAGS PA MED PAS BLA NA MED PA'O, ,DRIS PA DANG 'JAM DPAL GYIS GSOL BA DE DE LTA LAGS TE ZHES GSUNGS TE, SANGS RGYAS KYI CHOS RNAMS BLA NA MED PA NYID LAGS KYI, DE LAS GZHAN NI MA LAGS SO ZHES ZHAL GYIS BZHES PA GSUNGS SO, ,'DIR GTAN TSIGS SU BCOM LDAN 'DAS 'DI LTAR DE DAG LA ZHES BYA BA LA SOGS PA GSUNGS TE, SANGS RGYAS KYI BDAG NYID KYI CHOS DE DAG LA BAG CHAGS KYI MTSAN NYID KYI CHOS CUNG ZAD TZAM DANG PHRA MO TZAM YANG MA MCHIS SHING MCHIS PA MA LAGS SO, ,DE'I PHYIR MI DMIGS TE, RIG PAR BYAR MED DO, ,RNAM PAR RTOG PA RGYU BA'I GNAS SKABS LTA RE ZHIG RING DU ZHOG GI ,SANGS RGYAS KYI CHOS RNAMS LA DE'I BAG CHAGS KYANG YOD PA MA YIN NO ZHES BYA BA NI YANG GI SGRA'I DON YIN NO, ,DES NA SANGS RGYAS KYI CHOS BLA NA MED PA DE DAG KUN RDZOB TU MCHOG NYID DANG, BLA NA MED PA NYID NI MYA NGAN LAS 'DAS PA LA MNGON PAR ZHEN PA'I GNAS YIN NO, ,YANG DAG PAR NI STONG PA NYID LA MCHOG DANG THA MA NYID YOD PA MA YIN LA, BLA NA MED PA NYID DANG, GONG MA DANG BCAS PA NYID KYANG YOD PA MA YIN PAS MYA NGAN LAS 'DAS PA LA MNGON PAR ZHEN PA ZHI BA YIN NO, ,DA NI SANGS RGYAS KYIS GSUNGS PA LA SOGS PA BRJOD PAR BYA'O, ,SHES RAB KYI PHA ROL TU PHYIN PA SGOM PA LA BRTZON PAS SANGS RGYAS BCOM LDAN 'DAS RNAMS SGRUB PA'I @23A *, ,BYANG CHUB SEMS DPA' LA SRUNG BA DANG SKYOB PA DANG SBA BA MDZAD DO, ,DE LA SRUNG BA NI SGOM PA 'PHEL BA DANG, YONGS SU MI NYAMS PAR MDZAD PA'O, ,SKYOB PA NI PHA ROL GYI GNOD PA LAS SKYOB PA'O, ,SBA BA NI THEG PA DMAN PAR 'PHRO ZHING G-YENG BA MED PAR BYED PA'O, ,BYANG CHUB SEMS DPA' GANG GIS SO SO'I SKYE BO'I CHOS RNAMS SPANGS NAS THEG PA DMAN PA LAS 'DAS TE, SANGS RGYAS KYI CHOS RNAMS THOB PAR MDZAD CING, SANGS RGYAS KYI MDZAD PA MDZAD DO ZHES GANG LA KUN RDZOB KYI RNAM PAR RTOG PA DE DAG MI 'BYUNG BA DE SHES RAB KYI PHA ROL TU PHYIN PA SGOM PA YIN NO ZHES STON PA NI BCOM LDAN 'DAS GZHAN YANG GANG SANGS RGYAS KYI CHOS RNAMS ZHES BYA BA LA SOGS PA YIN TE, SANGS RGYAS KYI CHOS BSTAN ZIN PA'I NGO BO RNAMS SGRUB PAR BYED PAS SGRUB PA STE, BSNYEN PAR BYED NGES [?] SU MTHUN PAR BYED PA'O, ,DE'I DNGOS PO NI SGRUB PAR BYED PA NYID DO, ,DE'I DON DU 'JUG PAR MI BYED 'BYUNG BAR MI BYED SGRUB PAR MI BYED PA'I BAR DU YIN NO, ,SO SO'I SKYE BO'I CHOS RNAMS SPONG BA DANG DOR BAR MI BGYID DO, ,SANGS RGYAS KYI CHOS RNAMS 'THOB PA YANG MA LAGS LA ZHES BYA BA NI 'THOB PAR BYED PA YANG MA LAGS PA'O; ,'DZIN PA YANG MA LAGS ZHES BYA BA NI SKYED PAR BYED PA 'AM 'DZIN PAR BYED PA MA LAGS ZHES BYA BA YIN NO, ,SANGS RGYAS RNAMS KYIS GSUNGS PA LA SOGS PA BSTAN ZIN TE, NYI KHRI LNGA STONG PA LA SOGS PA LAS KYANG DE SKAD DU BSTAN PA NI PHYOGS BCU'I 'JIG RTEN GYI KHAMS DAG NA BZHUGS PA'I SANGS RGYAS BCOM LDAN 'DAS RNAMS KYIS SHES RAB KYI PHA ROL TU PHYIN PA 'DI 'DZIN PA NAS YID LA BYED PA'I BAR DU BYED PA DE'I JI LTAR DGE BA'I CHOS 'PHEL BAR 'GYUR BA DANG, SBYIN PA'I PHA ROL TU PHYIN PA NAS RNAM PA THAMS CAD MKHYEN PA'I BAR DU MI NYAMS PAR 'GYUR BA DANG, NGA RGYAL LA SOGS PAS ZIL GYIS MI NON PAR 'GYUR BAR BYA BA'I PHYIR, BSRUNG BA DANG BSKYAB PA DANG, SBA BAR MDZAD DO ZHES BYA BA LA SOGS PA GSUNGS TE, BU MANG POS MA'I NAD BSAL BA'I PHYIR BRTZON PA'I DPES SANGS RGYAS KYIS BSRUNGS PA LA SOGS @23B PA BSTAN TE, DE LA BU LTA BU NA SANGS RGYAS BCOM LDAN 'DAS SO, ,MA LTA BU NI SHES RAB KYI PHA ROL TU PHYIN PA'O, ,DE'I NAD LTA BU NI MTHONG BA DANG BSGOMS BAS SPANG BAR BYA BA'I RNAM PAR RTOG PA RANG RANG LA JI LTAR YOD PA DANG DE'I BAG LA NYAL LO, ,DE BZHIN GSHEGS PA 'BYUNG BA BSTAN PA'I MDO LAS KYANG DON 'DI GSAL BAR BSTAN MOD KYI YI GE MANGS SU DOGS BAS MA BRIS SO, ,SROG GCOD PA MED PA NAS BRTZAMS TE, RNAM PA THAMS CAD MKHYEN PA'I TSUL LA RANG YANG GNAS SHING SEMS CAN RNAMS DGOD PA BRJOD PAR BYA'O, ,DE YANG SPANG BA DANG BLANG BA'I CHOS RNAM PA GNYIS BYE BRAG TU SHES SHING BSAMS PA MED PAR SPANG BAR BYA BA MI DGE BA LA SOGS PA LAS BSLANG STE, BLANG BAR BYA BA RNAM PA THAMS CAD MKHYEN PA NYID THOB PAR BYED PA'I CHOS DGE BA LA SOGS PA LA RANG GNAS SHING GZHAN YANG DGOD PAR MI NUS PAS CHOS DE DAG LA GDON MI ZA BAR BSAM PA DANG RNAM PAR SHES PAR BYA DGOS SO, ,GANG ZHIG DAG GIS DBEN BAR BSGOMS PA DE NI SHES RAB KYI PHA ROL TU PHYIN PA SGOM PA YIN PAR BSTAN PA'I PHYIR, GANG CHOS GANG LA YANG MI SEMS LA ZHES BYA BA LA SOGS PA GSUNGS TE, SPANG BAR BYA BA SO SO'I SKYE BO LA SOGS PA DANG 'BREL BA DANG BLANG BAR BYA BA YANG DAG PAR RDZOGS PA'I SANGS RGYAS KYI CHOS GANG LA YANG, DRAN PA'I RNAM PAR RTOG PAS MI SEMS LA MYONG ZHING DMIGS PAS RNAM PAR MI RIG PA DE SHES RAB KYI PHA ROL TU PHYIN PA SGOM PA LAGS SO, ,GTAN TSIGS BSTAN PAS GSAL BAR BYA BA'I PHYIR, 'JAM DPAL KHYOD SANGS RGYAS KYI CHOS RNAMS LA MI SEMS SAM ZHES BCOM LDAN 'DAS KYIS DRIS TE, SANGS RGYAS KYI CHOS DE DAG LA MI SEMS SAM ZHES TSIG ZUR GYIS BSTAN TE, DE RJES SU DRAN PA NI NGES PAR BYA DGOS PA'I PHYIR RO ZHES DGOS PA'O, , GAL TE BDAG GIS SANGS RGYAS KYI CHOS RNAMS YONGS SU GRUB PAR MTHONG NA NI BDAG SANGS RGYAS KYI CHOS RNAMS LA SEMS LAGS SO ZHES BYA BA LA, SANGS RGYAS KYI CHOS RNAMS NI CHOS CAN SANGS RGYAS DANG, DE'I CHOS RNAMS LA BYA STE, CI STE YONGS SU GRUB CING RANG GI NGO BO GRUB PAR @24A *, ,MTHONG NA NI SEMS LAGS SO, ,YONGS SU GRUB PAR MA MTHONG BA'I PHYIR SEMS PAR MI BGYID DO ZHES BSTAN TO, ,DE LTAR YONGS SU MA GRUB PA DNGOS POR SEMS PAR BGYID NA, SHES RAB KYI PHA ROL TU PHYIN PA NYID MA YIN NO ZHES BSTAN PA'I PHYIR SHES RAB KYI PHA ROL TU PHYIN PA SGOM PA NI 'DI DAG NI ZHES BYA BA LA SOGS PA NAS, CHOS GANG LA YANG RNAM PAR RTOG PAS NYE BAR GNAS PA MA LAGS SO ZHES BYA BA'I BAR DU GSUNGS TE, SPANG BAR BYA BA DANG BLANG BAR BYA BA'I CHOS CAN DANG CHOS GANG LA YANG BYE BRAG TU RTOG CING, RNAM PAR RTOG PAS NYE BAR GNAS SHING ZHUGS PA MA LAGS SO, ,'DI DAG NI SO SO'I SKYE BO'I CHOS SO ZHES BYA BA LA SOGS PAS NI BYE BRAG TU RTOG PA STON TE, 'GRO BA LNGA 'AM DRUG TU SO SOR 'GRO BAS NA SO SO'I SKYE BO'O, ,DE DAG GI CHOS NI SO SO'I SKYE BO'I CHOS TE, 'DOD CHAGS LA SOGS PA'O; ,BDAG DUL BA DANG ZHI BA DANG YONGS SU MYA NGAN LAS 'DAS PA LA SOGS PA 'DI DAG NI NYAN THOS KYI CHOS SO, ,'DZIN PAR SGRO 'DOGS PA LA SOGS PA 'DI DAG NI RANG SANGS RGYAS KYI CHOS SO, ,STOBS LA SOGS PA 'DI DAG NI YANG DAG PAR RDZOGS PA'I SANGS RGYAS KYI CHOS SO ZHES CHOS GANG LA YANG RNAM PAR RTOG PAS NYE BAR GNAS PA MA LAGS SO, ,'DIR GTAN TSIGS NI RNAL 'BYOR LA BRTZON PA'I RIGS KYI BUS CHOS DE NYID KYANG MI DMIGS TE ZHES BYA BA LA SOGS PA GSUNGS TE, THA SNYAD GDAGS PAR 'OS PA'I CHOS BDAG LA SOGS PA DE NYID KYANG MI DMIGS TE MI MTHONG NGO, ,BDAG LA SOGS PA GANG LA BSTAN ZIN PA'I NGO BO'I CHOS SO SO'I SKYE PO'I CHOS ZHES BRJOD CING BSTAN PA BDAG DE MI DMIGS SO, ,SLOB PA NI RGYUN DU ZHUGS PA LA SOGS PA GANG BAG BDUN NO, ,MI SLOB PA NI DGRA BCOM PA'O, ,RANG SANGS RGYAS NI RNAM PA GNYIS TE, BSE RU LTA BU DANG, TSOGS DANG SPYOD PA'O, ,DE LA BSE RU LTA BU NI SKYES BU DAM PA LA BRTEN NAS RGYUD YONGS SU SMIN PAR BYED KYI NGES PAR 'BYED PA'I CHA DANG MTHUN PA YANG MI SKYED PA'O, ,TSE YONGS SU BRJES NAS NI NGES PAR 'BYED PA'I CHA DANG MTHUN PA DANG, 'PHAGS @24B PA'I LAM SKYED PAR BYED CING DGE SBYONG GI 'BRAS BU NGANG SHIN TU MTHAR THUG PA'I RANG BYANG CHUB SGRUB PAR BYED DO, ,TSOGS DANG SPYOD PA YANG RNAM PA GNYIS TE, KHA CIG NI SKYES BU DAM PA LA BSTEN NAS RGYUD YONGS SU SMIN PAR BYED, NGES PAR 'BYED PA'I CHA DANG MTHUN PA YANG SKYED PAR BYED KYI, DGE SBYONG GI 'BRAS BU DANG 'PHAGS PA'I LAM NI MI SKYED DO, ,TSE YONGS SU BRJES NA SA NI 'PHAGS PA'I LAM BSKYED NAS SHIN TU MTHAR PHYIN PA'I RANG BYANG CHUB MNGON SUM DU MI BYED DO, ,GZHAN DAG NI SKYES BU DAM PA LA BRTEN NAS RGYUD YONGS SU SMIN PAR BYED NGES PAR 'BYED PA'I CHA DANG MTHUN PA YANG SKYED, 'PHAGS PA'I LAM YANG SKYED PAR BYED KYI SHIN TU MTHAR PHYIN PA'I MTSAN NYID RANG BYANG CHUB NI MNGON SUM DU MI BYED DO, ,TSE YONGS SU BRJES NAS NI RANG BYANG CHUB DE THOB PAR BYED DO, ,RNAM PA DE DAG GSUM CHAR YANG LUNG LAS GCIG TU NGA RGYAL LA SPYOD PA YIN PAR BZHAG STE, NGA RGYAL CHEN PO DANG 'BRING DANG CHUNG NGU YIN PA'I PHYIR, BSE RU LTA BU LA SOGS PAR DBYE'O, ,DE DAG GI CHOS NI RANG SANGS RGYAS KYI CHOS SO ZHES BYA BA'I SGRA NI THAMS CAD DU YANG PHAN TSUN LTOS PA YIN NO, ,YANG DAG PAR RDZOGS PA'I SANGS RGYAS ZHES BRJOD PA'I CHOS DE SHIN TU RAB TU BDAG LA SOGS PAR BRJOD PAR RUNG BA'I CHOS CAN DE MI DMIGS SHING DMIGS SU MED PA YIN NO, ,DE LTAR GANG ZAG LA BDAG MED PA SGOM PA NI SHES RAB KYI PHA ROL TU PHYIN PA SGOM PA YIN NO, ,CHOS LA BDAG MED PA'I DBANG DU BYAS NAS, BCOM LDAN 'DAS SHES RAB KYI PHA ROL TU PHYIN PA SGOM PA'I RNAL 'BYOR LA BRTZON PA'I RIGS KYI BU NI ZHES BYA BA LA SOGS PA GSUNGS TE, RIGS KYI BU DE'I RNAM PAR RTOG PA 'DI SNYAM DU DBANG SGYUR BA LA SOGS PA NAS, MNAR MED PA LA THUG PA'I BAR 'DI NI 'DOD PAS RAB TU PHYI BA'I KHAMS YIN PAS 'DOD PA'I KHAMS SO, ,GNAS GTZANG MA LA SOGS PA NAS TSANGS RIS LA THUG PA'I BAR 'DI NI GZUGS KYIS RAB TU PHYE BA'I KHAMS YIN PAS GZUGS KYI KHAMS SO, ,'DU SHES MED 'DU SHES MED MIN SKYE MCHED LA SOGS PA NAS, NAM MKHA' @25A *, ,MTHA' YAS SKYE MCHED LA THUG PA'I BAR 'DI NI GZUGS MED PAS RAB TU PHYE BA YIN PAS GZUGS MED PA'I KHAMS SO, ,RAB TU YANG ZHES BYA BA'I SGRAS BSDU BA NI 'DOD CHAGS ZAD PAS 'DOD CHAGS DANG BRAL BA'I KHAMS DANG, DE LAS GZHAN PA'I NYON MONGS PA ZAD PAS SPANGS PA'I KHAMS RNAMS YONGS SU BZUNG NGO, ,'GOG PA'I DBYINGS SU ZHES BYA BA NI DNGOS PO YONGS SU ZAD PA ZHES BGYI BA RNAM PAR RTOG PA'I NGO BO DE LTA BUR MI SEMS SO, ,'DIR DOGS NAS GTAN TSIGS SU BCOM LDAN 'DAS 'DI LTAR DES ZHES BYA BA LA SOGS PA GSUNGS TE, DES ZHES BYA BA NI SHES RAB KYI PHA ROL TU PHYIN PA SGOM BA DANG LDAN PA'I RIGS KYI BUS SO, ,'DOD CHAGS LA SOGS PA 'GOG PA'I CHOS ZAD PA'I RANG GI NGO BO'I CHOS DE GANG YANG MI MTHONG STE, CHOS THAMS CAD MA SKYES PA'I PHYIR RO, ,DE LTAR BDAG MED PA GNYIS KYI MTSAN NYID SGOM PA SHES RAB KYI PHA ROL TU PHYIN PA SGOM PA NI RTOG PA MED PA'I BDAG NYID YIN PAR RIG PAR BYA'O, ,RNAM PA THAMS CAD MKHYEN PA'I TSUL LA RANG GNAS LA SEMS CAN RNAMS 'GOD PA BSTAN ZIN TO, ,DA NI SBYIN PA LA SOGS PA BYANG CHUB TU YONGS SU BSNGO BA BRJOD PAR BYA STE, RAB TU 'JUG PA THAMS CAD KYANG 'DOD PA DANG MI 'DOD PA THOB PA DANG YONGS SU SPANG PA'I CHED YIN LA, SBYIN PA LA SOGS PA BYANG CHUB TU YONGS SU BSNGOS PA 'DI YANG SANGS RGYAS NYID DANG SO SO SKYE BO GNYIS GO RIMS BZHIN DU 'THOB PA DANG, YONGS SU SPANG BA'I CHED YIN NO ZHES DE LTAR RNAM PAR RTOG PA SKYE'O, ,DE LA 'DIR CHOS THAMS CAD MA SKYES PA YIN PA'I PHYIR, DGOS PA DANG BYED PA PO DANG LAS RNAMS LA MI RTOG PAR SHES RAB KYI PHA ROL TU PHYIN PA BSGOM PAR BYA'O ZHES GO RIMS BZHIN DU BSTAN PA'I PHYIR; BCOM LDAN 'DAS GZHAN YANG GANG CHOS GANG LA YANG PHAN PA 'AM ZHES BYA BA LA SOGS PA GSUNGS TE, 'DOD PA 'AM MI 'DOD PA MA THOB PA 'AM THOB PA'I CHOS KYI RANG GI NGO BO GANG LA YANG GO RIMS BZHIN DU PHAN PA SGRUB PA 'AM, GNOD PA SEL BAR YANG MI BGYID CING MI @25B SGRUB PA DE SHES RAB KYI PHA ROL TU PHYIN PA SGOM BA LAGS SO, ,PHAN PA MA THOB PA SGRUB CING GNOD PA THOB PA SEL BAR MI BYED PA'O, ,'AM ZHES BYA BA'I SGRA NI PHAN TSUN LTOS PA YIN NO, ,DON 'DI LA GTAN TSIGS SU BCOM LDAN 'DAS 'DI LTAR SHES RAB KYI PHA ROL TU PHYIN PA SGOM PA NI SANGS RGYAS KYI CHOS RNAMS SBYIN PAR BGYID PA PO YANG MA LAGS ZHES BYA BA LA SOGS PA GSUNGS SO, ,'DI LTAR GANG GI PHYIR SHES RAB KYI PHA ROL TU PHYIN PA SGOM PA BSTAN ZIN PA'I NGO BO NI SANGS RGYAS KYI CHOS RNAMS SBYIN PAR BGYID PA PO YANG MA LAGS TE, DES NA 'BUL BAR BGYID PA PO MA LAGS ZHES BYA BA'I THA TSIG GO, ,SO SO'I SKYE BO'I CHOS RNAMS GCOD PAR BGYID PA PO LAGS SO ZHES BYA BA NI SEL BAR BYED PA PO MA YIN NO ZHES BYA BA'I THA TSIG GO, ,DE BAS NA BCOM LDAN 'DAS GANG SO SO'I SKYE BO'I CHOS RNAMS KYANG MI 'GOG LA ZHES BYA BA LA SOGS PAS NI DON DE NYID NI GZHUNG 'DZUGS PAR BYED PA'O, ,GANG ZHES BYA NI 'DI LTAR ZHES BYA STE, SO SO'I SKYE BO'I CHOS DNGOS PO MA SKYES PA RNAMS MI 'GOG CING ZAD PAR MI BYED, SANGS RGYAS KYI CHOS DNGOS PO MA SKYES PA RNAMS MI 'THOB CING YOD PAR MI BYED DE; THOB PAR BYA BA DANG THOB PA PO RNAMS SHIN TU DNGOS PO MED PO'I PHYIR RO ZHES LAN DU MAR BSTAN ZIN TO, ,'DIR NI YONGS SU BSNGO BA 'KHOR GSUM YONGS SU DAG PA YIN PAR RIG PAR BYA'O, ,SBYIN PA LA SOGS PA BYANG CHUB TU YONGS SU BSNGO BA BSTAN ZIN TO, ,DE YAN CHAD DU MTHONG BA'I LAM SKAD CIG MA BCU DRUG BSTAN ZIN TE, DE LA BCU DRUG NI, DE BZHIN NYID DANG SANGS RGYAS DAG, ,PHAN TSUN BRTEN PA MED PA DANG, ,RNAM GRANGS KYIS NI ZHAL MI BZHES, ,CHEN PO NYID DANG MTSAN MED BCAS, ,DPAG MED PA DANG MTHA' MED DANG, ,DER GNAS PA YI GZUGS LA SOGS, ,SANGS RGYAS NYID DU NGES 'DZIN DANG, ,BLANG DOR MED LA SOGS PA DANG, ,BYAMS LA SOGS PA STONG NYID DANG, ,SANGS RGYAS NYID NI 'THOB PA DANG, ,RNAM PAR BYANG KUN YONGS BSDUS DANG, ,MNGON ZHEN NAD KUN 'JOMS PA DANG, ,MYA NGAN 'DAS @26A *, ,'DZIN ZHI NYID DANG, ,SANGS RGYAS RNAMS KYIS BSRUNGS SOGS DANG, ,SROG GCOD MED PA NAS BRTZAMS NAS, ,RNAM PA KUN MKHYEN TSUL LA NI, ,BDAG GNAS SEMS CAN 'GOD PA DANG, ,SBYIN BA LA SOGS BYANG CHUB TU, ,YONGS SU SNGO BAR BYED PA STE; ,LAM SHES NYID KYI SKAD CIG MA, ,ZHES BYA STE, DE DAG NI ZHI GNAS DANG LHAG MTHONG GI DMIGS PA DNGOS PO'I MTHA' YIN PAR RIG PAR BYA'O, ,MTHONG BA'I LAM DE SKAD DU BSTAN PA DANG, ,THUGS DGYES PA 'AM ZHAL GYIS BZHES NAS, LEGS SO LEGS SO, ZHES LAN GNYIS SU GSUNGS SO, ,'JAM DPAL KHYOD KYIS 'DI LTAR CHOS ZAB MO 'DI LTA BU 'DI ZHES BYA BA LA, 'DI LTAR ZHES BYA BA NI GANG GI PHYIR ZHES BYA'O, ,'DI LTA BU ZHES BYA BA NI DMIGS PA'I MTSAN NYID DNGOS PO'I MTHA' LA BYA'O, ,ZAB MO NI SGRO 'DOGS PA DANG SKUR 'DEBS KYI MTHA' DANG BRAL BA'I PHYIR TE, DON DAM PAR RANG GI NGO BO'I CHOS MTHONG BA'I LAM 'DI SEMS CAN RNAMS LA BSTAN CING BSHAD PA ZHES BYA BAR RIG PAR BYA STE, DE'I SKABS YIN PA'I PHYIR RO, ,PHYAG RGYA 'DI GZHAG GO ZHES BYA BA NI MTHONG BA'I LAM GYI CHOS BCU DRUG 'DI NYID YID CHES PAR BYED PA'I RGYU YIN PA'I PHYIR, PHYAG RGYA DANG RTAGS YIN TE, THEG PA GSUM GYI TSUL SO SOR NGES PA'I SEMS CAN GYI NGO BO DAG GI CHA PHRA MO KHONG DU MA TSUD PA TSU ROL NYI TSE MTHONG BA, BYANG CHUB SEMS DPA' DANG CIG SHOS SU BYE BRAG MA PHYED PA RNAMS KYIS, BYANG CHUB SEMS DPA' SEMS DPA' CHEN PO YIN PAR, YANG DAG PA JI LTA BA BZHIN RTOGS PAR BYA BA'I PHYIR KHYOD KYIS PHYAG RGYA BZHAG STE, GANG DAG CHOS 'DI LA 'DOD PA DANG SENG GE SGRAS SENG GE'I PHRU GU BZHIN DU CHOS THOS PAS MI SKRAG PA LA SOGS PA DE DAG NI BYANG CHUB SEMS DPA' YIN NO ZHES PHYAG RGYA 'DIS NGES PAR BYED DO, ,GANG DAG SENG GE'I SGRAS RI DAGS GZHAN BZHIN PA DANG, ,BA TSA'I CHU'I NANG NAS SKYES PAS CHU ZHIM PO MI 'DOD PA BZHIN 'DI LA MI 'DOD CING SKRAG PAR BYED PA'I NYAN THOS KYI THEG PA PA MNGON PA'I NGA RGYAL CAN NAM, BYANG CHUB @26B SEMS DPA'I THEG PA PA DMIGS PA CAN DAG YIN PAR RIG PAR BYA STE, BYANG CHUB SEMS DPA'I RTAGS SU GYUR PA'I PHYAG RGYA DANG BRAL BA'I PHYIR RO, ,MNGON PA'I NGA RGYAL CAN RNAMS DANG ZHES BYA BA NI NYAN THOS KYI THEG PA'I BYE BRAG YIN TE, NYAN THOS KYI BYANG CHUB TZAM GYIS DGA' ZHING ZHI BA PHYOGS GCIG PA ZHES BYA BA'I THA TSIG GO, ,YANG NA RANG SANGS RGYAS KYI THEG PA PAR BZUNG STE, DE DAG NI GCIG TU NGA RGYAL LA SPYOD PA YIN PAR GSUNG RAB LAS GZHAG GO, ,DE DAG NI SANGS RGYAS GCIG LA BSNYEN BKUR BYAS PA MA YIN ZHES BYA BA LA SOGS PA NI 'DI DAG GIS SANGS RGYAS GCIG BSNYEN BKUR BYAS PA DE SANGS RGYAS GCIG LA BSNYEN BKUR BYAS PA'O, ,YANG NA SANGS RGYAS GCIG LA BSNYEN BKUR BYAS PA GANG YIN ZHES BYA BAR SBYAR TE, DE LTA BU MA YIN NO, ,'DI DAG GIS SANGS RGYAS GCIG LA BSNYEN BKUR BSKYED PA ZHES BYA BAR SBYAR TE, DE LTAR MA YIN GYI 'ON KYANG SANGS RGYAS MANG PO LA BSNYEN BKUR BYAS PA YIN, SANGS RGYAS MANG PO LA DGE BA'I RTZA BA BSKUL BA YIN ZHES BYA BA'I THA TSIG GO, ,SKRAG PA NI SNGANGS SHING SKRAG PA STE, LAN 'GA' 'BYUNG BA'O, ,DNGANG BA NI RGYUN DU SKRAG PA'O, ,DNGANG BAR 'GYUR BA NI BRAL YANG YANG BYUNG YANG BYUNG BYED PA STE, RGYUN DU 'DUG PA'I RIMS DANG BAR DU 'BYUNG BA'I RIMS BZHIN NO, ,GZHAN DAG NA RE CHUNG NGU DANG 'BRING DANG CHEN PO'I BYE BRAG YIN NO ZHE'O, ,DE DAG LTA BU MA YIN PAS MI SKRAG PA LA SOGS PA YIN NO, ,DE LTAR BSAM PA RNAM PAR DAG PAS BSDUS PA'I MTHONG BA'I LAM GYI MJUG THOGS SU BSLAB PA GSUM RNAM PAR DAG PAS BSDUS PA'I BSGOM PA'I LAM BRJOD PAR BYA STE, CHUNG BA'I CHUNG BA LA SOGS LAM, ,SA DGU LA NI RNAM PAR DAG, ,CHEN PO'I CHEN PO LA SOGS PA'I, ,DRI MA DAG GI GNYEN PO YIN, ,ZHES GSUNGS PA YIN NO, ,DE LA LHAG PA'I TSUL KHRIMS RNAM PAR DAG PAS SA GNYIS PA DANG, LHAG PA'I BSAM PA RNAM PAR DAG PAS SA GSUM PA DANG, LHAG PA'I SHES RAB RNAM PAR DAG PA'I BYE BRAG GI @27A *, ,PHYIR 'OD 'PHRO BA LA SOGS PAS BRGYAD GZHAG GO, ,DE LA DE BZHIN GSHEGS PA'I NI DE BZHIN GSHEGS PA'I YE SHES KUN 'BYUNG BA'I BDEN BAS THOB PAR BYA BA YIN PAS 'DIR MA BSHAD DO, ,DE LAS GZHAN DGU NI RIM BZHIN STON TE, BCOM LDAN 'DAS KYIS GNANG BA BSGRUB PA'I PHYIR BDAG NI SHES RAB KYI PHA ROL TU PHYIN PA RGYA CHER STON PAR SPOBS LAGS SO ZHES GSUNGS TE, RGYA CHER ZHES BYA BA NI GONG DU BSTAN BA TZAM PAS LHAG PAR SPOBS SO ZHES BYA BA'I THA TSIG GO, ,'JAM DPAL SPOBS PAR GYIS SHIG CES BYA BA NI BCOM LDAN 'DAS KYIS RJES SU GNANG BA BSTAN TO, ,DE LA LHAG PA'I TSUL KHRIMS KYI BSLAB PA NI SBYIN PA LA SOGS PA PHA ROL TU PHYIN PA GSUM MO, ,BRTZON 'GRUS KYI PHA ROL TU PHYIN PA NI THAMS CAD DU 'GRO BA'O, ,LHAG PA'I SEMS KYI BSLAB PA NI BSAM GTAN GYI PHA ROL TU PHYIN PA'O, ,LHAG PA'I SHES RAB KYI BSLAB PA NI SHES RAB KYI PHA ROL TU PHYIN PA STE, 'DI DRUG KHO NAS SEMS CAN GYI DON DANG NYON MONGS PA SPANGS PA 'GRUB PA'I PHYIR RO, ,THABS LA SOGS PA BZHI NI 'DI DAG NYID KYI GROGS YIN TE, 'DI LTAR SBYIN BA LA SOGS PAS YONGS SU ZIN PA'I SEMS CAN GYI TSOGS RNAMS THABS LA MKHAS PAS DGE BA LA SBYOR BAR BYED PAS THABS KYI PHA ROL TU PHYIN PA NI LHAG PA'I TSUL KHRIMS KYI BSLAB PA'I GROGS YIN NO, ,MTHONG BA'I CHOS LA NYON MONGS PA LHAG PAR CHE BA'I PHYIR SGOM PA RGYUN DU MI NUS SHING KHAMS DMAN BA LA LHAG PAR MOS PAS LHAG PA'I BSAM BA NYAM CHUNG BAS DMIGS PA JI LTA BA BZHIN DU BSAM GTAN YONGS SU BSGOM PA'I PHYIR NANG DU SEMS 'JOG MI NUS PA DANG 'JIG RTEN LAS 'DAS PA'I SHES RAB MNGON PAR SGRUB MI NUS PA RNAMS BSOD NAMS CUNG ZAD TZAM DAG BYAS TE 'DUG PA DE DAG TSE PHYI MAR NYON MONGS PA CHUNG BAR YID KYIS SMON LAM BTAB BO, ,NYON MONGS PA CHUNG BA DES NA BRTZON 'GRUS RTZOM NUS PAR 'GYUR TE, DE BAS NA SMON LAM GYI PHA ROL TU PHYIN PA NI BRTZON 'GRUS KYI GROGS @27B YIN NO, ,GANG GI TSE SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA LA BRTEN NAS LHAG PA'I BSAM BA NYAM CHUNG BA BZLOG STE, GZUGS KYI KHAMS SU LHAG PA'I BSAM BA STOBS DANG LDAN PA NYID THOB PA'I PHYIR, STOBS KYI PHA ROL TU PHYIN PA NI BSAM GTAN GYI GROGS YIN NO, ,YE SHES GANG GIS 'JIG RTEN LAS 'DAS PA'I SHES RAB SGRUB NUS PAR 'GYUR BA'I YE SHES KYI PHA ROL TU PHYIN PA DE NI SHES RAB KYI PHA ROL TU PHYIN PA 'DI'I GROGS YIN NO, ,DE LAS GNYIS PA'I DBANG DU BYAS NAS; BCOM LDAN 'DAS GANG CHOS GANG GI GNAS PA MI DMIGS PA DANG ZHES BYA BA LA SOGS PA GSUNGS TE, 'DIR SHES RAB KYI PHA ROL TU PHYIN PA SGOM PA NI LHAG PA'I TSUL KHRIMS KYI BSLAB PA RNAM PAR DAG PA'I MTSAN NYID DE DE LA GANG CHOS GANG GI ZHES BYA BA NI GNAS PA PO'I CHOS GZUGS LA SOGS PA GANG YIN BA DE DAG GI'O, ,GNAS PA ZHES BYA BA NI 'DI LA GNAS PAS GNAS PA'O, ,BSLAB PA 'DI NYID LA BYA STE, RJES SU BSGRUB PA'I BDAG NYID RNAMS KYIS SGRUB BA NI DE LA 'JUG PA'I PHYIR RO, ,DE MI DMIGS PA NI MI MTHONG BA'O,, MI GNAS PA YANG RNAM PA GNYIS TE, SER SNA DANG, TSUL KHRIMS 'CHAL PA DANG, GNOD SEMS LA SOGS PA LOG PAR SGRUB PA DANG MI SGRUB PA STE, DE YANG MI DMIGS PA STE, GNYEN PO DANG MI MTHUN PA'I PHYOGS DANG GNYI GA MA YIN PA RNAMS MI DMIGS PA GANG YIN BA DE SGOM PA 'DI YIN PAR BZHED DO, ,DE NAS DE MI DMIGS PA 'DI YANG CI'I SLAD DU ZHE NA, GZUGS LA SOGS PA'I CHOS THAMS CAD MI GNAS PA'I SLAD DU ZHES GSUNGS TE, MA SKYES PA RNAMS NI GNAS PAR MI RIGS SO ZHES BYA BA'I THA TSIG GO, ,SA GSUM PA'I DBANG DU BYAS NAS BCOM LDAN 'DAS GANG CHOS GANG LA YANG LHAG PAR DMIGS PA'I SLAD DU NYE BAR MI GNAS PA DE ZHES BYA BA LA SOGS PA GSUNGS TE, 'DIR SHES RAB KYI PHA ROL TU PHYIN PA SGOM PA NI LHAG PA'I SEMS KYI BSLAB PA RNAM PAR DAG PA'I MTSAN NYID YIN @28A *, ,NO; ,DE YANG GANG ZHE NA, DNGOS PO'I CHOS GANG LA YANG LHAG PAR DMIGS PA'I SLAD DU YUL DU BYA BA'I PHYIR NYE BAR MI GNAS 'JUG PA MA LAGS SO, ,'DIR DE CI'I SLAD DU ZHE NA ZHES BYA BAS DOGS TE, GTAN TSIGS DRIS PA DANG, BCOM LDAN 'DAS 'DI LTAR ZHES BYA BA LA SOGS PA GSUNGS TE, GANG GI PHYIR CHOS THAMS CAD NI DMIGS PA MA MCHIS SHING, DMIGS PA STONG PA YIN TE, MA SKYES PA RNAMS LA YUL DANG YUL CAN GYI DNGOS PO MI 'THAD PA'I PHYIR RO, ,BCOM LDAN 'DAS 'DI LTAR SGOM PA NI ZHES BYA BA LA SOGS PA MJUG SDUD PA'O, ,DE NYID SEMS MI DMIGS PAR SGOM PA YIN TE, DMIGS PA'I RNAM PA MA GTOGS PAR SEMS MED PA'I PHYIR RO, ,DE YANG DRI ZA'I GRONG KHYER BZHIN DU YOD PA MA YIN YANG SNANG BA'I PHYIR RO, ,DON DAM PAR DE MI DMIGS PA'I BDAG NYID SGOM PA NI SHES RAB KYI PHA ROL TU PHYIN PA SGOM PA YIN PAR BZHED DO, ,LHAG PA'I SEMS KYI BSLAB PA RNAM PAR DAG PA ZHES BYA BA SA GSUM PA'O, ,LHAG PA'I SHES RAB KYI BSLAB PA RNAM PAR DAG PA'I KHYAD PAR NI SA LHAG MA RNAMS YIN NO, ,DE LAS BZHI PA'I DBANG DU BYAS NAS, BCOM LDAN 'DAS GZHAN YANG ZHES BYA BA LA SOGS PA GSUNGS TE, GZHAN YANG ZHES BYA BA NI SHES RAB KYI PHA ROL TU PHYIN PA'I RNAM PA GZHAN YANG ZHES BYA BA YIN NO, ,'OD 'PHRO CAN GYIS 'DI NI CHOS KYI DBYINGS LA KUN TU 'DZIN PA NYID MED PA'I DON RTOGS PAS, SNYOMS PAR 'JUG PA LA SRED PA'I RMONGS PA DANG CHOS LA SRED PA'I RMONGS PA DANG, DE'I GNAS NGAN LEN GYI GNYEN PO YIN NO, ,DE LTAR NA RE ZHIG CHOS LA SRED PA MED PA BSTAN PA'I PHYIR GANG LA SANGS RGYAS KYI CHOS RNAMS KYANG ZHES BYA BA LA SOGS PA GSUNGS TE, KYANG GI SGRAS NI DE DAG GI CHED DU 'JUG PAS SANGS RGYAS KYI CHOS RNAMS 'DOD PAR BYA BA NYID DU BSTAN PA'I PHYIR RO, ,SANGS RGYAS KYI CHOS RNAMS KYANG MNGON DU MI 'GYUR ZHES BYA BA NI MDUN NA 'DUG PA MA YIN TE, CHOS THAMS CAD DNGOS PO MA YIN PAR MTHONG BA'I PHYIR RO, ,'DOD PAR BYA BA MA YIN PA RANG SANGS RGYAS KYI CHOS @28B RNAMS MNGON DU LTA GA LA 'GYUR ZHES SBYAR RO, ,NYAN THOS KYI CHOS RNAMS KYANG MNGON DU MI 'GYUR NA ZHES BYA BA LA SOGS PA NI SGOM PA GANG LA ZHES BYA BA LA LTOS PA YIN NO, ,SO SO'I SKYE BO'I CHOS RNAMS LTA SMOS KYANG CI 'TSAL ZHES BYA BA NI SPONG BA STE, SO SO'I SKYE BO'I CHOS RNAMS KYI DNGOS PO MNGON DU 'GYUR BA LTA RE ZHIG ZHOG GI ,SMOS SU YANG MED DO ZHES BYA BA NI KYANG GI SGRA'I DON YIN NO, ,CHOS LA SRED PA MED PA BSTAN NAS, BCOM LDAN 'DAS GZHAN YANG SHES RAB KYI PHA ROL TU PHYIN PA DE SGOM PA NI ZHES BYA BA LA SOGS PAS NI SNYOMS PAR 'JUG PA LA SRED PA MED PAR STON TO, ,SHES RAB KYI PHA ROL TU PHYIN PA DE SGOM PA NI ZHES BYA BA NI SNYOMS PAR 'JUG PA LA SRED PA'I GNYEN PO'I MTSAN NYID DO, ,SGOM PA GANG LA BRTEN NAS ZHES BYA BA NI GNAS NAS TE, RE ZHIG NYI TSE BA'I CHOS MNGON DU BYED PA LTA ZHOG GI ,SANGS RGYAS KYI CHOS RNAMS BSAM GYIS MI KHYAB PA LA YANG MNGON DU MI BYED DO, ,YANG GI SGRAS SANGS RGYAS KYI CHOS RNAMS BSAM GYIS MA KHYAB PA'O ZHES RNAM PAR RTOG PA YANG MNGON DU MI BYED DO ZHES BYA BAR BLTA BAR BYA'O, ,MNGON DU MI BYED PA NI SNYOMS PAR 'JUG PAS YUL DU MI BYED PA STE, SNYOMS PAR 'JUG PA LA SRED PA CHAD PA'I PHYIR RO, ,BCOM LDAN 'DAS SHES RAB KYI PHA ROL TU PHYIN PA SGOM PA 'DI NI BYANG CHUB SEMS DPA' SEMS DPA' CHEN PO RNAMS CHOS THAMS CAD LA RNAM PAR ME RTOG PA'I SLAD DU LAGS PAR RIG PAR BGYI'O ZHES BYA BA NI, YANG DAG PAR RDZOGS PA'I SANGS RGYAS LA SOGS PA'I CHOS RNAMS LA RNAM PAR MI RTOG PAR BYA BA'I PHYIR YIN NO ZHES BLTA BAR BYA STE, CHOS DANG SNYOMS PAR 'JUG PA LA SRED PA SPANGS PA'I PHYIR RO ZHES BYA BA'I THA TSIG GO, ,BCOM LDAN 'DAS GZHAN YANG SGOM PA GANG LA BRTEN NAS ZHES BYA BA LA SOGS PAS NI SA LNGA PA STON TO, ,SGOM PA GANG LA BRTEN NAS ZHES BYA BA NI THOB NAS SO, , MTHONG BA MA MCHIS PA'I TSUL DU ZHES BYA BA NI CHOS THAMS CAD MI DMIGS PA'I TSUL GYIS ZHES BYA BA'I DON TO, ,SO SO'I SKYE BO LA SOGS PA DANG 'BREL PA'I CHOS THAMS CAD NI SANGS RGYAS KYI CHOS SU MTHONG ZHING SHES SO, ,CHOS THAMS CAD BSAM GYIS MI KHYAB PA'I CHOS THUN @29A *, ,MONG MA YIN PA RMAD DU BYUNG BA'I CHOS YIN PAR MTHONG BA DE SHES RAB KYI PHA ROL TU PHYIN PA SGOM PA LAGS SO ZHES BYA BA NI NYON MONGS PA DANG RNAM PAR BYANG BA'I RGYUD THA DAD PA MED PAR RTOGS PA'I MTSAN NYID DO, ,GANG DAG SHES RAB KYI PHA ROL TU PHYIN PA BSTAN PA 'DI THOS NAS MI SGRA GCES BYA BA LA SOGS PA LA SANGS RGYAS BRGYA STONG MANG PO LA BSNYEN BKUR BGYIS PA LAGS TE, MNYES PAR BGYIS PA DANG LDAN PA NI SANGS RGYAS LA BSNYEN BKUR BGYIS PA'O, ,DE GANG ZHE NA, GANG DAG BSGOM PA'I LAM GYIS BSDUS PA'I SHES RAB KYI PHA ROL TU PHYIN PA BSTAN PA 'DI THOS NAS MI SKRAG PA LA SOGS PA YIN NO, ,MI SKRAG PA LA SOGS PA BSHAD ZIN TO, ,THOS PA LA SKRAG PA MED PA LA SOGS PA SANGS RGYAS BRGYA STONG MANG PO LA BSNYEN BKUR BYAS PAS LHAG PAR MOS PA NI SHIN TU YANG SANGS RGYAS MANG PO LA BSNYEN BKUR BYAS PA YIN TE; DE DAG GI THUGS MNYES PAR MDZAD PA YIN GYI, GZHAN DAG NI NYAN PA LA SOGS PA MI RIGS PA'I PHYIR RO, ,JI SKAD DU SNGAR SANGS RGYAS RNAMS LA LHAG PAR BYA BA BYAS PA ZHES BYA BA LA SOGS PA GSUNGS PA YIN NO, ,GAL TE BSGOMS PA'I BRTZAMS PA YONGS SU RDZOGS PAR THOS PA LA SKRAG PA MED PA LA SOGS PA'I BSNGAGS PA STON PA SKABS SU CI BAB CE NA, DE LA BSHAD PA, BYANG CHUB SEMS DPA'I SA LA NI NYON MONGS PA'I PHRA RGYAS KYI GROGS DANG NYAM CHUNG BA DANG PHRA BA DANG RNAM PA GSUM YANG DAG PAR BCOM MO, ,DE LA DANG PO NAS LNGA PA'I BAR DU NI MTHUN BAR NYON MONGS PA'I PHRA RGYAS KYI GROGS YANG DAG PAR BCOM PA'I GNAS SKABS YIN NO, ,DRUG PA DANG, BDUN PA GNYIS KYI GNAS SKABS SU NI MTHUN PAR NYAM CHUNG BA BCOM PA YIN NO, ,BRGYAD PA LA SOGS PA GSUM GYI GNAS SKABS SU NI MTHUN PAR PHRA BA BCOM PA YIN NO ZHES BSTAN PA'I PHYIR, SA LNGA PA BSTAN NAS SANGS RGYAS MANG PO LA ZHES BYA BA LA SOGS PA GNAS SKABS GZHAN BSTAN TO, ,DE BZHIN DU SA BDUN PA BSTAN NAS DE NAS YANG ZHES BYA BA LA SOGS PA SMOS SO, ,SA BCU PA BSTAN PA LA NI SKABS RDZOGS PA YIN NO ZHES DGONGS @29B PA'O; ,DE SKAD DU SA LA 'JUG PA LAS KYANG, SA LNGA GNYIS DANG GSUM DAG LA, ,NYON MONGS GROGS DANG NYAM CHUNG DANG, ,PHRA BA ZAD PA'I 'DOD PA YIN, ,DE BZHIN GSHEGS PA DE DAG ZAD, ,CES GSUNGS SO, ,BCOM LDAN 'DAS GZHAN YANG GANG KUN NAS NYON MONGS PA 'AM ZHES BYA BA LA SOGS PAS SA DRUG PA STON TO, ,'DIR LUGS DANG MI THUN PA DANG, LUGS DANG MI MTHUN PA'I RTEN CING 'BREL PAR 'BYUNG BA RTOGS PA'I PHYIR, GANG KUN NAS NYON MONGS PAR 'GYUR BA 'AM RNAM PAR BYANG BAR 'GYUR BA'I CHOS GANG YANG YOD PA MA YIN PAR MTHONG; DE DAG NI KUN NAS NYON MONGS PA RNAM PA GSUM RTEN CING, KUN NAS NYON MONGS PAR GYUR PA'I CHOS KYI DNGOS PO DANG BDAG LA SOGS PA GANG YANG YANG DAG PAR RJES SU MI MTHONG ZHING, RNAM PAR BYANG BA YANG SKYED DO, ,GANG ZAG DANG, CHOS LA MNGON PAR ZHEN PA NGAN SONG BA'I KUN NAS NYON MONGS PA'I RMONGS PA DANG GNAS NGAN LEN LA SOGS PA'I DRI MA DANG BRAL BA YANG DAG PAR RJES SU MI MTHONG ZHING, MI DMIGS PA DE SHES RAB KYI PHA ROL TU PHYIN PA SGOM PA LAGS TE ZHES BYA BAS STON TO, ,BCOM LDAN 'DAS DE LTAR BSGOMS NA ZHES BYA BA LA SOGS PAS NI MJUG SDUD PA YIN NO, ,BCOM LDAN 'DAS SHES RAB KYI PHA ROL TU PHYIN PA SGOM PA DE NI SO SO'I SKYE BO DANG ZHES BYA BA LA SOGS PAS SA BDUN PA STON TE, 'DI NI RTZOL BA DANG BCAS SHING MTSAN MA MED PAR GNAS PA YIN LA THA DAD PA NYID MED PA'I DON RTOGS PA YIN TE, THA DAD PA NYID KYI RGYU DANG MTSAN MA MI DMIGS PA'I PHYIR RO, ,DE NYID STON PA NI SHES RAB KYI PHA ROL TU PHYIN PA SGOM PA DE NI THA DAD PA MED PA NYID KYI DON RTOGS PA'I MTSAN NYID GANG YIN PA STE, SO SO'I SKYE BO NAS YANG DAG PAR RDZOGS PA'I SANGS RGYAS KYI BAR DU YANG PHAN TSUN THA DAD DU MI BGYID CING BYE BRAG TU MI BYED DE, ,YANG NA 'DIR THA DAD DU BYED DE MTSAN MA'O, ,DE MI BYED PA GANG YIN PA 'DI NI RING DU SONG BA'I BDAG NYID SHES RAB KYI PHA ROL TU PHYIN PA SGOM BA LAGS SO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA ZHES BYA BA LA @30A *, ,SOGS PAS SA BRGYAD PA MI G-YO BA STON TE, 'DIR MI SKYE BA'I CHOS LA BZOD PA THOG PAS DMA' BA MED PA DANG MA THOB PA MED PA'I DON RTOGS SHING MTSAN MA MED PA YID LA BYED PA LHUN GYIS GRUB PA 'BYUNG BA DANG MTSAN MA LA YANG DBANG NYID THOB PA'O, ,DE DAG THAMS CAD BSTAN PA'I PHYIR BCOM LDAN 'DAS KYIS, 'JAM DPAL KHYOD KYIS DE BZHIN GSHEGS PA JI SNYED CIG LA BSNYEN BKUR BYAS ZHES DRIS TE, GANG KHYOD KYIS BSNYEN BKUR BYAS PA'I DE BZHIN GSHEGS PA DE DAG GI TSAD JI TZAM ZHES BYA BA'O, ,'PHAGS PA 'JAM DPAL GYIS KYANG SGYU MA'I SKYES BU'I SEMS DANG SEMS LAS BYUNG BA JI SNYED CES BYA BA LA SOGS PAS DE DAG MA SKYES PA NYID DU STON PAR BYED DO, ,SGYU MA'I RANG BZHIN GYI SKYES BU NI SGYU MA'I SKYES BU'O, ,DE NI RE ZHIG GTAN MA SKYES PA YIN NA, DE'I SEMS DANG SEMS LAS BYUNG BA LTA SHIN TU YANG MA SKYES NA 'GAG PA LTA CI ZHIG YOD, ,BSNYEN BKUR BYA BA'I SANGS RGYAS KYANG DE BZHIN DU MA SKYES PA YIN NO, ,BSNYEN BKUR BYED PA YANG MA SKYES PA YIN NO ZHES BSTAN PA'I PHYIR, 'JAM DPAL KHYOD SANGS RGYAS KYI CHOS LA YANG DAG PAR MA ZHUGS SAM ZHES DRIS SO, ,SANGS RGYAS RNAMS KYI CHOS NI SANGS RGYAS KYI CHOS TE, STOBS DANG MI 'JIGS PA LA SOGS PA'O, ,DE 'AM DE DAG LA LHUN GYIS GRUB PAR 'JUG PA MA YIN PA'I PHYIR, RGYUN GYIS SA MA YANG DAG PAR MA ZHUGS PA NI SANGS RGYAS KYI CHOS LA YANG DAG PAR MA ZHUGS SAM ZHES BYA STE, 'DI LTAR BSNYEN BKUR MA SKYES PAR SMRA'O, ,SANGS RGYAS KYI CHOS LA YANG DAG PAR ZHUGS PA NI SANGS RGYAS LA BSNYEN BKUR BYED PA DANG, ,SEMS CAN YONGS SU SMIN PAR BYED PA DANG SANGS RGYAS KYI ZHING YONGS SU SBYONG BA DANG, BYANG CHUB SEMS DPA'I SPYOD PA YONGS SU SBYONG BA LA SOGS PA YIN NA BYA BA DE DAG MI BYED NA, JI LTAR SANGS RGYAS KYI CHOS LA YANG DAG PAR ZHUGS PA YIN ZHES DGONGS PA'O, ,BCOM LDAN 'DAS GANG SANGS RGYAS KYI CHOS LA YANG DAG PAR ZHUGS PA'I CHOS DE GANG YANG DMIGS SU MA MCHIS SAM ZHES BYA BA NI YANG DAG PAR ZHUGS PA PO BSNYEN BKUR BYED PA LA SOGS @30B PA'I BDAG NYID RTAG PA DANG PHUNG PO LA SOGS PA'I MTSAN NYID MI RTAG PA MI DMIGS PAS MI 'THAD PA KHO NA YIN PAR STON TO, ,'DIS NI MTSAN MA MED PA YID LA BYED PA NA RTZOL BA'I RMONGS PA SPANGS PA DANG MTSAN MA LA DBANG BA'I RMONGS PA SPANGS PA YANG BSTAN TO, ,GAL TE BSNYEN BKUR BYA BA LA BSNYEN BKUR BYED PA RNAMS YANG DAG PAR ZHUGS PA MED NA, 'JAM DPAL 'O NA SANGS RGYAS KYI CHOS DE DAG SU LA YOD CES DRIS PA DANG, 'JAM DPAL GYIS GSOL PA, BCOM LDAN 'DAS NYID LA YANG ZHES BYA BA LA SOGS PA GSUNGS TE, SANGS RGYAS KYI CHOS ZHES BGYI BA DE DAG CES BYA BA 'DIS BSTAN PA'I MNGON SUM DU MDZAD PA DE DAG GI MING YANG JI LTAR YANG MA MCHIS TE, DE BAS NA MI DMIGS PA NI RIG PAR MI NUS PA'I PHYIR RO, ,'DIS NI CHOS DANG CHOS CAN MA SKYES PAR BSTAN TO, ,SA DGU PA LA NI STON PAR MDZAD PA'I GNAS SKABS YIN PA'I PHYIR CHAGS PA MED PA'I SO SO YANG DAG PAR RIG PA THOB BO, ,DE LTA MA YIN NA, JI LTA BA BZHIN DU THOGS PA MED PAR STON PA MI 'THAD PA'I PHYIR RO, ,DE NYID 'DIR STON PA NI 'JAM DPAL KHYOD KYIS CHAGS PA MED PA NYID RNYED DAM ZHES TSIG ZUR GYIS DRES PA DANG, DE'I LAN DU BCOM LDAN 'DAS BDAG NYID CHAGS PA MA MCHIS PA NYID LAGS NA ZHES BYA BA LA SOGS PA YIN TE, BDAG NYID CHAGS PA MA MCHIS PA NYID LAGS NA ZHES BYA BA NI CHOS THAMS CAD CHAGS PA MED PA'I MTSAN NYID YIN PA'I PHYIR RO, ,DE BAS NA YANG LAN CIG CHAGS PA MA MCHIS PA THOB PAR BGYIR CI MCHIS, DE NI SHES BYA LA CHAGS PA'I DRI MA MED PA'I YE SHES YIN PA'I PHYIR RO, ,SA BCU PA'I SKABS DBYE BA'I PHYIR 'JAM DPAL KHYOD CI BYANG CHUB KYI SNYING PO LA 'DUG GAM ZHES DRIS TE GAL TE BDAG NYID CHAGS PA MED PA YIN PAR KHAS LEN NA ZHES DGONGS PA'O, ,DE SKAD DRIS PA DANG, YANG DAG PA'I MTHA' BRTZON PAR BGYIS NA BCOM LDAN 'DAS NYID KYANG ZHES BYA BA LA SOGS PAS SA DE NYID STON TO, ,DE YANG DGOS PA YONGS SU GRUB PA'I DMIGS PA CAN ZHI GNAS DANG LHAG MTHONG THOB CING MNGON PAR SHES PA CHEN PO LA KUN TU RMONGS PA DANG, GSANG BA @31A *, ,PHRA MO LA 'JUG PA'I KUN TU RMONGS PA SPANGS PA YIN TE GANG GIS PHYIN CI LOG THAMS CAD KYI MTSAN NYID KYI GNAS NGAN LEN GYI TSOGS SPANGS PA'I PHYIR, 'DI CHOS KYI SKU YONGS SU THOB PO ZHES BRJOD PA STE, BAG LA NYAL LHAG MA TZAM LUS PA NI GANG SPANGS PAS SHIN TU RNAM PAR DAG PA DE BZHIN GSHEGS PA NYID DU 'GYUR BA'O, ,BYANG CHUB KYI SNYING PO ZHES BYA BA 'DI NI BYANG CHUB KYANG YIN SNYING PO YANG YIN PAS BYANG CHUB KYI SNYING PO'O, ,GNAS NGAN LEN RNAM GSUM SPANGS PA NI BYANG CHUB BO, ,DE YANG PAGS PA LA YOD PA LTA BU DANG, SHA LA YOD PA LTA BU DANG, RUS PA LA YOD PA LTA BUR DBYE'O, ,DE LA CHOS DANG GANG ZAG LA MNGON BAR ZHEN PA'I KUN DU RMONGS PA DANG, NGAN SONG BA'I KUN NAS NYON MONGS PA'I KUN TU RMONGS PA DANG, DE'I GNAS NGAN LEN LA SOGS PA RAB TU DAG PA LA SOGS PA'I MI MTHUN PA'I PHYOGS RNAMS SGRO BTAGS PA'I NGO BO NYID KYIS PHYI ROL DU GYUR PA'I PHYIR PAGS PA LA YOD PA LTA BU NYID YIN NO, ,MTSAN MA LA DBANG BA'I KUN TU RMONGS PA DANG DE'I GNAS NGAN LEN LA SOGS PAS BRGYAD PA LA SOGS PA GSUM GYI MI MTHUN PA'I PHYOGS RNAMS NI YID KYI RNAM PAR SHES PA'I BDAG NYID KYIS MI BSTAN PAR GYUR PA'I PHYIR SHA LA YOD PA LTA BU YIN NO, ,BAG CHAGS NI SA BON DU GYUR PA NYID KYIS KUN GZHI LA GNAS PA'I PHYIR RUS PA LA YOD PA LTA BU YIN NO, ,PAGS PA LA YOD PA LTA BU'I GNAS NGAN LEN SPANGS PAS NI RAB TU DGA' BA LA SOGS PA SA BDUN YIN NO, , BRGYAD PA LA SOGS PA GSUM NI SHA LA YOD PA LTA BU'I GNAS NGAN LEN SPANGS PA'O, ,DE BZHIN GSHEGS PA NI RUS PA LA YOD PA LTA BU'I GNAS NGAN LEN SPANGS PA STE, DES NA BYANG CHUB 'DI MCHOG YIN PA'I PHYIR SNYING PO ZHES BYA'O, ,DE THOB PAR BYED PA'I SA GZHI YANG DE'I SGRA YIN BAR GDUL BYA RNAMS DE LTAR MNGON PAR ZHEN PA'I PHYIR RO, ,DE LA BYANG CHUB KYI SNYING PO LA BZHUGS TE, BDUD BCOM PA DANG LDAN PAR GRAGS PA DAG BZHUGS PA MI MNGA' NA CI BDAG KYANG MCHIS PAR BGYID DAM, YANG DAG PA'I MTHA' BRTZON PAR BGYIS NA ZHES BYA BA 'DIS NI RDO RJE'I @31B GDAN LA 'DUG PA LA SOGS PA PHYIN CI LOG YIN BAR BSTAN TE, DON DAM PAR NI GDAN DANG 'GRO BA DANG 'ONG BA LA SOGS PA YOD PA MA YIN NO, ,DES NA PHYIN CI LOG THAMS CAD SPANGS PA'I MTSAN NYID CHOS KYI SKU NI GANG DU YANG BZHUGS PA LA SOGS PA YOD PA MA YIN NO ZHES BSTAN TO, , DE NYID BSTAN PA'I PHYIR YANG DAG PA'I MTHA' ZHES BYA BA DE DAG GI TSIG BLA DAGS ZHES YANG DAG PA'I MTHA'I SGRA'I DON DRIS PA DANG LAN DU, BCOM LDAN 'DAS YANG DAG PA'I MTHA' ZHES BGYI BA DE NI 'JIG TSOGS KYI TSIG BLA DAGS LAGS SO ZHES GSOL TO, ,'JIG TSOGS DANG YANG DAG PA'I MTHA' GNYIS NI PHYIN CI LOG DANG PHYIN CI MA LOG PA'I MTSAN NYID YIN PA'I PHYIR 'GAL BAS SHIN TU THA DAD PA'I PHYIR GCIG PA NYID DU MI RIGS SO, ,DE BAS NA DE BSTAN PA'I PHYIR, 'JAM DPAL CI LAS BSAMS TE DE SKAD SMRA ZHES DRIS SO, ,LAN DU; BCOM LDAN 'DAS 'JIG TSOGS DE NI MA MCHIS PA STE ZHES GSOL TO, ,SGRO 'DOGS SHING YONGS SU BRTAGS PA YIN PA'I PHYIR RO, ,MED PA NI MU STEGS CAN DANG NYAN THOS KYIS YONGS SU BRTAGS PA'I BDAG GO SNYAM PA'I YUL RANG DBANG CAN GYI BDAG DANG PHUNG PO LA SOGS PA'I MTSAN NYID YIN NO, , RANG DBANG CAN GYI BDAG LA SOGS PA NI MI DMIGS PA'I PHYIR MU STEGS CAN GYIS YONGS SU BRTAGS PA NI MED PA NYID DU RIGS NA PHUNG PO LA SOGS PA'I MTSAN NYID KHO NA JI LTAR MED PA NYID YIN ZHE NA, DE'I PHYIR 'JIG TSOGS MA LAGS PAS ZHES GSUNGS TE, DA LTAR BYUNG BA'I RANG GI NGO BO YOD PA NYID DU BDAG DANG GZHAN GYIS NGES PAR MA BYAS PA'I PHYIR RO, ,RGYU GANG NAS KYANG DE NI MI 'PHO LA 'BRAS BU GANG DU YANG RNAM PAR 'PHO PA YANG MA LAGS SO, ,DES NA DUS GSUM MI DMIGS PAS DE LTAR YONGS SU BRTAGS PA'I LUS CHOS CAN NI 'JIG TSOGS MA YIN BAR GRUB BO, ,DE LTA BU'I RNAM PA GANG YIN PA YOD PA MA YIN PA 'JIG TSOGS DMIGS PA DANG MI DMIGS PA MNYAM PA NYID DE NI YANG DAG PA'I MTHA' YIN TE, PHYIN CI MA LOG PA'I NGO BO YIN BA'I PHYIR RO, ,'DI NYID CHOS KYI SKU YIN NO, ,BSGOM PA'I LAM BSTAN ZIN TE, DE'I DMIGS @32A *, ,PA NI DNGOS PO'I MTHA' DANG RNAM PAR RTOG PA DANG BCAS PA'I GZUGS BRNYAN DANG RNAM PAR MI RTOG PA'I GZUGS BRNYAN RNAMS YIN NO, ,SA BCU PA DANG DE BZHIN GSHEGS PA'I DMIGS PA NI MTHAR PHYIN PAR GNAS PA YIN PA'I PHYIR DGOS PA YONGS SU GRUB PA YIN NO; ,DE NAS YANG BCOM LDAN 'DAS LA TSE DANG LDAN PA SHA RA DVA TI'I BUS 'DI SKAD CES GSOL TO ZHES BYA BA LA SOGS PA NI MTHONG BA DANG BSGOM PA'I LAM 'BRAS BUR GYUR PA GNYIS KYI 'OG TU, DE'I RGYUR GYUR PA MOS PA GSUM BSTAN PA'I SKABS LA BAB STE, RNAM PA THAMS CAD MKHYEN PA NYID BRJOD PA'I RJES LA LAM MKHYEN PA LA SOGS PA STON PA BZHIN NO, ,GANG YANG MNGON PAR RTOGS PA'I RGYAN DANG, DE DANG RJES SU MTHUN PAR BRGYAD STONG PA RGYA CHER 'GREL PA LAS KYANG MOS PA NI BSGOM PA'I LAM YIN BAR BSTAN TO, ,DE NI RIGS PA MA YIN TE 'DI LTAR DGONGS PA NGES PAR 'GREL PA LAS, MOS PA SPYOD PA'I SA LA NI PHA ROL TU PHYIN PA'O, ,RAB TU DGA' BA LA SOGS PA BDUN LA NI PHA ROL TU PHYIN PA 'PHEL BA'O, ,BRGYAD PA LA SOGS PA NI PHA ROL TU PHYIN PA CHEN PO'O, ,DE BZHIN DU 'PHAGS PA BLO GROS MI ZAD PAS BSTAN PA DANG, BYANG CHUB SEMS DPA'I SDE SNOD DANG DE BZHIN GSHEGS PA BDUN SKYE BA 'BYUNG BA BSTAN PA LA SOGS PA'I MDO LAS RIG PAR BYA'O, ,DBUS DANG MTHA' RNAM PAR 'BYED PA LAS KYANG, DBANG PO DANG NI STOBS RNAMS LA, ,NGES 'BYED CHA MTHUN GNYIS GNYIS SO, ,ZHES 'BYUNG BA DANG, DE BZHIN DU BYANG CHUB SEMS DPA'I SA DANG, THEG PA CHEN PO BSDUS PA DANG, THEG PA CHEN PO'I CHOS MNGON PA LA 'JUG PA DANG, SA LA 'JUG PA DANG, BSTAN PA RGYAS PA LA SOGS PA LAS KYANG RIG PAR BYA STE, 'PHROS PA GTANG NGO, ,MOS PA DE YANG RNAM PA GSUM STE, RANG GI DON DANG, RANG DANG GZHAN GYI DON DANG STE GZHAN GYI DON TO, ,DE LA RANG GI DON GYI DBANG DU BYAS NAS DE DAG NI BYANG CHUB TU NGES PAR 'GYUR BA LAGS SO ZHES GSUNGS TE, BLA NA MED PA'I BYANG CHUB TU ZHES BYA BAR RIG PAR BYA'O, ,GTAN TSIGS SU, SHES @32B RAB KYI PHA ROL TU PHYIN PA BSTAN PA 'DI THOS NAS ZHES BYA BA LA SOGS PA GSUNGS TE, LAM GNYIS KYI MTSAN NYID SHES RAB KYI PHA ROL TU PHYIN PA BSTAN PA GONG DU GSUNGS PA 'DI THOS PA NI THOS PA LAS BYUNG BA'I SHES PAS MNGON DU BYED PA'O, ,MOS PA NI 'DI NI DE KHO NA YIN GYI GZHAN DU MA YIN NO ZHES NGES PAR 'DZIN CING KHONG DU CHUD NAS RANG GI DON GYI CHED DU SGRUB PAR BYED DO, ,MI SKRAG PA LA SOGS PA NI BSHAD ZIN TO, ,NGES PA NI GDON MI ZA BAR BYANG CHUB KYI SNOD DU GYUR PA'O, ,JI LTA ZHE NA, 'DIR NI BYANG CHUB THOB PAR BYED PA'I THABS KYI RANG GI NGO BO JI LTA BA BZHIN DU SHIN TU BSTAN LA, DE THOS NAS YANG DAG PAR KHONG DU CHUD PA'I SBYOR BA DANG, DNGOS GZHI DANG, RJES KYI GNAS SKABS DANG, GO RIMS BZHIN DU SKRAG PA DANG, DNGANG BA DANG DNGANG BAR 'GYUR BA MED PAS NA MOS PA YID LA BYED PA STOBS DANG LDAN PA YIN NO, , DE NI GDON MI ZA BAR RGYU MTHUN PA DANG, RNAM PAR SMIN PA'I BAG CHAGS 'JOG PAR BYED PA LA DE LAS GONG NAS GONG DU YONGS SU GYUR PA'I BYE BRAG LAS RIM GYIS GOMS PA YOD NA SHIN TU RNAM PAR DAG PA'I GNAS SKABS THOB PAR 'GYUR RO, ,DE BAS NA DE NI NGES PA YIN NO ZHES BYA BA NI RIGS PA YIN NO, ,RANG DANG GZHAN GYI DON GYI DBANG DU BYAS NAS, DE DAG NI BYANG CHUB LA NYE BAR GYUR PA LAGS SO ZHES GSUNGS SO,, ,,BAM PO GSUM PA, 'DIS NI RANG GI DON LA MOS PA'I 'BRAS BU NGES PAR GYUR BA YIN PAS 'DI KHYAD PAR DU GSUNGS TE; ,'DI LTAR 'DI LA NI GZHAN GYI DON YOD PA'I PHYIR DANG, BYAMS PA LA SOGS PA LHAG PAR CHE BA DANG LDAN ZHING BDAG TU 'DZIN PA YANG SNGA MA BAS CHUNG BA NYID YIN TE, DES NA DE BYANG CHUB LA NYE BAR GYUR PA YIN NO, ,GTAN TSIGS GANG GIS SHE NA, BCOM LDAN 'DAS GANG CHOS DE DAG RJES SU RTOGS PA ZHES BYA BA LA SOGS PA GSUNGS TE, BYANG CHUB NI ZAD PA DANG MI SKYE BA'I YE SHES SO, ,MCHOG NI DAM PA'O, ,'DI SKAD GSUNGS TE, DRI MA RNAMS NI ZAD PA DANG, ,MI SKYE SHES PA BYANG CHUB BSTAN, ,ZAD PA MED DANG MI SKYE'I PHYIR, ,GO @33A *, ,RIMS BZHIN DU DE RTOGS BYA, ,GANG CHOS ZHES BYA BA NI GZUGS LA SOGS PA SO SOR SNANG BA RNAMS SO, ,DE DAG RJES SU RTOGS PA ZHES BYA BA NI JI LTA BA BZHIN DU YONGS SU SHES PA STE, RJES SU ZHES BYA BA'I SGRA NI MTHUN PA'I DON YIN PA'I PHYIR RO, , BYANG CHUB DE NYID MOS PA YID LA BYED PA'I DMIGS PA NYID DU YOD PAS NA NYE BAR GYUR PA YIN NO, ,GZHAN GYI DON GYI DBANG DU BYAS NAS, DE DAG NI SANGS RGYAS NYID DU BLTA BAR BGYI'O ZHES GSUNGS TE, BYAMS PA LA SOGS PA 'PHEL BAS GZHAN GYI DON LA MOS PA GCIG TU YID LA BYED PA CHE BA DANG CHES CHE BAR GYUR PA'I PHYIR DANG, RANG GI DON YID LA BYED PA KUN TU MI 'BYUNG BA'I PHYIR RO, ,SANGS RGYAS NYID DU BLTA BAR BGYI'O ZHES BYA BA NI RGYU DANG, PHRIN LAS LAS ZHES BYA BAR RIG PAR BYA'O, ,SHES RAB KYI PHA ROL TU PHYIN PA LA MOS PA YID LA BYED PA RGYU DANG GZHAN GYI DON BYED PA NYID KYI MTSAN NYID 'BRAS BU DANG GNYIS YOD DU ZIN KYANG 'ON KYANG DNGOS PO MA YIN TE, MOS PAR BYED PA DAG LA SANGS RGYAS SU BLTA BA MI RIGS SO ZHES DOGS PA LA, 'DIR GTAN TSIGS SU SANGS RGYAS ZHES BGYI BA DE NI DAM PAR NA SKYE BA MA MCHIS PA'I TSIG BLA DGAS SO ZHES GSUNGS TE, DNGOS SU SKYE BA MED PA DANG SKYE BA MED PAR SHES PA MED PA'I TSIG BLA DGAS YIN TE, DE NI RNAM PAR RTOG PA DANG BCAS PA DE DAG GIS 'DI LA YOD PA YIN NO, ,RNAM PAR RTOG PA'I GZUGS BRNYAN LA DMIGS PA NI LHAG MTHONG YIN NO, ,ZHI GNAS LA LTOS NAS NI RNAM PAR MI RTOG PA YANG YIN TE, DE'I DMIGS PA NI RNAM PAR MI RTOG PA'I GZUGS BRNYAN YIN PA'I PHYIR RO, ,DE BAS NA DE DAG NI SANGS RGYAS NYID DU BLTA BAR BYA'O, ,BYANG CHUB KYI PHYOGS BSHAD ZIN TO, ,DE DAG GI DMIGS PA BRJOD PA BRTZON BA NI DE NAS YANG BCOM LDAN 'DAS LA SRING MO DMIGS PA MED PAS ZHES BYA BA LA SOGS PA YIN NO, ,DE NAS ZHES BYA BA NI 'DAS MA THAG PA NAS SO, ,YANG GI SGRA NI TSIG GI RGYAN NO, ,DMIGS PA MED PA NI BYANG CHUB SEMS DPA' CHEN PO LA BRJOD DO, ,'OG NAS @33B 'CHAD PA 'DI SKAD CES GSOL TO, ,DE DAG NI SO SO'I SKYE BO LA SOGS PA'I CHOS DGE BA DANG MI DGE BA LA SOGS PA RNAMS LA LHAG PAR DMIGS PAR MI 'GYUR TE, DMIGS PAR MI BGYID DO, ,DE STON PA NI GANG DAG SHES RAB KYI PHA ROL TU PHYIN PA 'DI THOS NAS MOS TE ZHES BYA BA LA SOGS PA YIN TE, DE NI BSHAD ZIN TO, ,'DIR DOGS PA LA GTAN TSIGS SU BCOM LDAN 'DAS 'DI LTAR ZHES BYA BA LA SOGS PA GSUNGS SO, ,MI DMIGS PA ZHES BYA BA NI BSGRUB PAR BYA BA'I CHOS SO, ,CHOS THAMS CAD CES BYA BA NI DON LA SOGS PA'I NGO BOR SNANG BA'I CHOS CAN NO, ,MA MCHIS PA'I SLAD DU ZHES BYA BA NI GTAN TSIGS SO, ,'DI GRUB PA NI SNGAR BSHAD ZIN TO, ,PHYIS KYANG RGYAS PAR STON PAR 'GYUR RO, ,DA NI MOS PA RNAM PA GSUM LA YANG BSTOD PA DANG RAB TU BSTOD PA DANG BSNGAGS PAR BYA BA'I PHYIR TSE DANG LDAN PA SHA RA DVA TI'I BU LA BKA' STZAL PA DE DE BZHIN NO ZHES BYA BA LA SOGS PA GSUNGS SO, ,'DIR SH'A RA DVA TI'I BU LA BKA' STZAL PA NI 'DIR SNGAR SMOS PA NYID KYIS NA SNGAR ZHAL GYIS BZHES PA'I PHYIR DANG, SHES RAB KYI PHA ROL TU PHYIN PA LA MOS PA YONGS SU GYUR PA'I 'BRAS BU'I BYE BRAG MNGON DU MA BYAS PA'I PHYIR RO, ,DE DAG NI BYANG CHUB TU NGES PAR 'GYUR RO ZHES BYA BA NI GDON MI ZA BAR 'GYUR BA'O, ,MOS PA'I SEMS BSKYED PA KHO NA DAG PHYIR MI LDOG PA'I SA LA GNAS PA YIN PAR KHYOD KYIS SHES PAR GYIS SHIG CES BYA BA NI BZANG PO'I DPAL GZHON NUR GYUR PA DANG, ZHI BA'I SHUGS DANG, 'JAM DPAL LA SOGS PA BZHIN DU DE DAG GI DGE BA'I RTZA BA YONGS SU SMIN PA NYID DU STON TO, ,SPYI BOS LEN PA ZHES BYA BA NI DAD PA LA SOGS PA SHIN TU YONGS SU SMIN PA'I BYE BRAG DANG LDAN PA'I PHYIR RO, ,DE LA 'DIR BSTOD PA NI DE DANG DE DAG NI SBYIN BDAG DAM PAR 'GYUR ZHES BYA BA LA SOGS PA YIN TE, DE DANG DE DAG NI ZHES BYA BA NI SBYOR BA GZHAN RNAM PAR BCAD PA'I TSUL GYIS BSTOD PA'O, ,DE LA SBYIN PA NI ZANG ZING DANG MI 'JIGS PA DANG, CHOS KYI BYE BRAG GIS RNAM PA GSUM MO, , @34A *, ,DE'I PHYIR TSIG GSUM DANG GO RIMS BZHIN SBYAR RO, ,YANG NA PHA ROL TU PHYIN PA DANG, NYE BA'I PHA ROL TU PHYIN PA DANG, PHA ROL TU PHYIN PA CHEN PO BSHAD PA BZHIN DU GNAS SKABS KYI BYE BRAG TU GZHAG STE, DE LA SBYIN BDAG DAM PAR 'GYUR ZHES BYA BA NI MOS PAS SPYOD PA'I SA LA NI PHA ROL TU PHYIN PA BZHIN NO, ,SBYIN BDAG KHYAD PAR DU 'PHAGS PAR 'GYUR ZHES BYA BA NI RAB TU DGA' BA LA SOGS PA SA BDUN LA YIN TE, NYE BA'I PHA ROL TU PHYIN PA BZHIN NO, ,SBYIN BDAG CHEN POR 'GYUR BA NI MI SKYE BA'I CHOS LA BZOD PA THOB PA'I PHYIR, SA BRGYAD PA LA SOGS PA GONG MA BZHI'I TSE YIN TE, SKAD CIG MA GCIG LA PHYOGS BCU'I 'JIG RTEN GYI KHAMS MTHA' MED PA 'BYAM KLAS PA DAG TU PHA ROL TU PHYIN PA DANG TSAD MED PA LA SOGS PA THAMS CAD BSGRUB PA'I PHYIR TE, PHA ROL TU PHYIN PA CHEN PO BZHIN NO, ,SH'A RI'I BU DE DANG DE DAG NI TSUL KHRIMS PHUN SUM TSOGS PAR 'GYUR ZHES BYA BA LA SOGS PA LA, TSUL KHRIMS NI SDOM PA DANG, DGE BA'I CHOS SDUD PA DANG, SEMS CAN GYI DON BYA BA'I BYE BRAG GIS RNAM PA GSUM MO, ,DE BAS NA TSIG GSUM DANG SBYAR RO, ,YANG NA GNAS SKABS KYI BYE BRAG YIN TE, SNGA MA BZHIN NO, ,NGES PAR 'BYIN PA'I 'BRAS BU LA LTOS NAS DE DANG MTHUN PA'I TSUL KHRIMS KYI YON TAN GYI LAM RNYED PAR 'GYUR RO ZHES BYA'O, ,DE DANG DE DAG NI BZOD PA'I MCHOG DANG ZHES RGYAS PAR 'BYUNG BA LAS, BZOD PA YANG SDUG BSNGAL DANG DU LEN PA DANG, GNOD PA LA JI MI SNYAM PA DANG, CHOS LA NGES PAR SEMS PA'I BYE BRAG GIS RNAM PA GSUM MO, ,BRTZON 'GRUS KYANG GO CHA DANG, DGE BA LA SBYOR BA DANG, SEMS CAN GYI DON LA SBYOR BA'I BYE BRAG GIS RNAM PA GSUM MO, ,BSAM GTAN NI ZHI ZHING RAB TU ZHI STE, RNAM PAR MI RTOG CING NYON MONGS PA DANG SDUG BSNGAL GYI GNYEN POR GYUR PA BDE BAR GNAS PA'I BSAM GTAN DANG, YON TAN MNGON PAR SGRUB PA'I BSAM GTAN DANG, SEMS CAN GYI DON MNGON PAR SGRUB PA'I BSAM GTAN NO, ,SHES RAB NI BDEN PA GNYIS DANG, SEMS CAN GYI DON LA @34B DMIGS PA'I BYE BRAG GIS RNAM PA GSUM MO, ,DE SKAD DU, DRUG PO DE DAG BSLAB PA'I DNGOS, ,RE RE LA YANG RNAM PA GSUM, ,SBYIN PA LA SOGS RNAM DAG NI, ,LNGA DANG BDUN TE GZHAN DAG YIN, ,ZHES 'BYUNG NGO, ,DE BAS NA KUN LA YANG DNGOS PO MA YIN PAR GZUNG BA'I PHYIR, DAM PA'I SGRA SBYAR BAR BYA'O, ,MTSUNGS PA MED PA'I SHES RAB CES BYA BA NI DMIGS PA MED CES BYA BA'I THA TSIG GO, ,LDAN PA ZHES BYA BA NI 'BREL PA'O, ,'GYUR RO ZHES BYA BA NI GDON MI ZA BAR 'GYUR BA STE, BSTOD PA 'DI NI SPRO BA RGYAS PAR BYED PA'I NGO BO YIN PA'I PHYIR RO, ,DE DAG NI RNAM PA THAMS CAD KYI MCHOG DANG LDAN PA'I ZHES BYA BA LA RNAM PA THAMS CAD NI BYANG CHUB KYI PHYOGS DANG, TSAD MED PA LA SOGS PA NAS, RNAM PA THAMS CAD MKHYEN PA LA THUG PA'I BAR YIN NO, ,MCHOG CES BYA BA NI DE DAG SHIN TU RNAM PAR DAG PA YIN PA'I PHYIR RO, ,RNAM PA'I MCHOG DE DAG THAMS CAD LDAN ZHING 'BREL PA THAMS CAD MKHYEN PA'I YE SHES DANG LDAN ZHING 'BREL PAR 'GYUR RO, ,GLEGS BAM KHA CIG LAS GANG DAG SHES RAB KYI PHA ROL TU PHYIN PA 'DI THOS NAS MOS TE, ,MI SKRAG MI DNGANG DNGANG BAR MI 'GYUR BA DE DANG, DE DAG NI SKRAG PA MED PAR SEMS CAN RNAMS LA RAB TU STON PAR 'GYUR, 'CHAD PAR 'GYUR ZHES 'BYUNG STE, DES NA GZHAN GYI DON LA MOS PA GSAL BA YIN TE, DE DRUG NI BSNGAGS PA YIN NO, ,BSTOD PA DANG RAB TU BSTOD PA DANG, BSNGAGS PA 'DI DAG GI BYE BRAG JI LTA BU ZHE NA, YON TAN BRJOD PA NI BSTOD PA'O, , DON GYI GZUGS BRNYAN LA SOGS PA SPANGS PA'I SGO NAS BSNGAGS PAR BYED PA'I BSNGAGS PA STE, NYI KHRI LNGA STONG PA LA SOGS PA LAS BSTAN TO, ,DMIGS PA MED PAR BSTAN PA'I DMIGS PA GSAL BAR BYA BA'I PHYIR, 'JAM DPAL KHYOD KYIS DON GYI DBANG CI ZHIG MTHONG NAS ZHES BYA BA LA SOGS PAS DRIS SO, ,DRIS PA'I LAN DU, GAL TE BDAG BYANG CHUB TU ZHUGS NA NI SHES BYA BA LA SOGS PA GSUNGS TE, RANG DANG YANG DAG PA'I BYANG CHUB DANG YANG DAG PAR ZHUGS PA DANG 'DOD PA'I RNAM PAR RTOG PA RNAMS MI 'BYUNG BA'I PHYIR, 'DRES PA'I CHOS LA DMIGS PA ZHI GNAS @35A *, ,DANG; LHAG MTHONG RNAM PAR DAG PA MTHAR PHYIN PAR BSTAN TO, ,'DIR DOGS PA'I LAN DU 'JAM DPAL GZHON NUR GYUR PA GANG LAGS PA DE BYANG CHUB NYID DO ZHES GSUNGS TE, CHOS THAMS CAD BYANG CHUB LAS THA DAD PA'I NGO BO NYID MA YIN PA'I PHYIR RO ZHES DGONGS PA'O, , DE SKAD DU, DE BZHIN NYID DANG BYANG CHUB DANG, ,MYA NGAN 'DAS DANG GNAS GYUR LA, ,CHOS RNAMS THAMS CAD RTOGS PA YIS, ,GZHOL DANG 'BAB DANG BAB PAR GYUR, ,ZHI GNAS DANG NI LHAG MTHONG 'DI, ,'DRES PA'I CHOS LA DMIGS PA YIN, ,DANG PO DANG NI GSUM PA DANG, ,THA MA GNYIS LA GO RIMS BZHIN, ,'JUG DANG RAB TU 'THOB PA DANG, ,DE YI MTHAR PHYIN RGYAL BAS DGONGS, ,ZHES BYA BA 'DIS RE ZHIG BDAG GI RANG GI NGO BO DANG CHOS THAMS CAD KYANG BYANG CHUB LAS THA DAD MA YIN PAR BSGOM PAR BYA'O, ,BYANG CHUB KYI RANG GI NGO BO NI PHYIS STON PAR 'GYUR RO, ,'DIR DGYES NAS LEGS SO LEGS SO ZHES LAN GNYIS GSUNGS SO, ,DGYES PA'I GTAN TSIGS SU 'JAM DPAL KHYOD ZAB MO ZAB PA'I GNAS 'DI LTA BU 'DI STON PA ZHES GSUNGS SO, ,ZAB MO ZAB PA ZHES BYA BA NI SGRO 'DOGS PA DANG, SKUR PA 'DEBS PA'I MTHA' DANG BRAL BA RNAM PA GNYIS SO, ,GNAS ZHES BYA BA NI PHYOGS LA BYA'O, ,'DI LTA BU ZHES BYA BA NI BYANG CHUB DANG THA DAD PA MED PA'I NGO BO'O, ,'DI ZHES BYA BA NI BYANG CHUB SEMS DPA'I TING NGE 'DZIN GYI DMIGS PAR GYUR PA BSTAN PA GANG YIN PA'O, ,NGES PAR STON PA ZHES BYA BA NI NGES PA'AM NGES PA LAS STON PA'O; ,'DI LTAR KHYOD NI SNGON GYI RGYAL BA LA BYA BA BYAS PA STE, MI DMIGS PAR TSANGS PAR SPYOD PA YUN RING DU SPYAD PA LTA ZHIG CES BYA BA NI THABS SU GYUR PA'I RNAM PA GANG GIS JI LTAR KHYOD SNGON GYI RGYAL BA 'BRUG GI SGRA DBYANGS LA SOGS PA LA BYA BA SHES RAB KYI PHA ROL TU PHYIN PA NYAN PA DANG LEN PA DANG 'DZIN PA DANG STON PA LA SBYOR BA'I RNAM PA GTZO BOR BYAS TE, DGE PA'I RTZA BA BSKYED PA LA SOGS PA BSGRUBS PA GANG YIN PA DE LA DE SKAD CES BYA'O, ,CHOS THAMS CAD BDAG MED CING MI DMIGS PAR TSANGS PA BYANG CHUB STE GANG DANG LDAN BAS BCOM LDAN 'DAS TSANGS PA @35B ZHES BRJOD PA DE'I DON DU GANG GIS SPYOD PA BSGOM PA LA SOGS PA'I MTSAN NYID DE YUN RING PO BSKAL PA GANG G'A'I KLUNG GI BYE MA 'BUM PHRAG GRANGS MED PA BDUN SNYED DU 'AM, DUS RING POR SPYOD PA LTA ZHIG DE LTA MA YIN NA, KHYOD KYIS STON PAR MI NUS SO ZHES BYA BA'I THA TSIG GO, ,DE BAS NA DE LTA BUR 'GYUR BA'I 'DOD PA RNAMS KYIS SANGS RGYAS RNAMS LA BYA BA SGOM PA LA SOGS PA BYA DGOS SO ZHES BSTAN PA YIN NO, ,DE LA RLOM SEMS SPONG BAR BYED PA NI, BCOM LDAN 'DAS GAL TE BDAG MI DMIGS PA SPYOD PA LAGS NA NI CHOS THOB PA NYID DU 'GYUR BA LAGS SO ZHES BYA BA YIN NO, ,CHOS SPYOD PAR BYED PA'I MTSAN NYID BDAG LA SOGS PA THOB PA NYID DU RNYED PA NYID DU 'GYUR BA LAGS SO ZHES BYA BAS MI DMIGS PA SEL BAR BYED PAR 'GYUR RO, ,DE CI'I PHYIR ZHE NA, GAL TE BDAG MI DMIGS PAR SPYOD PA LAGS NA NI ZHES GSUNGS TE, MI DMIGS PAR SPYOD PA GANG YIN PA DE LA DE SKAD CES BSTAN TE, 'DIS NI DMIGS PA BSTAN TO, ,DES NA DMIGS PA DANG SPYOD PA GNYIS PHAN TSUN 'GAL BA'I PHYIR, SPYOD PA BYED PA'I MTSAN NYID KYI CHOS 'DI LA YOD PA MA YIN NO ZHES BYA BA'I THA TSIG GO ,DE DAG NI SO SO'I SKYE BO'I CHOS RNAMS LHAG PAR DMIGS PAR MI 'GYUR BA LAGS SO ZHES BYA BA LA SOGS PA SNGAR MDOR BSTAN PA DE DAG RGYAS PAR BSTAN CING CHOS CAN GYI RNAM PAR RTOG PA SHIN TU BSAL BA'I PHYIR 'JAM DPAL KHYOD KYIS NGA'I NYAN THOS PHUN SUM TSOGS PA 'DI DAG MTHONG NGAM ZHES DRIS TE, GZHAN LAS THOS PA'I RJES SU 'GRO ZHING MCHOG TU SEMS RNAM PAR GROL BA 'BYOR PA MTHONG NGAM ZHES DRIS PA DANG, GSOL PA, BCOM LDAN 'DAS MTHONG LAGS SO ZHES GSUNGS SO, ,JI LTAR CI 'DRA BAR MTHONG ZHES BYA BA NI MTHONG BA'I RNAM PA 'DRI BA STE, MTHONG BA'I RNAM PA GANG YIN CI 'DRA BA ZHES DRIS PA DANG; BCOM LDAN 'DAS JI LTAR SO SO'I SKYE BOR MI MTHONG BA DANG ZHES RGYAS PAR GSUNGS SO, ,SO SOR 'GRO BAS NAS SO'I SKYE BO'O, ,SLOB PA NI RGYUN TU ZHUGS PA LA SOGS PA NAS DGRA BCOM PA LA 'JUG PA LA THUG PA'I BAR DU BDUN YIN TE, BSLAB PAR BYA BA YOD PA'I PHYIR RO, , @36A *, ,MI SLOB PA NI DGRA BCOM PA STE, BSLAB PA RDZOGS PA'I PHYIR RO, ,SO SO'I SKYE BO DANG SLOB PA DANG BSLAB PA YONGS SU RDZOGS PA RNAMS LA GCIG PU'I NGO BO MI DMIGS PA'I PHYIR DANG DE LAS GZHAN PA YANG MA SKYES PA'I PHYIR DE DAG MA MTHONG NGO SNYAM DU BSAMS PA'O, ,MTHONG BA MA MCHIS MA MTHONG BA YANG MA MCHIS PA DE LTAR MTHONG NGO ZHES BYA BA NI MTHONG BA DANG MA MTHONG BAR RNAM PAR RTOG PA MED PAR MTHONG NGO ZHES BYA BA'I THA TSIG GO, ,DE LTAR ZHES BYA BA'I SGRA NI RE RE DANG SBYAR RO, ,GANG 'GA' YANG MTHONG BA MED PA DANG BDAG MI DMIGS PA DE LTA BU DE NI MTHONG BA YIN NO, ,DE LTAR RANG GI NGO BO LA RNAM PAR RTOG PA BSAL NAS, 'DI LTAR MANG DU YANG MI MTHONG BA DANG ZHES BYA BA LA SOGS PAS TSAD LA RNAM PAR RTOG PA DANG, BYE BRAG LA RNAM PAR RTOG PA GNYIS SEL BAR BYED PA YIN NO, ,'DI LTAR ZHES BYA BA NI GANG GI PHYIR ZHES BYA BA'I DON YIN NO, ,YI GE KHA CIG LAS 'DI LTAR ZHES MI 'BYUNG GI BAR DU ZHES 'BYUNG BA DE NI MTHONG BA'I RNAM PAR STON PA YIN NO, ,MANG DU ZHES BYA BA NI SO SO'I SKYE BO'O, ,NYUNG DU ZHES BYA BA NI SLOB PA DANG MI SLOB PA'O, ,DUL BA YANG ZHES BYA BA NI MI DGE BA DANG BRAL BAS DUL BA 'AM DGE BA BYE BRAG TU GYUR PAS DUL BA'O, ,DE LAS GZHAN PA NI MA DUL