@1A *, ,SHES PHYIN NA PA BZHUGS SO, , @1B [DD] #, ,SHES RAB KYI PHA ROL TU PHYIN PA 'BUM PA RGYA CHER 'GREL PA, 'JAM DPAL GZHON NUR GYUR PA LA PHYAG 'TSAL LO, ,SHES RAB BDAG NYID PHA ROL PHYIN PA'I GTZO, ,[DD] RGYAL BA'I YUM LA GUS PAR PHYAG 'TSAL NAS, ,BLA MA'I LUNG GIS BDAG LA PHAN PA'I PHYIR, ,'DI YI GZHUNG 'GREL GNOD 'JOMS BYA BAR 'DOD, ,DE BZHIN GSHEGS PA RNAMS KYI GZUGS KYI SKU DANG, DAM PA'I CHOS KYI TSOGS SRUNG BAR GTOGS PA'I PHYIR, 'PHAGS PA BYANG CHUB SEMS DPA' PHYAG NA RDO RJE LA, 'PHAGS PA BYAMS PAS 'KHOR GYI NANG DU DRIS PA DANG; 'DI SKAD BDAG GIS THOS PA ZHES BYA BAS, SHES RAB KYI PHA ROL TU PHYIN PA BSHAD PA 'DI BDAG GIS THOS PAR KHAS 'CHES SO, ,BCOM LDAN 'DAS KYIS 'DI SKAD BSHAD DO, , ZHES CI'I PHYIR MA BRJOD CE NA, BCOM LDAN 'DAS KYIS BSHAD PA NI, PHYAG NA RDO RJE BDAG NYID KYI SPYOD YUL DU MI 'GYUR BA'I PHYIR TE, 'DI LTAR BCOM LDAN 'DAS KYIS 'JIG RTEN GYI @2A *, ,KHAMS SNA TSOGS NAS 'DUS PA'I 'DUL BA'I RIGS DANG, BSAM PA DANG, SPYOD PA DANG, MOS PA DANG, DBANG PO THA DAD PA RNAMS LA, SKAD CIG GCIG LA YANG MI RTAG PA DANG, SDUG BSNGAL BA DANG; STONG PA DANG, BDAG MED PA DANG, MI SKYE BA DANG, MI 'GAG PA DANG, GZOD MA NAS ZHI BA DANG, RANG BZHIN GYIS MYA NGAN LAS 'DAS PA LA SOGS PAR DBYE BA DANG, PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, 'PHAGS PA'I BDEN PA LA SOGS PAR DBYE BA DANG, DRAN PA NYE BAR GZHAG PA DANG, YANG DAG PAR SPYONG BA DANG, RDZU 'PHRUL GYI RKANG PA DANG, DBANG PO LA SOGS PAR DBYE BA DANG, STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD LA SOGS PAR DBYE BA RNAMS, SKAD SNA TSOGS DANG, SGO SNA TSOGS DANG, SGRA SNA TSOGS DANG, CHO 'PHRUL SNA TSOGS DANG, 'JUG PA SNA TSOGS DANG, 'BRAS BU THOB PA SNA TSOGS KYIS SKAD CIG DE NYID LA BSHAD PA'I YE SHES GCIG GIS STON TE, DE SNYED CIG CHAR [?] PHYAG NA RDO RJE'I SPYOD YUL DU MI 'GYUR BA'I PHYIR, @2B BCOM LDAN 'DAS KYIS 'DI SKAD BSHAD DO ZHES MA BRJOD KYI, BDAG GI SPYOD YUL DU CI TZAM GYUR PA NYI TSE BSTAN PA'I PHYIR, 'DI SKAD BDAG GIS THOS PA ZHES BYA BAR STON TO, ,DE LTAR CIS MNGON ZHE NA, DE BZHIN GSHEGS PA'I GSANG BA'I MDO LAS, ZHI BA'I BLO GROS PHYOGS BCU'I 'JIG RTEN GYI KHAMS TSAD MED PA GRANGS MED PA DAG NA, SEMS CAN DU BSDU BAR BSDUS PA'I SEMS CAN JI SNYED YOD PA, SANGS RGYAS KYI YE SHES KYIS MKHYEN PA'I SEMS CAN GYI KHAMS NI CHES MANG GIS, SA'I KHAMS NI DE LTA MA YIN NO ZHES BYA STE, ZHI BA'I BLO GROS GAL TE SEMS CAN DE DAG THAMS CAD SNGA PHYI MED PAR MI'I LUS THOB PAR GYUR LA, ZHI BA'I BLO GROS SEMS CAN DE DAG THAMS CAD 'DI LTA STE, GNAS BRTAN SH'A RI'I BU'I SHES RAB DANG, YE SHES LTA BU DANG LDAN PAR YANG GYUR LA, SH'A RI'I BU LTA BU'I SEMS CAN DE DAG THAMS CAD KYI SHES RAB DANG, YE SHES GANG YIN PA'I SHES RAB DANG, YE SHES DE SEMS CAN GCIG LA YOD PAR GYUR TE, RNAM GRANGS 'DIS, SEMS CAN THAMS CAD SHES RAB DANG YE SHES DE LTA BU DANG LDAN PAR GYUR LA, ZHI BA'I BLO GROS SEMS CAN DE DAG THAMS CAD KYIS, BSKAL PA LAS LHAG PAR THE TSOM DRI BA BSAMS SHING GZHAL TE YONGS SU BTZAL LA, SEMS CAN GCIG GIS THE TSOM DRI BA GANG YIN PA DE GNYIS PA MA YIN PA'I RNAM GRANGS 'DIS, ZHI BA'I BLO GROS SEMS CAN THAMS CAD KYI THE TSOM DRI BA THA DAD PA BSAMS TE, BCOM LDAN 'DAS KYI GAN DU DONG NAS, SE GOL GTOGS PA SRID LA THE TSOM DRI BA DE DAG GSOL KYANG, BCOM LDAN 'DAS KYIS SEMS GCIG GIS RJES SU ZHUGS PA'I DRAN PAS, DE DAG GIS THE TSOM THAMS CAD BZUNG NAS, GSUNG GCIG BRJOD PAS THE TSOM THAMS CAD GCOD DE, DE DAG THAMS CAD KYANG RANG GI THE TSOM BSAL BAR SHES SHING, ZHUS PA'I LAN BCOM LDAN 'DAS KYIS LUNG BSTAN PAS THAMS CAD KYANG SEMS RANGS PAR GYUR TO ZHES BYA BA LA SOGS PA GSUNGS PA LTA BU STE, DE LTA BAS NA DE BZHIN GSHEGS PAS 'DUL BA RNAMS LA BSTAN PA'I RIM PA DE NI, BYANG CHUB SEMS DPA' CHOS @3A *, ,SDUD PA RNAMS KYI SPYOD YUL DU MI 'GYUR BA'I PHYIR, BCOM LDAN 'DAS KYIS 'DI SKAD BSHAD DO ZHES MA BRJOD PAR BDAG GI SPYOD YUL DU JI TZAM GYUR PA DANG, CI THOS PA NYI TSE BSTAN PA'I PHYIR, 'DI SKAD BDAG GIS THOS PA ZHES BYA BA GSUNGS SO, ,DUS GCIG NA ZHES BYA BA NI, DUS GANG YANG RUNG BA CIG GCIG NA ZHES BYA BA'I DON TO, ,CI'I PHYIR DUS NGES PA MA MDZAD CE NA, DUS NGES PAR BSTAN PA CHED MI CHE BA'I PHYIR RO, ,RNAM PA GCIG TU NA RTZOD PA MED PAR BYA BA'I PHYIR YANG, DUS NGES PA MA BSTAN TE, 'DI LTAR, DE BZHIN GSHEGS PA NI SKAD CIG THANG CIG YUD TZAM DE NYID KYI TSE 'JIG RTEN GYI KHAMS SNA TSOGS DANG, GNAS SNA TSOGS RNAMS SU BYANG CHUB SEMS DPA'AM, GZHAN YANG RUNG STE, 'DUL BA SNA TSOGS RNAMS LA CHOS BSHAD PA, RNAM PA SNA TSOGS MDZAD PAR SNANG STE, GAL TE BYANG CHUB SEMS DPA'AM, GZHAN DAG KYANG RUNG STE, GDUL BA'I 'GRO BA DE DAG THAMS CAD GCIG TU 'DUS PAR GYUR NA, 'DI SKAD DU DE'I TSE NA DE BZHIN GSHEGS PA NI 'JIG RTEN GYI KHAMS 'DIR YUL 'DI ZHES BYA BA NA, BDAG CAG GI DE NA BZHUGS SO, ,BDAG CAG GI DE NA BZHUGS SO ZHES RTZOD PA'AM, YID GNYIS SU 'GYUR BA YANG SRID DE, DE LTAR 'GYUR DU DOGS [?] PA'I PHYIR, THAMS CAD DU YANG CHOS SDUD PA MDZAD PA RNAMS KYIS DUS NGES PA MA MDZAD DO, ,YANG RNAM PA GCIG TU NA, RGYAL PO'I KHAB NA LAN MANG DU BZHUGS BZHUGS PA'I PHYIR, RGYAL PO'I KHAB NA BZHUGS PA'I DUS CIG GCIG NA ZHES BYA BA'I DON TO, ,BCOM LDAN 'DAS ZHES BYA BA NI BDUD BZHI BCOM PA DANG LDAN PA LA BYA'O, ,YANG RNAM PA GCIG TU NA RTEN BRTEN PAR BYA BA DANG LDAN PA LA YANG, BCOM LDAN 'DAS ZHES BYA STE, BRTEN PAR BYA BA YANG RNAM PA DRUG STE, DBANG PHYUG DANG, YE SHES DANG, GRAGS PA DANG, DPAL DANG, BSOD NAMS DANG, BRTZON 'GRUS DANG, BRTEN PAR BYA BA 'DI RNAMS, DE BZHIN GSHEGS PA LA MNGA' ZHING LDAN PAS NA, BCOM LDAN 'DAS ZHES BYA'O, , @3B RGYAL PO'I KHAB NA BZHUGS ZHES BYA BA NI, BCOM LDAN 'DAS BZHUGS PA'I GNAS MCHOD RTEN DU GYUR PA BSTAN PAS, SEMS CAN RNAMS KYI BSOD NAMS 'PHEL BAR 'GYUR BA'I PHYIR GNAS NGES PAR BSTAN TO, ,GNAS DE NA BZHUGS PA YANG RNAM PA BZHIS BZHUGS TE, SPYOD LAM GYIS BZHUGS PA DANG, CHOS 'CHAD PAS BZHUGS PA DANG, SNYOMS PAR 'JUG PAS BZHUGS PA DANG, NANG DU YANG DAG 'JOG GIS BZHUGS PA'O, ,DE LA SKU'I PHRIN LAS SU GTOGS PA GANG CI YANG RUNG STE ZHES DE DAG THAMS CAD NI SPYOD LAM GYIS BZHUGS PA'O, , GSUNG GI PHRIN LAS GANG YIN PA DE DAG THAMS CAD NI CHOS 'CHAD PAS BZHUGS PA'O, ,THUGS KYI PHRIN LAS GANG YIN PA DE DAG THAMS CAD NI SNYOMS PAR 'JUG PAS BZHUGS PA DANG, NANG DU YANG DAG 'JOG GIS BZHUGS PA'O, ,DE LA RTAG TU MNYAM PAR 'JOG CING TING NGE 'DZIN LA SNYOMS PAR 'JUG PA NI SNYOMS PAR 'JUG PA'I BZHUGS PA'O, ,THUGS RJE CHEN POS 'JIG RTEN LA DGONGS PA DANG, LHA LA SOGS PA 'ONG BA'I GO SKABS DBYE BA'I PHYIR GCIG PU DBEN PA NA BZHUGS PA NI, NANG DU YANG DAG 'JOG GIS BZHUGS PA'O, ,RGYAL PO'I KHAB KYI RI BYA RGOD 'PHUNGS PA LA ZHES BYA BA NI, GNAS PHUN SUM TSOGS PA BSTAN TE, YUL DE NA 'DRE GDON GYIS RTAG TU GTZES PA LAS, GRONG KHYER GYI MING RGYAL PO'I KHAB TU BTAGS NAS 'DRE GDON GYIS MI TSUGS PAR GYUR TE, DE TSUN CHAD YUL DANG GRONG KHYER DE RGYAL PO'I KHAB TU GRAGS SO, ,YANG RNAM PA GCIG TU NA GRONG KHYER DE GRONG KHYER THAMS CAD KYI GTZO BO YIN TE, RGYAL PO DANG 'DRA BA'I PHYIR RGYAL PO'I KHAB CES BYA'O, ,MDO SDE 'DI YANG GSUNG RAB THAMS CAD KYI GTZO BO YIN PAR BSTAN PA'I PHYIR, GRONG KHYER GYI MCHOG DER BSHAD PA SMOS SO, ,RGYAL PO'I KHAB CES BYA BA'I YUL DANG GRONG KHYER DE YANG RAB TU RGYA CHE BAS, RGYAL PO'I KHAB KYIS PHYOGS GANG KHO NA NA BZHUGS PA MI SHES TE, DE GSAL BAR BSTAN PA'I PHYIR, RGYAL PO'I KHAB KYI RI BYA RGOD 'PHUNGS PA LA ZHES BYA BA GSUNGS SO, ,RI DE'I @4A *, ,DBYIBS BYA RGOD 'PHUNGS PA 'DRA BA'I PHYIR BYA RGOD 'PHUNGS PA ZHES BYA'O, ,RGYAL PO'I KHAB DANG RI BYA RGOD 'PHUNGS PA ZHES BYA BA'I GNAS GNYIS SMOS PA NI KHYIM PA'I PHYOGS DANG, RAB TU BYUNG BA'I PHYOGS GNYIS LA PHAN 'DOGS PA BSTAN PA STE, RGYAL PO'I KHAB SMOS PAS NI BCOM LDAN 'DAS RGYAL PO'I KHAB TU BSOD SNYOMS MDZAD CING GSHEGS PA'I TSE, KHYIM PA'I PHYOGS SU GTOGS PA RNAMS DE BZHIN GSHEGS PA'I SKU BLTA BAS CHOG MI SHES PA MTHONG NA DAD PA SKYES TE, BSOD SNYOMS LA SOGS PA 'BUL ZHING, BSOD SNYOMS BYED PA'I SGO NAS PHAN 'DOGS SO, ,RI BYA RGOD 'PHUNGS PO SMOS PAS RAB TU BYUNG BA'I PHYOGS SU GTOGS PA RNAMS LA, CHOS KYIS PHAN 'DOGS PA BSTAN PA STE, RAB TU BYUNG BA RNAMS 'DU 'DZI'I NANG NA MI GNAS PAR DGON PA'I SA PHYOGS RI LA GNAS PA RNAMS LA DAM PA'I CHOS BSHAD PA'I SGO NAS PHAN 'DOGS PA'I PHYIR RO, ,DGE SLONG LNGA STONG TZAM GYI DGE SLONG GI DGE 'DUN CHEN PO DANG THABS CIG STE ZHES BYA BA LA SOGS PAS 'KHOR PHUN SUM TSOGS PA BSTAN PA STE, 'KHOR YANG DGE SLONG GI 'KHOR DANG, BYANG CHUB SEMS DPA'I 'KHOR RNAM PA GNYIS TE; DE GNYIS LAS DGE SLONG GI 'KHOR SNGAR SMOS PA NI, RAB TU BYUNG BA RNAMS SBYIN GNAS SU GYUR PA'I MCHOG YIN PAS, 'JIG RTEN PAS MCHOD CING BKUR STI BYA BA'I 'OS YIN PA DANG, BCOM LDAN 'DAS KYI ZHAM 'BRING NA RTAG TU GNAS PA DANG, 'JIG RTEN PA THAMS CAD KYI SPYOD YUL DU GYUR PA'I PHYIR DGE SLONG GI 'KHOR SNGAR SMOS SO, ,BYANG CHUB SEMS DPA'I 'KHOR NI, KHYIM PA'I TSUL DU GNAS PAS SBYIN GNAS SU MA GRAGS PA DANG, SEMS CAN GYI DON LA GSHEGS PAS ZHAM 'BRING NA MI RTAG PA DANG, 'JIG RTEN PA THAMS CAD KYI SPYOD YUL MA YIN PA'I PHYIR PHYIS SMOS SO, ,DGE SLONG LNGA STONG TZAM DANG ZHES BYA BA'I GRANGS SMOS PAS 'KHOR MANG BA BSTAN PA'O, ,THAMS CAD KYANG DGRA BCOM PA, ZAG PA ZAD PA ZHES BYA BA LA SOGS PAS NI, 'KHOR RNAMS YON TAN PHUN SUM TSOGS PA BSTAN PA'I SGO NAS CHE BA @4B NYID BSTAN PA STE, THAMS CAD KYANG ZHES BYA BAS NI 'KHOR 'PHAGS PA NYAN THOS DE DAG THAMS CAD KYANG, DGRA BCOM PA SHA STAG STE, 'KHOR DE'I NANG NA RGYUN TU ZHUGS PA LA SOGS PA SLOB PA'I GANG ZAG GAM, SO SO'I SKYE BO GCIG KYANG MED PAR BSTAN PA'O, ,DGRA BCOM PA ZHES BYA BA NI NYON MONGS PA'I DGRA RNAMS BCOM PA'I PHYIR RO, ,YANG RNAM PA GCIG TU NA, AA RI HAN ZHES BYA BA MI SKYE BA'I DON LA YANG SNYEG STE, 'KHOR BAR SLAR MI SKYE BA'I CHOS NYID CAN SHA STAG GO ZHES BYA BA'I DON TO, ,YANG RNAM PA GCIG TU NA, AA RI HAN ZHES BYA BA 'OS PA'AM, NUS PA LA YANG SNYEG STE, BDAG GI DON THAMS CAD YONGS SU RDZOGS PAS, GZHAN LA RJES SU STON PAR 'OS SHING NUS PA'AM, DGE 'DUN DKON MCHOG CES BYA BAR 'OS PA'AM, KHAMS GSUM GYI MI DANG LHA'I GTZO BO RNAMS KYIS MCHOD PA RNAM PA DU MAS MCHOD PAR 'OS PA SHA STAG GO ZHES BYA BA'I DON TO, ,YANG RNAM PA GCIG TU NA AA RI HAN ZHES BYA BA MCHOD PA LA YANG SNYEG STE, 'PHAGS PA DGRA BCOM PA DE DAG DE BZHIN GSHEGS PA LA SGRUB PA'I MCHOD PAS RGYUN MI 'CHAD PAR MCHOD PAR BYED PA'I PHYIR YANG DGRA BCOM PA ZHES BYA'O, ,ZAG PA ZAD PA ZHES BYA BA NI ZAG PA RNAM PA BZHI STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DANG, LTA BA'I ZAG PA RNAMS SPANGS TE ZAD PAR GYUR PA LA YANG, ZAG PA ZAD PA ZHES BYA STE, DE LA 'DOD PA'I ZAG PA NI, 'DOD PA'I KHAMS SU GTOGS PA'I NYON MONGS PA RNAMS SO, ,SRID PA'I ZAG PA NI GZUGS KYI KHAMS DANG, GZUGS MED PA'I KHAMS SU GTOGS PA'I NYON MONGS PA RNAMS SO, ,MA RIG PA'I ZAG PA NI KHAMS GSUM CHAR GYI MA RIG PA'O, ,LTA BA'I ZAG PA NI, LTA BA LNGA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA DANG, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,CHOS 'DI RNAMS KYIS SEMS CAN RNAMS 'KHOR BAR 'KHOR ZHING NGAN SONG DU LTUNG BAR BYED PA'I PHYIR ZAG PA @5A *, ,ZAD PA ZHES BYA'O, ,NYON MONGS PA MED PA ZHES BYA BA NI LAS KYI KUN NAS NYON MONGS PA DANG, NYON MONGS PA'I KUN NAS NYON MONGS PA DANG, RNAM PAR SMIN PA'I PHUNG PO'I KUN NAS NYON MONGS PA DANG, SKYE BA'I KUN NAS NYON MONGS PA RNAMS SPANGS SHING MED PA LA BYA STE, DE LA LAS KYI KUN NAS NYON MONGS PA NI 'DU BYED KYI DGE BA DANG MI DGE BA DANG LUNG DU MA BSTAN PA'I LAS RNAMS BYED PAS NYON MONGS PA'O, ,NYON MONGS PA'I KUN NAS NYON MONGS PA NI 'DOD CHAGS LA SOGS PA'I NYON MONGS PA RNAMS SO, ,RNAM PAR SMIN PA'I KUN NAS NYON MONGS PA NI SDUG BSNGAL ZHING NYON MONGS PAR 'GYUR BA'I GZHI PHUNG PO LNGA LA BYA'O, ,SKYE BA'I KUN NAS NYON MONGS PA NI MA'I MNGAL NAS 'BYUNG BA'I TSE SDUG BSNGAL MANG PO NYAMS SU MYONG BA STE, DE RNAMS MED PA LA NYON MONGS PA MED PA ZHES BYA'O, ,DBANG DU GYUR PA ZHES BYA BA NI DBANG BZHI DANG LDAN PA LA BYA STE, BZHI GANG ZHE NA, RDZU 'PHRUL LA DBANG BA DANG, DBANG PO LA DBANG BA DANG, TING NGE 'DZIN LA DBANG BA DANG, SHES RAB LA DBANG BA'O, ,DE LA RDZU 'PHRUL LA DBANG BAS NI SEMS CAN GYI 'JIG RTEN DANG, SNOD KYI 'JIG RTEN DE DAG GI DBANG DU 'GYUR RO, ,DBANG PO LA DBANG BAS NI SPYOD LAM NYE BAR ZHI BAS DE DAG LA 'JIG RTEN RNAMS DGA' BA SKYE BAR BYED DO, ,TING NGE 'DZIN LA DBANG BAS NI BDAG GI SEMS DBANG DU 'GYUR RO, ,SHES RAB LA DBANG BAS NI NYON MONGS PA DANG LAS DANG RNAM PAR SMIN PA THAMS CAD MED PAR BYED DE BCINGS PA LAS GROL BA BZHIN DU RANG DBANG THOB PAR 'GYUR RO, ,SEMS SHIN TU RNAM PAR GROL BA ZHES BYA BAS NI SRED PA'I PHYOGS SU GTOGS PA'I NYON MONGS PA DANG, NYE BA'I NYON MONGS PA THAMS CAD SPANGS BAR BSTAN PA STE, DE LTAR SEMS RNAM PAR GROL BA THOB PAS NI SNYOMS PAR 'JUG PA'I SGRIB PA LAS RNAM PAR GROL BAR GYUR PA BSTAN TO, ,SHES RAB SHIN TU RNAM PAR GROL BA ZHES BYA BAS NI MA RIG PA'I PHYOGS SU GTOGS PA'I NYON MONGS PA RNAMS SPANGS PA BSTAN TE, DE LTAR SHES RAB RNAM PAR GROL BA THOB PAS @5B NYON MONGS PA THAMS CAD SPANGS PA'I PHYIR, NYON MONGS PA'I SGRIB PA LAS RNAM PAR GROL BAR BSTAN TO, ,CANG SHES PA ZHES BYA BA NI 'JIGS PA MED PA LA BYA STE, DE BAS NA MDO SDE DAG LAS KYANG, 'JIGS PA MED PA'I PHYIR CANG SHES PA LNGA GSUNGS PA LTA BU STE, LCE 'BAB PA LA SOGS PA 'BYUNG BA'I BAG TSA BA DANG, 'JIGS PA MED PAS KHYU MCHOG CANG SHES PA DANG, 'THAB MO'I 'JIGS PA MED PAS RTA DANG GLANG PO CHE CANG SHES PA DANG, GZHAN GYIS GNOD PA BYED PA'I 'JIGS PA MED PAS SENG GE CANG SHES PA DANG, 'CHI BA'I 'JIGS PA MED PAS DGRA BCOM PA CANG SHES PA RNAMS SO, ,'DIR NI CANG SHES PA ZHES BYA BAS BAG TSA BA BZHI MED PA BSTAN TE, BZHI GANG ZHE NA, SDUG BSNGAL GYIS BAG TSA BA DANG, 'JIGS PAS BAG TSA BA DANG, 'JIG RTEN GYI CHOS KYIS BAG TSA BA DANG, MI SHES PAS BAG TSA BA'O, ,DE LA MYA NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS MED PAS SDUG BSNGAL GYIS BAG TSA BA MED DO, ,BDAG GIS SMAD PA DANG, GZHAN GYIS SMAD PA DANG, NGAN 'GROR LTUNG BA DANG, 'TSO BA MI 'BYOR BA DANG, CHAD PAS GCAD DU DOGS PA DANG, MI SNYAN PAR GRAGS SU DOGS PA DANG, 'CHI BAS 'JIGS PA RNAMS MED PA'I PHYIR 'JIGS PA'I BAG TSA BA MED DO, ,RNYED PA DANG MA RNYED PA DANG, GRAGS PA DANG MA GRAGS PA DANG, BSTOD PA DANG SMAD PA DANG, BDE BA DANG SDUG BSNGAL GYIS GOS PA MED PA'I PHYIR, 'JIG RTEN GYI CHOS KYIS BAG TSA BA MED DO, ,MI SHES PA DANG, THE TSOM DANG BCAS PAR SHES PA DANG, LOG PAR SHES PA MED PA'I PHYIR, MI SHES PA'I BAG TSA BA MED DE, DE BAS NA DE LTA BU'I BAG TSA BA RNAMS MED PA'I PHYIR CANG SHES PA ZHES BYA'O, ,GLANG PO CHEN PO ZHES BYA BA NI GTZO BO CHEN PO ZHES BYA BA'I DON TE, KHYAD PAR RTOGS PA'I CHOS THOB PA'I PHYIR GLANG PO CHEN PO ZHES BYA'O, ,BYA BA BYAS PA BYED PA BYAS PA ZHES BYA BAS NI, BYA BA THAMS CAD YONGS SU RDZOGS PA'I YON TAN BSTAN PA STE, LAS KYI GTZO BOR MI BYAR MI RUNG BA LA NI BYA BA ZHES BYA'O, ,ZHAR LA BYA @6A *, ,BA NI BYED PA ZHES BYA STE, DE LA LAS KYI GTZO BO MI BYAR MI RUNG BA YANG TSUL KHRIMS DANG, TING NGE 'DZIN DANG, SHES RAB YONGS SU RDZOGS PAR BYAS PAS SDUG BSNGAL THAMS CAD LAS RNAM PAR THAR BAR BYA BA STE, DE DAG YONGS SU RDZOGS PAR BYAS PA LA BYA BA BYAS PA ZHES BYA'O, ,ZHAR LA BYA BA NI 'DOD PA CHUNG BAR BYA BA DANG, CHOG SHES PAR BYA BA DANG, SBYANGS PA'I YON TAN LA GNAS PAR BYA BA DANG, SEMS CAN THAMS CAD MGU BAR BYA BA LA SOGS PA YONGS SU RDZOGS PAR BYAS PA NI BYED PA BYAS PA ZHES BYA STE, DE BAS NA BYA BA BYAS PA BYED PA BYAS PA ZHES BYA BA 'DIS BSGRUB PAR BYA BA'I RNAM PA THAMS CAD YONGS SU RDZOGS PA'I YON TAN BSTAN TO, ,KHUR BOR BA ZHES BYA BA LA, KHUR NI RNAM PA BZHI STE, PHUNG PO'I KHUR DANG, NYON MONGS PA'I KHUR DANG, KHAS 'CHES PA'I KHUR DANG, BRTZON 'GRUS KYI KHUR RNAMS TE, DE LA SDUG BSNGAL GYI BDEN PA YONGS SU SHES PAS NI PHUNG PO'I KHUR BOR RO, ,KUN 'BYUNG BA SPANGS PAS NI NYON MONGS PA'I KHUR BOR RO, ,LAM BSGOMS PAS NI KHAS 'CHES PA'I KHUR BOR RO, ,'GOG PA MNGON SUM DU BYAS PAS NI BRTZON 'GRUS KYI KHUR BOR BAR SHES PAR BYA'O, ,BDAG GI DON RAB TU THOB PA ZHES BYA BA LA, BDAG GI DON THOB PA NI RNAM PA GNYIS TE, DON MA YIN PA SPANGS PA DANG, DON DU GNYER BA GRUB PA'O, ,DE LA MA RIG PA SPANGS PAS NYON MONGS PA'I SGRIB PA THAMS CAD SPANGS PAR GYUR BA NI, DON MA YIN PA SPANGS PA'O, ,RIG PA BSKYED PAS MYA NGAN LAS 'DAS PA THOB PA NI DON DU GNYER BA GRUB PA'O, ,SRID PAR KUN TU SBYOR BA YONGS SU ZAD PA ZHES BYA BA NI SRID PAR SBYOR BA'I NYON MONGS PA DGU SPANGS PA LA BYA STE, SRID PAR SBYOR BA'I NYON MONGS PA DGU GANG ZHE NA, LTA BA'I KUN TU SBYOR BA DANG, MCHOG TU 'DZIN PA'I KUN TU SBYOR BA DANG, THE TSOM GYI KUN TU SBYOR BA DANG, PHRAG DOG GI KUN TU SBYOR BA DANG, SER SNA'I KUN TU SBYOR BA DANG, KHONG KHRO BA'I KUN TU SBYOR BA DANG, NGA RGYAL GYI KUN TU SBYOR BA DANG, MA RIG PA'I KUN TU SBYOR BA DANG, @6B SRED PA'I 'DOD CHAGS KYI KUN DU SBYOR BA RNAMS TE, NYON MONGS PA 'DI RNAMS KYIS SEMS CAN RNAMS 'KHOR BAR SKYE BAR SBYOR BA'I PHYIR SRID PAR KUN DU SBYOR BA ZHES BYA'O, ,BKA' YANG DAG PAS SEMS SHIN TU RNAM PAR GROL BA ZHES BYA BA LA DE BZHIN GSHEGS PA'I BKA' YANG DAG PA NI YANG DAG PA'I LTA BA LA BYA STE, YANG DAG PA'I LTA BA LA GOMS PAR BYAS PAS NYON MONGS PA'I SGRIB PA THAMS CAD YONGS SU SPANGS TE, SEMS YONGS SU DAG PAR GYUR PA LA BKA' YANG DAG PAS SEMS SHIN TU RNAM PAR GROL BA ZHES BYA'O, ,SEMS KYI DBANG THAMS CAD LA PHA ROL TU PHYIN PA'I MCHOG THOB PA ZHES BYA BAS NI BSAM GTAN DANG TING NGE 'DZIN LA GOMS PA'I MTHUS SEMS LA DBANG THOB PA'I YON TAN BSTAN PA STE, SEMS LA DBANG THOB PAS BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'GOG BA'I SNYOMS PAR 'JUG PA DAG LA, LUGS DANG MTHUN PA DANG, LUGS DANG MI MTHUN PA DANG, THOD RGAL DU SNYOMS PAR 'JUG PA LA THAGS THOGS MED CING, JI LTAR 'DOD PAR MNYAM PAR 'JOG NUS PAS SNYOMS PAR 'JUG PA THAMS CAD LA SEMS DBANG DU GYUR PA YONGS SU RDZOGS SHING MTHAR PHYIN PA SHA STAG GO ZHES BYA BA'I DON TO, ,GANG ZAG GCIG MA GTOGS PA NI 'DI LTAR SLOB PA RGYUN DU ZHUGS PA TSE DANG LDAN PA DGA' BO'O ZHES BYA BA NI 'PHAGS PA KUN DGA' BO 'BA' ZHIG DE'I TSE RGYUN DU ZHUGS PA'I 'BRAS BU THOB PA DGRA BCOM PAR BYA BA LA SLOB PA YIN TE, THAMS CAD KYANG DGRA BCOM PA ZAG PA ZAD PA ZHES BYA BA LA SOGS PA'I YON TAN SMOS PA'I NANG DU MA GTOGS TE, DE 'BA' ZHIG RGYUN DU ZHUGS PA YIN GYIS, GZHAN THAMS CAD DGRA BCOM PA SHA STAG GO ZHES BYA BA'I DON TO, ,DE LTAR 'KHOR DGE SLONG RNAMS BSTAN NAS, 'KHOR DGE SLONG MA DANG, DGE BSNYEN DANG, DGE BSNYEN MA RNAMS BSTAN PA'I PHYIR, DGE SLONG MA GRAGS 'DZIN DANG SKYE DGU'I BDAG MO CHEN MO LA SOGS PA LNGA BRGYA TZAM DANG, DGE BSNYEN DANG, DGE BSNYEN MA SHIN TU MANG BA KUN KYANG CHOS MTHONG BA @7A *, ,SHA STAG DANG ZHES BYA BA GSUNGS TE, KUN KYANG CHOS MTHONG BA SHA STAG CES BYA BA NI DE DAG THAMS CAD KYANG BDEN PA MTHONG BA SHA STAG GO ZHES BYA BA'I DON TO, ,BYANG CHUB SEMS DPA' SEMS DPA' CHEN PO TSAD MED GRANGS MED PA ZHES BYA BA LA SOGS PAS BYANG CHUB SEMS DPA'I 'KHOR PHUN SUM TSOGS PA BSTAN PA STE, TSAD DANG GRANGS NGES PA MA SMOS PA NI, 'JIG RTEN GYI KHAMS RNAM PA SNA TSOGS DU MA NAS 'DUS BA SHA STAG STE, MANG CHES PA'I PHYIR TSAD DANG GRANGS 'DI SNYED CIG GO ZHES TSAD DANG GRANGS CHOD PAR MA SMOS SO, , BYANG CHUB SEMS DPA' YANG RNAM PA LNGA STE, LHAG PA'I BSAM PA DAG PA DANG, RTZOL BA DANG BCAS PA LA MTSAN MA MED PAR GNAS PA DANG, MTSAN MA MED PA LA LHUN GYIS GRUB PAR GNAS PA DANG, SPYOD PA NGES PA LA ZHUGS PA DANG, SKYE BA GCIG GIS THOGS PA RNAMS SO; ,DE LA SA DANG PO NAS SA DRUG PA LA GNAS KYI BAR DU NI LHAG PA'I BSAM PA DAG PA'O, ,SA BDUN PA NI RTZOL BA DANG BCAS PA LA MTSAN MA MED PAR GNAS PA'O, ,SA BRGYAD PA NI MTSAN MA MED PA LA LHUN GYIS GRUB PAR GNAS PA'O, ,SA DGU PA NI SPYOD PA NGES PA LA ZHUGS PA'O, ,SA BCU PA NI SKYE BA GCIG GIS THOGS PA YIN PAR SHES PAR BYA'O, ,THAMS CAD KYANG GZUNGS RAB TU THOB PA ZHES BYA BA LA SOGS PAS NI BYANG CHUB SEMS DPA' DE DAG GI YON TAN PHUN SUM TSOGS PA BSTAN PA STE, DE LA GZUNGS ZHES BYA BA YANG CHOS RNAMS KYI DON DANG TSIG RNAMS PHYIN CI MA LOG PAR 'DZIN PAS NA GZUNGS ZHES BYA STE, MDOR BSDUS NA DRAN PA DANG SHES RAB LA BYA'O, ,SO SOR DBYE BA RNAM PA BZHI STE, BYANG CHUB SEMS DPA' RNAMS BZOD PA THOB PA'I RGYUR GYUR PA'I GZUNGS DANG, GSANG SNGAGS KYI GZUNGS DANG CHOS KYI GZUNGS DANG, DON GYI GZUNGS SO, ,DE LA BZOD PA THOB PA'I RGYUR GYUR PA'I GZUNGS NI CHOS THAMS CAD GZOD MA NAS MA SKYES SHING RANG BZHIN GYIS STONG PAR RTOGS PAR BYA BA'I PHYIR BSGOM PA'I TSE SHES RAB DANG DRAN PAS BSGOM PA'I DON DANG, TSIG MA BRJED PAR @7B RTOGS PAS THAMS CAD RANG BZHIN GYIS MA SKYES PAR RTOGS PAR NUS SHING, STONG PAS MI SKRAG PAR GYUR PA LA BZOD PA THOB PA ZHES BYA STE, BZOD PA DE LTA BU THOB PA'I RGYU TING NGE 'DZIN BSGOM PA'I TSE, SHES RAB DANG DRAN PA LA BZOD PA THOB PA'I RGYUR GYUR PA'I GZUNGS ZHES BYA'O, , GSANG SNGAGS KYI GZUNGS NI, BYANG CHUB SEMS DPA' RNAMS TING NGE 'DZIN GRUB CING SEMS LA DBANG DU GYUR PA'I MTHU DANG, SNGON GYI SMON LAM DANG SPYOD PA'I SHUGS KYIS, SEMS CAN RNAMS KYI GNOD PA SNA TSOGS BSAL BA'I PHYIR GSANG SNGAGS KYI TSIG RNAMS BYIN GYIS RLOBS TE, DE LTAR TING NGE 'DZIN GYI MTHUS BYIN GYIS BRLABS PA'I GSANG SNGAGS DE DAG GIS KYANG SEMS CAN RNAMS KYI GNOD PA THAMS CAD SEL NUS PAR 'GYUR TE, DE LTA BU'I GZUNGS SNGAGS BYIN GYIS RLOB PA'I MTHU DANG LDAN PA LA GSANG SNGAGS KYI GZUNGS ZHES BYA'O, , CHOS KYI GZUNGS NI SA THOB PA'I BYANG CHUB SEMS DPA' RNAMS SANGS RGYAS DANG BYANG CHUB SEMS DPA' RNAMS LA CHOS NYAN PA'I TSE SNGON MI SHES MA THOS PA'I CHOS KYI TSIG RNAM GRANGS MANG PO TSAD MED GRANGS MED DPAG TU MED PA RNAMS JI SKAD BSHAD PA BZHIN DU SHES RAB KYIS ZIN CING DRAN PAS YUN RING POR YANG MI BRJED PAR NUS PA LA CHOS KYI GZUNGS ZHES BYA'O, ,DON GYI GZUNGS NI DE LTAR CHOS KYI TSIG MANG PO BSHAD PA RNAMS PHYIN CI MA LOG PAR BZUNG BA'I DON SA DANG, PHA ROL TU PHYIN PA DANG, BYANG CHUB KYI PHYOGS DANG, STOBS DANG, MI 'JIGS PA LA SOGS PA 'BRAS BU THOB PAR BYA BA RNAM PA MANG PO TSAD MED GRANGS MED PA RNAMS THOB PAR NUS PA'I DRAN PA DANG, SHES RAB TU LDAN PA LA DON GYI GZUNGS ZHES BYA STE, DE LTA BU LA SOGS PA'I GZUNGS DANG LDAN PA LA GZUNGS THOB PA ZHES BYA'O, ,TING NGE 'DZIN RAB TU THONG BA ZHES BYA BA NI DPA' BAR 'GRO BA'I TING NGE 'DZIN LA SOGS PA TING NGE 'DZIN BRGYA PHRAG MANG PO RNAMS THOB PA ZHES BYA BA'I DON TE, TING NGE 'DZIN DE DAG GI MTSAN NYID KYANG 'OG NAS ZHIB TU 'CHAD DO, ,STONG PA NYID KYIS RNAM PAR SPYOD PA, MTSAN MA MED PA'I SPYOD YUL CAN, RTOG PA MED @8A *, ,PA'I SMON LAM DANG LDAN PA ZHES BYA BAS NI RNAM PAR THAR PA'I SGO GSUM THOB PA'I YON TAN BSTAN PA STE, DE LTAR GONG DU BSHAD PA'I RIM PAS GZUNGS DANG TING NGE 'DZIN THOB PA'I BYANG CHUB SEMS DPA' DE DAG CHOS THAMS CAD STONG PA NYID DU GTOGS PAS NA; STONG PA NYID KYIS RNAM PAR SPYOD PA ZHES BYA'O, ,DE LTAR STONG PA NYID LA SPYOD CING BSGOMS PA'I RGYUS, GZUGS LA SOGS PA PHYI NANG GI CHOS GANG LA YANG DNGOS POR MI LTA ZHING, MTSAN MAR MI 'DZIN PAS NA MTSAN MA MED PA'I SPYOD YUL CAN ZHES BYA'O, ,DE LTAR CHOS THAMS CAD LA DNGOS POR MI LTA ZHING MTSAN MAR MI 'DZIN NA, CHOS GANG LA YANG CHAGS PA MED PAS, KHAMS GSUM GYI BDE BA'AM 'BYOR PA GANG LA YANG BDE BAR RNAM PAR RTOG PA MED CING, DE DAG THOB PAR BYA BA'I PHYIR SMON PA MED PAS NA, RTOG PA MED PA'I SMON LAM DANG LDAN PA ZHES BYA'O, ,CHOS THAMS CAD LA MNYAM PA NYID KYI BZOD PA RAB TU THOB PA ZHES BYA BA NI DE LTAR RNAM PAR THAR PA'I SGO GSUM GYI TING NGE 'DZIN LA LEGS PAR GNAS PA DE SPROS PA THAMS CAD NYE BAR ZHI BA'I PHYIR CHOS THAMS CAD MNYAM PA NYID KYI BZOD PA BZHI THOB PAR 'GYUR TE, BZHI GANG ZHE NA, BDAG DANG GZHAN DU RNAM PAR RTOG PA MED PA'I PHYIR SEMS CAN MNYAM PA NYID KYI BZOD PA DANG, BYAMS PA DANG SDANG BA MED PA'I PHYIR 'DU SHES MNYAM PA NYID KYI BZOD PA DANG, CHOS THAMS CAD DE BZHIN NYID TZAM DU ZAD PA'I PHYIR CHOS THAMS CAD LA MNYAM PA NYID KYI BZOD PA DANG, 'KHOR BA DANG MYA NGAN LAS 'DAS PA LA SEMS MNYAM PA'I PHYIR MI GNAS PA MNYAM PA NYID KYI BZOD PA STE, BZOD PA DE LTA BU DAG DANG LDAN PA'I PHYIR CHOS THAMS CAD MNYAM PA NYID KYI BZOD PA RAB TU THOB PA ZHES BYA'O, ,THOGS PA MED PA'I SPOBS PA DANG LDAN PA ZHES BYA BA NI DE LTAR CHOS THAMS CAD LA MNYAM PA NYID KYI BZOD PA RAB TU THOB PA DE SHES RAB KYIS CHOS THAMS CAD STONG PAR RTOGS KYANG, SNYING RJE CHEN POS SEMS CAN YONGS SU MI GTONG BA'I PHYIR STONG PA NYID KYI RANG BZHIN MYA NGAN LAS 'DAS PA MNGON DU YANG MI BYED LA, SHES RAB KYIS CHOS THAMS CAD STONG PAR @8B RTOGS SHING, NYON MONGS PA RNAMS SPANGS PAS 'KHOR BA LA YANG CHAGS SHING THOGS PA MED PA, NYAN THOS LTAR MYA NGAN LAS 'DAS PA LA YANG CHAGS SHING THOGS PA MED PA'I SHES RAB DANG LDAN PA LA, THOGS PA MED PA'I SPOBS PA DANG LDAN PA ZHES BYA'O, ,BSTAN PA ZAD MI SHES PA LA SO SO YANG DAG PAR RIG PA'I TSUL KHONG DU CHUD PA ZHES BYA BA NI DE LTAR GONG DU BSHAD PA'I RIM PAS THOGS PA MED PA'I SPOBS PA DANG LDAN PA, SEMS CAN RNAMS LA CHOS BSTAN PA'I THABS RNAM PA MANG PO ZAD MI SHES PA RNAMS LA RAB TU MKHAS PA'I YON TAN DANG LDAN PA SHA STAG GO ZHES BYA BA'I DON TO, ,MNGON PAR SHES PA CHEN POS RNAM PAR RTZE BA ZHES BYA BA NI DE LTAR CHOS BSTAN PA'I TSUL LA MKHAS PA'I BYANG CHUB SEMS DPA' DE DAG JI LTAR CHOS BSTAN PA'I TSUL LA MKHAS PA'I RGYU BSTAN PA STE, SEMS CAN RNAMS LA PHAN GDAGS PA'I PHYIR BSAM GTAN DANG, TING NGE 'DZIN LA MNYAM PAR GZHAG PA'I MTHUS MNGON PAR SHES PA DRUG THOB PAR 'GYUR TE, MNGON PAR SHES PA DRUG PO DE DAG GIS SEMS CAN GYI DON RNAM PA SNA TSOGS BYED PA LA MNGON PAR SHES PA CHEN POS RNAM PAR RTZE BA ZHES BYA STE, CHEN PO SMOS PA NI 'JIG RTEN PA'I MNGON PAR SHES PA DANG, NYAN THOS DANG RANG SANGS RGYAS KYI MNGON PAR SHES PA BAS MTHU DANG YON TAN KHYAD PAR DU 'PHAGS PAR CHE BA'I PHYIR RO, ,MNGON PAR SHES PA DRUG NI LHA'I MIG DANG, LHA'I RNA BA DANG, RDZU 'PHRUL GYI BYA BA SHES PA DANG, GZHAN GYI SEMS SHES PA DANG, SNGON GYI GNAS RJES SU DRAN PA SHAS PA DANG, ZAG PA ZAD PA SHES PA DANG DRUG GO, ,DE LA LHA'I MIG GIS NI PHYOGS BCU'I 'JIG RTEN GYI KHAMS KYI SEMS CAN RNAMS DGE BA DANG MI DGE BA CI SPYOD PA RNAMS GZIGS NAS, DE DANG MTHUN PA'I DON MDZAD DO, , LHA'I RNA BAS NI SEMS CAN DMYAL BA DANG, DUD 'GRO DANG, YI DAGS DANG, MI RNAMS KYI SDUG BSNGAL BA DANG, YID MI BDE BA'I SGRA THOS NAS DE DAG GI SDUG BSNGAL SEL BAR MDZAD DO, ,RDZU 'PHRUL GYI BYA BA SHES PAS NI LUS DANG NGAG GI SPRUL PA SNA TSOGS DANG, YO BYAD @9A *, ,KYI DNGOS PO RNAM PA SNA TSOGS SPRUL PAS SEMS CAN RNAMS KYI SO SO'I YID DANG SBYAR TE PHAN 'DOGS SO, ,GZHAN GYI SEMS SHES PAS NI SEMS CAN GZHAN RNAMS KYI SEMS LA CI SEMS PA SHES PAS DE DAG GI BSAM PA DANG, BAG LA NYAL BA DANG, DBANG PO LA SOGS PA JI LTA BA BZHIN DU MKHYEN NAS, DE DANG MTHUN PAR CHOS STON CING PHAN 'DOGS SO, ,SNGON GYI GNAS RJES SU DRAN PAS NI SEMS CAN RNAMS TSE RABS SNGA MA LA GNAS GANG DANG GAR SKYES PA DANG, CI DANG CI SPYOD SPYOD PA MKHYEN PAS, DE DANG MTHUN PAR CHOS BSTAN PA LA SOGS PAS PHAN 'DOGS PA DANG, BYANG CHUB SEMS DPA' RNAMS KYI SNGON GYI SPYOD PA RLABS PO CHE RMAD DU BYUNG BA RNAMS BDAG GIS DRAN PAS SEMS CAN RNAMS LA BZLAS PAS SEMS CAN RNAMS DAD PA BSKYED PA DANG, RTAG PAR LTA BA DANG, CHAD PAR LTA BA RNAMS LA TSE RABS SNGA MA BYUNG BA'I RGYUD BSTAN PAS RTAG PAR LTA BA DANG, CHAD PAR LTA BA LAS BZLOG PAR MDZAD DO, ,ZAG PA ZAD PA SHES PAS NI BYANG CHUB SEMS DPA' BDAG DANG GZHAN GYI NYON MONGS PA ZAD PA YANG DAG PA JI LTA BA BZHIN DU RAB TU MKHYEN TO, ,BDAG DANG GZHAN GYI NYON MONGS PA ZAD PAR GYUR TAM, MA GYUR PA YANG RAB TU MKHYEN TO, ,BDAG DANG GZHAN GYI NYON MONGS PA ZAD PAR BYA BA'I THABS MA YIN PA YANG RAB TU MKHYEN TO, ,DE LTAR BYANG CHUB SEMS DPAS DE DAG THAMS CAD RAB TU MKHYEN NAS, BDAG NYID KYIS ZAG PA ZAD PA MNGON DU MDZAD DO, ,BYANG CHUB SEMS DPA' ZAG PA ZAD PA'I SHES PA DE NYID KYIS, ZAG PA DANG BCAS PA'I CHOS RNAMS DANG LHAN CIG TU GNAS KYANG CHOS DE DAG GIS BDAG NYID KUN NAS NYON MONGS PAR MI 'GYUR RO, ,DE LTAR MNGON PAR SHES PA DRUG PO DE DAG GIS SEMS CAN GYI DON RNAM PA SNA TSOGS PA MDZAD PA LA MNGON PAR SHES PA CHEN POS RNAM PAR RTZE BA ZHES BYA'O, ,MNGON PAR SHES PA SHIN TU MA NYAMS PA ZHES BYA BA NI BYANG CHUB SEMS DPA' DE DAG TSE 'PHOS NA YANG MNGON PAR SHES PA DRUG PO DE DAG NYAMS PAR MI 'GYUR TE, MNGON PAR SHES PA DRUG PO DE DAG NI BYANG CHUB @9B SEMS DPA' LA TSE RABS THAMS CAD DU MED PAR MI 'GYUR TE, BRGYA LA DUD 'GRO'I SKYE GNAS SU SKYES NA YANG NYAMS SHING MED PAR MI 'GYUR BA'I PHYIR MNGON PAR SHES PA SHIN TU MA NYAMS PA ZHES BYA'O, ,MNYAN PAR 'OS PA'I TSIG DANG LDAN PA ZHES BYA BA NI DE LTAR MNGON PAR SHES PA DRUG DANG LDAN PA'I BYANG CHUB SEMS DPA' SEMS CAN LA PHAN 'DOGS PA GTZOR BYED PAS, PHAN GDAGS PAR BYA BA'I SEMS CAN DE DAG KYANG BYANG CHUB SEMS DPA' DE DAG LA RANG BZHIN GYIS DGA' BA'I PHYIR BYANG CHUB SEMS DPA'I NGAG NYAN PAR 'GYUR TE, BYANG CHUB SEMS DPA' GDAMS SHING RJES SU BSTAN PA LAS SROG GI PHYIR YANG 'GAL BAR MI BYED PA'I PHYIR MNYAN PAR 'OS PA'I TSIG DANG LDAN PA ZHES BYA'O, ,YANG RNAM PA GCIG TU NA, BYANG CHUB SEMS DPA' SNGON SBYIN PA DANG, TSIG SNYAN PA LA SOGS PA BSDU BA'I DNGOS PO BZHIS SEMS CAN RNAMS LA PHAN 'DOGS PA'I BSOD NAMS KYI MTHU DANG, BYANG CHUB SEMS DPA' NYID KYANG DON DANG LDAN ZHING, RIGS PA DANG LDAN PA'I TSIG 'BA' ZHIG SMRA BA'I PHYIR MNYAN PAR 'OS PA'I TSIG DANG LDAN PA ZHES BYA'O, ,LE LO MED CING BRTZON 'GRUS BRTZAMS PA ZHES BYA BA NI BDAG DANG GZHAN GYI DON PHUN SUM TSOGS PAR BYA BA LA LE LO MED CING BRTZON 'GRUS BRTZAMS PA ZHES BYA BA'I DON TO, ,LUS DANG SROG LA MI LTA BA ZHES BYA BA NI DAM PA'I CHOS BTZAL BA DANG, SEMS CAN GYI DON GYI PHYIR LUS DANG SROG LA MI PHANGS PAR DAM PA'I CHOS BTZAL BA DANG, SEMS CAN GYI DON BYED PA LA BYA'O, ,TSUL 'CHOS PA MED PA ZHES BYA BAS NI LUS KYI LAS YONGS SU DAG PAS LOG PAR 'TSO BA'I SKYON MED PA BSTAN PA STE, RNYED PA DANG BKUR STI 'DOD PA'I PHYIR GZHAN DAG LA LUS KYI SPYOD LAM 'CHOS SHING ZHI BA DANG TSUL DU SHIS PAR STON PA NI TSUL 'CHOS PA ZHES BYA'O, ,KHA GSAG MED PA ZHES BYA BAS NI DAG GI SKYON MED PAR BSTAN PA STE, RNYED PA DANG BKUR STI 'DOD PA'I PHYIR GZHAN DAG LA GCAM PA'I TSIG SMRA BA NI KHA GSAG CES BYA'O, ,GRAGS PA DANG, KHE DANG BKUR STI'I SEMS MED PA ZHES BYA BA NI YID @10A *, ,KYI LAS YONGS SUM DAG PA'I SKYON MED PA BSTAN PA'O, ,ZANG ZING MED PA'I CHOS BSTAN PA ZHES BYA BAS NI SBYOR BA YONGS SU DAG PA'I YON TAN BSTAN PA STE, SEMS CAN RNAMS LA CHOS STON NA YANG SNYING RJE YONGS SU ZIN CING SHES RAB KYIS SHIN TU SBYANGS PAS, RNYED PA DANG BKUR STI LA CHAGS PA'I SEMS MED PA LA ZANG ZING MED PA'I CHOS STON PA ZHES BYA'O, ,'DI YAN CHAD KYIS NI BYANG CHUB SEMS DPA'I SA BDUN PA MAN CHAD RTZOL BA DANG BCAS SHING MTSAN MA MED PA LA SPYOD PA'I YON TAN RNAMS BSTAN PA'O, ,CHOS ZAB MO'I BZOD PA DAM PA RTOGS PAR KHONG DU CHUD PA ZHES BYA BA LA SOGS PAS NI BYANG CHUB SEMS DPA'I SA BRGYAD PA YAN CHAD RTZOL PA MED CING MTSAN MA MED PAR GNAS PA RNAMS KYI YON TAN BSTAN PA STE, BYANG CHUB SEMS DPA' SA BRGYAD PA LA GNAS PA YAN CHAD NI SEMS CAN YONGS SU SMIN PAR BYA BA DANG, SANGS RGYAS KYI ZHING YONGS SU DAG PAR BYA BA THAMS CAD CHED DU BSAMS SHING BTZAL MI DGOS PAR SNGON GYI SPYOD PA'I SHUGS DANG, SMON LAM GYI MTHUS LHUN GYIS GRUB PA NYID DU YONGS SU RDZOGS PAR 'GYUR ZHING, CHOS THAMS CAD GZOD MA NAS MA SKYES PAR RTOGS PAS CHOS ZAB MOS MI 'JIGS SHING MI SKRAG PA'I MCHOG TU GYUR PA'I PHYIR CHOS ZAB MO'I BZOD PA DAM PA RTOGS PAR KHONG DU CHUD PA ZHES BYA'O, ,MI 'JIG PA CHEN PO THOB PA ZHES BYA BA NI DE LTAR CHOS ZAB MO LA BZOD PA THOB PA'I BYANG CHUB SEMS DPA' DE DAG TSANGS PA LA SOGS PA'I LHA'I 'KHOR DANG, RGYAL RIGS DANG BRAM ZE'I 'KHOR DANG, BDUD DANG MU STEGS CAN LA SOGS PA'I 'KHOR GANG DANG GANG DU 'GRO YANG MI SHES PAS 'JIGS SHING BAG TSA BA DANG, NYON MONGS PA LAS GYUR PA'I 'JIGS SHING BAG TSA BA MED PA'I PHYIR MI 'JIGS PA CHEN PO THOB PA ZHES BYA'O,, YID YONGS SU ZHUM PA MED PA ZHES BYA BA NI DE LTAR MI 'JIGS PA CHEN PO THOB PAS RGYAL RIGS DANG BRAM ZE LA SOGS PA'I 'KHOR GANG DANG GANG DU 'GRO YANG 'JIGS SHING BAG TSA BA MED DE, SPOBS PA PHUN SUM TSOGS PA DANG LDAN PA'I PHYIR YID YONGS SU ZHUM PA MED PA ZHES BYA'O,, @10B BDUD KYI LAS THAMS CAD LAS YANG DAG PAR 'DAS PA ZHES BYA BAS NI CIS KYANG MI BRDZI BA'I MTHU DANG LDAN PA BSTAN TE, BDUD KYI LAS 'OG NAS 'BYUNG BA RNAMS DANG, MDO GZHAN LAS BSHAD PA'I BDUD KYI LAS THAMS CAD KYIS MI TSUGS PA ZHES BYA BA'I DON TE, LAS KYI SGRIB PA RGYUN BCAD PA ZHES BYA BA NI DE LTAR GONG DU BSHAD PA'I RIM PAS MI SHES PA DANG, NYON MONGS PA'I 'JIGS PA MED CING, BDUD KYI LAS LAS YANG DAG PAR 'DAS PA'I PHYIR SNGON GYI LAS KYI DBANG GIS BDE 'GRO DANG, NGAN 'GROR SKYE BAR 'GYUR BA MED PA SHA STAG GO ZHES BYA BA'I DON TO, ,LAS DANG NYON MONGS PA BCOM PA'I PHYIR RGOL BA RAB TU BCOM PA ZHES BYA BA NI LAS DANG NYON MONGS PA'I DGRA RNAMS SPANGS PA ZHES BYA BA'I DON TO, ,PHA ROL PO'I RGOL BA THAMS CAD KYIS ZIL GYIS MI NON PA ZHES BYA BA NI MU STEGS CAN PHAS RGOL BA RNAMS KYIS MI THUB PA ZHES BYA BA'I DON TO, ,NYAN THOS DANG RANG SANGS RGYAS THAMS CAD KYIS RTOGS PAR DKA' BA ZHES BYA BAS NI BYANG CHUB SEMS DPA' DE DAG GI SHES PA DANG, BSAM PA DANG, SPYOD YUL RNAMS NYAN THOS DANG RANG SANGS RGYAS RNAMS KYIS SHES PAR MI NUS PA ZHES BSTAN PA'O, ,CHOS RAB TU RTOGS PAS RNAM PAR DBYE ZHING BSTAN PA LA MKHAS PA ZHES BYA BAS NI PHUNG PO DANG, KHAMS DANG SKYE MCHED LA SOGS PA 'JIG RTEN PA'I CHOS RNAMS DANG, SA DANG, PHA ROL TU PHYIN PA DANG, BYANG CHUB KYI PHYOGS LA SOGS PA 'JIG RTEN LAS 'DAS PA'I CHOS RNAMS RAB TU RTOGS PAS, CHOS DE DAG GI RANG GI MTSAN NYID DANG, PHYI'I MTSAN NYID RNAM PAR DBYE ZHING, GZHAN LA STON PA LA MKHAS PA ZHES BYA BA'I DON TE, DE DAG GIS NI BYANG CHUB SEMS DPA' SA BRGYAD PA'I YON TAN BSTAN TO, , BSKAL PA GRANGS MED PA NAS SMON LAM SHIN TU BRTZAMS PA ZHES BYA BAS NI SA DGU PA'I YON TAN BSTAN PA STE, SA DGU PA LA GNAS PA'I BYANG CHUB SEMS DPA' NI SNGON BSKAL PA GRANGS MED PA NAS, SANGS RGYAS KYI CHOS YONGS SU RDZOGS PAR BYA BA DANG, @11A *, ,SEMS CAN GYI DON MTHAR PHYIN PAR BYA BAR SMON LAM BTAB CING, BYANG CHUB SEMS DPA'I SPYOD PA BRTZAMS PA RNAMS MTHAR PHYIN CING YONGS SU RDZOGS PAR GYUR TE, SNGON GYI SMON LAM GYI MTHU DANG, SPYOD PA'I SHUGS KYIS DE YAN CHAD SANGS RGYAS KYI CHOS YONGS SU RDZOGS PAR BYA BA'I SPYOD PA DANG, SEMS CAN GYI DON YONGS SU RDZOGS PAR BYA BA'I SPYOD PA RNAMS 'BAD CING BTZAL MI DGOS PAR LHUN GYIS GRUB PA NYID DU YONGS SU RDZOGS PAR 'GYUR BAS SANGS RGYAS SU BSGRUB PA DANG, SEMS CAN GYI DON DU SPYOD PA RNAMS KYANG GDON MI ZA BAR 'GRUB PAS SPYOD PA NGES PA LA ZHUGS PA ZHES KYANG BYA STE, DE LTA BU'I YON TAN DANG LDAN PAR GYUR PA YANG SNGON YUN RING PO NAS SMON LAM SHIN TU BRTZAMS PA'I 'BRAS BU YIN PA'I PHYIR, BSKAL PA GRANGS MED PA NAS SMON LAM SHIN TU BRTZAMS PA ZHES BYA'O, ,BZHIN 'DZUM PA DANG LDAN PA, THOG MAR SMRA BA, KHRO GNYER MED PA ZHES BYA BAS NI DE LTAR SNGON GYI SMON LAM GYI MTHUS SPYOD PA LA NGES PAR ZHUGS PAS, SA DGU PA'I BYANG CHUB SEMS DPA' DE DAG SNGON SEMS CAN RNAMS LA TSAD MED PA BZHI SPYOD SPYOD PA'I RGYU MTHUN PA'I 'BRAS BU BSTAN PA STE, DE LA BZHIN 'DZUM PA DANG LDAN PA ZHES BYA BAS NI BYAMS PA'I RGYU MTHUN PA BSTAN PA STE, SNGON SEMS CAN LA BYAMS PA SPYOD SPYOD PA'I RGYUS DUS THAMS CAD DU SEMS CAN RNAMS LA BZHIN 'DZUM PA 'BA' ZHIG STON CING SEMS CAN RNAMS DGA' BAR BYED KYIS, NAM YANG NGO 'DZUM NAG CING SEMS CAN RNAMS MI DGA' BAR MI BYED DO ZHES BYA BA'I DON TO, ,THOG MAR SMRA BA ZHES BYA BAS NI SNYING RJE'I RGYU MTHUN PA BSTAN PA STE, SNGON SEMS CAN RNAMS LA SNYING RJE SPYOD SPYOD PA'I RGYUS BYANG CHUB SEMS DPA' DE DAG SEMS CAN GLO BUR DU 'ONGS PA MA 'DRIS PA RNAMS LA YANG SNYING RJE'I SHUGS KYIS SEMS CAN DE DAG DGA' BAR BYA BA'I GTAM GYIS SNGA NAS BSU ZHING GSANG POR SMRA BA DAG GO ZHES BSTAN PA'O, ,KHRO GNYER MED PA ZHES BYA BAS NI DGA' BA DANG, BTANG SNYOMS KYI RGYU MTHUN PA @11B BSTAN PA STE, SNGON SEMS CAN RNAMS KYI 'BYOR PA LA PHRAG DOG DANG, SEMS 'KHRUGS PA MED CING, DGA' BA BSKYED BSKYED PA DANG, BDAG LA GNOD PA BYED PA DANG, NYES PA BYUNG BA RNAMS LA YANG BZOD CING DANG DU BLANGS TE, BTANG SNYOMS SU 'JOG 'JOG PA'I RGYUS MI DGA' BA DANG KHROS SHING 'KHRUGS PA'I MTSAN MA BZHIN KHRO GNYER CAN DU NAM YANG MI 'GYUR BA DAG GO ZHES BYA BA'I DON TO, ,SNYAN CING 'JAM PA'I TSIG DANG LDAN PAS PHA ROL LA TSIGS SU BCAD PA'I DBYANGS SU BRJOD PA LA MKHAS PA ZHES BYA BAS NI SANGS RGYAS KYI ZHING DU 'GRO 'GRO BA DANG, MNGON PAR SHES PA LA SPYOD SPYOD PA RGYU MTHUN PA'I YON TAN DANG LDAN PA BSTAN PA STE, BYANG CHUB SEMS DPA' DE DAG SNGON SANGS RGYAS KYI ZHING NAS SANGS RGYAS KYI ZHING DU 'GRO ZHING, DE BZHIN GSHEGS PA RNAMS LA TSIGS SU BCAD PA'I DBYANGS KYIS YON TAN RNAMS BRJOD CING BSTOD BSTOD PA DANG, MNGON PAR SHES PA'I MTHUS SEMS CAN RNAMS KYI SPYOD PA DANG, BSAM PA'I RJES SU MTHUN PAR YID DU 'ONG ZHING 'THAD PA'I TSIG GIS CHOS STON STON PA'I RGYUS SA DGU PA THOB PA'I TSE YANG LHUN GYIS GRUB PA NYID DU DE BZHIN GSHEGS PA RNAMS LA BSTOD PA DANG, SEMS CAN RNAMS LA CHOS STON PA'I TSE SNYAN CING 'JAM PA'I TSIG DANG LDAN PA TSIGS SU BCAD PA'I DBYANGS SU BRJOD PA LA MKHAS PAR 'GYUR BA DAG GO ZHES BSTAN PA'O, ,SPOBS PA MI CHOD PA ZHES BYA BAS NI SA DGU PA LA GNAS PA'I BYANG CHUB SEMS DPA' DE DAG 'KHOR GYI NANG DU CHOS SMRA BA CHEN PO YIN PA'I YON TAN BSTAN PA STE, DE DAG SO SO YANG DAG PAR RIG PA BZHI DANG LDAN PAS 'KHOR MANG PO LA CHOS STON PA'I TSE NA, SPOBS PA CHEN POS BSHAD PA LA THAGS THOGS MED CING SUS KYANG ZIL GYIS MI GNON PA DANG LDAN PA DAG GO ZHES BYA BA'I DON TO, ,'KHOR MTHA' YAS PA ZIL GYIS GNON PA'I MI 'JIGS PA DANG LDAN PA ZHES BYA BAS NI 'KHOR GYI NANG DU 'GRO BA LA MKHAS PA'I YON TAN DANG LDAN PA BSTAN PA STE, DE LTAR SO SO YANG DAG PAR RIG PA BZHI DANG LDAN ZHING SPOBS PA PHUN SUM TSOGS PA @12A *, ,DANG LDAN PAS LHA DANG MI LA SOGS PA'I 'KHOR GANG GI NANG DU 'GRO NA YANG, MI SHES PAS 'JIGS SHING BAG TSA BA MED DE, BDAG GI SHES PAS NI 'KHOR THAMS CAD ZIL GYIS GNON LA, GZHAN SUS KYANG BDAG ZIL GYIS MI GNON PA'I PHYIR 'KHOR MTHA' YAS PA ZIL GYIS GNON PA'I MI 'JIGS PA DANG LDAN PA ZHES BYA'O, ,BSKAL PA BYE BA MTHA' YAS PAR BSTAN PA'I YE SHES KYI 'BYUNG BA LA MKHAS PA ZHES BYA BAS NI BRTZON 'GRUS KYI PHA ROL TU PHYIN PA'I RGYU MTHUN PA'I 'BRAS BU DANG LDAN PA BSTAN PA STE, SEMS CAN GYI DON DU CHOS STON PA DANG, DKA' BA SPYOD PA'I BRTZON 'GRUS LHUN GYIS GRUB PAS CI BYA'O COG LA SKYO ZHING YID 'BYUNG BAR MI 'GYUR TE, BSKAL PA DU MAR SPYOD KYANG YUN RING POR THOGS PA'I 'DU SHES MED PAS, BSKAL PA BYE BA MTHA' YAS PA YANG YENGS LA ZAD CING 'DAS PA'AM, DE LAS BYUNG BAR BYED PA LA MKHAS PA DAG GO ZHES BSTAN PA'O, ,DE LTAR SA DGU PA'I BYANG CHUB SEMS DPA' SPYOD PA LA NGES PAR ZHUGS PA RNAMS KYI YON TAN BSTAN NAS, SA BCU PA'I BYANG CHUB SEMS DPA' SKYE BA GCIG GIS THOGS PA RNAMS KYI YON TAN BSTAN PA'I PHYIR, THAMS CAD SGYU MA DANG, SMIG RGYU DANG, CHU ZLA DANG, RMI LAM DANG, SGRA BRNYAN DANG, MIG YOR DANG, NAM MKHA' DANG, DRI ZA'I GRONG KHYER DANG, SPRUL PA DANG, GZUGS BRNYAN LTA BUR KHONG DU CHUD PA ZHES BYA BA GSUNGS TE, SA BCU PA LA GNAS PA'I BYANG CHUB SEMS DPA' RNAMS KYIS DON DAM PAR CHOS THAMS CAD DNGOS PO MED PAR RTOGS KYANG, KUN RDZOB TU DE BZHIN GSHEGS PA RNAMS LA MCHOD CING BKUR STIR BYA BA DANG, SANGS RGYAS KYI ZHING YONGS SU DAG PAR BYA BA DANG, SEMS CAN YONGS SU SMIN PA DANG RNAM PAR GROL BAR BYA BA'I SPYOD PA RNAMS SNGON GYI SMON LAM GYI MTHU DANG, SPYOD PA'I SHUGS KYIS BTZAL ZHING 'BAD MI DGOS PAR LHUN GYIS GRUB PA NYID DU 'BYUNG STE, SPYOD PA DE DAG LA YANG DNGOS PO DANG MTSAN MAR MI 'DZIN CING MA CHAGS PAR SPYOD PA NI, CHOS @12B THAMS CAD SGYU MA DANG SMIG RGYU LA SOGS PA LTA BUR KHONG DU CHUD PA'I PHYIR RO ZHES BSTAN PA STE, SGYU MA LA SOGS PA'I DPE RNAM PA BCU BSTAN PA YANG, GDUL BYA'I SKYE BO RNAMS KYI BSAM PA DANG, THE TSOM THA DAD PA RNAMS BSAL BA'I PHYIR TE, CHOS THAMS CAD RANG BZHIN GYIS STONG STE, DNGOS PO MED NA CI'I PHYIR KHA DOG DANG DBYIBS LA SOGS PA'I RNAM PA SNA TSOGS SU SNANG BAR 'GYUR SNYAM DU SEMS PA LA, SGYU MA'I DPE BSTAN TE, DPER NA SGYU MA MKHAN GYIS RTA DANG GLANG PO CHE LA SOGS PA'I DNGOS PO SNA TSOGS BYAS PA RNAMS KHA DOG DANG DBYIBS LA SOGS PA'I KHYAD PAR SNA TSOGS SU SNANG YANG YANG DAG PAR YOD PA MA YIN PA DE BZHIN DU, CHOS THAMS CAD KYANG KHA DOG DANG DBYIBS LA SOGS PA'I DNGOS POR SNANG YANG YANG DAG PAR YOD PA MA YIN NO ZHES BSTAN PA'O, ,SEMS CAN KHA CIG NI DE LTAR CHOS THAMS CAD DNGOS PO MED NA, SEMS DANG SEMS LAS BYUNG BA RNAMS CI LA YANG DMIGS TE 'BYUNG BAR 'GYUR SNYAM DU SEMS PA LA, SMIG RGYU'I DPE BSTAN TE, SMIG RGYU LA CHU'I DNGOS PO MED PAR YANG DE LA DMIGS NAS CHU'I 'DU SHES SKYE ZHING, SEMS DANG SEMS LAS BYUNG BA RNAMS 'BYUNG BAR 'GYUR BA DE BZHIN DU, CHOS THAMS CAD KYANG RANG BZHIN DNGOS PO MED DE, DMIGS PA'I YUL MA YIN YANG, SEMS CAN RNAMS PHYIN CI LOG TU RTOG CING 'KHRUGS PA LAS SEMS DANG SEMS LAS BYUNG BA RNAMS 'BYUNG BAR 'GYUR RO ZHES BSTAN TO, ,CHOS THAMS CAD DNGOS PO MED NA SKYE BA DANG 'JIG PAR YANG JI LTAR 'GYUR SNYAM DU SEMS PA LA CHU ZLA'I DPE BSTAN TE, DPER NA NAM MKHA' LA ZLA BA SNANG NA NI CHU'I NANG DU YANG ZLA BA 'BYUNG ZHING SNANG BAR 'GYUR LA, NAM MKHA' LA ZLA BA MI SNANG NA NI CHU'I NANG GI ZLA BA YANG MED CING MI SNANG BAR 'GYUR BA DE BZHIN DU, CHOS THAMS CAD SKYE BA DANG 'JIG PAR SNANG BA YANG PHYIN CI LOG TU RTOG PA'I BAG CHAGS YOD NA NI SNANG LA BAG CHAGS DE DAG BYANG STE MED NA SKYE BA DANG 'JIG PAR YANG MI SNANG NGO ZHES BSTAN PA'O, ,CHOS THAMS CAD RANG BZHIN GYIS @13A *, ,STONG STE DNGOS PO MED NA, BZA' BA DANG BTUNG BA LA SOGS TE 'JIG RTEN GYI THA SNYAD RNAMS JI LTAR 'BYUNG BAR 'GYUR SNYAM DU SEMS PA LA, RMI LAM GYI DPE BSTAN TE, DPER NA RMI LAM NA BZA' BA DANG BTUNG BA DANG, SBYIN PA DANG LEN PA DANG, BDE BA DANG SDUG BSNGAL LA SOGS PA RNAM PA SNA TSOGS PAR SNANG YANG DNGOS PO'I RANG BZHIN DU YONG [?] PA MA YIN PA DE BZHIN DU, CHOS THAMS CAD DON DAM PAR DNGOS PO MED PAR YANG 'JIG RTEN GYI THA SNYAD RNAM PA SNA TSOGS SNANG BA'I RMI LAM DANG 'DRA'O ZHES BSTAN PA'O, ,CHOS THAMS CAD DNGOS PO MED NA MING GI CHO GA TSOGS DANG TSIG GI TSIGS RNAMS JI LTAR 'BYUNG BAR 'GYUR SNYAM DU SEMS PA LA, SGRA BRNYAN GYI DPE BSTAN TE, DPER NA BRAG DANG, GCONG RONG SMRA BA MED PA LAS SGRA 'BYUNG BA GRAG PA, SGRA GZHAN GYI RKYEN GYIS 'BYUNG BA DE BZHIN DU, SGRAR RTOG PA'I RNAM PAR SHES PA 'KHRUL PA LAS, MING GI TSOGS DANG TSIG GI TSOGS RNAMS 'BYUNG BAR 'GYUR GYI, DNGOS PO NI GANG YANG MED DO ZHES BSTAN PA'O, ,CHOS THAMS CAD DNGOS PO MED NA, JI LTAR RGYU DANG RKYEN RNAMS LAS 'BYUNG BAR 'GYUR SNYAM DU SEMS PA LA, MIG YOR DANG, NAM MKHA' DANG, DRI ZA'I GRONG KHYER GYI DPE BSTAN TE, DPER NA MIG RAB RIB CAN DU GYUR PA'I RGYUS SKRA SHAD 'DZINGS PA LA SOGS PA SNANG BA DANG, RI RAB KYI NGOS SU RIN PO CHE BEE d'URYA'I 'OD KYIS NAM MKHA' SNGON PO SDANG BA DANG, YUL GYI KHYAD PAR DANG SPRIN DANG NYE BA'I RGYUS, DRI ZA'I GRONG KHYER DNGOS SU YOD PA MA YIN PA DE BZHIN DU CHOS THAMS CAD KYANG RGYU DANG RKYEN LAS 'BYUNG BA YANG DON DAM PAR YOD PA MA YIN NO ZHES BSTAN PA'O, ,CHOS THAMS CAD DNGOS PO MED NA, RGYU DANG 'BRAS BU 'DRA BAR JI LTAR 'GYUR SNYAM DU SEMS PA LA, GZUGS BRNYAN GYI DPE BSTAN TE, BZHIN GYI RGYUS ME LONG GI NANG DU BZHIN GYI GZUGS BRNYAN BZHIN DANG 'DRA BAR SNANG YANG, BZHIN YANG DAG PA MA YIN PA DE BZHIN DU CHOS THAMS CAD KYANG RGYU DANG 'BRAS BU 'DRA BAR 'BYUNG YANG DON DAM PAR YOD PA MA YIN NO ZHES BSTAN PA'O, ,CHOS THAMS @13B CAD DNGOS PO MED NA, 'GRO BA DANG 'ONG BA LA SOGS PA'I BYA BA RNAMS JI LTAR YOD PAR 'GYUR SNYAM DU SEMS PA LA, SPRUL PA'I DPE BSTAN TE, DPER NA SPRUL PA RNAMS 'GRO BA DANG 'OD PA LA SOGS PA'I LUS KYI LAS DANG, NGAG GI LAS RNAMS BYED PA SNA TSOGS SNANG YANG, DNGOS POR YOD PA MA YIN PA DE BZHIN DU, CHOS THAMS CAD KYANG KUN RDZOB TU BYA BA SNA TSOGS BYED PAR SNANG YANG DON DAM PAR DNGOS PO YOD PA MA YIN NO ZHES BSTAN PA'O, ,SEMS YONGS SU ZHUM PA MED PA ZHES BYA BAS NI BYANG CHUB SEMS DPA' DE DAG GI SEMS SHIN TU RNAM PAR DAG PA'I YON TAN BSTAN PA STE, SA 'OG MA LA GNAS PA'I BYANG CHUB SEMS DPA' KHA CIG NI TSOGS YONGS SU MA RDZOGS PA DANG, RTOG PA DANG BCAS PA'I PHYIR, DE BZHIN GSHEGS PA RNAMS DANG, SA 'OG MA LA GNAS PA'I BYANG CHUB SEMS DPA' YON TAN GYIS 'PHAGS PA RNAMS KYI SPYAN SNGAR SEMS ZHUM PAR 'GYUR YANG SRID KYI, SA BCU PA LA GNAS PA'I BYANG CHUB SEMS DPA' NI TSOGS YONGS SU RDZOGS SHING, RNAM PAR MI RTOG PA LHUN GYI SA GRUB PA DANG, DBANG PO RNAMS THOB PA'I PHYIR RNAM PA THAMS CAD DU SEMS ZHUM PA MED PA DAG GO ZHES BSTAN PA'O, ,SEMS CAN THAMS CAD KYI SEMS KYI RGYU BA DANG, SHES PA PHRA BA DANG, SPYOD PA DANG, MOS PA KHONG DU CHUD PAR BYA BA LA MKHAS PA ZHES BYA BAS NI YE SHES KYI PHA ROL TU PHYIN PA YONGS SU RDZOGS PA'I RGYUS SEMS CAN THAMS CAD KYI SEMS KYI SPYOD PA RJES SU RTOGS PA ZHES BYA BA'I TING NGE 'DZIN DANG, CHOS KYI DBYINGS LA 'JUG PA ZHES BYA BA'I TING NGE 'DZIN THOB PAS, SEMS CAN THAMS CAD KYI SEMS KYI RGYU BA DANG, MOS PA KHONG DU CHUD PA DANG, DE BZHIN GSHEGS PA RNAMS KYI YE SHES PHRA BA DANG, SPYOD PA LA 'JUG PA KHONG DU CHUD PAR BYA BA LA MKHAS PA'I YON TAN BSTAN PA STE, DE LA SEMS CAN THAMS CAD KYI SEMS KYI SPYOD PA RJES SU RTOGS PA ZHES BYA BA'I TING NGE 'DZIN THOB PAS NI SEMS CAN THAMS CAD KYI SEMS KYI RGYU BA DANG, MOS PA RNAM PA SNA TSOGS KHONG DU CHUD @14A *, ,NAS SEMS CAN DE DAG GDUL BA'I THABS LA MKHAS PAR GYUR TO, ,CHOS KYI DBYINGS LA 'JUG PA'I TING NGE 'DZIN THOB PAS NI DE BZHIN GSHEGS PA RNAMS KYI YE SHES ZAB CING PHRA BA DANG, SPYOD PA RGYA CHEN PO KHONG DU CHUD PAR BYA BA LA MKHAS PAR GYUR PA DAG GO ZHES BSTAN PA'O, ,SEMS CAN THAMS CAD LA SDANG BA MED PA'I SEMS DANG LDAN PA ZHES BYA BAS NI SEMS CAN THAMS CAD YONGS SU BSKYAB PA LA BRTZON 'GRUS MA BTANG BA'I PHYIR, BYAMS PA CHEN PO'I STOBS DANG, SEMS CAN THAMS CAD KYI SDUG BSNGAL SEL BA'I PHYIR SNYING RJE CHEN PO'I STOBS DANG LDAN PA BSTAN PA'O, ,BZOD PA RLABS CHEN PO DANG LDAN PA ZHES BYA BA NI SA BCU LA GNAS PA'I BYANG CHUB SEMS DPA'I DE DAG THAMS CAD MKHYEN PA'I YE SHES KHYAD PAR CAN DU DBANG BSKUR BA DANG LDAN PA'I TING NGE 'DZIN THOB PAS, SA 'OG MA DAG LA MI SKYE BA'I CHOS LA BZOD PA THOB PA DE DAG SHIN TU SBYANGS SHING RGYA CHE BAR 'GYUR TE, SANGS RGYAS BCOM LDAN 'DAS KYI YE SHES KYI SPYOD YUL ZAB CING PHRA BA RTOGS PAR DKA' BA RNAMS KYANG RTOGS PAR NUS SHING BZOD PA RLABS CHEN PO DANG LDAN PA ZHES BYA STE, DE BAS NA BYANG CHUB SEMS DPA' DE DAG GI MKHYEN PA NI THAMS CAD MKHYEN PA LA DAR LAS CHOD PA TZAM MO ZHES BYA'O, ,CHOS THAMS CAD MNYAM PA NYID DU RTOGS PAR BYA BA'I YE SHES LA MKHAS PA ZHES BYA BA LA CHOS THAMS CAD MNYAM PA NYID KYI CHOS NYID DE BZHIN NYID LA BYA STE, DE BZHIN NYID DE DAG GIS SO SO RANG GIS RIG PA'I YE SHES KYIS RTOGS PAR BYED PA LA YANG MKHAS LA, GZHAN RTOGS PAR BYED DU 'JUG PA LA YANG MKHAS PA ZHES BYA BA'I DON TO, ,CHOS NYID ZAB MO DANG LDAN PAS GTING DPAG DKA' BA ZHES BYA BA NI BYANG CHUB SEMS DPA' DE DAG GIS CHOS NYID ZAB MO RTOGS PAS DE DAG GI SEMS KYANG ZAB CING BRTAG DKA' BA'I PHYIR RO, ,RANG GI SEMS LA DBANG RAB TU THOB PA ZHES BYA BA NI BYANG CHUB SEMS DPA' DE DAG GI SEMS YONGS SU DAG PAS NYON MONGS PA'I DBANG DU MI 'GYUR BA ZHES BYA BA'I DON TO, ,CHOS THAMS CAD LA DBANG @14B SHIN TU THOB PA ZHES BYA BAS NI 'DUS BYAS DANG 'DUS MA BYAS PA'I CHOS THAMS CAD SEMS TZAM DU ZAD PAR SHES PAS PHYI ROL GYI DNGOS PO MI BRTZON BAR, BDAG GI SEMS KYIS CI 'DOD PAR BSGYUR NUS PA'I MTHU DANG LDAN PA DAG GO ZHES BSTAN PA'O, ,LAS DANG NYON MONGS PA DANG LTA BA'I SGRIB PA THAMS CAD LAS RNAM PAR GROL BA ZHES BYA BA NI LAS DANG NYON MONGS PA DANG LTA BA'I DBANG GIS KHAMS GSUM DU MI SKYE BA ZHES BYA BA'I DON TO, ,BDEN PA RTOGS PAR BSTAN PA LA MKHAS PA ZHES BYA BAS NI RTEN CING 'BREL PAR 'BYUNG BA YAN LAG BCU GNYIS GZHAN GYIS RTOGS PAR BYA BA'I PHYIR BSTAN PA LA MKHAS PA DAG GO ZHES BSTAN PA'O, ,RTEN CING 'BREL BAR 'BYUNG BA'I TSUL ZAD MI SHES PA LA ZHUGS PA ZHES BYA BA LA RTEN CING 'BREL PAR 'BYUNG BA'I TSUL NI SKYE BA DANG 'GAG PA MED PA'I CHOS ZAB MO LA BYA'O, ,SKYE BA DANG 'GAG PA MED PA NYID LA ZAD MI SHES PA ZHES BYA BA STE, DE LA ZHUGS PA NI RTOGS SHING KHONG DU CHUD PA LA BYA'O, ,LTA BA DANG, BAG LA NYAL BA DANG, KUN NAS LDANG BA THAMS CAD DANG BRAL BA ZHES BYA BA LA, LTA BA NI 'JIG TSOGS SU LTA BA DANG, MTHAR 'DZIN PAR LTA BA DANG, LOG PAR LTA BA DANG; LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,BAG LA NYAL BA NI BDUN TE, 'DOD PA'I 'DOD CHAGS BAG LA NYAL BA DANG, KHONG KHRO BA BAG LA NYAL BA DANG, SRID PA'I 'DOD CHAGS BAG LA NYAL BA DANG, NGA RGYAL BAG LA NYAL BA DANG, MA RIG PA BAG LA NYAL BA DANG, LTA BA BAG LA NYAL BA DANG, THE TSOM BAG LA NYAL BA'O, ,KUN NAS LDANG BA BRGYAD DE, RMUGS PA KUN NAS LDANG BA DANG, GNYID KUN NAS LDANG BA DANG, RGOD PA KUN NAS LDANG BA DANG, THE TSOM KUN NAS LDANG BA DANG; PHRAG DOG KUN NAS LDANG BA DANG, SER SNA KUN NAS LDANG BA DANG, KHREL MED PA KUN NAS LDANG BA DANG, NGO TSA MI SHES PA KUN NAS LDANG BA STE, NYON MONGS PA DE DAG DANG BRAL BA ZHES BYA BA'I DON TO, ,KUN TU SBYOR BA THAMS CAD SPANGS PA ZHES BYA BA LA, KUN TU @15A *, ,SBYOR BA NI DGU STE, CHAGS PA KUN DU SBYOR BA DANG, KHONG KHRO BA KUN DU SBYOR BA DANG, NGA RGYAL KUN DU SBYOR BA DANG, MA RIG PA KUN DU SBYOR BA DANG, LTA BA KUN DU SBYOR BA DANG, MCHOG TU 'DZIN PA KUN DU SBYOR BA DANG, THE TSOM KUN DU SBYOR BA DANG, PHRAG DOG KUN DU SBYOR BA DANG, SER SNA KUN DU SBYOR BA STE, NYON MONGS PA 'DI RNAMS SEMS CAN RNAMS 'GRO BA RGYUD LNGAR SKYE BAR BYED CING, KUN TU SBYOR BA'I PHYIR KUN TU SBYOR BA ZHES BYA STE, NYON MONGS PA DE RNAMS SPANGS PA LA KUN DU SBYOR BA THAMS CAD SPANGS PA ZHES BYA'O, ,LAS DANG NYON MONGS PA THAMS CAD RAB TU ZHI BAR BYA BA LA MKHAS PA ZHES BYA BA NI, BYANG CHUB SEMS DPA' DE DAG THAMS CAD LA BDAG DANG SEMS CAN THAMS CAD KYI LAS DANG NYON MONGS PA THAMS CAD SPANG BAR BYA BA'I THABS LA MKHAS PA DAG GO ZHES BSTAN PA'O, ,BDEN PA RAB TU RTOGS PAR BYA BA'I YE SHES LA MKHAS PA ZHES BYA BA NI 'PHAGS PA'I BDEN PA BZHI DANG, KUN RDZOB DANG DON DAM PA'I BDEN PA RNAMS BDAG DANG GZHAN GYIS RTOGS PAR BYA BA'I THABS LA MKHAS PA ZHES BYA BA'I DON TO, ,CHOS THAMS CAD SGRA BRNYAN DANG 'DRA BAR RTAG TU RGYUN MI 'CHAD PAR MOS PA ZHES BYA BAS NI LUNG GI CHOS GSUNG RAB YAN LAG BCU GNYIS LA SOGS PA SGRA DANG TSIG GI RANG BZHIN DU GRAG PA RNAMS LA, DNGOS POR MI LTA BAR SGRA BRNYAN DANG 'DRA BAR RTOGS PA DAG GO ZHES BSTAN PA'O, ,CHOS KYI TSUL BSTAN PA TSAD MED PA LA 'JIGS PA MED PA ZHES BYA BAS NI DE LTAR LUNG GI CHOS RNAMS LA, DON DAM PAR DNGOS PO MI LTA YANG, KUN RDZOB TU SANG PHA ROL TU PHYIN PA DANG, BYANG CHUB KYI PHYOGS LA SOGS PA'I CHOS KYI TSUL BSTAN PA RNAM PA SNA TSOGS LA MKHAS PAS, 'KHOR GANG DANG GANG DU CHOS DE DAG RNAM PAR PHYE ZHING STON PA LA 'JIGS SHING BAG TSA BA MED PA DAG GO ZHES BSTAN PA'O, ,BDAG NYID JI LTA BA BZHIN DU KHONG DU CHUD PAR BYA BA LA MKHAS PA ZHES BYA BAS NI YE SHES KYI PHA ROL TU PHYIN PA YONGS SU RDZOGS PA'I RGYUS, DE BZHIN PA RNAMS KYI YE SHES @15B KYI SPYOD YUL LA 'JUG PA LA MKHAS PA'I YON TAN BSTAN PA STE, DE BZHIN GSHEGS PA'I YE SHES KYI SPYOD YUL YANG RNAM PA GNYIS TE, DON DAM PA'I BDAG NYID JI LTA BA BZHIN DU THUGS SU CHUD PA DANG, KUN RDZOB KYI CHOS RNAMS KYI BDAG NYID JI LTA BA BZHIN DU THUGS SU CHUD PA'O; ,DE LA DON DAM PA'I BDAG NYID JI LTA BA BZHIN DU THUGS SU CHUD PA NI DON DAM PAR CHOS THAMS CAD DE BZHIN NYID TZAM DU ZAD DE, MTSAN MA DANG RTOG PA THAMS CAD KYI YUL LAS 'DAS PA'O, ,KUN RDZOB TU BDAG NYID JI LTA BA BZHIN DU THUGS SU CHUD PA NI SEMS CAN YONGS SU SMIN PAR BYA BA DANG, SANGS RGYAS KYI ZHING YONGS SU DAG PAR BYA BA LA SOGS PA SANGS RGYAS BCOM LDAN 'DAS RNAMS KYI SPYOD PA BLA NA MED PA RNAMS TE, DE BZHIN GSHEGS PA'I YE SHES KYI SPYOD YUL DE DAG YANG DAG PA JI LTA BA BZHIN DU RTOGS PAR BYA BA LA MKHAS PA ZHES BYA BA'I DON TO, ,SANGS RGYAS KYI ZHING MTHA' YAS PA RNAM PAR BKOD PA'I SMON LAM GYIS 'GRO BA YONGS SU ZIN PA ZHES BYA BAS NI SMON LAM GYI PHA ROL TU PHYIN PA YONGS SU RDZOGS PAR BYA BA'I RGYUS SNGON SMON LAM JI LTAR BTAB PA DE BZHIN DU GRUB PA'I YON TAN BSTAN PA STE, SNGON BYANG CHUB SEMS DPA'I SA 'OG MA LA GNAS PA TSE, SANGS RGYAS KYI ZHING BDE BA CAN DANG, PADMO CAN LA SOGS PA'I RGYAN DANG BKOD PA RNAM PA SNA TSOGS MTHA' YAS PA RNAMS MTHONG ZHING THOS NAS, NAM BDAG MNGON PAR SANGS RGYAS PA'I TSE SANGS RGYAS KYI ZHING DE LTA BU'AM, DE BAS KYANG LHAG PA DANG LDAN PAR GYUR CIG CES SMON LAM BTAB PA DANG, SMON LAM DANG MTHUN PAR BRTZON 'GRUS BRTZAMS SHING BYANG CHUB SEMS DPA'I SPYOD PA YONGS SU RDZOGS PAR BYAS PA'I MTHUS SA BCU LA GNAS PA'I TSE, SANGS RGYAS KYI ZHING YONGS SU DAG PA DE LTA BU DANG LDAN PAR GYUR PA LAS SANGS RGYAS KYI ZHING DU MTHA' YAS PA RNAM PAR BKOD PA'I SMON LAM GYIS 'GRO BA YONGS SU ZIN PA ZHES BYA'O, ,'JIG RTEN GYI KHAMS GRANGS MED PA NA BZHUGS PA'I SANGS RGYAS RJES SU DRAN PA'I TING NGE 'DZIN RTAG TU RGYUN MI 'CHAD PAR MNGON DU GYUR PA ZHES BYA BAS @16A *, ,NI BSAM GTAN GYI PHA ROL TU PHYIN PA YONGS SU RDZOGS PAR BYAS PA'I 'BRAS BU DANG LDAN PA BSTAN PA STE, BYANG CHUB SEMS DPA' DE DAG SNGON SANGS RGYAS RJES SU DRAN PA'I TING NGE 'DZIN BSGOMS PA'I DBANG GIS SA BCU LA GNAS PA'I TSE YANG 'JIG RTEN GYI KHAMS TSAD MED GRANGS MED PA DAG NA BZHUGS PA'I SANGS RGYAS BCOM LDAN 'DAS DE DAG THAMS CAD MNGON DU GYUR CING, SANGS RGYAS DE DAG GI SPYAN SNGA NA RTAG TU GNAS PA DAG GO ZHES BYA BA'I DON TO, ,SANGS RGYAS 'BYUNG BA THAMS CAD DU NYE BAR 'GRO BA LA MKHAS PA ZHES BYA BAS NI 'JIG RTEN GYI KHAMS GANG DANG GANG DU SANGS RGYAS 'BYUNG BAR 'GYUR BA DE DAG THAMS CAD DU SONG NAS MCHOD CING BKUR STI BYA BA LA MKHAS PA DAG GO ZHES BSTAN PA'O, ,SANGS RGYAS DPAG TU MED PA LA GSOL BA BTAB PAR MKHAS PA ZHES BYA BA NI 'JIG RTEN GYI KHAMS TSAD MED GRANGS MED PA DAG NA SANGS RGYAS BCOM LDAN 'DAS JI SNYED BZHUGS PA DE DAG THAMS CAD KYI DRUNG DU SONG NAS, CHOS KYI 'KHOR LO BSKOR BAR GSOL BA BTAB PA DANG, YONGS SU MYA NGAN LAS 'DA' BAR BZHED PA RNAMS YUN RING DU BZHUGS PAR BYA BA'I PHYIR GSOL BA 'DEBS PA LA MKHAS PA ZHES BYA BA'I DON TO, ,SEMS CAN GYI LTA BA SNA TSOGS KYIS YONGS SU BSKYED PA'I NYON MONGS PA ZHI BAR BYA BA LA MKHAS PA ZHES BYA BAS NI THABS KYI PHA ROL TU PHYIN PA YONGS SU RDZOGS PAR BYAS PA'I 'BRAS BU BSTAN PA STE, SEMS CAN RNAMS KYI BSAM PA DANG, BAG LA NYAL BA DANG, SPYOD PA DANG, MOS PA DANG, DBANG PO THA DAD PA RNAMS GZIGS NAS, DE DAG LA CI RIGS PAR CHOS BSTAN CING NAN TAN BYED DU BCUG PAS DE DAG GI LTA BA SNA TSOGS LAS GYUR PA'I NYON MONGS PA RNAMS THABS MKHAS PAS ZHI BAR BYA BA LA MKHAS PA DAG GO ZHES BYA BA'I DON TO, ,TING NGE 'DZIN BRGYA STONG MNGON PAR SGRUB PA LA RNAM PAR RTZE BA'I YE SHES RTOGS PAR BYA BA LA MKHAS PA ZHES BYA BAS NI MNGON PAR SHES PA'I RGYU TING NGE 'DZIN YONGS SU RDZOGS PAR BYAS PA'I 'BRAS BU DANG LDAN PAR BSTAN PA STE, @16B SNGON TING NGE 'DZIN RNAM PA MANG PO BSGOMS PA'I MTHUS RDZU 'PHRUL RNAM PA SNA TSOGS KYIS ROL CING, SEMS CAN GYI DON RNAM PA SNA TSOGS MDZAD PA LA MKHAS PA ZHES BYA BA'I DON TO, ,YON TAN BRJOD PA BSKAL PA MTHA' YAS PAR MI ZAD PA DANG LDAN PA ZHES BYA BAS NI SA BCU LA GNAS PA'I BYANG CHUB SEMS DPA' DE DAG GI YON TAN RE RE NAS BRJOD NA BSKAL PA MTHA' YAS PAR BRJOD KYANG MI RDZOGS PA'I YON TAN DE LTA BU DAG DANG LDAN PA SHA STAG GO ZHES BYANG CHUB SEMS DPA' RNAMS KYI YON TAN BRJOD PA MJUG BSDUS TE BSTAN PA'O, ,'DI LTAR BYANG CHUB SEMS DPA' SEMS DPA' CHEN PO BZANG SKYONG DANG ZHES BYA BA LA SOGS PAS NI BCOM LDAN 'DAS 'KHOR BYANG CHUB SEMS DPA' BYE BA KHRAG KHRIG BRGYA STONG PHRAG DU MA BZHUGS PA THAMS CAD KYI MTSAN BRJOD KYIS KYANG MI LANG BAS DE DAG GI NANG NAS GTZO BO NYUNG SHAS CIG GI MTSAN BRJOD DE BSTAN PA'O, ,'PHAGS PA NYAN THOS KYI DGE 'DUN RNAMS KYI MTSAN NI MA BRJOD LA, 'KHOR BYANG CHUB SEMS DPA' RNAMS KYI MTSAN CI'I PHYIR BRJOD CE NA, BYANG CHUB SEMS DPA' RNAMS NI MTHU CHE BA DANG, 'JIG RTEN GYI KHAMS THAMS CAD DU GRAGS PA DANG, BYANG CHUB SEMS DPA'I THEG PA LA GTOGS PA'I PHYIR MING KHYAD PAR DU BRJOD DO, ,DE LTAR BCOM LDAN 'DAS KYI 'KHOR PHUN SUM TSOGS PA BSTAN PAS MDO SDE THAMS CAD DANG MTHUN PA'I GLENG GZHI BSTAN NAS, SHES RAB KYI PHA ROL TU PHYIN PA 'DI BSHAD PA'I GLENG GZHI KHYAD PAR CAN BSTAN BA'I PHYIR, DE NAS DE'I TSE BCOM LDAN 'DAS NYID KYIS GDAN SENG GE'I KHRI BSHAMS NAS SKU DRANG POR BSRANG STE, DGONGS PA MNGON DU BZHAG NAS SKYIL MO KRUNG BCAS TE BZHUGS SO ZHES BYA BA LA SOGS PA GSUNGS TE, DE LA BCOM LDAN 'DAS NYID KYIS GDAN SENG GE'I KHRI BSHAMS PA NI SHES RAB KYI PHA ROL TU PHYIN PA BSHAD PA 'DI THUN MONG MA YIN PAR BSTAN PA DANG, DKON ZHING RIN CHE BAS MCHOD CING BKUR STI BYA BAR 'OS PA YIN PAR BSTAN PA DANG, 'KHOR RNAMS GDUL BA'I PHYIR TE SHES RAB KYI PHA ROL TU PHYIN PA 'DI BSHAD PA'I GDAN YANG @17A *, ,BCOM LDAN 'DAS NYID KYIS BSHAMS PA DANG SBYAR NA, 'DI BSHAD PA YANG GZHAN GYI SPYOD YUL MA YIN TE THUN MONG MA YIN PAR MNGON NO, ,DE LTAR BCOM LDAN 'DAS NYID KYIS GDAN BSHAM PA DANG SBYAR NA, CHOS BSHAD PA 'DI DKON ZHING RIN CHE BAS MCHOD CING BKUR STI BYA BAR 'OS PA YIN PAR MNGON NO, ,DE LTAR BCOM LDAN 'DAS NYID KYIS GDAN BSHAMS NAS 'KHOR RNAMS 'DI SNYAM DU SEMS TE, BCOM LDAN 'DAS NYID KYANG CHOS BSHAD PA 'DI LA DE LTA BU'I BKUR STI DANG, RIM GRO MDZAD NA BDAG CAG LTA SMOS KYANG CI DGOS SNYAM NAS CHOS BSHAD PA LA RIM GRO CHER BYED DU GZHUG PA'I PHYIR BCOM LDAN 'DAS NYID KYIS GDAN BSHAMS PAR RIG PAR BYA'O, ,SKU DRANG POR BSRANG BA DANG, SKYIL MO KRUNG BCAS PAR BSTAN PAS NI GDUL BYA'I 'GRO BA RNAMS SGOM PA DANG MTHUN PA'I LUS RAB TU SBYANGS SHING LAS SU RUNG BAR BYA BA BSTAN PA'I PHYIR RO, ,DGONGS PA MNGON DU GZHAG PA BSTAN PAS NI GDUL BYA'I 'GRO BA RNAMS TING NGE 'DZIN BSGOM PA LA SOGS PA LA SEMS RTZE GCIG TU GNAS SHING LAS SU RUNG BAR BYA BA'I PHYIR DRAN PA MNGON DU GZHAG PA BSTAN PA'I PHYIR RO, ,CHOS BSHAD PA'I GLENG GZHI 'DI YANG, CHO 'PHRUL RNAM PA GSUM GYIS BSTAN TE, TING NGE 'DZIN GYI CHO 'PHRUL DANG, BYIN GYI RLABS KYIS CHO 'PHRUL DANG, CHOS SNANG BA'I CHO 'PHRUL GYIS BSTAN TO, ,DE LA TING NGE 'DZIN GYI CHO 'PHRUL NI TING NGE 'DZIN GNYIS KYIS BSTAN TE, TING NGE 'DZIN GYI RGYAL PO DANG, SENG GE RNAM PAR ROL PA'I TING NGE 'DZIN TE, ,DE LA DER ZHUGS NAS TING NGE 'DZIN GANG DU TING NGE 'DZIN THAMS CAD 'DU BA DANG, KHONG DU CHUD PA DANG, RJES SU 'BRANG BA DANG, 'DU BAR 'GYUR BA'I TING NGE 'DZIN, TING NGE 'DZIN GYI RGYAL PO ZHES BYA BA LA MNYAM PAR GZHAG GO ZHES BYA BA LA SOGS PAS NI TING NGE 'DZIN GYI RGYAL PO'I CHO 'PHRUL BSTAN TE, TING NGE 'DZIN GYI RGYAL PO ZHES BYA BA YANG TING NGE 'DZIN 'DI LA MNYAM PAR GZHAG NAS, TING NGE 'DZIN THAMS CAD KYI DON 'GRUB CING, TING NGE 'DZIN THAMS CAD KYI MTHU DANG, @17B YON TAN DANG LDAN PA RGYAL PO DANG 'DRA BA'I PHYIR TING NGE 'DZIN GYI RGYAL PO ZHES BYA'O, ,DE BAS NA TING NGE 'DZIN DER TING NGE 'DZIN THAMS CAD 'DU BA DANG, KHONG DU CHUD PA DANG, RJES SU 'BRANG BA DANG, 'DU BAR 'GYUR BA ZHES GSUNGS TE, DE LA 'DU BA DANG KHONG DU CHUD PA ZHES BYA BAS TING NGE 'DZIN DE DAG THAMS CAD RNAM PAR MI RTOG CING MI G-YO LA, SEMS RTZE GCIG TU GNAS SHING BTANG SNYOMS DANG LDAN PA'I RANG BZHIN DU GCIG STE THA MI DAD PA BSTAN TO, ,RJES SU 'BRANG BA DANG, 'DU BAR 'GYUR BA ZHES BYA BAS NI 'OD ZER 'GYED PA DANG, SEMS CAN GYI DON BYA BA LA SOGS PA DON DU BSGRUB PA RNAMS GCIG PAR BSTAN TO, ,TING NGE 'DZIN GYI RGYAL PO'I CHO 'PHRUL DE YANG RNAM PA BZHIS BSTAN TE, YAN LAG DANG NYING LAG LAS 'OD ZER 'GYED PA DANG, SPU'I KHUNG BU NAS 'OD ZER 'GYED PA DANG, RANG BZHIN GYIS 'OD ZER 'GYED PA DANG; LJAGS KYI DBANG PO LAS 'OD ZER 'GYED PA'O, ,DE LA DE NAS BCOM LDAN 'DAS DGONGS SHING YANG DAG PAR MKHYEN PAS TING NGE 'DZIN DE LAS BZHENGS TE, 'PHRUL GYI SPYAN GYIS SANGS RGYAS KYI ZHING 'DI LA RNAM PAR GZIGS SO, ,DE LTAR GZIGS NAS SKU THAMS CAD NAS 'OD RAB TU BKYE STE ZHES BYA BA NAS, SEMS CAN GANG GIS 'OD DE MTHONG BA DANG, 'OD DES GANG LA REG PAR GYUR PA DE DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO ZHES BYA BA'I BAR GYIS NI YAN LAG DANG NYING LAG NAS 'OD ZER 'GYED PA'I CHO 'PHRUL BSTAN TE, DE LA DE NAS BCOM LDAN 'DAS DGONGS SHING YANG DAG PAR MKHYEN PAS ZHES BYA BAS NI, DE LTAR TING NGE 'DZIN LA MNYAM PAR GZHAG PA LAS, SNGON GYI SMON LAM DGONGS SHING SEMS CAN GYI DON BYA BA'I DUS LA BAB PA MKHYEN PA BSTAN TO, ,'PHRUL GYI SPYAN GYIS SANGS RGYAS KYI ZHING 'DI LA RNAM PAR GZIGS SO ZHES BYA BAS NI SANGS RGYAS KYI ZHING 'DI NA 'KHOD PA'I SEMS CAN RNAMS SKAL BA DANG LDAN PA DANG MI LDAN PA BRTAG PA'I PHYIR GZIGS PA BSTAN TO, ,BCOM LDAN 'DAS LA NI DE LTAR DGONGS SHING @18A *, ,GZIGS PA'I RTOGS PA MI MNGA' MOD KYI GDUL BYA'I SKYE BO RNAMS KYI SA DE LTAR MTHONG BA DANG, CHOS SDUD PA'I BYANG CHUB SEMS DPA' RNAMS KYIS 'JIG RTEN GYI THA SNYAD DU BRJOD DU RUNG BAR BYA BA DANG, MA 'ONGS PA'I DUS KYI SKYE BO RNAMS CHOS 'CHAD PA LAN NA TAN BSKYED PA'I TSUL BSTAN PA'I PHYIR DE LTA BU BSHAD DO, ,'OD ZER BYE BA KHRAG KHRIG BRGYA STONG DRUG CU DRUG CU BYUNG NGO ZHES BYA BA LA DE BZHIN GSHEGS PA'I 'OD ZER NI KHA DOG RNAM PA DRUG YOD DE, SNGON PO DANG, SER PO DANG, DMAR PO DANG, DKAR PO DANG, LE BRGAN DANG, 'OD GSAL BA'O, ,'OD ZER KHA DOG DRUG PO DE DAG PHYOGS BCUR RNAM PAR 'PHROS NA DRUG CUR 'GYUR RO, ,BYE BA KHRAG KHRI GA BRGYA STONG DU GYUR PA NI GDUL BAR BYA BA'I SEMS CAN MANG BA DANG, DON DU BSGRUB PA MANG BA'I PHYIR 'OD ZER KHA DOG SNA GCIG LAS KYANG DE SNYED DU 'PHROS PAR RIG PAR BYA'O, ,DRUG CU DRUG CU ZHES LAN GNYIS SMOS PA NI, ZHABS GNYIS LA SOGS PA SKU'I YAN LAG DANG NYING LAG PHAL CHER GNYIS GNYIS YOD PA BRTZAN PAR BYAS NAS LAN GNYIS SU BZLAS TE GSUNGS PAR RIG PAR BYA'O, ,'OD ZER DE DAG KYANG DON RNAM PA GNYIS SGRUB STE; 'JIG RTEN GYI KHAMS RNAMS KUN TU SNANG BAR BYED PA'I DON SGRUB PA DANG, SEMS CAN RNAMS LA PHAN 'DOGS PA'I DON SGRUB PA'O, ,DE LA 'OD ZER BYE BA KHRAG KHRIG BRGYA STONG DRUG CU PO DE DAG THAMS CAD KYIS STONG GSUM GYI STONG CHEN PO'I 'JIG RTEN GYI KHAMS 'DI THAMS CAD SNANG BAR BYAS TE ZHES BYA BA LA SOGS PAS NI 'JIG RTEN GYI KHAMS RNAMS KUN DU SNANG BAR BYA BA'I DON SGRUB PA BSTAN TO, ,SEMS CAN GANG GIS 'OD DE MTHONG BA DANG, 'DO DES GANG LA REG PAR GYUR PA DE DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO ZHES BYA BAS NI SEMS CAN RNAMS LA PHAN 'DOGS PA'I DON SGRUB PA BSTAN TO, ,DE NAS YANG BCOM LDAN 'DAS KYIS BA SPU'I SGO THAMS CAD NAS 'OD ZER RAB TU DGYE BA MDZAD DE ZHES BYA BA LA SOGS PAS NI, SPU'I KHUNG BU NAS 'OD ZER 'GYED PA'I CHO 'PHRUL BSTAN TE, @18B 'OD ZER DE DAG KYANG DON DAM PA GNYIS SGRUB PA NI SNGA MA BZHIN NO, ,DE NAS YANG BCOM LDAN 'DAS KYIS DE BZHIN GSHEGS PA'I RANG BZHIN GYI 'OD KYIS ZHES BYANG LA SOGS PAS NI DE BZHIN GSHEGS PA'I RANG BZHIN GYI 'OD ZER 'GYED PA'I CHO 'PHRUL BSTAN PA STE, 'OD ZER DE DAG KYANG DON DAM PA GNYIS SGRUB PA NI SNGA MA BZHIN NO, ,RANG BZHIN GYI 'OD CES BYA BA NI SKU MDOG BZANG ZHING 'OD GSAL BA 'PHROS PA LA BYA'O, ,DE NAS BCOM LDAN 'DAS KYIS ZHAL GYI SGO NAS LJAGS KYI DBANG PO BKRAM STE ZHES BYA BA LA SOGS PAS NI LJAGS KYI DBANG PO LAS 'OD ZER 'GYED PA'I CHO 'PHRUL BSTAN PA STE, ZHAL GYI SGO NAS LJAGS KYI DBANG PO BKRAM STE STONG GSUM GYI STONG CHEN PO'I 'JIG RTEN GYI KHAMS 'DI THAMS CAD LJAGS KYI DBANG POS KHYAB PAR MDZAD NAS ZHAL 'DZUM PA MDZAD PAS NI, BCOM LDAN 'DAS CHOS 'CHAD PA'I SNGA LTAS BSTAN TO, ,LJAGS KYI 'OD ZER DE DAG THAMS CAD LAS PADMA RNAMS BYUNG BA BSTAN PAS NI, CHOS 'DI NYAN PA'I BYANG CHUB SEMS DPA' RNAMS PADMA CIS KYANG MA GOS PA LTAR, BYANG CHUB SEMS DPA'I SKYON MED PA LA NGES PAR 'JUG PAR GYUR PA'I MTSAN MA BSTAN TO, ,PADMA DE DAG LA DE BZHIN GSHEGS PA'I SKU MANG PO BZHUGS SHING PHA ROL TU PHYIN PA DRUG DANG LDAN PA'I CHOS 'DI NYID STON PA BSTAN PAS NI, BYANG CHUB SEMS DPA' CHOS 'DI NYAN NYAN PA DE DAG PADMA KHA PHYE ZHING RGYAS PA BZHIN DU BLO RGYAS TE, BLA NA MED PA YANG DAG PAR RDZOGS PA'I BYANG CHUB TU SANGS RGYAS NAS; PHYOGS PHYOGS SU PHA ROL TU PHYIN PA DRUG DANG LDAN PA'I CHOS 'DI NYID 'CHAD PAR 'GYUR BA'I SNGA LTAS BSTAN TO, ,DE NAS BCOM LDAN 'DAS KYIS GDAN SENG GE'I KHRI DE LA BZHUGS BZHIN DU SANGS RGYAS KYI TING NGE 'DZIN SENG GE RNAM PAR ROL PA ZHES BYA BA LA MNYAM PAR GZHAG STE ZHES BYA BA LA SOGS PAS NI SENG GE RNAM PAR ROL PA ZHES BYA BA'I TING NGE 'DZIN GYI CHO 'PHRUL BSTAN TE, CHO 'PHRUL 'DI YANG SNOD KYI 'JIG RTEN BZANG ZHING BDE BAR BYI DOR BYA BA DANG, SEMS CAN GYI 'JIG RTEN LA PHAN GDAGS PA DANG RNAM PA GNYIS SU BSTAN TE, DE LA SNOD KYI 'JIG @19A *, ,RTEN BZANG ZHING BDE BAR BYI DOR BYA BA'I CHO 'PHRUL NI, STONG GSUM GYI STONG CHEN PO'I 'JIG RTEN GYI KHAMS 'DI RNAM PA DRUG TU G-YOS TE ZHES BYA BA NAS SEMS CAN THAMS CAD LA PHAN PA DANG BDE BA SKYED PAR GYUR TO ZHES BYA BA'I BAR GYIS BSTAN TE, RNAM PA DRUG TU G-YOS PA NI G-YOS PA DANG, 'GUL BA DANG, LDEG PA DANG, CHEM CHEM ZER BA DANG, 'UR 'UR ZHES ZER BA DANG, SHIG SHIG CES ZER BA RNAMS TE, RE RE LA YANG DRAG DAL RNAM PA GSUM GSUM STE, DANG PO DAL BUS G-YOS PA LA G-YOS PA ZHES BYA'O,, DE'I 'OG TU 'BRING DU G-YOS PA LA RAB TU G-YOS PA ZHES BYA'O, ,DE'I 'OG TU DE BAS KYANG DRAG TU G-YOS PA LA KUN DU G-YOS PA ZHES BYA STE, LHAG MA RNAMS LA YANG DE BZHIN DU SBYAR RO, ,MTHA' MTHO NA NI DBUS DMA', DBUS MTHO NA NI DBUS DMA', DBUS MTHO NA NI MTHA' DMA' ZHES BYA BA NI DE LTAR RNAM PA DRUG TU G-YOS PA NYID KYI TSE, MTHA' DANG DBUS MTHON DMAN DU GYUR PA LA BYA BAS RNAM PA DRUG TU G-YOS PA'I NANG DU GTOGS TE LOGS SHIG TU MI BGRANG NGO, ,DAL BUS BAGS KYIS NYAMS SU BDE BA DANG, SEMS CAN THAMS CAD LA PHAN PA DANG BDE BA SKYED PAR GYUR TO ZHES BYA BAS NI DE LTAR RNAM PA DRUG TU G-YOS PA'I TSE YANG, SEMS CAN RNAMS SDANG [?] ZHING SKRAG PA LA SOGS PAR MI 'GYUR BAR RI DANG SA GZHI DANG RTZI SHING LA SOGS PA YANG LA 'JAM ZHING SNUM PA DANG NYAMS DGA' BAR GYUR TO ZHES BSTAN TO, ,DE NAS DE'I TSE SKAD CIG YUD TZAM THANG CIG LA STONG GSUM GYI STONG CHEN PO'I 'JIG RTEN GYI KHAMS 'DI NA, SEMS CAN DMYAL BA DANG, BYOL SONG GI SKYE GNAS DANG, GSHIN RJE'I 'JIG RTEN DANG, MI KHOM PA DANG, NGAN SONG DANG, NGAN 'GRO DANG, LOG PAR LTUNG BA GANG JI SNYED YOD PA DE DAG THAMS CAD RGYUN CHAD PAR GYUR TE ZHES BYA BA LA SOGS PAS NI SEMS CAN GYI 'JIG RTEN LA PHAN GDAGS PA'I CHO 'PHRUL BSTAN TE, SEMS CAN GYI 'JIG RTEN LA PHAN GDAGS PA'I CHO 'PHRUL DE YANG STONG GSUM GYI STONG CHEN PO'I 'JIG RTEN GYI KHAMS 'DI'I SEMS CAN NGAN SONG RGYUD GSUM LA SOGS PA @19B NA GNAS PA DANG, PHYOGS BCU 'JIG RTEN GYI KHAMS GANG+G'A'I KLUNG GI BYE MA SNYED KYI SEMS CAN RNAMS NGAN SONG RGYUD GSUM LA SOGS PA NA GNAS PA NGAN SONG GI SDUG BSNGAL NAS THAR CING MTHO RIS KYI BDE BA MYONG BAR GYUR PA DANG, STONG GSUM GYI STONG CHEN PO'I 'JIG RTEN GYI KHAMS 'DI NA SEMS CAN DMUS LONG DANG, 'ON PA LA SOGS PA'I MI BDE BA DANG BCAS PA RNAMS KYANG MI BDE BA DE DAG LAS THAR PA DANG, LUS DANG NGAG DANG YID KYI LAS DANG, 'TSO BA MI DGE BA RNAMS KYANG DGE BAR GYUR PA DANG, SEMS CAN THAMS CAD KYANG GCIG LA GCIG PHA MA DANG, PHU NU LA SOGS PA DANG 'DRA BAR SEMS MNYAM PAR GYUR PA DANG, DGE BA BCU'I LAS KYI LAM DANG LDAN ZHING TSANGS PAR SPYOD PA DANG, GTZANG SBRA CHE BA DANG, NYES PA'I SKYON MED PA DANG, MI DGE BA'I RTOG PA THAMS CAD DANG BRAL BA DANG, SBYIN PA LA SOGS PA'I DGE BA'I SHES RAB DANG LDAN PAR GYUR PA STE, DE LA MI KHOM PA ZHES BYA BA NI DAM PA'I CHOS MNGON PAR RTOGS SHING 'PHAGS PA'I SA THOB PAR BYA BA'I SKABS DANG SKAL BA MED PA LA BYA'O, ,MI KHOM PA DE YANG RNAM PA BRGYAD DE, BRGYAD GANG ZHE NA, SEMS CAN DMYAL BAR SKYES PA DANG, DUD 'GRO'I SKYE GNAS SU SKYES PA DANG, YI DAGS SU SKYES PA DANG, MTHA' 'KHOB KYI KLA KLOR SKYES PA DANG, GZUGS MED PA DANG, 'DU SHES MED PA'I SRID PAR SKYES PA DANG, DMUS LONG DANG, 'ON PA DANG, LKUGS PA LA SOGS PAR GYUR PA DANG, LOG PAR LTA BAR GYUR PA DANG, SANGS RGYAS MED PA'I BSKAL PA LA SKYES PA RNAMS SO, ,DE'I TSE BCOM LDAN 'DAS GDAN SENG GE'I KHRI DE NYID LA BZHUGS PAS 'DI LTA STE, DPER NA NYI MA BSGRIBS PA MED PA NAM MKHA'I DBYINGS YONGS SU DAG PA LA 'DUG PA'AM ZLA BA NYA BA'I DKYIL 'KHOR LTAR ZHES BYA BA NAS DE BZHIN DU BCOM LDAN 'DAS PHYOGS BCU'I 'JIG RTEN LHA DANG BCAS PA, DBANG PO DANG BCAS PA, TSANGS PA DANG BCAS PA, GTZANG MA'I GNAS DANG BCAS PA ZIL GYIS GNON PAR ZHUGS SHING, 'OD DANG SKU MDOG DANG, GZI BRJID DANG DPAL GYIS @20A *, ,MDZES SHING LHAM ME LHAN NI LHANG NGE'O ZHES BYA BA'I BAR GYIS NI BCOM LDAN 'DAS KYI GZI BRJID CHEN PO'I YON TAN BSTAN PA STE, NYI MA DANG ZLA BAS SKAR MA LA SOGS PA'I 'OD CAN THAMS CAD ZIL GYIS MNAN PA DANG, RI'I RGYAL PO RI RAB KYIS RI GZHAN RNAMS ZIL GYIS MNAN PA BZHIN DU, BCOM LDAN 'DAS KYIS KYANG 'JIG RTEN LHA DANG BCAS PA RNAMS ZIL GYIS MNAN TE BZHUGS SO ZHES BSTAN TE, 'OD KYIS NI TSANGS PA'I 'OD BSNYEMS PA RNAMS ZIL GYIS MNAN NO, ,SKU MDOG GIS NI BRGYA BYIN LA SOGS PA'I LHA MDOG BZANG PO BSNYEMS PA RNAMS ZIL GYIS MNAN TO, ,GZI BRJID KYIS NI BDUD DANG MU STEGS CAN RNAMS ZIL GYIS MNAN TO, ,DPAL GYIS NI MI RNAMS ZIL GYIS MNAN TE BZHUGS SO, ,'OD DANG LDAN PAS NI MDZES SO, ,SKU MDOG DANG LDAN PAS NI LHAM ME'O, ,GZI BRJID DANG LDAN PAS NI LHAN NE'O, ,DPAL DANG LDAN PAS I LHANG NGES BZHUGS SO ZHES BYA BAR SBYAR RO, ,DE NAS BCOM LDAN 'DAS KYI STONG GSUM GYI STONG CHEN PO'I 'JIG RTEN GYI KHAMS 'DIR BCOM LDAN 'DAS KYI RANG BZHIN GYI SKU CI 'DRA BA DE BZHIN DU BSTAN TO ZHES BYA BA NAS, STONG GSUM GYI STONG CHEN PO'I 'JIG RTEN GYI KHAMS KYI MI THAMS CAD DANG, LHA THAMS CAD KYIS DE BZHIN GSHEGS PA'I SKU BLTA BAS CHOG MI SHES PA MTHONG NAS 'DI SNYAM DU SEMS PAR GYUR TE, DE BZHIN GSHEGS PA BDAG CAG GI MDUN NA BZHUGS SHING CHOS BSTAN TO SNYAM MO ZHES BYA BA'I BAR GYIS NI BYIN GYI RLABS KYI CHO 'PHRUL BSTAN TE, BYIN GYI RLABS KYI CHO 'PHRUL ZHES BYA BA YANG BCOM LDAN 'DAS KYI BYIN GYI RLABS KYIS STONG GSUM GYI STONG CHEN PO'I 'JIG RTEN GYI KHAMS KYI LHA DANG MI RNAMS DE BZHIN GSHEGS PA MTHONG NAS DAD PA SKYES TE, MCHOD PA SNA TSOGS BYED PA DANG, MCHOD PA BYAS PA'I ME TOG LA SOGS PA DE DAG KYANG DE MA THAG TU BCOM LDAN 'DAS KYI DBU'I STENG GI NAM MKHA' LA ME TOG LA SOGS PA'I KHANG PA BRTZEGS PA, STONG GSUM GYI STONG CHEN PO'I 'JIG RTEN GYI KHAMS TZAM DU GNAS PAR GYUR PA DANG, @20B KHANG PA BRTZEGS PA DE LAS KYANG ME TOG DANG DAR GYI LDA LDI MANG PO 'PHYANG BAR GYUR PA DANG, ME TOG DANG DAR GYI LDA LDI DE DAG DANG, BCOM LDAN 'DAS KYI 'OD SNANG BA GSER GYI KHA DOG LTA BU DES KYANG, STONG GSUM GYI STONG CHEN PO'I 'JIG RTEN GYI KHAMS 'DI DANG PHYOGS BCU'I 'JIG RTEN GYI KHAMS GANG+G'A'I KLUNG GI BYE MA SNYED SHIN TU MDZAD PAR KHYAB CING GSAL BAR GYUR PA DANG, DE BZHIN GSHEGS PA'I RANG BZHIN GYI SKU GCIG PU BSTAN KYANG, GLING BZHI'I MI RNAMS DANG, RGYAL CHEN BZHI'I RIS KYI LHA LA SOGS PA 'DOD PA'I KHAMS DANG, GZUGS KYI KHAMS KYI LHA RNAMS DANG, STONG GCIG DANG, STONG GNYIS DANG, STONG GSUM GYI STONG CHEN PO'I 'JIG RTEN GYI KHAMS KYI MI THAMS CAD DANG, LHA THAMS CAD KYIS DE BZHIN GSHEGS PA'I SKU BLTA BAS CHOG MI SHES PA MTHONG NAS THAMS CAD KYANG DE BZHIN GSHEGS PA BDAG CAG GI MDUN NA BZHUGS SHING CHOS STON TO SNYAM DU SEMS PAR BYIN GYIS BRLABS PA LA BYIN GYI RLABS KYI CHO 'PHRUL ZHES BYA'O, ,DE BZHIN GSHEGS PA'I SKU BLTA BAS CHOG MI SHES PA ZHES BYA BA NI DE BZHIN GSHEGS PA'I RANG BZHIN GYI SKU DE MDOG BZANG ZHING GZI BRJID CHE LA 'OD GSAL BA, MTHONG NA SKYO MI SHES SHING PHYI PHYIR JE BZANG JE BZANG SNANG BA LA BYA'O, ,DE NAS YANG BCOM LDAN 'DAS KYIS GDAN SENG GE'I KHRI LA BZHUGS BZHIN DU 'OD RAB TU DGYE BA MDZAD DE ZHES BYA BA LA SOGS PAS NI CHOS SDANG BA'I CHO 'PHRUL BSTAN TE, CHOS SNANG BA'I CHO 'PHRUL DE YANG RNAM PA GNYIS TE; 'JIG RTEN GYI KHAMS SNANG BAR BYED PA'I CHO 'PHRUL DANG, 'KHOR SDUD PA'I CHO 'PHRUL LO, ,DE LA YANG 'OD DES STONG GSUM GYI STONG CHEN PO'I 'JIG RTEN GYI KHAMS 'DI RAB TU SNANG BAR GYUR TO ZHES BYA BA NAS, STENG GI PHYOGS KYI 'JIG RTEN GYI KHAMS GANG+G'A'I KLUNG GI BYE MA SNYED PO DE DAG NA SEMS CAN GANG JI SNYED 'KHOD PA DE DAG GIS KYANG STONG GSUM GYI STONG CHEN PO'I 'JIG RTEN GYI KHAMS 'DI NA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SH'AKYA THUB PA DE DGE SLONG GI DGE 'DUN DANG BCAS PA, BYANG CHUB SEMS DPA'I @21A *, ,'KHOR DANG THABS CIG TU BZHUGS PA MTHONG BAR GYUR TO ZHES BYA BA'I BAR GYIS NI 'JIG RTEN GYI KHAMS SNANG BAR BYED PA'I CHO 'PHRUL BSTAN PA STE, BCOM LDAN 'DAS KYIS 'OD RAB TU BKYE BA MDZAD PAS STONG GSUM GYI STONG CHEN PO'I 'JIG RTEN GYI KHAMS 'DI DANG, PHYOGS BCU'I 'JIG RTEN GYI KHAMS GANG+G'A'I KLUNG GI BYE MA SNYED RAB TU SNANG BAR GYUR TE, SNANG BA DES 'JIG RTEN GYI KHAMS DE DAG NA GNAS PA'I SEMS CAN RNAMS KYIS STONG GSUM GYI STONG CHEN PO'I 'JIG RTEN GYI KHAMS 'DI DANG, PHYOGS BCU'I 'JIG RTEN GYI KHAMS GANG+G'A'I KLUNG GI BYE MA SNYED DAG NA BZHUGS PA'I SANGS RGYAS BCOM LDAN 'DAS RNAMS MTHONG BAS DGA' BA DANG DAD PA SKYES TE, MI MJED KYI 'JIG RTEN GYI KHAMS 'DI NA BCOM LDAN 'DAS SH'AKYA THUB PA BZHUGS PA LA MCHOD CING PHYAG 'TSAL DU 'ONG 'DOD PAR GYUR TO, ,DE NAS SHAR PHYOGS LOGS SU 'JIG RTEN GYI KHAMS GANG+G'A'I KLUNG GI BYE MA SNYED 'DAS PA KUN GYI PHA ROL NA 'JIG RTEN GYI KHAMS RIN CHEN YOD PA ZHES BYA BA YOD DE ZHES BYA BA LA SOGS PAS NI 'KHOR SDUD PA'I CHO 'PHRUL BSTAN TE, GONG DU SMOS PA'I RIM PAS SA G-YOS PA DANG 'OD SNANG BA CHEN PO 'BYUNG BA DANG, 'OD DES MI MJED KYI 'JIG RTEN GYI KHAMS 'DI NA, BCOM LDAN 'DAS SH'AKYA THUB PA BZHUGS PA'I SKU BLTA NA CHOG MI SHES PA DE PHYOGS BCU'I 'JIG RTEN GYI KHAMS NA BZHUGS PA'I BYANG CHUB SEMS DPA' RNAMS KYIS GZIGS NAS, BCOM LDAN 'DAS SH'AKYA THUB PA LA PHYAG BYA BA DANG, BSNYEN BKUR BYA BA'I PHYIR MI MJED KYI 'JIG RTEN GYI KHAMS 'DIR 'DUS SHING GSHEGS PAR BYA BA'I PHYIR, 'OD RAB TU DGYE BAR MDZAD PA NYID LA 'KHOR SDUD PA'I CHO 'PHRUL ZHES BYA'O, ,'JIG RTEN GYI KHAMS GZHAN NA BZHUGS PA'I BYANG CHUB SEMS DPA' DE DAG 'OD ZER GYIS BSKUL TE, MI MJED KYI 'JIG RTEN GYI KHAMS 'DIR GSHEGS PA YANG, BCOM LDAN 'DAS SH'AKYA THUB PA SNGON BYANG CHUB SEMS DPA' MDZAD PA'I TSE, BYANG CHUB SEMS DPA' DE DAG DANG SMON LAM GCIG TU BTAB CING, BYANG CHUB SEMS DPA'I @21B SPYOD PA MTHUN PAR SPYOD SPYOD PA'I RGYUS BCOM LDAN 'DAS SH'AKYA THUB PAS GDUL ZHING DGE BA'I BSHES GNYEN MDZAD PAR GYUR PA'I PHYIR, BYANG CHUB SEMS DPA' DE DAG BCOM LDAN 'DAS SH'AKYA THUB PA'I SPYAN SNGAR GSHEGS PAR GYUR TO, ,SHAR PHYOGS LOGS SU 'JIG RTEN GYI KHAMS GANG+G'A'I KLUNG GI BYE MA SNYED 'DAS PA KUN GYI PHA ROL NA ZHES BYA BA LA NI 'JIG RTEN GYI KHAMS MTHA' YAS PA'I PHYIR PHA ROL GYI MTHA' BLTAR MED MOD KYI, 'JIG RTEN GYI KHAMS GANG TSUN CHAD KYI BYANG CHUB SEMS DPA' 'DIR GSHEGS PA RNAMS KYI MTHA' MA LA KUN GYI PHA ROL ZHES BYA'O, ,KUN GYI PHA ROL ZHES SMOS PAS DE TSUN CHAD KYI 'JIG RTEN GYI KHAMS NA BZHUGS PA'I BYANG CHUB SEMS DPA' THAMS CAD GSHEGS PAR BLTA'O, ,BZHUGS SHING 'TSO SKYONG ZHES BYA BA LA YONGS SU MYA NGAN LAS MA 'DAS SHING SROG GI DBANG PO'I RGYUN LA BZHUGS PA'I PHYIR BZHUGS ZHES BYA'O, ,SKU LA SNYUN MI MNGA' BA'I PHYIR 'TSO ZHES BYA'O, ,GLO BUR GYI SNYUN MI MNGA' BAS SKU TSE'I MNGA' THANG BZHIN DU TSE'I BAR CHAD MI 'BYUNG BA'I PHYIR SKYONG ZHES BYA'O, ,YANG RNAM PA GCIG TU NA CHOS KYI SKU NI GNAS PA'I RANG BZHIN PAS CHOS KYI SKU'I RANG BZHIN DU BZHUGS PA LA BZHUGS ZHES BYA'O, ,LONGS SPYOD RDZOGS PA'I SKU NI BYANG CHUB SEMS DPA' YONGS SU DAG PA RNAMS LA, CHOS DANG ZANG ZING GI LONGS SPYOD KYIS 'TSO BA'I PHYIR LONGS SPYOD RDZOGS PA'I SKU'I TSUL DU BZHUGS PA LA 'TSO ZHES BYA'O, ,SPRUL PA'I SKU NI SEMS CAN YONGS SU MA DAG PA RNAMS SKYONG BA'I PHYIR SPRUL PA'I SKU'I TSUL DU BZHUGS PA LA SKYONG ZHES BYA'O, ,BYANG CHUB SEMS DPA' SEMS DPA' CHEN PO DE DAG KYANG PHAL CHER GZHON NUR GYUR BA ZHES BYA BA LA BCOM LDAN 'DAS SH'AKYA THUB PA'I ZHAM 'BRING NA BZHUGS PA'I BYANG CHUB SEMS DPA' DE DAG LAS KHA CIG NI RANG BZHIN GYIS 'DOD CHAGS CHUNG BAS SEMS DANG PO BSKYED PA NAS TSANGS PAR SPYOD PA LA GNAS SHING SA BCU YONGS SU RDZOGS PAR GYUR PA DANG, KHA CIG NI BYANG CHUB SEMS DPA'I SA BRGYAD PA YAN CHAD LA GNAS PA THOB PAS RTZOL BA DANG, @22A *, ,RNAM PAR RTOG PA THAMS CAD DANG BRAL TE, SANGS RGYAS BCOM LDAN 'DAS CHOS KYI RGYAL PO'I RGYAL TSAB TU DBANG BSKUR BAR 'OS PA'I PHYIR RGYAL PO'I SRAS GZHON NU RGYAL TSAB TU DBANG BSKUR BAR 'OS PA DANG 'DRA BAR CHOS KYI RGYAL TSAB KYI SA LA GNAS PA'I PHYIR GZHON NUR GYUR PA ZHES BYA'O, ,PADMO RIN PO CHE SNA TSOGS KYI RGYU LAS BYUNG BA GSER GYI KHA DOG CAN RNAMS BSKUR BA DANG, SNYUN GSOL SPRING BA NI MA 'ONGS PA'I DUS KYI SEMS CAN RNAMS NGA RGYAL DANG PHRAG DOG MED PA'I PHYIR TE, SANGS RGYAS BCOM LDAN 'DAS RNAMS KYANG GCIG LA GCIG 'DI LTAR SRI ZHU DANG, GUS PA MDZAD NA BDAG CAG GIS DE LTAR BYA BA LTA SMOS KYANG CI DGOS SNYAM DU SEMS SHING DAD PA BSKYED PA'I PHYIR RO, ,YANG RNAM BA GCIG TU NA BCOM LDAN 'DAS SH'AKYA THUB PA'I 'KHOR THAMS CAD KYIS 'JIG RTEN GYI KHAMS GZHAN YANG SANGS RGYAS BCOM LDAN 'DAS RNAMS BZHUGS PAR YID CHES PAR BYA BA'I PHYIR RO, ,RIGS KYI BU SANGS RGYAS KYI ZHING DER BAG YOD BAR SPYOD CIG CES BYA BA NI MI MJED KYI 'JIG RTEN GYI KHAMS 'DI SNYIGS MA LNGA DANG LDAN PA'I PHYIR, BAG YOD PAR SPYOD CIG CES GDAMS SHING RJES SU BSTAN PA MDZAD DO, ,DE LA SNYIGS MA LNGA NI NYON MONGS PA'I SNYIGS MA DANG, DUS KYI SNYIGS MA DANG, TSE'I SNYIGS MA DANG, LTA BA'I SNYIGS MA DANG, SEMS CAN GYI SNYIGS MA'O, ,DE LA NYON MONGS PA'I SNYIGS MA NI, MI MJED KYI 'JIG RTEN GYI KHAMS 'DI NA 'DOD CHAGS DANG, ZHE SDANG DANG; GTI MUG LA SOGS PA'I NYON MONGS PA RNAMS SHAS CHE BAS MI DGE BA BCU'I LAS LA SOGS PA SDIG PA'I CHOS MANG DU SPYOD PA DANG, DE'I RGYUS SEMS CAN DMYAL BA DANG, DUD 'GRO DANG, YI DAGS KYI NANG DU SKYE BAR 'GYUR BA MANG PA DANG, MIR SKYES NA YANG SDUG BSNGAL MANG PO DANG LDAN PA MANG DU SNANG STE, DE DAG NI NYON MONGS PA'I SNYIGS MA LAS GYUR TO, ,DUS KYI SNYIGS MA NI MI MJED KYI 'JIG RTEN GYI KHAMS 'DIR BAR BAR DU MU GE'I SDUG BSNGAL MI BZOD PA RNAMS 'BYUNG, BAR BAR DU NI NAD KYI SDUG BSNGAL BRNAG MI BZOD @22B PA RNAMS 'BYUNG, BAR BAR DU NI SEMS CAN RNAMS GCIG LA GCIG 'TSE ZHING GNOD PA BYED PA'I DBANG GIS 'THAB CING MTSON GYIS 'DEBS PA MANG DU 'BYUNG, BAR BAR DU NI CHU'I 'JIGS PA 'BYUNG, BAR BAR DU NI ME'I 'JIGS PA 'BYUNG, BAR BAR DU NI RLUNG GI 'JIGS PA 'BYUNG STE, DE LTA BU'I 'DUS NGAN PA MANG DU 'BYUNG BA LA DUS KYI SNYIGS MA ZHES BYA'O, ,TSE'I SNYIGS MA NI MI MJED KYI 'JIG RTEN GYI KHAMS 'DI'I SEMS CAN RNAMS KYI TSE LA NGES PA MED DE, BAR BAR DU NI TSE'I TSAD DPAG TU MED, BAR BAR DU NI TSE LO BCU PAR 'GYUR, DE LA YANG NGES PA MED DE, KHA CIG NI MA'I MNGAL NAS TSE 'PHO, KHA CIG NI SKYES MA THAG TU TSE 'PHO, KHA CIG NI LANG TSO'I DUS LA BAB NA TSE 'PHO, KHA CIG NI DAR LA BAB NA TSE 'PHO, KHA CIG NI RGA NAS TSE 'PHO STE, DE LTAR TSE LA NGES PA MED PAS DE'I RGYUS MYA NGAN DANG SMRE SNGAGS 'DON PA DANG; SDUG BSNGAL BA DANG, YID MI BDE BA LA SOGS PA RNAM PA MANG PO 'BYUNG STE, DE LTAR SEMS CAN RNAMS KYI TSE LA NGES PA MED DE, TSE DUS NGAN PA'I PHYIR TSE'I SNYIGS MA ZHES BYA'O, ,LTA BA'I SNYIGS MA NI LOG PAR LTA BA LA SOGS PA MU STEGS CAN GYI LTA BA NGAN PA DGE BA THAMS CAD RTZA BA NAS 'BYIN PA RNAMS KYANG MI MJED KYI 'JIG RTEN GYI KHAMS 'DIR MANG DU 'BYUNG STE, LTA BA DE DAG GIS BYANG CHUB SEMS DPA'I SKYON MED PA LA 'JUG PA'I SKAL BA MED PAR 'GYUR BA'I PHYIR LTA BA'I SNYIGS MA ZHES BYA'O, ,SEMS CAN GYI SNYIGS MA NI MI MJED KYI 'JIG RTEN GYI KHAMS 'DI'I SEMS CAN RNAMS PHAL CHER SKUR PA 'DEBS PA'I NGANG [?] TSUL CAN MA DAD PA, MKHAS PA DANG MI MTHUN PA SKYES BU DAM PA RNAMS KYIS SHIN TU SMAD PA, DAM PA'I CHOS KYI SNOD DU MA GYUR PA SEMS CAN GYI RGYUD SA TSA SGO CAN LTA BUR GYUR PAS DGE BA'I LO THOG MI 'PHEL BA PHAL CHE BA'I PHYIR SEMS CAN GYI SNYIGS MA ZHES BYA STE, MI MJED KYI 'JIG RTEN GYI KHAMS 'DI SNYIGS MA DE LNGA DANG LDAN ZHING SKYON CHE BA'I PHYIR SANGS RGYAS KYI ZHING YONGS SU DAG PA GZHAN NAS 'DIR 'DONG BA'I BYANG CHUB SEMS DPA' RNAMS LA SANGS RGYAS @23A *, ,KYI ZHING DER BAG YOD PAR SPYOD CIG CES SANGS RGYAS BCOM LDAN 'DAS DE DAG GIS GDAMS SHING RJES SU BSTAN PA MDZAD DO, ,DE CI'I PHYIR ZHE NA, 'JIG RTEN GYI KHAMS DER SKYES PA'I BYANG CHUB SEMS DPA' SEMS DPA' CHEN PO DE DAG NI MGU BAR DKA' BA YIN GYIS DER NYAMS PAR GYUR TA RE ZHES BYA BAS NI SANGS RGYAS KYI ZHING 'DIR BAG YOD PAR SPYAD PAR BYA BA'I RGYU BSTAN TE, 'JIG RTEN GYI KHAMS DE DE LTAR SKYON CHE BAR MA ZAD KYI, DER SKYES PA'I BYANG CHUB SEMS DPA' YANG SEMS CAN GDUL DKA' BA RNAMS 'DUL 'DUL BAS THABS MKHAS SHING MKHYEN PA RGYA CHE BA'I PHYIR MGU DKA' BA YIN GYIS, BYANG CHUB SEMS DPA' DE DAG GIS MA KHREL BAR GYIS SHIG CES GDAMS SHING RJES SU BSTAN PA MDZAD DO, ,RIM GROR BYA BA DANG, BKUR STIR BYA BA DANG, PHU DUD DU BYA BA DANG MCHOD PAR BYED CING ZHES BYA BA NI LUS DANG NGAG DANG YID GSUM GYI SGO NAS GUS SHING BSTI STANG PHYED PA'I RNAM GRANGS SO, ,SNYUN MI MNGA'AM, GNOD PA MA MCHIS SAM, ZO MDOG BDE'AM, SKU NYAMS DANG LDAN NAM, BDE BA DANG DGYES PAR SPYOD DAM ZHES BYA BA NI GLO BUR GYI SNYUN MI MNGA' ZHES BYA'O, ,NA BZA' DANG, BSOD SNYOMS DANG, GNAS DANG, SNYUN GYI RKYEN SMAN RNAMS DANG LDAN PA LA GNOD PA MA MCHIS PA ZHES BYA'O, ,BGRES PA LA SOGS PAS SKU ZOR LCI BAR MA GYUR PA LA ZO MDOG BDE BA ZHES BYA'O, ,SNYUN MI MNGA' BA DANG GNOD PA MA MCHIS PA DANG ZO MDOG BDE BA GSUM CHAR DANG LDAN PA'I 'BRAS BU NI SKU NYAMS DANG LDAN ZHING BDE BA DANG DGYES PAR SPYOD PA'O, ,SHAR PHYOGS KYI 'JIG RTEN GYI KHAMS KYI 'KHOR SDUD PA'I CHO 'PHRUL JI LTAR BSTAN PA DE BZHIN DU, LHO PHYOGS LA SOGS PA STENG GI PHYOGS KYI 'JIG RTEN GYI KHAMS LA THUG GI BAR DU PHYOGS THAMS CAD LA YANG DE BZHIN DU SBYAR BAR BYA'O, ,DE NAS DE'I TSE SKAD CIG YUD TZAM THANG CIG LA STONG GSUM GYI STONG CHEN PO'I 'JIG RTEN GYI KHAMS 'DI RIN PO CHE'I RANG BZHIN DU KUN NAS GNAS PAR GYUR TE ZHES BYA BA LA SOGS @23B PAS NI, SHES RAB KYI PHA ROL TU PHYIN PA 'DI BSHAD PA'I MTHU DANG, BYIN CHE BA BSTAN PA DANG, PHYOGS BCU'I 'JIG RTEN GYI KHAMS NAS GSHEGS PA'I BYANG CHUB SEMS DPA' LA SOGS PA DAD PA DANG, MOS PA BSKYED PA'I PHYIR BCOM LDAN 'DAS KYI BYIN GYI RLABS KYIS MI MJED KYI 'JIG RTEN GYI KHAMS 'DI RIN PO CHE'I RANG BZHIN DU GNAS PAR GYUR CING, ,RGYAN SNA TSOGS KYIS BRGYAN PA 'JIG RTEN GYI KHAMS PADMO CAN ZHES BYA BA SANGS RGYAS KYI ZHING YONGS SU DAG PA DANG 'DRA BAR GYUR PA BSTAN TO, ,SHES RAB KYI PHA ROL TU PHYIN PA 'BUM PA RGYA CHER BSHAD PA LAS, GLENG GZHI'I LE'U STE DANG PO'O,, ,,DE LTAR GLENG GZHI'I LE'U BSTAN NAS, DE'I 'OG TU GZHUNG GI DON NYID BSTAN PA'I PHYIR, DE'I TSE BCOM LDAN 'DAS KYIS 'JIG RTEN GYI LHA DANG BCAS PA, TSANGS PA DANG BCAS PA, DGE SBYONG DANG BRAM ZE'I SKYE DGU DANG BCAS PA, LHA DANG MI DANG LHA MA YIN DANG BCAS PA MANG PO TSOGS PA DANG, BYANG CHUB SEMS DPA' SEMS DPA' CHEN PO PHAL CHER GZHON NUR GYUR PA MANG PO DE DAG 'DUS PAR THUGS SU CHUD PAS, BCOM LDAN 'DAS KYIS TSE DANG LDAN PA SHA RA DVA TI'I BU LA BKA' STZAL PA ZHES BYA BA LA SOGS PA GSUNGS SO, ,THEG PA CHEN PO'I MCHOG BSTAN PA 'DI BYANG CHUB SEMS DPA' RNAMS LA BKA' STZAL TE, SKABS DBYE BA'I RIGS PA LAS SH'A RI'I BU LA BKA' STZAL TE, SKABS PHYE BA NI SHES RAB KYI PHA ROL TU PHYIN PA 'DI THEG PA GSUM CHAR GYI SPYIR THUN MONG DU BSTAN PA YIN TE, DE LTAR CIS MNGON ZHE NA, SHES RAB KYI PHA ROL TU PHYIN PA 'DI LAS THAMS CAD SHES PA NYID DANG, LAM GYI RNAM PA SHES PA NYID DANG, RNAM PA THAMS CAD MKHYEN PA NYID DANG GSUM CHAR RGYA CHER BSTAN PA'I PHYIR TE, GAL TE BYANG CHUB SEMS DPA' 'GA' ZHIG LA BKA' STZAL TE, SKABS PHYE NAS, THEG PA CHUNG DU PA DANG, SKYE BO GZHAN DAG SHES RAB KYI PHA ROL TU PHYIN PA ZAB MO 'DI BDAG CAG GI SPYOD YUL MA YIN NO SNYAM NAS 'BAD CING RTZOL BAR MI BYED KYANG SRID KYI, SH'A RI'I BUL BKA' @24A *, ,STZAL TE SKABS PHYE NA, THEG PA CHUNG DU BA LA SOGS PA SKYE BO THAMS CAD KYANG SHES RAB KYI PHA ROL TU PHYIN PA 'DI SH'A RI'I BU'I SPYOD YUL DU GYUR PA DANG SBYAR NA BDAG CAG THAMS CAD KYI SPYOD YUL DU YANG 'GYUR RO SNYAM NAS THEG PA CHUNG DU PA LA SOGS PA SKYE BO THAMS CAD KYANG 'BAD CING RTZOL BAR 'GYUR BAR BYA BA'I PHYIR, SH'A RI'I BU LA BKA' STZAL TE, SKABS PHYE'O, ,RNAM PA GCIG TU NA DE BZHIN GSHEGS PAS CHOS BSTAN PA 'DI GSUNG GCIG GIS KYANG SKYE BO THAMS CAD KYI YID DANG MTHUN PAR CHOS BSTAN PA SNA TSOGS SO SOR BSTAN PA KHYAB PAR 'BYUNG STE, SKYE BO DE DAG KYANG SO SO NAS DE BZHIN GSHEGS PA NI BDAG CAG GI MDUN NA BZHUGS SHING CHOS STON TO SNYAM DU SEMS PA DANG SBYAR NA, THAMS CAD LA BKA' STZAL TE SKABS PHYE MOD KYI, 'ON KYANG CHOS SDUD PAR BYED PA RNAMS KYIS DE SNYED CIG CHAR LA BSDUR MI RUNG BAS SKYE BO THAMS CAD KYI SPYOD YUL DU 'GYUR BA SH'A RI'I BU LA BKA' STZAL TE, SKABS PHYE BA GCIG PU SMOS NAS CHOS BSDU BA BYAS PAR RIG PAR BYA'O, ,SHES RAB KYI PHA ROL TU PHYIN PA 'DI BSHAD PA NI, BCOM LDAN 'DAS KYIS SGO GSUM GYIS BSTAN TE, MGO SMOS PAS GO BA DANG, RNAM PAR SPROS NAS GO BA DANG, DRANG DGOS PA'I 'DUL BA DANG, 'DUL BA RNAM PA GSUM LAS BRTZAMS TE, MDOR BSTAN PA'I SGO DANG, 'BRING DU BSTAN PA'I SGO DANG, RGYAS PAR BSTAN PA'I SGO STE, SGO GSUM DANG RNAM GRANGS BCU GCIG GIS BSHAD DE, DE LA RNAM GRANGS BCU GCIG NI DANG PO SH'A RI'I BU LA BKA' STZAL TE BSHAD PA GCIG DANG, RAB 'BYOR LA BKA' STZAL TE BSHAD PA LNGA DANG, BRGYA BYIN LA BKA' STZAL TE BSHAD PA GNYIS DANG, BYAMS PA LA BKA' STZAL TE BSHAD PA GNYIS DANG, BYANG CHUB SEMS DPA' CHOS 'PHAGS DANG RTAG TU DU'I GTAM GLENGS NAS GNAS BRTAN KUN DGA' BO LA BKA' STZAL TE YONGS SU GTAD PA GCIG DANG 'DI DAG NI RNAM GRANGS BCU GCIG GO, ,DE LA MGO SMOS PAS GO BA RNAMS KYI PHYIR MDOR BSHAD PA GSUNGS PA, SH'A RI'I BU 'DI LA @24B BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS SHES RAB KYI PHA ROL TU PHYIN PA LA BRTZON PAR BYA'O ZHES BYA BAS DE LA SHA RA DVA TI'I BU ZHES BYA BA NI, GNAS BRTAN SH'A RI'I BU'I MA'I MING LAS DRAS TE BOS PA'O, ,'DI LA ZHES BYA BA NI THAG PA CHEN PO BSTAN PA 'DI LA'AM, SHES RAB KYI PHA ROL TU PHYIN PA BSTAN PA 'DI LA BYA STE, BYANG CHUB SEMS DPA' SEMS DPA' CHEN PO THEG PA CHEN PO 'DI LA GNAS TE ZHES BYA BA'AM, SHES RAB KYI PHA ROL TU PHYIN PA 'DI LA GNAS TE ZHES BYA BAR SBYAR RO, ,BYANG CHUB SEMS DPA' ZHES BYA BA LA, BYANG CHUB SEMS DPA' NI RNAM PA GNYIS TE, KUN RDZOB KYI BYANG CHUB SEMS DPA' DANG, DON DAM PA'I BYANG CHUB SEMS DPA'O, ,DE LA KUN RDZOB KYI BYANG CHUB SEMS DPA' NI YANG DAG PAR RDZOGS PA'I BYANG CHUB DANG SEMS CAN DMIGS NAS DANG PO BYANG CHUB TU SEMS BSKYED PA STE, AE MA'O BDAG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS SEMS CAN THAMS CAD SHIN TU MTHAR THUG PA'I MYA NGAN LAS 'DAS PA LA DGOD PAR BYA'O SNYAM DU BSAMS TE, BYANG CHUB DANG SEMS CAN LA DMIGS NAS SHES RAB DANG SNYING RJE GNYIS KYIS KUN RDZOB DANG DON DAM PA'I BDEN PA GNYIS LA GNAS TE, BYANG CHUB KYI SEMS RIN PO CHE BSKYED PA DANG LDAN PA NI KUN RDZOB KYI BYANG CHUB SEMS DPA' ZHES BYA'O, ,DE LA DON DAM PA'I BYANG CHUB SEMS DPA' ZHES BYA BA NI BYANG CHUB SEMS DPA'I SA RAB TU DGA' BA LA SOGS PA SA BCU'I SEMS BSKYED PA DANG LDAN PA RNAMS NI DON DAM PA'I BYANG CHUB SEMS DPA' ZHES BYA'O, ,SLOB DPON GZHAN DAG 'CHAD PA NI SEMS CAN THAMS CAD DE BZHIN GSHEGS PA'I SNYING PO YIN NO ZHES GZHUNG LAS 'BYUNG BAS SEMS CAN THAMS CAD NI DE BZHIN NYID KYI RANG BZHIN CAN YIN NO, ,DE BZHIN NYID DE LA YANG GNAS SKABS GSUM YOD DE, MA DAG PA'I GNAS SKABS DANG, DAG PA DANG MA DAG PA'I GNAS @25A *, ,SKABS DANG, SHIN TU YONGS SU DAG PA'I GNAS SKABS SO, ,DE LA MA DAG PA'I GNAS SKABS NI, SO SO'I SKYE BO THAMS CAD YIN TE, DE DAG LA BYANG CHUB KYI GNAS SKABS NI MED KYI SEMS DPA'I GNAS SKABS 'BA' ZHIG TU ZAD PAS DE BZHIN NYID DE LA SEMS DPA' ZHES BYA BA'I MING DU BRJOD DO, ,DAG PA DANG MA DAG PA'I GNAS SKABS NI 'PHAGS PA RNAMS YIN TE, DE DAG LA BYANG CHUB KYI GNAS SKABS DANG, SEMS DPA'I GNAS SKABS GNYI GA YOD PAS, DAG PA DANG MA DAG PA'I DE BZHIN NYID DE LA BYANG CHUB SEMS DPA' ZHES BYA BA'I MING DU BRJOD DO, ,YONGS SU DAG PA'I GNAS SKABS NA NI BYANG CHUB KYI GNAS SKABS 'BA' ZHIG TU ZAD PAS DE BZHIN NYID DE LA DE BZHIN GSHEGS PA ZHES BYA BA'I MING DU BRJOD DE, JI SKAD DU RAB 'BYOR DE BZHIN GSHEGS PA ZHES BYA BA DE NI YANG DAG PA DE BZHIN NYID KYI TSIG BLA DAGS SO ZHES GSUNGS BA LTA BU'O, ,SEMS DPA' CHEN PO ZHES BYA BA NI CHEN PO RNAM PA BCU GCIG DANG LDAN PA'I PHYIR SEMS DPA' CHEN PO ZHES BYA STE, BCU GCIG GANG ZHE NA, 'BRAS BU DANG MTHUN PA'I RIGS DANG, RIGS DANG MTHUN PA'I MOS PA DANG; MOS PA DANG MTHUN PA'I BSAM PA DANG, BSAM PA DANG MTHUN PA'I SMON LAM DANG, SMON LAM DANG MTHUN PA'I SPYOD PA DANG, SPYOD PA DANG MTHUN PA'I BRTZON 'GRUS DANG, BRTZON 'GRUS DANG MTHUN PA'I DUS DANG, DUS DANG MTHUN PA'I TSOGS DANG, TSOGS DANG MTHUN PA'I YANG DAG PAR 'GRUB PA DANG, YANG DAG PAR 'GRUB PA DANG MTHUN PA'I 'BRAS BU DANG, 'BRAS BU DANG MTHUN PA'I SEMS CAN GYI DON DANG, CHEN PO RNAM PA BCU GCIG PO 'DI DAG DANG LDAN PA'I PHYIR BYANG CHUB SEMS DPA' SEMS DPA' CHEN PO ZHES BYA'O, , CHOS THAMS CAD CES BYA BA 'DIS NI JI SNYED YOD PA BSTAN TO, ,RNAM PA THAMS CAD DU ZHES BYA BA 'DIS NI JI LTA BA BZHIN DU YOD PA BSTAN TO, ,MNGON PAR RDZOGS PAR 'TSANG RGYA BAR 'DOD PA ZHES BYA BAS NI MNGON PAR RDZOGS PA'I BYANG CHUB THOB PAR BYA BAR SEMS PA BSTAN TO, , @25B DE LA CHOS THAMS CAD CES BYA BA LA, CHOS NI RNAM PA GNYIS TE, KUN BRTAGS PA'I CHOS RNAMS DANG, YONGS SU GRUB PA'I CHOS RNAMS SO, ,DE LA KUN BRTAGS PA'I CHOS RNAMS NI, KHAMS GSUM DU GTOGS PA DANG, DUS GSUM DU GTOGS PA'O, ,YONGS SU GRUB PA'I CHOS RNAMS NI 'JIG RTEN LAS 'DAS PA SKYE BA MED PA DANG, 'GAG PA MED PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA DANG, DNGOS PO MED PA'I NGO BO NYID DANG, STONG PA NYID LA SOGS PA'O, ,RNAM PA THAMS CAD DU ZHES BYA BA LA RNAM PA GNYIS TE, KUN RDZOB KYI RNAM PA DANG, DON DAM PA'I RNAM PA'O, ,MNGON PAR RDZOGS PAR 'TSANG RGYA BAR 'DOD PA ZHES BYA BA LA, MNGON PAR RDZOGS PAR 'TSANG RGYA BA RNAM PA GNYIS TE, THAMS CAD SHES PA NYID KYI YE SHES DANG, RNAM PA THAMS CAD MKHYEN PA NYID KYI YE SHES SO, ,DE LA THAMS CAD SHES PA NYID KYI YE SHES KYIS NI KUN BRTAGS PA'I CHOS RNAMS KUN RDZOB KYI RNAM PAR MNGON PAR RDZOGS PAR 'TSANG RGYA'O, ,RNAM PA THAMS CAD MKHYEN PA NYID KYI YE SHES KYIS NI YONGS SU GRUB PA'I CHOS RNAMS DON DAM PA'I RNAM PAR MNGON PAR RDZOGS PAR 'TSANG RGYA STE, DE BAS NA RNAM PA THAMS CAD DU MNGON BAR RDZOGS BAR 'TSANG RGYA BAR 'DOD PAS ZHES BYA BA GSUNGS SO, ,SHES RAB KYI PHA ROL TU PHYIN PA LA ZHES BYA BA NI DNGOS SU NA 'JIG RTEN LAS 'DAS PA'I YE SHES RNAM PAR MI RTOG PA RDO RJE LTA BU'I TING NGE 'DZIN DU GTOGS PA DE SMON LAM DANG, BRTZON 'GRUS BRTZAMS PA DANG, NYON MONGS PA DANG, LAS DANG, SDUG BSNGAL DANG, 'KHOR BA DANG, RNAM PAR RTOG PA DANG, YON TAN DANG, SHES PAR BYA BA DANG, RNAM PA 'DI DGU'I MTHAR PHYIN PA'I PHYIR SHES RAB KYI PHA ROL TU PHYIN PA ZHES BYA'O, ,GZHAN YANG DE'I RJES LAS THOB PA RNAM PAR RTOG PA DANG BCAS PA DANG, RNAM PAR MI RTOG PA'I YE SHES ME LONG LTA BU DANG, MNYAM PA NYID DANG, SO SOR RTOG PA DANG, BYA BA GRUB PA'I YE SHES RNAMS @26A *, ,KYANG DE'I RGYU LAS BYUNG BA'I PHYIR 'BRAS BU LA RGYU BTAGS TE SHES RAB KYI PHA ROL TU PHYIN PA ZHES BYA BAR RUNG NGO, ,NYAN THOS DANG RANG SANGS RGYAS RNAMS KYI MTHAR PHYIN PA'I SAR GTOGS PA DGRA BCOM PA'I LAM GYI YE SHES KYANG SHES RAB KYI PHA ROL TU PHYIN PA'I RGYU MTHUN PA YIN PA'I PHYIR SHES RAB KYI PHA ROL TU PHYIN PA ZHES BYA BAR 'GYUR RO, ,BYANG CHUB SEMS DPA' RNAMS KYIS MOS PAS SPYOD PA'I SA NAS BZUNG STE, SA CHOS KYI SPRIN GYI BAR DU MNYAN PA DANG, BSAM PA DANG, BSGOM PA LA SOGS PA'I RIM PAS MNGON PAR 'PHEL BA CHOS KYI DBYINGS DRI MA MED BAR BYED PA THABS KYIS ZIN PA, DE BZHIN NYID LA KUN DU 'GRO BA'I DON DANG, MCHOG GI DON LA SOGS PAR RTOGS PA'I KHYAD PAR MNGON SUM DU BYED PAS, SA DANG SA DAG LA GNAS RNAM PAR DAG PA'I SHAS JE CHE JE CHER GYUR PAS LHAG PAR RTOGS PA'I KHYAD PAR THOB PAR BYED PA'I YE SHES DAG KYANG SHES RAB KYI PHA ROL TU PHYIN PA ZHES BYA BA'I MING DU 'GYUR RO, ,MING GI TSOGS DANG, TSIG GI TSOGS DANG, YI GE'I TSOGS YONGS SU 'GYUR BA'I CHOS BSTAN PA GANG YIN PA DE DAG KYANG SHES RAB DE DAG SGRUB PA DANG, RTOGS PA DANG, MTHAR PHYIN PA'I SA'I TING NGE 'DZIN LA GNAS PA'I DNGOS PO MA LUS PA'I KHYAD PAR RTOGS PAR BYED PA'I RGYU YIN PA'I PHYIR SHES RAB KYI PHA ROL TU PHYIN PA ZHES BYA BA'I MING DU BRJOD DO, ,DE LTAR CI TZAM DU RNAM PA 'DI LTA BU DAG MNGON PAR STON PA THEG PA CHEN PO'I TSUL GANG YIN PA THAMS CAD LA YANG SHES RAB KYI PHA ROL TU PHYIN PA ZHES BYA'O, ,DE LTAR SHES RAB KYI PHA ROL TU PHYIN PA ZHES BYA BAR BRJOD PA 'DI RNAMS LAS 'DIR NI SANGS RGYAS KYI SAR GTOGS PA'I SHES RAB 'JIG RTEN LAS 'DAS PA RNAM PAR MI RTOG PA LA SHES RAB KYI PHA ROL TU PHYIN PA ZHES BYA'O, , DE BAS NA SHES RAB KYI PHA ROL TU PHYIN PA 'DI LA BRTZON PAR BYA'O ZHES BYA BA NI RNAM PAR RTOG PA THAMS CAD DANG BRAL BA SHIN TU YONGS SU DAG PA'I SHES RAB KYI PHA ROL TU PHYIN PA LA BRTZON PAR BYA'O ZHES BYA BA'I DON TO, ,KHA CIG NA RE 'DI LA SHES RAB KYI PHA ROL TU PHYIN PA ZHES BYA BA NI @26B THEG PA CHEN PO LA BYA BAS NA NYAN THOS KYI THEG PA DANG RANG SANGS RGYAS KYI THEG PA SPANGS PA STE, THEG PA CHEN PO LA BRTZON PAR BYA'O ZHES BYA BA'I THA TSIG GO ZHES ZER RO, ,KHA CIG NA RE DE LA GANG GI TSE SHES RAB KYI PHA ROL TU PHYIN PA ZHES BYA BA RNAM PA THAMS CAD MKHYEN PA NYID LA BYA BAR GYUR PA DE'I TSE NI SHES RAB KYI PHA ROL TU PHYIN PA LA BRTZON PAR BYA'O ZHES BYA BA RNAM PA THAMS CAD MKHYEN PA NYID KYI DON DU BRTZON PAR BYA'O ZHES BYA BA'I THA TSIG GO, ,GANG GI TSE RNAM PAR MI RTOG PA'I SHES RAB BAM, THEG PA CHEN PO LA SHES RAB KYI PHA ROL TU PHYIN PA ZHES BYA BAR GYUR PA DE'I TSE NI SHES RAB KYI PHA ROL TU PHYIN PA DE LA GNAS TE BRTZON PAR BYA'O ZHES BYA BAR RIG PAR BYA'O ZHES ZER RO, ,SHES RAB KYI PHA ROL TU PHYIN PA LA BRTZON PAR BYA'O ZHES BYA BA LA BRTZON PA RNAM PA GSUM STE, BSLAB PA LA BRTZON PA DANG, SPYOD PA LA BRTZON PA DANG, YANG DAG PAR SGRUB PA LA BRTZON BA'O, ,DE LA MNYAN BA'O, ,BSAM PA LA SOGS PA'I DUS NA NI BSLAB PA LA BRTZON PA STE, DE YANG SHES RAB KYI PHA ROL TU PHYIN PA LA BSLAB PAR BYA'O ZHES BYA BA 'OG NAS 'CHAD PA'O, ,SGRUB PA'I DUS NA NI SPYAD PA LA BRTZON PAR BYA BA STE, DE YANG SHES RAB KYI PHA ROL TU PHYIN PA LA SPYAD PAR BYA'O ZHES BYA BA 'OG NAS 'CHAD PA'O, ,RAB TU RTOGS PA'I DUS NA NI YANG DAG PAR 'GRUB PA LA BRTZON PA STE, DE YANG BRTZON PAR BYED PA'O ZHES BYA'O, ,ZHES 'OG NAS 'CHAD PA'O, ,BRTZON PAR BYA'O ZHES BYA BA NI BYA BAR 'OS PA STE BYA BA'I RIGS SO ZHES BYA BA'I THA TSIG GO, ,DE DAG GIS NI GANG GIS BYA BA DANG, GANG LA BYA BA DANG, GANG BYA BA RNAM PA DE GSUM BSTAN PA YIN TE, NYAN THOS DANG, RANG SANGS RGYAS KYI THEG PA PA RNAMS LA NI NGES PA MED PA'I PHYIR, BYANG CHUB SEMS DPA' RNAMS NYID KYIS BYA'O, ,BSGRUB PAR BYA BA THAMS CAD KYI RTZA BA DE YIN PA'I PHYIR SHES RAB KYI PHA ROL TU PHYIN PA NYID LA BYA'O, ,RGYUN CHAD PA DANG, GUS PA DANG, 'GRUB PA LA SOGS PAS BRTZON PAR BYA'O, ,'DIR 'BRAS BU PHUN SUM TSOGS PA DANG, RGYU PHUN SUM TSOGS PA DANG, SBYOR BA PHUN SUM TSOGS PA GSUM BSTAN TE, CHOS THAMS CAD RNAM PA @27A *, ,THAMS CAD DU MNGON PAR RDZOGS PAR 'TSANG RGYA BA ZHES BYA BA NI 'BRAS BU'O, ,SHES RAB KYI PHA ROL TU PHYIN PA ZHES BYA BA NI RGYU'O, ,BRTZON PAR BYA'O ZHES BYA BA NI SBYOR BA'O, ,RDO RJE GCOD PA LAS GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA JI SKAD DU BSHAD PA DE BZHIN DU, 'DIR YANG CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'DOD PAS ZHES BYA BA 'DIS NI BSAM PA PHUN SUM TSOGS PAR BSTAN PAS GNAS PA SAN [?] PA YIN NO, ,BRTZON PAR BYA'O ZHES BYA BA NI SGRUB PA BSTAN PA YIN NO, ,SHES RAB KYI PHA ROL TU PHYIN PA LA ZHES BYA BAS NI RNAM PAR MI RTOG PA'I SHES RAB KYI PHA ROL TU PHYIN PA LA BRTZON PAR BYA BA'I PHYIR SEMS RAB TU GZUNG BAR BSTAN PA YIN NO, ,DE LTAR MGO SMOS PAS GO BA RNAMS KYI DON DU SHES RAB KYI PHA ROL TU PHYIN PA YONGS SU RDZOGS PAR BYAS NAS, BCOM LDAN 'DAS CANG MI GSUNG BAR GYUR PA DANG, DE'I 'OG TU GNAS BRTAN SH'A RI'I BUS RNAM PAR SPROS NA GO BA RNAMS KYI DON DU 'BRING DU BSHAD PA'I SKABS DBYE BA'I PHYIR, BCOM LDAN 'DAS BYANG CHUB SEMS DPA' SEMS DPA' CHEN POS CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL BAS, JI LTAR SHES RAB KYI PHA ROL TU PHYIN PA LA BRTZON PAR BGYI ZHES BYA BA'I ZHU BA BRTZAMS SO, ,DES NI MDOR BSTAN PA'I CHOS RNAM PA BZHI ZHUS PA YIN TE, JI LTAR BYANG CHUB SEMS DPA' SEMS DPA' CHEN PO ZHES BYA BA DANG, JI LTAR CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL ZHES BYA BA DANG, JI LTAR SHES RAB KYI PHA ROL TU PHYIN PA ZHES BYA BA DANG, JI LTAR BRTZON PAR BGYI ZHES BYA BA RNAMS TE, DE BZHI YANG 'OG NAS SKABS JI LTA BA BZHIN DU STON TO, ,DE LA SHAR DVA TI'I BU 'DI LA BYANG CHUB SEMS DPA' SEMS DPA' CHEN POS GNAS PA MED PA'I TSUL DU SHES RAB KYI PHA ROL TU PHYIN PA LA GNAS TE SBYIN PA DANG, GTONG BA DANG, YONGS SU LEN PA MI DMIGS PA'I PHYIR YONGS SU @27B GTANG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BA LA SOGS PAS MDOR BSHAD PA'I SGO NAS CHOS THAMS CAD BSDUS TE BSTAN NAS, SPYOD PA RNAM PA BZHI BSTAN TE, SPYOD PA RNAM PA BZHI YANG RNAM PAR MI RTOG PA'I PHA ROL TU PHYIN PA'I SPYOD PA DANG, NYON MONGS PA MED PA'I BYANG CHUB KYI PHYOGS KYI SPYOD PA DANG, BAR DU GCOD PA MED PAR SEMS CAN YONGS SU SMIN PAR BYA BA'I SPYOD PA DANG, GOS PA MED PAR SANGS RGYAS KYI CHOS THAMS CAD YONGS SU SMIN PAR BYED PA'O, ,DE LA THABS MKHAS PAS NI PHA ROL TU PHYIN PA'I SPYOD PA 'GRUB BO, ,YONGS SU 'DRIS PA'I SHES PAS NI BYANG CHUB KYI PHYOGS KYI SPYOD PA 'GRUB BO, ,SNYING RJES NI SEMS CAN YONGS SU SMIN PAR BYED PA'I SPYOD PA 'GRUB BO, ,SHES RAB KYIS NI SANGS RGYAS KYI CHOS YONGS SU SMIN PAR BYED PA'I SPYOD PA 'GRUB BO, ,DE LA RNAM PAR MI RTOG PA'I PHA ROL TU PHYIN PA'I SPYOD PA NI, GNAS PA MED PA'I TSUL DU SHES RAB KYI PHA ROL TU PHYIN PA LA GNAS TE ZHES BYA BA LA SOGS PAS STON TO, ,PHA ROL TU PHYIN PA'I SPYOD PA DE YANG GNAS PA DANG, SGRUB PA DANG, 'KHOR GSUM YONGS SU DAG PA DANG, RNAM PA GSUM GYIS BSTAN TE, RDO RJE GCOD PA LAS GNAS PAR BYA BA DANG, BSGRUB PAR BYA BA DANG, SEMS RAB TU GZUNG BAR BYA BA BSTAN PA LTA BU'O, ,DE LA GNAS PA MED PA'I TSUL DU, SHES RAB KYI PHA ROL TU PHYIN PA LA GNAS TE ZHES BYA BA NI, DE LAS GZHAN PA'I 'BRAS BU'I KHYAD PAR 'DOD PA YONGS SU BTANG STE, SNYING RJE'I DBANG GIS SEMS CAN THAMS CAD LA PHAN PA DANG, BDE BA BSGRUB PAR BYA BA'I BSAM PA DANG, SHES RAB KYI DBANG GIS KHAMS GSUM PA'AM CHOS THAMS CAD KYANG RUNG STE, GANG LA YANG MI GNAS PA NI 'DIR SHES RAB KYI PHA ROL TU PHYIN PA LA GNAS PA ZHES BYA'O, ,THAMS CAD LA MI GNAS PA GANG YIN PA DE NYID SHES RAB KYI PHA ROL TU PHYIN PA LA GNAS PA YIN NO ZHES DGONGS PA'O, ,'DIR YANG SHES RAB KYI PHA ROL TU PHYIN PA ZHES BYA BA NI RNAM PA THAMS CAD MKHYEN PA NYID DAM, RNAM PAR MI RTOG PA'I @28A *, ,SHES RAB BAM, THEG PA CHEN PO YIN PAR BSTAN TO, ,BYANG CHUB KYI LAM DANG MTHUN PAR SPYOD PA NI SGRUB PA STE, DE BAS NA SBYIN PA'I PHA ROL TU PHYIN PA YONGS SU RDZOGS PAR BYA'O ZHES GSUNGS SO, ,DON DAM PAR CHOS THAMS CAD LA YONGS SU MI RTOG PA NI 'KHOR GSUM YONGS SU DAG PA YIN TE, DE BAS NA SBYIN PAR BYA BA DANG, GTONG BA PO DANG, LEN PA MI DMIGS PA'I PHYIR YONGS SU GTONG BA MED PA'I TSUL GYIS ZHES BYA BA GSUNGS SO, ,BYANG CHUB SEMS DPA' NI SNYING RJES BSKYOD PAS SEMS CAN THAMS CAD LA CI 'DOD PA DE THAMS CAD SBYIN PAR BYED KYANG, DE'I TSE NI DE SBYIN PA ZHES BRJOD PAR ZAD KYI SBYIN PA'I PHA ROL TU PHYIN PA MA YIN NO, ,GANG GI TSE SBYIN PA BYED PA'AM, SBYIN PA BYIN PA'I 'OG TU YONGS SU BRTAG PA BZHIS YONGS SU BRTAGS SHING, YANG DAG PA JI LTA BA BZHIN YONGS SU SHES PAR BYED PA BZHIS YONGS SU SHES PAR BYAS NAS, SHES RAB KYIS YONGS SU DAG PAR BYED PA DE'I TSE NA DE LEGS PAR SBYANGS PAS PHA ROL TU PHYIN PA ZHES BYA BAR 'GYUR RO, ,BYANG CHUB SEMS DPA' NI DANG POR SNYING RJES LAS THAMS CAD BYAS NAS PHYIS SHES RAB KYIS YONGS SU SBYONG NGO; ,DE BAS NA SNYING RJES NI SGRUB PAR BYED DO, ,SHES RAB KYIS NI DAG PAR BYED DO, ,SNYING RJES NI BSAM PA DAG PAR BYED DO, ,SHES RAB KYIS NI SBYOR BA DAG PAR BYED DO, ,SNYING RJES NI KUN RDZOB LA GNAS TE SGRUB PAR BYED DO, ,SHES RAB KYIS NI DON DAM PA LA GNAS TE SBYONG BAR BYED DO, ,SNYING RJES NI LAS THAMS CAD SEMS CAN GYI DON DU BYAS PA'I PHYIR BSOD NAMS KYI TSOGS SU BGRANG NGO, ,SHES RAB KYIS NI BYANG CHUB KYI DON GYI PHYIR BYAS PAS YE SHES KYI TSOGS SU BGRANG NGO, ,DE BAS NA YONGS SU GTONG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES GSUNGS SO, ,'DI LA BYANG CHUB SEMS DPA' RNAMS SA DANG PO LA DE BZHIN NYID RTOGS PA NAS BZUNG STE, SBYOR BA THAMS CAD DON DAM PAR BRTAGS NAS, DE BZHIN NYID DU MNGON SUM DU MTHONG BAS, DE BZHIN DU @28B GNAS PAR 'GYUR GYI GZHAN DU NI MA YIN NO, ,DE BZHIN NYID DE YANG SBYIN PA BYED PA'I TSE NI SUS KYANG SBYIN PA'AM, BLANG BAR MI NUS TE, DE BAS NA DON DAM PAR YONGS SU GTONG BA ZHES BYA BA GANG YANG MED DO, ,BZA' BA DANG, BTUNG BA DANG, MAL CHA LA SOGS PA YONGS SU GTONG BA GANG YIN PA DE DAG NI KUN BRTAGS PA'I CHOS LA GNAS PA'I PHYIR RMI LAM GYI TSE DANG SGYU MA BZHIN TE, YANG DAG PA NI MA YIN NO, ,DE LTAR DON DAM PAR YONGS SU GTONG BA'I MTSAN NYID DANG BRAL BA NYID LA YONGS SU GTONG BA MED PA'I TSUL ZHES BYA'O, ,YONGS SU GTONG BA MED PA'I RIGS PA DES DNGOS PO LA SBYIN PAR BYA BA DANG, BDAG LA GTONG BA PO DANG, SLONG BA LA LEN PAR BYED PA DANG GSUM MI DMIGS TE, MI DMIGS PA'I NGO BO NYID DANG BRAL BA'I PHYIR, SBYIN PA'I PHA ROL TU PHYIN PA YONGS SU RDZOGS PAR BYA'O, ,DANG POR RGYU NI SNYING RJE'I STOBS KYI KUN RDZOB KYI TSUL LA GNAS TE, 'JIG RTEN PA'I SPYOD PA'I DBANG GIS SBYIN PA BYED DO, ,DE NAS SHES RAB KYI DBANG GIS DON DAM PA'I TSUL LA GNAS TE, 'JIG RTEN LAS 'DAS PA'I SPYOD PA'I DBANG GIS THAMS CAD KYANG SHES RAB KYIS YONGS SU BRTAGS NA DMIGS SU MED PAR GYUR PA DE'I TSE, SBYIN PA'I PHA ROL TU PHYIN PA YONGS SU RDZOGS PA ZHES BYA BAR 'GYUR RO, ,DE BAS NA DANG PO SEMS BSKYED PA'I DMIGS PAR GYUR BA SEMS CAN DANG, BYANG CHUB GNYIS YONGS SU MA BTANG BAR GYUR TE, DE'I PHYIR BYANG CHUB SEMS DPA' ZHES BYA BA'I MING DE YANG DON DANG LDAN PAR 'GYUR RO, ,DE LTA NA SBYIN PAR BYA BA DANG, GTONG BA PO DANG, LEN PA PO RNAMS MI DMIGS PA DANG, SBYIN PA DAG SHIN TU 'GAL BA YIN NA, JI LTAR MI 'GAL BA BZHIN DU BYED PAR 'GYUR ZHE NA, THABS MKHAS PA NI PHA ROL TU PHYIN PA'I MTHUS RUNG BAR 'GYUR TE, THABS MKHAS PA'I PHA ROL TU PHYIN PA NI KUN RDZOB 'DZIN PA'I SNYING RJE DANG, DON DAM PA MI 'DZIN PA'I SHES RAB GNYIS KYIS SKAM LA RGYU BA DANG, CHU LA RGYU BA'I SROG CHAGS KYI SBYOR BA BZHIN DU SHIN TU 'GAL BA YIN DU ZIN YANG, SBYOR BA'I RNAM PAS 'GAL BA MED PAR GROGS BYAS @29A *, ,NAS CIG CAR SGRUB CING BYANG CHUB KYI BAR DU SPYOD DE, BSOD NAMS KYI TSOGS DANG YE SHES KYI TSOGS THAMS CAD BSGRUBS NA, BYANG CHUB SEMS DPA' RNAMS LA PHAN 'DOGS PA'I MCHOG TU 'GYUR TE, 'OG NAS KYANG SKABS JI LTA BA DE DANG DE DAG TU DE'I BSHAD PA 'BYUNG NGO, ,LTUNG BA MI 'BYUNG BA DANG LHAG PAR LTUNG BA MI 'BYUNG BA'I PHYIR TSUL KHRIMS KYI PHA ROL TU PHYIN PA YONGS SU RDZOGS PAR BYA'O ZHES BYA BA LA, BYANG CHUB SEMS DPA' NI KHYIM PA'I BYANG CHUB SEMS DPA' SDOM PA'I BSLAB PA DANG, RAB TU BYUNG BA'I SDOM PA'I BSLAB PA GNYIS YANG DAG PAR BLANGS TE GNAS PA NA LTUNG BA BYUNG NA YANG DUS LAS YOL BAR LHAG PAR LTUNG BA MI 'BYUNG GI MYUR ZHING MYUR DU MTHOL BAR BYED DE, DE BAS NA LTUNG BA MI 'BYUNG BA DANG, LHAG PAR LTUNG BA MI 'BYUNG BA'I PHYIR ZHES BYA BA GSUNGS SO, ,'DIR YANG SHES RAB KYI PHA ROL TU PHYIN PA LA GNAS TE ZHES BYA BAR SNYEGS TE, BDAG NI TSUL KHRIMS DANG LDAN PA'O, ,BDAG NI TSUL KHRIMS SO, ,'DI NI 'CHAL PA'I TSUL KHRIMS SO ZHES BYA BA NI RNAM PAR RTOG PA GSUM MI DMIGS PAS, 'KHOR GSUM YONGS SU DAG PAR RIG PAR BYA STE, 'DI LTAR 'OG NAS KYANG BDAG NI TSUL KHRIMS DANG LDAN NO, ,'DI NI TSUL KHRIMS SO, ,'DI NI 'CHAL PA'I TSUL KHRIMS SO ZHES BYA BA'I RLOM SEMS SU MI BYED DO ZHES 'BYUNG NGO, ,'KHRUG PA MED PA'I PHYIR BZOD PA'I PHA ROL TU PHYIN PA YONGS SU RDZOGS PAR BYA'O ZHES BYA BA NI, BZOD PA'I PHA ROL TU PHYIN PA'I NGO BO NYID BSTAN TE, DE YANG SNYING RJE'I DBANG GIS SEMS CAN GYI 'DU BYED RNAMS LA 'KHRUG PA MED PA DANG, SHES RAB KYI DBANG GIS BDAG MED PAR RTOGS PA'I PHYIR RO, ,'DIR YANG BZOD PA DANG, BZOD PAR BYA BA DANG, GNOD SEMS RNAMS MI DMIGS PAS 'KHOR GSUM YONGS SU DAG PA NI 'OG NAS SKABS JI LTA BA NYID DU 'CHAD DO, ,LUS DANG SEMS KYI BRTZON 'GRUS NYAMS PA MED PA'I PHYIR BRTZON 'GRUS KYI PHA ROL TU PHYIN PA YONGS SU RDZOGS PAR BYA'O ZHES BYA BA 'DIS NI BRTZON 'GRUS KYI PHA ROL TU PHYIN PA LA 'JUG PA BSTAN TE, RGYUN DU CHUD PA DANG, @29B GUS PA DANG, NAN TAN DU LUS DANG SEMS KYI BRTZON 'GRUS NYAMS PAR MI BYED PAR BRTZON 'GRUS KYI PHA ROL TU PHYIN PA YONGS SU RDZOGS PAR BYA'O ZHES BYA BA'I THA TSIG GO, ,NYAMS PA MED PA DE YANG SHES RAB DANG SNYING RJE GNYIS KYIS 'GYUR BA NYID DO, ,'DIR YANG BRTZON 'GRUS DANG LDAN PA DANG, BRTZON 'GRUS DANG LE LO RNAMS MI DMIGS PAS PHA ROL TU PHYIN PA NYID DU 'GYUR RO, ,RO MYANG BA MED PA'I PHYIR BSAM GTAN GYI PHA ROL TU PHYIN PA YONGS SU RDZOGS PAR BYA'O ZHES BYA BA NI, GAL TE BDAG GI DON DU BSAM GTAN LA 'JUG NA NI BSAM GTAN GYI RO MYONG BAR BYED PAR 'GYUR NA 'DI LTAR BYANG CHUB SEMS DPA' NI BDAG GI DON 'BA' ZHIG LA SBYOR BA THAMS CAD LA SDIG PA BZHIN DU RNAM PAR SMOD PAR BYED NA, DE LA BSAM GTAN GYI RO MYANG BA'I YID LA BYED PA LTA GA LA YOD, DE BAS NA NYON MONGS PA CAN DANG, DAG PA DANG, ZAG PA MED PA'I BSAM GTAN GSUM LAS DAG PA DANG, ZAG PA MED PA NYID LA SNYOMS PAR 'JUG GI ,NYON MONGS PA CAN LA NI MI 'JUG GO ZHES BYA BA'I THA TSIG GO, ,'DIR YANG TING NGE 'DZIN DANG LDAN PA DANG, TING NGE 'DZIN DANG G-YENG BA RNAMS MI DMIGS PAS, PHA ROL TU PHYIN PA YONGS SU RDZOGS PAR 'GYUR RO, ,CHOS THAMS CAD MI DMIGS PA'I PHYIR SHES RAB KYI PHA ROL TU PHYIN PA YONGS SU RDZOGS PAR BYA'O ZHES BYA BA NI GANG GI PHYIR DE BZHIN NYID TZAM DU MTHONG BAS NI 'JIG RTEN PA'I KUN BRTAGS PA'I CHOS THAMS CAD MI DMIGS LA, 'JIG RTEN LAS 'DAS PA YANG RNAM PAR MI RTOG STE, DE BAS NA SHES RAB KYI PHA ROL TU PHYIN PA ZHES BYA BAR 'GYUR RO, ,JI LTAR NA SHES RAB KYI PHA ROL TU PHYIN PA LA GNAS TE, SHES RAB KYI PHA ROL TU PHYIN PA YONGS SU RDZOGS PAR BYED CE NA, GANG GI TSE SHES RAB KYI PHA ROL TU PHYIN PA ZHES BYA BA RNAM PA THAMS CAD MKHYEN PA NYID DANG, THEG PA CHEN PO LA BYA BA DE'I TSE NA NI KLAN KAR 'GYUR BA MED DO, ,GANG GI TSE RNAM PAR MI RTOG PA'I SHES RAB LA BYA BAR GYUR PA DE'I TSE YANG, DON DAM PAR SHES RAB KYI PHA ROL TU PHYIN PA'I CHOS GANG YANG MED DO SNYAM DU SEMS PAS SHES RAB KYI @30A *, ,PHA ROL TU PHYIN PA RNAM PAR RTOG PA MED PA'I BDAG NYID RNAM PAR MI RTOG PA'I SHES RAB KYI PHA ROL TU PHYIN PA LA GNAS PA YIN TE, DE'I TSE NI KHAMS GSUM LA SOGS PA DE BZHIN NYID TZAM DU ZAD DO, ,KUN RDZOB KYI RNAM PAR SKYES PA'I SHES RAB SBYOR BA'I LAM DU GTOGS PA NI RNAM PAR RTOG PA'I BDAG NYID YIN YANG RNAM PAR MI RTOG PA'I SHES RAB KYIS YONGS SU ZIN PA'I PHYIR SHES RAB KYI PHA ROL TU PHYIN PA ZHES BYA BAR 'GYUR RO, ,DE BAS NA SHES RAB KYI PHA ROL TU PHYIN PA LA GNAS TE, SHES RAB KYI PHA ROL TU PHYIN PA SGOM PAR DGONGS PAS KLAN KAR 'GYUR BA MED DO, ,'DIR YANG SHES RAB CAN DANG SHES RAB DANG, 'CHAL PA'I SHES RAB RNAMS MI DMIGS PAS 'KHOR GSUM YONGS SU DAG PA YIN PAR RIG PAR BYA'O, ,DE LTAR RNAM PAR MI RTOG PA'I PHA ROL TU PHYIN PA'I SPYOD PA BSHAD ZIN NAS, DA NI NYON MONGS PA MED PA'I BYANG CHUB KYI PHYOGS KYI SPYOD PA BSTAN PAR BYA STE, DE YANG SHA RA DVA TI'I BU BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA GNAS TE, DRAN PA NYE BAR GZHAG PA MI DMIGS PA'I PHYIR DRAN PA NYE BAR GZHAG PA BZHI YONGS SU RDZOGS PAR BYA'O ZHES BYA BA LA SOGS PA GSUNGS SO, ,BYANG CHUB KYI PHYOGS KYI CHOS RNAMS SGOM PA NI NYAN THOS DANG RANG RGYAL GYI THEG PA PA MYA NGAN LAS 'DAS PA LA GZHOL BAR BYED PA RNAMS NYID LA RIGS KYI, BYANG CHUB SEMS DPA' RNAMS LA MI RIGS SO ZHE NA, YANG 'DI LA NYES PA MED DE, BYANG CHUB SEMS DPA' RNAMS NI CHOS THAMS CAD RNAM PA THAMS CAD DU RTOGS PAR BZHED CING, CHOS THAMS CAD MI DMIGS PA LHUR LEN PAS, CI BYANG CHUB KYI PHYOGS KYI CHOS RNAMS DON DAM PAR YOD DAM 'ON TE MED CES DE DAG LA YONGS SU BRTAG PAR RIGS SO, ,'ON TE DE LTAR GYUR NA, BYANG CHUB KYI PHYOGS KYI CHOS RNAMS BSGOM PA'I RGYUS MYA NGAN LAS 'DAS PA MNGON SUM DU BYED PAR 'GYUR TE, 'ON KYANG BYANG CHUB SEMS DPA' RNAMS KYIS RGYUN DU ZHUGS PA NAS, DGRA BCOM PA NYID KYI BAR DU THOB PAR 'GYUR RO ZHE NA YANG, SNGON GYI RTZOL BA'I SHUGS KYI MTHU NYID KYIS DE 'GRUB PA'I @30B PHYIR 'DI LA NYES PA MED DO, ,GANG DAG 'KHOR BA LA NYES DMIGS SU MTHONG NAS YID BYUNG BA DANG, MYA NGAN LAS 'DAS PA LA YON TAN DU MTHONG NAS DE NYID DON DU GNYER ZHING BSGRUB PA DE DAG NI SNGON GYI RTZOL BA'I SHUGS KYIS DRAN PA NYE BAR GZHAG PA RNAMS BSGOM PA'I RGYUS 'BAD MI DGOS PAR MYA NGAN LAS 'DAS PA MNGON SUM DU BYED PAR 'GYUR GYI, BYANG CHUB SEMS DPA' GANG DAG 'KHOR BA DANG, MYA NGAN LAS 'DAS PA LA SEMS MNYAM PA, SEMS CAN THAMS CAD LA PHAN PA DANG, BDE BA BSKYED PA LHUR LEN PA DAG NI SEMS CAN LA PHAN PA'I RGYU YIN PA'I PHYIR 'KHOR BA LA YANG MYA NGAN LAS 'DAS BA BZHIN DU YON TAN DU GZIGS LA, SEMS CAN LA PHAN 'DOGS PA'I GNAS MA YIN PA'I PHYIR, MYA NGAN LAS 'DAS PA LA YANG 'KHOR BA BZHIN DU MI MTHUN BAR GZIGS PA DANG CHOS NYID TZAM DU ZAD PA'I PHYIR DE GNYI GA YANG MNYAM PA NYID DU GZIGS PAS DMIGS SU MED PA'I NGO BO NYID DU SO SOR RTOGS PA'I PHYIR BYANG CHUB KYI PHYOGS KYI CHOS RNAMS BSGOMS TE, DE DAG NI BYANG CHUB KYI PHYOGS KYI CHOS RNAMS MNGON SUM DU MDZAD PA TZAM DU ZAD KYI, RGYUN DU ZHUGS PA'I 'BRAS BU LA SOGS PA'AM; MYA NGAN LAS 'DAS PA MNGON SUM DU MDZAD PA'I PHYIR NYE BAR GNAS PA MA YIN TE, DE NYID LA YONGS SU 'DRIS PA'I SHES PA ZHES BYA'O, ,'DI LTAR 'OG NAS KYANG BYANG CHUB KYI PHYOGS KYI CHOS RNAMS LA GNAS NAS 'DI NI YONGS SU 'DRIS PAR BYA BA'I DUS YIN GYI, MNGON SUM DU BYA BA'I DUS NI MA YIN PAR SHES SO ZHES BYA BA LA SOGS PAS YONGS SU 'DRIS PA'I SHES PA BSTAN PA LAS 'CHAD DO, ,DRAN PA NYE BAR GZHAG PA MI DMIGS PA'I PHYIR DRAN PA NYE BAR GZHAG BA BZHI YONGS SU RDZOGS PAR BYA'O ZHES BYA BA NI DE LA LUS DANG, TSOR BA DANG, SEMS DANG, CHOS RNAMS DANG; RNAM PA BZHI RNAMS LA RJES SU LTA BA RNAM PA BZHI LA, DRAN PA NYE BAR GZHAG PA BZHI ZHES BYA STE, SNGAR YONGS SU SHES PAR BYAS NAS DE'I 'OG TU YANG DAG PA JI LTA BA BZHIN DU YONGS SU RTOG PA NA, LUS DANG, TSOR BA DANG, SEMS DANG, CHOS RNAMS DANG, @31A *, ,DE DAG LA DMIGS PA'I DRAN PA DANG, SHES RAB GNYIS DANG, DE DANG MTSUNGS PAR LDAN PA'I SEMS LAS BYUNG BA'I CHOS RNAMS KUN BRTAGS PA'I MTSAN NYID DU RTOGS PAS YANG DAG PA'I DON MA YIN PAR YONGS SU SHES PAR BYA STE, DON DAM PAR BRJOD DU MED PA NI DRAN PA DANG SHES RAB GNYIS KYI SPYOD YUL MA YIN PAS DRAN PA NYE BAR GZHAG PA'I MTSAN NYID DON DAM PAR YOD PA MA YIN PAR RTOGS NAS, SHES RAB KYI PHA ROL TU PHYIN PA LA GNAS TE, DRAN PA NYE BAR GZHAG PA RNAMS YONGS SU RDZOGS PAR BYED CES BYA'O, ,DE BAS NA 'BUM PA 'DI NYID LAS KYANG, DRAN PA NYE BAR GZHAG PA RNAMS DMIGS SU MED PA'I PHYIR ZHES BYA BA GSUNGS SO, ,YANG DAG PAR SPONG BA BZHI YONGS SU RDZOGS PAR BYA'O ZHES BYA BA NI, BRTZON 'GRUS KYIS DGE BA BSKYED CING SDIG PA MI DGE BA'I CHOS RNAMS SPONG BAS NA, YANG DAG PA'I SPONG BA BZHI ZHES BYA STE, DE YANG SDIG PA MI DGE BA'I CHOS MA SKYES PA RNAMS MI SKYE BA'I PHYIR 'DUN PA SKYED, 'BAD, BRTZON 'GRUS RTZOM, SEMS RAB TU 'DZIN TO ZHES BYA BA DANG, SDIG PA MI DGE BA'I CHOS SKYES PA RNAMS SPANG BA'I PHYIR 'DUN PA SKYED CES BYA BA LA SOGS PA DANG, DGE BA'I CHOS MA SKYES PA RNAMS BSKYED PA'I PHYIR 'DUN PA SKYED CES BYA BA LA SOGS PA DANG, DGE BA'I CHOS SKYES PA RNAMS GNAS PA DANG, PHYIR ZHING 'PHEL BA DANG, NYAMS PAR MI 'GYUR BA DANG, YONGS SU RDZOGS PAR BYA BA'I PHYIR 'DUN PA SKYED, 'BAD; BRTZON 'GRUS RTZOM, SEMS RAB TU 'DZIN TO ZHES BYA'O, ,RDZU 'PHRUL GYI RKANG PA BZHI YONGS SU RDZOGS PAR BYA'O ZHES BYA BA NI 'DUN PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, SEMS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, BRTZON 'GRUS KYI TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA DANG, DPYOD PA'I TING NGE 'DZIN SPONG BA'I 'DU BYED DANG LDAN PA'I RDZU 'PHRUL GYI RKANG PA SGOM PA STE, TING NGE 'DZIN 'DI BZHIS RDZU 'PHRUL DANG, 'PHAGS PA'I YON TAN @31B DANG; 'BYOR PA CHEN PO THOB PAR 'GYUR BA'I RGYU DANG, RTEN DANG GZHI YIN PAS RKANG PA DANG 'DRA BA'I PHYIR RDZU 'PHRUL GYI RKANG PA ZHES BYA'O, ,DBANG PO LNGA YONGS SU RDZOGS PAR BYA'O ZHES BYA BA NI DAD PA'I DBANG PO DANG, BRTZON 'GRUS KYI DBANG PO DANG, DRAN PA'I DBANG PO DANG, TING NGE 'DZIN GYI DBANG PO DANG, SHES RAB KYI DBANG PO RNAMS TE, DAD PA LA SOGS PA 'DI DAG GI DBANG GIS ZAG PA MED PA'I CHOS NYID THOB PAR 'GYUR BA'I PHYIR DBANG PO ZHES BYA'O, ,STOBS LNGA YONGS SU RDZOGS PAR BYA'O ZHES BYA BA NI, DAD PA LA SOGS PA'I DBANG PO LNGA PO DE DAG NYID GOMS PA'I MTHUS NYON MONGS PA'I PHYOGS RNAMS KYIS ZIL GYIS MI NON TE, MTHU DANG LDAN PAR GYUR PA LA STOBS LNGA ZHES BYA'O, ,BYANG CHUB KYI PHYOGS KYI YAN LAG BDUN YONGS SU RDZOGS PAR BYA'O ZHES BYA BA NI, DRAN PA YANG DAG BYANG CHUB KYI YAN LAG DANG, CHOS RNAM PAR 'BYED PA YANG DAG BYANG CHUB KYI YAN LAG DANG, BRTZON 'GRUS YANG DAG BYANG CHUB KYI YAN LAG DANG, DGA' BA YANG DAG BYANG CHUB KYI YAN LAG DANG, SHIN TU SBYANGS PA YANG DAG BYANG CHUB KYI YAN LAG DANG, TING NGE 'DZIN YANG DAG BYANG CHUB KYI YAN LAG DANG, BTANG SNYOMS YANG DAG BYANG CHUB KYI YAN LAG STE, SA DANG PO LA BYANG CHUB KYI RANG BZHIN GYIS CHOS NYID RTOGS PAR BYED PA'I DUS NA, DRAN PA LA SOGS PA 'DI RNAMS RGYU DANG GROGS SU GYUR PA'I PHYIR BYANG CHUB KYI YAN LAG CES BYA'O, ,'PHAGS PA'I LAM YAN LAG BRGYAD PA YONGS SU RDZOGS PAR BYA'O ZHES BYA BA NI, YANG DAG PA'I LTA BA DANG, YANG DAG PA'I RTOG PA DANG, YANG DAG PA'I NGAG DANG, YANG DAG PA'I LAS KYI MTHA' DANG, YANG DAG PA'I 'TSO BA DANG, YANG DAG PA'I RTZOL BA DANG, YANG DAG PA'I DRAN PA DANG, YANG DAG PA'I TING NGE 'DZIN RNAMS TE, SA DANG PO THOB NAS SA BCU'I BAR DU BSGOM PA'I LAM LA 'JUG PA'I TSE, 'DI RNAMS DANG LDAN PA'I PHYIR 'PHAGS PA'I LAM YAN LAG BRGYAD CES BYA'O, ,BYANG CHUB KYI YAN LAG BSGOM PA 'DI YANG 'OG NAS THEG PA CHEN PO BSTAN PA LAS RGYAS PAR 'CHAD DO,, @32A *, ,YANG DAG PAR SPONG BA LA SOGS PA'I MTSAN NYID DNGOS PO MED PA'I NGO BO NYID YIN PAS YANG DAG PA'I SPONG BA LA SOGS PA DMIGS SU MED PA'I NGO BO NYID DU YONGS SU SHES PAR BYED CING SHES RAB KYI PHA ROL TU PHYIN PA LA GNAS TE, BYANG CHUB KYI PHYOGS KYI CHOS RNAMS YONGS SU RDZOGS PAR BYED DO ZHES BSHAD DO, ,STONG PA NYID KYI TING NGE 'DZIN LA YONGS SU RDZOGS PAR BYA'O ZHES BYA BA NI RNAM PAR THAR PA'I SGO GSUM BYANG CHUB KYI PHYOGS BSGOM PA DANG RJES SU MTHUN ZHING, MYA NGAN LAS 'DAS PA THOB PAR BYED PA'I PHYIR, BYANG CHUB KYI PHYOGS NYID KYI NANG DU BGRANG NGO, ,'DIR NI BYANG CHUB SEMS DPA'I SKABS SU GTOGS PAS TING NGE 'DZIN GSUM DU BRJOD DO, ,DE LA STONG PA NYID KYI TING NGE 'DZIN ZHES BYA BA YONGS SU GRUB PA'I MTSAN NYID NI, KUN BRTAGS PA'I MTSAN NYID KYIS STONG STE, KUN BRTAGS PA'I RNAM PA DES STONG NGO ZHES STONG PA'I RNAM PAR BSGOMS NA, SEMS RTZE GCIG TU GYUR PA LA STONG PA NYID KYI TING NGE 'DZIN ZHES BYA'O, ,BRJOD DU MED PA'I DON DAM PA DE NYID NAM MKHA' BZHIN DU GZUGS LA SOGS PA'I MTSAN NYID THAMS CAD DANG BRAL BA, MTSAN MA'I RNAM PA MED PA'I MTSAN NYID SPROS PA THAMS CAD NYE BAR ZHI BA YIN PAS ZHI BA'I RNAM PAR BSGOMS NA, SEMS RTZE GCIG TU GYUR PA LA MTSAN MA MED PA'I TING NGE 'DZIN ZHES BYA'O, ,DE BZHIN DU KHAMS GSUM PA RNAMS DNGOS PO MED PA'I NGO BO NYID KYI RNAM PAR MTHONG BAS, CHOS THAMS CAD LA MI MTHUN PA'I 'DU SHES NYE BAR BZHAG NAS, PHYIS DE LA SMON PA'I GNAS SU MI BYED PAR YANG DAG PAR RJES SU MTHONG PA NA SEMS RTZE GCIG TU GYUR PA LA SMON PA MED PA'I TING NGE 'DZIN ZHES BYA'O, ,DE LTAR NYON MONGS PA MED PA'I BYANG CHUB KYI PHYOGS KYI SPYOD PA BSTAN NAS, DE NI BAR DU GCOD PA MED PAR SEMS CAN YONGS SU SMIN PAR BYED PA'I SPYOD PA BSTAN PA'I PHYIR, BSAM GTAN MI DMIGS PA'I PHYIR BSAM GTAN BZHI YONGS SU RDZOGS PAR BYA'O ZHES BYA BA LA SOGS PA GSUNGS TE, SEMS CAN YONGS SU SMIN PAR BYA BA DE YANG 'JIG RTEN PA DANG, 'JIG RTEN LAS 'DAS PA'I BSAM @32B GTAN DANG TING NGE 'DZIN GYI PHYOGS DANG, MNGON PAR SHES PA'I PHYOGS DANG, YE SHES KYI PHYOGS KYIS BYA DGOS PAS, PHYOGS KYI CHOS GSUM CHAR YANG DER 'DUS TE, DE LA BSAM GTAN LA SOGS PA'I CHOS THAMS CAD DANG POR SEMS CAN LA PHAN PAR BYA BA'I PHYIR KUN RDZOB TU BZUNG STE; PHYIS DON DAM PAR YONGS SU BRTAGS NA BSAM GTAN LA SOGS PA'I NGO BO NYID DU MNGON PAR ZHEN PAR MI BYED PAR SNYING RJE DANG, THABS MKHAS PA GNYIS KYIS SLAR YANG KUN RDZOB NYID LA DMIGS NAS SEMS CAN LA PHAN PAR BYED PAS SEMS CAN YONGS SU SMIN PAR BYED PA'I SPYOD PA RNAM PAR GZHAG GO, ,DE LA BSAM GTAN BZHI NI GZUGS KYI KHAMS KYI BSAM GTAN DANG PO DANG, BSAM GTAN GNYIS PA DANG, GSUM PA DANG, BZHI PA RNAMS TE, BSAM GTAN DE DAG KYANG, BSAM GTAN DANG PO'I NI RTOG PA DANG BCAS DPYOD PA DANG BCAS PA'O; ,BSAM GTAN GNYIS PA NI RTOG PA MED PA LA DPYOD PA TZAM DANG BCAS PA'O, ,BSAM GTAN GSUM PA DANG, BZHI PA GNYIS NI RTOG PA YANG MED DPYOD PA YANG MED PA STE, BSAM GTAN DE DAG 'JIG RTEN PA RNAMS NI BDAG TU LTA BA DANG BCAS PAR BSGOM, NYAN THOS DANG RANG SANGS RGYAS RNAMS NI GANG ZAG LA BDAG MED PAR RTOGS NAS BSGOM MO, ,BYANG CHUB SEMS DPA' RNAMS NI CHOS DANG GANG ZAG GNYIS LA BDAG MED PAR RTOGS NAS BSGOMS TE, DON DAM PAR BSAM GTAN DMIGS SU MED KYANG, KUN RDZOB TU SNYING RJE DANG THABS MKHAS PA GNYIS KYI DBANG GIS SO SO'I MTSAN NYID JI LTA BA BZHIN DU BSGOM MO, ,TSAD MED PA BZHI YONGS SU RDZOGS PAR BYA'O ZHES BYA BA NI BYAMS PA DANG, SNYING RJE DANG, DGA' BA DANG, BTANG SNYOMS RNAMS TE, DE BZHI CHAR LA YANG BYANG CHUB SEMS DPA' RNAM PA GSUM GYIS BSGOM STE, GSUM GANG ZHE NA, SEMS CAN LA DMIGS PA DANG, CHOS LA DMIGS PA DANG, MI DMIGS PAS BSGOM PA'O, ,GZUGS MED PA'I SNYOMS PAR 'JUG PA BZHI YONGS SU RDZOGS PAR BYA'O ZHES BYA BA NI NAM MKHA' MTHA' YAS SKYE MCHED DANG, RNAM SHES MTHA' YAS SKYE @33A *, ,MCHED DANG, CUNG ZAD MED PA'I SKYE MCHED DANG, 'DU SHES MED 'DU SHES MED MIN GYI SKYE MCHED DO, ,RNAM PAR THAR PA BRGYAD YONGS SU RDZOGS PAR BYA'O ZHES BYA BA NI GZUGS CAN GZUGS RNAMS LA LTA BA DANG, NANG GZUGS MED PAR 'DU SHES PAS PHYI ROL GYI GZUGS RNAMS LA LTA BA DANG, SDUG PA'I RNAM PA LA MOS PA DANG, NAM MKHA' MTHA' YAS SKYE MCHED LA SOGS PA BZHI DANG, 'DU SHES DANG, TSOR BA 'GOG PA'I TING NGE 'DZIN BSGOM PA DANG BRGYAD DO, ,MTHAR GYIS GNAS PA'I SNYOMS PAR 'JUG PA DGU YONGS SU RDZOGS PAR BYA'O ZHES BYA BA NI BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, 'DU SHES DANG, TSOR BA 'GOG PA'I TING NGE 'DZIN DANG DGU'O, ,MNGON PAR SHES PA LNGA YONGS SU RDZOGS PAR BYA'O ZHES BYA BA NI, LHA'I MIG DANG, LHA'I RNA BA DANG; ,GZHAN GYI SEMS SHES PA DANG, RDZU 'PHRUL GYI BYA BA SHES PA DANG, SNGON GYI GNAS RJES SU DRAN PA'O, ,'DU SHES BCU BSGOM PAR BYA STE ZHES BYA BA LA SOGS PAS NI, 'DOD CHAGS KYI GNYEN POR RNAM PAR BAM PA LA SOGS PA'I 'DU SHES BCU BSGOM PA BSTAN TO,, SANGS RGYAS RJES SU DRAN PA BSGOM PAR BYA'O ZHES BYA BA NAS, LHA RJES SU DRAN PA BSGOM PAR BYA'O ZHES BYA BA'I BAR DU RJES SU DRAN PA DRUG BSGOM PA BSTAN PA STE, SANGS RGYAS BCOM LDAN 'DAS DE RIG PA DANG ZHABS SU LDAN PA KHA LO SGYUR BA SKYES BU 'DUL BA BLA NA MED PA 'JIG RTEN MKHYEN PA ZHES BYA BA LA SOGS PA'I YON TAN GYI SGO NAS RJES SU DRAN PA'O, ,CHOS RJES SU DRAN PA BSGOM PAR BYA'O ZHES BYA BA NI LUNG GI CHOS DANG, THOB PAR BYA BA'I CHOS SO, ,DE LA LUNG GI CHOS NI MDO'I SDE LA SOGS PA THEG PA CHE CHUNG GI GSUNG RAB RNAMS KYI YON TAN RJES SU DRAN PA'O,, THOB PAR BYA BA'I CHOS NI RGYUN TU ZHUGS PA'I 'BRAS BU'I CHOS DANG, STOBS BCU DANG, MI 'JIGS PA BZHI DANG, SANGS RGYAS KYI CHOS MA 'DRES PA BCO BRGYAD LA SOGS PA'I YON TAN RNAMS RJES SU DRAN PA BSGOM PA'O, ,DGE 'DUN RJES SU DRAN PA BSGOM PAR BYA'O ZHES BYA BA NI @33B 'PHAGS PA'I GANG ZAG BRGYAD LA, BCOM LDAN 'DAS KYI NYAN THOS KYI DGE 'DUN NI 'PHAGS PA'I LAM LA GNAS PA, SHIN TU LEGS PAR ZHUGS PA SBYIN GNAS CHEN PO BSOD NAMS KYI ZHING YIN PA LA SOGS PA'I YON TAN GYI SGO NAS RJES SU DRAN PAR BYA BA BSGOM PA'O, ,TSUL KHRIMS RJES SU DRAN PA BSGOM PAR BYA'O ZHES BYA BA NI LUS KYI SDOM PA GSUM DANG, NGAG GI SDOM PA BZHI BSDAMS SHING SROG GCOD PA LA SOGS PA'I RNAM PA BDUN SPANGS PA'I MTSAN NYID LA MTHO RIS SU SKYE BAR 'GYUR BA'I YON TAN GYI SGO NAS RJES SU DRAN PA'O, ,GTONG BA RJES SU DRAN PA BSGOM PAR BYA'O ZHES BYA BA NI CHOS DANG, ZANG ZING DANG, MI 'JIGS PA SBYIN PA'I 'BRAS BU 'JIG RTEN DANG 'JIG RTEN LAS 'DAS PA'I LONGS SPYOD CHEN PO'I RGYU YIN PA'I SGO NAS RJES SU DRAN PA'O, ,LHA RJES SU DRAN PA BSGOM PAR BYA'O ZHES BYA BA NI 'JIG RTEN DANG 'JIG RTEN LAS 'DAS PA'I LHA RNAMS LAS BZANG PO DANG, BSOD NAMS CHEN PO'I RGYU LAS BYUNG BA YIN PAS BRNYAS SHING SMAD PAR BYA BAR MI RIGS KYI, MCHOD PA DANG BKUR STI BYA BA'I GNAS YIN PA'I SGO NAS RJES SU DRAN PAR BYA'O, ,DBUGS PHYI NANG DU RGYU BA RJES SU DRAN PAR BYA'O ZHES BYA BA NI BSAM GTAN DANG, TING NGE 'DZIN BSGOM PA LA SEMS SBYANG ZHING LAS SU RUNG BAR BYA BA'I PHYIR DBUGS PHYI NANG DU RGYU BA RJES SU DRAN PAR BYA BA BSGOM PA'O, ,SKYO BA RJES SU DRAN PA BSGOM PAR BYA'O ZHES BYA BA NI SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUGS PA LA SOGS PA YID 'BYUNG BAR 'GYUR BA'I GNAS RNAMS LA DMIGS NAS NYES DMIGS SU LTA ZHING SKYO BA RJES SU DRAN PA'O, ,BYANG CHUB SEMS DPA'I SKYO BA RJES SU DRAN PA NI CHOS THAMS CAD BDAG MED PA'I NGO BO NYID YIN PA LA, BYIS PA RNAMS KYIS SNYING PO CAN DU BLO BSKYED DE 'JUG PAR MTHONG NAS DE DAG SHES PAR BYA BAR MYUR DU SNGON DU GTONG BA'I YID LA BYED PA NI SKYO BA RJES SU DRAN PA ZHES BYA'O, ,'CHI BA RJES SU DRAN PA BSGOM PAR BYA'O ZHES BYA BA YANG SKYO BA RJES SU DRAN PAR BYA BA NYID KYI @34A *, ,NANG DU GTOGS MOD KYI LOGS SHIG TU BKAR TE, SMOS PA NI LHAG PAR SKYO BAR 'GYUR BA'I RGYU YIN PA'I PHYIR RO, ,LUS RJES SU DRAN PA BSGOM PAR BYA'O ZHES BYA BA NI LUS LA MA CHAGS PAR BYA BA'I PHYIR, GLAD PA'I RGYAS NAS RKANG PA'I BAR DU MI GTZANG BA SNA TSOGS KYIS GANG BAR BSGOM PA'O, ,MI RTAG PA'I 'DU SHES BSGOM PAR BYA'O ZHES BYA BA LA SOGS PA RNAM PA GSUM NI SDUG BSNGAL GYI PHUNG PO LNGA LA MI RTAG PA DANG, SDUG BSNGAL BA DANG, BDAG MED PA'I 'DU SHES BSGOM PAR BYA'O, ,MI SDUG PA'I 'DU SHES BSGOM PAR BYA'O ZHES BYA BA NI RNAM PAR BAM PA LA SOGS PA'I 'DU SHES BCU GONG DU SMOS PA NYID MDOR BSDUS TE BSGOM PA BSTAN PA'O, ,'CHI BA'I 'DU SHES BSGOM PAR BYA'O ZHES BYA BA GANG DU YANG 'CHI BA'I 'DU SHES SMOS PAS LAN GNYIS SU ZLOS PA 'DRA BA, GONG DU SMOS PA NI RJES SU DRAN PA'I SKABS YIN; 'DI NI 'DU SHES KYI SKABS YIN PAS NYES PA MED DO, ,DGA' BAR BYA BA MI DMIGS PA'I PHYIR 'JIG RTEN THAMS CAD LA DGA' BAR MI BYA BA'I 'DU SHES BSGOM PAR BYA'O ZHES BYA BA NI 'JIG RTEN PA'I RIGS PA DANG, BZO'I GNAS THAMS CAD DANG, SGYU RTZAL RNAM PA SNA TSOGS DRUG CU RTZA BZHI LA SOGS PA LA MNGON PAR DGA' BAR MI BYA'O, ,YID BRTAN DU MI RUNG BA'I 'DU SHES BSGOM PAR BYA'O ZHES BYA BA NI KHAMS GSUM PA LA CHAGS SU RUNG BA'I RGYU YANG DAG PAR RJES SU MA MTHONG BAS DE LA 'DOD PA MED PAR GYUR BA'O, ,SDUG BSNGAL SHES PA BSGOM PAR BYA'O ZHES BYA BA NI PHUNG PO LA SOGS PA'I CHOS THAMS CAD KUN RDZOB KYI SGO NAS, SDUG BSNGAL BA NYID DU SHES PAR BYAS NAS, DE'I 'OG TU DE DAG NYID DON DAM PAR SHIN TU DNGOS PO MED PAR SHES KYANG, SEMS CAN YONGS SU SMIN PAR BYA BA'I PHYIR, KUN RDZOB TU SDUG BSNGAL GYI RNAM PA NYID DU SHES PA DANG, GZHAN LA YANG DE BZHIN DU SHES PAR BYED PA'I SDUG BSNGAL SHES PA STE, DE BZHIN DU THAMS CAD LA YANG SBYAR BAR BYA'O, ,KUN 'BYUNG BA SHES PA BSGOM PAR BYA'O ZHES BYA BA NI PHUNG PO DANG, KHAMS DANG, SKYE MCHED LA SOGS PA DE DAG @34B NYID RAB TU SKYE BAR SHES PA DANG, DE SHES PAR BYED PA'I SHES PA YANG KUN 'BYUNG BA SHES PA'O, ,'GOG PA SHES PA BSGOM PAR BYA'O ZHES BYA BA NI DON DAM PAR 'GOG PA MI DMIGS KYANG, KUN RDZOB TU SEMS CAN YONGS SU SMIN PAR BYA BA'I PHYIR 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PAR SHES PA DANG, SHES PAR BYED PA'I SHES PA GANG YIN PA'O, ,LAM SHES PA BSGOM PAR BYA'O ZHES BYA BA NI KUN RDZOB DANG DON DAM PA'I TSUL SNGA MA BZHIN TE, LAM DANG, RIGS PA DANG, SGRUB PA DANG, NGES PAR 'BYIN PA'I RNAM PAR SHES SHING SHES PAR BYED PA GANG YIN PA'O, ,ZAD PA SHES PA BSGOM PAR BYA'O ZHES BYA BA NI NYON MONGS PA DANG NYE BA'I NYON MONGS PA THAMS CAD DANG, SDUG BSNGAL DANG, BDAG DANG GZHAN RNAMS KYI SRID PA YONGS SU ZAD PA SHES PA DANG, YONGS SU ZAD PA'I RGYU SHES PA NI; BYANG CHUB SEMS DPA' RNAMS KYI ZAD PA SHES PA'O, ,MI SKYE BA SHES PA BSGOM PAR BYA'O ZHES BYA BA NI BDAG DANG GZHAN GYI SRID PA'I 'GRO BAR SKYE BA THAMS CAD SHES PA DANG, MI SKYE BA'I RGYU SHES PA NI BYANG CHUB SEMS DPA' RNAMS KYI MI SKYE BA SHES PA'O, ,CHOS SHES BSGOM PAR BYA'O ZHES BYA BA NI KUN RDZOB TU CHOS THAMS CAD MNGON SUM DU SHES PA DANG, DON DAM PA'I DBANG GIS DE BZHIN NYID DU SHES PA NI CHOS SHES PA'O, ,RJES SU RTOGS PA SHES PAR BYA'O ZHES BYA BA NI KUN RDZOB TU CHOS THAMS CAD RJES SU DPAG PAS SHES PA DANG, MI RTAG PA LA SOGS PA MNGON SUM DU MA GYUR KYANG DE LTA BUR 'GYUR BAR SHES PA DANG, BYANG CHUB SEMS DPA' RNAMS CHOS THAMS CAD STONG PA NYID DU RJES SU MTHUN PAR SHES PA GANG YIN PA'O, ,KUN RDZOB SHES PA BSGOM PAR BYA'O ZHES BYA BA NI, 'PHAGS PA THAMS CAD KYIS SEMS CAN DANG, BUM PA LA SOGS PA MKHYEN PA DANG, BYANG CHUB SEMS DPA' RNAMS KYIS GZUGS LA SOGS PA KUN BRTAGS PA'I CHOS THAMS CAD LA DMIGS PA'I MKHYEN PA GANG YIN PA'O, ,YONGS SU 'DRIS PA SHES PA BSGOM PAR BYA'O ZHES BYA BA NI SHES PA GANG GIS BYANG CHUB SEMS DPA' RNAM @35A *, ,PAR THAR PA'I SGO STONG PA NYID DANG, MTSAN MA MED PA DANG, SMON PA MED PA DANG, BYANG CHUB KYI PHYOGS KYI CHOS RNAMS BSGOM YANG, MYA NGAN LAS 'DAS PA MNGON SUM DU NI MI BYED KYI, DE DAG NYID GOMS PA DANG, RAB TU BYUNG BAR BYED PA'I SHES PA DE LA YONGS SU 'DRIS PA SHES PA ZHES BYA'O, ,GAL TE MYA NGAN LAS 'DAS PA MNGON SUM DU BYED NA NI, DE RGYUN DU ZHUGS PA LA SOGS PA NYID DU 'GYUR TE, DES DGOS PA'I PHYIR YANG DAG PA'I MTHA' LA REG PAR MI BYED KYI SHES PA DES CHOS TZAM DU SGOM PAR BYED DO, ,'O NA MYA NGAN LAS 'DAS PA THOB PAR BYED PA'I CHOS RNAMS BSGOMS PAS JI LTAR YANG DAG PA'I MTHA' MNGON SUM DU BYED PAR MI 'GYUR ZHE NA, SKYO BA YID LA BYED PA DANG MI LDAN PA'I PHYIR RO ZHES SNGAR YANG BSHAD DO, ,GZHAN YANG YANG DAG PA'I MTHA' MNGON SUM DU BYED PA'I SNGON DU 'GRO BA NI ZHI GNAS DANG LHAG MTHONG BSGOM PA YIN TE, BYANG CHUB SEMS DPA' RNAMS NI DE LTAR YANG DAG PA'I MTHA' THOB PAR BYED PA'I ZHI GNAS DANG LHAG MTHONG BSGOM PAR SBYOR BA MI MDZAD KYI, CHOS THAMS CAD DMIGS SU MED PAR BSGOM PA RGYAS PAR BYA BA 'BA' ZHIG GI PHYIR, BYANG CHUB KYI PHYOGS KYI CHOS RNAMS LA DMIGS PAS NA, MNYAM PAR MA BZHAG PA'I SHES PA THA MAL PAS SO SOR RTOG GO, ,DE BAS NA ZHI GNAS DANG LHAG MTHONG GI RKYEN DANG MI LDAN PA'I PHYIR YANG DAG PA'I MTHA' MNGON SUM DU BYED PAR MI 'GYUR RO, ,'DI LTAR 'OG NAS KYANG RAB 'BYOR GANG GI TSE BYANG CHUB SEMS DPA' SEMS DPA' CHEN PO RNAM PA THAMS CAD KYI MCHOG DANG LDAN PA'I STONG PA NYID LA SO SOR RTOG KYANG MNGON SUM DU BYA'O SNYAM PAS SO SOR RTOG PAR MI BYED KYANG, 'DI NI YONGS SU 'DRIS PAR BYA BA'I DUS YIN GYI, MNGON SUM DU BYA BA'I DUS NI MA YIN NO ZHES SO SOR RTOG CING MNYAM PAR MA BZHAG PA NYID DU DMIGS PA LA SEMS NYE BAR 'JOG KYANG, BYANG CHUB SEMS DPA' SEMS DPA' CHEN PO BAR SKABS DER BYANG CHUB KYI PHYOGS KYI CHOS RNAMS LAS NYAMS PAR YANG MI 'GYUR LA, ZAG PA ZAD PA MNGON SUM DU YANG MI BYED DO ZHES BYA BA LA @35B SOGS PA 'CHAD DO, ,SGRA JI BZHIN PA SHES PAS BSGOM PAR BYA'O ZHES BYA BA NI SGRA GANG DANG GANG YIN PA LA SGRA JI BZHIN ZHES BYA STE, DE SHES PA NI SGRA JI BZHIN SHES PA'O, ,SHES PA GANG GIS BYANG CHUB SEMS DPA' SEMS CAN DMYAL BA DANG, DUD 'GRO DANG, YI DAGS DANG; LHA DANG, MI DANG, TSANGS PA THAMS CAD KYI SGRA DANG SKAD THAMS CAD SO SOR RTOG CING MKHYEN PA NI SGRA JI BZHIN SHES PA'O, ,THAMS CAD LA YANG SHES RAB KYI PHA ROL TU PHYIN PA LA GNAS TE ZHES BYA BAR SBYAR BAS DMIGS SU MED PA'I TSUL GYIS SGOM PAR BYED CES BYA BAR SHES PAR BYA'O, ,RNAM PAR RTOG PA DANG BCAS PA RNAM PAR DPYOD PA DANG BCAS PA'I TING NGE 'DZIN YONGS SU RDZOGS PAR BYA'O ZHES BYA BA LA SOGS PA NI GZUGS KYI KHAMS KYI BSAM GTAN BZHI BSGOM PA BSTAN PA STE, BSAM GTAN BZHI PO DE DAG KYANG DON DAM PAR DMIGS SU MED PAR RTOGS NAS, KUN RDZOB TU THABS MKHAS PA'I DBANG GIS SEMS CAN GYI DON DU BSGOM STE, DE LA BSAM GTAN DANG PO LA NI RNAM PAR RTOG PA DANG BCAS RNAM PAR DPYOD PA DANG BCAS PA'O, ,BSAM GTAN GNYIS PA LA NI RNAM PAR RTOG PA MED CING, RNAM PAR DPYOD PA TZAM DU ZAD DO, ,BSAM GTAN GSUM PA DANG, BSAM GTAN BZHI PA LA NI RNAM PAR RTOG PA DANG, RNAM PAR DPYOD PA GNYI GA MED PA STE, RGYA CHER 'OG NAS 'CHAD DO, ,YONGS SU MA SHES PA YONGS SU SHES PAR BYA BA'I DBANG PO YONGS SU RDZOGS PAR BYA'O ZHES BYA BA LA SOGS PA NI; ZAG PA MED PA'I DBANG PO GSUM BSHAD PA STE, MTHONG BA'I LAM LA NI YANG DAG PA'I YONGS SU MA SHES PA SHES PAR BYED PA'I DBANG PO 'BYUNG NGO, ,BSGOM PA'I LAM LA NI KUN SHES PA'I DBANG PO 'BYUNG NGO, ,MI SLOB PA'I LAM DGRA BCOM PA'I SA LA KUN SHES PA RIG PA'I DBANG PO 'BYUNG STE, 'DI DAG GI DBANG GIS ZAG PA MED PA'I CHOS THOB PAR 'GYUR BA'I PHYIR DBANG PO ZHES BYA'O, ,ZIL GYIS GNON PA'I SKYE MCHED YONGS SU RDZOGS PAR BYA'O ZHES BYA BA NI, SEMS SBYANG ZHING LAS SU RUNG BAR BYA BA'I PHYIR, GZUGS RNAMS LA BZANG @36A *, ,NGAN DANG CHE CHUNG LA SOGS PA PHYI ROL GYI DNGOS PO MI BRTZAN BAR BDAG GI SEMS KYI DBANG DU BYAS TE, JI LTAR 'DOD PAR SHES PAR BYA ZHING BLTA BAR BYA BA STE, BRGYAD PO DE DAG KYANG GANG ZHE NA, NANG GZUGS SU 'DU SHES PAS PHYI ROL GYI GZUGS CHUNG NGU KHA DOG BZANG PO DANG, KHA DOG NGAN PA RNAMS LA LTA ZHING, GZUGS DE DAG ZIL GYIS MNAN NAS SHES, ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED DANG PO'O, ,NANG GZUGS MED PAR 'DU SHES PAS PHYI ROL GYI GZUGS CHEN POR GYUR PA, KHA DOG BZANG PO DANG, KHA DOG NGAN PA RNAMS LA LTA ZHING, GZUGS DE DAG ZIL GYIS MNAN NAS SHES, ZIL GYIS MNAN NAS MTHONG STE, DE LTA BUR 'DU SHES PAR GYUR PA 'DI NI ZIL GYIS GNON PA'I SKYE MCHED GNYIS PA'O, ,NANG GZUGS MED PAR 'DU SHES PAS PHYI ROL GYI GZUGS SNGON PO, KHA DOG SNGON PO, SNGON PO LTA BUR STON PA, 'OD SNGON PO 'BYUNG BA RNAMS LA LTA STE, DPER NA ZAR MA'I ME TOG GAM, YUL B'A R'A nA S'I'I RAS PHUN SUM TSOGS PA SNGON PO, KHA DOG SNGON PO, SNGON PO LTA BUR STON PA; 'OD SNGON PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI GZUGS SNGON PO, KHA DOG SNGON PO, SNGON PO LTA BUR STON PA, 'OD SNGON PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHED GSUM PA'O, ,NANG GZUGS MED PAR 'DU SHES PAS PHYI ROL GYI GZUGS SER PO, KHA DOG SER PO, SER PO LTA BUR STON PA, 'OD SER PO 'BYUNG BA RNAMS LA LTA STE, DPER NA DONG GA'I ME TOG GAM YUL B'A R'A nA S'I'I RAS PHUN SUM TSOGS PA SER PO, KHA DOG SER PO, SER PO LTA BUR STON PA, 'OD SER PO 'BYUNG BA DE BZHIN DU NANG GZUGS MED PAR 'DU SHES PAS PHYI ROL GYI GZUGS SER PO, KHA DOG SER PO, SER PO LTA BUR STON PA, 'OD SER PO 'BYUNG BA RNAMS LA LTA BA 'DI NI ZIL GYIS GNON PA'I SKYE MCHED BZHI PA'O, ,NANG GZUGS MED PAR 'DU SHES PAS PHYI ROL @36B GYI GZUGS DMAR PO, KHA DOG DMAR PO, DMAR PO LTA BUR STON PA, 'OD DMAR PO 'BYUNG BA RNAMS LA LTA STE,