@1A *, ,SHES PHYIN NYA PA BZHUGS SO, , @1B [DD] #, ,RGYA GAR SKAD DU, AA BHI SA MA YA AA LANG K'A RA K'A RI K'A PRA DZNY'A P'A RA MI TO PA DE SHA SH'A SHRA t'I K'A PRA SANNA PA DA N'A MA, BOD SKAD DU, SHES RAB KYI PHA ROL TU PHYIN PA'I MAN [DD] NGAG GI BSTAN BCOS MNGON PAR RTOGS PA'I RGYAN GYI TSIG LE'UR BYAS PA'I 'GREL BSHAD TSIG RAB TU GSAL BA ZHES BYA BA, BCOM LDAN 'DAS MA SHES RAB KYI PHA ROL TU PHYIN PA 'PHAGS PA'I SKYE BO THAMS CAD KYI YUM DU GYUR PA, SRAS SANGS RGYAS DANG, BYANG CHUB SEMS DPA' DANG, 'PHAGS PA 'DOD CHOGS DANG BRAL BAR BCAS PA THAMS CAD LA PHYAG 'TSAL LO, ,GNYIS MED YE SHES RANG BZHIN 'PHAGS PA'I GANG ZAG SKYED PA'I YUM, ,RGYAL DANG DE SRAS YUM GYUR ZAB MO DE LA PHYAG 'TSAL LO, ,GZHUNG 'DI RGYA CHE RAB ZAB KUN GYI 'JUG PAS PHA ROL DU, ,LEGS 'GRO DKA' ZHING GTING MI RNYED PHYIR BDAG 'DRAS MI DPOG PA, MKHAS PA RNAMS LA MTSAR MED SMOD BRAL 'DI BRTZAMS TE, ,BDAG @2A *, ,PHAN THABS MKHAS SU ZHIG RANG GI BRTZON PA 'DOR, ,GANG ZHIG RTOGS PAS RGYAL BA SRAS BCAS ZHABS LA LHA DBANG GTZUG GI NOR BUS 'DUD BYED CING, MNGON PAR MTHO BA'I BDE BA RGYA CHEN ZAD MI SHES PA'ANG SNGON DU YONGS SU LONGS SPYOD CING, RAB TU 'JIGS RUNG GRANG BAS SPU LDANG NGAN 'GRO'I G-YANG SA MA RUNGS PA LAS LEGS SGROL BA, ,LHA YI DPAG BSAM SHING LTAR SKYE BO DAM PA DGA' BYED DE LA SU ZHIG BRTEN MI BYED, ,DE PHYIR SKYE BO DAM PAS RIGS PA'I SHING RTA LUNG GI 'KHOR LOS DRANGS PA CHEN PO YIS, ,NYAM NGA'I LAM SBYANGS NGES PA'I GNAS BRTAN DPAG BSAM SHING CHEN YAL GA RAB RGYAS GCIG LA NI, ,LEGS 'JUS DE THOB GYUR PA'I 'BRAS BU YID 'ONG ROR LDAN BDUD RTZI LTA BU BRTZON PAS THOB, ,GANG YIN DE 'DIR RANG GI CHED DU LEGS PAR YONGS SU SPYAD PA MKHAS PA RNAMS KYIS RTOGS, ,BCOM LDAN 'DAS SH'AKYA'I RGYAL PO THUGS RJE'I THUGS BRLAN PA DES 'GRO BA THAMS CAD MNGON PAR MTHO BA DANG NGES PAR LEGS PA LA 'GOD PA'I THABS SU GYUR PA RANG RANG GI RIGS DANG RJES SU MTHUN PA'I CHOS BSTAN PA JI SNYED CHOS KYI PHUNG PO BRGYAD KHRI BZHI @2B STONG BSTAN PA RNAMS LAS RAB DANG PHUL DANG, GTZO BO DANG, BYA NOM PA NYID NI SHES RAB KYI PHA ROL TU PHYIN PA STE, DER GANG MA BSDUS PA'I DON 'GA' YANG MED PA'I PHYIR RO, ,DE YANG KHA CIG NI DON DAM PA'I BDEN PA SNYING PO'I DON GTZO BOR BYAS PA 'PHAGS PA SHES RAB KYI PHA ROL TU PHYIN PA'I SNYING PO LA SOGS PA'O, ,BDEN PA GNYIS KA'I DON LAS MNGON PAR RTOGS PA'I DON GTZO BOR BYAS PA'I GZUNG YANG KHA CIG STE RGYAL BA SKYED MA 'BUM PA LA SOGS PA'O, ,DE LA SNYING PO'I DON NI MDO SDE ZAB MO RAB TU MANG PO LAS GSAL POR BSTAN CING, 'PHAGS PA KLU SGRUB KYI ZHAL SNGA NAS DBU MA SHES RAB LA SOGS PAR LUNG GI DON GTAN LA DBAB PA NGES PAR MDZAD PAS THE TSOM MED PAR MDZAD PA'I PHYIR SKYE BO PHYI MA RNAMS 'JUG TU RUNG BAR MDZAD DO, ,GANG DU MNGON PAR RTOGS PA 'DON BSTAN PA NI RAB TU RGYAS PA DANG ZAB PAR LDAN PAS 'JUG PA'I GANG ZAG PHAL CHER MGRON PO PHYOGS BSLAD PA BZHIN GYUR BAS RAB RMONGS PA'I GNAS SU GYUR TE, DON 'DI NYID 'PHAGS PA BYAMS PA SKYE BA GCIG GIS THOGS PA DES GZIGS TE, 'GRO BA RAB TU LDONGS PA DMIGS SU MED PA DE DAG GI PHYIR DE DAG LA SHES RAB KYI PHA ROL TU PHYIN PA'I PHYOGS KYI SGO SNANG BAR BYA BA'I PHYIR RGYAL BA'I YUM MA LUS PA THUGS LA BZHAG STE, GANG RTOGS DKA' BA'I GNAS DE DAG BDE BLAG TU RTOGS PAR BYA BA'I PHYIR, NYAN THOS ZHI BA TSOL RNAMS KUN SHES NYID KYIS NYER ZHIR KHRID MDZAD GANG YIN DANG, ZHES BYA BA LA SOGS PA'I GZHUNG DON RGYA CHEN PO YANG THABS SLA BAS NYE BAR BSTAN PA 'DI MDZAD DO, ,DE BAS NA 'DI NI MAN NGAG GI BSTAN BCOS YIN GYI, MDO RNAMS NI 'DI LA LTOS NA MAN NGAG MA YIN TE, 'JUG PA PO RNAMS LA NYE BAR BSTAN PA MA YIN GYI DUS YUN RING MOS GO BSKYED PA TZAM GYI YAN LAG TU GYUR PA'I PHYIR RO, ,DE LTAR MYUR DU KHONG DU CHUD PAR BYED PA'I MAN NGAG BSTAN PA YANG BLO RAB TU NYAMS PA SNGON YONGS SU MA SBYANGS PA KHA CIG GIS MAN NGAG GI @3A *, ,TSIG RAB TU BSDUS PA KHONG DU CHUD PAR MI NUS PAS NA DE'I DON BDE BAR RTOGS PAR BYA BA'I PHYIR SLOB DPON GYI ZHAL SNGA NAS DE'I DON GROL BA SHES RAB KYI PHA ROL TU PHYIN PA LA GUS PHYAG 'TSAL ZHES BYA BA LA SOGS PAS DON RNAM PAR BSHAD PA 'DI LEGS PAR BRTZAMS SO, ,DE LTAR RIM PA GSUM DU BYUNG BAS RGYAL BA'I YUM LEGS PAR GTAN LA PHAB MOD KYI, GANG DAG BLO'I STOBS RAB TU ZHAN PA'AM, YANG KHA CIG DGE BA'I BSHES GNYEN LEGS PAR BSNYEN BKUR MI NUS KYI, RANG GI RTOG GE'I SHES PA TZAM GYIS RGYAL BA SKYED MA'I DON SHES PAR 'DOD CING MNGON PA'I NGA RGYAL DANG LDAN PA DE DAG GI PHYIR BDAG GIS 'GREL BSHAD DON BSDUS PA 'DI BYAS TE, DE BAS NA RIM PA RE RE YANG DON MED PAR NAM YANG MI BSAM MO, ,DE LA MDO 'CHAD PAR 'DOD PA RNAMS KYI MAN NGAG NI 'PHAGS PA BYAMS PA NYID KYI SLOB MA RIM PA GCIG GIS BAR BCAD PA SLOB DPON DBYIG GNYEN SANGS RGYAS GNYIS PA ZHES BYA BAS RNAM PAR BSHAD PA'I RIGS PA LAS, MDO RNAMS SMRA BAR 'DOD PA LA, ,NGAS NI MAN NGAG SBYIN PAR BYA, , DGOS DANG BSDUS PA'I DON BCAS DANG, ,TSIG DON BCAS DANG MTSAMS SBYAR BCAS, BRGAL LAN BCAS PAS BSNYAD PAR BYA, ,ZHES BSHAD DE 'DI YANG 'PHAGS PA BYAMS PA NYID KYI MAN NGAG BRGYUD PA'O, ,DE BAS NA RGYAL BA'I YUM RNAMS 'CHAD PAR MDZAD PA RGYAL BA BYAMS PA'I ZHAL SNGA NAS, DGOS PA DANG BSDUS PA DANG, TSIG TI DON NI DNGOS SU BSTAN CING, MTSAMS SBYAR BA DANG, BRGAL BA DANG, LAN NI SHUGS LAS RTOGS PAR DGONGS TE SHUGS KYIS BSTAN TO, ,DE YANG TSIG GI DON NI DON DANG LDAN PA'I MING GIS BSHAD PA DANG, NGES PA'I TSIG GIS BSHAD PA DANG, RNAM GRANGS KYAS BSHAD PA DANG, LUNG BSTAN PA'I RIGS PAS BSHAD PA DANG, DON GYI SHUGS KYAS BSHAD PA TZAM MO, ,DE DAG LAS 'DIR DON GYI SHUGS KYIS @3B BSHAD PA TZAM DANG RNAM GRANGS KYIS BSHAD PA NYID GZUNG NGO, ,MTSAMS SBYAR BA SHUGS LAS RTOGS PAR BYA BA NI SLOB DPON GYI ZHAL SNGA NAS DNGOS SU 'GREL PA LAS SMOS PA NI, ,'PHAGS PA BYAMS PA BDAG NYID DAM PA RNAMS KYI SPYOD PA DANG MTHUN PAR RAB TU STON PAS SO SO RANG GI RIG PA'I YE SHES KYIS SHES RAB KYI PHA ROL TU PHYIN PA'I YUL CAN GYI RAB TU DANG NI LEGS PA THAMS CAD 'THOB PA'I RGYU'I GTZO BO YIN NO ZHES BYA BAR NGES PAR BZUNG NAS, GZHAN DAG BCOM LDAN 'DAS MA YON TAN RIN PO CHE PHUL TU BUNG BA'I 'BYUNG GNAS LA DON GYIS 'JUG PAR BYA BA'I PHYIR RAB TU DANG BA BSKYED PA'I CHED DU, ,RE ZHIG DANG POR YUM LA YON TAN JI LTA BA BZHIN DU BRJOD PA CAN GYI PHYAG 'TSAL BA ZHES BYA BA LA SOGS PA SMOS TE, DE YANG SKABS DANG PO LAS NI MTSAMS SBYOR BA'I TSIG SUM CU RTZA DRUG SMOS TE, SKABS GNYIS PA LAS NI NYI SHU'O, ,SKABS GSUM PA LAS NI BCU BZHI'O, ,SKABS BZHI PA LAS NI SUM CU RTZA LNGA'O, ,SKABS LNGA PA LAS NI NYI SHU RTZA BDUN NO, ,SKABS DRUG PA LAS NI GCIG NYID DO, ,SKABS BDUN PA LAS NI LNGA NYID DO, ,SKABS BRGYAD PA LAS NI BCU GSUM MO, ,DE NAS NI SKABS BAR MA LA NI 'JUG PA'I MTSAMS SBYAR RO, ,DE NAS NI SKABS BSDUS PA LA 'JUG PA'I MTSAMS SBYOR RO, ,DE LTAR NA MTSAMS SBYOR GYI TSIG NI SPYIR BRGYA LNGA BCU RTZA GSUM SMOS TE, DE LA SKABS KYI DANG POR BSTAN PA BRGYAD NI SKABS KYI GO RIMS NGES PAR STON PA'I MTSAMS SBYOR YIN LA, LHAG MA RNAMS NI CI RIGS SU SBYAR RO, ,BRGAL BA DANG LAN DAG NI GZHAN GYI CHOS RNAMS KYANG YOD LA, SHES BYA LA YANG STON PA YIS, , SGRIB PA ZAD PAR GANG BRJOD PA, ,DE LA KHO BOS MTSAR DU BRTZIS, ,ZHES PA DANG, 'DI YI DMIGS PA DNGOS MED DE, ,BDAG PO DRAN PA YIN PAR BSHAD, ,RNAM PA ZHI NYID 'DI LA NI, ,RAB TU SMRA RNAMS BRGYUD MAR RGOL, ,ZHES BYA BA LA SOGS PA DNGOS SU YANG @4A *, ,BSTAN PAR RUNG STE, DE LTAR YAN LAG LNGAS MDO BSHAD PA, 'DI MAN NGAG 'DI'I RTZA BA'I GZHUNG 'CHAD PAR 'DOD PA DAG LA PHAN 'DOGS PAR SHES PAR BYA'O, ,SLOB DPON GYI ZHAL SNGA NAS TSIG LE'UR BYAS BA'I 'GREL PA NI TSIGS SU BCAD PA DANG POS PHYAG 'TSAL BA 'GREL PA BRTZAMS PA'I DGOS PA DANG BCAS PA BSTAN TO, ,TSIGS SU BCAD PA LHAG MA BZHIS NI SNGON GYI SLOB DPON GYIS GZUNG JI LTAR PHYE BA BSTAN TO, ,DE'I 'OG MA TSIGS SU BCAD PA GCIG GIS NI, SHES RAB KYI PHA ROL TU PHYIN PA TSANG PAR RNYED PA NGO MTSAR CHE BA BDAG NYID GZENGS BSTOD PAR BSTAN TO, ,DE'I RJES SU TSIGS SU BCAD PA GCIG GIS NI RGYAL BA'I YUM RNYED PA SANGS RGYAS KYI BYIN GYI RLABS YIN ZHING STON PA LA DRIN DU GZO BAS BSGRUB PA'I MCHOD PA'I NGO BOR YUM 'DI DBYE BAR RIGS PAR BSTAN TO, ,TSIGS SU BCAD PA THA MAS NI RANG LA SMAD DE 'JUG PA'I BYE BRAG BSTAN TO, ,DE LTAR DE DAG NI 'GREL PA BRTZAMS PA LA 'JUG PA'I TSIGS SU BCAD PA BRGYAD DO, ,DE NAS NI PHYAG 'TSAL BA'I TSIGS SU BCAD PA GCIG BKROL BA'O, , DE NAS NI DGOS PA LA SOGS PA BSTAN PA'I TSIGS SU BCAD PA GNYIS BKROL BA'O, ,DE NAS NI BSDUS PA'I DON RNAM PA GNYIS KYI TSIGS SU BCAD PA BCVA LNGA'I MTSAMS SBYAR BA TZAM BSTAN CING TSIGS SU BCAD PA SMOS PA YANG MDOR BSDUS PA DANG DE LAS PHYE BA TZAM DU BSTAN CING DON 'OG TU 'CHAD PA LA LTOS PAR BSTAN TO, ,DE NAS NI SKABS BRGYAD RIM PAS BSTAN NAS BKROL BA'O, ,DE NAS NI SKABS DRUG TU BZHAG PA BSTAN PA BKROL BA'O, ,DE NAS SKABS GSUM DU BZHAG PA BSTAN PA PHYE BA'O, ,DE LTAR RTZA BA'I GZHUNG PHYE NAS MDO'I DON MDOR BSTAN PA'I TSIGS SU BCAD PA GNYIS BSTAN TO, ,DE NAS NI GZHUNG JI LTAR BRTZAMS PA RANG GI MING GIS SMOS PA DANG BCAS PA'I TSIGS SU BCAD PA GNYIS SMOS SO, ,DE NAS DGE BA YONGS SU BSNGO BA'I TSIGS SU BCAD PA GCIG @4B BSTAN TO, ,DE NAS NI YUM 'DI ZAB PAS BDAG GI YUL MA YIN ZHING SKYES BU DAM PA RNAMS KYI YUL DU BSTAN PA'I TSIGS SU BCAD PA GCIG GO, ,DE NAS NI NYE BAR BSTAN PA BZOD PAR GSOL BA'I TSIGS SU BCAD PA GCIG BSTAN TE, 'DI NI TE ZHIG 'GREL PA'I BSDUS PA'I DON DU SHES PAR BYA'O, ,DE LTAR SPYIR SBYAR BA'I TSUL CUNG ZAD CIG BRJOD NAS, DA NI YAN LAG GI DON CUNG ZAD DGROL TE, ,'DIR SLOB DPON GYIS DANG PO NYID DU CI'I PHYIR PHYAG 'TSAL BA RTZOM ZHE NA, 'GREL BA BRTZAMS PA MTHAR PHYIN PAR BYA BA'I PHYIR TE, GANG ZHIG YUL KHYAD PAR CAN LA PHYAG 'TSAL BA NI BSOD NAMS CHEN PO RGYUD LA BSKYED PA BSOD NAMS DANG LDAN PA'I BSAM PA RNAMS NI NGES PAR 'GRUB STE, DE BAS NA 'PHAGS PA RGYA CHER ROL PA LAS, BSOD NAMS LDAN PA'I MI YI BSAM PA RNAMS KYANG 'GRUB, ,CES GSUNGS SO, ,GZHAN YANG DAM PA'I SPYOD PA DANG MTHUN PAR RAB TU BSTAN PA'I PHYIR, DES RANG GI GZHUNG LA 'GRO BA 'BYUNG BA RNAMS DAD PAR 'GYUR TE, 'JIG RTEN PA DAM PA RNAMS NI DANG POR YUL KHYAD PAR CAN RNAMS LA PHYAG 'TSAL NAS, RANG 'DOD PA'I LAS LA 'JUG CING GZHUNG 'DIR YANG DANG POR PHYAG 'TSAL BA SNANG BAS NA SLOB DPON 'DI NI DAM PA'O, ,'DIS PHYAG 'TSAL BA'I SHES RAB KYI PHA ROL TU PHYIN PA YANG DAM PA STE, DAM PAS 'DOD PAR BYA BA'I PHYIR RO ZHES DAD PAS RJES SU 'BRANG BA RNAMS 'JUG PA'I THABS SU GYUR BA'I PHYIR RO, ,DE LTAR DGOS PA DE GNYIS GZIGS NAS DANG PO NYID DU, SHES RAB KYI PHA ROL TU PHYIN PA LA GUS PAR PHYAG 'TSAL ZHES BYA BA SMOS TE, 'DIR SHES RAB KYI PHA ROL TU PHYIN PA ZHES BYA BA NI RNAM PA GNYIS TE, NGO BO NYID DANG, DER BSTEN PA'O, ,JI LTAR ZHE NA, CHOS RNAMS KYI DE BZHIN NYID 'DI CHOS RNAMS LA DE NYID DANG GZHAN NYID DU BRJOD PAR BYA BA MA YIN PA NI RANG BZHIN GYIS SHES RAB KYI PHA ROL TU PHYIN PA STE, DE'I PHYIR MKHAS PAS 'JIG RTEN @5A *, ,GNAS SAM MYA NGAN 'DAS KYANG RUNG, ,CHOS NYID SKYON MED CHOS RNAMS STONG PA 'DI GNAS TE, ,BYANG CHUB SEMS DPAS DE BZHIN NYID 'DI RJES SU RTOGS, ,DE PHYIR DE BZHIN GSHEGS ZHES SANGS RGYAS MTSAN GSOL TO, ,ZHES GSUNGS LA, YANG DE CI'I PHYIR ZHE NA, SHES RAB KYI PHA ROL TU PHYIN PA NI YI GE MA YIN TE, DE LA SU YANG STON PA DANG NYAN PA DANG, SHES PAR BYED PA MED DO ZHES KYANG GSUNGS SO, ,'DIR SHES RAB KYI PHA ROL TU PHYIN PA NI SEMS LAS BYUNG BA DGE BA KHYAD PAR CAN DU BGRANG BA MA YIN NAM DE NI 'DUS BYAS KYI MTSAN NYID YIN LA DE BZHIN NYID NI 'DUS MA BYAS KHO NAR GRUB PA'I MTHA' LAS BSTAN TE, DES NA JI LTAR DE BZHIN NYID DE SHES RAB KYI PHA ROL TU PHYIN PAR 'GYUR, DE LTA NA NI 'GRO BA RNAMS LA DE BZHIN NYID YOD PAS LUNG SNGA MA NYID KYIS THAMS CAD DE BZHIN GSHEGS PAR 'GYUR RO ZHE NA, SEMS LAS BYUNG BA DGE BA KHYAD PAR CAN LA SHES RAB KYI PHA ROL TU PHYIN PAR GZHAG PA NI RANG BZHIN GYIS SHES RAB KYI PHA ROL TU PHYIN PA DE RTOGS PA'I MTHUS DE'I MING 'THOB KYI GZHAN DU SHES RAB YIN DU ZIN KYANG PHA ROL TU PHYIN PAR NI GA LA ZHIG 'GYUR, RTOG PA GNYIS PA LTAR YANG MI 'GYUR TE, LUNG SNGA MAS NI DE BZHIN NYID DU RTOGS PAS DE BZHIN GSHEGS PAR BSTAN GYI, DE BZHIN NYID YONG PAS DER BSTAN PA NI MA YIN TE, DE BAS NA DE YOD PAS NGES PAR PHAN PAR BYED PA YANG MA YIN TE, RKYEN GZHAN LA LTOS PAS NA DBUL POS BDAG DBANG BA'I SA LA GNAS PA'I GTER LTA BU'O, ,DE BAS NA BYIS PA RNAMS NI RANG BZHIN GYIS SHES RAB KYI PHA ROL TU PHYIN PA DANG LDAN YANG DE MA RTOGS PA'I PHYIR BYIS PA ZHES BSTAN TE, BYIS PA'I SGRA NI ZHAN CING PHRA BA'I DON DU 'DREN PA'I PHYIR RO, ,DON 'DI LAS DGONGS TE 'PHAGS PA BYAMS PA'I ZHAL SNGA NAS, 'GRO BA DAG NA DE LAS GZHAN YANG CUNG ZAD YOD MIN LA, ,'GRO BA MA LUS PA YANG DE LA RNAM PAR RMONGS PA'I BLO, ,YOD PA KUN NAS SPONGS SHING MED LA MNGON ZHE NA GANG YIN PA, ,'JIG RTEN @5B RMONGS PA'I TSABS CHEN 'DI KO JI LTA BU, ,ZHES GSUNGS LA, 'PHAGS PA SANGS RGYAS PHAL PO CHE ZHES BYA BA'I MDO THEG PA CHEN PO DANG RAB TU LDAN PA LAS, BYIS PAS BYANG CHUB MI SHES KYANG, ,DE DAG DE PHA ROL TU GNAS, ,ZHES GSUNGS TE, DE'I PHYIR RANG BZHIN GYIS SHES RAB KYI PHA ROL TU PHYIN PA 'DI NI GTZO BO'I SHES RAB KYI PHA ROL TU PHYIN PA STE, RAB TU GCES PA'I PHYIR SHES RAB KYI PHA ROL TU PHYIN PA'I SNYING PO ZHES BYA'O ZHES KYANG GSUNGS TE, JI LTAR LUS LA SOGS PA GNAS SHING 'PHEL BA NI SEMS KYIS BZUNG BA'I MTHU YIN LA, SEMS DE YANG SNYING ZHES BYA BA'I LUS KYI BYE BRAG DE LA RAB TU BSTAN PAS NA, BAG CHAGS KYIS NI DKRUGS PA'I SEMS, ,RNAM PAR RTOG PA MANG PO'I GNAS, ,SNYING GI YUL LA RAB TU GNAS, ,ZHES GSUNGS TE, RTEN DU GYUR BA'I SNYING MED NA SEMS MI GNAS SHING, DE MA GNAS PAR GYUR NA DBANG PO DANG BCAS PA'I LUS NGES PAR MI GNAS PAS NA SNYING STE, RAB TU GCES PA NI HRI DA YA ZHES GRAGS SO, ,DE BZHIN DU RANG BZHIN GYIS SHES RAB KYI PHA ROL TU PHYIN PA MED NA RNAM PAR MI RTOG PA'I YE SHES DMIGS PA GANG LA BSTEN NAS KYANG SKYE BAR MI 'GYUR LA, DE MA SKYES PAR GYUR NA JI LTAR LAM DANG, 'BRAS BU DANG GZHUNG DAG 'BYUNG, DE BAS NA 'DI YANG HRi DA YA ZHES GSUNGS TE RAB TU GCES PA'I PHYIR RO, ,DE LA BSTEN PA NI LAM LNGA DANG, DE'I 'BRAS BU RNAM PAR MI RTOG PA'I YE SHES DANG, DE DAG STON PA'I GZUNG RNAMS SO, ,DE DAG LAS KYANG RNAM PAR MI RTOG PA'I YE SHES NI SHES RAB KYI PHA ROL TU PHYIN PAR BZHAG PA LA BSTAN PAS GTZO BO STE, RANG BZHIN GYIS SHES RAB KYI PHA ROL TU PHYIN PA DANG GNYIS SU MED PA DANG, LAM DANG GZUNG DAG KYANG DE THOB PAR BYA BA'I CHED DU SBYOR BA'I PHYIR RO, ,DE BAS NA SLOB DPON PHYOGS KYI GLANG PO'I ZHAL SNGA NAS KYANG, SHES RAB PHA ROL PHYIN GNYIS MED, ,YE SHES DE NI DE BZHIN GSHEGS, ,BSGRUB BYA DE DON SBYOR BA YIS, ,GZHUNG DANG LAM DAG DE'I SGRA YIN, ,ZHES BSHAD DO, ,DE LA GZHUNG NI 'PHAGS PA SHES RAB KYI PHA ROL TU PHYIN PA STONG PHRAG @6A *, ,BRGYA PA LA SOGS PA SNGAR BSTAN PAS BSDUS PA GNYIS SO, ,LAM NI 'OG NAS 'CHAD DO, ,RNAM PAR MI RTOG PA'I YE SHES KYANG 'CHAD PAR BYED PA LAS GTAN LA 'BEBS SO, ,DE LTAR RNAMS PAR PHYE BAS YUM 'DI'I NGO BO BSTAN NAS, DA NI NGES PA'I TSIG BSTAN PAR BYA STE, SHES RAB CES BYA BA NI, GZHAN SGRA SHES DANG SO SOR NI, ,RANG RIG RAB TU SHES PHYIR DANG, RAB ZHI 'THOB SHES RAB PHUL BYUNG, ,YON TAN 'THOB SHES PHYIR SHES RAB, ,CES BSHAD PA STE, LAM DANG PO GNYIS LA NI DANG PO'O, ,MTHONG BA'I LAM DANG 'BRAS BU LA NI GNYIS PA'O, ,KUN RDZOB KYI YE SHES LA NI GSUM PA'O, ,BSGOM PA'I LAM LA NI BZHI PA'O, ,KHYAD PAR GYI LAM LA NI NGES TSIG LNGA PA SBYAR ZHING GZHUNG LA BTAGS TE'O, ,RANG BZHIN LA NI 'BRAS BU'I MING GIS SO, ,DE LA JI LTAR NA SHES RAB DE DAG LA PHA ROL TU PHYIN PA ZHES BYA ZHE NA, BYIS PA RNAMS KYI YUL DU GYUR PA 'KHOR BA NI TSU ROL YIN TE, DE LAS 'DAS SHING RING DU SONG BA 'JIG RTEN LAS 'DAS PA'I PHA ROL TU PHYIN PA'I DON TO, ,DES NA 'JIG RTEN LAS 'DAS PA'I PHYIR PHA ROL TU PHYIN PA STE, DE'I PHYIR RGYAL BA'I YUM BAR MA LAS KYANG, TSE DANG LDAN PA SH'A RI'I BU GANG YANG 'DI SKAD DU SHES RAB KYI PHA ROL TU PHYIN PA GANG ZHES ZER BA NI, TSE DANG LDAN PA SH'A RI'I BU SHES RAB KYI PHA ROL TU PHYIN PA ZHES BYA BA GANG YIN PA DE NI RING DU SONG BA STE, GANG LAS RING DU SONG BA ZHES BYA ZHE NA, TSE DANG LDAN PA SH'A RI'I BU PHUNG PO RNAMS LAS RING DU SONG BAS NA, DE'I PHYIR RING DU SONG BA ZHES BYA'O ZHES BYA BA LA SOGS PA GSUNGS TE, DE BAS NA PA RA'I SGRA NI PA RA YAD TA ZHES BYA BAR BSGYUR RO, ,YANG NA PA RA'I SGRAS NI MCHOG BSTAN LA DE LA DNGOS PO'I RKYEN SBYAR BA NI DNGOS PO'I MCHOG NYID CES BYA STE, JI LTA ZHE NA, RGYA CHE BA DANG YUN RING CHED DU BYA, ,MI ZAD RGYUN MI 'CHAD CING TSEGS MED LA, ,DBANG 'BYOR BSNGO DANG RTZOM PA DAG DANG, ,'THOB DANG RGYU MTHUN 'GRUB PHYIR DAM PA'I DNGOS, ,ZHES BSHAD LA, YANG; YUN RING GOMS SHING THAMS DANG 'BRAS @6B BU MCHOG ,'DI DAG THEG PA DMAN LAS MCHOG GYUR DNGOS, ,ZHES BSHAD PAS SO, ,YANG NA SANGS RGYAS DANG BYANG CHUB SEMS DPA' GANG ZAG MCHOG DAG GIS BSTAN PA'I PHYIR YANG MCHOG GI DNGOS PO'O, ,GZHAN YANG GZHAN LA SOGS PA'I MCHOG TU GNOD PA LAS THAR BAR BYED PAS NA GNYIS SU SGRA SBYAR BA'O, ,GZHAN DAG NI SHES BYA'I PHA ROL TU PHYIN PAS NA PHA ROL TU PHYIN PAR 'DREN TE, DE'I TSE NI PHYIN PA'I SGRA RDZOGS PAR DRANG STE, AI TA SAm DZ'A TA ZHES SKAD KYI BYINGS LA 'DON PAS SO, ,YI GE PA'I RING PO NYID NI GTZUG LAG GI TSIG YIN PAS 'GAL BA MED DO, ,NGES PA'I TSIG THA MA 'DI NI DNGOS SU NA 'BRAS BU LA SBYAR TE, GZHAN LA NI BTAGS NAS SO, ,LHAG MA NI CI RIGS SU NGO BO LA SBYAR RO, ,DE LTAR NGO BO DANG DES TSIG RGYAS PAR BSTAN PA LAS 'DIR SHES RAB KYI PHA ROL TU PHYIN PA RNAM PAR PHYE BA DE DAG LAS GANG LA PHYAG 'TSAL ZHE NA, MA LUS PA GZUNG BA'AM, YANG NA 'BRAS BU'I BDAG NYID GNYIS SU MED PA'I YE SHES DE LA PHYAG 'TSAL TE, DE NI RANG BZHIN GYIS RAB KYI PHA ROL TU PHYIN PA LAS THA MI DAD PA STE, DE NI RNAM PAR MI RTOG PA'I YE SHES TZAM GYIS NGES PAR BYAS PAS SO, , DE LTAR NA RNAMS PAR MI RTOG PAR MI 'GYUR TE RANG BZHIN LA RTOG PA'I PHYIR RO, ,ZHEN NA, DES GANG YANG YUL DU MA BYAS PA'I PHYIR TE RANG BZHIN YIN LA, DE YANG RNAM PAR MI RTOG PAR GRUB KYI GAL TE DES YUL DU BYAS NA, DE YANG YE SHES LA LTOS PAS BYAS PAR 'GYUR BAS RANG BZHIN MA YIN LA, DE YANG RNAM PAR RTOG PA NYID DU 'GYUR RO, ,DE'I PHYIR NA YANG DAG PAR NA RANG BZHIN NI RNAM PAR THAMS CAD MKHYEN PA'I YE SHES KYIS KYANG MI GZIGS TE, DE'I DON NI CI'I PHYIR ZHE NA, SANGS RGYAS KYIS MKHYEN NAS CHOS RNAMS MA GZIGS PHYIR ZHES 'CHAD PAR BYED DO, ,DE BAS NA CI YANG MA MTHONG BA NI MTHONG BA DAM PA'O ZHES MDO LAS GSUNGS SO, ,DE LTAR RANG BZHIN DANG DBYER MED PAS RANG BZHIN DANG 'BRAS BU DAG NI DE NYID DANG GZHAN DU BRJOD DU MED PA'O, ,GZUNG DANG LAM NI DE'I CHED DU SBYOR BA'O ZHES SNGAR @7A *, ,BSHAD DO, ,DE'I PHYIR NA SHES RAB KYI PHA ROL TU PHYIN PA GNYIS SU MED PA'I YE SHES LA PHYAG 'TSAL BA NYID RIGS PAS NA, RGYAL BA'I YUM BAR MA LAS KYANG, BTZUN PA SH'A RI'I BU SHES RAB KYI PHA ROL TU PHYIN PA LA PHYAG 'TSAL LO, ,GANG SHES RAB KYI PHA ROL TU PHYIN PA LA PHYAG 'TSAL BA DE NI THAMS CAD MKHYEN PA'I YE SHES LA PHYAG 'TSAL BA'O, ,DE NAS BCOM LDAN 'DAS KYIS LHA'I DBANG PO BRGYA BYIN LA BKA' STZAL PA, KOO SHI KA DE DE BZHIN NO, ,DE DE BZHIN TE, GANG SHES RAB KYI PHA ROL TU PHYIN PA LA PHYAG 'TSAL BA NI THAMS CAD MKHYEN PA'I YE SHES LA PHYAG 'TSAL BA'O, ,DE CI'I PHYIR ZHE NA, KOO SHI KA 'DI LAS BYUNG BA NI SANGS RGYAS BCOM LDAN 'DAS RNAMS KYI RNAM PA THAMS CAD MKHYEN PA NYID DO, ,RNAM PA THAMS CAD MKHYEN PA NYID KYI YE SHES LAS NI SHES RAB KYI PHA ROL TU PHYIN PAR BRJOD DO ZHES GSUNGS PA'O, ,'DIR NI MI 'DOD PA'I BZHI PA NYID DE, DE LA RNAM PAR RTOG PA MED PA'I PHYIR RO, ,GUS PAR ZHES BYA BA NI DNGOS PO THAMS CAD KYIS SAM YID RAB TU DANG BAS SO, ,PHYAG 'TSAL LO ZHES PA NI MCHOG TU 'DUD PAR BYED PA'O, , 'DIR GANG LA 'DUD PAR BYA, GANG YANG MA DMIGS NA BTUD PAS CI ZHIG SBYIN ZHE NA, CHOS THAMS CAD NI RANG GI RNAM PAR RTOG PA'I DBANG TZAM GYIS SKYE ZHING 'PHEL BA LA SOGS PAR 'GYUR BAS NA YID DANG BA'I DBANG GIS CI YANG MED PA LA'ANG BTUD PAS 'BRAS BU YID DU 'ONG BA SBYIN LA, GZHAN DON DAM PAR GANG YANG MED DU ZIN KYANG, KUN RDZOB TU NI RGYAL BA'I YUM 'DI NYID GDUL BYA DANG 'TSAM PA'I BKOD PAS GNAS TE, DE'I PHYIR, GDUL BYA'I SKYE BO LA BRTEN NAS, ,DE BZHIN GSHEGS PAS DE DANG DER, ,KHYOD NYID GCIG PU GZUGS MANG DANG, ,SNA TSOGS MTSAN DU MNGON PAR BRJOD, ,CES BSTOD CING, YANG; TSIG YUL KUN LAS 'DAS GANG YIN, ,KHYOD NI GANG LA'ANG MI BRTEN ZHIN, ,MTSAN MED GOS PA MED PAS NA, ,SU YIS 'DIR KHYOD BSTOD PAR NUS, ,BDAG CI TSIG @7B LAM 'DI 'DRA BAS, ,KHYOD LA BSTOD PA MA BYAS KYANG, ,DGYES MI DGYES LAS 'DAS MOD KYI, ,'ON KYANG KUN RDZOB BDEN PA'O, ,ZHES BSTOD PA BRJOD DE, DE BAS NA YUM 'DI SPROS PA MED CING RTOG PA MED DO ZHES TE, MCHOD PA DANG PHYAG LA SOGS PA SPANG BAR NI MI BYA'O; ,DE LTAR PHYAG 'TSAL BA CI ZHIG 'GRUB PAR 'DOD PA YIN ZHE NA, DE PHYIR, DE'I RGYAN TSIG LE'UR BYAS PA DAG ,RNAM PAR DBYE PHYIR GUS PHYAG 'TSAL, ,ZHES TSIG SNGA MA DANG SBYAR TE, DE'I ZHES BYA BA'I BUD MED KYI RTAGS KYIS BSTAN PA'I PHYIR DANG, DON GYI DBANG GIS KYANG SHES RAB KYI PHA ROL TU PHYIN PA NYID DANG SBYAR RO, ,DE LTAR NA GANG LA PHYAG 'TSAL BA SHES RAB KYI PHA ROL TU PHYIN PA DE NYID KYI RGYAN TSIG LE'UR BYAS PA DAG ,RNAM PAR DBYE BA'I PHYIR GUS PHYAG 'TSAL ZHES TSIG RNAM PAR SBYAR RO, ,RGYAN ZHES BYA BA NI TSIG LE'UR BYAS PA'I MAN NGAG GIS SHES RAB KYI PHA ROL TU PHYIN PA'I DON SHES PAR BYA STE, DE SHES PAS MAN NGAG 'DIS MKHAS PA RNAMS DGA' ZHING 'DI LA DRIN DU YANG GZO BAR 'GYUR TE, 'DI NI DMIGS BU LTA BU'I PHYIR RO, ,DE LTAR DGA' BA BSKYED PAS NA 'DI RGYAN TE DPE'I MING NYID DO; ,DON 'DI LAS BRTEN TE 'PHAGS PA BYAMS PA'I ZHAL SNGA NAS KYANG, GZUGS RGYAN RANG BZHIN YON TAN LDAN PA ME LONG NANG SONG NAS, ,MTHONG BA'I DBANG GIS MI RNAMS RAB TU DGA' BA'I MCHOG SKYED PA, ,DE BZHIN LEGS GSUNG RTAG TU RANG BZHIN YON TAN LDAN PA YI; ,CHOS KYANG DON RNAMS PHYE BAS MKHAS RNAMS 'DI NA DGA' MCHOG SKYED, ,CES GSUNGS SO, ,TSIG LE'UR BYAS PA DAG CES PA NI GZHUNG GANG TSIGS SU BCAD PA RTZA BA BZHI PA YI GE BRGYAD PAR BYAS PA'I MING STE, DBANG PO'I RDO RJE LAS KHYAD PAR DU GYUR PA'O, ,RNAM PAR DBYE ZHES PA NI DON TZAM ZHIG STE 'CHAD PAR BYED PA LAS 'PHAGS PA RNAM PAR GROL SDES, MTHU YI DON MTHONG SGO NAS NI, ,GO BAR SLA PHYIR NGAG DANG NI, ,TSIG SOGS SBYOR BA MA BYAS PAR, ,MKHAN PO YANG DAG RNAM SNANG MDZAD, ,BLA MA BZANG LA PHYAG 'TSAL TE, ,TSIG LER BYAS @8A *, ,PA'I 'GREL GSAL BA, ,'DI NI SENG GE BZANG POS BYAS, ,ZHES SMOS PAS SO, ,BZHI PA 'DI NI RGYU MTSAN NYID DU LTA'O, ,TSIG LE'UR BYAS PA DE RNAMS PAR DBYE BA'I PHYIR PHYAG 'TSAL BAR NI BSTAN NA, DE RNAM PAR PHYE BA NYID LA DGOS PA CI YOD CES RTOG PA LA, KUN GYI RGYAN DU 'GYUR BA'I PHYIR, ,ZHES SMOS TE, KUN ZHES PA NI JI LTAR BSTAN PA'I SHES RAB KYI PHA ROL TU PHYIN PA THAMS CAD KYI'O, ,RGYAN DU 'GYUR BA ZHES BYA BA NI 'DI SKAD STON TE, SKYES PA'AM BUD MED GANG ZHIG GI GZUGS LA DGA' BA SKYE BA'I RGYU NI RGYAN RNAMS YIN TE, 'ON KYANG RGYAN DE DAG DRI MA DANG BCAS PAR GYUR NA DGA' BAR BYED MI NUS PAS NA RGYAN GYIS RGYAN NI RGYAN DE'I DRI MA MED PAR BYA BA YIN NO, ,DE BZHIN DU MKHAS PA DGA' BAR BYED PA'I RGYAN NI TSIG LE'UR BYAS PA NYID DO, ,ZHES BSTAN DU ZIN KYANG KHA CIG MA RTOGS PA'AM, LOG PAR RTOGS PA'I DBANG GIS TSIG LE'UR BYAS PA 'DI NI RGYAL BA'I YUM RNAMS KYI DON LEGS PAR STON PAR NUS PA MA YIN PAS 'DI RGYAN MA YIN NO SNYAM DU KLAN KA'I DRI MA SKYE SRID DO, ,SLOB DPON GYI ZHAL SNGA NAS 'GREL PA DON GSAL BA SDEB SBYOR SPANGS PAS DRANG THAD DU BSTAN PA 'DI MDZAD PAS DE DAG GIS LOG PAR RTOGS PA DANG, MA RTOGS PA'I RGYU LAS BYUNG BA'I DRI MA NGAN PA 'JOMS PAS NA 'GREL PA 'DI NI RGYAN TE, RGYAN DU BYED PAS NA RGYAN GYIS BRGYAN NYID DE, DE BAS NA 'DI NI DRI MA SEL BAS RGYAN TE, JI SKAD DU SLOB DPON KA MA LA SH'I LA'I ZHAL SNGA NAS DE NYID KYI PHYIR KLAN KA NGAN PA'I DRI MA BSAL BAS NA 'DI NI DBU MA'I RGYAN ZHES BYA'O ZHES BSHAD PA LTA BU'O, ,BZHI PA 'DI NI RGYU MTSAN NYID STON PA'O, ,DE LTAR NA 'GREL PA'I GZHUNG 'DI RJOD PAR BYED PA STE, DE'I BRJOD PAR BYA BA YANG SGRA'I BRJOD PAR BYA BA NI TSIG LE'UR BYAS PA KHO NA'O, ,DON GYIS BRJOD PAR BYA BA NI RGYAL BA SKYED MA THAMS CAD DO, ,DGOS PA YANG DNGOS SU NI TSIG LE'UR BYAS PA'I DON LEGS PAR BSTAN PA STE, DE'I YANG DGOS PA NI TSIG LE'UR BYAS PA DE RGOL BA RNAMS LA RGYAN NYID DU BSGRUB PA'O, ,GZHAN DAG NI TSIG @8B LE'UR BYAS PA'I DON LEGS PAR BSTAN PAS DE RGYAN NYID DU GRUB PA NI DGOS PA YIN LA, DES RGYAL BA SKYED MA'I DON MA LUS PA SHES PA NAS GZUNG STE, MI GNAS PA'I MYA NGAN LAS 'DAS PA'I BAR DU NI DGOS PA'I YANG DGOS PA'O ZHES RTOG STE, DE NI DE LTAR 'GRUB PA NYID 'GREL PA 'BA' ZHIG GIS MI SRID LA, RTZA BA'I GZHUNG NYID KYI DBANG DU BYAS PAR YANG 'OG NAS 'CHAD PAS MI 'THAD PA NYID DO, ,GZHAN YANG TSIGS SU BCAD PA DANG PO'I DBANG GIS GZHUNG DBYE BAR DAM BCA' BAS BRTZAMS PA MTHAR DBYUNG BA YANG STON TE, PHUNG PO DANG NYON MONGS PA DANG, KHAS BLANGS PA DANG DAM BCAS PA DAG NI KHUR YIN LA, SKYES BU DAM PA RNAMS NI LEGS PAR BLANGS PA'I KHUR BYA BA MA RDZOGS KYI BAR DU MI 'DOR TE, GZHAN DON BRTZE BA CAN RNAMS SROG PHYIR YANG, ,RANG GI NUS PA LHOD PAR MI BYED DE, ,SKYES BU DAM PA KHUR LCI KHUR BA DANG, ,NYAM NGA'I LAM DU NAM YANG 'DOR MI BYED, ,CES BSTAN PAS SO, ,DE LTAR PHYAG 'TSAL BA DANG, BSTAN PAR DAM BCA' BA DANG, NYID KYIS SBYOR BA'I 'GREL BA'I DGOS PA LA SOGS PA BSTAN PA'I TSIGS SU BCAD PA GCIG RNAMS PAR BKROL BA'O, ,DA NI SLOB DPON BDAG NYID SNGON GYI SLOB DPON GYI LUGS LA MKHAS PAR BSTAN PAS 'GRO BA RNAMS RANG GI 'GREL PA LA 'JUG PAR BYA BA DANG, GZHUNG DU MA TSOL BA'I 'JUG PA PO RNAMS LA'ANG PHAN GDAGS PA'I PHYIR, SNGON GYI SLOB DPON GYIS MDZAD PA'I GZHUNG GDAGS PA BSTAN PA'I PHYIR, 'GRO BA'I CHAGS LA CHAGS MED MDZAD, ,CES PA LA SOGS PA SMOS TE, KHA CIG NA RE YI GE AA NI RING PO YIN PAS LHAG PAR STON TE, DES NA KUN TU CHAGS PA'O ZHES ZER NA, DE DAG GIS NI MTSAMS SBYOR BA MA RTOGS PA STE, GAL TE RING PO YIN NA MTSAMS SBYAR BAR MI 'GYUR RO, ,DE'I PHYIR YI GE AA NI THUNG DU STE DGAG PA NYID DO, ,DE LA MDOR BSDUS NA 'PHAGS PA THOGS MED DANG, SLOB DPON DBYIG GNYEN DAG GIS SKABS BRGYAD DU PHYE MOD KYI DON GZHAN DU RNAM PAR RIG PA'I GRUB PA'I MTHAR @9A *, ,RGYAL BA'I YUM BKROL TE, TSIG LE'UR BYAS PA THEG PA CHEN PO DBU MA'I LTA BA 'DI NI SLOB DPON DBYIG GNYEN GYIS DE'I YUL DU MA GYUR PAS NA, 'PHAGS PA THOGS MED PA 'OD BYED PA BRNYES PAS KYANG DE 'DUL BA DANG 'TSAM PAR BKROL TE, SEMS CAN GCIG GI DON GYI PHYIR, ,PHYI MTHA'I BAR DU GNAS PAR BGYI, ,ZHES GSUNGS PA'I RJES SU 'BRANG BAS SO, ,DE LTAR DE DAG GI SKABS KYI DON MA BRJOD CING RNAM PAR RIG PA'I ZHEN PA MA SPANGS PAS NA, DES BYAS BYAS PA MIN MTHONG STE, ,'PHAGS PA'I NANG DU GTOGS PA YI; ,RNAM PAR GROL SDE ZHES BYAS KYANG, ,DBU MAR GNAS PA'I BLOS RNAM PHYE, ,ZHES RIM PAR BYAS TE MDO BAR MA DANG SBYAR BA MDZAD DO, ,DE YI 'OG TU RNAM GROL SDE, ,DAD PA'I SA LA GNAS PA YIS, ,ZHES PA NI TSOGS KYI LAM PHAL PA STE DAD PA TZAM GYI SA NI DAD PA'I SA'O, , BSTAN BCOS MTHA' DAG MA RNYED PAR, ,ZHES PA NI GRUB PA'I MTHA' RAB 'BYAM LA MA 'DRIS PAR RO, ,KHA CIG NA RE RGYAL BA'I YUM MTHA' DAG MA RNYED PAR ZHES ZER TE DE NI LEGS PAR MA SMRAS SO, ,RANG DAG RJES MTHUN RNAM BSHAD BYAS, ,ZHES PA NI DE RANG GI SHES RAB 'PHEL BAR BYA BA'I PHYIR GZHUNG BRTZAMS KYI, GZHAN LA PHAN PAR 'DOD PA'AM MNGON PA'I NGA RGYAL GYIS NI MA YIN TE, JI SKAD DU RIG PA BRTZAMS PA NI SHES RAB 'PHEL BA'I RGYU'O ZHES GSUNGS SO, ,'DI NI 'DAB GSHOG CUNG ZAD SKYES PA'I BYA 'PHUR BAR RTZOL BA DANG 'DRA BAS BSNGAGS PA'I TSIG YIN GYI SMAD PAR MI SBYAR RO, ,DE LTAR MKHAS PAS SNANG BYAS SHING, ,ZHES BYA BA NI, 'PHAGS PA RNAM PAR GROL SDE'I ZHAL SNGA NAS SO, ,KHA CIG GIS NI BSTAN BCOS KUN, ,MA RNYED CES BYA BA LA BSTAN BCOS NI, ,NYON MONGS DGRA RNAMS MA LUS 'JOMS PA DANG, ,NGAN 'GRO SRID LAS SKYOB PA GANG YIN PA, ,CHOS SKYOB YON TAN PHYIR NA BSTAN BCOS TE, ,GNYIS PO 'DI DAG GZHAN GYI LUGS LA MED, ,CES PA'I NGES PA'I TSIG GI TSUL GYIS NA BSTAN BCOS TE, DE YANG KHYAD PAR CAN RGYAL BA'I YUM RNAMS SO, , @9B KUN MA RNYED PA NYID CES PA NI RANG RANG GI BLOS MA RTOGS PA STE GZHUNG MA RNYED PA NI MA YIN NO, ,KHA CIG GIS NI ZHES PA NI SLOB DPON DBYIG GNYEN DANG, BTZUN PA RNAM PAR GROL BA'I SDE STE, 'DUL BA'I DBANG LAS 'PHAGS PA THOGS MED KYANG DER BGRANG NGO, ,DE RNYED PA GANG YIN DE NI YA MTSAN NO ZHES PA NI BDAG NI SNGON DU YANG SKAL PA BZANG BAS SNGON BSOD NAMS MTSAR ZHIG BYAS PA LTA ZHES RJES SU DGA' BA STON PA'I TSIG GO, ,DE LTAR MKHAS PAS SNANG BAR BYAS PA YANG BDAG GIS SHES LA, LA LAS NI DON TSANG BAR MA SHES LA BDAG GIS TSANG BAR SHES SO ZHES BSTAN NAS, DE YANG RANG GI LHAS BYIN PA LA SOGS PA NI MA YIN TE, SANGS RGYAS KYI MTHUS YIN PAR BSTAN PA'I PHYIR, DE LTAR SHIN TU RNYED DKA' BA, ,ZAB MO'I LAM CAN 'DI LTA STE, ,SANGS RGYAS DBANG GIS RNYED PA NI, ,ZHES SMOS TE BSKAL PA MANG POR YANG MTSAN TZAM YANG RNYED PAR DKA' BA'I RGYAL BA'I YUM DON ZAB MO 'DI DANG PHRAD PA NI SANGS RGYAS KYI BYIN GYI RLABS KYI DBANG NYID YIN GYI GNAM BCAS LA SOGS PA NI MA YIN TE, DE LTAR NI KYE RGYAL BA'I SRAS BCU PO 'DI DAG NI DE BZHIN GSHEGS PA'I BYIN GYI RLABS TE, BCU GANG ZHE NA, DANG POR BYANG CHUB TU SEMS BSKYED PA DANG, TSE RABS THAMS CAD DU BYANG CHUB KYI SEMS MI GTONG BA DANG, BDUD KYI LAS KHONG DU CHUD NAS DE BZLOG PA DANG, PHA ROL TU PHYIN PA THOS TE NAN TAN BYED PA DANG, 'KHOR BA'I SDUG BSNGAL SHES NAS MI SKYO BA DANG, CHOS ZAB MO RTOGS PAR BYAS PAS 'BRAS BU THOB PA DANG, SEMS CAN RNAMS LA NYAN THOS DANG RANG SANGS RGYAS KYI THEG PA STON KYANG DE'I RNAM PAR GROL BA LA MI MOS PA DANG, 'DUS BYAS KYI RANG BZHIN LA RTOG CING 'DUS MA BYAS LA MI GNAS LA 'DUS BYAS DANG 'DUS MA BYAS LA MI GNAS PAR 'DU SHES PA DANG, NYID MTSAMS SBYOR BA LA GNAS KYANG DE SEL BA DANG, RNAM PA THAMS CAD MKHYEN PA'I YE SHES RTOGS KYANG BYANG CHUB SEMS DPA'I SPYOD PA SGRUB PA'I RIGS KYI RGYUN MI GCOD PA STE, KYE RGYAL BA'I SRAS BCU PO DE @10A *, ,DAG NI DE BZHIN GSHEGS PA'I BYIN RLABS SO, ,ZHES GSUNGS SHING, YANG YUM 'DI NYID LAS KYANG, DE BZHIN GSHEGS PA'I BYIN GYI RLABS KYIS CHUNG NGUS NA GLEGS BAM CHEN PO LA YI GE GSAL BA GRIS TE ZHES BYA BA LA SOGS PA GSUNGS SO, ,DE LTAR SANGS RGYAS KYI BYIN GYI RLABS YIN NA, GO THUGS RJES PHROGS PA DE DAG BTZUN PA RNAM PAR GROL BA'I SDE LA SOGS PAS RNYED PA NYID DU CI'I PHYIR MI MDZAD CE NA, RANG GI 'BAD PA'I RJES SU BYIN GYI RLABS 'BRANG BA NI CHU'I ZLA BA LTA BU STE, DE'I PHYIR 'PHAGS PA RAB KYI RTZAL GYIS RNAM PAR GNON PAS ZHUS PA ZHES BYA BA RGYAL BSKYED MA RNYING PO'I DON BSTAN PA LAS, RTA CING SHES LA SOGS PA'I DPES BSTAN LA, 'DI LAS KYANG, SANGS RGYAS RNAMS LA BKUR STI BYAS, ,DE LAS DGE BA'I RTZA BA BSKRUN, ,DGE BA'I BSHES KYIS MGON BYAS PAS; ,'DI MNYAN PA YI SNOD YIN NO, ,ZHES STON NO, ,DA LTAR YUM 'DI RNYED PA NI SANGS RGYAS KYI MTHU YIN PAS NA DE LA BYAS PA SHES PA'I MCHOD PA BYA BAR RIGS PAS NA, MKHAS PA RNAMS KYIS DBYE BA'I RIGS, ,ZHES SMOS TE, BKA' BZHIN 'BAD PAS BSGRUBS PAS LAN KLAN PAS, ,PHAN PAR MDZAD PA DE LA LAN DU MCHOD, ,CES BSTAN PAS, LAN DU MCHOD PA YANG BKA' BSGRUB PAR BYA BA YIN LA, BKA' SGRUB PA'I MCHOG NI RGYAL BA'I YUM LA NAN TAN BYED PA STE, 'PHAGS PA SHES RAB KYI PHA ROL TU PHYIN PA DPAL MCHOG DANG PO LAS; SHES RAB KYI PHA ROL TU PHYIN PA 'DI 'DRI BA DANG, KLOG PA DANG, NYAN PA DANG, 'DON PA DANG, KHE TON BYED PA DANG, 'CHANG BA DANG, SEMS PA DANG, SGOM PA NI DE BZHIN GSHEGS PA THAMS CAD LA MCHOD PA'I CHO GA RGYAS PA'O ZHES GSUNGS PAS SO, ,DE LTAR NA MKHAS PA STE, NGES PAR RTOGS PAS SU YANG RUNG STON PA LA DRIN DU GZO BA RNAMS KYIS LAN DU MCHOD PA'I NGO BOR YUM 'DI'I DON BLO DANG GZHUNG LA DBYE BAR RIGS PA DE'I PHYIR SLOB DPON DAG NYID KYANG GZHUNG 'BYED PAR BSTAN PA'I PHYIR, RNAM PA KUN TU BDAG GIS NI, ,SKYOD @10B YUL MIN YANG RANG GZHAN LA, ,PHAN GDAGS 'DOD PAS BSOD NAMS DAG ,BSGRUB DANG MTHUN PHYIR SEMS PA SKYES, ,ZHES SMOS TE, RNAM PA KUN TU BDAG GIS NI, ,SPYOD YUL MIN YANG ZHES PA NI, ,PHRAG DOG LA SOGS PA'I DBANG GIS 'GREL PA BRTZAMS PA LA SMOD PA SRID PAS DE BKAG PA STE, DE SKAD DU SLOB DPON CHOS KYI GRAGS PAS TSAD MA RNAM 'GREL BYED PA NA, SKYE BO PHAL CHER PHAL LA CHAGS SHING ZHES PA LA SOGS PA SMOS PA LTA BU'O, ,RANG GZHAN LA PHAN GDAGS 'DOD NAS ZHES PA NI, BSAM PA DAG PAR STON CING GDUL BYA 'JUG PA RNAMS LA'ANG BSLAB PA'O, ,BSOD NAMS DAG BSGRUBS PA DANG, ZHES PA NI BSGRUB PA'I LAN DU MCHOD PA STE, MTHUN PHYIR ZHES PA NI MCHOD PA'I THABS BZANG PO 'DI NYID YIN PA'I PHYIR ZHES STON PA'O, ,SEMS PA SKYES ZHES PA NI BRTZAMS PA'I SPRO BA 'BYUNG NGO ZHES STON PA STE, SEMS BSKYED GCIG CES GDAMS NGAG GI RKYEN CAN DU YANG SBYOR RO, ,DA NI PHYAG 'TSAL BA BSTAN PA NI TSIG DGROL BA'I PHYIR, 'PHAGS PA BYAMS PA BDAG NYID DAM PA RNAMS KYI SPYOD PA DANG MTHUN PAR RAB TU STON PAS ZHES PA LA SOGS PA SMOS TE TSIG DE NI GO SLA'O, ,SO SO RANG GIS RIG PA'I YE SHES KYIS SHES RAB KYI PHA ROL TU PHYIN PA'I YUL CAN GYI RAB TU DANG BA NI ZHES BYA BA LA, SO SO RANG GIS RIG PA ZHES BYA BA NI NGAG GI LAM LAS 'DAS PAS BRJOD PA DANG BRAL BA STE, RANG GIS YANG DAG PAR RIG PA DE NI GZHAN LA BSTAN NUS PA MA YIN LA, GZHAN GYIS KYANG DE BRTEN CING GZUNG BAR NUS PA MA YIN TE, DE BAS NA RANG KHO NAS YANG DAG PAR RIG PA NI RANG GIS YANG DAG PAR RIG PA'O, ,DE LTAR YANG, PHRA LA SHES DKA' DRANG SRONG CHEN PO'I LAM, ,MI RTOG RTOG YUL MA YIN BLTA BAR DKA', ,RANG BZHIN ZHI ZHING 'GAG MED 'BYUNG BA MED, ,MKHAS GSAL SHES PAS KHONG DU CHUD PA YIN, ,NGO BO NYID MED ZHI ZHING SDUG BSNGAL ZAD, ,RGYUD LAS RNAM GROL MNYAM PAR MYA NGAN 'DAS, ,MTHA' DANG DBUS MED TSIG GIS BRJOD DU MED, ,DUS GSUM GROL BA NAM MKHA' 'DRA ZHING MTSUNGS, , @11A *, ,BDE GSHEGS SPYOD YUL ZHI ZHING NYE BAR ZHE, ,SMRA BA'I LAM RNAMS KUN GYIS BRJOD PAR DKA', ,DE DAG SA DANG SPYOD PA DE 'DRA BAS, ,SMRA BAR DKA' NA BSTAN PAR GA LA NUS, ,DE NI BSAM YAS SEMS LAS RNAM PAR SPANGS, ,YE SHES MNGON BSGRUB RGYAL BA'I SPYOD YUL TE, ,PHUNG PO SKYE MCHED KHAMS KYIS BSKYED PA MIN, ,SEMS KYIS MI SHES YID KYIS RNAM MA BRTAGS, ,JI LTAR BAR SNANG GNAS KYI BYA YI RJES, ,SHIN TU SMRA DKA' BSTAN PAR MI NUS PA, ,DE LTAR GSHEGS SRAS KYI SA RNAMS KYANG, ,YID DANG, SEMS KYI YUL GYIS SHES MI NUS, ,'ON KYANG BYAMS DANG SNYING RJE'I SMON LAM GYIS, ,DE LAS PHYOGS TZAM RIM PA'I TSUL BZHIN DU, ,BSHAD PAR BYA STE SEMS KYI SPYOD YUL MIN, ,YE SHES TSUL GYIS RDZOGS PAR BYA'O, ,DE 'DRA'I SPYOD YUL PHRA ZHING BLTA DKA' BA, , RANG RIG YIN PHYIR BRJOD PAR MI NUS KYANG, ,'ON KYANG BDE BAR GSHEGS PA'I MTHUS BRJOD KYIS, ,SEMS DANG MTHUN PAR NAN TAN GYIS TE NYON, ,ZHES GSUNGS SO, ,DE LTAR BSTAN PA'I DBANG LAS DE BRJOD DU MED PAR BSTAN NA, CI STE RI BONG GI RVA LTAR SHIN TU MED PAS NA BRJOD PAR MI NUS SAM, 'ON TE YOD DU CHUG NA YANG BRJOD PAR MI NUS, DE LA PHYOGS DANG PO LTAR NA NI DE BRJOD DU MED PA YIN YANG RANG RIG PA MA YIN TE, MED PA NI RIG PAR GZHAG PAR MI NUS TE NAM MKHA'I ME TOG LA SOGS PA LTA BU'O, ,DES NA THAL BAR 'GYUR BA DANG, BZLOG NA GNOD PA MED PA'I PHYIR DE NI MA GRUB BO, ,PHYOGS GNYIS LTAR NA YANG MI RIGS TE, GANG YANG BZHIN DU BRJOD DU MI NUS PA NI MI RIGS TE, BUM PA LA SOGS PA YANG BRJOD DU MED PAR 'GYUR BA'I PHYIR DANG, BRJOD DU MED PA'I YOD PA'I THA SNYAD NYID GANG GI TSE SU LAS YID CHES PAR 'GYUR, BLA MA LA SOGS PAS KYANG DE NGES PA SKYED PAR NUS PA MA YIN TE, BRJOD PAR NUS PA MA YIN PA'I PHYIR RO, ,DE'I PHYIR SO SO RANG GIS RIG PA NI MI 'DOD PA NYID DO ZHE NA, CI GLAGS LTA BA 'DI NI DON DAM PA'I SGO NAS SAM, 'ON TE KUN RDZOB KYI SGO CAN NYID @11B NAS 'JUG PAR BYAD, GAL TE DE DON DAM PAR NA NI JI SKAD DU SMRAS PA BZHIN TE, RANG RIG PA PHRA RAB TZAM YANG KHO BO YANG KHAS MI LEN TE, DE LA RIGS PA'I STOBS BCOM STE GNAS PA'I MTHU GA LA ZHIG YOD PAR 'GYUR, CI'I PHYIR ZHE NA, SANGS RGYAS KYIS MKHYEN NAS CHOS RNAMS MA GZIGS PHYIR ZHES KYANG GSUNGS PAS SO, ,'ON TE GLAGS 'DI KUN RDZOB KYI SGO NAS SO ZHE NA, DE NI GLAGS SU MI RUNG STE, DNGOS PO KUN RDZOB PA DAG LAS KHA CIG NI BRTAGS PA TZAM STE, BDAG LA SOGS PA'O, ,KHA CIG NI RDZAS SU YOD LA BSTAN DU RUNG BA STE BUM PA LA SOGS PA'O, ,KHA CIG NI RDZAS SU YOD KYANG RANG RIG PA'I BGO BO BYUNG BA TZAM LAS BSTAN DU MED PA STE, TSOR BA LA SOGS PA'O, ,DE'I PHYIR RANG GIS RIG PA DE NI YOD KYANG BSTAN PAR MI NUS PA'O, ,GAL TE BSTAN PAR MI NUS PA'I RANG RIG PA DE'I DBANG DU BYAS NA GZHAN GYI RGYUD YOD PAR NI MI 'GYUR TE, DE MED NA 'GRO BA'I DON BYA BAR MI 'JUG PAS THEG PA CHEN PO'I THA SNYAD DAG MED DO ZHEN, RANG RIG PA NI MNGON SUM GYIS GRUB PAS SKUR PA MI GDAB CING, RGYUD GZHAN YOD PA NI RJES SU DPAG LAS KYONG DU CHUD PAR BYA BA YIN PAS NA THA SNYAD MI 'JUG GO, ,'DI'I DON NI TSAD MA'I GZHUNG RNAM PA MI BDUN GYIS SHES PAS 'DIR MI DPYAD DO, ,GAL TE RANG RIG PA GRUB NA DE GZHAN RIG PA DANG PHAN TSUN SPANGS PAS 'GAL BA'I NGO BO YIN PAS, BCOM LDAN 'DAS RNAMS RANG RIG PA'I YE SHES DANG LDAN PA NI RNAM PA THAMS CAD MKHYEN PAR MI 'GYUR TE, GZHAN GYI RNAM PA MKHYEN PA'I PHYIR RO, ,DE MKHYEN PA NA NI RANG RIG PA'I YE SHES MI 'GRUB BO ZHE NA, SA BCU PA'I BAR DU NI DE GNYIS JI SKAD SMRAS PA'I 'GAL BA YIN PAS NA, DE DAG LA RNAM PA THAMS CAD MKHYEN PAR MA BRTAGS SHING; RNAL 'BYOR PA RNAMS KYI THA SNYAD NI SEMS CAN GDUL BA'I DBANG MA GTOGS PAR THAMS CAD DU RTOGS PA DANG MTHUN PA KHO NA YIN ZHES SHES PAR BYA BA'I PHYIR NYE BAR BRTAGS NAS BSHAD DE, DE LTA MA YIN NA RNAL 'BYOR BA'I RGYUD LAS SO SO RANG GIS RIG PA'I SKAD CIG MA @12A *, ,RNAMS JI LTAR GZHAN YID CHES PAR BYAD PA'I MTSAN NYID DAG YIN ZHES 'CHAD PAR 'GYUR BA'I DON YANG 'DI NYID DU GTAN LA PHAB PA'O, ,SANGS RGYAS KYI SA LA NI 'GAL BA DE DAG BSAM PAR MI BYA STE, DE NI BSAM GYIS MI KHYAB PAS NA, GRANGS MED PA LA SU ZHIG BGRANG, ,TSAD MED PA LA SU ZHIG 'JAL, ,KHYOD KYI YON TAN GRANGS DANG NI, ,MTHU LA SPOBS PA MA MCHIS SO, ,ZHES BSTOD PA'O, ,YE SHES KYIS ZHES BYA BA NI RANG RIG PA RNAM PAR MI RTOG PA'I YE SHES KYIS SO, ,RNAM PAR MI RTOG PA ZHES BYAS BA 'DI CI ZHIG YIN, GAL TE RANG BZHIN GYIS MI RTOG PA'O ZHE NA, DE LTAR NA KA BA LA SOGS PA BEMS PO RNAMS YE SHES SU 'GYUR TE, 'PHAGS PA LHA'I ZHAL SNGON NAS KYANG, GAL TE YE SHES MI SHES NA, ,SHING NI YE SHES YIN PAR THAL, ,ZHES BSHAD DO, ,'ON TE RTOG PA DANG DPYOD PA LAS 'DAS PAS DER BZHAG NA NI BSAM GTAN GNYIS PA LA SOGS PA YANG DER 'GYUR TE DE DAG LA RTOG PA DANG DPYOD PA MED PA'I PHYIR RO, ,YANG SEMS DANG SEMS LAS BYUNG BA RAB TU ZHI BAS DER BZHAG NA NI 'GOG PA'I SNYOMS PAR 'JUG PA YANG DER 'GYUR RO, ,RKYEN GYIS YUL MI 'DZIN PAS DER BZHAG NA NI RGYAL BA LA SOGS PA YANG DER 'GYUR RO, ,'ON TE MI RTOG PA'O SNYAM SEMS PAS RTOG PA GZHAN MA SKYES PAS DER BZHAG NA NI DE NYID RTOG PAR RED PAS MI RTOG PA GA LA YIN ZHE NA, DE DAG NI 'DIR MI BSAM GYI SO SOR RTOG PA'I SHES RAB KYIS YUN RING POR DNGOS PO RNAMS LA BLTAS PA LAS, DNGOS PO'I CHA SHAS PHRA RAB TZAM YANG MI DMIGS PAR NGES PAR PAGS KYIS BRTAN PAR 'GYUR ZHING, NAM ZHIG NA YUL GANG LA YANG RNAM PAR MI RTOG CING RANG BZHIN GYIS 'OD GSAL BA'I YE SHES KYI SNANG BA RAB 'BYAM TSAD MED PA RANG GIS RIG PA DE SKYE BA NI RNAM PAR MI RTOGS PA'I YE SHES TE, TSUL ROL MTHONG BA RNAMS KYIS CUNG ZAD KYANG MA MYANGS PA NA JI LTAR NA NGES PAR BYED NUS TE, KHYAB DANG DBANG LA SOGS PA MA MYONG, ,DPAG TU MED PAR GNAS PA'I RGYU, ,'JIG RTEN SPYI BOR GYUR PAS KYANG, ,MYONG BAR GYUR BA MA @12B YIN PA; ,YANG DAG BDUD RTZI DAG PA 'DI, ,THUGS RJE DAG PA'I RGYU CAN GYI, ,DE BZHIN GSHEGS PA MA GTOGS PAR, GZHAN GYI LONGS SPYOD MA YIN NO, ,ZHES BSTAN TE, DE BZHIN GSHEGS PA'I RJES SU 'BRANG BA RNAMS KYI NI RIGS SU MYONG BA NYID DO, ,YE SHES 'DI NI RGYU LAS DPAGS TE NGES PAR YOD PAR YID CHES PAR BYA'I, BUM PA LA SOGS PA'I DNGOS PO LTAR GSAL POR GZUNG BAR NI NAM YANG MI NUS PAS NA SLOB DPON GYI ZHAL SNGA NAS KYANG, BSGOM PA'I STOBS GRUB NAS KHA CIG LA NOR BU DANG DNGUL LA SOGS PA'I SHES PA BZHIN DU 'KHRUL PA'I MTSAN MA MTHA' DAG SPANGS PA SGYU MA LTA BU'I BDAG NYID DU SNANG BA'I BLO RNAM RNAM PAR MI RTOG PA SO SO RANG GIS RIG PAR BYA BA CI ZHIG LTAR YANG DAG PAR SKYES NA RNAL 'BYOR BUS SHES BYA'I SGRIB PA YANG DAG PAR SPONG NGO ZHES 'CHAD PA YANG DON 'DIR GTAN LA PHAB PA STE; CI ZHIG LTAR ZHES PA NI BSTAN PAR MI NUS PA'I TSIG NYID DO, ,GAL TE SO SOR RTOG PA'I SHES RAB LA GOMS PA'I RGYU LAS 'BRAS BU RNAM PAR MI RTOG PA'I YE SHES 'BYUNG NA, RGYU NI RNAM PAR RTOG PA NYID YIN LA, DE'I 'BRAS BU DE LAS BZLOG PAS RGYU DANG 'BRAS BU 'GAL BAS NA, YE SHES DE RGYU MA YIN PA LAS BYUNG BAS GANG LAS KYANG DE 'BYUNG BA'AM, RGYU DED PAR LTAR MI 'BYUNG ZHE NA, JI LTAR NA 'DI RGYU MA YIN, SO SOR RTOG PA NA YANG SPROS PA MED PAR MOS PAS ZHUGS LA 'BRAS BU'I SKABS NA YANG SPROS PA MED PA NYID THOB BO, , PHYOGS MA LUS PAS RGYU DANG 'BRAS BU KHYAD PAR MED NA NI RGYU DANG 'BRAS BUR YANG JI LTAR 'GYUR, RGYUS KYANG CI ZHIG BYA STE, PHYOGS 'GA'I RJES SU 'GRO BAS KYANG RGYUR 'DOGS SO, ,GZHAN YANG 'PHAGS PA STUG PO BKOD PA LAS KYANG, RVA LAS LAN TSVAR GYUR PA DANG, ,'DAM BU LAS KYANG SGOG PAR 'GYUR, ,MI GTZANG SRIN BU LA SOGS LAS, ,SBRANG MAR 'GYUR GZHAN MI 'DRA MANG, ,RGYU DANG 'DRA BA'I 'BRAS BUS NI, ,SA RNAMS GANG NA'ANG MI SNANG STE, ,'GYUR BA'I RGYU LAS 'BRAS BU 'BYUNG, ,ZHES GSUNGS LA, TZAN DAN GYI SHING LAS ME BYUNG BA'I DPES MI 'DRA BA'I RGYU @13A *, ,LAS MI 'DRA BA'I 'BRAS BU 'BYUNG BA YANG CHOS RNAMS KYI CHOS NYID BSAM GYIS MI KHYAB PAS KYANG 'DI LA GNOD PA MED DO, ,DE LTAR RANG RIG PA RNAM PAR MI RTOG PA'I YE SHES NI 'THAD PA NYID NA, DE MI RTOG BZHIN DU JI LTAR NA SHES RAB KYI PHA ROL TU PHYIN PA'I YUL CAN GYI RAB TU DANG BA ZHES GZHAG ,DANG BA NI SEMS LAS BYUNG BA DAD PA YIN NO ZHE NA, 'DI'I DON NI SNGAR SMRAS TE, RNAM PAR MI RTOG PA'I YE SHES KYI YUM 'DI NGES PAR BYAS NAS, DE'I RJES LA THOB PAS JI LTAR BZUNG BA LA RAB TU DANG BAR BYED PA STE, MIG GIS MTHONG BA'I GZUGS DAG LA YID KYIS RJES SU CHAGS PA LTA BU'O, ,YANG BA SO SO RANG GIS RIG PA'I YE SHES KYI YUL CAN SHES RAB KYI PHA ROL TU PHYIN PA LA RAB TU DANG BA ZHES GZHAN DU SBYAR BA LA YANG NYES PA MED DO, ,LHAG MA RNAMS NI GO SLA STE, CUNG ZAD DU NA 'DIR PHYAG 'TSAL BA'I DGOS PA NI BDAG NYID DAM PA'I GRANGS SU GTOGS PAR GZHAN GYIS SHES PA STE, DE YANG DGOS PA NI BDAG GIS BRTZAMS PA'I TSIG LE'UR BYAS PA LA GDUL BYA RNAMS 'JUG PA'O ZHES DGONGS NAS PHYAG 'TSAL BA'O, ,GCIG DANG DU MA'I NGO BO NYID DANG BRAL BA ZHES BYA BA LA SOGS PA'I TSAD MAS ZHES PA NI; BDAG DANG GZHAN SMRAS DNGOS 'DI DAG ,YANG DAG DU NA GCIG PA DANG, ,DU MA'I RANG BZHIN BRAL BA'I PHYIR, ,RANG BZHIN MED DE GZUGS BRNYAN BZHIN, ,ZHES PA DANG, DNGOS PO GANG GANG RNAM DPYAD NA, ,DE DANG DE LA GCIG NYID MED, ,GANG LA GCIG NYID YOD MIN PA, , DE LA DU MA NYID KYANG MED, ,GCIG DANG DU MA MA RTOGS PAR, ,RNAM PAR GZHAN DANG LDAN PA YIN, ,DNGOS PO MI RUNG 'DI GNYIS NI, ,PHAN TSUN SPANGS TE GNAS PHYIR RO, ,ZHES BSTAN PA NI GCIG DANG DU MA'I NGO BO NYID DANG BRAL BA ZHES BYA'O, ,SOGS PA ZHES BYA BA NI RDO RJE GZEGS MAR RANG LAS MA YIN GZHAN LAS MIN, ,GNYI GA LAS MIN RGYU MED MIN, ,DNGOS PO GANG DANG GANG LA YANG, ,SKYE BA NAM YANG YOD MA YIN, ,ZHES BYA BA DANG, RTEN CING 'BREL BAR 'BYUNG BA'I RIGS PAR, RKYEN LAS SKYES PA GANG YIN DE MA SKYES, DE LA NGO BO NYID KYIS SKYE BA MED, ,CES @13B BYA BA LA SOGS PA DANG, GZHAN YANG, SKYE MED RAB TU STON NUS PA, ,DU MAS DNGOS PO GCIG MI BYED, ,CES PA LA SOGS PA RNAMS SO, ,TSAD MED ZHES BYA BA NI GDOD MA NAS MA SKYES PA LA YID CHES PAR BYED PA'I RGYU GTAN TSIGS DE DAG NYID 'JAL BAR BYED PAS TSAD MA ZHES KYANG BYA STE, DE BZHIN DU TSUL BZHIN YID LA BYED PA'I DBANG LAS RIGS PA ZHES BSTAN CING BLO DNGOS PO DANG MTHUN PAR SGRUB CING DER 'DREN PA'I NA SGRUB PA DANG 'DREN PA NYID DU BSTAN TO, ,DE YANG DANG PO NYID DU CHOS NYID KYI RIGS PA LA MOS PAR BYA STE, DE NYID LA THE TSOM LA SOGS PA SRID NA RIGS PA GZHAN GYIS DE LA NGES PAR BYA STE, DE NYID LA BRTEN PAR RIGS TE, 'DI NI YID CHES PAR BYED PA LA GTZO BO STE DNGOS PO'I STOBS LAS 'ONGS PA NI SUS KYANG 'GAL BAR BYA BA MA YIN PAS SO, ,DE'I PHYIR BSTOD PAR BYED PA LAS, RNAM GROL NANG NA MI G-YO LTAR, ,RIGS PA'I NANG NA CHOS NYID LTAR, ,SHES RAB NANG NA KUN MKHYEN LTAR, ,KHYOD NI LUS CAN KUN GYI MCHOG ,CES BSTOD PA BRJOD DO, ,GZHI DANG, LAM DANG, RNAM PA ZHES BYA BA NI 'CHAD PAR 'GYUR BA LAS GSAL LO, ,SKYE BA MED PA YONGS SU SHES PA'I DON CAN GYI TSIGS SU BCAD PA'I MTSAN NYID KYI YUM LA GNOD PA MA MTHONG NAS ZHES BYA BA LA, SKYE BA MED PA YONGS SU SHES PA'I DON CAN ZHES BYA BA NI, SKYE BA MED PA YONGS SU SHES PA'I DON LDAN PA NI YUM STE, YUM DE YANG 'DIR TSIGS SU BCAD PA GCIG GIS MTSAN NYID BSTAN PA STE, MTSAN NYID NI NUS PA'I MTSAN NYID GTZO BOR BYAS PA'O, ,DE LTAR YUL SKYE BA MED PA YONGS SU SHES PA DANG LDAN PA SRAS GSUM SKYED PAR NUS PA'I MTSAN NYID 'DI LA SKYE BA YID DO ZHE'AM, SRAS GSUM SKYED PA'I MTSAN NYID DANG MI LDAN NO, ,ZHES RIGS PA 'GAL ZHIG GIS GNOD PA YOD PAR MA MTHONG BA NI, YUM 'DI'I CHOS NYID DE NYID YIN PA'I PHYIR TE, RGYU MTSAN GZHAN GANG GIS KYANG BTZAN THABS SU NI DE LTAR BSGRUB PAR MI NUS PAS SO, ,GNAS ZHES PA NI PHYIR ZHES PA'I DON TO, ,SHES RAB KYI PHA ROL TU PHYIN PA @14A *, ,THAMS CAD MKHYEN PA NYID GSUM GYI BDAG NYID TSUL GSUM PA CAN NI ZHES PA LA, 'DIR SHES RAB KYI PHA ROL TU PHYIN PA ZHES PA NI KHYAD PAR GYI GZHI'O, ,DE'I KHYAD PAR NI THAMS CAD MKHYEN PA NYID GSUM GYI BDAG NYID CES PA SMOS TE, YUM DE YANG KUN RDZOB TU YANG DBYER MED PA'O SNYAM PA DGAG PA'I PHYIR DANG, SRAS GSUM CAR SKYE BAR BSTAN PA'I PHYIR TSIG 'DI SMOS TE, SANGS RGYAS RNAMS DANG RANG SANGS RGYAS, ,NYAN THOS RNAMS KYIS NGES BSTEN PA'I, ,THAR LAM KHYED NYID GCIG PU STE, ,GZHAN ZHES BGYI BA MA MCHIS NGES, , ZHES BSTOD PA DANG, NYAN THOS KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA'O, ,ZHES PA LA SOGS PAS GSUNGS LA, YANG RGYAL BA'I YUM BAR MA LAS KYANG, SHES RAB KYI PHA ROL TU PHYIN PA 'DI LAS NI THEG PA GSUM PO NYAN THOS KYI THEG PA DANG, RANG SANGS RGYAS KYI THEG PA DANG, YANG DAG PAR RDZOGS PA'I SANGS RGYAS KYI THEG PA RNAMS RGYA CHER BSTAN TO ZHES GSUNGS SO, ,DE LTAR NA YUM 'DI NI NYAN THOS DANG RANG SANGS RGYAS RNAMS BSKYED PAS GANG ZAG LA BDAG MED PA TZAM ZHIG YIN LA, BYANG CHUB SEMS DPA' DANG, SANGS RGYAS RJES BTZUN RNAMS BSKYED PAS GANG ZAG DANG CHOS LA BDAG MED PA NYID YIN LA, DE NI 'PHAGS PA DAM PA'I CHOS DRAN PA NYE BAR GZHAG PA LA SOGS PA DANG, 'PHAGS PA SDONG PO BKOD PA LA SOGS PA LAS KYANG BSTAN PAS, BSTAN PA 'DI LA YANG DON LHAG MA MED LA YUM 'DI LA YANG RANG RANG GI RTOGS PA LAS LHAG PA'I RMAD DU BYUNG BA CI ZHIG YOD SNYAM NA, DE BSAL BA'I PHYIR TSUL GSUM PA CAN NI ZHES BYA BA SMOS TE, 'DIR DON NI YUM LA THAMS CAD MKHYEN PA NYID GSUM DU PHYE BA NI RANG BZHIN GSUM DU PHYE BA MA YIN TE DBYE BAR MI NUS PA'I PHYIR RO, ,'ON CI ZHEN, GDUL BYA'I BSAM PA'I DBANG GIS SRAS GSUM GYI YUM GYI YUM YIN NO ZHES BSTAN GYI, RNAM PAR NGES PA'I DBANG DU BYAS PA'I TSE NI SANGS RGYAS RJE BTZUN KHO NA'I YUM YIN GYI, NYAN THOS DANG RANG SANGS RGYAS G-YUNG PO LA SOGS PA LTA BU NI @14B BUD MED RIN PO CHE LTA BU'I YUM 'DIS GA LA SKYED, DE'I PHYIR 'DI'I MTHU CHE BA NI 'GRO BA NA LUS PA SANGS RGYAS BCOM LDAN 'DAS CHOS KYI RGYAL PO KHO NAR BSGRUBS PAS NA RAB TU MTSAR DU BYA'O, ,YUM GYI MTHU'I KHYAD PAR DE NYID STON PA'I GZHUNG DAG KYANG GZHUNG GZHAN PAS MCHOG NYID DO, ,'PHAGS PA DAM PA'I CHOS DRAN PA NYE BAR GZHAG PA LA SOGS PA DE DAG LAS NI 'DOD CHAGS DANG BRAL BA'I 'JUG PA'I RIM PA LA SOGS PA TZAM ZHIG GTZOR BSTAN PAS GZHUNG PHYOGS GCIG PA'O, ,'PHAGS PA SDONG PO BKOD PA LA SOGS PA DE DAG TU YANG THEG PA CHEN PO'I BYA BA'I TSUL DANG, 'BRAS BU LA SOGS PA GTZOR BSTAN GYI, NYAN THOS DANG RANG SANGS RGYAS RNAMS KYI LAM DANG 'BRAS BU NI MA BSTAN TO, ,DE'I PHYIR DE DAG KYANG GZHUNG PHYOGS GCIG PA'O, ,RGYAL BA'I YUM 'DRI NI RIGS CAN THAMS CAD KYI BSTAN PA BSGAGS PAS NA GZHUNG CHEN PO SHIN TU RGYAS PA'I SDE YIN TE, DON 'DI NYID LA BRTEN TE, GANG YANG DAG PAR SKYON MED PA LA ZHUGS PA DE DAG NI BLA NA MED PA YANG DAG PAR RDZOGS PA'I BYANG CHUB TU SEMS SKYED PA'I MTHU MED DE, DE CI'I PHYIR ZHE NA, DE DAG GIS 'KHOR BA'I RGYUN GYI MTSAMS BCAD PA'I PHYIR TE, 'ON KYANG DE DAG GAL TE BLA NA MED PA YANG DAG PAR RDZOGS PA'I BYANG CHUB TU SEMS BSKYED NA DE DAG LA YANG RJES SU YI RANG NGO, ,KHYAD PAR DU 'PHAGS PA'I CHOS RNAMS LAS KHYAD PAR DU 'PHAGS PA'I CHOS RNAMS 'THOB PAR 'GYUR BA DE DAG GI DGE BA'I PHYOGS LA KHO BO NI BAR CHAD MI BYED DO ZHES GSUNGS LA, SLOB DPON NYID KYI ZHAL SNGA NAS KYANG 'CHAD PAR 'GYUR BA LAS DE'I DON BSTAN PA, THEG PA GSUM RNAM PAR GZHAG PA NI DGONGS PA CAN YIN GYI MTSAN NYID BA NI MA YIN NO, ,ZHES LUGS LAS 'BYUNG BAS, SKYE BO THAMS CAD BLA NA MED PA YANG DAG PAR RDZOGS PA'I BYANG CHUB KYI MTHAR THUG PA YIN TE, DE'I PHYIR 'DOD CHAGS DANG BRAL BA DANG CIG SHOS KYI RNAL 'BYOR BAS KYANG SANGS RGYAS NYID THOB PAR BYA BA'I PHYI LAM SHES PA NYI BSGOM PAR BYA BA YIN PAS KHYAB PA YIN NO ZHES BSTAN PA YANG 'DI NYID DU GTAN @15A *, ,LA PHAB PA YIN LA, 'CHAD PAR BYED PA LAS DE LTA NA PHYAG 'TSAL BA DANG, BSTOD PA SNGON DU 'GRO BA'I BSTAN BCOS MNGON PAR RTOGS PA'I RGYAN ZHES BYA BA LA SOGS PA RGAL BA DANG LAN RNAMS KYANG 'DI NYID DU GTAN LA PHAB PAR SHES PAR BYA'O, ,DE'I PHYIR TSUL ZHES PA'I SGRA NI RANG BZHIN GCIG KHO NA LAS MED PAR RKYEN GZHAN KHA CIG GIS DU MAR SNANG BA'I DU MA NYID JI SNYED PA NI 'DIR TSUL GYI SGRAS BSTAN PA STE YUM 'DI LA THAMS CAD MKHYEN PA NYID GSUM DU PHYE BA YANG RANG BZHIN PHYE BA NI MA YIN TE, 'JIG RTEN MGON PAS THUGS RJE YIS, ,LUS CAN RNAMS LA BSTAN SLAD DU, ,THA SNYAD MNGON DU MDZAD NAS NI, ,KHYOD NI BSTAN CING BSTAN MA LAGS, ,ZHES SLOB DPON GYI ZHAL SNGA NAS RNAM PAR MI RTOG PAR BSTOD PA LAS BSTAN TO, ,DE LTAR NA DU MAR SNANG BA GCIG NYID DU BSGRUB PA NI TSUL GSUM PA CAN NI ZHES BYA BA YIN LA, GCIG DU MAR STON PA'I MTHU DANG LDAN PAR BRJOD PA NI THAMS CAD MKHYEN PA NYID GSUM GYI BDAG NYID CES SMOS PAS SO, ,DE LTA BU'I MTHU'I NGO BO DE SU'I SNYAM PA LA, SHES RAB KYI PHA ROL TU PHYIN PA ZHES SMOS PA STE, DON GYI GO RIMS NI DE LTAR BA LTA BAR BYA'O, ,RGYU'I GTZO BO ZHES PA NI BYED PA'I RGYU NYID DO, ,DE LA THAMS CAD MKHYEN PA NYID GSUM GYIS NI DON BRGYAD BSDU LA, DE NI SHES RAB KYI PHA ROL TU PHYIN PA YIN NO, ,DES KYANG 'CHAD PAR 'GYUR BA'I TSUL GYIS DON THAMS CAD PHUN SUM TSOGS PA YIN NO ZHES DE LTAR THUGS LA BZHAG NAS ZHES BYA BA LA, DNGOS PO BRGYAD DU RNAM PAR PHYE BA DE DAG NI DNGOS KYI TSUL DU DPYAD NA RNAM PA THAMS CAD MKHYEN PA NYID KYI SKABS ZHES GCIG KHO NAR GDAGS PAR RIGS TE, DE CI'I PHYIR ZHE NA, SNGAR BSTAN PA'I RIGS PAS LAM THAMS CAD NI 'BRAS BU RNAM PA THAMS CAD MKHYEN PA NYID GCIG PU BRGYUD PA'AM, DNGOS SU BSGRUB PA'I PHYIR RO, ,DE BAS NA SLOB DPON GYI ZHAL SNGA NAS 'CHAD PAR 'GYUR BA LAS RNAM PA THAMS CAD MKHYEN PA NYID NI SANGS RGYAS NYID KYI LAM STE MNGON PAR RTOGS PA THAMS CAD NYE BAR MTSON PA @15B LHUR LEN PA YIN NO, ,ZHES SMOS PA YANG 'DIR BSTAN PAS CHOG GO, ,'ON KYANG DMAN PA LA MOS PA KHA CIG NI 'TSANG RGYA BAR NGES KYANG BDAG NI BYANG CHUB CHEN PO'I SNOD MA YIN NO ZHES BDAG LA RNAM PAR SMAD NAS SPYAD PA SPYOD LA KHA CIG NI 'TSANG RGYA BA'I PHYIR SPYAD PA SPYOD KYANG 'BRAS BU MA THOB PAS LAM LA GNAS PA YIN LA, KHA CIG NI YUN RING PO NAS BZHED PA'I DON YONGS SU GRUB PAS, CHOS KYI RGYAL PO SRID PA GSUM GYI BDAG POR DBANG BRNYES PA NYID DE, DE LTAR THAMS CAD GSUM DU BSDUS PAS NA SKABS BRGYAD DU PHYE BA YANG SKABS GSUM DU BSDU BAR SHES PAR BYA BA'I PHYIR, DE LA THAMS CAD MKHYEN PA NYID GSUM GYI DON BRGYAD BSDUS LA DE NI SHES RAB KYI PHA ROL TU PHYIN PA YIN TE ZHES BYA BA SMOS SO, ,DE LTAR NA SKABS GCIG CE'AM, GSUM ZHES MI BZHAG PAR DNGOS PO BRGYAD NYID SKABS BRGYAD KYIS BRJOD PAR BYA BA RNAM PAR PHYE BA 'DI CI LA DGONGS SHE NA, ,DON 'DI NI 'OG NAS STON PAR 'GYUR BAS 'DIR MI BSAM MO, ,DA NI DNGOS PO BRGYAD THAMS CAD MKHYEN PA NYID GSUM DU JI LTAR BSDU BA CUNG ZHIG 'DIR BRJOD DE, DANG PO RE ZHIG GANG ZAG DBANG PO RTUL PO RIM GYIS SANGS RGYAS NYI THOB PA'I RIM PAS DANG POR NYAN THOS KYI 'BRAS BU'I DBANG DU BYAS TE, RNAM PA THAMS CAD MNGON PAR RDZOGS PAR RTOGS PA'I RNAM PAR THAMS CAD MKHYEN PA'I RNAM PA'I DBANG DU BYAS TE, BYANG CHUB KYI PHYOGS KYI CHOS SUM CU RTZA BDUN LAM BDUN DU BSDUS PA 'DI NYID GZHIR BSTAN TO, ,DE NAS DE LA RNAM PA JI SNYAD CIG YOD CES RTOG PA LA, MTHONG BA'I LAM GTZOR BYAS TE, RANG GI RNAM PA BCU DRUG MED PA NAS 'DUL BA MED PA'I BAR DU SHES PAR BYA'O, ,DE'I MTSAN NYID JI LTA BU ZHES RTOG PA LA NI MTSAN NYID NYI SHU BA BSTAN PA'O, ,DE DAG GI SBYOR BA'I LAM GANG ZHE NA ZHES RTOG PA LA NI, 'PHAGS PA NYAN THOS LAM LA NI, ,ZHES PA LA SOGS PA DANG, GZUGS SOGS DE MI RTAG SOGS DANG, ,ZHES PA LA SOGS PA GSUNGS SO, ,SBYOR BA'I LAM LAS NI MTHONG BA'I LAM 'BYUNG BAS NA, SKABS GNYIS PA DANG GSUM PAR MTHONG BA'I LAM RNAM @16A *, ,PA DANG BCAS PAR BSTAN TO, ,'BRAS BU NI 'DIR MA BSTAN TE GO SLA BAS SAM, RANG GI GZHUNG LA LTOS PAS SAM, DON GZHAN YIN YANG GDAMS NGAG GI SKABS SU, DBANG PO RTUL DANG RNON PO DAG ,CES BYA BA LA SOGS PAS THUN MONG DU BSTAN DU RUNG BA'O, , THAMS CAD SHES PAS BSDUS PA RANG SANGS RGYAS RNAMS KYI DBANG DU BYAS TE, SKABS GNYIS PA LAS SBYOR BA'I LAM DANG, MTHONG BA'I LAM DAG KHYAD PAR DANG BCAS PAR BSTAN LA, SKABS BZHI PA LAS DE DAG GI BSGOM PA'I LAM RNAM PA'I SGO NAS BSTAN TE, RANG SANGS RGYAS KYI DBANG DU BYAS TE, DE NI DE TZAM DU ZAD DO, ,DE'I PHYIR SKABS DANG PO DANG, LNGA PA DANG DRUG PA DANG, BDUN PA DANG, BRGYAD PA LAS NI THAMS CAD SHES PA BSDUS PA'O, ,'BREL BA MA BSTAN TE SKABS GNYIS PA DANG, GSUM PA DANG, BZHI PA DAG LAS BSDUS PA'O, YON TSAN DANG SKYON DAG LA MI SBYOR TE, GTZOR MA BYAS PA'I PHYIR RO, ,THAMS CAD SHES PA'I SKABS BSDUS PA'O, ,LAM SHES PA'I DBANG DU BYAS TE, NYAN THOS DANG RANG SANGS RGYAS TE, DE DAG ZHI BA'I DBYINGS NAS LANGS TE, LAM MCHOG SHES PAR BYED PA NI SKABS DANG PO NAS BSTAN PA'I SEMS BSKYED PA THOG MA DANG, GNYIS PA DANG, GSUM PA DANG POR BYAS TE, GDAMS NGAG LA BRTEN NAS TSOGS KYI LAM PHAL PA SBYANGS NAS, SKABS BZHI PA LAS BSTAN PA'I THAR PA'I CHA DANG MTHUN PA BSKYED DE, SKABS DANG PO NAS JI LTAR BSTAN PA'I NGES PAR 'BYED PA'I CHA DANG MTHUN PA DANG, GO CHA DANG, SKABS BZHI PA DANG, LNGA PA LAS BSTAN PA'I SBYOR BA'I LAM SBYANGS TE, DE DAG GI RTAGS THOB PAR BYAS NAS, YANG DE YAN CHAD RIGS LA GNAS SHING 'JUG PA DANG, RANG GI SKABS NAS BSTAN PA DANG, SKABS LNGA PA'I MTHONG BA'I LAM GYI RNAM PAR RTOG PA DAG SPANGS NAS, YANG RANG GI SKABS KYI BSGOM PA'I LAM DANG, TSOGS DANG, SKABS LNGA PA LAS JI LTAR BSTAN PA'I RNAM PAR RTOG PA RNAMS SPANGS TE, LAM DE GNYIS RANG RANG GI RNAM PA DANG, MTSAN NYID DANG, @16B RTAGS DANG BCAS PAR SBYANGS NAS, YANG SKABS DRUG PA YONGS SU SBYANGS TE, DE NAS BSGOM PA'I LAM KHYAD PAR CAN SKABS LNGA PA LAS JI SKAD BSTAN PA GTZOR GYUR PA SKABS BDUN PAS DNGOS PO KHO NAR BSTAN PA RNAM PA DANG BCAS SHING NGES PAR 'BYUNG BA'I SGRUB PA'I NGO BO CAN RDZOGS PAR BYED DE, LAM DE DAG THABS CAD LA YANG SEMS BSKYED PA DANG, RIGS DANG, GDAMS NGAG DANG, DMIGS PA DANG, CHED DU BYA BA DANG, YON TAN DANG, SKYON DAG NI THUN MONG DU CI RIGS PAR SBYAR TE, 'DI NI SKABS BRGYAD LAS LAM SHES PA NYID KYI SKABS BSDUS PA'O, ,DA NI SNGAR RNAM PA THAMS CAD MKHYEN PA NYID NI MNGON PAR RTOGS PA THAMS CAD NYE BAR MTSON PA LHUR LEN PA STE ZHES SMOS PA DANG, SKABS BRGYAD PA LAS RNAM PA THAMS CAD MKHYEN PA'I SKABS PHYOGS GCIG TU BSDU BA CIG CAR BSTAN TE, RE ZHIG RNAM PA THAMS CAD MKHYEN PA DE NI RGYU LAM LTOS PAR 'THOB PA MED PAS DE'I RGYU BSTAN PA LAM THAMS CAD BSDUS PA BYANG CHUB KYI SEMS BCU DGU RGYU'I NGO BOR BSTAN TO, ,DE YANG GDAMS NGAG GIS SMIN PAR BYA BA BYED PAS GDAMS NGAG BSTAN TO, DE YANG GDAMS NGAG GIS LEGS PAR ZIN PA NI NGES PAR 'BYED PA'I CHA DANG MTHUN PA YIN PAS DE BSTAN TO, ,NGES PAR 'GYED PA'I CHA DANG MTHUN PA RIGS LA GNAS PA YIN PAS RIGS KYI DBYE BA BSTAN TO, ,RIGS LA GNAS PA RNAMS LA NI DMIGS PA DANG CHED DU BYA BA BSTAN TO, ,YANG SLAR THABS GZHAN GYIS SBYOR BA'I LAM GO CHA'I SGRUB PA BSTAN TO, ,YANG SNGAR MTHONG BA DANG, BSGOM PA DANG, KHYAD PAR GYI LAM GYI NGO BOR 'JUG PA DANG, TSOGS DANG NGES PAR 'BYUNG BA'I SGRUB PA RNAMS BSTAN TO, ,DE'I 'BRAS BU NI SEMS BSKYED PA THA MA GSUM DANG, SKABS BRGYAD PA RIL GYIS BSTAN CING, SKABS DRUG PA NI 'BRAS BU 'THOB PAR BYA BA LA RAB TU 'DRIS PAR BYED PAS LAM SPYIR SBYAR TE, DE LTAR NA KHA CIG NI RNAM PA THAMS CAD MKHYEN PA'I RGYU'O, ,KHA CIG NI SKABS BDUN PA NAS BSTAN PA'I RNAM PA DANG @17A *, ,MTSAN NYID DO, ,KHA CIG NI NGO BO DANG, DBYE BA DANG, PHRIN LAS SO, ,KHA CIG NI 'BRAS BU GZHAN PAS KHYAD PAR DU BSTAN PA STE, DE'I PHYIR RNAM PA THAMS CAD MKHYEN PA'I SKABS KHO NAR SKABS THAMS CAD 'DUS PAS NA 'OG NAS 'CHAD PA LAS KYANG, RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ZHES LAM GCIG PU KHO NA 'BRAS BU DANG BCAS PAR BSTAN TO, ,'DI NI RNAM PA THAMS CAD MKHYEN PA'I SKABS SU SKABS THAMS CAD RAB TU BSDUS PA'I TSUL LO, ,DA NI ZHAR LA BSTAN PA NI NGO BOR SKABS KYI BSDU BA GZHAN BSTAN TE, RE ZHIG SKABS DANG PO GSUM NI THOS PA DANG, BSAM PA'I SHES RAB KYI SKABS MA LUS PAR SKABS DE DAG TU DRANGS TE BYANG BAR BYA BA STE DANG PO'O, ,SKABS BZHI PAR NI JI LTAR 'DRIS PA'I SKABS GSUM DU BSDUS PA RNAMS BSGOM PA'I SHES RAB KYIS GOMS PAR BYA BA STE GNYIS PA'O, ,SKABS LNGA PA NI BSGOM PA CUNG ZAD GRUB PAS BSTAN PA STE GSUM PA'O, ,YANG SKABS DRUG PA NI SHIN TU RING DU 'DRIS PAR BYED PA STE BZHI PA'O, ,DE BZHIN DU SKABS BDUN PA NI YUN RING DU 'DRIS PA'I DBANG GIS LHUN GYIS GRUB PAR SKAD CIG GIS SDUD PAR MTHAR GYUR PA STE LNGA PA'O, ,BRGYAD PA NI 'BRAS BU STE DRUG PA'O, ,'DI NI 'CHAD PAR 'GYUR BA LAS, ,MTSAN NYID DE YI SBYOR BA DANG, ,DE RAB DE YI GO RI MAS DANG, ,DE MTHA' DE YI RNAM SMIN NI, ,DON BSDUS GZHAN TE RNAM PA DRUG ,CES BSTAN PA NYID DRANG PA'O, ,YANG SKABS DANG PO GSUM NI CIR SHES PAR BYA BA YUL TZAM STE, THOS PA DANG BSAM PA DAG GIS SKABS MTHA' DAG DER BSRES PA'I TSUL GYIS 'DRIS PAR BYA BA YIN NO, ,SKABS LHAG MA BZHI NI LEGS PAR BSGOMS PAS RNAL 'BYOR DU BYA BA YIN TE, DE BZHIN DU SKABS THA MA NI 'BRAS BU YIN PAS MDOR BSDUS PA'I DBANG GI SKABS GSUM NYID DO, ,DE'I PHYIR, YUL GYI RGYU NI GSUM DAG DANG, ,SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,MDOR BSDUS GZHAN TE RNAM PA GSUM, , @17B ZHES STON PA'I DON NYID 'DIR BRJOD PA'O, ,DE BZHIN DU RNAM PA THAMS CAD MKHYEN PA LA SOGS PA GSUM NI LAS DANG PO PA'I SA NAS BRTZAMS TE, MTHONG BA'I LAM DANG, BSGOM PA'I LAM GYI BAR DU RIM PAR SKYE BA 'JIG RTEN DANG 'JIG RTEN LAS 'DAS PA'I DBANG DU BYAS LA, RNAM PA KUN MNGON PAR RDZOGS PAR RTOGS PA LA SOGS PA RNAMS NI, LAM BDEN PA MTHONG BA NAS YANG BSGOM PA'I LAM GYI GNAS SKABS NA SNGAR JI LTAR MTHONG BA RNAMS LA SLAR YAR 'DRIS PAR BYED PAS NA, 'JIG RTEN LAS 'DAS PA'I DBANG DU BYAS PA YIN TE; DE'I PHYIR 'CHAD PAR BYED PA LAS RNAM PA DANG, LAM DANG, GZHI THAMS CAD RNAM PAR BSGOM PA'I DBYE BAS GO RIMS BZHIN DU RNAM PA THAMS CAD MKHYEN PA NYID LA SOGS PA MNGON PAR RTOGS PA RNAM PA GSUM LA 'JIG RTEN PA'I NGES PAR 'BYED PA'I CHA RTOGS PA SNGON DU 'GRO BAR 'JIG RTEN LAS 'DAS PA'I MTHONG BA'I LAM DANG, BSGOM PA'I LAM RTOGS PA YIN LA, RNAM PA KUN MNGON PAR RDZOGS PAR RTOGS PA LA SOGS PA MNGON PAR RTOGS PA RNAM PA GSUM LA NI, ,BSGOM PA GONG NAS GONG DU GNAS SKABS KYI KHYAD PAR GYIS RNAM PA THAMS CAD DU KHYAD PAR GYI LAM GYIS BSDUS PA'I YE SHES ZAG PA MED PA CHUNG NGU DANG 'BRING DANG CHEN PO'I RIM GYIS SKYE BA YIN PAS CIG CAR SKYE BA DGAG PA'I PHYIR, NGES PAR 'BYED PA'I CHA LA SOGS PA'I BSTAN PA GSUNGS PA YIN NO, ,ZHES BYA BA SMOS TE, NGES PAR 'BYED PA'I CHA DANG MTHUN PA YANG NYE BAR MTSON PA STE, DRAN PA NYE BAR GZHAG PA LA SOGS PA YANG NGES PAR 'DRIS PAR SLAR BYED PA'I PHYIR RO, ,DE BAS NA 'CHAD PAR BYED PA LAS, NGES 'BYED YAN LAG DANG MTHONG BA'I, ,LAM DANG BSGOM PA'I LAM DAG LA, ,YANG DANG YANG DU SEMS PA DANG; ,'JAL DANG NGES RTOG BSGOM PA'I LAM, ,ZHES BSTAN PA YANG DRAN PA NYE BAR GZHAG PA LA SOGS PA YANG BSDUS PAR RIG PAR BYA'O, ,DE LTAR BSTAN PAS KYANG SKABS GSUM STE, SLOB PA'I SKABS DANG, BSLAB PA BSTAN PAR BYED PA'I SKABS DANG, BSTAN PAR GYUR PA @18A *, ,'BRAS BU'I SKABS SO, ,'O NA SKABS GCIG KHO NA DANG, GSUM DANG, DRUG TU YANG BSTAN LA DON GYI DBANG GIS NA SKABS GNYIS KYANG YIN PAR NGES TE, 'DI LTAR RGYU'I SKABS DANG, 'BRAS BU'I SKABS SO, ,DE LTAR NGES PAR BYA NUS BZHIN DU 'PHAGS PA BYAMS PA'I ZHAL SNGA NAS CI'I PHYIR SKABS BRGYAD LA SOGS PA DES PAR BSTAN CE NA, DON 'DI YANG 'OG NAS 'CHAD PAR 'GYUR RO, ,DE LTAR NA SKABS KYI DON PHAL CHER 'DIR BSHAD PA NI, THAMS CAD MKHYEN PA NYID GSUM GYIS DON BRGYAD BSDUS ZHES BSTAN PA'I SKABS 'DIR CIG CAR KHO NAR BSTAN PA STE, GZUNG BA LA TSOGS MED PAR BYA BA'I PHYIR RO, ,'DIR SKABS JI SNYED DU BSTAN KYANG 'JUG PAR BYED PA RNAMS KYIS NI RGYU MTHA' DAG PHYOGS GCIG TU SHES PAR BYA BA DANG, DE'I 'BRAS BU GANG YIN PA'ANG SHES BAR BYA BA GNYIS KHO NAR NGES TE, DON 'DI'I TSUL YANG 'OG NAS MDOR 'CHAD PAS 'DIR MI BSAM STE, 'ON KYANG SKABS KYI DON GYIS BLO RNAM PAR 'KHRUGS PAR MI BYA'I, RIM GYIS 'BREL PAS YID DGE BAR GNAS PA LA NI BDE BA THOB PAR BYA'O, ,RNAM PAR THAR PA CHUNG ZAD TZAM ZHIG GIS LHAG PA'I ZHES BYA BA NI, RANG SANGS RGYAS 'DI DAG NI SNOD KYI 'JIG RTEN RNAMS 'JIG PA DANG CHAGS PA'I DBANG GIS RTOGS PAR SLA BA DANG, SEMS CAN GYI 'JIG RTEN PA'I YANG LUS NI RAB TU 'JIG PAS BDAG MED PAR RTOGS PAS NA CHOS LA BDAG MED PA'I PHYOGS GCIG KHONG DU CHUD PAS RTOGS PA LHAG PA STE, DE'I DBANG DU BYAS TE, GZUNG BA'I RTOGS PA NYAMS PHYIR DANG, ,'DZIN PA MA SPANGS PHYIR DANG NI, ,RTEN GYIS BSE RU LTA BU'I LAM, ,ZAB PA NYID DU MNGON PAR BRJOD, ,CES BSTAN TO, ,'PHAGS PA RNAM PAR 'JIGS SU RUNG BA LUNG BSTAN PA'I MDO LAS RANG SANGS RGYAS RNAMS KYI RTOGS PA GANG ZHE NA, 'DI LTAR DE DAG GIS NI CHOS KYI DBYINGS MTHA' DANG DBUS MED PA BDAG MED PAR RTOGS SO ZHES GSUNGS PA YANG, CHOS KYI DBYINGS DANG MNYAM PA'I GZUNG BA'I GZUGS KYI PHUNG PO LAS BDAG MED PAR RTOGS PA STE, 'DZIN PA'I @18B PHUNG PO LHAG MA BZHI LA NI MA YIN TE, 'KHOR BA RNAMS SU NI RGYUN RAB TU RTAG PAS BDAG MED CES DA DAG GIS YE SHES NI 'JIG PA'O, ,PHUNG PO LHAG MA DANG BCAS PA ZHES PA NI PHUNG PO NYID LHAG MA STE, 'JIG RTEN DAG NA YANG ZAD DU NYE BA'I DNGOS PO THA MA LA LHAG MA ZHES GRAGS SO; ,DE DANG BCAS PA NI 'PHAGS PA DE DAG GIS DE MA SPANGS PA'O, ,DE NAS GANG GI TSE 'PHAGS PA DE DAG GIS PHUNG PO'I KHUR BOR BA DE'I TSE NI PHUNG PO'I LHAG MA MED PA STE MDO LAS BDAG GI KHUR BOR BA'O, ,ZHES GSUNGS PA YANG LEGS PAR BOR BA YANG 'DI NYID DO, ,GLEGS BAM LA LA LAS NI LHAG MA'I SGRA MI SMOS SO, ,JI SKAD DU BSTAN PA'I MTSAN NYID KYIS MYA NGAN LAS 'DAS PA NI LAS DANG NYON MONGS PA'I 'BRAS BU'I ME ZHI BAS NA MYA NGAN LAS 'DAS PA STE, B'A PA T'A PA ZHES SKAD KYI BYINGS LAS 'DON PAS SO, ,'DIR PHYI ROL GYI DON DU SMRA BA DANG, SHES BYA NANG GI NYID DU 'DOD PA DAG GIS NI SLAR SRID PA'I SA BON MED PAS DE DAG GA LA ZHIG SKYE STE, LUS ZHIG TSOR BA BSIL BAR GYUR, ,'DU SHES 'GAGS SHING 'DU BYED ZHI, ,RNAM PAR SHES PA NUB GYUR PA, ,'DI 'DRA 'DI NI SDUG BSNGAL MTHA', ,ZHES PA LA SOGS PA YANG BRJOD DO, , DE DGAG PA NI 'PHAGS PA LANG KA RA GSHEGS PA DANG, DPAL PHRENG SENG GE'I NGA RO'I MDO LA SOGS PA LAS RGYAS PAR BSTAN CING, RGYAL BA SKYED MA LAS KYANG SNGAR BSTAN TE, DNGOS PO RNAMS NI CHOS NYID KHO NAS KHA CIG SKYE ZHING SLAR SHIN TU RGYUN CHAD PA'I BYE BRAG DAG SNANG STE, MAR ME LA SOGS PA'O, ,KHA CIG NI NAM YANG MI SKYE ZHING DE NYID KYIS 'GAG PA MED PA'I MING TZAM PA STE, NAM MKHA'I ME TOG LA SOGS PA'O, ,KHA CIG NI SKYE BA LA SOGS PA DMIGS PA GTAN MED PAR YANG MI 'GYUR BA STE, 'GRO BA'I SEMS KYI KHYAD PAR RO, ,DE'I PHYIR MA BRTAGS PA TZAM GYIS DGA' BAR BYED CING BRTAGS PA NA CHU SHING GI SNYING PO LTAR MED PA NYID KYI SEMS DANG, DE YONGS SU DAG PA'I YE SHES KYI SGYU MA TZAM 'DI NI NAM YANG MED PAR MI 'GYUR LA, DE YANG DMIGS PA'I RKYEN LA SOGS PA MED PAR NI MI RUNG BAS NA DE DAG GIS LEGS @19A *, ,PAR MA SMRAS PA NYID DO, ,DE BAS NA 'KHOR BA JI SRID PAR 'GRO BA'I DON BYED PA'I BYANG CHUB SEMS DPA' RNAMS ZHES BYA BA SMOS TE, KHA CIG LOG PAR LTA BA KHO NAS SANGS RGYAS BCOM LDAN 'DAS RNAMS KYI YE SHES KYANG MING TZAM DU ZAD DE, BAR CHAD MED PA'I RING NGE 'DZIN GYI RJES LA YE SHES NI DNGOS SU MED CING DE BZHIN NYID RNAM PAR DAG PA TZAM DU GYUR TO ZHES SMRA BA'ANG 'DIS BSAL TO, ,JI LTA ZHE NA, DE BZHIN NYID RNAM PAR DAG PA CES BYA BA NI CHOS CAN YE SHES RNAM PAR DAG PA'I DBANG GIS DE DANG THA MI DAD CING DE NYID KYANG MA YIN PA'I DE BZHIN NYID DE DAG GO, ,ZHES KUN RDZOB NYE BAR BZUNG STE, BRJOD PA LTA ZHIG NA, LOG PA'I LTA BA'I MTSON GYIS YE SHES RAB TU BCAD PA KHYED KYI DE BZHIN NYID DE DAG PAR GANG GIS GZHAG ,GAL TE CHOS CAN LA MA BRTEN PA'I DE BZHIN NYID YOD PAR GYUR NA GO JI LTAR 'PHAGS PA DGONGS PA NGES PAR 'GREL PA LAS GAL TE DON DAM PA'I BDEN PA KUN RDZOB KYI BDEN PA LAS GZHAN YIN NA, DE'I TSE DON DAM PA CHOS RNAMS KYI SPYI'I MTSAN NYID DU MI 'GYUR ZHING, DON DAM PA DE MTHONG BAS RNAL 'BYOR PA RNAMS KYI NYON MONGS PA SPONGS PAR YANG MI 'GYUR TE ZHES BYA BA LA SOGS PA GSUNGS PA'I GLAGS SU YANG NGES PAR 'GYUR RO, ,GZHAN YANG GAL TE DE BZHIN NYID DAG PA STE 'GRO BA RNAMS KYI DE BZHIN NYID RNAM PAR MA DAG PA DANG THA DAD NA NI CHOS KYI DBYINGS CHA SHAS GNYIS SU JI LTAR MI 'GYUR, GAL TE THA MI DAD NA DE'I TSE MNGON PAR BYANG CHUB PAR GYUR KYANG 'GRO BA PHAL PA LAS JI LTAR DE 'PHAGS, GZHAN YANG, NYON MONGS ZAD PA'I DGE SLONG GIS, ,'KHOR BA GAL TE RNAM LDOG NA, ,RDZOGS PA'I SANGS RGYAS RNAMS KYIS KYANG, CI'I PHYIR DE YI RTZOM MI BSHAD, RTZOM PA YOD NA NGES PAR YANG, LTA BAR 'GYUR BA YONGS SU 'DZIN, ZHES BSTAN PA'I GLAGS KYANG NGE PAR GNAS TE, DE'I PHYIR BDAG DANG GZHAN PHUNG BAR BYED PA'I THABS SU GYUR PA LTA BA NGAN PA'I DGON PA CHEN PO 'DI LTA BU NI MKHAS PA DE DAG GIS MNYAN PA'I YUL DU YANG MI 'OS PAR SPANG NGO, ,SPYOD PA'I GNYEN @19B POR ZHES BYA BA NI 'DOD CHAGS LA SPYOD PA LA SOGS PA'I RTZA BA'I SPYOD PA BZHI DANG, RE RE'I YANG PHYE BAS BRGYAD KHRI BZHI STONG RNAMS SO, ,DE DAG GI GNYEN POR GYUR PA NI THUB PA CHEN PO'I CHOS KYI 'KHOR LO MA LUS PA STE CHOS NI BSTAN PA'I CHOS GTZO BOR BYAS PA'O, ,'KHOR LO NI GDUL BYA'I RGYUD LA 'PHO BAR SNANG BAS NA'AM, TSOGS KYI DON GYI PHYIR 'KHOR LO STE SGRA'I DON NI DE DAG DANG NYE BA'I PHYIR RO, ,MA LUS PA NI CHOS KYI PHUNG PO BRGYAD KHRI BZHI STONG STE, DE LA CHOS KYI PHUNG PO GCIG GI TSAD JI TZAM ZHE NA, DE LA TSIG LE'U BYAS PA STONG NYID DO, ,TSIGS SU BCAD PA RE RE LA'ANG YIG 'BRU SUM CU RTZA GNYIS YOD DO, ,DE LTAR NA CHOS KYI PHUNG PO THAMS CAD LA NI TSIGS SU BCAD PA BYE BA PHRAG BRGYAD DANG, YANG 'BUM PHRAG BZHI BCUR 'GYUR RO, ,'DIR NI RE ZHIG THUN MONG GI GRANGS SU BGRANG BA'O, ,THEG PA BLA NA MED PA'I DBANG DU BYAS TE, DBANG PO'I GLANG PO CHE RAB BRTAN GYIS BKUR BAR 'OS PA'I SNAG TSAS NI CHOS KYI PHUNG PO GCIG 'DRI BAR NUS SO ZHES GSUNGS TE, DE LTAR BYAS NA MDO GANG DAG LAS 'PHAGS PA LHAS BYIS BYIN GYI GLANG PO CHE LNGA STONG GIS BKUR BAR BYA BA'I GLEGS BAM RNAMS KHA TON DU RJOD PAR BYED DO ZHES GSUNGS PA 'DI YANG RIGS PAR 'GYUR RO, ,CHOS KYI PHUNG PO DE SNYED YOD PA NYID NA CI'I PHYIR DENG SANG 'DZAM BU'I GLING NA RAB TU MI SNANG ZHE NA, KHA CIG NI 'JIG RTEN GYI KHAMS GZHAN DAG NA SPYOD CING GZHAN YANG PHAL CHER KLU RNAMS KYI GNAS NA SPYOD PA STE, BSTAN PA RIN CHEN MCHOG LTAR BZANG LA 'PHAN MED PAR, ,RNAM PAR DAG TSUL GANG YIN KLU MGO GDENGS KA CAN, ,CHEN PO RNAMS KYIS GTZUG GI RGYAN BZHIN GUS MNOS NAS, SA YI GTING NA GNAS PA'I RAB RIB SEL BAR MDZAD, ,CES BSTAN PA'O, ,CHOS KYI PHUNG PO DE DAG KYANG SDE SNOD GSUM NYID DU RNAM PAR GZHAG STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DAG NI 'PHAGS PA NYAN THOS RNAMS KYI MDO SDE'I SDE SNOD DU BSDUS PA'O, ,GLENG GZHI'I SDE DANG, RTOGS PA @20A *, ,BRJOD PA'I SDE DANG, DE LTA BU BYUNG BA'I SDE DANG, SKYES PA'I RABS DAG 'KHOR DANG BCAS TE NI 'DUL BA'I SDE SNOD DU BSDUS PA'O, ,SHIN TU RGYAS PA DANG, RMAD DU BYUNG BA'I SDE DAG NI BYANG CHUB SEMS DPA'I MDO SDE'I SDE SNOD DU RTOGS PA'O, ,GTAN LA PHAB PA'I SDE NI GNYI GA'I CHOS MNGON PA'I SDE SNOD DU BSDUS PA'O, ,SDE SNOD DE DAG KYANG SDE SNOD GSUM MAM GNYIS KYANG YIN TE, SDE SNOD DAG NI GSUM MAM GNYIS KYANG RUNG, ,BSDUS PA'I PHYIR NA RGYU NI DGUR 'DOD DO, ,DE NI BAG CHAGS RTOGS DANG ZHI BA DANG, ,RAB TU RTOGS LAS RNAM PAR GROL BAR BYED, ,MDO DANG CHOS MNGON 'DUL BA DAG ,MDOR NA DON NI RNAM BZHIR 'DOD, ,BLO DANG LDAN PAS DE SHES NAS, ,RNAM PA THAMS CAD MKHYEN PA THOB, ,GNAS RNAMS DANG NI MTSAN NYID DANG, ,CHOS DON SMOS PHYIR MDO YIN NO, ,MNGON DU'I PHYIR DANG YANG YANG DANG, , ZIL GNON RTOGS PHYIR MNGON PA'I CHOS, ,LTUNG DANG 'BYUNG DANG LDANG BA DANG, ,NGES PAR 'BYUNG DANG GANG ZAG DANG, ,BCAS PA DANG NI RAB DBYE DANG, ,RNAM PAR NGES PHYIR 'DUL BA NYID, ,CES BSHAD PAS SO, ,DE LAS RGYAL BA'I YUL RJE BTZUN 'BUM LDAN MA LA SOGS PA 'DI DAG NI THEG PA CHEN PO'I SDE SNOD BYANG CHUB SEMS DPA' RNAMS KYI MDO SHIN TU RGYAS PA'I SDE SNOD DU BSDUS PA YIN PAR SHES PAR BYA'O, ,YUM 'DI NYIS LA MCHOD PA DANG, BSTOD PA LA SOGS PA BYAS PAS NI GZHUNG GZHAN LA MCHOD PA BAS CHES BSOD NAMS KHYAD PAR DU 'PHAGS SHING 'DI LA MA GUS PA YANG DE LTAR RAB TU MI ZAD DE, JI SKAD DU, 'GRO BA DE GNAS MIN LA SKRAG PA GDUNG BYED 'GYUR, ,BSOD NAMS MA YIN PHUNG CHEN BSAGS BYAS YUN RING DU, ,RIGS MED GROGS NGAN DGE SNGON MA BSAGS BLO MA SBYANGS, ,CHOS 'DIS SKRAG 'GYUR 'DI NI DON CHEN 'DI LAS LTUNG, ,ZHES GZUNGS LA, BLO CHUNG DE YIS THOS NAS 'DI NI SPONG BYED DE, ,SPANGS NAS SKYABS MED GYUR PA DE NI MNAR MED LTUNG, ,ZHES GSUNGS SHING MTSAMS MED KYI LAS BYAS PA LAS CHES YUM 'DI LA SPONG BAR BYED PA MA RUNGS SO, ,ZHES RGYAL BA'I YUM RGYAS PAR @20B BSTAN PA DAG LAS GSAL BAR GSUNGS SO, ,MA LUS PA RNAM PA THAMS CAD DU BSKOR BA MDZAD PA ZHES BYA BA NI, KHA CIG NA TE DANG PO NI RI DGAS KYI NAGS SU 'PHAGS PA KOOndI NYA LA SOGS PA LA BDEN PA BZHI'I CHOS KYI 'KHOR LO BSKOR TE 'DI DMAN PA'I CHOS KYI 'KHOR LO'O, , DE NAS NI RGYAL PO'I KHAB TU BYA RGOD KYI PHUNG PO'I RI LA SNYING PO DANG, MNGON PAR RTOGS PA'I DON STON PA'I CHOS KYI 'KHOR LO BSTAN TE, DE NI DGONGS PAS BSHAD PA'I 'KHOR LO GNYIS PA YIN PAS NA, LHA'I BU DAG GIS SMRAS PA, KYE MA AA LA LA 'DZAM BU'I GLING DU CHOS KYI 'KHOR LO GNYIS PA BSKOR BA MTHONG NGO ZHES SMRAS PA'I PHYIR RO, ,DE'I 'OG TU RI MA LA YA LA SOGS PAR CHOS MNGON PA GTAN LA PHAB PA'I SDE SNOD MTSAN NYID GSUM RNAM PAR PHYE BAS NGES PA'I DON BSTAN PA'I CHOS KYI 'KHOR LO BSKOR TE, 'DI NI CHOS KYI 'KHOR LO MA LUS PA RNAM PA THAMS CAD DU BSKOR BA'O ZHES ZER RO, ,DE DAG GIS NI LEGS PAR MA SMRAS TE, JI LTA ZHE NA, THUB PA CHEN POS NI DE LTAR RIM GYIS CHOS BSTAN PA MED DE, JI SKAD DU 'PHAGS PA DE BZHIN GSHEGS PA SKYE BA 'BYUNG BA BSTAN PA LAS KYANG, RIGS KYI BU DE BZHIN GSHEGS PA RNAMS MNGON PAR RDZOGS PAR SANGS RGYAS NAS, SANGS RGYAS SHIN TU RNAM PAR SANGS RGYAS PA ZHES BYA BA'I TING NGE 'DZIN LA SNYOMS PAR 'JUG STE, RING NGE 'DZIN SANGS RGYAS SHIN TU RNAM PAR SANGS RGYAS PA LA SNYOMS PAR ZHUGS MA THAG TU SEMS CAN RNAMS JI SNYED PA DE SNYED KYI SKU KUN TU GNAS PAR 'GYUR RO, ,SKU JI SNYED PA DE SNYED KYI GSUNG DANG THUGS DANG KUN TU GNAS PAR 'GYUR RO ZHES GSUNGS LA, GZHAN LAS KYANG, KYE MA RGYAL SRAS KHYOD LTOS SHIG ,'DZAM BU'I GLING RNAMS THAMS CAD NA, BDE GSHEGS 'DI NA BZHUGS SNAM BYED, ,BDAG CAG RNAMS NI 'DI SNYAM DU, ,RI RAB RTZE LA BDE GSHEGS SNYAM, ,'JIG RTEN KHAMS RNAMS GZHAN NA YANG, ,SANGS RGYAS NGO MTSAR RMAD RE CHE, ,ZHES GSUNGS TE, RGYA CHER NI 'PHAGS PA SUM CU RTZA GSUM PA'I MDO LAS SHES PAR BYA'O, ,GZHAN @21A *, ,YANG LHA'I BU RNAMS KYIS CHOS KYI 'KHOR LO GNYIS PA BSGRAGS PA NYID DE'I DANG PO NI GANG ZHIG YIN, 'PHAGS PA KOOndI NYA LA SOGS PA LA BSHAD PA'O ZHE NA, RGYAL BA SKYED MA'I GZHUNG RNAM PA GSUM CAR LA BYANG CHUB KYANG GNYIS PA ZHES SMOS NA, DE'I TSE GANG ZHIG DANG POR BYA, DE'I PHYIR GNYIS PA ZHES BYA BA NI, LHA'I BU DE DAG NYID KYIS DE'I SNGAR GANG THOS PA DE TZAM LAS GNYIS PAR GZHAG GI ,DANG PO NGES PAR BDEN PA BZHI'I CHOS KYI 'KHOR LO ZHES BYA BA 'DI LA LUNG DANG RIGS PA CI YANG MED DO, ,GZHAN YANG CHOS KYI 'KHOR LO NI MTHONG BA'I LAM MO, ,ZHES BSTAN PA YANG NGES PA MED PA KHO NA STE, CHOS KYI 'KHOR LO KHA CIG NI TSOGS KYI LAM MO, ,KHA CIG NI SBYOR BA'I LAM MO, ,KHA CIG NI BAR CHAD MED PA'I LAM GYI BAR RO, ,DE BZHIN DU 'KHOR LO GSUM PA NI DGONGS PA CAN MA YIN LA, 'KHOR LO GNYIS PA RGYAL BA'I YUM NI DGONGS PA CAN NO, ,ZHES BYA BA 'DI NI LOG PAR BRJOD PA STE, GANG ZHIG RIGS PAS GNOD PAR BYAR RUNG BA DE NI NGES PA'I DON DU GZHAG CING, LUNG DANG RIGS PAS LEGS PAR GRUB PA NI DRANG BA'I DON DU GZHAG PA 'DI NI RAB TU 'KHRUGS PA'O, ,'ON KYANG DON 'DI NI DBU MA'I BSTAN BCOS LAS GTAN LA PHAB PAR 'GYUR BA BYANG CHUB 'DIR MI BSAM MO, ,DE LTAR NA CHOS KYI 'KHOR LO MA LUS PA RNAM PA THAMS CAD DU BSKOR BA NI SKAD CIG CIG GCIG KHO NA LA BSKOR BA STE, DE LA GDUL BYA RNAMS KYIS DUS YUN RING THUNG DANG GSUNG THA DAD PAR THOS PA LA SOGS PAR ZAD DE, 'PHAGS PA DAM PA'I CHOS PAD MA DKAR PO ZHES BYA BA THEG PA CHEN PO'I MDO LAS KYANG, SA RUM NAS 'THON PA'I BYANG CHUB SEMS DPA' RNAMS KYIS BAR GYI BSKAL PA NYI SHU RTZA LNGAR BCOM LDAN 'DAS SH'AKYA'I GTZO BO LA MCHOD PA BYAS MOD KYI, 'DZAM BU GLING PA LA SOGS PAS NI PHYI DRO GCIG YUN DU SHES SO ZHES GSUNGS LA, BCOM LDAN 'DAS 'DI NI YONGS SU MYA NGAN LAS MA 'DAS TE DA LTAR GZUGS KYI SKUR BZHUGS SHING 'JIG RTEN GYI KHAMS 'DI 'JIG PA NA YANG ZHING 'DI RAB TU DAG PAR GNAS LA, MA 'ONGS @21B PA'I BSKAL PA DPAG TU MED PA NA YONGS SU MYA NGAN LAS 'DA'O ZHES GSUNGS TE, DE'I PHYIR CHOS KYI 'KHOR LO MA LUS PA MTHA' DAG RNAM PA THAMS CAD DU BSKOR RO ZHES NGES PAR GZUNG GI TSUL 'DI LTAR BSKOR ZHES DMAN PA'I 'DU SHES KYIS NI NGES PAR BYA BA GA LA NUS TE; GRANGS MED PA LA SU ZHIG BGRANG ZHES PA LA SOGS PA SNGAR SMAS PA'O, ,MTSAN NYID KYI BSTAN BCOS DAG LA ZHES BYA BA LA GZHUNG GANG DAG LAS DNGOS PO RNAMS SRA BA LA SOGS PA'I MTSAN NYID DU YOD PA DON DAM PAR STON PA NI MTSAN NYID KYI BSTAN BCOS SO, , GANG DAG LAS DON DAM PAR MTSAN NYID MED PAR STON PA NI KUN RDZOB TU RANG GI MTSAN NYID TZAM DU GNAS PAR STON KYANG MTSAN NYID BRJOD PA'I BSTAN BCOS MA YIN TE, KUN RDZOB NI DNGOS PO MA YIN PAR KHAS BLANGS PA'I DON NGES PA'I MTSAN NYID MA YIN PAS SO, ,RNAM PA ZHES BYA BA NI KHA DOG DANG DBYIBS TE, ME LCE ZLUM PA DANG ME'I KHA DOG SMUG PA LA SOGS PA'O, ,RTAGS ZHES BYA BA NI MTSON PAR BYED PA'I MTSAN MA STE ME'I DU BA LA SOGS PA'O, ,MTSAN MA ZHES BYA BA NI RGYU STE ME'I SHING LA SOGS PA'O, ,CHOS RE RE'I YANG DE DAG MA LUS PAR SKAD CIG GCIG GIS MKHYEN PA'I PHYIR RNAM PA THAMS CAD MKHYEN PA'O, ,MI RTAG PA LA SOGS PA ZHES PA NI BDEN PA BZHI LA RNAM PA BRGYAD DANG, ,DE DAG GI BDEN PA'I RNAM PA BRGYAD DO, ,THEG PA THAMS CAD KYIS NGES PAR 'BYUNG BA ZHES PA NI GDUL BYA'I DBANG GIS THEG PA GSUM CAR GYIS YONGS SU MYA NGAN LAS 'DA' BA STON PA STE, JI SKAD DU, DGE SLONG DAG NGA LAN STONG DU NI NYAN THOS KYI MYA NGAN LAS 'DA' BAS MYA NGAN LAS 'DAS SO, ,LAN STONG DU NI RANG SANGS RGYAS KYI MYA NGAN LAS 'DA' BAS YONGS SU MYA NGAN LAS 'DAS SO ZHES GSUNGS LA, YANG GSUNGS PA, THEG PA RLABS BO CHES NI SKRAG 'GYUR ZHING, ,'DI NA SEMS CAN DMAN LA MOS RIG NAS, ,BYANG CHUB SEMS DPA' 'DI DAG NYAN THOS 'GYUR, ,RANG RGYAL BYANG CHUB BAR YANG RAB TU STON, ,ZHES GSUNGS TE, RGYU MTSAN DES GTZO BOR BYAS TE BYANG CHUB SEMS DPA'I SDE SNOD LAS NYAN THOS @22A *, ,DANG RANG SANGS RGYAS KYI LAM BSTAN PA MDZAD DE DE LA 'DRIS PA TZAM DU BYA BA'I PHYIR RO, ,DE KHO NA NYID MNGON SUM DU MI BYED PAR RTEN PA ZHES BYA BA LA DE KHO NA NYID NI GANG ZAG LA BDAG MED PA'I MTHA' ZHI BA NYID DE, DE MNGON SUM DU MI BYED PA NI BSGOMS PAS SPANG BAR BYA BA'I NYON MONGS PA RNAMS NI MI SPONG BA'I PHYIR TE, DE MA SPANGS PAS NA MYA NGAN LAS MI 'DA' STE, DE'I PHYIR SLOB DPON GYI ZHAL SNGA NAS KYANG, NYAN THOS KYI LAM NI BYANG CHUB SEMS DPAS YONGS SU SHES PAR BYA BA YIN GYI MNGON SUM DU BYA BA NI MA YIN PAS BSGOM PA'I LAM NI MA BSTAN TO, ,ZHES STON PAR 'GYUR RO, ,BAG CHAGS KYI MTSAMS SBYOR BA ZHES BYA BA NI BAG CHAGS NYID MTSAMS SBYOR BA YIN TE, GANG DAG BAG CHAGS ZAD PA DE DAG NI YANG SRID PAR MTSAMS SBYOR BA MED PAS SO, ,YANG NA BAG CHAGS KYIS MTSAMS SBYOR BA NI BAG CHAGS KYIS MTSAMS SBYOR BA'O ZHES GSUM PA'I BSDU BA'O, ,DE SPANGS PA CAN YIN NO ZHES BYA BA NI ZAD PA DANG LDAN PA STE, BRAL BA'I 'BRAS BU STON PA'O, ,DE LTA NA YANG SRID PAR MTSAMS SPYO BA NI BAG CHAGS KYI RGYU CAN YIN LA, BCOM LDAN 'DAS 'DI LA DE MI MNGA' BAS NA RGYAL PO ZAS GTZANG MA'I SRAS SU GYUR PA LA SOGS PA'I RGYU GANG ZHIG YIN ZHE NA, 'DI NI THUB PA CHEN PO'I BYA BA SGRUB PA'I YE SHES LA GDUL BYA RNAMS KYI KHA ROG DANG DBYIBS SU BRTAGS TE, 'DI NI GZHON NU DON THAMS CAD GRUB PA'O ZHES BYA BAR BZUNG BAR ZAD KYI CI YANG MTSAMS SBYOR BA MED DO, ,DE LTAR NA RGYAL BA'I YUM BAR MA LAS, RAB 'BYOR NGA'I LUS 'DI NI RNAM PA THAMS CAD MKHYEN PA'I YE SHES KYI GZHI STE ZHES GSUNGS PAS SKU DE NYID YE SHES SU MA BSTAN PA CI'I PHYIR ZHE NA, BYIS PA RNAMS NI RANG GI MNGON PAR ZHEN PA RAB TU BSTAN PAS NA 'DI NYID YE SHES SO ZHES BRJOD PAS YID CHES PAR RAB TU DKA' BAS NA GZHI'O ZHES 'JIG RTEN PA'I MTHUN PAR 'JUG PA TZAM STE, RANG GI NGO BOS NI YE SHES NYID KHA DOG DANG DBYIBS SU SNANG ZHING RING BSREL LA SOGS PAR SNANG BAS NA, 'PHAGS PA DGE BA'I RTZA BA YONGS @22B SU 'DZIN PA ZHES BYA BA THEG PA CHEN PO'I MDO LAS KYANG, NGA YIS RIGS RNAM GZHAG MA YIN, ,SKYE BA'ANG BLANGS PA MA YIN ZHING, ,DE YI KHA DOG PHYE BA'ANG MIN, ,GZUGS KYI SKU LAS DMAN PA MED, ,CES GSUNGS LA, SLOB DPON GYI ZHAL SNGA NAS KYANG, KUN RDZOB TU YE SHES KHO NA LONGS SPYOD RDZOGS PA'I SKU LA SOGS PAR SNANG BA BSKYED PA'I SGO NAS DON BYA BA MDZAD PA YIN PAS CHOS KYI SKU YIN NO ZHES 'CHAD PAR MDZAD DE, DE'I PHYIR BCOM LDAN 'DAS 'DI NI RTAG TU YE SHES KYI SNANG BA RAB 'BYAM TSAD MED PA GCIG KHO NA YIN MOD KYI YE SHES GCIG PO DE KHO NA LA GDUL BYA'I DON MDZAD PA'I DBANG GIS SKU DANG YE SHES DU MAR BTAGS PAR ZAD DO, ,DE BAS NA GDUL BYA'I SO SOR 'DZIN PAS RGYAL BA'I NGO BO NYID THA DAD PAR NI MI DBYE BA NYID DO, ,GZHI ZHES BYA BA NI BYIS PA RNAMS LA BDAG DANG BDAG GIR 'DZIN PA'I GZHIR GYUR PA PHUNG PO LA SOGS PA YIN LA DE BDAG MED PAR SHES PA DANG, SPONG BA LA SOGS PAR 'BYED PAS NA GZHI STE, LHAN CIG SPYOD PA'I MING LHAN CIG SPYOD PAS THOB PA'O, ,YANG NA LAM THAMS CAD KYI GZHIR GYUR PA NI GZHI STE, DANG POR NI DE LA BRTEN PAR BYA BA'I PHYIR RO, ,DE'I PHYIR 'PHAGS PA SA'I SNYING PO 'KHOR LO BCU PA ZHES BYA BA THEG PA CHEN PO'I MDO LAS KYANG, BYIS PA DBANG PO ZHEN CING LE LO CAN, ,THEG PA GNYIS LA NAN THAN MI BYED PA, ,THEG PA CHEN PO'I 'KHOR LO LDAN MI 'GYUR, ,DE NI RGYA CHEN THEG CHEN SNOD MA YIN, ,ZHES GSUNGS SO, ,DE'I TSE NI GZHI'ANG YIN LA, YE SHES KYANG YIN ZHES GZHI MTHUN PA'I BSDU BAR BSTAN TO, ,DE LTAR PHYAG 'TSAL BA BSTAN NAS, DA NI DGOS PA LA SOGS PA BSNYAD PA'I DON DGROL BAR BYA STE, DON LA THE TSOM SKYED PA NYID KYIS ZHES BYA BA LA, DON NI RGYAL BA'I YUM MNGON PAR RTOGS PA'I RIM PA BSTAN PA THAMS CAD DE 'DIR BRJOD PAR BYA BA'I DON DU GZUNG NGO, ,DE RNAMS LA THE TSOM SKYED PA NYID NI DGOS PA LA SOGS PA STON PA'I TSIGS SU BCAD PA GNYIS DANG POR SMOS PA NYID YIN TE, JI LTA @23A *, ,ZHE NA; DANG POR SMOS PA'I DBANG GIS RTOG PA DANG LDAN PA DAG 'DI SNYAM DU DGOS PA LA SOGS PA YOD PA NYID DU DAM BCAS PA 'DI DAG KHO NA LTAR YOD DAM, CI STE MA YIN PA NI BDAG NYID KYI GZHUNG 'DI MNYAN PA LA SOGS PAS SHES PAR 'GYUR GYI GZHAN DU NI MA YIN NO, ,GAL TE 'DI LA DANG POR JI SKAD SMRAS PA'I DGOS PA LA SOGS PA YOD PAR LTA NA NA KHO BO YANG 'DI LA GUS PAS GNAS PAR BYA'O ZHES 'DI NYAN PA LA SOGS PA LA 'JUG STE, DE'I PHYIR DGOS PA LA SOGS PA BAR DANG MTHAR MA BSTAN GYI, DANG POR BSTAN PA KHO NAS DON LA THE TSOM SKYED PA NYID YIN LA, DE NYID KYIS 'JUG PA'I YAN LAG KYANG YIN NO, ,DE LTAR NA PHYAG 'TSAL BA'I DANG POR YANG CI'I PHYIR MI BSTAN ZHE NA, LAS BRTZAMS NAS PHYAG 'TSAL BA NI 'JIG RTEN NA TSUL MA YIN PA'I PHYIR DANG, JI SKAD BSTAN PA'I TSUL GYIS NA DANG POR YUM GYI YON TAN BRJOD PAS NI RTOG PA DANG LDAN PA RNAMS KYANG DAD PAR 'GYUR LA, DAD PAR GYUR NAS DGOS PA LA SOGS PA DE'I YON TAN LA ZHIB TU YANG DPYAD PAS NA PHYAG 'TSAL BA YANG DGOS PA LA SOGS PA LTAR 'JUG PA YAN LAG GI SNGON DU BYA BA'I YAN LAG YIN PAS NYES PA MED DO, RANG GI BSTAN BCOS ZHES BYA BA NI RGYAL BA'I YUM MNGON PAR RTOGS PA'I RIM PA STON PA THAMS CAD KYI MAN NGAG GI TSIG LE'UR BYAS PA 'DI STE, RTZA BA'I GZHUNG LTA BUR GYUR PA'O, ,BRJOD PAR BYA BA NI RGYAL BA'I YUM GANG DAG MNGON PAR RTOGS PA'I RIM PA STON PA THAMS CAD DE, 'OG NYID NAS RGYAL BA'I YUM RNAM PA GSUM CAR ZHES SMOS PA NI NYE BAR MTSON PA'I DON NYID DO, ,DGOS PA NI TSIG LE'UR BYAS PA 'DI LA BRTEN NAS RGYAL BA'I YUM DE DAG GI DON LEGS PAR RTOGS PA'O, ,DGOS PA'I YANG DGOS PA NI JI LTAR RTOGS PA LTAR BSGRUBS PAS SA RAB TU DGA' BA LA SOGS PA THOB PA NAS BRTZAMS TE, MI GNAS PA'I MYA NGAN LAS 'DAS PA THOB PA'I BAR DU'O, ,'GREL BA KHO NA YOD PA ZHES BYA BA NI TSIG LE'UR BYAS PA NI RJOD PAR BYED PA STE, SHES PAR BYED PA NYID YIN LA, RGYAL BA'I YUM RNAMS NI @23B BRJOD PAR BYA BA 'BRAS BU SHES PAR BYA BA YIN TE, DE BAS NA RJOD PA DANG BRJOD PAR BYA BA 'DI DAG NI RGYU DANG 'BRAS BU SHES BYA DANG, SHES PAR BYED PAS CHED DU MA BYAS KYANG SHUGS NYID KYIS RANG DBANG MED PAR 'BREL PAS NA KHONG NA YOD PA STE, DES NA 'BREL PA NI THABS YIN PAR YID CHES PAR BYED PA'O, ,DE LA; RNAM PA THAMS CAD MKHYEN NYID LAM, ,STON PAS 'DI LAS BSHAD PA GANG, ,GZHAN GYIS MYONG BA MA YIN TE, ,ZHES BYA BA NI BRJOD PAR BYA STE, CHOS SPYOD BCU YI BDAG NYID KYI, ,MDO DON DRAN PA LA GZHAG NAS, ,BLO DANG LDAN PAS RTOGS 'GYUR ZHES, ,ZHES BYA BA RIM PA GZHAN DU SBYAR BA NI DGOS PA'I DGOS PA STON PA'O, ,BDE BLAG TU NI RTOGS 'GYUR PA, ,RTZOM PA YI NI DGOS PA YIN, ,ZHES BYA BA NI DGOS PA STE, ,DGOS PA'I SGRA NI 'DIR DGOS PA DANG DE'I YANG DGOS PA GNYI GA LA BLTA BAR BYA'O, ,'BREL PA NI GANG DU YANG TSIG GIS MI STON TO, ,DA NI SLOB DPON GYI ZHAL SNGA NAS TSIGS SU BCAD PA'I DON DGROL BA'I PHYIR RNAM PA THAMS CAD MKHYEN PA NYID NI ZHES BYA BA LA SOGS PA SMOS TE, RNAM PAR BSHAD PA 'DI LAS NI DANG PO BRJOD PAR BYA BA STON TO, ,DE NAS NI 'BREL PA STON TO, ,DE NAS NI DGOS PA'I DGOS PA STON TO, ,DE NAS NI DGOS PA STON TO, ,DE LA NGAG DANG PO NI BDAG GIS SNGAR BSHAD ZIN TE SKABS DANG PO NYID DO, ,BCOM LDAN 'DAS ZHES BYA BA NI, ,BDUD BCOM 'JIGS MED SKAL BA BZANG PO DANG, ,SRID PAR 'GRO LAS 'DAS DANG SHES RAB DANG, ,'KHRUL DANG BRAL ZHING YON TAN DPAG MED SNOD, ,YON TAN 'DI DAG RAB RGYAS BCOM LDAN 'DAS, ,ZHES JI SKAD DU BSHAD PA'I TSUL GYIS BCOM LDAN 'DAS SO, ,CHO 'PHRUL RNAM PA GSUM GYIS ZHES BYA BA NI RDZU 'PHRUL DANG, KUN BRJOD PA DANG, RJES SU BSTAN PA'I CHO 'PHRUL GYIS TE, DE YANG DANG PO NI NAM MKHA' LA 'GRO BA LA SOGS PA'I RDZU 'PHRUL BSTAN PAS PHA ROL ZIL GYIS GNON CING, DE NAS NI GDUL BYA'I SEMS KYI RGYU BA LUNG BSTAN PAS DE RAB TU DAD PAR BYED LA, DE NAS RJES SU MTHUN PA'I GDAMS NGAG SBYIN PA RJES SU @24A *, ,BSTAN PA'I CHO 'PHRUL GYIS DON DNGOS SU BSTAN PAR MDZAD PA NI, 'GRO BA MTHA' DAG LA RJES SU BSTAN PAR MDZAD PA DE NYID KYIS ZHES SMOS PA'O, ,RGYAL BA'I YUM RNAM PA GSUM CHAR LAS BRJOD PAR BYA BA NYID DU BSTAN PA GANG YIN PA DANG ZHES BYA BA NI 'DIR TSIG LE'UR BYAS PA NI BRGYUD DE BRJOD PAR BYA BA'AM, DON GYIS BRJOD PAR BYA BA YIN LA, MDO RNAMS KYI NI DNGOS KYIS BRJOD PAR BYA STE SGRA'I BRJOD BYA YIN NO, ,TSIG LE'UR BYAS PA'I BRJOD PAR BYA BA DNGOS TE SBRA'I BRJOD PAR BYA BA NI RGYAL BA'I YUM GYI GZHUNG NYID YIN TE, JI LTA ZHE NA, TSIG LE'UR BYAS PAS NI RGYAL BA'I YUM GYI GZHUNG SHES PAR 'GYUR LA, GZHUNG DE DAG SHES PA LAS NI DON SANGS RGYAS NYID KYI LAM 'BRAS BU DANG BCAS PA SHES PAR 'GYUR BAS SO, ,DE'I PHYIR 'DIR GTZOR NI DON GYI BRJOD BYA BSTAN TE, SGRA'I BRJOD BYA NI GO SLA BAS SO, ,RJOD PA DANG BRJOD PAR BYA BA DAG THABS DANG THABS KYIS BSGRUB PAR BYA BA'I TSUL GYIS 'BREL BAR MDZAD PA ZHES BYA BA NI SNGAR BSTAN PA KHO NAR ZAD DO, ,PHYI ROL PA DANG CIG SHOS KYI 'DOD CHAGS DANG BRAL BA LA SOGS PA CHOS THAMS CAD BDAG MED PAR GOMS PAR MA BYAS PA RNAMS KYIS MA MYANGS PA DE ZHES BYA BA NI DON GYIS BRJOD PAR BYA BA DE'I CHE BA BSTAN PA DE, SNGAR KHYAB PA DANG DBANG LA SOGS PA MA MYONG ZHES BYA BA LA SOGS PA'I LUNG GIS BSTAN PA NYID DE GO SLA'O, ,DA NI DGOS PA'I DGOS PA STON TE, BYANG CHUB SEMS DPA' ZHES BYA BA NI BYANG CHUB KYI SEMS BSKYED PA THAMS CAD DE, KHYAD PAR DU NI RIGS LA GNAS PA'I PHYIR MI LDOG PA BCU GSUM PO RNAMS TE, DE DAG NI NGES PAR 'GYUR BA'I PHYIR RO, ,THOS PA LAS BYUNG BA LA SOGS PA SHES PA'I RIM GYIS ZHES BYA BA NI SHES RAB GSUM GYI RIM GYIS 'JUG PA'O; ,DE LTA NA RGYAL BA'I YUM 'BAD PA CHUNG DUS NGUS CIG CAR RTOGS PA DGAG PA'O, ,RANG DANG GZHAN GYI DON PHUN SUM TSOGS PAR BSGRUB PA CI LA YANG MA RIG PAR CHAS PA DAG KHO NAS ZHES PA NI, SNGAR BYANG CHUB SEMS DPA' ZHES BYA BA SMOS PA'I DON NYID BSTAN PA'O, ,NYAMS @24B SU MYONG BA SHIN TU GSAL BA ZHES PA NI SHES RAB RNAM PA GSUM GYIS YUM GYI MING DANG DON SEMS LA GSAL POR BYAS PA'O, ,DE DAG GIS GZHAG PA'I BAG CHAGS ZHES PA NI YANG DANG YANG GOMS PA'I DBANG LAS SEMS DE'I RNAM PAR 'BYUNG BA BSTAN PAS LHUN GYIS GRUB PA YIN GYI, TIL 'BRU LA SNA MA'I ME TOG GI DRIS GOS PA LTAR NI MI BSAM MO, ,DE LTAR GOMS PA'I DBANG DE'I MTHU LAS BYUNG BA'I SEMS LAS BYUNG BAR GDAGS PA 'DRIS PA'I DNGOS PO MA BRJED PA DE NYID DRAN PA'I SHES PA STE, 'DIR DRAN PA DANG LDAN PA'I SHES PA NI DRAN PA'I SHES PA'O, ,DE'I PHYIR THAMS CAD DU SEMS NYID GCIG PU'I MTHU'I BYE BRAG LAS SEMS DANG SEMS LAS BYUNG BA'I GNAS SKABS KYI DBANG GIS BZHAG PA NI SLOB DPON CHOS SKYONG GI ZHAL SNGA NAS 'DI DAG GI DE'I GNAS SKABS TZAM LA BZHAG GI DNGOS SU GAL YOD, CES BSHAD PA'O, ,DE LTAR BYANG CHUB SEMS DPA' RANG DANG GZHAN GYI DON PHUN SUM TSOGS PAR BSGRUB PAR CI LA YANG RAG MA LAS PAR CHAS PA SHES RAB RNAM PA GSUM GYI RIM GYIS NYAMS SU MYONG BAS GSAL POR BYAS PA'I BAG CHAGS KYI NGO BO DRAN PA'I SHES PA RING DU YANG JI LTAR THOS PA LA SOGS PA MI BRJED PA'I NGANG DU GYUR PA DE LA LEGS PAR BZHAG NAS ZHES SBYAR TE, LEGS PAR BZHAG PA NI 'DRES PA'I DNGOS PO RAB TU MA BRJOD PAS TSE RABS GZHAN DU YANG RJES SU 'BRANG BAR GSAL BA'I PHYIR RO, ,CI ZHIG DRAN PA'I SHES PA LA LEGS PAR BZHAG NAS SHE NA, CHOS SPYOD BCU YI BDAG NYID KYI, ,MDO DON ZHES SMOS PA BSTAN PA'I PHYIR SHES RAB KYI PHA ROL TU PHYIN PA'I MDO'I DON MA LUS PA ZHES SMOS TE, MDO DON ZHES PA DANG SBYAR RO, ,MDO'I DON DE YANG GLENG GZHI LA SOGS PA'I GZHUNG MA LUS PA'I DON NA MA, YANG NA SNYING PO'I DON TZAM ZHIG DRAN PA'I SHES PA LA BZHAG NAS SNYAM PA LA, GNYI GA'I GTZO BO MA YIN PA'I PHYIR MNGON PAR RTOGS PA BRGYAD KYI BDAG NYID CES PA SMOS TE, 'DI NI DON GTZO BOR GYUR PAS NA DRAN PA'I SHES PA LA BZHAG PAR BYA BA STE SNYING PO'I DON YANG DE'I NANG DU 'DUS @25A *, ,PA'I PHYIR RO, ,GLENG GZHI LA SOGS PA GZHUNG MA LUS PA NI DRAN PA'I SHES PA LA NGES PAR BZHAG PA YANG MED DE, LUNG GI CHOS NI RTOGS PA'I CHOS YID LA BYED PA NA GZINGS DANG 'DRA BA'I PHYIR RO, ,RNAM PAR G-YENG BA'I NGO BOS DMAN PA'I PHYIR RO, ,MNGON PAR RTOGS PA BRGYAD KYI BDAG NYID DE'I RANG BZHIN BSDUS PA NI, CHOS SPYOD BCU'I BDAG NYID CES SMOS PA PHA ROL TU PHYIN PA BCU YIN PAS NA DE BSTAN PA NI BYANG CHUB KYI SEMS DANG SBYIN PA LA SOGS PA BSGRUB PA'I SPYOD PA ZHES BYA BA SMOS TE, BYANG CHUB KYI SEMS SMOS PA NI LAS DANG PO PA'I SA NAS SANGS RGYAS KYI SA'I BAR DU RGYU DANG 'BRAS BU'I NGO BOS BYANG CHUB KYI SEMS DANG NAM YANG MI 'BRAL BA BYANG CHUB NA SBYIN PA'I PHA ROL TU PHYIN PA LA SOGS PA DAG LA YANG DE DANG LDAN PAR BSTAN PA'I PHYIR SMOS TE, STONG PA NYID DANG SNYING RJE'I SNYING PO CAN GYI BYANG CHUB KYI SEMS DES BYIN GYIS MA BRLABS PAR GYUR NA SBYIN PA LA SOGS PA YANG BSGRUB PA'I SPYOD PAR MI 'GYUR BA'I PHYIR DE GTZO BOR SMOS SO, ,DE'I PHYIR BYANG CHUB KYI SEMS DANG LDAN PA'I ZHES BYA BA LAS BAR GYI TSIG MI MNGON PAR BYAS PA'O, ,SBYIN PA LA SOGS PA ZHES PA NI, SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB PHA ROL PHYIR, ,THABS STOBS SMON LAM YE SHES TE, ,'DI DAG PHA ROL PHYIN BCUR 'DOD, ,CES BSHAD PA RNAMS SO, ,DE DAG NYID BSGRUB PA'I SPYOD PA STE, THEG PA CHEN PO LA SPYOD PA GSUM NI, DANG PO SMON PA BYANG CHUB KYI SEMS NI 'JUG PA'I SPYOD PA'O, ,DE NA 'JUG PA BYANG CHUB KYI SEMS PHA ROL TU PHYIN PA BCU NI BSGRUB PA'I SPYOD PA STE SNGAR JI LTAR SMON PA BSGRUB PA'AM, 'BRAS BU LEGS PAR BSGRUBS PAS SO, ,DE NAS SANGS RGYAS KYIS NI GRUB PA'I SPYOD PA STE, CHOS KYI SKU'I PHRIN LAS RNAMS SO, ,KHA CIG NI 'DIR CHOS SPYOD BCU'I BDAG NYID NI 'PHAGS PA BYAMS PA NYID KYI ZHAL SNGA NAS GZHAN DU, YI GE 'DRI MCHOD SBYIN PA DANG, ,NYAN DANG KLOG DANG LEN PA DANG, ,'CHAD DANG KHA TON BYED PA DANG, ,DE SEMS PA DANG BSGOM PA'O, ,ZHES GSUNGS @25B PA'O ZHES 'CHAD PA NI MI 'THAD DE, DE DAG NI SBYOR BA'I LAM GYIS BSGRUB PA'I SPYOD PA TZAM GTZOR GYUR PA'I PHYIR THAMS CAD DU MCHOG MA YIN PA DANG, SLOB DPON GYI ZHAL SNGA NAS KYANG 'GREL PAR DE DAG GI ZUR TZAM YANG MA SMOS PA'I PHYIR RO, ,DE BZHIN DU KHA CIG CHOS SPYOD BCU NI RANG DANG GZHAN GYI DON GYI LAS CAN DGE BA BCU'O ZHES 'DOD PA YANG MI 'THAD DE, SLOB DPON GYI ZHAL SNGA NAS 'DIR DE ZUR GYIS KYANG MA BSTAN PAS SO, ,DE LTAR GRUB PA'I SPYOD PA DE SPYAD PA'I 'BRAS BU CI ZHE NA, CHOS KYI DBYINGS KUN TU 'GRO BA'I MTSAN NYID SA RAB TU DGA' BA LA SOGS PA RTOGS PA'I RIM PAS ZHES PA LA SOGS PA SMOS TE, CHOS NI GZUGS LA SOGS PA JI SNYED PA CHOS CAN DU BSDU BA RNAMS TE, DE RNAMS KYI DBYINGS NI RANG BZHIN NO, ,JI LTAR ME'I RANG BZHIN TSA BA NYID DE LA ME'I KHAMS ZHES BRJOD PA NA, ME DANG DE'I KHAMS TSA BA NYID NI CUNG ZAD KYANG DBYE BAR YANG MI NUS LA, THAMS CAD NAS THAMS CAD DU GCIG PAR YANG MI BRJOD DE 'DZIN PA THA DAD PA'I PHYIR RO, ,DE BZHIN DU CHOS RNAMS DANG DE'I DBYINGS KYANG DE LTAR BLTA'O, ,DON DE NYID LEGS PAR MTHONG BA NA CHOS THAMS CAD MTHA' YAS PA LTAR DE'I DBYINGS KYANG DA DAG LAS GZHAN DU MI DMIGS PAS NA, KUN TU 'GRO BAR RTOG PA'I MTSAN NYID CES SMOS SO, ,MTSAN NYID DE'I MTSAN GZHI GANG LA GDAGS SHE NA, SA RAB TU DGA' BA ZHES BYA BA SMOS TE, ,SA DANG PO LA DE LTAR RTOGS PA YIN LA, MTSAN NYID DE DANG LDAN PAS NA RJES KYI YE SHES LA BDAG NYID CHOS KYI DBYINGS MTHONG BA'O ZHES DGA' BA SKYE BAS NA DE'I MING DE SKAD CES BYA STE, BYANG CHUB LA NI NYE BA DANG, ,SEMS CAN DON GRUB MTHONG BA LA, ,RAB TU DGA' BA SKYE 'GYUR TE, ,DE'I PHYI RAB DGA' ZHES BRJOD DO, ,ZHES GSUNGS PA NI DON GZHAN GYI MING SBYAR BAR ZAD DO, ,DE LTAR CHOS KYI DBYINGS RTOGS NA CI STE SANGS RGYAS NYID DU MA GYUR ZHE NA, DE BZHIN GSHEGS PA LA MCHOD PA'I LAS BSKAL PA GANG G'A'I KLUNG GI BYE MA SNYED DU BYA BA LA SOGS PA'I BSOD NAMS KYI TSOGS MA RDZOGS PA'I PHYIR RO, ,GZHAN DAG @26A *, ,NI DE DAG GI CHOS KYI DBYINGS RTOGS PA NI 'JIG RTEN LAS 'DAS PAR BZHAG PA'I RGYU MTSAN DU GYUR PA TZAM YIN GYI, DE YANG DAG PA JI LTA BA BZHIN DU NI YANG DAG PAR RDZOGS PA'I SANGS RGYAS KHO NA'I THUN MONG MA YIN PA'I GZIGS PA YIN TE, DE LTAR BYAS NA NGA'I DE BZHIN GSHEGS PA'I SNYING PO SHIN TU PHRA ZHING BLTA DKA' LA ZAB PA YANG SA BCU PA'I BYANG CHUB SEMS DPA' RNAMS KYIS DE LTA BU MA MTHONG BAR GYUR TO, ,ZHES GSUNGS PA 'DI YANG LEGS PAR DRANGS PAR 'GYUR RO ZHES ZER RO, ,SOGS PA'I SGRAS NI SA GNYIS PA DRI MA MED PA LA SOGS PA BSDU'O, ,DE DAG RTOGS PA'I RIMS PAS ZHES BYA BA NI SA DE DAG GI RIM PA NI RANG GIS RTOGS PA TZAM GYIS GZHAG GI RNAM PA GZHAN DU LHA'I RIS LA SOGS PA LTA MTHO DMAN DAG MED PA'I PHYIR RO, RNAM PA THAMS CAD MKHYEN PA NYID MNGON SUM DU BYED PAR 'GYUR BA ZHES BYA BA DGOS PA'I YANG DGOS PA ZHES BYA BA LA, RNAM PA THAMS CAD MKHYEN PA NYID CES BYA BA NI SKABS THA MA LAS JI SKAD DU BSTAN PA DANG RNAM PA DANG MTSAN NYID DAG LAS JI LTAR BSTAN PA'I BDAG NYID DO, ,DE MNGON SUM DU BYED PAR 'GYUR BA NI SKAD CIG MA GCIG PA'I MNGON PAR RDZOGS PAR BYANG CHUB PA LAS JI SKAD DU BSTAN PA'I SKAD CIG MA BZHIS SO, ,DES MNGON SUM DU BYAS PA DE NYID DGOS PA'I DGOS PA STE, 'BRAS BU MTHAR PHYIN CING PHUL DU BYUNG BA DE LAS 'GA' YANG MI RNYED PA'I BDAG NYID CAN NO, ,DA NI DGOS PA DE GRUB PA'I RGYUR GYUR PAS SNGON DU 'GRO BA'I TSIG LE'UR BYAS PA'I DGOS PA BSTAN PA'I PHYIR, GDUL BYA RNAMS KYIS BDE BLAG TU RTOGS PAR 'GYUR BA NI BSTAN BCOS RTZOM PA'I DGOS PA YIN NO, ,ZHES BYA BAR SBYAR TE MAN NGAG BZUNG BDE BA 'DI, LAS NI DON RTOGS PAR SLA LA, DE NYID KYIS RGYAL BA'I YUM RNAMS KYI DON BDE BLAG TU 'DIS RTOGS PAR 'GYUR BAS NA THABS SLA BA'I DGOS PA NYID YOD DO, ,RGYAL BA'I YUM GYI DON GANG ZHEN SNYAM PA LA BYANG CHUB KYI SEMS DANG SGRUB PA LA SOGS PA'I MTSAN NYID CES BYA BA SMOS TE, @26B BYANG CHUB KYI SEMS KYIS NI SPYOD PA RNAM PA GSUM CAR BSDUS LA, SGRUB PA NI SGRUB PA'I SPYOD PA NYI TSE GZUNG BA STE, DES NA MTSAN NYID 'DI GNYIS KYI NI MNGON PAR RTOGS PA'I SNYING PO BSDUS SO, ,DE DAG NYID NI RTOGS SHING THOB PA MNGON PAR 'DOD PA'I SHES RAB KYI PHA ROL TU PHYIN PA'I DON GANG YIN PA DE BSTAN PA YIN LA, DE LA YANG CI'I PHYIR MNGON PAR 'DOD PA SKYED CES RTOG PA LA NI, SNGAR JI SKAD DU BSHAD PA'I DGOS PA'I YANG DGOS PA'I CHED DU DE RTOGS PA DANG THOB PAR 'DOD CES SBYAR TE 'DI NI DON GYI GO RIMS LTAR BSHAD PA'O, DE LTAR BSTAN PA NI SNGAR, DGOS PA BSDUS PA'I DON BCAS DANG, ,ZHES BRJOD PA LAS DGOS PA LA SOGS PA BSTAN PA STE, DA NI BSDUS PA'I DON BSTAN PA DGROL BAR BZHED NAS, DE LTAR 'BREL PA LA SOGS PA BSNYAD NAS GDUL BYA RNAMS KYIS BDE BLAG TU RTOGS PAR BYA BA'I PHYIR DANG ZHES BYA BA LA SOGS PA SMOS TE, MDOR BSDUS PA DANG POR BSTAN PAS NI DKYUS KYI SAR BSTAN PA'I RTA THOGS PA MED PAR RGYUG PAR 'GYUR BA LTAR PHYIS DON RGYAS PA RNAMS MI 'KHRUGS PAR 'GYUR TE, DE BAS NA BDE BLAG TU RTOGS PAR BYA BA'I PHYIR ZHES SMOS SO, ,BSTAN BCOS DON RNAM PAR PHYE BA BYAS PA YANG MA 'DZINGS PA NYID KYIS BSHAD PAR SLA BA ZHES BYA BA NI 'CHAD PA PO RNAMS KYIS KYANG DANG PO DON KHONG DU CHUD NA, SKYES BU RTA'I KHA LO BA YANG DKYUS KYIS SNGAR MTHONG BAS SEMS STOBS CHE BAR 'GYUR ZHING RTA TSAR GCOD PA NUS PAR 'GYUR BA LTA BU'O, ,GZIGS NAS ZHES BYA BA NI TSIG GNYI GA'I MTHAR SBYAR RO, ,MDO DANG ZHES BYA BA NI 'GREL PA LAS, DE LA TSIG LE'UR BYAS PA DANG PO GNYIS KYIS NI DNGOS PO BRGYAD BSDUS PA'I PHYIR MDOR BSDUS PA YIN NO ZHES BSHAD PA'O, ,RGYAS PAR ZHES PA NI 'GREL PA LAS TSIG LE'UR BYAS PA LHAG MA BCU GSUM GYIS NI DE DAG NYID KYI DON BSDUS NAS RGYAS PAR BSHAD DE ZHES BSTAN TO, ,LUS RNAM PAR GZHAG PA NI SPYIR BSTAN PA RNAM PAR GZHAG PA STE, JI SRID DU PHYE BA RNAMS NI YAN LAG DANG NYID LAG DAG LTA BU YIN PA'I PHYIR @27A *, ,RO; ,LEGS PA BSHAD PA YIN NO ZHES BYA BA NI THABS BZANG POR SBYAR BA NYID DO ZHES BYA BA'I THA TSIG GO, ,DA NI BSDUS PA'I DON RGYAS PAR RAB TU SHAD NA ZLOS BU'I NYES PAS GOS KYIS DOGS PAS DE MI DGROL BA'I RGYU MTSAN BSTAN PAR BSDUS PA'I DON GYI TSIG LE'UR BYAS PA RNAMS NI ZHES BYA BA LA SOGS PA SMOS SO, ,DA NI BSDUS PA'I DON DANG TSIG GI DON GYI BAR SKABS 'DI NYID DU BRJOD PAR BYA BA RAB TU MANG PO ZHIG YOD PA DE DAG BDAG GIS BRJOD PAR BYA STE, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN ZHES BYA BA TSIG LE'UR BYAS PA 'DIS RGYAL BA'I YUM THAMS CAD KYI DON BSDUS PA'O ZHES BSTAN PAR BYA BA YIN PA LAS, JI LTAR BSDUS PA'I TSUL LA SOGS PA NGES PAR BRJOD DGOS PAS, DE BRJOD PA'I PHYIR 'DI DRAN PAR BYA STE, RE ZHIG MDO RNAMS KYI DBANG DU BYAS PA DANG, MDO RNAMS DANG TSIG LE'UR BYAS PA 'BREL PA'I DBANG DU BYAS TE, GZUNG RGYAS PAR BSTAN PA NI YAN LAG GI NYID DO, ,DON RNAMS PAR NGES PA NI YAN LAG GNYIS PA NYID DO, ,DE LA YAN LAG DANG PO'I DBANG DU BYAS TE, MDO'I DON STON PA'I SKABS SU DON GCIG STON PA LAS RGYAS PA DANG, 'BRING DANG, MDOR BSDUS PA'I GZHUNG RNAM PA LANG DANG, RAB TU BSDUS PA 'PHAGS PA SHES RAB KYI PHA ROL TU PHYIN PA SDUD PA'I TSIGS SU BCAD PA ZHES BYA BA DANG BCAS PA 'GYUR ZHE NA, GDUL BYA KHAMS DANG MOS PA SNA TSOGS PA RNAMS GNAS PA'I DBANG LAS, THUB PA CHEN POS LUNG RNAM PA DU MA BSTAN TE, DE'I DBANG GIS DON GCIG SGRUB PA'I GZHUNG DU MA BYUNG BA 'DI LA DON MED PA'I NYES PA MED DO, ,DE LAS DENG SANG NI RGYAL BA'I YUM PAR MA'I NYUNG DU GNYIS 'DI LTA STE, 'PHAGS PA SHES RAB KYI PHA ROL TU PHYIN PA KHRI BRGYAD STONG PA ZHES BYA BA DANG, STONG PHRAG BCU PA ZHES BYA BA YUL SHAR PHYOGS NA YONGS SU SPYOD CING, YUL DBUS NA NI MDOR BSDUS PA'I GZHUNG STONG PHRAG BRGYA PA SPYOD PAS STON PAR BYED DO, ,'O NA DE DAG GI KHYAD PAR CI ZHE NA, 'DI NI SLOB DPON GYI ZHAL @27B SNGA NAS, LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,MKHAS PA RNAMS KYIS YUM KUN LA'ANG, ,DON BSDUS DE TZAM SHES PAR BYA, ,DE LA BSUS SOGS RAB DBYE BA'I, ,KHYAD PAR YOD PA KHO NAR ZAD, ,DE LTA MIN NA THAMS CAD KYI, ,RIM PA LEGS PAR BSDUS MA YIN, ,ZHES 'CHAD PAR 'GYUR BA STE, LA LA LAS NI DON ZHES BYA BA NI RGYAL BA'I YUM BSDUS PA LAS NI DON TZAM DU SKABS KYI DON STON GYI TSIG GIS RDZOGS PAR STON MI NUS SO, ,GZHAN LAS TSIG CES PA NI YUM BAR MA LAS NI SKABS KYI DON GANG YIN PA TSIG TZAM DU BSTAN PAR GYUR KYANG RNAM GRANGS RGYAS PAR NI MA YIN NO, ,GZHAN LAS RNAM GRANGS MING GIS TE, ,ZHES BYA BA NI RGYAL BA SKYED MA RGYAS PA LA NI DON THA DAD PA'I RNAM GRANGS GZUGS NAS RNAMS PA THAMS CAD MKHYEN PA'I DAR DU YANG DANG YANG DU SMOS PAS STON CING, ,MING GI GDAGS PA NI MI 'DRA BAS KYANG DON GCIG NYID RGYAS PAR STON TE DE BZHIN NYID DANG, YANG DAG PA'I MTHA' DANG, BSAM GYIS MI KHYAB PA'I DBYINGS LA SOGS PA MANG DU SMOS PAS SO, ,DE NYID KYIS NA, DE LA BSDUS SOGS RAB DBYE BA'I, ,KHYAD PAR YOD PA KHO NAR ZAD, ,CES GSUNGS TE, RGYAL BA'I YUM RNAMS KYI KHYAD PAR NI DE TZAM DU ZAD CES PA'I DON TO, ,KHA CIG NI RGYAL BA'I YUM RNAMS KYI KHYAD PAR NI, ,DE LA BSDUS SOGS RAB DBYE BA'I, ,KHYAD PAR YOD PA KHO NAR ZAD, , CES BYA BAS BSTAN LA, KHYAD PAR DU BYAS PA'I YUM RNAM PA GSUM LAS MNGON PAR RTOGS PA'I DON BSDU BA NI DON TZAM GYIS BSDU BA DANG TSIG TZAM GYI BSDU BA DANG, RNAM GRANGS DANG, MING TZAM GYIS BSDU BA NI, LA LA LAS DON GZHAN LAS TSIG ,GZHAN LAS RNAMS GRANGS MING GIS TE, ,ZHES BYA BAS STON TO ZHES ZER RO, ,DE LTAR KHYAD PAR DU BYAS PA'I RGYAL BA'I YUL DE DAG LAS YANG DANG YANG DU BSTAN PAS ZLOS BUR GYUR PA SBYOR BA'I LAM NYID LAN BCU GSUM DU BSTAN PA LA SOGS PA 'DI JI LTAR 'THAD, RNAM PA THAMS CAD MKHYEN PA'I SKABS @28A *, ,NI MNGON PAR RTOGS PA MTHA' DAG BSDUS PA YIN ZHES BSTAN PAS DE'I SKABS 'BAB ZHIG GIS KYANG CIS NA DON YONGS SU RDZOGS SHE NA, ZLOS BU DANG 'DRA BAR BYUNG BA 'DI NI ZLOS BU MA YIN PAR SNGAR SKABS KYI DON NGES PAR 'BYED PA NA YANG DON GYIS BSTAN ZIN TO,, ,,GZHAN YANG GDUL BYA RGYAL BA'I YUM NYAN PAR 'DOD PA RNAMS KYANG KHA CIG NI DANG PO NAS THA MA'I BAR DU 'KHOD DE 'PHAGS PA RAB 'BYOR LA SOGS PA'O, ,KHA CIG MGO SMOS PAS GO BA'AM, YONGS SU RDZOGS PAR NYAN PA'I SKAL BA MED PAS SKABS DE DANG DE THOS NAS 'KHOR GYIS DKYIL 'KHOR DE NAS DONG BA STE, DE NAS KHA'I BU DE DAG GIS BCOM LDAN 'DAS LA ZHES BYA BA NAS, RGYANG MI RING BA ZHIG NAS MI SNANG BAR GYUR TO ZHES SLAR SONG BAR BSTAN PA LTA BU'O, ,YANG KHA CIG NI GZHUNG DANG PO NAS MA THOS KYI SKABS DE DANG DE DAG YONGS SU RDZOGS NAS 'KHOR DER 'DUS PA STE, DPER NA RNAMS PA THAMS CAD MKHYEN PA NYID KYI SKABS YONGS SU RDZOGS PA'I TSE, DE NAS STONG GSUM GYI STONG CHEN PO'I 'JIG RTEN GYI KHAMS 'DI NA RGYAL PO CHEN PO BZHI'I RIS JI SNYED CIG YOD PA DE DAG THAMS CAD KYANG LHA BYE BA KHRAG KHRIG BRGYA STONG PHRA DU MA DANG LHAN CIG 'KHOR DER 'DUS PAR GYUR TO ZHES BYA BA LA SOGS PA SKABS DE DANG DER GLO BUR DU 'DUS PA RNAMS LA BSTAN PAS DE DAG LA THUGS BRTZE BA'I PHYIR YANG SNGAR 'DAS PA'I DON RNAMS TSIG GZHAN GYIS BSTAN TE, DES GDUL BAR BYA BA MA THOS PA RNAMS KYIS DON DU 'GYUR BAS NA ZLOS BU NI MED DO, ,GZHAN YANG SBYOR BA'I LAM LTA BU DON GYI NYID LA LAN DU MAR BSTAN PA YANG KHA CIG NI DON GYIS RANG BZHIN NYID STON PA STE, SKABS DANG PO LAS SBYOR BA'I LAM GYI DMIGS PA DANG RNAM PA'I DBYE BA BSTAN PA LTA BU'O, ,KHA CIG NI DON DE LAS THA MI DAD KYANG TSIG GZHAN GYIS BSTAN TE, SKABS DANG PO DE NYID DU YANG SEMS BSKYED PA DANG RIGS DANG GO CHA'I SGRUB PA DAG GIS SBYOR BA'I LAM DE BSTAN TO, ,KHA CIG NI DON GYI RNAM GRANGS SNGA MA @28B LAS THA DAD PAS DE BSTAN TE, LAM SHES PA'I SKABS SU NYAN THOS DANG RANG SANGS RGYAS KYIS SBYOR BA'I LAM SNGA MA LAS DON GZHAN DU GYUR BA BSTAN PA DANG, SKABS BZHI PA DANG LNGA PA LAS SBYOR BA'I LAM GYI RTAGS LA SOGS PAS DON GZHAN DU GYUR PA BSTAN PA LTA BU'O, ,DE BAS NA LA LA LAS DON GZHAN LAS TSIG ,GZHAN LAS RNAM GRANGS MING GIS TE, ,ZHES BYA BA'I TSIGS SU BCAD PA'I DON YANG KHA CIG GIS ZLOS BU SPANGS TE DON GCIG TU BSGRUB PAR 'CHAD PA YANG YUM GYI DON BSDU BA'O ZHES BSHAD PA YIN LA, SLOB DPON PHYOGS KYI GLANG PO'I ZHAL SNGA NAS KYANG, SHES RAB KYI PHA ROL TU PHYIN LA BRTEN, ,MDOR BSDUS DON NI 'DI DAG YIN, ,SLAR YANG DON GZHAN LA BRTEN NAS, ,DON DE NYID NI 'DAS PA YIN, ,ZHES BSHAD CING, SMRA BA'I DAM PA KHYOD KYI BKA', ,RNAM GRANGS DU MA NYID MCHIS SHING, ,ZLOS BU YANG NI MA MCHIS LA, ,SBYOR BA'I LUGS KYANG RIGS PA LAGS, ,ZHES BSTOD PA BYED PA LAS BRJOD PAS NA ZLOS BU'I NYES PA NI GA LA ZHIG YIN, ZLOS BU'I SKYON MED DU ZIN NA YANG 'DI SKABS RE RE ZHIG GIS BYANG CHUB SEMS DPA'I DON RNAMS STON PAR NUS PA GLO BUR DU 'DUS PA'I 'KHOR GYI DBANG DU BYAS PA LTA NGES SAM, 'ON TE SKABS MA LUS PAS BYANG CHUB SEMS DPA' RNAMS KYI DON STON PAR 'GYUR, GZHAN YANG GZHUNG 'DI DAG LAS NI DON MTHUN DU ZIN KYANG MING SBYOR BA'I DAM DANG MTHONG BA'I LAM LA SOGS PA MI GDAGS PAR RNAM PA GZHAN DU STON PA'I DGOS PA NI CI ZHIG 'DI LA GZIGS, CHOS MNGON PA LA SOGS PA'I MDO KHA CIG LAS BSTAN PA NI DANG PO MI SDUG PA BSGOM PA DANG, DBUGS RNGUB PA DANG, 'BYUNG BA BGRANG BA'I ZHI GNAS LA BRTEN TE, DRAN PA NYE BAR GZHAG PA LA SOGS PA'I BYANG CHUB KYI PHYOGS KYI CHOS LHAG MTHONG GI BDAG NYID BSGOM MO ZHES BSTAN NA 'DIR RIM PA DE LTAR MDZAD PA'I DGOS PA YANG JI LTA BU ZHIG GZIGS SHE NA, SKABS RE RES KYANG BYANG CHUB SEMS DPA'I DON STON PAR NUS PA'I PHYIR GLO BUR DU LHAGS PA'I 'KHOR GYI DBANG DU BYAS PA KHO NA LTAR NGES @29A *, ,PAR BRJOD CING SKABS MA LUS PAR BYANG CHUB SEMS DPA'I DON BSGRUB PAR NUS PA NI CI ZHIG SMOS SU YOD, GZHAN YANG SEMS BSKYED PA LA SOGS PA DAG RE RES KYANG BYANG CHUB SEMS DPA'I RNAMS KYI DON THAMS CAD STON PAR 'GYUR BAS NA, SLOB DPON GYI ZHAL SNGA NAS, DE LTAR NA SEMS BSKYED PA DANG PO DANG THA MA'I LAS BSTAN PA'I GO RIMS BSTAN PA 'DIS LHAG MA BAR GYI TSIG GI DON RNAMS KYI GO RIMS KYANG KHONG DU CHUD PAR BYA STE, TSIG MNGAS SU DOGS NAS BDAG GIS MA BRIS SO ZHES 'CHAD PAR 'GYUR BA'I PHYIR RO, ,'DIR DON NI TSIG GI ZUR TZAM MAM DON GYI DBANG YANG RUNG STE, NGA RE TE LA YANG SKABS BRGYAD CAR GYI DON RDZOGS PAR SBYOR YANG ZLOS BUR NI MI 'GYUR RO DGOS PA'O, ,DE BAS NA NGES PAR YANG DAG RE RE LA DON MTHA' DAG RNAM PAR GZHAG PAR BYA'O ZHES LHAG PAR STON PA YANG MED DO, ,KHA CIG NA RE SKABS DANG POS SKABS THAMS CAD BSDUS PA'I DBANG LAS BYA BA YONGS SU RDZOGS PAR 'GYUR BA NI MGO SMOS PAS GO BA'I DBANG DU BYAS PA'O, ,SNGAR BSTAN PA'I RJES SU 'BRANGS TE THAMS CAD MKHYEN PA NYID GSUM GYIS SKABS THAMS CAD BSDUS PAS DON YONGS SU RDZOGS PAR 'GYUR BA NI DBANG PO BAR MA'I DBANG DU BYAS PA'O, ,SKABS BRGYAD DU RNAMS PAR PHYE BA NI DBANG PO ZHAN PA RNAMS KYI DBANG DU BYAS PA STE, SKABS GSUM PA DANG, DRUG PA DANG, BRGYAD DU BSTAN PA NI YANG DBANG PO'I BYE BRAG STE GSUM CAR LA YANG BSDUS PA DANG 'BRING DANG RGYAS PA LA DGA' BA'I MOS PA THA DAD PA'I DBANG TZAM DU BSTAN PA'O ZHES ZER RO, ,GZHAN YANG 'DI LAS MING GZHAN DU GDAGS PA BYAS PA LA DGOS PA CI ZHIG GZIGS ZHES SRAS PA NI, GAL TE 'O NA DE LTA NA GZHUNG GZHAN DU RGYAL BA'I YUM 'DI DAG LAS BSTAN PA LTAR CI'I PHYIR MI BSTAN ZHES 'DRI NA DE LA YANG JI SKAD DU SMRA BAR BYED, DE BAS NA 'DI NI DON DANG MING DANG TSIG RNAMS LUGS GZHAN KHO NA YIN PAR SHES PAR BYA STE, DE GAS NA SLOB DPON GYI ZHAL SNGA NAS MDOR BSDUS TE RNAM PAR DGROL BA TZAM DU BRJOD PAR @29B 'DOD PAS MA SPROS TE, DE BAS NA 'DI LTAR 'DI NI LUGS GZHAN KHO NA YIN PAS GANG DU YANG THEG PA GZHAN LA BRTEN NAS SUN DBYUNG BA BRJOD PAR MI BYA'O ZHES 'CHAD PAR MDZAD PA YANG DON 'DI NYID THUGS LA BZHAG NAS GSUNG BAR MDZAD DO, ,DE BA NA TSIG LE'UR BYAS PA RNAM PAR BSHAD PA DANG BCAD PA LAS MTHONG BA'I LAM LA SOGS PA ZHAR LA GDAGS PAR MDZAD PA NI GDUL BYA BLO BUL LA RAB TU MA SBYANGS PA DAG LA YUL GZHAN GYI SKAD YUL GZHAN PA LA NGES PA'I TSIG SO SO YANG DAG PAR RIG PA'I MTHUS DNGOS PO LA BRTEN NAS BSLAB PA DANG 'DRA BAR BSTAN GYI, SANGS RGYAS RNAMS LA BKUR STI BYAS, ,ZHES BYA BA LA SOGS PAS SNOD DU GYUR PA'I PHYIR MI LDOG PA RNAMS LA JI SKAD DU GDAGS PA MDZAD PA KHO NAS DON YONGS SU RDZOGS PAR 'GYUR BA KHO NAS 'DI LA NI LOG PAR THA SNYAD MDZAD PA CI YANG MED KYI SO SO RANG GI KHONG DU MA CHUD PAR ZAD DO, ,GZHAN YANG MI SDUG PA BSGOM PA LA SOGS PA 'JUG PA'I RNAM PA MI 'DRA BA 'DIR BSTAN PA YANG 'JUG PA PO RNAMS NI KHAMS SNA TSOGS DANG, MOS PA SNA TSOGS SU RNAM PAR GNAS PA'I PHYIR GCIG JI LTAR 'JUG PA DE KHO NA LTAR THAMS CAD KYANG 'JUG PAR NGES PA'O, ,ZHES NI CIS BZHAG PAR NUS, DE'I PHYIR MI SDUG PA BSGOM PA DANG, DBUGS RNGUB PA DANG, 'BYUNG BA DRAN PA DAG NI CHOS MNGON PA'I MDO LA SOGS PAR SBYOR BA'I LAM YONGS SU SBYONG BA'I DANG POR BSTAN LA, 'DIR NI SEMS BSKYED PA'I SKABS SU SEMS BSKYED PA GSUM PA LHAG PA'I BSAM PAS BSDUS PA, THAR PA'I CHA DANG MTHUN PA'I DGE BA'I RTZA BA'I SKABS SU 'DI LTA STE, TSOGS KYI LAM DE YONGS SU SBYONG BA'I MTHA' LA BSTAN CING, DE BZHIN DU YANG THAMS CAD DU GTOGS PA DMIGS PA'I KHONGS SU GTOGS PAR MDZAD KYI GCIG KHO NAR TSOGS KYI LAM GYI DANG PO 'BA' ZHIG TU NGES PA MED LA, CHOS MNGON PA'I MDO LA SOGS PAR JI SKAD DU BSTAN PA LTAR 'DIR NGES PA BKAG PA YANG CI ZHIG YOD DE, DMIGS PA THAMS CAD DU GTOGS PA YIN PA'I PHYIR RO, ,DE BZHIN DU GZHAN LA YANG CI RIGS @30A *, ,SU SBYOR RO, ,GAL TE 'DI NI SHIN TU RGYAS PA'I SDE'O ZHES BSTAN PA MA YIN NAM, DE LTAR NA MDO GANG DAG LAS RAB TU GSAL BAR BSTAN PA SHIN TU 'DUS PA CHOS LNGAS SANGS RGYAS KYIS BSDUS TE ME LONG LTA BU DANG ZHES BYA BA LA SOGS PA BSTAN PA DANG, BYANG CHUB SEMS DPA' RNAM PAR DGOD PA BCU BSTAN PA DANG, BDUD KYI LAS YANG DAG PHUL NYI SHU LA SOGS PA BSTAN PA DE DAG 'DIR CI'I PHYIR MA BSTAN ZHE NA, GAL TE DON DE DAG 'DIR TSIG TU MA SMOS PA CI'I PHYIR ZHES 'DRI NA NI KHO BOS KYANG SLANG 'DRI STE DE DAG TU YANG RGYAL BA'I YUM 'DI'I TSIG SEMS BSKYED PA LA SOGS PA CI'I PHYIR SMOS PA MA MDZAD, GAL TE DON GYI DBANG DU BYAS TE'O ZHE NA, DE'I TSE NI KHA CIG NI RGYUS BSDUS PA DANG, KHA CIG NI 'BRAS BUS BSDUS PA DANG, KHA CIG NI GROGS KYIS BSDUS PA DANG, KHA CIG NI RNAM GRANGS KYIS BSDUS PA DANG, KHA CIG NI CHED DU MA BRTZAL BA YANG SHUGS KYIS 'DU BA'I PHYIR RTZOD PA DE'I GNAS MED LA GZHUNG RNAMS PHAN TSUN LTOS PA DANG BCAS PAS LCAGS SGROG GIS 'CHING BA LTA BU YIN PAS NA 'DI LAS MA BSTAN PA RNAMS NI DE DANG DE NYID LA GZUNG BAR DGONGS TE, MA BSTAN PAS KYANG NYES PA MED LA, RNAM PA GZHAN YANG GDUL BYA RNAMS KHAMS DANG MOS PA SNA TSOGS PA'I PHYIR RO ZHES SNGAR NAN TAN DU SMOS PAR ZAD DO, ,DE LTAR JI SKAD DU BSTAN PA'I RIM PAS LEGS PA SMRAS PA NI DGE MOD KYI, RNAM PAR RTOG PA GZHAN NYE BAR GNAS TE, SBYOR BA'I LAM LA SOGS PA RNAM PA RE RE YANG LAN DU MAR BSTAN PA DE DAG BAR DU RNAM PA GZHAN GYIS YONGS SU MA BCAD PA 'DI MI BSTAN PAR 'DI'I DGOS PA CI ZHE NA, 'DI NI SNGAR SKYE BO MA THOS PA RNAMS KYI PHYIR BAR BAR DU YONGS SU BSTAN PAR ZAD CES BYA BA DANG, SNGAR 'JIG RTEN PA'I LAM NAS 'JIG RTEN LAS 'DAS PA'I LAN GYI BAR DU RIM GYIS 'JUG PA DANG, DE LTAR ZHUGS TE BSGOM PA'I LAM LA NI SNGAR JI LTAR ZHUGS PA KHO NA LA RAB TU ZHEN PAR RNAL 'BYOR DU BYED DO ZHES BSTAN PA DANG, SKABS RE @30B RE'AM DAG RE RE LA YANG DON THAMS CAD RDZOGS PAR BSTAN PAS ZHI GNAS LAS MI NYAMS PAR BYA BA'I PHYIR TE, GZHUNG GANG DAG LAS ZHI GNAS KYI YON TAN BSTAN PA'I DBANG DU BYAS TE, BSTAN PA'I CHOS THAMS CAD BYE BRAG MED PAR RO GCIG PAR LHAG PAR MOS TE MNYAM PAR 'JOG CING PHUNG PO LA SOGS PA DON GYI RNAM PA THA DAD PA'I 'DU SHES DANG BRAL BAS MDO LAS SOGS PA'I CHOS KYI DGA' BA LA CHOS KYI DGA' BA 'THOB PO ZHES BSTAN LA, 'PHAGS PA ZLA BA SGRON MA'I MDO LAS KYANG, PHYOGS BCU'I 'JIG RTEN GYI KHAMS SU MDO RNAMS BSTAN KYANG, MDO GCIG GI RANG BZHIN GCIG TU THAMS CAD GNAS PAR BSTAN PA YANG DON GYI DBANG 'DI NYID LA DGONGS PAR ZAD DO, ,DE'I PHYIR RIM PA 'KHRUGS PAR BSTAN PA NI 'KHRUGS PA YANG YIN PAS PHYOGS GCIG TU BYA LA YANG NA JI LTAR BSTAN PA LTAR NYID NGES PAR GZUNG GI 'DI LA GO RIMS BZHIN BSTAN PA 'DI NI CI YANG MED DO ZHES SHES PAR BYA'O, ,DA NI TSIG LE'UR BYAS PA DANG 'BREL PA'I GZHUNG GI DON GZHAN BSTAN PAR BYA STE, 'PHAGS PA MI PHAM PA'I ZHAL SNGA NAS TSIG LE'UR BYAS PA 'DIS CI'I PHYIR GLENG GZHI LE'UR MA BSDUS, DE BZHIN DU RJE BTZUN NYID KYIS GZHUS PA'I LE'UR LA SOGS PA YANG MA BSDUS SHE NA, DANG POR GLENG GZHI'I LE'U NI RGYAL BA'I YUM 'DI JI LTAR BYUNG BAR GYUR BA'I 'KHOR 'DUS PA LA SOGS PA BSTAN PA YAN PAS RAB TU RTOGS PAR SLA ZHING, GDUL BYA RNAMS KYI RANG RANG GIS RTOGS PAR NUS BZHIN DU YANG BSTAN PA NI JI SKAD DU BSHAD PA'I DGOS PA LA SOGS PA DANG MI LDAN BAS BLO DANG LDAN PA DAG 'BAD PA'I GNAS MA YIN NO, ,DE'I 'OG TU SEMS BSKYED PA'I LE'U LA SOGS PA'I LE'U GRANGS LHAG MA CHOS NYID 'GYUR BA MED PA'I MTHAR THUG PA NI RAB TU RTOGS PAR DKA' BAS NA THOG MAR BSHAD PA'I DGONGS PAS TSIG LE'UR BYAS PA DANG SBYAR BA BSTAN TE, DE NAS BYANG CHUB SEMS DPA'I BSLAB PA RAB TU DBYE BA'I LE'U NI MTSAN NYID GSUM GYI DBYE BAS NI DON DAM PA'I DBEN PA YONGS SU GRUB PA'I BSTAN NYID SNYING @31A *, ,PO'I DON THEG PA GCIG NYID DANG RIGS GCIG NYID DU BSTAN PA YIN LA, SNYING PO'I DON NI MDO SDE ZAB MO 'PHAGS PA 'JAM DPAL GYI MAN NGAG LA SOGS PA LAS KYANG GSAL POR BSTAN LA, 'PHAGS PA KLU SGRUB KYI ZHAL SNGA NAS KYANG DBU MA SHES RAB LA SOGS PAR GSAL BAR MDZAD PAS 'DIR BSTAN MI DGOS SO ZHES DANG POR BSTAN TO, ,DE'I 'OG TU BYANG CHUB SEMS DPA' RTAG PAR RAB TU DU BA'I LE'U DANG, 'PHAGS PA CHOS 'PHAGS KYI LE'U DAG NI SLOB MA DANG DGE BA'I BSHES GNYEN GYI TSUL BSTAN PA STE, GDUL BYA MA 'ONGS PA RNAMS LA DE LTAR BSLAB PA'I CHED DU SNGON BYUNG BA BSTAN PA STE GO BAR SLA'O, ,LE'U THA MA NI GZHUNG NYE BAR BSDU BA'I TSUL RGYAS PA STE, DE'I PHYIR DE DAG TSIG LE'UR BYAS PA DANG MA SBYAR RO ZHES SHES PAR BYA'O, ,DE LTA NA GZHUNG MA LUS PA SKABS KYI DON DU MI BSDUR MI 'THAD PA NI MA YIN GYI, ,MDO'I DON RTOGS DKA' BA TZAM ZHIG SKABS KYI DON GYIS BSDUS PAR ZAD DO, ,DE NI DE LTA NA JI LTAR SBYAR BA'I SKABS KYI DON STON PA'I TSIG RNAMS DANG, TSIG LE'U BYAS PA SBYAR BA'I RIM PA JI LTA ZHE NA; 'DI NI RGYAL BA'I YUM BAR MA'I DBANG DU BYAS TE, 'PHAGS PA RNAM PAR GROL BA'I SDES SBYAR BA YANG DAG PAR MDZAD LA, SLOB DPON GYI ZHAL SNGA NAS KYANG MDOR BSDUS PA'I YUM BRGYAD STONG PA DANG LEGS PAR SBYAR SHING, SANGS RGYAS YE SHES ZHABS KYI ZHAL SNGA NAS KYANG, RAB TU BSDUS PA'I YUM BAR MA'I DBANG DU BYAS TE, DE DAG LA BRTEN TE RGYAL BA'I YUM MA LUS PAR SBYAR BAR NUS PAS NA YANG 'DIR SBYAR BA'I NGAL BA NI MI BYA'O, ,DE LTAR YANG DAG PAR SBYAR BA'I GNAS SU KHA CIG NI MAN NGAG GI TSIG DANG MDO'I TSIG SBYAR BAR 'THAD PA NYID DU SNANG NA, GANG YANG SH'A RI'I BU 'DI LA BYANG CHUB SEMS DPA' SEMS DPA' CHEN POS GNAS PA MED PA'I TSUL DU SHES RAB KYI PHA ROL TU PHYIN PA LA GNAS TE SBYIN PA DANG GTONG BA DANG YONGS SU LEN PA DMIGS SU MED PA'I PHYIR YANG SU @31B GTONG BA MED PA'I TSUL GYIS SBYIN PA'I PHA ROL TU PHYIN PA YONGS SU RDZOGS PAR BYA'O ZHES PA LA SOGS PA BSAM PA STE, GSER BZANG PO LTAR BYANG CHUB KYI BAR DU YONGS SU MI 'GYUR BA'O ZHES PA LA SOGS PA 'DI DAG LA GCIG KHO NAR NGES PAR BYED NUS PA MA YIN PA NGAG RGYU MTSAN GANG GIS MAN NGAG GI TSIG DANG SBYAR BAR 'GYUR, GZHAN YANG DRO BAR GYUR PA'I GNAS SKABS SU BUD MED DU NI MI SKYE BAR BRJOD PA LA SOGS PA MDO'I TSIG GANG DAG MAN NGAG GI GZUNG GIS MA BSDUS PA RNAMS NI JI LTAR BRJOD PAR BYA, YANG MDO SDE'I GLEGS BAM KHA CIG LAS MAN NGAG GI BSTAN BCOS SU SMOS PA RNAMS SNANG BA YANG GANG DU SBYAR ZHE NA, GANG DANG GANG DU MAN NGAG GI TSIG DANG MDO'I TSIG SBYAR BAR BYA BA LA NGES PAR BYED PA'I RGYU MTSAN MED PA LTAR GNAS PA NI 'GA' ZHIG TU ZAD DE, DE DAG TU YANG SBYAR BA'I RGYU MTSAN NI GNYIS TE, KHA CIG SBYAR BAR RIGS PA DAG MA SBYAR BA NA DE'I LHAG MA NI DE DANG SBYAR BAR SHUGS NYID KYIS BSTAN TE, SHUGS NI 'BREL PA STE DNGOS SU BRJOD PA LA GTZOR MA GYUR PA'I PHYIR RO, ,GZHAN YANG YANG DAG PAR RDZOGS PA'I SANGS RGYAS KYIS DE LTAR SBYAR BA'I LUNG BCOM LDAN 'DAS BYAMS PA 'DI LA MNGA'O ZHES KYANG ZHES KYANG SHES PAR BYA STE, 'DI NI RGYAL TSAB TU DBANG BSKUR BAS DAM PA'I CHOS KYI MDZOD GZHAN GYIS BLTA BAR BYA BA MA YIN PA LA PHA'I LUNG GIS SPYOD PA'I PHYIR RO, ,DE'I PHYIR GANG DU RGYU MTSAN MED PA LTAR SNANG BA YANG, LA LA LAS DON GZHAN LAS TSIG, GZHAN LAS RNAM GRANGS MING GIS TE, ,ZHES BSTAN PA'I TSUL GYIS NA THUB PA CHEN POS DON DE DANG DE STON PA'I MTSAN MA TZAM GYIS TSIG RAB TU BSTAN PAR NGES PAR SHES PAR BYA STE, 'JIG RTEN NA YANG RES 'GA' NI DNGOS PO KHA CIG TSIG DANG MING GI RNAM GRANGS DANG, RGYU DANG, 'BRAS BU DANG, LAS LA SOGS PAS ZHIB MOR STON CING, KHA CIG TU NI DNGOS PO LA LA BRDA TZAM GYIS STON CING DES KYANG DE BSTAN PAR 'GYUR BA BZHIN NO, ,DE BAS NA YUM RAB TU BSDUS PA LA SOGS PA'I TSIGS KHA CIG LA NGES PA KHO NAR RGYU @32A *, ,MTSAN MTHUS BTZAL BAR NI MI BYA'I THUB PA CHEN PO'I GSUNG GI PHYAG RGYA DON RGYA CHEN PO'I BYA BA LA NYE BAR GNAS PA TZAM DU SHES PAR BYA'O, ,MDO'I TSIG GANG DAG MAN NGAG TU MA BSDUS PA DRO BAR GYUR PA'I GNAS SKABS SU BUD MED DU MI SKYE BAR MDO LAS BSTAN PA LA SOGS PA KHA CIG NI ZLAS BSDUS PAS RANG GI SKABS DER GTOGS PAR SHES PAR 'GYUR RO, ,KHA CIG NI GTZO BOS YAN LAG BSDUS PA STE RGYAL PO GSHEGS PAR BRJOD PA LTA BU'O, ,KHA CIG NI SKABS BRGYAD KYI GZHUNG GI KHONGS SU BSTAN PA YANG GO SLA BAS NA CHED DU BSDUS PA MED DE, DGE SLONG RAB TU MANG PO LUNG BSTAN PA LA SOGS PA STE, DE LTAR RANG GI BLO DRI MA MED PAS CI RIGS SU RJES SU DPAG GO, ,TSIG LE'UR BYAS PAR SMOS PA LAS KHA CIG MDO'I GLEGS BAM LA LA LAS MI SNANG BA NI, ,GZHUNG RAB TU RGYAS PA 'DI DAG NI 'BRI BA LA SOGS PA DKA' BAS 'GRUB PAR 'GYUR BA DANG, LNGA BRGYA THA MA LA 'GRO BA RNAMS NI BLO'I STOBS RAB TU CHUNG BA'I PHYIR LUNG GI TSIG RAB TU NYAMS PAR ZAD KYI, 'DI LA LOG PAR BSTAN PA'I DRI MA NI MI BSAM STE, BCOM LDAN 'DAS BYAMS PAS SHES RAB KYI PHA ROL TU PHYIN PA GTAN LA PHAB PA'I PHYIR RO, ,DE LTAR DE DAG NI GZHUNG RNAM PA GNYIS KYI TSUL BRJOD PA MDOR BSDUS PA'O, ,DA NI YAN LAG GNYIS PA'I DON MDOR BSDUS PA MNGON PAR BRJOD PAR BYA STE, DE YANG RE ZHIG SNYING PO'I DON BSGOM PA DON DAM PA'I BDEN PA GTZOR BYAS PA DANG, MNGON PAR RTOGS PA'I DON YID LA BYA BA KUN RDZOB KYI BDEN PA'I DBANG DU BYAS PA'O, ,DE LA SNYING PO'I DON BSGOM PA'I DBANG DU BYAS TE, SLOB DPON GYI ZHAL SNGA NAS RTZE MO'I MNGON PAR RTOGS PA'I SKABS SU DE LA SKYE BA DANG 'JIG PAS STONG PA'I PHYIR, BDAG MED DO SNYAM DU BSGOMS PAS BDAG TU MNGON PAR ZHE NA PA YONGS SU BOR LA DES DBEN PA'I PHUNG PO LA SOGS PA RTEN CING 'BREL BAR 'BYUNG BA SKYE BA DANG 'JIG PA'I CHOS CAN LA YANG DAG PAR DMIGS TE, SNGON PO DANG DE'I BLO DAG LHAN CIG DMIGS PAR NGES PA'I PHYIN 'DI NI SEMS TZAM KHO NA YIN GYI @32B PHYI ROL GYI DON MED DO ZHES YID LA BYED CING, 'DZIN PA'I RNAM PA CAN GYI SEMS LA MNGON PAR ZHEN PA YONGS SU MA BOR BAS PHYI ROL GYI DON DU MNGON PAR ZHEN PA SPANGS TE, GZUNG BA MED NA 'DZIN PA MED DO SNYAM DU NGES PAR BSAM ZHING, 'DZIN PA'I RNAM PA'I MTSAN NYID RNAM PAR RIG PA TZAM DE YANG BSAL TE, GNYIS SU MED PA'I YE SHES DE 'BA' ZHIG YANG DAG PA YONG PA'I NGO BO YIN NO SNYAM DU NGES PAR BYAS NAS, DE YANG RTEN CING 'BREL PAR 'BYUNG BA YIN PA'I PHYIR SGYU MA BZHIN DU NGO BO NYID MED PA STE, YANG DAG PAR NA GCIG TU DNGOS PO DANG DNGOS PO MED PA LA SOGS PAR BRTAGS PA'I NGO BO DANG BRAL BA YIN NO SNYAM DU BSGOMS TE, BSGOM PA'I STOBS GRUB PA NA KHA CIG LA NOR BU DANG DNGUL LA SOGS PA'I MCHOG SHES PA BZHIN DU 'KHRUL PA'I MTSAN MA MTHA' DAG SPANGS PA, SGYU MA LTA BU'I BDAG NYID DU SNANG BA'I BLO RNAM PAR MI RTOG PA SO SO RANG GIS RIG PAR BYA BA CI ZHIG LTAR YANG DAG PAR SKYES NA RNAL 'BYOR PAS SHES BYA'I SGRIB PA YANG DAG PAR SPONG NGO, ,DE LTA MA YIN TE DUS THAMS CAD DU NAM MKHA' RDZAS MED PA TZAM GYI NGO BO 'DZIN PA BZHIN DU BSKYED DU MED PA DANG SPANG DU MED PA'I RANG GI NGO BO 'DZIN PA'I PHYIR SKAD CIG MA'I CHOS SHES PA TZAM GYI NGO BO DANG SHES BYA'I MTSAN NYID RNAMS GAL TE DON DAM PAR YOD PA ZHIG TU GYUR NA DE'I TSE GNYEN PO BSGOMS PAS NAM MKHA' BZHIN DU DE DAG LA CUNG ZAD KYANG MI BYED DO, ,DE'I PHYIR GZHAN DAG GI DNGOS POR MNGON PAR ZHEN PA'I PHYIR CI LOG MI LDOG PAS BCOM LDAN 'DAS KYIS SHES BYA'I SGRIB PA RNAM PA THAMS CAD DU SPANGS PA GANG YIN PA DANG, CHOS RNAMS KYANG YOD PAR KHAS LEN PA GANG YIN PA DE NI PHAN TSUN 'GAL BA'I DON KHAS LEN PAS KHO BOS YA MTSAN DU BRTZIS SO ZHES BYA BA YIN NO, ,ZHES LOG PAR RTOG PA'I PHYOGS SMAD PA DANG BCAS PAR BRJOD PA 'DI LA BRTEN TE BSGOM PA'AM, YANG NA SLOB DPON BYANG CHUB SEMS DPA' KA MA LA SH'A LA'I ZHAL SNGA NAS RNAM PAR SBYAR BA, SHES RAB KYI PHA ROL TU PHYIN PA BSGOM PA'I MAN NGAG MDOR @33A *, ,BSDUS PA LAS JI SKAD DU BSTAN PA'I MAN NGAG LA BRTEN TE BSGOM PAR BYA'O, ,SNYING PO'I DON DANG MNGON PAR RTOGS PA'I DON GNYI GA DAG LA YID LA BYAS PA'I MTHAR SLOB DPON GYI ZHAL SNGA NAS SBYAR BA'I RGYAL BA'I YUM 'DI'I BSTOD PA RNAM PAR MI RTOG PAR BSTOD PA ZHES BYA BA YID BTUD PAS GUS PAR BRJOD PAR BYA'O, ,GANG GI TSE MNYAM PAR MA GZHAG PA DE'I TSE MNGON PAR RTOGS PA MA LUS PA BSDUS PAR GYUR PA'I RIM PA RAB TU GSAL BA'I SHES PA GNYID DANG RMUGS PA LA SOGS PA BSAL ZHING, YID NANG DU BSDUS PAS RIM PA BZHIN DU RNAM PAR BSAMS TE, DE NAS SKYON BZHI BCU RTZA DRUG LA SOGS PA NI RNAM PAR SPANG BAR GO CHA BGO BAR BYA'O, ,YOD TAN RNAMS YID LA DRAN PAS DBUGS DBYUNG BAR BYA'O, ,RNAM PA DANG MTSAN NYID LA SOGS PA RNAMS NI MA 'DRES PAR SHES PAR BYA'O, ,DE NAS DUB PA DANG BRAL BA NA SLAR YANG SPONG BA'I 'DU BYED BRGYAD KYIS BSAM GTAN GYI SKYON RNAM PA LNGA SPANGS LA SNYING PO'I DON BSGOM PAR BYA STE, DE LTAR YANG DAG PAR ZHUGS PA'I RIGS KYI BU DGE BA'I BSHES GNYEN NAM YANG MI 'DOR BA DE NI RING PO MI THOGS PAR TSOGS KYI LAM LA SOGS PA SBYANGS TE BDEN PA MTHONG NAS CHOS KYI RGYAL PO GCIG PU'I GO 'PHANG YANG THOB PAR 'GYUR RO, ,DE LTAR YANG DAG PAR BRTZON PA'I RIGS KYI BU'AM RIGS KYI BU MO DES, 'JIG RTEN RGYANG PA NA BA'I GTZUG LAG LA 'DOD CHAGS DANG BRAL BAR 'GYUR ZHING YID 'GYUR BA DANG, SEMS RNAM PAR DAG PAR MI 'GYUR BA'I GZHUNG LA KLOG PA LA SOGS PA SPANGS TE NYIN GCIG BZHIN DU SHES RAB KYI PHA ROL TU PHYIN PA'I GLEGS BAM YI GE RAB TU GSAL BA CI NUS SU KLOG CING, LHA DANG KLU LA SOGS PA LA CHOS KYI SBYIN PA RGYAS PAR BYA'O, ,RANG GI CHO GA DANG 'DUL BA DANG BYA BA'I NGES PA GANG YIN PA RNAMS LAS KYANG MI 'DA' BAR BSRUNG BAR BYA'O, ,DA NI MNGON PAR RTOGS PA'I DON YID LA BYA BA BRJOD PAR BYA STE, BYANG CHUB SEMS DPA' YID LA SPRO BAR BYA BA DANG, ZHES BYA BA LA YANG MA RMONGS PAR @33B BYA BA'I PHYIR SNYING PO'I DON SGOM PAR BYED PA BTANG BA NA YANG 'DU 'DZI DANG BRAL BA'I GNAS SU SKYIL MO KRUNG DRANG POR BCAS TE 'DUG PA'AM YANG JI LTAR BDE BAS KYANG RUNG STE, STAN BDE ZHING 'JAM PA LA NYE BAR 'DUG LA CHOS KYI PHUNG PO JI SNYED PA NI RGYAL BA'I YUM 'DIR SNYING PO BSDUS PA'O ZHES BSAMS TE, DE NAS RGYAL BA'I YUM YID LA BYA BA NI LAM DANG 'BRAS BU GNYIS SU RNAM PAR PHYE STE'O, ,DE LA DANG POR LAM YID LA BYA BA YIN TE DE YANG TSOGS DANG, SBYOR BA DANG, MTHONG BA'I LAM DANG, BSGOM PA'I LAM RNAMS GCIG NAS PHYE STE RTOGS PAR YID LA BYA'O, ,DE LA DANG PO TSOGS KYI LAM GYI DBANG DU BYAS TE DE NI MING THA DAD PA'I DON GCIG RNAM PAR DBYE'O, ,MING THA DAD PA'I DON GYI DBANG DU BYAS TE, DE NI TSOGS KYI LAM DANG, LAS DANG PO PA'I SA DANG, DAD PA'I SA ZHES BSGRAGS PA'O, , RNAM PAR DBYE BA'I DBANG DU BYAS TE, DE NI PHAL PA DANG KHYAD PAR CHAN GYIS RNAM PA GNYIS SO, ,PHAL PA NYE BAR GZUNG STE DE PHAL PAR GZHAG PA'I RGYU MTSAN NYID DANG, NGO BO NYID BSTAN PAR BYANG CHUB KYI PHYOGS DANG MTHUN PA DANG RAB TU SBYAR BA DANG, RNAM PA'I DBANG DU NI DE NYID DNGOS PO LA YONGS SU RTOG PA'I LAM DANG, RTZOL BA'I LAM DU BSDUS PA LAS DBYE BA DANG, SEMS BSKYED PA'I DBYE BA LAS NI 'DUN PA DANG, BSAM PAR BRJOD PA DANG, GDAMS NGAG LAS NI SGRUB PA DANG, DKON MCHOG GSUM DANG MA ZHE NA PA DANG, YONGS SU MI NGAL BA DANG, LAM YONGS SU 'DZIN PA DAG BDEN PA'I PHYOGS TZAM PAR BRJOD PA DANG, DMIGS PA DANG CHED DU BYA BA RNAMS RIL GYIS SBYAR BA DANG, MTSAN NYID LAM LUS PA SHES PAR BYA BA DANG, CHOS KYI SKU'I PHRIN LAS LAS 'GRO BA RAB TU ZHI BA DANG BSDU BA'I DNGOS PO BZHI DANG; BLANG BA DANG DOR BAR BYA BA RNAMS RTOGS PA DANG, DNGOS POR 'DZIN PA LA CUNG ZAD GROL BAS TSAD MED PA BZHI SGRUB PA DAG DANG DE'I RTAGS TE, DE LTAR NA DE'I NGO BO NYID DANG, RNAM PA DANG, MTSAN NYID DANG, SEMS BSKYED PA DANG, GDAMS NGAG DANG, @34A *, ,DMIGS PA DANG, CHED DU BYA BA DANG, THUB PA CHEN PO'I PHRIN LAS DANG, YANG DAG PAR SBYAR BA DANG, RTAGS DAG STE RNAM PA DGUS YID LA BYA'O, ,DE LA RTAGS KYI DBANG DU BYAS TE DE NI MDO DE DANG DE LAS RNAM PA DU MA BSTAN LA, 'PHAGS PA KLU SGRUB KYI ZHAL SNGA NAS KYANG, SO SO'I SKYE BO NYID NA 'ANG STONG NYID THOS, ,NANG GI DGA' BA YANG DANG YANG DU 'BYUNG, ,DGA' LAS BYUNG BA'I MCHI MAS MIG NI BRLAN, ,LUS KYI SPU RNAMS LDANG BA'ANG 'BYUNG BAR 'GYUR, ,ZHES BYA BA LA SOGS PA GSUNGS PA'O, ,PHRIN LAS DANG SBYAR BA NI BDAG CAG LAM YANG DAG PA LA ZHUGS SHING LOG PA'I LAM DU MA ZHUGS PA NI RJE BTZUN SANGS RGYAS KYI MTHU'O, ,ZHES SHES PAS STON PA LA DRIN DU GZO BAS BKA' BZHIN DU BYED PA LA 'JUG PA'I YAN LAG TU 'GYUR BA STE, BYANG CHUB TU SEMS BSKYED PA LA SOGS PA SANGS RGYAS KYI BYIN GYI RLABS SO ZHES PA NI, LUNG GI DANG POR BSTAN CING LAN DU MCHOD PA'I TSUL YANG SNGAR DE NYID DU BSTAN TO, ,DON 'DI LAS BSAMS TE SLOB DPON ZHI BA 'TSO'I ZHAL SNGA NAS KYANG, DE PHYIR LOG PAR BSTAN PA YI, , GRUB MTHAR 'CHE BA'I BLO CAN LA, ,DE LUGS RJES 'JUG SKYE BO RNAMS, ,SNYING RJE NYID NI RAB TU SKYE, ,BLO NOR LDAN PAS LUGS GZHAN LA, ,JI LTAR SNYING PO MED MTHONG BA, ,DE LTAR DE DAG SKYOB PA LA, ,GUS PA SHIN TU SKYE BAR 'GYUR, ZHES BSHAD DO, ,TSOGS KYI LAM KHYAD PAR CAN GYI DBANG DU BYAS TE, YANG MING THA DAD PA'I DON DANG, NGO BO BSTAN PA BYANG CHUB KYI PHYOGS KYI CHOS LAS RDZU 'PHRUL GYI RKANG PA BZHI'I BDAG NYID DANG, DE NYID DANG RNAM PA'I DBANG DU BYAS TE, TING NGE 'DZIN YONGS SU SBYONG BA'I LAM LAS DBYE BA DANG, SEMS BSKYED PA LAS NI LHAG PA'I BSAM PA DANG, GDAMS NGAG DANG, DMIGS PA DANG, CHED DU BYA BA LAS SNGA MA LTA BU DANG, MTSAN NYID DAG KYANG MA LUS PAR SHES PAR BYA BA DANG, SKABS BZHI PA LAS RANG GI NGO BO JI SKAD DU BSTAN PAS LEGS PAR BSHAD PA DANG, RNAM PAR DBYE BA @34B DANG; RTAGS DANG, THUB PA'I DBANG PO'I BYIN GYI BRLABS DANG SBYAR BA DAG GIS BSTAN TE, DE LA MING THA DAD PA'I DON GYI DBANG DU BYAS TE NI TSOGS KYI LAM KHYAD PAR CAN DANG, THAR PA'I CHA DANG MTHUN PA'I DGE BA'I RTZA BA ZHES GRAGS SO, ,KHYAD PAR CAN DU GZHAG PA'I RGYU MTSAN NI 'DI NI MA NGES PA'I PHYIR MI LDOG PA ZHES BYA BA'I TSUL GYIS SO, ,RNAM PAR DBYE BA NI GNAS SKABS SU RTOGS PA DANG, MOS PA LAS GYUR PA DANG, LHAG PAR 'DOD PA LAS GYUR PA DANG, 'THOB PA LAS GYUR PA STE RNAM PA BZHI'O, ,RTAGS KYI DBANG DU BYAS TE NI TSE DANG LUS DANG, RDZU 'PHRUL DANG, BYIN GYI BRLABS LA DBANG BA STE 'BRAS BU'I RTAGS SO, ,RANG BZHIN GYIS DBANG DU BYAS TE NI THAMS CAD LA MNGON PAR ZHEN PA MED PA ZHES BYA'O, ,THUB PA'I DBANG PO'I BYIN GYI BRLABS KYI DBANG DU BYAS TE, 'KHOR GSUM RNAM PAR DAG PAS RAB TU PHYE BA'I PHA ROL TU PHYIN PA DRUG PO DAG LA GOMS PAR BYED PA STE, DE LTAR NA THAR PA'I CHA DANG MTHUN PA'I DGE BA'I RTZA BA YANG BSTAN PA'I TSUL RNAM PA BCU GNYIS KYIS SHES PAR BYA'O, ,DE BZHIN DU SBYAR TE SBYOR BA'I LAM DANG MTHONG BA'I LAM DANG, BSGOM PA'I LAM THA MAL PA DANG, DE NYID KYI KHYAD PAR GYI LAM DANG, DE NYID SANGS RGYAS KYIS SA'I BAR DU GYUR PA DAG DANG, YANG DANG PO GZUNG RNAM PAR DBYE BA DANG BCAS PA'I MAN NAG GI LUGS DGE BA'I BSHES GNYEN MNYES PAR BYAS PAS THOS PAR 'GYUR BA NI BDAG GIS 'DIR BRI BAR MI 'THAD PAS NA, BYANG CHUB SEMS DPA' RNAMS KYIS RANG GI TSOGS YONGS SU RDZOGS PAR BYA BA'I PHYIR DGE BA'I BSHES GNYEN MGU BAR GYIS LA SNYING PO BLANG BAR BYOS SHIG ,DE LTAR NA 'PHAGS PA MI 'KHRUGS PA'I SNGON GYI DAM BCAS PA BSTAN PA LA SOGS PA'I MDO LA SOGS PA DANG, SEMS CAN RNAM PAR DBYE BA MED PAR CHOS KYI SBYIN PA BYA BAR BSTAN PA BYA BAR BSTAN PA LA SOGS PA DANG 'GAL BAR 'GYUR BA MA YIN NAM, DER NI DGE BA'I BSHES GNYEN GNYES PAR BYA BA LA SOGS PA'I YAN LAG MA BSHAD DO ZHE NA, DGE BA'I BSHES GNYEN @35A *, ,GYIS SEMS RNAM PAR DAG PA STON PA NI DE LTAR 'THAD PAR 'GYUR TE, 'PHAGS PA 'JIG RTEN LAS 'DAS PA'I LE'U'I MDO LA SOGS PAR ZANG ZING DANG 'BREL PAR CHOS STON PA NI BDUD KYI LAS YANG DAG PHUL LO ZHES GSUNGS PAS SO, ,NYAN PA'I BYANG CHUB SEMS DPA'I DBANG DU BYAS TE NI BYANG CHUB SEMS DPA' RTAG PAR RAB TU DU BAS, DGE BA'I BSHES GNYEN BYANG CHUB SEMS DPA' CHOS KYI 'PHAGS PA MNYES PAR BYA BA'I PHYIR RANG GI SHA DANG KHRAG DANG RKANG YANG YONGS SU BTANG BA'I RJES SU 'BRANG BAR BYA'O, , DE BAS NA 'DIR CHOS NYAN PA DANG, CHOS SMRA BA DAG GI TSUL CUNG ZAD CIG BRJOD PAR BYA STE, BYANG CHUB SEMS DPA' CHOS NYAN PAR BYED PAS CHOS BCU'I BDAG NYID DANG LDAN PAR BYA STE, DE DAG NI JI SKAD DU GSUNG PA, KYE RGYAL BA'I SRAS BCU PO 'DI DAG NI BYANG CHUB SEMS DPA'I CHOS YONGS SU TSOL BA STE, BCU GANG ZHE NA, 'DI LTAR G-YO DANG SGYU MED PAS BSAM PA THAG PAR CHOS YONGS SU TSOL BA DANG, BRTZON 'GRUS LHOD PA MED PAR SRAN 'JUG PAS BRTZON 'GRUS KYIS CHOS YONGS SU TSOL BA DANG, LUS DANG SROG LA MI LTA BAR CHOS YONGS SU TSOL BA DANG, RNYED STOBS DANG BKUR STI DANG GRAGS PA'I PHYIR MA YIN GYI, 'GRO BA THAMS CAD KYI NYON MONGS PA SPANG BA'I PHYIR CHOS YONGS SU TSOL BA DANG, BDAG 'BA' ZHIG LA PHAN PA'I PHYIR MA YIN GYI, ,BDAG DANG GZHAN DANG 'GRO BA THAMS CAD LA PHAN PA'I PHYIR CHOS YONGS SU TSOL BA DANG, CHOS KYI MDANGS KYIS RAS CHOD BYA BA'I PHYIR MA YIN GYI, ,SHES RAB LA 'JUG PA'I PHYIR CHOS YONGS SU TSOL BA DANG, GO BA LO BA LA DGA' BA'I PHYIR MA YIN GYI RAB TU BRTEN PAR BYA BA'I PHYIR CHOS YONGS SU TSOL BA DANG; BYANG CHUB KYI SEMS MA BTANG BAS SEMS CAN RNAMS LA SNYING BRTZE'I PHYIR CHOS YONGS SU TSOL BA DANG, YID GNYID DANG BRAL BA'I PHYIR SEMS CAN THAMS CAD KYI THE TSOM BCAD PA'I DON DU CHOS YONGS SU TSOL BA DANG, RLOM SEMS MED CING 'DOD PA MED PA'I PHYIR, @35B SANGS RGYAS KYI CHOS YONGS SU RDZOGS PAR BYA BAR CHOS YONGS SU TSOL BA DANG ZHES BYA BA RNAMS SO, ,DE DE LTAR YONGS SU CHOS TSOL BA NA DGE BA'I BSHES GNYEN CHOS SMRA BA LA SEMS BSKYED PA BCUS NYE BAR GNAS PAR BYA STE, DA DAG NI JI SKAD DU GSUNGS PA, KYE RGYAL BA'I SRAS BYANG CHUB SEMS DPA' GANG GIS BLA NA MED PA YANG DAG PAR RDZOGS PA'I BYANG CHUB KYI SEMS BSKYED PA DES KYANG THAMS CAD MKHYEN PA'I YE SHES MNGON PAR RDZOGS PAR 'TSANG RGYA BA'I PHYIR DGE BA'I BSHES GNYEN RNAMS LA RIM GRO DANG BKUR STI DANG BSNYEN BKUR BYA'O, ,DE DGE BA'I BSHES GNYEN RNAMS LA RIM GRO DANG BKUR STI DANG BSNYEN BKUR BYED PA'I TSE, DGE BA'I BSHES GNYEN RNAMS LA SEMS BSKYED PA BCU PO 'DI DAG BSKYED PAR BYA STE, BCU GANG ZHE NA, 'DI LTAR RIM GRO BYA BA'I SEMS DANG, DGYES PAR BYA BA'I SEMS DANG, JI SKAD BSGO BA BZHIN DU NAN TAN BYA BA'I SEMS DANG, THUB MI 'BYUNG BA'I SEMS DANG, RNAM PAR SPYO BA DANG YONGS SU 'KHOR BA LA SOGS PA LA JI SNYAM YANG MI BYED PA'I SEMS DANG, GCIG TU NGES PA'I SEMS DANG, DGE BA'I RTZA BAS THAMS CAD LA RGYUD KYI TSUL GCIG TU GYUR PA'I SEMS DANG, SMON LAM GCIG PA'I SEMS DANG, STON PA'I SEMS DANG, SPYOD PA MTSUNGS PAR YONGS SU RDZOGS PAR BYA BA'I SEMS TE, KYE RGYAL BA'I SRAS BCU PO 'DI DAG NI NYAN PA DGE BA'I BSHES GNYEN RNAMS LA SEMS BSKYED PA RNAMS SO, , DE SEMS BSKYED PA BCU PO 'DI DAG BSKYED PA'I TSE YONGS SU DAG PA BCU RAB TU THOB PAR 'GYUR TE ZHES PA LA SOGS PA'O, ,DE'I PHYIR RGYAL BA BSKYED MA LAS, CHOS SMRA BA DANG NYAN PA 'GAL BAR GYUR PAS BDUD KYI LAS SU 'GYUR BA SROG GI BAR CHAD DU 'GYUR BA'I PHYOGS LA SOGS PAR 'GRO BA'I DBANG DU BYAS PA'I TSE YANG SLOB MAS DGE BA'I BSHES GNYEN GYI BKA' NI MI 'GOM GYI RANG GI SROG LA NI 'GOM PAR BYA STE, JI LTAR BRAM ZE RGYAL BA'I DROD KYI SKYE MCHED KYI 'PHAGS PA NOR BZANGS ME'I G-YANG SA CHEN POR MCHONG BAR BYA BA'I PHYIR @36A *, ,BSGO BA'I GTAM RGYUD LA YANG SBYAR BAR BYA'O, ,YANG CHOS NYAN PA DES THUN MONG DU BYA BA'I CHOS BCU BZHI LA GNAS PAR BYA STE, DE DAG NI JI SKAD DU 'PHAGS PA DON RGYAS PA'I MDO LAS, TSE DANG LDAN PA DAG CHOS NYAN PAR 'DOD PAS RNAMS PA BCU BZHI CHOS MNYAN PAR BYA STE, 'DI LTA STE, DUS SU MNYAN PA DANG, GUS PAR MNYAN PAR DANG, MA RANGS PA MED PAR MNYAN PA DANG, BSGO BA BZHIN DU MNYAN PA DANG, KLAN KA MI TSOL BA DANG, CHOS LA GUS PAR BYA BA DANG, CHOS LA MI BRNYAS PA DANG, CHOS SMRA BA'I GANG ZAG LA MI BRNYAS PA DANG, BDAG LA MI BRNYAS PA DANG, RTZE GCIG PA'I SEMS DANG, KUN SHES PAR BYA BA'I SEMS DANG, RNAM BLAGS TE MNYAN PA DANG, SEMS BSDUS TE MNYAN PA DANG, SEMS THAMS CAD KYIS BSAM TE CHOS MNYAN PAR BYA'O ZHES GSUNGS SO, ,DE LTAR CHOS LEGS PAR MNYAN PA ZHIG YIN NAM CI STE MA YIN ZHE NA, DGE BA'I BSHES GNYEN GYIS RING DU LTA BAS BRTAGS TE, GAL TE YANG DAG PAR TSUL PHUN TSOGS PA LTA NA RGYAL BA'I YUM 'DI'I SNYING PO SBYIN PAR BYA'I, ,DANG PO NYID DU NI GZUGS BRNYAN GYI YON TAN STON SRID PA'I PHYIR, ,DE LA DGONGS TE, 'JIG RTEN 'DI NI LEGS PA MA BSDAMS PA, ,PHAL CHER LEGS BSDAMS RTAGS KYI RGYU BYED PAS, ,LEGS PAR MA BRTAGS PAR DU MI DAG GI ,MDOG GZUGS LAN 'GA' MTHONG BAS YID MI RTON, , RA GAN KHA BSGYUR LTA BU MI 'TSAM ZHING, ,LCAGS PHYE GSER GYIS G-YOGS PA JI LTA BAR, ,KHONG PA RAB GDUG PHYI ROL 'PHAGS TSUL GYIS, ,'JIG RTEN 'DI NA 'KHOR DANG BCAS PA RGYU, ,ZHES GSUNGS LA, SLOB DPON GYI ZHAL SNGA NAS KYANG 'OG NAS 'CHAD PA LAS, BYANG CHUB SEMS DPA' DUS YUN RING MO ZHIG NAS DGE BA'I BSHES GNYEN YANG DAG PAR MGU BAR BYAS PA'I MANG NGAG PHYIN CI MA LOG PA DANG LDAN PA ZHES STON PAR 'GYUR RO, ,RGYU MTSAN DE NYID TSAD MAR MDZAD PA DANG, SLOB MA'I TSOGS YONGS SU RDZOGS PAR BYA BA'I YAN LAG TU 'GYUR @36B BA LA GZIGS TE, RJE BTZUN BZANG PO'I ZHAL SNGA NAS BDAG GIS DGE BA'I BSHES GNYEN LA LO BCU BDUN DU BSNYEN BKUR BYAS PA YONGS SU RDZOGS NAS RGYAL BA SKYED MA'I SNYING PO RAB TU BSDUS PA'I MAN NGAG RMI LAM GYI CHOS SU BSTAN PA STE, RMI LAM GYI GNAS SKABS SU BSTAN PA YANG NGO MTSAR DU BYIN GYI BRLABS DANG LDAN PAS YID CHES PAR BYA BA DANG, RJE BTZUN GYIS GSUNGS PA'I BRTUL ZHUGS MA RDZOGS PAS DAM BCAS PA LA BRTEN PA'I MTHU BSTAN PA'I PHYIR RO, ,DE LTAR CHOS NYAN PA PO'I TSUL MDOR BSTAN NAS, DA NI CHOS SMRA BAR BYED PA'I 'JUG PA BRJOD DE, BYANG CHUB SEMS DPA' RNAMS KYIS DANG POR CHOS SMRA BA NI SNYING RJE CHEN PO BSKYED CING SLOB DPON GYIS DPE MKHYUD MED PAR BYAS TE CHOS SBYIN PAR BYA'O, ,DON 'DI GNYIS GTZO BOR BSTAN PA'I PHYIR 'PHAGS PA 'JAM DPAL RNAM PAR 'PHRUL BA'I MDO LAS KYANG, CHOS STON KYANG CHOS NYAN PA RNAMS LA SNYING RJE CHEN PO MI BSKYED PA YANG BDUD KYI LAS SO ZHES PA DANG, YANG MANG DU THOS KYANG GZHAN GYIS SHES KYIS DOGS TE CHOS LA SLOB DPON GYIS DPE MKHYUD BYED PAR BYANG BDUD KYI LAS SO ZHES GSUNGS SO, ,GZHAN YANG SNYING RJE CHEN PO'I RGYU MTSAN LAS ZANG ZING DANG MA 'BREL BAR CHOS BSTAN PAR BYA STE, SNGAR JI SKAD DU BSTAN PA'I BDUD KYI LAS SU GYUR PA SPANG PA'I PHYIR DANG, 'PHAGS PA DGONGS PA NGES PAR 'GREL BA'I MDO LAS KYANG, 'DOD PHYIR SU DAG DAM CHOS STON BYED PA, ,DE DAG 'DOD PA BTANG BA PHYIR LEN TE, ,MYOS PA DE DAG THAR MED RIN CHEN CHOS, ,THOB PAR GYUR KYANG SPRANG POR RGYU BAR BYED, ,CES GSUNGS LA, 'PHAGS PA DAM PA'I CHOS PAD MA DKAR PO'I MDO LAS KYANG, 'KHOR LA CUNG ZAD TZAM YANG BSLANG MI BYA, ,ZHES GSUNGS SHING, RGYAL BA SKYED MA NYID LAS KYANG, THA NA LEGS SO ZHES BYA BA YANG MI 'DOD DE ZHES GSUNGS PA'I RJES SU 'JUG GO, ,GZHAN YANG 'PHAGS PA BYAMS PA'I ZHAL SNGA NAS, BRTEN PA RNAMS NI SROG DANG LONGS SPYOD @37A *, ,TSEGS CHEN RNYED CING SNYING PO MED DAG ,RAB DGA'I YID KYIS SEMS CAN SDUG BSNGAL RNAMS LA SBYIN RNAMS RGYA CHEN RTAG GTONG NA, ,CHOS YANGS SKYE DGU RNAMS LA RNAM PA KUN TU PHAN BYED