@1A *, ,SHES PHYIN THA PA BZHUGS SO, , @1B [DD] #, ,RGYA GAR SKAD DU, A'ARYA AshtA SA HA SRI KA PRADZNY'A P'A RA MI T'A PANYDZI KA S'A ROTTA MA N'A MA, BOD SKAD DU, 'PHAGS PA SHES RAB KYI PHA ROL TU PHYIN PA BRGYAD STONG PA'I DKA' 'GREL [DD] SNYING PO MCHOG CES BYA BA, PHYOGS BCU MTHA' YAS PA NA RNAM PAR BZHUGS PA'I SANGS RGYAS DANG BYANG CHUB SEMS DPA' RNAMS LA PHYAG 'TSAL LO, ,GANG ZHIG NYI MA MANG PO PHUN SUM TSOGS PA JI SRID DU; ,'CHAR DANG NUB PAS 'JIG RTEN NYIN DANG MTSAN MOR 'GYUR BA YIN, ,YUL RNAMS SO SOR KHYAB PAR BYED PA DAG LDAN THOGS MED PA'I, ,SANGS RGYAS RTOGS PA'I YON TAN GCES GTER KHYED LA 'BYUNG GYUR CIG ,YI GE GANG ZHIG RNA LAM DU, ,CUNG ZAD 'DZIN PAR BYED PA YANG, ,BYANG CHUB SA BON 'GYUR BA YI, ,RGYAL BA'I YUM 'DI RGYAL GYUR CIG ,KHYAB BDAG BYAMS PA GANG GI RGYAN GYI RANG BZHIN GRUS NI GANG ZHIG RGYA CHEN PO, ,MANG PO'I DON GYI RGYA MTSO MNYAM PAR RANG GI YAN LAG DAG GIS GTAN LA PHAB, ,SHES RAB PHA ROL PHYIN PA'I GZHUNG LUGS CHEN PO GANG YIN DE NI BRGYAD STONG PA, , @2A #, ,RIN CHEN 'BYUNG GNAS DMAN PA'I TSIG NYUNG SHIN TU GSAL BAS RNAM PAR BSHAD PAR BYA, ,CI STE YANG CI'I PHYIR 'DI BSHAD CE NA, BCOM LDAN 'DAS KYI GSUNG RAB KYI NANG NA, MDO SDE RIN PO CHE NYID YIN PA'I PHYIR TE; DE'I PHYIR GSUNG RAB NI BCU GNYIS TE, MDO'I SDE DANG, DBYANGS KYIS BSNYAD PA'I SDE DANG, LUNG BSTAN PA DANG, TSIGS SU BCAD PA DANG, CHED DU BRJOD PA DANG, GLING GZHI DANG, RTOG PA BRJOD PA DANG, DE LTA BU BYUNG BA DANG, SKYES PA'I RABS DANG, SHIN TU RGYAS PA DANG, RMAD DU BYUNG BA'I CHOS DANG, GTAN LA DBAB PA DAG GO ,DE LA MDO'I SDE GANG ZHE NA, GANG TSIG RKYANG PAS ZAB PA'I DON STON PA'O, ,DBYANGS KYIS BSNYAD PA GANG ZHE NA, MDO SDE GANG YIN PA DE LA BAR DANG THA MAR TSIGS SU BCAD PA BRJOD PA'O, ,GANG YANG DRANG BA'I DON GYI MDO SDE DE YANG DBYANGS KYIS BSNYAD PA YIN TE, RTOGS PAR BYA BA YIN PA'I PHYIR RO, ,LUNG BSTAN PA GANG ZHE NA, GANG DU NYAN THOS 'DAS SHING DUS BYED PAR 'GYUR BA SKYE BA'I LUNG BSTAN PA'O, ,GANG YANG NGES PA'I DON GYI MDO SDE GSAL BAR DGONGS PAS BSTAN PA YANG YIN NO, ,TSIGS SU BCAD PA GANG ZHE NA, TSIGS SU BCAD PA BSHAD PA GANG YIN PA STE, TSIG RKANG GNYIS @2B DANG; TSIG RKANG GSUM DANG, TSIG RKANG BZHI DANG, TSIG RKANG LNGA DANG, TSIG RKANG DRUG GO, ,CHED DU BRJOD PA GANG ZHE NA, ,GANG YI RANG BA NAS BRJOD PA'O, ,GLENG GZHI GANG ZHE NA, GANG BSTAN PA BRJOD PA'AM, BYUNG BA DANG BCAS PA'I BSRAB PA BCAS PA BRJOD PA'O, ,RTOG PA BRJOD PA GANG ZHE NA, DPE DANG BCAS PA BRJOD PA'O, ,DE LTA BU BYUNG BA GANG ZHE NA, SNGON GYI SBYOR BA BDAG DANG LDAN PA'O, ,SKYES PA'I RABS GANG ZHE NA, BYANG CHUB SEMS DPA'I SPYOD PA DANG LDAN PA'O, ,SHIN TU RGYAS PA GANG ZHE NA, BYANG CHUB SEMS DPA'I SDE SNOD DANG LDAN PA STE, SEMS CAN THAMS CAD LA PHAN PA DANG, BDE BA'I GNAS YIN PA'I PHYIR RO, ,RMAD DU BYUNG BA'I CHOS GANG ZHE NA, GANG DU NYAN THOS DANG, BYANG CHUB SEMS DPA' DANG, SANGS RGYAS RNAMS KYI NGO MTSAR RMAD DU BYUNG BA'I CHOS BSTAN PA'O, GTAN LA DBAB PA GANG ZHE NA, GANG DU PHYIN CI MA LOGS PA'I CHOS KYI MTSAN NYID BSTAN PA STE, DE LTAR BSTAN PA DE DAG GI NANG NA 'DI NI BCOM LDAN 'DAS KYI MDO SDE RIN PO CHE STE, SKYES BU DAM PA'I DON SGRUB PA DANG, ZAB PA DAM PA'I CHOS THAMS CAD KYI RNAM PA STON PA'I PHYIR RO,, DE NAS CI TZAM GYIS 'DI'I BRJOD PAR BYA BA'I DON TE, DE YANG GANG YIN ZHES BYA BA NI DRI BA'O, ,BSTAN BCOS LAS, SHES RAB PHA ROL PHYIN PA NI, ,DNGOS PO BRGYAD KYIS YANG DAG BSHAD, ,RNAM KUN MKHYEN NYID LAM SHES NYID, ,DE NAS THAMS CAD MKHYEN PA NYID, RNAM KUN MNGON RDZOGS RTOGS PA DANG, ,RTZE MOR PHYIN DANG MTHAR GYIS PA, ,SKAD CIG GCIG MNGON RDZOGS BYANG CHUB, ,CHOS KYI SKU DANG DE RNAMS BRGYAD, ,DE RNAMS ZHES BYA BA NI RNAM PA RANG GI DON LA DH'A'I RKYEN BYA BA YIN TE, ,DE DAG NI BRGYAD PO 'DI DAG GO ZHES BYA BA'I DON TO, ,BYANG CHUB LA MNGON PAR PHYOGS SHING YANG DAG PAR RTOGS PA NI MNGON PAR YANG DAG PAR RTOGS PA'O, ,DES NA DE NYID KYI PHYIR MNGON PAR RTOGS PA STE, DE DAG GIS NI RTOGS PA'I DON NYID KYI PHYIR RO, ,JI LTAR 'DI MNGON PAR RTOGS PA YIN ZHE NA, GANG GI PHYIR RNAM PA BDUN GYIS THA MI @3A *, ,DAD PAR 'GRO ZHING THOB PA'I PHYIR RO, ,RTZE MO NI RAB KYI MTHA'O, ,DE THOB PA NI RTZE MOR PHYIN PA'O, ,MTHAR GYIS PA NI GO RIMS TE, DE DANG LDAN PA NI MTHAR GYIS PA'O, ,GNYI GAR YANG MNGON PAR RTOGS PA ZHES BYA BA RJES SU 'BRANG NGO, ,YANG 'DI'I BSDUS PA'I DON DRUG YIN PA'I PHYIR YANG BSTAN BCOS LAS, MTSAN NYID DE YI SBYOR BA DANG, ,DE'I RAB DE NI GO RIMS DANG, ,DE'I MTHA' DE YI RNAM SMIN NI, ,DON BSDUS GZHAN TE RNAM PA DRUG, ,GANG GI PHYIR DANG PO THAMS CAD MKHYEN PA NYID RNAM PA GSUM NI SHES RAB KYI PHA ROL TU PHYIN PA DE'I MTSAN NYID DO, ,DE NAS BZHI NI 'DI'I SBYOR BA DANG, SBYOR BA'I RAB DANG, SBYOR BA'I GO RIMS DANG, SBYOR BA'I MTHAR THUG PA'O, ,DE NAS CHOS SKU MDZAD PA DANG BCAS PA DE NI 'DI'I RNAM PAR SMIN PA STE, GTZO BO'I 'BRAS BU ZHES BYA BA'I DON TO, ,YANG BSTAN BCOS LAS, YUL GYI RGYU NI GSUM DAG DANG, ,SBYOR BA BZHI YI BDAG NYID DANG, ,CHOS SKU PHRIN LAS 'BRAS BU NI, ,DON BSDUS GZHAN TE RNAM PA GSUM, ,YANG NA 'DI'I BSDUS PA'I DON GSUM STE, 'DI LTAR THAMS CAD MKHYEN PA NYID RNAM PA GSUM NI SBYOR BA'I YUL TE DE'I RGYU'O,, YUL CAN SBYOR BA BZHI'I BDAG NYID DE, RNAM PA KUN MNGON PAR RTOGS PA LA SOGS PA'O, ,RGYU DE'I 'BRAS BU NI CHOS KYI SKU STE DE NYID LAS SO, ,DE NYID LA BRGYAD DAM, DRUG GAM, GSUM NI MDO 'DI'I DON TO, ,KHA CIG NI THAMS CAD KYANG GTZOR DON GCIG NYID DO, ,GZHAN DUN NGAG GCIG TU YANG MI 'GYUR TE, LE'U BCU LA SOGS PA'I TSIG GI TSOGS BZHIN NO, ,PHAN TSUN YAN LAG GI DON GYIS MNGON PAR RTOGS PA GCIG DON DU NYE BAR SBYOR BA'I PHYIR TE, DE BAS NA 'GREL PA DANG LDAN PA DANG, RJES SU MTHUN PA'I THABS DANG LDAN PAS YANG DAG PAR RDZOGS PA'I BYANG CHUB NI 'DIR GTZO BO YIN NO ZHES BRJOD DO, ,DE NI BDEN PA MA YIN TE, GANG GI PHYIR YANG DAG PAR RDZOGS PA'I BYANG CHUB NI NYAN THOS KYI SDE SNOD LAS KYANG RAB TU RTOGS PA NYID DE, SHES PAR 'DOD PA'I PHYIR RO, SHES RAB KYI PHA ROL TU PHYIN PA NI MI RTOGS PA NYID DO,, @3B SHES PAR 'DOD PA MED PA'I PHYIR RO, ,DE BAS NA DE NYID GTZO BOR BRJOD PAR BYA BA YIN NA, 'DI NI MOS PAR DKA' BA STE THOB PA YIN PA'I PHYIR BCOM LDAN 'DAS KYI BKA' LA YANG MOS PAR BYED PA YIN NO, ,DE'I PHYIR YANG 'DI GTZOR BCOM LDAN 'DAS KYIS GSUNGS PAR BYA BA YIN TE, JI LTA JI LTAR 'DI LA MOS PA DE LTA DE LTAR BYANG CHUB LA NYE BAR 'GYUR TE, DE BAS NA 'DI GTZOR BRJOD PAR BYA BA YIN NO, ,MNGON PAR RTOGS PA BRGYAD PO DAG LA SNYING PO JI LTA BA BZHIN DU 'DI RGYA CHER BRJOD NA JI LTAR GTZO BOR BRJOD, SHES RAB KYI PHA ROL TU PHYIN PA NYID NI YANG DAG PAR RDZOGS PA'I BYANG CHUB KYI LAM STE, LHAG MA YANG DE NYID LAM DU BYED PA'I PHYIR RO, ,DE BAS NA DE LTAR 'DI BRJOD PAS NI SHIN TU YANG GTZO BOR BRJOD PA MA YIN NO, ,DE LTAR RGYA CHER SPROS PAS NI CHOG GO, ,DE NYID KYI PHYIR SHES RAB KYI PHA ROL TU PHYIN PA NI MDO SDE 'DIR GTZOR BSTAN PA YIN TE, YANG DAG PAR RDZOGS PA'I BYANG CHUB NI MA YIN NO, ,DE LTAR NA SHES RAB KYI PHA ROL TU PHYIN PA 'DI NYID LA 'BRAS BU DANG BCAS PAS, SBYOR BA DANG BCAS PA GTZO BOR GYUR PA 'DI MDO SDE RIN PO CHE'I DON TO, ,'DI NI DE LTAR NGES PAR GNAS PA YIN NO, ,GANG YANG TSAD MA RNAM 'GREL LAS KYANG SKYES BU'I DON NI THOB PAR BYED PA YIN TE, DE BAS NA DER YANG MNGON PAR THOB PAR BYED PA ZHES BRJOD KYI GTZOR RJOD PAR BYED PA NI MA YIN NO ZHES SMOS SO, ,'DI SKAD BDAG GIS THOS ZHES BYA BA LA SOGS PA LA, CI STE GANG GI TSIG YIN ZHE NA, SDUD PA PO'I TSIG STE, SDUD PA PO NYID KYIS 'JIG RTEN PA YANG DAG PAR YID CHES PAR BYED PA'I DON TE, DE CI'I PHYIR MA GSUNGS PA SMOS SHE NA, MA YIN TE, BCOM LDAN 'DAS KYI BKA' NYID KYIS DE 'DON PA'I PHYIR TE, BCOM LDAN 'DAS KYIS CHOS YANG DAG PAR SDUD PA'I MDO LAS, DGE SLONG DAG 'DI SKAD BDAG GIS THOS PA ZHES KYIS LA NGA'I DAM PA'I CHOS BSDU BAR BYA'O, ,ZHES GSUNGS SO, ,CIS TE 'DIR SDUD PA PO GANG YIN ZHE NA, GANG GI PHYIR DE NI LCANG LO CAN NA GNAS PA'I BYANG CHUB SEMS DPA' SEMS DPA' CHEN PO PHYAG NA RDO RJE BSKAL PA BZANG PO'I DE BZHIN GSHEGS PA RNAMS KYI @4A *, ,GZUGS KYI SKU DANG, CHOS KYI TSOGS BSRUNG BA'I DBANG DU BYAS PA'I PHYIR GTZOR RJES SU 'BRAD BAR BRJOD DE, PHYAG NA RDO RJE DBANG BSKUR BA'I MDO SDE LAS BSTAN PA GTAD PA YIN NO, ,YANG 'PHAGS PA KUN DGA' BO LA GTAD PA DE NI NYAN THOS KYI 'JIG RTEN LA BZHUGS PAR BYA BA'I PHYIR YIN GYI, SDUD PA'I DON DU NI MA YIN TE, JI LTAR YANG RTAG TU BCOM LDAN 'DAS KYI ZHABS 'BRING DU GNAS PA'I PHYIR 'PHAGS PA KUN DGA' BO NI MA LUS PA THOS PA THOB PAS NYAN THOS KYI SDE SNOD SDUD PA PO YIN TE, ,DE BZHIN DU PHYAG NA RDO RJE NI BYANG CHUB SEMS DPA'I SDE SNOD KYI SDUD PA PO YIN TE DE LTAR RGYA CHER SPROS PAS CHOG GO, ,MNGON PAR RDZOGS PAR SANGS RGYAS NAS CHOS BSTAN PA'I STON PA PO LAS 'DIR RANG NYID KYIS THOS NAS SDUD PA YIN TE, DE NAS SDUD PA PO MTSON PA'I DON DU THOS PA ZHES SMOS SO, ,BDAG GIS ZHES BYA BA MA SMOS PAR SGRUB PA STE, RANG NYID KYIS MA THOS PA'I CHOS BSTAN PAR MI NUS PA NYID KYI PHYIR RO ZHE NA, DE'I PHYIR SGRUB PA PO SMOS PA NI NGES PAR BYA BA'I DON TE, BDAG NYID KYIS BCOM LDAN 'DAS LAS THOS KYI, BDAG GIS BLA MA LA SOGS PA LAS THOS PA NI MA YIN NO, ,DE BAS NA BDAG NYID KYIS ZHES BYA BA 'DIS NI MNGON SUM DU THOS PA NYID DO ZHES STON TO, ,DES NA 'DIS NI SDUD PA THOS PAR GYUR PA YID CHES PA MED PA'I DOGS PA BSAL TO, ,GAL TE MNGON SUM THOS KYANG G-YENG BA DANG, LOG PAR 'DZIN PA YOD NA SHIN TU YANG YID CHES PA MED PAR 'GYUR ZHE NA, DE'I PHYIR DE NYID BSAL BA'I PHYIR 'DI SKAD CES SMOS TE, JI LTAR BSHAD PA DE BZHIN DU BDAG GIS THOS PA YIN TE, RNAM PA 'DI NYID KYIS GLENG GZHI 'DI NYID DANG, SKABS DANG NYE BAR SBYAR BA DANG, MDO'I LUS ZHES BYA BA'I DON TO, ,DE LA STON PA PO LA SOGS PA 'BYUNG BA NI GLENG GZHI YIN TE, YUL GANG DU STON PA PO DANG, NYAN PA PO 'DUS PA STE, BCOM LDAN 'DAS ZHES BYA BA NAS BRTZAMS TE, KUN DGA' BO ZHES BYA BA'I BAR DU'O, ,DE LA SKABS NI DE NAS DANG, DE SKAD CES BYA BA LA SOGS PA'O, ,NYE BAR SBYAR BA NI BCOM LDAN 'DAS KYIS DE SKAD CES BKA' STZAL NAS @4B ZHES BYA BA LA SOGS PA'O, ,LHAG MA NI MDO'I LUS YIN NO, ,JI TZAM KHYOD KYIS THOS PAR BYAS ZHES DRIS PA LA, DUS GCIG NA ZHES BYA BA SMOS TE, DUS GCIG GI TSE NA ZHES PA'I DON TO, ,DES NI GDUL BYA RNAMS CHOS LA GUS PA BSKYED PA'I DON TE, BCOM LDAN 'DAS KYIS LAN CIG BSTAN PA DANG, BDAG NYID KYANG THOS PA 'DZIN PA NYID DU MTSON PA YIN NO, ,GANG YANG 'DI SKAD BDAG GIS THOS PA ZHES KYIS LA NGA'I CHOS YANG DAG PAR BSDU BAR BYA ZHES MDO SDE'I NANG DU GSUNGS PA LA, DE NI TSIG GI PHYOGS GCIG GIS TSIG RNAMS MTSON PA YIN TE, 'DI SKAD BDAG GIS THOS PA'I DUS GCIG NA ZHES PA'O, ,DE YANG JI LTAR ZAN LA ZHUGS ZHES BYA BA LTA BU STE, KHYIM DU ZHUGS NAS ZAN ZA BAR RTOGS PAR BYED PA YIN NO, ,GLENG GZHI MED PAR NI STON PA MED DE, DE BAS NA GLENG GZHI NI BCOM LDAN 'DAS ZHES BYA BA NAS TSE DANG LDAN PA KUN DGA' BO ZHES BYA BA'I BAR DU STE, BCOM LDAN 'DAS BZHUGS SO ZHES BYA BAR SBYAR RO, ,BDUD BZHI BCOM PAS NA BCOM LDAN 'DAS SAM, SHES RAB KYIS BDUD BZHI BCOM PA DANG LDAN PAS NA BCOM LDAN 'DAS SO, ,YANG NA 'DI BDAG BSTAN PAS NA BCOM LDAN 'DAS TE, ,RGYU NYID BYED PA NYID DU BRJOD PAR 'DOD PA'I PHYIR RO, ,DE DAG GANG ZHE NA, DBANG PHYUG LA SOGS PA DRUG STE, JI SKAD BSHAD PA'I RIGS PA DANG, ,DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO DE LA LDAN ZHES BYA, ,ZHES BSHAD PA LTA BU STE, DE LA DBANG PHYUG NI BCOM LDAN 'DAS TE GZHAN DBANG MA YIN PA'O, ,PHUN SUM TSOGS PA NI SGRIB PA BAG CHAGS DANG BCAS PA SPANGS PA'I PHYIR RO, ,BCOM LDAN 'DAS KYI GZUGS PHUN SUM TSOGS PA STE, SKU BLA NA MED PA'I MTSAN DANG DPE BYAD KYIS RNAM PAR MDZES PA'I PHYIR RO, ,GRAGS PA PHUN SUM TSOGS PA NI PHYOGS DANG PHYOGS MTSAMS SU SGRA RNAM PAR GRAGS PA'I PHYIR RO, ,PHUN SUM TSOGS PA MANG PO GANG GIS BSTEN PA DE NI DPAL TE, BCOM LDAN 'DAS DE'I PHUN SUM TSOGS PA DANG 'JIG RTEN DANG @5A *, ,'JIG RTEN LAS 'DAS PA'I PHUN SUM TSOGS PA'I RIM PAS BRTEN PA YIN PA'I PHYIR RO, ,YE SHES PHUN SUM TSOGS PA NI SHES BYA THAMS CAD NI RNAM PA THAMS CAD LA YE SHES DAG PA CHAGS PA MED PA DANG, THOGS PA MED PA'I PHYIR RO, ,BRTZON 'GRUS PHUN SUM TSOGS PA NI GZHAN GYI DON RNAM PA THAMS CAD LA BYA BA RGYUN MI 'CHAD PAR BYED PA'I PHYIR RO, ,BZHUGS TE ZHES BYA BA LA YANG NA BZHUGS ZHES BYA BA'I SGRA DA LTAR GYI DON YIN YANG 'OG NAS TE ZHES BYA BA'I SGRA 'DAS PA'I DON LA BZHUGS PA'I DBANG GIS 'DAS PA'I DON DU 'GYUR RO; ,LAD SME ZHES BYA BA'I TSIG GIS LAD CES PA DA LTAR GYI RKYEN GONG NA YOD LA, SME ZHES PA 'DAS PA'I RKYEN 'OG TU 'BYUNG NA YOD PA'I RKYEN GTZO BO YIN PA'I PHYIR 'DAS PA'I DON DU SBYAR RO, ,THUN MONG GI BZHUGS PA NI SKU GSUNG THUGS MNYAM PAR BZHAG NAS ZHES BYA BA'I DON TO, ,GZHAN DUN DGE SLONG GI DGE 'DUN DANG THABS CIG CES BYA BA'I MTSUNGS PA'I BZHUGS PAS LHAN CIG PA'I DON DU MI 'GYUR BA'I PHYIR RO, ,KHYAD PAR DU NI SANGS RGYAS KYI BZHUGS PA BZHI STE, SPYOD LAM GYIS BZHUGS PA DANG, 'CHAGS PAS BZHUGS PA DANG MNYAM PAR GZHAG PAS BZHUGS PA DANG; NANG DU YANG DAG PAR 'JOG GIS BZHUGS PA'O, ,DE LA SANGS RGYAS RNAMS KYI SKU'I PHRIN LAS THAMS CAD NI DANG PO'O, ,GSUNG GI PHRIN LAS THAMS CAD NI GNYIS PA'O, ,GANG RANG BZHIN GYIS MNYAM PAR GZHAG PA DANG, GANG TING NGE 'DZIN MNGON DU MDZAD PA'I YID LA BYED PA STE, DE GNYIS GSUM PA'O, ,GANG SANGS RGYAS KYI SPYAN GYIS SEMS CAN RNAMS LA GZIGS PA DANG, LHA RNAMS NYE BAR 'ONG BAR BYA PA'I YID LA BYED PA STE, DE GNYI GA YANG BZHI PA'O, ,GANG DU BZHUGS SHEN, RGYAL PO'I KHAMS CES BYA BA SMOS TE, RGYAL PO'I KHAB CES BYA BA NI MA GA DH'A'I GRONG KHYER NA RGYAL PO MANG POS BKUR BA'I PHO BRANG 'KHOR RO, ,DE'I PHYOGS GANG DU ZHE NA, BYA RGOD KYI PHUNG PO'I RI LA ZHES SMOS SO, ,DE CI'I PHYIR RGYAL PO'I KHAB TU STON ZHE NA, MDO SDE 'DI NI CHOS KYI RGYAL PO CHEN PO'I GNAS NYID DU MTSON PA'I PHYIR RO, ,CI'I PHYIR @5B BYA RGOD KYI PHUNG PO STON ZHE NA, NYAN PA RNAMS LA YANG 'DI RNAMS RTOGS PAR DKA' BA BSTAN PA'O, ,DGE SLONG GI DGE 'DUN CHEN PO DANG THABS CIG CES PA LA, CHEN PO NI GRANGS CHEN PO DANG, YON TAN CHEN PO NYID DO, ,NYON MONGS PAS SPANGS PA'I DGE SLONG DGRA BCOM PA DE NI 'DIR MI BZUNG STE, 'PHAGS PA KUN DGA' BO YANG BZUNG BAR THAL BAR 'GYUR BA'I PHYIR RO, ,DE BAS NA BSNYEN PAR RDZOGS PA'I DGE SLONG DE 'DIR BZUNG STE, DE YANG 'DIR RNAM PA GNYIS TE, GSOL BA DANG, BZHI'I LAS DANG, LNGA PA NI TSUR SHOG BYAS PA DANG, MA BYAS PA'O, ,BYAS PA NI DE BZHIN GSHEGS PAS DGE SLONG TSUR SHOG ,TSANGS PAR SPYOD CIG CES BYAS PA DANG, TSUR SHOG CES PA MA BYAS PAS DE BZHIN GSHEGS PAS DGONGS PA TZAM GYIS SKRA DANG KHA SPU RANG LHUNG BA DANG, LUS LA CHOS GOS GYON ZHING DBANG PO ZHI BA DANG, SPYOD LAM MDZES PA DANG LDAN PAR 'GYUR BA'O, ,DGE SLONG GI DGE 'DUN ZHES BYA BA LA DGE 'DUN NI TSOGS TE, DE JI LTAR DGE 'DUN YIN ZHE NA, MI PHYED PAS NA DGE 'DUN TE, GANG YANG, SANGS RGYAS CHOS DANG DGE 'DUN NI, ,BDUD RNAMS BYE BA BRGYA YIS KYANG, ,GANG PHYIR DBYE BAR MI NUS PAS, ,DE PHYIR DGE 'DUN ZHES BYA'O, ,THABS CIG CES BYA BA NI LHAN CIG PA'I DON TO, ,DE LA GRANGS CHEN PO NI STONG NYIS BRGYA LNGA BCU'I DGE SLONG GI DGE 'DUN TE, PHYED KYIS MA TSANG BA'I BRGYA PHRAG BCU GSUM MO, ,'DIR THAMS CAD KYANG ZHES BYA BA LA SOGS PA SMOS PA'I TSIG BCO LNGA PA NI YON TAN CHEN PO BSTAN PA STE, DGRA BCOM PA NYID NI NYON MONGS PA'I DGRA RNAMS BCOM PA DANG LDAN PAS NA DGRA BCOM PA'O, ,YANG NA MI SKYE ZHING YANG SKYE BA MED PAS NA DGRA BCOM PA'O, ,YANG NA DE BZHIN GSHEGS PA LA SGRUB PA'I MCHOD PA YANG DAG PAR MCHOD PAS MCHOD PAR BYED PAS NA DGRA BCOM PA'O, ,YANG NA LHA DANG MI RNAMS KYIS MCHOD PA DANG, SBYIN GNAS SU 'OS PAS NA DGRA BCOM PA'O, ,DE BAS NA MCHOD PAR 'OS PA DANG, SBYIN GNAS SU GYUR PA'I YON TAN GYIS ZAG PA ZAD SMOS TE, SKYE BA DANG, NYON MONGS PA'I DGE BA'I RTZA BA NI ZAG PA STE, @6A *, ,DE DAG NI 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA DANG, LTA BA'I ZAG PA DANG, RNAM PA BZHI PA'O, ,DE YANG GO RIMS CI LTA BA BZHIN DU 'DOD PA'I LNGA DANG, SRID PA'I GSUM DANG, MA RIG PA'I KUN BRTAGS PA DANG, LHAN CIG SKYES PA DANG LTA BA DRUG CU RTZA GNYIS TE, ZAG PA 'DI RNAMS ZAD PAS NA ZAG PA ZAD PA'O, ,DE YANG GO RIMS BZHIN DU TSUL KHRIMS DANG, TING NGE 'DZIN GYI PHUNG PO GNYIS DANG, RNAM PAR GROL BA'I PHUNG PO DANG, RNAM PAR GROL BA'I PHUNG PO DANG, RNAM PAR GROL BA'I YE SHES MTHONG BA'I PHUNG PO DANG, SHES RAB KYI PHUNG PO ZAG PA ZAD PA MNGON SUM DU BYED PA'O, ,YANG YANG DAG PA'I TING NGE 'DZIN DANG, ,ZAD LA MI SKYE BA'I YE SHES DANG, YANG DAG PA'I RNAM PAR GROL BA DANG, YANG DAG PA'I LTA BA'O, ,YANG 'DOD PA'I RGYU YONGS SU SHES PA DANG, PHUNG PO'I RGYU YONGS SU SHES PA DANG, 'DU BYED KYI RGYU YONGS SU SHES PA DANG, NYON MONGS PA'I RGYU YONGS SU SHES PA'O, ,YANG SDUG BSNGAL KUN 'BYUNG BA'I BDEN PA SPANG BA DANG, 'GOG PA'I BDEN PA MNGON SUM DU BYA BA DANG, LAM GYI BDEN PA BSGOM PA DANG, SDUG BSNGAL GYI BDEN PA YONGS SU SHES PA'O, ,DE BAS NA ZAG PA ZAD PA NYID KYIS RNAM PAR DAG PA'I YON TAN NI NYON MONGS PA MED PA ZHES BYA BA SMOS TE, KUN NAS NYON MONGS PA MED PA ZHES BYA BA'I DON TO, ,KUN NAS NYON MONGS PA MED PA NI BZHI STE, LAS KYI KUN NAS NYON MONGS PA DANG, RNAM PAR SMIN PA'I KUN NAS NYON MONGS PA DANG, NYON MONGS PA'I KUN NAS NYON MONGS PA MED PA DANG, SKYE BA'I KUN NAS NYON MONGS PA'O, ,GANG GIS KUN NAS NYON MONGS SHING SDUG BSNGAL BAR BYED PA DANG, GANG KUN NAS NYON MONGS PAR BYED PA DANG, GANG GIS KUN NAS NYON MONGS PAR BYED PA DANG, GANG KUN NAS NYON MONGS PA'O, ,DE LA MA RIG PA 'GAGS PAS 'DU BYED 'GAG PA NI LAS KYI KUN NAS NYON MONGS PA MED CES BSAM PA'O, ,'DU BYED 'GAGS PAS RNAM PAR SHES PA DANG, MING DANG GZUGS DANG, SKYE MCHED DRUG DANG, REG PA DANG, TSOR BA 'GAG PA NI RNAM PAR SMIN PA'I KUN NAS NYON MONGS PA MED PA ZHES BSAM PA'O, , @6B TSOR BA 'GAGS PAS SRED PA DANG, LEN PA DANG, SRED PA 'GAGS PA NI NYON MONGS PA'I KUN NAS NYON MONGS PA MED CES BSAM PA'O, ,SRID PA 'GAGS PAS SKYE BA DANG, RGA BA DANG, 'CHI BA 'GAG PA NI SKYE BA'I KUN NAS NYON MONGS PA MED CES BSAM PA'O, ,KUN NAS NYON MONGS PA NI SDUG BSNGAL TE, DE BAS NA NYON MONGS PA MED PAS SDUG BSNGAL MED PA'I YON TAN NI DBANG DU GYUR PA ZHES SMOS SO, ,RDZU 'PHRUL LA DBANG BA DANG, DBANG PO LA DBANG BA DANG, TING NGE 'DZIN LA DBANG BA DANG, SHES RAB LA DBANG BA'O, ,JI LTAR DE DAG LA DBANG BA YIN ZHE NA, GO RIMS JI LTA BA BZHIN DU SEMS CAN DANG SNOD KYI 'JIG RTEN DAG LA KHYAD PAR DU DBANG DU GYUR PA DANG, SPYOD PA LA DBANG THOB PAS 'JIG RTEN DGA' BA NYID KYIS DE DAG DBANG DU 'GYUR BA DANG, DE DAG GI SEMS DBANG DU GYUR PA NYID DANG, NYON MONGS PA DANG, LAS DANG RNAM PAR SMIN PA THAMS CAD BCAD PAS 'CHING BA LAS GROL BA BZHIN DU RANG LA DBANG THOB PA NYID DO, ,SEMS SHIN TU RNAM PAR GROL BA ZHES BYA BA NI SEMS RNAM PAR GROL BA'O, ,SHES RAB SHIN TU RNAM PAR GROL BA ZHES BYA BA NI SHES RAB RNAM PAR GROL BA'O, DE LA SRID PA'I PHYOGS KYI NYON MONGS PA SPANGS PAS TING NGE 'DZIN DANG SNYOMS PAR 'JUG PA THOB PA NI SEMS RNAM PAR GROL BA'O, ,MA RIG PA'I PHYOGS KYI NYON MONGS PA DANG, NYE BA'I NYON MONGS PA SPANGS PAS THOB PA DGRA BCOM PA THOB PA'I LAM GYI YE SHES NI SHES RAB RNAM PAR GROL BA'O, ,CANG SHES PA ZHES BYA BA NI 'JIGS PA MED PA STE, CANG SHES PA RNAM PA LNGA'O, ,'DI LTAR THOG 'BAB PA LA SOGS PA'I GNOD PA'I DOGS PA MED PAS KHYU MCHOG CANG SHES PA'O, ,'THAB MO'I 'JIGS PA MED PAS RTA CANG SHES DANG, GLANG PO CANG SHES PA'O, ,PHA ROL GYI GNOD PA'I 'JIGS PA MED PAS SENG GE CANG SHES SO, ,'CHI BA'I 'JIGS PA MED PAS DGRA BCOM PA CANG SHES SO, ,DE BZHIN DU 'DIR YANG 'JIGS PA'I BAG TSA BA BZHI STE, SDUG BSNGAL GYIS BAG TSA BA DANG, 'JIGS PAS BAG TSA BA DANG, 'JIGS RTEN GYI CHOS KYIS BAG TSA BA DANG, MI SHES @7A *, ,PAS BAG TSA BA'O, ,DE DAG MED PAS GO RIMS BZHIN DU BDE BA THOB PA DANG, MI SKRAG PA THOB PA DANG, MI 'JIGS PA THOB DANG,DBUGS DBYUNG BA THOB PA ZHES BRJOD DO, ,DE LA MYA NGAN DANG, SMRAS SNGAGS 'DON PA DANG, SDUG BSNGAL BA, DANG, YID MI BDE BA MED PAS SDUG BSNGAL GYIS BAG TSA BA MED DO, ,BDAG GIS SMAD PA DANG, GZHAN GYIS SMAD PA DANG, NGAN SONG DANG, 'TSO BA MED PA DANG, CHAD PA DANG, MYA NGAN DANG, 'CHI BA'I 'JIGS PA MED PAS 'JIGS PA'I BAG TSA BA MED DO, ,RNYED PA DANG, MA RNYED PA DANG, GRAGS PA DANG, MA GRAGS PA DANG, BSTOD PA DANG, SMAD PA DANG, BDE BA DANG, SDUG BSNGAL DAG GIS MA GOS PAS 'JIG RTEN GYI CHOS KYIS BAG TSA BA MED DO, ,MI SHES PA DANG, THE TSOM GYI SHES PA DANG, LOG PA'I SHES PA RNAM PA MED PAS MI SHES PA'I BAG TSA BA MED DO, ,DE BAS NA BAG TSA BA MED PA DANG BRAL BA'I PHYIR CANG SHES PA'O, ,GLANG PO CHEN PO ZHES BYA BA NI GTZO BO CHEN PO STE, KHA CIG NI GSUM RIG PA DANG, KHA CIG NI SO SO YANG DAG PAR RIG PA THOB PA, KHA CIG NI MNGON PAR SHES PA DRUG PA THOB PA, KHA CIG NI KUN SHES PA BRDA SPROD PA, KHA CIG NI GCIG PUR GNAS PA THOB PA STE, MTHAR THUG PA THUB PA'I CHOS RNYED PA'I PHYIR GLANG PO CHEN PO'O, ,BYA BA BYAS PA, BYED PA BYAS PA ZHES BYA BA NI RNAM PA THAMS CAD KYI SGRUB PA YONGS SU RDZOGS PA'O, ,DE'I PHYIR TSUL KHRIMS TING NGE 'DZIN DANG, SHES RAB YONGS SU RDZOGS PAS SDUG BSNGAL THAMS CAD LAS RNAM PAR THAR BA NI BYA BA STE NGES PAR BYA BA YIN PA'I PHYIR RO, ,'DOD PA CHUNG BAS 'TSO BA DANG, CHOG SHES PAS 'TSO BA DANG, SBYANGS PA'I YON TAN GYI MIG GIS 'TSO BA DANG, YANG DAG PAR MGU BAR BYED PAS 'TSO BA LA SOGS PA NI BYED PA STE, RANG DGAR SPYOD PA YIN PA'I PHYIR RO, ,DE GNYI GA YONGS SU RDZOGS PA NI BYA BA BYAS PA DANG BYED PA BYAS PA'O, ,KHUR BOR BA ZHES BYA BA LA KHUR NI BZHI STE, PHUNG PO'I KHUR DANG, NYON MONGS PA'I KHUR DANG, DAM BCA' BA'I KHUR DANG, BRTZON PA'I KHUR RO, ,YONGS SU DOR BA'I PHYIR DANG, RAB TU @7B SPANG BA'I PHYIR DANG, MTHAR PHYIN DANG, YONGS SU RDZOGS PAR BYA BA'I PHYIR, DE DAG GO RIMS BZHIN DU BOR BA STE, YONGS SU DOR BA DANG, SPANGS PA DANG, MTHAR PHYIN PA DANG, YONGS SU RDZOGS PA'O, ,DE YANG SDUG BSNGAL YONGS SU SHES PA DANG, KUN 'BYUNG PA SPANGS PA DANG, LAM BSGOMS PA DANG, 'GOG PA MNGON SUM DU BYAS PAS SO, ,DE BOR BAS PHUNG PO MED PA'I BDE BA DANG, RNAM PAR GROL BA'I BDE BA DANG, RDZOGS PA'I BYANG CHUB KYI BDE BA DANG, NYE BAR ZHI BA'I BDE BA THOB PA'O, ,DE BAS NA KHUR BOR BA NYID KYIS KHUR POR BA'I BDE BA THOB PA'I YON TAN BSTAN TO, ,BDAG GI DON RJES SU THOB PA ZHES BYA BA NI RANG GI DON THOB PA LA RNAM PA GNYIS TE, GNOD PA SPANGS PA DANG, DON THOB PA'O, ,DE LA DANG PO NI MA RIG PA SPANGS PAS NYON MONGS PA'I SGRIB PA THAMS CAD SPANGS PA'O, ,GANG YANG RIG PA BSKYOD PAS MYA NGAN LAS 'DAS PA THOB PA STE, DE NI GNYIS PA'O, ,SRID PAR KUN TU SBYOR BA YONGS SU ZAD PA ZHES BYA BA NI SRID PAR KUN TU SBYOR BA NI DGU STE, SKYES BU SRID PAR SBYOR BAR BYED PA DANG, SRID PAR 'CHING BAR BYED PA'I PHYIR LTA BA DANG, MCHOG TU 'DZIN PA DANG, THE TSOM DANG PHRAG DOG DANG, SER SNA DANG, KHONG KHRO DANG, NGA RGYAL DANG, MA RIG PA DANG, SRID PA'I 'DOD CHAGS SO, ,LTA BA LA SOGS PA YANG YIN KUN TU SBYOR BA YANG YIN PAS LTA BA LA SOGS PA KUN TU SBYOR RO, ,'DI DAG YONGS SU ZAD PA GANG YIN PA DE NI DE SKAD DU BRJOD DO, ,YONGS SU ZAD PA NI RAB TU NYAMS PA'O, ,DE LAS DANG PO GSUM NI ZAG PA MED PA'I YANG DAG PAR LTA BAS ZAD PA'O, ,BAR MA GSUM DANG DGU PA'I PHYOGS GCIG 'DOD PA'I KHAMS KYI PHYOGS NI ZAG PA MED PA'I TING NGE 'DZIN LA SNYOMS PAR 'JUG PAS ZAD PA'O, ,LHAG MA GSUM NI DGRA BCOM PA'I LAM GYI YE SHES KYIS ZAD PA'O, ,YANG DAG PA'I SHES PAS SEMS SHIN TU RNAM PAR GROL BA ZHES BYA BA LA YANG DAG PA'I SHES PA NI YANG DAG PA'I RTOG PA DES SEMS SHIN TU RNAM PAR GROL BA'O, ,YANG DAG PAR MOS PA STE GANG DU MOS SHE NA DKON MCHOG GSUM GYI YON TAN DANG, THEG PA GSUM DANG LDAN @8A *, ,PA STON PA DAG DANG, BDEN PA BZHI DANG, BYANG CHUB KYI PHYOGS KYI CHOS RNAMS LA'O, ,SEMS KYI DBANG THAMS CAD KYI DAM PA'I PHA ROL TU SON PA THOB PA ZHES BYA BA LA SEMS GANG GI TING NGE 'DZIN GYI DBANG SGYUR BA DE NI SEMS KYI DBANG STE, THAMS CAD KYANG YIN LA DE YANG YIN NO, ,DE DAG LA DAM PA'I PHA ROL NI MTHA'O, ,PHYIN PA NI 'GRO BA STE, AE MA ZHES BYA BA NI 'GRO BA'I DON YIN PA'I PHYIR RO, ,DAM PA'I MTHAR 'GRE BA'I PHYIR PHA ROL TU SON PA'O, ,DE JI LTAR THOB PA YIN ZHE NA, GANG DU 'DOD PA DANG, GANG GI TSE 'DOD PA DANG, JI SRID 'DOD PA DANG, LUGS DANG MTHUN PA DANG, LUGS LAS BZLOG PA ZHES BYA BA LA SOGS PAS MTHAR GYIS GNAS PA'I SNYOMS PAR 'JUG PA DGU LA SNYOMS PAR 'JUG PA DANG, GNAS PA DANG, LDANG BA DANG, 'GOGS PA LA DBANG BA'I PHYIR RO, ,THAMS CAD KYANG ZHES BSHAD PA DE LA 'PHAGS PA KUN DGA' BO YANG DE LTA BU'I YON TAN DANG LDAN NAM ZHE NA MA YIN TE, GANG ZAG GCIG MA GTOGS PA NI ZHES BYA BA LA SOGS PA SMOS SO, ,GCIG MA GTOGS PA ZHES BRJOD MOD CE NA, GANG ZAG SMOS PA NI DGE 'DUN BSDU BA'I PHYIR TE, 'PHAGS PA'I GANG ZAG BRGYAD LAS GANG YANG RUNG BA CIG YIN PA'I PHYIR RO, ,DE YANG RGYUN DU ZHUGS PA NYID KYIS MA GTOGS PA YIN TE, PHYI ROL DU BZHAG PA YIN NO, ,PHYIR BSTAN PA LA KHYAD PAR DU BSTAN PA'I DON NI 'DI LTA STE ZHES BYA BA'I TSIG GI PHRAD GNYIS SO, ,KHYAD PAR DU BSTAN PA NI KUN DGA' BO YIN NO, ,TSE DANG LDAN PA ZHES BYA BA'I KHYAD PAR NI DGA' BAR BYA BA'I PHYIR TE, 'JIG RTEN NI TSE 'DI 'DOD PA YIN NO, ,DE BAS DE DANG LDAN PA NI DGA' BA YIN NO, ,DE YAN CHAD NI NYAN THOS KYI DGE 'DUN BSTAN TE, RAB TU GRAGS PA'I 'KHOR YIN PA'I PHYIR RO, ,NGES PA'I 'KHOR YIN PA'I PHYIR TE RAB TU GRAGS PA DANG, RAB TU BYUNG BA YIN PA'I PHYIR DANG, NGES PAR SANGS RGYAS KYI NYE GNAS SU RTAG TU GNAS PA'I PHYIR RO, ,BYANG CHUB SEMS DPA' NI MA YIN TE, KHYIM PA YIN PA'I PHYIR DANG 'DI NAS KYANG PHYOGS BCU'I 'JIG RTEN GYI KHAMS DAG TU 'GRO @8B BA DANG DE NAS KYANG 'DIR 'ONGS PA'I PHYIR TE, DE BAS BYANG CHUB SEMS DPA'I DGE 'DUN 'DIR MDOR BSDUS PA'I DBANG DU BYAS PA YIN PA'I PHYIR MA SMOS PA STE, GANG GI PHYIR 'DI LTA STE, MDOR BSDUS TE BSTAN PA YANG BRGYAD STONG PA 'DI YIN TE, DE BAS NA GLENG GZHI'I GZHUNG 'DI YANG MDOR BSDUS TE BSTAN PA'I GLENG GZHI YIN NO, ,DE NI CHOS STON PA'I SKABS KYIS DE LA ZHES BYA BA LA SOGS PA SMOS TE, DE LA ZHES BYA BA NI YOD PA'I BDUN PA'O, ,DER ZHUGS NAS YOD PA'I ZHES BYA BA'I DON TO, ,YANG NA BZHI'I DON TE, 'DIR DGE 'DUN GYI NANG DU GTOGS PA ZHES BYA BA'I DON TO, ,YANG NA NGES PAR GZUNG BA YIN TE, DGE SLONG DE DAG LAS ZHES BYA BA'I DON TO, ,DGE SLONG GI TSOGS LAS PHYOGS GCIG GI MING NGES PAR BZUNG BA STE, RAB 'BYOR ZHES BYA BA YIN NO, ,DE YANG JI LTAR G-YUL DU 'JUG PA'I NGAN NAS 'JIGS TE KHYER LA SHOG CES BYA BA LTA BU'O, ,TSE DANG LDAN PA CES BYA BA NI SNGA MA BZHIN NO, ,GNAS BRTAN ZHES SMOS PA NI MCHOD PA'I DON TE GLANG PO CHEN PO YIN PA'I PHYIR RO, ,DE YANG DGRA BCOM PA NYID YOD NA NYON MONGS PA MED PA LA GNAS PA'I MCHOG YIN PA'I PHYIR RO, , BKA' STZAL TE ZHES BYA BA NI RAB TU SBYAR BA'I PHYIR RO, ,JI LTAR ZHE NA, SPOBS PAR GYIS SHIG ,CES BYA BA LA SOGS PA GSUNGS TE, RAB 'BYOR ZHES BYA BA NI BOD PA'I TSIG GO, ,DE NYID LA GSOL BA GDAB PA'I PHYIR, SPOBS PAR GYIS SHIG CES BYA BA NI KHYED KYI BLO MNGON DU PHYOGS PAR GYIS SHIG PA YIN NO, ,GAL TE YANG BLA MA LA GSOL BA GDAB CING SLOB MA LA MA YIN PA DE LTA MOD KYIS, GSOL BA GDAB PA DE NI CHOS LA GUS PA BYA BA NYID DE, DE LTAR YANG GNAS BRTAN RAB 'BYOR NI SHES RAB KYI PHA ROL TU PHYIN PA LA BYA BA BYAS PAR GNAS PA YIN NO; ,ZHES 'CHAD PAR 'GYUR BAS SO, ,GANG GIS DBANG DU BYAS SHE NA, GSUNGS PA SHES RAB KYI PHA RAL TU PHYIN PA LAS BRTZAMS TE, ZHES GSUNGS TE, SHES RAB KYI PHA ROL TU PHYIN PA'I 'BRAS BU YIN PA'I PHYIR SHES RAB KYI PHA ROL TU PHYIN PA STE, CHOS KYI SKU @9A *, ,MDZAD PA DANG BCAS PA'O, ,DE LAS BTZAMS PA NI SKYES BU DAM PA'I DON GYI PHYIR TE, THABS LAS BYUNG BA NYID YIN PAS DE BSTAN ZHES BYA BA'I DON TO, ,GANG GI PHYIR SPOBS PAR BYED CE NA, BYANG CHUB SEMS DPA' SEMS DPA' CHEN PO RNAMS ZHES GSUNGS TE, DE RNAMS KYI DON ZHES BYA BA'I DON TE, ,GANG GI PHYIR DE'I DON GYI PHYIR RGYU MTSAN DANG, RGYU MTSAN CAN GYI 'BREL BA STE, DE BAS 'BREL BA TZAM SMRA BAR 'DOD PA'I DRUG PO KHYAD PAR BRJOD PAR 'DOD PA NI BZHI BAR 'GYUR RO, ,DE NAS GANG GI BDAG NYID DU SPOBS PAR BYA ZHE NA, GSUNGS PA, CI NAS ZHES BYA BA LA SOGS PA STE, CI NAS ZHES BYA BA NI BAR DU'O, ,THOB PA DANG BSAM PA DANG BSGOM PA'I RANG BZHIN GYI SHES RAB KYI PHA ROL PHYIN PA THAMS CAD MKHYEN PA NYID RNAM PA GSUM YIN TE, GANG GI PHYIR DE NI LAM YIN TE, LAM YANG 'GRO BA'I GZHI STE, NGES PAR 'BYUNG BA DANG BA DANG MA LUS PA 'GRO BAR GYIS SHIG PA'O, ,'GRO BA DES CIR 'GYUR ZHE NA, SBYOR BA DANG, SBYOR BA'I RAB DANG, SBYOR BA'I GO RIMS DANG, SBYOR BA'I MTHA'O, ,DE DAG LUS PA MED PAR GYIS SHIG PA'O, ,DE LTAR TSIG GNYIS PI DE NI MNGON PAR RTOGS PA BRGYAD RAB TU STON CIG PA'I, ,GANG NGES PAR 'BYUNG BAR 'GYUR ZHE NA, BYANG CHUB SEMS DPA' SEMS DPA' CHEN PO ZHES GSUNGS SO, ,BYANG CHUB TU SEMS BSKYED PA NYID CES BYA BA'I DON TO, ,DE'I PHYIR BSTAN BCOS LAS, SEMS BSKYED PA DANG GDAMS NGAG DANG, ,NGES 'BYED YAN LAG RNAM BZHI DANG, ,SGRUB PA YI NI RTEN GYUR PA, ,CHOS KYI DBYINGS KYI RANG BZHIN DANG, ,DMIGS PA DAG DANG CHED DANG NI, ,GO CHA 'JUG PA'I BYA BA DANG, ,TSOGS NI NGES PAR 'BYUNG BCAS RNAMS, ,THUB PA'I RNAM KUN MKHYEN PA NYID, ,THUB PA NI DE BZHIN GSHEGS PA STE, RNAM PA THAMS CAD MKHYEN PA NYID DO, ,DE NYID KYIS DE MNGON SUM DU MDZAD PA'I PHYIR LE'U DANG PO 'DIR BRJOD PAR BYA STE, DE YANG DNGOS PO BCU STE, SEMS BSKYED PA DANG, GDAMS NGAG DANG, NGES PAR 'BYED PA'I CHA DANG, SGRUB PA'I RTEN DANG, DMIGS PA DANG, @9B CHED DU BYA BA DANG SGRUB PA'O, SGRUB PA YANG GANG BYA BA'I DNGOS PO SHES PA'O, ,DE YANG RNAM PA BZHI STE, GANG GI PHYIR DE NI GO CHA DANG 'JUG PA NI BYA BA GNYIS SO, ,TSOGS DANG NGES PAR 'BYUNG BA DANG BCAS PA NI GZHAN GNYIS SO, ,DE BAS NA BCOM LDAN 'DAS KYIS DANG PO'I TSIG GNYIS PO 'DIS SEMS BSKYED PA GSUNGS SO, ,BYANG CHUB NI YANG DAG PAR RDZOGS PA'I BYANG CHUB KHYAD PAR DU GYUR PA DE LA 'DIS SEMS PA DANG, BSAM PA DANG 'DOD PA NI BYANG CHUB PA'O, ,SEMS CAN THAMS CAD KYI MCHOG TU BYED PAR 'DOD PA GANG YIN PA DE NI CHEN PO STE, SEMS CAN CHEN PO NI 'DIR SEMS DPA' CHEN PA'O, ,DE LTAR YANG BSTAN BCOS LAS, SEMS BSKYED PA NI GZHAN DAN PHYIR, ,YANG DAG RDZOGS PA'I BYANG CHUB 'DOD, ,SEMS BSKYED PA ZHES BYA BA NI MTSAN GZHI'O, ,LHAG MA NI MTSAN NYID DO, ,SEMS NI YANG DAG PAR 'DOD CING DE LTA NA 'GRO BAR 'DOD CES SMRA BA LTA BU STE, NGA 'GRO BAR 'DOD CES SEMS PA YIN NO, ,DE'I BSKYED PA NI SEMS BSKYED PA'O, ,MNGON PAR 'DOD PA DANG BSKYED PA NI THA MI DAD PA'I PHYIR BSKYED PA SMOS PA NI KHYAD PAR YONGS SU GZUNG BA'I DON TO, ,GZHAN GYI DON GYI CHED DU YANG DAG PAR RDZOGS PA'I SNGAS RGYAS LA DMIGS PA SEMS BSKYED PA NI SEMS BSKYED PA STE, DE BAS NA 'DI NI MTSAN NYID DO, ,GZHAN GYI DBANG DU BSTAN PA NI GZHAN GYI DON GYI CHED DU YANG DAG PAR RDZOGS PA'I BYANG CHUB 'DOD PA'O, ,'DI LA YANG DAG PAR RDZOGS PA'I BYANG CHUB 'DOD PA 'DI NI 'BRU MANG PO PA STE, DE'I DNGOS PO NI DE NYID DO, ,DE NI 'DIR SEMS BSKYED PA STE, BCOM LDAN 'DAS KYIS 'DIR BCU LAS DANG PO'I NGO BO NYID DU GSUNGS TE, DE TZAM GYIS DBANG DU BYAS NAS THOB PA'I PHYIR RO, DBYE BA NI MA GSUNGS KYANG GNAS SKABS KYIS YOD PA THOB PA'I PHIR RO, ,DE YANG SHES RAB KYI PHA ROL TU PHYIN PA CHEN LAS GSUNGS TE, DE'I PHYIR BSTAN BCOS LAS, DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, , RDO RJE RI SMAN BSHES GNYEN DANG, YID BZHIN @10A *, , NOR BU NYI MA GLU, , RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA BRNYAN CHU BO SPRIN RNAMS KYIS, ,RNAM PA NI SHU RTZA GNYIS SO, ,DE YANG SEMS BSKYED PA RNAM PA NI SHU RTZA PO'I DBYE BA YANG GANG ZHE NA, DPE NI SA GSER ZLA BA LA SOGS PA STE, SA GSER ZLA BA LA SOGS PA DANG CHOS MTHUN PA'I PHYIR SA GSER ZLA BA LA SOGS PA'O, ,KHA CIG TU SPYI'I SGRA YANG KHYAD PAR DU RTOGS PAR 'GYUR TE, SEMS BSKYED PA DANG PO SA DANG 'DRA BA NI BYANG CHUB LA 'DUN PA'I MTSAN NYID SKYES PAR GYUR PA SA DANG 'DRA BA STE, SNGAS RGYAS KYI CHOS THAMS CAD DANG, DE'I TSOGS RAB TU BSKYED CING GNAS PA'I PHYIR RO, ,BSAM PA DANG 'DRA BA'I GSER BZANG PO NI GSER DANG 'DRA BA STE, 'GYUR BA MED PA STON PA'I PHYIR RO, ,SBYOR BA DANG LDAN PA NI ZLA BA STE YAR NGO'I ZLA BA TSES PA DANG 'DRA ZHING DGE BA'I RTZA BA RNAMS SKYE ZHING 'PHEL BA RNYED PA'I PHYIR RO, ,KHYAD PAR RTOGS PA'I BSAM PA NI LHAG PA'I BSAM PA YIN TE, DE DANG LDAN PA NI ME STE, ME DANG 'DRA ZHING DES DE KHYAD PAR DU 'GRO BA'I PHYIR BUD SHING GI KHYAD PAR DANG PHRAD PA'I ME BZHIN NO, ,SBYIN PA'I PHA ROL TU PHYIN PA DANG LDAN PA NI GTER TE, GTER CHEN PO DANG 'DRA STE, ZANG ZING GI LONGS SPYOD KYIS SEMS CAN DPAG TU MED PA YANG DAG PAR TSIM PAR BYED PA DANG MI ZAD PA'I PHYIR RO, ,TSUL KHRIMS KYI PHA ROL TU PHYIN PA DANG LDAN PA RIN PO CHE'I 'BYUNG GNAS TE, DE DANG 'DRA BAR YON TAN RIN PO CHE THAMS CAD DE LAS 'BYUNG PA'I PHYIR RO, ,RIN PO CHE'I 'BYUNG GNAS NI RIN PO CHE SKYE BA LA SOGS PA'O, ,BZOD PA'I PHA ROL TU PHYIN PA DANG LDAN PA NI MTSO STE, RGYA MTSO DANG 'DRA BAR MI 'DOD PA 'BAB PA THAMS CAD KYIS MI 'KHRUG PA'I PHYIR RO, ,BRTZON 'GRUS KYI PHA ROL TU PHYIN PA DANG LDAN PA NI RDO RJE STE, RDO RJE DANG 'DRA BAR SRA BA DANG MI PHYID PA'I PHYIR RO, ,BSAM GTAN GYI PHA ROL DU PHYIN PA DANG PA NI RI BO YIN TE, RI DANG 'DRA BA NI MI GYO BA DANG MI 'GUL BA'I PHYIR RO, ,SHES RAB KYI PHA ROL TU PHYIN PA DANG LDAN PA NI SMAN GYI RGYAL PO DANG 'DRA BAR SGRIB PA THAMS CAD RAB TU ZAD PAR BYED @10B PA'I PHYIR RO, ,BYAMS PA DANG SNYING RJE DANG DGA' BA DANG BTANG SNYOMS TSAD MED PA DAG DANG LDAN PA NI BSHES GYEN YIN TE, BSHES GNYEN CHEN PO DANG 'DRA BAR GNAS SKABS THAMS CAD DU 'BREL PA BTANG SNYOMS SU MI BYED PA'I PHYIR RO, ,MNGON PAR SHES PA DANG LDAN PA NI NOR BU YIN TE, DE DANG 'DRA BA NI JI LTAR MOS PA DE BZHIN DU 'BRAS BU 'BYOR PAS SO, ,SBYIN PA DANG SNYAN PAR SMRA BA DANG DON SPYOD PA DANG DON MTHUN PA NI BSDU BA'I DNGOS PO STE, DE DANG LDAN PA NI NYI MA YIN TE, NYI MA DANG 'DRA STE, GDUL BYA'I LO TOG YONGS SU SMIN PA'I PHYIR RO, ,CHOS DANG DON DANG, NGES PA'I TSIG DANG, SPOBS PA RNAMS SO SOR RIG PA DE DANG LDAN PA NI GLU YIN TE, DRI ZA DBYANGS SNYAN PA DANG 'DRA BA STE, GDUL BYA LA CHOS STON PAS MGU BAR BYED PA'I PHYIR RO, ,DON LA RTON CING TSIG 'BRU LEGS PAR SBYAR PA LA SOGS PA NI MA YIN NO, ,CHOS KYI RIG PA DE NI RJES SU 'BRANG BAR BYA'I GNAS BRTAN LA SOGS PA'I GANG ZAG NI MA YIN NO, ,BSGOMS PA LAS BYUNG BA'I SHES RAB KYI YE SHES DE LA RJES SU 'BRANG BAR BYA'I RNAM PAR SHES RAB LA NI MA YIN NO, ,SANGS RGYAS BCOM LDAN 'DAS MCHOG TU TSAD MAR GYUR PA DES BSTAN PA NGES PA'I DON GYI MDO SDE GANG YIN PA DE LA STON PAR BYA'I DRANG BA'I DON DON GYI MDO SDE LA NI MA YIN TE, DE DANG LDAN PA NI RGYAL PO STE RNAM PAR NYAMS PA MED PA'I RGYU YIN PA'I PHYIR RO, ,BSOD NAMS DANG YI SHES KYI TSOGS DANG LDAN BA NI MDZOD YIN TE, BANG MDZOD DANG 'DRA BA STE, BSOD NAMS DANG YE SHES KYI TSOGS MANG PO'I MDZOD KYI GNAS YIN PA'I PHYIR RO, ,BYANG CHUB KYI PHYOGS KYI CHOS SUM CU RTZA BDUN DE DANG LDAN PA NI LAM PO CHE YIN TE, RGYAL PO'I LAM DANG 'DRA BA STE, 'PHAGS PA'I GANG ZAG THAMS CAD DANG RJES SU GSHEGS PA NYID KYI PHYIR RO, ,ZHI GNAS DANG LHAG MTHONG DANG LDAN PA NI BZHON PA YIN ZHING BZHON PA DANG 'DRA STE, BDE BAR 'GRO BA'I PHYIR RO, ,GZUNGS DANG SPOBS PA DANG LDAN PA NI BKOD MA'I CHU YIN TE, BKOD MA'I CHU DANG 'DRA BA STE, CHU 'DZIN PA DANG, MI ZAD PA'I CHU MIG DANG CHOS MTHUN PAS, THOS PA DANG MA THOS PA'I @11A *, ,CHOS KYI DON 'DZIN PA DANG, MI ZAD PA'I CHU MIG DANG 'DRA BA'I PHYIR RO, ,'DU BYED THAMS CAD MI RTAG PA DANG, ZAG PA DANG BCAS PA THAMS CAD SDUG BSNGAL BA DANG, CHOS THAMS CAD BDAG MED PA DANG, MYA NGAN LAS 'DAS PA ZHI BA STE, CHOS KYI MDO BZHI PO DE DAG DANG LDAN PA NI SNYAN PAR SMRA BA STE, SNYAN PAR SMRA BA'I SGRA DANG 'DRA ZHING GDUL BYA THAR PA 'DOD PA RNAMS KYIS THOS PA NA DGA' BA'I PHYIR RO, ,MI SKYE BA'I CHOS LA BZOD PA THOB PA'I BYANG CHUB SEMS DPA' NI THA DAD PA MED PA'I BYA BA BYED PA'I PHYIR BGROD PA GCIG PA'I LAM YIN TE, DE DANG LDAN PA NI CHU BO YIN LA, CHU BO'I RGYUN DANG 'DRA BA STE, RANG GI NGANG GIS 'BAB PA'I PHYIR RO, ,DGA' LDAN GYI GNAS SU SKYE BA LA SOGS PA'I BSTAN PA'I THABS LA MKHAS PA DE DANG LDAN PA NI SPRIN YIN TE, SPRIN DANG 'DRA ZHING SEMS CAN THAMS CAD KYI DON BGYI BA DE LAS 'JUG PAS SO,, SPRIN LA SOGS PA NI SNOD KYI 'JIG RTEN GYI PHUN SUM TSOGS PA'O, ,'DIR 'PHAGS PA BLO GROS MI ZAD PA'I MDO LAS SHES PAR BYED PA YIN TE, 'DI LTAR BCOM LDAN 'DAS MA CHEN MO GNYIS LAS SEMS BSKYED PA NYI SHU RTZA GNYIS BRJOD PA YIN TE, DE LA DANG PO NI 'DUN PA'I MTSAN NYID KYI KHYAD PAR RO, ,LHAG MA NI DE'I GROGS KYI KHYAD PAR RO, ,DE NYID SBYOR BA DANG BSAM PA LA SOGS PA DANG LHAN CIG PA YIN PA'I PHYIR RO, ,'PHAGS PA BLO GROS MI ZAD PA'I MDO LAS, THAMS CAD KYANG GO RIMS BZHIN DU MI ZAD PA BRGYAD BCUR BRJOD DE DANG PO NI SEMS SKYED PA NYID DO; ,LHAG MA NI DE'I GROGS TE, SBYOR BA DANG BSAM PA LA SOGS PA SNA TSOGS PA'O, ,DANG PO'I SEMS SKYED PA NI GZHI MI ZAD PA STE, SBYOR BA MI ZAD PA NAS THABS LA MKHAS PA MI ZAD PA'I BAR DU'O, ,DE LTA MOD KYI JI LTAR BRGYAD CUR BYA BA YIN ZHE NA, SEMS BSKYED PA BCU PA GNYIS PA'I DBYE BAS LHAN CIG TU BYAS NAS DRUG CU RTZA BRGYAD DU BYA'O, ,BCU DANG LHAN CIG TSAD MED DANG, ,MNGON SHES BSDU DNGOS SO SOR RIG ,STON ZUNG PHYOGS DANG GNYIS GNYIS DANG, ,CHOS MDO BGROD DANG LHAN CIG TU, ,RTZA GNYIS SEMS BSKYED BCU PA NI, ,GNYIS PA'I DBYE BAS MI ZAD PA,, @11B PHYOGS DANG LNGA DANG BZHI DANG NI, ,GNYIS GNYIS GSUM DANG SEMS BSKYED DAG ,DE LTAR BCOM LDAN 'DAS KYIS GNAS BRTAN LA GSOL BA BTAB NAS DE NYID KYIS 'DIR SNGON GYI STON PAS NI MA YIN NO ZHES GANG DAG RTOG PAR 'GYUR BA LA, DE BSAL BA'I PHYIR SDUD PA POS SHES RAB CAN GYI MCHOG SH'A RI'I BU RNAM PAR RTOG PA BSKYED PA SMRAS SO, ,MA SHA RI ZHES BYA BA YIN PA DANG RIGS SHA RA DVA TI YIN PAS NA SH'A RI'I BU DANG SHA RA DVA TI'I BU ZHES 'DI'I MING RNAM PA GNYIS SU BYAS SO, ,'DI SNYAM DU SEMS TE ZHES BYA BA NI BRJOD PAR 'GYUR BA'I RNAM PAR RTOG PA'O, ,DE NYID CI TSE DANG LDAN PA ZHES BYA BAS SMRAS SO, ,BDAG NYID ZHES BYA BA NI BDAG NYID LA YOD PA'O, ,RANG GI ZHES BYA BA NI RANG LA RAG LAS PA'O, ,SHES RAB DANG SPOBS PA NI SHES RAB KYI SPOBS PA'O, ,DE NYID KYI STOBS NI RANG BZHIN GYIS DE'I STOBS KYIS DE'I BAG CHAGS SU BRJOD DO, ,DE BSKYED PA NI SNGON BSKYED PA'O, ,DE NYID BYIN GYIS BRLABS PA NI RAB TU SAD PA'O, ,'ON TE ZHES BYA BA NI CI ZHIG YIN ZHES BYA BA'O, ,SANGS RGYAS KYI MTHUS ZHES BYA BA NI BYIN GYIS BRLABS NAS SANGS RGYAS KYI MTHUS SO, ,DE NAS SANGS RGYAS KYI ZHES BYA BA LA SOGS PA NI RAB 'BYOR GYI LAN STON PA YIN NO, ,KUN TU TSOL BA'I YID KYI BRJOD PA NI RTOG PA'O, ,SEMS NYID LA GNAS SHING MI STON PA DE NYID NI YONGS SU RTOG PA'O, ,DE BAS NA SEMS KYI RTOG PA YONGS SU SHES PA NI KUN TU SHES PA'O, ,SEMS KYIS ZHES BYA BA NI SEMS KYIS RNAM GRANGS SHES PA'I MNGON PAR SHES PAS YIN GYI TSIG GIS NI MA YIN NO, ,'DI SKAD CES BYA BA NI MNGON PAR BRJOD PAR 'GYUR BA'I LAN NO, ,SMRA BA ZHES BYA BA LA SOGS PA'I TSIG DRUG STE, ,DE LA DANG PO'I GSUM GYIS NI MDO LA SOGS PA'I TSIG BRJOD DO, ,SMRA BA NI BCOM LDAN 'DAS KYI 'KHOR RNAMS LA MDO LA SOGS PA SMRA BA'O, ,STON PA NI DE NYID DU SRID PA LA SOGS PA SMRA BA'O, ,LUNG 'BOGS PA NI PHYOGS DAG TU NYE BAR SONG NAS GDUL BYA DE DAG LA SMRA BA'O, ,DE LTAR GANG DANG GANG NYID KYI DNGOS PO BCOM LDAN 'DAS KYI 'KHOR LA BRJOD PA NI BCOM LDAN 'DAS KYI 'KHOR LA BSTAN @12A *, ,PA'O, ,'CHAD PA NI DE NYID DU GZHAN DAG LA BSTAN PA'O, ,YANG DAG PAR RAB TU STON PA NI KUN TU SONG NAS RANG NYID 'CHAD PA'O, ,SMRA BA LA SOGS PA DE DAG THAMS CAD NI DE BZHIN GSHEGS PA'I SKYES BU BYED PA DES BYIN GYIS BRLABS PA 'AM MTHU YIN PA'I PHYIR NYAN THOS KYIS NI MA YIN TE, RANG DBANG MED PAS SO, ,'DI NYID DU RGYU BSHAD PAR 'DOD NAS, RANG NYID 'DRI BAR BYED PA NI, DE CI'I PHYIR ZHE NA, ZHES RGYU SMRAS SO, ,CHOS GANG ZHES BYA BA LA SOGS PA SMOS PA LA, ,CHOS GANG ZHES BYA BA NI NYAN THOS KYI THEG PA PA DANG, THEG PA CHEN PO'O, ,BSLABS NAS ZHES BYA BA NI THOS PA DANG, BSAMS PA DANG, BSGOMS PA DAG GIS SO, ,DE ZHES BYA BA NI NYAN THOS SO, ,CHOS NYID CES BYA BA NI JI LTAR THOS PA'O, ,MNGON SUM DU BYAS NAS ZHES BYA BA NI NYAN THOS KYI THEG PA'O, ,'DZIN TO ZHES BYA BA NI THEG PA CHEN PO'O, ,SHES RAB RNAM PA GSUM GYIS SHIN TU RNAM PAR DRAN PA'I SA BON BSKYED PA'I PHYIR RO, ,CHOS NYID NI JI LTAR THOS PA STE, DE BZHIN GSHEGS PA'I CHOS STON PA NYID CES BYA BA NI JI LTAR THOS PA DANG 'DRA BA NI RGYU MTHUN PA STE, CHOS NYID JI LTAR THOS PA'O, ,CHOS NYID CES BYA BA NI RANG GIS BSTAN PA DANG, DE BZHIN GSHEGS PAS BSTAN PA'I RGYU MTHUN PA STE, ,SKYES BU'I BYED PAR BSTAN TO, ,MI 'GAL ZHES BYA BA NI NYAN THOS KYI BDAG NYID CHEN PO DANG GNYIS KYIS SH'A RI'I BU'I RNAM PAR RTOG PA DANG, ,GANG DAG GANG GIS DOGS PA BSAL TO, ,'DI YAN CHAD KUN GYIS CI ZHIG BSTAN CE NA, RNAM PA THAMS CAD KYI THAMS CAD DU CHOS THAMS CAD DON DAM PAR GZIGS PA, BCOM LDAN 'DAS MCHOG TU TSAD MA YIN PAR BSTAN TE, GANG GI SLOB MA 'DI LTA BU'I YON TAN DANG LDAN PA NI DES RTAG TU BYIN GYIS BRLABS PA NYID DE, DES BYIN GYIS BRLABS PA'I PHYIR 'DI LTA BU'I CHOS KYANG YANG DAG PAR SMRA BA YIN TE, GANG GI PHYIR GANG DES BCOM LDAN 'DAS NYID DAM, NYAN THOS KYIS BSTAN KYANG DE THAMS CAD NI DE BZHIN TE, DE BZHIN DU MA YIN NO, ,DE NAS GDAMS NGAG GI SKABS LA BABS NAS, GNAS BRTAN RAB 'BYOR GYIS @12B JI SKAD BSHAD PA BZHIN SDUD PA POS, DE NAS SANGS RGYAS ZHES BYA BA LA SOGS PA SMRAS SO, ,BYANG CHUB SEMS DPA' SEMS DPA' ZHES BYA BA'I TSIG GNYIS NI DE DANG DE YIN ZHES RTOGS PAR BYED PA STE, DPER NA 'JIGS PA 'JIGS PA ZHES BYA BA GANG 'JIGS PA YIN ZHES BYA BA LTA BU'O, ,TSIG BLA DVAGS NI MING NGO, ,CHOS NI DNGOS PO'O, ,GANG GIS ZHES BYA BA NI GANG GI YANG DNGOS PO BDAG MA YIN TE,GTAN DU MED PA YIN NO ZHES BSAMS SO, ,NANG GI GZUGS YOD DE, DE NYID BYANG CHUB SEMS DPA' YIN NO ZHE NA, BDAG GIS YANG DAG PAR RJES SU MA MTHONG NGO ZHES BYA BA LA SOGS PA SMOS TE, CHOS DE NI NANG GI PHUNG PO LA SOGS PA'O, ,DE LA RE ZHIG GZUGS CAN DE DAG NI GCIG DANG DU MA'I RANG BZHIN DANG BRAL BA'I PHYIR DANG, ,GZUGS CAN DANG GZUGS CAN MA YIN PA NI GZUNG BA DANG, ,'DZIN PA'I KHYAD PAR YIN NA GZUNG BA NI MED DE SHES PA LAS THA DAD PA YOD PA NI MED PA'I PHYIR RO, ,'DZIN PA YANG MED DE GZUNG BA MED NA DE YANG MED PAS SO, ,CHOS DE YANG ZHES BYA BA SMOS PA LA, DE'I PHYIR BYANG CHUB SEMS DPA' MI DMIGS PA DANG, GANG ZAG LA BDAG MED PA'I YE SHES DE GNYIS KA SHES RAB KYI PHA ROL TU PHYIN PA NYID DE, DE YANG GAL TE NYE BAR DMIGS NA NI GZUNG BAR 'GYUR LA, DMIGS PAR BYED PA YANG 'DZIN PAR 'GYUR LA, SHES RAB KYI PHA ROL TU PHYIN PA NI GNYIS NYID DU MED DE, DE BAS NA GZUGS CAN DU MI DMIGS KYI, RANG GI NGO BO NYID KHO NAR RANG GSAL BA YIN TE, DE NYID DE'I GSAL BA YANG DAG PAR RIGS PA ZHES BRJOD DO, ,GANG DE'I GSAL BZHIN PA NA GANG ZAG DANG, ,CHOS KYI BAG CHAGS SNGON BSGOMS PA GANG YOD PA DE LA NGES PAR BRTAGS SHING SPANGS PA NA SNANG BA MED PA NI GZUGS MED PA'I SNYOMS PAR 'JUG PA BZHIN NO,, DE LA DE DAG MI DMIGS PA NI BDAG MED PA'I YE SHES YIN TE, DPER NA PHYOGS MTHONG BA NI GANG DE LA SKUD PA DANG BUM PA MI SNANG BA'I SHES PA SKYES NA DE MA MTHONG BA'I NI MI SNANG BA MTHONG BA BZHIN NO, ,'DI LTA BU'I SHES RAB KYI PHA ROL TU PHYIN PA 'GA' ZHIG GCIG TU DBEN PAR @13A *, ,SONG STE, LUNG GI DON DPYOD PAR BYED PA SKYE BA DE NI THOS PA LAS BYUNG BA'I SHES RAB BO, ,'ON KYANG GANG ZHIG THE TZOM DU GYUR NA RJES SU DPAG PA LA SOGS PA'I STOBS KYIS BSKYED PA DE NI RIGS PA BSAMS PA LAS BYUNG BA'I SHES RAB BO, ,DE GNYIS KYI THE TSOM RTZA BA NAS BCAD DE 'BAD PAS TING NGE 'DZIN THOB PA DE NI BSGOMS PA LAS BYUNG BA'I SHES RAB TU 'GYUR RO, ,DE LAS DANG PO'I GNYIS BSTAN PAR BYA BA'I PHYIR, DE BDAG GIS ZHES BYA BA LA SOGS PA SMOS SO, ,BYANG CHUB SEMS DPA'I CHOS ZHES BYA BA NI NANG GI PHUNG PO LA SOGS PA'O, ,MA 'TSAL ZHES BYA BA NI MA DMIGS PA'O, ,TSAD MAS GNOD PA YIN PA'I PHYIR RI BONG GI RVA BZHIN NO ZHES BSAMS SO, ,DE NYID LA GNAS PA BSTAN PA NI MI DMIGS PA YANG DAG PAR RJES SU MA MTHONG ZHES BYA BA LA, MI DMIGS ZHES BYA BA NI YID CHES PA'I LUNG LAS SKYES PA DES MI DMIGS SHING GNOD PA YIN NO, ,YANG DAG PAR RJES SU MA MTHONG ZHES BYA BA NI MI SLU BA DANG MKHAS PA'I SKYE BO DANG THUN MONG YIN PA'I PHYIR DANG, LTA BA'I RJES SU 'GRO BA'I RJES SU DPAG PA'I GNOD PAS YANG DAG PAR RJES SU MA MTHONG NGO, ,SHES RAB KYI PHA ROL TU PHYIN PA YANG ZHES BYA BA NI 'DZIN PA BKAG CING MED DE DE'I GZUNG BA MED PA'I PHYIR RO, ,DE NYID DGAG PA MED DE GSAL BA YANG DAG PAR DE NYID LA GSAL BA MED PA'I GNOD PAS SO, ,GANG ZHIG CES BYA BA NI GANG YANG MED PA STE, TSAD MAS GNOD PA'I PHYIR RO, ,GANG LA ZHES BYA BA NI GANG YANG MED PA'O, ,DE LA YOD PA NYID NI GTZO BO MA YIN PA'I PHYIR RO, ,RTOG PA'I PHYIR SMRA BA NI GDAMS PA'O, ,RJES SU SBYAR BA'I PHYIR BSTAN PA NI RJES SU BSTAN PA'O, ,'DIR MA DMIGS ZHES BYA BAS NI THOS PA LAS BYUNG BA'I SHES RAB BSTAN TO, ,YANG DAG PAR RJES SU MA MTHONG ZHES BYA BAS NI RIGS PAS BSAMS PA LAS BYUNG BA'I SHES RAB BSTAN TO, ,RIGS PA NI SNGAR BSTAN TO, ,SHING RTA CHEN PO DAG GIS KYANG DE DANG DE DAG TU RGYA CHER BSTAN TO, ,DE'I 'OG TU BSGOMS PA LAS BYUNG BA'I SHES RAB BRJOD PAR BYA STE, DE YANG RNAM PA DGUR SGRUB PA NI ZHI GNAS YIN, @13B DE DANG LHAN CIG SPYOD PA LHAG MTHONG NGO, ,ZHI GNAS DE YANG GANG ZHE NA, JI SKAD DU BCOM LDAN 'DAS KYIS GSUNGS PA, JI LTAR BYANG CHUB SEMS DPA'I DE'I NANG NYID LA SEMS 'JOG PA DANG, RGYUN DU 'JOG PA DANG, BLAN TE 'JOG PA DANG, NYE BAR 'JOG PA DANG, DUL BAR BYED PA DANG, ZHI BAR BYED PA DANG, RNAM PAR ZHI BAR BYED PA DANG, RTZE GCIG TU BYED PA DANG, SEMS MNYAM PAR 'JOG PA'O, ,DANG PO DANG THA MA'I SEMS ZHES SMOS PA NI BAR DU YANG SBYAR BAR BYA'O, ,DE LA 'JOG PA NI TING NGE 'DZIN GYI DMIGS PA LA NGES PAR GDAGS PA'O, ,RGYUN DU 'JOG PA'I SEMS KYI RGYUN DU 'JUG PA DE BZHIN DU 'JOG PA YIN TE, GZHAN DU 'GRO BA DGAG PAS SO, ,BLAN TE 'JOG PA NI RANG BZHIN GYIS GYO BA'I PHYIR SEMS DE JI LTAR YANG GZHAN DU 'GRO BA NA DE BLAN NAS LEGS PAR SDOM PA'I PHYIR RO, ,NYE BAR 'JOG PA NI DE NAS BRTAN PAR GYUR PA DANG, RANG BZHIN GYIS RAGS PA NYID KYIS GZHAN DAG TU RNAM PAR 'PHRO BA NA GONG NAS GONG DU PHRA BAR BYED PAS DE NYID DU 'JOG PA'I PHYIR RO, ,DUL BAR BYED PA NI RANG BZHIN GYIS G-YENG BA LA DGA' BA'I SEMS TING NGE 'DZIN LA DGA' BAR BYED PA'O, ,TING NGE 'DZIN GYI PHAN YON MTHONG BA'I PHYIR TE TING NGE 'DZIN GYI PHAN YON NI YON TAN THAMS CAD KYI KHYAD PAR DANG LDAN PA DE BZHIN GSHEGS PA'I GO 'PHANG THOB PA'I BAR DU'O, ,ZHI BAR BYED CES BYA BA NI GAL TE DE LTA NA YANG TING NGE 'DZIN LA DGA' BA MED CING DE'I SEMS G-YENG BA LA DGA' BAR GYUR NA DES NA DE ZHI BAR BYED PA YIN TE, G-YENG BA'I SKYON NI SDUG BSNGAL THAMS CAD YIN TE, MNAR MED PA THOB PAR BYED PA'I BAR DU YANG YIN NO, ,RNAM PAR ZHI BAR BYED PA ZHES BYA BA NI LDAN PA'I DUS SU BRNAB SEMS DANG, YID MI BDE BA LA SOGS PA NYE BAR ZHI BAR BYED PA NI SDUG BSNGAL BA BZHIN NO, ,RTZE GCIG TU BYED PA NI DMIGS PA GCIG LA THAGS 'THAG PA DANG CHOS MTHUN PAS RTZE GCIG TU DE LTAR BYED PA RTZE GCIG TU BYED PA'O, ,SEMS KYI NYES PA BDUN GYIS GSAL NAS 'BAD PAS DE BZHIN DU RANG GI NGANG GIS 'BYUNG BAR BYED PA ZHES BYA BA'I DON TO, ,MNYAM PAR 'JOG PA ZHES BYA BA NI RANG GI NGANG @14A *, ,GIS 'BYUNG BA GOMS PAR BYAS NAS LHUN GYIS GRUB CING RANG GI NGANG GIS 'BYUNG BAS YANG DAG PA'I DMIGS PA LA SEMS 'DZIN PAR BYED PA ZHES BYA BA'I DON TO, ,DE YANG MDO SDE RGYAN LAS, DMIGS PA LA NI SEMS GTAD NAS, ,DE RGYUN RNAM PAR G-YENG MI BYA, ,RNAM G-YENG MYUR DU RTOGS BYAS NAS, ,DE LA SLAR NI BLAN PAR BYA, ,BLO LDAN GONG NAS GONG DU YANG, ,SEMS NI NANG DU BSDU BAR BYA, ,DE NAS YON TAN MTHONG BA'I PHYIR, ,TING NGE 'DZIN LA SEMS 'DUL LO, ,RNAM G-YENG NYES PA MTHONG BA'I PHYIR, ,DE LA MI DGA' ZHI BAR BYA DES NA SDOM BRTZON CAN GYIS NI, ,SEMS LA MNGON PAR 'DU BYED PAS, ,RANG GI NGANG GIS 'BYUNG BA THOB, ,DE GOMS PA LAS 'DU MI BYED, ,ZHI GNAS GRUB PA YOD NA DE DANG LHAN CIG SPYOD PA'I SHES RAB SKYE BAR 'GYUR TE, LTA BA DANG, RIG PA DANG, BLO DANG, SNANG BA DE NI LHAG MTHONG YIN TE, DE GNYI GA YANG BSGOMS PA LAS BYUNG BA'I SHES RAB YIN TE, DE BAS DE BSTAN PA'I PHYIR, BCOM LDAN 'DAS 'ON KYANG ZHES BYA BA LA SOGS PA SMOS SO, ,GAL TE ZHES BYA BA NI TSIG GI PHRAD GZHAN YIN TE, GAL TE NYID CES BYA BA'I DON TO, ,'DI LTAR ZHES BYA BA NI YANG BDAG GIS ZHES BYA BA LA SOGS PA'O, ,BSHAD CING ZHES BYA BA NI DANG POR DA LTAR BYUNG BA YIN YANG 'DAS PA'I YUL DANG NYE BAR 'GYUR BAS LAD CES BYA BA'I RKYEN BYAS PAS BSHAD NA ZHES BYA BA YIN NO, ,BSHAD PA'I DON DANG BSTAN PAS NI THOS PA LAS BYUNG BA'I SHES RAB KYI MTSAN NYID DO, , LUNG 'BOGS PA ZHES BYA BA NI BSAMS PA LAS BYUNG BA'I SHES RAB KYI MTSAN NYID DE, MNGON SUM DU BYAS ZHES BYA BA NI TSIG GI LHAG MA'O, ,SEMS MI ZHUM PA ZHES BYA BA NI JI LTAR THOB PA DE NYID LA DON LA SEMS PA LA SEMS KHYAD DU MI GSOD MI ZHUM STE, DE NYID DU NGES BAR BRTAG PA'I PHYIR RO,, KUN TU ZHUM PAR MI BGYID CES BYA BA NI SEMS KYI RGYUN DU 'JUG PA LA YANG RJES SU MI 'BRANG ZHING ZHUM PAR MI BGYID DO, ,MI 'GONG ZHES BYA BA NI SEMS RANG BZHIN GYIS GYO BA'I PHYIR, GZHAN DU SONG BA LA YANG KUN NAS SHES PAR BYAS NAS SDUD PA NA SKYO BA MED PA YIN NO, ,MI GSONG @14B PAR MI 'GYUR ZHES BYA BA NI SEMS SHIN TU BRTAN PAR GYUR NA YANG RANG BZHIN GYIS RTOGS PA RAGS PA GZHAN DU MI 'PHRO BA'I PHYIR GONG NAS GONG DU PHRA MOR BYED PA NA SKYO BA MED PA YIN NO, ,DE'I ZHES BYA BA NI BYANG CHUB SEMS DPA'O, ,YID PHYIR PHYOGS PAR MI BGYID CES BYA BA NI TING NGE 'DZIN LA GNAS PAR BYAS PA YIN YANG BAR MAR GNAS PA'I PHYIR TE, DE LTA MOD KYI DE NYID DU SEMS 'DUL BAR BYED DE, TING NGE 'DZIN GYI YON TAN RNAMS MTHONG BAS SO, ,BCOM ZHING PHYIR PHYOGS PAR MI 'GYUR ZHES BYA BA NI DE LA DGA' BA MED PA DANG, MOS PA MED PAS RNAM PAR G-YENG BA BYED PA MED PAR 'GYUR TE, RNAM PAR G-YENG BA'I SKYON RNAMS MTHONG BA'I PHYIR RO, ,MI SKRAG CES BYA BA NI BRNAB SEMS DANG, YID MI BDE BA LA SOGS PA SKYES PA NA YANG MI SKRAG PA YIN TE, 'ON KYANG DE NYID 'JOMS PA NI YIN TE, G-YENG BA'I SKYON MTHONG BA'I PHYIR RO,, MI DNGANG ZHES BYA BA NI SEMS SKYON MED PA RANG GIS NGANG GIS 'BYUNG BA NYID KYI DON GANG YIN PA'I 'DU BYED DE LA MI DNGANG ZHING DE BYED PA ZHES BYA BA'I DON TO, ,DNGANG BAR MI 'GYUR ZHES BYA BA NI SEMS YANG DAG PAR 'GYUR TE, 'BAD PA MED PAR RANG GI 'BYUNG BAS DNGANG BA DANG, YANG DAG PAR DNGANG BA DE MED PA YIN TE, LHUN GYIS GRUB PA NYID NGANG GIS 'BYUNG BA 'DZIN ZHES BYA BA'I DON TO, ,DON DAM PA NYID KYI BYANG CHUB SEMS DPA' LA SOGS PA BSTAN PAR BYA BA'I PHYIR 'DI NYID CES BYA BA LA SOGS PA GSUNGS SO, ,TING NGE 'DZIN 'DI NYID BYANG CHUB SEMS DPA' YIN TE, SEMS KYI KHYAD PAR YIN PA'I PHYIR RO, ,'DI NYID CES BYA BA NI DE DANG LDAN PA NYID SHES RAB KYI PHA ROL TU PHYIN PA DANG GDAMS PA YIN NO, ,GANG DE GNYIS DANG YANG DAG PAR LDAN PA NI DE LTAR GNAS NA ZHES BYA BA LA TING NGE 'DZIN 'DI NYID LA GNAS NA 'DI MI GTONG BA YIN TE, DE NYID GDAMS PA DANG RJES SU 'BREL BA'I RJES SU BSTAN PA'O, ,DE BAS NA DE LTAR SEMS BSKYED PA'I 'OG NAS DE NAS ZHES BYA BA LA SOGS PA NAS GDAMS PA DANG, RJES SU BSTAN PAR BYA BA'I BAR GYIS NI BSGRUB PA LA GDAMS PA BSTAN TE, JI LTAR LAS DANG PO PAS SHES RAB KYI PHA ROL TU PHYIN PA DE LA SPYAD @15A *, ,PAR BYA BA DE'I SPYOD PA NI SGRUB PA STE, DE LA GDAMS PA NI BSGRUB PA LA GDAMS PA'O, ,'DI NYID LA BCOM LDAN 'DAS KYIS MDOR BSDUS NAS BKA' STZAL PA NI 'DI TZAM NYID DE, DGU PO GZHAN NI CHA TZAM GSUNGS PA YIN NO, ,SHES RAB KYI PHA ROL TU PHYIN PA CHEN PO DAG TU NI BCU CHAR YANG RGYA CHER GSUNGS SO, ,DE YANG BSTAN BCOS LAS, BSGRUB DANG BRTEN PA RNAMS DANG NI, ,SANGS RGYAS LA SOGS DKON MCHOG GSUM, ,MA ZHEN YONGS SU MI RAL DANG, ,LAM NI YONGS SU 'DZIN PA DANG, ,SPYAN LNGA DANG NI MNGON SHES KYI, ,YON TAN DRUG DANG MTHONG LAM DANG, ,BSGOM ZHES BYA BA GDAMS NGAG NI, ,BCU YI BDAG NYID SHES PAR BYA, ,ZHES BYA BA GSUNGS TE, BSGRUB PA LA GDAMS PA YANG PHA ROL TU PHYIN PA CHEN PO DAG LAS G-YENG BA'I RNAM PAR RTOG PA BCU PO'I GNYEN PO RGYA CHER GSUNGS SO, ,DE BDAG GIS KYANG DGA' LDAN NYID LAS RNAM PAR BSHAD PA YIN TE, 'DIR NI MA BRJOD DO, ,DA NI 'DI NYID BRJOD PAR BYA STE, DE LA GZUGS LA SOGS PA STON PA NYID DANG LDAN PA NI GANG GI TSE CUNG ZAD LDAN PA DANG, MI LDAN PA YANG DAG PAR MI DMIGS PA DE'I TSE SHES RAB KYI PHA ROL TU PHYIN PA DANG LDAN PA YIN NO ZHES BRJOD PAR BYA STE, DE NI SDUG BSNGAL GYI BDEN PA LA GDAMS PA'O, ,GZUGS LA SOGS PA SKYE BA DANG, 'GAG PA DANG, KUN NAS NYON MONGS PA DANG, RNAM PAR BYANG BA'I CHOS CAN YANG DAG PAR RJES SU MI MTHONG STE, RNAM PAR SHES PA NYID STONG PA NYID STONG PA NYID RNAM PAR SHES PA NYID DE, DE NI KUN 'BYUNG GI BDEN PA LA GDAMS PA'O, ,STONG PA NYID NI 'PHEL BA MED PA'I BAR DU'O, ,DE LA NI GZUGS LA SOGS PA MED, SDUG BSNGAL MED, KUN 'BYUNG MED, 'GOG PA MED, LAM MED PA NAS SANGS RGYAS MED, BYANG CHUB MED CES BYA BA NI 'GOG PA'I BDEN PA LA GDAMS PA'O, ,DE LA SHES RAB KYI PHA ROL TU PHYIN PA LA SPYOD PA NI SBYIN PA'I PHA ROL TU PHYIN PA LA SOGS PA DANG, BDAG NYID LDAN PA 'AM MI LDAN PA ZHES YANG DAG PAR RJES SU MI MTHONG STE, RNAM PA THAMS CAD MKHYEN PA NYID KYI BAR DANG 'DAS PA @15B LA SOGS PA'I DUS GSUM DU MI SBYOR TE, DUS GSUM PO STONG PA NYID LA BSTAN PA'I PHYIR RO, ,'DI NI LAM GYI BDEN PA LA GDAMS PA'O, ,PHUNG PO DANG THAMS CAD MKHYEN PA NYID MI SBYOR TE, GANG GI PHYIR DE NYID MI DMIGS PA'I PHYIR RO, ,DE BZHIN DU KHAMS LA MA YIN, SKYE MCHED LA MA YIN, PHA ROL TU PHYIN PA LA MA YIN, BYANG CHUB KYI PHYOGS LA MA YIN, SANGS RGYAS LA MA YIN, GANG GI PHYIR DE NYID MI DMIGS PA'I PHYIR RO, ,DE BZHIN DU DE DANG SANGS RGYAS SU SBYOR BAR MI BYED DO, ,GANG GI PHYIR DE NYID MI DMIGS PAS DE DANG DER YANG MA YIN TE, GANG GI PHYIR DE NYID MI DMIGS PA'I PHYIR RO, ,DE BZHIN DU BYANG CHUB LA MA YIN, BYANG CHUB KYANG DE LA MA YIN NO, ,DE LTAR NA SANGS RGYAS NYID RNAM PA THAMS CAD MKHYEN PA NYID DE DE NYID SANGS RGYAS SO, ,BYANG CHUB NYID DE'O, ,DE NYID BYANG CHUB YIN TE, DE NI SANGS RGYAS DKON MCHOG LA GDAMS PA'O, ,CUNG ZAD CI LTAR YANG SBYOR BAR MI BYED, JI LTAR YANG SPYOD PAR MI BYED, JI LTAR GANG GI CHED DU SHES RAB KYI PHA ROL TU PHYIN PA LA SPYOD PAR MI BYED PA DE LTAR BYANG CHUB SEMS DPA' RNAMS KYI RGYA CHEN PO'I BYA BA NI SBYOR BA DAM PA YIN TE, 'DI LTA STE, STONG PA NYID KYI RNAL 'BYOR YIN PAS RNAL 'BYOR GZHAN THAMS CAD ZIL GYIS MNAN NAS GNAS PA YIN TE, DE NI CHOS DKON MCHOG LA GDAMS PA'O, ,'DIR DGE 'DUN DKON MCHOG NI PHYIR MI LDOG PA'I BYANG CHUB SEMS DPA'I TSOGS TE, DE YANG GANG ZAG NYI SHU MDO LAS BSTAN TE, DE BAS NA BSTAN BCOS LAS, DBANG PO RTUL DANG RNON PO DAG ,DAD DANG MTHONG THOB RIGS NAS RIGS, ,BAR CHAD GCIG PAR SKYES NAS DANG, ,BYED DANG BYED MIN 'OG MIN 'GRO, ,'PHAR GSUM SRID RTZE'I MTHAR THUG 'GRO, ,GZUGS KYI 'DOD CHAGS BCOM PA DANG, MTHONG CHOS ZHI LUS MNGON SUM BYED, ,BSE RU DANG NI NYI SHU'O, ,ZHES BYA BA LA DAD PAS RJES SU 'BRANG BA DANG, CHOS KYIS RJES SU 'BRANG BA DANG, ,DAD PAS MOS PA DANG, MTHONG BAS THOB PA DANG, LHA'I RIGS NAS RIGS SU SKYE BA DANG, ,MI'I RIGS NAS RIGS SU SKYE BA DANG, BAR CHAD @16A *, ,GCIG PA DANG BDUN NO, ,TSIG RNAMS LA TSIG GI PHYOGS GCIG KYANG 'JUG PA YIN TE, DPER NA 'JIGS SDE LA 'JIGS SDE ZHES BYA BA LTA BU'O, ,SPYI'I SGRA LA YANG KHYAD PAR 'JUG PA YIN TE, DPER NA LHAR SKYES PA LTA BU'O, ,DES NA BAR MA DOR YONGS SU MYA NGAN LAS 'DAS PA DANG, SKYES NAS YONGS SU MYA NGAN LAS 'DAS PA DANG, MNGON PAR 'DU BYED PAS MYA NGAN LAS 'DAS PA DANG, MNGON PAR 'DU MI BYED PAS MYA NGAN LAS 'DAS PA DANG RNAM PA BZHI'O, ,'OG MIN GYI BAR DU 'GRO ZHING DE LAS GONG DU MTHAR THUG PAR MA YIN NO, ,'OG MIN GYI MTHAR ZHES BYA BA'I DON TO, ,'PHAR BA ZHES BYA BA'I MANG PO'I TSIG NI MANG PO'I DON TO, ,'PHAR BA DANG, PHYED DU 'PHAR BA DANG, GNAS THAMS CAD DU 'CHI 'PHO BA DANG GSUM MO, ,SRID PA'I RTZE MO'I MTHAR THUG PAR 'GRO BA DANG, GZUGS KYI 'DOD CHAGS DANG BRAL BA DANG, MTHONG BA'I CHOS LA MYA NGAN LAS 'DAS PA DANG, LUS KYIS MNGON SUM DU BYED PA DANG, RANG SANGS RGYAS DANG LNGA'O, ,'DI DAG KYANG SHES RAB KYI PHA ROL TU PHYIN PA'I NANG DU 'DUS PA'I PHYIR BSGRUB PA LA GDAMS PAR CHA TZAM BSTAN PA YIN NO, ,DE NI DGE 'DUN DKON MCHOG LA GDAMS PA YIN TE; DE LTAR BSTAN PA NI DKON MCHOG GSUM LA GDAMS PA'O, ,BYANG CHUB SEMS DPA' LUS NGAG YID GSUM GYIS PHA ROL TU PHYIN PA DRUG LA SPYOD CING, LUS NGAG YID GSUM YANG MI DMIGS LA, PHA ROL TU PHYIN PA DAG KYANG MI DMIGS TE, DE NI MA ZHEN PA LA GDAMS PA'O; ,GZUGS LA SOGS PA MI SHES PA NAS BLA NA MED PA YANG DAG PAR RDZOGS PA'I BYANG CHUB MI SHES PA'I BAR DU NI YONGS SU MI NGAL BA LA GDAMS PA'O, ,DE PHYOGS RE RER YANG GANG G'A'I KLUNG GI BYE MA SNYED KYI DE BZHIN GSHEGS PA MTHONG ZHING DE DAG LAS CHOS BSTAN PA THOB PA DANG; DGE 'DUN LA BSNYEN BKUR BYED PA DANG, SANGS RGYAS KYI ZHING YONGS SU DAG PAR MTHONG BA'O, ,DE THAMS CAD DANG BDAG DANG GZHAN YANG DAG PAR MI SHES PA DANG, PHA ROL TU PHYIN PA RNAMS LA SPYOD PA DANG, SANGS RGYAS KYI CHOS RNAMS KYI BAR DU YONGS SU RDZOGS PAR @16B BYED PA DE THAMS CAD KYANG MI SHES PA YIN TE, DE LTAR SPYOD PA KUN NAS YANG DAG PAR YONGS SU 'DZIN PA'I PHYIR LAM YONGS SU 'DZIN PA LA GDAMS PA'O, ,DE NAS SPYAN LNGA DANG MNGON PAR SHES PA DRUG THOB PAR 'GYUR TE, DE DAG MI SHES TE GANG YANG SHES PA DE DAG THAMS CAD KYANG MI SHES SHING YANG DAG PAR MI DMIGS SO, ,DE LA SPYAN LNGA NI SHA'I SPYAN DANG, LHA'I SPYAN DANG, SHES RAB KYI SPYAN DANG, CHOS KYI SPYAN DANG, SANGS RGYAS KYI SPYAN NO, ,DE LA SHA'I SPYAN GYIS NI GZUGS RNAMS MTHONG BA YIN NO, ,LHA'I SPYAN GYIS NI GZUGS MED PA RNAMS DANG 'CHI 'PHO BA DANG, SKYE BA MTHONG BA YIN NO, ,SHES RAB KYI SPYAN GYIS NI CHOS THAMS CAD MI DMIGS PA'O, ,CHOS KYI SPYAN GYIS NI 'PHAGS PA'I GANG ZAG DANG DE'I CHOS RNAMS YANG DAG PAR MI DMIGS PA'O, ,SANGS RGYAS KYI SPYAN GYIS NI CHOS THAMS CAD RNAM PA THAMS CAD DU MI DMIGS PA YIN TE, DE NI SPYAN LNGA LA GDAMS PA'O; ,MNGON PAR SHES PA DRUG GANG ZHE NA, RDZU 'PHRUL GYI BYA BA DANG, LHA'I RNA BA DANG, SEMS CAN THAMS CAD KYI SEMS KYI SPYOD PA SHES PA DANG, SNGON GYI GNAS RJES SU DRAN PA SHES PA DANG, LHA'I MIG DANG ZAG PA ZAD PA SHES PA'O, ,LHA'I MIG GI MNGON PAR SHES PAS NI SEMS CAN RNAMS KYI 'CHI 'PHO DANG SKYE BA SHES PA'O, ,'DI NI MNGON PAR 'DU BYAS PA YIN LA, SNGA MA'I LHA'I MIG NI RNAM PAR SMIN PA MA YIN NO, ,DE NI MNGON PAR SHES PA DRUG LA GDAMS PA'O, ,DE NYID BSGRUB PA'I TING NGE 'DZIN MNGON DU BYAS NAS, CHOS THAMS CAD BDAG MED PAR NYE BAR BRTAG PA NI LHAG MTHONG YIN TE, DE YONGS SU SMIN PA LAS LHUN GYIS GRUB PA SPROS PA MED PA'I SEMS KYI KHAMS MNYAM PAR GZHAG PA NI 'JIG RTEN LAS 'DAS PA'I SHES PA YIN TE, DES GANG DANG GANG MTHONG BA'I DON DE MI SNANG BA YIN TE, DE NI MTHONG BA'I LAM LA GDAMS PA'O, ,GANG MTHONG BA DE NYID KYI RGYUN SHES PA DE NI BSGOM PA YIN TE, DE NI BSGOM PA'I LAM LA GDAMS PA'O, ,DE LTAR NA GDAMS NGAG BSTAN PA YIN NO, ,NGES PAR 'BYED PA'I CHA ZHES BYA BA LA NGES PAR RTOGS PA NI NGES PAR @17A *, ,'BYED PA'O, ,DE'I CHA DANG YAN LAG 'DI NI NGES PAR 'BYED PA'I CHA YIN TE, GCIG TU NGES PA ZHES BYA BA'I DON TO, ,YANG NA NGES PAR 'BYED PA NI SO SOR 'BYED PA STE, DE'I CHA NI BYED PA YIN TE, NGES PAR 'BYED PA'I CHA DANG MTHUN PA DE DAG KYANG SO SOR 'BYED PA THOB PA'I RGYU YIN PA'I PHYIR BRTEN PA DANG, CHA DANG THOB PA NI BZHI PO 'DI DAG STE, DROD DANG, RTZE MO DANG, BZOD PA DANG, 'JIG RTEN CHOS KYI MCHOG GO, ,'JIG RTEN LAS 'DAS PA'I YE SHES KYI ME'I SNGA LTAS YIN PA'I PHYIR DRO BA'O, ,YUN RING PO'I DGE BA'I RTZA BA'I RTZE MOR GYUR PA'I PHYIR RTZE MO'O, ,'JIG RTEN PA'I CHOS KYI MCHOG LA BZOD PAS NA BZOD PA'O, ,'JIG RTEN PA THAMS CAD KYI CHOS KYI MCHOG YIN PAS NA CHOS KYI MCHOG GO, ,DE DAG NI BDEN PA BZHI LA DMIGS NAS MI RTAG PA DANG, SDUG BSNGAL BA LA SOGS PA'I RNAM PAR NYAN THOS DANG; RANG SANGS RGYAS DAG LA YANG YOD DE, DE DAG LAS BYANG CHUB SEMS DPA' NI KHYAD PAR RNAM PA LNGAS KHYAD PAR DU 'PHAGS PAR BRJOD PAR BYA STE, DE BAS NA BSTAN BCOS LAS, DMIGS PA DANG NI RNAM PA DANG, ,RGYU DANG YONGS SU 'DZIN PA YIS, ,BYANG CHUB SEMS DPA' SKYOB PA YI; ,DROD SOGS BDAG NYID JI BZHIN DU, ,RNAM RTOG BZHI PO LDAN BRTEN PA, ,CHUNG DANG 'BRING DANG CHEN PO RNAMS, ,NYAN THOS BSE RU LTA BU DANG, ,BCAS PA DAG LAS KHYAD PAR 'PHAGS, ,SEMS CAN THAMS CAD LA SKYOB PA'I BSAM PA YOD PA'I PHYIR BYANG CHUB SEMS DPA' SKYOB PA YIN TE, GANG CHUNG NGU DANG, CHEN PO'I DRO BA LA SOGS PA'O, ,GANG NYAN THOS DANG, RANG SANGS RGYAS DE DAG GI DRO BA LA SOGS PA DAG LAS, SHIN TU KHYAD PAR DU GYUR PA RNAM PA LNGAS KHYAD PAR DU GYUR PA YIN TE, DMIGS PA DANG RNAM PA DANG, THEG PA GSUM THOB PA'I RGYU DANG, YANG DAG PAR YONGS SU 'DZIN PA DANG, RNAM PAR RTOG PA BZHI DANG LDAN PA STE, JI LTAR RANG GI DRO BA LA SOGS PA 'DI DAG GI SO SO RE RE LA YANG CHUNG NGU DANG, 'BRING DANG, CHEN PO'I DBYE BAS BCU GNYIS SU 'GYUR RO, ,DE LA DRO BA CHUNG NGU'I DMIGS PA NI BDEN PA BZHI LA MI RTAG @17B PA LA SOGS PAR SHES PA'O, ,DE'I RNAM PA NI MNGON PAR ZHEN PA LA SOGS PA 'GOG PA YIN NO, ,DE YANG BSTAN BCOS LAS, SDUG BSNGAL GYI BDEN PA LA GZUGS MI RTAG PA LA SOGS PA DMIGS PA DANG, KUN 'BYUNG BA'I BDEN PA LA KUN 'BYUNG BA SPANG BAR BYA BA LA SOGS PA DANG, 'GOG PA'I BDEN PA LA 'GOG PA MNGON SUM DU BYAS PA LA SOGS PA'O, ,RNAM PA NI DMIGS PA DE DAG LA SO SOR MNGON PAR ZHEN PA MED PA DANG, GNAS PA MED PA DANG, BDEN PA MA YIN PAR SHES PA'O, ,MNGON PAR ZHEN PA DANG, GNAS PA DANG, BDEN PA'I SHES PA NI 'GOG PA'O, ,LAM GYI BDEN PA YANG GZUGS SHES PAR BYA, GZUGS DES KYANG RLOM SEMS SU MI BYA'O, ,ZHES BYA BA NAS SANGS RGYAS KYI CHOS KYI BAR DU DES KYANG RLOM SEMS SU MI BYA'O, ,CHOS THAMS CAD SHES PA NI DMIGS PA'O, ,DES RLOM SEMS SU MI BYA BA NI RNAM PA'O, ,DE NYID GZHAN YANG ZHES BYA BA LA SOGS PAS GSUNGS SO, ,GZHAN YANG ZHES SMOS PAS NI GDAMS NGAG LA LTOS PA'O, ,SHES RAB KYI PHA ROL TU PHYIN PA LA SPYOD CES BYA BA NI BDEN PA GSUM DANG 'BREL BA'I MI RTAG PA NYID LA SOGS PA NI DMIGS PA'O, ,MNGON PAR ZHEN PA MED PA LA SOGS PA NI RNAM PA STE, MI DMIGS PAR SPYOD PA'O, ,SHES RAB KYI PHA ROL TU PHYIN PA BSGOM PAS ZHES BYA BA SMOS PA NI RIM GYIS BSGOM PA ZHES BYA BA'I DON TO, ,BDEN PA GSUM GYI 'OG TU LAM GYI BDEN PA'I DMIGS PA NI DMIGS PA MED PA'O, ,DES RLOM SEMS MED PA NI RNAM PA BSGOMS PAS SHES PAR BYA BA YIN NO, ,DE LTAR BSLAB PAR BGYI'O ZHES BYA BA NI MNGON PAR ZHEN PA MED CING RLOM SEMS MED PA DE LTAR BSLAB PAR BYA'O, ,DES KYANG ZHES BYA BAS NI GANG DE'I SEMS MNYAM PA MED PA YIN TE, NYAN THOS DANG, RANG SANGS RGYAS LA SOGS PA DANG THUN MONG MA YIN PA'I PHYIR RO, ,SEMS RGYA CHEN PO RNAM PA THAMS CAD DU DUS CHAD PA MED PAR SEMS CAN GYI DON GYI BYA BA RNAMS KYI 'BYUNG GNAS SU GYUR PA'I PHYIR RO, ,BYANG CHUB SEMS ZHES BYA BA NI BYANG CHUB KYI BDAG NYID KYI SEMS SO, ,KYANG GI SGRA NI LHAG PA'I DON TO,, @18A *, ,DE'I PHYIR BYANG CHUB SEMS DPA' RNAMS KYI SEMS NI SEMS CAN THAMS CAD LAS KHYAD PAR DU 'PHAGS PA YOD PAR 'DOD DE, DES KYANG RLOM SEMS SU MI BYED NA THA MAL PA'I SEMS KYIS LTA SMOS KYANG CI DGOS ZHES BYA BA'I DON TO, ,DE CI'I SLAD DU ZHE NA, ZHES BYA BA NI RNAM PA GANG GIS DE LA RLOM SEMS MED PA YIN ZHE NA, 'DI LTAR ZHES BYA BA LA SOGS PAS LAN SMRAS SO, ,SEMS DE NI SEMS MA MCHIS PA ZHES BYA BA NI GZUNG BA DANG 'DZIN PA GNYIS LA DE MI SNANG BA'I PHYIR RO, ,GAL TE SEMS MED NA 'ON KYANG DE SEMS KYI RANG BZHIN NI 'OD GSAL BA ZHES SMOS SO, ,JI LTAR 'OD GSAL BA YIN ZHE NA, GANG GI PHYIR SEMS NI 'DOD CHAGS LA SOGS PA DANG DANG PO NAS MI LDAN PA YIN TE, DE DAG NI RANG BZHIN GYIS GLO BUR BA YIN PA'I PHYIR RO, ,DE NYID KYI PHYIR PHYIS KYANG BRAL BA MED DO, ,SH'A RI'I BUS 'DI SKAD CES SMRAS SO ZHES BYA BA NI DE LTAR SHES KYANG RAB 'BYOR GYIS STON PAR BYA PA'I PHYIR DRIS SO, ,DE SKAD CES SMRAS PA ZHES BYA BA LA SOGS PAS NI RAB 'BYOR GYIS DRIS PA'I LAN STON TO, ,DE NI MED DO ZHES BYA BA DE NI MI DMIGS PA STE, SGRUB PAR BYED PA MED PA'I PHYIR RO, ,DE NYID PA YANG MA YIN TE, GNOD PAR BYED PA YOD PA'I PHYIR RO, ,DNGOS PO DANG, DNGOS PO MED PA LAS YANG DAG PAR 'DAS PA NI GNOD PAR BYED PA YIN NO, ,YOD DAM ZHES BYA BA NI CI DE MED PA NYID CES BYA BA'I DON TO, ,DE TZAM GYIS KYANG RAB 'BYOR GYIS BSAMS PAS GSAL POR MA GYUR NAS, GSAL BAR BYA BA'I PHYIR DRIS PA NI DE GANG YIN ZHES BYA'O, ,RAB 'BYOR GYI LAN NI SEMS MED PA DE NI 'GYUR BA MED PA RNAM PAR RTOG PA MED PA ZHES SMOS TE, SEMS RANG BZHIN GYIS 'OD GSAL BA DANG, 'GYUR BA MA GOS PA'I PHYIR 'GYUR BA MED PA'O, ,SPROS PA THAMS CAD NYE BAR ZHI BA DANG, RNAM PA THAMS CAD KYI SPYOD YUL MA YIN PA'I PHYIR RNAM PAR RTOG PA MED PA'O, ,DE LTA BAS NA DE LTA BU'I SEMS KYIS KYANG RLOM SEMS SU MI BYA STE, DE LA YANG SEMS MED PA TZAM GYI PHYIR TE, SEMS STONG PA NYID TZAM LAS ZHES BYA BA'I DON TO, ,DE LTAR NA SEMS DE YANG SEMS MED PA YIN TE RANG BZHIN GYIS 'OD GSAL @18B BA NI DMIGS PA'O, ,DE LA YANG RLOM SEMS MED PA NI RNAM PA'O, ,JI LTAR SEMS LA SEMS MED PA STE NYE BAR GZUGS LA SOGS PA YANG GZUGS LA SOGS PA MED PA NYID DU DON GYIS SHES PA YIN NO, ,DE NAS ZHES BYA BA NI SEMS MED PAR YANG DAG PAR BSTAN PA'I RJES THOGS LA'O, , JI LTAR YANG ZHES BYA BA NI RAB TU STON PA NYID CES BYA BA'I DON TO, ,JI LTAR STON PA YIN ZHE NA, ,JI LTAR BCOM LDAN 'DAS KYIS MCHOG NYID DU GSUNGS PA DE LTAR STON PA YIN NO, ,DE GANG GI MCHOG TU GYUR PA YIN ZHE NA, NYON MONGS PA MED PA LA GNAS PA'I'O, ,NYON MONGS PA MED PA LA SNYOMS PAR 'JUG PA RNAM PA GNYIS LA NYON MONGS PA'I G-YUL DANG 'GAL BA GCIG PO DE NI 'DIR MI BZUNG STE, GNYIS PA GNAS SKABS KYIS DE'I GNAS PAS GNAS PA YIN PA'I PHYIR RO, ,DE BAS NA ZHES BYA BA NI DE LTAR NA DMIGS PA DANG RNAM PA'I KHYAD PAR DANG LDAN PA NI DRO BA CHUNG DU'O,, SHES RAB KYI PHA ROL TU PHYIN PA DANG MA BRAL ZHES BYA BA DES DE'I GONG NAS GONG DU YANG 'PHEL BA YIN TE, DE NI DRO BA CHUNG NGU'I DMIGS PA DANG RNAM PA'I KHYAD PAR DAG GO, ,DRO BA CHUNG NGU'I SKABS YIN PA'I PHYIR PHYI MA DAG TU YANG RJES SU 'BRANG BAR BYA'O, ,RGYU'I KHYAD PAR BCU GNYIS KYI DBANG DU YANG BYA STE, THOB PA'I RGYU NI BYANG CHUB SEMS DPA'I DRO BA LA SOGS PA'O, ,BSTAN BCOS LAS, THEG PA GSUM CHAR RGYU BA'O, ,ZHES BSHAD DO, ,GANG YANG NYAN THOS DANG, RANG SANGS RGYAS DE DAG GI RANG GI BYANG CHUB NYID KYI RGYU YIN NO, ,'DI NYID NYAN THOS KYI SA LA SLOB PAR ZHES BYA BA LA SOGS PAS BSTAN TE, 'DI LA YON TAN YOD PAS NA SA DANG GZHI YIN TE, RGYU MTSAN GYI BDUN PA YIN NO, ,SA LA ZHES BYA BA NI RGYU MTSAN GYI DON TO, ,SLOB PAR 'DOD PAS ZHES BYA BA NI SGRUB PAR 'DOD PAS SO, ,MNYEN PAR BYA BA NI GZHUNG NYAN PA'O, ,GZUNG BAR BYA ZHES BYA BA NI BZLAS PAR BYA BA'O, ,BCANG BAR BYA ZHES BYA BA NI SEMS LA GZHAG PAR BYA BA'O, ,BKLAG PAR BYA ZHES BYA BA NI MI BRJED PA'I DON DU RJOD PAR BYED PA'O, ,KUN CHUB PAR BYA'O ZHES BYA BA NI DON DANG LDAN PAS THAMS CAD SHES PA NYID DU BYA BA'O, ,RAB TU STON PAR BYA PA'O, ,ZHES BYA BA NI GZHAN DAG LA DON DANG GZHUNG GI DON DAG @19A *, ,BSTAN PAS BDAG NYID KYI BSOD NAMS KYI STOBS KYI GZHAN DAG RJES SU GZUNG BA NI BYANG CHUB PA'I DON DU GNAS PA YIN NO, ,BSLAB PAR BYA'O ZHES BYA BA NI SEMS DPAS SO, ,RNAL 'BYOR DU BYA'O ZHES BYA BA LA RNAL 'BYOR NI ZHI GNAS DANG LHAG MTHONG NGO, ,DE BYA'O ZHES BYA BA NI THOB PAR BYA BA'O, ,BYANG CHUB SEMS DPA'I SA LA ZHES BYA BA NI RAB TU DGA' BA NAS CHOS KYI SPRIN GYI BAR RNAM PA BCU'O, ,THABS MKHAS PA NI 'OG NAS BSHAD PA'I RNAM PA KUN MNGON PAR RDZOGS PAR RTOGS PA'I MJUG NAS 'BYUNG BA'I RNAM PA BCU'O, ,DE DANG LDAN PA NI YOD PA'O, ,YONGS SU BSGRUBS PA NI KUN NAS MTHAR PHYIN PA'O, ,DE DAG NI RGYU NYID KYI KHYAD PAR RO, ,BSTAN BCOS LAS, GZUGS SOGS SKYE 'JIG GNAS BRAL DANG, ,GNAS DANG BRTAGS DANG BRJOD DU MED, ,CES BYA BA NI GZUGS LA SOGS PA'I SKYE BA DANG 'JIG PA MED PA'I CHOS TZAM DU YANG YOD PA MA YIN TE, DE NI DROD 'BRING GI DMIGS PA YIN NO, ,MING DE YANG GNAS PA MED PA DANG BRAL BA MED PA DE NI RNAM PA'O, ,GANG YANG 'DI LTA STE BYANG CHUB SEMS DPA' ZHES BYA BA CHOS KYI BRDA CAN BRTAGS PA 'DI NI DROD CHEN PO'I DMIGS PA YIN NO, ,DE NI PHUNG PO DANG, KHAMS DANG; SANGS RGYAS KYI CHOS MA 'DRES PA'I BAR DU GANG GIS KYANG TSIG GIS BRJOD PAR MA NUS PA NI RNAM PA'O, ,DE NYID DE NAS ZHES BYA BA LA SOGS PAS GSUNGS SO, ,BDAG GIS MA 'TSAL ZHES BYA BA NI DON LAS MI SHES PA'O, ,BDAG GIS DNGOS PO MA 'TSAL ZHES BYA BA NI 'OG MA'I TSIG LAS SO, ,BDAG GIS DNGOS PO MA 'TSAL ZHES BYA BA NI BSTAN PA'O, ,LHAG MA NI NGES PAR BSHAD PA'O, ,LHAG MA NI NGES PAR BSHAD PA'O, ,MI DMIGS PA NI MNGON SUM GYIS SO, ,YANG DAG PAR RJES SU MI MTHONG BA NI RJES SU DPAG PAS SO, ,GLO BA LA GCAGS PA'I DNGOS PO NYID NI YID LA GCAGS PA STE, RIGS PA MA YIN PAS BYAS PA NYID KYIS SO, ,'DU BA DANG 'JIG PA ZHES BYA BA LA SGRA LAS RTOGS PA NI 'DU BA'O, ,SGRA LAS GZHAN GYI NGES PA SKYED PA NI 'JIG PA'O, ,MING TZAM GYIS ZHES BYA BA NI DON GYIS STONG PA'I MING STE, 'DI LTA STE BYANG CHUB SEMS DPA' ZHES BYA BA LTA BU'O, GANG DAG @19B 'DU BA DANG 'JIG PA GAL TE BYA BA DANG, DGAG PA YIN PAR 'DOD PAR GYUR PA DE'I TSE NI 'DI LTA STE, BYANG CHUB SEMS DPA' BYANG CHUB SEMS DPA' MA YIN ZHES BYA BAR GSUNGS BAR 'GYUR RO, ,'ON KYANG ZHES BYA BA NI SKYON SHIN TU CHE BAR MTSON PA YIN NO, ,DE YANG PHYI NAS BRJOD PAR BYA STE PHYI NAS KYI DON TE YANG YANG GI SGRA YIN NO, ,MI GNAS ZHES BYA BA NI KHYAD PAR DU 'GRO BA STE, THER ZUG TU GNAS PAS RTAG PA MED PA ZHES PA'I DON TO, ,MI GNAS PA LA YANG MA LAGS ZHES BYA BA NI 'GYUR BA'I GNAS PA DANG, RGYUN GYIS RTAG PAS GNAS PA MA YIN ZHES BYA BA'I DON TO, , RIGS PA 'DIS 'DU BA DANG 'JIG PA YOD PA MA YIN NO ZHES BYA BAR BSAMS SO, ,DE BZHIN DU GNAS PA MED PA DANG, GNAS PA MED PA MA YIN PA'O, ,DE CI'I SLAD DU ZHE NA, BZHI PO DE GA LAS SHIN, LAN DU MING DE MA MCHIS PA'I SLAD DU ZHES BYA BA LA SOGS PA SMOS TE, DE DAG NI DROD 'BRING GI DMIGS PA'I KHYAD PAR DAG GO, ,DE LTAR ZHES BYA BA NI DON DANG MING GNYIS MED PAS SO, ,MI GNAS SHING ZHES BYA BA NI DE KHO NA NYID LA RNAM PAR GNAS PA MA YIN PA'O, ,MI GNAS PA YANG MA LAGS, ZHES BYA BA NI GNAS PA YANG MA YIN PA NYID THA SNYAD NGES PA YIN PA'I PHYIR DE NI BTAGS PA TZAM MA YIN, ZHES BSAM PA YIN NO, ,RNAM PAR GNAS PA YANG MA LAGS, ZHES BYA BA LA BRAGS PA TZAM DE YANG GZUGS LA RNAM PAR GNAS PA MA YIN, PHUNG PO DANG, KHAMS LA SOGS PA'I NGO BO RNAM PA SNA TSOGS SU GNAS PA MA YIN NO, ,GANG GI PHYIR DES NA BRJOD PAR BYA BA MA YIN NO ZHES BYA BAR BSAMS SO, ,RNAM PAR MI GNAS PA YANG MA YIN TE, ZHES BYA BA NI GTAN DU RNAM PAR MI GNAS PA MA YIN TE, GANG ZHIG GIS THA SNYAD TZAM DU BRJOD PAR NUS PA'I PHYIR RO, ,DE DAG NI DROD CHEN PO'I DMIGS PA DANG RNAM PA'I KHYAD PAR DAG GO, ,BCOM LDAN 'DAS ZHES BYA BA LA SOGS PA LA DE LTAR ZHES BYA BA NI DMIGS PA DANG RNAM PA JI LTAR BSHAD PA LTAR RO, ,ZAB MO ZHES BYA BA NI MOS PAR DKA' BA'O, ,SHES RAB KYI PHA ROL TU PHYIN PA ZHES BYA BA NI DROD 'BRING DANG CHEN PO'I MTSAN NYID DO, ,BSHAD PAS NI TSIG LAS SO, ,STON PA NI DON LAS SO, , @20A *, ,NYE BAR STON PA NI DON LA'O, ,DE YANG SHES PA SKYES PAS ZHI GNAS SKYES PAR SEMS MA ZHUM ZHES BYA BA LA SOGS PAS DON SNGA MA BZHIN DU BSHAD DO, ,BSAMS PA NI LHAG PA'I BSAM PA'O, ,DES NA GCIG TU NGES PA ZHES BYA BA'I DON TO, ,MOS PA NI ZHI GNAS DANG LHAG MTHONG GI STOBS KYIS NGES PAR SKYES PA'O, ,MA BRAL BAR ZHES BYA BA NI DES GONG NAS GONG DU 'GRO BA YIN NO, ,PHYIR MI LDOG PA ZHES BYA BA LA SOGS PA SMOS PA LA PHYIR MI LDOG CES BYA BA'I PHYIR MI LDOG PA NI YANG DAG PAR RDZOGS PA'I BYANG CHUB LAS LDOG PA MED PAR NGES PA'O, ,DE NYID LA PHAN PAS NA PHAN PA'I RKYEN CAN NO, ,BYANG CHUB SEMS DPA'I SA NI GO SKABS TE 'DI LA YON TAN GYI TSOGS YOD PAS NA SA STE, DE LA GNAS PA'I LEGS PA ZHES BYA BA NI DE NYID LA YANG DAG PAR GNAS PA'O, ,JI LTAR ZHE NA, GNAS PA'I TSUL GYIS TE, GSUM MI DMIGS PA'I SBYOR BAS SO; ,DE NI DROD CHEN PO'I DMIGS PA DANG RNAM PA'I KHYAD PAR DAG GO, ,RTZE MO CHUNG DU BRJOD PAR BYA STE, DE'I DBANG DU BYAS NAS BSTAN BCOS LAS, GZUGS SOGS MI GNAS DE DAG NI, ,DE YI NGO BOR RANG BZHIN MED, ,DE DAG GCIG GI RANG BZHIN GCIG, ,DE MI RTAG SOGS PAR MI GNAS; ,DE RNAMS DE YI NGO BOS STONG, ,DE DAG GCIG GI RANG BZHIN GCIG, ,CES GSUNGS SO, GZUGS LA SOGS PA RNAM PAR RIG PA'I NGO BO LA GNAS PA MED PA NI MI GNAS PA'O, ,DE YANG GANG ZHE NA, GZUGS LA SOGS PA DE NYID DU RTOG PA DANG, GZUGS LA SOGS PA BZUNG BAR RNAM PAR RTOG PA'I NGO BOS STONG PA YIN TE, RNAM PAR RIG PA'I NGO BOS NI MA YIN TE, RNAM PAR RIG PA DE THAMS CAD KYIS THAMS CAD DU CHUD GSON PA NI MA YIN NO, ,ZHES RNAM PAR MI RTOG PAR 'JUG PA'I GZUNGS LAS GSUNGS PAS SO, ,DE BAS NA RNAM PAR RIG PA'I NGO BO LA GANG GZUGS LA SOGS PA DE DAG NYID KYI STONG PAR STON PA YIN TE, DE NI 'DIR DMIGS PA'O, ,GANG YANG DE DAG GCIG GI RANG BZHIN ZHES BYA BA NI PHAN TSUN GYI NGO BO NYID DE, ,DE NI DE'I RNAM PA'O, ,DE LTAR NA GZUGS LA SOGS PA NYID STONG PA NYID DE, CHOS LAS CHOS NYID THA MI DAD PA'I PHYIR @20B STONG PA NYID GZUGS LA SOGS PA'O, ,GZUGS LA SOGS PA YANG YANG DAG PAR STONG PA NYID KYI NGO BO YIN TE, RNAM PAR RIG PA NI MA YIN TE ZHES BYA BA'I DON TO, ,DE BZHIN DU DE MI RTAG PA LA SOGS PAR MI GNAS ZHES BYA BA LA GZUGS LA SOGS PA DE'I MI RTAG PA LA SOGS PAR MI GNAS PA YIN TE, DE YANG GANG ZHE NA, DE NI MI RTAG PA SOGS PA NYID NI MI DMIGS PA'O, ,DE DAG GCIG GI RANG BZHIN GCIG, ,CES BYA BA NI MI RTAG PA NYID STONG PA NYID DO, ,STONG PA NYID KYANG MI RTAG PA NYID DE, DE NI RNAM PA'O, ,DE BZHIN DU GZUGS PA SOGS PA DE NI MI GNAS PA YIN TE, DE NYID NI SHES RAB KYI PHA ROL TU PHYIN PA CHEN PO DAG LAS BCOM LDAN 'DAS KYIS MI GNAS PA YIN NO ZHES RGYA CHER GSUNGS SO, ,RNAM PA GZHAN DU YANG GSUNGS PA NI TSIG DE NYID DANG YI GE DE NYID KYI DON MDOR BSTAN PA NI BCOM LDAN 'DAS GZHAN YANG ZHES BYA BA LA SOGS PA GSUNGS SO, ,SHES RAB KYI PHA ROL TU PHYIN PA LA ZHES BYA BA NI RTZE MO CHUNG NGU'I MTSAN NYID LA'O, ,SPYOD CING ZHES BYA BA NI THOS PA DANG BSAMS PA DAG GIS SO, ,DE LA BSGOMS PAS ZHES BYA BA NI ZHI GNAS DANG LHAG MTHONG DAG GIS SO, ,GZUGS LA SOGS PA LA GNAS PAR MI BGYI'O, ,DE CI'I SLAD DU ZHE NA, ZHES BYA BA LA DE LA MI GNAS PA GA LAS SHES SHE NA, GZUGS MNGON PAR 'DU BYED PA ZHES BYA BA NI GZUGS LA RNAM PAR RTOG PA'O, ,'DI LA SPYOD PA MA LAGS SO ZHES BYA BA NI 'DI LA RNAM PAR RTOG PA NYID KYI PHYIR RO, ,DE'I CI'I SLAD DU ZHE NA ZHES BYA BA NI, DE LA SPYOD PA MA LAGS PA GA LAS SHES SHE NA, LAN NI MNGON PAR 'DU BYED PA RNAMS LA SPYOD NA ZHES BYA BA LA SOGS PA GSUNGS SO, ,YONGS SU 'DZIN PA MA LAGS ZHES BYA BA NI DMIGS PA MA YIN ZHES BYA BA'O, ,RTZOD PA ZHES BYA BA NI RTZE MO CHUNG NGU YIN NO, ,YONGS SU RDZOGS PAR BGYID PA YANG MA LAGS ZHES BYA BA NI RTZE MO 'BRING YIN NO, ,NGES PAR 'BYUNG BAR YANG MI 'GYUR ZHES BYA BA NI RTZE MO CHEN PO YIN NO, ,THAMS CAD MKHYEN PA NYID LA ZHES BYA BA NI DNGOS PO THAMS CAD MKHYEN PA'O, ,YONGS SU MI GZUNG BA ZHES BYA BA NI GZUNG BAR BYA BA MA YIN PA'O, ,GZUNG BAR BYA BA MA YIN PA GA LAS SHE NA, SHES RAB KYI PHA ROL TU PHYIN PA ZHES BYA BA LA @21A *, ,SOGS PAS LAN GSUNGS TE, DE NI GZUGS MA LAGS ZHES BYA BA NI GZUGS BZUNG BA MA YIN TE 'GAL BA'I PHYIR RO, ,'DI LA ZHES BYA BA NI RTZE MO CHUNG NGU LA'O, ,SPYAD PAR BGYI'O ZHES BYA BA NI RNAL 'BYOR DU BYA BA'O, ,RNAL 'BYOR NI TING NGE 'DZIN TO, ,GAL TE GZUGS LA SOGS PA LA GNAS NA NI GZUGS LA SOGS PA MNGON PAR 'DU BYED PA LA SPYOD KYI, SHES RAB KYI PHA ROL TU PHYIN PA LA SPYOD PA MA LAGS TE, YONGS SU MI BZUNG BA YONGS SU BZUNG BAS GANG GZUGS LA SOGS PA LA MI GNAS PA NA DMIGS PA YIN NO, ,GZUGS YONGS SU BZUNG BA MED PA NAS SHES RAB KYI PHA ROL TU PHYIN PA DE YANG YONGS SU BZUNG BA MED PA'I BAR NI YONGS SU MI BZUNG BA YIN TE, GANG YANG GZUGS LA SOGS PA YONGS SU MI 'DZIN CING GZUGS LA SOGS PA LAS GZHAN YANG MI 'DZIN PA NI RNAM PA'O, ,'DI YANG ZHES BYA BA LA SOGS PAS NI TING NGE 'DZIN 'DI'I MING GSUNGS SO, ,GANG LA CHOS THAMS CAD YONGS SU BZUNG BA MED PA'I TING NGE 'DZIN DE LA DE SKAD CES BRJOD DO, ,DMIGS PA YANGS PAS NA YANGS PA'O, ,SANGS RGYAS THAMS CAD KYIS BSNGAGS PAS MDUN DU MA BGYIS PA'O, ,TSAD MED PA NI SANGS RGYAS NYID DO, ,DE LA NGES PA NI TSAD MED PAR NGES PA'O, ,DE NI RTZE MO CHUNG NGU'I DMIGS PA DANG RNAM PA'I KHYAD PAR DAG GO, ,DE YANG BCOM LDAN 'DAS KYIS 'DIR NI MDOR BSTAN PAR BZHED DE 'DIR YANG 'JUG PA RNAM PA GSUM STE, DE NI RGYAS PAR BSTAN PA LA DGA' BA STE, MA BSHAD PAR RTOGS PAR MI NUS PAS TSIG LHUR LEN PA'O, ,GNYIS PA NI 'BRING DU BSHAD PA LA DGA' BA STE PHYED TZAM DU BSTAN NA LHAG MA RTOGS PAR 'GYUR BAS RNAM PAR SPROS TE BSHAD NAS GO BA'O, ,GSUM PA NI MDOR BSDUS PA LA DGA' BA YIN TE CUNG ZAD BSTAN NA SHIN TU MANG PO RTOGS PAR 'GYUR BAS MGO SMOS PAS GO BA'O; ,DE DAG LA GO RIMS BZHIN DU STONG PHRAG BRGYA PA DANG, STONG PHRAG NYI SHU RTZA LNGA PA DANG, STONG PHRAG BRGYA PA DAG BCOM LDAN 'DAS KYIS GSUNGS TE, DE LA 'DIR NI MDOR BSDUS PAR BZHED DE RGYAS PAR NI MA YIN NO, ,RTZE MO 'BRING GI DBANG DU BYAS TE, BSTAN BCOS LAS, CHOS @21B RNAMS MI 'DZIN GANG YIN DANG, ,DE DAG MTSAN MAR MI MTHONG ZHING, ,ZHES GSUNGS SO, ,GANG CHOS THAMS CAD YONGS SU MI 'DZIN PA DE NI 'DIR DMIGS PA'O, ,CHOS KYI MTSAN MA MI MTHONG BAR BYED PA NI RNAM PA'O, ,'DI NYID THAMS CAD MKHYEN PA NYID DE YANG ZHES BYA BA LA SOGS PAS GSUNGS TE, THAMS CAD MKHYEN PA NI DNGOS PO THAMS CAD MKHYEN PA'O, ,'DZIN PA MED PAS NA, YONGS SU BZUNG BA MA MCHIS PA'O, ,BZUNG BA MA MCHIS PA GANG LAS SHE NA, MTSAN MAR GZUNG BA MA LAGS ZHES BYA BA LA SOGS PA GSUNGS SO, ,CHOS RNAMS KYI MTSAN MA NI KHYAD PAR GYI MTSAN NYID DE GZUGS DANG TSOR BA DANG ZHES BYA BA NAS SANGS RGYAS KYI CHOS RNAMS ZHES BYA BA'I BAR DU'O, ,DE NYID BSTAN PAR BYA BA'I PHYIR GAL TE ZHES BYA BA LA SOGS PA GSUNGS SO, ,KUN TU RGYU SDE CAN ZHES BYA BA NI KUN TU RGYU'I MING NGO, ,'DI LA ZHES BYA BA NI SANGS RGYAS KYI BSTAN PA'O, ,KUN TU RGYU SDE CAN JI LTA BU LA ZHUGS SHE NA, DE YANG THAMS CAD MKHYEN PA'I YE SHES LA STE, RTZE MO'I 'BRING LA'O, ,DE LTAR MOS PAR BYAS NAS DE LA YANG DAD PAS RJES SU 'BRANG BA YIN NO, ,GANG GIS ZHUGS PA YIN ZHE NA, SPYI LAS PHYOGS GCIG GIS 'BYUNG BA YIN PAS, PHYOGS GCIG GIS YE SHES TE RTZE MO 'BRING LA'O, ,DE ZHUGS NAS GANG BYAS PA DE BSTAN PA'I PHYIR GZUGS LA SOGS PA YONGS SU MI 'DZIN ZHES GSUNGS TE, DE'I MTSAN MA YID LA MI BYED PA'I PHYIR RO, ,TING NGE 'DZIN LAS SKYES PA'I DGA' BA DANG BDE BA DANG LDAN PA SHES PA DE YANG DAG PAR RJES SU MI MTHONG NGO, ,SHES PA DE GZUGS KYI NANG NA YANG DAG PAR RJES SU MI MTHONG ZHES BYA BA LA SOGS PAS KYANG DE'I MTSAN MA YID LA MI BYED PA DE NYID DU BSTAN TO, ,GZUGS LAS GZHAN DU YANG MA YIN, RNAM PAR SHES PA LAS GZHAN DU YANG MA YIN, DE'I MTSAN MA YID LA MI BYED KYANG DE DAG SNANG BA'I PHYIR RO, ,TSIG GI RNAM GRANGS 'DI LA ZHES BYA BA LA TSIG NI RTZE MO'I'O, ,DE'I RNAM GRANGS NI RAB TU DBYE BA STE, RTZE MO 'BRING GI ZHES BYA BA'I THA TSIG GO, ,MOS SO ZHES BYA BA NI GCIG TU NGES PA SKYES PA YIN NO, ,'DI LA THAMS CAD DU ZHES BYA BA NI BSTAN PA'O, ,THAMS CAD MKHYEN PA'I YE SHES LA ZHES BYA @22A *, ,BA NI RJES SU BSTAN PA'O, ,THAMS CAD DU ZHES BYA BA NI RTZE MO 'BRING ZHES BYA BA'I DON TO, ,GANG GIS DAD PA'I RJES SU 'BRANG BA ZHES BYA ZHE NA, CHOS NYID CES BYA BA LA SOGS PA GSUNGS TE, STON PA'I BSTAN PA TSAD MAR BYAS NAS DE LTAR MOS PA ZHES BYA'O, , DMIGS PA ZHES BYA BA NI DNGOS PO NYID DU MTHONG BA'O, ,MYA NGAN LAS 'DAS PA NI CHOS THAMS CAD KYI MCHOG TU GYUR PA YIN TE, DE LA YANG DNGOS PO NYID DU RLOM SEMS SU MI BYED CING, MYA NGAN LAS 'DAS PA LA RLOM SEMS MED PA DE NI RTZE MO 'BRING GI DMIGS PA DANG RNAM PA'I KHYAD PAR DAG GO, , RTZE MO CHEN PO'I DBANG DU BYAS TE, BSTAN BCOS LAS, THAMS CAD DMIGS PA MED PAR NI, ,SHES RAB KYIS NI YONGS RTOGS PA, ,ZHES GSUNGS SO, ,SHES RAB KYI PHA ROL TU PHYIN PA LAS YONGS SU RTOGS PA NI 'DI'I DMIGS PA'O, ,CHOS THAMS CAD MI DMIGS PA NI RNAM PA STE 'DI NYID GZHAN YANG BCOM LDAN 'DAS ZHES BYA BA LA SOGS PA GSUNGS SO, ,'DI GANG YIN 'DI GANG GI YIN ZHES BYA BA NI SPYIR BKA' STZAL PA'O, ,CI CHOS GANG MED PA DANG MI DMIGS PA DE NI KHYAD PAR RO, ,DE SHES RAB KYI PHA ROL TU PHYIN PA YIN NAM ZHES BYA BA LA, GAL TE DE LTAR ZHES BYA BA NI GAL TE MED PA DANG, MI DMIGS PA LA BRTAGS PA NI RNAM PAR DPYAD PA'O, ,BSAM PA NI NGES PAR THOB PA'O, ,MA ZHUM ZHES BYA BA NI YE SHES LA SBYAR BAR BYA BA'O, ,LHAG MA NI SNGA MA BZHIN TE RTZE MO CHEN PO'I DMIGS PA DANG RNAM PA'I KHYAD PAR DAG GO, ,BZOD PA CHUNG NGU'I DBANG DU BYAS NAS BSTAN BCOS LAS, GZUGS SOGS NGO BO NYID MED NYID, ,DE MED PA NYID NGO BO NYID, ,CES GSUNGS SO, ,GZUGS LA SOGS PA DANG BRAL BA'I NGO BO NYID KYIS NI DMIGS PA YIN NO, ,NGO BO NYID DE'I NGO BO NYID NI RNAM PA'O, ,DE YANG DE NAS TSE DANG LDAN PA SH'A RI'I BUS ZHES BYA BA LA SOGS PA GSUNGS TE, GZUGS NYID KYANG GZUGS KYI NGO BO NYID DANG BRAL BA ZHES BYA BA NAS NGO BO NYID KYI MTSAN NYID DANG BRAL BA ZHES BYA BA NI DMIGS PA'O, ,NGO BO NYID KYI DON DANG BRAL BA NI GZUGS LA SOGS PA'I NGO BO NYID DE NI RNAM PA'O, ,GANG 'DI LA SLOB PAR 'GYUR BA 'DI NI THAMS @22B CAD MKHYEN PA NYID LA NGES PAR 'BYUNG BAR 'GYUR RAM ZHES BYA BA DE NI BZOD PA CHUNG NGU'I DMIGS PA DANG RNAM PA'I KHYAD PAR DAG GO, ,BZOD PA 'BRING GI DBANG DU BYAS NAS BSTAN BCOS LAS, DE DAG SKYE MED NGES 'BYUNG MED, ,DAG DANG ZHES BYA BA GSUNGS SO, ,CHOS THAMS CAD SKYE BA MED PA DANG NGES PAR 'BYUNG BA MED PA NYID DE NI 'DI'I DMIGS PA'O, ,DE'I TSE YANG BYANG CHUB SEMS DPA'I LUS DANG SEMS DANG MTSAN DANG GZHI YONGS SU DAG PA NI RNAM PA'O, ,DE NYID BSTAN PA'I PHYIR DE CI'I PHYIR ZHE NA, ZHES BYA BA NAS GZHAN YANG TSE DANG LDAN PA RAB 'BYOR GYIS ZHES BYA BA LA SOGS PA'I BAR GYIS GSUNGS TE, DE NI BZOD PA 'BRING GI DMIGS PA DANG RNAM PA'I KHYAD PAR DAG GO, ,BZOD PA CHEN PO'I DBANG DU BYAS NAS BSTAN BCOS LAS, DE DAG MTSAN NYID MED, DE YI MTSAN MAR MI BRTEN PAS, ,MOS MIN 'DU SHES MED PA YIN, ,ZHES GSUNGS SO, ,DE DAG MTSAN NYID MED PA NI GZUGS LA SOGS PA'I MTSAN NYID KYIS, RNAM PAR DBEN PA NYID DE NI DE'I DMIGS PA'O, ,GZUGS LA SOGS PA'I MTSAN NYID LA, GZUGS LA SOGS PA ZHES BYA BA NI GANG BRTEN PA DANG MOS PA DANG 'DU SHES TE, DE DAG LAS BZLOG PA NI RNAM PA'O, ,DE LA SHIN TU BRTAN PAR LHAG PAR MOS PA NI BRTEN PA'O, ,NGES PA NI MOS PA'O, ,THA SNYAD NI 'DU SHES SO, ,DE NYID BSTAN PA'I PHYIR TSE DANG LDAN PA RAB 'BYOR GYIS ZHES BYA BA LA SOGS PA NAS, DE LA DANG PO MI MTHUN PA'I PHYOGS BSTAN PA NI THABS LA MKHAS PAR RIG PAR BYA'O, ,ZHES BYA BA'I BAR GYIS GSUNGS SO; ,DE BAS NA DE NAS ZHES BYA BA LA SOGS PA NI DNGOS SU DMIGS PA GSUNGS TE, MTSAN MA LA SPYOD PA BKAG NAS, SHES RAB KYI PHA ROL TU PHYIN PA LA SPYAD PA BSTAN PAS SO, ,MTSAN MA LA SPYOD PA BKAG PA NI GZUGS LA SOGS PA'I MTSAN MA YIN TE, GZUGS LA SOGS PA LA BRTEN PA DANG, MOS PA DANG, 'DU SHES KYI MTSAN NYID DE DE BAS NA SHUGS KYIS RNAM PA YANG BSTAN PA YIN NO, ,DE SPYOD KYANG ZHES BYA BA LA SOGS PAS NI SHES RAB KYI PHA ROL TU PHYIN PA LA SPYOD PA LA RLOM SEMS MED PA RNAM PA BRGYAD STON TO, ,NYE BAR MI 'GRO'O ZHES BYA BA NI MI 'DZIN @23A *, ,ZHES BYA BA'I THA TSIG STE, DE NI BZOD PA CHEN PO'I DMIGS PA DANG RNAM PA'I KHYAD PAR DAG GO, ,CHOS KYI MCHOG CHUNG NGU'I DBANG DU BYAS NAS BSTAN BCOS LAS, TING 'DZIN DE YI BYED PA NYID, ,CES GSUNGS SO, ,TING NGE 'DZIN CHOS THAMS CAD LA LEN PA MED PA DE NI 'DI'I DMIGS PA'O, ,DE'I BYED PA NYID CES BYA BA NI RNAM PA'O, ,DE NYID DE CI'I PHYIR ZHE NA, ZHES BYA BA LA SOGS PA GSUNGS SO, ,CHOS THAMS CAD NI ZHES BYA BA LA NI'I SGRA NI GTAN TSIGS SO, ,RJES SU NYE BAR MA SONG BA ZHES BYA BA NI BSTAN PA'O, ,MA BLANGS PA ZHES BYA BA NI RJES SU BSTAN PA'O, ,CHOS THAMS CAD NI DNGOS PO MED PA'I NGO BO NYID YIN NO, ,ZHES BYA BAR DGONGS SO, ,GANG LA CHOS THAMS CAD KYI LEN PA MED PA DE LA DE SKAD CES BYA STE, 'DI YAN CHAD KYIS NI DMIGS PA BSTAN TO, ,TING NGE 'DZIN 'DI LA GNAS NA ZHES BYA BA LA SOGS PAS NI RNAM PA BSTAN TE, DE NI CHOS KYI MCHOG CHUNG NGU'I DMIGS PA DANG RNAM PA'I KHYAD PAR DAG GO, ,'BRING GI DBANG DU BYAS NAS BSTAN BCOS LAS, ,LUNG STON PA DANG RLOM PA ZAD, ,CES BYA BA GSUNGS PA YIN NO, ,TING NGE 'DZIN 'DI LA GNAS NAS SANGS RGYAS RNAMS KYIS LUNG STON PA YIN TE 'DI NI 'DI'I DMIGS PA'O, , GANG 'DI'I TING NGE 'DZIN LA RLOM SEMS ZAD PA DE NI RNAM PA'O, ,DE NYID DE NAS SANGS RGYAS KYI MTHUS ZHES BYA BA LA SOGS PA NAS LUNG BSTAN TO ZHES BYA BA'I BAR GYIS DE'I DMIGS PA BSTAN TO, ,DE NAS DE NI TING NGE 'DZIN ZHES BYA BA NAS THAMS CAD DU MA MCHIS ZHES BYA BA'I BAR GYIS NI RNAM PA BSTAN TO,, DE LTA BU ZHES BYA BA NI JI SKAD BSHAD PA'I RLOM SEMS SO, ,THAMS CAD CES PA NI YANG MA LUS PA'O, ,THAMS CAD NAS ZHES BYA BA NI TING NGE 'DZIN CHOS THAMS CAD LEN PA MED PA YANGS PA MDUN DU BYAS PA'O, ,BDAG NI BYANG CHUB SEMS DPA'O, ,MNYAM PAR GZHAG PA'O ZHES BYA BA NI LDOG PA MED PA'O, ,BDAG TING NGE 'DZIN LA SNYOMS PAR 'JUG CES BYA BA NI ZHAG GSUM PA DANG BZHI PA LA SOGS PAR SNYOMS PAR 'JUG PAR 'GYUR RO, ,RNAM PA THAMS CAD KYI ZHES BYA BA NI CHUNG NGU'I CHUNG NGU'I BAR GYI RNAM PAR YANG NGO, ,THAMS CAD DU ZHES BYA BA NI TING NGE 'DZIN THOB PA NAS BRTZAMS TE, DES @23B THAMS CAD DU MED DO ZHES BYA BA'I THA TSIG STE, DE NI CHOS KYI MCHOG 'BRING GI DMIGS PA DANG RNAM PA'I KHYAD PAR RO, ,CHEN PO'I DBANG DU BYAS NAS BSTAN BCOS LAS, GSUM PO PHAN TSUN NGO BO GCIG, ,TING 'DZIN RNAM PAR MI RTOG PA, ZHES GSUNGS SO, ,TING NGE 'DZIN DANG, SHES RAB KYI PHA ROL TU PHYIN PA DANG BYANG CHUB SEMS DPA' NI GSUM PA'O, ,DE NI PHAN TSUN GYI NGO BO NYID NI 'DI'I DMIGS PA'O, ,TING NGE 'DZIN RNAM PAR MI RTOG PA NI RNAM PA'O, ,DE SKAD CES GSOL PA DANG ZHES BYA BA LA SOGS PA NAS BYANG CHUB TU LUNG BSTAN TO ZHES BYA BA'I BAR GYIS NI DMIGS PA GSUNGS SO, ,DE LTAR NA BYANG CHUB NI SHES RAB KYI PHA ROL TU PHYIN PA STE DON DAM PAR BYANG CHUB PAR BYED PA'I PHYIR RO, ,DE NYID SEMS DPA' STE, 'DI DE'I BDAG NYID YIN TE, DE BAS NA BYANG CHUB SEMS DPA'O, ,SKABS KYIS NI TING NGE 'DZIN CHEN PO DE NYID SEMS DPA' YIN PAS 'DI NYID SEMS DPA' CHEN PO'O, ,YANG JI LTAR NA 'DI BYANG CHUB SEMS DPA' NYID YIN ZHE NA, SKABS YIN PA'I PHYIR TE, DES NA GSUM PO 'DI DAG GI PHAN TSUN GYI NGO BO NYID DANG SA NI DMIGS PA'O, ,TING NGE 'DZIN DE BSTAN PAR NUS SAM ZHES BYA BA NAS DE NAS BCOM LDAN 'DAS KYIS ZHES BA BA'I BAR GYIS RNAM PA BSTAN TO, ,BSTAN PAR NUS SAM ZHES BYA BA NI TSIG GIS RAB TU BSTAN PA'O, ,TING NGE 'DZIN DE YANG MI SHES, ,ZHES BYA BA NI GZUNG BA DANG 'DZIN PA YIN PAS DE LTAR MI SNANG BA YIN PA'I PHYIR RNAM PAR MI RTOG PA'O, ,YANG DAG PAR MI SHES ZHES BYA BA NI BRJOD PAR MI NUS PA'I PHYIR RNAM PAR MI RTOG PA'O, ,LHAG MA NI RTOGS PAR SLA'O, ,DE NI 'JIG RTEN CHOS KYI MCHOG CHEN PO'I DMIGS PA DANG RNAM PA'I KHYAD PAR DAG GO, ,DE NAS BSTAN BCOS LAS, DE LTAR NGES 'BYED CHA MTHUN NI, ,CHUNG DANG 'BRING DANG CHEN PO YIN, ,NGES 'BYED CHA MTHUN ZHES BYA BA NI NGES PAR 'BYED PA'I CHA DANG MTHUN PA BZHI PO DE DAG YIN TE, RE RE YANG CHUNG NGU DANG 'BRING DANG CHEN PO NYID KYIS BCU GNYIS SU 'GYUR RO, ,DE LTAR ZHES BYA BA NI DMIGS PA DANG RNAM PA JI SKAD BSTAN PA NYID KYIS BCU GNYIS BDAG GIS JI SKAD BSTAN PA BZHIN DU SBYAR BAR BYA'O, ,DE RNAM PAR RTOG PA DANG LDAN @24A *, ,PAR BSHAD PAR BYA BA'I DBANG DU BYAS NAS BSTAN BCOS LAS, GZUNG BAR RTOG PA RNAM PA GNYIS, ,GZHI DANG DE YI GNYEN PO YIS, ,RMONGS DANG PHUNG SOGS BYE BRAG GIS, ,DE NI SO SOR RNAM PA DGU, ,ZHES BYA BA GSUNGS SO, ,GZUNG BAR RTOG PA NI GZUNG PAR RNAM PAR RTOG PA'O, ,DE NI RNAM PA GNYIS TE, GCIG NI DNGOS PO LA RNAM PAR RTOG PA YIN TE, GANG 'JIG RTEN LA GRAGS PA'I DNGOS PO LA'O, ,CIG SHOS NI DE'I GNYEN PO STE, DE YANG SO SOR RNAM PA DGU'O, ,JI LTAR RMONGS PA DANG PHUNG PO LA SOGS PA'I BYE BRAG NI MA RIG PA DANG PHUNG PO LA SOGS PA'I BYE BRAG CES BYA BA'I THA TSIG GO, ,DE NYID DE NAS BCOM LDAN 'DAS KYIS TSE DANG LDAN PA RAB 'BYOR LA LEGS SO ZHES BYA BA LA SOGS PAS NI STON PAR MDZAD PA YIN NO, ,DE NAS ZHES BYA BA NI BCOM LDAN 'DAS KYIS DE LTAR SLOB NA SHES RAB KYI PHA ROL TU PHYIN PA LA SLOB PA YIN NO ZHAS GSUNGS PA DE MA THAG CES BYA BA'I THA TSIG GO, ,DE SKAD CES BKA' STZAL PA DANG ZHES BYA BA NI, GANG BCOM LDAN 'DAS KYIS BKA' STZAL PA DE NYID BCOM LDAN 'DAS KYI BKA' YIN PAS BSTAN PAR BYA BA'I PHYIR SKABS KYI SH'A RI'I BUS GSOL BAR BYA BA'I DON DU SMRAS SO, ,CHOS GANG LA SLOB PA LAGS ZHES BYA BA LA, SPYI SGRA DANG, YON TAN DANG, GTZO BO DANG, SKYES BU LA SOGS PA LA ZHES BYA BA'AM, 'ON TE PHUNG PO DANG KHAMS DANG, SKYE MCHED LA SOGS PA'I CHOS LA DMIGS NAS BSLAB PAR BYA, ZHES DGONGS SO, ,BCOM LDAN 'DAS KYIS GANG LA YANG MI SLOB BO ZHES BKA' STZAL TE, CHOS THAMS CAD BDAG MED PA NYID LA SLOB PA'I PHYIR, ZHES DGONGS SO, ,DE CI'I PHYIR ZHE NA, ZHES BYA BA NI DE CHOS THAMS CAD LA MI SLOB PA GA LAS SHE NA, LAN NI SH'A RI'I BU ZHES BYA BA LA SOGS PA GSUNGS SO, ,CHOS DE NI ZHES BYA BA NI RDZAS DANG, YON TAN DANG LAS LA SOGS PA'O, ,DE BZHIN DU ZHES BYA BA NI DE'I NGO BO'O, ,JI LTAR ZHES BYA BA NI JI LTA BU'I NGO BOS MNGON PAR CHAGS SHING BDEN PA NYID DU'O, ,SO SO'I SKYE BO NI 'PHAGS PA MA YIN PA STE DE YANG BYIS PA'O, ,GANG GI PHYIR THOS PA DANG MI LDAN PA NI THOS PA MANG PO MED PA'O, 'O NA DA JI LTA BUR @24B MCHIS ZHES BYA BA NI JI LTA BUR RNAM PA ZHES BYA BA'I DON TO, ,JI LTAR MED PA ZHES BYA BA NI YOD PA YIN TE, GNOD PAR BYED PA YOD PA'I PHYIR RO, ,DE BZHIN DU YANG DAG PAR YOD DE ZHES BYA BA NI MED PA'I PHYIR DANG, BRDZUN PA'I NGO BOS SNANG BA ZHES BYA BA'I DON TO, ,DE LTAR ZHES BYA BA NI BSHAD PA'I RIGS PAS SO, ,MED PA ZHES BYA BA NI BRDZUN PA'O, ,MA RIG PA ZHES BYA BA NI MA RIG PA'I KHYAD PAR YIN PA'I PHYIR MA RIG PA ZHES BYA BA'I DON TO, ,DE DAG LA ZHES BYA BA LA SOGS PA LA DE NI YUL GYI RNAM PAR RTOG PA BSTAN TE, DE NI MA RIG PA'I RNAM PAR RTOG PA DANG PO'O, , DE DAG GIS ZHES BYA BA NI BYIS PA SO SO'I SKYE BOS SO, ,CHOS THAMS CAD CES BYA BA NI PHUNG PO DANG SKYE MCHED LA SOGS PA'O, ,MED PA LA ZHES BYA BA NI BYIS PAS BZUNG BA'I DNGOS PO YOD PA'O, ,BRTAGS SO ZHES BYA BA NI DE BZHIN DU DNGOS PO NYID DU BZUNG BA'O, ,DE NI PHUNG POR BRTAGS PA STE; RNAM PAR RTOG PA GNYIS PA'O, ,MTHA' GNYIS LA ZHES BYA BA NI SKYE BA DANG 'GAG PA'O, ,ZHEN PAS ZHES BYA BA NI KUN NAS GNAS PA'O, ,GA LAS SHE NA, CHOS DE DAG CES BYA BA LA SOGS PA GSUNGS TE, MI SHES ZHES BYA BA NI DE KHO NA NYID LA NGES PAR MI BYED PA STE, SBYOR BA'I LAM THOB PA MED PA'I PHYIR RO, ,MI MTHONG STE ZHES BYA BA NI 'JIG RTEN LAS 'DAS PA'I LAM GYI RTOG PA MED PA STE, DE CI'I PHYIR ZHE NA ZHES BYA BA LA SOGS PA NAS MNGON PAR CHAGS TE ZHES BYA BA'I BAR GYIS NI MJUG BSDU BA'O, ,DE NI MTHA' GNYIS LA CHAGS PA'I RTOG PA STE GSUM PA'O, ,MNGON PAR CHAGS PA ZHES BYA BA NI MTHA' GNYIS LA GNAS PA'O, ,DE'I GZHIS ZHES BYA BA NI RGYU'O, ,DMIGS PA ZHES BYA BA NI LOG PA'I SHES PA'O, ,GNAS NAS ZHES BYA BA NI RTEN PA'O, ,MING DANG GZUGS LA MNGON PAR ZHEN PAS ZHES BYA BA NI MING NI GZUGS CAN MA YIN PA'I PHUNG PO GZUGS NI GZUGS KYI PHUNG PO YIN TE, DE GNYIS KA NI MING DANG GZUGS SO, ,DE LA MNGON PAR ZHEN PA STE MING DANG GZUGS LA MNGON PAR ZHEN PA STE RNAM PAR RTOG PA BZHI PA'O, ,LNGA PO GZHAN NI BRTAG PAR BYA BA YIN TE, GZUGS LA SOGS PA 'DI DAG NI KUN NAS NYON MONGS PA 'DI @25A *, ,DAG NI RNAM PAR BYANG BA'O ZHES MI SHES MI MTHONG BA YIN NO, ,NGES PAR MI 'BYUNG ZHES BYA BA NI KHAMS GSUM DANG THEG PA LAS SO, ,DE NI KUN NAS NYON MONGS PA DANG RNAM PAR BYANG BA'I MI SHES PA'I RNAM PAR RTOG PA STE LNGA PA'O, ,DE DAG NI STONG PA NYID LA DAD PAR MI BYED CING PHA ROL TU PHYIN PA DAG LA MI GNAS PA YIN TE, DE NI 'PHAGS PA'I LAM LA MI GNAS PA'I RNAM PAR RTOG PA STE DRUG PA'O, ,DE PHA ROL TU PHYIN PA LA SOGS PA DAG LA DMIGS PA NI NGES PAR MI 'BYUNG STE, DE NI LAM LA DMIGS PA'I RNAM PAR RTOG PA STE BDUN PA'O, ,DE BDAG DANG CHOS LA DMIGS PA YIN TE, DE NI BDAG LA DMIGS PA'I RNAM PAR RTOG PA STE BRGYAD PA'O, ,SKYE BA MED PA DANG, RAB TU SKYE BA MA YIN PA DANG, MNGON PAR 'DU MI BYED PA RNAM PAR DAG PA DE NI RNAM PAR RTOG PA STE DGU PO DE NI DRO BAR RNAM PAR RTOG PA DGU PO 'DI DAG NI SRAB MOR MA BYAS PA DANG, ,MA SPANGS PA DE BAS NA DE DAG DANG LDAN PA YIN NO, ,DE'I RNAM PAR RTOG PA'I MUN PA BSRABS PAR BYAS PA'I PHYIR, SNANG BA THOB PA'I TENG NGE 'DZIN LA BRTEN PA ZHES BYA BA BSTAN TE, DE NI GZUNG BA'I RNAM PAR RTOG PA DANG PO RNAM PA DGU'O, ,GNYIS PA'I DBANG DU BYAS NAS DE DAG GIS ZHES BYA BA LA SOGS PA GSUNGS TE, CHOS THAMS CAD CES BYA BA NI PHUNG PO LA SOGS PA'O, ,BRTAGS SO ZHES BYA BA NI PHUNG PO LA SOGS PA'I DBYE BAS RNAM PA DGU GZUNG BA YIN NO, ,PHUNG PO LA SOGS PA'I DNGOS POR BRTAGS PA'I DBYE BAS PHUNG PO LA SOGS PAS RNAM PAR RTOG PA NI RNAM PA DGU'O, ,DE LA GZUGS SU RNAM PAR RTOG CING MNGON PAR ZHEN PA NAS RNAM PAR SHES PA'I BAR DU ZHEN PA DE NI PHUNG PO'I DON DU RNAM PAR RTOG PA'O, ,MIG TU RNAM PAR RTOG CING MNGON PAR ZHEN PA NAS CHOS KYI BAR DU MNGON PAR ZHEN PA DE NI SKYE BA'I SGO'I DON DU RNAM PAR RTOG PA'O, ,MING DANG GZUGS DANG MIG GI RNAM PAR SHES PA'I KHAMS NAS, YID DANG CHOS DANG YID KYI RNAM PAR SHES PA'I KHAMS KYI BAR DU MNGON PAR ZHEN PA DE NI RIGS KYI DON DU RNAM PAR RTOG PA'O, ,MA RIG PA NAS RGA SHI'I BAR NI SKYE BA'I DON DU RNAM PAR RTOG PA'O, ,NANG STONG PA NYID NAS DNGOS PO MED PA'I NGO BO NYID STONG PA NYID KYI BAR DE NI STONG @25B PA NYID KYI DON DU RNAM PAR RTOG PA'O, ,PHA ROL TU PHYIN PA DRUG PO DAG NI PHA ROL TU PHYIN PA'I DON DU RNAM PAR RTOG PA'O, ,BYANG CHUB KYI PHYOGS KYI CHOS SUM CU RTZA BDUN NI MTHONG BA'I LAM GYI RNAM PAR RTOG PA'O, ,BSAM GTAN DANG GZUGS MED PA DANG SNYOMS PAR 'JUG PA DAG NI BSGOM PA'I LAM GYI RNAM PAR RTOG PA'O, ,DE BZHIN GSHEGS PA'I STOBS BCU NAS RNAM PA THAMS CAD MKHYEN PA NYID KYI BAR DU NI MI SLOB PA'I LAM GYI RNAM PAR RTOG PA'O, ,DE DAG GIS ZHES BYA BA LA SOGS PA NI DE DAG GI SKYON BSTAN TO, ,LAM YANG DAG PA JI LTA BA BZHIN ZHES BYA BA NI PHYIN CI MA LOG PA'I LAM BDAG MED PA'I YE SHES SO, ,YANG DAG PA NI DE KHO NA NYID DO, ,MTHA' NI MCHOG DANG RTZE MO STE, ,YANG DAG PA'I MTHA' STONG PA NYID CES BYA BA'I DON TO, ,GRANGS SU ZHES BYA BA NI BRTZIS SU'O, ,RNAM PAR RTOG PA DGU PO 'DI DAG NI RTZE MO'I'O, ,SRAB MOR BYAS PA DANG MA SPANGS PA DE BAS NA DE DAG DANG LDAN PA NI SNGA MA'I RNAM PAR RTOG PA DGU SPONG PA NYID DE, DE BAS NA SNANG BA MCHED PA'I TING NGE 'DZIN LA GNAS PA YIN TE, DE NI GZUNG BA'I RNAM PAR RTOG PA GNYIS PA RNAM PA DGU BSTAN PA YIN NO, ,'DZIN PA'I RTOG PA GNYIS KYI DBANG DU BYAS NAS BSTAN BCOS LAS, BDAG SOGS RANG DBANG NGO BO DANG, ,DE BZHIN PHUNG SOGS RTEN SGO NAS, ,RDZAS DANG BRTAGS PA'I RTEN CAN GYIS, ,'DZIN PA RNAM PA GNYIS SU 'DOD, ,'DZIN PA NI 'DZIN PA'I RNAM PAR RTOG PA'O, ,DE NI RNAM PA GNYIS TE, RDZAS LA RTEN PA DANG, BRTAGS PA LA RTEN PA'O, ,RTEN NI DMIGS PA'O, ,DE YANG GO RIMS BZHIN DU BDAG LA SOGS PA RANG DBANG CAN DANG, PHUNG PO LA SOGS PA LA RTEN PA YIN NO, ,'DIR YANG DE NI SO SOR RNAM PA DGU ZHES RJES SU SBYAR RO, ,DE LA DANG PO'I DBANG DU BYAS NAS DE DAG CHOS BDEN PA LA ZHES BYA BA LA SOGS PA SMOS TE, ,DE DAG CES BYA BA NI BYIS PA SO SO'I SKYE BO'O, ,CHOS BDEN PA ZHE BYA BA NI YANG DAG PA'I BDEN PA'I DON BDAG MED PA MTHONG BA'O, ,YID MI CHES SO ZHES BYA BA NI GUS PAR MI BYED PA STE, BDAG NYID RNAM PA DGUR RTOG PA'O, ,YANG ZHES BYA BA LA SOGS PAS NI BYANG CHUB SEMS DPA' CHOS GANG LA YANG ZHEN PAR MI BYED PA YIN TE BDAG NYID DU @26A *, ,DMIGS PAR MI BYED BA'I PHYIR RO, ,DE NYID KYIS NA MI DMIGS PA RNAM PA DGU'I MI MTHUN PA NYID KYIS RNAM PAR RTOG PA DGU'O, ,BDAG DANG SEMS CAN DANG MTHONG BA PO'I BAR DU BSTAN DU MED PA'I PHYIR MI DMIGS PAS DE NI RANG DBANG GI BDAG NYID DU RNAM PAR RTOG PA'O , ,GZUGS DANG RNAM PAR SHES PA'I BAR GYIS BDAG NYID DU MI DMIGS PAS DE NI GCIG GI BDAG NYID DU RNAM PAR RTOG PA'O, ,MI GNAS YID KYI BAR DANG GZUGS NAS CHOS KYI BAR MI DMIGS PAS DE NI RGYU'I BDAG NYID DU RNAM PAR RTOG PA'O, ,MIG DANG GZUGS DANG MIG GI RNAM PAR SHES PA NAS, YID DANG CHOS DANG YID KYI RNAM PAR SHES PA'I BAR NI LTA BA'I BDAG NYID DU RNAM PAR RTOG PA'O, ,RTEN CING 'BREL PAR BYUNG BA NAS GZUGS MED PA'I KHAMS KYI BAR NI KUN NAS NYON MONGS PA'I GZHI'I BDAG NYID KYI RNAM PAR RTOG PA'O, ,BSAM GTAN DANG PO NAS GZUGS MED PA'I SNYOMS PAR 'JUG PA'I BAR NI 'DOD CHAGS DANG BRAL BA'I GZHI'I BDAG NYID KYI RNAM PAR RTOG PA'O, ,'PHAGS PA'I BDEN PA NI MTHONG BA PO'I GZHI'I BDAG NYID KYI RNAM PAR RTOGS PA'O, ,RNAM PAR THAR PA BRGYAD DANG, MTHAR GYIS GNAS PA'I SNYOMS PAR 'JUG PA DGU NI BSGOM PA'I GZHI'I RNAM PAR RTOG PA'O, ,STOBS BCU DANG RNAM PA THAMS CAD MKHYEN PA NYID KYI BAR LA YANG MI DMIGS PAS DE NI DON BYAS PA NYID KYI GZHI'I BDAG NYID KYI RNAM PAR RTOG PA'O, ,BZOD PA DGU PO 'DI DAG SRAB PAR BYED, SPONG BAR MI BYED DE, DE BAS NA 'DI DAG DANG LDAN PAS NI SNGA MA DE DAG NYID SPONG BAR BYED PA NYID DE DE BAS NA GZUNG BAR BYA BA MED PA GCIG TU NGES PAR YOD PA'I PHYIR DE KHO NA NYID KYI DON LA PHYOGS GCIG TU ZHUGS PA'I TING NGE 'DZIN LA GNAS PA YIN NO, ,DE SKAD CES BKA' STZAL PA DANG ZHES BYA BA LA SOGS PAS NI SH'A RI'I BUS ZUR GYIS ZHUS PA GSUNGS SO, ,ZHU BA NI 'DI SNYAM DU SEMS TE, GAL TE DE THAMS CAD MKHYEN PA NYID LA SLOB PA DE'I TSE 'DI LA JI LTAR MI DMIGS PA ZHE NA, BCOM LDAN 'DAS KYIS BKA' STZAL PA, DE LA YANG MI SLOB PA STE, DMIGS PA'I TSUL GYIS ZHES BYA BAR DGONGS SO, ,DE LTAR SLOB NA ZHES BYA BA NI MI DMIGS PA'I TSUL GYIS @26B SLOB PA'O, ,CHOS THAMS CAD LA ZHES BYA BA NI SA THAMS CAD KYI YON TAN THOB PA LA'O, ,DE LTAR BSTAN PA 'DI 'DZIN PA'I RNAM PAR RTOG PA DANG PO DGU'O, ,DE NAS BCOM LDAN 'DAS ZHES BYA BA LA SOGS PAS NI CI SGYU MA'I SKYES BU 'DI ZHES BYA BA LA SOGS PA LA, 'DRI BA'I BSAM PA NI 'DI YIN TE, GAL TE CHOS KYI MCHOG 'DI LA BYANG CHUB LA SLOB PA'I BYANG CHUB SEMS DPA' NI SGYU MA'I SKYES BU DANG 'DRA BA YIN TE, DE LTA NA SGYU MA'I SKYES BU YANG SLOB PAR 'GYUR 'GYUR ZHING DE NGES PAR 'BYUNG BAR 'GYUR RO ZHES BRJOD PAR BYA'O ZHE NA, RAB 'BYOR DE BAS NA ZHES BYA BA LA SOGS PA GSUNGS TE, GAL TE SGYU MA'I SKYES BU LTA BU NYID DU NI MI 'DOD DE RGYU DE BAS NA'O, ,NA ZHES BYA BA TSIG GI RGYUN DU SMRAS PA YIN NO, ,KHYED NYID LA DRI BAR BYAS ZHES BYA BA NI DANG DRIS PA DE NYID LA DRI BAR BYAS PA'O, ,CI NUS PA ZHES BYA BA NI CI 'DOD PA'O, ,STON CIG CES BYA BA NI SHOD CIG PA'O, ,LTAR NYAN PA DANG ZHES BYA BA NI BDAG GIR BYAS PA'O, ,'DI ZHES BYA BA NI TSIG NYE BAR DGOD PA'O, ,JI ZHES BYA BA NI DRI BA'O, ,JI PHUNG PO GZHAN LA SGYU MA YANG GZHAN NAM ZHES BYA BA NI DRIS PA'I DON TO, ,SGYU MA NYID KYANG PHUNG PO ZHES BYA BA NI RAB 'BYOR GYIS DRIS PA'I LAN NO, ,DON DANG SGYU MA MKHAN GYIS SPRUL PA'I DNGOS PO'I DON BZHIN DU YANG DAG PAR SNANG BA MA YIN TE, DE NI 'DIR SGYU MA'I SGRA'I DON TO, ,DE BAS NA SGYU MA NYID CES GSUNGS SO, ,SGYU MA'I DON BSTAN NAS SKYES BU'I DON BSTAN PA'I PHYIR, 'DIR NI 'DU SHES KUN SHES PA BRTAGS PA THA SNYAD YIN NO ZHES BYA BA LA KHYAD PAR DU DPYOD PAR BYED PA YIN PA'I PHYIR 'DU SHES TE, SHES PA DANG BLO ZHES BYA BA'I DON TO, ,BYIS PA RNAMS DRANG BA'I CHED DU BRTAGS PA NI BRTAGS PA STE DE DAG LOG PA NYID DU MI SHES PA'I PHYIR RO, ,'PHAGS PA DANG 'PHAGS PA MA YIN PA THAMS CAD 'DIS THA SNYAD DU BYED PAS NA THA SNYAD DO, ,DE LA 'PHAGS PAS NI BRTAGS PA LOGS PA NYID DU RTOGS PAS GZHAN LA RTON PAR BYED PA'O, ,'PHAGS PA MA YIN PAS NI BDEN PA NYID DU SHES NAS BDAG NYID KYANG 'JUG PAR BYED DO, ,'DIR ZHES BYA BA 'DIS NI BSTAN PA'O, ,NYE BAR LEN PA'I PHUNG PO LNGA LA ZHES BYA BA NI MING LA SOGS PA RNAMS RJES SU BSTAN @27A *, ,PA'O, ,BYANG CHUB SEMS DPA' ZHES BYA BA NI DNGOS PO MED PA DANG BDAG MED PA DAG LA BYANG CHUB SEMS DPA'O ZHES BRTAGS PA'O, ,DE BAS NA 'DI NI SGYU MA'I SKYES BU NYID DO ZHES BYA BA NI SPYI'I DON YIN NO, ,BCOM LDAN 'DAS DE DE BZHIN NO, ,BDE BAR GSHEGS PA DE DE BZHIN TE ZHES BYA BA NI YONGS SU DGA' BA'I PHYIR LAN GNYIS SU BRJOD PA YIN NO, ,DE BAS NA ZHES BYA BA LA SOGS PA NI BYANG CHUB SEMS DPA' SGYU MA'I SKYES BU NYID DU SGRUB CING BSTAN PAR BYA BA'I PHYIR BSKAL PA'I LAN YONGS SU GSAL BAR BTAB PAR MTSAN PA YIN NO, ,'DI LTA STE BYANG CHUB SEMS DPA' BSLAB PAR BYA BA NI YANG DAG PAR RDZOGS PA'I BYANG CHUB LA'O, ,SLOB PAS ZHES BYA BA NI SLOB PAR BYED PA'I RGYU LA STE, DPER NA, BUNG BA NYAL NAS 'PHEL BYED LA, ,PAD MA'I RTZA BA GNAS NAS SKYES, ,ZHES BYA BA STE, GANG GI PHYIR DE SHES RAB KYI PHA ROL TU PHYIN PA LA SLOB PA NI SEMS DANG LDAN PA'I PHYIR LA, SGYU MA MKHAN GYIS SPRUL PA'I SKYES BU NI YID MED PA YIN PA'I PHYIR RO, ,SGYU MA'I SKYES BU LTAR ZHES BYA BA NI SGYU MA MKHAN GYIS SPRUL PA'I SKYES BU DANG 'DRA BAR BDAG BYID MTHONG BA ZHES BYA BA'I DON TO, ,DE CI'I SLAD DU ZHE NA ZHES BYA BA NI, BDAG NYID DE LTAR MTHONG BA NI DKA' BA YIN NA, DE JI LTAR SHES SHE NA, SGYU MA MKHAN GYIS SPRUL PA'I DNGOS PO'O DON NI SGYU MA STE, DE DANG 'DRA BA'I SKYES BU NI SGYU MA'I SKYES BU'O, ,GZUNG BAR BYA'O ZHES BYA BA NI NGES PAR BYA'O, ,GZUGS NI SGYU MA LTA BU ZHES BYA BA NI GZUNG BAR SNANG BA'I DNGOS PO YIN PA'I PHYIR RO, ,GANG ZHES BYA BA NI NANG DANG 'DRA BA'O, ,DE ZHES BYA BA NI DE DANG 'DRA BA'O, ,DE DAG CES BYA BA NI DE DAG DANG 'DRA BA STE, ,'DZIN PA'I DNGOS PO YANG MED PA'I PHYIR ZHES BYA BAR BSAMS PA'O, ,PHUNG PO DANG SKYE MCHED LA SOGS PA MED NA 'DI LA SEMS DANG LDAN PA CI ZHIG CE NA, SEMS DANG LDAN PA'I PHUNG PO LA SOGS PA NI 'KHRUL PA NYID DE, PHUNG PO LA SOGS PA NI YIN PA MA YIN NO, ,SPRUL PA'I SKYES BU NI SPRUL PA YANG MED DO, ,DE BZHIN DU TSOR BA LA SOGS PA'I GZHUNG DAG LA YANG BSHAD PAR BYA'O, ,SKYE MCHED DRUG LA YANG LA LAR SKYES BU BTAGS PA YOD DE DE NI ZHAR LA DBANG PO DRUG BZUNG BA YIN NO, , @27B SKABS KYIS NI PHUNG PO LA SOGS PA LA SKYES BUR BTAGS PA YIN NO, ,LHAG MA NI CI RIGS PAR BTAGS PAR BYA'O, ,DE LTAR NA BTAGS PA'I RNAM PAR RTOG PA DGU'O, ,SGYU MA NYID GZUGS ZHES BYA BA NAS RNAM PAR SHES PA'I BAR DU NI PHUNG POR BTAGS PA'I RNAM PAR RTOG PA'O, , SGYU MA NYID MIG CES BYA BA NAS CHOS ZHES BYA BA'I BAR NI SKYE MCHED RNAMS SU BTAGS PA'I RNAM PAR RTOG PA'O, ,SGYU MA NYID MIG DANG GZUGS DANG MIG GI RNAM PAR SHES PA DANG, SGYU MA NYID YID DANG CHOS DANG YID KYI RNAM PAR SHES PA'I BAR DANG, SGYU MA NYID NAM MKHA'I KHAMS KYI BAR DANG, ,SGYU MA NYID RNAM PAR SHES PA'I KHAMS KYI BAR NI KHAMS SU BTAGS PA'I RNAM PAR RTOG PA'O, ,SGYU MA NYID RTEN CING 'BREL BAR 'BYUNG BA YIN TE, SGYU MA NYID MA RIG PA DANG, SGYU MA NYID RGA SHI ZHES BYA BA'I BAR DU NI RTEN CING 'BRAL PAR 'BYUNG BAR BTAGS PA'I RNAM PAR RTOG PA'O, ,SGYU MA NYID BYANG CHUB KYI PHYOGS KYI CHOS SUM CU RTZA BDUN ZHES BYA BA NI RNAM PAR BYANG BAR BTAGS PA'I RNAM PAR RTOG PA'O, ,SGYU MA NYID STONG PA NYID DANG MTSAN MA MED PA DANG SMOS PA MED NYID CES BYA BA NI MTHONG BA'I LAM DU BTAGS PA'I RNAM PAR RTOG PA'O, ,SGYU MA NYID BSAM GTAN DANG GZUGS MED PA'I SNYOMS PAR 'JUG PA NI BSGOM PA'I LAM DU BTAGS PA'I RNAM PAR RTOG PA'O, ,SGYU MA NYID STONG PA NYID THAMS CAD CES BYA BA NI KHYAD PAR GYI LAM DU BTAGS PA'I RNAM PAR RTOGS PA'O, ,SGYU MA NYID STOBS BCU NAS SGYU MA NYID BYANG CHUB CES BYA BA'I BAR NI MI SLOB PA'I LAM DU BTAGS PA'I RNAM PAR RTOG PA'O, ,CHOS KYI MCHOG GIS DGU PO 'DI DAG SRAB PAR BYED CING MI SPONG BA DANG, DE DAG DANG LDAN PA NI SNGA MA'I RNAM PAR RTOG PA DGU SPONG BAR BYED DE, ,NAS BAR CHAD MED PA'I TING NGE 'DZIN STON PAR BYED DE BAR CHAD BYED PAR NUS PA NI BAR CHAD DO, ,BAR CHAD BYED PAR MI NUS PA NI DE MA THAG PA'O, ,DE DAG LAS SHE NA, DE'I DE MA THAG NYID DU MTHONG BA'I LAM SKYE BA YIN TE, DES NI 'DZIN PAR RNAM PAR RTOG PA GNYIS PA RNAM PA DGU BSTAN TO, ,DE LTAR NA 'DIS NI RNAM PAR RTOG PA BZHI DANG LDAN PA'I KHYAD PAR BSTAN PA YONGS SU 'DZIN PA'I KHYAD PAR GYI DBANG @28A *, ,DU BYAS NAS BSTAN BCOS LAS, SEMS MI 'GONG BA NYID LA SOGS, ,NGO BO NYID MED SOGS STON BYED, ,DE YI MI MTHUN PHYOGS BAR BA, ,RNAM PA KUN TU YONGS 'DZIN YIN, ,ZHES GSUNGS TE, RNAM PA KUN TU ZHES BYA BA NI YONGS SU 'DZIN PA RNAM PA BZHI STE, GANG YONGS SU BZUNG BAS BYANG CHUB SEMS DPA'I LAM GYI RJES SU 'GRO ZHING LAM MA YIN PAS MA YIN TE, 'DI LTA STE THABS MKHAS PAS DANG, DGE BA'I BSHES GNYEN DANG DE GNYIS KYIS KYANG MI MTHUN PA'I PHYOGS YONGS SU SPONG NGO, ,DE LA THABS MKHAS PAS NI SEMS MI 'GONG BA NYID LA SOGS PA STE, RGYU LA 'BRAS BUR BTAGS PA'I PHYIR RO, ,NGO BO NYID MED SOGS STON BYED PA NI DGE BA'I BSHES GNYEN NO, ,DE NYID KYI SKABS BSTAN PA'I PHYIR THEG PA LA GSAR DU ZHUGS PA ZHES BYA BA LA SOGS PA GSUNGS SO, ,MNGON DU GYUR PAS 'JIGS PA NI SKRAG PA'O, ,SKRAG ZIN PA NI DANG NGAS PA'O, ,DE NYID KYI RGYU NI SHIN TU DANG NGES PA'O, ,BSTAN PA 'DI THOS NA ZHES BYA BA NI SGYU MA'I SKYES BUR BSTAN PA'O, ,GAL TE BYANG CHUB SEMS DPA'I LAG TU SONG NA NI ZHES BYA BAR SBYAR RO, ,JI LTA BU'I LAG TU SONG NA ZHES NA, SEMS DPA' CHEN PO SDIG PA'I GROGS PO'I LAG TU SONG NA'O, ,'DIR MA ZHES BYA BA'I SGRA RTOGS PAR BYA STE,SDIG PA'I GROGS PO'I LAG TU SONG BAR GYUR PA'AM ZHES BYA'O, ,DES BA MA YIN PA DANG, MI MKHAS PA DANG, THABS MKHAS PA MA YIN TE, SEMS DPA' CHEN PO GANG DAG SEMS DPA' CHEN PO'I LAG TU MA YIN PA DE LA DE SKAD CES BYA STE DON GYIS DE LTAR BSTAN PA YIN NO, ,THABS MI MKHAS PA YONGS SU GTONG BA DANG, SDIG PA'I GROGS PO YONGS SU SPONG BA RNAMS MI YONGS SU 'DZIN PA RNAM PA GNYIS PO DAG GO, ,DE BAS NA RAB 'BYOR DAL TE ZHES BYA BA LA SOGS PA GSUNGS TE, SEMS DPA' MDZANGS PA THABS MKHAS PA YIN TE, DE GANG DAG LA CHEN PO YOD PA DE DAG LA DE SKAD CES BYA STE, DGE BA'I BSHES GNYEN GYI LAG TU SONG BA'O, ,'DIR YANG 'AM ZHES BYA BA NI SGRA RTOGS PAR 'GYUR RO, ,'DI SKAD STON PA YIN TE, THABS MKHAS PA DANG, DGE BA'I BSHES GNYEN NI YONGS SU 'DZIN PA GZHAN GNYIS YIN NO, ,DE LA GANG CHOS THAMS CAD NGO BO NYID MED PAR @28B NGES SHING BSTAN PA DANG, RNAM PA THAMS CAD MKHYEN PA NYID DANG LDAN PA'I MI DMIGS PA'I YI SHES KYIS DGE BA'I CHOS RNAMS SPYOD CING DE DAG YANG DAG PAR RDZOGS PA'I BYANG CHUB TU YANG DAG PAR YONGS SU BSNGO BA DE NI THABS MKHAS PA'O, ,DE LA BZLOG PA NI THABS LA MI MKHAS PA'O, ,DE SKAD CES BKA' STZAL PA DANG ZHES BYA BA LA SOGS PA NI DGE BA'I BSHES GNYEN GYI MTSAN NYID ZHUS PA YIN TE, ZHU BA NI DGE BA'I BSHES GNYEN GANG RNAMS LAGS ZHES BYA BA LA SOGS PA'O, ,LAN NI DANG DE LA ZHES BYA BA LA SOGS PA GSUNGS TE, BDUD KYI LAS NYE BAR STON PA NI 'DIR BDUD KYI NYES PA YANG BDUD KYI LAS YIN TE, BDUD KYI BYA BA LAS BYUNG BA'I PHYIR DANG LAS YIN PA'I PHYIR RO, ,JI LTAR STON PA YIN ZHE NA, 'DI LTA BUR ZHES BYA BA LA SOGS PA GSUNGS SO, ,BYANG CHUB SEMS DPA' RNAMS LA BDUD KYIS BYIN GYIS BRLABS NAS BYUNG BA'I LUS LA SOGS PA'I BYA BA NI BDUD KYI NYES PA'O, ,DE LTAR DE DAG NI BYANG CHUB SEMS DPA'I SPYOD PA LA BAR CHAD BYED PA NYID DU RIG PAR BYA'O, ,BDUD KYI NYES PA 'DI DAG CES BYA BA NI GANG NGAS KHYOD LA BSHAD PA'O, ,BDUD KYI LAS SHES BYA BA NI BDUD RANG NYID SNGAS RGYAS LA SOGS PA'I CHA BYAD DU BYAS NAS LAM LOG PAR STON PAR BYED PA'O, ,DE BZHIN DU STON PA ZHES BYA BA DE DAG GIS BYANG CHUB SEMS DPA'I SPYOD PA LAS DBEN PA NYID DU RIG PAR BYA'O, ,'DI NI SHES BYA BA NI NGAS KHYOD LA BSTAN PA DAG GO, ,'DI DAG CES BYA BA NI BDUD KYI LAS RNAM PA GNYIS SO, ,STON ZHES BYA BA NI DE BZHIN DU ZHES BYA BA'I DON TO, ,DE BZHIN DU STON PA ZHES BYA BAR SBYAR RO, ,'DI NI ZHES BYA BA LA SOGS PA NAS RIG PAR SBYAR RO ZHES BYA BA LA SOGS PA NI MJUG SDUD PA'O, ,GANG 'DI PHA ROL TU PHYIN PA LAS 'BYED PAR BYED CING GANG GI PHYIR BDUD KYI LAS MI STON PA DE DAG NI DON GYIS MI DGE BA'I BSHES GNYEN DU BSTAN PAR SHES SO, ,DE NI YONGS SU 'DZIN PA'I KHYAD PAR RO, ,NGES PAR 'BYED PA'I CHA DANG MTHUN PA RDZOGS SO,, ,,SGRUB PA YI NI RTEN GYUR PA, ,ZHES BYA BA'I DBANG DU BYAS NAS BSTAN BCOS LAS, RTOGS PA YI NI CHOS DRUG DANG, ,GNYEN PO DANG NI SPONG BA @29A *, ,DANG, DE DAG YONGS SU GTUGS PA DANG, ,SHES RAB SNYING BRTZER BCAS PA DANG, ,SLOB MA MTHUN MONG MIN NYID DANG, ,GZHAN GYI DON GYI GO RIMS DANG, ,YI SHES RTZOL BA MI MNGA' BAR, ,'JUG PA'I RTEN LA RIGS ZHES BYA, ,ZHES BYA BA GSUNGS TE, RTEN LA RIGS ZHES BYA BAR SBYAR RO, ,'DIR RIGS NI SKABS KYI BYANG CHUB SEMS DPA'I RIGS YIN TE, SO SOR NGES PAR GNAS PA NI RTEN ZHES BYA'O, ,JI STE, CI ZHIG GANG GI RIGS YIN ZHE NA, GANG RANG BZHIN GYIS RNAM PAR DAG PAR DAG PA GLO BUR GYI DRI MAS KHEBS PA DE NI RIGS YIN TE, RDO'I RIGS DAG LA DRI MA THAMS CAD SBYANGS NAS PHYI ZANGS DANG LCAGS DANG, GSER, DNGUL DAG GI RIGS GSAL BAR 'BYUNG BA BZHIN NO, ,JI STE RTEN PA'I CHOS DE RNAMS GANG DAG YIN ZHE NA, RTOGS PA YI NI CHOS DRUG DANG, ,ZHES BYA BA LA SOGS PA SMOS SO, ,RTOGS PA NI SHES PA'O, ,DE NYID CHOS DE YANG RNAM PA DRUG NI DRO BA DANG, RTZE MO DANG, BZOD PA DANG, CHOS KYI MCHOG DANG, MTHONG BA'I LAM DANG, BSGOM PA'I LAM MO, ,GNYEN PO DANG NI SPONG BA DANG, ,ZHES BYA BA LA GNYEN PO NI SHES PA'O, ,SPONG BA NI MI MTHUN PA'I PHYOGS ZAD PA'O, ,DE DAG YONGS SU GTUGS PA DANG, ,ZHES BYA BA NI DE BZHIN GSHEGS PA'I TSUL KHRIMS KYI PHUNG PO LA SOGS PA MTHAR THUG PAR 'GRO BA DANG, TSUL KHRIMS 'CHAL BA LA SOGS PA MTHAR THUG PAR SPANGS PA ZHES BYA BA'I DON TO, ,SHES RAB SNYING BRTZER BCAS PA DANG, ,ZHES BYA BA NI SHES RAB DANG SNYING RJE DAG NI NYI MA DANG ZLA BA'I 'OD LTA BU GANG YIN PA DAG GO, ,SLOB MA MTHUN MONG MIN NYID DANG, ,ZHES BYA BA NI NYAN THOS DANG RANG SANGS RGYAS DANG THUN MONG MA YIN PA'I YI SHES SO, ,GZHAN GYI DON GYI GO RIMS DANG, ,ZHES BYA BA NI DUS CHAD PA MED PA'O, ,LHUN GYIS GRUB PAR 'BYUNG BA'I YE SHES KYANG YIN TE, GANG 'DI DAG GI RTEN DU GYUR PA DE DAG NYID KYANG BYANG CHUB SEMS DPA'I RIGS TE, DE YANG CHOS KYI DBYINGS NYID DO, ,'DI LTAR BSTAN BCOS LAS, RGOL BAR BYED PA NI, CHOS KYI DBYINGS LA DBYER MED PHYIR, ,RIGS NI THA DAD RUNG MA YIN, ,THA DAD PA DE MED PA'I PHYIR RIGS KYI DBYE BA 'DI NI SANGS RGYAS KYI RIGS SO, ,'DI NI RANG SANGS RGYAS @29B KYI RIGS SO, ,'DI NI NYAN THOS KYI RIGS SO ZHES BYA BA 'DI RUNG BA MA YIN NO, 'DIR LAN NI BSTAN BCOS LAS, BRTEN PA'I CHOS KYI BYE BRAG GIS, ,DE YIS DBYE BA YONGS SU BRJOD, ,CES BYA BA GSUNGS SO, ,BRTEN PA NI SANGS RGYAS LA SOGS PA'I CHOS THA DAD PA YIN TE, DE BAS NA DE'I DBYE BAS RIGS KYI DBYE BA YIN NO, ,NAM MKHA' THA DAD PA MED KYANG LAM GYI DBYE BAS THA DAD DE, DBYE BA'I LAM DANG, BYA'I LAM DANG,NYI MA'I LAM BZHIN NO, ,DE LTAR 'DI THAMS CAD MDOR BSDUS NAS RAB 'BYOR GYIS ZHUS PA STE, DE SKAD CES GSOL BA DANG ZHES BYA BA LA SOGS PAS NI DE NYID STON TO, ,BYANG CHUB SEMS DPA' SEMS DPA' CHEN PO ZHES BGYI BA DE LA ZHES BYA BA LA, THEG PA CHEN PO THAMS CAD DU ZHES BYA BA LHAG MA YIN NO, ,DE LA ZHES BYA BA NI TSIG GNYIS LA'O, ,BYANG CHUB SEMS DPA' ZHES BGYI BA ZHES BYA BA NI GANG LA BYANG CHUB KYI SGRA'I TSIG GI DON DU BRJOD CES BYA BA DANG, TSIG GI DON GANG LAGS ZHES BYA BAR RJES SU SBYAR RO, ,'DIR RIGS KYI DON GYI DNGOS PO GANG YIN ZHES BYA BA'I DON TO, ,GANG LA BYANG CHUB SEMS DPA'I RIGS YOD PA GANG YIN PA DE NI BYANG CHUB SEMS DPA'O, ,DE YANG BDE BAR GSHEGS PA'I BYANG CHUB LA YIN GYI RIGS MED PA NI BYANG CHUB KYI RTEN MA YIN NO, ,BYANG CHUB SEMS DPA'I SGRA DE NYID KYIS BYANG CHUB KYI RIGS BRJOD PAR BYA BA'I PHYIR 'PHAGS PA RAB 'BYOR GYIS 'DI ZHUS SO, ,BCOM LDAN 'DAS KYIS BKA' STZAL PA NI, RAB 'BYOR TSIG DON MED PA NI BYANG CHUB SEMS DPA'I TSIG DON ZHES SMOS TE, BYANG CHUB KYI RIGS GANG YIN PA DE NYID DO, , DES NA BYANG CHUB SEMS DPA'I TSIG GI DON ZHES BYA BA GSUNGS TE, DE NI TSIG GI DON MED PA DANG, RIGS KYI DNGOS POR MED PA STE CHOS DBYINGS ZHES BYA BA'I DON TO, ,BYANG CHUB SEMS DPA'I 'DI'I THA SNYAD KYI YUL NI GANG GI PHYIR GANG PHUNG PO LA SOGS PA'I STONG PA NYID DANG, CHOS NYID DE NI DE'I CHOS KYI DBYINGS TE, DE NYID DAG CING MTHAR THUG PA NI BYANG CHUB CES BRJOD DO, ,DE BAS NA RIGS YIN NA YANG DNGOS POR YOD PA NI MA YIN TE DNGOS PO MED PA'I MTSAN NYID KYI STONG PA NYID DO, ,YANG NA BYANG CHUB KYI RIGS YIN YANG RTEN NI MA YIN TE SNGA PHYI THA MI DAD PAS SO, ,RTEN DANG BRTEN PA'I DBYE @30A *, ,BA NI DNGOS PO LA RTOGS PAR BYED PA'I PHYIR RO, ,DE CI'I PHYIR ZHES NA ZHES BYA BA NI CHOS KYI DBYINGS DE NYID DU GANG LAS SHE NA, RAB 'BYOR BYANG CHUB SEMS DPA' ZHES BYA BA LA SOGS PAS NI LAN GSUNGS SO, ,GANG GI PHYIR CHAGS PA MED PA LA BSLAB PA DE'I PHYIR CHOS KYI DBYINGS NYID BYANG CHUB KYI RIGS NYID DE, CHOS THAMS CAD CES BYA BA NI CHOS BCO LNGA PO YIN TE, RTOGS PA YI NI CHOS DRUG DANG, ,ZHES BYA BA LA SOGS PA GSUNGS SO, ,CHAGS PA MED PA ZHES BYA BA LA, GNAS PA NI YANG DAG PA MA YIN PA'I DNGOS PO LA DMIGS PA'I PHIR MI MTHUN PA'I PHYOGS YIN LA, DE DANG 'GAL BA YIN PA'I PHYIR CHAGS PA MED DE RNAMS LA'O, ,CI RIGS PAR DE'I GNYEN PO YIN PA'I PHYIR RAM DE DANG 'GAL BA'I PHYIR RO, ,DE DAG LA CHAGS PA MED PAR SLOB PA NI DGE BAR 'GYUR BA YIN NO, ,DE BAS NA DES RNAM PAR RTOG PA MA LUS PA'I DRI MA SEL BA YIN PA'I PHYIR RO, , CHOS KYI DBYINGS SHIN TU RNAM PAR DAG PA MNGON PAR 'BYUNG BA NA BYANG CHUB GRUB PA YIN TE, DE BAS NA DE NYID BYANG CHUB KYI RIGS YIN GYI, CIG SHOS NI MA YIN NO, ,CHOS DE DAG GI JI LTAR RTEN YIN ZHE NA, RIGS MED PA DANG, RIGS DMAN PA DANG, RIGS DMAN PA DE DAG GI NI RTEN MA YIN PA'I PHYIR RO, ,DE LTA MOD KYI 'ON KYANG GZUGS MED PA'I CHOS KYI DBYINGS JI LTAR DE DAG GI RTEN YIN ZHE NA, GZUGS MED PA'I NAM MKHA' NI ZLA BA DANG NYI MA'I 'OD DANG, MUN PA DANG DE ZAD PA'I RTEN YIN NO ZHES BSTAN PA LTA BU'O, ,DE NI BSGRUB PA'I RTEN YIN NO, ,DMIGS PA'I DBANG DU BYAS NAS BSTAN BCOS LAS, DMIGS PA CHOS RNAMS THAMS CAD DE, ,DE YANG DGE LA SOGS PA YIN, ,'JIG RTEN PA YI RTOGS PA DANG, ,GANG DAG 'JIG RTEN 'DAS 'DOD DANG, ,ZAG CAD ZAG PA MED CHOS DANG, ,GANG DAG 'DUS BYAS 'DUS MA BYAS, ,SLOB MA MTHUN MONG CHOS RNAMS DANG, ,GANG DAG THUB PA'I THUN MONG MIN, ZHES BYA BA GSUNGS SO, ,DGE BA LA SOGS PA ZHES BYA BA NI DGE BA DANG, MI DGE BA DANG, LUNG DU MA BSTAN PA'O, ,'JIG RTEN PA YI RTOGS PA DANG, ,ZHES BYA BA RTOGS PAR BYA BA YIN PAS RTOGS PA STE DGE BA'O, ,'JIG RTEN PA DANG 'JIG RTEN LAS 'DAS PA'I DGE BA ZHES BYA BA'I DON TO, , @30B LHAG MA NI GO SLA'O, ,DE NYID RAB 'BYOR BYANG CHUB SEMS DPA' SEMS DPA' CHEN PO ZHES BYA BA LA SOGS PA GSUNGS SO, ,MNGON PAR RTOGS PA BDUN GYI GO RIMS KYIS RTOGS PAR BYA BA NI KHONG DU CHUD PA STE, DE NYID KYI DON GYI THABS SO, ,'DIS DON RTOGS PAR BYAS PA DES NA CHOS THAMS CAD LA MA CHAGS PA YOD NA YANG DAG PAR RDZOGS PA'I BYANG CHUB TU 'TSANG RGYA BAR 'GYUR RO, ,NI ZHES BYA BA NI GANG GI PHYIR DON TE, GANG GI PHYIR CHOS THAMS CAD LA DMIGS PA NI GRUB PA'O, ,CHED DU BYA BA'I DBANG DU BYAS NAS BSTAN BCOS LAS, SEMS CAN KUN MCHOG NYID SEMS DANG, ,SPONG DANG RTOGS DANG GSUM PO LA, ,CHEN PO GSUM GYIS RANG BYUNG GI, ,CHED DU BYA BA 'DI ZHES BYA, ,ZHES BYA BA LA 'DI GSUNGS SO, ,RANG 'BYUNG BAR 'GYUR BAS NA RANG 'BYUNG BA STE BYANG CHUB SEMS DPA'O, ,DE NI 'DI'I CHED DU BYA BA'O, ,CHED DU BYA BA GANG GIS YANG DAG PAR RDZOGS PA'I BYANG CHUB THOB PAR 'GYUR TE, 'DI LTA STE SEMS CAN THAMS CAD KYI MCHOG NYID THEG PA GSUM GYIS BSDUS PA'I GNAS PA YIN TE, JI LTA BU'I CHED DU ZHE NA, CHEN PO GSUM DAG GIS GRANGS SU BYAS PAS NA CHEN PO NYID DE, SEMS DANG SPONG BA DANG RTOGS PA'O, ,DE NYID NI GSUM STE, DE YANG 'DI SKAD STON TE, CHEN PO'I CHED KYI YI SHES LA SOGS PA NI CHED DU BYA BA CHEN PO STE CHEN PO'I BYED KYI YUL YIN PA'I PHYIR RO, ,SEMS CAN THAMS CAD LA SEMS PA'I SEMS DPA' CHEN PO 'DI LA YOD PAS NA SEMS DPA' CHEN PO'O, ,MNGON PAR RTOGS PA'I RGYAN GYI TSIG 'DI NI BCOM LDAN 'DAS KYIS SHES RAB KYI PHA ROL TU PHYIN PA CHEN PO DAG LAS DE LTAR CHED DU SEMS CAN THAMS CAD KI MCHOG TU GYUR PA NI DI'I SEMS CHEN PO YE SHES CHEN PO YIN NO ZHES GSUNGS TE, 'DIR YANG CHED DU BYA BA NI SEMS CAN GYI PHUNG PO CHEN PO DANG, SEMS CAN GYI RIS CHEN PO'I GTZO BO BYED PAR 'GYUR BAS NA SEMS DPA' CHEN PO ZHES BCOM LDAN 'DAS KYIS GSUNGS SO, ,SH'A RI'I BUS ZHUS PAS NI SPONG BA CHEN PO BSTAN TO, ,RAB 'BYOR GYIS ZHUS PAS NI RTOGS PA CHEN PO BSTAN TO, ,DE BAS NA MNGON PAR RTOGS PA'I RGYAN GYI TSIG GZHAN DU BYAS TE, SEMS CAN KUN TSOGS @31A *, ,MCHOG DANG NI, ,SPONG DANG RTOGS DANG GSUM PO LA, ,CHEN PO GSUM GYI RANG 'BYUNG GI, ,CHED DU BYA BA 'DI SHES BYA, ,ZHES BYA BA GSUNGS SO, ,DE NYID KYI PHYIR SKABS SU BCOM LDAN 'DAS KYIS BYANG CHUB KYI DON GYI ZHES BYA BA LA SOGS PA GSUNGS SO, ,NI ZHES BYA BA NI NGES PAR BZUNG BA'O, ,BYANG CHUB DON DU GNYER BAS NA DON DANG 'DOD PA'O, ,DE'I CHED DU SEMS PA NYID YIN PAS NA SEMS DPA' CHEN PO ZHES BRJOD DO, ,DE BAS NA SEMS DPA' CHEN PO'I SGRA NI CHED DU BRJOD PA YIN PAS SO, ,'PHAGS PA RAB 'BYOR GYIS ZHUS PA NI RAB 'BYOR GYIS GSOL PA ZHES BYA BA LA SOGS PA'O, ,BCOM LDAN 'DAS KYIS BKA' STZAL PA, SEMS CAN GYI PHUNG PO CHEN PO DANG ZHES BYA BA LA SOGS PA NI BSTAN PA'O, ,SEMS CAN GYI RIS ZHES BYA BA NI RJES SU BSTAN PA'O, ,DE'I GTZO BO NYID NI THEG PA GSUM GYIS YANG DAG PAR BTUL BA'I SA YIN TE CHED DU BYA BA'O, ,SEMS CAN GYI PHUNG PO'I GTZO BO NYID NI CHEN PO NYID DE, DE SEMS CAN GYI PHUNG PO CHEN PO NYID KYI ZHES BYA BAR 'GYUR TE DE LTAR NA SEMS CAN GYI PHUNG PO CHEN PO NYID DO, ,DE NAS BCOM LDAN 'DAS ZHES BYA BA LA SOGS PA LA DUS LA ZHES BYA BA NI SKABS SO, ,BDAG TU LTA BA LA SOGS PA LA DON GCIG GO, ,DE DAG GI LTA BA NI GRUB PA'I MTHA'I BYE BRAG GIS DE'I DNGOS POR MNGON PAR ZHEN PA'O, ,'BYUNG BA NI 'KHOR BA'O, ,'JIG PA NI MYA NGAN LAS 'DAS PA'O, ,DE GNYIS KYI LTA BA NI GTZO BO NYID DU NGES PA'O, ,MYA NGAN LAS 'DAS PA THOB PA NI CHAD PA YIN NO ZHES BYA BA NI CHAD PAR LTA BA'O, ,BDAG NI RTAG PAR GNAS PA YIN NO ZHES BYA BA NI RTAG PAR LTA BA'O, ,LUS NI PHUNG PO DANG, KHAMS DANG, SKYE MCHED LA SOGS PA'O, ,DE DAG GI NGO BO NYID MED PA LA NGO BO NYID DU MNGON PAR ZHEN PA NI RANG GI LUS LA LTA BA'O, ,'DI LTA BU ZHES BYA BA NI JI SKAD DU BSTAN PA'O, ,SOGS PA ZHES BYA BA NI TSUL KHRIMS DANG BRTUL ZHUGS MCHOG TU 'DZIN PA LA SOGS PA LOG PA'I LTA BA RNAMS KYANG RTOGS PAR BYA BA YIN NO, ,CHOS ZHES BYA BA NI LAM LA RIGS PA STE DE NI SPONG BA CHEN PO NYID DO, ,DE NAS BCOM LDAN 'DAS LA ZHES BYA BA LA SOGS PA GSUNGS SO, ,BYANG CHUB KYANG YIN SEMS @31B KYANG YIN PA'O, ,THAMS CAD MKHYEN PA YANG YIN SEMS KYANG YIN NO, ,ZAG PA MED PA NI BAG CHAGS DANG BCAS PA'I ZAG PA THAMS CAD NGES PAR SBYANGS PA'O, ,SO SO'I SKYE BO THAMS CAD MI MNYAM PA NI MNYAM PA MED PA'O, ,MNYAM PA MED PA'I SANGS RGYAS DE DANG MNYAM PA NI MI MNYAM PA DANG MNYAM PA'O, ,MA CHAGS PA NI BSTAN PA'O, ,YONGS SU MA ZIN PA NI RJES SU BSTAN PA'O, ,DE LA YANG RLOM SEMS MED PA'I PHYIR ZHES BYA BAR BSAMS PA'O, ,YANG GI SGRA NI GZHAN LTA CI SMOS ZHES PA'O, ,LHAG MA NI RTOGS PAR SLA STE, BSHAD PA DANG 'DRA BA NYID DE DE NI RTOGS PA CHEN PO NYID DO, ,SGRUB PA'I CHED DU BYA BA RDZOGS SO,, ,,SGRUB PA NYID BSHAD PAR BYA STE, DE YANG RNAM PA BZHI STE, GO CHA'I SGRUB PA DANG, 'JUG PA'I SGRUB PA DANG, TSOGS KYI SGRUB PA DANG, NGES PAR 'BYUNG BA'I SGRUB PA'O, ,DE LA DANG PO GO CHA'I SGRUB PA BSHAD PAR BYA BA STE, DE LTAR NA GNAS BRTAN SHES RAB CHEN POS SEMS DPA' CHEN PO'I RGYU MTSAN DE NYID BSTAN PA'I PHYIR DE NAS TSE DANG LDAN PA SH'A RI'I BUS ZHES BYA BA LA SOGS PA SMRAS SO, ,'JUG PA NYID NI 'DZEG PA YIN TE GANG GI PHYIR, 'JUG PA'I SGRUB PA THEG CHEN LA, ,'DZEG PA YIN PAR SHES PAR BYA, ,ZHES BYA BA'I TSIG GIS SO, ,GO CHA CHEN PO BGO BAR SEMS DPAS NA SEMS DPA' CHEN PO'O, ,THEG PA CHEN PO LA GNAS PAR SEMS DPAS NA SEMS DPA' CHEN PO STE, BAR GYI TSIG MI MNGON PAR BYAS PA YIN PA'I PHYIR ZHES BYA BAR BSAMS PA'O, ,DE LA PHA ROL TU PHYIN PA DRUG LA SO SOR GO CHA NYE BAR SBYAR BAR BYA STE, GO CHA'I SGRUB PA NI SHES RAB KYI PHA ROL TU PHYIN PA CHEN PO DAG LAS BYIS PA RNAMS KYIS GO CHA BZHIN DU BSTAN TO, ,DE'I DBANG DU BYAS NAS BSTAN BCOS LAS, SBYIN PA LA SOGS RNAM DRUG LA, ,DE DAG SO SOR BSDUS PA YIS, ,GO CHA'I SGRUB PA GANG YIN TE, ,DRUG TSAN DRUG GIS JI BZHIN BSHAD, ,CES BYA BA YIN TE JI LTAR MDO LAS DRUG TSAN DRUG GIS BSTAN PA DE BZHIN DU ZHES BYA BA'I DON TO, ,BCOM LDAN 'DAS MA 'DIR NI BSTAN BCOS KYI DON GZHAN DU BRJOD PAR BYA STE, GO CHA KHRAB DANG BSRUNGS PA DANG, ,GANG PHYIR SGRUB PA DBU MA YIN, ,RNAM KUN RNAM PA THAMS CAD KYIS, ,JI SKAD BSTAN PAS @32A *, ,PHA ROL GNON, ,ZHES BYA BA YIN TE, DE BAS GO CHA'I MTSAN NYID RAB 'BYOR GYIS ZHUS PA NA, BCOM LDAN 'DAS KYIS BKA' STZAL PA, BYANG CHUB SEMS DPA' SEMS DPA' CHEN PO 'DI SNYAM DU ZHES BYA BA NI 'DI LTAR SEMS DPA'O, ,JI LTAR ZHE NA, SEMS CAN DPAG TU MED PA ZHES BYA BA LA SOGS PA SMRAS SO, ,YUL PHYOGS DANG GRONG PHYOGS SU CHAD PA MED PA YIN TE DPAG TU MED PA DANG, GRANGS MED PA YONGS SU MYA NGAN LAS 'DA' BAR BYA BA NI LAM BSTAN PAS MYA NGAN LAS 'DAS PA THOB PAR BYA BA'O, ,'DI TZAM GYIS NI JI SKAD BSTAN PAS PHA ROL GNON CING SKUR PA 'DEBS PA'I GNYEN PO BSTAN PA'O, ,BDAG GIS SEMS CAN GRANGS MED PA, ,ZHES BYA BA LA SOGS PA NI SGRO BTAGS PA'I GNYEN PO'I SGO NAS GSUNGS TE, BYED PA DANG LAS BKAG PAS BYA BA BKAG PA YANG RTOGS PA YIN NO, ,DE LTAR MTHA' GNYIS KYI GNYEN PO'I SGO NAS DBU MA'I LAM YIN NO, ,JI LTAR MYA NGAN LAS BZLA BA'I BSAM PA'I DUS SU YANG DE LTAR YIN NO ZHES BSTAN PA'I PHYIR, SEMS CAN DE DAG CES BYA BA LA SOGS PA NAS GANG YANG MED DO SNYAM DU SEMS SO ZHES BYA BA'I BAR TE, DES NI THOS PA LAS BYUNG BA'I SHES RAB KYI GO CHA BSTAN NAS, BSAMS PA LAS BYUNG BA'I SHES RAB DRI BAR BYA BA'I PHYIR, DE CI'I PHYIR ZHE NA ZHES BYA BA LA SOGS PA GSUNGS SO, ,DE MTHA' GNYIS DANG BRAL BA GANG LAS SHES JI LTAR RIGS SHE NA, RIGS PA'I RGYU CHOS RNAMS KYI CHOS NYID 'DI YIN TE ZHES BYA BA SMOS SO, ,CHOS RNAMS NI PHUNG PO LA SOGS PA'O, , DE DAG NI MTHA' GNYIS DANG BRAL BA NYID DE 'DI NI CHOS NYID KYI RANG BZHIN YIN NO, ,JI LTAR ZHE NA, SGYU MA'I CHOS NYID NYE BAR BZUNG NA ZHES SMOS TE, DE LTAR NA CHOS RNAMS KYI NGO BO NYID NI GSUM STE, DANG PO NI BTAGS PA STE GZUNG BA DANG 'DZIN PAS BSDUS PA PHUNG PO LA SOGS PA'O, , GNYIS PA NI GZHAN GYI DBANG YIN TE RGYU'I DBANG DU GYUR PA RDZAS SU YOD PA BTAGS PA'I GZHI'O, GSUM PA NI YONGS SU GRUB PA STE DE BZHIN DU RTAG TU YOD CING DE YANG GZHAN GYI DBANG LAS BTAGS PAS STONG PA NYID DO, ,SGYU MA MKHAN GYIS RDE'U LA SOGS PA LA SNGAGS BTAB PA'I BYA BAS @32B GLANG PO CHE LA SOGS PA'I GZUGS MED KYANG RNAM PA NI 'DIR SGYU MA YIN TE, DE DANG CHOS MTHUN PAR RNAM PAR RIG PA TZAM NYID YANG DAG PAR YOD KYANG 'KHRUL PA'I DBANG GIS PHUNG PO LA SOGS PA'I NGO BOR SNANG BA NI SGYU MA ZHES BRJOD DO, ,DE'I CHOS NYID NYE BAR BZUNG BA NI SHES PA'O, ,DE LA CHOS RNAMS KYI CHOS NYID CES BRJOD KYI PHUNG PO LA SOGS PA BRDZUN PA LA NI MA YIN TE GANG GI PHYIR BRDZUN PA'I CHOS RNAMS NYID YIN NA NI DE YANG BRDZUN PA NYID DU 'GYUR TE, DON DAM PAR NI MA YIN NO, ,RNAM PAR RIG PA TZAM YANG MED NA NI RGYU MED PAR YANG YE SHES DAM PA SKYE BAR MI 'GYUR TE, GANG GI PHYIR DE'I YUL DU GYUR PA'I PHYIR DON DAM PA YANG YOD PAR 'GYUR RO, ,GAL TE RNAM PAR RIG PA YOD KYANG DE NYID KYI CHOS NYID MED NA NI DE'I TSE DE'I BDAG NYID MED PAS YANG DAG PA'I YE SHES SKYES KYANG RIG PAR MI 'GYUR TE, DE BAS NA SANGS RGYAS DANG BYANG CHUB SEMS DPA' RNAMS KYIS DON DAM PA GZIGS PAR MI 'GYUR RO, ,GZHAN YANG SKYES BU RNAM PA NYID KYI RNAM PAR RIG PA RANG NYID LA YOD CING PHUNG PO LA SOGS PA'I RNAM PA GAL TE MI SNANG NA NI DE'I TSE SKYES BU RNAMS KYIS MTHONG BAR MI 'GYUR TE, 'BREL PA MED PA'I PHYIR RO, ,YANG NA GANG GCIG MTHONG BAR 'GYUR BA DES THAMS CAD KYANG MTHONG BAR 'GYUR BAS THAL CHES PAR 'GYUR RO, ,DE BAS NA RNAM PAR RIG PA NI YOD CING PHUNG PO LA SOGS PA'I NGO BOS NI MED DO ZHES BRJOD NA NI MTHA' GNYIS DANG BRAL BA GRUB PO, ,'DI NYID 'JIG RTEN GYI GRAGS PA'I DPES KYANG RTOG PAR BYA BA YIN PA'I PHYIR ZHES BYA BA LA SOGS PA GSUNGS SO, ,YIN PA NI 'DI MA YIN PA MA YIN NO, ,'DI LTA STE DPER NA ZHES BYA BA LA DPER NA ZHES BYA BA NI, DE NYID JI LTAR ZHES BYA BA'I DON TO, ,DE NYID RAB TU GRAGS PA'I DPE BSTAN PA NI 'DI LTA'I SGRA'O, ,MKHAS PA NI MDZANGS PA'O, ,SGYU MA BYED PA NI SGYU MAS 'TSO BA'O, , DE'I NYE GNAS NI GANG DE'I SLOB MA YIN GYI SGYU MAS 'TSO BA NI MA YIN PA'O, ,SKYE BO'I TSOGS NI SKYE BO'I PHUNG PO'O, ,MI SNANG BAR BYAS PA NI YANG DAG PAR MA MTHONG STE, SPRUL PA NYE BAR BSDUS PA'I PHYIR RO, ,DE JI SNYAM DU SEMS ZHES BYA BA NI SPYIR DRIS NAS KHYAD PAR 'DRI BA'O, ,DE LA YANG GANG @33A *, ,NI 'ON KYANG ZHES BYA BA'I DON TO, ,BSAD PA ZHES BYA BA NI GZHAN GYIS BSAD PA'O, ,SHI BA NI RANG SHI PA'O, ,BSHIG PA NI MTHONG BAR BYAS PA'O, ,MI SNANG BAR BYAS PA NI RANG NYID MI SNANG BAR BYAS PA'O, ,BSAMS PA LAS BYUNG BA'I SHES RAB BSTAN NAS, BSGOMS PA LAS BYUNG BA'I SHES RAB BSTAN PAR BYA STE, BSGOM PA YANG RNAM PA GSUM STE, ZHI GNAS DANG, LHAG MTHONG DANG, ZHI GNAS DANG LHAG MTHONG ZUNG DU 'BREL PAR 'JUG PA'O, ,DE LA ZHI GNAS KYI DBANG DU BYAS NAS GAL TE ZHES BYA BA LA SOGS PA GSUNGS SO, ,'DI LTAR BSTAN PA ZHES BYA BA JI SKAD THOS PA BSAMS PA LAS BYUNG BA'I DON TO, ,'DI ZHES BYA BA NI RAB 'BYOR 'DI LA BYANG CHUB SEMS DPA' SEMS DPA' CHEN PO 'DI SNYAM DU ZHES BYA BA LA SOGS PA RGYA CHER BSTAN TO, ,DE LA MI SKRAG CES BYA BA NI DMIGS PA RNAM DRUG GIS SO, ,SEMS YANG DAG PAR BSDUS KYANG BRNAB SEMS DANG YID MI BDE BA LA DMIGS PA 'BYUNG BA NA, MI SKRAG CING DE NYID SEL BAR BYED DE G-YENG BA'I NYES PA MTHONG BA'I PHYIR RO, ,MING DANG ZHES BYA BA NI SEMS LA SKYON MED CING RANG GI NGANG GIS 'BYUNG BA'I DON MNGON PAR 'DU BYED PAS MI DNGANG STE, DE BYED CES BYA BA'I THA TSIG GO, ,SHIN TU DNGANG BAR MI 'GYUR BAS ZHES BYA BA NI LHUN GYIS GRUB CING RANG GI NGANG GIS 'BYUNG BA'I MNYAM PAR GZHAG PA'I SEMS KYIS 'BAD PAR MI BYED PAS SHIN TU DNGANG BAR MI 'GYUR BA'O, ,'DI TZAM GYIS ZHES BYA BA NI ZHI GNAS 'DIS SEMS CAN THAMS CAD YONGS SU MYA NGAN LAS 'DA' BA LA GO CHA BSTAN PAS SO, ,DE NAS BCOM LDAN 'DAS LA ZHES BYA BA LA SOGS PAS NI LHAG MTHONG GSUNGS TE, DE YANG DNGOS PO LA MI DMIGS PA DANG, DON DAM PA'I STONG PA NYID DO, ,STONG PA NYID NI MTHONG BA MED PA YIN, GANG DAG LA GANG GI RNAM PAS YONGS SU MYA NGAN LAS 'DAS PAR YANG MA MTHONG BA'O,, DON BDAG GIS 'TSAL TE ZHES BYA BA NI DON DAM PAR BDAG GIS 'TSAL TE, GO CHA MA MCHIS PA'I GO CHA BGOS PA'O, ,KYE MA ZHES BYA BA'I SGRA NI DON DAM PA MNYAN PA'I 'OS SU 'GYUR PA'I PHYIR RO, ,RAB 'BYOR ZHES BYA BA LA SOGS PA LA, THAMS CAD MKHYEN PA NYID CES BYA BA NI @33B CHOS KYI DBYINGS NYID RNAM PAR DAG PA'O, ,DE'I RANG BZHIN NYID YIN TE, DE BAS NA DE KHO NA BZHIN DU BTAGS PAS MA BYAS PA'O, ,RNAM PAR MA BYAS PA'O, ,RNAM PAR MA BYAS ZHES BYA BA NI 'DOD CHAGS LA SOGS PA'I SKYON GYIS DRI MAR MA BYAS PA NYID DO, ,MNGON PAR 'DU MA BYAS PA, ZHES BYA BA NI GNYEN POS DAG PAR MA BYAS PA NYID DO, ,SEMS CAN DE DAG KYANG ZHES BYA BA NI DE DAG KYANG DON DAM PA NYID DU CHOS KYI DBYINGS KYI NGO BO NYID KYI PHYIR RO, ,DE CI'I PHYIR ZHE NA, BCOM LDAN 'DAS 'DI LTAR ZHES BYA BA LA SOGS PA NI RAB 'BYOR GYIS ZUNG DU 'BREL PAR 'JUG PA'I LAM BSTAN PA'I PHYIR SMRAS PA'O, ,DANG PO 'DIR LHAG MTHONG NYID KYI SKABS YIN PA'I PHYIR TE, 'ON KYANG BTAGS PA DANG, YONGS SU GRUB PA'I NGO BO DAG GIS 'CHING BA DANG THAR PA'I DNGOS PO MED PAR MTHONG BA'I PHYIR LHAG MTHONG NGO, ,GZHAN DBANG LA DE GNYIS KYI NGO BOR MTHONG BA'I PHYIR ZHI GNAS SO, ,DE LA PHUNG PO NYID BRTAGS PA NYID DE NGO BO NYID KYIS MED PA YIN NA, DE DAG DE BZHIN NYID DU GA LA YOD, DES NA DE DANG DE YANG MA BCINGS MA GROL BA STE, YANG DAG PAR MED PA'I PHYIR DANG SKYE BA MED PA'I PHYIR RO, ,DE NAS TSE DANG LDAN PA GANG PO ZHES BYA BA LA SOGS PA NI ZHI GNAS KYI SKABS BSTAN TO, ,DE SKAD CES SMRAS PA DANG ZHES BYA BA LA SOGS PA NI RAB 'BYOR GYIS ZHI GNAS STON PA YIN TE, SGYU MA'I SKYES BU ZHES BYA BA'I TSIG GIS SO, ,'DI LTAR GLANG PO LA SOGS PA'I GZUGS SU SNANG BA'I SHING RTA DANG RDE'U LA SOGS PA NI SGYU MA'O, ,'DI YANG DE DANG CHOS MTHUN PA'I PHYIR RNAM PAR RIG PA NYID PHUNG PO LA SOGS PA'I GZUGS SU STON PA NI SGYU MA NYID DU BRJOD DO, ,SGYU MA YANG YIN SKYES BU YANG YIN PA DANG, SEMS DANG LDAN PA'I PHYIR TE, DE BAS NA SGYU MA'I SKYES BU'O, ,DE'I NGO BO NYID BZHIN DU ZHI GNAS KYANG MA BCINGS MA GROL BA ZHES BYA BA'I DON TO, ,'DIS NI ZHES BYA BA LA SOGS PA NAS GO CHA CHEN PO'O ZHES BYA BA'I BAR GYIS NI ZHI GNAS KYI MJUG SDUD DO, ,GO CHA MED PA'O ZHES BYA BA 'DIS NI LHAG MTHONG GI MJUG SDUD DO, ,DE BAS NA 'DI NI ZUNG DU 'BREL BA'I LAM MO, ,'DIR THEG PA CHEN PO LA YANG DAG PAR ZHUGS PA DANG, THEG PA CHEN PO LA YANG DAG PAR GNAS @34A *, ,PA ZHES BYA BA'I TSIG GIS NI THEG PA LA ZHUGS PA'I DUS NAS YANG GO CHA YONGS SU MA BTANG BA'I PHYIR RO, ,BYAMS MA'I BU CANG MI SMRA BAR GYUR TO ZHES BYA BA NI GTAM YONGS SU RDZOGS PA'O, ,DE NI GO CHA'I SGRUB PA'O, ,DE NAS BCOM LDAN 'DAS ZHES BYA BA LA SOGS PAS NI, RAB 'BYOR GYIS THEG PA CHEN PO LA JI LTAR ZHUGS PA DANG, THEG PA CHEN PO LA GNAS PA 'DI NYID DPYAD PA'I PHYIR DE GANG LAGS ZHES BYA BA LA SOGS PA SMOS SO, ,'DI DAG GI DRI BA DRUG GO, ,'DIS 'GRO BAS NA THEG PA'O, ,THEG PA CHEN PO DE DAG GANG LAGS ZHES BYA BA NI DRI BA DANG PO'I DON TO, ,DE GANG LTAR YANG DAG PAR 'JUG PA ZHES BYA BA NI RAB TU GNAS PA STE RAB KYI SGRA GANG NA YOD NA 'GRO BA LA 'JUG PA YIN NO, ,GANG GIS 'GRO BA DE NI THEG PA STE, 'GRO BA NI BYA BA'O, ,DES NA GANG GIS BYA BA DES 'GRO BAR 'GYUR RO ZHES BYA BA'I DON TO, ,'GRO BA NI NGES PAR 'BYUNG BA'I DON TO, ,DES NA GANG NAS NGES PAR 'BYUNG BAR 'GYUR ZHES BYA BAR DRI BA YIN NO, ,'GRO BA NI GANG ZHIG GI MTSAN NYID YIN PAS DES NA DE GANG GIS 'JUG PAR 'GYUR ZHES DRIS PA YIN NO, ,'GRO ZHING SONG NAS LA LAR GNAS PA'I DON YIN PAS DES NA GANG DU GNAS PAR 'GYUR BA ZHES DRIS PA YIN NO, ,'DIS DMAN PA'I RIGS NGES PAR 'BYUNG BA MA YIN TE, DES NA DES GANG ZHIG NGES PAR 'BYUNG BAR 'GYUR ZHES DRIS PA YIN NO, ,DE SKAD CES GSOL BA DANG ZHES BYA BA LA SOGS PAS NI BCOM LDAN 'DAS KYIS LAN BKA' STZAL PA YIN NO, ,THEG PA CHEN PO ZHES BYA BA LA 'DI NI THEG PA CHEN PO GZUNG NGO, ,DPAG TU MED PA'I TSIG BLA DAGS ZHES BYA BA NI RJOD PAR BYED PA'O, ,TSAD MED PA ZHES BYA BA NI DPAG TU MED PA NYID DANG LDAN PA'O, ,DE LA DANG PO NI DGE BA'I CHOS THAMS CAD KYI RANG BZHIN YIN PA'I PHYIR RO, ,GNYIS PA NI GUS PA DANG DUS RING POR RGYUN MI 'CHAD PA LA SOGS PA YIN PA'I PHYIR RO, ,YANG DAG PAR 'JUG PA ZHES BYA BA NI GO CHA BGOS NAS RAB TU GNAS PA YIN PAS YANG DAG PAR 'JUG PA'O, ,DES NA GO CHA NI 'OG NGES PAR 'BYUNG BA'I NI GONG DU 'GRO BA 'ANG DE NI YANG DAG PAR GNAS PA'I SGRUB PA'O, ,YANG DAG PAR GNAS PA DE YANG RNAM PA GNYIS TE, YANG DAG @34B PAR 'JUG PA'I SGRUB PA DANG, TSOGS KYI SGRUB PA'O, ,DE LA 'GRO BAR RTZOM PA NI CHAS PA'O, ,LHAG PAR BYAS PA DAG NI LCI BA'I PHYIR KHUR TE RNAM PA THAMS CAD KYI KHUR YIN PAS TSOGS SO, ,DE GNYIS KAS PHA ROL TU PHYIN PA DRUG PO THAMS CAD YANG DAG PAR BSDUS PA'I PHYIR DANG, PHA ROL TU PHYIN PA DE'I NGO BO YIN PA'I PHYIR DANG, PHA ROL TU PHYIN PA DANG RJES SU MTHUN PA'I PHYIR RAM, PHA ROL TU PHYIN PA'I 'BRAS BU YIN PA'I PHYIR CI RIGS PAR SBYAR RO, ,KHAMS GSUM NAS ZHES BYA BA NI GANG CUNG ZAD NYON MONGS PA CAN NAM NYON MONGS PA CAN MA YIN PA'I MI SHES PA DE NI 'DIR KHAMS GSUM PA YIN TE,, YANG DAG MA YIN KUN RTOG NI, ,SEMS DANG SEMS BYUNG KHAMS GSUM PA, ,ZHES BSHAD PAS SO, ,DES NA NGES PAR 'BYUNG BAR 'GYUR BA NI NYAN THOS KYI THEG PA NI NYON MONGS PA CAN NYID LA NGES PAR 'BYUNG BA'O, ,DMIGS PA MED PA NI MI DMIGS PA NYID DE CHOS KYI DBYINGS SO, ,DE'I MTSAN NYID KYIS YANG DAG PAR 'BYUNG BA NI SHING DANG LHA KHANG LA SOGS PA SNGAR MA MTHONG BA'I GRONG DU 'BYUNG BA YIN NO, ,LAN DRUG PO 'DI DAG GIS THEG PA CHEN PO RNAM PA DRUG TU SMRAS SO, ,DPAG TU MED PA'I CHEN PO NYID DANG, YANG DAG PAR 'JUG PA'I CHEN PO NYID DANG, NGES PAR 'BYUNG BA'I CHEN PO NYID DANG, MTSAN NYID CHEN PO NYID DANG, THOB PA'I CHEN PO NYID DANG, GNAS KYI CHEN PO NYID DO, ,YANG NA RNAM PA BDUN TE GZHAL DU MED PA DANG, DPAG TU MED PA'I DBYE BAS SO, ,SKUR PA 'DEBS PA'I GNYEN PO BSTAN NAS SGRO 'DOGS PA'I GNYEN PO BSTAN PA'I PHYIR, 'ON KYANG GANG NAS ZHES BYA BA LA SOGS PA NAS DE SKAD CES BKA' STZAL BA DANG ZHES BYA BA'I BAR GYIS GSUNGS SO, ,PHA ROL TU PHYIN PA LA YANG DAG PAR ZHUGS PA ZHES BSTAN PA LA DE DAG GI MTSAN NYID NI RNAM PA LNGA BSHAD PAR BYA STE, GO RIMS BZHIN DU RIGS DANG, SMON LAM DANG, LHAG PA'I BSAM PA DANG, GZHI DANG NGO BO NYID DE, RIGS NI CHOS NYID DO, ,GZHI NI YUL LO, ,LHAG MA NI RTOGS PAR SLA'O, ,GANG BYANG CHUB SEMS DPA'I CHOS NYID LA GNAS TE BYANG CHUB KYI SEMS KYIS SNYING RJE SNGON DU 'GRO BA'I BSAM PAS DNGOS PO THAMS CAD GTONG BA DANG, ,DE BZHIN DU SPONG BA THAMS CAD CIG CAR SRUNG BA @35A *, ,DANG; DE BZHIN DU RNAM PA THAMS CAD DU SDUG BSNGAL THAMS CAD LA JI MI SNYAM PA'I BZOD PA DANG, ,DE BZHIN DU LUS DANG NGAG DANG YID KYI LAS DGE BA'I CHOS THAMS CAD KYI TSOGS SGRUB PAR BYED PA NYID NI GO RIMS JI LTA BA BZHIN DU SBYIN PA DANG, ,TSUL KHRIMS DANG; BZOD PA DANG, BRTZON 'GRUS KYI PHA ROL TU PHYIN PA NYID DO, ,DE BZHIN DU LAS THAMS CAD LA LUS DANG NGAG DANG YID R