@1A *, ,SHES PHYIN NGA PA BZHUGS SO, , @1B [DD] #, ,SHES RAB KYI PHA ROL TU PHYIN PA STONG PHRAG NYI SHU LNGA PA, BAM PO NYI SHU DRUG PA, SMRAS PA, TSE DANG LDAN PA RAB 'BYOR MA SKYES PA'I CHOS SKYE BAR MI 'DOD PA GANG YIN, RAB [DD] 'BYOR GYIS SMRAS PA, TSE DANG LDAN PA SH'A RI'I BU BDAG NI GZUGS MA SKYES PA RANG BZHIN GYIS STONG PA SKYE BAR MI 'DOD DO, ,TSE DANG LDAN PA SH'A RI'I BU BDAG NI TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MA SKYES PA RANG BZHIN GYIS STONG PA SKYE BAR MI 'DOD DO, ,TSE DANG LDAN PA SH'A RI'I BU BDAG NI SKYE MCHED RNAMS DANG, KHAMS RNAMS DANG, RTEN CING 'BREL PAR 'BYUNG BA RNAMS DANG, PHA ROL TU PHYIN PA THAMS CAD DANG, STONG PA NYID THAMS CAD DANG, BYANG CHUB KYI PHYOGS KYI CHOS RNAMS DANG, BSAM GTAN RNAMS DANG, TSAD MED PA RNAMS DANG, GZUGS MED PA'I SNYOMS PAR 'JUG PA RNAMS DANG, MNGON PAR SHES PA RNAMS DANG, DE BZHIN GSHEGS PA'I STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, @2A *, ,SANGS RGYAS KYI CHOS MA 'DRES PA RNAMS MA SKYES PA RANG BZHIN GYIS STONG PA SKYE BAR MI 'DOD DO, ,TSE DANG LDAN PA SH'A RI'I BU BDAG NI RNAM PA THAMS CAD MKHYEN PA NYID KYI BAR DU MA SKYES PA RANG BZHIN GYIS STONG PA SKYE BAR MI 'DOD DO, ,SMRAS PA, TSE DANG LDAN PA RAB 'BYOR CI SKYES PA SKYE'AM, 'ON TE MA SKYES PA SKYE, RAB 'BYOR GYIS SMRAS PA, TSE DANG LDAN PA SH'A RI'I BU SKYES PA MI SKYE STE, MA SKYES PA YANG MI SKYE'O, ,DE CI'I PHYIR ZHE NA, TSE DANG LDAN PA SH'A RI'I BU 'DI LTAR SKYES PA GANG YIN PA DANG, MA SKYES PA GANG YIN PA'I CHOS 'DI GNYIS NI LDAN PA YANG MA YIN, MI LDAN PA YANG MA YIN TE, GZUGS CAN YANG MA YIN PA, BSTAN DU MED PA, THOGS PA MED PA, MTSAN NYID GCIG PA STE, 'DI LTA STE MTSAN NYID MED PA'O, ,TSE DANG LDAN PA SH'A RI'I BU RNAM GRANGS DES NA SKYES PA YANG MI SKYE STE, MA SKYES PA YANG MI SKYE'O, ,TSE DANG LDAN PA SH'A RI'I BU RNAM GRANGS DES NA SMRA BA SKYE BA MED SPOBS PA SKYE BA MED DO, ,CHOS SKYE BA MED DO, ,GANG LAS BRTZAMS NAS SMRA BAR SPOBS PA'I CHOS DE DAG KYANG SKYE BA MED DO, ,SMRAS PA, TSE DANG LDAN PA RAB 'BYOR NI CHOS SMRA BA'I NANG NAS MCHOG TU BYA BAR 'OS PA STE, @2B DE CI'I PHYIR ZHE NA, 'DI LTAR GNAS BRTAN RAB 'BYOR NI GANG DANG GANG YONGS SU DRIS PA DE DANG DE LA THOGS PA MED DO, ,RAB 'BYOR GYIS SMRAS PA, TSE DANG LDAN PA SH'A RI'I BU DE NI BCOM LDAN 'DAS KYIS NYAN THOS CHOS THAMS CAD LA GNAS PA MED PA DAG GI CHOS NYID DO, ,DE DAG NI GANG DANG GANG LA YONGS SU DRIS PA DE DANG DE LA THOGS PA MED DO, ,DE CI'I PHYIR ZHE NA, 'DI LTAR CHOS THAMS CAD NI MI GNAS PA'I PHYIR RO, ,SMRAS PA, TSE DANG LDAN PA RAB 'BYOR JI LTAR NA CHOS THAMS CAD MI GNAS PA YIN, RAB 'BYOR GYIS SMRAS PA, TSE DANG LDAN PA SH'A RI'I BU GZUGS NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU MIG NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU RNA BA DANG, SNA DANG, LCE DANG, LUS DANG, YID NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU SBYIN PA'I PHA ROL TU PHYIN PA NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU NANG STONG PA NYID NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED @3A *, ,PAR YANG MI DMIGS SO, ,DNGOS PO MED PA'I NGO BO NYID STONG PA NYID KYI BAR NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU DRAN PA NYE BAR GZHAG PA RNAMS NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,BSAM GTAN RNAMS DANG, TSAD MED PA RNAMS DANG, GZUGS MED PA'I SNYOMS PAR 'JUG PA RNAMS DANG, MNGON PAR SHES PA RNAMS DANG, TING NGE 'DZIN RNAMS DANG, GZUNGS KYI SGO RNAMS DANG, DE BZHIN GSHEGS PA'I STOBS RNAMS DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCVA BRGYAD NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, ,TSE DANG LDAN PA SH'A RI'I BU RNAM PA THAMS CAD MKHYEN PA NYID KYI BAR NI RANG BZHIN GYIS STONG PA STE, DE NI NANG NA YANG MI GNAS, PHYI ROL NA YANG MI GNAS, GNYIS KA MED PAR YANG MI DMIGS SO, , TSE DANG LDAN PA SH'A RI'I BU RNAM GRANGS DES NA CHOS THAMS CAD NI RANG BZHIN GYIS STONG PA NYID KYI PHYIR MI DMIGS SO, ,TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PAS DE LTAR GZUGS YONGS SU SBYANG BAR BYA'O, ,TSOR BA DANG, 'DU SHES DANG 'DU BYED RNAMS DANG, RNAM PAR SHES PA YONGS SU SBYANG BAR BYA'O, ,DE BZHIN DU SO SO BA DANG BSDUS PA'I SKYE MCHED DANG, KHAMS DANG, RTEN CING 'BREL PAR 'BYUNG BA YONGS SU SBYANG BAR BYA'O, ,PHA ROL TU PHYIN PA RNAMS DANG, STONG PA NYID THAMS CAD DANG, BYANG CHUB KYI PHYOGS KYI CHOS @3B SUM CU RTZA BDUN DANG, BSAM GTAN RNAMS DANG, TSAD MED PA RNAMS DANG, GZUGS MED PA'I SNYOMS PAR 'JUG PA RNAMS DANG, MNGON PAR SHAS PA RNAMS DANG, TING NGE 'DZIN RNAMS DANG, GZUNGS KYI SGO RNAMS DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCVA BRGYAD KYI BAR YONGS SU SBYANG BAR BYA'O, ,RNAM PA THAMS CAD MKHYEN PA NYID KYI BAR YONGS SU SBYANG BAR BYA'O ZHES BYA BA NI, RNAM PA THAMS CAD MKHYEN PA NYID DU NGES PAR 'BYUNG BA YIN NO, , DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR JI LTAR NA BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA'I TSE, BYANG CHUB KYI LAM YONGS SU SBYONG BA YIN, RAB 'BYOR GYIS SMRAS PA, TSE DANG LDAN PA SH'A RI'I BU SBYIN PA'I PHA ROL TU PHYIN PA NI 'JIG RTEN PA YANG YOD, 'JIG RTEN LAS 'DAS PA YANG YOD DO, ,TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA NI 'JIG RTEN PA YANG YOD, 'JIG RTEN LAS 'DAS PA YANG YOD DO, ,SMRAS PA, TSE DANG LDAN PA RAB 'BYOR 'JIG RTEN PA'I SBYIN PA'I PHA ROL TU PHYIN PA NI GANG, 'JIG RTEN LAS 'DAS PA NI GANG, RAB 'BYOR GYIS SMRAS PA, TSE DANG LDAN PA SH'A RI'I BU 'DI LA BYANG CHUB SEMS DPA' SEMS DPA' CHEN PO SBYIN PA BYED CING SBYIN BDAG TU GYUR PA, DGE SBYONG DANG, BRAM ZE DANG, PHONGS PA DANG, LTOGS PA DANG, 'GRON BA DANG, SLONG BA ZAS 'DOD PA LA NI ZAS SKOM DANG, THEG PA DANG, GOS DANG, ME TOG DANG, PHRENG BA DANG, SPOS DANG, BYUG PA DANG, GNAS DANG, MAL STAN DANG, YO BYAD DANG, SMAN DANG, MI'I YO BYAD GANG CI YANG RUNG BA'I BAR DU GTONG STE, BU PHO 'DOD PA LA NI BU PHO YONGS SU GTONG NGO, ,BU MO 'DOD PA LA NI BU MO, ,CHUNG MA 'DOD PA LA NI CHUNG MA, RGYAL SRID 'DOD PA LA NI RGYAL SRID, MGO 'DOD PA @4A *, ,LA NI MGO ,YAN LAG DANG NYID LAG 'DOD PA LA NI YAN LAG DANG NYID LAG ,SHA DANG KHRAG DANG, RKANG 'DOD PA LA NI, SHA DANG KHRAG DANG, RKANG YONGS SU GTONG STE, DE YANG GNAS SHING YONGS SU GTONG LA 'DI SNYAM DU BDAG NI YONGS SU GTONG BA'O, ,'DI NI LEN PA'O; ,'DI NI SBYIN PA'I, ,BDAG NI SER SNA MED PA'O, ,BDAG NI SBYIN PA'I BDAG PO'O, ,BDAG NI BDOG PA THAMS CAD YONGS SU GTONG PA'O, ,BDAG NI SANGS RGYAS KYI BKA' BZHIN BYED PA'O, ,BDAG NI SBYIN PA'I PHA ROL TU PHYIN PA LA SPYOD PA'O ZHES TE, SBYIN PA DE BYIN NAS KYANG DMIGS PA'I TSUL GYIS SEMS CAN THAMS CAD DANG THUN MONG DU BYAS TE, BLA NA MED PA YANG DAG PAR RDZOGS PA'I BYANG CHUB TU BSNGO ZHING BDAG GI SBYIN PA'I 'BRAS BU 'DIS SEMS CAN 'DI DAG TSE 'DI NYID LA BDE BA DANG NYE BAR LEN PA MED PAR YONGS SU MYA NGAN LAS 'DAS PAR GYUR CIG CES YONGS SU BSNGO STE, DE CHAGS PA GSUM LA CHAGS SHING SBYIN PA DE YONGS SU GTONG NGO, ,GSUM GANG ZHE NA, 'DI LTAR BDAG TU 'DU SHES PA DANG, GZHAN DU 'DU SHES PA DANG, SBYIN PAR 'DU SHES PA 'DI GSUM LA CHAGS NAS SBYIN PA DE DAG YONGS SU GTONG STE; 'DI NI 'JIG RTEN PA'I SBYIN PA'I PHA ROL TU PHYIN PA ZHES BYA'O, ,CI'I PHYIR NA 'JIG RTEN PA'I SBYIN PA'I PHA ROL TU PHYIN PA ZHES BYA ZHE NA, DE NI 'DI LTAR 'JIG RTEN LAS MI G-YO MI 'PHAGS MI 'DA' BAS DE'I PHYIR 'JIG RTEN PA'I SBYIN PA'I PHA ROL TU PHYIN PA ZHES BYA'O, ,DE LA 'JIG RTEN LAS 'DAS PA'I SBYIN PA'I PHA ROL TU PHYIN PA GANG ZHE NA, 'DI LTAR 'KHOR GSUM YONGS SU DAG PA STE, DE LA 'KHOR GSUM YONGS SU DAG PA GANG ZHE NA, TSE DANG LDAN PA SH'A RI'I BU 'DI LA BYANG CHUB SEMS DPA' SEMS DPA' CHEN PO SBYIN PA GTONG BA'I TSE BDAG MI DMIGS, LEN PA MI DMIGS, SBYIN PA MI DMIGS, RNAM PAR SMIN PA LA YANG DGA' BAR MI BYED CING, TSE DANG LDAN PA SH'A RI'I BU 'DI NI BYANG CHUB SEMS DPA' SEMS DPA' CHEN PO'I 'KHOR GSUM YONGS SU DAG PA'O, ,TSE DANG LDAN PA SH'A RI'I BU DE CI'I PHYIR 'JIG RTEN LAS 'DAS PA'I SBYIN @4B PA'I PHA ROL TU PHYIN PA ZHES BYA ZHE NA, DE NI 'DI LTAR 'JIG RTEN LAS G-YO ZHING 'PHAGS LA 'DA' BAS DE'I PHYIR 'JIG RTEN LAS 'DAS PA'I SBYIN PA'I PHA ROL TU PHYIN PA ZHES BYA'O, ,TSUL KHRIMS DANG, BZOD PA DANG, BRTZON 'GRUS DANG, BSAM GTAN YANG DE BZHIN NO, ,SH'A RI'I BUS SMRAS PA, TSE DANG LDAN PA RAB 'BYOR SHES RAB KYI PHA ROL TU PHYIN PA 'JIG RTEN PA NI GANG YIN, 'JIG RTEN LAS 'DAS PA NI GANG YIN, RAB 'BYOR GYIS SMRAS PA, SH'A RI'I BU 'DI LA 'JIG RTEN PA'I SHES RAB KYI PHA ROL TU PHYIN PA NI BYANG CHUB SEMS DPA' SEMS DPA' CHEN PO BDAG GIS SER SNA'I SEMS BSKYED PAR MI BYA'O SNYAM STE, DMIGS PA LA BRTEN NAS SBYIN PA GTONG ZHING DE YANG BDAG DANG SEMS CAN DANG SBYIN PA'I 'DU SHES LA GNAS NAS BDOG PA THAMS CAD GTONG ZHING YONGS SU GTONG STE, PHYI 'AM NANG GI DNGOS PO ZIN PA'AM MA ZIN PA YANG RUNG STE, MI GTONG BA'I DNGOS PO GANG YIN PA DE NI 'GA' YANG MED LA DGE BA'I RTZA BA DE YANG SEMS CAN THAMS CAD DANG THUN MONG DU BYAS NAS DMIGS PA LA BRTEN PAS BYANG CHUB TU YONGS SU SNGO BAR BYED PA DANG, DE LUS DANG NGAG DANG YID DMIGS PA LA BRTEN CING SBYANGS PA'I YON TAN LA RAB TU GNAS PA'I TSUL KHRIMS LA RTEN PAR BYED LA, DGE BA BCU'I LAS KYI LAM DE LA BRTEN PA NA YANG BDAG TU LTA BA DANG, SEMS CAN DU LTA BA DANG, DGE BAR LTA BA LA BRTEN NAS BYANG CHUB TU DMIGS TE, SEMS CAN THAMS CAD DANG THUN MONG DU BYAS SHING TSUL KHRIMS DE YANG BYANG CHUB TU YONGS SU SNGO BAR BYED LA; DE YANG DMIGS PA'I TSUL GYIS BDAG LA STOD CING GZHAN LA SMOD PAR BYED PA DANG, DE BDAG DANG, SEMS CAN DANG, BZOD PA LA BRTEN PAS SEMS CAN THAMS CAD KYIS NYES PAR BYAS PA BZOD CING DGE BA'I RTZA BA DE YANG DMIGS PA'I TSUL GYIS SEMS CAN THAMS CAD DANG THUN MONG DU BYAS SHING BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA DANG, DE LUS DMIGS BZHIN PA DANG, SEMS DMIGS BZHIN PA DANG, BSOD NAMS KYI TSOGS DANG YE SHES KYI TSOGS DMIGS BZHIN PA DANG, BDAG DMIGS BZHIN PA DANG, BYANG CHUB DMIGS @5A *, ,BZHIN PAS BRTZON 'GRUS RTZOM ZHING BRTZON 'GRUS DES RLOM SEMS SU BYED LA, BRTZON 'GRUS DE YANG DMIGS PA'I TSUL GYIS BLA NA MED PA YANG DAG PAR RDZOGS PA'I BYANG CHUB TU YONGS SU BSNGO BA DANG, DE BYAMS PA DANG, SNYING RJE DANG, DGA' BA DANG, BTANG SNYOMS SGOM PAR BYED CING BSAM GTAN LA SNYOMS PAR 'JUG PA LA SNYOMS PAR ZHUGS PA DANG BTANG NA YANG DE'I RO MYONG BAR BYED CING RO MYANG BA DES KYANG RLOM SEMS SU BYED PAS DMIGS PA'I TSUL GYIS DGE BA'I RTZA BA SEMS CAN THAMS CAD DANG THUN MONG DU BYAS NAS BLA NA MED PA YANG DAG PAR RDZOGS PA'I BYANG CHUB TU SNGO BAR BYED PA DANG, DE GZUGS STONG PA'O SNYAM DU DMIGS PAR BYED, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA STONG PA ZHES BYA BAR DMIGS PA NAS, BYANG CHUB DANG SANGS RGYAS KYI BAR DU DMIGS PAS, DMIGS PA'I TSUL GYIS STONG PA NYID THAMS CAD SGOM PAR BYED CING DGE BA'I RTZA BA DE YANG DMIGS PA'I TSUL GYIS SEMS CAN THAMS CAD DANG THUN MONG DU BYAS NAS BLA NA MED PA YANG DAG PAR RDZOGS PA'I BYANG CHUB TU SNGO BAR BYED LA, DMIGS PA'I TSUL GYIS SDIG PA THAMS CAD SO SOR 'CHAGS PAR BYED BDAG DANG GZHAN GYI DGE BA LA RJES SU YI RANG BAR BYED, DMIGS BZHIN PAS BDAG DANG GZHAN GYI DON DU, SANGS RGYAS THAMS CAD LA GSOL BA 'DEBS PAR BYED, THABS MI MKHAS PAS SEMS CAN THAMS CAD DANG THUN MONG DU BYAS NAS DUS GSUM DU DGE BA'I RTZA BA RNAM PA THAMS CAD MKHYEN PA NYID DU YONGS SU BSNGO BA 'DI NI 'JIG RTEN PA'I SHES RAB KYI PHA ROL TU PHYIN PA ZHES BYA'O, ,DE LA 'JIG RTEN LAS 'DAS PA'I SHES RAB KYI PHA ROL TU PHYIN PA GANG ZHE NA, BDAG DANG, SEMS CAN DANG, SBYIN PAR BYA BA DANG, BYANG CHUB MI DMIGS PA'I SHES RAB 'KHOR GSUM YONGS SU DAG PAS BYANG CHUB KYI PHYIR SBYIN PA'I PHA ROL TU PHYIN PA YONGS SU SBYONG BAR BYED PA DANG, BDAG DANG SEMS CAN DANG, TSUL KHRIMS DANG BYANG CHUB MI DMIGS PAS 'KHOR GSUM YONGS SU DAG PAS BYANG CHUB KYI PHYIR TSUL KHRIMS YONGS SU SBYONG BAR BYED PA DANG, BDAG DANG, @5B SEMS CAN DANG, BZOD PA DANG, BYANG CHUB MI DMIGS PAS 'KHOR GSUM YONGS SU DAG PAS, BYANG CHUB KYI PHYIR BZOD PA'I PHA ROL TU PHYIN PA YONGS SU SBYONG BAR BYED PA DANG, BDAG DANG, LUS DANG, SEMS DANG, BRTZON 'GRUS DANG, BSOD NAMS DANG, YE SHES DANG BYANG CHUB MI DMIGS PAS 'KHOR GSUM YONGS SU DAG PAS, BYANG CHUB KYI PHYIR BRTZON 'GRUS KYI PHA ROL TU PHYIN PA YONGS SU SBYONG BAR BYED PA DANG, BDAG DANG, SEMS CAN DANG, BSAM GTAN DANG, TING NGE 'DZIN DANG, SNYOMS PAR 'JUG PA DANG, BYANG CHUB MI DMIGS PAS 'KHOR GSUM YONGS SU DAG PAS, BYANG CHUB KYI PHYIR BSAM GTAN GYI PHA ROL TU PHYIN PA YONGS SU SBYONG BAR BYED PA DANG, BDAG DANG, SEMS CAN DANG, CHOS THAMS CAD BYANG CHUB MI DMIGS PAS 'KHOR GSUM YONGS SU DAG PAS, BYANG CHUB KYI PHYIR SHES RAB KYI PHA ROL TU PHYIN PA YONGS SU SBYONG BAR BYED PA DANG, DGE BA'I RTZA BA THAMS CAD KYANG YONGS SU BSNGO BA DUG MED PA DANG, YONGS SU BSNGO BA DUG MED PA DANG, YONGS SU BSNGO BA BLA NA MED PA DANG, YONGS SU BSNGO BA MI MNYAM PA DANG MNYAM PA DANG, YONGS SU BSNGO BA BSAM GYIS MI KHYAB PA DANG, YONGS SU BSNGO BA MTSUNGS PA MED PA DANG, YONGS SU BSNGO BA GZHAL DU MED PAS BLA NA MED PA YANG DAG PAR RDZOGS PA'I BYANG CHUB TU YONGS SU SNGO BAR BYED PA STE, DE NI 'JIG RTEN LAS 'DAS PA'I SHES RAB KYI PHA ROL TU PHYIN PA ZHES BYA'O, ,CI'I PHYIR NA 'JIG RTEN PA ZHES BYA, CI'I PHYIR NA 'JIG RTEN LAS 'DAS PA ZHES BYA ZHE NA DE LA 'JIG RTEN PA ZHES BYA NI GANG DAG GIS 'JIG RTEN DU 'GYUR BA DANG, GANG DAG 'JIG RTEN DU 'GRUB PAR BYED PA DANG, GANG DAG 'JIG RTEN DANG MNYAM PA DANG, GANG DAG 'JIG RTEN GYI PHYIR SBYIN PA DANG, GANG DAG 'JIG RTEN LAS 'BYUNG BAR MI 'GYUR BA DANG, GANG DAG 'JIG RTEN GYI YIN PA DANG, GANG DAG 'JIG RTEN DU 'BYUNG BAR 'GYUR BA STE, DE DAG NI 'JIG RTEN PA ZHES BYA'O, ,DE LA 'JIG RTEN LAS 'DAS PA GANG ZHE NA, GANG DAG GIS 'JIG RTEN SGROL BA DANG, GANG DAG 'JIG RTEN SGROL BA YIN PA'AM, GANG DAG GIS 'JIG RTEN GYI RGAL BAR @6A *, ,BAR BYED PA'AM, GANG DAG 'JIG RTEN GYI DON DU MI 'GYUR BA'AM, GANG DAG 'JIG RTEN LAS 'BYUNG BAR 'GYUR BA'AM, GANG DAG 'JIG RTEN GYI SGROL BYED YIN PA'AM, GANG DAG 'JIG RTEN NA SGROL BYED YIN PA DE DAG NI 'JIG RTEN LAS 'DAS PA ZHES BYA'O, , TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA SPYOD PA NI DE LTAR BYANG CHUB KYI LAM YONGS SU SBYOR BAR BYED DO, ,SH'A RI'I BUS SMRAS PA, TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO'I BYANG CHUB KYI LAM GANG YIN, RAB 'BYOR GYIS SMRAS PA, TSE DANG LDAN PA SH'A RI'I BU DRAN PA NYE BAR GZHAG PA BZHI NI BYANG CHUB SEMS DPA' SEMS DPA' CHEN PO'I BYANG CHUB KYI LAM YIN NO, ,YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA DANG, RNAM PAR THAR PA'I SGO STONG PA NYID DANG, MTSAN MA MED PA DANG, SMON PA MED PA DANG, NANG STONG PA NYID NAS DNGOS PO MED PA'I NGO BO NYID STONG PA NYID KYI BAR DANG, TING NGE 'DZIN THAMS CAD DANG, GZUNGS KYI SGO THAMS CAD DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, BYAMS PA CHEN PO DANG, SNYING RJE CHEN PO DANG, SANGS RGYAS KYI CHOS MA 'DRES PA BCVA BRGYAD DAG STE, TSE DANG LDAN PA SH'A RI'I BU DE DAG NI BYANG CHUB SEMS DPA' SEMS DPA' CHEN PO'I BYANG CHUB KYI LAM ZHES BYA'O, ,SH'A RI'I BUS SMRAS PA, TSE DANG LDAN PA RAB 'BYOR DE NI PHA ROL TU PHYIN PA GANG GI SKYES BU'I RTZAL YIN, RAB 'BYOR GYIS SMRAS PA, TSE DANG LDAN PA SH'A RI'I BU DE NI SHES RAB KYI PHA ROL TU PHYIN PA'I SKYES BU'I RTZAL YIN NO, ,DE CI'I PHYIR ZHE NA, TSE DANG LDAN PA SH'A RI'I BU 'DI LTAR SHES RAB KYI PHA ROL TU PHYIN PA NI NYAN THOS KYI CHOS RNAMS DANG, RANG SANGS RGYAS KYI CHOS RNAMS DANG, BYANG CHUB SEMS DPA'I CHOS RNAMS DANG, SANGS RGYAS KYI CHOS RNAMS DANG, DGE BA'I CHOS THAMS CAD SKYED PAR BYED PA YIN PA STE, TSE DANG LDAN PA SH'A RI'I @6B BU SHES RAB KYI PHA ROL TU PHYIN PA NI NYAN THOS KYI CHOS RNAMS DANG, RANG SANGS RGYAS KYI CHOS RNAMS DANG, BYANG CHUB SEMS DPA'I CHOS RNAMS DANG, SANGS RGYAS KYI CHOS RNAMS DANG, DGE BA'I CHOS THAMS CAD YONGS SU 'DZIN CING YANG DAG PAR 'DZIN PAR BYED PA YIN NO, ,TSE DANG LDAN PA SH'A RI'I BU SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE DAG GIS KYANG SHES RAB KYI PHA ROL TU PHYIN PA 'DI LA SPYAD DE, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR GYUR TO, ,TSE DANG LDAN PA SH'A RI'I BU MA BYON PA'I DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYANG SHES RAB KYI PHA ROL TU PHYIN PA 'DI NYID LA BSLABS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,TSE DANG LDAN PA SH'A RI'I BU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GANG DAG DA LTAR PHYOGS BCU'I 'JIG RTEN NA BZHUGS TE 'TSO ZHING GZHES PA DE DAG KYANG SHES RAB KYI PHA ROL TU PHYIN PA 'DI NYID LA BSLABS NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,TSE DANG LDAN PA SH'A RI'I BU SHES RAB KYI PHA ROL TU PHYIN PA 'DI BSHAD PA NA GAL TE BYANG CHUB SEMS DPA' SEMS DPA' CHEN PO NEM NUR MED CING RMONGS PAR MA GYUR NA, BYANG CHUB SEMS DPA' SEMS DPA' CHEN PO DE NI GNAS PA 'DIS GNAS SHING YID LA BYED PA 'DI DANG MA BRAL BAR RIG PAR BYA STE, 'DI LTA STE, SEMS CAN THAMS CAD YONGS SU BSKYAB PA'I DON DU SEMS CAN THAMS CAD YONGS SU MI GTANG BA'I YID LA BYED PA DANG, SNYING RJE CHEN PO'I YID LA BYED PA DANG MA BRAL BA'O, ,SMRAS PA, TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO DE NI GNAS PA 'DIS GNAS SHING YID LA BYED PA 'DI DANG MA BRAL BAR RIG PAR BYA'O ZHES GANG SMRAS PA, RNAM PAR SPYOD PA 'DIS RNAM PAR SPYOD CING 'DI LTA STE, SNYING RJE CHEN PO YID LA BYED PA DE DANG MA BRAL BAS BYANG CHUB SEMS DPA' SEMS DPA' CHEN POR 'DOD NA TSE DANG LDAN PA RAB 'BYOR DE LTA NA NI SEMS @7A *, ,CAN THAMS CAD KYANG BYANG CHUB SEMS DPAR 'GYUR RO, ,DE CI'I PHYIR ZHE NA, TSE DANG LDAN PA RAB 'BYOR SEMS CAN THAMS CAD KYANG SNYING RJE CHEN PO YID LA BYED PA DANG NI MA BRAL LO, ,RAB 'BYOR GYIS SMRAS PA, TSE DANG LDAN PA SH'A RI'I BU LEGS SO LEGS SO, ,TSE DANG LDAN PA SH'A RI'I BUS YANG DAG PA'I TSIG TU BRJOD PAS DON 'DI NYID DU BZUNG NA KHYOD LA YANG KLAN KAR 'GYUR RO, ,DE CI'I PHYIR ZHE NA, 'DI LTAR TSE DANG LDAN PA SH'A RI'I BU SEMS CAN MED PA'I PHYIR YID LA BYED PA MED PAR RIG PAR BYA'O, ,SEMS CAN STONG PA NYID KYI PHYIR YID LA BYED PA STONG PA NYID DU RIG PAR BYA'O, ,SEMS CAN RANG BZHIN MED PA'I PHYIR YID LA BYED PA RANG BZHIN MED PAR RIG PAR BYA'O, ,SEMS CAN DBEN PA'I PHYIR YID LA BYED PA DBEN PAR RIG PAR BYA'O, ,SEMS CAN MNGON PAR RDZOGS PAR 'TSANG MI RGYA BA'I PHYIR YID LA BYED PA MNGON PAR RDZOGS PAR 'TSANG MI RGYA BAR RIG PAR BYA'O, ,TSE DANG LDAN PA SH'A RI'I BU GZUGS MED PA'I PHYIR YID LA BYED PA MED PAR RIG PAR BYA'O, ,GZUGS STONG PA NYID KYI PHYIR YID LA BYED PA STONG PA NYID DU RIG PAR BYA'O, ,GZUGS RANG BZHIN MED PA'I PHYIR YID LA BYED PA RANG BZHIN MED PAR RIG PAR BYA'O, ,GZUGS DBEN PA'I PHYIR YID LA BYED PA DBEN PAR RIG PAR BYA'O, ,GZUGS MNGON PAR RDZOGS PAR 'TSANG MI RGYA BA'I PHYIR YID LA BYED PA MNGON PAR RDZOGS PAR 'TSANG MI RGYA BAR RIG PAR BYA'O, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MED PA'I PHYIR YID LA BYED PA MED PAR RIG PAR BYA'O, ,RNAM PAR SHES PA STONG PA NYID KYI PHYIR YID LA BYED PA STONG PA NYID DU RIG PAR BYA'O, ,RNAM PAR SHES PA RANG BZHIN MED PA'I PHYIR YID LA BYED PA RANG BZHIN MED PAR RIG PAR BYA'O, ,RNAM PAR SHES PA DBEN PA'I PHYIR YID LA BYED PA DBEN PAR RIG PAR BYA'O, , RNAM PAR SHES PA MNGON PAR RDZOGS PAR 'TSANG MI RGYA BA'I PHYIR YID LA BYED PA MNGON PAR RDZOGS PAR 'TSANG MI RGYA BAR RIG PAR BYA'O, ,DE BZHIN DU KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA RNAMS DANG, BDEN PA DANG, BYANG CHUB KYI PHYOGS KYI CHOS DANG, PHA @7B ROL TU PHYIN PA DANG, STONG PA NYID THAMS CAD DANG, MNGON PAR SHES PA THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, RNAM PA THAMS CAD MKHYEN PA NYID KYI BAR DU MED PA'I PHYIR YID LA BYED PA MED PAR RIG PAR BYA'O, ,DE BZHIN DU RNAM PA THAMS CAD MKHYEN PA NYID NGO BO NYID MED PA DANG, RNAM PA THAMS CAD MKHYEN PA NYID DBEN PA DANG, RNAM PA THAMS CAD MKHYEN PA NYID MNGON PAR RDZOGS PAR 'TSANG RGYA BA MED PA'I PHYIR YID LA BYED PA MNGON PAR RDZOGS PAR 'TSANG RGYA BA MED PAR RIG PAR BYA'O, ,TSE DANG LDAN PA SH'A RI'I BU RNAM GRANGS DES NA BYANG CHUB SEMS DPA' SEMS DPA' CHEN PO NI GNAS PA 'DI DANG YID LA BYED PA 'DI DANG MA BRAL LO ZHES KHO BO SMRA'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA LEGS SO ZHES BYA BA GNANG STE, RAB 'BYOR LEGS SO LEGS SO, ,'DI LTAR DE BZHIN GSHEGS PA'I MTHUS RAB 'BYOR KHYOD JI LTAR STON PA DE BZHIN DU BYANG CHUB SEMS DPA' SEMS DPA' CHEN PO RNAMS LA YANG SHES RAB KYI PHA ROL TU PHYIN PA BSTAN PAR BYA'O, ,BYANG CHUB SEMS DPA' SEMS DPA' CHEN POS KYANG JI LTAR KHYOD KYIS BSTAN PA DE BZHIN DU SHES RAB KYI PHA ROL TU PHYIN PA LA BSLAB PAR BYA'O, , SHES RAB KYI PHA ROL TU PHYIN PA'I LE'U 'DI BSHAD PA NA STONG GSUM GYI STONG CHEN PO'I 'JIG RTEN GYI KHAMS 'DI RNAM PAR 'GYUR BA DRUG TU G-YOS TE, G-YOS RAB TU G-YOS KUN DU RAB TU G-YOS SO, ,'GUL RAB TU 'GUL KUN DU RAB TU 'GUL LO, ,LDEG RAB TU LDEG KUN DU RAB TU LDEG GO, ,'KHRUGS RAB TU 'KHRUGS KUN DU RAB TU 'KHRUGS SO, ,'UR 'UR RAB TU 'UR KUN DU RAB TU 'UR 'UR RO, ,SHAR PHYOGS DMA' NA NUB PHYOGS MTHO, NUB PHYOGS DMA' NA SHAR PHYOGS MTHO, LHO PHYOGS DMA' NA BYANG PHYOGS MTHO, BYANG PHYOGS DMA' NA LHO PHYOGS MTHO, DBUS DMA' NA MTHA' MTHO, MTHA' DMA' NA DBUS MTHO BAR GYUR TO, ,DE NAS DE'I TSE BCOM LDAN 'DAS KYIS 'DZUM PA MDZAD DO, ,DE NAS TSE DANG LDAN PA RAB 'BYOR GYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS 'DZUM PA MDZAD PA'I RGYU GANG LAGS, RKYEN GANG LAGS, @8A *, ,BCOM LDAN 'DAS KYIS BKA' STZAL PA, RAB 'BYOR JI LTAR 'JIG RTEN GYI KHAMS MI MJED 'DI NANG SHES RAB KYI PHA ROL TU PHYIN PA STON PA DE BZHIN DU SHAR PHYOGS KYI 'JIG RTEN GYI KHAMS TSAD MED GRANGS MED PA DAG NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SHES RAB KYI PHA ROL TU PHYIN PA 'DI NYID BYANG CHUB SEMS DPA' SEMS DPA' CHEN PO RNAMS LA STON PAR MDZAD DO, ,DE BZHIN DU PHYOGS BCU KHO RA KHOR YUG KUN GYI 'JIG RTEN GYI KHAMS TSAD MED GRANGS MED PA DAG NA YANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS SHES RAB KYI PHA ROL TU PHYIN PA 'DI NYID BYANG CHUB SEMS DPA' SEMS DPA' CHEN PO RNAMS LA STON PAR MDZAD DO, ,TSE DANG LDAN PA RAB 'BYOR GYIS SHES RAB KYI PHA ROL TU PHYIN PA BSTAN PA 'DI BSHAD PA'I TSE LHA DANG MI'I SKYE DGU RNAMS LAS KHRAG KHRIG PHRAG BCU GNYIS MI SKYE BA'I CHOS LA BZOD PA SKYES SO, ,PHYOGS BCU KUN GYI 'JIG RTEN GYI KHAMS SU SANGS RGYAS BCOM LDAN 'DAS RNAMS KYI SHES RAB KYI PHA ROL TU PHYIN PA 'DI BSTAN PA'I TSE YANG SEMS CAN GRANGS MED TSAD MED PA DAG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR TO ZHES BYA BA NI LAM LA NGES PAR 'BYUNG BA'O, ,'DI DAG GIS NI NGES PAR 'BYUNG BA'I SGRUB PA BSTAN PA YIN NO, ,RNAM PA THAMS CAD MKHYEN PA NYID BSTAN ZIN TO, ,'PHAGS PA BCOM LDAN 'DAS MA SHES RAB KYI PHA ROL TU PHYIN PA STONG PHRAG NYI SHU LNGA PA MNGON PAR RTOGS PA'I RGYAN DANG RJES SU MTHUN PAR DAG PAR GTUGS PA LAS RNAM PA THAMS CAD MKHYEN PA NYID KYI DBANG DU BYAS PA RAB 'BYOR GYI LE'U STE DANG PO'O,, ,,DE'I TSE YANG STONG GSUM GYI STONG CHEN PO'I 'JIG RTEN GYI KHAMS 'DI NA RGYAL PO CHEN PO BZHI JI SNYED YOD PA DE DAG THAMS CAD KYANG LHA'I BU STONG PHRAG DU MA DANG LHAN CIG 'KHOR DE NYID DU 'DUS PAR GYUR, DE BZHIN DU LHA RNAMS KYI DBANG PO BRGYA BYIN RNAMS DANG, 'THAB BRAL RNAMS DANG, DGA' LDAN RNAMS DANG, GZHAN 'PHRUL DBANG BYED RNAMS DANG, TSANGS 'KHOR RNAMS NAS TSANGS PA CHEN @8B PO RNAMS KYI BAR DANG, GANG YANG STONG GSUM GYI STONG CHEN PO'I 'JIG RTEN GYI KHAMS 'DI NA 'OD CHUNG RNAMS NAS GNAS GTZANG MA'I RIS KYI LHA RNAMS KYI BAR GYI LHA'I BU RNAMS GNAS GTZANG MA'I RIS KYI LHA'I BU BYE BA KHRAG KHRIG BRGYA STONG DU MA DANG LHAN CIG 'KHOR DE NYID DU 'DUS PAR GYUR TE, RGYAL CHEN BZHI'I RIS KYI LHA RNAMS KYI LAS KYI RNAM PAR SMIN PA LAS SKYES PA'I LUS KYI 'OD GANG YIN PA DANG, SUM CU RTZA GSUM PA RNAMS DANG, 'THAB BRAL BA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED PA RNAMS NAS, GNAS GTZANG MA'I RIS KYI BAR GYI LHA'I BU RNAMS KYI LAS KYI RNAM PAR SMIN PA LAS SKYES PA'I LUS KYI 'OD GANG YIN PA DE DAG GIS DE BZHIN GSHEGS PA'I RANG BZHIN GYI 'OD KYI BRGYA'I CHAR YANG NYE BAR MI 'GRO, ,STONG GI CHAR YANG, BRGYA PHRAG STONG GI CHAR YANG, BYE BA BRGYA PHRAG STONG GI CHAR YANG, GRANGS SU YANG, CHAR YANG, BGRANG BAR YANG, DPER YANG, RGYUR YANG NYE BAR MI 'GRO MI BZOD DE, DE BZHIN GSHEGS PA'I 'OD KYI DRUNG NA LHA DE RNAMS KYI 'OD PAS DE BZHIN GSHEGS PA'I 'OD 'BA' ZHIG RAB CES BYA'O, ,DAM PA DANG, GTZO BO DANG, MCHOG DANG, RAB MCHOG DANG, PHUL DU PHYIN PA DANG, BLA NA MED PA DANG, GONG NA MED PA DANG, GONG MA'I YANG GONG MA ZHES BYA STE, DPER NA 'DZAM BU'I CHU KLUNG GI GSER GYI DRUNG NA LCAGS NAG PO LHAM ME MA YIN, LHAN NE MA YIN, LHANG NGE MA YIN NO, ,DE BZHIN DU GANG DE BZHIN GSHEGS PA'I RANG BZHIN GYI 'OD KYI DRUNG NA LHA RNAMS KYI LAS KYI RNAM PAR SMIN PA LAS SKYES PA'I 'OD NI LHAM ME MA YIN, LHAN NE MA YIN, LHANG NGE MA YIN GYI, DE BZHIN GSHEGS PA'I 'OD 'BA' ZHIG RAB CES BYA'O, ,DAM PA DANG, GTZO BO DANG, MCHOG DANG, RAB MCHOG DANG, PHUL DU PHYIN PA DANG, BLA NA MED PA DANG, GONG NA MED PA DANG, GONG MA'I YANG GONG MA ZHES BYA'O ZHES BYA BA NI LHA RNAMS KYI 'OD MOG MOG POR MDZAD PA YIN NO, ,DE NAS LHA RNAMS KYI DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR STONG GSUM GYI STONG CHEN PO'I @9A *, ,'JIG RTEN GYI KHAMS NA RGYAL CHEN BZHI'I RIS KYI LHA RNAMS DANG, SUM CU RTZA GSUM PA RNAMS DANG, 'THAB BRAL BA RNAMS DANG, DGA' LDAN PA RNAMS DANG, 'PHRUL DGA' BA RNAMS DANG, GZHAN 'PHRUL DBANG BYED KYI LHA RNAMS DANG, GNAS GTZANG MA'I RIS KYI LHA RNAMS KYI BAR GYI LHA'I BU GANG JI SNYED PA DE DAG THAMS CAD TSE DANG LDAN PA RAB 'BYOR GYIS SHES RAB KYI PHA ROL TU PHYIN PA RGYAS PAR BSTAN PA THOS PAR 'DOD NAS SHES RAB KYI PHA ROL TU PHYIN PA NYE BAR BSTAN PA MNYAN PA'I PHYIR LHAGS NAS, BTZUN PA RAB 'BYOR BYANG CHUB SEMS DPA' SEMS DPA' CHEN POS JI LTAR SHES RAB KYI PHA ROL TU PHYIN PA LA JI LTAR GNAS PAR BYA, BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA NI GANG YIN ZHES BYA BA NI SNOD DU RUNG BAR BYA BA YIN NO, ,DE SKAD CES SMRAS PA DANG, TSE DANG LDAN PA RAB 'BYOR GYIS LHA RNAMS KYI DBANG PO BRGYA BYIN LA 'DI SKAD CES SMRAS SO,, ,,BAM PO NYI SHU BDUN PA, KOO SHI KA DE'I PHYIR SANGS RGYAS KYI MTHU DANG, SANGS RGYAS KYI BYIN GYI RLABS KYIS BYANG CHUB SEMS DPA' SEMS DPA' CHEN PO RNAMS KYI SHES RAB KYI PHA ROL TU PHYIN PA DANG, BYANG CHUB SEMS DPA' SEMS DPA' CHEN PO RNAMS KYIS SHES RAB KYI PHA ROL TU PHYIN PA LA JI LTAR GNAS PAR BYA BA NYE BAR BSTAN PAR BYA STE, LHA'I BU GANG DAG GIS BLA NA MED PA YANG DAG PAR RDZOGS PA'I BYANG CHUB TU SEMS MA BSKYED PA DE DAG GIS KYANG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BYA'O, ,GANG YANG DAG PAR SKYON MED PAR ZHUGS PAR GYUR BA DE DAG LA NI BLA NA MED PA YANG DAG PAR RDZOGS PA'I BYANG CHUB TU SEMS BSKYED PA'I MTHU MED DE, DE CI'I PHYIR ZHE NA, DE DAG GIS 'KHOR BA'I RGYUD KYIS MTSAMS BCAD PA'I PHYIR RO ZHES PA NI YUL SO SOR NGES PA YIN NO, ,'ON KYANG YANG GAL TE DE DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE DAG LA YANG RJES SU YI RANG BAR BYA'O ZHES BYA BA NI KHYAB PA YIN NO, ,KHO BO NI DE DAG GI DGE BA'I PHYOGS LA BAR CHAD MI BYED DE ZHES BYA BA NI RANG BZHIN YIN NO, ,KHYAD PAR DU 'PHAGS PA'I CHOS RNAMS LAS MCHOG TU KHYAD PAR DU 'PHAGS @9B PA'I CHOS RNAMS THOB PAR BYA'O ZHES PA NI LAS YIN NO, ,'DI DAG GIS NI MOG MOG POR MDZAD PA LA SOGS PA BSTAN TO, ,KOO SHI KA DE LA BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA GANG ZHE NA, 'DI LA BYANG CHUB SEMS DPA' SEMS DPA' CHEN POS RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS GZUGS NI MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIGS PA NYID DANG, 'JIGS PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DANG, MIG DANG, RNA BA DANG, SNA DANG, LCE DANG, LUS DANG, YID DANG, GZUGS DANG, SGRA DANG, DRI DANG, RO DANG, REG DANG, CHOS DANG,DE BZHIN DU SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG; G-YO BA NYID DANG, RAB TU 'JIGS PA NYID DANG, 'JIGS PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS MA RIG PA'I RKYEN GYIS 'DU BYED NI MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RNGU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIGS PA NYID DANG, 'JIGS PA NYID DANG, @10A *, ,'GO BA'I NAD NYID DANG, NYE BAR 'TSE BA NYID DU YID LA BYA'O, ,RNAM PA THAMS CAD MKHYEN PA NYID DANG LDAN PA'I SEMS BSKYED PAS, DE MI DMIGS PA'I TSUL GYIS 'DU BYED KYI RKYEN GYIS RNAM PAR SHES PA DANG, RNAM PAR SHES PA'I RKYEN GYIS MING DANG GZUGS DANG; MING DANG GZUGS KYI RKYEN GYIS SKYE MCHED DRUG DANG, SKYE MCHED DRUG GI RKYEN GYIS REG PA DANG, REG PA'I RKYEN GYIS TSOR BA DANG, TSOR BA'I RKYEN GYIS SRED PA DANG, SRED PA'I RKYEN GYIS LEN PA DANG, LEN PA'I RKYEN GYIS SRID PA DANG, SRID PA'I RKYEN GYIS SKYE BA DANG, SKYE BA'I RKYEN GYIS RGA SHI DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA 'BYUNG BAR 'GYUR RO, ,DE LTAR SDUG BSNGAL GYI PHUNG PO CHEN PO 'BA' ZHIG 'BYUNG BAR 'GYUR BA DE YANG MI RTAG PA NYID DU YID LA BYA'O, ,SDUG BSNGAL BA NYID DANG, BDAG MED PA NYID DANG, ZHI BA NYID DANG, NAD NYID DANG, 'BRAS NYID DANG, ZUG RDU NYID DANG, SDIG PA NYID DANG, PHA ROL NYID DANG, 'JIG PA'I CHOS CAN NYID DANG, G-YO BA NYID DANG, RAB TU 'JIGS PA NYID DANG, 'JIGS PA NYID DANG, 'GO BA'I NAD NYID DANG, NYE BAR 'TSE BA NYID DU YID LA BYA'O, ,RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS MA RIG PA 'GAGS PAS, 'DU BYED 'GAG PA NI BDAG MED PA NYID DU YID LA BYA'O, ,ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON PAR 'DU BYA BA MED PA NYID DU YID LA BYA'O, ,'DU BYED 'GAGS PAS RNAM PAR SHES PA 'GAG ,RNAM PAR SHES PA 'GAGS PAS MING DANG GZUGS 'GAG ,MING DANG GZUGS 'GAGS PAS SKYE MCHED DRUG 'GAG ,SKYE MCHED DRUG 'GAGS PAS REG PA 'GAG ,REG PA 'GAGS PAS TSOR BA 'GAG ,TSOR BA 'GAGS PAS SRED PA 'GAG ,SRED PA 'GAGS PAS LEN PA 'GAG ,LEN PA 'GAGS PAS SRID PA 'GAG ,SRID PA 'GAGS PAS SKYE BA 'GAG ,SKYE BA 'GAGS PAS RGA SHI DANG, MYA NGAN DANG, SMRE SNGAGS 'DON PA @10B DANG; SDUG BSNGAL BA DANG, YID MI BDE BA DANG, 'KHRUG PA 'GAG PAR 'GYUR RO, ,DE LTAR SDUG BSNGAL GYI PHUNG PO CHEN PO 'DI RNAMS RAB 'BA' ZHIG 'GAG PAR 'GYUR BA YANG BDAG MED PA NYID DANG, ZHI BA NYID DANG, DBEN PA NYID DANG, STONG PA NYID DANG, MTSAN MA MED PA NYID DANG, SMON PA MED PA NYID DANG, MNGON PAR 'DU BYA BA MED PA NYID DU YID LA BYA'O, ,KOO SHI KA GZHAN YANG BYANG CHUB SEMS DPA' SEMS DPA' CHEN PO NI RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS DRAN PA NYE BAR GZHAG PA BZHI BSGOM MO, , DE BZHIN DU YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA DANG, BSAM GTAN BZHI DANG, TSAD MED PA BZHI DANG, GZUGS MED PA'I SNYOMS PAR 'JUG PA BZHI DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD BSGOM MO, ,KOO SHI KA GZHAN YANG BYANG CHUB SEMS DPA' SEMS DPA' CHEN PO NI RNAM PA THAMS CAD MKHYEN PA NYID DANG LDAN PA'I SEMS BSKYED PAS DE MI DMIGS PA'I TSUL GYIS SBYIN PA'I PHA ROL TU PHYIN PA LA SPYOD DO, ,TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA LA SPYOD DO, ,KOO SHI KA GZHAN YANG BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, CHOS KYI CHOS RNAMS SBYOR BAR BYED PA DANG, CHOS KYIS CHOS RNAMS SNYOMS PAR BYED PA DANG, YONGS SU RDZOGS PAR BYED PA DANG; YONGS SU RGYAS PAR BYED PA LA SO SOR BRTAGS PAS BDAG MED PAS NA CHOS THAMS CAD NI 'DI TZAM STE, BDAG GAM BDAG GI BA DANG BRAL BA'O, ,DE CI'I PHYIR ZHE NA, DE NI 'DI LTAR BYANG CHUB SEMS DPA' SEMS DPA' CHEN PO'I DGE BA'I RTZA BA'I SEMS GANG YIN PA DE YANG BYANG @11A *, ,CHUB KYI SEMS DANG 'GROGS PA MA YIN, YONGS SU BSNGO BA'I SEMS GANG YIN PA DE YANG BYANG CHUB KYI SEMS DANG DGE BA'I RTZA BA'I SEMS DANG 'GROGS PA MA YIN, BYANG CHUB KYI SEMS GANG YIN PA DE YANG YONGS SU BSNGO BA'I SEMS DANG 'GROGS PA MA YIN PAS SO, , DE CI'I PHYIR ZHE NA, KOO SHI KA BYANG CHUB KYI SEMS GANG YIN PA DE NI YONGS SU BSNGO BA'I SEMS LA MED CING MI DMIGS LA, YONGS SU BSNGO BA'I SEMS GANG YIN PA DE YANG BYANG CHUB KYI SEMS LA MED CING MI DMIGS SO, ,KOO SHI KA DE LTAR NA CHOS THAMS CAD LA SO SOR YANG BRTAGS PAS, CHOS GANG LA YANG MNGON PAR ZHEN PAR MI BYED CING MI DMIGS PA 'DI NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'O, ,DE SKAD CES SMRAS PA DANG, LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, , BTZUN PA RAB 'BYOR JI LTAR NA YONGS SU BSNGO BA'I SEMS BYANG CHUB KYI SEMS DANG 'GROGS PA MA YIN, JI LTAR NA BYANG CHUB KYI SEMS YONGS SU BSNGO BA'I SEMS DANG 'GROGS PA MA YIN, JI LTAR NA YONGS SU BSNGO BA'I SEMS BYANG CHUB KYI SEMS LA MED CING MI DMIGS, JI LTAR NA BYANG CHUB KYI SEMS YONGS SU BSNGO BA'I SEMS LA MED CING MI DMIGS, RAB 'BYOR GYIS SMRAS PA, KOO SHI KA YONGS SU BSNGO BA'I SEMS GANG YIN PA DE NI SEMS MA YIN, BYANG CHUB KYI SEMS GANG YIN PA DE YANG SEMS MA YIN TE, SEMS MA YIN PA DE NI SEMS MA YIN PAS YONGS SU YANG SEMS MA YIN TE, SEMS MA YIN PA DE NI SEMS MA YIN PAS YONGS SU BSNGO BA MED DO, ,DE LTAR NA SEMS MA YIN PA GANG YIN PA DE NI BSAM GYIS MI KHYAB PA'O, ,BSAM GYIS MI KHYAB PA GANG YIN PA DE NI SEMS MA YIN PA STE, SEMS MA YIN PA DE NI SEMS MA YIN PAS YONGS SU BSNGO BA MED DO, ,KOO SHI KA 'DI NI BYANG CHUB SEMS DPA' SEMS DPA' CHEN PO'I SHES RAB KYI PHA ROL TU PHYIN PA'O ZHES BYA BA NI, NYAN THOS KYI LAM GYI BDEN PA BZHI LA DMIGS PA'I RNAM PA BCU DRUG RNAM PAR GZHAG PA YIN NO, ,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR LEGS SO LEGS SO, ,DE LTAR BYANG @11B CHUB SEMS DPA' SEMS DPA' CHEN PO RNAMS LA SHES RAB KYI PHA ROL TU PHYIN PA STON CING SPRO BA BSKYED PA RAB 'BYOR KHYOD YANG LEGS SO LEGS SO, ,RAB 'BYOR GYIS GSOL PA, BCOM LDAN 'DAS BDAG CAG GIS NI BKA' DRIN DRAN PAR BGYI STE BKA' DRIN MI DRAN PAR MI BGYI'O, ,DE NI 'DI LTAR SNGON BCOM LDAN 'DAS BYANG CHUB SEMS DPA'I SPYAD PA SPYOD PA'I TSE, SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI DRUNG NA GNAS PA'I NYAN THOS DE DAG GIS PHA ROL TU PHYIN PA DRUG LA GDAMS PA DANG, RJES SU BSTAN PA DANG, YANG DAG PAR BSTAN PA DANG, LEN DU GZHUG PA DANG, GZENGS BSTOD PA DANG, YANG DAG PAR RAB TU DGA' BAR BYA BA DANG, NGES PAR GZHUG PAR BYA BA DANG, RAB TU GNAS PAR BGYIS NAS SNGON GYI BYANG CHUB SEMS DPAR GYUR PA'I TSE, PHA ROL TU PHYIN PA DRUG LA BSLABS PA GANG GIS BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,BCOM LDAN 'DAS DE KHO NA BZHIN DU BDAG CAG GIS KYANG BYANG CHUB SEMS DPA' SEMS DPA' CHEN PO RNAMS PHA ROL TU PHYIN PA DRUG LA GDAMS PAR BGYI'O, ,RJES SU BSTAN PAR BGYI'O, ,YANG DAG PAR BSTAN PAR BGYI'O, ,LEN DU GZHUG PAR BGYI'O, ,GZENGS BSTOD PAR BGYI'O, ,YANG DAG PAR RAB TU DGA' BAR BGYI'O, ,NGES PAR GZHUG PAR BGYI'O, ,RAB TU GNAS PAR BGYI'O, ,BDAG CAG GIS BYANG CHUB SEMS DPA' SEMS DPA' CHEN PO PHA ROL TU PHYIN PA DRUG LA GDAMS PA DANG, RJES SU BSTAN PA DANG, YANG DAG PAR BSTAN PA DANG, LEN DU GZHUG PA DANG, GZENGS BSTOD PA DANG, YANG DAG PAR RAB TU DGA' BAR BYA BA DANG, NGES PAR GZHUG PA DANG, RAB TU GNAS PAR BYA BA DAG KYANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,DE NAS TSE DANG LDAN PA RAB 'BYOR GYIS LHA RNAMS KYI DBANG PO BRGYA BYIN LA 'DI SKAD CES SMRAS SO, ,KOO SHI KA DE'I PHYIR SHIN TU LEGS PAR NYON LA YID LA ZUNG SHIG DANG, JI LTAR BYANG CHUB SEMS DPA' SEMS DPA' @12A *, ,CHEN POS SHES RAB KYI PHA ROL TU PHYIN PA LA GNAS PAR BYA BA DANG, JI LTAR MI GNAS PAR BYA BA DAG BDAG GIS BSHAD DO, ,KOO SHI KA GZUGS NI GZUGS KYIS STONG NGO, ,KOO SHI KA TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI RNAM PAR SHES PAS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,KOO SHI KA DE LTAR NA GZUGS KYI STONG PA NYID GANG YIN PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I STONG PA NYID GANG YIN PA DANG, BYANG CHUB SEMS DPA'I STONG PA NYID GANG YIN PA DE LA GNYIS SU MED CING GNYIS SU BYAR MED DO, ,KOO SHI KA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DE LTAR GNAS PAR BYA'O, ,KOO SHI KA GZHAN YANG MIG NI MIG GIS STONG NGO, ,DE BZHIN DU RNA BA DANG, SNA DANG, LCE DANG, LUS DANG, YID NI YID KYIS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,KOO SHI KA DE LTAR MIG GI STONG PA NYID GANG YIN PA DANG, RNA BA DANG, SNA DANG, LCE DANG, LUS DANG, YID KYI STONG PA NYID GANG YIN PA DANG, BYANG CHUB SEMS DPA'I STONG PA NYID GANG YIN PA DE LA GNYIS SU MED CING GNYIS SU BYAR MED DO, ,KOO SHI KA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DE LTAR GNAS PAR BYA'O, ,KOO SHI KA GZHAN YANG SA'I KHAMS NI SA'I KHAMS KYIS STONG NGO, ,DE BZHIN DU CHU'I KHAMS DANG, MI'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS NI RNAM PAR SHES PA'I KHAMS KYIS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,KOO SHI KA DE LTAR NA SA'I KHAMS STONG PA NYID DANG, CHU'I KHAMS STONG PA NYID DANG, ME'I KHAMS STONG PA NYID DANG, RLUNG GI KHAMS STONG PA NYID DANG, NAM MKHA'I KHAMS STONG PA NYID DANG, RNAM PAR SHES PA'I KHAMS STONG PA NYID DANG, BYANG CHUB SEMS DPA' STONG PA NYID DE LA GNYIS SU MED CING GNYIS SU BYAR MED DO, ,KOO SHI KA BYANG CHUB @12B SEMS DPA' SEMS DPA' CHEN POS SHES RAB KYI PHA ROL TU PHYIN PA LA DE LTAR GNAS PAR BYA'O, ,KOO SHI KA GZHAN YANG MA RIG PA NI MA RIG PAS STONG NGO, ,DE BZHIN DU 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI NI RGA SHIS STONG NGO, ,MA RIG PA 'GAG PA NI MA RIG PA 'GAGS PAS STONG NGO, ,DE BZHIN DU 'DU BYED DANG, RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA DANG, SRED PA DANG, LEN PA DANG, SRID PA DANG, SKYE BA DANG, RGA SHI 'GAG PA NI RGA SHI 'GAGS PAS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,DE LTAR NA MA RIG PA STONG PA NYID DANG, MA RIG PA 'GAG PA STONG PA NYID NAS, RGA SHI STONG PA NYID DANG, RGA SHI 'GAG PA'I BAR DU STONG PA NYID DANG, BYANG CHUB SEMS DPA' STONG PA NYID DE LA GNYIS SU MED CING GNYIS SU BYAR MED DO, ,KOO SHI KA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DE LTAR GNAS PAR BYA'O, ,KOO SHI KA GZHAN YANG SBYIN PA'I PHA ROL TU PHYIN PA NI SBYIN PA'I PHA ROL TU PHYIN PAS STONG NGO, ,DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA NI SHES RAB KYI PHA ROL TU PHYIN PAS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,DE LTAR NA SBYIN PA'I PHA ROL TU PHYIN PA STONG PA NYID DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA STONG PA NYID DANG, BYANG CHUB SEMS DPA' STONG PA NYID DE LA GNYIS SU MED CING GNYIS SU BYAR MED DO, ,KOO SHI KA GZHAN YANG NANG STONG PA NYID NI NANG STONG PA NYID KYIS STONG NGO, ,DE BZHIN DU PHYI STONG PA NYID NI PHYI STONG PA NYID KYIS STONG NGO, ,DNGOS PO MED PA'I NGO BO @13A *, ,NYID STONG PA NYID KYI BAR NI DNGOS PO MED PA'I NGO BO NYID STONG PA NYID KYI BAR GYIS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,DE LTAR NA NANG STONG PA NYID DANG, PHYI STONG PA NYID DANG, PHYI NANG STONG PA NYID NAS, DNGOS PO MED PA'I NGO BO NYID KYI BAR STONG PA NYID DANG, BYANG CHUB SEMS DPA' STONG PA NYID DE LA GNYIS SU MED CING GNYIS SU BYAR MED DO, ,KOO SHI KA GZHAN YANG DRAN PA NYE BAR GZHAG PA RNAMS NI DRAN PA NYE BAR GZHAG PA RNAMS KYIS STONG NGO, ,DE BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG; DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, LAM RNAMS DANG, MNGON PAR SHES PA RNAMS DANG, 'PHAGS PA'I BDEN PA RNAMS DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, STOBS BCU RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD NI SANGS RGYAS KYI CHOS MA 'DRES PA BCO BRGYAD KYIS STONG NGO, ,DE LTAR NA DRAN PA NYE BAR GZHAG PA RNAMS STONG PA NYID NAS SANGS RGYAS KYI CHOS MA 'DRES PA BCO BRGYAD KYI BAR STONG PA NYID DANG, BYANG CHUB SEMS DPA' STONG PA NYID DE LA GNYIS SU MED CING GNYIS SU BYAR MED DO, ,KOO SHI KA GZHAN YANG TING NGE 'DZIN NI TING NGE 'DZIN GYIS STONG NGO, ,GZUNGS KYI SGO NI GZUNGS KYI SGOS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,DE LTAR NA TING NGE 'DZIN STONG PA NYID DANG, GZUNGS KYI SGO STONG PA NYID DANG, BYANG CHUB SEMS DPA' STONG PA NYID GANG YIN PA DE LA GNYIS SU MED CING GNYIS SU BYAR MED DO, ,KOO SHI KA GZHAN YANG NYAN THOS KYI THEG PA NI NYAN THOS KYI THEG PAS STONG NGO, ,RANG SANGS RGYAS KYI THEG PA NI RANG SANGS RGYAS KYI THEG PAS STONG NGO, ,THEG PA CHEN PO NI THEG PA CHEN POS STONG NGO, ,NYAN THOS NI NYAN THOS KYIS STONG NGO, ,RANG SANGS RGYAS NI RANG SANGS RGYAS KYIS STONG NGO, ,BYANG CHUB SEMS DPA' NI BYANG CHUB SEMS DPAS STONG NGO, ,SANGS RGYAS @13B NI SANGS RGYAS KYIS STONG NGO, ,DE LTAR NA NYAN THOS KYI THEG PA STONG PA NYID NAS, THEG PA CHEN PO STONG PA NYID KYI BAR DANG, NYAN THOS STONG PA NYID NAS, SANGS RGYAS STONG PA NYID KYI BAR DE LA GNYIS SU MED CING GNYIS SU BYAR MED DO, ,KOO SHI KA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DE LTAR GNAS PAR BYA'O ZHES BYA BA NI DROD DU GTOGS PA YIN NO, ,DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, ,BTZUN BA RAB 'BYOR JI LTAR NA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA GNAS PAR MI BYA, RAB 'BYOR GYIS SMRAS PA, KOO SHI KA 'DI LA BYANG CHUB SEMS DPA' SEMS DPA' CHEN POS DMIGS PA'I TSUL GYIS GZUGS LA GNAS PAR MI BYA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA GNAS PAR MI BYA'O, ,DMIGS PA'I TSUL GYIS MIG LA GNAS PAR MI BYA'O, ,GZUGS LA GNAS PAR MI BYA'O, ,MIG GI RNAM PAR SHES PA LA GNAS PAR MI BYA'O, ,MIG GI 'DUS TE REG PA LA GNAS PAR MI BYA'O, ,MIG GI 'DUS TE REG PA LA GNAS PAR MI BYA'O, ,MIG GI 'DUS TE REG PA LAS BYUNG BA'I TSOR BA LA GNAS PAR MI BYA'O, ,DE BZHIN DU RNA BA DANG, SNA DANG, LCE DANG, LUS DANG, YID LA GNAS PAR MI BYA'O, ,CHOS LA GNAS PAR MI BYA'O, ,YID KYI RNAM PAR SHES PA LA GNAS PAR MI BYA'O, ,YID KYI 'DUS TE REG PA LA GNAS PAR MI BYA'O, ,YID KYI 'DUS TE REG PA LAS BYUNG BA'I TSOR BA LA GNAS PAR MI BYA'O, ,DMIGS PA'I TSUL GYIS SA'I KHAMS LA GNAS PAR MI BYA'O, ,CHU'I KHAMS LA GNAS PAR MI BYA'O, ,ME'I KHAMS LA GNAS PAR MI BYA'O, ,RLUNG GI KHAMS LA GNAS PAR MI BYA'O, ,NAM MKHA'I KHAMS LA GNAS PAR MI BYA'O, ,RNAM PAR SHES PA'I KHAMS LA GNAS PAR MI BYA'O, ,DMIGS PA'I TSUL GYIS DRAN PA NYE BAR GZHAG PA RNAMS LA GNAS PAR MI BYA'O, ,DE BZHIN DU YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, MNGON PAR SHES PA DANG, @14A *, ,'PHAGS PA'I BDEN PA DANG, BSAM GTAN DANG, TSAD MED PA DANG, GZUGS MED PA'I SNYOMS PAR 'JUG PA DANG, STOBS BCU DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA RNAMS LA GNAS PAR MI BYA'O, , DMIGS PA'I TSUL GYIS RGYUN DU ZHUGS PA'I 'BRAS BU LA GNAS PAR MI BYA'O, ,DE BZHIN DU LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA'I 'BRAS BU DANG, RANG SANGS RGYAS NAS, SANGS RGYAS KYI BAR LA GNAS PAR MI BYA'O ZHES PA NI RTZE MOR GTOGS PA YIN NO, ,DMIGS PA'I TSUL GYIS GZUGS RTAG CES BYA BAR GNAS PAR MI BYA'O, ,DE BZHIN DU MI RTAG CES BYA BA DANG, BDE ZHES BYA BA DANG, SDUG BSNGAL ZHES BYA BA DANG, BDAG CES BYA BA DANG, BDAG MED CES BYA BA DANG, ZHI ZHES BYA BA DANG, MA ZHI ZHES BYA BA DANG, DBEN ZHES BYA BA DANG, MI DBEN ZHES BYA BAR GNAS PAR MI BYA'O, ,GZUGS STONG ZHES BYA BA DANG, MI STONG ZHES BYA BA DANG, MTSAN MA YOD CES BYA BA DANG, MTSAN MA MED CES BYA BA DANG, SMON PA YOD CES BYA BA DANG, SMON PA MED CES BYA BAR GNAS PAR MI BYA'O, ,DMIGS PA'I TSUL GYIS TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RTAG CES BYA BAR GNAS PAR MI BYA'O, ,DE BZHIN DU MI RTAG CES BYA BA DANG, BDE ZHES BYA BA DANG, SDUG BSNGAL ZHES BYA BA DANG, BDAG CES BYA BA DANG, BDAG MED CES BYA BA DANG, ZHI ZHES BYA BA DANG, MA ZHI ZHES BYA BA DANG, DBEN ZHES BYA BA DANG, MI DBEN ZHES BYA BA DANG, STONG ZHES BYA BA DANG, MI STONG ZHES BYA BA DANG, MTSAN MA YOD CES BYA BA DANG, MTSAN MA MED CES BYA BA DANG, SMON PA YOD CES BYA BA DANG, SMON PA MED CES BYA BAR GNAS PAR MI BYA'O, ,DE BZHIN DU DMIGS PA'I TSUL GYIS SO SO BA DANG, BSDUS PA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS RNAMS DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG @14B PA RNAMS DANG, BDEN PA DANG, MNGON PAR SHES PA RNAMS DANG, TING NGE 'DZIN RNAMS DANG, GZUNGS KYI SGO RNAMS DANG, STOBS DANG, MI 'JIGS PA DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD NAS, RNAM PA THAMS CAD MKHYEN PA NYID KYI BAR DE RNAMS THAMS CAD LA RTAG CES BYA BAR GNAS PAR MI BYA'O, ,DE BZHIN DU MI RTAG CES BYA BA DANG, BDE ZHES BYA BA DANG, SDUG BSNGAL ZHES BYA BA DANG, BDAG CES BYA BA DANG, BDAG MED CES BYA BA DANG, ZHI ZHES BYA BA DANG, MA ZHI ZHES BYA BA DANG, DBEN ZHES BYA BA DANG, MI DBEN ZHES BYA BA DANG, STONG ZHES BYA BA DANG, MI STONG ZHES BYA BA DANG, MTSAN MA YOD CES BYA BA DANG, MTSAN MA MED CES BYA BA DANG, SMON PA YOD CES BYA BA DANG, SMON PA MED CES BYA BAR GNAS PAR MI BYA'O, ,KOO SHI KA GZHAN YANG RGYUN DU ZHUGS PA'I 'BRAS BU 'DUS MA BYAS LAS GDAGS ZHES BYA BAR DMIGS PA'I TSUL GYIS GNAS PAR MI BYA'O, ,DE BZHIN DU LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DANG, RANG BYANG CHUB 'DUS MA BYAS LAS GDAGS ZHES BYA BAR GNAS PAR MI BYA'O, ,RANG SANGS RGYAS NYID 'DUS MA BYAS LAS GDAGS ZHES BYA BAR GNAS PAR MI BYA'O, ,RGYUN DU ZHUGS PA SBYIN PA'I GNAS ZHES BYA BAR GNAS PAR MI BYA'O, ,DE BZHIN DU LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA NYID DANG, RANG BYANG CHUB DANG, DE BZHIN GSHEGS PA SBYIN PA'I GNAS ZHES BYA BAR GNAS PAR MI BYA'O ZHES BYA BA NI BZOD PAR GTOGS PA YIN NO, ,KOO SHI KA GZHAN YANG BYANG CHUB SEMS DPA' SEMS DPA' CHEN POS SA DANG PO LA DMIGS PA'I TSUL GYIS GNAS PAR MI BYA'O, ,SA GNYIS PA DANG, SA GSUM PA DANG, SA BZHI PA DANG, SA LNGA PA DANG, SA DRUG PA DANG, SA BDUN PA DANG, SA BRGYAD PA DANG, SA DGU PA DANG, SA BCU PA LA DMIGS PA'I TSUL GYIS GNAS PAR MI BYA'O, ,SEMS DANG PO BSKYED PA LA GNAS TE SBYIN PA'I PHA ROL TU PHYIN PA YONGS SU RDZOGS PAR BYA'O ZHES BYA BAR DMIGS PA'I TSUL GYIS @15A *, ,GNAS PAR MI BYA'O, ,DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA YONGS SU RDZOGS PAR BYA'O ZHES BYA BAR DMIGS PA'I TSUL GYIS GNAS PAR MI BYA'O, ,DE BZHIN DU DRAN PA NYE BAR GZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, LAM RNAMS YONGS SU RDZOGS PAR BYA'O ZHES BYA BAR DMIGS PA'I TSUL GYIS GNAS PAR MI BYA'O, ,BYANG CHUB SEMS DPA' SEMS DPA' CHEN POS BYANG CHUB SEMS DPA'I SKYON MED PAR 'JUG PAR BYA'O ZHES BYA BAR DMIGS PA'I TSUL GYIS GNAS PAR MI BYA'O, ,BYANG CHUB SEMS DPA'I SKYON MED PAR ZHUGS NAS PHYIR MI LDOG PA'I SA LA GNAS PAR BYA'O ZHES DE LTAR YANG DMIGS PA'I TSUL GYIS GNAS PAR MI BYA'O, ,BYANG CHUB SEMS DPA' SEMS DPA' CHEN POS MNGON PAR SHES PA LNGA YONGS SU RDZOGS PAR BYA'O ZHES DMIGS PA'I TSUL GYIS GNAS PAR MI BYA'O, ,BYANG CHUB SEMS DPA'I MNGON PAR SHES PA LNGA LA GNAS TE, SANGS RGYAS BCOM LDAN 'DAS RNAMS LA BLTA BA DANG, PHYAG BYA BA DANG, MCHOD PA DANG, BSNYEN BKUR BA DANG, CHOS NYAN PA DANG, THOS NAS KYANG DE BZHIN DU GZHAN LA BSTAN PAR BYA BA'I PHYIR SANGS RGYAS KYI ZHING GRANGS MED PA DANG, GZHAL DU MED PA DANG, TSAD MED PAR 'GRO'O ZHES DE LTAR YANG BYANG CHUB SEMS DPA' SEMS DPA' CHEN POS DMIGS PA'I TSUL GYIS GNAS PAR MI BYA'O, ,SANGS RGYAS BCOM LDAN 'DAS DE RNAMS KYI SANGS RGYAS KYI ZHING MA 'DRES PA CI 'DRA BA DE 'DRA BA NYID DU YONGS SU BSGRUB PAR BYA'O ZHES BYANG CHUB SEMS DPA' SEMS DPA' CHEN POS DMIGS PA'I TSUL GYIS GNAS PAR MI BYA'O, ,SEMS CAN RNAMS BLA NA MED PA YANG DAG PAR RDZOGS PA'I BYANG CHUB TU YONGS SU SMIN PAR BYA'O ZHES DE LTAR YANG BYANG CHUB SEMS DPA' SEMS DPA' CHEN POS DMIGS PA'I @15B TSUL GYIS GNAS PAR MI BYA'O, ,'JIG RTEN GYI KHAMS GRANGS MED TSAD MED PAR SONG STE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA ME TOG DANG, SPOS DANG, DRI DANG, PHRENG BA DANG, BYUG PA DANG, PHYE MA DANG, CHOS GOS DANG, GDUGS DANG, RGYAL MTSAN DANG, BA DAN MANG POS RIM GROR BYA'O, ,BKUR STIR BYA'O, ,BSTI STAD DU BYA'O, ,MCHOD PAR BYA'O, ,DE BZHIN GSHEGS PA DE DAG LA NA BZA' BYE BA KHRAG KHRIG BRGYA STONG DU MA DAG GIS KYANG MCHOD PAR BYA'O ZHES BYA BA DE LTAR YANG DMIGS PA'I TSUL GYIS GNAS PAR MI BYA'O, SEMS CAN TSAD MED GRANGS MED PA BLA NA MED PA YANG DAG PAR RDZOGS PA'I BYANG CHUB TU RAB TU DGOD PAR BYA'O ZHES BYA BAR DMIGS PA'I TSUL GYIS GNAS PAR MI BYA'O, ,MIG LNGA BSGRUB PAR BYA'O ZHES GNAS PAR MI BYA STE, SHA'I MIG DANG, LHA'I MIG DANG, SHES RAB KYI MIG DANG, CHOS KYI MIG DANG, SANGS RGYAS KYI MIG BSGRUB PAR BYA'O ZHES GNAS PAR MI BYA'O, ,TING NGE 'DZIN THAMS CAD YONGS SU BSGRUB PAR BYA'O ZHES GNAS PAR MI BYA'O, ,TING NGE 'DZIN GANG DANG GANG GIS RNAM PAR RTZE BAR 'DOD PA'I TING NGE 'DZIN DE DANG DES RNAM PAR RTZE BAR BYA'O ZHES GNAS PAR MI BYA'O, , GZUNGS KYI SGO THAMS CAD YONGS SU BSGRUB PAR BYA'O ZHES GNAS PAR MI BYA'O, ,TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA RNAMS YONGS SU BSGRUB PAR BYA'O ZHES GNAS PAR MI BYA'O, ,DE BZHIN GSHEGS PA'I STOBS BCU YONGS SU BSGRUB PAR BYA'O ZHES GNAS PAR MI BYA'O, ,MI 'JIGS PA BZHI YONGS SU BSGRUB PAR GBYA'O ZHES GNAS PAR MI BYA'O, ,SO SO YANG DAG PAR RIG PA BZHI YONGS SU BSGRUB PAR BYA'O ZHES GNAS PAR MI BYA'O, ,SANGS RGYAS KYI CHOS MA 'DRES PA BCO BRGYAD YONGS SU BSGRUB PAR BYA'O ZHES DMIGS PA'I TSUL GYIS GNAS PAR MI BYA'O, ,BYAMS PA CHEN PO DANG, SNYING RJE CHEN PO YONGS SU BSGRUB PAR BYA'O ZHES GNAS PAR MI BYA'O, ,LUS LA SKYES BU CHEN PO'I MTSAN SUM CU RTZA GNYIS YONGS SU BSGRUB PAR BYA'O ZHES GNAS PAR MI BYA'O, ,DPE BYAD BZAD PO BRGYAD CU YONGS SU BSGRUB PAR BYA'O ZHES @16A *, ,DE LTAR YANG BYANG CHUB SEMS DPA' SEMS DPA' CHEN POS DMIGS PA'I TSUL GYIS GNAS PAR MI BYA'O, ,DAD PA'I RJES SU 'BRANG BA'O, ,CHOS KYI RJES SU 'BRANG BA'O, ,BRGYAD PA'O, ,RGYUN DU ZHUGS PA'O, ,PO ZOS NA SRID PA LAN BDUN PA'O ZHES GNAS PAR MI BYA'O, , RIGS NAS RIGS SU 'GRO BA'O ZHES BYA BA DANG, GCIG GIS MCHOD PA'O ZHES GNAS PAR MI BYA'O, ,GANG ZAG MGO MNYAM PA'O ZHES GNAS PAR MI BYA'O, ,CHE ZAD PA'O, ,NYON MONGS PA ZAD PA'O ZHES GNAS PAR MI BYA'O, ,RGYUN DU ZHUGS PA'I CHOS LA NYAMS PA MED PA'O ZHES GNAS PAR MI BYA'O, ,LAN CIG PHYIR 'ONG BA STE, 'JIG RTEN 'DIR LAN CIG 'ONGS NAS SDUG BSNGAL MTHAR 'BYIN TO ZHES GNAS PAR MI BYA'O, ,PHYIR MI 'ONG BA'I 'BRAS BU MNGON DU BYA BA'I PHYIR ZHUGS PA'O ZHES GNAS PAR MI BYA'O, ,PHYIR MI 'ONG STE DE NYID DU YONGS SU MYA NGAN LAS 'DA' BA'O ZHES GNAS PAR MI BYA'O, ,DGRA BCOM PA'I 'BRAS BU MNGON DU BYA BA'I PHYIR ZHUGS PA'O ZHES GNAS PAR MI BYA'O, ,DGRA BCOM PA STE TSE 'DI NYID LA PHUNG PO MA LUS PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DA'O ZHES GNAS PAR MI BYA'O, ,RANG SANGS RGYAS SO ZHES GNAS PAR MI BYA'O, ,BYANG CHUB SEMS DPA' NYAN THOS KYI SA DANG, RANG SANGS RGYAS KYI SA LAS 'DAS TE BYANG CHUB SEMS DPA'I SA LA GNAS PAR BYA'O ZHES GNAS PAR MI BYA'O, ,LAM SHES PA NYID LA GNAS PAR BYA'O ZHES GNAS PAR MI BYA'O, ,RNAM PA THAMS CAD MKHYEN PA NYID KYI YE SHES LA GNAS PAR BYA'O ZHES DMIGS PA'I TSUL GYIS GNAS PAR MI BYA'O, ,BAG CHAGS KYIS MTSAMS SBYOR BA'I NYON MONGS PA THAMS CAD ZAD DE, CHOS THAMS CAD RNAM PA THAMS CAD DU MNGON PAR RDZOGS PAR BYANG CHUB NAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR BYA'O, ,BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS CHOS KYI 'KHOR LO BSKOR BAR BYA'O ZHES GNAS PAR MI BYA'O, ,SANGS RGYAS KYI BYA BA BYAS TE 'JIG RTEN GYI KHAMS TSAD MED GRANGS MED PA'I SEMS CAN RNAMS YONGS SU @16B MYA NGAN LAS 'DA'O ZHES BYA BA DE LTAR YANG GNAS PAR MI BYA'O, ,RDZU 'PHRUL GYI RKANG PA BZHI LA GNAS TE TING NGE 'DZIN GANG LA SNYOMS PAR ZHUGS PAS BSKAL PA GANG G'A'I KLUNG GI BYE MA SNYED DU GNAS PAR 'GYUR BA DE LTA BU'I TING NGE 'DZIN LA MNYAM PAR GZHAG GO ZHES DMIGS PA'I TSUL GYIS GNAS PAR MI BYA'O, ,BDAG GI TSE'I TSAD NI DPAG TU MED PAR GYUR CIG CES DMIGS PA'I TSUL GYIS GNAS PAR MI BYA'O, ,BDAG GI SKYES BU CHEN PO'I MTSAN SUM CU RTZA GNYIS LAS MTSAN RE RE ZHING BSOD NAMS BRGYAS YONGS SU BSGRUB PAR GYUR CIG CES GNAS PAR MI BYA'O; ,SHAR PHYOGS KYI 'JIG RTEN GYI KHAMS GANG G'A'I KLUNG GI BYE MA SNYED DANG, DE BZHIN DU LHO DANG, NUB DANG, BYANG GI 'JIG RTEN GYI KHAMS GANG G'A'I KLUNG GI BYE MA SNYED JI TZAM YOD PA DE TZAM BDAG GI SANGS RGYAS KYI ZHING GCIG TU GYUR CIG CES GNAS PAR MI BYA'O, , BDAG GI STONG GSUM GYI STONG CHEN PO'I 'JIG RTEN GYI KHAMS RDO RJE'I RANG BZHIN DU GYUR CIG CES GNAS PAR MI BYA'O, ,BDAG GI BYANG CHUB KYI SHING DE LAS DRI BYUNG STE, DRI DE GANG GIS TSOR BA'I SEMS CAN THAMS CAD LA 'DOD CHAGS KYI SEMS MI 'BYUNG ZHING, ZHE SDANG GI SEMS MI 'BYUNG BA DANG, GTI MUG GI SEMS MI 'BYUNG BA DANG, RES 'GA' TZAM YANG NYAN THOS KYI SEMS SAM, RANG SANGS RGYAS KYI SEMS MI 'BYUNG BAR SEMS CAN DE DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU NGES PAR GYUR CIG CES BYA BA DANG, SEMS CAN GANG GIS DE'I DRI TSOR BAR GYUR PA RNAMS LA NAD GANG YANG MED PAR GYUR CIG CES BYA BA DE LTAR YANG GNAS PAR MI BYA'O, ,BDAG GI SANGS RGYAS KYI ZHING DER GZUGS KYI SGRA 'BYUNG BAR MA GYUR CIG ,TSOR BA'I 'BYUNG BAR MA GYUR CIG ,'DU SHES KYI 'BYUNG BAR MA GYUR CIG ,'DU BYED RNAMS KYI 'BYUNG BAR MA GYUR CIG ,RNAM PAR SHES PA'I SGRA 'BYUNG BAR MA GYUR CIG CES GNAS PAR MI BYA'O, ,SBYIN PA'I PHA ROL TU PHYIN PA'I SGRA 'BYUNG BAR MA GYUR CIG ,DE BZHIN DU TSUL KHRIMS KYI PHA ROL TU PHYIN PA'I 'BYUNG BAR MA GYUR CIG ,BZOD PA'I PHA ROL TU PHYIN PA'I 'BYUNG BAR MA GYUR CIG ,BRTZON @17A *, ,'GRUS KYI PHA ROL TU PHYIN PA'I 'BYUNG BAR MA GYUR CIG ,BSAM GTAN GYI PHA ROL TU PHYIN PA'I 'BYUNG BAR MA GYUR CIG ,SHES RAB KYI PHA ROL TU PHYIN PA'I SGRA 'BYUNG BAR MA GYUR CIG CES GNAS PAR MI BYA'O, ,DRAN PA NYE BAR GZHAG PA RNAMS KYI SGRA 'BYUNG BAR MA GYUR CIG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA DANG, MNGON PAR SHES PA DANG, 'PHAGS PA'I BDEN PA DANG, STOBS BCU DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA BCO BRGYAD RNAMS KYI SGRA 'BYUNG BAR MA GYUR CIG CES BYA BA NAS DE BZHIN DU RGYUN TU ZHUGS PA'I DANG, LAN CIG PHYIR 'ONG BA'I DANG, PHYIR MI 'ONG BA'I DANG, DGRA BCOM PA'I DANG; RANG SANGS RGYAS KYI DANG, BYANG CHUB SEMS DPA'I DANG, RANG SANGS RGYAS KYI SGRA YANG 'BYUNG BAR MA GYUR CIG CES GNAS PAR MI BYA'O ZHES RGYAS PAR BYA'O, ,DE CI'I PHYIR ZHE NA, 'DI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS NAS CHOS THAMS CAD MI DMIGS PA'I PHYIR RO, ,KOO SHI KA DE LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA DMIGS PA'I TSUL GYIS GNAS PAR MI BYA'O, ,DE NAS TSE DANG LDAN PA SH'A RI'I BU 'DI SNYAM STE JI LTAR BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA GNAS PAR BYA SNYAM PA DANG, DE NAS YANG TSE DANG LDAN PA RAB 'BYOR GYIS, TSE DANG LDAN PA SH'A RI'I BU'I SEMS KYI RNAM PAR RTOG PA SEMS KYIS SHES NAS TSE DANG LDAN PA SH'A RI'I BU LA SMRAS PA, TSE DANG LDAN PA SH'A RI'I BU DE JI SNYAM DU SEMS, DE BZHIN GSHEGS PA CI ZHIG LA GNAS, SMRAS PA, TSE DANG LDAN PA RAB 'BYOR DE BZHIN GSHEGS PA NI CI LA YANG GNAS PA MA YIN TE, DE NI GZUGS LA GNAS PA MA YIN, TSOR BA LA GNAS PA MA YIN, 'DU SHES @17B LA GNAS PA MA YIN, 'DU BYED RNAMS LA GNAS PA MA YIN, RNAM PAR SHES PA RNAMS LA GNAS PA MA YIN, 'DUS BYAS KYI KHAMS LA GNAS PA MA YIN, 'DUS MA BYAS KYI KHAMS LA GNAS PA MA YIN, PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'I YAN LAG RNAMS LA MA YIN, PHA ROL TU PHYIN PA RNAMS LA MA YIN, BYANG CHUB KYI PHYOGS KYI CHOS RNAMS LA MA YIN, TSAD MED PA RNAMS LA MA YIN, BSAM GTAN RNAMS LA MA YIN, GZUGS MED PA'I SNYOMS PAR 'JUG PA RNAMS LA MA YIN, MNGON PAR SHES PA RNAMS LA MA YIN, BDEN PA RNAMS LA MA YIN, STONG PA NYID THAMS CAD LA MA YIN, TING NGE 'DZIN THAMS CAD LA MA YIN, TING NGE 'DZIN THAMS CAD LA MA YIN, GZUNGS KYI SGO THAMS CAD LA GNAS PA MA YIN, STOBS DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA RNAMS LA GNAS PA MA YIN, THAMS CAD MKHYEN PA NYID LA GNAS PA MA YIN TE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI THUGS RAB TU MI GNAS PA'I PHYIR RO,, ,,BAM PO NYI SHU BRGYAD PA, DE NAS YANG TSE DANG LDAN PA RAB 'BYOR GYIS TSE DANG LDAN PA SH'A RI'I BU LA 'DI SKAD CES SMRAS SO, ,TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA 'DI LTAR GNAS PAR BYA STE, JI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS GZUGS LA GNAS PA YANG MA YIN, MI GNAS PA YANG MA YIN, TSOR BA LA MA YIN, 'DU SHES LA MA YIN, 'DU BYED RNAMS LA MA YIN, RNAM PAR SHES PA LA GNAS PA YANG MA YIN, MI GNAS PA YANG MA YIN NO, ,TSE DANG LDAN PA SH'A RI'I BU DE LTAR NA BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA LA GNAS PAR BYA STE, GNAS PA MED PA'I TSUL GYIS GNAS PAR 'GYUR RO ZHES BYA BA NI CHOS KYI MCHOG TU GTOGS PA YIN NO, ,'DI DAG GIS NI NYAN THOS KYI LAM BSTAN PA YIN NO, ,DE NAS YANG 'KHOR DE RNAMS LAS LHA'I BU KHA CIG 'DI SNYAM DU @18A *, ,SEMS PAR GYUR TE, GANG GNOD SBYIN RNAMS KYIS GNOD SBYIN GYI SKAD DANG, GNOD SBYIN RNAMS KYI TSIG DANG, GNOD SBYIN RNAMS KYIS SMRAS PA DANG, GNOD SBYIN RNAMS KYIS RAB TU BSNYAD PA GANG YIN PA DE DAG NI SMRAS PAR GYUR NA SHES PAR RUNG GI ,GANG 'PHAGS PA RAB 'BYOR SHES RAB KYI PHA ROL TU PHYIN PA 'CHAD PA DANG, RAB TU BRJOD PA DANG, STON PA DANG, NYE BAR STON PA DE NI SHES PAR MI RUNG NGO SNYAM MO, ,DE NAS YANG TSE DANG LDAN PA RAB 'BYOR GYIS LHA'I BU DE DAG GI SEMS KYI RTOG PA SEMS KYIS YONGS SU SHES NAS, LHA'I BU DE DAG LA SMRAS PA, LHA'I BU DAG GANG SMRAS PA DE SHES PAR MI RUNG NGAM, LHA'I BU RNAMS KYIS SMRAS PA, 'PHAGS PA RAB 'BYOR SHES PAR MI RUNG NGO, ,RAB 'BYOR GYIS SMRAS PA, LHA'I BU DAG 'DI LTAR YI GE CIG KYANG MA BRJOD KYIS GANG MA BRJOD PA DE NI THOS PAR MI RUNG NGO, ,GANG THOS PAR MI RUNG BA DE NI SHES PAR MI RUNG NGO, ,DE CI'I PHYIR ZHE NA, SHES RAB KYI PHA ROL TU PHYIN PA NI YI GE MA YIN PA STE, DES NA SHES PA MED DO, ,NYAN PA MED DO, ,STON PA MED DO, ,DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB NI YI GE MED PA'O, ,LHA'I BU DAG 'DI LTA STE, DPER NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SPRUL PA ZHIG SPRUL TE, DES KYANG DGE SLONG DANG, DGE SLONG MA DANG, DGE BSNYEN DANG, DGE BSNYEN MA'I 'KHOR RNAM BZHI MNGON PAR SPRUL NAS DES 'KHOR BZHI PO DE DAG LA CHOS BSTAN PAR GYUR NA LHA'I BU DAG DE LA JI SNYAM DU SEMS, DER SUS KYANG BSTAN PAR GYUR PA'AM, THOS PA'AM, SHES PAR GYUR PA YOD DAM, LHA'I BU DAG GIS SMRAS PA, BTZUN PA RAB 'BYOR DE NI MED DO, ,RAB 'BYOR GYIS SMRAS PA, LHA'I BU DAG DE BZHIN DU CHOS THAMS CAD KYANG SPRUL PA LTA BU STE, DE LA SUS KYANG BSTAN PA MED DO, ,SUS KYANG THOS PA MED DO, ,SUS KYANG SHES PA MED DO, ,LHA'I BU DAG 'DI LTA STE, DPER NA, SKYES BU GNYID KYIS LOG PA'I RMI LAM NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS @18B ZHIG CHOS STON PA MTHONG NA, LHA'I BU DAG DE LA JI SNYAM DU SEMS, DE LA SUS KYANG BSTAN PA'AM, THOS PA'AM, SHES PAR GYUR PA YOD DAM, LHA'I BU DAG GIS SMRAS PA, BTZUN PA RAB 'BYOR DE NI MED DO, ,RAB 'BYOR GYIS SMRAS PA, LHA'I BU DAG DE BZHIN DU CHOS THAMS CAD KYANG RMI LAM LTA BU STE, DE LA SUS KYANG BSTAN PA MED DO, ,SUS KYANG THOS PA MED DO, ,SUS KYANG SHES PA MED DO, ,LHA'I BU DAG 'DI LTA STE DPER NA, SKYES BU GNYIS SHIG RI'I SUL DU 'KHOD DE SANGS RGYAS KYI LEGS PA YANG BRJOD, CHOS KYI LEGS PA YANG BRJOD, DGE 'DUN GYI LEGS PA YANG BRJOD LA DE GNYIS LAS KYANG SGRA BRNYAN GYI DBYANGS BYUNG NA, LHA'I BU DAG DE LA JI SNYAM DU SEMS, SGRA BRNYAN GCIG BU DES KYANG SGRA BRNYAN GNYIS PA'I SGRA SHES PAR 'GYUR BA YOD DAM, LHA'I BUS SMRAS PA, BTZUN PA RAB 'BYOR DE NI MED DO, ,RAB 'BYOR GYIS SMRAS PA, LHA'I BU DAG DE BZHIN DU CHOS THAMS CAD KYANG SGRA BRNYAN LTA BU STE, DE LA SUS KYANG BSTAN PA MED DO, ,THOS PA MED DO, ,SHES PA MED DO, ,LHA'I BU DAG 'DI LTA STE DPER NA, SGYU MA'I MKHAN PO'AM, SGYU MA'I MKHAN PO'I MCHAN BU MKHAS PA ZHIG GIS LAM PO CHE'I BZHI MDOR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS ZHIG MNGON PAR SPRUL, 'KHOR BZHI YANG MNGON PAR SPRUL NAS, DES SPRUL PA'I 'KHOR BZHI LA CHOS BSTAN NA, LHA'I BU DAG DE JI SNYAM DU SEMS, DE LA SUS KYANG BSTAN PA 'AM, THOS PA'AM, SHES PAR GYUR PA YOD DAM, LHA'I BUS SMRAS PA, BTZUN PA RAB 'BYOR DE NI MED DO, ,RAB 'BYOR GYIS SMRAS PA, LHA'I BU DAG DE BZHIN DU CHOS THAMS CAD KYANG SGYU MA LTA BU STE, DE LA SUS KYANG BSTAN PA MED DO, ,THOS PA MED DO, ,SHES PA MED DO ZHES BYA BA NI GZHAN GYIS BSTAN MI DGOS PA BSTAN PA YIN NO, ,DE NAS LHA'I BU DE DAG 'DI SNYAM DU SEMS PAR GYUR TE, KYE MA GNAS BRTAN RAB 'BYOR 'PHAGS PA 'DI NI SHES RAB KYI PHA ROL TU PHYIN PA GSAL BAR BYED PA STE, ZAB PA BAS KYANG SHIN TU ZAB PA STON PAR BYED PA, PHRA BA BAS KYANG SHIN TU PHRA BA STON PA'O @19A *, ,ZHES BYA BA NI ZAB PA'I YE SHES BSTAN PA YIN NO, ,DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG GZUGS NI ZAB PA MA YIN PHRA BA MA YIN NO, ,TSOR BA MA YIN, 'DU SHES MA YIN, 'DU BYED RNAMS MA YIN, RNAM PAR SHES PA ZAB PA MA YIN PHRA BA MA YIN NO, ,DE CI'I PHYIR ZHE NA, GZUGS KYI RANG BZHIN NI ZAB PA MA YIN PHRA BA MA YIN NO, ,TSOR BA'I MA YIN, 'DU SHES KYI MA YIN, 'DU BYED RNAMS KYI MA YIN, RNAM PAR SHES PA'I RANG BZHIN NI ZAB PA MA YIN PHRA BA MA YIN NO, ,MIG GI RANG BZHIN NI ZAB PA MA YIN PHRA BA MA YIN NO, ,RNA BA'I MA YIN, SNA'I MA YIN, LCE'I MA YIN, LUS KYI MA YIN, YID KYI RANG BZHIN NI ZAB PA MA YIN PHRA BA MA YIN NO, ,SA'I KHAMS KYI RANG BZHIN NI ZAB PA MA YIN PHRA BA MA YIN NO, ,CHU'I KHAMS KYI MA YIN, ME'I KHAMS KYI MA YIN; RLUNG GI KHAMS KYI MA YIN, NAM MKHA'I KHAMS KYI MA YIN, RNAM PAR SHES PA'I KHAMS KYI RANG BZHIN NI ZAB PA MA YIN PHRA BA MA YIN NO, ,SBYIN PA'I PHA ROL TU PHYIN BA'I RANG BZHIN NI ZAB PA MA YIN PHRA BA MA YIN NO, ,TSUL KHRIMS KYI PHA ROL TU PHYIN PA'I MA YIN, BZOD PA'I PHA ROL TU PHYIN PA'I MA YIN, BRTZON 'GRUS KYI PHA ROL TU PHYIN PA'I MA YIN, BSAM GTAN GYI PHA ROL TU PHYIN PA'I MA YIN, SHES RAB KYI PHA ROL TU PHYIN PA'I RANG BZHIN NI ZAB PA MA YIN PHRA BA MA YIN NO, ,NANG STONG PA NYID KYI RANG BZHIN NI ZAB PA MA YIN PHRA BA MA YIN NO, ,PHYI STONG PA NYID KYI MA YIN, PHYI NANG STONG PA NYID KYI MA YIN, DNGOS PO MED PA'I NGO BO NYID STONG PA NYID KYI BAR GYI RANG BZHIN NI ZAB PA MA YIN PHRA BA MA YIN NO, ,DRAN PA NYE BAR GZHAG PA RNAMS KYI RANG BZHIN NI ZAB PA MA YIN PHRA BA MA YIN NO, ,DE BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA DANG, 'PHAGS PA'I BDEN PA RNAMS DANG, MNGON PAR SHES PA RNAMS DANG, TSAD MED PA BZHI DANG, BSAM GTAN BZHI @19B DANG; GZUGS MED PA'I SNYOMS PAR 'JUG PA BZHI DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD KYI RANG BZHIN NI ZAB PA MA YIN PHRA BA MA YIN NO, ,TING NGE 'DZIN DANG, GZUNGS KYI SGO THAMS CAD KYI RANG BZHIN NI ZAB PA MA YIN PHRA BA MA YIN NO, ,RNAM PA THAMS CAD MKHYEN PA NYID KYI BAR NI ZAB PA MA YIN PHRA BA MA YIN NO, ,DE CI'I PHYIR ZHE NA, 'DI LTAR RNAM PA THAMS CAD MKHYEN PA NYID KYI RANG BZHIN NI ZAB PA MA YIN PHRA BA MA YIN NO, ,DE NAS LHA'I BU DE DAG 'DI SNYAM DU SEMS PAR GYUR TE, CHOS BSTAN PA 'DI LA NI GZUGS SU BTAGS PA MED DO, ,TSOR BA MED DO, ,'DU SHES SU MED DO, ,'DU BYED RNAMS SU MED DO, ,RNAM PAR SHES PAR BTAGS PA MED DO, ,SKYE MCHED DU MED DO, ,KHAMS SU MED DO, ,RTEN CING 'BREL PAR 'BYUNG BAR BTAGS PA MED DO, ,PHA ROL TU PHYIN PAR BTAGS PA MED DO, ,BYANG CHUB KYI PHYOGS KYI CHOS RNAMS SU BTAGS PA MED DO, ,TSAD MED PA DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, STONG PA NYID THAMS CAD DU MED DO, ,TING NGE 'DZIN THAMS CAD DU MED DO, ,GZUNGS KYI SGO THAMS CAD DU MED DO, ,DE BZHIN GSHEGS PA'I STOBS RNAMS SU MED DO, ,MI 'JIGS PA RNAMS SU MED DO, ,SO SO YANG DAG PAR RIG PA RNAMS SU MED DO, ,SANGS RGYAS KYI CHOS MA 'DRES PA BCO BRGYAD DU BTAGS PA MED DO, ,CHOS BSTAN PA 'DI LA NI RGYUN DU ZHUGS PA'I 'BRAS BUR BTAGS PA MED DO, ,LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BUR MED DO, ,DGRA BCOM PA NYID DU MED DO, ,RANG BYANG CHUB MED SEMS DPA' RNAMS SU MED DO, ,BYANG CHUB TU BTAGS PA ME DO, , YI GE RNAMS SU BTAGS PA MED DO SNYAM MO, ,DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG DE DE BZHIN NO, ,DE DE BZHIN TE, DE BZHIN GSHEGS PA'I BYANG CHUB NI BRJOD DU MED DO, ,SMRAR MED DO, ,DE NI SUS KYANG BSTAN PA MED DO, ,SUS KYANG @20A *, ,THOS PA MED DO, ,SUS KYANG SHES PA MED DO, ,LHA'I BU DAG DE LTA BAS NA GANG RGYUN DU ZHUGS PA'I 'BRAS BU GNAS PAR 'DOD CING, RGYUN DU ZHUGS PA'I 'BRAS BU MNGON DU BYA BAR 'DOD NA YANG BZOD PA 'DI LA DMIGS RTEN DU MI RUNG NGO, ,GANG LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DANG, GANG RANG BYANG CHUB NYID LA GNAS PAR 'DOD PA DANG, GANG RANG BYANG CHUB NYID THOB PAR 'DOD PAS KYANG BZOD PA 'DI LA DMIGS RTEN DU MI RUNG NGO, ,LHA'I BU DAG DE LTAR BYANG CHUB SEMS DPA' SEMS DPA' CHEN POS SEMS DANG PO BSKYED PA NAS BRJOD PA DANG, MNYAM DU MED PA LAS BZUNG STE, SHES RAB KYI PHA ROL TU PHYIN PA LA GNAS PAR BYA'O ZHES BYA BA NI RANG SANGS RGYAS RNAMS KYIS GZUNG BA'I RTOG PA SPANG PA BSTAN PA YIN NO, ,DE NAS LHA'I BU DE DAG 'DI SNYAM DU SEMS PAR GYUR TE, GNAS BRTAN RAB 'BYOR LA CHOS NYAN PA RNAM PA JI LTA BU DAG BTZAL BAR BYA SNYAM PA DANG, DE NAS TSE DANG LDAN PA RAB 'BYOR GYIS LHA'I BU DE DAG GI SEMS KYI RNAM PAR RTOG PA SEMS KYIS YONGS SU SHES NAS LHA'I BU DE DAG LA 'DI SKAD CES SMRAS SO, ,LHA'I BU DAG BDAG LA CHOS NYAN PA NI SGYU MA LTA BU DANG, LHA'I BU DAG BDAG LA CHOS NYAN PA NI SPRUL PA LTA BUR BTZAL BAR BYA STE, DES NA CI YANG MNYAN PA MED CING CI YANG MNGON DU BYA BA MED DO, ,DE NAS LHA'I BU DE DAG GIS TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR CI SEMS CAN DE DAG SGYU MA LTA BU STE, ,NYAN PA DE DAG KYANG SGYU MA LTA BU YIN NAM, SEMS CAN DE DAG SPRUL PA LTA BU STE, CHOS NYAN PA DE DAG KYANG SPRUL PA LTA BU YIN NAM, RAB 'BYOR GYIS SMRAS PA, LHA'I BU DAG DE DE BZHIN NO, ,DE DE BZHIN TE, SEMS CAN DE DAG NI SGYU MA LTA BU STE, CHOS NYAN PA DE DAG KYANG SGYU MA LTA BU'O, , SEMS CAN DE DAG NI SPRUL PA LTA BU STE, CHOS NYAN PA DE DAG KYANG SPRUL PA LTA BU'O, ,LHA'I BU DAG GZUGS KYANG RMI LAM LTA BU SGYU MA LTA BU'O, ,LHA'I BU DAG TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG RMI LAM LTA BU SGYU MA LTA BU'O, ,LHA'I BU DAG MIG @20B KYANG RMI LAM LTA BU SGYU MA LTA BU'O, ,DE BZHIN DU RNA BA DANG, SNA DANG, LCE DANG, LUS DANG, YID KYANG RMI LAM LTA BU SGYU MA LTA BU'O, ,DE BZHIN DU SGRA DANG, DRI DANG, RO DANG, REG DANG, LHA'I BU DAG CHOS KYANG RMI LAM LTA BU SGYU MA LTA BU'O, ,MIG GI RNAM PAR SHES PA DANG, MIG GI 'DUS TE REG PA DANG, MIG GI 'DUS TE REG PA LAS BYUNG BA'I TSOR BA YANG RMI LAM LTA BU SGYU MA LTA BU'O, ,DE BZHIN DU RNA BA DANG, SNA DANG, LCE DANG, LUS DANG, YID KYI RNAM PAR SHES PA DANG, YID KYI 'DUS TE REG PA DANG, YID KYI 'DUS TE REG PA LAS BYUNG BA'I TSOR BA YANG RMI LAM LTA BU SGYU MA LTA BU'O, ,SBYIN PA'I PHA ROL TU PHYIN PA YANG RMI LAM LTA BU SGYU MA LTA BU'O, ,DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA YANG RMI LAM LTA BU SGYU MA LTA BU'O, ,DE BZHIN DU NANG STONG PA NYID DANG, PHYI STONG PA NYID DANG, PHYI NANG STONG PA NYID NAS, DNGOS PO MED PA'I NGO BO NYID STONG PA NYID KYI BAR YANG RMI LAM LTA BU SGYU MA LTA BU'O, , DRAN PA NYE BAR GZHAG PA RNAMS KYANG RMI LAM LTA BU SGYU MA LTA BU'O, ,DE BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA DANG, TSAD MED PA DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, MNGON PAR SHES PA RNAMS DANG, BDEN PA RNAMS DANG, STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD KYI BAR RNAMS KYANG RMI LAM LTA BU SGYU MA LTA BU'O, ,RGYUN DU ZHUGS PA'I 'BRAS BU YANG RMI LAM LTA BU SGYU MA LTA BU'O, ,RGYUN DU ZHUGS PA YANG RMI LAM LTA BU SGYU MA LTA BU'O, ,DE BZHIN DU LAN CIG PHYIR 'ONG BA'I 'BRAS BU DANG, PHYIR 'ONG BA DANG, PHYIR MI 'ONG BA'I @21A *, ,'BRAS BU DANG, PHYIR MI 'ONG BA DANG, DGRA BCOM PA'I 'BRAS BU DANG, DGRA BCOM PA YANG RMI LAM LTA BU SGYU MA LTA BU'O, ,RANG BYANG CHUB NYID KYANG RMI LAM LTA BU SGYU MA LTA BU'O, ,RANG BYANG CHUB KYANG RMI LAM LTA BU SGYU MA LTA BU'O, ,BYANG CHUB SEMS DPA' NYID KYANG RMI LAM LTA BU SGYU MA LTA BU'O, ,BYANG CHUB SEMS DPA' YANG RMI LAM LTA BU SGYU MA LTA BU'O, ,BLA NA MED PA YANG DAG PAR RDZOGS PA'I BYANG CHUB NYID KYANG RMI LAM LTA BU SGYU MA LTA BU'O, ,SANGS RGYAS KYANG RMI LAM LTA BU SGYU MA LTA BU'O, ,DE NAS LHA'I BU DE DAG GIS TSE DANG LDAN PA RAB 'BYOR LA 'DI SKAD CES SMRAS SO, ,GNAS BRTAN RAB 'BYOR BYANG CHUB KYANG RMI LAM LTA BU SGYU MA LTA BUR BSHAD DAM, CI DE MYA NGAN LAS 'DAS PA YANG RMI LAM LTA BU SGYU MA LTA BUR BSHAD DAM, RAB 'BYOR GYIS SMRAS PA, LHA'I BU DAG BDAG NI MYA NGAN LAS 'DAS PA YANG RMI LAM LTA BU SGYU MA LTA BUR SMRA STE; GAL TE MYA NGAN LAS 'DAS PA LAS KHYAD PAR DU 'PHAGS PA'I CHOS GZHAN ZHIG YOD NA YANG DE YANG BDAG NI RMI LAM LTA BU SGYU MA LTA BUR SMRA'O, ,DE CI'I PHYIR ZHE NA, LHA'I BU DAG 'DI LTAR RMI LAM LTA BU DANG SGYU MA LTA BU DANG, MYA NGAN LAS 'DA' BA LA GNYIS SU MED CING GNYIS SU BYAR MED DO ZHES BYA BA NI RANG SANGS RGYAS RNAMS KYI 'DZIN PA'I RTOG PA SPANGS PA BSTAN PA YIN NO, ,DE NAS TSE DANG LDAN PA SH'A RI'I BU DANG, TSE DANG LDAN PA MOOD GAL GYI BU CHEN PO DANG, TSE DANG LDAN PA MDZOD LDAN CHEN PO DANG, TSE DANG LDAN PA K'A TA YA'I BU CHEN PO DANG, TSE DANG LDAN PA BYAMS GANG GI BU DANG, TSE DANG LDAN PA 'OD SRUNGS CHEN PO DANG, LHA'I BU BYE BA KHRAG KHRIG BRGYA STONG PHRAG DU MAS GNAS BRTAN TSE DANG LDAN PA RAB 'BYOR LA 'DI SKAD CES SMRAS SO, ,BTZUN PA RAB 'BYOR SHES RAB KYI PHA ROL TU PHYIN PA 'DI LTAR ZAB PA, 'DI LTAR BRTAG PAR BYA BA MA YIN PA, 'DI LTAR RTOG GE'I SPYOD YUL MA YIN PA, 'DI LTAR PHRA BA, 'DI LTAR ZHIB PA DANG, 'DI LTAR BLTA DKA' BA, 'DI LTAR RJES SU RTOGS PAR DKA' BA, 'DI LTAR GYA NOM PA, 'DI LTAR SHIN TU 'PHAGS PA LA NUS PA YOD PA, 'DI LTAR MKHAS SHING MDZANGS PAS RIG PAR BYA BA 'DI LEN PAR BYED PA SU @21B DAG 'BYUNG BAR 'GYUR, DE NAS TSE DANG LDAN PA RAB 'BYOR GYIS NYAN THOS CHEN PO DE DAG DANG, LHA'I BU DE DAG LA 'DI SKAD CES SMRAS SO, ,TSE DANG LDAN PA DAG PHYIR MI LDOG PA'I BYANG CHUB SEMS DPA' SEMS DPA' CHEN PO RNAMS SAM, BDEN PA MTHONG BA'I GANG ZAG GAM, DGRA BCOM PA ZAG PA ZAD PA BSAM PA YONGS SU RDZOGS PA'AM, SNGON GYI RGYAL BA LA BYA BA BYAS PA'I DBANG DU BYAS PA'AM, SANGS RGYAS BYE BA MANG PO LA DGE BA'I RTZA BA BSKYED PA DAG GAM, DGE BA'I BSHES GNYEN GYIS YONGS SU ZIN PA'I RIGS KYI BU'AM, RIGS KYI BU MO DAG SHES RAB KYI PHA ROL TU PHYIN PA 'DI LTAR ZAB PA, 'DI LTAR BRTAG PAR BYA BA MA YIN PA, 'DI LTAR RTOG GE'I SPYOD YUL MA YIN PA, 'DI LTAR PHRA BA, 'DI LTAR ZHIB PA, 'DI LTAR BLTA DKA' BA, 'DI LTAR RJES SU RTOGS PAR DKA' BA, 'DI LTAR GYA NOM PA, 'DI LTAR SHIN TU 'PHAGS PA LA NUS PA YOD PA, 'DI LTAR MKHAS SHING MDZANGS PAS RIG PAR BYA BA 'DI LEN PAR 'GYUR TE, SHES RAB KYI PHA ROL TU PHYIN PA 'DI LTAR ZAB PA, 'DI LTAR BRTAG PAR BYA BA MA YIN PA, 'DI LTAR RTOG GE'I SPYOD YUL MA YIN PA, 'DI LTAR PHRA BA, 'DI LTAR ZHIB PA, 'DI LTAR BLTA DKA' PA; 'DI LTAR RJES SU RTOGS PAR DKA' BA, 'DI LTAR GYA NOM PA, 'DI LTAR SHIN TU 'PHAGS PA LA NUS PA YOD PA, 'DI LTAR MKHAS SHING MDZANGS PAS RIG PAR BYA BA 'DI LEN PAR GYUR PA DE DAG NI NGES PA KHO NAR GZUGS STONG ZHES BYA BAR RNAM PAR RTOG PAR MI 'GYUR, STONG PA NYID GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA STONG ZHES BYA BAR RNAM PAR RTOG PAR MI 'GYUR, STONG PA NYID RNAM PAR SHES PA ZHES BYA BAR RNAM PAR RTOG PAR MI 'GYUR RO, ,GZUGS MTSAN MA MED CES BYA BAR RNAM PAR RTOG PAR MI 'GYUR, MTSAN MA MED PA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MTSAN MA MED CES BYA BAR RNAM PAR RTOG PAR MI 'GYUR, MTSAN MA MED PA RNAM PAR SHES PA ZHES @22A *, ,BYA BAR RNAM PAR RTOG PAR MI 'GYUR RO, ,GZUGS SMON PA MED CES BYA BAR RNAM PAR RTOG PAR MI 'GYUR, SMON PA MED PA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SMON PA MED CES BYA BAR RNAM PAR RTOG PAR MI 'GYUR, SMON PA MED PA RNAM PAR SHES PA ZHES BYA BAR RNAM PAR RTOG PAR MI 'GYUR RO, ,GZUGS SKYE BA MED CES BYA BAR RNAM PAR RTOG PAR MI 'GYUR, SKYE BA MED PA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG; 'DU BYED RNAMS DANG, RNAM PAR SHES PA SKYE BA MED CES BYA BAR RNAM PAR RTOG PAR MI 'GYUR RO, ,SKYE BA MED PA RNAM PAR SHES PA ZHES BYA BAR RNAM PAR RTOG PAR MI 'GYUR RO, ,GZUGS 'GAG PA MED CES BYA BAR RNAM PAR RTOG PAR MI 'GYUR, 'GAG PA MED PA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA 'GAG PA MED CES BYA BAR RNAM PAR RTOG PAR MI 'GYUR, 'GAG PA MED PA RNAM PAR SHES PA ZHES BYA BAR RNAM PAR RTOG PAR MI 'GYUR RO, , GZUGS ZHI ZHES BYA BAR RNAM PAR RTOG PAR MI 'GYUR, ZHI BA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA ZHI ZHES BYA BAR RNAM PAR RTOG PAR MI 'GYUR, ZHI BA RNAM PAR SHES PA ZHES BYA BAR RNAM PAR RTOG PAR MI 'GYUR RO, ,GZUGS DBEN ZHES BYA BAR RNAM PAR RTOG PAR MI 'GYUR, DBEN PA GZUGS ZHES BYA BAR RNAM PAR RTOG PAR MI 'GYUR RO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DBEN ZHES BYA BAR RNAM PAR RTOG PAR MI 'GYUR, DBEN PA RNAM PAR SHES PA ZHES BYA BAR RNAM PAR RTOG PAR MI 'GYUR RO, ,DE BZHIN DU SKYE ZHES BYA BA DANG, 'GAG CES BYA BA DANG, MA ZHI ZHES BYA BA DANG, MI DBEN ZHES BYA BAR RNAM PAR RTOG PAR MI 'GYUR RO, ,DE BZHIN DU SO SO BA DANG, BSDUS PA'I KHAMS DANG, SKYE MCHED DANG, RTEN CING @22B 'BREL PAR 'BYUNG BA'I YAN LAG DANG, PHA ROL TU PHYIN PA DANG, DE BZHIN DU NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, DNGOS PO MED PA'I NGO BO NYID STONG PA NYID KYI BAR DANG, DE BZHIN DU DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, 'PHAGS PA'I LAM YAN LAG BRGYAD PA DANG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA DANG, MNGON PAR SHES PA DANG, BDEN PA DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, DE BZHIN DU RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA DANG, RANG BYANG CHUB DANG, RNAM PA THAMS CAD MKHYEN PA NYID STONG ZHES BYA BAR RNAM PAR RTOG PAR MI 'GYUR, STONG PA NYID RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,RNAM PA THAMS CAD MKHYEN PA NYID MTSAN MA MED CES BYA BAR RNAM PAR RTOG PAR MI 'GYUR, MTSAN MA MED PA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,RNAM PA THAMS CAD MKHYEN PA NYID SMON PA MED CES BYA BAR RNAM PAR RTOG PAR MI 'GYUR, SMON PA MED PA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,RNAM PA THAMS CAD MKHYEN PA NYID SKYE BA MED CES BYA BAR RNAM PAR RTOG PAR MI 'GYUR, SKYE BA MED PA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,RNAM PA THAMS CAD MKHYEN PA NYID 'GAG PA MED CES BYA BAR RNAM PAR RTOG PAR MI 'GYUR, 'GAG PA MED PA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,RNAM PA THAMS CAD MKHYEN PA NYID ZHI ZHES BYA BAR RNAM PAR RTOG PAR MI 'GYUR, ZHI BA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR @23A *, ,RO; ,RNAM PA THAMS CAD MKHYEN PA NYID DBEN ZHES BYA BAR RNAM PAR RTOG PAR MI 'GYUR, DBEN PA RNAM PA THAMS CAD MKHYEN PA NYID CES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS STONG ZHES BYA BAR RNAM PAR RTOG PAR MI 'GYUR, STONG PA NYID 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS MTSAN MA MED CES BYA BAR RNAM PAR RTOG PAR MI 'GYUR, MTSAN MA MED PA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS SMON PA MED CES BYA BAR RNAM PAR RTOG PAR MI 'GYUR, SMON PA MED PA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS SKYE BA MED CES BYA BAR RNAM PAR RTOG PAR MI 'GYUR, SKYE BA MED PA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS 'GAG PA MED CES BYA BAR RNAM PAR RTOG PAR MI 'GYUR, 'GAG PA MED PA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS BYAS KYI KHAMS ZHI ZHES BYA BAR RNAM PAR RTOG PAR MI 'GYUR, ZHI BA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, , 'DUS BYAS KYI KHAMS DBEN ZHES BYA BAR RNAM PAR RTOG PAR MI 'GYUR, DBEN PA 'DUS BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS STONG ZHES BYA BAR RNAM PAR RTOG PAR MI 'GYUR, STONG PA NYID 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS MTSAN MA MED CES BYA BAR RNAM PAR RTOG PAR MI 'GYUR, MTSAN MA MED PA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS SMON PA MED CES BYA BAR RNAM PAR RTOG PAR MI 'GYUR, SMON PA MED PA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS SKYE BA MED CES BYA BAR RNAM PAR RTOG PAR MI 'GYUR, SKYE BA MED PA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS 'GAG PA MED @23B CES BYA BAR RNAM PAR RTOG PAR MI 'GYUR, 'GAG PA MED PA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,'DUS MA BYAS KYI KHAMS ZHI ZHES BYA BAR RNAM PAR RTOG PAR MI 'GYUR, ZHI BA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, , 'DUS MA BYAS KYI KHAMS DBEN ZHES BYA BAR RNAM PAR RTOG PAR MI 'GYUR, DBEN PA 'DUS MA BYAS KYI KHAMS ZHES BYA BAR RNAM PAR RTOG PAR MI 'GYUR RO, ,DE NAS TSE DANG LDAN PA RAB 'BYOR GYIS LHA'I BU DE DAG LA 'DI SKAD CES SMRAS SO, ,LHA'I BU DAG SHES RAB KYI PHA ROL TU PHYIN PA ZAB PA NAS, DE LTAR SHIN TU 'PHAGS PA LA NUS PA YOD PA DANG, DE LTAR MKHAS SHING MDZANGS PAS RIG PAR BYA BA'I BAR 'DI LEN PAR BYED PA SU YANG MED DO, ,DE CI'I PHYIR ZHE NA, DE NI 'DI LTAR 'DI LAS CHOS 'GA' YANG MA BRJOD, MA BSTAN, YONGS SU SNANG BAR MA BYAS PA STE, 'DIR CHOS 'GA' YANG MA BSHAD, MA BSTAN, YONGS SU SNANG BAR MA BYAS PA DE KHO NA LTAR 'DI LEN PAR BYED PA'I SEMS CAN SU YANG MI 'BYUNG NGO, ,DE NAS TSE DANG LDAN PA SH'A RI'I BUS GNAS BRTAN TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR SHES RAB KYI PHA ROL TU PHYIN PA 'DI LAS THEG PA GSUM PO NYAN THOS KYI THEG PA DANG, RANG SANGS RGYAS KYI THEG PA DANG, YANG DAG PAR RDZOGS PA'I SANGS RGYAS KYI THEG PA RNAMS KYANG RGYA CHER BSTAN PA MA YIN NAM, BYANG CHUB SEMS DPA' SEMS DPA' CHEN PO RNAMS KYI SEMS YONGS SU GZUNG BA'I PHYIR YANG BSTAN PA MA YIN NAM, SEMS DANG PO BSKYED PA NAS SEMS BCU PA BSKYED PA'I BAR GYI BYANG CHUB SEMS DPA'I LAM 'DI LTA STE, SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG; BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA DANG, DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN @24A *, ,LAG BRGYAD PA DANG, TSAD MED PA BZHI DANG, BSAM GTAN BZHI DANG, GZUGS MED PA'I SNYOMS PAR 'JUG PA BZHI DANG, MNGON PAR SHES PA DANG, 'PHAGS PA'I BDEN PA DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, BYANG CHUB SEMS DPA' SEMS DPA' CHEN PO RNAMS YONGS SU GZUNG BA'I PHYIR YANG BSTAN PA MA YIN NAM, DE BZHIN DU BYANG CHUB SEMS DPA' SEMS DPA' CHEN PO RNAMS KYANG SHES RAB KYI PHA ROL TU PHYIN PA LA SPYOD CING RDZUS TE SKYE BAR 'GYUR BA MA YIN NAM, DE BZHIN DU MNGON PAR SHES PA RNAMS LAS YONGS SU NYAMS PA MED PA'I CHOS CAN DU 'GYUR BA MA YIN NAM, SANGS RGYAS KYI ZHING NAS SANGS RGYAS KYI ZHING DU 'DONG ZHING DGE BA'I RTZA BA GANG GIS SANGS RGYAS BCOM LDAN 'DAS DE DAG LA RIM GROR BYA BA DANG, BKUR STIR BYA BA DANG, BSTI STANG DU BYA BA DANG, MCHOD PAR BYA BAR 'DOD PA DE LTA BU'I DGE BA'I RTZA BA DE DAG KYANG PHUN SUM TSOGS PAR 'GYUR BA MA YIN NAM, SANGS RGYAS BCOM LDAN 'DAS DE DAG LA CHOS GANG THOS PAR GYUR PA DE DAG SKYE BA GZHAN DU YANG RGYUN 'CHAD PAR MI 'GYUR BA MA YIN NAM, BLA NA MED PA YANG DAG PAR RDZOGS PA'I SANGS RGYAS KYI BAR DU 'KHRUG PA MED PA DANG, MNYAM PAR GZHAG PA MED PA'I TSUL GYIS RTAG TU MNYAM PAR GZHAG PAR 'GYUR BA MA YIN NAM; THOGS PA MED PA'I SPOBS PA DANG LDAN PAR 'GYUR BA MA YIN NAM, RGYUN CHAD PA MED PA'I SPOBS PA DANG, MNYAM PAR GZHAG PA'I SPOBS PA DANG, RIG PA'I SPOBS PA DANG, 'BREL PA'I SPOBS PA DANG, DON DANG LDAN PA'I SPOBS PA DANG, 'JIG RTEN THAMS CAD LAS MNGON PAR 'PHAGS SHING KHYAD ZHUGS PA'I SPOBS PA DANG LDAN PAR 'GYUR BA MA YIN NAM, RAB 'BYOR GYIS SMRAS PA, TSE DANG LDAN PA SH'A RI'I BU DE DE BZHIN NO, ,JI SKAD SMRAS PA DE BZHIN TE, SHES RAB KYI PHA ROL TU PHYIN PA 'DI LAS THEG PA GSUM PO 'DI LTA STE, NYAN THOS KYI THEG PA DANG, RANG SANGS @24B RGYAS KYI THEG PA DANG, YANG DAG PAR RDZOGS PA'I SANGS RGYAS KYI THEG PA RNAMS KYANG RGYA CHER BSTAN, BYANG CHUB SEMS DPA' SEMS DPA' CHEN PO YONGS SU GZUNG BA YANG BSTAN, BYANG CHUB SEMS DPA' SEMS DPA' CHEN PO 'JIG RTEN THAMS CAD LAS MNGON PAR 'PHAGS ZHING KHYAD ZHUGS PA'I SPOBS PA DANG LDAN PA'I BAR DU YANG 'GYUR TE, DE YANG MI DMIGS PA'I TSUL GYIS SO, ,GANG MI DMIGS PA'I TSUL GYIS SHE NA, BDAG DANG, SEMS CAN DANG, SROG DANG, 'GRO BA DANG, GSO BA DANG, SKYES BU DANG, GANG ZAG DANG, SHED LAS SKYES DANG, SHED BU DANG, BYED PA PO DANG, TSOR BA PO DANG, SHES PA PO DANG, MTHONG BA PO MI DMIGS PA'I TSUL DANG, GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MI DMIGS PA'I TSUL DANG, MIG MI DMIGS PA'I TSUL DANG, DE BZHIN DU RNA BA DANG, SNA DANG, LCE DANG, LUS DANG, YID MI DMIGS PA'I TSUL DANG, MIG GI RNAM PAR SHES PA DANG, MIG GI 'DUS TE REG PA DANG, MIG GI 'DUS TE REG PA LAS BYUNG BA'I TSOR BA MI DMIGS PA'I TSUL DANG, DE BZHIN DU RNA BA DANG, SNA DANG, LCE DANG, LUS DANG, YID KYI RNAM PAR SHES PA DANG, YID KYI 'DUS TE REG PA DANG, YID KYI 'DUS TE REG PA LAS BYUNG BA'I TSOR BA MI DMIGS PA'I TSUL DANG, DE BZHIN DU GZUGS DANG, SGRA DANG, DRI DANG, RO DANG, REG BYA DANG, CHOS RNAMS MI DMIGS PA'I TSUL DANG, SA'I KHAMS MI DMIGS PA'I TSUL DANG, DE BZHIN DU CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS MI DMIGS PA'I TSUL DANG, SBYIN PA'I PHA ROL TU PHYIN PA MI DMIGS PA'I TSUL DANG, DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PA ROL TU PHYIN PA DANG, SHES RAB KYI PHA ROL TU PHYIN PA MI DMIGS PA'I TSUL DANG, NANG STONG PA NYID MI DMIGS PA'I TSUL DANG, DNGOS PO MED PA'I NGO BO NYID STONG PA NYID @25A *, ,NYID KYI BAR DU MI DMIGS PA'I TSUL DANG, DRAN PA NYE BAR GZHAG PA RNAMS MI DMIGS PA'I TSUL DANG, DE BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA MI DMIGS PA'I TSUL DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PAR RNAMS DANG, MNGON PAR SHES PA RNAMS DANG, 'PHAGS PA'I BDEN PA RNAMS MI DMIGS PA'I TSUL DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD MI DMIGS PA'I TSUL DANG, TING NGE 'DZIN THAMS CAD DANG, GZUNGS KYI SGO THAMS CAD DANG, RNAM PA THAMS CAD MKHYEN PA NYID KYI BAR DU MI DMIGS PA'I TSUL GYIS SO, ,DE NAS TSE DANG LDAN PA SH'A RI'I BUS TSE DANG LDAN PA RAB 'BYOR LA 'DI SKAD CES SMRAS SO, ,TSE DANG LDAN PA RAB 'BYOR CI'I PHYIR NA SHES RAB KYI PHA ROL TU PHYIN PA 'DI LAS MI DMIGS PA'I TSUL GYIS THEG PA GSUM RGYA CHER BSTAN, CI'I PHYIR NA MI DMIGS PA'I TSUL GYIS BYANG CHUB SEMS DPA' SEMS DPA' CHEN PO YONGS SU BZUNG BA BSTAN, CI'I PHYIR NA MI DMIGS PA'I TSUL GYIS 'JIG RTEN THAMS CAD LAS MNGON PAR 'PHAGS SHING KHYAD ZHUGS PA'I SPOBS PA DANG LDAN PA'I BAR DU 'GYUR BA YIN, RAB 'BYOR GYIS SMRAS PA, TSE DANG LDAN PA SH'A RI'I BU NANG STONG PA NYID KYI PHYIR MI DMIGS PA'I TSUL GYIS THEG PA GSUM RGYA CHER BSTAN TO, ,PHYI STONG PA NYID KYI PHYIR DANG, PHYI NANG STONG PA NYID KYI PHYIR DANG, DNGOS PO MED PA'I NGO BO NYID STONG PA NYID KYI BAR GYI PHYIR MI DMIGS PA'I TSUL GYIS THEG PA GSUM RGYA CHER BSTAN TO, ,DNGOS PO MED PA'I NGO BO NYID STONG PA NYID KYI BAR GYI PHYIR, MI DMIGS PA'I TSUL GYIS BYANG CHUB SEMS DPA' SEMS DPA' CHEN PO RNAMS YONGS SU BZUNG BA BSTAN TO, ,MI DMIGS PA'I TSUL GYIS BYANG CHUB SEMS DPA' SEMS DPA' CHEN PO RNAMS 'JIG RTEN @25B THAMS CAD LAS MNGON PAR 'PHAGS SHING KHYAD ZHUGS PA'I SPOBS PA DANG LDAN PA'I BAR DU 'GYUR RO, ,DE NAS LHA RNAMS KYI DBANG PO BRGYA BYIN DANG, STONG GSUM GYI STONG CHEN PO'I 'JIG RTEN GYI KHAMS 'DI NA RGYAL CHEN BZHI'I RIS KYI LHA JI SNYED YOD PA DANG, 'OG MIN GYI BAR GYI LHA DE RNAMS 'DI SNYAM DU SEMS PAR GYUR TE, GNAS BRTAN RAB 'BYOR GYIS CHOS KYI CHAR 'DI LTAR PHAB CING BSTAN NA, DE LA BDAG CAG GIS KYANG MED TOG DAG MNGON PAR SPRUL TE, ME TOG RNAMS KYIS SANGS RGYAS BCOM LDAN 'DAS RNAMS DANG, BYANG CHUB SEMS DPA' SEMS DPA' CHEN PO RNAMS DANG, DGE SLONG GI DGE 'DUN RNAMS DANG, GNAS BRTAN RAB 'BYOR DANG, SHES RAB KYI PHA ROL TU PHYIN PA 'DI LA MNGON PAR GTOR BAR BYA'O SNYAM MO, ,DE NAS LHA RNAMS KYI DBANG PO BRGYA BYIN DANG, STONG GSUM GYI STONG CHEN PO'I 'JIG RTEN GYI KHAMS KYI RGYAL CHEN BZHI'I RIS KYI LHA NAS BRTZAMS TE, 'OG MIN GYI BAR GYI LHA DE DAG GIS KYANG LHA RDZAS KYI ME TOG MAN DA RA BA MANG PO MNGON PAR SPRUL TE, ME TOG DE DAG GIS SANGS RGYAS BCOM LDAN 'DAS DANG, BYANG CHUB SEMS DPA' SEMS DPA' CHEN PO RNAMS DANG, DGE SLONG GI DGE 'DUN RNAMS DANG, GNAS BRTAN RAB 'BYOR DANG, SHES RAB KYI PHA ROL TU PHYIN PA 'DI LA MNGON PAR GTOR BAR GYUR TO, ,MNGON PAR RAB TU GTOR BAR GYUR TO, ,KUN TU RAB TU 'THOR BAR GYUR TO, ,LHA RNAMS KYI DBANG PO BRGYA BYIN NAS, 'OG MIN GYI BAR GYI LHA RNAMS KYI ME TOG DE DAG GIS STONG GSUM GYI STONG CHEN PO'I 'JIG RTEN GYI KHAMS 'DI'I GZHI ME TOG GI KHENGS PAR GYUR NAS STENG GI BAR SNANG LA YANG ME TOG GI KHANG PA BRTZEGS PA MDANGS DGA' ZHING YID DU 'ONG BA KUN NAS GNAS PAR GYUR TO, ,DE NAS GNAS BRTAN RAB 'BYOR 'DI SNYAM DU SEMS PAR GYUR TE, 'DI LTAR LHA RNAMS KYIS MNGON PAR GTOR BA'I ME TOG 'DI DAG NI BDAG GIS SNGON CHAD LHA'I GNAS THAMS CAD NA YANG YOD PAR MA MTHONG STE, ME TOG 'DI DAG NI SPRUL PA'O, ,'DI LTAR LHA'I BU DAG GIS MNGON PAR GTOR BA'I ME TOG 'DI DAG NI SHING DANG, DUM BU DANG, 'KHRI SHING LAS BYUNG BA MA YIN GYI, 'DI LTAR LHA'I BU DAG GIS @26A *, ,MNGON PAR GTOR BA'I ME TOG 'DI DAG NI YID LAS BYUNG BA STE ME TOG 'DI DAG NI SHING DANG, LDUM BU DANG, 'KHRI SHING LAS BYUNG BA MA YIN NO SNYAM MO, ,DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, ,BTZUN PA RAB 'BYOR ME TOG 'DI DAG NI MA BYUNG STE ME TOG 'DI DAG NI YID LAS BYUNG BA MA YIN NO, ,SHING DANG, LDUM BU DANG, 'KHRI SHING LAS BYUNG BA MA YIN NO, ,RAB 'BYOR GYIS SMRAS PA, KOO SHI KA 'DI SKAD DU ME TOG 'DI DAG NI MA SKYES PA STE, ME TOG 'DI DAG NI YID LAS BYUNG BA MA YIN, SHING DANG, LDUM BU DANG, 'KHRI SHING LAS BYUNG BA MA YIN NO ZHES ZER NA, KOO SHI KA GANG MA SKYES PA DE NI ME TOG KYANG MA YIN NO, ,LHA RNAMS KYI DBANG PO BRGYA BYIN GYIS SMRAS PA, BTZUN PA RAB 'BYOR ME TOG 'DI DAG KHO NA MA BYUNG BA YIN NAM, 'ON TE GZUGS KYANG MA BYUNG; TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG MA BYUNG BA YIN, RAB 'BYOR GYIS SMRAS PA, KOO SHI KA ME TOG 'DI DAG KHO NA MA BYUNG BA MA YIN GYI, KOO SHI KA GZUGS KYANG MA BYUNG BA STE, GANG MA BYUNG BA DE NI GZUGS MA YIN NO, ,KOO SHI KA TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG MA BYUNG BA STE, GANG MA BYUNG BA DE NI RNAM PAR SHES PA MA YIN NO, ,KOO SHI KA MIG NI MA BYUNG BA STE, GANG MA BYUNG BA DE NI MIG MA YIN NO, ,KOO SHI KA DE BZHIN DU RNA BA DANG, SNA DANG, LCE DANG, LUS DANG, YID NI MA BYUNG BA STE GANG MA BYUNG BA DE NI YID MA YIN NO, ,KOO SHI KA SA'I KHAMS NI MA BYUNG BA STE, GANG MA BYUNG BA DE NI SA'I KHAMS MA YIN NO, ,KOO SHI KA DE BZHIN DU CHU'I KHAMS DANG, ME'I KHAMS DANG, RLUNG GI KHAMS DANG, NAM MKHA'I KHAMS DANG, RNAM PAR SHES PA'I KHAMS NI MA BYUNG BA STE, GANG MA BYUNG BA DE NI RNAM PAR SHES PA'I KHAMS MA YIN NO, ,KOO SHI KA SBYIN PA'I PHA ROL TU PHYIN PA NI MA BYUNG BA STE, GANG MA BYUNG BA DE NI SBYIN PA'I PHA ROL TU PHYIN PA MA YIN NO, ,KOO SHI KA DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, @26B BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA NI MA BYUNG BA STE, GANG MA BYUNG BA DE NI SHES RAB KYI PHA ROL TU PHYIN PA MA YIN NO, ,KOO SHI KA NANG STONG PA NYID NI MA BYUNG BA STE, GANG MA BYUNG BA DE NI NANG STONG PA NYID MA YIN NO, , KOO SHI KA DNGOS PO MED PA'I NGO BO NYID STONG PA NYID KYI BAR NI MA BYUNG BA STE, GANG MA BYUNG BA DE NI DNGOS PO MED PA'I NGO BO NYID STONG PA NYID MA YIN NO, ,KOO SHI KA DRAN PA NYE BAR GZHAG PA RNAMS NI MA BYUNG BA STE, GANG MA BYUNG BA DE NI DRAN PA NYE BAR GZHAG PA RNAMS MA YIN NO, ,KOO SHI KA DE BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA NI MA BYUNG BA STE, GANG MA BYUNG BA DE NI 'PHAGS PA'I LAM YAN LAG BRGYAD PA MA YIN NO; ,KOO SHI KA DE BZHIN DU MNGON PAR SHES PA RNAMS DANG, BDEN PA DANG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA DANG, DE BZHIN GSHEGS PA'I STOBS DANG, MI 'JIGS PA BZHI DANG, SO SO YANG DAG PAR RIG PA BZHI DANG, SANGS RGYAS KYI CHOS MA 'DRES PA BCO BRGYAD NI MA BYUNG BA STE, GANG MA BYUNG BA DE NI SANGS RGYAS KYI CHOS MA 'DRES PA RNAMS MA YIN NO, ,KOO SHI KA RGYUN DU ZHUGS PA'I 'BRAS BU NI MA BYUNG BA STE, GANG MA BYUNG BA DE NI RGYUN DU ZHUGS PA'I 'BRAS BU MA YIN NO, ,KOO SHI KA DE BZHIN DU LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DANG, RANG SANGS RGYAS DANG, RNAM PA THAMS CAD MKHYEN PA NYID NI MA BYUNG BA STE, GANG MA BYUNG BA DE NI RNAM PA THAMS CAD MKHYEN PA NYID MA YIN NO, ,KOO SHI KA RGYUN DU ZHUGS PA NI MA BYUNG BA STE; GANG MA BYUNG BA DE NI RGYUN DU ZHUGS PA MA YIN NO, ,KOO SHI KA DE BZHIN DU LAN CIG PHYIR 'ONG BA DANG, PHYIR MI 'ONG BA DANG, DGRA BCOM BA NYID DANG, RANG SANGS RGYAS DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI MA BYUNG BA STE, GANG MA BYUNG BA DE NI DE @27A *, ,BZHIN GSHEGS PA MA YIN NO ZHES BYA BAS NI MNGON PAR RTOGS PA'I RIGS BSTAN PA YIN NO, ,DE NAS LHA'I DBANG PO BRGYA BYIN GYIS BCOM LDAN 'DAS LA 'DI SKAD CES GSOL TO, ,KYE MA GNAS BRTAN RAB 'BYOR 'DI LTAR BTAGS PA DANG YANG MI 'GAL LA, CHOS NYID KYANG STON PA NI SHES RAB ZAB MO DANG LDAN NO, DE NAS BCOM LDAN 'DAS KYIS LHA RNAMS KYI DBANG PO BRGYA BYIN LA BKA' STZAL PA, DE DE BZHIN NO, ,KOO SHI KA DE DE BZHIN TE, GNAS BRTAN RAB 'BYOR 'DI NI SHES RAB ZAB MO DANG LDAN PA STE, DE LTAR BTAGS PA DANG YANG MI 'GAL LA CHOS NYID KYANG STON TO, ,DE NAS LHA RNAMS KYI DBANG PO BRGYA BYIN GYIS BCOM LDAN 'DAS LA GSOL PA, BCOM LDAN 'DAS JI LTAR GNAS BRTAN RAB 'BYOR 'DI NI BTAGS PA DANG YANG MI 'GAL LA CHOS NYID KYANG STON PA LAGS, BCOM LDAN 'DAS KYIS BKA' STZAL PA, KOO SHI KA GZUGS NI BTAGS PA TZAM MO, ,BTAGS PA TZAM GANG YIN PA DE NI CHOS NYID DE, DE NI GNAS BRTAN RAB 'BYOR GYIS MI 'GAL BAR BSTAN TO, ,KOO SHI KA TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI BTAGS PA TZAM MO, ,BTAGS PA TZAM GANG YIN PA DE NI CHOS NYID DE, ,DE NI GNAS BRTAN RAB 'BYOR GYIS MI 'GAL BAR BSTAN TO, ,KOO SHI KA DE CI'I PHYIR ZHE NA, CHOS RNAMS KYI CHOS NYID GANG YIN PA DE NI MI 'GAL RNAM PAR MI 'GAL LO, ,GANG MI 'GAL RNAM PAR MI 'GAL BA DE NI, GNAS BRTAN RAB 'BYOR GYIS BSTAN TE 'GAL BA MED DO, , KOO SHI KA SO SO BA DANG, BSDUS PA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'I YAN LAG RNAMS DANG, SBYIN PA'I PHA ROL TU PHYIN PA DANG, TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG DANG; BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA DANG, DE BZHIN DU NANG STONG PA NYID DANG, DNGOS PO MED PA'I NGO BO NYID STONG PA NYID KYI BAR DANG, DE BZHIN DU DRAN PA NYE BAR GZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, , @27B DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA RNAMS DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, MNGON PAR SHES PA RNAMS DANG, BDEN PA RNAMS DANG, DE BZHIN GSHEGS PA'I STOBS BCU RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD PO RNAMS DANG, DE BZHIN DU RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG; PHYIR MI 'ONG BA'I 'BRAS BU DANG, DGRA BCOM BA NYID DANG, RANG BYANG CHUB NYID DANG, RNAM PA THAMS CAD MKHYEN PA NYID DANG, RGYUN DU ZHUGS PA NI BTAGS PA TZAM MO, ,BTAGS PA TZAM GANG YIN PA DE NI CHOS NYID DE, DE NI GNAS BRTAN RAB 'BYOR GYIS MI 'GAL BAR BSTAN TO, ,KOO SHI KA DE BZHIN DU LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA DANG, RANG SANGS RGYAS DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI BTAGS PA TZAM MO, ,BTAGS PA TZAM GANG YIN PA DE NI CHOS NYID DE, DE NI GNAS BRTAN RAB 'BYOR GYIS MI 'GAL BAR BSTAN TO, ,KOO SHI KA DE CI'I PHYIR ZHE NA, CHOS RNAMS KYI CHOS NYID DE NI MI 'GAL BA STE, GANG MI 'GAL BA DE NI GNAS BRTAN RAB 'BYOR GYIS BSTAN TE 'GAL BA MED DO, ,KOO SHI KA DE LTAR NA GNAS BRTAN RAB 'BYOR NI BTAGS PA DANG 'GAL BAR MI BYED LA CHOS NYID KYANG STON TE, ,RAB 'BYOR GYIS SMRAS PA, KOO SHI KA DE DE BZHIN NO, ,DE DE BZHIN TE, DE LTAR BCOM LDAN 'DAS KYIS KYANG CHOS THAMS CAD NI BTAGS PA TZAM DU BSTAN TO, ,KOO SHI KA BYANG CHUB SEMS DPA' SEMS DPA' CHEN POS KYANG DE LTAR CHOS THAMS CAD BTAGS PA TZAM DU RIG NAS SHES RAB KYI PHA ROL TU PHYIN PA LA BSLAB PAR BYA'O, ,KOO SHI KA BYANG CHUB SEMS DPA' SEMS DPA' CHEN POS DE LTAR SLOB PA NI GZUGS LA MI SLOB, TSOR BA DANG, 'DU SHES DANG, 'DU BYED RNAMS DANG, RNAM PAR @28A *, ,SHES PA LA MI SLOB PO, ,DE CI'I PHYIR ZHE NA, DE NI 'DI LTAR DES GANG LA BSLAB PAR BYA BA'I GZUGS YANG DAG PAR RJES SU MI MTHONG, DE BZHIN DU GANG LA BSLAB PAR BYA BA'I TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG DAG PAR RJES SU MI MTHONG NGO, ,BYANG CHUB SEMS DPA' SEMS DPA' CHEN PO DE LTAR SLOB PA NI SBYIN PA'I PHA ROL TU PHYIN PA LA MI SLOB STE, DE CI'I PHYIR ZHE NA, 'DI LTAR DES GANG LA BSLAB PAR BYA BA'I SBYIN PA'I PHA ROL TU PHYIN PA DE YANG DAG PAR RJES SU MI MTHONG BAS SO, ,DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA LA MI SLOB STE, DE CI'I PHYIR ZHE NA, 'DI LTAR DES GANG LA BSLAB PAR BYA BA'I SHES RAB KYI PHA ROL TU PHYIN PA DE YANG DAG PAR RJES SU MI MTHONG BAS SO, ,NANG STONG PA NYID LA MI SLOB, DNGOS PO MED PA'I NGO BO NYID STONG PA NYID KYI BAR LA YANG MI SLOB STE, DE CI'I PHYIR ZHE NA, 'DI LTAR DES GANG LA BSLAB PAR BYA BA'I NANG STONG PA NYID DE YANG DAG PAR RJES SU MI MTHONG BA DANG, DNGOS PO MED PA'I NGO BO NYID STONG PA NYID KYI BAR DE YANG DAG PAR RJES SU MI MTHONG BAS SO, ,BYANG CHUB SEMS DPA' SEMS DPA' CHEN PO DE LTAR SLOB NA NI DRAN PA NYE BAR GZHAG PA BZHI LA MI SLOB STE, DE CI'I PHYIR ZHE NA, 'DI LTAR DES GANG LA BSLAB PAR BYA BA'I DRAN PA NYE BAR GZHAG PA DE YANG DAG PAR RJES SU MI MTHONG BAS SO, ,DE BZHIN DU YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, 'PHAGS PA'I LAM YAN LAG BRGYAD PA DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG; MNGON PAR SHES PA RNAMS DANG, BDEN PA RNAMS DANG, STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS LA MI SLOB PO, ,RGYUN TU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU @28B DANG; PHYIR MI 'ONG BA'I 'BRAS BU DANG, DGRA BCOM PA NYID DANG, RANG BYANG CHUB LA MI SLOB, RNAM PA THAMS CAD MKHYEN PA NYID LA MI SLOB STE, DE CI'I PHYIR ZHE NA, 'DI LTAR DES GANG LA BSLAB PAR BYA BA'I RNAM PA THAMS CAD MKHYEN PA NYID DE YANG DAG PAR RJES SU MI MTHONG BAS SO, ,DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI SKAD CES SMRAS SO, ,BTZUN PA RAB 'BYOR BYANG CHUB SEMS DPA' SEMS DPA' CHEN POS GZUGS YANG DAG PAR RJES SU MI MTHONG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG DAG PAR RJES SU MI MTHONG BAS SO, ,DE BZHIN DU SO SO BA DANG, BSDUS PA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA'AM, PHA ROL TU PHYIN PA RNAMS DANG, STONG PA NYID THAMS CAD DANG, BYANG CHUB KYI PHYOGS KYI CHOS RNAMS YANG DAG PAR RJES SU MI MTHONG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA YANG DAG PAR RJES SU MI MTHONG, GANG LA BSLAB PAR BYA BA'I BDEN PA RNAMS DANG, MNGON PAR SHES PA RNAMS DANG, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD YANG DAG PAR RJES SU MI MTHONG, RNAM PA THAMS CAD MKHYEN PA NYID KYI BAR DU YANG DAG PAR RJES SU MI MTHONG NGO, ,RAB 'BYOR GYIS SMRAS PA, KOO SHI KA 'DI LTAR GZUGS GZUGS KYIS STONG NGO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA RNAM PAR SHES PAS STONG NGO, ,DE BZHIN DU PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, PHA ROL TU PHYIN PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA DANG, BDEN PA RNAMS DANG, MNGON PAR SHES PA RNAMS DANG, DE BZHIN GSHEGS PA'I STOBS BCU DANG, MI 'JIGS PA DANG, SO SO YANG DAG PAR RIG PA @29A *, ,DANG, SANGS RGYAS KYI CHOS MA 'DRES PA BCO BRGYAD DANG, RNAM PA THAMS CAD MKHYEN PA NYID KYI BAR RNAM PA THAMS CAD MKHYEN PA NYID KYIS STONG NGO, ,DE CI'I PHYIR ZHE NA, KOO SHI KA GZUGS STONG PA NYID KYIS GZUGS STONG PA NYID YANG DAG PAR RJES SU MI MTHONG BAS SO, , RNAM PA THAMS CAD MKHYEN PA NYID KYI BAR STONG PA NYID KYIS RNAM PA THAMS CAD MKHYEN PA NYID KYI BAR STONG PA NYID YANG DAG PAR RJES SU MI MTHONG BAS SO, ,KOO SHI KA GANG STONG PA NYID LA SLOB PA DE NI GNYIS SU BYAR MED PAS GZUGS STONG PA NYID LA SLOB PO, ,GNYIS SU BYAR MED PAS TSOR BA DANG 'DU SHES DANG, 'DU BYED RNAMS DANG, RNAM PAR SHES PA STONG PA NYID LA SLOB PO, ,GNYIS SU BYAR MED PAS SO SO BA DANG, BSDUS PA'I PHUNG PO RNAMS DANG, KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, BDEN PA RNAMS DANG, MNGON PAR SHES PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, DE BZHIN GSHEGS PA'I STOBS BCU PO RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID KYI BAR STONG PA NYID LA SLOB PO, ,KOO SHI KA GANG GZUGS STONG PA NYID LA GNYIS SU BYAR MED PAS SLOB PA DANG, RNAM PA THAMS CAD MKHYEN PA NYID KYI BAR STONG PA NYID LA GNYIS SU BYAR MED PAS SLOB PA DE NI GNYIS SU BYAR MED PAS SBYIN PA'I PHA ROL TU PHYIN PA LA SLOB PO, ,DE NI GNYIS SU BYAR MED PAS TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL TU PHYIN PA LA SLOB PO, ,DE NI GNYIS SU BYAR MED PAS NANG STONG PA NYID LA SLOB PO, ,DNGOS PO MED PA'I NGO BO NYID @29B STONG PA NYID KYI BAR LA SLOB PO, ,DE NI GNYIS SU BYAR MED PAS DRAN PA NYE BAR GZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD PA RNAMS LA SLOB PO, ,DE NI GNYIS SU BYAR MED PAS TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, DE BZHIN GSHEGS PA'I STOBS BCU PO DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS LA SLOB PO, ,GNYIS SU BYAR MED PAS TING NGE 'DZIN RNAMS DANG, GZUNGS KYI SGO THAMS CAD LA SLOB PO, ,GNYIS SU BYAR MED PAS SANGS RGYAS KYI CHOS GRANGS MED GZHAL DU MED PA LA SLOB PO, ,GNYIS SU BYAR MED PAS RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA'I 'BRAS BU DANG, DGRA BCOM PA NYID DANG, RANG BYANG CHUB NYID LA SLOB PO, ,GNYIS SU BYAR MED PAS SANGS RGYAS NYID DANG, THAMS CAD SHES PA NYID DANG, RNAM PA THAMS CAD MKHYEN PA NYID LA SLOB PO ZHES BYA BA NI RANG SANGS RGYAS KYI LAM NGES PAR 'BYED PA'I CHA DANG MTHUN PA LAS DROD DU GTOGS PA YIN NO, ,GZUGS 'PHEL BAR BYA BA'I PHYIR MI SLOB, 'GRIB PAR BYA BA'I PHYIR MI SLOB PO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA 'PHEL BAR BYA BA'I PHYIR MI SLOB, 'GRIB PAR BYA BA'I PHYIR MI SLOB PO, ,DE BZHIN DU SO SO BA DANG, BSDUS PA'I PHUNG PO DANG, KHAMS DANG, SKYE MCHED 'PHEL BAR BYA BA'I PHYIR MI SLOB, 'GRIB PAR BYA BA'I PHYIR MI SLOB PO, ,RTEN CING 'BREL PAR 'BYUNG BA 'PHEL BAR BYA BA DANG, 'GRIB PAR BYA BA'I PHYIR MI SLOB PO, ,SBYIN PA'I PHA ROL TU PHYIN PA 'PHEL BAR BYA BA DANG 'GRIB PAR BYA BA'I PHYIR MI SLOB BO, ,DE BZHIN DU TSUL KHRIMS KYI PHA ROL TU PHYIN PA DANG, BZOD PA'I PHA ROL TU PHYIN PA DANG, BRTZON 'GRUS KYI PHA ROL TU PHYIN PA DANG, BSAM GTAN GYI PHA ROL TU PHYIN PA DANG, SHES RAB KYI PHA ROL @30A *, ,TU PHYIN PA 'PHEL BAR BYA BA DANG 'GRIB PAR BYA BA'I PHYIR MI SLOB PO, ,DRAN PA NYE BAR GZHAG PA RNAMS 'PHEL BAR BYA BA DANG 'GRIB PAR BYA BA'I PHYIR MI SLOB PO, ,YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG; BYANG CHUB KYI YAN LAG RNAMS DANG, 'PHAGS PA'I LAM YAN LAG BRGYAD BA 'PHEL BAR BYA BA DANG 'GRIB PAR BYA BA'I PHYIR MI SLOB PO, ,TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS 'PHEL BAR BYA BA DANG 'GRIB PAR BYA BA'I PHYIR MI SLOB PO, ,NANG STONG PA NYID DANG, PHYI STONG PA NYID DANG, PHYI NANG STONG PA NYID DANG, DNGOS PO MED PA'I NGO BO NYID STONG PA NYID KYI BAR DU 'PHEL BAR BYA BA DANG 'GRIB PAR BYA BA'I PHYIR MI SLOB PO, ,BDEN PA RNAMS DANG, MNGON PAR SHES PA RNAMS DANG, DE BZHIN GSHEGS PA'I STOBS RNAMS DANG; MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID KYI BAR 'PHEL BAR BYA BA DANG 'GRIB PAR BYA BA'I PHYIR MI SLOB PO, ,GANG GZUGS 'PHEL BAR BYA BA DANG 'GRIB PAR BYA BA'I PHYIR MI SLOB PA DANG, RNAM PA THAMS CAD MKHYEN PA NYID KYI BAR 'PHEL BAR BYA BA DANG, 'GRIB PAR BYA BA'I PHYIR MI SLOB PA DE NI GZUGS YONGS SU GZUNG BAR BYA BA DANG MED PAR BYA BA'I PHYIR MI SLOB PO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YONGS SU GZUNG BAR BYA BA DANG; MED PAR BYA BA'I PHYIR MI SLOB BO, ,DE BZHIN DU SO SO BA DANG, BSDUS PA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA YONGS SU GZUNG BAR BYA BA DANG, MED PAR BYA BA'I PHYIR MI SLOB PO, ,DE BZHIN DU PHA ROL TU PHYIN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, STONG PA NYID THAMS CAD DANG, BDEN PA RNAMS DANG, MNGON PAR SHES PA RNAMS DANG, TING NGE 'DZIN RNAMS DANG, GZUNGS KYI SGO THAMS CAD YONGS SU @30B GZUNG BAR BYA BA DANG, MED PAR BYA BA'I PHYIR MI SLOB PO, ,DE BZHIN GSHEGS PA'I STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID KYI BAR DU YONGS SU GZUNG BAR BYA BA DANG; MED PAR BYA BA'I PHYIR MI SLOB PO ZHES BYA BA NI, DE NYID KYI RTZE MOR GTOGS PA YIN NO,, ,,BAM PO NYI SHU DGU PA, SH'A RI'I BUS SMRAS PA, TSE DANG LDAN PA RAB 'BYOR CI'I PHYIR BYANG CHUB SEMS DPA' SEMS DPA' CHEN PO GZUGS YONGS SU GZUNG BAR BYA BA DANG, MED PAR BYA BA'I PHYIR MI SLOB PA YIN, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YONGS SU GZUNG BAR BYA BA DANG, MED PAR BYA BA'I PHYIR MI SLOB PA YIN, RNAM PA THAMS CAD MKHYEN PA NYID KYI BAR YONGS SU GZUNG BAR BYA BA DANG, MED PAR BYA BA'I PHYIR MI SLOB PA YIN, RAB 'BYOR GYIS SMRAS PA, TSE DANG LDAN PA SH'A RI'I BU 'DI LTAR GZUGS YONGS SU GZUNG DU MED DE, DE CI'I PHYIR ZHE NA, NANG STONG PA NYID NAS DNGOS PO MED PA'I NGO BO NYID STONG PA NYID KYI BAR GYI PHYIR GZUGS KYIS GZUGS YONGS SU GZUNG DU MED PAS SO, ,TSOR BA DANG, 'DU SHES DANG, 'DU BYED RNAMS DANG, SH'A RI'I BU 'DI LTAR RNAM PAR SHES PA YONGS SU GZUNGS DU MED DO, DE CI'I PHYIR NA, RNAM PAR SHES PA RNAM PAR SHES PAS YONGS SU GZUNG DU MED PAS SO, ,DE BZHIN DU SO SO BA DANG, BSDUS BA'I PHUNG PO DANG, KHAMS DANG, SKYE MCHED DANG, RTEN CING 'BREL BAR 'BYUNG BA DANG, PHA ROL TU PHYIN PA DANG, BYANG CHUB KYI PHYOGS KYI CHOS DANG, BDEN PA RNAMS DANG, MNGON PAR SHES PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, STOBS BCU DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA YONGS SU GZUNG DU MED DE, DE CI'I PHYIR ZHE NA, 'DI LTA STE, CHOS MA 'DRES PA CHOS MA 'DRES PAS YONGS SU GZUNG DU MED PAS SO, ,SH'A RI'I BU 'DI LTA STE, RNAM PA THAMS CAD MKHYEN PA NYID YONGS SU GZUNG DU MED DE, @31A *, ,DE CI'I PHYIR ZHE NA, 'DI LTA STE, RNAM PA THAMS CAD MKHYEN PA NYID RNAM PA THAMS CAD MKHYEN PA NYID KYIS YONGS SU GZUNG DU MED PAS SO, ,TSE DANG LDAN PA SH'A RI'I BU DE LTAR BYANG CHUB SEMS DPA' SEMS DPA' CHEN POS CHOS THAMS CAD YONGS SU GZUNG BA RNAM PA THAMS CAD MKHYEN PA NYID LA SLOB CING CHOS THAMS CAD YONGS SU 'DZIN PA MED PA'I TSUL GYIS RNAM PA THAMS CAD MKHYEN PA NYID DU NGES PAR 'BYUNG NGO, ,SH'A RI'I BUS SMRAS PA, TSE DANG LDAN PA RAB 'BYOR BYANG CHUB SEMS DPA' SEMS DPA' CHEN PO DE LTAR SLOB NA SHES RAB KYI PHA ROL TU PHYIN PA LA SLOB BAM, RNAM PA THAMS CAD MKHYEN PA NYID DU NGES PAR 'BYUNG NGAM, RAB 'BYOR GYIS SMRAS PA, TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN PO DE LTAR SLOB NA SHES RAB KYI PHA ROL TU PHYIN PA LA SLOB CING RNAM PA THAMS CAD MKHYEN PA NYID DU NGES PAR 'BYUNG NGO ZHES BYA BA NI DE NYID KYI BZOD PAR GTOGS PA'O, ,TSE DANG LDAN PA SH'A RI'I BUS SMRAS PA, TSE DANG LDAN PA SH'A RI'I BUS SMRAS PA, TSE DANG LDAN PA RAB 'BYOR DE LTAR SLOB PA'I BYANG CHUB SEMS DPA' SEMS DPA' CHEN PO CHOS THAMS CAD YONGS SU GZUNG BAR BYA BA DANG, MED PAR BYA BA'I PHYIR MI SLOB NA RNAM PA THAMS CAD MKHYEN PA NYID DU JI LTAR NGES PAR 'BYUNG BAR 'GYUR, RAB 'BYOR GYIS SMRAS PA, TSE DANG LDAN PA SH'A RI'I BU 'DI LTAR BYANG CHUB SEMS DPA' SEMS DPA' CHEN PO SHES RAB KYI PHA ROL TU PHYIN PA LA SPYOD PA'I TSE, GZUGS KYI SKYE BA MI MTHONG, 'GAG PA DANG, BLANG BA DANG, DOR BA DANG; KUN NAS NYON MONGS PA DANG, RNAM PA BYANG BA DANG, STZOGS PA DANG, 'BRI BA DANG, 'GRIB PA DANG, 'PHEL BA MI MTHONG NGO, ,DE CI'I PHYIR ZHE NA, TSE DANG LDAN PA SH'A RI'I BU DE NI 'DI LTAR GZUGS GZUGS KYI RANG BZHIN GYIS MED PAS SO, ,TSE DANG LDAN PA SH'A RI'I BU BYANG CHUB SEMS DPA' SEMS DPA' CHEN POS TSOR BA DANG, 'DU SHES DANG, 'DU BYED RNAMS DANG, RNAM PAR SHES BA'I SKYE BA MI MTHONG NGO, ,'GAG PA DANG, BLANG BA DANG, DOR BA DANG, KUN NAS NYON MONGS PA DANG, RNAM PAR BYANG BA DANG, STZOGS PA DANG, 'BRI BA DANG, 'GRIB PA DANG, @31B 'PHEL BA MI MTHONG NGO, ,DE CI'I PHYIR ZHE NA, TSE DANG LDAN PA SH'A RI'I BU DE NI 'DI LTAR RNAM PAR SHES PA'I RANG BZHIN GYIS MED PAS SO, ,DE BZHIN DU SO SO BA DANG, BSDUS PA'I PHUNG PO RNAMS DANG, KHAMS RNAMS DANG, SKYE MCHED RNAMS DANG, STONG PA NYID THAMS CAD DANG, RTEN CING 'BREL BAR 'BYUNG BA RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, BDEN PA RNAMS DANG, MNGON PAR SHES PA RNAMS DANG, TING NGE 'DZIN RNAMS DANG, STOBS RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID KYI BAR GYI SKYE BA MI MTHONG, 'GAG PA DANG, BLANG BA DANG, DOR BA DANG, KUN NAS NYON MONGS PA DANG, RNAM PAR BYANG BA DANG, STZOGS PA DANG, 'BRI BA DANG, 'GRIB PA DANG, 'PHEL BA MI MTHONG NGO, ,DE CI'I PHYIR ZHE NA, DE NI 'DI LTAR RNAM PA THAMS CAD MKHYEN PA NYID RNAM PA THAMS CAD MKHYEN PA NYID KYI BAR GYI RANG BZHIN GYIS MED CING MI DMIGS PAS SO, ,TSE DANG LDAN PA SH'A RI'I BU DE LTAR NA BYANG CHUB SEMS DPA' SEMS DPA' CHEN PO CHOS THAMS CAD SKYE BA MED PA DANG, 'GAG PA MED PA DANG, BLANG BA MED PA DANG, DOR BA MED PA DANG, KUN NAS NYON MONGS PA MED PA DANG, RNAM PAR BYANG BA MED PA DANG, STZOGS PA MED PA DANG, 'BRI BA MED PA DANG, 'GRIB PA MED PA DANG, 'PHEL BA MED PA'I PHYIR SLOB NA, MI SLOB PA DANG, NGES PAR MI 'BYUNG BA'I TSUL GYIS SHES RAB KYI PHA ROL TU PHYIN PA LA BSLABS NAS RNAM PA THAMS CAD MKHYEN PA NYID DU NGES PAR 'BYUNG NGO ZHES BYA BA NI DE NYID KYI CHOS KYI MCHOG TU GTOGS BA YIN NO, ,'DI DAG GIS NI RANG SANGS RGYAS KYI LAM GSUNGS PA YIN NO, ,DE NAS LHA RNAMS KYI DBANG PO BRGYA BYIN GYIS TSE DANG LDAN PA SH'A RI'I BU LA 'DI SKAD CES SMRAS SO, ,BTZUN PA SH'A RI'I BU SHES RAB KYI PHA ROL TU PHYIN PA GANG LAS BTZAL BAR BYA, SH'A RI'I BUS SMRAS PA, KOO SHI KA SHES RAB KYI PHA @32A *, ,ROL TU PHYIN PA NI RAB 'BYOR GYI LE'U LAS BTZAL BAR BYA'O, ,DE NAS LHA RNAMS KYI DBANG PO BRGYA BYIN GYIS TSE DANG LDAN PA RAB 'BYOR LA 'DI SKAD CES SMRAS SO, ,'PHAGS PA RAB 'BYOR 'PHAGS PA SH'A RI'I BU 'DI SKAD DU KOO SHI KA SHES RAB KYI PHA ROL TU PHYIN PA NI RAB 'BYOR GYI LE'U LAS BTZAL BAR BYA'O ZHES ZER BA DE KHYOD KYI MTHU YIN NAM, KHYOD KYI BYIN GYI RLABS YIN NAM, RAB 'BYOR GYIS SMRAS PA, KOO SHI KA 'DI NI BDAG GI MTHU MA YIN, 'DI NI BDAG GI BYIN GYI RLABS MA YIN NO, ,BRGYA BYIN GYIS SMRAS PA, BTZUN PA RAB 'BYOR 'O NA DE SU'I MTHU SU'I BYIN GYI RLABS, RAB 'BYOR GYIS SMRAS PA, KOO SHI KA 'DI NI DE BZHIN GSHEGS PA'I MTHU, 'DI NI DE BZHIN GSHEGS PA'I BYIN GYI RLABS SO, ,LHA RNAMS KYI DBANG PO BYIN GYI RLABS MED PA'I CHOS NYID LAS GZHAN NA YANG DE BZHIN GSHEGS PA MI DMIGS DE BZHIN NYID LAS GZHAN NA YANG DE BZHIN GSHEGS PA MI DMIGS TE, CHOS THAMS CAD BYIN GYI RLABS MED PA'I, ,LHA RNAMS KYI DBANG POS SMRAS PA, 'PHAGS PA RAB 'BYOR CHOS THAMS CAD BYIN GYI RLABS MED PA YIN NA, CI'I PHYIR DE SKAD DU 'DI NI DE BZHIN GSHEGS PA'I MTHU'O, ,'DI NI DE BZHIN GSHEGS BA'I PHYIN GYI RLABS SO ZHES SMRA, RAB 'BYOR GYIS SMRAS PA, KOO SHI KA DE DE BZHIN NO, ,DE DE BZHIN TE, BYIN GYI RLABS MED PA'I CHOS NYID LAS GZHAN NA YANG DE BZHIN GSHEGS PA ME DMIGS LA, DE BZHIN NYID LAS GZHAN NA YANG DE BZHIN GSHEGS PA MI DMIGS SO, ,BYIN GYI RLABS MED PA'I CHOS NYID LA YANG DE BZHIN GSHEGS PA MI DMIGS LA, DE BZHIN GSHEGS PA LA YANG BYIN GYI RLABS MED PA'I CHOS NYID MI DMIGS SO, ,DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG DE BZHIN NYID MI DMIGS SO, ,GZUGS KYI DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG GZUGS KYI DE BZHIN NYID MI DMIGS SO, ,GZUGS KYI CHOS NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG GZUGS KYI CHOS NYID MI DMIGS SO, @32B TSOR BA'I DE BZHIN NYID DANG, 'DU SHES KYI DE BZHIN NYID DANG, 'DU BYED RNAMS KYI DE BZHIN NYID DANG, RNAM PAR SHES PA'I DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG RNAM PAR SHES PA'I DE BZHIN NYID MI DMIGS SO, ,RNAM PAR SHES PA'I CHOS NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG RNAM PAR SHES PA'I CHOS NYID MI DMIGS SO, ,DE BZHIN DU PHUNG PO RNAMS DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, PHA ROL TU PHYIN PA RNAMS DANG, MNGON PAR SHES PA RNAMS DANG, 'PHAGS PA'I BDEN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, STOBS DANG, MI 'JIGS PA DANG, SO SO YANG DAG PAR RIG PA DANG, SANGS RGYAS KYI CHOS MA 'DRES PA DANG, RNAM PA THAMS CAD MKHYEN PA NYID KYI BAR GYI DE BZHIN NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG RNAM PA THAMS CAD MKHYEN PA NYID KYI DE BZHIN NYID MI DMIGS SO, ,RNAM PA THAMS CAD MKHYEN PA NYID KYI CHOS NYID LA YANG DE BZHIN GSHEGS PA MI DMIGS SO, ,DE BZHIN GSHEGS PA LA YANG RNAM PA THAMS CAD MKHYEN PA NYID KYI CHOS NYID MI DMIGS SO, , DE CI'I PHYIR ZHE NA, KOO SHI KA DE BZHIN GSHEGS PA DANG, GZUGS KYI DE BZHIN NYID GANG YIN PA DE NI LDAN PA YANG MA YIN, BRAL BA YANG MA YIN PAS SO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I DE BZHIN NYID NI LDAN PA YANG MA YIN, BRAL BA YANG MA YIN PAS SO, ,KOO SHI KA DE BZHIN GSHEGS PA DANG GZUGS KYI CHOS NYID GANG YIN PA LDAN PA YANG MA YIN BRAL BA YANG MA YIN PAS SO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I CHOS NYID LDAN PA YANG MA YIN, BRAL BA YANG MA YIN PAS @33A *, ,SO; ,GZUGS KYI DE BZHIN NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,GZUGS KYI CHOS NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,TSOR BA DANG, 'DU SHES DANG, 'DU BYED RNAMS DANG; RNAM PAR SHES PA'I DE BZHIN NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,RNAM PAR SHES PA'I CHOS NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,RGYAS PAR DE BZHIN GSHEGS PA DANG, RNAM PA THAMS CAD MKHYEN PA NYID KYI DE BZHIN NYID KYI BAR DU LDAN PA YANG MA YIN, BRAL BA YANG MA YIN PAS SO, ,RNAM PA THAMS CAD MKHYEN PA NYID KYI CHOS NYID DANG LDAN PA YANG MA YIN, BRAL BA YANG MA YIN PAS SO, ,RNAM PA THAMS CAD MKHYEN PA NYID KYI DE BZHIN NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,RNAM PA THAMS CAD MKHYEN PA NYID KYI CHOS NYID MA YIN PA GZHAN DANG LDAN PA YANG MA YIN, BRAL BA YANG MA YIN PAS SO, ,KOO SHI KA 'DIR CHOS THAMS CAD DANG LDAN PA YANG MA YIN, BRAL BA YANG MA YIN PA GANG YIN PA DE NI DE'I MTHU STE, DE'I BYIN GYI RLABS KYI TSUL GYIS SO, ,KOO SHI KA GANG YANG 'DI SKAD DU, BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA GANG NAS BTZAL BAR BYA ZHES ZER BA NI GZUGS LAS BTZAL BAR MI BYA, GZUGS LAS GZHAN DU YANG BTZAL BAR MI BYA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LAS BTZAL BAR MI BYA, RNAM PAR SHES PA LAS GZHAN DU YANG BTZAL BAR MI BYA'O, ,DE CI'I PHYIR ZHE NA, KOO SHI KA DE NI 'DI LTAR SHES RAB KYI PHA ROL TU PHYIN PA GANG YIN PA DANG, GZUGS GANG YIN PA DANG, TSOR BA GANG YIN PA DANG; ;DU SHES GANG YIN PA DANG, 'DU BYED RNAMS GANG YIN PA DANG, RNAM PAR SHES PA GANG YIN PA DANG, BTZAL BA GANG YIN PA'I CHOS DE DAG THAMS CAD NI LDAN PA YANG MA YIN, MI LDAN PA YANG MA YIN, GZUGS MED PA, BSTAN DU MED PA, THOGS LA MED PA, MTSAN NYID GCIG PA STE, @33B 'DI LTAR MTSAN NYID MED PA'I PHYIR RO, ,KOO SHI KA GZHAN YANG BYANG CHUB SEMS DPA' SEMS DPA' CHEN POS SHES RAB KYI PHA ROL TU PHYIN PA NI KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA RNAMS DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS RNAMS DANG, TSAD MED PA DANG, BSAM GTAN DANG, GZUGS MED PA'I SNYOMS PAR 'JUG PA RNAMS DANG, BDEN PA RNAMS DANG, MNGON PAR SHES PA RNAMS DANG, STONG PA NYID THAMS CAD DANG, TING NGE 'DZIN RNAMS DANG, GZUNGS KYI SGO RNAMS DANG, STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN PA NYID KYI BAR LAS KYANG BTZAL BAR MI BYA, RNAM PA THAMS CAD MKHYEN PA NYID LAS GZHAN DU YANG BTZAL BAR MI BYA'O, ,DE CI'I PHYIR ZHE NA, KOO SHI KA DE NI 'DI LTAR SHES RAB KYI PHA ROL TU PHYIN PA GANG YIN PA DANG, RNAM PA THAMS CAD MKHYEN PA NYID GANG YIN PA DANG, BTZAL BA GANG YIN PA'I CHOS DE DAG THAMS CAD NI LDAN PA YANG MA YIN MI LDAN PA YANG MA YIN NO, ,GZUGS MED PA, BSTAN DU MED PA, THOGS PA MED PA MTSAN NYID GCIG PA STE, 'DI LTAR MTSAN NYID MED PA'I PHYIR RO, ,DE CI'I PHYIR ZHE NA, KOO SHI KA DE NI 'DI LTAR GZUGS SHES RAB KYI PHA ROL TU PHYIN PA MA YIN, GZUGS LAS GZHAN SHES RAB KYI PHA ROL TU PHYIN PA MA YIN, TSOR BA MA YIN, 'DU SHES MA YIN, 'DU BYED RNAMS MA YIN, RNAM PAR SHES PA SHES RAB KYI PHA ROL TU PHYIN PA MA YIN, RNAM PAR SHES PA LAS GZHAN SHES RAB KYI PHA ROL TU PHYIN PA MA YIN PA'I PHYIR RO, ,DE BZHIN DU SO SO BA DANG, BSDUS PA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, BDEN PA RNAMS DANG, MNGON PAR SHES PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD @34A *, ,DANG; STOBS RNAMS DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA RNAMS DANG, RNAM PA THAMS CAD MKHYEN BA NYID KYI BAR YANG SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID LAS GZHAN SHES RAB KYI PHA ROL TU PHYIN PA MA YIN, DE BZHIN DU GZUGS KYI DE BZHIN NYID SHES RAB KYI PHA ROL TU PHYIN PA MA YIN, GZUGS KYI DE BZHIN NYID LAS GZHAN SHES RAB KYI PHA ROL TU PHYIN PA MA YIN, TSOR BA'I DE BZHIN NYID MA YIN, 'DU SHES KYI DE BZHIN NYID MA YIN, 'DU BYED RNAMS KYI DE BZHIN NYID MA YIN, RNAM PAR SHES PA'I DE BZHIN NYID SHES RAB KYI PHA ROL TU PHYIN PA MA YIN, RNAM PAR SHES PA'I DE BZHIN NYID LAS GZHAN SHES RAB KYI PHA ROL TU PHYIN PA MA YIN, GZUGS KYI CHOS NYID SHES RAB KYI PHA ROL TU PHYIN PA MA YIN, GZUGS KYI CHOS NYID LAS GZHAN SHES RAB KYI PHA ROL TU PHYIN PA MA YIN, TSOR BA'I CHOS NYID MA YIN, 'DU SHES KYI CHOS NYID MA YIN, 'DU BYED RNAMS KYI CHOS NYID MA YIN, RNAM PAR SHES PA'I CHOS NYID SHES RAB KYI PHA ROL TU PHYIN PA MA YIN, RNAM PAR SHES PA'I CHOS NYID LAS GZHAN SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI BAR GYI DE BZHIN NYID SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI DE BZHIN NYID LAS GZHAN SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI CHOS NYID SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI CHOS NYID LAS GZHAN SHES RAB KYI PHA ROL TU PHYIN PA MA YIN PA'I PHYIR RO, ,DE CI'I PHYIR ZHE NA, KOO SHI KA DE NI 'DI LTAR CHOS DE DAG THAMS CAD NI MED CING MI DMIGS PAS TE, DE LTAR CHOS THAMS CAD MED CING MI DMIGS PAS NA GZUGS SHES RAB KYI PHA ROL TU PHYIN PA MA YIN, GZUGS LAS GZHAN SHES RAB KYI PHA ROL TU PHYIN PA MA YIN, GZUGS LAS GZHAN SHES RAB KYI PHA ROL TU PHYIN PA MA YIN, GZUGS KYI DE BZHIN NYID SHES RAB KYI PHA ROL TU PHYIN PA MA YIN, GZUGS KYI DE BZHIN NYID LAS GZHAN SHES RAB KYI PHA ROL TU PHYIN PA MA @34B YIN; GZUGS KYI CHOS NYID SHES RAB KYI PHA ROL TU PHYIN PA MA YIN, GZUGS KYI CHOS NYID LAS GZHAN SHES RAB KYI PHA ROL TU PHYIN PA MA YIN, TSOR BA MA YIN, 'DU SHES MA YIN, 'DU BYED RNAMS MA YIN, RNAM PAR SHES PA SHES RAB KYI PHA ROL TU PHYIN PA MA YIN, RNAM PAR SHES PA LAS GZHAN SHES RAB KYI PHA ROL TU PHYIN PA MA YIN, RNAM PAR SHES PA'I DE BZHIN NYID SHES RAB KYI PHA ROL TU PHYIN PA MA YIN, RNAM PAR SHES PA'I DE BZHIN NYID LAS GZHAN SHES RAB KYI PHA ROL TU PHYIN PA MA YIN, RNAM PAR SHES PA'I CHOS NYID SHES RAB KYI PHA ROL TU PHYIN PA MA YIN, RNAM PAR SHES PA'I CHOS NYID LAS GZHAN SHES RAB KYI PHA ROL TU PHYIN PA MA YIN, DE BZHIN DU SO SO BA DANG, BSDUS BA'I PHUNG PO DANG, KHAMS DANG, SKYE MCHED DANG, RTEN CING 'BREL PAR 'BYUNG BA DANG, PHA ROL TU PHYIN PA RNAMS DANG, BYANG CHUB KYI PHYOGS KYI CHOS SUM CU RTZA BDUN DANG, TSAD MED PA RNAMS DANG, BSAM GTAN RNAMS DANG, GZUGS MED PA'I SNYOMS PAR 'JUG PA RNAMS DANG, BDEN PA RNAMS DANG, MNGON PAR SHES PA RNAMS DANG, STONG PA NYID THAMS CAD DANG, TING NGE 'DZIN THAMS CAD DANG, GZUNGS KYI SGO THAMS CAD DANG, STOBS BCU DANG, MI 'JIGS PA RNAMS DANG, SO SO YANG DAG PAR RIG PA RNAMS DANG, SANGS RGYAS KYI CHOS MA 'DRES PA BCO BRGYAD DANG, RNAM PA THAMS CAD MKHYEN PA NYID SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID LAS GZHAN SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI DE BZHIN NYID SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI DE BZHIN NYID LAS GZHAN SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI CHOS NYID SHES RAB KYI PHA ROL TU PHYIN PA MA YIN, RNAM PA THAMS CAD MKHYEN PA NYID KYI CHOS NYID LAS GZHAN SHES RAB KYI PHA ROL TU PHYIN PA MA YIN NO ZHES BYA BA NI MTHONG BA'I LAM LA PHAN YON DANG BCAS PA'I DBANG DU BYAS NAS SDUG BSNGAL LA CHOS SHES PA'I BZOD PA YIN NO, ,DE NAS LHA RNAMS KYI DBANG PO BRGYA BYIN GYIS GNAS BRTAN RAB 'BYOR LA 'DI @35A *, ,SKAD CES SMRAS SO, ,BTZUN PA RAB 'BYOR BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI CHEN PO STE, 'DI LTAR SHES RAB KYI PHA ROL TU PHYIN PA'O, ,BTZUN PA RAB 'BYOR BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI TSAD MED PA STE, 'DI LTAR SHES RAB KYI PHA ROL TU PHYIN PA'O, ,BTZUN PA RAB 'BYOR BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI MTHA' YAS PA STE, 'DI LTAR SHES RAB KYI PHA ROL TU PHYIN PA'O, ,GANG LA BSLABS SHING RGYUN DU ZHUGS PA RNAMS KYIS NI RGYUN DU ZHUGS PA'I 'BRAS BU 'THOB PO, ,DE BZHIN DU LAN CIG PHYIR 'ONG BA DANG, PHYIR MI 'ONG BA DANG, DGRA BCOM PA RNAMS DANG, RANG SANGS RGYAS KYIS KYANG RANG BYANG CHUB RAB TU 'THOB PO, ,BYANG CHUB SEMS DPA' SEMS DPA' CHEN POS NI RNAM PA THAMS CAD MKHYEN PA NYID RJES SU THOB NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS SO, ,MNGON PAR RDZOGS PAR 'TSANG RGYA'O, ,MNGON PAR RDZOGS PAR 'TSANG RGYA BAR 'GYUR RO, ,RAB 'BYOR GYIS SMRAS PA, KOO SHI KA DE DE BZHIN NO, ,DE DE BZHIN TE, BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI CHEN PO STE, 'DI LTAR SHES RAB KYI PHA ROL TU PHYIN PA'O, ,BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI TSAD MED PA STE, 'DI LTAR SHES RAB KYI PHA ROL TU PHYIN PA'O, ,BYANG CHUB SEMS DPA' SEMS DPA' CHEN PO RNAMS KYI PHA ROL TU PHYIN PA 'DI NI MTHA' YAS PA STE, 'DI LTAR SHES RAB KYI PHA ROL TU PHYIN PA'O, ,GANG LA BSLABS SHING RGYUN DU ZHUGS PA RNAMS KYIS NI RGYUN DU ZHUGS PA'I 'BRAS BU 'THOB PO, ,DE BZHIN DU LAN CIG PHYIR 'ONG BA DANG, PHYIR MI 'ONG BA DANG, DGR