@1A *, ,SHES PHYIN PHA PA BZHUGS SO, , @1B [DD] #, ,'PHAGS PA SHES RAB KYI PHA ROL TU PHYIN PA 'BUM PA DANG, NYI KHRI LNGA STONG PA DANG, KHRI BRGYAD STONG PA'I RGYA CHER BSHAD PA, BAM PO DANG PO, 'JAM DPAL GZHON NUR [DD] GYUR PA LA PHYAG 'TSAL LO, ,SHES RAB BDAG NYID PHA ROL PHYIN PA'I GTZO, ,RGYAL BA'I YUM LA GUS PAR PHYAG 'TSAL TE, ,BLA MA'I LUNG GIS BDAG LA PHAN PA'I PHYIR, ,'DI YI GZHUNG 'GREL GNOD 'JOMS BYA BAR 'DOD, ,DE BZHIN GSHEGS PA RNAMS KYI GZUGS KYI SKU DANG, DAM PA'I CHOS KYI TSOGS SRUNG BAR GTOGS PA'I PHYIR 'PHAGS PA BYANG CHUB SEMS DPA' CHEN PO LAG NA RDO RJE LA 'KHOR GYI NANG DU DRIS PA DANG, 'DI SKAD BDAG GIS THOS PA ZHES BYA BAS SHES RAB KYI PHA ROL TU PHYIN PA BSHAD PA 'DI SKAD BDAG GIS THOS PA YIN PAR 'PHAGS PA BYAMS PA LA KHAS 'CHES SO, , BCOM LDAN 'DAS KYIS 'DI SKAD BSHAD DO ZHES CI'I PHYIR MA BRJOD CE NA, BCOM LDAN 'DAS KYIS BSTAN PA RNGOM BRJID 'DI RANG GI YUL MA YIN PA'I PHYIR TE, 'DI LTAR BCOM LDAN 'DAS KYIS 'JIG RTEN GYI @2A *, ,KHAMS SNA TSOGS NAS 'DUS PA'I 'DUL BA'I RIGS DANG, BSAM PA DANG, SPYOD PA DANG, MOS PA DANG, DBANG PO THA DAD PA RNAMS LA SKAD CIG GCIG LA YANG MI RTAG PA DANG, SDUG BSNGAL BA DANG, STONG PA DANG, ZHI BA DANG, MI SKYE BA DANG, MI 'GAG PA DANG, GZOD MA NAS ZHI BA DANG, RANG BZHIN GYIS MYA NGAN LAS 'DAS PA LA SOGS PA'I BYE BRAG DANG, PHUNG PO DANG, KHAMS DANG SKYE MCHED DANG, RTEN CING 'BREL PAR 'BYUNG BA DANG, 'PHAGS PA'I BDEN PA LA SOGS PA'I BYE BRAG DANG, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO LA SOGS PA'I BYE BRAG DANG, STOBS BCU DANG, MI 'JIGS PA DANG, SANGS RGYAS KYI CHOS MA 'DRES PA LA SOGS PA'I BYE BRAG GIS SKAD SNA TSOGS DANG, SGO SNA TSOGS DANG, SGRA SNA TSOGS DANG, CHO 'PHRUL SNA TSOGS DANG, 'JUG PA SNA TSOGS DANG, 'BRAS BU THOB PA SNA TSOGS KYIS SKAD CIG DE NYID LA BSHAD PA MKHYEN PA GCIG GIS STON PA STE, JI SKAD DU ZHI BA'I BLO GROS PHYOGS BCU'I 'JIG RTEN GYI KHAMS TSAD MED GRANGS MED PA DAG NA, SEMS CAN DU BSDU BAR BSDUS PA'I SEMS CAN JI SNYED @2B YOD PA SANGS RGYAS KYI YE SHES KYIS MKHYEN PA'I SEMS CAN GYI KHAMS NI CHES MANG GI, SA'I KHAMS NI DE LTA MA YIN NO ZHES BYA STE, ZHI BA'I BLO GROS YONGS SU BRTAGS PA NYE BAR BZUNG NA SEMS CAN DE DAG THAMS CAD SNGA PHYI MED PAR MI'I LUS THOB PAR GYUR LA, ZHI BA'I BLO GROS SEMS CAN DE DAG THAMS CAD 'DI LTA STE, GNAS BRTAN SHA RA DVA TI'I BU'I SHES RAB DANG, YE SHES DE LTA BU DANG LDAN PAR GYUR LA, SHA RA DVA TI'I BU'I SEMS CAN DE DAG THAMS CAD KYI SHES RAB DANG YE SHES GANG YIN PA'I SHES RAB DANG, YE SHES DE SEMS CAN GCIG DANG LDAN PAR GYUR CING RNAM GRANGS 'DIS SEMS CAN THAMS CAD, SHES RAB DANG YE SHES DE LTA BU DANG LDAN PAR GYUR LA, ZHI BA'I BLO GROS SEMS CAN DE DAG THAMS CAD KYIS BSKAL PA'AM BSKAL PA LAS LHAG PAR THE TSOM GYI DRI BA BSAMS SHING GZHAL TE YONGS SU BTZAL LA SEMS CAN GCIG GI THE TSOM GYI DRI BA GANG YIN PA DE NI GNYIS PA'I MA YIN ZHING, ZHI BA'I BLO GROS RNAM GRANGS 'DIS SEMS CAN THAMS CAD KYIS THE TSOM GYI DRI BA THA DAD PA BSAMS TE, BCOM LDAN 'DAS KYI GAN DU DONG NAS SE GOL GTOGS PA SRID LA, THE TSOM GYI DRI BA DE DAG GSOL KYANG, DES SEMS GCIG GI RJES SU ZHUGS PA'I DRAN PAS THAMS CAD BZUNG NAS GSUNG RNAM PA GCIG GIS DE DAG GI THE TSOM GYI DRI BA THAMS CAD GCOD DO, ,DE DAG THAMS CAD KYANG RANG RANG GI THE TSOM GYI DRI BA CHAD PAR SHES SHING, BCOM LDAN 'DAS KYIS ZHUS PA LUNG BSTAN PAS THAMS CAD KYANG SEMS RANGS PAR GYUR TO ZHES BYA BA LA SOGS PA GSUNGS PA LTA BU'O, ,DE BZHIN GSHEGS PAS GDUL BYA RNAMS LA BSTAN PA'I RIM PA DE NI RNAM PA THAMS CAD DU BYANG CHUB SEMS DPA' RNAMS KYI SPYOD YUL MA YIN NO, ,SPYOD YUL DU GANG GYUR PA DE YANG YANG DAG PAR SDUD PAR BYED PA RNAMS KYI YAN LAG GI RIM PAS STON MI NUS SO, ,DE BAS NA CHOS YANG DAG PAR SDUD PAR BYED PA RNAMS KYI BDAG GI SPYOD YUL DU GYUR PA GANG YANG RUNG BA'I CHOS BSHAD PA'I SGO BZUNG NAS, 'DI SKAD BDAG GIS THOS PA ZHES BYA BA BDAG GI RNA BAS THOS PA'I LAM NAS 'ONGS PA'I RIM PA BSTAN TE, BSHAD PA'I THA MAR YANG 'DI BKA' STZAL TO ZHES MJUG BRTUL GYI DE @3A *, ,SKAD BKA' STZAL TO ZHES NI MA BRJOD DO, ,DON DAM PA NI BRJOD DU MED PAS SANGS RGYAS BCOM LDAN 'DAS RNAMS MING GI TSOGS DANG, TSIG GI TSOGS DANG, YI GE'I TSOGS KYIS GZHAN DAG LA CHOS MI STON TO, ,DE BZHIN GSHEGS PA NI RNAM PAR MI RTOG PA LHUN GYIS GRUB PA DANG RTAG TU MNYAM PAR GZHAG PA YIN YANG 'ON KYANG SNGON GYI SMON LAM GYI MTHU DANG, SEMS CAN RNAMS KYI LAS KYI DBANG GIS GDUL BYA RNAMS BDAG BDAG GI SKAD RNAMS KYIS CHOS BSTAN PA 'BYUNG SNYAM DU DE LTA DE LTAR SHES SO, ,JI SKAD DU ZHI BA'I BLO GROS GANG GI NUB MO DE BZHIN GSHEGS PAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DANG, GANG GI NUB MO LEN PA MI MNGA' BAR YONGS SU MYA NGAN LAS 'DA' BAR 'GYUR BA DE'I BAR DU DE BZHIN GSHEGS PAS THA NA YI GE'I 'BRU GCIG KYANG MA GSUNGS SO, ,GSUNG BAR MI 'GYUR RO, ,DE CI'I PHYIR ZHE NA, ZHI BA'I BLO GROS DE BZHIN GSHEGS PA NI RTAG TU MNYAM PAR GZHAG PA STE, DE BZHIN GSHEGS PA LA DBUGS DBYUNG BA'AM RNGUB PA MI MNGA'O, ,RNAM PAR MI RTOG GO, ,RNAM PAR MI DPYOD DO, ,RNAM PAR RTOG PA DANG, RNAM PAR DPYOD PA MED NA NGAG MI 'BYUNG STE, DE BZHIN GSHEGS PA DE YANG RNAM PAR MI RTOG ,RNAM PAR MI DPYOD, RNAM PAR RIG PAR MI MDZAD, RNAM PAR RTOG PAR MI MDZAD, MI GSUNG, MI BRJOD, GSUNG BAR MI MDZAD KYANG SEMS CAN RNAMS 'DI SNYAM DU SEMS TE, DE BZHIN GSHEGS PA 'DI GSUNG NGO SNYAM MO, ,DE BZHIN GSHEGS PA NI SHIN TU MNYAM PAR GZHAG PA STE, YI GE RNAM PAR RIG PA THAMS CAD KYI THAMS CAD DU RNAM PAR RIG PAR MI MDZAD KYANG, SEMS CAN YI GE LHUR LEN PA RNAMS 'DI SNYAM DU SEMS TE, DE BZHIN GSHEGS PA NI BDAG CAG LA CHOS STON NO SNYAM MO, ,DE BZHIN GSHEGS PA'I GSUNG GI SGRA 'BYUNG BA DE NI NAM MKHA' LAS 'BYUNG NA SEMS CAN RNAMS 'DI SNYAM DU SEMS TE, SGRA 'DI NI DE BZHIN GSHEGS PA'I ZHAL GYI SGO NAS 'BYUNG NGO SNYAM MO ZHES BYA BA LA SOGS PA GSUNGS PA LTA BU'O, ,CHOS KYI SKU'I DBANG GIS 'BYUNG BAS NA @3B DAM PA'I CHOS LA RIM GRO BSKYED PA'I PHYIR DE LTAR 'BYUNG BA'I BRTAN PA THA MAR MJUG BSDU BAR, BCOM LDAN 'DAS KYIS 'DI SKAD CES BKA' STZAL ZHES BSTAN TO, ,DUS GCIG NA ZHES BYA BA NI GANG YANG RUNG BA'I DUS NA ZHES BYA BA'I THA TSIG GO, ,CI'I PHYIR DUS NGES PA MA MDZAD CE NA, DGOS PA MED PA'I PHYIR TE, DE LA NYI MA 'DI LA, TSES GRANGS 'DI LA, ZLA BA 'DI LA, DUS 'DI LA ZHES BYA BA'I TSIG NI GANG DU YANG DGOS PA MED DE, MI DGOS PA NI BSHAD PAR MI RIGS SO, ,MCHOD RTEN GYI GNAS BSTAN PA NI, SEMS CAN RNAMS KYI BSOD NAMS KYI TSOGS SPEL BAR BYA BA DANG, RTZOD PA MED PA'I PHYIR GNAS BSTAN PA NI RIGS SO, ,YANG NA RTZOD PA MED PAR BYA BA'I PHYIR TE, 'DI LTAR DE BZHIN GSHEGS PA NI SKAD CIG THANG CIG YUD TZAM DE NYID KYI TSE 'JIG RTEN GYI KHAMS SNA TSOGS DANG, GNAS SNA TSOGS SU GDUL BYA THA DAD PA'I BYANG CHUB SEMS DPA' RNAMS SAM, GZHAN DAG LA YANG BSHAD PA SNA TSOGS KYIS BSTAN PAR SNANG BA'I PHYIR TE, GAL TE DE DAG THAMS CAD GCIG TU 'DUS PAR GYUR NA BYANG CHUB SEMS DPA'AM GZHAN DAG KYANG RUNG STE, 'DI SKAD DU DE'I TSE NA DE BZHIN GSHEGS PA NI 'JIG RTEN GYI KHAMS 'DIR YUL 'DI ZHES BYA BA NA BDAG CAG GI DE NA BZHUGS SO, ,BDAG CAG GI DE NA BZHUGS SO, ,ZHES BA RTZOD PA'AM YID GNYIS SU 'GYUR TE, DE LTA BUR 'GYUR GYIS DOGS PA'I PHYIR THAMS CAD DU YANG DAG PAR SDUD PAR BYED PA RNAMS KYIS DUS NGES PA MA MDZAD DO, ,YANG NA RGYAL PO'I KHAB TU LAN MANG DU BZHUGS PA'I PHYIR RGYAL PO'I KHAB NA BZHUGS PA'I DUS GCIG CIG NA ZHES BSHAD PAR BZHED NAS, GCIG NA ZHES BYA BA'I TSIG SMOS PAR SBYAR RO, ,BCOM LDAN 'DAS ZHES BYA BA NI BDUD BZHI BCOM PA DANG LDAN PA'AM, YANG NA 'DI LA LEGS PA MNGA' BAS NA BCOM LDAN 'DAS ZHES BYA STE, LEGS PA ZHES BYA BA NI DBANG PHYUG DANG, YE SHES DANG, GRAGS PA DANG, DPAL DANG, BSOD NAMS DANG, BRTZON 'GRUS RNAMS LA BYA'O, ,DE DAG THAMS CAD KYANG DON DAM PAR NA DE BZHIN GSHEGS PA NYID LA MNGA' BAS NA, BCOM LDAN 'DAS ZHES BYA'O, , @4A *, ,RGYAL PO'I KHAB NA BZHUGS ZHES BYA BA NI BZHUGS PA RNAM PA BZHI STE, SPYOD LAM GYIS BZHUGS PA DANG, 'CHAD PAS BZHUGS PA DANG, SNYOMS PAR 'JUG PAS BZHUGS PA DANG, NANG DU YANG DAG 'JOG GIS BZHUGS PA'O, ,SKU'I PHRIN LAS SU BGRANG BA GANG CI YANG RUNG STE, DE DAG THAMS CAD NI SPYOD LAM GYIS BZHUGS PA'O, ,GSUNG GI PHRIN LAS GANG YIN PA DE DAG NI 'CHAD PAS BZHUGS PA'O, ,THUGS KYI PHRIN LAS GANG YIN PA DE NI DE DAG LAS GZHAN PA'I BZHUGS PA GNYIS TE, RTAG TU MNYAM PAR GZHAG PA'I PHYIR TE TING NGE 'DZIN DANG SNYOMS PAR 'JUG PA BZHI SNYOMS PAR 'JUG PAS BZHUGS PA'O, ,THUGS RJE CHEN POS 'JIG RTEN LA GZIGS PA DANG, LHA LA SOGS PA 'ONG BA NI NANG DU YANG DAG 'JOG GIS BZHUGS PA'O, ,RGYAL PO'I KHAB NA BYA RGOD PHUNG PO'I RI LA ZHES BYA BA NI, KHYIM PA DANG RAB TU BYUNG BA'I PHYOGS GNYIS BSDU BA'I PHYIR DANG, GZUGS KYI SKU DANG, CHOS KYI TSOGS KYIS PHAN 'DOGS PAR BSTAN PA'I PHYIR GNAS GNYIS SMOS SO, ,ZHAM 'BRING BA PHUN SUM TSOGS PAR BSTAN PA'I PHYIR, ,DGE SLONG GI DGE 'DUN CHEN PO DANG THABS CIG CES BYA BA LA SOGS PA GSUNGS TE, ZHAM 'BRING BA DGE SLONG DANG, ZHAM 'BRING BA BYANG CHUB SEMS DPA' LA SOGS PA'O, ,GNYI GA YANG SHIN TU SBYIN GNAS SU GYUR PA YIN MOD KYI 'JIG RTEN NA KUN GYIS BKUR BA'I PHYIR DANG, MI 'BRAL BA'I PHYIR DANG, 'JIG RTEN THAMS CAD KYI THUN MONG YIN PA'I PHYIR DANG POR ZHAM 'BRING BA DGE SLONG SMOS SO; ,DE LA DGE SLONG GI DGE 'DUN CHEN PO ZHES NI SNGAR NI SPYIR SMOS LA, PHYIS DGE SLONG LNGA STONG TZAM DANG ZHES BYA BA BYE BRAG SMOS TE, SPYI DANG BYE BRAG GIS BSTAN PA BYAS NA SHIN TU 'BREL BAR 'GYUR RO, ,ZHAM 'BRING BA'I MANG BA NYID BSTAN NAS, CHE BA NYID BSTAN PAR BYA BA'I PHYIR, THAMS CAD KYANG DGRA BCOM PA, ZAG PA ZAD PA ZHES BYA BA LA SOGS PA YON TAN PHUN SUM TSOGS PA 'OG MA RNAMS SMOS SO, ,THAMS CAD KYANG DGRA BCOM PA ZHES BYA BAS NI THAMS CAD KYANG DGRA BCOM PA KHO NA SHA STAG STE, DE NA SLOB PA DANG, SO SO'I SKYE BO DAG MED PAR BSTAN PA YIN NO, , @4B DGRA BCOM PA ZHES BYA BA NI DGRA RNAMS BCOM PA'AM, 'KHOR BAR PHYIR MI SKYE BA'I CHOS NYID DAM, RANG GI DON MTHA' DAG YONGS SU RDZOGS PA'AM GZHAN DAG LA RJES SU STON PAR BYED PAR 'OS TE NUS PA'AM, DGE 'DUN DKON MCHOG CES BYA BAR 'OS PA'AM, KHAMS GSUM GYI GTZO BO RNAMS KYIS RNAM PA DU MAS MCHOD PAR 'OS PA'AM, RGYUN MI CHAD PAR DE BZHIN GSHEGS PA LA SGRUB PA'I MCHOD PAS MCHOD CING RJED PAS NA DGRA BCOM PA SHA STAG GO, ,ZAG PA ZAD PA ZHES BYA BA NI CHOS BZHIS MI DGE BA'I RTZA BA RNAMS ZAG PAR BYED PA'AM, NYON MONGS PA MI GTZANG BA ZAG PAR BYED PAS NA ZAG PA ZHES BYA STE, GZUGS LA SOGS PA YUL LNGA DANG, SRID PA GSUM DANG, LHAN CIG SKYES PA DANG KUN BRTAGS PA'I MA RIG PA DANG, LTA BA'I RNAM PA DRUG CU RTZA GNYIS PO DE DAG NI 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DANG; LTA BA'I ZAG PA ZHES BYA'O, ,MI SLOB PA'I TSUL KHRIMS DANG, TING NGE 'DZIN GYI PHUNG POS NI 'DOD PA'I ZAG PA ZAD DO, ,MI SLOB PA'I SHES RAB KYI PHUNG POS NI LTA BA'I ZAG PA ZAD DO, ,MI SLOB PA'I RNAM PAR GROL BA'I PHUNG POS NI SRID PA'I ZAG PA ZAD DO, ,MI SLOB PA'I RNAM PAR GROL BA'I YE SHES MTHONG BA'I PHUNG POS NI MA RIG PA'I ZAG PA ZAD DO, ,YANG NA TSUL KHRIMS YONGS SU RDZOGS PA'I SA MTHONG BA'I LAM NA YANG DAG PA'I LTA BAS NI LTA BA'I ZAG PA ZAD DO, ,TING NGE 'DZIN YONGS SU RDZOGS PA'I SA PHYIR MI 'ONG BA'I LAM NA YANG DAG PA'I TING NGE 'DZIN GYIS NI 'DOD PA'I ZAG PA ZAD DO, ,SHES RAB YONGS SU RDZOGS PA'I SA DGRA BCOM PA'I LAM NA YANG DAG PA'I SHES PA RNAM PAR GROL BAS NI MA RIG PA'I ZAG PA ZAD DO, ,RNAM PAR GROL BA YONGS SU RDZOGS PA'I SAR ZAD PA DANG MI SKYE BA SHES PA GNYIS KYIS NI SRID PA'I ZAG PA ZAD DO; ,YANG NA DGRA BCOM PA'I LAM NA 'DOD PA'I RGYU YONGS SU SHES PAS 'DOD PA'I ZAG PA ZAD DO, ,MA RIG PA'I RKYEN GYIS 'DU BYED RNAMS ZHES 'BYUNG BAS NA 'DU BYED KYI RGYU YONGS SU SHES PAS MA RIG PA'I ZAG PA ZAD DO, ,NYON MONGS PA'I RGYU YONGS SU SHES PAS LTA BA'I ZAG PA @5A *, ,ZAD DO, ,PHUNG PO'I RGYU YONGS SU SHES PAS SRID PA'I ZAG PA ZAD DO, ,YANG NA NYE BAR LEN PA'I PHUNG PO LNGA LA DMIGS PA LAS LTA BA THAMS CAD 'BYUNG BAS SDUG BSNGAL GYI BDEN PA YONGS SU SHES PAS LTA BA'I ZAG PA ZAD DO, ,KUN 'BYUNG BA'I BDEN PA SPANGS PAS 'DOD PA'I ZAG PA ZAD DO, ,'GOG PA MNGON SUM DU BYAS PAS SRID PA'I ZAG PA ZAD DO, ,LAM GYI BDEN PA BSGOMS PAS MA RIG PA'I ZAG PA ZAD DO, ,'DOD PA'I ZAG PA SPANGS PAS LHA'I BU'I BDUD CHOMS SO, ,SRID PA'I ZAG PA SPANGS PAS 'CHI BA'I BDUD CHOMS SO, ,MA RIG PA'I ZAG PA SPANGS PAS NYON MONGS PA'I BDUD CHOMS SO, ,LTA BA'I ZAG PA SPANGS PAS PHUNG PO'I BDUD CHOMS SO, ,BDUD BZHI LAS RGYAL BA LAS ZAG PA ZAD PA ZHES BYA'O, ,NYON MONGS PA MED PA ZHES BYA BA NI KUN NAS NYON MONGS PA MED DO ZHES BYA BA'I THA TSIG GO, ,NYON MONGS PAR BYED PAS NYON MONGS PA STE, LAS KYI KUN NAS NYON MONGS PA'O, ,'DIS NYON MONGS PAR BYED PAS NA NYON MONGS PA'I KUN NAS NYON MONGS PA'O, ,NYON MONGS PAR 'GYUR BAS NYON MONGS PA STE RNAM PAR SMIN PA'I PHUNG PO'I KUN NAS NYON MONGS PA'O, ,RGYU 'DI LAS NYON MONGS PAR 'GYUR BAS SKYE BA'I KUN NAS NYON MONGS PA'O, ,DE LAM RIG PA 'GAGS PAS 'DU BYED RNAMS 'GAG GO ZHES BYA BAS NI LAS KYI KUN NAS NYON MONGS PA MED DO, ,'DU BYED RNAMS 'GAGS PAS RNAM PAR SHES PA DANG MING DANG GZUGS DANG, SKYE MCHED DRUG DANG, REG PA DANG, TSOR BA 'GAG GO ZHES BYA BAS NI, RNAM PAR SMIN PA'I KUN NAS NYON MONGS PA MED DO, ,SRID PA 'GAGS PAS SKYE BA DANG RGA SHI 'GAG GO ZHES BYA BAS NI SKYE BA'I KUN NAS NYON MONGS PA MED DO, ,DE LTA BAS NA SDUG BSNGAL BAR BYED PA GANG YIN PA DANG, GANG GIS SDUG BSNGAL BAR BYED PA DANG, SDUG BSNGAL BA GANG YIN PA DANG, SDUG BSNGAL GYI RGYU GANG YIN PA DE DAG SPANGS PA BSTAN TO, ,GZHAN YANG LAS KYI KUN NAS NYON MONGS PA SPANGS PAS RDZOGS PA'I BYANG CHUB KYI BDE BA 'THOB BO, ,NYON MONGS PA'I KUN NAS NYON MONGS PA SPANGS PAS KHA NA MA THOB MED PA'I BDE BA 'THOB BO, , @5B RNAM PAR SMIN PA'I KUN NAS NYON MONGS PA SPANGS PAS NYE BAR ZHI BA'I BDE BA 'THOB BO, ,SKYE BA'I KUN NAS NYON MONGS PA SPANGS PAS PHUNG PO MED PA'I BDE BA 'THOB STE, BDE BAR BYED PA GANG YIN PA DANG, GANG GIS BDE BAR BYED PA DANG, BDE BA GANG YIN PA DANG, BDE BA'I RGYU GANG YIN PA DE DAG THOB PA NI NYON MONGS PA MED PA ZHES BSHAD DO, ,DGRA BCOM PA ZHES BYA BAS NI SBYIN GNAS KYI YON TAN BSTAN TO, ,ZAG PA ZAD CES BYA BAS NI DAG PA'I YON TAN BSTAN TO, ,NYON MONGS PA MED CES BYA BAS NI SDUG BSNGAL MED PAR BSTAN TE, 'DI NI DE GSUM GYI BYE BRAG GO, ,DBANG DANG LDAN PAR GYUR PA ZHES BYA BAS NI DE DAG GI DBANG DU 'JIG RTEN RNAMS GYUR PA'AM, 'JIG RTEN RNAMS KYI DBANG DU BDAG GYUR TE SDUG PAR GYUR PA'AM, DE DAG GI SEMS DBANG DU BYAS PA'AM, DBANG RNAMS THOB PA'I PHYIR DBANG DANG LDAN PAR GYUR PA ZHES BYA'O, ,DBANG NI BZHI STE, RDZU 'PHRUL LA DBANG BA DANG, DBANG PO LA DBANG BA DANG, TING NGE 'DZIN LA DBANG BA DANG, SHES RAB LA DBANG BA'O, ,DE LA RDZU 'PHRUL LA DBANG BAS NI SEMS CAN GYI 'JIG RTEN DANG SNOD KYI 'JIG RTEN DE DAG GI DBANG DU 'GYUR RO, ,DBANG PO LA DBANG BAS NI SPYOD LAM NYE BAR ZHI BAS DE DAG LA 'JIG RTEN DGA' BA SKYES SO, ,TING NGE 'DZIN LA DBANG BAS NI DE DAG GI SEMS DBANG DU BYAS SO, ,SHES RAB LA DBANG BAS NI NYON MONGS PA DANG, LAS DANG, RNAM PAR SMIN PA THAMS CAD BCAD DE, 'CHING BA LAS GROL BA BZHIN DU RANG DBANG DU GYUR PA'I PHYIR DBANG THOB PA'O, ,DE LA DBANG PO LA DBANG BAS NI SPYOD LAM GYIS BZHUGS PA THOB PA'O, ,TING NGE 'DZIN LA DBANG BAS NI LHA'I BZHUGS PA DANG, TSANGS PA'I BZHUGS PA THOB PO, ,RDZU 'PHRUL LA DBANG BAS NI MNGON PAR SHES PAS RNAM PAR ROL PA'I BZHUGS PA THOB PO, ,SHES RAB LA DBANG BAS NI 'PHAGS PA'I BZHUGS PA THOB PO, ,DE LA DBANG PO LA DBANG BAS NI TSUL KHRIMS KYI PHUNG PO YONGS SU RDZOGS SO, ,RDZU 'PHRUL LA DBANG BAS NI TING NGE 'DZIN GYI PHUNG PO YONGS SU RDZOGS SO, ,TING NGE 'DZIN LA DBANG BAS NI SHES RAB KYI PHUNG PO YONGS SU RDZOGS SO, ,SHES RAB LA DBANG BAS NI RNAM @6A *, ,PAR GROL BA'I PHUNG PO YONGS SU RDZOGS SO, ,TSUL KHRIMS KYIS NI NYES PAR SPYOD PA'I 'CHING BA LAS RNAM PAR GROL LO, ,TING NGE 'DZIN GYIS NI SRID PA'I 'CHING BA LAS RNAM PAR GROL LO, ,SHES RAB KYIS NI LTA BA NGAN PA'I 'CHING BA LAS RNAM PAR GROL LO,, RNAM PAR GROL BAS NI SRID PA'I 'CHING BA LAS RNAM PAR GROL LO, ,DE BAS NA 'CHING BA LAS RNAM PAR GROL BA'I PHYIR RANG DBANG GRUB PO, ,RANG DBANG YOD PAS NA RANG NYAMS THOB PA'I PHYIR DBANG DANG LDAN PAR GYUR PA ZHES BYA'O, ,SEMS SHIN TU RNAM PAR GROL BA ZHES BYA BAS NI SRID PA'I PHYOGS KYI KUN NAS NYON MONGS PA'I CHOS THAMS CAD MED PAR BSTAN TO, ,SHES RAB SHIN TU RNAM PAR GROL BA ZHES BYA BAS NI MA RIG PA'I PHYOGS RNAMS MED PAR BSTAN TO, ,'DI LTAR 'DOD CHAGS DANG RNAM PAR BRAL BA'I PHYIR SEMS SHIN TU RNAM PAR GROL BAS SEMS SHIN TU RNAM PAR GROL BA ZHES BYA'O, ,MA RIG PA DANG RNAM PAR BRAL BA'I PHYIR SHES RAB RNAM PAR GROL BAS SHES RAB SHIN TU RNAM PAR GROL BA ZHES BYA'O, ,DE LA SRED PA'I PHYOGS KYI NYON MONGS PA DANG, NYE BA'I NYON MONGS PA SPANGS PAS 'THOB PAR BYA BA'I TING NGE 'DZIN DANG SNYOMS PAR 'JUG PA THOB PA NI SEMS RNAM PAR GROL BA ZHES BYA'O, ,NYON MONGS PA THAMS CAD SPANGS PAS 'THOB PAR BYA BA DGRA BCOM PA'I LAM GYI SHES PA NI SHES RAB RNAM PAR GROL BA ZHES BYA'O, ,DE LA SEMS RNAM PAR GROL BA THOB PAS NI SNYOMS PAR 'JUG PA'I SGRIB PA LAS RNAM PAR GROL LO, , SHES RAB RNAM PAR GROL BA THOB PAS NI NYON MONGS PA'I SGRIB PA LAS RNAM PAR GROL LO, ,GNYI GA'I CHA LAS RNAM PAR GROL BA DAG NI SEMS SHIN TU RNAM PAR GROL BA DANG, SHES RAB SHIN TU RNAM PAR GROL BA ZHES BYA'O, ,CANG SHES PA ZHES BYA BA NI MI 'JIGS PA STE, 'JIGS PA MED PA'I PHYIR MDO LAS CANG SHES LNGA GSUNGS PA STE, LCE 'BAB PA LA SOGS PA'I BAG TSA BA 'BYUNG BAR DOGS PA MED PAS KHYU MCHOG CANG SHES DANG, 'THAB MO'I 'JIGS PA MED PAS GLANG PO CHE DANG, RTA CANG SHES DANG, GZHAN GYI GNOD PA BYED PA'I 'JIGS PA MED PAS SENG GE @6B CANG SHES DANG, 'CHI BA'I 'JIGS PA MED PAS DGRA BCOM PA CANG SHES SO, ,MDOR NA BAG TSA BA RNAM PA BZHI STE, SDUG BSNGAL GYIS BAG TSA BA DANG, 'JIGS PAS BAG TSA BA DANG, 'JIG RTEN GYI CHOS KYIS BAG TSA BA DANG, MI SHES PAS BAG TSA BA'O, ,BAG TSA BA DE RNAMS MED PAS BDE BA THOB PA DANG, MI SKRAG PA THOB PA DANG, MI 'JIGS PA THOB PA DANG, DBUGS DBYUNG BA THOB PA ZHES BYA STE, GO RIMS BZHIN NO, ,DE LA MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA RNAMS MED PAS MYA NGAN MED PA'I PHYIR SDUG BSNGAL GYI BAG TSA BA MED DO, ,BDAG GIS SMAD PA DANG, GZHAN GYIS SMAD PA DANG, NGAN 'GRO DANG 'TSE BA MED PA DANG, CHAD PAS GCOD PA DANG, TSIGS SU BCAD PA MED PA DANG, 'CHI BAS 'JIGS PA RNAMS MED PAS 'JIGS PA'I BAG TSA BA MED DO, ,RNYED PA DANG, MA RNYED PA DANG, GRAGS PA DANG, MA GRAGS PA DANG, BSTOD PA DANG, SMAD PA DANG, BDE BA DANG, SDUG BSNGAL GYI GOS PA MED PAS 'JIG RTEN GYI CHOS KYIS BAG TSAB MED DO, ,MI SHES PAS DANG, THE TSOM GYI SHES PA DANG, LOG PAR SHES PA BAR DU GCOD PA RNAMS MED PAS MI SHES PA'I BAG TSA BA MED DO, ,DE LTA BAS NA BAG TSA BA MED PA'I PHYIR CANG SHES PA ZHES BYA'O, ,GLANG PO CHEN PO ZHES BYA BA NI GTZO BO CHEN PO ZHES BYA BA'I THA TSIG STE KHA CIG NI RIGS PA GSUM DANG LDAN PA, KHA CIG NI SO SO YANG DAG PAR RIG PA THOB PA, KHA CIG NI MNGON PAR SHES PA DRUG THOB PO, ,KHA CIG NI SHES PA BRDA SPROD PA DANG LDAN PA, KHA CIG NI GNAS GCIG THOB PA DAG STE, KHYAD PAR DU 'PHAGS PA THOB PA'I CHOS RNYED PA'I PHYIR GLANG PO CHEN PO ZHES BYA'O, ,BYA BA BYAS PA BYED PA BYAS PA ZHES BYA BA NI KUN TU RDZOGS PA NYID DU BSTAN PA STE, BYA BAR NGES PA LA NI BYA BA ZHES BYA'O, ,SHAR LA BYA BA LA NI BYED PA ZHES BYA'O, ,DE LA TSUL KHRIMS DANG, TING NGE 'DZIN DANG, SHES RAB YONGS SU RDZOGS PAS SDUG BSNGAL THAMS CAD LAS RNAM PAR THAR PA NI LAS KYI GTZO BO STE, DE DAG YONGS SU RDZOGS PAS BYA BA BYAS PA ZHES BYA'O, , @7A *, ,'DOD PA CHUNG BAS 'TSO BA DANG, CHOG SHES PAS 'TSO BA DANG, SBYANGS PA'I YAN LAG GIS 'TSO BA DANG, YANG DAG PAR MGU BAR BYED PAS 'TSO BA LA SOGS PAS 'TSO BA'I BYE BRAG RNAMS YONGS SU RDZOGS PAR BYA BA NI RANG DGA' DANG 'BREL BA'I PHYIR BYED PA ZHES BYA STE, DE YONGS SU RDZOGS PAS BYED PA BYAS PA ZHES BYA'O, ,DE BAS NA BYA BA BYAS PA, BYED PA BYAS PA ZHES BYA BAS NI BSGRUB PA'I RNAM PA THAMS CAD KUN TU RDZOGS PA NYID DU BSTAN TO, ,KHUR BOR BA ZHES BYA BA LA, KHUR NI RNAM PA BZHI STE, PHUNG PO'I KHUR DANG, NYON MONGS PA'I KHUR DANG, DAM BCAS PA'I KHUR DANG, BRTZON PA'I KHUR RNAMS TE, KHUR BOR BAR BYA BA DANG, SPANG BAR BYA BA DANG, BSGRUB PAR BYA BA DANG, YONGS SU RDZOGS PAR BYA BA'I PHYIR KHUR TE, GO RIMS BZHIN NO, ,DE LA SDUG BSNGAL YONGS SU SHES PAS NI PHUNG PO'I KHUR BOR RO, , KUN 'BYUNG BA SPANGS PAS NI NYON MONGS PA'I KHUR BOR RO, ,LAM BSGOMS PAS NI DAM BCAS PA'I KHUR BOR RO, ,'GOG PA MNGON SUM DU BYAS PAS NI BRTZON 'GRUS KYI KHUR BOR RO, ,DE LA PHUNG PO'I KHUR SPANGS PAS PHUNG PO MED PA'I BDE BA THOB PO, ,NYON MONGS PA'I KHUR SPANGS PAS RNAM PAR GROL BA'I BDE BA THOB PO, ,DAM BCAS PA'I KHUR MTHAR PHYIN PAR BYAS PAS RDZOGS PA'I BYANG CHUB KYI BDE BA 'THOB PO, ,BRTZON PA'I KHUR YONGS SU RDZOGS PAR BYAS PAS NYE BAR ZHI BA'I BDE BA THOB STE, KHUR BOR BA ZHES BYA BAS NI KHUR BOR BA'I BDE BA THOB PAR BA'I BDE BA THOB PAR BSTAN PA YIN NO, ,BDAG GI DON RJES SU THOB PA ZHES BYA BA LA, BDAG GI DON RJES SU THOB PA NI RNAM PA GNYIS TE, GNOD PA SPANGS PA DANG, DON THOB PA'O, ,MA RIG PA SPANGS PAS NYON MONGS PA'I SGRIB PA THAMS CAD SPANGS PAR GYUR PA GANG YIN PA DE NI GNOD PA SPANGS PA ZHES BYA'O, ,RIGS PA BSKYED NAS MYA NGAN LAS 'DAS PA THOB PA GANG YIN PA DE NI DON THOB PA ZHES BYA'O, ,SRID PAR KUN DU SBYOR BA YONGS SU ZAD PA ZHES BYA BA LA, SRID PAR SKYE BAR BYED PA'I KUN TU SBYOR BA RNAMS NI SRID PAR KUN DU SBYOR BA STE, SRID PA DANG, MIR KUN TU SBYOR BAR BYED @7B PA'AM, 'CHING BAR BYED PAS SRID PAR KUN TU SBYOR PA'O, ,DGU PO 'DI DAG LAS LTA BA'I KUN TU SBYOR BA DANG, MCHOG TU 'DZIN PA'I KUN TU SBYOR BA DANG, THE TSOM GYI KUN TU SBYOR BA DANG GSUM NI ZAG PA MED PA'I YANG DAG PAR LTA BAS SPONG NGO, ,PHRAG DOG GI KUN TU SBYOR BA DANG, SER SNA'I KUN DU SBYOR BA DANG, KHONG KHRO BA'I KUN TU SBYOR BA GSUM DANG, SRID PA'I 'DOD CHAGS KYI KUN TU SBYOR BA'I PHYOGS GCIG 'DOD PA'I KHAMS KYI PHYOGS SU GTOGS PA DANG, 'DI RNAMS NI ZAG PA MED PA'I TING NGE 'DZIN LA SNYOMS PAR 'JUG PA THOB PAS SPONG NGO, ,NGA RGYAL GYI KUN DU SBYOR BA DANG, MA RIG PA'I KUN DU SBYOR BA DANG, SRID PA'I 'DOD CHAGS KYI KUN TU SBYOR BA DANG, 'DI RNAMS NI DGRA BCOM PA'I LAM GYI SHES PAS SPANGS TE, DE'I PHYIR SRID PAR KUN TU SBYOR BA YONGS SU ZAD PA ZHES BYA BA GSUNGS SO, ,YANG DAG PA'I SHES PAS SEMS SHIN TU RNAM PAR GROL BA ZHES BYA BA LA SHES PA ZHES BYA BA NI KUN TU SHES PA DANG, RTOGS PA STE YANG DAG PAR RTOGS PAS SEMS SHIN DU RNAM PAR GROL BA ZHES BYA'O, ,YANG NA RNAM PAR GROL BA ZHES BYA BA NI 'DIR MOS PA LA BYA STE, YANG DAG PAR RTOGS PAS 'DI LTA STE, DKON MCHOG GSUM GYI YON TAN DANG THEG PA GSUM DANG LDAN PA'I CHOS BSTAN PA RNAMS DANG, 'PHAGS PA'I BDEN PA BZHI DANG, BYANG CHUB KYI PHYOGS DANG MTHUN PA'I CHOS RNAMS LA MOS PA NI SEMS SHIN TU RNAM PAR GROL BA ZHES BYA BA'AM, YANG NA RNAM PAR THAR PA BRGYAD KYIS SEMS SHIN TU RNAM PAR GROL BA ZHES BYA BA'I THA TSIG GO, ,SEMS THAMS CAD KYI DBANG GIS DAM PA'I PHA ROL TU SON PA ZHES BYA BA NI SNYOMS PAR 'JUG PA THAMS CAD LA DBANG DAM PA MTHAR PHYIN PAR GYUR PA'O, ,YANG NA 'GOG PA DANG, TING NGE 'DZIN LA SNYOMS PAR 'JUG PA DANG, GNAS PA DANG, LDANG BA DANG, BTANG SNYOMS SU BZHAG PA RNAMS LA DBANG THOB PA STE, GANG DU 'DOD PA DANG, GANG 'DOD PA DANG, JI SRID DU 'DOD PA DANG, LUGS DANG MTHUN PA DANG, LUGS DANG LUGS MA YIN PA DANG, 'GRO BA DANG, SLAR LDOG PA DANG YAN LAG SDUD PA DANG, DMIGS PA @8A *, ,SDUD PA DANG, YAN LAG DANG DMIGS PA SDUD PA DANG, LAN LAG ZUNG DU BYED PA DANG, DMIGS PA ZUNG DU BYED PA DANG, YAN LAG DANG DMIGS PA ZUNG DU BYED PA DANG, GCIG SPEL BA DANG, GNYIS KA SPEL BA DANG, GNYIS KA MI SPEL BA LA SOGS PA'I RIM GYIS MTHAR GYIS GNAS PA'I SNYOMS PAR 'JUG PA DGU PO DAG LA DBANG BA'I PHA ROL TU SON PA LA SEMS CAN THAMS CAD KYI DBANG DAM PA'I PHA ROL TU SON PA ZHES BYA BA'O, ,THAMS CAD KYANG DGRA BCOM PA SHA STAG GO, ,CI'I PHYIR ZHE NA, ZAG PA ZAD PA'I PHYIR RO, ,ZAG PA ZAD PA NI NYON MONGS PA MED PA'I PHYIR RO, ,NYON MONGS PA MED PA NI DBANG DANG LDAN PAR GYUR PA'I PHYIR RO, ,DBANG DANG LDAN PAR GYUR PA NI SEMS SHIN TU RNAM PAR GROL BA'I PHYIR RO, ,SEMS SHIN TU RNAM PAR GROL BA NI, SHES RAB SHIN TU RNAM PAR GROL BA'I PHYIR RO, ,SHES RAB SHIN TU RNAM PAR GROL BA NI CANG SHES KYI PHYIR RO, ,CANG SHES PA NI GLANG PO CHEN PO'I PHYIR RO, ,GLANG PO CHEN PO NI BYA BA BYAS PA'I PHYIR RO, ,BYA BA BYAS PA NI BYED PA BYAS PA'I PHYIR RO, ,BYED PA BYAS PA NI KHUR BOR BA'I PHYIR RO, ,KHUR BOR BA NI BDAG GI DON RJES SU THOB PA'I PHYIR RO, ,BDAG GI DON, RJES SU THOB PA NI SRID PA KUN DU SBYOR BA YONGS SU ZAD PA'I PHYIR RO, ,SRID PA KUN TU SBYOR BA YONGS SU ZAD PA NI YANG DAG PA'I SHES PAS SEMS SHIN TU RNAM PAR GROL BA'I PHYIR RO, ,YANG DAG PA'I SHES PAS SEMS SHIN TU RNAM PAR GROL BA NI SEMS CAN THAMS CAD KYI DBANG DAM PA'I PHA ROL DU SON PA'I PHYIR RO ZHES YON TAN RNAMS KYI 'GREL PA SBYAR BAR BYA'O, ,DE LTAR ZHAB 'BRING BA DGE SLONG RNAMS BSTAN NAS, DGE SLONG MA LNGA BRGYA TZAM ZHES BYA BA LA SOGS PAS NI 'KHOR DGE SLONG MA DANG, DGE BSNYEN DANG, DGE BSNYEN MA RNAMS STON TO, ,CHOS MTHONG BA ZHES BYA BA NI MYA NGAN LAS 'DAS PA MNGON SUM DU BYAS PA STE, DES NI DGE BSNYEN DANG, DGE BSNYEN MA RNAMS SLOB PA YIN PAR BSTAN NO, ,DA NI ZHAB 'BRING BA BYANG CHUB SEMS DPA' RNAMS STON TE, BYANG CHUB SEMS DPA' SEMS DPA' CHEN PO TSAD MED GRANGS MED PA ZHES BYA BA NI @8B 'JIG RTEN GYI KHAMS GZHAN THAMS CAD NAS 'DUS PA'I PHYIR BYANG CHUB SEMS DPA' RNAMS 'DI SNYED DO ZHES GRANGS CHAD PAR MA SMOS SO, ,GZUNGS THOB PA ZHES BYA BA LA SOGS PAS NI DE DAG GI YON TAN BSTAN TO, ,BYANG CHUB SEMS DPA' NI RNAM PA LNGA STE, LHAG PA'I BSAM PA DAG PA DANG, RTZOL BA DANG BCAS PAR MTSAN MA MED PA LA GNAS PA DANG MTSAN MA MED PA LA LHUN GYIS GRUB PAR GNAS PA DANG, SPYOD PA NGES PA LA ZHUGS PA DANG, SKYE BA GCIG GIS THOGS PA RNAMS TE, DE DAG NI 'DIR GTOGS SO, ,SA DANG PO LA GNAS PA RNAMS NI LHAG PA'I BSAM PA DAG PA'O, ,SA BDUN PA'I BAR DU NI RTZOL BA DANG BCAS PAR MTSAN MA MED PA LA GNAS PA DAG GO, ,SA BRGYAD PA NI MTSAN MA MED PA LA LHUN GYIS GRUB PAR GNAS PA DAG GO, ,DE NAS SA BCU PA'I BAR DU NI SPYOD PA NGES PA LA ZHUGS PA DAG GO, ,DE YAN CHAD NI SKYE BA CIG GIS THOGS PA DAG GO, ,DE LA GZUNGS THOB PA ZHES BYA BA NI 'DZIN PAR BYED PAS NA GZUNGS ZHES BYA'O, ,GZUNGS DE YANG RNAM PA BZHI STE, BYANG CHUB SEMS DPA' BZOD PA 'THOB PA'I RGYUR GYUR PA'I GZUNGS DANG, GSANG SNGAGS KYI GZUNGS DANG, CHOS KYI GZUNGS DANG, DON GYI GZUNGS SO, ,DE LA BYANG CHUB SEMS DPA' BZOD PA THOB PA'I RGYUR GYUR PA'I GZUNGS GANG ZHE NA, 'DI LA SNGON GYI RGYU PHUN SUM TSOGS PA'I BYANG CHUB SEMS DPA' MOS PAS SPYOD PA'I SA LA RAB TU DBEN PAR SPYOD PA, ZAS KYI TSOD SHES PA, DBANG PO BSDAMS PA SU DANG YANG LHAN CIG GTAM MI ZER BA, MI NYAL BAR BRTZON PAS BYANG CHUB SEMS DPA' RNAMS KYI BZOD PA BSKYED PAR BYA BA'I PHYIR GSANG SNGAGS KYI GZHI, TAD DYA TH'A, AI dI MI dI, KI dI BI Ksh'A NA TI P'A DA NI SV'A H'A, ZHES BYA BA GANG DAG GSUNGS PA DE DAG LAS YI GE RNAMS BZUNG STE, GSANG SNGAGS KYI GZHI 'DI DAG GI DON GANG YIN ZHES BRJOD PA DANG BRJOD PAR BYA BA'I DNGOS POR DON SEMS PAR BYED DO, ,DE LTAR YUN RING DU BSAMS KYANG BRJOD PAR BYA BA DE'I DON MI MTHONG NGO, ,DON MA MTHONG BA DANG 'DI SNYAM DU SEMS TE GSANG SNGAGS KYI GZHI 'DI DAG GI BRJOD PAR @9A *, ,BYA BA'I DON NI GANG YANG MED KYI, BRJOD PAR BYA BA'I DON MED PA NYID GSANG SNGAGS KYI GZHI DAG GI DON YIN DU NGES TE, BRJOD PAR BYA BA'I DON MED PA'I RANG BZHIN NI 'DI DAG GI DON YIN NO SNYAM DU YANG DAG PAR GTAN LA 'BEBS SHING, GSANG SNGAGS KYI GZHI 'DI DAG NI BRJOD PA DANG BRJOD PAR BYA BA'I RANG BZHIN DANG BRAL BA YIN PAR SGOM PAR BYED DO, ,DE LTAR BRJOD PA DANG BRJOD PAR BYA BA'I RANG BZHIN DANG BRAL BA'I GSANG SNGAGS KYI GZHI LEGS PAR BSGOMS NAS YANG DE'I TSUL GYIS CHOS THAMS CAD KYANG BRJOD PA DANG BRJOD PAR BYA BA'I RANG BZHIN DANG BRAL BA YIN PAR YANG DAG PAR GTAN LA 'BEBS PAR BYED DE, ,JI LTAR GSANG SNGAGS KYI GZHI 'DI RNAMS BRJOD DU MED PA'I RANG BZHIN YIN PA'I PHYIR BRJOD PAR BYA BA'I DON GANG YANG MED PAR DE BZHIN DU CHOS 'DI DAG THAMS CAD KYANG BRJOD DU MED PAS DE DAG GI RANG BZHIN NI BRJOD DU MED PA NYID DO SNYAM NAS CHOS THAMS CAD NI BRJOD PA DANG BRJOD PAR BYA BA'I RANG BZHIN DANG BRAL BA NYID DE BRJOD DU MED PA'I BDAG NYID DU NGES PAR BYED DE, ,DE LTAR NGES PAR BYAS PA DANG, CHOS THAMS CAD NI KUN BRTAGS PA'I BDAG NYID KYIS STONG PA NYID DU MTHONG NGO, ,DES DE LTAR MTHONG BA NA CHOS THAMS CAD BRJOD DU MED PA'I RANG BZHIN DU RAB TU RTOGS PAS DGA' BA DANG, MCHOG TU DGA' BA CHEN PO SKYES TE, DE'I TSE NA DES GZUNGS THOB PA ZHES BYA BAR 'GYUR RO, ,DE NAS GZUNGS THOB PA'I RGYU DE NYID KYIS BYANG CHUB SEMS DPA' LA DE MA THAG TU SA RAB TU DGA' BA'I YE SHES SKYE BA DANG MTHUN PA'I BZOD PA CHEN PO SKYES TE, DON DAM PA'I CHOS RNAMS LA BZOD PAS NA BZOD PA ZHES BYA'O, ,DE LTAR BZOD PA SKYES PA LA GZUNGS KYI YE SHES ZHES BYA'O, ,GZUNGS KYI BZOD PA DE SKYES NAS RING PO MI THOGS PAR LHAG PA'I BSAM PA DAG PA'I SA RAB TU DGA' BA ZHES BYA BA THOB PAR 'GYUR RO, ,DE LTA BAS NA GZUNGS KYI BZOD PA 'DI NI MOS PAS SPYOD PA'I SAR GTOGS PAR RIG PAR BYA'O, ,DE LA BYANG CHUB SEMS DPA' RNAMS KYI GSANG SNGAGS KYI GZUNGS GANG ZHE NA, BYIN GYIS RLOB PAR NUS PA'I TING NGE 'DZIN GYI DBANG @9B GANG YIN PA DE NI GSANG SNGAGS KYI GZUNGS ZHES BYA STE, 'DI LTAR BYANG CHUB SEMS DPA' BSKAL PA GRANGS MED PA DANG PO LA YE SHES KYI TSOGS SHIN TU YONGS SU RDZOGS PAR BYA STE, BSKAL PA GRANGS MED PA DE 'DAS NAS SA DANG PO THOB STE, SA DE LA YE SHES SHIN TU RNAM PAR SBYANGS PAS SHIN TU YONGS SU SBYANGS PA'I TING NGE 'DZIN DANG, SNYOMS PAR 'JUG PA LA SNYOMS PAR ZHUGS NAS DE LA DBANG THOB STE, TING NGE 'DZIN GYI DBANG GI STOBS BSKYED PA DANG, SNGON GYI SMON LAM GYI STOBS BSKYED PAS GSANG SNGAGS KYI GZHI 'DI DAG SEMS CAN RNAMS KYI YAMS KYI NAD DANG, GNOD PA DANG, NAD 'GO BA DANG, 'KHRUG PA THAMS CAD ZHI BAR GYUR CIG CES TING NGE 'DZIN GYI DBANG GI STOBS KYIS SEMS CAN RNAMS KYI YAMS KYI NAD DANG, GNOD PA ZHI BAR BYED PA'I GSANG SNGAGS KYI GZHI RNAMS BYIN GYIS RLOB STE, DES DE LTAR BYIN GYIS BRLABS PA'I GSANG SNGAGS KYI GZHI DE DAG GRUB PAR 'GYUR MCHOG TU GRUB PAR 'GYUR ZHING GTAN DU GRUB PAR 'GYUR RO, ,DE BZHIN DU SA GONG MA LA GNAS PA'I BYANG CHUB SEMS DPA' SEMS DPA' CHEN PO RNAMS KYI YANG SEMS CAN GYI DON DE DANG, DE DAG GI PHYED DU GSANG SNGAGS KYI TSIG DE DAG JI LTA JI LTAR BYIN GYIS BRLABS PA DE LTA DE LTAR RNAM PA THAMS CAD DU 'GRUB PAR 'GYUR RO, ,DE LTA BAS NA TING NGE 'DZIN GYI DBANG DE LTA BUR GYUR PAS GSANG SNGAGS RNAMS 'DZIN PAR BYED PAS NA GSANG SNGAGS KYI GZUNGS ZHES BYA'O, ,GZUNGS KYI DBANG DE'I YUL DU GYUR PA'I GSANG SNGAGS KYI GZHI, DE DAG KYANG GZUNGS KYI YUL DU GYUR PA'I PHYIR GZUNGS ZHES BYA'O, ,DE LA CHOS KYI GZUNGS GANG ZHE NA, 'DI LA SAR CHUD PA'I BYANG CHUB SEMS DPA' RNAMS SANGS RGYAS DANG, BYANG CHUB SEMS DPA' RNAMS LAS CHOS NYAN PA NA SNGON MI SHES SHING SNGON MA THOB PA'I MING GI TSOGS DANG, TSIG GI TSOGS DANG YI GE'I TSOGS SU GTOGS PA'I CHOS TSAD MED GRANGS MED, DPAG TU MED PA RNAMS RIM PA DE NYID KYIS YUN RING POR YANG MI BRJED PAR 'DZIN PAR NGAN PA DANG, SHES RAB LA CHOS KYI GZUNGS ZHAS BYA'O,, @10A *, ,DE LA DON GYI GZUNGS GANG ZHE NA, BYANG CHUB SEMS DPA'I DE DAG NYID KYIS DE LTAR BZUNG BA'I CHOS RNAMS KYI DON TSAD MED, GRANGS MED, DPAG TU MED PA GANG YIN PA DE DAG DUS DPAG TU MED PA'I BAR RAB TU YANG MI BRJED PAR 'DZIN PA'I DRAN PA DANG, SHES RAB GCIG TU BYAS PA LA DON GYI GZUNGS ZHES BYA'O, ,DE DAG LAS BZOD PA'I RANG BZHIN DU GYUR PA'I GZUNGS SNGAR BSHAD PA DE NI SNGON GYI RGYU PHUN SUM TSOGS PA RNAMS KYI STE, MOS PAS SPYOD PA'I SA NYID LA 'THOB PO, ,GZHAN GZUNGS GSUM PO NI BSKAL PA GRANGS MED PA DANG PO 'DAS NAS SA DANG PO LA SOGS PA LA 'THOB PO, ,DE LA MDO LAS KYANG, CHOS BZHI DANG LDAN PA'I BYANG CHUB SEMS DPA' SEMS DPA' CHEN PO NI GZUNGS PHUN SUM TSOGS PA YIN NO, ,ZHES GSUNGS PA'I PHYIR TE, CHOS BZHI NI GZUNGS 'THOB PAR 'GYUR BA'O, ,CHOS BZHI NI BDAG DANG GZHAN MNYAM PA NYID KYI MI MTHUN PA'I PHYOGS SU GYUR PA STE, 'DI LTAR 'DOD PA RNAMS LA LHAG PAR ZHEN PA DANG, PHRAG DOG DANG SER SNA DANG CHOS KYI KUN DGA' LA MI DGA' BA'O, ,DE LAS BZLOG PA NI 'DOD PA RNAMS LA SMOD PA DANG, PHRAG DOG MED PA DANG, THAMS CAD GTONG BA DANG, 'DI LTA STE BYANG CHUB SEMS DPA'I SDE SNOD LA BRTZAMS NAS CHOS LA DGA' BA'O ZHES BYA'O, ,DE LA MDOG GZHAN LAS GSUNGS PA'I RIM GYIS SA DANG PO LA NI GNAS KHYAD PAR DU 'PHAGS PA ZHES BYA BA'I GZUNGS THOB PAR 'GYUR TE, DE'I DBANG GIS DAM PA KHYAD PAR CAN GYI CHOS THAMS CAD KYI GNAS SU GYUR PA YIN NO, ,GNYIS PA LA NI DRI MA MED PA ZHES BYA BA STE, DE'I DBANG GIS DER TSUL KHRIMS RNAM PAR DAG PAR 'GYUR RO, ,GSUM PA LA NI SHIN TU BRTAN PA ZHES BYA STE, DE'I DBANG GIS SEMS 'KHRUG PA THAMS CAD DANG BRAL BA BZOD PA'I STOBS PHUN SUM TSOGS PAS SHIN TU BSTAN PAR 'GYUR RO, ,BZHI PA LA NI THUB PAR DKA' BA ZHES BYA BA STE, DE'I DBANG GIS BDUD DANG PHYIR RGOL BA THAMS CAD KYIS MI THUB PAR 'GYUR RO, ,LNGA PA LA NI YON TAN GYIS SEMS BRGYAN PA ZHES BYA BA'O, ,DRUG PA LA NI YE @10B SHES KYI DKYIL 'KHOR GYI SGRON MA ZHES BYA BA'O, ,BDUN PA LA NI KHYAD PAR DU 'GRO BA ZHES BYA BA'O, ,BRGYAD PA LA NI MI RTOG PA ZHES BYA BA'O, ,DGU PA LA NI SGO MTHA' YAS PA ZHES BYA BA'O, ,BCU PA LA NI MI ZAD PA'I ZA MA TOG CES BYA STE, DE LTAR SA DANG SAR SO SO'I GZUNGS LA SOGS PA GZUNGS TSAD MED GRANGS MED PA STONG PHRAG DU MA THOB PAS NA GZUNGS THOB PA ZHES BYA BA STE, DE'I PHYIR 'DI LTAR MOS PAS SPYOD PA'I SA DANG YANG THUN MONG DU GYUR PAS YON TAN 'DI LTAR SMOS SO, ,RNAM PA GZHAN DU YANG 'DI LA YI GE THAMS CAD GOMS PAR BYAS NA CHOS THAMS CAD RTOGS PA'I RGYUR 'GYUR TE, 'DI LTA STE CHOS THAMS CAD NI MA SKYES PA'O ZHES BYA BA LA YI GE'I DANG PO AA ZHES BYA BA LA SKYE BA MED PA'I DON SGRO BTAGS NAS AA ZHES BYA BA NI SKYE BA MED PA'I DON YIN PAR YONGS SU BTAGS TE, GANG GI TSE ZHI GNAS DANG LHAG MTHONG GI SBYOR BAS YANG DAG PAR BSGOMS PAR GYUR PA DE'I TSE, GOMS PA'I STOBS KYIS AA ZHES BYA BA GCIG GIS CHOS THAMS CAD SKYE BA MED PA'I RNAM PAR SNANG STE, DE LTAR NA AA ZHES BYA BA NI CHOS THAMS CAD RTOGS PAR BYA BA'I RGYU YIN NO, ,DE LTAR AA ZHES BYA BA DE NYID MA SKYES PA DANG, MA BYUNG BA DANG, DNGOS PHO MED PA'I NGO BO NYID DANG, 'GAG PA MED PA LA SOGS PA'I DON LA BRTEN TE BSGOMS NA CHOS THAMS CAD SO SOR RTOGS PA'I RGYUR 'GYUR RO, ,DE'I PHYIR 'DI SKAD DU GZUNGS KYI SGO GANG ZHE NA, 'DI LTA STE, YI GE MNYAM PA NYID DANG, SKAD MNYAM PA NYID DANG, YI GE SGO YIN PA DANG, YI GE 'JUG PA'O, ,YI GE SGO DANG, YIG 'JUG PA GANG ZHE NA, AA ZHES BYA BA NI CHOS THAMS CAD KYI SGO STE, GZOD MA NAS MA SKYES PA'I PHYIR RO, ,RA ZHES BYA BA NI CHOS THAMS CAD KYI SGO STE, RNGUL DANG BRAL BA'I PHYIR RO ZHES BYA BA LA SOGS PA 'OG NAS GSUNGS SO, ,DE LTAR YI GE DE DAG LA BRTEN NAS CHOS THAMS CAD RTOGS PAR BYED PA NA DRAN PA DANG, SHES RAB SKYE STE, DE DAG GI DON 'DZIN PAS NA GZUNGS ZHES BYA'O, ,GZUNGS DE'I RGYU DE LAS SKYES PA DE NI CHOS THAMS CAD KYI DON DAM PA LA DMIGS PAR BZOD PA STE, DRAN PA @11A *, ,DANG SHES RAB DE GNYIS LA BZOD PA'I GZUNGS ZHES BYA'O, ,YANG YI GE DE DAG NYID SGRIM PA THAMS CAD KYIS LEGS PAR GOMS PAR BYAS NAS SANGS RGYAS DANG BYANG CHUB SEMS DPA' RNAMS KYIS RGYUN CHAGS PAR SHIN TU MYUR BAR BSHAD PA'I CHOS KYI RGYUN DANG, DE'I DON RNAMS KYANG YANG DAG PAR 'DZIN PA'I RGYUR 'GYUR TE, MING GI TSOGS DANG, TSIG GI TSOGS DANG, YI GE'I TSOGS RNAMS LA SHIN TU GOMS PAR 'GYUR BAS NA DRAN PA DANG SHES RAB DE NYID LA CHOS KYI GZUNGS DANG, DON GYI GZUNGS ZHES BYA'O, ,YANG YI GE DE DAG NYID BYANG CHUB SEMS DPAS YANG DAG PAR BSGOMS NAS YID BZHIN GYI NOR BU LTA BUR DNGOS PO THAMS CAD RAB TU SBYIN PAR 'GYUR TE, 'DI LTAR DE DAG NI SNGON GYI SMON LAM GYI MTHU DANG, TING NGE 'DZIN GYI MTHUS GNOD PA THAMS CAD ZHI BAR BYA BA DANG, SDIG PA THAMS CAD BYANG BAR BYA BA'I PHYIR ZHES BYA BA LA SOGS PA'I DGOS PAR BYIN GYIS BRLABS NA DON THAMS CAD SGRUB PAR BYED PA GRUB PAR 'GYUR TE, DE'I TSE BYIN GYIS RLOB PA'I SHES PA DE NYID LA GSANG SNGAGS KYI GZUNGS ZHES BYA'O, ,GZUNGS DE'I DMIGS PAR BYA BA YIN PAS NA YI GE DE DAG LA YANG GZUNGS ZHES BYA BAR BRJOD DO, ,MAN NI SHES PA YIN LA, TRA ZHES BYA BA NI SKYONG BA YIN PAR BSHAD PAS SHES PA DANG, SNYING RJE LA SNGAGS ZHES BYA BAR BRJOD DO, ,DE NYID KYI RGYU MTHUN PA YIN PA'I PHYIR YI GE DE DAG LA YANG SNGAGS ZHES BYA'O, ,YANG MA RIG PA SPONG BAR BYED PA DANG, RIG PA SKYED PAR BYED PA'I PHYIR DE NYID LA RIG PA ZHES KYANG BYA'O, ,RNAM PA THAMS CAD MKHYEN PA NYID KYI GO 'PHANG GI GZHI YIN PA'I PHYIR, GZHI RNAMS ZHES BYA STE, DE LTA BAS NA GZUNGS KYI GSANG SNGAGS KYI GZHI RNAMS RIG PA'I GSANG SNGAGS GZHI RNAMS ZHES BYA BA'I MING 'THOB PO,, DE LA SNGAR BSHAD PA'I BZOD PA'I GZUNGS GANG YIN PA DE NI MOS PAS SPYOD PA'I SA YONGS SU RDZOGS PA NA MNGON PAR BRTZON PA'I STOBS KYIS 'BYUNG NGO, ,GZUNGS LHAG MA GSUM NI SMON LAM GYI STOBS KYIS SKYE BAR 'GYUR TE, SA DANG PO LA DE DAG CHUNG YANG BRTEN PAR 'GYUR RO, , @11B DE YAN CHAD NI GZUNGS DE DAG THAMS CAD KYANG GONG NAS GONG DU MCHOG TU CHER SKYE BAR 'GYUR TE, DE'I PHYIR GZUNGS THOB PA ZHES GSUNGS SO, ,DE LTAR BYANG CHUB SEMS DPA' GZUNGS THOB PA DE NI 'PHAGS PAS BCU PA LAS BSHAD PA'I RIM PAS BYANG CHUB SEMS DPA'I SA DANG PO DANG GNYIS PA LA SOGS PA LA 'PHAGS PA'I BDEN PA RNAMS DANG, RTEN CING 'BREL PAR 'BYUNG BA RNAMS LEGS PAR BSGOMS PA'I RGYUS GANG ZAG STONG PA NYID DANG, CHOS STONG PA NYID LA YANG DAG PAR GNAS PAR 'GYUR TE, DE 'DI LTAR STONG PA NYID DE YANG KUN TU 'GRO BA LA SOGS PA'I MTSAN NYID DU BZUNG NAS BSGOMS NA STONG PA NYID KYI RNAM PAR THAR PA'I SGO SKYE BAR 'GYUR RO, ,DE STONG PA NYID YONGS SU 'DRIS NA SA DANG CHU DANG, RLUNG DANG, ME DANG, ZLA BA DANG, NYI MA DANG, RI DANG, RGYA MTSO DANG, MTSE'U DANG, DGON PA DANG, PHYOGS DANG YUL LA SOGS PA'I DNGOS PO SNGON CHOS KYI MTSAN MAR SO SOR SNANG BAR GYUR PA GANG DAG YIN PA DE DAG THAMS CAD SO SOR SNANG BAR MI 'GYUR GYI, MTSAN MA MED PA'I RNAM PAR SNANG STE DE'I TSE NA MTSAN MA MED PA'I RNAM PAR THAR PA'I SGO SKYE BAR 'GYUR RO, ,DE LTAR MTSAN MA THAMS CAD DANG BRAL NAS MTSAN MA MED PA'I SGOR GNAS PA DE LA KHAMS GSUM PA THAMS CAD KHAMS GSUM GYI RNAM PAR MI SNANG STE, DE NI DE LA 'DOD PA CI YANG MI SKYE'O, ,'DOD PA MED PA'I PHYIR DE NI DE LA YID KYIS GANG DU YANG SMON PA MED DO, ,DE'I TSE DE LA SMON PA MED PA ZHES BYA BA'I RNAM PAR THAR PA'I SGO SKYE BAR 'GYUR RO, ,DES DE LTAR STONG PA NYID KYI RNAM PAR THAR PA'I SGO BZUNG STE PA SGOMS NA STONG PA NYID KYI TING NGE 'DZIN LA GNAS PAR 'GYUR RO, ,MTSAN MA MED PA'I RNAM PAR THAR PA'I SGO BZUNG STE BSGOMS NA DE LAS GZHAN PA'I SPYOD YUL DANG BRAL BAS MTSAN MA MED PA'I SPYOD YUL DU 'GYUR RO, ,DES SMON PA MED PA'I BDAG NYID DU MTHONG NA KHAMS GSUM LA SMON DU RUNG BAR RTOG PAR MI BYED DO, ,DE BAS NA STONG PA NYID LA GNAS PA, MTSAN MA MED PA SPYOD YUL BA, MA BRTAGS PA'I SMON LAM DANG LDAN PA ZHES BYA BA'O, ,DE LTAR RNAM @12A *, ,PAR THAR PA'I SGO GSUM GYI TING NGE 'DZIN DAG LA LEGS PAR GNAS PA DE SPROS PA THAMS CAD NYE BAR ZHI BA'I PHYIR MNYAM PA NYID KYI BZOD PA BZHI 'BYUNG BAR 'GYUR TE, BDAG DANG GZHAN DU RNAM PAR RTOG PA MED PA'I PHYIR SEMS CAN LA MNYAM PA NYID KYI BZOD PA DANG, RJES SU CHAGS PA DANG KHONG KHRO BA MED PA'I PHYIR 'DU BYED LA MNYAM PA NYID KYI BZOD PA DANG, DE BZHIN NYID TZAM DU ZAD PA'I PHYIR CHOS THAMS CAD LA MNYAM PA NYID KYI BZOD PA DANG, 'KHOR BA DANG MYA NGAN LAS 'DAS PA LA SEMS MNYAM PA'I PHYIR MI GNAS PA MNYAM PA NYID KYI BZOD PA'O, ,DE LTAR DES MNYAM PA NYID KYI BZOD PA BZHI BSKYED NAS YONGS SU 'DRIS PAR BYAS PA'I PHYIR SA BCU PA LAS BSHAD PA'I RIM PA BZHIN DU GZHAN YANG MNYAM PA NYID BCU 'BYUNG STE, 'DI LTA STE, MTSAN MA MED PAR MNYAM PA NYID DANG, MTSAN NYID MED PAR MNYAM PA NYID, DANG, MA SKYES PAR MNYAM PA NYID DANG, 'BYUNG BA MED PAR MNYAM PA NYID DANG, DBEN PAR MNYAM PA NYID DANG, GZOD MA NAS ZHI BAR MNYAM PA NYID DANG, SPROS PA MED PAR MNYAM PA NYID DANG, BLANG BA MED PA DANG DOR BA MED PAR MNYAM PA NYID DANG, SGYU MA DANG, RMI LAM DANG, MIG YOR DANG, BRAG CA DANG, CHU ZLA DANG, GZUGS BRNYAN DANG, SPRUL PAR MNYAM PA NYID DANG, DNGOS PO DANG DNGOS PO MED PA NYID MNYAM PA NYID DO, ,KUN BRTAGS PA'I RNAM PA DANG BRAL BA SPROS PA MED PA'I CHOS KYI DBYINGS GANG YIN PA DE NI MTSAN MA DANG BCOS PA THAMS CAD DANG, RNAM PAR RTOG PA DANG BCAS PA'I RNAM PAR SHES PA THAMS CAD KYI SPYOD YUL MA YIN GYI RNAM PAR MI RTOG PA'I YE SHES NYID KYI SPYOD YUL YIN TE, DE'I PHYIR CHOS THAMS CAD NI MTSAN MA MED PA ZHES BYA'O, ,DE LTA PAS NA YONGS SU GRUB PA'I BDAG NYID KYIS CHOS THAMS CAD MTSAN MA MED PAR MNYAM PA NYID DO, ,KUN BRTAGS PA'I CHOS BRJOD PAR BYA BA DANG, RJOD PAR BYED PA DANG, GZUNG BA DANG 'DZIN PA'I RNAM PA'I CHOS GANG DAG YIN PA DE DAG THAMS CAD NI SHIN TU MED PA'I PHYIR KUN BRTAGS PA'I MTSAN NYID DES MTSAN NYID MED DE DE BAS NA MTSAN NYID @12B MED PAR MNYAM PA NYID CES BYA'O, ,DON DAM PAR YONGS SU GRUB PA'I NGO BO NYID GANG YIN PA DE NI, BDAG NYID KYIS SKYE BA YANG MED LA RGYU DANG RKYEN RNAMS KYIS BSKYED PA YANG MED DE, DE BAS NA MA SKYES PAR MNYAM PA NYID DANG, 'BYUNG BA MED PAR MNYAM PA NYID DO, ,DE BZHIN NYID KYI NGO BO NYID DE NI NYON MONGS PA'I KUN NAS NYON MONGS PA DANG BRAL BA'I PHYIR DANG SKYE BA'I KUN NAS NYON MONGS PA DANG BRAL BA'I PHYIR RO, ,CHOS THAMS CAD NGO BO NYID KYIS DBEN PA STE, DE BAS NA DBEN PAR MNYAM PA NYID DO, ,YONGS SU GRUB PA'I NGO BO NYID DE NI SNGON NAS SKYE BA MED PA'I PHYIR DANG, THA MAR 'GAG PA MED PA'I PHYIR CHOS THAMS CAD SKYES PA MED PA DANG, 'GAGS PA MED PA STE, DE BAS GZOD MA NAS ZHI BAR MNYAM PA NYID DO, ,DON DAM PA'I NGO BO NYID DE LA 'DZIN PA NI YANG DAG PA'I YE SHES SPROS PA MED PA YIN TE, DE'I GZUNG BA YIN PA'I PHYIR, CHOS THAMS CAD KYANG SPROS PA MED PA ZHES BYA STE, DE LTA BAS NA SPROS PA MED PAR MNYAM PA NYID DO, ,DON DAM PA'I NGO BO NYID DE NI BYED PA MED PA'I PHYIR DON DAM PAR NA 'GRO BA GZHAN DANG PHUNG PO GZHAN PA GTONG BA DANG, PHUNG PO GZHAN LEN PA MED DE, DON DAM PAR DE LTAR LEN PA DANG, YONGS SU 'DOR BA MED PA'I PHYIR BLANG BA MED PA DANG, DOR BA MED PAR MNYAM PA NYID DO, ,KUN BRTAGS PA DE DAG NI GNYIS KYI BDAG NYID KYIS NGO BO NYID MED PA'I PHYIR SGYU MA LA SOGS PA DANG MTSUNGS PAS SGYU MA LA SOGS PAR MNYAM PA NYID DO, ,YONGS SU GRUB PA'I NGO BO NYID NI KUN BRTAGS PA'I DNGOS PO'I NGO BO NYID DU YANG MED LA, RI BONG GI RVA LA SOGS PA BZHIN DU DNGOS PO MED PA'I NGO BO NYID DU YANG MED DE, DE BAS NA GNYIS SU MED PA'I PHYIR DNGOS PO DANG DNGOS PO MED PA MNYAM PA NYID YIN PAR SHES PAR BYA STE, DE LTAR MNYAM PA NYID KYI MTSAN NYID RNAM PA BCU RTOGS PAS CHOS THAMS CAD LA MNYAM PA NYID KYI BZOD PA THOB PA ZHES BYA'O, ,DE LTAR RNAM PAR THAR PA'I SGO GSUM GYI TING NGE 'DZIN DAG LA LEGS PAR GNAS SHING MNYAM PA NYID KYI CHOS BCU RTOGS PA DANG LDAN PA DE SEMS CAN RNAMS MGON MED PAR MTHONG NAS SEMS CAN RNAMS @13A *, ,LA SNYING RJE CHEN PO MNGON PAR SKYES TE, DE LTAR DON DAM PA LA MKHAS PA DE GANG GI TSE MYA NGAN LAS 'DAS PA LA GZHOL BAR GYUR PA DE'I TSE, SNYING RJES ZIN PAS 'KHOR BA LA MNGON DU PHYOGS PAR MDZAD DO, ,'DI LTAR SHES RAB KYIS 'KHOR BA MI LEN CING, MYA NGAN LAS 'DAS PA LA MNGON DU PHYOGS PA'I SEMS SU GYUR LA, SNYING RJES MYA NGAN LAS 'DAS PA MI LEN CING 'KHOR BA LA MNGON DU PHYOGS PAR SBYOR BA DE LA, SA BCU PA LAS BSHAD PA'I RIM PA BZHIN DU TSUL BZHIN YID LA BYED PA 'DI 'BYUNG BAR 'GYUR TE, RANG BZHIN GYIS NYAM CHUNG BA BDAG GI DANG BRAL BA'I 'DUS BYAS 'DI NI NYON MONGS PA DANG LDAN PA'I PHYIR DANG, RKYEN TSOGS PA LAS 'BYUNG GI NYON MONGS PA DANG MI LDAN ZHING RKYEN TSOGS PA MED PAR NI 'BYUNG BAR MI NUS SO, ,DE LTA BAS NA BDAG GIS NYON MONGS PA DANG LDAN PA DANG, RKYEN TSOGS PA MED PAR NI BYA'I MGON MED PA'I SEMS CAN RNAMS CHUD ZOS SU 'ONG BAS SEMS CAN RNAMS LA PHAN GDAGS PA'I PHYIR 'DUS BYAS THAMS CAD KYI THAMS CAD DU RNAM PAR ZHI BAR NI MI BYA'O SNYAM MO, ,DE LTAR SHES RAB DANG, SNYING RJE DANG LDAN ZHING YID LA BYED PA 'DI LA GNAS PA DE LA, SHES RAB KYI PHA ROL TU PHYIN PA LA GNAS PA CHAGS PA MED PA ZHES BYA BA SNANG BA'I TSUL DU MNGON DU 'GYUR TE, SHES PA 'DI NI SPYOD PA DANG RJES SU MTHUN PA'I BZOD PA ZHES BYA'O, ,DE LTAR SHES RAB KYI PHA ROL TU PHYIN PA LA GNAS PAS SNANG BAR BYA BA CHAGS PA MED PAR GNAS PA'I MTSAN NYID GZUNGS SHES PA 'DI LA SHIN TU GNAS PA DE SEMS CAN RNAMS KYI DON DU 'KHOR LOS SGYUR BA'I RGYAL SRID KYANG BYED LA, DE LA YANG CHAGS PA MED PAR SPYOD DO, ,'DOD PA LA KUN TU SPYOD PA MANG PO YANG STON LA, DE LA YANG CHAGS PA MED PAR SPYOD DO, ,'JIG RTEN PA'I YO BYAD PHUN SUM TSOGS PA THAMS CAD KYANG SEMS CAN GYI DON DU STZOGS LA DE LA YANG CHAGS PA MED DO, ,BYANG CHUB KYI PHYOGS KYI CHOS RNAMS KYANG BSGOMS LA MYA NGAN LAS 'DAS PA LA YANG CHAGS PA MED PAR BSGOM MO, ,DE BZHIN NYID 'DUS MA BYAS KYANG BSGOMS LA, DE LA YANG CHAGS PA MED PAR @13B BSGOM MO, ,DE LTAR THABS MKHAS PA GTZO BOR BYED PA DE GZUNGS SHES PA'I KHYAD PAR THOB PAS, CHAGS PA MED PA'I GZUNGS THOB PA ZHES BYA'O, ,DE LTAR CHAGS PA MED PAR GNAS PA LA GNAS NAS 'KHOR BA DANG, MYA NGAN LAS 'DAS PA GNYIS MNYAM PAR SEMS PA DE SEMS CAN GYI DON 'BA' ZHIG LA RNAM PA THAMS CAD DU RTZOL BA NA SEMS CAN RNAMS LA PHAN PAR BYA BA'I PHYIR, BSAM GTAN DANG, RNAM PAR THAR PA DANG, TING NGE 'DZIN DANG SNYOMS PAR 'JUG PA RNAMS LA MNYAM PAR 'JOG KYANG DE'I DBANG GIS SKYE BA MI LEN GYI, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA DE DAG SEMS CAN RNAMS LA PHAN PAR BYA BA'I DON NYID DU YONGS SU BSNGO BAR MDZAD DO, ,DE LTAR SEMS CAN RNAMS KYI DON DU DE DAG YONGS SU BSNGOS NAS SEMS CAN RNAMS KYI DON NYID DU 'DI LTA STE, RDZU 'PHRUL BYA BA SHES PA DANG, LHA'I MIG DANG, LHA'I RNA BA DANG SEMS KYI RNAM GRANGS SHES PA DANG, SNGON GYI GNAS RJES SU DRAN PA'I SHES PA DANG, ZAG PA ZAD PA SHES PA MNGON SUM DU BYED PA'I SHES PA DANG, MNGON PAR SHES PA DRUG BSKYED DO, ,DE LA RDZU 'PHRUL BYA BA SHES PA NI RNAM PAR GNYIS TE YONGS SU BSGYUR PA DANG, SPRUL PA'O, ,DE LA YONGS SU BSGYUR BA ZHES BYA BA NI G-YO BAR BYA BA DANG, 'BAR BAR BYA BA DANG, CHAR 'BAB PAR BYA BA DANG, KHYAB PAR BYA BA DANG, DNGOS PO GZHAN DU BSGYUR BAR BYA BA DANG 'GRO BA DANG, 'ONG BA DANG, BSDU BA DANG, RGYAS PAR BYA BA DANG, GZUGS THAMS CAD LUS KYI NANG DU ZHUGS PA DANG, BSKAL PA MTHUN PA'I DRUNG DU 'GRO BA DANG, SNANG BAR BYA BA DANG, MI SNANG BAR BYA BA DANG, DBANG DU BYA BA DANG, PHA ROL PO'I RDZU 'PHRUL ZIL GYIS MNAN PA DANG, SPOBS PA SBYIN PA DANG, DRAN PA SBYIN PA DANG, BDE BA SBYIN PA DANG, 'OD GTONG BA LA SOGS PA GZHAN YANG DE DANG 'DRA BA DAG STE, SEMS CAN RNAMS LA GANG DANG GANG DGOS PA DE DANG DE BYANG CHUB SEMS DPA' DES SGRUB PO, ,SPRUL PA ZHES BYA BA NI, SPRUL PA RNAM PA GSUM STE, LUS SPRUL PA DANG, NGAG SPRUL PA DANG, YUL @14A *, ,SPRUL PA'O, ,DE LA LUS SPRUL PA NI GANG BYANG CHUB SEMS DPA' SEMS CAN RNAMS KYI DON GYI CHED DU, LHA DANG, KLU DANG, GNOD SBYIN DANG, LHA MA YIN DANG, NAM MKHA' LDING DANG, DRI ZA DANG, MI'AM CI DANG, LTO 'PHYE CHEN PO'I KHA DOG DANG, MI'I KHA DOG DANG, DUD 'GRO DANG, YI DAGS DANG, SEMS CAN DMYAL BA'I KHA DOG DANG, NYAN THOS KYI KHA DOG DANG, RANG SANGS RGYAS KYI KHA DOG DANG, BYANG CHUB SEMS DPA'I KHA DOG DANG, SANGS RGYAS KYI KHA DOG TU SPRUL PA RNAM PA DU MA STON CING, PHYOGS BCU'I 'JIG RTEN GYI KHAMS DPAG TU MED GRANGS MED PA RNAMS SU SEMS CAN DPAG TU MED GRANGS MED PA RNAMS KYI DON DU SKAD CIG GCIG LA CIG CAR DU KHA DOG SNA TSOGS PA'I SPRUL PA DE DAG GIS BSGRUBS PA'O, ,NGAG SPRUL PA GANG ZHE NA, 'DI LA BYANG CHUB SEMS DPA' LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, NYAN THOS DANG, BYANG CHUB SEMS DPA'I 'KHOR 'DUS SHING 'KHOD PA DPAG TSAD KHOR KHOR YUG GI DKYIL 'KHOR NAS, STONG SPYI PHUD DANG, STONG GNYIS DANG, STONG GSUM DANG, PHYOGS BCU'I 'JIG RTEN GYI KHAMS DPAG TU MED PA GRANGS MED PA RNAMS KYI BAR DU SPRUL PA'I SGRAS GO BAR MDZAD PA DANG, SGRA DE DAG LAS KYANG SEMS CAN RNAMS LA CHOS BSTAN PA RNAM PA DU MA MDZAD PA'AM, SPRUL PA GZHAN DAG GIS BYED DU 'JUG PAR MDZAD PA DANG, NAM MKHA' LAS KYANG CHOS STON PA'I SGRA 'BYIN CING YUL SNA TSOGS NA MOS PA RNAMS LA BSKUL BAR MDZAD PA'O, ,YUL SPRUL PA GANG ZHE NA, YO BYAD KYIS PHONGS PA'I SEMS CAN RNAMS KYI DON DU BYANG CHUB SEMS DPA' BZA' BA DANG, BTUNG BA DANG, BZHON PA DANG, GOS DANG, NOR GU DANG, MU TIG DANG, BEE d'U RYA LA SOGS PA'I SPRUL PA SPRUL PAR MDZAD DE, JI STE DE'I TSE TZAM ZHIG TU DGOS PAR GYUR NA YANG DE'I TSE TZAM NYID DU 'GYUR RO, ,CI STE GANG GI TSE DE BDEN PA NYID DU BYIN GYIS RLOB NA YANG DUS JI SRID PA NYID DU 'GYUR RO, ,DE LTAR RDZU 'PHRUL BYA BA @14B SHES PAS PHAN 'DOGS SO, ,RDZU 'PHRUL GYI CHO 'PHRUL GYIS SEMS CAN RNAMS 'DUN PAR MDZAD NAS, SANGS RGYAS KYI BSTAN PA LA 'JUG PAR MDZAD DO, ,YANG NA SEMS CAN SDUG BSNGAL BA RNAM PA SNA TSOGS KYIS PHAN 'DOGS PAR MDZAD PA'O,, ,,BAM PO GNYIS PA; ,SNGON GYI GNAS RJES SU DRAN PA'I SHES BZHES PAS NI SEMS CAN RNAMS KYI SNGON GYI SPYOD PA RNAMS RJES SU DRAN NAS DE DANG MTHUN PA MKHYEN TE, CHOS BSTAN PA LA SOGS PA MDZAD DO, ,YANG NA BYANG CHUB SEMS DPA'I SPYOD PA MCHOG TU RMAD DU BYUNG BA'I SPYOD PA DRAN NAS, SEMS CAN RNAMS DAD PA YANG DAG PAR BSKYED PA'I PHYIR YANG DAG PAR RAB TU STON TO, ,RTAG PAR SMRA BA DANG, CHAD PAR SMRA BA RNAMS LA SNGON GYI TSUL NYE BAR BSTAN NAS, LTA BA RNAM PAR 'JIG PAR BYED DO, ,DE SHES PA DES BDAG NYID KYI SNGON GYI GNAS KYANG DRAN NO, ,GZHAN DAG GI SNGON GYI SRID PA YANG DRAN NO, ,YANG GZHAN DAG GI SNGON GYI SRID PA DE DAG NYID KYI RJES SU DRAN PAR MDZAD PA'O, ,LHA'I RNA BAS NI SEMS CAN DMYAL BA DANG, DUD 'GRO DANG, YI DVAGS DANG, MI RNAMS KYI NANG DU SEMS CAN SDUG BSNGAL BA RNAMS KYI NYAM THAG PA'I SGRA GSAN NAS, DE DAG GI SDUG BSNGAL BSAL BA'I PHYIR 'BAD PAR MDZAD DO, ,YANG NA SANGS RGYAS KYI ZHING SNA TSOGS SAM, 'DI NYID NA CHOS BSTAN PA THA DAD PA GANG YIN PA DE DAG GSAN TO, ,YANG NA YANG DAG PAR BSKUL BA'I SGRA RNAM PA DU MA GSAN TO, ,LHA'I MIG GIS NI BYANG CHUB SEMS DPA' PHYOGS BCU'I SEMS CAN RNAMS KYI DGE BA DANG MI DGE BA'I SPYOD PA RNAMS SNA TSOGS PA GZIGS NAS CI RIGS PAR SGRUB PAR MDZAD DO, ,SANGS RGYAS KYI ZHING DE DANG DE DAG NA DE BZHIN GSHEGS PA 'KHOR MANG PO'I NANG NA CHOS STON PA YANG GZIGS SO, ,PHA ROL GYI SEMS SHES PAS NI GZHAN DAG GI 'DOD CHAGS DANG, ZHE SDANG LA SOGS PA DANG MTSUNGS PAR LDAN PA'I SEMS RNAMS MKHYEN NAS, DE DAG LA CI RIGS PAR SGRUB PAR MDZAD DO, ,SEMS CAN RNAMS KYI DBANG PO DANG, SPYOD PA DANG, KHAMS DANG, BAG LA NYAL BA LA @15A *, ,SOGS PA THA DAD PA RNAMS MKHYEN NAS CI RIGS PAR CHOS STON TO, ,ZAG PA SHES PAS NI BYANG CHUB SEMS DPA' BDAG GAM GZHAN DAG GI NYON MONGS PA ZAD PA YANG DAG PA JI LTA BA BZHIN DU RAB TU MKHYEN TE, BDAG GI NYON MONGS PA ZAD PA THOB PA'AM, MA THOB PA'AM, GZHAN DAG GI NYON MONGS PA ZAD PA THOB PA'AM, MA THOB PA YANG DAG PA JI LTA BA BZHIN DU RAB TU MKHYEN TO, ,BDAG DANG GZHAN DAG GI NYON MONGS PA ZAG PA ZAD PAR BYA BA'I THABS DANG, THABS MA YIN PA YANG RAB TU MKHYEN TO, ,GZHAN DAG GI NYON MONGS PA ZAD PA THOB PA'I MNGON PA'I NGA RGYAL DANG, BDEN PA YANG RAB TU MKHYEN TO, ,BYANG CHUB SEMS DPA' DE DAG THAMS CAD RAB TU MKHYEN NAS, DE LA BDAG NYID KYIS ZAG PA ZAD PA MNGON SUM DU MDZAD DO, ,ZAG PA DANG BCAS PA'I DNGOS PO DANG, ZAG PA MED PA YANG RAB TU MKHYEN TE; ,BYANG CHUB SEMS DPA' ZAG PA ZAD PA'I SHES PA DE NYID KYIS ZAG PA DANG BCAS PA'I NYON MONGS PA'I CHOS THAMS CAD DANG LHAN CIG GNAS KYANG BDAG NYID KUN NAS NYON MONGS PAR MI 'GYUR RO, , MNGON PAR SHES PA DRUG PO DE DAG NI BYANG CHUB SEMS DPA' LA TSE RABS TSE RABS SU YOD PAR GYUR TO, ,DUD 'GRO'I SKYE GNAS SU SKYES PA NA YANG NYAMS PAR MI 'GYUR BAS NA MNGON PAR SHES PA MNYAMS PA ZHES BYA'O, ,DE LTAR MNGON PAR SHES PA DRUG DANG LDAN PA'I BYANG CHUB SEMS DPA' NI SEMS CAN RNAMS LA PHAN GDAGS PA NYID KYI PHYIR 'BAD DO, , PHAN GDAGS PA'I SEMS CAN DE DAG KYANG LHAN CIG SKYES PA'I DGA' BAS BYANG CHUB SEMS DPA'I NGAG NYAN PAR 'GYUR TE, DES GDAMS PA DANG, RJES SU BSTAN PA LAS SROG GI PHYIR YANG 'GAL BAR MI BYED DO, ,GANG GZHAN YANG DE LA GNOD PAR SEMS PA DANG LDAN PA BDUD KYI PHYOGS SAM, MU STEGS CAN LA SOGS PA DE DAG KYANG, THABS KYIS BDAG GI GDAMS PA DANG, RJES SU BSTAN PA 'DZIN DU 'JUG GO, ,GANG DAG DE'I NGAG NYAN DU MI BTUB PA DE DAG KYANG KLAD PA 'GAS PA LA SOGS PA'I TSOR BAS BSNYAD DE, BSDIGS NAS BDAG @15B GI TSIG NYAN DU 'JUG GO, ,BYANG CHUB SEMS DPA' DUS DANG DUS MA YIN PA LA SOGS PA LA GZIGS PA MA GTOGS PAR BYANG CHUB SEMS DPA'I NGAG LAS 'GAL BAR BYED PA'I SEMS CAN NI SEMS CAN GYI RIS NA GANG YANG MED DE, 'DI NI BSDU BA'I DNGOS PO'I BSOD NAMS YONGS SU BSNGO BA DANG, PHA ROL TU PHYIN PA'I BSOD NAMS KYI STOBS KYI CHOS NYID CES BYA'O, ,DE BAS NA GZUNG BA'I TSIG DANG LDAN PA ZHES BYA'O, ,YON TAN 'DI DAG DANG LDAN PA'I BYANG CHUB SEMS DPA' SBYOR BA RNAM PAR DAG PA YIN PAR BSTAN PA'I PHYIR, TSUL 'CHOS PA MED PA ZHES BYA BA LA SOGS PA GSUNGS SO, ,SNGAR SAR CHUD PA RNAMS LA YANG LOG PAR 'TSO BA'I LAS RNAMS MI SRID NA KHYAD PAR DU DRI MA MED PA'I SA LA SOGS PA LA LTA GA LA ZHIG YOD, 'DIR SA BDUN PA LA LOG PAR 'TSO BA'I LAS RNAMS MED BZHIN DU CI'I PHYIR BSTAN ZHE NA, 'DI LA NYES PA MED DE, 'OG MA RNAMS SU SPANGS SU BRIN KYANG RTZOL BA DANG BCAS PA'I SPYOD PA 'DIR YONGS SU RDZOGS PAS THA MAR BSTAN PAR BYA BA YIN NO, ,SA BDUN PA LA GNAS PA'I BYANG CHUB SEMS DPA' LA NI NYON MONGS PA ZHES KYANG MI BYA, NYON MONGS PA MED PA ZHES KYANG MI BYA STE, NYON MONGS PA CAN GYI SPYOD PA RNAMS 'DI NYID DU SHIN TU SPANG BA'I PHYIR TE, 'DI LTAR LHAG PA'I BSAM PA YONGS SU DAG PA'I LUS KYI LAS DANG LDAN PA YIN, LHAG PA'I BSAM PA YONGS SU DAG PA'I NGAG DANG, YID KYI LAS DANG LDAN PA YIN TE, GANG DAG DE BZHIN GSHEGS PAS SMAD PA'I LUS DANG, NGAG DANG YID KYI LAS DE DAG THAMS CAD KYI THAMS CAD DU KUN TU MI 'BYUNG BA 'DI NI SA BDUN PA NYID KYI YON TAN TE, DE BAS NA DE LA LOG PAR 'TSO BA'I LUS KYI LAS MED PAR BSTAN PA'I PHYIR TSUL 'CHOS PA MED PA ZHES BYA BA GSUNGS SO, ,RNYED PA 'DOD PAS YA MTSAN DU 'DZIN DU GZHUG PA'I PHYIR GZHAN DAG LA SPYOD LAM DU GTOGS PA'I LUS KYI SBYOR BA BSTAN PA NI TSUL 'CHOS PA ZHES BYA'O, ,DAG GI LAS YONGS SU MA DAG PA MED PAR BSTAN PA'I PHYIR, KHA GSAG MED PA ZHES BYA BA GSUNGS TE, RNYED PA DANG 'BREL PA'I TSIG GI SBYOR @16A *, ,PA RNYED PA 'DOD PA NYID KYI PHYIR SMRA BA NI KHA GSAG CES BYA'O, ,YID KYI LAS YONGS SU MA DAG PA MED PAR BSTAN PA'I PHYIR SHES KYI KHE DANG RNYED PA'I SEMS MED PA ZHES BYA BA GSUNGS TE, SNYAN PA DANG BRJOD PA DANG GRAGS PA DANG, SHES KYI KHE ZHES BYA BA NI RNAM GRANGS SU GTOGS PA'O, ,RNYED PA DANG, BKUR STI'I SEMS DANG BRAL BAS DE SKAD CES BYA'O, ,DE LTAR YONGS SU MA DAG PA'I SBYOR BA YOD PAR BSTAN PA'I PHYIR ZANG ZING MED PA'I PHYIR, SEMS KYIS CHOS STON PA ZHES BYA BA GSUNGS TE, SNYING RJES YANG DAG PAR BSKUL CING, SHES RAB KYIS SBYANGS PA'I YID DANG LDAN PA NI, SEMS CAN RNAMS LA PHAN GDAGS PA'I PHYIR CHOS STON PAS NA DE SKAD CES BYA'O, ,DE LTAR RNAM PA DE DAG GIS SA BDUN PA MAN CHAD RTZOL BA DANG BCAS PAR MTSAN MA MED PA LA SPYOD PA'I YON TAN BSTAN NAS, DA NI CHOS ZAB MO LA BZOD PA'I PHA ROL DU SON PA ZHES BYA BA LA SOGS PAS LHUN GYIS GRUB PAR MTSAN MA MED PA LA GNAS PA'I YON TAN STON TE, 'DI LTAR BYANG CHUB SEMS DPA' RNAMS, SA BRGYAD PA YAN CHAD RTZOL BA THAMS CAD RGYUN CHAD NAS, MTSAN MA DANG RNAM PAR RTOG PA THAMS CAD LAS YANG DAG PAR 'DAS TE, RANG DGAR BYED PAS RTZOL BA CI YANG MED DO, ,DE DAG NI SHIN TU ZHI ZHING RTZOL BA MED MOD KYI SNGON GYI SMON LAM GYI STOBS KYIS SEMS CAN GYI DON SPYAD PA DANG, BYANG CHUB KYI PHYOGS KYI SPYOD PA MNGON DU 'GYUR RO, ,SA BRGYAD PA DE LA MI SKYE BA'I CHOS LA BZOD PA THOB PAR BSTAN PA'I PHYIR, CHOS ZAB MO LA BZOD PA'I PHA ROL DU SON PA ZHES BYA BA GSUNGS TE, 'DI LTAR DE RNAM PA THAMS CAD DU SEMS DANG, YID DANG, RNAM PAR SHES PA'I RNAM PAR RTOG PA'I 'DU SHES DANG BRAL ZHING THOGS PA MED LA, NAM MKHA' DANG 'DRA ZHING BLA GAB MED PA'I RANG BZHIN DU KHONG DU CHUD PAS MI SKYE BA'I CHOS LA BZOD PA THOB PA ZHES BYA'O, ,RGYAL BA'I SRAS DAG DE LA BZOD PA DE LTA BU DANG LDAN PA'I BYANG CHUB SEMS DPA' NI SA MI G-YO BA THOB MA THAG TU, BYANG CHUB SEMS DPA'I GNAS ZAB @16B MO SHES PAR DGA' BA THA MI DAD PA, MTSAN MA THAMS CAD DANG BRAL BA THOB PA YIN NO ZHES BYA BA LA SOGS PA GSUNGS SO, ,BYANG CHUB SEMS DPA'I GNAS PA ZAB MO DE LTA BU DE DAG LAS LHAG PAR ZAB PA GZHAN MED PA'I PHYIR CHOS ZAB MO LA BZOD PA'I PHA ROL DU SON PA ZHES BYA'O, ,DE LTAR BZOD PA THOB PA'I BYANG CHUB SEMS DPA' DE NI RGYAL RIGS DANG, BRAM ZE DANG, RJE'U RIGS DANG, DMANGS RIGS DANG, LHA DANG TSANGS PA'I 'KHOR DANG, DGE SLONG DANG, DGE SLONG MA DANG, MU STEGS CAN DANG BDUD KYI 'KHOR GANG DANG, GANG DU 'GRO BA DE DAG THAMS CAD DU 'JIGS PA MED CING BAG TSA BA MED PAR 'GRO LA 'JEM PA MED PAR SMRA'O, ,DE CI'I PHYIR ZHE NA, DE MI SKYE BA'I CHOS LA BZOD PA THOB PAS CHOS THAMS CAD SKYE BA MED PA'I RNAM PAR RNAM PA THAMS CAD DU RTOGS PA'I PHYIR RO, ,DE BAS NA 'DI LA 'KHOR GYI NANG DU MI SHES PA LAS BYUNG BA'I 'JIGS PA MED DO, ,BAG CHAGS MA GTOGS PAR NYON MONGS PA THAMS CAD SPANGS SHING SKYE BA MED PA NYID DU MTHONG NGO, ,DE LTA BAS NA 'DI LA 'KHOR GYI NANG DU NYON MONGS PA LAS BYUNG BA'I 'JIGS PA MED DE DE'I PHYIR MI 'JIGS PA 'THOB PA ZHES BYA BA GSUNGS SO, ,MI RDZI BA YIN PAR BSTAN PA'I PHYIR BDUD KYI LAS THAMS CAD LAS YANG DAG PAR 'DAS PA ZHES BYA BA GSUNGS TE, BDUD KYI LAS GANG 'OG NAS 'CHAD PA RNAMS DANG, MDO GZHAN DAG LAS BDUD KYI LAS BSHAD PA GANG YIN PA DE DAG THAMS CAD LAS RING BA BAS KYANG CHES RING BAR YANG DAG PAR 'DAS PA YIN NO, ,LAS KYI SGRIB PA RGYUN BCAD PA ZHES BYA BA NI, BYANG CHUB SEMS DPA' RNAMS KYIS, MA 'ONGS PA'I SKYE BO RNAMS LA THUGS BRTZE BA'I PHYIR, DE LTA DE LTAR SKYE BA BSTAN PA MA GTOGS PAR BZOD PA DE THOB MA THAG TU DE'I BDE 'GRO DANG, NGAN 'GROR RNAM PAR SMIN PAR 'GYUR BA'I LAS KYI SGRIB PA GANG YIN PA DE DAG 'DI LA RGYUN CHAD PA YIN NO, ,CHOS RAB TU RNAM PAR 'BYED CING RNAM PAR DBYE BA STON PA LA MKHAS PA ZHES BYA BA LA CHOS NI PHUNG PO DANG KHAMS LA SOGS PA LHAG MTHONG GI CHOS RNAMS DANG, @17A *, ,DRAN PA NYE BAR GZHAG PA DANG, YANG DAG PAR SPONG BA LA SOGS PA BYANG CHUB KYI PHYOGS DANG MTHUN PA'I CHOS RNAMS DANG STOBS BCU DANG, MI 'JIGS PA LA SOGS PA SANGS RGYAS KYI CHOS RNAMS DANG, RGYUN DU ZHUGS PA'I LAM GYI 'BRAS BU LA SOGS PA THOB PA'I CHOS RNAMS SO, ,DE DAG RAB TU RNAM PAR 'BYED PA NI, MTSAN NYID DANG, BYED PA DANG, RGYU DANG, 'BRAS BU DANG, GRANGS DANG, RO MYANG BA DANG, NYES DMIGS DANG, 'BYUNG BA DANG, KUN NAS NYON MONGS PA DANG, RNAM PAR BYANG BA DANG, YONGS SU SHES PA DANG, SPANG BA DANG, MNGON SUM DU BYA BA DANG, BSGOM PA DANG, GANG DAG YANG PHYI ROL GYI CHOS 'JIG RTEN GYI KHAMS 'DI LTAR 'BYUNG NGO, ,'DI LTAR 'JIG PAR 'GYUR RO, ,'DI LTAR 'JIG GO, ,'DI LTAR CHAGS SO, ,DUS 'DI SRID CIG TU 'JIG GO, , 'CHAGS SO, ,DUS 'DI SRID CIG TU GNAS SO, ,'DI DAG NI SEMS CAN DMYAL BA'O, ,'DI DAG NI DUD 'GRO'I SKYE GNAS SO, ,'DI DAG NI YI DAGS SO, ,'DI DAG NI MI'O, ,'DI DAG NI 'DOD PA'I KHAMS SO, ,'DI DAG NI GZUGS KYI KHAMS SO, ,'DI DAG NI GZUGS MED PA'I KHAMS SO, ,SA'I RDUL PHRA RAB KYI RDUL NI 'DI SNYED CIG GO, ,CHU'I NI 'DI SNYED CIG GO, ,ME'I NI 'DI SNYED CIG GO, ,RLUNG GI NI 'DI SNYED CIG GO, ,KHOR YUG LA SOGS PA'I RNGAMS DANG, RGYA DANG, 'PHANG DANG, ZABS KYI TSAD NI 'DI TZAM MO, ,GLING BZHI PA NI 'DI TZAM MO, ,STONG GCIG NI 'DI TZAM MO, ,STONG GNYIS NI 'DI TZAM MO, ,STONG GSUM GYI STONG CHEN PO NI 'DI TZAM MO ZHES BYA BA DANG, DE BZHIN DU 'JIG RTEN THAMS CAD KYI BSAM PA DANG, BAG LA NYAL BA DANG, SPYOD PA DANG, MOS PA DANG, DBANG PO DANG, SKYON CHUNG BA DANG, SKYON MANG BA DANG, RIGS YOD PA DANG, RIGS MED PA DANG, NGES PA DANG, MA NGES PA DANG, ZHUGS PA DANG, MA ZHUGS PA DANG, YONGS SU SMIN PA DANG, YONGS SU MA SMIN PA DANG, RNAM PAR GROL BA DANG, RNAM PAR MA GROL BA DANG, 'DI LTA BU'I TSUL @17B CAN DAG RAB TU RNAM PAR 'BYED PA NI CHOS RAB TU RNAM PAR 'BYED PA ZHES BYA'O, ,RNAM PAR 'BYED PA NI CHOS RNAMS BYE BRAG TU DBYE BA STE, 'DI DAG NI PHUNG PO RNAMS SO, ,'DI DAG NI KHAMS RNAMS SO, ,'DI DAG NI SKYE MCHED RNAMS SO ZHES BYA BA LA SOGS PA SNGAR SMOS PA'I CHOS DE DAG THAMS CAD SO SOR YONGS SU DBYE BA DANG, MANG PO BYE BRAG TU DBYE BA LA RNAM PAR DBYE BA ZHES BYA'O, ,STON PA NI DE RNAMS GZHAN DAG LA YANG DAG PAR STON CING SHES PAR BYED DO, ,MKHAS PA NI DE LA RAB TU SHES PA'O, ,DE LA CHOS RAB TU RNAM PAR 'BYED PA NI CHOS SO SOR YANG DAG PAR RIG PA'O, ,RNAM PAR DBYE BA NI DON SO SOR YANG DAG PAR RIG PA'O, ,STON PA NI NGES PA'I TSIG SO SOR YANG DAG PAR RIG PA'O, ,STON PA LA MKHAS PA NI SPOBS PA SO SOR YANG DAG PAR RIG PA'O, ,DE'I PHYIR CHOS RAB TU RNAM PAR 'BYED CING RNAM PAR DBYE BA STON PA LA MKHAS PA ZHES BYA BA GSUNGS SO, ,DE LTAR SA BRGYAD PA'I YON TAN BSTAN NAS, ,SA GONG MA DAG LA SPYOD PA NGES PA'I SA'I YON TAN BSTAN PA'I PHYIR BSKAL PA GRANGS MED PA NAS SMON LAM SHIN TU BRTZAMS PA ZHES BYA BA GSUNGS SO, ,BSKAL PA GRANGS MED PA RNAMS SU SMON LAM BTAB PA'I SMON LAM GANG YIN PA DE DAG GIS SHIN TU BRTZAMS PA'I BYANG CHUB SEMS DPA' DAG GO, ,'DIS CI ZHIG BSTAN CE NA, MI SKYE BA'I CHOS LA BZOD PA THOB PHAN CAD GANG NANG GI GZUGS KYI LUS DE NI THAMS CAD KYI THAMS CAD DU SNANG BAR MI 'GYUR RO, ,MING GI TSOGS KYANG SEMS PA DANG, YID DANG RNAM PAR SHES PA'I RNAM PAR MI 'JUG STE, STONG PA'I RNAM PA NYID DU YANG DAG PAR GNAS SO, ,PHYI'I CHOS KHAMS GSUM PA GANG DAG YIN PA DE DAG KYANG THAMS CAD KYI THAMS CAD DU SNANG BAR MI 'GYUR TO, ,MTSAN MA MED PA'I DBYINGS RNAM PAR THAR PA NYID DU'O, ,DE LTAR DE BZHIN NYID TZAM DU ZAD PAR GNAS PA DE LA, RTZOL BA THAMS CAD DANG, G-YO BA DANG, RLOM SEMS DANG, SPOS PA THAMS CAD 'BYUNG BAR MI 'GYUR RO, ,SEMS DPA' CHEN PO DE DE LTAR SHIN TU YONGS SU MYA NGAN LAS 'DAS PA DANG DNGOS @18A *, ,PO MED PA'I NGO BO NYID DANG, GZOD MA NAS ZHI BA DANG, CHOS KYI DBYINGS KYI NGO BO NYID DU GNAS NA PHYIS SANGS RGYAS SU BYED PA'I CHOS RNAMS DANG, SEMS CAN GYI DON GANG YIN PA DE DAG YONGS SU NYAMS PAR 'GYUR RO ZHE NA, DE YONGS SU MI NYAMS PAR BYA BA'I PHYIR, BSKAL PA GRANGS MED PA GNYIS SU YONGS SU RDZOGS PAR BYAS PA'I SMON LAM GYI PHA ROL TU PHYIN PA THABS MKHAS PA DANG BCAS PA SNYING RJE'I RGYU MTHUN PAR 'GYUR BAS, DE'I TSE RNAM PAR SMIN PAR YONGS SU BSGYUR NA, BYANG CHUB SEMS DPA' DE YANG KUN RDZOB LA 'JUG STE, KUN RDZOB LA ZHUGS PA'I BYANG CHUB SEMS DPA' LA NANG DANG PHYI'I 'JIG RTEN THAMS CAD SNGON GYI DUS BZHIN DU YANG DMIGS PAR 'GYUR LA, DE'I TSE BYANG CHUB SEMS DPA' DE SPYOD PA LA SBYOR RO, ,DE LTA NA SA 'DI LA NYON MONGS PA KUN TU 'BYUNG BA THAMS CAD MED PAS PHYI MA LA SKYE BA GZHAN 'BYUNG BAR 'GYUR BA'I LAS BSAGS PA MED LA, SNGON GYI DUS NA BSAGS PA'I LAS RNAMS NI, DGRA BCOM PA RNAMS KYI BZHIN DU MTHU ZAD PAR GYUR NA, DE LA LAS MED PAS RNAM PAR SMIN PA YANG MI DMIGS NA, YANG SKYE BA GZHAN LEN PA LTA JI LTAR 'GYUR, GONG DU SHIN TU MYUR BAR MA BRTZAL DU ZIN KYANG GDON MI ZA BAR BSKAL PA GRANGS MED PA GCIG GIS DE BZHIN GSHEGS PA'I SA THOB PAR 'GYUR NA, DUS DE SRID KYI BAR DU DE JI LTAR GANG GI BDAG NYID DU GNAS PAR 'GYUR ZHE NA, 'DI LA NYES PA MED DE, 'DIR BSTAN BCOS MDZAD PA DAG GIS BSHAD PA, SNGON BSKAL PA GRANGS MED PA GNYIS KYI BAR DU PHA ROL TU PHYIN PA GANG DAG YONGS SU RDZOGS PAR MDZAD DE, SNGON THABS MKHAS PA'I PHA ROL TU PHYIN PAS MI ZAD PA'I RNAM PAR YANG DAG PAR BSGRUBS SHING SMON LAM GYI PHA ROL TU PHYIN PAS SEMS CAN LA PHAN GDAGS PA'I DON DANG, YANG DAG PAR RDZOGS PA'I BYANG CHUB TU YONGS SU BSNGOS PA DE DAG THAMS CAD BYANG CHUB SEMS DPAS BZOD PA THOB PA PHAN CAD RNAM PAR SMIN PA'I BDAG NYID DU YONGS SU BSGYUR TE, DE LTAR RNAM PAR SMIN PAR GYUR PA DE DAG GIS 'KHOR BA JI SRID PAR, BYANG CHUB SEMS DPA' LHUN GYIS GRUB @18B PAR SEMS CAN GYI DON DANG, YANG DAG PAR RDZOGS PA'I BYANG CHUB BSGRUB PO, ,DGE BA'I RTZA BA RNAM PAR SMIN PA'I BDAG NYID DU YONGS SU GYUR PA DE DAG NYID KYIS SKYE BA GZHAN LEN PAR BYED DO, ,DE YANG DGE BA'I RTZA BA RNAM PAR SMIN PA DE DAG NYID KYIS SKYES PA'I RABS RNAM PA DU MA NYE BAR BSTAN TE, SPRUL PA SHIN TU MANG PO RNAM PA SNA TSOGS KYIS SEMS CAN GYI DON MDZAD NAS SANGS RGYAS KYI CHOS RNAMS YONGS SU SMIN PAR MDZAD DE, DE BZHIN GSHEGS PA'I SA 'THOB PO ZHES BSHAD DO, ,DE BAS NA SPYOD PA 'DI NI NGES PAS SPYOD PA ZHES BYA STE, SMON LAM GYI MTHUS MNGON PAR GRUB PA'I PHYIR RO, ,SPYOD PA GNYIS PA NI SEMS CAN GYI DON DU NGES PA YIN TE, RNAM PAR SMIN PA'I BDAG NYID YIN PAS DE'I 'JUG PA DON MED PA MA YIN PA'I PHYIR RO, ,SPYOD PA 'DIS SEMS CAN YONGS SU SMIN PAR BYAS PA'I SEMS CAN RNAMS NI, THEG PA GSUM LA NGES PAR 'GYUR TE, DE BAS NA NGES PAR SPYOD PA LA ZHUGS PA'I BYANG CHUB SEMS DPA' NYI MA GCIG RANGS PAR, SEMS CAN GYI DON BYAS PA LA SNGON GYI SPYOD PA THAMS CAD KYIS BRGYA'I CHAR YANG MI PHOD, STONG GI CHAR YANG MI PHOD DO ZHES BYA BA LA SOGS PA GSUNGS SO, ,DE LTAR SMON LAM GYI MTHUS YANG DAG PAR GRUB PA'I PHYIR BSKAL PA GRANGS MED PA NAS SMIN LAM GYIS SHIN TU BRTZAMS PA ZHES BYA BA GSUNG SO, ,DE LTAR SHIN TU BRTZAMS PA NI SEMS CAN RNAMS LA TSAD MED PAS GNAS PA'I RGYU MTHUN PA DANG, SANGS RGYAS KYI ZHING DU GSHEGS PA DAG GIS MNGON PAR SHES PA LA GNAS PA'I RGYU MTHUN PA ZHES BYA BA LA SOGS PA MDO GZHAN DAG LAS RGYU MTHUN PA'I YON TAN BSTAN PA RNAMS STON TE, DE LA BYAMS PA'I RGYU MTHUN PA NI, BZHIN 'DZUM PA DANG LDAN PA ZHES BYA BA STE, 'DI NI NGES PAR SPYOD PA LA ZHUGS PA RNAMS KYI CHOS NYID DE TSE RABS TSE RABS SU BZHIN 'DZUM PA DANG LDAN PA NYID DU 'GYUR RO, 'DI LTA STE SEMS CAN MI BSRUN PA RNAMS DGA' ZHING YID RTON PAR BYA BA'I PHYIR, GNAS SKABS THAMS CAD DU NAM YANG BZHIN 'GYUR BA MI 'BYUNG NGO, ,SNYING RJE'I RGYU MTHUN PA BSTAN PA'I PHYIR, GSONG POR SMRA BA ZHES BYA BA GSUNGS @19A *, ,SO, ,BYANG CHUB SEMS DPA' NI GLO BUR DU 'ONGS PA MA 'DRIS PA LA YANG BDAG NYID KYIS KUN DGA' BA'I GTAM GYIS BSDU BA SNGAR STON GYI PHYIS NI MA YIN NO, ,RAB TU DGA' BA'I RGYU MTHUN PA BSTAN PA'I PHYIR BZHIN KHRO GNYER MED PA ZHES BYA BA GSUNGS SO, ,'DI NI CHOS NYID DE GANG GI BZHIN KHRO GNYER CAN DU 'GYUR BA DE LTA BU'I YID MI BDE BA MED DO, ,BRTZON 'GRUS BRTZAMS PA LA SKYO BAR 'GYUR BA DE LTA BU MED DO, ,GZHAN DAG LA MI BZOD PAR 'GYUR BA DE LTA BU MED DO, ,DE LTA BU'I YID 'KHRUG PA MI SKYED DO, ,DA NI PHA ROL LA TSIG SU BCAD PA'I DBYANGS KYIS BRJOD PA LA MKHAS PA ZHES BYA BA LA SOGS PAS SANGS RGYAS KYI ZHING DU GSHEGS PA DAG GIS MNGON PAR SHES PA'I RGYU MTHUN PA'I YON TAN RNAMS STON TE, BYANG CHUB SEMS DPA' SANGS RGYAS KYI ZHING DU GSHEGS PA NA LAM GYI BAR DU BDAG NYID DAM, SPRUL PAS TSIGS SU BCAD PA'I DBYANGS KYIS GZHAN DAG LA CHOS STON CING YANG DAG PAR BSKUL LO, ,DE BZHIN GSHEGS PA'I DRUNG DU BYON NAS KYANG TSIGS SU BCAD PA'I DBYANGS KYIS BSTOD PA DANG, DRIS PA'I LAN LDON TE, 'DIS NI NGAG RNAM PAR DAG PA THOB PAR STON TO, ,SEMS RNAM PAR DAG PA THOB PAR BSTAN PA'I PHYIR SEMS ZHUM PA MED PA ZHES BYA BA GSUNGS TE, SA 'OG MA LA GNAS PA'I BYANG CHUB SEMS DPA' KHA CIG NI TSOGS YONGS SU MA RDZOGS PA DANG, YID LA BYED PA RTOG PA DANG BCAS PA'I PHYIR YON TAN GYI LAG PAS GONG MA LA GNAS PA'I BYANG CHUB SEMS DPA' RNAMS DANG, DE BZHIN GSHEGS PA RNAMS KYI SPYAN SNGAR ZHUM PA'I SEMS SKYE'I 'DI DAG NI TSE LA DBANG BA DANG, SEMS LA DBANG BA DANG, YO BYAD LA DBANG BA DANG, LAS LA DBANG BA DANG, SKYE BA LA DBANG BA DANG, SMON LAM LA DBANG BA DANG, MOS PA LA DBANG BA DANG, RDZU 'PHRUL LA DBANG BA DANG, YE SHES LA DBANG BA DANG, CHOS LA DBANG BA DANG, SHIN TU YONGS SU DAG PA'I DBANG BCU PO DE RNAMS THOB PAS DUS THAMS CAD DU SEMS LA ZHUM PA'I SEMS MED PAR BSTAN PA'I PHYIR, SEMS ZHUM PA MED PA ZHES BYA BA @19B GSUNGS SO, ,YANG DAG PAR RIG PA RNAMS KYI RNAM PAR SMIN PA'I SO SO YANG DAG PAR RIG PA BZHI THOB PAR BSTAN PA'I PHYIR, SPOBS PA MI CHOD PA ZHES BYA BA GSUNGS TE, DE BAS NA 'DI NI CHOS SMRA BA CHEN PO YIN PAR BRJOD DE, JI SKAD DU, BYANG CHUB SEMS DPA'I SA BLO GROS LEGS PA ZHES BYA BA 'DI LA GNAS PA DE NI CHOS SMRA BA CHEN PO BYED DO, ,DE BZHIN GSHEGS PA'I CHOS KYI MDZOD KYANG SRUNG NGO, ,CHOS SMRA BA'I GO 'PHANG THOB PA DE YE SHES LA MKHAS PA TSAD MED PA DANG LDAN PAS SO SO YANG DAG PAR RIG PA BZHI PO DAG GIS MNGON BAR BSGRUBS PA'I TSIG GIS CHOS STON TE, DE LA BYANG CHUB SEMS DPA'I SO SO YANG DAG PAR RIG PA MA 'DRES PA BZHI RTAG TU RGYUN MI 'CHAD PAR 'BYUNG NGO ZHES BYA BA LA SOGS PA GSUNGS PA LTA BU'O, ,DBYANGS KYI YAN LAG GRANGS MED PA 'BUM PHRAG BCU DANG LDAN PA LA MKHAS PA DANG, SPOBS PA'I RNAM PAR DBYE BA'I SGO TSAD MED PA DANG LDAN PA'I BAR GYIS CHOS STON TO ZHES KYANG GSUNGS TE, DE'I PHYIR SPOBS PA MI CHOD PA ZHES BYA BA GSUNGS SO, ,'KHOR GYI NANG DU 'GRO BA LA MKHAS PA THOB PAR BSTAN PA'I PHYIR, 'KHOR MTHA' YAS PA ZIL GYIS GNON PA'I MI 'JIGS PA DANG LDAN PA ZHES BYA BA GSUNGS SO, ,'DI LTAR SA BCU PA'I MDO LAS GSUNGS PA'I RIM PAS RDZU 'PHRUL BYA BA LA MKHAS PA TSAD MED PA DANG, YE SHES LA MKHAS PA TSAD MED PA DANG, SPOBS PA LA MKHAS PA TSAD MED PA DANG, 'OD ZER BKOD PA LA MKHAS PA TSAD MED PA DANG, DRIS PA'I LAN LDOG PA LA MKHAS PA TSAD MED PA DANG, DBYANGS KYI YAN LAG BRJOD PA LA MKHAS PA TSAD MED PA DANG, CHOS BSTAN PA LA MKHAS PA TSAD MED PA DANG, TING NGE 'DZIN DANG GZUNGS KYI SGO LA MKHAS PA TSAD MED PA DANG, GSANG BA SPYOD PA LA MKHAS PA TSAD MED PA DANG, CHOS KYI SGO RNAM PAR DBYE BA LA MKHAS PA TSAD MED PA DANG, CHO 'PHRUL LA MKHAS PA TSAD MED PA DANG, DBANG LA MKHAS PA TSAD MED PA DANG, SANGS RGYAS KYI YUL BYIN GYIS BRLABS PA LA MKHAS PA TSAD MED PA DANG, BYANG CHUB KYI PHYOGS KYI SPYOD PA BRJOD PA LA MKHAS PA TSAD MED @20A *, ,PA DANG, 'JIG RTEN GYI MKHAS BRJOD PA LA MKHAS PA TSAD MED PA DANG, SEMS CAN GYI KHAMS BRJOD PA LA MKHAS PA TSAD MED PA DANG, GDUL BA'I KHAMS BRJOD PA LA MKHAS PA TSAD MED PA DANG, CHOS KYI DBYINGS BRJOD PA LA MKHAS PA TSAD MED PA DANG, SANGS RGYAS KYI ZHING YONGS SU SBYONG BA LA MKHAS PA TSAD MED PA DANG, SANGS RGYAS KYI SPYOD YUL THAMS CAD DU 'JUG PAR BYA BA LA MKHAS PA TSAD MED PA DANG, MKHAS PA RNAM PA NYI SHU PO 'DI DAG LA SHIN TU MKHAS PA'I BYANG CHUB SEMS DPA' NI 'KHOR GANG DANG GANG DU 'GRO BA DE THAMS CAD DU BAG TSA BA THAMS CAD MED DE, SENG GE DANG, TSANGS PA DANG, DE BZHIN GSHEGS PA DANG, NAM MKHA' BZHIN DU 'JIGS PA MED PA DANG, BSNYEMS PA DANG BCAS PA DANG, KHYU MCHOG TU GYUR PA DANG, GANG DU YANG CHAGS PA MED PA DANG BDUN DU BYAS TE 'GRO BAR 'GYUR RO, ,DE LA SUS KYANG ZIL GYIS MI NON LA, BDAG GIS NI GANG YANG ZIL GYIS MI NON PA MED DE, DE'I PHYIR 'KHOR MTHA' YAS PA ZIL GYIS NON PA'I MI 'JIGS PA DANG LDAN PA ZHES GSUNGS SO, ,BSKAL PA BYE BA MTHA' YAS PAS NGES PAR 'BYUNG BA LA MKHAS PA ZHES BYA BA 'DIS NI RNAM PAR SMIN PA'I BDAG NYID DU GYUR PA'I BRTZON 'GRUS KYI PHA ROL TU PHYIN PA'I RGYU MTHUN PA BSTAN TE, 'DI LTAR BYANG CHUB SEMS DPA' NI RNAM PAR SMIN PA'I BRTZON 'GRUS KYI PHA ROL TU PHYIN PA THOB PAS BYA DKA' BA THAMS CAD LA BYA DKA' BA'I 'DU SHES MI BSKYED DO, ,SEMS CAN LA PHAN PA BYA BA DAG LA YONGS SU GDUNG BA MI 'BYUNG NGO, ,DE BRTZON 'GRUS SHIN TU CHER BRTZAMS PAS 'BAD PA NA, BSKAL PA MANG PO YANG 'DA' BAR 'GYUR BA NAS, BSKAL PA BYE BA KHRAG KHRIG BRGYA STONG GI BAR DAG KYANG 'DA' BAR 'GYUR TE, JI SKAD DU BDAG CAG GI BCOM LDAN 'DAS SH'AKYA THUB PA BYANG CHUB SEMS DPAR GYUR PA NA, SANGS RGYAS SKAR RGYAL ZHES BYA BA MNYES PAR BYED PA NA BSKAL PA DGU 'DAS PAR GYUR TO ZHES 'BYUNG BA LTA BU STE, DE LTAR SHIN TU BRTZON PA CHEN POS 'DA' BAR BYAS NAS BSKAL PA BYE BA KHRAG KHRIG BRGYA STONG MANG PO @20B RNAMS NI 'DA' BAR 'GYUR GYI, BSKAL PA GRANGS MED PA LAS NI SUS KYANG 'DA' BAR MI 'GYUR RO, ,DE BAS NA BSKAL PA BYE BA MTHA' YAS PAS NGES PAR 'BYUNG BA LA MKHAS PA ZHES BYA BA GSUNGS SO, ,DE LTAR 'DI DAG GIS SPYOD PA NGES PA LA SBYOR BA'I YON TAN BSTAN NAS, GONG DU MTHAR THUG PAR 'GRO BA'I SA'I YON TAN BSTAN PA'I PHYIR, CHOS THAMS CAD SGYU MA DANG, SMIG RGYU DANG, CHU ZLA DANG, RMI LAM DANG, BRAG CA DANG, MIG YOR DANG, GZUGS BRNYAN DANG, SPRUL PA LTA BUR KHONG DU CHUD PA ZHES BYA BA GSUNGS TE, 'DIS NI RNAM PAR SMIN PA'I SHES RAB KYI PHA ROL TU PHYIN PA'I RGYU MTHUN PAR GYUR PA, CHOS THAMS CAD RNAM PAR 'BYED PA ZHES BYA BA'I TING NGE 'DZIN THOB PAR BSTAN TO, ,'DI LTAR SGYU MA LA SOGS PA NI SHIN TU MED KYANG DMIGS PAR 'GYUR BA LTAR CHOS RNAMS THAMS CAD KYANG DE DANG 'DRA BAR RTOGS PA'I PHYIR RO, ,GDUL BA RNAMS KYI MOS PA DANG, BSAM PA RNAM PA SNA TSOGS KYI PHYIR LA LA LA GANG GRAGS PA'AM, DOGS PA RNAM PA BRGYAD BRTZAL BA'I PHYIR, DPE RNAM PA BRGYAD BSTAN TE, 'DI LTAR CHOS RNAMS MED PA YIN DU ZIN NA, DBYIBS LA SOGS PA'I DBANG GIS JI LTAR DMIGS PAR 'GYUR, DMIGS SU MED PAR CHOS RNAMS LA DMIGS NAS SEMS DANG SEMS LAS BYUNG BA RNAMS JI LTAR 'BYUNG, CHOS RNAMS YOD PA MA YIN NA, JI LTAR SKYE BA DANG 'JIG PAR SNANG, CHOS RNAMS MED NA JI LTAR BZA' BA DANG, BTUNG BA DANG, SBYIN PA DANG, LEN PA DANG, BDE BA DANG, SDUG BSNGAL LA SOGS PA'I THA SNYAD 'DOGS PAR 'GYUR, JI LTAR NA MING GI TSOGS DANG, TSIG GI TSOGS LA SOGS PAR 'GYUR, JI LTAR NA RGYU DANG RKYEN LAS 'BYUNG BAR 'GYUR, JI LTAR NA 'BRAS BU'I CHOS RNAMS RGYU DANG 'DRA BAR 'GYUR, JI LTAR NA 'GRO BA DANG 'ONG BA LA SOGS PA'I BYED PA 'BYUNG SNYAM DU DOGS PA LA, CHOS RNAMS MED NA JI LTAR DBYIBS LA SOGS PA ZHES BYA BA 'DI LA, SGYU MA'I DPE STE, DPER NA SGYU MA MKHAN GYI MIS SGYU MA'I GLANG PO CHE'I TSOGS DANG, RTA'I TSOGS DANG, SHING RTA DANG, @21A *, ,DPUNG BU CHUNG DANG, RI DANG, BZA' BA DANG, BTUNG BA LA SOGS PA DBYIBS KYI DBANG GIS STON KYANG, DE DAG DNGOS SU YOD PA MA YIN TE, CHOS THAMS CAD KYANG DE BZHIN NO, ,JI LTAR NA SEMS DANG SEMS LAS BYUNG BA RNAMS DE DAG LA DMIGS NAS 'BYUNG BAR 'GYUR ZHE NA, DPER NA SMIG RGYU LA DMIGS NAS, SEMS CAN RNAMS KYI SEMS DANG SEMS LAS BYUNG BA PHYIN CI LOG TU 'JUG PA LTAR CHOS THAMS CAD KYANG DE BZHIN NO, ,JI LTAR NA SKYE BA DANG, 'JIG PAR 'GYUR ZHE NA, 'DI LA NYES PA MED DE, CHOS THAMS CAD LA SKYE BA DANG, 'GAG PA MED PA NYID KYI PHYIR TE, DPER NA NAM MKHA' LA ZLA BA SNANG BA NA, CHU ZLA YANG SNANG BAR 'GYUR LA, MI SNANG NA MI SNANG BAR 'GYUR YANG, DNGOS PO'I BDAG NYID DU DE GANG YANG MED PA DE LTAR CHOS THAMS CAD KYANG YANG DAG PA MA YIN PA KUN BRTAGS PA'I BAG CHAGS 'BYUNG NA NI SNANG LA, MA BYUNG NA MI SNANG BA DE'I PHYIR, CHOS THAMS CAD SKYE BA MED CING 'GAG PA MED DO, ,JI LTAR 'JIG RTEN GYI THA SNYAD 'BYUNG BAR 'GYUR ZHE NA, DPER NA RMI LAM NA BZA' BA DANG, BTUNG BA DANG, BGO BA DANG, SBYIN PA DANG, LEN PA DANG, BDE BA DANG, SDUG BSNGAL BA LA SOGS PA SNANG YANG DON DAM PAR MI DMIGS PA LTAR THA SNYAD THAMS CAD KYANG DE BZHIN NO, ,JI LTAR NA MING GI TSOGS RNAMS DANG, TSIG GI TSOGS RNAMS SU 'GYUR ZHE NA, DPER NA BRAG CA LA SGRA'I DNGOS PO MED KYANG, RI DANG GCOD RONG SMRA BA MED PA LAS SGRAR DMIGS PA LTAR TSIG RNAMS 'JUG PA YANG DE BZHIN NO, ,JI LTAR NA RGYU DANG RKYEN RNAMS LAS 'BYUNG BAR 'GYUR ZHE NA, DPER NA DBANG PO NYAMS PAS SKRA SHAD 'DZINGS PA MED PA LAS SNANG BA DANG, YUL GYI KHYAD PAR LAS DRI ZA'I GRONG KHYER LA SOGS PA DANG, BSGOMS PA'I KHYAD PAR GYIS ZAD PAR LA SOGS PA'I MTSAN MAR SNANG BA DANG, 'DOD CHAGS DANG, MYA NGAN DANG, 'JIGS PA LA SOGS PAS NON PA'I SEMS KYI RTOG PA'I KHYAD PAR GYIS RNAM PAR BRTAGS PA'I GZUGS LA SOGS PA SO SOR SNANG BA'I RGYU LAS 'BYUNG YANG YOD PA MA YIN PA DE BZHIN DU CHOS THAMS @21B CAD RGYU LAS 'BYUNG YANG YOD PA MA YIN NO, ,MED DU ZIN NA JI LTAR PHA LAS BU 'BYUNG BA DANG, SHING AA MRA LA SOGS PA'I SA BON LAS 'BRAS BU 'BYUNG BA BZHIN DU JI LTAR RGYU DANG 'DRA BAR 'GYUR ZHE NA, DPER NA BZHIN LA SOGS PA'I RGYU SNANG BAR 'GYUR BA LAS, ME LONG LA SOGS PA LA GZUGS BRNYAN DAG 'DRA BAR DMIGS KYANG YOD PA MA YIN PA LTAR CHOS THAMS CAD KYANG DE BZHIN NO, ,JI LTAR NA BYED PA 'BYUNG BAR 'GYUR ZHE NA, DPER NA SPRUL PA RNAMS LA 'GRO BA DANG 'ONG BA LA SOGS PA LUS KYI LAS RNAMS DANG, NGAG GI LAS RNAMS RNAM PAR SNANG YANG DE LTAR YOD PA MA YIN PA DE BZHIN DU CHOS THAMS CAD LA YANG SBYAR BAR BYA'O, ,YANG NA MTSAN NYID RNAM PA BRGYAD DE, STONG PA NYID KYI MTSAN NYID DANG, MTSAN MA MED PA'I MTSAN NYID DANG, SMON PA MED PA'I MTSAN NYID DANG, NGO BO NYID MED PA'I MTSAN NYID DANG, RTEN CING 'BREL BAR 'BYUNG BA'I MTSAN NYID DANG, MIG YOR GYI MTSAN NYID DANG, KUN BRTAGS PA'I MTSAN NYID DANG, GZHAN GYI DBANG GI MTSAN NYID DE, DE LA SGYU MA'I GLANG PO CHE LA SOGS PA MED PA NI STONG PA NYID DO, ,SMIG RGYU LA SOGS PA LA CHU LA SOGS PAR NOR BA NI MTSAN MA MED PA'O, ,CHU ZLA NI GANG DU YANG GNAS PA MED PA STE SMON PA MED PA'O, ,RMI LAM NI NGO BO NYID MED PA'O, ,BRAG CA NI NAM MKHA' DANG, RI DANG, PHUG LA SOGS PA'I RKYEN LAS 'BYUNG BA NYID DO, ,MIG YOR NI MED PA NYID LAS SNANG BA DAG GO, ,GZUGS BRNYAN DAG NI BZHIN LA GNAS PA KHO NA DAG YIN NO, ,PHYI ROL GYI ME LONG LA GNAS PA LTAR SNANG BA DE BZHIN DU KUN BRTAGS PA LA YANG RNAM PAR SHES PA LAS PHYI ROL NA GNAS PA BZHIN DU SNANG NGO, ,GZHAN GYI DBANG NI RKYEN GZHAN GYI DBANG LAS 'BYUNG BA STE, DPER NA SPRUL PA DAG NI 'PHRUL BYED PA'I DBANG GIS BYUNG BA BZHIN DU SBYAR BAR BYA'O, ,SEMS CAN THAMS CAD KYI SEMS DANG SPYOD PA DANG MOS PA DANG, PHRA BA MKHYEN PA KHONG DU CHUD PAR BYA BA LA MKHAS PA ZHES BYA BA NI YE SHES KYI PHA ROL TU PHYIN PA'I RGYU MTHUN PAS SEMS CAN THAMS CAD KYI SEMS DANG, SPYOD PA RJES SU RTOGS PA ZHES BYA BA DANG, @22A *, ,CHOS KYI DBYINGS LA 'JUG PA ZHES BYA BA'I TING NGE 'DZIN SKYE STE, DE LA TING NGE 'DZIN SNGA MAS NI 'JIG RTEN GYI KHAMS THAMS CAD NA SEMS CAN DU BSDU BAR BSDUS PA'I SEMS CAN JI SNYED YOD PA DE DAG THAMS CAD GCIG TU BSDUS PAR GYUR LA, DE DAG GI SEMS DANG SPYOD PA DANG MOS PA THA DAD PA RNAM PA SNA TSOGS PA RNAMS SKAD CIG GCIG LA YE SHES GCIG GIS KHONG DU CHUD DE, KHONG DU CHUD NAS KYANG DE DAG GDUL BA'I THABS SKAD CIG GCIG GIS KHONG DU CHUD DE, DE DAG LA DE BZHIN DU SGRUB PA YANG BYED DO, ,GNYIS PA CHOS KYI DBYINGS LA 'JUG PA'I TING NGE 'DZIN THOB PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI YE SHES PHRA BA RNAM PA DU MA LA 'JUG PA NI 'DI LTA STE, SPYOD PA PHRA BA LA 'JUG PA'I MKHYEN PA DANG, 'CHI 'PHO DANG SKYE BA PHRA BA LA 'JUG PA'I MKHYEN PA DANG, SKYE BA PHRA BA LA 'JUG PA'I MKHYEN PA DANG, RNAM PAR 'PHRUL PA PHRA BA LA 'JUG PA'I MKHYEN PA DANG, MNGON PAR 'BYUNG BA PHRA BA LA 'JUG PA'I MKHYEN PA DANG, MNGON PAR RDZOGS PAR BYANG CHUB PA PHRA BA LA 'JUG PA'I MKHYEN PA DANG, CHOS KYI 'KHOR LO BSKOR BA PHRA BA LA 'JUG PA'I MKHYEN PA DANG, TSE'I TSAD BYIN GYIS RLOB PA PHRA BA LA 'JUG PA'I MKHYEN PA DANG, YONGS SU MYA NGAN LAS 'DAS PA PHRA BA LA 'JUG PA'I MKHYEN PA DANG, BSTAN PA GNAS PA PHRA BA LA 'JUG PA'I MKHYEN PA DANG, DE BZHIN GSHEGS PA'I GSANG BA PHRA BA LA 'JUG PA'I MKHYEN PA'O, ,DE BZHIN GSHEGS PA'I GSANG BA NI 'DI YIN TE, SGU'I GSANG BA DANG, GSUNG GI GSANG BA DANG, THUGS KYI GSANG BA DANG, DUS DANG DUS MA YIN PA RNAM PAR DPYAD PA GSANG BA DANG, BYANG CHUB SEMS DPA' LUNG BSTAN PA GSANG BA DANG, SEMS CAN BSDU BA DANG TSAR BCAD PA GSANG BA DANG, THEG PA THA DAD PA GSANG BA DANG, SEMS CAN GYI SPYOD PA DANG DBANG PO RNAM PAR DBYE BA GSANG BA DANG, LAS SU BYA BA LA 'JUG PA GSANG BA DANG, SPYOD PA DANG MNGON PAR RDZOGS PAR BYANG CHUB PA GSANG BA DANG, RANG BZHIN @22B THUGS SU CHUD PA GSANG BA DANG, YE SHES DE GNYIS KA GCIG TU BSDUS NAS SEMS CAN THAMS CAD KYI SEMS DANG SPYOD PA DANG, MOS PA DANG PHRA BA MKHYEN PA KHONG DU CHUD PAR BYA BA LA MKHAS PA ZHES BYA BA GSUNGS SO, ,SEMS THOGS PA MED PA ZHES BYA BA NI STOBS KYI PHA ROL TU PHYIN PA'I RGYU MTHUN PA THOB PAR BSTAN PA STE, 'DI LTAR RNAM PAR SMIN PA'I BDAG NYID KYI STOBS THOB PAS THAMS CAD LA SEMS THOGS PA MED PAR 'GYUR TE, STOBS DE DAG KYANG GANG ZHE NA, NYON MONGS PA KUN DU 'BYUNG BA MED PA'I PHYIR BSAM PA'I STOBS DANG, SA'I YE SHES YONGS SU SPYAD PA'I PHYIR, LHAG PA'I BSAM PA'I STOBS DANG, BRJED NGAS PA MED PA'I CHOS CAN GYI PHYIR GZUNGS KYI STOBS DANG, RTAG TU RNAM PAR G-YENG BA MED PA'I PHYIR TING NGE 'DZIN GYI STOBS DANG, MTHA' YAS MU MED PA'I 'JIG RTEN GYI KHAMS KYI SPYOD PA RNAM PAR DBYE BA LA MKHAS PA'I PHYIR MNGON BAR SHES PA'I STOBS DANG, 'DOD PA THAMS CAD YONGS SU RDZOGS PAR THOB PA'I PHYIR DBANG GI STOBS DANG, SANGS RGYAS KYI CHOS THAMS CAD RAB TU RNAM PAR 'BYED PA DANG RNAM PAR DBYE BA LA MKHAS PA'I PHYIR SPOBS PA'I STOBS DANG, SANGS RGYAS KYI CHOS THAMS CAD KYI SPYOD PA LA SBYOR BA MA BTANG BA'I PHYIR SMON LAM GYI STOBS DANG, BDAG NYID KYI SANGS RGYAS KYI CHOS YONGS SU SMIN PAR BYA BA DANG, SEMS CAN YONGS SU SMIN PAR BYA BA DANG, SEMS CAN THAMS CAD LA PHAN PAR BYA BA'I SPYOD PA MA BTANG BA'I PHYIR PHA ROL TU PHYIN PA'I STOBS DANG, SEMS CAN THAMS CAD YONGS SU BSKYAB PA LA BRTZON PA MA BTANG BA'I PHYIR BYAMS PA CHEN PO'I STOBS DANG, SEMS CAN THAMS CAD KYI SDUG BSNGAL THAMS CAD SEL BA'I PHYIR SNYING RJE CHEN PO'I STOBS DANG, SGYU MA LTA BU LA SOGS PA'I CHOS NYID MNGON SUM DU BYED PA'I PHYIR CHOS NYID KYI STOBS DANG, RNAM PA THAMS CAD DU THAMS CAD MKHYEN PA'I YE SHES MNGON DU GYUR PA'I PHYIR, DE BZHIN GSHEGS PA THAMS CAD KYI BYIN GYI BRLABS KYI STOBS TE, MDO LAS BSHAD PA'I STOBS DE DAG NYID DANG LDAN PA'I PHYIR, THAMS CAD DU THOGS PA MED PA'I CHOS NYID THOB PAS @23A *, ,NA, SEMS THOGS PA MED PA ZHES BYA BA GSUNGS SO, ,BZOD PA RLABS PO CHE DANG LDAN PA ZHES BYA BA NI CHOS KYI SPRIN ZHES BYA BA'I SA LA GNAS PA'I BYANG CHUB SEMS DPA' THAMS CAD MKHYEN PA'I YE SHES KHYAD PAR CAN DU DBANG BSKUR BA DANG LDAN PA'I TING NGE 'DZIN THOB MA THAG TU RIN PO CHE'I RGYAL PO'I PAD MA CHEN PO'I STENG DU, PHYOGS BCU'I DE BZHIN GSHEGS PA THAMS CAD KYIS 'OD ZER GYI DBANG BSKUR BA THOB MA THAG TU SNGAR THOB PA'I BZOD PA DE DAG SHIN TU SBYANGS PAR GYUR TE, DPA' BAR 'GRO BA'I TING NGE 'DZIN LA SOGS PA TING NGE 'DZIN BRGYA PHRAG STONG DANG, MI ZAD PA'I ZA MA TOG CES BYA BA'I GZUNGS KYI SGO LA SOGS PA GZUNG BRGYA PHRAG STONG DANG, SANGS RGYAS KYI YUL TSAD MED PA RNAMS LA BZOD PA RNAMS SHIN TU SKYE BAR 'GYUR RO, ,DE DAG SKYES PA'I PHYIR THAMS CAD MKHYEN PA LA DAR LAS CHOD PA TZAM ZHES BYA'O, ,BDAG NYID JI LTA BA BZHIN DU 'JUG PA LA MKHAS PA ZHES BYA BA NI YE SHES KYI PHA ROL TU PHYIN PA'I RGYU MTHUN PA NYID KYIS GZUD PA MKHYEN PA BCU THOB PAR BSTAN PA STE, JI SKAD DU, DES DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI GZUD PA MKHYEN PA GANG DAG 'DI LTA STE, BYIS PA'I LAM GZUD PA MKHYEN PA DANG, RDUL PHRA RAB KYI RDUL GYI GZUD PA MKHYEN PA DANG, ZHING GI TSOGS MNGON PAR RDZOGS PAR THUGS SU CHUD PAS GZUD PA MKHYEN PA DANG, SEMS CAN GYI TSOGS KYI SEMS MNGON PAR RDZOGS PAR THUGS SU CHUD PAS GZUNG PA MKHYEN PA DANG, THAMS CAD KYI RJES SU SONG BA MNGON PAR RDZOGS PAR THUGS SU CHUD PAS GZUD PA MKHYEN PA DANG, SNREL ZHIR SPYOD PA KUN TU BSTAN PAS GZUNG PA MKHYEN PA DANG, MTHUN PA'I SPYOD PA KUN TU BSTAN PAS GZUD PA MKHYEN PA DANG, MI MTHUN PA'I SPYOD PA KUN TU BSTAN PAS GZUNG PA MKHYEN PA DANG, 'JIG RTEN RNAMS KYIS RNAM PAR SHES PAR BYA BA'I SPYOD PA BSAM GYIS MI KHYAB PA DANG BSAM GYIS MI KHYAB PA'I SPYOD PA KUN TU BSTAN PAS GZUD PA MKHYEN PA DANG, NYAN THOS KYIS RNAM PAR SHES PAR BYA BA DANG, RANG SANGS RGYAS @23B KYIS RNAM PAR SHES PAR BYA BA DANG, BYANG CHUB SEMS DPAS RNAM PAR SHES PAR BYA BA DANG, DE BZHIN GSHEGS PAS RNAM PAR MKHYEN PAR BYA BA'I SPYOD PA KUN TU BSTAN NAS GZUD PA MKHYEN PA DE DAG YANG DAG PA JI LTA BA BZHIN DU RAB TU SHES SO, ,KYE RGYAL BA'I SRAS DE LTAR NA SANGS RGYAS BCOM LDAN 'DAS RNAMS KYI THAMS CAD MKHYEN PA YANGS SHING TSAD MED PAS 'DI LA GNAS PA'I GZUD PA SHES PA YANG TSAD MED DO ZHES GSUNGS TE, BLA NA MED PA THAMS CAD KYI BDAG NYID JI LTA BA BZHIN DU MKHAS ZHES BYA BA'I THA TSIG GO, ,SMON LAM GYI PHA ROL TU PHYIN PA'I RGYU MTHUN PAR BSTAN PA'I PHYIR, SANGS RGYAS KYI ZHING MTHA' YAS PA THAMS CAD RNAM PAR BKOD PA'I SMON LAM DANG 'JUG PAS YONGS SU ZIN PA ZHES BYA BA GSUNGS TE, SANGS RGYAS KYI ZHING BDE BA CAN DANG, PAD MA CAN DANG 'DO CAN LA SOGS PA'I SANGS RGYAS KYI ZHING RNAMS NA BKOD PA MTHA' YAS PA GANG DAG YOD PA DE LTA BU'AM, DE LAS LHAG PAR BDAG GI YANG GYUR CIG CES SNGON SMON LAM BTAB PA GANG YIN PA DANG, DE'I PHYIR BRTZON 'GRUS CHEN POS 'JUG PAR BYAS PA GANG DAG YIN PA'I SMON LAM GYI 'JUG PA DE DAG GIS DA LTAR RNAM PAR SMIN PA'I BDAG NYID DU YONGS SU ZIN PAR GYUR TO ZHES BYA BA'I THA TSIG GO, ,'JIG RTEN GYI KHAMS GRANGS MED PA NA BZHUGS PA'I SANGS RGYAS RJES SU DRAN PA'I TING NGE 'DZIN RTAG TU RGYUN MI CHAD PAS MNGON DU GYUR PA ZHES BYA BA NI BSAM GTAN GYI PHA ROL TU PHYIN PA'I RGYU MTHUN PA BSTAN PA STE, SNGON SANGS RGYAS RJES SU DRAN PA'I TING NGE 'DZIN BSGOMS PA'I DBANG GIS, DE LTAR 'JIG RTEN GYI KHAMS TSAD MED GRANGS MED PA'I SANGS RGYAS DE DAG THAMS CAD KYI SPYAN SNGA NA THAMS CAD DU THAMS CAD NA SKAD CIG TZAM YANG MI 'BRAL BAR LHUN GYIS GRUB PA NYID DU MNGON DU GYUR ZHES BYA BA'I THA TSIG GO, , SANGS RGYAS DPAG TU MED PA LA GSOL BA 'DEBS PA LA MKHAS PA ZHES BYA BA NI 'JIG RTEN GYI KHAMS TSAD MED GRANGS MED PA DAG NAS SANGS RGYAS BCOM LDAN 'DAS GANG DAG BZHUGS PA DE DAG THAMS CAD KYI DRUNG DU BZHUD NAS CHOS KYI 'KHOR LO BSKOR BA DANG, YONGS SU MYA NGAN LAS 'DA' BAR BZHED PA @24A *, ,RNAMS YUN RING DU BZHUGS PAR BYA BA'I PHYIR GSOL BA 'DEBS PA LA MKHAS PA ZHES BYA BA'I THA TSIG GO, ,LTA BA DANG BAG LA NYAL DANG KUN NAS DKRIS PA DANG NYON MONGS PA SNA TSOGS RAB TU ZHI BAR BYA BA LA MKHAS PA ZHES BYA BA NI THABS KYI PHA ROL TU PHYIN PA'I RGYU MTHUN PA BSTAN PA STE, SEMS CAN RNAMS KYI BSAM PA DANG BAG LA NYAL DANG, SPYOD PA DANG MOS PA DANG DBANG PO THA DAD PA RNAMS LA GZIGS NAS DE DAG GI LTA BA LA SOGS PA CI RIGS PAR NAN TAN GYIS ZHI BAR BYA BA LA MKHAS PA STE DE BZHIN GSHEGS PA'I STOBS KYI YUL YANG MKHYEN NO ZHES STON TO, ,TING NGE 'DZIN GYIS RNAM PAR RTZE BA BRGYA PHRAG STONG MNGON PAR SGRUB PA LA MKHAS PA ZHES BYA BA NI MNGON PAR SHES PA'I RNAM PAR SMIN PA LA DBANG THOB PAR BSTAN PA STE, TING NGE 'DZIN GYI STOBS KYIS MNGON PAR SHES PAS RNAM PAR RTZE BA BRGYA PHRAG STONG GANG YIN PA DE DAG LA MKHAS PA STE, JI SKAD DU YE SHES KYI DBANG DE LTA BU THOB CING SHIN TU RNAM PAR BRTAGS PA'I YE SHES DANG, MNGON PAR SHES PA DANG LDAN PA DE 'DOD NA 'JIG RTEN GYI KHAMS DOG PA NI YANGS PAR BYIN GYIS RLOB PO, ,'JIG RTEN GYI KHAMS YANGS PA NI DOG PAR BYIN GYIS RLOB PO, ,'DOD NA 'JIG RTEN GYI KHAMS KUN NAS NYON MONGS PA CAN NI YONGS SU DAG PAR BYIN GYIS RLOB PO, ,YONGS SU DAG PA NI KUN NAS NYON MONGS PA CAN DU BYIN GYIS RLOB PO, ,DE BZHIN DU THA GRU CHE BA DANG CHER GYUR PA DANG, TSAD MED PA DANG, PHRA BA DANG, RAGS MA DANG, SNREL ZHI DANG, SPYI'U TSUGS DANG NGOS PHYAL BA LA SOGS PA'I 'JIG RTEN GYI KHAMS THAMS CAD KYANG KHYU MCHOG TU GYUR PAS MNGON PAR BSGRUB PA DE DANG DER BYIN GYIS RLOB PO, ,DE 'DOD NA RDUL PHRA RAB KYI RDUL GCIG LA 'JIG RTEN GYI KHAMS KHOR YUG GI MTHA' SKOR DANG BCAS PA THAMS CAD DANG LDAN PA CIG BYIN GYIS RLOB STE, RDUL PHRA RAB KYI RDUL DE YANG MI 'PHEL LA, BYA BA DE DAG KYANG KUN TU STON TO, ,RDUL PHRA RAB KYI RDUL GCIG LA 'JIG RTEN GYI KHAMS GNYIS DANG, GSUM DANG, BZHI DANG, LNGA NAS BRJOD DU MED PA'I @24B BAR THAMS CAD DANG LDAN PA'I KHOR YUG GI 'OBS DANG BCAS PAR BYIN GYIS RLOB STE, RDUL PHRA RAB KYI RDUL DE YANG MI 'PHEL LA, BYA BA DE DAG KYANG KUN TU STON TO, ,RDUL PHRA RAB KYI RDUL GCIG LA 'JIG RTEN GYI KHAMS GNYIS DANG GSUM DANG BZHI DANG LNGA NAS BRJOD DU MED PA'I BAR DU THAMS CAD DANG LDAN PA KHOR YUG GI 'OBS DANG BCAS PAR BYIN GYIS RLOB STE, RDUL PHRA RAB KYI RDUL DE YANG MI 'PHEL LA BYA BA DE DAG KYANG KUN TU STON TO, ,'DOD NA 'JIG RTEN GYI KHAMS GCIG TU 'JIG RTEN GYI KHAMS GNYIS KYI BKOD PA KUN TU STON PA NAS, 'JIG RTEN GYI KHAMS BRJOD DU MED PA'I BAR GYI BKOD PA KUN TU STON TO, ,'DOD NA 'JIG RTEN GYI KHAMS GCIG GI BKOD PA 'JIG RTEN GYI KHAMS GNYIS SU KUN TU STON PA NAS, 'JIG RTEN GYI KHAMS BRJOD DU MED PA'I BAR DAG TU KUN TU STON TO, ,'JIG RTEN GYI KHAMS BRJOD DU MED PA JI SNYED YOD PA DE DAG ,'JIG RTEN GYI KHAMS GCIG TU KUN TU STON TE, SEMS CAN DE DAG LA GNOD PA YANG MED DO, ,'JIG RTEN GYI KHAMS GCIG NA, SEMS CAN GYI KHAMS JI SNYED YOD PA DE DAG 'JIG RTEN GYI KHAMS BRJOD DU MED PA DAG TU 'GOD DE, SEMS CAN RNAMS LA GNOD PA YANG MI BYED DO, ,'DOD NA 'JIG RTEN GYI KHAMS BRJOD DU MED PA DAG NA 'KHOD PA'I SEMS CAN RNAMS SKRA TZAM KHYON GCIG LA 'GOD DE, SEMS CAN RNAMS LA GNOD PAR YANG MI BYED DO, ,'DOD NA SKRA TZAM GYI KHYON GCIG LA SANGS RGYAS THAMS CAD KYI YUL BKOD PA GCIG KUN TU STON TO, ,'DOD NA SANGS RGYAS THAMS CAD KYI YUL BKOD PA BRJOD DU MED PA'I BAR DAG KUN TU STON TO, ,'DOD NA 'JIG RTEN GYI KHAMS BRJOD DU MED PA DAG RDUL PHRA RAB KYI RDUL JI SNYED YOD PA DE SNYED KYI LUS DANG SKAD CIG THANG CIG YUD TZAM GCIG LA SPRUL PA BYED DO, ,LUS RE RE LA YANG DE SNYED KYI LAG PA KUN TU STON TO, ,LAG PA DE DAG GIS PHYOGS BCU'I SANGS RGYAS RNAMS LA MCHOD PA BYED DE, LAG PA RE RES KYANG ME TOG GI SKON BU GANG G'A'I KLUNG GI BYE MA SNYED SANGS RGYAS BCOM LDAN 'DAS DE DAG LA 'THOR RO, ,ME TOG LA JI LTA BAR SPOS DANG, @25A *, ,ME TOG PHRENG BA DANG, BYUG PA DANG, PHYE MA DANG, NA BZA' DANG, GDUGS DANG RGYAL MTSAN DANG, BA DAN RNAMS KYANG DE BZHIN NO, ,BKOD PA THAMS CAD KYANG DE BZHIN NO, ,LUS RE RE LA YANG DE SNYED KYI MGO BYIN GYIS RLOB KYI, MGO RE RE LA YANG DE SNYED KYI LCE BYIN GYIS BRLABS TE, LCE DE DAG GIS SANGS RGYAS BCOM LDAN 'DAS DE DAG GIS SNGAGS PA BRJOD DE, SEMS BSKYED PA RE RE LA YANG PHYOGS BCU KHYAB PAR 'GRO STE, DES SEMS BSKYED PA TZAM GYIS KYANG MNGON PAR RDZOGS PAR BYANG CHUB PA TSAD MED PA NAS, YONGS SU MYA NGAN LAS 'DAS PA CHEN PO'I BKOD PA'I BAR DU BYIN GYIS RLOB PO, ,DUS GSUM GYI LUS TSAD MED PA YANG BYIN GYIS RLOB PO, ,RANG GI LUS LA SANGS RGYAS BCOM LDAN 'DAS TSAD MED PA RNAMS KYI, SANGS RGYAS KYI ZHING GI BKOD PA TSAD MED PA BYIN GYIS RLOB PO, ,'JIG RTEN GYI KHAMS 'JIG PA DANG, 'CHAGS PA THAMS CAD KYANG RANG GI LUS LA BYIN GYIS RLOB PO, ,RLUNG GI DKYIL 'KHOR THAMS CAD KYANG SPU'I KHUNG BU GCIG NAS 'BYIN TE, SEMS CAN RNAMS LA GNOD PAR YANG MI BYED DO, ,'DOD NA 'JIG RTEN GYI KHAMS RGYA MTSO'I MTHAR THUG PA CHU'I PHUNG PO GCIG TU BYIN GYIS RLOB PO, ,DER YANG PAD MA CHEN PO BYIN GYIS RLOB PO, ,PAD MA CHEN PO DE'I 'OD KYI BKOD PAS KYANG 'JIG RTEN GYI KHAMS MU MED PA RGYAS PAR GANG BAR BYED DE, DE LA YANG BYANG CHUB KYI SHING CHEN PO YAL GA 'GEL BA KUN TU STON PA NAS RNAM PA'I MCHOG THAMS CAD DANG LDAN PA'I THAMS CAD MKHYEN PA'I BAR DU YANG KUN TU STON TO, ,RANG GI LUS LA PHYOGS BCU'I NOR BU DANG, GLOG DANG, ZLA BA DANG NYI MA'I 'OD BYIN GYIS RLOB PA NAS, 'OD DANG SNANG BA THAMS CAD KYI BAR DU BYIN GYIS RLOB PO, ,KHA'I DBUGS KYIS KYANG PHYOGS RE RE'I 'JIG RTEN GYI KHAMS MTHA' YAS PA G-YO BAR BYED DE, SEMS CAN RNAMS 'JIG PAR YANG MI BYED DO, ,PHYOGS BCU RLUNG GIS 'JIG PA DANG, MES 'JIG PA DANG, CHUS 'JIG PAR YANG BYIN GYIS RLOB PO, ,'DOD NA SEMS CAN THAMS CAD BSAMS PA BZHIN DU GZUGS KYI LUS KYI @25B GNAS RGYAN GYIS BRGYAN PAR BYIN GYIS RLOB PO, ,RANG GI LUS DE BZHIN GSHEGS PA'I SKUR BYIN GYIS RLOB PO, ,DE BZHIN GSHEGS PA'I SKU RANG GI LUS SU BYIN GYIS RLOB PO, ,DE BZHIN GSHEGS PA'I SKU LA RANG GI SANGS RGYAS KYI ZHING BYIN GYIS RLOB PO, ,RANG GI SANGS RGYAS KYI ZHING DU DE BZHIN GSHEGS PA'I SKU BYIN GYIS RLOB PO ZHES BYA BA LA SOGS PA RNAM PAR ROL PA MTHA' YAS PA, TSAD MED PA GRANGS MED PA BRGYA STONG RNAMS STON TO ZHES BYA BA LA SOGS PA GSUNGS PA LTA BU'O, ,DE BAS NA TING NGE 'DZIN GYIS RNAM PAR RTZE BA BRGYA STONG MNGON PAR BSGRUB PA LA MKHAS PA ZHES BYA'O, ,DE LTAR DE BZHIN GSHEGS PA'I SPRUL PA'I SKU NI DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS DANG RGYAL PO'I KHAB NA BZHUGS SO, ,DE BZHIN GSHEGS PA LONGS SPYOD RDZOGS PA'I SKU NI ZHABS RING BA BYANG CHUB SEMS DPA' DANG BZHUGS PAR BSTAN PA'I PHYIR, DE BZHIN GSHEGS PA'I SKU GNYIS KYI 'KHOR NYE BAR BSTAN TE, MDO SDE THAMS CAD KYI SPYI'I GLENG GZHI RDZOGS PAR BSTAN NAS, DA NI SHES RAB KYI PHA ROL TU PHYIN PA 'DI LA BSHAD PA LA, GLENG GZHI'I KHYAD PAR BSTAN PA'I PHYIR, DE NAS DE'I TSE BCOM LDAN 'DAS NYID KYIS GDAN SENG GE'I KHRI BSHAMS ZHES BYA BA LA SOGS PA GSUNGS SO, ,GDAN BSHAMS PA 'DI YANG RNAM PA GNYIS TE, SENG GE'I KHRI BSHAMS PA DANG, SKYIL MO KRUNG DU BZHUGS PA BSHAMS PA'O, ,DE NAS DE'I TSE BCOM LDAN 'DAS NYID KYIS GDAN SENG GE'I KHRI BSHAMS NAS ZHES BYA BA NI SENG GE'I KHRI BSTAN TO, ,SKU DRANG POR BSRANG STE ZHES BYA BA LA SOGS PAS NI SKYIL MO KRUNG DU BZHUGS PA BSTAN TO, ,CI'I PHYIR NA NYID KYIS SENG GE'I KHRI BSHAMS SHE NA, RNAM PA GNYIS KYI PHYIR TE, BSHAD PA THUN MONG MA YIN PA'I MCHOD 'OS CHEN POR BSTAN PA DANG, 'KHOR RNAMS 'DUL BA'I PHYIR TE, DE NI 'DI LTAR JI SKAD DU, MDO SDE MANG PO GZHAN DAG LAS, BCOM LDAN 'DAS NYAN THOS KYI THEG PA DANG LDAN PA STON NA NI NYAN THOS KYIS GDAN BSHAMS PA LA BZHUGS, THEG PA CHEN PO DANG LDAN PA STON NA NI, BYANG CHUB @26A *, ,SEMS DPAS GDAN BSHAMS PA LA BZHUGS SO ZHES GSUNGS PA LTA BU'O, ,CHOS 'DI BSHAD PA NI NYID KYIS GDAN BSHAMS PA NI BSHAD PA 'DI THUN MONG MA YIN PAS, 'DI'I STAN YANG NGA NYID KYIS GDING BAR NUS SU ZAD NA, BSHAD PA LTA CI SMOS ZHES BSTAN PA'I PHYIR RO, ,GZHAN YANG 'DIR 'DUL BA MANG DU 'DUL, DE DAG GI MOS PA DANG, BSAM PA YANG THA DAD DE, DE BAS NA DE DAG THAMS CAD DANG MTHUN PAR GDAN BSHAM PAR BYA BA'I PHYIR YANG NYID KYIS GDAN BSHAMS SO, ,CHOS KYI GDAN LA YANG RNAM PA GSUM DU BSHAD DE, LUS SHIN TU SBYANGS PA BSKYED PAR BYA BA'I PHYIR LUS BSGOM PA DANG MTHUN PAR SKYIL MO KRUNG BCAS PA DANG, SEMS SHIN TU SBYANGS PA BSKYAD PA'I PHYIR, SEMS BSGOM PA DANG MTHUN PAR SKU DRANG POR BSRANG BA DANG, RTZE GCIG TU BYA BA'I PHYIR TING NGE 'DZIN BSGOM PA DANG MTHUN PAR DRAN PA MNGON DU GZHAG PA RNAMS SO, ,CI'I PHYIR GUS PA MDZAD PA BSTAN ZHE NA, 'DI GUS PA BSTAN PA NI MA YIN GYI GANG 'DI LTA BU NYID DU BZHUGS PA 'DI NI DE BZHIN GSHEGS PA RNAMS KYI RANG BZHIN TE, GZHAN DU NI MA YIN NO, ,DE BZHIN GSHEGS PA RNAMS NI RTAG TU MNYAM PAR GZHAG PA YIN MOD KYI SPYOD LAM GYIS 'DUL BA RNAMS LA 'DI BSTAN PAS DON DU 'GYUR TE, BCOM LDAN 'DAS KYANG DE LTA BU'I SPYOD LAM GYIS BZHUGS NA, BDAG CAG GIS DE LTAR BYA BA LTA SMOS KYANG CI DGOS ZHES GZHAN DAG KYANG DE BZHIN DU BYED PAR 'GYUR RO,, ,,BAM PO GSUM PA, GLENG GZHI 'DI YANG RNAM PA GSUM GYIS STON TE, TING NGE 'DZIN GYI CHO 'PHRUL DANG, RDZU 'PHRUL GYI CHO 'PHRUL DANG, CHOS SNANG BA'I CHO 'PHRUL GYIS SO, ,DE LA TING NGE 'DZIN GYI CHO 'PHRUL NI TING NGE 'DZIN GNYIS KYI DBANG GIS RNAM PA GNYIS TE, TING NGE 'DZIN GYI RGYAL PO ZHES BYA BA'I TING NGE 'DZIN GYI CHO 'PHRUL DANG, TING NGE 'DZIN SENG GE RNAM PAR ROL PA ZHES BYA BA'I CHO 'PHRUL LO, ,RDZU 'PHRUL GYI CHO 'PHRUL YANG RNAM PA GNYIS TE, SPRUL PA'I CHO 'PHRUL DANG, BYIN GYI RLABS KYI CHO 'PHRUL LO, ,CHOS @26B SNANG BA'I CHO 'PHRUL YANG RNAM PA GNYIS TE, 'JIG RTEN GYI KHAMS RNAM PAR BSTAN PA'I CHO 'PHRUL DANG, 'KHOR SDUD PA'I CHO 'PHRUL LO, ,DE LA TING NGE 'DZIN TING NGE 'DZIN GYI RGYAL PO ZHES BYA BA LA SNYOMS PAR ZHUGS PA'I ZHES BYA BA NAS BZUNG STE, DE'I TSE BCOM LDAN 'DAS GDAN SENG GE'I KHRI DE NYID LA BZHUGS ZHES BYA BA'I BAR GYIS NI TING NGE 'DZIN GYI RGYAL PO ZHES BYA BA'I TING NGE 'DZIN GYI CHO 'PHRUL BSTAN TO, ,SENG GE RNAM PAR ROL PA ZHES BYA BA'I TING NGE 'DZIN LA SNYOMS PAR ZHUGS TE ZHES BYA BA NAS BZUNG STE, DE NAS YANG BCOM LDAN 'DAS KYIS STONG GSUM GYI STONG CHEN PO'I 'JIG RTEN GYI KHAMS KYI SEMS CAN RNAMS KYI LUS 'DI CI 'DRA BA DE DANG MTHUN PAR SKU THA MAL PA BSTAN TO ZHES BYA BA'I BAR GYIS NI SENG GE RNAM PAR ROL PA ZHES BYA BA'I TING NGE 'DZIN GYI CHO 'PHRUL BSTAN TO, ,SKU CI 'DRA BA DE BZHIN DU BSTAN TO ZHES BYA BA NAS BZUNG STE GTOR RO, ,MNGON PAR GTOR RO, ,RAB TU GTOR RO ZHES BYA BA'I BAR GYIS NI SPRUL PA'I CHO 'PHRUL BSTAN TO, ,KHANG PA BRTZEGS PA STONG GSUM GYI STONG CHEN PO'I 'JIG RTEN GYI KHAMS KYI TSAD TZAM DER DE GNAS PAR GYUR TO ZHES BYA BA NAS BZUNG STE DE NAS YANG BCOM LDAN 'DAS GDAN SENG GE'I KHRI DE NYID LA BZHUGS BZHIN DU ZHES BYA BA'I BAR GYIS NI BYIN GYI RLABS KYI RDZU 'PHRUL GYI CHO 'PHRUL BSTAN TO, ,DE NAS YANG ZHAL 'DZUM PA MDZAD DO, ,ZHES BYA BA NAS BZUNG STE DE BZHIN GSHEGS PA SH'AKYA THUB PA DGE SLONG GI DGE BDUN DANG BCAS PA, BYANG CHUB SEMS DPA'I 'KHOR DANG THABS CIG TU BZHUGS PA MTHONG BAR GYUR ZHES BYA BA'I BAR GYIS NI 'JIG RTEN GYI KHAMS RNAM PAR BSTAN PA'I CHO 'PHRUL BSTAN TO, ,DE NAS SHAR PHYOGS LOGS SU 'JIG RTEN GYI KHAMS GANG G'A'I KLUNG GI BYE MA SNYED 'DAS PA ZHES BYA BA NAS BZUNG STE, ,DE'I TSE DE LTAR BCOM LDAN 'DAS KYIS LHA DANG BCAS PA, BDUD DANG BCAS PA RNAMS THUGS SU CHUD NAS ZHES BYA BA'I BAR GYIS NI 'KHOR SDUD PA'I CHO 'PHRUL BSTAN TO, ,DE LA DA NI TING NGE 'DZIN GYI RGYAL PO ZHES BYA BA'I TING NGE 'DZIN GYI CHO 'PHRUL @27A *, ,BSTAN TE, DE YANG RNAM PA BZHIS BSTAN TE, YAN LAG DANG NYING LAG NAS 'OD ZER RNAM PAR BKYE BA DANG, SPU'I KHUNG BU NAS 'OD ZER RNAM PAR BKYE BA DANG, RANG BZHIN GYI 'OD ZER RNAM PAR BKYE BA DANG, LJAGS KYI DBANG PO LAS 'OD ZER RNAM PAR BKYE BAS SO, ,TING NGE 'DZIN GYI RGYAL PO ZHES BYA BA'I TING NGE 'DZIN LA SNYOMS PAR ZHUGS SO ZHES BYA BA LA DE BZHIN GSHEGS PA CI'I PHYIR MNYAM PAR 'JOG ,CI MNYAM PAR MA BZHAG PAR SGRUB, MI SPYOD DAM ZHE NA MI SPYOD PA NI MA YIN GYI, 'DI LTAR DE BZHIN GSHEGS PA RNAMS NI G-YENG BAR SPYOD PA LA DGYES PA MA YIN LA MDZES PA YANG MA YIN PAS, RTAG TU MNYAM PAR BZHAG PA'I PHYIR, 'DI LTAR TING NGE 'DZIN LA MNYAM PAR GZHAG PA 'DI NI DE BZHIN GSHEGS PA'I RANG BZHIN NYID DO, ,CI'I PHYIR TING NGE 'DZIN DE NYID LA MNYAM PAR GZHAG LA, GZHAN MA YIN ZHE NA, TING NGE 'DZIN 'DI NI DON THAMS CAD SGRUB PAR BYED PA YIN TE, DE'I PHYIR 'DI SKAD DU TING NGE 'DZIN GANG DU TING NGE 'DZIN THAMS CAD CHUD PA DANG ZHES BYA BA GSUNGS TE, TING NGE 'DZIN THAMS CAD KYI SO SO'I BYA BA GANG YIN PA DE DAG THAMS CAD TING NGE 'DZIN 'DI GCIG PU KHO NAS SGRUB PAR NUS SO ZHES BYA BA'I THA TSIG GO, ,'DUS PA DANG, 'UB KYIS YANG DAG PAR GZHOL BA ZHES BYA BA LA NGO BO NYID KYIS NI 'DUS PAR 'GYUR RO, ,BYA BAS NI YANG DAG PAR GZHOL BAR 'GYUR RO, ,TING NGE 'DZIN DE'I YON TAN RGYAS PAR NI TING NGE 'DZIN GYI RGYAL PO ZHES BYA BA'I MDO LAS RIG PAR BYA'O, ,DE BAS NA TING NGE 'DZIN GYI RGYAL PO ZHES BYA BAR NGES PA'I TSIG GIS KYANG BSTAN PA YIN NO, ,TING NGE 'DZIN 'DI LTA BU ZHIG ,GANG DANG MTSUNGS PAR LDAN, MTSAN NYID JI LTA BU ZHE NA, RNAM PAR RTOG PA DANG, RNAM PAR DPYOD PA DANG, DGA' BA DANG BDE BA RNAMS DANG BRAL BA'O, ,BTANG SNYOMS DANG MTSUNGS PAR LDAN PA'O, ,G-YO BA MED PA'I MTSAN NYID DO, ,DE LTA NA GO BSAM GTAN BZHI PA'O ZHES CI'I PHYIR MA BRJOD CE NA, DANG PO DANG, GNYIS PA DANG, GSUM PA RNAMS LAS LTOS NAS, BZHI PA ZHES BRJOD @27B PAR ZAD KYI, DE BZHIN GSHEGS PA NI DGOS PA BLA SKYES MED PAR RIM GYIS MNYAM PAR GZHAG PA LA SNYOMS PAR MI 'JUG STE, DE NAS DANG PO LA SOGS PA MED PAS BSAM GTAN BZHI PA ZHES BYA BA'I MING THOB PAR MI 'GYUR RO, ,TING NGE 'DZIN GYI RGYAL PO NI G-YO BA MED PA'I NYI TSE TZAM GYI MTSAN NYID YIN PAS G-YO BA MED PA ZHES BYA BAR BRJOD DO, ,TING NGE 'DZIN DE NI GZUGS NA SPYOD PA MA YIN, 'DOD PA NA SPYOD PA YANG MA YIN, GZUGS MED PA NA SPYOD PA YANG MA YIN GYI, DE NI ZAG PA MED PA BTANG SNYOMS DANG LDAN PA, SEMS RTZE GCIG TU GYUR PA LA TING NGE 'DZIN CES BYA'O, ,DE YANG BYA BA'I BYE BRAG NYID KYIS DPA' BAR 'GRO BA DANG, SENG GE RNAM PAR ROL PA DANG, TING NGE 'DZIN GYI RGYAL PO DANG, CHOS THAMS CAD LAS 'PHAGS PA DANG, SPYI GTZUG BLTAR MI SNANG BA ZHES BYA BA LA SOGS PA'I MING DU BRJOD DU ZAD KYI, RANG BZHIN THA DAD PAR DBYE BA NI MED DO, ,DE LTAR TING NGE 'DZIN LA MNYAM PAR GZHAG PA BSTAN NAS DA NI YAN LAG DANG NYING LAG NAS 'OD ZER RNAM PAR 'PHRO BA BSTAN PA'I PHYIR, SKU THAMS CAD KYIS 'DZUM PA MDZAD DO ZHES BYA BA GSUNGS SO, ,'DZUM PA ZHES BYA BA NI 'DIR KHA 'BYE BA LA BYA STE, YAN LAG DANG NYING LAG THAMS CAD NAS 'OD ZER 'BYUNG DU RUNG BAR MDZAD NAS RGYAS PAR MDZAD CES BYA BA'I THA TSIG GO, ,DE BZHIN GSHEGS PA LA NI NGAS 'DI LTAR BYA'O SNYAM DU RTZOL BA DE LTA BU DE MI MNGA' MOD KYI, DGOS PA ZHIG YOD NA TING NGE 'DZIN GYI MTHU LAS DE LTA DE LTA BU MNGON PAR 'GRUB STE, TING NGE 'DZIN RNAMS NI SNGON GYI SMON LAM GYI SHUGS KYIS YONGS SU ZIN PA'I PHYIR RO, ,YANG DAG PAR SDUD PAR BYED PA RNAMS KYIS DE LTAR SHES NAS THA SNYAD DU RUNG BAR BYA BA'I PHYIR, DE BZHIN GSHEGS PA DE LTAR MDZAD DO, 'DI SKAD BKA' STZAL TO ZHES THA SNYAD DU BTAGS PAR RIG PAR BYA'O, ,'OD ZER BYE BA KHRAG KHRIG BRGYA STONG PHRAG DRUG CU DRUG CU 'BYUNG NGO ZHES BYA BA LA ZHABS KYI MTHIL GNYIS YOD PA'I PHYIR DRUG CU DRUG CU ZHES LAN GNYIS SU BRJOD DO, ,'O NA DRUG CU ZHES BYA BA'I NGES PA NI CI @28A *, ,DGOS, 'OD ZER MANG BA DANG, GDUL BA MANG BA DANG, DGOS PA MANG BA'I PHYIR GRANGS BYE BA KHRAG KHRIG BRGYA STONG ZHES BYA BA NI 'OS NA, CI'I PHYIR GRANGS DRUG CU ZHES BYA BAR NGES PAR BYAS SHE NA DE NI 'DI LTAR SHES PAR BYA STE, DE BZHIN GSHEGS PA'I 'OD ZER GYI RANG BZHIN NI, KHA DOG RNAM PA DRUG STE, SNGON PO DANG, SER PO DANG, DMAR PO DANG, DKAR PO DANG, LE BRGAN DANG, 'OD GSAL BA'O, ,'OD ZER KHA DOG DRUG PO DE DAG PHYOGS BCUR RNAM PAR 'PHROS PAS NA, PHYOGS BCU THA DAD PAS DRUG CUR GYUR PA'I PHYIR DE SKAD CES BYA'O, ,'O NA 'OD ZER GCIG BYUNG BAS DON THAMS CAD SGRUB MI NUS SAM CI'I PHYIR YAN LAG DANG NYING LAG THAMS CAD NAS 'OD ZER 'BYUNG ZHE NA, DE YANG BDEN MOD KYI 'ON KYANG BSHAD PA LA BSTI STANG CHER MDZAD PAR BSTAN PA'I PHYIR RTZOL BA CHEN PO MDZAD PA BSTAN TO, ,DPAL BE'U LAS ZHES BYA BA NI THUGS KA'I PHYOGS NAS DPAL BE'U DANG, BKRA SHIS LA SOGS PA'I MTSAN RNAMS NI BYANG CHUB SEMS DPA' CHEN PO DAG PA RNAMS DANG, DE BZHIN GSHEGS PA RNAMS LA MNGA'O, ,'OD ZER DE DAG GI LAS NI RNAM PA GNYIS TE, 'JIG RTEN GYI KHAMS KUN TU SNANG BAR BYED PA'I LAS CAN DANG, SEMS CAN RNAMS LA PHAN 'DOGS PA'I LAS CAN TE, DE YANG RIM BZHIN DU MDO NYID LAS BSTAN TO, ,'DI DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PAR GYUR TO ZHES BYA BA LA PHYIR MI LDOG PAR 'GYUR BA NI SANGS RGYAS BCOM LDAN 'DAS RNAMS KYI SNGON GYI SMON LAM GYI DBANG GIS GYUR PAR SHES PAR BYA'O, ,SPU'I KHUNG BU THAMS CAD NAS ZHES BYA BA 'DI YANG GUS PA BSTAN PA NYID KYI PHYIR TE, DAD PAS RJES SU 'BRANG BA PHYIS 'BYUNG BA RNAMS 'DI SNYAM DU DE BZHIN GSHEGS PAS SPU'I KHUNG BU RE RE NAS 'OD ZER 'DI LTA BU DAG PHYUNG STE, GUS PA CHER MDZAD NAS 'DI BSHAD DO SNYAM NAS DES KYANG DUS PHYI MA PA RNAMS DAD PA SKYES PA'I PHYIR PHAN BTAGS PAR 'GYUR RO, ,'OD ZER DE DAG GI LAS KYANG RNAM PA GNYIS SU RIG PAR BYA'O, ,DE BZHIN GSHEGS PA'I RANG @28B BZHIN GYI 'OD KYIS ZHES BYA BA LA 'OD DANG, 'OD ZER GNYIS LA KHYAD PAR CI YOD CE NA, NANG NAS BYUNG BA LA NI 'OD ZER CES BYA'O, ,PHYI'I PAGS PA LAS BYUNG BA LA NI 'OD CES BYA'O, ,YANG NA YE SHES RNAM PAR 'PHRO BA LAS BYUNG BA LA NI 'OD ZER CES BYA'O, ,KHA DOG RNAM PAR 'PHRO BA LAS BYUNG BA NI 'OD CES BYA STE, GTZUG LAG LAS KYANG SANGS RGYAS KYI 'OD ZER DAG NI BYANG CHUB KYI SNYING POR CHOS LA YANG DAG PAR RIG PA'I TSE BYUNG NGO ZHES GSUNGS SO, ,SANGS RGYAS BCOM LDAN 'DAS RNAMS CHOS STON PA NA, PHAL CHER SNGA NAS 'DI LTA BU'I CHOS SHIG BSHAD DO SNYAM DU BRTZAL MA THAG TU 'OD ZER RNAMS 'BYUNG BAR 'GYUR RO ZHES MDO LAS BSHAD DO, ,DE LTA BAS NA NANG NAS YE SHES KYI SNANG BA 'BYUNG BAS NA 'OD ZER YANG 'BYUNG BAR RIG PAR BYA'O, ,RANG BZHIN GYI 'OD KYI LAS KYANG RNAM PA GNYIS YOD PAR SHES PAR BYA'O, ,LJAGS KYIS SNANG BAR MDZAD PA'I CHO 'PHRUL NI CHOS BSTAN PA'I PHYIR SNGA LTAS NYID DU BSTAN PA STE, LJAGS KYI DBANG PO LAS 'OD ZER BYUNG BA YANG CHOS BSTAN PA'I LTAS YIN NO, ,'OD ZER DE DAG LAS PAD MA BYUNG BA NI BYANG CHUB SEMS DPA' RNAMS SKYON MED PA LA 'JUG PAR NGES PA'I RTAGS YIN NO, ,PAD MA DE DAG LAS SANGS RGYAS RNAMS BYUNG BA DANG, DE DAG CHOS STON PA YANG BYANG CHUB SEMS DPA' PAD MA DE DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB KHA BYE BAS RGYAS NAS PHYOGS PHYOGS SU 'DI LTA BU'I CHOS STON PAR 'GYUR BA'I LTAS YIN NO, ,TING NGE 'DZIN SENG GE RNAM PAR ROL PA ZHES BYA BA LA SNYOMS PAR ZHUGS TE ZHES BYA BA LA SOGS PAS NI TING NGE 'DZIN GYI CHO 'PHRUL GNYIS BSTAN TO, ,CHO 'PHRUL 'DI YANG SNOD KYI 'JIG RTEN BYI DOR BYA BA DANG, SEMS CAN GYI 'JIG RTEN LA PHAN GDAGS PA DANG RNAM PA GNYIS SU BSTAN TO, , SNOD KYI 'JIG RTEN BYI DOR BYA BA NI BSHAD PA LA MCHOD PA'I PHYIR RO, ,BYI DOR BYA BA DE LA YANG RNAM PA LNGAS BSTAN TE, G-YO BA DANG, 'GUL BA DANG, LDEG PA DANG, MTHO BA DANG, DMA' BA'O, ,DE LA G-YO BA NI MI RNAMS KYI LUS MI G-YO BA YANG RKANG PA DANG, LAG @29A *, ,PA LA SOGS PA 'GUL BA BZHIN DU PHYOGS GCIG G-YO BAS NA G-YO BA ZHES BYA'O, ,MI DE NYID 'KHOR LO 'KHOR BA BZHIN DU DKYIL 'KHOR YONGS SU 'KHOR BA LA 'GUL G-YO BA ZHES BYA'O, ,RLUNG GI SHUGS KYIS SHING LDEG PA BZHIN DU THAMS CAD KYI BDAG NYID KYIS LDEG PA LA LDEG PA ZHES BYA'O, ,DE DAG RE RE LA YANG RNAM PA GSUM STE, CHUNG DU DANG, 'BRING DANG, CHEN PO'O, ,DE LA DANG PO NI DAL BUS G-YOS SO, ,DE NAS DE BAS DRAG TU RAB TU G-YOS SO, ,DE NAS DE BAS KYANG LHAG PAR KUN TU RAB TU G-YOS SO, ,DE NAS DE'I 'OG TU HA CANG MI MYUR BAR 'GUL TO, ,DE'I 'OG TU MYUR BAR MYUR DU RAB TU 'GUL LO, ,DE'I 'OG TU SHIN TU MYUR BAR RGYUN RING BAR KUN TU RAB TU 'GUL LO, ,DE LTAR SBYAR ZHING BSHAD PAR BYA'O, ,DE NAS GANG GI TSE KHOR YUG DANG, KHOR YUG CHEN PO LA SOGS PA MTHA'I RI RNAMS GYEN DU 'PHAGS TE, MTHON POR GYUR CING DBUS KYI SO NA GNAS PA DE'I TSE NI MTHA' MTHO NA NI DBUS DMA' BAR GYUR TO, ,GANG GI TSE DBUS GYEN DU MTHON POR GYUR CING, RI RNAMS SO NA GNAS PAR GYUR PA DE'I TSE NI, DBUS MTHON NI MTHA' DMA' BAR GYUR TO, ,'JAM PA DANG, SNUM PA DANG SEMS CAN THAMS CAD LA BDE BA BSKYED PAR GYUR TO ZHES BYA BA NI NGO MTSAR SKYED PA'I PHYIR TE, RI CHEN PO LA SOGS PA NI 'JAM PAR GYUR TO, ,SHING GI YAN LAG LA SOGS PA THAMS CAD NI SNUM PAR GYUR TO, ,RLUNG NI SEMS CAN THAMS CAD LA BDE BA BSKYED PAR GYUR TO ZHES BYA BAR SBYAR RO, ,DE NAS 'JIG RTEN THAMS CAD LA PHAN GDAGS PA'I PHYIR, SEMS CAN DMYAL BA LA SOGS PA RGYUN CHAD PAR GYUR CES BYA BA LA SOGS PA GSUNGS SO, ,MI KHOM PA THAMS CAD KYANG MED PAR GYUR TO ZHES BYA BA LA SOGS PA DANG, SKABS YOD PA DANG NGAL BA RNAMS NI DON THA DAD PA MA YIN TE, MNGON PAR RTOGS PA'I SKABS MED PAS NA MI KHOM PA ZHES BYA'O, ,DE DAG KYANG RNAM PA BRGYAD DE, SEMS CAN DMYAL BAR SKYES PA DANG, DUD 'GRO'I SKYE GNAS SU SKYES PA DANG @29B YI DAGS SU SKYES PA DANG, MTHA' 'KHOB KYI KLA KLOR SKYES PA DANG, GZUGS MED PA DANG, 'DU SHES MED PA'I SRID PAR SKYES PA DANG, DMUS LONG DANG, 'ON PA DANG, LKUGS PA LA SOGS PAR GYUR PA DANG, LOG PAR LTA BAR GYUR PA DANG, SANGS RGYAS MED PA'I BSKAL PA LA SKYES PA RNAMS SO, ,DE LA GZUGS MED PA DANG, 'DU SHES MED PA'I SRID PA JI LTAR MED PAR GYUR CE NA, DER SKYE BAR 'GYUR BA RNAMS SKAD CIG DE NYID LA SKYE BA MI LEN PA'I PHYIR DE YANG MI KHOM PA MED PA ZHES BYA'I, RGYUN CHAD PAR GYUR PA NYID NI MA YIN NO, ,'DI LTAR SEMS CAN THAMS CAD KYIS MIG LA SOGS PA THOB PA 'DI NI SANGS RGYAS RNAMS KYI SNGON GYI SMON LAM GYI STOBS KYIS GYUR PA'O, ,SANGS RGYAS KYI ZHING GZHAN NA BZHUGS PA'I SANGS RGYAS BCOM LDAN 'DAS RNAMS KYIS KYANG CHED DU BRJOD PA CHED DU BRJOD DO ZHES BYA BA LA DGYES PAS BSKYOD PA'I TSIG NI CHED DU BRJOD PA ZHES BYA STE, DPER NA CHED DU 'BYUNG BA'I RLUNG DBANG MED PAR 'BYUNG BA DE BZHIN DU CHOS MNGON PAR 'PHEL BA'I SHUGS KYIS DGYES PAS BSKYOD PA'I TSIG NI CHED DU 'BYUNG BA DANG 'DRA BAS CHED DU BRJOD PA ZHES BYA'O, ,SANGS RGYAS KYI ZHING 'DI NI SHIN TU MI BRTZON PA DANG, DMAN PA DANG, NGAN 'GROR SKYES PA RNAMS LA YANG DE LTA BU'I SHES RAB MCHOG TU GYUR PA YANG DAG PAR 'BYUNG BAR GZIGS NAS, AE MA'O, ,SANGS RGYAS RNAMS BYANG CHUB SEMS DPA' MDZAD PA'I TSE NA DUL BA DANG, ZHI BA DANG, YANG DAG PAR SDOM PA DANG, TSANGS PAR SPYOD PA LA GNAS PA LA SOGS PA NI RMAD DU BYUNG BA STE, DE DAG YONGS SU BSNGOS PA'I STOBS KYIS 'DI LTA BUR DMAN PA 'DI DAG KYANG SHES RAB 'DI LTA BU DANG LDAN PAR GYUR TO ZHES CHED DU BRJOD PAR GYUR TO, ,DUL BA ZHES BYA BA NI DBANG PO BSDAMS PA'O, ZHI BA ZHES BYA BA NI TING NGE 'DZIN LA SOGS PAS NYON MONGS RNAMS ZHI BAR BYA'O, ,YANG DAG PAR SDOM PA ZHES BYA BA NI GSO SBYONG LA SOGS PA'I SDOM PA'O, ,TSANGS PAR SPYOD PA LA GNAS PA ZHES BYA BA NI DGE SLONG GI DNGOS PO LA SOGS PA'I SDOM PA'O, , @30A *, ,SROG CHAGS 'BYUNG PO RNAMS LA RNAM PAR MI 'TSE BA NI LEGS PA'O ZHES BYA BA NI BYAMS PA LA SOGS PA SGOM PA'O, ,DBANG PO BSDAMS PA'I 'BRAS BU NI, DMUS LONG DANG, 'ON PA DANG, LKUGS PA LA SOGS PA MED PAR GYUR PA'O, ,TING NGE 'DZIN LA SOGS PA'I 'BRAS BU NI SMYON PA RNAMS KYANG DRAN PA THOB PAR GYUR TO, ,SEMS 'KHRUGS PA RNAMS KYANG 'KHRUG PA MED PA'I SEMS THOB PAR GYUR TO ZHES BYA BA LA SOGS PA'O, ,GSO SBYONG LA SOGS PA'I SDOM PA'I 'BRAS BU NI GOS MED PA RNAMS KYANG GOS THOB PAR GYUR TO, ,DBUL PO RNAMS KYANG NOR THOB PAR GYUR TO, ,BKRES PA RNAMS KYANG ZAS THOB PAR GYUR TO ZHES BYA BA LA SOGS PA'O, ,TSANGS PAR SPYOD PA LA GNAS PA'I 'BRAS BU NI MI DGE BA BCU'I LAS KYI LAM SPANGS NAS DGE BA BCU'I LAS KYI LAM YONGS SU RDZOGS TE, DRI NGA BA MED PA LA SOGS PA'O, ,BYAMS PA LA SOGS PA BSGOMS PA'I 'BRAS BU NI PHAM DANG MTSUNGS PA'I SEMS LA SOGS PA DANG, TSOGS PA'I BDE BA THOB PA DANG, SHES RAB THOB PA'O, ,'OD DANG, SKU MDOG DANG, GZI BRJID DANG, DPAL GYIS ZHES BYA BA LA, 'OD NI SNANG BA DANG, 'BAR BA'O, ,SKU MDOG NI PAGS PA MDZES PA'O, ,GZI BRJID NI MTHU'O, ,DPAL NI DBYIBS LA SOGS PA SDUG PA'O, ,ZIL GYIS MNAN TE MDZES SHING LHAM ME LHAN NE LHANG NGE'O ZHES BYA BA CI'I PHYIR BRJOD CE NA, DE BZHIN GSHEGS PAS DE'I TSE CHOS BSHAD PA LA GUS PA BSKYED PA'I PHYIR DE LTA BU'I RGYA CHEN PO BSTAN DU SNYAM DU, DE'I TSE SEMS CAN THAMS CAD KYI BLO DE LTA BU BSKYED PA'I PHYIR DE SKAD BRJOD DO ZHES DGONGS PA'O, ,'OD KYIS ZIL GYIS MNAN PAS MDZES SO, ,SKU MDOG GIS ZIL GYIS MNAN PAS LHAM ME'O, ,GZI BRJID KYIS ZIL GYIS MNAN PAS LHAN NE'O, ,DPAL GYIS ZIL GYIS MNAN PAS LHANG NGE'O, ,'OD KYIS NI TSANGS PA ZIL GYIS MNAN TE, DE DAG 'OD SNYEMS PA'I PHYIR RO, ,SKU MDOG GIS NI LHA RNAMS ZIL GYIS MNAN TO, ,GZI BRJID KYIS NI BDUD KYI @30B RIS DANG MU STEGS CAN RNAMS ZIL GYIS MNAN TO, ,DPAL GYIS NI MI RNAMS ZIL GYIS MNAN TO, ,DE'I 'OG TU RDZU 'PHRUL GYI CHO 'PHRUL STON TE, DE YANG SPRUL PA'I RDZU 'PHRUL GYI CHO 'PHRUL STON TO, ,DE DANG MTHUN PAR SKU THA MAL PA BSTAN TO ZHES BYA BA LA 'KHOR YUG BYE BA PHRAG BRGYA'I NANG 'DI NA TSANGS PA'AM, LHA'AM BDUD DAM, MI RNAMS GANG YANG RUNG BA'I MDUN NA DE BZHIN GSHEGS PA MI SNANG BA'I SEMS CAN SKAL BA DANG MI LDAN PAR GYUR PA GCIG KYANG MED DE ZHES BYA BA'I THA TSIG GO, ,DE DANG MTHUN PA ZHES BYA BA NI BAG PHEBS PAR BYA BA'I PHYIR DE DANG DE DAG GI MDUN DU DE DAG GI LUS KYI TSAD BZHIN DU SNANG BAR GYUR TO, ,SKU THAM LA PA ZHES BYA BA NI RANG BZHIN GYI SKU ZHES BYA BA'I THA TSIG GO, ,RANG BZHIN GYI SKU ZHES BYA BA 'DI YANG JI LTA BU ZHE NA, DE BZHIN GSHEGS PA'I SKU BLTA BAS CHOG MI SHES PA'O, ,BLTA BAS CHOG MI SHES PA'I SKU ZHES BYA BA JI LTA BU ZHE NA, MI DANG LHA RNAMS KYI MDOG DANG YANG MI 'DRA LA, 'JIG RTEN NA YANG DE DANG 'DRA BA'I DNGOS PO CUNG ZAD KYANG MED PA DE LTA BU'I SKU MDOG DE BZHIN GSHEGS PA'I RANG BZHIN GYI SKU LA MNGA' BA'O, ,MDOG TU SNANG YANG BDAG CAG GI LUS KYI MDOG LTA BU NI MA YIN NO ZHES THAMS CAD KYIS SHES SHING, DE BZHIN DU SHA DANG RUS PA DANG, SKRA DANG SEN MO RNAMS KYANG YOD LA, SEMS CAN GZHAN THAMS CAD DANG 'DRA BA NI MA YIN TE, DE LTA DE LTAR SNANG YANG, 'JIG RTEN PA THAMS CAD DOGS PA YANG SKYE'O, ,DE LTAR NA SKU DE SKU'I BDAG NYID DU YOD LA DE LTAR SNANG ZHING 'JIG RTEN PA DAG DOGS PAR GYUR KYANG DNGOS PO CI YIN PA SUS KYANG MI SHES SO, ,DE LTAR DBYIBS DANG GZUGS LA SOGS PA THAMS CAD KYI LUS DANG 'DRA YANG RANG BZHIN MI SHES SHING, SHIN TU 'BAR BA'I SHIN TU RGYA CHE BA'I SKU NI BLTA BAS CHOG MI SHES PA ZHES BYA STE, YANG NA RDO RJE'I RANG BZHIN NAM, GSER DANG NOR BU DANG, MU TIG DANG, BEE d'U RYA LA SOGS PA'I RANG BZHIN NAM, MI'I LUS SU GTOGS PA'AM LHA DANG TSANGS PA'I LUS SU GTOGS @31A *, ,PA'AM, LUS SU GTOGS PA MA YIN PA SHES KYANG JI LTAR YANG SHES PAR MI NUS, GANG DU YANG BSDU BA'AM, BGRANG BAR MI NUS ZHES BYA BA'I THA TSIG GO, ,BCOM LDAN 'DAS KYI BYIN GYI RLABS KYIS BCOM LDAN 'DAS KYI DBU'I STENG GI NAM MKHA' LA ZHES BYA BA LA SOGS PAS NI BYIN GYI RLABS KYIS RDZU 'PHRUL GYI CHO 'PHRUL BSTAN TO, ,YANG 'DZUM PA MDZAD DE ZHES BYA BA LA SOGS PAS NI 'JIG RTEN GYI KHAMS NA GNAS PA RNAMS GCIG LA GCIG SNANG BAR BYA BA DANG, 'KHOR BSDU BAR BYA BA'I PHYIR CHOS SNANG BA'I CHO 'PHRUL BSTAN TE, DGA' BA DANG, MGU BA DANG, DAD PA THOB PAR BYA BA'I PHYIR RO, ,KUN GYI PHA ROL NA 'JIG RTEN GYI KHAMS RIN CHEN CAN ZHES BYA BA NI 'JIG RTEN GYI KHAMS MTHA' YAS PA'I PHYIR 'DIR LHAGS PA RNAMS KYI MTHA' LA KUN GYI PHA ROL ZHES BYA BAR GZUNG NGO, ,'JIG RTEN GYI KHAMS THAMS CAD KYI MTHA' BSTAN PAS DE'I BAR GYI 'JIG RTEN GYI KHAMS THAMS CAD NA BZHUGS PA'I BYANG CHUB SEMS DPA' RNAMS GSHEGS PAR BSTAN PA YIN NO, ,THAMS CAD CI'I PHYIR MA GSHEGS SHE NA, GANG DAG BYON PAR BYA BA'I DGOS PA 'GA' YOD PAR GYUR PA DE DAG LA NI SANGS RGYAS KYI 'OD ZER GYIS SNANG BAR MDZAD KYIS, GZHAN DAG LA NI MA YIN PA'I PHYIR RO, ,DE DAG KYANG BDAG CAG GI DE BZHIN GSHEGS PA BYANG CHUB SEMS DPA' MDZAD PA'I TSE NA, DE BZHIN GSHEGS PA DANG LHAN CIG TU SMON LAM GYI BSDU BA LA SOGS PAS BYA BA BYAS PA DE DAG NI SANGS RGYAS KYI ZHING GZHAN DU SKYES SU ZIN KYANG, BDAG CAG GI DE BZHIN GSHEGS PAS 'DUL BA YIN PAS, 'OD ZER GYI PHO NYA RNAMS KYIS DE DAG YANG DAG PAR BSKUL BA BYAS PAR BSTAN PA YIN NO, ,BZHUGS SHING 'TSO GZHES TE ZHES BYA BA LA YONGS SU MYA NGAN LAS MA 'DAS PA'I PHYIR SROG GI DBANG PO RGYAN LA BZHUGS PA ZHES BYA'O, ,SKU LAS BYUNG BA'I BSNYUN MI MNGA' BA'I PHYIR 'TSO ZHES BYA'O, ,GLO BUR GYI BSNYUN MI MNGA' ZHING DUS KYI BAR DU BZHUGS PAS NA GZHES PA ZHES BYA'O, ,YANG NA CHOS KYI SKU NI GNAS PA YIN PA'I PHYIR BZHUGS PA ZHES BYA'O, ,LONGS @31B SPYOD RDZOGS PA'I SKU NI 'TSO'O, ,SPRUL PA'I SKU NI GZHES SO, ,PHAL CHER GZHON NUR GYUR PA ZHES BYA BA LA GZHON NUR GYUR PA YANG TSANGS PAR SPYOD PA'I DBANG DANG, SA'I DBANG GIS RNAM PA GNYIS TE, BYANG CHUB SEMS DPA' GANG DAG RANG BZHIN GYIS NYON MONGS PA CHUNG BA DAG NI, DANG PO SEMS BSKYED PA NAS BZUNG STE TSANGS PAR SPYOD PA NYID KYIS, SA BCU PA'I BAR LA GNAS PAR GYUR PA DE DAG KYANG GZHON NUR GYUR PA NYID DO, ,SA BRGYAD PA YANG GZHON NUR GYUR PA ZHES BYA STE, SA DE THOB PAS RTZOL BA DANG, RNAM PAR RTOG PA THAMS CAD DANG BRAL BA'I PHYIR GZHON NUR GYUR PA ZHES BYA'O, ,PAD MA BSKUR TE ZHES BYA BA LA CI'I PHYIR SANGS RGYAS RNAMS PADMA'I MCHOD PA BSKUR ZHING BSNYUN KYANG GSOL ZHE NA, 'DI NI SANGS RGYAS RNAMS KYI KUN RDZOB KYI THA SNYAD DE, YANG DAD PA'I RJES SU 'BRANG BA'I 'JIG RTEN GYIS DE MTHONG NGAM THOS NA, AE MA'O 'DI LTAR NGA RGYAL DANG PHRAG DOG MI MNGA'O ZHES RAB TU DAD PAR 'GYUR BA DANG, SANGS RGYAS KYI ZHING GZHAN DAG NA YANG SANGS RGYAS RNAMS BZHUGS PAR SHES PAR BYA BA'I PHYIR RO, ,SLOB DPON DAG NI 'DI SKAD DU 'DI DAG NI GDUL BAR GYUR PA YIN GYI, YONGS SU GRUB PA MA YIN PAS BYANG CHUB SEMS DPA' DANG DE'I 'KHOR RNAMS GDUL BA NYID YIN PAR SHES PAR BYA BA'I PHYIR PAD MA BSKUR BA YIN NO ZHES 'CHAD DO, ,DE BAS NA 'DI DAG LEGS PAR YONGS SU GRUB PA MA YIN PA'I PHYIR RIGS KYI BU KHYOD SANGS RGYAS KYI ZHING DER BAG YOD PAR SPYOD CIG CES RJES SU BSTAN PA YIN TE DE YANG SANGS RGYAS KYI ZHING 'DI NA NYON MONGS PA'I SNYIGS MA DANG, DUS KYI SNYIGS MA DANG, TSE'I SNYIGS MA DANG, LTA BA'I SNYIGS MA DANG, SEMS CAN GYI SNYIGS MA DANG, SNYIGS MA LNGA YOD PA'I PHYIR DE SKAD DU BKA' STZAL TO, ,DE LA NYON MONGS PA'I SNYIGS MA NI SANGS RGYAS KYI ZHING 'DI NA 'DOD CHAGS DANG ZHE SNGAR DANG, GTING MUG LA SOGS PA MANG ZHING CHER 'BYUNG STE, CHUNG DU NI MA YIN NO, ,DE LTA BAS NA MI DGE BA BCU'I LAS KYI LAM DANG, DE LAS GZHAN PA'I SDIG PA SHIN TU MANG PO RNAMS KYANG SPYOD DE, DE'I @32A *, ,RGYUS SEMS CAN DMYAL BA DANG, DUD 'GRO DANG, YI DAGS DANG, LHA MA YIN GYI RIS DANG, MI RNAMS KYI NANG NA SDUG BSNGAL MANG BAR SNANG NGO, ,SANGS RGYAS KYI ZHING DAG NI PHAL CHER DE LTA MA YIN NO, ,BSKAL PA YANG NGAN PA NYID DE, MU GE'I BSKAL PA BAR MA'I DBANG GIS BAR BAR DU MU GE'I SDUG BSNGAL BA RNAGS MI NUS PA 'JIG RTEN DU 'BYUNG NGO, ,NAD KYI BSKAL PA BAR MA'I DBANG GIS NAD MANG PO 'BYUNG NGO, ,MTSON GYI BSKAL PA BAR MA'I DBANG GIS GCIG LA GCIG GCIG 'TSE BA MANG PO 'BYUNG NGO, ,CHUS 'JIG PA'I DBANG GIS SRID PA'I PHYOGS KYI NYON MONGS PA SHAS CHER GYUR PA DANG, MES 'JIG PA'I DBANG GIS ZHE SDANG GI PHYOGS SHAS CHE BA DANG, RLUNG GIS 'JIG PA'I DBANG GIS GTI MUG GI PHYOGS SHAS CHE BA LA SOGS PA DUS KYI NYES PA MANG DU 'BYUNG NGO, ,TSE'I SNYIGS MA NI SEMS CAN RNAMS KYI TSE LA NGES PA MED DE, BAR BAR NA TSE'I TSAD DPAG TU MED, BAR BAR NI TSE LO BCU BAR 'GYUR LA, DE YANG NGES PA MED DE, KHA CIG NI MNGAL NYID DU 'CHI BAR 'GYUR, KHA CIG NI SKYES MA THAG TU'AM BYIS PA'I TSE'AM, GZHON NU'I TSE'AM, LANG TSO'I TSE'AM, DAR LA BAB PA'I TSE'AM, NA PHYED ZAD KYI TSE 'AM, RGAS PA LA SOGS PA NAS 'CHI BA'I NGES PA MED DE, DE'I DBANG GIS MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA LA SOGS PA MANG PO RNAMS 'JIG RTEN NA YOD PA'I PHYIR RO, ,LTA BA'I SNYIGS MA YANG DGE BA THAMS CAD 'JOMS PAR BYED PA'I LTA BA SHIN TU NGAN PA SO SOR DBYE BAS PHYE NA DRUG CU RTZA GNYIS YOD DO, ,DE LA LOG PAR LTA BA LA NGES PAR ZHUGS PA NI SANGS RGYAS STONG GIS KYANG GSO BAR MI SPYOD DO, ,YONGS KYANG MU STEGS CAN THAMS CAD NI SKUR PA 'DEBS PA'I NGANG TSUL CAN DANG MA DAD PA, TSOGS PAR MI 'BYUNG BA, SHIN TU SMAD PA, RANG BZHIN GYI SNOD DU MA GYUR PA DAG STE, SEMS KYI RGYUD PHAL CHER TSA SGO CAN LTA BUR GYUR PA, PHAL CHER SEMS KYI RGYUD SGOG SKYA LTA BUR GYUR PA SEMS LA DAM PA'I CHOS KYIS @32B BSGOR MI BTUB PA RNAMS TE, DE LTA BAS NA 'JIG RTEN GYI KHAMS 'DI NI NYES PA DE LNGAS SUN PHYUNG BA'I PHYIR 'JIG RTEN GYI KHAMS 'DI NA DE LAS GZHAN PA'I SANGS RGYAS BCOM LDAN 'DAS THAMS CAD KYIS YONGS SU SPANGS NAS SANGS RGYAS KYI ZHING GZHAN DU MNGON PAR RDZOGS PAR SANGS RGYAS SO, ,BDAG CAG GI DE BZHIN GSHEGS PA NI SNGON BYANG CHUB SEMS DPA'I SPYAD PA SPYOD PA'I TSE 'DI SKAD DU, GZHAN GYIS YONGS SU SPANGS PA'I 'JIG RTEN GYI KHAMS GANG YIN PA DE NYID DU BRTZON 'GRUS CHEN PO DANG, BZOD PA CHEN PO DANG, THABS MKHAS PA CHEN POS SEMS CAN RNAMS BTUL NAS DE NYID DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAR GYUR CIG CES SMON LAM BTAB STE, DE BAS NA SANGS RGYAS BCOM LDAN 'DAS THAMS CAD KYIS YONGS SU BTANG BA YANG BDAG CAG GI DON DU SHIN TU 'O BRGYAL BA SKU NYAMS SU BZHES PAS NA BDAG CAG GI SANGS RGYAS BCOM LDAN 'DAS NI THUGS RJE CHEN PO DANG LDAN PA YIN NO, ,SNYIGS MA LNGA ZHES BYA BA NI DPER NA BSKA BA'I RO DANG LDAN PA'I KHA ZAS SDUG BSNGAL GYI RGYUR 'GYUR ZHING BZA' BA'I 'OS MA YIN PA LTAR 'DI DAG KYANG DE DANG 'DRA'O, ,YANG NA JI LTAR SMAN GYI TSIGS MA BSKA BA MAR GYI NANG NAS PHYUNG NAS DOR BAR BYA BA SPYAD DU MI RUNG BA DE DANG 'DRA'O, ,YANG NA NGUR SMRIG TU BTZOS PA LA SOGS PA JI SRID DU NGUR SMRIG GI MTHU MED PAR MA BYAS PA DE SRID DU TSON GZHAN 'JEN DU MI RUNG BA LTAR SEMS CAN DE DAG KYANG DE DANG 'DRA BAS NA DE DAG GIS SNYIGS MA ZHES BYA BA'I MING DU BRJOD DO, ,DE LTA BAS NA 'JIG RTEN KHAMS 'DI NI SKYON CHEN PO 'DI LTA BU DANG LDAN PA'I PHYIR DER 'DOD PA'I BYANG CHUB SEMS DPA' YONGS SU MA GRUB PA RNAMS LA SANGS RGYAS THAMS CAD KYIS RJES SU BSTAN CING GDAMS PA MDZAD DO, , DPER NA SA CHEN PO GZHI MNYAM LA 'GRO BA'I MI RNAMS GANG GI TSE, TSER MA DANG, GYO MO DANG, RDO LA SOGS PAS NYAM NGA BA'I SA PHYOGS DER NYE BAR 'GRO BA 'DI'I TSE RJES SU MA BSTAN NA SNGON GYI SA LA 'GRO BA 'DRIS PA'I PHYIR DE NYID KYI TSUL GYIS SONG NA SDUG BSNGAL CHEN PO MYONG BAR @33A *, ,'GYUR BA DE BZHIN DU BYANG CHUB SEMS DPA' 'DI DAG KYANG DE LTAR 'GYUR DU DOGS PA'I PHYIR RJES SU BSTAN PA MDZAD DO, ,BYANG CHUB SEMS DPA' DE DAG NI BSNYEN PAR DKA' BA YIN ZHES BYA BA'I TSIG 'DI NI BYANG CHUB SEMS DPA' LA SMAD PA GTZO CHER MDZAD PA MA YIN GYI, 'JIG RTEN GYI KHAMS LA SMAD PA GTZO CHER MDZAD PA NYID DE, 'JIG RTEN GYI KHAMS DE LTA BUR NGAN PA DER NI BYANG CHUB SEMS DPA' LA YANG DOGS PA SKYES PAR 'GYUR RO ZHES DE SKAD THOS NAS 'DIR SKYES PA RNAMS SKYO BAR 'GYUR ZHING DE BZHIN GSHEGS PA LA YANG DAD PA CHER SKYE BAR BYA BA'I PHYIR RO, ,RIM GROR BYED, BLA MAR BYED, BSTI STANG DU BYED, MCHOD PAR BYED CING ZHES BYA BA LA TSIG GIS BSTOD PA BYED PA NI BSTI STANG DU BYED PA'O, ,YID KYIS GUS SHING PHANGS PAR BYED PA NI BLA MAR BYED PA'O, ,LUS KYIS THAL MO SBYAR ZHING 'DUD PA DANG, SKOR BA BYED PA NI RI MOR BYED PA'O, ,ME TOG DANG BDUG SPOS LA SOGS PA MCHOD PA'I YO BYAD RNAMS KYIS MNGON PAR BRJOD PA NI MCHOD PA BYED PA'O, ,GNOD PA CHUNG NGAM, NYAM NGA BA NYUNG NGAM, BSKYOD PA YANG NGAM, 'TSO'AM, STOBS DANG LDAN NAM BDE BA LA REG PAR GNAS SAM ZHES BSNYUN GSOL ZHES BYA BA LA, GLO BUR GYI BSNYUN MI MNGA' BAS NA GNOD PA CHUNG ZHES BYA'O, ,RKYEN BZHI SHIN TU BRNYES PA'I PHYIR NYAM NGA BA NYUNG BA ZHES BYA'O, ,'GRES PA LA SOGS PAS KHAMS NYAM CHUNG BA MED PA'I PHYIR DGAR BAS NA BSKYOD PA YANG BA ZHES BYA'O, ,GNOD PA CHUNG BA'I 'BRAS BU NI 'TSO BA'O, ,NYAM NGA BA CHUNG BA'I 'BRAS BU NI STOBS DANG LDAN PA'O, ,BSKYOD PA YANG BA'I 'BRAS BU NI BDE BA LA REG PAR GNAS PA'O, ,'DIR PHYOGS LHAG MA DGU PO RNAMS KYANG TSUL 'DI BZHIN DU BRJOD PAR BYA STE, BRDA PHRAD SLA BA'I PHYIR 'DIR NI MA SMOS SO, ,DE'I TSE BCOM LDAN 'DAS KYIS TSE DANG LDAN PA SHA RA DVA TI'I BU LA BKA' STZAL PA ZHES BYA BA LA, DER MANG PO THAMS CAD LHAGS NA GCIG PU LA CI'I PHYIR BKA' STZAL, DE BZHIN GSHEGS PA NI BDAG GI MDUN NA BZHUGS TE CHOS 'CHAD DO @33B SNYAM DU SEMS SO ZHES GONG DU SMOS PA GANG YIN PA DE DANG YANG 'GAL LO, ,DER 'DUS PA THAMS CAD BDAG GCIG PU'I NGOR GZIGS NAS, DE BZHIN GSHEGS PAS CHOS BSHAD DO SNYAM DU YANG SEMS NA GAL TE BCOM LDAN 'DAS KYIS DE DAG THAMS CAD KYI NANG NAS DMIGS KYIS GCIG LA BKA' STZAL DU ZIN NA, DE'I TSE 'KHOR GYI SEMS DANG 'GAL BAR JI LTAR MI 'GYUR ZHE NA, 'DIR SMRAS PA, DE BZHIN GSHEGS PAS NI THAMS CAD LAS BRTZAMS NAS THAMS CAD MNGON DU MDZAD DE BSHAD MOD KYI 'ON KYANG SH'A RI'I BU LA BKA' STZAL PA'I SKAD CIG LA THAMS CAD LA YANG BKA' STZAL PAR 'GYUR TE, BSHAD PA'I SKAD CIG DE LA THAMS CAD LA YANG BSHAD PA THA DAD PA RNAM PA SNA TSOGS MDZAD NA, YANG DAG PAR SDUD PAR BYED PA RNAMS KYIS RIM PA DE YANG DAG PAR SDUD MI NUS PA'I PHYIR BSHAD PA'I YE SHES KYI MDZES BRJID BZHAG STE, SKYE BO THAMS CAD LA 'OS PA'I RIM PA GCIG BZUNG NAS YANG DAG PAR BSDUS SO, ,YANG NA DE BZHIN GSHEGS PAS NI SH'A RI'I BU NYID LAS BRTZAMS NAS BSTAN PAS TSUL 'DI NYID DAM PA'I CHOS YUN RING DU GNAS PA'I RGYU YIN PA'I PHYIR DE BZHIN GSHEGS PAS KYANG RJES SU GNANG NGO, ,DE BAS NA YANG DAG PAR SDUD PAR BYED PA RNAMS KYIS KYANG 'DI NYID LA BRTEN NAS YANG DAG PAR BSDUS SO, ,DE LTA YIN DU ZIN KYANG BYANG CHUB SEMS DPA'I THEG PA BSHAD PA MCHOG BSTAN PA LA CI'I PHYIR BYANG CHUB SEMS DPA' RNAMS YONGS SU BZHAG STE SH'A RI'I BU NYID LA BKA' STZAL CING SKABS PHYE ZHE NA, DE NI 'DI LTAR GZUNG BAR BYA STE, SHES RAB KYI PHA ROL TU PHYIN PA BSHAD PA NI SPYIR BSHAD PA YIN GYI, BYANG CHUB SEMS DPA' RNAMS NYID KYI DON DU BSHAD PA NI MA YIN NO, ,CI'I PHYIR ZHE NA, SHES RAB KYI PHA ROL TU PHYIN PA NI THAMS CAD SHES PA NYID DANG, LAM GYI RNAM PA SHES PA NYID DANG, RNAM PA THAMS CAD MKHYEN PA NYID DANG, SGO GSUM DU BZHUGS PA'I PHYIR RO, ,DE LA GAL TE BYANG CHUB SEMS DPA' GANG YANG RUNG BA CIG LA BCOM LDAN 'DAS KYIS BKA' STZAL TE SKABS PHYER @34A *, ,ZIN NA 'KHOR GZHAN DAG ZAB MO 'DI NI BDAG CAG GI SPYOD YUL MA YIN NO SNYAM NAS 'BAD PAR MI BYED KYANG SRID KYI, SH'A RI'I BU LAS BRTZAMS TE SKABS PHYE NA NI BSHAD PA 'DI SKYE BO THAMS CAD DANG THUN MONG YIN TE, SHIN TU ZAB PA MA YIN NO SNYAM DU GZHAN DAG SEMS PAR 'GYUR RO, ,DE BAS NA SH'A RI'I BU NYID LAS BRTZAMS TE SKABS PHYE'O, ,'DI LTAR 'OG NAS KYANG DGE SLONG RNAMS DANG, 'KHOR GZHAN DAG GIS KYANG CHOS MNGON PAR RTOGS NAS SO SOR THOB PO ZHES 'BYUNG NGO, ,DE LA DE LTA YIN DU ZIN KYANG GNAS BRTAN SH'A RI'I BU NI BYA BA BYAS PA YIN PAS BSHAD PA DON CHEN PO 'DI LAS BRTZAMS TE SKABS DBYE BA MI RIGS SO ZHE NA YANG DE LTAR GNAS BRTAN SH'A RI'I BU BYA BA BYAS PA YIN NO ZHES ZER BA DE LA BCOM LDAN 'DAS KYIS DAM PA'I CHOS PAD MA DKAR PO LAS, SH'A RI'I BU KHYOD NI MA 'ONGS PA'I DUS NA BSKAL PA GRANGS MED, BSAM GYIS MI KHYAB, TSAD MED PA RNAMS SU DE BZHIN GSHEGS PA BYE BA KHRAG KHRIG BRGYA STONG MANG PO RNAMS KYI DAM PA'I CHOS BZUNG NAS MCHOD PA RNAM PA SNA TSOGS KYANG BYAS TE, BYANG CHUB SEMS DPA'I SPYOD PA 'DI NYID YONGS SU RDZOGS PAR BYAS NAS, SANGS RGYAS KYI ZHING RDUL DANG BRAL BA ZHES BYA BA'I 'JIG RTEN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS PAD MA'I 'OD CES BYA BAR 'GYUR ZHING 'JIG RTEN DU 'BYUNG NGO ZHES GNAS BRTAN SH'A RI'I BU SANGS RGYAS SU 'GYUR BAR LUNG BSTAN TO, ,JI LTAR NA DGE SLONG ZAG PA ZAD PA LAS DANG NYON MONGS PA'I RGYUN CHAD PA YANG SRID PAR NYING MTSAMS SBYOR ZHING BSKAL PA BSAM GYIS MI KHYAB, DPAG TU MED PAR BYANG CHUB SEMS DPA'I SPYAD PA SPYOD PAR 'GYUR TE, 'DI NYID KYANG SHES PAR MI RUNG NGO, ,GAL TE DGRA BCOM PA RNAMS KYANG YANG SRID PAR NYING MTSAMS SBYOR DU ZIN NA NI DGRA BCOM PA THAMS CAD KYANG YANG SRID PA SO SOR LEN PAR 'GYUR BAS THAR PA MI 'GRUB PA NYID DU 'GYUR RO ZHE NA, YANG 'DI NI NGES PA MED DE, GAL TE DGRA BCOM PA RNAMS LA LAS DANG, NYON MONGS PA YOD DU ZIN @34B NA NI LAS DANG NYON MONGS PA'I DBANG GIS SRID PAR SKYE BAR YANG 'GYUR TE, THAR PA MI 'GRUB PO ZHES BYA BA SMRA BA DE NI RIGS NA, NGO BO NYI DGRA BCOM PA RNAMS LA LAS DANG NYON MONGS PA YOD CING, DES BYAS PA'I SRID PAR SKYE BAR 'GYUR RO ZHES NI MI SMRA'O, ,MDO GZHAN LAS 'BYUNG BA'I RIM PAS DON RGYA CHER BSTAN PAR BYA'O, ,'DI LA DE BZHIN GSHEGS PAS SEMS CAN KHA CIG NI NGES PA'I RIGS CAN, KHA CIG NI MA NGES PA'I RIGS CAN YIN PAR YANG DAG PAR GZIGS SO, ,DE LA NGES PA'I RIGS CAN GANG YIN PA DE DAG NI RIGS KYI BYE BRAG NYID KYIS DE 'GRUB PAR BRJOD KYANG MI DGOS KYI, SEMS CAN MA NGES PA'I RIGS CAN GANG YIN PA DE DAG RKYEN RNYED NA RKYEN JI LTA BA BZHIN DU BYANG CHUB GSUM GYI SKAL BA YOD PAR DE BZHIN GSHEGS PAS GZIGS NAS DE DAG RIM GYIS SANGS RGYAS SU BSGRAL BAR BZHED NA, DE DAG NYON MONGS PA CHE BA DANG, DBANG PO BRTUL BAS BYANG CHUB SEMS DPA'I SPYAD PA BZANG PO SPYOD PA'I MTHU DANG MI LDAN PAR GZIGS NAS DE'I PHYIR SEMS CAN DE DAG DANG POR NYON MONGS PA NYE BAR ZHI BA'I RGYUR GYUR PA'I LAM LA 'JUG PAR MDZAD DO, ,DE BZHIN NYID DANG, MYA NGAN LAS 'DAS PA GNYIS THA MI DAD PA'I PHYIR DE BZHIN NYID MYA NGAN LAS 'DAS PA MNGON SUM DU BYA BA LA 'DZUD PA MDZAD DO, ,DE DAG DE LTAR BTZUD NAS KYANG TSUL KHRIMS DANG, TING NGE 'DZIN DANG SHES RAB LA BSLABS NAS RIM GYIS DE BZHIN NYID MYA NGAN LAS 'DAS PA MNGON SUM DU BYED DE, DE NI MTHONG BA'I SA ZHES KYANG BYA BA LA, RGYUN TU ZHUGS PA'I LAM ZHES BYA BAR YANG SHES SO, ,DE NAS YANG 'DOD PA LA 'DOD CHAGS DANG, GNOD SEMS GNYIS SPONG BA LA 'DZUD PA MDZAD DE, 'PHAGS PA DE DAG GIS 'DOD PA LA 'DOD CHAGS DANG, GNOD SEMS BSRABS PAS DE BZHIN NYID RTOGS PAR 'GYUR TE, DE NI BSRABS PA'I SA ZHES KYANG BYA LA, LAN CIG PHYIR 'ONG BA'I LAM ZHES BYA BAR YANG SHES SO, ,DE NAS DE NYID MA LUS PAR SPANG BA LA BTZUD PAS DE BZHIN NYID RTOGS NAS 'DOD CHAGS DANG BRAL BA'I SA @35A *, ,GSUM PA SGRUB PAR BYED DO, DE NYID LA PHYIR MI 'ONG D'I LAM ZHES KYANG BRJOD DO, ,DE NAS YANG GZUGS KYI 'DOD CHAGS DANG, GZUGS MED PA'I 'DOD CHAGS DANG, NGA RGYAL DANG, RGOD PA DANG, MA RIG PA LHAG MA RNAMS SPANGS PA LA BTZUD NAS DE BZHIN NYID RTOGS PA DE NYID KYIS BYAS PA BSRUNG BA'I SA RTOGS PAR 'GYUR TE, DE NYID LA DGRA BCOM PA'I LAM ZHES KYANG BRJOD DO, ,THAMS CAD LA YANG DE DAG BTZUD NAS CI NAS KYANG SANGS RGYAS NYID LA 'DOD PA CHEN PO SKYE BAR 'GYUR BA DE LTA DE LTAR CHOS STON TO, , DE NAS SANGS RGYAS NYID 'DOD PA DE DAG SANGS RGYAS NYID 'DOD PAS BYAS PA SRUNG BA CAN GYI SA LA NYON MONGS PA THAMS CAD SPANGS PAR GYUR PA NA MA RIG PA'I BAG CHAGS NI MA SPANGS TE, DE MA SPANGS PAS NYON MONGS PA'I BAG CHAGS THAMS CAD KYANG MA SPANGS SO, ,DE NAS DE DAG LA DE BZHIN GSHEGS PAS BYANG CHUB SEMS DPA'I THEG PA BSHAD PA MDZAD DO, ,BSHAD PA DES KYANG DBANG PO SHIN TU SBYANGS NAS BYANG CHUB SEMS DPA'I SPYOD PA YONGS SU RDZOGS PAR BYED NUS PA'I BSAM PA CAN DU 'GYUR TE, RIM GYIS ZAB MO'I CHOS LA BZOD PA YANG THOB PAR 'GYUR RO, ,DE LTAR SANGS RGYAS KYI SA LA BSAM PA NGES PA NYON MONGS PA THAMS CAD SPANGS PA, CHOS KYI DBYINGS SHIN TU RTOGS PA CHOS ZAB MO LA BZOD PA THOB PA LA DE BZHIN GSHEGS PAS SANGS RGYAS SU LUNG BSTAN TE, DE'I TSE NAS BRGYAD PA GNAS PA RNAM PAR MI RTOG PA LHUN GYIS GRUB PA'I BYANG CHUB SEMS DPA' CHEN POR 'GYUR RO, ,DE DAG DE LTAR GYUR PA DANG YANG SRID PA GZHAN LEN PAS BYANG CHUB SEMS DPA'I SPYAD PA SPYOD CING SEMS CAN YONGS SU SMIN PAR BYA BA DANG, BDAG NYID KYANG SANGS RGYAS KYI CHOS YONGS SU SMIN PAR BYED DO, ,YANG SRID PA JI LTAR LEN CE NA, RNAM PA GNYIS KYIS TE, RKYEN GYI STOBS DANG, RGYU'I STOBS KYIS SO, ,DE LA NYON MONGS PA'I BAG CHAGS MA SPANGS PA GANG YIN PA DE NI YANG SRID PAR NYING MTSAMS SBYOR BA'I RKYEN YIN NO, ,ZAG PA DANG BCAS PA'I DGE @35B BA'I RTZA BA'I RGYU LAS BYUNG BA ZAG PA MED PA'I DGE BA'I RTZA BA DE DAG NI YANG SRID PA BYED PA'I RGYU'O, ,DE DAG NI MDO LAS JI SKAD 'BYUNG BA BZHIN DU RIG PAR BYA STE, BLO GROS RGYA MTSO 'KHOR BA'I RGYUN BYED PA DGE BA'I RTZA BA DANG MTSUNGS PAR LDAN PA'I NYON MONGS PA DE DAG GANG ZHE NA, 'DI LTA STE BSOD NAMS KYI TSOGS BTZAL BAS YONGS SU MI NGOMS PA DANG, BSAMS BZHIN DU SRID PAR SKYE BA YONGS SU 'DZIN PA DANG, SANGS RGYAS DANG PHRAD PAR SMON PA DANG, SEMS CAN YONGS SU SMIN PAR BYA BA LA YONGS SU MI SKYO BA DANG, DAM PA'I CHOS YONGS SU 'DZIN PA LA BRTZON PA DANG, SEMS CAN GYI BYA BA CI YOD SNYAM PA LA SPRO BA DANG, CHOS 'DOD PA'I BAG LA NYAL MI 'DOR BA DANG, PHA ROL TU PHYIN PA LA SBYOR BA RNAMS YONGS SU MI GTONG BA STE, BLO GROS RGYA MTSO DE DAG NI DGE BA'I RTZA BA DANG MTSUNGS PAR LDAN PA'I NYON MONGS PA RNAMS SO, ,BYANG CHUB SEMS DPA' NI DE DAG GIS NYON MONGS KYANG NYON MONGS PA'I SKYON RNAMS KYIS MI GOS SO, ,GSOL PA, BCOM LDAN 'DAS DE DAG DGE BA'I RTZA BA LAGS NA, CI'I SLAD DU NYON MONGS PA RNAMS ZHES BGYI, BCOM LDAN 'DAS KYIS BKA' STZAL PA, BLO GROS RGYA MTSO 'DI LTAR NYON MONGS PA DE LTA BU DE DAG GIS BYANG CHUB SEMS DPA' RNAMS KHAMS GSUM NA NYON MONGS LA KHAMS GSUM PA NI NYON MONGS PA LAS BYUNG BA YIN PAS SO, ,DE LA BYANG CHUB SEMS DPA' NI THABS MKHAS PA DANG DGE BA'I RTZA BA'I STOBS BSKYED PAS BSAMS BZHIN DU KHAMS GSUM NA NYON MONGS SO, ,DE'I PHYIR DGE BA'I RTZA BA DANG MTSUNGS PAR LDAN PA'I NYON MONGS PA ZHES BYA STE, KHAMS GSUM NA NYON MONGS PAS DE SKAD BYA'I SEMS NYE BAR NYON MONGS PAS NI MA YIN NO, ,BLO GROS RGYA MTSO 'DI LTA STE DPER NA TSONG DPON KHYIM BDAG CIG LA BU SDUG PA PHANGS PA YID DU 'ONG BA DANG, LTA BA DANG MTHUN PA GCIG PU ZHIG YOD PAR GYUR PA KHYE'U DE YANG BYIS PAR GYUR PAS GAR BYED PA LAS PHYI SA KHUNG BTZOG PA ZHIG TU LHUNG BA DANG, DE NAS KHYE'U DE'I MA DANG MDZA' BSHES DANG NYE DU DAG GIS KHYE'U DE PHYI @36A *, ,SA KHUNG BTZOG PAR LHUNG BAR MTHONG NGO, ,MTHONG NAS KYANG SHUGS PHAB STE MYA NGAN BYED CING SMRE SNGAGS 'DON GYIS PHYI SA KHUNG BTZOG PA DER ZHUGS TE BU GCIG PA DE MI 'BYIN TO, ,DE NAS KHYE'U DE'I PHA 'ONGS TE, DES BU GCIG PA PHYI SA KHUNG BTZOG PAR LHUNG BA DE MTHONG LA, MTHONG NAS KYANG BU GCIG PA LA BSAM PA THAG PA NAS BYAMS SHING RJES SU CHAGS PAS MI SMOD PAR MYUR DU SKYEN PAR LA GOR DU PHYI SA KHUNG BTZOG PA DER ZHUGS TE, BU GCIG PA PHYUNG BA 'DI LTA BU 'DI NI BLO GROS RGYA MTSO JI TZAM DU DON SHES PAR BYA BA'I PHYIR DPER BYAS PA YIN NO, ,'DIR DON DU LTA BA GANG ZHE NA, BLO GROS RGYA MTSO PHYIS KHUNG BTZOG PA ZHES BYA BA DE NI KHAMS GSUM GYI TSIG BLA DAGS SO, ,BU GCIG PA ZHES BYA BA DE NI SEMS CAN THAMS CAD KYI TSIG BLA DAGS T